| Wylie | e-texts produced with ocr Programm |
། རྒྱ་གར་སྐད་དུ། ཨཱརྱ་སུ་བི་ཀྲཱན་ཏ་ཙི་ན་ཏ་དེ་བ་པུཾ་ཏྲ་པ་རི་པྲྀཙྪ་ནཱ་མ་མ་ཧཱ་ཡཱན་སཱུ་ཏྲ། བོད་སྐད་དུ། འཕགས་པ་ལྷའི་བུ་རབ་རྩལ་སེམས་ཀྱིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་ཁྲིའོ་དགེ་སློང་གི་དགེ་འདུན་ཆེན་པོ་དང་འཇིག་རྟེན་གྱི་ཁམས་གཞན་དག་ནས་འདུས་པའི་བྱང་ཆུབ་སེམས་དཔའ་སྟོང་ཕྲག་རབ་ཏུ་མང་པོ་དང་། འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷའི་བུ་རྣམས་དང་། དེ་ལས་གཞན། ལྷའི་བུརྣམཱ་དང་། ཀླུའི་རྒྱལ་པོ་རྒྱ་མཚོ་ལ་སོགས་པ་གནོད་སྦྱིན་གྱི་འཁོར་མང་པོ་རྣམས་དང་། ནམ་མཁར་ལྡིང་གི་རྒྱལ་པོ་སྟོབས་ཆེན་ལ་སོགས་པ་ནམ་མཁའ་ལྡིང་གི་འཁོར་མང་པོ་རྣམས་དང་། ལྷ་མ་ཡིན་གྱི་དབང་པོ་སྒྲ་གཅན་ལ་སོགས་པ་ལྷ་མ་ཡོན་གྱི་འཁོར་མང་པོ་རྣམས་དང་། མོ་འམ་ཅིའི་རྒྱལ་པོ་ལྗོན་པ་ལ་སོགས་པ་མི་འམ་ཅིའི་འཁོར་མང་པོ་རྣམས་དང་། ལྟོ་འཕྱེ་ཆེན་པོའི་དབང་པོ་ལག་བཟངས་ལ་སོགས་པ་ལྟོ་འཕྱེ་ཆེན་པོའི་འཁོར་མང་པོ་རྣམས་དང་། རྒྱལ་པོ་ཆེན་པོ་བཞི་འཁོར་དང་བཅས་པ་རྣམས་དང་། ལྷའི་དབང་པོ་བརྒྱ་བྱིན་ལྷའི་བུ་སྟོང་ཕྲག་མང་པོའི་འཁོར་དང་བཅས་པ་དང་། མི་མཇེད་ཀྱི་བདག་པོ་ཚངས་པ་ཚངས་རས་ཀྱི་ལྷའི་བུ་འབུམ་ཕྲག་དུ་མའི་འཁོར་དང་བཅས་པ་དང་། རྒྱལ་པོ་གསལ་རྒྱལ་འཁོར་སྟོང་ཕྲག་དུ་མ་དང་བཅས་པ་དང་ཁྱིམ་བདག་མགོན་མེད་ཟས་སྦྱིན་འཁོར་དང་བཅས་པ་དང་ཐབས་ཅིག་ཏུ་བཞུགས་ཏེ། དེ་དག་ལ་སོགས་པ་འཁོར་བཞི་པོ་རྣམས་ཀྱིས་ཡོངས་སུ་བསྐོར་ཅིང་མདུན་གྱིས་བལྟས་ཏེ་ཆོས་སྟོན་ཏོ། ། དེའི་ཚེ་ན་འཇམ་དཔལ་གཞོན་ནུར་གྱུར་པ་འཁོར་དེ་ཉིད་དུ་འདུས་པར་གྱུར་ཏེ་འདུག་གོ།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་རབ་རྩ་ལ་སེམས་ཀྱང་འདུས་པར་གྱུར་ཏེ་འདུག་གོ། དེ་ནས་ལྷའི་བུ་རབ་རྩལ་སེམས་ཀྱིས་འཁོར་ཕལ་པོ་ཆེ་དེ་འདུས་པར་རིག་ནས། སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འད་སྐད་ཅེས་གསོལ་ཏོ། ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་གཞན་གྱི་དྲང་མི་འཇོག་པ་རྣམས་ལགོས། ཇི་ལྟར་ན་བྱང་ཆུ་སེམས་དཔའ་སེམས་དཔ་ཆེན་པོ་བརྩམ་པ་ཐམས་ཅད་ལ་བརྩོན་འགྲུས་བརྟན་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསོད་ནམས་དག་གིས་མངོན་པར་འཕགས་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་ཀྱིས་ཆགས་པ་མ་མཆིས་པར་སྤྱོད་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱིས་མུན་པ་དང་བྲལ་བ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་རྣམས་ཀྱི་ནང་དུ་འཇིགས་པ་དང་བྲལ་བ་རྣམས་ལགས། ཇི་ལྟརན་བྱང་ཆུབ་སེམས་དཔའ་སེམས་དཔའ་ཆེན་པོ་ཐོས་པས་དོན་ལ་རྟོན་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་གྱི་ཚུལ་གྱིས་ཆོས་ལ་རྟོན་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་བཅོམ་ལྡན་འདས་རྣམས་ཀྱིས་གསུངས་པ་བཞིན་དུ་སྨྲ་བ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་རྣམས་ལ་ཆོས་སྨྲ་བ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་མངོན་པར་ཤེས་པ་རྣམས་ཀྱིས་མངོན་པར་འཕགས་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བདུད་ཐམས་ཅད་ཀྱིས་ཐུལ་བར་དཀའ་བ་རྣམས་ལགས། འཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བློས་གཏིང་དཔག་དཀའ་བ་རྣམས་ལགས། ཇི་ལྟར་ན་བྱང་ཆུབ་སེམ་དཔའ་སེམ་དཔའ་ཆེན་པོ་འཇིག་རྟེན་གྱི་ཆོས་བརྒྱད་ཀྱིས་མི་གོས་རྣས་ལ། ། ཇི་ཀྟན་བྱང་ཆུབ་སེམས་དཔའ་སེམས་དཔའ་ཆེན་པོ་གཏིང་དཔག་དཀའ་ཞིང་ཟབ་མོ་ལ་སྤྱོད་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་སྟོན་པས་དབང་པོ་ལ་མཁས་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འདུས་མ་བྱས་དང་མ་འདྲེས་པས་རྣམ་པར་ཐར་པའི་སྒོར་གནས་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལྷག་པའི་ང་རྒྱལ་ཅན་ཆར་གཅད་པའོ་སླད་དུ་སྣརེལ་ཞིར་བསྒྲུབ་པ་ལ་མཁས་པ་རྣམས་ལགས། ཇི་ལྟར། བྱང་ཆུབ་སེམས་དཔའ་སེམས་དཔའ་ཆེན་པོ་ལས་ཀྱི་བགྱི་བ་ཐམས་ཅད་ཀྱི་རྒྱུ་ལ་མཁས་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལྟ་བའི་རྣམ་པ་དང་བྲལ་ཞིང་རྟེན་ཅི་འབྲེལ་པར་འབྱུང་བ་ལ་མཁས་