| Wylie | e-texts produced with ocr Programm |
རྒྱ་གར་སྐད་དུ.ཨཱརྱ་སད་དྷརྨ་སྨད་ཏྱུ་བསྠཱན། བོད་སྐད་དུ། འཕགས་པ། དམ་པའི་ཆོས་དྲན་པ་ཉེ་བར་བཞག་པ། ། །། བམ་པོ་དང་པོ། སངས་རྒྱས་དང་། བྱ།། བྱང་ཆུབ་སེམས་དཔའ་དང་། རང་སངས་རྒྱས་དང་། འཕགས་པ་ཐོས་ཐམས་ཅད་ལ་ཕྱག་འཚལ་ལོ། ། འདི་སྐད་འདུགྶ་གིས་ཐོས་བྱུ་གཅིག་ན། བཅོམ་ལྡན་འདས་རྒྱལ་པོའི་ཁབ་ན། ན་ལ་ཏའི་གྲོང་གི་བྲམ་ཟེའི་གྲོང་ན་བཞུགས་སོ། ། དེའི་ཚེ་ན་ཚེ་དང་ལྡན་པ་ཤཱ་ར་དཱ་ཏིའི་བུ་དགེ་སློང་རབ་ཏུ་མང་པོ་དག་དང་ལྷན་ཅིག་ཏུ་སྔ་དྲོའི་དུས་ཀྱི་ཚེ། རྒྱལ་པོའི་ཁབ་ཏུ་བསོད་སྙོམས་ཀྱི་ཕྱིར་དོང་ངོ་།། དེའི་ཚེ་དགེ་སློང་རབ་ཏུ་མང་པོ་དག་བསོད་སྙོམས་ཀྱི་ཕྱིར་རྒྱུ་བ་ན། གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་དག་ག་ལ་བ་དེར་དོང་སྟེ། གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་དག་དང་ལྷན་ཅིག་ཏུ་ཡང་དག་པར་དགའ་བར་འགྱུར་བ་དང་། ཡང་དག་པར་མགུ་བར་འགྱུར་བའི་ཆོས་ཀྱི་གཏམ་བྱས་ནས། གཞན་མུ་སྟེགས་ཅན་སྤོད་པ་པ་ཀུན་ཏུ་རྒྱུ་བ་དག་གིས་དྲིས་པ། ཀྱེ་ཤཱཀྱ་པ་དག་ཁྱེད་ཅག་གི་དགེ་སྦྱོང་གོའུ་ཏ་མ་ལུས་ཀྱི་ཆད་པ་མི་དགེ་བ། མི་འདོད་པ། མི་སྡུག་པ། ཡིད་དུ་མི་འོང་བ་སྟོན་ཅིང་། གཞན་དག་གི་ལ་ཡང་རྗེས་སུ་ཡི་རང་བར་མི་བྱེད་པ་བདེན་ནམ། ངེད་ཅག་ཀྱང་ལུས་ཀྱི་ཆད་པ་མི་འདོད་པ། མི་སྡུག་པ། @#ཡིད་དུ་མི་འོང་བ་སྟོན་ཅིང་། གཞན་དག་གི་ལ་ཡང་རྗེས་སུ་ཡི་རང་བར་མི་བྱེད་དོ།། ཀྱེ་ཁྱེད་ཅག་གི་དགེ་སྦྱོང་གོའུ་ཏ་མ་ངག་གི་ཆད་པ་མི་འདོད་པ། མི་སྡུག་པ། ཡིད་དུ་མི་འོང་བ་སྟོན་ཅིང་། གཞན་དག་གི་ལ་ཡང་རྗེས་སུ་ཡི་རང་བར་མི་བྱེད། ངེད་ཅག་ཀྱང་ངག་གི་ཆད་པ་མི་འདོད་པ། མི་སྡུག་པ། ཡིད་དུ་མི་འོང་བ་སྟོན་ཅིང་། གཞན་དག་གི་ལ་ཡང་རྗེས་སུ་ཡི་རང་བར་མི་བྱེད་དོ།། ཁྱེད་ཅག་གི་དགེ་སྦྱོང་གོའུ་ཏ་མ་ཡིད་ཀྱི་ཆད་པ་མི་འདོད། པ་མི་སྡུག་པ། ཡིད་དུ་མི་འོང་བ་སྟོན་ཅིང་། གཞན་དག་གི་ལ་ཡང་རྗེས་སུ་ཡི་རང་བར་མི་བྱེད། ངེད་ཀྱང་ཡིད་ཀྱི་ཆད་པ་མི་འདོད་པ། མི་སྡུག་པ་ཡིད་དུ་མི་འོང་བ་སྟོན་ཅིང་། གཞན་དག་གི་ལ་ཡང་རྗེས་སུ་ཡི་རང་བར་མི་བྱེད་ན། ཁྱེད་ཅག་གི་དགེ་སྦྱོང་གོའུ་ཏ་མའི་ཆོས་འདུལ་བ་དང་། ངེད་ཀྱི་ཐ་དད་དུ་བྱ་བ་ཅི་ཡོད། བསམ་པ་ནི་ཅི་ཡོད། ཁྱད་པར་ནི་ཅི་ཡོད། གང་གིས་ན་དགེ་སྦྱོང་གོའུ་ཏ་མའི་ཆོས་འདུལ་བ་ནི་ངེད་ཀྱི་ལས་ཁྱད་པར་དུ་འཕག་ས། དགེ་སློང་གོའུ་ཏ་མ་དེ་ནི་ཐམས་ཅད་མཁྱེན་པ་ཡིན་ནོ་ཞེས་བདག་ཉིད་སྒྲོགས། གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་དག་གིས་དེ་སྐད་དྲིས་པ་དང་། དགེ་སློང་གསར་དུ་རབ་ཏུ་བྱུང་བ་དག་ཚེ་དང་ལྡན་པ་ཤཱ་ར་དྭ་ཏིའི་བུ་དང་བྲལ་བས་རྗེས་སུ་ཡི་རང་བར་ཡང་མི་བྱེད། ལན་ཡང་མ་བཏབ་བོ།། དེ་ནས་དགེ་སློང་རབ་ཏུ་མང་པོ་ཚེ་དང་ལྡན་པ་ཤཱ་ར་དྭ་ཏིའི་བུ་དང་བྲལ་བ་དག་བསོད།། སྙོམས་ཀྱི་བྱ་བ་བྱས་ནས། ན་ལ་ཏའི་གྲོང་གང་ན་བ་དེར་དོང་སྟེ་ཕྱིན་ནས། དགེ་སློང་རབ་ཏུ་མང་པོ་དག་ཟས་ཀྱི་བྱ་བ་བྱས་ནས་འཁོད་དོ།། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུ་ཕྱི་ཞིག་ནས་བསོད་སྙོམས་བླངས་ཏེ། ན་ལ་ཏའི་གྲོང་ག་ལ་བ་དེར་དོང་ངོ་།། དེ་ནས་དགེ་སློང་རབ་ཏུ་མང་པོ་ཚེ་དང་ལྡན་པ་ཤཱ་ར་དྭ་ཏིའི་བུ་ག་ལ་བ་དེར་དོང་སྟེ་ཕྱིན་ནས། དགེ་སློང་རབ་ཏུ་མང་པོ་དག་གིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་བསྙད་དོ།། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། དགེ་སློང་རབ་ཏུ་མང་པོ་དག་ལ་འདི་སྐད་ཅེས་སྨྲས་སོ།། གལ་ཏེ་བདག་ཚེ་དང་ལྡན་པ་ཁྱེད་དང་ལྷན་ཅིག་རྒྱལ་པོའི་ཁབ་ཀྱི་ལམ་སྲང་དང་། བཞི་མདོ་དང་། སུམ་མདོ་གཅིག་ཏུ་རིམ་གྱིས་དོང་བ་ལས། གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་རྣམས་དང་ཕྲད་པར་གྱུར་ན་ནི། དེས་ན་བདག་གིས་གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་དེ་དག་ཆོས་དང་མཐུན་པས་ཚར་བཅད་ཟིན་པ་ཞིག་ན། ཀྱེ་མ་བདག་ཅག་ལ་མ་སྲང་དང་། བཞི་མདོ་དང་། སུམ་མདོ་གཞན་ནས་བསོད་སྙོམས་ལ་རྒྱུ་རྒྱུ་ནས། འདིར་ཕྱིན་ཏེ། གང་ཚེ་དང་ལྡན་པ་དག་གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་རྣམས་དང་ལྷན་ཅིག་གཏམ་བྱས་པའི་འདྲི་བའི་ཚུལ་དེ་ནི་བདག་གིས་ཚོར་ཡང་མ། ཚོར་རོ།། ཚེ་དང་ལྡན་པ་དག་བཅོམ་ལྡན་འདས་ཀུན་ཏུ་སྤྱན་མངའ་བ། ཐམས་ཅད་མངོན་སུམ་པ་ལ་ས་དང་། འབྲས་བུ་དང་། རྣམ་པར་སྨིན་པ་མཁྱེན་པ་དེ་ཧ་ཅང་མི་རིང་བ་ཞིག་ན་མུ་སྟེགས་ཀྱི་ལྟ་བ་ཅན་ཐམས་ཅད་ཟིལ་གྱིས་མནན་ནས། ཉན་ཐོས་དང་། དགེ་བསྙེན་དང་། ལྷ་དང་། མི་རྣམས་ལ་ལས་དང་འབྲས་བུ་རྣམ་པར་སྨིན་པའི་ཆོས་སྟོན་གྱིས། ཁྱེད་དེ་ལ་ཞུས་ཤིག་དང་། དེ་ཡང་ལས་དང་། འབྲས་བུ་དང་། རྣམ་པར་སྨིན་པ་ཐམས་ཅད་སྟོན་པར་མཛད་དེ། གང་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དག་གིས་མ་མཐོང་བ་དེ་ཁྱོད་ལ་སྟོན་པར་མཛད་ཅིང་། གང་བདག་ཅག་གི་མངོན་སུམ་དུ་མ་གྱུར་པ་དེ་ཡང་ཁྱེད་ལ་བཅོམ་ལྡན་འདས་ཤིན་ཏུ་མངོན་དུ་གྱུར་པ། ལས་དང་འབྲས་བུ་རྣམ་པར་སྨིན་པ་མཁྱེན་པ་སྟོན་པར་མཛད་དོ། ། དེ་ནས་དགེ་སློང་རབ་ཏུ་མང་པོ་དག་བཅོམ་ལྡན་འདས་ག་ལ་བ་དེར་དོང་ངོ་།། དེ་ནས་དགེ་སློང་དག་གིས་བཅོམ་ལྡན་འདས་ཉིན་མོའི་གནས་པས་བཞུགས་པ་རི་རབ་ལྟར་རང་གི་འོད་ཀྱི་དྲ་བས་མངོན་པར་འབར་བ། ཉིན་མོའི་ཉི་མ་ལྟར་སྣང་བས་རབ་ཏུ་གསལ་བ། མཚན་མོའི་ཟླ་བ་ལྟར་ཞི་བས་རབ་ཏུ་སིམ་པར་མཛད་པ། མཚོ་ལྟར་ཤིན་ཏུ་གསལ་པ། རྒྱ་མཚོ་ལྟར་ཟབ་པ། རི་རབ་ལྟར་མི་གཡོ་བ། སེང་གེ་ལྟར་དཔའ་བ། ཕ་མ་ལྟར་འབྱུང་པོ་ཐམས་ཅད་ཀྱི་སྐྱབས་སུ་གྱུར་པ། ཐུགས་རྗེ་ཆེན་པོས་བརླན་པའི་ཐུགས། སེམས་ཅན་ཐམས་ཅད་ཀྱི་གཉེན་གཅིག་པར་གྱུར་པ། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཀྱི་རྟེན་དུ་གྱུར་པ། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱིས་སྐུ་བརྒྱན་པ། རབ་ཏུ་དང་བས་ལུས་ཅན་ཐམས་ཅད་ཀྱི་མིག་མགུ་བར་མཛད་པ། ཟླ་བ་དང་ཉི་མའི་འོད་ཟིལ་གྱིས་གནོན་པ། ཤཱཀྱའི་རྒྱལ་པོའི་སྲས་ཀུན་ཏུ་སྤུན་མངའ་བ། སྤྱན་དྲི་མ་གསུམ་དང་བྲལ་བ། བདེན་པ་གཉིས་གསུང་བ། སྡུག་བསྔལ་གཉིས་མཁྱེན་པ། བསྒོམ་པ་གཉིས་བསྒོམས་ཤིང་མངོན་སུམ་དུ་མཛད་པ། ལམ་གྱི་འབྲས་བུ་མངོན་དུ་མཛད་པ། འགོག་པའི་དེ་ཉིད་མཁྱེན་པ། ཁམས་གསུམ་མངོན་སུམ་དུ་མཛད་པའི་སྤྱན་མངའ་བ། ཁམས་གསུམ་གཞན་ཡང་དག་པར་སྟོན་པ། ཁམས་བཅོ་བརྒྱད་ཀྱི་དེ་བཞིན་ཉིད་མཁྱེན་པ། མོས་པ་ཡིད་ལ་བྱེད་པའི་དེ་ཉིད་མཁྱེན་ག། ཡོན་ཏན་གྱི་གླུ་རང་གི་ཡོན་ཏན་བཅོ་བརྒྱད་དང་ལྡན་པ། སྲིད་པའིའི་ཆིང་བ་ལས་རྣམ་པར་གྲོལ་བ། སྟོབས་བཅུ་དང་ལྡན་པ། བསྙེངས་པ་མི་མངའ་བ་བཞིས་མི་བསྙེངས་པ། ཐུགས་རྗེ་ཆེན་པོ་དང་ལྡན་པ། དྲན་པ་ཉེ་བར་གཞག་པ་གསུམ་དང་རྟག་ཏུ་ལྡན་པ་དེ་མཐོང་ངོ་།། དེ་ནས་དགེ་སློང་རབ་ཏུ་མང་པོ་དག་ཆོས་གོས་ཕྲག་པ་གཅིག་ལ་གཟར་ནས། པུས་མོ་གཡས་པའི་ལྷངས་ལ་བཙུགས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། དུལ་བས་མགོ་བཏུད་དེ་ཕྱོགས་གཅིག་ཏུ་འཁོད་དོ།། དེ་ནས་དགེ་སློང་རབ་ཏུ་མང་པོ་དག་གིས། དགེ་སློང་གཅིག་ཅིག་བསྒོ་བ་དང་། བཅོམ་ལྡན་འདས་ག་ལ་བ་དེར་ཤིན་ཏུ་ཉེ་བར་ཕྱིན་ནས། ཡང་དེ་བཞིན་དུ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་འདིར་བདག་སྔ་དྲོའི་དུས་སུ་ལྷུང་བཟེད་དང་ཆོས་གོས་འཚལ་ནས། རྒྱལ་པོའི་ཁབ་ཏུ་བསོད་སྙོམས་ལ་མཆི་མཆི་ན་ཞེས་བྱ་བ་སྔ་མ་བཞིན་ཏེ། གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་རྣམས་དང་ལྷན་ཅིག་ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པ་སྔོན་དུ་འགྲོ་བའི་གཏམ་འདྲི་བའི་བར་སྔ་མ་བཞིན་ཏེ། དེ་དག་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས། དེའི་ཚེ་དགེ་སློང་དེ་དག་དང་། ན་ལ་ཏའི་གྲོང་གི་བྲམ་ཟེ་ལ་སོགས་པ་ལ་འདི་སྐད་ཅེས་བཀའ་སྩལ་ཏོ།། དགེ་སློང་དག་ཁྱེད་ཅག་ལ་ཆོས་བཤད་པར་བྱ་བ་འདི་ལྟ་སྟེ། དམ་པའི་ཆོས་དྲན་པ་ཉེ་བར་གཞག་པ་ཞེས་བྱ་བའི་ཆོས་ཀྱི་རྣམ་གྲངས་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཚངས་པར་སྤྱོད་པ་ཡང་དག་པར་རབ་ཏུ་བསྟན་པར་བྱས། དེ་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་ངས་བཤད་པར་བྱའོ།། བཅོམ་ལྡན་འདས་དེ་ལྟར་འཚལ་ལོ་ཞེས་གསོལ་ཏེ། དགེ་སློང་དེ་དག་བཅོམ་ལྡན་འདས་ལ་ཉན་པ་དང་། བཅོམ་ལྡན་འདས་ཀྱིས་དེ་དག་ལ་འདི་སྐད་ཅེས་བཀའ་སྩལ་ཏོ། ། དགེ་སློང་དག་དམ་པའི་ཆོས་དྲན་པ་ཉེ་བར་གཞག་པ་ཞེས་བྱ་བའི་ཆོས་ཀྱི་རྣམ་གྲངས་དེ་གང་ཡིན་ཞེ་ན། འདི་ལྟ་སྟེ། ཆོས་ལ་ཡང་ཆོས་ཉིད་དུ། ཆོས་མ་ཡིན་པ་ལ་ཡང་ཆོས་མ་ཡིན་པ་ཉིད་དུ་མཐོང་བ་དེ། དྲན་པ་རྟག་ཏུ་ཉེ་བར་གནས་པར་འགྱུར་ཞིང་། འདི་ལ་ཐེ་ཚོམ་ཡང་མི་སྐྱེ། ཆོས་ཉན་པ་ལ་མངོན་པར་དགའ་བར་ཡང་འགྱུར། རྒན་རབས་ལ་ཡང་རི་མོ་བྱེད་དོ།། དེ་ནི་ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་གསུམ་གྱི་ལས་ཀྱི་འབྲས་བུ་དང་། འཆི་བ་དང་སྐྱེ་བའི་རྣམ་པར་སྨིན་པ་ཤེས་པར་འགྱུར་ཏེ། ལྟ་བ་ལོག་པ་མ་ཡིན་ཞིང་གཞན་གྱིས་ཁ་མི་ཕྱིན་པར་འགྱུར་རོ།། དགེ་སློང་དག་དེ་ལ་ལུས་ཀྱི་ཆད་པ་རྣམ་པ་གསུམ་སྟེ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པའོ། ། དེ་ལ་སྲོག་གཅོད་པ་ཇི་ལྟ་བུ་ཡིན་ཞེ་ན། སེམས་ཅན་ཕ་རོལ་ལ་སེམས་ཅན་དུ་འདུ་ཤེས་ཤིང་། བསམས་བཞིན་དུ་སྲོག་ཆགས་བསད་དེ། སྲོག་དང་བྲལ་བར་བྱས་པ་ཡིན་ནོ། ། དེ་ཡང་རྣམ་པ་གསུམ་སྟེ། ཆེན་པོ་དང་། འབྲིང་དང་། ཐ་མའོ།། དེ་ལ་ཆེན་པོ་ནི་དགྲ་བཅོམ་པ་ལ་སོགས་པ་བསད་པ་སྟེ། མནར་མེད་པར་འགྲོ་བའོ།། འབྲིང་ནི་ལམ་ལ་གནས་པ་བསད་པའོ། ། ཐ་མ་ནི་དུད་འགྲོ་དང་། ཚུལ་ཁྲིམས་འཆལ་པ་སྤྱད་པ་བསད་པའོ།། ཡང་རྣམ་པ་གསུམ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བའིའོ།། ཡང་རྣམ་པ་གསུམ་སྟེ། འདོད་ཆགས་ཀྱིས་བྱས་པ་དང་། ཞེ་སྡང་གིསོ་བྱས་པ་དང་། གཏི་མུག་གིས་བྱས་པའོ།། དེ་ལ་འདོད་ཆགས་ཀྱིས་བྱས་པ་ནི། རི་དགས་ལ་སོགས་པ་ལའོ།། ཞེ་སྡང་གིས་བྱས་པ་ནི་སྦྲུལ་དང་། ནེའུ་ལ་ལ་སོགས་པའོ།། གཏི་མུག་གིས་བྱས་པ་ནི་མཆོད་སྦྱིན་ལ་སོགས་པ་ནའོ།། ཡང་རྣམ་པ་གསུམ་སྟེ། རང་གིས་བྱས་པ་དང་། གཞན་གྱིས་བཅོལ་བ་དང་། གཉིས་ཀས་བྱས་པའོ།། རྒྱུ་ལྔས་སྲོག་གཅོད་པ་བྱས་ཀྱང་། ཁ་ན་མ་ཐོ་བས་གོས་པར་མི་འགྱུར་ཏེ། འདི་ལྟ་སྟེ། ལམ་དུ་འགྲོ་བར་ཞུགས་པ་མི་ཤེས་པས་སྲོག་ཆགས་ཕྲ་མོ་དང་། གྲོག་སྦུར་ལ་སོགས་པ་སྲོག་དང་བྲལ་བར་བྱེད་པ་དང་། གཞན་ལ་མཚོན་ཆགཟས་པ་ལས་བསམས་པ་དང་མི་ལྡན་པར་གཞན་ལ་ཕོག་སྟེ། དེ་སྲོག་དང་བྲལ་བ་དང་། ནད་པ་ལ་སྨན་པ་ཕན་པར་འདོད་པ་དེས་ཉེས་པར་མ་མཐོང་སྟེ། སྨན་བྱིན་པ་ལས་དེ་ཤི་བ་དང་། དེ་བཞིན་དུ་མས་བུ་གདུལ་བར་བྱ་བའི་ཕྱིར་བརྡེགས་པ་ལས་དེ་སྲོག་དང་བྲལ་བ་དང་། མེ་འབར་བའི་ནང་དུ་སྲོག་ཆགས་མི་འདོད་བཞིན་དུ་ལྷུང་བ་སྟེ། རྒྱུ་རྣམ་པ་དེ་ལྔས་སྲོག་བཅད་པར་གྱུར་ཀྱང་གོས་པར་མི་འགྱུར་རོ།། ཡང་སྲོག་གཅོད་པ་རྣམ་པ་གསུམ་སྟེ། གཞན་ལ་བསྒོ་བ་དང་། བདག་ཉིད་བྱེད་པ་དང་། གཉིས་ཀས་བྱེད་པའོ།། གཞན་ཡང་མ་བྱིན་པར་ལེན་པ་རྫོགས་པ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས་ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། ཕ་རོལ་གྱིས་ཡོངས་སུ་བཟུང་བ་ལ་བདག་གིར་བྱ་བའི་བསམ་པས། རྐུ་བར་བྱེད་པ་འདི་ནི་མ་བྱིན་པར་ལེན་པ་རྫོགས་པ་ཡིན་ནོ།། འབྲས་བུ་ཆུང་བ་ཇི་ལྟ་བུ་ཡིན་ཞེ་ན། འདི་ལྟ་སྟེ། རྒྱལ་པོའི་ཆད་པས་ཉེན་པ་དང་། བླ་མའི་དོན་དང་། ཕ་མ་དང་། ནད་པ་དང་། རང་སངས་རྒྱས་དང་། དགྲ་བཅོམ་པ་དང་། ཕྱིར་མི་འོང་བ་དང་། རྒྱུན་དུ་ཞུགས་པ་ལ་སོགས་པ་དང་། ནད་པ་དང་། ལྟོགས་པ་དེ་དག་གི་དོན་དུ་མ་བྱིན་པར་བླངས་པ་འདི་ནི་འབྲས་བུ་ཆུང་བ་ཡིན་ནོ།། མ་བྱིན་པར་ལེན་པའི་སྡོམ་པ་མ་བླངས་པས་མ་བྱིན་པར་ལེན་པ་འདི་ནི་རྣམ་པར་སྨིན་པ་ཆུང་བ་ཡིན་ནོ། ། གཞན་ཡང་འབྲས་བུ་ཆུང་བར་འགྱུར་བ་ནི་མ་བྱིན་པར་ལེན་པ་བྱས་ནས། སེམས་ཀྱིས་འཆགས་པར་མི་བྱེད། འགྱོད་ལ་ཕྱིར་ཞིང་མི་བྱེད། ཕ་རོལ་ཡང་མ་བྱིན་པར་ལེན་པ་ལས་ཕྱིར་ཟློག་པར་བྱེད། སྡོམ་པའི་ལུང་ཡང་འབོག་པར་བྱེད། ལམ་ལ་ཡང་འཇོག་པར་བྱེད། མ་བྱིན་པར་ལེན་པ་སྤོང་བ་དག་ལ་འཇོག་པར་བྱེད་ཅིང་། ལས་ཀྱི་ཉེར་བསྡོགས་དང་།། ལས་ཀྱི་མཇུག་མི་བྱེད་པའོ།། མ་བྱིན་པར་ལེན་པའི་ལས་ཀྱི་ཉེར་བསྡོགས་ཇི་ལྟ་བུ་ཡིན་ཞེ་ན། འདི་ལ་མ་བྱིན་པར་ལེན་པ་པོས་ཕ་རོལ་ལ་གཡོ་སྒྱུ་བྱེད་ཅིང་། གསང་ཐབས་སུ་སྨྲ་བ་དང་། འཇལ་ལུགས་ལ་གཡོ་བྱེད་པ་དང་། མི་རིགས་པའི་ལས་ལྷག་པར་སྤྱོད་པ་རྣམ་པ་འདི་དག་ནི་ལས་ཀྱི་ཉེར་བསྡོགས་ཡིན་ནོ།། ལས་ཇི་ལྟ་བུ་ཡིན་ཞེ་ན། གང་གི་ཚེ་ཕ་རོལ་གྱིས།། ཡོངས་སུ་བཟུང་བའི་རྫས་ཀྱི་རྣམ་པ་མ་བྱིན་པར་ལེན་པ་འདི་ནི་ལས་ཡིན་ནོ།། ལས་ཀྱི་མཇུག་ཇི་ལྟ་བུ་ཡིན་ཞེ་ན། འདི་ལ་བྱས་ན་རྗེས་སུ་ཡི་རང་བར་བྱེད་ཅིང་། གོམས་པར་བྱེད་ལ་མང་དུ་བྱས་ཏེ། རྗེས་སུ་ཡི་རང་བ་ཀུན་ཏུ་འཆབ་པར་བྱེད།། ཚུལ་ཁྲིམས་དང་ལྡན་པ་གཞན་མ་བྱིན་པར་ལེན་པ་ལ་རབ་ཏུ་འཇོག་པར་བྱེད་པ་འདི་ནི་ལས་ཀྱི་མཇུག་ཡིན་ནོ།། རྣམ་པ་འདི་གསུམ་གྱིས་མ་བྱིན་པར་ལེན་པའི་ལས་ཀྱི་ཉེར་བསྡོགས་དང་། མཇུག་དང་བྲལ་བར་མ་བྱིན་པར་ལེན་པའི་ཆད་པའི་འབྲས་བུ་ཆུང་བར་གྱུར་ཏེ། མྱོང་བར་འགྱུར་བར་ངེས་པ་མ་ཡིན་ནོ།། གཞན་ཡང་འདོད་པས་ལོག་པ།། ཡེམ་པ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ཆོས་ལ་ཆོས་ཀྱི་རྗེས་སུ་ལྟ་བས་མཐོང་སྟེ། འདི་ལ་འདོད་པས་ལོག་པར་གཡེམ་པ་ཀུན་ཏུ་སྤྱོད་པ་ནི་རང་གི་ཆུང་མ་འམ། གཞན་གྱི་ཆུང་མ་དག་གི་སྐྱེ་གནས་མ་ཡིན་པར་འཇུག་པར་བྱེད། གཞན་བྱེད་པ་ལ་ཡང་རྗེས་སུ་ཡི་རང་བར་བྱེད། མི་བྱེད་པ་ཡང་ཐབས་ཀྱིས་བྱེད་དུ་འཇུག་པ་འདི་ནི་འདོད་པས་ལོག་པར་གཡེམ་པ་ཞེས་བྱའོ།། འདོད་པས་ལོག་པར་གཡེམ་པའི་འབྲས་བུ་ཆུང་བར་འགྱུར་བ་ཇི་ལྟ་བུ་ཡིན་ཞེ་ན། འདི་ལ་བྱས་ནས་འགྱོད་ཅིང་འཆགས་ཏེ། རྗེས་སུ་ཡི་རང་བར་མི་བྱེད། གཞན་འདོད་པས་ལོག་པར་གཡེམ་པ་ཡང་ཕྱིར་ཟློག་པར་བྱེད། ལམ་ལ་འཇོག་པར་བྱེད། ལས་ཀྱི་ཉེར་བསྡོགས་དང་། ལས་ཀྱི་མཇུག་དང་བྲལ་བའི་སེམས་ཡིན་ཞིང་། ཚུལ་ཁྲིམས་དང་ལྡན་པ་ཡིན་ཏེ། འདི་ནི་འདོད་པས་ལོག་པར་གཡེམ་པའི་འབྲས་བུ་ཆུང་བར་འགྱུར་ཞིང་། མྱོང་བར་འགྱུར་བ་མ་ངེས་པ་ཡིན་ནོ།། ལུས་ཀྱི་ཆད་པ་རྣམ་པ་གསུམ་པོ་དེ་དག་ནི་འབྲས་བུ་ཆུང་བ་དང་། འབྲས་བུ་ཞན་པར་འགྱུར་རོ།། དེ་དག་ནི་ངའི་ཉན་ཐོས་སམ། ང་ལས་ཐོས་ནས་ལས་དང་འབྲས་བུ་རྣམ་པར་སྨིན་པ་ཤེས་ཤིང་། གཞན་གྱིས་ཁ་དྲང་དུ་མི་རུང་བ། གཞན་ལ་རག་མ་ལས་པ། མ་གཏོགས་པ། གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་རྣམས་སམ། ལྷ་དང་བཅས་པའི་འཇིག་རྟེན་ནམ། བདུད་དང་བཅས་པའམ། ཚངས་པ་དང་བཅས་པ་འམ། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་འམ། ལྷ་དང་།། མི་དང་། ལྷ་མ་ཡིན་དུ་བཅས་པས་རྟོགས་པའི་ཡུལ་མ་ཡིན་ནོ།། གཞན་ཡང་ངག་གི་ཆད་པ་ལྕི་བ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ཆོས་དང་། ལས་དང་། རྣམ་པར་སྨིན་པ་ཤེས་པ་ཡིན་ཏེ། ངག་གི་ཆད་པ་རྣམ་པ་བཞི་ལ་འདི་ལྟ་སྟེ། བརྫུན་དང་། ཕྲ་མ་དང་། ཚིག་རྩུབ་པོ་དང་། ཚིག་བཀྱལ་པ་དང་བཞིའོ།། དེ་ལ་བརྫུན་གང་ཞེ་ན། བདག་ཉིད་ལ་བདག་ཉིད་སླུ་ཞིང་། གཞན་ཡང་སླུ་བ་ཡིན་ཏེ། སྨྲས་པའི་ཚེ། རྒྱལ་པོ་འམ། བློན་པོའི་མངོན་སུམ་དུ་གཞན་ལ་གནོད་པ་འམ། འཕྲོག་པར་བྱེད་པ་ལོག་པས་བསྐྱེད་པའི་བརྫུན་གྱི་སྐྱོན་རབ་ཏུ་འཇུག་པ་འདི་ནི་བརྫུན་དུ་སྨྲ་བ། ངག་གི་ཆད་པ་རྫོགས་པ་ཡིན་ཏེ། སེམས་ཅན་དམྱལ་བ་མྱོང་བར་འགྱུར་བ་ཡིན་ནོ།། གཞན་ཡང་ངག་གི་ཆད་པ་ཕྲ་མ་ཞེས་བྱ་བ་ནི། དོན་གཅིག་ལ་མཐུན་པར་ཞུགས་པ་རྣམས་ལ་དབྱེན་བྱ་བའི་བསམ་པས་ཚིག་རྗོད་པར་བྱེད་པ་འདི་ནི། ཕྲ་མའི་ངག་གི་ཆད་པ་ཡིན་ནོ།། ཕྲ་མའི་འབྲས་བུ་ཆུང་བ་ཇི་ལྟ་བུ་ཡིན་ཞེ་ན། བདག་གཏི་མུག་གིས་ངན་པ་བྱས་སོ་ཞེས་འཆགས་པར་བྱེད། གཞན་ཕྲ་མ་ལ་མངོན་པར་དགའ་བ་ཟློག་པར་བྱེད། ལམ་ལ་ཡང་དག་པར་འཇོག་པར་བྱེད་ལ། ལས་ཀྱི་ཉེར་བསྡོགས་དང་། ལས་ཀྱི་མཇུག་མི་བྱེད་པ་ཡིནནོ། ། !་རྫོགས་རྣཾས་སུ་ཡིན་ནེ།། འདི་ལ་རྣམ་ལ་མངོན་པ་དགའབ། རྒྱུན་མོངས་བརྒྱགས་པ་ས་མངོན་པ་སྒྲུགས་པ་ཚོགས་གཞན་དུ་བརྟགས་ནས། འ་བ་འདི་ནི་ལས་ཀྱི་ཉེར་བསྡོགས་ཡིན་ནོ། ། ཕྲ་མའི་ལས་ཀྱི་ལམ་དང་ཡང་དག་པར་རབ་ཏུ་ལྡན་པ་ཇི་ལྟ་བུ་ཡིན་ཞེ་ན། འདི་ལ་སྡང་བའི་སེམས་ཀྱིས་ཡང་དང་ཡང་དུ་གཞན་འབྱེད་ལ། རྗེས་སུ་ཡི་རང་ཞིང་ཀུན་དགའ་བར་བྱེད་པ་འདི་ནི་ཕྲ་མའི་ལས་ཀྱི་ལམ་དང་ཡང་དག་པར་ལྡན་པ་ཡིན་ནོ། ། ལས་ཀྱི་མཇུག་དང་བཅས་པ་ཇི་ལྟ་བུ་ཡིན་ཞེ་ན། འདི་ལ་ཕྲ་མ་བྱས་ནས། རྗེས་སུ་ཡི་རང་བར་བྱེད། ཕྱིར་ཞིང་བྱེད་བྱེད་པ་ལ་རྗེས་སུ་ཡི་རང་བར་བྱེད། ཡིད་ཀྱིས་ཀུན་ཏུ་རྟོག་པར་བྱེད། དེ་ཉིད་ལ་མངོན་པར་དགའ་བར་བྱེད། ངང་ཚུལ་གཞན་དུ་མི་བྱེད་པ་ཡིན། སྡང་བའི་སེམས་ཡིན།། གཞན་དག་གིས་བཙལ་བཙལ་ཅིང་ཡིད་ཆེས་པའི་གནས་སུ་མི་འགྱུར་བ་ཡིན། སྨད་པ་ཡིན། ངོ་ཚ་བར་མི་བྱེད་པ་ཡིན། ཁྲེལ་མེད་ལ་བདག་ཉིད་ལ་སྨོད་པར་མི་བྱེད་པ་འདི་ནི་ཕྲ་མའི་ཆད་པ་ཡིན། ནོ།། གཞན་ཡང་ཚིག་རྩུབ་མོའི་ཆད་པ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ཆོས་དང་། ལས་དང་། ཀུན་འབྱུང་བ་མཐོང་བ་དེས་ཐོས་པ་ལས་བྱུང་བའི་ཤེས་པས་མཐོང་སྟེ། འདི་ནི་ཚིག་རྩུབ་པོས་བདག་དུང་བར་བྱེད་ཅིང་། ཡིད་དུ་མི་འོང་བ་རྣ་བར་ཐོས་ལ། གླགས་སྐྱེད་པར་བྱེད། དེ་གཞན་ལ་གནས་ཏེ། མཁྱུད་པ་དང་། འཆགས་པ་དང་། དགོད་པ་དང་། ཁྲོ་བའི་བསམ་པས་རྣམ་པར་སྨིན་པ་དུ་མ་རྣམ་པ་དུ་མའོ།། དེ་ལ་ཚིག་རྩུབ་པོ་ཆེན་པོས་ནི་སེམས་ཅན་དམྱལ་བའི་ཚོར་བ་མྱོང་བར་འགྱུར། ཚིག་རྩུབ་པོ་འཆགས་པ་ནི་མྱོང་བར་འགྱུར་བར་མདྲེ་པ་ཡིན་ཏེ། འདི་དག་ནི་ངག་གི་ཆད་པ་གསུམ་པ་ཡིན་ནོ།། ལས་ཀྱི་ཉེར་བསྡོགས་དང་། ལས་ཀྱི་མཇུག་དང་ཡང་དག་པར་ལྡན་པ་ཞེས་བྱ་བ་ནི་སྔ་མ་བཞིན་ནོ།། གཞན་ཡང་ངག་གི་ཆད་པ་བཞི་པ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ལས་དང་། ཆོས་དང་། རྣམ་པར་སྨིན་པའི་རྣམ་པ་དུ་མ་ཤེས་པ་ཡིན་ཏེ། ཚིག་བཀྱལ་བ་ཞེས་བྱ་བ་སྔ་ཕྱི་འབྲེལ་པ་མེད་པའི་ཚིག་བཀྱལ་པ་སྔ་མ་དང་ཕྱི་མར་མི་སྦྱོར་བ་ཡིན་ཏེ། མྱོང་བར་འགྱུར་བར་མ་ངེས་ཤིང་། ཁ་ན་མ་ཐོ་བ་མི་མང་བ་ཡིན་པ་འདི་ནི་ངག་གི་ཆད་པ་བཞི་པ་ཡིན་ནོ།། གཞན་ཡང་ཡིད་ཀྱི་ཆད་པ་ཇི་ལྟ་བུ་ཡིན། རྣམ་པ་ནི་དུ་ཞིག་ཡོད་ཅེ་ན། རྣལ་འབྱོར་སྤྱོད་པ་ལས་དང་། ཆོས་དང་། རྣམ་པར་སྨིན་པ་ལ་རྗེས་སུ་ལྟ་བ་དེས། ཐོས་པ་ལས་བྱུང་བའི་ཤེས་པས་ཡིད་ཀྱི་ཆད་པ། རྣམ་པ་གསུམ་མཐོང་སྟེ། འདི་ལྟ་སྟེ། བརྡབ་སེམས་ནི་གཞན་གྱི་འབྱོར་པ་མཐོང་ནས་ཤིན་ཏུ་རྟོག་པར་བྱེད། སེམས་ཀྱིས་འདོད་པར་བྱེད། རྫས་འདོན་བདག་གིར་བྱའོ་སྙམ་སྟེ། བརྣབ་སེམས་འདི་ནི་ཡིད་ཀྱི་ཆད་པ་དང་པོ་ཡིན་ནོ།། གཞན་ཡང་ཡིད་ཀྱི་ཆད་པར་འགྱུར་བ་ནི། ཕ་རོལ་གྱི་ཕུན་སུམ་ཚོགས་པ་མཐོང་ནས། ཡིད་རབ་ཏུ་སྡང་བ་གནོད་སེམས་ཏེ། ཡིད་ཀྱི་ཆད་པ་གཉིས་པ་ཡིན་ནོ། ། གཞན་ཡང་ཡིད་ཀྱི་ཆད་པ་གསུམ་པ་ནི། ལོག་པར་ལྟ་བས་ཕྱིན་ཅི་ལོག་ཏུ་མཐོང་བ་ལོག་པར་ལྟ་བའི་ཆད་པའོ།། དེ་ཡང་རྣམ་པ་གཉིས་ཏེ། ཡོད་པ་འཇིག་པ་དང་། ལོག་པར་ཤེས་པའོ།། དེ་ལ་ཡོད་པ་འཇིག་པ་ནི། འདི་ལྟར་སྦྱིན་པ་མེད། སྦྱིན་སྲེག་མེད། མཆོད་སྦྱིན་མེད། ལེགས་པར་བྱས་པ་དང་། ཉེས་པར་བྱས་པ་དག་གི་ལས་ཀྱི་འབྲས་བུ་རྣམ་པར་སྨིན་པ་མེད་དོ་ཞེས་བྱ་བར་རྒྱ་ཆེར་སྦྱར་རོ། ། ལོག་པར་ཤེས་པ་ཞེས་བྱ་བ་ནི་བདེ་བ་དང་། སྡུག་བསྔལ་གང་ཡིན་པ་དེ་ནི་ལྷས་བྱས་ཀྱིས། ལས་ཀྱི་འབྲས་བུས་ནི་མ་བྱས་སོ་ཞེས་ཟེར་བ་སྟེ། འདི་ནི་ལོག་པར་ལྟ་བ་རྣམ་པ་གཉིས་པ་ཡིན་ནོ།། གཞན་ཡང་ཇི་ལྟར་ན་ལུས་དང་། ངག་དང་། ཡིད་རྣམ་པ་གསུམ་གྱི་ཆད་པ་རྣམ་པ་བཅུ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་ན་ཚེ་འདི་ཉིད་ལ་ལས་ཀྱི་འབྲས་བུ་མྱོང་བར་འགྱུར་བར་ངེས་པ་དང་། ཤི་ནས་གཞན་དུ་སྐྱེས་ན་དེའི་རྒྱུ་ཅན་གྱི་ལས་ཀྱི་འབྲས་བུ་གང་ཡིན་པ་དང་། རྒྱུ་མཐུན་པའི་འབྲས་བུ་ཇི་ལྟ་བུ་ཡིན་པ་དང་། ཡང་འཇིག་རྟེན་འདིར་སྐྱེས་ན་ཡང་དེ་དག་ཅི་འདྲ་བར་འགྱུར་ཞེ་ན། རྣལ་འབྱོར་སྤྱོད་པ་ལས་དང་། ཆོས་དང་། རྣམ་པར་སྨིན་པ་ལ་རྗེས་སུ་ལྟ་བ་དེས་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། ལུས་ཀྱི་སྲོག་གཅོད་དང་པོའོ།། སྲོག་གཅོད་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཀྱི་ཡུལ་རྣམས་སུ་སྐྱེ་བར་བྱེད་དོ།། གལ་ཏེ་མི་དག་དང་སྐལ་བ་མཉམ་པར་མའི་ནང་དུ་སྐྱེ་ན་ཚེ་ཐུང་བ་ཡིན་ནོ།། གལ་ཏེ་རྔོན་པ་ལྟ་བུ་ལ་ཆགས་པས་སྲོག་གཅོད་པ་བྱས་ན། སྲོག་གཅོད་པ་བྱས་པ་དེ་ཉམས་པར་འགྱུར་ཏེ། དེ་རི་དགས་དང་། ཕག་དང་། སྲེག་པ་དང་། ཁྱིམ་བྱ་དང་། གོང་མ་སྲེག་དང་། ཉ་ལ་སོགས་པར་གྱུར།། བ་ན། རྒྱ་འམ། མཆིལ་པས་གསོད་དོ།། འཁོར་བ་ན་ལས་དེ་ལྟ་བུའི་རྒྱུས་འབྲེལ་བ་གལ་ཏེ་ཡང་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན་དེ་ཚེ་ཐུང་བར་འགྱུར་ཞིང་། མཁས་པ་རྣམས་ཀྱི་ཡུལ་དུ་སྐྱེ་བར་མི་འགྱུར་ལ། མཚོན་མང་པོས་འཁྲུག་པའི་ཡུལ་དུ་མྱུར་བ་ཉིད་དུ་གསོད་དོ།། སྲོག་གཅོད་པ་ཆུང་ངུ་དང་། འབྲིང་དང་། ཆེན་པོའི་ཚོགས་སུ་བཅད་པ་ཁ་ཅིག་མངལ་དང་དེ་བཞིན་གཞན། ། བཙས་པའི་ཁྱིམ་དང་གཞན་དག་ནི།། གོག་པ་ཙམ་དང་དེ་བཞིན་དུ།། གཞན་དག་ཡོངས་སུ་རྒྱུན་འཆི།། དེ་ལྟར་སྲོག་གཅོད་པ་ནི་ད་ལྟར་གྱི་ཚེ་ལ་རྣམ་པར་སྨིན་པས་དབང་དུ་བྱས་པའི་ལས་ཡིན་ནོ། ། གཞན་ཡང་མ་བྱིན་པར་ལེན་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་རྣམ་པར་སྨིན་པ་གསུམ་པ་འདི་ལྟ་སྟེ། སེམས་ཅན་དམྱལ་བ་མྱོང་བ་དང་། ཚེ་འདི་དང་རྒྱུ་མཐུན་པའི་འབྲས་བུ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ལས་དང་། ཆོས་དང་། རྣམ་པར་སྨིན་པ་ལ་རྗེས་སུ་ལྟ་བ་དེས་ཐོས་པ་ལས་བྱུང་བའི་ཤེས་པས་མཐོང་སྟེ། དེ་ལྟར་མ་བྱིན་པར་ལེན་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་རྣམས་ཀྱི་ཡུལ་དུ་སྐྱེ་བར་འགྱུར་རོ། ། གལ་ཏེ་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན་ཡང་དབུལ་བར་འགྱུར་ཏེ། ལོངས་སྤྱོད་པསྒྲུབས་པ་གང་དག་ཡོད་པ་དེ་དག་རྒྱལ་པོའི་ཆད་པ་དང་། ཆུ་དང་། མེ་དང་། མཚོན་དང་། ཆོམ་རྐུན་གྱི་འཇིགས་པ་དག་གིས་བསགས་བསགས་པ་དག་ཆུད་ཟ་བར་འགྱུར། ནམས་ཀྱང་བདེ་བར་མི་འགྱུར་ཏེ། འདི་ནི་མ་བྱིན་པར་ལེན་པའི་ཆད་པའི་འབྲས་བུ་རྣམ་པ་གསུམ་པ་ཡིན་ནོ། ། གཞན་ཡང་ནང་གི་འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་འབྲས་བུ་རྣམ་པ་གསུམ་པ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ལྔ་དང་། ཆོས་དང་། རྣམ་པར་སྨིན་པ་ལ་རྗེས་སུ་ལྟ་བ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་རྣམས་ཀྱི་ཡུལ་དུ་སྐྱེའོ།། གལ་ཏེ་མིར་སྐྱེས་ན་ཡང་རྒྱུ་མཐུན་པའི་འབྲས་བུས་དེའི་ཆུང་མ་གུས་པ་མེད་པར་འགྱུར། མཚན་གཉིས་པར་འགྱུར། འཇིག་རྟེན་པས་བརྙས་པར་འགྱུར་རོ།། འདི་ནི་ལུས་ཀྱི་ཆད་པ་རྣམ་པ་གསུམ་པའི་རྣམ་པར་སྨིན་པའི་འབྲས་བུ་རྣམ་པ་གསུམ་ཏེ། གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་རྣམས་ཀྱི་ལུས་ཀྱི་ཆད་པ་མི་འདོད་པ་ནས། རྒྱས་པར་ལས་ཀྱི་རྣམ་པར་སྨིན་པའི་བར་ནི་དེ་ལྟ་བུ་མ་ཡིན་ནོ།། དེ་ཅིའི་ཕྱིར་ཞེ་ན། གཏི་མུག་དང་འགྲོགས་པ་བསྒོམས་པའི་སེམས་དང་ལྡན་པ་གཞན་གྱིས་ནི་ངའི་ལས་དང་། ཆོས་དང་། རྣམ་པར་སྨིན་པ་གང་ཡིན་པ་འདི་མི་མཐོང་གི། འདི་ལྟར་ངའི་ཉན་ཐོས་དང་། ངའི་རྣལ་འབྱོར་སྤྱོད་པ་དག་གིས་རྗེས་སུ་མཐོང་ངོ་།། གཞན་ཡང་ཚིག་དང་ངག་གི་ཆད་པ་ཇི་ལྟ་བུ་ཡིན། ། རྣམ་པ་ནི་དུ་ཡོད་ཅེ་ན། རྣལ་འབྱོར་སྤྱོད་པ་ཆོས་ལ་ཆོས་ཀྱི་རྗེས་སུ་ལྟ་བ་དེས་ཐོས་པ་ལས་བྱུང་བའི་ཤེས་པས། ངག་གི་ཆད་པ་རྣམ་པ་བཞི་མཐོང་སྟེ། འདི་ལྟ་སྟེ།། བརྫུན་དང་། ཕྲ་མ་དང་། ཚིག་རྩུབ་པོ་དང་། ཚིག་བཀྱལ་པའོ།། དེ་ལ་བརྫུན་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས། སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཀྱི་སྐྱེ་གནས་རྣམས་སུ་སྐྱེའོ། ། གལ་ཏེ་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན་ཡང་སེམས་ཅན་ཐམས་ཅད་ཀྱིས་ཚིག་གཟུང་བར་མི་འགྱུར་ཏེ། རྒྱལ་པོའི་ཕོ་བྲང་འཁོར་དང་ཁྱིམ་བདག་གི་འཁོར་དང་། རྒྱལ་རིགས་ཀྱི་འཁོར་དང་། རང་གི་བུ་དང་། ཆུང་མས་ཀྱང་ཚིག་གཟུང་བར་མི་འགྱུར། དེའི་ཁ་ནས་དྲི་མནམ་པ་འབྱུང་། སོ་དང་། ཁ་དང་། མདོག་དང་། པགས་པ་མི་སྡུག་པར་འགྱུར། འཇིག་རྟེན་པ་ཀུན་གྱིས་ཀྱང་ལོག་པའི་མངོན་པར་སྤྱོད་པས་མངོན་པར་སྦྱོར་བར་འགྱུར། རྟག་ཏུ་འཇིགས་པར་ཡང་འགྱུར། དེའི་མཛའ་བཤེས་དང་། གཉེན་དང་།། སྐྱེ་བོ་སྙིང་དུ་སྡུག་པ་དག་བརྟན་པར་མི་འགྱུར། བྱེད་པ་བསམས་པ་ཐམས་ཅད་འབྲས་བུ་མེད་པར་འགྱུར། དོན་མེད་པ་ཐམས་ཅད་སྤྱོད་པར་འགྱུར་ཏེ། འདི་ནི་བརྫུན་གྱི་ལས་ཀྱི་འབྲས་བུ་མི་འདོད་པ། མི་སྡུག་པ། ཡིད་དུ་མི་འོང་བ་ཡིན་ནོ།། གཞན་ཡང་ངག་གི་ཆད་པ་གཉིས་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་འབྲས་བུ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ཆོས་ལ་ཆོས་ཀྱི་རྗེས་སུ་ལྟ་བ་དེས་ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། ཕྲ་མ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་རྣམས་ཀྱི་ཡུལ་དུ་སྐྱེའོ། ། གལ་ཏེ་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན་ཡང་དེ་ལྐུགས་པར་འགྱུར། འོན་པར་འགྱུར། དེའི་ཁ་ནས་དྲི་མནམ་པ་འབྱུང་། དེའི་ཚིག་ལ་སུ་ཡང་ཡིད་མི་ཆེས་ཤིང་། དེ་སྐྱེ་བོ་ཀུན་གྱིས་བཞད་གད་པར་འགྱུར། གདོང་གི་མདོག་མི་སྡུག་པར་འགྱུར། གནས་ལ་མངོན་པར་དགའ་བར་མི་འགྱུར། སེམས་གཡོ་བར་འགྱུར། སེམས་མཐས་པར་འགྱུར་ཏེ། འདི་ནི་ཕྲ་མའི་ཆད་པ་ཡིན་ནོ།། ཚིག་རྩུབ་པོ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་ཆད་པ་ཇི་ལྟ་བུ་ཡིན་ཞེ་ན། དེས་ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། ཚིག་རྩུབ་པོ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་རྣམས་ཀྱི་ཡུལ་དུ་སྐྱེའོ།། གལ་ཏེ་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན་ཡང་དེ་སུ་ལས་ཀྱང་དབུགས་ཕྱིན་པ་མི་འཐོབ། སྐྱེ་བོ་ཀུན་གྱིས་ཀྱང་རྟག་ཏུ་མངོན་པར་གཙེ་བར་འགྱུར་ཏེ། སུ་ལས་ཀྱང་དབུགས་འབྱིན་པར་མི་འགྱུར། བུ་དང་ཆུང་མ་ལས་དགའ་བའི་ཚིག་གཅིག་ཙམ་ཡང་མི་འཐོབ། རི་དགས་ལྟར་རྟག་ཏུ་སྐྱེ་བོ་ཀུན་གྱིས་འཇིག་པར་འགྱུར། དགེ་བའི་བཤེས་གཉེན་དང་སྤྱོད་པར་མི་འགྱུར། སྡིག་པའི་གྲོགས་པོར་གྱུར་ཏེ། རྣམ་པ་གསུམ་པོ་འདི་ནི་ཚིག་རྩུབ་པོའི་འབྲས་བུ་ཡིན་ནོ།། གཞན་ཡང་ཚིག་བཀྱིལ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་ཆད་པ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་བ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། ཚིག་བཀྱིལ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས། སེམས་ཅན་དམྱལ་བ་དང་། དུད་འགྲོ་དང་། ཡི་དགས་རྣམས་ཀྱི་ཡུལ་དུ་འགྲོའོ།། གལ་ཏེ་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན་ཡང་། སྐྱེ་བོ་ཀུན་མི་དཀའ་ཞིང་ཡང་བར། འགྱུར། རྒྱལ་པོའི་ཕོ་བྲང་དང་། མཛའ་བཤེས་དང་། གཉེན་དག་གི་ཁྱིམ་དུ་ཡང་སྨྱོན་ཐབས་མཁན་ལྟ་བུར་འགྱུར་ཏེ། འདི་ནི་ཚིག་བཀྱལ་པའི་ཆད་པ་ཡིན་ནོ།། གཞན་ཡང་ཡིད་ཀྱི་མི་དགེ་བ་རྣམ་པ་གསུམ་པོ་ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་པའི་ཆད་པ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་བ་དེས། ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། བརྣབ་སེམས་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་རྣམས་ཀྱི་ཡུལ་དུ་སྐྱེའོ།། གལ་ཏེ་མི་རྣམས་དང་།། སྐལ་བ་མཉམ་པར་མིའི་ནང་དུ་སྐྱེས་ན་ཡང་དེའི་རྫས་བསགས་བསགས་པ་དག་རྒྱལ་པོ་དང་། ཆུ་དང་། མེའི་གནོད་པས་བསོག་པར་འགྱུར། རྟག་ཏུ་དབུལ་བར་ཡང་འགྱུར་རོ།། གཞན་ཡང་གནོད་སེམས་ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་པའི་ཡིད་ཀྱི་ཆད་པ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་པ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། གནོད་སེམས་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། ཡི་དགས་རྣམས་ཀྱི་ཡུལ་དུ་སྐྱེའོ། ། གལ་ཏེ་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན་ཡང་། དེ་རི་བྲག་དང་། ཀླུ་ཀློ་རྟག་ཏུ་མཚོན་གྱིས་འཁྲུག་ཅིང་། རྟག་ཏུ་འཇིགས་པ་རྣམས་སུ་སྐྱེ་བར་འགྱུར། རྟག་ཏུ་གཡང་། ས་རྣམས་སུ་ལྟུང་བར་འགྱུར། དེའི་སེམས་རྣམས་ཀྱང་བདེ་བར་གནས་པར་མི་འགྱུར་ཞིང་། གནོད་པ་དག་གིས་རྟག་ཏུ་གནོད་པར་འགྱུར་རོ།། གཞན་ཡང་ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་ཡིད་ཀྱི་ཆད་པ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་སེམས་ཅན་དམྱལ་བ་མནར་མེད་པ་ལ་སོགས་པར་སྡུག་བསྔལ་གྱི་ཚོར་བ་ཐམས་ཅད་མྱོང་བར་སྐྱེ། དུད་འགྲོའི་སྐྱེ་གནས་སུ་ཚེ་བྱེ་བ་བརྒྱ་ཕྲག་དུ་མར་འཕོ་ཞིང་སྐྱེ། དེ་བཞིན་དུ་ཡི་དགས་ཀྱི་ཡུལ་དུ་ཡང་སྐྱེའོ།། གལ་ཏེ་བརྒྱ་ལ་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན་ཡང་། དེ་ཇི་སྐད་བཤད་པའི་མི་དགེ་བའི་ལས་ཀྱི་ལམ་གྱི་སྐྱོན་སྟོང་དུ་བསྒྱུར་བ་ཐམས་ཅད་དེ་དག་ལས་བྱུང་ངོ་། ། གཞན་ཡང་རྣམ་པ་གཞན་གང་གིས་ན། མི་དགེ་བ་བཅུའི་ཆོས་དག་ཤིན་ཏུ་ཕྲ་བ་རྗེས་སུ་སེམས་ན་ཡང་འཁོར་བའི་སེམས་ཅན་དམྱལ་བ་དང་། ཡི་དགས་དང་། དུད་འགྲོ་རྣམས་སུ་འཁྱམ་པ། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། སྲོག་གཅོད་པ་ཇི་ལྟར་ཀུན་ཏུ་སྟེན། ཇི་ལྟར་སྒོམ། ཇི་ལྟར་མང་དུ་བྱེད་ཅེ་ན། འདི་ལ་སྲོག་གཅོད་པ་གྲོགས་པོ་ངན་པའམ། སློབ་མ་འམ། དེའི་གྲོགས་ལ་ཀུན་ཏུ་སྟེན་པར་བྱེད། དེ་དང་ལྷན་ཅིག་ཀུན་ཏུ་དགའ་བར་བྱེད། རྩེ་བར་བྱེད། ཡོངས་སུ་སྤྱོད་པར་བྱེད། ཀུན་ཏུ་གནས་པར་བྱེད། དེ་ལ་ཡིད་ཆེས་པའི་གནས་སུ་བྱེད། ཐམས་ཅད་ཡོན་ཏན་དུ་ལྟ་བར་བྱེད། དེའི་ཚུལ་གྱིས་རྗེས་སུ་འཇུག་པར་བྱེད། མི་དགེ་བའི་བཤེས་གཉེན་ནམ། སློབ་མ་དེས་མི་སྲོག་གཅོད་པའི་ཚུལ་ཅན་དེ་སྲོག་གཅོད་པའི་རྒྱུ་བྱེད་པའི་གཏམ་སྣ་ཚོགས་ལམ་མ་ཡིན་པར་གྱུར་པ་དང་། སྲོག་གཅོད་པ་ལ་རབ་ཏུ་འཇོག་པར་བྱེད་དེ། དེ་བཞིན་དུ་མཆོད་སྦྱིན་གྱི་གཏམ་མམ། དེ་བཞིན་དུ་རི་དགས་ཀྱི་གཏམ་མམ། དེ་བཞིན་དུ་རོ་ལ་ཆགས་པ་རབ་ཏུ་ཉེས་པའི་གཏམ་མམ། དེ་བཞིན་དུ་དགྲ་བོ་མི་མཛའ་བ་དང་འབྲེལ་པ་ལ་ལན་འདོན་པའི་གཏམ་མམ། དེ་བཞིན་དུ་དེའི་རྫས་ལ་ཆགས་པའི་གཏམ་མམ། དེ་བཞིན་དུ་ཉོན་མོངས་པ་ལ་རབ་ཏུ་སྤྲོ་བ་རྫས་ལ་ཆགས་པ་དང་། གྲགས་པའི་ལས་ཀྱི་གཏམ་རྣམས་ལ་རབ་ཏུ་འཇོག་པར་བྱེད། དེ་ཡང་དེ་ལ་ཡིད་ཆེས་པའི་གནས་སུ་འཇུག་པ་ན། སྲོག་གཅོད་པ་ཀུན་ཏུ་སྟེན་པར་བྱེད་དོ།། དེ་ལྟར་སྲོག་གཅོད་པ་བསྟེན་པ་ནི། སེམས་ཅན་དམྱལ་བར་འགྲོ། ཡི་དགས་ཀྱི་འཇིག་རྟེན་དུ་འགྲོ། དུད་འགྲོའི་འཇིག་རྟེན་དུ་འགྲོ་སྟེ། མི་འདོད་པ། མི་སྡུག་པ། ཡིད་དུ་མི་འོང་བ། སྐྱེ་བོ་མཁས་པ་ཀུན་གྱིས་སྨད་པར་འགྱུར་རོ།། མིར་སྐྱེས་ན་ཡང་ཚེ་ཐུང་བའི་རྒྱུར་འགྱུར་རོ།། དེ་ལྟར་ན་བ་ཤེས་གཉེན་ངན་པའི་ས་བོན་ཅན་གྱི་སྲོག་གཅོད་པ་པོ་ནི་སྲོག་གཅོད་པ་ཀུན་ཏུ་སྟེན་པར་བྱེད་དོ། ། མི་ངན་པ་གོམས་པར་བྱེད་པ་ཇི་ལྟ་བུ་ཡིན་ཞེ་ན། མི་ངན་པ་སྲོག་གཅོད་པ་བསྟེན་པ་ཞེས་སྔ་མ་བཞིན་སྦྱར་ཏེ། སྲོག་གཅོད་པ་བྱས་ན་ཡིད་དགའ་བར་བྱེད། མགུ་བར་བྱེད། ཡིད་ཀྱིས་ཀུན་ཏུ་རྟོག་པར་བྱེད། ཡོན་ཏན་དུ་ལྟ་བའི་བློར་བྱེད། དེ་སྲོག་གཅོད་པ་ཉིད་ལ་ཀུན་ཏུ་རྟོག་པར་བྱེད། རྣམ་པ་མང་པོས་གཞན། གྱི་སྲོག་འཕྲོག་པར་བྱེད་དོ།། དེ་ལ་སྐྱོན་དུ་མི་བགྲང་། དེ་ལ་སྨོད་པར་མི་བྱེད། དེ་ལ་དགའ་བ་དང་འབྲལ་བར་མི་བྱེད། ཕྱིར་ཞིང་དེའི་ངང་ཚུལ་དུ་བྱེད། སྲོག་མི་གཅོད་པའི་ཚུལ་ཅན་གཞན་དག་ཀྱང་སྲོག་གཅོད་པ་དེ་ལ་རབ་ཏུ་འཇོག་པར་བྱེད། གཏན་རྒྱུ་དང་བཅས་པ་སྣ་ཚོགས་དག་གི་སྔ་མ་བཞིན་དུ་སྦྱར་ཏེ། དེ་ལྟར་སྲོག་གཅོད་པ་གོམས་པར་བྱེད་དོ།། མང་དུ་བྱེད་པ་ཇི་ལྟ་བུ་ཡིན་ཞེ་ན། འདི་ནི་སྲོག་གཅོད་པ་བྱས་ནས་གོམས་པར་བྱེད་པ་སྔ་མ་བཞིན་དུ་སྦྱར་ཏེ། དེ་ལ་གོམས་པར་བྱེད། སྡིག་པའི་གྲོགས་པོ་དང་ཕྲད་པས་རྒྱ་འབྲེ་བར་བྱེད། དེ་ལ་དུག་མདའ་བྱེད། ཁྱི་སོགས་པར་བྱེད། སྲོག་གཅོད་པའི་བྱ་སྡུད་པར་བྱེད། གཏུམ་པོ་དང་སྟེན་པར་བྱེད། འཐབ་མོ་ལ་དགའ་བ་སྟེ། ཡ་ལད་དང་། མཚོན་ཆ་དང་། རལ་གྲི་དང་། མདའ་བོ་ཆེ་དང་། སྟེའུ་ཀ་དང་། འཁོར་ལོ་དང་། གོ་མཚོན་ལ་སོགས་པའི་ངང་ཚུལ་ཅན་ཡིན། སྲོག་གཅོད་པར་བྱེད་པའི་རྒྱུ་གཞན་གང་ཡིན་པ་དེ་ཐམས་ཅད་ཀྱང་ཡོངས་སུ་འཛིན་པར་བྱེད་དེ། མི་དེ་ལྟ་བུ་ནི་སྲོག་གཅོད་པ་མང་དུ་བྱེད་པ་ཡིན་ནོ། ། རྒྱུ་དེ་དང་། གཞི་དེ་དང་། རྐྱེན་དེས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་རྣམས་ཀྱི་ཡུལ་དུ་སྐྱེ་སྟེ། གནོད་པ་མི་བཟད་པས་མངོན་པར་གནོད་དོ། ། སྲོག་གཅོད་པ་ཐ་མ་དང་། འབྲིང་དང་། ཆེན་པོས། རྣམ་པར་སྨིན་པ་ཐ་མ་དང་། འབྲིང་དང་། ཆེན་པོ་ཉེ་བར་སྤྱོད་པར་འགྱུར་རོ།། ལས་བྱས་ལ་བསགས་པས་ནི་ལས་ཀྱི་རྣམ་པར་སྨིན་པ་མྱོང་བར་མི་འགྱུར་བ་མེད་དེ། དེ་ལྟར་ན་བདག་ཉིད་ཀྱིས་བྱས་པའི་ལས་ནི་བདག་ཉིད་ཀྱིས་ཉེ་བར་སྤྱོད་པར་འགྱུར་རོ།། དེ་ལྟ་བས་ན་གལ་ཏེ་འཁོར་བ་ལ་ཡིད་བྱུང་ན། སྡིག་པ་སྤངས་ནས་དགེ་བ་ཀུན་ཏུ་སྤྱད་པར་བྱ་སྟེ། འདི་ནི་སྲོག་གཅོད་པ་ཀུན་ཏུ་སྟེན་ཅིང་མང་དུ་བྱེད་པ་ཡིན་ནོ།། ཇི་ལྟར་ན་མ་བྱིན་པར་ལེན་པ་ཀུན་ཏུ་སྟེན་ཅིང་སྒོམ་སྟེ་མང་དུ་བྱེད་པ་ཡིན། ཀུན་ནས་བསྟེན་ཅིང་བསྒོམས་ཏེ་མང་དུ་བྱས་པས། སེམས་ཅན་དམྱལ་བ་ཇི་ལྟར་མྱོང་བར་འགྱུར་ཞེ་ན། འདི་ལ་ཚུལ་ཁྲིམས་འཆལ་པའི་མི་ན་ངོ་བོ་ཉིད་ཀྱིས་མ་བྱིན་པར་ལེན་པའི་ངང་ཚུལ་ཅན་ཡིན་ཏེ། གྲོགས་པོ་ངན་པ་འམ། སློབ་མ་དང་འབྲེལ་བས་མ་བྱིན་པར་ལེན་པ་ཐ་མ་དང་། འབྲིང་དང་། ཆེན་པོ་ཀུན་ཏུ་སྤྱོད་དོ།། དེ་ལ་ཐ་མ་ནི་རྒྱལ་པོའི་ཆད་པས་སྐྲག་ནས་གཞན་གྱི་ལེན་པ་ཡིན་ཏེ་སྔ་མ་བཞིན་ནོ།། འབྲིང་ནི། དངོས་པོ་ཆུང་ངུ་ཡིན་ཏེ། ཞིང་བཟང་པོ་ལ་བརྐུས་པ་མ་ཡིན་པ་འདི་ནི་མ་བྱིན་པར་ལེན་པ་འབྲིང་ཡིན་ནོ།། སངས་རྒྱས་དང་། ཆོས་དང་། དགེ་འདུན་དག་དགེ་འདུན་དག་ལས་ནི་ཆུང་ངུ་ཞིག་བླངས་ན་ཡང་ཆེན་པོར་འགྱུར་ཏེ། སངས་རྒྱས་དང་། ཆོས་དང་། དགེ་འདུན་གྱི་མ་བྱིན་པར་བླངས་པ་དེ་དག་ལས་ཀྱང་རིས་མཐུན་པར་སླར་ཕུལ་ན། སངས་རྒྱས་དང་ཆོས་ཀྱི་ནི་དག་པར་འགྱུར་ལ། དགེ་འདུན་གྱི་བརྐུས་པ་ནི་ཚོར་བ་མ་མྱོང་བར་དག་པར་འགྱུར་བ་མེད་དེ། ཞིང་ལྕི་བའི་ཕྱིར་གལ་ཏེ་ཞལ་དུ་འདུ་བའི་སྒོ་ཞིག་ན་ནི། དེ་སེམས་ཅན་དམྱལ་བ་ཆེན་པོར་ལྟུང་ལ། གལ་ཏེ་ཞལ་དུ་འདུ་བའི་སྒོ་མ་ཡིན་ན་ནི། དེའི་ནང་གི་བར་མནར་མེད་པའི་འཁོར་ཡུན་ནག་ཆེན་པོ་ལ་སོགས་པར་སྐྱེ་བར་འགྱུར་རོ།། གལ་ཏེ་མ་བྱིན་པར་ལེན་པ་ཆུང་ངུ་ཞིག་བླངས་ནས་ཀྱང་ཀུན་ཏུ་སྟོན་ཅིང་སེམས་ལ་དགའ་བར་བྱེད་དེ། གོམས་པར་བྱེད་པ་མང་དུ་བྱེད་ན། མ་བྱིན་པར་ལེན་པ་ཆུང་ངུ་དེས་ཀྱང་། སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཀྱི་ནང་དུ་སྐྱེ་བར་འགྱུར་རོ།། གལ་ཏེ་འཆགས་པར་བྱེད་ཅིང་། རྗེས་སུ་ཡི་རང་བར་མི་བྱེད་ལ། འགྱོད་ན་དེའི་མྱོང་བར་འགྱུར་བར་མ་ངེས་པ་ཡིན་ནོ།། གལ་ཏེ་མ་བྱིན་པར་ལེན་པའི་ངང་ཚུལ་ཅན་ཞིག། དེ་ཐབས་དུ་མས་མ་བྱིན་པར་ལེན་ན་མ་བྱིན་པར་ལེན་པ་ཀུན་ཏུ་སྟེན་པ་ཡིན་ནོ།། གོམ་པ། བྱེད་པ་ཇི་ལྟ་བུ་ཡིན་ཞེ་ན། འདི་ལ་མ་བྱིན་པར་ལེན་པའི་རྫས་ཐོབ་ནས་མགུ་བར་འགྱུར་ཞིང་ཆོམ་རྐུན་ལ་མངོན་པར་དགའ་བར་བྱེད་དོ།། དེ་རྫས་དེ་ཐོབ་ནས་བཟའ་བ་དང་བགོ་བ་བྱས་ཤིང་དགའ་བར་འགྱུར་ཏེ། ཡོན་ཏན་དུ་བཟུང་ནས། གཞན་དག་ཀྱང་མ་བྱིན་པར་ལེན་པ་ལ་རབ་ཏུ་འཇོག་པར་བྱེད། ཡང་དག་པར་འཇུག་པར་བྱེད། ཡང་དག་པར་འཛིན་དུ་འཇུག་ཅིང་བྱེད་དུ་འཇུག་པ་དེ་ལྟ་བུ་ནི་མ་བྱིན་པར་ལེན་པ་གོམས་པར་བྱེད་པ་ཡིན་ནོ། ། མ་བྱིན་པར་ལེན་པ་མང་དུ་བྱེད་པ་ཇི་ལྟ་བུ་ཡིན་ཞེ་ན། འདི་ལ་མ་བྱིན་པར་ལེན་པ་བྱས་ནས་མལ་ཆ་དང་། བཟའ་བ་དང་། བཅའ་བ་དང་། གོས་དང་། རྒྱན་དང་། བཏུང་བ་དང་། སྨད་འཚོང་དང་། རྒྱན་པོ་མང་པོ་དག་ལ་མངོན་པར་དགའ་བར་བྱེད་དོ།། དེ་སེམས་ཀྱིས་མངོན་པར་དགའ་བར་བྱེད་དེ། བདེ་བ་ཐམས་ཅད་ཀྱི་ནང་ན་འདི་ལྟ་སྟེ། མ་བྱིན་པར་ལེན་པ་ཞེས་བྱ་བ་འདི་ནི་ལེགས་པར་བྱས་པ་ཡིན་ནོ། ། རྒྱུ་དེས་བདག་མལ་ཆ་དང་། བཟའ་བ་དང་། བཅའ་བ་དང་། གོས་དང་། རྒྱན་དང་། བཏུང་བ་དང་། སྨད་འཚོང་དང་། རྒྱན་པོ་མང་པོ་དག་གིས་མཆོག་ཏུ་བདེ་བ་མྱོང་ངོ་། ། མ་བྱིན་པར་ལེན་པ་དེ་བདག་གིས་ཀུན་ཏུ་སྤྱད་པར་བྱ་སྟེ། དེ་བདག་ལ་བདེ་བ་རབ་ཏུ་མང་པོ་དག་ཏུ་འགྱུར་རོ་སྙམ་ན། སྔ་མ་བཞིན་དུ་སྦྱར་ཏེ། འདི་དག་མ་བྱིན་པར་ལེན་པ་མང་དུ་བྱེད་པ་ཡིན་ཏེ། དེ་ནི་སེམས་ཅན་དམྱལ་བ་རྣམས་སུ་མྱོང་བར་འགྱུར་བར་ངེས་པ་ཡིན་ནོ།། འདོད་པས་ལོག་པར་གཡེམ་པ་ཀུན་ཏུ་སྟེན་ཅིང་སྒོམ་སྟེ་མང་དུ་བྱེད་པ་ཇི་ལྟ་བུ་ཡིན་ཞེ་ན། འདི་ལ་ཚུལ་བཞིན་མ་ཡིན་པ་ཡིད་ལ་བྱེད་པས། ཟིལ་གྱིས་གནོན་པ་ནི་འདོད་ཆགས་དང་བཅས་པའི་རིས་མཐུན་པ་གཞན་འདི་ལྟ་སྟེ། བྱེའུ་མཆིལ་པ་དང་། ངུར་པ་དང་། གོང་མ་སྲེག་དང་། ཙོ་དང་། རྨ་བྱ་དང་། སྲེག་པ་དང་། ཉ་དང་། སྲོག་ཆགས་དུད་ཀ་དག་ནི། ལྷ་མ་ཡིན་གྱི་རིགས་དག་ནས་ཤིས་འཕོས་ནས་འདིར་སྐྱེས་པ་ཡིན་ཏེ། འདོད་ཆགས་ཤས་ཆེ་བའི་གྲོགས་པོ་ངན་པ་དང་ལྷན་ཅིག་ཡན་ལག་མ་ཡིན་པར་སྤྱོད་པ་ཡིན་ནོ། ། དེའི་ཚུལ་བཞིན་མ་ཡིན་པ་ཉིས་བསྒྱུར་གྱིས་མངོན་པར་ཞེན་ལ། དེ་འདོད་ཆགས་ཚིམ་པ་མེད་པ་དང་བཅས་པའི་སེམས་ཀྱིས་ཚུལ་བཞིན་མ་ཡིན།། པ་ཀུན་ཏུ་སྤྱོད་དེ། གང་དྲི་ཟ་དེར་ཉེ་བར་འགྱུར་ཞིང་། གང་གིས་དེར་སྐྱེ་བར་འགྱུར་བ་ཚུལ་བཞིན་མ་ཡིན་པ་དེ་ནི་སྐྱེ་གནས་ཀྱི་ཞིང་ལ་སྐྱོན་ཡོད་པའི་ཕྱིར་དེར་སྐྱེ་བར་མི་འགྱུར་རོ།། རྒྱུ་དེས་ན་ཚུལ་བཞིན་མ་ཡིན། བ་དང་བཅས་པའི་འདོད་པས་ལོག་པར་སྤྱོད་པ་ནི་ངན་པ་ཡིན་ནོ།། མ་དེ་རེག་བྱ་འདོད་ཆགས་ཤས་ཆེ་བས་དེ་དང་དེ་ཉིད་ལ་མངོན་པར་དགའ་སྟེ། དེ་ནི་འདི་ལྟར་འདོད་པས་ལོག་པར་གཡེམ་པ་འདི་ཡང་དང་ཡང་དུ་སྟེན་ཅིང་། རེག་བྱ་ངན་པ་ལ་མངོན་པར་དགའ་བ་ཡིན་ཏེ། འདི་ལྟར་འདི་ནི་འདོད་པས་ལོག་པར་གཡེམ་པ་ཀུན་ཏུ་སྟེན་པ་ཡིན་ནོ།། འདོད་པས་ལོག་པར་གཡེམ་པ་གོམས་པར་བྱེད་པ་ཇི་ལྟ་བུ་ཡིན་ཞེ་ན། འདི་ལ་འདོད་པས་ལོག་པར་གཡེམ་པ་ཡང་དང་ཡང་དུ་སྟེན་ཅིང་། ཡིད་ཀྱིས་ཡང་དག་པར་རྟོག་པར་བྱེད་དོ།། དེའི་ཡིད་ལ་མངོན་པར་དགའ་བ་གཞན་སྤངས་ཏེ། དེ་འདོད་པས་ལོག་པར་གཡེམ་པ་འདི་ཉིད་གོམས་པར་བྱས་ནས། ཡང་ཡུལ་བདེ་བ་དེ་གོམས་པར་བྱེད་པ་ཡིན་ནོ།། མང་དུ་བྱེད་པ་ཇི་ལྟ་བུ་ཡིན་ཞེ་ན། འདི་ལ་ཚུལ་བཞིན་མ་ཡིན་པ་ཡིད་ལ་བྱེད་པས་བརླན་པའི་བྱིས་པ་སོ་སོའི་སྐྱེ་བོ་ནི། འདི་ལྟར་འདོད་པས་ལོག་པར་གཡེམ་པ་ནི་མཆོག་ཏུ་བཟང་བ་ཡིན་ལ། འདོད་པས་ལོག་པར་མི་གཡེམ་པ་ནི་མ་ཡིན་ཞེས་ཡོན་ཏན་མཆོག་དང་འདྲ་བར་ཡང་དག་པར་འཛིན་པར་བྱེད་དོ། ། དེ་གཞན་ཤིན་ཏུ་མང་པོ་དག་ཀྱང་འདོད་པས་ལོག་པར་གཡེམ་པ་ལ་མངོན་པར་འཇུག་ཅིང་བྱེད་དུ་འཇུག་སྟེ། འདི་ནི་འདོད་པས་ལོག་པར་གཡེམ་པ་མང་དུ་བྱེད་པ་ཡིན་ནོ། ། ལུས་ཀྱི་རྣམ་པ་གསུམ་པོ་འདི་དག་ནི་བྱིས་པ་སོ་སོའི་སྐྱེ་བོ་རྣམས་ཀྱི་མི་དགེ་བ་ཡིན་ནོ།། ངག་གི་རྣམ་པ་བཞི་སྟེ། བརྫུན་དང་། ཚིག་རྩུབ་པོ་དང་། ཕྲ་མ་དང་། ཚིག་བཀྱལ་པའོ། ། དེ་ལ་བརྫུན་གང་ཞེ་ན། འདི་ལྟ་སྟེ། བདག་ཉིད་ཀྱིས་བདག་ཉིད་སླུ་བར་བྱེད། གཞན་ཡང་སླུ་བར་བྱེད་པ་ཡིན་ཏེ། བརྫུན་དུ་སྨྲ་བ་འདི་ནི་བདག་དང་གཞན་སྨྲ་བར་བྱེད་པ་ཡིན་ནོ། ། དེ་ཡང་རྒྱུ་ལྔ་དང་ལྡན་པ་ཡིན་ཏེ། འདི་ལྟ་སྟེ། འདོད་ཆགས་དང་། ཞེ་སྡང་དང་། འཇིགས་པ་དང་། རྙེད་པ་དང་། ཆོས་ལོག་པའི་འདུལ་བ་ཡོངས་སུ་སྡུད་པའོ།། བརྫུན་དུ་སྨྲ་བ་ཇི་ལྟ་བུ་ཡིན་ཞེ་ན། འདི་ལ་རྒྱལ་པོའི་ཕོ་བྲང་འཁོར་ན་འདུག་ཀྱང་རུང་། ཁྱིམ་བདག་གི་འཁོར་གྱི་ནང་ན་འདུག་ཀྱང་རུང་། ཉེ་དུའི་ནང་ན་འདུག་ཀྱང་རུང་སྟེ། མཛའ་བཤེས་དང་། མཛའ་བཤེས་མ་ཡིན་པ་དག་སྨྲ་བ་ན། མཛའ་བཤེས་ཀྱི་ཕྱིར་ནི་འདོད་ཆགས་ཀྱི་བརྫུན་སྨྲའོ།། མཛའ་བཤེས་མ་ཡིན་པའི་ཕྱིར་ནི་ཞེ་སྡང་གིས་ཀྱང་བརྫུན་སྨྲའོ།། རྙེད་པའི་ཕྱིར་ཡང་བརྫུན་སྨྲའོ། ། ནོར་ལ་ཆགས་པས་དེ་བརྫུན་སྨྲའོ།། ཆོས་ལོག་པའི་ཚིག་ཡོངས་སུ་སྡུད་པས་ཀྱང་བརྫུན་སྨྲ་བ་ཡིན་ཏེ། འདི་ལ་བྲམ་ཟེ་རྣམས་ཡོན་ཏན་གྱི་ཕྱིར་དང་། རང་གི་སྲོག་ལ་གནོད་པ་དང་། བག་མ་ལེན་པ་དག་གི་ཕྱིར་བརྫུན་སྨྲས་ཀྱང་མི་གོས་སོ་ཞེས་ཟེར་རོ།། དེ་ནི་ཆོས་ལོག་པའི་ཚིག་ཡོངས་སུ་སྡུད་པའི་བརྫུན་སྨྲ་བ་ཡིན་ཏེ། མི་གཏི་མུག་ལོག་པར་ལྟ་བའི་ཚིག་ཡོངས་སུ་སྡུད་པ་འདི་ནི། སེམས་ཅན་དམྱལ་བ་མི་བཟད་པར་ཡང་འགྱུར་རོ།། སེམས་ཅན་དམྱལ་བ་འགྲུབ་པར་འགྱུར་བའི་ས་བོན་དག་ནི་འདི་ལྟ་སྟེ། བརྫུན་སྨྲ་བ་ཡིན་པས་རང་གི་སྲོག་གི་ཕྱིར་རམ། གཞན་གྱི་སྲོག་གི་ཕྱིར་བརྫུན་ཅུང་ཟད་ཀྱང་སྨྲ་བར་མི་བྱ་བ་འདི་ནི་མཆོག་ཡིན་ནོ། ། འཇིགས་པས་ཀྱང་བརྫུན་སྨྲ་བ་སྟེ། གང་བདག་གི་བརྫུན་སྨྲ་བ་འདི་མི་སྨྲས་ན། དེ་བདག་གི་སྲོག་ལ་སྨན་པ་དོན་མེད་པ་ཆེན་པོ་འཐོབ་པར་འགྱུར་རོ་སྙམ་ནས། དེ་གང་ལས་འཇིགས་པར་འགྱུར་བ་དེའི་དོན་དུ་བརྫུན་སྨྲ་བ་ཡིན་ཏེ། རྒྱུ་ལྔ་པོ་འདི་དག་གིས་བྱིས་པ་དག་བརྫུན་སྨྲ་བ་སྟེ། གཏི་མུག་ནི་ཐམས་ཅད་ལ་གནས་པ་ཡིན། ནོ།། འདིར་ཚིགས་སུ་བཅད་པ། འཇིག་རྟེན་པ་རོལ་ཁྱད་གསོད་ཅིང་།། ཆོས་གཅིག་ལ་སེཾནི་འདའ་བྱེད་པ།། བརྫུན་དུ་སྨྲ་བའི་ལུས་ཅན་གྱིས།། སྡིག་པ་མི་བྱེད་ཅི་ཡང་མེད།། མ་ཡི་ལུས་སུ་སྐྱེས་མ་ཐག། ཁ་ནས་སྟེ་རེ་ལྟ་བུ་ཡི།། ཚིག་འབྱུང་ངན་པར་བརྗོད་སྨྲབ།། དེ་ཡི་བདག་ཉིད་གཅོད་པར་བྱེད།། བདེན་པར་སྨྲ་ཞིང་འཁྲུག་མི་བྱ།། བསླངས་ན་ཆུང་ཡང་སྦྱིན་པར་བྱ།། གནས་འདི་གསུམ་དང་ལྡན་པ་ནི། ། ལྷ་རྣམས་དག་ནི་དྲུང་དུ་འགྲོ།། དེ་ལྟ་བས་ན་རྒྱུ་ཐམས་ཅད་དང་། རྐྱེན་ཐམས་ཅད་ཀྱིས་བརྫུན་དུ་སྨྲ་བར་མི་བྱ་ཞིང་། གཞན་བརྫུན་སྨྲ་བ་ན་རྗེས་སུ་ཡི་རིང་བར་མི་བྱ། བརྫུན་སྨྲ་བ་དང་ལྷན་ཅིག་འབེལ་བའི་གཏམ་ཟེར་དུ་མི་འགྲོ། མི་གནས། འདུག་པར་མི་བྱའོ།། གཞན་དུ་ན་འདི་ཡང་བརྫུན་སྨྲ་བ་མངོན་དུ་ཟེར་བ་ཡིན་ནོ་ཞེས་སྐྱེ་བོ་གཞན་དག་གིས་བསམས་པར་འགྱུར་ཏེ། དེ་ལྟར་ན་ལས་དྲི་མ་ཅན་ལ་མངོན་པར་དགའ་བའི་མི་རྣམས་དང་འགྲོགས་པས། ལས་དྲི་མ་ཅན་དུ་གཞན་དག་སེམས་སོ།། དེ་ལྟ་བས་ན་སྡིག་པའི་གྲོགས་པོ་དང་འགྲོགས་པར་མི་བྱ་སྟེ། འདི་ལྟ་སྟེ། སྡིག་པའི་གྲོགས་པོ་དང་འགྲོགས་པ་ནི་འཁོར་བའི་འཆིང་བ་སེམས་ཅན་དམྱལ་བ་དང་། ཡི་དགས་དང་། དུད་འགྲོ་རྣམས་ཀྱི་གནས་ཡིན་ལ། དགེ་བའི་བཤེས་གཉེན་དང་འགྲོགས་པ་འདི་ནི་ཐར་པ་མཆོག་ཡིན་ཏེ། འདི་དག་ནི་བརྫུན་དུ་སྨྲ་བ་མདོར་བཤད་པ་ཡིན་ནོ།། གཞན་ཡང་ཕྲ་མ་ཇི་ལྟ་བུ་ཡིན། རྣམ་པ་དུ་ཡོད་ཅེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། ཕྲ་མ་ཞེས་བྱ་བ་ནི་མཐུན་ཞིང་འབྱོར་པ་དག་ལ་དབྱེ་བའི་བསམས་པས་ཚིག་བརྗོད་པ་ནི་ཕྲ་མ་ཡིན། ནོ།། དེ་རྣམ་པ་གཉིས་ཏེ། ཕ་རོལ་དང་སྦྱོར་བ་དང་། མི་སྦྱོར་བའོ།། དེ་ལ་ཁྱོད་ཀྱིས་མི་གཉིས་དབྱེ་བའི་སྦྱོར་བགྱིས་ཤིག་ཅེས་དགྲ་འམ། དགྲ་ཆུང་ངུ་གཞན་དག་གི་སྦྱོར་བ་བྱེད་པ་དང་། བདག་ཉིད་ཀྱི་འབྱེད་པར་འདོད་པའོ། ། གཞན་ཡང་ཚིག་རྩུབ་པོ་ཇི་ལྟ་བུ་ཡིན། རྣམ་པ་དུ་ཡོད་ཅེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། ཚིག་རྩུབ་པོ་ཞེས་བྱ་བ་ནི། བདག་དང་གཞན་ལ་གནོད་པ་བྱེད་པ། ཁྲོ་བའི་རྒྱུ་མཐུན་པར་གྱུར་པ། ཡིད་དུ་མི་འོང་བ། མི་སྡུག་པ། མི་དགའ་བའི་ཚིག་བརྗོད་པ། ཉན་པ་དང་། མི་མཐུན་པ། འདོད་ཆགས་དང་། ཞེ་སྡང་དང་། གཏི་མུག་དང་བཅས་པ་བྱིས་པ་སོ་སོའི་སྐྱེ་བོ་ཐམས་ཅད་དང་ལྷན་ཅིག་སྤྱོད་པའི་ཚིག་སྨྲ་བ་འདི་ནི་ཚིག་རྩུབ་པོ་ཞེས་བྱ་སྟེ། རྣམ་པ་དུ་མ་དམིགས་པ་དུ་མ། རྒྱུ་དུ་མ། སེམས་ཀྱི་ཀུན་ནས་ལྡང་བ་དུ་མ། རྣམ་པར་སྨིན་པ་དུ་མ། བདེ་འགྲོར་འགྲོ་བ་རྣམ་པར་འཇིག་པ་དུ་མ། སྐྱེ་བོ་ཐམས་ཅད་མི་དགའ་བར་བྱེད་པ། འཇིག་རྟེན་སྡང་བའི་རྒྱུར་གྱུར་པ། མཐུན་པར་གྱུར་པ་རྣམ་པར་འཇིག་པར་བྱེད་པ། ཡིད་མི་ཆེས་པའི་གནས་སུ་གྱུར་པ། ཡིད་གཅུགས་པ་མ་ཡིན་པ། ལྕེ་དགུ་ལྟ་བུར་གྱུར་པའི་ཚིག་རྩུབ་པོ་ངག་གི་དྲི་མ་ནི། ཚངས་པ་མཚུངས་པར་སྤྱོད་པས་རྣམ་པར་སྤངས་པ་ཡིན་ནོ། ། འདིར་ཚོགས་སུ་བཅད་པ། བརྟན་པས་ཚིག་རྩུ་བ་སྤང་བྱ་ཞིང་།། རྟག་ཏུ་ཡང་དག་ཚིག་སྨྲོས་ཤིག། ཚིག་སྙན་མངོན་པར་དགའ་བའི་མི།། མྱ་ངན་འདས་ལ་ཉེ་བར་གནས། ། ཚིག་ཞི་རྟག་ཏུ་སྨྲ་བྱ་ཞིང་།། དྲི་མ་ཡོད་པ་རྣམ་པར་སྤང་།། ཚིག་གི་དྲི་མས་ཟིལ་ནོན་པ།། མི་གང་དེ་ནི་དམྱལ་བར་འགྲོ།། ཚིག་གི་དྲི་མས་ཟིལ་ནོན་པ།། གང་ཡིན་དེ་ལ་བདེ་བ་མེད། ། སེང་གེ་སྦྲུལ་ནི་འཕགས་མིན་ལྟར།། དེ་དག་ལ་ནི་མཐོ་རིས་མེད།། གང་དག་ཚིག་རྩུབ་མི་སྨྲ་ཞིང་།། གང་དག་གཡོ་ནི་རྣམ་སྤངས་པ།། དེ་དག་ཐམས་ཅད་དགའ་སྐྱེད་ཅིང་།། བདེ་བ། དང་ནི་དབུགས་འབྱིན་བྱེད།། སྐྱེ་བོ་དེ་ནི་འཇིག་རྟེན་འདིར།། དགའ་ཞིང་ཕ་རོལ་མཐོ་རིས་འགྲོ།། དེ་འདྲ་བ་ཡི་མི་དག་ནི།། མཁས་པའི་དེ་ལ་ཕྱག་བྱར་འོས།། བདེན་ཚིག་རྟག་ཏུ་ཞི་བ་དང་། ། གཡོ་སྒྱུ་མེད་ཅིང་དྲང་པོའི་སེམས།། གཞན་ལ་གནོད་པ་བྱེད་དང་བྲལ།། དེ་ནི་ཆོས་ཀྱི་རྒྱལ་མཚན་དགའ།། ལག་པ་བརྡབས་པའི་སྒྲ་ལྟ་བུར།། མི་ནི་ཆུང་བར་གྱུར་པ་ཡིན།། གང་དག་དེ་ཐོབ་ཆོས་མི་ཤེས། ། མི་ནི་རྨོངས་པ་དག་གིས་བསླུས།། གང་དག་བདག་སྡུག་མི་འགྱུར་དང་།། གང་དག་བདེ་བ་མའི་འདོད་པ།། དེ་ནི་སྡིག་གི་ལས་བྱེད་ཅིང་།། སྲེད་པའི་རྒྱུ་ཡིས་རྣམ་པར་བསྡུས།། གང་དུ་ལས་ཀྱི་རྗེས་འགྲོ་བ།། ནོར་དང་བུ་དང་ཆུང་མ་དང་།། མཛའ་བཤེས་ཉི་དུ་གཉེན་འདབ་དང་།། དེར་ནི་འགྲོ་བར་མི་ནུས་སོ།། ལེགས་པར་བྱས་དང་ཉེས་པར་བྱས།། དེ་དག་འགྲོ་བ་རྗེས་སུ་འགྲོ། མཁའ་ལ་བྱ་དག་གནས་པ་ཡི།། དེའི་གྲིང་ལྷན་ཅིག་འགྲོ་བ་བཞིན།། ཇི་ལྟར་ལམ་བརྒྱགས་ཉུང་བ་དག། ལམ་ཞུགས་སྡུག་བསྔལ་འགྲོ་བ་ལྟར།། དེ་བཞིན་ལས་བཟང་མ་བྱས་པའི།། སེམས་ཅན་དག་ནི་ངན་འགྲོར་འགྲོ། ། ཇི་ལྟར་ལམ་བརྒྱགས་མང་བདོག་པ།། ལམ་ཞུགས་བདེ་བར་འགྲོ་བ་ལྟར།། དེ་བཞིན་ལས་བཟང་བྱས་པ་ཡི།། སེམས་ཅན་དག་ནི་བདེ་འགྲོར་འགྲོ།། ཡུན་རིང་ཡུལ་གཞན་གནས་པ་ཡི། ། མི་དག་བདེ་བར་འོངས་པ་དང་།། གཉེན་དང་སྡུག་པ་མཛའ་བཤེས་དང་།། འདིར་འོངས་མངོན་པར་དགའ་བ་ལྟར།། དེ་བཞིན་བསོད་ནམས་བྱས་པའི་མི།། འཇིག་རྟེན་འདི་ནས་ཕར་འགྲོ་བ། ། བསོད་ནམས་ཉིད་ཀྱིས་མངོན་དགའ་སྟེ།། གཉེན་སྡུག་དག་ནི་འོངས་པ་བཞིན།། དེ་ལྟ་བས་ན་ཚེ་ཕྱི་མའི།། བསོད་ནམས་དག་ནི་བྱ་ཞིང་བསགས།། བསོད་ནམས་འཇིག་རྟེ་ཕ་རོལ་ཏུ། སྲོག་ཆགས་རྣམས་ནི་དྲན་གནས་ཡིན།། སྤྱོད་པ་མཐུན་པར་གང་སྤྱོད་པའི།། བསོད་ནམས་དག་ལ་ལྷ་བསྟོད་ཅིང་།། དེ་དག་འདིར་ནི་མངོན་དགའ་ལ།། ཕ་རོལ་མཐོ་རིས་དགའ་བར་འགྱུར། ། གནས་འདི་གཞན་གྱིས་མཐོང་བ་ཡི།། མཁས་པ་དག་གིས་ཚུལ་ཁྲིམས་སྲུངས།། འཕགས་པ་མཐོང་བ་ཕུན་སུམ་ཚོགས།། འཇིག་རྟེན་འདིར་ནི་ཞི་བསྟེན།། གཞན་ཡང་རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེ་མི་དགེ་བའི་ལས་ཀྱི་ལམ་གྱི་ཚིག་བཞི་པའི་ཚིག་བཀྱིལ་པ་ལ་རྟོག་པར་བྱེད་དེ། ། དེ་ལ་ཚིག་བཀྱལ་པ་རྣམ་པ་དུ་ཡོད་ཅེ་ན། ཚིག་འབྱུང་བ་སྔ་ཕྱི་འབྲེལ་པ་མེད་པའི་ཚིག་བཀྱལ་པ་དང་། སེམས་འཇུག་པ་ཡང་བས་སྔ་ཕྱི་འབྲེལ་པ་མེད་པའི་ཚིག་བརྗོད་པའི་ཚིག་བཀྱལ་པའོ།། རྒྱགས་པ་དང་བཅས་པ་དང་། རྒྱགས་པ་མེད་པའི་དུས་ཀྱིས།། བསླངས་པ་ཡང་བྱེད་པའི་རྒྱུའི་ངོ་བོ་ཉིད་སྐྱེད་པ་དེ་ཚེ་འདི་ལ་ཡིད་གཅུགས་པའི་གནས་སུ་མི་འགྱུར་ཞིང་། ཚེ་འདི་ལས་ཀྱི་ལམ་སྐྱེད་པ། འཇིག་རྟེན་པ་ཀུན་གྱིས་སྨད་པའི་གནས་ཀྱི་རྒྱུ། དོན་མེད་པར་སྨྲ་བ་ནི་ཚིག་བཀྱལ་བ་སྟེ། ཚིག་གི་དྲི་མ་བཞི་པ་འདི་ནི་མི་དགེ་བའི་ལས་ཀྱི་ལམ་སྐྱེད་པ་དང་། སྐྱེད་པར་བྱེད་པ་སྨྲ་བར་མི་བྱ་ཞིང་རྗེས་སུ་ཡི་རང་བར་མི་བྱ་ལ། གཞན་མི་ཚིག་བཀྱལ་པ་སྨྲ་བ་དེ་ལ་གནས་པར་མི་བྱའོ། ། ཡིད་ཀྱི་མི་དགེ་བའི་ལས་ཀྱི་ལམ་ནི་བརྣབ་སེམས་དང་། གནོད་སེམས་དང་། ལོག་པར་ལྟ་བའོ།། དེ་ལ་བརྣབ་སེམས་ནི་གཞན་གྱིས་ཡོངས་སུ་བཟུང་། པའི་ནོར་རྫས་དང་། ནོར་རྫས་ཀྱི་རྣམ་པ་ལ་ངག་དང་ཡིད་ཀྱིས་ཤིན་ཏུ་རྟོག་པར་བྱེད་དེ། འདི་ནི་བདག་གིར་བྱའོ་སྙམ་པ་ཡང་དག་པ་མ་ཡིན་པའི་ཚུལ་བཞིན་ཡིད་ལ་བྱེད་ཅིང་། དེ་གཞན་གྱི་ཕུན་སུམ་ཚོགས་པ་ལ་འཕྲལ་ལ་སེམས་པ་ལྡང་སྟེ། དོན་ལ་འཆུམས་པ་རྒྱུ་མེད་པ་ཡིན་ནོ།། དེ་ནི་བརྣབ་སེམས་ཀྱི་མི་དགེ་བའི་ལས་ཀྱི་ལམ་ཡིན་ཏེ། མི་འདོད་པ། མི་སྡུག་པ། ཡིད་དུ་མི་འོང་བའི་རྣམ་པར་སྨིན་པ། ཡིད་མ་ཞི་བ། མ་སྦྱངས་པའི་བྱིས་པ་སྐྱེ་བོ་བརྣབ་སེམས་ཀྱིས་རབ་ཏུ་བསླུས་པ་དེ་གཞན་གྱི་ཕུན་སུམ་ཚོགས་པ་ལ་འཕྲལ་ལ་ཡིད་ཀྱིས་ཤིན་ཏུ་རྟོག་པར་བྱེད། རོ་མྱོང་བར་བྱེད། ཡང་དང་ཡང་དུ་བྱེད། ཡོངས་སུ་སྦྱོར་བར་བྱེད། རྟག་ཏུ་འདོད་པར་བྱེད། རྟག་ཏུ་དགའ་བར་བྱེད་ཅིང་། གཞན་གྱི་ནོར་རྫས་ཕུན་སུམ་ཚོགས་པ་མཐོང་ན་སྡུག་བསྔལ་བ་ཡིན་ནོ།། འདི་ནི་བརྣབ་སེམས་ཞེས་བྱ་སྟེ། ཡིད་ཀྱི་མི་དགེ་བའི་ལས་ཀྱི་ལམ་དྲི་མ་ཆེན་པོ་ཡིན་ནོ།། གཞན་ཡང་སེམས་ལས་བྱུང་བའི་གནོད་སེམས་མི་དགེ་བའི་ལས་ཀྱི་ལམ་ལ་སོགས་པ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། གཞན་དག་གི་རྒྱུ་མ་ཡིན་པ་ཡིད་ཀྱིས་ཉེས་པའི་གནོད་སེམས་དང་། གཞན་དག་གི་ཕུན་སུམ་ཚོགས་པ་འམ། ཕུན་སུམ་ཚོགས་པ་མ་ཡིན་པ་མཐོང་ནས་རྒྱུ་མ་ཡིན་པ་ཇི་ལྟར་འདོད་པ་བཞིན་བྱས་པ། ཡིད་ཀྱི་ཉེས་པ་མི་བཟད་པ་ཆེན་པོ་སྐྱེ་བར་འགྱུར་ཏེ། གནོད་སེམས་དེ་ནི་སེམས་ཅན་དམྱལ་བ་མྱོང་བར་འགྱུར་བ། དགེ་བའི་ཆོས་ཀྱི་ལོ་ཏོག་ཏུ་གྱུར་པ་རྣམས་ཀྱི་སེར་བ། ཡང་དག་པའི་ཤེས་རབ་ཀྱི་མིག་གི་མི་མཐུན་པར་འགྱུར་བ། མུན་ནག་སྙིང།། ལ་གནས་པའི་མེ་དེ་ཚུལ་ཁྲིམས་ཐམས་ཅད་སྲེག་པར་བྱེད་པ། མདོག་ངན་པའི་རྒྱུ་ཆོས་ཀྱི་སྟེགས་གཅོད་པར་བྱེད་པ། འཇིག་རྟེན་འདི་དང་། འཇིག་རྟེན་ཕ་རོལ་གྱི་དགྲ་ནང་དུ་ཞུགས་པ་སེམས་རྩེ་གཅིག་པ་ཉིད་འཇིག་པར་བྱེད། བྱམས་པ་དང་མི་མཐུན་ཞིང་འཕགས་པའི་བདེན་པ་བཞི་པོ་སྡུག་བསྔལ་དང་། ཀུན་འབྱུང་དང་། ལམ་དང་། འགོག་པ་རྣམས་འཇིག་པར་བྱེད་པ་ཡིན། ནོ།། གནོད་སེམས་ཞེས་བྱ་བ་སེམས་ཅན་དམྱལ་བའི་ཕོ་ཉ་མཆོག་ཡིན་ཏེ། དེ་སྐྱེས་བུ་དམ་པ་དང་། འཕགས་པ་ཉན་ཐོས་དང་། ཐོས་པ་དོན་དུ་གཉེར་བ་རྣམས་ཀྱིས་སྤོང་བར་འགྱུར་རོ།། གཞན་ཡང་ལོག་པར་ལྟ་བ་དམ་པའི་ཆོས་ཀྱི་མི་མཐུན་པར་གྱུར་པ་ལྟ་བ་ངན་པ་ཐམས་ཅད་ཀྱི་མུན་གནག་སྙིང་ལ་ཡང་དག་པར་སྐྱེ་བར་འགྱུར་བ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། ཐོག་མ་མེད་པའི་དུས་ན་ཞུགས་ཤིང་སྐྱེས་པ་སེམས་ཅན་དམྱལ་བ་དང་། ཡི་དགས་#། དང་དུད་འགྲོའི་འགྲོ་བའི་མྱི་སྐྱེད་པ།། སྤྱན་ལ་མུན་ནག་ཏུ་གྱུར་པ། སྒྲུབ་ངནཔ་ལ་མངོན་པར་དཀའ་། ཡང་དག་པའི་ལམ་གྱི་མི་མཐུན་པར་གྱུར་པ། མཚོན་དང་། མེ་དང་། དྲཱཿ། དང་། གཡང་ས་ལྟ་བུ། སྐྱེ་བོ་ཐམས་ཅད་རྣམ་པར་འཇིག་པར་བྱེད་པ།། ཕྱིན་ཅི་ལོག་ཏུ་ལྟ་ཞིང་ལོག་པར་ལྟ་བ་ཡིན་ནོ།། དེ་ཡང་རྣམ་པ་གཉིས་ཏེ། རྐྱེན་ཡོད་པ་དང་། ལས་དང་འབྲས་བུ་ལ་སྐུར་པ་འདེབས་པའོ། ། དེ་ལ་རྐྱེན་ཡོད་པ་ནི་བདེ་བ་དང་སྡུག་བསྔལ་གང་ཡིན་པ་དེ་དག་ནི་དེ་དག་ཉིད་ཀྱིས་བྱས་ཀྱི། ལས་དང་འབྲས་བུས་བྱས་པ་ནི་མ་ཡིན་ནོ་ཞེས་ཟེར་རོ།། ལས་དང་འབྲས་བུ་ལ་སྐུར་བ་འདེབས་པ་ནི། སྦྱིན་པ་མེད་དོ་ཞེས་བྱ་བ་ལ་སོགས་པ་སྟེ། དེ་ལྟར་དེ་དག་ལོག་པར་ལྟ་བ་མི་དགེ་བ་བཅུའི་ལས་ཀྱི་ལམ་འདི་དག་ཐམས་ཅད་དོན་ཐམས་ཅད་མེད་པར་བྱེད་པའི་རྩ་བ་ཡིན་ནོ།། ། དམ་པའི་ཆོས་དྲན་པ་ཉེ་བར་གཞག་པ་བམ་པོ་གཉིས་པ།། གཞན་ཡང་མི་དགེ་བ་བཅུའི་ལས་ཀྱི་ལམ་འདི་དག་བཟློག་ནས། བག་དང་བཅས་པ་དང་། ཟག་པ་མེད་པ་དག་གི་ལས་བྱེད་པར་འགྱུར་བ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ།། ལྷའི་མིག་གིས་མཐོང་སྟེ། འདི་ནི་རེ་ཞིག་འཁོར་བའི་འཆིང་བ། ཆོས་ཟད་པར་བྱེད་པ་འདི་ལྟ་སྟེ། འཆིང་བའི་རྒྱུ་མི་དགེ་བའོ།། ཐར་པའི་རྒྱུའི་དངོས་པོ་ནི་དགེ་བ་ཡིན་ཏེ། དེ་ལ་སྲོག་གཅོད་པ་སྤངས་པས། འཁོར་བར་གཏོགས་པའི་སེམས་ཅན་རྣམས་ལ་མི་འཇིགས་པ་སྦྱིན་པར་འགྱུར་ཏེ། དེ་ཚེ་འདི་ཉིད་ལ་བསྔགས་པར་འགྱུར། དེའི་བཞིན་གྱི་མདོག་དང་དབང་པོ་རྣམས་གསལ་བར། འགྱུར། ཚེ་རིང་པོར་འགྱུར་བའི་ལས་བྱེད་པར་འགྱུར། གང་སྲིན་པོ་དང་། ཤ་ཟ་དང་། གྲུལ་བུམ་གྱི་རིགས་དང་། གཞན་ཡང་སེམས་ཅན་འཚེ་བར་བྱེད་པ་དེ་དག་ཀྱང་ཉིན་མཚན་དུ་སྲུང་བར་བྱེད།། ཕྱི་བཞིན་དུ་ལྷ་དག་ཀྱང་མངོན་པར་སྲུང་བར་བྱེད་ལ། ལུས་དང་བྲལ་ནས་ཀྱང་བདེ་འགྲོ་མཐོ་རིས་ལྷའི་འཇིག་རྟེན་དུ་སྐྱེ་བར་འགྱུར་ཏེ། གལ་ཏེ་རྣམ་པར་སྨིན་པའི་འབྲས་བུ་མྱོང་བར་འདོད་ན་ཡང་ཇི། ལྟར་བརྩོན་འགྲུས་བརྩམས་པ་བཞིན་དུ་མྱོང་བར་འགྱུར་རོ།། གལ་ཏེ་བྱང་ཆུབ་ཀྱི་ལམ་ཐ་མ་དང་། འབྲིང་དང་། ཆེན་པོ་རྣམས་ཀྱི་སོ་སོ་ཡང་དག་པར་མྱོང་བར་འདོད་ན། དེ་རྣམ་པ་གསུམ་པོ་འདིར་འགྱུར་ཏེ། གལ་ཏེ་ཉན་ཐོས་ཀྱི་བྱང་ཆུབ་ཏུ་ཡོངས་སུ་བསྔོ་ན། དེ་དགྲ་བཅོམ་པར་གྱུར་ནས་ཡོངས་སུ་མྱ་ངན་ལས་འདའ་འོ།། གལ་ཏེ་བྱང་ཆུབ་འབྲིང་དུ་ཡོངས་སུ་བསྔོ་ན། དེ་རང་སངས་རྒྱས་སུ་འགྱུར་རོ། ། གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་ན། དེ་ཡང་དག་པར་རྫོགས་པའི་སངས་རྒྱས་སུ་འགྱུར་ཏེ། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་སུ་འགྱུར་རོ།། ཆོས་ཐམས་ཅད་ཀྱི་རྩ་བ་ནི་སྲོག་ཡིན་ཏེ། གང་སྲོག་དེ་མངོན་པར་བསྲུང་བ་དེས་ནི་བདེ་བ་ཐམས་ཅད་སྦྱིན་པར་འགྱུར་ལ། སྦྱིན་པ་རྣམས་ཀྱི་ནང་ན་མཆོག་ནི་འདི་ཡིན་ཏེ། འདི་ལྟ་སྟེ། སེམས་ལས་བྱུང་བ་སོ་སོར་བསྒོམས་པ་སྲོག་བྱིན་པའོ། ། ཚུལ་ཁྲིམས་ཀྱི་ནང་ན་མཐོ་རིས་སུ་སྐྱེ་བ་མཆོག་ནི་འདི་ཡིན་ཏེ། འདི་ལྟ་སྟེ། སྲོག་བྱིན་པའི་ཚུལ་ཁྲིམས་སོ།། གལ་ཏེ་ཡུལ་གྱི་བདེ་བ་ཀུན་ནས་ཉོན་མོངས་པ་སྲེད་བའི་རྒྱུར་འགྱུར་བར་ཡོངས་སུ་བསྔོན། དེ་ཚངས་པ་འམ། བདུད་དམ། བརྒྱ་བྱིན་དུ་འགྱུར།། གལ་ཏེ་མའི་བདག་ཉིད་ཆེན་པོར་ཡོངས་སུ་བསྔོ་ན། དེ་འཁོར་ལོས་སྒྱུར་བའི་རྒྱལ་པོ་རིན་པོ་ཆེ་སྣ་བདུན་དང་ལྡན་པ། གླིང་བཞི་ལ་སྤྱོད་པར་འགྱུར། གལ་ཏེ་ལྷ་མ་ཡིན་གྱི་བདག་ཉིད་ཆེན་པོར་ཡོངས་སུ་བསྔོན།། དེ་ལྷ་མ་ཡིན་གྱི་རྒྱལ་སྲིད་བྱེད་པར་འགྱུར།། གལ་ཏེ་གནོད་སྦྱིན་གྱི་བདག་ཉིད་ཆེན་པོ་ཡོངས་སུ་བསྔོན། དེ་གནོད་སྦྱིན་གྱི་རྒྱལ་སྲིད་བྱེད་པར་འགྱུར་རོ།། ཆེན་པོ་འདོན་དམ་པའི་ཆོས་ཀྱིས་བོན་དུ་གྱུར་པ། འཁོར་བའི་སྐྱབས་སུ་གྱུར་པ། འཁོར་བའི་སྨོན་ནག་ཏུ་ཞུགས་པ་རྣམས་ཀྱི་སྒྲོན་མར་གྱུར་པ་ཡིན་ཏེ། འདི་ལྟ་སྟེ། སྲོག་གཅོད་པ་སྤོང་བ་ཞེས་བྱའོ།། སྲོག་གཅོད་པ་སྤངས་པ་བྱམས་པ་སྒོམ་པར་འགྱུར་ཞིང་། སྙིང་རྗེའི་རྒྱུད་ལ་གནས་པ་ཡིན་ཏེ། བསམས་ནས་སྲོག་གཅོད་པ་སྤངས་ན་གཙང་ཞིང་དགའ་བར་འགྱུར། གང་གི་ཚེ་ཕ་རོལ་ཡང་དག་པར་བསྲུང་བར་མ་ནུས་པ་དེའི་ཚེ་བཏང་སྙོམས་སུ་འགྱུར་ཞིང་། དེ་ཚངས་པའི་གནས་བཞི་ལ་གནས་པའི་རྒྱུད་དུ་འགྱུར་སྲོག་གཅོད་པ་སྤངས་པའི་དགེ་བའི་རྩ་བའི་སྙིང་པོ་ནི་བསམ་གྱིས་མི་ཁྱབ་པ་སྟེ། རྣམ་པ་གང་དང་གང་གིས་ཇི་ལྟ་ཇི་ལྟར་ཡོངས་སུ་བསྔོ་བ་དེ་ལྟ་དེ་ལྟར་ཡོངས་སུ་འགྲུབ་བོ།། དཔེར་ན་གསེར་མགར་མཁས་པ་ནི་གསེར་བཟང་པོ་བླངས་ནས། ཇི་ལྟ་ཇི་ལྟར་འདོད་པ་དེ་ལྟ་དེ་ལྟར་གསེར་དེ་ལ་བྱེད་དེ། ཅི་དེ་ལས་རྒྱན་ཏམ། དེ་ལས་བུམ་པའམ། དེ་ལས་མིའི་གཟུགས་སམ། དེ་ལས་སངས་རྒྱས་ཀྱི་གཟུགས་བྱེད་དོ། ། དེ་བཞིན་དུ་སྲོག་གཅོད་པ་ཡང་དག་པར་བསྲུངས་ཏེ། མ་ཉམས་ཤིང་མ་རལ་ལ། མ་ཞིག་ན་ཇི་ལྟ་ཇི་ལྟར་ཡོངས་སུ་བསྔོ་བ་དེ་ལྟ་དེ་ལྟར་ཡོངས་སུ་འགྲུབ་བོ།། དེ་ལྟ་བས་ན་སྲོག། གཅོད་པ་སྤངས་པའི་སེམས་ཅན་གང་ཡིན་པ་དེ་ནི་མྱ་ངན་ལས་འདས་པ་དང་ཉེ་བར་གནས་ཤིང་།། དེ་དགེ་བའི་བཤེས་གཉེན་དང་ཡང་དག་པར་སྤྱོད། སེམས་ཅན་དེ་བདག་དང་གཞན་ལ་ཕན་པའི་སྐལ་བ་དང་ལྡན་ཞིང་། དེ་སེམས་ཅན་དམྱལ་བ་དང་། དུད་འགྲོ་དང་། ཡི་དགས་རྣམས་ཀྱི་འགྲོ་བ་ལ་བསོད་ནམས་ཀྱི་ཞིང་དུ་གྱུར་པ་ཡིན། དེས་འཁོར་བ་ན་ཆོས་དང་ལྡན་པའི་ཆོས་ཀྱི་རྗེས་སུ་འཇུག་པ། ཆོས་དང་ལྡན་པའི་ཀུན་ཏུ་རྟོག་པ་རྣམས་འགྲུབ་པར་འགྱུར་ཞིང་། གྲུབ་པ་ཡང་བརྟན་པར་འགྱུར་ལ། རྒྱལ་པོ་དང་། ཆོམ་རྐུན་དང་། ཆུ་དང་། མེས་འཇིགས་པའམ། ཐུན་མོང་མ་ཡིན་པབར་འགྱུར་ཏེ། བདག་ཉིད་ཉེ་བར་སྤྱོད་པར་འགྱུར་རོ།། ཆོས་དང་ལྡན་པའི་འགྲན་ཟླ་གཞན་དག་གིས་མི་ནོན་པར་མཐོང་སྟེ། དེ་ལྟ་བས་སྲོག་གཅོད་པ་སྤང་བར་བྱའོ།། དེ་ནས་གཞན་ཡང་མ་བྱིན་པར་ལེན་པ་སྤངས་པས་ལེགས་པར་བྱས་པ་མཐོང་བ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། མ་བྱིན་པར་ལེན་པ་སྤངས་པ་ནི། གཞན་གྱིས་ཡོངས་སུ་བཟུང་བའི་ཆགས་པ་ཆེན་པོའི་དྲི་བ་ལས་གྲོལ་བར་འགྱུར། ཚེ་འདི་ཉིད་ལ་དེ་དབུགས་འབྱུང་བར་འགྱུར། རྒྱལ་པོ་འམ། བློན་པོའི་ཡིད་བརྟན་པར་འགྱུར། རྒྱལ་པོའི་འཁོར་དང་། ཁྱིམ་བདག་གི་འཁོར་དང་། རྒྱལ་རིགས་ཀྱི་འཁོར་དང་། དགེ་སྦྱོང་གི་འཁོར་དང་། བྲམ་ཟེའི་འཁོར་དུ་ཡིད་བརྟན་པ་དང་། དགའ་བ་དང་། སྡུག་པ་དང་། ཡིད་དུ་འོང་ཞིང་ཚིག་ཡོངས་སུ་བཟུང་བར་འོས་པར་འགྱུར། དེའི་ལོངས་སྤྱོད་གང་ཡིན་པ་དེ་དག་རྟག་ཅིང་གཞན་ལ་གནོད་པ་མེད་པར་འགྱུར་ལ། རྒྱལ་པོ་དང་། ཆུ་དང་། ཆོམ་ཀུན་དང་། མེའི་འཇིགས་པ་མེད་པར་འགྱུར། མ་བསམས་པར་དེ་དག་འཕྲལ་ལ་འབྱུང་བར་འགྱུར་ལ། བྱུང་ནས་ཀྱང་ཞིང་དང་། ཚུལ་ཁྲིམས་དང་ལྡན་པ་དང་། ལམ་བཟང་པོ་ལ་ཞུགས་པ་དང་། འཇིག་རྟེན་པ་རྣམས་ལ་ཡང་དག་པར་ཉེ་བར་སྦྱོར་བར་འགྱུར། ལུས་དང་བྲལ་ནས་ཀྱང་བདེ་འགྲོ་མཐོ་རིས་ཀྱི་ལྷའི་འཇིག་རྟེན་རྣམས་སུ་སྐྱེ་བར་འགྱུར་རོ། ། གལ་ཏེ་ངེས་པར་འབྱུང་བའི་ལམ་གྱི་ཡོངས་སུ་བསྔོ་ན། ངེས་པར་འབྱུང་བར་འགྱུར་ལ། སྔ་མ་བཞིན་དུ་ཚངས་པ་འམ། བདུད་དམ། བརྒྱ་བྱིན་ནམ། འཁོར་ལོས་སྒྱུར་བའི་རྒྱལ་པོ་གླིང་བཞི་ལ་དབང་བ། རིན་པོ་ཆེ་སྣ་བདུན་དང་ལྡན་པར་འགྱུར་ཏེ། འདི་ལྟར་ཚུལ་ཁྲིམས་ལ་མངོན་པར་དགའ་བ་དེ་བྱང་ཆུབ་རྣམས་འཐོབ་པར་འགྱུར་རོ།། དེ་ནས་གཞན་ཡང་འདོད་པས་ལོག་པར་གཡེམ་པ་སྤངས་པའི་འབྲས་བུ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། འདོད་པས་ལོག་པར་གཡེམ་པ་སྤངས་པ་ནི། དགེ་བའི་ལས་ཀྱི་ལམ་བཟང་པོ་སྤྱོད་ཅིང་། ཚེ་འདི་ཉིད་ལ་དེ་བསྔགས་པར་འགྱུར། ཡིད་ཆེས་པའི་གནས་སུ་ཡང་འགྱུར། བུད་མེད་ཀྱི་ནང་ན་འདུག་ཀྱང་དོགས་པ་མེད་པར་འགྱུར། དེ་རྒྱལ་པོ་འམ། བློན་པོའི་ཡིད་བརྟན་པར་འགྱུར། དེའི་ཆུང་མ་ནམ་ཡང་གཞན་གྱིས་འཕྲོག་པར་མི་འགྱུར་ཞིང་། རྟག་ཏུ་དེའི་རིམ་གྲོ་བྱེད་པར་བརྩོན་པར་འགྱུར་ལབསམ་པ་དང་མཐུན་པར་ཡང་འགྱུར། ཉམ་ཐག་པར་གྱུར་པ་ན་ཡང་ཁྱད་དུ་གསོད་པར་མི་འགྱུར་ཞིང་། ཚུལ་དང་མི་མཐུན་པར་མི་འགྱུར་ལ། གཅིག་ལ་གཅིག་གནོད་པ་བྱེད་པ་ལ་མངོན་པར་དགའ་བར་མི་འགྱུར། དེའི་ཆུང་མ་དེ་ལ་བརྙས་པ་བྱེད་པར་མི་འགྱུར་ཞིང་། འཇིག་རྟེན་ཐམས་ཅད་ལ་མ་དྲང་སྲིང་མོ་ལྟ་བུར་ཀུན་ཏུ་སྤྱོད་པར་འགྱུར་ལ། དེའི་ཆུང་མ་འཇིག་རྟེན་ལ་ཁྲོ་བ་མེད་པར་འགྱུར་ཏེ། སྔ་མ་བཞིན་དུ་ལུས་དང་བྲལ་ནས་བདེ་འགྲོ་མཐོ་རིས་ཀྱི་ལྷའི་འཇིག་རྟེན་དུ་སྐྱེ་བར་འགྱུར་རོ།། གང་གི་ཚེ་ལྷ་དག་ལས་འཆི་བར་འགྱུར་བ་དེའི་ཚེ་ལྷའི་བུ་གཞན་ཞིག་དེར་སྐྱེ་བར་འགྱུར་རོ།། གིས་འདོད་པས་ལོག་པར་གཡེམ་པ་བྱས་པར་གྱུར་ན། དེ་ཚེ་མ་འཕོས་པར་ལྷ་གཞན་ཞིག་ལྷའི་བུ་མོ་དག་གི་ནང་དུ་སྐྱེ་བར་འགྱུར་ལ། དེ་ཡང་དེ་དང་མངོན་སུམ་དུ་འགྱུར་ཏེ། དང་ལྷ་གཞན་དག་དང་ལྷན་ཅིག་ཏུ་དགོད་པར་བྱེད། མཛའ་བར་བྱེད། དགའ་མགུར་སྤྱོད་པར་བྱེད་དོ།། དེ་འཆི་བ་ན་དེའི་ཆུང་མས་མཐོང་ནས་གཞན་དུ་འགྲོ་བར་བྱེད་དེ། ཕྲག་དོག་གི་ཞགས་པས་ཡོངས་སུ་བཟུང་བ་དག་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། ། འདོད་པས་ལོག་པར་གཡེམ་པ་སྤྱོད་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་འདི་ནི་བར་ཆད་ཆེན་པོ་ཡིན་ནོ།། དེ་ལྟ་བས་ན་འདོད་པས་ལོག་པར་གཡེམ་པ་སྤོང་བ་གང་ཡིན་པ་དེ་ནི་དགེ་བའི་ལས་ཀྱི་ལམ་ཆེན་པོ་ཡང་དག་པར་འཛིན་ཅིང་། མྱ་ངན་ལས་འདས་པའི་སྐལ་བ་དང་ལྡན་པར་འགྱུར་རོ།། དེ་ནས་གཞན་ཡང་། དགེ་བའི་ཕྱོགས་ཐམས་ཅད་དང་མི་མཐུན་པར་གྱུར་པའི་བརྫུན་སྤངས་པས་དགེ་བའི་ཕྱོགས་ཆེན་པོ་ཡང་དག་པར་འཛིན་པ། ཚེ་འདི་ལ་འབྲས་བུ་རྣམ་པར་སྨིན་པ་ཇི་ལྟ་བུ་ཡིན་ཞེ་ན། རྣལ་འབྱོར། སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། བརྫུན་དུ་སྨྲ་བ་སྤངས་པ་ནི་སྐྱེ་བོ་ཀུན་གྱི་མིག་དང་། རྣ་བའི་ལྐོག་ཏུ་གྱུར་ཀྱང་ཡིད་ཆེས་པའི་གནས་ཆེན་པོར་འགྱུར་ཞིང་། ནོར་རྫས་མེད་ན་ཡང་སྐྱེ་བོ་ཀུན་དང་། རྒྱལ་པོས་ཇི་ལྟར་འདོད་པ་བཞིན་མཆོད་པར་འགྱུར་ཏེ། ཇི་ལྟར་ནམ་མཁའ་ལ་གཟའ་དང་། སྐར་མ་དང་། རྒྱུ་སྐར་གྱི་དབུས་ན་ཟླ་བ་རབ་ཏུ་གསལ་བ་དེ་ལྟར་འཇིག་རྟེན་ཐམས་ཅད་ཀྱི་ནང་ན་བདེན་པར་སྨྲ་བ་དེ་རབ་ཏུ་གསལ་ལོ།། རིན་པོ་ཆེ་ཐམས་ཅད་ཀྱི་ནང་ན་བདེན་པ་རིན་པོ་ཆེ་མཆོག་ཏུ་བཟང་ངོ་།། འཁོར། བ་ཐམས་ཅད་ལས་སྒྲོལ་བའི་ནང་ན་བདེན་པར་སྒྲོལ་བ་ཁྱད་པར་དུ་འཕགས་སོ།། ངན་འགྲོ་ཐམས་ཅད་ལས་ཕྱིར་བཟློག་པའི་ནང་ན་བདེན་པས་ཕྱིར་ཟློག་གོ། སྒྲོན་མ་ཐམས་ཅད་ཀྱི་ནང་ན་བདེན་པ་སྒྲོན་མ་ཡིན་ནོ། ། ལམ་སྟོན་པ་ཐམས་ཅད་ཀྱི་ནང་ན་བདེན་པ་ལམ་སྟོན་པ་ཡིན་ནོ།། འདུ་བྱེད་ཀྱི་རྫས་འབྱུང་བ་ཐམས་ཅད་ཀྱི་ནང་ན་བདེན་པའི་རྫས་གཞན་གྱི་ནད་འཕྲོག་པ་ཡིན་ནོ།། རྩལ་ཐམས་ཅད་ཀྱི་ནང་ན་བདེན་པ་རྩལ་བ་ཡིན་ནོ། ། སྐྱོབ་པ་ཐམས་ཅད་ཀྱི་ནང་ན་བདེན་པ་སྐྱོབ་པ་ཡིན་ནོ།། མཛའ་བཤེས་ཐམས་ཅད་ཀྱི་ནང་ན་བདེན་པ་མཛའ་བཤེས་ཁྱད་པར་དུ་འཕགས་པ་ཡིན་ནོ།། གང་བདེན་པའི་ནོར་ཀུན་ཏུ་འཛིན་པ། དེ་ནི་ནམས་ཀྱང་འཁོར་བ་ར་ངན་འགྲོ་ལོག་པར་ལྟུང་བ་དབུལ་བར་མི་འགྱུར་ཞིང་། ལྷ་རྣམས་དང་ཉེ་བར་འགྱུར་ལ། གང་དང་གང་དུ་སྐྱེ་བ་དེ་དང་དེར་སྐྱེ་བའི་རིགས་ཆེ་ཞིང་། གཟུགས་བཟང་པོར་འགྱུར་ཏེ། སྐྱེ་བོ།། ཐམས་ཅད་ལ་སྡུག་པ་དང་། དགའ་བ་དང་། ཡིད་དུ་འོང་བ་དང་། ཚིག་ཡིད་ཆེས་པར་འགྱུར། དེ་གནོད་སྦྱིན་དང་ཤ་ཟ་དག་གིས་མི་མཐོང་ལ། གཙེ་བར་མི་ནུས་ཤིང་། ཡུལ་གཞན་དུ་ཕྱིན་ན་ཡང་མལ་ཆ་དང་། ན་བའི་གསོས་སྨན་གྱི་རྐྱེན་མང་པོ་ཕུན་སུམ་ཚོགས་པར་འགྱུར། དེས་འདོད་པ་གང་དག་ཡིད་ལ་བསམས་པ་དེ་དག་ཀྱང་དེ་ལ་འགྲུབ་པར་འགྱུར་ཏེ། དེས་མིའི་བདེ་བ་མཆོག་མྱོང་ནས། གལ་ཏེ་བརྩི་པའི་དུས་བྱེད་ན། དེ་ལུས་དང་བྲལ་ནས་བདེ་འགྲོ་མཐོ་རིས་ལྷ་རྣམས་ཀྱི་འཇིག་རྟེན་དུ་ཤིན་ཏུ་ཚེ་རིང་བ་དང་། ཤིན་ཏུ་རྫུ་འཕྲུལ་ཆེ་བ་དང་། ཤིན་ཏུ་གནས་མཐོ་བར་སྐྱེ་བར་འགྱུར་རོ།། སྔ་མ་བཞིན་དུ་གལ་ཏེ་རྣམ་པར་བྱང་བ་ཟག་པ་མེད་པའི་ལམ་གྱིས་ཡོངས་སུ་སྔོ་བར་བྱེད་ན། མྱ་ངན་ལས་འདས་པའི་མཐར་འགྱུར་རོ།། དེ་ནས་གཞན་ཡང་དགེ་བའི་ལས་ཀྱི་ལམ་ལ་སྤྱོད་པ། ཕྲ་མ་སྤངས་པས་ཚེ་འདི་དང་ཕ་རོལ་གྱི་ལས་ཀྱི་འབྲས་བུ་རྣམ་པར་སྨིན་པར་ཇི་ལྟར་འགྱུར་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་བལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། ཕྲ་མ་སྤངས་པས་ཚེ་འདི་ལ་ལས་ཀྱི་འབྲས་བུ་རྣམ་པར་སྨིན་པ་མྱོང་བར་འགྱུར་བ་ནི། མཛའ་བཤེས་དང་། གཉེན་འདབ་དང་། རྩ་ལག་དང་། ཆུང་མ་དང་བྲན་པོ་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་བརྟན་པར་འགྱུར། གཞན་གྱིས་ཁ་དྲང་དུ་མི་རུང་ཞིང་བཤེས་པ་དང་། རྒྱལ་པོའི་ཕོ་བྲང་འཁོར་དང་། སྤུན་མི་མཐུན་པ་དག་གིས་དབྱེ་བར་མི་ནུས་སོ། ། གལ་ཏེ་ནོར་དང་བྲལ་བར་འགྱུར་ཏེ། ནོར་དང་བྲལ་བར་གྱུར་ན་ཡང་མི་གཏོང་ཞིང་། མུ་གེ་དང་། འབྲོག་དགོན་པ་དང་། རི་དང་། གཡང་ས་དང་། གནས་སྐབས་མི་མཐུན་པར་ཆུད་ན་ཡང་མི་གཏོང་སྟེ། ནམས་ཀྱང་འབྲལ་བར་མི་འགྱུར་ལ། གང་དག་དེའི་སྐྱོན་སྨྲ་ན། དེ་དག་དེ་ལ་ཐབས་ཀུན་གྱིས་ཉན་པར་མི་བྱེད་དོ།། དེ་རྒྱལ་པོའི་ཕོ་བྲང་འཁོར་དུ་བརྟན་པར་འགྱུར་ཞིང་། ཆུ་དང་། མཚོན་ཆ་དང་། མི་མཛའ་བའི་འཇིགས་པ་མེད་པར་འགྱུར་ཏེ། དྲི་མ་ཆེན་པོ་ཕྲ་མ་སྤངས་པའི་ཡོན་ཏན་ནི་དེ་དག་ཡིན་ནོ།། ལུས་དང་བྲལ་ནས་ཤི་བའི་འོག་ཏུ་ཡང་བདེ་འགྲོ་མཐོ་རིས་ལྷའི་འཇིག་རྟེན་དུ་སྐྱེ་བར་འགྱུར་ཏེ། དེ་དེར་ཡང་ལྷའི་རིས་མཐུན་པའི་ལྷ་མོའི་ཚོགས་མང་པོ་རྟག་ཏུ་རྗེས་སུ་ཆགས་པ་རྣམས་ཀྱིས་ཡོངས་སུ་བསྐོར་ཅིང་། མེ་ཏོག་འཕྲེང་དང་། ཕྱེ་མ་དང་། བྱུག་པ་དང་། རྒྱན་ཐོགས་པ་རྣམས་ཀྱི་རྟག་ཏུ་དགའ་བའི་མཆོག་བྱེད་པར་འགྱུར་རོ། ། སྔ་མ་བཞིན་དུ་གལ་ཏེ་ཕྲ་མ་སྤངས་པ་རྣམ་པར་བྱང་བ། ཟག་པ་མེད་པར་ཡོངས་སུ་བསྔོ་ན། དེ་ཟག་པ་མེད་པའི་བསམ་གཏན་གྱི་ལམ་ཡོངས་སུ་མྱ་ངན་ལས་འདས་པ་ཐོབ་པར་འགྱུར་རོ། ། དེ་ནས་གཞན་ཡང་མི་དགེ་བའི་ལས་ཀྱི་ལས་འཇིག་རྟེན་ཐམས་ཅད་སྐྱོ་བར་བྱེད་པ། ཚིག་རྩུབ་པོ་སྤངས་པའི་འབྲས་བུ་རྣམ་པར་སྨིན་པ་ཇི་ལྟར་འཐོབ་པར་འགྱུར་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། ཚིག་རྩུབ་པོ་སྤངས་པས་ནི་དགེ་བ་མཐོང་བར་འགྱུར། དྲང་པོའི་རང་བཞིན་དང་། དབུགས་འབྱུང་བའི་གནས་དང་། འཇིག་རྟེན་ཀུན་གྱིས་རྟོགས་པ་དང་། ཚིག་འཇམ་ཞིང་དེས་ལ་སྙན་པ་དང་། གཞན་ལ་རྣམ་པར་འཚེ་བར་མི་བྱེད་ཅིང་། སྐྱེ་བོ་ཐམས་ཅད་ཀྱི་དབུགས་འབྱུང་བ་བྱེད་པར་འགྱུར། དེ་རྒྱང་རིང་པོ་ནས་མཐོང་ནས། སྐྱེ་བོ་ཀུན་ཉེ་བར་འགྲོ་བར་བྱེད། མཛའ་བཤེས་ཀྱང་མང་བར་འགྱུར། ནོར་རྫས་མེད་ན་ཡང་སྐྱེ་བོ་ཀུན་དེའི་བྲན་དང་འདྲ་བར་འགྱུར་རོ།། གལ་ཏེ་དེ་ལས་གཞན་ཞིག་གིས་ཉོན་མོངས་པ་འབྱུང་ན་ཡང་དེ་དག་གིས་དེ་ནམས་ཀྱང་གཏོང་བར་མི་བྱེད་ཅིང་། དེའི་དོན་ཐམས་ཅད་ཉོན་མོངས་པ་མེད་པར་ཉེ་བར་སྒྲུབ་ལ། དེ་ལ་མི་མཛའ་བ་དང་། རྒྱལ་པོ་དང་། ཆུ་དང་། མེ་དང་། མཚོན་གྱི་འཇིགས་པ་མེད་པར་འགྱུར་རོ།། ལུས་དང་བྲལ་ནས་ཀྱང་བདེ་འགྲོ་མཐོ་རིས་ཀྱི་ལྷ་རྣམས་ཀྱི་འཇིག་རྟེན་དུ་སྐྱེ་བར་འགྱུར་ཏེ། དེར་སྐྱེས་ནས་ཀྱང་ཚིག་གི་རྒྱུ་འཇམ་པ་དང་། ཕན་པ་དང་། སྙན་པ་དང་ལྡན་པར་འགྱུར་ཞིང་རྫུ་འཕྲུལ་ཆེ་བ་དང་། མཐུ་ཆེ་བར་འགྱུར་རོ།། སྔ་མ་བཞིན་དུ་གལ་ཏེ་ངེས་པར་འབྱུང་བའི་བསམ་གཏན་བདེ་བའི་གནས་ཟག་པ་མེད་པར་ཡོངས་སུ་བསྔོ་ན། དེ་བྱང་ཆུབ་གསུམ་འཐོབ་པར་འགྱུར་རོ།། དེ་ནས་གཞན་ཡང་མི་དགེ་བའི་ལས་ཀྱི་ལམ་ཚིག་བཀྱིལ་པ་སྤངས་པས་ཚེ་འདི་ལ་ཇི་ལྟར་འཐོབ་པར་འགྱུར་བ་དང་ཕྱི་མ་ལ་གང་དུ་སྐྱེ་བར་འགྱུར་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཟོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། ཚིག་བཀྱལ་བ་སྤངས་པ་ནི། འཇིག་རྟེན་ན་རིགས་བཙུན་པར་འགྱུར་ཞིང་། དེ་བཀུར་བར་ཡང་འགྱུར། ཚིག་སྔ་ཕྱི་འབྲེལ་པར་འགྱུར་ཞིང་། ཚིག་ལ་སྐྱེ་བོ་ཐམས་ཅད་མངོན་པར་དགའ་བར་འགྱུར། དེ་ལ་སྐྱོན་གྱིས་སུ་ཡང་རྣམ་པར་འཚེ་བར་མི་བྱེད་ལ། ཚིག་ཤིན་ཏུ་འབྲེལ་ཅིང་འཇིག་རྟེན་ན་བཙུན་པར་འགྱུར་ཏེ། དལ་བ་དང་། སྙན་པ་དང་། ཁོང་དུ་ཆུད་པ་དང་། ཆོས་དང་ལྡན་པ་དང་། འཇམ་པ་དང་། ཟབ་མོའི་རྒྱུའི་ཚུལ་དང་། ཆོས་ཉིད་དང་མི་འགལ་བའི་གཏམ་སྨྲ་བ་འཇིག་རྟེན་ན་བླ་མ་དང་འདྲ་བར་ལྟ་ཞིང་ནོར་རྫས་བརྟན་པར་ཡང་འགྱུར། ལོག་པ་སྤངས་པ་ཡང་སྐྱེ་བོ་ཕ་རོལ་དག་གིས་ཡོན་ཏན་དུ་འཛིན་པར་འགྱུར་ཞིང་།། དེའི་ཡོན་ཏན་དེས་སྐྱེ་བོ་དག་གཟུང་བར་འགྱུར་རོ།། ལུས་དང་བྲལ་ནས་ཀྱང་བདེ་འགྲོ་མཐོ་རིས་ལྷ་རྣམས་ཀྱི་འཇིག་རྟེན་དུ་སྐྱེ་བར་འགྱུར་ཏེ། དེར་སྨྲས་ནས་ཀྱང་ལྷའི་བུ་ཐམས་ཅད་སེམས་པར་འགྱུར་ཞིང་རྫུ་འཕྲུལ་ཆེ་བ་དང་། ལྷའི་བདེ་བ་དཔེ་མེད་པ་ལ་སྤྱོད་པར་འགྱུར་རོ།། སྔ་མ་བཞིན་དུ་གལ་ཏེ་རྣམ་པར་བྱང་བ་ཟག་པ་མེད་པའི་བསམ་གཏན་གྱི་བདེ་བར་ཡོངས་སུ་བསྔོ་ན། དེ་བྱང་ཆུབ་གསུམ་ཐོབ་པར་འགྱུར་རོ། ། དེ་ལྟར་ལུས་ཀྱི་རྣམ་པ་གསུམ་དང་། ངག་གི་རྣམ་པ་བཞི་མི་དགེ་བ་ཡོངས་སུ་སྤངས་ནས། མཐར་མྱ་ངན་ལས་འདས་པར་འགྱུར་རོ།། དེ་ནི་དགེ་བའི་ལས་ཀྱི་རྒྱུ་ཡིན་ལ། འཇིག་རྟེན་ན་ཡང་བསྔགས་པར་འགྱུར་ཞིང་། ལྷ་རྣམས་ཀྱི་ནང་དུ་ཡང་སྐྱེ་བར་འགྱུར་རོ།། དེ་ལུས་དང་ངག་གི་ལས་ཡང་དག་པར་གྱུར་པའི་ལས་ཀྱི་འབྲས་བུ་རྣམ་པར་སྨིན་པའི་རྒྱུ་ནི། རྣལ་འབྱོར་སྤྱོད་པ་ཆོས། ལ་ཆོས་ཀྱི་རྗེས་སུ་ལྟ་བ་ནང་གི་ཡང་དག་པར་གྱུར་པ་རྗེས་སུ་མཐོང་ངོ་།། །། དེ་ནས་གཞན་ཡང་ཡིད་ཀྱི་ལས་ཇི་ལྟར་དགེ་བར་འགྱུར་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཟོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། ཡིད་ཀྱི་མི་དགེ་བ་རྣམ་པ་གསུམ་པོ་དེ་བཟློག་པས། དགེ་བའི་འབྲས་བུ་ཚེ་འདི་ལ་བདེ་བ་གནས་པ་མྱོང་བར་འགྱུར་ཞིང་། ལུས་དང་བྲལ་ནས་ཀྱང་བདེ་འགྲོ་མཐོ་རས་ལྷ་རྣམས་ཀྱི་འཇིག་རྟེན་དུ་སྐྱེ་བར་འགྱུར། གལ་ཏེ་འཁོར་བ་ལ་ཡིད་བྱུང་ན། དེ་རྒྱུ་དེས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཇུག་པར་འགྱུར་རོ། ། ཡིད་ཀྱི་ལས་ནི་རྣམ་པ་གསུམ་སྟེ། བརྣབ་སེམས་དང་། གནོད་སེམས་དང་། ལོག་པར་ལྟ་བའོ།། དེ་ནས་གཞན་ཡང་བརྣབ་སེམས་སྤངས་པས་དགེ་བའི་ལས་ཀྱི་འབྲས་བུ་རྣམ་པར་སྨིན་པ་ཇི་ལྟ་བུ་ཞིག་འབྱུང་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། བརྣབ་སེམས་སྤངས་པ་ནི་རྒྱལ་པོ་འམ། རྒྱལ་པོའི་བློན་པོའི་ནོར་རྫས་ཀྱི་རྣམ་པ་མང་པོ་ཐམས་ཅད་གང་ལ་ཡང་ཡིད་ཀྱིས་འཕྲོག་པའི་དོན་དུ་སེམས་པར་མི་བྱེད་པ་ཡིན་ནོ། ། དེའི་ནོར་རྫས་ག་ཞིག་ཏུ་སྟོར་ན་ཡང་གཞན་གྱིས་རྙེད་ཅིང་དེ་ལ་སྐྱེ་བོ་དེ་དང་། གཙོ་བོར་གྱུར་པ་ཞིག་ན་ཡང་སླར་སྦྱིན་པར་བྱེད་དེ། ནོར་དང་རྟག་ཏུ་ལྡན་ཞིང་། གཞན་དག་གིས་མི་ཐུབ་པར་འགྱུར་རོ།། ལུས་དང་བྲལ་ནས་ཀྱང་བདེ་འགྲོ་མཐོ་རིས་ལྷ་རྣམས་ཀྱི་འཇིག་རྟེན་དུ་སྐྱེ་བར་འགྱུར་ལ། དེར་སྐྱེས་ནས་ཀྱང་ལྷ་དང་ལྷ་མ་ཡིན་དུ་གཡུལ་འགྱེད་པའི་ཚེ་ལྷ་མ་ཡིན་གང་གིས་ཀྱང་ཡོངས་སུ་ཐུབ་པར་མི་འགྱུར་ཞིང་། རྡེག་པར་མི་འགྱུར་ལ། རྣམ་པར་མཐོ་འཚམ་པར་མི་འགྱུར་རོ།། དེ་དག་ལས་རྣམ་པར་ཕྱེ་བར་མི་འགྱུར་ཏེ། ལྷའི་བུ་ཐམས་ཅད་ལ་འདོད་པ་དང་། སྡུག་པ་དང་། ཡིད་དུ་འོང་བར་འགྱུར་ཞིང་། སྤུ་དང་། རེག་བྱ་དང་། རོ་དང་། གཟུགས་དང་། དྲི་སྡུག་པ། དཔེ་མེད་པ་ཉེ་བར་སྤྱོད་པར་འགྱུར་རོ།། སྔ་མ་བཞིན་དུ་གལ་ཏེ་ངེས་པར་འབྱུང་བ་ཟག་པ་མེད་པའི་བསམ་གཏན་གྱི་འབྲས་བུའི་ལམ་དུ་ཡོངས་སུ་བསྔོ་ན། དེ་བྱང་ཆུབ་གསུམ་ཐོབ་པར་འགྱུར་རོ།། དེ་ནས་གཞན་ཡང་གནོད་སེམས་མི་དགེ་བའི་ལས་ཀྱི་ལམ་སྤངས་པས།། དགེ་བའི་ལས་ཀྱི་འབྲས་བུ་ཇི་ལྟར་ཐོབ་པར་འགྱུར་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། གནོད་སེམས་སྤངས་པས་ཚེ་འདི་ལ་འབྱོར་པ་དང་། བདེ་བར་གནས་པར་འགྱུར་ལ། སྐྱེ་བོ་ཐམས་ཅད་དགའ་བ་དང་། ཡིད་དུ་འོང་བར་འགྱུར། ཕ་རོལ་གྱིས་འཇིགས་ཤིང་ཉམ་ང་བ་མི་བཟད་པ་ཆེན་པོ་དང་། རྣམ་པར་གཙེ་བར་མི་ནུས་ཤིང་རྒྱལ་པོའི་འཁོར་གྱི་འཇིགས་པ་དང་། ཆོམ་རྐུན་དང་། གཡང་སའི་འཇིགས་པ་དང་། མེའི་འཇིགས་པ་དང་། གནོད་པའི་འཇིགས་པ་དང་། གཡོའི་འཇིགས་པ་དང་། ཆུའི་འཇིགས་པ་དང་། འཇིགས་པ་དུ་མཉམ་ང་བ་དག་དང་བྲལ་ཞིང་། འཇིགས་པ་དང་ཉམ་ང་བ་ལས་ཀུན་ཏུ་ཐར་ཏེ། སྐྱེ་བོ་ཐམས་ཅད་ཀྱི་སྡུག་པ་དང་། མཆོག་ཏུ་དགའ་བར་འགྱུར། སྡིག་པའི་སྐྱེ་བོ་དང་། དགེ་བའི་སྐྱེ་བོ་ལ་བུ་དང་། སྤུན་དང་འདྲ་བར་སྡུག་པར་འགྱུར་རོ།། ལུས་དང་བྲལ་ནས་ཀྱང་བདེ་འགྲོ་མཐོ་རིས་ལྷ་རྣམས་ཀྱི་འཇིག་རྟེན་དུ་སྐྱེ་བར་འགྱུར་ཏེ། དེར་ཡང་རྫུ་འཕྲུལ་ཆེ་བ་དང་། མཐུ་ཆེ་བར་འགྱུར། གཟུགས་དང་། སྒྲ་དང་། རེག་བྱ་འདོད་པ་ཐམས་ཅད་འབྱོར་པ་ལ་གནས་པར་འགྱུར་ཞིང་། དགའ་བའི་ཚལ་དང་། ཡོངས་སུ་འདུ་བ་དང་། རྣམ་པར་མཛེས་པ་དང་། ཤིང་རྟ་སྣ་ཚོགས་ཀྱི་ཚལ་ཆེན་པོ་རྣམས་སུ་ལྷའི་བུ་མོའི་ཚོགས་ཀྱིས་ཡོངས་སུ་སྐོར་བར་འགྱུར། དེའི་ལུས་དང་། ངག་དང་། ཡིད་ལ་ལྷ་གང་གིས་ཀྱང་རྣམ་པར་གཙེ་བར་མི་ནུས་ཤིང་། དེ་ལ་ལྷ་འབུམ་སྙེད་དག་གིས་དགའ་བ་སྐྱེད་པར་འགྱུར་ལ། ལྷའི་རྒྱལ་པོ་བརྒྱ་བྱིན་གྱི་འདོད་པ་དང་། སྡུག་པ་དང་། དགའ་བ་དང་། ཡིད་དུ་འོང་བར་འགྱུར། ལྷ་དང་ལྷ་མ་ཡིན་གྱི་གཡུལ་འགྱེད་པའི་ཉོན་མོངས་པ་དག་ཀྱང་མེད་ཅིང་། འཁྲུག་པ་དག་དང་འབྲལ་བར་འགྱུར་རོ།། གལ་ཏེ་ངེས་པར་འབྱུང་བ་འཇིག་རྟེན་ལས་འདས་པའི་ལམ་ཉོན་མོངས་པ་མེད་པར་ཡོངས་སུ་བསྔོ་ན། དེ་ལྷའི་འཇིག་རྟེན་དེ་ནས་ཤི་ནས། འཁོར་ལོས་སྒྱུར་བའི་རྒྱལ་པོ་གླིང་བཞི་ལ་དབང་བ་རིན་པོ་ཆེ་སྣ་བདུན་ལ་ཉེ་བར་སྤྱོད་པ། རྣམ་པ་དུ་མར་འགྱུར་ཏེ། འདི་ལྟ་སྟེ། བུད་མེད་རིན་པོ་ཆེ་ནི། དེའི་བུད་མེད་ཀྱི་ལུས་ལས་ཙན་དན་དང་སྤོས་འབྱུང་ཞིང་། ཁ་ནས་ཨུཏྤ་ལའི་དྲི་འབྱུང་། བྱ་ཀ་ལིང་ཀ་ལྟར་རེག་ན་བདེ་བར་འགྱུར་ཏེ། བྱ་ཀ་ལིང་ཀ་ཞེས་བྱ་བ་ནི་རྒྱ་མཚོའི་གླིང་ལ་གནས་པའི་བྱ་ཡིན་ནོ།། དེ་ལྟར་འདིའི་མཐུས་གང་ལ་རེག་པ་ཉིད་ཀྱི་ལུས་ཀྱི་ཉོན་མོངས་པ་མེད་པར་འགྱུར་ཞིང་། གླིང་དེ་ན་གནས་པའི་སྐྱེ་བོ་བཀྲེས་པ་དང་། སྒོམ་པ་དང་། མྱ་ངན་དང་བྲལ་བར་འགྱུར། བུད་མེད་དེ་ལྟ་བུ་དེ་འཁོར་ལོས་སྒྱུར་བའི་རྒྱལ་པོ་མཐོང་ནས། གྲང་བའི་དུས་སུ་ནི་དྲོ་བར་བྱེད་ཅིང་། དྲོ་བའི་དུས་སུ་ནི་བསིལ་བར་བྱེད་དེ། དེ་ལ་མི་གཞན་གང་གིས་ཀྱང་རེག་པར་བྱ་བར་མི་ནུས་སོ།། དེ་གནོད་སེམས་སྤངས་པའི་མཐུས་དགེ་བའི་ལས། ཀྱི་རྗེས་སུ་ཞུགས་པ། དགེ་བ་ཐམས་ཅད་ཡང་དག་པར་རྟོགས་པའི་མི་དེ་དག་ཐམས་ཅད་ཀྱིས་མ་དང་སྲིང་མོ་ལྟ་བུར་མཐོང་ངོ་།། དེ་ཡང་རྒྱལ་པོ་དེའི་ཡིད་དུ་འོང་ཞིང་། དེ་ལ་གུས་པར་བྱེད་ལ། དེའི་སྙིང་དུ་སྡུག་པ་དང་། རྟག་ཏུ་བདེ་བའི་རྗེས་སུ་འཇུག་པར་འགྱུར་རོ།། བུད་མེད་ཀྱི་སྐྱོན་རྣམ་པ་ལྔ་སྤངས་པ་ཡིན་ཏེ། འདི་ལྟ་སྟེ། སྐྱེས་པ་གཞན་ལ་སེམས་པ་དང་། སེར་སྣ་དང་མི་རིགས་པར་ཆགས་པ་དང་། མི་རིགས་པའི་གནས་ལ་རྗེས་སུ་དགའ་བ་དང་། ཁྱིམ་ཐབ་ཀྱི་སྲོག་བཅད་པར་འཛིན་པའོ།། བུད་མེད་རིན་པོ་ཆེའི་ཡོན་ཏན་ལྔ་དང་ལྡན་པར་འགྱུར་ཏེ། འདི་ལྟ་སྟེ། བསམ་པ་དང་མཐུན་པར་འགྱུར་བ་དང་། བུ་མང་པོ་བཙའ་བར་འགྱུར་བ་དང་། རིགས་མཐུན་པར་འགྱུར་བ་དང་། སྲིད་མཐོ་བར་འགྱུར་བ་དང་། ཁྱིམ་ཐབ་བུད་མེད་གཞན་ལ་སེམས་ན་ཕྲག་དོག་མི་བྱེད་པའོ། ། གཞན་ཡང་བུད་མེད་ཆེན་མོའི་ཡོན་ཏན་གསུམ་དང་ལྡན་པར་འགྱུར་ཏེ། འདི་ལྟ་སྟེ། ཚིག་ཅལ་ཅོལ་མེད་པར་འགྱུར་བ་དང་། ལོག་པར་ལྟ་བ་མེད་པར་འགྱུར་བ་དང་། ཁྱིམ་ཐབ་མེད་ཀྱང་སྒྲ་དང་། དྲི་དང་། རོ་དང་། རེག་བྱ་དག་གི་དབང་དུ་མི་འགྱུར་བའོ།། དེ་རྒྱུ་དེས་ལུས་དང་བྲལ་ནས་བདེ་འགྲོ་མཐོ་རིས་ཀྱི་ལྷ་རྣམས་ཀྱི་འཇིག་རྟེན་དུ་རྒྱུ་བར་འགྱུར་ཏེ། དེ་སྦྱར་འཁོར་ལོས་སྒྱུར་བའི་རྒྱལ་པོ་བུད་མེད་རིན་པོ་ཆེ་ལ་ཉེ་བར་སྤྱོད་པར་འགྱུར་རོ།། དེ་ནས་གཞན་ཡང་གནོད་སེམས་ཀྱི་དྲི་མ་ཆེན་པོ་ཐ། པས། དགེ་བའི་ལས་ཀྱི་རྣམ་པར་སྨིན་པས་འཁོར་ལོས་སྒྱུར་བའི་རྒྱལ་པོར་ཇི་ལྟར་འགྱུར་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཟོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། གཞན་གྱི་མི་དགེ་བའི་ལས་ཀྱི་རྒྱུ་མཐུན་པ་གནོད་སེམས་ཆེན་པོ་སྤངས་པས་རིན་པོ་ཆེ་གཉིས་པ་ནོར་བུ་རིན་པོ་ཆེ་ལ་ཉེ་བར་སྤྱོད་པར་འགྱུར་ཏེ། དེ་ཡོན་ཏན་བརྒྱད་དང་ལྡན་པ་ཡིན་ནོ།། འདི་ལྟ་སྟེ། མཚན་མོ་རབ་ཏུ་གསལ་བ་ཡིན་ཏེ། ཇི་ལྟར་སྟོན་ཀའི་ཟླ་བ་ཉ་བ་ནི། སྟོན་ཀ་བོད་གསལ་བར་འགྱུར་བ་དེ་ལྟར་ནོར་བུ་ཡང་མཚན་མོའི་མུན་ནག་དག་ལ་དཔག་ཚད་བརྒྱར་འོད་འབྱུང་ཞིང་། ཉིན་པར་ཚ་བས་གདུངས་པ་རྣམས་ལ་ནི་འོད་བསིལ་བ་འབྱུང་སྟེ། ཚ་བ་སེལ་བར་བྱེད་པ་འདི་ནི་ནོར་བུ་དེའི་ཡོན་ཏན་གཅིག་ཡིན་ནོ།། གཞན་ཡང་ཡོན་ཏན་གཉིས་པ་ནི། གང་གི་ཚེ་ལམ་དུ་ཞུགས་ལ་ཆུ་དང་བྲལ་བ་དེའི་ཚེ། སྐོམ་པས་གདུངས་པ་རྣམས་ལ་ཆུ་ཆེན་པོ་ཡན་ལག་བརྒྱད་དང་ལྡན་པ་རབ་ཏུ་འབྱུང་བར་འགྱུར་ལ། དེས་སྐོམ་པ་དེ་དག་ཐམས་ཅད་སེལ་བར་འགྱུར་ཏེ། འདི་ནི་ནོར་བུ་དེའི་ཡོན་ཏན་གཉིས་པ་ཡིན་ནོ།། གཞན་ཡང་ནོར་བུ་དེའི་ཡོན་ཏན་གསུམ་པ་ནི། གང་འཁོར་ལོས་སྒྱུར་བའི་རྒྱལ་པོས་བསམས་པ་ནོར། བུ་དེ་ལས་འབྱུང་སྟེ། འདི་ནི་ནོར་བུ་དེའི་ཡོན་ཏན་གསུམ་པ་ཡིན་ནོ།། གཞན་ཡང་ནོར་བུ་དེའི་ཡོན་ཏན་བཞི་པ་ནི་ཡན་ལག་བརྒྱད་པར་འགྱུར་ཏེ། དེའི་ཆ་རེ་རེས་འོད་ཀྱི་ཁ་དོག་སྣ་ཚོགས་གཏོང་སྟེ་སྔོན་པོ་དང་། སེར་པོ་དང་། དཀར་པོ་དང་། དམར་པོ་དང་། བཙོད་ཀའི་ཁ་དོག་ལྟ་བུའོ།། གཞན་ཡང་ནོར་བུའི་ཡོན་ཏན་ལྔ་པ་ནི། ནོར་བུ་དེ་གང་ན་འདུག་པ་དཔག་ཚད་བརྒྱར་ཉེ་བ་དག་གིས་ནད་མེད་པར་འགྱུར་ཞིང་། རྟག་ཏུ་ཡིད་མཉམ་པར་གཞག་པ་དང་། དེའི་འདོད་པ་ཐམས་ཅད་ལས་ཇི་ལྟ་བ་བཞིན་འབྲས་བུ་མེད་པར་མི་འགྱུར་རོ།། གཞན་ཡང་ནོར་བུ་དེའི་ཡོན་ཏན་དྲུག་པ་ནི་ཀླུ་ངན་པས་ཆར་མི་བཟད་པ་མངོན་པར་དབབ་པར་མི་ནུས་སོ། ། གཞན་ཡང་ནོར་བུ་དེའི་ཡོན་ཏན་བདུན་པ་ནི་མྱ་ངན་དང་། གཡང་ས་དང་། དགོན་པ་དང་། ཤིང་ལྗོན་པ་དང་། ཡུལ་དང་བྲལ་བ་རྣམས་ཤིང་ལྗོན་པ་དང་། མཚེའུ་དང་། ཚལ་དང་། པདྨ་དང་། ནགས་ཚལ་དང་། ནེའུ་གསིང་ཕུན་སུམ་ཚོགས་པར་འགྱུར་རོ།། གཞན་ཡང་ནོར་བུ་དེའི་ཡོན་ཏན་བརྒྱད་པ་ནི། མི་གང་ཡང་དུས་མ་ཡིན་པར་འཆི་བར་མི་འགྱུར། དུད་འགྲོའི་འགྲོ་བར་མི་འགྱུར། དུད་འགྲོའི་འགྲོ་བ་གང་གིས་ཀྱང་གནོད་པར་མི་འགྱུར་རོ།། མི་མཐུན་པས་ཀྱང་མི་མཐུན་པ་ལ་གནོད་པར་མི་འགྱུར་ཏེ། འདི་ལྟ་སྟེ། ནེའུ་ལེ་དང་། སྦྲུལ་ལྟ་བུ་སྟེ། ཡོན་ཏན་ཆེན་པོ་བརྒྱད་པོ་དེ་དག་དང་ལྡན་ནོ།། འཁོར་ལོས་སྒྱུར་བའི་རྒྱལ་པོ་དེའི་གནོད་སེམས་སྤངས་པ། དགེ་བའི་ལས་ཀྱི་རྣམ་པར་སྨིན་པར་འགྱུར་བ་ནི།། དེའི་བུ་ཡང་སྐྱོང་ཐམ་པ་འབྱུང་སྟེ། དཔའ་ཞིང་རྟུལ་བོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་མངོན་པར་འཇོམས་པ། བསམ་པའི་རྗེས་སུ་འཇུག་པ། ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ། རིགས་འཐུན་པ། འཁོར་གྱི་སྐྱེ་བོ་ཐམས་ཅད་དགའ་ཞིང་རང་བཞིན་གྱིས་རྗེས་སུ་ཆགས་པ་དག་ཡིན་ནོ།། དེ་ནས་གཞན་ཡང་གནོད་སེམས་སྤངས་པས། གསུམ་པ་འཇིག་རྟེན་དུ་འཁོར་ལོ་རིན་པོ་ཆེ་ཇི་ལྟར་འབྱུང་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། འཁོར་ལོ་རིན་པོ་ཆེ་ཡོན་ཏན་ལྔ་དང་ལྡན་པར་མཐོང་སྟེ། འདི་ལྟ་སྟེ། འཛམ་བུ་ཆུ་བོའི་གསེར་ལས་བྱས་པ། ཚད་དཔག་ཚད་ལྔ་བརྒྱ་ཡོད་པ། རྩིབས་སྟོང་ཡོད་ཅིང་། འཇིག་རྟེན་ན་ཉི་མ་གཉིས་པ་ལྟ་བུར་རྣམ་པར་མཛེས་ཏེ། འདི་ནི་དེའི་ཡོན་ཏན་དང་པོ་ཡིན་ནོ།། གཞན་ཡང་འཁོར་ལོ་རིན་པོ་ཆེའི་ཡོན་ཏན་གཉིས་པ་ནི། ནམ་མཁའ་ལ་དཔག་ཚད་འབུམ་དུ་ཉི་མ་གཅིག་གིས་ཐོགས་པ་མེད་པར་འགྲོའོ། ། གཞན་ཡང་འཁོར་ལོ་རིན་པོ་ཆེ་དེའི་ཡོན་ཏན་གསུམ་པ་ནི་འདི་ལྟ་སྟེ། འཁོར་ལོས་སྒྱུར་བའི་རྒྱལ་པོ་ནུབ་ཀྱི་བ་ལང་སྤྱོད་དང་། ཤར་གྱི་ལུས་འཕགས་པོ་དང་། བྱང་གི་སྒྲ་མི་སྙན་དང་། རྒྱལ་ཆེན་བཞིའི་ལྷའི་གནས་གང་དུ་འགྲོ་བར་འདོད་པ་དེ་དང་དེར་ནམ་མཁའ་ལ་འཁོར་ལོ་རྩིབས་སྟོང་ཡོད་པས་འགྲོ་ཞིང་། དེའི་མཐུས་དེའི་དཔུང་གི་ཚོགས་ཡན་ལག་བཞི་པ། གླང་པོ་དང་། རྟ་དང་། ཤིང་རྟ་དང་། རྐང་ཏང་བ་དང་ལྷན་ཅིག་ཏུ་ནམ་མཁའ་ལ་འགྲོའོ།། གཞན་ཡང་འཁོར་ལོ་རིན་པོ་ཆེའི་ཡོན་ཏན་བཞི་པ་ནི། འཁོར་ལོས་སྒྱུར་བའི་རྒྱལ་པོ་གང་མི་ཐོས་པ་དེ། འཁོར་ལོ་རིན་པོ་ཆེ་དེས་གྲོགས་བྱས་ཏེ་ཐོས་པར་བྱེད་དོ།། གཞན་ཡང་འཁོར་ལོ་རིན་པོ་ཆེ་དེའི་ཡོན་ཏན་ལྔ་པ་ནི། སྔོ་བ་གང་ཡང་མེད་དེ། ཆོས་དང་ལྡན་པའི་ཆོས་ཀྱི་རྗེས་སུ་འཇུག་པའི་རྒྱལ་པོ་ལ། རྒྱལ་པོ་འམ། བློན་པོ་ཆོས་ཀྱི་གྲོགས་པོས་མཐོང་མ་ཐག་ཏུ་དེ་དག་ཐམས་ཅད་འབུལ་ཏེ། དེ་ལྟར་འཁོར་ལོ་རིན་པོ་ཆེ་ཡོན་ཏན་ལྔ་དང་ལྡན་ནོ། ། རིན་པོ་ཆེ་ཆེན་པོ་གསུམ་པ་བཤད་ཟིན་ཏོ།། དེ་ནས་གཞན་ཡང་གནོད་སེམས་སྤངས་པའི་དགེ་བའི་ལས་ཀྱི་ལམ་སྤྱད་པ་དག་འཁོར་ལོས་སྒྱུར་བའི་རྒྱལ་པོའི་བཞི་པ་གླང་པོ་རིན་པོ་ཆེ་ཇི་ལྟར་འཇིག་རྟེན་དུ་འབྱུང་བར་འགྱུར་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། འདི་ལ་འཁོར་ལོས་སྒྱུར་བའི་རྒྱལ་པོ་ཆོས་དང་ལྡན་ཞིང་། ཆོས་ཀྱི་རྗེས་སུ་འཇུག་པའི་གླང་པོར་འགྱུར་བ་ནི་ཅང་ཤེས་པ། མཆོག་ཏུ་བཀའ་ཉན་པ། ཕ་རོལ་གྱི་སྡེ་ལས་རྒྱལ་བར་བྱེད་པ། ཡན་ལག་བདུན་ལེགས་པར་གནས་པ་ཡིན་ཏེ། འདི་ལྟ་སྟེ། རྐང་ལག་བཞི་དང་། མཇུག་མ་མ་ཐེག་པ་དང་། རླིག་པ་མདོམས་ཀྱི་གནས་ན་འདུག་པ་དང་། ལེགས་པར་གནས་པ་སྟེ། དེ་དག་ལ་སོགས་པ་དེའི་ཡན་ལག་བདུན་དག་སའི་སྟེང་ན་ལེགས་པར་རབ་ཏུ་གནས་པ་ཡིན། སྟོབས་ཆེ་བ་ཡིན་ཏེ། རང་བཞིན་གྱིས་གླང་པོ་ཆེ་སྟོང་གི་སྟོབས་ཡང་དག་པར་འཛིན་པར་བྱེད། དཀན་འཇམ་པ་དང་ལྡན་ཞིང་། མདོག་དཀར་བ་ཁ་བ་དང་། དངུལ་གྱི་མདོག་ལྟ་བུ་ཡིན་ཏེ། འདི་ལྟ་སྟེ། བརྒྱ་བྱིན་གྱི་གླང་པོ་ཆེ་ལྟ་བུ་ཡིན་ལ། གླང་པོ་ཆེ་གཞན་དག་དེའི་དྲི་ཚོར་ནས་མདུན་དུ་འདུག་པར་མི་བྱེད་དོ།། གནས་གསུམ་དུ་གཡུལ་འགྱེད་པར་འགྱུར་ཏེ། འདི་ལྟ་སྟེ། ཆུ་དང་། སྐམ་ས་དང་། བུར་སྣང་ལའོ།། ཤུགས་ཕུན་སུམ་ཚོགས་པ་དང་ལྡན་པ་ཡིན་ཏེ། ཉིན་གཅིག་གིས་འཛམ་བུའི་གླིང་ལན་གསུམ་དུ་སྐོར་བར་བྱེད་དོ།། སྐུད་པས་ཀྱང་དཀྲིར་རུང་བར་འགྱུར་ལ། གང་གི་ཚེ་འཁོར་ལོས་སྒྱུར་བའི་རྒྱལ་པོ་གླང་པོ་ཆེ་ཅང་ཤེས་པ་ལ་ཞོན་པ་དེའི་ཚེ་སེམས་དང་མཐུན་པར་འགྱུར་ཏེ། འཁོར་ལོས་སྒྱུར་བའི་རྒྱལ་པོ་གང་དུ་སེམས་འཇུག་པར་འགྱུར་བ་དེར་གླང་པོ་ཆེ་ཅང་ཤེས་པ་དེ་མ་བསྐུལ་ཀྱང་འཇུག་གོ། ། དལ་གྱིས་འགྲོ་ཞིང་འགྱིང་བས་སྤྱི་བོ་སྤྱོད་པ་གནོད་པ་མེད་ཅིང་འཁྲུགས་པ་མེད་ལ། སྡུག་པ་དང་མཛེས་པར་འགྲོ་བ་ཡིན། བྱིས་པའི་ནང་དུ་སོང་ན་ཡང་བྱིས་པ་རྣམས་ལ་འཇིགས་པར་མི་བྱེད། ལམ་སྲང་དང་། བཞི་མདོ་དང་། བ་གམ་གྱི་ནང་དུ་སོང་སྟེ། ཕན་ཚུན་འགྲོ་བ་ན་བུད་མེད་ཀྱིས་ཀྱང་རེག་པར་བཟོད་པ་ཡིན། གཡུལ་འགྱེད་པའི་དུས་སུ་དྲག་ལ། གནས་པའི་དུས་སུ་ནི་སྐུད་པས་། དཀྲིར་རུང་བ་ཡིན་ཏེ། རྒྱལ་པོའི་གླང་པོ་ཆེའི་ཡོན་ཏན་ནི་དེ་དག་ཡིན་ནོ།། འཁོར་ལོས་སྒྱུར་བའི་རྒྱལ་པོས་དགེ་བ་བཅུའི་ལས་ཀྱི་ལམ་རེ་རེ་སྤྱད་པས་ཀྱང་འཁོར་ལོས་སྒྱུར་བའི་ས་བོན་འདི་དག་འགྲུབ་ན་དགེ་བ་བཅུའི་ལས་ཀྱི་ལམ་མཐའ་དག་གི་རྗེས་སུ་ཞུགས་པ་ལྟ་སྨོས་ཀྱང་ཅི་དགོས། དེ་ལྟར་རྣལ་འབྱོར་སྤྱོད་པ་དེ་ལྷའི་མིག་གིས་འཁོར་ལོས་སྒྱུར་བའི་བཞི་པ་གླང་པོ་རིན་པོ་ཆེ་མཐོང་ངོ་།། ནས་གཞན་ཡང་འཁོར་ལོས་སྒྱུར་བའི་རྒྱལ་པོའི་རྟ་རིན་པོ་ཆེ་ནི་ཡོན་ཏན་དུ་ཞིག་དང་ལྡན་པར་འགྱུར་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས་ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། རྟ་རིན་པོ་ཆེ་ངང་པ་དང་། མེ་ཏོག་ཀུ་མུ་ད་ལྟར་དཀར་བ་ཡིན། ཀུན་ནས་ལྷའི་ནོར་བུའི་གཙུག་ལ་སོགས་པ་མཚན་བཟང་པོས་བརྒྱན་པ་ཡིན། བོང་སྟེད་དང་། མདོག་དང་། དབྱིབས་ཕུན་སུན་ཚོགས་པ་ཡིན་ནོ།། བསྒོ་ན་ཉིན་གཅིག་གིས་འཛམ་བུའི་གླིང་ལན་གསུམ་དུ་སྐོར་བར་བྱེད་ལ། དེའི་ལུས་དག་ལ་ཤིན་ཏུ་ནད་མེད་པ་ཡིན་ཏེ། འདི་ནི་འཁོར་ལོས་སྒྱུར་བའི་རྒྱལ་པོའི་རིན་པོ་ཆེ་ལྔ་པ་ཡིན་ནོ། ། དེ་ནས་གཞན་ཡང་འཁོར་ལོས་སྒྱུར་བའི་རྒྱལ་པོའི་བློན་པོ་རིན་པོ་ཆེ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། བློན་པོ་རིན་པོ་ཆེའི་ཡོན་ཏན་ནི་འདི་དག་ཡིན་ཏེ། འདི་ལྟ་སྟེ། གང་རྒྱལ་པོའི་བྱི་བའི་རྣམ་པ་ཡིད་ལ་སེམས་པ་དེ་ཉིད། མ་བསྒོས་ཀྱང་དེའི་ཡིད་ཀྱིས་ཤེས་ནས། རྒྱལ་པོ་ལ་ཡོངས་སུ་དབུལ་བར་བྱེད་དེ། ཤིན་ཏུ་རྫོགས་པ་དང་། དེ་བསགས་པ་དང་། མ་ཆགས་པ་དང་། ཆོས་མ་ཡིན་པ་རྣམ་པར་སྤངས་པ་དང་། ཤིན་ཏུ་རིགས་པ་བརྩམས་པ་དང་། ཡུལ་དང་དུས་དང་ལྡན་པ་དང་། ཉོན་མོངས་པ་མེད་པ་དང་། གཞན་ལ་གནོད་པ་མེད་པ་དང་། སྐྱེ་བོ་ལ་རྣམ་པར་མི་འཚེ་བ་དང་། ཡང་དག་པའི་ཐ་སྙད་དང་ལྡན་པའི་རང་བཞིན་ལ་སྐྱོ་བ་མེད་པར་བྱེད་དོ།། རྒྱལ་པོའི་བྱ་བའི་རྣམ་པའམ། ཆོས་ཀྱི་དོན་གྱི་བྱ་བ་འདོད་པ་དང་ལྡན་ཞིང་། མ་འོངས་པའི་བྱ་བ་དང་ལྡན་པ་ཐམས་ཅད་ཡོངས་སུ་འབུལ་བར་བྱེད་དོ། ། འདི་ནི་འཁོར་ལོས་སྒྱུར་བའི་རྒྱལ་པོའི་བློན་པོ་རིན་པོ་ཆེ་ཡིན་ཏེ། ལྷག་པའི་གནོད་སེམས་སྤངས་པའི་དགེ་བ་བཅུའི་ལས་ཀྱི་ལམ་སྤྱོད་པ་དག་ནི་འཇིག་རྟེན་ཐམས་ཅད་ལ་ཕ་མ་ལྟར་ཕན་པར་གནས་པ་ཡིན་ནོ། ། དེ་ནས་གཞན་ཡང་ཇི་ལྟར་ན། བདུན་པ་ཁྱིམ་བདག་རིན་པོ་ཆེ་འབྱུང་བར་འགྱུར། ཁྱིམ་བདག་རིན་པོ་ཆེ་དེའི་ཡོན་ཏན་ནི་དུ་ཞིག་ཡོད་ཅེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། རྒྱལ་པོའི་བཀའ་ཉན་པའི་ཁྱིམ་བདག་རིན་པོ་ཆེའི་ཡོན་ཏན་ནི་འདི་དག་ཡིན་ཏེ། འདི་ལྟ་སྟེ། རྡོ་རྗེ་དང་། རིན་པོ་ཆེ་མཐོན་ཀ་དང་། མརྒད་དང་། སྡུག་ལ་སོགས་པ་རིན་པོ་ཆེ་རྣམས་ཀྱི་ངམ་གྲོག་དང་། གཡང་ས་དང་། རི་ཁྲོད་དང་མི་མཐུན་པ་གཞན་དག་ཏུ་མ་བཀོས་ཀྱང་ཤིན་ཏུ་འགེངས་ལ། རིན་པོ་ཆེ་རྣམས་ཀྱང་ཟད་པ་མེད་པར་འགྱུར་ན། གསེར་དང་དངུལ་ལྟ་ཞིག་སྨོས་ཀྱང་ཅི་དགོས། ཁྱིམ་བདག་རིན་པོ་ཆེ་འདིའི་འབྱོར་པ་ནི་ཤིན་ཏུ་གནས་པ་ཡིན་ཏེ། གཡོ་མེད་པ་དང་། སྒྱུ་མེད་པ་དང་། གཞན་ལ་མི་གནོད་པ་དང་། སྐྱེ་བོ་ཐམས་ཅད་དགའ་བ་ནི་ཁྱིམ་བདག་རིན་པོ་ཆེ་ཡིན་ནོ།། དེ་ལྟར་རྒྱལ་པོ་རིན་པོ་ཆེ་སྣ་བདུན་དང་ལྡན་པ་ནི་མིའི་གནས་བཞི་རྣམས་ལ་སྒོ་བ་བྱེད་ཅིང་། ཀླུ་དང་། ལྷའི་རིས་གཉིས་དང་། རྒྱལ་ཆེན་བཞི་དང་། སུམ་ཅུ་རྩ་གསུམ་གྱི་ལྷ་རྣམས་ཀྱི་དབང་པོའི་སྟན་ཕྱེད་འཕྲོག་པ་ཡིན་ཏེ། དེ་ལྟར་འཁོར་ལོས་སྒྱུར་བའི་རྒྱལ་པོ་རིན་པོ་ཆེ་སྒྲ་བདུན་དང་ལྡན་པ་ཡིན་ནོ། ། དེའི་ཉེ་བའི་རིན་པོ་ཆེ་བདུན་ནི་རིན་པོ་ཆེ་དེ་དག་ལས་ཅུང་ཟད་དམན་པ་ཡིན་ཏེ། འདི་ལྟ་སྟེ། རལ་གྲི་ཉེ་བའི་རིན་པོ་ཆེ་དང་། པགས་པ་ཉེ་བའི་རིན་པོ་དང་། མལ་ཆ་ཉེ་བའི་རིན་པོ་ཆེ་དང་། ཚལ་ཉེ་བའི་རིན་པོ་ཆེ་དང་། ཁྱིམ་ཉེ་བའི་རིན་པོ་ཆེ་དང་། གོས་ཉེ་བའི་རིན་པོ་ཆེ་དང་། ལྷམ་ཉེ་བའི་རིན་པོ་ཆེའོ།། དེ་ལ་འཁོར་ལོས་སྒྱུར་བའི་རྒྱལ་པོའི་རལ་ཉེ་བའི་རིན་པོ་ཆེའི་ཡོན་ཏན་ནི་འདི་ལྟ་སྟེ། ཡུལ་འཁོར་གང་དག་རྒྱལ་པོའི་ཡིད་དང་། ཚིག་ལས་འགལ་བར་བྱེད་འདོད་པ་དེར་རལ་གྲི་ཉེ་བའི་རིན་པོ་ཆེ་འགྲོ་སྟེ། དེས་བཏབ་པ་མེད་ཅིང་། རལ་གྲི་རིན་པོ་ཆེ་སུ་ལ་ཡང་བཏབ་པ་མེད་ཀྱིས་ཀྱང་ཡུལ་འཁོར་ཀུན་གྱིས་མཐོང་ནས་འདུད་པར་བྱེད་དོ། ། ཉེ་བའི་རིན་པོ་ཆེ་དེའི་ཡོན་ཏན་འདི་ཡིན་ཏེ། བཟང་བ། མི་བཟད་པ། ཆད་པ་མེད་ཅིང་མཚོན་གྱིས་བདའ་བ་མེད་ཀྱང་ཡུལ་འཁོར་དེ་དག་ཐམས་ཅད་འདུད་པར་བྱེད་དེ། དེ་ནི་རལ་གྲི་ཉེ་བའི་རིན་པོ་ཆེའི་ཡོན་ཏན་ཡིན་ནོ།། པགས་པ་ཉེ་བའི་རིན་པོ་ཆེའི་ཡོན་ཏན་ཇི་ལྟ་བུ་ཞེ་ན། པགས། པ་རིན་པོ་ཆེ་ནི་རྒྱ་མཚོ་ནས་འབྱུང་སྟེ། དེ་བྱུང་བར་གྱུར་པ་དང་། ཚོང་པ་དག་གིས་རྒྱལ་པོ་ལ་འབུལ་བར་བྱེད་དེ། དེའི་ཡོན་ཏན་ནི་འདི་དག་ཡིན་ནོ།། དེ་རྒྱ་མཚོའི་ཀླུའི་པགས་པ་ཡིན་ཏེ། ཞེང་དུ་དཔག་ཚད་ལྔ་ལ་ཆུར་དཔག་ཚད་བཅུ་སྟེ། དེ་ཆར་གྱིས་མི་རླན། རླུང་གིས་མི་སྐྱོད། མེས་མི་འཚིག། གྲང་ན་དྲོ་བར་བྱེད་ཅིང་། དྲོ་ན་བདེ་བ་བསིལ་བར་བྱེད་ལ། འཁོར་ལོས་སྒྱུར་བའི་རྒྱལ་པོ་འཁོར་དང་བཅས་པ་གང་དུ་འགྲོ་བ་དེར་བློན་པོ་རིན་པོ་ཆེ་དེས་ཁྱེར་བར་བྱེད་དེ། ཇི་ལྟར་སོ་སོ་ནས་བྱེད་པ་ལྟར་དེ་རྒྱལ་པོའི་འཁོར་གྱི་ཁྱིམ་གྱི་བྱ་བ་ཐམས་ཅད་བྱེད་དོ།། བུད་མེད་མི་སྡུག་པ་དག་མཐོང་ཞིང་། དཀར་བ་དེ་དང་ལྡན་པར་འགྱུར་ལ། ཟླ་བ་དང་ཉི་མའི་འོད་སྣང་བ་དེ་དང་ཡང་ལྡན་པར་འགྱུར་རོ།། གསུམ་པ་རྒྱལ་པོའི་མལ་ཆ་རིན་པོ་ཆེ་ནི་ཡང་ཞིང་འཇམ་ལ་མཐོ་དམན་ཅན་ཡིན་ཏེ། གལ་ཏེ་བསམ་གཏན་སེམས། ན། དེའི་བསམ་གཏན་རྣམ་པར་གྲོལ་ཞིང་། བློ་གྲོས་གསལ་བར་བྱེད། གལ་ཏེ་འདོད་ཆགས་ཀྱིས་ཟིལ་གྱིས་ནོན་པ་ཡིན་ན། དེ་མལ་ཆའི་སྟེང་དུ་འདུག་ན། དེའི་ཚེ་འདོད་ཆགས་དང་བྲལ་ཞིང་ཆགས་པ་མེད་པར་བྱེད་དོ། ། ཞེ་སྡང་དང་། གཏི་མུག་དག་ལ་ཡང་དེ་བཞིན་ཏེ། མལ་ཆ་ཉེ་བའི་རིན་པོ་ཆེ་ནི་བསམ་གཏན་གྱི་གནས་དང་འདྲའོ།། རྒྱལ་པོ་མལ་ཆ་རིན་པོ་ཆེའི་ནང་ན་འདུག་པ་བུད་མེད་ཀྱིས་མཐོང་ལ། དེའི་ཚེ་མཆོག་ཏུ་དགའ་བ་སྐྱེས་ཀྱང་ཡིད་ལ་ཤིན་ཏུ་འདོད་ཆགས་པར་མི་འགྱུར་ཏེ། གསུམ་པ་འདི་ནི་མལ་ཆ་ཉེ་བའི་རིན་པོ་ཆེའི་ཡོན་ཏན་ཡིན་ནོ།། བཞི་པ་ཚལ་ཉེ་བའི་རིན་པོ་ཆེའི་ཡོན་ཏན་དུ་ཡོད་ཅེ་ན། འདི་ལྟ་སྟེ། གལ་ཏེ་རྒྱལ་པོ་ཚལ་དུ་བསམ་གཏན་ལ་དགའ་བར་འགྱུར་ཏེ། དེ་དེར་ཉེ་བར་འགྲོ་ན་ཚལ་དེའི་མཐུ་དང་། རྒྱལ་པོའི་དགེ་བའི་ལས་ཀྱིས་གང་ལྷའི་འཇིག་རྟེན་གྱི་ཚལ་གྱི་དགའ་བའི་རྣམ་པ་མེ་ཏོག་དང་། འབྲས་བུ་དང་། བྱ་དང་། པདྨ་དང་། སྟེང་ཀ་དང་། འབབ་པའི་ཆུ་ངོགས་བདེ་བ་དང་། ལྷའི་བུ་མོ་དག་རོལ་མོ་བྱེད་ཅིང་། དགོད་ལ་མཛེས་པ་རྩེ་བ་དེ་དག་ཐམས་ཅད་ལྷའི་རིས་དེ་ནས་ཚལ་དེར་ཉེ་བར་འོང་སྟེ། རྒྱལ་པོ་དེ་ཡང་ལྷ་བཞིན་དུ་ལྷའི་འདོད་པའི་ཡོན་ཏན་ལྔ་དག་དང་ལྡན་པར་འགྱུར། ཚལ་ཉེ་བའི་རིན་པོ་ཆེ་དེར་བུད་མེད་དང་ལྷན་ཅིག་ཏུ་དགའ་ཞིང་དགའ་དགུར་སྤྱོད་པར་བྱེད་དེ། དགེ་བའི་ལས་ཀྱིས་རྣལ་འབྱོར་སྤྱོད་པ་དེ་བཞི་པ་ཚལ་ཉེ་བའི་རིན་པོ་ཆེ་མཐོང་ནས་གནས་སོ།། འཁོར་ལོས་སྒྱུར་བའི་རྒྱལ་པོའི་ཁྱིམ་ཉེ་བའི་རིན་པོ་ཆེ་ཇི་ལྟ་བུ་ཡིན། ཡོན་ཏན་ནི་དུ་ཞིག་དང་ལྡན་ཞེ་ན། འདི་ལྟ་སྟེ། གལ་ཏེ་འཁོར་ལོས་སྒྱུར་བའི་རྒྱལ་པོའི་ཁྱིམ་ཉེ་བའི་རིན་པོ་ཆེའི་ནང་དུ་ཉལ་བར་གྱུར་ན། མཚན་མོ་ཉལ་བ་དེའི་ཚེ་ཟླ་བ་ལྟ་བར་འདོད་ན་འོང་ཞིང་། གཟའ་དང་། རྒྱུ་སྐར་དང་། སྐར་མདའ་དག་ཀྱང་དེའི་ཁྱིམ་དེར་ཉེ་བར་འོང་བར་འགྱུར། དེའི་ནོར་བུ་ཡང་མཐོང་ན་དགའ་བར་འགྱུར། ལྷ་མོ་དག་ཀྱང་ལྷའི་རོལ་མོ་བྱེད་པར་འགྱུར། གང་མྱ་ངན་མང་པོ་དང་བྲ་བའི་མི་དེ་བདེ་བར་གཉིད་ལོག་པར་འགྱུར། གཉིད་ལོག་པ་ན་རྨི་ལམ་དགེ་བ་མཆོག་ཏུ་དགའ་བ་དག་མཐོང་བར་འགྱུར། ཟང་པའི་དུས་སུ་ནི་རླུང་དྲོ་བ་ལྡང་ཞིང་། དྲོ་བའི་དུས་སུ་ཡང་བསིལ་བ་རེག་ན་བདེ་ཞིང་འཇམ་པ་ལྡང་ངོ་། ། མཚན་མོ་ཐུན་གསུམ་ལས་ཐུན་གཉིས་ལ་ཉལ་ཞིང་། ཐུན་གསུམ་པ་ལས་གཉིད་དང་བྲལ་ནས་ལངས་ཏེ། བདེ་བའི་ཆོས་ལ་གནས་པར་འགྱུར་ཏེ། འདི་ནི་འཁོར་ལོས་སྒྱུར་བའི་རྒྱལ་པོའི་ཁྱིམ་ཉེ་བའི་རིན་པོ་ཆེ་ཡིན་ནོ།། གོས་ཉེ་བའི་རིན་པོ་ཆེའི་རྣམ་པ་དུ་ཡོད། ཡོན་ཏན་ནི་དུ་ཞིག་དང་ལྡན་ཞེ་ན། འདི་ལྟ་སྟེ། ཐགས་བཟང་ཞིང་མཆོག་ཏུ་འཇམ་ལ་དྲི་མས་མ་གོས་པ་ཡིན་ཏེ། གྱོན་ནས་ཀྱང་ཟང་བ་དང་། དྲོ་བ་དང་། བཀྲེས་པ་དང་། སྐོམ་པ་དང་། ཉམ་ཆུང་བ་དང་། ངལ་བ་དང་། དུབ་པའི་གནོད་པ་མེད་ལ། མེ་དང་མཚོན་དག་གིས་བསྲེག་པ་དང་། གཅོད་པར་མི་ནུས་སོ།། དེ་ནས་གཞན་ཡང་འཁོར་ལོས་སྒྱུར་བའི་རྒྱལ་པོའི་ལྷ་མ་ཉེ་བའི་རིན་པོ་ཆེ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། ལྷམ་ཉེ་བའི་རིན་པོ་ཆེ་འཁོར་ལོས་སྒྱུར་བའི་རྐང་པ་ལ་གྱོན་ན། ཇི་ལྟར་སྐམས་ལ་རྐང་པ་མི་འབྱིང་བ་དེ་བཞིན་དུ་ཆུར་ཡང་མི་འབྱིང་བར་འགྱུར་རོ། ། གལ་ཏེ་དལ་གྱིས་སྔོན་དུ་འགྲོ་བར་འདོད་ན་དཔག་ཚད་བརྒྱར་ཡང་འགྲོ་བར་འགྱུར་ཞིང་། ལུས་ལ་ངལ་བ་མེད་དེ། འདི་དག་ནི་འཁོར་ལོས་སྒྱུར་བའི་རྒྱལ་པོ་རིན་པོ་ཆེ་སྣ་བདུན་དང་། ཉེ་བའི་རིན་པོ་ཆེ་སྣ་བདུན་དག་ལ་སྤྱོད་པ་ཡིན་ཏེ། མིའི་གནས་བཞི་དང་། ལྷའི་རིས་གཉིས་ལ་ཉེ་བར་སྤྱོད་པ་ཡིན་ནོ།། དེའི་བུ་དཔའ་ཞིང་རྟུལ་ཕོད་ལ་ཕ་རོལ་གྱི་སྡེ་རབ་ཏུ་འཇོམས་པ་སྟོང་ཐམ་པ་ཡོད་དེ། དེ་དག་འཁོར་ལོས་སྒྱུར་བའི་རྒྱལ་པོ་ལ་ཕྱག་བྱེད་དོ།། གནོད་སེམས་མི་དགེ་བའི་ལས་སྤངས་པ་ནི། དགེ་བ་བཅུའི་ལས་ཀྱི་ལམ་གྱི་རྒྱུ་མཐུན་པ་བདེ་བ་དེདག་མྱོང་བར་འགྱུར་རོ། ། དེ་ནས་གཞན་ཡང་འཁོར་བ་ཐམས་ཅད་ཀྱི་ས་བོན་དུ་གྱུར་པ། ཐོག་མ་མེད་པའི་དུས་ནས་མུན་པ་མུན་ནག་ཏུ་གྱུར་པ་ཡང་དག་པར་སྤྱོད་པ་ཐམས་ཅད་ཀྱི་བག་ལ་ཉལ་བར་གྱུར་པ། ། ལོག་པར་ལྟ་བ་སྤངས་པ་ཇི་ལྟ་བུ་ཡིན། ཡང་དག་པའི་ལྟ་བས་འཁོར་བ་ལས་གྲོལ་བ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། རྣལ་འབྱོར་པ་དེས་ཆོས་ལ་ཆོས་ཀྱི་རྗེས་སུ་མཐོང་བ་ནི། འདི་ལ་ལོག་པར་ལྟ་བ་སྤངས་ཤིང་། དེའི་ཡང་དག་པའི་ལྟ་བས་དོན་མེད་པ་ཐམས་ཅད་སྤོང་བ། ཡང་དག་པའི་སྦྱོར་བའི་བག་ལ་ཉལ་འདོར་བར་འགྱུར། དེ་མྱ་ངན་ལས་འདས་པ་དང་ཉེ་བར་འགྱུར་ཞིང་། འཁོར་བ་དང་རིང་བར་འགྱུར། འདི་ལ་ལོག་པར་ལྟ་བ་རྣམ་པ་ལྔ་མཐོང་ནས། དབང་པོ་ལྔ་སྒྲུབ་པར་འགྱུར་བ་ནི་སྐྱེས་བུ་དམ་པ་དམ་པའི་ཆོས་ལ་མངོན་པར་དགའ་བ་འདི་ཐོག་མ་ནས་འདི་ལྟར་སངས་རྒྱས་ཀྱི་ཡོན་ཏན་དེ་དག་རྣར་ཐོས་ནས། དེའི་ཚེ་འདི་ལྟར་འཁོར་བའི་སྡུག་བསྔལ་རྣམ་པ་སྣ་ཚོགས་ལ་དམིགས་ཤིང་། འགྲོ་བ་ལྔ་རྣམས་ལ་འཇིགས་པ་ཆེན་པོ་ལྔ་དམིགས་ཏེ། ལྷ་རྣམས་ལ་བག་མེད་པས་འཆི་བའི་སྡུག་བསྔལ་དང་། མི་རྣམས་ལ་འདོད་པའི་སྡུག་བསྔལ་དང་། སེམས་ཅན་དམྱལ་བ་རྣམས་ལ་གནོད་པའི་སྡུག་བསྔལ་དང་། ཡི་དགས་རྣམས་ལ་བཀྲེས་པ་དང་སྐོམ་པའི་སྡུག་བསྔལ་དང་། དུད་འགྲོ་རྣམས་ལ་གཅིག་ལ་གཅིག་ཟ་བའི་སྡུག་བསྔལ་ཏེ། དེ་ལྟར་རྣམ་པ་ལྔ་པོ་དེ་དག་རྣམ་པ་དུ་མ་ཡོད་ཅིང་། སྡུག་བསྔལ་གྱི་ཡན་ལག་དབྱེ་བ་དག་དཔག་ཏུ་མེད་པར་དམིགས་སོ།། དེའི་ཚེ་འདི་ལྟར་ཐོག་མ་ཉིད་དུ་འཁོར་བ་ཐམས་ཅད་ལས་ངེས་པར་འབྱུང་བར་གྱུར་ཅིང་། སྣང་བར་གྱུར་ལ། དམ་པའི་ཆོས་ངེས་པར་འབྱེད་པའི་ཆ་ལམ་རབ་ཏུ་འབྱུང་བར་སེམས་བསྐྱེད་དེ། དེའི་སེམས་བསྐྱེད་པ་གཅིག་ལས་དགེ་བའི་ཆོས་ཀྱི་རྒྱུན་ཉིད་སྐྱེའོ།། གང་གིས་དེའི་སེམས་བསྐྱེད་པ་དེ་དང་ཡང་དག་པར་ལྡན་པ་ལ་བར་སྣང་ལ་སྤྱོད་པའི་གནོད་སྦྱིན་རབ་ཏུ་མགུ་ཞིང་། ཀུན་ཏུ་དགའ་ལ་རབ་ཏུ་དགའ་སྟེ། སེམས་རངས་པར་གྱུར་ནས། ཡིད་ལ་རིགས་ཀྱི་བུ་འདིའི་མང་ནི་འདི་ཞེས་བྱ། རིགས་ནི་འདི་ཞེས་བྱ་སྟེ། དེ་ཐོག་མ་མེད་པའི་དུས་ནས་འདོད་ཆགས་ཞེ་སྡང་གཏི་མུག་རྣམས་སྤངས་པར་འདོད་ལ། བདུད་ཀྱི་ཡུལ་གྱི་དངོས་པོ་མི་འདོད་པར་ཞུགས་པ། ཀུན་ནས་ཉོན་མོངས་པའི་ཡུལ་དག་གིས་དགའ་བའི་འདོད་ཆགས་ཀྱི་མོད་ལས་སྐྱེས་པའི་སྲེད་པ་དག་ལ་ཀུན་ཏུ་མི་དགའ་བ་ཡིན་ནོ་སྙམ་མོ། ། གཞན་ཡང་ལོག་པར་ལྟ་བ་དང་བྲལ་བའི་རིགས་ཀྱི་བུ་དེ་ནི། དེ་ལྟར་རྟག་ཏུ་རབ་ཏུ་འབྱུང་བའི་སེམས་ཀུན་ཏུ་སྟོན་པར་བྱེད་ཅིང་། གོམས་པར་བྱེད་ལ་མང་དུ་བྱེད། དགེ་བའི་བཤེས་གཉེན་ལ་བསྦྱིན་བཀུར་བྱེད། དམ་པའི་ཆོས་ཉན་པ་ལ་དགའ་བར་འགྱུར།། སངས་རྒྱས་ཀྱི་ཆོས་ལ་ཕྱིར་ཞིང་སེམས་གསལ་ལ་ཕྱག་འཚལ་བར་བྱེད། ལུས་དང་ངག་གི་ལས་ཀྱི་མཐའ་ཞི་ཞིང་ཤིན་ཏུ་གསལ་བ་ཡིན་ཏེ། དེ་ལྟར་དེའི་ལུས་དང་། ངག་དང་། ཡིད་ཞི་བས་ཉིན་མོ་མཉམ་པར་གཞག་པར་བར་སྣང་ལ་སྤྱོད་པའི་གནོད་སྦྱིན་གྱིས་རིག་ནས་ཀུན་ཏུ་དགའ་བར་འགྱུར་ཏེ། རིགས་ཀྱི་བུ་འདི་དགེ་བའི་བཤེས་གཉེན་ལ་སེམས་རབ་ཏུ་དང་ཞིང་ཁྱིམ་གྱི་གནས་གཟེ་བ་ལྟ་བུར་གྱུར་པ་ལ་སེམས་ཀུན་ཏུ་མི་ཆགས། དེས་བདུད་ཀྱི་ཡུལ་རྣམས་ལ་ཐོག་མ་མེད་པའི་དུས་ནས་ཞུགས་པའི་འདོད་ཆགས་ཞེ་སྡང་གཏི་མུག་དག་གིས་འདོད་པའི་ལྷ་དང་ལྷན་ཅིག་ཏུ་འདུ་ཤེས་དག་ལ་ཆགས་པ་མེད་ཅིང་བདུད་དང་ལྷན་ཅིག་གཡུལ་འགྱེད་པར་འདོད་ལ། ཉོན་མོངས་པ་སྤང་བར་འདོད་པ་དེ། བར་སྣང་ལ་སྤྱོད་པའི་གནོད་སྦྱིན་གྱིས་རིག་ནས་ཀུན་ཏུ་དགའ་བར་འགྱུར་རོ།། གཞན་ཡང་རིགས་ཀྱི་བུ་དེ་དེ་ལྟར་འཁོར་བའི་སྡུག་བསྔལ་ལ་དམིགས་ནས་ཆེས་ཤིན་ཏུ་རབ་ཏུ་འབྱུང་བའི་སེམས་སྐྱེད་པར་བྱེད་དེ། དེ་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་དང་། སྦྱར་བའི་ཆང་དང་། བརྫུན་དུ་སྨྲ་བ་སྤངས་ནས། སྡོམ་པ་ལེན་པར་འགྱུར་རོ།། དེ་གང་གི་ཚེ་དགེ་བསྙེན་གྱི་སྡོམ་པ་རྫོགས་པར་སྤྱོད་པར་འགྱུར་བ་དེའི་ཚེ། བར་སྣང་ལ་སྤྱོད་པའི་གནོད་སྦྱིན་ཀུན་ཏུ་དགའ་སྟེ། རིགས་ཀྱི་བུ་ཆེ་གེ་མོ་ཞིག་མིང་ནི་འདི་ཞེས་བྱ། རུས་འདི་ཞེས་བྱ། གྲོང་ཁྱེར་ཆེ་གེ་མོ་ཞིག་དང་། གྲོང་རྡལ་ག་གེ་མོ་ཞིག་དང་། ཡུལ་གགེ་མོ་ཞིག་ཏུ་སྤུ་དང་བ་སྤུ་བྲེགས་ཏེ། ཆོས་གོས་ངུར་སྨྲིག་བགོས་ནས། ཡང་དག་པའི་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། བདུད་ཀྱི་ཕྱོགས་ནི་དེམས་པར་བྱེད་ཅིང་། དམ་པའི་ཆོས་ཀྱི་ཕྱོགས་ནི་མཐོ་བར་བྱེད། བདུད་ཀྱི་འཆིང་བ་ནི་རྣམ་པར་གཅོད་པར་བྱེད་ཅིང་། ཉོན་མོངས་པ་ཆེན་པོ་འདོད་ཆགས་ཞེ་སྡང་གཏི་མུག་ལས་གྲོལ་བར་བྱེད་དོ་ཞེས་མངོན་པར་སྒྲོགས་སོ། ། ལོག་པར་ལྟ་བ་ནི་ཀུན་ཏུ་སྦྱོར་བའི་བག་ལ་ཉལ་ཐམས་ཅད་ཀྱི་གཞི་ཡིན་ལ། ཡང་དག་པར་ལྟ་བ་ནི་མཐའ་མྱ་ངན་ལས་འདས་པའི་གཞི་ཡིན་ཏེ། རྣལ་འབྱོར་སྤྱོད་པ་པས་ཆོས་དེ་རྗེས་སུ་མཐོང་ངོ་།། དེའི་ཚེ་འདི་ལྟར་ཐོག་མ་ཉིད་དུ་ཡང་དག་པར་ལྟ་བ་ལ་མངོན་པར་བསྟོད་པར་བྱེད་དེ། མི་དགོད། མི་སྨོད། སྐྱོན་དུ་མི་བཀྲ་ལ། ཕ་རོལ་དག་ལ་བསྟོད་པར་བྱེད་ཅིང་རབ་ཏུ་འཇོག་པར་བྱེད་དོ།། ལོག་པར་ལྟ་བ་ལ་སྨད་དེ། བསྟོད་པར་མི་བྱེད་ལ་སྨོད་པར་བྱེད་དོ།། ཡང་དག་པར་ལྟ་བས་ནི་ལོག་པར་ལྟ་བ་ལས་དང་། ཆོས་དང་། རྣམ་པར་སྨིན་པ་ཡང་དག་པར་མངོན་པར་སྟོན་པར་བྱེད་ཅིང་འཇོག་པར་མི་བྱེད་དོ།། འཆིང་བ་རྣམས་ཀྱི་རྩ་བ་ནི་ལོག་པར་ལྟ་བ་ཡིན་ཏེ། བྱིས་པ་སོ་སོའི་སྐྱེ་བོ་རྣམས་ཀྱི་འཆིང་བ་ཡིན་ཞིང་།། འབྱུང་པོ་རྣམས་དང་། སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཀྱི་ཡུལ་དུ་གནས་པའི་མཐའ་ཡིན་ནོ།། རིགས་ཀྱི་བུས་དེ་སྤངས་ན་དགེ་བ་དུ་མ་དེ་དག་ཐོབ་པར་འགྱུར་རོ།། གཞན་ཡང་རིགས་ཀྱི་བུ་དེ་འདི་ལྟར་ཁྱིམ་གྱི་གནས་ནི་སྡུག་བསྔལ་བ། ཉམ་ང་བ་འཆིང་བར་གྱུར་པ་དུ་མ་ཡིན་ཏེ། རང་དབང་མེད་པར་རིག་ནས་ཁྱིམ་ནས་འབྱུང་ཞིང་རབ་ཏུ་འབྱུང་བར་འདོད་ལ། བདུད་དང་ལྷན་ཅིག་གཡུལ་འགྱེད་པར་འདོད་པའི་སྐྱེས་བུ་དམ་པ་དེས་བླ་དང་བར་སྣང་ལ་སྤྱོད་པའི་ལྷ་དག་གིས་རིག་ནས་ཀུན་ཏུ་དགའ་སྟེ། རྒྱལ་པོ་ཆེན་པོ་བཞི་རྣམས་ལ་ཀུན་ཏུ་དགའ་བའི་ཡིད་ཀྱིས།། རིགས་ཀྱི་བུ་འདི་ཞེས་བྱ་བ། གྲོང་ཆེ་གེ་མོ་ཞིག་དང་། གྲོང་རྡལ་མང་གེ་མོ་ཞིག་དང་། ཡུལ་ག་གེ་མོ་ཞིག་ཏུ་སྒྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། ཡང་དག་པའི་དད་པ་ཉིད། ཀྱིས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ་།། དེ་ཁྱིམ་ནས་བྱུང་བ་བདུད་ཀྱི་ཕྱོགས་ནི་དམས་པར་བྱེད་པ་དང་། དམ་པའི་ཆོས་ཀྱི་ཕྱོགས་ནི་མངོན་པར་མཐོ་བར་བྱེད་དོ་ཞེས་མངོན་པར་བསྙད་དོ།། དེ་ནས་རྒྱལ་པོ་ཆེན་པོ་བཞི་པོ་དེ་དག་གིས་ས་བླ་དང་བར་སྣང་ལ་སྤྱོད་པའི་ལྷ་དག་དང་། གནོད་སྦྱིན་དེ་དག་ལས་དེ་སྐད་ཐོས་ནས་ཡིད་དགའ་ལ། བར་སྣང་ལ་སྤྱོད་པའི་གནོད་སྦྱིན་ཡང་རབ་ཏུ་དགའ་བར་འགྱུར་རོ། ། དེ་ལྟར་འཛམ་བུ་གླིང་གི་མི་དམ་པའི་ཆོས་དགེ་བའི་གཏམ་གྱིས་སྤྲོ་བ་སྐྱེས་ནས། རིགས་ཀྱི་བུ་དེ་ཇི་ལྟར་རིགས་པར་འཕགས་པ་དགེ་སྦྱོང་གི་མཁན་པོ་ལ་བསྙེན་བཀུར་བྱེད་དོ། ། བསྙེན་བཀུར་བྱས་ནས་ཀྱང་སྐྲ་དང་ཁ་སྤུ་ཁྲེགས་ཤིང་། གོས་ངུར་སྨྲིག་བགོས་ཏེ། སོ་སོར་ཐར་པའི་སྡོམ་པ་ལེན་ཏོ།། སྡོམ་པ་བླངས་ནས་ས་པྲ་དང་བར་སྣང་ལ་སྤྱོད་པའི་གནོད་སྦྱིན་རྣམས་ལྷག་པར་ཀུན་ཏུ་དགའ་སྟེ། རྒྱལ་པོ་ཆེན་པོ་བཞི་ལ་འཛམ་བུ་གླིང་ན། རིགས་ཀྱི་བུ་ཆེ་གེ་མོ་ཞིག་ཅེས་བྱ་བ་གྲོང་མང་གེ་མོ་ཞིག་དང་། ཡུལ་ག་གེ་མོ་ཞིག་ཏུ་ལོག་པར་ལྟ་བ་སྤངས་ནས་ཡང་དག་པར་ལྟ་བའི་ལས་དང་ཆོས་ཡང་དག་པར་བླངས་པ། བུ་དང་ཆུང་མ་ལ་སྲེད་པ་དུག་ལྟ་བུ་དོན་མེད་ཅིང་། ཉམ་ང་བ་ཐམས་ཅད་སྤངས་ནས། སྐྲ་དང་ཁ་སྤུ་བྲེགས། གོས་ངུར་སྨྲིག་བགོས་ཤིང་སོ་སོར་ཐར་པ་བླངས་ཏེ། བདུད་དང་ལྷན་ཅིག་གཡུལ་འགྱེད་པར་འདོད་པ། དགའ་བའི་འདོད་ཆགས་ཀྱི་མོད་ལས་སྐྱེས་པ་སྤོང་བར་འདོད་པ་ཡིན་ནོ་ཞེས་མངོན་པར་བསྐྲད་དོ། ། དེ་ནས་དེའི་ཚེ་རྒྱལ་པོ་ཆེན་པོ་བནི་ཀུན་ཏུ་དགའ་ནས། རྒྱལ་ཆེན་བཞིའི་རིས་ཀྱི་ལྷ་རྣམས་ལ་འཛམ་བུ་གླིང་དུ་རིགས་ཆེ་གེ་མོ་ཞིག་ལས། གྲོང་མང་གེ་མོ་ཞིག་དང་། ཡུལ་ག་གེ་མོ་ཞིག་ཏུ་རིགས་ཀྱི་བུ་ཆེ་གེ་མོ་ཞིག་ལོག་པར་ལྟ་པ་སྤངས་ནས། ཡང་དག་པར་ལྟ་བས་སྐྲ་དང་ཁ་སྤུ་བྲེགས། གོས་ངུར་སྨྲིག་བགོས་ནས། དད་པ་ཉིད་ཀྱིས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ་དགེ་སློང་ག་གེ་མོ་ཞིག་གི་དྲུང་དུ་གནས་སོ་ཞེས་མངོན་པར་སྒྲོགས་སོ། ། དེ་ལྷ་རྣམས་ཀྱིས་ཐོས་ནས་བདུད་ཀྱི་ཕྱོགས་དམས་པར་འགྱུར་ཞིང་། དམ་པའི་ཆོས་ཀྱི་ཕྱོགས་ནི་འཕེལ་བར་འགྱུར་རོ་ཞེས་ཡིད་དགའ་བར་འགྱུར་རོ། ། དེ་ནས་རྒྱལ་པོ་ཆེན་པོ་བཞི་ལས་རྒྱལ་པོ་ཆེན་པོ་བཞིའི་ལྷ་རྣམས་ཀྱིས་ཐོས་ནས་ཤིན་ཏུ་ཡིད་དགའ་བར་འགྱུར་རོ།། གཞན་ཡང་རིགས་ཀྱི་བུ་དེ་འདི་ལྟར་ཁ་ན་མ་ཐོ་བ་རྡུལ་ཙམ་ལ་ཡང་འཇིགས་པར་ལྟ་ལ། བཟོད་ཅིང་དུལ་ཏེ། སེམས་ཡང་དག་པར་སྡོམ་པ། འདུ་འཛི་ལ་མི་དགའ་ཞིང་ཉེ་བར་ཁྲོ་བ་མེད་པ། རིགས་ནས་རིགས་སུ་ཉེ་བར་བསྟེན་ཅིང་། སྡིག། བོའི་གྲོགས་པོ་དང་འགྲོགས་པར་མི་བྱེད་ལ། ཡུལ་གྱི་རྣམ་པར་རྟོག་པ་ལ་ལྟ་བར་མི་བྱེད། བཟའ་བ་ཞིམ་པོ་མང་དུ་མི་འདོད་ཅིང་། ཚོགས་ངན་པ་དང་སྤྱོད་པར་མི་བྱེད། ཡུལ་གྱི་སྤྱོད་བ་ལ་མངོན་པར་དགའ་བར་མི་བྱེད་ཅིང་། ནམ་དུ་ཡང་མཛའ་བཤེས་སུ་ལྟ་བའི་ངང་ཚུལ་ཅན་དུ་མི་བྱེད། ཡུལ་ལ་སྤྱོད་པའི་ཚུལ་ཁྲིམས་སུ་མི་བྱེད་ཅིང་། དྲན་པ་ཉེ་བར་གཞག་པ་ལ་རྟག་ཏུ་བརྩོན་པར་འགྱུར། ཞི་བའི་ཟས་ཀྱིས་གནས་ཤིང་བདུད་ཀྱི་འཆིང་བ་སྤྱོད་པ་ལ་རྟག་ཏུ་བརྩོན་པར་འགྱུར། ཡང་དག་པར་ལྟ་བ་ལ་རྟག་ཏུ་བརྩོན་ཞིང་སྐྱེས་བུ་དམ་པ་འཇིག་རྟེན་ཐམས་ཅད་ལ། ཕན་པར་འདོད་པ་ཡིན་ནོ།། འདིར་ཚིགས་སུ་བཅད་པ། འབྱུང་པོ་རྣམས་ལ་གང་མི་འཚེ།། རྟག་ཏུ་བྱམས་སེམས་བཟོད་ལྡན་པ།། འབྱུང་པོ་ཀུན་གྱི་ཕ་ལྟ་བུར།། དེ་ལ་འཇིག་རྟེན་རྗེས་སུ་ལྟ། ། མ་བྱིན་ལེན་པ་སྤངས་པ་ནི།། རྟག་ཏུ་ཤེས་ལྡན་དབང་པོ་ཐུལ།། ལུས་ཀྱི་ལས་མཐའ་དགེ་བ་དང་།། སྲིད་པ་དོག་ལས་དེ་རྒལ་ཏོ།། རི་མོ་བྲིས་པའི་བུད་མེད་ལ།། མིག་གིས་ལྟ། བར་མི་བྱེད་དོ།། འཇིག་རྟེན་འདོད་པ་དམ་བཅོམ་པ།། དེ་ལྟ་བུ་ནི་གྲོལ་ཞེས་བྱ།། དཔའ་ལ་བོང་བ་གསེར་དུ་འདྲ།། མྱ་ངན་བྲལ་ཞིང་མཉམ་པར་གཞག། ཉོན་མོངས་འདོད་ཆགས་མ་འདྲེས་པ་དེ་ནི་མཐའ་ཡས་སྒོ་ཐོབ་བོ། ། གང་ལ་དོན་དང་དོན་མི་མཉམ།། དེ་བཞིན་རྙེད་དང་མ་རྙེད་དང་།། བདེ་བ་སྡུག་བསྔལ་སེམས་མཉམ་པ།། དེ་ནི་དགེ་སློང་ཞེས་བྱའོ།། མཛའ་བཤེས་མི་བཤེས་གཉིས་ཀ་སྤངས། ། སེམས་ནི་མཉམ་ཞིང་དབང་པོ་ཐུལ།། གང་དག་ཡུལ་གྱིས་ཉོན་མི་མོངས།། དེ་འདྲ་བྲམ་ཟེར་ཤེས་པར་བྱ།། ཡུལ་ནི་གང་དག་དུག་འདྲ་ལ།། སྡང་བ་དང་། པོ་ཉོན་མོངས་བྲལ།། རྫོགས་སངས་རྒྱས་ཀྱིས་བཤད་པ་ཡི།། དེ་ཡི་མྱ་ངན་འདས་མི་རིང་།། སྐྱེ་དང་འཇིག་པའི་དེ་ཉིད་ཤེས།། ཡང་དག་ལྟ་ལ་ཆགས་པ་མེད།། གངས་རི་ལྟ་བུར་བློ་མི་གཡོ།། དེ་ནི་འཁོར་བ་ལས་གྲོལ་ལོ། ། ཙན་དན་དང་ནི་རལ་གྲིར་མཉམ།། ཟས་ནི་ཞིམ་དང་མི་ཞིམ་མཉམ།། ཟབ་དར་སྣམ་བུ་མཉམ་པ་ནི།། སྲེད་པས་གནོད་པར་མི་འགྱུར་རོ།། རྙེད་དང་བཀུར་སྟི་མི་དགའ་ཞིང་།། རྩཝ་སྟན་ཙམ་གྱིས་ཆོག་བྱེད་ལ། ། རྙེད་དང་བཀུར་སྟི་མེ་ལྟ་བུར།། གང་གིས་མཐོང་བ་དེ་མཐོང་ངོ་།། གང་དག་ཡུལ་གྱི་དབང་མི་འགྱུར།། སྲིད་པའི་ཆུ་བོར་མི་འཇུག་ལ།། རང་གི་ལས་འབྲས་དེ་ཉིད་ཤེས།། དེ་ནི་དགེ་སློང་སངས་རྒྱས་གསུང་།། གང་དག་འདས་པའི་དུས་མི་གནོད།། མ་འོངས་པ་ལ་བློ་མི་དགའ།། རྣལ་འབྱོར་པ་ནི་ད་ལྟར་ལ།། མི་དགའ་དེ་ཡི་བློ་གྲོས་མེད།། གང་གིས་བློ་གྲོས་ཕྱིར་ལོག་ལ།། ཆོས་ལ་རྟག་ཏུ་གནས་པར་འགྱུར།། དཀར་པོ་ཆོས་ལ་མཉམ་བཞག་པ།། དེ་ནི་འཁོར་བར་མི་འཇུག་གོ། གང་གི་སེམས་ལ་རྙོག་མི་བྱེད།། རིག་པ་མེ་ལྟ་བུ་ཡིན་ནོ།། གང་ལ་ཡུལ་ནི་བྲན་ལྟ་བུ།། དེ་ལ་སྡུག་བསྔལ་མེད་པ་ཡིན། ། གང་གིས་དབང་པོ་དབང་བྱེད་ཅིང་།། དབང་པོའི་དབང་དུ་མི་འགྲོ་ལ།། གང་དག་གཟུགས་སོགས་མི་འཕྲོགས་ཤིང་།། ཉོན་མོངས་མེད་པ་ཐུབ་དང་འདྲ།། གང་གིས་བསམས།། པ་དགེ་བ་དག། བཟོད་ལྡན་མཐོང་ན་དགའ་བ་དང་།། སེམས་ནི་རབ་ཏུ་དགའ་བྱེད་པ།། མི་དེ་ཟླ་འདྲ་ཐུབ་པ་ཡིན།། གང་དག་དགོན་ལ་མངོན་པར་དགའ།། ཁང་བཟང་མཆོག་ལ་ཆགས་པ་མེད།། ཐང་གི་ཤིང་ལ་མངོན་དགའ་ཞིང་།། ཟས་སློང་དགེ་སློང་ཞེས་བྱའོ།། དཔའ་བོ་ཞི་དུལ་བློ་བཟང་བ།། བདེ་དང་སྡུག་བསྔལ་དེ་ཉིད་རིག། དེ་ནི་བླ་མེད་གནས་འགྲོ་ཞིང་།། གང་དུ་སོང་བས་ཉོན་མི་མོངས།། སྙིང་བརྩེ་ལྡན་ཞིང་བློ་གྲོས་དང་།། རྟག་ཏུ་བསམ་གཏན་ཕ་རོལ་འགྲོ།། ཕལ་པ་རྣམས་དང་མཉམ་མི་འགྲོ།། རྣལ་འབྱོར་དེ་ནི་བདེན་ཚིག་ལྡན།། ལོག་པར་ལྟ་བའི་ཆོས་དེ་དག། སྤངས་པས་དེ་དག་ཐོབ་པར་འགྱུར། ། གཞན་ཡང་ལོག་པར་ལྟ་བ་སྤངས་པས། ཡང་དག་པར་ལྟ་བ་སྔོན་དུ་འགྲོ་བའི་ཡིད་རྣམ་པར་རྟོག་པ་སྤངས་པས་རིམ་གྱིས་ཟག་པ་མེད་པའི་བསམ་གཏན་ལ་མངོན་པར་དགའ་བ་ལ། ས་པྲ་དང་བར་སྣང་ལ་སྤྱོད་པའི་ལྷ་དང་། གནོད་སྦྱིན་དང་། རྒྱལ་པོ་ཆེན་པོ་བཞི་རྣམས་ཇི་ལྟར་དགུའ་བར་འགྱུར་ཞེ་ན། རྣལ་འབྱོར་སྨོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། རྒྱལ་པོ་ཆེན་པོ་བཞི་པོ་དེ་དག་གིས། རྒྱལ་ཆེན་བཞིའི་ལྷ་དེ་དག་དང་། ལྷ་རྣམས་ཀྱི་དབང་པོ་བརྒྱ་བྱིན་ལ་སྤོགས་པར་བྱེད་པ་ནི། ལྷ་འདི་ལྟར་འཛམ་བུའི་གླིང་ན། རིགས་ཆེ་གེ་མོ་ཞིག་ལས། གྲོང་མང་གེ་མོ་ཞིག་དང་། གྲོང་རྡལ་ག་གེ་མོ་ཞིག་ཏུ། རིགས་ཀྱི་བུ་མིང་འདི་ཞེས་བྱ་བ་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་ཚུལ་ཁྲིམས་དང་། ཡང་དག་པར་སྡོམ་པ་སྤྱོད་པ། སྤོབས་པ་རིག་པ་དང་གྲོལ་བ། དྲན་པ་ཉེ་བར་གཞག་པ། ཁ་ན་མ་ཐོ་བ་རྡུལ་ཙམ་ལ་ཡང་འཇིགས་པར་ལྟ་བ། བདུད་ཀྱི་ཕྱོགས་དམས་པར་བྱེད་ཅིང་། དམ་པའི་ཆོས་ཀྱི་ཕྱོགས་མངོན་པར་མཐོ་བར་བྱེད་དེ། དེ་བདག་ཅག་གིས་ལྷ་རྣམས་ལ་གསོལ་བ་ལགས་སོ།། དེ་ཐོས་ནས་ལྷ་རྣམས་ཀྱི་དབང་པོ་བརྒྱ་བྱིན་ཤིན་ཏུ་ཡིད་དགའ་བ་དང་། བརྒྱ་བྱིན་གྱི་མདུན་ན་འདོན་དེ་དང་། སུམ་ཅུ་རྩ་གསུམ་གྱི་ལྷ་རྣམ། ཀུན་ཏུ་དགའ་བར་འགྱུར་རོ།། དགེ་བ་བཅུའི་ལས་ཀྱི་ལམ་ལེའུར་བཅད་པའོ།། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་གསུམ་པ།། དེ་ནས་གཞན་ཡང་ཟག་པ་རིམ་གྱིས་སྤངས་པའི་དགེ་སློང་དག་དང་པོ་མི་དགེ་བའི་ཆོས་སྤོང་ཞིང་། དགེ་བའི་ཆོས་ཇི་ལྟར་སྒོམ་པར་བྱེད་ཅིག་གུ་སྙམ་ནས། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། དགེ་སློང་དེ་ཐོག་མ་ཉིད་དུ་ཡུལ་དང་དབང་པོ་འདི་དག་ཕན་ཚུན་རྒྱུ་རྐྱེན་དུ་གྱུར་པ་དག་གིས། སྐྱེ་བོ་ཀུན་ཐོག་མ་མེད་པའི་དུས་ནས་འཁོར་བར་ཞུགས་ཤིང་། ཡོངས་སུ་འཁྱམ་པ་དེ་དག་ཉིད་ཀྱི་སྐྱེ་བའི་རྒྱུར་གྱུར་པ། ཡུལ་གྱི་རྒྱ་མཚོ་ལ་རྣམ་པར་རྟོག་པར་བྱེད་དེ། ནང་དང་ཡུལ་དེ་དག་གིས་སྐྱེ་བོ་འདི་དག་འཁྱམ་མོ་སྙམ་མོ། ། དེ་རེ་ཞིག་ཐོག་མ་ཉིད་དུ་དེ་ལྟར་དབེན་པ་ལ་མངོན་པར་དགའ་བ་གོམས་པར་བྱེད་དེ། དགོན་པ་དང་། ཚལ་གྱི་ནང་དང་། ཀུན་དགའ་ར་བ་དང་། སོག་མའི་ཁྲོད་དང་། ཤིང་དྲུང་དང་། དུར་ཁྲོད་དབེན་པ་རྣམས་སུ་སེམས་སྤྲེའུ་ལྟ་བུ་གདུལ་བའི་ཕྱིར་གོམས་པར་བྱེད་དེ། དབེན་པ་ལ་མངོན་པར་དགའ་བའི་སེམས་ཤིན་ཏུ་དང་བར་བྱེད་དོ།། དེ་གྲོང་དག་ཏུ་དགོད་དགོད། སྒེག་སྒེག། རྩེ་རྩེ་བ་དག་ལ་མངོན་པར་མི་དགའ་ཞིང་། ཕ་རོལ་གྱི་བུད་མེད་དེ་ལ་ལྟ་བར་མི་བྱེད་ལ། འདུ་འཛི་ལ་མངོན་པར་དགའ་བར་མི་བྱེད་དོ།། ཚངས་པར་སྤྱོད་པ་ལ་ཚོགས་གཉིས་འདྲ་སྟེ། འདུ་འཛི་དང་སྨད་འཚོང་ངོ་།། དེ་ཚོགས་གཉིས་སྤངས་ནས་དང་པོར་དེའི་ཡིད་རྩེ་གཅིག་ལ་དགའ་ཞིང་རབ་ཏུ་དང་བར་བྱེད་དེ། དེ་ཐོག་མ་ཉིད་དུ་ཇི་ལྟར་ན་སེམས་འདི་བསྡུ་བ་དང་། གཟུང་བར་ནུས་སྙམ་དུ་ཡང་དག་པར་རྣམ་པར་རྟོག་པར་བྱེད་དོ།། དེ་ཐོག་མ་ཉིད་དུ་འདི་ལྟར་ཡིད་ཀྱི་དཔྱོད་པ་བཅོ་བརྒྱད་དག་གྲོས། དགེ་བ་དང་། མི་དགེ་བ་དང་། ལུང་དུ་མ་བསྟན་པ་ལ་ཡིད་འཇུག་པར་བྱེད་དོ་སྙམ་མོ།། བཅོ་བརྒྱད་གང་ཞེ་ན། འདི་ལྟ་སྟེ། མིག་གི་གཟུགས་མཐོང་ནས་ཡིད་བདེ་བའི་གནས་སུ་འགྱུར་བ་ནི། ཀུན་ནས་ཉོན་མོངས་པ་མི་དགེ་བའི་རྣམ་པར་སྨིན་པར་འགྱུར་ཏེ། སོ་སོར་མྱོང་བར་བྱེད་ཅིང་ཡང་དག་པར་རབ་ཏུ་རྟོག་པར་བྱེད་དོ།། ཡིད་མི་བདེ་བའི་གནས་སུ་འགྱུར་བ་ནི། འདོད་ཆགས་དང་བྲལ་བ་ཡིན་ཏེ། དེ་དགེ་བའི་ཆོས་རྣམ་པར་སྨིན་པར་འགྱུར་བ་ཡིན་ནོ།། བཏང་སྙོམས་ཀྱི་གནས་སུ་འགྱུར་བ་ནི། དུ་མ་བསྟན་པའི་རྣམ་པར་སྨིན་པར་འགྱུར་བ་ཡིན་ནོ།། དེ་ལྟར་རྣ་བས་སྨྲ་ཐོས་ནས་ཡིད་བདེ་བའི་གནས་སུ་འགྱུར་བ་ནི། ཀུན་ནས་ཉོན་མོངས་པ་མི་དགེ་བའི་རྣམ་པར་སྨིན་པ་ཡིན་ནོ།། ཡིད་མི་བདེ་བའི་གནས་སུ་འགྱུར་བ་ནི། རྣམ་པར་བྱང་བ་ལ་དམིགས་པ་དགེ་བའི་རྣམ་པར་སྨིན་པ་ཡིན་ནོ།། བཏང་སྙོམས་ཀྱི་གནས་སུ་འགྱུར་བ་ནི། ལུང་དུ་མ་བསྟན་པའི་རྣམ་པར་སྨིན་པ་ཡིན་ནོ།། དེ་བཞིན་དུ་སྣས་དྲི་བསྐམས་ནས་ཡིད་བདེ་བའི་གནས་སུ་འགྱུར་བ་ནི། ཀུན་ནས་ཉོན་མོངས་པ་མི་དགེ་བའི་རྣམ་པར་སྨིན་པ་ཡིན་ནོ།། ཡིད་མི་བདེ་བའི་གནས་སུ་འགྱུར་བ་ནི། རྣམ་པར་བྱང་བ་དགེ་བའི་རྣམ་པར་སྨིན་པ་ཡིན་ནོ། ། བཏང་སྙོམས་ཀྱི་གནས་སུ་འགྱུར་བ་ནི། ལུང་དུ་མ་བསྟན་པའི་རྣམ་པར་སྨིན་པ་ཡིན་ནོ།། དེ་བཞིན་དུ་ལྕེས་རོ་མྱོང་ནས་ཡིད་བདེ་བའི་གནས་སུ་འགྱུར་བ་ནི། ཀུན་ནས་ཉོན་མོངས་པ་མི་དགེ་བའི་རྣམ་པར་སྨིན་པ་ཡིན་ནོ།། ཡིད་མི་བདེ་བའི་གནས་སུ་འགྱུར་བ་ནི། རྣམ་པར་བྱང་བ་དགེ་བའི་རྣམ་པར་སྨིན་པ་ཡིན་ནོ།། བཏང་སྙོམས་ཀྱི་གནས་སུ་འགྱུར་བ་ནི། ལུང་དུ་མ་བསྟན་པའི་རྣམ་པར་སྨིན་པ་ཡིན་ནོ།། དེ་བཞིན་དུ་ལུས་ཀྱི་རེག་བྱ་ལ་རེག་ནས་ཡིད་བདེ་བའི་གནས་སུ་འགྱུར་བ་ནི། ཀུན་ནས་ཉོན་མོངས་པ་མི་དགེ་བའི་རྣམ་པར་སྨིན་པ་ཡིན་ནོ། ། ཡིད་མི་བདེ་བའི་གནས་སུ་འགྱུར་བ་ནི། རྣམ་པར་བྱང་བ་དགེ་བའི་རྣམ་པར་སྨིན་པ་ཡིན་ནོ།། བཏང་སྙོམས་ཀྱི་གནས་སུ་འགྱུར་བ་ནི། ལུང་དུ་མ་བསྟན་པའི་རྣམ་པར་སྨིན་པ་ཡིན་ནོ།། དེ་བཞིན་དུ་ཡིད་ཀྱི་ཆོས་ཤེས་ནས་ཡིད་བདེ་བའི་གནས་སུ་འགྱུར་བ་ནི། ཀུན་ནས་ཉོན་མོངས་པ་མི་དགེ་བའི་རྣམ་པར་སྨིན་པ་ཡིན་ནོ།། ཡིད་མི་བདེ་བའི་གནས་སུ་འགྱུར་བ་ནི། རྣམ་པར་བྱང་བ་དགེ་བའི་རྣམ་པར་སྨིན་པ་ཡིན་ནོ། ། བཏང་སྙོམས་ཀྱི་གནས་སུ་འགྱུར་བ་ནི། ལུང་དུ་མ་བསྟན་པའི་རྣམ་པར་སྨིན་པ་ཡིན་ཏེ། དེ་ལྟར་ཡིད་ཀྱི་དཔྱོད་པ་བཅོ་བརྒྱད་ཀྱི་རྣམ་པར་སྨིན་པ་དག་གིས་འཁོར་བ་ན་འཆི་བ་དང་། སྐྱེ་བར་འགྱུར་རོ་སྙམ་མོ།། གང་གི་ཚེ་དགེ་སློང་དེ་ཡིད་ཀྱི་དཔྱོད་པ་བཅོ་བརྒྱད་དག་མཐོང་བ་དེའི་ཚེ། བར་སྣང་ལ་སྤྱོད་པའི་གནོད་སྦྱིན་ཀུན་ཏུ་དགའ་ནས། ས་བླའི་གནོད་སྦྱིན་རྣམས་ལ་མངོན་པར་བསྙད་དོ།། བར་སྣང་ལ་སྤྱོད་པ་དང་། ས་བླའི་གནོད་སྦྱིན་ཡིད་རབ་ཏུ་དགའ་བས། རྒྱལ་པོ་ཆེན་པོ་བཞི་ལ་མངོན་པར་བསྙད་དོ།། རྒྱལ་པོ་ཆེན་པོ་བཞི་པོ་དེ་དག་གིས་རྒྱལ་ཆེན་བཞིའི་ལྷ་རྣམས་ལ། གང་འཛམ་བུའི་གླིང་དུ་གྲོང་ཆེ་གེ་མོ་ཞིག་དང་། གྲོང་རྡལ་མང་གེ་མོ་ཞིག་དང་། ཡུལ་ག་གེ་མོ་ཞིག་ཏུ། རིགས་ཆེ་གེ་མོ་ཞིག་གིས་རིགས་ཀྱི་བུ་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་ཡིད་ཀྱི་དཔྱོད་པ་བཅོ་བརྒྱད་དག་ལ་རབ་ཏུ་རྟོག་པར་བྱེད་ཅིང་མངོན་སུམ་དུ་བྱེད་ལ། དབེན་པ་ལ་མངོན་པར་དགའ་སྟེ། མཐའ་གཅིག་ལ་སྤྱོད་པ་ཡིན་ནོ་ཞེས་མངོན་པར་བསྙད་དོ།། རྒྱལ་པོ་ཆེན་པོ་བཞི་དག་ལས་རྒྱལ་ཆེན་བཞིའི་ལྷ་དག་གིས་དེ་ཐོས་ནས། བདུད་ཀྱི་ཕྱོགས་ནི་དམས་པར་འགྱུར་ལ། དམ་པའི་ཆོས་ཀྱི་ཕྱོགས་ནི་མངོན་པར་མཐོ་བར་འགྱུར་རོ་སྙམ་དུ་ཀུན་ཏུ་དགའ་བར་འགྱུར་རོ།། རྒྱལ་ཆེན་བཞིའི་ལྷ་དེ་དག་གིས་ཝཱའི་དབང་པོ་བརྒྱ་བྱིན་ལ། ལྷ་གང་འཛམ་བུ་གླིང་ན་རིགས་ཆེ་གེ་མོ་ཞིག་ལས་ཞེས་བྱ་བ་ནས། རིགས་ཀྱི་བུ་ཆེ་གེ་མོ་ཞིག་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། དད་པས་ཁྱིན་ནས་ཁྱིམ་མེད་པར་རབ་ཏུ་བྱུང་སྟེ། དེ་དབེན་པ་ནས་དུར་ཁྲོད་ཀྱི་བར་ལ་དགའ་བ། ཡིད་ཀྱི་དཔྱོད་པ་བཅོ་བརྒྱད་ལ་རབ་ཏུ་རྟོག་པར་བྱེད་ཅིང་། མངོན་སུམ་དུ་བྱས་ནས་ཉེ་བར་བསྒྲུབས་ཏེ་གནས་སོ་ཞེས་མངོན་པར་བསྙད་དོ། ། རྒྱལ་ཆེན་བཞིའི་ལྷ་དེ་དག་ལས། ལྷའི་དབང་པོ་ཀོའུ་ཤི་ཀས་དེ་ཐོས་ནས། ཡིད་མཆོག་ཏུ་དགའ་བར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་དེ་ཡིད་ཀྱི་དཔྱོད་པ་བཅོ་བརྒྱད་རབ་ཏུ་ཐོབ་པ། འདོད་པ་ལས་གཞན་པའི་ས་ཇི་ལྟར་ཡིད་ལ་བྱེད་ཅིག་གུ་སྙམ་ནས། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། ངཕགས་པའི་བྱིན་གྱི་རླབས་བཞི་མཐོང་སྟེ། འདི་ལྟ་སྟེ། ཤེས་རབ་ཀྱི་བྱིན་གྱི་རླབས་དང་། བདེན་པའི་བྱིན་གྱི་རླབས་དང་། གཏོང་བའི་བྱིན་གྱི་རླབས་དང་། ཉེ་བར་ཞི་བའི་བྱིན་གྱི་རླབས་སོ།། དགེ་སློང་གིས་ཤེས་རབ་ཀྱི་བྱིན་གྱི་རླབས་ཇི་ལྟར་མཐོང་ཞེ་ན། འདི་ལ་དགེ་སློང་ནི་དགེ་སློང་བདག་ཉིད་ཀྱི་ལུས་ཇི་ལྟར་གནས་པ་དེ་ཆོས་ཉིད་ཀྱིས་མཐོང་སྟེ། ལུས་འདི་ལ་སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་དང་། རྣམ་པར་ཤེས་པའི་ཁམས་དེ་དག་རབ་ཏུ་ཤེས་ཤིང་། རྣམ་པར་འབྱེད་ལ་སོ་སོར་རྟོག་གོ།། དེ་ལ་སའི་ཁམས་གང་ཞེ་ན། སའི་ཁམས་རྣམ་པ་གཉིས་ཏེ། ནང་ན་ཡོད་པ་དང་།། ཕྱི་རོལ་ན་ཡོད་པའོ།། དེ་ལ་ནང་ན་ཡོད་པ་གང་ཞེ་ན། ལུས་འདི་ལ་གང་ཅུང་ཟད་ནང་དང་སོ་སོའི་ནང་དུ་བཟུང་བ་དང་། ཟིན་པའོ།། དེ་ལ་བཟུང་བ་ནི་པགས་པ་དང་། ཤ་ལ་སོགས་པར་བསྡུས་པའོ། ། ཟིན་པ་ནི་སྒྲ་དང་། སྤུ་དང་། སེན་མོ་དང་། སོས་བསྡུས་པའོ།། སྲ་བ་དང་། མཁྲང་བའི་རྣམ་པ་ནི་བཟུང་བ་དང་། ཟིན་པ་སྟེ། དེ་ཡང་གང་ཞེ་ན་འདི་ལྟ་སྟེ། སྭ་དང་། སྲུ་དང་། སེན་མོ་དང་། སོ་དང་། རྡུལ་དང་། རང་གི་ཤ་དང་། རུས་པ་དང་། རྩ་དང་། རྒྱུས་པ་དང་། སྙིང་དང་། མཆིན་པ་དང་། གློ་བ་དང་། མཁལ་མ་དང་། མཆེན་པ་དང་། མཆིལ་མ་དང་། ཕོ་བ་དང་། ལོང་ཀ་དང་། རྒྱུ་མ་དང་། གཉེ་མ་དང་། ལྟོ་དང་། ལྟོ་བ་དང་། ཀླད་པ་དང་། ཀླད་རྒྱས་རྣམས་སོ།། གང་གཞན་ཡང་ལུས་འདི་ལ་ནང་དང་། སོ་སོའི་ནང་དུ་སྲ་བ་དང་། མཁྲང་བའི་རྣམ་པ་བཟུང་བ་དང་། ཟིན་པ་འདི་ནི་ནང་གི་སའི་ཁམས་ཞེས་བྱའོ།། དེ་ལ་ཕྱི་རོལ་གྱི་སའི་ཁམས་གང་ཞེ་ན། ཕྱི་རོལ་ལ་གང་ཅུང་ཟད་སྲ་བ་དང་། མཁྲང་བའི་རྣམ་པ་མ་བཟུང་མ་ཟིན་པ་འདི་ནི་ཕྱི་རོལ་གྱི་སའི་ཁམས་ཞེས་བྱའོ།། དེ་ལ་གང་སའི་ཁམས་དེ་གཅིག་ཏུ་བསྡུས་པའི་ཁམས་འདི་ནི་ཁམས་ཙམ་སྟེ། ཚོར་བ་པོས་གནས་སུ་མ་བྱས་ཤིང་། འདོད་རྒྱལ་གྱིས་མ་བྱས་པའི་སའི་ཁམས་རྟག་པར་མ་ཡིན། བདེ་བར་མ་ཡིན། གཙང་བར་མ་ཡིན་པར་མཐོང་ཞིང་། དེ་བདག་ཏུ་མི་བལྟ་བའི་ཤེས་རབ་ཀྱི་བྱིན་གྱི་རླབས་ལ་ལྷག་པར་མོས་པའི་དགེ་སློང་དེ་ནི་འདི་དག་ཐམས་ཅད་བདག་གི་མ་ཡིན། དེ་དག་བདག་མ་ཡིན། དེ་དག་བདག་དང་བདག་གི་མ་ཡིན་ནོ་སྙམ་མོ། ། འདི་དག་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་ནས། སའི་ཁམས་ལ་སེམས་འདི་འདོད་ཆགས་དང་བྲལ་བར་འགྱུར་ཏེ། དེ་ལྟར་དགེ་སློང་ཤེས་རབ་ཀྱི་བྱིན་གྱི་རླབས་ལ་ལྷག་པར་མོས་པར་འགྱུར་རོ། ། དེ་ལ་ཆུའི་ཁམས་གང་ཞེ་ན། ཆུའི་ཁམས་ཀྱང་རྣམ་པ་གཉིས་ཏེ། ནང་ན་ཡོད་པ་དང་། ཕྱི་རོལ་ན་ཡོད་པའོ།། དེ་ལ་ནང་ན་ཡོད་པ་ནི་ལུས་འདི་ལ་གང་ཅུང་ཟད་ཆུ་དང་། ཆུའི་རྣམ་པ་འབྱུང་བའི་མཚན་ཉིད་ཡིན་ཏེ། ཆུའི་ཁམས་ནི་ལུས་ལ་གཤེར་བའི་བདག་ཉིད་དུ་ཡོད་པ་རྡུལ་དང་། མཆིལ་མ་དང་། སྣབས་དང་། ཀླད་པའི་པྲི་དང་ཁྲག་དང་། ཞག་དང་། ཆུ་སེར་དང་། ཚིལ་དང་། རྐང་དང་། མཁྲིས་པ་དང་། གཅིན་དང་། ཀླད་རྒྱས་རྣམས་སོ།། གང་གཞན་ཡང་ལུས་འདི་ལ་ནང་སོ་སོའི་ནང་དུ་ཆུ་དང་། ཆུའི་རྣམ་པ་བཟུང་བ་དང་། ཟིན་པ་གང་ཅུང་ཟད་ཡོད་པ་འདི་ནི་ནང་གི་ཆུའི་ཁམས་ཞེས་བྱའོ།། ཕྱི་རོལ་གྱི་གང་ཞེ་ན། གང་ཅུང་ཟད་ཕྱི་རོལ་གྱི་ཆུ་དང་། ཆུའི་རྣམ་པ་གཤེར་བ་དང་། གཤེར་བའི་རྣམ་པ་སྟེ་མ་བཟུང་བ་མ་ཟིན་པ་འདི་ནི་ཕྱི་རོལ་གྱི་ཆུའི་ཁམས་ཞེས་བྱའོ། ། དེ་ལ་གང་ནང་གི་ཆུའི་ཁམས་དང་། གང་ཕྱི་རོལ་གྱི་ཆུའི་ཁམས་དེ་དག་གཅིག་ཏུ་བསྡུས་པའི་ཁམས་དེ་དག་ཁམས་ཙམ་སྟེ། འདི་དག་ཐམས་ཅད་བདག་གི་མ་ཡིན། དེ་དག་བདག་མ་ཡིན། དེ་དག་བདག་དང་བདག་གི་མ་ཡིན་པ། ཆུའི་ཁམས་ཡང་དག་པ་མཐོང་ནས། ཆུའི་ཁམས་ལ་སེམས་འདོད་ཆགས་དང་བྲལ་བར་འགྱུར་ཏེ། དེ་ལྟར་དགེ་སློང་ཤེས་རབ་ཀྱི་བྱིན་གྱི་རླབས་ལ་འཇུག་པ་ཡིན་ནོ།། དེ་ལ་མེའི་ཁམས་གང་ཞེ་ན། མེའི་ཁམས་ཀྱང་རྣམ་པ་གཉིས་ཏེ། ནང་ན་ཡོད་པ་དང་། ཕྱི་རོལ་ན་ཡོད་པའོ།། དེ་ལ་ནང་གི་མེའི་ཁམས་ནི་ལུས་འདི་ལ་གང་ཅུང་ཟད་ནང་དང་། སོ་སོའི་ནང་གི་མེ་དང་། མེའི་རྣམ་པ་གཟུང་བ་དང་། ཟིན་པའོ།། དེ་དག་གང་ཞེ་ན། འདི་ལྟ་སྟེ། གང་གིས་གདུང་བར་བྱེད་པ་དང་། གང་གིས་ཡོངས་སུ་སྲེག་པར་བྱེད་པ་དང་། གང་གིས་འབར་བར་བྱེད་པ་དང་། གང་གིས་ཟོས་པ་དང་། འཐུངས་པ་དང་། འཆོས་པ་དང་། མྱངས་པ་རྣམས་ལེགས་པར་བདེ་བར་བྱེད་པར་འགྱུར་བ་དང་། གང་གཞན་ཡང་ལུས་འདི་ལ་ནང་གི་དང་། སོ་སོའི་ནང་གི་མེ་དང་། མེའི་རྣམ་པ་གཟུང་བ་དང་། ཟིན་པ་འདི་ནི་ནང་གི་མེའི་ཁམས་ཞེས་བྱའོ། ། དེ་ལ་ཕྱི་རོལ་གྱི་མེའི་ཁམས་གང་ཞེ་ན། ཕྱི་རོལ་གྱི་གང་ཅུང་ཟད་མུ་དང་། མེའི་རྣམ་པ་དང་། དྲོ་བ་དང་། དྲོ་བའི་རྣམ་པ་སྟེ། མ་བཟུང་བ་མ་ཟིན་པ་འདི་ནི་ཕྱི་རོལ་གྱི་མེའི་ཁམས་ཞེས་བྱའོ། ། དེ་ལ་གང་ནང་གི་མའི་ཁམས་དང་། གང་ཕྱི་རོལ་གྱི་མེའི་ཁམས་དེ་དག་གཅིག་ཏུ་བསྡུས་པའི་ཁམས་འདི་ནི་ཁམས་ཙམ་སྟེ། དེ་དག་ཐམས་ཅད་པ་དག་གི་མ་ཡིན། དེ་དག་བདག་མ་ཡིན། དེ་དག་བདག་དང་བདག་གི་མ་ཡིན་ཏེ། འདི་ལྟར་དེ་དག་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་མཐོང་ནས། མེའི་ཁམས་ལ་སེམས་འདོད་ཆགས་དང་བྲལ་བར་འགྱུར་རོ། ། དེ་བྱེད་པ་པོས་གནས་སུ་མ་བྱས་ཀྱང་མེའི་ཁམས་རབ་ཏུ་འཇུག་གོ།། དེ་ལ་རླུང་གི་ཁམས་གང་ཞེ་ན། དེ་ལ་རླུང་གི་ཁམས་ཀྱང་རྣམ་པ་གཉིས་ཏེ། ནང་ན་ཡོད་པ་དང་། ཕྱི་རོལ་ན་ཡོད་པའོ།། དེ་ལ་ནང་གི་གང་ཞེ་ན། ལུས་འདི་ལ་གང་ཅུང་ཟད་ནང་དང་། སོ་སོའི་ནང་གི་རླུང་དང་། རླུང་གི་རྣམ་པ་ཡང་བ་དང་། ཡང་ཞིང་གཡོ་བ་བཟུང་བ་དང་། ཟིན་པ་སྟེ། དེ་དག་ཀྱང་གང་ཞེ་ན། སྟེང་དུ་འགྲོ་བའི་རླུང་དང་། འོག་ཏུ་འགྲོ་བའི་རླུང་དང་། ངོས་སུ་འགྲོ་བའི་རླུང་དང་། ལྟོར་འགྲོ་བའི་རླུང་དང་། དེ་བཞིན་དུ་རལ་གྲི་དང་། ཁབ་དང་། མཚོན་ཆ་ལྟ་བུའི་རླུང་དང་། རླུང་སྨན་དང་། སྲིན་བུ་དང་། ལྷན་ཅིག་རྒྱུ་བའི་ཆུང་བརྒྱད་ཅུ་དག་གོ།། རླུང་བརྒྱད་ཅུ་དག་ཡན་ལག་དང་ཉིང་ལག་དག་གི་རྗེས་སུ་འཇུག་གོ།། གང་ལུས་འདི་ལ་གཞན་ཡང་ནང་དང་། སོ་སོའི་ནང་གི་རླུང་དང་། རླུང་གི་རྣམ་པ་ཡང་ཞིང་གཡོ་བའི་བཟུང་བ་དང་། ཟིན་པ་འདི་ནི་ནང་གི་རླུང་གི་ཁམས་ཞེས་བྱའོ།། དེ་ལ་ཕྱི་རོལ་གྱི་རླུང་གི་ཁམས་གང་ཞེ་ན། ཕྱི་རོལ་གྱི་གང་ཅུང་ཟད་རླུང་དང་རླུང་གི་རྣམ་པ་ཡང་ཞིང་གཡོ་བ་མ་བཟུང་བ་མ་ཟིན་པ་འདི་ནི་ཕྱི་རོལ་གྱི་རླུང་གི་ཁམས་ཞེས་བྱའོ། ། དེ་ལ་ནང་གི་རླུང་གི་ཁམས་དང་། གང་ཕྱི་རོལ་གྱི་དེ་དག་ཐམས་ཅད་མངོན་པར་བསྡུས་པའི་ཁམས་འདི་ནི་ཁམས་ཙམ་སྟེ། དེ་དག་བདག་གི་མ་ཡིན། དེ་དག་བདག་མ་ཡིན། དེ་དག་བདག་དང་བདག་གི་མ་ཡིན་ལ། བྱེད་པ་པོས་གནས་སུ་མ་བྱས་ཤིང་། ཚོར་བ་པོས་གནས་སུ་མ་བྱས་ཏེ། དེ་ལྟར་འདི་དག་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་ནས། རླུང་གི་ཁམས་དེ་ལ་སེམས་འདོད་ཆགས་དང་བྲལ་བར་བྱེད་དེ། འདི་ནི་ཤེས་རབ་ཀྱི་བྱིན་གྱི་རླབས་མངོན་སུམ་དུ་བྱེད་པའི་དགེ་སློང་ཡིན་ནོ།། དེ་ལ་ནམ་མཁའི་ཁམས་གང་ཞེ་ན། ནམ་མཁའི་ཁམས་ཀྱང་རྣམ་པ་གཉིས་ཏེ། ནང་ན་ཡོད་པ་དང་། ཕྱི་རོལ་ན་ཡོད་པའོ།། དེ་ལ་ནང་གི་ལུས་འདི་ལ་གང་ཅུང་ཟད་ནང་དང་། སོ་སོའི་ནང་གི་ནམ་མཁའ་དང་། ནམ་མཁའི་རྣམ་པ་བཟུང་བ་དང་། ཟིན་པ་མི་གསལ་ཞིང་། གཟུགས་ཀྱི་རྣམ་པས་ཁྱབ་པར་བྱ་བ་དང་། ཟོས་པ་དང་། འཐུངས་པ་དང་། འཆོས་པ་དང་། མྱངས་པ་རྣམས་ནང་དུ་འཇུག་པར་སྐབས་འབྱེད་པ་དང་། མིད་པའི་སྦུབས་དང་། མིག་ཕུགས་དང་། སྣའི་བུ་ག་དང་། ལྕེའི་བུ་ག་དང་། ཟས་ནང་དུ་འགྲོ་བ་ལྕེས་སྐབས་འབྱེད་པར་བྱེད་པ་འདི་ནི་ནང་གི་ནམ་མཁའི་ཁམས་ཞེས་བྱའོ། ། དེ་ལ་ཕྱི་རོལ་གྱི་ནམ་མཁའི་ཁམས་གང་ཞེ་ན། གང་ཅུང་ཟད་མ་བཟུང་བ་མ་ཟིན་པ་མི་གསལ་ཞིང་ཁྱབ་པར་བྱེད་པ་མ་ཡིན་པ་སྟེ། འདི་ལྟ་སྟེ། ཤིང་ལོའི་བར་གྱི་གསེ་པ་དང་། རི་ཕུག་གི་བུ་ག་དང་། རི་ཕུག་གི་བུ་གའི་གསེབ་དང་། ཆུ་བོའི་གསེ་བ་དང་། གང་ཕྱི་རོལ་གྱི་བུ་ག་ཡོད་པ་འདི་ནི་ཕྱི་རོལ་གྱི་ནམ་མཁའི་ཁམས་ཞེས་བྱའོ།། དེ་ལ་ནང་གི་གཟུགས་ཀྱི་རྣམ་པའི་ནམ་མཁའི་ཁམས་དང་། གང་ཕྱི་རོལ་གྱི་དེ་དག་གཅིག་ཏུ་བསྡུས་པའི་ཁམས་འདི་ནི་ཁམས་ཙམ་སྟེ། དེ་དག་ཐམས་ཅད་བདག་གི་མ་ཡིན། དེ་དག་བདག་མ་ཡིན། དེ་དག་བདག་དང་བདག་གི་མ་ཡིན་ཏེ། འདི་ལྟར་དེ་དག་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་མཐོང་ནས། ནམ་མཁའི་ཁམས་ལ་སེམས་འདོད་ཆགས་དང་བྲལ་ཞིང་དེ་དག་མཐོང་ནས་འཇུག་པར་མི་འགྱུར་རོ། ། དེ་དག་ཐམས་ཅད་བདག་གི་མ་ཡིན། དེ་དག་བདག་མ་ཡིན། དེ་དག་བདག་དང་བདག་གི་མ་ཡིན་ཏེ། བྱེད་པ་པོས་གནས་སུ་མ་བྱས་ཤིང་། ཚོར་བ་པོས་གནས་སུ་མ་བྱས་པའི་ནམ་མཁའི་ཁམས་ལ་སེམས་འདོད་ཆགས་དང་བྲལ་བར་འགྱུར་རོ། ། དེ་ལ་ཡིད་ཀྱི་ཁམས་གང་ཞེ་ན། སྐྱེ་མཆེད་བཅུ་གཉིས་དང་ཡང་དག་པར་ལྡན་པ་ནི་ཡིད་ཀྱི་ཁམས་ཏེ། མིག་གི་རྣམ་པར་ཤེས་པས་དོན་མཐོང་བ་ཡིད་ཀྱི་རྣམ་པར་ཤེས་པས་རྗེས་སུ་མྱོང་སྟེ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པ་དག་ནི། ཡིད་ཀྱི་རྣམ་པར་ཤེས་པའི་ཁམས་རབ་ཏུ་འབྱུང་བའི་རྩ་བ་ཡིན་ནོ། ། འདིར་ཚིགས་སུ་བཅད་པ། ཡིད་ནི་སྔོན་དུ་འགྲོ་བའི་ཆོས།། ཡིད་མགྱོགས་ཡིད་ནི་འགྲོ་བ་ཡིན།། ཡིད་ནི་ཤིན་ཏུ་གསལ་བ་ཡིས།། སྨྲ་བ་དང་ནི་འབྱེད་པར་འགྱུར།། སྡིག་པའི་མཚན་ཉིད་བསལ་བ་ཡིས།། འཆི་དང་སྐྱེ་བ་རྣམས་ཤེས་ཤིང་།། ལས་འབྲས་དེ་ཉིད་ཤེས་པ་ནི།། འཆི་བ་མེད་པའི་གནས་འཐོབ་བོ།། ག་དག་དབང་པོ་ཀུན་འཛིན་པ། ། འབྱུང་པོ་ཀུན་ལ་ཕན་པར་དགའ།། དབང་པོ་བདེ་ཞིང་ཞི་ལ་དུལ།། དེ་ལྟ་བུ་ནི་དགེ་སློང་ཡིན།། ཇི་ལྟར་དབང་པོ་དྲུག་ལ་གནས།། འདོད་ཆགས་དགྲ་ནི། ཟློག་པར་བྱེད།། དཔའ་བོ་ཤེས་རབ་བྱེད་ལྡན་གང་།། དེ་ནི་ཞི་བའི་གནས་ཐོབ་བོ།། དགོན་པར་གནས་ལ་དགའ་བྱེད་ཅིང་།། མཉམ་གཞག་ས་ལ་གནས་པ་ནི།། མཁའ་སྤྲིན་རླུང་གིས་གཏོར་བ་ལྟར། ། སྡིག་པའི་ཆོས་རྣམས་འཇིག་པར་བྱེད།། ལུས་ངག་ལས་ཀྱི་མཐའ་དགེ་ཞིང་།། སྤྱོད་པ་དགེ་ལ་ཡང་དག་དགའ།། དེ་ཉིད་ལྟ་ཞིང་བྱ་བ་མཁས།། བདུད་ཀྱིས་བསྒྲུབས་པ་འཇིག་པར་བྱེད། ། འདོད་ཆགས་ལ་སོགས་མི་གནོད་ཅིང་།། དགེ་བའི་སེམས་ལ་བརྐམ་ཆགས་མེད།། བྱམས་དང་སྙིང་རྗེ་མང་བ་ནི།། དགེ་སློང་ངེས་པར་འབྱུང་ལ་གནས།། གང་དག་ཡུལ་གྱི་འཆིང་བའི་རྒྱུ། ། གཟུགས་ལ་སོགས་པ་མི་འདོད་པ།། དེ་ནི་ཞི་བ་མཆོག་འགྲོ་ཞིང་།། གང་དུ་སོང་བར་ཉོན་མི་མོངས། དེ་ནས་གཞན་ཡང་ཅི་དགེ་སློང་འདི་དང་པོ་ཡིད་ཀྱི་དཔྱོད་པ་བཅོ་བརྒྱད་ཀྱི་དང་པོའི་ས་ལས། ས་གཞན་གཉིས་པ་ལ་འཇུག་པ་ནི་ཁམས་དྲུག་གི་དེ་ཉིད་ཤེས་པའི་ས་ལ་ཅི་དེ་ལྟར་ཆོས་རྗེས་སུ་དྲན་པའི་ས་ལ་འཇུག་གམ་སྙམ་ནས། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས་ཐོས་པ་ལས་བྱུང་བའི་ཤེས་པའམ། ལྷའི་མིག་གིས་བརྟགས་ན། ས་གཞན་གསུམ་པ་ལ་འཇུག་གོ། དགེ་སློང་དེ་ཉིད་མཐོང་བ་དེའི་ས་གཞན་གང་ཞེ་ན། སེམས་ཕན་ཚུན་དུ་འགྱུར་བ་ནི་ས་གཞན་ཡིན་ཏེ། དེ་བདེ་བ་སྐྱེས་པ་རྣམ་པར་ཤེས་ཤིང་། སྡུག་བསྔལ་སྐྱེས་པ་རྣམ་པར་ཤེས་ཡིད་བདེ་བ་རྣམ་པར་ཤེས་ཤིང་། ཡིད་མི་བདེ་བ་རྣམ་པར་ཤེས། བཏང་སྙོམས་རྣམ་པར་ཤེས་ཤིང་། བདེ་བ་ཅུང་ཟད་རྣམ་པར་ཤེས་ཏེ། བདེ་བ་མྱོང་བར་འགྱུར་བའི་རེག་པ་ལ་བརྟེན་ནས་བདེ་བའི་ཚོར་བ་སྐྱེའོ། ། དེ་བདེ་བའི་ཚོར་བ་འདི་མྱོང་བ་ན། བདེ་བའི་ཚོར་བ་མྱོང་ངོ་ཞེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། དེ་ནས་དེ་བདེ་བ་མྱོང་བའི་རེག་པ་གང་འགགས་ནས། དེ་བདེ་བ་མྱོང་བའི་རེག་པ་ལ་བརྟེན་ནས་ཚོར་བ་སྐྱེས་པ་མྱོང་བ་ན། བདག་གི་བདེ་བའི་ཚོར་བ་ནུབ་བོ་ཞེས་ཚོར་བ་ནུབ་པ་སོ་སོར་མངོན་པར་ཤེས་སོ།། དེ་དག་སོ་སོ་བདེ་བའི་ཚོར་བ་ཉེ་བར་ཞི་ཞིང་སྡུག་བསྔལ་གྱི་ཚོར་བ་སོ་སོར་མངོན་པར་ཤེས་སོ། ། བདག་གི་བདེ་བའི་ཚོར་བ་སྐྱེས་ཏེ། དེ་དག་སོ་སོར་མངོན་པར་ཤེས་སོ།། ཇི་ལྟར་བདེ་བ་མྱོང་བར་འགྱུར་བའི་རེག་པ་བཤད་པ་དེ་ལྟར་སྡུག་བསྔལ་མྱོང་བར་འགྱུར་བ་ཡང་རྒྱ་ཆེར་ཡང་དག་པར་བརྗོད་པར་བྱའོ། ། ཡིད་བདེ་བ་རྣམ་པར་ཤེས་པ་ཇི་ལྟ་བུ་ཡིན་ཞེ་ན། ཡིད་བདེ་བའི་གཞིར་འགྱུར་བའི་རེག་པ་ལ་བརྟེན་ནས་ཡིད་བདེ་བ་སྐྱེས་པའོ། ། ཡིད་མི་བདེ་བ་སོ་སོ་མངོན་པར་ཤེས་པ་ཇི་ལྟ་བུ་ཡིན་ཞེ་ན། ཡིད་མི་བདེ་བའི་གཞིར་འགྱུར་བའི་རེག་པ་ལ་བརྟེན་ནས་ཡིད་མི་བདེ་བ་སྐྱེས་པའོ།། དེ་ནས་འདི་ལྟར་དེའི་ཡིད་བདེ་བའི་གཞིར་འགྱུར་བའི་ཚོར་བ་ཇི་ལྟ་བ་བཞིན་རྗེས་སུ་རྟོག་སྟེ། ཡིད་བདེ་བའི་གཞིར་འགྱུར་བའི་འགོག་པ་མཐོང་ནས་ཡིད་བདེ་བ་ལས་འདོད་ཆགས་དང་བྲལ་བར་འགྱུར་རོ།། གང་བདག་གི་ཡིད་བདེ་བའི་ཚོར་བ་སྔོན་སྐྱེས་པ་དེ་ཟད་ཅིང་ནི་ལ་རྣམ་པར་བྲལ་བ་དེ་ལས་དེའི་འདོད་ཆགས་དང་བྲལ་བར་སྐྱེས་ཏེ། ཡང་དག་པ་ཇི་ལྟ་བ་བཞིན་སོ་སོར་མྱོང་བར་བྱེད་དོ།། དེ་བཞིན་དུ་ཡིད་མི་བདེ་བ་ལ་ཡང་བརྗོད་པར་བྱ་ཞིང་། བཏང་སྙོམས་ལ་ཡང་དེ་བཞིན་དུ་བརྗོད་པར་བྱའོ།། དེའི་ས་གཞན་གསུམ་པ་འདི་ལ་འཇུག་པ་ལ། ས་བླའི་གནོད་སྦྱིན་ཤིན་ཏུ་དགའ་ནས། བར་སྣང་ལ་སྤྱོད་པའི་གནོད་སྦྱིན་རྣམས་ལ་མངོན་པར་བསྙད་དོ།། དེ་དག་གིས་ཀྱང་རྒྱལ་པོ་བཞི་ལ་མངོན་པར་བསྙད་དོ།། དེ་དག་གིས་ཀྱང་རྒྱལ་ཆེན་བཞིའི་ལྷ་རྣམས་ལ་མངོན་པར་བསྙད་དོ། ། དེ་དག་གིས་ཀྱང་ལྷ་རྣམས་ཀྱི་དབང་པོ་བརྒྱ་བྱིན་ཀོའུ་ཤྲི་ཀ་ལ་འཛམ་བུའི་གླིང་ན་རིགས་ཀྱི་བུ་དེ་སྒྲ་དང་ཁ་སྤུ་བྲེགས་ཏེ། དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ན། ཡུལ་ཆེ་གེ་མོ་ཞིག་དང་། གྲོང་ཁྱེར་མང་གེ་མོ་ཞིག་ཏུ། རིགས་ཆེ་གེ་མོ་ཞིག་ལས། རིགས་ཀྱི་བུ་མིང་ཆེ་གེ་མོ་ཞིག་ཅེས་བྱ་བ་སྐྲ་དང་ཁ་སྤུ་བྲེགས་ཏེ། དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ཞིང་། དེ་ས་གཞན་གསུམ་པ་ལ་ཞུགས་ཏེ། བདུད་དང་ལྷན་ཅིག་གཡུལ་འགྱེད་པར་འདོད་པ། བདུད་ཀྱི་ཕྱོགས་ནི་དམའ་བར་བྱེད་ལ། དམ་པའི་ཆོས་ཀྱི་ཕྱོགས་ནི་མངོན་པར་མཐོ་བར་བྱེད་དོ་ཞེས་མངོན་པར་བསྙད་དོ། ། ལྷ་རྣམས་ཀྱི་དབང་པོ་བརྒྱ་བྱིན་ཀོའུ་ཤི་ཀས་དེ་ཐོས་ནས། མཆོག་ཏུ་དགའ་ཞིང་གླང་པོ་ཆེ་ས་སྲུངས་ཀྱི་བུ་ལ་ཞོན་ཏེ། རྫུ་འཕྲུལ་ཆེ་བའི་ལྷ་ཚོགས་ལ་སོགས་པས་བསྐོར་ནས། འཐབ་བྲལ་གྱི་ལྷ་རྣམས་ལ། འཛམ་བུ་གླིང་ན་རིགས་ཀྱི་བུ་ཞེས་བྱ་བ་ནས། རྒྱ་ཆེར་སྦྱར་ཏེ། ས་གཞན་དག་གསུམ་པ་ལ་ཞུགས་པའི་བར་དང་། བདུད་དང་ལྷན་ཅིག་གཡུལ་འགྱེད་པར་འདོད་པ་བདུད་ཀྱི་ཕྱོགས་དམའ་བར་བྱེད་ཅིང་། དམ་པའི་ཆོས་ཀྱི་ཕྱོགས་མངོན་པར་མཐོ་བར་བྱེད་དོ་ཞེས་བསྙད་དོ།། ལྷའི་དབང་པོ་བརྒྱ་བྱིན་ལས་དེ་ཐོས་ནས། འཐབ་བྲལ་གྱི་ལྷ་རྣམས་ཤིན་ཏུ་དགའ་བར་འགྱུར་རོ། ། དེ་ནས་གཞན་ཡང་དགེ་སློང་དེས་གཞན་གསུམ་པ་ལས། ས་གཞན་བཞི་པ་ལ་ཇི་ལྟར་འཇུག་ཅིག་གུ་སྙམ་ནས། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྔ་ཞིང་གནས་པ་དེས། ཐོས་པ་ལས་བྱུང་བའི་ཤེས་པའམ། ལྷའི་མིག་གིས་བརྟགས་ན། དེས་གཞན་བཞི་པ་ལ་འཇུག་པ་ནི། རེག་པའི་རྐྱེན་གྱིས་བདེ་བ་མྱོང་བར་འགྱུར་བ་བདེ་བའི་རྒྱུ་དང་། བདེ་བའི་གཞི་དང་། བདེ་བའི་རྐྱེན་གྱིས་བདག་གི་ཚོར་བ་སྐྱེས་སོ།། དེ་འགགས་ཤིང་རྣམ་པར་ཞི་ལ་ནང་དུ་ནུབ་པ་དེ་མ་ཐག་ཏུ་སྡུག་བསྔལ་གྱིས་རེག་པ་དང་། སྡུག་བསྔལ་གྱི་གཞི་དང་། སྡུག་བསྔལ་ཀུན་འབྱུང་དང་། སྡུག་བསྔལ་ཉིད་ཀྱི་བདག་གི་སྡུག་བསྔལ་གྱི་ཚོར་བ་སྐྱེས་སོ།། དེ་བཞིན་དུ་བཏང་སྙོམས་ཀྱི་རྐྱེན་དང་། རིག་པའི་རྐྱེན་གྱི་ཚོར་བ་སོ་སོར་མངོན་པར་ཤེས་སོ།། སྐད་ཅིག་སྐད་ཅིག་ལ་བདག་གི་རེག་པའི་ཚོར་བའི་གྲོགས་དང་། རེག་པ་འབྱུང་བ་སྐྱེ་སྟེ། དེ་བདེ་བའི་ཚོར་བ་ལ་མི་དགའ་ཞིང་ཆགས་པར་མི་བྱེད་ལ། ཚོར་བ་དེ་ལ་མངོན་པར་མི་དགའ་ཞིང་མང་དུ་མི་བྱེད་དེ། རོ་མྱང་བར་མི་བྱེད་དོ།། དེ་བཞིན་དུ་སྡུག་བསྔལ་གྱི་ཚོར་བས་ཀྱང་གནོད་པར་མི་བྱེད་ཅིང་། རྣམ་པར་འཚེ་བར་མི་བྱེད་ལ། རྙོག་པ་ཅན་དུ་མི་བྱེད་དོ།། དེ་བཏང་སྙོམས་ལ་གནས་ཏེ། དྲན་པ་དང་ཤེས་བཞིན་དང་ལྡན་པ་ལ་ནི། ཚོར་བ་གསུམ་པོ་འདི་དག་གིས་གལ་ཏེ་ནན་ཏན་དུ་སེམས་འདོད་ཆགས་དང་བྲལ་བར་འགྱུར། ཡང་ན་བཏང་སྙོམས་ཁྱད་པར་ཅན་དུ་འགྱུར་ཏེ། ཡོངས་སུ་དག་པ་དང་། རྣམ་པར་བྱང་བར་འགྱུར་རོ། ། དེ་འདི་སྙམ་དུ་སེམས་ཏེ། ཀྱེ་ཨེ་མ་བདག་གི་ནམ་མཁའ་མཐའ་ཡས་སྐྱེ་མཆེད་ཀྱི་བཏང་སྙོམས་འདི་ལྟར་ཡོངས་སུ་དག་པ། འདི་ལྟར་རྣམ་པར་བྱང་བ་འདི་རྫོགས་པར་བྱ་ཞིང་། བདག་གི་སེམས་དང་མཐུན་པར་བྱ་སྟེ། བདག་གི་བཏང་སྙོམས་ཀྱི་མཐར་གཏུགས་པ་དང་། འབྲེལ་བ་མངོན་སུམ་དུ་བྱས་ལ། དེ་ལ་མཆོག་ཏུ་ལྷག་པར་གནས་པར་བྱ། བདག་ནམ་མཁའ་མཐའ་ཡས་སྐྱེ་མཆེད་ཀྱི་བཏང་སྙོམས་ཀྱིས་བསྡུས་པ་དེ་རྫོགས་པར་བྱས་ཏེ་གནས་སོ། ། བདག་གིས་འདི་ལྟར་ཡོངས་སུ་དག་ཅིང་། འདི་ལྟར་རྣམ་པར་བྱང་བ། ནམ་མཁའ་མཐའ་ཡས་སྐྱེ་མཆེད་དང་། ཅི་ཡང་མེད་པའི་སྐྱེ་མཆེད་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བཏང་སྙོམས་འདི་རྫོགས་པར་བྱས་ཏེ་གནས་པར་བྱའོ་སྙམ་མོ།། དེ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་རྫོགས་པར་བྱས་ཏེ་གནས་པ་དེ་དང་། བདག་གིས་སེམས་མཐུན་པར་བྱེད་ལ། བཏང་སྙོམས་དེ་ལ་གནས་ཤིང་འདུག་སྟེ། དེ་ལ་ལྷག་པར་ཆགས་པ་དང་། དེ་ཉེ་བར་ལེན་པ་བདག་གི་འདུ་ཤེས་མེ་ད་འདུ་ཤེས་མེད་མིན་སྐྱེ་མཆེད་ཀྱི་བཏང་སྙོམས་རྫོགས་པར་བྱས་ཏེ་གནས་པར་བྱའོ་སྙམ་མོ། ། འདི་ལྟ་སྟེ། དཔེར་ན་གསེར་མགར་རམ། གསེར་མགར་གྱི་སློབ་མ་མཁས་པ་དེ་སོ་མལ་དུ་གསེར་འཇུག་པར་བྱེད་དོ། ། བཅུག་ནས་ཕྲ་སྐམ་གྱིས་བཟུང་ཞིང་། ཡམ་ཤིང་གིས་འབུད། ཀུན་ཏུ་འབུད་དོ།། ལ་ས་ལེགས་པར་བྱས་པའི་ག་སེར་དེ་དགེ་ཞིང་བ་ཀྲ་ཤིས་ལ་ཁ་དོག་བཟང་བ། ལས་བྱེད་པ་ཐམས་ཅད་བསྟོད་པ། ཁ་དོག་བཟང་བར་བསྔགས་པ། ཡུལ་ཐམས་ཅད་དུ་རྗེས་སུ་མཐུན་པར་འཇུག་པ་དེ་དྲི་མ་དང་བྲལ་ཞིང་། སྐྱོན་ལྷག་མ་ཡང་མེད་པར་དུལ་ཞིང་བཀྲ་ཤིས་ཏེ། རིན་པོ་ཆེའི་འོད་ཀྱང་ཟིལ་དུ་དྲུག་པ་བྱེད་དོ། ། དེ་གསེར་མཀར་རམ། གསེར་མགར་གྱི་སློབ་མ་མཁས་པ་གཞན་ཞིག་གིས་གསེར་ལེགས་པར་སྦྱང་བ་བྱས་པར་རིག་ནས། ཅི་འདོད་པར་བྱེད་དེ། གལ་ཏེ་བསྒོ་བར་བྱ་བ་དགལ་དྲིལ་བུའི་རྒྱན་བྱེད། གལ་ཏེ་ཤིན་ཏུ་བལྟ་ན་སྡུག་པ་དག་བྱེད། གལ་ཏེ་དཔུང་རྒྱན་དུ་བྱེད། གལ་ཏེ་སྙིང་ཀར་མཛེས་པའི་རྒྱན་བྱེད། གལ་ཏེ་གླེགས་བམ་ལ་མཛེས་པར་བྱེད། གལ་ཏྲི་མཧེ་རྒྱུན་དུ་བྱེད། གལ་ཏེ་སོར་གདུབ་ཏུ་བྱེད། གལ་ཏི་གསེར་གྱི་འཕྲེང་བར་བྱེད། གལ་ཏེ་རྒྱན་ཅོད་པན་དུ་བྱེད་དེ། གང་དང་གང་དུ་བྱེད་པ་དེ་དང་དེར་ལས་དང་ལྡན་པར་འགྱུར་རོ།། དེ་བཞིན་དུ་དགེ་སློང་ཤིན་ཏུ་ཚུལ་ཁྲིམས་དང་ལྡན་པ་ཤེས་རབ་ཅན་ནི་བདག་གིས་འདི་ལྟར་ཡོངས་སུ་དག་ཅིང་འདི་ལྟར་རྣམ་པར་བྱང་བ། གལ་ཏེ་ནམ་མཁའ་མཐའ་ཡས་སྐྱེ་མཆེད་ཀྱི་བཏང་སྙོམས་དེ་རྫོགས་པར་བྱས་ལ། བདག་དེ་དང་མཐུན་པར་དེ་ལ་གནས་ཏེ། དེ་དང་འབྲེལ་པ་དང་། དེ་ལ་ལྷག་པར་གནས་པ་དང་། དེ་ཉེ་བར་ལེན་ཅིང་དེ་ནམ་མཁའ་མཐའ་ཡས་སྐྱེ་མཆོད་ཀྱི་བཏང་སྙོམས་རྫོགས་པར་བྱས་ཏེ་གནས། རྣམ་ཤེས་མཐའ་ཡས་སྐྱེ་མཆེད་དང་། ཅི་ཡང་མེད་པའི་སྐྱེ་མཆེད་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་རྫོགས་པར་བྱས་ཏེ་གནས་སོ།། དེ་འདི་སྙམ་དུ་སེམས་ཏེ། གང་བདག་གིས་བཏང་སྙོམས་འདི་ནི་མི་རྟག་པ། མི་བརྟན་པ། ཐེར་ཟུག་མ་ཡིན་པ། ཡོངས་སུ་འགྱུར་བའི་ཆོས་ཅན་ཡིན་པར་དེ་གཟུགས་མེད་པའི་སྐྱེ་མཆེད་བཞི་པོ་དེ་ཉིད་ལ་དམིགས་ནས། བདག་གི་བཏང་སྙོམས་མི་རྟག་ཅིང་མི་རྟག་པར་དམིགས། མི་བརྟན་ཞིང་མི་བརྟན་པར་དམིགས་ཏེ། འདུས་བྱས་སུ་རིག་པར་བྱའོ་སྙམ་མོ།། ནམ་མཁའ་མཐའ་ཡས་སྐྱེ་མཆེད་མི་རྟག་ཅིང་རྣམ་ཤེས་མཐའ་ཡས་སྐྱེ་མཆེད་དམིགས་སུ་མེད་པ་དང་། ཅི་ཡང་མེད་པའི་སྐྱེ་མཆེད་དམིགས་སུ་མེད་པ་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བཏང་སྙོམས་འདི་ནི་གཡོ་བ་དང་བྲལ་བ་ཡིན་འདི་ནི་ཞི་བ་ཡིན། འདི་ནི་ཉེ་བར་ཕན་པ་ཡིན་ནོ་སྙམ་མོ།། དེ་ལུས་ཀུན་གྱི་ཚོར་བ་སྐྱེ་ཞིང་མྱོང་བ་ན། སོ་སོར་མངོན་པར་ཤེས་ཤིང་སྐྱེས་པ་རྣམས་ཀྱང་སོ་སོར་མངོན་པར་ཤེས། འགག་བ་སོ་སོར་མངོན་པར་ཤེས་ཤིང་། འགག་པ་ཡང་སོ་སོར་མངོན་པར་ཤེས་སོ།། མིག་གི་རེག་པ་ལས་བྱུང་བ་སོ་སོར་མངོན་པར་ཤེས་ཏེ། དེ་བཞིན་དུ་རྣ་བའི་རེག་པ་ལས་བྱུང་བ་སོ་སོར་མངོན་པར་ཤེས། སྣའི་རེག་པ་ལས་བྱུང་བ་སོ་སོར་མངོན་པར་ཤེས། དེ་བཞིན་དུ་ལྕེ་དང་། ལུས་དང་། ཡིད་ཀྱི་རེག་པ་ལས་བྱུང་བའི་ཚོར་བ་སོ་སོར་མངོན་པར་ཤེས་སོ།། དགེ་སློང་ཚོར་བ་མངོན་སུམ་དུ་བྱས་པ་དེ་ཚོར་བ་དེ་དག་ཉིད་ཤིན་ཏུ་རྒྱས་པར་རྟོག་སྟེ། དེ་མིག་གི་རེག་པ་ལས་བྱུང་བའི་ཚོར་བ་སྐྱེ་བ་ན། སྐྱེས་པ་ལས་གནས་ཤིང་མྱོང་བར་བྱེད་ལ། འགགས་ཤིང་འགགས་པ་ན་བདག་གི་ཚོར་བ་འགགས་སོ་ཞེས་སོ་སོར་མངོན་པར་ཤེས་སོ། ། གཞན་ཡང་རྣ་བའི་རེག་པ་ལས་བྱུང་བའི་ཚོར་བ་སོ་སོར་མངོན་པར་ཤེས་ཏེ། གང་བདག་གི་མིག་གི་རེག་པ་ལས་བྱུང་བའི་ཚོར་པ་དེ་འགགས་ཤིང་ནུབ་ནས་མེད་པར་འགྱུར་ཏེ་ཡང་མི་འབྱུང་ངོ་། ། དེ་དག་འགགས་ནས། གཞན་ཡང་རྣ་བའི་རེག་པ་ལས་བྱུང་བའི་ཚོར་བ་སྐྱེས་པ་བདེ་བ་འདི། བདེ་བ་ལ་དམིགས་པས་སྡུག་བསྔལ་མ་ཡིན། བདེ་བ་དང་སྡུག་བསྔལ་དམིགས་པས། བདེ་བ་མ་ཡིན་ཞིང་། སྡུག་བསྔལ་མ་ཡིན་ནོ་སྙམ་མོ།། དེ་རྣ་བའི་རེག་པ་ལས་བྱུང་བའི་ཚོར་བ་ཇི་ལྟ་བ་བཞིན་རྗེས་སུ་མཐོང་ཞིང་རྣམ་པར་ཤེས་ནས། རྣ་བ་དང་འབྲེལ་བའི་ཚོར་བ་དག་ལ་ཀུན་ཏུ་ཆགས་པ་མེད་ལ། དེ་ཚོར་བ་མྱོང་བ་ན་འདོད་ཆགས་དང་བྲལ་ཏེ་རྣམ་པར་གྲོལ་བར་འགྱུར་རོ།། རྣ་བའི་རེག་པ་ལས་བྱུང་བའི་ཚོར་བ་དེ་འགགས་ན། སྣའི་དམིགས་པའི་ཚོར་བ་སྐྱེ་སྟེ། དེ་སྣས་ཀུན་ནས་བླང་བ་སྣས་ཀུན་ནས་སོ་སོར་མྱོང་བར་བྱེད་དེ། བདག་སྣའི་རེག་པ་ལས་བྱུང་བའི་ཚོར་བ་སྐྱེས་པ་བདེ་བ་ལ་དམིགས་པ་ནི་བདེ་བའོ།། སྡུག་བསྔལ་ལ་དམིགས་པ་ནི་སྡུག་བསྔལ་ལོ། ། སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པ་ལ་དམིགས་པ་ནི། སྡུག་བསྔལ་ཡང་མ་ཡིན། བདེ་བ་ཡང་མ་ཡིན་ནོ་སྙམ་མོ།། དེ་སྣའི་དམིགས་པའི་ཚོར་བ་ཡང་དག་པ་ཇི་ལྟ་བ་བཞིན་སོ་སོར་མྱོང་བར་བྱེད་དེ། ནུབ་པ་ཡང་སོ་སོར་མྱོང་བར་བྱེད་དོ།། དེ་འགགས་ན་སྣའི་དམིགས་པའི་ཚོར་བ་བདེ་བ་དང་། སྡུག་བསྔལ་དང་། སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པ་སྐྱེ་སྟེ། དེ་སོ་སོར་མྱོང་བར་བྱེད་དོ།། བདག་གི་སྣའི་དམིགས་པའི་ཚོར་བ་སྐྱེ་སྟེ། ཇི་ལྟར་ལྷག་པར་འཆགས་པ་སྐྱེས་པ་དེ་ལྟར་བདག་གི་འགོག་པ་འདི་དག་ཀྱང་སྐྱེ་སྟེ། དེ་འགགས་ནས། ལྕེའི་དམིགས་པའི་ཚོར་བ་རྣམ་པ་གསུམ་སྐྱེ་བ་ནས། ཡིད་ཀྱི་དམིགས་པའི་ཚོར་བ་རྣམ་པ་གསུམ་སྔ་མ་བཞིན་ནོ།། དེས་གཞན་བཞི་པ་ལ་ཚོར་བ་ཡང་དག་པར། རྒྱ་ཆེ་བ་ལ་འཇུག་སྟེ། དེའི་བརྩོན་འགྲུས་བརྩམས་པ། སྤོ་བ་ཆེན་པོ་བདུད་ཀྱི་འཆིང་བ་གཅོད་པར་འདོད་པ་ལ། ས་པྤའི་གནོད་སྦྱིན་ཤིན་ཏུ་དགའ་ནས། བར་སྣང་གི་གནོད་སྦྱིན་རྣམས་ལ་མངོན་པར་བསྙད་དོ། ། དེ་དག་གིས་ཀྱང་རྒྱལ་པོ་བཞི་ལ་མངོན་པར་བསྙད་དོ།། དེ་དག་གིས་ཀྱང་རྒྱལ་ཆེན་བཞིའི་ལྷ་རྣམས་ལ་མངོན་པར་བསྙད་དོ།། དེ་དག་གིས་ཀྱང་ལྷ་རྣམས་ཀྱི་དབང་པོ་བརྒྱ་བྱིན་ལ་མངོན་པར་བསྙད་དོ། ། བརྒྱ་བྱིན་གྱིས་ཀྱང་འཐབ་བྲལ་གྱི་ལྷ་རྣམས་ལ་མངོན་པར་བསྣད་དེ། གང་འཛམ་བུའི་གླིང་ན་རིགས་ཀྱི་བུ་ཡུལ་ཆེ་གེ་མོ་ཞིག་དང་། གྲོང་མང་གེ་མོ་ཞིག་དང་། རིགས་ག་གེ་མོ་ཞིག་ལས། རིགས་ཀྱི་བུ་ཆེ་གེ་མོ་ཞིག་ཅེས་བྱ་བ་དེ་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་འབད་པ་དང་བརྩོན་བས་རིམ་གྱིས་ས་གཞན་བཞི་པའི་ཚོར་བ་ཡང་དག་པར་རྒྱ་ཆེ་བ་ལ་ཞུགས་པ། བདུད་ཀྱི་ཕྱོགས་ནི་དམའ་བར་བྱེད་ཅིང་། ཡང་དག་པ་དམ་པའི་ཆོས་ཀྱི་ཕྱོགས་ནི་མངོན་པར་མཐོ་བར་བྱེད་དེ། བདག་གིས་ལྷ་རྣམས་ལ་བསྙད་དོ་སྙམ་མོ།། བརྒྱ་བྱིན་གླང་པོ་ཆེ་