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཡོངས་སུ་སྨིན་པར་བགྱི་བ་དག་ལ་ཐབས་ལ་མཁས་པ་རྣམས་ལགས་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་པ་ཡོངས་སུ་དག་པས་བརྟུལ་ཞུགས་གྲུབ་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཞེ་འགྲས་པའོ་སེམས་མ་མཆིས་ཤིང་བཟོད་པའི་སྟོབས་དང་ལྡན་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་ཐམས་ཅད་ཀྱི་ཕ་རོལ་ཏུ་སོན་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་ཉེ་བར་འཚོ་བ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་ཐམས་ཅད་མངོན་པར་འདུ་བར་འགྱུར་བ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྲོག་ཆགས་ཐམས་ཅད་ཀྱིས་བསྔགས་པར་འགྱུར་བ་རྣམས་ལགས་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་སྤྱོད་པ་ཐམས་ཅད་ལ་རྨས་པ་མ་མཆིས་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་དག་ལ་རྒྱ་མཚོ་ལྟ་བུ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ལ་དབང་སྒྱུར་བས་དབང་ཕྱུག་ཏུ་གྱུར་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འགྱི་བ་ཐམས་ཅད་ལ་སློབ་དཔོན་དུ་གྱུར་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་དུ་ཁན་མ་ཐོ་བ་མ་མཆིས་ཤིང་ཡོན་ཏན་རྣམ་པ་ཐམས་ཅད་དང་ལྡན་པ་རྣམས་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ལྷའི་བུར་རབརྩལ་སེམས་ལ་འདི་སྐད་ཅེས་བཀའ་སྩལ་ཏོ།། རབ་རྩལ་སེམས་ལེགས་སོ་ལེགས་སོ། ། ལྷའི་བུ་ཁྱོད་བྱང་ཆུབ་སེམས་དཔའ་སེམས་དཔའ་ཆེན་པོ་འཇོག་རྟེན་ཐམས་ཅད་ལས་མངོན་པར་འཕགས་པ། འཇིག་རྟེན་གྱི་ཡོངས་སུ་འདྲེན་པ། སྙིང་རྗེ་ཆེན་པོ་དང་ལྡན་པ། བསྐལ་པ་གྲངས་མེད་པ་ནས་གོ་ཆ་བགོས་པ། བརྩོན་འགྲུས་ཤིན་ཏུ་བརྟན་པ། དེད་དཔོན་ཆེན་པོ། སེམས་ཅན་དཔག་ཏུ་མེད་པའི་དོན་བྱེད་པ། སེམས་ཅན་དཔག་ཏུ་མེད་པ་ཐང་བདེ་བ་ལ་རབ་ཏུ་འགོད་པ་ལ་མཁས་པ། ཡོན་ཏན་དཔག་ཏུ་མེད་པ་དང་ལྡན་པ་རྣམས་ཀྱི་དོན་དུ་དེ་བཞིན་གཤེགས་པ་ལ་ཡོངས་སུ་ཞུ་བ་ནི་ཡང་ཁྱོད་ལེགས་སོ།། ལྷའི་བུ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོན་ཏན་གྱི་ཁྱད་པར་དེ་དག་དང་། གཞན་དག་ཀྱང་འཐོབ་པར་འགྱུར་བ་ངས་ཁྱོད་ལ་བཤད་པར་བྱའོ།། ལྷའི་བུ་རབ་རྩལ་སེམས་ཀྱིས་བཅོམ་ལྡན་འདས་དེ་ལྟར་འཚལ་ལོ་ཞེས་གསོལ་ཏོ།། བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། ལྷའི་བུ་བྱང་ཆུབ་ས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ། ཐེག་པ་ཆེན་པོ་ལ་གཞན་གྱི་དྲིང་མི་འཇོག་པ་རྣམས་ཡིན་ཏེ། བཞི་གང་ཞེ་ན། ཐབ་མཁས་པས་མངོན་པར་བསྒྲུབ་པའི་ཤེས་རབ་དང་། སྙིང་ཆེན་པོས་མངོན་པར་བསྒྲུབས་པའི་བྱམས་པ་དང་། དོན་དང་ཆོས་ཀྱིས་མངོན་པར་བསྒྲུབས་པའི་སྤོབས་པ་དང་། བྱང་ཆུབ་ཀྱི་ཡན་ལག་གི་རྣམ་པར་མངོན་པར་བསྒྲུབས་པའི་མངོན་པར་ཤེས་པ་ལྔ།། ། པོ་དག་སྟེ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན།། ཐེག་པ་ཆེན་པོ་ལ་གཞན་གྱི་དྲང་མི་འཇོག་པ་རྣམས་ཡིན་ནོ།། དེ་ལ་འདི་སྐད་ཅེས་བྱ་སྟེ། ཐབ་ལ་མཁས་པ་མངོན་པར་སྒྲུབ་པར་བྱེད་པ་ཡི། ། མངོན་སུམ་ཤེས་རབ་རྟོགས་པར་ཁོང་དུ་ཆུད་གྱུར་ཅིང་། ཐམས་ཅད་བསྐྱབ་ཕྱིར་སྙིང་རྗེ་ཆེན་པོ་ཡངས་པ་ལ།། གནས་པའི་བྱམས་པ་མངོན་པར་སྒྲུབ་པར་བྱེད་གྱུར་ལ། ། དོན་དང་ཆོས་ལ་ཤིན་ཏུ་མཁས་པར་འགྱུར་བ་ཡི། སོ་སོ་ཡང་དག་རིག་ལ་སྤོབས་པ་ཐོབ་གྱུར་ལ།། བྱང་ཆུབ་ལམ་ལ་མངོན་ཤེས་དག་གིས་རྣམ་རྩ་ན།། དེས་ན་གཞན་གྱི་དྲིང་ལ་འཇོག་པར་མི་འགྱུར་རོ། ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། བརྩམ་པ་ཐམས་ཅད་ལ་བརྩོན་འགྲུས་བརྟན་པ་རྣམས་ཡིན་ཏེ། བཞི་གང་ཞེ་ན། ཕྱིར་མ་ལྡོག་པའི་བརྩོན་འགྲུས་དང་། བསམ་པ་དག་པའི་རྟུལ་བ་དང་། བྱང་ཆུབ་ལ་འདུན་པ་དྲག་པོ་དང་ལྡན་པ་དང་། སངས་རྒྱས་ཀྱི་ཆོས་ཡོངས་སུ་བསྒྲུབ་པ་ལ་ཡིད་ཡོངས་སུ་མི་སྐྱོ་བ་དང་ལྡན་པ་སྟེ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན། བརྩམ་པ་ཐམས་ཅད་ལ་བརྩོན་འགྲུས་བརྟན་པ་ཡིན་ནོ།། དེ་ལ་འདི་སྐད་ཅེས་བྱ་སྟེ། བརྩོན་འགྲུས་བརྟན་ཞིང་། རབ་ཏུ་གནས་པ་མེད་གྱུར་ཅིང་།། བསམ་པ་རྙོག་པ་མེད་ཅིང་ཡོངས་སུ་དག་གྱུར་ལ།། སངས་རྒྱས་ཡེ་ཤེས་དོན་ཕྱིར་འདུན་པ་དྲག་ལྡན་ཞིང་།། སངས་རྒྱས་ཆོས་རྣམས་འདོད་ཅིང་རྟག་ཏུ་ཡོངས་མི་སྐྱོ། གང་ལ་ཆོས་པོན་རྒྱ་ཆེན་ཁྱད་པར་དེ་ཡོད་པ།། དེ་ནི་བྱང་ཆུབ་སེམས་འབྱུང་བརྩམ་པ་བརྟན་འགྱུར་ཞིང་།། བྱང་ཆུབ་ཡན་ལག་ལག་མཐིལ་བཞག་པ་བཞིན་འགྱུར་ལ།། རིང་པོ་མི་ཐོགས་འཇིག་རྟེན་གསུམ་གྱི་ཆོས་རྒྱལ་འགྱུར། ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། བསོད་ནམས་དག་གིས་མངོན་པར་འཕགས་པ་རྣམས་ཡིན་ཏེ།། ། བཞི་གང་ཞེ་ན། བྱང་ཆུབ་སེམས་དཔའ་རྣམས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་འདོམས་པར་བྱེད་པ་དང་། སེམས་ཅན་གང་དག་བྱང་ཆུབ་ཏུ་སེམས་མ་སྐྱེད་པ་དེ་དག་བྱང་ཆུབ་ཏུ་སེམས་བསྐྱེད་དུ་འཇུག་པ་དང་། སྤྲུལ་པ་ལྟ་བུར་དུས་གསུམ་ཡོངས་སུ་སྤྲོ་བ་དང་། བྱང་ཆུབ་ཀྱི་སེམས་མ་བྲལ་བས་དགེ་བའི་རྩ་བ་ཐམས་ཅད་སྐྱེད་པ་མངོན་པར་འདུ་བྱེད་པ་སྟེ། ཆོས་བཞི་པོ་དེ་དག་དང་ལྡན་པའོ། ། དེ་ལ་འདི་སྐད་ཅེས་བྱ་སྟེ། མཁས་པ་གང་དག་ཤེས་རབ་ཕ་རོལ་ཕྱིན་འདོམས་ཤིང་།། བྱང་ཆུབ་ཞུགས་པས་བྱང་ཆུབ་སེམས་འཛིན་འཇུག་བྱེད་ལ།། གང་དག་བྱང་ཆུབ་ཞུགས་པས་དུས་གསུམ་ཡི་རང་ཞིང་། ། ཡིད་དང་མ་བྲལ་སྤྲུལ་འདྲ་བྱང་ཆུབ་འདོད་བྱེད་ལ།། དགེ་བ་གང་ཡིན་ཅུང་ཟད་བྱེད་པ་ཐམས་ཅད་ནི།། ཐམས་ཅད་མཁྱེན་ཉིད་སེམས་ལ་རྟེན་པར་བྱེད་པ་ཡིན།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ཡེ་ཤེས་ཀྱིས་ཆགས་པ་མེད་པར་སྤྱོད་པ་རྣམས་ཡིན་ཏེ། བཞི་གང་ཞེ་ན། ཤེས་པས་བྱས་པའི་བྱ་བ་རྣམས་བྱེད་ཅིང་ང་རྒྱལ་གྱིས་བྱ་བ་རྣམས་མི་བྱེད་པ་དང་། ཆོས་ཐམས་ཅད་རྐྱེན་ལ་རག་ལས་ཤིང་བྱིན་གྱིས་རློབ་པ་མེད་ལ་གང་ཟག་དང་བྲལ་བར་ཤེས་པ་དང་། སྟོང་པ་ཉིད་ཀྱི་སྤྱོད་ཡུལ་དུ་གྱུར་ཅིང་། སེམས་ཅན་ཐམས་ཅད་མི་གཏོང་བའི་བསམ་པ་དང་ལྡན་པ་དང་། ཆགས་པ་ཐམས་ཅད་ལས་ཡང་དག་པར་འདས་ཤིང་སྐྱེ་མཆེད་དྲུག་ཡོངས་སུ་ཤེས་པ་སྲུང་བ་སྟེ། ཆོས་བཞི་པོ་དེ་དག་དང་ངོ་།། དེ་ལ་འོད་སྐད་ཅེས་བྱ་སྟེ། ཤེས་པས་ལས་བྱེད་དེ་དག་ང་རྒྱལ་ཡོད་མིན་ཞིང་།། བརྟན་ལ་མཁས་པ་ཡིན་ཞིང་དེ་དག་ལྟ་མེད་ལ།། སྟོང་ཉིད་སྤྱོད་ཡུལ་དེ་དག་སེམས་ཅན་མི་གཏོང་ཞིང་།། ཆགས་པ་ཀུན་ལས་འདས་ཤིང་ཕྱི་ནང་གནས་པ་མེད། ། ཆོས་མཆོག་བཞི