ས་སྲུངས་ཀྱི་བུ་ལ་ཞོན་པ་འཐབ་བྲལ་གྱི་ལྷ་དག་གིས་མཐོང་ནས་དགའ་སྟེ། བརྒྱ་བྱིན་ལ་སྨྲས་པ། བརྒྱ་བྱིན་གང་འཛམ་བུ་གླིང་གི་མི་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་དེ། བརྒྱ་བྱིན་ཁྱོད་ཀྱི་དམ་པའི་ཆོས་དང་འཐུན་པར་གྱུར་པ་ཉིད་ཡིན་ནོ།། གཞན་ཡང་དགེ་སློང་དེ་བདུད་ཀྱི་འཆིང་བ་སྤོང་ཞིང་རབ་ཏུ་སྤོང་བའི་ཚོར་བ་ལ་ཇི་ལྟར་རྟོག་ཅེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པས་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། དགེ་སློང་དེ་ཡང་དག་པའི་ཚོར་བ་ཉིད་ལ་འདི་ལྟར་རྣམ་པར་རྟོག་པར་བྱེད་དེ། དེ་མིག་གི་རྣམ་པར་ཤེས་པའི་དམིགས་པ་མི་དགེ་བ་སྐྱེས་པ་དེ་ལངས་པ་ན། དགེ་བ་ལ་དམིགས་པ་གཉིས་པས་འགགས་སོ།། དགེ་བ་སྐྱེས་པ་དེ་ཡང་ལུང་དུ་མ་བསྟན་པ་ལ་དམིགས་པས་འགགས་ཤིང་། ལུང་དུ་བསྟན་པ་ཡང་འགགས་ལ། ལུང་དུ་མ་བསྟན་པ་སྐྱེས་སོ།། དེ་བཞིན་དུ་རྣ་བའི་རེག་པ་ལས་བྱུང་བའི་ཚོར་བ་དང་། སྣའི་རེག་པ་ལས་བྱུང་བའི་ཚོར་བ་དང་། ལྕེའི་རེག་པ་ལས་བྱུང་བའི་ཚོར་བ་དང་། ལུས་དང་ཡིད་ཀྱི་རེག་པ་ལས་བྱུང་བའི་ཚོར་བ་སོ་སོར་མྱོང་བར་བྱེད་དོ།། སོ་སོར་མྱོང་བར་བྱེད་པ་ན་དགེ་བའི་ཆོས་རྣམས་ཡོངས་སུ་རྫོགས་པར་འགྱུར་ཞིང་། དེའི་ཉོན་མོངས་པ་སྲབས་པར་འགྱུར་རོ།། དེ་དེ་ལྟར་སྒོམ་པ་ན་ཚོར་བ་ཕྲ་མོ་དེ་དག་སོ་སོར་ཤེས་སོ།། དེ་ཆོས་ཀྱི་ཚོར་བ་དང་ལྷན་ཅིག་འགག་པ་མཐོང་སྟེ། ཇི་ལྟར་མར་མེའི་འོད་ཉི་མའི་འོད་ཀྱིས་འགག་པ་དེ་བཞིན་དུ་ཚོར་བ་གཉིས་ཀ་འགག་གོ། གཞན་ཡང་དགེ་བ་དང་མི་དགེ་བའི་ཚོར་བ་རྒྱས་པ་སོ་སོར་མྱོང་བར་བྱེད་དེ། དཔེར་ན་མར་མེའི་འོད་ལ་མར་མེའི་འོད་གཉིས་པས་གསལ་བར་བྱེད་པ་བཞིན་ནོ། ། གཞན་ཡང་ཚོར་བ་རབ་ཏུ་རྣམ་པར་འབྱེད་པར་བྱེད་དེ། ཚོར་བ་གང་ཞིག་དང་། ཚོར་བ་གཞན་གང་ཞིག་གི་ཚོར་བ་དང་ལྷན་ཅིག་ནན་ཏན་དུ་མི་མཐུན་པར་འགྱུར་རམ་སྙམ་པ་ལས། དགེ་བའི་ཚོར་བ་དང་། མི་དགེ་བའི་ཚོར་བ་ལྷན་ཅིག་གཏན་དུ་མི་མཐུན་པར་མཐོང་སྟེ། དཔེར་ན་མར་མེའི་འོད་དང་། སྐར་མའི་འོད་ལྷན་ཅིག་མི་མཐུན་པ་བཞིན་ནོ། ། གཞན་ཡང་དགེ་སློང་དེ་རབ་ཏུ་རྣམ་པར་འབྱེད་པར་བྱེད་དེ། ཚོར་བ་གང་ཞིག་ལ་ཚོར་བ་གང་ཞིག་གིས་གཏན་དུ་སེལ་བར་བྱེད་ཅེ་ན། དེ་ཟག་པ་མེད་པ་ལ་དམིགས་པའི་ཚོར་བས་ཟག་པ་དང་བཅས་པ་ལ་དམིགས་པའི་ཚོར་བ་གཏན་སེལ་བ་ཉིད་དུ་མཐོང་སྟེ། དཔེར་ན་མེའི་འོད་ཀྱིས་ཁ་བ་ཞུ་བ་བཞིན་ནོ།། ཚོར་བ་གང་ཞིག་ལ་ཚོར་བ་གང་ཞིག་གིས་གནོད་ཅིག་གུ་སྙམ་ནས། ཡང་འདི་རྒྱས་པར་བྱེད་དེ། གང་གི་ཚེ་མི་བདེ་བའི་ཚོར་བ་ལ་བདེ་བའི་ཚོར་བས་ཟིལ་གྱིས་གནོན་པར་མཐོང་ངོ་།། དེ་ཡང་རྒྱས་པར་བྱེད་དེ། དཔེར་ན་ཉི་མས་ཉིན་མོའི་ཟླ་བའི་འོད་ཟིལ་གྱིས་གནོན་པར་འགྱུར་ཞིང་། ཟླ་བའི་འོད་དེ་ཡང་མཚན་མོ་རྒྱས་པར་འགྱུར་བ་བཞིན་ནོ།། དེ་ནས་གཞན་ཡང་དགེ་སློང་དེ་ཚོར་བ་རབ་ཏུ་རྣམ་པར་འབྱེད་པར་བྱེད་དེ། གང་ཚོར་བ་མང་པོ་དང་ལྡན་པ་དག། ཚོར་བ་གཅིག་གི་དྲན་པ་རྩེ་གཅིག་པའི་ཚོར་བ་དང་ལྷན་ཅིག་མི་མཐུན་པ་ཟིལ་གྱིས་གནོན་པར་འགྱུར་རམ་སྙམ་ན། དེ་འཇིག་རྟེན་པ་བྱེད་པའི་ཚོར་བ་མང་པོ་དག། འཇིག་རྟེན་ལས་འདས་པ་ཟག་པ་མེད་པའི་ཚོར་བས་ཟིལ་གྱིས་གནོན་པར་མཐོང་སྟེ། དཔེར་ན་མཚར་མོ་རྒྱུ་སྐར་དང་། གཟའ་དང་། སྐར་མ་མང་པོའི་འོད་དག་ཟླ་བའི་འོད་གཅིག་གིས་ཟིལ་གྱིས་གནོན་པ་བཞིན་ནོ།། གཞན་ཡང་དགེ་སློང་དེ་ཚོར་བ་རྗེས་སུ་མཐོང་བཔའི་ཚོར་བ་ཆེས་ཕྲ་བ་ལ་རྟོག་པར་བྱེད་དེ། མིག་དང་། རྣ་བ་དང་། སྣ་དང་། ལྕེ་དང་། ལུས་ཀྱིས་ཀུན་ནས་བསླངས་པ་ཟག་པ་དང་བཅས་པའི་ཚོར་བ་མང་བ་ནི་གང་ཡིན། དགེ་བ་ནི་ཇི་ལྟར་རྩོམ་ཞིག་གུ་སྙམ་ན། དེ་འཇིག་རྟེན་པའི་ཟག་པ་དང་བཅས་པའི་ཚོར་བ་མང་བ་ཡང་། ཟག་པ་མེད་པའི་སྣང་བས་ཐུབ་པར་འགྱུར་ཏེ། དཔེར་ན་མཚན་མོ་རྒྱུ་སྐར་དང་། གཟའ་དང་། སྐར་མ་རྣམས་ཀྱི་འོད་ཟླ་བའི་སྣང་བ་གནས་པས་ཐུབ་པ་བཞིན་ནོ། ། དེ་ནས་གཞན་ཡང་དགེ་སློང་དེ་ཚོར་བ་དེ་ལ་རྟོག་སྟེ། བདག་གི་ཚོར་བ་གཞན་ཡུན་ཇི་སྲིད་གཅིག་ཏུ་གནས་སྙམ་མོ།། དེ་སྐད་ཅིག་ལ་བདག་གི་ཚོར་བ་གཞན་སྐྱེ་ཞིང་འཇིག་པར་གནས་པར་མཐོང་སྟེ། དཔེར་ན་གློག་བཞིན་ནོ།། གཞན་ཡང་དགེ་སློང་དེ་འདི་ལྟར་རབ་ཏུ་རྣམ་པར་རྟོག་སྟེ། ཅི་མིག་གི་ཚོར་བ་སྣའི་ཚོར་བའི་རྐྱེན་དུ་འགྱུར་རམ་སྙམ་མོ། ། དེ་བློ་གཅིག་བཞིན་དུ་དབང་པོ་ཐ་དད་པའི་དམིགས་པའི་ཚོར་བ་དབང་པོ་དེ་དག་ཐམས་ཅད་ཀྱིས་མཐོང་སྟེ། དཔེར་ན་བ་གླང་ཅིག་གཅིག་རྟ་དང་། རྔ་མོ་དང་། བོང་བུ་དང་། མ་ཧེའི་རིགས་ཐ་དད་པ་རྣམས་ཀྱི་རྐྱེན་དུ་མི་འགྱུར་བ་དེ་བཞིན་དུ། ཐོག་མ་མེད་པ་ནས་བརྩོན་པའི་དབང་པོ་ལྔས་ཀུན་ནས་བསླང་བའི་ཡུལ་གྱི་བྱེ་བྲག་ཐ་དད་པའི་དབང་པོ་རྣམས་ཀྱི་དམིགས་པ་ནི་གཅིག་ཏུ་མི་འགྱུར་ཏེ། དཔེར་ན་གླང་དང་། རྟ་དང་། རྔ་མོ་དང་། བོང་བུ་དང་། མ་ཧེ་དང་། ཕག་བཞིན་ནོ།། དེ་ལྟར་ཚོར་བ་རྗེས་སུ་མཐོང་བའི་དགེ་སློང་དེ་དག་ནི་ཤེས་པ་ཆེས་ཞིབ་པ་སྐྱེ་བར་འགྱུར། ཏེ། དེ་ཤེས་པ་དེ་ལ་ཀུན་ཏུ་སྟོན་ཅིང་སྒོམ་སྟེ་མང་དུ་བྱེད་དོ།། དེ་ཀུན་ཏུ་བསྟེན་པ་ན་ཚོར་བ་རྗེས་སུ་མཐོང་ཞིང་། ཟད་པ་དང་། འཇིག་པ་རྗེས་སུ་མཐོང་ནས། འདི་སྙམ་དུ་སེམས་ཏེ། བདག་གི་མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱིས་ཀུན་ནས་བསླང་བའི་ཚོར་བ་གང་ནས་འོང་ཞིང་གང་དུ་འོངས། འགག་པ་ན་གང་དུ་སོགས་པར་འགྱུར་སྙམ་མོ།། དགེ་སློང་ཚོར་བཟང་པ་དང་། འཇིག་པ་རྗེས་སུ་མཐོང་བ་དེ་རབ་ཏུ་སེམས་པ་ན། ལམ་གྱི་རྣམ་པ་ལ་འདི་སྙམ་དུ་སེམས་ཏེ། མིག་གི་ཚོར་བ་གང་ནས་ཀྱང་སྐྱེ་བ་མེད་ཅིང་འོང་བ་མེད་ལ། འགག་པབ་ན་ཡང་གང་དུ་སོགས་པར་མི་འགྱུར་ཏེ། མིག་གི་ཚོར་བ་མ་བྱུང་བ་ལས་བྱུང་ཞིང་། བྱུང་ནས་ཀྱང་སོ་སོར་འབྲལ་བར་འགྱུར་རོ།། མིག་གི་འབྱུང་ཁུངས་ལས་ཚོར་བ་བྱུང་སྟེ། དཔེར་ན་རྨྱ་མཚོའི་གཞི་ལས་ཆུ་འབྱུང་བ་བཞིན་ནོ། ། འགག་པ་ན་ཡང་གང་དུ་ཡང་མི་སོགས་ཏེ། དཔེར་ན་ཆུ་བོ་གཞོལ་བར་འགྲོ་བ་རྒྱ་མཚོར་འདུ་བ་བཞིན་ཏེ། མིག་གི་ཚོར་བ་མ་བྱུང་བ་ལས་འབྱུང་ཞིང་བྱུང་ནས་ཀྱང་སོ་སོར་འཇིག་པར་འགྱུར་རོ་སྙམ་མོ། ། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་ཚོར་བ་དག་ནི་རྟེན་ཅིང་འབྲེལ་པར་འབྱུང་བ་ཡིན་ཏེ། དཔེར་ན་རྫ། མཁན་ནམ། རྫ་མཁན་གྱི་སློབ་མ་མཁས་པ་ཞིག་འཁོར་ལོ་ལ་ཡང་བརྟེན། འཇིམ་པ་ལ་ཡང་བརྟེན། རྩོལ་བ་ལ་ཡང་བརྟེན། ཆུ་ལ་ཡང་བརྟེན་ནས། རྒྱུ་འཇིམ་པ་ལ་བརྟེན་པའི་བུམ་པ་འབྱུང་བར་འགྱུར་ཏེ། བུམ་པ་དེ་འབྱུང་ཁུངས་གང་ནས་ཀྱང་མ་འོངས་ཞིང་། འཇིག་པ་ན་ཡང་གང་དུ་ཡང་སོགས་པར་མི་འགྱུར་ཏེ། རྒྱུ་རྐྱེན་ལས་བུམ་པ་འབྱུང་བ་དེ་བཞིན་དུ། མིག་ལ་ཡང་བརྟེན། གཟུགས་ལ་ཡང་བརྟེན། སྣང་བ་ལ་ཡང་བརྟེན། ནམ་མཁའ་ལ་ཡང་བརྟེན། ཡིད་ལ་བྱེད་པ་ལ་ཡང་བརྟེན་ནས། མིག་གི་ཚོར་བ་བདེ་བ་འམ།། སྡུག་བསྔལ་བའམ།། སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པ་སྐྱེའོ།། དཔེར་ན་བུམ་པ་གལ་ཏེ་རྒྱུ་རྐྱེན་བཟང་པོ་ལས་བྱུང་ན། བུམ་པ་དེ་ལེགས་པར་འགྱུར་ཞིང་། གལ་ཏེ་ངན་ན་དེའི་ཚེ་བུམ་པ་མ་ལེགས་པར་འགྱུར་བ་དེ་བཞིན་དུ། གལ་ཏེ་དམིགས་པའི་རྒྱུ་དང་རྐྱེན་བཟང་ན། དེའི་ཚེ་མིག་ལ་སོགས་པའི་ཚོར་བ་བཟང་པོ་སྐྱེ་བར་འགྱུར་ཏེ། ཆོས་དང་ལྡན་པའི་དགེ་བའི་རིམ་གྱིས་མྱ་ངན་ལས་འདས་པར་འགྲོ་བར་འགྱུར་རོ། ། གལ་ཏེ་རྒྱུ་དང་རྐྱེན་མི་བཟང་ན། དེའི་ཚེ་མིག་ལ་སོགས་པའི་ཚོར་བ་ངན་པ་སྐྱེ་བར་འགྱུར་ཏེ། འདོད་ཆགས་ཞེ་སྡང་གཏི་མུག་ལ་དམིགས་པར་འཁོར་བ་ན། སེམས་ཅན་དམྱལ་བ་དང་། ཡི་དགས་དང་། དུད་འགྲོར་འགྲོ་བར་འགྱུར་རོ།། ལས་དང་འབྲས་བུར་འབྲེལ་བ་ཐམས་ཅད་ལ་མཁས་པར་སེམས་པའི་དགེ་སློང་ནི་ཚོར་བ་རྗེས་སུ་ཚོལ་བ་ན། ཚོར་བ་དུ་མ་ལ་གནས་པར་མཐོང་སྟེ། བྱེད་པ་པོས་གནས་སུ་མ་བྱས་ཤིང་། རྒྱུ་མེད་པ་ལས་ཀྱང་མ་བྱུང་ལ། འདོད་རྒྱལ་གྱིས་མ་བྱས། ཟེར་ཟུག་ཏུ་གནས་པ་མ་ཡིན། རྟག་པ་མ་ཡིན། བརྟན་པ་མ་ཡིན། ཐེར་ཟུག་མ་ཡིན། ཡོངས་སུ་འགྱུར་བའི་ཆོས་ཅན་ཡིན་ཞིང་། དེའི་ཚོར་བའི་ཕུང་པོ་དེ་མཐོང་ནས། ཡང་འབྱུང་བའི་སྲེད་པ་དགའ་བའི་འདོད་ཆགས་ཀྱི་མོད་ལས་སྐྱེས་པ་དྲི་མ་ཅན་ཡོངས་སུ་ཉམས་པར་བྱེད་དེ། འཁོར་བ་ཐམས་ཅད་མི་རྟག་པར་རྗེས་སུ་མཐོང་བའི་དགེ་སློང་ནི་ལམ་ཀུན་ཏུ་སྟེན་པར་བྱེད་ཅིང་། གོམས་པར་བྱེད་ལ་མང་དུ་བྱེད་དོ།། དེདེ་ལྟར་སྒོམ་པ་ན་ཀུན་ཏུ་སྦྱོར་བ་དག་སྤོང་བར་བྱེད་ཅིང་། བག་ལ་ཉལ་འདོར་བར་བྱེད་དེ། ཀུན་ཏུ་སྦྱོར་བ་དག་གང་ཞེ་ན། རྗེས་སུ་ཆགས་པའི་ཀུན་ཏུ་སྦྱོར་བ་དང་། ཁོང་ཁྲོ་བའི་ཀུན་ཏུ་སྦྱོར་བ་དང་། ང་རྒྱལ་གྱི་ཀུན་ཏུ་སྦྱོར་བ་དང་། མ་རིག་པའི་ཀུན་ཏུ་སྦྱོར་བ་དང་། ལྟ་བའི་ཀུན་ཏུ་སྦྱོར་བ་དང་། མཆོག་ཏུ་འཛིན་པའི་ཀུན་ཏུ་སྦྱོར་བ་དང་། ཐེ་ཚོམ་གྱི་ཀུན་ཏུ་སྦྱོར་བ་དང་། ཕྲག་དོག་གི་ཀུན་ཏུ་སྦྱོར་བ་དང་། སེར་སྣའི་ཀུན་ཏུ་སྦྱོར་བ་སྟེ། ཀུན་ཏུ་སྦྱོར་བ་དེ་དག་སྤྱོང་བར་བྱེད་དོ།། བག་ལ་ཉལ་བ་གང་ཞེ་ན། འདི་ལྟ་སྟེ། འདོད་པའི་འདོད་ཆགས་ཀྱི་བག་ལ་ཉལ་དང་། སྲིད་པའི་འདོད་ཆགས་ཀྱི་བག་ལ་ཉལ་དང་། ལྟ་བའི་བག་ལ་ཉལ་དང་། ཁོང་ཁྲོ་བའི་བག་ལ་ཉལ་དང་། མ་རིག་པའི་བག་ལ་ཉལ་དང་། ང་རྒྱལ་གྱི་བག་ལ་ཉལ་དང་། ཐེ་ཙོམ་གྱི་བག་ལ་ཉལ་ཏེ། དེ་དག་ནི་གཙོ་བོ་ཇི་ལྟ་བ་བཞིན་དུ་སྲིད་པ་གསུམ་དུ་ཡོངས་སུ་འཇུག་པར་བྱེད་པ། ས་གསུམ་དུ་ཡོངས་སུ་རྒྱུ་བར་བྱེད་པ། ཉེས་པ་གསུམ་ལ་ཡོངས་སུ་འཇུག་པར་བྱེད་པ་དུས་གསུམ་གྱི་རྗེས་སུ་འགྲོ་བ། བར་མ་གསུམ་གྱི་ཚོར་བ་གསུམ་རྗེས་སུ་བསྒོམས་པ། སྐྱེ་བ་གསུམ་དུ་འཕོ་བར་བྱེད་པ་སྟེ། འཁོར་བའི་རྒྱུར་གྱུར་པ་ཡིན་ནོ།། དེ་ནས་གཞན་ཡང་ཇི་ལྟར་དགེ་སློང་དེ་རྒྱུ་དང་རྐྱེན་དུ་བཅས་པ་འདི་དག་ཁོང་དུ་ཆུད་པར་འགྱུར། མིག་གི་རྐྱེན་ནི་གང་། རྒྱུ་ནི་གང་ལས་སྐྱེས། གཞི་གང་ལ་ལྟ་བར་བྱེད་པ་ཞིག་གུ་སྙམ་ནས། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། མིག་གི་རྒྱུ་ནི་ལས་ལས་བྱུང་ཞིང་། ལས་ཀྱིས་སྐྱེ་བ་མངོན་པར་བསྒྲུབས་ཏེ། དཔེར་ན་ཤིང་བ་ཊའི་ས་བོན་ཆུང་ངུ་ལས་ཤིང་ལྗོན་པ་སྐྱེ་ལ། ཤིང་ལྗོན་པའི་རྒྱུ་རྐྱེན་ལས་ཡང་ཤིང་བ་ཊའི་ས་བོན་ཕྲ་མོ་འབྱུང་བར་འགྱུར་རོ།། དེ་བཞིན་དུ་མི་ཤེས་པ་ལས་མངོན་པར་འགྲུབ་པར་འགྱུར་ལ། ལས་ལས་ཀྱང་སྐྱེ་བ་མངོན་པར་འགྲུབ་པར་འགྱུར་ཏེ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། འཁྲུག་པ་རྣམས་ཡོད་ཅིང་འབྱུང་བར་འགྱུར་ཏེ། དེ་ལྟར་ལས་ཀྱི་རྒྱུ་སྲེད་པའི་ཞགས་པ་དེས་བཅིངས་པའི་བྱིས་པ་སོ་སོའི་སྐྱེ་བོ་ནི། འཁོར་ལོ་ལྟ་བུའི་རྒྱ་མཚོར་ཡོངས་སུ་འཁྱམ་མོ། ། ཚོར་བ་དེ་དག་ཐམས་ཅད་ཀྱི་རྒྱུ་དང་རྐྱེན་འདི་དག་ལ། འདུ་ཤེས་ཀྱིས་ལས་སུ་བྱ་བ་མེད་དེ། ལས་མེད་ན་སྲེད་པ་འབྱུང་བར་མི་འགྱུར་ལ། དེ་མེད་ན་ཚོར་བ་མེད་པར་འགྱུར་རོ། ། རྒྱུ་རྐྱེན་ནི་དཔེར་ན་སྙིང་པོ་ལ་ཡང་བརྟེན། སྐོང་བུ་ལ་ཡང་བརྟེན། མ་ར་ལ་ཡང་བརྟེན། མེ་ལ་ཡང་བརྟེན་ནས། མར་མེའི་འོད་སྐད་ཅིག་མ་མངོན་པར་འགྲུབ་པར་འགྱུར་རོ། ། དེ་བཞིན་དུ་དགེ་སློང་དེ་ཚོར་བའི་རྒྱུ་དང་རྐྱེན་མཐོང་བ། ལས་ཀྱི་རྒྱུ་ཚོལ་ཞིང་ལས་ཀྱི་རྗེས་སུ་འབྲང་བ། ལས་ཀྱི་མཐུས་ཚོར་བ་ཐམས་ཅད་སྐྱེ་བར་འགྱུར་རོ།། དེ་ལ་ལུས་ནི་སྐྱོང་བུ་ལྟ་བུ་ཡིན། དབང་པོ་དག་ནི་མར་ལྟ་བུ་ཡིན། འདོད་ཆགས་ཞེ་སྡང་ག་ཏི་མུག་ནི་མེ་ལྟ་བུ་ཡིན་ཏེ། ཤེས་པ་སྐད་ཅིག་མ་ནི་མར་མེའི་འོད་འབར་བ་ལྟ་བུ་ཡིན་ནོ།། རྣལ་འབྱོར་པ་གང་གིས་སྲིད་པ་གསུམ་དུ་འགྲོ་བའི་ཚོར་བ་དེ་ཉིད་ཚོལ་ཞིང་མཐོང་བ་ནི་ཤེས་པ་ཡིན་ཏེ། དཔེར་ན་གསེར་མགར་གསེར་བླངས་ནས། ལས་དང་ལས་སུ་བྱས་པའི་གསེར་ལས་རྒྱན་གྱི་རྣམ་པ་ལེགས་པ་མངོན་པར་འགྲུབ་པར་བྱེད་དོ། ། དེ་བཞིན་དུ་རྣལ་འབྱོར་སྤྱོད་པ་གསེར་མགར་ལྟ་བུ་དེ། དམིགས་པ་གསེར་ལྟ་བུ་ལ་དམིགས་ཏེ། གལ་ཏེ་དམིགས་པ་བཟང་ན། དེ་ལས་བཟང་པོ་མངོན་པར་འགྲུབ་པར་འགྱུར་ཞིང་། མྱ་ངན་ལས་འདས་པར་འགྲོའོ།། གལ་ཏེ་དམིགས་པ་ངན་ན། དེ་ངན་པ་འགྲུབ་པར་འགྱུར་རོ།། འདིར་ཚིགས་སུ་བཅད་པ། རྒྱུ་རྐྱེན་དེ། ཉིད་ཤེས་པ་ནི།། དོན་ཞི་བ་ངེས་པར་བྱས་པ་ཡིན།། ཐར་པའི་རྒྱུན་ལ་མངོན་དགའ་ན།། སྲེད་པས་ཁྱེར་བར་མི་འགྱུར་རོ།། ལུས་ཅན་ཐམས་ཅད་ལས་དག་གི། རྗེས་འབྲང་ལས་ཀྱི་སྐྱེ་གནས་དང་། ། ལས་ཀྱི་འབྲས་བུར་སྦྲེལ་ནས་སུ།། སྲིད་པ་ཉམ་ངར་ཀུན་ཏུ་འཁྱམ།། གང་ཞིག་མི་དགེ་མི་ལེན་ཅིང་།། རྟག་ཏུ་དགེ་བའི་ལས་དགའ་བ།། ཟླ་འོད་དྲི་མ་མེད་པ་ལྔར།། རྣལ་འབྱོར་འགྲོ་བ་དེ་འདྲར་འགྱུར། ། མེ་ཡིས་ཤིང་སྐམ་བསྲེགས་པ་ལྟར།། སྡིག་པའི་ཆོས་རྣམས་རབ་བསྲེགས་པ།། སྡིག་ལས་གྲོལ་ཞིང་ཉོན་མོངས་རྒལ།། ས་གསུམ་དག་ཏུ་རྣམ་པར་མཛེས།། གང་ཞིག་ཡིད་ནི་ཐར་འདོད་ཅིང་། ། ནམས་ཀྱང་འཁོར་བར་མི་དགའ་བ།། དེ་ནི་འཁོར་བར་མི་འཆིང་སྟེ།། མཁའ་ལ་བྱ་ནི་འགྲོ་བ་བཞིན།། གང་ཞིག་ཚོར་འབྱུང་དེ་ཉིད་ཤེས།། ཚོར་བའི་འབྲས་བུ་རིག་པ་ནི།། དེ་ཉིད་གྲོལ་བར་ཤེས་པར་བྱ། ། རིག་པ་སྲིད་པ་ལམ་དུ།། ང་ཐུག་གིས་ནི་དེ་མི་གནོད།། ནིམ་དང་རབས་གོས་པ་མེད།། གང་དག་སྲིད་པ་འབར་བ་ལྟར།། རྣལ་འབྱོར་དེ་ནི་བསམ་པ་ལྡན།། ཟླ་གྲོས་རྟག་ཏུ་མི་རྨོངས་ཤིང་། ། རྟག་ཏུ་ཆོས་ཀྱི་ཕ་རོལ་འགྲོ།། དགེ་སློང་སྡོམ་ལ་མངོན་དགའ་བ།། དེ་ལྟ་བུ་ནི་དགེ་སློང་ཡིན།། གཉེན་ལྟ་བ་ལ་དགའ་མེད་ཅིང་།། མཁས་བདག་ལ་ལྟ་འདོད་ལ། ཁྱིམ་གྱི་སྐྱོན་ལས་ངེས་འབྱུང་བ།། དེ་ལྟ་བུ་ནི་དགེ་སློང་ཡིན།། དབང་པོ་ཐམས་ཅད་རབ་ཞི་ཞིང་།། ཡུལ་རྣམས་ལ་ནི་ཆགས་མེད་ན།། གཉའ་ཤིང་གང་ཙམ་ལྟ་བ་དག། དེ་ལྟ་བུ་ནི་དགེ་སློང་ཡིན། ། ཁྲོ་མད་ཁྱིམ་ལ་སྤྱོད་མེད་ཅིང་།། ཚོང་ཟོང་ཉོ་ཚོང་མི་བྱེད་ལ།། སྲང་དང་བཞི་མདོར་མི་དགའ་བ།། དེ་ལྟ་བུ་ནི་དགེ་སློང་ཡིན།། ཀླུ་དང་གར་ལ་མི་ལྟ་ཞིང་།། ཉེས་རྩོམ་རྣམས་ལ་ཆགས་མེད་ལ། ། གང་དག་དུར་ཁྲོད་དགའ་བྱེད་པ།། དེ་ལྟ་བུ་ནི་དགེ་སློང་ཡིན།། ཉི་མ་གཅིག་ལ་བསོད་སྙོམས་མཆོག། བླངས་ནས་སང་གིར་མི་སེམས་ལ།། ལྟོ་འགྲངས་ཙམ་གྱིས་ཆོག་བྱེད་པ། ། དེ་ལྟ་བུ་ནི་དགེ་སློང་ཡིན།། གང་དག་གོས་མཆོག་རྣམ་སྤོང་ཞིང་།། ཕྱག་དར་ཁྲོད་ཀྱིས་ཆོག་འཛིན་ལ།། གང་དག་རིགས་པར་ཟས་ཟ་བ།། དེ་ལྟ་བུ་ནི་དགེ་སློང་ཡིན།། གང་དག་ལས་ནི་མི་རྩོམ་ཞིང་།། ལས་རྣམས་ཀུན་ལ་བསམ་མེད་ལ།། སྤྲོ་མེད་འདུད་པ་མེད་པ་ནི།། དེ་ལྟ་བུ་ནི་དགེ་སློང་ཡིན།། འདོད་པའི་ཁྲོ་ལས་རྣམ་གྲོལ་ཞིང་།། གཏི་མུག་འདམ་ནི་རྣམ་སྤངས་ལ། ། སྡིག་པའི་ཆོས་ཀྱིས་མ་གོས་པ།། དེ་ལྟ་བུ་ནི་དགེ་སློང་ཡིན།། ཀུན་ཏུ་སྦྱོར་བ་ཀུན་ལས་འདས།། བག་ལ་ཉལ་བ་ཐམས་ཅད་སྤངས།། བསམ་པ་ཀུན་ལས་རྣམ་གྲོལ་བ། དེ་ལྟ་བུ་ནི་དགེ་སློང་ཡིན།། འཕགས་ལམ་ཡན་ལག་བརྒྱད་པ་ཡིས།། མྱ་ངན་འདས་པའི་གྲོང་ཁྱེར་གནས།། གང་དག་ཉོན་མོངས་ཀུན་བཅོམ་པ།། དེ་ལྟ་བུ་ནི་དགེ་སློང་ཡིན།། དབང་པོ་དུལ་ཞིང་བློ་གྲོས་བརྟན། ། འདོད་པའི་འདམ་ནི་རྣམ་པར་སྤངས།། རྩེ་གཅིག་ཡིད་ནི་ལེགས་གནས་པ།། དེ་ལྟ་བུ་ནི་དགེ་སློང་ཡིན།། གང་དག་ས་ཡི་རིམ་ཤེས་ལ།། ས་ཡི་དེ་ཉིད་སྟོན་བྱེད་ཅིང་། ། ཡང་དག་ཕན་ཚུན་ས་ཤེས་པ།། དེ་ལྟ་བུ་ནི་དགེ་སློང་ཡིན།། ཟག་བཅས་ཟབ་པ་མེད་པའི་ཆོས།། རྒྱུ་དང་རྐྱེན་དུ་འབྱུང་བ་དག། རྣམ་པ་བཞིན་དུ་ཀུན་ཤེས་པ།། དེ་ལྟ་བུ་ནི་དགེ་སློང་ཡིན། ། ཚངས་པར་སྤྱོད་པ་དྲང་ཞིང་ཞི།། རྨུགས་དང་གཉིད་ནི་རྣམ་སྤངས་ལ།། ནང་པར་ལྡང་ཞིང་མཁས་གཙང་བ།། དེ་ལྟ་བུ་ནི་དགེ་སློང་ཡིན།། གང་ཞིག་ཞི་གནས་ལྷག་མཐོང་ལ། དགའ་ཞིང་བསམ་གཏན་བཞི་ལ་དགའ།། དགོན་པ་ཀུན་དགར་དགའ་བ་དག། དེ་ལྟ་བུ་ནི་དགེ་སློང་ཡིན།། ནམ་མཁའ་ལ་ནི་བྱ་གནས་པ།། དེའི་གྲིབ་རྟག་ཏུ་རྗེས་འགྲོ་ལྟར།། གང་བློ་དམ་པའི་ཆོས་ལ་གནས། ། དེ་ལྟ་བུ་ནི་དགེ་སློང་ཡིན།། གང་ཞིག་ཉོན་མོངས་ཉེ་ཉོན་མོངས།། བཅོམ་ཞིང་ཞི་ལྟར་བློ་གྲོས་གཙང་།། དབུགས་འབྱུང་རྔུབ་པའི་རྣམ་པ་ཤེས།། དེ་ལྟ་བུ་ནི་དགེ་སློང་ཡིན། ། གང་ཞིག་རིམ་པའི་ཆོ་ག་ཤེས།། རྣལ་འབྱོར་རིག་ཅིང་དེ་ཉིད་སྟོན།། ལམ་དང་ལམ་མིན་རིམ་ཤེས་པ།། དེ་ལྟ་བུ་ནི་དགེ་སློང་ཡིན།། གང་ཞིག་དགའ་ལ་མི་ཆགས་ཤིང་།། འཇིགས་པ་དག་ལ་འཇིགས་མེད་པ། ། དཔའ་བོ་དགའ་དང་འཇིགས་མཉམ་པ།། དེ་ལྟ་བུ་ནི་དགེ་སློང་ཡིན།། རྒ་དང་འཆི་བའི་དེ་ཉིད་ཤེས།། ལྷ་དང་ལྷ་མིན་ཕྱག་བྱས་པ།། སེམས་ཀྱི་རྣམ་པ་ཕན་ཚུན་ཤེས། ། དེ་ལྟ་བུ་ནི་དགེ་སློང་ཡིན།། གང་ཞིག་སྣམ་སྦྱར་ལྷུང་བཟེད་ཀྱིས།། ཆོ་ག་འཛིན་སོགས་འཇོག་མི་བྱེད་ལ།། འདོད་པ་ཆུང་ཞིང་ཚངས་པར་སྤྱོད།། དེ་ལྟ་བུ་ནི་དགེ་སློང་ཡིན།། དྲི་མེད་སྟན་གཅིག་ཟས་ཟ་ཞིང་།། ཞིམ་པའི་རོལ་མི་ཆགས་ལ།། རྙེད་དང་བཀུར་སྟི་སྤངས་པ་དག། དེ་ལྟ་བུ་ནི་དགེ་སློང་ཡིན།། བཏང་སྙོམས་སྙིང་རྗེ་དག་ལ་དགའ།། འཆ་དང་སྐྱོན་ནི་རྣམ་སྤངས་ཤིང་། ། ཉེས་པའི་རྫས་ཀུན་ངེས་བསྲེག་པ།། དེ་ལྟ་བུ་ནི་དགེ་སློང་ཡིན།། དགེ་སློང་དེ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་། ཚོར་བ་དེ་དག་ཇི་ལྟ་བ་བཞིན་དུ་རྗེས་སུ་རྟོག་སྟེ། དེ་ཤེས་པ་ཤིན་ཏུ་ཞིབ་མོས་མིག་གི་འདུས་ཏེ་རེག་པ་ལས་བྱུང་བའི་ཚོར་བའི་དམིགས་པ་རྗེས་སུ་རྒྱུ་བ་མེད་པར་མཐོང་སྟེ། དམིགས་པ་གཉིས་པས་ལྷན་ཅིག་འགག་ཅིང་འཇིག་པ་མཐོང་སྟེ། མིག་གི་འདུས་ཏེ་རེག་པ་ལས་བྱུང་བའི་ཚོར་བའི་དམིགས་པ་འདས་ནས། བདག་སྒྲ་ལ་དམིགས་པ་དང་བཅས་པའི་ཚོར་བ་སྡུག་པ་དང་། མི་སྡུག་པ་སྐྱེ་སྟེ། བདག་གི་སེམས་དེ་དང་ལྷན་ཅིག་གྱུར་པ་མེད་དོ་སྙམ་ནས། དེས་སེམས་ཀྱི་དམིགས་པ་དེ་བརྟན་པར་བྱས་ནས་འཛིན་པར་བྱེད་དོ།། རྣ་བའི་ཚོར་བ་སྒྲ་ལ་དམིགས་པ་དང་བཅས་པ་དེ་འགགས་ནས། སྣའི་ཚོར་བ་དྲི་ལ་དམིགས་པ་སྐྱེ་སྟེ། དེ་སྣའི་ཚོར་བ་ལ་ཡང་རྟོག་པར་བྱེད་ཅེ་ན། ཤིན་ཏུ་རྟོག་པར་བྱེད་དེ། བདག་གི་སྣའི་ཚོར་བ་དྲི་དང་བཅས་པ་དགེ་བའམ། མི་དགེ་བ་འམ། ལུང་དུ་བསྟན་པའམ། ལུང་དུ་མ་བསྟན་པ་སྐྱེ་སྟེ། བདག་གི་སྣའི་ཚོར་བ་དེའི་སེམས་གྱུར་པ། གལ་ཏེ་དེས་སེམས་གྱུར་པ་མཐོང་ན། དེས་ཡང་དམིགས་པ་དེ་ཉིད་ལ་གོམས་པར་བྱེད་ཅིང་སྤྱོད་ལ། འབད་ཅིང་བརྩོན་ཏེ་ལས་སུ་རུང་བར་བྱེད་ལ། དགེ་བའི་ཆོས་ཟག་པ་མེད་པས་སེམས་གོམས་པར་བྱེད་དོ།། གལ་ཏེ་མི་གཡོ་ན་ལྕེའི་དམིགས་པ་དགེ་བའམ། མེ་དགེ་བ་འམ། ལུང་བསྟན་པ་འམ། ལུང་མ་བསྟན་པ་ལ་དམིགས་པར་བྱེད་དེ། དེ་དམིགས་པ་དེ་མངོན་སུམ་དུ་བྱས་ནས། བདེ་བ་དང་། སྡུག་བསྔལ་དང་། སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པའི་ཚོར་བ་ལ་ལྟ་བར་བྱེད་ཅིང། ཅི་འདིས་བདག་གི་སེམས་གྱུར་ཏམ་སྙམ་མོ།། གལ་ཏེ་རོ་ལ་དམིགས་པའི་ཚོར་བ་སྐྱེས་པར་སེམས་གྱུར་པ་མཐོང་ན། དེས་ཡང་སེམས་དམིགས་པའི་ཀ་བ་ལ་མོས་པའི་ཐག་པས་བཅིངས་ནས། ཇི་ལྟར་སེམས་འདི་ལྕེའི་ཚོར་བ་དང་བཅས་ཤིང་། སྲེད་པ་དང་བཅས་པས་མི་འཕྲོགས་པར་བྱ་སྙམ་ནས། སྤྱོད་ཅིང་འབད་ལ་ནན་ཏན་དུ་བྱེད་དོ།། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་བཞི་པ། ། དེ་ནས་གཞན་ཡང་དགེ་སློང་དེ་ལུས་ཀྱི་རེག་བྱ་དང་བཅས་པའི་རེག་བྱའི་ཚོར་བ་དམིགས་པའི་ཀ་བ་ལ་བཅིངས་ནས། དགེ་བ་དང་། མི་དགེ་། བ་དང་། ལུང་དུ་མ་བསྟན་པ་ལ་རྟོག་པར་བྱེད་དེ། གལ་ཏེ་རེག་བྱའི་ཚོར་བ་དེས་སེམས་གྱུར་པར་མཐོང་ན་ཡང་། ཇི་ལྟར་དམིགས་པའི་ཀ་བ་ལ་བཅིངས་ནས་ལས་སུ་རུང་བར་བྱེད་ཅིང་། གྱུར་པ་མེད་པ་དེ་ལྟར་བྱེད་དོ།། ཡང་དགེ་སློང་དེ་ཡིད་ལ་འོང་བའི་ཡིད་དང་ཤིན་ཏུ་འབྲེལ་པའི་ཆོས་ཀྱི་ཚོར་བ་དགེ་བ་དང་། མི་དགེ་བ་དང་། ལུང་དུ་བསྟན་པ་དང་། ལུང་དུ་མ་བསྟན་པ་ལ་ལྟ་བར་བྱེད་དེ། གལ་ཏེ་ཚོར་བ་དེ་དག་གིས་ཡིད་གྱུར་ན། དེ་དམིགས་པའི་ཀ་བ་དེ་ལ་མོས་པའི་ཐག་པས་བཅིངས་ནས་ལས་སུ་རུང་བར་བྱེད་དེ། གྱུར་པ་མེད་པ་དེ་ལྟར་བྱེད། དོ།། ཡུལ་དྲུག་ལུས་ལ་ཡོད་པའི་ཚོར་བ་ལ་ལྟ་བའི་དགེ་སློང་ཡང་དག་པའི་ཚོར་བ་འབྱུང་བ་དང་། ཟད་པ་དེ་ཉིད་མཐོང་བ་ནི་གནས་ལྔ་པ་ལ་འཇུག་པ། དེ་མིག་གི་འདུས་ཏེ་རེག་པ་ལས་བྱུང་བའི་ཚོར་བ་ཤེས་པའི་སྒྲོན་མས་ཚོར་བ་མྱོང་བར་བྱེད་པའི་ཚོར་བ་འདི་དག་གང་ཞིག་ཡིན་ཞེས་རྣམ་པར་རྟོག་པར་བྱེད་དོ། ། དེ་ཡིད་ཀྱི་རྣམ་པར་ཤེས་པའི་ཚོར་བ་འདི་ནི་རྟེན་ཅིང་འབྲེལ་པར་འབྱུང་བ་ཡིན། ཏེ། ཡིད་དང་ཤིན་ཏུ་འབྲེལ་བར་མཐོང་ལ། བྱིས་པ་སོ་སོའི་སྐྱེ་བོ་ཐམས་ཅད་ནི་ཡིད་ཀྱི་རྣམ་པར་རྟོག་པས་ཕྲོགས་ཤིང་། ཤིན་ཏུ་རྟོག་པའི་སེམས་བསྲེགས་ཏེ། འདི་ལ་ཚོར་བ་པོ་དང་། བྱེད་པ་པོ་ནི་གང་ཡང་མེད་ཀྱི། རྒྱུ་རྐྱེན་དང་འབྲེལ་བའི་འདུ་བྱེད་ཀྱི་ཕུང་པོ་འདི་ཉིད་སྐྱེ། འདུ་བྱེད་ཀྱི་ཕུང་པོ་འདི་ཉིད་འགག་གོ་སྙམ་མོ།། དེ་མིག་གི་འདུས་ཏེ་རེག་པ་ལ་བྱུང་བའི་ཚོར་བ་ཇི་ལྟ་བ་བཞིན་རྗེས་སུ་མཐོང་ཞིང་རྗེས་སུ་འཇུག་པ་དེས། སེམས་མི་འཕྲོགས་ཤིང་། རྣམ་པར་མི་གཡོ་ལ་སྐྱོན་དུ་འགྱུར་བར་མི་བྱེད་དེ། དྲི་མ་ཅན་དུ་མི་བྱེད་དོ།། ཡང་དགེ་སློང་དེ་རྣ་བའི་ཚོར་བ་ལ་རྟོག་པར་བྱེད་དེ། ཚོར་བ་རྗེས་སུ་མྱོང་ཞིང་རིག་པའི་ཚོར་བ་འདི་གང་ཡིན་སྙམ་མོ།། དེ་རྣ་བའི་ཚོར་བ་འདི་ཡིད་ཀྱི་རྣམ་པར་ཤེས་པ་དང་ཤིན་ཏུ་འབྲེལ་པ་མཐོང་སྟེ། ཡིད་དང་ཤིན་ཏུ་འབྲལ་བ་དེ་ལ་གནས་པར་ཟད་ཀྱིས། འདི་ལ་བྱེད་པ་པོ་དང་། ནོར་བ་པོ་མེད་རྙིང་། རྣ་བའི་ཚོར་བ་རྟེན་ཅིང་འབྲེལ་པར་འབྱུང་བ་ལ། བྱེད་པ་པོ་དང་། ཚར། པ་པོ་མེད་དེ། འདུ་བྱེད་ཀྱི་ཕུང་པོ་སྟོང་པ་ནི་རྒྱུ་རྐྱེན་གྱི་དབང་གིས་སྐྱེ་ཞིང་འགག་གོ་སྙམ་མོ།། ཡང་དགེ་སློང་དེ་སྣའི་ཚོར་བ་ལ་རྟོག་པར་བྱེད་དེ། ཚོར་བ་འདི་མྱོང་ཞིང་རིག་པ་གང་ཞིག་ཡིན་སྙམ་མོ། ། དེ་ཚོར་བ་ཡིད་ཀྱི་རྣམ་པར་ཤེས་པ་དང་ཤིན་ཏུ་འབྲེལ་པར་མཐོང་སྟེ། དེ་ལ་དམིགས་པ་དེ་ལ་གནས་པ་དེ་རྒྱུ་དང་རྐྱེན་ལས་བྱུང་ཞིང་། རྗེས་སུ་མྱོང་བའི་མཚན་ཉིད་ཡིན་གྱི། འདུ་བྱེད་ཀྱི་ཕུང་པོ་སྟོང་པ་འདི་བྱེད་པ་པོས་གནས་སུ་མ་བྱས་ཤིང་། ཚོར་བ་པོས་གནས་སུ་མ་བྱས་པ་རྒྱུན་ཆགས་པར་འཇུག་པ་ཡིན་ནོ་སྙམ་སྟེ། དེ་སྣའི་ཚོར་བ་རྟོགས་ནས་བྱེད་པ་པོ་དང་། ཚོར་བ་པོ། མེད་ཅིང་དོན་གྱི་བར་དུ་གཅོད་པར་འགྱུར་བ་ནི་མེད་དོ་སྙམ་མོ།། ཡང་དགེ་སློང་དེ་ལྕེའི་ཚོར་བ་ལ་རྣམ་པར་རྟོག་སྟེ། ལྕེའི་ཚོར་བ་འདི་མྱོང་ཞིང་རིག་པ་གང་ཡིན་སྙམ་མོ།། ད་ལྕེའི་ཚོར་བ་འདི་ཡིད་ཀྱི་རྣམ་པར་ཤེས་པ་དང་ཤིན་ཏུ་འབྲེལ་བར་མཐོང་སྟེ། དེ་ལ་གནས་པ་དེ་དང་འབྲེལ་པ་དེ་ལ་དམིགས་པ་དེའི་རྒྱུ་ལས་བྱུང་ཞིང་། དེ་ལ་བརྟེན་པ་ཡིན་གྱི། འདི་ལ་བྱེད་པ་པོ་དང་། ཚོར་བ་པོ་དང་དོན་གྱི་བར་དུ་གཅོད་པར་འགྱུར་བ་མེད་དེ། འདུ་བྱེད་ཀྱི་ཕུང་པོ་སྟོང་པ་འདི་རྒྱུ་དང་རྐྱེན་གྱི་དབང་གིས་སྐྱེའོ་སྙམ་མོ།། ཡང་དགེ་སློང་དེ་ལུས་ཀྱི་རེག་བྱའི་ཚོར་བ་ལ་རྟོག་པར་བྱེད་དོ།། ལུས་ཀྱི་ཚོར་བ་མྱོང་ཞིང་རིག་པ་འདི་གང་ཡིན་སྙམ་མོ། ། དེ་ལུས་ཀྱི་ཚོར་བ་འདི་ཡིད་ཀྱི་རྣམ་པར་ཤེས་པ་དང་ཤིན་ཏུ་འབྲེལ་པར་མཐོང་སྟེ། འདི་ལ་བྱེད་པ་པོ་དང་། ཚོར་བ་པོ་དོན་གྱི་བར་དུ་གཅོད་པར་གྱུར་པ་ནི་མེད་དེ། འདུ་བྱེད་ཀྱི་ཕུང་པོ་སྟོང་པ་འདི་རྒྱུ་དང་རྐྱེན་གྱི་དབང་གིས་འཇུག་གོ་སྙམ་མོ།། ཡང་དགེ་སློང་དེ་ཡིད་ཀྱི་ཚོར་བ་ལ་རྣམ་པར་རྟོག་པར་བྱེད་དེ། ཡིད་ཀྱི་ཚོར་བ་མྱོང་ཞིང་རིག་པ་འདི་གང་ཡིན་སྙམ་མོ། ། དེ་ཡིད་དང་ཆོས་ལ་བརྟེན་ནས་ཡིད་ཀྱི་རྣམ་པར་ཤེས་པ་སྐྱེ་བར་མཐོང་སྟེ། གསུམ་འདུས་པའི་རེག་པ་རེག་པ་དང་ལྷན་ཅིག་འབྱུང་བའི་ཚོར་བ་དང་། ན་རྫས་དྲི་ཞིམ་པ་དུ་མ་བསྡུས་པ་ལས་སྤོས་བཟང་པོ་འབྱུང་ངོ་།། སྤོས་དེའི་རྒྱུ་མི་འབྱུང་བ་གཅིག་ཀྱང་མེད་པ་དེ་བཞིན་དུ། རྒྱུ་དང་རྐྱེན་འདི་འདུས་པ་ལས་ཚོར་བ་ཐམས་ཅད་འབྱུང་ཞིང་།། བྱེད་པ་པོས་གནས་སུ་མ་བྱས་ཤིང་། ཚོར་བ་པོས་གནས་སུ་མ་བྱས་པ་ཡིན་ནོ།། དཔེར་ན་ལོ་མ་ལ་ཡང་བརྟེན། ཟེ་བ་ལ་ཡང་བརྟེན། སྡོང་བུ་ལ་ཡང་བརྟེན། ཟེ་འབྲུ་ལ་ཡང་བརྟེན་ནས་པདྨ། ཞེས་བྱ་བའི་མེ་ཏོག་འབྱུང་སྟེ། པདྨ་དེའི་རྒྱུ་གཅིག་ཀྱང་མེད་དོ།། དེ་བཞིན་དུ་དམིགས་པ་ལ་ཡང་བརྟེན། ནམ་མཁའ་ལ་ཡང་བརྟེན། ཡིད་ལ་བྱེད་པ་ལ་ཡང་བརྟེན། སྣང་བ་ལ་ཡང་བརྟེན་ནས་མིག་གི་འདུས་ཏེ་རེག་པ་ལས་བྱུང་བའི་ཚོར་བ་འབྱུང་སྟེ། མིག་ལས་སྐྱེས་པ། མིག་ལ་བརྟེན་པའི་ཚོར་བ་དེ་རིགས་གཅིག་པ་མ་ཡིན། རྫས་གཅིག་པ་མ་ཡིན། འབྱུང་བ་གཅིག་པ་ན་ཡིན་ཞིང་། ཐེར་ཟུག་ཏུ་གནས་པ་མ་ཡིན་ལ། སྤྲུལ་པ་ལྟ་བུ་ཡིན་སྙམ་མོ།། དེ་ཇི་ལྟ་ཇི་ལྟར་དེ་ཉིད་ཚོལ་བའི་དགེ་སློང་དེ་ནི། དེ་ལྟ་དེ་ལྟར་ཆོས་དཀར་པོ་འབྱུང་བར་འགྱུར་ཏེ། དཔེར་ན་བུ་རམ་ཤིང་སྣོད། ཀྱི་ནང་དུ་བཅུག་ནས། མེས་བསྐོལ་བ་དེས། དང་པོ་ཞུ་ཞིང་དྲི་མར་འགྱུར་བ་ནི་པུ་རམ་དྲི་མ་ཅན་ཞེས་བྱའོ།། ལན་གཉིས་སུ་བསྐོལ་བ་དང་། དཀར་བར་འགྱུར་ཞིང་བུ་རམ་དུ་ཤེས་སོ།། ལན་གསུམ་པ་ལ་ཤིན་ཏུ་དཀར་བར་འགྱུར་ཏེ། ཇི་ལྟ་ཇི་ལྟར་བུ་འམ་ཤིང་བསྐོལ་བ་དེ་ལྟ་དེ་ལྟར་ཤིན་ཏུ་དྲི་མ་དང་བྲལ་བར་འགྱུར་བ་དེ་བཞིན་དུ། དགེ་སློང་དམིགས་པའི་སྣོད་དུ་ཡེ་ཤེས་མེ་ལྟ་བུས་སེམས་ཀྱི་རྒྱུན་བུ་རམ་ཤིང་ལྷ་བུ་ཡོངས་སུ་སྐོལ་བར་བྱེད་དོ། ། དེ་དབུ་བ་ལྟ་བུ་བསམ་གཏན་དང་པོ་ཐོབ་པར་འགྱུར་ཞིང་། དེའི་དཀར་བ་ལྟ་བུ་བསམ་གཏན་གཉིས་པ་ཐོབ་པར་འགྱུར་ཏེ། དེ་བཞིན་དུ་ཇི་ལྟ་ཇི་ལྟར་དགེ་སློང་གི་སེམས་ཀྱི་རྒྱུན་ཡ་ཤེས་ཀྱི་མེས་སྐོལ་བར་བྱེད་པ་དེ་ལྟ་དེ་ལྟར་ཟག་པ་མེད་པའི་ཆོས་ཤིན་ཏུ་དཀར་ཞིང་ཤིན་ཏུ་དྲི་མ་མེད་པ། ཤིན་ཏུ་སྐྱོན་མེད་པར་འགྱུར་ཏེ། ལས་ཕྱིར་ཕྱོགས་པ་དྲི་མ་དང་བྲལ་ཞིང་དཀར་ལ་དག་པ་སྐྱེ་བར་འགྱུར་རོ། ། གཞན་ཡང་དགེ་སློང་དེ་ཚོར་བ་དེ་དག་ལ་ཤིན་ཏུ་རྣམ་པར་ཕྲ་བ་གནན་གྱིས་རྟོག་པར་བྱེད་དེ། སེམས་ཅན་ཆེ་གེ་མོ་ཞིག་ཚེ་རབ་མིག་གི་འདུས་ཏེ་རེག་པ་ལས་བྱུང་བ་ཕྲ་བ་འམ། རགས་པ་དྲི་མ་ཅན་གཏི་མུག་དང་ལྡན་པ་སྐྱེས་པ་དེ། ཚོར་བ་རགས་པ་ཆེ་གེ་མོ་ཞིག་གིས་བསལ་ཅིང་སྤངས་ལ། ལྷག་མ་དང་བཅས་པར་བྱས་སོ།། རྣ་བའི་ཚོར་བ་དང་། སྣའི་ཚོར་བ་དང་། ལྕེའི་ཚོར་བ་དང་། ལུས་ཀྱི་ཚོར་བ་ཡང་དེ་བཞིན་ནོ། ། དགེ་སློང་དེ་དེ་ལྟར་བརྩོན་ཞིང་སྤྲོ་ལ། བདུད་ཀྱི་སྡེ་འཇོམ་པ་ན། ས་བླའི་གནོད་སྦྱིན་དང་། བར་སྣང་ལ་སྤྱོད་པའི་གནོད་སྦྱིན་དེ་དག་གིས་ཀྱང་རྒྱལ་པོ་ཆེན་པོ་བཞི་ལ་མངོན་པར་བསྙད་དོ། ། ས་བླའི་གནོད་སྦྱིན་དང་། བར་སྣང་གི་ལྷ་ལ་སོགས་པའི་གནོད་སྦྱིན་དེ་དག་དང་། རྒྱལ་པོ་ཆེན་པོ་བཞི་པོ་དེ་དག་གིས་ཀྱང་རྒྱལ་ཆེན་བཞིའི་ལྷ་རྣམས་ལ་མངོན་པར་བསྙད་དོ། ། ས་བླའི་གནོད་སྦྱིན་དེ་དག་དང་། བར་སྣང་ལ་སྤྱོད་པའི་གནོད་སྦྱིན་དེ་དག་དང་། རྒྱལ་པོ་ཆེན་པོ་བཞི་པོ་དེ་དག་དང་། རྒྱལ་ཆེན་བཞིའི་ལྷ་དེ་དག་གིས་ཀྱང་ལྷའི་དབང་པོ་བརྒྱ་བྱིན་ལ་མངོན་པར་བསྙད་དོ། ། ལྷའི་དབང་པོ་བརྒྱ་བྱིན་ཡང་གླང་པོ་ཆེས་སྲུངས་ཀྱི་བུ་ལ་ཞོན་ནས། ཡིད་དགའ་བས་འཐབ་བྲལ་གྱི་ལྷ་རྣམས་ལ་མངོན་པར་བསྙད་དེ་སྔ་མ་བཞིན་ནོ།། འཐབ་བྲལ་གྱི་ལྷ་དེ་དག་ཀྱང་བརྒྱ་བྱིན་ལ་དགའ་ནས། རིན་པོ་ཆེ་སྣ་ཚོགས་ཐོགས་ཤིང་ལུས་ལྷའི་འཕྲེང་བ་དང་། སྤོས་རྣམ་པ་སྣ་ཚོགས་ཀྱིས་བརྒྱན་པ་སྒྲ་དང་། རེག་བྱ་དང་། གཟུགས་དང་། དྲི་ཡིད་དུ་འོང་ཞིང་བདེ་བ་དཔེ་མེད་པ། རབ་ཏུ་དགའ་བའི་ཤུགས་ཀྱི་དགའ་ལྡན་གྱི་ལྷའི་རིས་ན། རིན་པོ་ཆེ་སྣ་བདུན་ལས་བྱས་པའི་ཁང་པ་དང་། གཞབ་མེད་ཁང་དང་། གྲོང་ཁྱེར་རྣམ་པ་སྣ་ཚོགས་ཀྱིས་བརྒྱན་ཅིང་། དཔག་ཚད་སྟོང་ཕྲག་བཞི་བཅུ་ཡོད་པ། ཡིད་ཀྱིས་བརྟགས་པ་ཞེས་བྱ་བ་དེར། བྱང་ཆུབ་སེམས་དཔའི་ཁང་བཟངས་དཔག་ཚད་ཁྲི་ཡོད་པ། ཟག་པ་མེད་པར་འགྲོ་བ་ཞེས་བྱ་བ་དེ་ན། བཅོམ་ལྡན་འདས་བྱང་ཆུབ་སེམས་དཔའ་ལྔ་བརྒྱ་དང་ཐབས་ཅིག་ཏུ་བཞུགས་པ་དེ་ལ། འཐབ་བྲལ་གྱི་ལྷ་དག་ཡིད་རབ་ཏུ་དགའ་བས། གོས་ཕྱོགས་གཅིག་ཏུ་བགོས་ཏེ། པུས་མོ་ས་ལ་བཙུགས། མགོ་བཏུད་ཐལ་མོ་སྦྱར་ནས་གསོལ་པ། ལྷ་འདི་ལྟར་འཛམ་བུ་གླིང་ན་ལས་ཀྱི་ས་ལ་གནས་པ། གྲོང་ཆེ་གེ་མོ་ཞིག་དང་། གྲོང་རྡལ་མང་གེ་མོ་ཞིག་དང་། ཡུལ་ག་གེ་མོ་ཞིག་ཏུ། རིགས་ཆེ་གེ་མོ་ཞིག་ལས། རིགས་ཀྱི་བུ་ཆེ་གེ་མོ་ཞིག་སྨྲསྒྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་སྤྱོད་པ་ལ་ནན་ཏན་བགྱིད་ཅིང་བླ་མ་ལ་བསྙེན་བཀུར་བགྱིད་པ། ཟག་པ་མེད་པའི་ཆོས་ཀྱི་དེ་ཉིད་ཚོལ་ཞིང་། ཚོར་བ་དེ་ཉིད་མཐོང་བ་ཞེས་བགྱི་བ་ས་གཞན་བཞི་པ་ལ་ཞུགས་ནས། བདུད་ཀྱི་ཕྱོགས་འཛོམ་པར་བགྱིད་ཅིང་། དམ་པའི་ཆོས་ཀྱི་ཟམ་པ་བརྟན་པར་བགྱིད། ཆོས་དཀར་པོ་རབ་ཏུ་སྟོན་པར་བགྱིད་ཅིང་། བདུད་ཀྱི་ཕྱོགས་སྨོད་པར་བགྱིད་ལ། ལྷའི་ཕྱོགས་འཕེལ་བར་བགྱིད་པ་དེ་བདག་ཅག་གིས་ལྷ་རྣམས་ལ་མངོན་པར་གསོལ་ལོ། ། འཐབ་བྲལ་གྱི་ལྷ་རྣམས་ལ་བྱམས་པས། ལྷའི་ཕྱོགས་འཕེལ་བར་གྱུར་པ་དེ་ཐོས་ནས། ཀྱེ་ལྷ་དག་འདི་ལྟར་གང་བདུད་ཀྱི་ཕྱོགས་དམའ་བར་བྱེད་ཅིང་། དམ་བའི་ཆོས་ཀྱི་ཕྱོགས་མངོན་པར་མཐོ་བར་བྱེད་ལ། ཉོན་མོངས་པ་རྣམས་ལས་རབ་ཏུ་གྲོལ་བར་བྱེད་ཅིང་། བདུད་ཀྱི་སྡེ་རྣམ་པར་འཇོམས་པར་བྱེད་པ་ལ་བདག་རབ་ཏུ་དགའ་འོ་ཞེས་གཏམ་དུ་བྱེད་དོ།། གཞན་ཡང་དགེ་སློང་དེས་ཚོར་བའི་ཚོགས་དྲུག་མདོར་བསྡུས་པ་ཇི་ལྟ་བ་བཞིན་མཐོང་ནས། ཚོར་བའི་ཕུང་པོའི་སའི་ཆོས་ས་གཞན་ལྔ་པ་ལ་ཇི་ལྟར་འཇུག་ཅེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པས་བརྟགས་ན། ཡང་དགེ་སློང་དེ་ཚོར་བའི་དེ་ཉིད་མཐོང་ཞིང་། ཚོར་བའི་ཚོགས་དྲུག་གི་ལས་ཀྱི་མཐར་བྱས་ལ། འདུ་ཤེས་ཀྱི་ཕུང་པོ་ཡང་དག་པར་རབ་ཏུ་རྣམ་པར་འབྱེད་ཅིང་མཚན་མར་བྱེད་དོ། ། ས་གཞན་འདུ་ཤེས་དང་བཅས་པ་གང་ཡིན་སྙམ་ན། བདག་ཆོས་དཀར་པོ་དབེན་པ་ལ་སྤྱོད་ཅིང་། ཕན་པ་དང་། མི་ཕམ་པ་ལས་དབེན་པར་སྤྱོད་པའི་འདུ་ཤེས་ཀྱིས་འདུ་ཤེས་སུ་བྱེད་ཅིང་། དེ་ཡང་དག་པར་སེམས་པར་བྱེད་ལ། དེ་ཆོས་དཀར་པོ་མཚན་མར་བྱེད་པ་ནི། འདི་ལྟར་ཐོག་མ་ཉིད་དུ་ཆོས་རྣམས་རབ་ཏུ་རྣམ་པར་འབྱེད་དེ། དམིགས་པ་བསྟན་དུ་ཡོད་ཅིང་།། ཐོགས་པ་དང་བཅས་པ་དང་།། བསྟན་དུ་མེད་ཅིང་ཐོགས་པའི་འདུ་ཤེས་ཇི་ལྟར་སྐྱེ་བར་འགྱུར།། གང་ཡིན་ཞིག་གུ་སྙམ་ནས། དེ་ཤིན་ཏུ་དབེན་པས་འདུ་ཤེས་དེ་ལ་རྟོག་པར་བྱེད་ཅིང་། འདུ་ཤེས་དེས་གཟུགས་རྣམ་པ་བཅུ་གཅིག་ལ་མཚན་མར་དམིགས་ཏེ། འདི་ལྟ་སྟེ། རིང་བ་དང་། ཐུང་བ་དང་། གྲུ་བཞི་དང་། ཟླུམ་པོ་དང་། ཟུར་གསུམ་དང་། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། བཙོད་ཀའོ།། དེ་ལ་འདུ་ཤེས་ཀྱི་མཚན་མས་རིང་པོར་བྱེད་པ་ནི། ཀྱེ་མ་བྱིས་པ་བློ་གཞན་པ་རྣམས་ཀྱིས་ཐོག་མ་དང་ཐ་མ་མེད་པའི་སྐྱེ་བ་དང་། འཆི་བ་དང་། ལས་དང་། འབྲས་བུ་དང་། འཆི་འཕོ་དང་། འབྱུང་བ་དང་། སྡུག་པ་དང་བྲལ་བ་དང་། གྲང་བ་དང་། ཚ་བ་དང་། བཀྲེས་པ་དང་། སྐོམ་པ་དང་། དུབ་པ་དང་། ན་བ་དང་། གཞན་གྱིས་བསྒོ་བ་དང་། བརྙས་པ་དང་། བྲན་གྱི་ངོ་བོ་དང་། གཅིག་ལ་གཅིག་ཟ་བ་དང་། སོགས་པར་བྱེད་ཅིང་། དོན་མེད་པར་གྱུར་པ། དཔག་ཏུ་མེད་པ་འདི་ཀུན་ནི་བཟོད་པར་དཀའ་བ་ཡིན་ཏེ། ལུས་དང་། ངག་དང་། ཡིད་ཀྱིས་ཀུན་ནས་བསླངས་པའི་ཉེས་པར་བྱས་པའི་ལས་ཀྱི་བྱེ་བྲག་བྱེ་བ་ཁྲག་ཁྲིག་བརྒྱ་སྟོང་ཕྲག་དཔག་ཏུ་མེད་པ་དག་གིས་བྱིས་པ་སོ་སོའི་སྐྱེ་བོ་དག་ཡང་དང་ཡང་དུ་ཁྱབ་པར་བྱས་ཤིང་རྣམ་པར་གཙེས་པའི་འཁོར་བ་འདི་ནི་རིང་ངོ་སྙམ་མོ། ། དེ་ལ་མིར་གྱུར་པ་རྣམས་ལ་འདོད་པས་ཉོན་མོངས་ཤིང་གཅིག་ལ་གཅིག་འདྲིད་པ་དང་། གཞལ་ལུགས་དང་། གཤེགས་དང་། ཚོང་པ་དང་། རྒྱལ་པོའི་ཕོ་བྲང་དུ་བསྟེན་པ་དང་། མཚོ་དང་། ངམ་གྲོག་དང་། ཡུལ་གཞན་དུ་འགྲོ་བ་དང་། འཐབ་མོ་དང་། ཞིང་རྨེད་པ་དང་། ཕྱུགས་སྐྱོང་བ་དང་། ཀླ་ཀློར་སྐྱེ་བ་དང་། ལོག་པར་ལྟ་བ་དང་། དབང་པོ་མ་ཚང་བ་དང་། དམ་པའི་ཆོས་དང་བྲལ་བ་དང་། སངས་རྒྱས་འབྱུང་བ་དང་བྲལ་བ་དང་། རྐྱེན་མ་ཚང་བ་དང་། མི་བ་དང་། ཆང་འཐུང་བ་དང་། མ་བྱིན་པ་ལེན་པ་དང་། བརྫུན་དུ་སྨྲ་བ་དང་། འདོད་པས་ལོག་པར་གཡེམ་པ་དང་། བརྣབ་སེམས་དང་། གནོད་སེམས་དང་། ཕྲ་མ་དང་། ཚིག་རྩུབ་པོ་དང་། ཚིག་འཁྱལ་པ་ལ་ཡིད་རྣམ་པར་ཞེན་པའི་འཁོར་བ་འདི་ནི་རིང་ངོ་སྙམ་དུ་འདུ་ཤེས་ཀྱི་མཚན་མ་ལ་དམིགས་པར་བྱེད་དོ།། ལྷ་རྣམས་ཀྱི་འཁོར་བ་ཡང་རིང་བར་འདུ་ཤེས་ཀྱི་མཚན་མ་ལ་དམིགས་པར་བྱེད་དེ། ཡུལ་སྡུག་པ་སྤ་དང་། རོ་དང་། གཟུགས་དང་། དྲི་ལ་རབ་ཏུ་ཆགས་ཤིང་། འདོད་ཆགས་དང་། ཞེ་སྡང་དང་། གཏི་མུག་དང་། བག་མེད་པ་དང་། བུད་མེད་ཀྱི་ཉོན་མོངས་པ་དང་། དགའ་བའི་ཚལ་དང་། ཡོངས་འདུ་དང་། རྣམ་པར་མཛེས་པ་དང་། ཤིང་རྟ་སྣ་ཚོགས་དང་། ཚལ་དང་། ནགས་ཚལ་དང་། ལྟེང་ཀ་དང་། དལ་གྱིས་འབབ་པ་དང་། ཀུན་ཏུ་རྩེ་བ་དང་། མེ་ཏོག་དང་། སྤོས་དང་། བདུད་རྩིའི་རོ་དང་། རྣམ་པ་སྣ་ཚོགས་སུ་རྩེ་བ་དང་། ཁ་ཟས་དང་། གནས་ཁང་ལ་རབ་ཏུ་ཆགས་པ་དང་། ཙན་དན་དང་། ལྷའི་མེ་ཏོག་འཕྲེང་དང་། ཕྱེ་མ་དང་། བྱུག་པ་དང་། མེ་ཏོག་མནྡ་ར་བ་དང་། ལྷའི་རོལ་མོ་དང་། ལྷའི་གླུ་དབྱངས་ལ་སེམས་རབ་ཏུ་ཆགས་ཤིང་། དམ་པའི་ཆོས་ལ་ཁ་ཕྱིར་ཕྱོགས་པའི་ལྷ་རྣམས་ཀྱི་འཁོར་བ་ནི་རིང་ངོ་སྙམ་མོ། ། ཡི་དགས་རྣམས་ཀྱི་འཁོར་བ་ཡང་རིང་བར་འདུ་ཤེས་ཀྱི་མཚན་མ་ལ་དམིགས་པར་བྱེད་དེ། ཉེས་པར་བྱས་པའི་ལས་ཀྱི་འགྲོ་བ། བཀྲེས་པ་དང་། སྐོམ་པ་དང་། དུབ་པ་དང་། ཉམ་ཆུང་བ་དང་། མའི་ཆར་རབ་ཏུ་འབབ་པ་དང་། མིད་པ་ཁབ་ཙམ་ལ། ལྟོ་རི་ཙམ་པ་དང་། ལྟོ་སྐལ་པ་ལ་ཞ་བ་དང་། ཕྲག་དོག་དང་། སེར་སྣ་སྐྱེས་ཤིང་གཅིག་ལ་གཅིག་མཚོན་གྱིས་འདེབས་པ་དང་། མུན་ནག་ཏུ་འཇུག་ཅིང་གཡང་སར་རབ་ཏུ་ལྟུང་བ་དང་། ཆུ་བོ་དང་། སྟེང་ཀ་དཔའ་བབ་ཆུའི་ད་དང་། མཚོར་རྒྱུག་པ་དང་། གཤིན་རྗེའི་མིས་རལ་གྲི་དང་། དབྱིག་པ་དང་། གཞོར་དང་། མདུང་གིས་བཏབ་ཅིང་སྡུག་བསྔལ་བ། སྐྱུགས་པ་དང་། ངར་སྣབས་ཀྱི་ཁ་ཟས་ལོ་འབུམ་ཕྲག་དུ་མར་ཟ་བ། སྡུག་བསྔལ་རྣམ་པ་སྣ་ཚོགས་ཀྱི་མཆི་མ་རབ་ཏུ་བྱུང་ཞིང་བཟོད་པར་དཀར་བ། ཡུལ་ངན་བྱུང་ཞིང་གདིང་དང་ལུས་སྨྲས་ཁེབས་པ། ལུས་ལ་སྲིན་བུ་འབུམ་ཞུགས་པ། ལུས་ནད་ཐམས་ཅད་འབྱུང་བའི་གཞིར་གྱུར་ཅིང་ཐེབས་པ་འཁོར་བར་ཡུན་རིང་དུ་ཞུགས་པ། ལྕགས་ཀྱི་བྱ་རོག་མཆུ་འབར་བ་དག་གིས་མིག་ཕྱུང་བ། ལུས་ཤིང་བསྲེགས་པ་འདྲ་ཞིང་ཕ་རོལ་གྱིས་གནོད་པ། གཅིག་ལ་གཅིག་ཟ་ད། དགོན་པ་དཔག་ཚད་བྱེ་བ་བརྒྱ་ཕྲག་སུམ་ཅུ་རྩ་དྲུག་ཏུ་ཞུགས་པ། མགོན་མེད་ཅིང་ཟས་དང་སྐོམ་གྱི་མས་ལུས་བསྲེགས་པ། མུན་ནག་ཏུ་ཞུགས་པའི་ཡི་དགས་དག་ནི་དམ་པའི་ཆོས་མཉན་པ་ལ་ཁ་ཕྱིར་ཕྱོགས་པ་ཡིན་ཏེ། ལོག་པར་ལྟ་བས་བསླུས་པ་རྣམས་ཀྱི་འཁོར་བ་ནི་རིང་ངོ་སྙམ་དུ་འདུ་ཤེས་ཀྱི་མཚན་མ་ལ་དམིགས་པར་བྱེད་དོ།། གཅིག་ལ་གཅིག་ཟ་ཞིང་ཁོང་དུ་ཆུད་པར་བྱ་བ་དང་། ཁོང་དུ་ཆུད་པར་བྱ་བ་མ་ཡིན་པ་ཤེས་པ་ལ་ཁ་ཕྱིར་ཕྱོགས་པ་རྣམས་ནི། ཆུ་དང་ཆུ་ལ་སྤྱོད་པ་རྣམས་རྟག་ཏུ་སྐོམ་པས་གདུངས་ཤིང་། སྙིང་ཡོངས་སུ་བསྐམས་པ་དང་། གཟུང་བས་འཇིགས་པ། ཆུ་སྲིན་བྱིས་པ་གསོད་དང་། ཆགས་སྐམ་དང་། སྲམ་དང་། རུས་སྦལ་དང་། ཉ་དང་། ཉ་མིད་དང་། ཉ་མིད་མིང་དང་། ཆུ་སྲིན་ཀུམ་བྷི་ར་དང་། ཆུ་སྲིན་ན་ཀྲ་དང་། ཆུ་སྲིན་མ་ཀ་ར་དང་། ཆུ་སྲིན་ཉ་ཕྱི་ས་དང་། ཆུ་སྲིན་དུང་ལ་སོགས་པ་ཆེན་པོ་དང་། ཆུང་ངུ་རྟག་ཏུ་གཅིག་ལ་གཅིག་ཟ་དང་། དེ་ལས་གཞན་པ་རྒྱས་ཤོར་ཞིང་བཟུང་བས་འཇིགས་པ་རྣམས་དང་། དེ་བཞིན་དུ་སྐམ་ས་ལ་རྒྱུ་བ་རི་དགས་དང་། མ་ཧེ་དང་། ཕག་རྒོད་དང་། གླང་པོ་དང་། ཁྱུ་མཆོག་དང་། རྟ་དང་། བོང་བུ་དང་། པ་གླང་དང་། རི་དགས་རུ་རུ་དང་དྲེད་མོ་དང་། བསེ་ལ་སོགས་པ་སྡུག་བསྔལ་སྣ་ཚོགས་ཀྱིས་འཆིང་ཞིང་མཚོན་གྱིས་གཅོད་པ་དང་། ནད་དང་། རྒ་བ་དང་། འཆི་བས་གཅིག་ལ་གཅིག་གནོད་པ་བརྒྱ་ཕྲག་སྟོང་གིས་ཉེན་པ་རྣམས་དང་། དེ་བཞིན་དུ་ནམ་མཁའ་ལ་རྒྱུ་བ་བྱ་རོག་དང་། འུག་པ་དང་། ངང་པ་དང་། རྨ་བྱ་དང་། ཁྱིམ་བྱ་དང་། བྱ་ཀོ་མ་ཤྲཱི་ཀ་དང་། ཕུག་རོན་དང་། བྱ་དང་། ཏྱུ་ཧ་དང་། བྱ་ཙ་ཤ་དང་བྱ་འདབ་བརྒྱ་དང་། བྱ་ཚ་ཡབ་ལིན་དང་། བྱ་ཤང་ཤང་ཏེའུ་དང་། བྱ་སན་ཏ་པ་ལ་སོགས་པ་གཞན་ཡང་བྱའི་རིགས་དག་གསོད་པ་དང་། འཆིང་བ་དང་། བཀྲེས་པ་དང་། སྐོམ་པ་དང་གཅིག་ལ་གཅིག་ཟ་བ་དང་། གྲང་བ་དང་། ཚ་བས་གནོད་པ་རྣམས་དང་། གནས་གསུམ་ལ་གནས་པ་སྐམས་དང་། ཆུ་དང་བར་སྣང་ལ་རྒྱུ་བའི་དུད་འགྲོར་གྱུར་པ་རྣམས་ལ་མི་བཟོད་ཅིང་སོ་སོའི་འཇིགས་པ་རྣམས་ཀྱི་འཁོར་བ་ནི་རིང་བར་འདུ་ཤེས་ཀྱི་མཚན་མ་ལ་དམིགས་པར་བྱེད་དོ། ། དེ་བཞིན་དུ་ཡང་སོས་དང་། ཐིག་ནག་དང་། བསྡུས་འཇོམ་དང་། ངུ་འབོད་དང་། ངུདུ་འབོད་ཆེན་པོ་དང་། ཚ་བ་དང་། རབ་ཏུ་ཚ་བ་དང་། མནར་མེད་པ་རྣམས་ཀྱི་མི་བཟོད་པ། བསམ་པ་ཤིན་ཏུ་ངན་པ་རྣམས་ཀྱི་སོ་སོའི་འཇིགས་པ་བརྒྱ་སྟོང་དུ་མ་ཡོད་པ། མེ་དང་། མཚོན་དང་། གཡང་ས་དང་། རྒྱལ་པའི་ཆུ་བོ་དམར་པོའི་ནང་དུ་ལུས་རབ་ཏུ་འཇུག་པ། ལོ་མའི་རལ་གྲིའི་ནང་དུ་འཇུག་ཅིང་། བདབ་མས་སོ་སོར་ཉམས་སུ་མྱོང་བ། བརྒྱའི་ཆུའི་ནང་དུ་འདུག་ཅིང་ས་རབ་ཏུ་འབར་བ་ལ་འགྲོ་བ། སྲེག་པར་བྱེད་པའི་པདྨ་མི་བཟད་པ། གནོད་པར་བྱེད་པ་བཟོད་པར་དཀའ་བ་རྣམ་པ་དུ་མར་མཚུངས་པ་མང་བའི་སེམས་ཅན་དམྱལ་བ་རྣམས་ཀྱི་འཁོར་བ་ནི་རིང་བར་འདུ་ཤེས་ཀྱི་མཚན་མ་ལ་དམིགས་པར་བྱེད་དོ། ། དགེ་སློང་དེ་འདུ་ཤེས་ཀྱི་ཕུང་པོ་རབ་ཏུ་རྣམ་པར་དཔྱོད་པ་ལ་བསྟན་དུ་ཡོད་ཅིང་ཐོགས་པ་དང་བཅས་པ་ཡུན་རིང་པོའི་གཟུགས་འཕགས་པའི་བདེན་པ་བཞི་ལ་ལས་དང་འབྲས་བུའི་རྒྱུའི་གཞི་དམིགས་པ། སེམས་ཅན་རྣམ་པ་སྣ་ཚོགས་དཔག་ཚད་བརྒྱ་ཕྲག་སྟོང་གི་འགྲོ་བར་སོང་བ་རྣམས་ལ་ལྟ་བར་བྱེད་ཅིང་། མཚན་མར་བྱེད་ལ། རྣམ་པར་འབྱེད་པར་བྱེད། གཞི་ལ་དམིགས་པའི་འདུ་ཤེས་རབ་ཏུ་དག་པས་མཐོང་སྟེ། འཁོར་བ་ལ་ཡིད་འབྱུང་བར་བྱེད་དོ།། གཞན་ཡང་ཇི་ལྟར་ན་དགེ་སློང་དེ་ཟུང་ངུ་རྣམ་པར་འབྱེད་ཅིང་མངོན་སུམ་དུ་བྱེད་ཅེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། དགེ་སློང་དེ་བདུད་ཀྱི་སྡེ་རྣམ་པར་འཇིག་པར་བྱེད་དེ། ཇི་ལྟར་ཐུང་བ་རྣམ་པར་འབྱེད་ཅེ་ན། འཁོར་བ་ཐུང་བའི་བརྟུལ་ཞུགས་དང་། སྡོམ་པ་དང་། མཆོད་སྦྱིན་དང་། ཚུལ་ཁྲིམས་དང་། ཆོ་ག་ཤེས་པ་དང་བླ་མ་ལ་གུས་པ་དང་། ཡིད་དྲང་བ་དང་། ཡང་དག་པའི་ལྟ་བ་དང་། ཕ་མ་ལ་གུས་པ་དང་། སངས་རྒྱས་དང་། ཆོས་ཉན་ཅིང་ལྷ་ལ་བསྙེན་བཀུར་བྱེད་པ་དང་། གཡོ་བྱེད་པ་དང་། གཞལ་ལུགས་དང་། འདྲིད་པ་དང་། དགེ་བའི་བཤེས་གཉེན་གྱི་སྤྱོད་པ་མ་ཡིན་པ་སྤོང་བ་དང་། ཕྱུག་པ་དང་། ཡིད་དྲང་བ་དང་། སྙིང་བརྩེ་བ་དང་། ལུས་དང་། ངག་དང་། ཡིད་ལས་སུ་རུང་བ་དང་ལྡན་ཞིང་། མིའི་སྙིང་དང་ལྡན་པ་རྣམས་ཀྱི་འཁོར་བ་ནི་ཐུང་བར་འདུ་ཤེས་ཀྱི་མཚན་མ་ལ་དམིགས་པར་བྱེད་དོ།། དེ་བཞིན་དུ་གང་དག་བག་མེད་པ་ལ་ཞུགས་པ་རྣམས་ཀྱི་དགའ་བའི་ཚལ་དང་། རྣམ་པར་མཛེས་པ་དང་ཤིང་རྟ་སྣ་ཚོགས་དང་། ཡོངས་སུ་འདུ་དང་། ནགས་ཚལ་དང་། ལྟེང་ཀ་དང་། པདྨ་སྣ་ཚོགས་དང་། རྒྱན་དང་། དོ་ཤལ་དང་། བྲོ་གར་དང་། ཁྲོན་པ་དང་། ཤིན་ཏུ་མཛེས་པའི་དཔག་བསམ་གྱི་ཤིང་དང་། འབབ་ཆུ་དང་། ཆུ་མིག་ཚག་ཚིག་དང་། ཚལ་དང་། བདུད་རྩི་དང་། ཟས་དང་། གནས་ཀྱི་ཁྱད་པར་དག་སྤངས་ནས། གང་དག་ཚུལ་ཁྲིམས་ཀྱི་རྣམ་པའི་ཟས་བསམ་གཏན་དང་། ཀློག་པ་ལ་གནས་ཤིང་ལེགས་པར་ལྟ་ལ། ཁ་ཏོན་དུ་འདོན་པ་དང་། སྦྱིན་པ་དང་། དུལ་བ་དང་། ཡང་དག་པར་སྡོམ་པ་དང་། ཚངས་པར་སྤྱོད་པ་དང་། དབང་པོ་དུལ་བ་དང་། སྨྲ་བའི་ཚིག་ཉུང་བ་དང་། ཆོས་འདོད་པ་དང་། ཞི་བའི་ཟས་ལ་གནས་པའི་ལྷ་གང་ཡིན་པ་དེ་དག་གི་འཁོར་བ་ནི་ཟུང་ངོ་།། ཇི་སྐད་བཤད་པ་བཞིན་དུ་སྡུག་བསྔལ་གྱི་རྣམ་པ་བཀྲེས་པ་དང་། སྐོམ་པ་དང་། ཁ་བསྐམས་པ་དང་། ཚལ་ཤིང་བསྲེགས་པ་བཞིན་དུ་དམན་ཞིང་ཞུམ་ལ། སྤ་དང་གདོང་ཤོང་བསྲེགས་པ་ལྟ་བུའི་ལུས་ཅན་གང་ཡིན་པ་དེ་དག་སྡུག་བསྔལ་དུ་མི་བགྲང་བར། གང་དག་སྐད་ཅིག་ཙམ་ཞིག་ཀྱང་། སངས་རྒྱས་དང་། ཆོས་དང་། དགེ་འདུན་ལ་དབང་པོ་རབ་ཏུ་དང་བས་དད་པ་ཆུང་ངུ་ཞིག་བྱས་པ་དེ་དག་གི་འཁོར་བ་ནི་ཐུང་བར་འདུ་ཤེས་ཀྱི་མཚན་མ་ལ་དམིགས་པར་བྱེད་དོ། ། གཅིག་ལ་གཅིག་ཟ་ཞིང་བརྡེག་པ་དང་། གྲང་བ་དང་། ཚ་བ་དང་། ཡུལ་ངན་པ་དང་། འཇིགས་པས་འཇིགས་པ་དེ་དག་གལ་ཏེ་ནུས་ན། སྐད་ཅིག་ཙམ་དུ་རྣམ་པར་གནོན་པར་མི་བགྲང་བར། སྐད་ཅིག་ཙམ་ཞིག་ཀྱང་སངས་རྒྱས་དང་། ཆོས་དང་། དགེ་འདུན་ལ་སེམས་དང་བར་བྱས་པའི་དུད་འགྲོ་དེ་དག་གི་འཁོར་བ་ནི་ཐུང་བར་འདུ་ཤེས་ཀྱི་མཚན་མ་ལ་དམིགས་པར་བྱེད་དོ། ། ཡང་སོས་དང་། ཐིག་ནག་དང་། བསྡུས་གཞོམ་དང་། ངུ་འབོད་དང་། ངུ་འབོང་ཆེན་པོ་དང་། ཚ་བ་དང་། རབ་ཏུ་ཚ་བ་དང་། མནར་མེད་པ་ལ་སོགས་པའི་སེམས་ཅན་དམྱལ་བ་རྣམས་སུ་སྐྱེས་པ་གང་དག་སྡུག་བསྔལ་ཤིན་ཏུ་གནོད་པ་རྣམ་པ་སྣ་ཚོགས་དེ་དག་སྡུག་བསྔལ་དུ་མི་བགྲང་བར། གང་དག་སྐད་ཅིག་གཅིག་ཙམ་དུ་ཚུལ་ཁྲིམས་ལ་སེམས་དད་པར་བྱེད་པའི་སེམས་ཅན་དམྱལ་བ་དེ་དག་གི་འཁོར་བ་ནི་ཐུང་བར་འདུ་ཤེས་ཀྱི་མཚན་མ་ལ་དམིགས་པར་བྱེད་དེ། དེ་དེ་ལྟར་འཁོར་བ་ཐུང་བར་སེམས་སོ།། འཁོར་བ་གྲུ་བཞི་པོ་ཇི་ལྟ་བུ་ཞིག་སྙམ་ན། བྱང་གི་སྒྲ་མི་སྙན་གྱི་མི་རྣམས་ནི་བདག་གི་བ་མེད་ཅིང་། བདག་ཏུ་ང་རྒྱལ་མེད་ལ། ངེས་པར་གོང་དུ་འགྲོ་བ་དེ་རྣམས་ཀྱི་འཁོར་བ་ནི་གྲུ་བཞི་པ་ཡིན་པར་འདུ་ཤེས་ཀྱི་མཚན་མ་ལ་དམིགས་པར་བྱེད་དོ།། སེམས་ཅན་དམྱལ་བ་དང་། ཡི་དག་ས་དང་། དུད་འགྲོ་མི་ཤེས་པས་ཡོངས་སུ་འགྱུར་ཞིང་། སེམས་བཟང་པོ་མ་ཡིན་པའི་རྗེས་སུ་འཇུག་པའི་འཁོར་བ་ནི་ཟླུམ་པོ་ཡིན་པར་འདུ་ཤེས་ཀྱི་མཚན་མ་ལ་དམིགས་སོ། ། དགེ་བ་དང་། མི་དགེ་བ་དང་། ལུང་དུ་མ་བསྟན་པའི་ལས་འདྲེན་མ་དག་ནི་སེམས་ཅན་དམྱལ་བ་དང་། ལྷ་དང་། འདྲེན་མ་མི་རྣམས་ཀྱི་ནང་དུ་སྐྱེ་བར་འགྱུར་ཏེ། དེ་ལ་མི་དགེ་བའི་ལས་ཀྱིས་ནི་སེམས་ཅན་དམྱལ་བ་རྣམས་སུའོ། ། དགེ་བའི་ལས་ཀྱིས་ནི་ལྷ་རྣམས་སུའོ།། འདྲེན་མས་ནི་མི་རྣམས་སུ་སྐྱེ་སྟེ། ལས་གསུམ་ཉེ་བར་འགྲོའོ།། གང་དག་གནས་གསུམ་གྱི་སྐྱེས་པ་དེ་རྣམས་ཀྱི་འཁོར་བ་ནི་ཟུར་གསུམ་པོ་ཡིན་པར་འདུ་ཤེས་ཀྱི་མཚན་མ་ལ་དམིགས་པར་བྱེད་དོ། ། རྒྱལ་ཆེན་བཞི་པ་དང་། འཐབ་བྲལ་གྱི་ལྷ་དང་། གཞན་འཕྲུལ་དབང་བྱེད་ཀྱི་ལས་ལྟ་བུར་སྐྱེས་པའི་ལྷ་དག་ལས་ཤི་ནས་ལྷ་རྣམས་སུ་སྐྱེ་བར་འགྱུར། གང་དག་མི་ལས་ཤེས་ནས་མི་རྣམས་ཀྱི་ནང་ན་སྐྱོ་བར་འགྱུར་བ་མི་ཁོམ་པ་མེད་པའི་ས་དེ་དག་གི་འཁོར་བ་ནི་ཟླུམ་པོ་ཡིན་པར་འདུ། ཤེས་ཀྱི་མཚན་མ་ལ་དམིགས་པར་བྱེད་དོ།། ལས་དམར་པོས་ཡོངས་སུ་བཟུང་བ་དག་ནི་དུད་འགྲོ་ཡིན་ཏེ། དེ་དག་ཀྱང་གཅིག་ལ་གཅིག་ཟ་ཞིང་དམར་པོ་ལ་དགའ་བའི་འདུ་ཤེས་ཀྱི་མཚན་མ་ལ་དམིགས་པར་བྱེད་དོ། ། ལས་ཁ་དོག་དཀར་པོས་ཡོངས་སུ་བཟུང་བ་ནི་ལྷ་དང་མི་ཡིན་ཏེ། གཙང་ཞིང་དགེ་བའི་ལས་ཀྱི་ལམ་རིན་པོ་ཆེ་ལས་བྱུང་བའི་རིམ་གྱིས་ལྷ་དང་མིར་སྐྱེ་བ་འཛིན་ཏེ། ལྷ་འཆི་བ་ན་དེ། ལ་ལྷ་དག་བདེ་འགྲོ་མིའི་འཇིག་རྟེན་དུ་བཞུད་ཅིག་ཅེས་སྨྲའོ།། དེ་བཞིན་དུ་མི་འཆི་བ་ན་གཉེན་དང་། མཛའ་བཤེས་དང་། ཆུང་མ་དག་མིག་མཆི་མས་གང་ཞིང་། ངོམ་ཟུང་གནག་པ་དག་བདག་ཅག། ཐོང་ལ་བདེ་འགྲོ་མིའི་འཇིག་རྟེན་དགྱེས་པར་བཞུད་ཅིག་ཅེས་སྨྲའོ།། དེ་འདི་སྙམ་དུ་སེམས་ཏེ། མི་དེ་ཉིད་ཐོབ་ཀྱང་གང་དགེ་བ་དང་། སྦྱིན་པ་དང་། ཚུལ་ཁྲིམས་དང་། ཤེས་རབ་ལ་བརྩོན་འགྲུས་མེད་པ་དེ་ནི་སེམས་ཅན་དམྱལ་བ་དང་། ཡི་དགས་དང་། དུད་འགྲོའི་དགོན་པར་གཙེས་ཤིང་ཡོངས་སུ་འཁྱམ་སྟེ། སོ་སོའི་སྐྱེ་བོ་ནི་ལས་ཀྱི་ལམ་གྱིས་བསླུས་ཤིང་ཆུད་གསན་པ་ཡིན་ནོ་སྙམ་མོ། ། དགེ་སློང་དེ་ཚོར་བའི་དེ་ཉིད་མཐོང་སྟེ། འདུ་ཤེས་ཀྱི་ཕུང་པོ་ལ་ཚུལ་བཞིན་ཡིད་ལ་བྱེད་པ་ལ་དམིགས་པའི་དེ་ཉིད་མཐོང་བ་ནི་འདི་ལྟར་དེ་ཉིད་ཚོལ་བར་བྱེད་དེ། མིག་དང་གཟུགས་ལ་བརྟེན་ནས་མིག་གི་རྣམ་པར་ཤེས་པ་སྐྱེའོ། ། གསུམ་འདུས་པ་ལས་རེག་པ་བརྗོད་པའི་འདུ་ཤེས་རྣམ་པར་འབྱེད་དེ། གཟུགས་མཐོང་བ་ན་བཟང་བ་དང་། མི་བཟང་བ་དང་། ཉེ་བ་དང་། བསྐལ་པ་དང་། རིང་བ་དང་། ཐུང་བ་དང་། གྲུ་བཞི་དང་། ཟླུམ་པོ་དང་། དཀར་པོ་དང་། ཟུར་གསུམ་དང་། གཟུགས་ཀྱི་དབྱིབས་འདུ་ཤེས་ཀྱིས་ཡང་དག་པར་རྣམ་པར་འབྱེད་ཅིང་། མཚན་མར་བྱེད་ལ་གཞི་ལ་ལྟ་བར་བྱེད་དོ།། ཕུང་པོ་དང་། ཁམས་དང་། སྐྱེ་མཆེད་ཀྱི་གཞི་འདུ་ཤེས་སུ་བྱེད་ཅིང་། རྣམ་པར་འབྱེད། དགེ་བ་དང་མི་དགེ་བའི་ལས་ཀྱི་རྣམ་པར་སྨིན་པ་ཤིན་ཏུ་འབྱེད་ཅིང་། མངོན་སུམ་དུ་བྱེད་དོ།། རྒྱུ་དང་ལྡན་པ་ལ་དམིགས་ཤིང་། རྒྱུ་མ་ཡིན་པ་དང་ལྡན་པ་ཤེས་ནས། རྣམ་པར་སྐྱོང་བར་བྱེད། ཕན་པ་དང་། མི་ཕན་པའི་མཚན་ཉིད་མི་འདྲ་བ་འདས་པ་ལ་འདུ་ཤེས་སུ་བྱེད་དེ། ཇི་ལྟར་འདིས་བདག་གི་བྱས་པ་ཉེས་པ་བྱས་པའི་འདུ་ཤེས་ཀྱིས་འདུ་ཤེས་པར་བྱེད་དེ། སྔ་མ་བཞིན་ནོ།། གལ་ཏེ་འདུ་ཤེས་མེད་ན།། དྲན་པ་ཡང་མེད་དེ། དྲན་པ་དང་། འདུ་ཤེས་སུ་འབྲེལ་བ་ནི་དེའི་དམིགས་པ་ཡིན་ཞིང་། དེའི་རྐྱེན་ཡིན་ཏེ། དཔེར་ན་འོད་དེའི་རྐྱེན་དེའི་གཞི་དེའི་རྒྱུ་མར་མེ་ཡིན་པ་དེ་བཞིན་དུ། དྲན་པ་ནི་འདུ་ཤེས་ཀྱི་རྒྱུ། འདུ་ཤེས་ཀྱི་རབ་ཏུ་བྱུང་བ། འདུ་ཤེས་ཀྱི་བདག་པོ་ཡིན་ནོ་སྙམ་མོ།། དགེ་སློང་དེས་གཞན་ལྔ་པ་འདུ་ཤེས་སུ་རེག་པ་ཞེས་བྱ་བ་ལ་འཇུག་སྟེ། དེ་ཡང་དག་པའི་ཚོར་བ་བདེ་བ་ལ་འདུ་ཤེས་སུ་བྱེད་ཀྱང་དེ་ལ་དགའ་བ་མེད་ལ། སེམས་ཅན་དམྱལ་བ་རྣམས་ཀྱི་ལས་བྱས་པ། སྡུག་བསྔལ་དེ་ཡང་འཇིགས་པ་མེད་པར་དེ་མཚུངས་པར་རྟོག་སྟེ། གསེར་བཟང་པོ་བཞིན་ནོ། ། དགེ་སློང་འདུ་ཤེས་ཅན་དེ་འདུ་ཤེས་ཀྱི་རྣམ་པ་གཞན་གྱིས་རྟོག་པར་བྱེད་དེ། འདུ་ཤེས་ལས་རྣམ་པར་གྲོལ་ཞིང་རྟོག་པར་བྱེད་པ་གཞན་མ་ཡིན་པ།། བདག་གི་འདུ་ཤེས་ཀྱི་རྐྱེན་ནི་གང་ཡིན། རྒྱུ་ནི་གང་ཡིན། གཞི་ནི་གང་ཡིན་སྙམ་མོ།། དེ་འདུ་ཤེས་འདི་ནི་རྟེན་ཅིང་འབྲེལ་པར་འབྱུང་བ་ཡིན་ཏེ། རྐྱེན་ཚོགས་པ་དེས་འདི་སྐྱེ་ཞིང་། དེ་འགོག་པ་ལས་འགག་པར་འགྱུར་ཏེ། དཔེར་ན་ཟླ་བ་ལ་ཡང་བརྟེན། ཆུ་ཤེལ་ལ་ཡང་བརྟེན་ནས། ནོར་བུ་ཆུ་ཤེལ་ལས་ཆུ་དང་བ་འབྱུང་བ་དེ་བཞིན་དུ། རྒྱུ་དང་རྐྱེན་ལ་བརྟེན་ནས་འདུ་ཤེས་འབྱུང་བར་འགྱུར་ཏེ། འདུ་ཤེས་འདི་ནི་རྒྱུ། མེད་པ་ལ་ས་འབྱུང་བ་མ་ཡིན་ཞིང་། བྱེད་པ་པོ་དང་། ཚོར་བ་པོས་མ་བྱས། འདོད་རྒྱལ་ལས་མ་བྱུང་བར་འདི་སྐྱེའོ་སྙམ་མོ།། དགེ་སློང་དེ་འདུ་ཤེས་ཀྱི་ཕུང་པོའི་དེ་ཉིད་ཚོལ་བ་ཡིན་ཏེ། དེ་འདུ་ཤེས་ཀྱི་དེ་ཉིད་མཐོང་ཞིང་། དེ་སྐྱེ་བ་དང་འཇིག་པའི་དེ་ཉིད་ཤེས་པ། རིམ་པ་བཞིན་དུ་ཕྲ་མོས་ཚོལ་བ་ཡིན་ནོ།། ཆུ་བོའི་རྒྱུན་འབབ་པ་ལྟར་འདུ་ཤེས་ལ་ཞུགས་པ། རྒྱུ་དང་རྐྱེན་གྱི་དབང་གིས་དགེ་བ་འབྱུང་བ། རྒྱུ་དང་རྐྱེན་གྱི་དབང་གིས་མི་དགེ་བར་འགྱུར་བར་སྐྱེས་སོ།། དེ་ཡང་སེམས་སྤྲེའུ་ལྟ་བུ་ཉམས་པས་ལུང་དུ་མ་བསྟན་པར་འགྱུར་བ་ལུང་དུ་མ་བསྟན་པ་སྐྱེས་སོ།། དེ་བདེ་བའི་འདུ་ཤེས་ལ་བདེ་བར་མི་འདི་ལྟ་སྟེ། ཟག་པ་མེད་པའི་བདེ་བ་ལ་བདེ་བར་འདུ་ཤེས་ཤིང་། བདེ་བ་ལ་ཡང་བདེ་བ་མ་ཡིན་པར་འདུ་ཤེས་ཏེ། བདེ་བ་དེ་དག་ནི།། ཆུང་ངུར་འདུ་ཤེས་སོ།། ཇི་ལྟར་ན་བདེ་བའི་ཕུང་པོ་དང་། ཁམས་དང་། སྐྱེ་མཆེད་ཀྱི་ཕུང་པོ་སྐྱེ་བ་དང་། འགོག་པར་ལྟ་ཞིང་། ཚོར་བ་དག་ལ་ཡང་མངོན་པར་ཆགས་པ་མེད་ཅེ་ན། ཚོར་བ་ནུབ་པ་དེས་འདུ་ཤེས་མངོན་པར་དགའ་བ་མེད་ཅིང་། འདུ་ཤེས་ནུབ་པ་དེས་འདུ་བྱེད་རྣམས་འབྱུང་བར་འདོད་པ་མེད་དེ། གནས་པ་མེད་ཅིང་འཇིག་པ་མེད་ལ་གཞན་དུ་འགྱུར་བ་མེད་པའི་རྣམ་པར་ཤེས་པ་འབྱུང་བ་ལ་མངོན་པར་འདོད་པ་མེད་དོ། ། གནས་པ་མེད་ཅིང་འཇོག་པ་མེད་པ་ལ་གཞན་དུ་འགྱུར་བ་མེད་པའི་ངོ་བོ་འདི་ནི་དགེ་སློང་ཕུང་པོའི་དེ་ཉིད་ཤེས་པ་ཡིན་ཏེ། བདུད་ཀྱི་ཡུལ་ལ་མི་གནས་ཤིང་། འདོད་ཆགས་ཞེ་སྡང་གཏི་མུག་རྣམས་ཀྱིས་གནོད་པ་མེད་པ་ཡིན། དེ་རྟག་པ་དང་། བདེ་བ་དང་། གཙང་བ་དང་། བདག་ཏུ་ལྟ་བ་མ་ཡིན། འཁོར་བ་ན་སྒྲ་དང་། རེག་པ་དང་། གཟུགས་དང་། དྲི་སྡུག་པ། དྲ་བའི་ཞགས་པ་ལྟ་བུ་དག་གིས་འཆིང་བར་མི་འགྱུར་ཞིང་། དྲན་པ་ཉམས་པར་འགྱུར་ཏེ། དེ་དྲན་པ་ཉེ་བར་གནས་པ་རྣམ་པར་ཤེས་ཤིང་། ཟག་པ་ཟད་པར་བྱ་བར་ནུས་ལ། མྱ་ངན་ལས་འདས་པ་ལ་མངོན་དུ་ཕྱོགས་པར་འགྱུར་རོ།། འདིར་ཚིགས་སུ་བཅད་པ། དགེ་སློང་བརྩོན་འགྲུས་ཞན་པ་དང་།། ལེ་ལོ་བྱེད་ཅིང་ལྟ་བ་ལ།། གང་ཞིག་རྟག་ཏུ་སྤྲོ་དགའ་མེད། ། དེ་ལྟ་བུ་ནི་དགེ་སློང་ཡིན།། མལ་ཆ་སྟན་ལ་ལོངས་མི་སྤྱོད།། དགེ་སློང་ཡིན་ཞེས་སངས་རྒྱས་གསུངས།། གང་ཞིག་ལེ་ལོ་མངོན་དགའ་བ།། དེ་ནི་དགེ་བའི་འོས་མིན་ནོ།། མོངས་རྣམས་ཀྱི་གཞི་གཅིག་ནི།། ལེ་ལོ་ཡིན་ཏེ་གང་ལ་ཡོད།། གང་ལ་ལེ་ལོ་གཅིག་ཡོད་པ།། དེ་ལ་ཆོས་ནི་མེད་པ་ཡིན།། བགོ་བ་ཙམ་གྱིས་ཆོ་ག་འཛིན་པ།། དེ་ནི་དགེ་སློང་ཡིན་ཞེས་བརྗོད།། གང་གི་བློ་གྲོས་རྗོད་མེད་ཅིང་། ། བསམ་གཏན་མེད་ལ་ཟག་ཟད་མེད།། ཆ་བྱད་ཙམ་གྱིས་ཆོ་ག་འཛིན་པ།། དེ་ལྟ་བུ་ནི་དགེ་སློང་མིན།། གཙུག་ལག་ཁང་དང་ཀུན་དགའ་བརྩོན།། ཆོས་ཀྱི་སྤྱོད་ཡུལ་དགའ་མེད་ཅིང་། ། བུད་མེད་ཆང་ལ་ཆགས་པའི་བློ།། དེ་ལྟ་བུ་ནི་དགེ་སློང་མིན།། གང་ཞིག་བདུད་ཀྱི་འཆིང་གཅོད་དང་།། སྡིག་པའི་ལས་དག་སྤྱོད་བྱེད་ལ།། དགེ་འདུན་སྤྱོད་ཡུལ་མི་སྤྱོད་པ།། དེ་ནི་དགེ་སློང་རྒྱལ་བས་གསུངས། ། སྦྲུལ་གདུག་དང་ནི་ཏ་མྲ་དག། སྨིན་མ་ཟ་བ་ཉིས་ན་རུང་།། ཚུལ་ཁྲིམས་འཆལ་པ་དགེ་འདུན་གྱི།། བཟབ་བཏུང་སྤྱོད་པ་མི་རུང་ངོ་།། གང་ཞིག་ཉོན་མོངས་འདུས་བ་ནི། ། དེ་ནི་བསོད་སྙོམས་འོས་མིན་ཞིང་།། དེ་ནི་བསོད་སྙོམས་རིགས་མིན་ཏེ།། དེ་ནི་དམྱལ་བའི་འོས་ཡིན་ནོ།། སྦྲུལ་གདུག་ཁུང་ནང་དུག་ལྟ་བུའི།། ཉོན་མོངས་གང་གིས་བཅོམ་ཞིང་སྤངས།། དགེ་སློང་དེ་ནི་བསོད་སྙོམས་སྤྱོད།། དེ་ནི་བུད་མེད་ལྟ་བ་མེད།། གལ་ཏེ་བདག་ཉིད་གཏར་བཞག་ཅིང་།། སྡིག་པ་རྣམས་ལ་ཆགས་པ་ནི།། དེ་འདུན་རིན་ཆེན་སུན་བྱེད་པ།། དེ་ནི་དགེ་སློང་ཇི་ལྟར་ཤེས།། གང་ཞིག་རྙེད་དང་བཀུར་སྟི་དང་།། གང་ཞིག་ཡུལ་སྡུག་སེམས་བྱེད་ལ།། བུད་མེད་ལྟ་ཞིང་དེ་འདོད་པ།། དགེ་མིན་ཁྱིམ་མིན་གཡོ་ཅན་ཡིན།། ཇི་ལྟར་མེ་ཡིས་ཚལ་བསྲེགས་བཞིན། ། གང་གིས་ཉོན་མོངས་ཚལ་བ་སྲེགས་པ།། བྲམ་ཟེ་དེ་ཡིན་དེ་དགེ་ཞིང་།། སྡིག་པའི་ཟས་ལ་མི་ཆགས་སོ།། རྟག་པར་གྲོང་དུ་འགྲོ་སྤྲོ་ཞིང་།། གཡོན་ཅན་རྟག་ཏུ་ཁྲུས་བྱེད་པ།། རྨོངས་པ་བདག་དང་གཞན་སྐུ་སྟེ། ། དམ་ཆོས་ལམ་ལ་རྨོངས་པ་ཡིན།། ཡིད་ནི་ཞི་ཞིང་དགོན་པ་རུ།། རྟག་ཏུ་བསམ་གཏན་ཕ་རོལ་འགྲོ།། བྲམ་ཟེ་དེ་ཡིན་དེ་དགེ་ཞིང་།། དགེ་བའི་ལམ་གྱི་སྤྱོད་ཡུལ་ཡིན།། དགོན་པ་དག་ཏུ་དགའ་བྱེད་པ།། དེར་ནི་འདོད་ཆགས་བྲལ་བ་དགའ།། འདོད་པ་ཚོལ་བའི་ཡིད་དག་ནི།། དེར་ནི་དགའ་བར་མི་འགྱུར་རོ།། གང་ཞིག་འབེལ་བའི་གཏམ་དགའ་ཞིང་།། ཡུལ་གྱི་སྲེད་པས་མངོན་དགའ་བ། ། གང་ན་འཆི་བ་མེད་པ་ཡི།། ཞི་བའི་གྲོང་དུ་མི་འགྲོའོ།། རྒྱལ་པོ་བརྟེན་ཅིང་ཟས་དང་སྐོམ།། ཤིན་ཏུ་ཞིང་འདོད་རྟག་ཁྲོ་བ།། མིང་གིས་དགེ་སློང་གཡོ་ཐབས་ཀྱིས།། གང་དག་རྒྱལ་པོའི་སྒོར་འདུག་ཅིང་། ། ཁྱིམ་བདག་དང་ཉེ་རྩོམ་བཅས།། དེ་ནས་དེ་དག་སུན་འབྱིན་ཅིང་།། སྦྱིན་བདག་བདེན་སེམས་སླུ་བར་བྱེད།། ཇི་ལྟར་གླང་ཆེན་ཚལ་གནས་བཞིན།། གང་དག་པུ་སྨད་ཡོངས་སྤངས་ནས། ། ཞི་བའི་ཚལ་ན་གནས་པ་ནི།། དེ་དག་སྲེད་སྤངས་བསམ་པ་མཉམ།། དགེ་སློང་དེ་ཉེས་པ་དེ་དག་སྤངས་ནས། དེ་ཉིད་མཐོང་བ་དེ་ལས་གཞན་པ་གཟུགས་ལ་སོགས་པ་ཕུང་པོའི་དེ་ཉིད་མཐོང་བ་ཐར་པ་ལ་འབད་ཅིང་སྤྱོད་དེ། བླ་མ་ལ་ཡོངས་སུ་འདྲི། ལམ་དང་ལམ་མ་ཡིན་པའི་དེ་ཉིད་ཤེས་ཤིང་། འཕགས་པའི་ལམ་ཡན་ལག་བརྒྱད་པས་ཐར་པའི་གྲོང་ཁྱེར་དེ་ཚོལ་བ་ནི་ལམ་བརྩོན་པའི་ངང་ཚུལ་ཅན་མཉམ་པར་ལྟ་ཞིང་། དྲི་མ་མེད་པའི་སེམས་དང་། ཞི་བའི་སེམས་ཀྱིས་ལམ་དེ་ཀུན་ཏུ་སྟེན་ཅིང་སྒོམ་སྟེ་མང་དུ་བྱེད་དོ།། དེ་ཟག་པ་མེད་པའི་ལས་ཀྱི་ལམ་གྱི་དགེ་བ་དང་ཡང་དག་པར་ལྡན་པ་དེས། བདུད་ཀྱི་ཕྱོགས་ནི་དམས་པར་བྱེད་ཅིང་། དམ་པའི་ཆོས་ཀྱི་ཕྱོགས་ནི་འཕེལ་བར་བྱེད་དོ་ཞེས་ས་བླའི་གནོད་སྦྱིན་དག་གིས་ཤེས་ནས། བར་སྣང་ལ་སྤྱོད་པའི་གནོད་སྦྱིན་དག་ལ་མངོན་པར་བསྙད་དོ། ། དེ་དག་གིས་ཀྱང་རྒྱལ་པོ་ཆེན་པོ་བཞི་ལ་མངོན་པར་བསྙད་དོ།། དེ་དག་གིས་ཀྱང་རྒྱལ་ཆེན་བཞི་པ་ནས། སྔ་མ་བཞིན་དུ་སྦྱར་ཏེ། འཐབ་བྲལ་དང་དགའ་ལྡན་གྱི་ལྷ། དག་གིས། དགའ་ལྡན་གྱི་གནས་ན་བྱམས་པ་བཞུགས་པའི་བར་ལ་མངོན་པར་བསྙད་དོ།། དེ་ལ་བྱང་ཆུབ་སེམས་དཔའ་གཅིག་ཅིག་མཆོག་ཏུ་དགའ་ཆེས་ནས། གཞན་འཕྲུལ་དབང་བྱེད་ཀྱི་ལྷ་རྣམས་ལ་མངོན་པར་བསྙད་དེ། འཛམ་བུའི་གླིང་དུ་རིགས་ཀྱི་བུ་ཆེ་གེ་མོ་ཞིག་སྨ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་པ་ནས། སྔ་མ་བཞིན་དུ་སྦྱར་ཏེ། དེ་ནས་གཞན་འཕྲུལ་དབང་བྱེད་ཀྱི་ལྷ་རྣམས་ཡིད་མཆོག་ཏུ་དགའ་བའི་བར་དུ་སྔ་མ་བཞིན་དུ་གྱུར་རོ། ། དེ་ནས་གཞན་ཡང་དེ་སློང་དེས་གཞན་ལྔ་པ་ལ་ཇི་ལྟར་འཇུག་ཅིག་གུ་སྙམ་ནས། རྣལ་འབྱོར་སྤྱོད་པ་ནང་གི་ཆོས་པ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། སྐྱེ་མཆེད་གཟུགས་ཅན་བཅུ་ལ་རྟོག་པར་བྱེད་དེ། བཅུ་གང་ནེ་། འདི་ལྟ་སྟེ། མིག་གི་སྐྱེ་མཆེད་དང་། གཟུགས་ཀྱི་སྐྱེ་མཆེད་དང་། རྣ་བའི་སྐྱེ་མཆེད་དང་། སྒྲའི་སྐྱེ་མཆེད་དང་། སྣའི་སྐྱེ་མཆེད་དང་། དྲིའི་སྐྱེ་མཆེད་དང་། ལྕེའི་སྐྱེ་མཆེད་དང་། རོའོ་མཆེད་དང་། ལུས་ཀྱི་སྐྱེ་མཆེད་དང་། རེག་བྱའི་སྐྱེ་མཆེད་དེ། སྐྱེ་མཆེད་གཟུགས་ཅན་བཅུ་པོ་དེ་དག་ལ་རྟོག་པར་བྱེད་དོ།། བདག་གི་མིག་གི་སྐྱེ་མཆེད་ལ་ཡང་བརྟེན། གཟུགས་ཀྱི་སྐྱེ་མཆེད་ལ་ཡང་བརྟེན་ནས། འདུ་ཤེས་སུ་ཇི་ལྟར་འགྱུར་ཞེ་ན། མིག་ལ་ཡང་བརྟེན། གཟུགས་ལ་ཡང་བརྟེན་ནས། མིག་གི་རྣམ་པར་ཤེས་པ་སྐྱེ་བར་མཐོང་སྟེ། གསུམ་འདུས་པ་ལས་རེག་པ་རེག་པ་དང་ལྷན་ཅིག་སྐྱེས་པ་ཚོར་བ་དང་། འདུ་ཤེས་དང་། སེམས་པ་འབྱུང་ངོ་།། དེ་ལ་ཚོར་བ་གང་ཡིན་པ་དེ་ནི་མྱོང་བའོ།། སེམས་པ་གང་ཡིན་པ་དེ་ནི་སེམས་པར་བྱེད་པའོ།། དེ་ལ་འདུ་ཤེས་གང་ཡིན་པ་དེ་ནི་ཤེས་པ་ཡིན་ཏེ། འདི་ལྟར་གཟུགས་འདི་ནི་རིང་ངོ་།། གཟུགས་འདི་ནི་ཐུང་ངུ། གཟུགས་འདི་ནི་སྡུག་པ། གཟུགས་འདི་ནི་མི་སྡུག་པ། གཟུགས་འདི་ནི་བསྟན་དུ་ཡོད་པ་གཟུགས་འདི་ནི་ཐོགས་པ་དང་བཅས་པ། གཟུགས་འདི་ནི་བསྟན་དུ་མེད་པ། གཟུགས་འདི་ནི་ཐོགས་པ་མེད་པ་ཞེས་རྣམ་པར་རིག་བྱེད་མ་ཡིན་པའི་བར་རྣམ་པ་བཅུ་གཅིག་པོ་འདི་ནི་འདུ་ཤེས་ཀྱི་གཟུགས་སུ་རྣམ་པར་དབྱེ་སྟེ། དེ་ལྟར་གསུམ་འདུས་པ་ལས་རེག་པ་སྐྱེའོ།། དེ་རེག་པ་དང་ལྷན་ཅིག་སྐྱེས་པ་ཚོར་བ་དང་། འདུ་ཤེས་དང་། སེམས་པ་འབྱུང་སྟེ། དེ་ལ་མིག་གི་འདུས་ཏེ་རེག་པ་ལས་བྱུང་བའི་ཚོར་བ་དང་། འདུ་ཤེས་དང་། སེམས་པ་མྱོང་བའི་དོན་ནི་ཚོར་བའི་དོན་ནོ།། འདུ་ཤེས་ཀྱི་དོན་ནི་ཚོར་བའི་ཚེ་ཡང་དག་པར་ཤེས་པ་ཡིན་ཏེ། ཆོས་འདི་དག་ལ་ཡིད་འཇུག་པ་སྐྱེ་བའི་མཚན་ཉིད་མི་འདྲ་ཞིང་ངོ་བོ་ཉིད་མི་འདྲ་བ་ཡིན་ཏེ། དཔེར་ན་ས་ཆེན་པོ་བཅུའི་ཆོས་ལྟ་བུའོ།། སེམས་པའི་མཚན་ཉིད་མི་འདྲ་བ་ཡང་དེ་བཞིན་ཏེ། རྣམ་པར་རྟོག་པ་དང་། ཡིད་ལ་བྱེད་པ་དང་། དཔྱོད་པ་དང་། དྲན་པ་དང་། ཚོར་བ་དང་། འདུ་ཤེས་དང་། སེམས་པ་དང་། རེག་པ་དང་། བརྩོན་འགྲུས་དང་། ཏིང་ངེ་འཛིན་དེ་དག་ནི་དམིགས་པ་གཅིག་ལ་མཚན་ཉིད་མི་འདྲ་པ་ཡིན་ནོ། ། དེ་བཞིན་དུ་ཚོར་བའི་མཚན་ཉིད་ཀྱང་མི་འདྲ་ཞིང་། དེ་བཞིན་དུ་འདུ་ཤེས་ཀྱི་མཚན་ཉིད་ཀྱང་མི་འདྲ་བ་ཡིན་ཏེ། དཔེར་ན་ཉི་མའི་གཞི་ག་ཅིག་ཡིན་ཀྱང་། འོན་ཀྱང་འོད་ཀྱི་ངོ་བོ་ཉིད་ཐ་དད་པ་དེ་བཞིན་དུ། ཚོར་བའི་ངོ་བོ་ཉིད་ཀྱང་གཞན་ལ། སེམས་པའི་ངོ་བོ་ཉིད་ཀྱང་གཞན་ཡིན་ནོ།། དེ་མིག་གི་འདུས་ཏེ་རེག་པ་ལས་བྱུང་བའི་ཚོར་བ་དང་། འདུ་ཤེས་དང་། སེམས་པའི་དེ་ཁོ་ན་ཉིད་ཤེས་ནས། མིག་འདི་ནི་གསོག་ཏུ་མཐོང་། གསོབ་ཏུ་མཐོང་། སྙིང་པོ་མེད་པར་མཐོང་ངོ་།། ཡང་དག་པར་མཐོང་བའི་དགེ་སློང་དེ་ནི་ལམ་གྱི་དེ་ཁོ་ན་ཉིད་ཤེས་ནས། ལོག་པར་ལྟ་བ་སྤངས་ཏེ། དེ་ཡང་དག་པའི་ལྟ་བ་སྔོན་དུ་བཏང་བས། དེ་མིག་དང་ལྷན་ཅིག་སྐྱེས་པའི་འདུ་ཤེས་ཀྱི་གཏི་མུག་རྙོག་པ་ཅན་གྱི་ངོ་བོ་ཉིད་དུ་གྱུར་པ་སྤོང་ངོ་།། ཤའི་གོང་བུའི་དེ་ཉིད་མཐོང་སྟེ། མཆིལ་མ་དང་། རྣག་དང་། ཁྲག་དང་། མཆི་མའི་གནས་ཡིན་པར་རིག་ནས་འདོད་ཆགས་སྤོང་ཞིང་མི་རྟག་པར་རིག་ནས། རྟག་པར་མི་ལྟ་བ་ཡིན་ལ། རུས་པའི་བུ་གའི་ནང་ན་ཤའི་གོང་བུ་ཡོད་པར་རིག་ནས། འདོད་ཆགས་དང་བྲལ་བར་འགྱུར། རྒྱུས་པས་སྦྲེལ་པར་རིག་ཅིང་། མིག་གི་སྐྱེ་མཆེད་འདི་ནི་གཅིག་ལ་གཅིག་འབྲེལ་བར་རྟོག་སྟེ། འདི་ལ་སྙིང་པོ་མེད་ཅིང་བདག་མེད་པར་རིག་ལ། མདོར་ན་མིག་འདི་ནི་སྡུག་བསྔལ་དུ་གྱུར་པ་ཡིན་ནོ་ཞེས་རྣམ་པར་ཤེས་ཤིང་མཐོང་མིག་གི་སྐྱེ་མཆེད་ཀྱི་འདོད་ཆགས་དང་བྲལ་བར་འགྱུར་རོ།། དེ་མིག་གི་སྐྱེ་མཆེད་ཡང་དག་པར་ཇི་ལྟ་བ་བཞིན་རྟོགས་ནས། གཟུགས་ལ་ཡང་རྣམ་པར་དཔྱོད་པར་བྱེད་དེ། གལ་ཏེ་ཡང་དག་པ་མ་ཡིན་པའི་གཟུགས་འདི་སྡུག་པ་དང་། མི་སྡུག་པ་དང་། ལུང་དུ་མ་བསྟན་པ་ཡོངས་སུ་རྟོག་སྟེ། ཅི་འདི་ལ་སྙིང་པོ་ཡོད་དམ། ཅི་གཙང་ངམ། ཅི་རྟག་གམ། ཅི་བདེ་བ་ཡོད་དམ་སྙམ་མོ།། དེ་གཟུགས་ལ་ལྟ་ཞིང་ཤེས་ཏེ། རྟོག་པ་གཟུགས་དུ་མ་མི་དམིགས་ཏེ། འདི་ལ་སྙིང་པོ་མེད་དོ།། ། གཟུགས་སྡུག་པ་དང་། མི་སྡུག་པ་འདི་ནི་ཀུན་ཏུ་རྟོག་པ་ཙམ་སྟེ། འདི་ལ་སྡུག་པ་དང་། མི་སྡུག་པའི་ངོ་བོ་ནི་མེད་ལ། སྡུག་པ་དང་། ཁོང་ཁྲོ་ཁོ་ནར་ཀུན་ཏུ་རྟོག་པས་བཟུང་བའི་འཇིག་རྟེན་འདི་ནི་སྡུག་པ་དང་སྡང་བར་སེམས་སོ་སྙམ་མོ། ། དེ་མིག་གི་སྐྱེ་མཆེད་མཐོང་ནས། རྣ་བའི་སྐྱེ་མཆེད་ལ་ལྟ་བར་བྱེད་དེ། སྒྲ་ལ་སོ་སོར་རྟོག་གོ།། སྒྲ་སྐྱེས་པའི་དབང་པོའི་ཡུལ་ལ་འཇུག་སྟེ། དེས་རྣ་བ་ལ་ཡང་བརྟེན། སྒྲ་ལ་ཡང་བརྟེན། དེ་སྐྱེད་པའི་ཡིད་ལ་བྱེད་པ་ལ་ཡང་བརྟེན་ནས། རྣ་བའི་རྣམ་པར་ཤེས་པ་སྐྱེ་སྟེ། གསུམ་འདུས་པ་ལས་རེག་པ། རེག་པ་དང་ལྷན་ཅིག་སྐྱེས་པའི་ཚོར་བ་དང་། འདུ་ཤེས་དང་། སེམས་པ་འབྱུང་བའོ།། དེ་ལ་རེག་པ་དང་ལྷན་ཅིག་སྐྱེས་པ་གང་གིས་མྱོང་བར་བྱེད། དེ་ལ་རེག་པ་དང་ལྷན་ཅིག་བྱུང་བའི་འདུ་ཤེས་གང་གིས་ཀུན་ཏུ་ཤེས་པར་བྱེད་རེག་པ་དང་ལྷན་ཅིག་བྱུང་བའི་སེམས་པ་གང་གིས་སེམས་པར་བྱེད་སྙམ་ན། འདུ་ཤེས་ནི་འདི་ལྟ་སྟེ། འདི་ནི་རིང་པོ་མ་ཡིན་པའི་མཚད་ཉིད་དོ།། སྒྲ་འབྱུང་བའི་རྐྱེན་འདི་ལས་སྐྱེས་པའི་སྒྲ་མི་གསལ་བ་དང་། ཆུང་བ་དང་། ཆེན་པོ་སྙན་པ་དང་། མི་སྙན་པ་འདི་འབྱུང་སྟེ། དེ་སྒྲ་བྱུང་བ་དེ་ལ་སོ་སོར་རིག་པར་བྱེད་ཅིང་། ཡང་དག་པར་སེམས་པར་བྱེད་ལ། འདུ་ཤེས་ཀྱི་རྣམ་པར་འབྱེད་པར་བྱེད། ཡིད་ཀྱི་རྣམ་པར་ཤེས་པས་རྣམ་པར་ཤེས་པར་བྱེད་ཅིང་། ཚོར་རབས་ཤེས་པར་བྱེད་ལ། སོམ་ཉི་རྣམ་པར་དཔྱོད་པར་བྱེད་དོ།། དེ་རྣ་བའི་སྐྱེ་མཆེད་ལ་མངོན་པར་ཞེན་པ་ན། རྟོག་པར་བྱེད། རྟོག་པ་ན་རྣམ་པར་དཔྱོད་པར་བྱེད། རྣམ་པར་དཔྱོད་པ་ན་སོ་སོ་ཡང་དག་པར་རིག་པར་བྱེད་དེ། འདི་ལ་སྒྲའི་ངོ་བོ་ཉིད་ཀྱིས་སྙན་པ་འམ། མི་སྙན་པ་ནི་མེད་དོ།། སྒྲ་སྙན་པ་འམ། མི་སྙན་པ་འདི་ནི་ཀུན་ཏུ་རྟོག་པ་ཙམ་ཁོ་ན་སྟེ། སྒྲ་འདི་ནི་ངོ་བོ་ཉིད་ཀྱིས་རྟག་པ་འམ། བདེ་བ་འམ། སྙིང་པོ་འམ། བདག་དང་བཅས་པ་ནི་མེད་ལ། སྒྲ་སྙན་པ་འམ། མི་སྙན་པ་འདི་ནི་འདོད་ཆགས་ཞེ་སྡང་གཏི་མུག་ཁོ་ནའོ་སྙམ་མོ། ། དེ་སྒྲའི་སྐྱེ་མཆེད་ལ་མངོན་པར་ཀུན་ཏུ་རྟོག་པ་ན། སྒྲ་ཐོས་ན་རྨོངས་པ་མེད་ཅིང་། ཆགས་པ་མེད་ལ་སྙིང་པོ་མེད་པར་རྟོགས་སོ།། དེརྣ་བ་དང་སྒྲའི་སྐྱེ་མཆེད་ལ་མངོན་པར་རྟོག་པ་ན། རྣ་བའི་རྣམ་པར་ཤེས་པ་ལ་ཆགས་པ་མེད་ཅིང་། འདོད་ཆགས་དང་བྲལ་བ་ཐོབ་སྟེ། རྣ་བའི་རྣམ་པར་ཤེས་པ་ནི་བདག་མ་ཡིན་ཞིང་། བདག་གི་མ་ཡིན་ནོ་སྙམ་མོ།། རེག་པ་དང་། ཚོར་བ་དང་། སེམས་པ་ལ་ཡང་དེ་བཞིན་ནོ།། ཡང་དགེ་སློང་དེ་སྣ་དང་དྲིའི་སྐྱེ་མཆེད་ལ་ལྟ་སྟེ། སྣ་ལ་ཡང་བརྟེན། དྲི་ལ་ཡང་བརྟེན། སྐྱེད་པ་ཡིད་ལ་བྱེད་པ་ལ་ཡང་བརྟེན་ནས། སྣའི་རྣམ་པར་ཤེས་པ་སྐྱེ་སྟེ། ཉེ་བ་འམ། རིང་བ་འམ། ཡིད་དུ་འོང་བ་འམ། ཡིད་དུ་མི་འོང་བ་འམ། དྲི་ཞིམ་པ་འམ། དྲི་མི་ཞིམ་པ་འམ། རླུང་གིས་ཁྱེར་ཏེ་འོངས་པ་འམ། ཁྱེར་ཏེ་མི་འོང་བའི་དྲི་སོ་སོར་སྣོམ་མོ།། དེ་ལ་སྣའི་སྐྱེ་མཆེད་ལ་ཕྱི་རོལ་གྱི་དྲི་དེ་སྦྱོར་བར་བྱེད་དེ། དེ་ལ་གསུམ་འདུས་པ་ལས་རེག་པ། རེག་པ་དང་ལྷན་ཅིག་སྐྱེས་པའི་ཚོར་བ་དང་། འདུ་ཤེས་དང་། སེམས་པ་འབྱུང་ངོ་།། དེ་ལ་མྱོང་བའི་མཚན་ཉིད་ནི་ཚོར་བའོ།། ཤེས་པའི་མཚན་ཉིད་ནི་འདུ་ཤེས་སོ།། དེ་རྣ་བ་དང་སྒྲའི་སྐྱེ་མཆེད་ཐོས་ནས། ནང་གི་རེག་པའི་མཚན་ཉིད་ནི་རེག་པ། ཤེས་པའི་མཚན་ཉིད་ནི་འདུ་ཤེས། དེ་སེམས་པའི་མཚན་ཉིད་ནི་སེམས་པར་བྱེད་པ་ཡིན་ཏེ། ཆོས་འདི་དག་ནི་སྐད་ཅིག་མ་གཅིག་ལ་དམིག། པ་ཡིན་ལ། བྱ་བ་ནི་ཐ་དད་པར་རྩོམ་པ་ཡིན་ཏེ། དཔེར་ན་ཇི་ལྟར་ངོ་བོ་ཉིད་མི་འདྲ་བ་ས་ཆེན་པོའི་ཆོས་བཅུ་པ་ལྟ་བུའོ།། དེ་བཞིན་དུ་ཆོས་འདི་དག་ཐམས་ཅད་ཀྱི་མཚན་ཉིད་ཐ་དད་ཅིང་སྐད་ཅིག་མི་གཅིག་ལ་གཞན་བྱ་བ་གཅིག་རྩོམ་པ་ཡིན་ནོ་སྙམ་སྟེ་སྔ་མ་བཞིན་ནོ། ། དགེ་སློང་དེ་སྣ་དང་དྲིའི་སྐྱེ་མཆེད་ཀྱི་དེ་ཁོ་ན་ཉིད་ཤེས་པ་དེ་ཉིད་འདི་ལྟར་ཚོལ་ཏེ། ཅི་འདི་ལ་སྐྱེ་མཆེད་འདི་རྟག་པ་དང་། བརྟན་པ་དང་།། ཐེཟེར་ཟུག་པ་མེད་ཅིང་ཡོངས་སུ་འགྱུར་བ་ཡིན་ཏེ། སྣ་དང་དྲིའི་སྐྱེ་མཆེད་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པར་ཤེས་ལ། དེ་དག་ཐམས་ཅད་ལ་བདག་མེད་ཅིང་། བདག་གི་མེད་དོ་ཞེས་རིག་ནས། སྣ་དང་དྲིའི་སྐྱེ་མཆེད་འདི་ནི་ཀུན་ཏུ་རྟོག་པ་ཁོ་ན་ཙམ་ཡིན་ཏེ། དེས་སོ་སོའི་སྐྱེ་བོ་ཐམས་ཅད་བཅིངས་པ་ཡིན་ཏེ། བློ་ཞན་པ་དག་ནི་རྣམ་པ་ལ་སོ་སོར་རྟོག་གོ་སྙམ་མོ།། ཡང་དགེ་སློང་དེ་ལྕེའི་སྐྱེ་མཆེད་ཚོལ་བར་བྱེད་དེ། ལྕེ་ལ་ཡང་བརྟེན། རོ་ལ་ཡང་བརྟེན། དེ་སྐྱེད་པ་ཡིད་ལ་བྱེད་པ་ལ་ཡང་བརྟེན་ནས། ལྕེའི་རྣམ་པར་ཤེས་པ་སྐྱེ་སྟེ། གསུམ་འདུས་པ་ལས་རེག་པ། རེག་པ་དང་ལྷན་ཅིག་སྐྱེས་པའི་ཚོར་བ་དང་། འདུ་ཤེས་དང་། སེམས་པ་འབྱུང་ངོ་།། དེ་ལ་མྱོང་བའི་མཚན་ཉིད་ནི་ཚོར་བ། ཤེས་པའི་མཚན་ཉིད་ནི་འདུ་ཤེས། རེག་པའི་མཚན་ཉིད་ནི་རེག་པ། སེམས་པའི་མཚན་ཉིད་ནི་སེམས་པར་བྱེད་པ་ཡིན་ཏེ། ཆོས་འདི་དག་ནི་འདུ་ཤེས་ཀྱི་མཚན་མ་ལ་དམིགས་པ་ཡིན་ཞིང་། རང་གི་མཚན་ཉིད་དང་། སྤྱིའི་མཚན་ཉིད་དུ་གྱུར་པ་བྱ་བ་ཐ་དད་པ་རྩོམ་ཞིང་། ཐམས་ཅད་ཀྱང་དོན་གཅིག་རབ་ཏུ་སྒྲུབ་པ་ཡིན་ཏེ། དཔེར་ན་ཤིང་ལ་ཡང་བརྟེན། སྐམ་པ་ལ་ཡང་བརྟེན། ཟེའུ་ལ་ཡང་བརྟེན། ཐབ་ལ་ཡང་བརྟེན། མགར་བ་ལ་ཡང་བརྟེན་ནས། ལག་པའི་རྒྱན་སོར་གདུབ་ཅིག་བྱེད་དེ། ཆོས་དེ་དག་ཐམས་ཅད་ཀྱི་མཚན་ཉིད་མི་འདྲ་བ་དེ་བཞིན་དུ། ལྕེའི་སྐྱེ་མཆེད་ཀྱི་ཆོས་འདི་ཡང་། ལྕེའི་སྐྱེ་མཆེད་དང་། རོའི་སྐྱེ་མཆེད་སྐྱེད་དོ།། ཡང་དགེ་སློང་དེ་ལྕེའི་སྐྱེ་མཆེད་ཀྱི་དེ་ཁོ་ན་ཉིད་མཐོང་བ་འདི་ལྟར་རབ་ཏུ་རྟོག་པར་བྱེད་དོ། ། ལྕེའི་སྐྱེ་མཆེད་ལ་རྟག་པ་འམ། བདེ་བ་འམ། གཙང་བ་འམ། བདག་དང་བཅས་པ་ཅུང་ཟད་ཡོད་པ། རྣམ་པ་ཐམས་ཅད་དུ་རྣམ་པར་བསམས་ན། གང་མཚན་ཉིད་དེ་ལྟ་བུ་དང་ལྡན་པའི་ཆོས་ཆུང་ངུ་ཙམ་ཡང་མི་དམིགས་ཏེ། དེ་ལྕེ་དང་རོའི་སྐྱེ་མཆེད་ཀྱི་འདོད་ཆགས་དང་བྲལ་ལོ།། དེ་སེམས་ཅན་རྒྱ་མཚོ་དེ་དག་ཐམས་ཅད་གང་དུ་ཞུགས་ཤིང་ཆགས་པ། མི་དང་། ལྷ་དང་། སེམས་ཅན་དམྱལ་བ་དང་། དུད་འགྲོ་དང་། ཡི་དགས་འགྲོ་བ་ལྔ་པོ་དག་གཅིག་ལ་གཅིག་གནོད་ཅིང་ཞུགས་ཏེ་འཆིང་ངོ་།། དེ་ལྕེ་དང་རོའི་སྐྱེ་མཆེད་ལས་རྣམ་པར་གྲོལ་ཞིང་འདོད་ཆགས་དང་བྲལ་ཏེ། ལྕེའི་སྐྱེ་མཆེད་དག་ལ་བདག་མེད་ཅིང་། ལྕེ་དང་རོའི་སྐྱེ་མཆེད་དག་ལ་བདག་གི་མེད་དེ། བདག་རྟག་པའམ། བརྟན་པ་འམ། ཐེར་ཟུག་པ་མེད་ཅིང་ཡོངས་སུ་འགྱུར་བའི་ཆོས་ཅན་ཡིན་ཏེ། ལྕེ་དང་རོའི་སྐྱེ་མཆེད་ནི་མེད་པ་ཡིན་ནོ་སྙམ་སྟེ། དེ་དེ་ལས་ཀྱང་འདོད་ཆགས་དང་བྲལ་ལོ།། གཞན་ཡང་དགེ་སློང་དེ་ལུས་དང་རེག་བྱའི་སྐྱེ་མཆེད།། ལ་ལྟ་བར་བྱེད་དེ། དེ་ལུས་ལ་ཡང་བརྟེན། རེག་བྱ་ལ་ཡང་བརྟེན་ནས། ལུས་ཀྱི་རྣམ་པར་ཤེས་པ་སྐྱེ་བར་མཐོང་སྟེ། གསུམ་འདུས་པ་ལས་རེག་པ། རེག་པ་དང་ལྷན་ཅིག་སྐྱེས་པའི་ཚོར་བ། དང་། འདུ་ཤེས་དང་། སེམས་པ་འབྱུང་སྟེ། ཆོས་འདི་དག་ནི་སྔ་མ་བཞིན་དུ་ཤེས་པར་བྱའོ།། ཇི་ལྟར་མིག་གི་དབང་པོའི་སྐྱེ་མཆེད་རྣམས་བཤད་པ་བཞིན་དུ། ལུས་ཀྱི་རེག་པ་ཡང་ཁོང་དུ་ཆུད་པར་བྱའོ། ། འདུས་པའི་གོ་རིམས་བསྟན་པ།། ། དམ་པའི་ཆོས་དྲན་པ་ཉེ་བར་གཞག་པ་བམ་པོ་ལྔ་པ། དེ་ནས་གཞན་ཡང་ཇི་ལྟར་ན་དགེ་སློང་དེ་སྐྱེ་མཆེད་གཟུགས་ཅན་བཅུ་བརྟགས་ནས། ཆོས་ཀྱི་སྐྱེ་མཆེད་ཀྱི་དེ་ཁོ་ན་ཉིད་རྟོག་ཅིང་། ཆོས་ཀྱི་སྐྱེ་མཆེད་ལ་ལྟ་བར་བྱེད་ཅེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པའམ། ལྷའི་མིག་གིས་བརྟགས་ན། ཆོས་གང་ཆོས་ཀྱི་སྐྱེ་མཆེད་དུ་བསྡུས་པ་ནི། སོ་སོར་བརྟགས་པས་འགོག་པ་དང་། སོ་སོར་བརྟགས་པ་མ་ཡིན་པས་འགོག་པ་དང་ནམ་མཁའ་འོ། ། དེ་ལ་ཆོས་གང་ཅུང་ཟད་མེད་པའི་ཆོས་དེ་བསྡུས་པ་ནི་ནམ་མཁའ་ཡིན་ནོ།། སོ་སོར་བརྟགས་པས་འགོག་པ་ཞེས་བྱ་བ་ནི། མྱ་ངན་ལས་འདས་པ་ལ་སོ་སོར་རྟོག་པའི་ཤེས་རབ་ཡིན་ཏེ། དེ་རྣམ་པ་དུ་མ་མངོན་སུམ་དུ་བྱས་ནས་གནས། སོ་སོ་རྟོག་པས་ཉོན་མོངས་པ་སེལ་ཅིང་ཟད་པར་བྱེད་ལ་འཇིག་པར་བྱེད། ཟག་པ་མེད་པ་ཐམས་ཅད་ལ་ཕྱོགས་པར་བྱེད་ཅིང་མངོན་དུ་བྱེད་པ་ཡིན་ནོ། ། སོ་སོར་བརྟགས་པ་མ་ཡིན་པས་འགོག་པ་ནི། སོ་སོར་བརྟགས་པ་མ་ཡིན་ནོ་ཞེས་བྱ་བ་གང་མི་ཤེས་ཤིང་། ཤེས་པ་མེད་ལ། སོ་སོར་རིག་པ་མེད། ཤེས་པ་མ་ཡིན་ཞིང་། ཤིན་ཏུ་ཁོང་དུ་ཆུད་པ་མེད་ལ་རབ་ཏུ་རྟོག་པ་མེད། གཞན་གྱི་རྣམ་པར་ཤེས་པ་བརྒྱ་ཕྲག་སྟོང་སྐྱེས་པ་དག་ཀྱང་འཇིག་པར་བྱེད་ཅིང་། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པ་དེ་དག་འཇིག་པར་བྱེད་ལ། ཡང་འབྱུང་བར་མི་བྱེད་པ། གསུམ་པ་འདི་ནི་སོ་སོར་བརྟགས་པ་མ་ཡིན་པས་འགོག་པ་སྟེ། ནམ་མཁའ་དང་ཆོས་གསུམ་པོ་འདི་དག་ནི་སྐྱེ་བ་མེད་ལ་རྟག་པ་དེ་དག་དུས་ཀྱིས་མ་བསྐྱེད་ཅིང་སྐྱེ་བར་མི་འགྱུར་ལ་མི་སྐྱེའོ། ། དེ་ནས་གཞན་ཡང་ཇི་ལྟར་ན་དགེ་སློང་དེས་ཆོས་ཀྱི་སྐྱེ་མཆེད་གཟུགས་དང་། གཟུག་མ་ཡིན་པ་རྣམ་པ་གཉིས་རྣམ་པར་འབྱེད་ཅེ་ན། དེ་ལ་གཟུགས་ཅན་བཅུ་ནི་སྐྱེ་མཆེད་གཟུགས་ཅན་ཡིན་ནོ།། དེ་ལ་ཇི་ལྟར་ན་བསྟན་དུ་མེད་ཅིང་ཐོགས་པ་མེད་པའི་མིག་གི་རྣམ་པར་ཤེས་པ་བསྟན་དུ་ཡོད་ཅིང་ཐོགས་པ་དང་བཅས་པའི་གཟུགས་ཇི་ལྟར་དམིགས་པར་འགྱུར། དེ་བཞིན་དུ་ཇི་ལྟར་ན་རྣ་བའི་རྣམ་པར་ཤེས་པ་བསྟན་དུ་མེད་ཅིང་ཐོགས་པ་མེད་པས་སྒྲ་འཛིན་པར་འགྱུར། དེ་བཞིན་དུ་ཇི་ལྟར་ན་སྣའི་རྣམ་པར་ཤེས་པ་བསྟན་དུ་མེད་ཅིང་ཐོགས་པ་མེད་པས་དྲི་འཛིན་པར་འགྱུར། དེ་བཞིན་དུ་ལྕེའི་རྣམ་པར་ཤེས་པ་བསྟན་དུ་མེད་ཅིང་ཐོགས་པ་མེད་པས་རོ་རྣམ་པར་ཤེས་པར་འགྱུར། དེ་བཞིན། དུ་ལུས་ཀྱི་རྣམ་པར་ཤེས་པ་བསྟན་དུ་མེད་ཅིང་ཐོགས་པ་མེད་པས་ཕྱི་རོལ་གྱི་སྐྱེ་མཆེད་ལྔ་དང་། གཞན་ནང་གི་སྐྱེ་མཆེད་ལྔ་པོ་འདི་དག་ཇི་ལྟར་ན་བསྟན་དུ་མེད་ཅིང་ཐོགས་པ་མེད་པ་དག་གིས་བསྟན་དུ་ཡོད་ཅིང་ཐོགས་པ་དང་བཅས་པའི་སྐྱེ་མཆེད་དག་ཇི་ལྟར་དམིགས་པར་འགྱུར་ཞེ་ན། དགེ་སློང་དེ་ཇི་ཙམ་དུ་དམིགས་པའི་རྣམ་པར་གྱུར་པ་དེ་ཙམ་དུ་རྣམ་པ་མཐོང་ཞིང་། དེ་རྣམ་པར་ཤེས་པ་སྐྱེ་སྟེ། རྒྱུ་དང་རྒྱའི་འབུར་བཞིན་ནོ།། དེ་ལ་རྒྱ་དེའི་མི་འདྲ་བ་མཁྲང་བ་དང་། རྒྱའི་འཇམ་པ་དང་། སྙི་བ་དང་། མཁྲང་བ་དང་། མི་མཁྲང་བ་དེ་ལས་རྒྱུའི་འབུར་འབྱུང་ངོ་།། དེ་བཞིན་དུ་བསྟན་དུ་མེད་ཅིང་ཐོགས་པ་མེད་པའི་རྣམ་པར་ཤེས་པ་བསྟན་དུ་ཡོད་ཅིང་ཐོགས་པ་དང་བཅས་པ་ལ་དམིགས་པ་འཛིན་ཏོ། ། གསུམ་བརྒྱའི་འབུར་འབྱུང་བ་བཞིན་དུ་མི་འདྲ་བ་དེ་དག་ཐམས་ཅད་ལས་མི་འདྲ་བ་འབྱུང་སྟེ། དེ་ལྟར་མི་འདྲ་བ་ལས་མི་འདྲ་བ་འབྱུང་བ་ནི་མཐའ་དང་པོ་ཡིན་ནོ།། མཐའ་གཉིས་པ་ནི་འདྲ་བ་དག་ལས་འདྲ་བ་འབྱུང་བ་ཡིན་ཏེ། དཔེར་ན་ཐགས་དཀར་པོ་དག་ལས་གོས་ཀྱི་སྣམ་བུ་དཀར་པོར་ཤེས་པ་ལྟ་བུའོ། ། མཐའ་གསུམ་པ་ནི་མི་མཐུན་པ་དག་ལས་མི་མཐུན་པ་འབྱུང་བ་ཡིན་ཏེ། དཔེར་ན་གཙུབ་ཤིང་ལས་མེ་འབྱུང་ཞིང་། མེ་དང་ཤིང་མི་མཐུན་པར་མཐོང་བ་ལྟ་བུའོ། ། མཐའ་བཞི་པ་ནི་སྦ་བ་ལས་སྐ་བ་འབྱུང་བ་ཡིན་ཏེ། དཔེར་ན་འོ་མ་སླ་བ་ལས་སྐ་བ་འབྱུང་བ་ནི། ཇི་ལྟར་འོ་མ་སླ་བ་ལས་ཞོ་སྐ་བ་འབྱུང་བ་དེ་བཞིན་དུ། དངོས་པོ་མི་འདྲ་བ་མིག་གི་རྣམ་པར་ཤེས་པ་ལ་སོགས་པ་རྒྱུ་རྐྱེན་གྱི་བྱེ་བྲག་གིས་མིག་གི་རྣམ་པར་ཤེས་པ་ལ་སོགས་པ་སྐྱེའོ། ། འདིར་ཚིགས་སུ་བཅད་པ། ཆོས་རྟོགས་པ་ལ་མངོན་དགའ་ཞིང་།། བསམ་གཏན་ཀུན་དགར་གནས་ལྡན་ལ།། དེ་ཡི་མཚན་ཉིད་ཤེས་པ་ནི།། མྱ་ངན་འདས་པ་མཆོག་འཐོབ་བོ།། བྱམས་ལ་རྟག་པར་ཀུན་ཏུ་དགའ།། ཆོས་ཀྱི་སྤྱོད་ཡུལ་བརྩོན་བྱེད་ཅིང་།། ལུས་ཀྱི་མཚན་ཉིད་དེ་ཉིད་ཤེས། ། དེ་ཉིད་ཁོ་ན་དགེ་སློང་ཡིན།། གང་གི་བློ་གྲོས་ཚུལ་བཞིན་སེམས།། འདོད་དང་ཁྲོ་བས་མི་ཉམས་པ།། དགེ་སློང་དེ་ཡིན་ཤེས་པར་བྱ།། དེ་ལས་བཟློག་ན་གཞན་དུ་འགྱུར།། འབྱུང་པོ་ཀུན་ལ་བརྩེ་ཞིང་ཞི།། ཆགས་པ་ཐམས་ཅད་རྣམ་སྤངས་ལ།། འཆིང་བ་ཀུན་ལས་ངེས་གྲོལ་བ།། དེ་ཉིད་རིག་པ་དགེ་སློང་ཡིན།། གང་གི་རྣམ་ཤེས་ལས་རུང་ཞིང་།། གང་དག་ཡུལ་གྱི་མི། ཉམས་པ།། གསེར་ལ་དྲི་མ་མེད་པ་བཞིན།། དག་པ་དགེ་སློང་ཞེས་བྱའོ།། གང་གི་ཡིད་ལ་དགའ་བ་དང་།། མི་དགའ་བ་ཡིས་གོས་མེད་ཅིང་།། སྐྱོན་རྣམས་ཐམས་ཅད་རྣམ་སྤངས་པ།། དེ་ནི་དགེ་བའི་གཏེར་དུ་བལྟ། ། ཚུལ་ཁྲིམས་ཉེ་བར་ཁྲོ་མེད་ཅིང་།། ཆོས་སྤྱོད་པ་དག་དབང་པོ་ཐུལ།། སེམས་ཅན་མི་དམན་བློ་གྲོས་ལྡན།། དེ་ལྟ་བུ་ནི་དགེ་སློང་ཡིན།། གང་དག་བསྟན་བཅོས་བསྟན་བཅོས་དོན། ། རྟག་ཏུ་རྣམ་ཤེས་བློ་གྲོས་དགའ།། བཟའ་བཏུང་དག་ལ་དགའ་མེད་པ།། ཞི་བའི་ཡིད་དེ་དགེ་སློང་ཡིན།། གང་དག་ཚལ་དགོན་གཙུག་ལག་ཁང་།། དུར་ཁྲོད་དང་ནི་རྩ་བཏིང་ལ།། ཡིད་ནི། དགའ་བར་བྱེད་པ་དག། དེ་ལྟ་བུ་ནི་དགེ་སློང་ཡིན།། སྐྱོན་རྣམས་དེ་ཉིད་ལས་ཤེས་ཤིང་།། འབྲས་བུའི་བྱེ་བྲག་རིག་པ་དང་།། རྒྱུ་དང་རྐྱེན་གྱི་དེ་ཉིད་ཤེས།། སྡིག་དང་བྲལ་བ་དགེ་སློང་ཡིན།། སྡིག་པའི་དགོན་པ་བཅོམ་བྱས་ཤིང་། ། སྐྱོན་བཅོམ་དབང་པོ་ཐུལ་བ་དང་།། ཡང་སྲིད་རྣམ་པ་ཤེས་པ་ནི།། ཞི་བའི་ཡིད་དེ་དགེ་སློང་ཡིན།། བསྔགས་པས་སྙིང་ལ་དགའ་མེད་ལ།། སྨད་པས་ཞུམ་པ་མེད་པ་ནི། ། རྒྱ་མཚོ་ལྟ་བུར་ཟབ་པ་སྟེ།། རྣལ་རིག་དགེ་སློང་ཞེས་བྱའོ།། བློ་གྲོས་བརྟན་པ་བདག་མི་བསྟོད།། སྙན་པར་སྨྲ་ཞིང་དུས་སུ་སྨྲ།། བརྐམ་མེད་གྲགས་པ་མཁས་པ་དག། དགེ་སློང་དེ་ནི་ཞི་ཞེས་བྱ། ། འདོད་པའི་ཁམས་སུ་འགྲོ་བའི་རྒྱུ།། དེ་བཞིན་གཟུགས་ཀྱི་ཁམས་དང་ནི།། གཟུགས་མེད་ཁམས་ཀྱི་དེ་ཉིད་ཤེས།། བསྟན་རིག་དགེ་སློང་ཞེས་བྱའོ།། འཇིག་རྟེན་གཏམ་ལ་ཆགས་མེད་ཅིང་། ། གང་གི་ཡུལ་དག་དུག་ལྟ་བུ།། ཆགས་པའི་སྐྱོན་དག་རྟག་འཇོམས་པ།། དགེ་སློང་དེ་ནི་སངས་རྒྱས་བསྟན།། གང་གིས་བློ་གྲོས་འདོད་རྣམས་ལ།། འདམ་ལྟ་བུར་ནི་རྟག་ཏུ་ལྟ། ། བསྟན་པ་བློ་གྲོས་ངེས་གྲོལ་ཞིང་།། དེ་ནི་འཁོར་བའི་འཆིང་ལས་གྲོལ།། གང་ཞིག་ལེ་ལོ་ཐག་བསྲིངས་པ།། བསམ་གཏན་ཁ་ཏོན་ལས་རུང་ཞིང་།། སེམས་ཅན་རྣམས་ལ་ཕན་བྱེད་པ། ། དགོན་གནས་དགེ་སློང་ཞེས་བྱའོ།། གང་གི་བློ་གྲོས་དྲིས་ལན་ལྡོན།། སྤོབས་པ་ལྡན་ཞིང་དབང་པོ་ཐུལ།། དེ་ནི་ཆོས་ཀྱི་གཏམ་ཤེས་ཏེ།། གང་དག་བཟློག་ན་རྩ་དང་འདྲ། ། གང་གི་བློ་གྲོས་ལུས་དུབ་པས།། རྣམ་པ་ཀུན་ཏུ་སྐྱོ་མེད་ཅིང་།། དོན་དུ་བྱ་བ་ཀུན་ཤེས་པ།། དེ་ནི་དགེ་འདུན་སོགས་པ་བྱེད།། ཚོང་ཟོང་ཕྱིར་མིན་ལོངས་ཕྱིར་མིན།། གྲགས་པའི་དོན་དུ་ག་ལ་ཞིག། གང་བློ་དགེ་འདུན་དོན་སེམས་པ།། དེ་ནི་འཁོར་བའི་འཆིང་ལས་གྲོལ།། གང་གི་བརྟུལ་ཞུགས་མཐོ་རིས་དང་།། རྙེད་དང་གྲགས་པའི་དོན་དུ་མིན།། ཐམས་ཅད་མྱ་ངན་འདས་དོན་བྱེད།། དགེ་སློང་དེ་ནི་ཞི་ཞེས་བྱ། ། སྡིག་པ་དག་ནི་རྟག་ཏུ་སྤངས།། ལེགས་པར་བྱེད་ལ་རྟག་དགའ་ཞིང་།། སྡིག་པའི་བཤེས་དང་མི་འདྲེ་བ།། སངས་རྒྱས་བསྟན་ལ་དགེ་སློང་ཡིན།། སེམས་ནི་བྱམས་པར་བསྒོམས་བྱས་ཤིང་། ། མཁས་པ་དྲང་པོའི་སེམས་ལྡན་ལ།། བསླབ་པའི་གཞི་ལ་ཉམས་མེད་པ།། མྱ་ངན་འདས་པ་ཡོང་མི་རིང་།། འཁོར་བའི་སྐྱེ་དང་རྒ་བ་ཡི།། འཇིགས་ལས་ཁ་ནི་ཕྱིར་ཕྱོགས་ཤིང་།། བསམ་གཏན་ལྡན་ལ་བག་ཡོད་པ། ། མྱ་ངན་འདས་པ་ཡོང་མི་རིང་།། མི་རྟག་སྟོང་པ་བདག་མེད་པ།། བྱ་བའི་རྣམ་པ་ཤེས་པ་དང་།། བསམ་གཏན་འཕེལ་བའི་རྣམ་ཤེས་པ།། མྱ་ངན་འདས་པ་ཡོང་མི་རིང་།། དེ་ནས་གཞན་ཡང་དགེ་སློང་དེས་གཞན་ལྔ་པ་ལས་ས་གཞན་དྲུག་པ་ལ་ཇི་ལྟར་འཇུག་ཅེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་པས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། དགེ་སློང་དེ་མུ་བཞི་པ་ལ་ལྷག་པར་མོས་པ་ཡིན་ནོ།། ཇི་ལྟར་ན་ཆོས་འདི་དག་གི་རྒྱུ་འདྲ་བ་དག་ལས་འདྲ་བ་འབྱུང་བ་དང་། མི་འདྲ་བ་དག་ལས་མི་འདྲ་བ་དང་། འདྲ་བ་ཡང་མ་ཡིན་པ་དག་ལས་འདྲ་བ་མ་ཡིན་པ་དང་། ཕྱེད་འདྲ་བ་དག་ལས་ཕྱེད་འདྲ་བ་འབྱུང་། ཇི་ལྟར་ན་རྒྱུ་འདྲ་བ་དག་ལས་འདྲ་བ་འབྱུང་ཞེ་ན། དཔེར་ན་འབྲུ་དང་འབྲུའི་རྒྱུར་གྱུར་པ་དག་ལས་འབྲུ་ཉིད་སྐྱེ་བ་དེ་བཞིན་དུ། ནང་གི་དགེ་བའི་ལས་འདྲ་བ་དག་ལས་འདྲ་བའི་འབྲས་བུ་ཉིད་ལྷ་དང་མི་རྣམས་ལ་དམིགས་པ་ནི་མུ་དང་པོ་ཡིན་ནོ།། རྒྱུ་མི་འདྲ་བ་དག་ལས་མི་འདྲ་བ་འདྲ་བ་འབྱུང་བ་ནི། དཔེར་ན་འོ་མ་ལས་ཞོ་སྒྱུར་བ་འབྱུང་བ་དེ་བཞིན་དུ།། གང་གི་ཡང་འཇིག་རྟེན་འདིར་ཀུན་ནས་ཉོན་མོངས་པ་སྒྲ་དང་། རེག་པ་དང་། རོ་དང་། གཟུགས་དང་། དྲིའི་འདོད་པ་སྡུག་པ་དག་བྱས་པས། ཞོ་སྒྱུར་བ་འབྱུང་བ་དེ་བཞིན་དུ། མི་འདོད་ཅིང་མི་སྡུག་ལ་ཡིད་དུ་མི་འོང་བའི་འབྲས་བུ་རྣམ་པར་སྨིན་པ་སེམས་ཅན་དམྱལ་བ་དང་། ཡི་དགས་དང་། དུད་འགྲོ་རྣམས་ལ་དམིགས་པ་ནི་མུ་གཉིས་པ་ཡིན་ནོ།། ། རྒྱུ་མི་འདྲ་བ་དག་ལས་མི་འདྲ་བ་འབྱུང་བ་ནི། དཔེར་ན་ཚོན་སྔོན་པོ་དང་བ་བླར་སྦྱར་ན་ཁ་དོག་མི་འདྲ་བ་འགའ་ཞིག་ཏུ་འགྱུར་བ་དེ་བཞིན་དུ། ནང་གི་ཆོས་ལ་ཡང་ལས་དང་འབྲས་བུ་རྣམ་པར་སྨིན་པའི་ལས་དང་འབྲས་བུ་མི་འདྲ་བ་འབྱུང་སྟེ། ལས་དང་འབྲས་བུ་མི་འདྲ་བ་ནི། དཔེར་ན་ལོག་པར་ལྟ་བ་མཆོད་སྦྱིན་པ་དག་མཐོ་རིས་འདོད་པའི་ཕྱིར་ཕྱུགས་དག་གསོད་དེ། དེ་དག་སེམས་ཅན་དམྱལ་བར་འགྲོ་བ་ནི་མུ་གསུམ་པ་ཡིན་ནོ། ། རྒྱུ་ཕྱེད་འདྲ་བ་དག་ལས་ཕྱེད་འདྲ་བ་འབྱུང་བ་ནི། ཐགས་ཕྲ་མོ་དཀར་པོ་ལས་སྣམ་བུ་དཀར་པོ་སྟུག་པོ་ཉིད་དུ་བྱེད་དེ། ཕྲ་མོ་དང་སྟུག་པོ་གཉིས་མི་འདྲ་བ་ཉིད་དུ་ཡོད་པ་དེ་བཞིན་དུ། རྒྱུ་ཕྱེད་འདྲ་བ་དག་ལས་ཕྱེད་འདྲ་བ་འབྱུང་བ་ནི། མི་དགེ་བའི་ལས་བསགས་པ་ཕྲ་མོར་གྱུར་པ་དག་གི་སེམས་ཅན་དམྱལ་བ་ཆེན་པོ་དག་བྱེད་པ་ནི་མུ་བཞི་པ་ཡིན་ནོ།། དགེ་སློང་དེ་ལས་དང་འབྲས་བུ་འོང་བ་དང་འགྲོ་བའི་བྱེད་པ་རྗེས་སུ་བསམས་པ་མཐོང་ནས། ལས་དང་འབྲས་བུ་འཁོར་ལོ་བཞིན་དུ་སྲིད་པར་འགྲོ་བའི་མུ་བཞི་པ་སེམས་པར་བྱེད་དེ། རིགས་དང་ལྡན་པའི་མི་ལ་གནོད་པར་བྱེད་པའི་ལས་ཐོབ་པ་མེད་པ་གང་ཡིན་པ་ནི་མུ་དང་པོ་ཡིན་ནོ། ། མི་ལ་གནོད་པར་བྱེད་པའི་ལས་ཐོབ་པ་གང་ཡིན་པ་ནི་མུ་གཉིས་པ་ཡིན་ནོ།། གནོད་པར་བྱེད་པའི་ལས་ཐོབ་པ་དང་མ་ཐོབ་པ་གང་ཡིན་པ་ནི་མུ་གསུམ་པ་ཡིན་ནོ། ། གནོད་པར་བྱེད་པའི་ལས་ཐོབ་པ་ཡང་མ་ཡིན། མ་ཐོབ་པ་ཡང་མ་ཡིན་པ་གང་ཡིན་པ་ནི་མུ་བཞི་པ་ཡིན་ནོ།། རིས་དང་ལྡན་པར་གནོད་པར་བྱེད་པའི་ལས་ཐོབ་པ་མེད་པ་གང་ཡིན་པ་དེ་ནི་ཡོད་དེ། དཔེར་ན་འཇིག་རྟེན་པར་གྱུར་པ་དག་རྒྱུ་སྐར་མ་ཐོབ་པར་མི་དག་ལ་གནོད་པར་བྱེད་པ་ལྟ་བུའོ།། འཇིག་རྟེན་ལས་འདས་པ་ནི་མིག་གི་རྣམ་པར་ཤེས་པ་ལས་ཀྱི་རྒྱ་མཚོ་ཐོབ་པ་མེད་པའི་མི་ལ་འདོད་པ་དང་། མྱ་ངན་ལ་སོགས་པས་གནོད་པར་བྱེད་པ་ནི་མུ་དང་པོ་ཡིན་ནོ།། མི་ལ་གནོད་པར་བྱེད་པའི་ལས་ཐོབ་པ་གང་ཡིན་པ་ནི། དཔེར་ན་འཇིག་རྟེན་པ་དག་མེ་འམ། རལ་གྲི་དང་ཕྲད་ན། སྲེག་གོ་ཞེ་འམ། གཅོད་དོ་ཞེས་ཟེར་བ་ལྟ་བུའོ།། འཇིག་རྟེན་ལས་འདས་པ་ནི་མི་དགེ་བའི་ལས་ཐོབ་པ་ན། སེམས་ཅན་དམྱལ་བ་དང་། དུད་འགྲོ་དང་། ཡི་དག་ས་རྣམས་སུ་གནོད་པ་བྱེད་པ་ནི་མུ་གཉིས་པ་ཡིན་ནོ།། གནོད་པར་བྱེད་པའི་ལས་ཐོབ་པ་དང་མ་ཐོབ་པ་གང་ཡིན་པ་ནི། དཔེར་ན་འཇིག་རྟེན་པ་དག་རིག་སྔགས་དང་། དུག་གི་མཐུ་ཐོབ་པ་དག་མ་ཐོབ་པ་སྦྱིན་པར་བྱེད་པ་ལྟ་བུའོ།། འཇིག་རྟེན་ལས་འདས་པ་ནི་འཆི་བའི་ཡུལ་གྱི་དུས་སུ་སེམས་ཅན་དམྱལ་བ་རྣམས་ཀྱི་མཚན་མའི་གཟུགས་བརྙན་ཐོབ་པ་ནི་མུ་གསུམ་པ་ཡིན་ནོ། ། གནོད་པར་བྱེད་པའི་ལས་ཐོབ་པ་ཡང་མ་ཡིན། མ་ཐོབ་པ་ཡང་མ་ཡིན་པ་གང་ཡིན་པ་ནི། དཔེར་ན་འཇིག་རྟེན་པ་དག་སྨན་གྱི་ས་བོན་བཏབ་པ་སྐྱེ་བར་འགྱུར་བ་ཐོབ་པ་ཡང་མ་ཡིན། མ་ཐོབ་པ་ཡང་མ་ཡིན་པ་ལྟ་བུའོ།། འཇིག་རྟེན་ལས་འདས་པ་ནི་དཔེར་ན་དགེ་སློང་དགྲ་བཅོམ་པ་ལ་ངེས་པར་མྱོང་བར་འགྱུར་བའི་ལས་རི་རབ་ཙམ་ཡོད་ཀྱང་དགྲ་བཅོམ་པ་མྱ་ངན་ལས་འདས་ཏེ། དགྲ་བཅོམ་པ་ལ་ཡོད་པའི་ལས་དེ་དག་ཐོབ་པ་མེད་ཅིང་། གནོད་པར་ཡང་མི་འགྱུར་ལ། གྲོལ་བ་ནི་མུ་བཞི་པ་ཡིན་ནོ། ། ཚེ་འདི་ལ་མྱོང་བར་འགྱུར་བ་དང་། སྐྱེས་ནས་མྱོང་བར་འགྱུར་བ་མ་ཡིན་པའི་ལས་ནི་མུ་དང་པོ་ཡིན་ནོ།། སྐྱེས་ནས་མྱོང་བར་འགྱུར་ལ། ཚེ་འདི་ལ་མྱོང་བར་འགྱུར་བ་མ་ཡིན། པ་ནི་མུ་གཉིས་པ་ཡིན་ནོ།། སྐྱེས་ནས་མྱོང་བར་འགྱུར་བ་དང་། ཚེ་འདི་ལ་མྱོང་བར་འགྱུར་བ་ནི་མུ་གསུམ་པ་ཡིན་ནོ།། ཚེ་འདི་ལ་ཡང་མྱོང་བར་འགྱུར་བ་མ་ཡིན་པ་དང་། སྐྱེས་ནས་ཀྱང་མྱོང་བར་འགྱུར་བ་མ་ཡིན་པ་ནི་མུ་བཞི་པ་ཡིན་ནོ། ། ཚེ་འདི་ལ་མྱོང་བར་འགྱུར་བ་དང་། སྐྱེས་ནས་མྱོང་བར་འགྱུར་བ་མ་ཡིན་པའི་ལས་གང་ཡིན་ཞེ་ན། དཔེར་ན་འཇིག་རྟེན་པ་དག་རྒྱལ་པོ་ལ། གནོད་པ་བྱས་ནས་ཆད་པས་གཅོད་པ་ནི་ཚེ་འདི་ལ་མྱོང་བར་འགྱུར་བ་ཡིན་ལ། སྐྱེས་ནས་མྱོང་བར་འགྱུར་བ་མ་ཡིན་པ་ལྟ་བུའོ།། འཇིག་རྟེན་ལས་འདས་པ་ནི་སྦྱིན་པས་དེ་བསྔགས་པར་འགྱུར་བ་ཚེ་འདི་ལ་མྱོང་བ་ཡོད་པ་དེ་དང་འཇིག་རྟེན་ཕ་རོལ་ཏུ་ལྷན་ཅིག་མི་འགྲོ་བ་ནི་མུ་དང་པོ་ཡིན་ནོ། ། སྐྱེས་ནས་མྱོང་བར་འགྱུར་ལ། ཚེ་འདི་ལ་མྱོང་བར་འགྱུར་བ་མ་ཡིན་པ་ནི། དཔེར་ན་འཇིག་རྟེན་པ་དག་མེ་དོང་དུ་ཞུགས་པ་མཐོ་རིས་ཐོབ་པར་འགྱུར་རོ་ཞེས་ཟེར་བ་ལྟ་བུའོ། ། འཇིག་རྟེན་ལས་འདས་པ་ནི་ཚེ་འདི་ལ་དགེ་བ་འམ། མི་དགེ་བ་བྱས་པས་གཞན་དུ་རྒྱུ་དང་འབྲས་བུ་མངོན་སུམ་དུ་མཐོང་བ་ཐོབ་པ་ནི་མུ་གཉིས་པ་ཡིན་ནོ། ། ཚེ་འདི་ལ་མྱོང་བར་འགྱུར་ཞིང་། སྐྱེས་ནས་ཀྱང་མྱོང་བར་འགྱུར་བ་ནི་མུ་གསུམ་པ་ཡིན་ཏེ། དཔེར་ན་འཇིག་རྟེན་པ་དག་ཚེ་འདི་ལ་མྱོང་བར་འགྱུར་བ་དང་། སྐྱེས་ནས་མྱོང་བར་འགྱུར་བ་ལྟ་བུའོ། ། འཇིག་རྟེན་ལས་འདས་པ་ནི་མུ་གསུམ་པ་ཡིན་ནོ།། ཚེ་འདི་ལ་མྱོང་བར་འགྱུར་བ་མ་ཡིན་ཞིང་། སྐྱེས་ནས་མྱོང་བར་འགྱུར་བ་མ་ཡིན་པ་ནི། དཔེར་ན་འཇིག་རྟེན་པ་དག་མི་སྨྲ་བའི་བརྟུལ་ཞུགས་ལྟ་བུ་ཡིན་ཏེ། མི་སྨྲ་བའི་བརྟུལ་ཞུགས་དང་། སྦྱིན་པ་དང་། ཚུལ་ཁྲིམས་དག་ནི་ཚེ་འདི་ལ་མྱོང་བར་འགྱུར་བ་ཡིན་ནོ།། འཇིག་རྟེན་ལས་འདས་པ་ནི་ལུང་དུ་མ་བསྟན་པའི་སེམས་ཀྱི་ལས་ཡིན་ཏེ། ལུང་དུ་མ་བསྟན་པའི་ལས་དེས། ཚེ་འདི་ལ་མྱོང་བར་འགྱུར་བའི་འབྲས་བུ་རྣམ་པར་སྨིན་པ་ཡང་མི་དམིགས་ཤིང་། སྐྱེས་ནས་ཀྱང་འགྱུར་བ་མ་ཡིན་པ་ནི་མུ་བཞི་པ་ཡིན་ནོ།། དེ་ལྟར་དགེ་སློང་དེ་ཕྱོགས་གཅིག་ཏུ་འདུག་ནས་སེམས་ཅན་དམྱལ་བ་དང་། ལྷ་དང་མི་རྣམས་ཀྱི་ལས་དང་། འབྲས་བུ་དང་། རྣམ་པར་སྨིན་པའི་དྲ་བ་མང་པོ་ཡན་ལག་དུ་མ་མཐོང་ནས། ཡང་དག་པའི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་སོ། ། དེ་ནས་གཞན་ཡང་དགེ་སློང་དེ་ལས་ཀྱི་འབྲས་བུ་རྣམ་པར་སྨིན་པ་ཤེས་པ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེ་ལས་དང་ལས་ཀྱི་འབྲས་བུ་དགེ་བ་དང་མི་དགེ་བ་ཤེས་པ་ཡིན་ཏེ། འདི་ལྟར་སེམས་ཅན་འདི་དག་ལུས་ཀྱིས་ཉེས་པར་སྤྱོད་པ་དང་ལྡན། ངག་གིས་ཉེས་པར་སྤྱོད་པ་དང་། ཡིད་ཀྱིས་ཉེས་པར་སྤྱོད་པ་དང་ལྡན་པ་ནི། འཕགས་པ་རྣམས་ལ་སྐུར་པ་འདེབས་ཤིང་ལོག་པར་ལྟ་བ་ཡང་དག་པར་བླངས་པ་ཡིན་ཏེ། དེ་རྒྱུ་དེ་དང་རྐྱེན་དེ་དག་གིས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་དང་། དུད་འགྲོའི་སྐྱེ་གནས་སམ། ཡི་དགས་རྣམས་ཀྱི་ཡུལ་དུ་སྐྱེའོ།། གཞན་ཡང་སེམས་ཅན་འདི་དག་ལུས་ཀྱིས་ལེགས་པར་སྤྱད་པ་དང་ལྡན་པ་དང་། ངག་གིས་ལེགས་པར་སྤྱད་པ་དང་། ཡིད་ཀྱིས་ལེགས་པར་སྤྱད་པ་དང་ལྡན་པ་ནི། འཕགས་པ་རྣམས་ལ་སྐུར་པ་འདེབས་པ་མ་ཡིན་ཏེ། དེ་དག་རྒྱུ་དེ་དང་རྐྱེན་དེ་དག་གིས་ལུས་དང་བྲལ་ནས་བདེ་འགྲོ་ལྷ་རྣམས་ཀྱི་ནང་དུ་ཀྱེའོ། ། རང་གི་ལས་དང་། ཆོས་དང་། རྣམ་པར་སྨིན་པ་ཡང་དག་པ་ཇི་ལྟ་བ་བཞིན་མཐོང་བའི་དགེ་སློང་དེ་ནི་གཞན་དག་ལས་ཐོས་པ་ལ་རྣམ་པར་རྟོག་ཅིང་། བདུད་ཀྱི་དབང་དུ་སོང་བའི་སེམམ་ཅན་དག་དང་སྤྱོད་པ་མཚུངས་པར་མི་སྤྱོད་ལ། མྱ་ངན་ལས་འདས་པའི་མཐར་གཏུགས་པའི་སྤྱོད་པ་ལ་ཡིད་འབྱུང་བ་དང་། དགེ་བ་དང་། འཁོར་བའི་མཐར་གཏུགས་པ་དང་ལྡན་པ་དང་། འཁོར་བ་འདི་ལས་ཇི་ལྟར་བདག་ཉིད་ཀྱིས་བདོག་དང་། སྦྱིན་བདག་དང་། སྦྱིན་པ་པོ་དག་སྒྲོལ་བ་དང་། གཞན་དག་ལ་ཡང་ཕན་གདགས་པ་བྱེད་པར་གྱུར་པས་སྤྱོད་དོ།། ཆོས་དང་། ལས་དང་། རྣམ་པར་སྨིན་པ་ཤེས་པའི་དགེ་སློང་དེ་སེམས་ཅན་དམྱལ་བ་དང་། ཡི་དགས་དང་། དུད་འགྲོ་དང་། ལྷ་དང་མི་རྣམས་ཀྱི་ལས་དང་། ཆོས་དང་། རྣམ་པར་སྨིན་པ་ལ་རྟོག་ཅིང་དཔྱོད། པར་བྱེད་དེ། དཔེར་ན་ནོར་བུ་ཤིན་ཏུ་དང་ཞིང་གསལ་བ། ནོར་བུ་བཻ་ཌཱུཪྻའི་བུ་གའི་ནང་དུ་སྐུད་པ་བཅུག་པ་སེར་པོ་འམ། བཙོད་ཀ་འམ། དཀར་པོ་ཇི་ལྟར་སྣང་བ་དེ་བཞིན་དུ། ལས་ཀྱི་ནོར་བུའི་ནང་དུ་རྣམ་པར་སྨིན་པའི་སྐུད་པ་ཡོད་དེ། དགེ་སློང་ཐོས་པ་ལས་བྱུང་བའི་ཤེས་པ་འམ། ལྷའི་མིག་རྣམ་པར་དག་པ་དེས་མཐོང་ངོ་།། ཡང་དགེ་སློང་དེ་ཐོས་པ་ལས་བྱུང་བའི་ཤེས་པས། ནོར་བུ་ལྟ་བུའི་ལས་དང་། ཆོས་དང་། རྣམ་པར་སྨིན་པ་མཐོང་སྟེ། དཔེར་ན་ནོར་བུ་དཀར་ཞིང་ཤིན་ཏུ་དཀར་བ་གང་ཞིག་ཀུན་ནས་གསལ་ཞིང་རྨ་མེད་ལ། དང་ཞིང་འབུག་བཟོད་པ་ལས་སུ་བྱར་རུང་ཞིང་ཀུན་ཏུ་སྒོར་གྱུར་ལ། སྐྱེ་བོ་ཐམས་ཅད་ཀྱིས་བསྔགས་པ། ནོར་དང་ལྡན་ཞིང་རྒྱལ་པོ་ལ་འོས་པ། ཡོན་ཏན་རྣམ་པ་དེ་དག་དང་ལྡན་པའི་ནོར་བུ་དེ་རྒྱལ་པོ་འམ། རྒྱལ་པོའི་བུས་དེའི་ཡོན་ཏན་ཤེས་ཤིང་། དེའི་རིན་ཤེས་པར་གྱུར་ནས། རྒྱན་དུ་བྱ་བ་ནས། གདགས་པའི་བར་དུ་བྱས་པ་དེ་བཞིན་དུ། དགེ་སློང་དེ་ཕྱོགས་དཀར་པོ་དགེ་བ་བཅུའི་ལས་ཀྱི་ལམ་གྱི་ནོར་བུ་འདི་ཀུན་ནས་དཀར་ཞིང་། ཤིན་ཏུ་གསལ་ལ་སྡིག་པ་མེད་པ། ཁ་ན་མ་ཐོ་བ་མེད་ཅིང་དང་ལ་དབུག་བཟོད་པ། ཆོས་ཀྱི་ཕྱོགས་དང་གཉེན་པོ་སྐྱེད་པ། དྲི་བ་དང་ལན་ལྡོན་པ་ལ་ཆོས་ཀྱི་ཐུར་མས་འབིགས་པར་བཟོད་ཅིང་། ལས་སུ་རུང་བ་སྦྱིན་པ་དང་། ཚུལ་ཁྲིམས་དང་ཤེས་པ་དག་ཇི་ལྟ་ཇི་ལྟར་ཡོངས་སུ་སྔོ་བར་བྱེད་པ་དེ་ལྟ་དེ་ལྟར་དགེ་བ་བཅུའི་ལས་ཀྱི་ལམ་གྱི་ནོར་བུ་འདི་ལས་སུ་རུང་བ་ཉིད་དུ་དེ་འཁོར་ལོས་སྒྱུར་བའི་རྒྱལ་སྲིད་དམ། དེ་བདུད་ཀྱི་རྒྱལ་སྲིད་དམ། དེ་ཚངས་པའི་རྒྱལ་སྲིད་དམ། དེ་ཟག་པ་མེད་པའི་བསམ་གཏན་གྱི་ཏིང་ངེ་འཛིན་སྒོམ་པའི་རྒྱལ་སྲིད་འགྲུབ་པར་བྱེད་དེ། དེ་དེ་ལྟར་དམ་པའི་ཆོས་ཀྱི་ནོར་བུ་འདི་ལས་སུ་རུང་ཞིང་ཀུན་ཏུ་སྒོར་གྱུར་པ་ཡིན་ནོ།། ཀུན་ཏུ་སྒོ་ནི་ལྷ་དང་། མིའི་སྒོར་གྱུར་པ་ཡིན་ཏེ། དེ་ལྟར་དམ་པའི་ཆོས་ཀྱི་ཀུན་ཏུ་སྒོར་གྱུར་པ་ནི་འཁོར་བའི་གྲོང་ཁྱེར་ལས་འབྱུང་ཞིང་། མྱ་ངན་ལས་འདས་པའི་སྒོའི་རྗེས་སུ་འཇུག་པ་ཡིན། སྐྱེ་བོ་ཐམས་ཅད་ཀྱི་བསྔགས་པ་ཞེས་བྱ་བ་ནི། ཡང་དག་པའི་ལྟ་བ་དང་ལྡན་པའི་སློབ་པ་རྣམས་ཀྱི་བསྔགས་པའོ།། རྒྱལ་པོ་ལ་འོས་པ་ཞེས་བྱ་བ་ནི་དམ་པའི་ཆོས་ཀྱི་ལམ་སྒྲུབ་པ་ཤེས་པའི་སེམས་ཀྱིས་དབང་ཕྱུག་ཏུ་རུང་བའོ།། དེར་ཞུགས་པ་ཞེས་བྱ་བ་ནི་ནོར་བུ་བཻ་ཌཱུཪྻ་དང་། དམ་པའི་ཆོས་ཀྱི་ནོར་བུ་ཡོན་ཏན་ཐམས་ཅད་ཕུན་སུམ་ཚོགས་པ་དེ་དང་། ཆོས་མཐུན་པར་དམིགས་པའོ།། ཡང་དགེ་སློང་དེ་ལས་དང་། ཆོས་དང་། རྣམ་པར་སྨིན་པ་ནོར་བུ་བཞིན་དུ་མཐོང་སྟེ། དཔེར་ན་ནོར་བུ་གཞན་ཞིག་རྨ་ཡོད་ཅིང་ཐམས་ཅད་དུ་བཟང་བ་མ་ཡིན་ལ། ཀུན་གྱི་སྒོ་མ་ཡིན། དཀར་བ་མ་ཡིན་ཞིང་དབུག་ཏུ་མི་བཟོད་ལ། ལས་སུ་བྱར་མི་རུང་། སྐྱེ་བོ་ཀུན་གྱིས་བསྔགས་པ་མ་ཡིན་ཞིང་། རྒྱལ་པོ་འམ། རྒྱལ་པོའི་བུ་ལ་རུང་བ་མ་ཡིན་པ་དེ་བཞིན་དུ། གཞན་མུ་སྟེགས་ཅན་ཆོས་ཀྱི་གཟུགས་བརྙན་གྱི་ཆོས་ཀྱི་ནོར་བུ་མ་ཡོད་པ་དེའི་རྨ་གཅིག་པོ་ནི་འཇིག་ཚོགས་ལ་ལྷ་བ་དང་། ཚུལ་ཁྲིམས་དང་། བརྟུལ་ཞུགས་མཆོག་ཏུ་འཛིན་པ་དང་། ཐེ་ཙོམ་ཡོད་པ་ཡིན་ནོ།། ཀུན་གྱི་སྒོ་མ་ཡིན་པ་ནི། སེམས་ཅན་དམྱལ་བ་དང་། ཡི་དགས་དང་། དུད་འགྲོའི་སྒོ་ཡིན་ནོ།། དཀར་བ་མ་ཡིན་པ་ནི་ཟག་པ་མེད་པའི་བཀྲ་ཤིས་དང་མི་ལྡན་པའོ། ། དབུག་པར་མི་བཟོད་པ་ནི་ལེགས་པར་འདྲི་བ་དང་། ལན་བླན་པའི་ཆོས་ཀྱི་གཏམ་འབུགས་པའི་ཐུར་མར་མི་རུང་བའོ།། རྒྱལ་པོ་འམ། རྒྱལ་པོའི་བུ་ལ་འོས་པ་མ་ཡིན་པ་ནི། སེམས་ཅན་ཐམས་ཅད་ཀྱི་དབང་ཕྱུག་དམ་པའི་ཆོས་ཀྱི་ལམ་དུ་ཞུགས་པ། སྐྱེས་བུ་གང་ཟག་བརྒྱད་རྣམས་སུ་མི་རུང་བ་སྟེ། རྣམ་པ་དེ་ལྟ་བུའི་ཆོས་ཀྱི་གཟུགས་བརྙན་ཆོས་མ་ཡིན་པ་མགུས་དུ་ཐོགས་སོ། ། དེ་དག་ནོར་བུ་དེའི་གཟུགས་བརྙན་གྱི་ནོར་བུ་ཐོགས་ནས། སེམས་ཅན་དམྱལ་བ་དང་། ཡི་དགས་དང་། དུད་འགྲོ་རྣམས་ཀྱི་འཁོར་བར་ཐོག་མ་མེད་པའི་དུས་ནས་ཞུགས་ཏེ་ཡོངས་སུ་འཁྱམ་མོ།། ། དེ་ལྟ་བས་ན་དགེ་སློང་ནོར་བུ་དེ་ལྟ་བུའི་ནོར་བུར་གྱུར་ཏེ། དཔེར་ན་བྱིས་པ་སོ་སོརའི་སྐྱ་བོ་ནི་བཻ་ཌཱུརྨ་དང་འདྲ་བའི་ནོར་བུ་མཆིང་བུ་མཐོང་ནས་བཻ་ཌཱུཆུ་ཡིན་ནོ་སྙམ་དུ་སེམས་པ་བཞིན་ནོ།། དགེ་སློང་དེ་ཆོས་དང་། ཆོས་མ་ཡིན་པ་བརྟགས་པའི་དེ་ཁོ་ན་ཤེས་པ། ས་གཞན་བདུན་པ་ལ་འཇུག་སྟེ། དེ་ལ་ཞུགས་པའི་བརྟུལ་ཞུགས་ས་བླའི་གནོད་སྦྱིན་དག་གིས་མཐོང་ནས། བར་སྣང་ལ་སྤྱོད་པའི་གནོད་སྦྱིན་དག་ལ་མངོན་པར་བསྙད་དོ། ། དེ་དག་གིས་ཀྱང་རྒྱལ་པོ་ཆེན་པོ་བཞི་ལའོ།། དེ་དག་གིས་ཀྱང་རྒྱལ་ཆེན་བཞིའི་ལྷ་རྣམས་ལའོ།། དེ་དག་གིས་ཀྱང་སུམ་ཅུ་རྩ་གསུམ་པ་རྣམས་ལའོ།། དེ་དག་གིས་ཀྱང་བརྒྱ་བྱིན་ལའོ། ། བརྒྱ་བྱིན་གྱིས་ནི་འཐབ་བྲལ་བ་རྣམས་ལའོ།། འཐབ་བྲལ་བ་དག་གིས་ནི་དགའ་ལྡན་པ་རྣམས་ལའོ།། དགའ་ལྡན་པ་དག་གིས་ཀྱང་བྱམས་པ་ལའོ།། བྱམས་པས་ཀྱང་འཕྲུལ་དགའ་བ་རྣམས་ལའོ། ། འཕྲུལ་དགའ་བ་རྣམས་ཀྱིས་ཀྱང་གཞན་འཕྲུལ་དབང་བྱེད་པ་རྣམས་ལ།། འཛམ་བུ་གླིང་དུ་རིགས་ཀྱི་བུ་ཆེ་གེ་མོ་ཞིག་ཅེས་བྱ་བ་སྔ་མ་བཞིན་དུ་སྦྱར་རོ།། དེ་ནས་གཞན་ཡང་དགེ་སློང་དེས་ལས་དང་། ཆོས་དང་། རྣམ་པར་སྨིན་པ་རྣམ་པར་རིག་བྱེད་མ་ཡིན་པའི་འདུ་ཤེས་ཀྱི་གཟུགས་བཅུ་གཅིག་རྗེས་སུ་ཇི་ལྟར་མཐོང་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། གང་གི་ཚེ་ཆོས་ཐམས་ཅད་ཀྱི་བྱེད་པ་དང་ལྡན་པ། གང་སྡོམ་པ་ཉིད་བླངས་པ་དེ་ཕན་ཆད་གཉིད་ལོག་གམ། མྱོས་སམ། རབ་ཏུ་མྱོས་ཀྱང་དགེ་བའི་ཆོས་ཀྱི་རྒྱུན་ཉིད་རབ་ཏུ་འཇུག་སྟེ། དཔེར་ན་ཆུ་བོའི་རྒྱུན་བར་ཆད་མེད་པ་རྟག་ཏུ་འབབ་པ་དེ་བཞིན་དུ། སྐྱེས་བུ་དེ་གཉིད་ལོག་གམ། མྱོས་སམ། རབ་ཏུ་མྱོས་པའི་འཇུག་བབའི་ཡང་དེ་བཞིན་ནོ། ། དེ་ལྟར་རྣམ་པར་རིག་བྱེད་མ་ཡིན་པའི་གཟུགས་བསྟན་དུ་མེད་པ་ཐོགས་པ་མེད་པར་འདོད་དོ།། གཟུགས་དེ་ཇི་ལྟ་བུ་ཡིན་ཞེ་ན། ལས་ཀྱི་ངོ་བོ་ཡོད་པ་ཉིད་ཡིན་ཏེ། དེ་ལྟ་བས་ན་གཟུགས་དེ་ཡང་གཟུགས་རྣམ་པ་བཅུ་གཅིག་པོ་དེ་དག་ཡིན་ལ། དགེ་བའི་ཆོས་ཐམས་ཅད་ཀྱི་རྟེན་དུ་གྱུར་པ་ཡིན་ནོ།། དགེ་སློང་དེས་སེམས་ཅན་འདི་དག་གི་གཟུགས་ཐ་དད་པ། གནས་སྐབས་ཐ་དད་པ། མིང་དང་འགྲོ་བ་ཐ་དད་པ། གནས་ཀྱི་རྣམ་པ་ཐ་དད་པ་ཇི་ལྟ་བུར་མཐོང་ཞེ་ན། འདི་ལྟར་དེ་སེམས་ཅན་དེ་དག་གི་སེམས་ཐ་དད་པ་གནས་ཀྱི་རྣམ་པ་དང་། མོས་པ་ཐ་དད་པ། ལས་ཀྱི་རྣམ་པ་ཐ་དད་པ་མཐོང་བ་དེའི་ཕྱིར། གཟུགས་ཐ་དད་པ་དང་། གནས་སྐབས་ཐ་དད་པ་དང་། མིང་དང་འགྲོ་བ་ཐ་དད་པ་དང་། གནས་ཀྱི་རྣམ་པ་ཐ་དད་པ་དེ་དག་ནི། དཔེར་ན་རི་མོ་མཁན་ནམ་རི་མོ་མཁན་གྱི་སློབ་མ་མཁས་པ་ཞིག། ས་ཡིད་དུ་འོང་ཞིང་འཇམ་ལ་མཁྲང་བ་ཞིག་མཐོང་ནས་འདུག་སྟེ། ཚོན་སྣ་ཚོགས་དག་གིས་རི་མོའི་རྣམ་པ་སྣ་ཚོགས་གཟུགས་ལེགས་ཤིང་ལེགས་པ་རྣམ་པ་སྣ་ཚོགས་སེམས་ཀྱི་དབང་གིས་འདྲི་བ་དེ་བཞིན་དུ། སེམས་རི་མོ་མཁན་ནམ། རི་མོ་མཁན་གྱི་སློབ་མ་ལྟ་བུ་འདི་ལྷག་པར་མོས་པས། ཁམས་གསུམ་གྱིས་ཤིན་ཏུ་འཇམ་ཞིང་མཁྲང་བ་དག་ལ་ལས་ཀྱི་འབྲས་བུ་རྣམ་པར་སྨིན་པ་དག་གི་འཁོར་བའི་སར་གནས་སྐབས་ཐ་དད་པ་དང་། མིང་དང་འགྲོ་བ་ཐ་དད་པ་དང་། རྣམ་པ་ཐ་དད་པ་དང་། སེམས་ཅན་གྱི་གནས་ཀྱི་རྣམ་པ་ཐ་དད་པ་དག་སེམས་རི་མོ་མཁན་ལྟ་བུ་དེས་མངོན་པར་འགྲུབ་པར་བྱེད་དོ། ། ཡང་ཇི་ལྟར་ཚོན་དཀར་པོས་ནི་གཟུགས་དཀར་པོར་འདྲི་བར་བྱེད་ལ། དམར་པོས་ནི་དམར་པོར་འདྲི་བར་བྱེད། སེར་པོས་ནི་སེར་པོར་འདྲི་བར་བྱེད། ཚོན་ཕུག་རོན་ཁ་ལྟ་བུས་ནི་ཕུག་རོན་ཁ་ལྟ་བུར་འདྲི་བར་བྱེད། ནག་པོས་ནི་ནག་པོར་འདྲི་བར་བྱེད་པ་དེ་བཞིན་དུ། སེམས་རི་མོ་མཁན་ལྟ་བུ་འདི་སེམས་ཀྱི་དམིགས་པ་དཀར་པོ་ཉེ་བར་བཟུང་ནས་ཟག་པ་དང་བཅས་པ་འདོད་ཆགས་ལ་སོགས་པའི་དྲི་མ་དག་གིས་ཉོན་མོངས་པ་མེད་པའི་ཆོས་དཀར་པོ་ལྷ་དང་མི་རྣམས་ཀྱི་གཟུགས་དཀར་པོ་མངོན་པར་འགྲུབ་པར་བྱེད་དོ། ། རི་མོ་མཁན་གྱིས་ཚོན་དམར་པོ་བླངས་ནས་ལྷ་དང་མི་རྣམས་ཀྱི་གཟུགས་དམར་པོ་མངོན་པར་འགྲུབ་པར་བྱེད་དེ། དམར་པོ་ཞེས་བྱ་བ་ནི་སྒྲ་དང་། རོ་དང་། རེག་པ་དང་། གཟུགས་དང་། དྲི་སྟུག་པོ་དག་གིས་རི་མོའི་གཞི་ལ་ཚུལ་བཞིན་དུ་བྱས་པའོ། ། ཡང་སེམས་རི་མོ་མཁན་ལྟ་བུ་དེས་ཚོམ་སེར་པོ་བླངས་ནས། དུད་འགྲོ་མངོན་པར་འགྲུབ་པར་བྱེད་དེ། དེ་དག་ཀྱང་སེར་པོའི་དབང་གིས་གཅིག་ལ་གཅིག་ཁྲག་འཐུང་བར་བྱེད་ཅིང་ཤ་ཟ་བར་བྱེད་ལ། གཅིག་ལ་གཅིག་ཚོན་སེར་པོ་ལྟ་བུར་གྱུར་པའི་འདོད་ཆགས་ཞེ་སྡང་གཏི་མུག་གིས་གསོད་དོ།། ཡང་སེམས་རི་མོ་མཁན་ལྟ་བུ་དེས་ཚོན་ཕུག་རོན་ཁ་ལྟ་བུ་ལ་དམིགས་པ་མཐོང་ནས། ཚོན་ཕུག་རོན་ཁ་ལྟ་བུའི་ལས་དྲི་མ་ཅན་ཡི་དགས་ཀྱི་འགྲོ་བ་བྱེད་དེ། དེ་དག་ཀྱང་ལུས་ཚལ་ཤིང་བསྲེགས་པ་ལྟ་བུ་ཡིན་ལ། སེམས་རི། མོ་མཁན་ལྟ་བུ་སེར་སྣ་ལ་དམིགས་ཤིང་། གཏི་མུག་གི་རབ་རིབ་ཀྱི་སྒྲིབ་པའི་དབང་གིས། བཀྲེས་ཤིང་སྐོམ་པའི་སྡུག་བསྔལ་རྣམ་པ་སྣ་ཚོགས་ཡོངས་སུ་ཉམས་པས་ཟིལ་གྱིས་གནོན་པ་ཡིན་ནོ།། ཡང་སེམས་རི་མོ་མཁན་ལྟ་བུ་དེས་ཚོན་རྩི་ནག་པོ་ལྟ་བུའི་ལས་ཀྱི་ངོ་བོ་བླངས་ནས། སེམས་ཅན་དམྱལ་བའི་གཟུགས་ནག་པོ་འདྲི་བ་ལྟ་བུར་དེ་དག་ཀྱང་ལས་ནག་པོས་ལྕགས་ནག་པོའི་རབ་འབར་བས་སྐོར་བ་དེར་སྐྱེས་ཏེ། ལུས་ནག་པོ་ལ་ནད་དང་། གནོད་པ་དང་། བཀྲེས་ཤིང་སྐོམ་པ་རྣམ་པ་སྣ་ཚོགས་ཀྱི་གཞིར་གྱུར་ཅིང་། རང་གིས་ཉེས་པར་བྱས་པ་གཞན་དང་མཚུངས་པ་མེད་པའི་གནོད་པའི་སྡུག་བསྔལ་གྱིས་ཉམ་ཟག་པ་ཡིན་ནོ། ། ཡང་དགེ་སློང་རྣལ་འབྱོར་སྤྱོད་པ་དེ་ཚོན་རྩི་ལྔའི་རི་མོའི་གཞི་ལྟ་བུའི་འཁོར་བ་ཁམས་གསུམ་དུ་འགྲོ་བ་ལྔར་ཀུན་ཏུ་གནས་ཤིང་། ས་གསུམ་པོ་འདོད་པའི་ཁམས་ཀྱི་ས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ལ་ཀུན་ཏུ་གནས་ཏེ། དེ་ལ་སེམས་རི་མོ་མཁན་ལྟ་བུ་དེ། འདོད་པ་རྟེན་ཅིང་འདོད་པའི་ཁམས་ལ་དམིགས་པས།། གཟུགས་རྣམ་པ་ཉི་ཤུ་རྣམ་པ་སྣ་ཚོགས་འདྲིའོ།། འདོད་པའི་ཁམས་དང་བྲལ་བ་དག་ནི་གཟུགས་ཀྱི་ཁམས་ལ་དམིགས་ཤིང་གནས་པ་དེ་ལ་བརྟེན་པའི་སའི་གནས་སྐབས་བཅུ་དྲུག་པོ་དག་ནི།། བསམ་གཏན་བཞིའི་བར་གྱིས་གཟུགས་ཀྱི་ཁམས་མངོན་པར་འདྲིའོ།། གཟུགས་ཀྱི་ཁམས་ལ་དམིགས་པ་དང་བྲལ་བ་དག་ནི་སྙོམས་པར་འཇུག་པ་བཞིའི་སྲེད་པ་ལ་མརྣམ་པར་དམིགས་པའི་སེམས་མོ་མཁན་ལྟ་བུས་གཟུགས་མེད་པའི་ཁམས་མངོན་པར་འདྲི་སྟེ། ཁམས་གསུམ་གྱི་གཞི་འདི་ནི་རྒྱ་ཆེ་བ་ཡིན་ནོ།། ཡང་དགེ་སློང་དེས་སེམས་ཅན་གཞན་གྱི་སེམས་རི་མོ་མཁན་ལྟ་བུ་རྣམ་པ་གཞན་གྱིས་མཐོང་སྟེ། དེ་ལ་སེམས་ནི་རི་མོ་མཁན་ལྟ་བུ་ཡིན་ནོ།། ལུས་ནི་རི་མོའི་ཚོན་རྩིའི་སྣོད་ལྟ་བུ་ཡིན་ནོ།། འདོད་ཆགས་ཞེ་སྡང་གཏི་མུག་དག་ནི་ལས་བརྟན་པར་བྱས་པ་ལྟ་བུ་ཡིན་ནོ།། དམིགས་པ་ནི་ཁྲི་རྫ་བུ་ཡིན་ནོ། ། དབང་པོ་ནི་པིར་ལྟ་བུ་ཡིན་ནོ།། ཕྱི་རོལ་གྱི་ཡུལ་སྒྲ་དང་། རེག་པ་དང་། རོ་དང་། གཟུགས་དང་། དྲི་སྣ་ཚོགས་དག་ནི་ཚོན་རྩི་སྣ་ཚོགས་ལྟ་བུ་ཡིན་ནོ།། འཁོར་བ་ནི་རྩིག་པ་ལྟ་བུ་ཡིན་ནོ།། ཤེས་པ་ནི་སྣང་བ་ལྟ་བུ་ཡིན་ནོ། ། བརྩོན་འགྲུས་རྩོམ་པ་ནི་ལག་པ་ལྟ་བུ་ཡིན་ནོ།། ལས་ཀྱི་འབྲས་བུ་རྣམ་པར་སྨིན་པས་བྱས་པའི་གཟུགས་མང་པོ་དག་ནི་རི་མོའི་གཟུགས་ཆ་བྱད་དང་། དབྱིབས་དང་། མདོག་དང་། འབྱོར་པར་གྱུར་པ་མང་པོ་ལྟ་བུ་དག་ཡིན་ནོ།། ཡང་དགེ་སློང་བསམ་གཏན་ལ་ཞུགས་པ་དེ་སེམས་རི་མོ་མཁན་ལྟ་བུ་དེ་ཉིད་རྣམ་པ་གཞན་གྱིས་མཐོང་སྟེ། དཔེར་ན་གང་རི་མོ་མཁན་དེ་མགུ། ན་ཚོན་རྩིའི་རྣམ་པ་ལེགས་པར་སྤང་བ་བྱས་པ་གསལ་བར་འགྱུར་ཞིང་། པིར་གྱིས་ཡང་དང་ཡང་དུ་ལེགས་པར་འདྲི་ན། དེའི་ཚེ་གཟུགས་ལེགས་པར་འདྲི་བ་དེ་བཞིན་དུ། གང་སེམས་རི་མོ་མཁན་ལྟ་བུ། འདི་མགུ་ན། བསམ་གཏན་གྱི་བྱ་བ་ལ། ཚོན་རྩི་ལྟ་བུའི་བསམ་གཏན་གྱི་རྣམ་པ་ཡོངས་སུ་སྦྱང་བ་བྱས་པ། ཚོན་རྩི་ལྟ་བུར་གསལ་བར་འགྱུར་ཞིང་། པིར་གྱིས་ཡང་དང་ཡང་དུ་ལེགས་པར་འདྲི་བ་ལྟ་བུའི་དམིགས་པ་ལུང་ཕོག་པ་ཡོངས་སུ་སྦྱང་བ་བྱས་པས། འོག་དང་སྟེང་དུ་མཉམ་པར་འཇོག་པ་དང་། ལྡང་བ་ལ་སྐྱོ་བ་མེད་ན། སེམས་རི་མོ་མཁན་ལྟ་བུ་དེ་བསམ་གཏན་གྱི་སར་གཟུགས་ལེགས་པར་འདྲིའོ། ། གལ་ཏེ་མི་དགའ་ན་སེམས་རི་མོ་མཁན་ལྟ་བུ་དེ། སེམས་ཅན་དམྱལ་བ་དང་། ཡི་དགས་དང་། དུད་འགྲོའི་ས་ངན་པ་དེར་འགྲོ་བའི་རིས་དང་། གནོད་པ་དང་། ལྕགས་ཀྱི་གཏུན་ཤིང་བིར་ལྟ་བུས་མི་དགེ་བའི་ཚོན་རྩི་བླངས་ནས། སྣོད་ལྟ་བུར་གྱུར་པའི་སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཀྱི་གཟུགས་དེ་དུད་འགྲོའི་འགྲོ་བའི་གཟུགས་མ་ལེགས་པབ་འདྲི་སྟེ། རྒྱ་ཆེར་སྔ་མ་བཞིན་དུ་སྦྱར་རོ།། ཡང་དགེ་སློང་དེ་སེམས་སྤྲེའུ་ལྟ་བུར་མཐོང་སྟེ། ཇི་ལྟར་སྤྲེའུ་ནི་འཕྱར་བ་ཡིན་ཏེ། ཤིང་དང་། ལྕུག་མ་དང་། མེ་ཏོག་དང་། འབྲས་བུ་དང་རི་བྲགས་ཀྱི་བུ་ག་དང་། སྨན་ལྗོངས་ཐ་དད་པར་ཐོགས་པ་མེད་པར་འགྲོ་བ་དེ་བཞིན་དུ། སེམས་སྤྲེའུ་ལྟར་འཕྱར་བ་འདི་ཡང་ཚལ་ཐ་དད་པ་ལྟ་བུའི་སེམས་ཅན་དམྱལ་བ་དང་། ཡི་དགས་དང་། དུད་འགྲོ་དག་གི་འགྲོ་བ་ལྔར་འགྲོ་སྟེ། སེམས་ཅན་ནི་ཤིང་ལྟ་བུའོ།། སྲེད་པའི་ལྕུག་མ་ནི་ལྕུག་མའི་རྣམ་པ་དུ་མ་ལྟ་བུ་ཡིན། རྟོག་པ་ནི་མེ་ཏོག་གི་ཡལ་ག་ལྟ་བུ་ཡིན་ནོ།། སྒྲ་དང་། རོ་དང་། གཟུགས་དང་དྲི་དང་། རི་ཡུལ་དང་། བུ་ག་དང་། སྤྱོད་པ་སྡུག་པ་དང་། མི་སྡུག་པའི་ཁམས་གསུམ་ནི་འབྲས་བུ་ལྟ་བུ་ཡིན་ནོ།། ལུས་ཕུག་པ་ལྟ་བུ་ཡིན་ནོ།། སེམས་སྤྲེའུ་ལྟ་བུ་སེམས་ཅན་དམྱལ་བ་ལྟ་བུ་དང་། ཡི་དགས་དང་། དུད་འགྲོ་དང་། ལྷ་དང་། མིའི་གནས་རྣམས་སུ་ཐོགས་པ་མེད་པར་འགྲོ་སྟེ། སེམས་སྤྲེའུ་ལྟ་བུ་དེ་འཁོར་བའི་སར་འཁྱམ་མོ།། ཡང་དགེ་སློང་བསམ་གཏན་ལ་ཞུགས་པ་དེ་སེམས་གར་མཁན་ལྟ་བུར་མཐོང་སྟེ། ཇི་ལྟར་གར་མཁན་དག་ཆ་བྱད་དང་། ཚོན་རྩི་དང་། ས་དང་། གོས་དང་། སིལ་སྙན་སྣ་ཚོགས་དག་ཐོགས་ནས། གར་མཁན་གར་བྱེད་པ་དེ་བཞིན་དུ། སེམས་གར་མཁན་ལྟ་བུ་འདི་ཡང་ས་དང་། འགྲོ་བའི་རིས་ཀྱིས་སྣ་ཚོགས་སུ་ལས་ཀྱིས་སྤྲུལ་པའི་ཆ་བྱད་སྣ་ཚོགས་ཐོགས་ཤིང་། རྒྱུ་དང་རྐྱེན་རྣམ་པ་སྣ་ཚོགས་འཛིན་པ་ནི། ཆ་བྱད་སྣ་ཚོགས་པ་ཐོགས་པ་ལྟ་བུ་ཡིན་ནོ། ། བྱེད་པ་དག་ནི་སིལ་སྙན་རྣམ་པ་སྣ་ཚོགས་ལྟ་བུ་ཡིན་ནོ།། འཁོར་བ་གར་མཁན་ལྟ་བུ་ནི་རང་གི་ཡུལ་གར་མཁན་ལྟ་བུ་ཡིན་ཏེ། གར་ཉིད་ཀྱི་སེམས་གར་མཁན་ལྟ་བུ་འཁོར་བ་ཐོག་མ་མེད་ཅིང་ལུན་རིང་བ་རྣམ་པ་སྣ་ཚོགས་དུ་མར་གར་བྱེད་དོ། ། ཡང་དགེ་སློང་དེ་སེམས་ཉ་ལྟ་བུ་ཆུ་བོའི་ཉ་ལྟ་བུར་མཐོང་སྟེ། ཇི་ལྟར་ཉ་ནི་རིའི་ཆུ་བོ་འགྱུར་ཞིང་དབའ་རླབས་འཁྲུགས་པ་གཏིང་ཟབ་ལ་རྒྱུན་དྲག་སྟེ། བཟོད་པར་དཀའ་ཞིང་འབབ་པའི་རྒྱུད་ཀྱི་ཤིང་ལྗོན་པ་མང་པོ་རྩ་ནས་འབྱིན་པར་ནུས་ལ། འགྱུར་བའི་ཤུགས་དྲག་པོ་བཟློག་པར་དཀའ་བའི་ལས་མི་བཟད་པར་འབྱུང་ཞིང་འཇུག་པ་དེ་བཞིན་དུ། སེམས་ཉ་ལྟ་བུ་འདི་ཡང་སྲིད་པ་གསུམ་གྱི་དཔའ་རླབས་འཁྲུགས་པ་ནི་འགྱུར་ཞིང་དཔའ་རླབས་འཁྲུགས་པ་ལྟ་བུ་ཡིན་ལ། མནར་མེད་པས་མཆོག་ཏུ་ཟབ་པ་ནི་འདོད་པའི་ཁམས་ཀྱི་ཆུ་བོ་རབ་མེད་ལྟར་གཏིང་ཟབ་པ་ཡིན། བྱིས་པ་སོ་སོའི་སྐྱེ་བོ་ཐམས་ཅད་ཀྱི་དགེ་བ་དང་། མི་དགེ་བའི་ལས་ཀྱི་རྒྱུན་བཟོད་པར་དཀའ་བའི་འགྲོ་བ་དག་ཏུ་ཕ་རོལ་ཏུ་འགྲོ་བ་ནི་རྒྱུན་དྲག་པ་བཟོད་པར་དཀའ་བ་ལྟ་བུ་ཡིན་ལ། འགྲོ་བ་ལྔའི་ཆུ་བོར་རྒྱུ་བ་ནི་རྒྱུན་དྲག་པོས་བསྒྲལ་པ་དུ་མ་ཙམ་དུ་འདྲེན་པར་འགྱུར་བ་མི་བཟོད་པ་ནི། འབབ་པའི་རྒྱུན་འགྱུར་བའི་ཤུགས་དྲག་པོ་ལྟ་བུ་ཡིན། མི་རྟག་པ་ཉིད་ཀྱིས་འགྱུར་བའི་ཤུགས་བཟློག་པར་དཀའ་བ་ནི་བཟློག་པར་དཀའ་བ་ལྟ་བུ་ཡིན་ཏེ། སྲེད་པ་ཆུ་བོ་ལྟ་བུར་སེམས་ཉ་ལྟ་བུ་འབྱུང་ཞིང་འཇུག་སྟེ། ལྷ་དང་མི་དག་ཏུ་འབྱུང་ལ། སེམས་ཅན་དམྱལ་བ་དང་། ཡི་དགས་དང་། དུད་འགྲོ་རྣམས་སུ་ནི་སྲེད་པ་ཆུ་བོ་ལྟ་བུར་སེམས་ཉ་ལྟ་བུར་སེམས་ཏེ་ལྟ་བུར་འཇུག་གོ།། དེ་ནས་གཞན་ཡང་ཇི་ལྟར་ན་དགེ་སློང་རྣལ་འབྱོར་ལ་གནས་པ་དེ་ལས་དང་། ཆོས་དང་། རྣམ་པར་སྨིན་པ་ཤེས་ཤིང་། སེམས་ཅན་ཐམས་ཅད་སེམས་ལ་རག་ལས་པར་མཐོང་ལ། སེམས་ཀྱི་རྣམ་པ་སེམས་ཀྱི་དབང་དུ་གྱུར་ཅིང་། སེམས་ཀྱི་བ་སླུས་པ་མཐོང་སྟེ། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེ།། ཟོས་པ་ལས་བྱུང་བའི་ཤེས་པ་འམ། ལྷའི་མིག་གིས་སེམས་ཅན་ཐམས་ཅད་སེམས་ཀྱི་ལས་ལ་རག་ལས་ཤིང་། སེམས་ཀྱི་ལས་ཀྱི་རྣམ་པ་ལ་སེམས་རག་ལས་པ་མཐོང་སྟེ། ཀྱེ་མ་འཁོར་བ་ཐོག་མ་དང་ཐ་མ་མེད་པ་ནས་འགྲོ་བ་དུ་མར་རབ་ཏུ་རྒྱུ་བའི་སེམས་ཅན་འདི་དག་ཇི་ལྟར་འགྱུར་སྙམ་མོ།། དེ་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་སེམས་ཅན་གྱི་སེམས་ཀུན་ནས་ཉོན་མོངས་པས་འཆིང་ཞིང་རྣམ་པར་བྱུང་བས་འགྲོལ་བར་མཐོང་ངོ་།། དེ་ལ་སེམས་ཀྱི་རྣམ་པ་མང་སྟེ། དམིགས་པའི་བྱེ་བྲག་དང་། ངོ་བོ་ཉིད་ཀྱི་བྱེ་བྲག་དང་། འགྲོ་བའི་རིས་ཀྱི་བྱེ་བྲག་གིས་འགྲོ་བ་རྣམས་ཀྱི་རྣམ་པ་ལྔའོ།། རྟེན་བཟང་པོའི་བྱེ་བྲག་གི་རྣལ་འབྱོར་དང་ལྡན་པ་དང་། ཀུན་ཏུ་སྦྱོར་བའི་འདུ་བྱེད་དང་ཡང་དག་པར་ལྡན་པའི་སེམས་བག་ལ་ཉལ་དང་ལྡན་པ་དང་། ནམ་མཁའ་ལ་སོགས་པ་གསུམ་དང་རྟག་ཏུ་མི་ལྡན་པ་སྟེ། རྣམ་པ་ལྔ་ཡིན་ནོ།། དེ་ཡང་དབང་པོའི་བྱེ་བྲག་གིས་ནི་དཔག་ཏུ་མེད་ལ། སྲེད་པའི་གནས་སྣ་ཚོགས་ཀྱི་བྱེ་བྲག་གིས་མདོར་ན་ཀུན་ནས་ཉོན་མོངས་པའི་ཕྱོགས་འདི་ནི་སེམས་ལས་བྱུང་བ་ལྔར་འགྱུར་རོ།། ཇི་ལྟར་ན་རྣམ་པར་བྱང་བའི་ཕྱོགས་སུ་འགྱུར་ཞེ་ན། ཉོན་མོངས་པའི་རྩ་བ་གསུམ་དག་གི་གཉེན་པོ་གསུམ་ཡིན་ནོ། ། འདས་པ་དང་མ་འོངས་པའི་ཡང་དག་པར་རྫོགས་པའི་སངས་རྒྱས་ཐམས་ཅད་ཀྱི་གསུང་རབ་ཡང་དག་པའི་ལམ་སྟོན་པ་ནི་འདི་ལྟ་སྟེ། འདོད་ཆགས་ལ་ནི་མི་སྡུག་པའོ། ། ཞེ་སྡང་ལ་ནི་བྱམས་པའོ།། གཏི་མུག་ལ་ནི་རྟེན་ཅིང་འབྲེལ་པར་འབྱུང་བའོ།། དེ་ལ་ལུས་ལ་འདོད་ཆགས་སྐྱེས་པ་དང་། དེ་ལུས་དེ་ལ་དམིགས་ནས་གནས་ཤིང་རྣམ་པར་འབྱེད་དེ། རྐང་པ་དང་སེན་མོ་ནས། མགོ་དང་། ཡན་ལག་དང་། ཉིང་ལག་རགས་པའི་བར་ལ་རྣམ་པར་བྱེད་པ་ནི། བདག་གང་ཡིན། བདག་གི་ཅི་ཡིན་ཞེས་དེ་རང་གི་ཡན་ལག་གི་ཕྱོགས་ལ་རྐང་པ་དང་། སེན་མོ་ལུས་ཐ་དད་པར་ལྟ་སྟེ། གང་ལ་བདག་ཏུ་ང་རྒྱལ་འཇུག་པ་འདི་ནི་སེན་མོ་དང་ལུས་མ་ཡིན་ཞིང་། རྐང་པའི་སེན་མོ་ལུས་སམ་བདག་མ་ཡིན། གང་ལ་བདག་ཏུ་ང་རྒྱལ་འཇུག་པ་འདི་ནི་རྐང་པའི་མཐིལ་ལུས་མ་ཡིན་ཞིང་། ལོང་བུ་བདག་གམ་ལུས་མ་ཡིན། རྐང་པའི་རྟིང་པ་བདག་གམ་ལུས་མ་ཡིན་ཞིང་། བསྡུས་པ་བདག་ག་མ་ལུས་མ་ཡིན། སྟ་ཟུར་དང་དཔྱི་བདག་གམ་ལུས་མ་ཡིན། གཞང་བ་དག་གམ་ལུས་མ་ཡིན། སྐལ་པའི་རུས་པར་གྱུར་པ་བཞི་བཅུ་རྩ་ལྔ་བདག་གམ་ལུས་མ་ཡིན། ལྷག་པ་བདག་ག་མ་ལུས་མ་ཡིན། བཞིན་གྱི་རུས་པར་གྱུར་པ་བདག་གམ་ལུས་མ་ཡིན་ཏེ། དགེ་སློང་དེས་རྣམ་པར་ཕྱེ་ན་དོན་གཞན་དུ་གྱུར་པའི་ལུས་མ་མཐོང་ཞིང་། སོ་སོ་ལ་ཡང་ལུས་མ་མཐོང་ལ། རྣམ་པར་ཕྱེ་ན་ཡང་ལུས་མ་མཐོང་ངོ་།། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ལ་ཡང་ལུས་སམ། བདག་མི་མཐོང་ཞིང་བདག་ཉིད་མེད་དོ།། དེ་ལྟར་ལུས་རྡུལ་ཕྲ་མོར་སོ་སོར་རྣམ་པར་འབྱེད་དེ། དེ་བདག་གི་ལུས་ཡུངས་ཀར་ཙམ་དང་། བྱེ་མ་ལྟ་བུར་མཐོང་ངོ་།། དེ་འབྱུང་བ་ཆེན་པོ་རྣམས་རྣམ་པར་འབྱེད་དེ། བདག་ནི་གང་ཞིག། ཅི་སའི་ཁམས་བདག་ཡིན་ནམ། ཆུའི་ཁམས་བདག་ཡིན་ནམ། མེའི་ཁམས་བདག་ཡིན་ནས། རླུང་གི་ཁམས་བདག་ཡིན་ནམ་སྙམ་མོ། ། དེ་དོན་དམ་དུ་ན་བདག་གི་ཁམས་མ་མཐོང་ཞིང་། བདག་གི་ཁམས་མཐོང་བ་མེད་པ་ན། དོན་གཞན་དུ་གྱུར་པ་མ་མཐོང་སྟེ། དཔེར་ན་ཤིང་ལྗོན་པ་དུ་མ་འདུས་པ་ལ་ཚལ་དུ་མཐོང་ལ། ཤིང་ལྗོན་པ་རེ་རེ་ལ་ཚལ་མེད་དོ།། དོན་དམ་པར་ན་ཚལ་ཞེས་བྱ་བ་ཤིང་ལྗོན་པ་མ་གཏོགས་པར་ཚལ་མེད་ལ། ཡང་དག་པར་ན་ཤིང་ལྗོན་པ་ཡང་ཤུན་པ་དང་། རྩ་བ་དང་། ཡལ་ག་དང་། ལྕུག་མ་མ་གཏོགས་པར་དོན་གཞན་དུ་གྱུར་པ་མེད་དེ། ཀུན་རྫོབ་ཏུ་ཚལ་ཡོད་དོ།། དེ་ལྟར་ལུས་འདི་ཡང་ལག་པ་ལ་སོགས་པ་འདུས་པ་ཙམ་འདི་ལ་ཀུན་རྫོབ་ཏུ་འདི་ནི་ལུས་ཡིན་ནོ།། ཞེས་འདུ་ཤེས་འཇུག་གོ་སྙམ་ནས། དེ་ལུས་དེའི་ཆོས་ཀྱི་དེ་ཁོ་ན་ཉིད་ཤེས་ནས། ལུས་ལ་འདོད་ཆགས་དང་བྲལ་ཞིང་ལུས་ཀྱི་ཡན་ལག་དང་། ཉིང་ལག་དག་ལ་འདོད་ཆགས་དང་བྲལ་བར་འགྱུར་རོ།། དེ་འདོད་ཆགས་དང་བྲལ་ན་དགའ་བའི་འདོད་ཆགས་ཀྱི་མོ་ད་ལས་སྐྱེས་པ་ཡང་འབྱུང་བའི་སྲེད་པས་གནོད་པ་མེད་དེ། དེ་ལྟར་འདོད་ཆགས་ཀྱི་གཉེན་པོ་ལ་རབ་ཏུ་བརྩོན་ནོ།། ཇི་ལྟ་ར་ན་ཞེ་སྡང་གི། གཉེན་པོ་ལ་རབ་ཏུ་བརྩོན་ཞེ་ན། དེ་བྱམས་པ་ལ་གནས་པར་གྱུར་ཏེ། ཀྱེ་མ་སེམས་ཅན་འདི་དག་ནི་ཉམ་ང་བར་ཞུགས་པ་ཡིན་ཏེ། འདི་ལྟ་སྟེ། འགྲོ་བ་ལྔ་རྣམས་སུ་སྐྱེ་བ་དང་། འཆི་བ་དང་། འཆི་འཕོ་དང་། འབྱུང་བ་དག་འཇིགས་པ་ལྔར་ཞུགས་ཤིང་། ཤི་བའི་ལུས་རུལ་བ་ལྟ་བུ་དེ་དག་ལ་མ་ལྟ་བུར་སྙིང་རྗེ་སྐྱེའོ།། རྨ་ལ་བ་ཙས་བྱུགས་པ་ལྟ་བུའི་སྡུག་བསྔལ་བ་འདི་དག་ལ་ཇི་ལྟར་ཁྲོ་བ་སྐྱེད་དེ། སེམས་ཅན་དེ་དག་ནི་རང་བཞིན་གྱིས་སྡུག་བསྔལ་བ་ཡིན་ནོ་སྙམ་སྟེ། དེ་ཉོན་མོངས་པའི་རྣམ་པ་ཆེན་པོ་གཉིས་པ་ལ་གནས་སོ།། ཡང་དགེ་སློང་དེ་ཇི་ལྟར་ན་ཉོན་མོངས་པ་ཆེན་པོ་གསུམ།། བོ་སོ་སོར་འཇིག་པ་ལ་རབ་ཏུ་བརྩོན་ཞེ་ན། གཏི་མུག་གིས་བསྒྲིབས་པའི་སེམས་ཅན་ནི་ལུས་ཀྱིས་ཉེས་པར་སྤྱད་པ་སྤྱོད་པ་དང་། ངག་གིས་ཉེས་པར་སྤྱད་པ་སྤྱོད་པ་དང་། ཡིད་ཀྱིས་ཉེས་པར་སྤྱད་པ་སྤྱོད་པ། ཡིན་ཏེ། ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་རྣམས་སུ་སྐྱེའོ།། གང་གི་ཚེ་ཡང་དག་པའི་ལྟ་བ་སྔོན་དུ་སོང་བས་གཏི་མུག་དང་བྲལ་བར་འགྱུར་བ་དེའི་ཚེ། ལུས་ཀྱིས་ལེགས་པར་སྤྱད་པ་དང་། ངག་གིས་ལེགས་པར་སྤྱད་པ་དང་། ཡིད་ཀྱིས་ལེགས་པར་སྤྱད་པ་སྤྱོད་པ་དེ། ཆོས་དང་ཆོས་མ་ཡིན་པའི་དེ་ཁོ་ན་ཉིད་ཤེས་པར་འགྱུར་རོ།། གང་གི་ཚེ་ཆོས་དང་ཆོས་མ་ཡིན་པ་དེ་དག་གི་དེ་ཁོ་ན་ཤེས་ཤིང་། རྣམ་པར་ཤེས་པར་འགྱུར་བ་དེའི་ཚེ། ཉོན་མོངས་པ་ཆེན་པོ་གསུམ་པོའི་ངོ་བོ་ཉིད་མེད་པར་འགྱུར་རོ།། དགེ་སློང་དེ་ཉོན་མོངས་པ་གསུམ་པོ་དེ་དག་གཞིག་པའི་གཉེན་པོ་གསུམ་པོ་ནི་ཉོན་མོངས་པ་དང་། ཉེ་བའི་ཉོན་མོངས་པ་ཐམས་ཅད་ཀྱི་ཀུན་ཏུ་སྦྱོར་བ་དང་། བག་ལ་ཉལ་སོ་སོར་གནས་པ་འཇིག་པར་འགྱུར་བ་ཡིན་ཏེ། དཔེར་ན་ཤིང་ལྗོན་པའི་རྩ་བ་བཅད་ན་ཤུན་པ་དང་། རྩ་བ་དང་། འདབ་མ་དང་། ལོ་མ་དང་། སྡོང་པོ་དང་། ཡལ་ག་དང་། མེ་ཏོག་དང་། འབྲས་བུ་ལ་སོགས་པ་དེ་དག་ཐམས་ཅད་རུལ་བ་དང་རྙིས་པར་འགྱུར་བ་དེ་བཞིན་དུ། གསུམ་པོ་དེ་དག་བཅོམ་ན། ཉོན་མོངས་པ་ཐམས་ཅད་བཅོམ་པར་འགྱུར་རོ་སྙམ་མོ། ། དེ་ནས་གཞན་ཡང་ཇི་ལྟར་ན་དགེ་སློང་དེས་གཞན་བདུན་པ་ལས་ས་གཞན་བརྒྱད་པ་ལ་འཇུག་ཅེ་ན། རྣལ་འབྱོར་སྤྱོད་པ་དེ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་མཐོང་སྟེ། ཇི་ལྟར་ན་དགེ་སློང་ཐོག་མ་ཉིད་དུ་འདི་ལྟར་མིག་གིས་ཡང་དག་པར་ཇི་ལྟ་བ་བཞིན་མཐོང་ཞིང་། ཇི་ལྟར་ན་མིག་གིས་རྣམ་པར་ཤེས་པར་བྱ་བའི་གཟུགས་རྣམས་ལ། བྱིས་པ་སོ་སོའི་སྐྱེ་བོ་ཀུན་ཏུ་ཆགས་ཤིང་། རྣམ་པར་ཆགས་ལ། ཤིན་ཏུ་རྨོངས་ཤིག་གུ་སྙམ་ན། དེ་ལ་ཀུན་ཏུ་ཆགས་པའི་གནས་སུ་འགྱུར་བ་ནི། མཛའ་བཤེས་མཐོང་བའམ། གཟུགས་སམ། བུད་མེད་དམ། དེ་ལས་གཞན་པ་མཐོང་ན་ཀུན་ཏུ་ཆགས་པར་འགྱུར་བའོ།། ཞེ་སྡང་གི་གནས་སུ་འགྱུར་བ་ནི་འགྲན་ཟླར་གྱུར་པ་འམ། འགྲན་ཟླའི་གནས་སུ་འགྱུར་བ་དག་ལ་ཞེ་སྡང་བར་འགྱུར་རོ། ། འདོད་ཆགས་དང་ཞེ་སྡང་གིས་བསྒྲིབས་པའི་མིག་དག་ནི། ཡང་དག་པ་ཇི་ལྟ་བ་བཞིན་མི་མཐོང་སྟེ། གཏི་མུག་གིས་བསྒྲིབས་པའི་བྱིས་པ་སོ་སོའི་སྐྱེ་བོའི་སེམས་ནི་ཀུན་ཏུ་རྟོག་པ་ཙམ་གྱི་མིག་གི་རྣམ་པར་ཤེས་པར་བྱ་བ་ལ་ཀུན་ཏུ་ཆགས་ཤིང་རྣམ་པར་ཆགས་ལ་ཤིན་ཏུ་རྨོངས་སོ། ། སྲེད་པས་བསླུས་པའི་མི་ནི་རང་གི་འདོད་པའི་རྣམ་པར་རྟོག་པས་བདག་ཉིད་ལ་བདག་ཉིད་ཀུན་ཏུ་ཆགས་པར་བྱེད་དེ། དཔེར་ན་ཁྱི་ནི་ཤ་མེད་པའི་རུས་པ་བླངས་ཏེ་ཁར་བཅུག་གོ། དེ་འགྲམ་སོའི་བར་དུ་རུས་པ་བཅུག་པའི་ཁ་ཆུ་འཛགས་པའི་གཤེར་བ་ལ་ཟ་ལ་ལ་ཆགས་པའི་ཁྱི་ཡང་རང་གི་ཁའི་སོའི་བར་ནས་ཁྲག་འོང་སྟེ། དེ་རུས་པ་དེའི་རོ་ཡིན་པར་སེམས་ཀྱིས་རོ་འདི་ནི་བདག་ཉིད་ཀྱི་ཁྲག་ལ་བདག་ཉིད་མྱོང་བར་བྱེད་དོ་སྙམ་དུ་ནི་མི་སེམས་ཤིང་། རོ་ལ་ཆགས་པའི་ཁྱི་དེ་ལྕེ་ཡང་ཟའོ།། རོ་ལ་ཆགས་པས་བསྒྲིབས་པ་རུས་པ་ཡིན་པར་སེམས་པ་དེ་ནི་ཀུན་ཏུ་རྟོག་པ་ཙམ་ཁོ་ན་ཡིན་ཏེ། དེ་བཞིན་དུ་བྱིས་པ་སོ་སོའི་སྐྱེ་བོ་མིག་གི་རྣམ་པར་ཤེས་པར་བྱ་བའི་གཟུགས་མིག་ཏུ་སྡུག་པའི་གཟུགས་དག་ལ་ཀུན་ཏུ་ཆགས་པར་འགྱུར་རོ། ། དེ་ཁ་ཆུ་ལྟ་བུའི་རྣམ་པར་རྟོག་པས་བློ་གྲོས་བསྒྲིབས་པ་ཡིན་ལ། རྣམ་པར་དཔྱོད་པ་ནི་རུས་པ་ལྟ་བུ་ཡིན།། མིག། ནི་ཁར་བཅུག་པ་ལྟ་བུ་ཡིན་ཏེ། དེ་ལྟ་དེ་ལྟར་ཟའོ།། དེའི་སྲེད་པ་ནི་གང་གིས་ཁྲག་འཛག་པ་ལྟ་བུ་ཡིན་ཏེ། འདི་ནི་བདག་གི་གཟུགས་ཡིན་ནོ་སྙམ་དུ་སེམས་པ་ནི་སྲེད་པས་ཁྲག་གི་རོ་ལ་ཆགས་པ་ལྟ་བུ་ཡིན་ཏེ། དེ་རོ་དེ་ལ་ཆགས་སོ།། དེ་ལ་ཁྱི་ཇི་ལྟ་བ་བཞིན་དུ་བྱིས་པ་སོ་སོའི་སྐྱེ་བོ་ཡང་དེ་དང་འདྲ། རུས་པ་ཇི་ལྟ་བ་བཞིན་དུ་མིག་གི་རྣམ་པར་ཤེས་པར་བྱ་བའི་གཟུགས་ཀྱང་དེ་དང་འདྲ། འགྲམ་སོས་ཟ་བར་བྱེད་པ་ཇི་ལྟ་བ་བཞིན་དུ་རྣམ་པར་རྟོག་པ་ཡང་དེ་དང་འདྲ། སོ་ཇི་ལྟ་བ་བཞིན་དུ་ཡུལ་ཡང་དེ་དང་འདྲ་སྟེ། དེ་ལྟ་བས་ན་མིག་གིས་རྣམ་པར་ཤེས་པར་བྱ་བའི་གཟུགས་རུས་གོང་ལྟ་བུ་དག་གིས་བྱིས་པ་སོ་སོའི་སྐྱེ་བོ་ཐམས་ཅད་རྣམ་པར་སླུ་བར་བྱེད་དོ་སྙམ་མོ། ། ཡང་དགེ་སློང་དེ་སེམས་པར་བྱེད་དེ། ཇི་ལྟར་ན་འཁོར་བར་ཡིད་བྱུང་བའི་དགེ་སློང་དག་སྲེད་པའི་འཇིགས་པས་འཇིགས་ཤིང་། འདོད་པ་ཐམས་ཅད་རབ་ཏུ་སྤོང་ཞིག་གུ་སྙམ་མོ།། ཇི་ལྟར་གླང་པོ་ཆེ་ལོ་དྲུག་ལོན་པ་གླང་པོ་ཆེའི་ཆོ་ག་ཤེས་པའི་མིས་བསྐོར་ཅིང་། ལུས་ཆེན་པོ་དེ་ཤིང་ཐགས་ཀྱིས་བསྐོར་ཏེ། བཅིང་བ་ལྔ་ཡིས་བཅིངས་ནས། བུ་རམ་ཤིང་དང་། ལ་དུ་དང་། བུ་རམ་ཆང་དང་། བཟའ་བ་དང་། བཏུང་བའི་རོ་མང་པོ་སྦྱར་ཅིང་སིལ་སྙན་དང་། གླུ་དང་། དབྱངས་དགག་ས་དེ་རྣམ་པར་འདུལ་བར་བྱེད་དེ། གང་གིས་དེ་ཚལ་གྱི་བདེ་བ་བརྗེད་པར་བྱ་བ་བརྗེད་ནས། དེར་གླང་པོ་ཆེ་ཐ་མལ་བ་དག་དང་ལྷན་ཅིག་གནས་པར་བྱེད་ཅིང་། དེ་གཞན་གྱིས་དཀྲིར་རུང་བར་བྱེད་དོ།། དེ་ནས་གླང་པོ་ཆེའི་ཆོ་ག་ཤེས་པ་དེས། དེ་ལྟར་ཡོངས་སུ་སྤྱོད་པ་ན། རང་གི་ཚལ་གྱི་བདེ་བ་འདོད་པའི་གནས་རི་དང་། སྨན་ལྗོངས་དང་། ཚལ་དང་། མེ་ཏོག་དང་། འབྲས་བུ་དང་། བྱའི་སྒྲ་དང་། ཆུའི་རྒྱུན་དང་། ས་ཕྱོགས་དགའ་བ་རྗེས་སུ་བསམས་ཤིང་བཅིངས་པ་ཐམས་ཅད་ཀྱང་བདེ་བ་དེ་དག་རྗེས་སུ་དྲན་ནས། བཅིངས་པ་ཐམས་ཅད་བཅད་དེ། གླང་པོ་ཆེའི་ཆོ་ག་ཤེས་པའི་མི་ལ་ཡང་འཛེམ་པ་མེད་པར་བྱས། ཤིང་བཏགས་བཙུགས་པ་ཡང་བཅོམ་བུ་རམ་ཤིང་གི་དུམ་བུ་དང་། ལ་དུ་དང་། བུ་རམ་ཆང་དང་། བཏུང་བའི་རོ་དག་ནི་འཐུངས་ལ། གླུ་དབྱངས་དག་གིས་བཞག་པར་མ་ནུས་ཤིང་། དེའི་ཡིད་རྣམ་པར་བརྟུལ་བ་དང་། དེའི་ཚལ་གྱི་བདེ་བ་བརྗེད་པར་བྱ་བར་མ་ནུས། གླང་པོ་ཆེ་ཐ་མལ་པ་དང་ལྷན་ཅིག་འགྲོ་བར་མི་འདོད་ཅིང་། ཡང་ཚལ་དེ་དག་དྲན་པ་དེ་བཞིན་དུ། རྣལ་འབྱོར་སྤྱོད་པའི་དགེ་སློང་དེ་ཐོག་མ་མེད་པའི་དུས་ན་ཞུགས་པ། འཆིང་བ་ལྔ་དག་གིས་བཅིངས་ཏེ། ལྔ་གང་ཞེ་ན། འདི་ལྟ་སྟེ། སྒྲ་དང་། རེག་པ་དང་། རོ་དང་། གཟུགས་དང་། དྲི་སྡུག་པ་དག་ཡིན་ནོ།། གླང་པོ་ཆེའི་ཆོ་ག་ཤེས་པའི་མིས་བསྐོར་བ་ལྟ་བུ་གང་ཡིན་ཞེ་ན། འདི་སྟེ་སྟེ། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པ་ཀུན་ནས་ཉོན་མོངས་པ་རྣམས་ཡིན། རང་གི་བློ་གྲོས་ཁྱིམ་གྱི་གཟེ་བ་ལྟ་བུས་བསྐོར་བ་ནི། འདི་ལྟ་སྟེ། བུ་དང་། ཆུང་མ་དང་། ཀུན་དགའ་ར་བ་དང་། བྲན་མོ་དང་། བྲན་པོ་དང་། ལོངས་སྤྱོད་དང་། ཁྱིམ་གྱིས་བསྐོར་བ་ཡིན། བུ་རམ་ཤིང་དང་། ལ་དུ་དང་། བུ་རམ་ཆང་དང་། བཏུང་བའི་རོ་ཞེས་བྱ་བ་ནི་ཀུན་ཏུ་རྟོག་པའི་ལ་དུ་འདོད་ཆགས་ཀྱི་སྐོམ་ཞེས་བྱ་བ་དེའི་ཚིག་བླ་དགས་སོ། ། སྲེད་པ་ལ་རྣམ་པར་ཆགས་པ་ནི་གླུ་དབྱངས་ལྟ་བུ་ཡིན་ནོ།། དགའ་བའི་འདོད་ཆགས་ནི་བཅིངས་པ་ལྟ་བུ་ཡིན། གླང་པོ་ཆེ་ཐ་མལ་པ་དང་འདྲ་བ་ཞེས་བྱ་བ་ནི། མི་ཐ་མལ་པ་ལོག་པར་ལྟ་བ་ཐང་པོ་ཆེ་ཞེས་བྱ་བ་དེའི་ཚིག་བླ་དགས་ཡིན་ནོ།། ལྷན་ཅིག་གནས་ཞེས་བྱ་བ་ནི། དེ་དང་ལྷན་ཅིག་འཇིག་ཚོགས་ལ་ལྟ་ཞིང་། ཚུལ་ཁྲིམས་བརྟུལ་ཞུགས་མཆོག་ཏུ་འཛིན་པ་དང་། ཡང་དག་པར་འབྲེལ་བ་མི་ཐ་མལ་པའི་ཁར་སྦྲང་རྩི་ལྟ་བུ་ལོག་པར་ལྟ་བའི་གཏམ་དག་གིས་རབ་ཏུ་དགའ་བའོ།། གཞན་གྱིས་བཀྲིར་རུང་བ་ཞེས་བྱ་བ་ནི་འདོད་ཆགས་ཞེ་སྡང་གཏི་མུག་གི་དབང་དུ་གྱུར་པ་ཞེས་བྱ་བའི་ཚིག་བླ་དགས་སོ། ། གླང་པོ་ཆེའི་ཆོ་ག་ཞེས་བྱ་བ་ནི། རྣལ་འབྱོར་སྤྱོད་པ་ཞེས་བྱ་བ་དེའི་ཚིག་བླ་དགས་ཡིན་ནོ།། ཡོངས་སུ་སྤྱོད་པ་ན་ཞེས་བྱ་བ་ནི། གཏི་མུག་ཉོན་མོངས་པ་ཐམས་ཅད་དང་འགྲོ་བ་ཞེས་བྱ་བ་དེའི་ཚིག་བླ་དགས་སོ།། ངེས་པར་འབྱུང་བའི་རིདྲན་ཞིང་། རིའི་སྨན་ལྗོངས་ཞེས་བྱ་བ་ནི། བསམ་གཏན་དང་སྙོམས་པར་འཇུག་པ་ཞེས་བྱ་བ་དེའི་ཚིག་བླ་དགས་སོ། ། མེ་ཏོག་དང་འབྲས་བུ་ཞེས་བྱ་བ་ནི་ཡང་དག་པའི་ལམ་ལ་སེམས་བསྐྱེད་པའི་འབྲས་བུར་གྱུར་པ་མྱ་ངན་ལས་འདས་པའོ།། བྱའི་སྒྲ་ཞེས་བྱ་བ་ནི། ཆོས་ཀྱི་གཏམ་གྱི་སྒྲ་ཞེས་བྱ་བ་དེའི་ཚིག་བླ་དགས་སོ། ། ཆུ་བོའི་རྒྱུན་དགའ་བ་ཞེས་བྱ་བ་ནི། ཤེས་རབ་ཀྱི་ཆུ་བོ་ཞེས་བྱ་བ་དེའི་ཚིག་བླ་དགས་སོ།། རྒྱུན་ཞེས་བྱ་བ་ནི། སེམས་རྩེ་གཅིག་ཅེས་བྱ་བ་དེའི་ཚིག་བླ་དགས་སོ། ། ས་ཕྱོགས་ཞེས་བྱ་བ་ནི། ཚངས་པའི་གནས་ཞེས་བྱ་བ་དེའི་ཚིག་བླ་དགས་ཏེ། འདི་ལྟ་སྟེ། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་སོ།། རྗེས་སུ་བསམས་ནས་ཞེས་བྱ་བ་ནི། བསམ་གཏན་གྱི་བདེ་བ་རྗེས་སུ་བསམས་པ་ཡིན་ཏེ། རྣལ་འབྱོར་སྤྱོད་པ་དེ་གླང་པོ་ཆེའི་ཚོགས་ལྟ་བུའི་རྗེས་སུ་འགྲོའོ།། དེ་ལྟ་བས་ན་གླང་པོ་ཆེ་ལྟ་བུར་རྣམ་འབྱོར་སྤྱོད་པས་བྱ་ཡི། ཁྱི་ལྟ་བུར་ནི་མི་བྱའོ།། དེ་ནས་གཞན་ཡང་ཇི་ལྟར་ན་དགེ་སློང་དེ་ས་གཞན་བརྒྱད་པ་ལས་ས་གཞན་དགུ་པ་ལ་འཇུག་ཅེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། ཁམས་གསུམ་པ་འདི་དག་ཐམས་ཅད་ནི་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པ་དང་། མི་གཙང་བའི་སྣོད་དུ་གྱུར་པ་འདོད་པ་ཐམས་ཅད་ཀྱང་མཐོང་སྟེ། དཔེར་ན་ནགས་ཚལ་གྱི་ཁྲོད་ན་རི་ནགས་ཆེན་པོའི་ངམ་གྲོག་ལ་ཤིང་འབྲ་གོ་སྐྱེ་བ་སྐྱོན་དུ་མ་དང་ལྡན་པ་ཡིན་ཏེ། དེ་ལ་འབྲས་བུ་ཆུང་ངུ་ཡོད་པ་བླང་བར་དཀའ་ཞིང་། ཉེས་པ་མང་པོར་འགྱུར་བ་དང་། ངམ་གྲོག་ཏུ་ལྟུང་བའི་ཉེས་པས་སྲོག་ལ་ཐེ་ཚོམ་ཟ་བར་བྱེད་པ་དང་ཁོང་སྟོང་གི་ཉེས་པས་གཡང་སའི་ཕྱོགས་སུ་ལྟུང་བ་དང་། ཤིང་མཐོན་པོ་ལ་འཛེགས་པ་དག་གིས་སྲོག་འཆད་པར་བྱེད་པའོ།། གལ་ཏེ་མི་བྱིས་པ་སོ་སོའི་སྐྱེ་བོ་རྨོངས་ཤིང་མུན་པར་གྱུར་པ་དག་རོ་ལ་ཆགས་པ་དེ་འབྲས་བུ་དེ་དག་མཐོང་ནས། ངམ་གྲོག་དང་། གཡང་ས་དང་། ཤིང་ཁོང་སྟོང་མཐོན་པོ་ལྟུང་བའི་སར་འགྲོ་སྟེ། འཆི་བར་འགྱུར་པ་མི་སེམས་སོ།། བྱིས་པ་སོ་སོའི་སྐྱེ་བོ་བློ་ཞན་པ་རོ་ཆུང་ངུ་མྱོང་བས་ཕྲོགས་པ་དེ་དག་ཤིང་དེ་ལ་འཛེགས་སོ། ། དེ་ཤིང་དེ་ལས་འབྲས་བུ་དག་མ་ཐོབ་པར་དེའི་སྲོག་ནི་ག་ཡང་སར་གཏོང་ངོ་།། གལ་ཏེ་རང་བཞིན་གྱིས་ཐབས་གཞན་དང་ལྡན་པ་འམ། དགེ་བའི་ལས་བྱེད་པ་ཁ་ཅིག་ནི་དེ་འདོད་ཆགས་ཀྱི་རོ་ཆེས་ཆུང་བས་བྱིས་པའི་བློའི་ཉེས་དམིགས་ཆེས་མང་བ་བཅིངས་པར་མཐོང་བ་དེ་བཞིན་དུ། དགེ་སློང་དེས་ནགས་ཚལ་གྱི་ཁྲོད་ལྟ་བུར་འགྲོ་བ་ལྔའི་རིམ་པ་མཐོང་ངོ་། ། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་དྲུག་པ། ངམ་གྲོག་ཆེན་པོ་ཞེས་བྱ་བ་ནི། ཉེས་པ་ཐམས་ཅད་ངམ་གྲོག་ལྟ་བུ་ཡིན་ནོ། ། ཤིང་འབྲ་གོ་ཞེས་བྱ་བ་ནི་འདོད་པའི་ཤིང་ཞེས་བྱ་བ་དེའི་ཚིག་བླ་དགས་སོ།། སྐྱོན་བརྒྱ་ཕྲག་དུ་མ་ཞེས་བྱ་བ་ནི་ཉོན་མོངས་པ་བརྒྱ་ཕྲག་སྟོང་དུ་མ་སྟེ། དེ་དག་ཚོལ་བ་སྡུག་བསྔལ་ཞེས་བྱ་བའི་ཚིག་བླ་དགས་སོ། ། ཤིང་ལ་ཡོད་པའི་འབྲས་བུ་ཞེས་བྱ་བ་ནི། སྒྲ་དང་། རེག་པ་དང་། རོ་དང་། གཟུགས་དང་། དྲི་སྡུག་པ་འདོད་པ་དེ་དག་ལ་རྣམ་པར་ཆགས་པའི་བློ་ཞེས་བྱ་བ་དེའི་ཚིག་བླ་དགས་སོ། ། བླང་བར་དཀའ་ཞེས་བྱ་བ་ནི། འདོད་པའི་འབྲས་བུ་བླང་བར་དཀའ་བ་ཡིན་ཏེ། དཔེར་ན་རྒྱ་མཚོར་འཇུག་པ་དང་། མཚོན་གྱིས་འཁྲུག་པ་དང་རྒྱལ་པོ་ལ་བསྟེན་པ་དང་། ཆོམ་རྐུན་དང་། ཚོང་པ་ལ་སོགས་པའི་ཉོན་མོངས་པས་ཐོབ་པ་བཞིན་ནོ།། འདོད་པའི་འབྲས་བུ་ལྟ་བུ་ཉེས་པ་མང་པོ་ཞེས་བྱ་བ་ནི། འདོད་ཆགས་ཞེ་སྡང་གཏི་མུག་ཅེས་བྱ་བ་དེའི་ཚིག་བླ་དགས་སོ། ། ངམ་གྲོག་དང་། གཡང་ས་ཞེས་བྱ་བ་ནི། སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཀྱི་གཡང་ས་ཞེས་བྱ་བ་དེའི་ཚིག་བླ་དགས་སོ།། སྲོག་ལ་ཐེ་ཚོམ་ཟ་བར་འགྱུར་ཞེས་བྱ་བ་ནི། ཆོས་ཀྱི་སྲོག་ཅེས་བྱ་བ་དེའི་ཚིག་བླ་དགས་སོ།། ཤིང་ཁོང་སྟོང་གི་ཉེས་པ་ཞེས་བྱ་བ་ནི་སྟོང་པ་དང་། གསོག་དང་། གསོ་བ་དང་། སྙིང་པོ་མེད་པ་ཞེས་བྱ་བ་དེའི་ཚིག་བླ་དགས་སོ། ། རྨོངས་པའི་མི་འགྲོའོ་ཞེས་བྱ་བ་ནི། བྱིས་པ་ལོག་པར་ལྟ་བ་ཞེས་བྱ་བ་དེའི་ཚིག་བླ་དགས་ཡིན་ཏེ། དེ་ལྟ་བས་ན་སྐྱོན་མང་པོ་དུ་མ་འབྲས་བུ་མེད་པའི་འདོད་པ་མནོག་ཆུང་བ་མཐོང་ནས་དགེ་སློང་དེ་འདོད་པ་ཐམས་ཅད་ལ་ཀུན་ཏུ་རྟོག་པར་མི་བྱེད་དོ། ། ཡང་དགེ་སློང་དེ་འདོད་པ་མེ་འབར་བ་ལྟ་བུར་མཐོང་སྟེ། ཇི་ལྟར་མེ་མཐོང་ན་དགའ་ལ། རག་ནཱ་མཆོག་ཏུ་ཚ་བ་ལ། ཕྱེ་མ་ལེབ་རྨོངས་པ་མར་མེ་ཁ་དོག་སྡུག་པ་མཐོང་ནས། མར་མེ་དེའི་ནང་དུ་སོང་བ་དང་། དེ་འཆི་བར་འགྱུར་པ་དེ་བཞིན་དུ། འདོད་ཆགས་ཞེ་སྡང་གཏི་མུག་གིས་བསྒྲིབས་པའི་བྱིས་པ་སོ་སོའི་སྐྱེ་བོ་ཕྱེ་མ་ལེབ་ལྟ་བུ་དག་ནི། འདོད་པ་ཐམས་ཅད་ལ་ཀུན་ཏུ་དགའ་བར་ལྟའོ།། མར་མེ་ལྟ་བུ་ཞེས་བྱ་བ་ནི། གལ་ཏེ་མར་མེ་དེར་ལུས་སོང་བའི་ཕྱེ་མ་ལེབ་བཞིན་དུ་སེམས་ཅན་དམྱལ་བ་དང་། དུད་འགྲོ་དང་། ཡི་དག་ས་རྣམས་སུ་སྲེག་པར་འགྱུར་ཏེ། དེ་ལྟ་བས་ན་འདོད་པ་དག་གིས་ཆོག་གོ་སྙམ་ནས། དགེ་སློང་དེ་འདོད་པ་དག་ལས་འདོད་ཆགས་དང་བྲལ་བར་འགྱུར་རོ།། དེ་ནས་གཞན་ཡང་དགེ་སློང་དེ་སེམས་ཅན་དག་འཆིང་བ་གང་གིས་བཅིངས་ཤིང་འཁོར་བར་ཀུན་ཏུ་འཁོར་སྙམ་ནས། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། འཇིག་རྟེན་འདི་ནི་བཅིང་བ་གཉིས་ཀྱིས་བཅིངས་ཏེ། ཟས་ཀྱི་འཆིང་བ་དང་། རེག་པའི་འཆིང་བའོ།། དེ་ལ་ཟས་ཀྱི་འཆིང་བ་ནི། རྣམ་པ་བཞི་སྟེ། ཁམ་ཀྱི་ཟས་གང་ཞེ་ན། འདི་ལྟ་སྟེ། མིའི་གནས་བཞི་དང་། འདོད་པ་ན་སྤྱོད་པའི་ལྷའི་རིས་དྲུག་དང་། སེམས་ཅན་དམྱལ་བ་ཆེན་པོ་བརྒྱད་དང་། དུད་འགྲོ་དང་། ཡི་དགས་ཀྱི་ཕྱོགས་གཅིག་གོ། ཡིད་ལ་བྱེད་པའི་ཟས་ཡོད་པ་དེ་དག་མཐོང་སྟེ། འདི་ལྟ་སྟེ། གཟུགས་ན་སྤྱོད་པའི་ལྷའི་བསམ་གཏན་གྱི་ཟས་སོ།། རེག་པའི་ཟས་ནི་བྱ་དང་། མིག་གིས་ལྟ་བ་དག་གིའོ།། དེའི་རྣམ་པ་གཞན་ནི་འདོད་པའི་ཁམས་ཀྱི་བྱིས་པ་སོ་སོའི་སྐྱེ་བོ་མི་དང་། ཡི་དགས་དང་། དུད་འགྲོ་སེམས་ཅན་དམྱལ་བ་འདི་དག་ཐམས་ཅད་ནི་འཁྲིག་པའི་རེག་པ་ལ་རབ་ཏུ་ཆགས་པ་ཡིན་ཏེ། གང་འདོད་པ་ལ་བསྟེན་པ་དེ་ནི་འདོད་པའི་ཁམས་སུ་འབྱུང་ངོ་། ། མཉམ་པར་དམིགས་པའི་ཟས་ནི་གཟུགས་མེད་པའི་སྙོམས་པར་འཇུག་པ་ཡིན་ཏེ། དེ་ལྟ་བས་ན་འཇིག་རྟེན་འདི་ནི་གཉིས་ཀྱིས་བཅིངས་ཏེ། ཀུན་ཏུ་སྦྱོར་བ་དང་། བག་ལ་ཉལ་ཐམས་ཅད་ཀྱི་འཆིང་བ་དག་ལས་དེ་འདོད་ཆགས་དང་བྲལ་བ་མ་ཡིན་ནོ།། དེ་མིག་གིས་རྣམ་པར་རིག་པར་བྱ་བའི་གཟུགས་རྣམས་ལ། རྣམ་པ་གཞན་གྱིས་མིག་གིས་ཡང་དག་པ་ཇི་ལྟ་བ་བཞིན་མཐོང་སྟེ། མིག་གི་འདུས་ཏེ་རེག་པ་ལས་བྱུང་བ་གང་ཡིན་པ་དེ་ལས་བདེ་བར་འགྱུར་བ་དང་། དམིགས་པ་བདེ་བ་ལས་རྣམ་པར་སྨིན་པ་མི་བདེ་བའི་ལས་འབྱུང་བ་དེ་ཡང་ཡང་དག་པ་ཇི་ལྟ་བ་བཞིན་དུ་མཐོང་ངོ་། ། དེ་བཞིན་དུ་མིག་གིས་རྣམ་པར་རིག་པར་བྱ་བ་ཡིད་ལ་མི་བདེ་བར་འགྱུར་བའི་གནས་གང་ཡིན་པ་དེ། མིག་གི་འདུས་ཏེ་རེག་པ་ལས་བྱུང་བའི་སྡུག་བསྔལ་རྣམ་པར་སྨིན་པ་བདེ་བ་ལས་བྱུང་བ་དེ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། ། མིག་གིས་རྣམ་པར་རིག་པར་བྱ་བ་དེ་དག་གང་ཡིན་ཞེ་ན། གཟུགས་ལ་དམིགས་པ་བདེ་བ་ནི། རྣམ་པར་སྨིན་པ་མི་བདེ་བ་ཡིན་ཏེ། འདི་ལ་ནང་གི་ཆོས་ལ་ཆོས་ཀྱི་རྗེས་སུ་ལྟ་བའི་མིག་གིས་ཚུལ་བཞིན་མ་ཡིན་པ་ཡིད་ལ་བྱེད་པ་ལ་དམིགས་པའི་གཟུགས་མཐོང་སྟེ། ད་ལྟར་བྱུང་བའི་རྣམ་པར་དམིགས་པ་བདེ་བ་ལ་བདེའོ་ཞེས་རབ་ཏུ་ཤེས་ཤིང་། རྟོག་པར་བྱེད་ལ་རོ་མྱང་བར་བྱེད་དོ།། ཡོངས་སུ་འགྱུར་བས་རྣམ་པར་སྨིན་པ་སྡུག་བསྔལ་བ་ནི། སེམས་ཅན་དམྱལ་བ་དང་ཡི་དགས་དང་། དུད་འགྲོར་ཡང་དག་པར་འགྲུབ་པར་འགྱུར་རོ།། གང་དག་ད་ལྟར་བྱུང་བ་ལ་རྣམ་པར་སྨིན་པ་བདེ་བ་མ་ཡིན་ལ། ཡོངས་སུ་འགྱུར་བས་རྣམ་པར་སྨིན་པ་བདེ་བའི་ལས་དེ་གང་ཡིན་ཞེ་ན། འདི་ལ་མིག་གིས་རྣམ་པར་རིག་པར་བྱ་བའི་གཟུགས་རྣམས་མཐོང་ནས། མིག་གི་འདུས་ཏེ་རེག་པ་ལས་བྱུང་བའི་ཚུལ་བཞིན་ཡིད་ལ་བྱེད་པ་ལ་མངོན་དུ་ཕྱོགས་པའི་སེམས་དེ་ལ་ཆགས་པ་མེད་ཅིང་ཡིད་འཇུག་པ་མེད་པ་དེ་ནི་ད་ལྟར་བྱུང་བ་ལ་རྣམ་པར་སྨིན་པ་སྡུག་བསྔལ་བ་ཡིན་ལ། ཡོངས་སུ་འགྱུར་བས་ལྷ་དང་མིའི་བདེ་བ་སྐྱེ་ཞིང་མྱ་ངན་ལས་འདས་པའི་མཐར་ཕྱིན་པར་འགྱུར་རོ།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པའི་ཆོས་རྣམས་ལ་ཡང་སྦྱར་རོ།། དེ་ནས་གཞན་ཡང་ཇི་ལྟར་ན་དགེ་སློང་དེ་མིག་གིས་རེག་པར་བྱ་བའི་གཟུགས་རྣམས་ལ་བཏང་སྙོམས་སུ་གནས་ཤེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པའི་དགེ་སློང་གི་མིག་གིས་འདི་ལ་གཟུགས་མཐོང་ནས། མ་ཆགས་ཤིང་རྣམ་པར་མ་ཆགས་ལ། རྙོག་མ་ཅན་དུ་མ་ཡིན། སྨོན་པ་མེད་ཅིང་དགའ་བར་མི་བྱེད་ལ། ཡིད་ལ་མི་བྱེད། ཚུལ་བཞིན་མ་ཡིན་པ་ཡིད་ལ་བྱེད་པས་བསྒྲིབས་པ་མ་ཡིན་ཞིང་། བཏང་སྙོམས་པ་ཡིན་ཏེ། དེ་ནི་བཏང་སྙོམས་སུ་འགྱུར་བའི་གནས་ལ། སྡུག་བསྔལ་དང་བདེ་བར་འགྱུར་བའི་གནས་མི་དམིགས་སོ།། ཡང་དགེ་སློང་དེ་ས་དྲུག་པའི་རབ་ཏུ་དབྱེ་བའི་ངོ་བོ་ས་གཞན་བཅུ་པ་ལ་འཇུག། སྟེ། འདི་ལྟ་སྟེ། མི་ཁྱོགས་པ་མེད་པ་དང་། བསམ་གཏན་དང་པོའི་ས་ཁྱད་པར་ཅན་དང་། བསམ་གཏན་བཞི་སྟེ། ས་དྲུག་པའི་རབ་ཏུ་དབྱེ་བ་ལ་འཇུག་གོ།། དེ་སྐྱེས་ནས་འཇུག་པར་འགྱུར་བའི་ལམ་འཕགས་པའི་ལམ་ཡན་ལག་བརྒྱད་པའི་སྒོ་རྟོགས་ཤིང་། ཁོང་དུ་ཆུད་པའི་ཆོས་སྐྱེ་བ་དང་། འཇིག་པ་མཐོང་ཞིང་ཡང་དག་པར་མཐོང་ནས། རབ་ཏུ་འབད་དོ།། དེ་དེ་ལྟར་རབ་ཏུ་འབད་པ་ན། ས་བླའི་གནོད་སྦྱིན་དག་གིས་བདུད་ཀྱི་འཆིང་བ་ཕལ་ཆེར་སྤ་གོང་བར་མཐོང་ནས་དགའ་སྟེ། བར་སྣང་ལ་སྤྱོད་པའི་གནོད་སྦྱིན་དག་ལ་མངོན་པར་བསྙད་དོ།། དེ་དག་གིས་ཀྱང་རྒྱལ་པོ་ཆེན་པོ་བཞི་ལ་མངོན་པར་བསྙད་དོ། ། དེ་དག་གིས་ཀྱང་རྒྱལ་ཆེན་བཞིའི་ལྷ་རྣམས་ལ་མངོན་པར་བསྙད་དོ།། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱིས་ཀྱང་སུམ་ཅུ་རྩ་གསུམ་པ་རྣམས་ལའོ།། སུམ་ཅུ་རྩ་གསུམ་གྱི་ལྷ་རྣམས་ཀྱིས་ཀྱང་འཐབ་བྲལ་བ་རྣམས་ལའོ། ། འཐབ་བྲལ་བ་རྣམས་ཀྱིས་ཀྱང་དགའ་ལྡན་པ་རྣམས་ལའོ།། དགའ་ལྡན་པ་རྣམས་ཀྱིས་ཀྱང་འཕྲུལ་དགའ་བ་རྣམས་ལའོ།། འཕྲུལ་དགའ་བ་རྣམས་ཀྱིས་ཀྱང་གཞན་འཕྲུལ་དབང་བྱེད་པ་རྣམས་ལའོ། ། གཞན་འཕྲུལ་དབང་བྱེད་པ་རྣམས་ཀྱིས་ཀྱང་ཚངས་རིས་པ་རྣམས་ལ་མངོན་པར་བསྙད་དེ། དེ་ལྟར་འཛམ་བུ་གླིང་དུ་རིགས་ཀྱི་བུ་ཆེ་གེ་མོ་ཞིག་ཅེས་བྱ་བ་རྒྱ་ཆེར་སྔ་མ་བཞིན་དུ་སྦྱར་བ་ནས། ས་གཞན་བརྒྱད་པ་ལ་འཇུག་པ་དག་ས་དྲུག་པའི་ནང་དུ་ལྷག་པར་ཞུགས་པ་དེ་ཚངས་རིས་ཀྱི་ལྷ་དག་གིས་ཐོས་ནས་མཆོག་ཏུ་དགའ་བ། བསམ་གཏན་ལ་བདེ་བར་གནས་པ་བཏང་སྟེ། ཀུན་ཏུ་དགའ་བར་གྱུར་པའི་བར་དེ་ཐོས་ནས་ཤིན་ཏུ་དགའ་བར་འགྱུར་རོ།། འདིར་ཚིགས་སུ་བཅད་པ། དགེ་དང་མི་དགེ་དག་གི་ལས།། བདག་གིས་བྱས་པའི་ལས་ཀུན་གྱི།། འབྲས་བུ་ངེས་པར་སྤྱོད་འགྱུར་ཏེ།། ལུས་ཅན་དག་དང་འབྲེལ་བ་ཡིན།། ཉོན་མོངས་ས་ནི་དང་པོར་དང་ར།། རྣམ་པར་སྨིན་པ་ཚ་བ་ཡིན།། དེ་དག་དོན་མེད་བྱས་པས་ན།། དུག་དང་འདྲ་བར་སྤང་བར་བྱ།། ཉོན་མོངས་དབང་དུ་མི་འགྲོ་ཞིང་།། ཡེ་ཤེས་དབང་དུ་འགྲོ་བྱ་སྟེ།། ཡེ་ཤེས་ལྡན་པ་ཚེ་འདི་དང་།། ཕ་རོལ་དག་ཏུ་བདེ་བ་ཐོབ།། ཇི་ལྟར་རྩཝ་ལ་མེས་བསྲེགས་བཞིན།། ཤེས་པས་རྟག་ཏུ་ཉོན་མོངས་གནོམ།། ཚངས་པ་དཀོན་མཆོག་གསུམ་སྟོན་པ།། ཡེ་ཤེས་མེ་ལྕེ་མཆོག་ཡིན་ནོ།། གང་དག་ཡེ་ཤེས་སྤྱོད་ཡུལ་དགའ།། དེ་དག་ཞི་བའི་ལམ་ལ་གནས།། གང་དག་ཉོན་མོངས་སྤྲུལ་བསྲེགས་པ།། དེ་དག་ཐམས་ཅད་ཞིགས་པར་འགྱུར། ། དཔའ་བོ་གང་དག་ཕན་ཚུན་ཤེས།། མཁས་པ་དེ་ཉིད་མཐོང་བ་ནི།། དེ་དག་གནས་ནི་དམ་པར་འགྲོ།། སྐྱེ་དང་འཆི་བ་སྤངས་པ་ཡིན།། གང་དག་འཁོར་ལ་མངོན་དགའ་ཞིང་།། མགུ་བ་ཉོན་མོངས་སྒྲ་དག་གིས། ། རྟག་ཏུ་བཅིངས་པས་བཅིངས་པ་སྟེ།། དེ་དག་སྲིད་པ་ཉམ་ངར་འཁྱམ།། གང་དག་ངེས་འབྱུང་བློ་ཡོད་ཅིང་།། གང་དག་རྟག་ཏུ་ཞི་སྤྱོད་པ།། དེ་ནི་ལྷ་ཡི་རིགས་དག་གི། ཚངས་པའི་འཇིག་རྟེན་འབྱུང་བར་འགྱུར། ། འདོད་ལ་སོགས་ལ་གང་སྡང་བ།། སངས་རྒྱས་ལ་སོགས་རྟག་ཏུ་མཆོད།། ཤིང་སྐམ་མེ་ཡིས་བསྲེགས་པ་ལྟར།། དེ་ནི་འཁོར་བ་འཇིག་པར་བྱེད།། གང་དག་སེམས་ཀྱི་དབང་མི་འགྲོ། ། རྟག་ཏུ་དེའི་རྗེས་སེམས་འགྲོ་བ།། མུན་ལ་ཉི་མ་ཤར་བ་ལྟར།། དེ་ནི་ཉོན་མོངས་ངེས་པར་འཇོམས།། སེམས་ནི་དགྲ་ནང་དགྲ་ཆེན་ཏེ།། དེ་ལས་གཞན་པའི་དགྲ་མེད་དོ།། རི་ནི་དུས་སུ་སྲེག་པ་ལྟར།། སེམས་ཅན་རྟག་ཏུ་སེམས་ཀྱིས་བསྲེགས།། བྱིས་པ་བླུན་པོ་སེམས་དབང་སོང་།། དབང་པོ་མ་ཐུལ་གང་ཡིན་པ།། དེ་ཡི་སྡུག་བསྔལ་ཞི་མེད་ཅིང་།། དེ་ཡི་མྱ་ངན་འདས་པ་རིང་། ། སྡུག་བསྔལ་སྡུག་བསྔལ་རྣམ་སྨིན་དང་།། སྡུག་བསྔལ་རྒྱུ་ནི་རྣམ་ཤེས་པ།། ཀུན་ནས་ཉོན་མོངས་འདུས་པ་ཡི།། འཆིང་བ་ཐམས་ཅད་འཇིག་པར་བྱེད།། སྣང་བའི་ནང་ན་ཤེས་པ་མཆོག། མུན་པའི་ནང་ན་གཏི་མུག་སྟེ།། དེ་ལྟར་གང་ཞིག་སྣང་ལ་དཀའ།། དེ་ནི་མཁས་པ་ཞེས་བྱའོ།། དོན་རྣམས་མཆོག་ཀུན་མེད་བྱེད་པ།། དཔའ་བོས་གཏི་མུག་རྣམ་པར་སྤོངས།། གང་ཞིག་གཏི་མུག་དབང་སོང་བ། ། དེ་ལ་ཞི་བ་མེད་པ་ཡིན།། གལ་ཏེ་ཆེ་བར་བདག་འདོད་ན།། མེ་ཡིས་རེག་པར་གྱུར་ཀྱང་རུང་།། སྦྲུལ་དང་ལྷན་ཅིག་གནས་ཀྱང་བླའི།། ཉོན་མོངས་ལྷན་ཅིག་སྦྱོར་མི་བྱ།། བདུད་རྩིའི་མང་ན་ཤེས་པ་མཆོག། ཆེ་བའི་ནང་ན་གཏེར་མཆོག་ཡིན།། གཉེན་གྱི་ནང་ན་གཉེན་མཆོག་སྟེ།། ནོར་གྱི་ནང་ན་ནོར་མཆོག་གོ།། དེ་ལྟ་བས་ན་ཡེ་ཤེས་མེས།། རྟག་ཏུ་ཉོན་མོང་རི་བསྲེག་གོ། ། ཉོན་མོངས་རི་དག་སྲེག་པ་ནི།། བདེ་བའི་གཞི་ལ་གནས་པ་ཡིན།། མི་གང་བློ་ནི་ཞན་པ་དག། ཆོས་མ་ཡིན་པར་ཉོན་མོངས་གཟེབ།། འཁོར་བ་དག་ལས་མ་རྒལ་བ།། མུན་པ་མུན་ནག་ནང་དུ་འཇུག། གང་དག་ཆོས་ལ་བློ་བརྟག་པ།། དེ་དག་དམ་པ་རྟག་ཏུ་མཆོད།། དེ་དག་ཚེ་རབས་འབྲས་བུར་ལྡན།། དེ་དག་བློ་ཡིས་གཙེ་བ་མེད།། དེ་ལྟར་དགེ་སློང་དེ་ཆོས་དང་ཆོས་མ་ཡིན། པ་དེ་དག་གི་རྣམ་པ་ཡང་དག་པ་ཤེས་པར་གྱུར་ནས་གནས་ཏེ། དེ་ལྟར་དེ་ཤིན་ཏུ་དྲི་མ་མེད་པའི་སེམས་ཀྱིས་ཚེ་འབུམ་ཕྲག་དུ་མའི་འཁོར་བའི་རིའི་རྩེ་མོ་འཇིག་པར་བྱེད་ཅིང་། སྤོང་བར་བྱེད་ལ། འཇོམས་པར་བྱེད་དེ། ཡང་འབྱུང་བར་མི་བྱེད། དེའི་ཉོན་མོངས་པའི་དགྲ་འཇོམས་པར་བྱེད་ཅིང་། དེའི་མྱ་ངན་ལས་འདས་པའི་མཐར་བྱེད་དོ།། དེ་ནས་གཞན་ཡང་དགེ་སློང་དེ་ལས་ཀྱི་ཆོས་ཀྱི་རྣམ་པར་སྨིན་པ་གཞན་རྗེས་སུ་སེམས་པར་བྱེད་དེ། ཇི་ལྟར་ན་ཉེས་པར་བྱས་པའི་སེམས་ཀྱི་རྒྱུའི་རྒྱུན་རྣམ་པ་དུ་མ་ཆུ་བོའི་རྒྱུན་ལྟར་འབབ་པའི་སེམས་ཅན་རྣམས་ཀྱིས་ཉེས་པར་བྱས་པའི་ལས་ཀྱི་འབྲས་བུའི་ས་མངོན་དུ་གྱུར་པ། སེམས་ཅན་དམྱལ་བའི་ཚོར་བ་མི་བཟད་པ་ཚ་བ་རྩུབ་པ་དག་མྱོང་བར་འགྱུར་སྙམ་ནས། ནང་གི་ཆོས་ལ་ཆོས་ཀྱི་རྗེས་སུ་ལྟ་བ་དེ་ལེགས་པར་བྱས་པ་དང་། ཉེས་པར་བྱས་པའི་དེ་ཁོ་ན་ཉིད་སྤྱོད་པའི་བློས་རྟོག་པར་བྱེད་དེ། ཀྱེ་མ་སྲོག་ཆགས་འདི་དག་ནི་སེམས་ཀྱིས་བསླུས་ཤིང་སྲེད་པས་བསླུས་ནས། ཡང་སོས་དང་། ཐིག་ནག་དང་། བསྡུས་གནོམ་དང་། ངུ་འབོད་དང་། ངུ་འབོད་ཆེན་པོ་དང་། ཚ་བ་དང་། རབ་ཏུ་ཚ་བ་དང་། མནར་མེད་པའི་གནོད་པའི་འཁོར་གྱི་ཉེ་འཁོར་གྱི་སེམས་ཅན་དམྱལ་བར་ཇི་ལྟར་སྐྱེ་བར་འགྱུར། འདི་ལྟར་ལས་མངོན་སུམ་དུ་གྱུར་པ། སེམས་ཅན་དམྱལ་བའི་འཁོར་ནི་གང་ཞིག། སེམས་ཅན་དམྱལ་བ་ལས་གང་གིས་སྲོག་ཆགས་རྣམས་སེམས་ཅན་དམྱལ་བའི་འཁོར་དུ་འགྲོ་སྙམ་ནས། དགེ་སློང་དེས་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། སེམས་ཅན་དམྱལ་བ་ཆེན་པོ་ཡང་སོས་ན་ཡོད་པའི་འཁོར་གྱི་མིང་ནི་འདི་ལྟ་སྟེ། མི་གཙང་བའི་འདམ་དང་། ལྕགས་ཀྱིས་བསྒྱུར་བ་དང་། སྣོད་དུ་བཙོ་བ་དང་། གནོད་པ་རྣམ་པར་མ་ཞི་བ་དང་། མུན་པ་དང་། ཀུན་ཏུ་མི་དགའ་བ་དང་། ཚོར་བ་བདོ་བ་དང་། ནད་ཐམས་ཅད་པ་དང་། མཚོན་འབབ་པ་དང་། གནོད་པ་དྲག་པ་དང་། ནེའུ་ལེ་ནག་པོ་ལྔ་བུ་དང་གཞན་དུ་འགྱུར་བ་དང་། སྡུག་བསྔལ་གྱིས་གནོད་པ་དང་། པདྨའི་འཕྲེང་བ་དང་། མཚེའུ་དང་། གནོད་པ་མཐོ་བ་སྟེ། ཡང་སོས་ཀྱི་འཁོར་བཅུ་དྲུག་ཡིན་ནོ།། དེ་ལ་ལས་ཀྱིས་སེམས་ཅན་དམྱལ་བ་ཡང་སོས་ཀྱི་འཁོར་དུ་སྐྱེ་བར་འགྱུར་སྙམ་ནས། དགེ་སློང་དེས་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། སྲོག་གཅོད་པ་ཀུན་དུ་བསྟེན་ཅིང་བསྒོམས་ཏེ་མང་དུ་བྱས་པའི་ལས་དང་། ལས་ཀྱི་ཉེར་བསྡོགས་དང་། ལས་ཀྱི་མཇུག་དང་ལྡན་པས། སེམས་ཅན་དམྱལ་བ་ཡང་སོས་སུ་སྐྱེ་བར་འགྱུར་ཏེ། འདི་ལྟར་སྲོག་གཅོད་པ་ཆེན་པོ་དང་འབྲིང་དང་། ཐ་མས་གནོད་པ་ཆེན་པོ་དང་། འབྲིང་དང་། ཕ་མར་འགྱུར་རོ།། དེ་ལ་སེམས་ཅན་དམྱལ་བ་ཆེན་པོ་ནི། མི་ཚུལ་ཁྲིམས་དང་ལྡན་པ་འམ། སྡོམ་པ་བླངས་པ་འམ། ཚུལ་ཁྲིམས་ཀྱི་ཕྱོགས་སྤྱོད་པའི་སེམས་ཅན་གཞན་སེམས་ཅན་དུ་ཡང་ཤེས་ལ། བསམས་བཞིན་དུ་སྲོག་གཅོད་དེ། ལས་ཀྱི་མཇུག་ཀྱང་སོགས་ཤིང་འཆགས་པར་མི་བྱེད་ལ། སེམས་ལ་འགྱོད་པར་མི་བྱེད། གཞན་དག་ལ་ཡང་རུང་བ་བརྗོད་ཅིང་ཕྱིར་ཞིང་བྱེད། གཞན་དག་ཀྱང་སྲོག་གཅོད་པ་དེ་ལ་སྤྱོད་དུ་འཇུག་ཅིང་རབ་ཏུ་སྤྲོ་བར་བྱེད། དགའ་བར་བྱེད་ཅིང་རབ་ཏུ་གནས་པར་བྱེད་ལ་སློབ་པར་བྱེད་གཞན་དག་གིས་བྱས་པ་ལ་རྗེས་སུ་ཡི་རང་བར་བྱེད་པའི་མི་གཏི་མུག་ཅན་ཡང་དང་ཡང་དུ་བྱེད་པའོ། ། དེ་སེམས་ཅན་དམྱལ་བའི་གནས་དེར་སྐྱེ་བར་འགྱུར་ཏེ། མི་རྣམས་ཀྱི་ལོ་ལྔ་བཅུ་གང་ཡིན་པ་དེ་ནི་རྒྱལ་ཆེན་བཞིའི་ཉིན་ཞག་གཅིག་གོ། ། བགྲང་བའི་ཚུལ་དེ་ལྟ་བུའི་ཉིན་ཞག་སུམ་ཅུ་ལ་ཟླ་བ་གཅིག་གོ།། ཟླ་བ་བཅུ་གཉིས་ལ་ལོ་གཅིག་སྟེ། རྒྱལ་ཆེན་བཞི་པ་དག་ནི་ལོ་ལྔ་བརྒྱར་འཚོལ། དེ་ནི་སེམས་ཅན་དམྱལ་བ་ཆེན་པོ་ཡང་སོས་ཀྱི་ཉིན་ཞག་གཅིག་ཡིན་ནོ། ། སྡིག་པ་ཟ་མ་དང་། འབྲིང་དང་། ཆེན་པོས་ཚེ་ཐུང་ངུ་དང་། འབྲིང་དང་། རིང་པོར་འགྱུར་ཏེ། དུས་མ་ཡིན་པར་འཆི་བ་ནི་ཡོད་དོ།། གལ་ཏེ་སྡིག་པའི་ས་བོན་མི་བཟད་པ་བྱས་ན། དེའི་འཁོར་གཅིག་གམ། གཉིས་སམ། གསུམ་མམ། བཞི་འམ། ལྔ་འམ། དྲུག་ནས། དེ་བཞིན་དུ་འཁོར་བཅུ་དྲུག་གི་བར་དག་ཏུ་སྨིན་པར་འགྱུར་པ་ནས། སྡིག་པའི་ལས་བཅོམ་ཞིང་བསལ་ལ། ཟད་པར་མ་བྱས་ཀྱི་བར་དུ་འབྱུང་ངོ་།། སེམས་ཅན་དམྱལ་བ་གཞན་དག་གི་ལོ་ལྔ་བརྒྱ་ནི་ལྷའི་བགྲང་བའི་ཚུལ་དང་མཐུན་ཏེ། མི་ནི་མ་ཡིན་ནོ། ། དེ་ནས་གཞན་ཡང་ཇི་ལྟར་ན་དགེ་སློང་དེ་སེམས་ཅན་དམྱལ་བའི་འཁོར་དག་གི་ལས་མངོན་སུམ་དུ་གྱུར་པ་ཡིན་ཞེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། སེམས་རི་མོ་མཁན་ལྟ་བུས། རི་མོ་ལྟ་བུའི་རང་གི་ལས་ཀྱི་འབྲས་བུའི་སའི་ཆ་སེམས་ཀྱི་བསམ་པའི་གནས་ཀྱི་རྣམ་པ་གནོད་པ་བྱེ་བ་ཁྲག་ཁྲིག་འབུམ་ཕྲག་དག་གི་འཇིགས་པ་གཞན་དང་མཚུངས་པ་མེད་པའི་སེམས་ཅན་དམྱལ་བ་ཡང་སོས་ཀྱི་འཁོར་དག་རབ་ཏུ་འབྱེད་པར་བྱེད་དོ། ། ལས་གང་གིས་འཁོར་མི་གཙང་བའི་ནང་དུ་སྐྱེ་བར་འགྱུར་སྙམ་ནས། དེ་ཐོས་པ་ལས་བྱུང་བའི་ཤེས་པའམ། ལྷའི་མིག་གིས་བརྟགས་ན། མི་གཙང་བའི་འདམ་དུ་སྐྱེ་བར་འགྱུར་པ་ནི། མི་དགེ་བའི་ལས་ཀྱི་ས་བོན་དུ་གྱུར་པ་སྲོག་གཅོད་པ་ཡིན་ཏེ། གལ་ཏེ།། འདོད་ཆགས་ཀྱིས་བྱེད་ན། བྱ་ཡིས་བྱ་ལ་འམ། མིག་དུད་ཀ་ལྟ་བུས་མིག་དུད་ཀ་ལྟ་བུ་ལའམ། དུད་ཀ་ལྟ་བུས་དུད་ཀ་ལྟ་བུ་ལ་འམ། རྒྱའམ། གདོས་ཀྱིས་རི་དགས་དང་། དགས་དག་གསོད་པར་བྱེད་ལ། འཆགས་པར་མི་བྱེད་ཅིང་། ལས་ཀྱི་ཉེར་བསྡོགས་དང་། ལས་ཀྱི་མཇུག་སོགས་པ་སྔ་མ་བཞིན་དུ་སྦྱར་ཏེ། དེ་དེར་སྐྱེ་བར་འགྱུར་རོ།། དེའི་གནོད་པའི་ཕྱོགས་གཅིག་ཏུ་འགྱུར་བ་ནི་འདི་ལྟ་སྟེ། མི་གཙང་བའི་འདམ་གྱི་འཁོར་དུ་མི་གཙང་བ་རབ་ཏུ་འབར་བ། རོ་ཚ་བཟངས་བཞུས་པ་ལྟ་བུ་དང་ལྡན་ཞིང་། སྲིན་པོ་མཆུ་རྡོ་རྗེ་ལྟ་བུ་དང་ལྡན་པ་དག་གིས་ཀུན་ཏུ་གང་སྟེ། དེ་གལ་ཏེ་མི་གཙང་བ་དེ་དག་ཟ་ན། དེའི་སྲིན་བུ་དེ་དག་གིས་ལུས་དེའི་ནང་དུ་སོང་སྟེ། སྔར་མཆུ་ཟའོ།། ཕྱིས་ལྕེ་ཟ་སྟེ། དེའི་འོག་ཏུ་དཀན་ཟ། དཀན་གྱི་འོག་ཏུ་གྲོལ་གོང་། སྲོལ་གོང་གི་འོག་ཏུ་སྙིང་། སྙིང་གི་འོག་ཏུ་མཆིན་པ། མཆིན་པའི་འོག་ཏུ་མཆེར་པ། མཆེར་བའི་འོག་བཱ་ར་ཤྭ། བཱ་ར་ཤྨའི་འོག་ཏུ་བག་ཀྲ་ལི་ཀ། བཱག་ཀཱ་ལི་ཀའི་འོག་ཏུ་གནམ་གཉེ་མའི་འོག་ཏུ་རྒྱུ་མ། རྒྱུ་མའི་འོག་ཏུ་ལོང་ཀའི་ནང་དུ་སོང་ནས་གནད་ཐམས་ཅད་དང་། སོ་སོའི་གནད་རྒྱུས་པ་དང་། ཤ་དང་། གློ་བ་དག་སྟེ། མི་གཙང་བའི་ལུས་ལས་སྲིན་བུ་འབྱུང་བ་དེ་དག་གི་ཟའོ། ། དེ་སེམས་ཅན་དམྱལ་བའི་ཚོར་མ་ཚ་བ། རྩུབ་པ། མི་བཟད་པ། མིའི་བཟང་བའི་ཚུལ་གྱིས་ལོ་དུ་མ་ལོ་འབུམ་ཕྲག་དུ་མར་ཚོར་བ་མྱོང་བར་འགྱུར་ཏེ། ཇི་ཙམ་དུ་སྡིག་པ་བྱའི། སྲོག་གཅོད་པ་ནི་བྱ་གསོད། སྲོག་ཆགས་དུད་ཀ་ལྟ་བུས་ནི་དུང་ཀ་ལྟ་བུ་གསོད། རྒྱ་དང་གདོས་ཀྱིས་རི་དགས་གསོད་པ་རྔོན་པ་སྤྱོད་པའི་ངང་ཚུལ་ཅན་ནི། དེ་དག་གིས་གསོད་ཅིང་དེ་དག་གིས་དབང་དུ་བྱས་ནས་ཟ་སྟེ། དེའི་འབྲས་བུ་ལས་ཀྱི་རྣམ་པར་སྨིན་པས་ཇི་ལྟར་དེ་དག་གིས་དེ་ཟོས་པ་དེ་ལྟར་སྲིན་བུ་དེ་དག་གིས་དེའི་ནང་དུ་སོང་ནས་ཟའོ།། རང་གི་ལས་དགེ་བ་དང་མི་དགེ་བའི་འབྲས་བུ་འདྲ་བ་ནི་གང་གི་ཚེ་དེའི་སྡིག་པའི་ལས་བཅོམ་ཞིང་སྤངས་པར་གྱུར་ན། དེ་དེའི་ཚེ་མི་གཙང་བའི་འདམ་གྱི་འཁོར་གྱི་སེམས་ཅན་དམྱལ་བ་ལས་ཐར་པར་འགྱུར་ཞིང་། སེམས་རི་མོ་མཁན་ལྟ་བུ་དེ་ཡང་རི་མོ་བྲིས་པ་ལྟ་བུ་འཇིག་པར་འགྱུར་རོ། ། དེ་དེ་ལས་ཐར་ནས་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་སུ་མི་འགྱུར་ན། དེ་དུད་འགྲོ་བྱར་སྐྱེ་བར་འགྱུར་ཏེ། དེ་བྱ་དེར་གྱུར་ནས། དེ་བཞིན་དུ་བྱ་དེས་གསོད་དོ།། རི་དགས་སུ་གྱུར་ན་ཡང་། དེས་སྔོན་ཇི་ལྟར་རྒྱ་འམ། གདོས་དག་གིས་བྱ་འམ། རི་དགས་དག་བསད་པའི་ལས་ཀྱི་འབྲས་བུ་དེས་སེམས་ཅན་དམྱལ་བར་སྨིན་པའི་རྒྱུ་མཐུན་པའི་འབྲས་བུས་དུད་འགྲོར་སྐྱེའོ། ། གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ལྷ་འམ་མིར་སྐྱེས་ན། ལས་དེ་དང་རྒྱུ་མཐུན་པར་དེ་ཚེ་ཐུང་བར་འགྱུར་རོ།། དེ་ནས་གཞན་ཡང་དགེ་སློང་དེ་སེམས་ཅན་དམྱལ་བ་ཡང་སོས་ཀྱི་འཁོར་གཉིས་པ་ལྕགས་ཀྱིས་བསྒྱུར་བ་ཞེས་བྱ་བ་ལ་རྟོག་པར་བྱེད་དེ། སྲོག་གཅོད་པའི་ལས་གང་གིས་དེར་སྐྱེ་བར་འགྱུར། སྙམ་ནས། དེས་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། གལ་ཏེ་རྙེད་པ་དང་། བཙོང་བ་དང་། བླང་བའི་རྒྱུའི་སེམས་ཅན་དག་སྲོག་གཅོད་པར་བྱེད་དེ། མཚོན་གྱིས་གཞན་བསད་ཅིང་སྲོག་དང་བྲལ་ན། དེ་རྒྱུ་དེ་དང་། རྐྱེན་དེ་དང་། གཞི་དེ་འཆགས་པར་མི་བྱེད་ཅིང་། རབ་ཏུ་སྤྲོ་བར་བྱེད་པའི་ལས་དང་། ལས་ཀྱི་ཉེར་བསྡོགས་བྱས་པ་ནི་སྔ་མ་བཞིན་དུ་སྦྱར་ཏེ། ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ལྕགས་ཀྱིས་བསྒྱུར་བར་སྐྱེ་བར་འགྱུར་རོ།། དེ་ན་ལྕགས་ཀྱི་རབ་རབ་ཏུ་བ་བ་འཕང་དུ་ཚད་བཅུ་ཡོད་པ་སེམས་ཅན་དམྱལ་བའི་མེས་རབ་ཏུ་འབར་ཏེ། དེའི་དྲུང་ན་མི་དག་གི་མེ་ནི་སྤྲིན་དང་མཚུངས་སོ།། མཚོན་རབ་ཏུ་འབར་བའི་ཤུགས་ཀྱིས་ཀྱང་དེ་དག་གི་ལུས་པ་རབ་ཏུ་འབབ་སྟེ་གང་གིས་ལུས་དེ་ཡུངས་ཀར་ཙམ་དུ་གཅོད་ཅིང་། འཇིག་སྲེག་ཅིང་གཤག་གོ།། ཐམས་ཅད་དུ་མཚོན་གྱི་ཆར་རབ་ཏུ་འབབ་སྟེ། དཔེར་ན་འཛམ་བུ་གླིང་དུ་དུས་སུ་ཆར་གྱི་རྒྱུན་འབབ་པ་ལྔར་ཕྱོགས་བཅུར་མཚོན་གྱི་ཆར་གྱིས་མངོན་པར་ཁེབས་ཏེ། གང་གིས་སེམས་ཅན་དམྱལ་བ་དེ་དག་གཤགས་ཀྱང་འཆི་བར་ནི་མི་འགྱུར་རོ།། དེའི་སྡིག་པའི་ལས་ཀྱི་འབྲས་བུ་རྣམ་པར་སྨིན་པས་ཡན། ལག་རྣམས་བཅད་ཅིང་གཏུབས་པ་དང་རབ་ཏུ་ངུའོ།། ལྕགས་ཀྱིས་བསྒྱུར་བའི་སེམས་ཅན་དམྱལ་བ་དེ་ན། རལ་གྲི་ལོ་མ་ལྟ་བུའི་ཚལ་ཡོད་དེ། སྟེང་དང་འོག་གི་སོ་རྣོ་བ། བ་ཚྭ་ལྟ་བུའི་ཚལ་དེ་རྒྱང་རིང་པོ་ནས་ཚལ་ནག་པོའི་ཕུང་པོ་ལྟ་བུ་མཐོང་ནས། དེ་དག་བཀྲེས་པ་དང་སྐོམ་པས་གདུངས་པ་ཀུན་ཏུ་རྒྱུག་ཅིང་ཆོ་ངེས་འདེབས་པ་ན། དེ་གང་དུ་ཞུགས་པར་འགྱུར་བ་དེ་དག་ཀུན་ནས་མཚོན་གྱི་ཆར་གྱིས་རྣམ་པར་གཤེགས་པར་བྱེད་དེ། དེར་ལས་ཀྱིས་རྒྱུ་ནི་ཕྱུགས་དེ་དག་ལ་ཟས་ཀྱིས་བྲིད་ནས། བསླུས་པ་དེའི་ལས་དེ་དང་འབྲས་བུ་དེ་ནི། འདི་ལྟར་སེམས་རི་མོ་མཁན་ལྟ་བུས་སེམས་ཅན་དམྱལ་བའི་རི་མོའི་གཞི་ལ། སེམས་ཅན་དམྱལ་བ་པའི་མི་དགེ་བའི་ལས་མངོན་པར་འདྲི་བ་དེ་ལྟ་དེ་ལྟར་སེམས་ཅན་དམྱལ་བར་འགྲུབ་པའི་ལས་སོ་སོར་མྱོང་བར་འགྱུར་རོ།། དེར་སེམས་ཅན་དམྱལ་བ་དེ་དག་ཇི་ཙམ་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ལོ་འབུམ་ཕྲག་དུ་མར་གཤེགས་པར་བྱེད་དེ། གང་སེམས་རི་མོ་མཁན་ལྟ་བུ་དེས་མངོན་པར་འདྲི་བ་ནི་སྔ་མ་བཞིན་ནོ།། དེ་ནས་གཞན་ཡང་དགེ་སློང་དེ་ཡང་སོས་ཀྱི་འཁོར་སྣོད་དུ་བཙོ་བ་ཞེས་བྱ་བ་དེའི་ལས་ཀྱི་འབྲས་བུ་རྣམ་པར་སྨིན་པ་ལ་རྟོག་པར་བྱེད་དེ། ལས་གང་ཞིག་གིས་དེར་སྐྱེས་པར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སེམས་ཅན་རྔ་མོ་འམ། ཕག་གམ། མ་ཏ་ལ་ཀ་འམ། རི་བོང་དུ་གྱུར་པ་འམ། མཱ་ཏོ་ལ་ཀ་འམ། དྲི་ཤྱ་བྷུ་ཏེ་གསོན་པ་དག་བཟའ་བའི་དོན་དུ་སྤུ་དབྱི་བར་བྱ་བའི་ཕྱིར་དེར་འཇུག་ཅིང་རབ་ཏུ་བསྐོར་ཏེ། འཇོག་པར་བྱེད་པ་དེ་དག་ལུས་དང་བྲལ་ཏེ་ཤི་ནས། ངན་འགྲོ་ལོག་པར་ལྷུང་བ་ས་བོན་དང་མཚུངས་པའི་འབྲས་བུ་སྣོད་དུ་བཙོ་བར་སྐྱེ་བར་འགྱུར་རོ། ། དེ་རབ་ཏུ་བཙོ་བ་ལྕགས་ཀྱི་སྣོད་ཀྱི་ནང་དུ་རབ་ཏུ་བཅུག་ནས། སྲན་མ་མུད་ག་བཞིན་དུ་འཚེད་དེ། ལོ་འབུམ་ཕྲག་དུ་མར་སེམས་ཅན་དམྱལ་བ་པའི་མེ་མི་བཟད་པས་འཚེད་དོ།། སེམས་རི་མོ་མཁན་ལྟ་བུའི་གཞི་བཅོམ་ཞིང་སྤངས་ཏེ་ཟད་པར་བྱས་ནས། དེ་དེ་ལས་ཡོངས་སུ་ཐར་བར་འགྱུར་ཏེ། སེམས་ཅན་དམྱལ་བ་མྱོང་བར་འགྱུར་བ་དང་། ལན་གྲངས་གཞན་ལ་མྱོང་བར་འགྱུར་བ་དང་། སྐྱེས་ནས་མྱོང་བར་འགྱུར་བའི་འབྲས་བུ་ནི་སྔ་མ་བཞིན་དུ་སྦྱར་ཏེ། གང་ལྷ་དང་མིའི་བར་དག་ཏུ་སྐྱེ་བར་འགྱུར་ལ། དེ་ཚེ་ཐུང་བར་འགྱུར་རོ།། དེ་འཁོར་སྣོད་དང་བ་མཐོང་ནས་ཡང་དག་པ་ཇི་ལྟ་བ་བཞིན་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པའི་དགེ་སློང་དེ་ཇི་ལྟར་ན། སེམས་ཅན་དམྱལ་བའི་འཁོར་ལ་ལྟ་ཞེ་ན། དེ་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། འདི་ལྟར་དགེ་སློང་འདི་ནི་མཆོག་ཏུ་དཔའ་བ། བདུད་ཀྱི་སྡེ་མངོན་པར་འཇོམས་ཤིང་། འཁོར་བའི་རྒྱ་མཚོ་ལས་སྒྲོལ་བ། ཚུལ་ཁྲིམས་ཀྱི་ཆུས་འདོད་ཆགས་ཀྱི་མེ་གསོད་པར་བྱེད་པ། བྱམས་པའི་ཆུའི་བུམ་པས་ཞེ་སྡང་གི་མེ་གསོད་པར་བྱེད་པ། རྟེན་ཅིང་འབྲེལ་པར་འབྱུང་བའི་སྒྲོན་མས་གཏི་མུག་གི་རབ་རིབ་རབ་ཏུ་སེལ་བར་བྱེད་དེ། ཟབ་མོ་ཁོང་དུ་ཆུད་པའི་དགེ་སློང་ནི་འཁོར་བའི་རྒྱ་མཚོ་ལས་རྒལ་བ་ཡིན་ནོ། ། དེ་ནས་གཞན་ཡང་དགེ་སློང་དེ་ཡང་སོས་ཀྱི་འཁོར་བཞི་པ་གནོད་པ་རྣམ་པར་མ་ཞི་བ་ཞེས་བྱ་བ་ལ་རྟོག་པར་བྱེད་དེ། དེ་རྒྱུ་དང་འབྲས་བུ་རྣམ་པར་སྨིན་པ་ནི་ས་བོན་དང་འབྲས་བུར་མཚུངས་ཏེ། གང་གིས་མིར་གྱུར་པ་ཡང་སོས་གཞན་གནོད་པ་རྣམ་པ་དུ་མ་བྱས་པར་འགྱུར་ཏེ། འདི་ལྟ་སྟེ། ཤིང་གི་བར་དུ་བཙིར་བའི་ཚོར་བ་དང་། ལུམ་བ་ཀའི་ཚོར་བ་དང་། དུད་པའི་ཚོར་བ་དང་། ལམ་གྱི་ཚོར་བ་དང་། དབང་པོའི་ལམ་འདྲེན་པའི་ཚོར་བ་དང་། སའི་ཚོར་བ་དང་། རབ་ཏུ་བཏུང་བའི་ཚོར་བ་དང་། ཁབ་ཀྱི་ཚོར། བ་དང་། ཟག་པ་ས་འདྲེན་པའི་ཚོར་བ་དང་། གླང་པོ་ཆེའི་སྟེང་ནས་ལྷུང་བའི་ཚོར་བ་དང་། བྱེ་མས་འཐོར་བའི་ཚོར་བ་དང་། གཏུན་ཤིང་གི་ཚོར་བ་དང་། ལྕགས་བཞུས་པའི་ཚོར་བ་དང་། ཀླད་བ་ན་བའི་ཚོར་བ་དང་། བུས་པ་དང་ཁྱེའུ་ཕང་བར་བཙིར་བ་ལྟ་བུའི་ཚོར་བ་དང་། གྲང་བ་དང་དྲོ་བའི་ཚོར་བ་དང་། ཆུའི་ཚོར་བ་དང་། ཁར་གོངས་སམ་ཆུ་བླུགས་པའི་ཚོར་བ་དང་། ཤིང་ལ་དབྱང། པའི་ཚོར་བ་དང་། ངམ་གྲོག་དང་གཡང་སར་རྣམ་པར་འཇིགས་པའི་ཚོར་བ་དང་། དགྲའི་དབང་དུ་གྱུར་པའི་ཚོར་བ་དང་། ལྦ་པ་གཅོད་པའི་ཚོར་བ་དང་། སེར་མོ་ལ་རབ་ཏུ་གནོད་པའི་ཚོར་བ་དང་། ཀླུ་འཐོག་པའི་ཚོར་བ་དང་། མགོ་འཁོར་ལོས་བསྐོར་བའི་ཚོར་བ་དང་། ཞ་ཉེ་དང་། རོ་ཉེ་དང་། ཟངས་རབ་ཏུ་བསྐོལ་བར་འཇུག་པའི་ཚོར་བ་དང་། སྣར་ལྕགས་རྣོན་པོ་འཇུག་པའི་ཚོར་བ་དང་།། སྦ་བའི་གནས་སུ་སྤྲུལ་འཇུག་པའི་ཚོར་བ་དང་། བོང་བས་འཕེན་པའི་ཚོར་བ་དང་། སྲེག་པའི་ཚོར་བ་དང་། ལུས་ལ་མེའི་འཕྲེང་བའི་ཚོར་བ་དང་། སྒྲ་འབལ་བའི་ཚོར་བ་དང་། སྲོག་ཆགས་མར་ཀོ་དག་འཇུག་པའི་ཚོར་བ་དང་། པགས་པ་གཏུབས་པའི་ཚོར་བ་དང་། རྩཝ་སྠི་ན་ཀའི་ཚོར་བ་དང་། འདུས་པའི་ཚོར་བ་དང་། ལུས་གཏུབས་པའི་ཚོར་བ་དང་། རྫ་མ་དང་བུམ་པར་བཅོས་པའི་ཚོར་བ་དང་། སོ་ཕག་གི་ཚོར་བ་དང་། ལུས་བྱེད་དུ་བ་ཚ་བླུགས་པའི་ཚོར་བ་དང་། ཕྱག་དར་གྱི་ཕྱེ་མའི་ཚོར་བ་དང་། རབ་ཏུ་སྲེག་པའི་ཚོར་བ་དང་། རྐང་པའི་མཐེ་བོ་མཚོན་གྱིས་བཅད་ཅིང་རབ་ཏུ་བསྲེགས་པའི་ཚོར་བ་དང་། བྱི་བྱི་ལིང་གི་ཚོར་བ་དང་། རྒྱ་མཚོ་སུམ་ཅུའི་དབུ་བའི་ཚོར་བ་དང་། ལག་པ་དང་རྐང་པའི་ཚོར་བ་དང་། རིང་དུ་འགྲོ་བའི་ཚོར་བ་དང་། འབྲམ་སོའི་ཚོར་བ་དང་། སྣུམ་གྱི་ཚོར་བ་དང་། གསེར་རྡུང་བའི་ཚོར་བ་དང་། ཚབས་ཆེར་སྤངས་པའི་ཚོར་བ་དང་། བསླང་བ་དང་དབབ་པའི་ཚོར་བ་སྟེ། ཚོར་བ་དེ་དག་གིས་གང་སྡུག་བསྔལ་གྱི་ཚོགས་རྣམ་པ་སྣ་ཚོགས་དུ་མ་ཀུན་ཏུ་སྤྱོད་པ་དེ་དག་ནི་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བའི་གནོད་པ་རྣམ་པར་མ་ཞི་བ་དེ་ནི། དེར་རྒྱུ་དང་མཚུངས་པོའི་འབྲས་བུ་མྱོང་བར་འགྱུར་ཏེ། སེམས་ཅན་དམྱལ་བ་དེའི་རྣམ་པར་སྨིན་པ་དཔེ་མེད་པ་བྱེ་བ་སྟོང་ཕྲག་བཅུར་བསྒྱུར་བ། སྔར་ཇི་སྐད་བཤད་པའི་གནོད་པ་དེ་དག་ཐམས་ཅད་རང་གི་ལས་ཀྱི་འབྲས་བུ་མངོན་སུམ་དུ་གྱུར་པའི་སེམས་ཅན་དམྱལ་བའི་ས་དེར་དེ་དག་མྱོང་བར་འགྱུར་རོ། ། གང་སེམས་རི་མོ་མཁན་ལྟ་བུས་སྲེག་པའི་པིར་དང་། མི་དགེ་བ་ཀུན་ཏུ་རྟོག་པ་རྣམ་པ་སྔ་ཚོགས་ཀྱི་ཚོན་རྩི་སྣོད་ཀྱི་གཞི་ལྟ་བུའི་སྙིང་ལ་ཀུན་ཏུ་འདྲི་སྟེ། བུ་དང་ཆུང་མའི་མཚན་མ་དམ་པོས་དེ་རྗེས་སུ་མྱོང་བར་འགྱུར་རོ།། རང་གིས་ལེགས་པར་བྱས་པའི་ལས་ནི་ཕམས་བྱས་ཡིན་ཏེ། ཇི་ཙམ་དུ་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཆི་བར་མི་འགྱུར་རོ།། དེ་ནས་ཤི་ནས་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་བར་གྱི་ལས་གང་གིས་དུད་འགྲོ་དང་ཡི་དགས་དག་ཏུ་མ་སྐྱེས་ལ། གལ་ཏེ་མི་རྣམས་དང་སྐལ་བ་མཉམ་པར་གྱུར་ན་རྒྱུ་མཐུན་པའི་འབྲས་བུས་དེ་རྟག་ཏུ་བཅིང་བ་དང་། གཙེ་བ་དང་། གནོད་པ་དང་། རྒྱལ་པོའི་ཕོ་བྲང་འཁོར་ནས་འཚེ་བ་དང་། མི་བདེ་བར་འགྱུར། སྐྱེ་བོ་ཀུན་གྱིས་ཀྱང་མངོན་པར་གཙོ་སྟེ། རྟག་ཏུ་སྡུག་བསྔལ་མི་བཟད་པར་འགྱུར། གཉེན་འདབ་དང་། མཛའ་བཤེས་དང་། ཆུང་མ་དང་། བུ་དག་དང་ཡང་ཞེ་འགྲས་པར་འགྱུར་རོ།། དེ་ནས་གཞན་ཡང་དགེ་སློང་དེ་སེམས་ཅན་དམྱལ་བ་ཡང་སོས་ཀྱི་འཁོར་ལྔ་པ་མུན་པ་ཞེས་བྱ་བ་ལ་རྟོག་པར་བྱེད་དེ། སེམས་ཅན་དག་ལས་ཀྱི་འབྲས་བུ་རྣམ་པར་སྨིན་པ་གང་གིས་སྐྱེ་བར་འགྱུར་སྙམ་ནས། ཐོས་པ་ལས་བྱུང་བའི་ཤེས་པས་བརྟགས་ན། སེམས་ཅན་གང་དག་ལོག་པར་ལྟ་བ་ལས་དང་འབྲས་བུ་ཕྱིན་ཅི་ལོག་ཏུ་སྟོན་པ། མཆོད་སྦྱིན་དག་ལ་ཕྱུགས་བསུབས་ནས་གསོད་པར་བྱེད་པ་དང་། རུས་སྦལ་དག་སོ་ཕག་གིས་མངོན་པར་གཡོགས་ཤིང་མུན་པར་འཇུག་པར་བྱེད་པ་དེ་དག་ལུས་དང་བྲལ་ནས་ངན་འགྲོ་ལོག་པར་སྦྱོང་བ་སེམས་ཅན་དམྱལ་བ་མུན་པར་སྐྱེ་བར་འགྱུར་རོ། ། དེར་སྐྱེས་ནས་ཀྱང་མུན་པར་བྱུང་བའི་མེས་སྲེག་པར་བྱེད། རྡོ་རྗེ་ལྟ་བུའི་རི་ཤུགས་དྲག་པོ་དག་འོངས་ཤིང་ལས་ཀྱི་རླུང་གིས་བངས་ནས་དེ་གཉིས་ཀྱི་དབུས་སུ་བཅུག་ལ། བྱེ་མ་སྙིམ་པ་ནས་གཏོར་བ་བཞིན་དུ་ཐལ་བར་རློག་སྟེ། ཇི་ལྟར་སྐྲའི་རྩེ་མོ་བསྡུས་པ་ཕན་ཚུན་སྐྱབས་མེད་པ་དེ་ལྟར་རྟག་ཏུ་གནོད་པ་བྱེད་ཅིང་སྤུ་པྲི་ལྟ་བུའི་རླུང་རབ་ཏུ་འབར་བ་ལ་ངེས་པ་གང་གིས་ཡན་ལག་དང་། ཉིང་ལག་དག་ཞིགས་པར་བྱེད་དོ།། སྐོམ་པ་དང་བཀྲེས་པས་ལུས་རབ་ཏུ་འབར་བ་དེ་དག་ནི་དེ་ན་དུད་མེ་འབྱིན་ཏེ། ཇི་ལྟར་དེ་དག། ས་རུས་སྦལ་མེའི་ནང་དུ་བསྲེགས་ཤིང་། སོ་བག་དག་གིས་མནན་པ་དེ་ལྟར་ལོ་འབུམ་ཕྲག་དུ་མར་འཁྲུལ་འཁོར་ལ་ཁབ་ཀྱི་བུ་ག་ཙམ་གྱི་སྣང་བ་མེད་པ་བཞིན་དུ་སྣང་བ་མེད་པར་བྱེད་ལ། གི་ལུས་ལས་བྱུང་བའི་སྤུ་རབ་ཏུ་འབར་བ་དག་གིས་ཀུན་ཏུ་སྲེག་པར་བྱེད་དོ།། སེམས་སྤྲེའུ་ལྟ་བུས་བག་ལ་ཉལ་རི་ལྟ་བུ་ལ་རྣམ་པར་རྒྱུ་ཞིང་། རྒྱུ་རིའི་ངོས་ལྟར་བརྟན་པས་རྒྱགས་པ་རིའི་རྩེ་མོ་ལྟ་བུ་ལ་གནས་པ། ལྔ་བ་ངན་པ་རི་ཁྲོད་ལྟ་བུ་ལ་རྣམ་པར་རྒྱུ་ཞིང་། ང་རྒྱལ་ལས་བྱུང་བ། ཤིང་ལྗོན་པ་ཐིབས་པོ་ལྟ་བུར་སྤྱོད་པ།། ཁྲོ་བ་བྲག་གས་པ་ལྟ་བུ་ལ་གནས་པ། ཕྲག་དོག་ཡོན་ཏན་བསགས་པ་ལྟ་བུའི་འབྲས་བུ་དང་། སྲེད་པ་ཆུ་བོའི་དབང་དུ་སོང་བ་ལྟ་བུས་གང་མི་དགེ་བའི་རླབས་བྱས་པ་དེ་དག་ཇི་ཙམ་དུ་རྣམ་པར་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཆི་བའི་དུས་མི་བྱེད་དོ། ། དེ་སེམས་ཅན་དམྱལ་བའི་འཁོར་མུན་པ་དེ་ལས་ཐར་ནས། གལ་ཏེ་ཡི་དགས་དང་དུད་འགྲོར་མ་སྐྱེས་ལ། མི་དག་དང་སྐལ་བ་མཉམ་པར་མི་རྣམས་ཀྱི་ནང་དུ་སྐྱེས་ན། དེ་རྒྱུ་མཐུན་པའི་འབྲས་བུ་རྟག་ཏུ་བཅིང་བས་བཅིངས་པར་འགྱུར་ཞིང་ཚེ་ཐུང་བར་འགྱུར་རོ།། དེ་ནས་གཞན་ཡང་དགེ་སློང་དེ་སེམས་ཅན་དམྱལ་བ་ཡང་སོས་ཀྱི་འཁོར་དྲུག་པ་ཀུན་ཏུ་མི་དགའ་བ་ཞེས་བྱ་བ་ལ་རྟོག་པར་བྱེད་དེ། ལས་གང་གིས་སེམས་ཅན་དམྱལ་བ་ཀུན་ཏུ་མི་དགའ་བར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སེམས་ཅན་ལ་མངོན་པར་འཁུ་བའི་བསམ་པ་ཡོད་པ་ནི་རྟག་ཏུ་སྲོག་གཅོད་པ་ལ་མངོན་པར་བརྩོན་པ་ཡིན་ཏེ། དེ་དུང་དང་། རྔ་པ་ཊ་ཧ་དང་། བོང་བུའི་སྐད་ཀྱིས་ནགས་ཁྲོད་ན་རྣམ་པར་རྒྱུ་བའི་སེམས་ཅན་རི་དགས་དང་། སེང་གེ་དང་། དྲེད་དང་། གུང་དང་། སྤྲེའུ་ལ་སོགས་པ་བག་ཚ་བ་མེད་པར་རྒྱུ་བ་དག་སྒྲ་དེ་དག་གིས་ཀུན་ཏུ་སྐྲག་པར་བྱེད་ཅིང་། རྒྱལ་པོ་འམ། བློན་པོ་ཕལ་ཆེར་ཡིད་ཀྱིས་བསམ་པ་ཡོད་པའི་རྗེས་སུ་རྔོན་པ་བསད་པའི་བསམ་པ་ཡོད་པ་འགྲོ་བ་དེ་ནི་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་ཀུན་ཏུ་མི་དགའ་བར་སྐྱེ་བར་འགྱུར་རོ། ། རྒྱུ་དང་མཐུན་པར་འབྲས་བུ་འབྱུང་སྟེ། ཇི་ལྟར་སེམས་ཅན་དེ་དག་གིས་ཀུན་ཏུ་མི་དགའ་བ་བྱས་པ་དེ་ལྟར་སེམས་ཅན་དེ་དག་སེམས་ཅན་དམྱལ་བའི་མེའི་ནང་དུ་བཅུག་ནས་བྱ་རོག་དང་། འུག་པ་དང་། བྱ་རྒོད་དང་། ཁྱི་དང་། སྲིན་པོ་དང་། ཐ་རྣམས་ཀྱི་མཆུ་རྣོལ་སྒྲ་མཆོག་ཏུ་འཇིགས་པ་རྣམས་ཀྱིས་རྣ་བ་དྲུང་ནས་བཅད་ཅིང་ཟ་ལ། མཆོག་ཏུ་འཇིགས་པ་མི་འདོད་ཅིང་། མི་སྡུག་པ། ཡིད་དུ་མི་འོང་བ། སྐྱེ་བོ་ཐམས་ཅད་སྐྲག་པར་བྱེད་པའི་སྒྲ་དེས། ཀུན་ཏུ་མི་དགའ་བ་ཕལ་ཆེར་ཡིད་ལ་གཅགས་པར་འགྱུར་ཞིང་། སྲོག་ཆགས་མར་ཀོ་ཏ་ཀའི་མཆུ། རྡོ་རྗེ་ལྟ་བུས་ཡང་དང་ཡང་དུ་རུག་པའི་གསེང་དང་། ནང་དུ་ཞུགས་པ་དག་གིས་རྣ་བ་ལ་ཟའོ།། སེམས་ཉ་ལྟ་བུ་དེ་སྲེད་པ་ཆུ་བོ་ལྟ་བུ་ལ་རྣམ་པར་རྒྱུ་ཞིང་། ཁྲོ་བ་དཔའ་རླབས་ལྟ་བུར་འཁྲུག་པས་འཁོར་བ་རི་བོའི་གསེབ་ལྟ་བུ་ལ་གནས་ཤིང་། འདོད་ཆགས་ཞེ་སྡང་གཏི་མུག་གི་ཕྱོགས་ཀྱིས་འདོད་པའི་རོ་ཆུང་བ། མཆིལ་པ་ལྟ་བུའི་འཆིང་བ། ལྟ་བ་ངན་པ་ཆུ་ལྟར་ཟབ་པ་ལ་རྣམ་པར་རྒྱུ་བ་སྐྱེ་བ་དང་འཆི་བའི་འགྲོ་བའི་ལུས་འདི་སྒྲ་དང་། རེག་པ་དང་། རོ་དང་། གཟུགས་དང་། དྲི་ལ་རྟག་ཏུ་སྲེད་པ། གང་མི་དགེ་བའི་ལས་དེས་དགོ་ཅིང་བྱས་ལ་དེའི་ངད་མོ་ཟི་པ་ནི་མ་མོ་གི་བར་དུ་འཆི་བའི་དུས་མི་བྱེད་དོ། ། འདིར་ཚིགས་སུ་བཅད་པ། རང་གི་སྲེད་པ་གྲོང་གནས་པ།། སེམས་ནི་ཉ་འདྲ་རྨོངས་པ་ཡིས།། ལས་བྱེད་ཚེ་ན་དགར་འཛིན་ལ།། མྱོང་བའི་ཚན་ངུ་བར་བྱེད།། ག་ཚེ་མི་དགེ་དེ་ཡི་ལས། ། ལྷག་མ་མེད་པར་བཅོམ་ཞིང་སྤངས།། མེད་གྱུར་དེ་ནི་དེ་ནས་སུ།། ཤི་ནས་ཡི་དགས་དུད་འགྲོར་སྐྱེ།། ལན་གྲངས་གཞན་ལ་མྱོང་བའི་ལས།། གང་གིས་གལ་ཏེ་དེར་མི་སྐྱེ།། གལ་ཏེ་དེར་ནི་མི་རྣམས་དང་།། སྐབ་མཉམ་མི་རུ་སྐྱེ་བར་འགྱུར།། དེ་ནི་རྟག་ཏུ་དམན་པ་ཡི།། ཟིལ་གྱིས་ནོན་ཅིང་ནམས་ཀྱང་ནི།། དེ་ཡི་སེམས་དགའ་སྐྱེ་མི་འགྱུར།། གང་དང་གང་ནི་བྱེད་པ་དག། དོན་མེད་དགའ་བ་མེད་བྱེད་དང་།། བུ་དང་ཆུང་མ་ནོར་དང་འབྲུ།། གསོད་དང་འཆིང་བར་བྱེད་པ་དང་།། དེ་ནི་མི་དགེ་ལས་ཀྱིས་སུ།། དགའ་མེད་རྒྱུ་མཐུན་འབྲས་བུ་ཡི།། ཀུན་ཏུ་མི་དགའ་རྟག་ཏུ་ཐོས། ། ཡང་དགེ་སློང་དེ་སེམས་ཅན་དམྱལ་བ་ཡང་སོས་ཀྱི་འཁོར་བདུན་པ་ཚོར་བ་བདོ་བ་ཞེས་བྱ་བ་ལ་རྟོག་པར་བྱེད་དེ། སེམས་ཅན་དག་ལས་གང་གིས་དེར་སྐྱེ་བར་འགྱུར་སྙམ་ནས། དེ་ཐོས་པ་ལས་བྱུང་བའི་ཤེས་པས་བརྟགས་ན། སེམས་ཅན་བག་ལ་ཉལ་བ་དོ་བ་དང་། ཞེ་འགྲས་པ་བདོ་བ་དང་། སེམས་ཟབ་པ་བདོ་བའི་སེམས་ཅན་ནི་སྲོག་གཅོད་པ་མང་པོ་བག་མེད་པ་ལ་འཇུག་སྟེ། དེ་དག་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་ཚོར་བ་བདོ་བར་སྐྱེ་བར་འགྱུར་རོ།། དེར་ཚ་བ་དང་། མཚོན་དང་། མེ་དང་། ངམ་གྲོག་དང་། གཡང་ས་དང་། ཕུར་བུ་དང་། མེ་འབར་བའི་འཕྲེང་བའི་རྒྱན་བྱས་པའི་ཚོར་བ་ལ་རྟག་ཏུ་རྒྱུན་མི་འཆད་པར་ཉིན་གཅིག་བཞིན་དུ་འཇུག་པར་འགྱུར་རོ།། དེ་ནས་གཞན་ཡང་དགེ་སློང་དེ་ལས་ཀྱི་འབྲས་བུ་དེ་ཁོ་ན་ཉིད་ཤེས་པ། མྱ་ངན་ལས་འདས་པའི་གྲོང་ཁྱེར་ཚོལ་བ་ན། འཁོར་བའི་སྡུག་བསྔལ་གྱི་དེ་ཁོ་ན་ཉིད་ཤེས་པ་སེམས་ཅན་དམྱལ་བ་ཆེན་པོ་ཐིག་ནག་གི་འཁོར་ལ་རྟོག་པར་བྱེད་དེ། ཇི་ལྟར་ཐིག་ནག་གི་འཁོར་གཞན་གང་ཞིག་ཡོད་སྙམ་ནས། དེ་ཐོས་པ་ལས་བྱུང་བའི་ཤེས་པས་བརྟགས་ན། སེམས་ཅན་དམྱལ་བ་བསྲེག་པ་མི་བཟད་པའི་ཚོར་བ་རྟག་ཏུ་འདུས་པ་ཞེས་བྱ་བའི་སེམས་ཅན་དམྱལ་བ་མཐོང་སྟེ། སེམས་ཅན་དག་ལས་གང་གིས་སེམས་ཅན་དམྱལ་བ་དེར་སྐྱེ་བར་འགྱུར་སྙམ་ནས། དེ་ཐོས་པ་ལས་བྱུང་བའི་ཤེས་པས་བརྟགས་ན། གང་ལྟ་བ་ངན་པའི་བསྟན་བཅོས་ཀྱི་གཏན་ཚིགས་དང་དཔེ་དག་གིས་ཚུལ་ཁྲིམས་སྤངས་པའི་མི་ངམ་གྲོག་དང་། གཡང་སར་རབ་ཏུ་ལྟུང་བ་ཡང་དག་པ་མ་ཡིན་པ་ཐམས་ཅད་ཀྱི་དབང་དུ་སོང་བ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བའི་སེམས་ཅན་དམྱལ་བ་ཚོར་བ་འདུས་པར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། མི་དེ་ཐག་པས་རབ་ཏུ་འབར་བས་བཅིངས་ན། དཔག་ཚད་དུ་མར་གྱེན་དུ་བཏེག་བཏེག་སྟེ། ངམ་གྲོག་དག་ཏུ་འདོར་བར་བྱེད་དེ། སྐྱེས་ནས་སྤུ་གྲི་དང་མཚོན་གྱིས་ཕྱོགས་རྣམས་སུ་ཡང་དེ་དག་འདོར་བར་བྱེད། ཡན་ལག་དང་ཉིང་ལག་ཐམས་ཅད་ནས་སྒྲ་འབྱིན་པ་ན། རང་གི་སེམས་ཀྱིས་བཀྲུས་ཤིང་འཁོར་བའི་འཁོར་ལོར་ཞུགས་ནས། འཁྱམ་པ་གཏི་མུག་གི་མུན་པས་ལོང་བར་བྱས་ཤིང་། ཚལ་ཀུན་ནས་བསྲེགས་པ་ལྟ་བུའི་ལུས་དག་ལ། ཁྱི་མཆེ་བ་རབ་ཏུ་རྣོ་བ་རྣམས་ཀྱིས་ཀུན་ཏུ་ཟ་བར་བྱེད་ཀྱང་། གང་དེ་ན་འདུག་པ་དེ་དག་ལ་སྐྱོབ་པ་འམ། དཔུང་གཉེན་ནམ། བདེ་བར་བྱེད་པ་འམ། དབུགས་འབྱིན་པར་བྱེད་པ་གང་ཡང་མེད་དོ།། གཤིན་རྗེའི་འཇིག་རྟེན་པའི་གཤིན།། རྗེའི་མི་དེ་དག་གིས་ཅི་རིགས་པར་ཚིགས་སུ་བཅད་དེ་སྨྲས་པ། ལོག་པར་ལྟ་བའི་གཏི་མུག་གི། གཏི་མུག་ཞགས་བསྒྲིམས་སྐྱེ་བོ་ཁྱོད།། སེམས་ཅན་དམྱལ་བའི་གནོད་པ་དག། ཤིན་ཏུ་མི་བཟང་འདུས་པ་ཐོག། ། མི་ཡི་སྐྱེས་བུ་ཐམ་དག། ལྡོག་པར་སྟབས་དགེ་སུན་བཞུགས།། དེ་ཡིས་སེམས་ཅན་དམྱལ་དང་འབྲེལ།། གནོད་པ་མི་བཟད་ཁྱེར་ཏེ་འོངས།། གང་དག་ལོག་པའི་ད་སོང་བ། ། སེམས་ཀྱིས་ཡོངས་སུ་བཟླས་པ་ཡི།། སྐྱེས་བུ་གྲོ་ཞན་དེ་དག་ནི།། སེམས་ཅན་དམྱལ་བར་ཀུན་ཏུ་འགྲོ།། དམ་གཞན་ཤིན་ཏུ་ལྡང་བར་དུའི།། སེམས་ཀྱི་དམ་ནི་ལྡང་བ་ར་དེ་ཡིས་བཅིངས་པའི་མི་དག་ནི། ། གཤིན་རྗེའི་གནས་སུ་ཁྲིད་པར་བྱེད།། ཡུལ་རྣམས་ལ་ནི་རྟག་རྒྱུག་ཅིང་།། དམ་པའི་ཆོས་ལ་མི་རྒྱུག་ལ།། དམ་ཆོས་ལམ་ལ་རྨོངས་པ་ནི།། སེམས་ཅན་། དམྱལ་བ་ཆེན་པོར་ཁྲིད།། གདུལ་བའི་ནང་ན་སེམས་གདུལ་དཀའ།། མེ་ཡི་ནང་ན་མེ་མཆོག་སྟེ།། གདུལ་དཀའ་མྱུར་དུ་འགྲོ་བ་ནི།། དམྱལ་བའི་ནང་ན་དམྱལ་བ་ཡིན།། གང་དག་སེམས་ཀྱི་དབང་སོང་བ། ། མི་དེ་སེམས་ཅན་དམྱལ་བར་འགྲོ།། གང་དག་མི་བཟད་དེ་ཟློག་པ།། དེ་དག་སྡུག་བསྔལ་རྗེས་མི་འགྲོ།། འདོད་ཆགས་མི་བཟད་མེ་གཅིག་ཡིན།། གཏི་མུག་མུན་པ་ཞེས་བྱའོ། ། ཞེ་སྡང་མི་བཟད་དགྲ་ཡིན་ཏེ།། འགྲོ་བ་དགྲ་གསུམ་དབང་དུ་སོང་།། སྔོན་གྱི་སེམས་ཀྱི་རྗེས་ཞུགས་པ།། ཁྱོད་ཀྱིས་མི་དགེ་གང་བྱས་པའི།། རྨོངས་པ་དེ་ཡིས་འདྲས་བུ་སྤྱོད། ། ཁྱོད་ཀྱིས་ལེགས་པ་དག་མ་བྱས།། རང་གི་སེམས་ཀྱིས་ཡོངས་བསླུས་པ།། གཞན་གྱི་ནོར་དག་ཕྲོགས་པ་དང་།། གཞན་གྱི་བུད་མེད་བསྟན་པ་ཡིས།། སྐྱེ་བོ་དག་ནི་རྟག་ཏུ་བཅིངས། ། དེ་ཡི་ལས་ཀྱི་རྣམ་སྨིན་གྱིས།། ཁྱོད་ནི་དེ་རིང་དབང་དུ་གྱུར།། མི་ཡི་ཐ་མ་རང་གིས་ས།། ལས་ངན་བྱས་པ་ངུར་ཅི་ཡོད།། མི་གང་གིས་ནི་ཉེས་བྱས་པ། ཕྱི་ནས་བློ་ལ་འགྱོད་པར་འགྱུར།། ཚ་སྒོར་ས་བོན་བཏབ་པ་ལྟར།། དེ་ལ་དེ་ཡི་འབྲས་བུ་མེད།། འདོད་པ་དང་རབ་ཆུང་ལྡན་པ།། རྣམ་པར་སྨིན་པ་ཚ་བ་ཡིན།། རྨོངས་པ་གང་ཞིག་དེ་སྟེན་པ།། དེ་ནི་མུན་པ་མུན་ནག་འགྲོ།། བུ་དང་ཆུང་མ་བདེ་བྱའི་ཕྱིར།། རྨོངས་པས་ངན་པ་གང་བྱས་པས།། སེམས་ཅན་དམྱལ་བར་གཅིག་པུ་སྲེག། རང་གི་ལས་ཀྱི་འབྲས་བུས་བསླུས།། གང་ཞིག་བུ་སྨད་དབང་སོང་བ། ། མི་ནི་ངན་པར་བྱས་པ་བསྟེན།། དེ་ནི་དམྱལ་བ་འདིར་འགྲོ་སྟེ།། ཁྱོད་ཀྱིས་དེ་ཡི་རྗེས་སུ་མྱོང་།། བུ་དང་ཆུང་མའི་དོན་མི་འདོད།། མཛའ་བཤེས་དོན་ལྟ་ག་ལ་ཡོད།། འཆི། བའི་དུས་ནི་བྱུང་བ་ན།། ཉེ་བར་གནས་ཤིང་སྲུང་བ་མེད།། གང་དག་ཀུན་ནས་ཉོན་མོངས་སེམས།། གང་དག་སྲེད་པས་ཡོངས་བསླུས་པ།། དེ་དག་དེ་ལྟར་གྲོགས་སུ་འགྱུར།། ཅི་ཕྱིར་ཁྱོད་ནི་བསྲེག་མི་བྱ། ། སྔོན་ནི་ཡུལ་གྱི་དབང་བྱས་ཤིང་།། སྲེད་པ་དག་གིས་ཡོང་སུ་བསླུས།། བདག་ཉིད་ངན་པ་བདག་ཉིད་ཀྱིས།། བྱས་པས་བདག་ཉིད་ཅི་ངུར་ཡོད།། དེ་ལྟར་སེམས་ཅན་དམྱལ་བ་ཚོར་བ་འདུས་པ་ལ། གཤིན་རྗེའི་མི་དག་གིས་སེམས་ཅན་དམྱལ་བ་དེ་དག་ལ་རྗེས་སུ་བསྟན་པ་ན། ཇི་ཙམ་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། གནོད་པ་དྲག་ཅིང་མི་བཟད་པ་དུ་མ་དག་ཡོ་འབུམ་ཕྲག་དུ་མར་མྱོང་བར་འགྱུར་རོ།། དེ་ཕྱིས་དེ་ལས་གྲོལ་ཞིང་ཐར་ནས། གལ་ཏེ་མི་དག་དང་སྐལ་བ་མཉམ་པར་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་འཕྲོགས་པ་མེད་ན། དེ་རྒྱུ་འཐུན་པའི་འབྲས་བུས་འགྲོ་ལྡིང་བ་དང་། བར་བ་རའི་ཡུལ་དང་། རྒྱ་མཚོའི་དབུས་ཀྱི་ཡུལ་དང་། སིན་དུའི་ཡུལ་དང་། ཞར་བུའི་གླིང་གི་ཡུལ་དང་། གང་ན་བྲན་མཆོག་ཏུ་སྡུག་བསྔལ་བར་འགྱུར་བ་དེར་སྐྱེ་བར་འགྱུར་ཞིང་དབུལ་བའི་བྲན་དུ་འགྱུར། སྒོ་སྲུངས་དང་། ཡན་ལག་དང་། ཉིང་ལག་ཐམས་ཅད་ཉམས་ཤིང་མ་ཚང་བ་དང་། པུས་སྐོམ་པ་དང་། བཀྲེས་པས་ཡོངས་སུ་གདུངས་ཤིང་། གྲང་བ་དང་། ཚ་བའི་གཞིར་གྱུར་པ་དང་། ཤིན་ཏུ་སྡུག་བསྔལ་ཞིང་གཞན་གྱིས་རྟག་ཏུ་གཙེ་བ་དང་། བྱིས་པ་དག་གིས་དབྱུག་པ་དང་བོང་བ་དག་གིས་རྡེག་ཅིང་། སྐྱེ་བོ་ཀུན་གྱིས་བརྙས་པར་འགྱུར། བུ་དང་ཆུང་མས་ཀྱང་རྣམ་པར་སྤང་བར་འགྱུར་ཞིང་། མངལ་ནས་སྐྱེས་ཚུན་ཆད་མཆོག་ཏུ་སྡུག་བསྔལ་བར་འགྱུར་རོ།། ལས་ཀྱི་རྣམ་པར་སྨིན་པའི་འབྲས་བུ་ནི་རྒྱུ་དང་མཚུངས་པ་དང་། རྐྱེན་དང་མཚུངས་པ་ཡིན་ཏེ། ཇི་ལྟར་སྔར་བྱས་པ་དེ་ཕྱིས་དེ་བཞིན་དུ་སྤྱོད་པར་འགྱུར་རོ།། དེ་ནས་དགེ་སློང་དེ་ཉེས་པ་བྱས་པ་མྱོང་བར་འགྱུར་བའི་ལས་དེ་མབོང་ནས། སེམས་ཅན་དམྱལ་བ་མུན་པ་ལ་དམིགས་པ་དང་། འཁོར་བ་ལ་ཕལ་ཆེར་ཤིན་ཏུ་ཡིད་བྱུང་བར་འགྱུར་རོ།། ཡང་རྣལ་འབྱོར་སྤྱོད་པའི་དགེ་སློང་དེ་རྟོག་པར་བྱེད་དེ། འདི་ལྟར་ལས་ཀྱི་འབྲས་བུའི་དེ་ཁོ་ན་ཉིད་མཐོང་བ་ལ་རྟག་ཏུ་བརྩོན་ཞིང་། འགྲོ་བ་ཤིན་ཏུ་བསྡམས་པ་ལ་རབ་ཏུ་སྤྱོད་པ། འཁོར་བ་ཐམས་ཅད་ལ་ཡིད་བྱུང་བ། བདུད་ཀྱི་འཆིང་བ་མཆོག་ཏུ་དམ་པ་གཅོད་པ། བདུད་ཀྱི་ཡུལ་གྱི་དངོས་པོ་མི་འདོད་ཅིང་། ཉོན་མོངས་པ་འདོད་ཆགས་དག་གི་དངོས་པོ་དང་ལྷན་ཅིག་འདུག་པར་མི་འདོད་པ། དགའ་བའི་འདོད་ཆགས་ཀྱི་མོད་ལས་བྱུང་བའི་སྲེད་པ་ལ་མངོན་པར་མི་དགའ་བའི་དགེ་སློང་ཡོན་ཏན་གྱི་རྣམ་པ་དེ་ལྟ་བུ་དག་དང་ལྡན་པ་དེ། ས་བླའི་གནོད་སྦྱིན་དག་གིས་མཐོང་ནས། བར་སྣང་ལ་སྤྱོད་པ་དག་ལ་མངོན་པར་བསྙད་དོ། ། དེ་ལྟར་སྔ་མ་བཞིན་དུ་སྦྱར་ཏེ། ཚངས་རིས་དག་གིས་ཐོས་པའི་བར་རྒྱ་ཆེར་སྔ་མ་བཞིན་དུ་སྦྱར་རོ།། དེ་ནས་གཞན་ཡང་དགེ་སློང་དེ་སེམས་ཅན་དམྱལ་བ་ཐིག་ནག་གི་འཁོར་ལ་ལྟ་བར་བྱེད་དེ། སེམས་ཅན་དམྱལ་བ་ཐིག་ནག་གི་འཁོར་གཞན་གང་ཞིག་ཡོད་སྙམ་མོ།། དེ་སེམས་ཅན་དམྱལ་བ་རབ་ཏུ་མི་བཟད་པ་ཞེས་བྱ་བ་མཐོང་སྟེ། དེས་སེམས་ཅན་དག་ལས་གང་གིས་དེར་སྐྱེ་བར་འགྱུར་སྙམ་ནས། ཁྱིམ་པ་གང་གིས་འོས་པ་མ་ཡིན་པའི་གནས་མལ་དང་། ན་བའི་གསོས་སྨན་གྱི་རྐྱེན་གྱི་ཡོ་བྱད་མང་པོ་དག་ལ་སྤྱད་པ་འཆབ་པ་དང་། གཞན་ལ་སྙད་བཏགས་ཏེ་ཕྱུགས་གསོད་པ་འམ། གྷ་ལ་སྙད་བཏགས་པའམ། བྲམ་ཟེ་འདོད་པའི་སྡིག་པ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རབ་ཏུ་མི་བཟད་པར་སྐྱེ་བར་འགྱུར་བ་མཐོང་ངོ་། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། བྱ་རོག་དང་། བྱ་རྒོད་དང་། ཕག་རྒོད་གཏུམ་པ་དག་གིས་མིག་འབྱིན་ཅིང་། བག་དང་འཁྲུགས། པའི་སྒྲ་དང་། གཏུན་ཤིང་དང་། མེ་རབ་ཏུ་འབར་བ་དང་། དམྱལ་བའི་སྲུངས་མ་དྲག་པ་རབ་ཏུ་མི་བཟད་པ་ཡོད་དོ།། སེམས་ཅན་དམྱལ་བ་རབ་ཏུ་མི་བཟད་པར་སྐྱེ་བའི་གནོད་པ་འབྱུང་བ་ནི་འདི་ལྟ་སྟེ། མིག་འབྱིན་པ་དང་། ལྕེ་གཅོད་པ་དང་། ཡན་ལག་དང་། ཉིང་ལག་ཐམས་ཅད་གཅོད་པ་དང་། ལྕགས་ཀྱི་སྣོད་རབ་ཏུ་འབར་བ་དག་ནས་ཟངས་ཀྱི་ཁུ་བ་ལྡུད་པ་དང་། ལུས་ཐམས་ཅད་ལ་ཕུར་བུ་འཛུགས་པ་དང་། རྐང་པ་གཅོད་པ་དང་། བྱ་འོག་གིས་ཟ་བ་དང་། ནད་ཐམས་ཅད་ཀྱི་གནོད་པ་བྱེད་པར་འགྱུར་ཏེ། ཇི་ཙམ་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་གྱུར་པ་དེ་སྲིད་དུ། སེམས་ཅན་དམྱལ་བ་མི་བཟད་པར་ལོ་འབུམ་ཕྲག་དུ་མར་དུ་བ་ན། མགོན་མེད་ཅིང་གྲོགས་མེད་ལ། གཤིན་རྗེའི་མི་དག་གིས་གསོད་པར་འགྱུར་རོ།། དེ་སེམས་ཅན་དམྱལ་བ་དེ་ནས་ཐར་བར་གྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་གང་གིས་དུད་འགྲོ་དང་ཡི་དག་ས་དག་ཏུ་མ་སྐྱེས་ལ། མི་དག་དང་སྐལ་བ་མཉམ་པར་མིར་སྐྱེས་ན། དེ་ལག་རྡུམ་མམ། ལོང་བར་འགྱུར་ཞིང་ཡུན་རིང་དུ་གནས་པར་མི་འགྱུར། ཤི་ནས་ཀྱང་སྲོག་ཆགས་ལས་ཀྱི་ལུ་གུ་རྒྱུད་ཀྱིས་སྦྲེལ་པ་དག་ཡང་ངན་སོང་དེ་དག་ཏུ་འགྲོ་བར་འགྱུར་ལ། ལེགས་པར་བྱས་པས་ནི་ལེགས་པ་དང་། ཉེས་པ་བྱས་པས་ནི་ཉེས་པ་ཐོབ་པར་འགྱུར་ཏེ། འཁོར་བ་ན་སྐྱེ་ཞིང་འབྱུང་བའི་འབྲས་བུ་ནི། རྒྱུ་འཐུན་པའི་འབྲས་བུ། དང་འབྲེལ་བ་ཡིན་ནོ།། དེ་ནས་གཞན་ཡང་དགེ་སློང་དེ་སེམས་ཅན་དམྱལ་བ་ཐིག་ནག་གི་འཁོར་ལ་ལྟ་བར་བྱེད་དེ། ལས་གང་གིས་སེམས་ཅན་དམྱལ་བ་བྱ་རྒོད་ཀྱིས་འཇིག། སྐྱེ་བར་འགྱུར་སྙམ་ནས་བརྟགས་ན། མི་གང་གིས་དོན་དུ་མི་བྱ་བའི་ཕྱིར་མི་བསད་དམ། བཅིངས་སམ། བཀྲེས་པ་འམ། སྐོམ་པར་བྱས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་བྱ་རྒོད་ཀྱིས་འཇིགས་པར་སྐྱེ་བར་འགྱུར་བ་མཐོང་ངོ་། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་པའི་ས་གཞི་ལྕགས་ལས་བྱས་པ་དཔག་ཚད་བརྒྱ་སྟོང་ཕྲག་བཅུ་ཡོད་པ། མེས་རབ་ཏུ་བསྲེགས་ཤིང་། ལྕགས་ལས་བྱས་པའི་འབྲས་བུ་ཟུར་གསུམ་ཁ་དོག་ཆུ་ལྟ་བུ་རབ་ཏུ་འབར་བ་རྣམས་ཀྱིས་ཀུན་ཏུ་གང་བ་དེ་ན། སེམས་ཅན་དམྱལ་བ་པ་དག་གཤིན་རྗེའི་ཆད་པ་གཅོད་པར་བྱེད་པ་རབ་ཏུ་མང་པོ་དག་གིས་ཀུན་ཏུ་གསོད་པར་བྱེད་པ་ན། རལ་གྲི་དང་མདའ་བོ་ཆེ་ཡོད་པའི་ལུས་ཀྱི་ཤུགས་དྲག་པོ་དག་གིས་གསོད་ཅིང་ཉིན་མཚན་དུ་གནོད་པ་བྱེད་དོ།། མཚོན་རྣམས་ཀྱིས་གསོད་པ་ན། གང་གི་ཚེ་མགོན་མེད་པ་འབྲོས་པར་བྱེད་པ་དེའི་ཚེ། གཤིན་རྗེའི་མི་དེ་དག་གིས་རལ་གྲི་དང་། མདའ་བོ་ཆེ་དང་། མདའ་རབ་ཏུ་འབར་བ་དག་གིས་ཀུན་ཏུ་གསོད་པར་བྱེད་ཅིང་། ཐང་ལ་ཡང་བཀྲེས་པ་དང་སྐོམ་པ་ཡོད་པའི་འཚོ་བ་དང་འབྲེལ་ལ། ཆུ་མེད་ཅིང་མགོན་མེད། དབུགས་འབྱིན་པ་མེད་ཅིང་སྐྱབས་མེད་ལ། ཕ་རོལ་གྱི་གནོད་པས་བཀོལ་བ་ན། ཀུན་ཏུ་སྡུག་བསྔལ་ཐམས་ཅད་དང་ལྡན་པར་འགྱུར་རོ། ། འདིར་ཚིགས་སུ་བཅད་པ། གྲོགས་མང་དག་དང་ལྷན་ཅིག་ཏུ།། ཉེས་པར་བྱས་པའི་ལས་བྱེད་པ།། དེ་ཡི་ལས་ཀྱི་འབྲས་བུ་ནི།། གཅིག་ཏུ་སྲིད་པ་སྲིད་པར་སྤྱོད།། ཇི་ལྟར་མི་དག་འཇིག་རྟེན་དུ།། བདག་ཉིད་ངན་བྱས་རྒྱུག་པ་ལྟར།། དེ་ལྟར་མེད་དང་མཚོན་དག་དང་།། དུག་དང་དགྲ་དག་གནས་པ་མིན།། ལས་དང་འབྲལ་བ་མ་ཡིན་གྱི།། རང་གི་གཉེན་འདབ་ཀུན་དང་འབྲལ།། འཇིག་རྟེན་ཕ་རོལ་དགེ་བ་དང་།། མི་དགེ་འགྲོ་ཞིང་རྗེས་སུ་འགྲོ།། གང་ན་མེ་ཏོག་ཡོད་པ་ཡི།། དེར་ནི་དྲི་དག་རྗེས་སུ་འགྲོ།། དེ་ལྟར་དགེ་དང་མི་དགེ་བའི།། ལས་ནི་འགྲོ་ཞིང་རྗེས་སུ་འགྲོ།། ཇི་ལྟར་ཕྱོགས་ཆར་དྲི་འགྲོ་ཞིང་། ། ནགས་ཚལ་དག་ཏུ་འདུས་པ་ཡི།། བྱ་དག་ནང་བར་གྱེས་པ་ལྟར།། སྲོག་ཆགས་འདུས་པའང་དེ་དང་འདྲ།། དཔལ་ཆེ་བ་དག་ཆུང་གསན་ཅིང་།། འཇིག་རྟེན་གྱི་ནི་ཉེས་བྱས་པ།། གཏི་མུག་གིས་ནི་ཡོངས་སུ་བསླུས། ། མི་དགེའི་ལས་དག་ཅི་མི་བྱེད།། གང་ཞིག་ཞི་བ་མཆོག་མི་འགྲོ།། གང་ཞིག་ལྷ་ཡི་གནས་མི་འགྲོ།། དེ་ཡི་རྒྱུ་ལ་མཆོག་རྨོངས་པ།། མུན་པའི་ནང་ན་རེ་མུན་གནག། དེ་ལྟར་དམྱལ་བར་བཙོ་བ་ན། ། དེ་ནི་བྱེ་བ་དུ་མ་རུ།། རང་གི་ཉེས་པར་བྱས་པ་ཡིས།། སེམས་ཅན་དམྱལ་བར་ཡོངས་སུ་འཁྱམ།། ཇི་སྲིད་དེ་ཡི་མི་དགེ་བ།། ངན་བཅས་བཅོམ་ཞིང་སྤངས་པ་དང་།། ཟད་པར་མ་གྱུར་དེ་སྲིད་དུ། ། འཆི་བའི་དུས་ནི་བྱེད་མི་འགྱུར།། གང་ཚེ་དེ་ཡི་ལས་ཀྱིས་དེར།། ཐམས་ཅད་དུ་ནི་བྱང་གྱུར་ན།། དམྱལ་བ་བྱ་རྒོད་འཇིགས་དེ་ལས།། དེ་ནི་གྲོལ་བར་འགྱུར་བ་ཡིན།། གལ་ཏེ་དེ་ལས་དེ་གྲོལ་ཞིང་།། ཡི་དགས་དུད་འགྲོར་མ་སྐྱེས་ལ།། མི་རྣམས་དང་ནི་སྐལ་མཉམ་པར།། གལ་ཏེ་མི་རུ་སྐྱེས་གྱུར་ན།། དེ་ནི་རྔ་མོ་སྤྱོད་འགྱུར་ཞིང་།། ཁལ་གླང་དག་ལ་སྤྱོད་པར་འགྱུར།། རྒོད་མ་དག་ལ་སྤྱོད་འགྱུར་ཞིང་། ། གླང་པོ་ཁ་སྦྱར་རྟ་རྫི་འམ།། བཤོར་བ་དག་གི་རྒྱ་ཐོགས་པ།། དབུལ་ཞིང་ཚེ་ནི་ཐུང་བར་འགྱུར།། ངན་པར་བྱས་པའི་ལས་དག་དང་།། སྐྱོན་དུ་བཟང་བའི་ལས་དག་ནི།། རྒྱུ་དང་འབྲས་བུ་འཐུན་པས་ནི། ། འབྲས་བུ་དེ་དང་འཐུན་པར་འགྱུར།། ། དམ་པའི་ཆོས་དྲན་པ་ཉེ་བར་གཞག་པ་བམ་པོ་བདུན་པ། དེ་ནས་གཞན་ཡང་དགེ་སློང་དེ་སེམས་ཅན་དམྱལ་བ་ཆེན་པོ་ཐིག་ནག་གི་འཁོར་ལ་རྟོག་པར་བྱེད་དེ། སེམས་ཅན་དམྱལ་བ་དེའི་འཁོར་ལ་གཞན་དང་གཞན་ནས་ཀུན་ཏུ་ལྟ་བར་མི་བྱེད་དོ།། སེམས་ཅན་དམྱལ་བ་ཆེན་པོ་ཐིག་ནག་གི་འཁོར་བཅུ་དྲུག་པོ་འདི་ཡང་ཇི་ལྟར་སེམས་ཅན་དམྱལ་བ་ཆེན་པོ་ཡང་སོས་ཀྱི་བཞིན་ནོ། ། ཡང་དགེ་སློང་དེ་སེམས་ཅན་དམྱལ་བའི་འཁོར་གཉིས་པ་དག་ལ་བརྟགས་ན། ལས་ཀྱི་ཆོས་ཀྱི་རྣམ་པར་སྨིན་པ་ཤེས་ཤིང་།། ཉེས་པར་བྱས་པའི་ལས་ཀྱི་འབྲས་བུ་རྣམ་པར་སྨིན་པའི་སྙིང་པོ་ཐམས་ཅད་རིག་སྟེ། བྱས་ལ་བསགས་པ་དང་། བསགས་ལ་མི་བྱེད་པ་དང་། བྱས་ལ་མ་བསགས་པའོ།། དེ་ལ་བྱས་ལ་བསགས་པ་ནི་མྱོང་བར་འགྱུར་བར་ངེས་པ་ཡིན། བསགས་ལ་མི་བྱེད་པ་ནི་མྱོང་བར་འགྱུར་བ་ངེས་པ་མ་ཡིན། བྱས་ལ་མ་བསགས་པ་འདི་ཡང་མྱོང་བར་འགྱུར་བར་ངེས་པ་མ་ཡིན་ནོ།། དགེ་སློང་དེ་སེམས་ཅན་དམྱལ་བ་གཞན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་མཐོང་སྟེ། ལས་ཀྱི་ཐག་པས་རྒྱུད་ཕན་ཚུན་སྦྲེལ་པའི་འཁོར་དག་གི་ལས་ཀྱི་འབྲས་བུ་རྣམ་པར་སྨིན་པ་རྣམ་པ་གསུམ་གྱི་དེ་ཁོ་ན་ཉིད་ཤེས་པ་ནི། དེ་ཡང་ལས་རྣམ་པ་དུ་མ་སྣ་ཚོགས་དུ་མ་དག་དང་། སེམས་ཕལ་ཆེར་དམིགས་པའི་དབང་དུ་གྱུར་པ། སེམས་ཀྱི་དབང་དུ་གྱུར་པའི་སེམས་ཅན་དག་མཐོང་ནས་སྐྱོ་བར་གྱུར་ཏོ།། དགེ་སློང་དེས་སེམས་ཅན་དམྱལ་བ་གཞན་ལང་རྟགས་ན། དེས་ཐོས་པ་ལས་བྱུང་བའི་ཤེས་པས། སེམས་ཅན་དམྱལ་བ་ཆེན་པོ་གསུམ་པ་བསྡུས་གཞོམ་ཞེས་བྱ་བ་མཐོང་ངོ་།། དེར་ལས་བས། པ་གང་གིས་སེམས་ཅན་དག་ཉེས་པར་བྱས་པའི་ལས་སྨིན་པར་གྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། མི་དགེ་བའི་ལས་རྣམ་པ་གསུམ་བྱས་ལ་བསགས་པ་སོ་སོར་མྱོང་བར་འགྱུར་བའི་འབྲས་བུ་སེམས་ཅན་དག་སེམས་ཅན་དམྱལ་བ་བསྡུས་གཞོམ་དུ་སྐྱེ་བར་འགྱུར་ཏེ། འདི་ལྟ་སྟེ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་མི་དགེ་བ་གསུམ་པོ་དག་གི་ལས་ཀྱིས་སྲོག་ཆགས་དག་སེམས་ཅན་དམྱལ་བ་བསྡུས་གཞོམ་དུ་སྐྱེ་བར་འགྱུར་རོ། ། དེར་སྡིག་པ་ཆེན་པོས་ནི་སེམས་ཅན་དམྱལ་བའི་གཞིར་སྐྱེ་བར་འགྱུར། འབྲིང་དང་ཆུང་ངུ་དག་གིས་ནི་འཁོར་དུའོ། ། དེ་དག་གི་ཆེན་པོ་དང་། འབྲིང་དང་། ཆུང་ངུ་རྣམས་ཀྱི་ནི་གནོད་པ་ཡང་ཆེན་པོ་དང་། འབྲིང་དང་། ཆུང་ངུར་འགྱུར་རོ།། དེ་དག་གི་སེམས་ཀྱི་དབང་དུ་སོང་བའི་ལས་ཀྱིས་ཀྱང་། རིང་པོ་དང་། འབྲིང་དང་། ཐུང་ངུར་འགྱུར། དེ་དག་གི་སེམས་ཀྱི་དམིགས་པ་ཆེན་པོ་དང་། འབྲིང་གི་དབང་གིས་ཀྱང་གནོད་པ་ཆེན་པོ་དང་། འབྲིང་དུ་འགྱུར་རོ།། ལས་རྣམ་པ་གསུམ་དུ་རྣམ་པར་གཞག་སྟེ། ལུས་དང་། ངག་དང་། ཡིད་ཀྱིའོ།། དུས་གསུམ་དུ་རྣམ་པར་གཞག་སྟེ། ད་ལྟར་བྱུང་བ་དང་། འདས་པ་དང་། མ་འོངས་པའོ།། ཡང་རྣམ་པ་གསུམ་སྟེ། འདོད་པའི་ཁམས་སུ་སྐྱེད་པ་དང་། གཟུགས་ཀྱི་ཁམས་སུ་སྐྱེད་པ་དང་། གཟུགས་མེད་པའི་ཁམས་སུ་སྐྱེད་པའོ།། ཡང་རྣམ་པ་གསུམ་སྟེ། འབྲིང་དང་། ཆེན་པོ་དང་། ཐ་མའོ།། ཡང་རྣམ་པ་གསུམ་སྟེ། ཚེ་འདི་ལ་མྱོང་བར་འགྱུར་བ་དང་། སྐྱེས་ནས་མྱོང་བར་འགྱུར་བ་དང་། ལན་གྲངས་གཞན་ལ་མྱོང་བར་འགྱུར་བའོ།། ཡང་རྣམ་པ་གསུམ་སྟེ། དགེ་བ་དང་། མི་དགེ་བ་དང་། ལུང་དུ་མ་བསྟན་པའོ།། ཡང་རྣམ་པ་གསུམ་སྟེ། ཚེ་དང་འབྲེལ་བ་དང་། སྲིད་པ་བར་མ་དང་འབྲེལ་པ་དང་། ཚེ་གཞན་དང་འབྲེལ་པའོ།། ཡང་རྣམ་པ་གསུམ་སྟེ། མི་དང་མི་མ་ཡིན་པར་འབྲེལ་པ་རབ་ཏུ་འབྱུང་བ་དག་ཡིན་ཏེ། མི་དང་མི་མ་ཡིན་པར་འབྲེལ་པ་ནི་འདི་ལྟ་སྟེ། མིར་གྱུར་པ་ལས་སེམས་ཅན་དམྱལ་བར་ལས་ཀྱིས་འཕངས་པའོ།། བྱེད་པའི་ཁྱད་པར་ཞེས་བྱ་བ་ནི། གང་ཇི་ཙམ་དུ་བྱེད་པ་རྩོམ་པ་དེའི་བྱེད་པའི་རྣམ་པ་དེ་ཙམ་དུ་ལས་ཀྱི་རྣམ་པ་ཉིད་སྐྱེ་བར་འགྱུར་ཏེ། དགེ་སློང་དག་ཇི་ལྟར་མོས་པའི་རྫུ་འཕྲུལ་ཐོབ་པ་བཞིན་ནོ།། ཡང་རྣམ་པ་གསུམ་སྟེ། བྱེད་པ་བྱས་པ་དང་། མི་བྱེད་པ་བྱས་པ་དང་། འབྲེལ་བར་བྱས་པའོ།། དེ་ལ་བྱེད་པ་བྱས་པ་ནི་ཇི་ལྡེར་སྔར་དགེ་སྦྱོང་དུ་གྱུར་པ། ཕྱིས་དེའི་རྗེས་སུ་མཐུན་པར་དགྲ་བཅོམ་པའི་བར་དུ་བྱས་པའོ།། མི་བྱེད་པ་བྱས་པ་ནི་གང་དགེ་སྦྱོང་དུ་གྱུར་ནས་ལེགས་པར་བྱ་བ་མི་བྱེད་པའོ།། འབྲེལ་པར་བྱས་པ་ནི་ཇི་ལྟར་ཚེ་འདི་ལས་ཤི་ནས། དེ་ཚེ་རབས་གཞན་དུ་སྐྱེ་བར་འགྱུར་བའོ།། ཡང་རྣམ་པ་གསུམ་སྟེ། བསམ་གཏན་དང་འབྲེལ་པ་དང་། བསམ་གཏན་དང་འབྲེལ་པ་མ་ཡིན་པ་དང་། རྣམ་པར་སྨིན་པ་དང་འབྲེལ་པ་མ་ཡིན།། པའོ།། དེ་ལ་བསམ་གཏན་དང་འབྲེལ་པ་ཞེས་བྱ་བ་ནི། ཇི་ལྟར་བསམ་གཏན་དང་པོའི་ས་ནས་བསམ་གཏན་གཉིས་པའི་ས་ར་འབྲེལ་བ་ཡིན་ཏེ། བ་སམ་གཏན་གསུམ་པ་འམ་བཞི་པར་མ་ཡིན་ནོ།། བསམ་གཏན་དང་འབྲེལ་བ་མ་ཡིན་པ་ནི་སྦྱིན་པ་དང་ཚུལ་ཁྲིམས་ལ་སོགས་པའོ། ། རྣམ་པར་སྨིན་པ་དང་འབྲེལ་བ་མ་ཡིན་ཞེས་བྱ་བ་ནི། ཇི་ལྟར་དགྲ་བཅོམ་པ་ཟག་པ་ཟད་པའི་རྣམ་པར་སྨིན་པ་མྱོང་བར་འགྱུར། པར་ངེས་པ། ཚེ་དང་འབྲེལ་པ་མེད་པ་ཡིན་ཏེ། དེ་ལྟར་འཇིག་རྟེན་ལས་ཀྱི་དྲ་བ་དང་འབྲེལ་པ་རྒྱ་མཚོ་ལྟ་བུ་འདི་ཀུན་ཕན་ཚུན་རག་ལས་ཤིང་སྐྱེ་བའི་རིམ་པའི་ལས་ཀྱི་རྣམ་པར་སྨིན་པར་འགྱུར་ཏེ། འདི་ལ་བྱེད་པ་པོ་འམ། ཚོར་བ་པོ་འམ། འདོད་རྒྱལ་གྱི་ལས་ནི་གང་ཡང་མེད་དོ་སྙམ་མོ།། དགེ་སློང་དེ་དེ་ལྟར་སེམས་པ་ན། བདུད་ཀྱི་སྡེ་རྣམ་པར་འཇིག་པར་བྱེད་ཅིང་། དགེ་བའི་ཆོས་སྒྲུབ་པར་བྱེད་དོ།། སེམས་ཅན་དམྱལ་བ་བསྡུས་གཞོམ་གྱི་ལས་ཀྱི་རྣམ་པར་སྨིན་པ་ཆེན་པོ་ཡང་རྗེས་སུ་མཐོང་སྟེ། ཇི་ལྟར་ན་སེམས་ཅན་དམྱལ་བ་བསྡུས་གཞོམ་གྱི་གནིར་སྐྱེ་བར་འགྱུར་སྙམ་ན། དེས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། ལས་ཀྱི་ཉེར་བ་སྔོགས་དང་། ལས་ཀྱི་མཇུག་དང་། ལས་མངོན་པར་བསྟེན་ཅིང་བསྒོམས་ཏེ། མང་དུ་བྱས་པས་སེམས་ཅན་དམྱལ་བ་བསྡུས་གཞོམ་གྱི་འཁོར་དུ་སྐྱེ་བར་འགྱུར་བ་མཐོང་ངོ་།། དེར་སེམས་ཅན་དམྱལ་བའི་གཞིའི་གནོད་པ་འདི་དག་འབྱུང་སྟེ། འདི་ལྟ་སྟེ། ཤིང་ལྗོན་པའི་ཁྲོད་དུ། བྱ་རྒོད་མཆུ་རབ་ཏུ་འབར་བ་དག་གིས་བཟུང་ནས། རྒྱུ་མ་བྲུས་ཏེ་ཟ་བར་བྱེད་དོ།། ཆུ་བོ་ཕུར་བུས་གང་བ་ཞེས་བྱ་བ་ན། ཕུར་བུ་རིང་པོ་རབ་ཏུ་འབར་བ་དེར་བཅུག་ནས། གཤིན་རྗེ་མིས་ཡང་རལ་གྲི་རབ་ཏུ་འབར་བ་མང་པོ་དག་གིས་གསོད་པར་བྱེད་དོ། ། དེ་དེར་འདུག་པ་ན་ཚོར་བ་དྲག་ཅིང་རྩུབ་པ། གཞན་དང་མཚུངས་པ་མེད་པ། དཔེ་ཟླ་མེད་པ་དག་མྱོང་བར་འགྱུར་རོ།། འདི་ལྟ་སྟེ། ཕུར་བུ་རབ་ཏུ་འབར་བའི་ཚོར་བ་ནི་ཕུར་བུ་རབ་ཏུ་འབར་བ་དག་གིས་འབིགས་པར་བྱེད་ཅིང་། སེམས་ཅན་དམྱལ་བ་དེ་དག་གཤིན་རྗེའི་མི་དེ་དག་གིས་བཟུང་ནས་དེ་བཞིན་དུ་སྤྱོད་དེ། སེམས་ཅན་དམྱལ་བ་དེ་དག་ཕན་ཚུན་དུ་བསྐྱོད་པས། རྣམ་པར་འཁྲུགས་ཤིང་ངུ་བར་བྱེད་དོ།། དེ་ན་ཟངས་དམར་པོ་སྐོལ་ཅིང་། བཞུས་པ་རབ་ཏུ་འབར་བས་ལུས་ཤིང་སྐམ་ལྟ་བུར་བྱེད་དེ། རྨོངས་པར་བྱེད་ཅིང་སྲེག་པར་བྱེད་དོ། ། ཕུར་བུས་གང་བའི་ཆུ་བོ་དེར་བསྐོལ་བ་ན། སེམས་ཅན་དམྱལ་བ་དེ་དག་ཁ་ཅིག་ནི་ལུས་རྩཝ་ལྟར་རབ་ཏུ་བསྲེག་གོ།། ཁ་ཅིག་ནི་རྡོ་ལྕི་བ་ལྟ་བུར་ནུབ་བོ།། ཁ་ཅིག་ནི་ལུས་ཙ་ལྕིབས་ལྟར་ཆུ་འགྲམ་དུ་བྱུང་ངོ་།། ཁ་ཅིག་ནི་ལུས་ཉ་ལྟ་བུ་ལ་བྱ་རྒོད་ཀྱི་མཆུ་རབ་ཏུ་འབར་བ་དེས་ཟའོ།། ཁ་ཅིག་ནི་ལུས་མར་གསར་གྱི་གོང་བུ་ལྟར་ཞུའོ།། ཁ་ཅིག་ནི་ལྕགས་རབ་ཏུ་འབར་བ་ལྟ་བུའི་རྡོ་བས་ལུས་ཀྱི་ཁོག་པ་བྱེ་མ་སྙིམ་པ་ནས་གཏོར་བ་བཞིན་དུ་དུམ་བུ་བརྒྱའམ་སྡོང་དུ་རློག་གོ། ཁ་ཅིག་ནི་བ་ཚྭས་སྲེག་པ་ན་ཟངས་སམ་ལྕགས་དག་ནང་དུ་བཅུག་པ་བཞིན་དུ་ཞུའོ།། ཁ་ཅིག་ནི་ཕྲ་སྐམ་རབ་ཏུ་འབར་བ་དག་གིས་བཟུང་ནས། ཡང་མཚོན་སྤུ་གྲི་ལྟ་བུས་ཀུན་ཏུ་གསོད་དོ། ། ཁ་ཅིག་ནི་ལུས་ཐགས་ལྟར་ཆེར་བརྒྱངས་ནས་གསོད་དོ།། ཁ་ཅིག་ནི་ཁ་བུབ་ཏུ་བཞག་ནས་གསོད་དོ།། ཁ་ཅིག་ནི་བུམ་པའི་ནང་དུ་འཇུག་པར་བྱེད་དོ།། ཁ་ཅིག་ནི་བུམ་པ་དེའི་ནང་དུ་བཅུག་ནས་དེར་མོན་སྲན་གྲེའུ་བཙོ་བ་བཞིན་དུ་སྟེང་དུ་འབྱུང་ཞིང་འོག་ཏུ་འཇུག་གོ། ཁ་ཅིག་ནི་སྟེང་དུ་བྱུང་ནས་དུའོ།། ཁ་ཅིག་ནི་གཅིག་ལ་གཅིག་འཇུས་ནས་དུའོ།། མགོན་མེད་པ་ལ་ཅིག་ནི་བྱ་རྒོད་དང་། ཁྭ་དང་། ཝ་དང་། ཁྱི་རབ་ཏུ་འབར་བ་དག་གིས་ས་གཞི་རབ་ཏུ་འབར་བ་ན་གནས་པ་དག་བཟུང་ནས་ཟ་སྟེ། ཉིན་གཅིག་བཞིན་དུ་ཚོར་བ་རྣམ་པ་སྣ་ཚོགས་མྱོང་ངོ་།། དེ་ལྟར་རང་གི་སེམས་ཀྱིས་བསླུས་པ་དེ་ལྟ་བུ་དེ་དག་ནི་འདོད་པས་ལོག་པར་གཡམ་པ་ཀུན་ཏུ་སྤྱོད་ཅིང་། སྲོག་གཅོད་པ་དང་། མ་བྱིན་པར་ལེན་པས་ཀུན་ནས་བསླང་བ་ལ་དམིགས་པ་དེ་དག་ནི། ཚོར་བའི་རྣམ་པ་འབུམ་ཕྲག་དུ་མ་མྱོང་བར་འགྱུར་རོ། ། ཡང་སེམས་ཅན་དམྱལ་བ་ཀུན་ནས་མགོན་ཚོལ་བ། སྐྱབས་ཚོལ་བ་དེ་དག་བདག་ཅག་ཉོན་མོངས་པ་འདི་ལས་སྐྱོབ་པ་སུ་ཞིག་ཡོད་སྙམ་ནས། ཀུན་ཏུ་རྒྱུག་ཅིང་ངུ་བ་ན། གཤིན་རྗེའི་དེ་དག་གིས་གདྷན་ཤིང་རབ་ཏུ་འབར་བ་དག་གིས་བསྣུན་ཅིང་། ཆུ་བོ་དང་། ཤིང་ལྗོན་པ་དང་། བྲག་རབ་ཏུ་འདའ་བའི་གསེབ་དང་། སྨན་ལྗོངས་དང་། པུ་ནུའི་གསེབ་དང་། རིགས་བ་དག་ཏུ་ཤིན་ཏུ་བཅུག་ནས། གནོད་པ་རྣམ་པ་སྣ་ཚོགས་དག་བྱེད་དེ། འདི་ལྟ་སྟེ། ཤིང་ལྗོན་པ་ཤིན་ཏུ་མཐོ་བའི་ཁར་ཁྲིད་ནས་ཡང་དེ་ནས་ཡང་ཕུར་བུ་བཙུགས་པའི་སྟེང་དུ་རབ་ཏུ་འདོར་བར་བྱེད་ཅིང་། དེ་དེར་ཡམ་ལག་བྱེ་བྲག་ཏུ་ཉམས་པ་བརྒྱ་འམ་སྟོང་དུ་འགྱུར་རོ།། ཡང་སེམས་ཅན་དམྱལ་བ་དེ་དག་གཤིན་རྗེའི་མི་དག་གིས་བཟུང་ནས། ལོ་མ་རལ་གྲི་ནགས་ཚལ་ལྟ་བུར་བཅུག་སྟེ། འདབ་མ་སྤུ་གྲི་ལྟ་བུ་རབ་ཏུ་འབར་བས་པཙིར་ཏོ།། རང་གི་ལས་ཀྱིས་ཤིང་ལྗོན་པ་དེ་ལ་བུད་མེད་ཉམས་དགའ་བ། ཆ་བྱད་མེ་ཏོག་གི་འཕྲེང་བ་དང་། ཕྱེ་མ་དང་། བྱུག་པས་ལུས་རྣམ་པར་ཀླུབས་པ། རྒྱན་གྱི་ཆ་བྱད་མཆོག་ཏུ་བཟང་བས་མངོན་པར་བརྒྱན་པ། ཤིན་ཏུ་གནོན་ཞིང་སེན་མོ་གཙང་ལ། སྒེག་བག་ཅན་དུ་ཆས་པ་བྱིས་པ་སོ་སོའི་སྐྱེ་བོ་ཐམས་ཅད་ཀྱི་ཡིད་འཕྲོག་པར་བྱེད་ཅིང་། དགའ་བ་སྣ་ཚོགས་དང་ལྡན་པ། རིན་པོ་ཆེ་རྣམ་པ་སྣ་ཚོགས་ཀྱི་རྒྱན་བཀོད་པ་ཐོགས་པ་མཐོང་ངོ་།། མཐོང་ནས་སེམས་ཅན་དམྱལ་བ་དེ་ཤིང་དྲུང་དུ་སོང་སྟེ། འདི་སྙམ་དུ་སེམས་སོ།། འདི་ནི་མི་གང་མིར་གྱུར་ཅིང་མི་བྱེད་པ་ན་བདག་གི་ཡིན་ནོ། སྙམ་ནས་རང་གི་ལས་ཀྱིས་བསྒྲིབས་པ་དེ་ཤིང་དེ་ལ་འཛེག་པར་བྱེད་དོ།། དེ་ཤིང་དེ་ལ་འཛེག་པ་ན་ལོ་མ་རལ་གྲི་ལྟ་བུ་དེ་དག་གིས་ཤ་གཅོད་པར་བྱེད་དོ།། ཤ་བཅད་ནས་རྒྱུས་པ་གཅོད་དོ།། རྒྱུས་པ་བཅད་ནས་རུས་པ་གཅོད་དོ། ། རུས་པ་བཅད་ནས་རྐང་འབྱིན་པར་བྱེད་དོ།། དེ་རབ་གྲིས་ཀུན་ཏུ་གཤག་པ་ན། བུད་མེད་དེ་ལ་མཆོག་ཏུ་ཆགས་པའི་བློས་ཤིང་དེ་ལ་འཛེག་པར་བྱེད་དོ།། དེ་ལས་གནོད་པ་འདི་དག་མྱོང་བཞིན་དུ་སེམས་ཀྱིས་བསྲུས་པ་དེ་ཤིང་དེ་ལ་འཛེག་པར་བྱེད་དོ། ། ཤིང་དེའི་ཐོར་ཏོ་ལ་འཛེགས་པ་དང་། བུད་མེད་དེ་སའི་སྟེང་ན་གནས་ཤིང་སྐྱེས་བུ་ལ་ལྟང་མཐོང་ངོ་།། སྐྱེས་བུ་ལ་ཀུན་ཏུ་ཆ་པའི་མིག་གིས་རྣམ་པར་ལྟ་བར་བྱེད་ཅིང་། སྐྱེས་བུ་དེ་ལ་ཚིག་སྙན་པས་འབོད་ལ། སྔར་འཛུམ་ཞིང་སྙན་པར་སྨྲ་སྟེ། འདི་ལྟར་བདག་ནི་ཁྱོད་ཀྱི་སླད་དུ་འདིར་མཆིས་ན། ཅིའི་སླད་དུ་བདག་ལ་ཚིག་མི་གསུང་ཞིང་། བདག་གི་ལུས་དང་མཇལ་བར་མི་མཛད། དེ་ནས་སེམས་ཅན་དམྱལ་བ་དེས་ལས་ཀྱི་སྤྲུལ་པ་བྱས་པ་དེ་མཐོང་ནས། ཡང་ཀུན་ཏུ་འདོད་ཆགས་ཀྱི་སེམས་ཀྱིས་ཤིང་ལོ་མ་རལ་གྲི་ལྟ་བུ་དེ་ལས་འབབ་པར་བྱེད་དོ། ། དེ་འབབ་པ་ན་ལོ་མ་སྤུ་གྲི་རབ་ཏུ་འབར་བ་ལྟ་བུ་དེ་དག་ཁ་གྱེན་དུ་ལྟས་ཏེ། དེ་དག་གིས་ཀྱང་སེམས་ཅན་དམྱལ་བ་དེ་དག་སྔར་ཤ་བཏོགས་སོ།། ཕྱི་ནས་རྒྱུས་པ་གཅོད་དེ། དེ་ནས་རུས་པ་རུས་པའི་འོག་ཏུ་གནད་ཐམས་ཅད་གཅོད་དོ།། དེ་ནས་རྐང་བྲུས་ཏེ་ཤིན་ཏུ་གནད་པར་བྱས་སོ།། དེ་ནས་སེམས་ཅན་དམྱལ་བ་སྙིང་ལ་འདོད་པའི་སྲེད་པས་ཡོངས་སུ་གདུངས་པ་དེ་དག་གིས་བཅད་ཅིང་གཤག་ལ་གནད་དང་གནད་གཅོད་བཞིན་དུ་བུད་མེད་དེ་ལ་ལྟའོ། ། འདི་ལྟར་དེ་ལ་ལྟ་བ་ན་བྱ་རྒོད་ཀྱི་མཆུ་རབ་ཏུ་འབར་བས་མིག་འབྱིན་ཅིང་། སྤུ་གྲི་རྣོན་པོ་ལྟ་བུས་དེའི་རྣ་བ་ཡང་གཅོད། དུ་བ་ན་འདབ་མ་རབ་ཏུ་འབར་བ་དེ་དག་གིས་ལྷ་གཅོད་ཅིང་། དེ་སྣ་ཡང་གཅོད་དོ།། དེའི་ཡན་ལག་དང་ཉིང་ལག་ཐམས་ཅད་གཅོད་དོ།། འདོད་ཆགས་ཀྱི་སྲེད་པས་ཡིད་ཕྲོགས་ཤིང་ཡང་ས་ལ་འང་བར་བྱེད་པ་དང་། ཡང་བུད་མེད་དེ་ཤིང་ཁར་འཛེག་གོ། འཛེགས་པ་དང་། དེ་མཐོང་ནས་ཡང་དེ་ཤིང་གི་ཐོར་ཏོ་དེ་ལ་འཛེག་པར་བྱེད་པ་སྔ་མ་བཞིན་དུ་སྦྱར་ཏེ། དེ་ལྟར་ལས་ཀྱི་དབང་གིས་འཕངས་པ་རང་གི་སེམས་ཀྱིས་ཡོངས་སུ་བསླུས་པའི་སེམས་ཅན་དམྱལ་བ་དེ་ལོ་འབུམ་ཕྲག་དུ་མར་སེམས་ཅན་དམྱལ་བར་ཡོངས་སུ་འཁྱམ་མོ། ། དེ་ལྟར་སེམས་ཅན་དམྱལ་བ་དེ་དོན་གང་གི་ཕྱིར་ཡོངས་སུ་གདུངས་ཤིང་། དེ་ལྟར་འདོད་པས་ལོག་པར་གཡེམ་པའི་རྒྱུས་པ་སྲེགས་ཀྱང་དེ་དག་འདོད་ཆགས་དང་བྲལ་བར་མི་བྱེད་དོ། ། དེ་ལྟར་སེམས་འདི་ནི་ཐོག་མ་མེད་པའི་དུས་ནས། སེམས་ཅན་དམྱལ་བ་དང་། དུད་འགྲོ་དང་། ཡི་དགས་སུ་སོང་བ་ཡིན་ཏེ། དེ་ལྟ་བས་ན་སེམས་ཅན་དམྱལ་བ་དག་ཏུ་འགྲོ་བའི་སེམས་ཅན་གྱི་སེམས་འདི་ལ་ཡིད་བརྟན་པར་མི་བྱའོ།། ཡང་སེམས་ཅན་དམྱལ་བ་བསྡུས་གཞོམ་དེ་ན། རི་བྱ་རྒོད་དང་ཉེ་བ་ཞེས་བྱ་བ་ཡོད་དེ། དེ་ན་སེམས་ཅན་དམྱལ་བ་སྐོམ་པ་དང་བཀྲེས་པས་གདུངས་པ་དེ་དག་གིས་བརྒྱུགས་པ་དང་། དེའི་ཚེ་རི་བྱ་རྒོད་དང་ཉེ་བ་ལ་བྱ་རྒོད་ལྕགས་ཀྱི་མཆུ་རབ་ཏུ་འབར་བ་ལུས་ཆེ་ཞིང་སྟེ། པ་ཆེ་བ་དག་གནས་ཏེ། དེ་དག་གི་ལྟོའི་ནང་ན་མེ་མདག་ཡོད་དོ།། གང་གི་ཚེ་སེམས་ཅན་དམྱལ་བ་དག་མགོན་མེད་ཅིང་སྐྱབས་མེད་ན། རི་དེ་ལ་འཛེག་པར་འགྱུར་རོ།། དེ་ནས་མགོན་མེད་པ་ངུ་འབོད་པ་དག་ལ་བྱ་རྒོད་དེ་དག་གིས་ཀླད་པ་བཏོགས་ཤིང་། ཀླང་རྒྱས་བྲུས་ལ་མིག་ཀྱང་འབྱིན་པར་བྱེད་དོ།། གང་གི་ཚེ་དེའི་ཀླད་པ་དང་། ཀླད་རྒྱས་དག་ལ་འཐུངས་ནས་མགོ་ཡང་འདོར་བར་བྱེད་དོ།། ཀླད་རྒྱས་དང་མིག་ཕྱུང་བ་དེ་དག་སེམས་ཅན་དམྱལ་བའི་མུན་པ་འཐིབས་པོའི་ནང་དུ་བརྒྱུགས་པ་དང་། དེ་ལས་གཞན་པ་ལས་ཀྱིས་བྱས་པའི་བྱ་རྒོད་ལུས་ཆེ་ཞིང་ཁོ་ལག་ཆེ་བ། ལྟོ་བའི་ནང་ན་མ་མདག་ཡོད་པའི་བྱ། རྒོད་འོངས་ཏེ། དེས་སེམས་ཅན་དམྱལ་བ་དེ་དག་བཟུང་ནས་ཟའོ།། དེ་ལྟར་ལྟོའི་ནང་དུ་སོང་བ་དེ་དག་ལོ་འབུམ་ཕྲག་དུ་མར་སྲེག་ཀྱང་དེ་སྲོག་གཅོད་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་མཐུས་འཆི་བའི་དུས་མི་བྱེད་དོ། ། འདོད་པས་ལོག་པར་གཡེམ་པ་ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་པའི་མཐུས་ནི། ལོ་མ་རལ་གྲི་ལྟ་བུའི་ནགས་སུ་བུད་མེད་མཐོང་བ་ཡིན་ནོ།། མགྲིན་པར་ལེན་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་མཐུས་ནི། སེམས་ཅན་དམྱལ་བའི་ཕྱོགས་གཞན་དུ་འགྲོའོ།། དེ་ན་ཡུལ་ཆུ་བོ་མཐའ་ཡས་ཕ་རོལ་ཞེས་བྱ་བ་ཟངས་བསྐོལ་ཅིང་བཞུས་པས་རབ་ཏུ་གང་བའི་ཆུ་བོ་དེའི་ཕ་རོལ་ན། སེམས་ཅན་དམྱལ་བ་དག་གིས་བཟའ་བ་དང་། བཅའ་བ་དང་། གནས་མལ་མང་ཞིང་བཟང་བ་དང་། གྲིབ་མ་དང་། ནགས་ཚལ་ཤིན་ཏུ་གསལ་བ་དག་མཐོང་ཞིང་། ཆུ་བོ་རབ་ཏུ་འབབ་པ་དང་སྟེང་ཀའི་ཕྱོགས་བསིལ་བ་དག་མཐོང་སྟེ། དེས་དེ་དག་མཐོང་ནས་སྔ་མ་བཞིན་དུ་སྦྱར་ཏེ། བརྒྱུགས་པ་དང་། གཅིག་ལ་གཅིག་ངུ་ཞིང་འཁྲུགས་སོ།། གྲོགས་པོ་དག་ཚུར་ཤོག་རྨ་ཤོགབཟའ་བ་དང་། བཅའ་བ་དང་། གནས་མལ་བདེ་བ་དག་རྙེད་པ་སྔ་མ་བཞིན་དུ་སྦྱར་ཏེ། དེ་ནས་སེམས་ཅན་དམྱལ་བ་དེ་དག་གིས་སྒྲ་ཐོས་ནས། སེམས་ཅན་དམྱལ་བ་གཞན་མགོན་འདོད་པ་སྐྱབས་འདོད་པ། དཔུང་གཉེན་འདོད་པ་དག་ཀུན་ཏུ་རྒྱུག་གོ། དེ་ནས་སེམས་ཅན་དམྱལ་བ་དེ་དག་འདུས་ནས། ཀྱེ་མ་བདག་ཅག་གི་བདེ་བ་དང་། མགོ་ན་སྐྱ་བས་དེ་ཕྱོགས་གང་ནས་ཐོབ་པར་འགྱུར་ཞེས་སྨྲའོ། ། དེ་ནས་སེམས་ཅན་དམྱལ་བ་དེ་དག་གིས་སེམས་ཅན་དམྱལ་བ་གཞན་དག་མཐོང་ནས་སྨྲས་པ། ཀྱེ་གྲོགས་པོ་དག་ཆུ་བོ་མཐའ་ཡས་ཕ་རོལ་ཞེས་བྱ་བའི་ཕ་རོལ་ན། བཟ་བ་དང་། བཅའ་བ་དང་། གནས་མལ་དང་། ཚལ་དང་། ནགས་ཚལ་མང་པོ་དག་ལ་ལྟོས་ཤིག་ཅེས་བྱ་བ་སྔ་མ་བཞིན་དུ་སྦྱར་ཏེ། དེ་ནས་སེམས་ཅན་དམྱལ་བ་དེ་དག་ཐམས་ཅད་ལ་ཆུ་བོ་མཐའ་ཡས་རབ་མེད་དེས་ཕན་ཚུན་གནོད་པ། རོ་ཉེ་རབ་ཏུ་བསྐོལ་བ་བཞུ་བའི་དེབུ་བས་ཁེབས་པ་དག་ཏུ་དེ་དག་ཐམས་ཅད་དེར་ལྷུང་ངོ་།། ལྷུང་ནས་ཁ་ཅིག་ནི་མར་གསར་གྱི་གོང་བུ་ལྟར་ཞུའོ།། ཁ་ཅིག་ལ་ནི་ཁ་མཆུ་རབ་ཏུ་འབར་བ་དག་གིས་ཟའོ།། ཁ་ཅིག་ནི་ཉའི་ཁ་རབ་ཏུ་འབར་བས་མིད་དེ། ལུས་ཀྱི་ཡན་ལག་དང་ཉིང་ལག་ཞུ་པ་དེ་དག་ཐམས་ཅད་ཆུ་བོ་དེའི་ནང་དུ་དེ་དག་ཐམས་ཅད་ཞུ་པར་གྱུར་རོ། དེ་ག་གོ་ལས་ཇི་ལྟར་རིགས་པ་རྗེས་སུ་བརྟན་པ་ཚིགས་སུ་བཅད་དེ་སྨྲས་པ། ཁྱེད་ནི་སེམས་ཀྱིས་བསླུས་ནས་སུ།། བུ་སྨད་གང་གི་དོན་བྱེད་པ།། སྡིག་ལས་བྱུང་བའི་ཞགས་པ་ཡིས།། སེམས་ཅན་དམྱལ་བའི་གནས་སུ་ཁྲིད།། བློ་ངན་ཞན་པ་ཁྱེད་རྣམས་ཀྱིས། ། གང་གི་དོན་དུ་སྡིག་བྱས་པའི།། བུ་དང་ཆུང་མ་གྲོགས་པོ་དང་།། གཉེན་འདབ་རྩ་ལག་གང་དུ་སོང་།། མི་ཡི་སར་ནི་ཁྱེད་ཀྱིས་སུ།། བདག་ལ་ངེས་པར་སྡུག་མ་བྱས།། མི་ཡི་ཐ་མ་བུ་ཡི་དོན། ། དེས་ན་སྡིག་པ་ཁྱེད་ཀྱིས་བྱས།། གང་གིས་སྔན་ཆད་སྡིག་བྱས་པ།། ཕྱིས་ནི་གནོད་པར་མི་འགྱུར་མིན།། བུ་དང་ཆུང་མས་བསྡུས་པ་དེ།། སེམས་ཅན་དམྱལ་བ་དྲག་པོར་འགྲོ།། ཆུང་མ་གཉེན་གྱིས་ཅི་བྱེད་ཅིང་། ། བུ་དེས་ཅི་ཞིག་བྱེད་པར་འགྱུར།། ལས་ཀྱི་ལམ་བརྒྱགས་ཡོད་པ་ནི།། གཅིག་པུ་སེམས་ཅན་དམྱལ་བར་སྲེག། བདེ་བ་བྱུང་བ་མ་སྨད་པ།། དགེ་བའི་ལས་ནི་མ་བྱས་པས།། བྱིས་པ་གཏི་མུག་གིས་བསླུས་པ།། ཕྱི་ནས་དོན་བྱེད་ཅི་མི་གདུང་།། གང་ཞིག་གཏི་མུག་གིས་བསླུས་པ།། འདོད་ཆགས་ཞེ་སྡང་རྗེས་སུ་འགྲོ།། བུ་དང་ཆུང་མ་བདེ་བྱའི་ཕྱིར།། དེ་དག་ཀུན་གྱི་འོག། ཏུ་འགྲོ།། སྲོག་ཆགས་ལས་ཀྱི་སྐྱེ་གནས་དང་།། རང་གི་ལས་ཀྱི་འབྲས་ལ་སྤྱོད།། ལེགས་བྱས་ལྷ་ཡི་འཇིག་རྟེན་དུ།། ཉེས་པར་བྱས་པས་དེ་བཞིན་དམའ།། དེ་ལྟར་གཤིན་རྗེའི་མི་དེ་དག་གིས་སེམས་ཅན་དམྱལ་བ་བསྡུས་གཞོམ་པ་དེ་དག་ལ་རྗེས་སུ་བསྟན་པ། གང་ཁྱེད་ཅག་གིས་བྱས་པའི་ལས་འདི་དག་སུ་ཞིག་སྤྱོད་པར་འགྱུར་ཏེ། དགེ་བ་འམ་མི་དགེ་བ་རང་གིས་བྱས་པ་སྤྲོད་པར་འགྱུར་ཞིང་། མ་བྱས་པ་ནི་འོང་བར་མི་འགྱུར་ལ། བྱས་པ་ནི་ཆུད་ཟ་བར་མི་འགྱུར་རོ།། དེ་ལྟར་སེམས་ཅན་དམྱལ་བ་དེ་དག་གིས་ཇི་སྲིད་དུ་སྡིག་པའི་ལས་བཅོམ་ཞིང་སྤངས་ལ་ཟད་པར་མ་གྱུར་པ་དེ་སྲིད་དུ། སེམས་ཅན་དམྱལ་བ་བསྡུས་གཞོམ་དུ་ལོ་འབུམ་ཕྲག་དུ་མར་བཙོ་བར་འགྱུར་རོ།། དེ་ལྟར་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དག་གི་འབྲས་བུ་འཐོབ་པར་འགྱུར་རོ། ། ཇི་ལྟར་ཁྱད་ཅག་གིས་དེ་དག་ཉིད་ཐོབ་པ་འདི་ལྟར་སེམས་ཅན་དམྱལ་བ་དེ་དག་ལས་ཐར་ནས། གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དག་ས་དང་དུད་འགྲོ་དག་ཏུ་མ་སྐྱེས་ལ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཚེ་ཐུང་ཞིང་དབུལ་བ་ཆུང་མ་ངན་པ་དང་། དེ་གཞན་གྱི་ཆུང་མ་ལ་རབ་ཏུ་ཆགས་པར་འགྱུར་བ་འམ། དེ་ཆུང་མ་མེད་པར་འགྱུར་ལ། བརྙས་ཤིང་གཞན་གྱིས་བཀོལ་བར་འགྱུར་ཏེ། དེ་ལྟར་ལས་དེ་དང་རྒྱུ་མཐུན་པའི་འབྲས་བུའི་ལས་ཀྱི་མཐུས་བསླུས་པའི་མི་སེམས་ཅན་དམྱལ་བར་འགྲོ་བ་ལ་འདི་དག་ཐམས་ཅད་འབྱུང་བར་འགྱུར་རོ། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་བརྟགས་ན། དེས་ཚོར་བ་ཚད་མེད་པ་དང་། འབྲས་བུ་ཨ་ལ་བུད་ལྟ་བུར་གཅོད་པ་དང་། གནད་དང་གནང་གཅོད་པ་དང་། བསྡུས་པ་དང་། འཇིགས་པར་ལྟ་བ་དང་། ཉམ་ང་བ་མང་པ་དང་ག་གནོད་པ་མི་བཟོད་པ་དང་། ཨ་ཙ་ཟེར་བ་དང་། ཀྱི་ཧུད་ཟེར་བ་དང་། རྒྱོ་བ་ཅིག་པ་དང་། མཆི་མའི་རྒྱུན་མེ་ལྟ་བུར་མི་འཆད་པ་དང་། དབང་པོ་ཐམས་ཅད་འགགས་པ་དང་། ཚོར་བ་མཐའ་མེད་པ་དང་། པདྨ་ལྟ་རགས་པ་དང་། པདྨ་ཆེན་པོ་ལྟར་གས་པ་དང་། མེ་ཟབ་དང་། ལྕགས་ཀྱི་མེའི་རབ་མཐོང་སྟེ། འདི་དག་ནི་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་བཅུ་དྲུག་ཡིན་ནོ། ། དེ་ནས་ལས་གང་གིས་དེར་སྐྱེ་བར་འགྱུར་སྙམ་ནས། དགེ་སློང་དེ་སེམས་པར་བྱེད་དེ། གང་མི་དགེ་བ་བྱས་པ་རྣམ་པ་གསུམ་དུ་འགྱུར་བ་མཐོང་སྟེ། འདི་ལྟ་སྟེ། སྲོག་གཅོད་པ་དང་། མ་བྱིན་པར་ལེན་པ་ནི་སྔ་མ་བཞིན་ནོ།། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དེ་ནི། དེའི་མྱོང་བར་འགྱུར་བར་ངེས་པ་ཡིན་ཏེ། སེམས་ཅན་དམྱལ་བའི་ལས་ཀྱི་ཚོར་བ་ཚད་མེད་པར་སྐྱེ་བར་འགྱུར་རོ། ། གང་བུད་མེད་འོས་པ་མ་ཡིན་པ་ལ་ཚུལ་བཞིན་པའི་འདོད་པས་ལོག་པར་བསྟེན་པ་དེ་ནི་སེམས་ཅན་དམྱལ་བ་ཚོར་བ་ཚད་མེད་པར་སྐྱེ་བར་འགྱུར་ཏེ། དེར་གནོད་པ་འདི་དག་འབྱུང་བར་འགྱུར་རོ།། འདི་ལྟ་སྟེ། གསལ་ཤིང་རབ་ཏུ་འབར་བས་རོ་སྨད་དུ་འབིགས་པར་བྱེད་དེ། རོ་སྨད་དུ་བཅུག་པའི་གསལ་ཤིང་དེས་ཡང་གལ་ཏེ་རྒྱང་འབིགས་པར་བྱེད་དེ། གལ་ཏེ་ལྟོར། གལ་ཏེ་དབུས་སུ། གལ་ཏེ་རྐེད་པའི་ཕྱོགས་སུ། གལ་ཏེ་ཕྲག་པར། གལ་ཏེ་དཔུང་མགོར། གལ་ཏེ་མེད་པར། གལ་ཏེ་ཁ་ར། གལ་ཏེ་ཀླད་རྒྱས་འབིགས། གལ་རྣ་བར་འབིགས་ཏེ། དེ་ལྟར་སེམས་ཅན་དམྱལ་བ་དེའི་གསལ་ཤིང་དེ་ནི་ཡན་ལག་དང་ཉིང་ལག་ཐམས་ཅད་འབིགས་པར་བྱེད། གནོད་པ་ཆེན་པོར་བྱེད། སྲེག་པར་བྱེད། ཡན་པ་ཐམས་ཅད་འཚེད་པར་བྱེད་དེ། དེ་གནོད་པ་དེ་དག་མྱོང་བར་བྱས་ནས་ཚོར་བ་མི་བཟད་པར་ཡང་རྗེས་སུ་མྱོང་བར་བྱེད་དོ།། འདི་ལྟ་སྟེ། ལྕགས་ཀྱི་ཕྲ་སྐམ་རབ་ཏུ་འབར་བས་རླིག་པ་འབྱིན་པར་བྱེད་ཅིང་བྱ་རྒོས་ཀྱིས་ཀྱང་བཟུང་ནས་ཟ་སྟེ། ཇི་ཙམ་དུ་བྱས་ལ་བསགས་པའི་ལས་བཅོམ་ཞིང་སྤངས་ལ་ཟད་པར་མ་གྱུར་པ་དེ་སྲིད་དུ་ངུ་སྐད་འདོན་ཏོ།། གང་གི་ཚེ་དེའི་ལས་ཟད་པར་གྱུར་པ་དེའི་ཚེ། སེམས་ཅན་དམྱལ་བ་དེ་ལས་ཐར་པར་འགྱུར་རོ། ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེའི་མི་དགེ་བའི་ལས་ཀྱི་རྒྱུ་མཐུན་པའི་འབྲས་བུས་དེ་ཡང་མ་ནིང་དུ་འགྱུར་རོ།། དེ་ནས་གཞན་ཡང་དགེ་སློང་དེས་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་བརྟགས་ན། དེས་སེམས་ཅན་དམྱལ་བ་འབྲས་བུ་ཨ་ལ་བུད་ལྟ་བུར་གཅོད་པ་ཞེས་བྱ་བ་མཐོང་ངོ་།། དེ་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ན། དེས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས། དེ་སེམས་ཅན་དམྱལ་བ་འབྲས་བུ་ཨ་ལ་བུད་ལྟ་བུར་གཅོད་པར་སྐྱེ་བར་མཐོང་ངོ་།། དེར་འདོད་པས་ལོག་པར་གཡེམ་པ་རྣམ་པ་དུ་ཞིག་བྱས་པ་ཡིན་སྙམ་ན། གལ་ཏེ་བུད་མེད་འོས་པ་མ་ཡིན་པའི་ཁར་བཅུག་ན། དེ་ལུས་ཞིག་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བར་སྐྱེ་སྟེ། དེ་ལ་གནོད་པ་འདི་དག་འབྱུང་བར་འགྱུར་རོ།། འདི་ལྟ་སྟེ། གཤིན་རྗེའི་མིས་དེའི་ཁར་ཕུར་བུ་བཅུག་ནས། བརྡུང་བས་རྡུང་བར་བྱེད་དེ། དེ་ཕུར་བུ་བརྡུངས་པ་དེས། གལ་ཏེ་ལྷག་པར་ཕུག་ནས། འབྱུང་བར་བྱེད་པར་བསྐུལ་བ་དང་རྣ་བར་འབྱུང་ངོ་།། ལྕགས་ཀྱི་སྣོད་ཀྱི་ནང་དུ་ཟངས་རབ་ཏུ་བསྐོལ་བས་ཁར་བླུགས་སོ།། དེས་དེའི་མཆུ་བསྲེགས་ནས་ལྕེ་སྲེག་གོ། ལྕེ་བསྲེགས་ནས་དཀན་སྲེག་སྟེ། དེ་ལྟར་མིད་པ་བསྲེག་པ་ནས། ལྟོའི་བར་དུ་བསྲེག་སྟེ་རོ།། སྨད་དུ་འབྱུང་ངོ་།། འདི་དག་ནི་འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་ལས་ཀྱི་འབྲས་བུ་རྣམ་པར་སྨིན་པ་ཡིན་ནོ།། སེམས་ཅན་དམྱལ་བ་དེ་ཚོར་བའི་རྣམ་པ་དེ་དག་མྱོང་བ་ནི། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ལོ་བྱེ་བ་འབུམ་ཕྲག་དུ་མར་སྲེག་ཅིང་འཚེད་དོ།། དེ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མ་ཕྲོགས་ཏེ། ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུས་དེའི་ཁ་ནས་དྲི་རུལ་བ་ལྟ་བུ་འབྱུང་སྟེ། སྲོག་ཆགས་གང་གིས་ཚོར་བ་ཀུན་ཡིད་འབྱུང་བར་འགྱུར་རོ།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་བརྟགས་ན། དེས་སེམས་ཅན་དམྱལ་བ་གནད་དང་གནད་གཅོད་པ་ཞེས་བྱ་བ་མཐོང་ངོ་།། དེས་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། གང་གིས་སྲོག་གཅོད་པ་དང་། མ་བྱིན་པར་ལེན་པ་ཀུན་ཏུ་བསྟེན་ཅིང་བསྒོམས་པ་མང་དུ་བྱས་པ་དེས། དེ་སེམས་ཅན་དམྱལ་བ་ཆེན་པོ་གནད་དང་གནད་གཅོད་པར་སྐྱེ་བ་མཐོང་ངོ་། ། གང་འདོད་པས་ལོག་པར་གཡེམ་པ་ལ་མངོན་པར་དགའ་བར་བྱས་པའི་རྣམ་པ་ནི་འདི་དག་ཡིན་ཏེ། འདི་ལྟ་སྟེ། བུད་མེད་གཞན་འདོད་ཆགས་མི་འདོད་པ་དེའི་མངལ་མ་ཡིན་པར་མཐུས་བཅུག་ན། དེས་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་གནང་གཅོད་པར་སྐྱེ་བར་འགྱུར་རོ།། དེ་ལ་སྲོག་གཅོད་པ་དང་། མ་བྱིན་པར་ལེན་པ་དག་གི་ཚོར་བ་གང་ཡིན་པ་ནི་སྔ། མ་བཞིན་དུ་སྦྱར་རོ།། འདོད་པས་ལོག་པར་གཡེམ་པའི་བྱེ་བྲག་ནི་འདི་ལྟ་སྟེ། ཛ་ར་ཛ་ར་ཉིས་འགྱུར་དུ་བྱས་པ་བསྲེགས་པ་རབ་ཏུ་འབར་བ་དག་གིས་ཁ་འགེངས་ཏེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་གྱུར་པ་དེ་སྲིད་དུ། མགོན་མེད་པ་ལོ་འབུམ་ཕྲག་དུ་མར་དུ་འབོད་དོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུས་དེའི་ཆུང་མ་གཞན་དག་ལ་རབ་ཏུ་འགྱུར་བ་ཟློག་པར་མ་ནུས་ཏེ། བྱས་ས་པའི་ལས་ཀྱི་རྣམ་པར་སྨིན་པ་ནི་ཚོར་བ་མ་མྱང་གི་བར་དུ་ཆུད་ཟ་བར་མི་འགྱུར་རོ།། དེ་ནས་གཞན་ཡང་དགེ་སློང་དེས་མས་ཅན་དམྱལ་བ་བསྡུས་གཞོམ་གྱི་འཁོར་ལ་བརྟགས་པ། སེམས་ཅན་དམྱལ་བ་འཇིགས་པར་ལྟ་བ་ཞེས་བྱ་བ་མཐོང་ངོ་།། དེར་སྲོག་ནགས་དག་ལས་ཀྱི་རྣམ་པར་སྨིན་པ་གང་གིས་སྐྱེ་བར་འགྱུར་སྔམ་ན། དེས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡམ་པ་བསྒོམས་ཏེ་མང་དུ་བྱས་པ། བྱས་ལ་བསགས་པ་དེ་ནི་སེམས་ཅན་དམྱལ་བ་འཇིགས་པར་ལྟ་བར་སྐྱེ་བར་འགྱུར་བ་མཐོང་ངོ་། ། དེ་ལ་ཇི་ལྟར་ན་སྲོག་གཅོད་པ་དང་། མ་བྱིན་པར་ལེན་པས་འགྱུར་སྙམ་ན་སྔ་མ་བཞིན་དུ་སྦྱར་ནས། འདོད་པས་ལོག་པར་གཡེམ་པ་ནི། གང་གིས་བྱིས་པ་གཞན་དུ་བཞིན་དུ་མཐུས་སྦ་བའི་གནས་སུ་བཅུག་པ་ནི། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་འཇིགས་པར་ལྟ་བར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་པབཔར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་དེར་སྔོན་མིར་གྱུར་པ་ན། དེའི་བུ་གང་ཡིན་པ་མཐོང་སྟེ་ལས་ཀྱིས་བྱས་པ་དེ་ལ་འདི་ལྟར་དེ་ནི་མིར་གྱུར་པ་ན། མིར་གྱུར་པ་བདག་གི་ཡིན་ནོ་སྙམ་དུ་སྲེད་པའི་ཡོན་ཏན་འབྱུང་ངོ་། ། དེ་ནས་བུ་དེ་ལ་གཤིན་རྗེའི་མི་རྣམས་ཀྱིས་ཕུར་བུ་དག་འདེབས་ཤིང་དེ་ལྟར་སྦ་བའི་གནས་སུ་ཕུར་བུ་དག་བཏབ་པ་མཐོང་ངོ་།། དེ་མཐོང་ནས་བུ་དེ་ལ་འདི་སྔར་གནོད་པ་འབྱུང་བ་དེའི་རྣམ་པ་ཡོད་པ་དེ་སྲིད་དུ་ཡིད་ལ་སྡུག་བསྔལ་སྐྱེ་ཞིང་། གང་ལ་སྡུག་བསྔལ་གནོད་པའི་མེ་འབྱུང་བ་དེའི་སྡུག་བསྔལ་གྱི་ཆ་བཅུ་དྲུག་ཡིད་ལ་སྡུག་བསྔལ་གྱིས་གནོད་པ་སྐྱེ་བར་འགྱུར་ཏེ། ཡིད་ཀྱི་སྡུག་བསྔལ་ཁྱད་པར་ཆེའོ།། ལུས་ཀྱི་སྡུག་བསྔལ་ཡང་སྡུག་བསྔལ་འདི་དག་འབྱུང་སྟེ། དེ་ལ་གནོད་པ་འབྱུང་བར་འགྱུར་བ་ནི་འདི་ལྟ་སྟེ། གཤིན་རྗེའི་མི་དག་གིས་ཁ་སྦུབ་ཏུ་བཞག་ནས་ལྕགས་རབ་ཏུ་འབར་བའི་སྣོད་ཀྱི་ནང་དུ་ཟངས་རབ་ཏུ་འབར་བས་དེ་སྨྲ་བའི་གནས་སུ་ལྡུགས་སོ། ། དེ་ལ་དེ་བླུགས་པ་དང་། སྦ་བའི་གནས་དང་། སྦ་བའི་གནས་བསྲེགས་ནས་ལོང་ཀ་སྲེག། ལོང་ཀ་བསྲེགས་ནས་རྒྱུ་མ་སྲེག་གོ།། དེ་ཡང་བསྲེགས་ནས་སྙིང་སྲེག་གོ།། སྙིང་ཡང་བསྲེགས་ནས་མཆེར་པ་སྲེག་གོ།། མཆེར་པ་ཡང་བསྲེགས་ནས་གློ་བ་སྲེག་གོ། གློ་བ་བསྲེགས་ནས་སྲོལ་གོང་སྲེག་གོ། སྲོལ་གོང་བསྲེགས་ནས་མིད་པ་སྲེག་སྟེ། མཆིལ་མ་ཡང་བསྲེགས་ནས་ལྕེའི་དྲུང་སྲེག་གོ། ལྕེའི་དྲུང་ཡང་བསྲེགས་ནས་ལྕེ་སྲེག་གོ། ལྕེ་བསྲེགས་ནས་རྐན་སྲེག་གོ། དཀན་བསྲེགས་ནས་ཀླད་པ་སྲེག་གོ། ཀླད་པ་བསྲེགས་ནས་ཀླད་རྒྱས་སྲེག་སྟེ། འབར་བ་དེ་འོག་ཏུ་བྱུང་ནས་འགྲོའོ།། དེ་ལྟར་འདོད་པས་ལོག་པར་གཡེམ་པ་འདི་ནི་ལོ་འབུམ་ཕྲག་དུ་མར་ལས་ཀྱིས་བྱས་པའི་བུ་དག་མཐོང་སྟེ། དེ་ལུས་དང་ཡིད་ལ་སྡུག་བསྔལ་གྱིས་གནོད་པ་ནི་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་བསྲེག་སྟེ། འཆི་བའི་དུས་མི་བྱེད་དོ།། དེ་ཕྱིས་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། དེ་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུས་དེའི་ཁུ་ཆུ་ཉམས་པར་འགྱུར་ཞིང་། དེ་བུ་མེད་པར་འགྱུར་ལ། དེ་མ་ནིང་ཞེས་བྱ་སྟེ། སྐྱེ་བོ་ཀུན་གྱིས་སྨད་པར་འགྱུར་རོ། ། དེ་ནས་གཞན་ཡང་དགེ་སློང་དེ་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་རྟོག་པར་བྱེད་དེ། འཁོར་གཞན་གང་ཞིག་ཡོད་སྙམ་མོ།། དེ་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་གཞན་འཁུམས་པ་ཞེས་བྱ་བ། འཁུམས་པའི་རང་བཞིན་ཅན་ཡོད་པ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་ཞེ་ན། གང་གིས་ཕྱུགས་མིག་ཟླུམ་གཅིག་གི་མངལ་དུ་བུད་མེད་གཞན་ཞིག་ཡིན་པར་བསམས་ཏེ། དེ་ལ་སྤྱད་དོ་སྙམ་པས་བཅུག་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་འཁུམས་པར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། བ་དེ་དག་གམ། རྟ་རྒོད་མ་དེ་དག་ལ་བདག་གི་སྙིང་གིས་གང་སྔོན་ཆགས་པའི་ལུས་ཡིན་པར་བསམས་པའི་བ་འམ། རྟ་རྒོད་མ་ལས་ཀྱིས་བྱས་པ་སེམས་ཅན་དམྱལ་བར་མཐོང་ངོ་།། དེ་འདོད་ཆགས་ཀྱིས་ཟིལ་གྱིས་ནོན་པའི་སེམས་ཀྱིས་པ་འམ། རྟ་རྒོད་མ་དེ་ལ་བསྙགས་སོ།། དེ་དག་གི་ཁོང་བའི་ནང་ན་ལྕགས་ཀྱི་མ་མདག་རབ་ཏུ་འབར་བ་དག་གིས་གང་སྟེ། གལ་ཏེ་དེ་དང་ཕྲད་ན་དེ་ཚུལ་བཞིན་མ་ཡིན་པའི་ལས་བྱས་པའི་སྒོ་དེས། ཁོང་པའི་ནང་མ་མདག་གིས་གང་བ་དེར་འཇུག་པར་འགྱུར་ཏེ། དེ་དེའི་ཁོང་པ་མུན་པ་དེར་ལོ་འབུམ་ཕྲག་དུ་མར་བསྲེག་ཅིང་འཚེད་དེ་ངུ་བར་ཡང་མི་ནུས་སོ།། དེ་ཇི་སྲིད་དུ་རྣམ་པ་དུ་མ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཚེད་དོ།། དེ་ཕྱིས་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་དུད་འགྲོ་དང་ཡི་དགས་དག་ཏུ་མ་སྐྱེས་ལ། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། གང་དུ་རང་གི་ཆུང་མ་མ་ཡིན་པ་གཞན་དག་ལ་བྱས་ལ་བསགས་པ། འདོད་པས་ལོག་པར་གཡེམ་པ་རྒྱུ་མཐུན་པའི་འབྲས་བུས་དེ་ཡུལ་དེ་ལྟ་བུར་སྐྱེ་བར་འགྱུར་རོ།། དེ་ནས་གཞན་ཡང་དགེ་སློང་དེས་གང་སེམས་ཅན་དམྱལ་བ་ཆེན་པོ་དེའི་འཁོར་ལ་བརྟགས་ན། དེ་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཉམ་ང་བ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ན། དེ་གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ལ་མང་དུ་བྱས་པས་འགྱུར་བ་མཐོང་སྟེ། སྲོག་གཅོད་པ་དང་། མ་བྱིན་པར་ལེན་པ་ནི་སྔ་མ་བཞིན་ནོ།། འདོད་པས་ལོག་པར་གཡེམ་པ་ནི། སྐྱེས་པ་གང་ཞིག་སྐྱེས་པ་ལ་འཇུག་པར་བྱེད་ན། དེ་ལུས་དང་བྲལ་ནས་ངན་། འགྲོ་ལོག་པར་ལྟུང་བ་སེམས་ཅན་དམྱལ་བ་ཉམ་ང་བ་མང་བར་སྐྱེ་བར་འགྱུར་རོ།། བྱས་ལ་བསགས་པའི་ལས་ཀྱི་མཐུས་དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སྐྱེས་པ། དེ་ཉིད་སེམས་ཅན་དམྱལ་བ་དེར་མཐོང་སྟེ། སྐྲ་རབ་ཏུ་འབར་ཞིང་ལུས་ཐམས་ཅད་རབ་ཏུ་འབར་ལ། ལུས་རྡོ་རྗེ་ལྟར་རབ་ཏུ་སྲ་བ་དེས་འཛིན་པ་ནི་ཇི་ལྟར་བྱེ་མ་ཆད་པ་ནས་གཏོར་བ་དེ་ལྟར་ཡན་ལག་དང་ཉིང་ལག་ཐམས་ཅད་ལ་གནོད་པ་བྱེད་དོ། ། དེ་མི་དགེ་བའི་ལས་ཀྱིས་ཤི་ནས་ཡང་འཚོ་བར་འགྱུར་ཏེ། དེ་སྐྱེས་པ་རབ་ཏུ་འབར་བ་དེས་འཇིགས་ཤིང་ཞུམ་པར་བྱེད་དོ།། དེས་ངམ་གྲོག་དེ་དག་མཐོང་སྟེ། དེའི་ནང་དུ་ལྷུང་ངོ་།། དེ་ནམ་མཁའ་ལ་གནས་པ་དང་། ཇི་ལྟར་དེ་ཡུངས་འབྲུ་ཙམ་དུ་ཡང་མི་སྣང་བ་དེ་ལྟར་ཁྭ་མཆུ་རབ་ཏུ་འབར་བ་དག་འོངས་ནས་དུམ་བུར་གཅོད་དོ།། དེ་ཡང་བྱུང་བར་གྱུར་ནས། ས་ལ་ལྷུང་བ་དང་། དེར་ཝ་ཁ་རབ་ཏུ་འབར་བ་དག་འོངས་ནས་ཟ་བར་བྱེད་དེ། གལ་ཏེ་དེའི་རུས་པ་དག་ཟད་པར་བཏོགས་ན་ཡང་སྐྱེ་བར་འགྱུར་ཏེ། དེ་བྱུང་བ་དང་། གཤིན་རྗེའི་མི་དག་གིས་ལྕགས་ཀྱི་རྫུ་མ་རབ་ཏུ་འབར་བ་དག་གི་ནང་དུ་འཚེད་དོ།། དེ་ལྟར་ཇི་སྲིད་དུ་མི་དགེ་བའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་འཚེད་ཅིང་ཟ་ལ་ཕྱེ་མར་རློག་གོ། དེ་ཕྱིས་སེམས་ཅན་དམྱལ་བ་ཉམ་ང་བ་མང་བ་དེ་ལས་ཐར་པར་འགྱུར་ཏེ། ཐར་ནས་ཀྱང་དེ་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེ་འདོད་པས་ལོག་པར་གཡེམ་པའི་རྒྱུ་མཐུན་པའི་འབྲས་བུས། དེའི་ཆུང་མ་དུ་མ་ཆུད་ཟ་ཞིང་ཆུང་མ་གཅིག་ཀྱང་མི་གྲུབ་ལ། ཀུན་མི་གཞན་གྱི་དྲུང་དུ་འགྲོ་བར་འགྱུར་རོ།། དེ་ནས་གཞན་ཡང་དགེ་སློང་དེས་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་རྟོག་པར་བྱེད་དེ། སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་གཞན་གང་ཞིག་ཡིན་སྙམ་མོ།། དེ་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་གནོད་པ་མི་བཟོད་པ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་པས་འགྱུར་ལ། དེ་ལ་སྲོག་གཅོད་པ་དང་། མ་བྱིན་པར་ལེན་པ་ནི་སྔ་མ་བཞིན་ནོ།། འདོད་པས་ལོག་པར་གཡེམ་པ་ནི་སྔའི་ཚོགས་གཞན་གྱི་བུད་མེད་ཐོབ་ནས་སྐྱེས་པ་མང་པོ་དག་ལ་བྱིན་ཞིང་བདག་ཉིད་ཀྱང་མངལ་ལམ་མངལ་མ་ཡིན་པར་འཇུག་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་གནོད་པ་མི་བཟད་པར་སྐྱེ་བར་འགྱུར་རོ།། དོར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། གཤིན་རྗེའི་མི་རྣམས་ཀྱིས་རྐང་པ་གྱེན་དུ་ཤིང་ཁར་བཏགས་ཤིང་། དེ་གྱེན་དུ་བཏགས་པ་ལ་མེས་སྲེག་སྟེ། གང་གིས་དེའི་ཁ་ལ་སོགས་པ་ལུས་ཐམས་ཅད་སྲེག་ཅིང་། དེའི་ཚེ་དེའི་མིག་ཤིན་ཏུ་སྡུག་གུ་བྱུང་ཞིང་སྐྱེས་པ་དག་མེས་སྲེག་གོ། དེ་ལྟར་ན་སེམས་ཅན་དམྱལ་བ་དེའི་ཚོར་བ་དྲག་པ། ཚ་བ། རྩུབ་པ། བཟོད་པར་དཀའ་བ་ཡིན་ནོ།། དེ་ཚོར་བ་དེས་ཉམ་ཐག་པ་ན་འབོད་ཅིང་ངུ་སྐད་འབྱིན་ལ། ངུ་ཞིང་ཁྲོ་བོ། སེམས་ཅན་དམྱལ་བ་དེ་སྐད་འབྱིན་པ་དེའི་ཁར་མེ་བཅུག་སྟེ། ཁའི་ནང་དུ་མེ་བཅུག་པས་གློ་བ་དང་། མཆེར་བ་དང་། ཕོ་བ་དང་། ལོང་ཀ་དང་། མདོམས་དང་། གཞང་བསྲེགས་པ་ནས། རྐང་པའི་བར་དུ་བསྲེགས་སོ།། དེ་བསྲེགས་པ་ན་ཡང་ཉམ་ཐག་པའི་ཚོར་བ་མྱོང་བར་འགྱུར་བའི་ཁྭ་དེ་དག་འོངས་ནས། དེའི་ལུས་ལ་ཟ་བར་བྱེད་དོ། ། དེ་ཚོར་བ་གཉིས་ཀྱིས་ཞེན་ནས་སྲེག་ཅིང་ངུ་སྟེ། དེ་ལྟར་སྲེག་པ་ན། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། དེ་འདི་ལྟར་ལོ་འབུམ་ཕྲག་དུ་མར་སེམས་ཅན་དམྱལ་བ་དེའི་ཚོར་བ་དྲག་ཅིང་ཚ་ལ་མི་བཟད་པ། གཞན་དང་མཚུངས་པ་མེད་པ་ལོ་འབུམ་ཕྲག་དུ་མར་མྱོང་བར་འགྱུར་རོ།། དེ་སེམས་ཅན་དམྱལ་བ་དེ་ལས་ཕར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེའི་མཐུས་དེའི་ཆུང་མ་མཆོག་ཏུ་དགའ་ཞིང་མཆོག་ཏུ་བལྟ་ན་སྡུག་པ་ཡང་སྡེའི་ཚོགས་གཞན་དག་གིས་ཕྲོགས་པ་དང་། དེའོ་དོད་འབོད་ཅིང་ངུ་ལ་མྱ་ངན་བྱེད་དོ།། འདོད་པས་ལོག་པར་གཡེམ་པའི་རྒྱུ་མཐུན་པའི་འབྲས་བུས་ཆུང་མ་དེའི་ཕྱིར་འཇིག་རྟེན་འདི་དང་ཕ་རོལ་ཏུ་ཡང་འོ་དོད་འདོད་ཅིང་ངུ་བར་བྱེད་ལ། ཡོངས་སུ་གདུང་བར་བྱེད་དོ།། དེ་ནས་གཞན་ཡང་དགེ་སློང་དེས་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་རྟོག་པར་བྱེད་དེ། ལས་གང་གིས་སེམས་ཅན་དམྱལ་བ་ཨ་ཙ་ཟེར་བར་སྐྱེ་བར་འགྱུར་སྙམ་ནས། དེ་ཐོས་པ་ལས་བྱུང་བའི་ཤེས་པས་བརྟགས་ན། སྔོན་ཚུལ་བཞིན་མ་ཡིན་པ་ཡིད་ལ་བྱེད་པས། བུད་མེད་གཞན་མ་རྙེད་ནས་ལུག་མ་མོ་འམ། བོང་མོ་ལ་འཇུག་པར་བྱེད་ཅིང་མཆོད་རྟེན་ནམ། མཆོད་རྟེན་གྱི་ཕྱོགས་སམ། སངས་རྒྱས་ལ་གུས་པ་ཙམ་ཡང་བྱེད་པ་མེད་པ་ནི་དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་ཨ་ཙ་ཟེར་བར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། ལྕགས་ཀྱི་གྲོག་སྦུར་ཚོར་བ་ཆེན་པོར་སྐྱེད་པ་དག་གིས་ཡན་ལག་དང་ཉིང་ལག་ཐམས་ཅད་ལ་ཟ་བར་བྱེད་དོ། ། སེམས་ཅན་དམྱལ་བ་དེ་དག་གི་ལྟོ་ཡང་མེས་གང་བར་འགྱུར་ཏེ། རང་གི་ལས་ཀྱི་རྣམ་པར་སྨིན་པ་དྲག་ཅིང་མི་བཟད་པས། ལོ་འབུམ་ཕྲག་དུ་མར་ཕྱི་ནང་སྲེག་ཅིང་ཟའོ། ། སྲིན་བུ་ཨ་ཙ་ཟེར་ཞེས་བྱ་བ་ཡང་སྐྱེ་བར་འགྱུར་ཏེ། གང་སེམས་ཅན་དམྱལ་བའི་མི་དེ་དག་གི་ཤ་ལ་ཟའོ།། ཤ་ཟོས་ནས་ཁྲག་འཐུང་ངོ་།། ཁྲག་འཐུངས་ནས་རྒྱུས་པ་གཅོད་དོ།། རྒྱུརྒྱས་པ་བཅད་ནས་རུས་པ་འཆའ། རྐང་འཇིབ་ཅིང་རྒྱུ་མ་དང་གཉེ་མ་དག་ལ་ཟ་བར་བྱེད་དོ།། དེ་སྲེག་ཅིང་འཚེད་ལ་ཟ་བ་ན། འོ་དོད་འབོད་ཅིང་ངུལ་ཆོ་ངེས་འདེབས་ཤིང་སྙིང་རྗེ་རྗེ་སྐད་དུ་སྨྲེ་སྔགས་འདོན་ཏོ། ། ཇི་སྲིད་དུ་རྣམ་པར་སྨིན་པའི་འབྲས་བུ་ཉེ་བར་མ་སྤྱད་ཀྱི་བར་དུ་དེའི་ཉེས་པར་སྤྱད་པའི་སྡིག་པའི་ལས་དྲག་ཅིང་མི་འདོད་ལ་མི་སྡུག་ཅིང་ཡིད་དུ་མི་འོང་བར་འགྱུར་ཏེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་སྲེག་ཅིང་འཚོད་ལ་ཟ་བར་བྱེད་དོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཕར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། མི་དེའི་ལས་ཀྱི་རྒྱུ་མཐུན་པའི་འབྲས་བུའི་རྒྱུས་དེ་ལ་འགྲན་ཟླ་མང་ཞིང་། རྒྱལ་པོའི་ཕོ་བྲང་འཁོར་དུ་དེའི་འགྲུབ་པ་མེད་པར་འགྱུར། དབུལ་ཞིང་ནོར་རྫས་ཐམས་ཅད་ཉམས་པར་འགྱུར་ལ་ཚེ་ཐུང་བར་འགྱུར་རོ།། དེ་ནས་གཞན་ཡང་དགེ་སློང་དེ་སེམས་ཅན་དམྱལ་ད་ཆེན་པོ་བསྡུས་གཞོམ་གྱི་འཁོར་ལ་རྟོག་པར་བྱེད་དེ། ལས་ཀྱི་རྣམ་པར་སྨིན་པ་བྱས་ལ་བསགས་པ་ལས་ཉེར་བསྡོགས་དང་། ལས་ཀྱི་མཇུག་གང་གིས་སེམས་ཅན་དམྱལ་བ་ཀྱི་ཧུད་ཟེར་བར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཀྱི་ཧུད་ཟེར་བར་སྐྱེ་བར་འགྱུར་རོ། ། དེར་ལས་ཀྱི་རྣམ་པར་སྨིན་པ་གང་གིས་སྐྱེ་བར་འགྱུར་སྙམ་ནས། དེ་ལ་སྲོག་གཅོད་པ་དང་། མ་བྱིན་པར་ལེན་པ་ནི་སྔ་མ་བཞིན་ནོ། ། འདོད་པས་ལོག་པར་གཡེམ་པ་ནི་གང་ཀླ་ཀློ་དག་ཏུ་སྐྱེ་བར་འགྱུར་ཏེ། དེ་སྐྱེ་བའི་རིས་མཐུན་པའི་སྐྱོན་གྱིས་དེ་གལ་ཏེ་གང་སྲིང་མོ་འམ། གཞན་འོས་པ་མ་ཡིན་པ་དེ་ལྟ་བུ་དག་ལ་སྤྱོད་པར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཀྱི་ཧུད་ཟེར་བར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་དེར་སེམས་ཅན་དམྱལ་བ་པ་དག་སྲེག་ཅིང་འཚེད་ལ། གཤིན་རྗེའི་མི་རྣམས་ཀྱིས་གསོད་པ་ན། གང་གིས་དཔག་ཚད་ལྔར་གང་བའི་སྒྲ་དེ་ལྟ་བུ་འབྱིན་ཏོ།། སྲིད་པ་བར་མ་ལ་གནས་པའི་སེམས་ཅན་དམྱལ་བ་དེས་གཞི་དེ་ལས་སྙིང་རྗེ་ཞིང་འཇིགས་པར་ཐོས་པ། ལས་ཀྱི་དབང་གིས་མི་མཐུན་པའི་ལོག་པར་ཐོས་ཏེ། དེའི་དུ་བ་གླ་དཔངས་སྙན་པའི་སྒྲ་ལྟ་བུ་དང་། ཕེག་རྡོབ་པར་ཐོས་སོ། ། དེ་དེ་ལྟར་བལྟ་བ་ན་དེར་བདག་ཀྱང་འགྲོའོ་སྙམ་དུ་སེམས་སོ།། དེས་སེམས་བསྐྱེད་མ་ཐག་ཏུ་སྲིད་པ་ཉེ་བར་ལེན་པའི་རྐྱེན་ལས་བྱུང་བས་དེར་སྐྱེ་བར་འགྱུར་རོ།། གང་དང་གང་དུ་སྲིད་པ་བར་མ་པའི་ཉེ་བར་ལེན་པར་བྱེད་པ་དེ་དང་དེར་སྐྱེ་བར་འགྱུར་ཏེ། ཉེ་བར་ལེན་པ་དེ་བྱས་པས་དེར་སྐྱེས་སོ།། ལྷན་ཅིག་སྐྱེས་མ་ཐག་ཏུ་སེམས་ཅན་དམྱལ་བའི་སྡུག་བསྔལ་འབྱུང་བར་འགྱུར་ཏེ། སྒྲ་དེ་དག་སེམས་ཅན་དམྱལ་བ་དག་གི་ངོ་བོ་ཉིད་དུ་ཐོས་ཏེ། ཚོར་བ་མི་བཟད་ཅིང་དྲག་ལ་ཚ་བ་གཞན་དང་མཚུངས་པ་མེད་ཅིང་དཔེ་ཟླ་མེད་བདག་མྱོང་བ་ན། སྒྲ་དེ་ཉིས་འགྱུར་གྱིས་སྙིང་ལ་འབིགས་པར་བྱེད་དོ།། གནོད་པ་འདི་དག་ཀྱང་འབྱུང་བར་འགྱུར་ཏེ། འདི་ལྟ་སྟེ། ལྕགས་ཀྱི་རི་རབ་ཏུ་འབར་བ། ཁྭ་སྤུངས་པ་ཞེས་བྱ་བ་ཡོད་དེ། དེ་དཔག་ཚད་སྟོང་ལྔ་བརྒྱར་འབར་ལ། རིང་ཁྱད་གནམ་ལ་ཐུག་པ་ཞིག་ཡོད་དོ།། དེ་ལ་ལྕགས་ཀྱི་ཤིང་ལྗོན་པ་དང་། ལྕགས་ཀྱི་ཁྭ་རབ་ཏུ་འབར་བ་དག་གིས་གང་སྟེ། རི་དེ་ཐམས་ཅད་ཀྱང་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་། ཀུན་ནས་དེའི་ལས་ཀྱིས་བྱས་པའི་མས་རྒྱུན་མི་འཆད་པར་རབ་ཏུ་འབར་བ་ན། ཉེས་པར་བྱས་པའི་ལས་ཀྱི་རི་དེ་པདྨའི་ཚལ་གྱིས་ཁེབས་པར་མཐོང་ཞིང་། པདྨའི་འདབ་མ་དེ་དག་འོད་འཕྲོ་བར་མཐོང་ནས་དེ་དག་གཅིག་ལ་གཅིག་བོས་ཏེ། གྲོགས་པོ་དག་ཚུར་ཤོག་ཚུར་ཤོག། རི་ཚལ་གྲིབ་མ་བསིལ་བ་ཅན་དུ་འདོང་། ཚལ་སྡུག་པ་དག་ཉེ་བར་བསྟེན་པར་བྱའོ་ཞེས་སྨྲའོ།། དེ་ནས་སེམས་ཅན་དམྱལ་བ་པ་དེ་དག་ལ་གཤིན་རྗེའི་མི་རྣམས་ཀྱིས་རྡོའི་ཆར་དག་གིས་རྡེག་པ་ན་སྐྱོབ་པ་འདོད་པ། སྐྱབས་འདོད་པ། མགོན་འདོད་པ་དག་རིག་ལ་བ་དེར་དེ་དག་རྒྱུག་གོ། ཇི་ལྟར་རི་དེ་ལ་དེ་ལྟར་འཛེགས་པ་དང་། རི་དེ་ཡང་འབར་བའི་འཕྲེང་བས་འཁྲུགས་ཤིང་། ཀུན་ནས་རབ་ཏུ་འབར་ལ། ཁ་རབ་ཏུ་འབར་བ་མཆུ་ཤིན་ཏུ་རྣོ་བ་རྣམས་ཀྱིས་སེམས་ཅན་དམྱལ་བ་ཤིན་ཏུ་གང་བ་དེ་དག་མཐོང་ནས་རྒྱུག་ཅིང་། སེམས་ཅན་དམྱལ་བ་དེ་དག་ལ་ཟ་བར་བྱེད་དེ། ཁ་ཅིག་ནི་ཀླད་པ་དང་། ཀླང་རྒྱས་ལ་འཇོག་ཁ་ཅིག་ནི་མིག་ལ། ཁ་ཅིག་ནི་སྣ་ལ། ཁ་ཅིག་ནི་འགྲམ་པའི་པགས་པ་ལ། ཁ་ཅིག་ནི་རྐེད་པའི་ངོས་ལ། ཁ་ཅིག་ནི་ལྕེ་ལ། ཁ་ཅིག་ནི་མགྲིན་པ་ལ། ཁ་ཅིག་ནི་མགྲིན་པའི་པགས་པ་ལ། ཁ་ཅིག་ནི་མིང་པ་ལ། ཁ་ཅིག་ནི་སྙིང་ལ། ཁ་ཅིག་ནི་གློ་བ་ལ། ཁ་ཅིག་ནི་མཆེར་བ་ལ། ཁ་ཅིག་ནི་རྒྱུ་མ་ལ། ཁ་ཅིག་ནི་གཉེ་མ་སྦོམ་པོ་ལ། ཁ་ཅིག་ནི་ལྟོ་བའི་པགས་པ་ལ། ཁ་ཅིག་ནི་རྣ་བའི་རུས་པ་ལ། ཁ་ཅིག་ནི་བརླ་ལ། ཁ་ཅིག་ནི་བརླའི་སྦུབས་ལ། ཁ་ཅིག་ནི་རྐང་པའི་རྟིང་པ་ལ། ཁ་ཅིག་ནི་རྟིང་པའི་པགས་པ་ལ། ཁ་ཅིག་ནི་རྐང་མཐིལ་ལ། ཁ་ཅིག་ནི་གཞང་ལ། ཁ་ཅིག་ནི་རྐང་པའི་སོར་མོ་ལ་འཐོག་གོ། ཡང་རྣམ་པར་ཕྱེ་ནས་ཟ་བར་བྱེད་དེ། ཁ་ཅིག་ནི་མདུན་གྱི་ངོས་ལ། ཁ་ཅིག་ནི་གློ་ལ། ཁ་ཅིག་ནི་གློའི་པགས་པ་ལ། ཁ་ཅིག་ནི་ལག་པའི་རྒྱབ་ཀྱི་རུས་པ་ལ། ཁ་ཅིག་ནི་ཡན་ལག་དང་ཏིང་ལག་ཐམས་ཅད་དང་། རྐང་ཡོད་པའི་སེམས་ཅན་དམྱལ་བ་དེ་དག་སོ་སོར་ཕྱེ་ནས་ཁྭ་དེ་རྣམས་ཀྱིས་ཟ་བར་བྱེད་དོ།། ཡང་ལས་ཀྱི་དབང་གིས་སྐྱེ་བར་འགྱུར་ཏེ། སྐྱེས་ནས་ཀྱང་གཤིན་རྗེའི་མིས་འཇིགས་ཤིང་ཁས་འཇིགས་ལ་སྐྱོབ་པ་འདོད་ལ། སྐྱབས་འདོད་པ་དག་རི་ཁཱ་སྤུངས་པ་ག་ལ་བ་དེར་རྒྱུག་གོ། དེ་དག་གང་གི་ཚེ། ལས་ཀྱིས་བྱས་པའི་མེས་འབར་བའི་འཕྲེང་བ་འབར་བའི་རི་སྤུངས་པ་དེ་ལ་འཛེག་པ་ན། འབར་བའི་འཕྲེང་བས་ལུས་ཡོངས་སུ་དཀྲིས་པ་དག་རི་དེ་ལ་ལོ་འབུམ་ཕྲག་དུ་མར་སྲེག་པར་འགྱུར་རོ།། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་ཤིང་། ཇི་སྲིད་དུ་དེའི་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསླང་བ་ལ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི། ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་དེའི་ལས་དྲག་ཅིང་ཚ་བ་བྱས་ལ་བསགས་པའི་མཐུས། གང་དག་ཁྭ་སྤུངས་པའི་རི་དེའི་རྩེ་མོ་ལ་ཡང་གང་གིས་བྱུང་བ་དག་འཛེག་པར་བྱེད་དེ། དེ་དག་ལ་འབར་བ་དེ་དག་གིས་དཔག་ཚད་སྟོང་ལྔ་བརྒྱར་གྱེན་དུ་བཏེག་བཏེག་སྟེ། ཕྱེ་མ་ལེབ་བཞིན་དུ་སྲེག་པར་བྱེད་ཀྱང་། ཅིག་ཅར་འཆི་བའི་དུས་ནི་མི་བྱེད་དོ།། གང་གི་ཚེ་དེ་བཅོམ་ཞིང་སྤངས་ལ་ཟད་པར་བྱས་པ་དེའི་ཚེ། སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགྲ་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེའི་ལས་བྱས་ལ་བསགས་པའི་རྒྱུ་མཐུན་པའི་འབྲས་བུས་དེའི་ཡན་ལག་དང་ཉིང་ལག་ཐམས་ཅད་ལས་དྲི་རུལ་བ་འབྱུང་ཞིང་། མཛེའམ། དེ་ལ་ཤ་བཀྲ་འབྱུང་བར་འགྱུར། འགྲན་ཟླ་མང་ཞིང་ཕལ་ཆེ་ལ་དབུལ་བ་དང་། ཡུལ་ངན་པར་སྐྱེ་བར་འགྱུར་རོ།། དེ་ནས་གཞན་ཡང་དགེ་སློང་དེས་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་འཁོར་གཞན་མཆི་མའི་རྒྱུན་མེ་ལྟ་བུ་ཞེས་བྱ་བ་ཡོད་པར་མཐོང་ངོ་། ། དེར་སེམས་ཅན་ལས་ཀྱི་རྣམ་པར་སྨིན་པ་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན།། པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་ཏེ། དེ་ལ་སྲོག་གཅོད་པ་དང་། མ་བྱིན་པར་ལེན་པ་ནི་སྔ་མ་བཞིན་ནོ།། འདོད་པས་ལོག་པར་གཡེམ་པ་ནི། དགེ་སློང་མ་ཚུལ་ཁྲིམས་རལ་ཅིང་སྤྱོད་པ་ངན་པ་ལ་སྔར་གཞན་གང་ཞིག་གིས་ལྷན་ཅིག་མི་ཚངས་པར་སྤྱད་པ་བྱས་ལ། ཕྱིས་གཞན་ཞིག་དེ་དང་ལྷན་ཅིག་བྱེད་ན། དེ་ལུས་དང་བྲལ་བས་ངན་འགྲོ་ལོག་པར་ལྟུང་བ་སེམས་ཅན་དམལ་བ་མཆི་མའི་རྒྱུན་མེ་ལྟ་བུར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། ཚ་བ་རྩུབ་པ་མི་འདོད་པའི་ལས་ཀྱི་རྣམ་པ་དེ་ལྟ་བུ་བྱས་པར་འགྱུར། གང་གིས་ཀུན་ནས་རབ་ཏུ་འབར་བའི་མེས་སྲེགས་པ་ན། མཆི་མ་གང་འབྱུང་བ་དེ་དག་མེའི་མཆི་མར་འབྱུང་སྟེ། དེ་དག་གིས་ལུས་དེ་དག་སྲེག་ཅིང་སེམས་ཅན་དམྱལ་བ་དེ་དག་ལ་གནོད་པའི་རྣམ་པ་དེ་ལྟ་བུས་ཉེན་པར་འགྱུར་རོ། ། དེ་ཡང་གནོད་པ་གཞན་དག་མྱོང་བར་འགྱུར་ཏེ། མིག་གི་ནང་དུ་སེང་ལྡེང་གི་མ་དག་མས་ཀུན་ཏུ་འགེངས་ཤིང་། གཤིན་རྗེའི་མི་རྣམས་ཀྱིས་རུས་པ་རྡུང་། སོ་སོར་འབྱེད་ལ་སྨྱུག་མ་ལྟ་བུར་འབུད་ཅིང་སེམས་ཅན་དམྱལ་བ་སོ་སོར་འཇིགས་པ་ལ། ལྕགས་ཀྱི་ཕུར་བུ་དང་། གཏུན་ཤིང་དང་། མདའ་བོ་ཆེ་རྣམས་ཀྱིས་སེམས་ཅན་དམྱལ་བ་པ་དེ་དག་གི་ལུས་གཅོད་ཅིང་འབིགས་ལ། དུམ་བུར་རློག་གོ།། ཕྲ་སྐམ་རབ་ཏུ་འབོར་བས་གཞང་གདངས་པའི་ནང་དུ། ཞ་ཉེ་བསྐོལ་བས་ཀུན་ཏུ་བཀང་སྟེ། དེའི་ནང་ན་ཞ་ཉེ་བསྐོལ་བས་རབ་ཏུ་སྲེག་ལ། ཕྱི་རོལ་མེ་ཤིན་ཏུ་འབར་བས་རབ་ཏུ་བསྲེག་གོ།། དེ་གཉིས་ཀས་སྲེག་པ་ན་ཚོར་བ་ཤིན་ཏུ་ཚྭ་ཞིང་མི་བཟད་པ་རྣམ་པ་དུ་མ་མྱོང་བར་འགྱུར་རོ།། ། དམ་པའི་ཆོས་དྲན། པ་ཉེ་བར་གཞག་པ་བམ་པོ་བརྒྱད་པ། འདིར་ཚིགས་སུ་བཅད་པ། དམྱལ་བའི་སྡིག་པའི་ལས་ཀྱིས་སུ།། ཞ་ཉེ་དག་གིས་ནང་བླུགས་ཤིང་།། མེ་འབར་བ་ཡིས་ཕྱི་རོལ་དུ།། སྲེག་པ་ཤིན་ཏུ་སྡུག་བསྔལ་ཡིན། ། གང་དག་སྡུག་བསྔལ་ལས་འབྲས་སྐྱེས།། ཚ་བ་འབྱུང་བ་སྐྱེ་བ་ནི།། ཁམས་གསུམ་དག་ཏུ་དེ་ཡི་དཔེ།། བྱ་བར་སླ་བ་མ་ཡིན་ནོ།། རྣམ་གསུམ་འབྲས་བུ་གསུམ་སྐྱེས་པ།། ཁམས་གསུམ་དག་ཏུ་སྐྱེ་བ་ནི། ། སེམས་གསུམ་ལས་བསླང་ཉེས་གསུམ་སྐྱེས།། གནས་གསུམ་དག་ཏུ་སྨིན་པར་འགྱུར།། རྒྱུ་དང་རྐྱེན་ནི་ཚོགས་པ་ཡིས།། ཀུན་བསླང་སོ་སོ་དེ་ཉིད་དག། དེ་ཡི་ལས་ཀྱི་རྣམ་སྨིན་ནི།། ཁམས་གསུམ་དག་ན་སྣང་བ་ཡིན། ། ཇི་ལྟ་ཇི་ལྟར་སེམས་འབྱུང་བ།། དེ་ལྟ་དེ་ལྟར་ཡོངས་གྱུར་ཏེ།། དགེ་བ་ཡིས་ནི་དགེ་བྱེད་ཅིང་།། སྡིག་པ་ཡིས་ནི་སྡིག་པ་བྱེད།། ལས་ནི་སེམས་དང་འབྲེལ་བ་སྟེ།། སྲིད་པ་ལས་དང་།། འབྲེལ་བ་ཡིན།། སེམས་དང་ལས་ཀྱིས་ཀུན་བསླང་བ།། འདི་ནི་འཁོར་བར་ཡོངས་སུ་བསྒྲགས།། སྲེད་པ་གང་གིས་བསླུས་པ་ཡིས།། སྡང་བའི་སེམས་དང་ལྡན་པའི་ལས།། འདིར་ནི་མི་དག་དེ་བྱེད་དེ།། ད་ནི་སེམས་ཅན་དམྱལ་བར་འཚེད། ། གཞན་གྱིས་བྱས་པའི་སྡིག་པ་ནི།། གཞན་ལ་ཡོངས་སུ་སྨིན་མི་འགྱུར།། སྲོག་ཆགས་ཀུན་གྱིས་བདག་ཉིད་ཀྱི།། ལས་ཀྱི་འབྲས་བུ་དག་ལ་སྤྱོད།། ཁྱེད་ཅག་རང་གི་སེམས་ཀྱིས་སུ། ། འདི་དག་ཐམས་ཅད་བསླུས་པ་ཡིན།། མེ་ཡིས་ཡོངས་སུ་གདུངས་པ་ཡི།། ངུ་སྐད་དོན་མེད་ཅི་ཞིག་འབྱིན།། དེ་ལྟར་སེམས་ཅན་དམྱལ་བ་དེ་དག་ལ་གཤིན་རྗེའི་མི་དེ་དག་གིས་རང་གི་ལས་དག་རང་ཉིད་ཀྱིས་མ་མྱོང་བར་གྲོལ་བ་མེད་དོ་ཞེས་རྗེས་སུ་བསྟན་ཏེ། དེ་ལྟར་ལས་དང་འབྲས་བུར་འབྲེལ་བ་ནི། དེ་ཐམས་ཅད་སྲིད་པ་བར་མར་དམིགས་སོ།། དེ་ལྟར་རྗེས་སུ་སྟོན་པ་ནི། ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། སེམས་ཅན་དམྱལ་བ་དེ་དག་ལ། གཤིན་རྗེའི་མི་དེ་རྣམས་ཀྱིས་ལོ་འབུམ་ཕྲག་དུ་མར་སྲེག་ཅིང་འཚེད་དོ།། ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་བྱས་ལ་བསགས་པའི་རྒྱུ་མཐུན་པའི་འབྲས་བུའི་མཐུས་སྐྲན་ཅན་དུ་འགྱུར་ཞིང་། སྐེམ་པོ་འམ། བྱད་ངན་པ་འམ། སྒོམ་པ་འམ། ལུས་ཚལ་ཞིང་བསྲེགས་པ་ལྟ་བུར་འགྱུར་རོ།། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་བརྟགས་ན། དེ་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་དབང་པོ་ཐམས་ཅད་ཀུན་ཏུ་འགགས་པ་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེར་སེམས་ཅན་དམྱལ་བ་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་པར་གྱུར་པ་དེ་དག་སེམས་ཅན་དམྱལ་བར་སྐྱེ་བར་འགྱུར་ཏེ། དེ་ལ་སྲོག་གཅོད་པ་དང་།། མ་བྱིན་པར་ལེན་པའི་རྣམ་པར་སྨིན་པ་ནི་སྔར་བཤད་པ་བཞིན་ནོ།། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་རྣམ་པ་དུར་འགྱུར་སྙམ་ན། ཤིན་ཏུ་འདོད་ཆགས་བདོ་བ་གང་གིས་བུད་མེད་ཀྱི་སྐྱེ་གནས་མ་ཡིན་པ་ཁ་འམ། རྐུབ་ཏུ་ལྷན་ཅིག་འདོད་པས་ལོག་པར་གཡེམ་པ་ཀུན་ཏུ་སྟོན་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་དབང་པོ་ཐམས་ཅད་ཀུན་ཏུ་འགགས་པ་ཞེས་བྱ་བར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། ཁར་མེའི་ཁམ་གྱིས་གང་བར་བཀང་ཞིང་། ལྕགས་ཀྱི་སྣོད་ཀྱི་ནང་དུ་ཟངས་དམར་པོ་བཞུས་པ་བླུགས་ནས་བརྫང་བས་བརྫངས་ལ། འོག་ནས་ཀྱང་སྲོག་ཆགས་མར་ཀོ་ཊ་ཀའི་མཆུ་རབ་ཏུ་འབར་བས་ཟའོ།། མེ་འབར་བའི་འཕྲེང་བ་བཅུ་གཅིག་གིས་བསྐོར་བའི་དབུས་སུ་གདུངས་ཤིང་སྲེག་སྟེ། ཡང་སོས་ཤིང་ཡང་སྲེག་གོ། གྲོག་སྦུར་རབ་ཏུ་འབར་བ་དག་གིས་ནི་མིག་ཟ་ལ། ཞ་ཉེས་ནི་རྣ་བ་གང་། རལ་གྲིས་ནི་སྣ་བཅད། སྤུ་གྲིས་ནི་ལྕེ་བཅད། སྤུ་གྲིའི་ཆར་གྱིས་ནི་ལུས་གཤགས་ཏེ། དབང་པོ་ཐམས་ཅད་སྡུག་བསྔལ་ཆེན་པོ་མྱོང་བ་ནི། སེམས་ཅན་དམྱལ་བ་པའི་རྣམ་པར་སྨིན་པའི་བདེ་བ་མེད་ཅིང་། སྡུག་བསྔལ་འབྱུང་བ་མི་བཟད་ལ་ཚ་བ། གཞན་དང་མཚུངས་པ་མེད་ཅིང་དཔེ་ཟླ་མེད་པ་དེའི་ཕྱོགས་འགའ་ཞིག་བརྗོད་ན། འདི་ལྟ་སྟེ། ཇི་ལྟར་ཉི་མའི་འོད་ལས་མར་མེའི་འོད་དེ་བས་ཆུང་བ་དེ་ལྟར་སེམས་ཅན་དམྱལ་བ་པའི་སྡུག་བསྔལ་རྗེས་སུ་དཔག་པར་བྱ་ཞིང་། ལྷ་རྣམས་ཀྱི་བདེ་བ་དང་ཟླ་མེད་པ་དེ་བཞིན་དུ། སེམས་ཅན་དམྱལ་བ་པ་རྣམས་ཀྱི་སེམས་ཅན་དམྱལ་བ་པའི་སྡུག་བསྔལ་ཡང་དཔེ་ཟླ་མེད་དོ།། དེ་ཅིའི་ཕྱིར་ཞེ་ན། ལྷའི་འཇིག་རྟེན་དང་། སེམས་ཅན་དམྱལ་བའི་བདེ་བ་དང་། སྡུག་བསྔལ་ནི་གཞན་དང་མཚུངས་པ་མེད་དེ། འདི་ནི་ཕྱོགས་གང་འགའ་ཞིག་བརྗོད་པ་ཡིན་ནོ།། ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བྱང་ཞིང་ཞི་ལ། སྤངས་ཤིང་ཟད་པར་མ་བྱས་པ་དེ་སྲིད་དུ། དེ་ཚོར་བ་མི་བཟད་ཅིང་ཚལ་དྲག་པ་དག་མྱོང་བར་འགྱུར་རོ།། དེ་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེའི་ལས་བྱས་ཤིང་བསགས་པའི་རྒྱུ་མཐུན་པའི་འབྲས་བུའི་མཐུས་དེའི་ཆུང་མ་སྡོམ་པ་མེད་པར་འགྱུར་ལ།། ཆུང་མ་དེས་ཀྱང་དེ་ལྟར་ཆོམ་རྐུན་པ་དག་གཉེར་ནས་གསོད་པར་བྱེད། དེ་བཞིན་དུ་རྒྱལ་པོའི་ཕོ་བྲང་འཁོར་དུ་གཡོ་ཐབས་སྦྱར་ནས་གསོད་པར་བྱེད། དེ་བཞིན་དུ་དུག་གིས་གསོད་པར་བྱེད་ཅིང་། དེ་གཉིད་ལོག་པ་དང་མཚོན་གྱིས་གསོད་པར་བྱེད་དེ། བྱས་ཤིང་བསགས་པའི་ལས་ཀྱི་རྣམ་པར་སྨིན་པ་མ་མྱོང་བར་ཐར་པ་མེད་དོ།། དེ་ནས་གཞན་ཡང་དགེ་སློང་དེས་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཚོར་མ་མཐའ་མེད་ཅེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། སྲོག་གཅོད་པ་དང་། མ་བྱིན་པར་ལེན་པའི་འབྲས་བུ་ནི་ཇི་སྐད་བཤད་པ་བཞིན་ནོ།། གང་ཤིན་ཏུ་འདོད་ཆགས་ཀྱི་སེམས་ཀྱིས་བུད་མེད་འོས་མ་ཡིན་པ་རྗེས་སུ་དྲན་ནས། ལག་པས་འདོད་པས་ལོག་པར་གཡེམ་པ་བྱས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཚོར་བ་མཐའ་མེད་པར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། བྱས་ཤིང་བསགས་པའི་ལས་ཀྱི་ཚོར་བ་ཤས་ཆེ་བར་འགྱུར་བ་ནི་འདི་ལྟ་སྟེ། མེའི་ཚོར་བ་དང་། མཚོན་གྱི་ཚོར་བ་དང་། བ་ཚྭའི་ཚོར་བ་དང་། ནད་ཀྱི་ཚོར་བ་སྟེ། ཆོར་དེ་དག་གཏིང་དཔག་དཀའ་ཞིང་། མཐའ་དཔག་དཀའ་ལ་མཐའ་ཡས་པ་ཡིན་ཏེ། ཇི་སྐད་བཤད་པའི་ཚོར་བ་དེ་དག་ནི་དཔེ་བྱ་བར་སླ་བ་མ་ཡིན་ནོ།། དེ་ལྟར་སེམས་ཅན་དམྱལ་བ་པ་དག་དེར་རང་གི་སེམས་ཀྱིས་ཡོངས་སུ་བསླུས་པ་ཡིན་ཏེ། ཇི་སྲིད་དུ་དེའི་ཉེས་པར་བྱས་པའི་ལས་བཅོམ་ཞིང་སྤངས་ལ་ཟད་པར་མ་བྱས་པའི་བར་དུ་ལོ་འབུམ་ཕྲག་དུ་མར་སྲེག་ཅིང་འཚེད་དོ།། དེ་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དབུལ་པོར་འགྱུར་ཞིང་། རི་བྲགས་དང་། དགོན་པ་དང་། འཇིགས་པ་དང་། རི་བྲགས་པ་དག་གི་གཡོག་བྲན་དུ་འགྱུར། ནད་རྣམས་ཀྱིས་རྟག་ཏུ་ན་པར་འགྱུར་རོ། དེ་ནས་གཞན་ཡང་དགེ་སློང་དེས་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཆེན་པོ་པདྨ་ལྟ་གས་པ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ན། དེ་གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་བྱས་ལ་བསམ་པས། དེ་སེམས་ཅན་དམྱལ་བ་པདྨ་ལྟར་གས་པར་སྐྱེ་བར་མཐོང་ངོ་།། དེ་ལ་སྲོག་གཅོད་པ་དང་། མ་བྱིན་པར་ལེན་པ་ནི་སྔ་མ་བཞིན་ནོ།། འདོད་པས་ལོག་པར་གཡེམ་པ་ནི་དགེ་སྦྱོང་དུ་དམ་བཅས་པ་གང་ཞིག་སྔོན་གྱི་འདོད་པ་དག་ལ་སེམས་གཏོང་ཞིང་རོ་མྱང་བར་བྱེད་ན། ཡིད་ལ་བྱེད། ཚུལ་བཞིན་མ་ཡིན་པ་ཡིད་ལ་བྱེད་པའི་རོ་མྱང་བ་བྱས་པས། མཚན་མོ་ཉལ་བ་ན་དེའི་རྨི་ལམ་དུ་བུད་མེད་དེ་ཉིད་དང་ལྷན་ཅིག་འཁྲིག་པར་བྱེད་ཅིང་། སད་ནས་ཀྱང་མི་ཚངས་པར་སྤྱོད་པ་རྨི་ལམ་རྨིས་པ་དེ་ཉིད་ཀྱི་རོ་མྱང་བར་བྱེད་ཅིང་། ཡང་ཡིད་ལ་བྱེད། རྗེས་སུ་ཡི་རང་ཞིང་གཞན་དག་ལ་ཡང་ཡོན་ཏན་དུ་འཛིན་ལ། དེ་དང་ལྷན་ཅིག་གོམས་པར་བྱེད། མང་དུ་བྱེད་ཅིང་། དེ་དང་དེ་ཉིད་ལ་དགའ་བར་བྱེད་ན། ལུས་དེ་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་པདྨ་ཝཱར་གས་པར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། ཇི་ལྟར་པདྨའི་མདོག་ཉིད་དུ་གྱུར་པ་དེ་ལྟར། དེའི་སྣང་བ་ཀུན་ཏུ་དམར་པོ་ཉིད་དུ་གྱུར་ཏེ། དེར་སེམས་ཅན་དམྱལ་བ་དེ་དག་བུམ་པ་དག་གི་ནང་དུ་འཚེད་ཅིང་། ལྕགས་ཀྱི་བྲེ་བོའི་ནང་དུ་ལྕགས་ཀྱི་གཏུན་ཤིང་རྣམས་ཀྱིས་འཆོག་གོ། དེ་དེ་དག་ལས་ཐར་ནས་མཚོ་ཆེན་པོའི་ནང་ན་པདྨ་སྔོན་པོ་སྐྱེས་པ་དེ་རྒྱང་རིང་པོ་ནས་མཐོང་ནས། དེ་ནས་སེམས་ཅན་དམྱལ་བ་པ་སྐྱབས་འདོད་པ། མགོན་འདོད་པ། བཀྲེས་པ་དང་སྐོམ་པས་ཡོངས་སུ་གདུངས་པའི་ལུས་ཅན་དག་གནོད་པ་དེ་དག་ལས་ཐར་ནས་བདག་ཅག་གིས་བདེ་བ་ཐོབ་པར་བྱའོ་ཞེས་དེར་དོང་ངོ་། ། དེ་ནས་བརྒྱ་འམ་སྟོང་ཡོད་པ་དེ་དག་པདྨ་ག་ལ་བ་དེར་དོང་ངོ་།། དེར་དོང་བ་དང་ལམ་དུ་ཕུར་བུ་བཙུགས་པ་དག་གིས་རྐང་པ་ལ་ཟུག་གོ། རྐང་པ་ཉམས་པ་དེ་ཁ་བུབ་ཏུ་ལྟུང་ངོ་།། ཁ་བུབ་ཏུ་ལྷུང་བ་དེ་དག་ལ་ཕུར་བུ་རྣམས་ཀྱིས་ཟུག་གོ།། གལ་ཏེ་ཕྱིས་གན་ཀྱལ་དུ་འགྱེལ་ན། དེ་དག་གི་རྒྱབ་ཏུ་ཕུར་བུ་དེ་རྣམས་ཀྱིས་ཟུག་ཅིང་འབིགས་པར་བྱེད་དོ། ། གལ་ཏེ་གློས་འགྱེལ་ན་ཕུར་བུ་དེ་རྣམས་ཀྱིས་དེ་དག་གི་གྲོ་ཡང་འབིགས་པར་བྱེད་དོ།། གལ་ཏེ་འདུག་ན་དེའི་འོག་ནས་འཇུག་གོ། དེ་དག་སྲེག་ཅིང་འཚེད་པ་ན་གཅིག་ལ་གཅིག་སྐད་འབྱིན་ཏེ། སྐོམ་པ་དང་བཀྲེས་པས་ཤིན་ཏུ་གདུངས་པའི་ལས་ཅན་དག། གཅིག་ལ་གཅིག་འབྱིན་ཅིང་ངུའོ།། མྱ་ངན་བྱེད་ཅིང་སྨྲེ་སྔགས་འདོན་པའི་ཡིད་དུ་གྱུར་པ་དེ་དག་ཐམས་ཅད་པདྨ་དེ་ལ་ལྟ་ཞིང་འཁོད་པ་ན། རྒྱབ་ནས་གཤིན་རྗེའི་མི་རྣམས་ཀྱིས་རལ་གྲི་དང་། དགྲ་སྟ་དང་། མདའ་བོ་ཆེ་དང་། མདུང་ཐུང་རྣམས་ཀྱིས་འདེབས་ཏེ། དེ་ལྟར་སེམས་ཅན་དམྱལ་བ་མགོན་འདོད་པ། སྐྱབས་འདོད་པ། བསིལ་བ་འདོད་པ་དག་ཐབས་འགའ་ཞིག་གིས་པདྨ་དེའི་དྲུང་དུ་ཕྱིན་ཏེ། དེ་ལ་འཛེགས་པ་དང་། པདྨ་དེ་ཡང་སེང་ལྡེང་གི་མེའི་མདག་མ་ལྟ་བུས་གང་ཞིང་། རྡོ་རྗེ་ལྟར་སྲ་བའི་ལོ་མ་རྣམས་ལ་དེ་དག་འཛེག་སྟེ། དེ་ཡང་ཁ་ཞུམ་པར་འགྱུར་རོ།། དེ་ལྟར་ལས་ཀྱི་མཐའ་ཉེས་པར་སྤྱད་པ་དང་། ཉེས་པར་སྤྱད་པའི་ལས་ཀྱིས་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ལས་ཀྱི་དབང་གིས་དེ་དག་སེམས་ཅན་དམྱལ་བ་པདྨ་ལྟར་གས་པ་དེར་ལོ་བརྒྱ་ཕྲག་དུ་མ་འམ། ལོ་སྟོང་ཕྲག་དུ་མ་འམ། ལོ་བྱེ་བ་ཕྲག་དུ་མར་བསྐོལ་ཅིང་འཚེད་ཀྱང་། དེ་དག་དུས་ལས་འདའ་བར་ནི་མི་བྱེད་དོ།། ཕྱི་ནས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ལ། དེའི་ལས་བྱས་ལ་བསགས་པ་དག་གི་མཐུས་དེ་མིག་ཡོན་དུ་འགྱུར། ཚུལ་ཁྲིམས་འཆལ་ཅིང་དབུལ་ལ་ཚེ་ཐུང་བར་འགྱུར་རོ། ། དེ་ནས་གཞན་ཡང་དགེ་སློང་དེས་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་བརྟགས་ན། དེས་སེམས་ཅན་དམྱལ་བ་པདྨ་ཆེན་པོ་ལྟ་རགས་པ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ན། དེ་གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་སེམས་ཅན་དམྱལ་བ་པདྨ་ཆེན་པོ་ལྟར་གས་པར་སྐྱེ་བར་འགྱུར་བ་མཐོང་ངོ་། ། དེ་ལ་སྲོག་གཅོད་པ་དང་། མ་བྱིན་པར་ལེན་པ་ནི་སྔ་མ་བཞིན་ནོ།། འདོད་པས་ལོག་པར་གཡེམ་པ་ནི་དགེ་སྦྱོང་དགེ་སྦྱོང་དུ་དམ་བཅས་པ་གང་ཞིང་ཚུལ་ཁྲིམས་རལ་ལ། ལུག་བོང་ལྟར་སྤྱོད་པ། མྱ་ངན་ལས་འདས་པར་འགྲོ་བ་ལ་སྨོད་པ་ནི། འདི་ལྟར་ཚངས་པར་སྤྱད་པ་སྤྱོད་དེ། འདིར་བདག་ལྷ་འམ། གཞན་ཞིག་ཏུ་འགྱུར་བར་བྱ་སྟེ། བདག་ལྷའི་འཇིག་རྟེན་དེར་ལྷ་མོས་ཡོངས་སུ་བསྐོར་བར་གྱུར་ཅིག་སྙམ་སྟེ། དེ་ལྟར་ཚངས་པར་སྤྱོད་པ་དེ་ཚངས་པར་སྤྱོད་པ་ལོག་པར་ཡོངས་སུ་སྔོའོ།། དེ་སྲེད་པ་ལ་སྤྱོད་པ་ཡིན་ཏེ། དེ་འཁོར་བའི་རྒྱུར་སྤྱོད་ཅིང་། སྲེད་པའི་རྒྱུར་སྤྱོད་ལ། དེ་སྡིག་པ་སྤྱོད་པ་ཡིན། དེ་ནད་དང་། རྒ་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ལ་སོགས་པ་དག་ལས་ཡོངས་སུ་ཐར་པར་མི་འགྱུར་རོ།། ཤི་སྟེ་ལུས་དང་བྲལ་ནས་ཀྱང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་པདྨ་ཆེན་པོ་ལྟར་གས་པར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། བ་ཚྭའི་ཆུ་བོའི་རླབས་ཞེས་བྱ་བ་གང་དུ་བ་ཚྭས་གང་བར་མ་གྱུར་པ་ནི། དེ་ན་ཁབ་ཀྱི་བུ་ག་ཙམ་ཡང་མེད་པ། ཞེང་དུ་དཔག་ཚད་ལྔ་ཡོད་ལ་ཆུར་དཔག་ཚད་བརྒྱ་ཡོད་པར་འཇུག་གོ། ། སེམས་ཅན་དམྱལ་བའི་ཆུ་བོ་དེར་དེ་དག་ཞུགས་པ་དང་། ཚོར་བ་ཤིན་ཏུ་ཆེ་བ། ཤིན་ཏུ་རྩུབ་པ། ཤིན་ཏུ་བཟོད་པར་དཀའ་བ་དག་མྱོང་སྟེ། དེའི་རུས་པ་གང་ཡིན་པ་དེ་དག་ནི་རྡོར་གྱུར། སྒྲ་གང་ཡིན་པ་དེ་དག་ནི་ཉ་ལྕིབས་སུ་གྱུར། ཤ་གང་ཡིན་པ་དེ་དག་ནི་འདམ་དུ་གྱུར། རོ་ཉེ་བསྐོལ་བ་གང་ཡིན་པ་དེ་དག་ནི་ཆུར་གྱུར། སེམས་ཅན་དམྱལ་བ་གང་ཡིན་པ་དེ་དག་ནི་ཉར་གྱུར་ཏེ། ཆུ་བོ་དེར་ཁ་བུབ་ཏུ་དེད་ཅིང་སྐོལ་ཏོ།། འགྲམ་དག་ཏུ་ཆགས་ན་ཁྭ་མཆུ་རབ་ཏུ་འབར་བ་རྣམས་ཀྱིས་ཟའོ།། གལ་ཏེ་མགོན་འདོད་པ། སྐྱབས་འདོད་པ་དག་ཆུ་བོ་དེ་ལས་ཐར་ནས་འབྲོས་པ་ན། གཤིན་རྗེའི་མི་རྣམས་ཀྱིས་ལྕགས་ཀྱི་མདུང་རབ་ཏུ་འབར་བ་དག་གིས་བཏབ་ནས། ཆུ་བོའི་རླབས་དེ་ཉིད་ཀྱི་ནང་དུ་འཇུག་པར་བྱེད་དོ།། དེ་ལྟར་དེ་དག་སྟེང་དུ་འབྱུང་བ་ན། རྐང་པ་འཚེད་པར་བྱེད་ལ། བརྦའི་སྦུབས་དང་། རྒྱབ་ཀྱི་ཤ་དག་འཚེད་པར་བྱེད། མགུལ་པའི་ཤ་ཡང་ཆད་པར་འགྱུར། རུས་པ་ཡང་སྐོལ་བར་འགྱུར། མགོའི་ཤ་ཆད་ཅིང་མགོ་བོང་པ་ཡང་ཆད་པར་འགྱུར་ཏེ། དེ་ལྟར་སེམས་ཅན་དམྱལ་བ་པ་དེ་དག་ཇི་ལྟ་ཇི་ལྟར་ཆུ་བོ་དེར་འཇུག་ཅིང་། ཇི་ལྟ་ཇི་ལྟར་ཞུགས་པ་དེ་དག་དེ་ལྟ་དེ་ལྟར་ལོ་འབུམ་ཕྲག་དུ་མར་སྲེག་ཅིང་སྐོལ་ལ་འཚེད་དོ།། ཡང་སེམས་ཅན་དམྱལ་བ་པ་དེ་དག་ཉོན་མོངས་པའི་ཆུ་བོ་དེ་ལས་ཐརས། མཚོ་དང་། མེ་ཏོག་དང་། པདྨ་སྔོན་པོ་ཡོད་པར་མཐོང་སྟེ། མགོན་འདོད་པ། སྐྱབས་འདོད་པ། བདེ་བ་འདོད་པ་དག་དེའི་དྲུང་དུ་འགྲོ་བར་འདོད་དེ་དེའི་དྲུང་དུ་དོང་ངོ་། ། པདྨའི་ཚལ་དེ་དག་ཀྱང་ལྕགས་ཀྱི་པདྨ་ཡིན་ཏེ། དེ་དག་གི་རེག་པ་ནི་སྤུ་གྲི་ལྟ་བུ་ཡིན་ལ། སེམས་ཅན་དམྱལ་བ་པ་གང་དག་གི་ལུས་དེ་དག་ལ་རེག་པ་དག་ནི་གཤགས་པར་བྱེད་ཅིང་། གཅོད་པར་བྱེད་ལ་ཟ་བར་བྱེད་ཅིང་རྡུང་བར་བྱེད་དོ།། དེ་ལྟར་གཤིན་རྗེའི་མི་རྣམས་ཀྱིས་མངོན་པར་གཙེས་པ་དག་པདྨའི་ཚལ་དེ་དག་ལ་འཛེགས་པར་བྱེད་དེ། པདྨ་དེ་དག་གི་ནང་མེ་མ་དག་གིས་རབ་ཏུ་གང་བ་ཡིན་ལ། སྟེང་གི་ལོ་མ་ལྕགས་ལ་བྱས་པ་དག་གིས་འཛུམས་པར་བྱེད་དེ། དེའི་ནང་དུ་ལན་དུ་མར་སེམས་ཅན་དམྱལ་བ་པ་ལས་བྱས་པ་དེ་དག་སྐྱེ་བར་འགྱུར་ཏེ། མེ་མ་དག་དེས་ལོ་འབུམ་ཕྲག་དུ་མར་སྲེག་གོ། ། ཁྭ་དག་གིས་སེམས་དམྱལ་བ་པ་དེ་དག་གི་མིག་གིས་མིག་ཟ་བར་བྱེད་ཅིང་། ལྕེ་གཅོད་པར་བྱེད། རྣ་བ་འབིགས་པར་བྱེད། ལུས་རྣམ་པར་ཟད་པར་བྱེད་དོ།། དེ་ལྟར་རང་གི་ལས་ཀྱི་འབྲས་བུ་ལ་སྤྱོད་པའི་སེམས་ཅན་དམྱལ་བ་པ་དེ་དག་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། སེམས་ཅན་དམྱལ་བ་ཆེན་པོ་པདྨ་ཆེན་པོ་ལྟར་གས་པ་དེར་འཚེད་པར་བྱེད་དོ། ། དེ་ནས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་རྨུ་རྫིང་ཅན་དུ་འགྱུར་ཞིང་། རྟག་ཏུ་བཀྲེས་པ་དང་སྐོམ་པས་གདུངས་ལ། ཁྲོ་བར་ཡང་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་དེས་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་མེ་ཐབ་ཅེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་ནི་སྔ་མ་བཞིན་ནོ།། འདོད་པས་ལོག་པར་གཡེམ་པ་ནི་དགེ་སྦྱོང་དགེ་སྦྱོང་དུ་ད་བཅས་པ་དེས། གང་སྔོན་གྱི་ཁྱིམ་ན་གནས་པའི་བུད་མེད་དག་དང་ལྷན་ཅིག་ཏུ་རྒོད་ཅིང་རྩེས་པ་དག། དེའི་ཚེ་དེ་ཚུལ་བཞིན་མ་ཡིན་པ་ཡིད་ལ་བྱེད་པས་དྲན་ཞིང་། ཡང་དང་ཡང་དུ་དྲན་པ་ཉིད་དུ་བྱེད། དེ་ལ་ཆགས་ཤི་ཡོངས་སུ་རྟོག་པར་བྱེད། དེ་འདོད་ཆགས་དེ་ཉིད་ལ་ཡང་དང་ཡང་དུ་སེམས་པར་བྱེད་ཅིང་དགེ་བའི་ཆོས་ལ་སེམས་པར་མི་བྱེད་ལ། ཆོས་དང་འཐུན་པའི་ཆོས་མི་སྒྲུབ་སྡུག་བསྔལ་བ་དང་། ཀུན་འབྱུང་བ་དང་། འགོག་པའི་ཆོས་རྗེས་སུ་སེམས་པར་མི་བྱེད་ཅིང་། རྗེས་སུ་མི་སློབ་ལ། རྗེས་སུ་མི་སྒྲུབ། དེ་ལས་སུ་རུང་བར་མི་བྱེད་ཅིང་། སངས་རྒྱས་དང་། ཆོས་དང་། དགེ་འདུན་རྗེས་སུ་དྲན་པར་མི་བྱེད། འཆི་བ་རྗེས་སུ་དྲན་པར་མི་བྱེད་ཅིང་། འཁོར་བ་ལ་ཡིད་འབྱུང་བར་མི་བྱེད་ལ། ཁ་ན་མ་ཐོ་བ་རྡུལ་ཙམ་ལ་ཡང་འཇིག་པར་མི་ལྟ། གནས་མལ་དང་། ན་བའི་གསོས་སྨན་གྱི་རྐྱེན་མང་པོ་འཆང་བར་བྱེད་ཅིང་། གནས་མལ་དང་ན་པའི་གསོས་སྨན་གྱི་རྐྱེན་མང་པོ་འོས་པ་མ་ཡིན་པ་གནས་མལ་དང་། ན་བའི་གསོས་སྨན་གྱི་རྐྱེན་རབ་ཏུ་མང་བ་དེ་དག་དེས་འཆང་བར་བྱེད་དེ། རྣམ་པ་དེ་ལྟ་བུ་བྱས་པ་ནི་དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་མེ་ཐབ་ཏུ་སྐྱེ་བར་འགྱུར་རོ།། མེ་ཐབ་ཀྱི་སེམས་ཅན་དམྱལ་བ་དེ་འབར། རབ་ཏུ་འབར། ཀུན་ཏུ་རབ་ཏུ་འབར་ཞིང་མེ་ལྕེ་གཅིག་ཏུ་གྱུར་པར་སྲེག་སྟེ། དེར་གང་འབར། རབ་ཏུ་འབར། ཀུན་ཏུ་རབ་ཏུ་འབར་ཞིང་། མེ་ལྕེ་གཅིག་ཏུ་མ་གྱུར་པ་ནི་སྐྲའི་རྩེ་མོ་ཙམ་ཡང་མེད་དོ།། དེར་སེམས་ཅན་དམྱལ་བ་པ་དེ་དག་ཤིང་ལྗོན་པ་ལྟ་བུར་རབ་ཏུ་འབར་ཏེ། དེ་འབར། རབ་ཏུ་འབར། ཀུན་ཏུ་རབ་ཏུ་འབར་ཞིང་། མེ་ལྕེ་གཅིག་ཏུ་གྱུར་པ་དེར་སྐད་འབྱིན་ཏོ།། དེ་ལྟར་སྐད་འབྱིན་པ་ན་ཁར་མེས་བཀང་ངོ་།། དེ་ཚོར་བས་ཉམ་ཐག་པ་དང་། ཡང་དེ་སྐད་འབྱིན་ཏོ།། དེའི་རྣ་བར་མེ་འབར་བ་བཅུག་སྟེ། བཅུག་ནས་སྐད་འབྱིན་ཅིང་ངུ་ལ་སྨྲེ་སྔགས་འདོན་ཏོ།། དེའི་སྣར་ཡང་མེ་འབར་བ་བཅུག་སྟེ། དེའི་ལུས་ཀྱང་ཀུན་ནས་རབ་ཏུ་འབར་བར་འགྱུར་ཏེ། དེ་ཡང་ཤིན་ཏུ་འཁྲུགས་ཤིང་སྐད་འབྱིན་ལ། སྨྲེ་སྔགས་འདོན་ཏོ།། གལ་ཏེ་ཚུལ་ཁྲིམས་དང་མི་ལྡན་པར་གྱུར་པ་ཞིག་ཕ་རོལ་གྱི་བསོད་སྙོམས་ཟོས་ན། དེའི་ལྕེ་ལྐུགས་རབ་ཏུ་འབར་བའི་གླེགས་མས་སྲེག་གོ། གལ་ཏེ་ཚུལ་ཁྲིམས་ཅན་ཚུལ་བཞིན་མ་ཡིན་པ་ཡིད་ལ་བྱེད་པས་བུད་མེད་དག་མཐོང་ན། དེའི་མིག་སྲེག་པར་འགྱུར་རོ།། གང་ཤིན་ཏུ་ཆགས་པའི་སེམས་ཀྱིས་བུད་མེད་གཞན་དག་རྒོད་ཅིང་གླུ་དབྱངས་ལེན་ལ། སྒྲ་འབྱིན་པ་ཐོས་ན། དེའི་རྣ་བ་རོ་ཉ་བསྐོལ་བས་འགེངས་པར་འགྱུར་རོ།། ཚུལ་ཁྲིམས་འཆལ་པ་འོས་པར་འགྱུར་བ་མ་ཡིན་པ་གང་གིས་དགེ་འདུན་རྣམས་ཀྱི་བདུག་སྤོས་ཡོངས་སུ་བཟུང་བ་སྣ་བཅད་ཅིང་སྲེག་པར་འགྱུར་ཏེ། དེ་ལྟར་ཚུལ་ཁྲིམས་འཆལ་པ་དེའི་དབང་པོ་ལྔ་ཅར་ལ་སྦྱར་ཏེ། སེམས་ཅན་དམྱལ་བར་ལས་དང་མཚུངས་པའི་ཆད་པ་དྲག་པོ་རབ་ཏུ་འབྱུང་ངོ་། ། ལས་ཀྱི་མཐའ་ཉེས་པར་སྤྱད་པ་བྱས་པ་དེ་ནི་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། སེམས་ཅན་དམྱལ་བ་ཀུན་ནས་མེ་ལྕེ་འབར་བའི་འཕྲེང་བ་འཁྲུགས་པའི་སེམས་ཅན་དམྱལ་བ་མ་ཐབ་དེར་སྲེག་ཅིང་འཚེད་དོ། ། དེ་དེ་ལས་ཐར་ནས། གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེ་སྡིག་པའི་ལས་དེ་དང་རྒྱུ་མཐུན་པའི་འབྲས་བུས། དེ་བྱད་ལག་ངན་ཅིང་ལོང་བ་དང་། ཞ་ཞིང་དབུལ་བར་འགྱུར་ལ། དར་ལ་བབ་པ་ཉིད་ཀྱི་ཚེ་འཆི་བར་འགྱུར་རོ།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་བརྟགས་ན། དེ་ཐོས་པ་ལས་བྱུང་བའི་ཤེས་པས་འཁོར་གཞན་ལྕགས་ཀྱི་ཕྱེ་མ་མེ་མདག་གི་རབ་ཞེས་བྱ་བ་ཡོད་པ་མཐོང་ངོ་།། དེར་སེམས་ཅན་དག་ལས་ཀྱི་རྣམ་པར་སྨིན་པ་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲིད་གཅོད་པ་དང་། མ་བྱིན་པར་ལེན་པ་ནི་སྔ་མ་བཞིན་ནོ།། དགེ་སྦྱོང་དགེ་སྦྱོང་དུ་དམ་བཅས་པ་གང་གིས་མིའི་གར་དང་། ཀླུ་དབྱངས་དང་། རྒྱན་དག་གི་སྒྲ་ཐོས་ནས་ཚུལ་བཞིན་མ་ཡིན་པ་ཡིད་ལ་བྱེད་པ། གཡེངས་པའི་བློས་རྒོད་པ་དང་། སྒེག་པ་དང་། རྩེས་པ་དེ་ཐོས་ནས་ཁུ་བ་བྱུང་ལ། བྱུང་ནས་ཀྱང་རོ་མྱང་བར་བྱེད་ཅིང་སོགས་ན། དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་ལྕགས་ཀྱི་མེ་མདག་ཏུ་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་དེའི་ལྕགས་ཀྱི་རབ་གྲུ་བཞི་པོས་བསྐོར་བ། འཁོར་དཔག་ཚད་ལྔ་བརྒྱ་ཡོད་པ་དེའི་ནང་དུ་སེམས་ཅན་དམྱལ་བ་པ་རང་གི་ལས་ཀྱིས་སྲེག་ཅིང་། དེར་མའི་ཆར་དང་། ལྕགས་ཀྱི་ཆར་རྒྱུན་མི་འཆད་པར་འབབ་བོ། ། དེར་སེམས་ཅན་དམྱལ་བ་པ་དག་ལྕགས་ཀྱི་ཆར་པས་ཡན་ལག་དང་ཉིང་ལག་ཐམས་ཅད་ཕྱེ་མར་རློག་ལ། མེ་མདག་གི་ཆར་པས་གདུངས་ཤིང་སྲེག་གོ། དེ་ལྟར་ཆར་པ་གཉིས་ཀྱིས་ཉམ་ཐག་པ་དག་གནོད་པ་དེ་དག་མྱོང་བར་འགྱུར་ཏེ། ཇི་ལྟར་སེམས་ཅན་དམྱལ་བ་པའི་མྱོང་བ་དེ་དག་གི་གནོད་པ་གང་ཡིན་པ་དེ་ནི་དཔེ་བྱ་བར་བླ་བ་མ་ཡིན་ནོ།། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དུས་ལས་འདའ་བར་མི་བྱེད་དེ། རྩུབ་ཅིང་མི་བཟད་ལ་ཚ་བ། འཇིག་རྟེན་ཐམས་ཅད་འཇིག་པར་བྱེད་ཅིང་མི་འདོད་ལ་མི་སྡུག་ཅིང་ཡིད་དུ་མི་འོང་བའི་ལས་བྱས་པའི་ཚོར་བ་དེ་ལྟ་བུ་མྱོང་བར་འགྱུར་རོ། ། དེ་ཕྱིས་དེ་ལས་ཡོངས་སུ་ཐར་པར་གྱུར་ཏེ། གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུང་འགྲོ་དག་ཏུ་མ་སྐྱེས་ལ། དེ་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུས། དེ་རྟག་ཏུ་ཆུ་བོ་ཆེན་པོའི་མཉན་པར་རྟག་ཏུ་འགྱུར། རྟག་ཏུ་འཇིག་པ་དང་། ནད་བུ་ཅན་དུ་འགྱུར། གླང་པོ་ཆེའི་སོས་འཚོ་ཞིང་། དེ་རྟག་ཏུ་འཆི་བས་ཉེན་པར་འགྱུར་རོ།། དེ་ནས་གཞན་ཡང་དགེ་སློང་དེས་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་བརྟགས་ན། དེ་འཁོར་གཞན་ཞིག་པ་བཅུ་བདུན་པ་མ་མཐོང་ལ། སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་གྱི་ཉེ་འཁོར་བཅུ་དྲུག་པ་ལས་ཀྱི་ཆོས་ཀྱི་རྣམ་པར་སྨིན་པ་ཡོད་པ་མཐོང་ངོ་། ། དེ་སེམས་ཅན་རྣམས་ཀྱི་ལས་དང་འབྲེལ་བ། ལས་ཀྱི་འབྲས་བུ་རྣམ་པར་སྨིན་པ་རྣམ་པ་སྣ་ཚོགས་དག་མཐོང་ནས། འཁོར་བ་ལ་ཡོད་བྱུང་ངོ་།། ཡང་དགེ་སློང་དེ་ཇི་ལྟར་སེམས་ཅན་དམྱལ་བ་ཆེན་པོ་གསུམ་གྱི་འཁོར་གྱི་ལས་ཀྱི་འབྲས་བུའི་དེ་ཁོ་ན་ཉིད་རིག་ཅིང་། དེ་ལས་ཀྱི་འབྲས་བུ་རྣམ་པར་སྨིན་པ་དགྲ་འཛིན་པར་བྱེད་ལ། དེ་ལྟ་ཞིང་དམིགས་པར་བྱེད་དེ། སྲིད་པ་དག་ལ་ཡིད་འབྱུང་བར་ཐོབ་ཅིང་། བདུད་ཀྱི་ཡུལ་གྱི་དངོས་པོ་ལ་མི་འདོད་པ། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་སོ།། དེ་ལྟར་བརྩོན་པའི་དགེ་སློང་དེས་བླའི་གནོད་སྦྱིན་དག་གིས་མཐོང་ནས། བར་སྣང་ལ་སྤྱོད་པའི་གནོད་སྦྱིན་རྣམས་ལ་བསྙད་དོ།། དེ་དག་གིས་ཀྱང་རྒྱལ་པོ་ཆེན་པོ་བཞི་ལ་བསྙད་པ་ནས། དེ་ལྟར་སྔ་མ་བཞིན་དུ་སྦྱར་ཏེ། ཚད་མེད་འོད་ཀྱི་བར་གྱི་ལྷ་རྣམས་ལ་བསྙད་དོ། ། སྔ་མ་བཞིན་དུ་སྦྱར་ཏེ། འཛམ་བུ་གླིང་དུ་རིགས་ཀྱི་བུ་གྲོང་ཆེ་གེ་མོ་ཞིག་ཅེས་བྱ་བ་ནས། སྐྲ་དང་ཁ་སྤུ་བྲེགས། གོས་ངུར་སྨྲིག་བགོས་ཏེ། དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས། དེས་གཞན་དགུ་པའི་བར་ལ་ཞུགས་པ་སྟེ། ཚད་མེད་འོད་ཀྱི་ལྷ་དག་གིས་ཐོས་ནས་དགའ་བར་གྱུར་ཏེ། ཀྱེ་ལྷ་དག་བདུད་ཀྱི་ཕྱོགས་ནི་དམརའ་བར་འགྱུར་ཞིང་། དམ་པའི་ཆོས་ཀྱི་ཕྱོགས་ནི་མཐོ་བར་འགྱུར་བ་ནི་བདག་ཅག་དགའ་འོ་ཞེའོ། ། དེ་ནས་གཞན་ཡང་དགེ་སློང་དེས་སེམས་ཅན་དམྱལ་བ་གསུམ་མཐོང་ནས། སེམས་ཅན་དམྱལ་བ་བཞི་པ་ངུ་འབོད་ཅེས་བྱ་བ་ལ་རྟོག་པར་བྱེད་དོ།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། ཐོས་པ་ལས་བྱུང་བའི་ཤེས་པས་བརྟགས་ན། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་བཞི་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དག་གིས་ལས་དང་། ཉར་བསྡོགས་དང་། མཇུག་བྱས་ཤིང་བསགས་པ་དག་གིས་ལུས་དང་བྲལ་ནས་ངན་འགྲོ་སེམས་ཅན་དམྱལ་བ་ཆེན་པོ་ངུ་འབོད་དུ་སྐྱེ་བར་འགྱུར་པ་མཐོང་ངོ་། ། དེ་ལ་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡམ་པའི་འབྲས་བུ་རྣམ་པར་སྨིན་པ་ནི་སྔར་བཤད་པ་བཞིན་ནོ།། ཆང་དང་སྦྱར་བའི་ཆང་ཀུན་ཏུ་བསྟན་ཅིང་བསྒོམས་ཏེ། མང་དུ་བྱས་པ་ནི་སེམས་ཅན་དམྱལ་བ་ངུ་འབོད་དུ་སྐྱེ་བར་འགྱུར་རོ།། གང་གིས་ཁྱིམ་གྱི་གནས་ནས་བྱུང་སྟེ་སྡོམ་པ་བླངས། བསམ་གཏན་གྱི་བདེ་བས་སེམས་སྦྱངས་ཤིང་། ཞི་བའི་དགེ་སློང་གི་དགེ་འདུན་དག་གི་། འཁོར་དུ་ཆང་ཁྲིམས་ཏེ།། ར་རོ་བར་བྱག་ན། དེ་ལུས་དང་བྲས་ནས་ངན་འགྲོ་ལོག་པར་སྦྱང་བ་སེམས་ཅན་དམྱལ་བར་རབ་ཏུ་གདུང་བ་ཆེན་པོས་བྱས་པའི་ཚོར་བ་མྱོང་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། པྲ་སྐམ་གྱིས་ཁ་གདངས་པའི་ནང་དུ་ཟངས་དམར་པོ་བསྐོལ་བ་རབ་ཏུ་འབར་བ་ལྡུགས་སོ།། དེ་འཐུང་བ་ན་དེའི་ཚེ་སྔར་མཆུ་སྲེག་གོ། མཆུ་བསྲེགས་ནས་དཀན་སྲེག་གོ། ། དཀན་བསྲེགས་ནས་ལྕེ་སྲེག་གོ།། ལྕེ་བསྲེགས་ནས་མིད་པ། དེ་བཞིན་དུ་སྲོལ་གོང་། དེ་བཞིན་དུ་གཉེ་མ་དང་། རྒྱུ་མ་དང་། དེ་བཞིན་དུ་ཕོ་བ་དང་། ལོང་ཀ་བསྲེགས་ནས་རོ་སྨད་དུ་འབྱུང་པར་འགྱུར་ལ། དེ་ལྟར་ཆང་འཐུང་བ་དེ་ནི་མི་དགེ་བ་མྱོང་བར་འགྱུར་ཏེ། དེའོ་དོད་འབོད་ཅིང་ངུ། འཁྲུག་ཅིང་སྨྲེ་སྔགས་འདོན་ཏོ།། དེ་ཤིན་ཏུ་འཁྲུག་པ་ན། གཤིན་རྗེའི་མི་དག་གིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ། སྡིག་པ་དག་ནི་བྱེད་པ་ན།། འབྲས་བུ་ཚ་བ་ཤེས་པར་གྱིས།། རྨོངས་པ་གང་ཞིག་བདག་མི་ཤེས།། ཕྱི་ནས་དེ་ནི་ཡོངས་གདུང་འགྱུར།། ཇི་ལྟར་བློ་གྲོས་ངན་པ་དག། སྡིག་པ་དག་གིས་ལས་བྱས་པ། ། མ་དུ་དེ་ལྟར་ལ་གོར་སྤྱོད།། སྨྲེ་སྔགས་དོན་མེད་ཅི་ཞིག་འདོན།། སྡིག་པའི་ལས་ཀྱི་འབྲས་བུ་ནི།། མི་ནི་ཀུན་གྱིས་ཐོས་པར་འགྱུར།། གལ་ཏེ་བདག་ཉིད་བདེ་འདོད་ན།། དེ་ལྟར་སྡིག་པ་བསྟེན་མི་བྱ། ། དམྱལ་བ་དྲག་པོ་ཆེན་པོ་པ།། དེ་དག་ལས་ཀྱང་སྡིག་པའི་སེམས།། ཐར་ཀྱང་གཏི་མུག་དབང་སོང་བ།། ཡང་དང་ཡང་དུ་སྡིག་པ་བྱེད།། འདི་ཡིས་དམྱལ་བར་མི་འགྲོ་ཞེས།། སྡིག་པ་ལ་ནི་ཡིད་མ་རྟོན། ། མེ་ཆུང་བས་ནི་རོ་དང་ཚལ།། ལྗོན་པར་བཅས་པ་སྲེག་པ་བཞིན།། རྨོངས་པ་སྡིག་པ་བྱེད་འདོད་ལ།། གནོད་པ་འབྱུང་ལ་འདོད་མི་བྱེད།། སྡིག་པའི་རྗེས་སུ་འབྲས་བུ་འཇུག། རྒྱུ་དང་རྐྱེན་ལས་བྱུང་བ་མཐོང་། ། ཆོས་ནི་ཅི་ཕྱིར་བསྟེན་མི་བྱ།། སྡིག་པའང་ཅི་ཕྱིར་རྣམ་སྨིན་སྤངས།། སྡིག་པ་སྤངས་པའི་མི་དག་ནི།། སེམས་ཅན་དམྱལ་བ་ཉིད་མི་མཐོང་།། བདག་གི་སྡིག་ལས་འབྲས་བུ་དག། རྨོངས་པ་གང་དག་མི། ཤེས་པ།། དེ་ཡིས་ཉེས་པ་འདི་ཐོབ་སྟེ།། བློ་ངན་ཁྱོད་ནི་དེ་དག་སྤྱོད།། སྡིག་པས་སེམས་ཅན་དམྱལ་བར་འགྲོ།། སྡིག་པས་ཡོངས་སུ་སྲེག་འགྱུར་ཏེ།། སྡིག་པས་མྱ་ངན་འདས་མི་ཐོབ།། སྡིག་པ་ལྟ་བུའི་དགྲ་གཞན་མེད། ། སྡིག་པས་སྔོན་ནི་བསླུས་པ་དག། སྡིག་པས་ཡོངས་སུ་སྲེག་འགྱུར་ཏེ།། སྡིག་པ་དག་ནི་མི་བྱེད་པ།། དེ་ཡིས་མདུན་དུ་འགྲོ་མི་འགྱུར།། ལམ་འདི་ཞི་བ་གཙོ་བོ་སྟེ།། གང་དག་སྲེད་དབང་མི་གནས་པའོ། ། སྲེད་པ་སྤངས་པའི་མི་དག་ནི།། མྱ་ངན་འདས་དང་ཉེ་བར་གནས།། སྡིག་པ་དག་ནི་བྱེད་ལྡན་ཞིང་།། དགེ་བ་རྣམས་ཀྱང་མི་བྱེད་པ།། སྡིག་པས་སྲེག་འགྱུར་དེ་ལྟ་བས།། སྡིག་པ་ཡིད་ལ་མ་བྱེད་ཅིག། སྡིག་པ་སྤྱོད་པའི་མི་དག་ནི། ། ནམས་ཀྱང་བདེ་བ་མི་ཐོབ་བོ།། དེ་ལྟར་གལ་ཏེ་བདག་ཉིད་ཀྱིས།། བདེ་འདོད་ཆོས་ལ་རྟག་ཏུ་སྟེན།། གང་དག་སྡིག་པ་སྟེན་བྱེད་པ།། སྡུག་བསྔལ་དེ་ལས་སྡུག་བསྔལ་མེད།། དེ་ལྟ་ངས་ན་སྡིག་མི་བསྟེན། ། གལ་ཏེ་སྡུག་བསྔལ་དག་གིས་སྐྱོ།། ལེགས་པས་ལེགས་པའི་དོན་བྱའོ།། ལེགས་ལ་སྡིག་པའི་བྱ་བ་དཀའ།། སྡིག་ལ་སྡིག་པའི་བྱ་བ་སླ།། འཕགས་ལ་སྡིག་པའི་བྱ་བ་དཀར། ལྟར་གཤིན་རྗེའི་མི་དེ་རྣམས་ཀྱིས་སེམས་ཅན་དམྱལ་བ་པ་དེ་དག་ལ་ཡང་དང་ཡང་དུ་བཤད། ཡང་དང་ཡང་དུ་བསྒོ་ཞིང་གནོད་པ་རྣམ་པ་སྣ་ཚོགས་དག་བྱེད་དེ། འདི་ལྟ་སྟེ། རི་རབ་ཏུ་འབར་ལ་ཀུན་ཏུ་འབར་ཞིང་མཁྲེགས་པ་གཉིས་ཤུགས་ཀྱིས་རྒྱུག་སྟེ། ཕན་ཚུན་འདུས་པ་དེ་གཉིས་ཀྱི་བར་དུ་སེམས་ཅན་དམྱལ་བ་པ་དེ་དག་འཇུག་སྟེ། འདི་ལྟ་སྟེ། རི་དེ་གཉིས་ཀྱིས་འབག་པ་ནི་ཇི་ལྟར་མངོན་པ་མེད་པར་དེ་ལྟར་ཤིན་ཏུ་འཐག་གོ། ། ཡང་འབྱུང་བར་འགྱུར་ཏེ། བྱུང་ནས་ཀྱང་ཡང་རི་དེ་གཉིས་ཀྱི་དབུས་སུ་བཅུག་ནས་འཐག་གོ། དེའི་སྡིག་པའི་ལས་ཟད་པར་མ་གྱུར་ཀྱི་བར་དུ་ལོ་འབུམ་ཕྲག་དུ་མའི་བར་དུ་བྱུང་ཞིང་འཐག་གོ། ། དེ་སེམས་ཅན་དམྱལ་བའི་ཕྱོགས་དེ་ནས་ཐར་ནས། སྐྱབས་འདོད་པ། མགོན་འདོད་པ། དཔུང་གཉེན་འདོད་པ་དག་གཞན་དུ་རྒྱུག་པ་དང་། དེ་དག་ལ་གཤིན་རྗེའི་མི་གཞན་རྣམས་དང་ཕྲད་ནས། ལྕགས་ཀྱི་རྫ་མའི་ནང་དུ་ཁ་བུབ་ཏུ་བཅུག་གོ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་པར་མ་གྱུར་པ་དེ་སྲིད་དུ། དེ་དག་དེར་ཁ་བུབ་ཏུ་ལོ་འབུམ་སྙེད་དུ་སྲེག་པར་འགྱུར་རོ།། སྐྱབས་འདོད་པ། མགོན་འདོད་པ། བདེ་བ་འདོད་པ་དེ་དག་རྫ་མར་བཙོ་བ་དེ་དག་ལས་ཐར་ནས། གར་བབ་བབ་ཏུ་འབྲོས་སོ།། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་པར་མ་གྱུར་པ་དེ་སྲིད་དུ་ལོ་འབུམ་ཕྲག་དུ་མར་དེ་དག་གི་མདུན་དུ་ལྕགས་ཀྱི་ཁྭ་རབ་ཏུ་འབར་བ་དེ་དག་གིས་བཟུང་ནས། དེ་དག་གིས་ཡན་ལག་དང་ཡན་ལག། གནད་དང་གནད། ཚིགས་དང་ཚིགས་སུ་བརྒྱ་འམ་སྟོང་དུ་ཟའོ།། སྐྱབས་འདོད་པ། མགོན་འདོད་པ། དཔུང་གཉེན་འདོད་པ་དེ་དག་དེ་ལས་ཐར་ནས་ཀྱང་གར་བབ་བབ་ཏུ་འབྲོས་སོ།། བཀྲེས་པ་དང་སྐེམ་པས་གདུངས་པ་དེ་དག་མཚོའི་ཆུ་རབ་ཏུ་དང་བ་ཞིག་རྒྱང་རིང་པོ་ནས་མཐོང་སྟེ། དེ་དག་དེར་བརྒྱུགས་པ་དང་། དེ་དག་ཀྱང་རོ་ཉེ་རབ་ཏུ་བསྐོལ་བས་གང་བ་ཡིན་ཏེ། དེར་ཁྲུས་བྱ་བའི་ཕྱིར་འཇུག་གོ།། གང་གི་ཚེ་ཞུགས་པར་གྱུར་པ་དང་། ས་ཕྱོགས་དེར་དེ་དག་ལས་ཀྱིས་བྱས་པའི་ཆུ་སྲིན་རྣམས་ཀྱིས་བཟུང་ནས་ཁ་བུབ་ཏུ་དྲངས་ཏེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་དེ་སྲིད་དུ་ལོ་འབུམ་ཕྲག་དུ་མར་དེ་དག་རོ་ཉེ་དེའི་ནང་དུ་སྐོལ་ལོ།། ཕྱིས་ལས་ཀྱིས་བྱས་པའི་ཆུ་དེ་དག་ལས་ཐར་པར་འགྱུར་ཏེ། ཐར་ནས་ཀྱང་ཚོར་བས་ཉེན་པ། སྐྱབས་འདོད་པ། མགོན་འདོད་པ། དཔུང་གཉེན་འདོད་པ་དག་གར་བབ་བབ་ཏུ་འབྲོས་སོ།། གལ་ཏེ་མདུན་ན་འཁོད་པའི་གཤིན་རྗེའི་མི་རྣམས་ཀྱིས་མཐོང་ནས་དེ་དག་དེར་འཛིན་ཏེ། བཟུང་ནས་ཀྱང་མདུང་རྩེ་རབ་ཏུ་འབར་བ་དག་གིས་འབིགས་པར་བྱེད་དོ།། དེ་དག་ལ་མདུང་རྩེ་དེ་དག་པར་འགའ་རྒྱབ་ཏུ་ཕུག་ནས་འབྱུང་། བར་འགའ་གློར་ཕུག་ནས་འབྱུང་། བར་འགའ་མགྲིན་པར་ཕུག་ནས་འབྱུང་སྟེ། སེམས་ཅན་དམྱལ་བ་པ་ཚོར་བས་ཉེན་པ་དག་གི་སྒྲ་དེ་སེམས་ཅན་དམྱལ་བ་པ་གཞན་དག་གིས་ཕྱོགས་དེ་ན་གླུ་དབྱངས་ཀྱི་སྒྲར་ཐོས་སོ། ། དེ་ཡང་ངུ་བའི་སྒྲ་ཡིན་ན་ལས་ཀྱི་དབང་གིས་སྙན་པར་ཐོས་ཏེ། སྐྱབས་འདོད་པ། མགོན་འདོད་པ། དཔུང་གཉེན་འདོད་པ་དེ་དག་གནས་དེར་འགྲོའོ།། ཇི་སྲིད་དེའི་སྡིག་པའི་ལས་བྱས་ཤིང་བསརྦ། པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་དེ་དག་ག་ཤིན་རྗེའི་མི་དེ་དག་གིས་བཟུང་ནས། མདའ་བོ་ཆེ་དང་། མདུང་རབ་ཏུ་འབར་བ་དག་གིས་འབིགས་པར་བྱེད་དོ། ། དེ་དག་དེ་ལས་ཐར་པར་འགྱུར་ཏེ། ཐར་ནས་ཀྱང་སྐྱབས་འདོད་པ། མགོན་འདོད་པ་དག་གར་བབ་བབ་ཏུ་འབྲོས་སོ།། དེ་དག་གིས་ཀྱང་རྒྱང་མི་རིང་བ་ན། གྲོང་དང་ཁྱིམ་ཕུན་སུམ་ཚོགས་པ་དང་། ཆུ་བོ་དང་ལྟེང་ཀ་ཕུན་སུམ་ཚོགས་པ་མཐོང་སྟེ། དེའི་ཕྱོགས་སུ་དེ་དག་རྒྱུག་ཅིང་། དེ་དག་གྲོང་ཁྱེར་དེའི་ནང་དུ་འཇུག་གོ། གྲོང་དེ་དག་ཐམས་ཅད་ཀྱང་རབ་ཏུ་བསྐོལ་བ་འབར་བ་ཡིན་ལ་ནང་ནས་སྲོག་ཆགས་མར་ཀོ་ཊ་ཀ་ཁ་རྡོ་རྗེ་ལྟ་བུ་ལ་མཆེ་བ་རྣོ་བ་རྣམས་ཀྱིས་ཤིན་ཏུ་གང་བ་ཡིན་ཏེ། དེ་དག་གང་གི་ཚེ་གྲོང་དེའི་ནང་དུ་ཞུགས་པར་གྱུར་པ་དང་། ཁྱིམ་དེའི་སྒོ་གཅོད་པར་གྱུར་ཏེ། དེ་དག་དེར་སྲོག་ཆགས་མར་ཀོ་ཊ་ཀ་མཆེ་བ་རྣོ་ལ་རབ་ཏུ་འབར་བ་རྣམས་ཀྱིས་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་ཟ་བར་བྱེད་དོ། ། གནོད་པ་རྒྱ་མཚོ་ལྟ་བུར་གྱུར་པ་དེ་ལས་ཐར་ནས། གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ཆང་བཏུང་བར་ལྡུད་པ་གང་ཡིན་པ་དེའི་ཉེས་པར་བྱས་པའི་ལས་རྒྱུ་མཐུན་པ་དེས། དེ་སེམས་འཁྲུགས་པར་འགྱུར་ཞིང་། དབུལ་བ་དང་། ལམ་པོ་ཆེ་དང་། བནི་མདོའི་ཚོང་པ་དང་། བྱིས་པ་ཐམས་ཅད་ཀྱི་བཞད་གད་པར་གྱུར་ཅིང་། བཞིན་གྱི་མདོག་ངན་པ་དང་། སོ་འབའ་ཞིག་སྣང་བ་དང་། རྐང་པ་ཤིན་ཏུ་རྡོལ་བ་དང་། ལུས་རྟག་ཏུ་བཀྲེས་པ་དང་། སྐོམ་པས་གདུངས་པ་དང་། བུ་དང་། ཆུང་མ་དང་ཕ་དང་། མ་དང་། གཉེན་བཤེས་རྣམས་ཀྱིས་གཏང་བར་འགྱུར་རོ།། གང་ཆང་དེ་སྡོམ་པ་བླངས་པ་དག་གིས་འཐུངས་ན། དེ་དག་སེམས་ཅན་དམྱལ་བ་ཆེན་པོ་དུ་འབོང་དུ་རྣམ་པར་སྨིན་པ་མྱོང་བར་འགྱུར་པར་རིག་པར་བྱའོ། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འདོད་ཀྱི་འཁོར་ལ་བརྟགས་ན། དེས་འཁོར་སྒྲ་ཆེན་པོ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། དེ་ལ་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ནི་སྔ་མ་བཞིན་ནོ།། ཆང་འཐུང་བ་ནི་གང་གིས་གསོ་སྦྱོང་བ་རྣམས་ལ་ཆང་བྲུད་ན། དེ་ལུས་དང་བྲལ་ནས་ངན་འགྲོ་ལོག་པར་སྣང་བ་སེམས་ཅན་དམྱལ་བ་སྒྲ་ཆེན་པོར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། རོ་ཉ་རབ་ཏུ་བཞུས་པས་ཐོག་མ་ཉིད་དུ་ཁར་ལྡུགས་སོ།། ཇི་ལྟར་དེ་དག་གིས་གསོ་སྦྱོང་བ་རྣམས་ལ་བླུད་པ་དེ་ལྟར་ལྕགས་ཀྱི་བོར་བུ་རབ་ཏུ་འབར་ངའི་ནང་ནས་ལྡུད་པ་ན། ལྟར་སེམས་ཅན་དམྱལ་བ་གཞན་དག་ན་མེད་པ་སྙིང་རྗེ་བའི་སྒྲ་དེ་ལྟ་བུ་འབྱུང་བར་འགྱུར་རོ།། དེ་ལྟར་སྙིང་རྗེ་བའི་སྒྲ་ཀུན་ཏུ་འབྱིན་པ་དང་། གང་སྒྲ་འབྱུང་བ་དེས་ནམ་མཁའ་དེ་ཐམས་ཅད་ཤིན་ཏུ་གང་བར་འགྱུར་རོ། ། ལས་ཀྱི་དབང་གིས་སེམས་ཅན་དམྱལ་བ་པ་དེ་རྣམས་དེ་ལྟར་ཁྲོ་བ་ན། ཁྲོ་བ་དེ་གཤིན་རྗེའི་མི་རྣམས་ཀྱིས་ཐོས་ནས་ཀྱང་ཉིས་འགྱུར་གྱིས་ཁྲོ་བར་བྱེད་དོ།། དེ་ལྟར་ཆང་བཏུང་བའི་འཐུང་བ་དེ། མ་ལེགས་པ་ཐམས་ཅད་བྱེད་པ་ཡིན་ཏེ། སེམས་མཉམ་པར་བཞག་པས་དགེ་བའི་ཚོགས་འཛིན་པར་འགྱུར་བའི་སེམས་དེ་ཆང་གིས་རྣམ་པར་འཁྲུགས་པར་བྱེད་དོ། ། རྣམ་པར་འཁྲུག་པའི་སེམས་ཀྱིས་ནི་བྱ་བ་དང་བྱ་བ་མ་ཡིན་པ་སོ་སོའི་ངོ་མི་ཤེས་སོ།། དེ་ན་མི་དགེ་བའི་ཚོགས་ཐམས་ཅད་སློང་བར་འགྱུར་རོ།། གང་ཆང་བཏུང་བ་ལྡུད་པ་ནི་དེའི་རྒྱུ་མི་དགེ་བར་འགྱུར་ཏེ། རྒྱུ་ཇི་ལྟར་བྱས་པ་དེ་ལྟར་འབྲས་བུ་ཉེས་པ་དང་བཅས་པར་འགྱུར་ལ། དེ་གནོད་པ་དེས་ཤིན་ཏུ་རྣོ་བ་དང་། ཤིན་ཏུ་ཡུན་རིང་བར་གནོད་པ་དུ་མ་འབྱུང་ངོ་།། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སེམས་ཅན་དེ་དག་སེམས་ཅན་དམྱལ་བ་སྒྲ་ཆེན་པོ་དེར་གནོད་པ་ཆེན་པོའི་སྒྲ་འབྱིན་པ་དུ་མ་དག་འབྱུང་བར་འགྱུར་ཏེ། དེས་ན་སེམས་ཅན་དམྱལ་བ་དེ་སྒྲ་ཆེན་པོ་ཞེས་བྱའོ། ། དེ་དག་ཕྱིས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། དེ་མི་རྣམས་དང་སྐལ་བ་མཉམ་པར་གལ་ཏེ་མིར་སྐྱེས་ན། རྒྱུ་དང་འཐུན་པའི་འབྲས་བུས་དེ་ཡིད་མི་གསུངས་པར་འགྱུར་ཞིང་།། དེ་དུས་ཟུང་ངུས་ཀྱང་བརྗེད་པར་འགྱུར། དེའི་ཡིད་གསུངས་པ་ཆུང་བས་ལོངས་སྤྱོད་མེད་པར་འགྱུར་ཞིང་། སྐྱེ་བོ་ཡང་དགའ་བར་མི་འགྱུར། དེའི་ནོར་དེ་དག་མེད་པར་འགྱུར་ཞིང་། ནད་ཆུང་ངུས་ཀྱང་འཆི་བར་འགྱུར་རོ།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཀྱེ་མ་སེམས་ཅན་དམྱལ་བ་ངུ་འབོད་ཀྱི་འཁོར་བཅུ་དྲུག་མཐོང་སྟེ། འདི་ལྟ་སྟེ། སྒྲ་ཆེན་པོ་དང་། ཐམས་ཅད་སྒྲ་འབྱིན་པ་དང་། སྐྲ་མེར་འབར་བ་དང་། མའི་ཕྱེ་མ་སྲིན་བུ་དང་། ལྕགས་ཀྱི་མེ་འབར་བའི་གཏུན་ཤིང་དང་། རྡོ་མེ་འབར་བ་ཆར་ལྟར་འབབ་པ་དང་། གསོད་མེད་དང་། ལྕགས་ཚལ་དགོན་པ་དང་། རབ་རིབ་ཀུན་བསགས་དང་། གཤིན་རྗེའི་མཚམས་ཀྱི་དགོན་པ་དང་། ཤིང་ཤལ་མ་ལིའི་ཚལ་དང་། ཤིང་ཤལ་མ་ལའི་ཚིལ་ཆེན་པོ་དང་། ཆུ་ཤིང་བསྲེགས་པ་དུད་པའི་ཚལ་དང་། མེ་མདག་དུད་པའི་ཚལ་དང་། གློག་གི་ན་བུན་ཚལ་དང་། ཀུན་ཏུ་རྟོག་བྱེད་དེ། དེ་དག་ནི་སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་བཅུ་དྲུག་ཡིན་ནོ།། དེར་ལས་ཀྱི་རྣམ་པར་སྨིན་པ་གང་གིས་སྐྱེ་བར་འགྱུར་སྙམ་ནས། དགེ་སློང་དེས་བརྟགས་ན། དེས་སེམས་ཅན་དམྱལ་བ་སྒྲ་ཆེན་པོའི་འཁོར་མཐོང་ནས། འཁོར་གཉིས་པ་ཐམས་ཅད་སྒྲ་འབྱིན་ལ་རྟོག་པར་བྱེད་དོ།། དེས་བརྟགས་ན། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ནི་སྔ་མ་བཞིན་ནོ། ། ཆང་འཐུང་བ་ནི་གང་གིས་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། དང་པོ་སྡོམ་པ་བླངས་མ་ཐག་ལ་ཆང་བླུད་ན། དེ་ལུས་དང་བྲལ་ནས་ངན་འ། ལོག་པར་ལྟུང་བ་སེམས་ཅན་དམྱལ་བ་ཐམས་ཅད་སྒྲ་འབྱིན་དུ་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། ཇི་ལྟ་ཇི་ལྟར་སེམས་ཅན་དམྱལ་བ་པ་རྣམས་ལྕགས་ཀྱི་གཏུན་ཤིང་གིས་རྡེག་པ་ན། དེལྟ་དེ་ལྟར་སྒྲ་ཆེན་པོ་འབྱིན་ཏེ། དེས་སེམས་ཅན་དམྱལ་བའི་འཁོར་དེ་དག་ཐམས་ཅད་གང་བར་འགྱུར་རོ།། གལ་ཏེ་ཁོར་ཡུག་དང་། ཁོར་ཡུག་ཆེན་པོའི་རི་དག་དང་། ཆུ་བོའི་འཁོར་དག་མེད་ན། སྒྲ་དེས་འཛམ་བུའི་གླིང་ལ་སོགས་པ་མིའི་གནས་བཞི་པོ་དེར་ཐམས་ཅད་དུ་འབྱུང་བར་འགྱུར་རོ། ། དེའི་དུད་མོའི་སྒྲ་འབྱིན་པ་དེས་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྙིང་རྗེ་ཞིང་། དེ་སྲིད་དུ་རོ་མེད་པ་ཡིན་ཏེ། དེ་དག་རང་གི་ལས་དང་མཐུན་པར་སེམས་ཅན་དམྱལ་བ་པ་དེ་དག་དེ་སྲིད་དུ་ངུ་བའི་སྒྲ་འབྱིན་ཏོ།། དེ་དག་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ཆུ་དཀོན་པའི་ཡུལ་དང་། འབྲོག་ཏུ་སྐྱེ་བར་འགྱུར་ཏེ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པའི་འབྲས་བུ་ནི་སྔ་མ་བཞིན་ནོ།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་འཁོར་སྒྲ་མེ་འབར་བ་ཞེས་བྱ་བ་མཐོང་ངོ་།། དེར་སེམས་ཅན་དམྱལ་བ་པ་དག་ལས་ཀྱི་རྣམ་པར་སྨིན་པ་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སྔ་མ་བཞིན་ནོ། ། དགེ་བསྙེན་བསླབ་པའི་གཞི་ལྔ་ཡོད་པ་ལ་ཆང་འཐུང་བ་ཡོན་ཏན་ཡིན་པར་བསླབ་པའི་གཞི་འཛིན་དུ་བཅུག་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྒྲ་མེ་འབར་བར་སྐྱེ་བར་འགྱུར་རོ། ། དེར་མེའི་ཆར་རབ་ཏུ་འབར་བ་གང་ཡིན་པ་དེས་སེམས་ཅན་དམྱལ་བ་པ་དག་གི་སྒྲ་ལ་སོགས་པ་ནས། རྐང་པའི་བར་དག་ཏུ་སྲེག་ཅིང་འཚེད་ལ་རབ་ཏུ་འབར་རོ།། སེམས་ཅན་དམྱལ་བ་པ་དེ་དག་གི་རྐང་པ་དག་ལ་ནི་ཁྱི་དང་། ཀླད་པ་ལ་ནི་བྱ་རྒོད་མཆུ་རབ་ཏུ་འབར་བ་དང་། དབུས་སུ་ནི་ཝ་དག་གིས་ཟ་སྟེ། དེ་ལྟར་རང་གིས་མི་དགེ་བའི་ལས་བྱས་པས་སྲེག་ཅིང་ཟའོ།། ཉོན་མོངས་པ་དེ་དག་དུ་བཞིན་དུ་གཤིན་རྗེའི་མི་རྣམས་ལ་འདི་སྐད་ཅེས་སྨྲས་སོ།། བདག་ཅག་སྙིང་རྗེའི་གནས་སུ་གྱུར།། ཁྱེད་ལ་སྙིང་རྗེ་མེད་དམ་ཅི།། ཁྱེད་ལ་ཞི་བ་མེད་དམ་ཅི།། བདག་ལ་ཁྱེད་ཅག་སྙིང་མི་རྗེ། ། དེ་དག་གིས་དེ་སྐད་སྨྲས་པ་དང་། གཤིན་རྗེའི་མི་དག་གིས་སླར་སྨྲས་པ། ཇི་ལྟར་ཁྱེད་ཅག་གཏི་མུག་གིས།། བསྒྲིབས་པའི་སྡིག་ལས་མང་པོ་བྱས།། མི་བཟད་པ་ཡིས་ཁྱེད་ཅག་བདས།། དེ་ནི་ངེད་ཀྱི་རྒྱུ་མ་ཡིན།། རྨོངས་པས་ཚུལ་ཁྲིམས་མ་བསྲུངས་ཤིང་།། སྡིག་པ་མང་པོ་བསགས་པ་བྱས།། སྡིག་པ་མང་པོ་བསགས་པ་ཡི།། འབྲས་བུ་དེ་ནི་ཉེ་བར་གནས།། དེ། ལ་བདག་ཅག་རྒྱུ་མེད་དེ།། འདི་ནི་ཁྱེད་ཅག་ཉིད་ཀྱི་རྒྱུ།། གང་དག་སྡིག་པའི་ལས་བྱེད་པ།། དེ་ནི་ལས་དེའི་རྒྱུ་ཡིན་ནོ།། སྲེད་པའི་ཞགས་པས་བསླུས་པ་ཡི།། ཁྱེད་ཀྱིས་སྡིག་པ་གང་བྱས་པ།། དེ་ནི་ཁྱེད་ལ་དྲདྲུག་ཏུ་འཚེད། ། ངེད་ལ་ཅི་ཞིག་སྨྲ་བར་བྱེད།། སྡིག་པ་རྒྱུ་མེད་མ་ཡིན་ཏེ།། སྡིག་མ་བྱས་ལ་རྣམ་མི་སྨིན།། གང་གིས་སྡིག་པ་གང་བྱས་པ།། ད་ལ་དེ་ནི་ཡོངས་སུ་སྨིན།། ཆང་ནི་དུག་གི་མཆོག་ཡིན་ཏེ།། ཆང་འཐུང་བ་ལ་བསྟེན་མི་བྱ།། ཆང་འཐུང་བ་ལ་བསྟེན་པ་ནི།། དགེ་བའི་ཆོས་རྣམས་ཉམས་པར་འགྱུར།། གང་གིས་རྟག་ཏུ་ཆང་བསྟན་པ།། དེ་ཡི་བློ་ནི་མི་བརྟན་ཞིང་།། བློ་ཡོ་བ་ལ་ཆོས་མེད་དེ།། དེ་ལྟ་བས་ན་ཆང་སྤོངས་ཤིག། ཉམས་མེད་ནང་ན་ཉམས་མཆོག་ནི།། ཆང་ཞེས་མཁས་པ་རྣམས་ཀྱིས་བཤད།། མི་ལ་ཉམས་པས་ཉམས་བྱེད་པ།། དེ་ལྟ་བས་ན་ཆང་མི་སྟེན།། ཆང་འཐུང་བ་ལ་སྟེན་བྱེད་པ། ། མི་སྡུག་སྡིག་པའི་ཆོས་ཡིན་ཏེ།། དེ་ལྟ་བས་ན་དུག་ལྟ་བུའི།། ཆང་འཐུང་བ་ནི་རྣམ་པར་སྤོངས།། ཆང་འཐུང་བ་ལ་གནས་པའི་སྐྱོན།། ནོར་ཟད་ངན་པ་རྗོད་བྱེད་ཅིང་།། ལེ་ལོ་ཤིན་ཏུ་སྐྱེད་བྱེད་པས། ། དེ་ལྟ་བས་ན་དེ་སྤོངས་ཤིག། ཆང་གིས་འདོད་ཆགས་སྐྱེད་བྱེད་ཅིང་།། དེ་བཞིན་ཁྲོ་དང་གཏི་མུག་དག། ཡང་དང་ཡང་དུ་སྐྱེད་བྱེད་པ།། དེ་ལྟ་བས་ན་ཆང་སྤོངས་ཤིག། དེ་ལྟར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་རང་གི་ལས་ཀྱི་འབྲས་བུ་ལ་སྤྱོད་པའི་སེམས་ཅན་དམྱལ་བ་པ་དག་སེམས་ཅན་དམྱལ་བ་སྒྲ་མེ་འབར་བར་འཚེད་དོ། ། དེ་དག་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱི་ས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་བསྐལ་པ་མཉམ་པར་མིར་སྐྱེས་ན། དེ་རྒྱུ་འཐུན་པའི་འབྲས་བུས། གང་དུ་རྣམ་པ་ཐམས་ཅད་དུ་ཆང་མེད་པའི་ཡུལ་དེ་ལྟ་བུར་སྐྱེ་བར་འགྱུར་ཞིང་། གཟུགས་དང་རོ་མངོན་པར་ཤེས་པར་མི་འགྱུར་རོ།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ངུ་འབོད་ཀྱི་འཁོར་ལ་རྟོག་པར་བྱེད་དེ། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་གཞན་གང་ཞིག་ཡོད་སྙམ་མོ། ། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་པ་མེའི་ཕྱེ་མ་སྲིན་བུ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་ཀྱི་རྣམ་པར་སྨིན་པ་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སྔ་མ་བཞིན་ནོ།། ཆང་འཚོང་བ་ནི་ཆུ་མང་བར་བྱེད་ལ། རིན་ཐང་གཞན་ཡིན་ན་གཞན་དུ་འཚོང་སྟེ། དེ་ལ་སྐྱོན་ཁ་ན་མ་ཐོ་བ་བརྫུན་དང་། མ་བྱིན་པར་ལེན་པ་དང་། ཆང་འཐུང་བ་དེ་དག་འབྱུང་ངོ་།། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་མེའི་ཕྱེ་མ་སྲིན་བུར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། ནད་བཞི་བརྒྱ་རྩ་བཞི་འབྱུང་སྟེ། རླུང་ལས་གྱུར་པ་བརྒྱ་རྩ་གཅིག་དང་། མཁྲིས་པ་ལས་གྱུར་པ་བརྒྱ་རྩ་གཅིག་དང་། བད་ཀན་ལས་གྱུར་པ་བརྒྱ་རྩ་གཅིག་དང་། འདུས་པ་ལས་གྱུར་པ་བརྒྱ་རྩ་གཅིག་སྟེ། སེམས་ཅན་དམྱལ་བ་པ་དག་དང་འཐུན་པར་འབྱུང་ངོ་། ། གང་ནད་གཅིག་གིས་ཉི་མ་གཅིག་ཏུ་འཛམ་བུ་གླིང་དང་། བྱང་གི་སྒྲ་མི་སྙན་དང་། ནུབ་ཀྱི་བ་གྲང་སྤྱོད་དང་། ཤར་གྱི་ལུས་འཕགས་ཀྱི་མི་དེ་དག་ཀུན་ས་ལུས་པར་འཆི་བར་བྱེད་པའི་ནད་ཀྱི་རྣམ་པ་དེ་ལྟ་བུ་དག་སེམས་ཅན་དམྱལ་བ་པ་དེ་དག་ལ་འབྱུང་བར་འགྱུར་རོ། ། གནོད་པ་གཞན་དག་ཡང་དང་ཡང་དུ་འབྱུང་སྟེ། འདི་ལྟ་སྟེ། སེམས་ཅན་དམྱལ་བ་པ་རང་གི་ལུས་དེ་དག་ལ་སྲིན་བུ་དག་འབྱུང་བར་འགྱུར་ཏེ། གང་པགས་པ་དང་། ཁྲག་དང་ཤ་དང་། ཚལ་དང་། རུས་པ་དང་། རྐང་དག་ལ་ཕུག་ཅིང་ཕུག་ཅིང་འཐུང་ངོ་།། དེ་ལྟར་མགོན་མེད་པ། གཤིན་རྗེའི་མིས་འཇིགས་ཤིང་དུ་སྐད་འབྱིན་པ་ན། མེའི་གནོད་པ་རྣམ་པ་དུ་མ་འབྱུང་སྟེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། མེ་དེས་སྲེག་ཅིང་འཚེད་ལ་རབ་ཏུ་འབར་བར་བྱེད་དོ། ། དེ་དག་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཆང་གི་ཉོ་འཚོང་གི་རྒྱུ་མཐུན་པའི་འབྲས་བུས་སྡུག་བསྔལ་བ་དང་། དབུལ་བར་འགྱུར་རོ།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ངུ་འབོད་ཀྱི་འཁོར་ལ་བརྟགས་ན། སེམས་ཅན་དམྱལ་བ་ལྕགས་ཀྱི་མེ་འབར་བའི་གཏུན་ཤིང་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སེམས་ཅན་དམྱལ་བ་ལྕགས་ཀྱི་མེ་འབར་བའི་གཏུན་ཤིང་དུ་སྐྱེ་བར་འགྱུར་ཏེ། སྔ་མ་བཞིན་ནོ།། སེང་གེ་དང་། སྟག་དང་། གཟིག་དང་། རི་སྐྱེགས་དང་། ཤང་ཤང་ཏེའུ་དག་ཆང་གིས་བྲིད་དེ་ཉམས་པར་བྱས་ལ་བཟུང་ནས། བསད་པ་གང་ཡིན་པ་དེ་ནི་དེར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། ལྕགས་ཀྱི་གཏུན་ཤིང་རབ་ཏུ་འབར་བ་དག་འབྱུང་ངོ་།། ལས་ཀྱིས་བྱས་པའི་གཏུན་ཤིང་དེ་རྣམ་ཀྱིས་ཡན་ལག་དང་ཉིང་ལག་ཐམས་ཅད་ཕྱེ་མར་རློག་ཅིང་གསོད་དེ། ཇི་ལྟར་བྱེ་མའི་ཚད་ཙམ་དུ་དེ་ལྟར་ཡན་ལག་དང་ཉིང་ལག་ཐམས་ཅད་ཕྱེ་མར་རློག་གོ།། ཚོར་བ་དེས་ནམ་ཐག་པ་དགའོ་དོད་འབོད། ངུ་སྐད་འབྱིན། སྨྲེ་སྔགས་འདོན་ཅིང་། ཕན་ཚུན་རྒྱུག་སྟེ། བརྒྱུགས་པ་དང་། གཏུན་ཤིང་རབ་ཏུ་འབར་བ་རྣམས་ཀྱིས་ཀུན་ཏུ་འཚོག་གོ།། ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ཚོར་བས་ཉེན་པའི་སེམས་ཅན་དེ་དག་གཤིན་རྗེའི་མི་རྣམས་ཀྱིས་བཟུང་ནས། སྤུ་གྲི་དག་གིས་ཡན་ལག་ང་ཉིད་ལག་ཐམས་ཅད་འཇོག་ཅིང་གཤོག་ལ་འདྲལ་ལོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་ང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པས། དྲེག་པ་ཅན་དུ་སྐྱེ་བར་འགྱུར། དེ་ལས་དེ་དང་རྒྱུ་མཐུན་པས་དབུལ་བར་འགྱུར་ཞིང་། སྨན་པ་དང་། སྨན་སྦྱོར་བ་དང་བྲལ་བའི་ཡུལ་ངན་པ་དང་། རྩཝ་དང་། མྱ་ངན་དང་། མེས་ཚིག་པས་འཇིག་པ་མང་བའི་ཡུལ་ངན་པ་དག་ཏུ་སྐྱེ་བར་འགྱུར་རོ།། དམ་པའི་ཆོས་དྲན་པ་ཉེ་བར་གཞག་པ་བམ་པོ་དགུ་པ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཅན་དམྱལ་བ་དུའབད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་བརྟགས་པས། འཁོར་རྡོ་མ་འབར་བ་ཆར་ལྟར་འབབ་པ་ཞེས་བྱ་བ་མཐོང་ངོ་།། དེར་སེམས་ཅན་དམྱ་བ་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སེམས་ཅན་དམྱལ་བ་རྡོ་མེ་འབར་བ་ཆར་ལྟར་འབབ་པར་སྐྱེ་བར་འགྱུར་རོ། ། ཆང་ནི་གཡུལ་འགྱེད་པའི་དོན་དུ། ཇི་ལྟར་གླང་པོ་ཆེ་ཆེན་པོས་གཡུལ་དུ་མི་མང་པོ་གསོད་པར་འགྱུར་ཏེ། དེ་ལས་བདག་ཅག་རྒྱལ་བར་འགྱུར་རོ་སྙམ་ནས་གླང་པོ་ཆེ་དག་ལ་ཆང་བླུད་དེ་མི་བསད་ན། དེ་དག་ལས་དེའི་རྣམ་པར་སྨིན་པས་སེམས་ཅན་དམྱལ་བ་རྡོ་མེ་འབར་བ་ཆར་ལྟར་འབབ་པར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་དེར་ལས་ལས་སྐྱེས་པ་མེ་རབ་ཏུ་འབར་བའི་གླང་པོ་ཆེ་སྲོག་ཐམས་ཅད་འཕྲོག་པར་བྱེད་པ་འབྱུང་སྟེ། དེས་མི་དེ་བཟུང་ནས། ཡན་ལག་དང་ཉིང་ལག་ཐམས་ཅད་ཕུག་ཅིང་ཕྱེ་མར་རློག་པར་བྱེད། འཕེན་པར་བྱེད་ཅིང་། རྣམ་པར་འཚེ་བར་བྱེད། རྣམ་པར་འཁྲུག་པར་བྱེད་ཅིང་ཡན་ལག་དང་ཉིང་ལག་སོ་སོར་འབྱེད་པར་བྱེད་དོ། ། དེ་ནས་དེ་ལས་ཐར་པར་འགྱུར་ཏེ། ཕྱི་ནས་དེ་གཤིན་རྗེའི་མི་རྣམས་ཀྱིས་བཟུང་ངོ་།། བཟུང་ནས་ཟངས་དམར་པོ་རབ་ཏུ་བསྐོལ་བའི་ནང་དུ་བཅུག་སྟེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་ཀྱི་བར་དུ་དེ་ལོ་འབུམ་ཕྲག་དུ་མར་སྲེག་ཅིང་འཚེད་ལ་གསོད་པར་བྱེད་དོ། ། དེ་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུས། དེས་གླང་པོ་ཆེ་གསོད་པར་བཤམས་ཀྱང་།། གླང་པོ་ཆེ་དེས་གསོད་པར་འགྱུར། དབུལ་ཞིང་བྱད་བཞིན་ངན་ལ། རྐང་པ་དང་ལག་པ་བོང་བུའི་རྐང་པ་ལྟར་འགྱུར་ཞིང་། ལུས་རྟག་ཏུ་རྩུབ་པར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཆེན་པོ་འཆི་མེད་ཅེས་བྱ་བ་མཐོང་ངོ་། ། དེར་མི་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སྔ་མ་བཞིན་ནོ། ། ཆང་ནི་བུད་མེད་གཞན་འོས་པ་མ་ཡིན་པ་ལ་བླུད་དེ། བླུང་ནས་ཀྱང་མྱོས་པས་འཁྲུལ་པར་བྱས་ལ། དེ་དང་ལྷན་ཅིག་ཏུ་མི་ཚངས་པར་སྤྱད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་འཆི་མེད་དུ་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། ཁྱི་རབ་ཏུ་འབར་བ་དག་གིས་རླིག་པ་འབྱིན་པར་བྱེད་དོ། ། ཕྱུང་ཞིང་བཏོན་ནས་ཀྱང་ཡང་ཤིན་ཏུ་འཇམ་ཞིང་སྡུག་པ་སྐྱེ་བར་འགྱུར་རོ།། ཡང་འབྱིན་པར་བྱེད་དེ། གནོད་པ་དོན་མེད་པས་ངུ་སྐད་འབྱིན་པར་བྱེད་དོ།། དེ་ལྟར་དེ་དག་དེ་ལས་ཐར་ནས། ག་ར་བ་བབ་ཏུ་འབྲོས་སོ། ། དེ་དག་བྲོས་པས་མདུན་ན། ངམ་གྲོག་ཆེན་པོ་དེ་ལ་བྱ་རོག་དང་། བྱ་རྒོད་དང་། འུག་པ་དང་། བྱ་དྷྱ་མི་ཀ་ལྕགས་ཀྱི་མཆུ་དང་། སེན་མོ་རབ་ཏུ་འབར་བ་རྣམས་ཀྱིས་གང་བ་མཐོང་ངོ་།། ངམ་གྲོག་དེ་ལ་སེམས་ཅན་དམྱལ་བ་འཁམས་ཏེ། བཞིན་གྱུར་པ། མགོན་འདོད་པ། སྐྱབས་འདོད་པ་དེ་དག་རབ་ཏུ་ལྷུང་ངོ་།། དེ་ནས་བྱ་རོག་དང་། བྱ་རྒོད་དང་། འུག་པ་མཆུ་དང་སེན་མོ་རབ་ཏུ་འབར་བ་རྣམས་ཀྱིས་ཡན་ལག་དང་ཉིང་ལག་སོ་སོར་ཕྱེ་སྟེ་ཟའོ། ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་ཡང་སྐྱེ་བར་འགྱུར་རོ།། དེ་དག་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། སྔ་མ་བཞིན་དུ་སྦྱར་ཏེ་བ་ལས་དེའི་རྒྱུ་དང་འཐུན་པའི་འབྲས་བུས་རྒྱལ་པོས་བཟུང་ཞིང་ལུས་མདོག་ངན་པ་དང་། བཞིན་མདོག་ངན་པར་གྱུར་ཅིང་།། དེ་ཉིད་དུ་འཆི་བའི་དུས་བྱེད་པར་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ངུ་འབོད་ཀྱི་འཁོར་ལ་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་སྔ་མ་བཞིན་དུ་དེས་མཐོང་ངོ་།། ཆང་ནི་དུག་དང་སྦྱར་ནས། དགྲ་གསད་པར་བྱ་བའི་ཕྱིར་བྲུད་ན། ལུས་དང་བྲལ་ནས་ངན་འགྲོ་ལོག་པར་ལྟུང་བ་འཁོར་ལྕགས་ཚལ་དགོན་པར་སྐྱེ་བར་འགྱུར་རོ།། འདི་ལྟ་སྟེ། ལྕགས་ཀྱི་འཁོར་ལོ་འཁོར་བར་རབ་ཏུ་འབར་བ་དེར་སེམས་ཅན་དམྱལ་བ་དེ་དག་ལྕགས་ཀྱི་@ཁག་པས་བཅིངས་ནས་ལྕགས་ཀྱི་འཁོར་ལོས་ཀོར་བར་བྱེད་དོ། ། བཀོར་བན་དགྲག་ཤི་རྗེའི་མི་རྣམས་ཀྱིས་ལན་ལག་དང་ཅིང་ལག་ཐམས་ཅད་ལ་མཚོན་ཆདག་གིས་འདེབས་པར་བྱེད་དེ། ཇི་ལྟར་ཡུངས་འབྲུ་ཙམ་དུ་སེམས་ཅན་དམྱལ་བ་པ་དེ་དག་གི་ལུས་ཀྱི་ཤ་དེ་ལ་ལྷག་མ་མ་ལུས་པར་བྱེད་ཀྱང་། དེའི་ལས་ཉེས་པར་བྱས་པའི་རྣམ་པར་སྨིན་པས་དུས་ལས་འདའ་བ་ནི་མི་བྱེད་དོ།། གལ་ཏེ་དེ་དག་ལས་ཟད་ནས་འཁོར་ལོ་འཁོར་བ་དེ་ལས་ཐར་ནས། གར་བབ་བབ་ཏུ་འབྲོས་པ་དང་། དེ་དག་ལས་ཀྱིས་བྱས་པའི་ལྕགས་ཀྱི་སྦྲུལ་རྣམས་ཀྱིས་གཟུང་བར་འགྱུར་ཏེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་ཟའོ། ། དེ་ཕྱིས་སེམས་ཅན་དམྱལ་བ་དེ་དག་ལས་ཐར་བར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བཔར་འགྱུར་བའི་ལས་ཀྱིས་ཡི་དག་ས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུས་སྦྲུལ་གྱིས་འཛིན་པ་འམ། མགོའི་ནོར་བུ་འབྱིན་པར་འགྱུར་བ་འམ། ལས་དེ་དང་རྒྱུ་འཐུན་པའི་འབྲས་བུས་སྦྲུལ་རྣམས་ཀྱིས་སྲོག་དང་ཕྲལ་བར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་འཁོར་རབ་རིབ་ཀུན་བསགས་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སྔ་མ་བཞིན་ནོ།། སེམས་ཅན་སོ་སོ་འཚོ་བར་བྱ་བའི་ཕྱིར་ཆང་འཐུང་བའི་ཟོང་ངམ། རིན་བྱིན་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རབ་རིབ་ཀུན་བསགས་སུ་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་དེ་ཐམས་ཅད་མུན་པ་ཡིན་ཏེ། དེར་གནོད་པ་མྱོང་བ་ནི་གཤིན་རྗེའི་མི་དག་ཀྱང་མི་མངོན་ལ། འདི་དག་སུས་བྱས་ཞེས་གནོད་པ་ཡང་མི་མངོན་ཏེ། མུན་ནག་ལས་བྱུང་བའི་མའི་ནང་དུ་འཇུག་གོ།། མེ་དེའི་འོད་ཀྱང་ཤིན་ཏུ་མི་གསལ་བ་ཡིན་ཏེ། བར་སྐབས་སྐྲའི་རྩེ་མོ་ཙམ་ཡང་མེད་པའི་མེ་དེའི་ནང་དུ་དེ་དག་སྲེག་ཅིང་འཚེད་ལ་གདུངས་སོ། ། ངུ་ཞིང་སྐད་འབྱིན་པ་ན། ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སོག་ལེ་དག་གིས་ཀྱང་མགོ་ལ་སོགས་པ་ནས། རྐང་པའི་བར་དུ་ཕྱེད་མར་གཤག་གོ།། ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དག་ས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུས་རྟག་ཏུ་སྐོམ་པ་དང་བཀྲེས་པས་གདུངས་པར་འགྱུར་ཞིང་། དེ་ནོར་རྫས་དང་འབྲལ་བར་འགྱུར་ལ། གང་ན་བཟའ་བཏུད་ཉུང་བའི་གླིང་དེ་དག་ཏུ་སྐྱེ་བར་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་གཤིན་རྗེའི་མཚམས་ཀྱི་དགོན་པ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སྔ་མ་བཞིན་ནོ།། གང་གིས་ནད་མི་བཟད་པས་ཐེབས་པ་དང་། བུ་བཙས་པ་དག་ལ་ཆང་འཐུང་བའི་ཟོང་དང་རིན་གྱི་དོན་དུ། གོས་ཀྱི་རྒྱུ་འམ་ཟས་ཀྱི་རྒྱུ་བྱིན་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་གཤིན་རྗེའི་མཚམས་ཀྱི་དགོན་པར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། རྐང་པ་དང་སེན་མོ་ལ་སོགས་པ་གཤིན་རྗེའི་མི་ཁ་འ་བར་རབ་ཏུ་འབར་བ་ངག་གིས་ཟ་བར་བྱེད་དོ། ། ཟོས་ནས་ཀྱང་གནོད་པ་འབྱུང་བར་འགྱུར་ཏེ། འདི་ལྟ་སྟེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། མདུང་ཟུང་གི་རྩེ་མོ་རབ་ཏུ་འབར་བ་དག་གིས་ལོ་འབུམ་ཕྲག་དུ་མར་འཚེད་ཅིང་སྲེག་ལ་གཤག་ཅིང་གསོད་དོ། ། དེ་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུས་དེ་ཡུལ་ངན་པ་དང་། གནས་ངན་པ་དང་། རི་བྲགས་ངན་པ་དག་ཏུ་ཕག་འཚོ་བ་དང་། ལོང་བར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཤིང་ཤལ་མ་ལིའི་ཚལ་ཞེས་བྱ་བ་ཡོད་པ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ནི་སྔ་མ་བཞིན་ནོ།། ཆང་འཐུང་བ་ནི་མཆོག་ཏུ་མང་པོས་ཆང་ཤིན་ཏུ་ར་རོ་བར་འགྱུར་བའི་རྫས་དེ་དག་སྦྱོར་བར་བྱེད་དེ། དེའི་ཆང་ཇི་ལྟར་ཁ་ཅིག་ནི་དར་བ་ལྟ་བུ་དང་། ཁ་ཅིག་ནི་ཆུ་ལྟ་བུ་དང་། ཁ་ཅིག་ནི་ཞོ་ག་ཆུ་ལྟ་བུ་དེ་ལྟར་བཅོས་ནས། འབྲོག་དགོན་པར་ཞུགས་པ་དེའི་དེད་དཔོན་དག་ལ་བླུད་དེ། དེ་ཡང་ར་རོ་ཞིང་ཤིན་ཏུ་ར་རོ་བར་འགྱུར། དེ་ཀུན་གྱིས་ཤིན་ཏུ་ར་རོ་བར་བྱས་ཏེ། ར་རོ་བ་དེ་དག་དེས་བསད་ནས། ནོར་གང་དང་གང་ཡོད་པ་དེ་དང་དེ་དག་ཕྲོགས་ན་དེས་བསླུས་པ་ཡིན་པས། དེ་འཇིག་རྟེན་ན་ཆོམ་རྐུན་ཏུ་རྒྱུ་བ་ཞེས་བྱ་བའོ།། དེའི་ལས་ཀྱིས་བསྐྱོད་པས་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཤིང་ཤལ་མ་ལི་ཆེན་པོའི་ནགས་སུ་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། མེ་རབ་ཏུ་འབར་བའི་རྡོ་ཆར་གྱི་ཚོགས་ཀྱིས་ལུས་དག་ཀུན་ཏུ་བསྲེག་ཅིང་འབུགས་ལ་གཅོད་པར་བྱེད་དེ། སའི་བར་དུ་སྲེག་པར་བྱེད་དོ།། ཆུ་བོ་རབ་ཏུ་བསྐོལ་བའི་ཕྱེད་མདག་མ་དམར་པོ་ཚ་བས་བཞུ་བའི་ཆུ་རྟག་ཏུ་འཇིགས་པ་ཞེས་བྱ་བ་ཡོད་དེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ཟངས་དང་རོ་ཉེར་བསྲེས་པ་རབ་ཏུ་བསྐོལ་བའི་ཆུ་བོ་དེར་ལོ་འབུམ་ཕྲག་དུ་མར་སྲེག་ཅིང་འཚེད་ལ། གཤིན་རྗེའི་མི་རྣམས་ཀྱིས་ཀྱང་རལ་གྲི་དང་། མདའ་བོ་ཆེ་རབ་ཏུ་འབར་བ་དག་གིས་ཀུན་ཏུ་འདེབས་པར་བྱེད་དོ། ། དེ་ཕྱིས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུས་མིག་གི་མདོག་གནག་ཅིང་། རྟག་ཏུ་ཁྲོ་ལ་ཕྲག་དོག་མང་པོར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེ་ཐོས་པ་ལས་བྱུང་བའི་ཤེས་པས་ཤིང་ཤལ་མ་ལི་ཆེན་པོའི་ཚལ་ཡོད་པ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བར་སྐྱེ་བར་འགྱུར་ཏེ། སྔ་མ་བཞིན་ནོ།། ཆང་གི་དབང་དུ་བྱས་ནས། སིངས་པོ་ལྔར་བཅོས་ཏེ། འབྲོག་དགོན་པའི་སྐྱེ་བོ་མང་པོ་དག་ལ་བླུད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བའི་སེམས་ཅན་དམྱལ་བ་ཤིང་ཤལ་ཡ་ལི་ཆེན་པོར་སྐྱེ་བར་འགྱུར་རོ།། དེ་ཆང་བླུད་པའི་འབྲས་བུས་དེར་གནོད་པ་འདི་དག་འབྱུང་བར་འགྱུར། འདི་ལྟ་སྟེ། ལས་ཀྱིས་བྱས་པའི་ཤིང་ཤལ་མ་ལི་འཕང་དུ་དཔག་ཚད་གཅིག་ཙམ་ཡོད་པ་འབྱུང་སྟེ། འདབ་མ་སྤུ་ཀྲི་ལྟ་བུ་ཡིན་ལ། ཡལ་ག་མེ་འབར་བ་ལྟ་བུ་ཡིན། དུད་པ་གདུག་ཅིང་། རླུང་དུག་ལྟ་བུ་འབྱུང་སྟེ། དེ་ལྟར་ཆང་གི་ལས་ཀྱིས་བྱས་པ་དེ་འབྱུང་ངོ་།། གང་དཔག་ཚད་གཅིག་ཚུན་ཆད་དུ་རླུང་དུག་ལྟ་བུས་གནོད་པར་བྱེད་ཀྱང་། སྲོག་དང་བྲལ་བར་མི་འགྱུར་རོ།། ཇི་ལྟ་ཇི་ལྟར་ཤིང་ཤལ་མ་ལ་ཆེན་པོའི་ནགས་དཔག་ཚད་སུམ་སྟོང་ཡོད་པར་ཆུད་ན། དེ་ལྟ་དེ་ལྟར་མ་དག་མ་དང་དུ་བར་བསྲེས་པ་དུག་ལྟ་བུའི་ཤུགས་ཀྱིས་སྡུག་བསྔལ་འབུམ་སྙེད་མྱོང་ཡང་དུས་ལས་འདའ་བར་ནི་མི་འགྱུར་རོ། ། གང་གི་ཚེ་ཤིང་ཤལ་མ་ལི་ཆེན་པོའི་ཚལ་དུ་སེམས་ཅན་དམྱལ་བ་པ་གཤིན་རྗེའི་མི་རྣམས་ཀྱིས་འཇིག་པར་བྱས་པ་ཆུད་པར་གྱུར་པ་དེའི་ཚེ། ཤིང་རྣམས་ལས་ཀུན་ནས་སྤུ་གྲི་ལྟ་བུའི་ཆར་རབ་ཏུ་འབབ་སྟེ། གང་ལག་ན་རལ་གྲི་དང་། མདའ་བོ་ཆེ་མང་པོ་ཐོགས་པ་འཁྲུགས་པ་དག་གིས་ཡན་ལག་དང་། ཉིང་ལག་ཐམས་ཅད་དང་། རྒྱུས་པ་དང་། གནད་དང་། ཀ་རན་ད་ར་དང་། རུས་པ་དང་། རྐང་ཐམས་ཅད་ཡང་དང་ཡང་དུ་རྣམ་པར་གཤེག་ཅིང་འདྲལ་ལ། དུམ་བུར་བྱེད་དོ།། ཀ་ཤིན་རྗེའི་མིས་འཇིགས་ཤིང་སྐྲག་པ་དེ་དག་ལྕགས་ཀྱི་ཤིང་ཤལ་མ་ལི་ཆེན་པོའི་རིགས་ཁྲོད་ན། ཁ་ཅིག་ནི་གྲིབ་མའི་ནང་ན་ཞུམ་ཞུམ་པོར་འདུག། ཁ་ཅིག་ནི་ཤིང་ཁར་འཛེག། ཁ་ཅིག་ནི་གཤིན་རྗེའི་མི་དེ་དག་དང་བྲུད་ནས་རལ་གྲི་དག་གིས་འདེབས་ཤིང་གཤག་གོ།། དེ་ཆང་འཐུང་བའི་འབྲས་བུས་གང་དག་གིས་གྲིབ་མའི་ནང་ན་ཞུམ་ཞུམ་པོར་འཁོད་པ་དེ་དག་གི་མིག་ཀྱང་བྱ་རྒོད་ཀྱིས་འབྱིན་ཅིང་ཁུ་བ་ཡང་འཐུང་ངོ་། ། ཆང་འཐུང་བ་དེའི་འབྲས་བུས་ཤིང་དེ་ལ་འཛེག་པ་དེ་དག་ཀྱང་ཤིང་དེ་དག་ལས་ཡལ་ག་ལྟུང་བས་དེ་དག་དུམ་བུ་བརྒྱ་འམ། ཡང་ན་སྟོང་དུ་ཕྱེ་མར་རློག་གོ། གང་དག་ཚལ་དེའི་ཐོར་ཏོ་ལ་འཛེག་པ་དེ་དག་པ་ཚྭའི་ཆུ་བོ་བཞུས་པར་འཇུག་སྟེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ལོ་འབུམ་ཕྲག་དུ་མར་རྒྱུས་པ་དང་། རུས་པ་དང་། ལུས་ཉིད་ལ་གནོད་པ་མྱོང་བར་འགྱུར་ཏེ། འདི་ནི་དེའི་ཕྱོགས་འགའ་ཞིག་བསྟན་པ་ཡིན་ནོ། ། དེ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་དེ་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེ་ཡིད་རྣམ་པར་གཡེངས་ཤིང་ནད་དྲག་པོ་འམ། གལ་ཏེ་སྙིང་ནད་དམ། གལ་ཏེ་ངལ་སྐྱེན་པ་མང་བ་འམ། གལ་ཏེ་རྐང་པམ་གྱིས་འདེབས་པར་འགྱུར་ཞིང་། གལ་ཏེ་ལོང་བས་ཉམ་ཐག་པར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཆུ་ཤིང་བསྲེགས་པའི་དུད་པའི་ཚལ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སྔ་མ་བཞིན་ནོ། ། ཆང་འཐུང་བ་ནི་བུད་མེད་ཡོན་ཏན་ཅན་དག་ལ་ཐབས་གཞན་གྱི་སྤྱོད་པས་བྲིད་དེ་བླུད་ནས་ར་རོ་བར་བྱས་ཏེ། སེམས་འཁྲུལ་པར་གྱུར་ན། འདི་ལྟ་སྟེ། སེམས་ཅན་དམྱལ་བ་དེ་ནི་ལས་དེའི་རྣམ་པར་སྨིན་པས་ཀུན་ནས་དཔག་ཚད་ལྔ་ཡོད་པ་དེའི་ནང་དུད་པས་འཁྲིགས་ཤིང་རྒྱ་མཚོའི་གློང་གི་མེའི་མུན་ནག་གིས་གཏིབས་པ། ཟབས་སུ་ཀུན་ནས་རྒྱང་གྲགས་གསུམ་དུ་ས་བརྐོས་པ་དེར་མེ་མ་དག་ཁྲོལ་བུ་རབ་ཏུ་འབར་བས་ཤིན་ཏུ་གང་བའི་སའི་བུ་ག་དེར་སེམས་ཅན་དམྱལ་བ་པ་དེ་དག་ཉིན་གཅིག་བཞིན་དུ་འཇུག་སྟེ། ངུ་སྐད་འབྱིན་པར་ཡང་མི་ནུས་ཤིང་། དེ་བཞིན་དུ་འཛག་སྒོ་ཐམས་ཅད་ཀྱང་མེས་གང་བར་འགྱུར་རོ། ། དེ་ལས་ཐར་ནས་ཆུ་ཤིང་གི་དུད་པ་དེས་དེ་ལྟར་ཡང་དང་ཡང་དུ་འཛག་སྒོ་ཐམས་ཅད་གང་བར་འགྱུར་ལ། འདི་ལྟར་མེ་དེ་ལ་བདེ་བར་སེམས་ཏེ། དུང་དེའི་མཐུ་ནི་དེ་ལྟར་ཤིན་ཏུ་རྣོ་བ་ཉིད་ཡིན་ནོ། ། དེ་ལས་ཀྱང་ཐར་ནས་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། བྱ་དུ་ངའི་མདོག་གི་འཕྲེང་བ་ཞེས་བྱ་བའི་མཆུ་ཤིན་ཏུ་རྣོ་བས་དེ་དག་གི་རུས་པ་ཕུག་ནས་རྐང་དག་ལ་ཟ་བར་བྱེད་དོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་བློ་དང་མཇུག་དོ་དག་ལ་གདོན་གྱི་ནད་ཀྱིས་ཐེབས་ཤིང་དབུལ་བ་དང་། ཚེ་ཐུང་བར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པ་དེས་སེམས་ཅན་དམྱལ་བ་མེ་མདག་དུད་པའི་ཚལ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སྔ་མ་བཞིན་ནོ།། ཆང་འཐུང་བ་ནི་དགྲ་གསད་པའི་ཕྱིར་དང་། ཆོམ་རྐུན་དང་། རྒྱལ་པོས་བཀྲབས་པ་གསད་པའི་ཕྱིར་བླུད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་མེ་མདག་དུད་པའི་ཚལ་དུ་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། དེར་ལས་ཀྱིས་བྱས་པའི་མེ་མདག་སྤུ་གྲི་ལྟ་བུའི་རླུང་ལྡང་ལ། རླུང་དེས་སེམས་ཅན་དམྱལ་བ་པ་དེ་དག་ཕན་ཚུན་གྱི་ཤུགས་ཀྱིས་ཐུག་ཅིང་ཤིན་ཏུ་དྲུག་གོ།། དེ་དག་གི་ལུས་ཕན་ཚུན་ཐུག་པ་ན། ཇི་ལྟར་བྱེ་མ་ཆང་པ་ནས་གཏོར་བ་བཞིན་དུ་དེ་ལྟར་ལུས་དེ་དག་ཕྱེ་མར་རློག་གོ།། ཡང་ལས་ཀྱི་དབང་གིས་སྐྱེ་བར་འགྱུར་ཏེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་ཇི་སྲིད་དུ། ལོ་འབུམ་ཕྲག་དུ་མར་གནོད་པ་ཐམས་ཅད་མྱོང་བར་འགྱུར་ཏེ། འདི་ལྟ་སྟེ། སྤུ་གྲིས་གཤག་ཅིང་མེའི་ཚོར་བ་དང་། ནད་ཀྱི་ཚོར་བ་དང་། མཚོན་ཆའི་ཚོར་བ་དང་། པ་ཚྭའི་ཚོར་བ་སྟེ། ཚོར་བ་མཆོག་ཏུ་ཚ་བ། མཆོག་ཏུ་འཇིགས་པ། དེ་དག་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ལོ་འབུམ་ཕྲག་དུ་མར་མྱོང་བར་འགྱུར་རོ།། ཕྱིས་སེམས་ཅན་དམྱལ་བ་དེ་ལས་ཐར་ནས་ཀྱང་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན་ལས་དེ་དང་རྒྱུ་མཐུན་པའི་འབྲས་བུས་གཞང་འབྲུམ་རིམ་གསུམ་པས་ཐེབས་པར་འགྱུར་ཞིང་། རྟག་ཏུ་གྲང་བའི་རིམ་གྱིས་ཐེབས་པར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་གློག་གི་ན་བུན་ཚལ་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་མཁྱེན་པར་ལེན་པ་དང་། འདོད་པས་མགོ་པར་ས་སེམ་པ་ཅན་ཏུ་བསྟན་ཀྱང་བ་སྒོམས་ཏེ་ས་སྨྲརྣམ་པ་ནི་རྫ་མ་བཞིན་ནོ།། རདུ་དྲང་བ་ན་ཕྱི་རོམམ་ཐམངོན་པར་བེན་པའི་ངང་ཆུ་ཅན་དཀྱུས་བའི་བསམ་པས་བླུད་ན། ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་གློག་གི་ན་བུན་ཚལ་དུ་སྐྱེ་བར་འགྱུར་རོ།། དེ་དག་ལ་གནོད་པ་འདི་དག་འབྱུང་བར་འགྱུར་ཏེ། འདི་ལྟ།། སྟེ། སེམས་ཅན་དམྱལ་བ་དེ་ཁྲུ་ཉིས་བརྒྱར་སེམས་ཅན་དམྱལ་བའི་མས་རབ་ཏུ་གང་བ་དེར་སེམས་ཅན་དམྱལ་བ་པ་དག་གཤིན་རྗེའི་མི་རྣམས་ཀྱིས་བཟུང་ནས་འཇུག་སྟེ། རྐང་པ་ནས། མགོ་ལ་སོགས་པའི་བར་བཏེག་ཅིང་བཞུས་སོ། ། ལས་ཀྱི་རླུང་གིས་ཡང་སྐྱེ་བར་འགྱུར་ལ། མེ་དེ་ནི་ལོ་མ་སྡུད་པ་ལྟ་བུ་ཡིན་ཏེ། ཇི་ཙམ་དུ་ཕྱོགས་བཅུར་ཐག་པས་དཀྲིས་པ་བཞིན་དུ་སེམས་ཅན་དམྱལ་བ་པ་དེ་དག་དཀྲིས་ནས། ཇི་ལྟར་ཐལ་བ་ཡང་མི་མངོན་པ་དེ་ལྟར་སྲེག་པར་བྱེད་དོ།། ཡང་འབྱུང་བར་འགྱུར་ཏེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ནས་ཟད་པར་མ་བྱས་པ་དེ་སྲིད་དུ། དེ་ལྟར་ལོ་འབུམ་ཕྲག་དུ་མར་སྲེག་གོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཆང་འཐུང་བའི་རྒྱུ་མཐུན་པའི་འབྲས་བུས་ཡུལ་ཡ་བ་ན་དང་། བ་ལྕི་ཀ་དེར་སྐྱེས་ཤིང་། བཀོལ་བས་ཉམས་པར་འགྱུར་ཏེ་ཤུགས་དྲག་པས་བཀོལ་བར་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་དུ་འབོད་ཀྱི་འཁོར་ལ་བརྟ་ན། དེས་འཁོར་ཀུན་ཏུ་རྟོག་བྱེད་ཅེས་བྱ་བ་མཐོང་ངོ་།། དེར་སེམས་ཅན་དག་ལས་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ནི་སྔ་མ་བཞིན་ནོ།། ཆང་འཐུང་བ་ནི་ཇི་ལྟར་འདི་དག་ཆང་གིས་ཡིད་གཡེངས་ན་ལམ་དུ་འཇུག་པ་ལ་ངལ་བར་མི་འགྱུར་རོ་སྙམ་ནས། ལམ་དུ་འཇུག་པའི་ཆེད་དང་། རྔོན་པ་དག་རི་དགས་བསད་པ་ལ་འགྲོ་བ་མགྱོགས་པར་འགྱུར་རོ།། སྙམ་ནས་བླུད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཀུན་ཏུ་རྟོག་བྱེད་དུ་སྐྱེ་བར་འགྱུར་རོ། ། དེ་དག་ལ་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། འདོད་པ་གང་དང་གང་ཉིད་ཀུན་ཏུ་སེམས་པ་དེ་དང་དེ་ཉིད་གཤིན་རྗེའི་མི་དག་གིས་བརྒྱ་འམ། ཡང་ན་སྟོང་ངམ། བྱེ་བ་བརྒྱ་འམ། ཡང་ན་སྟོང་དུ་བྱེད་དེ། སེམས་ཅན་དམྱལ་བའི་འཁོར་གཞན་དུ་གནོད་པ་གང་དང་གང་འབྱུང་བ་དེ་དག་ཐམས་ཅད་ཀྱི་བཞི་འགྱུར་དེར་འབྱུང་སྟེ། སྔ་མ་བཞིན་ནོ།། སེམས་ཅན་དམྱལ་བ་པ་རྣམས་ལག་ཤིན་རྗེའི་མི་དག་གིས་རྗེས་སུ་བསྟན་པའི་ཚིགས་སུ་བཅད་པ་སྨྲས་པ། དེ་ཡི་ལས་ནི་རྣམ་གསུམ་གྱིས།། གནས་སྐབས་དགུར་ནི་འཚེད་བྱེད་ཅིང་། ། རྣམ་པར་སྨིན་པ་བཞི་བཅུ་ཐམ།། དྲག་པོ་རབ་ཏུ་གཡོས་པར་འགྱུར།། དོན་མེད་གནི་ནི་ཆང་ཡིན་ཏེ།། སེམས་ཅན་དམྱལ་བའི་བཅུད་གད་པ།། དབང་པོ་ཐམས་ཅད་རྣམ་ཉམས་ཤིང་། ། དོན་མེད་པ་ཡི་རྒྱུར་གྱུར་ཏོ།། ཚིག་ལ་ཤིན་ཏུ་དགའ་བ་དང་།། ཆགས་པ་དང་ནི་འཇིགས་པ་དང་།། ངག་གི་སྐྱོན་དང་རློམ་པ་དང་།། ཚིག་རྩུབ་གཞི་ནི་འདི་ཡིན་ནོ།། ཆང་གིས་ཀུན་ཏུ་གཡེངས་པའི་ཡིད།། བྱ་དང་མི་བྱ་མི་ཤེས་པས།། མི་དེ་ཕྱུགས་དང་མཚུངས་པ་ཡིན།། དེ་ལྟ་བས་ན་ཆང་སྤོངས་ཤིག། ཆང་གིས་གཡེངས་པའི་མི་དག་ནི།། གསོན་ཡང་ཤི་བ་དག་དང་མཚུངས། ། གང་ཞིག་རྟག་ཏུ་གསོན་འདོད་པས།། རྟག་པར་ཆང་ནི་རྣམ་པར་སྤོངས།། ཆང་ནི་ཉེས་པ་ཀུན་གྱི་གཞི།། རྟག་པར་དོན་ཀུན་མེད་པར་བྱེད།། ངན་སོང་གསུམ་གྱི་ཐེམ་སྐས་ཏེ། ། མུན་ནག་གནས་ནི་ཆེན་པོ་ཡིན།། ཆང་གིས་སེམས་ཅན་དམྱལ་བར་འགྲོ།། དེ་བཞིན་ཡི་དགས་འཇིག་རྟེན་དང་།། ཆང་གི་སྐྱོན་གྱིས་བསླུས་པ་ཡི།། མི་དག་དུད་འགྲོ་རྣམས་བུ་འགྲོ། ། དུག་ག་ནང་དུ་དྲུག་ནི་ཅང་།། དེ་བཞིན་མྱལ་པའི་ནང་ན་དམྱལ།། མང་གྱིན་ངན་ནད་མཆོག་ནི།། ཆང་ཞེས་མཁས་པ་རྣམས་ཀྱིས་བཤད། ཁྲོ་དང་དབང་པོ་ཉམས་བྱེད་སོང་། ཆེན་ཆོས་ནི་ཟད་བྱེད་ལ།། ཚངས་པར་སྤྱོད་པ་འཇིག་བྱེད་པ།། མི་བཟད་ཆང་ནི་སྐྱེ་གནས་གཅིག། རྒྱལ་པོ་དང་ནི་བསྟན་བཅོས་མཁས།། ཆང་གིས་ཡང་བར་བྱེད་འགྱུར་ན།། ཐ་མལ་མི་དག་ཆང་འཐུང་བ། ། སྲུས་པར་འགྱུར་བ་ཅི་ཞིག་སྨོས།། ཆང་ལ་སྟོན་པའི་མི་དག་ནི།། ཆོས་རྣམས་ཀྱི་ནི་སྔ་རེ་ཡིན།། ངོ་ཚ་མེད་པར་བྱེད་པའི་མཆོག། ཡང་བ་དག་ཏུ་ཉེ་བར་བསྟན།། ཆང་གིས་ཕྲོགས་པར་གྱུར་པའི་སེམས། ། བྱ་བ་དང་ནི་མི་བྱ་བ།། མི་ཤེས་རྣམ་པར་མི་ཤེས་ཤིང་།། ཐམས་ཅད་མི་ཡིས་མི་ཤེས་སོ།། གང་ཞིག་ཆང་ལ་སྟེན་བྱེད་པ།། སྐྱེ་བོ་རེས་འགའ་དགའ་བྱེད་ཅིང་།། རེས་འགའ་ཡོངས་སུ་གདུང་བྱེད་ལ། ། རེས་འགའ་སྡིག་པ་བྱེད་པ་ཡིན།། བློ་ནི་ཤིན་ཏུ་རྨོངས་སྐྱེད་ཅིང་།། འཇིག་རྟེན་གཉིས་ནི་རྣམ་འཇིག་བྱེད།། ཐར་པའི་ཆོས་ལ་མེ་ལྟ་བུར།། སྲེག་བྱེད་ཁོ་ན་ཆང་ཡིན་ནོ། ། མི་གང་དག་ནི་ཆང་སྤོང་བ།། ཆོས་ཀྱི་ངང་ཚུལ་མཉམ་པར་གཞག། གང་ན་འཆི་བ་མེད་པ་ཡི།། གནས་མཆོག་དག་ཏུ་དེ་འགྲོའོ།། ཆང་འཐུང་བ་ཡིས་བསླུས་པ་དག། དེ་ནི་བྱེད་པ་དམན་པ་ཡིན། ། མི་བཟད་སེམས་ཅན་དམྱལ་བར་ལྟུང་།། དོན་མེད་ཅི་ཞིག་ཡོངས་སུ་གདུང་།། འཐུང་བའི་ཚེ་ན་ཆང་ཞིམ་སྟེ།། རྣམ་སྨིན་ཆེན་མཆོག་ཏུ་ཚ།། ཀིམ་པ་ཀ་ནང་ཀིམ་པ་ཀ། ཆང་ཞེས་མཁས་པ་རྣམས་ཀྱིས་བཤད། ། བདག་ལ་འདི་ཡིས་མི་གནོད་ཅེས།། བློ་ལྡན་ཆང་ལ་ཡིད་མ་རྟོན།། མྱོང་ན་བསིལ་ཡང་རྣམ་སྨིན་ཚ།། ཆང་ནི་དམྱལ་བར་འགྲོ་བར་བྱེད།། སྡིག་པའི་ཆོས་རྣམས་བྱེད་པ་ལ།། སེམས་གཡེངས་པ་དག་དགའ་བར་བྱེད།། ཕྱི་ནས་རྣམ་སྨིན་ཆབ་རུ།། བློ་ངན་ཡོངས་སུ་གདུང་བར་འགྱུར།། འདོད་པ་རྣམས་ལ་བློ་མི་གཏང་།། འདོད་པ་མཆོག་ཏུ་སླུ་བ་ཡིན།། འཁོར་བའི་འཆིང་བ་དྲག་པོ་སྟེ། ། སེམས་ཅན་དམྱལ་བ་ཀུན་གྱི་རྒྱུ།། གང་ཞིག་འདོད་པ་རྣམས་ལ་དགའ།། དེ་ཡི་སྡུག་བསྔལ་མཐའ་མེད་དོ།། འདོད་པའི་སྦྲུལ་གྱིས་ཟིན་པ་ལ།། བདེ་བ་རྣམས་ཀྱང་ག་ལ་ཡོད།། ཁྱེད་ཅག་འདོད་པ་མི་བཟད་ཅིང་།། དྲག་པོ་སེམས་ཅན་དམྱལ་བར་འོངས།། གནོད་པ་ཤིན་ཏུ་མི་བཟད་ལ།། དོན་མེད་ཅི་ཞིག་ཡོངས་སུ་གདུང་།། གང་ཚེ་འདོད་པས་བསླུས་པ་ཡི།། ཁྱེད་ཅག་གིས་ནི་སྡིག་བྱས་པ། ། དེ་ཚེ་ཅི་ཕྱིར་ཁྲོ་མི་བྱེད།། དེ་རིང་ཅི་ཞིག་ཡོངས་སུ་གདུང་།། བྱས་ལ་བསགས་པ་བརྟན་པ་ཡི།། ལས་དག་གིས་ནི་འབྲས་བུ་སྣང་།། སྡིག་པའི་ཚོར་བ་མི་བཟད་པས།། དེ་ལྟ་བས་ན་སྡིག་མི་བྱ། ། སྡིག་པ་སྡིག་པའི་རྣམ་སྨིན་དེ།། རྟག་ཏུ་སྡིག་པ་རྣམས་སུ་སྨིན།། སྡིག་མི་བྱེད་ལ་སྡིག་མེད་དེ།། དེ་ལྟ་བས་ན་སྡིག་པ་སྤོངས།། སྡིག་པ་ཡོངས་སུ་སྤངས་པ་ལ།། སྡིག་པའི་འཇིག་པ་མེད་པ་ཡིན། ། སྡིག་པ་རང་གིས་བྱས་པ་གནོད།། གཞན་གྱིས་སྤྱོད་པར་མི་འགྱུར་རོ།། དེ་ལྟར་གཤིན་རྗེའི་མི་དེ་དག་སེམས་ཅན་དམྱལ་བ་བ་དེ་རྣམས་ལ་རྗེས་སུ་སྟོན་པ་རྗེས་སུ་བསྟན་ནས། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་གནོད་པ་རྣམ་པ་སྣ་ཚོགས་དག་བྱེད་དུ་འཇུག་གོ། ། ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེ་མཆོག་ཏུ་ཁྲོ་བས་ཁྲོ་བར་འགྱུར་ཞིང་། བཀའ་བློ་མི་བདེ་བར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་རྟོག་པར་བྱེད་ཀྱི། སེམས་ཅན་དམྱལ་བ་ཆེན་པོའི་འཁོར་གྱི་ཉེན་ཀོར་ལ་ཀུན་ཏུ་མི་རྟོག་སྟེ། ལས་ཀྱི་འབྲས་བུ་རྣམ་པར་སྨིན་པ་ཡང་མི་མཐོང་ངོ་།། དེ་འདི་སྙམ་དུ་སེམས། ཀྱེ་མ་སེམས་ཅན་དམྱལ་བའི་འཁོར་བཅུ་དྲུག་པོ་འདི་ཡང་ཇི་ལྟར་ཡང་སོས་དང་། ཐིག་ནག་དང་། བསྡུས་འཇོམས་བཞིན་ཏེ། བྱེ་བྲག་ཏུ་ན་སེམས་ཅན་དམྱལ་བ་དེར་གནོད་པ་གཞན་གང་དང་གང་ཡོད་པ། སེམས་ཅན་དམྱལ་པ་དེ་ལ་ཚོར་བ་དེ་དག་ཐམས་ཅད་བཅུ་འགྱུར་དུ་འགྱུར་ཏེ། ལས་བྱས་པའི་རྒྱུ་གང་བརྟན་པ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། སྡོམ་པ་བླངས་བས་ཆང་ལྡུད་པ་འམ། འཐུང་བའི་ལས་ངན་པ་བཞི་འགྱུར་བྱས་པས་དེར་སྐྱེ་བར་འགྱུར་ཏེ། ལས་དེའི་འབྲས་བུ་རྣམ་པར་སྨིན་པ་བཞི་འགྱུར་གྱིས་ཚེ་ཤིན་ཏུ་རིང་པོ་དེ་དག་ལ་ཚོར་བ་ཤིན་ཏུ་དྲག་པ་འབྱུང་ངོ་། ། དགེ་སློང་དེས་བཞི་འགྱུར་མཐོང་ནས་ལས་ཀྱི་འབྲས་བུ་རྣམ་པར་སྨིན་པ་ཇི་ལྟ་བ་བཞིན་རྗེས་སུ་བསམས་པ་དང་། འཁོར་བ་ལས་ཡིད་འབྱུང་བ་ཡང་བཅུ་འགྱུར་དུ་ཡིད་བྱུང་ངོ་།། ཡང་དགེ་སློང་དེ་སེམས་ཅན་དམྱལ་བ་ཇི་ལྟ་བ་བཞིན་མཐོང་ནས། འཁོར་བ་ལ་ཤིན་ཏུ་འཇིགས་ཤིང་སྐྲག་སྟེ། ས་གཞན་བཅུ་པ་ལ་ཞུགས་པ། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་སོ། ། དེ་ཡང་ས་བླའི་གནོད་སྦྱིན་དག་གིས་ཤེས་ནས། བར་སྣང་ལ་སྤྱོད་པའི་གནོད་སྦྱིན་དག་ལ་མངོན་པར་བསྙད་དོ།། སྔ་མ་བཞིན་དུ་སྦྱར་ཏེ། ཚངས་རིས་དང་། ཚངས་པ་མདུན་ན་འདོན་དང་། ཚངས་པ་ཆེན་པོའི་བར་གྱིས་ཐོས་ནས། བདུད་ཀྱི་ཕྱོགས་ནི་དམའ་བར་འགྱུར་ཞིང་། དམ་པའི་ཆོས་ཀྱི་ཕྱོགས་ནི་མངོན་པར་མཐོ་བར་འགྱུར་རོ་ཞེས་ཚངས་པ་ཆེན་པོའི་རིས་ཀྱི་ལྷ་དག་དགའ་སྟེ། རྒྱ་ཆེར་སྔ་མ་བཞིན་དུ་སྦྱར་རོ།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་གཞན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ངུ་འབོད་ཆེན་པོ་ཞེས་བྱ་བ་ཡོད་པ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་རྫོགས་པ་དེ་ནི་སེམས་ཅན་དམྱལ་བ་ངུ་འབོད་ཆེན་པོར་སྐྱེ་བར་འགྱུར་ཏེ། དེ་ལ་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ནི་སྔ་མ་བཞིན་ནོ།། མཆོག་ཏུ་བྱ་བར་དཀའ་བ་སྐྱེ་བོ་མཁས་པ་ཀུན་གྱིས་རབ་ཏུ་སྨད་པ། ངན་སོང་ཀུན་གྱི་སྒོར་གྱུར་པ། རྣམ་པ་དུ་ཞིག་གིས་བརྫུན་དུ་སྨྲ་བ་རྫོགས་པར་འགྱུར་སྙམ་ན། འདི་ལྟ་སྟེ། རྒྱལ་པོ་འམ། བློན་པོ་འམ། འཁོར་གྱི་ནང་དུ་འདུག་ཀྱང་རུང་སྟེ། གཉིས་ཤིག་ཆོས་ཀྱི་སྲང་ལ་ཞོན་ནས་རྩོད་པའི་ཚེ། དབང་པོ་འདི་ནི་ཚད་མ་ཡིན་ཏེ། གང་འདིས་སྨྲས་པ་དེ་བདག་ཅག་ཚད་མ་ཡིན་ནོ།། ཞེས་སྨྲས་པ་ལས། དེ་ཡང་དྲན་བཞིན་དུ་དོན་གཞན་དུ་སྨྲ་བ་མ། གལ་ཏེ་ནོར་གྱི་ཕྱིར་རམ། གལ་ཏེ་ཕྱོགས་བཟུང་ངམ། གལ་ཏེ་འདོད་ཆགས་ཀྱིས་བདག་ལ་བདག་ཉིད་བསླུ་བ་ནི་སྔ་མ་བཞིན་ཏེ། འདི་ལྟར་བརྫུན་འདི་ལས་ཁ་ན་མ་ཐོ་བར་འགྱུར་བ་ཅུང་ཟད་ཀྱང་མེད་དེ། བདག་གིས་བརྫུན་དེ་བྱའོ་སྙམ་ནས། དེ་ལྟར་དེ་གྲུབ་ན་ཉེས་པ་དོན་མེད་པ་བྱས་པ་དེ་ལས་དེ་གཉིས་ཀྱི་ནང་ནས་གཅིག་ལ་ཆད་པས་གཅོད་དེ། གལ་ཏེ་གསོད་དུ་དོགས་པ་འམ། གལ་ཏེ་གསོད་པ་འམ། གལ་ཏེ་ཁྱིམ་འཕྲོག་སྟེ། ཇི་ལྟར་ཉེས་པའི་ཚུལ་དང་མཐུན་པར་བརྫུན་དུ་སྨྲས་ན། དེའི་རྒྱུས་སྡིག་པའི་མི་དེ་ལུས་དང་བྲལ་ནས་ངན་གློ་ལོག་པར་ལྟུང་བ་སེམས་ཅན་དམྱལ་བ་ངུ་འབོད་ཆེན་པོར་སྐྱེ་བར་འགྱུར་རོ། ། དེར་ཚེ་ཤིན་ཏུ་རིང་བར་འགྱུར་ཏེ། གང་འཕྲུལ་དགའི་ལྷ་རྣམས་ཀྱི་ཚེ་ནི་ལྷའི་ལོ་བརྒྱད་སྟོང་ངོ་།། གང་མིའི་བགྲང་བའི་ཚུལ་གྱིས་ནི་མིའི་ལོ་བརྒྱད་བརྒྱ་ལ་ཉིན་ཞག་གཅིག་སྟེ། དེ་འཕྲུལ་དགའ་བ་རྣམས་ཀྱི་ཉིན་ཞག་གཅིག་ཡིན་ནོ།། དེ་ཉིན་ཞག་སུམ་ཅུ་ལ་ཟླ་བ་གཅིག་གོ།། ཟླ་བ་བཅུ་གཉིས་ལ་ལོ་གཅིག་སྟེ། སྒྲ་དེ་རྣམས་ཀྱི་ཚེ་ནི་ལྷའི་ལོ་བརྒྱད་སྟོང་ཡིན་ལ། དེ་ནི་སེམས་ཅན་དམྱལ་བ་ངུ་འབོད་ཆེན་པོའི་ཉིན་ཞག་གཅིག་ཡིན་ཏེ། དེར་བརྫུན་སྨྲས་པ་སྡིག་ཅན་རྣམས་གནས་སོ།། བདག་དང་གཞན་ལ་སླུ་བ་ནི་དགེ་བའི་རྩ་བ་ཐམས་ཅད་མ་རུང་བར་བྱེད་ཅིང་། མུན་པ་ཆེན་པོར་གྱུར་པ། སྐྱེ་བོ་ཆེན་པོའི་ཡིད་ཆེས་པར་མི་བྱེད་ལ། སྐྱེ་བོ་མཁས་པ་ཀུན་དང་ལོ་སྟོང་དུ་མི་མཐུན་པ་ཉན་ཐོས་དང་། རང་སངས་རྒྱས་དང་། ཡང་དག་པར་རྫོགས་པའི་སངས་རྒྱས་ཀྱིས་སྨད་པ། འཇིག་རྟེན་པ་དང་། འཇིག་རྟེན་ལས་འདས་པའི་ལམ་གྱིས་སྐྱོན་དུ་བགྲང་བ། དགེ་བའི་རྩ་བའི་སྟེགས་ཐམས་ཅད་ལ་སྟ་རེ་ལྟ་བུར་གྱུར་པ། རྟག་ཏུ་གནོད་པས་ཡོངས་སུ་འགྱུར་བ། རོ་མྱགས་པ། སྙིང་པོ་མེད་པ་ལས་དུག་ལྟ་བུར་ལངས་པ། འཁོར་བའི་འགྲོ་བ་ངན་པའི་རྒྱུར་གྱུར་ཅིང་ཉལ་ཉིལ་དུ་གྱུར་པ། ཁ་ནས་དྲི་མ་ནམ་པ་བསྐྱེད་པ། རྟག་ཏུ་སྡུག་བསྔལ་གྱི་དྲ་བའི་རྒྱུར་གྱུར་པ། མི་འདོད་ཅིང་མི་སྡུག་ལ་ཡིད་དུ་མི་འོང་བ། སེམས་ཅན་དམྱལ་བ་འཇིག་པ་ཆེན་པོའི་ཕོ་ཉ་འཆི་བའི་ཚེ་རྣམ་པར་སྤངས་པ་ཆེན་པོར་བྱེད་པ། གཤིན་རྗེའི་མིའི་ཡུལ་དུ་ཕྱིན་པ་རྣམས་ཀྱི་མི་མཛའ་བ་ཆེན་པོར་གྱུར་པ། ཡི་དགས་དང་དུད་འགྲོའི་འགྲོ་བ་དག་ལ་གཡང་ས་ལྟ་བུར་གྱུར་པ།། ཉེས་པར་བྱས་པའི་ལས་ཀྱི་མཐའི་རྒྱུར་གྱུར་པ། དབུལ་པོའི་རྒྱུར་གྱུར་པ། སེམས་ཅན་དམྱལ་བར་འཇིགས་པ་ཆེན་པོ་བྱེད་པ། དུད་འགྲོ་དག་གཅིག་ལ་གཅིག་ཟ་བའི་རྐྱེན་དུ་གྱུར་པ། ཐོག་མ་མེད་པའི་དུས་ནས་ཞུགས་པ། འཁོར་བའི་ས་བོན་དུ་གྱུར་པ། བརྫུན་སྨྲ་བའི་འབྲས་བུས་དེར་སྐྱེ་བར་འགྱུར་རོ།། སེམས་ཅན་དམྱལ་བ་ཆེན་པོ་དེའི་འཁོར་ནི་འདི་ལྟ་སྟེ། སྒྲ་འབྱིན་ཤིན་ཏུ་སྒྲ་འབྱིན་དང་། ཚོར་བ་དཔག་ཏུ་མེད་པ་དང་། ཚོར་བ་རྩུབ་ཅིང་ཚ་ལ་བཟོད་པར་དཀའ་དང་། གནོད་པ་དཔེ་མེད་དང་། ཐམས་ཅད་མུན་པ་དང་། འཇིག་རྟེན་པར་གྱི་དུ་བ་དང་། ཕྱེ་མ་ལེབ་ལྟར་རབ་ཏུ་ལྟ་བ་དང་། སྲོག་འཆི་བ་དང་བཅས་པ་དང་། གཞན་དུ་འགྱུར་བ་དང་། བསམ་པ་དགའ་མེད་དང་། ཕན་ཚུན་གནོད་པ་འཇུག་པ་དང་། ནགས་ཚལ་མེས་མཆེད་པའི་རྒྱུན་ལྟ་བུ་དང་། ཚོར་བ་རིང་བ་དང་། ཚོར་བ་མཐའ་ཡས་དང་། ཁྭའི་མཆུ་རྡོ་རྗེ་ལྟ་བུ་དང་། ཁྲག་དང་རྐང་ཟ་བ་དང་། མེ་ལྕེ་བཅུ་གཅིག་སྟེ། དེ་དག་ནི་སེམས་ཅན་དམྱལ་བ་ངུ་འབོད་ཆེན་པོའི་འཁོར་བཅུ་དྲུག་ཡིན་ནོ།། སེམས་ཅན་དམྱལ་བ་ངུ་འབོད་ཆེན་པོ་དེར་སེམས་ཅན་དག་ལས་བྱས་ཤིང་བསགས་པ་གང་གིས་སྐྱེ་བར་འགྱུར་སྙམ་ན། ལས་ཀྱི་ཉེར་བསྡོགས་དང་། ལས་ཀྱི་ལམ། ལས་ཀྱི་མཇུག་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས། སོ་སོར་འཇིགས་པ་ཆེན་པོ་སེམས་ཅན་དམྱལ་བ་ངུ་འབོད་ཆེན་པོར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། ལྕེ་པདྨའི་འདབ་མ་ལྟར་ཤིན་ཏུ་འཇམ་པ་དེ་ཁ་ནས་དྲངས་ཏེ། རྒྱང་གྲགས་གསུམ་དུ་བརྒྱངས་པ། གཤིན་རྗེའི་མི་འཇིགས་འཇིགས་ལྟར་འདུག་པས་དེ་བཟུང་ནས་གཤིན་རྗེའི་མི་རྣམས་ཀྱིས་ལྕགས་ཀྱི་ཐོང་གཤོལ་རབ་ཏུ་འབར་བ་དག་གིས་འབུགས་ཤིང་རྨེད་ལ་ཡོངས་སུ་འདྲལ་ལོ། ། ཟངས་དམར་པོ་རབ་ཏུ་འབར་བས་ཆག་ཆག་འདེབས་ཤིང་། ལྕེ་ལས་བྱུང་བའི་སྲིན་བུ་ཁ་རབ་ཏུ་འབར་བ་དག་སྐྱེ་སྟེ། གང་ལྕེ་དག་ལ་ཟ་ཡང་བརྫུན་སྨྲ་བ་དེས་ལྕེ་དེ་དག་ཕྱིར་ཁའི་ནང་དུ་གཞུག་པར་མི་ནུས་སོ།། དེའི་ཁའི་ནང་གི་སོ་གང་ཡིན་པ་དེ་དག་ལ་སོ་སྲིན་ཨུ་ལུ་ཀ་ལ་ཞེས་བྱ་བ་འབྱུང་སྟེ། དེ་དག་གིས་འབྱིན་པར་བྱེད་ཅིང་། དེའི་དཀན་ཡང་ལས་ཀྱིས་བྱས་པའི་རླུང་གིས་བྱེ་མའི་ཕྱེ་མ་ལྟར་ཕྱེ་མར་རློག་གོ།། དེའི་མིད་པ་ཡང་སྤུ་གྲི་ལྟ་བུའི་རླུང་གིས་འཇོག་པར་བྱེད་ལ། དེའི་སྙིང་ཡང་སྲིན་བུ་མཆུ་རབ་ཏུ་འབར་བ་དག་གིས་ཟ་བར་བྱེད་དོ།། བརྫུན་སྨྲ་བའི་ལུས་ཅན་ནི་སེམས་ཅན་དམྱལ་བ་ངུ་འབོད་ཆེན་པོའི་གཞིར་སྐྱེས་ནས་སྲེག་སྟེ། ལས་བྱས་པས་ཀུན་ནས་བསླང་བའི་ལུས་ལས་བྱུང་བའི་སྲིན་བུ་རྣམས་ཀྱིས་ལུས་རབ་ཏུ་འབར་བའི་རྒྱུ་མ་དག་ལ་ཟའོ། ། དེའི་ནང་ན་འདུག་པའི་སྲིན་བུ་རྣམས་དང་། ནད་རྣམས་ཀྱིས་ཚོར་བ་མི་བཟད་ཅིང་ཚ་ལ་དྲག་བ་རྣམས་མྱོང་ངོ་། ། ཕྱི་རོལ་དུ་ཡང་སྡུག་བསྔལ་རྣམ་པ་གཉིས་ཀྱིས་གནོད་དེ། འདི་ལྟ་སྟེ། མེ་ལས་བྱུང་བའི་སེམས་ཅན་དམྱལ་བ་པ་དག་ལ་གཤིན་རྗེའི་མི་རྣམས་ཀྱིས་ཚོར་བའི་རྒྱུ་རྣམ་པ་སྣ་ཚོགས་དག་གིས་འཇིགས་པ་སྐྱེད་དོ། ། ཕུར་བུ་དག་གིས་ཀྱང་ཡན་ལག་དང་ཉིང་ལག་ཐམས་ཅད་དང་། ལུས་ཀྱི་རྩ་དང་། རྒྱུས་པ་དང་། རུས་པའི་གསེ་པ་ཐམས་ཅད་འབུགས་པར་བྱེད་དོ།། གཞན་ཡང་ཚོར་བ་རྣམས་ཀྱིས་མངོན་པར་གཙེས་པར་འགྱུར་ཏེ། འདི་ལྟ་སྟེ། སྟེའུ་ཡིས་ཡན་ལག་ནས། རུས་པ་ལ་སོགས་པའི་བར་ཐམས་ཅད་འཇོག་གོ།། བརྫུན་སྨྲ་བ་སྨྲས་པ་དེ་ནི་མཆོག། ཏུ་དོན་མ་ཡིན་པ་བྱེད་ཅིང་། ཆོས་ཀྱི་སྟེགས་ཀུན་ལས་རྒལ་བ་ཡིན་ཏེ། བརྫུན་སྨྲ་བ་ནི་དོན་མེད་པ་ཐམས་ཅད་ཀྱི་སྒོར་གྱུར་པ། དགེ་བའི་ལོ་ཏོག་ཐམས་ཅད་ལ་སེར་བ་ལྟ་བུར་གྱུར་པ། ངན་འགྲོ་ཐམས་ཅད་ཀྱི་སྒོར་གྱུར་པ། བྱ་བ་མ་ཡིན་པ་ཐམས་ཅད་ཀྱི་གཞིར་གྱུར་པ། སེམས་ཅན་ཐམས་ཅད་ཀྱིས་ཡིད་ཆེས་པར་འགྱུར་བ་མ་ཡིན་པ། འཕགས་པའི་སྐྱེ་བོ་ཀུན་གྱིས་མི་གཙང་བ་དང་འདྲ་བར་སྨད་པར་གྱུར་པ། རྫོགས་པའི་སངས་རྒྱས་དང་། ཉན་ཐོས་དང་། རང་སངས་རྒྱས་དང་། དགྲ་བཅོམ་པ་དག་གིས་དུག་བཞིན་དུ་རྣམ་པར་སྤངས་པར་གྱུར་པ། འཇིག་རྟེན་པ་དང་འཇིག་རྟེན་ལས་འདས་པའི་ལམ་གྱི་མུན་པར་གྱུར་ཅིང་སུ་ཡང་འདོད་པ་མེད་པ། གཅིག་ཏུ་སེམས་ཅན་དམྱལ་བ་མངོན་དུ་གྱུར་ཅིང་། གཞན་ཡང་མཚུངས་པ་མེད་ལ། མུན་ནག་ཏུ་གྱུར་པ་ཡིན་ཏེ། རྣམ་པ་དེ་དག་ཏུ་གྱུར་པ་དོན་མེད་པ་འབྱུང་བ་ཡིན་ནོ། ། གང་དག་སྨྲ་ཞིང་གང་དག་སྨྲས་པ་ན། སེམས་ཅན་དམྱལ་བ་ངུ་འབོད་ཆེན་པོར་རྒྱུ་དེ་དང་མཚུངས་པར་འབྲས་བུ་འབྱུང་སྟེ། དེའི་རྐང་པ་མེས་མར་གསར་བཞིན་དུ་འཇུ་ཞིང་། དེའི་བར་ཡང་སོག་ལེ་རབ་ཏུ་འབར་བས་གཤག་གོ།། དེའི་ལུས་དང་ཡིད་ཐམས་ཅད་དུ་སྡུག་བསྔལ་ཞིང་དོན་མེད་པ་རྒྱུ་མཐུན་པའི་འཁོར་དེའི་མེས་སེམས་ཅན་དམྱལ་བ་པ་ཆེན་པོ་དག་འཚེད་པ་ན། ནད་ཐམས་ཅད་ཀྱིས་སེམས་ཅན་དམྱལ་བ་མཚུངས་པས་ཀུན་ཏུ་ངུ་སྐད་འབྱིན་ཏོ།། ནད་མི་བཟད་པ་དེ་དག་གི་མིང་བཟུང་བར་བླ་བ་ཡང་མ་ཡིན་ཏེ། དེ། ནི་ཇི་ལྟར་བསྟན་པ་བཞིན་དུ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ལོ་འབུམ་ཕྲག་དུ་མ་བརྒྱ་སྟོང་བྱེ་བ་ཁྲག་ཁྲིག་ཏུ་སེམས་ཅན་དམྱལ་བ་པའི་སྡུག་བསྔལ་མྱོང་བར་འགྱུར་རོ། ། དེ་ཕྱིས་སེམས་ཅན་དམྱལ་བ་ལས་ཐར་པར་འགྱུར་ཏེ། ཐར་ནས་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ལྟར་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དག་གི་རྒྱུ་མཐུན་པའི་འབྲས་བུས་དེ་དབུལ་ཞིང་ཚེ་ཐུང་ལ་སེམས་གཡེངས་པ། མ་ནིང་སྐྱེ་བོ་ཀུན་གྱིས་སྨད་ཅིང་ཡིད་བརྟན་པའི་གནས་སུ་མི་འགྱུར་རོ།། འདིར་ཚིགས་སུ་བཅད་པ། ལུས་ཅན་བརྫུན་དུ་སྨྲ་བ་ཡི།། ཆོས་གཅིག་ལས་ནི་འགལ་བྱས་པ།། འཇིག་རྟེན་ཕ་རོལ་རྣམ་རྒལ་བའི།། སྡིག་པ་དོན་མེད་གང་མེད་མིན།། ཀུན་ལ་ཡིད་ཆེས་མི་བྱེད་པ།། བརྫུན་གྱི་ཚིག་ནི་མ་སྨྲ་ཞིག། འཁོར་བར་གང་གིས་གནོད་པ་ནི། བདེ་འགྲོ་ཉིད་ནི་མཐོང་མི་འགྱུར།། བརྫུན་ཚིག་རབ་ཏུ་འཇུག་པ་ནི།། འཇིག་རྟེན་གཉིས་ལ་གནོད་བྱེད་ཅིང་།། ཀུན་གྱིས་རྣམ་པར་སྡང་བྱེད་ལ།། ཆོས་རྣམས་ཀུན་གྱི་དགོན་པ་ཡིན།། གང་གིས་ད་ཁྱོ་རྒྱུས། རྫུས་པན།། ཨཱ་ཀྵཱ་གྱུ། ག་ཀཱརྦྷ་སྤྱན། ན་། ཡིན་ཞིང་། ། དེ་ནི་མུན་ནག་སྐྱེ་གནས་གཅིག། བདེན་པས་དམན་པའི་མི་དག་ནི།། མཁས་པ་ཀུན་གྱིས་རྣམ་པར་སྤངས།། འཇིག་རྟེན་འདིར་ནི་རྩཝ་ལྟར་འགྱུར།། ཕ་རོལ་ངན་སོང་རྣམས་སུ་འཚེད།། དཔའ་བོ་ཤིན་ཏུ་བརྫུན་མི་སྨྲ།། ཉོན་མོངས་བརྫུན་ཚིག་སྨྲ་བ་དག། ཁ་ནས་རུལ་བའི་དྲི་འབྱུང་ལ།། ཕྱི་ནས་ལུས་ཀྱིས་གདུང་བར་འགྱུར།། བདེན་པ་རིན་ཆེན་རྣམ་སྤངས་པ།། དེ་ལ་ཆོས་ནི་མེད་པ་ཡིན། ། ཆོས་ནི་རྣམ་པར་སྤངས་པ་ལ།། སྡུག་བསྔལ་མཐའ་མེད་གནས་པ་ཡིན།། ཆོས་རྣམས་ཀུན་གྱི་སྒྲོན་ཡིན་ཞིང་།། མཁས་རྣམས་རིན་ཆེན་ལྟ་བུར་དགའ།། མཐོ་རིས་ལམ་གྱི་དམ་པ་ནི།། བདེན་པ་ཡིན་ཞེས་རིམས་བྲལ་གསུང་།། བདེན་པ་ཡིས་ནི་མཐོ་རིས་དང་།། བདེན་པར་སྨྲ་བ་ཐར་པར་འགྲོ།། བདེན་པས་དམན་པའི་མི་དག་ནི།། ཁྱི་དང་འདྲ་བར་རབ་ཏུ་བསྒྲགས།། གང་ལ་བདེན་པ་མེད་པ་ནི། ། ཐ་ཤལ་ནང་ན་དེ་ཐ་ཤལ།། བདེན་པ་ཆོས་ཀྱི་ཐེམ་སྐས་ཏེ།། སྣང་བའི་འབྱུང་ཁུང་ཆེན་པོ་ཡིན།། ཐར་པའི་ཆོས་ཀྱི་ལམ་ཡིན་ཞིང་།། ནོར་གྱི་ནང་ན་ནོར་མཆོག་ལ།། སྐྱབས་ཀྱི་ནང་ན་སྐྱབས་མཆོག་ནི། ། བདེན་པ་ཡིན་ཞེས་མཁས་པས་བཤད།། སྣང་བའི་ནང་ན་སྣང་བ་མཆོག། མིག་གི་ནང་ན་མིག་དང་ལྡན།། ནོར་རྫས་མེད་ལ་ནོར་རྫས་ཏེ།། རྒྱན་གྱི་ནང་ནའང་རྒྱན་བཟངས་ཡིན། ། བདེན་པ་མི་ཟད་གཏེར་ཡིན་ཏེ།། རྒྱལ་པོ་ཀུན་གྱིས་དབྲོག་མི་ནུས།། མི་དག་གང་གིས་སྨྲ་བ་ནི།། འགྲོ་བ་མཆོག་ཏུ་འགྲོ་བ་ཡིན།། ཇི་ལྟར་བདེན་པས་སྐྱེས་བུ་དག། བརྒྱན་པས་མཛེས་དེ་ལྷ་འདྲའོ།། སྣ་ཚོགས་རྒྱན་གྱི་སྐྱེས་བུ་དག། བརྒྱན་པ་དེ་ལྟར་མཛེས་པ་མིན།། ཇི་ལྟར་འཇིག་རྟེན་ཕ་རོལ་ཏུ།། པ་མེད་མ་མེད་དོན་མེད་ཅིང་།། བཤེས་མེད་གཉེན་མེད་སྐྱབས་མེད་པས། ། དེ་ལྟར་རྟག་ཏུ་བདེན་པ་སྨྲོས།། མེ་ཡི་ནང་ན་མེ་མཆོག་ལ།། དུག་གི་ནང་ན་དུག་མཆོག་སྟེ།། ངན་འགྲོ་རྣམས་ཀྱི་ཐེམ་སྐས་ནི།། བརྫུན་པ་ཡིན་ཞེས་ཡོངས་སུ་བསྒྲགས། ། རེག་ན་དུག་དང་མེ་འདྲ་བ།། བརྫུན་པ་རྣམ་པར་སྤངས་པར་གྱིས།། བརྫུན་གྱིས་བསྲེགས་པའི་མི་དག་ནི།། བསྲེགས་པ་ཡིན་ཞེས་མངོན་པར་བརྗོད།། དེ་ལྟར་མངོན་པར་འབད་ཀུན་གྱིས། ། མི་དག་བརྫུན་ནི་མ་སྨྲ་ཞིག། འཇིགས་ལ་སོགས་པ་ཉོན་མོངས་ཀུན།། བརྫུན་ལས་བྱུང་ཞེས་ཡོངས་སུ་བརྗོད།། དེ་ལྟར་དགེ་སློང་དེ་བརྫུན་གྱི་ལས་ཀྱི་འབྲས་བུའི་དེ་ཁོ་ན་ལྐོག་ཏུ་མ་གྱུར་པ་མཐོང་བ། བདེན་པའི་ཡོན་ཏན་གྱི་དེ་ཁོ་ན་མཐོང་བ། དགེ་བ་དང་མི་དགེ་བའི་དེ་ཁོ་ན་མཐོང་བ། སེམས་ཅན་དམྱལ་བ་ཆེན་པོ་ངུ་འབོད་ཆེན་པོའི་འཁོར་ལ་རྟོག་པར་བྱེད་དེ། དེས་སེམས་ཅན་དམྱལ་བ་སྒྲ་འབྱིན་ཤིན་ཏུ་སྒྲ་འབྱིན་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ནི་སྔ་མ་བཞིན་ནོ།། བརྫུན་སྨྲ་བ་ནི་རྩོད་པའི་ཚེ། རང་གི་གཉེན་འདབ་ཀྱི་ཕྱིར་རམ། ཕྱོགས་གཟུང་བའི་ཕྱིར་རམ། ཕྱོགས་སུ་གྱུར་པས་སྨྲས་ལ། དེ་སྨྲས་ནས་ཀྱང་འཆགས་པར་མི་བྱེད། སྐྱོན་དུ་མི་འཛིན་ལ། ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་ན། དེས་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྒྲ་འབྱིན་ཤིན་ཏུ་སྒྲ་འབྱིན་དུ་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། དེའི་ལྕེ་གང་གིས་བརྫུན་སྨྲས་པ་དེ་ལ་ཆད་པས་གཅོད་པར་བྱེད་དེ། གཤིན་རྗེའི་མི་རྣམས་ཀྱིས་སྤུ་གྲིས་མེད་པ་དྲལ་ནས་དེར་འབྱིན་ཏེ། ཕྱུང་ནས་བ་ཚྭའི་ཆུ་རབ་ཏུ་ཚ་བས་ཆག་ཆག་འདེབས་སོ།། ནང་ན་ཡོད་པའི་ལྕེ་ལ་རུལ་བའི་དྲི་རབ་ཏུ་འབྱུང་ཞིང་། སྲོག་ཆགས་མར་ཀོ་ཊ་ཀའི་ཁ་རབ་ཏུ་འབར་བས་ཀྱང་ལྕེ་དེ་ལ་ཟའོ།། ལུས་ཀྱི་ཚོར་བ་ཡང་གང་སེམས་ཅན་དམྱལ་བ་ཡང་སོས་ལ་སོགས་པའི་བཤད་པ་དེས་ཐམས་ཅད་ཀྱི་མཐའ་དག་སྔ་མ་བཞིན་དུ་ཇི་སྲིད་དུ་དེའི་བརྫུན་གྱི་ལས་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། སེམས་ཅན་དམྱལ་བ་པ་དེ་ལ་འབྱུང་བར་འགྱུར་རོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེ་སྨྱོན་པར་འགྱུར་ཞིང་དབུལ་བར་འགྱུར། སེམས་རྣམ་པར་གཡེངས་པ་དང་། ཚེ་ཐུང་བ་དང་། དབང་པོ་མ་ཚང་བ་དང་། སྐྱེ་བོ་ཀུན་གྱིས་སྨད་པ་དང་། དོན་ཐམས་ཅད་མེད་པའི་སྐལ་བ་ཅན་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་དུ་འབོད་ཆེན་པོའི་འཁོར་ལ་བརྟགས་ན། དེ་ཐོས་པ་ལས་བྱུང་བའི་ཤེས་པས་ཇི་ལྟར་སེམས་ཅན་དམྱལ་བ་ངུ་འབོད་ཆེན་པོའི་འཁོར་ཚོར་བ་དཔག་ཏུ་མེད་པ་ཞེས་བྱ་བ་ཡོད་པ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་བྱས་པ་ནི་སྔ་མ་བཞིན་ནོ།། བརྫུན་སྨྲ་བ་ནི་འདོད་ཆགས་ཀྱི་རྒྱུའམ། ཞེ་སྡང་གི་རྒྱུ་མི་བཟད་པས་སྨྲས་ཤིང་། གཞན་ལ་ཡང་འདི་ལྟར་འདི་ནི་བདག་ཅག། གི་མཛའ་བོ་མཆོག་ཏུ་སྡུག་པ། བདག་ཅག་ལ་བྱམས་པ་ཡིན་ཏེ། ཕྱོགས་གཟུང་བར་བྱ་ཡིས། བདེན་པར་མ་སྨྲ་ཞིག་ཅེས་བསྒོ་སྟེ། གཞན་ལ་ཡང་དེར་གཟེངས་བསྟོད་ཅིང་རབ་ཏུ་བཀོད་དེ། བཙུད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཚོར་བ་དཔག་ཏུ་མེད་པར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། གང་སེམས་ཅན་དམྱལ་བ་ཡང་སོས་ལ་སོགས་པའི་བཤད་པ་དེ་མཐའ་དག་སེམས་ཅན་དམྱལ་བ་ངུ་འབོད་ཆེན་པོར་འབྱུང་སྟེ། གང་ལས་ཀྱི་རྒྱུ་ལྕི་བའི་ཕྱིར་གནོད་པ་ཡང་ལྕིང་ཉིད་དུ་འགྱུར་རོ།། གནོད་པ་ལྕི་བ་ཉིད་ཀྱང་ལས་ཀྱི་འབྲས་བུ་རྣམ་པར་སྨིན་པ་ཡང་དག་པར་སྟོན་ཏོ། ། དེ་ལྟར་འདི་ནི་དུས་མཐའ་མེད་པ་ནས་འཇིགས་པ་དང་། རབ་ཏུ་ལྡན་པའི་ལས་དང་ཉོན་མོངས་པ་དང་བཅས་པ་ཟོ་ཆུན་གྱི་རྒྱུད་ལྟར་འཁོར་བའི་འཁོར་ལོར་རབ་ཏུ་འཇུག་གོ། ། སྡིག་པ་གཞན་ཐམས་ཅད་ཀྱི་གནོད་པ་གཞན་དུ་འཇུག་པ་ན། བརྫུན་དུ་སྨྲ་བ་ནི་ཆེས་སྡིག་པ་ཆེ་བ་ཡིན་ནོ་ཞེས་བརྗོད་དོ།། བརྫུན་དུ་སྨྲ་བ་རྫོགས་པ་ནི་དགེ་བའི་རྩ་བ་རྟོན་པ་གཅོད་པར་བྱེད་དེ། རྒྱུ་ཇི་ལྟ་ཇི་ལྟ་བ་བཞིན་དུ་འབྲས་བུ་ཡང་དེ་ལྟ་དེ་ལྟར་འགྱུར་ཏེ། རྒྱུ་འདིས་སེམས་ཅན་དམྱལ་བ་ཚོར་བ་དཔག་ཏུ་མེད་པར་ཚོར་བ་འབྱུང་བ་གང་ཡིན་པ་དེ་དག་བརྗོད་པར་མི་ནུས་སོ། ། དེར་གནོད་པ་ནི་སེམས་ཅན་དམྱལ་བ་པ་གཞན་ཐམས་ཅད་དང་ཡང་མཚུངས་པ་མེད་དེ། སེམས་ཅན་དམྱལ་བ་སྡིག་པ་ཆེན་པོའི་ཚོར་བ་འབྱུང་བ་ནི་འདི་ལྟ་སྟེ། སྲིན་བུས་བསླང་བའི་ཚོར་བ་དང་། སྲིན་བུའི་ཚོར་བ་དང་། སྐོམ་པ་དང་བཀྲེས་པའི་ཚོར་བ་དང་། རེ་ཐག་ཆད་པའི་ཚོར་བ་དང་། སོ་སོའི་མུན་ནག་གི་སྡུག་བསྔལ་མཐའ་ཡས་པའི་ཚོར་བ་དང་། ཕན་ཚུན་ཕོག་པའི་ཚོར་བ་དང་། སྒྲ་དང་། རེག་པ་དང་། རོ་དང་། གཟུགས་དང་། དྲི་མི་འདོད་པའི་ཚོར་བ་དང་། ཚེ་རབས་དྲན་པའི་དགྲ་བགེགས་ཀྱི་མཚོན་ཆས་རབ་ཏུ་གཅོད་པའི་ཚོར་བ་དང་། བ་ཚྭའི་ཆུ་བོ་ལས་ཤིན་ཏུ་སྒྲོལ་བའི་ཚོར་བ་དང་། ཕུར་བུ་རྣམས་ཀྱིས་འདེབས་པའི་ཚོར་བ་དང་། རྨོག་ཟག་མེས་བསྲེགས་པའི་ཚོར་བ་དང་། རྩཝ་དར་བ་ལྟར་གཅོད་ཅིང་རྡོ་རྗེ་རེག་པའི་ཚོར་བ་དང་། ཀུན་ནས་མེ་དང་ཚལ་བསྲེགས་པའི་མེ་འབར་བའི་འཕྲེང་བའི་ཚོར་བ་སྟེ། དེ་ལ་སོགས་པའི་སེམས་ཅན་དམྱལ་བ་དང་མཐུན་པའི་ཚོར་བ་ཇི་སྲིད་དུ་བརྫུན་སྨྲ་བ་ཉེས་པར་སྤྱད་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། གཡང་ས་ཆེན་པོ་ལྟ་བུའི་བརྫུན་གྱི་འབྲས་བུ་སེམས་ཅན་དམྱལ་བའི་ཚོར་བ་དཔག་ཏུ་མེད་པ་འབྱུང་ངོ་། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེ་བརྫུན་སྨྲ་བའི་རྒྱུ་འཐུན་པའི་འབྲས་བུས་དེ་རྟག་ཏུ་ནད་ཀྱིས་མངོན་པར་འདེབས་ཤིང་། སྐར་བགེགས་པ་དང་། ཁ་ནད་ལ་སོགས་པ་འབྱུང་ལ། དབུལ་བར་འགྱུར། སྦྱིན་པ་པོ་འམ། སྦྱིན་བདག་ལ་སྨན་སློང་བ་ན་དེ་ཡིད་མི་ཆེས་པར་འགྱུར་ཏེ། འདི་ཡང་ངག་ལོག་པར་སྨྲའོ་སྙམ་ནས་མི་འཐོབ་སྟེ། དེ་ནང་མི་བཟད་པས་ཐེབས་ནས་འཆི་བའི་དུས་བྱེད་པ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ངུ་འབོད་ཆེན་པོའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཚོར་བ་རྩུབ་ཅིང་ཚལ་བཟོད་པར་དཀའ་བ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། རྒྱལ་པོ་འམ། བློན་པོས་བདག་རང་གི་དོན་དུ་རྒྱལ་སྲིད་ཀྱི་ཕྱིར་རམ། ནོར་རྫས་ཀྱི་ཕྱིར་རམ། སྲོག་གི་ཕྱིར་མངོན་སུམ་དུ་ཡིད་ཆེས་པར་སྨྲས་ལ། ཤིན་ཏུ་མངོན་པར་གནོད་པ་བྱས་ན། དེས་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་ཚོར་བ་རྩུབ་ཅིང་ཚ་ལ་བཟོད་པར་དཀའ་བར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། རང་གི་ལུས་ལས་ལས་ཀྱིས་བྱས་པའི་སྲིན་བུ་དག་སྐྱེ་སྟེ། ལུས་ཐམས་ཅད་ལ་ཞུགས་ཤིང་། གནད་ཐམས་ཅད་ལ་ཞུགས་ལ། ཆུ་རྒྱུས་ཐམས་ཅད་གཅོད་ཅིང་རྣམ་པར་གཅོད་དོ། ། སེམས་ཅན་དམྱལ་བ་གྲུབ་པ་དག་ཤ་ཐམས་ཅད་ཟ་ཞིང་གློ་བ་ཟ་ལ། མི་བཟད་པར་ཡོངས་སུ་འགྱུར་བ་དག། སེམས་ཅན་དམྱལ་བ་དེར་ཚོར་བ་མེ་ལྟར་ཤིན་ཏུ་དྲག་པ་དང་། ཚོར་བ་ཆེན་པོ་འཕེལ་བ་དང་། དུག་གི་ཚོར་བ་མེ་ལྟ་བུ་དང་། ཚོར་བ་ཤིན་ཏུ་དྲག་པ་ཇི་སྐད་བཤད་པ་དག་ནི། ཚོར་བ་རྩུབ་ཅིང་ཚལ་བཟོད་པར་དཀའ་བ་ཡིན་ནོ།། སེམས་ཅན་དམྱལ་བ་སྡིག་པས་འཚོ་བ་དེའི་མི་བཟད་པ་གང་ཡིན་པ་དག་བརྗོད་པར་མི་ནུས་སོ། ། སེམས་ཅན་དམྱལ་བ་པ་དེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཚེད་དོ།། དེ་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེ་མའི་མངལ་དུ་ཞུགས་ནས་དེའི་ཉེས་པར་བྱས་པའི་ལས་དེས་ཇི་སྲིད་དུ་དེའི་ཉེས་པར་བྱས་པའི་ལས་ཀྱི་མཐའ་སྤྱད་པས་བཙའ་བར་འགྱུར་བ་དེ་སྲིད་དུ་མ་ཡང་རྟག་ཏུ་ནད་བུ་ཅན་དུ་འགྱུར། གང་གི་ཚེ་མའི་མངལ་དེ་ནས་བྱུང་ནས་དེ་ཕན་ཆད་དེ་ཡང་བྱིས་པ་ནས་རྟག་ཏུ་ནད་བུ་ཅན་དུ་འགྱུར་ཏེ། སྨན་པ་ཐམས་ཅད་ཀྱི་ནད་གསོ་བར་མི་ནུས་པ་མཐོང་ངོ་། ། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་བཅུ་པ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་སེམས་ཅན་དམྱལ་བ་གནོད་པ་དེ་པེ་མེད་པ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་བྱས་ཤིང་བསགས་པ་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་བཏུང་བ་འཐུང་བ་དང་། བརྫུན་དུ་སྨྲ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། འདི་ལྟ་སྟེ། བུ་རམ་ཤིང་དང་། ས་བསྡུ་བའི་དོན་དུ་ཞིང་གི་རྣང་རྒལ་ལ་སོགས་པ་བརྫུན་དང་གཡོ་ཐབས་ཀྱིས་འཕྲོག་ཅིང་རྩོད་ལ། གཞན་ལ་ཡང་བརྫུན་གྱིས་སྲུ་ན། ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་གནོད་པ་དཔེ་མེད་པར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། གང་སེམས་ཅན་དམྱལ་བ་ཡང་སོས་ལ་སོགས་པ་དེ་དག་ཐམས་ཅད་ཀྱི་སྔ་མ་བཞིན་དུ་འབྱུང་ངོ་།། གང་སེམས་ཅན་དམྱལ་བ་པ་རྣམས་ཀྱི་གནོད་པ་འབྱུང་བ་ནི་འདི་ལྟ་སྟེ། ལྕགས་མགར་སྡུད་པའི་དབུགས་ཀྱིས་རྐང་པ་གཉིས་ཀྱི་ལྕགས་བརྡུང་ཞིང་གླེབ་པར་དེ་བཞིན་དུ། གཤིན་རྗེའི་མི་རྣམས་ཀྱིས་སེམས་ཅན་དམྱལ་བ་པ་དེ་སེམས་ཅན་དམྱལ་བ་དེར་སྡུད་པ་གཉིས་ཀྱིས་སྤྱད་ཅིང་འཇུའོ།། ལས་ཀྱིས་བསྒྲུབས་པའི་ཚ་བ་ཐམས་ཅད་ཀྱིས་འབུད་ཅིང་འཇུལ། བརྡུང་ཞིང་གླེབས་པ་ནི་ལྕགས་བཞིན་དུ་ཀུན་ཏུ་བརྡུང་ངོ་།། ཡང་སྐྱེ་བར་འགྱུར་ཏེ། དེ་ནས་ཕྱུང་ནས་རྫ་མའི་ནང་དུ་བཅུག་སྟེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་མོན་སྲན་གྲེའུ་བཞིན་དུ་སྐོལ་ཏོ། ། དེ་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན་ཡང་། ལས་དེ་དང་རྒྱུ་འཐུན་པའི་འབྲས་བུས་དེ་རྟག་ཏུ་སྐོམ་པས་གདུངས་ཤིང་ཁྲོ་ལ། སྐྱེ་བོ་ཐམས་ཅད་ཡིད་ཆེས་པར་མི་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་སེམས་ཅན་དམྱལ་བ་ཐམས་ཅད་མུན་པ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། ། བརྫུན་སྨྲ་བ་ཡང་གཞན་གྱི་བུད་མེད་ལ་ཉལ་ནས། དེ་རྒྱལ་པོའི་ཕོ་བྲང་འཁོར་དུ་འདི་ལྟར་བདག་གིས་བུད་མེད་འདི་ལ་མ་ཉལ་ཞེས་སྨྲ་ལ། བུད་མེད་ཀྱི་ཁྱིམ་ཐབ་མི་དེ་ལ་ཡང་གནོད་པ་བྱེད་པ་མངོན་པར་སྒྲུབ་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཐམས་ཅད་མུན་པར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སྤྱི་བོར་ཕུག་ནས་དེར་ལྕེ་འབྱིན་ཏོ། ། ཕྱུང་ནས་ཀྱང་རལ་གྲི་དག་གིས་གཅོད་དོ།། བཅད་ཅིང་བཅད་ཅིང་ཡང་སྐྱེ་བར་འགྱུར་རོ།། ཡང་མཚོན་ཆ་ཧུ་ལུ་ཀ་རབ་ཏུ་འབར་བ་དག་གིས་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་གཅོད་དོ། ། དེ་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། བར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ལས་དེ་དང་རྒྱུ་འཐུན་པའི་འབྲས་བུས་དེ་དམུས་ལོང་དང་འོན་པར་འགྱུར་ཞིང་། དེ་སྐྱེས་མ་ཐག་ཏུ་ལ་ཟས་ལམ་པོ་ཆེ་དང་། བཞི་མདོར་སྡུག་འཕོངས་པས་འཚོ་བར་འགྱུར་རོ།། ཁྱིམ་གྱི་སྒོ་དུ་མར་ཁ་ཟས་སློངས་མོས་འཚོ་ཞིང་ཚེ་ཐུང་ལ་བུ་དང་ཆུང་མས་ཀྱང་སྤངས་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་སེམས་ཅན་དམྱལ་བ་འཇིག་རྟེན་མུན་པ་དང་དུད་པ་ཞེས་བྱ་བ་ལ་བརྟགས་ཏེ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་ཆང་འཐུང་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། ། བརྫུན་དུ་སྨྲ་བ་ཡང་ཚོང་པ་ཁེ་སྤོགས་ཀྱིས་འཚོ་བའི་ཕྱིར། རྫས་འདི་ནི་ཚོང་པའི་ནང་ཁྲིམས་ཀྱིས་བདག་དབང་སྟེ། འདི་གཞན་མི་དབང་ཞེས་དེས་བརྫུན་སྨྲས་ཤིང་། གཡོ་ཐབས་ཀྱིས་རྫས་འཕྲོག་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་འཇིག་རྟེན་མུན་པ་དང་དུད་པ་ཞེས་བྱ་བར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སྔ་མ་བཞིན་དུ་གང་སེམས་ཅན་དམྱལ་བ་ཡང་སོས་ལ་སོགས་པ་ལ་འབྱུང་བ་ལྟར་ཡན་ལག་དང་ཉིང་ལག་ཤིན་ཏུ་འཇམ་པ་ཐམས་ཅད་བཅད་ཅིང་གཏུབས་པ་དང་ཡང་རབ་ཏུ་ངུའོ། ། དེའི་སྡིག་པའི་ལས་ཀྱི་རྒྱུ་མཐུན་པ་རྣམ་པར་སྨིན་པ་ཚབ། རྣམ་པར་སྨིན་པ་ཆེན་པོས་ཤིན་ཏུ་འཇམ་པ་དེ་དག་ཀྱང་བཅད་ནས་སྐྱེའོ།། སམྲ་ཅན་དམྱལ་བ་པ་དེ་ཆོ་ངེས་འདེབས་པ་དང་། ཟླ་བ་དྲུག་ཅིང་ལུས་པའི་རུས་པ་གང་ཡིན་པ་དེ་དག་ཀྱང་རང་གི་ལུས་ལས་བྱུང་བའི་སྲིན་བུ་རྡོ་རྗེ་མཆུ་ཅན་ལ་ཁ་རབ་ཏུ་འབར་ཞིང་ཁ་དོག་སྣ་ཚོགས་ཅན་དག་གིས་ཟ་ལ། གནོད་པ་སྣ་ཚོགས་དང་། གནོད་པའི་ཚོར་བ་བྱེད་དེ། དེ་ལྟར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་བརྒྱ་སྟོང་ཕྲག་དུ་མར་རོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། དེ་ཐར་ནས་གལ་ཏེ་ལན་གྲངས་གཞན་ལ་མྱོང་བར་འགྱུར་པའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ཀྱང་། ལས་དེ་དང་རྒྱུ་འཐུན་པའི་འབྲས་བུས་དེའི་ལུས་ལ་དྲི་ང་བ་འབྱུང་། དེའི་མགོ་འམ་གོས་ལ་ཡང་དྲོད་གཤེར་ལས་སྐྱེས་པའི་སྲིན་བུ་སྐྱེ་བར་འགྱུར།། ཞིང་། དབུལ་བར་འགྱུར། མཆུ་དང་བཞིན་ཁབ་ལྟར་ཕྲ་ལ་ཚེ་ཐུང་བར་ཡང་འགྱུར། ཚིག་ཡིད་མི་ཆེས་ཤིང་སྐྱེ་བོ་ཐམས་ཅད་མི་དགའ་ལ། སྡུག་འཕོངས་པར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ཏེ། དེས་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཕྱེ་མ་ལེབ་ལྟར་འཇུག་པ་དང་འདྲ་བ་ཞེས་བྱ་བ་ལ་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། བརྫུན་སྨྲ་བ་ཡང་དགེ་འདུན་གྱི་རྫས་ཀྱི་རྣམ་པ་ཉོ་བ་དང་། བཙོང་བ་ཟས་སམ་གོས་ཅུང་ཟད་ཅིག་བླངས་ལ་དགེ་འདུན་གཞན་ལ་རིན་ཐང་ཆེན་པོར་འདེབས་ཤིང་ཆགས་པ་དང་ལྡན་པ་དག་དགེ་འདུན་དེ་དག་ལ་སླུ་བར་ཡང་བྱེད་དེ། འདི་ལྟར་བདག་གིས་ཉོས་པ་འདི་དེ་བཞིན་དུ་ཁྱོད་ལ་སྦྱིན་ནོ་ཞེས་སྨྲས་ལ། སྐྱེས་བུ་རྨོངས་པ་དེ་ཚོང་པའི་བདེ་བ་ལ་ཆགས་ནས་བརྫུན་སྨྲའོ།། དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་ཕྱེ་མ་ལེབ་ལྟར་འཇུག་པ་དང་འདྲ་བ་ཞེས་བྱ་བར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། ཁྱིས་ལྟོ་ཕུག་ནས་རྒྱུ་མ་དག་ཟའོ།། གཤིན་རྗེའི་མི་རྣམས་ཀྱིས་སྟེའུ་རབ་ཏུ་འབར་བ་དག་གིས་རྒྱབ་ཀྱི་ཤ་བཞོགས་ནས། སྲང་གཅིག་གམ། སྲང་ཕྱེད་དུ་སྲང་གིས་བཙལ་ནས་ཁྱི་དག་ལ་སྦྱིན་པར་བྱེད་ཅིང་། རྐང་དབྱུང་བའི་ཕྱིར་སྟེའུ་རྣོན་པོ་དག་གིས་རུས་པ་ཡང་འཇོག་པར་བྱེད་དོ། ། སྐུམ་པ་རབ་ཏུ་འབར་བས་མགུལ་བའི་ཕྱོགས་ཕུག་ནས་ལྕེ་འབྱིན་ཏོ།། ཡན་ལག་དང་ཉིང་ལག་ཐམས་ཅད་ལ་ཕུར་བུ་རབ་ཏུ་འབར་བ་དག་བཙུགས་ནས། ཤ་དག་བཅད་ཅིང་རྒྱུས་པ་འབྱིན་ཏེ། དེ་ཉེས་པར་བྱས་པའི་ལས་ཀྱི་མཐའ་སྤྲད་པ་རང་གིས་བྱས་པའི་ལས་སྤྱོད་ཅིང་བརྫུན་སྨྲ་བ་དེ་རྣམ་པར་འཚེད་དོ།། སེམས་ཅན་དམྱལ་བ་པ་དག་གཤིན་རྗེའི་མི་རྣམས་ལས་ཐར་ནས། མེ་རྟག་ཏུ་འབར་བས་གང་བའི་སེམས་ཅན་དམྱལ་བ་དེར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤུངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མ་ཕྱེ་མ་ལེབ་བཞིན་དུ་སྐྱེ་ཞིང་སྲེག་གོ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན།། ལས་དེ་དང་རྒྱུ་མཐུན་པའི་འབྲས་བུས་དེ་དབུལ་ཞིང་དམན་ལ་བཀྲེན་པ་དང་། གཞན་གྱིས་བཀོལ་བའི་རིགས་སུ་སྐྱེ་བར་འགྱུར། དེ་བྱིས་པ་ནས་ཤིན་ཏུ་བསྲུངས་ཀྱང་མེས་ཚིག་པར་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་སེམས་ཅན་དམྱལ་བ་ཤི་མ་ཐག་ཏུ་འཚོ་བ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཤི་མ་ཐག་ཏུ་འཚོ་བར་སྐྱེ་བར་མཐོང་ངོ་། ། དེར་སེམས་ཅན་དམྱལ་བ་ཡང་སོས་རྣམས་ཀྱི་ཚོར་བ་གང་ཡིན་པ་དེ་དག་ཐམས་ཅད་སྔ་མ་བཞིན་དུ་འབྱུང་བའི་སྟེང་དུ། ཁྱད་པར་དུ་ན་ཟོ་བ་དག་གིས་ཀུན་ཏུ་བཏགས་པ་དང་། ཕོག་མ་ཐག་ཏུ་འཆི་བར་འགྱུར་ཞིང་། བཏེག་མ་ཐག་ཏུ་འཚོ་བར་འགྱུར་ལ། ཕོག་པ་དང་ཡང་འཆི་བར་འགྱུར་ཏེ། དེ་ལྟར་སེམས་ཅན་དམྱལ་བ་བདག་ལོ་འབུམ་ཕྲག་དུ་མར་སྐྱེ་ནིང་འཆིའོ། ། དེ་ཉེས་པར་སྤྱད་པའི་ལས་ཀྱི་མཐའ་སྤྱད་པ་དེ་ལས་ཐར་ནས། མེ་ཏོག་ཨུཏྤ་ལའི་ཚལ་མཐོང་སྟེ། སྐྱབས་འདོད་པས་དེར་བརྒྱུགས་པ་དང་། མེ་ཏོག་ཨུཏྤ་ལ་དག་མེ་སྔོན་པོས་ཤིན་ཏུ་གང་བར་གྱུར་ཏོ། ། བརྫུན་སྨྲ་བ་དེའི་འབྲས་བུ་གང་ཡིན་སྙམ་ནས། འཇིགས་སར་འགྲོ་བའི་ཚོང་པ་གསད་པའི་ཕྱིར་ཆོམ་རྐུན་པ་གང་ཞིག་དགེ་སློང་གི་ཚུལ་དུ་ཞུགས་ནས། འཇིགས་ནས་ཆོམ་རྐུན་མེད་དོ་ཞེས་སྨྲས་པ་དང་། དེ་དག་ནང་དེར་དོང་སྟེ་ཕྱིན་པ་དང་། རྐྱེན་དེས་བཅོམ་པའི་ལས་དེའི་འབྲས་བུས་མེ་ཏོག་ཨུཏྤ་ལ་གང་ཡིན་པ་དེ་མ་དག་མ་སྔོན་པོས་གང་བར་ཞུགས་པ་ཡིན་ཏེ། རྐང་པ་མེད་ཅིང་ཕྱིར་འབྱུང་བར་མི་ནུས་སོ།། དེའི་ལས་ཀྱི་ཚུལ་དེ་ལྟ་བུའི་མཐུས་དེ་ལག་པ་དང་། རྐང་པ་དང་། མིག་དང་བྲལ་ཞིང་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ལོ་འབུམ་ཕྲག་དུ་མར་མེ་ཏོག་ཨུཏྤལ་མ་དག་མས་གང་བ་དེར་སྲེག་ཅིང་འཚེད་ལ། གསོད་ཅིང་ཡང་འཚོ་བར་བྱེད་དོ།། དེ་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དག་ས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པས་དེ་རྟོག་པ་པོ་དང་། གཡོ་ཐབས་སྨྲ་བར་འགྱུར། དེའི་ནོར་རྫས་ཐམས་ཅད་རྒྱལ་པོས་འཕྲོག་ཅིང་།། དེ་ཡང་བཅིངས་པའི་ཚེ་འཆི་བའི་དུས་བྱེད་པར་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཆེན་པོ་ངུ་འབོད་ཀྱི་སེམས་ཅན་དམྱལ་བ་གཞན་དུ་འགྱུར་བ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ཀུན་ཏུ་བསྟེན་ཅིང་བསྒོམས་ལ་མང་དུ་བྱས་པར་འགྱུར་རོ། ། བརྫུན་སྨྲ་བ་ཡང་དེ་དབྱེ་བ་འམ། གསོད་པ་འམ། ཕ་རོལ་ལས་རྒྱལ་བར་བྱ་བའི་ཕྱིར་གཡོ་སྒྱུ་སྨྲ་བ་ཡིན་ན། འདི་ལྟ་སྟེ། བདག་ནི་རྟག་ཏུ་བདེན་པར་སྨྲ་བ་ཡིན་ཏེ། བདག་བདེན་པར་སྨྲ་ཞེས་འཇིག་རྟེན་ཀུན་དད་པ་བསྐྱེད་ནས། དེ་དེའི་ཚེ་བརྫུན་སྣ་ཚོགས་སྨྲ་བ་གང་གིས་ཡུལ་འཁོར་འཇོམས་པར་བྱེད། སྐྱེས་བུ་དམ་པ་གསོད་པར་བྱེད། དགྲ་གཞན་དག་གི་ནོར་རྫས་འཕྲོག་པར་བྱེད་དོ།། སྔོན་བདེན་པ་སྨྲའོ་ཞེས་འཇིག་རྟེན་ཡིད་ཆེས་པ་ཐོབ་པར་བྱས་ཤིང་དད་པ་བསྐྱེད་དེ། དེ་ནས་བརྫུན་སྨྲ་བ་ནི་དེ་ཆ་ལུགས་བཟང་པོར་བསྒྱུར་ཅིང་རྐུན་མ་བརྫུན་སྨྲ་བ་ཡིན་ཏེ། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་གཞན་དུ་འགྱུར་བར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། རྒྱང་རིང་པོ་ནས་དེའི་མ་དང་། ཕ་དང་། བྲན་དང་། བསྟན་གྲོགས་དང་། སྡུག་པའི་མི་དག་མཐོང་ངོ་། ། སེམས་ཅན་དམྱལ་བ་དེས་མཐོང་བ་དང་། དེ་དག་གི་ཁ་ནས་དེས་ཚིག་སྙན་པ་དག་ཐོས་པ་དང་། དེ་དག་གི་དྲུང་དུ་མགོན་འདོད་པ། སྐྱབས་འདོད་པ། དཔུང་གཉེན་འདོད་པ། དཔུང་གཉེན།། ཚོལ་བས་རྒྱུག་གོ། དེ་ཇི་ལྟ་ཇི་ལྟར་དེ་དག་གི་དྲུང་དུ་རྒྱུག་པ་དེ་ལྟ་དེ་ལྟར་མདག་མ་མཚོ་ལྟ་བུའི་ནང་དུ་ནུབ་སྟེ། ཇི་ལྟར་རྡོ་ཆུར་བོར་བ་བཞིན་དུ་ནུབ་བོ།། དེ་ནས་འབྱུང་ལ་ཡན་ལག་དང་ཉིང་ལག་ཐམས་ཅད་ཤིན་ཏུ་བསྲེགས་ཏེ། ཚོར་བས་ཉམ་ཐག་ནས་དུ་སྐད་འདོན་པ་ན། དེའི་ཕ་དང་། མ་དང་། བུ་དང་། བསྟེན་གྲོགས་དག་མཐོང་བ་དང་ཡང་རྒྱུག་གོ། དེ་ནས་ཡང་ལས་ཀྱིས་བྱས་པའི་གཤིན་རྗེའི་མི་སོག་ལེ་ཐོགས་པ་དག་ལམ་ནས་བྱུང་སྟེ། དེ་གཤིན་རྗེའི་མི་དེ་དག་གིས་བཟུང་ངོ་།། བཟུང་ནས་ཤིང་བཞིན་དུ་དབུས་གཤོག་གོ། དེ་རེས་འགའ་དེ་ལས་ཐར་ན་པགས་པ་དང་རུས་པ་ཙམ་ལུས་པ་ཡན་ལག་དང་ཉིང་ལག་ཐམས་ཅད་ཕུག་ཅིང་བྲལ་བའི་ལུས་རྨ་མཚན་ཅན་དག་གར་ཐར་ཐར་དུ་འབྲོས་སོ། ། དེ་བྲོས་པ་ན་ཡང་གཤིན་རྗེའི་མི་གཞན་དག་གིས་བཟུང་ངོ་།། བཟུང་ནས་ལས་ལས་བྱུང་བའི་ཟོ་ཆུན་རྒྱུད་མོའི་ནང་། རྡོས་བཀང་བ་དེར་དེ་བཙུག་གོ། དེ་ནས་ཟོ་ཆུན་རྒྱུད་མོ་རབ་ཏུ་འབར་བ་འཁོར་ལོ་ལྟར་བསྐོར་ཏེ། དེར་བརྫུན་སྨྲ་བ་དེ་ཕྱེ་བཞིན་དུ་འཐག་ཅིང་ཕྱེ་མར་རློག་གོ།། དེ་ཟོ་ཆུན་རྒྱུད་མོ་དེ་ལས་བྱུང་སྟེ་མར་ནས། ཡང་མ་དང་། ཕ་དང་། བསྟེན་གྲོགས་དང་། སྙིང་དུ་སྡུག་པ་མཐོང་སྟེ། མགོན་འདོད་པ། སྐྱབས་འདོད་པ། དཔུང་གཉེན་འདོད་པ་དེ་དེ་དག་གི་དྲུང་དུ་བརྒྱུགས། རྗེས་སུ་བརྒྱུག་པ་དང་། དེ་ལས་ཀྱིས་བྱས་པའི་ལམ་དུ་ཕུར་བུ་དང་། ལས་ཀྱི་སྟག་བྱུང་སྟེ། དེ་དེས་བཟུང་ངོ་།། བཟུང་ནས་ཁར་བཅུག་སྟེ་དེ་འགྲམ་སོའི་བར་དུ་བཅུག་ནས་བུར་བུ་རྣོ་ཞིང་རབ་ཏུ་འབར་རྣམས་ཀྱིས་གཟེར་ནས་འདྲེན་ཏོ། ། དེ་སེམས་པ་དང་ལྡན་ནས་བརྒྱུགས་པ་དང་། དེའི་རྐང་པ་ཡང་གཅོག་ཅིང་འཐུབ། བྱིན་པ་ཡང་གཅོད་ཅིང་འཐུབ་ལ་སྲེག་གོ། དེའི་ཡན་ལག་དང་ཉིང་ལག་ཐམས་ཅད་ཕུག་ཅིང་དྲལ་ལ་ལུས་བསྲེགས་ཤིང་། ལུས་ཉམས་ལ་རྣམ་པར་ཉམས་པ་དང་། རྩ་དང་། རྒྱུས་པ་དང་། རུས་པ་དང་། ལུས་ཀྱི་ལྷག་མ་ལུས་པ་དག་ཤིན་ཏུ་རྒྱུག་སྟེ། དེ་ལྟར་བརྫུན་སྨྲ་བ་ཀུན་ཏུ་བསྟེསྟན་ཅིང་བསྒོམས་ཏེ་མང་དུ་བྱས་པའི་འབྲས་བུས་རྒྱུ་དང་མཐུན་པར་འབྲས་བུ་འགྲུབ་བོ། ། འདི་ལྟར་དེ་བདེན་པར་སྨྲ་བར་བསྒྲུབས་ལ། དེ་ནས་བརྫུན་སྨྲ་ཞིང་གཡོ་ཐབས་སྨྲ་ལ། ཤུར་ལུང་སྨྲ་བ་དག་དེ་ལྟར་དེ་ན་མ་དང་། ཕ་དང་། བསྟེན་གྲོགས་དང་། སྙིང་དུ་སྡུག་པ་མཐོང་ངོ་།། བརྫུན་སྨྲ་བ་དེ་འདི་ལྟར་ཚོར་བ་རྩུབ་པ། ཚ་བ། ཚོར་བ་རྣོ་བ་མཐའ་ཡས་པ་དག་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་སྲེག་གོ། འཚེད་དོ།། གཅོད་དོ།། གསོད་དོ།། དེ་སེམས་ཅན་དམྱལ་བ་དེ་དག་ལས་ཐར་པར་འགྱུར་ཏེ། ཐར་ནས་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པར་དེ་དབུལ་ཞིང་ནད་བུ་ཅན་དང་། དམན་པ་དང་དབང་པོ་མ་ཚང་བར་འགྱུར། སྐྱེ་བོ་ཐམས་ཅད་ལ་ཡིད་མི་ཆེས་ཤིང་། ཞེ་འགྲས་པ་དང་མི་མཐུན་པར་འགྱུར། དེའི་བསམ་པ་ཐམས་ཅད་མི་འགྲུབ་ཅིང་ལོག་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཀུན་ལ་རེ་བ་མེད་པ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན། པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སྔ་མ་བཞིན་ནོ།། བརྫུན་སྨྲ་བ་ནི་རྣམ་པ་འདི་དག་སྨྲ་བ་ཡིན་ཏེ། སྡུག་བསྔལ་བ་དང་། ནང་བུ་ཅན་དང་། ལྟོགས་པ་དང་། དམན་པ་དང་། མགོན་མེད་པ་དང་། བཀྲེན་པ་དག་ལ་ནོར་རྫས་སྦྱིན་པར་ཁས་བླངས་པ་ལས་མ་བྱིན་པ་ཡིན་ཏེ། འབྲས་སཱ་ལུའི་བཟའ་བ་དང་། བཏུང་བ་དང་གོས་དང་། མལ་ཆ་དང་། ཁྱིམ་སྦྱིན་པར་ཁས་བླང་ལ། མ་བྱིན་པ་དེ་ནི་རྒྱུ་དེས་རེ་བ་མེད་པར་འགྱུར་ཏེ། དེ་ལུས་དང་བྲལ་བའི་འོག་ཏུ་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཀུན་ལ་རེ་བ་མེད་པ་ཞེས་བྱ་བར་སྐྱེ་བར་འགྱུར་རོ། ། དེར་གནོད་པའི་རྣམ་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། གང་གིས་བཟའ་བ་སྦྱིན་པར་ཁས་བླངས་པ་ལས་མ་བྱིན་པ་དེ་ནི་སེམས་ཅན་དམྱལ་བར་བཟའ་བ་དང་། བཅར་བཞིམ་པོ་དང་། རྒྱན་སྣ་ཚོགས་ཀྱིས་ཀླུབས་པ་དག་མཐོང་ངོ་།། སེམས་ཅན་དམྱལ་བ་པ་ལྟོགས་པས་ཉེན་པ་དེ་དག་རྒྱང་རིང་པོ་ན། བཟའ་བ་ཉམས་དགའ་ཞིང་སྨོན་པའི་བཟའ་བ་དེ་དག་མཐོང་སྟེ། བཟའ་བ་དེ་དག་གི་ཕྱོགས་སུ་བརྒྱུག་པ་དང་། ལམ་ཕུར་བུ་དང་སྦས་གང་ཞིང་། ལམ་དུ་སོག་ལེ་རབ་ཏུ་འབར་བས་གཤེགས་པ་ན། ཕྱོགས་དེར་རྒྱུག་པ་ནི་སྔ་མ་བཞིན་དུ་སྦྱར་རོ།། ནམ་ཟས་དེ་ཐོབ་པ་དང་། དེ་དག་ལྕགས་ཀྱི་ཐོ་ལུམ་རབ་ཏུ་འབར་བ་ལྟ་བུར་གྱུར་ཅིང་དྲི་ང་ལ་མདོག་མི་སྡུག་པ་ལས་ཀྱིས་བྱས་པ་ཚུལ་ལོག་པར་མཐོང་སྟེ། དེ་ཉེ་བར་བལྟས་པ་དང་། མིག་གི་འབྲས་བུ་ལྟུང་ངོ་། ། གང་གི་ཚེ་བསྣམས་པ་དང་། དྲི་དེས་སྣ་ཚོག་ནས་བྱེད་དོ།། རེག་པས་ཡན་ལག་དང་ཉིང་ལག་ཐམས་ཅད་རབ་ཏུ་ཚིག་སྟེ། དེའི་ལུས་སྲིན་བུ་མ་ཁྱེར་ལྟ་བུར་བྱེད་དོ།། རོ་བྲོ་བ་ལྕགས་ཀྱི་བུ་ལུམ་བསྲེགས་པ་ལྟ་བུས་ལྕེ་སྲེག་གོ། དེ་བསྲེགས་ནས་ཡང་མེད་པ་དང་། སྙིང་དང་། མཆིན་པ་དང་། གཉེ་མ་དང་། རྒྱུ་མ་དང་། ཕོ་བ་དང་། ལོང་ཀ་ནས། རོ་སྨད་ཀྱི་བར་དུ་བསྲེགས་ནས་བྱུང་ངོ་། ། ཡང་གང་གིས་མལ་ཆ་དང་ཁྱིམ་སྦྱིན་པར་ཁས་བླངས་པ་ལས། རྫུན་སྨྲས་པ་དེ་གྲང་བ་དང་ཚ་བས་གདུངས་ཤིང་ར་བ་མེད་པར་བྱས་སོ།། སེམས་ཅན་དམྱལ་བ་པ་དེ་ས་གཞི་ཟངས་ཀྱི་གླེགས་མ་རབ་ཏུ་བཞུས་པར་བཞག་སྟེ། དེས་ཡན་ལག་དང་ཉིང་ལག་ཐམས་ཅད་རྣམ་པར་འཇུ་ཞིང་སྲེག་གོ། དེས་ཁྱིམ་སྦྱིན་པར་བྱས་པ་ལས་མ་བྱིན་པ་དེ་ཡང་འབྱུང་བར་འགྱུར་ཏེ། ཁྱིམ་གྱི་བརྫུན་སྨྲ་བ་དེ་ལྕགས་ཀྱི་ཁྱིམ་དགའ་བ་དང་། ཉེ་བར་དགའ་བ་ཚད་དཔག་ཚད་ལྔ་བཅུ་པར་ལྕགས་ཁུ་རབ་ཏུ་བསྐོལ་བའི་ནང་དུ་འཇུག་གོ།། དེ་དེར་འོག་ནས་སྟེང་དུ། སྟེང་ནས་འོག་ཏུ་བསྐོལ་བ་ན་སྟེང་ནས་སྟེང་དུ་འབྱུང་ཞིང་། འོག་ནས་འོག་ཏུ་བསྐོལ་བ་དང་། རབ་ཏུ་ཚོས་ཏེ། ཡན་ལག་དང་ཉིང་ལག་ཐམས་ཅད་རྣམ་པར་ཞིགས་ཤིང་། ཤ་དང་། རྒྱུས་པ་དང་། པགས་པ་དང་། རུས་པ་དང་། ཚིགས་ལྷག་མ་ལུས་པ་ཐམས་ཅད་ཀྱང་རྣམ་པར་ཞིག་ནས་རབ་ཏུ་བསྐོལ་བས་གང་བའི་རྫ་མ་མུན་པ་མུན་ནག་དེ་གཉིས་ཀྱི་ནང་དུ་འབྱུང་སྟེ། གདུངས་ཤིང་རྣམ་པར་ཁྲོ་ལ་སྨྲེ་སྔགས་འདོན་ཏོ།། གང་རྫ་མ་གོང་མ་དེར་བཙོས་པ་དང་། དེའི་འོག་ཏུ་ལྕགས་ཀྱི་རྫ་མ་འོག་མ་དེར་རབ་ཏུ་འཚེད་དེ། འདི་ལྟར་འོག་ཏུ་འབྱུང་ཞིང་དེ་དག་གི་ཤུགས་ཀྱིས་གཅིག་ལ་གཅིག་ཕོག་སྟེ། ལུས་དུམ་བུ་བརྒྱ་འམ་གལ་ཏེ་སྟོང་དུ་གྱེས་སོ། ། དེ་ནས་ཡང་འབྱུང་སྟེ། སེམས་ཅན་དམྱལ་བ་པ་གཞན་དག་ལ་ཕོག་སྟེ། ཇི་སྲིད་དུ་བརྫུན་སྨྲ་བ་དེའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལས་ཀྱི་ཞགས་པས་བཅིངས་པ་དག་ཡང་ལན་འབུམ་སྙེད་དུ་རྣམ་པར་ཞིགས་སོ། ། དེ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེ་བྲན་གྱི་རིགས་སམ། དེ་དང་མཐུན་པར་དེ་ཉིད་དུ་སྐྱེ་བར་འགྱུར་ཏེ། གང་ཁས་བླངས་པ་ལ་བརྫུན་སྨྲ་བ་དེ་ནི་དེ་དང་འཐུན་པར་ལས་གཞན་དང་གཞན་དུ་འགྱུར་རོ། ། དེ་འཁོར་བ་ཐོག་མ་མེད་པ་ནས་གནོད་པ་གང་ཞུགས་པ། ཐོག་མ་མེད་པ་ནས་དགེ་བ་དང་མི་དགེ་བའི་ལས་ཀྱིས་བྱས་པའི་རྒྱུད།། ཀྱི་འཁོར་བའི་མཐའ་ཀུན་ཏུ་ཞུགས་པ། ལས་ཀྱི་རྒྱུད་ཀྱི་དགའ་བའི་འདོད་ཆགས་ཀྱི་མོད་ལ་སྲེད་པ་གང་བྱུང་བའི་གནོད་པ་དེས་གཞན་དག་གི་བྲན་དུ་འགྱུར་ཏེ། བཟའ་བ་དང་། བཏུང་བ་དང་། མལ་སྟན་དང་། ནད་ཀྱི་རྐྱེན་གསོས་སྨན་མེད་ཅིང་། ཇོ་བོ་དེས་རྟག་ཏུ་སྤྱོ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་དུ་འབོད་ཀྱི་འཁོར་ལ་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ནི་དེས་སྔ་མ་བཞིན་དུ་མཐོང་ངོ་།། བརྫུན་སྨྲ་བ་ནི་བཟོ་བོ་ཚོགས་ཤིང་འདུས་པའི་ནང་དུ་སོང་ནས། རྒྱགས་པ་བདོ་བའམ། ཞེ་སྡང་ངམ། ཕན་ཚུན་མི་མཐུན་པས་གང་དུ་ཚོགས་ཤིང་འདུ་བའི་ཁྲིམས་བཅས་ཏེ། ཆད་པས་བཅད་པར་བྱས་པ་ལས། དེ་ཉེས་པ་མེད་བཞིན་དུ་བདག་དང་གཞན་བསླུས་ནས་ཆད་པས་གཅོད་པར་བྱེད་ཅིང་། དེ་ཡང་གོམས་པར་བྱེད། ལན་མང་དུ་བྱེད་ལ། ལས་ཀྱི་མཇུག་བསགས་པ་དེ་ནི་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཕན་ཚུན་གནོད་པ་འཇུག་པར་སྐྱེ་བར་འགྱུར་ཏེ། གང་གི་ཚེ་ཚོགས་ཤིང་འདུས་པ་དེ་དག་གི་ནང་དུ་སོང་ནས། གནོད་པ་བྱས་པའི་རྒྱུ་དེ་དང་རྐྱེན་དེས་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཕན་ཚུན་གནོད་པ་འཇུག་པར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། ཡང་སོས་དང་། ཐིག་ནག་དང་། བསྡུས་འཇོམས་དང་། ངུ་འབོད་ལ་སོགས་པར་བཤད་པ་སྔ་མ་བཞིན་དུ་འབྱུང་བའི་སྟེང་དུ་བྱེ་བྲག་ཏུ་འབྱུང་བ་ནི་འདི་ལྟ་སྟེ། ལས་བྱས་པའི་སེམས་ཅན་དམྱལ་བ་དེར་སེང་གེ་མཆེ་བ་རབ་ཏུ་འབར་བ་འབྱུང་སྟེ། དེ་སེམས་ཅན་དམྱལ་བ་པ་བརྫུན་སྨྲ་བ་དེ་ལ་སྔོན་སྨྲས་པའི་ཚོར་བ་དང་ལྡན་པས་ཡང་ནས་ཡང་དུ་ཟའོ། ། དེ་བགྲམ་པ་ཕྱེ་བ་དང་འཚོ་བར་འགྱུར་ལ། བཙུམས་པ་དང་། ཡང་ལུས་ཐམས་ཅད་ཟ་སྟེ། སོས་པ་དང་ཟའོ།། དེ་སོས་པ་དང་ཟ་བར་འགྱུར་ཏེ། དེའི་ལས་ཀྱིས་བྱས་པའི་སེང་གེའི་སོ་གཏམས་པའི་བར་དུ་ཆུད་པ་དང་། དེའི་ཁ་མ་དག་མ་རབ་ཏུ་འབར་བས་གང་སྟེ། དེ་སོས་ནི་ཟ་ལ། མེས་ནི་ཅིག་ཅར་སྲེག་གོ། དེ་ལྟར་བརྫུན་ཟེར་བ་དེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་གནོད་པ་དཔེ་མེད་པ་རྗེས་སུ་མྱོང་བར་འགྱུར་རོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེ་སྤྲུལ་ལམ། སེང་གེ་འམ། སྟག་གམ། དོམ་གྱིས་གསོད་པར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་ཟེར། པབ་མཐོང་སྟེ། དེ་སྐྱེ་བའི་རིགས་གཅིག་པའི་སྤུན་གྱི་ནོར་གྱི་ཕྱིར་རམ། ཕ་དང་མེས་པོ་གཅིག་པའི་སྤུན་དེ་གཉིས་ནོར་གྱི་ཕྱིར་རྩོད་པ་ན། དེ་སྤུན་གཉིས་པ་འམ། ཁུ་བོའམ། དེ་དང་རིགས་གཅིག་པའི་ཆེད་དུ་གཡོ་ཐབས་ཀྱི་བློ་དང་། བརྒྱུད་པའི་བློས་བརྫུན་མངོན་དུ་ཟེར་ཞིང་ཤེས་པར་བྱས། རིག་པར་བྱ་ལ། ལས་དང་། ལས་ཀྱི་མཇུག་དང་། ཉེར་བསྡོགས་དང་ལྡན་པར་གྱུར་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཕན་ཚུན་གནོད་པ་འཇུག་པར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། གང་ཡང་སོ་ས་ལ་སོགས་པའི་སྔ་མ་བཞིན་དུ་འབྱུང་བའི་སྟེང་དུ་ཁྱད་པར་དུ་འབྱུང་བ་ནི། ལས་བྱས་པས་ཤེན་པར་འགྱུར་ཏེ། གང་རང་གི་གཉེན་འདབ་དེ་ལ་བསླུས་ཤིང་། བརྫུན་བྱས་པས་ཤ་དེ་བཅད་ཅིང་བཅད་ཅིང་བདག་གི་ཁ་དེར་འཇུག་སྟེ། སེམས་ཅན་དམྱལ་བ་པ་དེ་ཟར་འཇུག་གོ། ། སེམས་ཅན་དམྱལ་བ་བཉེས་པར་བྱས་པའི་ལས་དེས་རང་གི་ཤ་དེ་ཡང་ལྕགས་ལྟར་རབ་ཏུ་འབར་ཞིང་རོ་བྲོ་བ་མེད་པ་ཡིན་ནོ།། དེ་ལ་གནོད་པ་གཉིས་འབྱུང་སྟེ། ཤེན་པ་བྱས་པས། ལུས་ལ་ཚོར་བ་འབྱུང་བ་དང་། བཀྲེས་ཤིང་སྐོམ་པ་བྱས་པ་གཉིས་ཏེ། དེ་ཤ་བཅད་པ་ན་དེ་ལས་བྱུང་བའི་སྲིན་བུ་དག་སྐྱེ་སྟེ། གང་རུས་པ་གཞན་དག་དང་། རྐང་ཚུན་ཆད་ལ་ཡང་ཟའོ།། དེ་ལྟར་ཉེས་པ། བྱས་པའི་ལས་ཀྱི་མཐའ་སྤྱད་པ་དེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ལོ་འབུམ་ཕྲག་དུ་མར་སེམས་ཅན་དམྱལ་བ་ཕན་ཚུན་གནོད་པ་འཇུག་པར་སྐྱེ་བར་འགྱུར་རོ། ། དེ་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས། དེས་ནམས་ཀྱང་ཕ་དང་མེས་པོའི་ནོར་འཐོབ་པར་མི་འགྱུར། ཡིད་ཆེས་པའི་གནས་སུ་མི་འགྱུར་ཞིང་། དབུལ་བ་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ནགས་ཚལ་མེས་མཆེད་པའི་རྒྱུད་ལྟ་བུ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན་གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། འབྲུའི་ཆང་དང་། སྦྱར་བའི་ཆང་མྱོས་པར་འགྱུར་བ་བླུད་པས་འགྱུར་རོ།། བརྫུན་སྨྲ་བས་འགྱུར་བ་ནི་གྱང་ཚོགས་ཤིང་འདུ་བའི་ནང་དུ་སོང་སྟེ། ཉེས་པ་བྱས་ནས་ཆད་པས་འཇིག་པའི་ཕྱིར། བདག་གིས་ཉེས་པར་མ་བྱས་ཞེས་སྨྲ་ན། དེ་ལུས་དང་བྲལ་བའི་འོག་ཏུ་ངན་འགྲོ་ལོག་པར་ལྡང་བ་སེམས་ཅན་དམྱལ་བ་ནགས་ཚལ་མེས་མཆེད་པའི་རྒྱུད་ལྟ་བུར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་ཡང་སོས་ལ་སོགས་པར་བསྡུས་པ་གང་ཡིན་པ་དེ་དག་ཐམས་ཅད་སེམས་ཅན་དམྱལ་བ་འདིར་འབྱུང་བར་འགྱུར་རོ། ། ཁྱད་པར་དུ་འབྱུང་བ་ནི་ལྕགས་ཀྱི་གླེགས་མ་རབ་ཏུ་འབར་བས་འཁྲི་སྟེ། དེ་ཀུན་ནས་ཁྲག་དང་ཤ་འདམ་ལྟ་བུར་ཅིང་ཤིང་ལྗོན་པ་ཀིང་ཤུ་ཀ་ལྟར་མཚོན་འབབ་སྟེ། དེའི་ཚེ་དེའི་ལུས་དེ་ལ་ལྕགས་ཀྱི་གླེགས་མ་འཆང་བར་འགྱུར་རོ།། གང་གི་ཚེ་ངུ་སྐད་འདོན་པ་ན་དེའི་ཤ་དང་། ཚིལ་དང་། ཁྲག་ལྕགས་ཀྱི་གླེགས་མ་དེ་ལ་འཁྲིས་པ་གཤིན་རྗེའི་མི་དག་གིས་དེའི་ལུས་ལས་ཤུ་བར་བྱེད་དོ། ། དེ་སེམས་ཅན་དམྱལ་བ་དེ་ལས་ཐར་པ་དང་། མགོན་འདོད་པ། སྐྱབས་འདོད་པ། ཀུན་ནས་གཙེས་པ། གཤིན་རྗེའི་མི་རྣམས་ཀྱིས་འཇིགས་ཤིང་སྐྲག་པ། ལུས་ཤིག་ཤིག་པོར་གྱུར་པ། དེས་པ་ཚྭའི་ཆུ་བོ་གནོད་སྐྱེས་ཞེས་བྱ་བ་མཐོང་སྟེ། དེར་རབ་ཏུ་འཇུག་གོ།། དེ་ལྟར་གཤིན་རྗེའི་མི་རྣམས་ཀྱིས་འཇིགས་པའི་ཟིལ་གྱིས་ནོན་པ་དེ་དག་ཞུགས་མ་ཐག་ཏུ་ཡན་ལག་དང་ཉིང་ལག་ཐམས་ཅད་དང་། ལུས་ཆུ་རྒྱུས་མང་པོས་བརྒྱུས་ཤིང་སྦྲེལ་བ་དང་། པགས་པ་དང་། རུས་པ་ཀུན་རྣམ་པར་ཉམས་ཤིང་ལུས་ཀྱི་ཤ་སྙིལ་བའི་ལུས་དེ་མར་གསར་གྱི་གོང་བུ་བཞིན་རབ་ཏུ་འཇུ་ཡང་། དེའི་ཉེས་པར་བྱས་པའི་ལས་ཀྱི་མཐུས་དེ་འཆི་བར་ནི་མི་འགྱུར་རོ།། འདི་ལྟར་འོད་མའི་ལོ་མས་ཁེངས་པ་བར་མེད་པའི་ནགས་ཚལ་མེས་མཆེད་པའི་རྒྱུད་ཀུན་ནས་རྟག་ཏུ་རབ་ཏུ་འབར་བར་བྱས་པ་གང་ལ་མེས་མ་མཆེད་པ་འམ། གང་དུ་སེམས་ཅན་མི་སྲེག་པ་འམ། མི་འཚེད་པ་མེད་པ་དེ་ལྟར་སེམས་ཅན་དམྱལ་བ་ནགས་ཚལ་མེས་མཆེད་པའི་རྒྱུད་ལྟ་བུ་ཁབ་ཀྱི་བུ་ག་ཙམ་གྱི་ཕྱོགས་ཀྱང་མི་དམིགས་ཏེ། གང་དུ་སེམས་ཅན་དམྱལ་བ་པ་མགོན་འདོད་པ། སྐྱབས་འདོད་པ་དག་མི་སྲེག་པ་འམ། མི་འཚེད་པ་འམ། ངུ་སྐད་མི་འདོན་པ་འམ་མི་རྒྱུད་པ་མེད་དོ། ། དེ་དག་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་དེ་དག་ལས་རེ་ཞིག་ཐར་པར་མི་འགྱུར་རོ།། དེ་ཕྱིས་སེམས་ཅན་དམྱལ་བ།། དེ་ལས་ཐར་པར་འགྱུར་ཏེ།། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་པ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེའི་ཁ་ནས་ཚིག་འཁུམས་པ་འབྱུང་སྟེ། སྨྲ་མི་ནུས་ཤིང་འཕྲལ་སྐད་ཀྱང་སྨྲ་བར་མི་ནུས་ན། ལེགས་པར་སྦྱར་ཏེ་སྨྲ་བ་ལྟ་ཞིག་ནུས་པར་ལྟ་ག་ལ་འགྱུར་བ་མཐོ་དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཚོར་བ་རིང་བ་ཞེས་བྱ་བ་མཐོང་ངོ་། ། དེར་སེམས་ཅན་དམྱལ་བ་དག་ལས་གང་གི་སྐྱེ་བར་འགྱུར་སྙམ་ནས། དེས་བརྟགས་ན། མི་དགེ་བ་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེས་པ་དང་། ཆང་འབྲང་བ་བྱས་ཤིང་བསགས་པས་འགྱུར་རོ།། བརྫུན་སྨྲ་བ་ཡང་རྣམ་པ་འདི་དག་སྨྲས་པས་འགྱུར་ཏེ། སྔར་དྲན་བཞིན་དུ་ཅུང་ཟད་ཁས་བླངས་པ་ནི་དགེ་འདུན་ལ་དངོས་པོ་ཅུང་ཟད་ཁས་བླངས་པའམ། དེ་བཞིན་དུ་སངས་རྒྱས་དང་། ཆོས་ལ་གསལ་བར་ཁས་བླངས་ལ། དེས་ཕྱིས་མི་བཟོད་པ་བྱུང་ནས་བདག་གིས་ཁས་བླངས་པ་མེད་དོ་ཞེས་སྨྲས་ལ། དགེ་འདུན་ལ་ཡང་དེས་ཁས་བླངས་པ་གང་ཡིན་པ་དེས་གནོད་པར་གྱུར་ན། དེའི་བརྫུན་དུ་སྨྲ་བ་དེ་བྱས་ཤིང་བསགས་ལ་འདུས་བྱས་པའི་འབྲས་བུས་སེམས་ཅན་དམྱལ་བ་ཚོར་བ་རིང་བ་ཞེས་བྱ་བ་དེར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་ཡང་སོས་ལ་སོགས་པར་བཤད་པ་གང་ཡིན་པ་དེ་དག་ཐམས་ཅད་སྔ་མ་བཞིན་འབྱུང་བའི་སྟེང་དུ་ཁྱད་པར་དུ་འབྱུང་བ་ནི་འདི་ཡིན་ཏེ། འདི་ལྟ་སྟེ། གཤིན་རྗེའི་མི་རྣམས་ཀྱིས་ཁབ་ཀྱི་རྩེ་མོ་རབ་ཏུ་རིང་བ་རྣོ་ཞིང་ཕྲ་ལ་རབ་ཏུ་འབར་བ་དག་གིས་འབིགས་པར་བྱེད་དེ། དེ་ཚོར་བས་ཉམ་ཐག་ཅིང་དུ་སྐད་འབྱིན་ཏོ།། དེ་ངུ་སྐད་འབྱིན་པ་ན་འདི་ལྟ་སྟེ། དོང་པའི་ནང་མདས་བཀང་བ་དེ་ལྟར་དེའི་ཁ་དང་ལྕེ་ལ་ཁབ་དེ་དག་ཉིད་ཀྱིས་རྟག་ཏུ་འགེངས་ཏེ། དེ་ཚོར་བས་ཉམ་ཐག་པར་གྱུར་ཀྱང་ངུ་སྐད་འདོན་པ་འམ། སྨྲེ་སྔགས་འདོན་པར་མི་ནུས་སོ།། རང་གིས་སེམས་ཅན་ལ་བརྫུན་སྨྲ་བས་བསླངས་ཤིང་བདག་གཞན་སྨྲ་བར་བྱེད་པ་དེ་། རྟག་ཏུ་ཚོར་བ་གཞན་དང་མི་འདྲ་བའི་ཚོར་བ་མྱོང་བར་འགྱུར་རོ།། སེམས་ཅན་དམྱལ་བའི་འགྲོ་བ་ལས་ཐར་ནས་ཀྱང་ཡན་ལག་དང་ཉིང་ལག་ཐམས་ཅད་བ་སྤུའི་ཁུང་བུ་འདྲ་ཞིང་། ལུས་ཐམས་ཅད་ཉམས་པ་དག་གར་བབ་བབ་ཏུ་ཚོར་བ་རིང་བས་ཉམ་ཐག་པར་འགྱུར་རོ། ། དེ་ཇི་ལྟ་ཇི་ལྟར་ལྷུང་བ་དེ་ལྟ་དེ་ལྟར་ཁབ་ཤིན་ཏུ་རྣོ་བས་དེའི་ལུས་ལ་འཛུགས་པར་བྱེད་དེ། དེ་ཁབ་དེ་དག་གིས་ཡང་ད་ཡང་དུ་ཉམ་ཐག་པར་བྱེད་ཅིང་། ཆེས་ཤིན་ཏུ་སྒྲ་འབྱིན་པར་བྱེད་ལ། ཁ་བཀག་པས་ཟིལ་གྱིས་ནོན་པ་ནི་འཁུན་ཅིང་ནང་དུ་འཁུན་པར་བྱེད་དོ།། གལ་ཏེ་ཁབ་དེ་དག་རེས་འགའ་ཁ་ནས་བྱུང་ན། དུ་སྐད་འབྱིན་པར་ནུས་ལ། གཞན་དུ་ན་ཁ་བཀབ་པས་ཟིལ་གྱིས་ནོན་པ་འཁུན་པར་བྱེད་དོ།། ལྕགས་ཀྱི་ས་གཞི་རབ་ཏུ་འབར་བ་དག་ལ་སྲིད་ཅིང་འགྲེ་ལྡོག། རབ་ཏུ་འབྱིང་ཞིང་རབ་ཏུ་འཇུག་ལ་གཡོ་བར་བྱེད་དེ། གཤིན་རྗེའི་མིས་ཉམ་ཐག་པ་སྟ་རེ་དང་། མདུང་ཟུང་དང་། མདའ་བོ་ཆེ་དང་། གཏུན་ཤིང་དང་། མཚོན་ཆས་ལུས་ཐམས་ཅད་ཤིག་ཤིག་པོར་བྱས་སོ།། དེ་ལྟར་བརྫུན་སྨྲས་པ་དེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ལོ་འབུམ་ཕྲག་བྱེ་བ་དུ་མར་ཚོར་བ་དེ་དག་མྱོང་བར་འགྱུར་རོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མནམ་པར་མིར་སྐྱེས་ན། ལས་དང་རྒྱུ་འཐུན་པའི་འབྲས་བུས་དེ་དབུལ་ཞིང་ཚིག་ཡིད་མི་ཆེས་པར་འགྱུར། གང་དང་གང་ལ་དོན་བཅོལ་བ་དེ་དང་དེ་ལས་ལེན་པ་ཙམ་དུ་ཡང་མི་བཏུབ་ཅིང་། དེ་ཤིན་ཏུ་དབུལ་པ་བྱས་པས་ཡིད་རེ་བ་མེད་པར་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཚོར་བ་མཐའ་ཡས་པ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བས་འགྱུར་རོ།། བརྫུན་སྨྲ་བས་འགྱུར་བ་ནི། འདི་ལྟར་ཚོང་བ་རྒྱ་མཚོར་ཞུགས་པ་དག་གི་མཉན་པ་གདོས་པ་འཛིན་པ་ལ་ཆོམ་རྐུན་པ་རྣམས་ཀྱིས་སྙིང་བརྐམ་བཅུག་གམ། ནོར་རྫས་ཀྱིས་དབྱེན་བྱས་པ་ཡིན་ཏེ། ཆོམ་རྐུན་པ་དེ་དག་ཉིད་ཀྱིས་སམ། ཚོང་པ་དེ་དག་གི་ནང་ནས་ཁ་ཅིག་གིས་དབྱེན་བྱས་པ་ཚོང་པ་དེ་དག་ལ་གདོས་པ་འཛིན་པས་འདི་ལྟར་ཁྱེད་ཅག་རིན་པོ་ཆེའི་གླིང་དུ་བཀྲིའོ་ཞེས་སྨྲས་ལ། དེ་དག་ལ་དེ་ལྟར་དམ་བཅས་ནས། བརྫུན་བྱས་ཏེ་ཐང་གི་གླིང་ལ་ཁྲིད་པ་ལས་དེར་གལ་ཏེ་བ་དན་སྔོན་པོ་མཐོང་བཞིན་དུ་ཆོམ་རྐུན་པ་འོང་ངོ་ཞེས་ཚོང་པ་དེ་དག་ལ་མ་སྦྲན་ཏེ། དེ་དག་ཀྱང་གདོས་པ་འཛིན་པ་བདེན་པ་སྨྲ་བ་དེ་བདག་ཅག་ལ་སླུ་བར་མི་བྱེད་དོ་ཞེས་ཡིད་བརྟན་ཅིང་འདུག་འདུ། པ་ལས། གདོས་པ་འཛིན་པ་དེས་ཆོམ་རྐུན་པ་དག་ཚོང་པ་དེ་དག་གི་ནོར་མེད་པར་བྱེད་དུ་འཇུག་ཅིང་། བདག་ཀྱང་ནོར་རྫས་དེ་འཕྲོག་པར་བྱེད་ན། བརྫུན་སྨྲས་པ་དེ་ལུས་དང་བྲལ་ནས་ངན་འགྲོ་ལོག་པར་བ་སེམས་ཅན་དམྱལ་བ་ཚོར་བ་མཐའ་ཡས་པར་སྐྱེ་བར་འགྱུར་རོ། ། དེར་གནོད་པ་འདིང་ཀ་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་ཡང་སོས་ལ་སོགས་པར་སྔར་བཤད་པ་བཞིན་དེ་དག་ཅད་དེར་འབྱུང་བའི་སྟེང་དུ། ཁྱད་པར་དུ་འབྱུང་བ་ནི་སེམས་ཅན་དམྱལ་བ་པ་དེར་སྐྱེས་པ་དེ་དག་གི་མིག་ཕྲ་སྐམ་འདྲེན་པ་རབ་ཏུ་འབར་བ་དག་གིས་འདྲེན་ཏོ།། མིག་འདྲེན་པ་རང་གིས་དྲངས་པ་དང་། ཡང་ཤིན་ཏུ་གཞོན་ཤ་ཅན་སྡུག་པར་སྐྱེས་ཏེ། གནོད་པ་ཆེས་མང་བ་དག་གིས་དེ་འབྱིན་པར་བྱེད་དོ།། དེ་དག་གི་རྣ་བ་ཡང་རོ་ཉེ་རབ་ཏུ་བསྐོལ་བས་བཀང་ལ། གཤིན་རྗེའ་མི་རྣམས་ཀྱིས་ཡན་ལག་དང་འིང་ལག་ཐམས་ཅད་སྤུ་གྲི་དག་གིས་འཇོག་པར་བྱེད་དོ། ། སྲིན་པུ་ཏཱ་ལ་ལྔ་ལ་ཀ་ཞེས་བྱ་བས་དེའི་གཉེ་མ་དང་། རྒྱུ་མའི་ནང་དུ་ཞུགས་ནས་རབ་ཏུ་ཟའོ།། ཕྱི་རོལ་མུན་པ་ཀུན་ནས་ཤིན་ཏུ་གནག་པ་དེར་འཇུག་ཕྱི་ནང་དེ་ཐམས་ཅད་དུ་ཡང་ལས་ཀྱིས་བྱས་པའི་ཆུ་སྲིན་རབ་ཏུ་འབར་བ་དག་འབྱུང་སྟེ། དེ་དག་གི་ཟ་བར་བྱེད། ཁ་དང་། སེན་མོ་དང་། སོ་རྡོ་རྗེ་ལྟར་རྨོ་ཞིང་འབར་བ་དག་གིས་ངན་ལག་དང་ཉིང་ལག་ཐབས་ཅད་འབྱེད་པར་བྱེད། ཕྱེ་མར་རློག་པར་བྱེད་དེ། བྱེ་མ་ཆང་པ་ནས་གཏོར་བ་བཞིན་བྱེད་དོ།། དེ་སོའི་བར་དེ་ནས་ཐར་ནས་ཆུ་སྲིན་རབ་ཏུ་འབར་བ་དེ་དག་གི་ལྷོའི་ནང་དུ་འཛག་པར་མེང་ངོ་།། དེ་ལྟར་དེ་སྲིན་གྱི་ལྟོ་དེར་ལོ་འབུམ་ཕྲག་དུ་མར་ལོ་བྱེ་བ་ཕྲག་དུ་མར་ཆུ་སྲིན་དེ་དག་གི་ལྟོ་རབ་ཏུ་འབར་བར་དབུགས་མེད་པ་འམ། དབུགས་ཆུང་བར་སྒེག་ཅིང་འཚེད་དོ།། བརྫུན་སྨྲས་པ་དག་ཚོར་བ། དྲག་པ་ཚ་བ་རྩུབ་པ་མྱོང་ཞིང་ལས་ཀྱི་རྒྱུ་བརྫུན་སྨྲ་བ་རང་གི་ལྕེས་ཀུན་ནས་བསླང་བས་སྲེག་ལ། ཕྱིས་སེམས་ཅན་དམྱལ་བ་པའི་མེས་ཀུན་ཏུ་སྲེག་གོ།། འདི་ལྟར་ཆུ་སྲིན་དེ་དག་གིས་ཡན་ལག་དང་ཉིང་ལག་ཐམས་ཅད་དཀྲིས་ནས་ལུས་ཕྱེད་མར་བྱས་པ་ཁ་ནས་འབྱིན་ཏེ། དེ་ནས་ཡང་ཕྱི་རོལ་དུ་མེ་མདག་སྔོན་པོས་སྲེག་གོ།། སྲེག་པ་ན་གཤིན་རྗེའི་མི་རྣམས་ཀྱིས་ཚིགས་སུ་བཅད་དེ་བསྟན་པ། སེམས་ཅན་དམྱལ་བའི་རྒྱུར་གྱུར་པ། ། བརྫུན་དུ་སྨྲ་བ་སྟོན་པ་ཡིན།། སྔོན་ཆད་རྒྱུ་ནི་བསྟེན་བྱས་པ།། དོན་མེད་སྨྲེ་སྔགས་ཡོངས་སུ་འདོན།། མེ་ཡི་ནང་ན་མེ་མཆོག་སྟེ།། རྒྱ་མཚོ་དག་ཀྱང་སྲེག་བྱེད་ན།། གང་དག་བརྫུན་སྨྲ་ཤིང་དང་རྡོ།། རང་བཞིན་འདྲ་བ་སྨོས་ཅི་དགོས།། མི་གང་བདེན་པ་སྤངས་ནས་སུ།། རྫུན་དུ་སྨྲ་བ་སྒྲུབ་བྱེད་པ།། དེ་ནི་རིན་ཆེན་སྤངས་ནས་སུ།། སྡིག་པའི་བདག་ཉིད་རྡོ་འདྲ་སྒྲུབ། བདག་ལ་སྡུག་པར་མི་བྱེད་གང་།། དེ་ནི་སེམས་ཅན་དམྱལ་བ་དགའ།། བརྫུན་གྱིས་རང་ལུས་མེ་འབྱུང་སྟེ།། བློ་དང་མི་ལྡན་དེ་བསྟེན་ཏོ།། བདེན་ཚིག་ལེགས་པར་རྙེད་ཡིན་ཏེ།། ལུས་ཅན་ཀུན་གྱི་རྒྱན་ཡིན་ནོ། ། བདེན་པ་སྤངས་ནས་བརྫུན་སྤྲས་པ།། བློ་མེད་ཅི་ཕྱིར་ཆགས་པར་བྱེད།། བདེན་པ་ཡོན་ཏན་བདག་ཉིད་མཆོག། བརྫུན་སྨྲ་དྲན་པ་སྐྱོན་ཡིན་ཏེ།། རྨོངས་པ་ཡོན་ཏན་བཏང་ནས་སུ།། ཅི་ཕྱིར་སྐྱོན་མ་ཡོངས་སུ་རྒྱུག། སེམས་ཅན་དམྱལ་བར་རྟག་འགྲོ་བ།། སྐྱོན་གྱི་འབྲས་བུ་ཞེས་པ་ཡིན།། ཁྱེད་ཅག་ཡོན་ངན་དེ་དང་འགྲས།། མི་བཟང་དམྱལ་བར་ཀུན་ཏུ་གནས།། སྡུག་བསྔལ་ཀུར་རྫས་པ@་སྨྲ་བར་རབ་ཏུ་གྲགས། ། དེ་བཞིན་བདེ་བ་བདེན་ཡིན་ཏེ།། དེ་བས་སུ་ཞིག་བརྫུན་དུ་སྨྲ།། བདེན་པར་སྨྲ་བའི་མི་དག་ནི།། ལུས་ཅན་ཀུན་གྱི་དགའ་བ་ཡིན།། བརྫུན་སྨྲ་མི་དང་འགྲས་པ་སྟེ།། དེ་བས་སུ་ནི་རྫུན་དུ་སྨྲ། ། བདེན་པར་སྨྲ་བའི་མི་དག་ནི།། ལྷ་ལྟར་རབ་ཏུ་དགའ་བ་ཡིན།། དམྱལ་བར་དེ་ལྟར་རྨོངས་པ་དག། དེ་བཞིན་སེམས་ཀྱིས་རྫུན་དུ་སྨྲ།། ལེགས་པའོ་ལས་ནི་མ་བྱས་ལ།། སྡིག་པ་དུ་མ་པས་ན། ། སྡུག་བསྔལ་མཐའ་ཡས་སྐྱེས་པ་དག། ཅི་ཞིག་སྡིག་པས་ཡོངས་སུ་གདུང་།། དགེ་བས་འབྲས་བུ་ལེགས་པ་ཡིན།། སྡིག་པས་ཉོན་མོངས་འཚེད་པར་བྱེད།། བློ་ལྔར་མི་ཡི་སྡིག་བྱས་ཀྱང་། ། དགེ་བ་རྗེས་སུ་སྟེན་པར་བྱེད།། དགེ་བའི་ནང་ན་བདེན་པ་མཆོག། སྐྱོན་གྱི་ནང་ན་དེ་བཞིན་བརྫུན།། སྐྱོན་སྤངས་ཡོན་ཏན་ཚོལ་བྱེད་པ།། མི་ཡི་ནང་ན་མེ་མཆོག་ཡིན།། བདེ་འབྱུང་བདེ་བའི་འབྲས་བུ་ནི། ། བདེན་པས་ཡོངས་སུ་འགྲུབ་པར་འགྱུར།། བདེན་པས་བདེ་བ་འཐོབ་འགྱུར་ཏེ།། བདེན་པས་མྱ་ངན་འདས་པར་འགྲོ།། སྡུག་བསྔལ་འབྱུང་བསྔལ་མོད་ལ་འཚེད་པར་འགྱུར། ། སྡུག་བསྔལ་ཀུན་མཛའ་བརྫུན་ཡིན་ན།། མི་ཡིས་ཅི་ཕྱིར་སྤང་མི་བྱ།། བདེན་པ་དོན་གྱིས་ཐོབ་ཡིན་ཏེ།། ཉོན་མོངས་པས་ཀྱང་པ་ཡོངས་སྤངས་ནས། ། བརྫུན་སྨྲ་བ་ལ་དགའ་བར་བྱེད།། ཡུལ་གཞན་དག་ན་བདེན་མི་འོང་།། དེ་ནི་གཞན་དུ་བཙལ་བ་མེད།། ཆུ་ལ་སྟེགས་བཏགས་སྟེགས་མིན་ཏེ།། བདེན་པ་སྟེགས་ཀུན་མཆོག་ཡིན་ནོ། ། སྒྲོན་མའི་ནང་ན་སྒྲོན་མ་མཆོག། བདེན་པ་ཡིན་ཞེས་སངས་རྒྱས་གསུང་།། སྨན་གྱི་ནང་ན་སྨན་མཆོག་སྟེ།། དེ་ཡིས་རྟག་ཏུ་སྡུག་བསྔལ་སེལ།། ངེད་ཀྱི་སྡིག་པ་བཟུང་བ་མེད། ། ཁྱེད་ཅག་རྨོངས་པའི་སེམས་ཀྱིས་སུ།། ངན་པ་ཁྱེད་ཀྱིས་བྱས་པས་ན།། ཁྱེད་ཅག་ཡོངས་སུ་གདུངས་པ་ཡིན།། སེམས་ཅན་དམྱལ་བར་སྐྱེས་པ་ནི།། སྡིག་པ་བྱང་བས་རྣམ་པར་གྲོལ། ། ཀུན་ཏུ་ངུ་སྐད་འདོན་པའི་མི།། ནམས་ཀྱང་ཐར་པར་ག་ལ་འགྱུར།། རང་གི་ལས་ཀྱིས་རྣམ་བསྡུས་པ།། རྨོངས་པ་ཁྱེད་ཅག་ཅི་ཞིག་དུ།། བྱིས་པ་རང་གི་སེམས་ཀྱིས་བསྡུས།། བློ་མེད་ཁྱེད་ཅག་དུ་སྐད་འདོན།། དེ་ལྟར་སེམས་ཅན་དམྱལ་བའི་སྲུངས་མ་དེ་དག་གིས། སེམས་ཅན་དམྱལ་བ་པ་དེ་དག་ལ་སོ་སོར་རྗེས་སུ་བསྟན་ནས། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། གནོད་པ་མི་བཟད་པའི་རྣམ་པ་བརྒྱ་ཕྲག་དུ་མ་ཇི་ལྟར་སྔར་བཞིན་འབྱུང་ངོ་།། དེ་ཕྱིས་སེམས་ཅན་དམྱལ་བ་དེ་དག་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུས་དེ་རྟག་ཏུ་གཞན་དུ་ཞུགས་ནས་སླུ་བར་བྱེད་ཅིང་། ནོར་རྫས་ཐམས་ཅད་ཀྱང་འཕྲོག་པར་བྱེད། དེའི་བྱ་བ་གཞན་གང་ཡིན་པ་དག་ཀྱང་ཚེགས་ཆེན་པོར་འགྱུར་ཞིང་། དེའི་ཚིག་ཀྱང་འཇིག་རྟེན་པ་ཡིད་ཆེས་པར་མི་འགྱུར་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཁྭ་མཆུ་རྡོ་རྗེ་ལྟ་བུ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན་གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་དུ་སྨྲ་བ་ཀུན་ཏུ་བསྟེན་ཅིང་བསྒོམས་ལ་མང་དུ་བྱས་པས་འགྱུར་ཏེ། དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་ཁྭ་མཆུ་རྡོ་རྗེ་ལྟ་བུའི་ནང་དུ་སྐྱེ་བར་འགྱུར་རོ།། དེར་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་དེ་དག་ཐམས་ཅད་འབྱུང་བར་འགྱུར་རོ། ། བརྫུན་ནི་གང་ཞིག་དགེ་འདུན་གྱི་འཁོར་གྱི་ནང་དུ་སོང་ནས། ནད་ཀྱི་རྐྱེན་གྱིས་གསོས་སྨན་སྦྱར་བར་ཁས་བླངས་པ་ལས་མ་བྱིན་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཁྭ་མཆུ་རྡོ་རྗེ་ལྟ་བུའི་ནང་དུ་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདས་པའི་དུས་སུ་ལས་བྱས་པ་དེ་དག་ཁྭ་མཆུ་རྡོ་རྗེ་ལྟ་བུས་ཤ་བཅད་ཅིང་བཅད་ཅིང་ཟའོ། ། གང་གི་ཚེ་ཤ་བཅད་པར་གྱུར་པའི་སྐད་ཅིག་དེ་ཉིད་དང་། གནས་དེ་ཉིད་དུ་ཡང་ཆེས་ཤིན་ཏུ་གཞོན་ཤ་ཅན་པདྨ་ལྟར་འཇམ་པ་སྐྱེ་བར་འགྱུར་ཏེ། དེ་ཅི་ནས་ཀྱང་མོས་བ་ཆེས་དྲག་པར་བྱ་བའི་ཕྱིར་དེ་ཉིད་བྱུང་ཞིང་བཏོག་པ་དང་། དེ་ནས་ཡང་ཆེས་ཤིན་ཏུ་གཞོན་ཤ་ཅན་གསར་པ་གཞན་དག་སྐྱེ་བར་འགྱུར་རོ།། དེ་ཇི་ལྟར་སེམས་ཅན་དམྱལ་བ་པ་དེ་དག་ལོ་འབུམ་ཕྲག་དུ་མར་ཁྭཁཱ་མཆུ་རྡོ་རྗེ་ལྟ་བུས་ཟ་བར་བྱེད་དོ། ། དེ་ནས་ཐར་པ་དང་། བྱེ་མའི་ནང་ནས་ལྕགས་རབ་ཏུ་འབར་བ་འབྱུང་ལ། དེ་བྱེ་མ་དེ་དག་ལ་རྐང་པས་འགྲོ་སྟེ། དེ་ཇི་ལྟར་ཐལ་བ་ཡང་མི་མངོན་པ་དེ་ལྟར་དེས་སྲེག་པར་བྱེད་དོ། ། དེ་ནས་ལངས་པ་དང་ཡང་ཐམས་ཅད་འབྱུང་བར་འགྱུར་ཏེ། གང་གིས་བརྫུན་དེ་སྨྲས་ཤིང་སྡིག་པའི་རྗེས་སུ་སྨྲས་པ། བརྫུན་སྨྲ་བས་བརྫུན་ཟེར་བ་སྨྲས་པ་དེ་ཡང་འབྱུང་ཞིང་བདག་ཉིད་ཀྱི་ལྕེ་ཡང་བདག་ཉིད་ཟའོ། ། འདི་ལྟར་ཚོགས་སུ་བཅད་པ། བདུད་རྩི་དང་ནི་དུག་ཉིད་དག། མི་རྣམས་ཀྱི་ནི་ལྕེ་ལ་གནས།། བདེན་པར་སྨྲ་བ་བདུད་རྩི་ཡིན།། བརྫུན་གྱི་ཚིག་ནི་དུག་དང་འདྲ།། ། གང་ཞིག་བདུད་རྩི་མངོན་འདོད་པ།། དེ་ནི་རྟག་ཏུ་བདེན་ལ་གནས།། གང་ཞིག་དུག་ལ་མངོན་དགའ་བ།། དེ་ནི་བརྫུན་གྱི་ཚིག་ལ་དགའ།། དུག་གིས་གནོད་པར་ངེས་མེད་དེ།། བརྫུན་དུ་སྨྲ་བས་ངེས་པར་འགྱུར། ། གང་ཞིག་བརྫུན་ནི་སྔོན་སྨྲ་བ།། སྐྱེས་བུ་དེ་ནི་འཆི་བར་འགྱུར།། བརྫུན་གྱིས་བདག་ལ་མི་ཕན་ན།། གཞན་ལ་ཕན་པར་ག་ལ་འགྱུར།། བདག་དང་གཞན་གང་སྡུག་བསྔལ་པ། ། དེ་ནི་མི་ཡིས་ཅི་ཕྱིར་བསྟེན།། དེ་ལྟར་བརྫུན་ལ་བརྟེན་པ་ནི།། སྡིག་པ་བྱེད་པར་འགྲུབ་འགྱུར་ཏེ།། མཚོན་དང་མེ་དང་ངམ་གྲོག་ལས།། མི་ཡི་སྡུག་བསྔལ་དེ་འདྲ་མེད།། ལུས་ཅིག་འཕྲོག་པ་མཐོང་བ་ནི། ། འཆི་བ་དུག་ལས་འབྱུང་འགྱུར་ཏེ།། ཚེ་རབས་སྔ་ཕྱི་སྟོང་དག་ཏུ།། བརྫུན་གྱི་ཚིག་གིས་ཆུད་གཟོན་ཏོ།། བཙུན་པའི་རིགས་ལ་མཐོར་བྱེད་ཅིང་།། དམའ་བའི་རིགས་ལ་རྒྱུན་དུ་བྱེད།། ཐར་པའི་ལམ་དག་སྟོན་བྱེད་པ།། བདེན་པ་ཡིན་ཞེས་མངོན་པར་བརྟགས།། སེམས་ཅན་རྣམས་ཀྱི་རང་གི་ལས།། སྲེད་པར་ཁྱེར་བར་གྱུར་པ་ན།། གཟིངས་འདྲ་བདེན་སྨྲ་མཆོག་ཡིན་ཞེས།། བདེ་བར་གཤེགས་པས་བཀའ་སྩལ་ཏོ།། འཇིག་རྟེན་ཐོག་མ་ཐ་མ་མེད།། སྲེད་པའི་ཞགས་པའི་དབང་དུ་སོང་།། འདི་ལྟར་སྐྱབས་གཞན་བདེན་པ་ལས།། མེད་ཅེས་ཆོས་ལ་མཁས་པས་རིག། གཅེར་བུ་མཚོན་གྱིས་གཅོད་པ་ལྟར།། བདེན་པས་རྟག་ཏུ་ཉོན་མོངས་གཅོད།། མཚོན་གྱིས་བཏབ་པས་ངུ་བར་འགྱུར།། བདེན་པས་ནམས་ཀྱང་དུ་བ་མེད།། འཇིག་རྟེན་གཉིས་ལ་ཕན་བྱེད་པ། ། བདེན་པ་མི་བཟད་གཏེར་ཞེས་བྱ།། ཆོས་སོ་ཅོག་གི་ཁྲིམས་ཡིན་ཞིང་།། ནོར་གྱི་གཞི་ཡི་མཆོག་ཡིན་ནོ།། བདེན་པའི་ཡོན་ཏན་རབ་བསྒྲགས་པ།། བདེ་འབྱུང་འབྲས་བུ་ཆེན་པོ་ཡིན། ། བློ་ལྡན་ངན་གཡོ་རྣམས་སྤོངས་ཤིག། དེ་ཉིད་མཐོང་བས་སྤངས་པ་ཡིན།། བདེན་པ་སྤངས་པའི་མི་དག་ཁམཆུ་རྡོ་རྗེ་ལྟ་བུས་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་འཚེད་དོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་པར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུ་ཚབ་སེམས་ཅན་དམྱལ་བར་འགྲོ་བ་བདེན་པ་དེ་དང་མི་མཐུན་པར་གྱུར་པ་བརྫུན་སྨྲས་པས། དེ་རྟག་ཏུ་འཐབ་པ་དང་། རྩོད་པ་མང་ཞིང་རྟག་ཏུ་གཞན་རྒྱལ་བར་འགྱུར་ལ། ཚིག་གིས་འཇིག་རྟེན་པ་ཡིད་མི་ཆེས་པར་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཁྲག་དང་རྐང་ཟ་བ་ཞེས་བྱ་བ་མཐོང་ངོ་། ། སེམས་ཅན་དམྱལ་བ་ཁྲག་དང་རྐང་ཟ་བ་དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་བྱས་ཤིང་བསགས་པས་འགྱུར་ཏེ། འདི་ལྟ་སྟེ། རྒྱལ་པོ་འམ། བློན་པོ་འམ། རྗེ་དཔོན་དུ་གྱུར་པས། དཔྱ་ཐང་ལས་ལྷག་པར་ཕབ་ལ། འདི་ལྟར་ངས་ལྷག་པར་ཕབ་པ་མེད་དོ་ཞེས་སྨྲ་ཞིང་། དཔྱ་འབེབས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཁྲག་དང་ཞག་ཟ་བར་སྐྱེ་བར་འགྱུར་རོ། ། དེ་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། གང་སེམས་ཅན་དམྱལ་བ་ཡང་སོས་དང་ཐིག་ནག་ལ་སོགས་པར་འབྱུང་བ་རྣམ་འབྱུང་བའི་སྟེང་དུ། ཁྱད་པར་དུ་འབྱུང་བ་ནི་འདི་ལྟ་སྟེ། ཤིང་རབ་ཏུ་འབར་བ་ལོ་མེ་སྤུ་གྲི་ལྟ་བུ་ཡོད་པར་བརྫུན་སྨྲ་བ་གཤིན་རྗེའི་མི་རྣམས་ཀྱིས་ལྕགས་ཀྱི་ཐག་པ་རབ་ཏུ་འབར་བ་དག་གིས་བཅིངས་ནས། ཁ་སྦུབ་ཏུ་དཔྱངས་པ་དེའི་རྐང་པ་དག་ལ་མཆུ་དང་། སེན་མོ་རྡོ་རྗེ་ལྟར་རྣོ་བ་དག་གིས་ཟ་སྟེ། ཁ་སྤུབ་ཏུ་དཔྱངས་པ་དེ་དག་ཁྲག་འབྱུང་བ་དེ་ལ་ཟ་བ་དེས་གནས་པར་བྱེད་དོ། ། ཚོར་བ་ཐམས་ཅད་ཀྱི་ནང་ན། ཁ་ཟས་ཀྱི་ཚོར་བ་མི་བཟད་པར་བཤད་དེ། དེ་རང་གི་ཁྲག་ལ་འཐུང་ངོ་།། དེ་ཚོར་བ་གཉིས་དག་གིས་ཡོངས་སུ་གནོདདེ། མེའི་ཚོར་བ་དང་བཀྲེས་པ་དང་། སྒོམ་པའི་ཚོར་བའོ།། འདིར་ཚིགས་སུ་བཅད་པ། ཇི་ལྟར་བཀྲེས་ཤིང་སྐོམ་པ་ནི།། ལས་ཀྱིས་ཤིན་ཏུ་གཡེངས་པས་གདུངས།། དེ་ལྟར་སྲེག་པས་སྲེག་མིན་ཞིང་།། ཆུང་དྲག་པ་ཡིས་ཁྱེར་མི་བྱེད། ། དེ་ལྟར་ལོ་བརྒྱ་སྟོང་ཕྲག་དུ་མར་དེ་རང་གི་ཁྲག་དང་རྐང་དག་ལ་ཟ་སྟེ། འདི་ལྟར་རོ་སྨད་མེ་མཆོག་ཏུ་ཚ་བས་བསྲེགས་སོ།། དེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། སེམས་ཅན་དམྱལ་བ་དེར་སྲེག་གོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེ་དབུལ་བར་འགྱུར་ཞིང་ངག་ཡིད་མི་ཆེས་པ་དང་། རྟག་ཏུ་དེའི་སྣ་ནས་ཁྲག་འཛག་ཅིང་སོ་ཤིང་འཆའ་བ་ན། ཁྲག་འབྱུང་བར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་དུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་མཐོང་སྟེ། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བས་འགྱུར་རོ།། བརྫུན་སྨྲ་བས་ནི་གཉིས་ཤིག་རྩོད་པ་ན། རྒྱལ་པོའམ། བློན་པོ་འམ། གཞན་ཡིད་ཆེས་པའི་གནས་སུ་བྱ་བས་ནོར་བླངས་སམ། མཛའ་བཤེས་སམ། འདོད་ཆགས་སམ། ཞེ་སྡང་གིས་ཕྱོགས་བཟུང་སྟེ། ཞལ་ཆེ་ཡོན་པོར་གཅོད་ན། ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་མེ་ལྕེ་བཅུ་གཅིག་པ་དེར་སྐྱེ་བར་འགྱུར་རོ། ། ཕྱོགས་གཟུང་སྟེ། བརྫུན་སྨྲ་བ་དེ་ལ་གང་སེམས་ཅན་དམྱལ་བ་ཡང་སོས་ལ་སོགས་པའི་ཚོར་བ། གནོད་པ་འདི།། དག་ཐམས་ཅད་བཅུ་འགྱུར་དུ་འབྱུང་བའི་སྟེང་དུ་ཁྱད་པར་དུ་འབྱུང་བ་ནི་འདི་ལྟ་སྟེ། རང་གི་ལུས་ལས་ཕྱོགས་བཅུར་མེ་ལྕེའི་ཕུང་པོ་བཅུ་གཅིག་འབྱུང་བར་འགྱུར་རོ།། བརྫུན་སྨྲ་བའི་ལྕེའི་ཁ་ལས་བཀྲེས་པ་དང་སྐོམ་པ་འབྱུང་བར་འགྱུར་ཏེ། ཞལ་ཆེ་ཡོན་པོར་གཅོད་པ་ནི། སྐད་ཅིག་སྐད་ཅིག་ལ་སྐྱེ་ཞིང་སྲེག་གོ།། སྲེག་པ་ན་ཚོར་བའི་རྣམ་པ་དེ་ལྟ་བུ་འབྱུང་བར་འགྱུར་ཏེ། གང་མེ་ལྕེའི་ཕུང་པོ་བཅུ་གཅིག་པོ་དག་གིས། བཅུ་དྲུག་གི་ཆར་ཡང་མི་ཕོད་དོ།། ལས་ཀྱིས་བྱས་པའི་ཚོར་བ་དེ་དག་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། འདི་ལྟར་དེ་སེམས་ཅན་དམྱལ་བ་མེ་ལྕེ་བཅུ་གཅིག་པར་ལོ་འབུམ་ཕྲག་དུ་མར་སྲེག་གོ།། འཚེད་དོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་ཡི་དགས་དང་དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཞལ་ཆེ་ཡོན་པོར་བཅད་པའི་རྒྱུ་མཐུན་པའི་འབྲས་བུས་དེ་རྟག་ཏུ་བཀྲེས་པ་དང་སྐོམ་པས་གདུངས་ཤིང་ཡན་ལག་ཐམས་ཅད་རྣམ་པར་བསྲེགས་པ་དང་། དབུལ་ཞིང་ཚེ་ཐུང་བ་དང་། ངག་ཡིད་མེ་ཆེས་པ་དང་། ཤིན་ཏུ་གླེན་པ་དང་། གཟུགས་མི་སྡུག་པ་དང་། རྐང་ལག་ཉམས་པ་དང་། དྲི་མ་ཅན་དང་། གནས་ངན་པ་སུམ་མདོ་དང་། བཞི་མདོའི་ཁྱིམ་དུ་འཇུག་ཅིང་། ཚེ་གཅིག་གི་བར་དུ་ཤིན་ཏུ་སྡུག་བསྔལ་བར་འགྱུར་རོ།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་སེམས་ཅན་དམྱལ་བ་ཆེན་པོ་དེའི་འཁོར་བཅུ་བདུན་པ་ནི་གཅིག་ཀྱང་མ་མཐོང་ངོ་། ། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་བཅུ་གཅིག་པ། དེ་ནས་གཞན་ཡང་རྣལ་འབྱོར། སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པའི་དགེ་སློང་དེ་འདི་ལྟར་ཞི་བ་རྒ་བ་མེད་ཅིང་འཆི་བ་མེད་པ། ཟག་པ་མེད་པ། མྱ་ངན་ལས་འདས་པའི་ལམ་ལ་འཇུག་པ་དེའི་བརྩོན་པ། ས་བླའི་གནོད་སྦྱིན་དག་གིས་མཐོང་ནས། བར་སྣང་ལ་སྤྱོད་པའི་ལྷ་རྣམས་ལ་བསྙད་པ་ནས། རྒྱ་ཆེར་སྦྱར་ཏེ། འོད་ཆུང་གི་ལྷ་རྣམས་ཀྱི་བར་ལ་བསྙད་དེ། འདི་ལྟར་འཛམ་བུ་གླིང་དུ་རིགས་ཀྱི་བུ་ཆེ་གེ་མོ་ཞིག་ཅེས་བྱ་བ་ནས། རྒྱ་ཆེར་སྦྱར་ཏེ། ས་གཞན་བཅུ་པའི་བར་ལ་ཞུགས་པ་བདུད་ཀྱི་ཡུལ་གྱི་གཞི་ལ་མི་འདོད་ཅིང་། དགའ་བ་འདོད་ཆགས་ཀྱི་མོད་ལས་བྱུང་བའི་སྲེད་པའི་དངོས་པོ་དང་ལྷན་ཅིག་གནས་པ་དང་། ཀུན་ནས་ཉོན་མོངས་པའི་ཡུལ་གྱི་དངོས་པོ་རྣམས་དང་ལྷན་ཅིག་གནས་པར་མི་འདོད་པ་དེ་འོད་ཆུང་གི་ལྷ་རྣམས་ཀྱིས་ཐོས་ནས། བདུད་ཀྱི་ཕྱོགས་དམའ་བར་འགྱུར་ཞིང་། དམ་པའི་ཆོས་ཀྱི་ཕྱོགས་མངོན་པར་མཐོ་བར་འགྱུར་རོ་ཞེས་ཡིད་དགའ་བར་འགྱུར་རོ། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་འཁོར་བའི་འཆིང་བ་གཅོད་པ་ལ་བརྩོན་པ་དེ་འདི་སྙམ་དུ་སེམས་ཏེ། ཀྱེ་མ་སེམས་ཅན་འདི་དག་ནི་སྡུག་བསྔལ་བ་ཡིན་ཏེ། སྲེད་པས་བསླུས་པ། གཏི་མུག་གི་ཀུན་ཏུ་སྦྱོར་བས་བཅིངས་པ། སེམས་ཅན་བག་ལ་ཉལ་རྣམས་དང་ཡང་དག་པར་ལྡན་པ། དུས་གསུམ་དུ་འཚེད་ཀྱང་འཁོར་བ་གཅོད་པའི་ཕྱིར་འབད་པར་མི་བྱེད་པའི་སེམས་ཅན་འདི་དག་ལ་སྙིང་མེད་དམ་ཅི། འོན་ཏེ་སྙིང་ལ་མི་ཤེས་པ་ཞིག་ཡོད་དམ། འོན་ཏེ་ཤེས་པ་ཡོད་ཀྱང་ཡིད་འབྱུང་བར་མི་བྱེད་དམ། སེམས་ཅན་འདི་དག་གི་རྣམ་པ་དེ་གང་ཞིག་ཡིན། གལ་ཏེ་སེམས་ཅན་རྣམས་འདི་ལྟར་མཐོ་རིས་སུ་ཡུན་རིང་དུ་གནས་ཀྱང་ཡིད་འབྱུང་བར་བྱ་བ་ཡིན་ན། འདི་ལྟར་སེམས་སྲ་ཞིང་མཁྲང་བ་དེ་ལྟ་ཅི་སྨོས། གང་གནོད་པའི་རྣམ་པ་དུ་མ་ཀུན་གྱིས་སྡུག་བསྔལ་རྗེས་སུ་མྱོང་ཡང་སྐྱོ་བར་མི་བྱེད་དོ།། ཡུན་རིང་པོ་ནས་བག་ལ་ཉལ་རྗེས་སུ་འབྲང་བའི་སེམས་ལ་མི་མཐུན་པ་ལྔ་ཡོད་དེ། འདི་ལྟ་སྟེ། རྒ་བ་དང་། ན་བ་དང་། འཆི་བ་དང་། མི་སྡུག་པ་དང་ཕྲད་པ་དང་། སྡུག་པ་དང་བྲལ་བའོ།། གཞན་ཡང་ཉེས་དམིགས་ཀྱི་གནོད་པ་བཅུ་འབྱུང་སྟེ། བཀྲེས་པ་དང་སྐོམ་པའི་ཉེས་དམིགས་དང་། སྡུག་པ་དང་བྲལ་བའི་ཉེས་དམིགས་དང་། ཡུལ་ནས་ཡུལ་དུ་འགྲོ་བའི་ཉེས་དམིགས་དང་། འཆི་བ་དང་སྐྱེ་བའི་ཉེས་དམིགས་དང་། གཞན་གྱིས་བརྙས་པའི་ཉེས་དམིགས་དང་། གཞན་གྱིས་བཅོལ་བའི་ཉེས་དམིགས་དང་། གྲང་བ་དང་ཚ་བའི་ཉེས་དམིགས་དང་། ཟླས་དབྱེ་བའི་ཉེས་དམིགས་དང་། འབྱོར་པ་རྒུད་པའི་ཉེས་དམིགས་དང་། འདོད་པའི་ཉེས་དམིགས་ཏེ། དེ་ལྟར་མདོར་ན་ཉེས་དམིགས་བཅུ་དག་གིས་སེམས་མངོན་པར་གནོད་པར་བྱས་ཀྱང་། ཀྱེ་མི་དགའ་བར་མི་བྱེད་པའི་སེམས་ཅན་འདི་དག་ནི། ཨེ་མ་ཐོག་མ་མེད་པའི་དུས་ནས་སེམས་དགྲ་ལྟ་བུ་གཡོས་པ་དང་། རྣ་བ་དང་སྙིང་མེད་ཅིང་རྡོ་དང་རྡོ་རྗེ་ལྟ་བུའི་སེམས་ཡུལ་རྣམ་པ་མང་པོས་དམ་པའི་ཆོས་ལ་ནམས་ཀྱང་དགའ་བར་མི་བྱེད་པ་ཡུལ་སྒྲ་དང་། གཟུགས་དང་། རེག་པ་དང་། རོ་དང་། དྲི་དུག་དང་། མཚོན་དང་། མེ་ལྟ་བུའི་སྲེད་པས་རྟག་ཏུ་ཆོག་མི་ཤེས་པ་དུག་ལྟ་བུའི་ཡུལ་ལྔ་དང་། ཆོམ་རྐུན་ལྟ་བུའི་སྐྱེ་མཆེད་དྲུག་དང་། བྱང་ཆུབ་ཀྱི་ཡན་ལག་བདུན་མི་ཤེས་པ་དང་། འཕགས་པའི་ལམ་ཡན་ལག་བརྒྱད་པར་འགྲོ་བར་མི་སྤྲོ་བ་དང་། སེམས་ཅན་གྱི་གནས་དགུ་མི་ཤེས་པ་དང་། དགེ་བ་བཅུའི་ལས་ཀྱི་ལམ་མི་ཤེས་པ་དང་། ས་བཅུ་གཅིག་གི་རྣམ་པར་དཔྱད་པ་ལ་བླུན་པ་དང་། སྐྱེ་མཆེད་བཅུ་གཉིས་ཀྱི་སྐྱེ་བ་དང་། གནས་པ་ལ་རབ་ཏུ་རྣམ་པར་སྤྱོད་པ། མཁས་པ་དང་མི་མཁས་པ་ལ་རྣམ་པར་སྤྱོད་པ། ས་གོང་མ་བཅུ་གསུམ་གྱི་སྤྱོད་པ་ལ་བླུན་པ། སེམས་ཀྱི་དམིགས་པ་བཅུ་བཞི་དང་འགྲོགས་པ། གནོད་པ་བཅོ་ལྔ་མི་བཟོད་པ། གནོད་པ་སྡིག་པབཔའི་མུན་པ་བཅུ་དྲུག་གིས་གནས་པ། བྱིས་པའི་ཤིན་ཏུ་རྣམ་པར་དཔྱོད་པ་བཅུ་བདུན་དང་། ཚོར་བ་རབ་ཏུ་འབྱུང་བའི་བུ་ག་བཅོ་བརྒྱད་དང་། འགྲོ་བར་རྣམ་པར་རྒྱུ་བའི་སྲང་བཅུ་དགུ་དང་སྒྲ་གནས་པ་ཉི་ཤུས་སེམས་དེ་རྣམ་པ་ཉི་ཤུར་བསླུས་པར་རིག་ནས། དེ་སེམས་ཅན་ལ་སྙིང་རྗེ་བར་སེམས་སོ།། དགེ་སློང་དེ་ལས་ཀྱི་ཆོས་ཀྱི་རྣམ་པར་སྨིན་པ་ལ་རབ་ཏུ་རྣམ་པར་དཔྱོད་པར་བྱེད་དེ། འདི་ལྟར་དེ་བདུད་ཀྱི་འཆིང་བ་བཅད་པ་དག་ལ་རྟག་ཏུ་བརྩོན་པར་བྱེད་ཅིང་། དེ་ནས་ཡང་བློ་སྐྱེད་པར་བྱེད་དེ། སེམས་ཅན་དམྱལ་བ་ངུ་འབོད་ལས་གཞན་པ། སེམས་ཅན་དམྱལ་བ་ཆེས་སྡིག་པ་ཆེ་བ་ཡོད་པ། དེའི་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཆེན་པོ་གཞན་ཚ་བ་ཞེས་བྱ་བ་ཉེས་པར་བྱས་པའི་ལས་རབ་ཏུ་བདོ་བས་ཀུན་ནས་བླང་བ་སེམས་ཅན་དམྱལ་བ་ཆེན་པོ་དུ་འབོད་ལས་གནོད་པ་བཅུ་འགྱུར་གྱིས་ལྷག་པ་ཞིག་ཡོད་པ་མཐོང་ངོ་། ། འཁོར་བཅུ་དྲུག་ལ་འདི་ལྟ་སྟེ། རབ་ཏུ་སྲེག་པ་ཆེན་པོ་དང་། པདྨ་དཀར་པོ་ལྟ་བུ་དང་། སྦྲུལ་འཁྱིལ་པ་ལྟ་བུ་དང་ཟངས་བཞུས་པར་ཉ་འཁྱུག་པ་ལྟ་བུ་དང་། ལྕགས་ཀྱི་བུམ་པ་དང་། ཆུ་བོ་དམར་པོ་འབབ་པ་དང་། རྐང་དང་རུས་པ་ལ་སྲིན་བུ་མང་བ་དང་། སྐྱེ་བོ་ཐམས་ཅད་སྲེག་པ་དང་། སར་འབྱིང་མཐའ་ཡས་དང་། པདྨ་ཆེན་པོ་ལྟ་བུ་དང་། མཐའ་དྲག་དང་།། རུས་པ་རྡོ་རྗེ་ལྟ་བུ་འབྱུང་ཞིང་འདུ་བ་དང་། ལྕགས་ནག་པོའི་སྐུད་པས་འདྲལ་ཞིང་གཅོད་པ་ཚ་བ་དང་། སྲིན་བུ་ན་ཀྲ་དང་། འཁོར་ལོ་དང་། མེ་འཇིགས་ལྟར་སྐྱེས་པ་དང་། ནགས་ཚལ་གྱི་མེ་མུན་ལྟར་འཁྲིགས་པ་དང་། བུང་བ་རྡོ་རྗེ་ལྟ་བུས་གནོད་པའི་གོ་ཆ་ཞེས་བྱ་བ་སྟེ། འདི་དག་ནི་སེམས་ཅན་དམྱལ་བ་ཆེན་པོ་ཚ་བའི་འཁོར་བཅུ་དྲུག་ཡིན་ཏེ། དེར་ཚེ་ནི་བཟང་དུ་མི་ལང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཟོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་ལ། ལས་ཀྱི་ཉེར་བསྡོགས་དང་། ལས་ཀྱི་མཇུག་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཆེན་པོ་ཚ་བར་སྐྱེ་བར་འགྱུར་རོ། ། དེ་ལ་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་རྣམས་ཀྱི་འབྲས་བུ་རྣམ་པར་སྨིན་པ་ནི་བཤད་ཟིན་ཏོ། ། ལོག་པར་ལྟ་ནི་གང་གིས་ཀུན་ཏུ་བསྟེན་ཅིང་བསྒོམས་ལ། ཕ་རོལ་ལ་ཡང་བསྟན་པ་ཡིན་ཏེ། འདི་ལྟ་སྟེ། སྦྱིན་པ་མེད་དོ།། མཆོད་སྦྱིན་མེད་དོ།། ལེགས་པར་བྱས་པ་དང་། ཉེས་པར་བྱས་པ་རྣམས་ཀྱི་ལས་ཀྱི་འབྲས་བུ་རྣམ་པར་སྨིན་པ་མེད་དོ།། འཇིག་རྟེན་འདི་མེད་དོ།། འཇིག་རྟེན་ཕ་རོལ་མེད་དོ།། མ་མེད་དོ།། ཕ་མེད་དོ་ཞེས་དེ་སྐད་ཆད་པར་སྨྲ་བ་ནི་ལས་ཡོད་པ་འཇིག་པ་ཡིན་ཏེ། གཞན་དག་ལ་ཡང་སྟོན་ཅིང་ཡང་དག་པར་རབ་ཏུ་འཇོག་པར་བྱེད་ལ། ཡང་དག་པར་རབ་ཏུ་དགའ་བར་བྱེད་པ། ལོག་པར་ལྟ་བ་བསྐྱེད་ནས། ཕ་རོལ་དག་ལ་ལས་ཀྱིས་ལམ་གྱི་རྒྱུ་མེད་པར་སྟོན་པ་ནི། ཆོམ་རྐུན་པ་ཚུལ་བཟང་པོར་འཆོས་པ་ཡིན་ཏེ། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཆེན་པོ་ཆེ་བར་སྐྱེ་བར་འགྱུར་རོ།། དེ་ལས་ཀྱི་ལམ་དང་། ལས་ཀྱི་འབྲས་བུ་ཡོད་བཞིན་དུ་རྣམ་པར་སླུབ་ཡིན་ཏེ། དེ་འཆི་བའི་དུས་བྱས་ནས། སྲིད་པ་དར་མའི་བར་དུ་སྐྱེ་བ་ན། ལྟས་ངན་པའི་མཚན་མ་འབྱུང་བར་འགྱུར་བ་ནི་འདི་ལྟ་སྟེ། འཇིག་པ་མཆོག་ཏུ་མི་བཟད་པ་མུན་པར་ངེས་པར་གྱུར་པ་དང་། སོ་སོ་ནས་འཇིགས་པར་བྱེད་པ་སེང་གེ་དང་། སྟག་དང་། དྲེད་དང་། གུང་དང་། སྦྲུལ་མང་པོ་ཕུག་དང་། མུན་པ་མེད་པ་ན་འདུག་པ་དང་དེས་གཞན་ཡང་རི་ཆེ་ཞིང་མཐོ་བ་དེའི་མགོའི་སྟེང་དུ་མྱུར་བར་འོང་བ་མཐོང་བ་དང་། སྟག་དང་སེང་གེ་དེ་དག་ཀྱང་སོ་སོ་ནས་འཇིགས་པར་བྱེད་ཅིང་སྒྲ་འབྱིན་པ་ཐོས་པ་དང་། གཞན་དག་ཀྱང་གཟུགས་མཆོག་ཏུ་དམན་ཞིང་སྙིང་རྗེ་རྗེ་ལྟར་འདུག་པ་མཐོང་བ་དང་། དེ་དག་ལས་ནག་པོ་ལྟ་བུ་མཐོང་ཞིང་མེ་རབ་ཏུ་འབར་བ་དེའི་སྟེང་ན་འདུག་པར་མཐོང་བ་དང་། ཝ་བརྒྱལ་བའི་སྒྲ་དྲག་པོ་ཐོས་པ་དང་གཤིན་རྗེའི་མི་གཟུགས་མི་སྡུག་པར་བསྒྱུར་བ་དག་མཐོང་བ་དང་དེ་སྐྲག་གོ། ། ལོག་པར་སྨྲ་བ། སྒྱུ་ངན་པར་སྨྲ་བ། ཕྱོགས་ངན་པ་སྨྲ་བ། ལྟ་བ་ངན་པ་སྨྲ་བ། ལས་ཀྱི་འབྲས་བུ་རྣམ་པར་སླུ་བ་སྨྲ་བ་ངམ་གྲོག་དང་གཡང་སའི་རྒྱུ་སྨྲ་བ། བདག་ཉིད་ལ་བདག་སླུ་བར་བྱེད་ཅིང་། སྡིག་པ་ཆེན་པོ་བྱེད་པ་དེའི་ལས་རྟག་ཏུ་བསྟེན་ཅིང་བསྒོམས་ཏེ་མང་དུ་བྱས་ལ་བསགས་པའི་འབྲས་བུ་ནི་འཆི་ཁར་མཐོང་བར་འགྱུར་ཏེ། དེ་འཇིགས་ཤིང་དབང་པོ་བློང་ཟོང་པོར་འགྱུར་བ་དང་། བཤང་བ་འབྱུང་བར་འགྱུར་བ་འམ། དེ་བཞིན་དུ་གཅི་བ་འབྱུང་བར་འགྱུར་བ་འམ། དེ་བཞིན་དུ་སྐད་འབྱིན་པ་འམ། དེ་བཞིན་དུ་ཁ་གདོང་བར་བྱེད་པ་འམ། དེ་བཞིན་དུ་མལ་གྱི་མཐའ་ལ་ནོམ་པར་བྱེད་དོ།། རི་དེ་བདག་གི་སྟེང་དུ་འོང་བ་མཐོང་ནས། ལག་པས་གཟུང་བར་འདོད་པ་དེ་ལ། མི་དག་ན་རེ་འདི་ལྟར་འདི་ནི་ནམ་མཁའ་ལ་རེག་པར་འདོད་དོ་ཞེས་སྨྲ་སྟེ། འདི་ལྟར་རི་འོང་བ་དེ་ཡང་དང་ཡང་དུ་འོང་བ་དང་། བདག་ཉིད་ཀྱི་ལུས་ཐམས་ཅད་ཀྱིས་རེག་པར་བྱེད་དོ།། འདི་ལྟར་དེ་ཉེས་པར་བྱས་པའི་ལས་སྤྱད་ཅིང་། ལས་ཀྱི་འབྲས་བུས་བསླུས་པ་ནི། འདི་ལྟར་སེམས་ཅན་དམྱལ་བ་ཡང་དག་པར་མྱོང་བར་འགྱུར་བའི་ལྟས་མང་པོ་འབྱུང་བར་འགྱུར་ཏེ། འདི་ལྟ་སྟེ། དཔེར་ན་མི་ཞིག་མི་གཙང་བའི་ཕུང་པོ་ད་དུང་གི་བར་དུ་མ་མཐོང་གིས་ཀྱང་དྲི་ང་བའི་དྲི་མནམ་པ་དེ་བཞིན་དུ། སེམས་ཅན་དམྱལ་བ་ད་དུང་གི་བར་དུ་མ་མཐོང་གིས་ཀྱང་། སེམས་ཅན་དམྱལ་བ་ཆེན་པོའི་མཚན་མ་མཆོག་ཏུ་འཇིགས་ཤིང་དྲེག་པ་དག་འབྱུང་བར་འགྱུར་རོ། ། དྲན་པར་ཎ་ཞིང་སྨྲ་བ་རྣམས་ཅད་སྐྲག་པར་བྱེད་དེ། སྦྱི་བྱོས་པས་སྒྲུབས་པ། ཉེས་པར་བྱས་པའི་། སེམས་ཅན་དམྱལ་པར་དྲིན་རིན། དེར་གནས་པའི་རྣམ་པར་སྨིན་པས་དེའི་རླུང་པིབ་པ་ལ་ཀ་དང་། སུ་ཙ་ཀ་ཤིན་ཏུ་དྲག་པ་དག་གིས་ཡན་ལག་དང་ཉིང་ལག་རྣམ་པར་སྐུལ་བར་བྱེད། རྣམ་པར་རྡུང་བར་བྱེད། རྣམ་པར་གཤོག་པར་བྱེད་དོ། ། དེའི་ལུས་བདོ་བ་ན། དེའི་སེམས་སྲིད་པ་ཐ་མ་པ་ལ་ཚོར་བ་གཉིས་ཀྱིས་གདུངས་པ་ཡིན་ཏེ། དེ་སྲིད་པ་ཟ་མ་པ་ལ་སེམས་ཀྱི་དམིགས་པ་ལེགས་པར་སྤྱད་པའི་འདུ་ཤེས་སུ་བྱེད་དོ། ། དེ་ལྟ་བས་ན་མིའི་འཇིག་རྟེན་ནས་རང་གིས་བྱས་ཤིང་བསླུས་པ་སྲིད་པ་བར་མ་ལ་སེམས་ཅན་དམྱལ་བར་མྱོང་བར་འགྱུར་བའི་ལྟས་དག་འབྱུང་བར་འགྱུར་བ་ནི་འདི་ལྟ་སྟེ། སྙིང་གི་ལམ་ལ་སྒྲ་དང་རེག་པ་དང་། རོ་དང་། གཟུགས་དང་། དྲི་མི་འདོད་པ་དག་འབྱུང་བར་འགྱུར་ཏེ། སེམས་ཅན་དམྱལ་བ་དག་གི་གཟུགས་མི་སྡུག་པའི་སྒྲ་སྐད་ཐོས་པ་དང་། རླུང་རེག་པ་སྤུ་གྲི་ལྟ་བུས་རེག་པར་བྱེད་པ་དང་། རོ་ཚ་བའི་རོ་མྱོང་བར་བྱེད་པ་དང་། གཟུགས་འཇིགས་པར་སྟོན་པ་རབ་ཏུ་གདུང་བ་ལྟ་བུར་བྱས་པ་དག་ཀྱང་མཐོང་བར་འགྱུར། དྲི་ང་བའི་རྫས་བསགས་པའི་དྲི་དག་སྣོམ་པར་འགྱུར་རོ།། དེ་ལྟར་ཡུལ་ཐམས་ཅད་ཀྱིས་སྐྲག་པ་སེམས་ཅན་དམྱལ་བ་ཤིན་ཏུ་ལོག་པར་ལྟ་བས་མཐོང་བར་འགྱུར་ཏེ། ཇི་ལྟར་དེས་ཆོས་ལོག་པར་བསྟན་པ་དེ་ལྟར་སེམས་ཅན་དམྱལ་བ་དེས་མཐོང་བར་འགྱུར་རོ།། དེ་འདི་སྙམ་དུ་སེམས་ཏེ། ཀྱེ་མ་ཡུལ་གྲོང་ཁྱེར་གྱི་ཚུལ་དང་འཐུན་པ་འདི་རེ་དགའ། དེར་བདག་ཇི་ལྟར་འདུག་པར་བྱ་སྙམ་སྟེ། དེ་ལ་འདོད་པར་བྱེད་དོ།། དེ་སྲིད་པའི་ཡན་ལག་མྱོང་བར་འགྱུར་བ་རིག་ནས་དེ་སྐྱེ་བར་འགྱུར་ཏེ། ཉེ་བར་ལེན་པའི་རྐྱེན་གྱིས་སྲིད་པ་འབྱུང་བ་དེར་སེམས་བསྐྱེད་མ་ཐག་ཏུ་སྐྱེ་བར་འགྱུར་རོ།། དེར་སྐྱེས་མ་ཐག་ཏུ་གང་སེམས་ཅན་དམྱལ་བ་ཡང་སོས་ལ་སོགས་པའི་སྡུག་བསྔལ་དེ་དག་ཐམས་ཅད་བཅུ་འགྱུར་དུ་འབྱུང་ངོ་། ། ནད་བཞི་བརྒྱ་རྩ་བ་ནི་ཡང་འབྱུང་སྟེ། དྲག་པ་སེམས་ཅན་དམྱལ་བ་དང་མཚུངས་པ། གཅིག་གི་དཔེར་གཅིག་རུང་བ། དོན་ཐམས་ཅད་མེད་པར་བྱེད་ཅིང་འཇིགས་པར་བྱེད་པ། ཉེས་པར་བྱས་པའི་ལས་ཀྱི་འབྲས་བུར་གྱུར་པ་དག་ཡིན་ནོ།། མེའི་རྣམ་པ་འདི་ལྟ་བུ་འབྱུང་བར་འགྱུར་ཏེ། གང་ཏིལ་འབྲུ་ཙམ་གྱིས་རི་དང་། ནགས་ཚལ་དང་། གྲོང་རྡལ་དང་། གླིང་དང་བཅས་པ་དག་སྲེག་ན། སེམས་ཅན་དམྱལ་བ་པའི་ལུས་དག་ལྟ་སྨོས་ཀྱང་ཅི་དགོས་ཏེ། དེས་མར་གསར་གྱི་གོང་བུ་བཞིན་སྲེག་གོ། དེ་ནས་ཡང་འབྱུང་བར་འགྱུར་ཏེ། ཉིན་མོ་དང་མཚན་མོར་མི་མངོན་ཞིང་མུན་པར་ཞུགས་པ་ན། ལོ་འབུམ་ཕྲག་དུ་མར་གནོད་པའི་རྒྱ་མཚོར་བྱིང་བ་ཐམས་ཅད་མུན་པ་མུན་གནག་ཏུ་གྱུར་པ། ལོག་པ་ཨར་ལྟ་བས་བྱས་ཤིང་བསགས་ལ་བསྟན་པ་དག་གིས་འབྲས་བུས་དེ་འདི་ལྟར་ལོ་དཔག་ཏུ་མེད་ཅིང་བགྲང་གིས་མི་ལང་བར་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་དང་ཚ་བས་དཔེ་མེད་པས་འཚེད་དོ། ། སྲེག་གོ།། དེ་སེམས་ཅན་དམྱལ་བའི་ཡུན་རིང་པོ་དེ་ལས་འདས་ནས། གལ་ཏེ་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ཚེ་རབས་ལྔ་བརྒྱར་ཡི་དགས་སེར་སྣ་ཅན་ཞེས་བྱ་བ་དེར་སྐྱེ་བར་འགྱུར་རོ། ། དེ་ནས་ཐར་ནས་ཀྱང་ཚེ་རབས་ལྔ་བརྒྱར་དུད་འགྲོ་ཐམས་ཅད་ཀྱི་སྡུག་བསྔལ་བ་གང་ཡིན་པ་དེར་སྐྱེ་བར་འགྱུར་རོ།། གལ་ཏེ་བརྒྱལ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མི་རྣམས་དང་སྐལ་བ་མཉམ་པར་མིར་སྐྱེས་ན། ལོག་པར་ལྟ་བ་དེ་དང་རྒྱུ་མཐུན་པ་འབྲས་བུས་དེ་ཀྲ་ཀློའི་རིགས་སུ་སྐྱེ་བར་འགྱུར་ཞིང་། དབུལ་བ་དང་། ནད་དང་། ལོང་བ་དང་། ལག་རྡུམ་པ་དང་། ནད་བུ་ཅན་དུ་འགྱུར། ཚེ་ཐུང་བ་དང་། ཚིག་ཡིད་མི་ཆེས་པར་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་རབ་ཏུ་སྲེག་པ་ཆེན་པོ་ཞེས་བྱ་བ་ཡོད་པ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ལས་དང་འབྲས་བུ་མི་མཐུན་པར་སྟོན་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། ། འདི་ལྟ་སྟེ། སྲོག་གཅོད་པ་བྱས་ན། སྲོག་གཅོད་པ་པོ་ཚེ་ཕྱི་མ་ལྷ་རྣམས་སུ་སྐྱེའོ་ཞེས་ཟེར་བ་དེ་ནི་འདི་ལྟར་ལས་དང་འབྲས་བུ་མི་མཐུན་པར་སྟོན་པ་ཡིན་ནོ། ། དེ་ཅིའི་ཕྱིར་ཞེ་ན། སྲོག་ཆགས་རྣམས་ཀྱི་སྙིང་ལ་ཆེས་སྡུག་བསྔལ་བ་མེད་པ་མ་ཡིན་ལ། འདི་ལྟར་ལྷ་རྣམས་སུ་སྐྱེས་པ་དག་ལ་ཆེས་བདེ་བ་མེད་པ་མ་ཡིན་ཏེ། སྡུག་བསྔལ་གྱི་རྒྱུ་སྲོག་གཅོད་པ་དང་ཡང་དག་པར་ལྡན་པ་ནི་བདེ་བའི་རྒྱུར་མི་འགྱུར། སྡུག་བསྔལ་ཡང་བདེ་བའི་ལས་ཀྱི་འབྲས་བུར་མི་འགྱུར་ཏོ།། ལོག་པར་ལྟ་བའི་རྣམ་པ་དེ་དག་སྟོན་པར་བྱེད་པ་དེ་ནི་ལས་དང་འབྲས་བུ་མི་མཐུན་པར་སྟོན་པ་ཡིན་ནོ། ། དེ་ལུས་དང་བྲལ་ནས་ངན་འགྲོ་ལོག་པར་སྣང་བ་སེམས་ཅན་དམྱལ་བ་རབ་ཏུ་སྲེག་པ་ཆེན་པོར་ཀྱེ་པབཔར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། གང་སེམས་ཅན་དམྱལ་བ་ཡང་སོས་ལ་སོགས་པར་ཇི་ལྟར་བསྟན་པའི་སྡུག་བསྔལ་བསྡུས་པ་དེ་དག་ཐམས་ཅད་བཅུ་འགྱུར་དུ་འབྱུང་ངོ་། ། རང་གི་ལུས་ལས་ཀྱང་ཀུན་ནས་མེ་འབྱུང་སྟེ། རྣམ་པ་དེ་ལྟ་བུར་རབ་ཏུ་སྲེག་པ་ནི། གང་ལས་བྱས་པའི་སེམས་ཅན་དམྱལ་བ་པའི་མེ་ཕྱི་རོལ་ན་གནས་པ་བཅུ་དྲུག་གི་ཆར་ཡང་མི་ཕོད་དོ། ། མེ་དེའི་མདོག་ཁ་བ་འདྲ་ལ་རྣམ་པ་དེ་ལྟ་བུས་དེ་རབ་ཏུ་སྲེག་པར་བྱེད་དེ། དེའི་ཕྱི་ནང་ཐམས་ཅད་རབ་ཏུ་ཚིག་གོ།། ཡིད་ལ་གཅགས་པ་ལས་འབྱུང་བའི་མེ་གཞན་གསུམ་པ་འབྱུང་བར་འགྱུར་རོ། ། དེས་ཀྱང་སེམས་ཅན་དམྱལ་བ་པ་དེ་སྲེག་གོ།། ལོག་པར་ལྟ་བ་དེ་ཕྱིས་འདི་ལྟར་ལོག་པར་ལྟ་བའི་འབྲས་བུ་ནི་ཚའོ།། རྣམ་པར་སྨིན་པའི་འབྲས་བུ་ནི་ཚའོ།། རོ་མྱང་བ་ནི་ཚའོ་ཞེས་མངོན་པར་ཤེས་པར་འགྱུར་རོ། ། དེ་མ་གསུམ་གྱིས་མངོན་པར་སྲེག་པ་ན། སྐད་ཅིག་ཙམ་ཡང་བདེ་བ་མི་འཐོབ་སྟེ། སེམས་ཅན་དམྱལ་བ་ཚ་བའི་འཁོར་རབ་ཏུ་སྲེག་པ་ཆེན་པོར་འདི་ལྟར་ཉེས་པར་བྱས་པའི་ལས་ཀྱི་མཐའ་སྤྱད་པ་དེ། དེར་ལོ་གྲངས་མེད་པར་ཡུན་རིང་མོ་ཞིག་ཏུ་འཚེད་དེ། དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེ་སྲེག་གོ་འཚེད་དོ། ། རྣམ་པར་འཇིག་པར་བྱེད་དོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཚེ་རབས་སུམ་བརྒྱར་ཡི་དགས་རྣམས་སུ་སྐྱེ་བར་འགྱུར། ཚེ་རབས་ཉིས་བརྒྱར། དུད་འགྲོ་རྣམས་སུ་སྐྱེ་བར་འགྱུར་རོ།། དེ་དེ་ལས་ཐར་ནས། གལ་ཏེ་བརྒྱ་ལ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཕ་མ་ལ་རིམ་གྲོ་བྱ་བ་བཏང་ཞིང་སྒྲ་སྐད་འབྱིན་པར་འགྱུར། མི་གཙང་བ་ཟ་ཞིང་ཡུལ་ནས་ཡུལ་གཞན་དུ་རྒྱུ་བ་དང་། དམ་པའི་ཆོས་དང་བྲལ་བ་དང་། སྐྱེ་བོ་ཀུན་གྱིས་སྨད་པ་དང་། བཟའ་བ་དང་། གནས་པ་ཁྱིའི་སྤྱོད་ལམ་དང་མཚུངས་པ་དང་། རྐང་ལག་ལ་ཐོར་པ་འབྱུང་བ་དང་། ཕ་རོལ་གྱི་བསོད་སྙོམས་ཀྱི་ཟས་གསོ་བ་གསོག་ཏུ་གྱུར་པ་ཟོས་ནས། མིའི་ཚེ་འདི་ཉིད་ལ་འཆི་བར་འགྱུར་ཏེ། དེ་ལྟར་ལོག་པར་ལྟ་བ་ནི་ཐོག་མ་དང་། བར་མ་དང་། ཐ་མར་མི་འདོད་པ་འབྱུང་བ་དགེ་སློང་དེས་མཐོང་ངོ་།། ཡང་དག་པའི་ལྟ་བ་ནི་བློའི་སྔོན་དུ་འགྲོ་ཞིང་དེ་ཁོ་ན་ཉིད་མཐོང་ལ། ཡང་དག་པའི་ལམ་ལ་རབ་ཏུ་གནས་པ། མྱ་ངན་ལས་འདས་པར་འགྲོ་བ་ནི། སྔོན་དུ་འདྲེན་པ་ཡིན་པར་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་འཁོར་པདྨ་དཀར་པོ་ལྟ་བུ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། ། ལོག་པར་ལྟ་བ་ཡང་རྣམ་པ་འདི་དག་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་བ་ནི་འདི་ལྟ་སྟེ། ཟས་མི་ཟ་བས་མཐོ་རིས་ཐོབ་པར་འགྱུར་རོ་སྙམ་ནས་དེ་གཞན་ཡང་འཛིན་དུ་འཇུག་ཅིང་རྗེས་སུ་དགའ་བར་བྱེད་དུ་འཇུག་ལ་རབ་ཏུ་འཇོག་པར་བྱེད་པ། རྒྱུ་ངན་པ་དང་། ལྟ་བ་ངན་པ་གཞན་གྱིས་སེམས་བཅིངས་པ་དག་བསྟན་བཅོས་ངན་པ་བྱེད་ཅིང་། གཞན་ཡང་འཛིན་དུ་འཇུག་གོ། འཛིན་དུ་བཅུག་སྟེ། ཟས་མི་ཟ་བ་ལ་བཀོད་ནས། སྲོག་དང་བྲལ་བར་བྱེད་དོ།། དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་པདྨ་དཀར་པོ་ལྟ་བུར་སྐྱེ་བར་འགྱུར་རོ། ། དེ་དེར་སྐྱེས་ནས་གང་སེམས་ཅན་དམྱལ་བ་ཡང་སོས་ལ་སོགས་པའི་སྡུག་བསྔལ་དེ་དག་ཐམས་ཅད་ཉིས་འགྱུར་དུ་འགྱུར་བའི་སྟེང་དུ་གནོད་པ་ཁྱད་པར་དུ་འབྱུང་བ་ནི་འདི་ལྟ་སྟེ། ཡན་ལག་དང་ཉིང་ལག་ཐམས་ཅད་རྟག་ཏུ་འབར་བའི་འཕྲེང་བར་འགྱུར་ཏེ། ལུས་དེ་ལ་རྒྱུ་ལས་དང་འཐུན་པ་རྣོ་བ་དཔེ་མེད་པའི་རྒྱུ་ངེས་མེ་རབ་ཏུ་འབར་བ་ཡུངས་ཀར་གྱི་ཚད་ཙམ་ཡང་མ་ཁྱབ་པ་མེད་དེ། དེས་རྟག་ཏུ་རབ་ཏུ་འབར་རོ།། ཇི་ལྟར་མི་གཙང་བ་ཐམས་ཅད་ཀྱི་ནང་ན་ལོག་པར་ལྟ་བ་ཀུན་མི་གཙང་བ་དེ་བཞིན་དུ། མེ་ཐམས་ཅད་ཀྱི་ནང་ན་མེ་འདི་ཀུན་ཏུ་ཚ་མེའི་གནོད་པ་དཔེ་མེད་པ་དེས་སེམས་ཅན་དམྱལ་བ་པ་དེ་དག་ལ་རྒྱུ་དང་མཐུན་པའི་འབྲས་བུ་འབྱུང་སྟེ། དེས་ཡུན་རིང་དུ་སྲེག་གོ།། དེ་གལ་ཏེ་ལས་ཀྱི་དབང་གིས་མེ་ཏོག་པདྨ་དཀར་པོའི་ཚིལ་ན། བྱའི་ཚོགས་དུ་མས་ཀུན་ཏུ་བསྟེན་པ། ཆུ་འབབ་པ་ཕུན་སུམ་ཚོགས་པ་མཐོང་བ་དང་། སེམས་ཅན་དམྱལ་བ་པ་གཞན་དག་ལ་སྨྲས་པ། ཀྱེ་འདི་ལྟར་རྒྱུགས་རྒྱུགས། པདྨ་དཀར་པོའི་ཚལ་དེར་བདག་ཅག་ཆུ་བསིལ་བ་བཏུང་བར་བྱའོ། ། ཚལ་གྲིབ་བདེ་བ་དག་བསྟེན་པར་བྱའོ་ཞེས་དེ་དག་གིས་དེ་སྤྲོ་བ་བསྐྱེད་ནས་དེ་དག་ཉིད་དང་ལྷན་ཅིག་ཏུ་པདྨ་དཀར་པོའི་ཚལ་དེར་རྒྱུག་གོ། བརྒྱུགས་པ་དང་། ཁ་ཅིག་མངག་མའི་ཕུང་པོས་གང་བ་དག་ཏུ་བྱིང་ངོ་། ། བྱིང་ནས་ཡན་ལག་དང་ཉིང་ལག་ཐམས་ཅད་རྣམ་པར་ཞིགས་སོ།། རྣམ་པར་ཞིགས་ནས་ཡང་འབྱུང་བར་འགྱུར་ཏེ། བྱུང་ནས་དེ་ལྟར་པདྨ་དཀར་པོའི་ཚལ་ལ། སྲེད་པས་དེ་ཉིད་དུ་རྒྱུག་གོ། ། བརྒྱུགས་པ་དང་། སྤའི་ལྕུག་མ་རབ་ཏུ་འབར་བ་དག་འབྱུང་བར་འགྱུར་ཏེ། དེ་དག་གིས་ཡན་ལག་དང་ཉིང་ལག་ཐམས་ཅད་དཀྲི་དཀྲི་ནས། ཉམས། རྣམ་པར་ཉམས་པར་བྱས་ཏེ། རུས་པ་དང་རྐང་ཙམ་ཞིག་ཡོད་པར་བྱས་སོ། ། དེ་ནས་ཡང་སྐྱེ་བར་འགྱུར་ཏེ། སྐྱེས་ནས་ཀྱང་དེ་བཞིན་དུ་པདྨ་དཀར་པོའི་ཚལ་དུ་རྒྱུག་པ་དང་། དེའི་ཤ་ལ་ལས་ཀྱིས་བྱས་པའི་སྲིན་བུ་དག་བྱུང་སྟེ། དེ་ལ་ཟའོ།། ས་དེ་དག་ཐམས་ཅད་ཀྱིས་སྔ་མ་བཞིན་དུ་རེ་ཞིག་མིག་ལ་འཕྱང་འཕྱང་ནས་མིགས་ཟའོ།། སྲེད་པས་ཉམ་ཐག་པ་ལོང་བར་འགྱུར་བ་དེ་དེར་རྒྱུག་གོ།། རྒྱུག་པ་ན་སྲིན་བུ་གཞན་དག་འབྱུང་བར་འགྱུར་ཏེ། དེ་ས་གི་ལུས་མུན་པར་བསྒྲིབས་པ་དུ་སྐད་འདོན་པ་དེ་ལ་རྟག་ཏུ་ཟའོ། ། དེ་ནས་ཡང་མིག་ནས་བྱུང་སྟེ། དེ་ལ་ཡང་ཟ་སྟེ། དེ་ལྟར་ལོ་འབུམ་ཕྲག་དུ་མའི་བར་དུ་ཟ་ཟ་ནས་སྐྱེ་བར་འགྱུར་རོ།། ཡོངས་སུ་རྒྱུག་པ་ན་ཡང་གལ་ཏེ་ཡང་པདྨ་དཀར་པོའི་ཚལ་དེ་དང་ཕྲད་ན། དེའི་བསམ་པ་དང་། ལུས་ཐམས་ཅད་རབ་ཏུ་སིམ་པ་དང་། བདག་གི་བསམ་པ་བཞིན་དུ་པདྨ་དཀར་པོའི་ཚལ་དེ་དང་ཕྲད་དོ་མཉམ་དུ་དེའི་སེམས་སྐྱེའོ། ། དེ་དེར་ཞུགས་པ་དང་། པདྨ་དཀར་པོ་དེ་དག་འཕང་དུ་དཔག་ཚད་ལྔའོ།། རྒྱར་དཔག་ཚད་གཉིས་ཀྱི་ཚད་དེ་མེ་འབར་བའི་པདྨ་དཀར་པོ་དེ་ལ་ལས་ཀྱིས་བསླུས་པ་དག་འཛེག་གོ།། ལྷག་མ་གཞན་དག་ནི་འཛེག་ཅིང་འཁོད་ལ། སེམས་ཅན་དམྱལ་བ་པ་དེ་དག་གི་ལུས་འབར་བའི་འཕྲེང་བའི་ཡན་ལག་དང་ལྡན་པར་འགྱུར་ཏེ། འཛེག་བཞིན་དུ་དེ་དག་རེ་བ་མེད་ཅིང་ཤིན་ཏུ་སྡུག་བསྔལ་ལ། བཀྲེས་པ་དང་སྐོམ་པས་ཉེན་པ་དེ་དག་མེ་མདོག་པདྨ་དཀར་པོ་ལྟ་བུས་སྲེག་གོ། ། འཚེད་དོ།། འཆི་ཞིང་སྐྱེའོ།། ལུས་ཀྱི་ཡན་ལག་དང་ཉིང་ལག་ཐམས་ཅད་བསྲེགས་ཤིང་ཀིང་ཤུ་ཀ་ལྟ་བུའི་ལུས་དག་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡུན་རིང་པོར་གནོད་པ་མྱོང་བར་འགྱུར་རོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ཚེ་རབས་བཞི་བརྒྱར་ཡི་དགས་བཀྲེས་ཤིང་སྐོམ་པར་འགྱུར་རོ། ། དེ་ལས་བར་ནས་ཀྱང་ཚེ་རབས་སུམ་བརྒྱར་དུད་འགྲོ་རྣམས་སུ་སྐྱེ་བར་འགྱུར་རོ།། གལ་ཏེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མི་རྣམས་དང་སྐལ་བ་མཉམ་པར་མིར་སྐྱེས་ན། དེས་ལོག་པར་ལྟ་བ་སྤྱད་ཅིང་ཉེས་པར་བྱས་པའི་ལས་དེ་དང་རྒྱུ་མཐུན་པའི་འབྲས་བུས་དེ་མཚོན་གྱིས་འཁྲུག་ཅིང་མུ་གེ་དང་ཆོམ་རྐུན་རབ་ཏུ་མང་པོའི་ཡུལ་རྣམས་སུ་སྐྱེ་བར་འགྱུར། དེར་སྐྱེས་ནས་ཀྱང་དངུལ་ཞིང་ནད་བུ་ཅན་དང་། གཞན་གྱིས་བཀོལ་ཅིང་སྡུག་འབོངས་པར་གྱུར་ལ་དབང་པོ་མ་ཚང་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྦྲུལ་འཁྱིལ་པ་ལྟ་བུ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་བ་ནི།། འདི་ལྟར་ཙོག་ཙོག་པོ་བགྱིང་བར་འདུག་ལ། སྐོམ་འཐུང་ཞིང་ལག་པ་ལ་བལྡག་ན་མྱ་ངན་ལས་འདས་པ་འཐོབ་སྟེ། འདོད་ཆགས་ཞེ་སྡང་གཏི་མུག་སྤངས་པས་མ་ཡིན་ཞིང་། དབང་པོ་ཞི་བས་མ་ཡིན་ནོ་ཞེས་སྨྲ་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྦྲུལ་འཁྱིལ་པ་ལྟ་བུར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་དེ་སྦྲུལ་གདུག་པ་གདེངས་ཀ་ཅན་རབ་ཏུ་འབར་བས་ཀུན་ཏུ་གང་བ་དེ་ན། སྦྲུལ་དཔག་ཚད་ཙམ་ཡོད་ཅིང་སྦྲུལ་གདུག་པ་དཔག་ཚད་ཙམ་ཡོད་པས་ཀྱང་ཤིན་ཏུ་གང་བ་ཡིན་ལ། ཁ་ཅིག་ནི་ལྟ་བའི་དུག། ཁ་ཅིག་ནི་རེག་པའི་དུག། ཁ་ཅིག་ནི་མཆེ་བའི་དུག་སྟེ། དེ་དག་གིས་སེམས་ཅན་དམྱལ་བ་དེ་གང་ངོ་།། དེར་སེམས་ཅན་དམྱལ་བ་ཁ་ཅིག་གི་ནང་དུ་སྦྲུལ་དེ་དག་འབྱུང་པར་འགྱུར་ཏེ། གང་དག་ནང་དུ་སྐྱེས་པ་ལ་དེའི་ཚེ། སྦྲུལ་དེ་དག་གི་ལུས་རེག་པས་ཆང་བའི་ཕྱེ་བཞིན་འཐག་གོ།། གང་དག་ཁའི་ནང་དུ་སྐྱེས་པ་ནི་མཆེ་བ་དང་འདྲེས་པའི་དུག་རབ་ཏུ་འབར་བ་དེ་དག་གིས་སྐྱེ་ཞིང་འཆིའོ། ། ཤི་ནས་ཡང་འཚོ་སྟེ། དེ་དག་མེ་གསུམ་གྱིས་སྲེག་གོ།། འདི་ལྟ་སྟེ། དུག་གི་མེ་དང་། སེམས་ཅན་དམྱལ་བ་པའི་མེ་དང་། བཀྲེས་པ་དང་། སྐོམ་པའི་མེས་དེ་དག་རང་གི་ལས་དང་འཐུན་པར་མེ་གསུམ་གྱི་དབུས་སུ་བཅུག་ནས་ཚོར་བ་ཚ་བ་རྩུབ་པ་དག་མྱོང་བར་འགྱུར་རོ། ། གཞན་ཡང་ནད་ལས་བྱུང་བའི་ཚོར་བ་བརྗོད་པར་ཡང་མི་ནུས་པའི་ནད་གཞི་ལས་བྱུང་བའི་མེས་དེ་སྲེག་གོ། ། དེ་ལྟར་ཉེས་པར་བྱས་པའི་ལས་ཀྱི་མཐའ་སྤྱད་པ་དག། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡུན་རིང་པོར་མེའི་ནང་དུ་བཅུག་ནས་སྲེག་། འཐག་གོ།། སྐེམས་སོ།། རྣམ་པར་ཞིགས་པར་བྱེད་དོ།། དེ་ཕྱིས་སེམས་ཅན་དམྱལ་བ་དེ་ལས་བར་བར་འགྱུར་རོ།། ཐར་ནས་ཀྱང་ཚེ་རབས་བརྒྱ་ལྔ་བཅུར་ཡི་དགས་ལ་བ་མགྲིན་དུ་སྐྱེ་བར་། འགྱུར། ཚེ་རབས་ཉིས་བརྒྱར་མེ་དང་ཆུ་མེད་པའི་གནས་རི་སུལ་དཔག་ཚད་བཅུ་གཉིས་བཀྲེས་པ་དང་སྐོམ་པ་ཐམས་ཅད་ཀྱིས་ཡོངས་སུ་གདུངས་པའི་དུད་འགྲོ་སེང་གེ་དང་། སྟག་དང་། དྲེད་དང་། གུང་དུ་སྐྱེ་བར་འགྱུར་རོ།། གལ་ཏེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུ་དེས་འབྲོག་དགོན་པའི་མིར་འགྱུར་ཏེ། གང་དག་གིས་ནམ་ཡང་ཟས་མཐོང་བར་ཡང་མི་འགྱུར་ན། བཟའ་བ་ལྟ་སྨོས་ཀྱང་ཅི་དགོས་ཏེ། གཞན་དུ་ན་དེར་རྔད་དང་། རྩཝ་དང་། ཚལ་གྱི་འབྲས་བུས་སྲོག་འཚོ་བར་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་སེམས་ཅན་དམྱལ་བ་ཟངས་པ་ཞུས་པར་ཉ་འཁྱུག་པ་ལྟ་བུ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན་གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བས་འགྱུར་རོ།། ལོག་པར་ལྟ་བ་ཡང་འདི་ལྟར་ཀུན་ཏུ། བསྟེན་ཅིང་བསྒོམས་ལ་མང་དུ་བྱེད་པས་འགྱུར་ཏེ། འདིར་འགྲོ་བ་འདི་དག་ཐམས་ཅད་དབང་ཕྱུག་གིས་སྤྲུལ་ཏེ། ལས་ཀྱིས་མ་བྱས་སོ་ཞེས་སྨྲ་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བཟངས་བཞུས་པ་ཉ་འཁྱུག་པ་ལྟ་བུར་སྐྱེ་བར་འགྱུར་རོ། ། སེམས་ཅན་དམྱལ་བ་དེ་ཡང་ཟངས་བཞུས་པ་དེ་རབ་ཏུ་འབར་བས་རྒྱ་མཚོ་ལྟར་གང་བའི་སེམས་ཅན་དམྱལ་བར་སྐྱེ་བར་འགྱུར་ཏེ། དེར་ཡང་ལས་ཀྱིས་བྱས་པའི་ལྕགས་ཀྱིས་ཉ་རབ་ཏུ་འབར་བ་དག་རྣམ་པར་རྒྱུ་ཞིང་། ཟངས་བསྐོལ་བ་དེའི་དབུས་སུ་ཤིང་ལོ་མ་སྤུ་གྲི་དང་མདུང་ཕུང་ལྟ་བུ་དག་འབྱུང་སྟེ། དེར་སེམས་ཅན་དམྱལ་བ་དེ་དག་སྐྱེས་ནས། འཆི་ཞིང་སྐྱེ་སྟེ། ཡན་ལག་དག་ཐམས་ཅད་ཞིགས་སོ།། ཞུགས་པ་ན་ནུབ་ཅིང་འབྱུང་སྟེ། ཚོར་བས་ཉན་པ་དག་ཕན་ཚུན་རྒྱུག་ཅིང་ངུ་སྐད་འདོན་ཏོ། ། གཅིག་ལ་གཅིག་ལོག་པར་སྨྲས་པས་དེ་དག་དེ་ལྟར་ངུ་སྐད་འདོན་པ་ན། ལས་ཀྱིས་བྱས་པའི་ཉ་དེ་དག་སེམས་ཅན་དམྱལ་བ་དེ་དག་གི་དྲུང་དུ་ཁ་གདངས་ཤིང་རྒྱུག་གོ་དེ་ནས་ཉ་དེ་དག་གིས་སེམས་ཅན་དམྱལ་བ་པ་དེ་དག་ཁ་ཆུའི་ཞགས་པས་བཟུང་སྟེ་ཟ་ཞིང་། དེའི་ཚེ་སོའི་བར་དུ་ཕྱེ་མར་བརླགས་སོ།། དེ་དག་གི་ལུས་ཕྱེད་ཉ་རྣམས་ཀྱིས་ཟོས་ཤིང་། ཕྱེད་ཟངས་བསྐོལ་མར་འཚེད་དོ། ། དེ་དག་ཚོར་བ་དྲག་པས་ཉེན་ལ། ཚ་བ་རྩུབ་པའི་ཚོར་བ་གཉིས་མྱོང་བར་འགྱུར་ཏེ། དེ་ཉ་དེ་རྣམས་ཀྱིས་ཕྱེད་ཟ་བ་དང་། ཕྱེད་ཟངས་བསྐོལ་བར་འཚེད་དོ།། ཡུན་རིང་མོ་ཞིག་འདས་ནས་ཉའི་ཁ་དེ་ནས་བར་པ་དང་། ཟངས་བསྐོལ་བའི་བུམ་པའི་ནང་དུ་འཇུག་གོ།། ཞུགས་པ་དང་། སྲིན་བུ་ཨ་བ་མཱ་སི་ཀ་ཞེས་བྱ་བ་མཆེ་བ་རྡོ་རྗེ་ལྟ་བུར་མཆེ་བ་རྣོ་བ་དུག་དཔག་ཏུ་མེད་པ་ཡོད་པ་དེ་དག་གིས་བཟུང་ངོ་། ། བཟུང་བ་རྣམས་ཟངས་བསྐོལ་བའི་བུམ་པ་མུན་པར་གྱུར་པ་དེར་ཕྱེ་མར་རློག་གོ།། ཕྱེ་མར་བརླགས་ནས་ཕྱེ་མའི་དུམ་བུ་ཙམ་དུ་ཟའོ།། གང་ཚོར་པས་ཉེན་པ་དུ་སྐད་འདོན་པ་དག་ཟངས་བསྐོལ་བ་དེས་ཁ་འགེངས་ཤིང་ངུ་སྐད་འདོན་ཏོ། ། དེ་དག་གི་འཛག་སྒོ་ཟངས་བསྐོལ་བ་དེས་འགེངས་ཤིང་འགོག་ལ་འཚེད་ཅིང་རྣམ་པར་ཞིག་པར་བྱེད་དོ། ། ཟངས་བསྐོལ་བ་དེ་ལས་ཡུན་རིང་མོ་ཞིག་འདས་ནས་ཡང་རྒྱལ་ལོ།། རྒྱལ་ནས་ཀྱང་ལས་ཀྱིས་བྱས་པའི་ཆུང་སྤུ་གྲི་ལྟ་བུ་རྣམས་ཀྱིས་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ལོག་པར་སྨྲ་བ་ལས་དང་འབྲས་བུ་ལ་བསླུ་བར་ཞུགས་པ་དག་ཕྱེ་མར་རློག་གོ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ཚེ་རབས་སུམ་བརྒྱར་ཡི་དགས་ཁ་ཟས་མེད་པ་རྣམས་ཀྱི་ནང་དུ་སྐྱེ་བར་འགྱུར་རོ། ། ཡི་དགས་ཀྱི་ཡུལ་དེ་ལས་ཐར་ནས་ཀྱང་ཚེ་རབས་སུམ་བརྒྱར་དུད་འགྲོ་གླང་པོ་ཆེ་དང་། དོམ་དང་། གྲོག་སྦུར་ལ་སོགས་པ་ཤིན་ཏུ་སྡུག་བསྔལ་བ་རྟག་ཏུ་བཀྲེས་པ་དང་། སྐོམ་པ་དང་། གྲང་བ་དང་། ཚ་བ་དང་། རླུང་དང་། གདུང་བ་རྣམས་སུ་སྐྱེ་བར་འགྱུར་རོ།། དུད་འགྲོ་དེ་ལ་ས་ཐར་ནས་ཀྱང་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེ་ཁྱིས་འཚོ་བ་འམ། ཤིང་ཐུན་ནམ། ཉེ་པར་སྐྱེ་བར་འགྱུར་བར་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ལྕགས་ཀྱི་བུམ་པ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། རྫུན་སྨྲ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། ། ལོག་པར་ལྟ་བ་ནི་འདི་ལྟར་མཐོ་རིས་སུ་མི་འདི་དབང་དུ་འགྱུར་རོ་ཞེས་མཆོད་སྦྱིན་དག་ལ་མི་དག་གསོད་པར་བྱེད་པ་དང་། འཇིག་རྟེན་ཕ་རོལ་དུ་དབང་དུ་བྱ་བའི་ཕྱིར་རུས་སྦལ་དག་གསོད་པར་བྱེད་ཅིང་། གཞན་དག་ཀྱང་རབ་ཏུ་འཇོག་པར་བྱེད་པ་ནས། སྐྱེ་བའི་བར་དུ་བྱེད་པ་ཡིན་ཏེ། ལམ་བཟང་པོ་སུན་པར་བྱེད་ཅིང་། ལམ་ངན་པ་ལ་འཇོག་པར་བྱེད་པའི་ལས་ཀྱི་རྣམ་པ་འདི་དག་ནི་ལོག་པར་ལྟ་བ་ཡིན་ནོ། ། དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་ལྕགས་ཀྱི་བུམ་པར་སྐྱེ་བར་འགྱུར་ཏེ། དེར་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་དེ་དག་ཐམས་ཅད་བཅུ་འགྱུར་དུ་འབྱུང་ངོ་། ། བུམ་པ་དཔག་ཚད་བཅུ་པ་དྲུག་འབྱུང་སྟེ། དེ་དག་གི་མིང་ནི་འདི་དག་ཡིན་ཏེ། འདི་ལྟ་སྟེ། ཞུགས་མ་ཐག་ཏུ་སྡུག་བསྔལ་བ་དང་། སྐྱབས་མེད་དང་། རྟག་ཏུ་མེས་བསྐོལ་དང་། ཆུ་སོག་ལེ་ལྟ་བུ་དང་། སྤུ་གྲིའི་འཕྲེང་བ་དང་། ཆུ་བསྐོལ་བའི་ནང་དུ་སྦྲུལ་ཞུགས་པའོ།། དེར་གང་དག་སྡུག་བསྔལ་མཚུངས་པར་འཚེད་པ་དེ་དག་ལ་རྣམ་པ་དེ་ལྟ་བུའི་སྡུག་བསྔལ་འབྱུང་སྟེ། གང་དུ་སེམས་ཅན་དམྱལ་བ་པ་དེ་དག་འཚེད་པ་ན། ཚོར་བའི་སྡུག་བསྔལ་ཡང་མཐའ་དག་འབྱུང་བར་འགྱུར་རོ།། གང་སྐྱབས་མེད་པ་འཚེད་པ་དེ་དག་ལ་ལུས་ཀྱི་སྐྱབས་མེད་ཅིང་། ཡིད་དང་ཆོས་ཀྱི་སྐྱབས་ཀྱང་མེད་དེ། གང་ངན་འགྲོའི་སྐྱངས་ཅན་དེ་དག་ཐམས་ཅད་དེ་ན་སྐྱབས་མེད་དོ།། གང་རྟག་ཏུ་མེས་བསྐོལ་བ་ཡུན་རིང་པོར་འཚེད་པ་དེ་དག་ནི་མེས་བསྐོལ་བའི་ཟངས་བཞུས་པ་ལས་བྱུང་བས་ཇི་ལྟར་ཐལ་བ་ཡང་མི་མངོན་པ་དེ་ལྟར་ལུས་རྣམ་པར་ཞིགས་པར་བྱེད་དོ། ། དེ་ནས་ཡང་ལུས་དེ་སྐྱེ་བར་འགྱུར་ཏེ། ཆུ་སོག་ལེ་ལྟ་བུ་དེར་འཇུག་པར་བྱེད་དོ།། ཟངས་བསྐོལ་བའི་ཆུ་དེ་སོག་ལེ་ལྟ་བུ་ཡིན་ཏེ། དེ་དག་ཐམས་ཅད་མེ་འབར་བ་མཆེད་པ་དེར་བཅུག་པ་དང་། འོག་ནས་སྟེང་དུ་འབྱུང་ཞིང་ཟངས་བསྐོལ་བའི་ཆུ་སོག་ལེ་ལྟ་བུར་གནད་དང་གནད་དག་ལ་གནོད་པར་བྱེད། གཤོག་པར་བྱེད་དོ།། དེ་ནས་ཡང་དེ་དག་སྟེང་ནས་འོག་ཏུ་འབྱུང་སྟེ། སོག་ལེ་དེ་དག་ཉིད་ཀྱིས་གཤེག་ཅིང་འདྲལ་ལོ།། མོན་སྲན་གྲེའུ་ལྟ་བུའི་རིགས་དེ་དག་ལུས་སྟེང་དང་། འོག་དང་། སའི་ངོས་ལ་ཡུན་རིང་དུ་འཇོམས་སོ།། གཤེག་གོ།། སྲེག་གོ། སྤུ་མའི་འཕྲེང་བའི་ནང་དུ་འཇུག་པ་དེ་དག་ལ་གནོད་པ་འབྱུང་སྟེ། འདི་ལྟ་སྟེ། བུམ་པ་དེ་སྤུ་གྲི་རྣམས་ཀྱིས་གང་བ་ཡིན་ཏེ། དེར་སེམས་ཅན་དམྱལ་བ་བ་དག་སྤུ་གྲི་དུག་གིས་གོས་པ་དེ་དག་གིས་ཡན་ལག་དང་ཅིང་ལག་ག་ཤོག་པར་བྱེད་དོ། ། ཆུ་རྒོལ་བའི་ནང་དུ་སྦྲུ་ལ་ཞུགས་པ་དེ་དག་ལ་གནོད་པ་འབྱུང་བ་འདི་ས་སྟེ། ཆུ་རྒོལ་པ་དཔག་ཚད་བྱེད་དུ་སྒྲོལ་བ་ཤིན་ཏུ་ཆབ་འབྱུང་སྟེ། དེར་དུ། བའི་ནང་ན་སྦྲུལ་གནས་པ་མཆེ་བ་མཆོག་ཏུ་རྣོ་བ་དག་རེག་པ་དང་། མཐོང་བས་མེ་བཞིན་དུ་སྲེག་གོ།། རེག་པས་སྤུ་གྲི་བཞིན་དུ་གཅོད་དོ།། སེམས་ཅན་དམྱལ་བ་པ་དེ་དག་སྦྲུལ་དེ་དག་གིས་གཅོད་པར་བྱེད་རེག་པས་རུས་པ་ཙམ་ལུས་པར་བྱེད་ཅིང་། མཐོང་བས་སྒྲོལ་བར་བྱེད་ལ་དབུ་བ་བཞིན་དུ་ཞུ་བར་བྱེད་དོ།། ཆུ་བསྐོར་བས་སྐོལ་བར་བྱེད་དེ། སེམས་ཅན་དམྱལ་བ་པ་དག་སྡུག་བསྔལ་ཤིན་ཏུ་ཚ་ཞིང་རྩུབ་པ་དག་མྱོང་བར་འགྱུར་རོ། ། གལ་ཏེ་གཤིན་རྗེའི་མི་དག་གཞན་དུ་དོང་བར་གྱུར་ན། དེའི་ཚེ་བུམ་པ་དེ་དག་གི་ཁ་འོག་མའི་བུ་ག་མེད་པར་འགྱུར་ཏེ། དེས་སེམས་ཅན་དམྱལ་བ་པ་དག་འབྲོས་པར་བྱེད་མི་ནུས་སོ། ། དེ་ནས་གཤིན་རྗེའི་མི་དེ་དག་འདི་སྙམ་དུ་སེམས་ཏེ། འདི་ལྟར་སེམས་ཅན་དམྱལ་བ་པ་བུག་མེད་པའི་བུམ་པའི་ནང་འདིར་ཞུགས་པ་དག་རྡོ་རྗེ་ལྟ་བུའི་སྐྱང་ནུལ་གྱིས་བུ་ག་མེད་པར་བྱས་ཏེ། གནོད་པ་རྣམ་པ་སྣ་ཚོགས་ཀྱིས་སེམས་ཅན་དམྱལ་བ་པ་དག་འབྲོས་མི་ནུས་པར་བྱའོ་སྙམ་དུ་སེམས་སོ།། དེ་ནས་གཤིན་རྗེའི་མི་དེ་དག་འདི་སྙམ་དུ་སེམས་ཏེ། ལས་ཀྱིས་བྱས་པའི་བུམ་པ་འདི་དག་ཐམས་ཅད་ཀྱི་ཁ་འོག་མ་བདག་ཅག་གིས་ངེས་པར་ཡང་མེ་འབར་བའི་འཕྲེང་བ་མཆེད་པས་ཉིས་འགྱུར་དུ་རབ་ཏུ་འབར་བར་བྱའོ་སྙམ་ནས། དེ་ནས་སེམས་ཅན་དམྱལ་བ་པ་དེ་དག་ལ་གནོད་པ་དེ་དག་གིས་གནོད་པར་བྱེད་དོ། ། དེ་ནས་གཤིན་རྗེའི་མི་དེ་དག་ཁྲོས་ནས་ཡང་བུམ་པ་དེ་དག་ལྕགས་ཀྱི་ཤིང་དེ་དག་གིས་ཉིས་འགྱུར་དུ་རབ་ཏུ་སྲེག་པར་བྱེད་དོ།། དེ་ནས་སེམས་ཅན་དམྱལ་བ་པ་དེ་དག་གྱེན་དུ་འགྲོ་བ་ན། ཟངས་དམར་པོ་བསྐོལ་བས་ཕན་ཚུན་གནོད་པར་བྱེད་དེ། སྡུག་བསྔལ་གྱི་གནོད་པ་སྣ་ཚོགས་ཀྱིས་ཉམ་ཐག་པ་དག་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་བར་མ་བྱས་པ་དེ་སྲིད་དུ་ཁ་ཅིག་ནི་རྣམ་པར་ཞིགས་སོ། ། ཁ་ཅིག་ནི་སྦྲུལ་གདུག་པ་མེ་ལྟར་ཚ་བས་སྐོལ་ཅིང་སྲེག་པར་བྱེད་དོ།། དེ་དག་བུམ་པའི་གནོད་པ་དེ་ལས་ཐར་པར་འགྱུར་ཏེ། ཐར་ནས་ཀྱང་ཚེ་རབས་སུམ་བརྒྱར་ཡི་དག་ས་དྲི་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ། ། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེ་བསྟན་བཅོས་ངན་པའི་གཏན་ཚིགས་ཀྱིས་རྨོངས་པ། བློ་གྲོས་ངན་པས་དོན་གྱི་ཕྱིར་རམ། མཐོ་རིས་ཀྱི་ཕྱིར་ཤ་དག་སོགས་པར་བྱེད་དོ།། སྲེད་པའི་བག་ལ་ཉལ་གྱིས་འབྲེལ་པ་དག་ཡང་སྡུག་བསྔལ་དེ་ཉིད་དོན་དུ་གཉེར་བར་བྱེད་པ་མཐོང་དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཆུ་བོ་དམར་པོ་འབབ་པ་ཞེས་བྱ་བ་མཐོང་ངོ་། ། དེར་སེམས་ཅན་དག་ལོག་པར་ལྟ་བའི་ལས་བྱས་པ་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟམ་ན། ཚུལ་ཁྲིམས་འཆལ་པ་གང་གིས་ཚུལ་ཁྲིམས་འཆལ་པ་མང་དུ་བྱས་ནས། ཕྱིས་འདི་སྙམ་དུ་སེམས་ཏེ། བདག་དཀའ་ཐུབ་དཀའ་བ་བྱས་པ་དང་། བདག་གིས་ཉེས་པར་བྱས་པ་དང་། ཉེས་པར་མ་བྱས་པ་དེ་དག་ཐམས་ཅད་འབྱང་བར་འགྱུར་རོ་སྙམ་ནས། དེ་ཚལ་དུ་སོང་སྟེ་ཤིང་ལ་རྐང་པས་བཏགས་ནས་མགོ་ཐུར་དུ་སྦྱངས་ཏེ། མཚོན་ཆས་སྣ་འམ་ད་བྲལ་བ་གཅོད་དེ། དེ་ལས་གང་ཁྲག་བྱུང་བ་དེ་དག་མེར་སྲེག་ལ་དུགས་པར་བྱེད་དོ།། སྲེད་པས་མཐོ་རིས་འདོད་པ། ལམ་ངན་པར་ཞུགས་པ། བྱེ་མ་དག་ལས་ཏིལ་མར་འབྱུང་བར་འདོད་པ་དེ་ཁྲག་ཟད་ནས་འཆི་སྟེ། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཆུ་བོ་དམར་པོ་འབབ་པར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། གང་། སེམས་ཅན་དམྱལ་བ་ཡང་སོས་ལ་སོགས་པའི་སྡུག་བསྔལ་བསྡུས་པ་དེ་དག་ཐམས་ཅད་ལྔ་འགྱུར་དུ་འབྱུང་བའི་སྟེང་དུ་ཁྱད་པར་དུ་འབྱུང་བ་ནི། འདི་ལྟར་གཤིན་རྗེའི་མི་དག་ཐོ་བ་དང་། རལ་གྲི་དང་། མདའ་བོ་ཆེ་དང་། རྡོ་རྣམས་ཀྱིས་ཇི་ལྟར་ཁྲག་དང་ཀླད་རྒྱས་འབྱུང་ཞིང་འབབ་པ་དེ་ལྟར་ཕྱེ་མར་ཆོག་སྟེ། ཇི་ལྟར་ཆུ་བོ་དེས་དེད་པ་དེ་ལྟར་སེམས་ཅན་དམྱལ་བ་པ་སྐྲ་དང་རུས་པས་མུ་ཁེབས་པ་གཞན་དག་ཀྱང་ཆུ་བོས་དེད་དོ། ། ཟངས་བསྐོལ་བའི་ཆུ་བོ་རབ་ཏུ་མི་བཟད་ཅིང་མཆོག་ཏུ་འཇིག་པ་ཞེས་བྱ་བ་གཉིས་པ་འབབ་སྟེ། ཆུ་བོ་དེའི་ནང་ན་སྲོག་ཆགས་ཀྱི་རིགས་ཡང་གུ་དི་ཀ་ཞེས་བྱ་བ་རེག་ན་མེ་ལྟར་བཞིག་ཡོད་པ་དེས་སེམས་ཅན་དམྱལ་བ་དེ་དག་རབ་ཏུ་བསྲེགས་ཤིང་བསྲེགས་ཤིང་ཟའོ། ། དེ་ལྟར་ཆུ་བོ་དམར་པོ་འདབ་པའི་སེམས་ཅན་དམྱལ་བ་པ་དག་གི་ལོ་བགྲང་གིས་མི་ལང་སྟེ། ཇི་སྲིད་དུ་དེའི་ལོག་པར་ལྟ་བ་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ཆུ་བོ་དམར་པོ་འབབ་པའི་སེམས་ཅན་དམྱལ་བར་ཡུན་རིང་དུ་གནོད་པ་དག་མྱོང་བར་འགྱུར་རོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པས་ཚེ་རབས་ལྔ་བརྒྱར་ཡི་དགས་བདུག་སྤོས་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ།། དེ་ལས་བར་ནས་ཀྱང་ཚེ་རབས་བཞི་བརྒྱར་དུད་འགྲོ་རྒྱ་མཚོའི་བྱར་སྐྱེ་སྟེ། དེ་ཆུ་བོའི་སྒོར་གནས་པ་འམ། གལ་ཏེ་མགོ་དམར་པོར་འགྱུར་རོ།། དེ་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེ་དབུལ་ཞིང་ནད་བུ་ཅན་དུ་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་རྐང་དང་རུས་པ་ལ་སྲིན་བུ་མང་བ་ཞེས་བྱ་བ་ཇི་ལྟར་འདུག་པ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ལུས་སམ། ངག་གམ། ཡིད་ཀྱི་ཆད་པ་མི་དགེ་བ་མང་དུ་བྱས་ནས། དེ་ཕྱིས་ཐོས་པ་ངན་པས་རྨོངས་པ། ཚངས་པའི་འཇིག་རྟེན་ལ་སྲེད་པ། ལམ་ངན་པ་ལ་རབ་ཏུ་གནས་པ། ཚུལ་ཁྲིམས་རྣམ་པར་སྤངས་པ། ཚུལ་ཁྲིམས་འཆལ་པའི་རང་བཞིན་དང་ལྡན་པ། གཡོ་ཅན་ཕ་རོལ་ལ་གནོད་པ་དག་ཚུལ་ཁྲིམས་སྤངས་ནས། ལྕི་བའི་མེ་ཐབ་བྱེད་དེ། སྡུག་བསྔལ་བ་དེ་ཚེ་འདི་ལ་མིའི་མེས་སྲེག་གོ།། ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྐང་དང་རུས་པ་ལ་སྲིན་བུ་མང་བར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། ལྕགས་ལས་བྱས་པའི་བརྡུང་བས་དེའི་མགོ་མན་ཆད་ཀྱི་བར་དག་རྡུང་བར་བྱེད་དོ།། ངུ་སྐད་འདོན་པ་ན་ཇི་ལྟར་སྦྲང་རྩིའི་ཚོགས་མ་བཞིན་དུ་བྱེད་དེ། ཡན་ལག་དང་ཉིང་ལག་ཐམས་ཅད་མངོན་པར་དམིགས་སུ་མེད་པར་བྱེད་ཀྱང་ལོག་པར་ལྟ་བ་ལས་དེ་དང་རྒྱུ་མཐུན་པའི་འབྲས་བུས་འཆི་བའི་དུས་ནི་མི་བྱེད་དོ།། སེམས་ཅན་དམྱལ་བ་པ་དེ་དག་གིས་ལུས་བསགས་པར་གྱུར་པ་དག་ཇི་ལྟར་རྐང་དང་རུས་པ་ཆེན་པོའི་ཚོགས་ཀྱི་རི་འཕང་དུ་དཔག་ཚད་ལྔ་ཡོད་ཅིང་། རྒྱར་དཔག་ཚད་གསུམ་ཡོད་པ་དེ་ལྟར་བསགས་པར་གྱུར་ཏེ། དེ་དག་ལ་སྲིན་བུ་དྲོད་གཤེར་ལས་སྐྱེས་པ། སེམས་ཅན་གྱི་གྲངས་སུ་བགྲང་བ་ཞིག་འབྱུང་བར་འགྱུར་ཏེ། གང་དག་ལས་ཅི་ཞིག་བྱས་པས་འགྱུར་སྙམ་ནས། སྐྱེས་པ་འམ་བུད་མེད་གང་གིས་རང་གི་ལུས་སམ། གཞན་གྱི་ལུས་ལས་འབྱུང་བའི་ཤིག་ཀམ། སྲོག་ཆགས་མ་ཀོ་ཏ་ཀ་འམ། རྐང་ལ་ཟ་བ་འམ། གཞན་ཡང་རྣམ་པ་དེ་ལྟ་བུ་བསད་པར་གྱུར་ན། དེ་དག་ཀྱང་ལུས་དང་བྲལ་ནས་ངན་འགྲོ་ལོག་པར་སྣང་བ་སེམས་ཅན་དམྱལ་བ་སྲིན་བུ་ཞེས་བྱ་བ་དེར་སྐྱེ་བར་འགྱུར་རོ། ། དེ་དག་གི་འདུ་ཤེས་འབྱུང་བ་ནི་འདི་ལྟ་སྟེ། ལས་དེ་དང་རྒྱུ་མཐུན་པའི་འབྲས་བུས་ལུས་འབྱུང་ཞེས་བྱ་བའི་རི་དེ་ལ་དེ་དག་སྐྱེ་བར་འགྱུར་ཏེ། དེ་དག་ཀྱང་སེམས་ཅན་དམྱལ་བ་རྐང་དང་རུས་པ་ལ་སྲིན་བུ་མང་བའི་གཤིན་རྗེའི་མི་གཞན་དག་འོངས་ནས། ལས་ཀྱིས་བྱས་པའི་མེས་རབ་ཏུ་སྲེག་པར་བྱེད་དོ། ། ལུས་འབྱུང་བ་ཞེས་བྱ་བའི་སྲིན་བུ་ཡོད་པ་དེར་སེམས་ཅན་དམྱལ་བ་པ་ལྕི་བའི་མེ་དང་ཐབ་ཀྱིས་བསླུས་པ་དག་དེ་མ་ཐག་ཏུ་མེས་སྲེག་གོ།། དེའི་རི་དེ་སྲེག་པ་ན་འཕང་དུ་མེས་དཔག་ཚད་བཅུ་ཙམ་དུ་འབར་བར་བྱེད་དེ། སེམས་ཅན་དམྱལ་བ་པ་དེ་དག་རང་གི་ལུས་ལས་བྱུང་བའི་མེ་དང་སྲིན་བུ་དེ་དག་གིས་ལྷན་ཅིག་སྲེག་པར་བྱེད་དོ།། ལུས་ལས་འབྱུང་བའི་སྲིན་བུ་བོང་ཆུང་བ་དག་འབྱུང་པར་འགྱུར་ཏེ། དེ་ལས་སྡུག་བསྔལ་ཆེས་ཆུང་བ་འབྱུང་བ་ནི། སེམས་ཅན་དམྱལ་བ་དག་བསྡུས་ནས་དེ་དག་མངོན་པ་མེད་པར་བྱེད་དེ། ཕན་ཚུན་མེ་འབར་བའི་འཕྲེང་བས་ལུས་ཡོངས་སུ་གདུངས་པ་དག། ཡུན་རིང་དུ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་བགྲང་གིས་མི་ལང་བར་སྲེག་གོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་ལྔ་བརྒྱར་རིག་སེབ་ཏུ་ཡི་དགས་ཁབ་མགྲིན་དུ་སྐྱེ་བར་འགྱུར་རོ།། ཚེ་རབས་ལྔ་བརྒྱར་རྒྱ་མཚོའི་སའི་འོག་གི་རྨ་ཟང་མོ་བ་ཚའི་རྒྱུའི་ནང་གི་ཉར་སྐྱེ་བར་འགྱུར་རོ། ། དེ་དག་དེ་ལས་ཐར་ནས་གལ་ཏེ་བརྒྱ་ལ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཚལ་ན་སྤྱོད་ཅིང་ཚལ་གྱི་ནང་ན་གནས་པ་འམ། ནགས་ཁྲོད་ན་འཚོ་བ་འམ། དབུལ་ཞིང་དེ་ཚལ་གྱི་མེས་སྲེག་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྐྱེ་བོ་ཐམས་ཅད་སྲེག་པ་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་སྔ་མ་བཞིན་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། ལོག་པར་ལྟ་བ་ཡང་ཐོས་པ་ངན་པས་རྨོངས་པ། ལུས་ཀྱི་ཆད་པ་དང་། ངག་དང་ཡིད་ཀྱི་ཆད་པས་རྣམ་པར་རྨོངས་པ། རྟག་ཏུ་ཆད་པ་རྣམ་པ་གསུམ་གྱིས་ཉམ་ཐག་པ། ལོག་པར་ལྟ་བ་དང་མཚུངས་པར་སྤྱོད་པ་དག། ཚལ་ལམ། རི་འམ། མཚམས་ཀྱི་བར་རམ། ནུ་འམ་ལྕུག་མའི་ཚལ་དག་ལ་མེས་སྲེག་པར་བྱེད་པ་དག། འདི་ལྟར་མཚིམ་པར་བྱས་པས། ལྷ་དག་དགའ་བར་འགྱུར་ཏེ། དེ་དག་དགའ་བ་དང་ལྷ་ཡུལ་དུ་ཁྲིད་པར་བྱེད་དེ། བདག་ལྷའི་འཇིག་རྟེན་དེ་ཐོབ་པ་དང་མེ་ཚིམ་པར་བྱས་པས། བདག་དེར་ལྷའི་དགའ་བ་ཐོབ་པར་འགྱུར་རོ་སྙམ་སྟེ། རྨོངས་པ་ཐོས་པ་ངན་པས་བསླུས་པ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་པབ་སྐྱེ་བོ་ཐམས་ཅད་སྲེག་པ་ཞེས་བྱ་བ་དེར་སྐྱེ་བར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་དེ་དག་ཐམས་ཅད་ལྔ་འགྱུར་དུ་འབྱུང་བའི་སྟེང་དུ་ཁྱད་པར་དུ་འབྱུང་བ་ནི། འདི་ལྟར་དེར་སྐྱེས་པ་གང་དག་ལས་ཀྱིས་སྤྲུལ་པའི་བུ་དང་། བུ་མོ་དང་། ཆུང་མ་དང་། དགའ་བའི་བསྟེན་གྲོགས་དང་། ཕ་མ་དང་། དེ་ལས་གཞན་པ་དགའ་བ་དང་འབྲེལ་པ་དེ་དག་དེར་འཚེད་པ་ན། བུ་དང་། ཆུང་མ་དང་། བསྟེན་གྲོགས་དང་། ཕ་མའི་ཚོགས་དེ་དག་ཐམས་ཅད་མཐོང་ངོ་།། དེ་དག་ཀྱང་དེ་ལྟར་སེམས་ཅན་དམྱལ་བར་འཚེད་པ་ན་མཐོང་སྟེ། འཚེད་པ་དེ་མཐོང་བ་དང་། ཡིད་ཀྱི་སྡུག་བསྔལ་མི་བཟད་པ་ཚ་བ་རྩུབ་པ་དག་མྱོང་བར་བྱེད་དོ།། དགའ་བའི་ཚོགས་དེ་དག་ཐམས་ཅད་མཐོང་ནས་མྱ་ངན་གྱི་མེའི་རྣམ་པ་འདི་ལྟ། བུ་འབྱུང་བར་འགྱུར་ཏེ། གང་སེམས་ཅན་དམྱལ་བ་པའི་མང་དག་སྲེད་པའི་མེའི་བཅུ་དྲུག་གི་ཆར་ཡང་མི་བོད་དོ།། སེམས་ཅན་དམྱལ་བ་པའི་མེ་ཐམས་ཅད་ཀྱི་ནང་ན་སྲེད་པའི་མེ་ཐམས་ཅད་ཆེས་ཤིན་ཏུ་ཚའོ། ། མེ་རྣམས་ཀྱི་ནང་ན་ཡང་འདི་མ་ཡིན་ནོ།། ཞགས་པ་རྣམས་ཀྱི་ནང་ན་འདི་ཞགས་པའི་མཆོག་ཡིན་ནོ།། འཆིང་བ་རྣམས་ཀྱི་ནང་ན་འདི་འཆིང་བ་དམ་པ་ཡིན་ཏེ། འཆིང་བ་དམ་པ་དེས་སོ་སོའི་སྐྱེ་བོ་བྱིས་པ་ཐམས་ཅད་བཅིངས་སོ། ། གང་ལོག་པའི་ལས་ཀྱིས་བྱས་པའི་དགའ་བའི་ཚོགས་སེམས་ཅན་དམྱལ་བ་པ་དག་མཐོང་ནས་ཀྱང་སྲེད་པས་དེ་བཞིན་སྲེག་སྟེ། གང་མེ་དེ་དག་ལས་བྱུང་བའི་སེམས་ཅན་དམྱལ་བ་པ་ཁ་བ་ལྟ་བུར་གྱུར་པ་དེ་ཡང་། དེའི་བུ་དང་ཆུང་མའི་ཚོགས་དང་། ཕ་མའི་ཚོགས་དུ་སྐད་འདོན་ཏེ། འདི་ལྟར་བདག་ཅག་ལ་ཡོངས་སུ་བསྐྱབ་པར་གྱིས་ཞེས་སྙིང་རྗེ་རྗེ་སྐད་དུ་ངུ་སྐད་འདོན་ཀྱང་། དེ་དག་ཡོངས་སུ་བསྒྲུབ་པར་ག་ལ་ནུས་ཏེ། གང་སེམས་ཅན་དམྱལ་བ་པ་དབང་མེད་པ་མེས་སྲེག་ཅིང་འཚེད་དོ།། དེ་ལྟར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེ་ཡུན་རིང་པོ་ལོ་བགྲང་གིས་མི་ལང་བར་ལུས་དང་ཡིད་ཀྱི་མེས་སྲེག་གོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་དེ་ལོ་སུམ་བརྒྱར་ཡི་དགས་གཏོར་མ་ཟ་བར་སྐྱེ་བར་འགྱུར། ཚེ་རབས་ལྔ་བརྒྱར་དུང་མ་ལྟ་བུའི་ནང་དིར་དེའི་བུས་པ་ཕོ་མོཉ་པ་དག་གིས་གསོད་པར་བྱེད་དོ།། གལ་ཏེ་མཐའ་ཤིང་གི་བུ་གར་རུས་སྔལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དབུལ་ཞིང་ཚེ་ཐུང་བ་དང་། དབང་པོ་མ་ཚང་བ་དང་། བུ་དང་ཆུང་མ་དང་བྲལ་ཞིང་། གང་དག་ཏུ་བྲན་གདོག་ཏུ་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་སར་འབྱིང་མཐའ་ཡས་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་ཏེ། མདོར་ན་ལུས་ཀྱི་ཆད་པ་འམ། ངག་གི་ཆད་པའི་ལས་ཀྱི་ཉེར་བསྡོགས་དང་ལས་ཀྱི་མཇུག་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། ། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སར་འབྱིང་མཐའ་ཡས་སུ་སྐྱེ་བར་འགྱུར་རོ།། དེར་གང་སེམས་ཅན་དམྱལ་བ་ཡང་སོས་ལ་སོགས་པའི་སྡུག་བསྔལ་བསྡུས་པ་དེ་དག་ཐམས་ཅད་ལྔ་འགྱུར་དུ་འབྱུང་ངོ་།། ལོག་པར་ལྟ་བར་གྱུར་པ་ནི་ཟོས་པ་ངན་པ་གང་གིས་སྲིན་བུ་ཕྱེའུ་དང་། སྲོག་སྐུར་དང་། སྦྲུལ་དང་། སྦྲུལ་ཤིན་ཏུ་གནག་པ་དང་། རི་དགས་དང་། བྱ་རྣམས་མེའི་ནང་དུ་བཅུག་ན། མེ་དེ་དག་དགའ་བར་འགྱུར་རོ།། དགའ་ནས་ཀྱང་འཇིག་རྟེན་མཐའ་ཡས་པ་སྦྱིན་པར་བྱེད་དེ་མེར་བསྲེགས་པ་དེ་དག་གིས་ཀྱང་དྲག་པོའི་འཇིག་རྟེན་མི་བཟད་པར་བྱེད་དོ། ། གང་མེར་བཅུག་པ་དེ་དག་དེའི་ཆོས་ཆེན་པོ་ཐོབ་པར་འགྱུར་རོ་ཞེས་བསྒྲགས་ཤིང་། དེ་ལྟར་འཛིན་དུ་འཇུག་པ་ནི་ཆོས་ལོག་པས་རྣམ་པར་བསླུས་པ་ལོག་པར་ལྟ་བ་ཡིན་ཏེ། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སར་འབྱིང་མཐའ་ཡས་སུ་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། མདག་མའི་རི་བརྒྱར་དཔག་ཚད་ལྔ་ཡོད་པ། ཀུན་ནས་སེམས་ཅན་དམྱལ་བ་པའི་མེས་རབ་ཏུ་འབར་བ་དེ་ལ་སེམས་ཅན་དམྱལ་བ་པ་དེ་དག་གཤིན་རྗེའི་མི་རྣམས་ཀྱིས་བཏེག་ཅིང་འདོར་བར་བྱེད་དེ། རྐང་པ་དང་། རྐེང་པ་དང་། མདོམས་དང་། རྒྱབ་དང་། དཔུང་པ་དང་། མགྲིན་པ་དང་། ལག་པ་དང་། མིག་དང་། རྣ་བ་དང་། མགོ་དང་། ཀླང་པའི་བར་བསྲེགས་ནས། དེ་ནས་ཡང་འབྱུང་བར་འགྱུར་ཏེ། སྲེག་པ་ན་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། དུས་དུ་མ། ཡུན་རིང་ངོ་པོ། ལོ་བགྲང་གི་མི་ལང་བར་སྲེག་གོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་ལོག་པར་ལྟ་བ་མི་བཟད་པས་ལས་དེ་དང་རྒྱུ་མཐུན་པར་ཚེ་རབས་ལྔ་བརྒྱར་ཡི་དགས་མི་གཙང་བ་ཟ་བ། ལུས་ཐམས་ཅད་རབ་ཏུ་འབར་བ་མཚན་མོ་རྒྱུ་བ་ན་སྐྱེ་བོ་ཀུན་གྱིས་མཐོང་བ་དང་། ལས་ངན་པ་བྱས་པ་དབང་དུ་གྱུར་པར་སྐྱེ་བར་འགྱུར་རོ།། ཡི་དགས་ཀྱི་རིས་དེ་ལས་ཐར་ནས་ཀྱང་། དུད་འགྲོ་ལུས་ཐམས་ཅད་ལ་སྲིན་བུ་མེ་ཁྱེར་རབ་ཏུ་འབར་བ་འབྱུང་ཞིང་། ཉིན་མཚན་དུ་སྐྱེ་བོ་ཀུན་གྱི་མངོན་སུམ་དུ་འགྱུར་བ་དང་། ཁོང་པའི་ནང་དུ་མེ་ཞུགས་པས་སྲེག་ཅིང་། ཉི་མའི་འོད་ཟེར་དག་གིས་ཟིལ་གྱིས་ནོན་པར་འགྱུར་པ་མཐོང་ངོ་། ། ། དམ་པའི་ཆོས་དྲན་པཉེ་བར་གཞག་པ་དམ་པོ་བཅུ་གཉིས་པ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་སེམས་ཅན་དམྱལ་བ་པདྨ་ཆེན་པོ་ལྟ་བུ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་ཀུན་ཏུ་བསྟེན་ཅིང་བསྒོམས་ལ་མང་དུ་བྱས་པས་འགྱུར་ཏེ། མདོར་བསྡུ་ན་ལུས་ཀྱི་ཆད་པ་དང་། ངག་གི་ཆད་པའི་ལས་ཀྱི་ཉེར་རབ་སྔོགས་དང་། ལས་ཀྱི་མཇུག་དང་ལྡན་པ་དེ་ནི་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་པདྨ་ཆེན་པོ་ལྟ་བུར་སྐྱེ་བར་འགྱུར་རོ། ། ལོག་པར་ལྟ་བ་ཡང་རྣམ་པ་འདི་དག་བྱས་པས་འགྱུར་ཏེ། འདི་ལྟར་མིས་གསང་གི་མཆོད་སྦྱིན་བྱས་པས་འཇིག་རྟེན་ཉམས་པ་མེད་པ་ཐོབ་པར་འགྱུར་རོ་ཞེས་ཟེར་བ་དེ་ནི། ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་པདྨ་ཆེན་པོ་ལྟ་བུར་སྐྱེ་བར་འགྱུར་རོ།། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་དེའི་བྱང་གཟུགས་པདྨ་ལྟ་བུ་ཡིན་ཏེ། གང་དེ་དག་གི་ཟེ་བའི་བར་རྡོ་རྗེ་ལྟ་བུའི་ཚེར་མས་གང་བ་དེར། སེམས་ཅན་དམྱལ་བ་དཔག་ཚད་ལྔ་བརྒྱ་ཙམ་པ་དེ་ཚེར་མའི་བར་དེ་དག་ཏུ་སྐྱེ་བར་འགྱུར་རོ། ། སྐྱེས་མ་ཐག་ཏུ་དེ་དག་གི་ལུས་ཐམས་ཅད་ཚེར་མ་རྣམས་ཀྱིས་ཤིན་ཏུ་ཕུག་སྟེ། གང་མ་ཕུག་པ་གཅིག་མེད་པ་ནི། དེར་ཁབ་ཀྱི་བུ་ག་ཙམ་གྱི་ཕྱོགས་ཀྱང་མེད་དེ། གང་སེམས་ཅན་དམྱལ་བ་པའི་མས་རྨས་མ་གང་བ་མེད་དོ།། དེ་ལྟར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡུན། རིང་པོར་འཚེད་དོ།། སྲེག་གོ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པའི་འབྲས་བུས་ཚེ་རབས་ཉིས་བརྒྱར་ཡི་དགས་ལྡན་ལྗིན་ཟ་བར་འགྱུར།། དེ་དེ་ལས་ཤི་ནས་ཀྱང་ཚེ་རབས་ལྔ་བརྒྱར་རྨ་བྱ་དུག་ཟ་བའི་རིགས་སུ་སྐྱེ་བར་འགྱུར་རོ།། གལ་ཏེ་དེ་ནས་ཤི་ནས་གཉའ་ཤིང་གི་བུ་གར་རུས་སྔལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྟག་ཏུ་དབུལ་ཞིང་རྟག་ཏུ་ཕན་ཚུན་རག་ལས་པ་མང་བ་དང་། གལ་ཏེ་ལྟད་མོ་པས་འཚོ་བའི་གར་མཁན་ནམ། གང་རྣམ་པ་དེ་ལས་གཞན་པའི་ལྟད་མོ་པས་འཚོ་བར་འགྱུར་ཏེ། ཇི་སྲིད་འཚོའི་བར་དུ་བཀྲེན་པ་རབ་ཏུ་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་མཐའ་དྲག་ཅེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སྔ་མ་བཞིན་ནོ།། ། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་བ་ནི། འདི་ལྟར་ཆུར་ཞུགས་པས་ཉེས་པར་བྱས་པ་ཐམས་ཅད་འབྱང་བར་འགྱུར་ཞིང་། ཁྱབ་འཇུག་གི་འཇིག་རྟེན་དུ་སྐྱེ་བར་འགྱུར། ལ། གནས་དེ་ནམས་ཀྱང་མི་གཡོ་སྟེ། གཡོ་བ་མེད་པ་དེར་སྐྱེ་བར་འགྱུར་རོ་ཞེས་དེ་ཕ་རོལ་དག་ཀྱང་དེ་ཉིད་ལ་འཇོག་པར་བྱེད་ཅིང་། ཡང་དག་པར་དགའ་བར་བྱེད་པར་ཆུར་ཞུགས་པས་སྲོག་དང་བྲལ་བར་བྱེད་ན། དེ་ཆུར་ཞུགས་པས་འཆི་བའི་དུས་བྱས་ནས་སེམས་ཅན་དམྱལ་བ་མཐའ་དྲག་ཏུ་སྐྱེ་བར་འགྱུར་རོ།། ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པས་ཉམས་པ་དེར་སྐྱེས་པ་དག་ལ། གང་སེམས་ཅན་དམྱལ་བ་ཡང་སོས་ལ་སོགས་པའི་སྡུག་བསྔལ་དེ་དག་ཐམས་ཅད་སྔ་མ་ཞིན་འབྱུང་བའི་སྟེང་དུ། ཁྱད་པར་དུ་འབྱུང་བ་ནི། སེམས་ཅན་དམྱལ་བ་དེ་ཀུན་ནས་རྡོའི་ཟུར་ཤིན་ཏུ་རྣོ་བ་རྣམས་ཀྱིས་ཁེབས་པ། ཀུན་ནས་རི་རང་འོད་ཤིན་ཏུ་རྣོ་བ་འཕང་དུ་དཔག་ཚད་བཅུ་ཡོད་པས་བསྒྲིབས་པ་དེ་ལ་བྱ་ཡང་འགྲོ་བར་མི་ནུས་ན། སེམས་ཅན་དམྱལ་བ་པ་དག་རི་དེ་ལ་རྒལ་བར་ལྟ་ག་ལ་ནུས་ཏེ། ཀུན་ནས་འབར། རབ་ཏུ་འབར། ཀུན་ཏུ་རབ་ཏུ་འབར་ཏེ། རི་དེ་དག་ཀུན་ནས་མེ་ལྕེ་གཅིག་ཏུ་གྱུར་པ་དང་། སེམས་ཅན་དམྱལ་བ་པ་དེ་ལས་གཅིག་གིས་སེམས་ཅན་དམྱལ་བ་པ་མཐའ་དག་ལ་ཀྱེ་གྲོགས་པོ་དག་རིའི་རྩེ་མོར་སེམས་ཅན་དམྱལ་བ་འདི་དག་རི་འདི་དག་ལས་རྒལ་བ་དང་། བདེ་བ་ཐོབ་བོ་ཞེས་སྨྲ་སྟེ། དེ་ལྟར་ལས་ངན་པས་བསྐུལ་བའི་སེམས་ཅན་དམྱལ་བ་པ་དེ། སེམས་ཅན་དམྱལ་བ་པ་དེ་དག་ལ་སྨྲའོ། ། སྨྲས་མ་ཐག་ཏུ་སེམས་ཅན་དམྱལ་བ་པ་ལས་ངན་པས་བསྐུལ་བ་དེ་དག་རི་ཐག་ཐུག་ཟར་ཟུར་ཤིན་ཏུ་མི་བདེ་ཞིང་ཀུན་ནས་རབ་ཏུ་འབར་བ་ག་ལ་བ་དེར་དེ་དག་རྒྱུག་ཀྱང་དེ་དག་འཛེག་པར་མི་ནུས་ཏེ། དེ་དག་ཁ་ཅིག་ནི་དེ་ཉིད་དུ་མས་ཚིག་གོ། འཇིགས་སྐྲག་པ་ཁ་ཅིག་ནི་དེ་ཉིད་དུ་རྡོ་རང་རོང་ལ་འཇུ་བཞིན་དུ་སྲེག་གོ། སྐྲག་དང་ངས་པའི་སེམས་ཅན་དམྱལ་བ་མགོན་འདོད་པ། སྐྱབས་འདོད་པ། དཔུང་གཉེན་འདོད་པ་དེ་དག་ཁ་ཅིག་ནི་གཤིན་རྗེའི་མི་རྣམས་ཀྱི་ལག་པ་ནས། རལ་གྲི་དང་ཐོ་བས་ཡང་དང་ཡང་དུ་བཏགས་ཏེ། དེ་ལྟར་སེམས་ཅན་དམྱལ་བ་པ་ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པས་ཉེན་པ་དེ་དག་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཤིན་ཏུ་ཡུན་རིང་པོར་འཚེད་དོ།། སྲེག་གོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ལོ་སུམ་བརྒྱར་ཡི་དགས་ཁྲག་ཟ་བའི་རིས་དང་མཐུན་པར་སྐྱེ་བར་འགྱུར། དེ་ལས་ཐར་ནས་ཀྱང་ལོ་སུམ་བརྒྱར་དུད་འགྲོ་སྦྲུལ་ཆེན་པོའི་རིས་སུ་སྐྱེ་བར་འགྱུར་རོ། ། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དབུལ་ཞིང་ནང་བུ་ཅན་དང་། ཡུལ་ངན་པར་སྐྱེ་ཞིང་དབང་པོ་མ་ཚང་བ་དང་། རྟག་ཏུ་འཇིགས་པ་མང་བའི་ཡུལ་དག་ཏུ་སྐྱེ་བར་འགྱུར་བར་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཆེ་བའི་འཁོར་ལ་བརྟགས་ན་དེས་ཟོས་པ་ལས་བྱུང་བའི་ཤེས་པས་སེམས་ཅན་དམྱལ་བ་རུས་པ་རྡོ་རྗེ་ལྟ་བུ་འབྱུང་ཞིང་འདུ་བ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། ལོག་པར་ལྟ་བ་ཡང་ཀུན་ཏུ་བསྟེན་ཅིང་བསྒོམས་ལ་མང་དུ་བྱས་པས་འགྱུར་ཏེ། འདི་ལྟར་དངོས་པོ་དག་ནི་འདོད་རྒྱལ་ལས་འབྱུང་ཞིང་། འདོད་རྒྱལ་ལས་འགག་སྟེ། འདི་ལྟར་ཚེར་མ་རྣོ་བ་དང་། རྨ་བྱ་དག་གི་བཀྲ་བ་དང་། འདི་ལྟར་སྨིག་རྒྱུ་དང་། དྲི་ཟའི་གྲོང་ཁྱེར་དག་གི་རྒྱུ་རྐྱེན་ནི་མེད་ཀྱི། འདོད་རྒྱལ་ལས་འབྱུང་ཞིང་འགག་སྟེ། དངོས་པོ་ཐམས་ཅད་ནི་དེ་ལྟ་བུ་ཡིན་ནོ་ཞེས་དེ་དེ་ལྟར་གཞན་དག་ཀྱང་འདོད་རྒྱལ་དུ་ལྟ་བར་གྱུར་པ་དེར་རབ་ཏུ་འཇོག་པར་བྱེད་ཅིང་ཡང་དག་པར་སྟོན་པར་བྱེད་ལ། ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པས་ཉམས་པར་བྱེད་པ་དེ་ནི་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རུས་པ་རྡོ་རྗེ་ལྟ་བུ་འབྱུང་ཞིང་འདུ་བར་སྐྱེ་བར་འགྱུར་རོ། ། དེར་སེམས་ཅན་དམྱལ་བ་ཡང་སོས་ལ་སོགས་པའི་སྡུག་བསྔལ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ་ཁྱད་པར་དུ་འབྱུང་བ་ནི། འདི་ལྟར་གཤིན་རྗེའི་མི་རྣམས་ཀྱིས། གང་གི་ཚེ་སེམས་ཅན་དམྱལ་བ་པ་དེ་དག་མཚོན་ཆ་ཧུ་ལུ་རྣོན་པོ་དག་གིས་དེའི་ཤ་མེད་པར་བྱས་ལ། གང་དགྲ་གཞན་བྱུང་བས་རུས་པ་དེ་དག་བླངས་ཏེ། དགྲ་དེས་རུས་པ་ཕན་ཚུན་བཏགས་སོ།། རུས་པ་དེ་དག་གི་ལས་ཉེས་པར་བྱས་པ་དེས་རྡོ་རྗེ་ལྟ་བུར་གྱུར་ཏེ། ཁ་ཅིག་ནི་མགོ་ཕུག། ཁ་ཅིག་ནི་རྐེད་པ་ཕུག་ཁ་ཅིག་ནི་ཡན་ལག་དང་ཉིང་ལག་ཐམས་ཅད་ཐལ་བར་རློག། ཁ་ཅིག་ནི་ཁྲག་ཙམ་ལུས་པར་བྱེད། ཁ་ཅིག་གི་ཡན་ལག་གཅིག་འཇིག་པར་བྱེད། ཁ་ཅིག་ལ་ཕན་ཚུན་སྦྲོན་པར་བྱེད། རུས་པ་དང་རུས་པས་སམ། རྡོ་རབ་ཏུ་འབར་བ་དག་གིས་སེམས་ཅན་དམྱལ་བ་པ་དེ་དག་གཅིག་ལ་གཅིག་རྡེག་ཅིང་གསོད་དེ། སེམས་ཅན་དམྱལ་བ་པ་ལས་ཀྱིས་བསྐུལ་བ་དེ་དག་འདི་ལྟར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཤིན་ཏུ་ཡུན་རིང་པོ་ལོ་བགྲང་གིས་མི་ལང་བར་སེམས་ཅན་དམྱལ་བ་པ་དེ་དག་གཅིག་ལ་གཅིག་གསོད་དོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པའི་འབྲས་བུས་ཡི་དགས་རང་གི་ཀླད་རྒྱས་ཟ་བའི་ནང་དུ་སྐྱེ་བར་འགྱུར། དེ་ནས་ཤི་ནས་ཀྱང་ཚེ་རབས་སུམ་བརྒྱར་དུད་འགྲོའི་འཇིག་རྟེན་རྩངས་པ་དང་། སྦྱིན་གོར་དང་། སྲོག་ཆགས་བྷིལ་ལ་ཀར་སྐྱེ་བར་འགྱུར་ཏེ། དེ་ནས་ཤི་ནས་ཀྱང་གལ་ཏེ་བརྒྱ་ལ་གཉའ་ཤིང་གི་བུ་གར་རུས་སྦལ་འཇུག་པ་ལྟ་དུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཚལ་དུ་གནས་པ་དང་། འགྲོ་ལྡིང་བའི་ཡུལ་དང་། ཨན་དྷ་ཀའི་ཡུལ་གྱི་དབུས་དག་ཏུ་དབུལ་བ་དང་། ནད་པུ་ཅན་དང་། གཞན་གྱིས་བཀོལ་བར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྐུད་པ་ནག་པོས་འདྲལ་ཞིང་གཅོད་པ་ཚ་བ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་དུ་སྨྲ་བ་ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་པས་འགྱུར་རོ།། ལོག་པར་ལྟ་བ་ནི་མཚན་མ་དང་མཚན་མ་ལས་བྱུང་བ་བྱས་པ་སྟོན་པར་བྱེད། སྒོམ་པར་བྱེད། མང་དུ་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ལྕགས་ནག་པོའི་སྐུང་པས་འདྲལ་ཞིང་གཅོད་པ་མ་བར་སྐྱེ་བར་འགྱུར་རོ། ། དེར་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་ལྔ་འགྱུར་དུ་འབྱུང་བའི་སྟེང་དུ། ཁྱད་པར་དུ་འབྱུང་བ་ནི། རང་གིས་བྱས་པ་ཉེས་པར་བྱས་པའི་ལས་ལས་བྱུང་བའི་སྐུད་པ་ནག་པོས་བཅལ་ནས། གཤིན་རྗེའི་མི་རྣམས་ཀྱིས་མཚོན་ཆའི་སོ་རྣོ་ཞིང་རབ་ཏུ་འབར་བ་དག་གིས་རྐང་པ་ལ་སོགས་པ་ནས་མགོའི་བར་དུ་གཅོད་དོ། ། དེ་ལྟར་དེ་དག་གཅོད་པ་ན་སྙིང་རྗེ་ཞིང་རྣམ་པར་ཁྲོ་ལ་སྐད་འབྱིན་ཅིང་ངུའོ།། མཚོན་ཆས་གཤོག་ཅིང་ལྕགས་ནག་པོའི་སྐུད་པས་འདི་ལྟར་ཡུངས་ཀར་ཙམ་དུ་ཡང་མི་མངོན་པར་ཆེས་ཕྲ་བར་གཅོད་དོ། ། དེ་ལྟར་སེམས་ཅན་དམྱལ་བ་པ་དེ་དག་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡུན་ཤིན་ཏུ་རིང་པོར་གནོད་པ་མྱོང་བར་འགྱུར་རོ། ། དེ་ཕྱིས་སེམས་ཅན་དམྱལ་བ་དེ་ལས་ཕར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་ལྔ་བརྒྱར་ཡི་དགས་གཏོར་མ་ཟ་བ་རྣམས་ཀྱི་ནང་དུ་སྐྱེ་བར་འགྱུར། ཚེརབས་ལྔ་བརྒྱར་དུད་འགྲོ་ཆུའི་སྲིན་བུ་དང་། སྡིག་པ་དང་། གྲོག་སྐུར་གྱི་སྐྱེ་གནས་དག་ཏུ་སྐྱེ་བར་འགྱུར་རོ།། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དེ་དག་གི་རྒྱུ་འཐུན་པས་རབས་སུ་བཀྲེས་པ་དང་སྐོམ་པས་གདུངས་པར་འགྱུར་ཞིང་། གང་རྒྱལ་པོ་གཞན་གྱིས་གནོད་པ་བྱས་པར་འགྱུར་བ་མཐོང་ངོ་།། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྲིན་བུ་ན་ཀྲ་དང་། འཁོར་ལོ་དང་། མེ་འཇིགས་འཇིགས་ལྟར་སྐྱེས་པ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། ལོག་པར་ལྟ་བ་ཡང་བསམས་ཤིང་བསྒོམས་ལ་མང་དུ་བྱས་པས་འགྱུར་ཏེ། འདི་ལྟར་འཇིག་རྟེན་འདི་རྟག་གོ།། འཇིག་རྟེན་འདི་ཟེར་ཟུག་གོ། ཆོས་ཐམས་ཅད་རྟག་གོ།། ཆོས་རྣམས་ནི་རྟག་སྟེ། ཕྱིན་ཅི་མ་ལོག་པའོ་ཞེས་དེ་ལྟར་དེ་ཕྱིན་ཅི་ལོག་ཏུ།། ལྟ་བ་ནི། ལོག་པར་ལྟ་བ་ཡིན་ཏེ། ཕ་རོལ་དག་ཀྱང་ལོག་པར་ལྟ་བ་དེ་ཉིད་ལ་ཡང་དག་པར་འཇོག་པར་བྱེད། ཡང་དག་པར་འཛིན་དུ་འཇུག་པར་བྱེད། ཡང་ནས་ཡང་དུ་སྟོན་ཅིང་འཁོར་ལ་སྨྲས་པ་དང་། རྒྱུ་ངན་པ་དང་། ལྟ་བའི་མཐའ་འཁོར་འཛིན་དུ་འཇུག་ཅིང་ཆོས་མ་ཡིན་པ་ཆོས་ཀྱི་ཚུལ་དུ་སྟོན་པ་དེ་དག་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྲིན་བུ་ན་ཀྲ་དང་། འཁོར་ལོ་དང་། མེ་འཇིགས་འཇིགས་ལྟར་སྐྱེ་བར་འགྱུར་རོ།། དེར་སྐྱེས་ནས་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ།། ཁྱད་པར་དུ་འབྱུང་བ་ནི། འདི་ལྟར་ལྕགས་ཀྱི་ཀ་བ་འབྱུང་བར་འགྱུར་ཏེ། དེའི་ཀླད་པར་བརྒྱབ་ནས་རྐུབ་ཏུ་འབྱུང་ངོ་།། དེ་ནས་བྱུང་ནས་ཀྱང་སའི་ནང་དུ་ལྷན་ཅིག་ནུབ་བོ།། གསལ་ཤིང་གིས་ཕུག་ནས་སྲིན་བུ་ན་ཀྲ་ཞེས་བྱ་བས་པགས་པ་དང་། ཤ་དང་། ཚིལ་ཐམས་ཅད་ཟ་ལ། དེའི་ཡན་ལག་དང་། ཉིང་ལག་ཟ་ཞིང་འཕུང་སྟེ། ཁྲག་འབྱིན་པར་བྱེད་པ་དང་། ལུས་སྐུལ་བར་བྱེད་པ་དང་། ཤ་གཅོད་པར་བྱེད་པ་དང་། མིག་འབྱིན་པར་བྱེད་པ་དང་། གཞུངས་པ་དང་རྒྱུས་པ་འབྱིན་ཅིང་། རྩ་ཡང་གཅོད་པ་དང་། འཛག་སྒོ་སྲེག་པ་དང་། སྤུ་འཐོག་པ་དང་པགས་པ་འདྲལ་བ་དང་། རྒྱུས་པ་མང་པོའི་ནང་དུ་འཇུག་པ་དང་། སྙིང་དྲལ་ནས་འཐུང་བ་དང་། གློ་བ་དང་། རྒྱབ་དང་། གནད་དང་གནད་དག་ལ་ཟ་བར་བྱེད་དོ།། དེའི་མིང་པ་དང་། ལྕེ་དག་ཕྲ་སྐམ་རབ་ཏུ་འབར་བས་དྲངས་ནས་ཁྱི་ཟར་འཇུག་གོ།། རྒྱུ་ངན་པ་དང་། ལྟ་བ་ངན་པའི་མཐར་ཆུད་པ་ངན་པར་སྨྲས་པ་གང་དེའི་ཉེས་པས་དེ་དག་ཐམས་ཅད་སྡུག་བསྔལ་གྱི་དྲ་བར་ཆུད་པ་ཡིན་ཏེ། སེམས་ཅན་དམྱལ་བ་པ་ལོག་པར་ལྟ་བ། གཡོ་སྒྱུའི་ལྟ་བ། གཡོ་སྒྱུས་འགྱེད་པ་དེ་དག་ལོག་པར་སྨྲ་བ་ཆེན་པོ་ཡིན་ཏེ། གང་དེ་དག་དེས་དེར་རབ་ཏུ་བཅུད་ཅིང་། ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པས་ཉམས་པ་དེ་དག་ཐམས་ཅད་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ཡུན་ཤིན་ཏུ་རིང་ཞིང་ལོ་བགྲང་གིས་མི་ལང་བར་སེམས་ཅན་དམྱལ་བར་སྲེག་གོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་སུམ་བརྒྱར་ཡི་དགས་མི་རོ་ཟ་བར་སྐྱེ་བར་འགྱུར། དེ་ལས་ཐར་ནས་ཀྱང་གལ་ཏེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུས། གང་རྒྱལ་པོ་གཞན་གྱིས་ཉེས་པར་བྱས་པ་དེ་དེའི་ལུས་ལ་འབབ་པ་དང་། དེ་དབུལ་ཞིང་ནང་བུ་ཅན་དང་། གཞན་གྱིས་བཀོལ་བར་འགྱུར་ཞིང་། མིའི་ཤ་ཟ་བ་དང་། ལུས་ང་བའི་འདུ་ཤེས་མི་འཐོབ་པར་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ནགས་ཚལ་གྱི་མེ་མུན་ལྟར་འཁྲིགས་པ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་།། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་ཀུན་ཏུ་བསྟེན་ཅིང་བསྒོམས་ལ་མང་དུ་བྱས་པས་འགྱུར་ཏེ། ལས་ཀྱི་ཉེར་བསྡོགས་དང་། ལས་ཀྱི་མཇུག་དང་ལྡན་པས་འགྱུར་རོ།། དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་ནགས་ཚལ་གྱི་མེ་མུན་ལྟར་འཁྲིགས་པ་ཞེས་བྱ་བར་སྐྱེ་བར་འགྱུར་རོ། ། ལོག་པར་ལྟ་བ་ཀུན་ཏུ་བསྟན་ཅིང་བསྒོམས་ལ་མང་དུ་བྱས་པས་འགྱུར་པ་ནི། འདི་ལྟར་ཁ་ཅིག་ནི་མི་རྟག་གོ། ཁ་ཅིག་ནི་རྟག་གོ། དེ་ལ་མི་རྟག་པ་ནི་ལུས་ཡིན་ནོ།། རྟག་པ་ནི་ས་ལ་སོགས་པ་འབྱུང་བ་རྣམས་ཡིན་ཏེ། དེ་མཐར་འཛིན་པར་ལྟ་བ་གཉིས་ཀྱིས་རྒྱུ་ངན་པ། ལྟ་བ་ངན་པའི་མཐའ་གཞན་འཛིན་དུ་འཇུག་ཅིང་ཡང་དག་པར་དགའ་བར་བྱེད་དུ་འཇུག་ལ། ཡང་དག་པར་རབ་ཏུ་འཇོག། འཁོར་ལ་ཆོས་མ་ཡིན་པའི་ཚུལ་གྱིས་ཆོས་སྟོན་ཅིང་རབ་ཏུ་འཇོག་པར་བྱེད་པ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ནགས་ཚལ་གྱི་མེ་མུན་ལྟར་འཁྲིགས་པར་སྐྱེ་བར་འགྱུར་རོ། ། དེར་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་དེ་དག་ཐམས་ཅད་ལྔ་འགྱུར་དུ་འབྱུང་བའི་སྟེང་དུ་ཁྱད་པར་དུ་འབྱུང་བ་ནི། འདི་ལྟར་གང་གི་ཚེ་གཤིན་རྗེའི་མིའི་གནོད་པ་དག་ལས་གལ་ཏེ་ཐར་ནས་ཀྱང་། ཕྱིས་དེའི་ལས་ཀྱིས་བྱས་པའི་མུན་པ་མུན་ནག་གི་ཚོགས་ཀྱི་རླུང་ལྡང་སྟེ། དེས་སེམས་ཅན་དམྱལ་བ་པ་དེ་དག་དམིགས་པ་མེད་པ་ན་ནམ་མཁའ་ལ་ཇི་ལྟར་དེའི་ལུས་ཀྱང་མི་མངོན་པ་དེ་ལྟར་བསྐོར་རོ།། ཡོངས་སུ་བསྐོར་བ་དེ་ཡོ་སུ་བསྐོར་བ་དང་། རླུང་གཞན་སྤུ་གྲི་ལྟ་བུ་ལྡང་སྟེ། དེས་ལུས་དེ་ཆང་པ་ནས་བྱེ་མ་འཐོར་བ་ལྟར་ཕྱོགས་བཅུར་འཐོར་རོ།། དེ་ནས་ཡང་སྐྱེ་བར་འགྱུར་ཏེ། ཡང་འཕོར་རོ།། དེ་ལྟར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ཡུན་ཤིན་ཏུ་རིང་བ་ལོ་བགྲང་གིས་མི་ལང་བར་སྡུག་བསྔལ་དྲག་ཅིང་ཚ་ལ་རྩུབ་པ་དག་མྱོང་བར་འགྱུར་རོ།། དེ་ཕྱིས་དེ་ལས་ཐར་པར་འགྱུར། ཏེ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་བཞི་བརྒྱར་ཡི་དགས་སྐྱུགས་པ་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ།། དེ་ལས་ཐར་ནས་ཀྱང་གང་དུད་འགྲོ་ལྷག་མ་ཟ་བ་བཀྲེས་པ་དང་སྐོམ་པས་ཡོངས་སུ་གདུངས་པའི་ལུས་སུ་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཆེ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་བུང་བ་རྡོ་རྗེ་ལྟ་བུས་གནོད་པའི་གོ་ཆ་ཞེས་བྱ་བ་ཇི་ལྟར་འདུག་པ་དེ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། ལོག་པར་ལྟ་བ་ནི་འདི་ལྟར་འཁོར་བ་འདི་ནི་ཐོག་མ་ཡོད་ཅིང་རྒྱུ་ཡོད་པའོ།། གང་འདི་དག་ཐམས་ཅད་ཀྱི་རྒྱུ་རྟག་པ་དང་མི་རྟག་པ་གཉིས་ཏེ། དེས་བསྐྱེད་དོ་ཞེས་བརྫུན་དེ་རྒྱུ་ངན་པ་དང་། ལྟ་བ་ངན་པའི་མཐས་བསྲད་པ། དེས་ཆོས་མ་ཡིན་པ་ཆོས་ཀྱི་ཚུལ་དུ་སྟོན་ཅིང་། ཕ་རོལ་རབ་ཏུ་འཇོག་པར་བྱེད། ཡང་དག་པའི་ལམ་ལས་བཀོལ་བར་བྱེད་ཅིང་། ཆོས་ལས་ཕྱིར་ཟློག་པར་བྱེད་ལ། ལོག་པར་ལྟ་བ་ཡང་དག་པར་འཛིན་དུ་འཇུག་པར་བྱེད་ཀྱང་། དེ་དེ་ལྟར་མ་ཡིན་ཏེ། རྒྱུར་གྱུར་པ་རྟག་པ་གང་ཡང་མེད་དོ།། རྟག་པ་ནི་དུས་དང་བྲལ་བ། འགྱུར་པ་མེད་པ། དེ་བསྐྱེད་པ་མ་ཡིན་པ། ནམ་མཁའ་ལྟ་བུ་ཡིན་ན། དེ་ཡང་གཞན་དུ་རྟོག་སྟེ། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་བུང་བ་རྡོ་རྗེ་ལྟ་བུས་གནོད་པའི་གོ་ཆར་སྐྱེ་བར་འགྱུར་རོ། ། དེ་ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པས་ཉེན་པས་ཉམས་པ། སྐྱེས་བུ་ངན་པ། ལོག་པར་ལྟ་བ། ཡང་དག་པར་སྨྲ་བ། ཕྱིར་འགོག་པ། ཡང་དག་པར་མ་ཡིན་པ་སྨྲ་བ་ལ་རབ་ཏུ་འཇོག་པ། རྨོངས་པ་ལམ་ངན་པར་ཞུགས་པ། ཤེས་རབ་ཀྱི་ང་རྒྱལ་ཅན་རང་གིས་ཡོངས་སུ་བཏགས་པ་སྨྲ་བ་ནི་གནོད་པ་དག་དང་ཕྲད་དེ། གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དག་ལྔ་འགྱུར་དུ་འབྱུང་བའི་སྟེང་དུ་ཁྱད་པར་དུ་འབྱུང་བ་ནི་འདི་ལྟ་སྟེ། གཤིན་རྗེའི་མི་ཕྲ་སྐམ་ཕྲ་མོ་ཐོགས་པས་ཤ་བ་སྤུ་ཙམ་དུ་བཏོག་བཏོག་ནས་དེ་ཉིད་ཟར་འཇུག་གོ། ། བུང་བའི་མཆུ་རྡོ་རྗེ་ལྟ་བུ་དག་འབྱུང་བར་འགྱུར་ལ། གང་དེའི་ལུས་ལ་ལན་ཚྭ་ལྟར་དྲག་པར་བྱེད་དེ། དེ་ལས་ཁྲག་དྲོན་པོ་འབྱུང་ངོ་།། དེ་གཤིན་རྗེའི་མི་རྣམས་ཀྱིས་དེ་ཉིད་ཟར་འཇུག་སྟེ། ཟས་དེས་དེའི་སྲོག་འཚོ་བར་བྱས་སོ།། ཉེས་པར་བྱས་པའི་ལས་ཀྱིས་བསླུས་པ་དེ་ཡང་བཀྲེས་པ་དང་སྐོམ་པས་ལུས་དང་སྙིང་བཅུ་འགྱུར་དུ་གདུངས་སོ།། དེ་ནས་ཡང་ལས་དེ་དང་རྒྱུ་འཐུན་པར་རང་གི་ཤ་དང་ཁྲག་དེ་ཉིད་འབྱུང་བར་བྱེད་དེ། རང་གི་ལས་ཀྱིས་འཆི་བའི་དུས་མི་བྱེད་དོ།། དེ་ནས་ཡང་རང་གི་ཤ་དང་ཁྲག་དེ་ཉིད་འབྱུང་བར་བྱེད་དེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལས་ཀྱིས་བསླུས་པ་དེ་ཡུན་ཤིན་ཏུ་རིང་པོ་ལོ་བགྲང་གིས་མི་ལང་བར་གནོད་པ་མྱོང་བར་འགྱུར་རོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། བ་ར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་བཞི་བརྒྱར་ཡི་དགས་ལྷག་མ་ཟ་བར་སྐྱེ་བར་འགྱུར་རོ།། ཚེ་རབས་ལྔ་བརྒྱར་དུད་འགྲོ་ཅི་ལེན་ད་དང་། བ་གླང་གི་ནགས་ཚལ་ལ་སོགས་པར་བཀྲེས་པ་དང་སྐོམ་པས་གདུངས་པའི་ལུས་སུ་སྐྱེ་བར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཆེ་བའི་འཁོར་ལ་བརྟགས་ན། དེ་ས་བཅུ་བདུན་པ་ནི་གཅིག་ཀྱང་མ་མཐོང་ལ། འདི་ལྟར་སེམས་ཅན་དམྱལ་བ་ཆེན་པོ་ཚ་བའི་འཁོར་འདིའི་མཐའ་ནི་འདི་ཡིན། གནས་པ་ནི་འདི་ཡིན། ལོག་པར་ལྟ་བ་པ་ངན་པར་བྱས་པའི་ལས་བྱས་པ་རྣམས་ཀྱི་གནས་ནི་འདི་ཡིན་ནོ་སྙམ་སྟེ། དེས་སེམས་ཅན་དམྱལ་བ་ཆེན་པོ་དྲུག་པ་ལ་བརྟགས་ནས། ཡང་དག་པ་ཇི་ལྟ་བ་བཞིན་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པའི་རྣལ་འབྱོར་སྤྱོད་པ་དེ་རབ་ཏུ་དགའ་བ་དང་། ས་བླ་བའི་གནོད་སྦྱིན་དག་གིས་དེ་མཐོང་ནས། ཀྱེ་ཨེ་མ་དགེ་སློང་འདི་ནི་བརྩོན་པ་མ་ཉམས་པ། ས་གཞན་བཅུ་གཅིག་པ་ལ་ཞུགས་ཤིང་། འཁོར་བའི་དུས་རྣམ་པར་གཅོད་པར་བྱེད་པ་དེ་ཡང་ཤེས་ནས་དགའ་སྟེ། བར་སྣང་ལ་སྤྱོད་པའི་གནོད་སྦྱིན་དག་ལ་སྔ་མ་བཞིན་མངོན་པར་བསྙད་ནས། འོད་ཆུང་གི་ལྷའི་བར་དག་ལ། འདི་ལྟར་རིགས་ཀྱི་བུ་ཆེ་ག་མོ་ཞིག་ཅེས་བྱ་བ་སྔ་མ་བཞིན་དུ་སྦྱར་ཏེ། ས་གཞན་བཅུ་གཅིག་པ་ལ་ཞུགས་པ་བདུད་བཞི་དང་ལྷན་ཅིག་གནས་པར་མི་འདོད་པ། ཉོན་མོངས་པ་འདོད་ཆགས་རྣམས་དང་ལྷན་ཅིག་རྩེ་བར་མི་འདོད་པ། ཡུལ་ལ་གནས་པའི་འགྲོ་བ་སྡུག་བསྔལ་གྱི་གཞི་མཐའ་ཡས་པ་མི་འདོད་པའི་བར་དག་བསྙད་དོ།། དེ་ནས་ཡང་དགེ་སློང་དེས་སེམས་ཅན་དམྱལ་བ་ཡང་སོ་ས་དང་། ཐིག་ནག་དང་། བསྡུས་གཞོམ་དང་། ངུ་འབོད་དང་། ངུ་འབོད་ཆེན་པོ་དང་། ཚ་བའི་འཁོར་ལ་བརྟགས་ནས། སེམས་ཅན་དམྱལ་བ་པ་གཞན་ལ་ཡང་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་རབ་ཏུ་ཚ་བ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། དགེ་སློང་མ་གཞོན་ནུ་སྡོམ་པ་ལ་གནས་པ། ཚུལ་ཁྲིམས་མ་ཉམས་པ། བརྐམ་པ་མེད་པར་སྤྱོད་པ། འདོད་པ་མེད་པའི་བརྟུལ་ཞུགས་ཉམས་པར་བྱས་ཤིང་། དེ་བཞིན་གཤེགས་པའི་བསྟན་པ་ལས་འཁྲུལ་པར་བྱས་ལ་དེ་སངས་རྒྱས་ལ་མི་དད་པར་བྱས་ཏེ། འདི་ལྟར་སངས་རྒྱས་ནི་ཐམས་ཅད་མཁྱེན་པ་མ་ཡིན་ན། དེའི་དགེ་སློང་མའི་དགེ་འདུན་རྣམ་པ་འདི་ལྟ་བུས་ཅི་ཞིག་ཏུ་འགྱུར། དེ་དག་ཐམས་ཅད་ནི་བརྫུན་ཡིན་ཏེ། བསྟན་པ་དེ་ནི་ངན་པ་ཡིན་ཞིང་། དེ་ནི་དམན་པ་ཡིན་ཏེ། དེ་ལ་བྱིན་པས་ཆོས་སུ་མི་འགྱུར་ཞིང་། དེ་ལ་བྱིན་པས་མྱ་ངན་ལས་འདས་པ་ཡང་འཐོབ་པར་མི་འགྱུར་ཏེ། དགེ་འདུན་འདི་ནི་དམངས་ཡིན་ནོ་ཞེས་དགེ་སློང་མ་གཞོན་ནུའི་བརྟུལ་ཞུགས་ལས་སྐྱོད་ཅིང་། ཆོས་མ་ཡིན་པ་མེད་དོ་ཞེས་དེ་དེ་ལྟར་རྗེས་སུ་སེམས་སུ་བཅུག་ནས། དགེ་སློང་མ་གཞོན་ནུ་དེ་བརྟུལ་ཞུགས་ལས་སྐྱོང་པར་བྱེད། ཆོས་མ་ཡིན་པ་མེད་དོ་ཞེས་ཚུལ་ཁྲིམས་འཁྲུལ་པ་དང་། ལྟ་བ་འཁྲུལ་པར་བྱེད་ན། དེ་ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པས་ལུས་དང་བྲལ་ནས་ངམ་གྲོ་ལོག་པར་ལྷུང་བ་སེམས་ཅན་དམྱལ་བ་རབ་ཏུ་ཚ་བར་སྐྱེ་བར་འགྱུར་ཏེ། ལུས་ཀྱི་བོང་ཚོད་དཔག་ཚད་ཙམ་ལ་མར་གསར་འཇུ་བ་ལྟ་བུར་ལུས་ཤིན་ཏུ་གཞོན་ཤ་ཅན་དུ་འགྱུར། དེ་བཞིན་དུ་མིག་དང་། སྒྲ་དང་། རེག་པ་དང་། རོ་དང་། གཟུགས་དང་། དྲི་ཤིན་ཏུ་ཆུང་བས་སྲོག་འཆད་པར་བྱེད་དེ། ཇི་ལྟ་ཇི་ལྟར་སྡིག་པ་ཤས་ཆེར་བྱས་པ་དེ་ལྟ་དེ་ལྟར་ལུས་དང་ཡིད་ཆེས་གཞོན་ཤ་ཅན་དུ་འགྱུར་རོ།། དེའི་ལས་ངན་པ་བྱས་པ་དང་། མི་དགེ་བའི་ལས་ཀྱི་མཐུས་འདི་ལྟར་ཚེ་འདི་ལ་སྡུག་བསྔལ་ཤིན་ཏུ་དྲག་པ་དག་མྱོང་བར་འགྱུར་ཏེ། འཆི་བའི་དུས་ཀྱི་ཚེ་ངེས་པར་མྱོང་བར་འགྱུར་བ་ནི། ཇི་ལྟར་སེམས་ཅན་དམྱལ་བ་ཡང་སོས་སུ་སྐྱེས་པ་དེ་ལྟར་འཆི་བའི་དུས་ཀྱི་ཚེ་མྱོང་བར་འགྱུར་རོ། ། ཉི་མ་གསུམ་ལོན་ནས་འཆི་བའི་བར་དུ་དེའི་ལྕེ་ལྐུགས་པར་འགྱུར་ཞིང་། འཇིགས་པའི་འདུ་ཤེས་སུ་འགྱུར། འདུ་བྱེད་རྣམས་ཉམ་ཆུང་བར་འགྱུར། རྣམ་པར་ཤེས་པ་ཤིན་ཏུ་སྐྲག་པར་འགྱུར་ཏེ། ཚུལ་དེ་ལྟ་བུར་འབྱུང་བ་ཆེན་པོ་བཞི་རྣམས་ཀྱིས་དཀྲུགས་ནས་ཤིན་ཏུ་སྡུག་བསྔལ་བར་འགྱུར་རོ།། སའི་ཁམས་སྲ་བའི་ངོ་བོ་འཁྲུགས་པས། ལུས་དང་། རྩ་དང་། རྒྱས་པ་དང་། མིང་པ་ཐམས་ཅད་ཤིན་ཏུ་འགོག་པར་བྱེད། འབུགས་པར་བྱེད། རབ་ཏུ་འབུགས་པར་བྱེད། རྣམ་པར་མཐོ་འཚམ་པར་བྱེད། མར་གསར་གྱི་གོང་བུ་བཞིན་དུ་གནོད་པར་བྱེད། ཤིན་ཏུ་འཐག་པར་བྱེད་ཅིང་འབས་པར་བྱེད་དོ།། ཆུའི་ཁམས་འཁྲུགས་པས་ཀྱང་ལུས་དང་རྩ་ཐམས་ཅད་དང་། རྒྱུས་པ་རྒྱ་དག་གིས་འཆིང་བར་བྱེད། ཆེས་མཁྲང་བར་བྱེད། ཆུ་སེར་དུ་བྱེད། ལྷོད་ལྷོད་པོར་བྱེད། དྲི་སྐྱེད་པར་བྱེད། སྲིན་བུ་གསོད་པར་བྱེད། འཛག་སྒོ་ཐམས་ཅད་འགག་པར་བྱེད། སྤ་ང་རངར་པོ་འབྱིན་པར་བྱེད། མིད་པ་དང་། ལྕེའི་འཛག་སྒོར་གྱུར་པའི་ཚོར་བ་གནོད་པར་བྱེད། ཡན་ལག་དང་ཉིང་ལག་ཐམས་ཅད་ལས་རྡུལ་འབྱུང་བར་བྱེད་དོ། ། མེའི་ཁམས་འཁྲུགས་པས་ཀྱང་། ལུས་དང་། རྩ་དང་། རྒྱུས་པ་ཐམས་ཅད་སྲེག་པར་བྱེད། འཚེད་པར་བྱེད། སྡུག་བསྔལ་གྱིས་ཉམ་ཟག་པར་བྱེད། བགས་པ་ཟང་ཀྱི་མདོག་ལྟ་བུར་བྱེད། ནང་དུ་སྲེག་པ་སྐྱེད་པར་བྱེད། ཕྱི་རོལ་ཏུ་རྣམ་པར་སྲེག་པ་སྐྱེད་པར་བྱེད། སྲེད་པའི་སྟོབས་རབ་ཏུ་སྤྱད་པར་བྱེད། ཁ་སྐམ་པར་བྱེད། སྙིང་སྲེག་པར་བྱེད་དོ།། རླུང་གི་ཁམས་འཁྲུགས་པས་ཀྱང་ཡང་བའི་ངོ་བོ་གཡོ་བ་ལས་ནམ་མཁའ་ལ་བཏེག་ནས་འདོར་བ་བཞིན་བྱེད། རྩུབ་པའི་དངོས་པོས་ཡན་ལག་དང་ཉིང་ལག་ཐམས་ཅད་དང་། ཁམས་ཐམས་ཅད་ཤིན་ཏུ་རྩུབ་པར་བྱེད་དོ། ། ཡན་ལག་དང་ཉིང་ལག་ཐམས་ཅད་དང་། གནད་ཐམས་ཅད་ཀྱི་བར་བར་དུ་ཆུང་པིབ་པ་ལ་ཀ་དང་། སཱུ་ཙ་ཀ་ཁབ་ལྟ་བུར་གྱུར་པ་རྒྱུ་སྟེ། རླུང་པིབ་པ་ལ་ཀ་ཁབ་ལྟ་བུ་རབ་ཏུ་འབར་བ་དག་གིས་བ་སྤུའི་ཁུང་བུ་ལ་སོགས་པ་ནས། ཁ་ཆུ་དང་། པགས་པ་དང་། ཤ་དང་། ཚིལ་དང་། རུས་པ་དང་། རྐང་དང་། ཁུ་ཆུའི་བར་དག་ལ་འཇོག་པར་བྱེད་དེ། སྟེསྡེའུ་བཞིན་དུ་གཅོད་པར་བྱེད། འཇིག་པར་བྱེད། དབང་པོའི་ལམ་ཐམས་ཅད་འགོག་པར་བྱེད། བཤང་བ་དང་གཅི་བའི་གནས་འགོག་པར་བྱེད། སྲོག་ཆགས་ཀྱི་དབུགས་ཡང་དག་པར་འགོག་པར་བྱེད། མིད་པར་མེད་པའི་སྒོའི་ལམ་ལོག་པར་བྱེད། ལྟ་བས་འདུ་ཤེས་ཕྱིན་ཅི་ལོག་ཏུ་བྱེད། རྣ་བས་སྒྲ་མི་སྙན་པ་ཐོས།། དེའི་སྣར་ཆུ་འབྱུང་ཞིང་། དེའི་སེན་མོ་དག་སྔོན་པོར་བྱེད། སྣ་ཡོན་པོར་བྱེད་ཅིང་། རླིག་པ་མདོམས་སུ་འཕྱང་བར་བྱེད། རྐུ་བ་ཁ་ན་བ་དང་། ཕོ་མཚན་ན་བ་དང་། རེག་པ་མདག་མ་དང་མཚུངས་པས་སྡུག་བསྔལ་བར་བྱེད། པགས་པར་གཏོགས་པ་དང་། པབགས་པ་དག་སྦྱངས་པར་བྱེད། དེའི་སྒྲ་དང་སྤུ་དག་ཤིག་ཤིག་པོར་བྱེད་དེ། ཉེས་པར་བྱས་པ་མི་མཐུན་པར་སྤྱད་པ་དག་འཆི་བའི་དུས་སུ་སྡུག་བསྔལ་མི་བཟད་པར་འབྱུང་བའི་ཕྱོགས་ཙམ་ཞིག་བཤད་པ་ཡིན་ཏེ། དེ་ལྟར་ཉིན་ཞག་གསུམ་དུ་འབྱུང་བ་ཆེན་པོ་བཞི་འཁྲུག་པ་རྣམས་ཀྱིས་རྣམ་པར་འཚེའོ།། གང་གི་ཚེ་དུས་ཐ་མ་འབབ་པར་འགྱུར་བ་ན། སེམས་ཅན་དམྱལ་བ་པ་དེའི་འཇིག་རྟེན་ཕ་རོལ་གྱི་མཚན་མ་འདི་དག་འབྱུང་བར་འགྱུར་ཏེ། འདི་ལྟ་སྟེ། དེའི་གནས་ཐམས་ཅད་འཕྱར་བ་ངན་པ་རབ་ཏུ་འབར་བས་ཁེབས་པར་སྣང་ཞིང་རྨི་ལམ་གྱི་གཟུགས་ལྟ་བུ་དག་མཐོང་ངོ་།། གནས་མེད་པའི་སེང་གེ་དང་། སྟག་གི་གཟུགས་འཇིགས་འཇིགས་ལྟར་འདུག་པའི་རྣམ་པ་དེ་ལྟ་བུ་དང་། གཞན་ཡང་ཤིན་ཏུ་འཇིགས་འཇིགས་ལྟར་འདུག་པ་མི་སྡུག་པ་དག་མཐོང་ངོ་། ། རྣ་བས་སྒྲའུ་རྀ་འུར་པོ་འཇིགས་ཤིང་མི་དགའ་བའི་ཚིག་དག་ཐོས་སོ།། དེའི་པགས་པ་མཚོན་ཉིད་ཀྱིས་གཅོད་དོ།། སྲིད་པ་ཐ་མ་པར་བབ་པ་ན་རླུང་དེ་དེའི་སྟེང་དུ་འབྱུང་བར་འགྱུར། སེན་མོ་དག་བཏང་ནས་རྐང་པ་དག་གཏོང་། རྐང་པ་དག་བཏང་ནས་བྱིན་པ་གཏོང་། བྱིན་པ་བཏང་ནས་བརླ་གཏོང་། བརླ་བཏང་ནས་མདོམས་གཏོང་། མདོམས་བཏང་ནས་ལྟོ་གཏོང་། ལྟོ་བཏང་ནས་སྙིང་གཏོང་། སྙིང་བཏང་ནས་སྒྲ་ངར་ངར་པོར་བྱེད། མཆིལ་མ་དག་སྐམ་པར་བྱེད་ལ། མིག་ཡ་གཅིག་དམར་པོར་བྱེད་དོ།། གཤིན་རྗེའི་མི་དག་ལག་ན་རལ་གྲི་དང་ཐོ་བ་ཐོགས་པ་ནམ་མཁའ་ལ་འགྲོ་བ་དག་མཐོང་བ་དང་། དེའི་མཛའ་བཤེས་དང་། ཉེ་དུ་དག་ན་རེ། ནམ་མཁའ་ལ་རེག་པར་འདོད་དོ་ཞེས་སྨྲའོ།། དེ་དབུགས་ཆེན་པོས་ཉམ་ཐག་ཅིང་ལུས་དང་བྲལ། དབུགས་ཆད་ནས་མར་མེ་ངན་པ་སྙིང་པོ་དྲི་མ་ཅན་དག་པ་སྲེགས་པ་ལྟར། འཇིག་རྟེན་འདི་ནས་སྲིད་པ་བར་མར་སྐྱེ་སྟེ། རྒྱུ་དང་མཚུངས་པའི་འབྲས་བུ་དག་འབྱུང་ངོ་།། ཉེས་པར་བྱས་པའི་ལས་ཀྱི་མཐའ་སྤྱད་པ་དེ། སྲིད་པ་བར་མ་པའི་སྡུག་བསྔལ་རྣམས་ཀྱིས་མངོན་པར་ཉམས་པར་འགྱུར་རོ། ། དེས་བདག་ཉིད་ཇི་ལྟར་མི་ལོ་བརྒྱད་ཁྲི་བཞི་སྟོང་ཐུབ་པའི་བུས་པ་ལོ་བརྒྱད་ལོན་པའི་ཚད་དེ་ལྟ་བུར་མཐོང་སྟེ། སྐྱེ་བོ་དག་ཐམས་ཅད་ནས་ཐམས་ཅད་དུ་མི་སྣང་ངོ་། ། འབྱུང་བ་ཆེན་པོ་ཕྲ་བ་དང་། རགས་པ་དག་འབྱུང་སྟེ། ཕྲ་མོ་བལྟར་མེད་ཅིང་ཐོགས་པ་མེད་པ་དེ་ལྟ་བུ་བྱུང་བས། གང་རི་རབ་དུག་ནས་འགྲོ་ཡང་བདག་ཉིད་དང་། རི་རབ་ལ་ཡང་གནོད་པ་མེད་ན། རི་གཞན་དག་ལྟ་སྨོས་ཀྱང་ཅི་དགོས། དེ་ལྟར་དེ་བདག་ཉིད་ལྕགས་ནག་པོ་ལྟ་བུའི་ཁ་དོག་དང་མུན་པ་མུན་ནག་གི་རྫོང་གི་ནང་དུ་ཞུགས་པར་མཐོང་སྟེ། དེ་བདག་ཉིད་ཀྱི་ས་ལས་བྱས་པ་དེས། སྤུ་ཐམས་ཅད་འབར་བར་མཐོང་ངོ་།། བདག་ཉིད་གཤིན་རྗེའི་མི་རྣམས་ཀྱིས་ལྕགས་ཀྱི་ཐག་པ་ནག་པོས་ཕྱིན་ཅི་ལོག་ཏུ་དམ་པོས་རབ་ཏུ་བཅིངས་པར་མཐོང་སྟེ། རྐང་པ་དག་ཀྱང་ཤིན་ཏུ་དྲག་ཅིང་དུག་གིས་རེག་པ་ལྟར་མཁྲང་བ་གཟུགས་ཤིན་ཏུ་འཇིགས་འཇིགས་ལྟར་འདུག་ཅིང་ཐགས་ཐོགས་མེད་པར་འགྲོ་བ་གཞན་ཡོད་པས། ཐམས་ཅད་ཀྱི་ནང་ན་བཅིང་བ་དམ་པོས་བདག་ཉིད་བཅིངས་པར་མཐོང་སྟེ། ཇི་ལྟར་སྐྲའི་རྩེ་མོའི་ཕྱོགས་ཙམ་ཡང་བཅིང་བ་དམ་པོས་དེ་ལྟར་མ་བཅིངས་པ་མེད་དོ།། སྒྲ་དང་། རེག་པ་དང་། རོ་དང་། གཟུགས་དང་། ཏྲི་མི་འདོད་པ་དག་འབྱུང་བར་འགྱུར་ཏེ། འདི་ལྟ་སྟེ། མིག་གིས་གཟུགས་མིག་དང་མི་མཐུན་པ། ཁ་དོག་མི་སྡུག་པ། འཇིགས་འཇིགས་ལྟར་འདུག་ཅིང་།། རབ་ཏུ་འབར་བ་མང་པོ་དག་མཐོང་རྣ་བས་ཀྱང་གང་ཚིག་དེ་ལ་དགའ་བར་མི་འགྱུར་བ། མི་སྙན་པ། མི་འདོད་པ། ཡིད་དུ་མི་འོང་བ་དག་ཐོས་སོ།། འདི་ལྟར་ཉེས་པར་བྱས་པའི་ལས་ཀྱི་མཐའ་སྤྱད་པ། ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པ་མི་ཕན་པ་བྱེད་པ་དག་འདིས་འཐོབ་སྟེ། མིས་ལེགས་པར་བྱས་པའི་རིན་པོ་ཆེའི་གླིང་གིས་བསླུས་ཤིང་། མི་དགེ་བ་བཅུའི་ལས། ཀྱི་ལམ་མི་གཙང་བ་བསམས་བཞིན་དུ་གཅོད་པ། ཕྱིན་ཅི་ལོག་གིས་རིན་པོ་ཆེའི་གླིང་ཉམས་པ། མཚོན་དང་། མེ་དང་། དུག་དང་། གཡང་ས་ལྟ་བུའི་འདོད་པས་བསླུས་པ། གཞན་གྱི་བུད་མེད་ཀྱི་ཚིག་གིས་རྣམ་པར་བསླུས་ཤིང་། ། དེ་ལ་འདོད་པ་དེས་མི་དགེ་བ་རྣམ་པ་གསུམ་བྱས་སོ།། བློ་ངན་པས་རང་གི་ལས་ཉེས་པར་སྤྱད་པ་དེས། དེ་ལྟར་སེམས་ཅན་དམྱལ་བ་རབ་ཏུ་ཚ་བར་སྡུག་བ་སྔལ་སྣ་ཚོགས་ཀྱིས་ཉམ་ཐག་པ་དག་ཇི་ལྟར་བུ་དང་ཆུང་མ་མཐོང་བས་བསླུས་པ་ཉེས་པར་སྤྱད་པའི་ཆད་པ་རྣམ་པ་དེ་ལྟ་བུ་ཡང་མི་འབྱུང་བར་བྱ་བའི་ཕྱིར་བདག་ཅག་གིས་རྣམ་པ་བརྒྱ་སྟོང་ཕྲག་དུ་མར་གནོད་པ་བྱའོ་སྙམ་ནས། གཤིན་རྗེའི་མི་རྣམས་ཀྱིས་སྲིད་པ་བར་མ་པ་དག་ལ་རྗེས་སུ་བསྟན་པའི་ཚིགས་སུ་བཅད་པ་སྨྲས་པ། གཉེན་བཤེས་ཚུལ་ནི་དགྲ་ཡིན་ཏེ།། མི་ཕན་ཕན་པའི་ཚུལ་གྱིས་ཁྱེད། ། བཅོམ་ནས་མི་ཡི་འཇིག་རྟེན་ནས།། དེ་རིང་མུན་ནག་ཆེན་པོར་འགྲོ།། ཇི་ལྟར་ལས་ནི་རྣམ་གསུམ་བྱས།། ཉེས་གསུམ་བྱས་པ་དགྲ་གཞན་མེད།། ལས་རྣམས་གསུམ་གྱིས་ཁྲིད་དེ་འོངས། ། གཤིན་རྗེའི་གནས་སུ་ཁྲིད་པར་བྱེད།། ལས་དག་གཅིག་ཅིག་བྱེད་པ་ནི།། འབྲས་བུ་གཅིག་ཅིག་མྱོང་བར་འགྱུར།། སྐྱེ་བོ་སྐྱེ་བོའི་ཚོགས་མེད་པར།། རྫོང་ནི་གཅིག་ཅིག་རྒལ་བར་འགྱུར།། སྐྱེ་བོ་གང་ཞིག་སྐྱེ་བོ་འདོད།། ཉེས་པར་བྱས་པ་མང་དུ་བྱེད།། སྐྱོ་བོས་སྐྱེ་བོ་སྐྱོབ་མི་ནུས།། སྐྱེ་བོ་རང་གིས་བྱས་ལ་སྤྱོད།། སྐྱེ་བོ་བུ་ཡི་འདུ་ཤེས་ཀྱིས།། རྨོངས་པ་ཅི་ཡི་ཕྱིར་ན་བསླུས།། རྨོངས་པས་བསླུས་པ་ཁྱོད་ཀྱིས་སུ།། སྦྱིན་ལ་སོགས་ལ་བློ་མ་བསྐྱེད།། འཇིག་རྟེན་འདི་དང་ཕ་རོལ་གྱི།། འཇིག་རྟེན་དེ་བཞིན་འབྲང་བའི་དགྲ།། དགྲ་ཡི་ནང་ན་དགྲ་དང་པོ།། ངན་སོང་ཐམས་ཅད་རྣམ་སྟོན་པ། ། དུག་དང་མེ་དང་མཚོན་ལྟ་བུ།། རང་གིས་བྱས་པ་ངན་པ་ཡིན།། ཁྱོད་ཀྱིས་ལས་ནི་བྱས་པ་དག། ཁྱོད་ཉིད་རྗེས་སུ་སྤྱོད་པ་ཡིན།། གཞན་གྱིས་བྱས་པའི་ལས་དེ་ནི།། རོལ་དག་ལ་འཕོ་བ་མེད།། མི་ཡིས་ཉེས་པར་སྤྱད་བྱས་པ།། འཇིག་རྟེན་འདི་དང་ཕ་རོལ་དང་།། ཐོག་མ་བར་མ་ཐ་མ་རུ།། བདེ་འབྱུང་བདེ་བའི་རོ་མི་མྱོང་།། དེ་ཉིད་འདོད་པར་མི་བྱེད་པའི།། སེམས་ནི་རྣམ་པར་འཁྲུགས་པར་བྱས།། བྱིས་པ་སེམས་དང་ཡིད་འཕྲོག་པ།། མི་དགེའི་ཆོས་ནི་རྣམ་པར་འཕེལ།། ཡིད་ཀྱིས་བསླུས་པའི་སེམས་ཅན་ནི།། ཡིད་ཀྱིས་རབ་ཏུ་རྣམ་པར་ཆགས།། མུན་པ་ནས་ནི་མུན་པ་རུ།། སེམས་ཅན་དམྱལ་བ་སྡིག་ཅན་འགྲོ།། འཁོར་བར་མུན་པས་བསྒྲིབས་པ་དག། སངས་རྒྱས་བསྟན་པ་རྙེད་པར་དཀའ།། གང་དག་ཆོས་ནི་མི་འདོད་པ།། སྡུག་བསྔལ་ཤིན་ཏུ་སྡུག་བསྔལ་འགྲོ། ། གང་ཞིག་རྟག་ཏུ་སེམས་མ་བཞི།། ཡུལ་རྣམས་ཀྱིས་ནི་ངེས་པར་འཇོམས།། གནས་འདི་དག་ཏུ་དེ་འགྲོ་སྟེ།། འདི་ལྟར་ཁྱོད་ཉིད་རྗེས་སུ་ལྟོས།། དེ་ལྟར། ཉེས་པར་བྱས་པའི་ལས་ཀྱི་མཐའ་སྤྱད་པ་རང་གི་ལུས་དང་། ངག་དང་། སེམས་ཀྱིས་བསླུས་ཤིང་ཉེས་པར་བྱས་པ་ནི། གཤིན་རྗེའི་མི་དེ་དག་གིས་རྗེས་སུ་བསྟན་ནས། སེམས་ཅན་དམྱལ་བ་ཆེན་པོ་རབ་ཏུ་ཚ་བར་སོང་སྟེ། སྣས་ནི་ལྡན་ལྗིན་དང་། རུལ་བ་དང་། མི་གཙང་བའི་ཚོགས་ཀྱི་དྲི་ཤིན་ཏུ་མི་ཞིམ་པ་དག་སྣོམ་མོ།། ལྕེས་ནི་ཟངས་རབ་ཏུ་ཚ་ཞིང་མཁྲང་ལ་རོ་བྲོ་བ་མེད་པ་དང་། དྲི་དང་། རོ་དང་། གཟུགས་ཡིད་དུ་མི་འོང་བ་དག་མྱོང་ངོ་།། སེམས་ཅན་དམྱལ་བ་པའི་ལུས་ཀྱིས་ཀྱང་རླུང་སྤུ་གྲི་དང་། མེ་ལྟ་བུ་དང་བཅས་པ་རེག་གོ། ཡུལ་འཇིགས་པ་ལྔས་མི་འཇིགས་པའི་ཡིད་ཀྱང་སེམས་ཅན་དམྱལ་བ་ཆེན་པོ་ལྔར་བསྟན་པས་ཤིན་ཏུ་རྣམ་པར་བློང་བར་བྱེད་དོ།། མིད་པ་ཡང་གཤི་ནི་རྗེའི་མིས་རབ་ཏུ་དམ་པོར་བཅིངས་ཤིང་ལས་ཀྱི་རླུང་ལངས་པའི་སེམས་ཅན་དག་གིས་དབང་མེད་པར་ཁྲིད་དོ། ། གཤིན་རྗེའི་མི་བཞིན་བསྒྱུར་ཅིང་། ལག་པ་དང་། རྐང་པ་དང་། ལྟོ་དང་། སེན་མོ་སོ་སོ་ན་འཇིགས་པ་འབྲུག་གིས་འུར་སྒྲ་འཇིགས་ཤིང་ལག་ན་མཚོན་ཆ་ཐོགས་པ། སྤྲིན་ནག་པོ་ལྟ་བུ་དང་། མིག་འབར་ཞིང་རབ་ཏུ་འབར་ལ། མཆེ་བ་འཁོར་ལོ་ལྟར་རྣོ་བ་གསུས་པ་རབ་ཏུ་ཆེ་ཞིང་ལག་པ་ཐུང་བ། སེན་མོ་མཁྲང་ཞིང་རྣོ་ལ་རོད་པ། ལུས་ཐམས་ཅད་རྩ་སྦོམ་པོས་ཁྱབ་པར་སྦྲེལ་བའི་རྣམ་པ་དེ་ལྟ་བུ་དག་གིས་ཉེས་པར་བྱས་པའི་ལས་ཀྱི་མཐའ་སྤྲད་པ་སྟེ། དེ་ལྟར་དཔག་ཆད་བྱེ་བ་སུམ་ཅུ་རྩ་དྲུག་དང་། འོག་ཏུ་དཔག་ཚད་བྱེ་བ་བནྡྷ་དང་། ས་དང་། རྒྱ་མཚོ་དང་། གླིང་དང་། ཚོང་དུས་དང་ལྡན་པ་དཔག་ཚད་སྟོང་ཕྲག་དྲུག་ཅུ་རྩ་བརྒྱད་དུ་ཁྲིད་དེ། མཚོར་གཏོགས་པར་དེ་འདུག་གོ།། རྣམ་པ་དེ་ལྟ་བུའི་ལས་ཀྱི་རླུང་གིས་འཕངས་པ་ནི། གང་དུ་ཡིད་ཀྱིས་ཀྱང་དཔེ་བྱ་བར་བྱ་བ་མ་ཡིན་ནོ།། ཉི་མ་དང་། ཟླ་བ་དང་། རླུང་འགྲོ་བ་མེད་དོ། ། རླུང་རྣམས་ཀྱི་ནང་ན་ནི་ལས་ཀྱི་རླུང་མཆོག་ཡིན་ཏེ། གཞན་རླུང་མ་ཡིན་པ་དེ་ལྟ་བུར་ཉེས་པར་བྱས་པའི་ལས་ཀྱིས་མཐའ་སྤྱད་པ་དེ་ཁྲིད་དེ། གཤིན་རྗེས་སྔ་མ་བཞིན་རྗེས་སུ་བསྟན་ཏོ། ། ཉེས་པར་བྱས་པའི་ལས་ཀྱི་ཞགས་པས་བཅིངས་པ། གཤིན་རྗེའི་གནས་དེ་ནས་བྱུང་ནས། སེམས་ཅན་དུ་བཟང་བ་ལུས་དང་ལྡན་པའི་ལས་མི་གཙང་བ་རྣམས་ཀྱིས་བཅིང་པ། སེམས་ཅན་དམྱལ་བ་རབ་ཏུ་ཚ་བ་དེར་ཁྲིད་དོ།། སེམས་ཅན་དམྱལ་བ་དེ་རྒྱང་རིང་པོ་ན་ཀུན་ནས་རབ་ཏུ་འབར་བ། མུན་པ་མུན་ནག་རྒྱང་རིང་པོ་ནས་མེ་འབར་བ། རང་གི་བོང་ཚོད་དཔག་ཚད་ལྔ་སྟོང་ཡོད་པ། སྐྱེ་འགྲིབ་མེད་པ། ཆེས་ཉུང་བ་དང་། ཆེས་མང་བ་མཐོང་ངོ་།། དཔག་ཚད་སུམ་སྟོང་ནས་སེམས་ཅན་དམྱལ་བ་པ་རྣམས་ཀྱི་སྒྲ་འབྱིན་པ་ཐོས་ཏེ། སོ་སོ་སྙིང་རྗེ་རྗེ་སྐད་དང་། འཇིགས་ཤིང་དམན་ལ། གདངས་མི་སྙན་པ། དགའ་བ་མེད་ཅིང་སྡུག་བསྔལ་ཚ་བ། རྩུབ་པ། བཟོད་པར་དཀའ་ཞིང་རོ་བྲོ་བ་མེད་པ། རྣམ་པ་དུ་མ་དག་ལོ་འབུམ་ཕྲག་བྱེ་བ་དུ་མ། ལོ་བྱེ་བ་བགྲང་གིས་མི་ཡང་བར་རྒྱུན་དུ་བླ་འབྱིན་པ་ཟོས་སོ།། སེམས་ཅན་དམྱལ་བ་པ་དེ་སེམས་ཅན་དམྱལ་བ་པ་རབ་ཏུ་ཚ་བར་སྒྲ་འབྱིན་པ་དེས་ཐོས་ནས་ཡིད་བཅུ་འགྱུར་དུ་འཇིགས་ཤིང་སྐྲག་གོ། སེམས་ཅན་དམྱལ་བ་ཆེན་པོ་རབ་ཏུ་ཚ་བ་ག་ལ་བ་དེའི་ཕྱོགས་སུ་ཡང་གཤིན་རྗེའི་མི་རྣམས་ཀྱིས་ཁྲིད་ནས་ཚིགས་སུ་བཅད་པ་འདི་དག་སྨྲས་སོ།། འདི་ནི་སེམས་ཅན་དམྱལ་བའི་སྒྲ། ། ཐོས་ནས་བློ་ངན་ཁྱོད་འཇིགས་སམ།། གང་དུ་ཁྱོད་ནི་མེ་ཡིས་སུ།། ཤིང་ལྟར་བསྲེགས་ན་ཇི་ལྟར་བྱ།། མེ་ཡིས་བསྲེགས་པ་བསྲེགས་པ་མིན།། ངན་པར་བྱས་པས་ཁྱོད་བསྲེགས་སོ།། མེམ་ནི་ཞི་བར་འགྱུར་སྲིད་ཀྱི།། ནམས་ཀྱང་ངན་བྱས་མེ་མི་ཞི།། མེ་ཡིས་འཇིག་རྟེན་མཐར་མི་ཁྱེར།། མེ་ཡི་ཕྱི་བཞིན་མེ་མི་འབྲང་།། ངན་བྱས་སྡིག་པའི་མེ་འདི་ཡིས།། ཁྱོད་དང་བཅས་པ་མྱུར་དུ་སྲེག། ངན་བྱས་མེ་ཡིས་གང་བསྲེགས་པ།། མི་དེ་དག་ནི་དམྱལ་བར་སྲེག། ངན་བྱས་མེ་ནི་གང་སྤོང་བ།། དེ་དག་དམྱལ་བའི་འཇིགས་པ་མེད།། གང་དག་རྟག་ཏུ་གཅེས་འདོད་དང་།། གལ་ཏེདམྱལ་བ་རྣམ་འཇིགས་པ། ། སྡིག་པ་དག་ནི་རྣམ་པར་སྤོངས།། དེ་ལས་སྡུག་བསྔལ་འབྱུང་མི་འགྱུར།། སྡིག་པ་ཤིན་ཏུ་རྣམ་སྤངས་པ།། སེམས་ནི་རྟག་ཏུ་གཙང་བ་དང་།། ལུས་དང་ངག་གིས་ཚོགས་ཞི་བ། ། མྱ་ངན་འདས་པ་ཡོང་མི་རིང་།། སེམས་ཅན་རྟག་ཏུ་སྡིག་སེམས་པ།། རྟག་ཏུ་གཏི་མུག་དབང་དུ་སོང་།། སེམས་ཅན་དམྱལ་བ་དྲག་པོ་ཐོབ།། ཅི་ཕྱིར་རབ་ཏུ་མཆི་མ་འབྱིན། ངན་བྱས་ཐོག་མ་པར་ཐ་མར།། སྡུག་བསྔལ་སྡུག་བསྔལ་རྣམ་སྨིན་དང་།། དེ་བཞིན་སྡུག་བསྔལ་འགྲོ་བ་དང་།། ལེགས་པ་ཡོངས་སུ་སྨིན་མི་འགྱུར།། འཇིག་རྟེན་ཕ་རོལ་ཁྱོད་ཀྱི་སྡིག། སྡིག་པ་གང་དག་ངན་བྱས་མང་། ། དེ་ཡི་འབྲས་བུ་རྣམ་སྨིན་ནི།། དེ་རིང་མི་བཟད་ཉེ་བར་སྤྱོད།། མི་ཡིས་ངན་བྱེད་བྱས་པ་ནི།། མི་བཟད་ཤིན་ཏུ་མི་བཟད་འགྲོ།། མི་ཡིས་ལེགས་བྱེད་བྱས་པ་ནི། ། བདེ་ལས་ཤིན་ཏུ་བདེ་བར་འགྲོ།། སྡིག་པའི་འབྲས་བུ་མི་བཟད་པ།། བདེ་བ་འཐོབ་པར་འགྱུར་བ་མེད།། བདེ་བ་དག་གི་འབྲས་བུ་ཡང་།། མི་བཟད་ལོག་པར་སྨིན་མི་འགྱུར།། འཁོར་བ་ཐོག་མ་མེད་པ་ནས། ། ལེགས་བྱས་འབྲས་བུ་བདེ་བ་དང་།། ངན་པར་བྱས་པའི་ལས་དག་ནི།། དེ་བཞིན་སྡུག་བསྔལ་འབྲས་བུ་དྲན།། རྒྱུ་རྐྱེན་འདྲ་བར་འབྱུང་འགྱུར་གྱི།། ལོག་པར་རྟོག་པར་མི་བྱེད་དེ། ། ཇི་ལྟར་སྔོན་གྱི་རྒྱུ་བྱས་པ།། དེ་ལྟར་འབྲས་བུ་ཐོབ་པར་འགྱུར།། དེ་ལྟར་སྲིད་པ་བར་མ་པ་དེར་ལས་ཀྱིས་བྱས་པའི་གཤིན་རྗེའི་མི་རྣམས་ཀྱིས་རྗེས་སུ་བསྟན་ནས། དེ་སེམས་ཅན་དམྱལ་བ་དེར་ཁྲིད་དོ།། ཐོས་ནས་ཡང་སྤུ་ཟིང་གིས་བྱེད་ཅིང་ཤིན་ཏུ་འཇིགས་ན་མཐོང་ན་ལྟ་སྨོས་ཀྱང་ཅི་དགོས་པ་སྲིད་པ་བར་མ་པ་དེས་མཐོང་ནས། གཟུགས་ལ་སོགས་པའི་ཕུང་པོ་དེ་དག། ཇི་ལྟར་སེམས་ཅན་དམྱལ་བས་བྱས་པ་དྲོ་བ་འདོད་པ་དེ་ལྟར་གྲང་བར་བྱས་པའི་སྡུག་བསྔལ་མི་བཟད་པས་སྡུག་བསྔལ་ལོ།། དེ་ཉེ་བར་ལེན་པ་ཉིད་ལས་སྲིད་པ་འབྱུང་ལ་དེ་ལྟར་སྲིད་པའི་ཡན་ལག་ལ་གནས་པ་དེ་ལས་སྐྱེ་བ་འབྱུང་སྟེ། དེའི་མི་དགེ་བའི་ལས་གང་ཡིན་པ་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བས་དགེ་སློང་མ་ཞེ་སྡང་མེད་པ། ཚུལ་ཁྲིམས་དང་ལྡན་པ། འདོད་པ་མེད་པ། འོས་མ་ཡིན་པ་ལ་རུང་བར་བཟུང་སྟེ་སུན་ཕྱུང་ན། དེའི་མི་དགེ་བའི་ལས་བྱས་ཤིང་བསགས་པའི་རྣམ་པར་སྨིན་པ་ལྕི་བའི་ཤུགས་གང་ཡིན་པ་དེས་མེའི་ཕུང་པོ་འབར་བ། རྒྱུར་དཔག་ཚད་ལྔ་བརྒྱ་ཡོད་ཅིང་། འཕང་དུ་དཔག་ཚད་ཉིས་བརྒྱ་ཡོད་བ་དེར་ལས་ངན་པ་བྱས་པས་འཕངས་ཏེ། ཇི་ལྟར་རི་མཐོན་པོ་ལ་ལྕགས་ཀྱི་མདའ་འཕངས་པ་ཐགས་ཐོགས་མེད་པར་འགྲོ་བ་ཤུགས་ཀྱིས་འཕེན་པ་དེ་ལྟར་སེམས་ཅན་དམྱལ་བ་པ་དེ་མེ་ཟ་བ་དེར་འདོར་རོ། ། འདོར་བ་ན་ལས་ཀྱིས་བྱས་པའི་ཕུར་བུ་རྣམས་འབྱུང་བར་འགྱུར་ཏེ། གང་བྱུང་བ་ཙམ་གྱིས་ཀྱང་ལུས་ཡོངས་སུ་མི་གཏོང་ངོ་།། དེ་ལྟར་དེའི་མགོ་ཐུར་དུ་སྦྱངས་ཤིང་རྐང་པ་གྱེན་དུ་བསྒྲེང་སྟེ། འདོར་བ་ན་དང་པོ་ཁོ་ནར་མེས་མིག་དང་མགོའི་པགས་པ་སྲེག་གོ།། དེ་ནས་མགོའོ་ཐོད་པ། དེ་ནས་འགྲམ་པའི་རུས་པ། དེ་ནས་སོ།། སོའི་འོག་ཏུ་སོ་དྲུང་། སཽ་དྲུང་གི་འོག་ཏུ་མགྲིན་པའི་རུས་ད་མགྲིན་པའི་རུས་པའི་འོག་ཏུ་རྒྱབ་ཀྱི་རུས་པ་དང་བྲང་རུས། བྲང་རུས་ཀྱི་འོག་ཏུ་མགྲིན་པ་དང་མིང་པ། དེའི་འོག་ཏུ་མཆིན་པ། མཆིན་པའི་འོག་ཏུ་མཆེར་པ། མཆེར་བའི་འོག་ཏུ་རྒྱུ་མ། རྒྱུ་མའི་འོག་ཏུ་གཉེ་མ། གཉེ་མའི་འོག་ཏུ་མདོམས། མདོམས་ཀྱི་འོག་ཏུ་ཕོ་མཚན། ཕོ་མཚན་གྱི་འོག་ཏུ་བརླ། བརླའི་འོག་ཏུ་པུས་མོའི་ལྷ་ང། པུས་མོའི་ལྷ་ངའི་འོག་ཏུ་པུས་མོ་གཉིས་ཀ། པུས་མོ་གཉིས་ཀའི་འོག་ཏུ་སོར་མོ་སྟེ། དེ་ལྟར་དང་པོ་ལས་བྱེད་པ་ངན་པ་བྱས་པ་དེ་སེམས་ཅན་དམྱལ་བ་བའི་མེའི་དོང་དུ་འདོར་བ་ན། སྲེག་ཅིང་འཚོ་ཡང་སྡུག་བསྔལ་རྒྱུན་མི་འཆད་པར་འབྱུང་སྟེ། ཇི་ལྟ་ཇི་ལྟར་ངན་པར་བྱས་པའི་ལས་ཡང་དང་ཡང་དུ་བྱས་པ་དེ་ལྟ་དེ་ལྟར་སེམས་ཅན་དམྱལ་བ་པའི་སྡུག་བསྔལ་ཡང་དང་ཡང་དུ་འབྱུང་ལ། དེ་ཤུགས་ཀྱི་འབར་བའི་འཕྲེང་བའི་ཐབ་ཏུ་འདོར་ཞིང་ས་གཞི་རྡོ་རྗེ་ལྟ་བུ་དག་ལ་ཕྱིར་བཏག་པ་དང་། སྐྱེས་ནས་དེ་ནས་ཡང་ཇི་ལྟར་ཕོ་ལོང་དང་པོར་ས་ལ་བརྡབས་ནས། བཏུད་དེ་བརྡབས་པ་དེ་ལྟར་དེའི་རོ་སྟོད་ལྔ་ལ་རོ་སྨད་ཕྱིས་འདོར་བ་དུ་སྐད་འདོན་པ་ན་དེ་ནས་ཡང་འདོར་རོ།། འབར་བའི་འཕྲེང་བས་འཕངས་པའི་ལུས་དེ་དེ་ནས་ཡང་སྲེག་པ་ན། སྔ་མ་བཞིན་དུ་མེ་ལྕེའི་ནང་དུ་འཇུག་གོ།། དེ་ལྟར་དེ་ལོ་འབུམ་ཕྲག་དུ་མར་སེམས་ཅན་དམྱལ་བའི་མེ་ཐབ་དེར་སྲེག་གོ།། བསྲེགས་ནས་དེ་ནས་དུས་ཟད་ཀྱི་བར་དུ་འབྱུང་ངོ་། ། དེ་ནས་མེ་ཐབ་དེ་ལས་སེམས་ཅན་དུ་བགྲང་བ་མ་ཡིན་པ་གཤིན་རྗེའི་མི་ཕྲ་སྐམ་རབ་ཏུ་འབར་བ་ཐོགས་པས་མི་དེ་བཟུང་ནས་འདྲེན་ཏོ།། ཕྲ་སྐམ་རབ་ཏུ་འབར་བའི་རྣམ་པ་དེ་ལྟ་བུ་དེ་བས་གང་མེ་ཐབ་ཆེས་དྲང་སྟེ། པྲ་སྐ་མ་ཉིས་འགྱུར་གྱིས་ཚ་བ་གང་ཡིན་པ་དེའི་རྒྱུ་ནི་གང་། རྐྱེན་ནི་གང་ཡིན་སྙམ་ན། དེ་ལ་རྒྱུ་ནི་འདི་ཡིན་ཏེ། གང་སྲོག་བཅད་པས་མེ་ཟབ་ཏུ་སྲེག་ལ། སྲོག་གཅོད་པ་དང་། མ་བྱིན་པར་ལེན་པ་ངན་པ་བྱས་པ་དག་ཕྲ་སྐམ་གྱིས་ཉིས་འགྱུར་དུ་རབ་ཏུ་སྲེག་སྐྱེ། རྒྱུ་ནི་དེ་ཡིན། རྐྱེན་ནི་དེ་ཡིན། གཞི་ནི་དེ་ཡིན་ནོ།། ཕྲན་མ། གྱིས་ཉིས་འགྱུར་དུ་རབ་ཏུ་བསྲེགས་པ་གང་ཡིན་པའི་ཕྲ་སྐམ་དེས་དྲངས་ནས། སེམས་ཅན་དུ་བཟང་བ་མ་ཡིན་པ་གཤིན་རྗེནི་མི་དེ་རྣམས་ཀྱིས་ལྕགས་ཀྱི་ས་གཞི་རབ་ཏུ་འབར་བའི་སྟེང་དུ་འཇོག་གོ། ཕུར་བུ་རབ་ཏུ་འབར་བའི་བུར་བུ་དེས་དེའི་རྒྱབ་དང་མདོམས་སྔ་མ་བཞིན་ཕུག་ནས་དེའི་སྟེང་དུ་བཞག་ལ། རལ་གྲི་ཤིན་ཏུ་རྣོན་པོ་རབ་ཏུ་འབར་བས་རླིག་པ་དང་པོ་མཚན་ལྷན་ཅིག་གཅོད་དོ།། སྡུག་བསྔལ་སུམ་འགྱུར་དུ་མྱོང་ངོ་།། དེའི་རྒྱུ་ནི་གང་ཡིན། རྐྱེན་ནི་གང་ཡིན། གཞི་ནི་གང་ཡིན་སྙམ་ན། དེ་ལ་རྒྱུ་ནི་འདི་ཡིན། རྐྱེན་ནི་འདི་ཡིན།། གཞི་ནི་འདི་ཡིན་ཏེ། འདི་ལྟ་སྟེ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་རྒྱུ་དང་། རྐྱེན་དང་། གཞིར་གྱུར་ཏེ། རྒྱུ་དེས་སྡུག་བསྔལ་སུམ་འགྱུར་དུ་མྱོང་ངོ་།། འདི་ལྟ་སྟེ། ལྕགས་མགར་གྱིས་ན། ལྕགས་མགར་རམ། ལྕགས་མགར་གྱི་སློབ་མས་སྲུད་པ་བླངས་ཏེ། དབུགས་ཀྱིས་བཀང་ནས། ཇི་སྟེ་ཇི་ལྟར་དབུགས་ཀྱིས་འབུད་པ་དེ་ལྟ་དེ་ལྟར་ཉེས་པར་བྱེད་པའི་ལས་ཀྱི་མཐའ་བྱས་པ་དེ་བཞིན་དུ་སྲེག་གོ། ཉེས་པར་བྱས་པ་མཀར་བ་ནི་ལས་དང་མཇུག་ཅེས་བྱ་བའི་ཚིག་བླ་དགས་སོ།། མགར་བའི་སློབ་མཉེས་པར་བྱས་པ་ཞེས་བྱ་བ་ནི། ལས་ཀྱི་ཉེར་བསྡོགས་ཞེས་བྱ་བའི་ཚིག་བླ་དགས་སོ། ། རླུང་ཞེས་བྱ་བ་ནི་ལས་ཀྱི་རླུང་ཞེས་བྱ་བའི་ཚིག་བླ་དགས་སོ།། སྡུད་པ་ཞེས་བྱ་བ་ནི་ལྟ་བ་ངན་པ་ཞེས་བྱ་བའི་ཚིག་བླ་དགས་སོ།། མདག་མ་རབ་ཏུ་འབར་བ་ཞེས་བྱ་བ་ནི་སེམས་ཅན་དམྱལ་བ་ཞེས་བྱ་བའི་ཚིག་བླ་དགས་སོ། ། ཇི་ལྟ་ཇི་ལྟར་སྡུད་པ་འབུད་པ་དེ་ལྟ་དེ་ལྟར་སྲེག་ཅེས་བྱ་བ་ནི་སེམས་ཅན་དམྱལ་བ་པ་དག་ཀྱང་ཇི་ལྟ་ཇི་ལྟར་ཤིན་ཏུ་མི་དགེ་བའི་ལས་བྱས་པ་དེ་ལྟ་དེ་ལྟར་སྡུག་བསྔལ་ཤིན་ཏུ་མི་བཟད་པ་མྱོང་བར་འགྱུར་ཏེ། དེ་ནི་རྒྱུ་ཡིན། དེ་ནི་རྐྱེན་ཡིན་ནོ།། རལ་གྲིའི་གནོད་པ་གང་གིས་དེ་ཤིན་ཏུ་མི་བཟད་པ་སུམ་འགྱུར་དུ་མྱོང་བར་འགྱུར་ཏེ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་རྣམས་ཀྱི་འབྲས་བུ་དེ་ཡིན་པར་རིག་པར་བྱའོ།། སེམས་ཅན་དམྱལ་བ་པ་དེ་འཇིགས་པས་མིག་བློང་བ་རྣམ་པར་སྒྲ་འབྱིན་ཅིང་འཕགས་པ་མ་ཡིན་པའི་ལས་ཀྱིས་འཚེད་པ་ན་དྲིས་པ། ཀྱེ་གྲོགས་པོ་དག་ཁྱེད་ཅག་ལ་ཅི་ཞིག་གནོད། སྡུག་བསྔལ་དེ་དག་གིས་མངོན་པར་ཉམ་ཐག་པ་དེས། གཤིན་རྗེའི་མི་རྣམས་ལ་འདི་ལྟར་སྡུག་བསྔལ་ཚ་བ་དག་གིས་ཉམ་ཐག་པའི་སྡུག་བསྔལ་འདི་དག་ནི་སྡུག་བསྔལ་བ་མེད་ཀྱི། འདི་ལྟར་བདག་ཅག་ནི་སྐོམ་པས་གདུངས་སོ་ཞེས་སྨྲས་པ་དང་། དེ་གཤིན་རྗེའི་མི་དེ་དག་གིས་ཐོས་ནས་འཇིགས་པའི་རླབས་ཞེས་བྱ་བ་ཟངས་དང་ཞ་ཉེ་བསྲེས་པ་རབ་ཏུ་བསྐོལ་བའི་རླབས་ཀྱིས་འགྲམ་གཉིས་ཀ་གནོད་པ་ཆུ་བོའི་རླབས་ཀྱི་སྒྲ་མཐོང་ཞིང་ཟོས་ནས་འཇིགས་ཤིང་སྤངས་པ་དེ་ནས་ལྕགས་ཀྱི་སྣོད་ཀྱི་ནང་དུ་ཟངས་དང་ན་ཉེ་བསྲེས་ཏེ་བསྐོལ་བ་དེར་བླུགས་ནས་ཁྱེར་ཏེ་འོངས་ནས། འདི་ལྟར་ཀྱེ་གྲོགས་པོ་དག་འཐུང་ཞེས་སྨྲས་སོ། ། དེ་སྐོམ་པས་གདུངས་པའི་བསམ་པས་བཏུང་བ་ཡིན་ནོ་སྙམ་ནས། དེ་ལག་པ་གཉིས་ཀས་བླངས་ནས། ལས་ཀྱིས་བསྒྲིབས་པ་སྐོམ་པས་གདུངས་པ་འཟུང་བ་དང་། དེ་མཆུ་སྲེག་ཅིང་ལྕེ་སྲེག་པ་ནས། མགུལ་བ་དང་མིད་པའི་བར་ནས་རོ་སྨད་ཀྱི་བར་དུ་འབྱུང་སྟེ། དེ་སྡུག་བསྔལ་བཞི་འགྱུར་དུ་མྱོང་ངོ་།། བཞི་འགྱུར་དུ་བསྲེགས་པ་དེ་ལས་ཀྱི་འབྲས་བུ་གང་ཡིན་སྙམ་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ནི་སྡོམ་པ་བླངས་པས་འཐུངས་ཤིང་ཁྱིམ་གྱི་གནས་ནས་བྱུང་བ། སྡོམ་པ་བླངས་པའི་དགེ་སློང་མ་དག་ལ་བླུད་པ། དེའི་འབྲས་བུ་ནི་འདི་ཡིན་ཏེ། འདི་ལྟར་སེམས་ཅན་དམྱལ་བ་པ་དེ་ཟངས་དམར་པོ་རབ་ཏུ་བསྐོལ་བ་དེ་ལ་འཐུང་བའི་བསམ་པས་ལེན་པ་དེ་ཡིན་ནོ། ། དེ་བཞིན་དུ་དགེ་སློང་ཚུལ་ཁྲིམས་དང་ལྡན་པས་བཏུང་བ་རུང་བ་ཡིན་ནོ་སྙམ་ནས། ཆང་དེ་ཡང་དུག་ཧ་ལ་ཧ་ལ་ལྟ་བུ་ཡིན་ཏེ། དགེ་སློང་བློ་ཞན་པ་དེས་སྦྱིན་པ་པོ་དང་། སྦྱིན་བདག་དག་གི་ས་ལ་དབོ་བར་མ་ནུས་ཤིང་། དགེ་འདུན་ལ་འཇིགས་ནས་འཐུངས་པ་དེའི་འབྲས་བུ་ནི་འདི་ཡིན་ཏེ། སེམས་ཅན་དམྱལ་བ་པའི་ཟངས་བཞུས་པ་དེ་ས་དག་ལ་དབོ་བར་མི་ནུས་ཏེ། ལས་དེའི་འབྲས་བུ་ནི་དེ་ཡིན་ནོ། ། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་བཅུ་གསུམ་པ།། དེ་ནས་ཡང་གཤིན་རྗེའི་མི་དེ་དག་གིས་སེམས་ཅན་དམྱལ་བ་པ་དེ་དག་ལ་དྲིས་ལ། འདི་ལྟར་ཀྱེ་གྲོགས་པོ་དག་ཁྱེད་ལ་ཅི་ཞིག་གནོད། སེམས་ཅན་དམྱལ་བ་དེ་དག་གིས་སྨྲས་པ། བཀྲེས་པས་རབ་ཏུ་ཁོ་ནར་གནོད་དེ་སྡུག་བསྔལ་འདི་ཡང་བདག་གི་གནོད་པ་དེ་དག་ཐམས་ཅད་ཟིལ་གྱིས་ནོན་ཏེ། བཀྲེས་པའི་སྡུག་བསྔལ་གྱིས་གནས་སོ།། དེ་ནས་གཤིན་རྗེའི་མི་རྣམས་ཆུ་བོའི་རླབས་འཇིགས་པ་ནས་ལྕགས་ཀྱི་ཐུ་ལུམ་ལྔ་འགྱུར་དུ་རབ་ཏུ་འབར་བ་བླངས་ཏེ་འོངས་པ་དང་། དེ་ནས་སེམས་ཅན་དམྱལ་བ་པ་ལས་ཀྱིས་རྣམ་པར་རྨོངས་པའི་བློ་གྲོས་ཅན་དེ་དག་ལྕགས་ཀྱི་ཐུ་ལུམ་དེ་དག་བཟའ་བ་ཡིན་ནོ་སྙམ་ནས་བླངས་ཏེ་ཟ་བ་དང་། སྔ་མ་བཞིན་དུ་དེའི་མཆུ་བསྲེགས་པ་ནས། རོ་སྨད་ཀྱི་བར་དུ་བྱུང་གིས་ཀྱང་འཆི་བར་མི་བྱེད་དོ།། དེའི་ལས་ངན་པར་བྱས་པའི་དབང་གིས་ལྕེ་དེ་ཡང་སླར་འབྱུང་བར་འགྱུར་ལ། པདྨའི་འདབ་མ་ལྟར་ཤིན་ཏུ་འཇམ་ཞིང་དེ་ལུས་ཀྱང་འབྱུང་བར་འགྱུར་ཏེ། དེའི་ལས་ཀྱི་འབྲས་བུ་ནི་དེ་ཡིན་ནོ།། དེ་ནས་ཡང་དགེ་སློང་དེས་ཟོས་པ་ལས་བྱུང་བའི་ཤེས་པས། དེ་བཞིན་གཤེགས་པའི་སྒྲོན་མ་ལྟ་བུར་གྱུར་པ་ལ། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དེའི་འབྲས་བུ་ནི་འདི་ཡིན་ཏེ། གང་ཚུལ་ཁྲིམས་འཆལ་པ། ལུག་བོང་ལྟར་སྤྱོད་པ། ཚུལ་ཁྲིམས་དང་ལྡན་ནོ་སྙམ་ནས། ཡུལ་འཁོར་གྱི་བསོད་སྙོམས་ལ་ཡོངས་སུ་སྤྱོད་པ་དེའི་འབྲས་བུ་ནི་དེ་ཡིན་པར་ཤེས་སོ།། དེ་ནས་ཡང་སེམས་ཅན་དམྱལ་བ་པ་དེ་གཤིན་རྗེའི་མི་དེ་དག་གིས་མཐོང་ནས། དེ་དག་གི་ལྕེ་བསྲེགས་ཤིང་ལས་ཀྱི་རྣམ་པར་རྨོངས་པའི་བློ་གྲོས་ཅན་དེ་དག་གི་ལྕེ་དེ་ཁ་ནས་འབྱིན་པར་བྱེད་དེ། དེ་ཡང་བརྫུན་དུ་སྨྲ་བའི་རྒྱུ་དེས་པདྨའི་འདབ་མ་ལྟར་ཤིན་ཏུ་འཇམ་པ་རྒྱར་དཔག་ཚད་ཕྱེད་ཁེབས་སོ། ། དེ་ནས་གཤིན་རྗེའི་མི་དེ་དག་གིས་ལྕེ་དེ་བཟུང་ནས། ལས་ཀྱིས་བསྒྲུབས་པའི་རྨོན་པ་བརྒྱ་ཕྲག་དུ་མ་རྣམས་ཀྱིས་ཉེས་པར་བྱས་པ་ལོག་པར་སྨྲ་བ་ངུ་ཞིང་སྐད་འབྱིན་བཞིན་དུ་ཤིན་ཏུ་རྨེད་དོ། ། དེ་ལྟར་ལོ་འབུམ་ཕྲག་དུ་མ། ལོ་བྱེ་བ་བརྒྱ་ཕྲག་བགྲང་གིས་མི་ལང་བའི་བར་དུ་མྱོང་བར་གྱུར་ཏེ། ལས་བྱས་ཤིང་བསགས་པ་དེ་དག་གི་འབྲས་བུ་རྣམ་པར་སྨིན་པ་དག་མ་མྱོང་བར་སེམས་ཅན་དམྱལ་བ་ལས་ཐར་པ་མེད་དོ།། དེ་ནས་གཤིན་རྗེའི་མི་དེ་དག་གིས་སེམས་ཅན་དམྱལ་བ་དེ་དག་ལ་ཚིགས་སུ་བཅད་པ་འདི་དག་རྗེས་སུ་བསྟན་ཏོ། ། ཇི་ལྟར་ཁྱེད་ལ་སྲོག་གཅེས་པ།། གཞན་ལའང་དེ་ལྟར་རབ་ཏུ་གཅེས།། སྡིག་པ་དག་གིས་རྗེས་འབྲང་བ།། ཁྱེད་ཀྱིས་ཅི་ཕྱིར་སྲོག་གཅོད་བྱས།། མི་ཡིས་སྲོག་དང་བསྔོས་བྱས་ནས། ། ནོར་ནི་གང་ཞིག་ཡང་དག་བསྒྲུབས།། གཞན་གྱི་ནོར་ལ་འདོད་པས་སུ།། དེ་ནི་ཁྱེད་ཀྱིས་ཅི་ཕྱིར་འཕྲོག། ཀུན་གྱི་ནང་ན་སྡུག་པ་སྟེ།། སྲོག་པས་འཕངས་པའི་ཆུང་མ་དེ། ། ཁྱེད་ཀྱིས་འདོད་ཆགས་ཆགས་པ་ཡི།། སྟོབས་ཀྱིས་ཅི་ཡི་ཕྱིར་ན་འཕྲོག། སྐྱེ་བོ་རྣམ་པར་རྨོངས་པའི་བློ།། ཆོས་ལ་མཆོག་ཏུ་སུན་འབྱིན་པ།། སྡིག་པའི་ཆང་ནི་འཐུང་བ་དག། ཁྱེད་ཀྱིས་ཅི་ཕྱིར་ཡོངས་སུ་སྤངས། ། དུག་ལྟ་བུ་ཡི་ལྕེ་ལས་བྱུང་།། གང་ཀུན་ཡིད་ཆེས་མི་བྱེད་པ།། བརྫུན་དུ་སྨྲ་བའི་སྡིག་པ་དག། ཁྱེད་ཀྱིས་ཅི་ཕྱིར་ཡོངས་མ་སྤོངས།། དེ་ལྟར་སྡིག་པ་རྣམ་ལྔ་ཡིས།། གང་ཕྱིར་རྗེས་སུ་ཆགས་ལྡན་ཁྱེད།། དེ་ཕྱིར་མ་དུ་ལེགས་པར་ཟོ།། སྨྲེ་སྔགས་དོན་མེད་ཅི་ཞིག་འདོན།། དུག་ལྟ་བུ་ཡི་སྡིག་པའི་ཆོས།། གང་ཕྱིར་ཡོངས་སུ་མ་སྤངས་པར།། དེ་ཕྱིར་འབར་བའི། འཕྲེང་བ་ཡིས།། དམྱལ་བ་འཁྲུགས་པ་ཆེན་པོ་ཐོབ།། དེ་ལྟར་སེམས་ཅན་དམྱལ་བ་པ་དེ་དག་ལ། གཤིན་རྗེའི་མི་དེ་རྣམས་ཀྱིས་རྗེས་སུ་བསྟན་པ་བསྟན་ནས། རང་གིས་བྱས་པའི་ལས་རྒྱུའི་འབུར་ལྟ་བུར་གྱུར་པའི་གནོད་པ་དྲག་པོ་སྣ་ཚོགས་དང་། རྣམ་པ་དུ་མ་དག་གིས་རྡེག་ཅིང་གསོད་དེ། ཇི་ལྟར་མི་དགེ་བའི་རྣམ་པ་དུ་མ་ཀུན་ཏུ་སྤྱད་པ་དེ་ལྟར་སྡུག་བསྔལ་རྣམ་པ་དུ་མ་ཡང་སོ་སོར་མྱོང་བར་འགྱུར་ལ། རྒྱུ་དང་མཚུངས་པར་འབྲས་བུ་འབྱུང་ཞིང་། ས་བོན་དང་མཚུངས་པར་འབྲས་བུ་འབྱུང་ངོ་།། འདི་ལྟར་སེམས་ཅན་དམྱལ་བ་ཆེན་པོ་རབ་ཏུ་ཚ་བ་དེར་མི་དགེ་བའི་ལས་བྱེད་པས་ཤིན་ཏུ་གང་བའི་འབྲས་བུ་མི་དགེ་བས་ཤིན་ཏུ་གང་བ་དེ་ལྟ་བུ་ལ་སྤྱད་དེ། དེ་ལྟར་ལོ་འབུམ་ཕྲག་དུ་མར་སྡིག་པའི་ལས་དགྲ་ལྟ་བུར་གྱུར་ཅིང་མི་ཕན་པར་འདོད་པ་དེས་སེམས་ཅན་དམྱལ་བ་པ་དེ་དག་འཚེད་དོ། ། དེ་གལ་ཏེ་དེ་ལས་ཐར་ན་མགོན་འདོད་པ། སྐྱབས་འདོད་པ། དཔུང་གཉེན་འདོད་པ་རྒྱུག་པ་དང་། དེས་རྒྱང་རིང་པོ་ནས་ཁྱིའི་ཚོགས་ཆེན་པོ་དག་ཁ་གདངས་ཤིང་སྤྲོ། བ་ཆེ་ལ་ཤིན་ཏུ་མགྱོགས་པ། སོ་རྡོ་རྗེ་ལྟར་རྣོ་ཞིང་ཤིན་ཏུ་འཇིགས་པའི་སྒྲ་འབྱིན་པའི་ཁྱི་དེ་ཁྱི་རྣམས་ཀྱིས་བསྐོར་ནས་རྒྱུག་ཅིང་འོང་བ་མཐོང་ངོ་།། མཐོང་ནས་སེམས་ཅན་དམྱལ་བ་པ་དེ་འབྲོས་པར་བརྩམས་པ་དང་། དེ་ནས་ཁྱི་དེ་དག་ཐམས་ཅད་ཀྱིས་བརྒྱུགས་ནས་དེ་བཟུང་ངོ་།། བཟུང་ནས་ཀྱང་མ་ལུས་པར་ཟ་སྟེ། རྒྱུས་པའི་ཚོགས་ནས་རྒྱུས་པའི་ཚོགས་དང་། གནད་ཀྱི་བར་ནས་གནད་ཀྱི་བར་དང་། རུས་པའི་ཚོགས་ནས་རུས་པའི་ཚིགས་ཏེ། ཇི་ལྟར་དེ་ཡུངས་འབྲུ་ཙམ་ཡང་མ་ལུས་པ་དེ་ལྟར་ཡན་ལག་དང་ཉིང་ལག་ཐམས་ཅད་ཟའོ།། དེ་ནས་ཡང་འབྱུང་བར་འགྱུར་ཏེ། དེ་ལྟར་དེ་ཡུན་རིང་དུ་ཁྱི་རྣམས་ཀྱིས་ཟའོ།། དེའི་ལས་ཀྱི་འབྲས་བུ་དེ་གང་ཞིག་ཡིན་སྙམ་ན། གང་དེས་ཤ་སྟོན་བྱ་བའི་ཕྱིར་སེམས་ཅན་བསད་ཅིང་སྲོག་བཅད་པའི་འབྲས་བུ་ནི་དེ་ཡིན་ནོ།། མ་བྱིན་པར་ལེན་པའི་འབྲས་བུ་འབྱུང་བ་ཡང་འདི་ལྟར་སེམས་ཅན་དམྱལ་བ་པ་དེས། ལས་ཀྱིས་བྱས་པར་གྱུར་པའི་ནོར་རྫས་དག་མཐོང་བ་དང་། དེ་དག་ཀྱང་ལས་ལས་བྱུང་བའི་རྨོངས་པ་ཡིན་ཏེ། འདི་ལྟར་འདི་དག་ནི་བདག་གི་ཡིན་ན། ཕ་རོལ་དག་གིས་ཕྲོགས་པ་ལྟ་སྙམ་དུ་ཁོང་དུ་ཆུད་ནས་དེ་དེར་བརྒྱུགས་པ་དང་། དེ་གཤིན་རྗེའི་མི་རྣམས་ཀྱིས་བཟུང་ངོ་།། བཟུང་ནས་ཀྱང་མཚོན་རྣམ་པར་། གཅོད་པས་གནང་ནས་གནད་ཤིན་ཏུ་གཅོད་ཅིང་སྲེག་གོ། དེ་སེམས་ཅན་དམྱལ་བ་པ་གཞན་དག་གི་དྲུང་དུ་རྒྱུག་ལ། སེམས་ཅན་དམྱལ་བ་པ་དེ་མཐོང་ནས་དེ་དག་ཀྱང་གཤིན་རྗེའི་མི་དེ་རྣམས་ཀྱིས་བཟུང་སྟེ། རལ་གྲི་དང་། མདུང་ཐུང་དང་། མདའ་བོ་ཆེ་དང་། རྡོ་རབ་ཏུ་འབར་བ་རྣམས་ཀྱིས་རྣམ་པར་གཤོག་པར་བྱེད་དོ།། དེ་དག་ཀྱང་མ་བྱིན་པར་ལེན་པ་དེའི་འབྲས་བུས་ཇི་སྲིད་དུ་མ་བྱིན་པར་ལེན་པའི་འབྲས་བུ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་གཤོག་པར་བྱེད་དོ། ། དེ་ཕྱིས་དེ་ལས་ཐར་པར་འགྱུར་ཏེ། འདོད་པས་ལོག་པར་གཡེམ་པས་བུད་མེད་པ་ཚྭའི་ཆུ་བོས་ཁྱེར་ཞིང་ཤིན་ཏུ་རྩུབ་རྩུབ་སྐད་སྨྲས། རླབས་ཀྱིས་བརྡབས་པ་ན་བར་འགའ་ནི་སྟེང་དུ་འབྱུང་། བར་འགའ་ནི་འོག་ཏུ་འཇུག་ཅིག། སེམས་ཅན་དམྱལ་བ་པ་དེ་ལས་འདི་ལྟར་བདག་ལ་མགོན་མེད་དེ། བ་ཚྭའི་ཆུ་བོའི་ཉོན་མོང། པ་འདི་ལས་བདག་ཡོངས་སུ་སྐྱོབས་ཤིག་ཅེས་སྨྲ་བ་མཐོང་ངོ་།། དེ་ནས་སེམས་ཅན་དམྱལ་པ་པ་དེས་བུད་མེད་དེའི་སྒྲ་དེ་ཐོས་ནས། ལས་ཀྱིས་རྨོངས་པ་བ་ཚྭའི་ཆུ་བོ་དེར་འཇུག་གོ། དེས་ཞུགས་མ་ཐག་ཉིད་དུ་དེའི་ལུས་པ་ཚྭའི་ཆུ་བོའི་ཤུགས་ཀྱིས་ཇི་ལྟར་རུས་པ་ཡུངས་འབྲུ་ཙམ་ཡང་མ་ལུས་པ་དེ་ལྟར་ཁྱེར་རོ། ། དེ་ནས་ཡང་འབྱུང་བར་འགྱུར་ཏེ། ཡང་བུད་མེད་དེ་ཉིད་རྒྱང་རིང་པོ་ན་བ་ཚྭའི་ཆུ་བོ་དེ་ཉིད་ཀྱིས་ཁྱེར་བ་ན། བདག་ལ་མགོན་མེད་པ་བདག་ལ་ཡོངས་སུ་སྐྱོབས་ཤིག་ཅེས་སྒྲ་འབྱིན་པ་མཐོང་ངོ་།། དེ་ནས་ཡང་བུད་མེད་དེ་ལས་དམིགས་པ་དེའི་དྲུང་ཉིད་དུ་རྒྱུག་གོ།། དེ་ནས་བུད་མེད་དེ་ལ་འཇུ་སྟེ། དེའི་སེན་མོ་ལྕགས་ལས་བྱས་པའི་མཚོན་རྣོན་པོ་རབ་ཏུ་འབར་བ་ལྟ་བུ་དག་གིས་མི་དེ་ལ་འཇུས་པ་དང་། ཇི་ལྟར་དེའི་ལུས་ཡུངས་འབྲུ་ཙམ་ཡང་མ་ལུས་པར་དེ་ལྟར་རྣམ་པར་འཐུབ་བོ།། ལུས་ཀུན་ཏུ་ཁྲག། གི་ཆག་ཆག་ལྟར་བཏབ་ཅིང་། ལུས་རྒྱུས་པའི་དྲ་བ་ལུས་པ་འདོད་ཆགས་དག་གིས་ཟིལ་གྱིས་ནོན་པ། ཡང་བུད་མེད་དེ་ཉིད་ཀྱི་ཕྱིར་རྒྱུག་སྟེ། དེ་བ་ཚྭའི་ཆུ་བོ་དེའི་ནང་དུ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེད་དོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ལ། ཐར་ནས་དེ་ནས་ཡང་འབྱུང་བར་འགྱུར་ཏེ། བཀྲེས་པས་ཡོངས་སུ་གདུངས་པའི་ལུས་དེ་གར་བབ་བབ་ཏུ་ཡོངས་སུ་རྒྱུག་གོ། ། དེ་ཕྱིས་ཆུ་བསིལ་བ་འདོད་པའི་ཕྱིར་ཆུ་བོའི་དངོ་རབ་ཏུ་དང་བ་དེར་རྒྱུག་གོ། དེ་གང་གི་ཚེ་ཕྱིན་པ་དང་ཆུ་བོའི་དངོ་དེ་ཡང་ཞ་ཉེ་རབ་ཏུ་བསྐོལ་བ་འཇིགས་འཇིགས་ལྟར་འདུག་པ་ཆེན་པོ་ཡིན་ཞིང་། ཐམས་ཅད་དུ་དུག་རབ་ཏུ་དྲག་པ་དང་། སྦྲུལ་རྣམས་ཀྱིས་ཁེབས་ཏེ། སྐོམ་པས་གདུངས་པ་དེ་དུག་དང་སྦྲུལ་དེ་རྣམས་དང་ལྷན་ཅིག་འདྲེས་པའི་ཞ་ཉེ་དེ་ལས་འཐུང་ངོ་། ། དེ་དག་ཀྱང་ལས་ལས་བྱུང་བ་ཡིན་ཏེ། སྦྲུལ་ཕྲ་མོར་གྱུར་པའི་མགོ་མི་དེ་ལ་རབ་ཏུ་འཇུག་གོ།། གང་གི་ཚེ་སེམས་ཅན་དམྱལ་བ་པའི་ལྟོ་དེར་ཞུགས་པར་གྱུར་པ་དེའི་ཚེ། ལུས་ཆེན་པོར་འགྱུར་ཏེ། དེ་ལུས་དེའི་ནང་ན་རྒྱུ་མ་དང་། གཉེ་མ་ལ་སོགས་པ་ཐམས་ཅད་འཆའ་འོ།། འཇིབ་བོ།། ཟའོ།། ཆང་འཐུང་བའི་སྡོམ་པ་དེ་ལས་འདའ་བ་ལས་ཀྱིས་རྨོངས་པ་དེ་ལོ་འབུམ་ཕྲག་དུ་མར་དེ་ལ་འཐུང་ཞིང་། གཉེ་དང་སྦྲུལ་དུ་འདྲེས་པ་དེས་ཀྱང་སྲེག་གོ།། གསོད་དོ།། ཤི་ཞིང་ཤི་ནས་ཡང་འབྱུང་བར་འགྱུར་ལ། དེའི་ཆང་གི་སྡོམ་པ་ལས་འདས་པའི་ཉེས་པས་ལྕེ་གང་སྤྲུལ་དེ། རྣམས་ཀྱིས་ཟ་བར་བྱེད་དེ། དེ་ནི་བརྫུན་དུ་སྨྲ་བའི་འབྲས་བུ་ཡིན་ནོ།། དེ་ལྟར་དེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་སྡུག་བསྔལ་མྱོང་བར་འགྱུར་རོ། ། ཡང་དེ་ནས་ཐར་ནས་གར་བ་བ་བབ་ཏུ་འབྲོས་སོ།། བྱམས་པར་མི་ལྟ་བའི་འབྲས་བུ་ནི་འདི་ལྟར་སེམས་ཅན་དམྱལ་བ་པ་དེའི་ལས་ལས་བྱུང་བའི་སེམས་ཅན་གྱིས་སྨྲས་པ་འདི་ལྟར་ཁྱོད་འདིར་རྒྱུ་མེད་པར་ཅི་སྟེ་འཚེད། གནས་འདི་ལས་གཞན་དག་ཀྱང་ཡོད་ལ། དེ་ངས་ཁྱོད་ལ་བསྟན་པར་བྱ་སྟེ། དེར་ཁྱོད་བདེ་བ་འཐོབ་པར་འགྱུར་རོ།། དེ་ནས་མི་དེས་སེམས་ཅན་དམྱལ་བ་པ་དེ་ཁྲིད་དེ་འཁོར་རྣམས་ཀྱི་ནང་དུ་འཇུག་པར་བྱེད་དོ། ། དེར་ཡང་མི་དེས་སེམས་ཅན་དམྱལ་བ་པ་དེ་དག་ལ་གང་གནོད་པ་ཐ་དད་པ་དེ་དག་མྱོང་བར་བྱེད་དེ། འདི་ལྟ་སྟེ། ཕྱོགས་ཐམས་ཅད་རབ་ཏུ་སྲེག་པ་གང་དུ་གནོད་པ་མང་པོ་དག་གིས་ཕྱོགས་ཐམས་ཅད་རབ་ཏུ་འབར་ཞིང་སྲེག་གོ། ལུས་ཆེན་པོ་ཤིན་ཏུ་སྒྲ་འབྱིན་འཇིགས་འཇིགས་ལྔར་འདུག་པ་གང་དུ་དེའི་ལུས་དཔག་ཚད་བཅུ་ཡོད་ཅིང་ཤིན་ཏུ་གཞོན་པ་འཚེད་དོ། ། མེ་སྤྱི་གཙུག་ལྟ་བུ་གང་དུ་མེ་ལྕེ་ལས་བྱུང་བའི་སྲེག་པ་གཞན་ཐམས་ཅད་དང་མཚུངས་པས་འཚེད་དོ།། མ་མདག་བྱེ་མ་ལྟ་བུའི་ཆར་རྟག་ཏུ་འབབ་པའི་སྒོ་གང་དུ་ཆར་རབ་ཏུ་འབབ་པ་ལྟར་བྱེ་མའི་ཆར་རབ་ཏུ་འབར་བ་འབབ་པའི་ནང་ན་འདུག་པ་འཚེད་དོ། ། མེ་མ་དག་གང་དུ་བུས་པའི་ལུས་ལྟ་བུ་འཇུག་པ། སེམས་ཅན། དམྱལ་བ་པའི་མདག་མས་འཚེད་དོ།། སེམས་ཅན་དམྱལ་བ་ཨ་ལ་ལ་ཟེར་བར་ཕན་ཚུན་གྱི་ཡན་ལག་དང་ཉིང་ལག་ཐམས་ཅད་ཕན་ཚུན་བཅད་པའི་སྡུག་བསྔལ་མྱོང་ངོ་།། ཤར་གྱུར་པ་ཐམས་ཅད་སྡུག་བསྔལ་བས་འཚེད་དོ། ། དེར་གང་གཞན་ཡང་སོ་སོར་འཇིགས་ཤིང་བག་ཚབ། ཁྱི་དང་། སེང་གེ་དང་། བག་རྒོད་དང་། ཁཱ་དང་། བྱ་རྒོད་དང་། སྦྲུལ་དག་གིས་དེ་རྣམ་པ་ཐམས་ཅད་དུ་སྡུག་བསྔལ་བར་བྱེད་དོ། ། ཆུ་བོ་རབ་མེད་རབ་ཏུ་ཚ་བར་ཡང་འཚེད་དོ།། སྲེག་གོ། པ་ཚྭ་དང་། ཟངས་དམར་པོ་དང་། ཞེ་ཉེ་རབ་ཏུ་བསྐོལ་བའི་ཆུ་བོ་གང་དུ་བརྒྱ་འམ། ཡང་ན་སྟོང་དུ་རབ་ཏུ་དེད་ཅིང་དེ་དག་ཏུ་ཡང་འཚེད་དོ། ། རྟག་ཏུ་མུན་པ་མུན་ནག་ལས་བྱུང་བའི་མེའི་གནོད་པ་རྣམ་པ་སྣ་ཚོགས་དག་གིས་ཀྱང་འཚེད་དོ།། སེམས་ཅན་དམྱལ་བ་གནོད་པའི་འབྲེང་པར་ཡང་འཚེད་དོ། ། མགོ་གང་ལ་འཁོར་ལོ་རབ་ཏུ་འབར་བ་འཁོར་ཞིང་། ཡན་ལག་དང་ཉིང་ལག་ཐམས་ཅད་ཀྱང་སོག་ལེ་དག་གིས་རྣམ་པར་གཤོག་པར་བྱེད་དོ།། དེ་ལས་ཐར་ནས་སྲད་བུའི་རྒྱུད་འདྲེ་བ་དུད་པ་ལྟར་འཁྲིགས་པ་དེར་ཡང་གནོད་པར་བྱེད་དོ། ། གང་དུ་ཀུན་ནས་ཐིག་སྐུད་རབ་ཏུ་འབར་བ་དག་གིས་བརྒྱ་འམ། ཡང་ན་སྟོང་དུ་བཏབ་ནས། གཤིན་རྗེའི་མི་དག་གིས་སེམས་ཅན་དམྱལ་བ་པ་དེ་དག་མཚོན་ཆ་ཧུ་ལུ་རབ་ཏུ་འབར་བ་རྣམས་ཀྱིས་གཅོད་པར་བྱེད་དོ། ། དེ་ལས་རྣམ་པར་ཐར་ནས་སེམས་ཅན་དམྱལ་བ་སྐྲ་ཤད་འཛིངས་པ་དང་། བྱ་ཁ་ཡོད་པར་གནོད་པར་བྱེད་དེ། གང་དུ་ལུས་ཚལ་ཤིང་བསྲེགས་པ་ལྟ་བུའི་རང་གི་ལུས་ལས་བྱུང་བའི་མེས་སྲེག་གོ། གཅིག་ལ་གཅིག་ཀྱང་སེམས་ཅན་དམྱལ་བ་པའི་ལོ་འབུམ་ཕྲག་དུ་མར་མཚོན་ཆ་ཆར་ལྟར་འབབ་པས་གཅིག་ལ་གཅིག་འཇོག་གོ། ། དེ་ལས་ཐར་ནས་ཀྱང་སེམས་ཅན་དམྱལ་བ་སྙིང་རྗེ་རྗེ་སྐད་སྒྲ་འབྱིན་པར་འཚེད་དེ། གང་དུ་གནོད་པའི་རྣམ་པ་འདི་ལྟ་བུས་ཉམ་ཟག་ཅིང་སྒྲ་འབྱིན་པར་གྱུར་པ་ནི་གང་སེམས་ཅན་དམྱལ་བ་གཞན་ཐམས་ཅད་ན་ཡང་རྣམ་པ་དེ་ལྟ་བུ་མེད་དོ། ། དེ་ལས་ཐར་ནས་ཀྱང་སེམས་ཅན་དམྱལ་བ་སྙིང་རྗེ་ཆེན་པོར་སྐྱེ་བར་འགྱུར་ཏེ། དེར་ཆོས་ངན་པ་གང་དག་ཆོས་སུ་སྟོན་ཅིང་། ལྟ་བ་ངན་པ་རབ་ཏུ་སྟོན་པ་དེ། དེར་བུ་སྡུག་པའི་གཟུགས་དེ་དག་སྲེག་ཅིང་བསྐུལ་བ་ན། དེ་ཡོངས་སུ་སྨྲེ་སྔགས་འདོན་ཏེ།། འདི་ལྟར་ཕ་དང་སྤུན་དང་། བུ་དང་། མཛའ་བ་མགོན་མེད་ན། བདག་ལ་ཡོངས་སུ་སྐྱོབས་ཤིག་ཅེས་དེའི་ལག་པ་གཉིས་ཀ་སྟོད་ནས་ཤིན་ཏུ་སྙིང་རྗེ་རྗེ་སྐད་འབྱིན་པ་མཐོང་ངོ་།། དེ་མཐོང་ནས་མྱ་ངན་གྱི་མེ་སྲེད་པའི་བུད་ཤིང་གིས་སྦར་བ་རྣམ་པ་དེ་ལྟ་བུ་འབྱུང་སྟེ། གང་ཁྱད་པར་ནི་སེམས་ཅན་དམྱལ་བ་པའི་མེ་དེ་ཁ་བ་དང་མཚུངས་སོ།། དེ་ཤིན་ཏུ་ཚབ་རྣམ་པ་དེ་ལྟ་བུ་གཉིས་ཀྱིས་སྲེག་ཅིང་། ཤིན་ཏུ་ཚ་བའི་སྒྲ་སྐད་འབྱིན་པ་ན། གཤིན་རྗེའི་མིས་རྗེས་སུ་བསྟན་པའི་ཚིགས་སུ་བཅད་པ་སྨྲས་པ། སྲེད་པའི་མེ་འདིའི་དྲུང་ན་ནི།། འབྲར་བ། དག་གིས་གང་ཞེས་བྱ།། དམྱལ་བར་དམྱལ་བ་པ་ཡི་མེ།། ཁམས་གསུམ་དག་ཏུ་སྲེད་པའི་མེ།། སེམས་ཅན་དམྱལ་བར་གང་བྱུང་བ།། མེ་འདི་མཚུངས་པར་གྱུར་པ་ཡིན།། སྲེད་པའི་རྒྱུ་ལས་བྱུང་བ་ཡི། ། མེ་འབར་བ་ནི་མང་པོར་མཆེད།། སེམས་ཅན་དམྱལ་བ་སྡིག་སྤྱད་པ།། ལས་ཟད་ནས་ནི་རྣམ་པར་གྲོལ།། སྲེད་པའི་དབང་དུ་སོང་བའི་མེ།། ཁམས་གསུམ་དག་ཏུ་སྲེག་པར་བྱེད། ། འཁོར་བར་ཐོག་མ་མེད་དུས་ནས།། སྲེད་པའི་མེ་ཡི་རྗེས་འབྲིང་བ།། སེམས་ཅན་དམྱལ་བ་སྲེད་པའི་མེ།། ཅི་ཕྱིར་དམྱལ་བའི་མེ་མི་འབྱུང་།། སེམས་ཅན་དམྱལ་བ་པ་ཡི་མེ། ། ལུས་ནི་ཤིན་ཏུ་སྲེག་པར་བྱེད།། སྲེད་པའི་མེ་ཡིས་མི་རྣམས་ཀྱི།། ལུས་ཡིད་ཤིན་ཏུ་སྲེག་པར་བྱེད།། དེ་ལྟ་བས་ན་སྲེད་རྒྱུ་ལས།། འབྱུང་བའི་མེ་ནི་ཁྱད་པར་ཆེ། ། དམྱལ་བ་པ་ཡི་ཁ་བ་འདྲ།། སྲེད་པའི་མེ་ནི་ཁྱད་པར་དྲན།། སྲེད་འབྲང་རྒྱུ་ནི་གསུམ་ལས་འབྱུང་།། ལས་གསུམ་དག་ནི་ཡོངས་སུ་བསྟན།། དུས་གསུམ་འབྱུང་བར་ཤེས་པར་བྱ།། དེ་ལྟར་སྲེད་མེ་གཞན་དུ་མིན།། འདོད་ཆགས་མེས་ནི་མཐོ་རིས་སྲེག། ཞེ་སྡང་མེས་ནི་དུད་འགྲོ་དྲན།། གཏི་མུག་མེས་ནི་དམྱལ་བར་སྲེག། སྲེད་པའི་མེས་ནི་ཀུན་ཏུ་གནས།། དེ་ལྟར།། སྲེད་པའི་མེ་ཡིས་སུ།། གནས་གསུམ་ཐམས་ཅད་རབ་འབར་བར།། མཐོང་ནས་ཆོས་ནི་མ་སྤྱད་པ།། དེ་རིང་ཅི་ཞིག་ཡོངས་སུ་གདུངས།། དེ་ལྟར་སེམས་ཅན་དམྱལ་བ་སྙིང་རྗེ་ཆེན་པོར་སེམས་ཅན་དམྱལ་བ་པ་དེ་གཤིན་རྗེའི་མི་དེ་རྣམས་ཀྱིས་རྗེས་སུ་བསྟན་ནས། སྡུག་བསྔལ་དང་། གནོད་པ་སྣ་ཚོགས་དག་བྱེད་དོ།། དེ་དེ་ནས་བར་ནས་ཀྱང་སེམས་ཅན་དམྱལ་བ་ཆེ་བའི་པར་འཚེད་དོ། ། དེར་ཡང་སེམས་ཅན་དམྱལ་བ་བདག་གིས་ལུས་ཀུན་ནས་བསྲེགས་ནས། ལུས་ཤིང་ཀིང་ཤུ་ཀ་ལྟར་བྱས་སོ།། དེ་ལས་ཐར་ནས་ཀྱང་སེམས་ཅན་དམྱལ་བ་ཤིང་སྐམ་ལྟར་འཇིག་པར་འཚེད་དོ། ། དེ་ལྟར་ལོག་པར་ལྟ་བས་ཟིན་པའི་དགེ་སློང་མ་སུན་འབྱིན་པ་དེ་འཁོར་བཅུ་དྲུག་ཏུ་འཚེད་དོ།། དེ་དེར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་བར་མ་བྱས་པ་དེ་སྲིད་དུ་དུས་དཔག་ཏུ་མེད་པར་སྲེག་གོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་དགེ་སློང་མ་སུན་ཕྱུང་བའི་ལས་དེའི་རྒྱུ་མཐུན་པའི་འབྲས་བུས་ཚེ་རབས་སྟོང་ཕྲག་དུ་མར་ཡི་དགས་དང་དུད་འགྲོ་དག་ཏུ་འཚེད་པར་འགྱུར་ཏེ། བཀྲེས་པ་དང་སྐོམ་པས་གཅིག་ལ་གཅིག་ཟ་བ་དང་། ལུས་བརྒྱ་ཕྲག་སྟོང་དུ་དུད་འགྲོ་དག་གིས་ཟ་བར་འགྱུར། ལོག་པར་ལྟ་བ་དགེ་སློང་མ་སུན་ཕྱུང་བ་དེ་འོན་ཀྱང་གལ་ཏེ་དེ་གཉརའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཚེ་རབས་ལྔ་སྟོང་དུ་མིར་གྱུར་པ་ཐ་མར་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཕྱོགས་ཐམས་ཅད་རབ་ཏུ་སྲེག་པ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ནི་སྔ་མ་བཞིན་ནོ། ། དགེ་བསྙེན་མ་བསླབ་པའི་གཞི་ལྔ་ཡོད་པ་སུན་ཕྱུང་བ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བའི་སེམས་ཅན་དམྱལ་བ་ཕྱོགས་ཐམས་ཅན་རབ་ཏུ་སྲེག་པར་སྐྱེ་པར་འགྱུར་རོ། ། དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་དེ་ཇི་ལྟར་ཁབ་ཀྱི་བུ་ག་ཙམ་ཡང་མེད་པ་དེ་ལྟར་ཀུན་ནས་རྟག་ཏུ་ནམ་མཁའ་ལ་ཡང་རབ་ཏུ་འབར་པར་འགྱུར་བ་དེར། སྔར་དེའི་ལག་པ་མེའི་ནང་དུ་འཇུག་སྟེ། དུ་སྐད་འབྱིན་པ་ན། མེ་ཚ་ཞིང་རྩུབ་པ་ཤིན་ཏུ་དྲག་པའི་སྟོབས་ཀྱིས་ཇི་ལྟར་དེའི་ཐལ་བ་ཡང་མི་མངོན་པ་དེ་ལྟར་སྲེག་གོ།། དེ་ནས་ཡང་འབྱུང་བར་འགྱུར་ཏེ་ལོ་འབུམ་ཕྲག་དུ་མར་སྲེག་གོ། ། དེ་ལས་ཐར་ནས་མགོན་འདོད་པ། སྐྱབས་འདོད་པ་དེ་དག་གར་བབ་བབ་ཏུ་འབྲོས་པ་དང་། གཤིན་རྗེའི་མི་རྣམས་ཀྱིས་བཟུང་ངོ་།། བཟུང་ནས་ཀྱང་ལྕགས་ཀྱི་ཐག་པ་ཀུན་ནས་རབ་ཏུ་འབབ་པ་དག་གིས་རྐང་མཐིལ་གྱི་བར་ནས་མགོའི་བར་དེ་དག་འཆིང་སྟེ། དེའི་ཁྲག་དེ་དག་ཐམས་ཅད་དེའི་མགོ་ལ་བསྡུས་སོ།། དེ་ཕྱིས་སེམས་ཅན་དམྱལ་བ་པ་དེ་དག་ལ་གཟུགས་པའི་ཕུར་པ་བླངས་ཏེ། མགོར་བཙུགས་ནས་ཤུགས་ཀྱིས་བཏབ་སྟེ་འདི་ལྟར་བུར་བ་དེ་མགུལ་པར་འབྱུང་ངོ་།། བྱུང་ནས་ཀྱང་ཤུགས་ཀྱིས་ཕྱུང་བ་དང་དེའི་ཁྲག་དེ་ཇི་ལྟར་སེམས་ཅན་དམྱལ་བའི་མགོ་ལས་ཟངས་བསྐོལ་བའི་ཁྲག་འབྱུང་བ་དེ་དང་ཅུང་ཟད་ཀྱང་ཁྱད་པར་མེད་པ་དེ་ལྟར་ཚ་བ་འབྱུང་ངོ་། ། དེ་རང་གི་ལུས་ལས་བྱུང་བའི་ཁྲག་དེས་ལོ་འབུམ་ཕྲག་དུ་མར་འཁྲུའོ། ། སྲེག་གོ།། འཆིའོ།། དེའི་ལས་ཀྱི་མཐུས་འབྱུང་བར་འགྱུར་ཏེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡིག་པའི་ལས་དེས་སྲེག་གོ། འཚེད་དོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ལ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུ་ས་ལོ་འབུམ་ཕྲག་དུ་མར་ཡི་དགས་དང་དུད་འགྲོ་དག་ཏུ་སྐྱེ་བར་འགྱུར། ། དེར་ཡི་དགས་བཀྲེས་པ་དང་སྐོམ་པའི་སྡུག་བསྔལ་དག་མྱོང་བར་འགྱུར་རོ།། དུད་འགྲོ་རྣམས་སུ་གཅིག་ལ་གཅིག་ལུས་བརྒྱ་ཕྲག་དུ་མ་དག་ཟ་ཞིང་། ཕ་རོལ་དག་གིས་རྣམ་པར་འཇིགས་པར་འགྱུར་རོ། ། དེ་སྡུག་བསྔལ་དེ་དག་མྱོང་ནས། གལ་ཏེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དབུལ་ཞིང་ནད་བུ་ཅན་དང་། ཕ་རོལ་གྱི་གནོད་པ་དང་། སེམས་གཡེམས་པ་དང་།། ཚེ་ཐུང་བར་འགྱུར་ཞིང་ཚེ་རབས་བཞི་བརྒྱར་ཟ་མར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཟོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ལུས་ཆེན་པོ་ཤིན་ཏུ་སྤ་འབྱིན་འཇིགས་འཇིགས་ལྟར་འདུག་པ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ནི་སྔ་མ་བཞིན་ནོ།། གང་གིས་ཚེ་ལུ་མ་རབ་ཏུ་སུན་འབྱིན་པར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ལུས་ཆེན་པོ་ཤིན་ཏུ་སྒྲ་འབྱིན་འཇིགས་འཇིགས་ལྟར་འདུག་པར་སྐྱེ་བར་འགྱུར་རོ། ། དེར་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་འབྱུང། པ་དེ་དག་ཐམས་ཅད་སེམས་ཅན་དམྱལ་བ་ལུས་ཆེན་པོ་ཤིན་ཏུ་སྒྲ་འབྱིན་འཇིགས་འཇིགས་ལྟར་འདུག་པར་འབྱུང་བའི་སྟེང་དུ་ཁྱད་པར་དུ་འབྱུང་བ་ནི།། འདི་ལྟར་གང་གི་ལུས་དཔག་ཚད་ཙམ་ལ་མར་གསར་ལྟར་ཤིན་ཏུ་སྙི་བའི་ལུས་དེ་དེ་དག་གིས་བཟུང་ན་སྤུ་འབྱིན་པའི་ཕྲ་སྐམ་གྱིས་ཇི་ལྟར་ཡུངས་ཀར་གྱི་འབྲུ་ཙམ་དུ། དེ་ལྟར་སེན་མོ་ལ་སོགས་པ་ནས། རྐང་པའི་བར་དག་གཅོད་པར་བྱེད་དོ།། སྡུག་བསྔལ་གྱིས་ཉམ་ཐག་པ་དེ་ཇི་ལྟར་སྒྲ་སེམས་ཅན་དམྱལ་བ་པ་གཞན་དག་གིས་ཐོས་ནས་ཀྱང་སྙིང་ཟགས་ཤིང་རྡོལ་བ་དེ་ལྟར་སྒྲ་སྐད་འབྱིན་ཏོ།། ཐོག་མ་མེད་པའི་དུས་ནས་དེའི་ལས་ཀྱི་འབྲས་བུས། བསླུས་ཤིང་། སེམས་ཀྱི་དགྲས་ཡོངས་སུ་བསླུས་པའི་སེམས་ཅན་དམྱལ་བ་པ་ཤིན་ཏུ་སྡུག་བསྔལ་བས་ཉམ་ཐག་པ་དེ་ཉིད་མཐོང་ནས། འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པའི་ཆོས། སུ་བཅད་པ་སྨྲས་པ། འདོད་པ་ཡང་དག་སྟོན་པའི་ཚིག། སྙན་ཅིང་ཡིད་འོང་སྣ་ཚོགས་དག། སྨྲས་པ་སྡིག་པ་ཆེན་པོ་ཡིན།། དེ་ཡི་འབྲས་བུ་འདིར་འོངས་སོ།། འདོད་པར་གྱུར་པའི་ཚིག་སྨྲས་པས། ། སྤུ་གྲི་རྣོན་པོར་བརྡར་བ་ཡི།། སོ་ཡིས་བདག་རང་བདག་ཉིད་ཀྱི།། ལྕེ་ནི་ཡང་དག་བཅད་ཀྱང་བླ།། སེམས་ཅན་འདོད་ཆགས་ཀྱིས་བསྡུས་ཤིང་། ཞེ་སྡང་གིས་ནི་ཡོངས་གདུངས་པ། ། གཏི་མུག་དབང་དུ་སོང་བ་དག། ཚིག་མི་སྙན་པ་སྨྲ་བར་བྱེད།། འདོད་ཆགས་ཆུང་བས་ཟིན་པ་གང་།། ཉེས་པར་བྱེད་པ་མང་དུ་བྱེད།། རྨོངས་པ་གཏི་མུག་དབང་སོང་སྟེ།། སྡུག་བསྔལ་ལས་ནི་སྡུག་བསྔལ་འཐོབ། ། འདོད་པའི་དགའ་བ་ཡུད་ཙམ་སྟེ།། དེ་ནི་བདེ་མེད་རྟག་པའམ་མིན།། འགྱུར་བ་ཤིན་ཏུ་མི་བཟད་དེ།། དེ་ལྟར་དེ་ནི་ཡོངས་སུ་སྤོངས།། འདོད་ཆགས་ཟིལ་གྱིས་ནོན་པོའི་མི། ། སེམས་ཅན་དམྱལ་བའི་གནས་སུ་གནས།། གང་དག་འདོད་ཆགས་དབང་མི་འགྲོ།། དེ་དག་དམྱལ་བའི་འཇིགས་པ་མེད།། དེ་ནི་སྡིག་པའི་ལས་བྱས་པས།། ངན་སོང་ངེས་པར་མྱོང་བ་ཡིན། ། བློང་ཞིང་དམན་པ་སྙིང་རྗེའི་སྐད།། ཅི་ཞིག་དེ་རིང་ཡོངས་སུ་གདུང་།། སེམས་ཅན་དམྱལ་བ་སྡིག་བྱེད་པ།། ལས་ཟད་ནས་ནི་ཐར་འགྱུར་གྱི། རྣམ་པར་སྒྲ་འབྱིན་མང་འགྱུར་བ།། བར་པ་དག་ཏུ་ག་ལ་འགྱུར།། མི་འདོད་ངན་འགྲོ་འགྲོ་བའི་ལས།། བྱས་པས་འདོད་ཆགས་དབང་དུ་གནས།། རྨོངས་པ་གང་ཞིག་སྨྲེ་འདོན་པ།། དེ་ནི་དོན་མེད་ཡོངས་སུ་འདོན། ། གང་ཞིག་མ་འོངས་འབྲས་བུ་ཤེས།། ད་ལྟར་བྱུང་བའི་དགེ་ལ་དགའ།། དེ་ནི་དམྱལ་བར་སྐད་མི་འབྱིན།། ཁྱོད་ནི་འདི་ལྟར་རྗེས་སུ་གདུང་།། དེ་ལྟར་ཡང་དེ་ལ་བསྟན་པ་དང་། ལས་བྱེད་པ་ངན་པ་བྱས་པ་དེ་གཤིན་རྗེའི་མི་དེ་རྣམས་ཀྱིས་རྗེས་སུ་བསྟན་ནས་ཀྱང་། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་གནོད་པ་རྣམ་པ་དད་པ་སྣ་ཚོགས་དུ་མ་དག་གིས་གནོད་པར་བྱེད་དོ། ། དེ་སེམས་ཅན་དམྱལ་བ་དེ་ལས་ཐར་ནས། ལས་དེ་དང་རྒྱུ་འཐུན་པའི་འབྲས་པུས་ཚེ་རབས་སྟོང་ཕྲག་དུ་མར་དུད་འགྲོར་སྐྱེ་བར་འགྱུར་གལ་ཏེ་བརྒྱ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཚེ་ཐུང་ཞིང་དབུལ་བ་དང་། སེམས་གཡེངས་པ་དང་། ངག་སྐྱེ་བོ་ཀུན་གྱིས་ཡིད་མི་ཆེས་པར་འགྱུར་ཞིང་། ཚེ་རབས་བཞི་སྟོང་དུ་ཟ་མར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་མེ་སྤྱི་གཙུག་ལྟ་བུ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་པས་འགྱུར་རོ། ། གང་གི་ཞེ་སྡང་བ་མེད་ཅིང་སྤྱོད་པ་དང་ལྡན་པའི་བུ་མོའི་སྐྱེ་གནས་མ་ཡིན་པའི་སྒོ་སུན་ཕྱུང་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་མེ་སྤྱི་གཙུག་ལྟ་བུར་སྐྱེ་བར་འགྱུར་རོ། ། དེར་གང་སེམས་ཅན་དམྱལ་བ་ཆེན་པོ་ཡང་སོས་ལ་སོགས་པའི་སྡུག་བསྔལ་དེ་དག་ཐམས་ཅད་བཅུ་འགྱུར་དུ་འབྱུང་བའི་སྟེང་དུ། ཁྱད་པར་དུ་འབྱུང་བ་ནི་སེམས་ཅན་དམྱལ་བ་མེ་སྤྱི་གཙུག་ལྟ་བུ་དེ་སྤྱི་གཙུག་འདྲ་ལ། ། སྲོག་ཆགས་སྤྱི་གཙུག་ཅེས་བྱ་བ་བྱད་གཟུགས་གཞུ་རྒྱུད་ལྟར་རིང་ཞིང་དུག་ཤིན་ཏུ་དྲག་པ་ཡོད་ལ། མཐོང་ན་ཡང་ཤིན་ཏུ་དྲག་པ་གནས་སོ། ། དེ་ནས་སེམས་ཅན་དམྱལ་བ་པ་དེ་གཤིན་རྗེའི་མི་རྣམས་ཀྱིས་བཟུང་ནས། ལྕགས་ཀྱི་ས་གཞི་རབ་ཏུ་འབར་བར་པོར་བུའི་ནང་དུ་ལུས་ཐམས་ཅད་དང་། ལག་པ་དང་རྐང་པ་ཐམས་ཅད་ནུབ་པར་བཅུག་ཅིང་། མེ་ཤིན་ཏུ་ཚ་བས་རྒྱབ་སྲེག་པ་ན་དུ་སྐད་འབྱིན་ཅིང་ཆོས་ངེས་འདེབས་སོ།། དེ་ནས་གཤིན་རྗེའི་མི་དེ་རྣམས་ཀྱིས་སྲོག་ཆགས་མེ་སྤྱི་གཙུག། ལྟ་བུ་ཞེས་བྱ་བ་དེ་དག་བླངས་ནས། སེམས་ཅན་དམྱལ་བ་པ་དེ་རྣམས་ཀྱི་རྐུབ་ཏུ་འཇུག་པར་བྱེད་དོ།། དེ་དག་གི་ལུས་གཞུ་རྒྱུད་ལྟ་བུ་ཡིན་ཞིང་། དུག་རྣོན་པོ་ཤིན་ཏུ་མཁྲང་ལ། ཚ་བ་ཡོད་པའི་ལུས་ཅན་དེ་འཇུག་པར་བྱེད་དོ།། དེ་རབ་ཏུ་འཇུག་པ་ན་རེག་པ་མེ་ལྟ་བུར་ཚ་སྟེ། སེམས་ཅན་དམྱལ་བ་དེ་ལས་ཐོག་མ་ཉིད་དུ་དེའི་རྐུ་བ་སྲེག་པར་བྱེད་དོ།། བསྲེགས་ནས་ཟའོ།། དེ་ཟོས་ནས་ནང་དུ་འཇུག་སྟེ། དེ་ལོང་ཀ་སྲེག་གོ། བསྲེགས་ནས་ཀྱང་ཟའོ།། ལོང་ཀ་ཟོས་ནས་ལྷག་མ་མེད་པར་བྱས་ཏེ། གྱེན་དུ་བྱུང་ནས་ཕོ་བ་སྲེག་ཅིང་ཟའོ།། མཆེར་པ་བསྲེག་སྟེ། དེ་བསྲས་ནས་ཟའོ། ། དེ་ཡང་ཟོས་ནས་རྒྱུ་མ་དང་། ཕོ་བའི་གནས་ག་ལ་བ་དེར་འགྲོའོ།། སོང་ནས་ཕོ་བའི་གནས་དང་། གཞན་རྒྱུ་མ་དང་། གཉེ་མ་དག་འཆའ་ཞིང་ཟའོ།། ཐམས་ཅད་ལྷག་མ་མེད་པར་བསྲེགས་ཤིང་ཟོས་པ་དང་། སེམས་ཅན་དམྱལ་བ་པ་དེའི་རུས་པ་སེང་སེང་པོར་བྱས་ཀྱང་སྲོག་དང་ནི་མི་འབྲལ་ལོ།། དེ་ཕྱིས་མིད་པ་ག་ལ་བ་དེར་སོང་ནས།། དེ་སྙིང་ལ་འཆའ་ཞིང་ཡོངས་སུ་སྲེག་པར་བྱེད་དོ། ། དེ་སྲེག་ཅིང་ཀུན་ནས་ཟ་བ་ན། ངུ་སྐད་འབྱིན་ཅིང་ཆོ་ངེས་འདེབས་ལ་ཡོངས་སུ་སྨྲེ་སྔགས་འདོན་ཏོ།། དེའི་ནང་དུ་མེ་སྤྱི་གཙུག་ལྟ་བུ་འབར་ཞིང་ཕྱི་རོལ་དུ་སེམས་ཅན་དམྱལ་བ་པའི་མེ་སྟེ། མེ་དེ་གཉིས་ཀྱིས་སྲེག་ཅིང་ཟའོ།། དེ་ནས་མེ་སྤྱི་གཙུག་ལྟ་བུ་དེས། དེའི་མིང་པའི་ནང་ཟོས་ནས་ཁ་ག་ལ་བ་དེར་སོང་སྟེ། དེ་དང་པོར་ལྕེ་དྲུང་འཆའ་ཞིང་ཟའོ།། དེ་ཟོས་ནས་རྣ་བའི་ཕྱོགས་སུ་སོང་སྟེ། དེ་ཡང་ཟའོ།། ཀླད་པ་དང་ཀླང་རྒྱས་ག་ལ་བ་དེར་སོང་སྟེ། དེས་ཀླད་པ་དང་། ཀླང་རྒྱས་དེ་དག་ཟོས་ཤིང་། ཐོང་བ་དང་མགོར་གཏོགས་པ་ཟོས་ནས། ཟོད་པ་དང་མགོར་གཏོགས་པ་དུག། སྟེ་འགྲོ་ཡང་། དེའི་ལས་ཀྱི་མཐུས་སེམས་ཅན་དམྱལ་བ་པ་དེ་འཆི་བར་ནི་མི་བྱེད་དོ།། དེའི་ལུས་ཀུན་ནས་བུ་ག་ཡོད་དེ། བུ་ག་དེ་དག་ཏུ་ཞུགས་ནས། སེམས་ཅན་དམྱལ་བ་དེ་མེས་སྲེག་པར་བྱེད་ཅིང་། རབ་ཏུ་འབར་བར་བྱེད་དོ།། ཉེས་པར་བྱས་པའི་ལས་ཀྱི་མཐའ་སྤྱད་པ་དེའི་ལུས་ཀྱི་ནང་དང་། ཕྱི་རོལ་ཀུན་ནས་རབ་ཏུ་འབར་བ་ཡིན་ཏེ། དེ་ལྟར་ལོ་འབུམ་ཕྲག་དུ་མར་ཟ་ཞིང་ཟའོ།། དེ་ནས་ཡང་འཚོ་བར་འགྱུར་ལ། དེ་ནས་ཡང་འཆི་བར་འགྱུར་རོ།། དེ་ནས་ཡང་འཚོ་སྟེ། དེ་ལྟར་མི་འདི་དེའི་ཉེས་པར་བྱས་པ་བྱས་ཤིང་བསགས་པའི་མཐུས་གནོད་པ་དག་མྱོང་བར་འགྱུར། རོ།། དེ་དེ་ལས་ཐར་ནས་གར་བབ་བབ་ཏུ་འབྲོས་པ་དང་། དེས་སྦྲུལ་ཆེན་པོའི་ཚོགས་འོང་བ་མཐོང་ངོ་།། དེས་དེ་མཐོང་ནས་ཤིན་ཏུ་སྐྲག་ཅིང་ཡི་མུག་སྟེ། གར་བབ་བབ་ཏུ་འབྲོས་སོ།། དེ་ནས་ལས་ཀྱིས་བྱས་པའི་རླུང་གི་ཤུགས་ལྟ་བུའི་སྦྲུལ་དེ་དག་མི་དེ་ལ་འཛིན་ཏོ། ། བཟུང་ནས་མཆེ་བ་ཆེན་པོ་རྣོ་ཞིང་དུག་ཆེན་པོ་དྲག་པས་ཀུན་ནས་བསྐོར་ནས། སེམས་ཅན་དམྱལ་བ་དེ་ལན་གྲངས་བརྒྱ་འམ། ཡང་ན་ལན་སྟོང་དུ་སྲེག་པར་བྱེད་དོ།། སྡུག་བསྔལ་གྱིས་ཀུན་ནས་ཉམ་ཐག་པ་དེ་བཀྲེས་པ་དང་སྐོམ་པའི་མེ་དང་། སྦྲུལ་གྱི་དུག་གི་མེ་དང་། སེམས་ཅན་དམྱལ་བ་པའི་མེ་སྟེ། མེ་གསུམ་གྱི་སྲེག་གོ། དེ་ལྟར་དེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མ། ལོ་བགྲང་གིས་མི་ཡང་བར་སྲེག། གོ། དེ་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་སྟོང་ཕྲག་དུ་མར་ཡི་དགས་དང་དུད་འགྲོ་དག་ཏུ་སྐྱེ་བར་འགྱུར་ཏེ། ཡི་དགས་རྣམ་སུ་ཤིན་ཏུ་བཀྲེས་པ་དང་སྐོམ་པས་གདུངས་པར་འགྱུར། ཡི་དགས་དང་དུད་འགྲོ་དག་ཏུ་དུད་འགྲོར་འགྱུར་བ་ཐམས་ཅད་དུ་ཡང་ཚེ་རབས་ཚེ་རབས་སུ་འབྱུང་ཞིང་ཟ་བར་འགྱུར་རོ།། དེ་དེ་ལས་ཐར་ནས་ཀྱང་གལ་ཏེ་གཅའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཚེ་རབས་ལྔ་བརྒྱར་མ་ནིང་དུ་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་མ་དག་མ་བྱེ་མ་ལྟ་བུའི་ཆར་རྟག་ཏུ་འབབ་པ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། གང་གིས་ཚེ་ལུ་མ་སུན་འབྱིན་པར་བྱེད་ཅིང་སུན་ཕྱུང་ནས་ཀྱང་རྗེས་སུ་དགའ་བར་བྱེད་ལ། དེ་ཉིད་ལ་ཤིན་ཏུ་ཆགས་པར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བའི་སེམས་ཅན་དམྱལ་བ་མ་དག་མ་བྱེ་མ་ལྟ་བུའི་ཆར་རྟག་ཏུ་འབབ་པར་སྐྱེ་བར་འགྱུར་རོ། ། དེར་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་སེམས་ཅན་དམྱལ་བ་འདིར་འབྱུང་བའི་སྟེང་དུ། གནོད་པ་ཁྱད་པར་དུ་འབྱུང་བ་དག་ནི་འདི་ལྟ་སྟེ། སེམས་ཅན་དམྱལ་བ་པ་དེའི་འཁོར་ནི་དཔག་ཚད་ལྔ་བརྒྱ་ཡོད་ལ། དེ་ཐམས་ཅད་རབ་ཏུ་འབར་བ། བྱེ་མ་རྡོ་རྗེའི་མ་མངག་ལྟ་བུ་དག་གིས་དེར་དཔེ་བྱ་བར་ཡང་མི་ནུས་པ་གང་སྟེ། འདི་ལྟར་འཚེད་པ་པོ་ཡང་ནུབ་པར་འགྱུར་ན། སེམས་ཅན་དམྱལ་བ་པ་ལས་ལྕི་བ་ལྟ་སྨོས་ཀྱང་ཅི་དགོས་ཏེ། དེ་ཇི་ལྟར་ཆུ་འབབ་པའི་ཤུགས་ཀྱིས་དེད་པར་དེ་ལྟར་དེར་འཇུག་གོ། དེ་ནས་ཡང་ལས་ཀྱིས་ནུབ་པ་འབྱུང་བར་འགྱུར་ཏེ། དེ་བྱེ་མ་རྡོ་རྗེའི་གཟེགས་མ་ལྟ་བུར་ཟུར་གསུམ་ཡོད་ཅིང་སོ་རྣོ་བ་དེ་དག་གིས། ཇི་ལྟར་དེའི་རུས་པ་ལྷག་མ་ཡང་མེད་པ་དེ་ལྟར་འཐག་གོ།། དེ་ནས་ཡང་འཚོ་བར་འགྱུར་ལ། དེ་ནས་ཡང་འཐག་སྟེ། འཆི་ཞིང་སྐྱེའོ།། དེ་ཀུན་ནས་དགའ་བ་མེད་ཅིང་། བྱེ་མ་རབ་ཏུ་འབར་བའི་ནང་དུ་ནུབ་སྟེ། སྲེག་ཅིང་འཚེད་པ་དང་། སྐད་འབྱི་ཅིང་ཡོངས་སུ་སྨྲེ་སྔགས་འདོན་ཏེ། དེ་ལས་ཀྱིས་བསྒྲིབས་པས་སྡུག་བསྔལ་དེ་ལས་བདག་ཉིད་ཐར་བར་མི་ནུས་སོ།། དེ་ཡུན་རིང་པོ་ཞིག་འདས་ལ། གལ་ཏེ་ལས་ཟད་ནས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། དེ་ལས་དེ་དང་རྒྱུ་མཐུན་པའི་འབྲས་བུས་དེ་ཚེ་རབས་སྟོང་ཕྲག་དུ་མར་ཡི་དགས་དང་དུད་འགྲོ་དག་ཏུ་བཀྲེས་པ་དང་སྐོམ་པས་གདུངས་པར་འགྱུར། དུད་འགྲོ་གཅིག་ལ་གཅིག་ཟ་བར་སྲོག་ལན་སྟོང་འཆད་པར་འགྱུར། དེ་ལས་ཐར་ནས་ཀྱང་གལ་ཏེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་རྒརྒལ་བ་མཉམ་པ་མིར་སྐྱེས་ན། དེ་ཚེ་རབས་ལྔ་བརྒྱར་དབུལ་ཞིང་ནང་བུ་ཅན་དང་། སྤྱོ་བ་དང་། ངག་ཡིད་མི་ཆེས་པ་དང་། གཞན་གྱིས་བཀོལ་བ་དང་། ཟ་མར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ནང་ན་མེ་མ་དག་ཡོད་པ་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་།། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་ནི་སྔ་མ་བཞིན་དུ་འགྱུར་རོ། ། གང་གིས་དགེ་བསྙེན་མ་བསླབ་པའི་གཞི་ལྔ་ཡོད་པ་སྟོབས་ཀྱིས་མནན་ནས་མི་ཚངས་པར་སྤྱད་པས་བསླབ་པ་དྲལ་ཅིང་འདི་སྙམ་དུ་བསྲུང་མ་མོ་བསླབ་པའི་གཞི་ལས་འདས་པ་ཆོས་མ་ཡིན་པ་གང་ཡང་མེད་དོ་སྙམ་དུ་བློ་སྐྱེ་ཞིང་། ལས་ཀྱི་འབྲས་བུ་ལ་ཡིད་མི་ཆེས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བའི་སེམས་ཅན་དམྱལ་བ་ནང་ན་མེ་མདག་ཡོད་པར་སྐྱེ་བར། འགྱུར་རོ།། དེར་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་སེམས་ཅན་དམྱལ་བ་འདིར་འབྱུང་བའི་སྟེང་དུ་ཁྱད་པར་དུ་འབྱུང་བ་ནི། འདི་ལྟར་སེམས་ཅན་དམྱལ་བ་དེ་ཀུན་ནས་མེ་མ་དག་གི་རི་ལྔ་ལ་འདི་ལྟ་སྟེ། ཀུན་བསྲེག་པ་དང་། གཏིང་ཟབ་དང་། མུན་ནག་འཐིབས་རེག་དང་། མེ་མདག་ཚ་བ་ལྟ་བུ་དང་། ལས་མངོན་སུམ་པ་རྣམས་ཀྱིས་ཡོངས་སུ་བསྐོར་བ་དེར། སེམས་ཅན་དམྱལ་བ་དེ་ཀུན་ནས་དཔག་ཚད་སྟོང་ཡོད་པ། རི་དེ་དག་ཀུན་ཀྱང་ཀུན་ནས་རི་ཁོར་ཡུག་དང་། ཁོར་ཡུག་ཆེན་པོ་དང་། ཧ་ཅང་མི་རིང་བ་ན་ཡོད་དེ། དེར་སེམས་ཅན་དམྱལ་བ་པ་དེས་རི་དེ་དག་མེ་ཏོག་ཨུཏྤ་ལས་གང་བ་ལྟ་བུ་དང་། ཤིང་ལྗོན་པ་དང་། ནགས་ཚལ་དང་། ལྟེང་ཀ་ཕུན་སུམ་ཚོགས་པ་ལྟ་བུར་མཐོང་ནས། དག་བདེ་བ་མྱོང་བར་བྱ་བའི་ཕྱིར་དེ་གང་གི་ཚེ་བརྒྱུགས་པ་དང་། དེའི་ཚེ་ལས་ཀྱི་རླུང་མ་ལྟ་བུ་ལངས་པས་བདས་སོ།། མེ་མདག་དེ་དག་ཀྱང་རླུང་དེས་བུས་སོ།། བུས་པ་དེས་སེམས་ཅན་དམྱལ་བ་པ་དེ་ཀུན་ནས་ཡོངས་སུ་དཀྲིས་སོ། ། ལུས་ཐམས་ཅད་བསྲེགས་པ་དེ་ཡང་རི་དེ་དག་གི་གཟུགས་སྔོན་པོར་མཐོང་སྟེ། ཚ་བས་གདུངས་པས་མགོན་འདོད་པ། སྐྱབས་འདོད་པ། དཔུང་གཉེན་འདོད་པ་དེ་ཡང་རྒྱུག་གོ།། དེ་གང་གི་ཚེ་རི་དེའི་དྲུང་དུ་ཕྱིན་པ་དང་། དེ་འདི་ལྟར་ཀུན་ནས་བྱི་བྲུན་ལ་ལྕགས་ཀྱི་མདས་འཕེན་པ། འཕངས་པ་ཙམ་གྱིས་འགྲོ་བ་མི་མངོན་པ་དེ་ལྟར་སེམས་ཅན་དམྱལ་བ་པ་དེ་མེ་མདག་དེའི་ནང་དུ་འགྲོ་བའི་གྲོགས་ཀྱང་གར་སོང་གཏོལ་མེད་པར་མི་མངོན་ནོ། ། དེ་དེར་སོང་མ་ཐག་ཏུ་འདི་ལྟར་སྲེག་ཅིང་འཚེད་ལ་བསྐོལ་བ་ན་མུན་པ་མུན་ནག་གི་ནང་དུ་སོང་ནས། དབང་པོ་ཐམས་ཅད་འགགས་ཤིང་། སྡུག་བསྔལ་ཐམས་ཅད་ཀྱི་གཞིར་གྱུར་ཏེ། ཉེས་པར་བྱས་པའི་འབྲས་བུ་ཐམས་ཅད་མངོན་སུམ་དུ་བྱུང་ལ། དེས་གང་གིས་མི་དགེ་བ་བྱས་ཤིང་བསགས་པ་དེ་དག་དེའི་ལས་ཀྱི་ཤུགས་ཀྱིས་འོངས་པའི་འབྲས་བུ་ལ་ཉེ་བར་སྤྱོད་དོ། ། དེ་ལྟར་དེ་མེ་མདག་གི་མུན་པའི་ནང་ན་དཔུང་གཉེན་མེད་ཅིང་གྲོགས་མེད་པ། སྡུག་བསྔལ་མི་བཟད་པས་ཉམ་ཟག་པར་གྱུར་པ། ཡུན་རིང་དུ་རང་གིས་བྱས་པའི་ལས་ཀྱི་འབྲས་བུ་ལ་སྤྱོད་པ་ཞུགས་པ་ཡུན་རིང་དུ་འཚེད་དོ།། དེ་གལ་ཏེ་ཡང་ལས་ཀྱི་རླུང་དེ་དག་ཉིད་ཀྱིས་མེ་མངག་དེ་དག་གི་ནང་ནས་འབྱིན་པར་བྱེད་དེ། ལུས་ཐམས་ཅད་བསྐོལ་ཅིང་སྡུག་བསྔལ་ཐམས་ཅད་ཀྱིས་ཉམ་ཐག་པ་དེ་རྐང་པགར་བབ་བབ་ཏུ་འདོར་རོ།། དེ་ནས་ཡང་འབྱུང་བར་འགྱུར་ཏེ། གཤིན་རྗེའི་མི་རྣམས་ཀྱིས་གཟུང་ངོ་། ། བཟུང་ནས་ཀྱང་དེའི་རྐུ་བ་སོག་ལེ་རབ་ཏུ་འབར་བས་གཅོད་དོ།། བཅད་ཅིང་གཏུབས་ནས་ཡང་ཤིན་ཏུ་གཞོན་ཤ་ཅན་དུ་སྐྱེ་བར་འགྱུར་ཏེ། དེ་ལྟར་ལོ་འབུམ་ཕྲག་དུ་མར་དེ་སོག་ལེའི་སྡུག་བསྔལ་མྱོང་ཞིང་། དེ་འདི་སྐད་དུ་རྣམ་པར་སྒྲ་འབྱིན་པར་བྱེད་དེ། བདག་གིས་ལས་དག་བྱས་པ་ཡི།། འབྲས་བུ་དེ་དག་བདག་ཉིད་ཡིན།། འདོད་ཆགས་དགྲ་ཡིས་གདུངས་པ་ནི།། ཕྱི་ནས་སེམས་ཅན་དམྱལ་བར་འོངས།། འདོད་ཆགས་གདུངས་པའི་ལས་ཅན་གྱིས།། བག་མེད་ས་ནི་མི་གཙང་བའི།། ཞགས་པ་དེ་ཡིས་བཅིངས་པ་ཡིས།། བདག་ནི་གནས་འདི་དག་ཏུ་འོང།། སྔོན་ཆད་བདག་ནི་འདོད་ཆགས་ཀྱི།། འབྲས་བུ་ཚ་སྙམ་མི་བྱེད་དེ།། མི་ཤེས་པ་ཡིས་བདག་བསླུས་པས།། འདིར་ནི་བདག་གིས་བྱས་ལ་སྤྱོད།། བརྩེ་མེད་ཤིན་ཏུ་དྲག་པ་ཡི།། སྡིག་པ་དག་གི་དབང་དུ་སོང་། ། སྡུག་བསྔལ་རྒྱ་མཚོ་མཐའ་ཡས་པ།། འདི་ལས་བདག་ཉིད་ཇི་ལྟར་ཐར།། སྡུག་བསྔལ་དག་ལས་སྡུག་བསྔལ་ལས།། འདི་ཡིས་བདག་ནི་ཡོངས་སུ་འཚེད།། བདག་ནི་སེམས་དམྱལ་ཟད་པ་འམ།། བདེ་བ་འཐོབ་པ་མ་མཐོང་ངོ་།། དེ་ལྟར་སེམས་ཅན་དམྱལ་བ་དེ་ནང་ན་མེ་མདག་ཡོད་པའི་སེམས་ཅན་དམྱལ་བར་ཤིན་ཏུ་སྡུག་བསྔལ་བས་ཉམ་ཐག་ཅིང་དུ་སྐད་འདོན་ཏེ། སེམས་ཅན་དམྱལ་བ་པ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་མྱོང་བར་འགྱུར་རོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་བརྒྱ་ཕྲག་དུ་མར་ཡི་དགས་དང་དུད་འགྲོ་དག་ཏུ་སྐྱེ་བར་འགྱུར་ཏེ། ཡི་དགས་རྣམས་སུ་བཀྲེས་པ་དང་སྐོམ་པས་གདུངས་པའི་ལུས་ཅན་དག་གཅིག་ལ་གཅིག་ལྟ་བ་ཁོ་ནར་ཟད་དེ། དུད་འགྲོ་རྣམས་སུ་གཅིག་ལ་གཅིག་ཟ་བ་ལུས་ལན་བརྒྱར་འཆི་བར་འགྱུར་རོ།། དེ་དེ་ལས་ཐར་ནས་གལ་ཏེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེའི་ལས་ཀྱི་མཐུས་རྟག་ཏུ་རིམ་ནད་ཀྱིས་འདེབས་ཤིང་དབུལ་བ་དང་། ནད་པུ་ཅན་དང་། ཡན་ལག་མ་ཚང་བར་འགྱུར་བར་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་དམྱལ་བ་ཨ་ལ་ལ་ཟེར་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། ། དེས་འདི་ལྟར་བསླབ་པའི་གཞི་གཅིག་གམ། གཉིས་སམ། གསུམ་མམ། བཞི་འམ། ལྔ་ལས་གཞན་པ་བླངས་པ་དང་། བུ་སྲིང་ངམ། བུ་སྲིང་དང་འདྲ་བར་རམ། གྲོགས་ཀྱི་ཆུང་མ་འོས་པ་མ་ཡིན་པ་དག་ལ། དེས་འདི་ལྟར་བརྡ་བྱས་ནས་སླུ་བར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་ཨ་ལ་ལ་ཟེར་བར་སྐྱེ་བར་འགྱུར་རོ། ། དེར་སྐྱེས་ནས་ཀྱང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ། ཁྱད་པར་དུ་འབྱུང་བ་ནི། འདི་ལྟར་རླུང་ཤིན་ཏུ་དྲག་ཅིང་ཤིན་ཏུ་རྩུབ་ལ། ཤིན་ཏུ་མི་བཟད་པ་ཤུགས་མགྱོགས་པ་དང་ལྡན་པ་ལྡང་ལ། གང་གིས་སེམས་ཅན་དམྱལ་བ་དེ་དག་གིས་ལུས་སོ་སོར་ཁྱེར་བར་བྱེད་དེ། ཇི་ལྟར་རླུང་ཆེན་པོ་ཤིན་ཏུ་མི་བཟད་ཅིང་རྩུབ་པ། རས་བལ་གྱི་སྤུ་འམ། སྤུའི་སྣོད་གློངས་ནས། སྤུ་རྣམས་ཀྱི་གདགས་པ་ཡང་མི་མངོན་པར་ཁྱེར་རོ།། གང་གིས་ཁྱེར་བའི་རས་བལ་དེ་དག་གི་སྤུ་རྣམས་རླུང་དེས་ཕྱོགས་བཅུར་བདས་ཤིང་ཁྱེར་བ་ཕན་ཚུན་ཐུག་པ་དེར། སེམས་ཅན་དམྱལ་བ་དེ་དག་གི་ལུས་སེམས་ཅན་དམྱལ་བའི་རླུང་སྤུ་གྲི་ལྟ་བུ་དེས་འདི་ལྟར་བྱེ་མའི་ཚད་ཙམ་དུ་ཡང་མི་མངོན་པར་ཁྱེར་རོ། ། གང་གིས་ལུས་དེ་དག་སྤ་ཙམ་དང་། ཉུང་དུ་ཉུང་ངུར་བྱེད་དེ། ཡན་ལག་དང་ཉིང་ལག་ཐམས་ཅད་གདགས་པར་ཡང་མངོན་པར་མི་བྱེད་དོ།། ལས་ངན་པ་བྱས་པས་ཡང་ལུས་དེ་དག་འབྱུང་བར་འགྱུར་ཏེ། དེ་ལྟར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ཡང་འདོད་ཆགས་ཀྱི་དབང་གིས་སྔ་མ་བཞིན་དུ་ཁྱེར་རོ། ། ཡུན་རིང་མོ་ཞིག་འདས་ནས་གལ་ཏེ་བརྒྱ་ལ་དེའི་རླུང་གིས་གནོད་པ་ལས་ཐར་ནས། དེ་བྱི་བ་མཆེ་བ་རྡོ་རྗེ་ལྟ་བུ་ཡོད་པ་འབྱུང་ལ། གང་དེའི་རྐུ་བ་ཡུངས་འབྲུ་ཙམ་དུ་རློག་སྟེ། བརླགས་ནས་ངུ་སྐད་འདོན་བཞིན་དུ་ཟ་བར་བྱེད་དོ།། དེ་ཟོས་ནས་རྒྱུ་མ་དག་ཀྱང་ཟའོ།། ལོང་ཀ་ཐམས་ཅད་ཀྱང་ཟའོ།། ལོང་ཀ་དེ་དག་ཟོས་ནས་རྒྱབ་ཏུ་འབྱུང་ལ། དེའི་སྐལ་ཚིགས་ཟ་སྟེ། དེ་ལྟར་དེའི་ལས་ཀྱི་མཐུས་སེམས་ཅན་དམྱལ་བ་དེར་ལོ་འབུམ་ཕྲག་དུ་མར་སྡུག་བསྔལ་མྱོང་བར་འགྱུར་རོ།། དེ་གལ་ཏེ་དེ་ལས་བར་པར་འགྱུར་ཏེ། དེ་རྒྱུན་རིང་མོ་ཞིག་འདས་ནས། གལ་ཏེ་ཉོན་མོངས་པ་དེ་ལས་ཐར་ནས་གར་བབ་བབ་ཏུ་འབྲོས་སོ།། དེ་ནས་རང་གི་ལུས་ལས་བྱུང་བའི་སྲོག་ཆགས་མར་ཀོ་ཊ་ཀ་རྣམས་ཀྱིས་གང་ཞིང་། དེའི་རྐུབ་ཀྱང་དེ་ནས་འཆའ་ཞིང་ཟའོ།། དེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། སྲོག་ཆགས་མར་ཀོ་ཊ་ཀ་རྣམས་ཀྱིས་སྡུག་བསྔལ་མི་བཟད་པས་ངུ་བར་བྱེད། འོ་དད་འབོད། སྒྲ་སྐད་འབྱིན། སྨྲེ་སྔགས་འདོན་ཏོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པའི་འབྲས་པུས་ཚེ་རབས་སྟོང་ཕྲག་དུ་མར་ཡི་དགས་རང་གི་ཤ་ལ་ཟ་བར་སྐྱེ་བར་འགྱུར་ཏེ། ཇི་ལྟར་དེའི་ཚེ་དེས་བདག་ཉིད་ཀྱི་བུད་མེད་མ་ཡིན་པ་ལ་མི་ཚངས་པར་སྤྱད་པས་རང་གི་ཤ་ལ་ཟ་སྟེ། དེས་བདག་ཉིད་འཚོ་བར་བྱེད་དོ། ། གལ་ཏེ་བརྒྱལ་ཡི་དགས་ཀྱི་འཇིག་རྟེན་དེ་ལས་ཐར་ནས་ཀྱང་། དེ་ཕག་གི་སྐྱེ་གནས་སུ་སྐྱེ་བར་འགྱུར་ཏེ། ཇི་ལྟར་དེས་རང་གི་མེ་དག་ལ་ཆོས་མ་ཡིན་པ་བྱས་པས་གང་དུ་སྐྱེས་པར་རང་གི་མས་ཟ་བར་བྱེད་དོ། ། དེ་གལ་ཏེ་དེ་ལས་བར་ནས་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྟག་ཏུ་སྐྱེས་པའི་ནད་ཀྱིས་འདེབས། ཤིང་། དེ་ནད་དྲག་པོ་མི་བཟད་པས་གནོད་པ་བྱེད་ལ། ཕོ་མཚན་གཅོད་པར་བྱེད་དོ།། གལ་ཏེ་བརྒྱ་ལ་དེའི་ཆུང་མ་ཞིག་ཡོད་པར་འགྱུར་ན་ཡང་། འདི་ལྟར་ཕ་རོལ་གྱི་བུད་མེད་འོས་མ་ཡིན་པ་ཕྲོགས་པ་ལྟར། དེ་ཡང་རུང་བ་མ་ཡིན་པའི་མི་དག་གིས་དེ་འཕྲོག་པར་བྱེད་དེ། མིའི་དོན་འདི་ཐམས་ཅད་མེད་པར་བྱེད་པ་ནི་འདི་ལྟ་སྟེ། འཇིག་རྟེན་དང་འཇིག་རྟེན་ལས་འདས་པའི་ཆོས་རྣམས་དང་འགལ་པ་འོས་མ་ཡིན་པའི་དྲུང་དུ་འགྲོའོ། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་སེམས་ཅན་དམྱལ་བ་ཤར་གྱུར་པ་ཐམས་ཅད་སྡུག་བསྔལ་བ་ཞེས་བྱ་བ་ཇི་ལྟར་འདུག་པ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། བུད་མེད་སྡོམ་པ་བླངས་པ་གང་གིས་འོས་པ་མ་ཡིན་པའི་དགེ་སློང་དབང་དུ་བྱས་ཏེ། ཆང་བླུད་ནས་དེ་འཁྲུལ་པར་བྱས་ཤིང་ཡིད་ལ་གཅགས་པ་བསྐྱེད་ན། ། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཤར་གྱུར་པ་ཐམས་ཅད་སྡུག་བསྔལ་བར་སྐྱེ་བར་འགྱུར་རོ། ། དེར་གང་སེམས་ཅན་དམྱལ་བ་ཡང་སོས་ལ་སོགས་པའི་སྡུག་བསྔལ་དང་། གནོད་པ་བསྡུས་པ་དེ་དག་ཐམས་ཅད་འབྱུང་བར་འགྱུར་ཏེ། གང་གིས་རྟག་ཏུ་ཚུལ་ཁྲིམས་དང་ལྡན་པ། འོས་པ་མ་ཡིན་པ་ལ་འོས་པ་ཉིད་དུ་གོམས་པར་བྱེད་ན། དེ་རྟག་ཏུ་མི་དགེ་བར་ཞུགས་པ་དེས་ལམ་ངན་པ་དེ་ཉིད་རྗེས་སུ་སྟེན་པར་བྱེད་དོ།། ལས་ཀྱི་ཞིང་ངན་པ་བྱས་པའི་ངང་ཚུལ་ཅན་མི་དགེ་བའི་ལས་ཀྱིས་མཐའ་སྤྱད་པ་དེས་མི་དགེ་བའི་ལས་དེ་རྗེས་སུ་སྟེན་ཅིང་གོམས་པར་བྱེད་དོ། ། སེམས་ཅན་དམྱལ་བ་དེ་སྡུག་བསྔལ་ཆེས་དྲག་པ་དང་། སྡུག་བསྔལ་ཆེས་མི་བཟད་པ་དང་། སྡུག་བསྔལ་ཆེས་རྩུབ་ཅིང་ཚ་བ་དག་ཤིན་ཏུ་སོ་སོར་མྱོང་བར་འགྱུར་ཏེ། དེར་གང་སེམས་ཅན་དམྱལ་བ་ཡང་སོས་ལ་སོགས་པའི་སྡུག་བསྔལ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ་ཁྱད་པར་དུ་འབྱུང་བ་ནི་འདི་ལྟ་སྟེ། རྐང་པའི་མཐེ་བོ་ལ་སོགས་པ་ནས། མགོའི་བར་དུ་མཚོན་ཆ་ཧུ་ལུ་རབ་ཏུ་འབར་བ་དག་གིས་ཤ་མ་གཏོགས་པར་པགས་པ་གཅོད་པར་བྱེད་དེ། དེ་ལྟར་དེའི་ཡན་ལག་དང་། ཉིང་ལག་ཐམས་ཅད་དང་། པགས་པ་དག་གཅོད་པར་བྱེད་པའི་སྡུག་བསྔལ་ཤིན་ཏུ་མི་བཟད་དོ།། དེའི་པགས་པ་དེ་དག་ཀྱང་སའི་ནང་དུ་བཅུག་ནས་སྲེག་པར་བྱེད་དེ། དེའི་ལུས་པགས་པ་མེད་པའི་ལུས་དེ་ལ་གཤིན་རྗེའི་མི་རྣམས་ཀྱིས་ལྕགས་ཀྱི་སྣོད་ཀྱི་ནང་དུ་བ་ཚྭ་རབ་ཏུ་བསྐོལ་བ་ཁྱེར་ནས་ལྡུགས་པར་བྱེད་དོ། ། དེས་དེ་སྲེག་པར་བྱེད། སྐོལ་བར་བྱེད། སྡུག་བསྔལ་གྱིས་ཉམ་ཐག་ཅིང་སྡུག་བསྔལ་ཚབ་རྩུབ་པས་ཉམ་ཐག་པ་དེ་ངུ་སྐད་འབྱིན་ཅིང་ཆོ་ངེས་འདེབས་ལ་ཡོངས་སུ་སྨྲ་སྔགས་འདོན་ཏོ། ། དེ་ལྟར་དེ་ལོ་འབུམ་ཕྲག་དུ་མར་སྡུག་བསྔལ་མྱོང་བར་འགྱུར་ཞིང་། ལོ་བགྲང་གིས་མི་ལང་པབའི་བར་དུ་མྱོང་བར་འགྱུར་ཏེ། ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་ཚ་བ་ཤིན་ཏུ་མི་བཟད་པས་གདུངས་སོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ཡི་དགས་དང་དུད་འགྲོ་དག་ཏུ་མ་སྐྱེས་ལ། གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུ་ས་དེ་དབུལ་ཞིང་ནད་པུ་ཅན་དང་། ལུས་དག་ལ་ནད་ཤིན་ཏུ་མི་པ་ཟད་པས་ཐེབས་པར་འགྱུར། དེ་རྒྱ་མཚོའི་ནང་གི་བར་དག་ཏུ་གང་རིས་འཐུན་པར་འགྱུར་བ། མི་མ་ཚང་བ་འདི་ལྟ་སྟེ། རྐང་པ་གཅིག་པ་དང་། སྣ་གཅིག་པ་དང་། ལག་པ་གཅིག་པ་དང་། ལུས་ཆུང་བ་དང་། ཆེ་ཐུང་བ་རྣམས་ཏེ། འདི་ལྟ་སྟེ། དེར་སྐྱེས་པ་ཉི་མ་གཅིག། ཅིག་ཐུབ་པར་འགྱུར་བ་མཐོང་ངོ་།། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་བཅུ་བཞི་པ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་བ་བརྟགས་ན། དེས་ཟོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཆུ་བོ་རབ་མེད་རབ་ཏུ་ཆབ་ཞེས་བྱ་བ་ཡོད་པ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་དུ་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། སྟེགས་བུའི་དབུས་སུ་མེ་བུས་ནས། ལག་པས་བཟུང་སྟེ་བསྐོར་ནས་སྒྲ་བླན་པ་གྲོགས་ཀྱི་ཆུང་མ་ཉམས་པ་མེད་པ་ལ་སུན་འབྱིན་པར་བྱེད་ཅིང་། སུན་ཕྱུང་ནས་ཀྱང་མངོན་པར་དགའ་བར་བྱེད། ཡང་དག་པར་དགའ་བར་བྱེད་ལ། དགའ་བར་བྱེད་པ་མི་དགེ་བ་དེ་ཉིད་ལ་ཀུན་ཏུ་སྤྱོད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཆུ་བོ་རབ་མེད་རབ་ཏུ་ཚ་བར་སྐྱེ་བར་འགྱུར་རོ།། དེར་སྐྱེས་ནས་གང་སེམས་ཅན་དམྱལ་བ་ཡང་སོས་ལ་སོགས་པའི་འཁོར་གྱི་གནོད་པ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ། གནོད་པ་ཁྱད་པར་དུ་འབྱུང་བ་ནི་མུན་ནག་འཐིབས་པོས་ནམ་མཁའ་གང་བ་ནས། ལས་ཀྱིས་བྱས་པའི་དབྱུག་པ་དང་། རལ་གྲི་ཤིན་ཏུ་རྣོ་བ་དག་རབ་ཏུ་འབབ་པ་དེར། སེམས་ཅན་དམྱལ་བ་པ་དེའི་ལུས་ཀྱི་ནང་དུ་ནུབ་བོ།། ནང་དུ་ནུབ་ནས་སྲེག་པར་བྱེད་ཅིང་། ཡན་ལག་དང་ཉིང་ལག་ཐམས་ཅད་ཤིན་ཏུ་འབུགས་པར་བྱེད། གཤོག་པར་བྱེད། འཚེད་པར་བྱེད། ཡན་ལག་དང་ཉིང་ལག་ཐམས་ཅད་ཕན་ཚུན་འདྲལ་བར་བྱེད་དོ།། དེའི་ཕྱི་རོལ་མེའི་སྡུག་བསྔལ་གྱིས་ཀྱང་སྲེག་པར་བྱེད་ཅིང་། ནང་དུ་དབྱུག་པ་དང་། རལ་གྲིས་གཤོག་པའི་སྡུག་བསྔལ་བ་ན། སྡུག་བསྔལ་ཤིན་ཏུ་མི་བཟད་ཅིང་ཚ་ལ་རྩུབ་པ་གཞན་དང་མཚུངས་པ་མེད་པའི་སྡུག་བསྔལ་མྱོང་ངོ་།། སྡུག་བསྔལ་དེས་བསྒྲིབས་པ་དེ་གར་བབ་བབ་ཏུ་འབྲོས་པ་དང་། དེས་ངམ་གྲོག་ཆེན་པོ་ན་ཆུ་བོ་རབ་མེད་རབ་ཏུ་ཚ་བ་ཞེས་བྱ་བར་ལས་ལས་བྱུང་བའི་སྦྲུལ་གདུག་པ་རྣམས་ཀྱིས་རབ་ཏུ་གང་བར་མཐོང་ངོ་། ། དེར་སྡུག་བསྔལ་གྱིས་གདུངས་པ་དེས་འཁྲུལ་པར་མཐོང་ངོ་།། མི་མཐོ་འཚམ་པར་བྱེད་པ་དེ་རྣམས་ཀྱིས་དེ་རབ་ཏུ་སོ་སོར་ཕྱེ་ནས་སྦྲུལ་གདུག་པ་རྣམས་ཀྱིས་ཟ་བར་བྱེད་དོ།། སྤྲུལ་ག་དུག་པའི་མཆོག་རྣོན་པོ་རྣམས་ཀྱིས་ཀུན་ནས་ཤིན་ཏུ་སྡུག་བསྔལ་གྱིས་ཉམ་ཟག་པ་དེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ངུ་སྐད་འབྱིན་ཅིང་ཆོ་ངེས་འདེབས་ལ་ཡོངས་སུ་སྨྲ་སྔགས་འདོན་ཏོ། ། དེ་ཕྱིས་དེ་ལས་ཡུན་རིང་མོ་ཞིག་འདས་ཤིང་ལོ་བགྲང་གིས་མི་ལང་བ་ན་ཐར་པར་འགྱུར་ཏེ། ཐར་ནས་ཀྱང་གལ་ཏེ་ཡི་དགས་དང་དུད་འགྲོ་དག་ཏུ་མ་སྐྱེས་ལ། གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེ་དབུལ་ཞིང་ནད་བུ་ཅན་དང་། ཡོངས་སུ་སྣེ་སྔགས་འདོན་པ་དང་། གཞན་གྱིས་བཀོལ་པ་དང་། དབང་པོ་མཚང་བར་འགྱུར་རོ།། མི་བྱང་གཟུགས་ཏེ་རྒོད་མའང་ཞིང་། ཆང་ཚིང་གངས་རི་ལྷ་བུའི་ནང་སྐྱེ་ལ། ཁ་ཟས་འབྲས་བུའི་རྩ་བ་འབའ་ཞིག་གིས་འཚོ་བར་བྱེད་དེ། དེ་གཞན་ལས་སྐྱེས་པའི་ཁ་ཟས་ནམས་ཀྱང་མངོན་པར་ཤེས་པར་མི་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་རྟག་ཏུ་མུན་པ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། ཕྱི་རོལ་པའི་འདོད་ཆགས་དང་བྲལ་བ་དེ་ཕྱིས་འདོད་ཆགས་མངོན་པར་སྤངས་ཏེ། འདོད་ཆགས་ཞེ་སྡང་གཏི་མུག་དང་བྲལ་བ་དེ་བུད་མེད་དག་གིས་བསླུས་ནས་ཡང་འདོད་པ་རྣམས་ལ་འཇུག་པར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྟག་ཏུ་མུན་པ་ཞེས་བྱ་བར་སྐྱེ་བར་འགྱུར་རོ། ། དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོ་ས་ལ་སོགས་པའི་གནོད་པ་དྲག་པོ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ། ཁྱད་པར་དུ་འབྱུང་བ་ནི། འདི་ལྟར་སྲིན་བུ་ས་རྐོ་ཞེས་བྱ་བ་དག་གིས་དེ་ཇི་ལྟར་དབུ་བ་ལ་འབིགས་པ་དེ་ལྟར་མཆུ་རྡོ་རྗེ་ལྟར་རྣོ་བ་དེ་དག་སེམ། ཅན་དམྱལ་བ་པ་དེའི་ཉེས་པར་བྱས་པའི་ལས་དེས་འབྱུང་བར་འགྱུར་ལ། གང་དག་པས་མི་བདེ་བ་བྱེད་པ་ཡིན་ཏེ། ཆེས་སྡུག་བསྔལ་བ་ཡིན་ནོ།། ས་རྐོ་དེ་རྣམས་ཀྱིས་རུས་པ་དག་ཕུག་པ་ནས། རྐང་གི་བར་དུ་ཟ་སྟེ། ཇི་ལྟར་སེམས་ཅན་དམྱལ་བ་པའི་སྡུག་བསྔལ་བསྡུས་པ་དེ་དག་ཐམས་ཅད་དེ་ལྟར་བརྒྱའི་ཆ་དང་། སྟོང་གི་ཆ་དང་། བརྒྱ་ཕྲག་སྟོང་གི་ཆར་ཡང་མི་ཕོད་དེ། དེ་ལྟར་བདག་ཉིད་དེ་དག་ལས་ཐར་བར་བྱེད་མི་ནུས་སོ།། དེ་གང་དང་གང་དུ་འབྲོས་པ་དེ་དང་དེ་ཉིད་དུ་སྲིན་བུ་དག་གིས་མི་གཏོང་བར་བྱེད་དེ། དེ་ལྟར་དེ་ལོ་འབུམ་ཕྲག་དུ་མར་སྲེག་གོ། འཚེད་དོ།། སེམས་ཅན་དམྱལ་བ་པའི་སྡུག་བསྔལ་ཆེས་ཤིན་ཏུ་སྡུག་བསྔལ་དག་གིས་ཉམ་ཐག་པ།། སེམས་ཅན་དམྱལ་བ་དེར་ཡུན་རིང་དུ་སྲེག་ཅིང་འཚེད་ཀྱང་། དེའི་ལས་བྱས་ཤིང་བསགས་པ་སེམས་ཅན་དམྱལ་བ་གྲུབ་པའི་མཐུས་འཆི་བའི་དུས་ནི་མི་བྱེད་དོ། ། དེ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཚེད་དོ།། དེ་གལ་ཏེ་ཡི་དགས་དང་དུད་འགྲོ་དག་ཏུ་མ་སྐྱེས་ལ། གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་མཐུན་པའི་འབྲས་བུས་དེ་མདོག་ངན་ཅིང་རྐང་ལག་རྡོལ་བ་དང་། ཚོང་པ་མོའི་བྲན་མོ་དང་། བྲན་མོ་བུམ་པ་ཐོགས་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་གནོད་པའི་རྒྱུད་ཅེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་དུ་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། ཚུལ་ཁྲིམས་དང་ལྡན་པ་ཆོས་ཀྱི་ལམ་ལས་ཉམས་པ་མེད་པའི་དགེ་སློང་བག་ཚ་བ་མེད་པའི་སར་སོང་བ་ལས། བུད་མེད་སྦྱར་མ་ཞིག་ན་རེ། བདག་ལ་ཅི་དཀའ་བར་མཛོད་ཅིག། གལ་ཏེ་དགེ་སློང་ཁྱོད་བདག་དང་ལྷན་ཅིག་མཇལ་བར་མི་མཛད་ན། དེ་བདག་གིས་དགེ་སློང་འདི་དག་ལ་འདོད་པར་བྱེད་པ་ལས། དེ་ཁོ་མོས་མ་འདོད་དོ་ཞེས་སྨྲ་བར་བྱའོ།། དེས་ན་ཁྱོད་ལ་ཆད་པ་ཆེན་པོས་གཅོད་པར་འགྱུར་ཏེ། གལ་ཏེ་རྒྱལ་པོའི་འཁོར་ནས་སམ། གལ་ཏེ་བདག་གི་ཁྱིམ་ཟབ་ཀྱིས་གཅོད་པར་བྱེད་དོ། ། གལ་ཏེ་མཛད་ན་དེ་བདག་གིས་ཁྱོད་ལ་བཟའ་བ་དང་བཅའ་བ་མང་པོ་དབུལ་བར་བྱ་སྟེ། དེ་ལྟར་འོ་སྐོལ་ཤིན་ཏུ་དགྱེས་པར་འགྱུར་ཞིང་། གཞན་གྱིས་ཀྱང་མི་ཚོར་བར་འགྱུར་རོ། ། འཇིག་རྟེན་པ་དག་ལ་ཡང་དགེ་སློང་འདི་ནི་ཤིན་ཏུ་ཚུལ་ཁྲིམས་དང་ལྡན་པ་ཡིན་ཏེ། འདི་ལ་མལ་ཆ་དང་། ན་བའི་རྐྱེན་གསོས་སྨན་གྱི་ཡོ་བྱད་མང་པོ་དག་ཕུལ་ཅིག་ཅེས་སྨྲ་བར་བགྱི་སྟེ། སྦྱིན་པ་པོ་དང་། སྦྱིན་བདག་ཏུ་འགྱུར་རོ་ཞེས་དེ་ལྟར་འཇིགས་པས་བསྡིགས་ནས་བྲིད་དེ། དགེ་སློང་ཡང་དག་པའི་ལམ་ལས་ཉམས་པར་བྱེད་ན། བུད་མེད་དེ་ལུས་དང་བྲལ་ནས། ངན་འགྲོ་ལོག་པར་ལྷུང་བ་སེམས་ཅན་དམྱལ་བ་གནོད་པའི་རྒྱུད་ཅེས་བྱ་བ་དེར་སྐྱེ་བར་འགྱུར་རོ།། དེར་གང་སེམས་ཅན་དམྱལ་བ་ཆེན་པོ་ཡང་སོས་ལ་སོགས་པའི་གནོད་པ་བསྡུས་པ་དེ་ཐམས་ཅད་འབྱུང་བའི་སྟེང་དུ། གནོད་པ་ཁྱད་པར་དུ་འབྱུང་བ་དག་ནི། འདི་ལྟར་གཤིན་རྗེའི་མི་དག་གིས་བུད་མེད་དེ་བཟུང་སྟེ། བཙིར་བཙིར་ནས་པགས་པ་འཐོག་པར་བྱེད་དོ།། པགས་པ་དེ་དག་བཏོགས་ནས། ཀྱང་ཡང་ཡོག་པར་འབྱུང་ཞིང་། ཡང་ཤིན་ཏུ་གཞོན་ནུར་སྐྱེ་སྟེ། ཁ་དོག་ཤིན་ཏུ་མི་སྡུག་པར་སྐྱེའོ།། དེ་གཤིན་རྗེའི་མི་རྣམས་ཀྱིས་དམ་པོར་བཟུང་ནས། ལྕགས་ཀྱི་སོ་མངས་རབ་ཏུ་འབར་བབླངས། ཏེ་དེའི་ལུས་ཐམས་ཅད་འཆད་པར་བྱེད་དོ།། རྣམ་པར་གཤོག་པར་བྱེད། ཡོངས་སུ་འདྲལ་བར་བྱེད་དོ།། སྡུག་བསྔལ་གྱིས་ཉམ་ཐག་པའི་བུད་མེད་དེ། ཉེས་པར་བྱས་པའི་ལས་ཀྱིས་བསླུས་པ་ཡུན་རིང་། དུ་ངུ་སྐད་འདོན་ཅིང་། ཆོ་ངེས་འདེབས་ལ་ཡོངས་སུ་སྨྲེ་སྔགས་འདོན་ཏོ།། དེ་ལྟར་གནོད་པ་མྱོང་བས་གར་བབ་བབ་ཏུ་འབྲོས་པ་དང་། དེ་ནས་ལས་ཀྱིས་སྤྲུལ་པའི་དགེ་སློང་འོང་བ་མཐོང་སྟེ། སེམས་འདོད་པས་བསྒྲིབས་པ། སེམས་ཀྱིས་ཡོངས་སུ་བསླུས་པ་དེ་དེའི་དྲུང་ཉིད་དུ་རྒྱུག་ལ། དེ་ལྟར་འདོད་པ་དགྲ་ལྟ་བུ་ལས་རྒྱལ་བར་བྱ་བར་དཀའ་བ། གང་དེའི་གནས་སུ་རྒྱུག་པར་བྱེད་ལ། དེ་དེ་དང་ཕྲད་པ་དང་། ཡོངས་སུ་འཇུ་བར་བྱེད་དོ།། དེ་ཡང་མེ་ཟབ་ཏུ་གྱུར་ནས། ཀུན་ནས་རབ་ཏུ་འབར་བ་དེར། དེ་རབ་ཏུ་འཇུག་པར་བྱེད་དོ།། དེ་མེ་དེས་ལོ་འབུམ་ཕྲག་དུ་མར་སེམས་ཅན་དམྱལ་བ་གནོད་པའི་རྒྱུད་དུ། ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་དྲག་ཅིང་རྩུབ་ལ་ཤིན་ཏུ་མི་བཟད་པ་མྱོང་བར་འགྱུར་རོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་ལྔ་བརྒྱ་དུད་འགྲོ་དག་ཏུ་སྐྱེ་བར་འགྱུར་རོ།། གལ་ཏེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཡང་བུད་མེད་དུ་འགྱུར་ཏེ། གྲོང་ཁྱེར་དང་། གྲོང་ཁྱེར་ཐམས་ཅད་ཀྱི་ལྗན་ལྗིན་འཕྱག་པ་དང་། གྲོང་ཁྱེར་བ་ཐམས་ཅད་ཀྱིས་སྨད་པ་དང་། དབུལ་ཞིང་མདོག་ངན་ལ་རྐང་ལག་རྡོལ་བ་དང་། བྱད་བཞིན་མཐོང་ན་འཇིགས་སུ་རུང་བ་དང་། ཕ་མ་དང་གཉེན་འདབ་ཀྱིས་སྤངས་པར་འགྱུར། རྟག་ཏུ་ཆུ་ཕྱེ་བཀྲ་ཙམ་གྱིས་འཚོ་ཞིང་དྲི་མ་ཅན་དང་། བགོ་བ་ངན་པ་དང་། ལུས་ཀྱི་ཕྱོགས་གཅིག་ཉམས་པ་དང་། ལུས་ཤིན་ཏུ་ཆད་པ་དང་། འགྲོ་བ་ན་བྱིས་པ་རྣམས་ཀྱིས་རྡོ་དང་བོང་བ་དག་གིས་མངོན་པར་འཚོག་སྟེ། སྡུག་བསྔལ་བས་འཚོ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྲད་བུའི་རྒྱུད་འབབ་པས་དཀྲུགས་པ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམ་ཏེ་ཀུན་ཏུ་བྱས་པས་འགྱུར་རོ། ། རྒྱལ་པོ་བསྙེམས་པས་སམ། རྒྱལ་སྲིད་གཞན་གྱི་ཡུལ་འཁོར་འཕྲོག་པའི་ཚེ། དགེ་སློང་མཉོན་མོངས་པ་མེད་པ་མཐུས་སུན་ཕྱུང་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྲད་བུའི་རྒྱུད་དཀྲུགས་པར་སྐྱེ་བར་འགྱུར་རོ། ། དེར་སྐྱེས་ནས་ཀྱང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ་ཁྱད་པར་དུ་འབྱུང་བ་ནི། ཇི་ལྟར་སེམས་ཅན་དམྱལ་བ་དེ་ཐམས་ཅད་འདི་ལྟར་དྲ་བ་རྡོ་རྗེ་སྲ་བའི་ནང་དུ་བཅུག་ནས། དེར་ཡན་ལག་དང་། ཉིང་ལག་གི་ཕྱོགས་གང་དང་གང་རེག་པ་དེ་དང་དེར་སྤུ་གྲི་ལྟ་བུས་ཀུན་ནས་གཅོད་པར་བྱེད་དོ། ། དེར་ཡང་ཇི་ལྟར་སྦྲང་བུ་དག་སྤུ་ལ་རབ་ཏུ་འཕྱང་བ། དེ་ལྟར་སྲད་དུ་རྡོ་རྗེ་ལྟ་བུའི་དྲ་བ་ལ་འབྱུང་ངོ་།། དེ་ཉིད་དུ་སྐྱེ་ཞིང་འཆི་སྟེ། གཤིན་རྗེའི་མི་རྣམས་ཀྱི་ས་ཡན་ལག་དང་ཉིང་ལག་ཐམས་ཅད་མདའ་རབ་ཏུ་འབར་བ་དག་གིས་སྡོག་པར་བྱེད་དོ། ། དེ་དྲ་བ་རྡོ་རྗེ་ལྟར་སྲ་བའི་ནང་དུ་བཅུག་ཅིང་། མདའ་དག་གིས་ཀྱང་བསྡོག་པ་ན། སྡུག་བསྔལ་ཤིན་ཏུ་ཚ་བ། དྲག་པ། མི་བཟད་པ་དག་མྱོང་བར་འགྱུར་ཏེ། དེ་དུ་སྐད་འདོན་ཅིང་ཆོ་ངེས་འདེབས་ལ་ཡོངས་སུ་སྨྲ་སྔགས་འདོན་ཏོ།། སྡུག་བསྔལ་མཐའ་ཡས་པ་དག་གིས་ཉམ་ཐག་ཅིང་། ཀུན་ནས་དབྱེར་མེད་པ། བ་ཅིང་བ་ཀུན་གྱིས་བཅིངས་པ་ན། དེ་གལ་ཏེ་ལས་ཀྱི་རྐྱེན་གྱིས་ཐར་ན་ཤིན་ཏུ་སྡུག་བསྔལ་བ་ཡིན་ཏེ། གར་བབ་བབ་ཏུ་འབྲོས་སོ། ། དེ་མེ་མདག་གི་རླུང་དག་གི་ནང་དུ་འཇུག་སྟེ། རབ་ཏུ་ཞུ་ཞིང་སྲེག་ལ། ཡོངས་སུ་སྨྲེ་སྔགས་འདོན་ཅིང་ངུ་སྐད་འབྱིན་པ་ན། གཉིས་སུ་མེད་ལ་གྲོགས་མེད་པ་དེས། རྒྱང་རིང་པོ་ན་སྒོ་ཆེན་པོ་ཀུན་ནས་གསལ་བ་ཞིག་མཐོང་ནས། དེར་རྒྱུག་ཅིང་དེར་རབ་ཏུ་འཇུག་པར་བྱེད་དོ།། དེ་ཡང་སྦྲུལ་ཆེན་པོ་ཤུགས་རབ་ཏུ་དྲག་ཅིང་གདུག་པ་ཞིག་ཡིན་ཏེ། དེས་མིད་དོ།། སེམས་ཅན་དམྱལ་བ་པ་དེ་ལུས་ཀྱི་ནང་དུ་སྲེག་པ་ན། སྐད་འབྱིན་པར་ཡང་མི་ནུས་སོ།། སྦྲུལ་དེ་ཡང་ལས་ལས་བྱུང་བ་ཡིན་ཏེ། ཇི་ལྟ་ཇི་ལྟར་བདག་ཉིད་ཡོངས་སུ་བཀྲི་བར་བྱེད་དེ་ལྟར་སེམས་ཅན་དམྱལ་བ་པའི་ལུས་ནང་དུ་ཞུགས་པ་དེ་དག་ཐམས་ཅད་སྒྲ་སྐད་འབྱིན་པར་མི་ནུས་ཤིང་། ལུས་རྩ་དང་རྒྱུས་པ་དང་བྲལ་བ་དེ་དག་ཐམས་ཅད་བྱེ་མ་ལྟར་ཞིབ་མོར་བྱེད་དེ། དེ་ལྟར་དེ་ལོ་འབུམ་ཕྲག་དུ་མ་ལོ་བྱེ་བ་གྲངས་མེད་པར་དེ་སྦྲུལ་གྱི་ལྟོ་དེར་འཚེད་དོ།། འཐུབ་བོ།། དེ་གལ་ཏེ་ཡང་སྦྲུལ་དེས་སྐྱུགས་པ་དང་། ལུས་ཤིན་ཏུ་མ་ཚང་བ། ལུས་རྩ་དང་རྒྱུས་པ་ཐམས་ཅད་ཤིག་ཤིག་པོར་གྱུར་པའི་ལུ་ས་གར་བབ་བབ་ཏུ་འབྲོས་པ་དང་། དེ་ས་གཤི་ན་རྗེའི་མི་རྣམས་འོང་བ་མཐོང་སྟེ། དེ་དག་གིས་བཟུང་ནས་དེ་མཚོན་རྣོན་པོ་རྣམས་ཀྱིས་ཡན་ལག་དང་ཉིང་ལག་ཐམས་ཅད་ཆུ་སྲིན་བྱིས་པ་གསོད་པ་ལྟར་རྣམ་པར་ཞིག་པར་བྱེད་དོ། ། དེ་ལྟར་དེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མ་ཁོ་བགྲང་གིས་མི་ལང་བར་ཡུན་རིང་དུ་སྡུག་བསྔལ་མྱོང་བར་བྱེད་དོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པའི་འབྲས་བུས་ཚེ་རབས་ལྔ་བརྒྱར་ཡི་དགས་དང་དུད་འགྲོ་དག་ཏུ་སྐྱེ་བར་འགྱུར་རོ། ། གལ་ཏེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དབུལ་ཞིང་ནད་བུ་ཅན་དང་། གཟུགས་མི་སྡུག་པར་འགྱུར། རྟག་ཏུ་སྒྲ་མི་སྙན་པ་དག་གིས་གནོད་པར་འགྱུར་ལ། ལུས་ཐམས་ཅད་དུག་གི་ས་ཡོག་ཅིང་ཉམ་ཐག་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་སེམས་ཅན་དམྱལ་བ་སྐྲ་ཤད་འཛིངས་པ་དང་། བྱ་ཁྲ་ཡོད་པ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་དུ་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། སྲིང་མོ་ཆང་གིས་འརོར་གྱུར་པ་ལ་མི་རིགས་པ་བྱས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྐྲ་ཤད་འཛིངས་པ་དང་། བྱ་ཁཱ་ཡོད་པར་སྐྱེ་བར་འགྱུར་རོ།། དེར་གང་སེམས་ཅན་དམྱལ་བཔ་ཆེན་པོ་ཡང་སོས་ལ་སོགས་པའི་སྡུག་བསྔལ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ་ཁྱད་པར་དུ་འབྱུང་བ་ནི་འདི་ལྟ་སྟེ། ཟངས་ཀྱི་ཞིག་དག་གི་ནང་དུ་འཇུག་པར་བྱེད་དོ།། ཞུགས་ནས་ཀྱང་དེར་འཇུ་བར་བྱེད་དོ། ། དེ་ནས་ཡང་འཚོ་བར་འགྱུར་རོ།། དེ་ནས་ཡང་འཇུ་བར་བྱེད་དེ། ཞིག་དེ་དག་གི་ནང་དུ་བཅུག་ནས། འཚོ་ཡང་འཚོ་ལ་འཆི་ཡང་འཆི་སྟེ། འཆི་བ་དང་འཚོ་བར་བྱེད་དོ། ། དེ་འདི་ལྟར་གཤིན་རྗེའི་མི་རྣམས་ཀྱིས་སྐུད་པ་གཉིས་ཀྱིས་འབུད་དེ། ཇི་ལྟར་དེའི་སོལ་བ་དང་། དེའི་ཞིག་དག་དང་། སེམས་ཅན་དམྱལ་བ་པ་དེའི་ལུས་ཀྱང་མི་མངོན།། པར་འབུད་དོ།། དེ་ལྟར་དེ་ལོ་འབུམ་ཕྲག་དུ་མར་ཞིག་དག་གི་ནང་དུ་བཅུག་ནས། ཇི་ལྟར་མིས་གསར་འཇུ་བ་ལྟར་འཚེད་དོ།། དེ་ལྟར་དེ་སེམས་ཅན་དམྱལ་བ་དེར་ཉེས་པར་བྱས་པའི་ལས་ཀྱི་མཐའ་སྤྱད་པས་འཚེད་དེ། དེ་གལ་ཏེ་ལས་ཟད་པས་ཞིག་དེ་དག་གི་ཞབས་ཀྱི་ནང་དུ་ལྷུང་སྟེ། གཤིན་རྗེའི་མི་རྣམས་ཀྱིས་བཟུང་ནས། བརྡུང་བ་རྣམས་ཀྱིས་ཇི་ལྟར་ལྕགས་མགར་ས་དག་ལ་ལྕགས།། གོང་བུར་བྱས་ཏེ། ལྕགས་མགར་གྱིས་ཀུན་ཏུ་བརྡུང་བ་དེ་ལྟར་ཀུན་ཏུ་རྡུང་ངོ་།། དེ་ལྟར་ཀུན་ཏུ་བརྡུང་བ་ན་བརྡུངས་པ་དང་། སྲོག་ཆད་ལ། དེ་ནས་ཡང་རྡུང་བ་བཏེག་པ་དང་ཡང་འཚོ་སྟེ། དེ་ལྟར་སེམས་ཅན་དམྱལ་བ་པ་དེ་ཡུན་རིང་དུ་ལོ་བགྲང་གིས་མི་ལང་བར་འཚེད་དོ། ། དེ་བརྒྱ་ལ་དེ་ལས་ཐར་ནས། གཤིན་རྗེའི་མི་རྣམས་ཀྱིས་རྔ་བོ་ཆེའི་ནང་དུ་འཇུག་པར་བྱེད་དོ།། བཅུག་ནས་ཀྱང་ལས་ཀྱིས་བྱས་པའི་རྔ་བོ་ཆེའི་སྒྲ་གང་གིས་དེའི་སྙིང་ཞིགས་པར་བྱེད་པ་རྣམ་པ་དེ་ལྟ་བུ་འབྱུང་བར་འགྱུར་ཏེ། སྙིང་རྣམ་པར་ཞིགས་པ་དེ་ཡང་འཚོ་བར་འགྱུར་ལ། དེ་ནས་ཡང་འཆི་བར་འགྱུར་ཏེ། དེ་ལྟར་དེ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཚོ་ཞིང་འཆིའོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་དྲུག་བརྒྱར་དུད་འགྲོ་དག་ཏུ་སྐྱེ་བར་འགྱུར་རོ།། གལ་ཏེ་བརྒྱ་ལ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྟག་ཏུ་སྙིང་སྐྲག་པར་འགྱུར། རི་དགས་ཀྱི་སེམས་ལྟར་རྣམ་པར་འཁྲུལ་ཅིང་རྒྱལ་པོའི་འཁོར་ནས་རྟག་ཏུ་འཚེ་བར་འགྱུར། གཞན་གྱིས་སྒྲ་འབྱིན་པར་བྱེད་ཅིང་། བཅིང་བས་ཀྱང་ཚེ་ཟད་པར་བྱེད་དེ། ནམས་ཀྱང་སེམས་བདེ་བར་མི་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྙིང་རྗེ་རྗེ་སྐད་སྒྲ་འབྱིན་པ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། ། མཆོད་སྤྲིན་གྱི་ལམ་ལོག་པར་མཐོང་བའི་ལམ་གྱིས་སྲིང་མོ་གཞོན་ནུ་སུན་འབྱིན་པར་བྱེད་པ་ནི། ཇི་ལྟར་བྲམ་ཟེའི་སྨྲང་ལས། བུད་མེད་གཞོན་ནུ་འདོད་ཆགས་ལངས་པ་གང་བག་མར་མ་བླངས་ན། དེས་མིའི་སྲོག་གཅོད་པ་དང་འདྲ་བ་འཐོབ་པར་འགྱུར་རོ་ཞེས་དེ་ལྟར་སྨྲང་ངན་པས་བསླུས་པས། འོས་པ་མ་ཡིན་པ་ལ་བྱེད་པ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྙིང་རྗེ་རྗེ་སྐད་སྒྲ་འབྱིན་པར་སྐྱེ་བར་འགྱུར་རོ། ། དེར་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ་ཁྱད་པར་དུ་འབྱུང་བ་ནི། ཇི་ལྟར་གཤིན་རྗེའི་མི་རྣམས་ཀྱིས་ལག་པ་དག་གིས་མདེའུ་སྟེའུ་ཀ་རབ་ཏུ་འབར་བ་འཕེན་པ་དེ་ལྟར་སེམས་ཅན་དམྱལ་བ་པ་འཕེན་ཏེ། ཇི་ལྟར་སྤྲུལ་སའི་འདབ་མ་ཙམ་དུ་ལུས་གང་ཉམས་པ་དང་། རྣམ་པར་ཉམས་པ་མ་ཡིན་པ་ལ་ལྷག་མ་མེད་པར་བྱེད་དེ།། དེ་ལྟར་ཡན་ལག་དང་ཉིང་ལག་ཐམས་ཅད་ཉམས། རྣམ་པར་ཉམས་ཤིང་རབ་ཏུ་འབར་ལ་ཀུན་ནས། སྡུག་བསྔལ་མ་བེ་ཟད་པས་ཉམ་ཐག་པ།། མགོན་མེད་ཅིང་གྲོགས་མེད་ལ།། གཉིས་སུ་མེད་པ་ཡུན་རིང་དུ་ལོ་བགྲང་གིས་མི་ལང་བར་སྡུག་བསྔལ་ཚ་བ་རྩུ་བ་བ་མྱོང་བར་འགྱུར་རོ།། གལ་ཏེ་ལས་ཟད་པའི་རྐྱེན་གྱི་དབང་གིས་མདེའུ་སྟེའུ་ཀ་དང་། རལ་གྲི་ཉམ་ང་བ་དེ་ལས་ཐར་ན། ལྕགས་ཀྱི་ས་གཞིའི་སྟེང་ན་མེ་མདག་རབ་ཏུ་འབར་བའི་ཕུང་པོར་འབྱིང་བཞིན་དུ་འབྲོས་སོ།། སྡུག་བསྔལ་གྱིས་གདུང་བ་མང་པོས་ཉམ་ཐག་ཅིང་ངུ་སྐད་འབྱིན་པའི་ཚེ། ཐག་ཉེ་བ་ན་ནགས་ཚལ་ཆེན་པོ་སྤྲིན་ནག་པོ་ལྟ་བུ་ཡོད་དེ། ཀུན་ནས་བྱ་སྐད་སྙན་པས་ཡོངས་སུ་སྐོར་ཅིང་། དེའི་ཡང་ཟག་ཉེ་བ་ཞིག་ན། མཚོ་ཆེན་པོ་ཆུ་རབ་ཏུ་དང་བ་ཞིག་ཡོད་པ་མཐོང་ནས། དེ་འདི་སྙམ་དུ་སེམས་སོ།། ཀྱེ་ཨེ་མ་ནག་པོ་འདི་ནི་ནགས་ཚལ་ཡིན་ལ། མཚོ་སྔོན་པོ་དང་ཡང་ལྡན་པ་ཞིག་སྟེ། བདག་ནི་འདིར་བདེ་བ་ཐོབ་པར་འགྱུར་རོ་སྙམ་ནས་མགོན་འདོད་པ། སྐྱབས་འདོད་པ། དཔུང་གཉེན་འདོད་པ་དེ་ནགས་ཚལ་དེའི་དྲུང་དུ་ས་གཞི་མ་མདག་རབ་ཏུ་འབར་བའི་ཕུང་པོར་འབྱིང་བཞིན་དུ་རྒྱུག་གོ། དེ་གང་གི་ཚེ་ཐག་ཉེ་བ་ནགས་ཚལ་ཡོད་པ་དེ་དང་བྱ་དག་གིས་ཀྱང་བསྐོར་བ་མཐོང་བ་དང་། ཤིན་ཏུ་བདེ་བ་འདོད་པ་དཔུང་གཉེན་འདོད་པ་དེ་ཡང་ནགས་ཚལ་དེ་དག་ཉིད་ཀྱི་དྲུང་དུ་རབ་ཏུ་རྒྱུག་གོ། དེ་གལ་ཏེ་ཚེགས་ཆེན་པོས་ནགས་ཚལ་དེའི་དྲུང་དུ་ཕྱིན་པ་དང་། སྔར་བཞིན་དུ་མཐོང་ལ། དེ་གཞན་ཞིག་ཏུ་མཐོང་སྟེ། སྦྲུལ་ཤིན་ཏུ་གདུག་ཅིང་རབ་ཏུ་འཇིགས་པ། མགོ་སྟོང་ཡོད་པ། མིག་རབ་ཏུ་འབར་བ། བྱད་བཞིན་འཇིགས་འཇིགས་ལྟར་འདུག་པ་ཞིག་དང་། བྱ་གང་ཡིན་པ་དེ་དག་ཀྱང་ལུས་རབ་ཏུ་འབར་ལ། དེ་དག་ཐམས་ཅད་སེམས་ཅན་དམྱལ་བ་པའི་སྒྲ་སྐད་རབ་ཏུ་འབྱིན་པར་མཐོང་ལ། སྦྲུལ་དེས་མོད་བཞིན་དུ་བཟུང་ནས་ཟ་བ་བྱེད་དེ། སྡུག་བསྔལ་སྣ་ཚོགས་ཀྱིས་ཉམ་ཐག་པ་ཆོ་ངེས་འདེབས་པ། དེ་ཡང་སྦྲུལ་དེའི་ཁ་རབ་ཏུ་འབར་བས་བཟུང་ནས། ཁའི་བར་དུ་བཅུག་སྟེ་ཟ་བར་བྱེད་དོ།། དེ་ལས་ཀྱིས་བྱས་པའི་སྦྲུལ་དེ་ཉིད་ཀྱིས་ཟ་བ་ནི། ཡུན་རིང་པོ་ལོ་བགྲང་གིས་མི་ལང་བར་ཟ་བར་བྱེད་དོ།། དེ་གལ་ཏེ་ལས་ཟད་ནས། སྦྲུལ་དེའི་ཁ་དེ་ནས་ཐར་ནས། སྐོམ་པས་གདུངས་པས་མཚོ་དེའི་དྲུང་དུ་རྒྱུག་གོ།། མཚོ།། དེ་ཡང་དུད་པ་ནག་པོས་བསྒྲིབས་ཤིང་། ནང་ཡང་སེམས་ཅན་དམྱལ་བ་པའི་མེས་གང་སྟེ། དེ་མཚོ་དེར་ནུབ་བོ།། མཚོ་དེ་ཟབས་སུ་དཔག་ཚད་ཙམ་སྟེ། དེར་ནུབ་ཅིང་དེར་སྡུག་བསྔལ་མི་བཟང། པབ་མྱོང་ངོ་།། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་རང་གི་ལས་དང་མཐུན་པ་གཞན་དང་མི་འདྲ་བའི་སྡུག་བསྔལ་མྱོང་བར་འགྱུར་རོ།། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དང་རྒྱུ་འཐུན་པའི་འབྲས་བུས་ཚེ་རབས་བདུན་བརྒྱར་ཡི་དགས་དང་དུད་འགྲོ་དག་ཏུ་སྐྱེ་བར་འགྱུར་རོ།། དེ་གལ་ཏེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དབུལ་ཞིང་ནད་པུ་ཅན་དང་། གཞན་གྱིས་བཀོལ་བ་དང་། ལམ་གྱི་བཞི་མདོ་དང་། ལམ་པོ་ཆེར་སྤང་བ་དང་མིའུ་ཐུང་དུ་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྙིང་རྗེ་ཆེན་པོ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། ། གང་གིས་སློབ་ཏུ་བཅུག་ལ་སློབ་པའི་ཚིག་དེ་ཡང་དག་པའི་ལམ་རབ་ཏུ་སྟོན་པ་ཡིན་ན། དེ་འདོད་ཆགས་བདོ་བས་མཁན་པོ་དེའི་ཆུང་མཉེས་པ་མེད་པ་སུན་འབྱིན་པར་བྱེད་ཅིང་འཇིག་རྟེན་པ་དག་ལ་ཡང་འདི་ལྟར་འདི་ནི་མཁན་མོ་མ་དང་འདྲ་བ་སྟེ། བདག་ནི་བུ་དང་མཚུངས་སོ་ཞེས་ཀྱང་བརྗོད་ལ་ཡིད་གཅུགས་པ་འདོར་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྙིང་རྗེ་ཆེན་པོར་སྐྱེ་བར་འགྱུར་རོ། ། དེར་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ་ཁྱད་པར་དུ་འབྱུང་བ་ནི། འདི་ལྟར་གོང་དང་འོག་ན་སོ་མི་མཐུན་པའི་ཁ་གཅོད་པ་མཚོན་འཛུགས་པ་ལྟ་བུས་ཡང་དང་ཡང་དུ་གཅོད་པར་བྱེད་དོ།། དེ་གཅོད་པ་ན། ནང་དུ་རྟོགས་པའི་ཤ་དང་། རྒྱུས་པ་དང་། པགས་པ་དང་། ཆུ་སེར་དང་། རུས་པ་དང་། རྐང་གི་བར་ཐམས་ཅད་མཚོན་ཆ་དག་གིས་གཅོད་པར་བྱེད་དེ། དེ་ལྟར་སྙིང་རྗེ་རྗེ་སྐད་དུ་ངུ་ཞིང་ཡོངས་སུ་སྨྲེ་སྔགས་འདོན་ཏོ། ། ཇི་ལྟར་སེམས་ཅན་དམྱལ་བ་པ་གཞན་དག་ཀྱང་རུས་པའི་སྒྲ་དེས། དེ་ལྟར་སྡུག་བསྔལ་མི་བཟད་པས་ཉམ་ཐག་སྟེ། ཤིན་ཏུ་སྙིང་རྗེ་རྗེ་སྐད་ཉམ་ཐག་པ་ན་སྡུག་བསྔལ་དེ་དག་ཐམས་ཅ། མྱོང་ངོ་།། གཅོད་པ་ན་སྲོག་ཆད་པར་མི་འགྱུར་ཏེ། དེ་ལྟར་དེས་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མ་ཀུན་ཏུ་བཅད་ཅིང་བཅད་ཅིང་ཡང་འབྱུང་བར་འགྱུར་རོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་དྲུག་སྟོང་དུ་སེམས་ཅན་དམྱལ་བ་དང་། ཡི་དགས། དང་། དུད་འགྲོ་དག་ཏུ་སྐྱེ་བར་འགྱུར་རོ།། དེ་ནས་ཐར་ནས་ཀྱང་གལ་ཏེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་གལ་ཏེ་མངལ་དུ་འམ། གལ་ཏེ་བཙས་ནས་སམ། གལ་ཏེ་གན་ཀྱལ་དུ་ཞགས་ན་འམ། གལ་ཏེ་གོག་ཙམ་ནའམ། གལ་ཏེ་རྒྱུག་ཙམ་ན་འམ། གལ་ཏེ་རྒྱུག་ནུས་ཙམ་ན་འཆི་བར་འགྱུར་ཞིང་། གང་དང་གང་དུ་སྐྱེས་པར་དབང་པོ་ཐམས་ཅད་མ་ཚང་བར་སྐྱེས་པར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྙིང་རྗེ་མེད་པའི་ས་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ།། མནའ་མ་ལ་མི་རིགས་པ་བྱས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྙིང་རྗེ་མེད་པའི་སར་སྐྱེ་བར་འགྱུར་རོ། ། དེར་སྐྱེས་ནས་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ་ཁྱད་པར་དུ་འབྱུང་བ་ནི། འདི་ལྟར་དེ་དག་སའི་སྟེང་དུ་ཕུང་པོ་རྩེག་པར་བྱས་ཏེ། གཤིན་རྗེའི་མི་རྣམས་ཀྱིས་ཟངས་ཀྱི་ས་གཞི་རབ་ཏུ་བསྲེགས་པར་བརྒྱ་འམ། ཡང་ན་སྟོང་གཅིག་གི་སྟེང་དུ་གཅིག་ཕུང་པོར་བྱས་པ་ནི་ཇི་ལྟར་སྐྲའི་རྩེ་མོ་ལ་བར་སྐབས་མེད་པ་དེ་ལྟར་གཅིག་གི་སྟེང་དུ་གཅིག་བསྡུས་ནས་སྲེག་གོ། དེ་ལྟར་དེ་དག་གཅིག་གི་སྟེང་དུ་བཅེ་བས་གནོད་པ་ན། ཇི་ལྟར་དེ་དག་གཅིག་གི་སྟེང་དུ་གཅིག་ཤིན་ཏུ་ཟགས་དམ་པར་བཅེར་བའི་བར་མི་མངོན་པ་དེ་ལྟར་བསྡུ་བར་བྱས་ནས་གཤིན་རྗེའི་མི་རྣམས་ཀྱིས་ཐོ་བ་ཐོགས་ཏེ་ཀུན་ཏུ་འཚོག་གོ། དེ་ལྟར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་སྡུག་བསྔལ་མི་བཟད་པར་ཚ་བ་རྩུབ་པ་མྱོང་བར་འགྱུར་རོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་དགུ་བརྒྱར་ཡི་དགས་དང་དུད་འགྲོ་དག་ཏུ་སྐྱེ་བར་འགྱུར། དེ་ལས་ཐར་ནས་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིའི་སྐྱེས་ན། དེ་དབུལ་ཞིང་ནང་པུ་ཅན་དང་། འགྲན་ཟླ་གཞན་གྱིས་གསད་པར་འགྱུར། ཡུལ་ངན་པར་ཆུ་འགྲམ་གྱི་མི་ཀླ་ཀློར་སྐྱེ་བར་འགྱུར་ཏེ། དེར་ཡང་ཐམས་ཅད་ཀྱི་ཐ་མར་འགྱུར་ཞིང་ཚེ་ཐུང་བར་འགྱུར་བ་མཐོང་ངོ་། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཤིང་སྐམ་བསྡུས་པ་ལྟ་བུ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། ། མི་འཇིགས་པ་སྦྱིན་པ་བྱིན་པའི་ཆུང་མཉེས་པ་མེད་པར་འཕྲོག་པ་ནི་དེ་བསད་པའི་སར་ཁྲིད་ཅིང་བསད་དུ་དོགས་པ་ན། གང་སྲོག་ཕྱུང་སྟེ། མི་དེ་བཏང་བ་ལས་དེས་ཀྱང་དྲིན་མེད་པར་བྱས་ནས་དེའི་ཆུང་མ་འཕྲོག་པར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཤིང་སྐམ་པ་བསྡུས་པ་ལྟ་བུར་སྐྱེ་བར་འགྱུར་རོ།། དེར་སྐྱེས་ནས་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ་ཁྱད་པར་དུ་འབྱུང་བ་ནི། འདི་ལྟར་སེམས་ཅན་དམྱལ་བ་པ་དེ་ཆུ་བོ་སྒྲ་ཆེན་ཞེས་བྱ་བའི་ནང་དུ་འཇུག་པར་བྱེད་དོ། ། དེར་སེམས་ཅན་དམྱལ་བ་པ་བརྒྱ་སྟོང་དུ་མ་དག་ཀྱང་འཇུག་པར་བྱེད་དེ། སེམས་ཅན་དམྱལ་བ་པ་དེ་དག་གི་ནང་དུ་འཇུག་པར་བྱེད་དོ།། དེ་དེ་ལྟར་དེ་དག་གི་ནང་དུ་ཞུགས་ཤིང་ཤུགས་དྲག་པོས་བདས་པ་རྣམས་ཀྱིས་འོག་ཏུ་བཅུག་ནས། དེ་ཇི་ལྟར་སྐྲའི་རྩེ་མོ་ཙམ་ཡང་མི་མངོན་པ་དེ་ལྟར་དེ་དག་གི་སྟེང་ནས་སྟེང་དུ་འདུག་ནས་གནོད་པར་བྱེད་དེ། དེའི་སྟེང་ན་སེམས་ཅན་དམྱལ་བ་པ་རྣམས་འཁོད་དོ། ། འོག་ཏུ་ནི་ཞ་ཉེ་རབ་ཏུ་བསྐོལ་བས་འཚེད་ཅིང་སྲེག་ལ་གསོད་དོ།། ཆོ་ངེས་འདེབས་ཤིང་རྟག་ཏུ་སྡུག་བསྔལ་བས་ཉམ་ཐག་སྟེ། དེ་སྡུག་བསྔལ་བས་ཉམ་ཐག་པ་ཕྱིར་ཞིང་ལས་ཀྱིས་བྱས་པའི་ཆུ་སྲིན་དག་ཉེ་བར་འོང་སྟེ། གང་དག་གིས་སེམས་ཅན་དམྱལ་བ་པ་དེ་ཡན་ལག་དང་ཉིང་ལག་ཐམས་ཅད་ཟ་ཞིང་འབྱུང་ངོ་།། དེ་ཤིང་སྐམ་ལྟར་བསྡུས་པས་སྡུག་བསྔལ་མྱོང་བ་ན། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡུན་རིང་པོར་ལས་ཀྱིས་བྱས་པའི་ཚོར་བ་ཤིན་ཏུ་མི་བཟད་པའི་སྡུག་བསྔལ་མྱོང་བར་འགྱུར་རོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་རོ།། ཐར་ནས་ཀྱང་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་ལྔ་བརྒྱར་ཡི་དགས་དང་དུད་འགྲོ་དག་ཏུ་སྐྱེ་བར་འགྱུར་རོ།། དེ་དེ་ལས་ཐར་ནས་ཀྱང་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་བུད་མེད་ཀུན་གྱི་ཡིད་ཆགས་པར་མི་འགྱུར་ཏེ། དེ་ལྟར་བུའི་ངོ་བོ་དང་། ཕའི་ངོ་བོ་དང་། མིང་པོའི་ངོ་བོ་ལྟ་བུ་དང་ཚེ་རབས་ལྔ་བརྒྱར་པོ་མཚན་དང་བྲལ་བར་འགྱུར་བར་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ནས། དེར་འཁོར་བཅུ་དྲུག་པ་ལ་ས་བཅུ་བདུན་པ་མ་མཐོང་སྟེ། སེམས་ཅན་དམྱལ་བ་ཆེན་པོ་རབ་ཏུ་ཚ་བ་ནི་འཁོར་བཅུ་དྲུག་དག་གིས་ཡོངས་སུ་བསྐོར་ཏོ།། སེམས་ཅན་དམྱལ་བ་ཆེན་པོ་རབ་ཏུ་ཚ་བ་མི་བཟད་པ་ཆེན་པོ་ནི་དེ་དག་ཡིན། མཇུག་ནི་དེ་དག་ཡིན། མཐའ་ནི་དེ་དག་ཡིན་ཏེ། དེ་རང་གིས་བྱས་པའི་ལས་ཀྱི་འབྲས་བུའི་ས་ལ་སྤྱོད་པའི་མི་དག་འཚེད་ཅིང་སྲེག་སྟེ། འདི་ལྟར་གཞན་གྱིས་བྱས་པ་འཐོབ་པ་མ་ཡིན་པ་ལས་དེ་དང་མཐུན་པར་གནོད་པ་མྱོང་ངོ་།། རང་གིས་བྱས་པ་ཆུད་ཟ་བར་མི་འགྱུར་ལ། གཞན་གྱིས་བྱས་པ་དང་ཕྲད་པ་མེད་དེ། བྱས་པ་ཆུད་ཟ་བར་མི་འགྱུར་ཞིང་། རང་གིས་བྱས་པ་དང་མཐུན་པར་འབྲས་བུ་དག་འབྱུང་བར་འགྱུར་རོ།། རང་གིས་བྱས་པའི་སྐྱེ་གནས་ལས་སྐྱེས་པའི་སེམས་ཅན་དག་ནི་རང་གི་ལས་ལ་སྤྱོད་པ་ཡིན་ཏེ། འདི་ལྟར་དགེ་བའམ། སྡིག་པའི་ལས་སུ་འགྱུར་བ་དེའི་ལས་ཀྱི་བགོ་སྐལ་ལ་སྤྱོད་པ་ཡིན་ནོ།། དེ་ལྟར་དགེ་སློང་དེ་སེམས་ཅན་དམྱལ་བར་གཏོགས་པའི་ལས་རྗེས་སུ་སེམས་པ་ན། སྲེད་པ་མངོན་པར་སྒྲུབ་པ་ལ་ཅུང་ཟད་ཀྱང་བདེ་བ་མེད་དེ། རྟག་པ་མེད་ལ་ཐེར་ཟུག་པ་མེད་ཅིང་བདག་དང་བཅས་པ་མ་ཡིན་པར་མཐོང་སྟེ། འཁོར་བ་ཐམས་ཅད་མི་རྟག་པ་དང་། སྡུག་པ་སྐུལ་བ་དང་། སྒོ། པ་དང་། བདག་མེད་པར་མཐོང་ངོ་།། དེ་དེ་ལྟར་མཐོང་བ་ན། འདོད་པ་ཐམས་ཅད་དང་། འདོད་པ་ཀུན་ཏུ་སྦྱོར་བ་དང་། འདོད་པ་སོ་སོར་འབྲང་བ་དང་། འདོད་པ་ལ་རྣམ་པར་རྟོག་པ་དང་། འདོད།། པའི་གཞི་དག་ལ་རབ་ཏུ་འདོད་ཆགས་དང་བྲལ་བར་འགྱུར་རོ།། དེ་ཕྱིས་ཞིང་ཡང་འདོད་པའི་ཉེས་དམིགས་དག་ལ་ཆེས་ཤིན་ཏུ་འཇིགས་པར་ཡང་འགྱུར་ཏེ། དེ་ལྟར་ལུས་དང་། ངག་དང་། ཡིད་གཡོ་པ་ཤིན་ཏུ་བསྡམས་པ་དེ་ལ་བདུད་དང་བདུད་ཀྱི་འཁོར་གྱིས་རབ་ཏུ་མི་ཚུགས་སོ། ། དེ་ལྟར་གོམས་པར་བྱེད་པ་དེ་འཁོར་བའི་ཚེ་རབས་མང་པོའི་རྒྱུད་ཞིགས་པར་འགྱུར། སྲབས་པར་འགྱུར། སྤངས་པར་འགྱུར། ལྷོད་ལྷོད་པོར་འགྱུར་རོ།། དེ་ནས་ཡང་རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པའི་དགེ་སློང་འདི་ནི། ཀྱེ་མ་སྤྲོ་བ་མ་བྲི་བ་ཡིན་ས་གཞན་བཅུ་གཅིག་པ་ལ་ཞུགས་པ་ཡིན་ནོ་སྙམ་མོ། ། དེ་ལྟར་སྤྲོ་བ་མ་བྲི་བདེ་ལ་ས་བླའི་གནོད་སྦྱིན་དགའ་ནས། བར་སྣང་ལ་སྤྱོད་པའི་གནོད་སྦྱིན་དག་ལ་མངོན་པར་བརྒྱ་དོ། ། དེ་དག་གིས་ཀྱང་རྒྱལ་ཆེན་བཞི་པ་དག་ལ་མངོན་པར་བསྙད་པ་ནས། སྔ་མ་བཞིན་དུ་སྦྱར་ཏེ། ཚངས་པའི་ལྷའི་བར་དག་ལ་འདི་ལྟར་འཛམ་བུ་གླིང་དུ། རིགས་ཆེ་གེ་མོ་ཞིག་ལས་རིགས་ཀྱི་བུ་ཞིག་གྲོང་ཆེ་གེ་མོ་ཞིག་དག་དང་། གྲོང་རྡལ་མང་ཆེ་གེ་མོ་ཞིག་དང་། མིང་ག་གེ་མོ་ཞིག་ཅེས་བྱ་བ་སྤ་དང་ཁ་སྤུ་བྲེགས་ནས། གོས་ངུར་སྨྲིག་བགོས་ཏེ། དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་དེ་བདུད་ཀྱི་ཡུལ་གྱི་དངོས་པོ་མི་འདོད་ཅིང་། འདོད་ཆགས་ཀྱི་དགའ་བའི་མོད་ལས་སྐྱེས་པའི་སྲིད་པའི་དངོས་པོ་དང་ལྷན་ཅིག་གནས་པར་མི་འདོད། ཉོན་མོངས་པ་སྦྲུལ་ལྟ་བུ་དང་ལྷན་ཅིག་དགའ་བར་མི་བྱེད་ལ། གཞན་གྱི་ཉོན་མོངས་པ་དག་མཐོང་ནས་འཁོར་བ་ཐམས་ཅད་ལས་ཡིད་བྱུང་ངོ་ཞེས་མངོན་པར་བསྙད་དོ།། དེ་ཐོས་ནས་ཚངས་ཆེན་གྱི་རིས་ཀྱི་ལྷ་རྣམས་བདུད་ཀྱི་ཕྱོགས་ནི་དམའ་བར་གྱུར་ཏོ། ། དམ་པའི་ཆོས་ཀྱི་ཕྱོགས་ནི་མངོན་པར་མཐོའོ་ཞེས་དགའ་བ་སྐྱེས་སོ།། དེ་ལྟར་ས་གཞན་བཅུ་གཅིག་པ་ལ་ཞུགས་པ། རྣལ་འབྱོར་སྤྱོད་པ་ལྷའི་མཐོང་བ་དང་། ཡང་དག་པའི་ལམ་མཐོང་བ། ལས་ཀྱི་ཆོས་ཀྱི་རྣམ་པར་སྨིན་པ་ཤེས་པ་ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པའི་དེ་ཁོ་ན་ཉིད་མཐོང་བ་དེ་འདི་སྙམ་དུ་སེམས་ཏེ། འདི་ལྟར་། ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པ་ཤིན་ཏུ་ཞིབ་མོར་རབ་ཏུ་རྣམ་པར་འབྱེད་པ་ན། དགེ་སློང་དག་ལྷ་དང་བཅས་པའི་འཇིག་རྟེན་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་། བྲམ་ཟེ་དང་། སྐྱེ་དགུར་བཅས་པ་དང་། ལྷ་དང་མིར་བཅས་པ་དག་གིས་དེ་ལྟར་རབ་ཏུ་རྣམ་པར་འབྱེད་པ་མི་ཤེས་ན། གཞན་མུ་སྟེགས་ཅན་ཀུན་ཏུ་རྒྱུ་བ་པ་དག་གིས་ཤེས་པ་ལྟ་སྨོས་ཀྱང་ཅི་དགོས་ཏེ། གནས་མེད་ཅིང་སྐབས་མེད་ལ། ངའི་སློབ་མ་དང་། གང་ང་ལས་ཐོས་པ་ནི་མ་གཏོགས་སོ་སྙམ་མོ།། དེ་ལྟར་ཆད་པ་གསུམ་ཤིན།། ཏུ་ཕྲ་རབ་ཏུ་རྣམ་པར་འབྱེད་པ་དེ་ནི། དེ་ལྟར་ཤིན་ཏུ་ཕྲ་བ་ཡིན་ནོ།། དགེ་སློང་དག་གཞན་མུ་སྟེགས་ཅན་ཀུན་ཏུ་རྒྱུ་བ་པ་དག་གིས་དྲིས་ན། ལན་དེ་ལྟར་གདབ་པར་བྱའོ།། གཞན་མུ་སྟེགས།། ཅན་ཀུན་ཏུ་རྒྱུ་བ་པ་དག་ནི་དྲིས་པའི་ལན་ལ་ཤིན་ཏུ་རྨོངས་པར་འགྱུར་རོ།། དེ་ཅིའི་ཕྱིར་ཞེ་ན། དགེ་སློང་དག་འདི་ལྟར་འཁོར་བར་གཏོགས་པའི་སེམས་ཅན་ཐམས་ཅད་ཀྱི་ཡུལ་མ་ཡིན་པའི་ཕྱིར་རོ། ། དེ་དག་གི་ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པ་རྣམ་པ་གསུམ་པོ་དེ་ནི་རིགས་པ་མ་ཡིན་ཏེ། ཉེས་པ་དང་བཅས་པ། དྲི་མ་དང་བཅས་པ། ཁྱད་དུ་གསོད་པ་དང་བཅས་པ་ལ་སེམས་པ་ཡིན། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་རྣམ་པར་གཅོད་པ་མ་ཡིན། འཕགས་པ་རྣམས་ཀྱི་ཆོས་མངོན་སུམ་དུ་བྱེད་པ་ཡང་མ་ཡིན། མྱ་ངན་ལས་འདས་པའི་མཐར་ཐུག་པ་མ་ཡིན།། གཏན་ཟད་པར་བྱེད་པ་མ་ཡིན་ཞི་བ་མ་ཡིན། བདེ་བ་མ་ཡིན། ལྷའི་འཇིག་རྟེན་དུ་སྐྱེ་བར་བྱེད་པ་ཡང་མ་ཡིན་ཏེ། དེ་དག་ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པ་རྣམ་པ་གསུམ་པོ་ལ་སེམས་པར་བྱེད་དོ།། དགེ་སློང་དག་གཞན་མུ་སྟེགས་ཅན་ཀུན་ཏུ་རྒྱུ་བ་པ་དག་ནི་རང་གི་ལུས་ཀྱིས་མགུ་ནས། ང་རྒྱལ་འབའ་ཞིག་བྱེད་པར་ཟད་དེ། སྐྱོན་དང་ཡོན་ཏན་དང་དཔྱོད་པར་མི་བྱེད་དོ།། དེ་ལྟར་ལུས་ཀྱི་ཆད་པ་དང་ངག་གི་ཆད་པ་དང་། ཡིད་ཀྱི་ཆད་པ་རྣམ་པ་གསུམ་པོ་དེ་དག་ནི་མི་བཟད་པ་ཆེན་པོ་ཡིན་ཏེ། དེ་དག་དང་། ངའི་དང་། ཅུང་ཟད་ཀྱང་འདྲ་བ་མེད་པ་ནི། དཔེར་ན་མྱ་ངན་ལས་འདས་པ་དང་འཁོར་བ་གཉིས་ཅུང་ཟད་ཀྱང་མི་འདྲ་བ་བཞིན་ཏེ། དེ་ལྟར་དེ་དག་གི་ཆད་པ་རྣམ་པ་གསུམ་དང་། ངའི་དང་འདྲ་བ་མེད་དོ།། དགེ་སློང་དག་དེ་དེ་ལྟར་ལན་གདབ་པར་བྱ་སྟེ། ཕས་ཀྱིས་རྒོལ་བ་དག་གི་ནི་སྟོང་པ་ཡིན་ལ། ངའི་ལམ་ནི་བདེ་བ་ཡིན་ནོ།། མྱ་ངན་ལས་འདས་པ་ནི་ནི་ངའོ།། འདུས་བྱས་ཐམས་ཅད་ནི་གཡོ་བའོ།། འཁོར་བ་ཐམས་ཅད་ལ་ནི་བདེ་བ་མེད་དེ། གང་རྟག་པ་དང་། བརྟན་པ་དང་། ཐེར་ཟུག་དང་། མི་འགྱུར་བའི་ཆོས་ཅན་དག་ལ་དེ་ལྟར་བསམ་པར་བྱའོ།། དགེ་སློང་དག་དེ་ལྟར་ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པ་རྣམ་པ་གསུམ་གྱི་དེ་ཁོ་ན་ཉིད་མཐོང་བའི་དགེ་སློང་དེ་ནི་ཆེ་བ་ཡིན་ནོ། ། རྣལ་འབྱོར་སྤྱོད་པའི་དགེ་སློང་ཐར་པའི་གྲོང་ཁྱེར་གྱི་དེ་ཁོ་ན་ཉིད་མཐོང་བ་དེ་ཡང་རྟོགས་པར་བྱེད་དེ། དགེ་སློང་དེ་ཇི་ལྟར་ནས་གཞན་བཅུ་གཉིས་པ་ལ་ཞུགས་ཤིག་གུ་སྙམ་ནས། རྣལ་འབྱོར་སྤྱོད་པ་དེས་བརྟགས་ན། དགེ་སློང་འདི་ནི་བརྩོན་པ་མ་བྲི་བ་ཡིན་ལ། ད་དུང་དུ་ལས་ངན་པ་བྱས་པ་རྣམས་ཀྱི་རྒྱུ་དང་འབྲས་བུའི་དེ་ཁོ་ན་ཉིད་ལ་རྟག་པར་བྱེད་དེ། སེམས་ཅན་དམྱལ་བ་ཆེན་པོ་བདུན་གྱི་འཁོར་དམྱལ་བ་མནར་མེད་པ་ཞེས་བྱ་བར་སྟོང་འགྱུར་དུ་འབྱུང་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་བསམས་བཞིན་དུ་མ་བསད་པ་དང་། ཕ་བསད་པ་དང་། བསྐལ་པའི་ལྷག་མར་གནས་པར་འགྱུར་བ་ནི། གང་བསྐལ་པའི་ཐ་མར་ཉེས་པར་བྱས་བའི་ལས་བྱས་པ་མནར་མེད་པར་འགྲུབ་པར་འགྱུར་བ་དེ་བསྐལ་པའི་ལྷག་མ་དེར་སྨིན་ཏོ། ། གནོད་པ་གང་འགགས་པའི་དུས་ནི་ཡང་འབྱུང་བར་འགྱུར་བ་མེད་དེ། དེ་ལྟ་བས་ནས། བྱས་པས་བསྐལ་པའི་ལྷག་མར་སྨིན་ཏེ། ལས་ཁྱད་པར་ཅན་བྱས་པས་གནོད་པ་དྲག་པ་རྩུབ་པ་ཚ་བ་ཁྱད་པར་ཅན་འབྱུང་བར་འགྱུར་རོ།། གང་མནར་མེད་པའི་ལས་གཅིག་བྱས་པས་ནི། སེམས་ལ་གནོད་པར་མི་འགྱུར་ཏེ། འཇམ་ཞིང་བསམ་པ་འཇམ་པར་འགྱུར་ལ། འདི་ལྟར་མནར་མེད་པ་འདིའི་ལས་གཅིག་ཅིག་བྱས་ན། གལ་ཏེ་ཡང་སེམས་རྩུབ་ཅིང་། སེམས་ཀྱི་བསམ་པ་རྩུབ་པ་ར། དེའི་སྡུག་བརྒྱལ་དྲག་པ་དང་རྩུབ་པར་འགྱུར་ཏེ། དེའི་གནོད་པ་རྣམ་པ་དེ་ལྟ་བུར་ནི་མི་འགྱུར་རོ།། ལས་ཀྱི་འབྲས་བུ་རྣམ་པར་སྨིན་པ་ཐམས་ཅད་ནི་སེམས་ལ་རག་ལས་ཏེ། སེམས་ཀྱི་དབང་དུ་སོང་ཞིང་སེམས་ཀྱི་ཀུན་ཏུ་སྦྱོར་བ་ཡིན་ནོ། ། སེམས་ཀྱི་ཀུན་ཏུ་སྦྱོར་བས་འཆིང་བའི་སེམས་ཅན་དག་ནི་བཅིངས་པ་ཡིན་ལ།། སེམས་རྣམ་པར་བྱང་བས་ནི་གྲོལ་བར་འགྱུར་རོ།། རིམ་པ་ཇི་ལྟ་བ་བཞིན་དུ་མནར་མེད་པ་རྣམས་ཀྱི་གནོད་པའི་རིམ་པ་ཡང་དེ་ལྟར་འབྱུང་སྟེ། དེའི་སྡུག་བསྔལ་བ་ཡང་ལུས་སྦོམ་ཞིང་གཞོན་ཤ་ཅན་དུ་འབྱུང་ངོ་།། དེ་ལ་མཚམས་མེད་པ་ལྔའི་ལས་ཀྱིས་ནི་ལུས་དཔག་ཚད་ལྔར་འགྲུབ་བོ། ། ལས་བཞིས་ནི་བཞིའོ།། ལས་གསུམ་གྱིས་ནི་གསུམ་མོ།། ལས་གཉིས་ཀྱིས་ནི་གཉིས་སོ།། ལས་གཅིག་གིས་ནི་ལུས་དཔག་ཚད་གཅིག་འགྲུབ་པར་འགྱུར་རོ།། དེ་ནས་ཡང་དགེ་སྲོང་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ཏེ། སེམས་ཅན་དམྱལ་བ་ཆེན་པོའི་འཁོར་འདི་ནི་སྤུ་ཟིང་ཞེས་བྱེད་པ་ཡིན་ནོ།། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བའི་འཁོར་བཅུ་དྲུག་པ་ཇི་ལྟར་འདུག་པ་བཞིན་མཐོང་སྟེ། གང་དག་གིས་སེམས་ཅན་དམྱལ་བ་ཆེན་པོ་དེ་ཡོངས་སུ་བསྐོར་བ་ནི་འདི་ལྟ་སྟེ། བྱ་རོག་ཁ་ཞེས་བྱ་བ་དང་། ས་ཀུན་གྱི་འོག་དང་། ཚོར་བ་མཐའ་མེད་རིང་དང་། ཝ་ལྟར་སྦ་འབྱིན་དང་། ལྕགས་དང་ཅེ་སྤྱང་ཟ་དང་། བྱ་རོག་ལྟོ་དང་། ལུས་ཞུ་དང་། སྒྲ་འཇིགས་སྟོན་དང་། མེ་ཏོག་ཁམ་བྱེ་བ་ལྟ་དུ་དང་། རི་བརྩེགས་འབབ་དང་། ཆུ་སྒྲ་དང་། འགྲམ་དང་ར་དང་། སྡུག་བསྔལ་ཀུན་དཀྲིས་དང་། དྲི་འདོད་དང་། ལྕགས་བསྣམ་དང་། འགྲོ་བ་མེས་འཇིག་སྟེ། འདི་དག་ནི་སེམས་ཅན་དམྱལ་བ་ཆེན་པོ་མནར་མེད་པའི་འཁོར་བཅུ་དྲུག་ཡིན་ནོ། ། དེ་ནས་ཡང་དགེ་སློང་དེས་འཆི་བའི་དུས་ལ་སོགས་པ་ནས། སྲིད་པ་བར་མར་སྐྱེ་བའི་བར་ལ་རྟོག་སྟེ། ཇི་ལྟར་ན་སེམས་ཅན་དམྱལ་པ་པ་མནར་མེད་པར་འགྲོ་བའི་སྡུག་བསྔལ་ལས་སྡུག་བསྔལ་ཉིད་དུ་འབྱུང་བར་འགྱུར་སྙམ་ནས། དེས་བརྟགས་ན། འདོད་ཆགས་དང་།། ཞེ་སྡང་དང་། གཏི་མུག་གིས་ཟལ་གྱིས་ནོན་པའི་སྲོག་ཆགས་ངན་པ་བྱེད་པ་བྱས་པ་དག་ནི་མནར་མེད་པར་འགྲོའོ་སྙམ་མོ། ། དེ་ལ་མནར་མེད་པ་ནི་ཁ་ཅིག་འདི་ལྟར་དེ་ལྷའི་འཇིག་རྟེན་འདོད་པའི་ཕྱིར་མེར་འཇུག་པར་བྱེད། གང་དག་རི་ངོས་གཡང་ས་ལས་འདོར་བར་བྱེད། གང་དག་ཆུར་འཇུག་པར་བྱེད། གང་དག་ཟས་མི་སྦྱིན་པས་གསོད་པར་བྱེད་དེ། ལམ་ངན་པས་རྣམ་པར་རྨོངས་པ། ཐོས་པ་ངན་པས་རྣམ་པར་བསླུས་ཤིང་། གཏི་མུག་པ་དག་མ་གསོད་པར་བྱེད་དོ། ། ཁ་ཅིག་མཐོ་རིས་འདོད་པས་འདི་ལྟར་ཟས་མི་སྦྱིན་པས་སམ། རི་ལ་ག་ཡང་དུ་གཏོང་བས་སམ། མེར་འཇུག་པས་སམ། ཆུར་འཇུག་པས་མ་བསད་ན་མཐོ་རིས་འཐོབ་བོ་སྙམ་ནས། དེ་མཐོ་རིས་ལ་སྲེད་པས་སྲོག་དང་བྲལ་བར་བྱེད་དོ།། ཁ་ཅིག་ནི་ཞེ་སྡང་བ་སེམས་མི་བརྟན་པའི་ངོ་བོ་ཉིད་ཀྱི་རྐྱེན་གྱིས་ཏེ། དེ་ལྟར་ཉེས་པ་གསུམ་གྱིས་ཟིལ་གྱིས་ནོན་པའི་སྲོག་ཆགས་དག་གི་སྲོག་གཅོད་པར་བྱེད་པ་ནི་མནར་མེད་པར་འགྲོའོ། ། དེ་ལ་མནར་མེད་པ་ནི་ཁ་ཅིག་ཞིང་ཆེན་པོར་གྱུར་པ་དེ་མ་ཤེས་ནས། ཁྲག་འབྱིན་པར་བྱེད་པ་དང་། དེ་བཞིན་དུ་དགེ་འདུན་གྱི་དབྱེན་བྱེད་པ་དང་། དགྲ་བཅོམ་པ་ཡང་སྲོག་དང་བྲལ་བར་བྱེད་པ་ནི། ཕྱིར་ཞིང་ཞེ་སྡང་གིས་ཟིལ་གྱིས་ནོན་པ་ཡིན་ཏེ། དེ་ལྟར་དོན་ཐམས་ཅད་མེད་ཅིང་བར་དུ་གཅོད་པར་བྱེད་པ་དེ་དག་ནི་སེམས་ཅན་དམྱལ་བ་ཆེན་པོ་མནར་མེད་པར་སྐྱེ་བར་འགྱུར། དེ་དག་འཆི་བའི་དུས་ཀྱི་ཚེ་ཁ་ཅིག་རང་གི་ལུས་ཉིད་ལ་མནར་མེད་པའི་མེ་གནས་ཤིང་འབྱུང་བར་འགྱུར། ཁ་ཅིག་འཆི་བའི་དུས་བྱས་མ་ཐག་ཏུ་སྲིད་པ་བར་མར་འབྱུང་བར་འགྱུར་ལ། དེའི་འོག་ཏུ་མནར་མེད་པར་སྐྱེ་བར་འགྱུར་ལ། གང་གི་ཚེ་མནར་མེད་པའི་ལས་བྱས་པ་དེའི་ཚེ། དེ་ཕན་ཆད་རབ་ཏུ་འབྱུང་བ་མྱོང་བར་འགྱུར་བ་ཐར་པའི་ལས་ཀྱི་སྐལ་བ་ངེས་པར་སྲེག་པར་འགྱུར། དེའི་སྡོམ་པ་སོ་སོར་སྐྱེ་བར་མི་འགྱུར། དགེ་བའི་ལས་ཀྱི་མཐའ་སྤྱད་པ་བསྲེགས་པ་མྱོང་བར་འགྱུར་བར་མ་ངེས་པ་དང་། ལན་གྲངས་གཞན་ལ་མྱོང་བར་འགྱུར་བ་དང་། སྐྱེས་ནས་མྱོང་བར་འགྱུར་བ་དེ་ངེས་པར་སེམས་ཅན་དམྱལ་བར་འབྱུང་བར་འགྱུར། དེ་ཚེ་ཐུང་བར་ཡང་འགྱུར། གང་གིས་ལོ་བརྒྱ་ཐུབ་པར་འགྱུར་བ་དེ་ལོ་ཉི་ཤུ་ཞིག་ཐུབ་པར་འགྱུར། གང་ཡིད་ཀྱིས་རྟོག་ཅིང་སེམས་པར་བྱེད་པ་དེ་དག་ཐམས་ཅད་ཀྱང་། ཇི་ལྟར་ཚ་སྒོ་ལ་ས་བོན་བཏབ་པ་བཞིན་འབྲས་བུ་མེད་པར་འགྱུར། དེ་ཕན་ཆད་ལྷ་གང་ཕྱི་བཞིན་དུ་འབྲང་བ་དེས། དེ་ཡོངས་སུ་སྤོང་བར་བྱེད།། དེའི་ལས་ཀྱི་མཐའ་འབྲས་བུ་མེད་པར་འགྱུར། དེའི་དབང་པོ་ཡུལ་རྣམས་ལ་ཞེན་པར་འགྱུར། རྟག་ཏུ་རྨི་ལམ་ངན་པ་དག་ཀྱང་མཐོང་བར་འགྱུར། དོན་མེད་པ་ཀུན་ལ་ཡང་སྦྱོར་བར་འགྱུར། གལ་ཏེ་དེའི་བུ་དང་། ཆུང་མ་དང་། བྲན་དང་། བྲན་མོ་དག་ཡོད་ན། དེ་ཐམས་ཅད་ཀྱིས་ཡོངས་སུ་སྤོང་བར་འགྱུར། རྟག་ཏུ་བཀྲེས་པ་དང་སྐོམ་པས་འཕོངས་པར་འགྱུར། གལ་ཏེ་ཟས་ཞིམ་པོ་ཞིག་སྦྱར་ན།། དེ་ཡང་ཇི་ལྟ་བ་བཞིན་དུ་མི་འགྱུར། སྐད་ཀྱང་འགག་འགག་པོར་འགྱུར། རྟག་ཏུ་བཞིན་གྱི་མདོག་ངན་ཅིང་རྩུབ་པ་དང་། རྟག་ཏུ་སེམས་འཁྲུལ་བ་དང་། རང་གི་ཉེ་དུ་དང་། གཉེན་འདབ་ཀྱི་ཚོགས་ཐམས་ཅད་ཀྱིས་ཀྱང་ཡོངས་སུ་བརྙས་པ་དང་། དེའི་སེམས་ལ་གློ་བུར་དུ་སྐྲག་པ་འབྱུང་བར་འགྱུར། འཇིག་རྟེན་འདི་དག་ཐམས་ཅད་དུད་པས་འཁྲིགས་པར་མཐོང་བར་འགྱུར། དེའི་ཁམས་སྔོན་ལྟར་ནམས་ཀྱང་ཉམས་པར་མི་འགྱུར། རྒྱང་རིང་པོ་ན་གཟུགས་མི་སྡུག་པ་མེད་བཞིན་དུ་མཐོང་བར་འགྱུར། རླུང་ཆུང་དུས་དེད་པར་འགྱུར། རྟག་ཏུ་བདག་ཉིད་ཚ་བས་གདུངས་པར་འགྱུར།། རྟག་ཏུ་མཁྲིས་པའི་ནད་ཀྱིས་ཉམ་ཐག་པར་འགྱུར། དེའི་ཁ་རྟག་ཏུ་ཁ་བ་དང་ལན་ཚྭ་བྲོ་བར་འགྱུར། མལ་གྱི་གཞི་ཐམས་ཅད་འཇམ་པ་ཡིན་ཡང་རྩུབ་པར་འགྱུར། གླིང་བུ་དང་། འཁར་རྔ་དང་། རྫ་རྔ་དང་། པི་ཝང་གི་སྒྲ་དག་ཀྱང་འཇིགས་ཤིང་བག་ཚ་བར་ཐོས་པར་འགྱུར་ན། སྒྲ་གཞན་དག་ལྟ་སྨོས་ཀྱང་ཅི་དགོས། དེའི་སྣ་ཡང་རྟག་ཏུ་ཉམས་པར་འགྱུར་ཏེ། དེ་རྫས་དྲི་ཞིམ་པོ་དག་ཀྱང་ཚོར་རོ། ། དེའི་ལུས་ཐམས་ཅད་ལས་ཀྱང་དྲིང་བ་འབྱུང་བར་འགྱུར། དེའི་སྒྲ་དང་སྤུཐམས་ཅད་འབྱི་ཞིང་། དེའི་སོ་དག་མདོག་ངན་པར་འགྱུར། རྐང་པ་དང་ལག་པ་རབ་ཏུ་རྡོལ་བར་འགྱུར། བདེ་བ་ཐམས་ཅད་ལས་ཡོངས་སུ་ཉམས་པར་འགྱུར། རྨི་ལམ་ན་ལྷ་དག་གིས་རྟག་ཏུ་གཙེ་བར་འགྱུར། དེ་རྟག་ཏུ་སྙིང་ནད་ཀྱིས་འདེབས་པར་འགྱུར། དེའི་སྙིང་གས་པར་འགྱུར། ལུས་ནམས་ཀྱང་སྡུག་པར་མི་འགྱུར། གལ་ཏེ་བརྒྱ་ལ་མེ་ཏོག་དག་བཏགས་ན་དེ་དག་མྱུར་དུ་རྙིས་པར་འགྱུར། དེའི་གོས་དག་ཀྱང་མྱུར་དུ་ཟད་པར་འགྱུར་ཏེ། ལུས་དང་གོས་དག་བཀྲུས་ཀྱང་དྲི་མ་ཅན་དུ་འགྱུར། གློ་བུར་དུ་ལམ་གོལ་བར་འགྲོ་ན་འགྱེལ་བར་འགྱུར་ཏེ། དེའི་ལུས་འགྱེལ་བས་ཉམས་ཤིང་། དེའི་ལུས་ལ་རྨ་མང་པོ་འབྱུང་བར་འགྱུར་ལ། ཡུན་རིང་པོས་འཚོ་བར་འགྱུར། གཉིད་ལོག་ན་མགུལ་བསྐམས་ཤིང་། དེ་སད་ནས་ཀྱང་ཆུ་འཐུང་བ་ཉིད་དུ་འགྱུར། སྦྱིན་བྱེད་མའི་བུས་གནོད་པར་གྱུར་པ་ན། གྲོང་དང་གྲོང་ཁྱེར་དག་སྟོང་པ་ཉིད་དུ་མཐོང་བར་འགྱུར། གཟའ་དང་། སྐར་མ་དང་། རྒྱུ་སྐར་དག་གི་གཟུགས་ལོག་པར་མཐོང་བར་འགྱུར། རླུང་ཆུང་ངུ་ལངས་པ་ཀུན་དང་ཕྲད་ན་ཡང་མཚོན་གྱིས་བཏབ་པ་ལྟ་བུར་དྲག་པར་འགྱུར། མེ་ཆུང་ངུ་དག་གིས་རེག་ན་ཡང་སྲེག་པར་འགྱུར། ཉི་མ་ཡང་ཉིས་འགྱུར་གྱིས་ཚ་བར་འགྱུར། ཟླ་བ་ཡང་དྲོ་བར་འགྱུར་ཏེ། ཟླ་བ་ཤིན་ཏུ་དྲོ་བར་མྱོང་བར་འགྱུར། ཆུ་བསིལ་བ་ཐམས་ཅད་ཀྱང་དྲོ་བར་འགྱུར། ། ཚལ་དང་ནགས་ཚལ་བདེ་བ་དག་ལ་འཇིགས་འཇིགས་ལྟར་འདུག་པར་མཐོང་བར་འགྱུར། བྱའི་སྐད་སྙན་པ་དག་ཐ་སྐད་འཇིགས་པ་ལྟ་བུར་ཐོས་པར་འགྱུར། འཇིག་རྟེན་ཐམས་ཅད་དུར་ཁྲོད་ལྟ་བུར་རིག་ཅིང་རྟག་ཏུ་དགའ་བ་མེད་པར་འགྱུར། དེ་ཆང་གིས་མཆོག་ཏུ་དགའ་བ་སྐྱེ་བར་མི་འགྱུར། ངོ་ཚ་མེད་ཅིང་ཚུལ་མེད་པར་འགྱུར་ཏེ། སྲང་དང་བཞི་མདོ་དག་ཏུ་སྐྱེ་བོས་མངོན་སུམ་དུ་བཤང་གཅི་བྱེད་པར་འགྱུར། ། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་བཅོ་ལྔ་པ།། ལྷ་ཐམས་ཅད་ཀྱིས་ཀྱང་ཡོངས་སུ་སྤངས་པར་འགྱུར། དོན་ཐམས་ཅད་མེད་པའི་སྐལ་བ་ཅན་དུ་འགྱུར། མདོག་ཚལ་ཤིང་བསྲེགས་པ་ལྟ་བུར་འགྱུར། སྐྱེ་བོ་དང་ཡུལ་གྱི་མི་ཀུན་དང་ཞེ་འགྲས་པར་ཡང་འགྱུར་ཏེ། དེ་དག་ནི་མནར་མེད་པ་དེའི་མཚན་མ་ཚེ་འདི་ལ་སྔར་འབྱུང་བ་ཡིན་ནོ། ། དེའི་འོག་ཏུ་དེའི་འཆི་བའི་མཚན་མ་འབྱུང་བ་ནི་ཉིན་པར་ཟླ་བ་མཐོང་ཞིང་། མཚན་མོ་ཉི་མ་མཐོང་བར་འགྱུར། རང་གི་གྲིབ་མ་མི་མཐོང་བར་འགྱུར། རྨོ་བུར་དུ་སྒྲ་མི་སྙན་པ་ཐོས་པར་འགྱུར། དེའི་སྣ་ཡོན་པོར་འགྱུར། དེའི་སྐྲ་དང་ཁ་སྤུ་འཛིངས་པར་འགྱུར། ཐོག་མར་རིམས་ཀྱིས་འདེབས་ཤིང་འཆི་བའི་བར་དུ་ནད་ཀྱིས་འདེབས་ཏེ། དེ་ཀུན་ནས་མེ་མ་དག་རབ་ཏུ་འབར་བ་ལྟ་བུའི་རིམས་ཀྱིས་ཤིན་ཏུ་གདུངས་ཤིང་ནད་བཞི་བརྒྱ་རྩ་བཞི་ལྟ་བུ་མ་ཡིན་པ་དག་གིས་ཉམ་ཐག་པ་ཀུན་ནས་མེ་མདག་གི་རླུང་དག་ཏུ་འཚེད་པ་ན། སྲིན་བུའི་རིགས་བརྒྱད་ཅུ་དག་ལ་རླུང་བརྒྱད་ཅུ་དག། ལུས་དང་། རྩ་དང་། རྒྱུས་པ་དང་། པགས་པ་དང་། རུས་པ་དང་། ཤ་དང་། ཚིལ་དག་ཏུ་ཞུགས་ནས་གནོད་པར་བྱེད་དོ།། འདི་ལྟ་སྟེ། སྲིན་བུའི་རིགས་བརྒྱད་དུ་དག་ལ། རླུང་བརྒྱད་ཅུ་དག་གིས་གནོད་པར་བྱེད་དེ། སྲིན་བུ་སྤུ་ཅན་ལ། རླུང་སྤུ་སུན་འབྱིན་གྱིས་གནོད་པར་བྱེད་དོ།། སྲིན་བུ་ཁ་གནག་ལ། རླུང་རླུང་དག་གིས་རྗེས་སུ་མཐུན་པས་གནོད་པར་བྱེད་དོ། ། སྲིན་བུ་སྤྲོ་མེད་ལ། རླུང་རྨི་ལམ་འཁྲུལ་སྟོན་གྱིས་གནོད་པར་བྱེད་དོ།། སྲིན་བུ་རབ་ཆེ་བྱེད་ལ། རླུང་བཟོད་མེད་ཀྱིས་གནོད་པར་བྱེད་དོ།། སྲིན་བུ་རྣམ་པར་རྨོངས་བྱེད་ལ།། རླུང་ལྕེས་བརྗོད་པར་མི་བཟད་ཀྱིས་གནོད་པར་བྱེད་དོ།། སྲིན་བུ་མེ་མདོག་བྱེད་ལ། རླུང་རོ་བྲོ་ཁྲིད་བྱེད་ཀྱིས་གནོད་པར་བྱེད་དོ།། སྲིན་བུ་འགྲེད་བྱེད་ལ། རླུང་མཆིན་པ་འཇིག་བྱེད་ཀྱིས་གི་ནོད་པར་བྱེད་དོ། ། སྲིན་བུ་འོག་འགྲོ་ལ། རླུང་བཤང་བསྟེང་འགྲོས་གནོད་པར་བྱེད་དོ།། སྲིན་དུ་ཨུད་ཏིང་ག་ལ། རླུང་གནང་རྒྱས་གནོད་པར་བྱེད་དོ།། སྲིན་བུ་ཀུན་རྟོག་མཐོང་། ལ། རླུང་དྲན་པ་ཉམས་བྱེད་ཀྱིས་གནོད་པར་བྱེད་དོ།། སྲིན་བུ་དྲི་ང་ལ། རླུང་བགས་པ་འཇིགས་བྱེད་ཀྱིས་གནོད་པར་བྱེད་དོ།། སྲིན་བུ་རུས་པ་ལེགས་སྐྱེས་ལ། རླུང་རོ་བྲོ་བ་འཇིམ་བྱེད་ཀྱིས་གནོད་པར་བྱེད་དོ། ། སྲིན་དུ་ཁ་དམར་ལ། རླུང་ཤ་འཇིགས་བྱེད་ཀྱིས་གནོད་པར་བྱེད་དོ།། སྲིན་བུ་བརྩོན་བཅས་ལ། རླུང་རྒྱགས་པ་འཇིགས་བྱེད་ཀྱིས་གནོད་པར་བྱེད་དོ།། སྲིན་བུ་གནད་རྒྱུ་ཟ་ལ། རླུང་རུས་པ་འཇིགས་བྱེད་ཀྱིས་གནོད་པར་བྱེད་དོ།། སྲིན་བུ་མཚོན་ཆ་ཁ་ལ། རླུང་རུས་ཀུན་འཇིགས་བྱེད་ཀྱིས་གནོད་པར་བྱེད་དོ།། སྲིན་བུ་སྤུ་གྲི་ཁ་ལ། རླུང་གཉེ་མར་སོང་གིས་གནོད་པར་བྱེད་དོ། ། སྲིན་བུ་སྤུ་མེད་ལ། རླུང་མགོ་སྐྱ་བྱེད་ཀྱིས་གནོད་པར་བྱེད་དོ།། སྲིན་བུ་ཁ་བ་གདོང་ལ། རླུང་རྡུལ་འཇིག་གིས་གནོད་པར་བྱེད་དོ།། སྲིན་བུ་སྠི་སཱི་ཛ་ལ། རླུང་གཅི་བ་ཤིན་ཏུ་འཇིགས་བྱེད་ཀྱིས་གནོད་པར་བྱེད་དོ།། སྲིན་བུ་རྐང་མེད་ལ། རླུང་ཟས་ལྡན་གྱིས་གནོད་པར་བྱེད་དོ།། སྲིན་བུ་བཤང་བ་གཡང་བྱེད་ལ། རླུང་སོ་འགསྲ། བྱེད་ཀྱིས་གནོད་པར་བྱེད་དོ།། སྲིན་བུ་གསུམ་བྱེད་ལ། རླུང་རྩེའུ་ཆུང་སོགས་ཀྱིས་གནོད་པར་བྱེད་དོ།། སྲིན་བུ་རྒྱུ་མ་འཇིགས་བྱེད་ལ། རླུང་འོག་ཏུ་འགྲོས་གནོད་པར་བྱེད་དོ།། སྲིན་བུ་དཔོས་བྱེད་ལ། རླུང་གྱེན་དུ་འགྲོས་གནོད་པར་བྱེད་དོ།། སྲིན་བུ་མདོག་བཟང་ལ། རླུང་ངོས་ལྡང་གིས་གནོད་པར་བྱེད་དོ།། སྲིན་བུ་གནང་རྐང་ལ། རླུང་མིད་པར་འགྲོས་གནོད་པར་བྱེད་དོ།། སྲིན་བུ་ལྤགས་བྱེད་ལ། རླུང་སེམས་སུན་འབྱིན་གྱིས་གནོད་པར་བྱེད་དོ།། སྲིན་བུ་ཚོལ་གནོད་ལ། རླུང་འཁྲུག་བྱེད་ཀྱིས་གནོད་པར་བྱེད་དོ།། སྲིན་བུ་བསགས་བྱུང་ལ། རླུང་མིག་འཛུམས་འབྱེད་ཀྱིས་གནོད་པར་བྱེད་དོ། ། སྲིན་བུ་དྲི་ཞིམ་ལ། རླུང་ཕན་ཚུན་ཕྲད་པ་ལྔས་གནོད་པར་བྱེད་དོ།། སྲིན་བུ་ས་ཧ་ཙུ་ར་བ་ལ། རླུང་སྙིང་པོ་འཇིགས་བྱེད་ཀྱིས་གནོད་པར་བྱེད་དོ། ། སྲིན་བུ་གནོད་བྱེད་ལ། རླུང་སྙིང་པོ་འཆགས་བྱེད་ཀྱིས་གནོད་པར་བྱེད་དོ།། སྲིན་དུ་སྙིང་པོ་མེ་ཏོག་སྐྱེད་ལ། རླུང་འོང་བ་དང་། འགྲོ་བ་དང་། གནས་པ་དང་། རྒྱུག་པར་བྱེད་པས་གནོད་པར་བྱེད་དོ།། སྲིན་བུ་ཀུ་ཏ་ཀ་ཆེན་པོ་དང་། ཕག་འཚོང་དང་། ནག་པོ་དང་། ཟ་ཆེན་པོ་དང་། སྲིན་བུ་རྐང་དྲོ་དག་ལ། རླུང་མིག་དང་། རྣ་བ་དང་། སྣ་དང་། ལྕེ་འཇིག་གིས་གནོད་པར་བྱེད་དོ།། སྲིན་བུ་རུས་པ་འཇིག་བྱེད་ལ། རླུང་མཁྲིས་པ་འཇིག་བྱེད་ཀྱིས་གནོད་པར་བྱེད་དོ།། སྲིན་བུ་རྐང་གནག་ལ། རླུང་བད་ཀན་འཇིག་བྱེད་ཀྱིས་གནོད་པར་བྱེད་དོ། ། སྲིན་བུ་ཚོགས་གཅོད་ལ། རླུང་གཞུངས་པ་འཇིགས་བྱེད་ཀྱིས་གནོད་པར་བྱེད་དོ།། སྲིན་བུ་ཀླད་པར་རྒྱུ་ལ། རླུང་སྲིན་མོ་གནས་ཀྱིས་གནོད་པར་བྱེད་དོ།། སྲིན་བུ་ཀླད་རྒྱས་ཟ་ལ། རླུང་རྐང་པ་ངོས་གནས་ཀྱིས་གནོད་པར་བྱེད་དོ།། སྲིན་བུ་ཐོད་པར་རྒྱུ་ལ། རླུང་སེམས་མེད་བྱེད་ཀྱིས་གནོད་པར་བྱེད་དོ།། སྲིན་བུ་སྨྲ་ཟ་ལ། རླུང་འབྱེད་བྱེད་ཀྱིས་གནོད་པར་བྱེད་དོ། ། སྲིན་བུ་རྣ་རྒྱུ་ལ། རླུང་འགྲོ་བ་ཉམས་བྱེད་ཀྱིས་གནོད་པར་བྱེད་དོ།། སྲིན་བུ་རྣབས་འཁྲིལ། རླུང་ལོང་བུ་འཇིག་གིས་གནོད་པར་བྱེད་དོ།། སྲིན་དུ་ཚུལ་ངན་རྒྱུ་ལ། རླུང་བྱིན་པ་འཇིག་བྱེད་ཀྱིས་གནོད་པར་བྱེད་དོ། ། སྲིན་བུ་ལ་ཆུ་འདེབས་ལ། རླུང་ཚིགས་བྱེད་ཀྱིས་གནོད་པར་བྱེད་དོ།། སྲིན་བུ་སོ་དྲུང་ཟལ། རླུང་བྱིན་པ་འཇིག་པ་ཚེར་མེད་ཀྱིས་གནོང་པར་བྱེད་དོ། ། སྲིན་བུ་ཁ་ཆུ་ཟ་ལ། རླུང་སྤྲོ་བ་འཇིགས་བྱེད་ཀྱིས་གནོད་པར་བྱེད་དོ།། སྲིན་བུ་བད་ཀན་རླན་བྱེད་ལ། རླུང་སྣ་འཕྲུལ་རེངས་བྱེད་ཀྱིས་གནོད་པར་བྱེད་དོ།། སྲིན་དུ་རབ་ཏུ་སྐྱུག་བྱེད་ལ། རླུང་རོ་བྲོ་བ་བཅུ་ཁྱེར་བ་ནང་དུ་རྒྱུ་ཞིང་དུ་ཤྱ་ག་ཏ་ཟློག་བྱེད་ཀྱིས་གནོད་པར་བྱེད་དོ།། སྲིན་བུ་སྦྲང་རྩི་མྱོས་ལ། རླུང་ཚིགས་འཁྲུགས་ཀྱིས་གནོད་པར་བྱེད་དོ།། སྲིན་བུ་རོ་དྲུག་སྲེག་ལ། རླུང་སྤུ་དང་། སེན་མོ་དང་། བཤང་བ་འཇིག་བྱེད་ཀྱིས་གནོད་པར་བྱེད་དོ།། སྲིན་བུ་བར་བུ་ར་བ་ལ། རླུང་ཁ་ཆུ་འཁྲུལ་བྱེད་ཀྱིས་གནོད་པར་བྱེད་དོ།། སྲིན་བུ་རོ་ཡིད་བྱུང་ལ། རླུང་ཤིག་ཤིག་བྱེད་ཀྱིས་གནོད་པར་བྱེད་དོ།། སྲིན་བུ་རྨི་ལམ་སྲེད་ལ། རླུང་མདོམས་རེངས་ཀྱིས་གནོད་པར་བྱེད་དོ།། སྲིན་བུ་སྤུ་ཟ་ལ། རླུང་བཤང་བསྐམས་བྱེད་ཀྱིས་གནོད་པར་བྱེད་དོ། ། སྲིན་བུ་སོ་སུ་ར་ལ། རླུང་རྩིབ་ལོགས་འཆིང་བྱེད་ཀྱིས་གནོད་པར་བྱེད་དོ།། སྲིན་བུ་སྐྱེ་བའི་མ་ལ། རླུང་ཁྭ་བུག་དྲུག་གིས་གནོད་པར་བྱེད་དོ།། སྲིན་བུ་ཨུམ་པར་ལ། རླུང་ཡིན་ལག་དང་ཉིང་ལག་འཐུང་བྱེད་ཀྱིས་གནོད་པར་བྱེད་དོ། ། སྲིན་བུ་རབ་ཟག་ལ། རླུང་མེ་འཇོག་བྱེད་ཀྱིས་གནོད་པར་བྱེད་དོ།། སྲིན་བུ་སྤུ་གྲོང་ལ། རླུང་སན་འགད་ཉིང་ལག་ཀུན་བྱེད་ཀྱིས་གནོད་པར་བྱེད་དོ། ། སྲིན་བུ་སྤུ་ཟན་ལ། རླུང་བརྟན་འགེམས་བྱེད་ཀྱིས་གནོད་པར་བྱེད་དོ།། སྲིན་བུ་སི་མི་སི་མ་ལ། རླུང་ཡན་ལག་ཀུན་ཁྱབ་ཀྱིས་གནོད་པར་བྱེད་དོ།། སྲིན་བུ་ཨམ་བུ། ཀ་ལ། རླུང་སྲེག་བྱེད་ཀྱིས་གནོད་པར་བྱེད་དོ།། སྲིན་བུ་རྨས་བསླང་ལ། རླུང་འཇིག་བྱེད་ཀྱིས་གནོད་པར་བྱེད་དོ།། སྲིན་བུ་ཙུན་ཙུ་སྒྲ་ལ། རླུང་སྟེང་འོག་གིས་གནོད།། པར་བྱེད་དོ།། སྲིན་བུ་རྒྱས་པ་གཅོད་ལ། ཆུང་མོའི་སྲོག་གང་ལ་སོང་བ་འཚོ་བྱེད་ཀྱིས་གནོད་པར་བྱེད་དོ།། སྲིན་བ་ཅུ་རྩོད་ལ། རླུང་མིག་འཔྱིད་ཀྱིས་གནིད་པར་བྱེད་དོ།། ཇི་ལྟར་སྲོག་ནས། ཐམས་ཅད་འཆི་བའི་དུས་སུ་སྲིན་བུ་དག་ལ། རླུང་དག་གིས་སོ་སོར་ངེས་པར་གནོད་པ་བྱེད་པ་དེ་ལྟར་མནར་མེད་པའི་མ་ཡིན་ཏེ། དེའི་ལས་ངན་པ་བྱས་པས་འོག་དང་སྟེང་དུ་མི་མཐུན་པ་ལས་ཀྱིས་བྱས་པའི་རླུང་རབ་ཏུ་དྲག་པ་དག་སོ་སོར་ལྡང་སྟེ། དེ་ལྟར་རླུང་བརྒྱད་ཅུ་དག་གིས་སྲིན་བུ་བརྒྱད་ཅུ་དག་ལ་གནོད་པར་བྱེད་དོ།། རླུང་དག་གིས་ཇི་ལྟ་ཇི་ལྟར་སྲིན་བུ་དག་ལ་གནོད་པར་བྱེད་པ་བཟློག་པ་ལ་དེ་ལྟ་བུ་མི་བྱེད་དོ། ། དང་པོར་རླུང་པི་པ་པ་ལ་ཀ་དྲི་མི་ཞིམ་པ་དག་གིས་དེའི་ལུས་ཐམས་ཅད་ཇི་ལྟར་བུ་རམ་ཤིང་དབང་ཤིང་གིས་བཙིར་བ་དེ་ལྟར་སྐམས་པར་བྱེད་དེ། ཁྲག་ཐམས་ཅད་སྐམས་པར་བྱེད།། གནད་ཐམས་ཅད་དུ་གནོད་པར་བྱེད། རྒྱུས་པ་ཐམས་ཅད་གཅོད་པར་བྱེད། སྡུག་བསྔལ་གྱིས་རྐང་ཐམས་ཅད་རབ་ཏུ་འཇུ་བར་བྱེད་དོ།། ཉེས་པར་བྱས་པ་ལས་ཀྱི་མཐའ་སྤྱད་པ་འཆི་བའི་དུས་ཀྱི་ཚེ་མནར་མེད་པ་དེའི་ཁར་སྲིན་བུ་གསལ་བར་འབྱུང་བར་འགྱུར་རོ། ། སེམས་ཅན་དམྱལ་བ་པ་དེའི་ཁྱིམ་ནི་འདི་ལྟ་སྟེ། ཀོ་བ་ནག་པོས་གཡོགས་ཤིང་། ཕྱོགས་གཅིག་རབ་ཏུ་འབར་བ་དང་། ཡང་ཀོ་བ་ནག་པོ་དེའི་ཕྱོགས་གཅིག་ནས་མེ་འབྱུང་སྟེ། ཁང་པའི་ནང་ཐམས་ཅད་རབ་ཏུ་འབར་བ་མཐོང་ངོ་།། དེས་ཁྱིམ་རབ་ཏུ་འབར་བ་མཐོང་ནས། བཞིན་མོག་མོག་པོར་གྱུར་ཏེ། ངུ་ཞིང་སྐད་འབྱིན་ལ་ལག་པ་གཡོ་བ་པར་བྱེད། མིག་འགུལ་བར་བྱེད། ཁ་ནས་ཁ་ཆུ་འཛག་པར་འགྱུར་རོ།། སོ་དག་གིས་སོ་དག་ལ་འདེབས་པར་བྱེད། མཆུས་མཆུ་ལ་རེག་པར་བྱེད་དོ།། སྣང་བ་གཉིས་པ་མཐོང་བ་ནི། མུན་པ་མུན་ནག་ཐིབས་པོར་གྱུར་ཅིང་། རི་བྲག་ཆེན་པོ་ལ་སོ་སོར་འཇིགས་པ་ཆེན་པོ་སེང་གེ་དང་། སྟག་དང་། དྲེད་དང་། སྦྲུལ་འཇིགས་པས་གང་བ་སྟེང་དུ་འོང་བ་མཐོང་ནས་བཤང་བ་འབྱིན་ཏོ།། དེའི་སྟེང་དུ་རི་དེ་འོང་བའི་འཇིགས་པས་ལག་པ་རྐྱོང་བར་བྱེད་པ་དང་། དེ་ཉེ་དུ་དག་གིས་མཐོང་ནས་ནམ་མཁའ་ལ་རིག་པར་འདོད་དོ་ཞེས་སྨྲའོ།། དེའི་འོག་ཏུ་དེ་བཞིན་དུ་རི་བྲག་དང་། ནགས་ཚལ་དང་། རི་བོར་དང་ལྕུག་ཚལ་མང་པོ་འབར་བའི་འཕྲེང་བ་སྟེང་དུ་འོང་བ་མཐོང་སྟེ། ཤིན་ཏུ་འཁྲུལ་པ་དུ་སྐད་འབྱིན་ཅིང་སྒྲ་ངར་ངར་པོ་འཐོན་ལ། ཡང་བཤང་བ་འབྱིན་ཏོ།། མིག་འགྱུར་བར་བྱེད་ཅིང་འཇིགས་བཞིན་མོག་མིག་པོར་མཆི་མ་འབྱིན་པར་བྱེད། སྤུ་ཚེར་མ་ལྟར་འགྲེང་། དེའི་རླིག་པ་ཡང་གྱེན་དུ་འགྲེང་ལ། ཁ་ཆུ་སྟོང་པར་བྱེད་དོ།། དེའི་འོག་ཏུ་ཡང་འབྱུང་བ་ཆེན་པོ་བཞི་དག་ཀུན་ཏུ་འཁྲུག་པར་འགྱུར་ཏེ། འདི་ལྟ་སྟེ། སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་སོ།། དེ་ལ་སའི་ཁམས་འཁྲུགས་པས་ཡན་ལག་དང་ཉིང་ལག་ཐམས་ཅད་སྲ་བའི་ངོ་བོས་གདུང་བར་བྱེད་དེ། དཔེར་ན་རྡོ་གཉིས་དག་གི་དབུས་སུ་དབུ་བའི་གོང་བུ་བཞིན་གནོད་པར་བྱེད་པ་དང་། དཔེར་ན་བྱེ་མ་ཆང་བ་ནས་གཏོར་བ་བཞིན་ལུས་ཀྱི་དབྱིབས་ཐམས་ཅད་དང་། ཡན་ལག། དང་ཉིང་ལག་ཐམས་ཅད་ཀུན་ནས་གནོད་པར་བྱེད། རྣམ་པར་ཞིགས་པར་བྱེད། རྣམ་པར་གཅོད་པར་བྱེད་དེ། དེའི་སའི་ཁམས་འཁྲུགས་པས་དེ་སྡུག་བསྔལ་ཤིན་ཏུ་ཚ་བ་མྱོང་བར་འགྱུར་རོ།། དེའི་འོག་ཏུ་དེའི་ལས་ཉེས་པར་བྱས་པས་ཆུའི་ཁམས་ཀྱང་རབ་ཏུ་འཁྲུག་པར་འགྱུར་ཏེ། དེ་འཁྲུགས་པས་དེ་སྐད་དུ་སྐད་འབྱིན་ཅིང་སྒྲ་ངར་ངར་པོར་འདོན་ཏོ།། དེའི་རྒྱུས་པ་དང་། ཤར་བཅས་པ་བརླན་ཅིང་ལྷོད་ལྷོང་པོར་འགྱུར་ཏེ། ཆུའི་རྒྱུན་མང་དུ་འབྱུང་བར་འགྱུར། དེའི་རྣ་བ་དང་མིག་ནས་ཀྱང་ཆུའི་རྒྱུན་མང་པོ་བྱུང་བར་ནུས་པར་འགྱུར་རོ།། དེའི་འོག་ཏུ་མེའི་ཁམས་ཀྱང་འཁྲུག་པར་འགྱུར་ཏེ། དེ་མེ་མདག་གི་ཚོགས་མང་པོའི་ནང་དུ་བཅུག་ནས་སྲེག་གོ།། དེའི་སྡུག་བསྔལ་ནི་ཡན་ལག་དང་ཉིང་ལག་ཐམས་ཅད་སྡུག་བསྔལ་དྲག་ཅིང་ཚ་ལ་རྩུབ་ཅིང་གདུང་བ་སྐྱེ་བར་འགྱུར་ཏེ། འཇིགས་པས་ཉམ་ཟག་པ་དེ་དུ་སྐད་འབྱིན། འོ་དོད་འབོད། བློ་གཡས་གཡོན་འགྱུར་བར་བྱེད། ལག་པ་གཡོབ་པར་བྱེད་དེ། མགོ་སྐད་ཅིག་ཀྱང་འཇོག་མི་ཕོད་དོ། ། དེའི་འོག་ཏུ་རླུང་གི་ཁམས་ཀྱང་འཁྲུག་པར་འགྱུར་ཏེ། དེའི་རླུང་གི་ཁམས་སྲ་བ་རྩུབ་པ་མང་བ་ཡང་བགྲང་བས་ཡན་ལག་དང་ཏིང་ལག་ཐམས་ཅད་མཁྲངའ་བ་ཉིད་ཀྱིས་རྡུང་བར་བྱེད། ། མང་བ་ཉིད་ཀྱིས་སླེབ་པར་བྱེད། ཡང་བ་ཉིད་ཀྱིས་ནམ་མཁའ་ལ་སྡིག་པ་ལྟར་བྱེད་ཅིང་། གསང་ས་ཆེན་པོར་འདོར་བ་ལྟར་བྱེད། ཟང་པ་ཉིད་ཀྱིས་རྒྱུས་པ་དག་ཞུམ་པར་བྱེད་དོ།། དེ་འཆི་བའི་དུས། ཀྱི་ཚེ་སྦྲུལ་རབ་ཏུ་གདུག་པ་ལྟ་བུར་འབྱུང་བ་ཆེན་པོ་བཞི་དག་རབ་ཏུ་འཁྲུགས་པའི་སྡུག་བསྔལ་གྱི་རྣམ་པ་དེ་ལྟ་བུ་འབྱུང་བར་འགྱུར་ཏེ། ཀུན་ཀྱང་དཔེ་བྱ་བར་ཡང་བླ་བ་མ་ཡིན་ནོ།། དེའི་ལུས་ཐམས་ཅད་དབུ་བའི་གོང་བུ་བཞིན་དུ་མྱུར་དུ་འགྱེས་པར་འགྱུར། རྣམ་པར་འཇིག་པར་འགྱུར། སྲེག་པར་འགྱུར། འཚེང་པར་འགྱུར་ཏེ། ཀུན་ནས་སྡུག་བསྔལ་གྱི་ཚོར་བ་མི་བཟད་པས་ཉམ་ཐག་པ་མལ་གྱི་མཐའ་འམ། ནམ་མཁའ་ལ་ཉུག་སྟེ། དེའི་སྲིད་པ་ཐ་མའི་སེམས་ཉེ་བར་འགྱུར་རོ།། དེ་རི་བྲག་ཆེ་ཞིང་མཐོ་བའི་ཁར་བཏེག་བཏེག་ནས་འདོར་བར་བྱེད་དེ། བོར་ནས་དེ་རྟེན་མེད་པ་ནམ་མཁའ་ལ་ཀུན་ཏུ་འཁྱམ་ཞིང་ཡོངས་སུ་འཁྱམ་མོ། ། དེ་ནས་རྒྱའི་འབུར་ལྟ་བུར་དེའི་སྲིད་པ་ཐ་མའི་སེམས་དང་ལྡན་པར་འགྱུར་ཏེ། དེས་གཤིན་རྗེའི་མི་བྱད་བཞིན་དང་། རྐང་ལག་མི་སྡུག་པར་བསྒྱུར་བ། ཁ་གདོང་གླང་པོ་ཆེ་དང་། རྟ་དང་། བོང་བུ་དང་། ཕག་དང་། གུང་དང་། སེང་གེ་དང་། སྟག་དང་། གཟིག་དང་། ནེའུ་ལེ་དང་། ཝ་དང་། སྐྱུགས་པ་ཟ་བ་ལག་ན་མཚོན་ཆ་སྣ་ཚོགས་ཐོགས་པ་དག་སེམས་ཅན་དམྱལ་བ་བ་དེ་ལ་བསྡིགས་པ་ན། དེ་གཅིག་པུས་མཐོང་གི། གཞན་གང་གིས་ཀྱང་དེ་མི་མཐོང་ངོ་།། དེ་འཇིགས་པ་མི་བཟད་པས་མིག་འགྱུར་ཞིང་མར་མེ་སྣུམ་ཟད་ནས་འཆི་བ་བཞིན་དུ་འཆི་བར་འགྱུར་ཏེ། སྲིད་པ་བར་མ་དེའི་གཟུགས་ལྟར་སྣང་བ་ཐོགས་པ་མེད་པ། བྱིས་པ་ལོ་བརྒྱད་ལོན་པ་ལྟ་བུར་སྐྱེ་བར་འགྱུར་རོ།། འཆི་བའི། དུས་བྱས་མ་ཐག་ཏུ་གཤིན་རྗེའི་མི་རྣམས་ཀྱིས་འཛིན་པར་བྱེད་དེ། གཟུང་ནས་ཀྱང་ལྕགས་ཀྱི་ཟག་པ་རབ་ཏུ་འབར་བས་མགུལ་ནས་འཆིང་ཞིང་། ལག་པ་གཉིས་ཀ་ཕྱིན་ཅི་ལོག་ཏུ་བཅིངས་སོ།། དེས་ཕྱོགས་དང་། དེས་ཕྱོགས་མཚམས་དང་། ས་གཞི་དང་། ནམ་མཁའ་དག་རྟག་ཏུ་འབར། རབ་ཏུ་འབར། ཀུན་ཏུ་རབ་ཏུ་འབར་བར་མཐོང་ངོ་།། མེའི་ནང་དེ་དག་ན་གཤིན་རྗེའི་མི་དག་བྱད་བཞིན་མི་སྡིག་པར་བསྒྱུར་བ་དུ་མ་དག་ཀྱང་མཐོང་སྟེ། མེའི་ནང་དེ་དག་ཏུ་འདོར་བར་བྱེད་དོ།། འདོར་ཞིང་སེམས་ཅན་དམྱལ་བ་པ་དེ་ལ་བསྡིགས་པ་ན། ལག་ན་མཚོན་ཆ་སྣ་ཚོགས་ཐོགས་པ་དེ་དག་དེས་མཐོང་ནས། བག་པའི་བཅིང་བས་བཅིངས་ཏེ། ཀཤིན་རྗེའི་མི་མཆོག་ཏུ་འཇིགས་ཤིང་སྐྲག་པར་བྱེད་པ་དེ་དག་གིས་སྤྱོ་ཞིང་། ལྷོ་ཕྱོགས་དག་ཏུ་ཁྲིད་པ་ན། འདི་ལྟར་སྙིང་རྗེ་རྗེ་ན་ཡོང་སུ་སྨྲེ་སྔགས་འདོན་ཏོ། ། དེད་དཔོན་མི་མཁས་འཁྲུལ་པ་ལྟར།། གསོན་པའི་ས་ནས་བདག་ཉམས་སོ།། བྱད་བཞིན་བསྒྱུར་བས་ཡོངས་བསྐོར་ཅིང་།། དབང་མེད་འཇིགས་པ་དག་ཏུ་ཁྲོད། རྟག་ཏུ་བར་སྣང་ཕྱོགས་དག་དང་།། ཕྱོགས་མཚམས་ཉིད་དང་ས་རྣམས་དག། ཐམས་ཅད་བར་ཆད་མེད་པར་ནི།། འབར་བའི་འཕྲེང་བ་དག་གིས་འཁྲུགས།། སྡུག་བསྔལ་དབང་མེད་གང་དུ་ཁྲིད་། ། བདག་གི་གནས་ནི་མི་ཤེས་སོ།། འབྲོག་དགོན་དག་ཏུ་བདས་པ་ན།། ཀུན་ནས་ཐོགས་ནི་བྱེད་པ་མེད།། སྡུག་བསྔལ་འདི་ལས་རྣམ་གྲོལ་བར།། མགོན་སྐྱབས་བྱེད་པ་གང་ཡང་མེད། ། ནུས་པ་མེད་ཅིང་དབང་མེད་ལ།། སྡུག་བསྔལ་མེ་ཡིས་ཡོངས་གདུངས་སོ།། བཅིང་བས་ལག་པ་བཅིངས་ནས་སུ།། དབང་མེད་དག་ནི་གང་དུ་ཁྲིད།། དོན་རྣམས་དང་ནི་མཛའ་བཤེས་དང་། ། བུ་དག་དང་ནི་ཆུང་མ་ལ།། ཀྱི་ཧུད་བདག་དྲིན་ཆུད་ཟོས་ཏེ།། སྡུག་བསྔལ་འདི་ལས་སྐྱོབ་མི་བྱེད།། དགའ་བ་མེད་ཅིང་ཉམས་གྱུར་ལ།། སེམས་ནི་སྡུག་བསྔལ་དག་གིས་ཉམས། ། འཆི་བའི་ཞགས་པས་བཟུང་བ་ཡི།། སྐྱབས་ནི་ཉེ་བར་མི་མངོན་ནོ།། བདག་ལ་ཁྲོས་ལྟར་ཚིག་སྨྲ་བ།། ཀུན་ནས་སྤྱོ་བ་བརྒྱད་པ་བྱེད།། འདི་གང་ཡིན་ཞིག་ཀུན་ནས་སུ། ། འཆིང་བ་འདི་ནི་གང་ཞིག་ཡིན།། བདག་གིས་གང་དང་གང་མཐོང་བ།། ཡུལ་དང་དེ་བཞིན་དགོན་པ་སྟེ།། དེ་དང་དེ་དག་ཀུན་གྱི་ནང་།། ཐམས་ཅད་མེ་ཡིས་ཡོངས་སུ་བསྐོར།། ཕྱོགས་རྣམས་ཀུན་ན་དགའ་མེད་དེ།། འཁྲུག་པ་དག་གིས་ཡོངས་སུ་བསྐོར།། སྐྱབས་སུ་འགྱུར་བ་ཡོང་མེད་ཅིང་།། བདག་ལ་ཀུན་ནས་གྲོགས་མེད་དོ།། མུན་གནག་མི་བཟད་ནང་དུ་འཇུག། མེ་མདག་ཕུང་པོར་བཅས་པས་བསྒྲིབས།། ནམ་མཁའ་རྒྱུ་སྐར་གཟའ་དག་དང་།། སྐར་མ་ཉིད་ཀྱང་མི་མཐོང་སྟེ།། འདི་དག་ཐམས་ཅད་ལོག་པ་ཡིན།། མུན་གིས་ཡོངས་སུ་བསྐོར། ། དབང་པོ་ལྔ་ནི་ཐམས་ཅད་དག། ཀུན་ནས་བྱིན་ཅི་ལོག་ཏུ་གྱུར།། བདག་གི་ལུས་ནི་ཐམས་ཅད་དག། སོག་ལེས་ཡོངས་སུ་གཤོག་པར་བྱེད།། སྐྱབས་སུ་འགྱུར་བ་ཡོང་མེད་དེ།། བདག་གི་གནས་ནི་གར་འགྱུར་ཞིང་།། སྡུག་བསྔལ་ཚོགས་ནི་འཕེལ་འགྱུར་ཏེ།། བདག་ནི་ཀུན་ནས་ཡོངས་སུ་བསྐོར།། ལུས་དང་སེམས་ལས་སྐྱེས་པ་ཡིན། ། སྡུག་བསྔལ་ཡང་དང་ཡང་དུ་འཕེལ།། སྡུག་བསྔལ་གྱིས་ནི་ནོན་པ་ན།། དེ་ལ་ཀུན་ནས་གྲོགས་མེད་དོ།། རང་གི་ལས་ཀྱི་འབྲས་བུས་དཀྲུགས།། ལས་ཀྱིས་བསྐྱེད་པའི་གཤིན་རྗེ་དང་། ། འཁོར་དག་ཤིན་ཏུ་འཁྲུགས་ནས་སུ།། བལྟས་ཏེ་དེ་ནས་ཚིག་སྨྲས་པ།། སྔོན་ཆད་བྱ་བ་གང་བྱེད་པ།། དེ་ནི་ཕྱིས་ནས་ཡོངས་སུ་སེམས།། གཏི་མུག་གིས་ནི་ཡོངས་བསླུས་པ། ཕྱི་ནས་ཅི་ཞིག་ཡོངས་སུ་གདུང་།། གནོད་ལས་འདོད་པ་གང་ཆེ་བ།། སྡིག་པ་ལས་ནི་སྡིག་པ་ཆེ།། ཁྱོད་ཀྱིས་ངན་བྱས་གང་བྱས་པ།། སྡུག་བསྔལ་ལས་ནི་སྡུག་བསྔལ་ཆེ།། བསྐལ་པ་འམ་བསྐལ་པའི་ལྷག་མ་རུ།། ཁྱོད་ནི་མེ་ཡིས་སྲེག་པར་བྱེད།། ངན་བྱས་མང་པོ་ཅི་བྱས་པ།། གཏི་མུག་ཡོངས་སུ་བསམ་པར་གྱིས།། ལས་ཀྱི་ཞགས་པས་བཅིངས་པ་ལ།། ལྷ་དང་ལྷ་མིན་དྲི་ཟ་དང་།། ཤ་ཟ་ལྟོ་འཕྱེ་སྲིན་བུ་དག། ཁྱོད་ལ་ཡོངས་སུ་སྐྱོབ་མི་བྱེད།། ལས་ཀྱི་ཞགས་པས་གང་བཅིང་བ།། མི་དེ་སེམས་ཅན་དམྱལ་བར་བཅིངས།། རྒྱུ་དང་རྐྱེན་གྱིས་འགྲོ་བ་ཡི། ཐམས་ཅད་དབང་མེད་ཁྲིད་པར་བྱེད།། ལས་བྱས་ངེས་པར་འགྲོང་ནི།། མ་ནི་གསོད་པར་བྱེད་པ་སྟེ།། སྡིག་པ་འདི་ནི་ཤིན་ཏུ་སྡིག། སྡིག་ལས་སྡིག་པ་ཆེན་པོ་ཡིན། ང་གིས་ཁྱོད་ནི་སྔོན་བསྐྱེད་པ། ། པ་ཡི་ཁུ་ཆུ་ལས་བསྐྱེད་པ།། དེ་ལ་ཁྱོད་ཀྱིས་གནོད་བྱས་ཤིང་།། དབང་མེད་མཚོན་གྱིས་སྲོག་གཅོད་བྱས།། གང་ཞིག་ཁམས་གསུམ་ཁྱད་པར་འཕགས།། ཉེས་པ་ཐམས་ཅད་རྣམ་སྤངས་ཤིང་།། འཆིང་པོ་ཀུན་ལས་ངེས་གྲོལ་བ།། དེ་ལས་ཁྱོད་ཀྱིས་སྡིག་པ་བྱས།། ཆོས་རྣམས་ཀུན་གྱིས་གཏེར་ཡིན་ཞིང་།། ཐར་པའི་སྒོ་ནི་རྣམ་འབྱེད་པ། ། ཁྱོད་ཀྱིས་དགེ་འདུན་དབྱེན་བྱས་སྡིག། དེ་ཡི་འབྲས་བུ་འདིར་འོངས་སོ།། སྦྱོར་བ་ཐམས་ཅད་ལས་འདས་ཤིང་།། བག་ལ་ཉལ་ནི་ཀུན་སྤངས་པ།། རྨོངས་པས་དགྲ་བཅོམ་གནོད་བསྐྱེད་པའི། ། དེ་ཡི་འབྲས་བུ་ཉེ་བར་སྤྱོད།། ཆོས་རྣམས་ཀུན་ལ་མེ་ལྟ་བུ།། བདེན་པ་རིན་ཆེན་རྣམ་འཇིག་པ།། རྟག་ཏུ་ཁྱོད་ཀྱིས་བརྫུན་སྨྲས་པའི།། དེ་ཡི་གནོད་པ་སྤྱད་པར་གྱིས། ། ཕན་ཚུན་དབྱེན་ནི་བྱ་བའི་ཕྱིར།། བསམས་བཞིན་དུ་ནི་ཡང་དང་ཡང་།། ཕྲ་མ་དེ་ནི་སྔོན་སྨྲས་པ།། དེ་ཡི་འབྲས་བུ་འདིར་འོངས་སོ།། གང་གི་རྒྱུད་ལས་གདུང་བྱེད་མཆོག་མཚོན་དང་མེ་དང་དུག་ལྟ་བུའི། ། ཁྱོད་ཀྱིས་རྟག་ཏུ་ཚིག་རྩུབ་སྨྲས།། དེ་ཡི་འབྲས་བུ་ཉེ་བར་སྤྱོད།། སྔ་ཕྱི་འབྲེལ་པ་མེད་པའི་ཚིག། དོན་མེད་རིགས་པ་མེད་པ་དང་།། འབྲེལ་མེད་མང་དུ་སྤྲས་པ་ཡི། ། དེ་ཡི་འབྲས་བུ་འདིར་ཐོབ་བོ།། སྲོག་ནི་རྟག་ཏུ་སྦྱར་ལེན་པ།། སྲོག་ཆགས་དབང་མེད་འཇིགས་བྱས་ཤིང་།། ཁྱོད་ཀྱིས་མང་དུ་རྣམ་པར་གཙེས།། དེར། འབྲས་བུ་མང་ངོ་ལོབ།། ཆགས་པས་ནོན་པའི་ཡིད་ཀྱིས་སུ།། ཁྱོད་ཀྱིས་གཞན་གྱི་ནོར་རྫས་ཕྲོགས།། གང་དག་འདོད་པའི་དབང་སོང་བ།། དེ་ཡི་དུས་ནི་འདིར་འོངས་སོ།། རྣམ་ཆོག་བུད་ཤིང་བྱུང་གྱུར་པ། ། མེ་ནི་གཉིས་པ་འདྲ་བ་ཡིན།། འདོད་པ་དག་ལ་ལོག་པས་སྤྱད།། དོན་མེད་ཅི་ཞིག་ཡོངས་སུ་གདུང་།། གཞན་གྱི་ནོར་ལ་ཆགས་སེམས་ལ།། རང་ཉིད་ཀྱིས་ནི་བསམ་པས་བསམྲ།། དེ་ལ་བྱ་བར་ནུས་པ་མེད།། དེ་ཡི་འབྲས་བུ་དེ་རིང་སྤྱོད།། གང་ལ་གནོད་སེམས་མང་ཡོད་པ།། དེ་ཡི་གནོད་སེམས་ཡོངས་སུ་བསམས།། དམྱལ་དང་ཉེ་སྟེ་དེ་ལྟ་བས།། ངེད་ཅག་གིས་ནི་ཡོངས་སུ་འདྲེན། ། ལོག་པར་སྟོན་པ་མི་ཟད་དེས།། ལས་གཉིས་རྣམ་པར་འཇིག་བྱེད་པ།། ཁྱོད་ཀྱི་ལོག་པར་ལྟ་བ་ལ།། གཞན་གྱི་ཡིད་དག་མངོན་པར་བཅུག། ལུས་དང་ངག་དང་ཡིད་རྣམས་ཀྱི།། སྡིག་པའི་ཆོས་ནི་འདི་དག་སྟེ། གཏི་མུག་རྗེས་ཞུགས་ཁྱོད་ཀྱིས་སུ།། བྱས་ཤིང་གཞན་དག་རབ་ཏུ་སྦྱར།། བྱས་པ་ངེས་པར་འགྲོ་བ་ཡི།། དམྱལ་བ་དྲག་པོ་འདི་ཐོབ་སྟེ།། ངེད་ཅག་གིས་ནི་ཡོངས་བསྐོར་བ། ། གཏི་མུག་ཅི་ཞིག་ཡོངས་སུ་གདུང་།། རྒྱ་མཚོའི་ཁྱད་པར་གང་ཡིན་པ།། གང་གི་ཁྱད་པར་ཆུ་ཐིགས་ཙམ།། གང་དག་མི་བཟད་ཐོབ་པ་ཡི།། སྡུག་བསྔལ་འདི་ནི་ཅམ་ནོ། ། མི་ནོས་ཞིག་སྡིག་བྱེད་པ།། དེ་བདག་ངེས་པར་འཕགས་མི་བྱེད།། བདག་གི་ཡིང་ལ་སྡིག་པ་བྱས།། ཐིག་པས་སེམས་ཅན་དམྱལ་བར་འཚེད།། སྡིག་པ་ས་སྡིག་པའི་རྫས་འགྲོ། ། དེ་བཞིན་དགེ་བས་དགེ་བར་མཐོང་།། སྡིག་བྱེད་དགེ་ལ་སྡང་བ་ནི།། སེམས་ཅན་དམྱལ་བར་སྐྱེ་བར་འགྱུར།། མི་དགེའི་བློ་ཡི་དགེ་བ་དག། བཏང་ནས་ཅི་ཕྱིར་སྡིག་པར་འགྲོ།། རྨོངས་པས་རིན་ཆེན་པོར་ནས་སུ།། ཅི་ཕྱིར་རྡོ་ཡི་རྗེས་སུ་རྒྱུག། སངས་རྒྱས་རིན་ཆེན་ལ་སོགས་པ།། སྣ་ཚོགས་ཆོས་ཀྱི་མཚུངས་པར་གང་།། མི་ཡི་ཆོས་ནི་ཐོབ་པ་དག། ཅི་ཕྱིར་མང་དུ་སྤྱད་མི་བྱ། ། སྡིག་པ་ཡོངས་སུ་སྤངས་པ་ཡི།། སེམས་ནི་རྟག་ཏུ་དགེ་བ་དག། མྱ་ངན་འདས་པ་ལག་ན་ཡོད།། རྟོག་པ་རྣམས་ཀྱིས་མི་མཐོང་ངོ་།། ཐོག་མ་དབུས་དང་མཐར་དགེ་བ།། བདེ་བའི་ཆོས་ནི་རྟག་ཏུ་འབྱུང་། ། ཐོག་མ་དབུས་དང་མཐར་མི་དགེ། སྡིག་པའི་ལས་ཀྱི་འབྲས་བུ་ཡིན།། དེ་ལྟར་རྟག་ཏུ་སྡིག་སྤངས་ཤིང་།། རྟག་ཏུ་དགེ་ལ་དམིགས་པར་གྱིས།། སྡིག་པ་ཡོངས་སུ་སྤངས་པ་ནི། ། རྟག་ཏུ་བདེ་ལ་གནས་པ་ཡིན།། འཁོར་བ་ཐོག་མ་མེད་པ་ནས།། ཡང་དང་ཡང་དུ་སྡིག་པས་གདུངས།། བྱིས་པ་གཏི་མུག་དབང་སོང་བ།། ཅི་ཡི་ཕྱིར་ན་སྐྱོ་མི་བྱ།། སྡིག་པ་ཡིས་ནི་སྔོན་བསྲེགས་ཤིང་། ། ཕྱི་ནས་མེ་ཡིས་སྲེག་པར་བྱེད།། སྡིག་པའི་རྒྱུ་ལས་བྱུང་བའི་དམྱལ།། སྡིག་པ་རྣམས་སུ་ཡོངས་སུ་འཚེད།། སྡིག་པ་དོན་མེད་སྨྲས་པ་ནི།། སེམས་ནི་ཡང་བས་སྨྲ་བར་བྱེད། ཚ་བ་གང་གིས་ཡོངས་སྲེག་པ།། ཅི་ཡི་ཕྱིར་ན་སྡིག་པར་བྱེད།། ཁྱོད་ནི་སྒོ་དག་དུ་མར་གྱུར།། དེ་ལྟ་བས་ན་སྡུག་བསྔལ་འགྱུར།། དེ་ལྟར་དེ་ནི་བསྡིགས་པ་ན།། གཤིན་རྗེའི་ཚེ་ཅ་དུ་མ་ཡིས། ། ལས་ཀྱི་ཞགས་པའི་དབང་སོང་བ།། མི་བཟད་དམྱལ་བར་ཁྲིད་པར་བྱེད།། དེའི་ཡན་ལག་དང་ཉིང་ལག་ཐམས་ཅད་ཤིང་ཁོང་སྟོང་གི་ནང་ན་མ་འབར་བ་ལྟ་བུར་བསྲེགས་ཤིང་ཟག་ཉེར་ན། སེམས་ཅན་དམྱལ་བ་ཆེན་པོའི་སྒོ་གང་དཔེ་བྱ་བར་ཡང་མི་ནུས་པ་མཐོང་ངོ་།། འདིར་ཚིགས་སུ་བཅད་པ། གྲུ་བཞི་པ་ལ་སྒོ་བཞི་ཡོད།། དཔག་མེད་སྦྲུལ་གྱིས་རྣམ་པར་བྱེད།། སེམས་ཅན་དམྱལ་བ་དུ་མ་དག། དབང་མེད་དེར་ནི་འཚེད་པར་བྱེད།། དེ་ལྟར་དེ་སེམས་ཅན་དམྱལ་བ་པ་རྣམས་ཀྱིས། སྒྲ་ཆེན་པོ་ཤིན་ཏུ་མི་བཟང་བ། རྩུབ་པ། ཚ་བ། མི་སྙན་པ། ཐ་དད་པ་འཇིགས་སུ་རུང་ཞིང་གཞན་དང་མཚུངས་པ་མེད་པ། ཐོས་ན་མི་མཐུན་པ་དག་དཔག་ཚད་ཉི་ཁྲི་ལྔ་སྟོང་ནས་དེ་མངོན་པར་ཐོས་སོ།། ཐོས་ནས་གང་སེམས་ཅན་དམྱལ་བ་གཞན་དུ་སྐྱེས་པའི་སེམས་ཅན་དེ་དག་ཀྱང་སེམས་ཅན་དམྱལ་བའི་སྡུག་བསྔལ་དེ་དག་ཐམས་ཅད་བརྗེད་ནས། སེམས་འཁྲུགས་པར་གྱུར་ཅིང་། དེ་ལས་གཞན་པ་སེམས་ཅན་དམྱལ་བ་པ་ཐམས་ཅད་ཀྱང་བྱས་པའི་སྡུག་བསྔལ་བརྗེད་ནས། འཆི་བའི་དུས་བྱེད་ན། གང་གིས་སྔོན་གྱི་སྒྲ་དེ་དག་ནམས་ཀྱང་མ་ཐོས་པ་ལྟ་སྨོས་ཀྱང་ཅི་དགོས། སེམས་ཅན་དམྱལ་བ་པའི་སྣང་བ་བྱས་པས་སྲིད་པ་བར་མ་ལ་སྡུག་བསྔལ་སྣ་ཚོགས་ཀྱིས་ཉེན་པ་དེའི་སེམས་རྣམ་པར་རྨོངས་ཏེ། ཡང་ཕྱིར་སྒྲ་དེས་བཅུ་འགྱུར་དུ་རྣམ་པར་རྨོངས་སོ།། དེའི་སྡུག་བསྔལ་གྱིས་རྣམ་པ་མཐའ་དང་མུ་མེད་པ། ལུས་དང་ཡིད་ལ་སྡུག་བསྔལ་གྱིས་ཉམ། ཐག་པའི་སེམས་དེའི་ཕྱིར་ཞིང་རྨི་ལམ་གྱི་གཟུགས་བརྙན་ལྟ་བུར་རྣམ་པར་འཁྲུག་པར་འགྱུར་རོ།། དེ་མནར་མེད་པ་དང་ཉེ་བར་གནས་པ་དེའི་ཚེ། ལས་ཀྱིས་བསྐྱེད་པ། ལས་ཀྱིས་བྱས་པའི་རླུང་གྲང་བ་ལྡང་སྟེ། ཁྱད་པར་གང་སའི་འོག་ན་ཆུ་ཡོད་ཅིང་། སའི་འོག་གི་བར་ན་ཆུ་གནས་པ། བར་གྱི་བསྐལ་པའི་ཉི་མ་ཐམས་ཅད་ཀྱིས་ཀྱང་སྔོན་མ་རེག་པ་དེ་ལྟ་བུ་བས་ཀྱང་དེ་གྲང་སྟེ། གང་མིའི་ཆབ་རོ་མ་ཤིན་ཏུ་གྲང་བ་དང་འདྲའོ། ། ཆུ་དེ་དག་པས་ཀྱང་ཤིན་ཏུ་གྲང་བ་ལས་ཀྱིས་བྱས་པའི་སྤུ་གྲི་ལྟ་བུའི་རླུང་དེ་རི་དཔག་ཚད་བཅུ་པ་ཡང་བསྒྱེལ་ནུས་པ་ལྡང་སྟེ། ཕལ་ཆེར་རླུང་དེའི་ནང་དུ་བཅུག་ནས་སྲིད་པ་བར་མ་པའི་གྲང་བ་རྣམ་པ་དེ་ལྟ་བུའི་གཟུགས་ལ་སོགས་པའི་ཕུང་པོ་བདས་སོ། ། འདི་ལྟར་དེ་དང་འཐུན་པ་ཉི་མ་བདུན་ཤར་བའི་ཚ་བ་སྟོང་པས་ལྷག་པར་ཚ་བའི་མེ་མངོན་པར་འབར་རོ། ། སྲིད་པའི་ཡན་ལག་ནི་འདི་ཡིན་ཏེ། འདི་ལྟ་སྟེ། ཉེ་བར་ལེན་པའི་རྐྱེན་གྱིས་སྲིད་པ་འབྱུང་ངོ་།། དེ་འདོད་པ་བསྐྱེད་མ་ཐག་ཉིད་དུ་སྲིད་པ་བར་མའི་ཕུང་པོ་འགག་པར་འགྱུར་ལ། སྲིད་པ་གཞན་དུ་སྐྱེ་བའི་ཚོར་བའི་ཕུང་པོ་དག་འབྱུང་བར་འགྱུར་ཏེ། དཔེར་ན་སུམ་ཅུ་རྩ་གསུམ་པའི་ལྷ་རྣམས་ཀྱི་མིག་ལྔ་དང་། བཞི་དང་། གསུམ་འབྱུང་བ་དེ་བཞིན་དུ། ལས་ཀྱི་དབང་གིས་མི་འདྲ་ལུས་དཔག་ཚད་གཅིག་པ་མངོན་པར་འགྲུབ་པར་འགྱུར་རོ། ། དེ་མགོ་ཐུར་དུ་བསྟན་ཅིང་། རྐང་པ་གྱེན་དུ་བསྒྲེང་སྟེ་ལྷུང་བ་ན་མནར་མེད་པའི་མ་ལྕེ་རབ་ཏུ་འབར་བའི་ཤུགས་ཀྱིས་བརྡབས་ཤིང་རབ་ཏུ་ཉམས་པ། ལོ་ཉིས་སྟོང་དུ་འགྲོའོ།། དེ་ལྟར་སྤྱིའུ་ཚུགས་སུ་དེ་མནར་མེད་པའི་སར་སོང་སྟེ། དེའི་འོག་ཏུ་དེ་ལས་གཞན་པ་འདི་ལྟ་སྟེ། མནར་མེད་པ་མེད་དོ།། འདོད་པའི་ཁམས་འདིའི་མཐའ་ནི་མནར་མེད་པ་ཡིན་ལ། གཟུགས་ཀྱི་ཁམས་ཀྱི་མཐའ་ནི་གྱེན་དུ་གྲངས་ཏེ། འོག་མིན་གྱི་ལྷའི་བར་ཡིན་ཏེ། ཁམས་གཉིས་སོ།། དེ་ལྟར་དེ་ལྷུང་བ་ན་སྐྱེ་བའི་སྲིད་པ་ཐོབ་ནས་དེ་མ་ཐག་པའི་རྐྱེན་གྱིས་རྟག་ཏུ་གནོད་ཅིང་སྡུག་བསྔལ་གྱི་ཤུགས་རབ་ཏུ་འབྱུང་སྟེ། དེའི་དྲུང་ན་རབ་ཏུ་ཚ་བར་སྐྱེས་པའི་སེམས་ཅན་དམྱལ་བ་པ་དག་གཞན་འཕྲུལ་དབང་བྱེད་ཀྱི་ལྷ་དང་འདྲ་བར་མངོན་ནོ། ། དེ་འབར་བ་འཁྲུགས་ཤིང་མི་བཟད་པའི་སེམས་ཅན་དམྱལ་བའི་ནང་དུ་སྐྱེས་སོ།། སྐྱེས་མ་ཐག་ཏུ་སེམས་ཅན་དམྱལ་བ་པའི་མེས་ཡུད་ཙམ་ཞིག་གདུངས་ཏེ། དེའི་ཚེ་ལུས་ཡོངས་སུ་བསྲེགས་ཤིང་ཚ་བར་འགྱུར་རོ། ། དེའི་གནས་དེ་ཡོངས་སུ་ཚོལ་བར་བྱེད་དེ། གལ་ཏེ་རིའི་རྒྱལ་པོ་རི་རིབ་ལ་འཁྱུད་ཅིང་། དེ་ལྟར་དེ་སྟོང་ཕྲག་དྲུག་ཅུར་ཡོངས་སུ་བསྐོར་ལ། དེ་ཆུ་བོ་དང་ཤིང་ལྗོན་པ་དང་། ལྟེང་ཀ་དང་། ནགས་ཚལ་དུ་བཅས་པ་བསྐོར་བ་ཙམ་གྱིས། སེམས་ཅན་དམྱལ་བ་པའི་མེ་དུ་མས་སྲེག་པར་བྱེད་དེ། དེ་སེམས་ཅན་དམྱལ་བ་པ་གཞན་ཡུན་རིང་དུ་སྐྱེས་པ་ནི་མ་གཏོགས་སོ། ། དེ་ལྟར་སྲེག་པ་འདི་ཅུང་ཟད་འདྲ་བ་བསྟན་པ་ནི། འདི་ལྟར་མེ་ཤིན་ཏུ་ཚ་བས་དོག་ལེ་ཡོངས་སུ་བསྲེགས་པའི་ནང་དུ་སྣུམ་གྱི་ཐིགས་པ་གཅིག་བསྲེགས་པ་བཞིན་དུ། ལས་ཀྱི་རྒྱུ་གཅིག་གིས་མནར་མེད་པར་སྐྱེས་པའི་ལུས་ལས་འབྱུང་པོའི་ཚོགས་གནས་དང་བཅས་པ་དང་། རི་དང་། ལྷ་དང་། ལྷ་མ་ཡིན་དང་། རི་ཆེན་པོ་དང་། སྨན་ལྗོངས་དང་། གླིང་དང་། ཚལ་དུ་བཅས་ཤིང་། རྒྱ་མཚོ་དང་བཅས་པ་སྲེག་གོ། གང་གི་ས་ལས་གཉིས་བྱས་ན་དེས་རྒྱ་མཚོ་གཉིས་སྔ་མ་བཞིན་སྲེག་གོ། གང་གིས་གསུམ་བྱས་ན་རྒྱ་མཚོ་གསུམ་སྲེག་གོ།། དེ་ལྟར་བཞིས་རྒྱ་མཚོ་བཞི་སྟེ། ལུས་ལ་དོག་ལེ་བསྲེགས་པ་བཞིན་ལྷུང་མ་ཐག་ཏུ་སྲེག་གོ།། རི་ཁོར་ཡུག་དང་། ཁོར་ཡུག་ཆེན་པོ་དང་། རྒྱ་མཚོར་གཏོགས་པ་དག་ནི་ཀླུ་དང་། ལྷ་མ་ཡིན་དང་དུད་འགྲོར་སྐྱེས་པའི་ཚོགས་དང་བཅས་པ་དང་། མིའི་གནས་བཞི་དང་། འདོད་པ་ན་སྤྱོད་པའི་ལྷ་དྲུག་དག་གི་སྐྱབས་ཡིན་ནོ།། དེ་ཅིའི་ཕྱིར་ཞེ་ན། མནར་མེད་པའི་སེམས་ཅན་དམྱལ་བ་པ་དག་གིས་ལུས་དྲི་ང་བ་དེས་དེ་དག་ཐམས་ཅད་མ་རུང་བར་འགྱུར་ཏེ། དེ་ལྟར་སེམས་ཅན་དམྱལ་བ་པ་དག་གི་དྲི་ང་བའི་ལུས་ལ་དྲི་འབྱུང་ངོ་།། རི་མཐོན་པོ་དེ་དག་གི་དྲི་དེ་ཡོང་མི་ཚོར་ཏེ། སེམས་ཅན་དམྱལ་བ་པའི་ལས་བྱས་ཤིང་བསྐྱེད་པ་དང་། མ་སྐྱེད་པ་དང་། རྣམ་པར་ཕྱེ་བའི་དྲི་དེ་དྲི་གཞན་གྱིས་དཔེ་བྱ་བར་མི་ནུས་སོ།། དེའི་ཚེ་སེམས་ཅན་དམྱལ་བ་པ་རྣམས་ཀྱི་བྱའི་རིགས་དག་འབྱུང་བར་འགྱུར་ཏེ། མཆུ་རབ་ཏུ་འབར་བ་མཁྲང་ཞིང་རྣོ་བ་ལ་ཤུགས་སེར་བ་མྱུར་དུ་འབབ་པ་ལྟ་བུའི་ཤུགས་ཀྱིས་སེམས་ཅན་དམྱལ་བ་པ་དེ་དག་ཐམས་ཅད། ཀྱི་ལུས་དང་། པགས་པ་དང་། ཤ་དང་། ཚིལ་དང་། རུས་པ་དང་། རྐང་རྣམས་རབ་ཏུ་འདྲེན་ཏེ། འདི་ལྟ་སྟེ། མེ་ལས་མེ་འབྱུང་བ་དེ་བཞིན་དུ་འབྱུང་ཞིང་། དེར་གནས། དེར་འགྲོ། དེ་ལ་ཟའོ།། སེམས་ཅན་དམྱལ་བ་པ་རྣམས་ཀྱི་ཤ་ཟོ།། རུས་པ་ཕུག། ཤ་དྲངས་ནས་ཁྲག་ལ་འཐུང་ངོ་།། དེ་དག་ཀྱང་ཟོས་ནས་རྐང་དག་ལ་ཟའོ།། དེ་ནས་ངུ་ཞིང་ཆོ་ངེས་འདེབས་ལ། ཡོངས་སུ་སྨྲེ་སྔགས་འདོན་ཅིང་རྨོངས་པ་ན། བྱའི་རིགས་གཞན་དགའ་བྱུང་བར་འགྱུར་ཏེ། འདི་ལྟ་སྟེ། བྱ་མེ་ལྕེ་སྤྱོད་པ་ཞེས་བྱ་བས་གང་མེ་ལྕེའི་ནང་དུ་ཞུགས་ནས་སྲེག་སྟེ། མཐོང་མ་ཐག། ཏུ་སེམས་ཅན་དམྱལ་བ་པ་རྣམས་ཀྱི་ཀླད་པ་ཕུག་ནས་ཁྲག་འཐུང་ངོ་།། བྱ་ཀླད་པའི་བར་ན་རྒྱུ་ཞེས་བྱ་བ་ཀླད་པ་ཕུག་ནས་མཆུ་རབ་ཏུ་འབར་བས་ཀླད་རྒྱས་འཐུང་ངོ་།། བྱ་ཟས་སུ་ལྕེ་ཟ་ཞེས་བྱ་བས་ལྕེ་ཁ་གཉིས་སུ་དྲངས་ནས་རབ་ཏུ་ཟ་བར་བྱེད་དོ། ། དེ་ཡང་ཟོས་ཤིང་ཡང་པདྨའི་འདབ་མ་ལྟར་ཤིན་ཏུ་འཇམ་པ་སྐྱེའོ།། བྱ་སོ་འབྱིན་ཅེས་བྱ་བས་མཆུ་གཉིས་ཀ་པྲ་སྐམ་ལྟར་འཛིན་ཅིང་རབ་ཏུ་འབར་བས་སོ་ཐམས་ཅད་འབྱིན་པར་བྱེད་དོ། ། བྱ་མིང་པ་ལ་སོགས་པ་འདྲེན་པ་ཞེས་བྱ་བས་གང་མེད་པའི་ཤ་དག་ཞིབ་མོར་འཐུབ་ཅིང་ཟ་བར་བྱའོ།། བྱ་ཀློ་བ་ཟ་ཞེས་བྱ་བས་གང་གློ་བ་དག་ཟ་བར་བྱེད་དོ། ། བྱ་སྙིང་ཟ་བ་ཞེས་བྱ་བས་གང་སྙིང་དག་གཤགས་ནས་ཟ་བར་བྱེད་དོ།། བྱ་ཕོ་བ་ཟ་བ་ཞེས་བྱ་བས་ཕོ་བ་གཤགས་ནས་དེར་ཞུགས་ཏེ། རོ་བྲོ་བ་ཟ་བར་བྱེད་དོ།། བྱ་མཆིན་པ་འཇིག་བྱེད་ཅེས་བྱ་བས་གང་མཆིན་པ་དག་ཟ་བར་བྱེད་དོ། ། བྱ་བུ་ག་ཟ་བ་ཞེས་བྱ་བས་གང་སེམས་ཅན་དག་གི་བུ་ག་ཟ་བར་བྱེད་དོ།། བྱ་སྒལ་ཚིགས་ཟ་ཞེས་བྱ་བས་གང་སྐལ་ཚིགས་དག་ཕུག་ནས། གཞུང་པ་དག་ཟོས་ཏེ་ཕྱིར་འབྱུང་ངོ་། ། བྱ་གནད་གསང་ཞེས་བྱ་བ་ས་གང་གནད་ཀྱི་བར་ཐམས་ཅད་ཕུག་ཅིང་ག་ནད་དག་ཕྱེ་སྟེ། བར་དུ་ཞུགས་ནས་དུ་བཞིན་དུ་རྐང་གི་བཅུད་འཐུང་ངོ་།། བྱ་ཁབ་ལྟར་འབིགས་ཞེས་བྱ་བས་གང་མཆུ་ཁབ་ལྟ་བུས་ཁྲག་འཐུང་ངོ་། ། དེ་བཞིན་དུ་བྱ་འགྲམ་རུས་ཀྱི་བར་དུ་ཞུགས་ཤིང་རུས་པ་གཞན་དག་ཕུག་ནས། རུས་པའི་བར་ན་གནས་ཞེས་བྱ་བས་ཕྱི་རོལ་ཡང་ཟ་བར་བྱེད་དོ།། བྱ་བགས་པ་རྣམ་དྲུག་ཟ་ཞེས་བྱ་བས་གང་པགས་པ་རྣམ་དྲུག་ཟ་བར་བྱེད་དོ།། བྱ་སེ་ན་མོ་འབྱིན་ཅེས་བྱ་བས་གང་སེན་མོ་ཐམས་ཅད་འབྱིན་ཏོ།། བྱ་ཚིལ་ཟ་ཞེས་བྱ་བས་གང་པགས་པ་དག་ཕུག་ནས་ཚིལ་ཟ་བར་བྱེད་དོ། ། བྱ་རྒྱུས་པ་འབྱིན་ཅེས་བྱ་བས་གང་རྒྱུས་པ་དེ་ཐམས་ཅད་ཕྱུང་ནས་ཟ་བའོ།། བྱ་སླ་ཤད་འཛིངས་ཞེས་བྱ་བས་སྐྲ་དྲུང་ནས་འབྱིན་པར་བྱེད་དེ། དེ་ལྟར་དེ་མནར་མེད་པའི་ཕྱོགས་དཔག་ཚད་སུམ་སྟོང་ན། བྱ་འཇིགས་འཇིགས་ལྟར་འདུག་པ་ཞེས་བྱ་བ་དེས་དེར་སེམས་ཅན་དམྱལ་བ་དེ་ལས་གཞན་པ་རྣམས་ཀྱིས་དེ་མ་ཐག་ཏུ་ལོ་འབུམ་ཕྲག་དུ་མར་ཟ་བར་བྱེད་ཅིང་། ཡང་སླར་འབྱུང་བར་བྱེད་དོ།། དེ་གལ་ཏེ་ཡང་མནར་མེད་པ་ན། བྱཱ་འཇིགས་འཇིགས་ལྟར་འདུག་པའི་ཕྱོགས་དེ་དག་ལས་ཐར་ན། སྡུག་བསྔལ་གྱི་དྲ་བ་ཐམས་ཅད་ཡོངས་སུ་དཀྲིས་པ། ངམ་གྲོག་དང་གཡང་ས་ཞེས་བྱ་བའི་ཕྱོགས་གཉིས་པ་ཡོད་དོ།། དེར་མགོན་འདོད་པ། སྐྱབས་འདོད་པ། སྐྱོབ་པར་འདོད་པ་འགྲོ་བ་ན། ཀུན་ནུས་མེ་ལྕེའི་ཕུང་པོ་བཅུ་གཅིག་གིས་ཁེབས་ཤིང་། གྲོགས་མེད་ལ་ལས་ཀྱི་ཞགས་པའི་བཅིང་བས་བཅིངས་ནས་ཕྱི་ནང་ནང་དུ་དགྲས་གང་བའི་དགོན་པར་ཞུགས་སོ།། སེམས་ཅན་དམྱལ་བའི་ཚོགས་ཐམས་ཅད་པབཔས་ཆེས་ཤིན་ཏུ་ཉོན་མོངས་པར་ཞུགས་ལ། ངམ་གྲོག་དང་གཡང་ས་ཞེས་བྱ་བའི་ཕྱོགས་སུ་རྒྱུག་སྟེ། དེར་ལྷུང་ནས་རྐང་པ་རབ་ཏུ་སྲེག་གོ།། བཏེག་པ་དང་ཡང་ཤིན་ཏུ་འཇམ་ཞིང་གཞོན་ཤ་ཅན་དུ་འགྱུར་ཏེ། སྡུག་བསྔལ་ཚ་ཞིང་མི་བཟད་པའི་སྡུག་བསྔལ་གྱིས་མངོན་པར་གདུངས་སོ།། དེ་ལྟར་དེ་འཇིགས་ཤིང་བཞིན་མོག་མོག་པོར་གྱུར་པའི་རྐང་ལག་དང་། ཡན་ལག་ཐམས་ཅད་རབ་ཏུ་ཞུ་བ་ན། ངམ་གྲོག་དང་གཡང་ས་ཞེས་བྱ་བའི་ཡུལ་དེ་འབྱུང་བར་འགྱུར་ཏེ། ངམ་གྲོག་དང་གཡང་ས་དཔག་ཚད་སུམ་སྟོང་ཡོད་པའི་ཡུལ་དེར་དེ་ལྷུང་བར་འགྱུར་རོ།། ཡང་ལས་ཀྱིས་བྱས་པའི་རླུང་གིས་འདེག་ཅིང་དེ་འདོར་བ་ན། བྱ་ཀང་ཀ་དང་། ཁཱ་དང་། བྱ་རྒོད་དང་། འུག་པ་རྣམས་ཀྱིས་ཟ་བར་བྱེད་དོ།། དེ་ནས་ཡང་རླུང་སྤུ་གྲི་དང་མེ་ལྟ་བུས་གྱེན་དུ་འདེག་ཅིང་འདོར་བ་ནས། ། དེ་དག་ཉིད་ཀྱིས་ཟ་བར་བྱེད་དེ། དེ་ལྟར་དེ་འདེག་ཅིང་འདོར་བ་ལོ་འབུམ་ཕྲག་དུ་མར་བྱེད་དོ།། དེ་གལ་ཏེ་ཡང་དེ་ལས་ཐར་ནས། འཁོར་ལོ་ལྟར་ཡོངས་སུ་བསྐོར་བ་མཚན་མའི་བར་ཞེས་བྱ་བའི་ཕྱོགས་སུ་རྒྱུག་གོ། ། ཕྱོགས་དེར་ཡང་འཁོར་ལོ་རྩིབས་སྟོང་ཡོད་ལ། ལྟེ་བ་རྡོ་རྗེ་ལས་བྱས་པ་ཤིན་ཏུ་འབར་ཞིང་མྱུར་བར་འཁོར་བ་འབྱུང་བ་སྟེ། དེ་དང་ལྷན་ཅིག་འགྲོ་བ་ཉིད་ཀྱིས་འཁོར་ལེ་དོ་ལུས་ལ་བབ་ནས་འཁོར་རོ། ། མགོའི་འཁོར་ལོ་གཅིག་གིས་ཀླད་པ་འཐག་པར་བྱེད་དེ། དེ་ནས་ཀླད་རྒྱས་རབ་ཏུ་འབར་བ་དག་འབྱུང་བ་ནས། མིག་གི་བར་དུ་འབྱུང་བར་བྱེད་དོ།། ཕྲག་པ་གཉིས་ཀ་ལ་འཁོར་ལོ་གཉིས་འཁོར་ཏེ། དེ་རུས་པ་དང་རྐང་དག་ཕྱེ་མར་རློག་གོ།། ལག་པ་གཉིས་ལ་ཡང་འབྱུང་སྟེ། དེས་གཙུབ་ཤིང་བཞིན་དུ་ལག་པ་གཉིས་ཀ་ལ་མེ་འབྱུང་ལ། དེ་མེ་ཉིས་འགྱུར་གྱིས་སྲེག་གོ། དེ་བཞིན་དུ་དེའི་བྲང་ལ་འཁོར་ལོ་རབ་ཏུ་འབ་ར་བ་ཡོངས་སུ་འཁོར་ཏེ། དེས་དེའི་རུས་པ་ཐམས་ཅད་བཅོམ་ནས་འཐག་སྟེ། བྱེ་མའི་ཕྱེ་མ་བཞིན་དུ་བྱེད་དོ།། དེའི་རྒྱ་བ་ལ་ཡང་ལྕགས་ཀྱི་མེ་མདག་གིས་རེག་ཅིང་། འཁོར་ལོ་རྩིབས་སྟོང་པ་འཁོར་ཏེ། དེས་བྲང་གི་ཕྱོགས་དང་། རྒྱབ་ཀྱི་རུས་པར་གཏོགས་པ་ལ་སོགས་པ་ཐམས་ཅད་འཇོམས་སོ།། དེ་ནས་དེའི་མདོམས་སུ་ལྕགས་ཀྱི་མཚོན་བྲང་ཀོ་ལ་ལ་ཀི་འབྱུང་སྟེ། དེས་མདོམས་ཐམས་ཅད་གཙུབ་ཤིང་བཞིན་དུ་བཙུགས་ནས་འདྲེན་པར་བྱེད་ཅིང་། དེའི་ལོང་ཀ་ཐམས་ཅད་འབིགས་པར་བྱེད་དོ། ། དུག་ནས་ཀྱང་རྒྱུ་མ་དག་ལ་ཡང་འཇིགས་པར་བྱེད་དོ།། པུས་མོའི་ལྷ་ང་ལ་ཡང་འཁོར་ལོ་འབྱུང་སྟེ། དེས་པུས་མོའི་ལྷ་ང་དེ་འབིགས་པར་བྱེད་དོ།། དེ་བཞིན་དུལོང་བུ་ལ་ཡ་འབྱུང་སྟེ། དེས་དེའི་རུས་པ་དག་ཕུག་ནས་རྐང་དག་ཟ་བར་བྱེད་དོ།། དེའི་རྐང་མཐིལ་ལ་ཡང་ཕུར་བུ་རྣམས་ཀྱིས་འབིགས་པར་བྱེད་དེ། དེས་ཀྱང་གདུང་བ་ཆེར་བྱས་ཤིང་། སྦུ་བསྔལ་སྐྱེད་པར་བྱེད་དོ། ། དེ་ལྟར་ལས་ཀྱི་མཐའ་ཉེས་པར་བྱས་པ་སྤྱོད་པ་མནར་མེད་པའི་སྡུག་བསྔལ་རང་གི་ལས་ཀྱིས་བྱས་པས། ཐུན་མོང་མ་ཡིན་པ།། མི་བཟད་པ། ཚ་བ། རྩུབ་པའི་གནོད་པ་དག་ལོ་འབུམ་ཕྲག་དུ་མར་འབྱུང་བར་འགྱུར་རོ། ། དེ་གལ་ཏེ་ཡང་དེ་ལས་ཐར་ན་གནོད་པ་མྱོང་བཞིན་དུ་འབྲོས་པར་བྱེད་དེ། མགོན་འདོད་པ། སྐྱབས་འདོད་པ། དཔུང་གཉེན་འདོད་པ་དེ་བྲོས་པ་ན། རི་ཆེན་པོ་ཞིག་ཡོད་པར་མཐོང་ནས་དེ་ལ་རྒྱུག་གོ།། རི་དེ་ཡང་སྲིན་བུ་མ་ཀོ་ཊ་ཀ་ཡན་ལག་དང་། ཉིང་ལག་རབ་ཏུ་འབར་བ་རྣམས་ཀྱིས་གང་ལ། དེ་ལྟར་དེ་སྲིན་བུ་མ་ཀོ་ཊ་ཀ་རེག་ན་རྟག་ཏུ་མེ་ལྟར་ཚ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། དེ་རྣམས་ཀྱིས་དེ་ཀུན་ནས་ཡོངས་སུ་བསྐོར་ནས་རྡུལ་ཕྲན་ཙམ་དུ་ཟ་བར་བྱེད་དོ།། ཆོ་ངེས་འདེབས་པ་ན། སྲིན་བུ་མ་ཀོ་ཊ་ཀ་ཁའི་ནང་དུ་ཡང་ཞུགས་ནས་མེད་པར་སོང་སྟེ། ཕོ་བ་དང་ལོང་ཀའི་ནང་དུ་ཞུགས་ནས་ཟ་བར་བྱེད་ཅིང་། དེ་སྡུག་བསྔལ་མི་བཟད་པ། ཚ་བ། རྩུབ་པ་དག་མྱོང་ངོ་།། གང་སྔོན་ཤིན་ཏུ་ཉེས་པར་སྨད་པ་བྱས་པ་དང་། གང་མནར་མེད་པ་བྱས་པ་དང་། མི་དགེ་བ་བཅུའི་ལས་ཀྱི་ལམ་དང་ལྡན་པ་དེ་ནི་རྒྱུ་དེ་དང་མཐུན་པའི་འབྲས་བུ་ཉེ་བར་སྤྱོད་པར་འགྱུར་ཏེ། དེ་ལྟར་སྲིན་བུ་མ་ཀོ་ཊ་ཀའི་རི་དེར་ལོ་འབུམ་ཕྲག་དུ་མར་སྡུག་བསྔལ་མྱོང་བར་འགྱུར་རོ། ། གལ་ཏེ་ཡང་དེ་ལས་ཐར་ན། ཤ་ཟ་བ་སེང་གེ་དང་། སྟག་དང་། དྲེད་དང་། གུང་དང་། དོམ་གྱིས་གང་བའི་ཚལ་དུ་བརྒྱུགས་པ་དང་། དེ་རྣམས་ཀྱིས་དེ་གཟུང་ངོ་།། བཟུང་ནས་ཀྱང་ཡན་ལག་རབ་ཏུ་ཟ་བར་བྱེད་དེ། ལ་ལ་ནི་ཀླད་པ་བརྟོལ་ནས་ཀླད་རྒྱས་ཟ་བར་བྱེད། ལ་ལ་ནི་བརླའི་ངོས་ལ། ལ་ལ་ནི་རྒྱུ་མ་ལ། ལ་ལ་ནི་གཉེ་མ་ལ། ལ་ལ་ནི་ལོང་ཀ་ལ། ལ་ལ་ནི་ཕོ་བ་ལ། ལ་ལ་ནི་བྱིན་པའི་སྤུ་སྥུ་ལ། ལ་ལ་ནི་པུ་ས་མོ་ལ། ལ་ལ་ནི་རྐང་པ་ལ། ལ་ལ་ནི་རྐང་མཐིལ་ལ་ཟ་སྟེ། དེ་ལྟར་དེ་བཟའ་བཟའ་ནས། ཡང་ཤིན་ཏུ་གཞོན་ཤ་ཅན་དུ་འབྱུང་བར་འགྱུར་རོ།། ཤིན་ཏུ་གཞོན་ཤ་ཅན་དེ་ལ་ཡང་དང་ཡང་དུ་ལྷག་པར་སྡུག་བསྔལ་མྱོང་བར་འགྱུར་ལ། ཡང་ཟོས་ན་ཡང་དེའི་ཤ་རྫོགས་པར་སྐྱེ་བར་གྱུར་ཏེ། དེས་སྲོག་གཅོད་པ་བྱས་ཤིང་བསགས་པའི་འབྲས་བུ་ནི་དེ་ཡིན་ནོ།། དེ་ལྟར་དེ་རང་གིས་བྱས་པ་གཞན་དང་མི་འདྲ་བའི་སྡིག་པའི་ལས་དེ་ལོ་འབུམ་ཕྲག་དུ་མར་མྱོང་བར་འགྱུར་དེ་ནས་ཡང་དགེ་སློང་དེ་མ་བྱིན་པར་ལེན་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་འབྲས་བུ་སོ་སོར་ཡང་དག་པར་མྱོང་བ་ལ་རྟོག་པར་བྱེད་དེ། དེས་ཐོས་པ་ལས་བྱུང་པའི་ཤེས་པས་བརྟགས་ན། འདི་ལྟར་དེ་ཉེས་པར་བྱས་པའི་ལས་ཀྱི་མཐའ་ལ་སྤྱོད་པ། མགལ་མེའི་འཁོར་ལོ་དང་། དྲི་ཟའི་གྲོང་ཁྱེར་དང་། རི་དགས་སྐོམ་པ་ལྟ་བུ་དག་ལ་དོན་གྱི་རྣམ་པ་ཆེན་པོ་དབྱིག་དང་། ནོར་བུ་དང་། གོས་དང་། ནོར་དང་། འབྲུའི་ཚོགས་སུ་ལྟའོ།། དེ་ལྟར་དེ་ཆགས་པས་ཟིལ་གྱིས་ནོན་ལ། ལས་ཀྱིས་རྨོངས་པ་དག་འདི་སྙམ་དུ་སེམས་ཏེ། འདི་དག་ནི་བདག་གི་ཡིན་ནོ་སྙམ་མོ།། དེ་ལྟར་རྨོངས་པ་སྡིག་པ་བྱེད་པ་དེ་མེ་མདག་རབ་ཏུ་འབར་བའི་ཆུ་བོ་དག་ལས་བརྒལ་ནས་རྫས་ཀྱི་རྣམ་པ་དེ་དག་གི་དྲུང་དུ་རྒྱུག་པ་དང་། ལས་ཀྱིས་བྱས་པའི་གཤིན་རྗེའི་མི་རྣམས་ཀྱིས་བཟུང་སྟེ། དེ་མཚོན་ཆའི་དྲ་བའི་ནང་དུ་བཅུག་ནས་ཡན་ལག་དང་ཉིང་ལག་ཐམས་ཅད་གཤེག་ཅིང་གཅོད་ལ་སྲེག་སྟེ། རུས་པའི་ལྷག་མ་མ་ལུས་པར་བྱེད་ཀྱང་། དེ་ཐོག་མ་མེད་པའི་དུས་ནས་ཞུགས་པ་དེ་གནས་སྐབས་དེ་དག་ཏུ་ཡང་འདོད་པ་དེ་སྤོང་བར་མི་བྱེད་དོ།། འདིར་ཚིགས་སུ་བཅད་པ། བུད་ཤིང་ལྟ་བུའི་རྟོག་བྱུང་བས། ། ང་རྒྱལ་ཕྲག་དོག་མེ་ལྟར་འབར།། ཤིང་གི་མེས་ནི་མི་སྲེག་གི། འཇིག་རྟེན་འདོད་པའི་མེས་སྲེག་གོ།། འདོད་པའི་དུག་གིས་ཟིན་པ་གང་།། དེ་དག་ལ་ནི་བདེ་བ་མེད།། འདོད་པ་བསྟེན་ཅིང་བསྟེན་བྱས་ན།། ཕྱིར་ཡང་དེ་བཞིན་རབ་ཏུ་འཕེལ།། ཇི་ལྟ་ཇི་ལྟར་འདོད་གྱུར་ན།། འདོད་པ་དུ་མ་འཕེལ་བར་འགྱུར།། མེ་ལས་འབྲོས་པར་ནུས་སྲིད་ཀྱི།། འདོད་པའི་མེ་ལས་མི་ནུས་སོ། ། འདོད་པས་ཡོངས་སུ་བསླུས་པ་ཡི།། འཇིག་རྟེན་འཁོར་ལོ་བཞིན་དུ་འཁྱམ།། ཐོག་མ་མེད་པའི་འཇིག་རྟེན་ལ།། འདོད་པ་ལྟ་བུའི་དགྲ་མེད་དོ།། འདོད་པས་ཡོངས་སུ་བསླུས་པ་དག། རྒྱ་མཚོའི་ཆུ་ནང་འཇུག་པར་བྱེད།། མཚོན་ཆ་ཐིབས་པོ་འབབ་པ་ཡི།། གཡུལ་དུ་ཡང་དག་རབ་ཏུ་འཇུག། འདོད་པའི་རྒྱུ་ཡིས་ས་བདག་རྣམས།། ཕན་ཚུན་དག་ཏུ་འཇིག་པར་བྱེད། ། ནོར་ལ་སྲེད་པས་མ་བུ་ཡང་།། འཐབ་མོའི་གཡུལ་ནི་འགྱེད་པར་བྱེད།། སྲེད་པའི་དུག་ལས་རྣམ་གྲོལ་བ།། འདོད་པའི་མེ་མེདག་རྣམ་པར་སྤངས།། བོང་བ་གསེར་ལྟར་མཉམ་པ་དེ། མྱ་ངན་འདས་པའི་མཐར་འགྲོའོ།། ནོར་གྱི་ནང་ན་ཚུལ་ཁྲིམས་མཆོག། ཉི་མ་འོད་དང་ལྡན་པ་བཞིན།། ནོར་དང་བྲལ་ནས་འགྲོ་འགྱུར་གྱི།། ཚུལ་ཁྲིམས་འདི་ནི་མདུན་ན་གནས།། ཚུལ་ཁྲིམས་ཀྱིས་ནི་སུམ་ཅུ་གསུམ།། དེ་བཞིན་བསམ་གཏན་སྤྱོད་ཡུལ་འགྲོ།། འཇིག་རྟེན་འདི་དང་ཕ་རོལ་ཏུ།། ཚུལ་ཁྲིམས་གཟི་དང་མཚུངས་པ་མེད།། མནར་མེད་པར་ནི་སྐྱེས་པ་དག་ནོར་ལ་འདོད་པས་བསྲེགས་པ་ཡིན། ། འདོད་པའི་མེ་ནི་གར་འབྱུང་བ།། ཡུལ་དེར་མེ་ནི་འབྱུང་མི་འགྱུར།། མཁས་པའི་ཡེ་ཤེས་ཆུ་ཡིས་སུ།། བསྒྲིམས་ཏེ་འདོད་པའི་མེ་དག་སོད།། འདོད་པ་མེད་པར་མ་བྱས་ན། ། མྱ་ངན་འདས་པ་ཐག་རིང་ངོ་།། དེ་ལྟར་སེམས་ཅན་དམྱལ་བ་པ་དེ་འདོད་པའི་མ་དེས་བསྲེག་པ་ན། ཡང་མནར་མེད་པའི་མེ་གཉིས་པ་མཚོན་འབབ་པ་དང་བཅས་པས་སུམ་འགྱུར་དུ་སྲེག་གོ། དེར་ཡང་མགལ་མེ་བསྐོར་བ་དང་། དྲི་ཟའི་གྲོང་ཁྱེར་དང་། རི་དགས་སྐོམ་པ་ལྟ་བུའི་ནོར་དག་ལ་འཕྲོག་པར་བྱེད་པ་དང་། ལོག་པར་བསྒྱུར་བ་རྨི་ལམ་གྱི་མི་ལྟ་བུ། སེམས་ཅན་དམྱལ་བ་པའི་གཤིན་རྗེའི་མི་དེ་དག་གིས་དེར་མ་བྱིན་པར་བླངས་པའི་སེམས་ཅན་དམྱལ་བ་པ་དེ་ལོ་འབུམ་ཕྲག་དུ་མར་སྡུག་བསྔལ་མྱོང་བར་བྱེད་དོ།། དེ་ནས་དགེ་སློང་དེ་འདོད་པས་ལོག་པར་གཡེམ་པ་མནར་མེད་པ་དེའི་འབྲས་བུ་ལ་རྟོག་པར་བྱེད་དེ། དེས་བརྟགས་ན། འདི་ལྟར་སྡིག་པ་བྱེད་པ་མཚོན་ཆ་ཉམ་ང་བ་དེ་ལས་ཐར་ན། ཇི་ལྟར་ཡང་ལས་ཀྱི་འཁྲུལ་པ་མེ་མདག་གི་ཆུ་བོ་ལས་བརྒལ་ནས། ལོག་པར་རྣམ་པར་ལྟ་བ་ཞེས་བྱ་བའི་ཕྱོགས་གཞན་དུ་ཞུགས་སོ།། དེ་ལས་བྱས་པའི་བུད་མེད་དག་གང་སྔོན་གྱི་དྲན་པ་ཉམས་པ་དེས་མཐོང་ངོ་།། དེ་དག་མཐོང་ནས་དེ་ཐོག་མ་མེད་པའི་དུས་ནས་གོམས་པའི་འདོད་ཆགས་ཀྱི་མེ་འབྱུང་སྟེ། དེ་དེར་རྒྱུག་པར་བྱེད་དོ།། གང་ན་བུད་མེད་འཁོད་པ་དེ་དག་ལས་ཀྱིས་བྱས་པ། ལྕགས་ཀྱི་བུད་མེད་དག་ཡིན་ཏེ། དེ་དག་གིས་དེ་གཟུང་ངོ་།། གཟུང་ནས་ལྕེ་ལ་སོགས་པ་ལ་ཟ་སྟེ། ཇི་ལྟར་དེའི་ལུས་དེ་ལ་ཡུངས་འབྲུ་ཙམ་གྱི་ལྷག་མ་ཡང་མ་ལུས་པར་དེ་ལྟར་ཟའོ།། དེ་ནས་ཡང་འབྱུང་བར་འགྱུར་ཏེ། ཡང་ཟའོ།། དེ་སྡུག་བསྔལ་ཚབ་རྩུབ་པ་མྱོང་བཞིན་དུ་འདོད་ཆགས་ཀྱི་མེ་དེ་དག་ལས་ལྡོག་པར་མི་བྱེད་ཀྱི། གང་ན་བུད་མེད་དེ་དག་གནས་པ་དེར་ཡང་དང་ཡང་ཤིན་ཏུ་རྒྱུག་པར་བྱེད་དེ། དེ་ཇི་ལྟར་འདོད་ཆགས་ཀྱི་མེས་གནོད་པ་དེ་ལྟར་སྡུག་བསྔལ་གནོད་པར་མི་རྩིའོ།། དེ་ནས་བུད་མེད་དེ་དག་ཡང་ལུས་རྡོ་རྗེ་དང་། ལྕགས་རབ་ཏུ་འབར་བའི་ལུས་ཀྱིས་མི་བཟུང་ནས། འབར་བའི་འཕྲེང་། པ་འཁྲུགས་པའི་ལུས་ཀུན་གྱིས་སེམས་ཅན་དམྱལ་པ་དེ་བྱེ་མ་ཆང་པ་ནས་གཏོར་བ་བཞིན་དུ་གཏོར་ཏོ།། ལུས་ཐམས་ཅད་ཕྱེ་མར་བྱས་པ་དེ་སླར་ཡང་འབྱུང་བར་འགྱུར་ཏེ། དེ་ནས་ཤིན་ཏུ་རྒྱུག་ཀྱང་དེའི་འདོད་ཆགས་ཞི་བར་མི་འགྱུར་རོ། ། དེའི་གནས་དེ་ལྟ་བུ་མཐོང་ནས། དགེ་སློང་དེས་བསམས་ཏེ། ཐོས་པ་ལས་བྱུང་བའི་ཤེས་པས་འདི་ལྟར་ཚིགས་སུ་བཅད་དེ་སྨྲས་པ། བུད་མེད་ངན་སོང་གཞི་ཡིན་ཞིང་། ། ཀུན་ནས་ནོར་ནི་ཟད་པར་བྱེད།། མི་གང་བུད་མེད་ཚིག་ཉན་པ།། དེ་ལ་བདེ་བ་ག་ལ་ཡོད།། དོན་མེད་ཆོས་ལ་དགའ་བ་ནི།། བུད་མེད་གཡོ་དང་ཕྲག་དོག་མང་།། འཇིག་རྟེན་གཉིས་ནི་རྣམ་འཇིག་པ། ། སྐྱེས་པ་རྣམས་ཀྱི་མདུན་ན་གནས།། དེའི་ཚིག་ཤིན་ཏུ་མི་བརྟན་ཏེ།། རྟག་ཏུ་འདོད་ཆགས་སྐྱེད་ལ་མཁས།། དེ་ཡི་སྙིང་ནི་གཞན་སེམས་ལ།། གཞན་གྱི་ཚུལ་གྱིས་སྨྲ་པབར་བྱེད། ། དང་པོར་མཉེན་ཞིང་སྲུན་བྱེད་ལ།། ཕྱི་ནས་སེམས་ནི་རྡོ་རྗེ་འདྲ།། སེམས་ནི་ཡང་ལ་ཕན་པ་མེད།། བཀུར་སྟི་དག་ནི་དྲན་མི་བྱེད།། ལེགས་པ་བརྒྱ་ནི་ཆུད་གཟོན་ལ།། མ་ལེག་གཅིག་པུ་དྲན་པར་བྱེད། ། སྡིག་པའི་ས་གཞི་བུད་མེད་ཡིན།། སྙིང་ནི་གློག་གི་ངོ་བོ་བཞིན།། སྐྱེས་པ་ཆགས་པའི་སེམས་ཡོད་པ།། འཇིག་པའི་རྒྱུ་ནི་བུད་མེད་བྱེད།། འཇིག་རྟེན་འདི་དང་ཕ་རོལ་ཏུ། ། འཇིག་བྱེད་ནང་ན་བུད་མེད་འཇིག། གལ་ཏེ་བདེ་བའི་མཆོག་འདོད་ན།། དེ་ལྟར་བུད་མེད་རྣམ་པར་སྤོངས།། བུད་མེད་རྟག་ཏུ་སྤངས་པ་ནི།། འཇིག་རྟེན་འདི་དང་ཕ་རོལ་བདེ། ། གང་ཞིག་དབུལ་བ་སྤོང་འདོད་ཅིང་།། གང་ཞིག་བདག་ནི་འབྱོར་འདོད་དང་།། གང་ཞིག་མྱ་ངན་འདས་འགྲོ་འདོད།། མི་དེས་བུད་མེད་སྤང་བར་བྱོས།། དེ་ལྟར་ཕྱིན་ཅི་ལོག་ཏུ་མཐོང་བ་སྙིང་རྣམ་པར་རྨོངས་པ་དེ་ལོ་འབུམ་ཕྲག་དུ་མར་སྲེག་གོ། ། གཤོག་གོ།། གསོད་དོ།། དེ་ནས་ཡང་སླར་འབྱུང་བར་འགྱུར་ཏེ། དེ་གལ་ཏེ་དེ་ལས་ཐར་ན། དེ་ནས་ཡང་མེ་མདག་གི་ཆུ་བོའི་ནང་དུ་བྱིང་ཞིང་འཚེད་པ་ན། བཀྲེས་པ་དང་སྐོམ་པས་གདུངས་ཏེ། གར་བབ་བབ་ཏུ་འབྲོས་སོ།། དེ་ནས་དགེ་སློང་དེ་མནར་མེད་པའི་མི་མི་དགེ་བ་བྱེད་པས་གང་བརྫུན་དུ་སྨྲ་བ་དེ་ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་པའི་འབྲས་བུ་ལ་གརྟགས་ན། དེས་ཐོས་པ་ལས་བྱུང་བའི་ཤེས་པས་མཐོང་སྟེ། འདི་ལྟར་སེམས་ཅན་དམྱལ་བ་ལུས་བཀྲེས་པ་དང་སྐོམ་པས་འཁྲུགས་ཤིང་གདུངས་པ་དེ། གཤིན་རྗེའི་མི་སྟོབས་པོ་ཆེ་རྣམས་ཀྱིས་གཟུང་ངོ་།། བཟུང་ནས་ཀྱང་ཀྱེ་གྲོགས་པོ་དག་ཁྱེད་ལ་ཅི་གནོད་ཅེས་འདྲིའོ།། ལས་ཀྱི་དབང་གིས་བསྐུལ་བ་དེ་དག་བདག་ཅག་བཀྲེས་སོ་ཞེས་སྨྲའོ། ། དེ་ནས་དེ་དག་གཤིན་རྗེའི་མི་རྣམས་ཀྱིས་གཟུང་ངོ་།། བཟུང་ནས་ཀྱང་དེའི་ཁ་གཤོག་པར་བྱེད་དེ། དེའི་ལྕེ་འབྱིན་པར་བྱེད་དོ།། ལྕེ་དེ་ཡང་ལས་ཀྱི་དབང་གིས་དཔག་ཚད་ལྔ་བརྒྱ་ཙམ་དུ་འགྱུར་རོ། ། བརྫུན་དུ་སྨྲ་བ་དེའི་འབྲས་བུས་དེ་བྱུང་མ་ཐག་ཏུ། དེ་གཤིན་རྗེའི་མི་རྣམས་ཀྱིས་བཟུང་ནས། ལྕགས་ཀྱི་ས་གཞི་རབ་ཏུ་འཕར་བ་ལ་བ་ལྡག་ཏུ་འཇུག་ཅིང་། ལས་ཀྱིས་བྱས་པའི་ཐོང་གཤོལ་རྩེ་མོ་རབ་ཏུ་འབར་བ་དང་། རྨོད་གླང་སྟོབས་དང་ལྡན་པ་སྟོང་བྱུང་སྟེ། ལྕེ་དེའི་སྟེང་དུ་སོང་ནས་རྨོད་པར་བྱེད་དོ།། དེ་ལས་རྣག་དང་། ཁྲག་དང་། སྲིན་བུ་འཛག་པ་ཆུ་བོ་ལྟར་འབབ་བོ། རྣག་དང་སྲིན་བུར་འདྲེས་པའི་ལྕེ་དེ་ཡང་ཇི་ལྟར་ལྷ་རྣམས་ཀྱི་མིག་བཞིན་དུ་གཞོན་ཤ་ཅན་དུ་འགྱུར་ཏེ། དེའི་ལྕེའི་ཕྱོགས་ལ་རྨོད་པ་དེ་དག་སླར་ཡང་ཐ་མལ་པར་འགྱུར་རོ།། དེ་ནས་ཡང་ལོ་འབུམ་ཕྲག་དུ་མ་འམ། ལོ་བྱེ་བར་རྨོད་དེ། ལྕེ་དེ་ལ་སྡུག་བསྔལ་མི་བཟད་པ་འབྱུང་ངོ་།། ཚ་ཞིང་རྩུ་བ་ལ་རབ་ཏུ་རྩུབ་པ་དྲག་པ་པས་ཀྱང་ཤིན་ཏུ་དྲག་པ་སྡུག་བསྔལ་མི་བཟད་པབ་དག་གིས་ཉམ་ཐག་པ་དེ་ཀུ་ཅོ་འདོན། ཆོ་ངེས་འདེབས། དུ་སྐད་འབྱིན་ཀྱང་། དེའི་སྡུག་བསྔལ་དེ་སུས་ཀྱང་སེལ་བར་མི་བྱེད་དོ།། གང་བདག་གིས་བྱས་པ་དེ་དག་ནི་ཕ་མས་མ་བྱས། ལྷས་མ་བྱས། མི་གཞན་གྱིས་མ་བྱས། འདོད་རྒྱལ་ལས་མ་བྱུང་། གཞན་ནས་མ་འོངས། བྱས་པ་ཆུང་མི་ཟ་སྟེ། རང་གིས་བྱས་པའི་ལས་ཀྱི་འབྲས་བུ་ཡོད་དོ།། དེ་ནས་དེ་དག་དུ་སྐད་འབྱིན་བཞིན་དུ། འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ། རྩུབ་ཅིང་དྲག་ལ་བདེ་མེད་པ།། བརྫུན་དུ་སྨྲ་བ་རྣམ་པར་སྤོང་།། བརྫུན་དུ་སྨྲ་བའི་མི་རྣམས་ནི།། སེམས་དག་ཡང་ལ་རྣམ་པར་འཇིག། དེ་ནི་ཡིད་ཆེས་གནས་མ་ཡིན།། མཁས་པ་ཀུན་གྱིས་རྣམ་པར་སྤངས།། བདག་ཉིད་ལ་ནི་བསླུས་བྱས་ནས།། ཕ་རོལ་ལ་ནི་བརྫུན་སྤྲུག། སྐྱེས་བུ་དཔའ་སེམས་ཅན་དག་གིས།། དགྲ་བཞིན་དུ་ནི་རྣམ་པར་སྨད།། གང་ཚེ་བདག་དང་གཞན་འཇིག་པ།། དང་པོར་མི་མཐུན་ཁ་ནས་སྨྲ།། མི་ཡིས་རྣམ་པར་མ་སྤངས་ན།། ལྷ་རྣམས་ཀྱིས་ཀྱང་གཏོང་བར་བྱེད། ། ཡིད་ལ་བརྫུན་གྱི་ཚིག་སེམས་ན།། དམའ་ཞིང་འོག་མར་འགྲོ་བར་འགྱུར།། མི་གང་ལོག་པས་མངོན་ཉམས་པ།། དེ་དག་བདེ་བའི་གནས་མེད་དོ།། འཇིག་རྟེན་འཇིག་རྟེན་འདས་ལམ་ལ། ། བརྫུན་དུ་སྨྲ་བ་རྣམ་པར་སྨད།། འབྱེད་པས་འབྱེད་པའི་རྣམ་སྨིན་ཏེ།། བརྫུན་དུ་སྨྲ་བ་རྣམ་པར་སྤོངས།། དེ་ལྟར་དེ་ལ་གནས་པའི་མི།། དམྱལ་བ་ཡིན་པར་ཉེ་བར་བརྟག། མི་མཆོག་བདེན་པ་སྨྲ་བ་ནི།། འཇིག་རྟེན་ཀུན་གྱིས་མཆོད་པར་འགྱུར།། བརྫུན་དུ་སྨྲ་བ་རྣམ་པར་སྤོངས།། འོན་ཏང་བདེན་པའི་མཆོག་ཏུ་འགྱུར།། འཚེ་མེད་བདེན་ཚིག་སྨྲ་བ་ནི།། འབྱུང་པོ་ཀུན་ལ་བརྩེ་ཞིང་མཉེན། ། བདེན་པ་མཐོ་རིས་སྐས་ཡིན་ནིང་།། ཆོས་རྣམས་འབྱུང་ཁྲུང་ཆེན་པོ་ཡིན།། མི་གང་གཤིན་རྗེའི་འཇིག་རྟེན་དང་།། དེ་བཞིན་དམྱལ་བར་འགྲོ་བ་ཡི།། དེའི་རྒྱུ་བརྫུན་དུ་སྨྲ་བ་སྟེ། ། མི་མཁས་པ་དག་སྨྲ་བར་བྱེད།། དུག་དང་ཞགས་པ་གདོས་འདྲ་ཞིང་།། དེ་ནི་མཚོན་དུག་མེ་དང་འདྲ།། བརྫུན་དུ་སྨྲ་བར་མི་བྱ་སྟེ།། དེ་ཡི་འབྲས་བུ་སྡུག་བསྔལ་ཡང་།། དེ་ལྟར་ལས་འབྲས་ཞེ་འགྲས་པ།། དེ་ནི་རྣམ་སྟོན་འཆི་བར་བྱེད།། ཞི་བའི་ཚིག་ནི་སྨྲ་བར་གྱིས།། སྨད་པར་བྱ་བ་རྣམ་པར་སྤོངས།། དེ་ལྟར་སེམས་ཅན་དམྱལ་བ་དེ་སྡུག་བསྔལ་མི་བཟད་པ་མྱོང་བ་ན། དེ་ལོ་འབུམ་ཕྲག་དུ་མར་དེའི་ལྕེ་འབྱིན་པར་བྱེད་དོ།། དེ་གལ་ཏེ་ཡང་སེམས་ཅན་དམྱལ་བ་པ་དེའི་ཁའི་ནང་དུ་སྡུད་པར་བྱེད་དེ། འཇིགས་ཤིང་སྐྲག་ལ་བྱད་བཞིན་མོག་མོག་པོ་དེ་མ་མདག་གི་ཆུ་བོའི་ནང་དུ་སྲེག་བཞིན་དུ་ཀར་བབ་བབ་ཏུ་འབྲོས་སོ། ། དེ་ལྟར་སྡུག་བསྔལ་གྱིས་ཉེན་ཅིང་མགོན་མེད། སྐྱབས་མེད། དཔུང་གཉེན་མེད་པ་དེ་ལ་ཡང་གཤིན་རྗེའི་མི་རྣམས་འབྱུང་བ་འགྱུར་ཏེ། གཤིན་རྗེའི་མི་ལག་ན་ཐོ་བ་དང་རལ་གྲི་ཐོགས་པ་དེ་རྣམས་ཀྱིས། མི་དེ་ངུ་སྐད་འདོན་ཅིང་། ཡང་དང་ཡང་དུ་མནར་མེད་པའི་མེས་སྲེག་པ་ན། ཀླད་པ་ལ་སོགས་པ་ནས། རྐང་པའི་བར་དུ་ཕྱེ་མར་བྱེད་དོ།། དེ་ནས་ཡང་དགེ་སློང་དེ་ཕྲ་མ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་རྣམ་པར་སྨིན་པ་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་ཕྲ་མའི་ལས་ཀྱི་འབྲས་བུས་བསྐུལ་བའི་སེམས་ཅན་དམྱལ་བ་དེར་ཤིན་ཏུ་མི་བཟད་པའི་ས་གཞན་ལ་འཇུག་པར་བྱེད་དེ། དེ་གཤིན་རྗེའི་མི་དྲག་ཤུལ་ཆེན་པོ་སྟོན་པ་གཞན་རྣམས་ཀྱིས་གཟུང་ངོ་། ། བཟུང་ནས་སེམས་ཅན་དམྱལ་བ་པ་དེ་ལ། གཤིན་རྗེའི་མི་རྣམས་ཀྱིས་སྨྲས་པ། གྲོགས་པོ་དག་ཁྱེད་ལ་ཅི་གནོད།། དེ་དག་གིས་སྨྲས་པ། བདག་ཅག་ལ་བཀྲེས་པས་གནོད་དོ། ། དེ་ནས་གཤིན་རྗེའི་མི་རྣམས་ཀྱིས་དེའི་ཁ་དེ་བརྒྱངས་ནས་ལག་པས་ལྕེ་འབྱིན་པར་བྱེད་དོ།། དེ་ཡང་དཔག་ཚད་སུམ་བརྒྱར་གྱུར་ཏེ། དེ་ལྟར་ཕྱིར་ཞིང་རྒྱ་ཆེ་བར་འགྱུར་རོ། ། གཤིན་རྗེའི་མི་རྣམས་རལ་གྲི་སོ་རབ་ཏུ་འབར་བ་དག་བླངས་ཏེ། ལྕེ་དེ་ལ་གཅོད་པར་བྱེད་དོ།། ཁྱི་དང་ཝ་རྣམས་ཀྱིས་ཀྱང་ཕྱོགས་གཞན་དག་ལ་ཟ་བར་བྱེད་དེ། དེ་ལྟར་སྡུག་བསྔལ་མཆོག་ཏུ་ཚ་བ་མྱོང་བ་དག་སོ་སོར་མྱོང་ངོ་།། དེ་ལྕེ་དེ་དང་བྲལ་བའི་ཚིག་མི་གསལ་བས་དུ་སྐད་འབྱིན་ཅིང་ཆོ་ངེས་འདེབས་ཏེ། དེ་ལྟར་དེ་ངུ་སྐད་འབྱིན་པ་ན། འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ། འདུས་པའི་གོ་རིམས་བསྟན་པ།། །། དམ་པའི་ཆོས་དྲན་པ་ཉེ་བར་གཞག་པ་དམ་པོ་བཅུ་དྲུག་བ། ། དབྱེན་གྱི་བསམ་པ་མང་པོ་ཡིས།། ཁྱོད་ཀྱིས་མང་དུ་གང་སྨྲས་པ།། ཆོས་རྣམས་ཀྱི་ནི་སྡིག་པར་གྱུར།། དེ་ཡི་འབྲས་བུ་འདིར་འོངས་སོ།། མི་མཐུན་པ་ལ་གང་དགའ་བ། ། དེ་ནི་རྟག་ཏུ་མཛའ་བཤེས་དང་།། གཉེན་འདབ་རྩ་ལག་འབྱེད་པ་ཡིན།། དམ་པས་ཕྲ་མ་རྣམ་པར་སྨད།། སྲིད་པ་ཉམ་ངར་གར་སྐྱེས་པ།། རྟག་ཏུ་དམན་པར་སྐྱེ་བར་འགྱུར།། ཕྲ་མ་ལ་ནི་གང་སྦྱོར་བ།། ཕྱིར་ཞིང་གཏི་མུག་དབང་དུ་འགྲོ།། ཕྲ་མ་ལ་ནི་གང་འཇུག་པ།། སྡིག་པ་སྟེན་པར་བྱེད་པ་སྟེ།། སྡིག་པའི་ལས་ཀྱིས་དམྱལ་བ་རུ།། ཡང་དང་ཡང་དུ་འཚེད་པར་བྱེད། ། ཕྲ་མའི་ཁ་ནི་གཉིས་སུ་མཐོང་།། ཕྱི་མའི་ཤལ་ཤིན་ཏུ་ཟ།། ཡིད་གཅུགས་དམ་པ་མེད་པར་བྱེད།། གསང་བའི་ཚིག་ནི་སུན་འབྱིན་ཏོ།། གང་དག་ཕྲ་མ་སྤངས་པ་ནི།། དེ་ལ་རྟག་ཏུ་གྲུབ་པ་གནས། ། མཛའ་བཤེས་གཉེན་འདབ་རྩ་ལག་དང་།། དེ་ནི་ནམས་ཀྱང་འབྲལ་མི་འགྱུར།། ཕྲ་མ་སྤངས་པ་ཞི་བ་ནི།། ལེགས་ཤིང་སྡིག་དང་བྲལ་བ་ཡིན།། དེ་ནི་རྟག་ཏུ་ས་བདག་གི། གསང་བ་འཛིན་པར་བྱེད་པ་ཡིན།། ཆོས་ནི་མ་སྤྱད་གང་ཡང་མེད།། ཕྲ་མ་དག་ཀྱང་མ་སྤངས་པ།། ཕྲ་མའི་འབྲས་བུ་མྱོང་བར་གྱིས།། དེ་རིང་ཅི་ཞིག་ཡོངས་སུ་སྨྲ།། དེ་ལྟར་རྗེས་སུ་བསྟན་ཅིང་ལྕེའི་སྡུག་བསྔལ་མྱོང་བ་ན། དེ་ལོ་འབུམ་ཕྲག་དུ་མར་སྡུག་བསྔལ་གྱི་ནང་དུ་སོང་སྟེ་བྱིང་ངོ་།། དེ་སྡུག་བསྔལ་ཚ་བ་རྩུབ་པ་མྱོང་བ་ན། གལ་ཏེ་ཡང་དེའི་ལྕེ་འཇམ་པོར་འགྱུར་ཏེ། གཤིན་རྗེའི་མི་དེ་དག་ཀྱང་མི་སྣང་བར་འགྱུར་རོ།། དེ་དག་དེ་ལས་ཐར་ན། སེམས་ཅན་དམྱལ་བ་པ་ཤིན་ཏུ་མི་བཟད་ཅིང་དྲག་པ་ལས་ཀྱི་ཤིང་གི་མཐུ་དང་། རྣམ་པར་སྨིན་པའི་རླུང་མར་ལངས་པར་མེས་སྲེག་པ་ན། གར་བབ་བབ་ཏུ་འབྲོས་སོ།། དེ་ནས་གཤིན་རྗེའི་མི་གཞན་དག་གིས་སེམས་ཅན་དམྱལ་བ་དེ་གཟུང་ངོ་།། བཟུང་ནས་ཀྱང་སྨྲས་པ། གྲོགས་པོ་དག་ཁྱེད་ལ་ཅི་གནོད། ལས་ཀྱི་འབྲས་བུས་བསྐུལ་བ་དེ་དག་གིས་སྨྲས་པ། ལྕེའི་སྡུག་བསྔལ་གནོད་དོ།། དེ་ནས་ལྕེ་དེ་བརྒྱངས་ནས་གཟུང་ངོ་།། གཟུང་ནས་མཚོན་སོ་བརྡར་བ་རྣམས་ཀྱིས་གཏུབ་གཏུབ་ནས་ཡང་དེ་ཉིད་ཟར་གཞུག་པའི་ཕྱིར་ཁའི་ནང་དུ་འཇུག་སྟེ། བཀྲེས་པ་དང་སྐོམ་པས་གདུངས་ཤིང་ཁ་གདོང་ཉམས་པ་དེ་རང་གི་ཁྲག་དང་། ཁ་ཆུ་འཛག་པ་དང་། རང་གི་ལྕེ་དེ་ཉིད་ལ་ཟའོ།། ལྕེ་གཏུ་བ་གཏུབ་པ་དེ་ལས་ཀྱི་དབང་གིས་ཡང་སྐྱེ་བར་འགྱུར་ཏེ། དེ་ནས་ཡང་སྡུག་བསྦྲུལ་གྱིས་ཉམ་ཐག་པ་དག་ས་ལ་འཕྱེ་ཞིང་འགྲེ་ལྡོག་ལ་ཡོངས་སུ་ངུ་སྐད་འབྱིན་ཏོ། ། དེ་སྡུག་བསྔལ་གྱིས་ཉམ་ཐག་པ་དེའི་མིག་གི་འབྲས་བུ་ནི་གྱུར། སྡུག་བསྔལ་གྱིས་ཉམ་ཐག་ཅིང་དམན་ལ་གྲོགས་མེད་པ་གཅིག་པུ་རང་གིས་བྱས་པ་ལ་ཉེ་བར་སྤྱོད་དོ། ། འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ། ཚིག་རྩུབ་ཅེས་བྱ་གང་མཐོང་བ།། མདའ་ལྟར་རྣོ་བ་ཁྱོད་ཀྱི་ཚིག། གཞུ་ལྟ་བུ་ཡི་ལྕེ་ལས་འཕདྲ།། དེ་ཡི་འབྲས་བུ་འདིར་འོངས་སོ།། གང་ལ་ཚིག་རྩུབ་འབྱུང་བ་ནི།། དུག་ལྟ་བུ་ཡི་ལྕེ་ལས་བྱུང་།། འཇིག་རྟེན་ལ་ནི་ཤ་ཟ་འདྲ།། དེ་དག་ཡོངས་སུ་སྤང་བར་གྱིས།། ཇི་ལྟར་ཡིད་འབྱུང་འགྱུར་བ་ནི། ། ཉམ་ངར་ཚིག་རྩུབ་སྨྲ་བ་སྟེ།། མེ་མཚོན་དུག་ནི་བྱུང་བ་ལ།། མི་དག་དེ་ལྟར་ཡིད་མི་འབྱུང་།། གཙུ་པ་ཤིང་ལྟ་བུའི་ལྕེ་ལས་བྱུང་།། ཤིང་ལྟ་བུ་ཡི་སྙིང་གིས་སྤེལ།། འཇིག་རྟེན་ཚིག་རྩུབ་མེ་ལྟར་འབར།། ཤིང་སྐམ་ལྟ་བུར་སྲེག་པར་བྱེད།། གང་དག་སྙན་པར་སྨྲ་ལ་དགའ།། འཇིག་རྟེན་ཀུན་གྱིས་ཕྱག་བྱེད་དོ།། འཇིག་རྟེན་ཀུན་ལ་མ་དང་འདྲ།། དེ་ནི་ཕྲ་དང་འདྲ་བར་དགའ། ། དང་པོར་སྙན་པར་སྨྲ་བ་དགེ། བདེ་འཇམ་བདེ་བ་འབྱུང་བ་ཡིན།། སྡིག་པ་མི་བཟད་སེལ་བ་དང་།། མི་སྡུགས་ཀུན་སྐྱོང་བ་ཡིན།། ཚིག་སྙན་མཐོ་རིས་སྐས་ཡིན་ཏེ། ཚིག་སྙན་དགེ་བའི་གཏེར་ཡིན་ནོ།། ཚིག་སྙན་འཇིག་རྟེན་གཉེན་ཡིན་ཏེ།། ཚིག་སྙན་ལེགས་པ་མངོན་པར་གྲུབ།། ཁྱོད་ཀྱིས་ཚིག་རྩུབ་དེ་སྨྲས་པས།། སེམས་ཅན་དམྱལ་བ་དྲག་པོར་འོངས།། ལྕེ་དེ་དག་ལའང་གནོད་པར་བྱེད།། དེ་རིང་ཅི་ཞིག་ཡོངས་སུ་སྨྲ།། དེ་ལྟར་རྗེས་སུ་བསྟན་པ་ན་བརྫུན་དུ་སྨྲས་པ་དེ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་ལ་རྗེས་སུ་ཡི་རང་ཞིང་མ་བཤགས་པ་དང་། ལོ་འབུམ་ཕྲག་དུ་མར་ལྷན་ཅིག་གནས་སོ།། དེ་གལ་ཏེ་ཡང་དེ་ལས་ཐར་ན། གར་བབ་བབ་ཏུ་འབྲོས་པ་དང་། དེ་ནས་མདུན་ནས་གཤིན་རྗེའི་མི་རྣམས་ཀྱིས་བཟུང་སྟེ། དེ་སྡུག་བསྔལ་མི་བཟད་ལ་དྲག་པས་ཡོངས་སུ་གདུངས་ཤིང་ཚོར་བར་བྱེད་པ་མཐོང་ངོ་། ། དེ་ནས་ཡང་དགེ་སློང་དེ་ཚིག་བཀྲལ་པ་ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་པའི་སྡིག་པ་མི་དགེ་བའི་ལས་ཀྱི་འབྲས་བུའི་རྣམ་པར་སྨིན་པ་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་བརྟགས་ན། སེམས་ཅན་དམྱལ་བབ་འདི་དག་རང་གི་ལས་ཀྱི་འབྲས་བུ་ལ་སྤྱོད་པ། སྡུག་བསྔལ་གྱིས་ཉམ་ཐག་ཅིང་ཤིན་ཏུ་མི་བདེ་བ་དེ་དག་གཤིན་རྗེའི་མི་རྣམས་ལས་ཐར་ནས་ཀྱང་། གར་བབ་བབ་ཏུ་འབྲོས་སོ།། དེ་ནས་གཤིན་རྗེའི་མི་གཞན་དག་གིས་བཟུང་ནས་སྦས་པ། ཀྱེ་ཚོགས་པོ་དག་ཁྱེད་ལ་ཅི་གནོད། དེ་དག་གིས་སྨྲས་པ། བདག་ཅག་ལ་བཀྲེས་པ་དང་སྤྲོས་པ་གནོད་དོ་ཞེས་སྨྲས་ནས་ཚིགས་སུ་བཅད་དེ་སྨྲས་པ། མར་གྱུར་པ་སྟོང་ཕྲག་དག། རང་གི་ལུས་ལས་གཙུབ་ཤིང་བྱུང་།། བཀྲེས་དང་སྐོམ་ལས་བྱུང་བའི་མེས།། བདག་ལ་མི་བཟད་སྲེག་པར་བྱེད།། ཁ་བ་མེ་ལྟར་ཁྱད་པར་ཆེ།། དེ་ནི་རི་རབ་ཡུངས་འབྲུ་བཞིན། ། སེམས་ཅན་དམྱལ་བར་སྲེག་པ་ནི།། བསྲེག་པའི་ཁྱད་པར་དེ་འདྲའོ།། སེམས་ཅན་དམྱལ་བའི་མེ་བྱུང་བས།། དེ་ནི་གཞན་དུ་གནོད་པར་བྱེད།། བཀྲེས་དང་སྐོམ་ལས་བྱུང་བའི་མེ། ། ལྷ་དག་ལ་ཡང་ཡོད་མ་ཡིན།། གནོད་པ་མི་བཟད་གང་ཡིན་པ།། དེ་དག་དམྱལ་བར་བདག་ལ་བྱུང་།། བཀྲེས་པའི་མེ་ཡིས་གནོད་པ་ལྟར།། དེ་དག་དེ་ལྟར་མི་གནོད་དོ།། ། དེའི་ཚིག་དེ་ཐོས་ནས་གཤིན་རྗེའི་ཕོ་ཉ་དག་ཕྲ་སྐམ་རབ་ཏུ་འབར་བ་བླངས་ནས་ཁ་གདངས་པའི་ནང་དུ་སྣོད་རབ་ཏུ་འབར་བར་ཟངས་ཤིན་ཏུ་བཞུས་པ་ཁྱེར་ནས་བླུགས་ཏེ། ཚིག་བཀྱལ་པ་སྨྲས་པའི་འབྲས་བུ་དེས་ཇི་ལྟར་ཁ་བ་ཆལ་ཆོལ་མེའི་ནང་དུ་འཇུ་བ་ལྟར་དེའི་ལྕེ་ཡང་དེ་ལྟར་སྲེག་གོ། ། དེ་སྲེག་པ་མི་འདྲ་བ་གཉིས་ཀྱིས་སྲེག་པ་ན་ངུ་སྐད་འབྱིན། ཆོ་ངེས་འདེབས། ཀུ་ཅོ་འདོན་ཅིང་མིག་ཤིན་ཏུ་འགྱུར་བར་བྱེད་དེ། ཟངས་དམར་པོ་རབ་ཏུ་འབར་བ་དེས་དེའི་ལྕེ་སྲེག་པར་བྱེད་དོ།། ལྕེ་བ་སྲེགས་ནས་མེད་པ་སྲེག་གོ།། མིད་པ་བསྲེགས་ནས་སྙིང་སྲེག་གོ།། སྙིང་བསྲེགས་ནས་རྒྱུ་མ་སྲེག་གོ།། དེ་དག་ཀྱང་བསྲེགས་ནས་ལོང་ཀ་སྲེག་གོ།། ལོང་ཀ་ཡང་བསྲེགས་ནས་འཐུར་དུ་བྱུང་ངོ་།། དེ་ལྟར་དེ་སྲེག་པ་ན། འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ།། ཕྱིའི་བྲེལ་པ་མེད་པའི་ཚིག། དོན་མེད་ཐོག་ཏུ་མི་ཕེབས་ཏེ།། འབྲེལ་མེད་ཁྱོད་ཀྱིས་གང་སྨྲས་པ།། དེ་ཡི་འབྲས་བུ་འདི་འདྲའོ།། གང་དག་རྟག་ཏུ་བདེན་མི་སྨྲ།། ཚིག་དོན་བཟང་པོ་མ་ཡིན་ཞིང་།། ལྕེ་དེ་མཁས་པས་མི་མཐོང་སྟེ།། ཤ་ཡི་གོང་བུ་ཙམ་དུ་ཟད།། གང་དག་རྟག་ང་བདེན་སྨྲས་པ།། ཡོན་ཏན་བརྟན་ཞིང་རྟག་ཏུ་ལེགས།། དེ་ནི་མཐོ་རིས་སྐས་ཡིན་ཏེ།། དེ་ལ་ལྕེ་ཞེས་མི་བརྗོད་དོ།། དེནས་གཤིན་རྗེའི་མི་དེ་དག་གིས་སེམས་ཅན་དམྱལ་བ་པ་དེ་ལ་རྗེས་སུ་བསྟན་ནས། ཟངས་དམར་པོ་རབ་ཏུ་བསྐོལ་བ་དེ་དག་སེམས་ཅན་དམྱལ་བ་པ་དེའི་ཁར་ལྡུགས་ཏེ། ལོ་འབུམ་ཕྲག་དུ་མར་འབྲེལ། བ་མེད་པར་སྨྲ་བ་དེའི་རྣམ་པར་སྨིན་པ་སྙིང་རྗེ་རྗེ་ལྟར་མྱོང་ངོ་།། དེ་ནས་གལ་ཏེ་སེམས་ཅན་དམྱལ་བ་པ་དེ་གཤིན་རྗེའི་མི་དེ་དག་གིས་བཏང་ནས་གར་བབ་བབ་ཏུ་འབྲོས་སོ།། མེ་མདག་གི་ཆུ་བོའི་ནིང་དག་ཏུ་བྱིང་སྟེ། རབ་ཏུ་འཇུ་བ་ན། རྐང་པ་དང་། བྱིན་པ་དང་། རྐེད་པ་དག་མེ་མདག་གི་ཆུ་བོ་དེ་དག་གི་ནང་དུ་མར་གསར་གྱི་གོང་བུ་ལྟ་བུར་རབ་ཏུ་འཇུ་བར་བྱེད་དོ།། དེ་ནས་ཡང་འབྱུང་བར་འགྱུར་ཏེ། དེ་ལྟར་མགོན་འདོད་པ། སྐྱབས་འདོད་པ། དཔུང་གཉེན་འདོད་པ་དེ་གར་བབ་བབ་ཏུ་འབྲོས་སོ།། དེ་ནས་ལས་ཀྱིས་བྱས་པའི་ནོར་རྫས་མང་པོ་གསོབ་གསོག་སྙིང་པོ་མེད་པ་གཞན་གྱིས་ཡོངས་སུ་བཟུང་བ་དག་ལ། ལས་ཀྱིས་བསྐུལ་བ་རྨོངས་པ་དེ། འདི་ནི་བདག་གི་ཡིན་ནོ་སྙམ་མོ།། དེ་ནས་སེམས་ཅན་དམྱལ་བ་པ་དེ་ནོར་རྫས་ག་ལ་ཡོད་པ་དེ་ཉིད་དུ་རྒྱུག་གོ། ། དེ་བརྣབ་སེམས་མི་དགེ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་འབྲས་བུ་འདི་ནི་གང་སེམས་ཅན་དམྱལ་བ་པ་དེས་དེ་ལྟར་ལོག་པར་མཐོང་བ་ཡིན་ནོ།། དེ་ལྟར་བརྣབ་སེམས་མང་པོར་མཐོང་བ་དེའི་ལག་ཏུ་མཚོན་ཆ་འབྱུང་བར་འགྱུར་ཏེ། དེས་བརྒྱུགས་པ་དང་། སེམས་ཅན་དམྱལ་བ་པ་གཞན་དག་གི་ལག་ཏུ་ཡང་མཚོན་ཆ་འབྱུང་བར་འགྱུར་ཏེ། དེ་དང་དེ་དག་ལྷན་ཅིག་མཚོན་གྱིས་འགྱུར་དོ།། སེམས་ཅན་དམྱལ་བ་པ་དེ་དང་དེ་དག་མཚོན་རྣོན་པོ་རྣམས་ཀྱིས་འཇོག་པར་བྱེད་དོ།། འཇོག་པ་དེ་དག་ཀྱང་རུས་གོང་གི་ལྷག་མ་དེ་ཙམ་ཞིག་ལུས་པར་བྱེད་དོ། ། དེ་ནས་ཡང་སླར་སྐྱེ་བར་འགྱུར་ཏེ། ཡང་དེ་བཞིན་འཇོག་པར་བྱེད་ཅིང་དེ་དག་ཡང་སྐྱེ་བར་འགྱུར་རོ།། དེ་ནས་ལོ་འབུམ་ཕྲག་དུ་མ་འདས་པ་དང་། ལས་ཀྱིས་བྱས་པའི་གཤིན་རྗེའི་མི་རྣམས་འོངས་ནས་དེ་དག་གིས་མཚོན་ཆ་རྣོན་པོ་བླངས་ཏེ། སེམས་ཅན་དམྱལ་བ་བ་དེ་རྣམས་དང་། སེམས་ཅན་དམྱལ་བ་པ་གཞན་དེ་རྣམས་ལ་ཇི་ལྟར་ཡུངས་འབྲུ་བས་ཀྱང་ཕྲ་བ་དེ་ལྟར་ལུས་ཀྱི་ཤལ་འཇོག་སྟེ། དེ་ལྟར་རུས་གོང་གི་ལྷག་མ་ཙམ་ཞིག་ལུས་པར་བྱེད་དོ།། དེ་དུ་སྐད་འབྱིན། ཆོ་ངེས་འདེབས། དྲ་ཞིང་སྨྲེ་སྔགས་འདོན་པ་བཞིག་བཞོག་ནས་ཡང་སྐྱེ་བར་འགྱུར་ཏེ། ཇི་ལྟར་ཆུ་སྲིན་བྱིས་པ་གསོད་བཞོག་བཞོག་ནས་ཆུའི་ནང་དུ་བཅུག་པ་དང་། དེ་ནས་ཡང་སླར་སྐྱེ་བར་འགྱུར་བ་དེ་བཞིན་དུ། སེམས་ཅན་དམྱལ་བ་པ་དེ་དག་ཡང་སླར་སྐྱེ་བར་འགྱུར་རོ། ། དེ་ལྟར་སྡུག་བསྔལ་གྱིས་ཉམ་ཟག་ཅིང་ངུ་སྐད་འབྱིན་པ་དེ་དག་ལ། འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ། བརྣབ་སེམས་ཀྱིས་ནི་ཉམས་པའི་མི། ། བརྣབ་སེམས་ཀྱིས་ནི་ཡོངས་སུ་བསླུས།། གཞན་ནོར་བདག་གིར་བྱ་སྙམ་པ།། དེ་ལྟར་དེ་ནི་བསླུས་པ་ཡིན།། བརྣབ་སེམས་སྡིག་པ་ཡིད་བྱེད་པ། ། མཛངས་པ་རྣམས་ཀྱིས་མ་བསྟན་ཏོ།། མར་མེ་འབར་བའི་མེ་བཞིན་དུ།། བདག་གིས་བྱས་པས་སྲེག་པར་བྱེད།། བརྣབ་སེམས་སྡིག་པ་ཡིད་བྱེད་པ།། གནོད་པ་དག་ནི་ཉེ་བར་བྱེད། ། ཚ་བར་སྨིན་ཅིང་དུག་བྱུང་བ།། གང་ཡིན་དེ་ནི་རྟག་ཏུ་སྤོངས།། གཞན་གྱི་ཕུན་སུམ་ཚོགས་མཐོང་ནས།། བདག་གིར་བྱ་སྙམ་བསམས་པ་ནི།། བརྣབ་སེམས་དེ་ཡིས་བསླངས་པ་ཡི། ། དུག་གི་འབྲས་བུ་འདིར་འོངས་སོ།། དེ་ལྟར་དེ་གཤིན་རྗེའི་མི་དེ་རྣམས་ཀྱིས་སྤྱོ་སྐྱོ་བརྒྱད་བརྒྱད་ནས། ལོ་འབུམ་ཕྲག་མང་པོར་གནོད་པ་ཉིད་ཀྱིས་གནོད་པར་བྱེད་དེ། དེ་སྡིག་པའི་ལས་ཀྱིས་འབྱང་བར་མི་འགྱུར་རོ། ། དེ་ནས་ཡུན་རིང་མོ་ཞིག་འདས་ནས་སེམས་ཅན་དམྱལ་བ་དེ་མེ་མདག་གི་ཆུ་བོའི་ནང་དུ་བྱིང་ཞིང་བྲོས་པ་ན། གར་བབ་བབ་ཏུ་བྲོས་པ་དང་། ལྕགས་ཀྱི་ས་གཞི་རབ་ཏུ་འབར་བའི་སྟེང་དུ་བབ་ནས། དེ་ཡང་དང་ཡང་དུ་འགྲེ་ལྡོག་སྟེ། ལངས་ནས་ཀུན་ཏུ་རྒྱུག་པ་ན། གཅིག་པུ་གཉིས་སུ་མེད་ཅིང་གྲོགས་མེད་པ་ལས་ཀྱི་དབང་གིས་གྱུར་པའི་སེམས་ཅན་དམྱལ་བ་པ་ལས་ཀྱི་དགྲའི་ནང་དུ་སོང་ངོ་། ། གལ་ཏེ་ཡང་གཤིན་རྗེའི་མི་དེ་དག་ལས་ཐར་ནས། གར་བབ་བབ་ཏུ་འབྲོས་སོ།། དེ་ནས་གནོད་སེམས་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དེའི་འབྲས་བུ་ཉེ་བར་གནས་པ་ནི་མགོན་འདོད་པ། ། སྐྱབས་འདོད་པ། དཔུང་གཉེན་འདོད་པ་དེ། སྐྱབས་དང་དཔུང་གཉེན་འདོད་ཅིང་། ལས་ཀྱིས་བྱས་པའི་སེང་གེ་དང་། སྟག་དང་། སྦྲུལ་ཤིན་ཏུ་ཁྲོས་པ་དག་མདུན་དུ་འདུག་པ་དང་། དེ་དེ་དག་ལ་འཇིགས་ནས་གར་བབ་བབ་ཏུ་འབྲོས་ཀྱང་དེ་མི་དགེ་བའི་ལས་ཀྱིས་འབྲོས་པར་ག་ལ་ནུས་ཏེ། དེ་དེ་དག་གིས་གཟུང་ངོ་།། བཟུང་ནས་ཀྱང་ཤིན་ཏུ་འཁྲུགས་པ་རྣམས་ཀྱིས་དང་པོར་རེ་ཞིག་ཀླད་པ་ལ་ཟའོ།། དེའི་ཀླད་པ་ལ་ཟ་བ་ན་དུ་སྐད་འབྱིན་ཅིང་། སྨྲེ་སྔགས་འདོན་ལ་འགྲེ་ལྡོག་པར་བྱེད་དོ། ། དེའི་རྩིབ་ལོགས་ལ་ཡང་མཆེ་བ་དུག་ལྟར་རྣོ་བ་ཀུན་གྱིས་བྲད་བྲང་ནས་ཟ་ཞིང་སྟག་དག་གིས་ཀྱང་རྒྱབ་ཏུ་ཟོས་རྐང་པ་ནི་མེས་བསྲེགས་ཤིང་གཤིན་རྗེའི་མི་རྣམས་ཀྱིས་ཀྱང་རྒྱང་རིང་པོ་ལ་སོགས་པར་འཕངས་སོ། ། དེ་ལྟར་སྙིང་རྗེ་ཆེན་པོའི་ཤུགས་ཐོབ་པ་དེ་ལ་འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ། མི་ཡི་སྐྱེས་བུ་ཐ་མ་ལ། ། གནོད་སེམས་མེ་འདྲ་ཡོད་པ་ནི།། སྲེག་པ་དག་ལས་སྲེག་པ་ཐོབ།། དོན་མེད་ཅི་ཞིག་ཡོངས་སུ་སྨྲ།། སེམས་ཅན་དམྱལ་བར་སྐྱེ་བ་ཡི།། རྒྱུ་ནི་མི་བཟད་གནོད་སེམས་ཡིན།། ཐག་པ་གང་གིས་བཅིངས་པ་ཡི།། མི་ནི་ཡོངས་སུ་ཁྲིད་པར་བྱེད།། གནོད་སེམས་དག་གིས་རྨོངས་པའི་མི།། རྟག་ཏུ་དེ་ལ་ཡིད་འཇུག་པ།། ཞི་བར་ཤིན་ཏུ་མི་འགྱུར་ཏེ།། བུ་གའི་ནང་ན་སྦྲུལ་གདུག་བཞིན། ། མི་གང་གནོད་སེམས་མི་བཟད་ཅིང་།། ཤིན་ཏུ་དྲག་པའི་ངོ་བོ་ནི།། ཉི་མ་ལ་ནི་མུན་པ་བཞིན།། དེ་དག་ལ་ནི་བདེ་བ་མེད།། གནོད་སེམས་སྙིང་ལ་ཡོད་པ་ནི།། ཀུན་གྱིས་བསྲུང་བར་མི་ནུས་ཏེ།། བཤེས་གྲོགས་གཉེན་གྱི་མིས་མ་ཡིན།། ཆོས་དང་དོན་གྱི་ཚོགས་ཀྱིས་མིན།། གནོད་སེམས་དེ་ནི་མུན་པ་ཡི།། ཚོགས་དང་འདྲ་ཞེས་བརྗོད་པ་ཡིན།། གནོད་སེམས་སྐྱེད་པར་བྱེད་པ་ནི།། གནོད་སེམས་ཞེས་ནི་ཡོངས་སུ་སྒྲོགས།། གནོད་སེམས་མེད་པ་ཇི་ལྟར་འགྱུར།། གནོད་སེམས་མེད་པ་མཆོག་ཏུ་དགེ། གནོད་སེམས་ཡོད་པ་ཕ་རོལ་ཏུ། ། མི་བཟད་འཆི་བར་དེ་དག་འགྲོ།། གནོད་སེམས་ཀྱིས་ནི་དྲངས་པ་དག། སེམས་ཅན་དམྱལ་བ་དྲག་པོར་འོངས།། ལས་ཟད་ནས་ནི་ཐར་འགྱུར་ཞིང་།། དམྱལ་བར་འགྲོ་ལྡོག་མི་བྱེད་དོ། ། དེ་ལྟར་དེ་བསྟན་ཅིང་རྗེས་སུ་བསྟན་ནས། གཤིན་རྗེའི་མི་རྣམས་དང་། སེང་གེ་དང་། སྟག་གནོད་སེམས་མང་དུ་ཡོད་པ་རྣམས་ཀྱིས་མཐུན་པར་རྡེག་ཅིང་ཟ་བར་བྱེད་དེ་ས་བོན་ལས་འབྲས་བུ་འབྱུང་བ་བཞིན་དུ་དེའི་གནོད་སེམས་དང་མཐུན་པར་ལས་ཀྱི་རྣམ་པར་སྨིན་པ་འབྱུང་སྟེ། དེ་ལྟར་སེམས་ཅན་དམྱལ་བ་པ་དེ་ལས་དེའི་འབྲས་བུས་འཚེད་ཅིང་ཟའོ། ། དེ་གལ་ཏེ་དེ་ཡང་དེ་ལས་ཐར་ནས། མགོན་འདོད་པ། སྐྱབས་འདོད་པ། དཔུང་གདོད་པ་དེ་གར་བབ་བབ་ཏུ་འབྲོས་སོ།། སྡིག་པ་ཆེན་པོས་བསྐུལ་བ་ལོག་པར་ལྟ་བ་མཚམས་མེད་པ་ལྔའི་ལམ་ནི་འདི་ཡིན་ཏེ། མནར་མེད་པར་སྐྱེས་ནས། དེ་ནས་ངེས་པར་མྱོང་བར་འགྱུར་བའི་མཚམས་མེད་པ་གཞན་དག་ཡོད་པ་དེར་སྐྱེ་ལ། སྐྱེས་མ་ཐག་ཏུ་ལས་སོ་སོར་མྱོང་བར་འགྱུར་རོ། ། སེམས་ཅན་དམྱལ་བ་པ་དེ་མུ་སྟེགས་ཀུན་ཏུ་རྒྱུ་དང་། རྫོགས་བྱེད་དང་། ལྷས་བྱིན་དང་། ཀོ་ཀ་ལི་ཀ་གང་དུ་འཚེད་པའི་གནས་དེར་སེམས་ཅན་དམྱལ་བ་པ་ཆེན་པོ་འདི་ཡང་འགྲོ་བར་འགྱུར་ཏེ། གང་ན་སྡུག་བསྔལ་ངེས་པར་མྱོང་བར་འགྱུར་བ་མི་བཟད་པ། ཚ་བ་དྲག་པ་བས་ཀྱང་ཤིན་ཏུ་དྲག་པ་དེ་དག་རྗེས་སུ་མྱོང་ངོ་།། དེའི་སྡུག་བསྔལ་སེམས་ཅན་ཐམས་ཅད་ཀྱིས་དཔེ་བྱ་བར་བླ་བ་མ་ཡིན་ཏེ། མནར་མེད་པའི་སྡུག་བསྔལ་དེ་མྱོང་བར་འགྱུར་རོ།། སྡིག་པ་བྱེད་པ་དེ་མུན་པའི་ཚོགས་སུ་གྱུར་པ་དང་། སེམས་ཅན་ཐམས་ཅད་སྤུ་ཟིང་ཞེས་བྱེད་པ་མནར་མེད་པ་ཆེན་པོ་ག་ལ་བདེར་འཚེད་དོ། ། སྲེག་གོ།། གཤོག་གོ། མཚོན་ཆར་ལྟར་འབབ་པས་འཇོག་གོ།། དེ་ནས་ཡང་འབྱུང་བར་འགྱུར་ཏེ། ཡང་འཇོག་གོ།། གཤོག་གོ།། སྲེག་གོ།། མདའ་བོ་ཆེ་དང་རྡོ་རྗེ་དང་། སེར་བ་དང་། རྡོ་ཆར་ལྟར་འབབ་པས་གསོད་དོ།། དེ་ལྟར་མཚམས་མེད་པ་ལྔ་བྱེད་པ་དེ་དག་སྲེག་པ་ན། མེའི་ཕུང་པོ་ཆེན་པོ་བཅུ་གཅིག་བྱུང་སྟེ། དེ་དག་ཤིན་ཏུ་སྡུག་བསྔལ་བར་བྱེད་དོ། ། དེར་ཕྱོགས་བཅུའི་མེ་འབར་བ་བཅུ་དང་། མེའི་ཕུང་པོ་བཅུ་གཅིག་འབྱུང་སྟེ། བཀྲེས་པ་དང་སྐོམ་པ་བྱས་ནས་ཁར་བྱུང་ངོ་།། དེའི་ལུས་ཀྱི་སྟེང་འོག་དང་། རྩིབ་ལོགས་སུ་འབར་བའི་འཕྲེང་བ་མཆེད་ནས་ཇི་ལྟར་དེའི་ལུས་ཀྱི་གསེ་བ་ཕྲ་མོ་ཡང་མི་མངོན་པ་དེ་ལྟར་སྲེག་གོ། མེ་དེ་ཡང་ཇི་ལྟར་སྐྲ་དེ་དག་གི་རྩེ་མོའི་བར་ཡང་མི་མངོན་པ་དེ་ལྟར་ཕན་ཚུན་ཤིན་ཏུ་ཉོན་མོངས་པར་འཚེད་པས་མནར་མེད་དོ། ། བདེ་བའི་བར་སྐབས་ཀྱི་དུས་ཅུང་ཟད་ཀྱང་མེད་པས་མནར་མེད་དོ།། དབང་པོ་ཐམས་ཅད་ཡུལ་ཀུན་ལ་འཚེད་ཅིང་ཡིད་དང་འགལ་བས་མནར་མེད་དེ། འཇིག་རྟེན་དེ་ནས་ཤི་ནས་སེམས་ཅན་དམྱལ་བ་ཆེན་པོ་མནར་མེད་པ་མ་གཏོགས་པར་དེ་ལས་གཞན་དུ་མི་སྐྱེ་སྟེ། མནར་བའི་གཞི་མེད་ཅིང་གནོད་པའི་གྲངས་ཀྱི་བར་མེད་པའི་ཕྱིར་མནར་མེད་དོ།། འདོད་པའི་ཁམས་སུ་གཏོགས་པའི་སེམས་ཅན་ཐམས་ཅད་ཀྱི་འོག་ཏུ་གྱུར་པ་ནི་མནར་མེད་པ་དེ་དག་ཡིན་སྟེ། གཞན་དག་མནར་མེད་པ་ཡིན་པས་མནར་མེད་དོ།། སེམས་ཅན་དམྱལ་བ་ཆེན་པོ་དེའི་མགོ་ལ་ཇི་ལྟར་སྟེང་ནས་གནོད་པས་ཀུན་ནས་ཉོན་མོངས་པ་ལྟར་དེའི་མགོ་ལ་ཡང་དེའི་བར་སྐབས་ཀྱི་གཞི་མེད་པས་མནར་མེད་དོ། ། ས་གཞི་ཟངས་དམར་པོ་རབ་ཏུ་བསྐོལ་བ་དང་། ཁྲག་དང་། ཤ་དང་། རུས་པར་འདྲེས་ཤིང་འཁྲུགས་པ་དག་ལ་བར་མེད་པ་དེ་བཞིན་དུ། མནར་མེད་པ་ཡང་པགས་པ་དང་། ཤ་དང་། ཚིལ་དང་། རུས་པ་དང་། རྐང་དུ་གཏོགས་པ་ཐམས་ཅད་རབ་ཏུ་འབར་ཏེ། དེ་ལྟར་ཀུན་ནས་རབ་ཏུ་འབར་བདག་ལ་མངོན་པ་མེད་ཅིང་མནར་བའི་གཞི་ཅུང་ཟད་ཀྱང་མེད་པའི་ཕྱིར་མནར་མེད་དོ།། རི་ལས་ཆུ་འབབ་པའི་ཤུགས་ལྟར་ཉིན་གཅིག་བཞིན་དུ་གནོད་པ་དཔེ་མེད་འཕེལ་ཞིང་འབྱུང་སྟེ། དེ་ལྟར་གནོད་པ་རྣམས་མནར་བའི་གཞི་ཅུང་ཟད་ཀྱང་མེད་པས་མནར་མེད་དོ།། སྲིད་པ་བར་མ་འགག་པ་དང་དུས་མཉམ་དུ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་དེར་སྐྱེས་ནས་མནར་བའི་གཞིའི་བར་ཤིན་ཏུ་ཆུང་བ་ཡང་མེད་པའི་ཕྱིར་མནར་མེད་དོ། ། དེ་ལྟར་གནོད་པ་བརྗོད་པར་མི་ནུས་ཀྱང་ཅུང་ཟད་ཅིག་དཔེར་བྱ་ན་རྒྱ་མཚོའི་ཐིགས་པ་བགྲང་བར་བླ་བ་མ་ཡིན་པ་དེ་བཞིན་དུ། མནར་མེད་པ་རྣམས་ཀྱི་ལས་ཉེས་པར་བྱས་པ་ལྔའི་གནོད་པ་བགྲང་བ་འམ། བརྗོད་པར་བྱ་བ་མ་ཡིན་ནོ།། འདི་ལྟ་སྟེ། ཇི་ལྟར་མནར་མེད་པའི་ལས་ལྕི་བའི་མཐུས་དེའི་ཚེ། སྡུག་བསྔལ་གྱི་གནས་གཞན་ཅི་ཡང་མེད་དེ། སྡུག་བསྔལ་དེ་ཡང་དེ་ལྟ་བུའི་ཡིན་ནོ།། གང་གིས་མནར་མེད་པའི་ལས་གཅིག་བྱས་ན། དེའི་སྡུག་བསྔལ་ཆུང་བར་འགྱུར། གང་གོས་ལས་གཉིས་བྱས་ན། དེའི་ཚད་ཐམས་ཅད་པས་ལུས་ཆེ་བར་འགྱུར་ཏེ། སྡུག་བསྔལ་ཡང་དེ་ལྟར་རྒྱུ་དང་རྒྱུ་ཡིས་འབྲས་བུ་ལྕི་བར་འགྱུར་རོ།། བདེ་བ་དང་། སྡུག་བསྔལ་གྱི་རྒྱུ་ནི་དཔེ་མེད་པར་འགྱུར་ཏེ། འདོད་པ་རྣམས་ཀྱི་ནི་བདེ་བ་ཡིན། མི་འདོད་པ་རྣམས་ཀྱི་སྡུག་བསྔལ་བ་ཡིན་ཏེ། གནས་འདི་གཉིས་ནི་སྟེང་དང་། འོག་དང་། མཐའ་དག་ཏུ་དཔེ་བྱ་བར་མི་ནུས་སོ།། དེ་ཅིའི་ཕྱིར་ཞེ་ན། ལེགས་པར་བྱས་པ་དང་། ཉེས་པར་བྱས་པའི་མཐའ་དག་ནི་རྒྱུ་དང་འཐུན་པར་འབྲས་བུ་འབྱུང་སྟེ། སེམས་ཅན་དམྱལ་བ་པ་རྣམས་ཀྱང་དེ་དང་འདྲ་བར་དཔེ་བྱ་བར་མི་ནུས་སོ།། དེ་ལྟར་དེ་བསྐལ་པ་འམ། བསྐལ་པ་ལས་ལྷག་པར་བསྲེགས་ནས། ལས་དེ་ཟད་ན་ཐར་པར་འགྱུར་ཏེ། རྒྱུ་རྐྱེན་ཟད་ན་འབྲས་བུ་ཡང་ཟད་པར་འགྱུར་རོ།། ཇི་ལྟར་མེ་ཤི་ན་ཚ་བ་མེད་པར་འགྱུར་བ་དང་། ས་བོན་ཟད་ན་འབྲས་བུ་ཡང་ཟད་པར་འགྱུར་བ་དེ་བཞིན་དུ། གང་གི་ཚེ་མནར་མེད་པའི་མི་དགེ་བའི་ལས་དེ་བཅོམ་ཞིང་སྤངས་ལ་ཟད་པར་གྱུར་པ་དེའི་ཚེ། སེམས་ཅན་དམྱལ་བ་དེ་ལས་ཐར་པར་འགྱུར་རོ།། ཐར་ནས་ཀྱང་རྒྱུ་དང་མཐུན་པའི་འབྲས་བུས་རི་གསེབ་ཁབ་རྩེ་ལྟ་བུའི་ནང་དུ་ཡི་དགས་རྣམས་སུ་སྐྱེ་བར་འགྱུར་རོ། ། དེར་སྐྱེས་ནས་བཀྲེས་པ་དང་སྐོམ་པས་གདུངས་ཤིང་ལུས་ཚལ་ཤིང་བསྲེགས་པ་ལྟ་བུར་འགྱུར་རོ།། དེ་ལས་ཐར་ནས་ཀྱང་དུད་འགྲོ་འམ། ཆུ་སྲིན་བྱིས་པ་གསོད་དག་ཏུ་སྐྱེ་བར་འགྱུར་རོ། ། དེ་བཞིན་དུ་ལྡན་ལྗིན་གྱི་ཚོགས་ཕྱི་ས་མི་གཙང་བ་འཇིག་པར་བྱེད་པའི་སྲིན་བུར་འགྱུར་རོ།། ཚེ་རབས་ཉིས་སྟོང་དུ་ཡི་དགས་བཀྲེས་ཤིང་སྐོམ་པ་དག་གིས་གདུངས་པར་འགྱུར་ཞིང་སྲེག་པར་འགྱུར། ཚེ་རབས་ཉིས་སྟོང་དུ་དུད་འགྲོ་རྣམས་སུ་སྐྱེ་སྟེ། ཡང་ལས་ཀྱི་དབང་གི་རྒྱུ་དང་འཐུན་པའི་འབྲས་བུས་དུད་འགྲོའི་རིས་སྡུག་བསྔལ་རྣམ་པ་སྣ་ཚོགས་ཀུན་དང་། ཟ་བ་དང་གསོད་པའི་བསམ་པ་ཐ་དད་པ་རྣམས་ཀྱི་ནང་དུ་སྐྱེ་བར་འགྱུར་རོ།། དེ་གཅིག་ལ་གཅིག་ཟ་བའི་སྡུག་བསྔལ་དེ་ལས་ཐར་ནས། གལ་ཏེ་ལན་གྲངས་གཞན་ལ་མྱོང་པར་འགྱུར་པའི་ལས་ཀྱིས་མིའི་ནང་དུ་སྐྱེས་ན། ལས་དེ་དང་རྒྱུ་མཐུན་པར་ཚེ་རབས་ལྔ་བརྒྱར་མངལ་དུ་འཆི་བར་འགྱུར། ཚེ་རབས་ལྔ་བརྒྱར་བྱུང་མ་ཐག་ཏུ་འཆི་བར་འགྱུར། ཚེ་རབས་ལྔ་བརྒྱར་གོག་ཐལ་ཐུལ་ཙམ་ན་འཆི་བར་འགྱུར་རོ། ། གལ་ཏེ་ཡང་ཕྱིས་རྒྱུ་མཐུན་པའི་འབྲས་བུ་མ་ལུས་པར་འགྱུར་ཏེ། དེ་ལུས་མཐའ་ཡས་པ་ནས་ཞུགས་པ། ལས་ཀྱི་དྲ་བ་དང་མཐུན་པའི་འབྲས་བུ་ཆུང་དུ་དང་། འབྲིང་དང་། ཆེན་པོ་དམིགས་པར་འགྱུར་རོ།། འདིར་དགེ་སློང་གིས་ཚིགས་སུ་བཅད་དེ་སྨྲས་པ། འཁོར་བ་ཐོག་མ་མེད་པ་ནས།། ལས་ཀྱི་དྲ་བས་བསྒྲིབས་པའི་མི།། རང་གི་ལས་ཀྱི་རྒྱུ་འབྲས་ལས། ། འབྱུང་བ་སྐྱེ་ཞིང་འཆི་བ་ཡིན།། ལྷ་ལས་དམྱལ་བར་སྐྱེ་འགྱུར་ཞིང་།། དམྱལ་ལས་དེ་བཞིན་ལྷ་ཡུལ་དུ།། མི་རྣམས་ཡི་དགས་ཡུལ་དུའམ།། སེམས་ཅན་དམྱལ་བར་རབ་ཏུ་འགྲོ། ། གཞན་དང་གཞན་དུ་འབྱུང་ཞིང་སྐྱེ།། གཞན་དང་གཞན་དུ་འབྱུང་ཞིང་བདེ།། སྲེད་པའི་ལས་ཀྱི་བྱུང་བའི་ཚེ།། དབང་ཕྱུག་ལ་སོགས་དེ་མ་བྱས།། འཁོར་བར་སྲོག་ཆགས་རྣམས་ཀྱིས་ནི། ། རྟག་ཏུ་ལས་ནི་གྲངས་མེད་བྱས།། དེ་བཞིན་གཤེགས་པ་མ་གཏོགས་པར།། མཁས་པས་ནམ་ཡང་མི་ཤེས་སོ།། ལས་དེའི་རྣམ་པ་བདག་གིས་ཤེས།། རྒྱུ་དང་རྐྱེན་ནི་རྟག་ཏུ་རིག་སྟོབས་དེ་དག་དང་ལྡན་པས་ན། ། སྲོག་ཆགས་ཀུན་ལ་སོ་སོར་པ་ན།། དགེ་སློང་དག་དེ་ལྟར་དགེ་སློང་དེས་མནར་མེད་པའི་སྡུག་བསྔལ་དག་སོ་སོར་མཐོང་བ་ན། འཁོར་བ་ཐམས་ཅད་ལ་ཡིད་འབྱུང་ཞིང་།། བྱམས་པ་མཆོག་གི་བདག་ཉིད་དང་། སྙིང་རྗེ་ཡོངས་སུ་བསྒོམས་པའི་སེམས་ཉེ་བར་བཞག་པས་ས་གཞན་བཅུ་གཅིག་པ་ལ་ཞུགས་སོ།། དེ་ས་གཞན་དེ་ལ་ཞུགས་པ་དང་། ས་བླ་བ་དག་དགའ་ནས། བར་སྣང་ལ་སྤྱོད་པའི་གནོད་སྦྱིན་རྣམས་ལ་མངོན་པར་བསྙད་དོ།། དེ་དག་གིས་ཀྱང་རྒྱལ་པོ་ཆེན་པོ་བཞི་ལ་བསྙད་དོ།། དེ་དག་གིས་ཀྱང་རྒྱལ་ཆེན་བཞིའི་ལྷ་རྣམས་ལ་བསྙད་དོ།། དེ་ལྟར་སྔ་མ་བཞིན་དུ་སྦྱར་ནས། ཚངས་པ་ཆེན་པོའི་ལྷ་རྣམས་ཀྱི་བར་དག་གཅིག་ལ་གཅིག་སྒྲོགས་ཏེ། འདི་ལྟར་ལྷོ་འཛམ་བུ་གླིང་ན་ཡུལ་ཆེ་གེ་མོ་ཞིག་ན། རིགས་ཀྱི་བུ་མང་གེ་མོ་ཞིག་སྐྲ་དང་ཁ་སྤུ་བྲེགས་གོས་ངུར་སྨྲིག་བགོས་ནས། དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་བདུད་དང་ལྷན་ཅིག་གཡུལ་འགྱེད་པར་འདོད་ལ། དེ་ཡུལ་གྱི་དངོས་པོ་ལ་མི་འདོད། དེ་ཀུན་ནས་ཉོན་མོངས་པའི་ཤུལ་རྣམས་ལ་དགའ་བར་མི་བྱེད་དེ། ངེས་གཞན་བཅུ་གཅིག་པ་ལ་ཞུགས་པ་དེ་ཐོས་ནས། ལྷ་ཚངས་པ་ཆེན་པོ་བདུད་ཀྱི་ཕྱོགས་ནི་དམས་སོ།། དམ་པའི་ཆོས་ཀྱི་ཕྱོགས་ནི་མཐོས་སོ།། དགེ་བའི་ཕྱོགས་ནི་འཕེལ་ལོ། ། ཆོས་ཀྱི་རྗེས་སུ་འཇུག་པ་ནི་ཀུན་ནས་འབྱུང་ངོ་ཞེས་ཡིད་རབ་ཏུ་དཀའ་འོ།། དགེ་སློང་དག་དེ་ནས་ཡང་རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་མནར་མེད་པ་ཇི་ལྟ་བ་བཞིན་མཐོང་ནས། དེའི་འཁོར་ཇི་ལྟར་འདུག་སྙམ་ནས་རྟོག་པར་བྱེད། ཀྱེ་མ་སེམས་ཅན་དམྱལ་བ་ཆེན་པོའི་འཁོར་ཇི་སྙེད་ཅིག་ཡོད་སྙམ་དུ་ཡོངས་སུ་རྟོག་པར་བྱེད་དོ། ། དེས་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་འདི་ལྟར་མནར་མེད་པ་དགེ་སློང་གི་ཡིད་འབྱུང་བ་དེ་མཐོང་ནས་དེའི་འཁོར་གཞན་ལ་རྟོག་པར་བྱེད་དོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་རྟོག་པར་བྱེད་དེ། ཀྱེ་མ་སེམས་ཅན་དམྱལ་བ་ཆེན་པོའི་འཁོར་ཇི་སྙེད་ཅིག་ཡོད་སྙམ་མོ། ། དེས་ཐོས་པ་ལས་བྱུང་བའི་ཤེས་པས་ཇི་ལྟར་སེམས་ཅན་དམྱལ་བ་ཆེན་པོ་གཞན་དག་གི་འཁོར་བཅུ་དྲུག་པ་ཡོད་པ་དེ་བཞིན་དུ། མནར་མེད་པ་ཡང་འཁོར་བཅུ་དྲུག་གི་བར་དུ་ཡོད་པར་མཐོང་སྟེ། འདི་ལྟ་སྟེ། བྱ་རོག་ཁ་དང་། ཐམས་ཅད་ས་འོག་དང་། སྡུག་བསྔལ་མཐའ་ཡས་མང་བ་དང་། ཝ་སྐད་འབྱིན་པ་དང་། ལྕགས་ཀྱི་ལྕེ་སྤྱང་གི་ཟས་དང་། ལྟོ་ནག་དང་། ལུས་ཞུམ་དང་། རྨི་ལམ་འཇིགས་བྱེད་སྟོན་དང་། ལུས་ཞུམ་མི་བཟད་འཕྱང་དང་། རི་བརྩེགས་ཆར་ལྟར་འབབ་དང་། བྱ་འཛམ་བྷ་སྐད་འབྱིན་དང་། སྐར་འཕྲེང་དང་། སྡུག་བསྔལ་ཀུན་གྱིས་ཉེན་དང་། གོས་དྲྀ་དང་། ལྕགས་གླེབས་དང་། འགྲོ་བ་མས་སྲེག་སྟེ། འདི་དག་ནི་སེམས་ཅན་དམྱལ་བ་ཆེན་པོའི་འཁོར་བཅུ་དྲུག་ཡིན་ནོ།། དེ་ལ་མོ་དགེ་བ་བཅུའི་ལས་ཀྱི་ལམ་དང་། སེམས་ཅན་དམྱལ་བ་ཆེན་པོར་འགྲོ་བ་ལྔ་དག་གིས་མནར་མེད་པ་འགྲུབ་པ་། མཐོང་སྟེ། མང་དུ་ལྔ་དག་བྱས་པས་མནར་མེད་པ་དེར་སྐྱེ་བར་འགྱུར་རོ།། དེ་དག་མཐུན་པའི་ལས་ཆུང་ངུ་བྱས་པས་ནི་དེའི་འཁོར་དུ་སྐྱེ་བར་འགྱུར་ཏེ། ཇི་ལྟར་ལས་བྱས་ཤིང་བསགས་པ་ལས་ཉེར་བསྡོགས་དང་། ལས་ཀྱི་མཇུག་བྱས་པ་བསྟན་ཅིང་བསྒོམས་ཏེ་མང་དུ་བྱས་པ་བཞིན་དུ་སེམས་ཅན་དམྱལ་བའི་འཁོར་གཞན་དུ་སྐྱེ་བར་འགྱུར་རོ།། དེ་ལ་མང་དུ་མནར་མེད་པ་ལྔ་བྱུང་སྟེ། འདི་ལྟ་སྟེ། བསམས་བཞིན་དུ་མ་ལ་ངན་སེམས་ཀྱིས་ཁྲག་འབྱིན་པར་བྱེད་ཅིང་། འབྱིན་པ་དེ་ལ་དགའ་བར་བྱེད། གོམས་པར་བྱེད། མང་དུ་བྱེད། ཕ་རོལ་དག་ལ་སྟོན་པར་བྱེད། དེ་ཉིད་ལ་རབ་ཏུ་འཇོག་པར་བྱེད་ཅིང་། དེ་ཉིད་ཀྱི་ལས་བྱེད་དུ་འཇུག་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་བྱ་རོག་ཁ་ཞེས་བྱ་བར་སྐྱེ་བར་འགྱུར་རོ།། དེར་སྐྱེས་ནས་མནར་མེད་པ་མ་གཏོགས་པར་གང་ཡང་སོས་ལ་སོགས་པ་བདུན་གྱི་གནོད་པ་ཐམས་ཅད་བརྒྱ་འགྱུར་དུ་འབྱུང་ངོ་། ། ཁྱད་པར་དུ་འབྱུང་བ་ནི་ཇི་ལྟར་བྱ་རོག་གི་ཁ་ལྟར་གདངས་ནས་གཤིན་རྗེའི་མི་ནག་པོ་ཞེས་བྱ་བས་པ་ཚྭའི་ཆུ་བོ་དེ་དག་ལེན་པར་བྱེད་དོ།། བ་ཚྭའི་ཆུ་བོ་དེ་དག་ནི་ཤུགས་དྲག་པ་ཡིན་ཏེ། བ་ཚྭའི་ཆུ་བོ་དེ་ལ་དེའི་ཁ་བཟེད་དུ་འཇུག་གོ། བ་ཚྭའི་ཆུ་བོ་དེས་མཆུ་དང་། དཀན་དང་། སོ་དང་། མིད་པ་དང་། རྣ་བ་དང་། སྙིང་དང་། མཆིན་པ་དང་། རྒྱུ་མ་དང་། ཕོ་བ་དང་། ལོང་ཀ་དང་། གློ་བ་དག་བསྲེགས་ནས་འཐུར་དུ་བྱུང་ངོ་།། དེ་བ་ཚྭའི་ཆུའི་ནང་དུ་སོང་སྟེ། ཁོང་པའི་ནང་དུ་སོང་ཞིང་བུ་གའི་ནང་དུ་སོང་བ་དེས་གསོག་ཏུ་རྒྱུར་ཅིང་ཕྱི་རོལ་འབའ་ཞིག་ལུས་ཏེ། ལས་ཀྱི་ཆད་པས་བཟུང་ཞིང་སྡུག་བསྔལ་ཚ་བ་རྩུབ་པ་དག་མྱོང་བ་ན། དུས་ཡུན་རིང་པོ་ལོ་བགྲང་གིས་མི་ལང་བར་འཚེད་པར་བྱེད་དེ། དེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་གྱུར་པ་དེ་སྲིད་དུ་འཚེད་དོ། ། དེ་དེ་ལས་ཐར་ནས། ལས་དེ་དང་རྒྱུ་མཐུན་པར་ཚེ་རབས་སྟོང་དུ་ཡི་དགས་ལྟོ་གུག་ཏུ་སྐྱེ་བར་འགྱུར། ཚེ་རབས་སྟོང་དུ་དུད་འགྲོ་གླང་བོ་ཆེ་དང་། སྲི་མར་དང་། དྷུན་དྷུ་དང་། མར་དང་། སྲེ་མོ་དང་། སྦྲུལ་དང་། འགའ་ལ་དང་། གོ་ཊ་ཀ་དང་། སརྐོ་དང་། སྦྲང་བུ་དང་། ཕྱེ་བ་དང་། བ་ལང་གི་རིགས་རྣམས་སུ་སྐྱེ་བར་འགྱུར་རོ།། དེ་གལ་ཏེ་ཡང་དེ་ལ་ས་ཐར་ནས་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྔོན་པའི་རིགས་སུ་སྐྱེ་བར་འགྱུར་ཏེ། དེ་ཚེ་རབས་ཉིས་བརྒྱར་མངལ་དུ་གནས་པ་ཉིད་ན་འམ། གོག་ཐག་ཐུལ་ན་འམ།། ཁ་སྤུ་སྐྱེས་ཙམ་ན་འཆི་བར་འགྱུར་ཏེ། བག་ཆགས་དེས་དེ་ཕྱིར་ཞིང་སྡིག་པ་བྱེད་པ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཐམས་ཅད་ས་འོག་ཅེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་བསམས་བཞིན་དུ་དགེ་སློང་མ་དགྲ་བཅོམ་པ་ཟག་པ་ཟད་པ་ལ་སྤྱད་ལ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཐམས་ཅད་ས་འོག་ཏུ་སྐྱེ་བར་འགྱུར་རོ།། དེར་སྐྱེས་ནས་ཀྱང་དེ་ལ་གང་སེམས་ཅན་དམྱལ་བ་ཡང་སོ་ས་ལ་སོགས་པ་བདུན་གྱི་གནོད་པ་བསྡུས་པ་དེ་དག་ཐམས་ཅད་བརྒྱ་འགྱུར་དུ་འབྱུང་བར་འགྱུར་རོ། ། ཁྱད་པར་དུ་འབྱུང་བ་ནི་འདི་ལྟར་ལྕགས་ཀྱི་ས་གཞི་དེ་བརྐོས་ནས། གཤིན་རྗེའི་མི་རྣམས་ཀྱིས་མགོ། འཐུར་དུ་བསྟན་ཏེ། ས་བརྐོས་པར་དེའི་མགོ་གང་ཡིན་པ་མཐུར་དུ་བསྟན་ཅིང་། རྐང་ལག་གང་ཡིན་པ་དེ་དག་གྱེན་དུ་སྟོན་པར་བྱེད་དོ།། དེ་སྡུག་བསྔལ་གྱིས་ཉམ་ཐག་ནས་ངུ་སྐད་འདོན་མི་ནུས།། ཆོ་ངེས་འདེབས་མི་ནུས། ཀུ་ཅོ་འབྱིན་མི་ནུས་སོ།། དེའི་ལུས་འཐུར་དུ་བསྟན་པ་གང་ཡིན་པ་དེ་དག་ཐམས་ཅད་གཤིན་རྗེའི་མི་རྣམས་ཀྱི་ས་སྟེའུ་ཐོགས་ཏེ་རུས་པ་ལྷག་མ་ལུས་པའི་བར་དུ་འཇོག་པར་བྱེད་དོ། ། རུས་པ་དེ་དག་ལ་ཡང་བ་ཚྭའི་ཆུས་ཆག་ཆག་འདེབས་ཏེ། དེ་དག་ལ་ཆག་ཆག་བཏབ་ནས་འགྲེ་ལྡོག་གོ།། དེ་བ་ཚྭའི་ཆག་ཆག་བཏབ་པ་དེ་དག་ལས་དེ་ཕྱུང་ན་སྲོག་གི་ལྷག་མ་ཅུང་ཟད་ཅིག་ལུས་བཟངས་དམར་པོ་རབ་ཏུ་བསྐོལ་བ་འཁྲིགས་པས་བདས་ཤིང་ལྕགས་ཀྱི་སྣོད་རབ་ཏུ་བསྲེགས་པར་འཇུག་པར་བྱེད་དོ། ། དེ་དེར་མོན་སྲན་གྲེའུ་དང་། རྒྱ་སྲན་འཚེད་པ་ལྟར་སྟེང་འོག་ཏུ་བྱུང་བ་ན། ལྕགས་ཀྱི་བུམ་པ་ཀུན་བལྟར་མི་སྣང་བར་ཀུན་ནས་བླངས་པས་འཁྲིགས་ཏེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་རྡུང་ཞིང་འཚེད་དོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་ནས་བསྐལ་པ་འམ། བསྒྲལ་པའི་ལྷག་མར་སྲེག་པའི་གནོད་པ་བསམ། གྱིས་མི་ཁྱབ་པ་ཅུང་ཟད་ཅིག་འབྱུང་བར་འགྱུར་རོ།། དེ་དེ་ལས་ཐར་ནས། ཚེ་རབས་སྟོང་དུ་ཡི་དགས་ཁ་ཟས་མེད་པའི་ནང་དུ་སྐྱེ་བར་འགྱུར་ཏེ། དེའི་ལུས་བཀྲེས་པ་དང་སྐོམ་པས་གདུངས་ཤིང་ཀུན་ནས་ཐམས་ཅད་དུ་མར་མེའི་སྙིང་པོ་འབར་བ་ལྟར་རབ་ཏུ་འབར་རོ། ། དེ་དེ་ལས་ཐར་ན་ལས་དེ་དང་རྒྱུ་འཐུན་པར་ཚེ་རབས་སྟོང་དུ་དུད་འགྲོ་མྱ་ངན་གྱི་བྱ་བཀྲེས་པ་དང་སྐོམ་པས་གདུངས་པའི་འདི་ལྟ་སྟེ། བྱེའུ་མཆིལ་པ་དང་། ཐ་དང་། ཟིན་པ་དང་། འབའ་ས་ཀ་དང་། སྦྱིན་གོར་དང་། ཏུང་ཀ་དང་། ཡི་དགས་མ་ཏྲི་ཀ་དང་། བ་ར་པོ་ཏ་དང་། ཁྱི་དང་། མཆེ་བ་གཙིགས་ལ་སོགས་པའི་དུད་འགྲོ་རྣམས་སུ་སྐྱེ་བར་འགྱུར་རོ། ། དེ་ལས་ཐར་ནས་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་མི་རྟ་གདོང་ཅན་གྱི་ཡུལ་དུ་སྐྱེ་བར་འགྱུར།། ཚེ་རབས་ཉིས་བརྒྱར་ཡང་མངལ་དུ་འཆི་བར་འགྱུར། གལ་ཏེ་དེ་ཡང་བྱུང་ནས་འཚོན་དེ་དབུལ་ཞིང་ནད་ཀྱིས་ཉོན་མོངས་པར་འགྱུར། དེ་བཞིན་དུ་ཚེ་རབས་ལྔ་བརྒྱར་ཟ་མ་དང་མ་ནིང་དུ་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་བར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཟོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྡུག་བསྔལ་མཐའ་ཡས་མང་ཞེས་བྱ་བ་ཇི་ལྟར་གནས་པ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ན། ཐོས་པ་ལས་བྱུང་བའི་ཤེས་པས་བརྟགས་ན། ཤིན་ཏུ་ཆགས་པའི་སྙིང་གི་ཡུལ་ལ་སེམས་འཇུག་པ་འམ། སྡིག་པའི་གྲོགས་པོ་དང་ཕྲད་པས་སམ། ར་རོ་བའི་ཉེས་པས་མ་ལ་འཁྲིག་པ་བྱས་ཤིང་། སད་ནས་ཀྱང་ཤིན་ཏུ་ཆགས་པའི་འདོད་ཆགས་དང་ལྡན་པས་འཁྲིག་པ་བྱས་ལ། སྡིག་པའི་གྲོགས་པོའི་ཚིག་གིས་དེ་ནས་ཡང་ཆགས་པས་ཡང་དེ་ཉིད་ལ་འཁྲིག་པར་བྱེད། ཀུན་ཏུ་སྟེན་ཅིང་སྒོམ་ལ་མང་དུ་བྱེད། གཞན་དག་ཀྱང་དེ་ཉིད་ལ་རབ་ཏུ་འཇོག་པར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྡུག་བསྔལ་མཐའ་ཡས་མང་དུ་སྐྱེ་བར་འགྱུར་རོ། ། དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་དེ་དག་ཐམས་ཅད་བརྒྱ་འགྱུར་དུ་འབྱུང་ངོ་།། ཁྱད་པར་དུ་འབྱུང་བ་ནི་འདི་ལྟར་དེའི་རྐུབ་ཏུ་ཕུར་བུ་རབ་ཏུ་འབར་བ་རྣམས་དང་། ཚེར་མ་གང་ཡིན་པ་དག་འཇུག་པར་བྱེད་དོ།། སྣར་ཡང་ཐོ་བ་དག་བླངས་ནས་ཕུར་བུ་རྣམས་འདེབས་པར་བྱེད། རྣ་ཁུང་དུའང་ཐོབ་དག་གིས་ཕུར་བུ་རྣམས་འདེབས་པར་བྱེད། ཁར་ཡང་ཐོ་བ་བླངས་ནས་ཕུར་བུ་སོ་རྣོ་ཞིང་འབར་རབ་ཏུ་འབར་བ་རྣམས་ཀྱིས་རབ་ཏུ་འགེངས་པར་བྱེད། དེའི་འོག་ཏུ་ཁའི་སྡུག་བསྔལ་རབ་ཏུ་འབར་བ་དང་། འོག་ཏུ་གྱུར་པའི་སྡུག་བསྔལ་དག་གིས་སྡུག་བསྔལ་བར་བྱེད། སྲེག་པར་བྱེད། གཤོག་པར་བྱེད། རྡེག་པར་བྱེད། རྡོ་བར་བྱེད་དོ།། ནང་གི་མནར་མེད་པ་ཀུན་ནས་རྣམ་པ་ཐམས་ཅད་དུ་སྡུག་བསྔལ་གྱིས་ཉེན་ཏེ། ཇི་ལྟར་དཔེ་བྱ་བར་བླ་བ་མ་ཡིན་པ་དེ་ལྟར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་མྱོང་བར་འགྱུར་རོ།། དེ་ཕྱིས་སེམས་ཅན་དམྱལ་བ་བསྐལ་པ་འམ་བསྐལ་པ་ལས་ལྷག་པར་བསྲེག་པ་དེ་ལས་ཐར་ན། སྡིག་པའི་ལས་དེ་དང་རྒྱུ་མཐུན་པའི་འབྲས་བུས་ཚེ་རབས་བཞི་སྟོང་དུ་ཡི་དགས་ཁ་འཐུར་དུ་བལྟས་པ་མ་དག་མ་ཟ་བའི་ནང་དུ་ལུས་བཀྲེས་པ་དང་སྐོམ་པས་གདུངས་པའི་ལུས་སུ་སྐྱེ་བར་འགྱུར་རོ། ། མྱ་ངན་ཆུ་དང་གྲིབ་མ་མེད་པའི་སྨྱིག་མའི་ཚལ་གྱི་དུད་འགྲོ་དག་ཏུ་ཡང་སྐྱེ་བར་འགྱུར། སྲོག་ཆགས་རི་ལ་གནས་པ་གྲིབ་མ་འཇིགས་བྱེད་དང་། མུན་པ་ཅན་དང་། ཟིན་པ་གནས་པ་དེ་དག་གི་དུད་འགྲོ་ཁ་གདོང་ཉམས་ཤིང་ཤི་ལ་ཐུག་པའི་རྣམ་པ་དེ་ལྟ་བུར་སྐྱེ་བར་འགྱུར་རོ།། གང་འོད་མའི་ཚལ་དུ་རླུང་གིས་དྲུང་པས་མེ་འབྱུང་སྟེ། མེ་དེས་ཚེ་རབས་བཞི་སྟོང་དུ་སྲེག་ཅིང་འཚེད་དོ།། དེ་ལས་ཐར་ནས་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེའི་ཆུང་མ་སྲུང་བར་མི་འགྱུར། གཞན་གྱི་ཆུང་། མ་དང་ལྷན་ཅིག་འདུག་པར་འགྱུར། དེ་རྒྱལ་པོ་འམ་བློན་པས་དེའི་རླིག་པ་འབྱིན་པར་བྱེད། ཁྱིམ་ཐམས་ཅད་ཡོངས་སུ་སྤང་བར་འགྱུར། ལམ་པོ་ཆེའམ། བནི་མདོ་འམ། གྲོང་ཁྱེར་རམ་གཞན་གྱི་སྒོར་རག་ལུས་པར་འགྱུར། རྟག་ཏུ་སྐོམ་སློང་ཞིང་བཀྲེས་ལ་ལུས་ཆུང་བར་འགྱུར། དེ་ཡང་དང་ཡང་དུ་ནད་ཆེན་པོ་ཐེབས་པར་འགྱུར་ཏེ། དེ་སྲང་ངམ། བཞི་མདོ་འམ། དུར་ཁྲོད་དུ་སྡུག་བསྔལ་མི་བཟད་བས་ཉམ་ཐག་ནས་འཆི་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར། མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཝ་སྐད་འབྱིན་ཅེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་ཐམས་ཅད་མཁྱེན་པའམ། རང་སངས་རྒྱས་སམ། དགྲ་བཅོམ་པ་འམ། ཆོས་དང་འདུལ་བ་ལ་ངན་དུ་བརྗོད་ཅིང་། ཆོས་མ་ཡིན་པ་ལ་ཆོས་ལྟ་བུར་བརྗོད་ལ། གཞན་དག་ཀྱང་ཆོས་མ་ཡིན་པ་ལ་རབ་ཏུ་འཇོག་པར་བྱེད། ཤིན་ཏུ་དགའ་བར་བྱེད། རབ་ཏུ་དགའ་བར་བྱེད་ལ། དེ་ཆོས་མ་ཡིན་པ་དེ་ཉིད་ལ་ཡང་དང་། ཡང་དུ་ཆོས་ལྟ་བུར་སྟོན་པར་བྱེད་ཅིང་འཕགས་པ་རྣམས་ལ་རྟག་ཏུ་མི་སྙན་པར་བརྗོད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཝ་སྐད་འབྱིན་པར་སྐྱེ་བར་འགྱུར་རོ། ། དེར་སྐྱེས་ནས་ཀྱང་སེམས་ཅན་དམྱལ་བ་ཡང་སོ་ས་ལ་སོགས་པ་བདུན་གྱི་གནོད་པ་བསྡུས་པ་དེ་དག་ཐམས་ཅད་རང་གི་ལས་ཀྱི་འབྲས་བུ་དང་མཐུན་པར་འབྱུང་ངོ་།། ཁྱད་པར་དུ་འབྱུང་བ་ནི་འདི་ལྟར་སེམས་ཅན་དམྱལ་བ་དེའི་ལས་ཀྱིས་བྱས་པའི་ཝ་ཁ་རབ་ཏུ་འབར་བ་རྣམས་ཀྱིས་ཤིན་ཏུ་གང་ལ་དེར་སྐྱེས་མ་ཐག་ཏུ་ཐ་མཆི་བ་རབ་ཏུ་འབར་བ་རྣམས་རྒྱུག་སྟེ། འཕགས་པ་ལ་སྐུར་བ་འདེབས་པ་དེ་ལ་འཛིན་པར་བྱེད་དོ། ། སྡིག་པ་བྱེད་པ་དེའི་མགོ་ཡང་གཞན། ལྕེ་ཡང་གཞན། ཀླད་པ་ཡང་གཞན། བྲང་ཞོལ་ཡང་གཞན། སྙིང་ཡང་གཞན་མཆེར་བ་ཡང་གཞན། རྒྱུ་མ་ཡང་གཞན། གཉེ་མ་ཡང་གཞན། ལྟོ་ཡང་གཞན། སྟ་ཟུར་ཡང་གཞན། བརླའི་རུས་སྦུབས་ཀྱང་གཞན། བྱིན་པའི་རུས་སྦུབས་ཀྱང་གཞན་པུས་མོའི་ལྷ་ང་ཡང་གཞན། ལག་པ་དང་རྐང་པ་ཡང་གཞན། སོར་མོ་ཡང་གཞན། རྐང་པའི་སོར་མོ་ཡང་གཞན་དུ་ཁྱེར་ཏེ། དེ་ལྟར་ཡན་ལག་དང་། ཉིང་ལག་ཞིག་པ་ཐམས་ཅད་སོ་སོར་ཁྱེར་རོ། ། དེ་ནས་ཡང་དེའི་སྡིག་པའི་ལས་བྱས་ཤིང་བསགས་པ་སོ་སོར་ཡང་དག་པ་མྱོང་བར་འགྱུར་བའི་འབྲས་བུས་སྐྱེ་བར་འགྱུར་ཏེ། དེ་ལྟར་དེ་ཡུན་རིང་དུ་འབྲས་བུ་དེ་མྱོང་བར་འགྱུར་རོ། ། དེ་གལ་ཏེ་ཡང་ཐར་ནས་གར་བབ་བབ་ཏུ་འབྲོས་པ་དང་། གཤིན་རྗེའི་མི་གཞན་དག་གིས་བཟུང་ནས། དེའི་ཁ་དེ་གདངས་ཏེ། ལྕེ་བཟུང་ནས་མཚོན་ཧུ་ལུ་དག་གིས་དུམ་བུ་དུམ་བུར་གཅོད་དོ། ། བཅད་ནས་ཀྱང་ཡང་སྐྱེ་བར་འགྱུར་ཏེ། དེའི་ངག་མི་གཙང་བ་འབྱིན་པ་གང་གིས་འཕགས་པ་ལ་སྐུར་པ་བཏབ་པ་དང་། ཕ་རོལ་དག་ལ་ཆོས་མ་ཡིན་པ་ལ་ཆོས་ལྟ་བུར་བསྟན་པ་ནི་དེ་ལྟར་དེ་ཡུན་རིང་དུ་སྡུག་བསྔལ་གྱི་ཚོར་བ་ཆ་བདག་མྱོང་བར་འགྱུར་རོ། ། དེགལ་ཏེ་ཡང་དེ་ལས་ཐར་ནས་མགོན་འདོད་པ། སྐྱབས་འདོད་པ། དཔུང་གཉེན་འདོད་པ། གར་བབ་རབ་ཏུ་འཕྲོས་བ་དང་། དེའི་ལས་ཀྱིས་བྱས་པག་ཤིན་རྗེའི་མི་དག་འབྱུང་བར་འགྱུར་ཏེ། དེ་དག་གིས་ཡང་གཟུང་ངོ་།། བཟུང་ནས་ཀྱང་ཕྱིན་ཅི་ལོག་ཏུ་སྨྲ་བ་དང་། གཡོ་ཐབས་སྨྲ་བ་དང་། སྡིག་པ་སྨྲ་བ་ཆོས་ངན་པའི་ཆོས་ཀྱིས་སེམས་ཅན་དག་ལམ་བཟང་པོ་ལས་སྤྱོད་པར་བྱེད་ཅིང་སྨྲ་བ་དེ་རྣམས་ཀྱིས་བཟུང་སྟེ། ཁ་གདངས་ནས་དེའི་ལྕེ་བྱུང་ངོ་།། དེ་ཡང་འཇམ་ཞིང་ཟངས་ཀྱི་མདོག་ལྟར་དམར་བརྒྱང་གྲགས་ཙམ་དུ་སྐྱེས་ཏེ། དེ་ཡང་ལྕགས་ཀྱི་ས་གཞི་རབ་ཏུ་འབར་བ་ལ་ལྡག་ཏུ་འཇུག་གོ།། བལྡག་ཏུ་བཅུག་ནས་ཐོང་གཤོལ་གྱི་སོ་རྣོ་ཞིང་འདརབ་རབ་ཏུ་འབར་བ་བརྒྱ་དང་། རྨོད་གྲང་རྨིག་པ་འདོར་བ་རྣོ་ཞིང་རབ་ཏུ་འབར་བ་ཐོང་མཁན་དང་ལྡན་པ་རྣམས་ཀྱིས་དོན་མ་ཡིན་པ་བྱེད་པ་འཇིག་རྟེན་ཕ་རོལ་ཏུ་འགྲོ་བའི་དབང་དུ་གྱུར་ཅིང་། དོན་མ་ཡིན་པའི་སྐྱེ་གནས་ལྕེར་མིང་བཏགས་པ་དེ་ལ་རྨེད་པར་བྱེད་དེ། དེ་ལྟར་དེ་ཡུན་རིང་དུ་འཚེད་ཅིང་སྲེག་གོ།། དེའི་ལྕེ་གནོད་པ་དང་ཕྲད་པ་དེ་ངུ་བར་བྱེད། འཁུན་པར་བྱེད། ཀུ་ཅོ་འདོན་པར་བྱེད། ངུ་སྐད་འབྱིན་པར་བྱེད། མིག་ཡོངས་སུ་འགྱུར་བར་བྱེད་དོ། ། དེ་ལྟར་དེ་དུ་སྐད་འབྱིན་པ་ན། འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ། སྡིག་ཚིག་ཡིད་ལ་བསམས་ནས་སུ།། འཕགས་ལ་སྨོད་གང་དམྱལ་པར་ནི། ། བྱེ་བ་ལྔ་བཅུ་རྩ་དྲུག་དང་།། དེ་བཞིན་བྱེ་བ་ཕྲག་དྲུག་གནས།། ཆོས་མ་ཡིན་པ་ཆོས་ཚུལ་དང་།། སྡིག་བྱེད་ལེགས་པའི་ཚུལ་དུ་ནི།། ཁྱོད་ཀྱིས་སྔོན་ནི་གང་སྨྲས་པ།། མི་དེས་ཁྱོད་ལ་སྲེག་པར་བྱེད། ། ཇི་ལྟར་སེམས་ཅན་ཁྱད་པར་ཅན།། ཆོས་འདོད་དག་ལ་ཁྱོད་ཀྱིས་སུ།། ངེས་པར་ངན་འགྲོར་འགྲོ་བ་ཡི།། བདེ་མེད་སྡིག་པ་རབ་ཏུ་སྨྲས།། གང་ཞིག་རྟག་ཏུ་བརྫུན་སྨྲ་ཞིང་། ། ཆོས་མ་ཡིན་སྨྲ་ཆོས་ལྡན་མིན།། དེ་ཡང་ཀུན་གྱི་རྐུན་མ་ཡིན།། རྐུན་མ་ཐ་མལ་རྐུན་མ་ཡིན།། ཆོས་སྨྲ་བ་ཡི་མི་དག་གང་།། ཆོས་ཉིད་ལ་ནི་སྤྱད་པ་སྟེ།། གང་དུ་འགྲོ་བ་གནོད་མེད་པའི། ། རྟག་པའི་གནས་སུ་དེ་འགྲོའོ།། འཁྲུག་མེད་མི་ཟད་ནོར་ཡིན་ཏེ།། སྐྱེ་བོ་ཀུན་གྱི་ཇོ་བོར་ཆེ།། བདེན་པ་མཐོ་རིས་སྐས་ཡིན་ཏེ།། དེ་ཉིད་མྱ་ངན་འདས་པའི་སྒོ།། དེ་ལྟར་བདེན་པ་མཆོག་རྟག་པ།། རྟག་ཏུ་ཆོས་ཤེས་དྲན་པ་ནི།། མྱ་ངན་རྒ་བ་མེད་གནས་སུ།། མི་མཆོག་འདི་ནི་འགྲོ་བར་འགྱུར།། ཁྱོད་ཀྱིས་ཆོས་ནི་རྣམ་སྤངས་པ།། མཁས་རྣམས་ཀྱིས་ཀྱང་སྨད་པ་ཡིན། ། ཁྱོད་ཀྱིས་མི་བཟད་གང་བསྒྲགས་པ།། དེ་འདིར་ཁྱོད་ལ་རྣམ་པར་འཚེད།། དེ་ལྟར་འཕགས་པ་ལ་སྐུར་པ་འདེབས་པའི་མི་དེ་གཤིན་རྗེའི་མི་དེ་རྣམས་ཀྱིས་རྗེས་སུ་བསྟན་ནས་གནོད་པ་སྔ་མ་དག་པས་མང་བར་གནོད་པར་བྱེད་དེ། གང་དེའི་མིང་ཡང་ཤེས་པར་བླ་བ་མ་ཡིན་ནོ།། འཕགས་པ་ལ་ངན་དུ་བརྗོད་པ་དེ་ཉིད་ཀྱི་གནོད་པ་མི་བཟད་པ་གང་ཡིན་པ་རྒྱུ་དང་མཐུན་པར་འབྲས་བུ་འབྱུང་བ་ནི་དེ་བཞིན་གཤེགས་པས་གསུངས་ཏེ། དེ་ལྟར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཚེད་དོ།། དེ་སེམས་ཅན་དམྱལ་བ་དེ་ལས་ཐར་ན། ལས་དེ་དང་རྒྱུ་མཐུན་པར་ཚེ་རབས་འབུམ་དུ་ཡི་དགས་བཟླུམས་པའི་ནང་དུ་སྐྱེ་བར་འགྱུར་ལ། གང་དག་གིས་ལུས་བའི་གོང་བུ་ལྟར་བཟླུམས་པར་འགྱུར་ཏེ། མཐོང་བ་མེད། ཐོས་པ་མེད། སྣོམ་པ་མེད། སྨྲ་བ་མེད་དོ།། དེ་དེ་ལས་ཐར་ནས་ཀྱང་། ཚེ་རབས་སུམ་སྟོང་དུ་ལྡན་ལྗིན་གྱི་སྲིན་བུར་འགྱུར། དེ་ལས་ཀྱང་ཐར་ནས། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཚེ་རབས་ལྔ་བརྒྱར་དབུལ་ཞིང་ཚིག་ཀུན་གྱིས་ཡིད་མི་ཆེས་པ་དང་། བརྗེད་ངས་པ་དང་། ལྐུག་པ་དང་། འོན་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ལྕགས་ཀྱི་ལྕེ་སྤྱང་གི་ཟས་ཞེས་བྱ་བ། མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་ཤིན་ཏུ་འཁྲུགས་པའི་སེམས་དང་། སེམས་རྩུབ་མོས་བསམས་བསམས་ཏེ་དགའ་ནས། དགེ་འདུན་གྱི་གཙུག་ལག་ཁང་ལ་མེ་སྤ་ར་ལ། དེར་ཡང་སངས་རྒྱས་ཀྱི་སྐུ་གཟུགས་བསྲེགས་ཤིང་། དགེ་འདུན་གྱི་གནས་ན་མལ་སྟན་དང་། གོས་དང་། ནོར་དང་། འབྲུའི་འབྱོར་པ་མང་པོ་དག་མེའི་ཉེས་པས་ཚིག་ལ། ཚིག་པ་དེ་ལ་ཡང་རྗེས་སུ་དགའ་བར་བྱེད་ཅིང་འགྱོད་པར་མི་བྱེད། གཞན་དག་ཀྱང་དེ་ཉིད་ལ་འཇོག་པར་བྱེད། ཤིན། ཏུ་དགའ་བར་བྱེད། ཡང་དག་པར་རབ་ཏུ་དགའ་བར་བྱེད་ལ། ལས་དང་ལས་ཀྱི་ཉེར་བསྡོགས་དང་། ལས་ཀྱི་མཇུག་དང་ལྡན་པར་བྱེད་ན། དེ་ལུས་དང་བྲལ་ནས་ངན་འགྲོ། ལོག་པར་ལྟུང་བ་སེམས་ཅན་དམྱལ་བ་ལྕགས་ཀྱི་ལྕེ་སྤྱང་གི་ཟས་ཞེས་བྱ་བར་སྐྱེ་བར་འགྱུར་རོ།། དེར་སྐྱེས་ནས་གང་སེམས་ཅན་དམྱལ་བ་ཡང་སོས་ལ་སོགས་པའི་སྡུག་བསྔལ་བསྡུས་པ་གང་ཡིན་པ་དེ་ཐམས་ཅད་འབྱུང་སྟེ། ཐམས་ཅད་སྟོང་འགྱུར་དུ་འབྱུང་ངོ་།། ཁྱད་པར་དུ་འབྱུང་བ་ནི་ཇི་ལྟར་ལས་ལྕི་བས་གནོད་པ་ཡང་ལྕི་བར་འགྱུར་ཏེ། གང་གནོད་པའི་རྒྱུ་དང་མཐུན་པར་འབྲས་བུ་འབྱུང་ཞིང་ས་བོན་དང་མཐུན་པར་འབྲས་བུ་འབྱུང་ངོ་། ། འདི་ལྟར་དེར་སྐྱེས་པའི་ལས་ཀྱི་རྐྱེན་གྱིས་ལུས་ཐམས་ཅད་ཀུན་ནས་རབ་ཏུ་འབར་བར་འགྱུར། ལུས་དེ་ལས་མགོ་བཅུ་གཅིག་བྱུང་བ་དཔག་ཚད་བཅུ་བཅུ་ཡོད་དེ། སེམས་ཅན་དམྱལ་བ་ཐམས་ཅད་པས་ཤིན་ཏུ་དྲག་ཅིང་མི་བཟད་པ་འབྱུང་ངོ་།། དེའི་དབུས་ན་འདུག་པའི་མིའི་ལྟ་བུར་ཀུན་ནས་རྣམ་པ་ཐམས་ཅད་དུ་རབ་ཏུ་འབར་ཤིན་ཏུ་རབ་ཏུ་འབར་ཏེ། བཀྲེས་པ་དང་སྐོམ་པས་གདུངས་པའི་ལུས་དག་འཚེད་དོ།། སྲེག་གོ། གསོད་དོ།། ཀུན་ནས་ལག་པ་གྱེན་དུ་བསྒྲེངས་ཏེ། དེའི་ལག་པ་དེ་ཡང་དཔག་ཚད་ལྔ་བརྒྱ་ཙམ་དུ་འབར་བའི་འཕྲེང་བས་འཁྲུགས་ཤིང་དེ་རཱའི་རི་ལྟར་སྲེག་གོ། ། དེ་ཀུན་ནས་བསྲེག་པ་ན་ངུ་སྐད་འབྱིན། འོ་དོད་འབོད། ཀུ་ཅོ་འདོན་ཅིང་ཡོངས་སུ་སྨྲེ་སྔགས་འདོན་ཏོ།། དེ་དུ་སྐད་འདོན་པ་ན་མེ་ལྕེ་དེས་དེའི་ཁ་ཐམས་ཅད་འགེངས་པར་བྱེད་དོ། ། དེའི་ཁ་ཕྱེ་བ་དང་། ཕྱི་རོལ་ཏུ་ཀུན་ནས་རབ་ཏུ་འབར་ཞིང་རྟག་ཏུ་མེ་ལྕེ་གཅིག་ཏུ་གྱུར་པ་ཡང་དང་ཡང་དུ་འཕེལ་བའི་མེས་སྲེག་པ་ན་ཡུན་རིང་དུ་འཚེད་དོ།། དེ་གལ་ཏེ་ཡང་དེ་ལས་ཐར་ན་གར་བབ་བབ་ཏུ་འབྲོས་སོ། ། མགོན་འདོད་པ། སྐྱབས་འདོད་པ། དཔུང་གཉེན་འདོད་པ། བདེ་བ་འདོད་པ་དེ་འབྲོས་པ་དང་། ལེགས་པར་བྱས་པ་དང་། ཉེས་པར་བྱས་པའི་ལས་ཀྱིས་འབྲེལ་བ་སེམས་ཅན་དམྱལ་བ་དེ་ལས་གནས་གཞན་དུ་འབྱུང་སྟེ། མཚན་མོ་རི་ལ་ཆར་འབབ་པའི་ཆུ་ལྟར་གནོད་པ་འཕེལ་ལོ།། དེའི་ལྕགས་ཀྱི་རྡོ་རྒྱང་གྲགས་ཙམ་རབ་ཏུ་འབར་ཏེ། དེ་དག་གིས་དེའི་ཀླད་པ་ལ་སོགས་པ་ནས། རྐང་པའི་བར་དུ་ཇི་ལྟར་བཅའ་སྒྲ་བཏགས་པ་ལྟ་བུར་དེ་ལྟར་ཕྱེ་མར་བྱེད་དོ། དེའི་ལུས་མངོན་པ་མེད་པར་བྱེད་དོ།། དེ་ལྟར་དེ་ལྕགས་ལས་བྱས་པའི་མི་བཟད་པ་ཆར་ལྟར་འབར་པས་བཏགས་ན། དེ་ནས་ཡང་སླར་འཚོ་བར་འགྱུར་ཏེ། ལྕེ་སྤྱང་གི་མཆེ་བ་རབ་ཏུ་འབར་བ་དག་གིས་དེའི་ལུས་བཅའ་སྒ་ལྟར་སྲབ་མོར་བྱས་ཤིང་ཟའོ།། དེ་ནས་ཡང་བྱུང་ཞིང་སྐྱེས་ནས་ལྕེ་སྤྱང་མི་བཟང་པ་དེ་དག་གིས་ཟ་སྟེ། དེ་ལྟར་ཡང་ཡུན་རིང་དུ་འཚེད་ཅིང་སྲེག་གོ།། སླར་ཡང་སྐྱེ་བར་འགྱུར་ཏེ། དེ་ལྟར་དེས་ལས་དེ་མྱོང་བར་འགྱུར། སོ་སོ་ཡང་དག་པར་འཚོ་བར་འགྱུར། དེ་སྡུག་བསྔལ་ཚ་བ་རྩུབ་པ་གནོད་པ་དག་མྱོང་བར་འགྱུར་ཏེ། རང་གིས་བྱས་ཤིང་གཞན་གྱིས་མ་བྱས་པ། མ་བྱས་པ་དང་ཕྲད་པ་མ་ཡིན། བྱུང་བ་རྣམས་ཀྱིས་བྱས་པ་ཆུད་ཟ་བ་མ་ཡིན། རྒྱུ་མེད་པ་མ་ཡིན། འདོད་རྒྱལ་ལས་བྱུང་བ་མ་ཡིན། རྒྱུ་དང་རྐྱེན་མི་མཐུན་པ་ལས་བྱུང་བ་མ་ཡིན། བྱེད་པ་པོས་བྱིན་གྱིས་མ་བརླབས། ཚོར་བ་པོས་བྱིན་གྱིས་མ་བརླབས་ཏེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་རང་གི་རྒྱུ་དང་རྐྱེན་གྱིས་བྱས་པ་མྱོང་བར་འགྱུར་རོ། ། དེ་སེམས་ཅན་དམྱལ་བ་དེ་ལས་ཐར་ན་ལས་དེ་དང་རྒྱུ་མཐུན་པར་ཚེ་རབས་སྟོང་དུ་ཡི་དག་ས་མཆོག་ཏུ་མི་བཟད་པ་སྨིན་ཏེ། ལུས་ཀུན་ནས་རབ་ཏུ་འབར་ཞིང་དུ་སྐད་འ་བྱིན། ཀུ་ཅོ་འདོན་པ་ན། སྐྱེ་བོ་ཀུན་གྱི་གནས་གྲོང་དུ་མཚན་མོ་ངུ་ཞིང་ཉིན་པར་ཡང་ཉི་མའི་འོད་མ་དག་མ་ཆར་ལྟར་འབབ་པས་ཇི་སྲིད་དེའི་སྡིག་པའི་ལས་ཀྱི་མི་འབྱུང་བ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྲེག་པར་བྱེད་དོ། ། དེ་ལས་ཀྱང་ཐར་ན་དགོན་པའི་དུད་འགྲོ་རྐང་པ་བརྒྱ་པར་འགྱུར་ཏེ། རྟག་ཏུ་བཀྲེས་པ་དང་སྐོམ་པས་གདུངས་ལ། ཁ་གཉིས་ཀྱིས་བདག་ཉིད་ཉོན་མོངས་པར་འདྲེན་ཅིང་། དེའི་ལུས་ཐམས་ཅད་སྲིན་བུ་མ་ཀོ་ཊ་ཀ་རྣམས་ཀྱིས་ཟ་བར་བྱེད་དོ།། དེ་གལ་ཏེ་ཡང་དུད་འགྲོའི་སྐྱེ་གནས་དེ་ལས་ཐར་ལ། གལ་ཏེ་མི་རྣམས་དང་སྐལ་བ་མཉམ་པར་སོ་སོར་མྱོང་བར་འགྱུར་བའི་ལས་ཀྱིས་མིར་སྐྱེས་ན། དེ་སྤྲིན་ནག་པོ་འདྲ་བར་འགྱུར་ཞིང་ཉམས་པར་གྱུར་པ། ཡོངས་སུ་སྤངས་པ། དབུལ་བ། ཡུན་རིང་དུ་རྔ་མོང་གིས་ཉོན་མོངས་ཤིང་གཞན་ལ་རག་ལས་པ་མང་ཞིང་། ལུས་བཀྲེས་པ་དང་སྐོམ་པས་གདུངས་པ་དེའི་སྲོག་གི་འཚོ་བའང་གཞན་ལ་རག་ལས་པར་འགྱུར་ཏེ། དེ་ལྟར་ཚེ་རབས་སྟོང་དུ་ཡི་དགས་རྣམས་དང་། ཚེ་རབས་སྟོང་དུ་དུད་འགྲོ་རྣམས་དང་། གནས་སྐབས་དེ་དག་གི་མིར་འགྱུར་བ་མཐོང་ངོ་།། འདུས་པའི་གོ་རིམས་བསྟན་པ། ། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་བཅུ་བདུན་པ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ལྟོ་ག་ནག་ཅེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སངས་རྒྱས་ཀྱི་དཀོར་ནོར་མ་བྱིན་པར་བླངས་ཏེ་དེ་ལ་ཡང་སྤྱོད་ལ། སྦྱར་ནས་ཀྱང་དག་པར་མི་བྱེད། ལས་དེའི་འབྲས་བུ་ལ་ཡིད་མཆེས་ཏེ། དེ་ནས་ཡང་སྤྱོད་པར་བྱེད། གཞན་དག་ཀྱང་དེ་ཉིད་ལ་རབ་ཏུ་འཇོག་པར་བྱེད། སངས་རྒྱས་ཀྱིར་གཏོགས་པ་སངས་རྒྱས་ཀྱི་དཀོར་ནོར་ཡོན་ལ་ཡང་བར་སེམས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ལྟོ་ག་ནག་ཏུ་སྐྱེ་བར་འགྱུར་རོ།། དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོས་ལ་སོགས་པ་བདུན་གྱི་གནོད་པ་དེ་དག་ཐམས་ཅད་བརྒྱ་འགྱུར་དུ་འབྱུང་ངོ་། ། ཁྱད་པར་དུ་འབྱུང་བ་ནི་འདི་ལྟར་ལུས་བཀྲེས་པ་དང་སྐོམ་པས་གདུངས་ཏེ། རང་གི་ཤ་ཉིད་ལ་ཟའོ།། དེ་ནས་ཡང་སླར་སྐྱེ་བར་འགྱུར་ཏེ། དེ་ལྟར་དེ་ལོ་བརྒྱ་སྟོང་བྱེ་བ་ཕྲག་དུ་མར་ཟ་ཞིང་སླར་སྐྱེ་བར་འགྱུར་རོ། ། སྡུག་བསྔལ་ཉིས་འགྱུར་གྱིས་གདུངས་པ་དེའི་སྡུག་བསྔལ་གྱིས་ལས་བྱས་པ་དེ་བརྒྱ་འགྱུར་དུ་གྱུར་ཏེ། བཀྲེས་པ་དང་སྐོམ་པའི་སྡུག་བསྔལ་གྱིས་ཀྱང་སྡུག་བསྔལ་ལོ།། རང་གི་ལུས་ལས་བྱུང་བའི་སྡུག་བསྔལ་གྱིས་ཀྱང་སྡུག་བསྔལ་ཏེ། དེ་ལྟར་དེ་རང་གི་ཤ་དག་ལ་ཟ་བར་བྱེད་ཅིང་། གར་བབ་བབ་ཏུ་འབྲོས་པ་དང་། དེ་སྦྲུལ་པོ་ཆེ་ལྟོ་གནག་ལ་མདོག་སྤྲིན་ལྟར་འདུག་པ་དང་ཕྲད་དེ། དེས་དེའི་སེན་མོ་ལ་སོགས་པ་དང་། རུས་པ་ལ་སོགས་པ་མཐར་ཆགས་ཀྱིས་ཟའོ།། དེ་ནས་སོས་པ་དང་ཡང་ཟ་སྟེ། དེ་ལྟར་གང་ཞིག་ཐམས་ཅད་ཀྱི་མཆོག་ཏུ་གྱུར་པ། སངས་རྒྱས་ཀྱི་མ་རུང་བར་བྱས་པའི་ལས་དེས་ཡུན་རིང་དུ་སྡུག་བསྔལ་མྱོང་བར་འགྱུར་རོ།། དེ་གལ་ཏེ་དེ་ལས་ཐར་ནས་ཕྱོགས་སེང་ལྡེང་གི་མདག་མ་རབ་ཏུ་འབར་བའི་གོང་བུ་བསགས་པ་དཔག་ཚད་ཙམ་གྱི་ནང་དུ་འདུག་སྟེ། དེ་མདག་མ་དེའི་ནང་དུ་སོང་ནས་ལོ་བརྒྱ་སྟོང་བྱེ་བ་ཕྲག་དུ་མར་སྲེག་ཅིང་འཚེད་དོ།། དེ་ནས་ཡང་སླར་སྐྱེ་བར་འགྱུར་ཏེ། དེ་ནས་དེས་མཐོང་ནས་གལ་ཏེ་ཐར་ན་མགོན་འདོད་པ། སྐྱབས་འདོད་པ། དཔུང་གཉེན་འདོད་པའི་དྲུང་དུ་གཤིན་རྗེའི་མི་དག་འོངས་ནས་ཕྲ་སྐམ་རབ་ཏུ་འབར་བ་དེ་དག་གིས་གཟུང་ངོ་། ། དེ་བཟུང་ནས་ལྕགས་ཀྱི་བུམ་པ་འབར་བའི་ནང་དུ་བཅུག་སྟེ། དེ་དེར་མོན་སྲན་དང་། སྲན་ཆུང་བཞིན་དུ་སྲེག་ཅིང་འཚེད་ལ། ཡོངས་སུ་སྐོལ་ཏེ་སྟེང་འོག་ཏུ་འབྱུང་བའི་སྡུག་བསྔལ་ཤིན་ཏུ་འཇིགས་ཤིང་ཚ་བ་མྱོང་བ་ནི་དེའི་དཔེ་བྱ་བར་ཡང་སྲ་བ་མ་ཡིན་ནོ། ། སེམས་ཅན་དམྱལ་བ་པ་དེའི་སྡུག་བསྔལ་ནི་ཁམས་གསུམ་ཐམས་ཅད་ཀྱི་རྒྱུ་འབྲས་མཐུན་པས་ཀྱང་བརྒྱ་དང་སྟོང་གི་ཆར་ཡང་མི་ཕོད་དེ། དེ་ལྟར་དེ་གནོད་པ་བརྒྱ་ཕྲག་སྟོང་ཡོད་ལ། སྡུག་བསྔལ་གྱི་རྒྱ་མཚོ་ཤུགས་དང་ལྡན་པ་ཤིན་ཏུ་ཚ་བར་བདས་པ་ན། རང་གི་ལས་ཀྱི་འབྲས་བུ་མངོན་སུམ་དུ་གྱུར་ཏེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཚེད་པར་བྱེད་དོ།། དེ་ཕྱིས་སེམས་ཅན་དམྱལ་བ་ལྟོ་གནག་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་མཐུན་པར་ཚེ་རབས་ཉིས་སྟོང་ཉིས་བརྒྱར་ཡི་དགས་ཁ་ཟས་མི་གཙང་བ་ཟ་བ་རྣམས་སུ་སྐྱེ་བར་འགྱུར། དེ་གལ་ཏེ་དེ་ལས་ཐར་ནས་ཀྱང་ཚེ་རབས་བདུན་བརྒྱར་དུད་འགྲོ་སྐྱུག་པ་ཟ་བར་སྐྱེ་བར་འགྱུར་དེ་ལས་ཐར་ནས་ཀྱང་གལ་ཏེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཡང་མི་བ་ལང་རྫིར་ནས། མི་གཙང་བ་ཟ་བར་འགྱུར་བ་མཛོང་དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། ། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ལུས་ཞུམ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་ཆོས་ཀྱི་དཀོར་ནོར་སྤྱད་ཅིང་བྱས་པ་བསགས་ལ། ལས་དང་ལས་ཀྱི་ཉེར་བསྡོགས་དང་། ལས་ཀྱི་མཇུག་དང་ཡང་བཅས་པར་གྱུར། གཞན་དག་ཀྱང་དེ་ལ་གཟེངས་སྟོང་པར་བྱེད་ནདེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ལུས་ཞུམ་དུ་སྐྱེ་བར་འགྱུར་རོ། ། དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་དེ་དག་ཐམས་ཅད་བརྒྱ་འགྱུར་དུ་འབྱུང་། གང་དེ་དག་གི་མིང་ཡང་ཤེས་པར་སླ་བ་མ་ཡིན་ནོ།། ཁྱད་པར་དུ་འབྱུང་བ་ནི་འདི་ལྟར་ལྕགས་ཀྱི་ལྗོན་ཤིང་རབ་ཏུ་འབར་ཞིང་རབ་ཏུ་མཆེད་པ་གཉིས་འབྱུང་སྟེ། དེ་དག་ཀྱང་ལས་ཀྱི་རླུང་ག་ཤུགས་དྲག་པོས་ཕན་ཚུན་འཇུད་པར་བྱེད་དོ།། དེ་གཉིས་ཀྱི་དབུས་སུ་སེམས་ཅན་དམྱལ་བ་པའི་ལུས་དེ་གཡས་གཡོན་དུ་ཤུགས་དྲག་པོ་ཀུན་གྱིས་གནོད་པར་བྱེད། རྣམ་པར་ཞུམ་པར་བྱེད། ཏ་ལའི་འདབ་མ་ལྟར་བྱེད་དོ།། དེ་ལས་ཡང་སླར་འབྱུང་སྟེ། ཡང་རྣམ་པར་ཞུམ་པར་བྱེད་དོ།། དེ་ཚལ་ཆེན་པོའི་ཤིང་ལྗོན་པ་ཤིན་ཏུ་མི་བཟད་པ་གཉིས་ཀྱི་བར་དུ་བཅུག་ནས་ཕན་ཚུན་བསྐུལ་བ་དང་། ལུས་ལས་བྱུང་བའི་སྡུག་བསྔལ་མྱོང་བར་འགྱུར་ལ། གལ་ཏེ་མ་བསྐུལ་ན། རྣམ་པར་ཞུམ་པར་བྱས་པ་ལྟུང་བར་འགྱུར་རོ།། དེ་དེ་ལས་ལྟུང་བ་དང་ལྕགས་ཀྱི་བྱ་རྡོ་རྗེའི་མཆུ་ཅན་དག་ཤིང་དེ་དག་གི་ཡལ་ག་ལ་གནས་ཏེ། དེ་དག་གིས་སེམས་ཅན་དམྱལ་བ་པ་དེའི་མགོ་དང་ཀླང་པ་བཏོག་བཏོག་ནས་འབིགས་པར་བྱེད་དོ།། ཕུག་ནས་མིག་དག་ལ་ཟ་བར་བྱེད་དོ།། སྙིང་རྗེ་རྗེ་སྐད་དུ་སྐད་འབྱིན་ཅིང་སྨྲེ་སྔགས་འདོན་པ་ན། དེའི་མིག་ཟོས་ནས་མགོ་དང་ཀླད་པ་འབིགས་སོ།། དེ་ཕུག་ནས་ཀླད་རྒྱས་ལ་ཟའོ།། ཀླད་རྒྱས་ཀྱང་ཟོས་ནས་སྙིང་གཤོག་པར་བྱེད་དོ།། ཡང་གཤགས་ནས་ནང་དུ་སོང་སྟེ་ཁྲག་འཐུང་ངོ་།། འཐུང་ནས་རྒྱ་མ་ལ་ཟའོ།། དེ་དག་ཀྱང་ཟོས་ནས་མཆེར་པ་ལ་ཟའོ།། མཆེར་པ་ལ་ཟོས་ནས་ལོང་ཀ་ལ་ཟའོ།། དེ་དག་ཀྱང་ཟོས་ནས་མདོ་མག། ལ་ཟའོ།། པརླའི་སྦུབས་ལ་ཡང་ཟའོ།། པུས་མོའི་ལྷ་ང་ལ་ཡང་ཟའོ།། རྐང་པ་དག་གི་སོར་མོ་ལ་ཡང་ཟ། དེ་ལྟར་དེ་སྡུག་བསྔལ་དྲག་པོ་དེ་དག་ཡུན་རིང་པོ་བགྲང་གིས་མི་ལང་བར་མྱོང་བར་འགྱུར་ཏེ། གང་གི་མིང་ལོ་བརྒྱར་ཡང་ཤེས་པར་སླ་བ་མ་ཡིན་ནོ།། ཕྱོགས་གཅིག་ཅིག་ཤེས་པར་བྱ་ན། ཇི་ལྟར་རྒྱ་མཚོའི་ཆུ་ཁྱོར་གང་བླངས་པ་དེའི་ཕྱོགས་ཙམ་དུ་བརྗོད་པ་དེ་བཞིན་དུ་འདི་ཡང་ཕྱོགས་གཅིག་ཙམ་ཞིག་བརྗོད་དེ། དེ་ལྟར་དེ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་སོ་སོར་མྱོང་བར་འགྱུར་བ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་དེ་དག་མྱོང་བར་འགྱུར་རོ། ། དེ་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ཚེ་རབས་སྟོང་དུ་ཡི་དགས་མཆིལ་མ་ཟ་བ་རྣམས་སུ་སྐྱེ་བར་འགྱུར། དེ་གལ་ཏེ་སྲོག་གིས་འཚོ་བ་ཙམ་དུ་འགྱུར་ཞིང་ལུས་ཤིན་ཏུ་བཀྲེས་པ་དང་སྐོམ་པས་གདུངས་པ་ཡི་དགས་ཀྱི་འཇིག་རྟེན་དེ་ལས་ཤི་ནས་ཀྱང་བ་ཚྭའི་ཆུའི་རྒྱ་མཚོའི་ནང་དུ་དུང་འགྲོ་ཉར་སྐྱེ་བར་འགྱུར། རྟག་ཏུ་རྒྱ་མཚོའི་ཆུའི་གསེད་ཀྱི་ནང་ན་སྤྱོད་པའི་ཆུ་སྲིན་ན་ཀྲ་འམ། མ་ཀ་ར་འམ། རུས་སྦྲུལ་དུ་འགྱུར། ཚེ་རབས་སྟོང་ཀུན་ཏུ་རྟག་ཏུ་བཀྲེས་པ་དང་། སྐོམ་པས་གདུངས་ཤིང་བ་ཚྭའི་ཆུ་ལ་ཡོངས་སུ་སྤྱོད་པར་འགྱུར། དེ་ལས་ཀྱང་ཐར་ནས། གལ་ཏེ་སོ་སོར་མྱོང་བར་འགྱུར་བའི་ལས་ཀྱིས་མི་རྣམས་དང་སྐལ་བ་མཉམ་པར་མིར་སྐྱེས་ན་ནི། དེ་དེའི་ཚེ་ཡུལ་གཉིས་ཀྱི་བར་དུ་སྐྱེ་བར་འགྱུར་ཏེ། གང་དུ་ས་བདག་གཉིས་ཀྱི་མཚམས་ཕན་ཚུན་འཐབ་མོ་འགྱེད་པའི་ཡུལ་དུ་སྐྱེ་བར་འགྱུར་རོ།། དེར་དེའི་ནོར་རྫས་བསགས་པསསྲ། པ་དེ་དག་གཞན་གྱིས་འཕྲོག་པར་བྱེད་ཅིང་། རྒྱལ་པོའི་ཆད་པས་ཀྱང་དེ་གཟུང་ངོ་།། བཟུང་ནས་ཀྱང་བཙོན་རར་འཇུག་པར་འགྱུར། ལུས་བཀྲེས་པ་དང་སྐོམ་པས་གདུངས་པར་འགྱུར། སྲོག། བཙམ་གྱིས་འཚོ་བ་གཞན་ལ་རག་ལས་ཤིང་ཤིན་ཏུ་སྡུག་བསྔལ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་རྨི་ལམ་འཛགས་བྱེད་སྟོན་ཅེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་ལོ་ཉེས་བྱུང་བའི་ཚེ་དགེ་འདུན་གྱི་འདུ་བའི་སྒོ་ལ་དགེ་སློང་ཟ་འདོད་པ་དག་ཉེ་བར་ལྷགས་པའི་ཟས་དང་སྐོམ་ཟོས་ཤིང་ཉེ་བར་སྤྱད་ལ། མི་སྡིག་པ་བྱེད་པས་དེའང་ཕྲོགས་ཏེ་ཁ་ཟས་དེ་དག་བཅད། ཁ་ཟས་བཅད་པས་དེ་དག་གི་ལུས་ལ་གནོད་ཅིང་དགེ་བའི་ཆོས་ཡིད་ལ་བྱེད་མ་ནུས་པར་འགྱུར། བསམ་གཏན་ལ་དགའ་བ་མེད་པར་གྱུར། སེམས་མི་སྦྱོང་བར་གྱུར། མི་སྡིག་པ་བྱེད་པ་དེའང་དགེ་འདུན་གྱི་འདུ་བའི་སྒོ་དེ་ཕྲོགས་ནས། འཆགས་པར་མི་བྱེད་ཅིང་། འགྱོད་པར་མི་བྱེད་ལ། དེ་ནས་སླར་ཡང་འདུ་བའི་སྒོ་དེ་ཉིད་ལ་མི་དགེ་བའི་ལས་མངོན་པར་བྱེད་པར་དགའ་ཞིང་། གཞན་དག་ཀྱང་དེ་ཉིད་ལ་བྱེད་དུ་འཇུག། རྗེས་སུ་དགའ་བར་བྱེད་ཅིང་དེའི་ལས་དང་ལས་ཀྱི་ཉེར་བསྡོགས་དང་། ལས་ཀྱི་མཇུག་བྱས་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྨི་ལམ་འཇིགས་བྱེད་སྟོན་དུ་སྐྱེ་བར་འགྱུར་རོ། ། དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོས་ལ་སོགས་པ་བདུན་གྱི་གནོད་པ་བསྡུས་པ་དེ་དག་ཐམས་ཅད་འབྱུང་ངོ་། ། ཁྱད་པར་དུ་འབྱུང་བ་ནི་བྱས་པ་བརྒྱ་འགྱུར་དུ་འབྱུང་སྟེ། གང་དེ་ལྟར་སེམས་ཅན་ཐམས་ཅད་ཀྱི་གནོད་པ་དེ་དག་དེ་ལྟར་མི་བཟད་པ། དེ་ལྟར་རྩུབ་པ། དེ་ལྟར་བཟོད་པར་དཀའ་བ། དེ་ལྟར་སྡུག་བསྔལ་མཐའ་མེད་པ་རང་གིས་བྱས་པའི་ལས་ལས་བྱུང་ཞིང་བསླང་བ་དེའི་མིང་ཡང་ཤེས་པར་སླ་བ་མ་ཡིན་ཏེ། དེའི་ཕྱོགས་ཙམ་ཞིག་བརྗོད་ན་འདི་ལྟ་སྟེ། རྒྱ་མཚོ་ལས་ཆུ་ཁྱོར་གང་བླངས་པ་དེ་བཞིན་དུ་བརྗོད་དོ།། ཇི་ལྟར་མི་དག་གི་རྨི་ལམ་དུ་འཇིགས་པ་དག་མཐོང་བ་དེ་བཞིན་དུ། སེམས་ཅན་དམྱལ་བ་རྨི་ལམ་འཇིག་བྱེད་སྟོན་དེར་ཡང་གཤིན་རྗེའི་མི་ལག་ན་ཐོ་བ་སྣ་ཚོགས་ཐོགས་པ་དེ་དག་འབྱུང་སྟེ། སྡིག་པ་བྱེད་པའི་མི་དེ་བཟུང་ནས་ལྕགས་ཀྱི་ས་གཞིའི་སྟེང་དུ་འཇོག་པར་བྱེད་དོ།། ལྕགས་ཀྱི་ལུང་པའི་ནང་དུའང་། དེའི་ལུས་བཅུག་ནས། གཏུན་ཤིང་གིས་ཕྱེ་མར་རློག་སྟེ། རུས་པ་དེ་འདི་ལྟར་སྦྲང་རྩིའི་ཚིགས་མའི་གོང་བུ་ལྟར་བྱེད་དོ།། དེ་ནས་ཡང་སླར་སྐྱེ་བར་འགྱུར་ཏེ། ཡང་ཐོབ་རྣམས་ཀྱིས་ཕྱེ་མར་རློག་སྟེ། དེའི་སྡིག་པའི་ལས་བྱས་ཤིང་བསགས་པ་སོ་སོ་ཡང་དག་པ་མྱོང་བར་འགྱུར་བའི་མཐུས་འབྲས་བུ་དེ་ཉེ་བར་སྤྱོད་དོ།། ལུང་པ་གནོད་པ་དེ་ལས་ཐར་ན། གལ་ཏེ་ཡང་རང་གི་ལས་ཀྱིས་མཚོན་ཆའི་ནགས་ཚལ་གྱི་ནང་དུ་ཁྲིད་ནས་འགྲོ་སྟེ། མཚོན་ཆའི་ནགས་ཚལ་དེར་ཕྱིན་ནས། ལུས་ལ་མཚོན་འབབ་པས་གནོད་པ་མང་དུ་བྱེད། གཤོག་པར་བྱེད། འཇོམས་པར་བྱེད། ཕྱེ་མར་རློག་པར་བྱེད་དོ། ། དེའི་ལུས་ཀྱི་པགས་པ་ཐམས་ཅད་ཧལ་ཧོལ་དུ་བྱས་ནས་རྒྱུག་པར་བྱེད་དོ།། མགོན་འདོད་པ། སྐྱབས་འདོད་པ། དཔུང་གཉེན་འདོད་པ་དེ་རྒྱུག་པ་དེ་དང་དེར་མཚོན་ཆ་ཆེན་པོ་ཆར་ལྟར་བབས་པས་གཤོག་པར་བྱེད། འཇོམས་པར་བྱེད་དོ།། རྩ་དང་རྒྱུས་པ་ཐམས་ཅད་ཤད་ཤདང་པོར་བྱས་ཏེ། ལུས་གང་ལ་པགས་པ་བྱ་སྒྲོ་ཙམ་ཡང་མ་ལུས་པར་བྱས་ནས། ལུས་ཀྱི་རུས་པའི་ཕྲ་བཙམ་ཞིག་འཇོག་གོ། ། རྒྱས་པ་སྤེལ་བའི་གནང་དེ་དག་ཏུའང་མཚོན་ཆར་ལྷ་བབ་པས་གཅོད་ཅིང་གཤོག་པར་བྱེད་དེ། དེ་གཅོད་པ་ན་སྙིང་རྗེ་རྗེ་སྐད་དུ་ཀུ་ཅོ་འདོན་ཅིང་ཡོངས་སུ་སྨྲེ་སྔགས་འདོན་ལ་ཐམས་ཅད་འབྲོས་སོ། ། རང་གི་ལུས་དང་ཡིད་ཀྱིས་ཀུན་ནས་བསླངས་པའི་མི་དགེ་བའི་ལས་ཀྱིས་བསླུས་པ་དེ་བདག་ཉིད་ཐམས་ཅད་ལས་དེས་ཤིན་ཏུ་འཚེད་པར་བྱེད་དོ།། རྣམ་པར་སྨིན་པ་མ་མྱོང་བར་དེ་དག་འགག་པར་མི་འགྱུར་ཞིང་། མི་དགེ་བའི་ལས་དེ་མ་མྱོང་བར་ཐར་པ་མེད་དེ། གང་གི་ཚེ་སོ་སོར་མྱོང་ན། དེ་སེམས་ཅན་དམྱལ་བ་དེ་ལས་ཐར་པར་འགྱུར་རོ།། ཐར་ནས་ཀྱང་ལས་དེ་དང་རྒྱུ་འཐུན་པར་ཚེ་རབས་སྟོང་དུ་ཡི་དགས་མཆིལ་མ་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ། ། དེ་ལས་ཐར་ནས་ཀྱང་ཚེ་རབས་ལྔ་བརྒྱར་འོད་མའི་ཚལ་དུ་སྲིན་བུར་སྐྱེ་བར་འགྱུར་ཏེ། གང་དང་གང་དུ་སྐྱེས་པར་རྡོ་འབབ་པས་འདམ་བུ་སྲབ་མོར་བརྡུངས་པ་ལྟར་ལུས་ཤིན་ཏུ་སྲབ་མོར་རྡུང་བའི་གནོད་པ་མྱོང་བར་བྱེད་དོ།། དེ་ལས་ཐར་ནས་ཀྱང་། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དབུལ་ཞིང་ནད་བུ་ཅན་དང་། གཞན་གྱིས་མ་ངག་པ་དང་། ཡུལ་བྱེ་མ་ཅན་དང་། མྱ་ངམ་དང་། གཡང་ས་དང་། ཆུ་མེད་པ་དང་། རྩཝ་མེད་པ་དང་། ནགས་ཚལ་མེད་པ་དང་། ནེའུ་གསིང་མེད་པ་དང་། ལྟེང་ཀ་མེད་པའི་འཁོར་རྟག་ཏུ་གནོད་པར་སྐྱེ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ལུས་ཞུམ་མི་བཟང་འཕྱང་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སྦྱིན་པ་པོ་འམ། སྦྱིན་བདག་གང་གིས་འདི་ལྟར་རྫས་འདིས་ནད་པ་དེ་དག་ཉིད་ཀྱི་དོན་དུ་འགྱུར་བར་བྱའོ་སྙམ་ནས། གུས་པ་དང་། དད་པ་དང་། དང་བ་དང་། ཡིད་གསལ་བས་ནད་པའི་ཁྱིམ་གྱི་ནང་ནས་བྱུང་བ། དེ་ནད་ཞི་བར་བྱ་བའི་ཕྱིར་རྫས་བྱིན་པ། སྡིག་པ་ཅན་ལུག་བོང་ལྟར་སྤྱོད་པ། ཁོང་གསོག་ཏུ་འདུག་པ། གོས་ངུར་སྨྲིག་བགོས་པ་དེས་ནད་པའི་གསོས་སྨན་གྱི་རྐྱེན་གྱི་ཡོ་བྱད་དུ་བྱས་པ་འཕྲོག་པར་བྱེད་དོ།། ཕྲོགས་ནས་ཀྱང་རང་ཉིད་ཟའོ།། ཟོས་ནས་ཀྱང་འཆགས་པར་མི་བྱེད། འགྱོད་པར་མི་བྱེད། སྦྱོང་བར་མི་བྱེད་ཅིང་། དེ་ནས་ཡང་བྱེད་ལ། གཞན་དག་ཀྱང་དད་པར་བྱེད། རབ་ཏུ་འཇུག་པར་བྱེད། རྗེས་སུ་དགའ་བར་བྱེད་ཅིང་། ཡང་དང་ཡང་དུ་སེམས་ཀྱིས་རོ་མྱོང་བར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ལུས་ཞུམ་མི་བཟང་འཕྱང་དུ་སྐྱེ་བར་འགྱུར་རོ།། དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་འབྱུང་ངོ་། ། ཁྱད་པར་དུ་འབྱུང་བ་ནི་འདི་ལྟར་སེམས་ཅན་དམྱལ་བ་དེ་ན་ལྕགས་ཀྱི་ཤིང་ལྗོན་པ་ཡལ་ཀ་རབ་ཏུ་རྒྱས་ཤིང་རབ་ཏུ་འབརབ་དཔག་ཚད་ཙམ་ཡོད་དེ། རབ་ཏུ་མཆེད་ཅིང་འབར་བའི་རྣམ་པ་དེ་ལྟ་བུ་དེ་ཁོང་པའི་ནང་དུ་འཚེད་དོ།། གང་གིས་སེམས་ཅན་དམྱལ་བ་དེ་རྡོ་རེག་ན་རྡོ་རྗེ་ལྟར་སྲ་ཞིང་རབ་ཏུ་འབར་བས་ཡང་བརྒྱ་འགྱུར་དུ་རབ་ཏུ་སྲེག་སྟེ། ཤིང་གི་མེ་དེའི་རྣམ་པ་ནི་དེ་ལྟ་བུ་ཡིན་ནོ།། ཤིང་དེའི་རྩ་བའི་འོག་ཏུ་སེམས་ཅན་དམྱལ་བ་དེ་སྐྱེ་བར་འགྱུར་ཏེ། ནད་བཞི་བརྒྱ་རྩ་བཞིས་གནོད། པར་བྱས་ཤིང་འཕེལ་བར་བྱེད་པ་ན། གཅིག་པུ་ཟླ་མེད་ཅིང་གྲོགས་མེད་པར་སྡུག་བསྔལ་མྱོང་ངོ་།། གང་དེའི་མགོ་དེ་ཐུར་དུ་བསྟན་ཅིང་། རྐང་པ་གྱེན་དུ་འགྲེང་བའི་ཤིང་དེའི་མེའི་མཐུ་དེ་ནི་མེ་གཞན་གང་ཡིན་པ་དེ་དག་ཆུ་བསིལ་བ་དང་འདྲ་སྟེ། དེའི་རྩ་བར་དེ་དེ་ལྟར་གནོད་པར་བྱེད་དོ།། ཇི་ལྟར་སྒྲའི་རྩེ་མོའི་བར་ཙམ་ཡང་མེད་པ་དེ་ལྟར་གནོད་པར་བྱེད་དོ།། དེ་ནད་དེ་དག་གིས་ཀྱང་ཉོན་མོངས་ཤིང་མེ་བརྒྱ་འགྱུར་གྱིས་སྲེག་ལ་ཤིང་གི་འོག་ཏུ་སོང་བས་ཀྱང་ཤིན་ཏུ་གནོད་པ་ན་ཡུན་རིང་པོ་ལོ་བགྲང་གིས་མི་ཡང་བར་གནོད་པ་མྱོང་ངོ་། ། དེ་ལྟར་དེ་གནོད་པ་མྱོང་བ་ན། ཡང་གཤིན་རྗེའི་མི་ལག་ན་མཚོན་ཆ་ཐོགས་པ་དག་མཚོན་ཆ་བླངས་ནས་གནད་དང་གནད་དག་གཅོད་པར་བྱེད་ཅིང་པགས་པ་འདྲལ་བར་བྱེད་དོ། ། དེ་གནོད་པ་ལྔ་ཡིས་གནོད་པར་བྱེད་དེ། ནང་དང་། ཤིང་གི་མེ་དང་། མཚོན་ཆ་དང་། བཀྲེས་པ་དང་། སྐོམ་པས་ཡུན་རིང་པོ་ལོ་བགྲང་གིས་མི་ཡང་བར་སྡུག་བསྔལ་མྱོང་ངོ་།། སྤུ་ཟིང་ཞེས་བྱེད་པ་བརྒྱ་ཕྲག་ཁྲི་དང་ལྡན་པ་དེ་མངོན་པར་བརྗོད་པ་དེས། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་ཆེ་བ། མི་བདེ་བ། རྩུབ་པ་དག་མྱོང་བར་འགྱུར་རོ།། གང་གི་ཚེ་ལས་དེ་ཟད་ནས་སེམས་ཅན་དམྱལ་བ་དེ་ལས་ཐར་པར་འགྱུར་ལ། ཐར་ནས་ཀྱང་ལས་དེ་དང་རྒྱུ་འཐུན་པར་ཡི་དགས་མེ་མངག་དང་དུད་པ་ཟ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། ལུས་བཀྲེས་པ་དང་སྐོམ་པས་གདུངས་ཤིང་ལུས་ཚལ་ཤིང་བསྲེགས་པ་ལྟ་བུར་འགྱུར། ཡི་དགས་ཀྱི་འཇིག་རྟེན་དེ་ལས་ཐར་ནས་ཀྱང་ཚེ་རབས་ལྔ་བརྒྱར་དུད་འགྲོ་མ་མདག་ཆར་ལྟར་འབབ་པ་དང་། བྱེ་མ་ཆར་ལྟར་འབབ་པས་སྲེག་ཅིང་འཚེད་དོ།། དུད་འགྲོའི་འཇིག་རྟེན་དེ་ལས་ཐར་ནས་ཀྱང་། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། འདུ་བའི་གཞིར་གནས་ཤིང་རྡོལ་ཟ་སྟེ། སྐྱེས་ནས་ཤིན་ཏུ་སྡུག་བསྔལ་ལ་ནམས་ཀྱང་ལྟོ་འགྲངས་པར་མི་འགྱུར། ལྕེའི་རྩེ་མོས་ཀྱང་ཟས་ཞིམ་པོ་མྱོང་བར་མི་འགྱུར་ཏེ། ཐོས་པ་ཙམ་འབའ་ཞིག་ཏུ་ཟད་དོ།། གཞན་གྱིས་བཀོལ་ཞིང་། དབུལ་བ་དང་། ནད་བུ་ཅན་དང་། སྨད་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མན་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་རི་བརྩེགས་ཆར་ལྟར་འབབ་པ་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་རང་སངས་རྒྱས་བཀྲེས་པའི་ཟས་ཕྲོགས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རི་བརྩེགས་ཆར་ལྟར་འབབ་པ་ཞེས་བྱ་བར་སྐྱེ་བར་འགྱུར་རོ། ། དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་བརྒྱ་འགྱུར་དུ་འབྱུང་ངོ་། ། ཁྱད་པར་དུ་འབྱུང་བ་ནི། འདི་ལྟར་ཐོ་བ་དང་། མདུང་ཐུང་དང་། རྫ་མ་དང་། ལུང་བའི་སྡུག་བསྔལ་དང་། མཚོན་ཆ་འབབ་པའི་སྡུག་བསྔལ་སྣ་ཚོགས་མྱོང་བར་བྱས་ཤིང་རི་བརྩེགས་ཆར་ལྟར་འབབ་པ་དེའི་སྟེང་དུ་འབབ་བོ། ། དེའི་སྟེང་དུ་རི་བརྩེགས་པ་དཔག་ཚད་ཙམ་ཡོད་པ་བབ་པ་གང་གིས་དེ་བྱེ་མ་ཆང་པ་ནས་གཏོར་བ་བཞིན་ཕྱེ་མར་རློག་གོ།། ཕྱེ་མར་བརླགས་པ་དང་། ཡང་སླར་སྐྱེ་བར་འགྱུར་རོ།། དེ་ནས་ཡང་ཕྱེ་མར་རློག་པར་བྱེད་དོ།། མེའི་ཕུང་པོ་བཅུ་གཅིག་གི་དབུས་སུ་བཅུག་ནས་མེ་ཐབ་ཀྱི་ནང་དུ་ལུས་མ་ལུས་པར་སྲེག་གོ། དེའི་མིགེ་སྐྱེས་པ་ལས་ཕྱུང་ནས་གཏུབས་ཤིང་བཅད་དེ་གཏོར་ཏོ།། དེའི་ལྕེ་ཡང་ག་ཤིན་རྗེའི་མི་རྣམས་ཀྱིས་གཅོད་དོ།། བཅད་ནས་ཀྱང་སླར་སྐྱེའོ།། དེའི་སྣ་ཡང་བཅད་ཅིང་ཞ་ཉེ་རབ་ཏུ་བསྐོལ་བས་འགེངས་སོ། ། དེའི་རྣ་བའང་ཟངས་དམར་པོ་བཞུས་པས་འགེངས་སོ།། པ་ཚྭ་རབ་ཏུ་བསྐོལ་བས་ལྕགས་ཀྱི་སྣོད་རབ་ཏུ་བསྲེགས་པ་བཀང་སྟེ། ཁྱེར་ནས་དེ་ལ་ཆག་ཆག་འདེ་བྲ་ཤིང་། ཡང་སྤུ་གྲི་རྣམས་ཀྱིས་ཤིན་ཏུ་འཇོག་པར་བྱེད་དོ།། ནད་བཞི་བརྒྱ་རྩ་བཞི་རྣམས་ཀྱིས་རྟག་ཏུ་གནོད་པར་བྱེད་དོ།། དེ་ཀུན་ནས་སྡུག་བསྔལ་གྱིས་ཉམ་ཐག་ཅིང་ཐམས་ཅད་ནས་རབ་ཏུ།། འབར་བ་མེ་ལྕེ་གཅིག་ཏུ་གྱུར་པ། སེམས་ཅན་དམྱལ་བ་བའི་སྡུག་བསྔལ་ཚ་བ་རྩུབ་པ་དག་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་སོ་སོ་མྱོང་བར་འགྱུར་བ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡུན་རིང་པོ་ལོ་བགྲང་གིས་མི་ལང་བར་མྱོང་བར་འགྱུར་རོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་། རྒྱུ་འཐུན་པར་ཚེ་རབས་ལྔ་བརྒྱར་ཡི་དགས་གྲོག་སྦུར་ཡན་ལག་རྣོ་བ་འབབ་པས་ཉམ་ཐག་ཅིང་ཙན་ད་ནི་ཀ་ཟ་བའི་ནང་དུ་སྐྱེ་བར་འགྱུར་རོ།། དེ་གལ་ཏེ་དེ་ལས་ཐར་ནས་ཀྱང་ཚེ་རབས་བདུན་བརྒྱར་ཅི་རི་ཀ་དགོན་པ་ན་གནས་པ་མ་རུངས་པ་སྒྲ་འབྱིན་པའི་ནང་དུ་རི་དགས་རུ་རར་སྐྱེ་བར་འགྱུར་ཏེ། ལུས་རྟག་ཏུ་བཀྲེས་པ་དང་སྐོམ་པས་གདུངས་པར་འགྱུར། དེ་གལ་ཏེ་དེ་ལས་ཐར་ནས་ཀྱང་། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དག་ཏུ་ཁུར་ཁྱེར་ཞིང་གཞན་གྱིས་བཀོལ་བར་འགྱུར། གནོད་པ་སྣ་ཚོགས་ཀྱིས་ལུས་ཤིག་ཤིག་པོར་གྱུར་ཅིང་མཚན་མོ་དང་ཉིན་པར་བདེ་བར་གནས་པར་མི་འགྱུར། རྐང་པ་དང་ལག་པ་དག་རྡོལ་ཅིང་། གདོང་རྟག་ཏུ་རྩུབ་པར་འགྱུར། ལུས་ཀྱི་མདོག་ངན་པ་དྲི་མ་ཅན་ལ་རྟག་ཏུ་གོས་དང་བྲལ་བར་འགྱུར། ལས་དེ་དང་རྒྱུ་མཐུན་པར་མིར་གྱུར་ནའང་ཚེ་རབས་ལྔ་བརྒྱར་མི་ཡི་དགས་ཀྱི་གཟུགས་ལྟ་བུར་འགྱུར། མཚན་མོ་དང་ཉིན་པར་ལུས་དང་ཡིད་བདེ་བར་གནས་པར་མི་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། ། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་བྱ་འཛམ་བྷ་སྒྲ་འབྱིན་ཅེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་ཡུལ་དགོན་དུང་ན་ཆུ་ཉུང་ངུ་ཞིག་ཡོད་པ་དང་སྲོག་ཆགས་རྣམས་སུ་འབྲེལ་ཏེ། དེ་ལ་སྲོག་ལྟོས། དེ་ལ་རག་ལས་ཤིང་འདྲེན་པ་སྲོག་འཚོལ་དེ་དག་དང་འབྲེལ་པའི་ཆུ་དེ་མི་ངན་པ་སྡང་བའི་སེམས་ཀྱིས་གཅོད་དོ།། དེའི་ཆུ་བཅད་པས་ཡུལ་ཐམས་ཅད་མ་རུང་བར་བྱས་པ་ནས། རི་དགས་དང་བྱའི་བར་ཐམས་ཅད་ཀྱང་ཤི་ལ། གྲོང་དང་གྲོང་ཁྱེར་གྱི་དགེ་སྦྱོང་དང་། བྲམ་ཟེ་ཀུན་ལ་གནོད་པར་བྱས། སྐོམ་གྱིས་གདུངས་པར་བྱས་ཤིང་། དེའི་ཆུ་བཅད་པས་ཡུལ་མ་རུངས་པབཔར་བྱས་པ་དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་བྱ་བའ་ཛ་མ་བྷ་སྒྲ་འབྱིན་དུ་སྐྱེ་བར་འགྱུར་རོ། ། དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་འབྱུང་ངོ་། ། ཁྱད་པར་དུ་འབྱུང་བ་ནི། འདི་ལྟར་དཀོན་པ་དཔག་ཚད་བདུན་བརྒྱ་ཡོད་པ་དང་། ལྕགས་ཀྱི་ཤིང་ལྗོན་པ་དང་། རི་བྲག་རབ་ཏུ་འབར་ཞིང་མི་བཟད་པ་དེ་པ་སེམས་ཅན་དམྱལ་བ་དེས་ཕྱིན་ཅི་ལོག་ཏུ་ཆུ་དང་། ཤིང་ལྗོན་པ་དང་། ནགས་ཚལ་དང་། ལྟེང་ཀ་ཕུན་སུམ་ཚོགས་པ་མཐོང་ངོ་།། དེའང་བཀྲེས་པ་དང་སྐོམ་པ་དཔེ་མེད་ཅིང་ཤིན་ཏུ་མི་བཟང་བའི་མེ་དེས་བསྲེགས་ནས་ངུ་སྐད་འབྱིན། ཡོངས་སུ་སྨྲེ་སྔགས་འདོན་བཞིན་དུ་ཆུ་དེ་བདག་གིས་བཏུང་ངོ་སྙམ་ནས། ལྟེང་ཀ་དེའི་དྲུང་དུ་བརྒྱུགས་པ་དང་། དེའང་བ་ཚྭ་རབ་ཏུ་བསྐོལ་བས་གང་ངོ་། ། དེ་ནས་ཡང་གཤིན་རྗེའི་མི་ལག་ན་མཚོན་ཐོགས་པ་བརྒྱ་འབྱུང་སྟེ། དེ་དག་གིས་དེ་གཟུང་ངོ་།། བཟུང་ནས་ཀྱང་མཚོན་ཆ་རྣམས་ཀྱིས་གཤེགས་ཤིང་དྲལ་ཏོ།། དེ་སྡུག་བསྔལ་གཉིས་ཀྱིས་སྡུག་བསྔལ་བ་ཡིན་ཏེ། མཚོན་ཆ་དང་། བཀྲེས་སྐོམ་གྱི་སྡུག་བསྔལ་གྱིས་སྡུག་བསྔལ་ལོ།། དེ་ལྟར་དེ་ཡུན་རིང་དུ་མཚོན་ཆ་དང་དགོན་པའི་སྡུག་བསྔལ་མྱོང་ངོ་།། དེ་གལ་ཏེ་དེ་ལས་ཐར་ནས་ཀྱང་བཀྲེས་པ་དང་སྐོམ་པས་ཉེན་པས་ག་རབབ་བབ་ཏུ་འབྲོས་པ་དང་། དེས་ཆུ་བསིལ་བ་དག་ཅིག་མཐོང་ནས་དེར་སོང་ངོ་།། དེར་སོང་བ་དང་། ཆུ་དེ་དག་ཀྱང་བྱ་འཛམ་བྷ་སྐད་འབྱིན་ཅེས་བྱ་བ་གླང་པོ་ཆེ་ཙམ་ལ་མཆུ་རྣོ་བ་ཞིག་ཡིན་ཏེ། དེས་གཟུང་ངོ་།། བཟུང་ནས་ཀྱང་གནམ་དུ་འཕངས་སོ།། འཕངས་ནས་འཁྲུལ་ཅིང་དྲན་པ་དང་བྲལ་བས་སླར་ལོག་པ་དང་། ས་གཞི་རབ་ཏུ་འབར་ལ་སྲ་ཞིང་རེག་པར་མི་བཟོད་པའི་སྟེང་དུ་རྡོ་བཞིན་དུ་ལྷུང་སྟེ། དེ་དེར་དུམ་བུ་བརྒྱར་གྱེས་སོ།། དེ་ནས་ཡང་སླར་འདུས་ཏེ་སོས་པ་དང་། བྱ་དག་གིས་བཟུང་ནས་དེ་སྔོན་བཞིན་དུ་སྡུག་བསྔལ་བར་བྱེད་དོ། ། ནད་ཐམས་ཅད་ཀྱིས་ཀྱང་ཐབས་ནས། དེ་ལྟར་སྔོན་བཞིན་དུ་ལོ་བྱེ་བ་འབུམ་ཕྲག་དུ་མར་བྱས་པའི་སྡུག་བསྔལ་གྱི་རྣམ་པ་དེ་དག་མྱོང་ངོ་།། དེ་གལ་ཏེ་དེ་ལས་ཐར་ནས་ཀྱང་། ཡང་གཤིན་རྗེའི་མི་རྣམས་ཀྱིས་གཟུང་ངོ་། ། བཟུང་ནས་ཟངས་དམར་པོ་རབ་ཏུ་བསྐོལ་བ་ཆུ་བོའི་གློང་ལྟ་བུར་བཅུག་གོ།། དེ་བཅུག་ནས་དབུ་བའི་གོང་བུ་བཞིན་དུ་རབ་ཏུ་བཞུས་སོ།། དེ་ནས་ཡང་སླར་འབྱུང་སྟེ། ཉེས་པར་བྱས་པའི་ལས་ཀྱི་མཐར་སྤྱད་པ་དེ། དེ་ལྟར་ཡུན་རིང་དུ་ལོ་བགྲང་གིས་མི་ལང་བར་འཚེད་དོ།། དེ་གལ་ཏེ་དེ་ལས་ཐར་ནས་ཀྱང་། ལུས་བཀྲེས་པ་དང་སྐོམ་པས་གདུངས་པ་ཡུལ་མ་རུང་བར་བྱེད་པ་དེ་རང་གི་ལས་ཀྱིས་བྱས་པ་མྱོང་བཞིན་དུ་གར་བབ་བབ་ཏུ་འབྲོས་པ་དང་། ལམ་དུ་ཕུར་དུ་རྩེ་མོ་ཤིན་ཏུ་བརྡར་ཅིང་རྣོ་བ་བྱུང་སྟེ། དེས་དེའི་རྐང་མཐིལ་ལ་སོགས་པར་བརྟོལ་བ་ནས། པུས་མོའི་ལྷ་ངའི་བར་དུ་བརྟོལ་ཏོ། ། རྐང་པ་བརྟོལ་བ་དེ་དེའི་ལུས་ནི་རབ་ཏུ་འབར། སྡུག་བསྔལ་གྱིས་ཉམ་ནི་ཟག། སྙིང་རྗེ་རྗེ་སྐད་དུ་ཀུ་ཅོ་འབྱིན། ཡོངས་སུ་སྨྲེ་སྔགས་ནི་འདོན། ངུ་ཞིང་རང་གི་ཁྲག་གི་ནང་དུ་ལྷུང་ཞིང་བྱིང་ངོ་། ། དེ་ནས་ཡང་ལུས་ཀྱི་ཡན་ལག་ཐམས་ཅད་བསྲེགས་པ་ལངས་ནས་དེ་ལྟར་སེམས་བློང་བློང་པོར་གྱུར་པ་དེ་འགྲོ་བ་དང་། ཁྱི་སོ་རབ་ཏུ་འབར་བ་དག་འོངས་ནས་དེ་དག་གིས་བཟུང་སྟེ། རོའི་ཡན་ལག་དང་ཉིང་ལག་ཐམས་ཅད་དང་། པགས་པ་དང་། ཁྲག་དང་། ཤ་དང་། ཚིལ་དང་། རྐང་ཡན་ཆད་ལ་ཟའོ།། དེ་ལྟར་ཡུལ་མ་རུང་བར་བྱེད་པ་དེ་ཇི་སྲིད་དུ་དེའི་སྡིག་པའི་ལས་བྱས་ཤིང་བས་གྲཝ་པ་སོ་སོར་མྱོང་བར་འགྱུར་བ་མ་ཟད་ཅིང་མ་སྤངས་པ་དེ་སྲིད་དུ་རང་གི་གནོད་པ་ཡུན་རིང་དུ་མྱོང་བར་འགྱུར་རོ། ། དེ་ཕྱིས་ལས་དེ་དང་འཐུན་པར་ཚེ་རབས་ལྔ་བརྒྱར་དུད་འགྲོ་ཕྱི་བ་རྣམས་ཀྱི་ནང་དུ་སྐྱེ་བར་འགྱུར་ཏེ། གར་སྐྱེས་པར་སེ་རབས་སམ། སྦྲུལ་དག་གིས་གསོད་པ་འམ། རླུང་དག་གིས་གསོད་པར་འགྱུར། དེ་དེ་ལས་ཐར་ནས་ཀྱང་། གལ་ཏེ་མི་རྣམས་དང་ཞལ་བ་མཉམ་པར་མིར་སྐྱེས་ན། དེ་རི་ཁྲོད་པའི་རིགས་སུ་སྐྱེ་ཞིང་སྐྱེ་བོ་ཀུན་གྱིས་སྨད་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྐར་འཕྲེང་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་ཉོན་མོངས་པ་ཐམས་ཅད་ཟད་པར་བྱེད་འདོད་པ། འགོག་པ་ལས་ལངས་པའི་དགེ་སློང་དང་པོ་ཤིན་ཏུ་བཀྲེས་པ་དེའི་ཁ་ཟས་ཕྲོགས་ཏེ། ཕྲོགས་ནས་ཀྱང་། མགུ་ཞིང་ཡིད་རབ་ཏུ་དགའ་ལ། ཡང་དང་ཡང་དུ་རོ་མྱང་བར་བྱེད། ལེགས་པར་སེམས་པ་དེ་ཉིད་ལ་གཞན་དག་ཀྱང་གཟེངས་སྟོང་པར་བྱེད་ལ། ལས་དང་ལས་ཀྱི་ཉེར་བསྡོམ་དང་། ལས་ཀྱི་མཇུག་དང་ཡང་དག་པར་ལྡན་པ་བྱས་ཤིང་བསགས་པའི་ལས་མི་བཟད་པ་རྣམ་པ་དེ་ལྟ་བུ་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྐར་འཕྲེང་དུ་སྐྱེ་བར་འགྱུར་རོ། ། དེར་སྐྱེས་ནས་ཀྱང་། གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པས་བསྡུས་པ་དེ་དག་ཐམས་ཅད་བརྒྱ་འགྱུར་དུ་འབྱུང་ངོ་།། ཁྱད་པར་དུ་འབྱུང་བ་ནི། འདི་ལྟར་སེམས་ཅན་དམྱལ་བ་དེའི་གནས་གྲཝ་གཉིས་པ་ཡོད་དེ། ཀུན་ནས་རྫ་མས་ཡོངས་སུ་བསྐོར་ཏོ།། གྲཱ་གཅིག་ན་རྫ་མ་རབ་ཏུ་འབར་བ་སྐར་མ་བཀྲམ་པ་ལྟ་བུར་ལེ་བྱེ་བ་ཁྲག་ཁྲིག་སུམ་ཅུ་རྩ་དགུ་དང་། བེར་འབུམ་དགུ་སྟོང་དང་། བྱེ་བདུང་འཕྱར་ཕྲག་དྲུག་ཅུ་དང་། རྐྱང་འཕྱེས་བྱེ་བ་སུམ་ཅུས་ཛ་ལི་ནི་དང་། ཀོད་ནཱུ་ཊཱི་ཀོད་ཌྷཱ་དང་། ཀཱི་སར་སྟོང་དྲག་ཉི་ཤུ་སྟེ། གྲངས་ཀྱི་ཚུ་དེ་སྙེད་ཀྱི་བར་དུ་འཚེད་ཅིང་སྲེག་སྟེ་ཉ་ལྟར་འགྲེ་ལྡོག་གོ། ཟངས་དམར་པོ་བསྐོལ་བ་རབ་ཏུ་འབར་བ་རྫ་མར་བླུགས་པར་ཉིན་གཅིག་བཞིན་དུ་ཚ་བར་བྱས་ཤིང་སྡུག་བསྔལ་དྲག་པ། རྩུབ་པ། མི་བ་ཟད་པ་འཕེལ་ཏེ་ངུ་སྐད་འདོན་ཅིང་ཆོ་ངེས་འདེབས་སོ། ། དེ་ལྟར་དེ་ཉེས་པར་བྱས་པའི་ལས་སྨད་པར་བྱས་པ་རང་གི་སེམས་ལས་བྱུང་བས་ཡུན་རིང་དུ་སྔ་མ་བཞིན་དུ་འཚེད་དོ།། གལ་ཏེ་ཕྱོགས་གཅིག་ལས་ཐར་ནས་ཀྱང་། རླུང་སེམས་དང་ཕྲག་པར་འཇུག་ཅེས་བྱ་བ་སྤུ་གྲི་ལྟ་བུས་གནད་ཐམས་ཅད་དང་། གནད་སོ་སོ་དག་བཅད་ནས། དེས་སེམས་ཅན་དམྱལ་བ་པ་དེ་སྟེང་དུ་བྱུང་སྟེ། སེམས་ཅན་དམྱལ་བ་པའི་གྲཝ་གཉིས་པ་དེར་བཅུག་གོ། སེམས་ཅན་དམྱལ་བ་པ་རླུང་གི་ས་བདས་ནས། གྲཝ་གཉིས་སུ་བཅུག་པའི་ལུས་ཀྱི་ཁམས་སུ་གཏོགས་པ་ཐམས་ཅད་བྱེ་བ་སྙེད་དུ་གཏུབས་ཤིང་བཅད་དེ་ལུས་ལ་རྩ་རྒྱུས་ཙམ་ལུས་པར་བྱེད་དོ། ། དེ་ལྟར་དེ་བཅད་པའི་ལྷག་མ་དེ་ག་ཤིན་རྗེའི་མི་རྣམས་ཀྱིས་གཟུང་ངོ་།། བཟུང་ནས་རྫ་མ་སྐར་མའི་འཕྲེང་བ་ལྟ་བུར་ཆུང་གིས་བདས་ཏེ་བཅུག་གོ།། དེ་ཡང་དང་ཡང་དུ་དེར་བཅུག་པ་ན། རྐང་པ་གྱེན་དུ་བསྒྲེང་ཞིང་མགོ་ཟུར་དུ་བསྟན་པ་དང་། ཐོག་མ་ཉིད་དུ་མགོ་ལྟུང་ངོ་།། དེའི་འོག་ཏུ་ཟངས་དམར་པོ་རབ་ཏུ་བསྐོལ་བར་མིག་ལྟུང་བར་བྱེད་དོ།། དེའི་འོག་ཏུ་དེའི་ཁའི་པགས་པ་ལྟུང་བར་བྱེད་དོ།། དེའི་མིང་པར་ཟངས་དམར་པོ་བཞུས་པས་གང་སྟེ། དེའི་མིད་པ་ཐམས་ཅད་ཁྱབ་པར་སྲེག་པ་ན། ངུ་སྐད་འབྱིན་པ་འམ། བྲོས་པར་མི་ནུས་སོ།། དེ་ལྟར་དེའི་ལུས་ཀྱི་སྡུག་བསྔལ་གྱིས་ཉམ་ཐག་པ་ཡང་དང་ཡང་དུ་གཤིན་རྗེའི་མི་དེ་དག་གིས་ཐོ་བ་བླངས་ནས། མགོ་སླར་བྱུང་བ་དག་ལ་རྡེག་པར་བྱེད་དོ།། ཀླད་པ་ཉམས་པ་དེས་དེའི་ལུས་ཐམས་ཅད་ཁྱབ་སྟེ། མགོ་དང་། ལུས་དང་། ཁོག་པ་ཡུན་རིང་དུ་ཉ་འགྲེ་ལྡོག་པ་ལྟར་འགྲེ་སྟེ། དེ་ལྟར་དེ་སེམས་ཅན་དམྱལ་བ་སྐར་འཕྲེང་གི་གྲཝ་གཉིས་པར་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཚེད་དོ། ། དེའི་ལས་བྱས་ཤིང་བསགས་པ་ཟད་ནས། དེ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ཚེ་རབས་སྟོང་དུ་ཡི་དགས་ཟས་ལ་རེ་བར་སྐྱེ་བར་འགྱུར་ཏེ། དེ་ལྟར་དེ་ཚེ་རབས་བདུན་བརྒྱར་ཚེགས་ཆེན་པོས་ལོ་བརྒྱར་བསྒྲུབས་ན། ཟས་ལན་ཅིག་གཅིག་རྙེད་པར་སྐྱེ་བར་འགྱུར། ཚེ་རབས་ལྔ་བརྒྱར་རི་བོར་ན་གནས་པའི་རི་དགས་རྣམས་ཀྱི་ནང་དུ་སྐྱེ་བར་འགྱུར་ཏེ། རྟག་ཏུ་འཁྲུལ་པས་འཇིགས་ཤིང་སྐྱེ་བོ་ཀུན་གྱིས་འཇིགས་པ་དང་། རི་དོར་གྱི་གསེབ་མི་མེད་པར་ཡང་རྟག་ཏུ་འཁྲུལ་ཅིང་ལུས་སྐེམ་ལ་མདོག་ངན་པར་འགྱུར་རོ།། དེ་ཕྱིས་ལས་ཀྱི་ལྷག་མ་དེས་ལིངས་མི་དག་འོང་བའི་གནོད་པས་སྲོག་དང་བྲལ་བར་འགྱུར་རོ།། དེ་དེ་ནས་ཤི་ནུས་ཀྱང་གལ་ཏེ་སོ་སོ་མྱོང་བར་འགྱུར་པའི་ལས་ཀྱིས་མི་རྣམས་དང་སྐལ་བ་མཉམ་པར་མི་སྐྱེས་ན། དེ་རྟག་ཏུ་ཚོང་པའི་ལམ་སྟོན་པ་བྱེད་པར་འགྱུར། རྟག་ཏུ་ལུས་བཀྲེས་ཤིང་སྐོམ་ལ་དུད་པ་དང་། ཡི་ཆད་པ་དང་། གཞན་ལ་རག་ལས་པ་མང་བ་དང་། སྲོག་ཙམ་གྱིས་འཚོ་སྟེ། དེ་ལྟར་མིའི་གཟུགས་བརྙན་དུ་གྱུར་པ། རྟག་ཏུ་སྡུག་བསྔལ་གྱིས་སྡུག་བསྔལ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྡུག་བསྔལ་ཀུན་གྱིས་ཉེན་ཅེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པ་ས་བརྟགས་ན། གང་གིས་ཐམས་ཅད་མཁྱེན་པའི་གསུང་རབ་གླེགས་བམ་ལ་བྲིས་པ། སྡང་སེམས་དང་། ལོག་པར་ལྟ་བ་དང་། ལོག་པར་འཁུ་བའི་སེམས་ཀྱིས་འདི་ལྟར་སངས་རྒྱས་ལ་སྲོག་ཆགས་དག་ཆོས་དེ་ཉན་པ་དད་པ་མེད་པར་བྱ་བའི་ཕྱིར་ཆོས་ཀྱི་གཞི་གཞིག་སྟེ་གཏོང་ངོ་སྙམ་ནས་བོར་ན། དེ་ལོག་པར་ལྟ་བ་བྱས་ཤིང་བསགས་པའི་ལས་ཀྱིས་སེམས་རྙོག་པར་བྱས་ཤིང་། གཞན་དག་ཀྱང་དེ་ལ་རབ་ཏུ་འཇོག་པར་བྱེད། ཡང་དག་པར་དགའ་བར་བྱེད་ལ། དེ་ནས་ཡང་ཆོས་ཀྱི་གླེགས་བམ་དུ་གཏོགས་པ་སྣང་བའི་སེམས་ཀྱིས་འདོར་བར་བྱེད་དེ། ལས་དང་ལས་ཀྱི་ཉེར་བ་སྡོགས་དང་། ལས་ཀྱི་མཇུག་ལ་ཕྱི་ཕྱིར་ཞིང་དེ་ཉིད་ལ་དགའ་བར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྡུག་པསྔལ་ཀུན་གྱིས་ཉེན་པར་སྐྱེ་བར་འགྱུར་རོ།། དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོ་ས་ལ་སོགས་པ་བདུན་གྱི་གནོད་པ་བསྡུས་པ་དེ་དག་ཐམས་ཅད་འབྱུང་ངོ་། ། ཁྱད་པར་དུ་འབྱུང་བ་ནི་འདི་ལྟར་དམྱལ་བའི་མིག་ལ་ཟངས་དམར་པོ་རབ་ཏུ་བཞུས་ཏེ་ཆག་ཆག་བཏབ་པས་རབ་ཏུ་ཞུ་བ་དང་། དེ་བཞིན་དུ་བྱེ་མ་རབ་ཏུ་འབར་བ་རེག་ན་རྡོ་རྗེ་ལྟར་སྲ་བ་རྣམས་ཀྱིས་མིག་དེ་ལ་བཏབ་ནས་ལག་པས་བཟུང་སྟེ། མི་བཟད་པས་མཉེས་སོ།། དེ་ལྟར་མིག་ལ་མཉེས་པ་གང་ཡིན་པ་དེ་བྱེ་མ་རེག་པ་རབ་ཏུ་ཞུའོ། ། དེ་ནས་ཡང་སླར་སྐྱེ་བར་འགྱུར་ཏེ། ཡང་མཉེས་སོ།། སོག་ལེ་རབ་ཏུ་འབར་བའང་བླངས་ནས་ལག་པ་གཉིས་བཅད་དོ།། དེ་ནས་ཡང་སླར་འབྱུང་བར་འགྱུར་ཏེ། ཕྱེད་རྫ་མ་རབ་ཏུ་འབར་བའི་ནང་དུ་ལྷུང་སྟེ་འཚེད་དོ། ། དེའི་བྱེད་ཀྱང་མཚོན་གྱིས་འཇོག་པར་བྱེད་ཅིང་། གཅོད་པར་བྱེད་དོ།། དེ་མིག་གཉིས་ཀྱིས་དམ་པའི་ཆོས་མཐོང་ནས་བོར་བ་དེའི་རྣམ་པར་སྨིན་པ་ནི་དེ་ཡིན་ནོ། ། གང་ལག་པས་བོར་བ་དེའི་རྣམ་པར་སྨིན་པ་ནི།། དེའི་ལག་པ་བཅད་པ་ཡིན་ནོ།། གང་གིས་ཉེས་པར་སྤྱད་པ་དེ་བསགས་པ་ནི་རྫ་མའི་ནང་དུ་བཅུག་སྟེ་འཚེད་པ་ན། བྱའི་མཆུ་རྣོ་ལ་རབ་ཏུ་འབར་བས་བཟས་ཏེ་ཕུག་ནས། ཟ་ཞིང་སྟེང་གི་ཁུ་བ་ལ་འཐུང་བར་བྱེད་དོ།། དེའི་འོག་ཏུ་སོང་བའི་པགས་པ་ལྕུག་མ་རྫ་མའི་ནང་དུ་མ་བཅུག་པ་ཕྱེད་པོ་དེ་ནི་གཤིན་རྗེའི་མི་རྣམས་ཀྱིས་སྟེའུ་ཡིས་འཇོག་གོ། ། བྱེད་བཞོགས་ནས་ཤིན་ཏུ་སྲབ་མོར་བྱེད་དོ།། དེ་ནས་བ་ཚྭའི་ཆུས་ཀྱང་ཆག་ཆག་འདེབས་སོ།། ཁབ་རྩེ་མོ་རྣོ་ཞིང་རབ་ཏུ་འབར་བ་འབིགས་པར་བྱེད་པས་སྐབས་ཡོད་ཡོད་དུ་ལུས་ལ་འབིགས་པར་བྱེད་དོ། ། དེའི་མགོའང་འཁོར་ལོས་ཡོངས་སུ་འཁོར་རོ།། དེ་ནས་ཐར་པ་དང་། ཀུན་ནས་རབ་ཏུ་བཞུས་པའི་རྒྱུན་མི་འཆད་པར་འབབ་པ་དེ་ལ་འཐུང་བར་བྱེད་དོ།། དེ་ལྟར་དེ་གནོད་པ་མྱོང་བ་ན། དེར་ལས་མི་བཟད་པ་བྱས་ཤིང་བསགས་པ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་མྱོང་བར་འགྱུར་རོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ཚེ་རབས་ལྔ་བརྒྱར་ཡི་དགས་དུད་པ་ཟ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། དེའི་སྙིང་ངན་སོང་གིས་བསྒྲིབས་ལ་ལུས་ལ་གནོད་པར་འགྱུར་རོ། ། གལ་ཏེ་དེ་ལས་ཐར་ནས་ཀྱང་ཚེ་རབས་བདུན་བརྒྱར་དུད་འགྲོ་མཚན་མོ་རྒྱུ་བ་འུག་པ་ཐུར་དུ་ལྟ་བར་སྐྱེ་བར་འགྱུར། དེ་ལས་ཐར་ནས་ཀྱང་སོ་སོར་མྱོང་བར་འགྱུར་བའི་ལས་ཀྱིས་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། ཚེ་རབས་བདུན་བརྒྱར་གངས་ཁྲོད་དུ་གནས་ཤིང་ཟས་སུ་ཀོ་དྲ་བ་ཟལ་དབུལ་བ་དང་། ཀླ་ཀློར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་གོས་རྦ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ལོག་པར་ལྟ་བ་གང་གིས་ཆེད་དུ་བསམས་ཏེ་ཆེད་ཆེར་བྱས། དགའ་བར་བྱས། ཤེས་པར་བྱས་ཤིང་། མངོན་པར་ཞེན་པའི་བློས་འདི་ལྟར་ཡོ་བྱད་འདི་དག་བསྲེགས་པས། དགེ་སློང་དེ་དག་མ་རུང་བར་བྱའོ་སྙམ་ནས། དགེ་འདུན་གྱི་ཞིང་ངམ་བུ་རམ་ཤིང་ངམ། ལྡུ་མར་འམ། ཀུན་དགའི་ར་བ་འམ། དེ་ལས་གཞན་པ་དགེ་འདུན་གྱི་འཚོ་བའི་ཡོ་བྱད་རྣམས་མེས་བསྲེགས་ལ། དེ་ལས་དང་ལས་ཀྱི་ཉེར་བསྡོགས་དང་། ལས་ཀྱི་མཇུག་དང་ལྡན་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བགོས་དྲིར་སྐྱེ་བར་འགྱུར་རོ།། དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོ་ས་ལ་སོགས་པ་བདུན་གྱི་གནོད་པ་བསྡུས་པ་དེ་དག་ཐམས་ཅད་བརྒྱ་འགྱུར་དུ་བྱུང་ངོ་། ། ཁྱད་པར་དུ་འབྱུང་བ་ནི། འདི་ལྟར་སེམས་ཅན་དམྱལ་བ་དེ་ཀུན་ནས་དྲ་བ་རབ་ཏུ་འབར་བས་འཁོར་ཏེ། ཀུན་ནས་དྲ་བ་ཁབ་ཀྱི་བུ་ག་ཙམ་གྱིས་ཁེབས་པ་དེར་སྐྱེས་སོ། ། སེམས་ཅན་དམྱལ་བ་དེ་གཤིན་རྗེའི་མི་རྣམས་ཀྱིས་མདའ་རབ་ཏུ་འབར་ཞིང་རྣོ་ལ་ཤུགས་དྲག་པས་གློ་གཉིས་ཀར་བརྒྱབ་པ་ན། དྲ་བ་དེའི་ནང་ནས་འབྲོས་པ་དང་། དེ་དྲ་བའི་མིག་ནས་འབྲོས་པར་མི་ནུས་ཤིང་། དེ་དྲ་བ་དེར་ཤིན་ཏུ་ཐོགས་ཏེ། དེའི་དྲ་བ་རྣོ་བའི་མཐུས་བདག་ཉིད་འབྱིན་པར་མི་ནུས་སོ།། དྲ་བ་དེ་ས་ལག་པའང་གཅོད་པར། བྱེད། རྩི་བ་ལོགས་ཀྱང་འཇོག་པར་བྱེད། ཡན་ལག་དང་ཉིང་ལག་ཐམས་ཅད་ཀྱང་རུས་པ་ལ་ཐུག་གི་བར་དུ་འཇོག་པར་བྱེད་དོ།། དྲ་བ་དེས་འཇོག་པ་ན། ཡང་དང་ཡང་དུ་གཤི་ན་རྗེའི་མི་རྣམས། ཀྱིས་མ་དེའུའི་རྩེ་མོ་ཤིན་ཏུ་འབར་བ་ཡིས་ལན་བརྒྱ་འམ། ཡང་ན་སྟོང་དུ་གསོད་དོ།། ལས་ཀྱི་དྲ་བས་པསྒྲིབས་པ་དེ་མདའི་སྡུག་བསྔལ་གྱིས་ཡུན་རིང་དུ་ཉོན་མོངས་ཏེ། སེམས་ཅན་དམྱལ་བ་དེར་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་མི་བཟད་པ་རྩུབ་པ་གཞན་དང་མི་འདྲ་བ་དག་མྱོང་བར་འགྱུར། དེ་ཕྱིས་སེམས་ཅན་དམྱལ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ཚེ་རབས་བདུན་བརྒྱ་ར་ཡི་དགས་ཁྱིམ་གྱི་ནང་ན་བུ་འབྱིན་པ་སྐད་ངན་འདོན་པ་རྣམས་ཀྱི་ནང་དུ་སྐྱེ་བར་འགྱུར། དེ་ལས་ཐར་ནས་ཀྱང་ཚེ་རབས་ལྔ་བརྒྱར་དུད་འགྲོའི་སྐྱེ་གནས་ཁྱིམ་བྱ་དང་། རྨ་བྱ་དང་། བ་ཡང་དག་གི་ལྕི་བའི་ནང་དུ་སྐྱེ་བར་འགྱུར། དེ་ལས་ཐར་ནས་ཀྱང་དེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ལས་དེ་དང་རྒྱུ་འཐུན་པར་གཏུམ་པོའི་བུ་བཙའ་བའི་ཁྱིམ་དུ་སྐྱེ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ལྕགས་གླེབས་ཞེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། མི་བརྟན་པ་དང་། མི་བརྟན་པའི་སེམས་ཀྱི་བློ་ངན་པ་བསླུ་བའི་བསམ་པ་གང་གིས་འདི་ལྟར་དབྱར་ཟས་མེད་པའི་ཚེ། དགེ་སློང་དག་ལ་ནད་ཀྱི་གསོ་སྨན་གྱི་རྐྱེན་དང་ཟས་དག་སྦྱར་གྱིས། དགེ་སློང་དག་སེམས་ལ་ས་ཆུང་ངུར་གྱིས་ཤིག། ཚེགས་ཆུང་ངུར་གནས་པར་གྱིས་ཤིག་ཡིད་ཀྱི་ལས་ཆུང་བར་གྱིས་ཤིག་ཅེས་སྨྲས་ནས། དགེ་སློང་དག་སྤྱ་ན་དྲངས་ལ། དགེ་སློང་དེ་དག་ཀྱང་དེའི་དད་པ་སྐྱེས་པ་དེས་ཟས་མེད་པའི་ཚེའང་དེའི་དད་པ་བསྐྱེད་པ་དེས་ཡོན་བདག་གཞན་དུ་མ་བཙལ་ཏོ། ། དེ་ནས་མི་ངན་པ་དེས་དགེ་སློང་དེ་དག་གི་རེ་བ་མེད་པར་བྱས་པ་དང་། ཟས་མེད་པ་དེའི་ཚེ་ལ་ལ་ནི་འཆི་བའི་དུས་བྱེད། ལ་ལ་ནི་དགེ་བའི་ཆོས་བསྐྱེད་པར་མི་ནུས། 5་ལ་ནི་ཤིན་ཏུ་སྡུག་བསྔལ་བར་འགྱུར། ལ་ལ་ནི་ཡུལ་གཞན་དུ་འགྲོ་བར་བྱེད་དེ། དེ་ལྟར་གང་དགེ་སློང་དེ་དག་ལ་བརྫུན་བྱས་པ་དེ་སེམས་ཅན་དམྱལ་བ་ལྕགས་གླེབས་སུ་སྐྱེ་བར་འགྱུར་རོ།། དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོ་ས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་འབྱུང་བར་འགྱུར་རོ།། ཁྱད་པར་དུ་འབྱུང་བ་ནི། འདི་ལྟར་སེམས་ཅན་དམྱལ་བ་པ་དེ་མེའི་ཕུང་པོ་བཅུ་གཅིག་གིས་ཡོངས་སུ་བསྐོར་ཅིང་བཀྲེས་པ་དང་སྐོམ་པས་ཡོངས་སུ་གདུངས་ལ། གཤིན་རྗེའི་མི་རྣམས་ཀྱིས་ཡང་དང་ཡང་དུ་ཟངས་དམར་པོ་བསྐོལ་བ་དང་། ལྕགས་ཀྱི་ལུམ་རབ་ཏུ་འབར་བས་སེམས་ཅན་དམྱལ་བ་ལུས་རྣམ་པར་ཞུམ་པ་དེ་པདྨ་ཆེན་པོ་ཁ་བཙུམས་པ་དང་། ཕྱེ་བ་ལྟར་སྲེག་གོ།། འཚེད་དོ།། སྐེམས་སོ།། གསོད་དོ།། དེ་ནས་ཡང་སླར་སྐྱེ། པར་འགྱུར་ཏེ། གནོད་པ་ཁྱད་པར་དུ་འབྱུང་བ་ནི། ཇི་ལྟར་ལས་བྱས་པ་བཞིན་དུ་དེའི་ལྕགས་གླེབས་པ་ཆུ་ཞེང་དཔག་ཚད་ལྔ་ཡོད་པ་ཀུན་ནས་རབ་ཏུ་འབར་ལ། ཀུན་ནས་མེ་ལྕེ་གཅིག་ཏུ་གྱུར་པ་ཁྱེར་ཏེ། དེས་སླུ་བར་བྱེད་པ་དེ་ཡོངས་སུ་དཀྲིས་ཤིང་དུ་མར་བསྐོལ་ཏོ།། ལུས་ཀུན་ནས་རབ་ཏུ་འབར་བ་ཀུ་ཅོ་འདོན་པ་ན་སོ་སོར་ཉམས་ཤིང་ཐམས་ཅད་ནས་བདེ་བ་ཁབ་ཀྱི་བུ་ག་ཙམ་ཡང་མེད་དོ། ། མེ་དང་ལྕགས་གླེབས་པ་དེས་རྟག་ཏུ་ཁྱབ་སྟེ། དེ་ལྟར་དེ་སྡུག་བསྔལ་དྲག་པ། རྩུབ་པ། ཤིན་ཏུ་མི་བཟད་པ་དག་མྱོང་ངོ་།། བཀྲེས་པ་དང་སྐོམ་པར་གྱུར་ཅིང་ལྕགས་གླེབས་དང་མེ་འབྱུང་བས་དེ་ལྟར་དེ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་གནོད་པ་དེ་དག་མྱོང་བར་འགྱུར་རོ། ། དེ་དེ་ལས་ཐར་ན། ལས་དེ་དང་རྒྱུ་འཐུན་པར་ཚེ་རབས་བདུན་སྟོང་དུ་ཡི་དགས་གྲང་རྒྱས་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ། ། དེ་ལས་ཐར་ནས་ཀྱང་ཚེ་རབས་བདུན་སྟོང་དུ་དུད་འགྲོ་བ་ཟས་མེད་པ་འམ། མེ་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ། ། དེ་ལས་ཐར་ནས་ཀྱང་གལ་ཏེ་སོ་སོར་མྱོང་བར་འགྱུར་བའི་ལས་ཀྱིས་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྟག་ཏུ་རྒྱལ་པོས་བཙོན་རར་བཅུག་ཅིང་། ཚེ་རབས་ལྔ་བརྒྱར་བཀྲེས་པ་དང་སྐོམ་པ་དག་གིས་འཆི་བའི་དུས་བྱེད་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་འགྲོ་བ་མེས་སྲེག་ཅེས་བྱ་བ་མཐོང་ངོ་།། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ནས། གང་གིས་འདི་ལྟར་འཕགས་པ་དང་། འཕགས་པའི་གང་ཟག་མི་གནས་པར་བྱའོ་སྙམ་ནས། སངས་རྒྱས་ཀྱི་གཙུག་ལག་ཁང་འཇིག་པར་བྱེད་དམ། དེ་སངས་རྒྱས་ཀྱི་གསུང་རབ་ཡི་གེར་བྲིས་པ་འབྱིན་ནམ། ཀླན་ཀ་བཙལ་བའི་ཕྱིར་མཁས་པ་དག་ལ་མི་མཁས་པའི་བདག་ཉིད་ཅན་གྱིས་སངས་རྒྱས་ཀྱི་གསུང་རབ་ཉན་པར་བྱེད་དེ། ཐོས་ནས་ཀྱང་ཆོས་འདུལ་བ་དེ་ལ་འཇུག་པར་མི་བྱེད་ཅིང་། ཡོངས་སུ་མི་སྙན་པར་བརྗོད་ལ། བརྗོད་ནས་ཀྱང་ཀུན་ཏུ་སྟེན་ཅིང་སྒོམ་ལ་མང་དུ་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་འགྲོ་བ་མེས་སྲེག་ཏུ་སྐྱེ་བར་འགྱུར་རོ། ། དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་བརྒྱ་འགྱུར་དུ་འབྱུང་ངོ་། ། ཁྱད་པར་དུ་འབྱུང་བ་ནི། འདི་ལྟར་སེམས་ཅན་དམྱལ་བ་དེ་ལ་ཁྱད་པར་ཐམས་ཅད་སྟོང་འགྱུར་དུ་འབྱུང་སྟེ། སྦྲུལ་རྣམས་ཀྱིས་འཁྲིགས་ཤིང་ཀུན་ནས་འདྲ་བར་གང་བ།། དེར་སེམས་ཅན་དམྱལ་བ་པ་དེ་འགྲོ་བར་བྱེད་དོ།། འགྲོ་བ་ན་གཤིན་རྗེའི་མི་ལག་ན་ཐོ་བ་ཐོགས་པ་དེ་དག་ཐམས་ཅད་ཀྱིས་སྲེག་པར་བྱེད་དེ། དུག་གི་མེཚན་པོ་ཆེས་ཀྱང་སྲེག་པར་བྱེད་དོ།། དེ་དུག་དང་སེམས་ཅན་དམྱལ་བའི་མེ་གཉིས་ཀྱི་ནང་དུ་སྲེག་པ་ན། སྙིང་རྗེ་རྗེ་སྐད་དུ་ངུ་སྐད་འབྱིན། སྨྲེ་སྔགས་འདོན། ཆོ་ངེས་འདེབས་སོ།། དེ་དེ་ལྟར་ཆོ་ངེས་འདེབས་པ་དང་། འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ། གླེན་པ་དམ་པའི་ཆོས་ཡུལ་ལ།། རྨོངས་པའི་ཤུགས་ཀྱིས་ཐམས་ཅད་དུ།། སྲེག་པའི་དུག་གིས་མྱོས་པ་དག། དོན་མེད་ཅི་ཞིག་ཡོངས་སུ་སྨྲ། ། སྡིག་བྱེད་དགའ་ལྟར་མཐོང་བ་ནི།། བཟློག་ན་མཐོང་བ་མེད་པ་ཡིན།། སྡིག་པ་བྱེད་ཚེ་བདེ་བ་ནི།། བཟློག་ན་མེ་དང་འདྲ་བ་ཡིན།། སྡིག་པ་བྱེད་པའི་མི་དག་ནི།། འཇིག་རྟེན་ཀུན་གྱིས་རྣམ་པར་སྨད། ། དགེ་བ་བྱེད་པ་རྟག་ཏུ་བསྟོད།། དེ་བས་སྡིག་པ་རྣམ་པར་སྤོངས།། མི་འདོད་མི་ཕན་སྡང་བ་ཡི།། རྣམ་པར་སྨིན་པ་སྡུག་བསྔལ་ཚ།། སྡིག་པ་སྡིག་པའི་རྣམ་སྨིན་ཏེ། ། དེ་ལྟར་གྲོ་ལྡན་དེ་སྤོངས་ཤིག། སྡིག་ལ་རག་ཏུ་སྡིག་པ་ཡོད།། སྡིག་པ་མེད་ལ་སྡིག་མེད་དོ།། བྱེད་ལ་ལྟོས་ལ་སྡིག་ཡོད་དེ།། བྱེང་པོ་སེམས་ཀྱི་རྗེས་སུ་འཇུག། སྡིག་པ་སེམ་ལ་རག་ལས་ཤིང་། ། འབྲས་བུ་སེམས་ལ་རག་ལས་ཏེ།། སེམས་ནི་རྐྱེན་ལས་སྐྱེས་པར་མཐོང་།། རྒྱུ་དང་རྐྱེན་ལས་ཤིན་ཏུ་བྱུང་།། སེམས་ཅན་སེམས་ཀྱིས་བསླུས་ནས།། སུ།། སྡིག་པའི་དབང་གིས་འོངས་པ་དག། གནོད་པའི་མཆོག་སྟེ་སྟོབས་པོ་ཆེ།། སེམས་ཅན་དམྱལ་བ་དྲག་པོར་འགྲོ།། སེམས་དབང་གྱུར་པ་མི་འགྲོ་སྟེ།། རྟག་ཏུ་ཆོས་དབང་འགྱུར་མི་འགྲོ། ཆོས་སྤྱོད་པ་ནི་རྟག་ཏུ་བདེ།། སྡིག་པ་སྤྱོད་པ་མི་བདེའོ།། ཆོས་མ་ཡིན་པས་ལེགས་མེད་ཅིང་།། ལོག་པར་འཚེད་པར་མི་བྱེད་དེ།། རྒྱུ་དང་འདྲ་བར་དེ་མཐོང་ཞིང་།། འབྲས་བུ་སྣ་ཚོགས་འགྲུབ་པར་འགྱུར། ། རྒྱུ་དང་འབྲས་བུ་འཐུན་པར་འབྱུང་།། ནམས་ཀྱང་ལོག་པར་འབྱུང་མེད་དེ།། འདུས་བྱས་ཀྱི་ནི་ཆོས་འདི་དག། རྒྱུ་དང་འབྲས་བུར་ཤིན་ཏུ་འབྱུང་།། རྒྱུ་མེད་འབྲས་བུ་ཡོད་མ་མཐོང་། ། སེམས་ཅན་དམྱལ་བ་རྣམ་པར་ཕྱེ།། རྒྱུ་སྦྱོར་ལས་ནི་འབྲས་བུར་སྦྱོར།། སེམས་ཅན་དམྱལ་བར་རྣམ་པར་འཚེད།། བྱས་ཤིང་བསགས་པ་དྲག་པ་དང་།། ངེས་པར་ངན་འགྲོར་འགྲོ་བ་ཡི། ། ལས་དང་འབྲས་བུར་འབྲེལ་བ་ནི།། སེམས་ཅན་དམྱལ་བར་རྣམ་པར་འཚེད།། སོ་སོར་བཤགས་པའི་རྣམ་པ་ཡིས།། ལས་གང་རྣམ་པར་བཟློག་བྱ་བ།། དེ་མི་འདོད་པ་ལམ་དེ་ཉིད།། རྣམ་པར་མཐོང་བས་འབྲས་བུ་མཐོང་།། འོད་གང་སྨོན་ལ་རག་ལས་ཏེ།། དེ་བཞིན་འབྲས་བུ་ལས་ལ་ཐོགས།། གཞན་དང་གཞན་ལས་འབྲས་འབྱུང་སྟེ།། འདུས་བྱས་ཐམས་ཅད་དེ་འདྲའོ།། གཞན་དང་གཞན་ལས་རྒྱུ་མཐོང་སྟེ།། གཞན་དང་གཞན་དུ་དབང་སྦྱོར་རོ།། འཐུན་པར་རྗེས་སུ་འབྲེལ་བ་ནི།། དེ་ཉིད་མཐོང་བ་དག་གིས་མཐོང་།། རྒྱུད་ལ་རྒྱུ་འབྲས་མང་མན་ཏེ།། དབང་ཕྱུག་ལ་སོགས་གནས་པ་མེད། ། འདུས་བྱས་ཆོས་ཀུན་འབྱུང་བ་ནི།། དེ་ཉིད་མཐོང་བ་དག་གིས་བསྟན།། འཁོར་བ་ཐོག་མ་མེད་པ་ནས།། རྒྱུ་དང་རྐྱེན་ལས་བྱུང་བ་སྟེ།། ལས་རྣམས་དང་ནི་འཐུན་པར་མཐོང་། ། ལོག་པར་བརྟགས་པ་མི་བྱའོ།། གང་འདོད་ལས་ཀྱི་དབང་སོང་བ།། སྲོག་ཆགས་ལས་ཀྱི་རྒྱུ་ལས་སྐྱེས།། ལས་འབྲས་དེ་ཉིད་ཤེས་པ་དེ།། དག་པ་ཡིན་ནོས་ན་ངོན་པར་རྟོགས། ། གཏི་མུག་ནགས་པའི་དབང་སོང་བ།། ཁྱོད་ཀྱིས་སྡིག་དེ་རྟག་ཏུ་བྱས།། སྡིག་དང་བཅས་པའི་ལས་བྱས་པས།། བྱིས་པ་དོན་མེད་ཅི་ཞིག་གདུང་།། སྡིག་ལ་སྡིག་པ་རྟག་ཏུ་གནས། ། དེ་བཞིན་ཆོས་ལ་ཆོས་གནས་ཏེ།། དེ་ཉིད་ལས་ནི་སྟོན་བྱེད་པ།། བརྟན་པ་དག་གིས་གཉིས་ཀ་སྤོང་།། སངས་རྒྱས་བསྟན་ལ་རྨོངས་པ་དང་།། ལམ་དང་ལམ་མིན་རྨོངས་པ་གང་། ། དེ་དག་ལ་ནི་ཞི་མེད་དེ།། མུན་ལ་ནི་མ་མེད་པ་བཞིན།། རྟག་ཏུ་ཆོས་དང་ཆོས་མིན་དང་།། རྒྱུ་དང་རྐྱེན་ལ་རྨོངས་པ་དག། གནོད་མཆོག་ཤིན་ཏུ་མི་བཟད་པ།། སེམས་ཅན་དམྱལ་བ་དྲག་པོ་ཐོབ། ། གཏན་ཚིགས་ལྡན་པའི་ཚིག་རྣམས་ཀྱིས།། དེ་ལ་སྒོ་ནས་གཤིན་རྗེའི་མི།། མདུང་ཟུང་གཏུན་ཤིང་ཐོགས་ནས་སུ།། དེ་ནས་ཁྲོ་ཞིང་རྔམ་པར་འགྱུར་དེ་ནས་ཡང་མཚོན་ཆ་རྣམ་པ་དུ་མ་དག་ཐོགས་ནས། ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་གྱུར་པ་དེ་སྲིད་དུ་ལོ་འབུམ་ཕྲག་དུ་མའི་དུས་ནས་བསྐྱེད་པ་རང་གི་ལས་ཀྱིས་བྱས་པ་ལ་སྤྱོད་པའི་སེམས་ཅན་དམྱལ་བ་དེ་དག་ལ་གསོད་དོ། ། དེ་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེའི་མཐུས་ཚེ་རབས་བདུན་བརྒྱར་ཡི་དགས་སྟོར་ཁུང་ནས་འབབ་པ་འཐུང་བ་རྣམས་ཀྱི་ནང་དུ་སྐྱེ་བར་འགྱུར། དེ་དེ་ལས་ཐར་ནས་ཀྱང་ལས་དེ་དང་རྒྱུ་འཐུན་པར་ཚེ་རབས་ལྔ་བརྒྱུར་དུད་འགྲོ་སི་མི་སི་མི་རྣམས་ཀྱི་ནང་དུ་སྐྱེ་བར་འགྱུར། དེ་ལས་ཐར་ནས་ཀྱང་མི་རྣམས་ཀྱི་ནང་དུ་བྱ་རོག་ལྟར་དམན་པར་སྐྱེ་བར་འགྱུར་ཏེ། དེར་རྟག་ཏུ་ཁ་ཟས་སྙིང་པོ་མེད་པ་ཟ་ཞིང་། སྐོམ་ཡང་རྙོག་མ་ཅན་འཐུང་བར་འགྱུར་ལ། སྐོམ་དེའང་ཡན་འགའ་ཞིག་འཐུང་བར་འགྱུར་བ་མཐོང་ངོ་། ། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་བཅོ་བརྒྱད་པ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་འོག་དང་ཐད་ཀར་ཕྲ་བ་འམ།། རགས་པའམ། རྗེས་སུ་སྦྱོར་བ་འམ། རྗེས་སུ་ཞུགས་པའི་འཁོར་གང་བཅུ་བདུན་པ་གཅིག་ཀྱང་མ་མཐོང་ངོ་། ། དེ་དེ་ལྟར་སེམས་པ་ན།། ལམ་མཐོང་བའི་དགེ་སློང་དེ་འདི་སྙམ་དུ་སེམས་ཏེ། ཀྱེ་ཨེ་མ་བདག་གིས་སེམས་ཅན་དམྱལ་བ་བརྒྱད་པོ་ངག་གི་འཁོར་བཅུ་དྲུག་རྣམས་ཀྱི་མཐའ་མཐོང་སྟེ། ཉེས་པར་བྱས་པའི་ལས་ཀྱི་ས་འདི་དེ་ཙམ་ཞིག་པ་ལྟ་སྙམ་མོ།། བྱིས་པ་སོ་སོའི་སྐྱེ་བོ་ཐམས་ཅད་ཀྱིས་བྱས་ཤིང་བསགས་པ་གནོད་པའི་ས་དང་ལས་ངན་པ་བྱས་ཤིང་མངོན་དུ་གྱུར་པའི་སེམས་ཅན་དམྱལ་བ་ཆེན་པོ་བརྒྱད་ཀྱི་འཁོར་ལས་སྐྱེས་པ་འམ། དེ་བཞིན་དུ་ཆེས་ཤིན་ཏུ་ལྕི་བའི་རྣམ་པ་མནར་མེད་པ་གང་དུ། སེམས་ཅན་དམྱལ་བ་ཆེན་པོ་མནར་མེད་པ་མ་གཏོགས་པར། སྲོག་ཆགས་དག་སྲེག་པའི་སེམས་ཅན་དམྱལ་བ་ཆེན་པོ་གཞན་དགུ་པ་མ་མཐོང་ངོ་།། གང་དུ་འདིའི་ཕྱོགས་གཅིག་ལས་སྟོང་གི་ཆ་གཅིག་རྩིག་བསྟན་ཏེ། རྒྱུ་གང་ངས་བཤད་པ་འམ། མཉན་པའམ། དཔེ་བྱ་བར་ཡང་སླ་བ་མ་ཡིན་ནོ།། དེ་ལྟར་སེམས་ཅན་དམྱལ་བ་པའི་སྡུག་བསྔལ་ཟད་པར་དཀའ་བ། དེ་ལྟར་གཞན་དང་མཚུངས་པ་མེད་པ། སྡུག་བསྔལ་དཔེ་མེད་པ་དེ་རྒྱུ་གང་དང་། མཉམ་པ་གང་དང་། གང་དེ་ཉིད་ཁོང་དུ་ཆུད་ཅིང་ཤེས་པར་བྱས་ནས། གང་ཁྲག་ཏུ་སྐྱུགས་ནས་འཆི་བར་འགྱུར་ཏེ། དེ་ལྟར་སེམས་ཅན་དམྱལ་བ་པ་དེའི་གནོད་པ་སྡུག་བསྔལ་བས་ཆེས་སྡུག་བསྔལ་བ་མི་འདོད་པ། མི་སྡུག་པ། ཡིད་དུ་མི་འོང་བ་ཡིན་ནོ།། དེ་ནས་དགེ་སློང་དེས་སེམས་ཅན་དམྱལ་བ་དེ་མཐོང་ནས། འཁོར་བའི་སྡུག་བསྔལ་ཐམས་ཅད་ལ་ཡིད་བྱུང་སྟེ། འདུས་བྱས་ཐམས་ཅད་ལ་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པར་མཐོང་ངོ་།། དེའི་འོག་ཏུ་འཕགས་པའི་བདེན་པ་འདི་ལ་རྣམ་པར་དཔྱད་ཁས་འཁོར་བ་ལ་སེམས་ཤིན་ཏུ་འདོད་ཆགས་དང་བྲལ་བར་བྱེད། ཡིད་འབྱུང་བར་བྱེད། མི་དགའ་བར་བྱེད་ཅིང་འཁོར་བ་ལ་སྨོད་པར་བྱེད་དོ།། རྣམ་པ་དེ་དག་གིས་འཁོར་བ་མི་བཟང་པ། ཤིན་ཏུ་འཇིགས་པར་མཐོང་ནས། དེ་འདི་སྙམ་དུ་སེམས་ཏེ། ཀྱེ་ཨེ་མ་སེམས་ཅན་འདི་དག་ནི་ལྷའི་ལྟ་བ་དང་ཤིན་ཏུ་བྲལ་ཞིང་མིག་དང་བྲལ་བ་ཡིན་ཏེ། ཡང་དང་ཡང་དུ་སེམས་ཅན་དམྱལ་བ་ཤིན་ཏུ་མི་བཟད་པ། ཤིན་ཏུ་ཚ་བ། ཤིན་ཏུ་འཇིགས་པར་སྐྱེས་ཀྱང་སྐྱོ་བར་མི་བྱེད་དེ། བྱིས་པ་སོ་སོའི་སྐྱེ་བོ་འདི་དག་འཁོར་བ་ཐོག་མ་མེད་པ་ནས་སྲིད་པའི་ཞགས་པས་བཅིངས་པ་ཡིན་ནོསྙམ་མོ། ། དེ་ནས་ཡང་རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ། འདི་ལྟར་དགེ་སློང་རྒྱུན་མི་འཆད་པར་སྤྲོ་བ་དེ་མི་བཟད་པ་བས་ཀྱང་ཤིན་ཏུ་མི་བཟད་པ་སེམས་ཅན་དམྱལ་བ་ཡང་སོས་ལ་སོགས་པ་མནར་མེད་པའི་བར་གྱི་ལས་ཀྱི་འབྲས་བུ་རྣམ་པར་སྨིན་པ་ཐམས་ཅད་ཀྱིས། ས་གཞན་བཅུ་གསུམ་པ་ལ་ཞུགས་ཏེ། བདུད་ཀྱི་ཡུལ་ལ་མི་དགའ་ཞིང་། བདུད་ཀྱི་དབང་དུ་མི་འགྲོ། ། བདུད་ཀྱི་འཆིང་བ་ཐམས་ཅད་རྣམ་པར་གཅོད་ཅིང་། བདུད་ཀྱི་ཡུལ་ལ་གནས་པར་མི་བྱེད་དེ། རྟག་ཏུ་བརྩོན་པའི་དགེ་སློང་དེ་དག་ལ་ཉལ་གྱི་སྦྱོར་བ་མ་ལུས་པར་བཅད་ནས། མྱ་ངན་ལས་འདས་པའི་གྲོང་ཁྱེར་དུ་འཇུག་པར་བྱེད་དོ།། དེའི་སྤྲོ་བས་རྦའི་གནོད་སྦྱིན་དག་གིས་མཐོང་ནས། བར་སྣང་ལ་སྤྱོད་པའི་གནོད་སྦྱིན་རྣམས་ལ་བསྙད་དོ།། འདི་ལྟར་གང་རིགས་ཆེ་གེ་མོ་ཞིག་ལས། རིགས་ཀྱི་བུ་དེ་གྲོང་མང་གེ་མོ་ཞིག་དང་། གྲོང་རྡལ་ག་གེ་མོ་ཞིག་དང་། ཡུལ་ཆེ་གེ་མོ་ཞིག་ནས་སྐྲ་དང་ཁ་སྤུ་བྲེགས། གོས་ངུར་སྨྲིག་བགོས་ནས། དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། རྩོལ་ཞིང་འབད་པ་ན། ཡང་དག་པའི་ལམ་གཞན་དང་མི་འདྲ་བའི་ལྟ་བ་ཐུན་མོང་མ་ཡིན་པ། འཇིག་རྟེན་ལས་འདས་པ། ལས་ཀྱི་ཆོས་ཀྱི་རྣམ་པར་སྨིན་པ་ཤེས་པ། ས་གཞན་བཅུ་གཅིག་པ་ལ་ཞུགས་ཏེ། སེམས་ཅན་དམྱལ་བར་གཏོགས་པ་ཀུན་གྱི་ཐོག་མ་དང་ཐ་མའི་སྡུག་བསྔལ་ཤེས་སོ།། དེ་ལྟར་ས་བླའི་གནོད་སྦྱིན་དག་གི་ས་བར་སྣང་ལ་སྤྱོད་པའི་གནོད་སྦྱིན་དག་བསྙད་དོ། ། དེ་དག་གིས་ཀྱང་དེ་ལྟར་སྔ་མ་བཞིན་དུ་རྒྱལ་པོ་ཆེན་པོ་བཞི་ལ་བསྙད་དོ།། དེ་དག་གིས་ཀྱང་སུམ་ཅུ་རྩ་གསུམ་པ་རྣམས་ལ། དེ་དག་གིས་ཀྱང་འཐབ་བྲལ་བ་རྣམས་ལ། འཐབ་བྲལ་བ་རྣམས་ཀྱིས་ཀྱང་དགའ་ལྡན་པ་རྣམས་ལ། དགའ་ལྡན་པ་རྣམས་ཀྱིས་ཀྱང་འཕྲུལ་དགའ་བ་རྣམས་ལ། འཕྲུལ་དགའ་བ་རྣམས་ཀྱིས་གཞན་འཕྲུལ་དབང་བྱེད་རྣམས་ལ་བསྙད་དོ།། དེ་ལྟར་རིམ་གྱིས་མ་བཞིན་དུ་འོད་ཆུང་གི་ལྷ་རྣམས་ཀྱི་བར་ལ་བསྙད་དོ། ། འདི་ལྟར་ལྷ་ཁྱེད་ཅག་སེམས་ཤིན་ཏུ་མཉམ་པར་བཞག་པས་ཉོན་ཅིག། འདི་ལྟར་འཛམ་བུ་གླིང་ན། རིགས་ཆེ་གེ་མོ་ཞིག་ལས། རིགས་ཀྱི་བུ་མང་གེ་མོ་ཞིག་ཡུལ་ག་གེ་མོ་ཞིག་ནས་སྐྲ་དང་ཁ་སྤུ་བྲེགས། གོས་ངུར་སྨྲིག་བགོས་ནས། དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་རྩོལ་ཞིང་འབད་ལ་བསྒྲིམ་པ་ན། སྤྲོ་བ་མི་འདྲི་ཞིང་བདུད་ཀྱི་ཡུལ་གྱི་དངོས་པོ་མི་འདོད་ལ། དགའ་བའི་འདོད་ཆགས་ཀྱི་མོང་ལས་བྱུང་བའི་སྲེད་པ་དང་ལྷན་ཅིག་ཤིན་ཏུ་ཆགས་པར་མི་བྱེད། ཀུན་ནས་ཉོན་མོངས་ཤིང་མི་སྡུག་པ། གཟུགས་དང་། སྒྲ་དང་། དྲི་དང་། རོ་དང་། རེག་བྱ་རྣམས་ཀྱིས་ཤིན་ཏུ་ཆགས་པར་མི་བྱེད་དེ། དེས་གཞན་བཅུ་གསུམ་པ་ལ་ཞུགས་སོ།། སེམས་ཅན་དམྱལ་བ་བརྒྱད་པོ་ཀུན་གྱི་ལས་རྒྱ་ཆོས་ཀྱི་རྣམ་པར་སྨིན་པ་ཤེས་པའི་དགེ་སློང་གིས་འཁོར་བ་མ་རིག་པའི་མུན་པའི་སྡུག་བསྔལ་ཐམས་ཅད་ཤེས་ནས་ཇི་ལྟ་བ་བཞིན་དུ་ཡིད་བྱུང་སྟེ། བདུད་ཀྱི་ཕྱོགས་ཀྱི་དངོས་པོ་ནི་དམས་སོ།། དམ་པའི་ཆོས་ཀྱི་ཕྱོགས་ནི་མངོན་པར་མཐོའོ་ཞེས་དེ་ཐོས་ནས། འོད་ཆུང་གི་ལྷ་རྣམས་མཆོག་ཏུ་དགའ་ཞིང་འཁོད་དེ། འདི་ལྟར་བདུད་ཀྱི་ཕྱོགས་ནི་དམས་སོ།། དམ་པའི་ཆོས་ཀྱི་ཕྱོགས་ནི་མངོན་པར་མཐོའོ་སྙམ་མོ། ། དེ་ལྟར་ལྷ་རྣམས་དགའ་བའི་ཡིད་ཀྱིས་དམ་པའི་ཆོས་ཉན་པར་འགྱུར་ན། གང་དད་པ་དང་། དད་པའི་རྗེས་སུ་འབྲང་ཞིང་དེ་ཁོ་ན་མཐོང་བའི་སྐྱེས་བུ་དམ་པ་དེ་དག། ལས་དེ་དང་རྒྱུ་འཐུན་པར་དམ་པའི་ཆོས་འཕེལ་ཞིང་རྒྱས་པ་ཡིད་དགའ་བར་འགྱུར་བ་ལྟ་སྨོས་ཀྱང་ཅི་དགོས། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བའི་གནོད་པ་རྒྱ་མཚོའི་ཆུ་ལྟ་བུས་ཀུན་ཏུ་སྲེག་པ། གློང་ལྟ་བུར་གཡོ་བ། སེམས་ཅན་དམྱལ་བ་ཆེན་པོ་ཡང་སོ་ས་ལ་སོགས་པ་ནས། མནར་མེད་པའི་བར་རྒྱ་ཆེ་བའི་ནང་སའི་འོག། འཇིགས་པར་རྫོགས་བྱེད་དང་། ཀུན་ཏུ་རྒྱུ་དང་། ཀོ་ཀ་ལི་ཀ་དང་། སྦྲུས་བྱིན་དག། ཉ་དང་ཆུ་སྲིན་ཆེན་པོ་ལྟར་ཟིན་ཅིང་། སེམས་ཅན་དམྱལ་བ་པའི་ལྷག་མ་ཉ་མི་དང་། མིང་ཆེན་པོ་དང་། ཆུ་སྲིན་ན་ཀྲ་དང་། ཆུ་སྲིན་ཀུམ་བྷི་ར་དང་། ཆུ་སྲིན་བྱིས་པ་གསོད་དང་། རུས་སྦལ་དང་། སྲམ་འཁྲུགས་པ་ལྟ་བུ་དག་འདོད་ཆགས་ཞེ་སྡང་གཏི་མུག་རླུང་གི་ཤུགས་དང་། ཀློསློང་འཁྱིལ་པ་ལྟ་བུས་སེམས་གཡོ་བའི་རླ་བས་གློང་ལྟར་འཁྱིལ་པ་དེའི་དུས་ཀྱི་མཐུས་ཤུགས་དབུ་བ་ལྟ་བུས་སེམས་ཅན་དམྱལ་བ་པ་གནོད་པ་རབ་ཏུ་མང་བ་མཆི་མ་ཆར་ལྟར་གང་བར་དུ་ཞིང་སྨྲེ་སྔགས་འདོན་ལ། ཆོ་ངེས་འདེབས། ཧ་ཧའི་སྒྲ་སྐད་ཀྱི་ཤུགས་དང་། སེམས་ཀྱི་ཤུགས་ཆུ་རླ་བས་ལྟར་མང་བ་ཉེས་པར་བྱས་པའི་ལས་ཀྱིས་ཀླུའི་ཤུགས་ལྟ་བུས་སྡུག་བསྔལ་ཆར་འབེབྲ། ཤིང་མནར་མེད་པ་ཟབ་མོར་བསྐལ་བའི་མཐའི་མེ་འབར་བའི་ཤུགས་ཀྱིས་ཁོར་ཡུག་དང་། ཆུ་བཙོས་པ་ལྟ་བུའི་སེམས་ཅན་དམྱལ་བ་ཆེན་པོའི་སྡུག་བསྔལ་རྒྱ་མཚོ་ལྟ་བུར་མཐའ་མེད་ལ། མི་བཟད་པ་མཐོང་ནས། དགེ་སློང་དེ་ཡིད་བྱུང་སྟེ། འདི་ལྟར་ཚིགས་སུ་བཅད་དེ་སྨྲས་པ། སྲེད་པས་ཡོངས་སུ་བསླུས་བྱས་ཤིང་།། རྨོངས་པས་རྨོངས་པའི་སེམས་ཅན་དག། སྐྱེ་ཞིང་འཆི་བ་ཉམ་ང་བ། ། འོག་ཏུ་འཇིག་རྟེན་འགྲོ་བར་འགྱུར།། མི་ཡུལ་ལས་ནི་དམྱལ་བར་འགྱུར།། དམྱལ་བ་ལས་ནི་ལྷ་ཡུལ་དུ།། མི་ཉིད་ལས་ནི་དུད་འགྲོར་འགྲོ།། དེ་ནས་ཡི་དགས་འགྲོ་བར་འགྱུར། ། སེམས་ཅན་འདོད་ཆགས་དབང་སོང་བ།། རང་གི་ལས་ཀྱིས་འགྲོ་བ་འཁྲུལ།། གཏི་མུག་ཞགས་པས་བཅིངས་པ་དག། སྲིད་པའི་མཚོར་ནི་རྣམ་པར་འཁྱམ།། འཁོར་བར་མེ་ནི་སྡུག་པ་སྦྲུལ་འདི།། རྣམ་པ་སྣ་ཚོགས་གོམས་བྱས་ཏེ།། དེར་ནི་རྒྱུ་དེ་གོམས་པས་ན།། ཇི་ལྟར་མཆོག་ཏུ་སྐྱེ་མི་འགྱུར།། ལྷ་དག་བག་མེད་པ་ཡིས་ཉམས།། མི་དག་ཡོངས་སུ་། ཚོལ་བས་ཉམས།། ཡི་དག་ས་བཀྲེ་ས་དང་སྐོམ་པས་ཉམས།། དུད་འགྲོ་གཅིག་ལ་གཅིག་ཟའོ།། སེམས་ཅན་དམྱལ་བ་དམྱལ་བའི་མེ།། ཡི་དགས་རྨོངས་པས་རྟག་ཏུ་ཉམས།། འཁོར་བ་ཁབ་ཀྱི་རྩེ་ཙམ་ཡང་། ། བདེ་བ་ཉིད་ནི་ཅུང་ཟད་མེད།། རྨོངས་པའི་སེམས་ཀྱིས་སྐྱེ་བོ་དག། སྡུག་བསྔལ་ལས་ནི་བདེ་བ་ཆགས།། སྡུག་བསྔལ་འདི་ལས་ཐར་པ་གང་།། ཡང་དག་ལམ་ནི་སྟོན་པ་མེད། ། གང་དག་རྟག་ཏུ་ཆོས་མི་སྒྲུབ།། གང་དག་རྟག་ཏུ་བདེན་མི་སྒྲུབ།། བསམ་གཏན་རྟག་ཏུ་མི་སྒྲུབ་གང་།། དེ་དག་སྡུག་བསྔལ་བྲལ་མི་འགྱུར།། འཇིག་རྟེན་འདི་དང་ཕ་རོལ་ཏུ། ། རྟག་ཏུ་མ་འདྲ་བ་འདྲ་ཞིང་།། གཉེན་དང་འདྲ་ཞིང་སྒྲོན་འདྲ་བ།། སངས་རྒྱས་ཀྱིས་ནི་ཆོས་བསྟན་ཏོ།། རྟག་ཏུ་ཉེས་གསུམ་དབང་སོང་བ།། ཕུང་པོ་གསུམ་ནས་སེམས་ཅན་དག། རྟག་ཏུ་ཁམས་གསུམ་དག་ཏུ་འཇུག། དེ་ནི་སྡུག་བསྔལ་གསུམ་དང་ལྡན།། ལས་གསུམ་དབང་སོང་འཁྲུལ་པ་དག། དེ་ནི་ངན་སོང་གསུམ་ན་རྒྱུ།། སྲིད་གསུམ་ཆགས་པའི་འགྲོ་བ་དག། རིམ་པ་གསུམ་དུ་རྣམ་པར་རྒྱུ།། གང་ཞིག་དཀོན་མཆོག་མཆོག་གསུམ་དང་།། གང་ཞིག་བྱང་ཆུབ་གསུམ་དངང་སོང་།། གང་ཞིག་ལྔ་པ་གསུམ་སྤངས་པ། ། དེ་དག་ལ་ནི་སྡུག་བསྔལ་མེད།། དུས་སྐབས་གསུམ་ལ་རྟག་གནས་ཤིང་།། དགའ་བ་གསུམ་གྱི་དེ་ཉིད་མཐོང་།། གསུམ་གྱི་ཆ་ཡིས་ལྟོ་འགྲངས་པ།། དེ་ནི་མྱ་ངན་བྲལ་བར་འགྱུར། ། ཕུང་པོ་གསུམ་ལ་སེམས་མཉམ་ཞིང་།། ལས་གསུམ་རྣམ་པར་དཔྱོད་པ་གང་།། དེ་ནི་འཁོར་བར་མྱ་ངན་གྱི།། རྣམ་པ་བྲལ་ཞིང་རིམས་མེད་འགྱུར།། ལམ་དང་ལམ་མིན་རྣམ་པ་ཤེས། ། དངོས་དང་དངོས་མེད་རྣམ་སེམས་པ།། བྱམས་པའི་སེམས་ནི་བསྒོམས་པ་གང་།། དེ་ནི་འགྲོ་བ་མཆོག་ཏུ་འགྲོ།། ཀུན་ནས་རབ་ཏུ་རྣམ་གསལ་ཞིང་།། དཔའ་བོ་རྙོག་པ་མེད་པ་ཡི། ། ཡིད་ནི་སྡིག་དང་མ་འདྲེས་པ།། མི་དེ་རྣམ་པར་རབ་ཏུ་གྲོལ།། གང་ཞིག་ཡང་དག་ལམ་ཞུགས་ཤིང་།། དྲན་དང་ལྡན་པ་སྟོབས་ཆེ་ལ།། སྲིད་པ་དག་ལ་འདོད་བྲལ་བ། ། དེ་ནི་ངེས་པར་འགྲོ་བར་འགྱུར།། སྲིད་པ་འདོད་ཅིང་དགའ་བ་ལ།། མི་གང་མངོན་པར་མི་དགའ་བ།། དེ་ལ་སྲིད་ལས་སྐྱེས་པ་ཡི།། སྡུག་བསྔལ་ཤིན་ཏུ་ཆུང་བའང་མེད།། མི་བཟད་ལས་ནི་མི་བཟང་འབྱུང་།། མི་བཟད་པ་ཡིས་ཡོངས་བསྒྱུར་བ།། འདོད་པ་སྡུག་དང་མེ་ལྟ་བུ། རབ་ཏུ་བསྒྲིམས་ཏེ་སྤང་བར་གྱིས།། འདོད་པ་ཡོངས་སུ་སྤངས་བྱས་ཤིང་། རྟག་ཏུ་ཐར་ལ་དགའ་བ་ནི།། ཉི་མ་ཤར་བས་མུན་མེད་ལྟར།། མི་དགེའི་ཆོས་རྣམས་འཇིག་པར་འགྱུར།། དེ་ལྟར་རྟག་ཏུ་དགེ་བསྟེན་ཞིང་།། མི་དགེ་བ་ཉིད་སྤང་བར་གྱིས། ། མདོར་ན་ངེས་པར་བསྟན་པ་ནི།། དགེ་དང་མི་དགེ་ཡོངས་སུ་རྟོགས།། དེ་ལྟར་དགེ་སློང་དེ་འཇིག་རྟེན་འདི་དང་། འཇིག་རྟེན་ཕ་རོལ་དེ་ལ་ཕན་པར་འདོད་པའི་བློས་སེམས་ཅན་དམྱལ་བའི་སྡུག་བསྔལ་ལ་མངོན་པར་བརྟགས་ནས། སེམས་ཅན་རྣམས་ལ་སྙིང་བརྩེ་བ་རྗེས་སུ་འཇུག་པར་བྱེད་དེ། བྱམས་པ་བསྒོམ་པའི་སེམས་ཀྱིས་དེ་སེམས་ཅན་དམྱལ་བ་འཇིགས་ཤིང་ཉམ་ང་བ་ཐམས་ཅད་ལ་མངོན་པར་བརྟགས་ཤིང་། ལས་ཀྱི་འབྲས་བུ་རྣམ་པར་སྨིན་པའང་ཤེས་ནས་མཆོག་ཏུ་ཡིད་བྱུང་བའི་སེམས་ཀྱིས་རྟོག་པར་བྱེད་དེ། ཨེ་མ་སེམས་ཅན་འདི་དག་ཇི་ལྟར་སྲིད། པའི་དགོན་པར་འཇིགས་ཤིང་སྡུག་བསྔལ་སྣ་ཚོགས་ཀྱི་ནང་དུ་བྱིང་ཞིག་གུ་སྙམ་ནས། དེ་སྙིང་རྗེ་བའི་བློ་འདི་ལྟར་ཉེ་བར་འཇོག་པར་བྱེད་དེ། འདི་ལྟར་མི་དག་དེ་མ་ཐག་ཏུ་ངན་སོང་དུ་འགྲོ་བ་ནི་ལས་ངན་པ་བྱས་པ། རང་གི་སེར་སྣས་བསླུས་ཤིང་ལོངས་སྤྱོད་ངན་པ་འདོད་ལ། རྙེད་པ་ངན་པས་ཟིལ་གྱིས་ནོན་པ་རྣམས་སྦྱིན་པ་དག་མ་བྱིན་པར་གྱུར་ཏེ། དེ་དག་གིས་དགེ་སྦྱོང་དང་། བྲམ་ཟེ་དང་། འཕོངས་པ་དང་། ལོང་བ་དང་། བཀྲེན་པ་སྤོངས་མོ་པ་རྣམས་ལ་སེར་སྣའི་དྲི་མས་སྦགས་པའི་སེམས་ཀྱིས་སྦྱིན་པ་དག་མ་བྱིན་ཞིང་། བསོད་ནམས་དག་མ་བྱས་ལ། འཇིག་རྟེན་འདི་དང་ཕ་རོལ་ཏུ་ཚུལ་ཁྲིམས་མཚོ་ལྟ་བུར་གྱུར་པ་མ་བསྲུངས། བུ་དང་། ཆུང་མ་དང་། བྲན་པོ་དང་། བྲན་མོ་དག་ལའང་སྦྱིན་པ་མ་བྱིན་ལ། སེར་སྣས་འཇིག་རྟེན་ཕ་རོལ་ལ་བསླུས་པ་དེ་ཡི་དགས་རྣམས་ཀྱི་ནང་དུ་སྐྱེ་བར་འགྱུར་ཏེ། ཡི་དགས་ཀྱི་རྒྱུད་དུ་སྐྱེས་པའང་ཕལ་ཆེར་ཡི་དགས་མོར་སྐྱེ་བར་འགྱུར་རོ།། མི་འཐབ་མོ་དང་ཕྲག་དོག་གི་དྲི་མ་གང་གིས་ནང་གི་སེམས་ཉམས་པར་བྱས་པ་འདིས་ན། ཡི་དགས་མོ་རྣམས་ཀྱི་ནང་དུ་སྐྱེ་བར་འགྱུར་རོ་སྙམ་མོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་ཡུལ་ལ་རྟོག་པར་བྱེད་དེ། ཡི་དགས་ཀྱི་ཡུལ་འདི་གང་ཞིག་ཡིན་སྙམ་མོ།། དེས་ཐོས་པ་ལས་བྱུང་བའི་ཤེས་པས་བརྟགས་ན། ཡི་དགས་ནི་མདོར་བསྡུས་ན་རྣམ་པ་གཉིས་ཏེ། འཇིག་རྟེན་ན་རྒྱུ་བ་དང་། ཡི་དགས་ཀྱི་ཡུལ་ན་གནས་པའོ།། དེ་ལ་འཇིག་རྟེན་ན་རྒྱུ་བ་ནི་མཚན་མོ་དག་གལ་ཏེ་མི་རྣམས་ཀྱིས་མཐོང་བར་འགྱུར་རོ།། ཡི་དགས་ཀྱི་ཡུལ་ན་གནས་པ་ནི་གང་དུ་སའི་འོག་དཔག་ཆད་ལྔ་བརྒྱ་ན་གནས་ཏེ། ཡི་དགས་ཀྱི་ཡུལ་གྱི་རྐྱེན་མ་གཏོགས་པར། འཛམ་བུ་གླིང་གི་མཐའ་ནས་དཔག་ཚད་སུམ་སྟོང་དྲུག་བརྒྱ་ཡོད་དོ།། དེ་དག་འཛམ་བུ་གླིང་དང་ཟག་ཉེ་བ་དང་། རིང་བ་ནི་ངེས་པ་མེད་དོ། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འགྲོ་བ་ལ་རྟོག་པར་བྱེད་དེ། ཡི་དགས་ཀྱི་ཡུལ་ཇི་ཙམ་ཡོད་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། ཡི་དགས་རྣམ་པ་མང་སྟེ། མདོར་བསྡུ་ན་རྣམ་པ་སུམ་ཅུ་རྩ་དྲུག་ཡོད་དོ།། དེ་དག་ཐམས་ཅད་ཕྲག་དོག་དང་སེར་སྣའི་རྒྱུས་དེར་སྐྱེ་བར་འགྱུར་ལ། བསམ་པ་སྣ་ཚོགས་སྐྱེད་པ་དང་། སྡུག་བསྔལ་དང་། བསམ་པ་དང་། བཟའ་བ་སྣ་ཚོགས་དང་། གཡོ་བ་སྣ་ཚོགས་དང་། གནས་སྣ་ཚོགས་དང་། ལུས་བཀྲེས་པ་དང་། སྐོམ་པས་གདུངས་པ་ཡིན་ནོ།། དེ་དག་ཐམས་ཅད་མདོར་བ་སྡུ་ན་རྣམ་པ་སུམ་ཅུ་རྩ་དྲུག་ཡོད་དེ་འདི་ལྟ་སྟེ། ཡི་དགས་ལྟོ་གུག་དང་། ཡི་དགས་ཁ་ཁབ་ལྟར་ཕྲ་བ་དང་།། ཡི་དགས་བཤང་བ་ཟ་བ་དང་། ཡི་དགས་ཀུན་སྟོན་དང་། ཡི་ད་ཀས་དྲི་ཟ་དང་། ཡི་དག་ས་ཆོས་ཀྱི་སྦྱིན་པ་ཟ་བ་དང་། ཡི་དག་ས་སྦྱིན་པ་ཟ་བ་དང་།། ཡི་དགས་ཆུ་འཐུང་བ་དང་། བསམ་པས་འཚོ་བ་དང་། མཆིལ་མ་ཟ་བ་དང་། འཕྲེང་བ་ཟ་བ་དང་། ཁྲག་ཟ་བ་དང་། ཤ་ཟ་བ་དང་། བདུག་པ་ཟ་བ་དང་། དྲག་ཤུལ་སྤྱོད་པ་དང་། གླགས་ལྟ་བ་དང་། སའི་འོག་ན་གནས་པ་དང་། ཡི་དགས་མཐུ་བོ་ཆེ་དང་། མཚན་མོ་ལུས་རབ་ཏུ་འབར་བ་དང་། མི་རྣམས་ལ་གླགས་ལྟ་བ་དང་། འདོད་པའི་གཟུགས་ཅན་དང་། གླིང་གི་བར་ན་གནས་པ་དང་གཤིན་རྗེའི་དབྱུག་པ་དང་། བྱིས་པ་ལ་ཟ་བ་དང་། ཚངས་པའི་སྲིན་པོ་དང་། འབྲུ་དྲུས་པའི་ཤུན་པ་ཟ་བ་དང་། མི་གཙང་བ་ཟ་བ་དང་། ལམ་པོ་ཆེན་གནས་པ་དང་། མང་དུ་ཟ་བ་དང་། མེ་མདག་ཟ་བ་དང་། དུག་ཟ་བ་དང་། དགོན་པ་ན་གནས་པ་དང་། དུར་ཁྲོད་ན་གནས་པ་དང་། ཤིང་ལ་གནས་པ་དང་། ལམ་གྱི་བཞི་མངོན་གནས་པ་དང་། བདུད་ཀྱི་སྡེ་སྟེ། དེ་ལྟར་མདོར་བསྡུ་ན། ཡི་དགས་ཀྱི་རིགས་སུམ་ཅུ་རྩ་དྲུག་ཡོད་དོ།། རྒྱ་ཆེར་ནི་སེམས་ཀྱི་བསམ་པའི་ལས་ཀྱི་ཆའི་བྱེ་བྲག་དང་། བསམ་པ་སྣ་ཚོགས་ཀྱི་བྱེ་བྲག་གིས་དཔག་ཏུ་མེད་དོ།། དེ་ན་ཨས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཤིན་ཏུ་བཀྲེས་པ་དང་སྐོམ་པས་གདུངས་པའི་ལུས་ཅན་རྣམས་ཕལ་ཆེར་ཕྲག་དོག་དང་སེར་སྣས་ཉམས་པ་དག་ཡིན་ཞིང་རྒྱ་ཆེར་ནི་ལུས་དང་། ངག་དང་། ཡིད་ཀྱི་ལས་གསུམ་གྱིས་སྐྱེ་ལ། བྱེ་བྲག་ཏུ་དབྱེ་ན་མི་དགེ་བའི་ལས་ཀྱི་ལམ་རྣམ་པ་བཅུ་དང་ཡང་དག་པར་ལྡན་པས་ཡི་དགས་རྣམས་ཀྱི་ནང་དུ་སྐྱེ་བར་འགྱུར་རོ། ། དེ་མདོར་བསྡུ་ན་མི་དགེ་བའི་ལས་ཀྱི་ལམ་རྣམ་པ་བཅུའི་མི་དགེ་བའི་རྒྱུ་གང་ཡིན་པ་ལ་སྲོག་ཆགས་ཀྱི་སྡུག་བསྔལ་ཐམས་ཅད་དེ་ལ་རག་ལས། དེ་ལ་སྤྱོད། དེ་ལས་སྐྱེ་ཞིང་འབྱུང་དེའི་ཕྱི་བཞིན་འབྲང་། དེ་དང་འབྲེལ། རྒྱུ་དེ་ལས་བྱུང་བ་ཡིན་ཏེ། ངན་སོང་གིས་ཀུན་ཏུ་འཁོར་ཡང་འཁོར་བ་ལ་ཡིད་འབྱུང་བར་མི་བྱེད་དོ།། སེམས་སྤྲེའུ་ལྟ་བུ་ཐོག་མ་མེད་པའི་དུས་ནས་འཁོར་བར་ཞུགས་ཤིང་། སྡུག་བསྔལ་གཟིང་གཟིང་བའི་བར་ན་གནས་པ་ལ་གོམས་པ་ཡན་ལག་དང་། ཉིང་ལག་གི་དྲ་བ་སྣ་ཚོགས་ཅན་གྱི་ནང་ན་ལྡོམ་ཞིང་འཁོར་བའི་རི་ལ་མྱུར་དུ་གནས་པ། སེམས་གཟིང་གཟིང་བའི་བག་ཆགས་ཀྱི་རྟོག་པའང་གཅིག་ཏུ་ཤེས་པར་སླ་བ་མ་ཡིན་ལ། དེ་ལྟར་འགྲོ་བ་མྱུར་དུ་འགྲོ་བ་འདི་སེམས་སྤྲེའུ་ལྟ་བུ་ཡིན་ཏེ། དེ་ལྟ་བས་ན། སེམས་འདི་རེ་ཞིག་ཐོག་མ་ཉིད་དུ་ཤིན་ཏུ་དུལ་བར་བྱའོ།། དེ་ལྟར་མ་བྱས་ན་ངན་སོང་གི་ས་མི་བཟད་པ་རྣམས་སུ་སེམས་ཅན་དག་ཤིན་ཏུ་སྡུག་བསྔལ་བར་འགྱུར་ཞིང་། དེ་ལྟར་མ་བྱས་ན་འཁོར་བར་སེམས་ཀྱི་དགྲས་ཟིན་ཏེ། དེ་བདེ་བ་འཐོབ་པར་མི་འགྱུར་བ་མཐོང་ངོ་།། དེ་ལྟར་དགེ་སློང་དེ་སོ་སོར་རབ་ཏུ་རྣམ་པར་འབྱེད་པ་ན། ཡང་དང་ཡང་དུ་འཁོར་བ་འདི་ལ་ཡིད་བྱུང་ཞིང་མི་དགའ་ལ་འཁོར་བར་གཏོགས་པའི་སྡུག་བསྔལ་ཐམས་ཅད་ལ་རྣམ་པར་སྨོད་པར་བྱེད་དེ། དགེ་སློང་དེ་དེ་ལྟར་སེམས་པར་བྱེད་ཅིང་། ཡི་དགས་རྣམ་པ་དུ་མ་དག་ལ་སེམས་པ་ན། འདི་ལྟར་རབ་ཏུ་རྣམ་པར་འབྱེད་པ་ནི། ལས་དང་ལས་ཀྱི་རྣམ་པར་སྨིན་པའི་བྱེད་རྒྱུ་གང་ཡིན་པའི་ཆ་གཅིག་ཅིག་རབ་ཏུ་རྣམ་པར་འབྱེད་དེ། སྐྱེ་བའི་རྒྱུ་མེད་པ་མ་ཡིན་ཞིང་། བདེ་བ་དང་། སྡུག་བསྔལ་བ་དང་། འཐུན་པ་དང་། མི་མཐུན་པ་དང་། སྐྱེ་བ་ངན་པ་དང་། བཟང་བ་དང་། རིགས་བཟང་བ་དང་། རིགས་ངན་པར་སྐྱེ་བ་ནི་སྲོག་ཆགས་ཐམས་ཅད་ཀྱི་ཚེ་འཆིང་དང་། སྐྱེ་བ་འདོད་རྒྱལ་གྱིས་ཅུང་ཟད་ཀྱང་བྱས་པ་མེད་དོ་སྙམ་མོ། ། ལས་ཀྱི་ཆོས་ཀྱི་རྣམ་པར་སྨིན་པ་ཤེས་པའི་དགེ་སློང་དེས་ཡི་དགས་རྣམས་ཀྱི་ལས་ཀྱི་ཆོས་རྣམ་པར་དབྱེ་བ་དག་རྣམ་པར་འབྱེད་དེ། དེས་ཐོས་པ་ལས་བྱུང་བའི་ཤེས་པས་བརྟགས་ན། ཡི་དགས་ལྟོ་གུག་ཅེས་བྱ་བ་རང་གི་ལུས་ཉིས་འགྱུར་གྱིས་ཆེ་ཞིང་། ཁ་དང་། ལག་པ་དང་། རྐང་པ་ཉམས་ལ་ཐམས་ཅད་དུ་ལྟོ་གུག་པ་ཡིན་ཏེ། བུ་གའི་གསེ་བ་དག་ཏུ་མེ་མ་དག་གིས་རབ་ཏུ་བཀང་། ལུས་བཀྲེས་པ་དང་སྐོམ་པས་གདུངས། ལུས་ཚལ་ཤིང་བསྲེགས་པ་ལྟ་བུ། འགྲོ་བའི་དུས་མཐའ་མེད་པ་ནས་བཅིངས་པ་དག་དགའ་བ་མེད་ཅིང་། གྲོགས་མེད་ལ་མགོན་མེད་པ་ཡིན་ནོ། ། དེ་དག་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གླ་མི་ནོར་འདོད་པ་གང་གིས་འདི་ལྟར་བདག་གིས་གླ་དག་ཁྱིམ་དུ་བསག་གོ་སྙམ་ནས་སྲོག་གཅོད་པ་བྱེད་ཅིང་ཕྱོགས་ལ་འཚེ་བ་འམ། དེ་སྙིང་རྗེ་མེད་པ་ཆགས་པའི་དབང་གིས་སྲོག་གཅོད་པ་བྱེད་ལ་སྒོམ་ཞིང་སྟེན་ཏེ་མང་དུ་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སའི་འོག་དཔག་ཚད་ལྔ་བརྒྱ་ན་ཡི་དགས་ལྟོ་གུག་གི་རིགས་རྣམས་སུ་སྐྱེ་བར་འགྱུར་རོ། ། དེ་སའི་ཕྱོགས་མུན་པའི་ནང་དེར་སྐྱེས་པ་དང་། སྟེང་གི་ཕྱོགས་ནས་རི་རྣམས་ཀྱིས་བཙིར་ཞིང་། འོག་གི་ཕྱོགས་ནས་རི་གཉིས་པས་བཏེག་སྟེ། དེ་རི་གཉིས་ཀྱི་བར་དུ་རང་གི་ངོ་བོའི་ལུས་ཀྱི་ཚད་དཔག་ཚད་ཙམ་པ་ལེབ་ལེབ་པོར་བྱས་ཤིང་། བཀྲེས་པ་དང་སྒོམ་པས་ཤིན་ཏུ་གདུངས་སོ། ། ཚེའི་ཚད་ཀྱི་མཐའ་ནི་ཚེ་རབས་ལྔ་བརྒྱ་ཡིན་ཏེ། མིའི་ལོ་བཅུ་ལ་ཡི་དགས་ཀྱི་བགྲང་བའི་ཚུལ་གྱིས་ཉིན་ཞག་གཅིག་སྟེ། བར་དུ་འཆི་བའི་དུས་བྱེད་པ་ནི་ཡོད་དོ།། མི་དགེ་བའི་ལས་གཞན་གཉིས་པ་བྱས་པ་ནི་འདི་ལྟ་སྟེ། སྐྱེས་པ་འམ། བུད་མེད་ལ་ནོར་རྫུས་བཅོལ་བ་བཅབས་ནས། འདི་ལྟར་བདག་ལ་མེད་དོ་ཞེས་སྨྲ་ན་ལས་དེའི་རྣམ་པར་སྨིན་པས་དེར་སྐྱེ་བར་འགྱུར་ལ། ཟང་ཟིང་གི་སྦྱིན་པའང་མ་བྱིན། ཆོས་ཀྱི་སྦྱིན་པའང་མ་བྱིན། མི་འཇིགས་པའི་སྦྱིན་པའང་མ་བྱིན་ཏེ། སྦྱིན་པ་གསུམ་པོ་དེ་དག་དང་བྲལ་ལ། སེར་སྣ་དང་ཕྲག་དོག་གིས་སེམས་རྟག་ཏུ་ཟིལ་གྱིས་ནོན་པ་ནི་དེར་སྐྱེ་བར་འགྱུར་རོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་རྣམས་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཁ་ཁབ་ལྟར་ཕྲ་བ་ཞེས་བྱ་བ་ཇི་ལྟར་འདུག་པ་མཐོང་ངོ་།། དེར་སེམས་ཅན་དག་ལས་ཀྱིས་སྐྱེ་བར་འགྱུར་སྙམ་ནས།། དེས་ཐོས་པ་ལས་བྱུང་བའི་ཤེས་པས་བརྟགས་ན། ། ནོར་རྫས་ཀྱི་ཕྱིར་མི་རྣམས་གསོད་པའི་གཤེད་མ་གང་ཕ་རོལ་ལ་ཕྲག་དོག་དང་སེར་སྣ་ཡང་དག་པར་བླངས་ཤིང་། རྟག་ཏུ་མངོན་པར་བརྩོན་ལ་བཀྲེན་པ་བཀྲེན་པའི་རང་བཞིན་ཅན། འདི་ལྟ་སྟེ། ཟང་ཟིང་སྦྱིན་པ་དང་། ཆོས་སྦྱིན་པ་དང་། མི་འཇིགས་པ་སྦྱིན་པ་སྟེ། སྦྱིན་པ་རྣམས་སྤངས་པ་ནི་དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་ཡི་དག་ས་ཁ་ཁབ་ལྟར་ཕྲ་བ་རྣམས་ཀྱི་ནང་དུ་སྐྱེ་བར་འགྱུར་རོ། ། རང་གི་ལས་ཀྱི་འབྲས་དུས་བསླུས་པ་དེར་སྐྱེས་པ་དེ་དག་གི་ཁའི་སྒོ་ཁབ་ལྟར་ཕྲ་ཞིང་ལྟོ་རི་ཙམ་དུ་ཆེ་བར་འགྱུར་ལ། རྟག་ཏུ་བཀྲེས་པ་དང་སྐོམ་པའི་ཉོན་མོངས་པས་གདུངས་པར་འགྱུར། ལུས་ཀྱི་མེས་ཀྱང་བཀྲེས་པ་དང་སྐོམ་པས་དཀྲུགས་ལ། ཕྱི་རོལ་ཏུ་ཡང་ཚལ་ཤིང་གི་མེ་མཆེད་པས་དཀྲུགས་པར་འགྱུར། གྲང་བ་དང་ཚ་བ་དང་། ཤ་སྦྲང་དང་། སྦྲང་བུ་དང་། སྲོག་ཆགས་མ་ཀོ་ཊ་ཀས་ཟ་བ་དང་། རིམས་ལ་སོགས་པས་དེ་ལྟར་སྐྱེས་པ་འམ། བུད་མེད་དེར་སྐྱེས་པའི་ལུས་དང་། ཡིད་ལས་བྱུང་བའི་སྡུག་བསྔལ་སྣ་ཚོགས་ཀྱིས་མིའི་ལོ་བཅུ་ལ་ཡི་དགས་ཀྱི་བགྲང་བའི་ཚུལ་གྱིས་ཉིན་ཞག་གཅིག་པའི་ཚེ་རབས་ལྔ་བརྒྱར་མངོན་པར་གདུངས་ཏེ། ཚེ་རབ་ཆད་དུ་འགྱུར་བ་ནི་ཡོད་དོ།། དེར་སྐྱེ་བར་འགྱུར་བནི་ལས་གཉིས་པས་ཀྱང་ཡང་དེར་སྐྱེ་བར་འགྱུར་ཏེ། འདི་ལྟར་དགེ་སྦྱོང་དང་བྲམ་ཟེ་དག་བདག་ཅག་གི་དེར་ཟན་སྦྱིན་ནོ་ཞེས་བྱས་ལ། བཟའ་བ་དང་བཅའ་བ་དག་ཀྱང་ཡོད་བཞིན་དུ་བུད་མེད་སེར་སྣས་མངོན་པར་ཟིན་པ་དེ། ཁྱིམ་ཐབ་ལ་བསླུ་བའི་བསམ་པས་འདི་ལྟར་ཅིའང་མེད་ན། དགེ་སྦྱོང་དང་བྲམ་ཟེ་དག་ལ་སྦྱིན་དུ་ག་ལ་ཡོད་ཅེས་སྨྲས་ན། དེའང་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་ཁ་ཁབ་ལྟར་ཕྲ་བ་རྣམས་ཀྱི་ནང་དུ་སྐྱེ་བར་འགྱུར་རོ། ། སེར་སྣ་དེ་ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་པས་བུད་མེད་ཕལ་ཆེར་ཡི་དགས་རྣམས་ཀྱི་ནང་དུ་རྫུས་ཏེ་སྐྱེ་བར་འགྱུར་བ་དེ་ལྟར་མིའི་ནང་དུ་སྐྱེ་བར་མི་འགྱུར་ཏེ། འདོད་པ་ལ་ཕྲག་དོག་དང་སེར་སྣས་ཉམས་པའི་རྒྱུ་གང་གིས་ཡི་དགས་མོར་འགྱུར་བ་དེ་ལྟར་མིའི་ན་མི་འགྱུར་རོ།། བུད་མེད་ནི་སེམས་ཆུང་ཞིང་སེམས་ཡང་བ་ཡིན་ལ། དེ་ལྟར་རྒྱུ་དེ་དང་རྐྱེན་དེས་ཡི་དགས་མོ་རྣམས་ཀྱི་ནང་དུ་སྐྱེ་བར་འགྱུར་ཏེ། དེ་ཇི་སྲིད་དུ་སེར་སྣ་དང་ཕྲག་དོག་བྱས་པའི་སྡིག་པ་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེར་སྐྱེ་བར་འགྱུར་རོ། ། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་རོ། ། བྱ་ཁུག་རྟ་རྣམས་ཀྱི་ནང་དུ་སྐྱེས་ནས། དེ་རྟག་ཏུ་བཀྲེས་པ་དང་སྐོམ་པས་གདུངས་པར་འགྱུར། དེ་ལས་ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་པའི་ལས་མར་འགྲུབ་པའི་ལས་ཀྱིས་མི་རྣམས་དང་སྐལ་བ་མཉམ་པར་མིར་སྐྱེས་ན། སྐྱེས་པ་འམ། བུད་མེད་དེ་རྟག་ཏུ་བཀྲེས་པ་དང་སྐོམ་པས་གདུངས་པར་འགྱུར། རྟག་ཏུ་སྡུག་བསྔལ་ཞིང་ཟས་གཞན་དུ་ཚོལ་ལ། ལམ་པོ་ཆེ་དང་། བཞི་མདོར་འཚོ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་སྐྱུགས་པ་ཟ་བ་ཞེས་བྱ་བ་ཇི་ལྟར་འདུག་པ་མཐོང་ངོ་།། དེར་སྐྱེས་པ་འམ། བུད་མེད་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། བུད་མེད་གང་བཟའ་བ་དང་།། བཅའ་བ་དང་། རོ་མྱང་བས་ཁྱིམ་ཐབ་ལ་མངོན་པར་གནོད་པར་བྱེད་ཅིང་། བདག་ཉིད་ནི་དེ་དག་ལ་ཟ་བར་བྱེད་ལ། ཕྲག་དོག་དང་སེར་སྣས་ཀྱང་རྟག་ཏུ་ཟིལ་གྱིས་ནོན། བུ་དང་བུ་མོ་གཞན་དང་མི་འདྲ་བར་མི་དགའ་བ་མ་ཡིན་ལ། དགའ་བ་དང་སླུ་བ་མ་ཡིན་ཏེ། མི་སླུ་བ་ལ་མངོན་པར་གནོད་པ་བྱས་ན། དེའང་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་སྐྱུགས་པ་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ།། དེར་སྐྱེས་ནས་ཀྱང་དེ་རྟག་ཏུ་དེའི་ལུས་ཀྱི་བདག་ཉིད་དཔག་ཚད་ཕྱེད་ཙམ་ཡོད་པར་བཀྲེས་པ་དང་སྐོམ་པས་གདུངས་ཏེ། དགོན་པ་ཆེན་པོར་གཅིག་པུར་ཆུ་བཙལ་བའི་ཕྱིར་རྒྱུག་ཅིང་ཐམས་ཅད་དུ་ཆོ་ངེས་འདེབས་སོ།། སྨྲེ་སྔགས་འདོན་པ་ན། དེ་ཆོས་སྦྱིན་པ་དང་། ཟང་ཟིང་སྦྱིན་པ་དང་། མི་འཇིགས་པ་སྦྱིན་པ་མ་བྱས་ཏེ། སྦྱིན་པ་གསུམ་དང་བྲལ་བ་དག་དེར་སྐྱེ་བར་འགྱུར་རོ།། ཚེའི་མཐའ་ནི་སྔ་མ་བཞིན་ཏེ། དེ་ཇི་སྲིད་དུ་སེར་སྣ་བྱས་པའི་སྡིག་པ་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་བཀྲེས་པ་དང་སྐོམ་པས་གདུངས་པར་འགྱུར་རོ། ། དེ་ཕྱིས་སྡིག་པ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་གལ་ཏེ་དུད་འགྲོ་རྣམས་ཀྱི་ནང་དུ་སྐྱེས་ན། དེ་སྐྱུགས་པ་ཟ་བར་འགྱུར་ཏེ། ཇི་ལྟར་ཡི་དགས་རྣམས་ཀྱི་ནང་དུ་སྐྱུགས་པ་ཟ་བས་སྲོག་ཅུང་ཟད་འཚོ་བར་གྱུར་པ་དེ་ལྟར་དུད་འགྲོ་རྣམས་སུ་ཡང་འགྱུར་རོ།། དེ་ལས་ཐར་ནས་ཀྱང་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་མཆོད་སྟོན་གྱི་ཚེ་དགེ་སྦྱོང་དང་བྲམ་ཟེའི་བཀད་ས་རྣམས་ཀྱི་གྲལ་དུ་སློངས་མོས་དེའི་སྲོག་འཚོ་བ་ཐུབ་པར་འགྱུར་བ་མཐོང་ངོ་།། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་བཤང་བ་ཟ་བ་ཞེས་བྱ་བ་མཐོང་ངོ་། ། དེར་སྐྱེས་པ་འམ། བུད་མེད་དག་ལས་གང་གིས་སྐྱེ་བར་འགྱུར་ཞིག་གུ་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སེར་སྣ་ཀུན་ཏུ་བསྟན་ཅིང་བསྒོམས་ཏེ་མང་དུ་བྱས་པས་གྱུར། སྔ་མ་བཞིན་དུ་སྦྱིན་པ་དང་བྲལ་ལ། དགེ་སྦྱོང་དང་བྲམ་ཟེ་དག་ལའང་ཁ་ཟས་ལྷག་མར་བྱས་པ་བྱིན་ཏེ། དེ་དག་ཀྱང་གཙང་མ་ཞིག་ཡིན་ནོ་སྙམ་ནས་ཟོས་ན་སྐྱེས་པ་འམ། བུད་མེད་དེ་ལུས་དང་བྲལ་ནས་ཡི་དགས་པཤང་བ་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ།། དེའི་ལས་ཀྱི་མཐུས་དེའི་ཚེའང་སྔ་མ་བཞིན་ལ། དེའི་ལུས་བཀྲེས་པ་དང་སྐོམ་པས་གདུངས་ཏེ། གལ་ཏེ་དེ་རྙེད་ནའང་རྟག་ཏུ་མི་རྙེད་ལ། དེའང་ཆུང་སྟེ་ལྟོ་ཚམ་པར་མི་འགྱུར་རོ།། གལ་ཏེ་ཡང་ཡི་དགས་རྣམས་ཀྱི་ནང་དུ་བཤང་བ་རྙེད་ན་སྲིན་བུ་ཞུགས་ཤིང་ཟོས་ལ་བུ་གར་བྱས་པ་ངན་ངོན་ཞིག་རྙེད་དེ། རྒྱང་རིང་ཞིང་ཚེགས་ཆེན་པོས་རྙེད་པ་དེའང་ཆོག་པར་མི་རྙེད་དོ།། དེ་ལྟར་དེའི་ཚེ་མཐའ་སྡུག་བསྔལ་བ་འཐོབ་སྟེ། དེ་ཇི་སྲིད་དུ་དེའི་སྡིག་པའི་ལས་ཡི་དགས་ཀྱི་འཇིག་རྟེན་འགྲུབ་པ་སེར་སྣ་བྱས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་བཀྲེས་པ་དང་སྐོམ་པ་དེས་བྱས་པའི་སྡུག་བསྔལ་མྱོང་བར་འགྱུར། དེ་ཕྱིས་ཡི་དགས་ཀྱི་འཇིག་རྟེན་བཤང་བ་ཟ་བ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ཇི་ལྟར་ལས་ཉེ་བར་འགྲོ་བས་འཁོར་བ་ན་ཡོངས་སུ་འཁྱམ་མོ།། དེ་གལ་ཏེ་ཡང་མི་རྣམས་ཀྱི་ནང་དུ་གཉའ་ཤིང་གི་ནང་དུ་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དབུལ་ཞིང་ནད་པུ་ཅན་ལ། བཟའ་བ་ཉུང་བ་དང་། སྲོག་གིས་འཚོ་བ་རྟག་ཏུ་གཞན་ལ་རག་ལས་ཤིང་ཚེགས་ཆེན་པོས་འཚོ་བ་ཐོ་བ་ལ་དོན་དུ་མ་མེད་པའི་སྣོད་དུ་འགྱུར། སེམས་ཤེས་པ་དང་། མི་ཤེས་པ་ཕལ་པ་ཡིན་ཞིང་ལུས་རྨ་མཚན་དང་དྲི་མ་ཅན་མི་སྡུག་པ་སྐྱེ་བོ་ཀུན་གྱིས་སྨད་པར་འགྱུར། དེའི་ཁ་ནས་ཀྱང་དྲི་མ་མནམ་པོ་འབྱུང་ཞིང་གྲོ་པུར་དུ་སོ་ནག་པོར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེར་སྣའི་གནས་སུ་གྱུར་པའི་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེར་སྣ་ཐམས་ཅད་ཀྱི་གནས་སུ་གྱུར་པ་ཡི་དགས་ཁ་ཟས་མེད་པ་ཞེས་བྱ་བ་མཐོང་ངོ་།། དེར་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སྐྱེས་པ་འམ། བུད་མེད་སེར་སྣས་ཟིལ་གྱིས་ནོན་ཅིང་། ཕྲག་དོག་གིས་ཟིལ་གྱིས་ནོན་པ། གཡོ་ཐབས་སམ། སྦུབ་བྱེད་པ་སྟོབས་དང་ལྡན་པ་གང་གིས་སེམས་ཅན་དག། བཅིང་བས་བཅིངས་ཏེ། ཁ་ཟས་མ་བྱིན་པས་སྲོག་དང་བྲལ་ལ། སྲོག་དང་ཕྲལ་ནས་ཀྱང་སྙིང་ནས་འཆགས་པར་མི་བྱེད་ལ། འགྱོད་པར་མི་བྱེད། ཡང་ལས་དེ་ཉིད་བྱས་ནས་རྗེས་སུ་དགའ་བར་བྱེད་ཅིང་། ། གཞན་དག་ཀྱང་དེ་ཉིད་ལ་རབ་ཏུ་འཇོག་པར་བྱེད་ལས་དང་ལས་ཀྱི་ཉེར་བ་སྔོགས་དང་། ལས་ཀྱི་མཇུག་དག་བྱས་ནས་ཡང་དེ་ཉིད་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་ཁ་ཟས་མེད་པ་རྣམས་ཀྱི་ནང་དུ་སྐྱེ་བར་འགྱུར་རོ། ། སྐྱེས་པ་དེ་འམ། བུད་མེད་དེ་དེར་སྐྱེས་ནས་ཁ་ཟས་མེད་པར་བྱས་ནས། བཀྲེས་པ་དང་སྐོམ་པར་བྱས་པ་མེ།། དེས་སྲེག་པ་ན། ཡང་དང་ཡང་དུ་རི་ལས་ཆུ་འབབ་པའི་ཤུགས་ལྟར་བཀྲེས་པ་དང་སྐོམ་པའི་སྡུག་བསྔལ་རབ་ཏུ་འཕེལ་ལོ།། དེའི་ཁ་ཟས་མེད་པར་བྱས་པའི་མཐུ་དེས་ཇི་ལྟར་ཐལ་བའང་མི་མངོན་པ་དེ་ལྟར་དེའི་ནང་དང་། ཡན་ལག་དང་ཉིང་ལག་ཐམས་ཅད་སྲེག་གོ།། དེ་ནས་ཡང་ཡན་ལག་དང་ཉིང་ལག་དེ་དག་སླར་འབྱུང་བར་འགྱུར་ཏེ། ཡང་སྲེག་པར་བྱེད་དོ།། དེ་བཀྲེས་པ་དང་སྐོམ་པས་གདུངས་པ་དང་། ལུས་བསྲེགས་པ་སྟེ། སྡུག་པ་སྦལ་གཉིས་ཀྱིས་སྲེག་པ་ན། རང་གི་ལས་ཀྱི་འབྲས་བུ་ཉེས་པར་བྱས་པ་ས་བསྨྲས་པ་དེ་སྡུག་བསྔལ་གྱིས་ཉམ་ཐག་ནས་ཤིན་ཏུ་ངུ་སྐད་འབྱིན། ཆོ་ངེས་འདེབས། སྨྲེ་སྔགས་འདོན་ཅིང་ཕྱོགས་དང་ཕྱོགས་མཚམས་སུ་རྒྱུག་སྟེ། དེ་ནི་དེའི་ནང་དུ་འབྱུང་བའི་སྡུག་བསྔལ་ཡིན་ནོ།། ཕྱི་རོལ་དུ་འབྱུང་བའང་ལས་ཀྱིས་བྱས་པ་མེས་ཡན་ལག་དང་ཉིང་ལག་ཐམས་ཅད་སྲེག་པར་བྱེད་དོ། ། མེ་ནང་དུ་སོང་བ་སླར་བྱུང་ནས་ཕྱི་རོལ་གྱི་ལུས་ཀྱང་སྲེག་པར་བྱེད་དེ། དཔེར་ན་ཤིང་ཁོང་སྟོང་གི་ནང་དུ་མི་ཞུགས་པ། ཤིང་གི་ནང་བསྲེགས་ནས་ཕྱི་རོལ་སྲེག་པ་དེ་བཞིན་དུ། མེ་དེས་ཡི་དག་ས་དེའི་ནང་བསྲེགས་ནས་ཕྱི་རོལ་ཡང་སྲེག་པར་བྱེད་དོ།། དེ་ནང་དང་ཕྱི་རོལ་ཐམས་ཅད་ཚལ་ཤིང་བསྲེགས་པ་ལྟ་བུར་རབ་ཏུ་བསྲེགས་ཏེ། མེ་ལྕེ་གཅིག་ཏུ་གྱུར་པས་དུ་སྐད་འབྱིན་ཅིང་ཆོ་ངེས་འདེབས་སོ།། དེ་དེར་ཆོ་ངེས་འདེབས་པ་ན། ཁར་མེ་འབྱུང་སྟེ། དེ་ཡང་དང་ཡང་དུ་དེའི་ལུས་ཐམས་ཅད་འབར་བ་ཉིས་འགྱུར་གྱིས་ཆེས་རབ་ཏུ་འབར་བར་བྱེད་དོ། ། གང་དང་གང་དུ་འགྲོ་བའི་ལམ་དེ་དང་དེར་རྩཝ་དར་བ་རབ་ཏུ་འབར་བ་ཁབ་ལྟ་བུར་འབྱུང་བར་འགྱུར་ལ། གང་དུ་དེའི་རྐང་པ་གཉིས་བོར་ན་མ་རུངས་པར་བྱེད་དེ། རྐང་པ་མ་རུངས་པ་དེ་དུ་སྐད་འབྱིན། ཆོ་ངེས་འདེབས། ཡོངས་སུ་སྨྲེ་སྔགས་འདོན་ཏོ།། དེ་ཡོངས་སུ་སྨྲེ་སྔགས་འདོན་པ་ན། དེའི་ལྕེ་མར་གསར་གྱི་གོང་བུ་ལྟར་ཞུ་བར་བྱེད་དེ། དེ་ནས་ཡང་ཉེས་པར་བྱས་པའི་ལས་དེ་སྔར་འབྱུང་བར་འགྱུར་རོ། ། དེ་གང་དང་གང་དུ་རྒྱུག་པ་དེ་དང་དེར་དེའི་ཉེས་པར་བྱས་པའི་ལས་དེས། ཆུ་དང་། ལྟེང་ཀ་དང་། འབབ་ཆུའི་དངོ་དང་། མཚོ་དང་། ཆུ་འཛག་པ་དང་། ཆུ་བོ་དང་། ཁྲོན་པ་ཐམས་ཅད་དང་བྲལ་བར་འགྱུར། ཚལ་དང་། ནགས་ཚལ་དང་། ཁྱིམ་དང་། ནེའུ་གསིང་གི་ས་གཞི་དང་བྲལ་བར་འགྱུར། ཚལ་དང་། ནགས་ཚལ་དག་ཀྱང་ལོག་པར་མཐོང་སྟེ། རི་དང་། ལྗོན་ཤིང་དང་། རི་སུལ་གྱིས་ཕྱོགས་ཐམས་ཅད་ཀྱང་རབ་ཏུ་འབར་བ་མཐོང་ངོ་།། ཀུན་ནས་ཡི་དགས་ཀྱི་ཆད་པ་ལག་ན་རལ་གྲི་དང་གཏུན་ཤིང་ཁྱེར་བ་རྣམས་ཀྱིས་གཙེ་བར་བྱེད་ཅིང་སྤྲོ་བར་བྱེད་པས་མཆོག་ཏུ་སྡུག་བསྔལ་ཏེ། རང་གི་ཕྲག་དོག་དང་སེར་སྣས་བསླུས་ཤིང་སེམས་ཀྱི་དགྲ་དང་ལྷན་ཅིག་ལྡན་པས་ཚེ་རང་སྒྱུ་མ་བཞིན་ནོ།། དེ་ལྟར་དེ་ཉེས་པར་བྱས་པའི་ལས་བྱས་པས། ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡི་དགས་ཁ་ཟས་མེད་པའི་སྡུག་བསྔལ་མྱོང་བར་འགྱུར། དེ་ཕྱིས་ཡི་དགས་ཀྱི་ཕུལ་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་རང་གིས་བྱས་པའི་ལས་སྤྱད་པ་ཇི་ལྟར་ལས་ཉེ་བར་འགྲོ་བས་འཁོར་བར་ཡོངས་སུ་འཁྱམ་མོ།། དེ་གལ་ཏེ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་མངལ་ན་གནས་པ་ན་མ་དེ་ཟས་འདོད་པ་མེད་པར་འགྱུར། གང་གི་ས་མ་དེའི་ལུས་དང་བཞིན་ཁ་དོག་མཆོག་ཏུ་མི་སྡུག་པར་འགྱུར། དེ་གལ་ཏེ་མངལ་དེ་ཉིད་དུ་གནས་པ་ན། ལས་རབ་ཏུ་མཐུ་ཆེ་བ་དང་། སྲོག་བཅད་པ་རབ་ཏུ་མཐུ་ཆེ་བ་དེས་འཆི་བའི་དུས་བྱེད་པར་འགྱུར། གལ་ཏེ་ཡང་བརྒྱ་ལ་བཙལ་བར་གྱུར་ན། དེ་ལྟར་ངན་པར་བྱས་པ་འདུས་བྱས་དེའི་མ་རྟག་ཏུ་དྲི་ང་ཞིང་མདོག་མི་སྡུག་ལ་མ་དང་ས་མེད་པར་འགྱུར། དེ་སྲོག་གི་འཚོ་བ་དུས་ཐུང་ཞིང་ཚེགས་ཆེན་པོས་ཐོབ་པར་འགྱུར། ཡུལ་གྱི་བདག་བོ་རྒྱལ་པོས་ཀྱང་དེ་ལྟར་བཙོན་རར་བཅུག་ནས་བཀྲེས་པ་དང་སྐོམ་པ་དག་གིས་འཆི་བའི་དུས་བྱེད་པར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་དྲི་ཟ་བ་ཞེས་བྱ་བ་ཇི་ལྟར་འདུག་པ་མཐོང་ངོ་།། དེར་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་བཟའ་བ་དང་བཏུང་བ་མང་པོ་ཤིན་ཏུ་བསྡུས་ནས་བདག་འབའ་ཞིག་ཟ་ལ། བུ་དང་ཆུང་མ་དག་ལ་ཡང་དག་པར་འགེད་པར་མི་བྱེད། དེ་དག་རོ་བྲོ་བ་འདོད་ན་དྲི་ཙམ་ཞིག་ལ་སྣོམ་དུ་འཇུག། དེ་བུ་དང་ཆུང་མ་དེའི་མདུན་དུ་རང་འབའ་ཞིག་ཟ་བར་བྱེད་ལ། ཕྲག་དོག་དང་སེར་སྣས་ཟིན་པས་ཡང་དག་པར་འགེད་པར་མི་བྱེད་དེ། དེ་ལྟར་བུ་དང་ཆུང་མ་རིས་འཐུན་པར་ལྷན་ཅིག་འཁོད་པ་ལ་བརྙས་པར་བྱེད་ཅིང་། གཞན་དག་ཀྱང་དེ་ཉིད་ལ་རབ་ཏུ་འཇོག་པར་བྱེད་པ་ལ་རྗེས་སུ་དགའ་ཞིང་། དེ་ནས་ཡང་བདག་གཅིག་པུ་ཟ་བར་བྱེད་ལ། དེ་བྱས་ནས་ཀྱང་སྐྱོན་དུ་མི་འགྱུར་ཞིང་། ངོ་ཚ་བར་མི་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་དྲི་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ།། དེར་སྐྱེས་ནས་ལུས་རྟག་ཏུ་བཀྲེས་པ་དང་སྐོམ་པོས་གདུངས་ཤིང་གར་བབ་བབ་ཏུ་རྒྱུག་སྟེ་ངུ་སྐད་འབྱིན། ཆོ་ངེས་འདེབས། སྨྲེ་སྔགས་འདོན་ཏོ།། དེ་གལ་ཏེ་ཡང་ལྷ་ཁང་ངམ། མཆོད་རྟེན་ནམ། ཁྱིམ་གཞན་དུ་ཡོན་བདག་དད་པས་བདུག་སྤོས་དྲི་ཞིམ་པོ་དག་བདུགས་པ་དང་། དེ་དེས་དགའ་བར་འགྱུར།། དེ་བཞིན་དུ་དྲི་གཞན་གྱིས་ཀྱང་དགའ་བར་འགྱུར་ཏེ། དེ་ལྟར་འདི་ནི་ཡི་དགས་དྲི་ཟ་བའི་ཕྱོགས་གཅིག་ཡིན་ནོ། ། དྲི་ཟ་བའི་ཕྱོགས་གཞན་ཡང་འདི་ལྟར་མི་དག་ལ་ནད་བྱུང་བ་ན། ནད་པ་གང་ཡིན་པ་དེ་དག་གི་ཕྱིར་ལྷ་ཁང་ངམ། ཀུན་དགའ་ར་བ་དག་ཏུ་བདུག་སྤོས་གང་བདུགས་པའི་དྲི་དེས་དེ་ཚིམ་པར་འགྱུར་ཏེ། དེས་སྲོག་འཚོ་བ་འཐོབ་ཅིང་དེའི་ཕྱི་བཞིན་འབྲང་། གཞི་དེས་ལུས་ཀྱི་སྲོག་འཚོ་བ་འཐོབ་སྟེ། དེ་ལྟར་དེའི་ལས་ཀྱི་མཐུ་ས་ཡི་དགས་དེ་དྲི་ཟ་བར་འགྱུར། ཞིང་། སྲོག་གི་ཚེགས་ཆེན་པོས་ཟ་བ་དེ་འཐོབ་པར་འགྱུར། དེར་སྐྱེས་ནས་ཀྱང་ཇི་སྲིད་དུ་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་བཀྲེས་པ་དང་སྐོམ་པའི་སྡུག་བསྔལ་མྱོང་པབར་འགྱུར། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ལས་ཀྱི་འབྲས་བུ་ལ་སྤྱོད་པ་འཁོར་བ་ན་ཡོངས་སུ་འཁྱམ་མོ།། གལ་ཏེ་མིས་བྱས་པའི་ལས་མྱོང་བར་འགྱུར་བའི་ལས་ཀྱིས་བརྒྱ་ལ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྦྲུལ་འཇུག་པ་ལྟ་བུར་མིར་སྐྱེས་ན། དེ་དབུལ་ཞིང་ནད་བུ་ཅན་ལ། ལུས་ཐམས་ཅད་ལས་དྲི་དེ་འབྱུང་བར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡོ་དགས་ཆོས་ཀྱི་སྦྱིན་པ་ཟ་བ་ཞེས་བྱ་བ་དེར་འཇུག་པ་ཐོབ་པ་དེས་སྲོག་འཚོ་བ་འཐོབ་པར་འགྱུར་བ་ཇི་ལྟར་འདུག་པ་མཐོང་ངོ་། ། དེར་ལས་གང་གིས་སྐྱེ་བར་འགྱུར་སྙམ་ནས། དེས་ཟོས་པ་ལས་བྱུང་བའི་ཤེས་པས་བརྟགས་ན། གང་རང་བཞིན་གྱིས་སེར་སྣ་དང་ཕྲག་དོག་གི་ཟིལ་གྱིས་ནོན་པ་ཡིན་ལ། སྲོག་གསོ་བ་ཁོ་ནའི་ཐབས་སམ་རྒྱུ་དེས་དང་བ་མེད་ཅིང་དད་པ་མེད་ལ། ཕ་རོལ་ལ་ཕན་འདོམ། པའི་བསམ་པ་མེད་པའི་རྒྱུས་སྐྱོན་དུ་བགྲང་བའི་ཆོས་སྟོན་པར་བྱེད་ཅིང་། དེ་ཚུལ་ཁྲིམས་དང་ལྡན་པ་མ་ཡིན་ཏེ། འདི་ལྟ་སྟེ། སྲོག་གཅོད་པའི་ཆོས་ཀྱི་གཏམ་དང་། གཡུལ་དུ་འཆི་བའི་ཆོས་དང་། ནོར་རྫས་ནན་གྱིས་འཕྲོག་པའི་ཆོས་དང་། ཁྱུ་མཆོག་བག་ཡོངས་སུ་གཏོང་བའི་ཆོས་ཏེ། དེས་སྐྱོན་དུ་བགྲང་བའི་ཆོས་ཀྱི་རྣམ་གྲངས་དེ་དག་ཕ་རོལ་དག་ལ་བསྟན་ནས། དེ་ལས་རྙེད་པ་གང་ཡིན་པ་དེ་སྦྱིན་པར་མི་བྱེད་ཅིང་སོགས་པ་འབའ་ཞིག་བྱེད་ན། ཕྲག་དོག་གི་ཟིལ་གྱིས་ནོན་པ་མི་ངན་པ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་ཆོས་ཀྱི་སྦྱིན་པ་ཟ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། དེའི་ཚེ་ནི་སྔ་མ་བཞིན་ནོ།། དེ་རིའི་ཡུལ་ནས་རིའི་ཡུལ་དུ་ཡོངས་སུ་རྒྱུག་ཅིང་། ལུས་བཀྲེས་པ་དང་སྐོམ་པས་གདུངས་ལ། ཐམས་ཅད་དུ་དུ་སྐད་འབྱིན་པ། ཤིང་སྐམ་འདྲ་ཞིང་སྐྲ་རིང་ལ་ངོམ་ཟུམ་གནས། ལུས་ཐམས་ཅད་སྤུ་རིང་པོས་ཁེབས་ཤིང་རྩ་དང་རྒྱུས་པའི་དྲ་བས་དཀྲིས་ལ། པགས་པ་དང་རུས་པ་ཙམ་ལུས་པ། ལུས་རིང་ཞིང་སེན་མོ་མི་སྡུག་པ། རང་གིས་ཉེས་པར་བྱས་པས་ཡོངས་སུ་བསླུས་པ། མིག་གི་ཁུང་རིང་ཞིང་བསྐུམས་ལ། གདོང་མཆི་མས་ཡོགས་པ། ལུས་སྤྲིན་ནག་པོ་འདྲ་ཞིང་མི་སྡུག་པས་མངོན་པར་ཁེབས་པ་ཡན་ལག་དང་། ཏིང་ལག་ཐམས་ཅད་དང་། སྤུ་རྣམས་ཀྱི་ནང་དུ་སྦྲང་བུ་དང་། ཤ་སྦྲང་དང་། སྲོག་ཆགས་མ་ཀོ་ཊ་ཀ་རྣམས་ཞུགས་ནས་ཟ་བ་ན་ཐམས་ཅད་དུ་ཡོངས་སུ་རྒྱུག་གོ།། གལ་བརྒྱ་ལ་དགེ་འདུན་གྱི་གཙུག་ལག་ཁང་གི་ནང་དུ་སོང་ནས་ཡོངས་སུ་རྒྱུག་པ་ན། དེ་གལ་ཏེ་དགེ་འདུན་གྱི་འམ། དགེ་འདུན་གྱི་གཙུག་ལག་ཁང་དུ་ཚེས་གཅིག་ལ་གནོད་སྦྱིན་ལ་བྱིན་པའི་རྙེད་པ་འཐོད་ཅིང་། དགེ་འདུན་གྱི་གནས་བརྟན་ནམ། གཞན་ཆོས་ཀྱི་སྦྱིན་པ་བྱིན་པས་མངོན་པར་མགུ་བར་འགྱུར་ལ། དེ་དེས་ཤིན་ཏུ་ཚིམ་པར་འགྱུར། དེས་སྲོགས་འཚོ་བ་ཐོབ་པར་འགྱུར། དེས་འཚོ་བ་རྙེད་པར་འགྱུར་ཏེ། ཇི་སྲིད་དུ་སྡིག་པའི་ལས་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡི་དགས་ཀྱི་སྡུག་བསྔལ་མྱོང་བར་འགྱུར། དེ་དེ་ལས་ཐར་ནས་ལས་དེ་དང་རྒྱུ་འཐུན་པར་རང་གི་ལས་ལ་སྨོད་པ་སྣ་ཚོགས་དང་། རྣམ་པ་སྣ་ཚོགས་བྱས་པ་འཁོར་བ་ན་ཚེ་སྣ་ཚོགས་མྱོང་བར་འགྱུར། དེ་གལ་ཏེ་བརྒྱ་ལ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་པིར་སྐྱེས་ན། དེ་གཟུགས་བྲམ་ཟེ་ལྟ་བུ་ཡིན་ཞིང་། ལྷ་རྟེན་གྱི་དྲུང་དུ་ཕྱུགས་གསོད་པར་བྱེད་དམ། ཟ་བར་བྱེད། སྲོག་འཚོ་བ་གཞན་ལ་རྟག་ཏུ་རག་ལས་ཤིང་། དེས་སྲོག་འཚོ་བ་ཐོབ་པར་འགྱུར། དེ་ནས་ཡང་དེ་ཉེས་པར་བྱས་པ་རྗེས་སུ་འབྲེལ་པས་སེམས་ཅན་དམྱལ་བར་འགྲོ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་འཇིག་རྟེན་ན། ཡི་དགས་ཆུ་འཐུང་བ་ཞེས་བྱ་བ་ཇི་ལྟར་འདུག་པ་མཐོང་ངོ་།། དེ་དག་ལས། གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་མི་རིགས་པར་ཆགས་པའི་ཟིལ་གྱིས་ནོན་པའི་སེམས་ཅན་ཆང་འཚོང་བ་གང་གིས་ཁྱིམ་ན་ཆང་ཡོད་པ་དང་། སྦྱར་བའི་ཆང་དང་། བུ་རམ་ཆང་འཚོང་བར་བྱེད་པ། སེར་སྣ་དང་ཕྲག་དོག་གིས་མངོན་པར་ཉམས་པ་དེ་ཆང་དེ་དག་ཆུས་བསླད་དེ། ཆང་འཐུང་བ་ཕ་རོལ་པོ་དེ་དག་ལ་འདྲིད་པར་བྱེད། རྣམ་པར་འཚེ་བར་བྱེད་ཅིང་། དེས་སྦྱིན་པ་དག་མ་བྱིན། བསོད་ནམས་དག་མི་བྱེད། ཚུལ་ཁྲིམས་མངོན་པར་མི་སྲུང་། ཆོས་མི་ཉན། ཆོས་མ་སྤྱོད། གཞན་དག་ཀྱང་མི་རིགས་པར་ཆགས་པ་དེ་ལ་འཇོག་ཅིང་རྗེས་སུ་དགའ་བར་བྱེད་ལ། ལས་དང་ལས་ཀྱི་ཉེར་བསྡོགས་དང་། ལས་ཀྱི་མཇུག་དང་བཅས་པར་བྱེད་ན། དེ་ཉེས་པར་བྱས་པ་དེས་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་ཆུ་འཐུང་བ་རྣམས་ཀྱི་ནང་དུ་སྐྱེ་བར་འགྱུར་རོ། ། ལུས་རྟག་ཏུ་བཀྲེས་པ་དང་སྐོམ་པས་གདུངས་པ་དེ་ཡུལ་ཆུ་མེད་པའི་རི་བྲགས་དང་། འབྲོག་དང་། དགོན་པ་ཆེན་པོ་རྣམས་སུ་ཡོངས་སུ་འཁྱམ་མོ། ། མདོག་བུང་བ་དང་སོལ་བ་འདྲ་ཞིང་། ཡན་ལག་དང་ཉིང་ལག་ཐམས་ཅད་སྲ་ལ་རྩུབ་སྟེ། ཤིན་ཏུ་རྡོལ་བ་དང་། དེའི་ལུས་འབར་བ་འཁྲིགས་ཤིང་ཁ་གདོང་སྐྲ་རིང་པོ་རྣམས་ཀྱིས་མུན་པར་ཁེབས་ཏེ། རྟག་ཏུ་བཀྲེས་པ་དང་སྐོམ་པ་ལས་བྱུང་བའི་མེས་གདུངས་པ་ན། གལ་ཏེ་རེས་འགའ་བརྒྱ་ལ་ཆུ་དང་ཉེ་བར་གྱུར་པ་དེའི་ཚེ། ཆུ་བརྒལ་བ་གང་འབོག་པ་ན། རྐང་པའི་ཆུའི་ཟེར་མ་བྱུང་བ་དང་། ཆོས་སྤྱོད་པ་གང་དག་ཆུ་འགྲམ་དུ་ལག་པ་དག་གིས་ཆུ་འཐོར་ཞིང་གང་སྐོམ་པ་དེ་དག་ལ་སྦྱིན་ནོ་ཞེས་སྨྲ་བ་དེ་དག་གིས་དེ་སྲོག་འཚོ་བ་འཐོབ་པར་འགྱུར་རོ། ། གལ་ཏེ་མ་བྱིན་པར་འདོད་ནས། དེ་ཆུ་འགྲམ་དུ་འདུག་སྟེ་བཏུང་བ་འཐུང་བ་དང་། ཆུ་རྒྱུན་དེ་སྲུང་བའི་ཡི་དགས་རྣམས་ཀྱིས་མངོན་པར་འཚེ་བར་བྱེད་ཅིང་ལུས་ཀྱང་ཀུན་ནས་བཟེད་བཟེད། བཏོག་བཏོག་པར་ལྟ་བུར་བྱེད་དོ།། སྡུག་བསྔལ་གྱིས་ཉམ་ཐག་པ་དེ། དེ་ནས་ཡང་དུ་སྐད་འབྱིན། སྨྲེ་སྔགས་འདོན་ཅིང་ཡོངས་སུ་རྒྱག་གོ། ། ཉེས་པར་བྱས་པའི་ལས་ཀྱིས་བསླུས་པ་དེ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེར་སྡུག་བསྔལ་དེ་མྱོང་བར་འགྱུར་རོ། ། དེ་ཕྱིས་ཡི་དགས་ཀྱི་འཇིག་རྟེན་དེ་ནས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་རང་གི་ལུས་རླུང་ལྟ་བུས་འཁྱམ་པ་ན་འཁོར་བ་ན་ཡོངས་སུ་འཁྱམ་མོ།། དེ་གལ་ཏེ་བརྒྱལ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐམ་པ་མཉམ་པར་མིར་སྐྱེས་ན། དེ་ཆུ་དང་། སྟེང་ཀ་དང་། ནགས་ཚལ་དང་བྲལ་བ། རི་བྲགས་དང་། འབྲོག་དང་། གྲོང་ངན་པར་སྐྱེ་བར་འགྱུར། རྟག་ཏུ་ཁྲོན་པའི་ཆུ་ལ་འཐུང་བར་འགྱུར། མཁྲིས་པའི་ནད་ཀྱིས་ཀྱང་འདེབས་པར་འགྱུར། ཉིན་མཚན་དུ་སྐོམ་མེད་པས་གནོད་པར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་འཇིག་རྟེན་ཡི་དགས་ཀུན་སྟོན་ཅེས་བྱ་བ་མཐོང་ངོ་། ། དེ་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། མི་ངན་པ་ཕྲག་དོག་དང་སེར་སྣས་རིལ་ག་ཡིས་ནོན་ཅིང་མི་རིགས་པར་ཆགས་པ་ལ་བརྐམ་པ་གང་གིས་མཁས་པ་དབུལ་པོའི་འཚོ་བ་ཚེགས་ཆེན་པོས་བསྒྲུབས་པ་དག་ལ་རིན་ཐང་སྟེང་དུ་མ་བབ་པའི་རིན་མི་འདྲ་བ་ཟང་ཟིང་ཞིག་བྱིན་ལ་དེ་རྟག་ཏུ་དེ་ལ་དགའ་ཞིང་སླུ་བར་བྱེད། གཞན་དག་ཀྱང་ལས་ངན་པར་བྱེད་པ་དེ་ཉིད་ལ་འགོད་པར་བྱེད་ཅིང་འཇོག་པར་བྱེད་ལ་སྦྱིན་པ་དག་ནི་མི་གཏོང་། བསོད་ནམས་དག་ཀྱང་མི་བྱེད། ཚུལ་ཁྲིམས་ལ་མི་གནས། དད་པས་ཉེ་བར་འགྲོ་བར་མི་བྱེད། ཆོས་དང་འཐུན་པའི་ཆོས་མི་སྤྱོད། དྲང་པོ་དང་དུལ་བར་མི་བྱེད། དགེ་བའི་བཤེས་གཉེན་གྱི་ངང་ཚུལ་ཅན་དུ་མི་བྱེད་ཅིང་། ཡང་དང་ཡང་དུ་ཕྲག་དོག་དང་སེར་སྣས་ཟིལ་གྱིས་ནོན་པར་གྱུར་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་ཀུན་སྟོན་རྣམས་ཀྱི་ནང་དུ་སྐྱེ་བར་འགྱུར་ཏེ། དེ་ལས་འཇིག་རྟེན་པ་དེ་དག་པ་ཞེས་བརྗོད་དོ། ། དེ་རྟག་ཏུ་ལུས་དཀྲེས་པ་དང་སྐོམ་པས་གདུངས་ཤིང་། ལུས་ཚལ་ཤིང་བསྲེགས་པ་འདྲ་ལ། དགའ་བ་མེད་པས་ཉམས་པར་འགྱུར། མཆིམས་གདོང་ཡོག་ཅིང་། རྐང་པ་དང་ལག་པ་ཤིན་ཏུ་རྡོལ་ལ། སྦས་ཁ་གདོང་མུན་པ་ལྟར་ཁེབས། ལྟོའི་མདོག་སྦྱིན་ནག་པོ་འདྲ་ཞིང་དྨ་སྐད་འབྱིན། སྨྲེ་སྔགས་འདོན་པ་ན། འདི་ལྟར་ཡོད་སུ་སྨྲེ་སྔགས་འདོན་ཏེ། མ་བྱིན་པས་ལྟ་ག་ལ་འཐོབ།། མ་བཏབ་འབྲས་བུ་ག་ལ་འབྱུང་།། སྒྲོན་མ་མེད་ན་འོད་མེད་ལྟར།། མ་བྱིན་པ་དེ་བ་གང་ལ་ཡོད།། ཇི་ལྟར་ལུས་ཅན་ལོང་བ་ཡི།། མིག་གིས་ལྟ་བར་ནུས་མེད་ལྟར།། སྦྱིན་དང་བྲལ་བ་དེ་འདྲ་སྟེ།། ཡི་དགས་བདེ་བ་མི་རྙེད་དོ།། ཡི་དགས་འཇིག་རྟེན་ཡི་དགས་གང་།། དེ་བཞིན་ནོར་མེད་འཇིག་གསུམ་དུ།། ཤིན་ཏུ་མི་དགའ་འཁྱམ་བྱེད་པ། ། དེ་ནི་སེར་སྣའི་འབྲས་བུ་ཡིན།། རང་གི་ལས་འབྲས་ཟ་བ་ཡི།། སྲོག་ཆགས་ལས་ལ་ལོངས་སྤྱོད་པ།། མ་བྱིན་ཅི་ཡང་མི་འཐོབ་སྟེ།། བྱས་པ་ཆུད་ནི་ཟ་བ་མེད།། ཡི་དགས་འཇིག་རྟེན་གནས་པ་དག། ངན་བྱས་རྣམས་ཀྱིས་བདག་ཅག་བསྲེགས།། བཀྲེས་དང་སྐོམ་ལས་བྱུང་བ་ཡི།། མི་ཡིས་འདིར་ནི་ཡོངས་སུ་སྤྱོད།། བདག་ཅག་རྣམས་ནི་སྐོམ་པ་ལས།། ནམ་བྲལ་བདེ་བ་འབྱུང་བར་འགྱུར། ། ཡོངས་སུ་གདུངས་ལས་བདག་ཅག་རྣམས།། ནམ་ན་ཡོངས་སུ་ཐར་པར་འགྱུར།། ལམ་དང་ལམ་མིན་མི་ཤེས་ཤིང་།། ལས་ཀྱི་འབྲས་བུ་དག་མི་ཤེས།། བཀྲེས་དང་སྐོམ་ལས་བྱུང་བའི་མེ།། ཚ་བ་འབྱུང་བ་མི་ཤེས་སོ།། བཞིན་ནི་སྐྲ་ཡིས་མུན་ལྟར་ཁེབླ།། རེ་བ་མེད་ཅིང་སྲོག་རྣམས་བཏང་།། པགས་པ་རྒྱུས་པའི་དྲ་བས་སྦྲེལ།། བདག་འཚོ་ཀྱི་ཧུད་སྡུག་བསྔལ་ལོ། ། དགོན་པར་ཆུད་པའི་ལུས་ཅན་རྣམས།། ཐམས་ཅད་དུ་ཡང་སྡུག་བསྔལ་ཏེ།། འདིར་ནི་སྐྱོབ་པ་གང་ཡང་མེད།། བདག་ཅག་སྡུག་བསྔལ་ཞུགས་པར་གྱུར།། དེ་ལྟར་ཡི་དགས་ཀུན་སྟོན་པར་བྱེད་པ་དེ་དག་དུ་སྐད་འབྱིན། སྨྲེ་སྔགས་འདོན་ཅིང་། ཐམས་ཅད་དུ་ཡོངས་སུ་འཁྱམ་མོ།། དེ་དག་གལ་ཏེ་ཡང་ཡོངས་སུ་རྒྱུག་པ་ན། དགེ་སློང་དེས་མཐོང་ནས་སེམས་པར་བྱེད། ཀྱེ་ཨེ་མ་ཁྱད་པར་དུ་འདོད་པའི་ཁམས་ཀྱི་འཁོར་བ་རབ་ཏུ་འབར་རོ་སྙམ་མོ།། དེ་ལྟར་ཡོངས་སུ་རྒྱུག་པ་དེ་དག་ལ་གལ་ཏེ་དད་པ་ཅན་ཞིག་གིས་ཀྱང་བྱིན་ལ། དེ་རིགས་དེར་སྐྱེས་པ་ཞིག། ཀྱང་ཡིན་ན་དེ་འབྱུང་བར་འགྱུར་ཏེ། དེ་དེ་ལས་སྲོག་གི་འཚོ་བ་འཐོབ་པར་འགྱུར་ཞིང་། སྐྱོབ་པ་དེ་ཡིན་ལ། སྐྱབས་དེ་ཡིན་ཏེ། དེ་ལ་རྟེན་ཏོ།། དེ་ལྟར་དེ་སྲིད་དུ་སྡིག་པའི་ལས་དེ་བཅོམ་ཞི་སྔངས་ལ་ཟད་པར་མ་བྱས་པ་དེ་སྲིད་དུ་འཚོ་བར་འགྱུར་རོ། ། དེ་ཕྱིས་ཡི་དྭགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དྲང་རྒྱུ་འཐུན་པར་རང་གི་ལས་ཀྱི་འབྲས་བུ་ལ་སྤྱོད་པ་དང་། རང་གི་ལས་རླུང་ལྟ་བུས་ངེད་པར་བྱེད་དོ།། དེ་དག་གལ་ཏེ་ཡང་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྔལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྫ་རྔ་རྡུང་བ་འམ། དྲིལ་སྤ་སྒྲོགས་པ་འམ། གཙུག་ལག་ཁང་གི་སྲུངས་མར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་འཇིག་རྟེན་ན། ཡི་དྭགས་མཆིལ་མ་ཟ་བ་ཞེས་བྱ་བ་ཇི་ལྟར་འདུག་པ་མཐོང་ངོ་།། དེ་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་མི་ངན་པ་སྐྱེས་པ་འམ། བུད་མེད་ཕྲག་དོག་དང་སེར་སྣས་ཟིལ་གྱིས་ནོན་པས་དགེ་འདུན་ནམ། གཞན་མཁས་པའི་རྣམ་པ་དེ་ལྟ་བུ་དག་གི་ཁ་ཟས་ལྷག་མར་བྱས་ལ། དེ་འདི་ལྟར་ལྷག་མར་མ་བྱས་སོ་ཞེས་སྨྲས་ནས། དེ་དག་ཀྱང་ཡིད་ཆེས་པའི་དབང་གིས་ཁ་ཟས་མི་འདྲ་བ་དེ་ཟ་བར་བྱེད་དོ།། མི་ངན་པ་དེའང་ཡང་དང་ཡང་དུ་དེ་ལྟར་དེ་ཉིད་ལ་དགའ་བར་བྱེད་ཅིང་། གཞན་དག་ཀྱང་དེ་ཉིད་ལ་རབ་ཏུ་འཇོག་པར་བྱེད་ལ། སྦྱིན་པ་དག་གཏོང་བར་མི་བྱེད། ཚུལ་ཁྲིམས་ལ་མི་གནས། མཁས་པ་ལ་མི་སྟེན། ཆོས་དང་ལྡན་པར་མི་སྤྱོད།། ཡང་དང་ཡང་དུ་ཁ་ཟས་ལྷག་མར་བྱེད་པའི་ལས་དེ་ཉིད་ལ་མངོན་པར་དགའ་བར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་མཆིལ་མ་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ།། དེར་སྐྱེས་ནས་ལུས་བཀྲེས་པ་དང་སྐོམ་པས་གདུངས་པའི་མཆིལ་མ་བོར་བ་ལྡན་ལྗིན་ནམ། རྩིག་པ་ལ་རེག་པའམ། ས་ལ་བོར་བ་དེ་ལ་ཁམ་གྱིས་ཟ་བར་བྱེད་དེ། དེས་སྲོག་འཚོ་བ་འཐོབ་པར་འགྱུར་ཞིང་། དེའི་ཕྱི་བཞིན་འབྲང་ལ་སྐྱབས་དེ་ཡིན། ཟས་དེ་ཡིན་ཏེ། ཇི་སྲིད་དུ་སྡིག་པའི་ལས་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེ་འབྱུང་བར་འགྱུར་རོ།། དེ་ཕྱིས་ཡི་དགས་ཀྱི་འཇིག་རྟེན་དེ། ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་རང་གི་ལས་ཀྱི་འབྲས་བུ་ལ་སྤྱོད་པ་འཁོར་བ་ན་ཡོངས་སུ་འཁྱམ་མོ།། དེ་གལ་ཏེ་བརྒྱ་ལ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དབུལ་ཞིང་ནད་བུ་ཅན་ལ་སྣ་རུལ་བར་འགྱུར། རྟག་ཏུ་དགེ་འདུན་གྱི་ནང་ན་ལྡན་ལྗིན་འཕྱག་པར་འགྱུར། ལམ་གྱིས་འཚོ་བ་དང་ལྷག་མ་ཟ་བར་འགྱུར་བ་མཐོང་ངོ་།། ། ། དམ་པའི་ཆོས་དྲན་པ་ཉེ་བར་གཞག་པ་བམ་པོ་བཅུ་དགུ་པ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་འཇིག་རྟེན་ན་ཉེས་པར་བྱས་པ་སྤྱོད་པ། བཀྲེས་སྐོམ་ཆུང་ཞིང་ལུས་གོས་མེད་པ་ཇི་ལྟར་འདུག་པ་མཐོང་ངོ་།། དེ་ལས་གང་གིས་དེར་སྐྱེ་པབར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། དེས་གནོད་སེམས་ཀྱི་ཕྱིར་ནི་མ་ཡིན་གྱི། གཙང་བ་འདོད་པའི་ཕྱིར་སངས་རྒྱས་ལ་འཕྲེང་བ་ཕུལ་བ་རྐུ་བ་དང་དེབཞིན་དུ་བླ་མ་དག་གི་འཕྲེང་བའང་རྐུ་བར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་འཕྲེང་བ་ཟ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། དེ་མཆོད་རྟེན་ནམ། མཆོ་སྦྱིན་གྱི་གནས་སུ་སྐྱེ་བར་འགྱུར་ཞིང་། དེ་མཐུ་ཆེ་བ་དང་། དབང་ཆེ་བར་ཡང་འགྱུར་རོ།། དེ་ལེགས་པར་བྱས་པ་དང་། ཉེས་པར་བྱས་པའི་རྨི་ལམ་དག་སྟོན་པར་ནུས་སོ། ། གལ་ཏེ་མི་གང་ལ་རང་བཞིན་གྱི་མི་དགེ་བ་ཞིག་བྱུང་ལ། ཡི་དགས་དེ་ལ་ཁ་ཟེར་ན། དེ་གཞི་དེས་མི་དེ་ལ་འཚེ་བར་བྱེད་པ་དང་། འཇིག་རྟེན་པ་དེ་དག་གནོད་སྦྱིན་འདི་ནི་རྫུ་འཕྲུལ་ཆེ་བ་མཐུ་ཆེ་བ་ཞིག་གོ་ཞེས་བརྗོད་དོ། ། དེ་འཕྲེང་བ་མང་པོ་ཐོབ་སྟེ། དེ་དེས་ཤིན་ཏུ་ཚིམ་པར་འགྱུར་ཞིང་། ལུས་བཀྲེས་པ་དང་སྐོམ་པ་ས་གདུངས་པར་ཡང་མི་འགྱུར། འཇིག་རྟེན་གྱིས་ཀྱང་མངོན་བཔར་སྟོད་པར་འགྱུར་ཏེ། དེ་དེས་རྟག་ཏུ་རབ་ཏུ་དགའ་བར་འགྱུར་རོ།། དེ་ལྟར་དེ་ཡི་དག་ས་འཕྲེང་བ་ཟ་བ་དེ་ཇི་སྲིད་དུ་སྡིག་པའི་ལས་སྡིག་པ་ཆུང་བ་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཚོ་བར་འགྱུར་རོ། ། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་བྱས་པ་ཉེ་བར་འགྲོ་བ་ཇི་ལྟ་བ་བཞིན་དེ་ལ་སྤྱོད་ཅིང་འཁོར་བ་ན་ཡོངས་སུ་འཁྱམ་མོ། ། དེ་གལ་ཏེ་བརྒྱ་ལ་མི་རྣམས་དང་སྐལ་བ་མཉམ་པར་མིར་སྐྱེས་ན། དེས་འཕྲེང་བ་མཁན་དུ་འགྱུར་ཏེ། དབུས་དང་། མཐའ་དང་། མཇུག་དེས་དེའི་འཚོ་བ་ཉེ་བར་འགྲུབ་པ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་འཇིག་རྟེན་ཡི་དགས་ཁྲག་ཟ་བ་ཞེས་བྱ་བ་ཁྲག་གིས་སྲོག་འཚོ་བར་བྱེད་པ་ཇི་ལྟར་འདུག་པ་མཐོང་ངོ་། ། དེར་སེམས་ཅན་དེ་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་པབའི་ཤེས་པས་བརྟགས་ན། མི་གང་ལ་ལ་དེའི་ལུས་བརྟན་པར་བྱ་བའི་ཕྱིར་ཤའི་ཁྲག་འཐུང་ལ་དེ་ལ་དགའ་ཞིང་གཏུམ་པ་དང་། ཕྲག་དོག་དང་སེར་སྣས་མངོན་པར་ཉམས་པ། བུ་དང་ཆུང་མ་ལ་སླུ་བར་བྱེད་ཅིང་སྲོག་གཅོད་པར་བྱེད་ན། ཁྲག་ལ་འཆུམས་པའི་ངང་ཚུལ་ཅན་དེས། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་ཁྲག་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ།། དེར་སྐྱེས་ནས་ཀྱང་ལས་དེ་ཉིད་ཀྱིས་བསྐྱེད་པའི་ཡུལ་དུ་སྐྱེ་བར་འགྱུར་ལ། དེ་ལ་མི་དག་འདི་ནི་གནོད་སྦྱིན་ཞིག་ཡིན་ནོ་ཞེས་བརྗོད་དེ། དེ་ལ་མཆོད་པའང་བྱེད་དོ།། དེ་ལ་ཀུན་ནས་བསྐོར་ནས་ཁྲག་གི་གཏོར་མས་ཀྱང་མཆོད་པར་བྱེད་དེ། དེ་ཕྱིར་ཞིང་ཁྲག་འཐུང་བས་མྱོས་ནས་མི་དག་ལ་གནོད་པོ་བྱེད་དོ།། དེ་ལ་མི་དག་ཡང་དང་ཡང་དུ་གནོད་སྦྱིན་འདི་ནི་རྫུ་འཕྲུལ་ཆེ་ཞིང་མཐུ་ཆེ་བ་ཞིག་ཡིན་ནོ་ཞེས་བརྗོད་དེ། དེ་ལྟར་དེ་གཅིག་ནས་གཅིག་ཏུ་རྗོད་པར་བྱེད་དོ།། ཚེའང་སྔ་མ་བཞིན་ཏེ། དེ་ལྟར་དེ་ཇི་སྲིད་དུ་སྡིག་པའི་ལས་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། དེ་ལྟར་ཡི་དགས་རྫུ་འཕྲུལ་ཆེ་བ་དེ་ཉིད་བྱེད་དོ། ། དེ་དེ་ལས་ཐར་ན་ལས་དེ་དང་རྒྱུ་འཐུན་པར་རང་གི་ལས་ལ་སྤོད་པ། ལས་ཉེ་བར་འགྲོ་བ་ཇི་ལྟ་བ་བཞིན་དུ་འཁོར་བ་ན་ཡོངས་སུ་འཁྱམ་མོ།། དེ་གལ་ཏེ་བརྒྱ་ལ་མི་རྣམས་དང་སྐལ་བ་མཉམ་པར་མིར་སྐྱེས་པ་འམ། བུད་མེད་དུ་སྐྱེས་ན། མི་དེ་མཁའ་འགྲོ་མ་འམ། མཁའ་འགྲོར་འགྱུར་པ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་འཇིག་རྟེན་ན་ཡི་དགས་ཤ་ཟ་བ་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སེར་སྣ་ལ་ཆགས་པའི་ཟིལ་གྱིས་ནོན་པ་གང་གིས་བ་ལང་ངམ། རྟ་འམ་རི་དགས་སམ། ཕག་གམ། ལུག་ཤི་བའི་ཤ་རིན་ཐང་ངམ་སྲང་ལ་གཡོ་བྱས་ནས་རིན་ཆེན་པོར་བཙོངས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་ཤ་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ། ། དེ་བཞི་མདོ་དང་། སུམ་མདོ་དང་། ཚོང་དུས་དང་། ལམ་གྱི་བཞི་མདོ་དང་། སྲང་དང་། གྲོང་ཁྱེར་དང་། གཙུག་ལག་ཁང་གི་གནས་རྣམས་ཀྱི་གནོད་སྦྱིན་དུ་སྐྱེ་བར་འགྱུར་ཏེ། ངོ་བོ་ཉིད་གཏུམ་ལ་གྱུར་པ་ཤེས་སོ། ། ཡི་དགས་རྫུ་འཕྲུལ་ཆེ་བ་མི་དགེ་བའི་ལས་ཤིན་ཏུ་མི་བཟད་པའང་མ་ཡིན་ལ། དེ་སྦྱིན་པ་ཚེ་ར་མ་ལྟ་བུའང་བྱིན་ཏེ། རྒྱུ་དེས་རྫུ་འཕྲུལ་ཆེ་བ་ཉིད་དུ་འགྱུར་རོ།། དེ་ལ་མི་ཕལ་པ་དག་མ་ཧེ་དང་། རི་དགས་དང་། སྦྲུལ་དང་། ལུག་ལ་སོགས་པ་དག་སྲོག་བཅད་ནས་ཤས་ཤིན་ཏུ་ཚིམ་པར་བྱེད་དོ།། དེ་ལྟར་དེ་ཉེས་པར་བྱས་པའི་ངོ་བོ་ཉིད་ཇི་སྲིད་དུ་དགེ་བའི་ལས་ཕྲག་དོག་བྱས་པ་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེར་འབྱུང་བར་འགྱུར་རོ། ། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་ལ་དེ་དང་རྒྱུ་འཐུན་པར་ལས་ཉེ་བར་འགྲོ་བ་དང་། ལས་སོ་སོར་འབྲང་བ་ཇི་ལྟ་བ་བཞིན་དུ་འཁོར་བ་ན་ཡོངས་སུ་འཁྱམ་མོ།། གལ་ཏེ་བརྒྱ་ལ་ལས་ལེགས་པ་བྱས་པ་དེས་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། ཤ་ཟ་བ་ཤན་པ་ཕལ་པ་འམ། དུམ་བུར་བྱེད་པའི་མིར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་བདུག་པ་ཟ་བ་ཞེས་བྱ་བ་དེ་ཐོབ་པས། དེས་སྲོག་འཚོ་བ་འཐོབ་པ་ཇི་ལྟར་འདུག་པ་མཐོང་ངོ་། ། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་ལྷ་ཆེར་སེར་སྣས་ཟིལ་གྱིས་ནོན་ཅིང་ལས་ཀྱི་འབྲས་བུ་མངོན་པར་མི་ཤེས་པ། སངས་རྒྱས་ཞེས་བྱ་བ་འདི་ཞིང་མ་ཡིན་ནོ་སྙམ་ནས། ཞིང་དུ་མངོན་པར་ཤེས་པ་གང་གིས་བདུག་སྤོས་བཟང་པོ་བཞག་ལ་བདུག་སྤོས་ངན་པ་ཁྱེར་ཏེ། སེམས་དང་བ་མེད་ཅིང་། དད་པ་མེད་པར་གྱུར་པ།། ལས་ཀྱི་འབྲས་བུ་ཡང་དག་པར་མྱོང་བར་འདོད་པ་གཞན་གྱི་ངོར་འདི་ལྟར་བདུག་སྤོས་ཕུལ་བས་བདག་གི་ལས་ཀྱི་འབྲས་བུར་འགྱུར་སྙམ་ནས། དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་ཡི་དགས་རྫུ་འཕྲུལ་ཆེ་བ་མེ་ཏོག་འཕྲེང་བ་དང་། ཕྱེ་མ་དང་། བྱུག་པ་དང་། སྤོས་དང་རོལ་མོའི་སྒྲ་ལ་རབ་ཏུ་དགའ་ཞིང་། བདུག་པ་ཟ་བའི་གནོད་སྦྱིན་དུ་འགྱུར་ཏེ། གནོད་སྦྱིན་གྱི་གནས་སུ་འམ། བཞི་མདོ་འམ། ལམ་པོ་ཆེ་འམ། སྲང་ངམ། གཙུག་ལག་ཁང་ངམ། ཀུན་དགའ་ར་བ་འམ། སྐྱེད་མོས་ཚལ་ལམ། ཁྱིམ་མ་མ། མཁོར་རམ། པུ་ཤུ་དག་ཏུ་ཨ་ཀ་རུ་ནག་པོའི་བདུག་སྤོས་ཀྱིས་མྱོས་པར་འགྱུར་ཞིང་། སྐྱེ་བོ་ཀུན་གྱིས་ཕྱག་བྱས་པར་འགྱུར་བ་ནི་སེམས་དང་རྫས་ཀྱི་ཡོན་གྱིས་མ་ཡིན་གྱི། ཞིང་བཟང་པོའི་ཡོན་ཡིན་ཏེ། སངས་རྒྱས་དང་། ཆོས་དང་། དགེ་འདུན་ལ་ཆུང་ངུ་ཞིག་ཕུལ་ནའང་འབྲས་བུ་ཆེན་པོར་འགྱུར་རོ།། དཔེར་ན་གང་གི་ཚེ་ཤིང་ནྱ་གྲོ་དྷའི་ས་བོན་ཆུང་ངུ་ཞིང་གཤིན་པ་ལ་བཏབ་པ་དེའི་ཚེ། ཤིང་ལྗོན་པ་ཡལ་ག་བཟང་ཞིང་ལོ་མའི་ཚོགས་ཆེན་པོར་འགྱུར་རོ།། དེ་བཞིན་དུ་དེ་ཞིང་བཟང་པོ་སངས་རྒྱས་དང་། ཆོས་དང་། དགེ་འདུན་ལ་ཕུལ་བའི་འབྲས་བུའང་ཞིང་གི་ཡོན་ཏན་དང་མཐུས་ཆེན་པོར་འགྱུར་རོ།། འདི་ལྟར་ཡི་དགས་རྫུ་འཕྲུལ་ཆེ་བ་དེ་བདེ་བཉམས་སུ་མྱོང་སྟེ། ལས་ཟད་ནས་ཡི་དགས་ཀྱི་འ་རྟེན་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ལས་དེ་ཉེ་བར་འགྲོ་བ་ཇི་ལྟ་བ་བཞིན་དུ་འཁོར་བ་ན་ཡོངས་སུ་འཁྱམ་མོ།། དེ་གལ་ཏེ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུ་སྭ་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྟག་ཏུ་དབུལ་བའི་རིགས་སུ་སྐྱེ་ཞིང་། རྟག་ཏུ་མེ་ཏོག་འཕྲེང་བ་དང་། ཕྱེ་མ་དང་། བྱུག་པས་ལུས་བྱུགས་ཏེ། ལུས་ཤིན་ཏུ་དྲི་ཞིམ་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་ས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་དྲག་ཤུལ་སྤྱོད་པ་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། མི་ངན་པ་སེར་སྣས་ཟིལ་གྱིས་ནོན་ཅིང་དགེ་སྦྱོང་གི་ཚུལ་འཛིན་པ། ཚུལ་ཁྲིམས་འཆལ་པ་གང་གིས་དགེ་སྦྱོང་གཞན་ལ་ཐ་སྙད་བཏགས་ནས། འདི་ལྟར་དགེ་སྦྱོང་ཤིན་ཏུ་ནད་མི། བཟད་པས་ཐེབས་ཏེ། དེ་སྦྱིན་བདག་ཁྱོད་ཀྱིས་ན་བའི་གསོས་སྨན་གྱི་རྐྱེན་གྱི་ཡོ་བྱད་དག་བྱིན་ཅིག་ཅེས་སྨྲས་ནས་དེ་བླངས་ཏེ་བདག་ཉིད་ཟ་བར་བྱེད། དེ་ཟླ་དེས་ངན་གཡོ་བྱེད་པར་གྱུར་ནས་ཚུལ་སྣ་ཚོགས་བཟུང་སྟེ། ཡུལ་ནས་ཡུལ་དུ་རྒྱུག་ཅིང་སྦྱིན་བདག་རྣམས་ལ་སླུ་བར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དྭགས་དྲག་ཤུལ་སྤྱོད་པ་རྣམས་ཀྱི་ནང་དུ་སྐྱེ་བར་འགྱུར་རོ། ། དེར་སྐྱེས་ནས་ཁ་ཟས་ལྡན་སྤྲིན་མོ་གཙང་བ་ཟ་བར་འགྱུར། རྟག་ཏུ་ལུས་བཀྲེས་པ་དང་སྐོམ་པས་གདུངས་པར་འགྱུར། མི་གང་མི་གཙང་བ་དེ་ལ་བརྙས་པར་བྱེད་ཅིང་། དེ་ལྟར་ང་རྒྱུལ་མེད་པར་བྱེད། གྲགས་མཐོང་བ་ཉིད་ཀྱིས་གཞན་དག་གི་རྨི་ལམ་དུ་འཇིགས་པ་སྟོན་པར་བྱེད་ཅིང་། དུར་ཁྲོད་རྣམས་སུ་དགའ་བར་བྱེད། ལུས་དང་སྨྲ་ཐམས་ཅད་རབ་ཏུ་འབར་ལ་ཡུལ་འཇིག་པའི་ཚེ་རབ་ཏུ་དགའ་བར་འགྱུར་རོ། ། དྲག་ཤུལ་དུ་སྤྱོད་པའི་རིག་སྔགས་དག་གིས་གཞན་དག་དྲངས་ནས་རྣམ་པར་འཚེ་བར་བྱེད་དེ། ཡུད་ཙམ་གཅིག་གིས་དཔག་ཚད་བརྒྱ་ཕྲག་སྟོང་ནས་ཀྱང་དྲངས་ཏེ་འོང་བར་བྱེད་དོ། ། དེ་ལྟར་དྲག་ཤུལ་སྤྱོད་པའི་ཡི་དགས་དེ་གནོད་སྦྱིན་གྱི་མིང་ཐོབ་སྟེ། དེ་ལ་སྐྱེ་བོ་ཕལ་པོ་དག་གནོད་སྦྱིན་འདི་ནི་རྫུ་འཕྲུལ་ཆེ་ཞིང་། གནོད་སྦྱིན་མཐུ་ཆེ་བ་ཡིན་ནོ་སྙམ་ནས་མཆོད་པར་བྱེད་དོ། ། དེ་ལྟར་དེ་སྐྱེ་བོ་རྣམ་པ་སྣ་ཚོགས་ལ་གནོད་པ་བྱེད་ཅིང་རྣམ་པར་འཚེ་བ་ན། ཇི་སྲིད་དུ་ཚེ་མ་ཟད་པ་དེ་སྲིད་དུ་འཚོ་བར་འགྱུར་རོ།། དེ་ཕྱིས་དེ་ལས་འཆི་བར་འགྱུར་ཏེ། ཤི་ནས་ཀྱང་ལས་དེ་དང་རྒྱུ་འཐུན་པར་རང་གི་ལས་ལ་སྤྱོད་པ་འཁོར་བ་ན་ཡོངས་སུ་འཁྱམ་མོ།། དེ་གལ་ཏེ་བརྒྱ་ལ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་འབྱུང་པོ་མི་བཟད་པ་གནོད་སྦྱིན་མོ་སྐྱོང་བར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་འཇིག་རྟེན་ན་ཡི་དགས་ཀླགས་ལྟ་བ་ཞེས་བྱ་བ་རང་གི་ངོ་བོ་ཉིད་ཀྱིས་ཀླགས་ལྟ་བ་ཇི་ལྟར་འདུག་པ་མཐོང་ངོ་། ། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་པའི་ཤེས་པས་བརྟགས་ན། འདི་ལྟར་ཕྲག་དོག་དང་སེར་སྣས་ཟིལ་གྱིས་ནོན་པས་གཞན་གྱི་ནོར་རྫས་ལ་གཡོ་ཐབས་དང་། ངན་གཡོ་དང་། བསླུ་བ་དང་། འཁུ་བ་བྱས་ཤིང་། གྲོང་དང་། གྲོང་ཁྱེར་དང་། ཚོང་དུས་པ་ལ་བྲིད་དེ། གླགས་རྙེད་པ་དང་། ཕ་རོལ་འཇིག་པར་བྱེད་ཅིང་། སྦྱིན་པ་དག་མི་གཏོང་། བསོད་ནམས་དག་ཀྱང་མི་བྱེད། མཁས་པ་ལ་ལྷུར་མི་ལྟ། རྟག་ཏུ་སེར་སྣས་ཟིལ་གྱིས་ནོན་ཅིང་གཞན་ལ་འཁུ་བའི་བསམ་པས་གཞན་གྱི་ཕུན་སུམ་ཚོགས་པ་མཐོང་ནས་ཡིད་བཞིན་དུ་སེམས་བཤེས་གྲོགས་དང་། གཉེན་འདབ་དང་། རྩ་ལག་དང་མི་མཐུན་ཞིང་ཡུལ་ལ་ཞེ་བ་གྲས་པ་སྐྱེ་བོ་ཐམས་ཅད་ཀྱི་མངོན་སུམ་དུ་གྱུར་པ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་གྲགས་ལྟ་བ་རྣམས་ཀྱི་ནང་དུ་སྐྱེ་བར་འགྱུར་རོ། ། ལུས་དང་སྤུ་རྟག་ཏུ་རབ་ཏུ་འབར་ཞིང་ལུས་བཀྲེས་པ་དང་སྐོམ་པས་གདུངས་ལ་ལུས་ཤིང་ལྗོན་པ་ཀིང་ཤུ་ཀ་འདྲ་བ། དུ་སྐད་འབྱིན། སྨྲེ་སྔགས་འདོན་ཅིང་། ས་ཕྱོགས་གང་ན་ཆུ་ཡོད་ཅིག་གུ། གཞན་གང་ན་བདག་གིས་བཟའ་བའི་ཁ་ཟས་ཀྱི་རྣམ་པ་ཅུང་ཟད་གང་ཡོད་ཅིག་གུ་སྙམ་ནས་རྒྱུག་པར་བྱེད་དོ། ། དེ་རེས་འགའ་གལ་ཏེ་མི་བློ་ཞན་པ་ཞིག་དང་ཕྲད་ལ། མི་དེ་མཆོད་རྟེན་སྐོར་བར་མི་བྱེད་པ་དང་། དེའི་ཕྱི་བཞིན་དུ་འབྱུང་བའི་ལྷ་དེས་གཏོང་བར་འགྱུར་ལ། དེའི་ཚེ་མི་དེའི་ཕྱི་བཞིན་འབྲང་བའི་ལྷ་དང་བྲལ་བར་འགྱུར་ཏེ། ཡི་དག་ས་གླགས་ལྟ་བ་དེས་གླགས་རྙེད་ནས་རྣམ་པར་འཚེ་བར་བྱེད་ཅིང་། དེ་བཟུང་ནས་དེའི་ཚེ་སྲོག་འཚོ་བར་བྱེད་དོ།། དེ་བཞིན་དུ་མི་གཞན་གང་དག་བུད་མེད་དང་ཕྲད་པ་བརྩོག་གི་ཉེས་པའམ། ཁ་ཟས་དང་བཏུང་བ་ཟོས་པའི་ལྷག་མ་མི་གཙང་བའི་ཉེས་པ་མ་བཀྲུས་ན། ལྷ་ཡང་རྣམ་པར་འཚེ་བར་བྱེད་ལ། ཡི་དགས་དེ་ཉིད་ཀྱིས་སྲོག་འཚོ་བ་འཐོབ་པར་འགྱུར་ཞིང་། དེའི་མགོན་དེ་ཡིན་ལ་སྐྱབས་དེ་ཡིན་ཏེ། ཇི་སྲིད་དུ་སྡིག་པའི་ལས་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཚོ་བར་འགྱུར་རོ།། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ལས་ལ་སྤྱོད་པར་འཁོར་བ་ན་ཡོངས་སུ་འཁྱམ་མོ།། དེ་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྟག་ཏུ་རྒྱལ་པོ་དང་། ཆུ་དང་། ཆོམ་རྐུན་དང་། མེ་དང་། དགོན་པ་དག་གིས་མ་རུང་བར་བྱེད་ཅིང་། རྟག་ཏུ་དབུལ་བ་དང་། ནད་བུ་ཅན་དང་། དམན་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་འཇིག་རྟེན་ན་ཡི་དགས་སའི་འོག་ན་གནས་པ་ཞེས་བྱ་བ་མཐོང་ངོ་། ། དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། མི་བློ་གྲོས་ངན་པ་སེར་སྣས་ཟིལ་གྱིས་ནོད་པའི་གཞི་གང་གིས་བཙོན་ར་བྱ་བའི་ཕྱིར་ས་རྐོས་པ། མུན་ནག་གི་ནང་དུ་སེམས་ཅན་བཅིངས་པ་གང་དག་ཕན་ཚུན་བལྟ་བར་ཡང་མི་མཐོང་སྟེ། དེ་དག་དུ་སྐད་འབྱིན་ཅིང་ཀུ་ཅོ་འདོན། སོ་སོ་ནས་མགོན་མེད་ལ་ཤིན་ཏུ་སྡུག་བསྔལ་བ་དག་མི་ངན་པ་གང་གིས་བཙོན་རར་འཇུག་པ་བྱེད་པ་ན། དེ་ལས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་ས་འོག་ན་གནས་པ་ས་གཞི་མུན་པ་མུན་ནག་གི་ནང་དུ་འབྱུང་བར་འགྱུར་ཏེ། དེ་ལུས་ཀྱི་ཚད་དཔག་ཚད་གསུམ་ཡོད་ལ། ཀུན་ནས་སྦྲུལ་གདུག་པས་དཀྲིས་ཤིང་། དེ་རླུང་གྲང་ལ་མི་མཐུན་པ་རྣམས་ཀྱིས་ཤིན་ཏུ་གནོད་པར་བྱེད། ལུས་སྤུ་ཅན་བཀྲེས་པ་དང་སྐོམ་པས་མཆོག་ཏུ་གདུངས་པས་དུ་ལ། ལུས་སྐྲ་རིང་པོས་ཁེབས་པ། ཡང་དང་ཡང་དུ་སྡུག་བསྔལ་རྣམ་པ་སྣ་ཚོགས་རྣམ་པ་དུ་མ་རྣམས་ཀྱིས་མངོན་པར་གདུངས་ཤིག་དགོན་པ་མི་བཟད་པར་ཞུགས། སྡུག་བསྔལ་དྲག་ཅིང་མི་བཟད་པ་མྱོང་བཞིན་དུ་ཡོངས་སུ་རྒྱུག་ལ། གཅིག་པུ་ཟླ་མེད་ཅིང་གྲོགས་མེད་པ། རླུང་སྤུ་གྲི་ལྟ་བུར་བདས་པ་ན། ཇི་སྲིད་དུ་ཉེས་པར་བྱས་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེ་མྱོང་བར་འགྱུར་རོ། ། དེ་ཕྱིས་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ལས་ཉེ་བར་འགྲོ་བ་ཇི་ལྟ་བ་བཞིན་དུ་འཁོར་བ་ན་ཡོངས་སུ་འཁྱམ་མོ། ། དེ་གལ་ཏེ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རི་གསེབ་དང་། རྒྱ་མཚོའི་རི་དང་། ཉི་མ་དང་། ཟླ་བ་མེད་པའི་ཡུལ་རྣམས་སུ་ལོང་བར་འགྱུར་ཞིང་སྲོག་འཚོ་བ་གཞན་ལ་རག་ལས་པ་དང་། དབུལ་པོར་འགྱུར་པ་མཐོང་ངོ་།། དེ་ནས་ཡང་སློང་ལས་ཐཱག་རྣམ་པར་སྨིན་པ་ཤེས་མནས་གས་མི་འཛིག་རྟེན་དྷཱགས། མ་ཐགསས་བྱུང་མས་པས་པ་ས་ཀྱི་ལན་། འཕྲུལ་ཆེ་བ་ཞེས་བྱ་བ་རང་བཞིན་གྱིས་རྫུ་འཕྲུལ་ཆེ་ཞིང་མཐུ་ཆེ་བ་ཇི་ལྟར་འདུག་པ་མཐོང་ངོ་།། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན་སེམས་ཅན་སེར་སྣས་ཉམས་པ་གང་གཡོ་ཐབས་དང་སྒྱུས་སམ། མཐུས་གཞན་གྱི་ནོར་ཕྲོགས་ཏེ། གཞན་དག་ལ་བྱིན་པ་དང་། སེམས་དང་ལྡན་པ་མ་ཡིན་ཞིང་།། ཞིང་བཟང་པོ་མ་ཡིན་པ་ལ་སྦྱིན་ཚེར་མ་ལྟ་བུ་དང་མཚུངས་པའི་སྦྱིན་པ་འགྲན་པ་དང་། དབང་མེད་པ་དང་། སྦ་བ་དང་། སྤོགས་དང་། ངོ་ཆེན་དང་། སྟེན་སྟེན་པ་དང་། སླར་རེ་བ་ལ་སོགས་པའི་སྦྱིན་པ་ཚེར་མ་ལྟ་བུ་དང་མཚུངས་པ་དག་བྱིན་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་མཐུ་བོ་ཆེར་འགྱུར་རོ།། དེ་དེར་སྐྱེས་ནས་ཡི་དགས་ལུས་བཀྲེས་པ་དང་སྐོམ་པས་གདུངས་པ་རྣམས་ཀྱིས་ཡོངས་སུ་བསྐོར་བ། འབྲོག་དགོན་པ་འམ། རི་ཟད་ཟེད་ཀྱི་གསེབ་བམ། རྒྱ་མཚོའི་མཐའི་གླིང་དག་ཏུ་ཡི་དགས་རྫུ་འཕྲུལ་ཆེན་པོར་འགྱུར་ཏེ། བདག་གཅིག་པུ་མཆོག་ཏུ་བདེ་བར་འགྱུར་རོ།། གཞན་ལུས་ཚལ་ཤིང་བསྲེགས་པ་ལྟ་བུ་དང་། ལུས་བཀྲེས་པ་དང་སྐོམ་པས་གདུངས་ཤིང་། ལུས་གདུངས་པ་བཀྲེན་པའི་མིག་གིས་ལྟ་བ་རྣམས་ཀྱིས་མངོན་པར་བསྐོར་བ། བདག་གཅིག་པུ་མཆོག་ཏུ་བདེ་བར་འགྱུར་ཏེ། སྦྱིན་པ་ངན་པ་དེའི་འབྲས་བུ་བདག་གཅིག་པུ་ཉེ་བར་སྤྱོད་དོ།། ཤིན་ཏུ་སྡུག་བསྔལ་བས་འཁྲུགས་ཤིང་ཡོངས་སུ་བསྐོར་བ། གང་གི་ཚེ་ལས་དེ་ཟད་པར་གྱུར་པ་དེའི་ཚེ། དེ་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་རང་གི་ལས་ཀྱི་འབྲས་བུ་ལ་སྟོན་པ་འཁོར་བ་ནའཐོ་བ་སྣ་ཚོགས་སུ་སྐྱེ་བར་འགྱུར་རོ།། དེ་གལ་ཏེ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ལོ་ཉེས་བྱུང་བའི་ཡུལ་དག་ཏུ་རྒྱལ་པོ་འམ། རྒྱལ་ཕྲན་དུ་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན།། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་འཇིག་རྟེན་ན། ཡི་དགས་མཚན་མོ་ལུས་རབ་ཏུ་འབར་བ་ཞེས་བྱ་བ་ངོ་བོ་ཉིད་ཀྱིས་ཀྱང་མཚན་མོ་རབ་ཏུ་འབར་ཏེ། ངུ་བཞིན་དུ་གྲོང་གི་འདབ་དང་། གྲོང་ཁྱེར་གྱི་འདབ་དང་། ཚོང་དུས་ཀྱི་འདབ་དང་། རིའི་གནས་རྣམས་སུ་རྒྱུག་པ། ཤིང་ལྗོན་པ་རབ་ཏུ་འབར་བ་འདྲ་ཞིང་ལུས་བཀྲེས་པ་དང་སྐོམ་པས་གདུངས་པ་ཇི་ལྟར་འདུག་པ་མཐོང་ངོ་།། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཇི་ལྟར་ཕྲག་དོག་གིས་ཟིལ་གྱིས་ནོན་པ། གང་ཕ་རོལ་ལ་གནོད་པར་བྱེད་པ། གཡོ་ཐབས་དང་སྒྱུ་བྱེད་པ། ཡུལ་མ་རུང་བར་བྱེད་པ། ལྗོངས་འཇིག་པར་བྱེད་པ། མི་གསོད་པ་གཉེན་འདབ་དང་། བཤེས་གྲོགས་དང་། རྩ་ལག་འཇིག་པར་བྱེད་པ་དེ་དག་བཤིག་ནས་ཀྱང་རྒྱལ་པོ་འམ། བློན་པོ་ལ་འདུལ་བར་བྱེད་དེ། དེ་ལས་ཡང་ཐབས་ཐོབ་ནས་དེ་ནས་ཡང་སྡིག་པ་བྱེད་པའི་མི་ཡུལ་དེ་དག་ཉིད་སྔ་མ་བཞིན་དུ་འཇིག་པར་བྱེད་ལ། སྦྱིན་པ་དང་། ཚུལ་ཁྲིམས་དང་། ཐོས་པ་དང་བྲལ་བ་དང་། མཁས་པ་ལ་སྡང་བར་བྱེད་ཅིང་། གནོད་པར་བྱེད་དེལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་མཚན་མོ་ལུས་རབ་ཏུ་འབར་བ་རྣམས་ཀྱི་ནང་དུ་སྐྱེ་བར་འགྱུར་རོ། ། དེས་ཇི་ལྟར་དེ་དག་མཚན་མོ་བཙོན་རར་བཅུག་སྟེ། ལུས་ལ་གནོད་པ་བས་པ་དེ་བཞིན་དུ། ལས་དེ་དང་རྒྱུ་འདུན་པར་ལས་མི་བཟད་པ་དེས། དེའི་ལུས་ཀྱང་མཚན་མོ་རབ་ཏུ་འབར་བར་འགྱུར་རོ།། ཇི་ལྟར་དེས་བཙོན་རར་བཅུག་ནས། ངུ་ཞིང་དུ་སྐད་འབྱིན་ལ། ཆོ་ངེས་འདེབས་པ་དེ་བཞིན་དུ། ཡི་དགས་དེའི་ལུས་མཚན་མོ་རབ་ཏུ་འབར་བར་འགྱུར་ཏེ། དེ་ལྟར་དེ་ཇི་སྲིད་དུ་སྡིག་པའི་ལས་དེ་བཅོམ་ཞིང་སྤུངས་ལ་ཟད་པར་མ་བྱས་པ་དེ་སྲིད་དུ་ལས་དེ་མྱོང་བར་འགྱུར་རོ། ། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ལས་ཉེ་བར་འགྲོ་བ་ཇི་ལྟ་བ་བཞིན་དུ་འཁོར་བ་ན་ཡོངས་སུ་འཁྱམ་མོ།། དེ་གལ་ཏེ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྟག་ཏུ་གཞན་གྱིས་གནོད་པར་བྱས་པར་འགྱུར། ནོར་རྫས་བསརྦ་བསགས་པའང་རྟག་ཏུ་རྒྱལ་པོའི་འཁོར་ནས་ཀྱང་འཕྲོག་པར་བྱེད། ཤིང་ལྗོན་པའི་ཁ་ནས་རྟག་ཏུ་ལྟུང་བར་འགྱུར་ཏེ། དེ་ལྷུང་ནས་ལུས་སྣང་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་འཇིག་རྟེན་ན། ཡི་དགས་མི་རྣམས་ཀྱི་བུས་པ་ལ་གླགས་ལྟ་བ་ཞེས་བྱ་བ་བུས་པ་གང་བཙས་མ་ཐག་ཏུ་འཕྲོག་པར་བྱེད་པ་ཇི་ལྟར་འདུག་པ་མཐོང་ངོ་། ། དེ་ལས་ཀྱི་འབྲས་བུ་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྔོན་གཞན་དུ་སྐྱེས་པ་ན། དེའི་བུས་པ་བསད་པ་དང་། སྐྱེས་པ་འམ། བུད་མེད་དེ་སེམས་ཅན་དེ་ལ་ཞེ་སྡང་སྐྱེས་ནས། འདི་ལྟར་བདག་གནོད་སྦྱིན་དུ་གྱུར་ཏེ། དེ་དག་གི་བུས་པ་གསད་པར་བྱའོ་སྙམ་དུ་སེམས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་གཞན་ལ་གླགས་ལྟ་བ་རྣམས་ཀྱི་ནང་དུ་སྐྱེ་བར་འགྱུར་རོ།། དེ་ཁྲོ་བ་དེ་ལ་མངོན་པར་ཞུགས་པའི་བློས་རྟག་ཏུ་དེ་ཡིད་ལ་བྱེད་པར་འགྱུར་ཏེ། གལ་ཏེ་བུད་མེད་དེ་བུ་བཙའ་བར་འགྱུར་ན། དེའི་བུས་དེ་དེ་ལ་བདག་གིས་གླགས་རྙེད་ནས་དབྲོག་པར་བྱའོ་སྙམ་དུ་སེམས་སོ། ། ཡི་དགས་དེ་མགྱོགས་པར་སྐྱེས་ཏེ། ཇི་ལྟར་དཔག་ཚད་བརྒྱ་ཕྲག་སྟོང་དག་ན་ཁྲག་གི་དྲི་ཚོར་བ་ཡང་དེར་ཡུད་ཙམ་གྱིས་ཕྱིན་པར་འགྲོ་སྟེ། དེ་གང་གི་ཚེ་བུད་མེད་དེ་བཙའ་བར་འགྱུར་པ་དེའི་ཚེ། ཡི་དགས་གླགས་ལྟ་བ་ཁོན་དུ་འཛིན་ཅིང་དགྲའི་གླགས་ལྟ་བ་དེ་ཆུང་ངུར་གྱུར་ནས་གནས་སོ།། དེ་གང་གི་ཚེ་ཐམས་ཅད་དུ་འཚོལ་ཏེ། གླགས་འཚོལ་དམིགས་པ་འཚོལ། གསཔ་གས་པ་འཚོལ། གཞི་འཚོལ། རྒྱུ་འཚོལ། ཉེས་པ་འཚོལ། སྤྱོད་པ་ཐ་དད་པ་འཚོལ། བཀྲ་ཤིས་མ་ཡིན་པ་འཆོལ། སྐར་ཁུང་གི་བུ་ག་འཚོལ། སྒོའི་བུ་ག་འཚོལ། གཞིར་འཇུག་པ་འཚོལ། ཆུ་མིགཙང་བ་འཆོལ། གསང་སྔགས་ལ་གླགས་འཚོལ། རིག་སྔགས་ལ་གླགས་འཚོལ། བཀྲ་ཤིས་ལ་གླགས་འཚོལ། གྲིབ་མ་ལ་གླགས་འཆོལ། དངོས་པོ་ལ་གླགས་འཚོལ། མེ་མདག་གི་བུ་ག་འཚོལ། སའི་བུ་ག་འཚོལ། མཚོན་ཆའི་བུ་ག་འཚོལ། ཁང་པའི་པུ་ཤུ་དང་། ངམ་གྲོག་དང་། གཡང་སའི་བུ་ག་འཚོལ་ཏེ། དེ་ལྟར་ཡི་དགས་སྙིང་ལ་ཁོན་དུ་འཛིན་པ་ཆེན་པོ་ཡོད་པ་དེ་གྲགས་རྣམ་པ་སྣ་ཚོགས་དག་ཚོལ་ལོ།། དེ་གལ་ཏེ་ཇི་སྐད་བསྟན་པའི་གླགས་དག་རྙེད་ན་དེ་བཙའ་བའི་ཁྱིམ་ན་གནས་པ་ཉིད་འཕྲོག་པར་བྱེད་དོ། ། གལ་ཏེ་མ་རྙེད་ན་གླགས་རྣམ་པ་སྣ་ཚོགས་ཚོལ་བ་དེ་ལོ་བཅུ་འདས་ཀྱི་བར་དུའང་འཕྲོག་པར་བྱེད་དོ།། དེ་ལྟར་སྙིང་ལ་ཁོན་དུ་འཛིན་པ་མི་དགེ་བ་དང་འབྲེལ་པ། མི་དགེ་བ་ཉིད་ཀུན་ཏུ་སྤྱོད་བཞིན་དུ་ལུས་བཀྲེས་པ་དང་སྐོམ་པས་གདུངས་པ་དེས། གལ་ཏེ་ནུས་ན་དེའི་བུས་པ་དེ་ཕྲོགས་ནས་གསོད་པར་བྱེད་དོ།། ཅི་སྟེ་ལས་ཀྱི་དབང་ངམ། བསྲུང་བའི་དབང་གིས་མ་ནུས་ན། སྙིང་ལ་ཁོན་དུ་འཛིན་པ་དེ་འཆི་བའི་དུས་བྱེད་དེ། དེ་ལྟར་ཤི་ནས་ལས་ཉེ་བར་འགྲོ་བ་ཇི་ལྟ་བ་བཞིན་དུ་ལས་ཀྱི་དབང་གིས་འཁོར་བ་ན་ཡོངས་སུ་འཁྱམ་མོ།། དེ་གལ་ཏེ། ཡང་བརྒྱ་ལ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། སྔོན་འབྲེལ་བའི་དགྲ་དེ་དང་རྒྱུ་འཐུན་པར་དེ་སྔར་བཤད་པའི་སྙིང་ལ་ཁོན་དུ་འཛིན་པ་དེས། རྒྱུ་མེད་བཞིན་དུ་ཐབས་རྣམ་པ་སྣ་ཚོགས་ཀྱིས་རབ་ཏུ་གསོད་པའི་དགྲ་འབྱུང་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་འཇིག་རྟེན་ན་ཡི་དགས་འདོད་པའི་གཟུགས་ཅན་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། བུད་མེད་དམ། མ་ནིང་གང་བུད་མེད་ཀྱི་ཆ་བྱད་དུ་ཞུགས་ཤིང་། དེ་བུད་མེད་སྨད་འཚོང་མའི་ཆ་བྱད་སྣ་ཚོགས་སུ་ཞུགས་ནས། ཕ་རོལ་དག་འདོད་ཆགས་སྐྱེད་པར་བྱེད་ཅིང་། དེ་ནས་ཡང་འདོད་པ་ཉིད་ལ་གཡེངས་ནས་འཇུག་པར་བྱེད་ལ། བཅུག་ནས་ཀྱང་ཕྲག་དོག་དང་སེར་སྣས་ཟིལ་གྱིས་གནོན་པས་ཕ་རོལ་ལས་ཀླ་ནོར་རྫས་དག་ལེན་པར་བྱེད་དོ། ། བླངས་ནས་ཀྱང་རེས་འགའ་ཞིང་ངན་པ་དང་། སྣོད་ངན་པ་དང་། ཡུལ་ངན་པ་ལ་སྦྱིན་པའི་དངོས་པོ་ངན་པ་ཚེར་མ་ལྟ་བུ་དང་ལྡན་པ་ཅུང་ཟད་ཙམ་སྦྱིན་པར་བྱེད་དེ། རྒྱུ་དེས་དེ་འཆི་བའི་དུས་བྱས་ནས་ཡི་དགས་འདོད་པའི་གཟུགས་ཅན་རྣམས་ཀྱི་ནང་དུ་སྐྱེ་བར་འགྱུར་རོ།། དེར་སྐྱེས་ནས་ཀྱང་དེ་ཡི་དགས་ཀྱི་གཟུགས་ཀྱི་ཚུལ་སྣ་ཚོགས་འཛིན་ཏེ། ཚུལ་བཟང་བ་དང་། ཚུལ་ངན་པ་དང་། གཟུགས་བཟང་བ་དང་། གཟུགས་ངན་པ་འམ། སྡུག་པ་འམ། སྐྱེས་པའི་གཟུགས་སམ། བུད་མེད་ཀྱི་གཟུགས་སམ། དུད་འགྲོའི་གཟུགས་དག་བྱེད་པར་ནུས་སོ།། དེ་ཚུལ་སྣ་ཚོགས་དག་བཟུང་ནས་ཡུལ་དག་ཏུ་འགྲོ་བར་ནུས་སོ།། དེ་རྒྱུ་དང་བཅས། རྐྱེན་དང་བཅས་པར་གྱུར་ན། ཁ་ཟས་བཟའ་བར་ནུས་སོ། ། རྒྱུའི་གཟུགས་དེ་ཤིན་ཏུ་ཆུང་བར་བྱས་ནས་ཁྱིམ་དུ་འཇུག་པར་བྱེད་དེ། ཞུགས་ནས་ཁ་ཟས་དེ་ལ་ཟ་བར་བྱེད་དོ།། ཁྱིམ་ན་གནས་པ་དེ་གཞན་ལ་བདག་ཅག་གི་ཁ་ཟས་ཡི་དགས་ཀྱིས་ཟོས་སོ་ཞེས་སྨྲའོ། ། རེས་འགའ་ཡང་ལྷ་འམ། མིའི་ཚུལ་དུ་གནས་ནས་དུས་ཀྱི་དགའ་སྟོན་དག་གི་ཁ་ཟས་ལ་ཟ་བར་བྱེད་དོ།། རེས་འགའ་ཡང་བྱར་སྤྲུལ་ནས། དུར་འཐོར་བའི་ཁ་ཟས་དག་ལ་ཟ་བར་བྱེད་དོ། ། རེས་འགའ་ཡང་མི་སྣང་བར་བྱས་ནས་འཕྲོག་པར་བྱེད་དེ། དེ་ཇི་ལྟར་འདོད་པ་དེ་བཞིན་དུ་གཟུགས་རྣམ་པ་སྣ་ཚོགས་སུ་བྱེད་དོ།། དེ་ལ་འཇིག་རྟེན་དག་གནོད་སྦྱིན་ཇི་ལྟར་འདོད་པའི་གཟུགས་ཅན་ཞིག་ཡིན་ནོ་ཞེས་བརྗོད་དོ། ། དེ་རེས་འགའ་ཡང་བུད་མེད་དུ་སྤྲུལ་ནས། གྲོང་མིའི་ཆོས་ཀྱིས་སྐྱེས་པ་འདྲེན་པར་བྱེད་དོ།། དེ་ལྟར་དེ་ཚུལ་སྣ་ཚོགས་བཟུང་ནས་འཇིག་རྟེན་གྲུ་བར་བྱེད་དེ། དེ་ཇི་སྲིད་དུ་ཡི་དགས་དང་ལྡན་པའི་སྡིག་པའི་ལས་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེ་ལྟར་འཇིག་རྟེན་བསླུས་ནས་ཡི་དགས་ཀྱི་འཇིག་རྟེན་དུ་སྐྱེ་བར་འགྱུར་རོ།། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་རང་གིས་བྱས་པའི་ལས་ལ་སྤྱོད་པ་འཁོར་བ་ན་ཡོངས་སུ་འཁྱམ་མོ།། དེ་གལ་ཏེ་ཡང་བརྒྱ་ལ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ནས། དེ་བྲོ་གར་མཁན་ཚུལ་སྣ་ཚོགས་འཛིན་པར་འགྱུར་ཞིང་། དེ་བཞིན་དུ་སྤྱོད་པའི་ཚུལ་གཞན་སྣ་ཚོགས་འཛིན་པར་འགྱུར་ཏེ། དེ་ཚུལ་སྣ་ཚོགས་འཛིན་པའི་ལས་དེས་འཚོ་བ་དེ་བཞིན་དུ། བདག་ཉིད་འཚོ་བར་བྱེད་དེ། བདག་གི་ཆུང་མ་གཞན་དག་ལ་བྱིན་ནས་ཚེགས་ཆེན་པོས་འཚོ་བ་འགྲུབ་པར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤི་བ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་རྒྱ་མཚོའི་གླིང་གི་པར་ན་གནས་པ་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེ་དག་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། དགོན་པར་ཞུགས་པ་གང་འཇིགས་ཤིང་བཞིན་མོག་མོག་པོར་འགྱུར། ནད་ཀྱིས་ཉམ་ཐག་སྟེ་མགོན་མེད་ཅིང་བཤེས་པ་མེད་པ་ཅན་དེ་ལ་སེམས་ཅན་གཞན་ཕྲག་དོག་དང་སེར་སྣས་ཉམས་ཤིང་མི་རིགས་པར་ཆགས་ལ་བརྐམ་པ་གང་གིས་ཟོང་ངན་པས་ནོར་རྫས་བཟང་པོ་ལ་རིན་འདྲ་བར་འདེབས་ཤིང་སླུ་བར་བྱེད་ན། མི་སེར་སྣས་ཉམས་པ་དེ་འཆི་བའི་དུས་བྱས་ན། རྒྱ་མཚོ་དང་ཉེ་བའི་དགོན་པ་མང་པོ་དང་ཤིང་ལྗོན་པ་དང་། སྟེང་ཀ་དང་། ཆུ་བོ་དང་། ཚལ་དང་། ནགས་ཚལ་མེད་པའི་ཡུལ་དག་ཏུ་གྲང་བའི་ཚེ་ནི་བརྒྱ་འགྱུར་དུ་གྲང་ལ། ཚ་བའི་ཚེ་ནི་བརྒྱ་འགྱུར་དུ་ཚ་སྟེ། ལུས་བཀྲེས་པ་དང་སྐོམ་པས་གདུངས་པ་འམ། ཟིལ་པའི་ཐིགས་པས་སྲོག་འཚོ་བའི་ཡི་དགས་སུ་འགྱུར་རོ།། རྒྱ་མཚོའི་ཆུའང་བཏུང་བ་མི་འཐོབ་ལ། དེ་དག་གི་ལས་ངན་པར་བྱས་པ་དེས་རྒྱ་མཚོ་ཡང་ཐམས་ཅད་དུ་བསྐམས་པར་འགྱུར་ཏེ། རི་དང་། ནགས་ཚལ་དང་། རྒྱ་མཚོར་བཅས་པ་དེའང་རབ་ཏུ་འབར་བ་མཐོང་ངོ་།། དེ་རེ་བ་མེད་ཅིང་ཐམས་ཅད་ནས་གནོད་པ་ལུས་བཀྲེས་པ་དང་སྐོམ་པས་གདུངས་པ་དུ་ཞིང་སྨྲེ་སྔགས་འདོན་བཞིན་དུ་གནས་ནས་གནས་དག་ཏུ་རྒྱུག་ལ། ངུ་སྐད་འབྱིན། སྨྲེ་སྔགས་འདོན། ཆོ་ངེས་འདེབས་ཀྱང་དེ་ལ་གྲོགས་སུ་འགྱུར་བ་སུའང་མེད་དེ། དེ་ལ་སྐྱོབ་པ་མེད། དཔུང་གཉེན་མེད་དོ། ། རང་གི་ལས་ཀྱིས་སེམས་བསླུས་པ་དེ། སྒྲས་མུན་པ་ལྟར་ཁེབས་ཤིང་ལུས་ཀྱི་ཡན་ལག་དང་། ཉིང་ལག་ཐམས་ཅད་རྒྱུས་པའི་དྲ་བས་སྦྲེལ་བ་ལག་པ་གཉིས་སོ་སོར་ཕྲལ་ཏེ་བརྒྱངས་པ་དང་། ཀུ་ཅོ་འདོན་པ་ཀུན་ནས་མགོན་འདོད་ཅིང་། དཔུང་གཉེན་འདོད་ཀྱང་དེའི་མགོན་དུ་འགྱུར་བ་སུའང་མེད་དེ། དེ་ལྟར་དེ་ཇི་སྲིད་དུ་སྡིག་པའི་ལས་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་ཉིད་དུ་འཚོ་བར་འགྱུར་རོ། ། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་གལ་ཏེ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དེ་བཞིན་དུ་གླིང་གི་བར་ན་གནས་པའི་མིར་འགྱུར་ཏེ། གླིང་ཆུ་ཆུང་བ་དེར་རྐང་པ་གཅིག་པ་འམ། ལུས་ཐུང་བར་འགྱུར་བ་མཐོང་དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་འཇིག་རྟེན་ན། ཡི་དགས་གཤིན་རྗེའི་ཆད་པ་ཞེས་བྱ་བ་ཇི་ལྟར་འདུག་པ་མཐོང་ངོ་།། དེ་ལས་གང་གིས་སྐྱེ་བར་འགྱུར་སྙམ་ནས། དེ་ཐོས་པ་ལས་བྱུང་བའི་ཤེས་པས་བརྟགས་ན། མི་གང་ཕྲག་དོག་དང་སེར་སྣས་ཉམས་ཤིང་རྒྱལ་པོའི་མིའི་གནས་བྱེད་པ། སེམས་དྲག་ཤུལ་ཅན་སྙིང་རྗེ་མེད་པ། ཆོས་ཀྱི་ཚུལ་བཏང་བ། འཇིག་རྟེན་ཐམས་ཅད་ཀྱིས་སྨད་པ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི། དགས་ཀྱི་ཡུལ་ན་ཡི་དགས་གཤིན་རྗེའི་ཆད་པ་ཞེས་བྱ་བར་འགྱུར་ཏེ། གང་མིའི་འཇིག་རྟེན་ན་མི་ཉེས་པར་བྱས་པའི་ལས་ཀྱིས་གཤིན་རྗེའི་སྒོ་བ་ཉམས་པར་འགྱུར་རོ།། དེའི་ཉེས་པར་བྱས་པའི་ལས་ཀྱིས་གཤིན་རྗེའི་མི་ཉེ་བར་འདུག་སྟེ། ཤིན་ཏུ་སྔངས་པར་བྱེད་ཅིང་ཆ་བྱད་བསྒྱུར་བ་འཆང་བ། ལུས་བསྒྱུར་བ། ལག་ཏུ་མཚོན་ཆ་ཐོགས་པ། ལུས་སྐས་མུན་པ་ལྟར་ཁེབས་པ། མཆུ་དང་ལྟོ་འཕྱང་བ། རྣ་བ་འཕྱང་བ། ཧ་ཧའི་སྒྲ་དང་། མཚོན་ཆ་འདེབས་པ་རྣམས་ཀྱིས་མི་དེ་ལ་འཇིགས་པར་བྱེད་དོ།། དེ་དག་གིས་མི་དེ་མཐོང་ནས་ཕྱིས་ལག་པ་བཅིང་བས་བཅིངས་ཏེ། གཤིན། རྗེའི་འཇིག་རྟེན་གཤིན་རྗེའི་དྲུང་དུ་ཁྲིད་དོ།། འདི་ལྟར་དེ་ལྷ་དང་མིའི་འཇིག་རྟེན་ནས་ཡི་དགས་ཀྱི་ཡུལ་དུ་ཁྲིད་དེ། ལུས་ཀྱིས་ཉེས་པར་སྤྱད་པ་དང་། ངག་གིས་ཉེས་པར་སྤྱད་པ་དང་། ཡིད་ཀྱིས་ཉེས་པར་སྤྱད་པ་དང་ལྡན་པ་དེ་ལ་ལྷས་རྗེས་སུ་བསྟན་པར་གསོལ་ཞེས་སྨྲས་སོ། ། དེ་ནས་གཤིན་རྗེའི་རྒྱལ་པོ་ཆེན་པོས་མི་དེ་ལ་འདི་ལྟར་རྗེས་སུ་བསྟན་པ། མཁས་པ་རང་གི་ལས་ཀྱིས་སུ།། མི་དག་ཏུ་ནི་ཁྱོད་སྐྱེས་ནས།། རིན་ཆེན་གླིང་དུ་ཁྱོད་བསླུས་པ།། ཅི་ཡི་ཕྱིར་ན་ཆོས་མ་སྤྱད།། བདེ་བ་ལས་ལ་རག་ལས་མཐོང་།། ཡིད་ནི་དེ་བཞིན་བདེ་རག་ལས།། འཆི་དང་སྐྱེ་བ་རྣམས་སྤྱད། པ།། ཆོས་ནི་ཡིད་དང་རྗེས་སུ་འབྲེལ།། འདུ་བྱེད་ཐམས་ཅད་མི་རྟག་སྟེ།། ཆུ་ཡི་ཆུ་བུར་ལྟ་བུ་ཡིན།། འཇིག་རྟེན་འདི་དང་ཕ་རོལ་ཏུ།། དེ་ལྟར་ལེགས་པའི་ལས་སྤྲད་དོ།། གང་ཞིག་རྟག་ཏུ་དགེ་བྱེད།། པ། ཀུན་ཏུ་མི་དགེ་ཡོང་མི་བྱེད།། དེ་ནི་ངར་ལྟ་ལམ་མི་འདོད།། མཐོ་རིས་སྐས་ལ་ཀུན་ཏུ་གནས།། བྱིས་པ་གང་དག་སེམས་མེད་པ།། རྟག་ཏུ་ཉེས་པར་སྤྱད་པ་དགའ།། སྡིག་པ་ངེས་པར་རྣམ་སྤངས་པ། འགྲོ་བ་བཟང་པོར་འགྲོ་བར་འགྱུར།། འཇིག་རྟེན་ལས་ཀྱི་འབྲས་བུ་མཐོང་།། ལྷ་ལ་རྣམ་པ་སྣ་ཚོགས་མཐོང་།། གང་ཞིག་བག་མེད་ཤིན་ཏུ་རྩུབ།། དེ་དག་ངེས་པར་འཕགས་མི་བྱེད།། གང་གི་དོན་དུ་ལུས་དང་ངག། ཡིད་ཀྱིས་མང་དུ་སྡིག་བྱས་པ།། དེ་དག་ཐམས་ཅད་གཞན་དུ་དོང་།། གནས་འདིར་ཁྱོད་ནི་གཅིག་པུ་འདུག། མི་ནི་རྙེད་དཀའ་ཐོབ་ནས་སུ།། གང་ཞིག་སྡིག་པ་མང་བྱེད་པ། ། ཤིན་ཏུ་སླུ་བ་མི་བཟད་དེ།། ངན་འགྲོར་ངེས་པར་འགྲོ་བ་ཡིན།། གང་ཞིག་སྡིག་ལས་བྲལ་བ་ནི།། ཤིན་ཏུ་དགེ་ལ་དགའ་འགྱུར་ཏེ།། དེ་ནི་བདེ་ལས་བདེ་འཐོབ་ཅིང་།། མྱ་ངན་འདས་པར་རབ་ཏུ་འགྲོ། ། གང་ཞིག་དགེ་ལ་ཉེར་བསྟན་པ།། མི་ནི་ཤིན་ཏུ་བཀྲ་ཤིས་འགྱུར།། གང་ཞིག་སྡིག་ལ་ཉེར་བསྟེན་པ།། དེ་ནི་ཤིན་ཏུ་བཀྲ་མི་ཤིས།། ཐོག་མ་བར་དང་མཐར་ངན་པ། ། དམ་པས་དེ་ནི་རྣམ་པར་སྨད།། སྡིག་པ་སྡིག་པར་འགྲོ་བ་མཐོང་།། སེམས་ཅན་དམྱལ་བ་ཉེ་བར་རྟོག། ལས་དགེ་དབང་པོ་ཐུལ་བ་ནི།། འཇིག་རྟེན་དག་ན་ཤིན་ཏུ་བཟང་།། ལུས་དང་བྲལ་ནས་བདེ་འགྲོ་སྟེ།། ལྷ་ཡི་འཇིག་རྟེན་སྐྱེ་བར་འགྱུར།། ཁྱོད་ནི་བཅིང་བ་དམ་པོས་བཅིངས།། གཤིན་རྗེའི་ཕོ་ཉས་དབང་དུ་བྱས།། གཤིན་རྗེའི་འཇིག་རྟེན་རྟེན་དགའ་བ།། དྲག་པོ་མི་བཟང་ཁྱོད་ཀྱིས་ཐོབ།། ཁྱོད་ཀྱིས་ངན་བྱས་གང་བྱས་པའི།། ལས་དེ་འདིར་ནི་སྤྱད་པར་གྱིས།། བྱིས་པ་རང་གིས་བྱས་ལ་སྤྱད།། གཞན་གྱི་སྤྱོད་པ་ཉིད་མི་འགྱུར།། དེ་ལྟར་དེ་གཤིན་རྗེས་རྗེས་སུ་བསྟན་པ་ན། གཤིན་རྗེའི་ཆད་པ་དེ་དག་མངོན་སུམ་དུ་གྱུར་ཏོ།། དེ་ནས་དེ་བསྟན་ནས།། གཤིན་རྗེའི་མིས་ཉེས་པར་བྱེད་པ་བྱས་པ།། རང་གི་ལས་ཀྱི་འབྲས་བུས་བསྡུས་པ་དེ་ཕྱིར་བྱུང་ནས་ཉེ་བར་འགྲོ་བ་ཇི་ལྟ་བ་བཞིན་དུ་ཁྲིད་དེ། ཇི་སྲིད་དུ་སྡིག་པའི་ལས་བྱས་ཤིང་བསགས་པ་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཟས་རླུང་ལ་ཟ་བར་བྱེད་དོ། ། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པར་རི་ཉམ་དང་། དང་ཆུ་མི་བདེ་བའི་འགྲམ་དུ་གནས་ཏེ། ལམ་དུ་འགྲོ་བ་སྐྱེད་པར་འགྱུར་བ་མཐོང་ངོ་།། དེ་ནས་ཡང་རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དགེ་སྲོསློང་དེ་ས་གཞན་བཅུ་བཞི་པ་ལ་ཇི་ལྟར་འཇུག་སྙམ་ནས། དེས་ཐོས་པ་ལས་བྱུང་བའི་ཤེས་པས་སམ། ལྷའི་མིག་གིས་གཟུགས་ཀྱི་སྐྱེ་མཆེད་བཅུ་མཐོང་སྟེ། འདི་ལྟ་སྟེ། མིག་གི་སྐྱེ་མཆེད་དང་གཟུགས་ཀྱི་སྐྱེ་མཆེད་དང་། རྣ་བའི་སྐྱེ་མཆེད་དང་། སྒྲའི་སྐྱེ་མཆེད་དང་། སྣའི་སྐྱེ་མཆེད་དང་། དྲིའི་སྐྱེ་མཆེད་དང་། ལྕེའི་སྐྱེ་མཆེད་དང་། རོའི་སྐྱེ་མཆེད་དང་། ལུས་ཀྱི་སྐྱེ་མཆེད་དང་། རེག་བྱབྱའི་སྐྱེ་མཆེད་དོ། ། དེ་འདི་སྙམ་དུ་སེམས་ཏེ། མིག་དང་གཟུགས་ལ་བརྟེན་ནས་བདག་གི་འདུ་ཤེས་འབྱུང་ངོ་སྙམ་སྟེ། དེས་བརྟགས་ན། མིག་དང་གཟུགས་ལ་བརྟེན་ནས་མིག་གི་རྣམ་པར་ཤེས་པ་སྐྱེ་སྟེ། གསུམ་འདུས་པ་ལ་རེག་པ། རེག་པ་དང་ལྷན་ཅིག་སྐྱེས་པ་ཚོར་བ་དང་། འདུ་ཤེས་དང་། སེམས་པ་དང་། རྣམ་པར་ཤེས་པ་འབྱུང་སྟེ། རེག་པར་བྱེད་པས་རེག་པ། ཚོར་བར་བྱེད་པས་ཚོར་བ། ཤེས་པར་བྱེད་པས་འདུ་ཤེས་ཏེ། འདི་ལྟར་གཟུགས་འདི་ནི་རིང་ངོ་།། ཐུང་ངོ་།། སྡུག་གོ། མི་སྡུག་གོ། བསྟན་དུ་ཡོད་པའོ།། ཐོགས་པ་དང་བཅས་པའོ་སྙམ་པའོ།། སེམས་པར་བྱེད་པས་སེམས་པའོ། ། ཡང་རྣམ་པར་ཤེས་པར་བྱེད་པས་རྣམ་པར་ཤེས་པ་སྟེ། ཆོས་དེ་དག་དམིགས་པ་གཅིག་ལ་འཇུག་ཅིང་འབྱུང་བར་འགྱུར་ཏེ། མཚན་ཉིད་གཞན་དང་གཞན། ངོ་བོ་ཉིད་གཞན་དང་གཞན་ཡིན་ནོ། ། འདི་ལྟར་ས་ཆེན་པོའི་ཆོས་བཅུ་ནི། ཚོར་བ་དང་། འདུ་ཤེས་དང་། སེམས་པ་དང་། རེག་པ་དང་། ཡིད་ལ་བྱེད་པ་དང་། འདུན་པ་དང་། མོས་པ་དང་། དྲན་པ་དང་། ཏིང་ངེ་འཛིན་དང་། ཤེས་རབ་སྟེ། དེ་ལྟར་དམིགས་པ་གཅིག་ལ་མཚན་ཉིད་གཞན་དུ་འདོད། རྣམ་པར་ཤེས་པ་ལ་སོགས་པ་ཆོས་བཅུ་གཅིག་པོ་དེ་དག་ཀྱང་ཇི་ལྟར་ཉི་མའི་འོད་ཟེར་གཅིག་ཏུ་འདུ་ཡང་། འོན་ཀྱང་ངོ་བོ་ཉིད་གཞན་པ་བཞིན་དུ་རྣམ་པར་ཤེས་པའི་ངོ་བོ་ཉིད་གཞན་པ་ནས། སེམས་པའི་བར་དུ་གཞན་ནོ་སྙམ་སྟེ། དགེ་སློང་གཟུགས་ཀྱི་སྐྱེ་མཆེད་ཀྱི་དེ་ཁོ་ན་ཉིད་ཤེས་པ་དེས། མིག་གསོག་དང་། གསོ་བ་དང་། སྙིང་པོ་མེད་པ་དང་། ཡང་དག་པ་མ་ཡིན་པར་མཐོང་ངོ་།། ཕྱོགས་བཅུར་ལམ་གྱི་དེ་ཉིད་ཤེས་ཤིང་ལོག་པར་ལྟ་བ་སྤངས་པ་ཡང་དག་པའི་ལྟ་བ་སྔོན་དུ་འདྲེན་པས་མིག་གི་རྣམ་པ་གཏི་མུག་གི་རྙོག་པར་གྱུར་པ་སྤོང་སྟེ། དེ་ཁོ་ན་ཉིད་མཐོང་བས་དེས་ཤའི་གོང་བུར་བྱས་པ། རྣག་ཉུང་ངུ་དང་མཆི་མ་མང་བའི་གནས་ཡིན་ནོ་སྙམ་དུ་རིག་ནས་དེ་ལ་འདོད་ཆགས་སྐྱེ་བ་རབ་ཏུ་སྤོང་ངོ་། ། མི་རྟག་པ་ཡིན་ནོ་སྙམ་ནས། མི་རྟག་པར་ལྟ་བར་བྱེད། ཤའི་གོང་བུ་དང་རུས་པའི་བུ་གའི་རྣམ་པ་ཡིན་ནོ་སྙམ་ནས། འདོད་ཆགས་དང་བྲལ་བར་བྱེད། རྒྱུས་པས་སྦྲེལ་བ་ཡིན་ནོ་སྙམ་ནས། མིག་གི་སྐྱེ་མཆེད་ཕན་ཚུན་རག་ལས་པ་འདི་ལ་རྟོག་སྟེ། འདི་ལ་སྙིང་པོ་མེད་ཅིང་བདག་མེད་པར་རིག་གོ།། མདོར་ན་མིག་འདི་ནི་སྡུག་བསྔལ་ཡིན་ནོ་བར་ཤེས་ཤིང་མཐོང་ནས། མིག་གི་སྐྱེ་མཆེད་ཀྱི་འདོད་ཆགས་དང་བྲལ་ལོ།། དེ་མིག་གི་སྐྱེ་མཆེད་ཇི་ལྟ་བ་བཞིན་རྟོགས་ནས། གཟུགས་ལའང་རྣམ་པར་དཔྱོད་པར་བྱེད་དེ། གཟུགས་གང་སྡུག་པ་དང་། མི་སྡུག་པ་དང་། ལུང་དུ་མ་བསྟན་པ་འདི་ནི་ཀུན་ཏུ་རྟོག་པ་ཙམ་སྟེ། འདི་ལ་སྙིང་པོ་ཅི་ཡོད། གཙང་བ་ཅི་ཡོད། རྟག་པ་ཅི་ཡོད། མི་རྟག་པ་ཅི་ཡོད་ཅེས་ལྟ་བ་ན་རྣམ་པར་རྟོག་ཅིང་དཔྱོད་པར་བྱེད་དོ། ། དཔྱོད་པ་ན་སོ་སོ་ཡང་དག་པར་རིག་པར་བྱེད་དེ། གཟུགས་འདི་ལ་ངོ་བོ་ཉིད་ཀྱིས་བདེ་བ་མེད་པ་དེས་གཟུགས་མཐོང་ཞིང་ཤེས་ལ་རྟོག་པ་འཐོབ་པོ།། གཟུགས་འདི་ལ་སྙིང་པོ་མེད་དེ། གཟུགས་སྡུག་པ་དང་མི་སྡུག་པ་འདི་ནི་ཀུན་ཏུ་བཏགས་པ་ཙམ་མོ།། འདི་ལ་སྡུག་པ་དང་མི་སྡུག་པའི་ངོ་བོ་མེད་དེ། འཇིག་རྟེན་འདི་འབའ་ཞིག་སྡུག་པ་དང་མི་སྡུག་པར་འདོད་དོ།། གཟུགས་འདི་ནི་ངོ་བོ་ཉིད་ཀྱིས་རྟག་པ་འམ། བརྟན་པ་འམ། ཐེར་ཟུག་པ་འམ། བདེ་བ་འམ། སྙིང་པོ་འམ། བདག་དང་བཅས་པ་མ་ཡིན་ཏེ། འདོད་ཆགས་དང་། ཞེ་སྡང་དང་། གཏི་མུག་གིས་བསྒྲིགས་པ་ནི་གཟུགས་སྡུག་གོ། ། མི་སྡུག་གོ་སྙམ་དུ་སེམས་སོ་སྙམ་ནས། དེ་གཟུགས་ཀྱི་སྐྱེ་མཆེད་ཡང་དག་པར་བརྟགས་ཏེ། མིག་དང་གཟུགས་མཐོང་ནས་ཆགས་པར་མི་བྱེད། རྨོངས་པར་མི་བྱེད། སྙིང་པོ་ཡོད་པར་མི་སེམས་སོ།། མིག་དང་གཟུགས་ཀྱི་སྐྱེ་མཆེད་ལ་མངོན་པར་བརྟགས་ནས། མིག་གི་རྣམ་པར་ཤེས་པ་ལ་ཆགས་པར་མི་བྱེད་ཅིང་འདོད་ཆགས་དང་བྲལ་བར་བྱེད་དོ།། མིག་གི་རྣམ་པར་ཤེས་པ་བདག་མ་ཡིན། མིག་གི་རྣམ་པར་ཤེས་པ་བདག་གི་མ་ཡིན་ཏེ། དེ་བཞིན་དུ་རེག་པ་དང་། ཚོར་བ་དང་། འདུ་ཤེས་དང་། སེམས་པ་བདག་མ་ཡིན། སེམས་པ་བདག་གི་མ་ཡིན་ནོ། པར་རིག་གོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་ཡུལ་ན་ཡི་དག་ས་བྱིས་པ་ལ་ཟ་བ་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ནད་པ་རྣམས་ཀྱི་ལྷ་མཆོད་པ་འམ། གནོད་སྦྱིན་མཆོད་པའི་ཕྱིར་ལས་མི་བཟད་པ་དྲག་པོ་གང་གིས་གཞན་དག་བསླུས་ནས་ནོར་རྫས་ཕྲོགས་སམ། ལུག་བསད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཡང་སོས་སུ་སྐྱེ་བར་འགྱུར་རོ། ། དེ་ནས་ཐར་ནས་ཀྱང་ཡི་དགས་བྱིས་པ་ལ་ཟ་བའི་ནང་དུ་སྐྱེ་བར་འགྱུར་ལ། གང་སྲོག་གཅོད་པ་གཞན་ཞིག་གལ་ཏེ་མིའི་སོ་སོ་ཡང་དག་པར་མྱོང་བར་འགྱུར་བའི་ལས་ཀྱིས་མིའི་སྐྱེ་གནས་སུ་སྐྱེས། དེ་སྲོག་གཅོད་པ་མང་དུ་བྱས་པ་ཇི་ལྟ་བ་བཞིན་དུ་ཡི་དགས་དེ་གསོད་པར་བྱེད་དེ། དེ་མངལ་ན་གནས་པ་ན་གསོད་པ་འམ། དེ་བཙས་པའི་ཁྱིམ་དུ་གསོད་པ་འམ། དེ་གོག་ཐལ་ཐུལ་ན་གསོད་པ་འམ། དེ་ཕུད་པུ་བཅས་པ་ན་གསོད་པ་འམ། དེ་ཡོངས་སུ་རྒྱུག་པ་ན་གསོད་པར་བྱེད་དེ། དེ་ལྟར་ཡི་དགས་དེས་རིམ་གྱིས་བུས་པ་དེ་གསོད་པར་བྱེད་དོ། ། དེ་གང་གི་ཚེ་ཉེས་པར་བྱས་པའི་ལས་དེས་ཡི་དགས་དེ་གླགས་འཚོལ་ཏེ། གླགས་རྙེད་ནས་བུས་པ་དེ་ལ་ཟ་བར་བྱེད་དོ།། འདིར་ཚིགས་སུ་བཅད་པ། ཁ་ཅིག་མངལ་ཏེ་དེ་བཞིན་དུ།། གཞན་ནི་བཙས་པའི་ཁྱིམ་དང་གཞན། དེ་བཞིན་གོག་ནི་ཐལ་ཐུལ་དང་། ཡོངས་སུ་རྒྱུག་ན་འཆི་བར་འགྱུར།། དེ་ལྟར་སྐོམ་པ་དང་བཀྲེས་པས་གདུངས་པའི་ལུས་དེ་རང་གིས་ཉེས་པར་བྱས་པའི་ལས་མྱོང་བར་འགྱུར་ཏེ། འདི་ལྟར་བྱིས་པའི་སྲོག་འཚོ་བར་འགྱུར་བ་ན། ཉེས་པར་བྱས་པ་ལས་ཉེས་པར་བྱས་པ་ཉེ་བར་སྒྲུབ་ཅིང་དེ་ལྟར་བྱིས་པ་ལ་ཟ་བའི་ཡི་དགས་དེ་ཉེས་པར་བྱས་པ་ལས། ཤིན་ཏུ་ཉེས་པར་བྱས་པའི་ལས་གཞན་རྒྱུན་མི་འཆད་པ་ན་ཡི་དགས་ཀྱི་འཇིག་རྟེན་དེ་མྱོང་བར་འགྱུར་ཏེ། དེ་ལྟར་དེ་ཇི་སྲིད་དུ་དེའི་སྡིག་བཔའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡི་དགས་ཀྱི་འཇིག་རྟེན་དེར་སྐྱེ་བར་འགྱུར་རོ། ། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན་ལས་དེ་དང་རྒྱུ་འཐུན་པར་དེའི་དུས་པ་རིམ་མོ་བྱས་སྣང་འཚོ་བར་མི་འགྱུར་རོ། ། འདིར་ཚིགས་སུ་བཅུད་པ། ཉེས་པར་བྱས་པའི་ལས་འབྲེལ་པས། ཉེས་པར་བྱས་པའི་འབྲག་བུར་བརྗོད། དེ་བཞིན་ལེགས་བྱས་འབྲས་བུ་ནི།། རྣམ་པར་སྨིན་པ་བདེ་བར་མཐོང་།། ལས་ཀྱི་ཐག་པ་རིང་པོ་ཡིས།། བྱིས་པ་དམ་དུ་བཅིངས་པའི་རྣམས།། མྱ་ངན་འདས་པའི་གྲོང་མཆོག་ཏུ།། འགྲོ་བར་མི་འགྱུར་ཐར་པར་དཀའ།། ཡེ་ཤེས་མཚོན་གྱིས་དེ་བཅད་ནས།། གང་དུ་དེ་ནི་མི་འཇུག་ཅིང་།། ངེས་པར་འཁོར་བའི་རིམས་ནད་བྲལ།། དམ་པ་མྱ་ངན་འདས་པར་འགྲོ།། ཇི་ལྟར་ཉ་དག་རྒྱས་བཅུས་ན། ། བདེ་བར་ཡོངས་སུ་འབྱུང་དུ་རུང་།། དེ་ལྟར་སེམས་ཅན་སྲེད་བཅིངས་པ།། འཆི་བདག་གིས་ནི་ཉེ་བར་འདྲེན།། དུག་དང་བཅས་པའི་མདས་ཕོག་པའི།། རི་དགས་གང་དང་གར་འགྲོ་བ། ། དེ་དང་དེར་ནི་དུག་འགྲོ་སྟེ།། དེ་བཞིན་མི་དུག་སྲེད་པ་ཡིན།། འགྲོ་བ་འགྲོ་བར་རྗེས་འགྲེང་བ།། སྲེད་པ་དུག་འདྲ་སྤང་བར་གྱིས།། ཤིང་སྐམ་མེ་ཡིས་སྲེག་པ་ལྟར།། བྱིས། པ་རྣམས་ལ་དེ་ཡིས་སྲེག། རེ་ཞིག་དགའ་སྟེ་ཤེས་པར་དཀའ།། རྣམ་པར་སྨིན་པ་མེ་དང་འདྲ།། གལ་ཏེ་བདེ་བ་ཉིད་འདོད་ན།། སྲེད་པ་དེ་ལས་ཐར་པར་གྱིས།། ཇི་ལྟར་མཆིལ་པས་ཟིན་པ་ཡི། ། ཧ་ནི་འཆི་བའི་དབང་དུ་འགྲོ།། དེ་ལྟར་སྲེད་པས་ཟིན་པ་ཡི།། མི་རྣམས་ཡི་དགས་དབང་དུ་འགྲོ།། ཡི་དགས་ཡུལ་དུ་ཡི་དགས་གང་།། སྡུག་བསྔལ་བ་དག་ཡོངས་སུ་རྒྱུག། དམྱལ་བར་སེམས་ཅན་དམྱལ་བ་རྣམས། ། དེ་དག་སྲེད་པ་ཆེན་པོས་སྤྱོད།། མི་གང་ཉོན་མོངས་ནོར་བྲལ་ཞིང་།། གཞན་གྱི་དྲིན་གྱིས་འཚོ་བ་ཡི།། ཕལ་པ་དེ་ནི་སྲེད་པ་ཡིས། སྐྱོད་ཅེས་ཐུབ་པ་རབ་ཏུ་གསུང་།། དེ་ལྟར་དགེ་སློང་དེས་སེར་སྣ་དུག་ལྟ་བུ་ཀུན་ནས་བསྐྱོད་པ་དེ་དཔྱད་ནས། ཡང་འཁོར་བ་ལས་ཡིད་འབྱུང་བར་བྱེད་དོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་ཡུལ་ན། ཡི་དགས་མདངས་ཟ་བ་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། དགྲ་མཛའ་བོ་ལྟར་བཅོས་པ་ངོ་གཉིས་པོ་གང་གིས་འདི་ལྟར་ཁྱོད་གཡུལ་འགྱེད་པར་ཞུགས་ཤིཀ་དང་། ཁྱོད་ཀྱི་ཕྱི་བཞིན་བདག་གིས་ཡང་དག་པར་བསྲུང་བར་བྱའོ་ཞེས་ཡོངས་སུ་བསླུས་ནས། དེ་གཟི་བྱིན་དང་མཐུ་ཉིད་སྐྱེས་སོ།། སྐྱེས་ནས་གཡུལ་འགྱེད་པར་ཞུགས་པ་དང་ཡོངས་སུ་གཏོང་བར་བྱེད་ཅིང་། འདི་ལྟར་དེ་འདིར་གཟུང་ན་དེའི་ནོར་གང་ཡིན་པ་དེ་དག་རྒྱལ་པོའི་འཁོར་དུ་གསོལ་ཏེ་བདག་གིར་བྱའོ་སྙམ་ནས་མི་བསླུས་པ་དེ་དེས་གསོད་ན། སྤུ་སླུབ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་མདངས་ཟ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། དེ་ལུས་བཀྲེས་པ་དང་སྐོམ་པས་ཤིན་ཏུ་གདུངས་ཤིང་། ལུས་མཚོན་གྱིས་རྟག་ཏུ་གཤོག་ལ། ལུས་ཀྱི་པཀས་པ་དང་། ཤ་དང་། རུས་པ་རྣམ་པར་ཉམས་པ་མཚོན་ཆ་འབབ་པ་རྣམས་ཀྱི་ཕྱོགས་སུ་འགྲོ་བ་ན་གར་བབ་བབ་ཏུ་འབྲོས་སོ།། དེ་རྣམ་པ་གཞན་དུ་འབྲོས་པ་ན། མི་མི་གཙང་བ་གང་གཞན་ནམ། མཆོད་རྟེན་སྐོར་བར་མི་བྱེད་པ་དེའི་གླགས་ཡི་དགས་དེས་རྙེད་ནས་དེའི་གཟི་བརྗིད་འཕྲོག་པར་བྱེད་དེ། དེས་གལ་ཏེ་ལོ་བཅུ་འམ། གལ་ཏེ་ལོ་ཉི་ཤུར་དེ་འཚོ་བར་བྱེད་དེ། དེ་ལྟར་ཤིན་ཏུ་སྡུག་བསྔལ་བར་འགྱུར་ཏེ། ཇི་སྲིད་དེའི་སྡིག་པའི་ལས་བྱས་ཤིང་བསགས་པ་ངེས་པར་མྱོང་བར་འགྱུར་བའི་ལས་ཀྱི་ཉེར་བསྡོགས་དང་། ལས་ཀྱི་དངོས་གཞི་དང་། ལས་ཀྱི་མཇུག་དང་ཡང་དག་པར་ལྡན་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་རང་གི་ལས་ཀྱི་འབྲས་བུ་ལ་སྤྱོད་པ། རང་གིས་བྱས་པ་ལ་ཟ་བ། རང་གི་ལས་སྐྱེ་བའི་རྒྱུན་ཤིན་ཏུ་འཁོར་རོ།། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་གྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མི་རྣམས་ཀྱི་ནང་དུ་སྐྱེས་ན། ལས་དེ་དང་རྒྱུ་འཐུན་པར་དེ་ལྷ་རྟེན་གྱི་སར་འཚོ་བ་དང་། རྟོག་གེ་བ་དང་། ཚོགས་ཆེན་པོས་འཚོ་བ་དང་། གཞན་ལ་རག་ལས་པས་འཚོ་བར་འགྱུར་བ་མཐོང་ངོ་།། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་ཉི་ཤུ་པ། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་ཡུལ་ན། ཡི་དགས་ཚངས་པའི་སྲིན་པོ་ཞེས་བྱ་བ་ཇི་ལྟར་འདུག་པ་མཐོང་ངོ་།། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། མཆོད་སྦྱིན་ངན་པར་བྱེད་པ་གང་གིས་སྲོག་གཅོད་པ་དང་ཡང་དག་པར་ལྡན་པ། ཤིན་ཏུ་བཟོད་པར་དཀའ་བའི་མཆོད་སྦྱིན་བྱས་པ་དང་། ཟས་དང་སྐོམ་སོ་སོར་ཁེ་སྤོགས་བྱེད་པ་དང་། རིན་ཆུང་ངུས་ཉོས་ལ་རིན་ཆེན་པོར་འཚོང་བ་དང་། ཕྲག་དོག་དང་སེར་སྣས་ཉམས་པ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་ཀྱི་འཇིག་རྟེན་ན་ལུས་བཀྲེས་པ་དང་སྐོམ་པས་གདུངས་པ་ཚངས་པའི་སྲིན་པོར་འགྱུར་རོ། ། དེ་ལྟར་དེ་མིའི་གཟུགས་ཀྱིས་ཡོངས་སུ་རྒྱུག་ཅིང་སེམས་ཅན་རྣམས་ལ་ཉེ་བར་འཚེ་བར་བྱེད་དེ། དེ་སུམ་མདོའམ་བཞི་མདོ་དབེན་པར་འདུག་གོ།། འདུག་ནས་ཀྱང་གླགྲགས་ལྔ། དེ་མི་རྣམས་ལ་ཉེ་བར་འཚེ་བར་བྱེད་དོ།། ཕལ་ཆེར་བྲམ་ཟེ་འདྲ་བར་འགྱུར་ལ། དེ་ནས་མི་སྣང་བར་འགྱུར་ཞིང་། ཡང་མི་རྣམས་ལ་ཉེ་བར་འཚེ་བར་བྱེད་དེ། ཡི་དགས་ལ་སེམས་པ་དག་ན་རེ། འདི་ལྟར་དེ་ནི་གདོན་གྱིས་ཟིན་ཏོ་ཞེས་འཇིག་རྟེན་པ་དེ་དག་བརྗོད་དོ།། དེ་ལྟར་དེ་སྡིག་པ་དང་འབྲེལ་ཅིང་། སྡིག་བྱེད་ལ་ལུས་བཀྲེས་པ་དང་སྐོམ་པས་གདུངས་པ་ཡིན་ཏེ། དེ་ལྟར་ཚངས་པའི་སྲིན་པོ་དེ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་ཕྲག་དོག་དང་། སེར་སྣ་དང་ཡང་དག་པར་ལྡན་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡི་དགས་ཀྱི་ཡུལ་དེ་ན་གནས་པར་བྱེད་དོ། ། དེ་ཕྱི་ས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མིར་སྐྱེས་ན། ལས་དེ་དང་རྒྱུ་འཐུན་པར་དེ་མི་ལ་ཟ་བ་འམ། དེ་མཁའ་འགྲོ་མ་མིའི་ཁྲག་འཐུང་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་ཡུལ་ན། ཡི་དགས་མེའི་ཁུང་བུར་ཟ་བ་ཞེས་བྱ་བ་ཇི་ལྟར་འདུག་པ་མཐོང་ངོ་།། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཕྲག་དོག་དང་སེར་སྣས་ཉམས་པ། དགེ་བའི་བཤེས་གཉེན་ལྟ་བུར་བཅོས་ནས་དགེ་འདུན་གྱི་ཟས་སྐོམ་ཟོས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བར་སྐྱེ་བར་འགྱུར་རོ། ། དེ་ནས་ཤི་ནས་ཡི་དགས་མེའི་ཁུང་བུར་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ།། དེར་སྐྱེས་ནས་ཀྱང་ལུས་ཚལ་ཤིང་བསྲེག་པ་འདྲ་ཞིང་། ལུས་དཀྲིས་པ་དང་སྐོམ་པས་གདུངས་ལ། རང་གི་ལས་ཀྱིས་ཡོངས་སུ་བསླུས་པ་གཅིག་པུ་ཐམས་ཅད་དུ་རྒྱུག་པ་ན། དེའི་སྲོག་གི་འཚོ་བ་འདི་ལྟར་འགྱུར་ཏེ། གང་གི་ཚེ་མེའི་ནང་དུ་གཞན་འགའ་ཞིག་ལྟུང་ན་ཕྱེད་ཚིག་པར་འགྱུར་ཏེ། དེ་མེ་དང་འདྲ་ཞིང་མེའི་ཆར་ལྟ་བུ་ལ་ཟའོ།། དེ་མེའི་ཁུང་བུ་དེ་དང་འདྲ་སྟེ། བཀྲེས་པ་དང་སྐོམ་པས་གདུངས་པ་དེའང་མེ་དེས་ཉིས་འགྱུར་དུ་སྲེག་གོ། ། དེ་སྲེག་པ་ན་གང་མི་དགེ་བའི་ལས་དེས་བྱས་ཤིང་བསགས་པ་ངེས་པར་མྱོང་བར་འགྱུར་བའི་ལས་ཀྱི་མཐུས་དུ་སྐད་འབྱིན་ཅིང་ཀུ་ཙ་འདོན་ཏོ། ། དེ་དེར་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་མྱོང་ཞིང་ཉེ་བར་སྤྱོད་པར་འགྱུར་རོ།། དེ་ལས་ཟད་དེ་དེ་ལས་ཐར་ནས་གལ་ཏེ་མི་རྣམས་དང་སོ་སོ་ཡང་དག་པར་མྱོང་བར་འགྱུར་བའི་ལས་ཀྱིས་མིར་སྐྱེས་ན། ལས་དེ་དང་རྒྱུ་འཐུན་པར་དེ་དབུལ་ཞིང་ནད་བུ་ཅན་དུ་འགྱུར་ལ། མེས་བསྲེག་པའི་ཁུང་བུར་སྲེག་པར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་གང་གིས་སེར་སྣ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་ལས་ཀྱི་དངོས་གཞི་དང་། ལས་ཀྱི་མཇུག་ཡང་དག་པར་བླངས་པ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་ཀྱི་འཇིག་རྟེན་སྲང་མི་གཙང་བ་རྣམས་སུ་སྐྱེ་བར་འགྱུར་བ་མཐོང་སྟེ། ཡི་དགས་དེ་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། དགེ་འདུན་གྱི་རིམ་གྲོ་བྱེད་པ། ཕྲག་དོག་དང་སེར་སྣས་ཉམས་པ་གང་གིས་བཟའ་བ་དང་བཅའ་བ་ལ་སོགས་པ་ཞིམ་པོ་དག་ལ་ཡང་དག་པར་སྤྱོད་པར་བྱེད་ཅིང་། ཚངས་པར་སྤྱོད་པ་དང་ལྡན་པ་གཙང་བ་རྣམ། ལ་ཁ་ཟས་ངན་པ་སྦྱིན་པར་བྱེད་ན། དེ་སྲུང་མི་གཙང་བར་ཡི་དགས་གནས་པ་རྣམས་ཀྱི་ནང་དུ་སྐྱེ་བར་འགྱུར་རོ།། དེར་སྐྱེས་ནས་ཀྱང་ཉིན་པར་ལུས་ལྟར་མི་མཐོང་ཞིང་། མཚན་མོ་མཐོང་བ་ཉིད་དུ་འགྱུར་རོ། ། དེ་དག་གང་གྲོང་ངམ། གྲོང་ཁྱེར་རམ། རི་བྲག་གམ།། འཚོ་སྐྱོང་གི་གནས་སམ། བྱ་རོག་གི་གནས་སམ། གཤེར་ས་ན་གནས་པ་ཀུན་གྱི་བཤང་བ་དང་། གཅི་བའི་ས་དང་གཅིག་ཏུ་ཉལ་ཉིལ་དང་། ལྡན་ལྗིན་གྱི་ས་དང་། ཕྱི་ས་བསགས་པར་གྱུར་པ་འམ། ཀུན་ནས་སྲིན་བུས་ཁེབས་ཤིང་དྲི་ང་བ་ཤིན་ཏུ་འཇིགས་པ། སྐྱེ་བོ་ཀུན་གྱིས་མཐོང་མ་ཐག་ཏུ་སྐྱུག་དྲོ་བར་འགྱུར་བ། སྲིན་བུ་ཡུན་རིང་དུ་གནས་པ། མྱགས་པ་དེས་དགེ་འདུན་གྱི་ཁ་ཟས་ཞིམ་པོ་ཟ་བར་བྱེད་པ་ཡི་དགས་སུ་སྐྱེ་བར་འགྱུར་རོ།། ཤིན་ཏུ་སྡུག་བསྔལ་བ་དག་དེར་སྐྱེས་ནས་ཀྱང་གང་ལས་ཀྱིས་བྱས་པའི་གཤིན་རྗེའི་མི་རྣམས་ཀྱིས་རལ་གྲི་རབ་ཏུ་འབར་བ་ཐོགས་པ་དེ་དག་ལས། མི་གཙང་བ་དེ་དུས་ཐམས་ཅད་དུ་བཟའ་བར་མི་འཐོབ་བོ།། གལ་ཏེ་ཟླ་བ་ཕྱེད་ན་འཐོབ་ཅིང་། གལ་ཏེ་ཟླ་བ་གཅིག་ན་འཐོབ་པ་གང་ཡིན་བདེའང་ཚིམ་པར་མི་འཐོབ་ཅིང་། ཟོས་ནས་ཀྱང་སྐྱུག་པར་འགྱུར་ཏེ། ལུས་བཀྲེས་པ་དང་སྒོམ་པས་གདུངས་པ་དེ་དག་འདི་ལྟར་དུ་སྐད་འབྱིན་ཅིང་ཆོ་ངེས་འདེབས། ཕན་ཚུན་རྒྱུག་ཅིང་སྨེ་སྔགས་འདོན་ཏེ། ས་བོན་མི་གཙང་གྱུར་པ་ལས།། ཤིན་ཏུ་མི་བཟང་ཡོངས་སུ་འགྱུར།། སྡིག་པའི་ལས་ཀྱི་འབྲས་བུ་ནི།། རྒྱུ་དང་འདྲ་བར་མཐོང་བ་ཡིན།། སྡིག་པས་དྲངས་པའི་སྐྱེ་བོ་ནི། མཆིལ་པས་ལོག་པར་དྲངས་པ་བཞིན།། མཆིལ་ལས་ཉ་ནི་ཐར་སྲིད་ཀྱི།། སྡིག་ལས་སྡིག་པ་མི་ཐར་རོ།། སྡིག་པའི་ཐག་པ་མི་བཟད་པས།། གློ་བུར་དུ་ནི་འདྲེན་པ་ན།། ཡིདཔྲ་གནས་སུ་འདྲེན་བྱེད་དེ། ། བཀྲེས་དང་སྐོམ་པ་ཆེན་པོས་བསྒྲིབས།། བཀྲེས་དང་སྐོམ་ལས་བྱུང་བའི་མེས།། མི་བཟད་གདུངས་པར་འགྱུར་བ་ལྟར།། མེ་དང་མཚོན་དང་དུག་རྣམས་ཀྱི།། དེ་ལྟར་མི་བཟད་གདུངས་མི་འགྱུར། ། གང་དུ་བདེ་བ་ཆུང་གྱུར་པ།། སྐད་ཅིག་མེད་ཅིང་ཟང་ཅིག་མེད།། ཡུད་ཙམ་མེད་ཅིང་མཚན་མོ་མེད།། རྟག་ཏུ་བདག་ནི་སྡུག་བསྔལ་བསྒྲིབས།། སྡུག་བསྔལ་གྱི་ནི་རྒྱུ་བསྟེན་པས། ། སྡུག་བསྔལ་ལས་ནི་སྡུག་བསྔལ་ཐོབ།། སྡུག་བསྔལ་ལས་ནི་ནམ་གྲོལ་ཏེ།། བདག་ལ་བདེ་བར་འབྱུང་བར་འགྱུར།། གང་དུ་བདག་ནི་རྒྱུག་པ་དེར།། འབབ་ཆུའི་དོང་དང་ཆུ་མི་མངོན། ། ལྟེང་ཀ་རྣམས་ཀྱང་བསྐམས་གྱུར་ཅིང་།། ཆུ་བོ་དག་ཀྱང་མེད་པར་འགྱུར།། བདག་ནི་རྟག་ཏུ་ཆུ་འདོད་ནས།། ས་ལ་ཡོངས་སུ་རྒྱུག་པ་ན།། བྲག་དང་ནགས་ཚལ་སྟུག་པོར་བཅས།། ཆུ་བོ་དེ་དག་བསྐམས་པར་གྱུར།། བདག་གི་ལུས་ནི་བསྲེགས་པ་སྟེ།། བཀྲེས་དང་སྐོམ་པའི་མེ་ཡིས་གདུངས།། ལྷག་པར་སྐྱབས་སུ་འགྲོ་མེད་དེ།། ཉོན་མོངས་ཤིན་ཏུ་མི་བཟད་འོངས།། དེ་ལྟར་རང་གི་ལས་ཀྱི་འབྲས་བུས་བསླུས་པའི་ཡི་དགས་དེ་ཇི་སྲིད་དུ་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དུ་སྐད་འབྱིན་ཅིང་སྨྲེ་སྔགས་འདོན་ཏོ།། དཔྱིས་ཡི་དགས་ཀྱི་འཇིག་རྟེན་དེ་ལས་པར་བར་འགྱུར་ཏེ། བར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མིར་སྐྱེས་ན། ལས་དེ་དང་རྒྱུ་འཐུན་པར་གལ་ཏེ་བུད་མེད་དམ། དེ་བུད་མེད་སྨད་འཚོང་མར་འགྱུར་རོ།། གལ་ཏེ་སྐྱེས་པར་གྱུར་ན་དེ་གྲོང་ཁྱེར་གྱི་ལྡན་ལྗིན་འཕྱག་པ་འམ། བུད་མེད་ཀྱི་ཆ་བྱད་དུ་ཞུགས་ནས་དེས་ཉེ་བར་འཚོ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་གནས་ན་ཡི་དགས་གཞན་གང་ཞིག་སྐྱེ་བར་འགྱུར་སྙམ་ནས། ཡི་དགས་ཀྱི་འཇིག་རྟེན་ལ་བརྟགས་ན་དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་ཡུལ་ན་ཡི་དགས་རླུང་ཟ་བ་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སྟོ་བོ་ཆེ་ལྟོ་འབའ་ཞིག་སེམས་པ་གང་གིས་དགེ་སྦྱོང་དང་། བྲམ་ཟེ་དང་། ཉོན་མོངས་པ་དང་། སྡུག་བསྔལ་བ་དག་ལ་ཉི་མ་འགའ་ཙམ་གྱི་ཟས་སྦྱིན་པར་ཁས་བླངས་ཏེ།། དམ་བཅས་ནས་བརྫུན་བྱས་ལ། དེ་དག་ཀྱང་ཉེའི་ཉིན་པར་བཀྲེས་པ་དང་སྐོམ་པས་ཤིན་ཏུ་གདུངས་པར་གྱུར་ནས་རླུང་བསིལ་བས་རེག་པར་གནས་ན། བརྫུན་ཟེར་ཟེར་བ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་རླུང་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ། ། དེར་སྐྱེས་ནས་ཀྱང་དེ་ནས་དེ་ཡོངས་སུ་རྒྱུག་པ་ན། དེའི་ཁ་ཟས་མེད་ཅིང་རེ་བ་མེད་ལ་གནས་མེད་དེ། མགོན་མེད་པར་རང་གི་སེམས་ཀྱིས་ཡོངས་སུ་བསླུས་པ་དེའི་མིག་གི་ཡུལ་དུ་གང་ཡང་སོས་ལ་སོགས་པའི་རྫས་བཟའ་བ་དང་། བཏུང་བ་དང་། གནས་ཁང་དང་། ཀུན་དགའ་རབ་ཉམས་དགའ་བ་མང་པོ་དག་རྒྱང་རིང་པོ་ནས་མཐོང་སྟེ། བཟའ་བ་དང་བཏུང་བའི་དོན་དུ་དེར་རྒྱུག་གོ།། དེ་དེར་རྒྱུག་པ་ན་ངལ་དུབ་པས་བཀྲེས་པ་དང་སྐོམ་པ་ཉིས་འགྱུར་དུ་འགྱུར་ཏེ། དེ་ལ་གདོང་པར་བྱེད་དོ། ། དེའི་ཁ་ག་དངས་པར་རླུང་འཇུག་སྟེ། དེ་རླུང་དེ་འབའ་ཞིག་ཁའི་ནང་དུ་སོང་བས། བཀྲེས་པ་གང་སེལ་བར་བྱེད་ཅིང་། གང་གིས་ལུས་མི་གཙང་བ་དེ་འཛིན་པར་བྱེད་དོ།། དེའི་བཟའ་བ་དང་བཏུང་བ་དེ་དག་ཀྱང་། རི་དགས་སྐོམ་པས་ཕྱིན་ཅི་ལོག་ཏུ་མཐོང་བ་ལྟར་གསོ་བ་དང་། གསོག་དང་། སྙིང་པོ་མེད་པ་དང་། མགལ་མེའི་འཁོར་ལོ་དང་འདྲ་བར་སྣང་བ་ཁོ་ན་ཙམ་དུ་ཟད་དེ། ཇི་ལྟར་དེས་སྦྱིན་པ་སྙིང་པོ་མེད་པ་གསོག་བྱིན་པ་དེ་བཞིན་དུ་གསོག་རྗེས་སུ་མཐོང་ངོ་།། འདིར་ཚིགས་སུ་བཅད་པ། རྒྱུ་དང་འཐུན་པར་འབྲས་བུ་ཞེས།། བློ་གྲོས་ལྡན་པ་དེ་སྐད་གསུང་།། རྒྱུ་དང་མི་མཐུན་འབྲས་བུ་ནི། ། ལུས་ཅན་རྣམས་ལ་སྨིན་མི་འགྱུར།། སྐྱེ་བ་ལུག་རྒྱུད་མང་པོ་ཡི།། རྒྱུ་དང་རྐྱེན་གྱིས་ཤིན་ཏུ་འབྲེལ།། འཁོར་བར་གང་གིས་སྤེལ་བ་ཡི།། ལུས་ཅན་འགྲོལ་བར་མི་འགྱུར་རོ།། ཏུ་སྤྲུལ་པ་དམ་པོ་དག། མཆོག་ཏུ་མི་བཟད་དེ་བཀྲོལ་ནས།། གང་ལ་སྡུག་བསྔལ་མི་གནས་པ།། ཞི་བ་མཆོག་ཏུ་འགྲོ་བར་འགྱུར།། དེར་རྒྱུ་དང་འཐུན་པའི་འབྲས་བུ་ལ་ཉེ་བར་སྤྱོད་ཅིང་རྒྱུག་པ་ན། སེམས་བསླུས་པ་དེ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་སོ་སོ་ཡང་དག་པར་མྱོང་བར་འགྱུར་བའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་རླུང་འབའ་ཞིག་ཟ་བའི་ལུས་བདག་ཉིད། འཛིན་པར་བྱེད་དོ། ། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་མི་ཡིས་སོ་སོ་ཡང་དག་པར་མྱོང་བར་འགྱུར་བའི་ལས་ཀྱིས་མིར་སྐྱེས་ན། ལས་དེ་དང་རྒྱུ་འཐུན་པར་དེ་རྟག་ཏུ་དབུལ་པོར་འགྱུར། གང་དེ་ལ་ཤེས་བཞིན་དུ་ནོར་དང་། བཟའ་བ་དང་། བཏུང་བ་དང་། སྟོན་མོ་དང་། གནས་དང་། ཆུ་དག་མེད་པར་འགྱུར་ཞིང་། སྦྱིན་པར་མི་བྱེད་ལ་ཡིད་མི་གཅུགས་པར་འགྱུར། ཁ་ཟས་མེད་པར་བྱས། མེད་པར་བྱས་པའི་སེམས་ནི་རེ་བ་ལ་དགའ་ཞིང་རེ་བ་མེད་པ་ལ་ཡང་དགའ་སྟེ། མངོན་པར་ཉམས་པའི་ལུས་ཤིན་ཏུ་སྡུག་བསྔལ་པས་འཚོ་བར་མཐོང་ངོ་། ། འདིར་ཚིགས་སུ་བཅད་པ།། འདིར་ནི་སྡིག་པའི་བག་ཆགས་ཀྱིས།། ཐམས་ཅད་དུ་ནི་སྡུག་བསྔལ་བྱེད།། ལུས་ཅན་རྣམས་དང་མི་མཐུན་པ།། མི་གཙང་བ་ཡི་དྲི་བཞིན་ནོ། ། ཡུན་རིང་ངན་འགྲོ་བཅོམ་པ་ཡི།། དགེ་བའི་བག་ཆགས་དགའ་བྱེད་དེ།། མེ་ཏོག་ཉམས་ཀྱང་ཏིལ་དག་ལ།། བག་ཆགས་སྣང་བ་ཇི་བཞིན་ནོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་ཡུལ་ན། ཡི་དགས་མ་དག་མ་ཟ་བ་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཞལ་ཆེ་བར་བསྐོས་པ་ཕྲག་དོག་དང་སེར་སྣས་འཇུང། པ་གང་གིས་གཟུང་བར་བྱ་བ་ཉེས་པ་མེད་པ་དག་བཟུང་ནས་བཅིངས་ཏེ། བཀྲེས་པ་དང་སྐོམ་པས་ཡོངས་སུ་གནོད་པར་བྱས་ལ། དེའང་བཟུང་བའི་སྡུག་བསྔལ་གྱིས་ཉམ་ཐག་པར་བྱས་ཤིང་། ཤིན་ཏུ་གནོད་པར་བྱས་པ་རེ་བ་མེ་ལ་བཀྲེས་པ་དང་སྐོམ་པས་གདུངས་ནས་ཐལ་བ་ཟ་ལ། དེའི་ལས་ཀྱི་རྣམ་པར་སྨིན་པས་གཞི་དེ་ལས་ཤི་བར་མ་གྱུར་ན། ཞལ་ཆེ་བར་བསྐོས་པའི་མི་དེ་སྡིག་པའི་ལས་དེའི་མཐུས་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་མ་དག་མ་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ། ། ལས་མི་བཟད་པ་ད་ལྟར་བདེ་ལ། རྣམ་པར་སྨིན་པ་སྡུག་བསྔལ་མི་འདོད་པ། མི་སྡུག་པ། ཡིད་དུ་མི་འོང་བ། དུག་ནག་པོ་ལྟ་བུ་དང་འདྲེས་པའི་མཐུས་དེ་རྟག་ཏུ་དུར་ཁྲོད་ཀྱི་མདག་མ་ཟ་ཡང་། མདག་མ་དེས་ཚིམ་པར་མི་འགྱུར་རོ།། དེ་མ་དག་མའི་ཟས་དེས་ལུས་ཀྱི་མེ་ཤིན་ཏུ་ཆེ་བ་ཅུང་ཟད་ཞི་བར་བྱེད་དེ། མེ་ལ་ཆུས་བསད་པ་བཞིན་ནོ།། དེ་ལྟ་བས་ན་དུག་ནག་པོ་ལྟ་བུ་དང་། ཤིན་ཏུ་རྩེ་རྩེ་བས་ཆོ་ག་སྟེ། ནག་པོ་དང་འདྲེས་པ་སྤངས་ན་འདོད་ཆགས་དང་བྲལ་བར་འགྱུར་རོ། ། གང་བྱིས་པ་ནག་པོའི་དབང་དུ་སོང་བ་དག་ནི་མེའི་སྡུག་བསྔལ་བསིལ་བར་གྱུར་ཀྱང་། སྡུག་བསྔལ་ནི་མེ་གཞན་གྱིས་དཔེ་བྱ་བར་ནུས་པ་གང་ཡང་མེད་དོ།། དེ་ལྟར་ཇི་སྲིད་དུ་དེའི་སྡིག་པའི་ལས་སོ་སོ་ཡང་དག་པར་མྱོང་བར་འགྱུར་བ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡི་དགས་ཀྱི་ཡུལ་དེ་ན་གནས་སོ། ། དེ་ཕྱིས་ཡི་དགས་ཀྱི་ཡུལ་དེ་ལས་ཐར་པར་འགྱུར་ཏེ། ཐར་ནས་ཀྱང་མི་དང་སོ་སོ་ཡང་དག་པར་མྱོང་བར་འགྱུར་བའི་ལས་ཀྱིས་མིར་སྐྱེས་ན། ལས་དེ་དང་རྒྱུ་འཐུན་པར་དེ་རི་བོར་གང་དུ་ལོ་ཉོས་བྱུང་ཞིང་གསོག་ཟ་བ་རྣམས་ཀྱི་ནང་དུ་སྐྱེ་བར་འགྱུར་ལ། རེས་འགའ་ཡང་ཁ་ཟས་ཞིམ་པོར་མི་འགྱུར་ཞིང་། རྟག་ཏུ་ཁ་ཟས་ལན་ཚྭ་མེད་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པ་དེས་ཡི་དགས་ཀྱི་ཡུལ་ན་ཡི་དགས་དུག་ཟ་བ་ཞེས་བྱ་བ་རང་བཞིན་གྱིས་དུག་ཟ་བ་ཇི་ལྟར་འདུག་པ་མཐོང་ངོ་།། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སེར་རྣས་ཉམས་པ་གང་གིས་ནོར་རྫས་ཀྱི་ཕྱིར་ཕ་རོལ་དག་ལ་དུག་བླུད་ལ། དེའང་ཤིན་ཏུ་དུག་ལྡུང་ལྡུད་པ་ལུས་དང་བྲལ་ནས་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་ཡང་སོས་སུ་སྐྱེ་བར་འགྱུར་རོ། ། དེ་ནས་ཐར་ནས་ཡི་དགས་དུག་ཟ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། རི་འབིགས་བྱེད་ཀྱི་རི་སྲུལ་དང་། རི་ཡོངས་འདུའི་རི་སུལ་དང་། རི་ཁ་བ་ཅན་གྱི་རྩེ་མོ་དང་། རི་མ་ལ་ཡའི་གསེབ་གང་ཡིན་པ་དེ་དག་དང་། རིའི་རྩེ་མོ་དུག་མང་ཞིང་ཆུ་མེད་པ་དང་། སྦྲུལ་གནས་པའི་དགོན་པ་དང་། གྲང་ལྤགས་ཆེ་བའི་དགོན་པ་དོག་ཅིང་ཤིན་ཏུ་འཇིགས་པ་དང་། ཤིང་ལྗོན་པ་ཡལ་ག་འཕྱང་བ་མེད་པ་དང་། རྡོ་ངན་པ་འབའ་ཞིག་ཡོད་པ་དང་། སེང་གེ་དང་སྟག་གིས་གསོད་པ་ཤིན་ཏུ་འཇིགས་པ་གང་ཡིན་པ་དེ་དག་ཏུ་སྐྱེ་བར་འགྱུར་རོ། ། དེར་སྐྱེས་ནས་ཀྱང་གྲང་བའི་དུས་སུ་གྲང་བ་བརྒྱ་འགྱུར་མྱོང་བར་འགྱུར་ལ། ཚ་བའི་དུས་སུ་ཚ་བ་བརྒྱ་འགྱུར་མྱོང་བར་འགྱུར་རོ། ། ལས་བྱས་པ་ཚ་བའི་དུས་སུ་ཞག་ལྔར་མེའི་ཆར་པ་ལུས་རྣམས་ལ་འབབ་ཅིང་། གྲང་བའི་དུས་སུ་ཞག་ལྔར་ལྷགས་པ་ཆར་པ་ལྟ་བུར་འབབ་བོ།། ཉེས་པར་བྱས་པའི་ལས་དེས་མེ་མདག་དེ་དག་དང་། མི་དགའ་བ་དགོན་པ་ལྟ་བུ་དེ་དག་གི་ནང་ན་ལུས་བཀྲེས་པ་དང་སྐོམ་པས་གདུངས་པ་དག་ཏུ་ཀུ་ཅོ་འདོན། ངུ་སྐད་འབྱིན། ཆོ་ངེས་འདེབས། སྨྲེ་སྔགས་འདོན་ཏེ། ལུས་བཀྲེས་པ་དང་སྐོམ་པས་གདུངས་པ་དག་ལ། དུག་གི་རེག་པ་ལྕགས་ཀྱི་ཐུ་ལུམ་རབ་ཏུ་འབར་བ་ལྟ་བུ་གང་ཡིན་པ་དེ་དག་མེད་པར་བྱེད་དོ།། མིང་མ་ཐག་ཏུ་ཤིའོ།། དེ་ནས་ཡང་ཉེས་པར་བྱས་པའི་ལས་དེས་སྐྱེ་པབར་འགྱུར་ཏེ། སྐྱེས་ནས་ཀྱང་བཀྲེས་པ་དང་སྐོམ་པ་དེ་སྡུག་བསྔལ་ཉིས་འགྱུར་བར་ལྷག་པར་མྱོང་བར་འགྱུར་རོ།། དེ་ལྟར་དེ་དུ་སྐད་འབྱིན་པ་ན། བྱའི་མཆུ་རྣོན་པོས་ཀྱང་དེའི་མིག་ཕྱུང་ནས་ཟ་བར་བྱེད་དེ། དེ་ཕྱིར་ཞིང་སྡུག་བསྔལ་གྱིས་ཉམ་ཐག་ནས་དུ་སྐད་འབྱིན། ཀུ་ཅོ་འདོན། ཆོ་ངེས་འདེབས་སོ།། མིག་ཕྱུང་བ་དེ་དག་སྐྱེ་བར་འགྱུར་ལ། དེ་ནས་ཡང་འབྱིན་པར་བྱེད་དེ། དེ་ལྟར་དེ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་སོ་སོ་ཡང་ཡང་དག་པར་མྱོང་བར་འགྱུར་བ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་མྱོང་བར་འགྱུར་རོ། ། དེ་ཕྱིས་ཡི་དགས་ཀྱི་འཇིག་རྟེན་ལས་ཐར་པར་འགྱུར་ཏེ། ཐ་ར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མིར་སྐྱེས་ན། ལས་དེ་དང་རྒྱུ་འཐུན་པར་དེ་ལམ་པོ་ཆེ་དང་བཞི་མདོར་འཚོ་བར་འགྱུར། དུག་ལྡུད་ལྡུད་པའི་ལས་ཀྱི་ལྷག་མ་དེས་ཡང་དེའི་སྲོག་ཆད་པར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་ཡུལ་ན་ཡི་དགས་དགོན་པ་ན་འདུག་པ་ཞེས་བྱ་བ་ཇི་ལྟར་འདུག་པ་མཐོང་ངོ་།། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཆོམ་རྐུན་པ་གང་གིས་འབྲོག་དང་། དགོན་པ་ཆེན་པོ་དང་། ཆུ་མེད་པ་དང་། ཤིན་ཏུ་དོག་པ་དང་། ཉི་མའི་འོད་ཀྱིས་ཀུན་ཏུ་ཚ་བ་དག་ཏུ་ལྟེང་ཀ། དང་ནགས་ཚལ་དག་གི་ལམ་བྱས་ནས། ཆོམ་རྐུན་པ་དེ་དག་གིས་ལྟེང་ཀ་དེ་དག་འཛག་པར་བྱེད་དེ། འདི་ལྟར་བདག་ཅག་གི་འདིར་འགྲོན་པོ་འོངས་ཏེ། སྐོམ་གྱིས་གདུངས་ཤིང་མཐུ་ཆུང་བ་དག་ནོར་རྫས་ཀྱི་ཕྱིར་གསད་པར་བྱའོ་སྙམ་ནས། དེ་དག་ཕྲག་དོག་དང་སེར་སྣས་ཉམས་ཤིང་། སྦྱིན་པ་དང་བྲལ་བ་དག་གིས་དེ་ལྟར་འགྲོན་པོ་དེ་དག་གསོད་པར་བྱེད་དོ།། དེ་དག་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་དགོན་པ་ན་འདུག་པ་རྣམས་ཀྱི་ནང་དུ་སྐྱེ་བར་འགྱུར་རོ། ། དེར་སྐྱེས་ནས་ཀྱང་མར་མེའི་ཤིང་རྟར་འབྲོག་རབ་ཏུ་འབར་བ་རྣམས་ཀྱི་ནང་ཉིད་དུ་ནི་མའི་གདུང་བས་གདུངས་ཏེ། མགོན་འདོད་པ། སྐྱབས་འདོད་པ། དཔུང་གཉེན་འདོད་པ་དག་ཆུ་དང་བཟའ་བའི་ཕྱིར་རྒྱུག་ཅིང་ཀུ་ཅོ་འདོན་ཏོ།། དེ་དག་ལས་ཀྱི་ཉེས་པ་དེས་རྒྱང་རིང་པོ་ན་རི་དགས་སྐོམ་པ་ལྟ་བུར་ཆུ་དང་པ་འདྲ་བ་ཞིག་ཡོད་པར་མཐོང་ངོ་། ། དེ་དག་གིས་དེ་མཐོང་སྟེ། ཆུ་རྙེད་དོ་སྙམ་ནས་རྒྱུག་སྟེ། རེ་བ་དང་བཅས་པའི་སེམས་ཀྱིས་ངལ་བ་གྲངས་སུའང་མི་རྩི་བ་ན། དེ་ཇི་ལྟ་ཇི་ལྟར་རྒྱུག་པ་དེ་ལྟ་དེ་ལྟར་རི་དགས་སྒོམ་པ་ལྟ་བུར་ངོ་བོ་ཉིད་ཀྱིས་གསོག་ཏུ་འདུག་པ་དེ་དག་ག་ལ་ཞིག་ཐོབ་པར་འགྱུར། དེ་དག་ངལ་བའི་ཉེས་པར་རུ་དར་བྷའི་རྩེ་མོས་རྐང་པའི་རྟིང་པ་དག་ཏུ་ཟུག་ནས། འགྱེལ་ཞིང་ན་ནས་ཁ་ཅིག་འཆི་བའི།། དུས་བྱེད་དོ།། དེ་ནས་ཡང་ལས་ཀྱི་ལྷག་མ་དེས་ཡང་འཚོ་བར་འགྱུར་ཏེ། དེ་ལྟར་ལུས་བཀྲེས་པ་དང་སྐོམ་པ་བཅུ་འགྱུར་གྱིས་གནས་པར་བྱེད་དོ།། བྱ་འོག་དང་། འུག་པ་དང་། བྱ་རྒོད་བརྒྱ་སྙེད་ཀྱིས་ལུས་དང་མིག་དག་ཅན་ཅོན་དུ་འཐོག་ཅིང་ཟ་སྟེ། རུས་པ་ལ་ཐུག་གི་བར་དུ་འབིགས་པར་བྱེད་དོ།། མགོན་མེད་པ། སྐྱབས་མེད་པ། དཔུང་གཉེན་མེད་པ་དེ་དག་སྡུག་བསྔལ་སུམ་འགྱུར་གྱིས་ཤིན་ཏུ་སྡུག་བསྔལ་ཏེ། ཕན་ཚུན་དེར་སོང་ནས་འདི་ལྟར་སྨྲེ་སྔགས་འདོན་ཏོ།། བྱ་རོག་འུག་པ་ཐམས་ཅད་ནས།། རྡོ་རྗེ་ཆེན་པོའི་མཆུ་རྣོན་གྱིས།། མངོན་པར་གཙེས་སོ་སྐྱབས་མེད་ཅིང་། ། བདེ་བ་ལྟ་བར་མི་མཐོང་ངོ་།། ཇི་ལྟར་བདག་གིས་འགྲོན་པོ་བཅོམ།། དེ་ཡི་ལས་དེ་ཉེ་བར་གནས།། འདི་ནི་གཟུགས་བརྙན་ལྟ་བུ་སྟེ།། དེ་བཞིན་འབྲས་བུ་འདིར་འོངས་སོ།། ལས་ཀྱི་ཞགས་པས་བཅིངས་གྱུར་ཅིང་།། ལས་ཀྱི་ཐག་པས་གནོད་པར་བྱས།། ལས་ཟད་མ་གྱུར་པར་དུ་ནི།། དཔུང་གཉེན་བྱེད་པ་མི་མཐོང་ངོ་།། སྐྱེ་བོ་ལས་ཀྱིས་ཁྲིད་བྱེད་ཅིང་།། ལས་ཀྱིས་ཡོངས་སུ་ཁྲིད་པར་བྱེད། ། གང་དུ་ལས་ནི་རྣམ་སྨིན་པ།། དེར་ནི་ལས་ཀྱིས་འཕེན་པར་བྱེད།། གནས་གསུམ་དུ་ནི་ལས་ཀྱིས་འཕངས།། འཁོར་ལོ་བཞིན་དུ་རྟག་ཏུ་འཁྱམ།། དེ་ལྟ་བས་ན་དགེ་བྱ་ཞིང་། ། སྡིག་པ་མི་ཕན་རྟག་ཏུ་སྤོངས།། སྡིག་པ་གང་དག་མི་འདོད་ཅིང་།། དེ་དག་མ་དང་འདྲ་བར་མཐོང་།། བཀྲེས་དང་སྐོམ་པའི་མེས་གདུངས་པ།། དེ་ནི་ཡི་དགས་གནས་སུ་ཁྲིད།། སྐོམ་པའི་སྡུག་བསྔལ་འབྱུང་བ་ནི།། ཡང་དང་ཡང་དུ་རབ་ཏུ་འཕེལ།། བདག་ནི་མེ་ཡི་འཕྲེང་བ་ཡིས།། མཆེད་པའི་རི་དང་འདྲ་བར་གྱུར།། རིལ་མེ་འབར་ཆུ་བོ་ཡི།། རྒྱུན་གྱིས་ཐམས་ཅད་གསོད་ནུས་ཀྱི། ། རྒྱ་མཚོའི་ཀླུང་གིས་བདག་གི་མེ།། འདི་ནི་བསད་པར་མི་ནུས་སོ།། ལས་ཀྱི་ཤིང་སྐམ་བྱུང་ནས་སུ།། སྲེད་པའི་རླུང་གིས་གྲོགས་བྱས་ཏེ།། བདག་ནི་ཀུན་ནས་ཡོངས་བསྐོར་ནས།། ལས་ཀྱི་མེ་ཡིས་ཤིན་ཏུ་བསྲེགས།། ཚུལ་ཁྲིམས་བརྩོན་འགྲུས་ཡེ་ཤེས་ཆུ།། སྦྱིན་པའི་སྣོད་ནི་རབ་བཟུང་ནས།། སྲིད་གསུམ་རྗེས་འགྲོ་ལས་ཀྱི་མི།། བདག་ཉིད་ཆེན་པོས་འཇིག་པར་བྱེད། གང་དག་ལས་ཀྱི་དབང་སོང་ཞིང་།། ལས་གསུམ་གྱིས་ནི་ཡོངས་སུ་བསྒྱུར།། གསུམ་ཉིད་ཀྱི་ནི་རྨོངས་པ་དག། དེ་ནི་གནས་གསུམ་རྒྱུ་བར་བྱེད།། ལས་དབང་སུམ་ཅུ་རྩ་དྲུག་དང་།། བཞི་བཅུར་སོང་ཞིང་རྣམ་པར་རྒྱུ།། དགུ་བཅུ་རྩ་བརྒྱད་མ་བཅོམ་པ།། ཁམས་གསུམ་དུ་ནི་དེ་འགྲོའོ།། གང་དག་བརྒྱ་རྩ་བརྒྱད་ཤེས་ཤིང་།། བཅུ་གཉིས་དོན་ལ་སེམས་པའོ།། ཆོས་དང་ཆོས་མིན་རྣམ་ཤེས་གང་། ། དེ་དག་བདེ་བ་མཐའ་ཡས་སོ།། མཚན་ཉིད་གཉིས་ཀྱིས་རྣམ་ཤེས་ཤིང་།། བརྒྱད་གཉིས་ཡོངས་སུ་ཤེས་པའོ།། བཅུ་དྲུག་སྐྱེ་བ་རིག་པ་གང་།། སྐྱེ་བོ་དེ་ནི་སྡིག་པ་བསྲེགས།། བརྟན་པོ་ལམ་གཉིས་ལྟ་བ་དང་།། གཞི་རྣམས་ཡོངས་སུ་མཐར་ཕྱིན་ཅིང་།། ཆུ་བོ་བཞི་ལས་རྣམ་གྲོལ་བ།། མཁས་པ་དེ་ནི་སྡིག་པ་བསྲེགས།། ལམ་བརྒྱད་དེ་ཉིད་འཇུག་རིག་ཅིང་།། སྟོབས་བཅུ་དག་ནི་མཐོང་བ་དང་། ། སྡུག་བསྔལ་གཉིས་ཀྱི་རྒྱུ་རིག་པ།། ཟད་པ་མེད་པའི་གནས་སུ་འགྲོ།། གང་དག་བདེན་གཉིས་ཕ་རོལ་ཕྱིན།། དྲན་པ་བཞི་ལ་རྣམ་པར་དཔྱོད།། བརྟན་པོ་དུག་གསུམ་དོན་སེམས་པ། ། དེ་ནི་བདུད་ཀྱི་དབང་མི་འགྲོ།། དཀར་པོའི་ཆོས་ནི་རྣམ་སྤངས་ཤིང་།། རང་གི་ལས་ཀྱི་འབྲས་བུས་རྨོངས།། དེ་ནི་བདག་གི་སྡིག་ལས་ཀྱིས།། ཡི་དགས་འཇིག་རྟེན་འདིར་ཕྱིན་ཏོ། ། དེ་ལྟར་ཡི་དགས་དེ་དག་གི་ནང་ནས་ཁ་ཅིག་སྔོན་དགེ་བའི་ལས་ཅུང་ཟད་བྱས་པས་ཤེས་རབ་ཤིན་ཏུ་རྣོ་བར་འགྱུར་ཏེ། དེ་ལ་དམིགས་པར་གྱུར་པའི་ཡི་དགས་དེ་དག་ལ་དེ་སྐད་རྗེས་སུ་བསྟན་ཏོ།། ། རྗེས་སུ་བསྟན་ནས་ཀྱང་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་རང་གི་སྡུག་བསྔལ་སོ་སོ་མྱོང་བར་བྱེད་དོ།། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་པའི་ལས་ཀྱིས་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པར་དེ་རི་དགས་ཀྱི་བརྟུལ་ཞུགས་དང་། རི་དགས་ཀྱི་རྗེས་སུ་འབྲང་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས། ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་ཡུལ་ན། ཡི་དགས་དུར་ཁྲོད་ན་འདུག་པ་ཞེས་བྱ་བ་ཇི་ལྟར་གནས་པ་མཐོང་ངོ་།། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སེམས་ཅན་སེར་སྣས་ཉམས་པ་གང་གིས་སངས་རྒྱས་ལ་གཞན་གྱིས་མེ་ཏོག་ཕུལ་བ་དག་དེས་བརྐུས་སོ།། བརྐུས་ནས་ཀྱང་ཁེ་འདོད་པའི་ཕྱིར་བཙོངས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ལུས་དཀྲེས་པ་དང་སྐོམ་པས་གདུངས་པ་ཡི་དགས་དུར་ཁྲོད་ན་འདུག་པ་རྣམས་ཀྱི་ནང་དུ་སྐྱེ་བར་འགྱུར་རོ།། དུར་ཁྲོད་ན་འདུག་པ་དེ་དག་གི་ཁ་ཟས་ནི་འདི་ལྟ་སྟེ། དུར་ཁྲོད་ཀྱི་ཕྱག་དར་གང་ཡང་རུང་བ་དུ་བའི་རྒྱུན་མེད་པ་དེ་ལ་དེ་དག་ཟླ་བ་གཅིག་གི་བར་དུ་ཟ་ཞིང་འདུག་ལ། དེ་ནས་ཁ་ཟས་མེད་པར་འཁོད་དོ།། རྟག་ཏུ་དེའི་མགོ་ལྕགས་ཀྱི་འཕྲེང་བ་རབ་ཏུ་འབར་བས་བཅིངས་ཤིང་། དེ་གང་དང་གང་དུ་སྐྱེས་པའི་ཀླད་པ་རབ་ཏུ་འཇུ་བར་བྱེད་ལ། མགོའི་ཐོད་པའང་སྲེག་པར་བྱེད་དོ།། ལྕགས་ལས་བྱས། པའི་འཕྲེང་བ་གཉིས་པས་ཀྱང་དེའི་མིད་པ་བཅིངས་ཤིང་། དེས་དེའི་མིད་པ་དང་བྲང་ཡང་སྲེག་སྟེ། གང་སངས་རྒྱས་ཀྱི་མེ་ཏོག་བརྐུས་པའི་རྒྱུ་དེས་ན་ཡན་ལག་དང་ཉིང་ལག་ཐམས་ཅད་ཀྱི་ནང་དུ་མེ་དེ་དག་སོང་ནས་སྲེག་པར་བྱེད་དོ། ། ལུས་ཀྱང་སྲིན་བུས་ཡོག་ཅིང་སྡུག་བསྔལ་མི་བཟད་པས་ཉམ་ཐག་ལ། སྲིན་བུ་གཞན་གང་ཞིག་དུར་ཁྲོད་དེར་འོངས་ནས། དེས་ཀྱང་དེ་དག་ཐོ་བ་དང་། རལ་གྲི་དང་། གཏུན་ཤིང་རྣམས་ཀྱིས་ཀུན་ནས་ཕྱེ་མར་རློག་གོ། ། དུ་སྐད་འབྱིན་ཅིང་སྨྲེ་སྔགས་འདོན་པ་ན། སྡུག་བསྔལ་གསུམ་གྱིས་ཉམ་ཐག་སྟེ། བཀྲེས་པ་དང་སྐོམ་པའི་སྡུག་བསྔལ་དང་། ལྕགས་ཀྱི་འཕྲེང་བའི་སྡུག་པ་སྦལ་དང་། གཞན་གྱིས་རལ་གྲི་དང་ཐོ་བས་བརྡེག་པའི་སྡུག་བསྩལ་ཏེ། དེ་ལྟར་དེ་དག་མོང་ཞིང་ཉེས་པར་བྱས་པའི་དེ་འབྲང་བར་བྱེད་ལ། སྨེ་སྔགས་འདོན་པ་ན། འདི་ལྟར་ཚོགས་སུ་བཅད་དེ་སྨྲས་པ། བཀྲེས་དང་སྐོམ་པའི་སྡུག་བསྔལ་དང་།། གཉིས་པ་མེ་ཡི་སྡུག་བསྔལ་བྱུང་།། གསུམ་པ་ཐོ་བ་རལ་གྲི་ཡི།། སྡུག་བསྔལ་དེ་ནི་བདག་གིས་མྱོང་།། རང་གི་སེམས་དང་ལས་ཀྱིས་སུ།། འདིར་ནི་བསླུས་ཤིང་ཡོངས་སུ་རྨོངས།། ཡི་དགས་གནས་སུ་སྐྱེས་གྱུར་ཅིང་།། མཛའ་བཤེས་གཉེན་དང་བྲལ་བར་གྱུར།། སྟོབས་དང་བྲལ་བའི་ལས་དག་གི། ཞགས་པ་ཡིས་ནི་ཁྲིད་པ་ན།། བཤེས་གཉེན་བུ་དང་ཆུང་མ་དང་། རྩ་ལག་གིས་ཀྱང་སྐྱོ་བ་མི་བྱེད།། ཇི་ལྟར་ལས་བཞིན་སྐྱོབ་གཞན་མེད།། རྣམ་པ་གསུམ་ནི་བདག་གིས་མྱོང་།། སྦྱིན་དང་ཚུལ་ཁྲིམས་ཐོས་དང་གཞན།། རྣམ། པ་གསུམ་ནི་ཡོངས་སུ་བསྒྲགས།། གཏི་མུག་དྲ་བས་བསྒྲིབས་པ་འདིར།། བདག་གིས་ངན་བྱས་གང་མ་བྱས།། མི་བཟང་རྒྱུར་ནི་གྱུར་པ་ཡི།། ལས་རྣམས་ཀྱི་ནི་འབྲས་བུ་འོངས།། ཤིན་ཏུ་མི་བཟད་ཡི་དགས་ཡུལ། ། སྡིག་ལས་གལ་ཏེ་བདག་གྲོལ་ན།། ཡང་དང་ཡང་དུ་སྡིག་པའི་ལས།། བདག་གིས་ནམས་ཀྱང་མི་བྱའོ།། དེ་ལྟར་དེ་ཡི་དགས་སྨྲེ་སྔགས་འདོན་པ་དེ་དག་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་སོ་སོ་ཡང་དག་པར་མྱོང་བར་འགྱུར་བ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེར་སྡུག་བསྔལ་ཆེན་པོ་དེས་གནོད་ཅིང་ཡིད་ལ་གཅགས་པར་འགྱུར་རོ། ། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་མི་རྣམས་དང་སོ་སོ་ཡང་དག་པར་མྱོང་བར་འགྱུར་བ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མི་དང་སྐལ་བ་མཉམ་པར་མི་རྣམས་ཀྱི་ནང་དུ་སྐྱེས་ན། ལས་དེ་དང་རྒྱུ་འཐུན་པར་དེ་གཏུམ་ཞིང་དུར་ཁྲོད་ཀྱི་གོས་ཀྱིས་འཚོ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་ཡུལ་ན། ཡི་དགས་ཤིང་གི་ནང་ན་གནས་པ་ཞེས་བྱ་བ་ཇི་ལྟར་འདུག་པ་མཐོང་ངོ་། ། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་དགེ་འདུན་གྱི་འཚོ་བའི་ཤིང་ལྗོན་པ་འམ། དེ་བཞིན་དུ་སྐྱེ་བོ་བཀྲེས་པ་དང་། སྐོམ་པ་དང་། ལུས་ངལ་བ་ཀུན་གྱི་འཚོ་བའི་དོན་དུ་རྫིང་བུ་དང་ཁྲོན་པ་བྱས་པ་དེ་དག་སེར་སྣས་ཉམས་པ་དེས་མ་རུང་བར་བྱས་སམ། ཤིང་སྐམ་འདོད། པའི་ཕྱིར་འདི་ལྟར་འདི་དག་ནི་བདག་གི་ཤིང་བྱའོ་སྙམ་ནས་གཅོད་པར་བྱེད་ཅིང་། དེ་དེ་བཞིན་དུ་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྷུང་བ་ཡི་དགས་ཤིང་གི་ནང་ན་འདུག་པར་འགྱུར། རོ།། དེར་སྐྱེས་ནས་ཀྱང་དེའི་ལས་ཀྱིས་ཤིང་གསེབ་ཏུ་སྐྱེས་པ་དེ་ཤིན་ཏུ་གྲང་བ་དང་ཚ་བས་གནོད་དེ། ཇི་ལྟར་སྲིན་བུ་ཤིང་སྐམ་གྱི་ནང་དུ་སྐྱེས་པ་ཐམས་ཅད་ནས་གནོད་པ་བཞིན་ནོ།། ཤིན་ཏུ་སྡུག་བསྔལ་གྱིས་ཉམ་ཐག་པ་དེ་གལ་ཏེ་བརྒྱ་ལ་སྡུག་བསྔལ་དེ་རྩེ་ཞིལ་བར་བྱེད་ན། དེ་ཤིང་སྐམ་གྱི་གསེ་པ་ན་སྲིན་བུ་མ་ཀོ་ཊ་ཀ་དང་། ཨ་ཤོ་ཏ་ར་རྣམས་ཀྱིས་ཟ་ཞིང་དེའི་ཟས་སུ་འགྱུར་རོ།། གང་ཁ། ཅིག་གིས་བསམས་ནས་གཏོར་མ་གཏོར་ན་དེས་དེའི་སྲོག་འཚོ་བར་བྱེད་དེ། ཡི་དགས་ཀྱི་ཡུལ་དེ་ན་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་སོ་སོ་ཡང་དག་པར་མྱོང་བར་འགྱུར་བ་བཅོམ་ཞིང་སྤངས་ལ་ཉམས་པར་མ་བྱས་པ་དེ་སྲིད་དུ་སྡུག་བསྔལ་རབ་ཏུ་མི་བཟད་པ་དེ་མྱོང་བར་འགྱུར་རོ། ། དེ་ཕྱིས་ཡི་དགས་ཀྱི་ཡུལ་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་པར་འགྱུར་བའི་ལས་ཀྱིས་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པར་དེ་ཚལ་དང་། ཙཱ་དང་། སྨན་དང་། ནགས་ཁྲོད་དང་། ཤིང་སྐམ་དང་། མེ་ཏོག་གིས་སྲོག་འཚེ་སྟེ། འཚོ་བ་གཞན་ལ་རག་ལས་ཤིང་ཤིན་ཏུ་སྡུག་བསྔལ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་ཡུལ་ན། ཡི་དགས་ལམ་གྱི་བཞི་མདོ་ན་གནས་པ་ཞེས་བྱ་བ་ཇི་ལྟར་འདུག་པ་མཐོང་ངོ་།། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། རྐུན་པོ་གཞན་ཡ་གནོད་པར་བྱ་བའི་བློ་དང་། སེར་སྣས་ཉམས་པ་གང་གིས་ཟས་དང་སྐོམ་པ་རྣོགས་ཤིང་། དེ་འགྲོན་པོ་དག་གི་ཟས་དང་སྐོམ་མ་བྱིན་ནས་དགོད་ལ། དེ་དག་ཀྱང་གནས་དེར་ཤིན་ཏུ་སྡུག་བསྔལ་བར་གྱུར་ནས། རྐུན་པོ་དེ་ལས་ཀྱི་མཐུ་དེས་ཤི་ནས་ལམ་གྱི་བཞི་མདོན་གནས་པའི་ཡི་དགས་སུ་འགྱུར་རོ།། ཕ་རོལ་གྱི་ཡིད་གཅུགས་པ་བཅོམ་པའི་ལས་དེའི་མཐུས་སོག་ལེ་དག་འབྱུང་བར་འགྱུར་ཏེ། དེ་དག་གིས་ཉིན་གཅིག་བཞིན་དུ་དེའི་ལུས་བཀྲེས་པ་དང་སྐོམ་པས་གདུངས་པ་དེ་རྣམ་པ་བཞིར་གཅོད་པར་བྱེད། གཤོག་པར་བྱེད། ཡན་ལག་རྣམས་གཏུབ་པར་བྱེད་དོ། ། གང་གི་ཚེ་སྐྱེ་བོ་དག་འཇིགས་པར་འགྱུར་བ་དེའི་ཚེ་བྱིས་པ་ཕལ་པ་བྱིས་པའི་རང་བཞིན་ཅན་ལས་དང་འབྲས་བུ་མངོན་པར་མི་ཤེས་ཤིང་འབྲས་བུ་དང་རྒྱུ་ངན་པ་ལ་ལྟ་བ་དེ་དག་དེའི་ཚེལམ་གྱི་བའི་མདོར་གཏོར་མ་འབོར་བར་བྱེད་དེ། འདི་ལྟར་འདིས་ནད་པའི་ནང་རབ་ཏུ་ཞི་པར་འགྱུར་རོ་སྙས་ནས། གཏོར་མ་ལམ་གྱི་བའི་མདོ་དག་ཏུ་འཐོར་བར་བྱེད་དོ།། དེ་དེས་དགའ་བར་འགྱུར་ཏེ། དེས་སྲོག་འཚོ་བར་འགྱུར་ཞིང་། དེས་གནས་པར་འགྱུར་ལ། དེས་སོ་སོར་སྟོན་པར་བྱེད་དེ། ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་སོ་སོ་ཡང་དག་པར་མྱོང་བར་འགྱུར་བ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡི་དགས་ཀྱི་ཡུལ་དེར་གནས་སོ། ། དེ་ཕྱིས་ཡི་དགས་ཀྱི་འཇིག་རྟེན་དེ་ལས་ཐར་པར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་པར་འགྱུར་བའི་ལས་དང་། མི་རྣམས་དང་སྐལ་བ་མཉམ་པར་སོ་སོ་ཡང་དག་པར་མྱོང་བར་འགྱུར་བའི་ལས་ཀྱིས་མིར་སྐྱེས་ན། ལས་དེ་དང་རྒྱ་འཐུན་པར་དེ་རིགས་ངན་པ་ཕྱུགས་གསོད་པར་བྱེད་པར་འགྱུག་པབ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་ཡི་དགས་ཀྱི་ཡུལ་ན། ཡི་དགས་བདུད་ཀྱི་རིས་ཞེས་བྱ་བ་ཇི་ལྟར་འདུག་པ་མཐོང་ངོ་།། དེ་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ལས་ངན་པས་འཚོ།། པགཡོས་གཞན་ལ་གནོད་པར་བྱེད་པ། རྒྱུ་ངན་པ་དང་ལྟ་བ་ངན་པའི་མཐའ་ལ་དེ་ཉིད་ཡིན་ནོ་བར་མངོན་པར་ཞེན་པ་གང་གིས་ལམ་བཟང་པོ་སུན་པར་བྱས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་དགས་བདུད་ཀྱི་རིས་རྣམས་ཀྱི་ནང་དུ་སྐྱེ་བར་འགྱུར་རོ། ། དེར་སྐྱེས་ནས་ཀྱང་རྟག་ཏུ་དགེ་སློང་བསམ་གཏན་གྱི་ཟས་ཀྱིས་གནས་པ་རྣམས་ཀྱི་སེམས་རྙོག་པ་ཅན་དུ་བྱེད། རྣམ་པར་འཚེ།། བར་བྱེད། སྤྲ་བོ་ཆེ་འདོན་པར་བྱེད། དེ་རྨི་ལམ་དུ་བགེགས་དག་བྱེད་དེ། དམ་པའི་ཆོས་ལ་སྡང་བ་ནི་བདུད་ཀྱི་དབང་དུ་འགྲོ་བར་འགྱུར་རོ།། དེ་ལྟར་ཡང་དག་པ་མ་ཡིན་པའི་ལམ་དུ་ཞུགས་པ་དེ་ནི། ཚེ་འདི་ལ་མྱོང་བར་འགྱུར་བ་ཡི་དགས་ཀྱི་ཡུལ་དུ་སྐྱེ་བར་འགྱུར་ཏེ། ཁ་ཟས་ནི་ལྕགས་ཀྱི་ཐུ་ལུམ་ཟ་བར་འགྱུར་རོ།། དེ་དེ་དག་གིས་སྲེག་ཅིང་ཤིན་ཏུ་སྡུག་བསྔལ་བ་མྱོང་བ་ན། ཤིན་ཏུ་སྡུག་བསྔལ་པ་དེ་ལས་སྐྱོ་བར་མི་བྱེད་དེ། དེ་དེ་ནས་ཤི་ནས་སེམས་ཅན་དམྱལ་བའི་ནང་དུ་སྐྱེ་བར་འགྱུར་རོ།། དེ་ནས་བསྐལ་པ་མང་པོ་ཞིག་གིས་མི་ལུས་ཐོབ་པར་འགྱུར་ཏེ། གལ་ཏེ་བསྐལ་པ་ཁྲི་འམ། གལ་ཏེ་བསྐལ་པ་ཉིས་ཁྲི་འཐོབ་ལ། དེ་ལྟར་ངེས་པར་ངན་སོང་གསུམ་རྣམས་སུ་འཚེད་དོ།། སྲེག་གོ།། ཟའོ།། གལ་ཏེ་ཡང་དེ་ནས་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པར་དེ་ལོང་བ་དང་། འོན་པ་དང་། ལྐུག་པ་དང་། དྲན་པ་ཉམས་པ་དང་། ནད་དུ་མས་ལུས་ཉམས་པ་དང་། ཤིན་ཏུ་དབུལ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་འདི་ལྟར་ཡི་དགས་ཀྱི་འཇིག་རྟེན་ལས་ཀྱི་འབྲས་བུ་རྣམ་པར་སྨིན་པའི་བྱེ་བྲག་གིས་ཡི་དགས་ཀྱི་འགྲོ་བ་རགས་པ་དེ་ཙམ་དག་ནི་མཐོང་ན་འཁོར་འབུམ་ཕྲག་དུ་མ་ནི་མ་མཐོང་སྟེ། གང་རྒྱ་མཚོའི་མཐའི་བར་རྣམས་དང་། གང་རྒྱ་མཚོའི་གླིང་རྣམས་དང་། གང་འཛམ་བུའི་གླིང་རྣམས་དང་། ནུབ་ཀྱི་བ་ལང་སྤྱོད་དང་། ཤར་གྱི་ལུས་འཕགས་དང་། བྱང་གི་སྒྲ་མི་སྙན་ལ་སོགས་པ་གླིང་ཆེན་པོ་རྣམས་ཀྱི་བར་ན་གནས་པ་དེ་དག་གི་མིང་གི་རྣམ་གྲངས་ཙམ་ཤེས་སོ།། སྲིན་པོ་དང་། ཤ་ཟ་དང་། གྲུལ་བུམ་དེ་དག་གི་ལས་ཀྱི་འབྲས་བུ་རྣམ་པར་སྨིན་པ་དག་ནི་ཤིན་ཏུ་ཕྲ་བར་ཤེས་བྱ་སྟེ། གང་ལས་གང་གིས་དེར་སྐྱེས། ཁ་ཟས་ནི་ཅི་ཟ། སྤྱོད་པ་ནི་ཅི་ཡིན། རྒྱུ་ནི་ཅི་ཞིག་ཡིན་སྙམ་མོ།། དེ་དག་གི་གནས་དང་སེམས་ནི་སྤྲེའུ་ལྟར་སྡོམ་པ་མེད་པར་རྣམ་པར་གཡོ་ལ། བ་ལང་གི་རྣ་བ་འགུལ་ཞིང་ལྡོག་པ་ཆུ་ཤིང་གི་ཚལ་དུ་ཞུགས་ན། རྣ་བ་ཤིན་ཏུ་འགུལ་བ་ལྟར་ནི་རབ་ཏུ་རྒྱུ། བུམ་པ་རྡོལ་བ་ལྟར་ཡུལ་ཐམས་ཅད་ལ་ནི་འཁྱམ། རླུང་ཆེན་པོས་རྡུལ་བསླང་བ་ལྟར་ཤིན་ཏུ་གཡོ་བར་ནི་བྱེད། སེང་གེ་དང་། སྟག་དང་། སྦྲུལ་གདུག་པ་དག་པས་ཀྱང་ཤིན་ཏུ་གདུལ་ནི་དཀའ། གང་གཡོས་པ་ནི་དེའི་ཕ་རོལ་ཏུ་འབྲས་བུ་དེ་དང་འཐུན་པར་འཐོབ་སྟེ། སེམས་ཅན་རྣམས་ཀྱི་སེམས་ཀུན་ནས་ཉོན་མོངས་པ་ལས་ནི་ཀུན་ནས་ཉོན་མོངས་ལ། སེམས་རྣམ་པར་བྱང་བ་ལས་ནི་རྣམ་པར་གྲོལ་བར་འགྱུར་ཏེ། ཤེས་པར་དཀའ་འོ།། སེམས་ནི་རྒྱལ་པོ་འདྲ་ལ། དབང་པོ་རྣམས་ནི་ཞབས་འབྲིང་བ་ལྟ་བུ་ཡིན་ཏེ། དེ་ལ་རག་ལས་པ་ནི་ལས་ཡིན་ལ། ལས་ལ་རག་ལས་པ་ནི་འབྲས་བུ་ཡིན། འབྲས་བུ་ལ་རག་ལས་པ་ནི་འགྲོ་བ་ལྔ་དག་ཡིན།། ནོ།། སེམས་ནི་འཁྲུལ་འཁོར་མཁན་པོ་འདྲ་ཞིང་། ལུས་ནི་འཁྲུལ་འཁོར་འདྲལ། དབང་པོ་རྣམས་དང་དབང་པོའི་དོན་སྐུད་པ་འདྲ་སྟེ། སེམས་མ་དུལ་བ་དེ་ནི་ངན་སོང་དུ་འགྲོ་ལ། ཤིན་ཏུ་དུལ་ཞིང་ལེགས་པར་ཡོངས་སུ་སྦྱང་བ་བྱས་པ་ནི་ལྷ་དང་མིའི་འགྲོ་བར་འགྲོ་བ་དང་། གཡོ་བ་མེད་པའི་གནས་མྱ་ངན་ལས་འདའ་བར་འགྲོའོ་སྙམ་སྟེ། དེ་ལྟར་དགེ་སློང་དེ་སེམས་ཀྱི་རྣམ་པ་ཤིན་ཏུ་ཕྲ་བ་ལ་རྣམ་པར་དཔྱོད་དོ། ། རྣམ་པར་དཔྱད་ནས་འཁོར་བ་རྣམས་ལ་ཤིན་ཏུ་སྐྱོ་བ་སྐྱེས་ཏེ། སེམས་ཅན་དམྱལ་བ་འཁོར་དང་བཅས་པ་དག་ལ་སྐྱོ་ལ། དེ་ལྟར་ཡང་ཡི་དགས་ཀྱི་འཇིག་རྟེན་དག་ལ་ལྷག་པར་ཤིན་ཏུ་སྐྱེ་སྟེ། སྡུག་བསྔལ་འཕགས་པའི་བདེན་པ་རྟོགས། སྡུག་བསྔལ་འཕགས་པའི་ལམ་རྟོགས་ཤིང་། ལམ་བཟང་པོ་དང་། ལམ་ལ་གནས་པ་རྟོགས་སོ།། ཡི་དགས་ཀྱི་ལེའུ་སྟེ་གཉིས་པ་རྫོགས་སོ། ། དེ་ནས་ཡང་རྣལ་འབྱོར་སྤྱོད་པ་ནང་གི་ཆོ་ས་ལ་ཆོས་ཀྱི་རྗེས་སུ་ལྟ་ཞིང་གནས་པ། འདི་ལྟར་དགེ་སློང་ལས་ཀྱི་འབྲས་བུའི་དེ་ཁོ་ན་ཉིད་མ་མཐོང་བ་དེས། སེམས་ཅན་དམྱལ་བ་འཁོར་དང་བཅས་པ་རྣམས་ལ་བརྟགས་ཤིང་། འགྲོ་བ་གཉིས་པ་ལའང་བརྟགས་ནས། འཁོར་བ་མི་བཟད་པ་ཡང་དག་པ་ཇི་ལྟ་བ་བཞིན་མཐོང་སྟེ། ཡིད་ལའང་འཇོག་པར་བྱེད་དོ།། འདི་ལྟར་དགེ་སློང་དེ་བདུད་ཀྱི་ཡུལ་ན་མི་གནས་ཤིང་། དེ་མྱ་ངན་ལས་འདས་པའི་མཐའ་ལ་གནས་ལ། དེའི་སྤྲོ་བ་མི་ལྡོག་སྟེ། འབྲས་བུར་གྱུར་པ། ས་གཞན་བཅོ་ལྔ་པ་ལ་ཞུགས་སོ། ། དེ་ཞུགས་པ་དང་། ས་བླའི་གནོད་སྦྱིན་དག་དགའ་ནས།། བར་སྣང་ལ་རྒྱུ་བའི་གནོད་སྦྱིན་རྣམས་ལ་བསྙད་དོ།། དེ་དག་གིས་ཀྱང་རྒྱལ་ཆེན་བཞི་རྣམས་ལའོ།། དེ་དག་གིས་ཀྱང་སུམ་ཅུ་རྩ་གསུམ་པ་རྣམས་ལའོ། ། སུམ་ཅུ་རྩ་གསུམ་པ་རྣམས་ཀྱིས་ཀྱང་འཐབ་བྲལ་བ་རྣམས་ལའོ།། འཐབ་བྲལ་བ་རྣམས་ཀྱིས་ཀྱང་དགའ་ལྡན་པ་རྣམས་ལའོ།། དགའ་ལྡན་པ་རྣམས་ཀྱིས་ཀྱང་འཕྲུལ་དགའ་བ་རྣམས་ལའོ། ། འཕྲུལ་དགའ་བ་རྣམས་ཀྱིས་ཀྱང་གཞན་འཕྲུལ་དབང་བྱེད་པ་རྣམས་ལའོ།། དེ་ལྟར་འདོད་པའི་ཁམས་ཀྱི་སྒྲ་དག་གཟུགས་ཀྱི་ཁམས་སུའང་གྲག་པ་ནས། ཚངས་རིས་ལ་སོགས་པའི་བར་དང་། འོད་གསལ་གྱི་བར་རྣམས་སུ་སྒྲ་གྲགས་ཏེ། འདི་ལྟར་ཀྱེ་ལྷ་དག་འཛམ་བུ་གླིང་དུ་རིགས་ཀྱི་བུ་རིགས་ཆེ་གེ་མོ་ཞིག་དང་། གྲོང་མང་གེ་མོ་ཞིག་དང་། གྲོང་ཁྱེར་ཀ་གེ་མོ་ཞིག་དང་། གྲོང་རྡལ་ཆེ་གེ་མོ་ཞིག་དང་། ཡུལ་མང་གེ་མོ་ཞིག་ན། མིང་ག་གེ་མོ་ཞིག་ཅེས་བྱ་བ་སྐྲ་དང་ཁ་སྤུ་བྲེགས་ནས། གོས་ངུར་སྨྲིག་བགོས་ཏེ། དད་པས་ཁྱིམ་ནས་ཁྱིམ་མྱེད་པར་རབ་ཏུ་བྱུང་ངོ་། ། དེ་བདུད་ཀྱི་གཞི་དང་ལྷན་ཅིག་གནས་པར་མི་འདོད་ལ། དེའི་ཡུལ་གྱི་དངོས་པོའང་མི་འདོད་ཀྱི། བདུད་ཀྱི་སྡེ་ནི་འཇོམ་པར་བྱེད། བདུད་ཀྱི་གཡོག་ནི་འཇིག་པར་བྱེད། ཉོན་མོངས་། བ་མན་གོན་རྒྱགསོ་པར་། དམ་པམ་ཚག་ཀྱི་ལམ་དུ་ནི་འཇུག་པར་བྱེད། ན་འ་ནས་ཏུ་འབྱུང་བར་འགྱུརཏེ། དུསྦྱར་ཀྵཞན་བཙ་པ་ས་རྣགས་སོ།། དེས་བྱོས་ནས་འོད་མྦྷཿ། ལྷ་རྣམས་དགའ་སྟེ། ལྷ་གཞན་དག་ལ་སྤྲས་པ། འདི་ལྟར་ཀྱེ་ལྷ་དག་བདག་ཅག་ནི་མཆོག་ཏུ་དགའ་སྟེ། གང་བདུད་ཀྱི་ཕྱོགས་ནི་དམའ་འོ།། དམ་པའི་ཆོས་ཀྱི་ཕྱོགས་ནི་མངོན་པར་མཐོའོ།། བདུད་ཀྱི་འཁོར་ནི་ཡོངས་སུ་ཉམས་སོ།། དམ་པའི་ཆོས་ཀྱི་ཆུ་བོ་ནི་རབ་ཏུ་འབབ་བོ།། མུ་སྟེགས་ཀྱི་མཚོ་ནི་རྣམ་པར་བསྐམས་སོ།། འདོད་ཆགས་དང་། ཞེ་སྡང་དང་། གཏི་མུག་རྣམས་ནི་རབ་ཏུ་རྩེ་ཞལ་ལོ། ། ཆོས་མ་ཡིན་པའི་ཕྱོགས་ནི་ཞིག་གོ།། དམ་པའི་ཆོས་ཀྱི་ཕྱོགས་ནི་རབ་ཏུ་འཕེལ་ལོ།། འཁོར་བ་ནི་འཇིག་སྟེ། ཀྱེ་དེ་དག་བདག་ཅག་གིས་ཐོས་ནས་མཆོག་ཏུ་དགའ་འོ།། དེ་ལྟར་དམ་པའི་ཆོས་ཀྱི་སྒྲ་འོད་གསལ་གྱི་ལྷའི་རིས་ཀྱི་བར་དུ་གཅིག་ནས་གཅིག་ཏུ་གྲགས་ཏེ། དགེ་སློང་དེ་བརྩོན་འགྲུས་ནི་བརྩམས། སེམས་ནི་དགེ་ཞིང་མི་གཡོ་ལ་བརྟན། གཡོ་མེད་ཅིང་དྲང་པོའི་རང་བཞིན་ཅན་ཡིན་ཏེ། དེ་ལྟར་དེའི་དགེ་བའི་སྒྲ་མྱ་ངན་ལས་འདས་པའི་གྲོང་ཁྱེར་གྱི་སྔོན་དུ་འདྲེན་པར་གྲགས་སོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བའི་ལས་ཀྱི་ཆོས་ཀྱི་རྣམ་པར་སྨིན་པ་ཡང་དག་པ་ཇི་ལྟ་བ་བཞིན་ཤེས་ཤིང་། སེམས་ཅན་དམྱལ་བ་པ་རྣམས་ཀྱིས་འཁོར་བརྒྱ་སུམ་བརྒྱ་རྩ་དྲུག་གི་ཚེ་རིང་བ་དང་། ཚེ་ལྷག་པའི་ཚད་དང་བཅས་པ་དེའང་ཡང་དག་པ་ཇི་ལྟ་བ་བཞིན་ཤེས་ནས། འགྲོ་བ་གཉིས་པ་ལའང་རྟོག་པར་བྱེད་དེ། ཡི་དགས་རྣམ་པ་མང་དུ་ཡོད་པའང་མདོར་བསྡུ་ན་རྣམ་པ་སུམ་ཅུ་རྩ་དྲུག་ཡོད་པ་ལ་རྟོག་པར་བྱེད་དོ། ། རིམ་པར་འཁོད་པ་དེ་དག་གི་དེ་ཁོ་ན་ཉིད་ལ་རྟོག་སྟེ། དེས་ཐོས་པ་ལས་བྱུང་བའི་ཤེས་པས་དུད་འགྲོའི་རྣམ་པ་དབྱེ་བ་སུམ་ཅུ་རྩ་བཞི་མཐོང་ནས་འདི་ལྟར་འགྲོ་བ་ལྔ་དག་ནི། སེམས་ཀྱི་ཁ་ན་ལས་ཤིང་རག་ལུས་པ་ཡིན་ལ། ཕལ་ཆེར་ཀུན་ཀྱང་ཆ་བྱད་དང་། གཟུགས་དང་། འགྲོ་བ་དང་། ཁ་ཟས་སྣ་ཚོགས་འཆང་བ། འཐུན་པ་དང་མི་མཐུན་པ་དང་། སྡང་བ་དང་། མི་སྡང་བ་དང་། ཤེས་པ་དང་། མི་ཤེས་པ་དང་། ལྷན་ཅིག་སྤྱོད་པ་དང་། ལྷན་ཅིག་མི་སྤྱོད་པའི་རིགས་ཅན་དག་ཡིན་ནོ།། དེ་དག་གི་ནང་ནས་འདབ་མ་ཡོད་པར་གྱུར་པ་འདི་ལྟ་སྟེ། རི་དགས་ཀྱི་ཚོགས་དང་། བྱའི་ཚོགས་བྱ་རོག་དང་། དང་པ་ལ་སོགས་པ་ཡིན་ཏེ། འཐུན་པ་དང་མི་མཐུན་པར་གྱུར་པ་དག་ནི། འདི་ལྟར་ཝ་དང་ཁྱི་ལྟ་དུ་སྟེ། དེ་ལ་སོགས་པའོ།། སྡང་བ་དང་། མི་སྡང་བ་དག་ནི་འདི་ལྟ་སྟེ། བྱ་རོག་དང་། འུག་པ་དང་། རྟ་དང་། མ་ཧེ་དང་། སྦྲུལ་དང་། ནེའུ་ལེ་ལ་སོགས་པ་ལྟ་བུ་དག་གོ། དེ་ལ་སྲོག་ཆགས་དག་ལས་གང་གིས་ཆ་བྱད་དང་། གཟུགས་དང་། འགྲོ་བ་དང་། ཁ་ཟས་སྣ་ཚོགས་སུ་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་སྲོག་ཆགས་དག་སེམས་སྣ་ཚོགས་དང་སྲོག་ཆགས་དག་རག་ལས་པ་དང་། ལས་རྣམ་པ་སྣ་ཚོགས་བྱེད་དེ། དེ་དག་གི་འགྲོ་བ་རྣམ་པ་སྣ་ཚོགས་སུ་འགྱུར་ཞིང་། ཁ་ཟས་རྣམ་པ་སྣ་ཚོགས་སུ་འགྱུར་རོ།། དེ་ལ་གང་འཐུན་པ་དང་མི་མཐུན་པའི་རྒྱུ་གང་ཡིན་སྙམ་ནས། དེ་དག་གིས་ལས་ལ་རྣམ་པར་དཔྱོད་དེ། དེསུ་ཐོས་པ་ལས་བྱུང་བའི་ཤེས་པས་བརྟགས་ན། མིར་གྱུར་པ་གང་གིས་ལྟ་བ་ལོག་པའི་བསྟན་བཅོས་བརྗོད་ལ། མཁས་པ་ང་རྒྱལ་ཅན་གཉིས་པས་ཀྱང་བསྟན་བཅོས་ངན་པ་གཉིས་པ་བརྗོངས་དེ་ཉིད་ཀྱི་ཐོས་པ་དེ་དོན་མེད་པ་དང་། བདེ་བ་མ་ཡིན་པ་དང་། བདེ་འགྲོར་འགྲོ་བ་མ་ཡིན་ཏེ། བསྟན་བཅོས་ངན་དང་། རྒྱུ་ངན་པ་དང་། ལྟ་བ་ངན་པའི་མཐའ་དེ་གཉིས་ཀྱིས་ཕན་ཚུན་དགའ་བར་བྱེད་ན། དེ་གཉིས་ཤི་ནས་སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་རོ།། གལ་ཏེ་དུད་འགྲོ་རྣམས་ཀྱི་ནང་དུ་སྐྱེས་ན། དེའི་ཚེ་འཐུན་པ་དང་མི་མཐུན་པའི་རྒྱུས་ཕན་ཚུན་རབ་ཏུ་སྣང་བར་འགྱུར་ཏེ། འདི་ལྟ་སྟེ། སྦྲུལ་དང་། ནེའུ་ལེ་དང་། རྟ་དང་། མ་ཧེ་དང་། བྱ་རོབ་དང་། བདག་ལྟ་བུའོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་དུད་འགྲོའི་འཇིག་རྟེན་ལ་རྟོག་པར་བྱེད་དེ། རྒྱུ་གང་དང་ལས་གང་གིས་དུད་འགྲོ་དག་ལྷན་ཅིག་སྤྱོད་པའི་གྲོགས་སུ་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འཁོར་བ་ལ་མངོན་པར་ཆགས་པའི་སྦྱིན་བདག་གང་གིས་འདི་ལྟར་ལས་འདིས་ནི་བདག་དུད་འགྲོའི་སྐྱེ་གནས་གཞན་དག་ཏུ་སྐྱེས་ནའང་། ཁྱོད་བདག་གི་ཁྱིམ་ཐབ་ཏུ་འགྱུར་ཞིང་། བདག་ཀྱང་ཁྱོད་ཀྱི་ཆུང་མར་གྱུར་ཅིག་སྙམ་ནས། སྦྱིན་པ་བྱིན་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་དུད་འགྲོ་བདེ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། འདི་ལྟ་སྟེ། ཤང་ཤང་ཏེའུ་དང་། ཐི་བ་དང་། ངུར་པ་དེ་དག་ལས་ཡོངས་སུ་བྱས་པའི་རྒྱུས་འཁྲིག་པ་ལ་དགའ་བ་ཡིན་ནོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཝ་ལ་སོགས་པའི་མི་མཐུན་པ་ལ་རྟོག་པར་བྱེད་དེ། དེ་དག་ལས་གང་གིས་ཝ་དང་ཁྱི་དག་ཏུ་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་མཁས་པ་དང་། སྡོམ་པ་དང་ལྡན་པ་རྣམས་ཀྱི་ཁ་ཟས་ཞིམ་པོ་ཕྲོགས་ཤིང་དུས་རྟག་ཏུ་འདོད་པར་སེམས་ལ་བརྣབ་སེམས་ཀྱི་ཤས་ཆེ་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་ཏེ། ཝ་དག་དང་འཐབ་འདོད་ཅིང་ཕན་ཚུན་རབ་ཏུ་རྩོད་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་རི་དགས་རྣམས་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སྔོན་མིར་འགྱུར་བ། དུང་དང་རྔ་སྨྲ་དག་གིས་སྤུངས་བྱེད་པ་གང་གིས་གྲོང་དང་གྲོང་ཁྱེར་དང་། ཚོང་རྡལ་བ་དག་བསྐྲད་ཅིང་སྒྲ་དེས་ཕ་རོལ་དག་ལ་འཇིགས་པ་བསྐྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བར་སྐྱེ་བར་འགྱུར་རོ།། དེ་ནས་ཐར་ནས་རི་དགས་རྣམས་ཀྱི་ནང་དུ་སྐྱེ་བར་འགྱུར་ཏེ། ལས་དེའི་མཐུས་སེམས་རྟག་ཏུ་སྐྲག་པར་འགྱུར་ཞིང་། ཇི་ལྟར་གྲོང་དང་། གྲོང་ཁྱེར་དང་། ཚོང་རྡལ་བ་དག་བསྐྲད་ནས། དགོན་པར་བྱས་པ་དེ་བཞིན་དུ། དགོན་པར་གནས་པ་འམ། ནགས་ཚལ་གྱི་ནང་དུ་གནས་པར་འགྱུར་རོ།། དེ་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པར་དེ་རྟག་ཏུ་སེམས་སྐྲག་པར་འགྱུར། སེམས་ཤིན་ཏུ་ཞན་པ་དང་། སེམས་རྨོངས་པར་འགྱུར་རོ།། དེས་ཕྱོགས་ཙམ་དུད་འགྲོའི་འཇིག་རྟེན་ལ་རྟོག་པར་བྱེད། དྲ་བ་མང་པོའི་དུད་འགྲོར་འགྱུར་ལ། དེ་ལྟར་ལྷག་མའང་ལས་ཀྱི་མཐུས་ཕན་ཚུན་མི་མཐུན་པར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་དུད་འགྲོའི་འཇིག་རྟེན་ལ་རྟོག་པར་བྱེད་དེ། རྫུས་ཏེ་སྐྱེས་པ་དེ། དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། མིར་གྱུར་པ་ཆགས་པ་གང་གིས་ཟབ་པར་བྱ་བའི་ཕྱིར་སྲིན་བུ་རྣམས་ཆུའི་ནང་དུ་སྐོལ་བར་བྱེད་དོ།། དེ་དག་བསྐོལ་བ་ན་རྫུས་ཏེ་སྐྱེ་བའི་སྲིན་བུ་གཙུག་ཅེས་བྱ་བའི་ཚོགས་དུ་མ་དག་སྐྱེ་བར་འགྱུར་ཏེ། ཕྲ་མོ་དེ་དག་མཆོད་སྦྱིན་བྱེད་པས། མཆོད་སྦྱིན་བྱ་བའི་ཕྱིར་མེར་སྲེག་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་པ་སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་རོ། ། དེ་ནས་ཐར་ནས་དུད་འགྲོ་རྫུས་ཏེ་སྐྱེ་བ་དར་གྱི་སྲིན་བུ་ལ་སོགས་པ་རྣམ་པ་དུ་མ་སྐྱེ་བར་འགྱུར་བ་མཐོང་ངོ་།། ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་དུད་འགྲོའི་འཇིག་རྟེན་ལ་རྟོག་པར་བྱེད་དེ། དུད་འགྲོ་དྲོད་གཤེར་ལས་སྐྱེས་པ་དེ་དག་ལས་གང་གིས་སྐྱེ་བར། འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། མི་ངན་པ་ལྟ་བ་ལོག་པ་གང་གིས་ནོར་རྫས་འདོད་པའི་ཕྱིར་ཉ་དང་། རུས་སྦལ་དང་། སྲོག་ཆགས་རྒྱུན་དུ་གསོད་པ་དག་ས་བརྐོས་ནས་འཇུག་གམ། དེ་བཞིན་དུ་སྲམ་དང་བཅས་པ་གཞན་དག་ཀྱང་ས་བརྐོས་ནས་འཇུག་ཅིང་། དེར་སྲིན་བུ་དྲོད་གཤེར་ལས་སྐྱེ་བ་རྣམས་སུ་སྐྱེ་ལ། དེ་དག་མི་ངན་པ་དེས་མཆོད་སྦྱིན་གྱི་ཕྱིར་རམ། ནོར་རྫས་འདོད་པའི་ཕྱིར་གསོད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་རོ།། དེ་ནས་ཐར་ནས་སྲིན་བུ་དྲོད་གཤེར་ལས་སྐྱེ་བ་སྦྲང་བུ་དང་ཤིག་ལ་སོགས་པའི་ནང་དུ་སྐྱེ་བར་འགྱུར་རོ། ། སྐྱེ་གནས་གཉིས་པ་ལ་ཡང་དག་པ་གཞན་མ་ཡིན་པའི་ལམ་གྱིས་ལྟ་བ་དང་། བློ་གྲོས་གཞན་མ་ཡིན་པ་ཁོང་དུ་ཆུད་པ་ཤིན་ཏུ་ཞི་བ་མོས་སོ་སོར་རྟོག་པར་བྱེད་དོ། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་དུད་འགྲོའི་འཇིག་རྟེན་ལ་རྟོག་པར་བྱེད་དེ། ལས་གང་གིས་དུད་འགྲོ་སྒོ་ང་ལས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་ལ་ལ་འཇིག་རྟེན་པའི་བསམ་གཏན་ཐོབ་པས་འདོད་ཆགས་དང་། ཞེ་སྡང་དང་། གཏི་མུག་རབ་ཏུ་ཞི་བ་ལས། གལ་ཏེ་རྐྱེན་ཞིག་གིས་ཞེ་སྡང་སྐྱེས་ལ། དེ་ཡིད་ཀྱིས་ཉེས་པས་ཡུལ་འཇིག་པར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་རོ།། དེ་ནས་ཐར་ནས་ཀྱང་དུད་འགྲོ་སྒོ་ང་ལས་སྐྱེ་བར་བྱ་རྒོད་དང་ཁྭ་ལ་སོགས་པ་རྣམས་ཀྱི་ནང་དུ་སྐྱེ་བར་འགྱུར་རོ། ། དེ་ནས་ཐར་ནས་ཀྱང་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྟག་ཏུ་ཁྲོ་ཞིང་འཇིག་པར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་དུད་འགྲོའི་འཇིག་རྟེན་ལ་རྟོག་པར་བྱེད་དེ། ལས་གང་གིས་དུད་འགྲོ་མངལ་ནས་སྐྱེ་བའི་ནང་དུ་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདོད་ཆགས་ལ་ཞེན་པ་གང་གིས་གསེབ་རྒོད་མ་ལ་གཏོང་བ་དང་། གླང་ཁྱུ་བ་ལ་གཏོང་བ་དང་། ནགས་ཚལ་ལ་མེ་གཏོང་བ་དང་། མི་སྦྱར་པོ་འོས་མ་ཡིན་པ་ལ་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བའི་ནང་དུ་སྐྱེ་བར་འགྱུར་རོ།། དེ་ནས་ཐར་ནས་ཀྱང་དུད་འགྲོ་མངལ་ནས་སྐྱེས་པ་རྣམས་ཀྱི་ནང་དུ་སྐྱེ་བར་འགྱུར་རོ། ། དེ་ནས་ཐར་ནས་ཀྱང་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པར་དེ་འགྲོ་བ་གསུམ་པར་སྐྱེ་བར་འགྱུར་བ་མཐོང་ངོ་།། དེ་ལྟར་དགེ་སློང་དེས་དུད་འགྲོ་རྣམ་པ་བཅུ་གཅིག་ལ་བརྟགས་ན། དེ་ནས་ཡང་ཟས་རྣམ་པ་བཞི་ཁམ་གྱི་ཟས་དང་། ཡིད་ལ་སེམས་པ་དང་། རེག་པ་དང་། དགའ་བ་རྣམས་ལ་རྟོག་པར་བྱེད་ཅིང་། ཟས་རྣམ་བཞིའི་འབྲས་བུ་རྣམ་པར་སྨིན་པ་ལ་རྗེས་སུ་སེམས་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་ཚུལ་ངན་པ་དང་ལྡན་པ་ཆོམ་རྐུན་པ་དག་ལ་ཁམ་གྱི་ཟས་བྱིན་ཏེ། འདི།། ལྟར་འདི་ཟོ་ལ་བདག་གི་དགྲ་གསོད་ཅིག་ཅེས་བྱས་པ་དང་། ཁ་ཟས་ཡས་རྐམ་པས་ཉམས་པ་དེ་དག་གིས་ཀྱང་དེ་བཞིན་དུ་དེ་སྲོག་བཅད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་ངའི་ནང་དུ་སྐྱེ་བར་འགྱུར་རོ། ། དེ་ནས་ཐར་ནས་ཀྱང་ལས་དེའི་མཐུས་དུད་འགྲོ་ཁམ་གྱི་ཟས་ཟ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། འདི་ལྟ་སྟེ། བ་ལང་དང་། མ་ཧེ་དང་། བོང་བུ་དང་། ཕག་དང་། ཁྱི་དང་། ཝ་དང་། རྔ་མོ་དང་། བལ་གླང་དང་། རྟ་དང་། ལུག་དང་། རི་དགས་དང་། ར་དང་། སྲོག་ཆགས་སྲི་མར་དང་། ཁཱ་དང་། བྱ་རྒོད་དང་། ངང་བ་དང་། སྲོག་ཆགས་ཏི་ཏི་བྷ་དང་། སྐྱར་མོ་དང་སྲོག་ཆགས་རཱ་མ་དང་། དགོ་བ་དང་། སྲོག་ཆགས་ཀུ་རང་ག་དང་། རི་དགས་མོ་དང་། སྲོག་ཆགས་ཀ་དམ་བྷ་དང་། ནོར་བུའི་མཆུ་དང་། ཤང་ཤང་ཏེའུ་དང་། སྦྲུལ་དག་གནས་ཚེར་མ་ཅན་དང་ངམ་གྲོག་ལ་སོགས་པ་མཐའ་ཡས་པ་རྣམས་སུ་སྐྱེ་བར་འགྱུར་རོ། ། ཕྱོགས་དག་ལའང་རབ་ཏུ་དཔྱོད་པར་བྱེད་ཅིང་། རེག་པའི་ཟས་ལའང་རྗེས་སུ་སེམས་པར་བྱེད་དེ། སྒོ་ང་ལས་སྐྱེ་བ། སྒོ་ང་ལས་སྐྱེ་བར་གཏོགས་ཤིང་བྱུང་བ་དག་ནི་འདི་ལྟ་སྟེ། བྱ་དང་། ཆུ་ན་གནས་པ་དང་། ཤུག་ཏུ་འབྲེལ་བ་དང་། རྒྱ་མཚོའི་འགྲམ་ནས་སྐྱེ་བ་དང་། རྒྱ་མཚོར་སྐྱེས་པ་དང་། ཀླུ་དང་། སྦྲུལ་དང་། ཁུང་ན་གནས་པ་ལ་སོགས་པ་དེ་དག་ལས་གང་གིས་རེག་པའི་ཁ་ཟས་ཟ་བར་འགྱུར་ཞིག་གུ་སྙམ་ནས། དགེ་སློང་དེ་རྣམ་པར་དཔྱོད་པར་བྱེད་དོ།། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་ཕ་རོལ་དག་ལ་སྦྱིན་པ་བྱིན་ནོ་སྙམ་དུ་བསམ་ལ་མ་སྨྲས་པར་ཡིད་ཀྱིས་བྱིན་ཏེ། དེ་འཆི་བའི་དུས་བྱས་ནས། དེ་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་དུད་འགྲོ་རྣམས་ཀྱི་ནང་དུ་སྐྱེས་ན། བསམ་པ་འབའ་ཞིག་གི་ལས་དེ་ཉིད་ཀྱི་མཐུས་དེ་རེག་པའི་ཟས་དེ་ཟ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་དུད་འགྲོའི་འཇིག་རྟེན་ལ་རྟོག་པར་བྱེད་དེ། ཟས་གསུམ་པ་ཡིད་ལ་སེམས་པ་ཞེས་བྱ་བ་དེས་སེམས་ཅན་དེ་དག་ཇི་ལྟར་བདག་ཉིད་འཚོ་བར་བྱེད་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་སྒོ་ང་ལས་སྐྱེ་བ་ཉ་དང་། ཆུ་སྲིན་མ་ཀ་ར་དང་། ཀུམ་བྷི་ར་དང་། ན་ཀྲ་དང་། ཉྲ་ཕྱིས་དང་། དུང་ལ་སོགས་པ་སྒོ་ང་ལས་སྐྱེ་བ་སྐྱེས་པ་རྣམས་ཡིད་ལ་སེམས་པའི་ཟས་དེས་འཚོ་བར་བྱེད་དོ། ། གལ་ཏེ་མ་འམ། གལ་ཏེ་ཕས་རང་གི་བུ་དྲན་ན། དྲན་པ་དེས་ཚིམ་པར་བྱེད་དེ། དེ་ནས་ཡང་འཕེལ་བར་བྱེད་ཅིང་འཚོ་བར་བྱེད་ལ་ཁ་ཟས་ཀྱི་བྱ་ངའང་བྱེད་དོ།། དེ་ལས་གང་གིས་སྐྱེ་བར་འགྱུར་སྙམ་ནས། དགེ་སློང་དེ་རབ་ཏུ་དཔྱོད་དེ། དེས་ཐོས་པ་ལས་བྱུང་བའི་ཤེས་པས་བརྟགས་ན། བློ་ཞན་ཅིང་ལས་དང་འབྲས་བུ་དག་མངོན་པར་མི་ཤེས་པ་གང་གིས་གཞན་དག་ལ་འདི་ལྟར་ངས་ཁྱོད་ལ་ཟླ་བ་ཕྱེད་དམ་ཟླ་བ་གཅིག་ན། ནོར་རྫས་ཀྱི་རྣམ་པ་འམ། ཁ་ཟས་ཀྱི་རྣམ་པ་འམ། ནོར་གྱི་དབྱིག་གི་རྣམ་པ་ཅུང་ཟད་སྦྱིན་ནོ་ཞེས་ཁས་བླངས་ལ། དེའི་ཚིག་དེ་དབུལ་པོ་དེས་ཐོས་ནས་དགའ་བར་འགྱུར་ཏེ། འདི་ལྟར་སྦྱིན་པ་དག་འདིས་བདག་དབུལ་པོ་ལ་ལས་བླངས་པ་དེ་བདག་ལ་སྦྱིན་པར་བྱེད་དོ་སྙམ་ནས། དེ་ཡིད་མཆོག་ཏུ་དཀར་ནས། དེ་བཞིན་དུ་ཟླ་བ་ཕྱེད་དམ། ཟླ་བ་གཅིག་གི་དུས་སུ་དེ་འོངས་ནས། དེའི་དྲུང་དུ་ཕྱིན་པ་དང་མི་ངན་པ་དེས་ཁ་སྟོངས་པར་བྱས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་དགའ་བ་དང་། དགའ་བ་མེད་པའི་ནང་དུ་སྐྱེ་བར་འགྱུར་རོ།། དེ་ནས་ཐར་ནས་ཀྱང་གལ་ཏེ་དུད་འགྲོ་རྣམས་ཀྱི་ནང་དུ་སྐྱེས་ན། འདི་ལྟར་དེས་དེ་ལ་བརྫུན་བྱས་ནས་ཡིད་དགའ་བར་བྱས་པ་དེའི་མཐུས་དེ་ཡིད་ལ་སེམས་པའི་ཟས་འཐོབ་པར་འགྱུར་རོ། ། གལ་ཏེ་མི་རྣམས་ཀྱི་ནང་དུ་སྐྱེས་ན། ལས་དེ་དང་རྒྱུ་འཐུན་པར་དེ་དེའི་བྲན་ཉིད་དུ་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་དུད་འགྲོའི་འཇིག་རྟེན་ན་ཁ་ཟས་བཞི་པ་དགའ་བ་ཞེས་བྱ་བ་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་འདི་ལྟར་དུད་འགྲོའི་ཡུལ་ན་དུད་འགྲོ་ཀུན་ནས་ཉོན་མོངས་པ་ཅན་གྱི་དགའ་བའི་ཟས་ཀྱིས་འཚོ་བ་ཡོད་དེ། ནགས་ཁུང་ན་སྦྲུལ་པོ་ཆེ་ཨ་ཛ་ག་ར་ཞེས་པ་དགའ་བའི་ཟས་དང་ཆུང་ཟ་ཞིང་འཚོ་བ་དང་། སྲོག་ཆགས་ག་ལ་གོ་ལི་ཀ་དང་། རི་ཞོལ་གནས་ཞེས་བྱ་བ་ལ་སོགས་པ་དང་། གཞན་ཡང་ཡོད་དེ། དེ་ལ་འོད་གསལ་གྱི་ལྷ་རྣམས་ཀྱི་དགའ་བའི་ཟས་ནི། གནོད་སེམས་མེད་པའི་དགའ་བའི་ཟས་ཀྱིས་འཚོ་བ་ཡིན་གྱི། དུད་འགྲོའི་དགའ་བའི་ཟས་ནི་ཁོན་གྱི་ལྟ་བ་དང་། ཁོ་ན་དམ་དུ་འཛིན་པའི་སེམས་དང་ལྡན་པ་ཡིན་ན། དེ་དག་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཞེ་སྡང་གི་ཤས་ཆེ་བ་འམ། ཞེ་སྡང་གི་རང་བཞིན་ཅན་གང་ཡིན་པ་སྟེ། ཁོན་གྱི་རྒྱུ་དང་འཐུན་པ་དང་། གཏི་མུག་གི་ཤས་ཆེ་བ་དེས་སྲོག་གཅོད་པ་བྱས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བའི་སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་རོ། ། དེ་ཁོ་ན་དང་དགའ་བའི་གཞི་ཡོད་པ་དེས་དུད་འགྲོ་རྣམས་ཀྱི་ནང་དུ་སྐྱེས་ན་དགའ་བའི་ཟས་དང་། རླུང་ཟ་བར་འགྱུར་རོ།། དེ་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པར་དེ་རྟག་པར་གློ་བུར་དུ་ཕ་རོལ་དང་ལྷན་ཅིག་རྒྱུ་མེད་པར་འཐབ་པ་དང་འབྲེལ་བར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་རྣམ་པ་གཞན་གྱིས་དུད་འགྲོའི་འཇིག་རྟེན་མཐའ་ཡས་པ་ལ་རྟོག་པར་བྱེད་དེ། ཡང་ཆུའི་ནང་ན་རྒྱུ་བ་དག་ཇི་ལྟར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་བློ་ཞན་ཅིང་རྣམ་པར་ཤེས་པ་ཞན་ལ་ཤེས་པ་ཞན་པ་སྐོམ་གྱིས་གདུངས་བཞིན་དུ་འཆི་བའི་དུས་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཆུའི་ནང་ན་རྒྱུ་བར་འགྱུར་རོ།། དེ་བཞིན་དུ་ཉའི་སྐྱེ་གནས་རྣམ་པ་སྣ་ཚོགས་ཀྱི་ནང་ན་གཅིག་པུ་སྐྱེ་བར་འགྱུར་རོ། ། དེ་སྐོམ་གྱིས་གདུངས་ནས་སྲིད་པ་བར་མ་ལ་ཆུ་དེ་མཐོང་བར་འགྱུར་ཏེ། དོན་དུ་གཉེར་བས་དེས་ད་ནི་བདག་འདིར་སྐྱེ་བར་འགྱུར་རོ་སྙམ་ནས། སེམས་བསྐྱེད་མ་ཐག་ཏུ་དེ་ཉིད་དུ་སྐྱེ་བར་འགྱུར་ཏེ། སྲིད་པ་ནི་རྒྱུ་དང་རྐྱེན་གྱིས་འབྱུང་ལ། སྲིད་པའི་ཡན་ལག་ལ་གནས་པ་ནི་དེ་ལྟ་བུ་ཡིན་ནོ།། གང་དེ་སྦྱིན་པ་མ་བྱིན་ཞིང་། བསོད་ནམས་མ་བསྒྲུབས་པའི་ལས་ཀྱི་རྣམ་པར་སྨིན་པ་དེས་ཆུ་རྟག་ཏུ་དྲོ་བར་འགྱུར་ཞིང་། དེའི་ཁ་ཡོངས་སུ་སྐམ་པར་འགྱུར་ལ། རེག་པ་བ་ཚྭ་དང་འདྲ་བར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་བྱ་སྐམས་ལ་རྒྱུ་བ་དང་བར་སྣང་ལ་རྒྱུ་བ་དག་ལ་རྟོག་པར་བྱེད་དེ། ལས་གང་གིས་བྱ་དག་པར་སྣང་ལ་འཕུར་ཞིང་ནམ་མཁའ་རྟེན་མེད་པ་ལ་རྟེན་པར་བྱེད་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་རྫུ་འཕྲུལ་ནི་རྣམ་པ་གསུམ་སྟེ། འདི་ལྟ་སྟེ། མོས་པས་བསྒྱུར་བ་དང་། ལུས་ཀྱིས་འགྲོ་བ་དང་། ཡིད་ལྟར་མགྱོགས་པའོ། ། དེ་ལ་མོས་པས་བསྒྱུར་བ་ནི། རྫུ་འཕྲུལ་ཅན་དག་གི་ཡིན་ཏེ། ཇི་ལྟར་མོས་པ་དེ་ལྟར་འགྲོ་བ་དང་། གལ་ཏེ་སའི་ཁམས་སུ་རབ་ཏུ་མོས་ན། དེའི་ཚེ་ནམ་མཁའ་སའི་ཁམས་སུ་མཐོང་ནས་འགྲོ་བར་བྱེད་པ་ལྟ་བུའོ། ། ལུས་ཀྱིས་འགྲོ་བ་ནི་ཆོས་ཉིད་ཀྱི་ཁྱད་པར་ལས་གྱུར་པ་སྟེ། བྱ་རྣམས་ལྟ་བུའོ།། ཡིད་ལྟར་མགྱོགས་པ་ནི་དེ་བཞིན་གཤེགས་པ་སངས་རྒྱས་ཀྱི་ཡིད་ལ་ཡིད་ཀྱི་ཇི་ལྟར་གཟས་པ་དེ་བཞིན་གནས་གཞན་དུ་ཕྱིན་པར་བྱེད་པ་ཡིན་ཏེ། དེའང་ཁམས་གསུམ་གྱི་ལས་སོ་སོའི་བྱེ་བྲག་གིས་དེ་ལྟར་རྫུ་འཕྲུལ་རྣམ་པ་གསུམ་དུ་འགྱུར་བ་མཐོང་ངོ་།། ། དམ་པའི་ཆོས་དྲན་པ་ཉེ་བར་གཞག་པ་བམ་པོ་ཉི་ཤུ་གཅིག་པ།། དེ་ནས་ཡང་དགེ་སློང་ལས་ཀྱིའི་བྲས་བུ་རྣམ་པར་སྨིན་པ་ཤེས་པ་དེས་དུད་འགྲོའི་འཇིག་རྟེན་ལ་རྟོག་བར་བྱེད་དེ། སེམས་ཅན་དམྱལ་བ་དང་། ཡི་དགས་དང་། དུད་འགྲོ་དང་། ལྷ་དང་། མི་དང་། ཆུ་དང་། སྐམས་དང་། བར་སྣང་ལ་རྒྱུ་བའི་བྱ་རྣམས་དང་། རི་དགས་ལ་སོགས་པ་འབྱུང་བར་འགྱུར་ལ། ཅིའི་ཕྱིར་ན་སེམས་ཅན་དམྱལ་བའི་སར་སྡུག་བསྔལ་མྱོང་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སེམས་ཅན་དམྱལ་བའི་ས་ན་དུད་འགྲོ་སེམས་ཅན་དུ་བགྲང་བ་དང་། སེམས་ཅན་དུ་བགྲང་བ་མ་ཡིན་པ་སྣ་ཚོགས་དག་མཐོང་ངོ་།། དེར་སེམས་ཅན་དམྱལ་བ་པ་དེ་དག་སྐྱེ་བ་ན་མེས་སྲེག་ཅིང་། བྱ་ལུས་ཕྱིན་ཅི་ལོག་ཏུ་འདུག་པ་གཞན་དེ་དག་བདེ་པར་མཐོང་སྟེ། དེ་དག་འདིར་སྐྱེ་བར་འགྱུར་རོ་སྙམ་ནས་བསམས་པ་དང་། སེམས་བསྐྱེད་མ་ཐག་ཉིད་དུ་བྱ་དེ་རྣམས་ཀྱི་ནང་དུ་སྐྱེ་བར་འགྱུར་ཏེ། ཇི་ལྟར་སེམས་ཅན་དམྱལ་བ་པ་རྣམས་ཀྱི་འབྲས་བུ་རྣམ་པར་སྨིན་པ་སྔར་བསྟན་པ་དེ་བཞིན་དུ་བྱ་དེ་རྣམས་ལའང་འབྱུང་བར་འགྱུར་རོ། ། སེམས་ཅན་དུ་བགྲང་བ་མ་ཡིན་པ་རྣམས་ནི་ལས་བྱས་ཤིང་བསགས་པ་མི་འདྲ་ལ། སེམས་ཅན་དམྱལ་བར་གང་དང་གང་དག་འབྱུང་བ་དེ་དག་ཐམས་ཅད་འཇིགས་པ་ཆེན་པོར་མཐོང་སྟེ། སེང་གེ་དང་། སྟག་དང་། འུག་པ་དང་། སྲོག་ཆགས་མ་ཀོ་ཊ་ཀ་དང་། སྦྲུལ་དང་། སྦྲུལ། ཆེན་པོ་འཇིགས་འཇིགས་ལྟར་འདུག་པ་ཆེན་པོ་དག་འབྱུང་བར་འགྱུར་རོ།། སེམས་ཅན་དམྱལ་བ་པ་སེམས་ཅན་དུ་བགྲང་བ་ལ། སེམས་ཅན་དུ་བགྲང་བ་མ་ཡིན་པ་རྣམས་ཀྱིས་གནོད་པར་བྱེད་དེ། དེར་སེམས་ཅན་དུ་བགྲང་བ་ལ་ལས་ཀྱིས་བསྐྱེད་པའི་དུད་འགྲོ་སེམས་ཅན་དུ་བགྲང་བ་མ་ཡིན་པ་གཞན་དག་གིས་གནོད་པར་བྱས་ཀྱང་། དེ་དག་བདག་ཉིད་ནི་སྡུག་བསྔལ་མྱོང་བར་མི་འགྱུར་རོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཡི་དགས་ཀྱི་འཇིག་རྟེན་ལ་རྟོག་པར་བྱེད་དེ། ཡི་དགས་ལུས་བཀྲེས་པ་དང་སྐོམ་གྱིས་གདུངས་པ་དེ་དག་གི་འཇིག་རྟེན་ན་དུད་འགྲོ་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། རྣམ་པ་སུམ་ཅུ་རྩ་དྲུག་གང་ཡིན་པ་རྣམས་སུ་སྐྱེ་བར་འགྱུར་རོ།། བྱར་གྱུར་པ་དེ་དག་ནི།། མེ་ཡུལ་དུ་བྱར་གྱུར་ན་དེ་དག་གིས་བྱ་གཞན་འདི་ལྟ་ཏེ། བྱན་ལག་དང་། ནེའུ་ལེ་དང་། བྱ་རོག་དང་། བྱ་རྒོད་ལ་སོགས་པ་དེ་དག་གིས་བསད་ནས་ཟའོ།། དེ་འཆི་བའི་དུས་བྱས་ནས་སྲོག་བཅད་པའི་རྣམ། པར་སྨིན་པས་ཡི་དགས་ཀྱི་འཇིག་རྟེན་དུ་བྱར་སྐྱེ་བར་འགྱུར་ཏེ། ལུས་བཀྲེས་པ་དང་སྐོམ་པས་གདུངས་པའི་བྱར་འགྱུར་རོ།། དེ་དག་གི་ཁ་ཟས་ནི་ཡི་དགས་རྣམས་ཀྱི་མིག་ཕྱུང་ནས་ཟ་ལ་ཀླད་པའང་བཟུང་ངོ་། ། གང་གི་ཚེ་དེ་དག་ཟ་བ་དེའི་ཚེ་ཉེས་པར་བྱས་པའི་ལས་ཀྱིས་རྐང་དང་ཀླད་པ་དག་ཤིན་ཏུ་ཚ་སྟེ། བ་ཚྭ་དང་ཟངས་བཞུས་པ་ལྟ་བུར་འགྱུར་རོ།། དེ་ལྟར་དགེ་སློང་དེ་ཡི་དགས་ཀྱི་འཇིག་རྟེན་ན། བྱ་འདུག་པ་དག་ལ་བརྟགས་ནས། འདི་ལྟར་རྗེས་སུ་བསྟན་པ་ཚིགས་སུ་བཅད་དེ་སྨྲས་པ། ལས་ངན་མི་དགེ་ཚ་བས་འདིར།། རྣམ་པར་སྨིན་པ་ཚ་བ་སྟེ།། གནོད་པ་ཆེན་པོ་བྱེད་པ་ཡིན།། དེ་ལྟ་བས་ན་སྡིག་པ་སྤོངས། ། སེར་སྣས་ཉེ་བར་ཤིན་ཏུ་མཉམ།། ཉེས་བྱས་ལས་ནི་མི་བྱའོ།། སེར་སྣས་ཉམས་པའི་སྐྱེ་བོ་དག། ཡི་དགས་དུད་འགྲོ་རྣམས་སུ་འགྲོ།། དུད་འགྲོའི་སྐྱེ་གནས་བསྒྲུབས་ནས་སུ།། གཅིག་ལ་གཅིག་ནི་ཁྲོ་བ་དང་།། འཆིང་ཞིང་གསོད་ལ་ཟ་བར་བྱེད།། དེ་ལྟ་བས་ན་གཏི་མུག་སྤོངས།། གཏི་མུག་གིས་ནི་ཉམས་པའི་སེམས།། ཚུལ་ཁྲིམས་སྦྱིན་པ་རྣམ་སྤོང་བ།། བྱིས་པ་སྲེད་པས་བསླུས་པ་དག། དུད་འགྲོའི་སྐྱེ་གནས་དག་ཏུ་སྐྱེ།། རུང་དང་མི་རུང་མི་ཤེས་ལ།། བཟའ་དང་མི་བཟའ་དེ་བཞིན་ཏེ།། དོན་དང་དོན་མིན་ཕྱི་རོལ་གང་།། ཆོས་དང་ཆོས་མིན་འགལ་བར་བྱེད།། དབང་པོ་ལྔ་ནི་བླུན་ཞིང་རྨོངས། ། མི་རྣམས་དུད་འགྲོའི་སྐྱེ་གནས་འགྲོ།། དེ་ལྟར་དགེ་སློང་དེ་དུད་འགྲོའི་འཇིག་རྟེན་ལ་ཅུང་ཟད་རྟོག་པར་བྱེད་དེ། དེ་ལྟར་ལས་ཀྱི་ལུ་གུ་རྒྱུད་ཀྱིས་ཚེ་འབུམ་ཕྲག་དུ་མར་བར་སྦྲེལ་པ་དག། དེ་ལྟར་སྡུག་བསྔལ་འབུམ་ཕྲག་དུ་མ་དཔག་ཏུ་མེད་པའི་སྡུག་བསྔལ་གྱི་རླུང་གིས་སྦྲེལ་ཅིང་། དུད་འགྲོར་མངོན་པའི་ལས་དུ་མ་དང་། རྒྱུ་དང་རྐྱེན་དུ་མ་དག་གིས་བསམ་པ་ཕན་ཚུན་འབྲེལ་པ་དག་ནི་གང་རྒྱ་མཚོ་དཔག་ཚད་བཅུ་ཡོད་པ་འཁོར་དེ་ཉ་དང་། ཆུ་སྲིན་མ་ཀ་ར་དང་། ཉ་མིང་དང་། ཆུ་སྲིན་ན་ཀྲ་དང་། དུང་གནས་པ་དག་གིས་དེ་དག་ཕན་ཚུན་འཇིག། པར་བྱེད་དོ།། དེ་དག་རྨོངས་པའི་སེམས་ཀྱིས་འདོད་ཆགས་སྤྱོད་པར་བྱེད་དེ། རྒྱུ་དེས་རུང་བ་དང་། མི་རུང་བ་མངོན་པར་མི་ཤེས་པས། དེའི་ཕྱིར་རྒྱ་མཚོའི་གནས་ཟབ་མོར་སྐྱེ་བར་འགྱུར་ལ། བ་ཚྭའི་ཆུ་ཡིས་བསྐོལ་བ། རྟག་ཏུ་སྐོམ་པས་མངོན་པར་གདུངས་པ་དག་ཕན་ཚུན་གསོད་པའི་རྣམ་པས་འཇིགས་པར་འགྱུར་རོ།། རྒྱ་མཚོ་བར་མ་ན་གནས་པ་གང་ཡིན་པ་དེ་དག་ནི་ཞེ་སྡང་སྤྱོད་པ་དག་ཡིན་ཏེ། དེ་དག་ལྷག་པར་ཞེ་སྡང་གི་རྒྱུས་རྒྱ་མཚོ་བར་མ་དཔག་ཚད་སྟོང་ཡོད་པ་དེར་ཀླུ་རྣམས་སྐྱེ་ཞིང་རྟག་ཏུ་གནས་སོ།། ཀླུ་དེ་དག་ཕན་ཚུན་ཁྲོ་བ་དག་སྐྱེད་ཅིང་སེམས་ཁྲོས་པས་འཁྲུགས་ནས། ཕན་ཚུན་དུ་གཏོང་བར་བྱེད་ལ། རྟག་ཏུ་གནོད་པར་སེམས་པ་ཡིན་ནོ།། དེ་དག་གི་གནས་ནི་ལོངས་སྤྱོད་ལྡན་ཞེས་བྱ་སྟེ། དེ་དཔག་ཚད་སུམ་སྟོང་ཡོད་ལ། གནས་དེ་ནི་ཀླུའི་རྒྱལ་པོ་རྣམས་ཀྱིས་ཤིན་ཏུ་གང་ངོ་། ། གནས་དེ་རྣམས་སུ་ཀླུའི་རྒྱལ་པོ་རྣམ་པ་གཉིས་ཏེ། ཆོས་དང་ལྡན་པ་དང་། ཆོས་དང་མི་ལྡན་པའོ།། དེ་དག་མིའི་འཇིག་རྟེན་ཐམས་ཅད་ལ་བདེ་བར་བྱེད་པ་དང་། གནོད། པར་བྱེད་པ་ཡིན་ནོ།། གནས་དེའི་ཀླུའི་རྒྱལ་པོ་ཆོས་དང་ལྡན་པ་རྣམས་གང་དུ་གནས་པ་དེར་ཀླུའི་རྡུལ་དག་མི་འབབ་བོ།། གང་དུ་ཆོས་དང་མི་ལྡན་པ་དག་གནས་པ་དེར་ཀླུའི་རྡུལ་དག་འབབ་པར་འགྱུར་ཏེ། དེའང་བྱེ་མ་རབ་ཏུ་འབར་བ་འདྲ་ལ་མགོ་ལ་ཆུ་འབབ་བོ།། དེ་ཀླུའི་རྒྱལ་པོ་དེ་དག་ཀུན་གྱི་གནས་རབ་ཏུ་སྲེག་པར་བྱེད་ལ། དེས་ཀླུའི་བུད་མེད་དུ་གཏོགས་པ་ཐམས་ཅད་ཀྱང་སྲེག་པར་བྱེད་དེ། དེ་ནས་ཡང་འབྱུང་བར་བྱེད་པ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཀླུ་རྣམས་ཀྱི་ཀླུའི་རྡུལ་གྱི་རྒྱུར་གྱུར་པ་དང་། ལས་ལ་རྗེས་སུ་སེམས་པར་བྱེད་དེ། ལས་གང་གིས་ཀླུ་དེ་དག་གི་རྡུལ་དུ་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཁྲོ་བས་ཟིལ་གྱིས་ནོན་ཅིང་བུས་པའི་བློ་ཅན་ནམ། རྨོངས་པའི་བློ་ཅན་གང་གིས་དགེ་འདུན་གྱི་གཙུག་ལག་ཁང་ངམ། གྲོང་ངམ། གྲོང་ཁྱེར་རམ། ཚོང་རྡལ་མོས་བསྲེགས་ན། དེ་ལུས་དང་བྲལ་ནས་སེམས་ཅན་དམྱལ་བའི་ནང་དུ་སྐྱེ་བར་འགྱུར་རོ།། དེ་ནས་ཐར་ནས་དུད་འགྲོ་ཀླུ་རྣམས་ཀྱི་ནང་དུ་སྐྱེ་བར་འགྱུར་རོ། ། དེ་སྔོན་མེས་བསྲེགས་པའི་རྒྱུ་དེས། དེ་ལ་འབབ་པའི་ཕྱིར་ཀླུའི་རྡུལ་འབབ་པར་མཐོང་ངོ་།། དེ་ནས་ཡང་དགེ་སློང་དེ་ཀླུའི་འཇིག་རྟེན་ན་རྟོག་པར་བྱེད་དེ། ལས་གང་གིས་ཀླུ་རྣམས་ལ་ཀླུའི་བྱེ་མ་མི་འབབ་ཅིང་། ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་མུ་སྟེགས་སུ་གྱུར་ཅིང་འཇིག་རྟེན་པའི་ཀུན་ནས་ཉོན་མོངས་པའི་ཚུལ་ཅན་ཡིན་ལ། དེ་སྦྱིན་པ་ཚེར་མ་དང་བཅས་པའང་བྱིན་ན། སྔ་མ་བཞིན་ཚེར་མ་བདུན་གྱི་ནང་དུ་སྐྱེས་ལ། ཁྲོས་པས་ཀྱང་བསྒྲིབས་ནས་འདི་ལྟར་ཀླུ་རྣམས་ཀྱི་ནང་དུ་སྐྱེ་བར་གྱུར་ཅིག་ཅེས། ཀླུ་རྣམས་ཀྱི་ནང་དུ་སྨོན་ལམ་བཏབ་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ལོངས་སྤྱོད་ལྡན་གྱི་ཀླུ་རྣམས་ཀྱི་ནང་དུ་སྐྱེ་བར་འགྱུར་རོ། ། དེར་སྐྱེས་ནས་ཀྱང་ཧ་ཅང་ཁྲོ་བའི་རང་བཞིན་དུ་མི་འགྱུར་ལ། ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པར་འགྱུར་ཏེ། དེ་ལ་ཀླུའི་རྡུལ་དེ་མི་འབབ་ཅིང་། མགོ་ལའང་མི་འབབ་བོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཀླུའི་འཇིག་རྟེན་ལ་རྟོག་པར་བྱེད་དེ། ལས་གང་གིས་ཀླུ་རྣམས་ཀྱི་གནས་ལོངས་སྤྱོད་ལྡན་ན། ཆོས་དང་ལྡན་པའི་ཀླུ་དེ་དག་རྣམ་པ་དུ་ཡོད། ཆོས་དང་མི་ལྡན་པ་དེ་དག་རྣམ་པ་དུ་ཡོད་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་དུ་ཆོས་དང་ལྡན་པ་དག་གནས་པ་དེར་ནི། རིན་པོ་ཆེའི་ར་བས་བསྐོར་ཅིང་། རིན་པོ་ཆེ་སྣ་བདུན་འབྱུང་ལ། ཀུན་ནས་འོད་འབྱུང་སྟེ། ལྟེང་ཀ་དང་། འབབ་ཆུ་དང་། ཨུཏྤལ་ཕུན་སུམ་ཚོགས་པ་སྐྱེ་སྟེ། བདུད་རྩིའི་ཁ་ཟས་ལ་ནི་ཟ། རྟག་ཏུ་བདེ་བ་ལ་ནི་གནས། ལུས་མེ་ཏོག་དང་། ཕྱེ་མ་དང་། བྱུག་པས་ནི་བརྒྱན། མགོ་སྦྲུལ་དུ་འདུག་པ་ཁོ་ནར་ཟད་ལ། གཞན་དུ་ན་འདོད་པའི་གཟུགས་ཅན་དུ་འགྱུར་ཏེ། གང་དུ་རབ་ཏུ་འགྲོ་བར་འདོད་པ་དང་། གང་དུ་རྣམ་པར་རྒྱུ་བར་འདོད་པ་དེར་སོ་སོར་གནས་པར་བྱེད་དོ། ། དེ་ལ་ཀླུའི་རྒྱལ་པོ་འདི་རྣམས་ནི་ཆོས་དང་ལྡན་པ་ཡིན་ཏེ། འདི་ལྟ་སྟེ། མགོ་བདུན་དང་། གླང་པོའི་གདོང་དང་། ཀླུའི་རྒྱལ་པོ་ནོར་རྒྱས་ཀྱི་བུ་དང་། དེ་བཞིན་དུ་ཀླུའི་རྒྱལ་པོ་འཇོག་པོ་དང་། ཀླུའི་རྒྱལ་པོ་བཟང་ལྡན་དང་། ཀླུའི་རྒྱལ་པོ་སྐྱེད་པ་དང་། ཀླུའི་རྒྱལ་པོ་མི་འཇོམས་པ་དང་། ཀླུའི་རྒྱལ་པོ་སྤྲིན་འཕྲེང་ཅན་དང་། ཀླུའི་རྒྱལ་པོ་འཁྱིལ་པ་དང་། ཀླུའི་རྒྱལ་པོ་ཀུན་འགྲོ་དང་། ཀླུའི་རྒྱལ་པོ་རབ་སྤྲོ་སྟེ། ཀླུའི་རྒྱལ་པོ་འདི་རྣམས་ཀྱི་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་ཡིན་ནོ།། དེ་རྣམས་ནི་ལོ་ལེགས་པར་བྱ་བའི་ཕྱིར་དུས་སུ་འབབ་པའི་ཆར་མི་ཉུང་བར་བདེ་བར་འབེབས་པར་བྱེད་ལ། དུས་མ་ཡིན་པར་འབྱུང་བའི་སེར་བ་དང་། སྤྲིན་དང་། རླུང་དག་གཏོང་བར་མི་བྱེད་དོ།། སངས་རྒྱས་དང་། ཆོས་དང་། དགེ་འདུན་ལ་དད་ཅིང་དད་པས་རྗེས་སུ་འཇུག་པ་ཡིན། སངས་རྒྱས་ཀྱི་སྐུ་གདུང་བསྲུང་ལ། ཀླུའི་རྡུལ་དང་བྲལ་བས་ཤིན་ཏུ་བདེ་བ་ཡིན་ནོ།། དེའང་མིའི་གནས་བཞི་ལ་འདི་ལྟ་སྟེ། འཛམ་བུ་གླིང་དང་། ནུབ་ཀྱི་བ་ཡང་སྤྱོད་དང་། ཤར་གྱི་ལུས་འཕགས་དང་། བྱང་གི་སྒྱུ་མི་སྙན་རྣམས་སུ་ཆར་འབེབས་པར་བྱེད་དེ། གང་གི་ཚེ་དགེ་སྦྱོང་དང་བྲམ་ཟེ་དག་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་བྱུང་བ་དེའི་ཚེ་ཆོས་ཀྱི་བྲག་གིས་ཀླུའི་རྒྱལ་པོ་ཆོས་དང་ལྡན་པ་དག་སྟོབས་རབ་ཏུ་ཆེ་བར་འགྱུར་ཏེ། དེའི་ཚེ་ཆར་ལེགས་པར་འབེབས་པར་བྱེད་ཅིང་། དེའི་ཚེ་ལོ་ལེགས་པར་འགྱུར་ལ། དྲི་དང་། རོ་དང་། ཁ་དོག་ཕུན་སུམ་ཚོགས་པར་འགྱུར། འགྲོ་བ་དང་། དུག་དང་། རླུང་གཞན་གྱིས་གནོད་པ་བྱེད་པར་མི་འགྱུར་ཞིང་། འབྲས་བུ་བཟང་པོ་འབྱུང་བར་འགྱུར་ལ། ཉི་མ་དང་ཟླ་བའི་འོད་དག་གིས་གནོད་པར་མི་འགྱུར། ཀླུ་རྒྱལ་པོ་ཆོས་དང་ལྡན་པ་རྣམས་ནི་ཀླུའི་གདུག་པ་དང་། རླུང་དག་གཏོང་བར་མི་བྱེད་དོ།། འཛམ་བུ་གླིང་གི་སེམས་ཅན་རྣམས་ཀྱི་སྲོག་གི་བར་ཆད་ནི་རྒྱུ་བཞིས་བྱེད་དེ། འདི་ལྟ་སྟེ། ལོ་ཉེས་དང་། མཚོན་གྱིས་འཁྲུགས་པ་དང་། དུག་དང་། རླུང་གིས་རེག་པ་དང་། ཆུའི་ཉེས་པའོ།། དེ་ལ་གལ་ཏེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་སྐྱེ་དགུ་དག་འབྱུང་བ་ན། ཆོས་དང་ལྡན་པའི་ཀླུ་དེ་དག་སྟོབས་དང་ལྡན་པར་འགྱུར་ཏེ། དེ་དག་སྤྲིན་ངན་པ་དག་སྤྲུལ་པར་མི་བྱེད་ཅིང་། དེ་དག་སྤྲིན་ངན་པ་དང་འདུ་བར་མི་བྱེད་ལ། རླུང་ངན་པ་དག་གཏོང་བར་མི་བྱེད་དོ།། དེ་ཆུ་བོ་དག་ལ་གནོད་པར་མི་བྱེད་ཅིང་། ཆུ་བཟང་པོས་འབྲུ་རྣམས་ལེགས་པར་སྐྱེད་དེ། མེ་ཏོག་དང་འབྲས་བུ་དག་རོ་བྲོ་བ་དང་། མདོག་བཟང་བ་དང་། དྲི་དང་། རོ་ཕུན་སུམ་ཚོགས་པར་འབྱུང་ངོ་། ། དེ་ནས་སེམས་ཅན་རྣམས་དགའ་བར་བྱེད་ལ། ནད་དག་དང་བྲལ་ཞིང་ཁམས་རྣམས་སྟོབས་དང་ལྡན་པ་འགྱུར། དེ་དག་ཡང་ལས་ལེགས་པ་དག་བྱེད་ལ། དེ་དག་སེམས་ཅན་རྣམས་ཀྱི་དབང་གི་འབྲས་བུའང་འབྲུ་རྣམས་ཕུན་སུམ་ཚོགས་པར་བྱེད་དེ། དེ་ལྟར་རིམ་གྱིས་འཛམ་བུ་གླིང་གི་མི་རྣམས་ལ་ཀླུ་དག་གཅེས་སྨྲས་བྱེད་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་འཛམ་བུའི་གླིང་སོ་སོར་ཤེས་པར་བྱས་ནས། ནུབ་ཀྱི་བ་ལང་སྤྱོད་ཀྱི་གླིང་ལ་རྗེས་སུ་སེམས་པར་བྱེད་དེ། ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་དག་ཇི་ལྟར་ཀུན་ཏུ་སྲུང་བར་བྱེད་ཅིག་གུ་སྙམ་མོ། ། གླིང་དེར་མི་ཡིད་ཤིན་ཏུ་འཇམ་པ་དག་འབྱུང་བར་འགྱུར་ལ། དེ་དག་ལ་བར་ཆད་གཅིག་འབྱུང་བ་ནི།། འདི་ལྟ་སྟེ། ཆུ་རྙོག་པ་ཅན་ཡིན་ཏེ། དེས་ནུབ་ཀྱི་བ་གླང་སྤྱོད་ཀྱི་མི་རྣམས་དུས་ཉེ་བར་ཟླུམས་པར་བྱེད་དོ།། ཀླུའི་རྒྱལ་པོ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་དེ་དག་སྤྲིན་ལྡང་བར་མི་བྱེད་ཅིང་། ངམ་གྲོག་དང་། གཡང་ས་དང་། རི་བོ་མི་བཟད་པ་རྣམས་ལ་དེ་དག་ཆུ་རྙོག་པ་ཅན་མི་འབེབས་ལ། ཀླུ་རྣམས་ཀྱི་མཐུས་ཆུ་རྙོག་པ་མེད་པར་བྱས་པས། ནུབ་ཀྱི་བ་ལང་སྤྱོད་ཀྱི་མི་རྣམས་བདེ་པར་གནས་པ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཤར་གྱིས་ལུས་འཕགས་གླིང་ལ་རྟོག་པར་བྱེད་དེ། ཀྱེ་མ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་ཀླུ་དག་ཤར་གྱི་ལུས་འཕགས་གླིང་བདེ་བར་བྱ་བ་ལ་ཇི་ལྟར་འབད་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཤར་གྱི་ལུས་འཕགས་ཀྱི་མི་རྣམས་ལ་གློག་གི་འཇིགས་པ་དང་། སྒྲའི་འཇིགས་པས་བར་ཆད་འབྱུང་བར་འགྱུར་ཏེ། དེ་དག་གང་གི་ཚེ་ཀློག་མཐོང་བ་དང་། སྒྲ་ཐོས་པ་དེའི་ཚེ་སེམས་ཤིན་ཏུ་འཇམ་པ་དག་ལ་ནད་འབྱུང་བར་འགྱུར་རོ།། གང་གི་ཚེ་དེར་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་ཀླུའི་བདག་པོ་དག་སླའང་མི་འབྱིན། ཀློག་ཀྱང་མི་གཏོང་སྟེ། དེའི་ཚེ་ཀླུའི་བདག་པོ་རྣམས་ཀྱིས་ཤར་གྱི་ལུས་འཕགས་ཀྱི་མི་རྣམས་ལ་ནད་འབྱུང་དར་མི་བྱེད་པ་མཚང། དེ་ནས་ཡང་དགེ་སློང་ལས་ཀྱི་འདུསས་རྣས་པར་ལྡན་པ་ཤེས་པ་ཀྱང་སསུམ་ལྡན་གྱིས་རྣམས་ཀྱི་མནད་པ་ལ་རྗེས་སུས་། པ་བྱེད་དེ། ས་མྱ་ས་རྒྱན་མས་རྣམས་པ་གནོད་པ་ཤཱར་འབྱུང་བར་འགྱུར་ས་ནས། སྐྱེ་མོས་པལ་ལྡང་བམིགས་པས་བརྒྱུགས་ན། རླུང་ས་མྦྷ་ས་ལྡན་པ་རྣམས་ས་བྱུང་གནོད་པར་བྱེད་དེ། སྨིན་ནག་པོས་གནོད་པ་དང་། རླུང་ཟང་མོས་མེ་ཏོག་དེ་དག་ཞུས་པར་འགྱུར། དྲི་མི་གས་པར་འགྱུར། དེ་ནས་དེ་དག་ཡིད་མི་དགའ་བ་བྱེ་སྟེ། སྨིན་ནན་པོའི་རྐྱེན་གྱིས་བྱ་དག་གང་ས་སྙན་པར་འབྱིན་ལ། བ~ཾ་ཝང་དང་རྔ་ཛའི་སྒྲའང་མི་སྣུན་པར་འགྱུར་རོ།། རི་ཀུན་ཏུ་སྣང་བྱེད་ལ་སོགས་པ་ལ་གནས་པ་རྣམས་ལ། དེ་ལྟར་སྨྲས་བྱས་པ་དག་གིས་གནོད་པར་བྱེད་དོ།། གང་གི་ཚེ་ཆོས་དང་ནིང་ཆོས་ཀྱི་རྗེས་སུ་འཇུག་པའི་རྒྱལ་པོ་འབྱུང་བ་དེའི་ཚེ་རླུང་གྲང་མོ་དག་འབྱུང་བར་མི་འགྱུར་ལ། སྨིན་ནག་པོའང་འབྱུང་བར་མི་འགྱུར་རོ།། དེ་ལྟར་མིའི་གནས་བཞི་དག་ལ་གྲུའི་རྒྱལ་པོ་ཆོས་དང་ལྡན་ཐཾང་ཆོས་ཀྱི་རྗེས་སུ་འཇུག་པ་རྣམས་བདེའི་གྲུབ་པར་བྱེད། ཕན་བ་སྒྲུབ་པར་བྱེད་དོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་རྒྱུའི་འཇིག་རྟེན་ལ་རྟོམ་པ་བྱེད་དེ། ལས་གང་གིས་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པར་མི་འགྱུར་སྙམ་ནས། དེས་ཟོས་པ་ལས་བྱུང་བའི་ཤེས་པས་བརྟགས་ན། ཛཾ་སྔར་ཀླུའི་གནས་ལིངས་སྤྱོད་ལྡན་ན། མུ་ནམ?། ཀྱི་རྒྱལ་པོ་ཆོས་དང་མི་ལྡན་པ་འདི་ལྟ་སྟེ། ཀླུའི་རྒྱལ་པོ་རབ་འཇོམས་དང་། ཀླུའི་རྒྱལ་པོ་བསྒྱིངས་པ་དང་། ཀླུའི་རྒྱལ་པོ་ནག་པོ་དང་། ཀླུའི་རྒྱལ་པོ་ཧུ་ལུ་ཧུ་ལུ་སྟེ། དེ་དག་རྒྱ་མཚོ་བར་མ་ལོངས། སྤྱོད་ལྡན་ན་གནས་སོ།། ཆོས་དང་མི་ལྡན་ཞིང་ཆོས་ཀྱི་རྗེས་སུ་འཇུག་པར་མི་བྱེད་པ་དེ་དག་གི་མཐུ་ཇི་ལྟ་བུ་ཡིན་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གི་ཚེ་དགེ་སྐྱོསྦྱོང་དུ་མི་འཛིན་པ་དང་། བྲམ་ཟེར་མི་འཛིན་པའི་སྐྱེ་དགུ་དག་འབྱུང་བ་དེའི་ཚེ་ཀླུ་དེ་དག་གི་དབང་དུ་འགྱུར་རོ།། དེའི་ཚེ་དེ་དག་འཛམ་བུའི་གླིང་དུ་སེམས་གདུག་ཅིང་ལུས་ལས་དུག་མང་པོ་འབྱུང་བར་བྱེད། དེ་དག་སྤྲིན་ངན་པའི་ནང་ན་རྒྱུ་ཞིང་དུག་གི་ཤིང་ལྗོན་པ་འབྱུང་བར་བྱེད་དེ། དེ་དག་གིས་རླུང་མ་རུང་བར་བྱེད། རླུང་དེས་ཆུ་མ་རུང་བར་བྱས་པ་དེས་འབྲུའི་ཚོགས་ཤིན་ཏུ་མ་རུང་བར་བྱེད། ཁ་ཟས་དེ་ཟོས་པ་ལས་ནད་དག་རབ་ཏུ་འཁྲུག་པར་བྱེད་དོ།། འབྲུ་མ་རུང་བར་བྱས་པ་དེས་ཚེ་དག་ཐུང་བར་འགྱུར་ཏེ། དེ་ལྟར་རྒྱལ་པོ་ཉེས་པ་ཆེ་ཞིང་སྡང་བས་ཀྱང་ཕན་ཚུན་གསོད་པ་དག་བྱེད་དོ།། དེ་ནས་ཉེས་པ་དེས་འཛམ་བུ་གླིང་གི་མི་དག་རབ་ཏུ་ཉུང་བར་འགྱུར་ཏེ། རྐྱེན་འདིས་ཀླུ་མ་རུངས་པ་རྣམས་བར་ཆད་བྱེད་པར་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་ཀླུའི་བདག་པོ་ལ་སོ་སོར་རྟོག་པར་བྱེད་དེ། ཆོས་དང་མི་ལྡན་པའི་རྒྱལ་པོ་དག་ནུབ་ཀྱི་བ་ལང་སྤྱོད་ཀྱི་མི་རྣམས་ཀྱི་བར་ཆད་ཇི་ལྟར་བྱེད་ཅིག་གུ་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གི་ཚེ་མི་རྣམས་ཀྱི་རྒྱལ་པོ་ཆོས་དང་མི་ལྡན་པ་དེ་དག་འབྱུང་བ་དེའི་ཚེ། ཀླུའི་རྒྱལ་པོ་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པ་དག་ནུབ་ཀྱི་བ་ལང་སྤྱོད་ཀྱི་ངམ་གྲོག་དང་ག་ཡང་ས་དང་། རི་བོའི་རྩེ་མི་བཟད་པ་རྣམས་ལ་ཆར་དུ་བྱུག་པ་ལྟ་བུ་འབེབས་པར་བྱེད་དེ། ཆར་པའི་ཆུ་དེས་ཆུ་རྙོག་པ་ཅན་དུ་བྱེད་དོ།། ནུབ་ཀྱི་བ་ལང་སྤྱོད་ཀྱི་མི་རྣམས་དེ་ལ་འཐུང་བར་བྱེད་དེ། བར་ཆད་བྱེད་པའི་རྒྱུ་ནི་འདི་ཡིན་ནོ།། དགེ་སློང་དེ་ནུབ་ཀྱི་བ་ལང་སྤྱོད་ཀྱི་གླིང་ལ་ཡང་དག་པར་ཇི་ལྟ་བ་བཞིན་སོ་སོར་བརྟགས་ནས་ནང་གི་སོ་སོ་རིག་པར་བྱེད་དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཤར་གྱི་ལུས་འཕགས་གླིང་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གི་ཚེ་ཆོས་དང་ལྡན་ཞིང་ཆོས་ཀྱི་རྗེས་སུ་མི་འཇུག་པའི་སྐྱེ་དགུ་དག་འབྱུང་བ་དེའི་ཚེ། ཀླུའི་བདག་པོ་མ་རུངས་པ་དག་གི་སྟོབས་རབ་ཏུ་ཆེ་བར་འགྱུར་རོ།། དེ་དག་ཤར་གྱི་ལུས་འཕགས་གླིང་དུ་སྒྲ་རབ་ཏུ་ཆེན་པོ་འབྱིན་ཏེ། འདི་ལྟ་སྟེ། རི་ཆེན་པོ་སྙིལ་བ་ན། སྒྲ་འབྱུང་བ་ལྟ་བུ་དེ་དག་ཐོས་ནས་ཤར་གྱི་ལུས་འཕགས་གླིང་གི་མི་རྣམས་ཀྱི་སྙིང་ཤིན་ཏུ་འཇམ་པར་མི་འགྱུར་ཏེ། དེ་དག་ཁ་ཅིག་ནད་ཀྱིས་འདེབས་སོ། ། དེ་བཞིན་དུ་གློག་ཀྱང་འབྱིན་ཏེ། འདི་ལྟར་ཕྱོགས་བཅུ་ཐམས་ཅད་འབར་བའི་འཕྲེང་བས་འཁྲུགས་པར་འགྱུར་ཞིང་། སྤྲིན་གྱི་ནང་དུ་ཞུགས་པའི་ཀླུ་དེ་དག་གཟུགས་འཇིགས་འཇིགས་ལྟར་བསྒྱུར་བ། མིག་ནི་ཤིང་རྟའི་འཁོར་ལོ་ཙམ། གཟུགས་ནི་རི་ནག་པོ་འདྲ་ལ་མགོ་གསུམ་པོ་ལས་མེ་ཐམས་ཅད་གཏོང་ཞིང་ཁྱིའི་གཟུགས་དང་། སྦྲུལ་གྱི་གཟུགས་ཏེ། གཟུགས་དུ་མ། གཟུགས་མི། བཟད་པ་དག་མཐོང་ངོ་།། དེ་དག་མཐོང་ནས་ཤར་གྱི་ལུས་འཕགས་གླིང་གི་མི་རྣམས་ཀྱི་བར་ཆད་དུ་འགྱུར་བ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་མཐོ་རིས་ལས་གཞན་མཐོ་རིས་ཀྱི་འཇིག་རྟེན་གཉིས་པ་ལྟ་བུ། བྱང་གི་སྒྲ་མི་སྙན་གྱི་གླིང་ལ་རྟོག་པར་བྱེད་དེ། ཀླུའི་བདག་པོ་མ་རུངས་པ་དག་བྱང་གི་སྒྲ་མི་སྙན་གྱི་མི་རྣམས་ལ་ཇི་ལྟར་གནོད་པ་སྐྱེད་པར་བྱེད་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཇི་ལྟར་བྱང་གི་སྒྲ་མི་སྙན་གྱི་རི་རྣམས་ལ་སྔ་མ་བཞིན་དུ་པདྨ་དང་། རྟག་ཏུ་མེ་ཏོག་རྒྱས་པ་དང་། རྟག་ཏུ་དྲི་ཞིམ་པ་དང་། མཆོག་ཏུ་ཉམས་དགའ་བ་དག་ཡིན་ཏེ། དེ་དག་མཐོང་ནས་བྱང་གི་སྒྲ་མི་སྙན་གྱི་མི་རྣམས་འགྲང་བ་དང་། དགའ་བར་འགྱུར་རོ།། གང་གི་ཚེ་དགེ་སྦྱོང་དུ་མི་འཛིན་པ་དང་། བྲམ་ཟེར་མི་འཛིན་པའི་སྐྱེ་དགུ་དག་འབྱུང་བ་དེའི་ཚེ། ཀླུ་མ་རུངས་པ་དག་གིས་བྱང་གི་སྒྲ་མི་སྙན་དུ་སྤྲིན་སྟུག་པོ་རོ་ལྟ་བུ་དེ་དག་འབྱིན་པར་བྱེད་དེ། དེ་དག་བྱུང་མ་ཐག་ཏུ་ཉི་མ་སྒྲིབ་པར་བྱེད་དོ།། དེ་བསྒྲིབས་པའི་སྐྱོན་གྱིས་པདྨ་དག་ཞུམ་པར་འགྱུར་ཞིང་། དྲི་མི་ཞིམ་པར་འགྱུར་ལ། ཉི་མ་བཞིན་དུ་གསལ་བར་མི་འགྱུར་རོ།། དེ་དག་ཞུམ་པ་ཙམ་གྱིས་བྱང་གི་སྒྲ་མི་སྙན་གྱི་མི་རྣམས་ཡིད་དམན་པར་འགྱུར་རོ། ། སྤྲིན་དང་རླུང་ཡང་གཏོང་བར་བྱེད་ལ། དེས་པི་ཝང་དང་རྫ་རྔ་རྣམས་ཀྱི་སྒྲ་མི་སྙན་པར་འགྱུར་ཏེ། དེ་ལྟར་མིའི་གནས་བཞི་ལ་ཀླུ་རྣམས་བར་ཆད་བྱེད་པ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་གླིང་བཞིའི་ནང་ན་བཟང་བ་དང་། བཟང་བ་མ་ཡིན་པ་དག་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་བྱང་གི་སྒྲ་མི་སྙན་ནི་བདེ་བ་མངོན་དུ་ཆེ་བ་ཡིན་ལ། མིའི་གནས་གསུམ་དག་ནི་མ་ཡིན་ནོ།། འཛམ་བུ་གླིང་དུ་ཇི་ལྟ་ཇི་ལྟར་ཆོས་དང་ལྡན་པ་དང་། ཆོས་དང་མི་ལྡན་པའི་སྐྱེ་དགུ་འབྱུང་བ་དེ་ལྟ་དེ་ལྟར་འཕེལ་པ་དང་། འགྲིབ་པ་དང་། བདེ་བ་དང་། སྡུག་བསྔལ་བ་དག་ཡོད་དེ། གླིང་གསུམ་གྱི་ནང་ན་འདི་ནི་ལས་ཀྱི་ས་ཡིན་ནོ།། འདིར་ནི་དགེ་བ་བཅུའི་ལས་ཀྱི་ལམ་དག་སེམས་པ་ཡིན་ཞིང་། འདིར་ནི་སངས་རྒྱས་འབྱུང་བ་ཡིན་ལ། འདིར་ནི་མིའི་གནས་བཞི་དག་རི་ར་ག་ལས་པ་ཡིན་ཏེ། འདི་ནི་ལས་ཀྱི་ས་ཡིན་ནོ།། འདིར་ནི་དགེ་བ་བཅུའི་ལས་ཀྱི་ལམ་དག་ངེས་པར་སེམས་ཤིང་རྣམ་པར་དཔྱོད་པ་ཡིན། འདིར་ནི་ཚངས་པར་སྤྱོད་པའི་གནས་ཡིན། འདིར་ནི་འཆི་བ་དང་སྐྱེ་བ་སེམས་པ་ཡིན། འདིར་ནི་རྡོ་རྗེ་ལས་བྱས་པའི་རྡོ་རྗེའི་གདན་ཡོད་དེ། གང་འཛམ་བུ་གླིང་དུ་དཔག་ཚད་བརྒྱད་ཁྲི་བ་ནི་སྟོང་འབིགས་པ་འཁོར་བ་ཐམས་ཅད་ན་མེད་ལ། རྡོ་རྗེའི་གདན་ཟིལ་གྱིས་གནོན་པའང་མེད་དེ། སངས་རྒྱས་བཅོམ་ལྡན་འདས་གང་ལ་གནས་ནས་བྱང་ཆུབ་ཀྱི་ཐུགས་བསྐྱེད་པའི་རྒྱུ་འདིས་ན་འཛམ་བུ་གླིང་འདིར་འཁྲུངས་ཏེ། གང་དང་བྱང་ཆུབ་ཐོབ་པར་བྱེད་པ་དགེ་བའི་རྩ་བའི་གྲངས་ཀྱི་རྒྱུ་གང་ཡིན་པ་དེ་ནི་རིའི་རྒྱལ་པོ་རི་རབ་ཀྱིས་ཀྱང་ཡང་དག་པར་གཟུང་བར་མི་ནུས་ན། ས་ཕྱོགས་གཞན་ལྟ་སྨོས་ཀྱང་ཅི་དགོས། གང་གིས་འཛམ་བུའི་གླིང་འདིར་སངས་རྒྱས་འབྱུང་བའི་རྒྱུ་ནི་འདི་ཡིན་ཏེ། འདིར་དེ་གཉའ་ཤིང་གི་བུ་ཀར་རུས་སྦལ་འཇུག་པ་ལྟ་བུར་འཁྲུང་གི། གླིང་གཞན་དུ་ནི་མ་ཡིན་ཏེ། དེའི་རྒྱུ་ནི་དེ་ཡིན། རྐྱེན་ནི་དེ་ཡིན་ནོ།། གང་མིའི་གནས་བཞི་ལ་ཀུན་གྱི་གཙོ་བོ་ནི་འཛམ་བུ་གླིང་ཡིན་ཏེ། གླིང་གཞན་དག་ནི་མ་ཡིན་ནོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཀླུའི་འཇིག་རྟེན་ལ་རྟོག་པར་བྱེད་དེ། ལས་གང་གིས་ཀླུའི་རྒྱལ་པོ་ཆོས་དང་མི་ལྡན་ཞིང་ཆོས་དང་མཐུན་པར་མི་བྱེད་པ་རྣམས་སྦལ་པ་ཟ་བ་དང་། བྱེ་མ་ཟ་བ་དང་། རླུང་ཟ་བར་གྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སྔོན་མིར་གྱུར་པའི་ཚེ་གང་གིས་བུ་དང་ཆུང་མ་རྣམས་བཀོལ་ཏེ། བཙན་བརྣོགས་བྱེད་ལ། བུ་སྨད་ནི་འགྲམ་ཆུ་ལངས་ཏེ་རེ་བཞིན་དུ་ལྟ་བ་དང་། དེ་དག་གཅིག་པུ་ཟས་མང་པོ་ཟ་ལ། དུ་སྨད་ལ་ནི་ཁ་ཟས་ངན་པ་སྦྱིན་པར་བྱེད་པ་ལས། དེ་ལུས་དང་བྲལ་བའི་འོག་ཏུ་ཀླུའི་སྐྱེ་གནས་སུ་སྐྱེ་ཞིང་། ཟས་སུ་སྦལ་པ་ཟ་བ་དང་། བྱེ་མ་ཟ་བ་དང་། རླུང་ཟ་བ་མཐོང་སྟེ། ལས་དང་འདྲ་བར་འབྲས་བུ་སྨིན་པའི་ཕྱིར་རོ། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་ཀླུའི་འཇིག་རྟེན་ལ་རྟོག་པར་བྱེད་དེ། ལས་གང་གིས་ཀླུ་དེ་རྣམས་ཆར་འབེབས་པར་བྱེད་ལས་གང་གིས་སེར་བ་འབེབས་པར་བྱེད་ཅིག་གུ་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གལ་ཏེ་ཆོས་དང་མི་ལྡན་པའི་ཀླུའི་རྒྱལ་པོ་རྣམས་འཁྲུགས་ན། གཅིག་ལ་གཅིག་བརྙོགས་ཏེ། ཁྲོས་པས་ཆར་སྨིན་བསྒྲུབས་ནས། ཆར་འབེབས་པར་བྱེད་ཅིང་། གནོད་པའི་སྤྲིན་དང་། རླུང་དང་། སེར་བ་དང་ལྡན་པའི་ཆར་དྲག་པོ་དག་འབེབས་པར་བྱེད་ལ། དེས་ན་ནིང་ལ་ནས་དང་། འབྲས་དང་། འབྲུ་ཐམས་ཅད་མ་རུང་བར་བྱེད་དེ། དེ་ལྟར་གནོད་པའི་ཆར་འབེབས་པར་བྱེད་པ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་ཀླུའི་འཇིག་རྟེན་ལ་རྟོག་པར་བྱེད་དེ། ཀླུ་རྣམས་འཛམ་བུ་གླིང་དུ་རྙེད་པ་དང་ལྡན་པར་བྱ་བའི་ཕྱིར་བུ་རམ་ཤིང་གི་ཚལ་དང་། ཞིང་ལ་ནས། གྲོ་དང་། འབྲུ་རྣམས་འཕེལ་བར་བྱ་བའི་དོན་དུ་བདེ་བར་བྱེད་པའི་ཆར་ཇི་ལྟར་འབེབས་པར་བྱེད་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སེམས་ཅན་རྣམས་ཀྱི་དབང་གི་འབྲས་བུས་སྐྱེ་བོ་ཐམས་ཅད་ལ་ཕན་པ་དང་། བདེ་བའི་ཕྱིར་ཀླུའི་རྒྱལ་པོ་ཆོས་དང་ལྡན་ཞིང་ཆོས་དང་འཐུན་པར་བྱེད་པ་རྣམས་འབྱུང་བར་འགྱུར་ཏེ། དེ་དག་གིས་འབྲུ་མོད་པར་བྱ་བའི་ཕྱིར་ཆར་འབེབས་པ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཀླུའི་འཇིག་རྟེན་ལ་རྟོག་པར་བྱེད་དེ། རྒྱ་མཚོ་དང་། རྒྱ་མཚོའི་ཆུ་ལག་དག་ན་ཀླུ་ཇི་སྙེད་ཅིག་གནས་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གལ་ཏེ་འཛམ་བུ་གླིང་བའི་མི་རྣམས་ཕལ་ཆེར་ཆོས་དང་མི་ལྡན་པར་འགྱུར་ན། དེའི་ཚེ་ཆོས་དང་མི་ལྡན་པ་རྣམས་རྒྱ་མཚོའི་ཆུ་ལག་དག་ཏུ་ཀླུ་གྲངས་མེད་པར་སྐྱེ་བར་འགྱུར་རོ།། གལ་ཏེ་ཕལ་ཆེར་ཆོས་དང་། ལྡན་ན་ནི། ཀླུ་བྱེ་བ་ཕྲག་ལྔ་བཅུ་རྩ་བདུན་འབྱུང་བར་འགྱུར་ཏེ། དེ་དག་རྒྱ་མཚོའི་ཆུ་ལག་བཞི་པོ་དག་ཏུ་རྒྱུ་བར་འགྱུར་རོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ཀླུའི་འཇིག་རྟེན་ལ་རྟོག་པར་བྱེད་དེ། དེས་རྒྱ་མཚོའི་ཆུ་ལག་དང་བཅས་པའི་རྒྱ་མཚོའི་ནང་གི་ཀླུའི་གྲོང་ཁྱེར་ལོངས་སྤྱོད་ལྡན་ཞེས་བྱ་བ་བརྟགས་ནས། རྒྱ་མཚོའི་གཏིང་གི་ས་གཞི་ལ་རྟོག་པར་བྱེད་དེ། རྒྱ་མཚོའི་གཏིང་གི་ས་གཞི་ལ་སུ་དག་གནས་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ལྷ་དང་འགྲན་པའི་ལྷ་མ་ཡིན་ཞེས་བྱ་བ་དག་གནས་སོ།། དེ་དག་མདོར་བསྡུ་ན་རྣམ་པ་གཉིས་ཏེ། ཡི་དགས་ཀྱི་འགྲོ་བར་གཏོགས་པ་རྣམས་དང་། དུད་འགྲོའི་འགྲོ་བར་གཏོགས་པ་རྣམས་སོ།། དེ་ལ་ཡི་དགས་ཀྱི་འགྲོ་བར་གཏོགས་པ་རྣམས་ནི། བདུད་ཀྱི་རིས་ཀྱི་ཡི་དགས་རྣམས་དང་། ཡི་དགས་རྫུ་འཕྲུལ་ཆེན་པོ་རྣམས་སོ།། དུད་འགྲོའི་འགྲོ་བར་གཏོགས་པ་གང་ཡིན་པ་དེ་དག་ནི། རྒྱ་མཚོའི་གཏིང་གི་ས་གཞི་ལ་གནས་ཏེ། རི་རབ་ཀྱི་རྟེན་དཔག་ཚད་བརྒྱད་ཁྲི་བཞི་སྟོང་ཡོད་པའི་སའི་འོག་ན་གནས་སོ། ། དེ་དག་ཀྱང་མདོར་བསྡུ་ན་ས་གཞི་བཞི་ཡོད་དོ།། དེ་ལས་གཞི་དང་པོ་ལ་ནི་དཔག་ཚད་ཉི་ཁྲི་ཆིག་སྟོང་ཡོད་དེ། ས་གཞི་དེ་ན་ནི་ལྷ་མ་ཡིན་རྣམས་ཀྱི་རྒྱལ་པོ་སྒྲ་གཅན་ཞེས་བྱ་བ་གནས་སོ། ། དེས་ནི་འདོད་པའི་ཁམས་སུ་ཐམས་ཅད་པས་ལྷག་པའི་གཟུགས་སྤྲུལ་ནུས་ལ། མི་རྣམས་ཀྱི་དགེ་བ་དང་། མི་དགེ་བའི་དབང་གིས་དེ་འདི་སྙམ་དུ་སེམས་ཏེ། བདག་ཅག་ལྷ་མ་ཡིན་རྣམས་ཀྱི་འགྲན་ཟླ་ནི་ལྷ་རྣམས་ཡིན་གྱིས། བདག་གིས་དགྲ་དེ་དག་གི་ཚལ་དང་། ནགས་ཚལ་དང་། ལྷའི་བུ་མོ་གང་དག་ལ་ལྷ་རྣམས་རབ་ཏུ་ཆགས་ཤིང་། དགའ་བར་འཛིན་པ་དེ་དག་བལྟའོ་སྙམ་མོ།། དེས་དེ་ལྟར་བསམས་ནས་བདག་ཉིད་ཀྱི་ལུས་བརྒྱན་ཏེ། ནོར་བུའི་རྒྱལ་པོ་མཐོན་ཀ་ཆེན་པོའམ། ནོར་བུའི་རྒྱལ་པོ་པདྨ་རཱ་ག་དང་། གསེར་གྱི་རྒྱལ་པོ་ལམ་མེར་འདུག་པ་འམ། ད་མ་ར་ལྔའི་རྒྱལ་པོ་གསེར་རམ། གོས་ཀྱི་རྒྱལ་པོ་མ་བཏགས་པ་ཁ་དོག་སྣ་ཚོགས་སྔོན་པོ་དང་། དམར་པོ་དང་། སེར་པོ་དང་། ནག་པོ་རྣམས་ཀྱིས་མཛེས་པར་བྱེད་ཅིང་། ནོར་བུའི་རྒྱལ་པོ་གང་རྒྱན་དུ་ཐོགས་པ་དེའི་ཁ་དོག་གིས་སྒྲ་གཅན་དེའི་ལུས་ཀྱི་ཚད་ནི་རི་རབ་ཙམ་ཡོད་པ་དེ་ཐམས་ཅད་ནོར་བུའི་འོད་དེ་ཁོ་ན་དང་འདྲ་བར་སྣང་པབཔར་འགྱུར་ཏེ། གལ་ཏེ་མཐོན་ཀ་ཆེན་པོ་རྒྱན་དུ་ཐོགས་པ་ན་ནི་དེའི་ལུས་ཐམས་ཅད་མཆོག་ཏུ་སྔོན་པོར་སྣང་བར་འགྱུར་རོ།། དམར་པོའང་དེ་དང་འདྲའོ།། སེར་པོའང་དེ་དང་འདྲའོ།། གལ་ཏེ། སྤུག་རྒྱན་དུ་ཐོགས་ན་ནི། དེའི་ལུས་ཐམས་ཅད་ནོར་བུ་དེའི་ཁ་དོག་བཞིན་དུ་སྣང་བར་འགྱུར་རོ།། ནོར་བུ་གཞན་དག་རྒྱན་དུ་ཐོགས་ནའང་། དེ་བཞིན་དུ་དེ་དང་དེའི་ཁ་དོག་འདྲ་བར་སྣང་བར་འགྱུར་རོ། ། དེ་ལྷ་རྣམས་ཀྱི་འགྲན་ཟླ་ཡིན་ལ། ལྷ་མ་ཡིན་གྱི་བུ་མོ་རྣམས་དང་། ལྷའི་བུ་མོ་རྣམས་ནི་རང་བཞིན་གྱིས་ཆགས་སུ་རུང་བ་ཡིན་ཏེ། དེ་དག་ལ་ཆགས་པར་གྱུར་ནས། སྒྲ་གཅན་དེ་ཕན་ཚུན། འགྲོ་བའི་ཆས་སུ་ཞུགས་ནས། ས་གཞི་དེ་ནས་འབྱུང་ངོ་།། སྒྲ་གཅན་གྱི་ས་གཞི་དེ་ན་དེའི་གྲོང་ཁྱེར་འོད་ཅན་ཞེས་བྱ་བ་དཔག་ཚད་བརྒྱད་སྟོང་ཡོད་པ་རིན་པོ་ཆེ་སྣ་དུ་མའི་ཚལ་དང་། ནགས་ཚལ་དང་། ཤིང་ལྗོན་པ་དང་། ཁང་ཁྱིམ་དང་། ལྟེང་ཀ་དང་། འབབ་ཆུ་དང་། རྫིང་དང་། ཆུ་ཀ་བདེ་བ་རྣམས་ཀྱིས་མཛེས་པར་བྱས་པ་དེའི་ནང་ནས་ལྷ་མ་ཡིན་གྱི་དབང་པོ་དེ་ལུས་མེ་ཏོག་གི་འཕྲེང་བ་དང་། ཕྱེ་མ་དང་། སྤོས་ཀྱི་བྱུག་པ་རྣམས་ཀྱིས་བརྒྱན་ཏེ་བྱུང་ནས། དེ་ལྷ་རྣམས་ཀྱི་ཚལ་དང་། ནགས་ཚལ་རྣམས་ལ་ལྟ་བར་བྱེད་དོ།། དེ་ལྟ་ཞིང་འདུག་པ་ན། གལ་ཏེ་འཛམ་བུ་གླིང་གི་མི་རྣམས་ཆོས་མ་ཡིན།། པ་ལ་ཞུགས་ཏེ། པར་མི་འཛིན་པ་དང་། མར་མི་འཛིན་པ་དང་། དགེ་སྦྱོང་དུ་མི་འཛིན་པ་དང་། བྲམ་ཟེར་མི་འཛིན་པ་དང་། རང་གི་ཕ་ཚན་གྱི་ནང་ན་རྒན་རབས་ཀྱི་རིམ་པ་མེད་པ་དང་། ཆོས་ལ་མི་རྟེན་པ་དང་། དཀོན་མཆོག་གསུམ་ལ་མཆོད་པ་མི་བྱེད་པ་དང་། དགེ་བ་དང་མི་དགེ་བའི་ལས་ལ་མི་ལྟ་བར་གྱུར་ན་ནི། དེའི་ཚེ་ས་ཐ་མ་ལ་གནས་པ། རྒྱལ་ཆེན་བཞིའི་རིས་ཀྱི་ལྷ་རྣམས་མཐུ་ཆུང་བར་འགྱུར་ཏེ། གཅིག་གིས་གཅིག་བསོགས་ནས། ཀྱེ་ལྷ་རྣམས་སེང་གེ་མོའི་བུ་སྒྲ་གཅན་ནི་བདག་ཅག་གསད་པའི་ཕྱིར་བརྟུལ་ཏེ་བྱུང་ངོ་ཞེས་འཛེར་ཏོ།། གང་གི་ཚེ་འཛམ་བུ་གླིང་གི་མི་རྣམས་ཆོས་དང་ལྡན་པར་གྱུར་ཏེ། ཕར་འཛིན་པ་དང་། མར་འཛིན་པ་དང་། དགེ་སྦྱོང་དུ་འཛིན་པ་དང་། བྲམ་ཟེར་འཛིན་པ་དང་། རང་གི་ཕ་ཚན་གྱི་ནང་ན་རྒན་རབས་ཀྱི་རིམ་པ་ཡོད་པ་དང་། ཆོས་ལ་རྟེན་པ་དང་། དཀོན་མཆོག་གསུམ་ལ་མཆོད་པ་བྱེད་པ་དང་། དགེ་བ་དང་། མི་དགེ་བའི་ལས་ལ་ལྟ་བར་གྱུར་ན་ནི། དེའི་ཚེ་ས་ཐ་མ་ལ་གནས་པ། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱིས་རིན་པོ་ཆེ་སྣ་ཚོགས་བླངས་ཞིང་། ལུས་རྒྱན་ཆ་ལུགས་སྣ་ཚོགས་སུ་ཚ་ཞིང་ལུས་མེ་ཏོག་གི་འཕྲེང་བ་དང་། ཕྱེ་མ་དང་། སྤོས་ཀྱི་བྱུག་པ་རྣམས་ཀྱིས་བརྒྱན་ཏེ། མཚོན་ཆ་སྣ་ཚོགས་ཀྱི་ཆར་འབེབས་ལ། ཧ་ཧ་ཞེས་བྱ་བའི་སྒྲ་སྒྲོགས་ཤིང་རི་རབ་ཀྱི་ཁོང་ན། ཚལ་དང་། ནགས་ཚལ་གང་ན། སེང་གེ་མོའི་བུ་སྒྲ་གཅན་འདུག་པ་དེ་དག་ཏུ་རྒྱུག་གོ། དེ་སྟེ་དེ་མི་རྒོལ་ན་ནི། རི་རབ་ཀྱི་ངོས་ལ་ཚལ་དང་། ནགས་ཚལ་འདུག་བ་དག་ལ། ཉི་མའི་ཟེར་གྱིས་ཕོག་པའི་འོད་ཟེར་འབུམ་ཕྲག་མང་པོ་དེའི་གདོང་དུ་བ་བ་སྟེ། མིག་ལ་གནོད་པར་གྱུར་པ་མཐོང་ངོ་།། དེས་ཉི་མའི་ཟེར་དེ་མཐོང་ནས། ཉི་མའི་ཟེར་གྱིས་མིག་འཁྲུགས་ཏེ། ཉི་མའི་ལན་གྱིས་ལྷའི་བུ་མོ་རྣམས་ཀྱང་ལྟ་བར་མ་ནུས། ལྷའི་ཚལ་དང་། ནགས་ཚལ་རྣམས་དང་། རྫིང་རྣམས་དང་། ལྷའི་འབྱོར་པ་རྣམས་ཀྱང་ལྟ་བར་མ་ནུས་ནས། དེས་བསམས་པ། ཀྱེ་མ་ཉི་མའི་ལན་གྱིས་ལྷའི་བུ་མོ་རྣམས་བདག་གིས་བལྟ་བར་མ་ནུས་སོ་སྙམ་སྟེ། ཁྲོས་པས་མིག་རྩ་དམར་པོར་གྱུར་ཅིང་། ལག་པས་ཉི་མའི་དཀྱིལ་འཁོར་སྒྲིབ་པར་བྱེད་དོ།། དེས་ཉི་མའི་དཀྱིལ་འཁོར་ལག་པས་བསྒྲིབས་ནས། དེ་དག་གི་ལྷ་མོ་རྣམས་དང་། མཐོ་རིས་བལྟའོ་སྙམ་སྟེ། མདོག་སྡུག་ཅིང་ཡིད་དུ་འོང་བ་ལྟ་བ་ལ་རྩེ་ཚུགས་སུ་འདུད་དོ།། དེ་ནས་རྒྱ་མཚོས་ནི་དེའི་རྐེད་པར་ཕྱིན་ལ། སྔ། མ་བཞིན་དུ་ནོར་བུའི་རྒྱན་ཇི་ལྟ་བུ་ཐོགས་པ་དེ་ལྟ་བུའི་ཁ་དོག་གིས་རྐེད་པ་ཡན་ཆད་ཁྱབ་པར་འདུག་སྟེ། ནོར་བུའི་འོད་ཀྱིས་ལག་པ་སྔོན་པོའམ། དམར་པོ་འམ། སེར་པོ་འམ། ནག་པོར་འགྱུར་ཏེ། ལག་པས་ཉི་མའི་ཟེར་གྱི་གནོན་པ་བསྒྲིབས་པ་དེ། བྲམ་ཟེ་རྟོག་གེ་པ་ལོག་པའི་ཐོས་པས་བསླུས་པ་རྣམས་ཀྱིས་མཐོང་ནས། ཉི་མ་གཟའ་སྡིག་ཅན་གྱིས་ཟིན་ཏོ།། ཉི་མ་གཟའ་དམར་པོས་ཟིན་ཏོ།། ཉི་མ་གཟའ་སེར་པོས་ཟིན་ཏོ།། ཉི་མ་གཟའ་ནག་པོས་ཟིན་ནོ་ཞེས་ཟེར་ཞིང་། ལས་དང་འབྲས་བུ་རྒྱབ་ཏུ་བོར་ནས། དེ་ལྟ་བུས་འཚོ་བ་ཚོལ་བའི་ཕྱིར། འདི་ལྟར་ལོ་ལེགས་པར་འགྱུར་རོ།། ལོ་ཉེས་པར་འགྱུར་རོ། ། རྒྱལ་པོ་ལ་རུང་བར་འགྱུར་རོ།། རྒྱལ་པོ་ལ་མི་རུང་བར་འགྱུར་རོ།། ལྟས་བཟང་ངོ་།། ལྟས་ངན་པར་འགྱུར་རོ་ཞེས་རྟོག་གེའི་རིག་པས་སྟོན་པར་བྱེད་དོ།། ཡང་དག་པར་ན་ནི་དེས་ཉི་མ་ལག་པས་བསྒྲིབས་ནས། ལྷའི་འཇིག་རྟེན་ཚལ་དང་། ནགས་ཚལ་དང་། ལྟེང་ཀ་དང་། རིན་པོ་ཆེས་མཛེས་པར་བྱས་པ་དང་བཅས་པ་བདེ་བླག་ཏུ་ལྟ་བར་བྱེད་པ་ཡིན་ནོ།། དེ་ནས་ལྷའི་དབང་པོ་བརྒྱ་བྱིན་གྱིས་དེ་མཐོང་ནས། ལྷ་རྣམས་ལ་ངའི་ཤིང་རྟ་སྔོན་དུ་ཐོང་ལ་སྒྲ་གཅན་འདི་ཟློག་ཅིག་ཅེས་བསྒོའོ།། དེ་ནས་ལྷའི་དབང་པོ་བརྒྱ་བྱིན་གྱིས་བསྒོ་བ་བཞིན་དུ་ལྷ་རྣམས་ལུས་རིན་པོ་ཆེ་སྣ་ཚོགས་ཀྱིས་བརྒྱན་ཏེ། སེང་གེ་མོའི་བུ་སྨ་གནྡྷ་ན་ག་ལ་བ་དེར་འཐབ་མོ་བྱ་བའི་ཕྱིར་རྒྱུག་གོ།། དེ་ནས་དེས། ལྷ་དེ་རྣམས་མཐོང་ནས། ཕྱིར་རང་གི་གནས་སུ་འགྲོ་བར་འགྱུར་རོ། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་ཟླ་བ་ལ་གཟའ་འཇུག་པ་ལ་རྟོག་པར་བྱེད་དེ། ཟླ་བ་ལ་སྒྲ་གཅན་ཇི་ལྟར་འཛིན་སྙམ་ནས། དེས་ཟོས་པ་ལས་བྱུང་བའི་ཤེས་པས་བརྟགས་ན། སྒྲ་གཅན་གྱི་གཡོག་འཁོར་གང་ཡིན་པ་དེ་དག། རྟག་ཏུ་རྒྱ་མཚོའི་ཆུའི་སྟེང་དུ་རྒྱུ་བ་དེ་དག་གིས་ཟླ་བ་ཤར་ཕྱོགས་ཀྱི་རིའི་རྩེ་མོ་ནས་འཛམ་བུ་གླིང་དུ་འོང་བ་ན་བཻ་ཌཱུཪྻའི་འོད་ཀྱི་དཀྱིལ་ན། བརྒྱ་འགྱུར་བས་ཀྱང་མཛེས་པར་མཐོང་ནས། སྒྲ་གཅན་གྱི་གཡོག་འཁོར་རྣམས་ཀྱིས་སྒྲ་གཅན་ལ་བསྙད་དེ། རྒྱལ་པོ་ཆེན་པོ་ཟླ་བ་ཉ་བ་དེ་ལྷའི་བུ་མོའི་བཞིན་ཁོ་ན་ལྟར་འདུག་པ་འོང་ངོ་ཞེས་ཟེར་རོ། ། དེ་ནས་དེ་དག་ལས་ཐོས་ནས། སྒྲ་གཅན་ལྷའི་བུ་མོ་ལ་ཆགས་པས། ཟླ་བ་ལ་ལྟ་འདོད་པར་འགྱུར་ནས། སྒྲ་གཅན་རང་གི་ས་གཞི་ནས་བྱུང་སྟེ། ལྷའི་བུ་མོའི་བཞིན་ལ་རེག་པར་འདོད་པའི་ཕྱིར་ཐག་རང་པོ་ནས་ཟླ་བའི་དཀྱིལ་འཁོར་ལ་སྒྲིབ་པར་བྱེད་པ་དེའི་ཚེ། རིན་པོ་ཆེ་དུ་མས་སྔ་མ་བཞིན་དུ་ལུས་བརྒྱན་པ་དེ། འཛམ་བུ་གླིང་བའི་རྟོག་གེ་བ་རྣམས་ཀྱིས་མཐོང་ནས། ཡུལ་གྱི་མི་རྣམས་ལ་བསྙད་དེ། གཟའ་ནག་པོ་ཞིག་གོ། གཟའ་དམར་པོ་ཞིག་གོ།། གཟའ་སེར་པོ་ཞིག་གོ། ལོ་ལེགས་པར་འགྱུར་རོ།། མེ་ཉོས་པར་འགྱུར་རོ།། རྒྱལ་པོ་ལ་རུང་བར་འགྱུར་རོ།། རྒྱལ་པོ་ལ་མི་རུང་བར་འགྱུར་རོ།། མཚོན་གྱིས་འགྱེད་པར་འགྱུར་རོ། བདེ་བར་འགྱུར་རོ་ཞེས་ཟེར་རོ།། ནུབ་ཀྱི་བ་ལང་སྤྱོད་དང་། ཤར་གྱི་ལུས་འཕགས་དང་། བྱང་གི་སྒྲ་མི་སྙན་ལ་སོགས་ན་གཟའ་འདུག་སྟེ། ཉི་མ་དང་ཟླ་བ་ལ་སྒྲིབ་ན་ནི། གླིང་དེ་དག་ན་རྟོག་གེ་བ་དག་ཀྱང་མེད། ལོག་པར་སྨྲ་བ་དག་ཀྱང་མེད་དེ། དེ་ལྟར་ན་རྒྱུ་དེ་ལྟ་བུས་གཟས་ཟླ་བ་དང་ཉི་མའི་དཀྱིལ་འཁོར་ལ་སྒྲིབ་པར་བྱེད་དོ།། རྟོགགེ་པ་རྣམས་ནི་གནམ་གྲུམ་པའང་སྟོན་པར་བྱེད་དེ། སྒྲ་གཅན་སའི་འོག་ན་འདུག་པ་ལ། ལྷ་མ་ཡིན་རྣམས་ཀྱིས་སྨྲས་པ། ཀྱེ་མ་ཇི་ལྟར་ལྷརི་དབང་པོ་ཀོའུ་ཤི་ཀ་རི་རབ་ཀྱི་སྟེང་ན། གྲོང་ཁྱེར་བལྟ་ན་སྡུག་དང་། ལྷའི་འདུན་ས་ཆོས་བཟང་ན། ལྷའི་འདོད་པའི་ཡོན་ཏན་ལྔ་འབྱོར་ཅིང་ལྡན་པར་འདུག་ལ། བདེ་བ་རྣམས་ཉམས་སུ་མྱོང་སྟེ། དེ་ལྟར་ལྷ་རྣམས་ཀྱི་རྒྱལ་པོ་ནི་ཀོའུ་ཤི་ཀ་ལགས། བདག་ཅག་གི་རྒྱལ་པོ་ནི་ཁྱོད་ལགས་ཏེ། དེ་བས་ཆེས་མཐུ་ཆེ་ཞིང་རྫུ་འཕྲུལ་ཆེ་བ་ལགས་ཀྱི། བདག་ཅག་དོང་ལ། དབང་པོ་དང་བཅས་པའི་ལྷ་རྣམས་དང་གཡུལ་འགྱེད་པར་བགྱིའོ། ། དེའི་གྲོང་ཁྱེར་ཡང་གཞོམ་པར་བགྱིའོ་ཞེས་ཟེར་རོ།། དེ་ལྟར་ལྷ་མ་ཡིན་གྱི་དབང་པོ་སྒྲ་གཅན་ལྷ་མ་ཡིན་རྣམས་ཀྱིས་སྡད་ནས་ཁྲོས་ཏེ་སྐད་འབྱིན་ཅིང་། གྲོང་ཁྱེར་འོད་ཅན་དེ་ནས་རིངས་པར་འབྱུང་སྟེ། གང་གི་ཚེ་དེས་སྐད་ཕྱུང་བ་དེའི་ཚེ། རྟོག་གེ་པ་རྣམས་ན་རེ། གན་མ་གྲུམ་པ་འདི་ནི་ལྷའི་ལྟས་ཡིན་ཏེ། ལོ་ལེགས་པར་འགྱུར་རོ།། ལོ་ཉེས་པར་འགྱུར་རོ།། རྒྱལ་པོ་ལ་རུང་བར་འགྱུར་རོ། ། རྒྱལ་པོ་ལ་མི་རུང་བར་འགྱུར་རོ།། མཚོན་གྱིས་འགྱེད་པར་འགྱུར་རོ།། མཚོན་གྱིས་འགྱེད་པར་མི་འགྱུར་རོ་ཞེས་ཟེར་ཏེ། དེ་དག་སྦྱིན་སྲེག་བྱེད་ཅིང་ཞི་བ་དང་། བདེ་ལེགས་སུ་བྱ་བ་དག་བྱེད་དོ།། དེ་ནས་ལྷ་མ་ཡིན་གྱི་དབང་པོ་སྒྲ་གཅན་འདི་སྙམ་དུ་སེམས་ཏེ། ཇི་ཙམ་དུ་གྲོང་ཁྱེར་འོད་ཅན་ན་ནོར་བུ་རྣམས་འོད་གསལ་བར་འདུག་པ་ཙམ་དུ་བདག་གི་ཕོ་ཟང་ཆེས་འོད་གསལ་བར་འགྱུར་ལ། འོད་མི་གསལ་ན་ནི་དེའི་འོད་ཀྱང་ཞན་པར་འགྱུར་བ་དེ་བཞིན་དུ། ལྷ་རྣམས་ཀྱིས་འོད་བྱེད་པའང་ནོར་བུ་དང་འདྲ་བར་ཟླ་བ་ཉ་བ་དང་ཉི་མ་ཡིན་གྱིས། བདག་གིས་དཀྱིལ་འཁོར་དེ་གཉིས་རེ་རེ་ནས་བསྒྲིབ་པར་བྱའོ།། དེ་ལྟར་བྱས་པ་དང་། ལྷ་རྣམས་ཀྱི་འོད་མེད་པར་འགྱུར་རོ་སྙམ་སྟེ། དེ་བློ་དེ་ལྟ་བུས་གལ་ཏེ་ཉིན་པར་བྱུང་ན་ནི། དེས་སྔ་མ་བཞིན་དུ་ལག་པའང་གཅིག་གིས་ནི་ཉི་མའི་དཀྱིལ་འཁོར་སྒྲིབ་པར་བྱེད་དོ།། ལག་པ་ཡ་གཅིག་གིས་ནི་རི་རབ་ཀྱི་ཟོམ་ལ་ནོམ་པར་བྱེད་དོ། ། དེ་ནས་ལྷ་རྣམས་ཀྱིས་དེའི་ལག་པ་མཐོང་ནས། འཐབ་པའི་ཕྱིར་ཚ་བར་བྱེད་དོ།། དེ་ནས་དེ་དུད་འགྲོར་གཏོགས་པ་ཡིན་པས་སྙིང་སྟོབས་ཆུང་ལ་ལྷ་རྣམས་ཀྱི་ལུས་རིན་པོ་ཆེ་སྣ་ཚོགས་ཀྱིས་བརྒྱན་པ། གཟི་བརྗིད་ཀྱི་ལུས་ཅན་དག་མཐོང་ནས། དེ་བག་ཚ་བ་སྐྱེ་སྟེ། ཕྱིར་སའི་འོག་ཏུ་གྲོང་ཁྱེར་འོད་ཅན་དུ་འགྲོ་བར་འགྱུར་བ་འདི་ནི་ཉི་མ་དང་ཟླ་བ་ལ་གཟའ་འཇུག་པ་དང་། གནམ་གྲུམ་པའི་རྒྱུ་གཉིས་པ་ཡིན་ནོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་ལྷ་མ་ཡིན་ཆེན་པོ་སྒྲ་གཅན་གྱི་བདེ་བ་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་དེའི་གྲོང་ཁྱེར་ནི་དཔག་ཚད་སྟོང་ཡོད་ལ། རི་རབ་ལ་བརྟེན་ཏེ། རིན་པོ་ཆེ་སྣ་ཚོགས་ཀྱིས་མཛེས་པར་བྱས་པ། ཆུ་ཀླུང་དང་། ལྟེང་ཀ་དང་། སྐྱེད་མོས་ཚལ་དང་ལྡན་པ། ས་གཞི་གསེར་བཙོམས་ངརྒྱན་པ།། གསེར་གྱི་ཁང་ཁྱིམ་བྱུ་རུའི་ཤིང་ལྗོན་པས་མཛེས་པར་བྱས་པ་དང་ལྡན་པ། དྲིལ་བུ་གཡེར་ཀ་ཅན་གྱི་ཤིང་སྔོན་པས་སྒྲ་བསྒྲགས། པ། སིལ་སྙན་དང་། རོལ་མོའི་སྒྲ་དང་། ཀླུ་དབྱངས་ཀྱིས་རབ་ཏུ་དགའ་བར་བྱས་པ། མཚེའུ་གསེར་གྱི་པདྨ་དག་གིས་མཛེས་པར་བྱས་པ་དང་ལྡན་པ། གསེར་གྱི་དང་མོ་དང་། ཟལ་མོ་དང་། དུ་པ་རྣམས་ཀྱིས་མཛེས་པར་བྱས་པ་སྟེ་། འདི་ལྟ་སྟེ། ལྷ་ཡུལ་གྱི་བྱ་ལྟ་བུ་རྨ་བྱ་བལྟ་ན་སྡུག་པ་དག་དང་། ནོར་བུའི་མཆུ་ཅན་ལྟ་བུ་དག་དང་དུས་ཐམས་ཅད་དུ་རབ་ཏུ་དགའ་ཞིང་དུ་འདུག་པ་དག་དང་། འགྲོ་ས་སྡུག་པ་དང་། རིན་པོ་ཆེ་སྣ་བདུན་གྱི་ལུས་ཅན་དག་དང་། བཻ་ཌཱུ་རྨའི་སྔོན་པོའི་མདོག་ཅན་དག་དང་། མཐོན་ཀ་ཆེན་པོའི་མདོག་ཅན་དག་དང་། རབ་ཏུ་དགའ་ཞིང་། ཁང་བཟངས་ཀྱི་རྩེ་མོ་མཛེས་བཔར་བྱེད་པ་དག་དང་། མིག་མི་འཛུམས་ཤིང་། ཆར་སྤྲིན་གྱི་འབྲུག་བླ་ལྟ་བུའི་སྒྲ་སྐད་འབྱིན་པ་དག་དང་། ལྟད་མོ་ཆེ་བ་དག་དང་། བྱའོ་ཅོག་དང་འདྲ་བར་སྟོན་པ་དག་དང་། མཐོང་ན་ཡིད་དང་འབད་པབ་དག་དང་། རིག་འགྲམ་རིང་བ་ཤ་སྟག་དང་། བྱ་ཨ་ག་ནི་ཙུད་ཞེས་བྱ་བ་མིག་ཟུར་བྱེད་པ་མགོ་གཉིས་པ་ལ་ཆུང་མ་གཉིས་དང་ལྷན་ཅིག་འགྲོགས་པ་དག་དང་། མེ་ཏོག་གི་ཁུ་བས་མྱོས་ཤིང་། བ་ཀུ་ལའི་མེ་ཏོག་བཞིན་དུ་ལྷན་ཅིག་གཏམས་པ་དག་དང་། སྐད་ཀྱི་གདངས་བྲག་ཆ་ཅན་གསེར་གྱི་རྭ་ཅན་དག་དང་། བཻ་ཌཱུཪྻའི་རྭ་ཅན་ཆུ་ལ་རྩེ་བ་དག་དང་། དུས་ཚིགས་སུ་རྒྱགས་པ་དང་། རྟག་ཏུ་རྒྱགས་ཤིང་རབ་ཏུ་དགའ་བ་དག་དང་། མིག་གི་མདོག་སྣུམ་པ་ཤ་སྟག་དང་། བྱ་ཀ་ར་ན་ད་ཀ་ཞེས་བྱ་བ་མེའི་མདོག་ཅན་ཛ་གྲ་ལྟ་བུའི་གདང་ས་དང་ལྡན་པ་ཤ་སྟག་དང་། བྱ་སྦུབདྨ་ཞེས་བྱ་བ་མདོག་འཇམ་ཞིང་གློག་གི་ཁ་དོག་ཅན་དག་དང་། སྤུ་སྡུག་སྤེལ་མ་ཅན་ནགས་ཁྲོད་དུ་རྒྱུ་བ་དག་དང་། སལ་སུལ་དང་། གཤང་གཤོང་དག་ན་རྒྱུ་བ་དག་དང་། རྟག་ཏུ་རྒྱགས་པ་ཤ་སྟག་དང་། བྱ་བྷིང་གར་ཛ་དང་། ཧུ་ལུ་ཀུན་ད་དང་། མུ་ལུ་ཀུན་ད་དང་། སྤྲིག་ཀ་གན་དྷ་ཞེས་བྱ་བ་ཁང་ཁྱིམ་ལ་གནས་པ། མདོག་འཇའ་ཚོན་ལྟར་འདུག་པ་དག་དང་། མེ་ཏོག་གི་ཆུན་པོ་མཆོག་ལྟ་བུ་དག་དང་མགྲིན་པ་མཛེས་པ་དག་དང་། མགྲིན་པ་དམར་བ་དག་དང་། པདྨ་ལྟ་བུ་དག་དང་། འདབ་མ་འཇམ་པ་དག་དང་། འདབ་མ་དྲག་ཏུ་སྤྱོད་པ་དང་། འདབ་མ་ཁ་དོག་དང་དབྱིབས་དུ་མ་དང་ལྡན་པ་དག་དང་། མཆུ་རིང་ཞིང་ནོར་བུ་དང་གསེར་ལས་གྲུབ་པ་ཤ་སྟག་དང་། ཁུ་བྱུག་དང་། བྱ་བང་ལུས་མཁྲེགས་ཤིང་མགྲིན་པ་མཐོ་ལ་དྲི་མ་མེད་ཅིང་འདབ་མའི་མདོག་སྡུག་ལ། གཉིས་ཤིང་ནམ་མཁའ་ལ་ལྡིང་བ་དང་། གཉིས་ཤིང་ཆུ་འཐུང་བ་དང་། གཉིས་ཤིང་ཐང་ལ་འགྲོགས་པ་དང་། གར་བྱེད་བཞིན་དུ་སྐད་འབྱིན་པ་དང་། རྒྱགས་ཤིང་སྐད་འབྱིན་པ་ཤ་སྟག་དང་། ཤིང་ལྗོན་པ་བ་ཀུ་ལ་ལ་གནས་པའི་བྱའི་རིགས་རྣམས་སྐྱེད་མོས་ཚལ་དང་། ནགས་ཚལ་དུ་བཅས་པའི་གྲོང་ཁྱེར་དེ་ཁོ་ར་ཁོར་ཡུག་ན་གནས་ཤིང་སྐད་འབྱིན་པ་དང་། གྲོང་ཁྱེར་དེ་ན་མཚོ་ཡོད་པ་རྣམས་པདྨའི་ཚལ་རྣམ་པ་སྣ་ཚོགས་ཀྱིས་གང་ལ། ནགས་ཚལ་གྱིས་འཁོར་ཞིང་མཛེས་པར་བྱས་སོ།། གྲོང་ཁྱེར་དེ་ན་གསེར་གྱི་ཤིང་ལྗོན་པའི་ནགས་ཚལ་བཞི་ཡོད་དེ། གྲོང་ཁྱེར་དེའི་ནགས་ཚལ་དེ་དག་ཐམས་ཅད་ཀྱི་ཚད་ནི་དཔག་ཚད་བརྒྱ་ཡོད་དོ། ། དེ་ལ་ནགས་ཚལ་གཅིག་གི་མིང་ནི་རྩེད་མོ་ཅན་ཞེས་བྱའོ།། གཅིག་གི་མིང་ནི་རྒྱགས་པའི་ཀུན་དགའ་ར་བ་ཞེས་བྱའོ།། གཅིག་གི་མིང་ནི་དང་པའི་གནས་ཞེས་བྱའོ།། གཅིག་གི་མིང་ནི་ཁུ་བྱུག་གི་ཀུན་དགའ་ར་བ་ཞེས་བྱ་སྟེ། ནགས་ཚལ་བཞི་པོ་དེ་རྣམས་ཀྱིས་གྲོང་ཁྱེར་དེའི་ཁོ་ར་ཁོར་ཡུག་ནས་སྦ་བར་བྱས་སོ།། ནགས་ཚལ་དེ་ན་ཤིང་ལྗོན་པའི་རིགས་སུམ་སྟོང་ཡོད་དེ། ཤིང་ལྗོན་པ་དེ་དག་གི་ནང་ན་གཙོ་བོ་ནི་འདི་ལྟ་སྟེ། སྤྲིན་ལྟར་སྒྲིབ་པ་དང་། ཡལ་ག་མཐོ་ལ་འཇམ་པ་དང་། བྱ་གནས་དང་། རྟག་ཏུ་མེ་ཏོག་རྒྱས་དང་། དཔག་ཚད་གཅིག་ཏུ་ངད་ལྡང་བ་དང་། བུང་བས་གང་བ་དང་། སྦྲང་རྩི་འཛག་དང་། གསེར་མདོག་ཅན་དང་། ཆང་འཛག་དང་། ཙན་དན་ས་མཆོག་པ་དང་། སྤྲིན་ནག་པོའི་མདོག་ཅན་དང་། ལོ་མ་བདུན་པ་དང་ཀེ་ཏ་ཀ་དང་། ཤིང་སྤྲིག་ཀ་དང་། སེར་བུ་ངད་ལྡང་དང་། ཨ་ཀ་རུ་ནག་པོའི་མདོག་ཅན་དང་། ཀུན་ཏུ་མིག་ལྡན་དང་། སྨོན་ཤིང་དང་། ནོར་བུའི་ལྗོན་ཤིང་དང་། མེ་མདོག་དང་། མྱ་ངན་འཚང་སྔོན་པོ་དང་། མྱ་ངན་འཚང་དམར་པོ་དང་། བཀུ་ལ་དང་། ཨ་རྫུན་དང་། ནི་རྡུལ་དང་། སིན་དུ་བ་ར་ཏི་དང་། ཏིལ་ཀང་དང་། ནི་པ་ཞེས་བྱ་བ་རྣམས་ཏེ། ཁོར་ཁོར་ཡུག་ནས་པདྨའི་ཚལ་གྱིས་འཁོར་བ། མེ་ཏོག་རྒྱས་དང་། མ་དུ་ཀ་དང་། ན་ཡི་ཀེ་ར་དང་། པ་ན་ས་དང་། ཆུ་ཤིང་དང་། ཀུ་བ་འཕྱང་དང་། བྱི་དུར་དང་། ས་འགེས་དང་། གནམ་འབྲིང་དང་། སྤྲིན་མདོག་ཅན། དང་། མཐོང་དགའ་དང་། སྤྲིན་འཁོར་དང་། བྱ་མངས་དང་། བུང་མངས་དང་། སྤོས་འཕྲེང་ལྡན་དང་། མེ་ཏོག་དྲི་ཞིམ་དང་། ཁ་དོག་སྣ་ཚོགས་ཅན་དང་། མེ་ཏོག་ཅན་དང་། དུས་ཚོགས་ཀུན་དགའ་དང་། དུས་ཚིགས་སོ་སོར་དགའ་བ་དང་། བུད་མེད་མཐོང་དགའ་དང་། བུད་མེད་སྦྱིན་དང་། རྒུན་ཤིང་དང་། ཀ་པིད་ཐ་དང་། པ་རུ་ཤ་ཀ་དང་། ཁ་དོག་དང་རྒྱན་གྱིས་ཀླུབས་པ་དང་འོད་ཅན་དང་། ཆུ་འགྲམ་སྐྱེ་དང་། རི་མཐོང་དགའ་བྱེད་དང་། རྒྱང་རིང་སྣང་དང་། དེ་ལྟ་བུ་ལ་སོགས་པ་ཁ་ཅིག་ནི་འཛམ་བུ་གླིང་ན་སྐྱེ་བ། ཁ་ཅིག་ནི་བྱང་གི་སྒྲ་མི་སྙན་ན་སྐྱེ་བ། ཤིང་ལྗོན་པ་ཁ་ཅིག་ནི་ལྷ་མ་ཡིན་གྱི་གྲོང་ཁྱེར་ན་ས་སྐྱེ་བ་དག་ཡོད་དོ། ། ལྷ་མ་ཡིན་གྱི་གྲོང་ཁྱེར་སྣང་ལྡན་དེ་ན་ཤིང་ལྗོན་པ་ཁ་ཅིག་ནི་མེ་ཏོག་འབའ་ཞིག་གི་ཤིང་དང་། ཁ་ཅིག་ནི་མེ་ཏོག་དང་ལྡན་པའི་ཤིང་དང་། ཁ་ཅིག་ནི་འབྲས་བུའི་ཤིང་དང་། ཁ་ཅིག་ནི་ཆང་བྱུང་བའི་ཤིང་དག་ཡོད་དོ།། ལྷ་མ་ཡིན་གྱི་དབང་པོ་ཆེན་པོ་སྒྲ་གཅན་དེའི་ཁོ་ར་ཁོར་ཡུག་ནས་ལྷ་མ་ཡིན་གྱི་བུ་མོ་དག་གིས་བསྐོར་ཏེ། ཤིན་ཏུ་གར་བྱེད་ཅིང་དགོད་ལ་ཅི་མཛེས་སུ་འཆོས་ཏེ། རབ་ཏུ་རྩེ་ཞིང་། རབ་ཏུ་དགའ་བར་བྱེད་དེ། ཀུན་ནས་ཉོན་མོངས་པ་ཅན། རིང་པོར་མི་ཐོགས་པ། མི་རྟག་ཅིང་མི་བརྟན་པ། མི་བདེ་བར་འགྱུར་བའི་བདེ་བར་ཉམས་སུ་མྱོང་ངོ་། ། ལྷ་མ་ཡིན་གྱི་དབང་པོ་དེ་ལ་བཙུན་མོ་བཞི་ཡོད་དེ། གཅིག་གི་མིང་ནི་ཡིད་བཞིན་མཛེས་འགྱུར་ཞེས་བྱ། གཅིག་གི་མིང་ནི་སྤོས་ཀུན་ལྡང་ཞེས་བྱ། གཅིག་གི་མིང་ནི་ནགས་ཚལ་མཛེས་ཞེས་བྱ། གཅིག་གི་མིང་ནི་བཀྲ་ཤིས་མ་ཞེས་བྱའོ།། དེ་དག་གི་གཡོག་མོའང་ལྷ་མ་ཡིན་གྱི་བུ་མོ་ཁྲག་ཁྲིག་ཕྲག་བཅུ་གཉིས་ཡོད་དེ། དེའི་ནང་ན་དེའི་ཁོ་ར་ཁོར་ཡུག་ནས་བསྐོར་ཏེ། འདོད་པ་ལ་སེམས་ཞེན་ཅིང་འདུག་གོ།། དེའི་ངོ་མཚར་རུང་བའི་བདེ་བ་དང་། ཡུལ་གྱི་ལོངས་སྤྱོད་གང་ཡིན་པ་དེ་དག་གི་མིང་ཡང་ཤེས་པར་སླ་བ་མ་ཡིན་ནོ།། དེ་དེ་ན་ལྷ་མ་ཡིན་བྱེ་བ་ཕྲག་དུ་མས་ཞབས་འབྲང་བྱས་ཏེ། ཁང་བཟངས་ཀ་བ་སྟོང་གིས་མཛེས་པར་བྱས་པ། དངུལ་ལས་བྱས་པའི་ཁང་བཞག་གིས་དཀྲིགས་པ་དེ་ན་རྩེ་ཞིང་དགའ་ལ་དགའ་དགུར་སྤྱོད་དེ། རང་གི་ལས་ཀྱི་འབྲས་བུ་ལ་སྤྱོད་དོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སྒྲ་གཅན་གྱི་ལས་དང་ཆོས་ལ་བརྟགས་ཏེ། ལས་གང་གིས་ན་ལྷ་མ་ཡིན་གྱི་དབང་པོ་སྒྲ་གཅན་འགྲོ་བ་དེ་ལྟ་བུར་སོང་ཞིག་གུ། འདིའི་ལས་ཅི་ཞིག་བྱས་ན། ལས་དེའི་རྣམ་པར་སྨིན་པས་འབྲས་བུ་འདི་ལྟ་བུ་མྱོང་བར་འགྱུར་སྙམ་མོ།། འདི་ལ་ཚིགས་སུ་བཅད་པ་དག་ཡོད་དེ། རྒྱུ་མེད་པར་ནི་བདེ་བ་དག། ཇི་ལྟར་བྱས་ཀྱང་མྱོང་མི་འགྱུར། ། འབྲས་བུ་ལས་དང་འབྲེལ་བ་སྟེ།། འབྲས་བུ་ས་བོན་རག་ལས་བཞིན།། ལེགས་བྱས་འབྲས་བུ་དགེ་བ་སྟེ།། ལྷ་དང་མིར་ནི་ངེས་པར་འགྱུར།། ཉེས་བྱས་ངན་སོང་གསུམ་དུ་དེས།། ལྷ་མིན་འཇིག་རྟེན་ཇི་ལྟ་བུར།། ཤེས་རག་ཞན་ཅིང་ཤེས་རབ་འཚལ།། དུད་འགྲོའི་སྐྱེ་གནས་སྐྱེས་དེ་དག། ཇི་ལྟར་བདེ་བ་མྱོང་བ་མཐོང་།། འདི་ལ་རྒྱུ་ཞིག་ཡོད་པར་འགྱུར། དེ་ལྟར་དགེ་སློང་མཆོག་ཏུ་ཡིད་གཟུངས་པ་དང་ལྡན་པ་དེས་ཐོས་པ་དང་ལྡན་པའི་ཤེས་རབ་ཀྱིས་བརྟགས་ན། དེ་སྔོན་བྲམ་ཟེ་རིག་བྱེད་དང་། རིག་བྱེད་ཀྱི་ཡན་ལག་དང་། གཏམ་རྒྱུད་ལྷུར་བྱེད་པ། སྦྱིན་པ་ལ་མཆོག་ཏུ་དགའ་བ་ཞིག་ཏུ་གྱུར་ནས། དེས་ནགས་ཁུང་གི་ལམ་དུ་ཞུགས་པ་རྣམས་ལའང་བཏུང་བ་དང་། ཁ་ཟས་དང་། འབྲས་བུ་དང་། རྩ་བ་དང་། ཆུ་དང་། ཁྱིམ་དང་། མལ་ཆ་དང་སྟན་གྱི་སྦྱིན་པ་དག་སྦྱིན་ལ། སྒོ་བཞིན་འཁོད་པའི་དམན་པ་དང་། ལོང་བ་དང་། བཀྲེན་པ་དང་། སྡུག་འཕོངས་པ་རྣམས་ལའང་ཟས་དང་། སྐོམ་དང་། མལ་ཆ་དང་། སྟན་མང་པོ་དག་བྱིན་ཏེ། དེའི་ཚེ་ནི་ཡང་དག་པའི་ལྟ་བ་དང་ལྡན་པར་གྱུར་ཏོ།། དེ་ལན་ཅིག་གཅིག་ན་དགེ་འདུན་གྱི་གཙུག་ལག་ཁང་མི་ཐི་ལའི་ཚལ་ཞེས་བྱ་བ་རྒྱར་དཔག་ཚད་ཉི་ཤུ་ཡོད་ལ། མཆོད་རྟེན་འབུམ་ཕྲག་དུ་མས་བརྒྱན་པ་གསེར་འབར་བས་འཁོར་བ་ཞིག། རྒྱལ་པོ་ནི་མི་ཞེས་བྱ་བ་ལ་སོགས་པ་རྒྱལ་པོ་ལྔ་བརྒྱས་བྱས་པ་ཡོད་དེ། དེའི་ནང་ནའང་མཆོད་རྟེན་འོག་གི་གདན་གསེར་ལས་བྱས་པ། ཁོ་ར་ཁོར་ཡུག་ནས་གསེར་འབར་བས་འཁོར་བ། རིན་པོ་ཆེ་སྣ་བདུན་གྱིས་མཛེས་པར་བྱས་པ། འབུར་རྣམ་པ་སྣ་ཚོགས་ཀྱིས་མཛེས་པར་བྱས་པ། སངས་རྒྱས་ཀྱི་ཐེག་པའི་ཚིག་རྣམ་པ་སྣ་ཚོགས་ཀྱིས་མཛེས་པར་བྱས་པ་ཞིག་ཡོད་ལ། མཆོད་རྟེན་དེ་ལའང་ཚལ་དང་། ནགས་ཚལ་དག་བྲིས་པ་ཡོད་དེ། སྔ་མ་བཞིན་ནོ།། དེའི་ཚེ་ན་ཤིང་ལྗོན་པ་གང་དག་སྒྲ་གཅན་གྱི་གནས་སུ་བྲིས་པ་དེ་དག་ཐམས་ཅད་འཛམ་བུ་གླིང་ན་ཡོད་དེ། རི་མོ་མཁན་རྣམས་ཀྱིས་ཇི་ལྟར་མཐོང་བ་བཞིན་དུ་མཆོད་རྟེན་དེ་ལ་བྲིས་སོ།། རྫིང་བུ་མང་པོ་བྱས་པ་གང་བ་དག་ཀྱང་ཡོད་དོ།། སྔ་མ་བཞིན་ནོ།། དེ་ལན་ཅིག་གཅིག་ཤིང་རྟ་བ་ནི་སྟོང་དང་ནགས་ཁུང་དེར་སོང་སྟེ། འགྲོན་པོ་ནགས་ཁུང་དུ་དོང་བ་རྣམས་ཀྱི་ཕྱིར་ཟས་དང་། ཐུག་པ་དང་། ཆུ་དག་ཁྱེར་རོ།། དེ་ནས་རེ་ཞིག་ན་མཆོད་རྟེན་འཕང་དུ་དཔག་ཚད་གཉིས་ཡོད་ལ། ཆུ་ཞེང་དུ་རྒྱང་གྲགས་ལྔ་ཡོད་པ་དེར། མི་སྡིག་ཅན་ཞིག་གིས་གསར་དུ་མེ་བཏང་ནས། མེ་དེས་མཆོད་རྟེན་དེ་ཚིག་ལ་ཐུག་སྟེ། བྲམ་ཟེ་དེས་མེ་ཤོར་བ་དེ་མཐོང་ནས་དེ་འདི་སྙམ་དུ་སེམས་ཏེ། བདག་ལ་འདིའི་བསོད། ནམས་ཀྱང་མི་དགོས། འདི་ཐམས་ཅད་མཁྱེན་པའི་གནས་ཀྱང་མ་ཡིན་མོད་ཀྱི། འོན་ཀྱང་འདི་མཛེས་པ་ཁོ་ན་ཞིག་པས། མེས་ཚིག་ན་ནི་མི་རུང་ལ། རྒྱལ་པོས་ཀྱང་བདག་བཀའ་གྱོད་སྨྲར་མེད་པར་བྱའོ་སྙམ་སྟེ། དེས་དད་ཅིང་གུས་པ་མེད་པར་ཤིང་རྟ་དེ་དག་གིས་ཆུ་བསྐྱས་ནས། མཆོད་རྟེན་དེ་ལས་མེ་བསད་དེ། འདི་ལྟར་དེས་ཆེད་ཆེར་མི་འཛིན་པར་དགོད་བཞིན་དུ། གལ་ཏེ་འདི་ལས་བསོད་ནམས་ཀྱི་རྣམ་པར་སྨིན་པ་ཞིག་ཡོད་ན་ནི། དེ་རགས་པ་ཞིག་ཡིན་གྲང་གིས། དེའི་རྣམ་པར་སྨིན་པས་ཅི་ནས་ཀྱང་འདོད་པའི་ཁམས་ན་བདག་ལས་ལུས་ཆེ་བ་གཞན་མེད་པ་ཙམ་དུ་གྱུར་ཅིག་ཅེས་བྱས་ཏེ། དད་པ་མེད་པ་དང་། སེམས་པ་མེད་པ་དང་། རྟག་ཏུ་འཐབ་པར་སེམས་པའི་ཕྱིར། ལས་དེའི་མཐུས་སེམས་པ་མེད་པའི་ལས་དེའི་འབྲས་བུ་ཞིང་དམ་པའི་བསོད་ནམས་ལས། ལྷ་མ་ཡིན་གྱི་དབང་པོར་སྐྱེས་པར་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སྒྲ་གཅན་གྱི་ཡུལ་ས་གཞན་ཡང་ཇི་ཙམ་ཞིག་ཡོད་ཅེས། དེས་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། ས་གཞི་དཔག་ཚད་ཁྲི་སུམ་སྟོང་ཡོད་དེ། གསེར་གྱི་ས་གཞི་ལ་ཚལ་དང་། ནགས་ཚལ་དང་། ལྟེང་ཀ་དང་། རྫིང་དང་། བྱ་དང་། ཤིང་ལྗོན་པ་དང་། ཁྱིམ་དང་། གྲོང་ཁྱེར་དང་། གླང་དང་། ལྷ་མ་ཡིན་གྱི་བུ་མོས་གང་བ་དང་། ནོར་བུ་མང་པོ་དང་ལྡན་པའི་ཐང་བུད་མེད་གདུ་བུས་བརྒྱན་པ་བཞིན་དུ་མཛེས་པ་དེ་ན་ལྷ་མ་ཡིན་གྱི་དབང་པོ་སྒྲ་གཅན་དབང་བྱེད་ཅིང་། དགྲ་ཟླ་མེད་ལ། རང་དགར་བྱེད་ཅིང་གར་དགའ་བར་འགྲོ་བ་དང་། ལྷ་མ་ཡིན་གྱི་དབང་པོའི་ཡུལ་ས་དེ་ན། ལྷ་མ་ཡིན་རྣམས་ཀྱི་ཡུལ་བཅུ་གསུམ་ཡོད་དེ། དེ་ན་ལྷ་མ་ཡིན་རྣམས་གནས་སོ།། དེ་རྣམས་ཀྱི་མིང་ལ་འདི་ལྟ་སྟེ། ཟ་བ་པོ་རྣམས་དང་། རབ་ཏུ་རྒྱུག་པ་རྣམས་དང་། ནད་གཏོང་བ་ལ་དགའ་བ་རྣམས་དང་། ནོར་བུའི་དོ་ཤལ་ཐོགས་པ་རྣམས་དང་། བུང་བ་ལྟར་འཁྱིལ་པ་རྣམས་དང་། མིག་དམར་བ་རྣམས་དང་། ཀུན་ཏུ་རྒྱུག་པ་རྣམས་དང་། ཆུ་ན་གནས་པ་རྣམས་དང་། ནམ་མཁའ་ལ་གནས་པ་རྣམས་དང་། ལྷུན་པོའི་ཁོང་ན་གནས་པ་རྣམས་དང་། ལྟེང་ཀ་སྡུག་གུ་རྣམས་དང་། ཉ་གདོང་པོ་རྣམས་དང་། ལམ་ཆེན་ལྡན་རྣམས་སོ།། དེ་དག་གི་འཕེལ་འགྲིབ་ནི་གང་གི་ཚེ་སྐྱེ་དགུ་རྣམས་དགེ་སྦྱོང་དུ་མི་འཛིན། བྲམ་ཟེར་མི་འཛིན་པ་དེའི་ཚེ་ནི། ལྷའི་ཕྱོགས་ནི་འགྲིབ་པར་འགྱུར་ལ། ལྷ་མ་ཡིན་གྱི་ཕྱོགས་ནི་འཕེལ་བར་འགྱུར་ཏེ། དེའི་ཚེ་ཆོས་དང་མི་ལྡན་པ་རྣམས་ནི་ཆེས་མཐུ་ཆེ་ལ། ལྷ་རྣམས་ནི་ཞན་པར་འགྱུར་རོ།། གང་གི་ཚེ་སྐྱེ་དགུ་རྣམས་དགེ་སྦྱོང་དུ་འཛིན་ཅིང་། བྲམ་ཟེར་འཛིན་པ་དེའི་ཚེ་ནི། ལྷ་མ་ཡིན་གྱི་ཕྱོགས་ནི་འགྲིབ་པར་འགྱུར་ལ། ལྷའི་ཕྱོགས་ནི་འཕེལ་བར་འགྱུར་ཏེ། ལྷ་དང་ལྷ་མ་ཡིན་གཉིས་ཀྱི་འཕེལ་འགྲོ་བ་ནི། དེ་ལྟར་ཆོས་དང་ཆོས་མ་ཡིན་པ་ལ་རག་ལས་སོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སྒྲ་གཅན་གྱི་ཡུལ་ན་གནས་པའི་ལྷ་མ་ཡིན། རྣམས་ཀྱི་ལས་དང་ཆོས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་རབ་ཀྱིས་བརྟགས་ན། གང་དག་གིས་དུད་འགྲོ་རྣམས་ལ་སྲོག་གི་སྦྱིན་པ་བྱས་ཏེ། ཉ་རྣམས་གསོན་པར་བྱ་བའི་ཕྱིར། བའི་རྒྱུ་རྣམས་དྲལ་བ་དང་། གང་དག་གིས་རྙེད་པ་འདོད་པའི་ཕྱིར་རམ། གྲགས་པ་འདོད་པའི་ཕྱིར་རམ། རྒྱལ་པོས་བཀའ་སྩལ་པའི་ཕྱིར་རམ། རིགས་ཀྱི་ཆོས་ལུགས་ཡོད་པའི་ཕྱིར་སྲོག་གཅོད་ལེགས་པར་བསྲུངས་ལ། ལྷག་མ་གཞན་ནི་ཆོས་མ་ཡིན་པར་ཐམས་ཅད་བྱེད་པ་དེ་དག་ལུས་དང་བྲལ་བའི་འོག་ཏུ་ངན་སོང་ལོག་པར་ལྟུང་བ་སྒྲ་གཅན་གྱི་ཡུལ་དུ་ལྷ་མ་ཡིན་དུ་སྐྱེ་བར་འགྱུར་རོ། ། དེ་དག་གི་ཚེའི་ཚད་ཀྱི་ཁྱད་པར་ནི། མི་རྣམས་ཀྱི་ལོ་ལྔ་བརྒྱ་གང་ཡིན་པ་དེ། དེ་དག་གི་ཉིན་ཞག་གཅིག་ཏུ་བརྩི་བ་དེ་ལྟ་བུའི་ལོ་ལྔ་སྟོང་ཐུབ་སྟེ། བར་མ་དོར་འཆི་བ་ནི་ཡོད་དོ། ། རབ་འབྲིང་དུ་འགྱུར་བ་ནི་སེམས་ལ་རག་ལས་སོ།། བོང་ཚོད་དང་། ཁ་དོག་དང་། མཐའ་ཡང་ལས་དང་། ཆོས་ལ་རག་ལས་ཏེ། སེམས་ཅན་རྣམས་ཀྱི་སེམས་དང་། མོས་པ་སྣ་ཚོགས་ལས་འགྱུར་རོ། ། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་ཉི་ཤུ་གཉིས་པ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་རྒྱ་མཚོའི་གཏིང་སྒྲ་གཅན་གྱི་ས་གཞི་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པ་ཤིན་ཏུ་གསལ་བ་རྣམ་པར་དག་པས། སྒྲ་གཅན་གྱི་ས་གཞིའི་འོག་ན་ས་གཞི་གཉིས་པ་ཡུལ་ས་ཐ་དད་པ་ཟླ་བའི་འཕྲེང་བ་ཞེས་བྱ་བ་དཔག་ཚད་ཉི་ཁྲི་ཆིག་སྟོང་ཡོད་པ་ཇི་ལྟར་འདུག་པ་མཐོང་ངོ་། ། དེ་ནས་ལྷ་མ་ཡིན་མགུལ་འཕྲེང་ཞེས་བྱ་བ་གནས་པ། ལྷ་མ་ཡིན་དེ་རྣམས་ཀྱི་བདག་པོ་མགུལ་འཕྲེང་ཞེས་བྱ་བ་ཞིག་ཡོད་དེ། ས་གཞི་དེ་ན་གཉིས་ཤིང་རྩེ་བ་ཞེས་བྱ་བའི་གྲོང་ཁྱེར་དཔག་ཚད་བརྒྱ་སྟོང་པ་ཚལ་དང་། ནགས་ཚལ་དང་། ལྟེང་ཀ་དང་ལྡན་པ། པདྨའི་རྫིང་དང་། འབབ་ཆུ་དང་། རི་སུལ་དང་། གསེར་གྱི་རི་བོ་དང་། གསེར་གྱི་བྲག་དང་། ཕ་བོང་དང་། བྱ་སྐྱིབས་དང་། རི་དགས་དང་། བྱ་སྤུ་མདོག་སྡུག་གུ་རྣམས་ཀྱིས་མཛེས་པར་བྱས་པ། བཻ་ཌཱུཪྻའི་ས་གཞི་དང་། གསིང་མ་མདོག་སྡུག་གུས་མཛེས་པར་བྱས་པ། བྱ་སྣ་ཚོགས་སྐད་སྙན་པ་འབྱིན་པ། ལྷ་མ་ཡིན་གྱི་ཚོགས་མང་པོ་ཡུལ་གྱི་སྐྱེ་བོ་འབྱོར་པས་གང་བ། ཀུན་ནས་རིན་པོ་ཆེ་སྣ་བདུན་མཆོག་ཏུ་ཡིད་དུ་འོང་བས་བརྒྱན་པ། ཤིང་ལྗོན་པ་དག་གིས་སྔ་མ་བཞིན་དུ་མཛེས་པར་བྱས་པ། ཀླུའི་མེ་ཏོག་དང་། ཀླུའི་ཤིང་མྱ་ངན་འཚང་དང་། ཤིང་དྷ་བ་དང་། སེང་ལྡེང་དང་། རྒྱ་སྐྱེགས་ཀྱི་ཤིང་སྣ་ཚོགས་ཀྱིས་མཛེས་པར་བྱས་པ་དེ་ན་ཤིང་ལྗོན་པའི་སྣ་གྲངས་འདི་ལྟ་བུ་དག་ལྷག་པར་མང་དུ་ཡོད་དེ། འདི་ལྟ་སྟེ། ནི་ཤ་དང་། པྲ་ཧ་ས་དང་། ཨི་ཏི་ནི་ཤ་དང་། བ་གུ་ད་དང་། ནི་ཏན་ཏ་དང་། མེ་ཏོག་ལྗིད་པ་དང་། ཀུན་ཏུ་དགའ་དང་། མེ་ཏོག་རྒྱས་དང་། ལྗིད་ཀྱིས་ནོན་དང་། ལོ་ལྔ་ཞིང་མེ་ཏོག་འབྱུང་བ་དང་། བུང་བ་མངོན་པར་དགའ་དང་། སྒྲ་འུར་འུར་དང་། བྱ་སྐད་ཅ་ཅོ་ཅན་དང་། དཀར་པོར་སྣང་བ་དང་། ལོ་མས་རྒྱས་རྣམས་ཏེ། གཉིས་ཤིང་རྩེ་བའི་གྲོང་ཁྱེར་དེ་ན་ཤིང་ལྗོན་པའི་སྣ་གྲངས་དེ་ལྟ་བུ་དག་ལྷག་པར་མང་ངོ་།། གྲོང་ཁྱེར་དེའང་གསེར་གྱི་རི་རྩེ་བཞི་པའི་དབུས་ན་འདུག་སྟེ། འདི་ལྟ་སྟེ། རིའི་རྩེ་མོ་དགའ་བྱེད་དང་། རིའི་རྩེ་མོ་ལྷང་ཚེར་དང་། རིའི་རྩེ་མོ་རྩེ་མི་སྣང་དང་། རིའི་རྩེ་མོ་ཡིད་འོང་གསེར་ཞེས་བྱ་བ་རྣམས་ཏེ། དེ་དག་ཀུན་ཀྱང་ཀུན་ནས་འཕང་དུ་དཔག་ཚད་ལྔ་སྟོང་ཡོད་དོ། ། དེ་དག་གི་ཚལ་རྣམས་ཀྱང་འབབ་ཆུ་དང་། ཆུ་བོ་དང་། ཆུ་བསིལ་བ་དང་། རི་དགས་ཀྱི་ཚོགས་ཁ་དོག་རྣམ་པ་སྣ་ཚོགས་ཅན་རྣམས་ཀྱིས་མཛེས་པར་བྱས་པ། སྐྱེས་པ་དང་བུད་མེད་ཀྱི་ཚོགས་རྟག་ཏུ་དགའ་བ་རྣམས་ཀྱིས་གང་བ། རིན་པོ་ཆེའི་སྒོ་སྣ་ཚོགས་རྣམས་ཀྱིས་མཛེས་པར་བྱས་པ། ཙན་དནས་མཆོག་གི་ཤིང་ལྗོན་པ་འདུད་པའི་ཀླུང་ལྟར་རྟག་ཏུ་བསིལ་ཞིང་དྲི་ཞིམ་པ་རྣམས་ཀྱིས་ཉེ་བར་འཚོ་བ། མེ་ཏོག་གི་རྣམ་པ་དག་གིས་རྟག་ཏུ་བརྒྱན་པ། རྨ་བྱ་འབུམ་ཕྲག་དུ་མ་སྒྲ་སྙན་པ་འབྱིན་པ། ལྷ་མ་ཡིན་ཆེན་པོས་བསྐྱངས་པ། གྲང་བ་དང་ཚ་བས་ཉམས་པ་མེད་ལ། སྐྱེ་བོ་རབ་ཏུ་དགའ་བས་རྟག་ཏུ་གང་བ། རོལ་མོའི་སྒྲ་དང་། གླུ་དང་། བྲོ་དང་། དགོད་པས་རྟག་ཏུ་དགའ་བ་ཡིན་ནོ།། ལྷ་མ་ཡིན་གྱི་གྲོང་ཁྱེར་ཆེན་པོ་སྐར་འཕྲེང་དེ་ངག་གི་དབུས་ན་མཚོ་ཆེན་པོ་ཀུན་ནས་ཆུ་དང་ཞེང་དུ་དཔག་ཚད་ལྔ་ཡོད་པ། རབ་ཏུ་དང་བ། རོ་ཤིན་ཏུ་ཞིམ་པ། འདམ་རྫབ་དང་རྙོག་པ་མེད་པ། ཆུ་རྟག་པ་ཟླ་བ་གཉིས་པ་ལྟར་རབ་ཏུ་གསལ་བ་ཡིན་ནོ།། སྐར་འཕྲེང་གི་དབུས་ན་མཚོ་ཡོད་པ་གང་ཡིན་པ་དེ་ནི་ཀུན་མཐོང་ཞེས་བྱ་ལ། དེའི་མཐུ་ནི་འདི་ལྟ་བུ་ཡིན་ཏེ། གང་གི་ཚེ་ལྷ་མ་ཡིན་གཡུལ་འགྱེད་པར་བྱེད་པ་དེའི་ཚེ། ལྷ་མ་ཡིན་མགུལ་འཕྲེང་དག་མཚོ་ཀུན་མཐོང་དེར་འགྲོ་བར་བྱེད་དོ། ། དེ་དག་མཚོན་ཆ་དང་གོ་མཚོན་སྣ་ཚོགས་ཐོགས་ནས། གཡུལ་འགྱེད་པའི་ལྟས་བལྟ་བའི་ཕྱིར་མཆོད་ཡོངས་སུ་བསྐོར་ནས་འཁོད་དོ།། དེ་དག་གི་གཟུགས་བརྙན་དེ་དག་ཇི་ལྟར་མེ་ལོང་གཡའ་མེད་པའི་ནང་ན་གཟུགས་བརྙན་སྣང་བ་དེ་ལྟར་མཚོ་དེའི་ནང་ན་སྣང་ངོ་། ། དེ་དག་ལྷ་དང་ལྷ་མ་ཡིན་གྱི་གཡུལ་དུ་གལ་ཏེ་ཕམ་པར་གྱུར་ན། མཚོ་དེའི་ནང་དུ་རང་རང་གི་གཟུགས་བརྙན་དེ་དག་འབྲོས་པར་སྣང་ངོ་། ། གང་དག་ལྷ་དང་ལྷ་མ་ཡིན་གྱི་གཡུལ་འགྱེད་པ་དེར། འཆི་བར་འགྱུར་ན་ནི་རང་རང་གི་གཟུགས་བརྙན་མཚོའི་ནང་ན་འཆི་བར་སྣང་ངོ་།། ལྷ་མ་ཡིན་རྣམས་ཀྱི་བདག་པོ་མགུལ་འཕྲེང་ཞེས་བྱ་བ་གང་ཡིན་པ་དེ་དང་། ལྷ་མ་ཡིན་གྱི་དབང་པོ་ལྷ་མ་ཡིན་གྱི་གྲོང་ཁྱེར་འདོད་པའི་རླུང་ཞེས་བྱ་བ་ན་འདུག་པ་གང་ཡིན་པ་དེ་འབྲོས་པ་དང་། ངེས་པར་འཆི་བར་འགྱུར་བར་དེ་ལྟར་མཚོ།། དེའི་ནང་དུ་མཐོང་ངོ་།། དེ་དག་འདི་སྙམ་དུ་སེམས་ཏེ། གང་གིས་བདག་ཅག་ཀུན་མཐོང་གི་མཚོའི་ནང་དུ་ལྷ་རྣམས་ལས་ཕམ་ཞིང་ཉམས་པར་འགྱུར་བ་མཐོང་བའི་རྒྱུ་གང་ཡིན། རྐྱེན་གང་ཡིན་སྙམ་བྱེད་དོ།། དེ་ནས་ཡང་དེ་རྣམས་གྲོང་ཁྱེར་དེ་དག་ཏུ་དོང་སྟེ། ལོ་བརྒྱ་ལོན་ནམ། ལོ་ལྔ་བརྒྱ་ལོན་ནམ། དེ་ལྟར་ལོ་བཅུ་ལོན་ནམ། དེ་ནས་ཡང་མཚོ་ཀུན་མཐོང་ག་ལ་བར་ལྷ་མ་ཡིན་མགུལ་འཕྲེང་དང་། ལྷ་མ་ཡིན་གྱི་དབང་པོ་བརྟན་པ་དང་ལྷན་ཅིག་དོང་སྟེ། དེ་ལྟར་མཚོན་ཆ་དང་གོ་མཚོན་སྣ་ཚོགས་ཐོགས་པ། ཆ་བྱད་དང་། མེ་ཏོག་འཕྲེང་བ་དང་། ཕྱེ་མ་དང་། བྱུག་པས་ལུས་བསྐུས་པ་དེ་དག་མཚོ་ཀུན་མཐོང་དེ་ཡོངས་སུ་བསྐོར་ནས་འཁོད་དོ། ། དེ་ནས་ཡང་མཚོ་ཡོངས་སུ་བསྐོར་བ་དེ་དག་ཉིད་ཀྱིས། མཚོ་དེའི་ནང་ན་འཛམ་བུ་གླིང་གི་མི་མར་འཛིན་པ་དང་། ཕར་འཛིན་པ་དང་། དགེ་སྦྱོང་དུ་འཛིན་པ་དང་། ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་དང་། ལྷ་དང་འཐུན་པར་སྒྲུབ་པ་དེ་དག་ཤི་ནས་ལྷ་རྣམས་ཀྱི་ནང་དུ་སྐྱེ་བར་འགྱུར་བ་མཐོང་ངོ་།། དེ་ནས་མཚོ་དེའི་ནང་དུ་ལྷའི་ཕྱོགས་ནི་རྒྱལ་བར་འགྱུར། ལྷ་མ་ཡིན་གྱི་ཕྱོགས་ནི་ཕམ་པར་འགྱུར་བ་མཐོང་བ་དང་། ལྷ་མ་ཡིན་མགུལ་འཕྲེང་ཞེས་བྱ་བ་དང་། ལྷ་མ་ཡིན་གྱི་དབང་པོ་བརྟན་པ་ཞེས་བྱ་བ་དེ་དག་འདི་སྙམ་དུ་སེམས་ཏེ། ཀྱེ། མ་ལྷ་རྣམས་ནི་མི་ལ་རག་ལས། མིའི་ཁོ་ན་ལས་མི་ལ་རྟེན་པ་ཡིན་ཏེ། བདག་ཅག་གིས་གང་མི་རྣམས་ལ་མི་ཕན་པ་དང་། མི་བདེ་བར་བྱ་བའི་ཕྱིར་འབད་པ་དང་། དེ་དག་ཉམས་པས། ལྷ་རྣམས་ཀྱང་།། ཐུབ་པར་འགྱུར་རོ་སྙམ་དུ་དེ་ལྟར་བསམས་ནས། ལྷ་མ་ཡིན་མགུལ་འཕྲེང་དང་། ལྷ་མ་ཡིན་གྱི་དབང་པོ་བརྟན་པ་དག་སེམས་པར་བྱེད་དེ། འདི་ལྟར་མི་རྣམས་ནི་ཁ་ཟས་ལ་རག་ལས་ཤིང་རྟེན་པ་ཡིན་ཏེ། མི་དེ་རྣམས་ཀྱི་ཁ་ཟས་ཆུད་གསན་པ་ལ་འབད་པར་བྱའོ་སྙམ་ནས། དེ་དག་གིས་དེ་ལྟར་ཤེས་ནས་རྒྱ་མཚོའི་ནང་ན་ཀླུ་ཆོས་དང་མི་ལྡན་པ་ཁྲོ་བའི་ཤས་ཆེ་བ། རྟག་ཏུ་གནོད་པའི་བསམ་པ་ཅན་འཁོད་པ་གང་ཡིན་པ་དེ་དག་སྨྲ་བར་བྱེད་དེ། འདི་ལྟ་སྟེ། ཀླུའི་རྒྱལ་པོ་རབ་འཇོམས་དང་། ཀླུའི་རྒྱལ་པོ་ནག་པོ་དང་། ཀླུའི་རྒྱལ་པོ་བསྒྱིངས་པ་དང་། ཀླུའི་རྒྱལ་པོ་ཧུ་ལུ་ཧུ་ལུ་སྟེ། དེ་དག་ལ་སོགས་པ་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པ་རྣམས་ལ། ལྷ་མ་ཡིན་མགུལ་འཕྲེང་དག་ན་རེ། འདི་ལྟར་ཁྱེད་ཅག་ལ་རག་ལས་པའི་མི་དེ་དག་ནི་ལྷའི་ཕྱོགས་ཡིན་ལ། དེ་དག་གི་སྲོག་ཀྱང་ཁ་ཟས་ཀྱིས་འཚོའོ། ། ཁྱེད་ཅག་ལ་རག་ལས་པ་ཁ་ཟས་ཀྱིས་འཚོ་བའི་མི་དེ་དག་ཇི་ལྟར་མེད་པར་འགྱུར་བ་དེ་ལྟར་གྱིས་ཤིག། གང་གི་ཕྱིར་འདི་ལྟར་ཁྱེད་ཅག་དང་། ཀླུའི་རྒྱལ་པོ་ནོར་རྒྱས་དང་། འཇོག་པ་ལ་སོགས་པ་ཤིན་ཏུ་དགྲར་གྱུར་པ་ལྟར། བདག་ཅག་དང་ལྷ་རྣམས་ཀྱང་དེ་ལྟ་བུ་ཡིན་ཏེ། ཁྱེད་ཅག་གིས་བདག་ཅག་གི་གྲོགས་བྱ་བ་དེ་ནི་རིགས་པ་ཡིན་ནོ་ཞེས་སྨྲས་སོ།། དེ་ནས་ལྷ་མ་ཡིན་མགུལ་འཕྲེང་དང་། ལྷ་མ་ཡིན་གྱི་དབང་པོ་བརྟན་པ་དག་གི་ཚིག་ཐོས་ན། ཆོས་དང་མི་ལྡན་པའི་ཀླུ་རྣམས་ཀྱིས་བདག་ཅག་དང་། ཁྱེད་ཅག་ཕྱོགས་འཐུན་པ་ཡིན་ཏེ། དེ་ལྟར་བྱའོ་ཞེས་སྨྲས་ནས། དེ་དག་ནི་རང་གི་གནས་སུ་དོང་ངོ་། ། ཀླུའི་རྒྱལ་པོ་ཁྲོས་པས་གདུངས་པ་རྣམས་ཀྱང་གནས་སུ་དོང་ནས། གལ་ཏེ་ཆུ་དཔག་ཚད་བརྒྱར་གཡོ་བར་བྱེད། གལ་ཏེ་དཔག་ཚད་ཉིས་བརྒྱར། གལ་ཏེ་དཔག་ཚད་སུམ་བརྒྱར་གཡོ་བར་བྱེད་དོ། ། ཆུའི་སྟེང་ན་ནི་ས་འདུག་སྟེ། གང་གི་ཚེ་ཀླུ་སྡང་བ་རྣམས་ཀྱིས་ཆུ་གཡོ་བར་བྱེད་པ་དེའི་ཚེ། ཆུ་གཡོས་པས་ས་གཡོ་བར་བྱེད་པ། ཕྱོགས་དེའི་ཆུའི་ཚད་ཇི་ཙམ་དུ་གཡོ་བར་བྱེད་པ་དེ་ཙམ་དུ་ས་གཡོ་བར་བྱེད་དེ། ཀླུ་སྡང་བ་ཁྲོ་བས་གདུངས་པ་རྣམས་ཀྱི་མཐུ་ནི་དེ་ལྟ་བུ་ཡིན་ནོ།། དེ་དག་བྲམ་ཟེ་རྟོག་གེ་པ་བསྟན་བཅོས་ངན་པས་བསླུས་པ་རྣམས་ཀྱིས་ཚོར་ནས། འདི་ལྟར་ལོ་ལེགས་པར་འགྱུར་རོ། ། ལོ་ཉེས་པར་འགྱུར་རོ།། རྒྱལ་པོ་ལ་རུང་བར་འགྱུར་རོ།། རྒྱལ་པོ་ལ་མི་རུང་བར་འགྱུར་རོ།། མཚོན་གྱིས་འཁྲུག་པར་འགྱུར་རོ།། མཚོན་གྱིས་འཁྲུག་པ་མེད་པར་འགྱུར་རོ།། ཆར་ལེག་པར་འབབ་པར་འགྱུར་རོ། ། ཆར་ལེགས་པར་མི་འབབ་པར་འགྱུར་རོ།། བ་ལང་དང་བྲམ་ཟེ་འཕེལ་བར་འགྱུར་རོ།། བ་ལང་དང་བྲམ་ཟེ་འགྲིབ་པར་འགྱུར་རོ་ཞེས་དེ་ལྟར་མི་རྟོག་གེ་པ་དག་མངོན་པར་རྗོད་པར་བྱེད་དེ། དེ་ལྟར་ས་གཡོ་བར་འགྱུར་རོ།། ཡང་རྒྱུ་གཞན་གྱིས་ས་གཡོ་བར་བྱེད་པ་ལ། དེ་ལྟར་དགེ་སློང་དེ་ཐོས་པ་ལས་བྱུང་བའི་ཤེས་པས་རྟོག་པར་བྱེད་དེ། སེམས་ཅན་རྣམས་ཀྱི་དགེ་བ་དང་མི་དགེ་བའི་དབང་གིས་རླུང་ས་འཛིན་ཞེས་བྱ་བ་གཡོ་བར་བྱེད་དོ། ། དེ་གཡོས་པས་ཆུ་གཡོ་བར་བྱེད། ཆུ་གཡོས་པས་ས་གཡོ་བར་བྱེད་དེ། དཔག་ཚད་ལྔ་བརྒྱའམ། དཔག་ཚད་བརྒྱ་འམ། དཔག་ཚད་ཉིས་བརྒྱ་འམ། དཔག་ཚད་སུམ་བརྒྱའམ། དཔག་ཚད་བཞི་བརྒྱ་འམ། དེ་ལྟར་ཚད་ཇི་ཙམ་དུ་རླུང་གཡོ་བར་བྱེད་པའི་ཚད་དེ་ཙམ་དུ་ཆུ་གཡོ་བར་བྱེད་ལ། ཆུ་གཡོ་བའི་ཚད་ཀྱིས། ས་གཡོ་བར་བྱེད་དོ།། དེ་ལ་གང་རླུང་དག་གཡོ་བ་ན་ཆུ་གཡོ་བར་བྱེད། ཆུ་གཡོས་པས་ས་གཡོ་བར་བྱེད་པའི་རྒྱུ་ནི་གང་། རྐྱེན་ནི་གང་། གཞི་ནི་གང་ཡིན་སྙམ་ནས། དགེ་སློང་དེས་ཐོས་པ་ལས་བྱུང་པའི་ཤེས་པའམ། ལྷའི་མིག་གིས་བརྟགས་ན། རླུང་གིས་ཆུ་འཛིན་ལ། ཆུ་ས་ལས་བརྟེན་ཏེ། རླུང་དེ་དག་གཡོས་ན་ཆུ་གཡོ་བར་འགྱུར། དེ་དག་གཡོས་པས་ས་གཡོ་བར་འགྱུར་རོ་སྙམ་ནས་དེ་ལྟར་རྒྱུ་དེས་ནས་གཡོ་བར་འགྱུར་རོ། ། ས་གཡོ་བ་དེའང་དགེ་སློང་དེས་རྣམ་པ་གཉིས་སུ་མཐོང་སྟེ། གལ་ཏེ་དགེ་བའི་ལས་ཀྱིས་དབང་གིས་གཡོ་ན་ནི། དེ་དགེ་བར་འགྱུར་ཏེ། སེམས་ཅན་གྱི་བདེ་པ་དང་ལོ་ལེགས་པ་ཡིན་ནོ། ། གལ་ཏེ་མི་དགེ་བའི་དབང་གིས་གཡོ་ན་ནི། ལས་ཀྱི་མཐའ་སྤྱད་ཅིང་བྱས་པའི་སེམས་ཅན་རྣམས་ཀྱིས་དེ་མི་དགེ་བར་འགྱུར་རོ།། དགེ་བ་དང་མི་དགེ་བ་ལ་རག་ལས་པ་ཐམས་ཅད་ནི་རྒྱུ་མེད་པ་མ་ཡིན། འདོད་རྒྱལ་གྱིས་བྱུང་བ་མ་ཡིན། བྱེད་པ་པོས་གནས་སུ་བྱས་པ་མ་ཡིན་ཏེ། རྒྱུ་དང་འཐུན་པར་འབྲས་བུ་འབྱུང་ངོ་།། འབྲས་བུ་མངོན་པར་མི་ཤེས་པའི་རྟོག་གེ། བ་དག་ན་རེ། འདི་ལྟར་དབང་པོའི་ཕྱོགས་དག་ས་གཡོའོ།། རླུང་གི་ཕྱོགས་དག་ས་གཡོའོ།། ཆུ་ལྷའི་ཕྱོགས་དག་ས་གཡོ་སྟེ། ལོ་ལེགས་པར་འགྱུར་རོ།། ལོ་ཉེས་པར་འགྱུར་རོ།། རྒྱལ་པོ་ལ་རུང་བར་འགྱུར་རོ། ། རྒྱལ་པོ་ལ་མི་རུང་བར་འགྱུར་རོ།། ཆར་ལེགས་པར་འབབ་པར་འགྱུར་རོ།། ཆར་ལེགས་པར་འབབ་པར་མི་འགྱུར་རོ།། མཚོན་གྱིས་འཁྲུག་པར་འགྱུར་རོ།། མཚོན་གྱིས་འཁྲུག་པ་མེད་པར་འགྱུར་རོ། ། བ་ལང་དང་བྲམ་ཟེ་འཕེལ་བར་འགྱུར་རོ།། བ་ལང་དང་བྲམ་ཟེ་འགྲིབ་པར་འགྱུར་རོ་ཞེས་དེ་ལྟར་རྟོག་གེ་པ་དག་རྟོག་པར་བྱེད་དོ།། དེའང་ཅིག་གཅིག་ཡིན་ཏེ། གལ་འདོད་རྒྱལ་བ་བརྒྱ་སྙེད་ཡོད་པ་དེ་དག་གི་ནང་ན་འདི་ལྟར་འདུ་ཤེས་པ་དེ་ཁོ་ན་ཉིད་གཅིག་ཡིན་ནོ་ཞེས་དེ་དག་རྗོད་པར་བྱེད་དོ། ། དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ལྷ་མ་ཡིན་མགུལ་འཕྲེང་དང་། ལྷ་མ་ཡིན་གྱི་དབང་པོ་བརྟན་པ་དང་། ཀླུའི་རྒྱལ་པོ་ཆོས་དང་མི་ལྡན་པ་རབ་འཇོམས་ལ་སོགས་པ་འཇིག་རྟེན་ལ་ཕན་པར་མི་བྱེད་པ་ཤེས་ནས། གཉེན་པོ་ཆོས་དང་ལྡན་པ་རྗེས་སུ་སེམས་པར་བྱེད་དེ། ཀྱེ་མ་ཀླུ་སྡང་བ་དེ་དག་དང་ལྷ་མ་ཡིན་སྡིག་ཅན་འཇིག་རྟེན་ལ་མི་ཕན་པ་བྱེད་པ་དེ་དག་ཇི་ལྟར་ཕམ་པར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་གལ་ཏེ་འཛམ་བུ་གླིང་དུ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་དགེ་སྦྱོང་དུ་འཛིན་པ་དང་། བྲམ་ཟེར་འཛིན་པ་དང་། རིགས་ཀྱི་རྒན་རབས་ལ་གུས་པར་བྱེད་པའི་རྒྱལ་པོ་དང་བློན་པོ་ཆེན་པོ་འབྱུང་ན། ས་བླའི་གནོད་སྦྱིན་དེ་དག་མཐུ་ཆེ་བར་འགྱུར་ཏེ། དེ་དག་གིས་ཀླུ་དང་། ལྷ་མ་ཡིན་སྡིག་ཅན་སའི་འོག་ན་གནས་པ་དེ་དག་གཡོས་པར་མཐོང་ནས། ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའིས་བླའི་གནོད་སྤྲིན་དེ་དག་གིས་པར་སྣང་ལ་རྒྱུ་བའི་ག་ནོད་སྤྲིན་རྣམས་དང་། ཀླུའི་རྒྱལ་པོ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་ལའང་སྔ་མ་བཞིན་བསྙད་དོ།། དེ་ནས་ས་བླའི་གནོད་སྦྱིན་དེ་དག་ལས་ཐོས་ནས། བར་སྣང་ལ་སྤྱོད་པའི་གནོད་སྦྱིན་རྫུ་འཕྲུལ་ཆེ་ཞིང་མཐུ་ཆེ་བར་འགྱུར་ཏེ།། རྒྱལ་ཆེན་བཞིའི་ལྷ་ཀུན་ཏུ་རྒྱུ་བ་རྣམས་ལ་སྦྲན་པའི་ཕྱིར། ཁྲོ་བོའི་ཤུགས་ཀྱིས་ཁ་ཚངས་དག་པར་སྣང་ལ་འབྱུང་ཞིང་འོང་ལ། འདི་ལྟར་ལྷ་དག་ཀླུ་སྣང་བ་རྣམས་དང་། ལྷ་མ་ཡིན་སྡིག་ཅན་རྣམས་མི་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་རྣམས་མ་རུང་བར་བྱ་བའི་ཕྱིར་འཇུག་པར་བྱེད་དོ་ཞེས་བསྙད་དོ། ། གནོད་སྦྱིན་གྱི་ཁ་རླངས་བྱུང་བ་དེ་རྟོག་གེ་པ་བསྟན་བཅོས་ངན་པ་ལ་སེམས་རྣམ་རྨོངས་པ་དག་གིས་མཐོང་ནས། འདི་ལྟར་གཤིན་རྗེའི་བུ་བརྒྱ་རྩ་གཅིག་གི་ནང་ན་གཤིན་རྗེའི་བུ་དུ་བ་མཇུག་རིངས་འབྱུང་ངོ་ཞེས་བརྗོད་དེ། གནོད་སྦྱིན་མཐུ་རབ་ཏུ་ཆེན་པོ་བརྒྱ་རྩ་གཅིག་གྱེན་དུ་འགྲོ་བར་སྣང་བ་དང་། མི་སྣང་བ་གང་ཡིན་པ་དེ་དག་ལ་རྟོག་གེ་པ་དག་ན་རེ། འདི་ལྟར་འདི་ནི་གཤིན་རྗེའི་བུ་བརྒྱ་རྩ་གཅིག་གི་ནང་ན་མཇུག་རིངས་བྱུང་ངོ་ཞེས་གཞན་དུ་ཡོངས་སུ་རྟོག་ཅིང་ལོ་ལེགས་པར་འགྱུར་རོ། ། ལོ་ཉེས་པར་འགྱུར་རོ།། རྒྱལ་པོ་ལ་རུང་བར་འགྱུར་རོ།། རྒྱལ་པོ་ལ་མི་རུང་བར་འགྱུར་རོ།། མཚོན་གྱིས་འཁྲུག་པར་འགྱུར་རོ།། མཚོན་གྱིས་འཁྲུག་པ་མེད་པར་འགྱུར་རོ།། བ་ལང་དང་བྲམ་ཟེ་འཕེལ་བར་འགྱུར་རོ། ། བ་ལང་དང་བྲམ་ཟེ་འགྲིབ་པར་འགྱུར་རོ།། ཆར་ལེགས་པར་འབབ་པར་འགྱུར་རོ།། ཆར་ལེགས་པར་འབབ་པར་མི་འགྱུར་རོ།། ཡུལ་གྱི་མི་ཆེ་གེ་མོ་ཞིག་ལ་གནོད་པར་འགྱུར་རོ། ། ཡུལ་གྱི་མི་ཆེ་གེ་མོ་ཞིག་ལ་གནོད་པར་མི་འགྱུར་རོ་ཞེས་དེ་དག་ལོག་པར་རྟོག་པར་བྱེད་པ་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་ཀླུ་རྣམས་དང་། ལྷ་མ་ཡིན་སྡིག་ཅན་གཡོས་པ་རྣམས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་གནོད་སྦྱིན་རྫུ་འཕྲུལ་ཆེ་ཞིང་མཐུ་ཆེ་བ་རྣམས་ལྷ་ཀུན་ཏུ་རྒྱུ་བ་རྣམས་ལ་སྒྲོག་པར་བྱེད་པ་སྔར་བསྟན་པ་ཇི་ལྟ་བ་བཞིན་དུ་མཐོང་སྟེ། ཀུན་ཏུ་རྒྱུ་བ་རྒྱལ་ཆེན་བཞི་པ་དེ་རྣམས་ཀྱིས་ཀྱང་འདི་ལྟར་ལྷ་མ་ཡིན་གྱི་ཕྱོགས་ནི་འགྲིབ་བོ།། བདག་ཅག་གི་ལྷའི་ཕྱོགས་ཀྱི་སྟོབས་ནི་རབ་ཏུ་ཆེའོ། ། འཛམ་བུ་གླིང་ན་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་མར་འཛིན་པ་དང་། ཕར་འཛིན་པ་དང་། དགེ་སྦྱོང་དུ་འཛིན་པ་དང་། བྲམ་ཟེར་འཛིན་པ་དང་། སྡོམ་པ་བླངས་པ་དང་། རིགས་ཀྱི་རྒན་རབས་ལ་གུས་པར་བྱེད་པ་དག་ཡོད་པས། ཀླུ་སྡང་བ་དང་ལྷ་མ་ཡིན་སྡིག་ཅན་རྣམས་ལས་བདག་ཅག་རྒྱལ་བར་འགྱུར་གྱིས། མ་འཇིགས་ཤིག་མ་འཇིག་ཤིག་ཅེས་སྒྲོག་པར་བྱེད་དོ། ། གནོད་སྦྱིན་རྫུ་འཕྲུལ་ཆེ་ཞིང་མཐུ་ཆེ་བ་དེ་དག་ལྷ་ཀུན་ཏུ་རྒྱུ་བ་དེ་དག་གི་ཚིག་དེ་ཐོས་ནས། ལྷ་མ་ཡིན་དུ་གཏོགས་པ་ལ་ཤིན་ཏུ་ཁྲོ་ཡང་ཁྲོ་ལ་རབ་ཏུ་དགའ་བ་རྣམས་ཀླུའི་རྒྱལ་པོ། ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་ལ་དེ་དག་ཐམས་ཅད་སྔ་མ་བཞིན་དུ་བསྙད་དོ།། ལུས་ཐམས་ཅད་རབ་ཏུ་འབར་བ་དག་གལ་ཏེ་ཉིན་པར་འོང་ན་དེའི་ཚེ་མའི་འོད་ཟེར་རྣམས་ཟིལ་གྱིས་མནན་ནས་མ་མངོན་ནོ། ། དེ་ནས་ལུས་ཐམས་ཅད་རབ་ཏུ་འབར་བ་དག་ཀླུ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་རྣམས་ལ་སྦྲན་པའི་ཕྱིར་མཚན་མོ་རྒྱ་མཚོའི་ནང་དུ་འོང་བ་ན་དེ་དག་ཐམས་ཅད་སྐྱེ་བོ་ཀུན་གྱིས་མཐོང་བར་འགྱུར་ལ། དེ་མཐོང་ནས་རྟོག་གེ་པ་རྣམས་སྐར་མདའ་ལྟུང་བར་སེམས་ཏེ། འདི་ལྟར་སྐར་མདའ་ལྟུང་བས་ལོ་ལེགས་པར་འགྱུར་རོ།། ལོ་ཉོས་པར་འགྱུར་རོ།། རྒྱལ་པོ་ལ་རུང་བར་འགྱུར་རོ།། རྒྱལ་པོ་ལ་མི་རུང་བར་འགྱུར་རོ།། མཚོན་གྱིས་འཁྲུག་པར་འགྱུར་རོ།། མཚོན་གྱིས་འཁྲུག་པ་མེད་པར་འགྱུར་རོ།། མི་ངས་འབྱུང་བར་འགྱུར་རོ།། མི་ངས་འབྱུང་བར་མི་འགྱུར་རོ། ། བ་ལང་དང་བྲམ་ཟེ་དག་འཕེལ་བར་འགྱུར་རོ།། བ་ལང་དང་བྲམ་ཟེ་དག་འགྲིབ་པར་འགྱུར་རོ་ཞེས་དེ་ལྟར་ལས་མངོན་པར་མི་ཤེས་པ་དག་འཐུན་པར་ཡོངས་སུ་རྟོག་པར་བྱེད་དོ།། ། དེ་ནས་ཡང་དགེ་སློང་དེ་སྐར་མདའ་ལྟུང་བ་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས། རྒྱུ་གཞན་གྱིས་སྐར་མདའ་ལྟུང་བ་ཇི་ལྟར་ལྟུང་བ་མཐོང་སྟེ། ལྷ་རྣམས་ཀྱི་གཞལ་མེད་ཁང་མགྱོགས་པར་ནམ་མཁའ་ལ་འགྲོ་ལ། གཞལ་མེད་ཁང་ཕན་ཚུན་འགྲོ་བ་གང་ཡིན་པ་དེ་དག་འདྲུད་པ་ལས་མེ་བྱུང་བ་གང་ཡིན་པ་དེ་དག་ལ་རྟོག་གེ་པ་དག་ན་རེ། འདི་ལྟར་སྐར་མདའ་རབ་ཏུ་ལྷུང་བ་ལས་ལོ་ལེགས་པར་འགྱུར་རོ། ། ལོ་ཉེས་པར་འགྱུར་རོ།། རྒྱལ་པོ་ལ་རུང་བར་འགྱུར་རོ།། རྒྱལ་པོ་ལ་མི་རུང་བར་འགྱུར་རོ།། བདེ་བར་འགྱུར་རོ།། མི་བདེ་བར་འགྱུར་རོ།། བ་ལང་དང་བྲམ་ཟེ་འཕེལ་བར་འགྱུར་རོ།། བ་ལང་དང་བྲམ་ཟེ་འགྲིབ་པར་འགྱུར་རོ་ཞེས་དེ་ལྟར་རྟོག་གེ་པ་ལས་ཀྱི་འབྲས་བུ་མངོན་པར་མི་ཤེས་པ་དག་འཇིག་རྟེན་པའི་མཚན་མའི་ལྟས་སྟོན་པར་བྱེད་དོ།། དེ་ཅིའི་ཕྱིར་ཞེ་ན། དེ་ལྟར་ལས་ཀྱི་འབྲས་དུ་རྣམ་པར་སྨིན་པ་ཕྲ་མོ་སོ་སོར་ཤེས་པ་གང་ཡིན་པ་ནི་ལྷ་དང་བཅས་པ་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང་། ལྷ་དང་མི་དང་། ལྷ་མ་ཡིན་རྣམས་ཀྱི་ནང་ན་དེ་མེད་དེ། འདི་ལྟར་བདག་ཅག་གིས་ཆོས་འདུལ་བ་ལ་སེམས་པ་ནི། དགེ་བ་བཅུའི་ལས་ཀྱི་ལམ་གཙོ་བོར་བྱེད་པ་ཡིན་ནོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་སོ་སོར་རྟོག་པར་བྱེད་དེ། ཀྱེ་མ་བར་སྣང་ལ་རྒྱུ་བའི་གནོད་སྦྱིན་མཐུ་བོ་ཆེ་རྣམས་ཀུན་ཏུ་རྒྱུ་བའི་ལྷ་རྣམས་ཀྱི་དྲུང་དང་། རྒྱ་མཚོ་ན་གནས་པའི་ཀླུ་ཆོས་དང་ལྡན་པ་རྣམས་ཀྱི་དྲུང་དུ་ཇི་ལྟར་འགྲོ་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། བར་སྣང་ལ་རྒྱུ་བའི་གནོད་སྦྱིན་རབ་ཏུ་འབར་བ་རྣམས་རྒྱ་མཚོར་ཞུགས་ཏེ། ཀླུའི་རྒྱལ་པོ་ཆོས་དང་ལྡན་པ་ནོར་རྒྱས་ཀྱི་བུ་དང་། འཇོག་པོ་ལ་སོགས་པ་ལ་འདི་ལྟར་ལྷ་མ་ཡིན་མགུལ་འཕྲེང་དང་། ལྷ་མ་ཡིན་གྱི་དབང་པོ་བརྟན་པ་དེ་དག་མཚོ་ཀུན་མཐོང་དུ་བདག་ཉིད་ལྟ་བར་བྱེད་དོ་ཞེས་སྔ་མ་བཞིན་པར་སྣང་ལ་རྒྱུ་བའི་གནོད་སྦྱིན་རྣམས་ལས་ཐོས་ནས། ཀླུའི་རྒྱལ་པོ་ལོངས་སྤྱོད་ལྡན་ན་གནས་པ་ནོར་རྒྱས་ཀྱི་བུ་དང་། འཇོག་པོ་ལ་སོགས་པས་བར་སྣང་ལ་རྒྱུ་བའི་ཀླུ་རྣམས་ལ་འདི་ལྟར་བདག་གིས་ཆོས་དང་མི་ལྡན་པའི་ཀླུ་དེ་དག་མཐུས་ཕྱིར་བཟློག་ཅིང་བསྐྲད་དེ། ཆད་པས་ཀྱང་བཅད་ནས། འཛམ་བུ་གླིང་ན་ཆོས་དང་ལྡན་པ་རྣམས་ཀྱི་ལོ་ལེགས་པར་བྱ་བ་དང་། ཆར་དབབ་པ་དང་། རླུང་གིས་གནོད་པ་མེད་པར་བྱ་བ་དང་། འཛམ་བུ་གླིང་དུ་འབྲས་སཱ་ལུ་དང་། ནས་དང་། བཟའ་བ་དག་འབྱུང་བར་བྱ་བ་དང་། ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་རྣམས་ཀྱི་གྲོགས་བྱའོ་ཞེས་བསྙད་དོ། ། ཀླུ་དེ་དག་ལ་དེ་སྐད་བསྙད་ནས། ས་བླའི་གནོད་སྦྱིན་རྣམས་ཀླུ་ཆོས་དང་མི་ལྡན་པ་དག་ག་ལ་བ་དེར་གཡུལ་འགྱེད་པའི་ཕྱིར་དོང་སྟེ། ཀླུའི་རྒྱལ་པོ་རབ་འཇོམས་དང་། ཀླུའི་རྒྱལ་པོ་བསྒྱིངས་པ་ལ་སོགས་པ་ལ། འདི་ལྟར་ཁྱེད་ནི་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པ་ཡིན་ལ། ངེད་ནི་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་ཡིན་ཏེ། དེ་ལྟར་ཁྱེད་ཅག་དང་ངེད་ཅག་མི་མཐུན་པར་གྱུར་ཅིང་འགྲན་ཟླར་གྱུར་པས་ངེད་ཅག་ནི་ཁྱེད་ཅག་བརྡེག་པའི་ཕྱིར་འདིར་འོངས་སོ་ཞེས་སྨྲས་སོ།། དེ་ཐོས་ནས་ཀླུའི་རྒྱལ་པོ་རབ་འཇོམས་དང་། བསྒྱིངས་པ་ལ་སོགས་པ་དེ་དག་གཡུལ་འགྱེད་དུ་ལྷགས་ཏེ། དེ་དག་ཕན་ཚུན་གློག་གི་ཆར་མང་པོ་བྱུང་བ་ན་དེ་གང་གི་ཚེ་མར་འཛིན་པ་དང་། ཕར་འཛིན་པ་དང་། དགེ་སྦྱོང་དུ་འཛིན་པ་དང་། བྲམ་ཟེར་འཛིན་པའི་སྐྱེ་དགུ་འབྱུང་བ་དེའི་ཚེ། ཀླུའི་རྒྱལ་པོ་ནོར་རྒྱས་ཀྱི་བུ་དང་། འཇོག་པོ་ལ་སོགས་པ་རྒྱལ་བར་འགྱུར་ལ། ཀླུའི་རྒྱལ་པོ་རབ་འཇོམས་ལ་སོགས་པ་ཕམ་པར་འགྱུར་ཏེ། དེ་ལྟར་འཛམ་བུ་གླིང་དུ་ཆར་ལེགས་པར་འབབ་པར་འགྱུར་ཞིང་། དེས་ན་ལོ་ལེགས་པར་འགྱུར་རོ།། དེའི་ཚེ་རྟོགགེ་པ་དག་ན་རེ། འདི་ནི་རྒྱུ་སྐར་གྱི་ཡོན་ཏན་ཡིན་ནོ།། འདི་ནི་གཟའི་ཡོན་ཏན་ཡིན་ནོ།། འདི་ནིལྟས་ཀྱི་ཡོན་ཏན་ཡིན་ནོ་ཞེས་བརྗོད་དེ། ཆར་ལེགས་པར་འབབ་པ་གང་དུས་དུས་སུ་འབབ་པས་ཆར་དུས་དང་འཐུན་པར་རབ་ཏུ་འབབ་སྟེ། བ་ལང་དང་བྲམ་ཟེ་དག་ཀྱང་དེའི་འབྲས་བུ་ཡིན་གྱི་གཞན་གྱི་མ་ཡིན་ནོ་ཞེའོ། ། གང་གི་ཚེ་མར་མི་འཛིན་པ་དང་། ཕར་མི་འཛིན་པ་དང་། དགེ་སྦྱོང་དུ་མི་འཛིན་པ་དང་། བྲམ་ཟེར་མི་འཛིན་པ་དང་། ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པའི་སྐྱེ་དགུ་དག་འབྱུང་བ་དེའི་ཚེ། ཀླུའི་རྒྱལ་པོ་ཆོས་དང་ལྡན་པ་ནོར་རྒྱས་ཀྱི་བུ་ལ་སོགས་པ་ཕམ་པར་འགྱུར་ལ། ཀླུའི་རྒྱལ་པོ་རབ་འཇོམས་དང་། ཀླུའི་རྒྱལ་པོ་བསྒྱིངས་པ་ལ་སོགས་པ་རྒྱལ་བར་འགྱུར་ཏེ། ལོ་ཉེས་པ་འབྱུང་བར་བྱེད་དེ། ཆར་འབབ་མི་མཁས་པར་བྱེད། ཆར་དྲག་པ་རྣམས་ཀྱིས་ལོ་ཏོག་མ་རུང་བར་བྱེད། ཐན་པ་འབྱུང་བར་བྱེད་པ་དང་བྲམ་ཟེ་རྟོག་གེ་བ་དག་གཞན་དུ་སྒྱུར་བར་བྱེད་དེ། འདི་ལྟར་འདི་ནི་རྒྱུ་སྐར་གྱི་ཉེས་པ་ཡིན་ནོ།། འདི་ནི་གཟའི་ཉེས་པ་ཡིན་ནོ།། འདི་ནི་དུས་ཀྱི་ཉེས་པ་ཡིན་ནོ།། འདི་ལྟས་ཀྱི་ཉེས་པ་ཡིན་ནོ་ཞེས་དེ་ལྟར་རྟོག་གེ་བ་ལས་ཀྱི་འབྲས་བུ་མངོན་པར་མི་ཤེས་པ་དེ་དག་འདི་ལྟར་གཞན་དུ་སྦྱར་ཡང་དེ་ཁོ་ན་ནི་མི་མཐོང་ངོ་། ། དེ་ཅིའི་ཕྱིར་ཞེ་ན། དེ་ནི་ངའི་ཉན་ཐོས་སམ། ངའི་ཆོས་འདུལ་བ་འདི་ཐོས་ནས་ལས་ཀྱི་འབྲས་བུ་རྣམ་པར་སྨིན་པ་སོ་སོར་ཤེས་པ་གཙོ་བོར་བྱེད་པ་འམ། འབྲས་བུ་སོ་སོར་ཤེས་པ་མ་གཏོགས་པར། ལྷ་དང་བཅས་པའི་འཇིག་རྟེན་དང་། ཚངས་པ་དང་བཅས་པ་དང་། དགེ་སྐྱོང་དང་བྲམ་ཟེར་བཅས་པའི་སྐྱེ་དགུ་དང་། ལྷ་དང་། མི་དང་། ལྷ་མ་ཡིན་རྣམས་ཀྱི་ཡུལ་གྱི་འཇུག་པ་མ་ཡིན་ཏེ། གཞན་མ་ཡིན་པར་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ལྷ་མ་ཡིན་གྱི་ས་ལ་རྟོག་པར་བྱེད་དེ། གང་གི་ཚེ་གང་དུ་ཀླུ་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པ་རྣམས་ཀླུ་ཆོས་དང་ལྡན་པ་རྣམས་ཀྱིས་ཕམ་པར་བྱས་པ་དེའི་ཚེ། ལྷ་མ་ཡིན་མགུལ་འཕྲེང་དག་གིས་ཤེས་པར་འགྱུར་ཏེ། ལྷ་མ་ཡིན་མགུལ་འཕྲེང་དག་དང་། ལྷ་མ་ཡིན་སྐར་འཕྲེང་གི་གྲོང་ཁྱེར་ན་གནས་པ་དང་། གཞན་ཚལ་དང་། ནགས་ཚལ་ན་གནས་པ་དེ་དག་ཐམས་ཅད་ཡི་མུག་ཅིང་བྱིན་ཉམས་ལ་བཞིན་ངོ་ཚ་ནས། ཁྱིམ་དུ་ཕྱིར་ལྷགས་ཏེ། ཀྱེ་ཨེ་མ་ལྷ་མ་ཡིན་བདག་ཅག་རྣམས་ཀྱིས་ལྷ་རྣམས་ཐུབ་པར་མི་ནུས་ལ་བྱིན་ཉམས་སོ། ། གང་གི་ཚེ་བདག་ཅག་གིས་ལྷ་རྣམས་ཕམ་པར་བྱེད་ནུས་ཤིག་གུ་ཞེས་དེ་སྐད་སྨྲས་ནས། ལྷ་མ་ཡིན་མགུལ་འཕྲེང་དག་གིས། སྒྲ་གཅན་ལ་ལྷ་མ་ཡིན་གྱི་དབང་པོ་འདི་ལྟར་རྨད་ཀྱིས་ཡུན་མ་རིང་བར་བདག་ཅག་གིས་ལྷ་རྣམས་ཕམ་པར་བགྱིད་རྔོ་ཐོག་གིས། ནན་ཏན་མཛད་དུ་གསོལ་ཞེས་སྨྲས་པ་དང་། དེ་སྐད་ཐོས་པ་དང་། ལྷ་མ་ཡིན་གྱི་དབང་པོ་སྒྲ་གཅན་གྱིས། ལྷ་མ་ཡིན་མགུལ་འཕྲེང་དང་ལྷ་མ་ཡིན་གྱི་དབང་པོ་བརྟན་པ་དག་ལ་འདི་ལྟར་ངས་ཡུན་མི་རིང་བར་ལྷ་དག་དབང་པོ་དང་བཅས་ཏེ་ཐུབ་པར་བྱ་ཡིས། སྙིང་ལས་ཆུང་ངུར་འཁོད་ཅིག་ཅེས་སྨྲས་སོ།། སྐྲ་གཅན་ལས་སྐུ་མ་ཡིན་མགུལ་འཕྲེང་དག་གིས་དེ་སྐད་ཐོས་ནས། དེ་ནས་ཡིད་རབ་ཏུ་དགའ་སྟེ་རང་གི་གནས་སུ་ཞུགས་སོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ལྷ་མ་ཡིན་གྱི་གྲོང་ཁྱེར་སྐར་འཕྲེང་ཞེས་བྱ་བ་ལ་བརྟགས་ནས། ཕྱི་རོལ་ལའང་སོ་སོར་རྟོག་པར་བྱེད་དེ། མགུལ་འཕྲེང་ཞེས་བྱ་བ་དག་གི་ས་གཞན་ཕྱི་རོལ་གྱི་ཚལ་དང་། ནགས་ཚལ་རྣམ་པ་དུ་ཡོད་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ལྷ་མ་ཡིན་མགུལ་འཕྲེང་ཞེས་བྱ་བ་དག་གི་ཚལ་དང་། བྱ་རྣམས་དང་། ནགས་ཚལ་དང་། ཉེ་བའི་ཚལ་དང་། ལྟེང་ཀ་དང་འབབ་ཆུའི་དངོ་དང་། པདྨའི་རྫིང་རྣམས་ཀྱིས་དཔག་ཚད་ཁྲི་ཕྲག་སུམ་སྟོང་དུ་གང་བ། བྱ་དང་པ་དང་། ཀ་རན་ད་པ་དང་། ངུར་པ་དག་གིས་མཛེས་པར་བྱས་ཤིང་ཉེ་བར་བརྒྱན། ལ་ཀུན་ཏུ་སྡུག་པར་བྱས་པ། ཀུན་ནས་ཉམས་དགའ་བ། སྤྲོ་ཞིང་རབ་ཏུ་དགའ་ཡ་རྟག་ཏུ་མང་བ་ཇི་ལྟར་འདུག་པ་མཐོང་སྟེ། དེ་ནས་ཚལ་ཆེན་པོ་བདུན་ཡོད་པ་ལ་འདི་ལྟ་སྟེ། གསེར་གྱི་འོག་པག་སྤྲིན་དང་། རྟག་ཏུ་ཉམས་དགའ་བ་དང་། སྐྱེད་མོས་ཚལ་དགའ་དང་། འབྲས་བུ་རྟག་ཏུ་མཛེས་དང་། རླུང་བདེ་དང་། ཏིན་ཏི་ཀུན་དགའ་དང་། སྨྲས་པ་སྟེ། དེ་དག་ནི་ལྷ་མ་ཡིན་མགུལ་འཕྲེང་དག་གི་སྐྱེ་བོ་གནས་པའི་ཚལ་ཆེན་པོ་དག་ཡིན་ནོ། ། ས་དེ་དག་ཀྱང་ལྷ་མ་ཡིན་རྟག་ཏུ་དགའ་བ་རྣམས་ཀྱིས་གང་བ་ཡིན་ཏེ། ལྷ་མ་ཡིན་ལས་ཀྱི་འབྲས་བུ་ལ་སྤྱོད་པ་རྣམས་གནས་པར་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ལྷ་མ་ཡིན་མགུལ་འཕྲེང་དག་གི་འབྲས་བུ་རྣམ་པར་སྨིན་པ་ལ་རྟོག་པར་བྱེད་དོ། མགུལ་འཕྲེང་དག་ལས་གང་གིས་དེར་སྐྱེ་བར་འགྱུར་སྙམ་ནས།། དེས་ཐོས་པ་ལས་བྱུང་བའི་ཤེས་པས་བརྟགས་ན། ཕྱི་རོལ་པ་གང་གིས་གཏན་པ་དང་བཅས་པ། སྡིག་པ་དང་བཅས་པ། སྐྱོན་དང་བཅས་པའི་མཆོད་སྦྱིན་བྱས་ཤིང་བཟའ་བ་དང་། བཅའ་བ་རབ་ཏུ་མང་པོ་དག་བཤམས་ནས། ཚུལ་ཁྲིམས་དང་ལྡན་པ་ལ་མ་བྱིན། སེམས་ཀྱིས་མ་བསྒོམས་པའི་སྦྱིན་པ་ངན་པ། སྦྱིན་པ་དེ་བྱིན་པ་དེ་ནི་ལུས་དང་བྲལ་ནས་ངན་འགྲོ་ལོག་པར་ལྟུང་བ་དུད་འགྲོའི་། འགྲོ་བ་ལྷ་མ་ཡིན་མགུལ་འཕྲེང་རྣམས་ཀྱི་ནང་དུ་སྐྱེ་བར་འགྱུར་ལ། སྦྱིན་པ་ཐ་མ་དང་། འབྲིང་དང་། མཆོག་རྣམས་ཀྱིས་བདེ་བ་ཐ་མ་དང་། འབྲིང་དང་། མཆོག་མྱོང་བར་འགྱུར་ཏེ། རྒྱུ་དང་འཐུན་པར་འབྲས་བུ་འབྱུང་བར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱིས་འབྲས་བུ་རྣམ་པར་སྨིན་པ་ཤེས་པ་དེ་ལྷ་མ་ཡིན་གྱི་དབང་པོ་བརྟན་པའི་ལས་ཀྱི་འབྲས་བུ་རྣམ་པར་སྨིན་པ་ལ་རྟོག་པར་བྱེད་དེ། ལས་ཀྱི་རྣམ་པར་སྨིན་པ་གང་གིས་བརྟན་པ་དག་ལྷ་མ་ཡིན་རྣམས་ཀྱི་རྒྱལ་སྲིད་བྱེད་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་མིར་གྱུར་པ་རྐུན་མ་གཞན་གྱི་ནོར་རྫས་ཀྱིས་འཚོ་བ། སེམས་པ་དང་བྲལ་བའི་སེམས་ཀྱིས་ཕྱི་རོལ་པའི་འདོད་ཆགས་དང་བྲལ་བ་གཅིག་ལ་ཟས་ཀྱིས་ཚིམ་པར་བྱིན་པའི་ལས་དེས་ལྷ་མ་ཡིན་རྣམས་ཀྱི་རྒྱལ་སྲིད་བྱེད་པ་མཐོང་ངོ་། ། དེ་ནས་ཡང་དགེ་སློང་དེ་ལྷ་མ་ཡིན་མགུལ་འཕྲེང་ཞེས་བྱ་བའི་ཚེ་ལ་རྟོག་པར་བྱེད་དེ། ལྷ་མ་ཡིན་མགུལ་འཕྲེང་གི་ཚེའི་ཚད་ཇི་སྲིད་དུ་ཐུབ་སྙམ་ནས། དེས་ཐོས་པ་ལས་བྱུང་བའི་ཤེས་པ་འམ། ལྷའི་མིག་གིས་བརྟགས་ན། མི་རྣམས་ཀྱི་ལོ་དྲུག་བརྒྱ་གང་ཡིན་པ་དེ་དག་ནི། ལྷ་མ་ཡིན་མགུལ་འཕྲེང་རྣམས་ཀྱི་ཉིན་ཞག་གཅིག་ལ། གྲངས་བརྩིས་པ་དེའི་ལོ་དྲུག་སྟོང་ཐུབ་སྟེ། དུས་མ་ཡིན་པར་འཆི་བ་ནི་ཡོད་དོ།། ལེགས་པར་བྱས་པ་དང་། ཉེས་པར་བྱས་པའི་ལས་ཀྱི་འབྲས་བུ་ནི། ལས་ཐམས་ཅད་ལ་རག་ལས་པ་ཡིན་ནོ།། དེས་དུད་འགྲོའི་འགྲོ་བར་བསྡུས་པ་ལྷ་མ་ཡིན་གཉིས་པ་དག་གིས་ལ་བརྟགས་ན། ཆོས་ལ་ཆོས་ཀྱི་རྗེས་སུ་ལྟ་ཞིང་གནས་སོ།། སེམས་ཅན་འཁོར་བར་གཏོགས་པ་ཐམས་ཅད་ནི། ཆོས་ལ་བརྟེན་པ། ཆོས་ཀྱི་འགྲོ་བ། ཆོས་སྐྱོབ་པ་ཡིན་ཏེ། ལེགས་པར་བྱས་པས་ལྷ་དང་མི་རྣམས་ཀྱི་ནང་དུ་སྐྱེ་ལ། ཉེས་པར་བྱས་པས་སེམས་ཅན་དམྱལ་བ་དང་། ཡི་དགས་དང་། དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་རོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་རྟོག་པར་བྱེད་དེ། ཇི་ལྟར་ན་ལྷ་ཀུན་ཏུ་རྒྱུ་བ་རྣམས་གནོད་སྦྱིན་རྫུ་འཕྲུལ་ཆེན་པོ་རྣམས་ལས་ཐོས་ནས་ཅི་ཞིག་བྱེད་ཅིག་གུ་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་ལྷ་ཀུན་ཏུ་རྒྱུ་བ་རྣམས་རྒྱལ་ཆེན་བཞི་དང་། ལྷ་འཕྲེང་ཐོགས་རྣམས་ལ་འདི་ལྟར་ལྷ་མ་ཡིན་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པ་རྣམས་ཀྱིས་ཀླུ་རྣམས་ལ། འདི་ལྟར་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་རྒྱུ་གང་གིས་འཆི་བའི་དུས་བྱས་ནས། ལྷ་རྣམས་ཀྱི་ནང་དུ་སྐྱེ་བར་འགྱུར་པ་རྣམས་ལ་བར་ཆད་བྱ་བར་འབོད་ཅིག། དེ་དག་སྦྱིན་པ་དང་། ཚུལ་ཁྲིམས་དང་། ཤེས་པ་ཐམས་ཅད་ཀྱང་ཁ་ཟས་ལ་རག་ལས་པ་ཡིན་ལ། དེ་དག་ཀྱང་ཁ་ཟས་ལ་རྟེན་པ་ཡིན་པས། འཛམ་བུ་གླིང་དུ་ཁྱེད་དེང་ལ། ལེ་ཏོག་ཐམས་ཅད་དབྲོག་པ་དང་། འབྲུ། ཐམས་ཅད་མ་རུང་བར་བྱ་བའི་ཕྱིར་ཆར་པོ་བ་ཅིག་ཅེས་རབ་ཏུ་གཟེངས་སྟོད་པར་བྱེད་པ་དེ་དག་བདག་ཅག་ལ་བསྙད་དོ།། ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་བར་སྣང་ལ་རྒྱུ་བའི་གནོད་སྦྱིན་གང་ཡིན་པ་དེ་རྣམས་ཀྱིས་ཀྱང་དེ་དག་བདག་ཅག་ལ་བསྙད་ལ། བདག་ཅག་གིས་ཀྱང་ཁྱེད་ཅག་ལ་བསྙད་པ་ལགས་སོ།། ཁྱད་ཅག་གིས་ཀྱང་ཉེ་བ་ན་གནས་པའི་ལྷ་གང་ཡོད་པ་དེ་དག་ལ་བསྐྲད་ཅིང་། ལག་ན་ཡོལ་གོ་ཐོགས་པ་རྣམས་ཀྱིས་ཀྱང་པི་ཝང་ཅན་གསུམ་པ་རྣམས་ལ། པི་ཝབ་ཅན་གསུམ་པ་རྣམས་ཀྱིས་ཀྱང་རྟག་ཏུ་མྱོས་པ་རྣམས་ལ་བསྙད་དེ། དེ་ལྟར་རྒྱལ་ཆེན་བཞི་པ་རྣམས་ཀྱིས་ཆོས་དང་མི་མཐུན་པ་འདི་རྒྱ་ཆེར་བསྙད་དོ། ། སོ་སོའི་བྱེ་བྲག་ཇི་ལྟ་བུ་ཡིན་པ། རྒྱལ་ཆེན་བཞི་པ་དེ་རྣམས་ཀྱིས་ཀྱང་གྲོང་ཁྱེར་ཆེན་པོ་བལྟ་ན་སྡུག་ན་ལྷའི་འདུན་ས་ཆོས་བཟང་དག་གི་འདོད་པའི་ཡོན་ཏན་ལྔ་འབྱོར་པར་གྱུར་པའི་ལྷ་རྣམས་ཀྱི་དབང་པོ་ཀོའུ་ཤི་ཀ་ལ་སྔ་མ་བཞིན་རྒྱ་ཆེར་བསྙད་དོ། ། དེ་ནས་ལྷ་རྣམས་ཀྱི་དབང་པོ་ཀོའུ་ཤི་ཀས། འཇིག་རྟེན་སྐྱོང་བ་རྣམས་ལ་བསྒོ་བ། འཇིག་རྟེན་སྐྱོང་བ་དག་འཛམ་བུ་གླིང་ན། ཅི་སངས་རྒྱས་དཀོན་མཆོག་ལ་དང་དམ། ཆོས་དཀོན་མཆོག་ལ་དད་དམ། དགེ་འདུན་དཀོན་མཆོག་ལ་དད་དམ། དགེ་སྦྱོང་དུ་འཛིན་ཏ་མ། བྲམ་ཟེར་འཛིན་ཏམ། བྱས་པ་གཟོ་འམ། བྱས་པ་ལ་ཕན་འདོགས་སམ། དྲང་བ་ཡིན་ནམ། དྲང་བའི་རང་བཞིན་ཅན་ཡིན་ནམ། མར་འཛིན་ཏམ། པར་འཛིན་ཏམ། རིགས་ཀྱི་རྒན་རབས་ལ་གུས་པར་བྱེད་དམ། ཚེས་གྲངས་ཀྱི་སྨྱུང་བ་ལ་ཉེ་བར་གནས་སམ། གཡོ་ཐབས་དང་ཚུལ་འཆོས་པ་ལ་མ་ཆགས་སམ་གཞལ་ལུགས་ལ་གཡོ་བྱེད་ཅིང་མི་སླུ་འམ། ཕན་ཚུན་གནོད་པ་དག་བྱེད་དམ་མི་བྱེད། འཛམ་དུ་གླིང་དུ་དེང་ལ་རྟོགས་ཤིག་ཅེས་བསྒོ་བ་དང་། ལྷ་དེ་ལྟར་འཚལ་ལོ་ཞེས་སྨྲས་ན། འཇིག་རྟེན་སྐྱོང་བ་དག་མི་རྣམས་ལ་ཕན་པར་བྱ་བའི་ཕྱིར་འཛམ་བུ་གླིང་ག་ལ་བ་དེར་དོང་སྟེ། ཡུལ་ནས་ཡུལ། ལྡོངས་ནས་ལྗོངས། གྲོང་རྡལ་ནས་གྲོང་རྡལ། གྲོང་ནས་ཐོང་། གྲོང་ཁྱེར་ནས་གྲོང་ཁྱེར་ཚོང་རྡལ་ནས་ཚོང་རྡལ་དུ་དེ་དག་རྟོག་པར་བྱེད་དེ། འཛམ་བུ་གླིང་ན་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་དག་གང་གནས་པ་འཛམ་བུ་གླིང་འདི་ཐམས་ཅད་ལ་སྔ་མ་བཞིན་སོ་སོར་རྟོག་པར་བྱེད་དོ། ། འཇིག་རྟེན་སྐྱོང་བ་བཞི་པོ་དེ་དག་གལ་ཏེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་སྐྱེ་དགུ་དག་མཐོང་ན། དེ་དག་རྒྱ་མཚོའི་ནང་དུ་ཞུགས་ནས། ལོངས་སྤྱོད་ལྡན་ན་གནས་པའི་ཀླུ་ནོར་རྒྱས་ཀྱི་བུ་དང་། འཇོག་པོ་ལ་སོགས་པ་ལ་ཀླུ་དག་མ་འཇིགས་ཤིག། གྲོགས་པོ་དག་མ་འཇིགས་ཤིག། དམ་པའི་ཆོས་ཀྱི་ཕྱོགས་ནི་འཕེལ་ལོ།། བདུད་ཀྱི་ཕྱོགས་ནི་འགྲིབ་བོ།། མུན་ནག་མི་གསལ་བའི་ཕྱོགས་ནི་སེལ་ལོ། ། བདུད་ཀྱི་རིས་ནི་བསྲབས་སོ།། ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་ལྷ་དང་། མི་དང་། ཀླུ་རྣམས་རབ་ཏུ་དགའ་འོ།། ཆོས་ཀྱི་རྔ་ནི་ཀུན་ཏུ་བརྡུངས་སོ།། ཆོས་ཀྱི་དབྱངས་རབ་ཏུ་ལེན་དུ་བཅུག་སྟེ། ལྷའི་ཕྱོགས་ནི་འཕེལ་ལོ།། བདུད་ཀྱི་ཕྱོགས་ནི་འགྲིབ་བོ།། ཀླུ་དང་ལྷ་མ་ཡིན་ཆོས་དང་མི་ལྡན་པ་རྣམས་ནི་འགྲིབ་ཅིང་འདུག་གོ་ཞེས་བསྙད་དོ།། དེ་ཐོས་ནས་ཀླུ་ནོར་རྒྱས་ཀྱི་བུ་དང་། འཇོག་པོ་ལ་སོགས་པ་དགའ་བར་གྱུར་པ་རྣམས་ཀྱིས་འཇིག་རྟེན་སྐྱོང་བ་མགུ་བ་དག་ལ་འདི་སྐད་ཅེས། ལྷ་དག་བདག་ཅག་རབ་ཏུ་དགའ་སྟེ། བདག་ཅག་དང་མིའི་འཇིག་རྟེན་ན་མི་རྣམས་ལ་ཀླུ་དང་ལྷ་མ་ཡིན་ཆོས་དང་མི་ལྡན་པ་རྣམས་ཀྱིས་བར་ཆད་བྱ་བར་མི་ནུས་ཏེ། རབ་ཏུ་དགའ་ཞིང་མཆིས་སོ་ཞེས་དེ་སྐད་ལྷ་རྣམས་ཀྱི་དབང་པོ་བརྒྱ་བྱིན་ལ་གསོལ་ཅིག་ཅེས་སྨྲས་པ་དང་། དེ་སྐད་ཟོས་ནས་ཀླུ་རྣམས་ཀྱི་དྲུང་ནས་འཇིག་རྟེན་སྐྱོང་བ་དག་ལྷ་རྣམས་ཀྱི་དབང་པོ་བརྒྱ་བྱིན་ག་བ་དྲེར་དོང་སྟེ། སྔ་མ་བཞིན་དེ་སྐད་བསྙད་པ་དང་། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་ཡིད་རབ་ཏུ་དགའ་ནས། འདི་ལྟར་ཚིགས་སུ་བཅད་དེ་སྨྲས་པ། ཐུབ་པ་དེ་ཉིད་གཟིགས་པ་ཡིས།། ཁྱེད་ལ་ལམ་གཏོང་འདི་གསུངས་པ།། མི་གང་རབ་ཏུ་གནས་པ་ནི།། ལྷ་ཡི་འདུན་སར་འགྲོ་བར་འགྱུར།། སེམས་ཅན་རྣམས་ལ་བདེན་དང་དེ་བཞིན་དུ། ། སྦྱིན་དང་བྱམས་པ་བསྲུང་ཞིང་ཚིག་སྙན་སྨྲ།། ཡང་དག་ལྟ་དང་དྲི་མ་བྲལ་བའི་ཡིད།། སངས་རྒྱས་ཀྱིས་ནི་མཐོ་རིས་ལམ་དུ་གསུངས།། དཀར་པོའི་ཆོས་དང་ཡང་དག་ལྡན།། དཀར་པོའི་སེམས་ལ་བརྟེན་པ་རྣམས། ། སྣང་ལས་སྣང་བའི་མེ་ཏོག་དང་།། སྒྲོན་ལས་སྒྲོན་མ་གཞན་འབྱུང་ལྟར།། སྣང་ལས་སྣང་བའི་མཆོག་འབྱུང་ཞིང་།། བདེ་ལས་ཤིན་ཏུ་བདེ་བར་འགྲོ།། དེ་བས་སྐྱེས་བུ་སྒྲོན་མ་མཆོག། ངམ་ཐོག་ཏུ་ནི་ལྟུང་མི་འགྱུར།། རྟག་ཏུ་ནོར་བུ་དྲི་མད་ལྟར།། རྟག་ཏུ་གང་ཞིག་སེམས་དག་པ།། དེ་ནི་ཞོ་སྟེ་ང་མེད་བརྟན།། ལྷ་རྣམས་ཀྱི་ནི་ནང་དུ་འགྲོ། བསམ་གཏན་ཚུལ་ཁྲིམས་ཏིང་འཛིན་དག། གང་གི་སེམས་ལ་ཤིན་ཏུ་བསྒོམས།། བརྟན་པོ་དེ་ནི་གསེར་འདྲ་སྟེ།། ལྷ་རྣམས་ཀྱི་ནི་ནང་དུ་འགྲོ།། སྲོག་གཅོད་པ་དག་སྤངས་པ་དང་། སེམས་ཅན་ཀུན་ལ་སྙིང་རྗེ་མཆོག། བརྩེ་ལྡན་དྲང་པོ་ཞི་བ་དག། ལྷ་རྣམས་ཀྱི་ནི་ནང་དུ་འགྲོ། འཇིག་རྟེན་ཀུན་ལ་ཚིག་འཇམ་ཞིང་།། ཞེ་སྡང་ལས་ནི་རྣམ་སྤངས་ལ། སྡིག་པའི་ཆོས་ཀྱིས་མགོས་པ།། ལྷ་རྣམས་ཀྱི་ནི་ནང་དུ་འགྲོ།། གང་ལ་རྩཝ་དང་གསེར་མཉམ་ཞིང་།། གང་གིས་འདོད་པ་དུག་ལྟ་བུ།། འདོད་ཆགས་སྤངས་པའི་བརྟན་པོ་དེ།། ལྷ་རྣམས་ཀྱི་ནི་ནང་དུ་འགྲོ། ། འདོད་ཆགས་རྒྱུ་སྟེ་ཡིད་འོང་བའི།། ཡུལ་གྱིས་མ་དྲང་གང་ཡིན་པ།། དེ་ནི་འཇིགས་པའི་དགོན་ལས་རྒྱལ།། ལྷ་རྣམས་ཀྱི་ནི་ནང་དུ་འགྲོ།། གྲོགས་པོ་གཉེན་བཤེས་རྩ་ལག་དང་། ། ཕན་ཚུན་མི་མཐུན་གྱུར་པ་ལ།། གང་ཞིག་ཤིན་ཏུ་སྡུམས་བྱེད་པ།། ལྷ་རྣམས་ཀྱི་ནི་ནང་དུ་འགྲོ།། འདོད་པའི་འདམ་ལས་དྲངས་ཤིང་སྐྱོན་བསལ་བ།། སེམས་ཅན་ཀུན་ལ་རྟག་ཏུ་བདེ་འདོད་གང་། ། དེ་ནི་དྲི་མེད་ཞི་བ་ཡིད་འགྲོལ་ཞིང་།། དེ་ལྟར་བདུད་ཀྱི་སྐྱོབས་ནི་འཇོམ་པར་བྱེད།། གང་ཞིག་དབང་ལ་བློ་གནས་ཤིང་།། རྡོ་ཡི་དབང་དུ་མི་འགྲོ་གང་།། དེ་ནི་དགྲ་ལས་རྣམ་རྒྱལ་ཏེ།། ལྷ་རྣམས་ཀྱི་ནི་ནང་དུ་འགྲོ།། ལུས་ཀྱི་ལས་མཐའ་དགེ་བ་དག། སྡིག་ལས་བྲལ་བ་བདེ་ལྡན་གང་།། དེ་ནི་འདོད་སྤངས་བསམ་གཏན་པ།། ལྷ་རྣམས་ཀྱི་ནི་ནང་དུ་འགྲོ། ། སྡིག་པའི་གྲོགས་པོ་རྣམ་སྤངས་ཤིང་།། སྲེད་པའི་ཞགས་པས་ངེས་གྲོལ་ལ།། བུད་མེད་ཞགས་པས་མ་བཅིངས་པ།། ལྷ་རྣམས་ཀྱི་ནི་ནང་དུ་འགྲོ།། གང་དག་ཆོས་ལ་རབ་འབང་ཅིང་། ། སྦྱིན་དང་ཚུལ་ཁྲིམས་ཏིང་འཛིན་ལྡན།། བློ་གྲོས་བརྟན་ཞིན་རྟག་བརྩོན་པ།། ལྷ་རྣམས་ཀྱི་ནི་ནང་དུ་འགྲོ།། རལ་གྲིས་ཞགས་པ་བཅད་པ་ལྟར།། གང་གིས་འཆིང་བ་བཅད་པ་དེས།། རང་དབང་ཞགས་པ་བཅད་པ་ཡིན།། ལྷ་རྣམས་ཀྱི་ནི་ནང་དུ་འགྲོ།། འདོད་པའི་དྲི་མས་མ་གོས་བརྐམ་པ་མེད།། སྐྱོན་དག་སྤངས་ཤིང་བཅོམ་སྟེ་སྲེད་དང་བྲལ།། ཉེས་མེད་དྲི་བྲལ་སེམས་ཅན་བརྟན་པ་དེ། ། རང་གི་འབྲས་བུ་ལ་སྤྱོད་མཐོ་རིས་འགྲོ།། སེམས་ཅན་མིར་ནི་གྱུར་པ་གང་།། ལེགས་པར་བྱས་པ་མང་སྤྲད་པ།། ལས་ཀྱི་རྣམ་སྨིན་དེ་ཡིས་སུ།། ལྷ་ཡི་འཇིག་རྟེན་རང་ཏུ་འགེངས། ། མི་ཡི་མཐུ་ཡིས་ལྷ་འབྱུང་ལ།། ལྷ་ཡི་མཐུ་ཡིས་མི་འབྱུང་སྟེ།། ཕན་ཚུན་མཐུས་འབྱུང་འདི་དག་ནི།། དམ་པའི་ཆོས་ཀྱི་ལམ་དུ་གནས།། ལྷ་ཡི་བདེ་འགྲོ་མི་ཡིན་ལ།། མི་ཡིད་དེ།། འགྲོ་ལྷ་ཡིན་ཏེ།། ངན་སོང་གསུམ་གྱི་ས་དག་ནི།། དགེ་བའི་ལས་རྣམས་སྤངས་པ་ཡིན།། དེ་ནི་ཁྱེད་ཡིན་རྟག་ཏུ་བརྩོན།། ལེགས་པར་མཐོང་བ་མཆོག་ཡིན་ཏེ།། རྟག་ཏུ་ཆོས་སྤེལ་བྱེད་པ་གང་།། ལྷ་མཆོག་རྣམས་ནི་རབ་ཏུ་འདོད། ། བདེ་བ་ཐམས་ཅད་ཆོས་ལས་བྱུང་།། མྱ་ངན་འདས་པ་ཆོས་ལས་འབྱུང་།། གཉིད་ལོག་རྣམས་ལ་ཆོས་སྟོན་ཅིག། འགྲོ་བ་མཆོག་ནི་ཆོས་ཡིན་ནོ།། དེ་སྐད་ཅེས་བསྒོ་ནས་ལྷ་རྣམས་ཀྱི་དབང་པོ་བརྒྱ་བྱིན་འཇིག་རྟེན་སྐྱོང་བ་དེ་དག་ལ། ཡང་འདི་སྐད་དུ་མི་རྣམས་ཡོངས་སུ་བསྲུང་བའི་ཕྱིར་དང་། ཆོས་རྣམས་འཕེལ་བར་བྱ་བའི་ཕྱིར་འབོད་ཅིག་ཅེས་བསྒོའོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ལྷ་རྣམས་ཀྱི་སེམས་ཀྱི་རྟོག་པ་རིག་ནས། ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་སོ།། དེ་ནས་ཡང་དགེ་སློང། ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ལྷ་མ་ཡིན་རྣམས་ཀྱི་ས་གཉིས་པ་ལ་བརྟགས་ནས། ས་གསུམ་པ་ལ་རྟོག་པར་བྱེད་དེ། ལྷ་མ་ཡིན་རྣམས་ཀྱིས་གསུམ་པའི་རྣམ་པ་ཇི་ལྟ་བུ་ཡིན་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ས་གཞི་གསུམ་པ་གང་ཡིན་པ་ནི་དཔག་ཚད་ཉི་ཁྲི་ཆིག་སྟོང་ཡོད་དོ།། ས་གཞི་དེའང་གནས་བཟང་པོ་ཞེས་བྱ་སྟེ། ཚལ་དང་། ནགས་ཚལ་དང་། ལྡེང་ཀ་དང་། འབབ་ཆུའི་དངོ་དང་། སྐྱེ་བོ་འཐུན་པ་སྣ་ཚོགས་ཀྱིས་གང་བ། རྟག་ཏུ་སྤྲོ་བ་དང་། རོལ་མོའི་སྒྲ་སྙན་པས་གང་ངོ་།། གྲོང་ཁྱེར་ཟབ་པ་ཞེས་བྱ་བ་དཔག་ཚད་བརྒྱད་སྟོང་ཡོད་དེ། གྲོང་ཁྱེར་དེ་ན་ལྷ་མ་ཡིན་གྱི་དབང་པོ་མེ་ཏོག་འཕྲེང་ཞེས་བྱ་བ་གནས་སོ། ། ལྷ་མ་ཡིན་དེ་རྣམས་ཀྱང་རྩེ་བ་ལ་གནས་པ་ཞེས་བྱ་ལ། གྲོང་ཁྱེར་ཟབ་པ་དེའང་རིན་པོ་ཆེ་རྣམ་པ་དུ་མ་དང་། ཚལ་དང་། ནགས་ཚལ་དང་ལྟེསྟེང་ཀ་དང་། པདྨའི་རྫིང་རབ་ཏུ་མང་པོ་དང་ལྡན་པ། འདམ་དང་རྙོག་པ་དང་བྲལ་བའི་པདྨོ་སྐྱེ་བའི་རྫིང་རྣམས་ཀྱིས་མཛེས་པར་བྱས་པ། ལྷ་མ་ཡིན་རྩེ་བའི་གྲོགས་པོ་དང་ལྡན་པ་རྣམས་ཀྱིས་ཀུན་ནས་ཡོངས་སུ་བསྐོར་བ། དུས་ཚིགས་དྲུག་ཉམས་དགའ་བ། ཚལ་ཆེན་པོ་བཞི་རྣམས་ཀྱིས་མཛེས་པར་བྱས་པ་ལ་འདི་ལྟ་སྟེ། དྲིལ་དུ་གཡེར་ཀའི་འཕྲེང་བའི་ཚལ་ཞེས་བྱ་བ་གང་དུ་དྲིལ་བུ་གཡེར་ཀའི་ཤིང་ལྗོན་པ་རྟག་ཏུ་སྒྲ་དབྱངས་སྙན་པ་འབྱིན་པ་དང་། འདི་ལྟར་ཚལ་གཉིས་པ་གསེར་འཕྲེང་ཞེས་བྱ་བ་གང་དུ་གསེར་གྱི་ཤིང་ལྗོན་པ་སྐྱེ་བ་དང་། ཚལ་གསུམ་པ་མེ་འཕྲེང་ཞེས་བྱ་བ་གང་དུ་མེ་ལྟ་བུའི་ཤིང་། ལྗོན་པ་འབྲས་བུ་དམར་པོ་འབྱུང་བ་དང་། ཚལ་བཞི་པ་འདྲེས་པ་ཞེས་བྱ་བ་གང་དུ་མེ་ཏོག་དང་འབྲས་བུ་འདྲེས་པ་རྣམས་མཛེས་པར་བྱས་པ་ཡིན་ཏེ། ཚལ་བཞི་པོ་དེ་རྣམས་ཀྱིས་ལྷ་མ་ཡིན་གྱི་གྲོང་ཁྱེར་ཟབ་པ་མཛེས་པར་བྱས་སོ། ། གང་ན་ལྷ་མ་ཡིན་རྩེ་བའི་གྲོགས་དང་ལྷན་ཅིག་གནས་པ་ནི་ལྷ་དང་འཐུན་པར་བདེ་བར་གནས་པ་ཡིན་ཏེ། དེ་ལྟར་གནས་པ་དེ་དག་ནི་མེ་ཏོག་འཕྲེང་དང་། ཕྱེ་མ་དང་། བྱུག་པ་རྣམས་ཀྱིས་ལུས་བརྒྱན་པ། སྤྲོ་བ་དང་། དགའ་བ་དང་། རྩེ་བ་དང་། བརྒལ་བ་དང་། དགོད་པ་རྣམས་ཀྱིས་རྟག་ཏུ་གནས་པ། ལྷ་མ་ཡིན་གྱི་བུ་མོ་འབུམ་སྙེད་ཀྱིས་ཡོངས་སུ་བསྐོར་བ། ལྷ་མ་ཡིན་གྱི་དབང་པོ་མེ་ཏོག་འཕྲེང་གིས་བསྐྱངས་པ། སྐྱེད་མོས་ཚལ་དུ་རྟག་ཏུ་རྩེ་བར་གནས་པ། ལུས་ཀྱི་བར་བར་རིན་པོ་ཆེ་རྣམ་པ་སྣ་ཚོགས་ཀྱིས་བརྒྱན་པ་ཡིན་ཏེ། ལྷ་མ་ཡིན་གྱི་དབང་པོ་བརྟན་པས་གནས་གཉིས་པ་ན་གནས་པ་ལྷ་མ་ཡིན་འཛམ་པ་ཞེས་བྱ་བ་ལྷ་མ་ཡིན་མེ་ཏོག་འཕྲེང་ཞེས་བྱ་བའི་དྲུང་དུ་མངགས་ཏེ། འདི་ལྟར་མིའི་འཇིག་རྟེན་ན། མི་འདི་དག་ཐམས་ཅད་མར་འཛིན་པ་དང་། པར་འཛིན་པ་དང་། དགེ་སྦྱོང་དུ་འཛིན་པ་དང་། བྲམ་ཟེར་འཛིན་པ་དང་། བྱས་པ་ལ་ཕན་འདོགས་པ་ཡིན་ལ། དེ་ལྟར་གནས་པ་དེ་དག་ནི། མི་མཐུ་ཆེ་བ་རྣམས་ཀྱིས་ལྷ་རྣམས་མཐུ་ཆེ་བ་ཡིན་ཏེ། དེས་ན་བདག་ཅག་དང་ཀླུ་དང་བཅས་པ་རྣམས་ཀྱིས་ངེས་པར་ལྷ་དང་མི་རྣམས་ཀྱི་དམ་པའི་ཆོས་ཀྱི་བར་ཆད་བྱ་བ་ལ་འབད་པར་བྱའོ་ཞེས་སྔ་མ་བཞིན་དུ་དེ་དག་ཐོས་ནས། གནས་གསུམ་པ་ན་གནས་པ་ལྷ་མ་ཡིན་གྱི་དབང་པོ་མེ་ཏོག་འཕྲེང་ཤིན་ཏུ་དགའ་སྟེ། བདག་ཅག་གི་དགྲ་བོ་ལྷ་འདི་དག་མི་ལ་རག་ལས་པ་ཡིན་པས་ལྷ་དང་མིའི་བར་ཆད་བྱའོ་ཞེས་སྨྲས་སོ།། དེ་ནས་ལྷ་མ་ཡིན་རྩེ་ནིང་གནས་པ་མཚོན་དང་། གོ་ཆ་སྣ་ཚོགས་ཀྱིས་ལུས་རྣམ་པར་བརྒྱན་པ། ཤིན་ཏུ་ཆག་པ་རྣམས་ཀླུ་རྣམས་ཀྱི་གནས་ལོངས་སྤྱོད་ལྡན་ག་ལ་བ་དེར་དོང་ངོ་།། དེ་ནས་ལྷ་མ་ཡིན་གྱི་སྒྲ་དེ་དག་ཟོས་ནས། ཀླུའི་རྒྱལ་པོ་ཆེན་པོ་ནོར་རྒྱས་ཀྱི་བུ་དང་། འཇོག་པོ་ལ་སོགས་པ་ལུས་ལ་གློག་གི་འཕྲེང་བ་འབར་བ་འབྱུང་བ་ཤིན་ཏུ་ཆས་པ་རྣམས་གློག་མང་པོ་ཆར་ལྟར་འབྱིན་པ་ན། རྒྱ་མཚོའི་དབུས་ནས་ཀླུ་འབུམ་ཕྲག་བྱེ་བ་དུ་མ་དག་མངོན་པར་འབྱུང་ངོ་། ། དེ་ནས་ལྷ་མ་ཡིན་དེ་རྣམས་དང་། ཀླུ་དེ་རྣམས་རྒྱ་མཚོའི་དབུས་སུ་གཡུལ་ཆེན་པོ་འགྱེད་པར་འགྱུར་ཏེ། དེ་གང་གི་ཚེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་འབྱུང་པ་དེའི་ཚེ། ལྷ་མ་ཡིན་རྣམས་ཕམ་པར་འགྱུར་ལ། གལ་ཏེ་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པའི་སྐྱེ་དགུ་འབྱུང་ན་སྔ་མ་བཞིན་དེའི་ཚེ། ལྷ་མ་ཡིན་གྱི་ཕྱོགས་རྒྱལ་བར་འགྱུར་ཏེ། ཀླུའི་ཕྱོགས་ཕམ་པར་འགྱུར་རོ། ། དེ་ལྟར་ཐམས་ཅད་ཆོས་ལ་རག་ལས་པ་ཡིན་ཏེ། དེ་གང་གི་ཚེ་ཀླུ་ཕམ་པར་གྱུར་ན། དེ་དག་ཀུན་ཏུ་རྒྱུ་བའི་ལྷ་རྣམས་ལ། ཀྱེ་གྲོགས་པོ་དག་འདི་ལྟར་ལྷ་མ་ཡིན་རྣམས་ཀྱི་མཐུ་ལ་བགེགས་བྱ་བའི་ཕྱིར་འབོད་ཅིག་ཅེས་སྨྲས་སོ། ། དེ་ནས་ཀུན་ཏུ་རྒྱུ་བའི་ལྷ་ཁྲོ་བས་གདུངས་པ་རྣམས་ཁ་རླངས་འབྱིན་བཞིན་དུ་རྒྱལ་ཆེན་བཞིའི་ལྷ་རྣམས་ལ། ཀྱེ་ལྷ་དག་འདི་ལྟར་ལྷ་མ་ཡིན་གྱི་ཕྱོགས་འདི་ནི་མཐུ་ཆེ་སྟེ། ཀླུ་རྣམས་ནི་ཕམ་མོ།། ལྷ་མ་ཡིན་རྣམས་ནི་རྒྱལ་གྱིས། གཡུལ་བཤམ་པ་ལ་རབ་ཏུ་འབོད་ཅིག་ཅེས་སྨྲས་སོ།། ཀུན་ཏུ་རྒྱུ་བའི་ལྷའི་བུ་དེ་དག་དང་ཁ་རླངས་དེ་མཐོང་ནས་ཀྱང་རྟོག་གེ་པ་དེ་དག་ན་རེ། འདི་ལྟར་དུ་བ་མཇུག་རིངས་བྱུང་སྟེ། ལོ་ལེགས་པར་འགྱུར་རོ།། ལོ་ཉེས་པར་འགྱུར་རོ།། ཆར་ལེགས་པར་འབབ་པར་འགྱུར་རོ།། ཆར་ལེགས་པར་འབབ་པར་མི་འགྱུར་རོ། ཞེས་སྔ་མ་བཞིན་སྦྱར་ཏེ། འདི་ནི་དུ་བ་མཇུག་རིངས་སྟོན་པའི་རྒྱུ་གཉིས་པ་ཡིན་ནོ།། དེ་གང་གི་ཚེ་ལྷ་དང་། ཀླུ་དང་། གནོད་སྦྱིན་དག་རྒྱལ་བར་འགྱུར་བ་དེའི་ཚེ། ཆར་ལེགས་པར་འབབ་ཅིང་ལོ་འགྲུ་པར་འགྱུར། དེའི་ཚེ་ནད་འབྱུང་བར་མི་འགྱུར་ཞིང་མཚོན་གྱིས་འཁྲུག་པར་མི་འགྱུར་བ་དང་། འདི་ལྟ་སྟེ། རྟོག་གེ་པ་དག་ན་རེ། འདི་ལྟར་གཟས་ཆར་ཕབ་བོ་ཞེས་བྱ་བ་ལ་སོགས་པ་རྒྱ་ཆེར་སྦྱར་རོ།། དེ་ནས་གང་གི་ཚེ་ཆོས་དང་མི་ལྡན་ཞིང་། ཆོས་ཀྱི་རྗེས་སུ་མི་འཇུག་པའི་སྐྱེ་དགུ་འབྱུང་ཞིང་། མར་མི་འཛིན་པ་དང་། ཕར་མི་འཛིན་པ་དང་། རྒན་རབས་ལ་གུས་པར་མི་བྱེད་པ་དེའི་ཚེ། ལྷ་མ་ཡིན་གྱི་ཕྱོགས་རྒྱལ་བར་འགྱུར་ཏེ། ཆར་མི་འབབ་ཅིང་ཆོས་དང་མི་ལྡན་པ་རྣམས་ཀྱི་ལོ་ལེགས་པར་མི་འགྱུར། མཚོན་གྱིས་འཁྲུག་པར་ཡང་འགྱུར་རོ།། དེ་ལ་རྟོག་གེ་པ་དག་གཞན་དུ་བསྒྱུར་ཏེ། ག་བའི་ཉེས་པས་ཆར་མི་འབབ་བོ།། རྒྱུ་གར་གྱི་ཉེས་པས་ལོ་ཉེས་པར་འགྱུར་རོ་ཞེས་སྔ་མ་བཞིན་སྦྱར་ཏེ། དེ་ལྟར་ཆོས་དང་ཆོས་མ་ཡིན་པ་མངོན་པར་མི་ཤེས་པ་རྟོག་གེ་བ་དག། གཞན་དུ་བསྒྱུར་ཞིང་། འཇིག་རྟེན་པ་ལ་གཞན་དུ་སྒྲོགས་སོ།། དེ་ལྟར་མི་ཤེས་པས་ཉམས་པ་ཐམས་ཅད་ནི་མུ་སྟེགས་ཡ་མཚན་གྱི་བློར་འགྱུར་རོ།། གང་གི་ཚེ་ལྷ་མ་ཡིན་རྣམས་ཀྱི་ཀླུ་རྣམས་ཟིལ་གྱིས་མནན་པ་དེའི་ཚེ། དེ་ནས་ཡང་འཇིག་རྟེན་སྐྱོང་བ་བཞི་དག་རྒྱལ་ཆེན་བཞི་པ་རྣམས་ལ་འདི་ལྟར་སྒྲ་སྒྲོགས་པར་བྱེད་དེ། ཆོས་ལུགས་རྒྱལ་བར་གྱུར་ཅིག་ཆོས་མིན་རྒྱལ་མ་གྱུར།། བདེན་པ་རྒྱལ་བར་གྱུར་ཅིག་བརྫུན་པ་རྒྱལ་མ་གྱུར། ། ལྷ་རྣམས་རྒྱལ་བར་གྱུར་ཅིག་ལྷ་མིན་རྒྱལ་མ་གྱུར།། སྣང་བ་རྒྱལ་བར་གྱུར་ཅིག་མུན་པརྒྱལ་མ་གྱུར།། སྦྱིན་པ་རྒྱལ་བར་གྱུར་ཅིག་འཇུངས་པ་རྒྱལ་མ་གྱུར། ། ཚུལ་ཁྲིམས་རྒྱལ་བར་གྱུར་ཅིག་གསོད་པ་རྒྱལ་མ་གྱུར།། སངས་རྒྱས་རྒྱལ་བར་གྱུར་ཅིག་མུ་སྟེགས་རྒྱལ་མ་གྱུར།། བརྟན་པོ་རྒྱལ་བར་གྱུར་ཅིག་གཡོ་བ་རྒྱལ་མ་གྱུར།། ཆོས་བཞིན་རྒྱལ་བར་གྱུར་ཅིག་དོར་སྒྱུ་རྒྱལ་མ་གྱུར། ། སྙིང་རྗེ་རྒྱལ་བར་གྱུར་ཅིག་བརྩེ་མེད་རྒྱལ་མ་གྱུར།། བྱམས་པ་རྒྱལ་བར་གྱུར་ཅིག་ཁྲོ་བ་རྒྱལ་མ་གྱུར།། བརྒྱ་བྱིན་རྒྱལ་བར་གྱུར་ཅིག་ལྷ་མིན་རྒྱལ་མ་གྱུར། ། གོང་མ་རྒྱལ་བར་གྱུར་ཅིག་འོག་མ་རྒྱལ་མ་གྱུར།། འགྲངས་པ་རྒྱལ་བར་གྱུར་ཅིག་བཀྲེས་པ་རྒྱལ་མ་གྱུར།། ཡེ་ཤེས་རྒྱལ་བར་གྱུར་ཅིག་གཏི་མུག་རྒྱལ་མ་གྱུར།། བྱ་བ་རྒྱལ་བར་གྱུར་ཅིག་བྱ་མིན་རྒྱལ་མ་གྱུར། ། བརྩོན་འགྲུས་རྒྱལ་བར་གྱུར་ཅིག་ལེ་ལོ་རྒྱལ་མ་གྱུར།། སྐྱེས་པ་རྒྱལ་བར་གྱུར་ཅིག་བུད་མེད་རྒྱལ་མ་གྱུར།། རྒན་རབས་རྒྱལ་བར་གྱུར་ཅིག་བྱིས་པ་རྒྱལ་མ་གྱུར།། བཟོད་པ་རྒྱལ་བར་གྱུར་ཅིག་སྡང་བ་རྒྱལ་མ་གྱུར།། མི་རྣམས་རྒྱལ་བར་གྱུར་ཅིག་རབ་འཇོམས་ལ་སོགས་པ།། ཕུང་པར་བྱེད་པའི་ཀླུ་རྣམས་རྒྱལ་མ་གྱུར།། ཉིན་མོ་རྒྱལ་བར་གྱུར་ཅིག་མཚན་མོ་རྒྱལ་མ་གྱུར། ། ཟླ་བ་རྒྱལ་བར་གྱུར་ཅིག་གཟའ་རྣམས་རྒྱལ་མ་གྱུར།། ལོ་ཏོག་རྒྱལ་བར་གྱུར་ཅིག་རྩིངས་པ་རྒྱལ་མ་གྱུར།། བདེ་བ་རྒྱལ་བར་གྱུར་ཅིག་བདེ་མིན་རྒྱལ་མ་གྱུར།། ནད་མེད་རྒྱལ་བར་གྱུར་ཅིག་ནད་རྣམས་རྒྱལ་མ་གྱུར། ། འཇམ་པོ་རྒྱལ་བར་གྱུར་ཅིག་རྩུབ་པོ་རྒྱལ་མ་གྱུར།། ཐར་པ་རྒྱལ་བར་གྱུར་ཅིག་བཅིངས་པ་རྒྱལ་མ་གྱུར། གཞུང་ལུགས་རྒྱལ་བར་གྱུར་ཅིག་ལུགས་མིན་རྒྱལ་མ་གྱུར། ། གཅེས་པ་རྣམས་ནི་ཐམས་ཅད་རབ་ཏུ་རྒྱལ་བར་ཤོག། གཅེས་མིན་དག་ནི་དུས་རྣམས་ཀུན་ཏུ་བཅོམ་པར་ཤོག། དེ་ལྟར་འཇིག་རྟེན་སྐྱོང་བ་བཞི་དག་རྔ་བོ་ཆ་ཐོགས་ནས། ལྷ་རྣམས་ལ་རྒྱུགས་ཤིག་རྒྱུགས་ཤིག་ཅེས་སྨྲའོ། ། དེ་ནས་ལྷ་རྣམས་དེ་དག་གིས་སྨྲས་པ་ཐོས་ནས་མཚོན་ཆ་དང་གོ་ཆ་སྣ་ཚོགས་བགོས་ཏེ། ཀླུ་རྣམས་དང་། ལྷ་མ་ཡིན་རྣམས་ལྷན་ཅིག་གཡུལ་འགྱེད་པར་མིག་འཚུམས་པ་ཙམ་གྱི་ཚད་དུ་དེར་ཐམས་ཅད་བྱིན་ནོ། ། དེ་ནས་ལྷ་མ་ཡིན་རྣམས་ཀྱིས་དེ་དག་ལ་བརྟགས་ནས། འདི་ལྟར་དགེ་སློང་དུ་འཛིན་པ་དང་། བྲམ་ཟེར་འཛིན་པའི་སྐྱེ་དགུ་འབྱུང་བ་སྔ་མ་བཞིན་དུ་སྦྱར་ཏེ། དེའི་ཚེ་ལྷ་མ་ཡིན་རྣམས་ཀྱིས་ལྷ་དེ་དག་མཐོང་ནས། སའི་འོག་གཞན་ག་ལ་བར་ཐམས་ཅད་འཇུག་པར་བྱེད་དོ།། གལ་ཏེ་དགེ་སྦྱོང་དུ་མི་འཛིན་པ་དང་། བྲམ། ཟེར་མི་འཛིན་པའི་སྐྱེ་དགུ་བྱུང་ན། ལྷ་རྣམས་དང་དེ་དག་ལྷན་ཅིག་གཡུལ་འགྱེད་པར་གཤོམ་སྟེ། དེ་དག་ཡུད་ཙམ་ཞིག་གཡུལ་བཀྱེ་ནས། ལྷ་རྣམས་ཀྱིས་ཕམ་པར་བྱས་ནས། དེ་ནས་ཡང་ལྷ་མ་ཡིན་གྱི་དབང་པོ་མེ་ཏོག་འཕྲེང་དང་། ལྷ་མ་ཡིན་ཕམ་པ་རྣམས་དང་ལྷན་ཅིག་རང་རང་གི་གནས་སུ་འཇུག་པར་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ལྷ་དང་ལྷ་མ་ཡིན་གྱི་གཡུལ་མཐོང་ནས། ཡང་དག་པ་ཇི་ལྟ་བ་བཞིན་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་སོ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ། གནས་གསུམ་པ་ལ་གནས་པ་ཞེས་བྱ་བའི་ལྷ་མ་ཡིན་མེ་ཏོག་འཕྲེང་ཞེས་བྱ་བ་ལ་སོགས་པའི་ལས་ཀྱི་ཆོས་ཀྱི་རྣམ་པར་སྨིན་པ་ལ་རྟོག་པར་བྱེད་དེ། ལས་ཀྱི་ཆོས་ཀྱི་རྣམ་པར་སྨིན་པ་གང་གིས་ལྷ་མ་ཡིན་གནས་གསུམ་པ་གནས་བཟང་དུ་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་དུས་སུ་སྦྱོར་བའི་དོན་དུ་བྱང་དམ། སིལ་ཁྲོལ་བ་འམ། དུ་གུལ་ལ་ཀ་བ་འམ། བསྡུས་པ་འམ། དགའ་འདུན་པར་གྱུར་པ་དག་ལ་སྦྱིན་པ་ངན་པ་བྱིན་པ་དེ་སེམས་པ་དང་མི་ལྡན་ཞིང་། ཤིང་བཟང་པོ་མ་ཡིན་པ་ལ་བྱིན་པ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་གནས་གསུམ་པ་ན་གནས་པའི་ལྷ་མ་ཡིན་གྱི་ནང་དུ་སྐྱེ་བར་འགྱུར་རོ། ། དེ་དག་མི་རྣམས་ཀྱི་ལོ་བདུན་བརྒྱ་གང་ཡིན་པ་དེ་དག་གི་ཉིན་ཞག་གཅིག་ཡིན་ལ། བགྲང་བ་དེའི་ལོ་བདུན་སྟོང་ཐུབ་སྟེ། དུས་མ་ཡིན་པར་འཆི་བ་ནི་ཡོད་པར་མཐོང་ངོ་།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ལྷ་མ་ཡིན་གྱི་བདག་པོ་མེ་ཏོག་འཕྲེང་གི་ལས་ཀྱི་འབྲས་བུ་རྣམ་པར་སྨིན་པ་ལ་སེམས་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་སེམས་པ་དང་མི་ལྡན་པ་གང་གིས་ཚུལ་ཁྲིམས་འཆལ་པ་ལ་ཟན་གཅིག་བྱིན་ན། ལས་དེས་ལྷ་མ་ཡིན་གྱི་གནས་ཟབ་པར་ལྷ་མ་ཡིན་གྱི་བདག་པོ་བདུད་རྩི་དྲི་མ་ཅན་ཟ་བར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པདེས་ས་གཞན་ར་ཞི་བ་ལ་རྟོག་པར་བྱེད་དེ། དེ་ཐོས་པ་ལས་བྱུང་བའི་ཤེས་པས་འདི་ལྟར་དུད་འགྲོར་གཏོགས་པ་ལྷ་མ་ཡིན་གྱི་གནས་གཞན་བཞི་པ་མི་གཡོ་བ་ཞེས་བྱ་བ་དཔག་ཚད་ཉི་ཁྲི་ཆིག་སྟོང་ཡོད་པ་མཐོང་ངོ་།། དེའི་དབུས་ན་གྲོང་ཁྱེར་མཛེས་པ་ཞེས་བྱ་བ་དཔག་ཚད་བརྒྱད་སྟོང་པ་གཅིག་ཡོད་དོ། ། གནས་དེའང་དཔག་ཚད་ཁྲི་སུམ་སྟོང་ཡོད་དེ། གྲོང་ཁྱེར་དེ་ན་ལྷ་མ་ཡིན་གྱི་དབང་པོ་རབ་སྤྲོ་ཞེས་བྱ་བ་གནས་སོ།། གནས་དེན་ལྷ་མ་ཡིན་གནས་པ་གང་ཡིན་པ་དེ་དག་གི་མིང་ནི་ཀུན་སྤྲོ་ཞེས་བྱ་སྟེ་སྟོབས་ཆེ་བ་ཡིན་ནོ། ། རྒྱལ་པོ་དེའང་ལྷ་མ་ཡིན་དེ་དག་པས་སྟོབས་ཤིན་ཏུ་ཆེ་བ་ཡིན་ཏེ། ཤིན་ཏུ་བདེ་བ། ཤིན་ཏུ་བརྟན་པ། མཐུ་དང་ལྡན་པ། རྫུ་འཕྲུལ་དང་ལྡན་པ། གར་ཡང་འཇིག་པ་མེད་པ། དབང་པོ་དང་བཅས་པའི་འཇིག་རྟེན་ཡང་གྲངས་སུ་མི་བརྩི་བ། བརྩོན་འགྲུས་ལྷག་པས་རབ་ཏུ་རྒྱགས་པ། ཐམས་ཅད་སའི་འོག་གི་གཏིང་ན་གནས་པ་ཡིན་ལ། དེ་ལས་འོག་ཏུ་གྱུར་པ་ནི་གཞན་གང་ཡང་མེད་དེ། དེ་ནོར་བུའི་ས་གཞིའི་སྟེང་ན་གནས་སོ།། དེ་རྟོགས་པར་ཡིད་རབ་ཏུ་དགའ་ཞིང་རྟག་པར་སྤྲོ་ལ། དགའ་པ་རྟག་པར་ཡིད་སྣ་ཚོགས་སུ་ཤིན་ཏུ་ཕྱེ་བ། ཡུལ་གྱི་སྲེད་པ་སྣ་ཚོགས་ལ་རྣམ་པར་ཆགས་པ་དག་གནས་གཞན་བཞི་པ་གྲོང་ཁྱེར་ཟབ་པ་ན་ཤིན་ཏུ་བདེ་བར་གནས་སོ།། གྲོང་ཁྱེར་དེའང་ཀུན་ནས་པདྨའི་རྫིང་དང་། འབབ་ཆུའི་དངོ་དང་། བསྐྱེད་པའི་ས་དང་ར་བས་མཛེས་པར་བྱས་པ། རིན་པོ་ཆེ་སྣ་བདུན་གྱི་ཁང་པས་བརྒྱན་པ། འགྲན་ཟླ་དང་དྲལ་བ། ཕན་ཚུན་བཤེས་གཉེན་མི་མཐུན་པ་དང་བྲལ་བ། ཕན་ཚུན་འཁྲུགས་པ་དང་བྲལ་བ། འགྲན་ཟླའི་འཇིགས་པ་དང་བྲལ་བ། ནམ་མཁའ་གཉིས་པ་ལྟ་བུ་ཡིན་ཏེ། ཇི་ལྟར་ནམ་མཁའ་ལ་གཟའ་དང་། རྒྱུ་སྐར་དང་། སྐར་མའི་ཚོགས་རྣམ་པ་དུ་མ་དག་གིས་མཛེས་པར་བྱས་པ་དེ་ལྟར་ཡང་གྲོང་ཁྱེར་དེའང་ཀུན་ནས་རིན་པོ་ཆེ་རྣམ་པ་སྣ་ཚོགས་དག་གིས་བརྒྱན་ཅིང་མཛེས་པ་ཡིན་ནོ། ། འདིར་ཚིགས་སུ་བཅད་པ།། བྱེད་ཀུན་སེམས་ལ་རག་ལས་ཤིང་།། འབྲས་བུ་སེམས་ལ་རག་ལས་མཐོང་། ། ཇི་ལྟར་སེམས་ནི་སྣ་ཚོགས་ལྟར།། དེ་ལྟ་བུར་ནི་འབྲས་བུའང་མཐོང་།། འཇིག་རྟེན་སྲིད་གསུམ་རྗེས་འགྲོ་འདི།། ཐམས་ཅད་སེམས་ཀྱིས་སྣ་ཚོགས་བྲིས།། སེམས་ཀྱི། དབང་དུ་མ་གྱུར་གང་།། དེ་ཡི་གནས་ནི་ཡེ་མེད་དོ།། ཡིད་ནི་ཐར་དང་བཅིངས་པ་ཡི།། གཉིས་ཀྱི་གཞི་དང་རྒྱུ་རུ་གྱུར།། དགེ་བ་ཡིས་ནི་སྐྱེ་བོ་འགྲོལ།། མི་དགེས་མྱུར་དུ་འཆིང་བར་བྱེད།། དེ་ལྟར་སེམས་ཅན་སེམས་ཀྱི་དབང་། ། སྲིད་པ་གསུམ་ན་འཁྱམ་པར་འགྱུར།། སྲེད་པས་རྨོངས་པའི་སེམས་ཅན་རྣམས།། སེམས་ཀྱི་དབང་དུ་གྱུར་ནས་འགྲོ།། དམུས་ལོང་ལམ་བཟང་མི་མཐོང་ལྟར།། མྱ་ངན་འདས་པ་འཐོབ་མི་འགྱུར། ། ཇི་ལྟར་སེམས་ཅན་དེ་རྣམས་ཀྱིས་ཡང་དག་པའི་ལམ་བསྒྲུབས་པ་དེ་ལྟར་རྒྱུ་སྣ་ཚོགས་དང་མཐུན་པར་གྱུར་པའི་གནས་དེ་སྣ་ཚོགས་སུ་སྣང་ངོ་།། འདི་ལྟར་གནས་དེ་གྲོང་ཁྱེར་དེའི་ཕྱི་རོལ་ན་འདུག་པ་ཡིན་ཏེ། ཤིང་ལྗོན་པ་དང་། ཉེ་བའི་ཚལ་དང་། ལྟེང་ཀ་དང་། གྲོང་རྡལ་དང་། པདྨའི་རྫིང་དང་། ཆུ་བོ་རྣམ་པ་སྣ་ཚོགས་དང་། བྱ་རྣམ་པ་བརྒྱ་སྙེད་ཀྱིས་མཛེས་པར་བྱས་པ་ཡིན་ནོ། ། དེའི་གནས་བཞི་པ་དེ་ན་ལྷ་མ་ཡིན་གནས་པ་གང་ཡིན་པ་དེ་དག་ཀུན་སྤྲོ་ཞེས་བྱ་སྟེ། བརྟན་པ། ངག་ཚ་བ་མེད་པ། ཆ་བྱད་དང་རྒྱན་ཤིན་ཏུ་བཟང་བས་ལུས་བརྒྱན་པ་རྣམས་གནས་པ། ཕན་ཚུན་ཡིད་ལ་ཅུང་ཟད་ཀྱང་འཁྲུག་པར་མི་བྱེད་པ། རྟག་ཏུ་ཡིད་ལ་སྤྲོ་ཞིང་དགའ་བ་དང་ལྡན་པ། བུད་མེད་ཆ་བྱད་དང་རྒྱན་སྣ་ཚོགས་ཀྱིས་བརྒྱན་པའི་ཚོགས་རྣམས་ཀྱིས་ཡོངས་སུ་བསྐོར་ཅིང་གནས་ཏེ། བརྒྱ་འམ་ཡང་ན་སྟོང་དུ་དགའ་བར་བྱེད། རྩེ་བར་བྱེད། ཡོངས་སུ་སྤྱོད་པར་བྱེད་དོ།། གནས་གཞི་དེའང་ནོར་བུ་ཐོགས་པའི་བུད་མེད་རྣམས་ཀྱིས་རྟག་ཏུ་བརྒྱན་པ། ལྷ་མ་ཡིན་ཀུན་སྤྲོ་རྣམས་རྟག་ཏུ་ལྷ་མ་ཡིན་གྱི་དབང་པོ་རབ་སྤྲོའི་བཀའ་ཤིན་ཏུ་ཉན་པ། ཡིད་ཤིན་ཏུ་ཕྱེ་བ། དེ་ལ་བཀའ་ཉན་པའི་ངོ་བོ་ནི་རྟག་ཏུ་དབང་དུ་གྱུར་པར་མཐོང་དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ལྷ་མ་ཡིན་གྱི་དབང་པོ་རབ་སྤྲོའི་ལས་ཀྱི་རྣམ་པར་སྨིན་པ་ལ་རྟོག་པར་བྱེད་དེ། དེར་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་འདས་པའི་དུས་ན་ལོག་པར་ལྟ་བ་ལ་ཞེན་པ། ལས་ཀྱི་འབྲས་བུ་མངོན་པར་མི་ཤེས་པ། སངས་རྒྱས་དང་། ཆོས་དང་། དགེ་འདུན་ལས་ཀྱིར་ཕྱོགས་པར་གྱུར་པ་གང་ལ། རེ་ཞིག་གཅིག་ན་དགེ་སློང་ཚུལ་ཁྲིམས་དང་ལྡན་པ། ཤིན་ཏུ་བརྩོན་འགྲུས་དང་ལྡན་པ། ལམ་དུ་ཞུགས་པར་གྱུར་པ་ཞིག་གིས་ནན་གྱིས་བསོད་སྙོམས་གཅིག་བསླངས་པ་དང་བྱིན་ནོ། ། བྱིན་ནས་ཀྱང་བདག་གིས་བསོད་སྙོམས་བྱིན་པའི་འབྲས་བུ་ནི་དོན་མེད་ཅིང་འདི་ལས་བདག་གི་ཆོས་སུ་འགྱུར་བའང་མེད་ལ། ལོག་པར་རབ་ཏུ་འབྱུང་བ། དམངས་རིགས་འདི་ལ་བདག་གིས་བསོད་སྙོམས་སྦྱིན་པ་འདི་ནི་ཚ་སྒོ་ཅན་ལ་བསོད་སྙོམས་བྱིན་པར་ཟད་དོ་ཞེས་ཀྱང་སྨྲ་ན། ཞིང་འབའ་ཞིག་ཡོན་ཏན་དང་ལྡན་ལ། གཞན་གྱི་ངོ་ཆེན་གྱིས་སྦྱིན་པ་ཚེར་མ་ཅན་ཉམས་པ་བྱིན་པ་དེས། ལུས་དང་བྲལ་ནས་ངན་འགྲོ་ལོག་པར་ལྟུང་བ་དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་ཏེ། ས་གཞི་ཤིན་ཏུ་འབྱོར་པ་རིན་པོ་ཆེས་བརྒྱན་པ། གཡོ་བ་མེད་པ་དག་ཏུ་ཞིང་ཤིན་ཏུ་ཡོན་ཏན་དང་ལྡན་པ་དང་། སེམས་པས་དངོས་པོ་མ་བཟུང་བ་དེའི་ལས་ཀྱི་རྣམ་པར་སྨིན་པས་ལྷ་མ་ཡིན་ཀུན་སྤྲོ་ཞེས་བྱ་བ་རྣམས་ཀྱི་བདག་པོར་བ་སྤྲོ་ཞེས་བྱ་བ་སོ་སོར་འགྲན་པ་ལྟ་བུའི་བདེ་བ་ཐམས་ཅད་དང་ལྡན་པར་འགྱུར་བ་མཐོང་ངོ་། ། །། དམ་པའི་ཆོས་དྲན་པ་ཉེ་བར་གཞག་པ་བམ་པོ་ཉི་ཤུ་གསུམ་པ།། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ལྷ་མ་ཡིན་ཀུན་སྤྲོ་ཞེས་བྱ་བ་རྣམས་ཀྱི་ལས་ཀྱི་རྣམ་པར་སྨིན་པ་ལ་རྟོག་པར་བྱེད་དེ། ལས་ཀྱི་རྣམ་པར་སྨིན་པ་གང་གིས་ལྷ་མ་ཡིན་གྱི་གནས་སུ་ལྷ་མ་ཡིན་ཀུན་སྤྲོ་དག་ཇི་ལྟར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། སྲེད་པའི་རོ་ལ་ཞེན་པར་གྱུར་པ་གང་སེམས་ཅན་ཡོད་པའི་ཚལ་དུ་གནས་ཏེ། འདི་ལྟར་ཚལ་དེ་དག་ན་སེམས་ཅན་འཁོད་པ་དེ་རྣམས་སུས་ཀྱང་མ་བསྡུས། གང་གིས་ཀྱང་ལྷུག་པར་མ་བཀོད་དེ། བདག་གིས་ཚལ་འདིར་བསྡུ་བར་བྱའོ་སྙམ་ནས། སེམས་ཅན་ལ་སྙིང་བརྩེ་བའི་ཕྱིར་དང་། བདག་ཉིད་ཀྱི་འཚོ་བ་སྦྲང་རྩི་དག་འདོད་པའི་ཕྱིར་སྡུད་པར་བྱེད་ན། དེ་ལུས་དང་བྲལ་ནས་ལྷ་མ་ཡིན་རྣམས་ཀྱི་ནང་དུ་སྐྱེ་བར་འགྱུར་ཏེ། དེའི་འཚོ་བའི་ཕྱིར་སེམས་ཅན་བསྲུང་བའི་རྣམ་པར་སྨིན་པའི་རྒྱུས་ཀུན་སྤྲོ་རྣམས་ཀྱི་ནང་དུ་སྐྱེ་བར་འགྱུར་བ་མཐོང་ངོ་། ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་ལྷ་དང་ལྷ་མ་ཡིན་གྱི་གཡུལ་འགྱེད། པ་ལ་རྟོག་པར་བྱེད་དེ། དེས་བོས་པ་ལས་བྱུང་བའི་ཤེས་པས་བརྟགས་ན། འདི་ལྟར་ཀླུའི་གཙོ་བོ་ལོངས་སྤྱོད་ལྡན་ན་གནས་པ། ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ། མགོ་བདུན་ཡོད་པ་འདི་ལྟ་སྟེ། ཀླུའི་རྒྱལ་པོ་ནོར་རྒྱས་ཀྱི་བུ་དང་། ཀླུའི་རྒྱལ་པོ་འཇོག་པོ་དང་། ཀླུའི་རྒྱལ་པོ་བཟང་པོ་དང་། ཀླུའི་རྒྱལ་པོ་རོ་ཧི་ན་དང་། ཀླུའི་རྒྱལ་པོ་སྤྲིན་འཕྲེང་དང་། ཀླུའི་རྒྱལ་པོ་གྲོང་དང་། ཀླུའི་རྒྱལ་པོ་ཀུན་འགྲོ་དང་། ཀླུའི་རྒྱལ་པོ་རབ་སྤྲོ་དང་། ཀླུའི་རྒྱལ་པོ་ཆར་འབེབས་ཏེ། དེ་དག་ནི་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ། ཡང་དག་པའི་ལྟ་བ་དང་ཚུལ་ཁྲིམས་ལ་ཞུགས་པ་ཡིན་ནོ། ། སྔ་མ་བཞིན་དུ་སྦྱར་ཏེ། ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པ་ལ་འདི་ལྟ་སྟེ། ཀླུའི་རྒྱལ་པོ་རབ་འཇོམ་དང་། ཀླུའི་རྒྱལ་པོ་པསྐྱིངས་པ་དང་། ཀླུའི་རྒྱལ་པོ་ནག་པོ་དང་། ཀླུའི་རྒྱལ་པོ་དུ་ལུ་ཧུ་ལུ་དག་ཕམ་པར་གྱུར་པ་དེའི་ཚེ། སའི་འོག་ན་གནས་པ་དང་། རི་རབ་ལ་རྟེན་པ་དང་། ཆུའི་ནང་དུ་ཞུགས་པ་ག་ལ་བ་དེར་རྒྱུག་པར་བྱེད་དེ། འདི་ལྟ་སྟེ། གནས་དང་པོ་ལ་བརྟེན་པའི་ལྷ་མ་ཡིན་རྣམས་ཀྱིས། གཉིས་ཤིང་རྩེ་བ་ཞེས་བྱ་བའི་ལྷ་མ་ཡིན་དེ་དག་ལ་སྨྲས་པ། ཀླུའི་རྒྱལ་པོ་ནོར་རྒྱས་ཀྱི་བུ་དང་། འཇོག་པོ་ལ་སོགས་པ་འདི་དག་དང་། རྒྱལ་ཆེན་བཞིའི་ལྷ་དང་བཅས་པས་བདག་ཅག་གཙེས་ཀྱིས། ཁྱེད་བདག་ཅག་གི་གྲོགས་སུ་ཚུར་ཤོག་རྒྱུགས། དེ་ནས་དེ་ཐོས་ནས། ལྷ་མ་ཡིན་གཉིས་ཤིང་རྩེ་བ་དག་ལྷ་མ་ཡིན་གྱི་གྲོང་ཁྱེར་འོད་ལྡན་ཞེས་བྱ་བ་གང་ན་ལྷ་མ་ཡིན་གྱི་དབང་པོ་སྒྲ་གཅན་གནས་པ་ག་ལ་བ་དེར་དོང་སྟེ་ཕྱིན་ནས། ལྷ་མ་ཡིན་གྱི་དབང་པོ་སྒྲ་གཅན་ལ་སྔ་མ་བཞིན་དུ་ཐམས་ཅད་བསྙད་དོ།། དེ་ནས་གལ་ཏེ་ལྷ་མ་ཡིན་གྱི་དབང་པོ་སྒྲ་གཅན་འདི་ལྟར་དགེ་སྦྱོང་དུ་འཛིན་པ་དང་། བྲམ་ཟེར་འཛིན་པ་དང་། བྱམས་པ་ལ་ཕན་འདོགས་པ་དང་། རིགས་ཀྱི་རྒན་རབས་ལ་གུས་པ་བྱེད་པར་ཤེས་པ་དེའི་ཚེ། ལྷ་མ་ཡིན་གྱི་དབང་པོ་སྒྲ་གཅན་ཀླུའི་རྒྱལ་པོ་རབ་འཇོམ་ལ་སོགས་པ་ལ། འདི་ལྟར་བདག་ཅག་གིས་གནས་གཉིས་པ་ན་གནས་པའི་ལྷ་མ་ཡིན་རྣམས་ལ་འདི་ལྟར་ལྷ་རྣམས་ཀྱིས་བདག་ཅག་མངོན་པར་གཙེས་སོ་ཞེས་སྦྲན་པར་བྱ་བའི་བར་དུ་སྔ་མ་བཞིན་དུ་སྦྱར་ཏེ། ཀླུའི་རྒྱལ་པོ་འཇོག་པོ་ལ་སོགས་པ་དེ་དག་ཉིད་ཁོག་ཅིག་ཁོག་ཅིག་ཅེས་བསྒོའོ།། དེ་ནས་ལྷ་མ་ཡིན་གྱི་དབང་པོ་སྒྲ་གཅན་གནས་གཉིས་པ་ན་གནས་པའི་ལྷ་མ་ཡིན་མགུལ་འཕྲེང་ཞེས་བྱ་བ་དེ་དག་ལ། འདི་ལྟར་ཀླུའི་རྒྱལ་པོ་རབ་འཇོམ་ལ་སོགས་པ་ཀླུའི་རྒྱལ་པོ་ནོར་རྒྱས་ཀྱི་བུ་དང་། འཇོག་པོ་ལ་སོགས་པ་དང་། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱིས་མངོན་པར་གཙེས་སོ་ཞེས་སྨྲས་སོ། ། དེ་ནས་དེ་ཐོས་ན་ལྷ་མ་ཡིན་མགུལ་འཕྲེང་དག་ལྷ་མ་ཡིན་གྱི་གྲོང་ཁྱེར་སྐར་འཕྲེང་ཞེས་བྱ་བ་ན། ལྷ་མ་ཡིན་གྱི་དབང་པོ་འཁོད་པ་གང་ཡིན་པ་དག་ལ། འདི་ལྟར་ཀྱེ་རྒྱལ་པོ་ཆེན་པོ་བདག་ཅག་ལ། ལྷ་མ་ཡིན་གྱི་དབང་པོ་སྒྲ་གཅན་དང་། ཀླུའི་རྒྱལ་པོ་རབ་འཇོམ་ལ་སོགས་པ་ན་རེ། འདི་ལྟར་ཀླུའི་རྒྱལ་པོ་རབ་འཇོམ་ལ་སོགས་པ་དག། ཀླུའི་རྒྱལ་པོ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་དང་། རྒྱལ་ཆེན་བཞིའི་ལྷ་རྣམས་ཀྱིས་མངོན་པར་གཙེས་སོ་ཞེས་མཆིའོ།། ལྷ་མ་ཡིན་གྱི་དབང་པོས་དེ་ཐོས་ནས། གལ་ཏེ་དགེ་སྦྱོང་དུ་འཛིན་པ་དང་། བྲམ་ཟེར་འཛིན་པའི་སྐྱེ་དགུ་ཆོས་ཀྱི་རྗེས་སུ་འཇུག་པ་འབྱུང་བ་དང་། བདག་ཉིད་ཀྱི་སྟོབས་ཆེ་ཆུང་མཐོང་བ་དེའི་ཚེ། ལྷ་མ་ཡིན་མགུལ་འཕྲེང་དེ་དག་ལ་འདི་ལྟར། ཀྱེ་མ་འཛམ་དུའི་གླིང་གི་མི་རྣམས་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པས། ལྷ་རྣམས་སྟོབས་རབ་ཏུ་ཆེ་སྟེ། འདི་དག་བདག་གིས་གནས་གསུམ་པ་ན་གནས་པའི་ལྷ་མ་ཡིན་རྣམས་ལ་སྔ་མ་བཞིན་བསྙད་པར་བྱའོ་ཞེས་སྨྲས་སོ། ། དེ་ནས་ལྷ་མ་ཡིན་ཀུན་འགྲོ་ཞེས་བྱ་བ་ལ་བསྙད་དོ།། དེ་ནས་ལྷ་མ་ཡིན་ཀུན་འགྲོ་དག་གིས། གང་ན་ལྷ་མ་ཡིན་གྱི་དབང་པོ་མེ་ཏོག་འཕྲེང་ཞེས་བྱ་བ་གནས་པའི་གྲོང་ཁྱེར་ཟབ་པ་ཞེས་བྱ་བ་ག་ལ་བ་དེར་དོང་སྟེ། ལྷ་མ་ཡིན་ཀུན་འགྲོས་དེ་ཐམས་ཅད་སྔ་མ་བཞིན་བསྐྱེད་དོ།། དེ་ནས་ལྷ་མ་ཡིན་གྱི་དབང་པོ་མེ་ཏོག་འཕྲེང་ཞེས་བྱ་བས། གལ་ཏེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ། དགེ་སྦྱོང་དུ་འཛིན་པ་དང་། བྲམ་ཟེར་འཛིན་པའི་སྐྱེ་དགུ་མཐོང་ན། དེས་ལྷ་མ་ཡིན་དེ་དག་ལ། འདི་ལྟར་གནས་བཞི་པ་ན་གནས་པའི་ལྷ་མ་ཡིན་རྣམས་ལ་མངོན་པར་བསྙད་པར་བྱའོ་ཞེས་སྨྲས་སོ། ། དེ་ནས་གནས་གསུམ་པ་ན་གནས་པའི་ལྷ་མ་ཡིན་གྱི་དབང་པོས་གནས་བཞི་པ་ན་གནས་པའི་ལྷ་མ་ཡིན་རྣམས་འཁོད་པ་ག་ལ་བ་དེར་དོང་སྟེ། འདི་ལྟར་ཀླུའི་རྒྱལ་པོ་རབ་འཇོམ་ལ་སོགས་པ་དག། ཀླུའི་རྒྱལ་པོ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་དང་། རྒྱལ་ཆེན་བཞིའི་ལྷ་རྣམས་ཀྱིས་མངོན་པར་གཙེས་ཏེ། དེ་ལྟར་ཀླུ་དེ་དག་ནི་བདག་ཅག་གི་ཕྱོགས་ཡིན་པས། བདག་ཅག་རྣམས་ཀྱིས་ངེས་པར་ལྷ་རྣམས་ཀྱི་བར་ཆད་བྱ་བར་འབད་པར་བྱའོ་ཞེས་སྨྲས་སོ། ། དེ་ནས་གནས་བཞི་པ་ལ་གནས་པའི་ལྷ་མ་ཡིན་དཔུང་བཟང་དག་གིས་དེ་དག་མཐོང་ནས། གྲོང་ཁྱེར་ཟབ་པ་ཞེས་བྱ་བ་གང་ན། ལྷ་མ་ཡིན་གྱི་དབང་པོ་རབ་སྤྲོ་ཞེས་བྱ་བ་ག་ལ་བ་དེར་དོང་ངོ་། ། དེ་ནས་ལྷ་མ་ཡིན་རིངས་ཐབས་སུ་འོངས་པ་དེ་དག་མཐོང་ནས། ལྷ་མ་ཡིན་རྣམས་ཅིའི་ཕྱིར་རིངས་ཐབས་སུ་འོངས་ཞེས་དྲིས་སོ།། དེ་ནས་ལྷ་མ་ཡིན་དཔུང་བཟང་དག་གིས་ལྷ་མ་ཡིན་གྱི་དབང་པོ་རབ་སྤྲོ་ལ་སྔ་མ་ཇི་ལྟ་བ་བཞིན་བསྙད་དོ། ། དེ་ནས་ལྷ་མ་ཡིན་གྱི་དབང་པོ་རབ་སྤྲོས། ལྷ་མ་ཡིན་གྱི་དབང་པོ་དེ་དག་ལ་འདི་སྐད་ཅེས། ཀྱེ་མ་ལྷ་མ་ཡིན་གྱི་དབང་པོ་སྒྲ་གཅན་དག་བརྩོན་འགྲུས་ཆུང་བ་ཡིན་ཏེ། ཀླུའི་རྒྱལ་པོ་རབ་འཇོམ་ལ་སོགས་པ་གནས་པ་གང་ཡིན་པ་དག་རྒྱལ་ཆེན་བཞིའི་ལྷ་རྣམས་ཀྱིས་ཕམ་པར་བྱས་ཏེ། དེ་དག་ལ་བདག་གིས་དགེ་སྦྱོང་དུ་འཛིན་པ་དང་། བྲམ་ཟེར་འཛིན་པའི་སྐྱེ་དགུ་རྩིས་ལ་མ་ཆགས་པ་དང་། ཆོས་ཀྱི་རྗེས་སུ་ཆོས་སྒྲུབ་པ། རྩིས་ལ་མ་ཆགས་པར་བྱའོ་ཞེས་སྨྲས་སོ།། དེ་ནས་ལྷ་མ་ཡིན་གྱི་དབང་པོ་དེ་རང་གི་ལྷ་མ་ཡིན་རྣམས་འཁོད་པ་ག་ལ་ང་དེར་སོང་ངོ་། ། དེ་ནས་ལྷ་མ་ཡིན་གྱི་དབང་པོ་རབ་སྤྲོ་དཔུང་བཟང་དག་ལ་འདི་ལྟར་བདག་ནི། ཀླུའི་རྒྱལ་པོ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་དང་། རྒྱལ་ཆེན་བཞིའི་ལྷ་རྣམས་ལ་བར་ཆད་བྱ་བའི་ཕྱིར་ཆས་ཏེ། ལྷ་མ་ཡིན་གྱི་དབང་པོའི་བརྩོན་འགྲུས་དང་། སྤྲོ་བ་དང་། འཁོར་དང་བཅས་པ། མཚུངས་པ་མེད་པ་ཐམས་ཅད་ལྷ་རྣམས་དང་གཡུལ་འགྱེད་པར་འདོང་གིས། འདི་ལྟར་ལྷ་མ་ཡིན། རྣམས་མྱུར་དུ་ཆོས་ཤིག་མྱུར་དུ་ཆོས་ཤིག་ཅེས་བསྒོའོ།། དེ་ནས་ལྷ་མ་ཡིན་གྱི་དབང་པོ་རབ་སྤྲོས། ལྷ་མ་ཡིན་གྱི་དབང་པོ་གསུམ་དག་ལ་གང་ཆོས་ཀྱི་རྣམ་པ་འདི་ལྟ་བུ་བཟོད་པ་ཁྱེད་ལ་ཅི་བརྩོན་འགྲུས་མེད་དམ། རྟེན་མེད་དམ། འདི་ལྟར་བདག་ནི་རང་གི་ལག་མཐུ་དང་། བརྩོན་འགྲུས་དང་ལྡན་པས་ཆའོ་ཞེས་སྨྲས་སོ།། དེ་ནས་ཡང་ལྷ་མ་ཡིན་གྱི་དབང་པོ་རབ་དགོད་རིང་པོ་མ་ཐོགས་པར་རང་གི་ལྷ་མ་ཡིན་རྣམས་ལ་གྲོགས་པོ་དག་རིངས་པར་ཆོས་ཤིག་རིངས་པར་ཆོས་ཤིག། འདི་ལྟར་བདག་གིས་ལྷ་མ་ཡིན་གྱི་དབང་པོ་མ་ལུས་པ་རྣམས་ལའང་སྦྲན་ཟིན་ཏེ། བདག་མྱུར་དུ་ཆ་ཡིས། ལག་ཏུ་མཚོན་ཆ་སྣ་ཚོགས་བླངས་པར་ཤེས་ནས། ལྷ་མ་ཡིན་གྱི་གཡུལ་ལ་བརྩོན་པར་གྱིས་ཤིག། དེ་དག་གི་བློ་རིག་ནས་བསྒྲུབ་པར་བྱ་བའི་ཆོས་གང་ཡིན་པ་དེ་དག་བསྒྲུབ་པར་བྱ་སྟེ། ལྷ་རྣམས་ཀྱིས་ཕམ་པར་བྱར་མི་བཟོད་དོ་ཞེས་སྨྲས་སོ།། དེ་ནས་ལྷ་མ་ཡིན་གྱི་དབང་པོ་རབ་དགོད་ཀྱིས་དེ་སྐད་སྨྲས་ནས། རང་གི་བརྩོན་འགྲུས་ཆེན་པོ་དང་། སྟོབས་ཀྱིས་དྲེགས་པ། བློ་གྲོས་ཤིན་ཏུ་རྒྱ་ཆེ་བ། རང་གི་སྟོབས་དང་གཞན་གྱི་སྟོབས་ཚད་མ་གྲངས་སུ་མི་བརྩི་བར་རང་གི་གནས་ནས་ཆས་ནས། གནས་གཞན་གསུམ་པར་འགྲོ་བར་བྱེད་དེ། གྲོང་ཁྱེར་ཟབ་པ་ན་ལྷ་མ་ཡིན་གྱི་བདག་པོ་མེ་ཏོག་འཕྲེང་ལྷ་མ་ཡིན་བྱེ་བ་ཁྲག་ཁྲིག་དུ་མ་ག་ལ་བ་དེར་སོང་སྟེ་ཕྱིན་ནས། བརྩམས་པའི་ཡིད་ཀྱིས་ལྷ་མ་ཡིན་གྱི་དབང་པོ་མེ་ཏོག་འཕྲེང་ལ་སྨྲས་པ། འདི་ལྟར་ཀླུའི་རྒྱལ་པོ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་དང་། ལྷ་དང་བཅས་པ་དག་ལས་རྒྱལ་བར་བྱ་ཡིས་ལྷ་མ་ཡིན་གྱི་གཡུལ་འགྱེད་པར་འདོང་འདོད། དེ་སྐད་སྨྲས་པ་དང་། མེ་ཏོག་འཕྲེང་དེས་སྨྲས་པ། འདི་ལྟར་གཡུལ་འགྱེད་པ་འདི་ནི་བདག་ཅག་གི་དུས་མ་ཡིན་ཏེ། མི་མར་འཛིན་པ་དང་།། ཕར་འཛིན་པ་དང་། རིགས་ཀྱི་རྒན་རིམས་ལ་རིམ་གྲོ་བྱེད་པ་དང་། དགེ་སྦྱོང་དུ་འཛིན་པ་དང་། བྲམ་ཟེར་འཛིན་པ་དང་། ཆོས་ལ་ཆོས་ཀྱི་རྗེས་སུ་འཇུག་པ་དག་ཡོད་པས། ལྷའི་ཕྱོགས་སྟོབས་ཆེ་སྟེ། དེ་ལྟ། བས་ན་དེ་རིང་བདག་ཅག་གི་གཡུལ་འགྱེད་པའི་དུས་མ་ཡིན་ནོ་ཞེས་སྨྲས་སོ།། དེ་ནས་ལྷ་མ་ཡིན་གྱི་དབང་པོ་རབ་སྤྲོས་དེའི་ཚིག་མ་མཉན་པར་འདི་ལྟར། ཀླུ་དང་ལྷ་དེ་དག་བདག་གཅིག་པུས་ཕམ་པ་བྱ་བར་ནུས་ན། ཁྱེད་དང་བཅས་པས་ལྟ་སྨོས་ཀྱང་ཅི་དགོས་ཏེ། ཕམ་པར་བྱ་ཡིས། ལྷ་མ་ཡིན་གྱི་དབང་པོ་དག་འདོད་འདོང་ཞེས་སྨྲས་སོ།། དེ་ནས་མེ་ཏོག་འཕྲེང་དེས་སྤྲོ་བ་བསྐྱེད་ནས། ལྷ་མ་ཡིན་གྱི་སྡེ་བྱེ་བ་ཕྲག་དུ་མ་དང་ལྷན་ཅིག་གནས་གཞན་གཉིས་པ་ག་ལ་བ་དེར་དོང་ངོ་། ། དེ་ནས་ལྷ་མ་ཡིན་གྱི་དབང་པོ་སྒྲ་གཅན་ལ། རབ་སྤྲོ་དང་། བརྟན་པ་དང་། མ་རྟོག་འཕྲེང་དག་གིས་ལྷ་རྣམས་ལས་རྒྱལ་བར་བྱ་ཡིས། ལྷ་མ་ཡིན་གྱི་གཡུལ་འགྱེད་པར་འདོད་འདོང་ཞེས་སྨྲས་སོ།། དེ་ནས་ལྷ་མ་ཡིན་གྱི་དབང་པོ་སྒྲ་གཅན་གྱིས། དེ་དག་ལ་སྨྲས་པ། ཀྱེ་མ་ལྷ་མ་ཡིན་གྱི་དབང་པོ་དག་དུས་ལ་མ་བབ་སྟེ། བདག་ཅག་གིས་གཡུལ་འགྱེད་པའི་དུས་མ་ཡིན་ནོ།། འཛམ་བུའི་གླིང་གི་མི་རྣམས་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་སྟེ། མར་འཛིན་པ་དང་པར་འཛིན་པ་དང་། དགེ་སྦྱོང་དུ་འཛིན་པ་དང་། བྲམ་ཟེར་འཛིན་པའི་སྐྱེ་དགུ་དག་ལྷ་ཡུལ་དུ་སྐྱེ་ལ། ལྷའི་ཕྱོགས་སྟོབས་ཆེ་བས་གཡུལ་འགྱེད་པར་མི་ནུས་ཏེ། ལྷ་མ་ཡིན་གྱི་དུས་མ་ཡིན་ནོ་ཞེས་སྨྲས་སོ། ། དེ་ནས་ཐམས་ཅད་ཡིད་འཐུན་པར་ལྷ་མ་ཡིན་སྒྲ་གཅན་དེ་ལ་འདི་སྐད་ཅེས་འདི་ལྟར་བདག་ཅག་རྣམས་གཡུལ་འགྱེད་པར་སྤྲོ་ཡིས་འདོད་འདོང་ཞེས་སྨྲས་སོ།། དེ་ནས་ལྷ་མ་ཡིན་གྱི་དབང་པོ་སྒྲ་གཅན་དེ་དག་བདག་གི་བསམ་པ་དང་མཐུན་པར་རྒྱ་མཚོའི་ནང་ནས་ཆས་ནས། ཀླུའི་རྒྱལ་པོ་རབ་འཇོམ་ལ་སོགས་པ་ག་ལ་བ་དེར་དོང་སྟེ། འདི་ལྟར་བདག་ཅག་ལྷ་མ་ཡིན་གྱི་དབང་པོ་འདི་དག་ཐམས་ཅད་འོངས་ཏེ། ཀླུའི་རྒྱལ་པོ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་ག་ལ་བ་དེར་བདག་ཅག་གཡུལ་འགྱེད་དུ་འོང་ངོ་ཞེས་སྨྲས་སོ།། དེ་ནས་རབ་འཇོམ་གྱིས་དེ་ཐོས་ནས་ཡིད་རབ་ཏུ་དགའ་སྟེ། འཇོག་པོ་དང་། ནོར་རྒྱས་ཀྱི་བུ་ལ་སོགས་པ་ག་ལ་བ་དེར་གཡུལ་འགྱེད་པའི་ཕྱིར་འཁོར་དང་བཅས་པ་དོང་ངོ་།། དེ་ནས་ཀླུའི་བདག་པོ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་ཡང་། ཀླུའི་རྒྱལ་པོ་རབ་འཇོམ་ལ་སོགས་པ་གང་དུ་གཡུལ་བཤམས་པར་གཡུལ་འགྱེད་དུ་དོང་ངོ་།། དེ་ནས་དེ་དག་དེ་ལྟར་ཕན་ཚུན་གཡུལ་དཀྱེ་བ་དང་། ཆོས་དང་མི་ལྡན་པའི་ཀླུའི་བདག་པོ་རྣམས་ཕམ་པར་གྱུར་ཏོ། ། དེ་ལྟར་དེ་དག་ཕམ་པ་དང་། ལྷ་མ་ཡིན་བྱེ་བ་ཕྲག་དུ་མ་དག་རྒྱུག་པར་བྱེད་དོ།། དེ་ནས་འཇོག་པོ་དང་། ནོར་རྒྱས་ཀྱི་བུ་ལ་སོགས་པས་དེ་དག་མཐོང་ནས་ལྷ་མ་ཡིན་ག་ལ་འཁོད་པར་གཡུལ་འགྱེད་དུ་བརྒྱུགས་སོ། ། དེ་ནས་ཀླུ་རྣམས་དང་། ལྷ་མ་ཡིན་རྣམས་ཚད་མེད་པ་དེ་རྣམས་རྒྱ་མཚོའི་སྟེང་དུ་ཕན་ཚུན་གཡུལ་འགྱེད་དེ། མེ་ཆར་ལྟར་འབབ་པ་དང་། མཚོན་ཆར་ལྟར་འབབ་པ་ཚད་མེད་པ་དེ་དང་། དུག་ནག་པོས་རྣམ་པར་གདུངས་ཤིང་། བློ་དམན་པ་དེ་རྣམས་ཕན་ཚུན་གཡུལ་འགྱེད་དོ།། དེ་གང་གི་ཚེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ། དགེ་སྦྱོང་དུ་འཛིན་པ་དང་། བྲམ་ཟེར་འཛིན་པའི་སྐྱེ་དགུ་བྱུང་ན། དེ་དག་ཀླུ་འབའ་ཞིག་གིས་ལྷ་མ་ཡིན་རྣམས་ཕམ་པར་བྱེད་དོ།། གལ་ཏེ་ཤིན་ཏུ་ཆོས་དང་མི་ལྡན་པའི་སྐྱེ་དགུ་བྱུང་ན། དེའི་ཚེ་ལྷ་མ་ཡིན་རྣམས་ཀྱིས་ཀླུ་རྣམས་ཕམ་པར་བྱེད་དོ།། གང་གི་ཚེ་ཀླུ་རྣམས་ཕམ་པར་འགྱུར་བ་དེའི་ཚེ། ལྷ་ཀུན་ཏུ་རྒྱུ་བ་རྣམས་ལ་འདི་ལྟར་སའི་འོག་ན་གནས་པ་འདི་དག་ཐམས་ཅད་ཀྱིས་བདག་ཅག་རྣམ་པ་ཐམས་ཅད་དུ་གཙེས་ཏེ། དེ་དག་དང་བདག་ཅག་ཕན་ཚུན་གཡུལ་འགྱེད་པར་མི་ནུས་ཀྱིས་རྒྱུགས་ཤིག་རྒྱུགས་ཤིག་ཅེས་སྨྲས་སོ།། དེ་ནས་ལྷ་ཀུན་ཏུ་རྒྱུ་བ་རྣམས་མཚོན་ཆ་དང་ལག་ཆ་སྣ་ཚོགས་ཐོགས་ཏེ། ལྷ་མ་ཡིན་ག་ལ་འཁོར་པ་དེར་འདོང་བར་བྱེད་དོ།། དེ་ནས་ལྷ་ཀུན་ཏུ་རྒྱུ་བ་རྣམས་ཀླུའི་རྒྱལ་པོ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་ག་ལ་བ་དེར་དོང་སྟེ་ཕྱིན་ནས། བུ་རྣམས་ལ་སྨྲས་པ། བདག་ཅག་རྣམས་ལྷ་མ་ཡིན་ཚར་གཅད་པའི་ཕྱིར་འདིར་འོངས་ཏེ། བདག་ཅག་ཁྱེད་ཀྱིས་བསྒྲུབས་པ་ལྷ་མ་ཡིན་གཞིག་པའི་ཕྱིར་འདི་ཉིད་དུ་འོངས་སོ། ། དེ་སྐད་ཅེས་སྨྲས་པ་དང་། དེ་ནས་ཡང་ཀླུ་རྣམས་ལྷ་དང་ལྷན་ཅིག་ཏུ་ལྷ་མ་ཡིན་གྱི་དབང་པོ་སྒྲ་གཅན་ག་ལ་བ་དེར་དོང་ངོ་།། དེ་ནས་ལྷ་མ་ཡིན་རྣམས་ཀྱིས་དེ་དག་དེ་ལྟར་མཐོང་ནས། དེ་ནས་ཡང་ལྷ་རྣམས་ཀ་ལ་བ་དེར་གཡུལ་འགྱེད་དུ་དོང་ངོ་།། དེ་ནས་ལྷ་དང་ལྷ་མ་ཡིན་རྒྱ་མཚོའི་ནང་དུ་གཡུལ་འགྱེད་པར་འགྱུར་ཏེ། གང་གི་ཚེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་འབྱུང་བ་དེའི་ཚེ། ལྷ་ཀུན་ཏུ་རྒྱུ་བ་རྣམས་ཀྱིས་མྱུར་དུ་ལྷ་མ་ཡིན་རྣམས་ཕམ་པར་བྱེད་དོ།། དེ་ནས་ལྷ་རྣམས་ཀྱིས་ལྷ་མ་ཡིན་རྣམས་ཕམ་པར་བྱས་ན། དེ་ནས་ཡང་ལྷ་མ་ཡིན་གྱི་དབང་པོ་སྒྲ་གཅན་གྱི་གནས་ག་ལ་བ་དེར་དོང་ངོ་། ། དེ་ནས་ལྷ་མ་ཡིན་གནས་གཞན་གཉིས་པ་ན་གནས་པ་དེ་དག་རང་གི་ཕྱོགས་མངོན་པར་བཅོམ་པ་མངོན་དུ་མཐོང་ནས། བདག་ཅག་འདི་ན་གཡུལ་འགྱེད་པར་འཁོད་ན་ལྷ་མ་ཡིན་རྣམས་ཅིའི་ཕྱིར་འབྲོས། ལྷ་མ་ཡིན་རྣམས་ཅིའི་ཕྱིར་འབྲོས་ཞེས་སྨྲས་སོ།། དེ་ནས་ཡང་ལྷ་མ་ཡིན་རྣམས་གཡུལ་འགྱེད་དུ་ལྷ་རྣམས་ག་ལ་བ་དེར་རྒྱུག་པར་བྱེད་དོ། ། དེ་ནས་ལྷ་དང་ལྷ་མ་ཡིན་རྒྱ་མཚོའི་དབུས་སུ་ཕན་ཚུན་མངོན་པར་གནོད་པའི་གཡུལ་ཆེན་པོ་འཁྲུགས་པ་བཀྱེ་བར་གྱུར་ཏོ།། དེ་ནས་གང་གི་ཚེ་ལྷ་རྣམས་རྒྱལ་བ་དེའི་ཚེ། ལྷ་རྣམས་ཀྱིས་ལྷ་མ་ཡིན་གྱི་དཔུང་མངོན་པར་བཅོམ་མོ། ། དེའི་ཚེ་འཇིགས་པས་སྐོར་བའི་ས་ན་གནས་པའི་ལྷ་མ་ཡིན་རྣམས་ལྷ་རྣམས་ག་ལ་བ་དེར་འདོང་བར་བྱེད་དོ།། དེ་ནས་ལྷ་རྣམས་ཀྱིས་ལྷ་མ་ཡིན་གྱི་དཔུང་མི་བཟང་བ་དེ་དག་མངོན་པར་མཐོང་ནས་འཁོད་དོ། ། དེ་ནས་ལྷ་མ་ཡིན་རྣམས་ཀྱང་ལྷ་རྣམས་ག་ལ་བ་དེར་གཡུལ་འགྱེད་དུ་དོང་སྟེ། ཕན་ཚུན་གཡུལ་ཆེན་པོ་དག་བཀྱེ་བར་གྱུར་ཏོ།། དེ་ནས་གང་གི་ཚེ་ལྷ་རྣམས་ཕམ་པར་གྱུར་པ་དེའི་ཚེ། འཇིག་རྟེན་སྐྱོང་བ་དག་ལྷ་ལག་ན་ཡོལ་གོ་ཐོགས་པ་དག་ག་ལ་བ་དེར་དོང་སྟེ། འདི་ལྟར་ལྷ་མ་ཡིན་རྣམས་ཀྱིས་བདག་ཅག་མངོན་པར་གཙེས་ཀྱིས་རྒྱུགས་ཤིག་རྒྱུགས་ཤིག་ཅེས་སྨྲས་སོ། ། དེ་ཐོས་ནས་ལྷ་ལག་ན་ཡོལ་གོ་ཐོགས་པ་དག་ལྷ་མ་ཡིན་ག་ལ་བ་དེར་གཡུལ་འགྱེད་དུ་དོང་ངོ་།། དེ་ནས་ལྷ་ལག་ན་ཡོལ་གོ་ཐོགས་པ་མཚོན་ཆ་དང་། ལག་ཆ་སྣ་ཚོགས་ཅན་དག་ལྷ་མ་ཡིན་ག་ལ་བ་དེར་དོང་ངོ་། ། དེ་ནས་ལྷ་དེ་དག་མངོན་པར་མཐོང་ནས། ཡང་ལྷ་མ་ཡིན་རྣམས་ཁྲོས་ནས་བརྒྱུགས་སོ།། དེ་ནས་ལྷ་ལག་ན་ཡོལ་གོ་ཐོགས་པ་རྣམས་དང་། ལྷ་མ་ཡིན་དེ་རྣམས་ཕན་ཚུན་སྤུ་ཟིང་ཞེས་བྱེད་པའི་གཡུལ་ཆེན་པོ་བཀྱེ་བ་དང་། འདི་ལྟར་ལྷ་དང་ལྷ་མ་ཡིན་གྱི་གཡུལ་འདི་ལྟ་བུ་མཚུངས་པ་མེད་པ་བཀྱེའོ་ཞེས་དེ་དག་མངོན་པར་བརྗོད་དོ།། དེ་དག་གང་གི་ཚེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་སྐྱེ་དགུ་དག་འབྱུང་བ་དེའི་ཚེ། ལག་ན་ཡོལ་གོ་ཐོགས་པ་རྣམས་ཀྱིས་ལྷ་མ་ཡིན་རྣམས་ཕམ་པར་བྱེད་དེ། དེའི་ཚེ་རྒྱ་མཚོའི་དབུས་སུ་ལྷ་དང་ལྷ་མ་ཡིན་ཤིན་ཏུ་འཇོམ་པ་ཆོས་དང་ཆོས་མ་ཡིན་པ་ལ་བརྟེན་པའི་རྟགས་ཅན་དུ་གྱུར་པ་དག་ན། གཞན་དང་མི་འདྲ་བའི་གཡུལ་བཀྱེའོ།། གང་གི་ཚེ་ལྷ་ལག་ན་ཡོལ་གོ་ཐོགས་པ་དེདག་ཕམ་པར་གྱུར་པ་དེའི་ཚེ། འཇིག་རྟེན་སྐྱོང་བ་རྣམས་ལྷ་འཕྲེང་ཐོགས་དག་ག་ལ་བ་དེར་དོང་སྟེ། ལྷ་མ་ཡིན་རྣམས་དམ་པར་མཛོད་ཅིག་ཅེས་སྨྲས་པ་དང་། ལྷ་མ་ཡིན་དེ་རྣམས་ལ་མངོན་པར་བརྟགས་ནས། ལྷ་འཕྲེང་ཐོགས་རྒྱུག་པར་བྱེད་དོ།། ལྷ་ཀུན་ཏུ་རྒྱུ་བ་དང་། ལག་ན་ཡོལ་གོ་ཐོགས་པ་དང་། འཕྲེང་ཐོགས་དེ་རྣམས་ཀྱང་ཕྱོགས་གཅིག་ཏུ་གྱུར་ཅིང་། འཇོག་པོ་དང་། ནོར་རྒྱས་ཀྱི་བུ་ལ་སོགས་པའང་གཅིག་ཏུ་འདུས་སོ། ། ལྷ་མ་ཡིན་སྒྲ་གཅན་གྱིས་པ་དང་། གྲོང་ཁྱེར་འོད་ལྡན་ན་གནས་པ་དང་། གཉིས་ཤིང་རྩེ་བ་དང་། གནས་གཉིས་པ་ན་གནས་པ་དང་། མགུལ་འཕྲེང་དག་སྟེ། བྱེ་བ་ཁྲག་ཁྲིག་གྲངས་མེད་པ་དུ་མ་ཕྱོགས་གཅིག་ཏུ་གྱུར་པ་དང་། གཡུལ་ཆེན་པོ་བཀྱེ་སྟེ། གང་གི་ཚེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་བྱུང་བ་དེའི་ཚེ། ལྷའི་ཕྱོགས་ནི་རྒྱལ་བར་འགྱུར་ལ། ལྷ་མ་ཡིན་གྱི་ཕྱོགས་ནི་ཕམ་པར་འགྱུར་ཏེ། ཆོས་ལ་རྟེན་པ་ཤིན་ཏུ་ལེགས་པར་འགྱུར་ན། ཆོས་ལ་མི་རྟེན་པ་ལྟ་ག་ལ་ཞིག་འགྱུར། གང་གི་ཚེ་དེ་དག་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པ་བྱུང་བ་དེའི་ཚེ། ལྷ་མ་ཡིན་གྱི་ཕྱོགས་རྒྱལ་བར་འགྱུར་རོ།། ལྷ་མ་ཡིན་གྱི་དཔུང་དེ་དག་འཇིག་རྟེན་སྐྱོང་བ་རྣམས་ཀྱིས་མངོན་པར་མཐོང་ནས། ལྷ་རྟག་ཏུ་མྱོས་གནས་ག་ལ་བ་དེར་དོང་སྟེ། ལྷ་དག་ལྷ་མ་ཡིན་གྱི་ཕྱོགས་རྣམས་རྒྱལ་བར་གྱུར་གྱིས་རྒྱགས་ཤིག་རྒྱུགས་ཤིག་ཅེས་སྨྲས་སོ། ། དེ་ཐོས་ནས་ལྷ་རྟག་ཏུ་མྱོས་གནས་དག་ལྷ་མ་ཡིན་གྱི་ཕྱོགས་ག་ལ་བ་དེར་མངོན་པར་འཇོམ་དུ་དོང་སྟེ། མཚོན་ཆ་དང་ལག་ཆ་སྒྲ་ཚོགས་ཐོགས་པའི་ཚོགས་འབུམ་ཕྲག་དུ་མ་དག་རྒྱ་མཚོའི་ནང་ན་གནས་པ་ག་ལ་བ་དེར་ལྷ་མ་ཡིན་ཕམ་པར་བྱ་བའི་ཕྱིར་ཧ་ཧའི་སྒྲ་ཕྱུང་ནས་རིངས་པར་མངོན་པར་འཇོམ་པར་བྱེད་ཅིང་། རྣམ་པར་འཇོམ་པར་བྱེད་པ་གནོད་པ་དུ་མ་བྱེད་པ་དེ་དག་ཕན་ཚུན་གཡུལ་མི་བཟད་པ་ཆེན་པོ་བཀྱེའོ། ། དེ་ནས་གང་གི་ཚེ་ལྷ་རྣམས་ཀྱིས་ལྷ་མ་ཡིན་རྣམས་ཕམ་པར་བྱས་པ་ན། དེ་དག་ལྷ་མ་ཡིན་གྱི་དབང་པོ་སྒྲ་གཅན་ག་ལ་བ་དེར་དོང་ངོངོ། ། དེ་ནས་ལྷ་མ་ཡིན་གྱི་དབང་པོ་སྒྲ་གཅན་གྱིས་ལྷ་མ་ཡིན་དེ་དག་ལ་འདི་སྐད་ཅེས་ཁྱེད་ཅག་གི་དཔུང་དུ་བདག་གནས་ན། གྲོགས་པོ་དག་ཅི་སྟེ་འབྲོས། ཅི་སྟེ་འབྲོས། ལྷ་དག་ཉུང་ཞིང་འདི་དག་ཁྱེད་ཅག་ལས་ལྷག་པ་མེད་ལ། འདི་དག་ནི་བརྩོན་འགྲུས་ཆུང་སྟེ། བདག་ཅག་གིས་ལྷ་རྣམས་ཕམ་པར་བྱ་ཡིས། དེ་ལྟ་བས་ན་ལྷ་མ་ཡིན་གྱི་དབང་པོ་དག་སླར་ལོག་ཅིག་ཅེས་སྨྲས་སོ།། དེ་ནས་ལྷ་མ་ཡིན་གྱི་དབང་པོ་སྒྲ་གཅན་ལས་དེ་སྐད་ཐོས་ནས། ལྷ་མ་ཡིན་དག་ལྷ་རྣམས་དང་གཡུལ་འགྱེད་དུ་ཕྱིར་ལོག་གོ།། དེ་ནས་ཡང་ལྷ་དང་ལྷ་མ་ཡིན་དེ་དག་མཚོན་ཆ་འདེབས་པ་འཁྲུགས་པའི་རྣམ་པ་དུ་མའི་གཡུལ་འགྱོད་པར་བྱེད་དེ། དེའི་ཚེ་ལྷ་མ་ཡིན་གནས་གཉིས་པ་ན་གནས་པ་གཉིས་ཤིང་རྩེ་བ་དང་། གནས་གསུམ་པ་ན་གནས་པ་མགུལ་འཕྲེང་གི་རིས་སུ་གཏོགས་པ་ཐམས་ཅད་ལྷ་དང་གཡུལ་འགྱེད་པར་ཕྱིར་ལོག་གོ། དེ་ནས་གང་གི་ཚེ་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པའི་སྐྱེ་དགུ་བྱུང་བ་དེའི་ཚེ། ལྷ་མ་ཡིན་གྱི་ཕྱོགས་ཀྱིས་ལྷའི་ཕྱོགས་ཕམ་པར་བྱེད་དོ།། གལ་ཏེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་སྐྱེ་དགུ་དག་བྱུང་ན་ལྷའི་ཕྱོགས་དེ་དག་གིས་ལྷ་མ་ཡིན་གྱི་ཕྱོགས་ཕམ་པར་བྱེད་དེ། དེ་ལྟར་ལྷ་རྣམས་ནི་ཆོས་གཙོརོ།། ཆོས་ཀྱི་རྒྱལ་མཚན། ཆོས་ལ་གནོལ་བ་ཡིན་ནོ།། ལྷ་མ་ཡིན་དེ་དག་ཐམས་ཅད་ནི་ཆོས་དང་མི་ལྡན་པ། ཆོས་མ་ཡིན་པ་ལ་རྟེན་པ། ཆོས་ཀྱིས་སྐྱོབ་པ་མ་ཡིན་ནོ།། དེ་ནས་ལྷ་རྣམས་འདི་སྙམ་དུ་སེམས་ཏེ། ཀྱེ་མ་ལྷ་མ་ཡིན་འདི་དག་གིས་བདག་ཅག་ལ་དེ་ལྟར་གཙེ་བར་ཅི་སྟེ་གནས། འདི་དག་ནི་བདག་ཅག་ལས་ཁྱད་པར་ཞུགས་པའང་མེད་ལ། མཚུངས་པའང་མ་ཡིན་ནོ།། འཛམ་བུའི་གླིང་ནའང་ད་དུང་དུ་མར་འཛིན་པ་དང་། ཕར་འཛིན་པ་དང་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་དང་། རྒན་རབས་ལ་རིམ་གྲོ་བྱེད་པ་དང་། གསོ་སྦྱོང་ལ་ཉེ་བར་གནས་པ་དང་། སྦྱིན་པ་དག་ཀྱང་སྦྱིན། བསོད་ནམས་དག་ཀྱང་བྱེད། བག་ཡོད་པ་ལ་བག་ཡོད་པར་གནས་པའི་མི་དག་ཡོད་དེ། དེ་ལྟར་བག་ཡོད་པ་ལ་བག་ཡོད་པར་གནས་པ་དེ་དག་འཆི་བའི་དུས་བྱས་ནས། ལྷ་རྣམས་ཀྱི་ནང་དུ་སྐྱེ་བར་འགྱུར་ཏེ། ལྷ་མ་ཡིན་གྱི་ཆོས་འཕེལ་བ་དང་ཆོས་འབྱུང་བར་མི་འགྱུར་རོ་སྙམ་མོ། ། དེ་དག་གིས་དེ་ལྟར་རིག་ནས། ཀུན་ཏུ་རྒྱུ་བ་དང་། འཕྲེང་ཐོགས་པ་དང་། ཀུན་དི་པ་ཀ་དང་། རྟག་ཏུ་མྱོས་པའི་ལྷ་རྣམས་ཆོས་ཀྱི་རྒྱལ་མཚན་ཁྱེར་ཏེ། མ་ཡིན་གྱི་དཔུང་ག་ལ་བ་དེར་ལྷ་དེ་དག་ཐམས་ཅད་རེག་མ་ཐོགས་པར་རྒྱུག་པར་བྱེད་ཅིང་། འདི་ལྟར་ལྷ་མ་ཡིན་རྣམས་སྡོད་ཅིག་སྡོད་ཅིག། ཁྱེད་ཅག་གིས་ངེད་རྣམས་ལ་ཅིའི་ཕྱིར་གཙེ། ངེད་ཅག་ལས་ཁྱེད་ཀྱི་དཔུང་ཁྱད་ཞུགས་པའང་མེད། གཙོ་བོའང་མ་ཡིན། མཚོན་ཆའང་མི་མང་བས། ངེད་ཅག་འདི་རྣམས་ནི་ཁྱེད་རྣམས་གཞོམ་པའི་ཕྱིར་ལྷགས་པ་ཡིན་གྱིས། ཡང་སའི་འོག་ཏུ་མ་འགྲོ་ཞིག་མངོན་པར་གཙེ་བར་བྱེད་པའི་བློ་ཅན་ཆོས་དང་མི་ལྡན་ཞིང་། ཆོས་ཀྱི་རྗེས་སུ་མི་འཇུག་པ་འདི་དག་ཐམས་ཅད་ལ་བདེ་བ་འམ། མྱ་ངན་ལས་འདས་པ་མེད་དོ།། དེ་སྐད་ཅེས་སྨྲས་ནས། ཀླུ་ནོར་རྒྱས་ཀྱི་བུ་དང་། འཇོག་པོ་ལ་སོགས་པ་དང་ལྷན་ཅིག་དེ་དག་ཐམས་ཅད་དང་བདག་ཉིད་ཐམས་ཅད་ལས་མཚོན་ཆ་དང་ལག་ཆ་ཆར་ལྟར་འབེབས་ཤིང་ལྷ་མ་ཡིན་ག་ལ་བ་དེར་འདོང་བར་བྱེད་དོ།། དེ་ནས་ཀླུ་རྣམས་ཀྱང་མེ་རབ་ཏུ་འབར་བ་ཆར་ལྟར་འདེབས་ཤིང་ལྷ་མ་ཡིན་ག་ལ་བ་དེར་རྒྱུག་པར་བྱེད་དོ། ། དེ་ནས་ལྷ་མ་ཡིན་རྣམས་ཀྱིས་ཀྱང་། ཀླུ་དེ་དག་ལ་མངོན་པར་བརྟགས་ནས། ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པའི་ཀླུ་རབ་འཇོམ་ལ་སོགས་པ་ལ། འདི་ལྟར་ཁྱེད་ཀྱང་བདག་ཅག་གི་ཕྱོགས་ཡིན་གྱིས། ཀླུའི་རྒྱལ་པོ་ནོར་རྒྱས་ཀྱི་བུ་དང་། འཇོག་པོ་ལ་སོགས་པ་ག་ལ་བ་དེར་ཀླུ་རྣམས་དང་གཡུལ་འགྱེད་དུ་རྒྱུགས་ཤིག་ཅེས་བསྒོའོ། ། དེ་ནས་དེ་དག་ཐོས་ནས། ཀླུ་རབ་འཇོམས་ལ་སོགས་པ་ཀླུ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་ག་ལ་བ་དེར་མེ་ཆར་ལྟར་འབེབས་པས་མངོན་པར་འཚེ་བར་བྱེད་དོ། ། ཀླུ་དེ་དག་གིས་ཀྱང་མེའི་ཆར་ཆེན་པོ་འབེབས་ལ། ལྷ་དང་ལྷ་མ་ཡིན་རྣམས་ཀྱང་གཡུལ་ཆེན་པོ་འགྱེད་དེ། དེ་ནས་ཡང་ལྷ་རྣམས་ཀྱིས་ལྷ་མ་ཡིན་ཕམ་པར་བྱས་སོ།། དེ་ནས་དེ་དག་ལྷ་མ་ཡིན་གྱི་དབང་པོ་སྒྲ་གཅན་ག་ལ་བ་དེར་འདོང་བར་བྱེད་དོ།། འཇིགས་ཤིང་བཞིན་མོག་མོག་པོར་གྱུར་པ། སྐྱབས་འདོད་པ་ཀུན་ལྷ་མ་ཡིན་གྱི་དབང་པོ་སྒྲ་གཅན་ག་ལ་བ་དེ་ཉིད་དུ་འདོང་པབར་བྱེད་དོ། ། དེ་ནས་སྒྲ་གཅན་གྱིས་དེ་དག་མཐོང་ནས། ཡང་འདི་ལྟར་བདག་ནི་འདི་ན་གནས་ན། ལྷ་མ་ཡིན་ཁྱེད་ཅག་རྣམས་ལ་ཅི་ཞིག་གནོད། བདག་གཅིག་པུས་ལྷ་རྣམས་དབང་པོ་དང་བཅས་པ་བཅོམ་སྟེ། ལྷའི་འཇིག་རྟེན་ཐམས་ཅད་བདག་ཅག་གིར་བྱ་ན། ཁྱེད་དང་འཁོད་པས་ལྟ་སྨོས་ཀྱང་ཅི་དགོས། ལྷའི་དཔུང་འདི་དག་ཀྱང་ཆེན་པོ་མ་ཡིན། གྲོགས་པོ་དག་ཅི་གནོད། འདི་ལྟར་བདག་གིས་ལྷ་མ་ཡིན་གྱི་དབང་པོ་བརྟན་པ་དང་། མེ་ཏོག་འཕྲེང་དང་། རབ་དགོད་དང་། ཐག་བཟངས་རིས་དག་ལ་སྦྲན་ལ་བདག་ཉིད་ཀྱིས་ལྷ་རྣམས་ལས་རྒྱལ་བར་བྱའོ་ཞེས་སྨྲས་སོ།། དེ་ནས་ལྷ་མ་ཡིན་གྱི་དབང་བོཔོ་སྒྲ་གཅན་ལྷ་མ་ཡིན་གྱི་དབང་པོ་བརྟན་པ་དང་། ལྷ་མ་ཡིན་གྱི་དབང་པོ་མེ་ཏོག་འཕྲེང་དང་། ལྷ་མ་ཡིན་གྱི་དབང་པོ་རབ་དགོད་དང་། ལྷ་མ་ཡིན་གྱི་དབང་པོ་ཐག་བཟངས་རིས་ག་ཡ་བ་དེར་རིངས་པར་སོང་སྟེ་བྱིན་ནས། དེ་དག་ལ་འདི་ལྟར་ལྷ་དེ་དག་ཐམས་ཅད་དང་། རྒྱལ་ཆེན་བཞི་པ་ཐམས་ཅད་བདག་ཅག་གི་ཕྱིར་འོང་གིས། ལྷ་མ་ཡིན་གྱི་དབང་པོ་འདི་དག་ཀུན་ཤེས་ནས། ལན་བྱ་བ་གང་ཡིན་པ་ལ་སོ་སོར་ཤོམས་ཤིག་ཅེས་སྨྲས་སོ།། དེ་ནས་ཚིག་དེ་ཐོས་ནས་ལྷ་མ་ཡིན་གྱི་དབང་པོ་ཀུན་གྱིས་སྒྲ་ག་ཅན་དེ་ལ་འདི་ལྟར་ལྷ་རྣམས་དང་གཡུལ་འགྱེད་དུ་བདག་ཉིད་ཐམས་ཅད་ཀྱིས། བདག་ཅག་འདི་དག་འཁོད་ཅིང་བདག་ཅག་རྟོག་པར་བྱེད་ཀྱི། སུམ་ཅུ་རྩ་གསུམ་པའི་ལྷ་ཀོའུ་ཤི་ཀ་ལ་སོགས་པ་དང་བཅས་པ་ལ་བར་ཆད་བྱ་བ་དང་། གང་གིས་ལྷ་མ་ཡིན་རྣམས་འབྱུང་བར་བྱ་བའི་ཕྱིར་ཁྱོད་སོང་ཞིག་ཅེས་སྨྲས་སོ། ། དེ་ནས་ལྷ་མ་ཡིན་སྒྲ་གཅན་ལྷ་དང་ལྷ་མ་ཡིན་གྱི་གཡུལ་ག་ལ་བ་དེར་བདག་ཉིད་གཡུལ་འགྱེད་དུ་སོང་སྟེ། དེ་དག་མཐོང་ནས་ལྷ་མ་ཡིན་གྱི་དབང་པོ་དེ།། ལྷ་མ་ཡིན་རྣམས་ལ་ཀྱེ་མ་ལྷའི་སྟོབས་རབ་ཏུ་ཆེའོ།། ཀྱེ་མ་ལྷ་མ་ཡིན་རྣམས་ལས་ལྷའི་སྟོབས་རབ་ཏུ་ཆེ་སྟེ། གཡུལ་འགྱེད་པར་ལྷ་འཁོད་པ་འདི་དག་ལ་ཕྱིར་རྒོལ་བར་མི་ནུས་སོ་ཞེས་སྨྲས་སོ།། དེ་ནས་ལྷ་མ་ཡིན་གྱི་དབང་པོ་སྒྲ་གཅན་ལྷ་རྣམས་ག་ལ་བ་དེར་མཚོན་ཆ་དང་ལག་ཆ་ཆར་ལྟར་འབེབས་ཤིང་གཡུལ་འགྱེད་དུ་སོང་ངོ་།། དེ་ནས་ལྷ་རྣམས་ཀྱིས་ལྷ་མ་ཡིན་གྱི་དབང་པོ་སྒྲ་ག་ཅན་དེ་ལྟར་རྒྱུག་པ་མངོན་པར་མཐོང་ནས། ཀླུ་དེ་དག་ཡང་ལྷན་ཅིག་ཏུ་མེ་ཆར་ལྟར་མངོན་པར་འབེབས་ཤིང་།། ལྷ་མ་ཡིན་གྱི་དབང་པོ་སྒྲ་གཅན་ག་ལ་བ་དེར་སྒྲ་གཅན་གཞོམ་པའི་ཕྱིར་རྒྱུག་པར་བྱེད་དོ།། དེ་ནས་གྷ། དང་ལྷ་མ་ཡིན་དེ་དག་གཡུལ་ཆེན་པོ་མཚོན་ཆ་དང་། ལག་ཆ་དང་། རྡོ་རྗེ་ཆར་ལྟར་འབེབས་ཤིང་མཚུངས་པར་གཡུལ་བཀྱེ་བ་དང་། དེ་དག་གང་གི་ཚེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ། དགེ་སྦྱོང་དུ་འཛིན་པ། བྲམ་ཟེར་འཛིན་པ། རིགས་ཀྱི་རྒན་རབས་ཀྱི་རྗེས་སུ་འཇུག་པའི་སྐྱེ་དགུ་དག་བྱུང་བ་དེའི་ཚེ། ལྷ་རྣམས་ཀྱིས་ལྷ་མ་ཡིན་རྣམས་ཕམ་པར་བྱེད་དོ།། གལ་ཏེ་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པ་བྱུང་བ་དེའི་ཚེ། ལྷ་མ་ཡིན་རྣམས་ཀྱིས་ལྷ་རྣམས་ཕམ་པར་བྱེད་དེ། དེ་ལྟར་ལྷ་དང་ལྷ་མ་ཡིན་གྱི་གཡུལ་ཆེན་པོ་འགྱེད་པ་ནི། ཆོས་དང་ཆོས་མ་ཡིན་པ་ཁོ་ན་ལ་རག་ལས་པ་ཡིན་ནོ། ། དེ་ནས་གང་གི་ཚེ་ལྷ་མ་ཡིན་རྒྱལ་ཞིང་ལྷ་ཕམ་པར་གྱུར་པ་དེའི་ཚེ། ལྷ་རྣམས་ཕན་ཚུན་དུ་ལྷ་དག་ཆོས་ལ་སོམས་ཤིག། ལྷ་དག་ཆོས་གཙོ་བོར་གྱིས་ཤིག་ལྷ་རྣམས་ནི་ཆོས་ཀྱིས་རྒྱལ་བར་འགྱུར་རོ་ཞེས་བརྗོད་དོ། ། དེ་ནས་ཆོས་ཡིད་ལ་བྱས་ཤིང་ཆོས་ལ་དད་པ་བསྐྱེད་པའི་ལྷ་རྣམས་ཡང་ལྷ་མ་ཡིན་ག་ལ་བ་དེར་སོང་ངོ་།། དེ་ནས་ཆོས་ཀྱིས་བརྒྱ་དྲ། པའི་ལྷ་རྣམས་གཟི་བརྗིད་བརྒྱ་འགྱུར་དུ་འབྱུང་སྟེ། དེ་ལྟར་དེ་དག་གཟི་བརྗིད་ཀྱིས་འབར་བ་མངོན་པར་མཐོང་ནས། ལྷ་མ་ཡིན་ཤིན་ཏུ་སྒྱིད་ལུག་པ་རྣམས་ལ། ལྷ་མ་ཡིན་གྱི་དབང་པོས་འདི་སྐད་ཅེས་ཁྱེད་ཅི་སྟེ་སྒྱིད་ལུག། འདི་དག་ནི་བདག་ཅག་ལས་གཟི་བརྗིད་དམ། མཚོན་ཆ་འམ། ལག་ཆ་འམ། དཔུང་སྟོབས་སམ། ཕལ་ཆེ་བ་ཁྱད་ཞུགས་པ་མེད་དེ། དེ་དག་ལ་ཁྱེད་ཅི་སྟེ་སྒྱིད་ལུག་ཅེས་སྨྲས་སོ། ། དེ་ནས་དེའི་ཚེ་ཚིག་དེ་ཐོས་ནས་ཡང་ལྷ་མ་ཡིན་སྒྲ་གཅན་ལ་སོགས་པ་ལྷ་རྣམས་ག་ལ་བ་དེར་ཕྱིར་ལོག་སྟེ་འོང་ངོ་།། དེ་ནས་ལྷ་ཆོས་ཀྱིས་རྒྱས་པའི་ལུས་ཅན་དེ་དག་ཐམས་ཅད་ལྷ་མ་ཡིན་ག་ལ་བ་དེར་ཤུགས་མྱུར་བར་རྒྱུག་པར་བྱེད་དེ། ལྷ་དང་ལྷ་མ་ཡིན་དེ་དག་ཕན་ཚུན་འདྲེས་ནས་གཡུལ་འགྱེད་དོ།། དེ་དག་གི་ནང་ན་སྒྲ་གཅན་སྟོབས་ཆེན་པོར་གནས་ཏེ། རི་རབ་གཉིས་པ་ལྟ་བུར་གནས་སོ། ། དེ་ཆོས་ཉིད་ཀྱི་མཐུས་ལྷ་རྣམས་ཀྱིས་ཕམ་པར་བྱེད་དེ། སྐྱོབ་པ་རྣམས་ཀྱི་ནང་ན་ཆོས་སྐྱོབ་པ་མཆོག་ཡིན་ནོ།། སྣང་བ་རྣམས་ཀྱི་ནང་ན་ཆོས་སྣང་བ་མཆོག་ཡིན་ནོ།། དེ་ནས་ལྷ་མ་ཡིན་སྒྲ་གཅན་ལ་སོགས་པ་ལྷ་མ་ཡིན་ཕམ་པ་རྣམས་མངོན་པར་མཐོང་ནས། ལྷ་མ་ཡིན་ཀུན་ནས་སྒྱིད་ལུག་པ་རྣམས་དེ་ནས་ཡང་དབུགས་ཕྱུང་སྟེ། འདི་སྐད་ཅེས་ལྷ་མ་ཡིན་དག་ཅི་སྟེ་འབྲོས། ལྷ་མ་ཡིན་འདི་དག་མི་ངན་པའི་སར་ཅི་སྟེ་གནས། ལྷ་ནི་ལྷ་མ་ཡིན་དུ་མིའི་ནང་ན་དཔའ་བོ་མ་ཡིན། ལག་ཆ་ཐོགས་པ་མ་ཡིན། མཚོན་ཆས་འཇིགས་པ་མ་ཡིན་གྱིས་ཕྱིར་ལོག་སྟེ་འཁོད་ཅིག། འདི་དག་གིས་ཅི་སྟེ་གནོད་ཅེས་སྨྲས་སོ།། དེ་ནས་དེའི་ཚེ་དེ་ཐོས་ནས་ཡང་ལྷ་མ་ཡིན་རྣམས་གཡུལ་འགྱེད་དུ་ཕྱིར་ལོག་གོ།། དེ་ནས་ཡང་དེས་གཟེངས་པསྟོད་ཅིང་མགུ་བར་བྱས་པ། ང་རྒྱལ་གྱིས་ཁེངས་པ་རྣམས་ལྷ་རྣམས་ག་ལ་བ་དེར་གཡུལ་བཀྱེ་བ་དང་། དེ་ནས་ཡང་འབྲོས་སོ།། དེ་ནས་སྒྲ་གཅན་ནི་ལྷ་མ་ཡིན་དེ་དག་ཀུན་གྱི་དང་པོ་ཁོ་ན་ལ་འདུག་སྟེ། དེ་དང་པོ་ཁོ་ནར་འདུག་ནས་དེ་ལ་རྟེན། དེས་སྐྱོབ། དེ་ལ་འཁོར་བའི་ལྷ་མ་ཡིན་དེ་དག་ཐམས་ཅད་རྒྱལ་ཆེན་བཞིའི་ལྷ་ག་ལ་བ་དེར་སྒྲ་གཅན་གྱི་མཐུ་ལ་རྟེན་པ། སྟོབས་སྐྱེས་པ་དག་རྒྱུག་པར་བྱེད་ཅིང་། འདི་ལྟར་བདག་ཅག་གི་ལྷ་མ་ཡིན་གྱི་དབང་པོ་སྒྲ་གཅན་འདི་དང་པོ་ཁོ་ན་ལ་ཞུགས་པ། ལྷ་རྣམས་དབང་པོ་དང་བཅས་པའང་ཐུབ་པར་འགྱུར་ན། རྒྱལ་ཆེན་བཞིའི་ལྷ་འབའ་ཞིག་ལྟ་སྨོས་ཀྱང་ཅི་དགོས་སྣུམ་སེམས་སོ།། དེ་ནས་ཡང་ཕན་ཚུན་རྟོག་ཅིང་མཚོན་ཆའི་ཚོགས་ཀྱི་རྒྱུན་གཅིག་ལ་གཅིག་འདེབས་པ་ན། སྒྲ་གཅན་ཡང་ལྷ་མ་ཡིན་རྣམས་རྒྱལ་བར་བྱ་ཞིང་། ལྷ་རྣམས་ཕམ་པར་བྱ་བའི་ཕྱིར་ལྷ་ག་ལ་བ་འཁོད་པ་དེར་རྡོ་རི་ཙམ་འཕེན་ཅིང་གནོད་པར་བྱེད་དོ།། དེ་ནས་སྒྲ་གཅན་དེ་དེ་ལྟར་ལྷ་རྣམས་ལ་རྡོ་ཆར་ལྟར་འབེབས་པ་འཇིག་རྟེན་སྐྱོང་བ་དག་གིས་མངོན་པར་མཐོང་ནས། ལྷ་རྣམས་ལ་སྒྲ་གཅན་འདི་ནི་རྡོ་ཆར་ལྟར་འབེབས་པས་བདག་ཅག་ལ་མངོན་པར་གནོད་པར་བྱེད་ན། ལྷ་དག་མཚོན་ཆ་དང་། ལག་ཆ་ཆར་ལྟར་དབབ་པ་རྣམས་ཀྱིས་དེ་བཟློག་ཅིང་། འདི་ལྟར་ཡང་ལྷ་རྣམས་ལ་གནོད་པ་མེད་པར་མཛོད་ཅིག། དེ་དག་ལ་འཇིག་རྟེན་སྐྱོང་བ་དག་གིས་དེ་སྐད་སྨྲས་ནས། ལྷ་མ་ཡིན་གྱི་དབང་པོ་སྒྲ་གཅན་ག་ལ་བ་དེ་ར། སྒྲ་གཅན་ཕམ་པར་བྱ་བའི་ཕྱིར་ཁྲོ་བའི་ཤུགས་ཀྱིས་རྒྱུག་པར་བྱེད་དོ།། དེ་ནས་སྒྲ་གཅན་དང་། འཇིག་རྟེན་སྐྱོང་བ་དག་ཤིན་ཏུ་སྤུ་ཟིང་ཞེས་བྱེད་པ། རྡོ་དང་ལག་ཆར་བསྲེས་པའི་གདུ་བཀྱེའོ། ། རྡོ་ཆར་ལྟར་འབེབས་པ་དེས་རྒྱ་མཚོ་ཀུན་ནས་རབ་ཏུ་འཁྲུག་པར་བྱེད་ཅིང་། ལྷའི་རྡོ་ཆར་ལྟར་འབེབས་པ་རྣམས་ཀྱིས་ཀྱང་། དེ་ལྟར་རྒྱ་མཚོ་ན་གནས་པའི་སེམས་ཅན་འབུམ་ཕྲག་དུ་མ་དག་གསོད་པར་བྱེད། འཁྲུག་པར་བྱེད། གཡོ་བར་བྱེད། ཀུན་ནས་རྒྱ་མཚོའི་དབུ་བ་འཁྲུག་པར་བྱེད་དོ།། དེ་ནས་སྒྲ་གཅན་དེ་དང་། འཇིག་རྟེན་སྐྱོང་བ་དག་གཡུལ་ཆེན་པོ་བཀྱེ་བ་ལྷ་དང་ལཱ་མ་ཡིན་རྣམས་ཀྱིས་མངོན་པར་མཐོང་ནས། ངོ་མཚར་ཆེར་སྐྱེས་ཏེ། ཀྱེ་མ་གཡུལ་འགྱེད་པ་རྣམས་ཀྱི་ནང་ན། འདི་ནི་གཡུལ་ཆེན་པོ་ཡིན་ནོ་ཞེས་བརྗོད་དོ།། དེ་ནས་གང་གི་ཚེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་སྐྱེ་དགུ་དག་བྱུང་བ་དེའི་ཚེ། ལག་ཆ་དང་དཔུང་དང་འཇིགས་པར་བྱ་བ་ཀུན་མེད་ཀྱིས་ཀྱང་། ལྷ་མ་ཡིན་གྱི་དབང་པོ་སྒྲ་གཅན་ཕམ་པར་འགྱུར། གལ་ཏེ་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པའི་སྐྱེ་དགུ་དག་བྱུང་བ་དེའི་ཚེ། ལྷ་མ་ཡིན་གྱི་དབང་པོ་སྒྲ་གཅན་མངོན་པར་མཐོ་བར་འགྱུར་ཏེ། ལྷ་རྣམས་ནི་མ་ཡིན་ནོ།། དེ་ལྟར་འདི་དག་ཐམས་ཅད་ནི་ཆོས་གཙོ་བ་ལས་གྱུར་ཏེ། གློ་བུར་རབ་ནི་མ་ཡིན་ནོ།། དེ་ནས་གང་གི་ཚེ་ལྷ་མ་ཡིན་གྱི་དབང་པོ་སྒྲགཅན་དཔུང་དང་མཐུ་རྩལ་ཉམས་ཏེ་ཕམ་པར་གྱུར་པ་དེའི་ཚེ། ལྷ་མ་ཡིན་ཤིན་ཏུ་ཡི་ཆད་པ་རྣམས་ཀྱིས་ཀྱང་ཡང་སྨྲས་པ། ལྷ་མ་ཡིན་འདི་དག་ཅི་སྟེ་འབྲོས། རྒུད་པའི་ཆོས་མང་པོ་སྒྲུབ་པ་ནི། བདག་ཅག་རྒུད་པར་གྱུར་ཏེ། ཉོན་མོངས་པ་དེས་ཆོ་ག་གོ་ཆོ་ག་གོ།། བདག་ཅག་རང་གི་གནས་རྣམས་སུའང་བདེ་བ་འམ། ལྷ་མ་ཡིན་རྣམས་ཀྱི་ནང་དུའང་ཡིད་བདེ་བའི་ངོ་བོར་མི་ནུས་ཏེ། བློ་དེ་ལྟ་བུ་མ་བྱེད་པར་བློ་མཐུ་རྩལ་དང་བཅས་པར་གྱིས་ཤིག། རང་གི་གནས་སུ་འགྲོ་བར་མ་འདོད་པར་སླར་ལོག་ཅིག། སླར་ལོག་ཅིག། དེ་ནས་ཚིག་དེ་ཐོས་ནས་ཡང་ལྷ་མ་ཡིན་ཐམས་ཅད་འཇིག་རྟེན་སྐྱོང་བ་དག་ག་ལ་བ་དེར་གཡུལ་འགྱེད་དུ་བརྒྱུགས་སོ།། དེ་ནས་ཡང་ཕན་ཚུན་ལྷན་ཅིག་རྡོ་མཚུངས་པ་མེད་པ་ཆར་ལྟར་འབེབས་ཤིང་རིའི་རྩེ་མོར་ཀློག་ཆར་ལྟར་འབྱིན་ཏེ། ཡུལ་ངན་དུ་བྱས་པར་སྤུ་ཤིན་ཏུ་ཟིང་ཞེས་བྱེད་པའི་གཡུལ་བཀྱེའོ།། དེ་ནས་ཡང་ལྷའི་དཔུང་གིས་ལྷ་མ་ཡིན་གྱི་དཔུང་ཕམ་པར་བྱས་སོ། ། དེ་ནས་ཡང་ལྷ་མ་ཡིན་དེ་དག་ཐམས་ཅད་འདི་སྙམ་དུ་སེམས་ཏེ། ཀྱེ་མ་ལྷ་འདི་རྣམས་མཐུ་ཆེན་པོ་དང་ལྡན་པ་ཡིན་ནོ།། འདི་ལྟར་བདག་ཅག་རང་གི་མཐུ་བསྐྱེད་པ་དང་། དེ་བདག་ཅག་གི་དོན་དང་། བདེ་བའི་ཕྱིར་དང་། ཕན་པར་བྱ་བའི་ཕྱིར་གནས་གཉིས་པ་ན་གནས་པ་སྐར་འཕྲེང་གི་བདག་པོ་ལྷ་མ་ཡིན་གྱི་དབང་པོ་བརྟན་པ་ལ་སྐྱབས་སུ་དོང་བར་བྱའོ། ། ལྷ་མ་ཡིན་གྱི་དབང་པོ་བརྟན་པ་དེ་ནི་རང་བཞིན་གྱིས་བརྟན་པ་ཡིན་ཏེ། སྒྲ་དང་ལྷ་མ་ཡིན་རྣམས་ཀྱི་གཡུལ་དུ་དབང་པོ་དང་བཅས་པར་བརྒྱའམ། ཡང་ན་སྟོང་དུ་སྟོབས་ཀྱིས་རྒྱལ་བ་ཡིན་ནོ་སྙམ་མོ། ། དེ་ནས་དེ་ལྟར་ལྷ་མ་ཡིན་གྱི་དབང་པོ་གཙོ་བོ་དེ་དག་ཐམས་ཅད་ལྷ་མ་ཡིན་གྱི་དབང་པོ་བརྟན་པ་ག་ལ་བ་དེར་དོང་ངོ་།། དེ་ནས་དེ་དག་ཐམས་ཅད་ཀྱིས། ལྷ་མ་ཡིན་གྱི་དབང་པོ་བརྟན་པ་དེ་ལ་འདི་སྐད་སྨྲས་སོ། ། ཀྱེ་མ་ལྷ་མ་ཡིན་གྱི་དབང་པོ་དག་འདི་ལྟར་ལྷའི་ཕྱོགས་སྟོབས་རབ་ཏུ་ཆེ་སྟེ། ལྷ་མ་ཡིན་སྒྲ་གཅན་དང་བཅས་པ་རྣམས་ཀྱིས་ཕྱིར་རྒོལ་བར་མི་ནུས་པས་ལྷ་མ་ཡིན་གྱི་དབང་པོས་ལྷ་མ་ཡིན་རྣམས་ཀྱི་དཔུང་བགྱི་བ་དང་། སྐྱབས་བགྱི་བ་དང་། ཕ་རོལ་གཞོམ་པའི་ཕྱིར་དེ་དག་ངེས་པར་བགྱི་བའི་རིགས་སོ།། ཁྱོད་ཀྱི་ལག་ན་མཚོན་ཆ་ཡོད་པས་ལྷ་དག་དབང་པོ་དང་བཅས་པའང་བདག་ཅག་ལ་ཕྱིར་རྒོལ་བར་མི་ནུས་ཏེ། ཁྱོད་ཀྱིས་ལྷ་དང་ལྷ་མ་ཡིན་རྣམས་ཀྱི་གཡུལ་དུ་རྒྱལ་བ་མང་དུ་བརྙེས་པ་ལགས་སོ།། ལྷ་མ་ཡིན་གྱི་དབང་པོ་དེ་དག་ངེས་པར་བཟློག་ཏུ་གསོལ། ལག་ན་མཚོན་ཆ་ཆེན་པོ་ཐོགས་པ།། རང་གི་དཔུང་དང་མཐུ་རྩལ་སྤྱད་ཅིང་ལྷ་རྣམས་ཕམ་པར་བགྱི་བའི་ཕྱིར་བཟློག་ཏུ་གསོལ། ཁྱོད་ཀྱིས་བརྒྱ་བྱིན་ཉིད་ཀྱང་བརྒྱ་སྟོང་དུ་ཕ་མ་པར་བགྱིས་ཏེ། ལྷ་དེ་རྣམས་ཁྱོད་ཀྱི་མཐུ་རྩལ་གྱིས་ཕམ་པར་བགྱིས་པ་ལགས་སོ།། དེ་ནས་བརྟན་པ་ལྷ་མ་ཡིན་གྱི་དབང་པོ་དེ་དག་ལས་ཚིག་དེ་ཐོས་ནས། ལྷ་མ་ཡིན་གྱི་དབང་པོ་མེ་ཏོག་འཕྲེང་ག་ལ་བ་དང་། ཐག་བཟངས་རིས་དང་། རབ་དགོད་ག་ལ་བ་དེར་སོང་སྟེ་ཕྱིན་ནས། ལྷ་མ་ཡིན་གྱི་དབང་པོ་དེ་དག་ལ་འདི་སྐད་སྨྲས་སོ།། ལྷ་མ་ཡིན་གྱི་དབང་པོའི་ཕྱོགས་སྒྲ་གཅན་དང་བཅས་པ་ལྷ་རྣམས་ཀྱིས་ཕམ་པར་བྱས་ཏེ། ལྷ་རྣམས་ནི་སྟོབས་རབ་ཏུ་ཆེའོ།། སྟོབས་རབ་ཏུ་ཆེ་བས་བཟོད་པར་དཀའ་སྟེ། ལྷ་མ་ཡིན་རྣམས་ཀྱིས་བཟོད་པར་མི་ནུས་སོ།། གཡུལ་འགྱེད་པར་རྒྱལ་བར་བགྱི་བའི་ཕྱིར་དེ་གནང་བར་མཛོད་ཅིག། དེ་ནས་ལྷ་མ་ཡིན་གྱི་དབང་པོ་མེ་ཏོག་འཕྲེང་དང་། ཐག་བཟངས་རིས་དང་། རབ་དགོད་ཀྱིས། ལྷ་མ་ཡིན་གྱི་དབང་པོ་བརྟན་པ་དེ་ལ་འདི་སྐད་ཅེས་སྨྲས་སོ།། མ་ཡིན་གྱི་དབང་པོ་བདག་ཅག་འདི་དག་ཁྱོད་ཀྱི་གྲོགས་སུ་འཁོད་པ་ཡིན་གྱིས། ཁྱོད་སོང་ཞིག་ཁྱོད་སོང་ཞིག། བདག་ཅག་གིས་གྲོགས་དྲས་པས། ཁྱོད་སྒྲ་གཅན་དང་བཅས་པས་ལྷ་ཐམས་ཅད་ལས་ཀྱང་རྒྱལ་བར་ནུས་སོ། ། དེ་ནས་ཚིག་དེ་ཐོས་ནས། ལྷ་མ་ཡིན་གྱི་དབང་པོ་བརྟན་པ་དེ་ལྷ་མ་ཡིན་གྱི་དབང་པོ་སྒྲ་གཅན་ག་ལ་བ་དེར་གཡུལ་འགྱེད་པའི་ཕྱིར་སོང་ངོངོ། ། དེ་ནས་ལྷ་མ་ཡིན་རྣམས་ཀྱིས་ལྷ་མ་ཡིན་གྱི་དབང་པོ་བརྟན་པ་དེ་མཐོང་ནས། ཤིན་ཏུ་མགུ་ཞིང་མཐུ་རྩལ་སྐྱེས་པ་རྣམས་ལྷ་རྣམས་ག་ལ་བ་དེར་མཚོན་ཆ་དང་། ལག་ཆ་དང་། མདའ་དགའཕེན་ཅིང་འདེབས་པ་ན། ཐམས་ཅད་ལྷ་མ་ཡིན་གྱི་དབང་པོ་གཉིས་དང་ལྷན་ཅིག་ལྷ་རྣམས་ག་ལ་བ་དེར་རྒྱུག་པར་བྱེད་དོ།། དེ་ནས་ལྷ་རྣམས་ཀྱིས་ལྷ་མ་ཡིན་དེ་དག་མཐོང་ནས་འདི་སྐད་སྨྲས་སོ། ། ལྷ་མ་ཡིན་དག་འདི་ལྟར་ཡང་དང་ཡང་དུ་བདག་ཅག་རྣམས་ཀྱིས་ཕམ་པར་བྱ་འདོད་དམ། དེ་ནས་ཡང་བརྩོན་འགྲུས་ལ་དམིགས་ནས། དུད་འགྲོའི་འགྲོ་བ་ངོ་བོ་ཉིད་ཀྱིས་ཕམ་པ་རྣམས་ཡང་འོང་བར་བྱེད་དོ། ། དེ་ནས་དེ་ལྟར་རིག་ནས་ལྷ་ཤིན་ཏུ་བརྩོན་འགྲུས་བརྩམས་པ། མཚོན་ཆ་དང་ལག་ཆ་སྣ་ཚོགས་ཐོགས་པ་དེ་དག་ཐམས་ཅད་ལྷ་མ་ཡིན་ག་ལ་བ་དེ་ཉིད་དུ་འགྲོས་ཤིན་ཏུ་མྱུར་བར་འགྲོ་བར་བྱེད་དོ། ། དེ་ནས་ལྷ་མ་ཡིན་གྱི་དབང་པོ་བརྟན་པ་དང་། སྒྲག་ཅན་གྱིས་འདི་སྐད་ཅེས་སྨྲས་སོ།། ལྷ་རྣམས་བདག་ཅག་གི་སྟེང་དུ་འོངས་ཏེ། ལྷ་རྣམས་གཡུལ་འགྱེད་དུ་འོང་ངོ་།། བདག་ཅག་གིས་དེ་དག་ངེས་པར་གཡུལ་འདི་ཉིད་ཀྱི་བར་དུ་བཅུག་སྟེ་གནོམ་པར་བྱའོ།། དེ་ནས་དེ་སྐད་སྨྲས་མ་ཐག་ཏུ་ལྷ་མ་ཡིན་གྱི་དབང་པོ་བརྟན་པ་དང་། སྒྲག་ཅན་ཕན་ཚུན་རྒྱལ་བར་འདོད་པ་དག་ལྡན་ཅིག་ཏུ་རྒྱལ་ཆེན་བཞིའི་ལྷ་རྣམས་ག་ལ་བ་དེར་འདོང་བར་བྱེད་དོ། ། དེ་ནས་ལྷ་རྣམས་ནི་ཉི་མ་ནུབ་པའི་ཕྱོགས་སུ་ལྟ། ལྷ་མ་ཡིན་རྣམས་ནི་ཤར་བའི་ཕྱོགས་སུ་ལྔ་སྟེ། དེ་ལྟར་པབའི་འོད་ཟེར་གྱི་མཐུས་དེས་མིག་རབ་ཏུ་ཉམས་པ་དང་། དེ་ནས་ལྷ་མ་ཡིན་གྱི་མཚོན་ཆ་ཆར་ལྟར་འབེབས་པ་རྣམས་ཀྱིས་ལྔ་རྣམས་ལ་དབབ་པར་མ་ནུས་སོ།། དེ་ནས་ལྷ་མ་ཡིན་མིག་བསྒྲིབས་པཔ་རྣམས་ཕན་ཚུན་དུ་འདི་ལྟར་ཉི་མའི་འོད་ཟེར་རྣམས་ཀྱིས་མིག་རབ་ཏུ་རྣམས་ཏེ། བདག་ཅག་གིས་ལྷ་རྣམས་ལྔ་རྒོལ་བར་མི་ནུས་སོ་ཞེས་སྨྲས་སོ།། དེ་ནས་ལྷ་མ་ཡིན་གྱི་དབང་པོ་སྒྲ་གཅན་གྱི་རང་གི་ལག་པས་ནི་མ་སྒྲིབ་པར་བྱེད་དེ། འདིའང་ཉི་མ་གཟས་ཟིན་པའི་རྒྱུ་གསུམ་པ་ཡིན་ནོ།། དེའི་ཚེ་རྒྱུ་མི་ཤེས་པའི་རྟོག་གེ་པ་རྣམས་འདི་ལྟར་ལོ་ལེགས་པར་འགྱུར་རོ།། ལོ་ཉེས་པར་འགྱུར་རོ། ། ཆར་ཆེར་འབབ་པར་འགྱུར་རོ།། ཆར་ཆུང་ངུ་འབབ་པར་འགྱུར་རོ།། རྒྱལ་པོ་ལ་རུང་བར་འགྱུར་རོ།། རྒྱལ་པོ་ལ་མི་རུང་བར་འགྱུར་རོ།། སྐྱེ་བོ་འཇིག་པར་འགྱུར་རོ།། སྐྱེ་བ་འཇིག་པར་མི་འགྱུར་རོ་ཞེས་བརྗོད་དོ། ། དེ་ལྟར་བསྟན་བཅོས་ངན་པས་བསླུས་པ་རྣམས་གཞན་དུ་རྟོག་པར་བྱེད་དོ།། དེ་ལྟར་སྐྲག་ཅན་དེས་ཉི་མའི་དཀྱིལ་འཁོར་དེ་བསྒྲིབས་ཏེ། འོད་ཟེར་ཡང་བཟློག་ནས་བལྟ་བར་བདེ་བ་དང་། ལྷ་རྣམས་མངོན་པར་མཐོང་ནས། ལྷ་མ་ཡིན་གྱི་དབང་པོ་བརྟན་པ་ལ་སྨྲས་པ། ལྷ་དག་བདེ་བར་མཐོང་ངོ་།། ལྷ་མ་ཡིན་རྣམས་བདེ་བར་མཐོང་གིས། ཕ་རོལ་ཕམ་པར་བྱ་བ་ལ་འབོད་ཅིག། དེ་ནས་ལྷ་མ་ཡིན་རྣམས་མཚོན་ཆའི་ཚོགས་རྣམས་ཆར་ལྟར་མངོན་པར་འབེབས་ཤིང་། ལྷ་རྣམས་ག་ལ་བ་དེར་བརྟན་པས་སྣ་དྲངས་ནས་རྒྱུག་པར་བྱེད་དོ། ། ལྷ་རྣམས་ཀྱིས་ཀྱང་དེ་དག་མཐོང་ན། མཚོན་ཆ་སྣ་ཚོགས་ཐོགས་ཏེ། ལྷ་མ་ཡིན་ག་ལ་བ་དེར་རྒྱུག་པར་བྱེད་དོ།། དེ་ནས་འཕྲེང་ཐོགས་ཀྱི་ལྷ་རྣམས་ག་ལ་བ་དེར་བརྟན་པ་དེ་དག་རྒྱུག་ཅིང་། དེ་དག་མཚོན་ཆ་སྣ་ཚོགས་ཀྱི་ཆར་མངོན་པར་འབེབས་པ་ན། འཕྲེང་ཐོགས་ཀྱི་ལྷ་རྣམས་ཀྱིས་དེ་དག་མངོན་པར་མངོན་ནས། འདི་སྐད་ཅེས་སྨྲས་སོ།། ལྷ་མ་ཡིན་གྱི་དབང་པོ་དག་ལེགས་སོ་ལེགས་སོ། ། འདི་ལྟར་ཁྱེད་ལྷ་རྣམས་ཀྱིས་ལན་དུ་མ་ཞིག་ཏུ་ཕམ་པར་བྱས་ཀྱང་། ཁྱེད་ཆོས་ལ་སོ་སོར་རིག་པར་མི་བྱེད་དམ། ངེད་ནི་ཆོས་ཀྱི་ཚུལ་དང་ལྡན་ཆོས་ལ་གཞོལ། ཆོས་སྒྲུབ་པ་ཡིན་ཏེ། ངེད་ནི་ཆོས་མ་སྤངས་པས་རྒྱལ་བར་འདོད་དོ།། ཁྱེད་ནི་བརྣབ་སེམས་ཀྱིས་གནོད་དེ། གཞན་གྱི་རྫས་ལ་རང་གིར་བྱ་བའི་བརྣབ་སེམས་ཡོད་དོ།། བན་པ་སེམས་སང་བ་དེ་ནི་བྱེད་ཡིན་ཏེ། ཆོས་མ་ཡིན་པ་དང་ལྡན་པར་འགྱུར་བ། དག་པབཅུའི་ལས་ཀྱི་ལམ་དང་ཡང་དག་པར་ལྡན་པ། ཆོས་དང་ལན་འི་ཆོས་ཀྱི་རྗེས་སུ་འཇུག་པའི་ཇི་ལྟར་ཕམ་པར་བྱ་བར་འདོད། མུན་པས་ནི་སྣང་གསལ་ཆེན་པོ་རྣམས་ཀྱང་ཟིལ་གྱིས་གནོན་པར་མི་ནུས་སོ།། དེ་ནས་རྣམ་པ་འདི་དག་སྨྲས་པ་ན། བརྟན་པས། དེ་དག་ལ་འདི་སྐད་ཅེས་སྨྲས་སོ།། ཀྱེ་མང་དུ་སྨྲ་ཅི་དགོས། ཁྱེད་ཀྱི་འབྱོར་པ་ལ་ངེད་རྣམས་ཀྱང་སྨོན་པ་མེད་དོ།། ལྷ་མ་ཡིན་གྱི་དབང་པོ་ཟག་བཟངས་རིས་དང་། རབ་དགོད་ལ་སོགས་པ་བཞི་པོ་འདི་དག་གི་དཔུང་བཤམས་པ་རྣམས་ཀྱིས་ལྷ་ཐམས་ཅད་ཕམ་པར་བྱ་བའི་ཕྱིར་འཁོད་དེ། ངེད་ནི་ཁྱེད་ཀྱི་འབྱོར་པ་ལ་དགའ་བ་མེད་དོ།། དེ་སྐད་སྨྲས་ནས། འཕྲེང་ཐོགས་ཀྱི་ལྷ་ག་ལ་བ་དེར་རྒྱུག་པར་བྱེད་དོ།། དེ་འོང་བར་མངོན་པར་མཐོང་ནས། ཇི་ལྟར་དེའི་ལུས་ཀྱི་ངོ་བོ་ཤིན་ཏུ་ཕྲ་བའང་མི་མངོན་པ་དེ་ལྟར་མདའ་སྣ་ཚོགས་ཆར་ལྟར་ཕབ་བོ།། དེ་ལྟར་བརྟན་པ་མཚོན་ཆའི་ཆར་གྱི་ནང་དུ་ཆུད་ནས་ཀྱང་། འཕྲེང་ཐོགས་ཀྱི་ལྷ་རྣམས་ཀྱིས་འདི་སྐད་ཅེས་སྨྲས་སོ། ། ལས་ཀྱིས་བཅོམ་ཞིང་སྒྲུབ་པ་བརྣབ་སེམས་མང་པོ་འདི་ཅིར་དགོས། ཆོས་མ་ཡིན་པས་ནི་ནམས་ཀྱང་ཆོས་ཟིལ་གྱིས་མནན་པ་མེད་དེ། ངེད་ནི་ཁྱེད་ལ་ཆུང་ཟད་ཀྱང་འཚེ་བར་མི་བྱེད་ན། ངེད་ལ་ཅི་སྟེ་གནོད་པ་བྱེད། དེས་དེ་སྐད་སྨྲ་བ་ན། ལྷ་དེ་དག་ག་ལ་བ་དེར་རྒྱུག་པར་བྱེད་དོ།། དེ་ནས་འཕྲེང་ཐོགས་ཀྱི་ལྷ་རྣམས་ཀྱིས། ཀླུ་དེ་དག་ལ་སྨྲས་པ། དཔུང་དོན་མེད་པས་ཁེངས་པ་འདི་ཁྱེད་ཀྱིས་མེའི་ཆར་མངོན་པར་ཕོབ་ཅིག་དང་། འོན་ཏང་དཔུང་གི་མཐུ་འདི་ཉམས་པར་འགྱུར་རོ།། དེ་སྐད་སྨྲས་པ་དང་། ཀླུའི་རྒྱལ་པོ་འཇོག་པོས་ཕྱོགས་གཅིག་ཏུ་ཀླུའི་རྒྱལ་པོ་རབ་འཇོམ་ལ་མེའི་ཆར་བབ་པ་དང་། བརྟན་པ་ག་ལ་བ་དེར་རྒྱུག་པར་བྱེད་དེ། མེའི་ཆར་མངོན་པར་བབ་པ་ན་དེ་ལྷ་མ་ཡིན་གྱི་དབང་པོ་བརྟན་པ་ག་ལ་བ་དེར་བརྒྱུགས་སོ།། དེ་ནས་ལྷ་མ་ཡིན་དང་ཀླུ་དེ་དག་མེའི་ཆར་ཆེན་པོའི་ནང་དུ་ཆུད་པར་གྱུར་ཏོ།། དེ་ནས་དེ་དག་ལ་མེའི་ཆར་མངོན་པར་ཕབ་པ་དང་། ལྷ་མ་ཡིན་གྱི་དབང་པོ་སྒྲ་གཅན་རི་དཔག་ཚད་བཅུ་གཅིག་པ་བླངས་ནས་འཕྲེང་ཐོགས་ཀྱི་ལྷ་རྣམས་ག་ལ་བ་དེར་རྒྱུག་པར་བྱེད་དོ། ། དེ་འོང་བ་མངོན་པར་མཐོང་ནས། ལྷ་ལག་ན་ཡོལ་གོ་ཐོགས་པ་དག་རི་བསྲེག་པའི་ཕྱིར་མེའི་ཆར་མངོན་པར་འབེབས་ཤིང་རྒྱུག་པར་བྱེད་དོ།། དེ་ནས་མེའི་ཆར་དེས་རི་དེ་དག་བསྲེགས་སོ།། དེ་ལྟ་དེ་ལྟར་བསྲེགས་པར་མཐོང་ནས། བརྟན་པ་དེ་མཐུ་ཉམས་ཏེ། ལྷ་དེ་རྣམས་ལ་འདི་སྐད་ཅེས་སྨྲས་སོ།། འདི་ལྟར་བདག་གིས་རི་རབ་ཏུའབར་བ་གཞན་ཐམས་ཅད་སྟེང་དུ་དབབ་བོ། ། དེ་ནས་ལྷ་མ་ཡིན་རྣམས་ཀྱིས་རི་རབ་ཏུ་འབར་བ་གཞན་ཞིག་དེའི་དྲུང་དུ་ཁྱེར་རོ།། དེ་ནས་བརྟན་པ་དེས་དེ་ཁྱེར་ནས། ལྷ་དེ་རྣམས་ཀྱི་སྟེང་དུ་འཕངས་སོ།། དེ་ནས་ལྷ་དེ་རྣམས་ཀྱིས། ལྷ་མ་ཡིན་ཆེན་པོ་ལ་འདི་སྐད་ཅེས་སྨྲས་སོ།། ཆོས་མ་ཡིན་པས་ནི་ཆོས་ལ་རྒྱལ་བར་མི་ནུས་སོ།། ངེད་ནི་ཆོས་མདུན་དུ་བྱས་ནས་གནས་སོ།། ཁྱེད་ནི་ཆོས་མ་ཡིན་པ་ལ་བརྟེན་ནས་གནས་སོ། ། དེ་ལྟར་དེ་དག་ལྷ་རྣམས་ཀྱིས་སྤྲོས་པ་མཐོང་ནས། ལྷ་མ་ཡིན་གྱི་དབང་པོ་སྒྲ་གཅན་གྱི་ལྷ་མ་ཡིན་ཐམས་ཅད་བསྡུས་ཏེ། ལྷ་རྣམས་ག་ལ་བ་དེར་དོང་ངོ་།། ལྟར་དེ་དག་འོང་བ་མངོན་པར་མཐོང་ནས། ལྷ་རྣམས་ཀྱང་ལྷ་མ་ཡིན་དག་ག་ལ་བ་དེར་རྒྱུག་པར་བྱེད་དེ། ལྷ་དང་ལྷ་མ་ཡིན་དེ་དག་མཚོན་ཆ་དུ་མ་དང་ལྡན་པའི་གཡུལ་ཤིན་ཏུ་མི་བཟད་པ་བཀྱེ་བར་གྱུར་ཏོ།། དེ་ནས་ལྷ་རྣམས་ཀྱིས་ཆོས་བརྗོད། བདེན་པའི་བྱིན་གྱི་རླབས་བྱས། དཀོན་མཆོག་གསུམ་ལ་སྐྱབས་སུ་འགྲོ་བ་ཡིད་ལ་བྱས་ནས། ལྷ་མ་ཡིན་དག་ག་ལ་བ་དེར་དོང་ངོ་།། ལྷ་དེ་དག་མཐོང་མ་ཐག་ཏུ་ལྷ་མ་ཡིན་གྱི་དཔུང་དེ་ཐམས་ཅད་བརྒྱའམ། སྟོང་དུ་བཅོམ་མོ།། དེ་ནས་ལྷ་མ་ཡིན་དེ་དག་ཐམས་ཅད་སའི་འོག་ག་ལ་བ་དེར་བྲོས་སོ།། ཀླུ་ཆོས་དང་མི་ལྡན་པ་རབ་འཇོམ་ལ་སོགས་པས། ལྷ་མ་ཡིན་དེ་དག་ལ་འདི་སྐད་ཅེས་སྨྲས་སོ། ། ལྷ་མ་ཡིན་བདག་ཅག་བོར་ནས་ཅི་སྟེ་འབྲོས། ཀླུ་འཇོག་པོ་དང་ནོར་རྒྱས་ཀྱི་བུ་ལ་སོགས་པ་དེ་དག་བདག་ཅག་གིས་ཐུབ་ན། ཁྱེད་ཀྱིས་ལྷ་འདི་དག་འབའ་ཞིག་ཐུབ་པར་འགྱུར་རོ། ། གང་དེ་ལྟར་འཇིགས་པར་གནས་ན། རང་གི་དཔུང་ཉམ་དྲོད་མེད་པར་ཅིའི་ཕྱིར་སའི་འོག་ནས་ལྡང་། ལྷ་རྣམས་དང་ལྷན་ཅིག་ཅིའི་ཕྱིར་འགལ་བར་བྱེད། འགལ་བའི་རང་བཞིན་ཅན་ཁྱེད་ནི་སའི་འོག་ཏུ་འདོང་དུ་ཡོད་གྲང་ན་ངེད་དགར་འདོད། འཇོག་པོ་དང་ནོར་རྒྱས་ཀྱི་བུ་ལ་སོགས་པས་བཅོམ་པ་གར་འདོང་། ལྷ་མ་ཡིན་དེ་དག་གིས་དེ་སྐད་ཐོས་ནས། དེ་ནས་ཡང་ལྷ་རྣམས་ག་ལ་བ་དེར་བཡུལ་འགྱེད་དུ་སླར་ལོག་གོ། ། དེ་ནས་ཡང་ཐོགས་པ་མེད་པའི་བྲོ་ཅན་དེ་དག་ལྷ་མ་ཡིན་ག་ལ་བ་དེར་ཐམས་ཅད་འབད་དེ་བརྒྱུགས་སོ།། དེ་ནས་དེ་དག་འོང་བ་མངོན་པར་མཐོང་ནས། ལྷ་མ་ཡིན་རྣམས་ཀྱིས་བཟློག་བར་མ་ནུས་སོ། ། དེ་ནས་ལྷ་མ་ཡིན་གྱི་དབང་པོ་སྒྲ་གཅན་ལྷ་མ་ཡིན་གྱི་དབང་པོ་བརྟན་པ་དང་ལྷན་ཅིག་ཏུ་སའི་འོག་ག་ལ་བ་དེར་དོང་ངོ་།། དེ་ནས་ལྷ་མ་ཡིན་གྱི་དཔུང་དེ་ལྟར་རྣམས་པ་མཐོང་ནས། ལྷ་མ་ཡིན་ཁ་ཅིག་ལྷ་མ་ཡིན་གྱི་དབང་པོ་གནས་གསུམ་པ་ན་གནས་པ་ག་ལ་བ་དེར་བརྒྱུགས་ཏེ། འདི་ལྟར་རྒྱལ་པོ་ཆེན་པོ་མེ་ཏོག་འཕྲེང་བཞེངས། ལྷའི་ཚོགས་དེ་དག་བཟློག་ཏུ་མི་རུང་ལ། ལྷ་མ་ཡིན་ཐམས་ཅད་ཕམ་པར་བྱས་ཏེ། ཕྱོགས་ཀུན་ཏུ་བཀོད་པར་གྱུར་ཏོ།། ཁྱོད་ཀྱིས་ནི་ལྷ་དང་ལྷ་མ་ཡིན་གྱི་གཡུལ་དུ་མར་རྣམ་པར་རྒྱལ་བ་བརྙེས་ལ། རྒྱལ་བ་བརྙེས་པར་འགྱུར་གྱིས། ཁྱོད་ཀྱི་དེ་དག་དགོངས་ཏེ་བཞེངས། ལྷའི་དབང་པོ་དང་བཅས་པ་ལས་རྒྱལ་བར་སྤྱོད་ཅིག། ལྷ་མ་ཡིན་གྱི་དབང་པོ་མེ་ཏོག་འཕྲེང་གིས་དེ་དག་ཐམས་ཅད་ཡིད་ལ་བཟུང་ནས། མཚོན་ཆ་དང་ལག་ཆ་རྣམ་པ་སྣ་ཚོགས་ཐོགས། ལྷ་མ་ཡིན་བྱེ་བ་དུ་མས་ཡོངས་སུ་བསྐོར། ནམ་མཁའི་ཕྱོགས་ཐམས་ཅད་སྒྲ་རྣམས་ཀྱིས་ཡོངས་སུ་འགེངས་ཤིང་། དེ་དག་ལྷ་དང་ལྷ་མ་ཡིན་གྱི་གཡུལ་ག་ལ་བ་དེར་འདྲོང་བར་བྱེད་དོ། ། ལྷ་མ་ཡིན་གྱི་དབང་པོ་སྒྲ་ག་ཅན་གྱིས་སྟོང་སྙེད་འོང་བ་མངོན་པར་མཐོང་ནས། བརྟན་པ་ལ་སྨྲས་པ། འདི་དག་ནི་ལྷ་མ་ཡིན་གྱི་དབང་པོ་མེ་ཏོག་འཕྲེང་ཡིན་ཏེ། བདག་ཅག་གི་འབྱོར་པར་བྱ་བ་དང་། ལྷ་རྣམས་ཕམ་པར་བྱ་བའི་ཕྱིར་འོང་གིས། ལྷ་མ་ཡིན་དག་སླར་ཟློགཅིག། འདི་ནི་ལྷ་མ་ཡིན་གྱི་དབང་པོ་བདག་ཅག་གི་འབྱོར་པར་བྱ་བའི་ཕྱིར་འོང་ངོ་།། དེ་ཐོས་ནས་ལྷ་མ་ཡིན་དག་དེ་ནས་ཡང་གཡུལ་འགྱེད་པའི་ཕྱིར་ཕྱིར་ལོག་གོ། ། དེ་ནས་ཡང་དེ་དག་རྒྱལ་ཆེན་བཞིའི་ལྷ་རྣམས་ག་ལ་བ་དེར་ལྷགས་སོ།། དེ་དག་ལྷགས་པ་ན་ལྷ་རྣམས་ཀྱིས་འདི་སྐད་ཅེས་སྨྲས་སོ། ། དུད་འགྲོ་ཁྱེད་ཡུལ་ཇི་སྲིད་ཅིག་ཏུ་དེ་སྐྱོང་བར་བྱེད། གཏི་མུག་གིས་བསྒྲིབས་པ་ཁྱེད་རྣམས་རང་གི་དཔུང་གཞིག་པར་བྱ་བའི་ཕྱིར་ཡང་ཕྱིར་ལྡོག་གམ། དེ་སྐད་སྨྲས་ནས། དེ་ནས་ཡང་ལྷ་རྣམས་ལྷ་མ་ཡིན་ག་ལ་བ་དེར་བརྒྱུགས་སོ། ། དེ་ནས་མེ་ཏོག་འཕྲེང་གིས། ལྷ་མ་ཡིན་དེ་དག་ལ་འདི་སྐད་ཅེས་སྨྲས་སོ།། ལྷ་མོ་ཡིན་རྣམས་བཟླུམས་ཏེ་འཁོད་པ་ཅི་སེམས། ལྔ་རྣམས་ལ་གནོད་པ་ཅིའི་ཕྱིར་མི་བྱ། སོ་སོར་མི་མཐུན་པར་འཁོད་པ། ལྷ་རྣམས་ཕམ་པར་མི་བྱ་འམ། འདི་ནི་བདག་གནས་པ་གཅིག་པུས་ལྷ་ཐམས་ཅད་ལས་རྒྱལ་བར་ནུས་ན། གང་ལྷ་མ་ཡིན་གྱི་དབང་པོ་བརྟན་པ་དང་། སེང་གེ་མོའི་བུ་སྒྲ་གཅན་བདག་ཅག་གི་གྲོགས་སུ་གྱུར་པས། སྨོས་ཀྱང་ཅི་དགོས་ཏེ། འཇིགས་པར་མ་བྱེད་ཅིག། ཁྱེད་ཅག་ཀུན་ཀྱང་ཐམས་ཅད་དུ་གཡུལ་གྱི་འཇིགས་པ་མེད་པ་ཡིན་ན། སྒྱིད་ལུག་པ་དེས་མཆོག་གམ། ལྷ་མ་ཡིན་རྣམས་རྒྱལ་བར་གྱུར་ཅིག། ལྷ་མ་ཡིན་རྣམས་མཐུ་རྩལ་དང་བཅས་པས་རྣམ་པར་རྒྱལ་བར་གྱུར་ཅིག། དེ་སྐད་ཅེས་སྨྲས་ནས། དེ་ནས་ལྷ་མ་ཡིན་གྱི་དབང་པོ་མེ་ཏོག་འཕྲེང་ལྷ་མ་ཡིན་གྱི་དབང་པོ་རྣམས་དང་ལྷན་ཅིག། ལྷ་མེ་ཏོག་འཕྲེང་ཐོགས་དང་། རྟག་མྱོས་གནས་དང་། ལག་ན་ཡོལ་གོ་ཐོགས་པ་དང་། པི་ཝང་ཅན་གསུམ་པ་ལྷའི་དབང་པོ་རྣམས་བཻ་ཌཱུརྨའི་རིའི་རྩེ་མོར་འཛེགས་ཏེ་འཁོད་ཅིང་ཐམས་ཅད་དུ་ཁྱབ་པར་བྱས་ནས། སྲེད་པ་སྐྱེ་སྟེ། འདི་ལྟར་སུམ་ཅུ་རྩ་གསུམ་པའི་ལྷ་རྣམས་དང་། བརྒྱ་བྱིན་མེད་ཀྱང་བདག་ཅག་འབའ་ཞིག་གིས་ལྷ་མ་ཡིན་རྣམས་ཆོས་གཅིག་དང་བཅས་པས་ལན་དུ་མར་ཐུབ་པར་བྱས་སོ། ། དེ་དག་གིས་དེ་སྐད་སྨྲས་པ་དང་། ལྷ་མ་ཡིན་རྣམས་ཀྱིས་རྒྱ་མཚོ་དེ་ཉིད་ཁྱབ་པར་བྱས་ནས། དེ་ནས་ཡང་གཡུལ་འགྱེད་པར་འབྱུང་ངོ་།། དེ་ནས་ལྷ་རྣམས་ཀྱིས་ལྷ་མ་ཡིན་དེ་དག་འོང་བ་མངོན་པར་མཐོང་ནས་སྨྲས་པ། འདི་ལྟར་ལྷ་མ་ཡིན་བདག་ཉིད་ཐམས་ཅད་དཔུང་ཆེས་འཕེལ་ཏེ་འོང་གིས། འདི་དག་ནི་ངེས་པར་ལྷ་མ་ཡིན་གྱི་དབང་པོ་གསུམ་པ་མེ་ཏོག་འཕྲེང་ཡིན། ཏེ། དེ་དག་འོང་བ་ལྟ་ཞིག། དེ་དག་ལ་དེ་སྐད་སྨྲས་པ་དང་། ལྷ་མ་ཡིན་གཡུལ་འགྱེད་པར་མདུན་ཉིད་ན་འཁོད་དོ།། དེ་ནས་ལྷ་རྣམས་ཀྱིས་དེ་དག་མཐོང་ནས་སྨྲས་པ། ཁྱེད་གང་གིས་བསླུས་ནས་འོངས། ད་དུང་དུ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་མར་འཛིན་པ། ཕར་འཛིན་པ། དགེ་སྦྱོང་དུ་འཛིན་པ། བྲམ་ཟེར་འཛིན་པ། དགེ་བ་དོན་དུ་གཉེར་བ། དགེ་བ་ལ་ཞུགས་པ་ཡོད་དེ། དེ་དག་ཤི་བའི་དུས་བྱས་ནས་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། ། དེ་ནི་ངེད་ཡིན་ཏེ། ཁྱེད་པས་ཆེས་དཔུང་ཆེ་ལ་ཆེས་གཙོ་བོ་ཡིན་ནོ།། དེ་ལྟ་བས་ན་ཆོས་བསྒྲུབས་པ་བདག་ཅག་ལ་ཁྱེད་ཀྱིས་མངོན་པར་མ་གཙེ་ཞིག། བདག་ཅག་ལ་ཁྱེད་ཀྱིས་ཅིའི་ཕྱིར་གཙེ། དེ་ནས་དེ་སྐད་སྨྲས་པ་དང་། ལྷ་མ་ཡིན་རྣམས་ཀྱིས་ལྷ་རྣམས་ཀྱི་ཚིག་རྩིས་ལ་མ་ཆགས་པར་བྱས་ནས། ལྷ་རྣམས་དང་གཡུལ་འགྱེད་པའི་ཕྱིར་ལྷགས་སོ།། དེ་ནས་ལྷ་རྣམས་ཡང་ལྷ་མ་ཡིན་རྣམས་ག་ལ་དེར་ནམ་མཁའ་བཀང་ནས། ལྷ་མ་ཡིན་གཞོམ་པའི་ཕྱིར་དང་། དེ་དག་ཕན་ཚུན་རྒྱལ་བར་བྱ་བའི་ཕྱིར་འདོང་བར་བྱེད་དེ།། དེ་ནས་དེ་དག་གཡུལ་གྱི་རྣམ་པ་དེ་ལྟ་བུ་བཀྱེ་སྟེ། སྒྲ་གང་གིས་རྒྱ་མཚོ་ན་གནས་པ་ཉ་དང་། སྲོག་ཆག་དུང་དང་། ཆུ་སྲིན་དང་། ཆུ་སྲིན་བྱིས་པ་གསོད་པ་དང་། ཉ་མིད་དང་། ཉ་མིང་ཆེན་པོ་དང་། ཆུ་སྲིན་ན་ཀྲ་དང་། ཆུ་སྲིན་དུན་དྷུ་གསོད་མང་པོ་རྣམས་ཀྱི་སྙིང་བརྒྱ་འམ། སྟོང་དུ་རྣམ་པརགས་སོ།། དེ་དག་མཚོན་ཆ་དཔེ་མེད་པ་དུ་མ་ཆར་གྱི་རྒྱུན་ལྟར་ཤིན་ཏུ་འབབ་པས། ལྷ་དང་ལྷ་མ་ཡིན་གཡུལ་བཀྱེའོ།། ལྷ་མ་ཡིན་གྱི་དབང་པོ་མེ་ཏོག་འཕྲེང་གིས་ལྷ་མ་ཡིན་དེ་དག་བཀྱེ་ནས། གཅིག་པུ་འདུག་སྟེ། ལྷ་རྣམས་ལ་འདི་སྐད་སྨྲའོ།། ང་ཉིད་ཀྱིས་ཡུན་རིང་དུ་གཡུལ་འདིར་མ་འདུག་སྟེ། དེ་འདུག་ན་ནི་རྣམ་པར་རྒྱལ་བ་ཐོབ་པས། དང་ཁྱེད་རྣམས་གཞོམ་པའི་ཕྱིར་དང་། ལྷ་མ་ཡིན་རྣམས་འབྱོར་པར་བྱ་བའི་ཕྱིར་འོངས་པ་ཡིན་ནོ།། ང་འབའ་ཞིག་འདུག་པས། ལྷ་དབང་པོ་དང་བཅས་པས་ཡང་མདུན་དུ་འདུག་མི་ནུས་ན། རྒྱལ་ཆེན་བཞིའི་ལྷ་འབའ་ཞིག་ལྟ་སྨོས་ཀྱང་ཅི་དགོས་ཏེ། ངས་ཕམ་པར་བྱའོ།། དེ་སྐད་སྨྲས་ནས། ལྷ་རྣམས་ག་ལ་བ་དེར་འགྲོ་བར་བྱེད་དོ།། ལྷ་ལག་ན་ཡོལ་གོ་ཐོགས་པ་རྣམས་ཀྱིས་དེ་འོང་བར་མངོན་པར་མཐོང་ནས། ལྷ་མ་ཡིན་གྱི་དབང་པོ་མེ་ཏོག་འཕྲེང་དེ་གཞོམ་པའི་ཕྱིར་ག་ལ་བ་དེར་འདོང་བར་བྱེད་དོ།། དེ་ནས་རྒྱ་མཚོའི་དབུས་ནས་རི་དཔག་ཚད་ལྔ་པ་དང་། དཔག་ཚད་བཞི་པ་དང་དཔག་ཚད་གསུམ་པ་དང་དཔག་ཚད་གཟིས་པ་དང་དཔག་ཚད་ཀྱི་ཚད་ནི་རབ་ཏུ་འབར་བ་དག་ཕྱུང་ཞིང་ལྷ་ལག་ན་ཡོལ་གོ་ཐོགས་པ་དག་ག་ལ་བ་དེར་འཕེན་པར་བྱེད་དོ། ། དེ་འཕེན་པ་ན་ལྔ་ལག་ན་ཡོལ་གོ་ཐོགས་པ་རྣམས་ཀྱིས་ཆོས་རྗེས་སུ་དྲན་པར་བྱས། དཀོན་མཆོག་གསུམ་ལ་སྐྱབས་སུ་སོང་ནས། མདའི་རྒྱུན་རྣམས་ཀྱིས་རི་དེ་དག་རྒྱ་མཚོའི་དབུས་དེར་བྱེ་མ་ཆང་པ་ནས་གཏོར་པབ་བཞིན་དུ་གཏོར་ཏོ། ། མེ་ཏོག་འཕྲེང་དེས་ལས་ཀྱི་འབྲས་བུ་དེ་དག་མེད་པར་མངོན་པར་མཐོང་ནས། ལག་ན་དབྱུག་ཟོ་ཐོགས་ཏེ། ལྷ་ལག་ན་ཡོལ་གོ་ཐོགས་པ་ག་ལ་བ་དེའི་མདུན་ཉིད་དུ་འདུག་གོ། ། དེ་དག་འཁོར་དང་བཅས། དཔུང་དང་མཐུ་དང་བཅས་པ་འོང་བ་མངོན་པར་མཐོང་ནས།། ཆར་ག་ནམ་ལྕགས་ལྟ་བུའི་མཐུ་ཡིས་དབྱུག་ཐོ་དོགཅོད་པར་བྱེད་ཅིང་། ལྷ་མ་ཡིན་དེ་དག་ཉམས་སྨད་དེ། དེ་ལྟར་དེ་ཕམ་པར་བྱས་སོ།། ལྷ་མ་ཡིན་གྱི་དབང་པོ་བརྟན་པའང་ལྔ་རྟག་ཏུ་མྱོས་གནས་ག་ལ་བ་དེར་གཡུལ་འགྱེད་པའི་ཕྱིར་མཚོན་ཆ་ཀུན་འཇོམ་དཔག་ཚད་ཙམ་བླངས་ནས་འདོང་བར་བྱེད་དོ། ། དེ་ནས་ལྷ་མ་ཡིན་གྱི་རྒྱལ་པོས། ལྷ་དེ་དག་ལ་འདི་སྐད་སྨྲས་སོ།། འདི་ལྟར་དི་རིང་བདག་གིས་ཐམས་ཅད་ལས་རྒྱལ་བར་བྱ་སྟེ། ཐམས་ཅད་མཚོན་ཆ་ཀུན་འཇོམ་གྱིས་གཤིན་རྗེའི་གནས་ག་ལ་བ་དེར་ཉེ་བར་བཀྱེའོ་ཞེས་དེ་སྐད་སྒྲུ་བསྒྲགས་ནས། ལྷ་རྟག་ཏུ་མྱོས་གནས་རྣམས་ག་ལ་བ་དེར་འདོང་བར་བྱེད་དོ།། འཇིག་རྟེན་སྐྱོང་བ་རྣམས་ཀྱིས་དེ་འོང་བ་མངོན་པར་མཐོང་ནས།
CLOSE WINDOW