་པོ་དེ་ལ་ཤིན་ཏུ་རབ་གནས་པ།། ཤེས་པས་ཕ་རོལ་ཕྱིན་ཅིང་ཆགས་མེད་སྤྱོད་པ་ཡིན།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ཤེས་རབ་ཀྱི་མུན་དང་བྲལ་བ་རྣམས་ཡིན་ཏེ། བཞི་གང་ཞེ་ན། ཐོས་པས་ངོམས་པ་མེད་ཅིང་ཚུལ་བཞིན་ལ་རབ་ཏུ་སྦྱོར་བ་དང་། ཟང་ཟིང་མེད་པའི་སེམས་ཀྱིས་ཆོས་སྟོན་པ་དང་། ཆོས་ཀྱི་དབྱིངས་དབྱེར་མེད་པ་ཤེས་པར་བྱ་བའི་ཕྱིར་ཉོན་མོངས་པ་ཐམས་ཅད་ལ་སྒྱུ་མ་ལྟ་བུར་སོ་སོར་རྟོག་པ་དང་། ཚུལ་གཅིག་ལ་འཇུག་པས་ཚུལ་ཐམས་ཅད་ཀྱི་འཇུག་པ་ལ་འཇུག་པ་སྟེ། ཆོས་བཞི་པོ་དེ་དག་དང་ངོ་། ། དེ་ལ་འདི་སྐད་ཅེས་བྱ་སྟེ། དེ་དག་ཐོས་ཚོལ་ངོམས་མེད་ཚུལ་བཞིན་རྟོག་བྱེད་ཅིང་།། དེ་མཉམ་སྟོན་ཅིང་ཀློག་འཛིན་རྙེད་པ་ཚེལ་མ་བྱེད།། ཉོན་མོངས་སྤྲིན་འདྲ་སྒྱུ་མ་རྨི་ལམ་ལྟ་བུར་ལྟ།། ཆོས་ཉིད་ཐ་དད་མི་བྱེད་དེ་དག་ཚུལ་གཅིག་འཇུག། ཆེ་བདག་ཆོས་བཞི་དེ་སྟེན་ཁྱད་པར་ཐོབ་འགྱུར་ཞིང་།། ཤེས་རབ་སྒྲོན་འདས་མུན་བསལ་ཟླ་ལྟར་འཇིག་རྟེན་རྒྱུ།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། འཁོར་རྣམས་ཀྱི་ནང་དུ་འཇིགས་པ་དང་བྲལ་བ་རྣམས་ཡིན་ཏེ། བཞི་གང་ཞེ་ན། ཐོས་པ་ཐམས་ཅད་འཛིན་པའི་གཟུངས་ཐོབ་པ་དང་། སེམས་ཅན་ཐམས་ཅད་ཀྱི་ཐེ་ཙོམ་གཅོད་པའི་སྤོབས་པ་ཐོབ་པ་དང་། སེམས་ཅན་ཐམས་ཅད་ལ་བདག་མེད་པ་སྟོན་པའི་སྙིང་རྗེ་ཆེན་པོ་དང་། བདུད་དང་ཉོན་མོངས་པ་དང་བྲལ་བ་མངོན་པར་ཤེས་པའི་ཡེ་ཤེས་ཀྱི་གོ་ཆ་བགོས་པ་སྟེ།། ཆེས་པོ་དེ་དག་དང་ངོ་། ། དེ་ལ་འདི་སྐད་ཅེས་བྱ་སྟེ། ཐོན་ཏུ་ཆུད་མི་ཟ་བར་འགྱུར་བའི་གཟུངས་ཐོབ་ཅིང་།། དེ་དག་སྤོབས་ལྡན་སེམས་ཅན་སོམ་ཉི་གཅོད་པར་བྱེད།། སྙིང་རྗེས་ཆོས་འདི་ཐམས་ཅད་བདག་མེད་སྟོན་བྱེད་ཅིང་། ། མངོན་ཤེས་ཤེས་པའི་གོ་བགོས་ཉོན་མོངས་བདུད་མང་ཉམས།། བྱང་ཆུབ་སེམས་དཔའ་ཆོས་བཞི་པོ་དག་གིས་འཇུག་ན།། འཁོར་ཀུན་ནང་དུ་སོང་ཡང་དེ་ལ་འཇིགས་པ་མེད། ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ཐོས་པས་དོན་ལ་རྟོན་པ་རྣམས་ཡིན་ཏེ། བཞི་གང་ཞེ་ན། ཐོས་པ་ཐམས་ཅད་མི་འཛིན་པས་ཐོས་པ་དང་མི་ལྡན་ཞིང་། སྒྲུབ་པ་ཉམས་པའི་བྱིས་པ་ཐམས་ཅད་ཡོངས་སུ་སྤོང་བ་དང་། ཡི་གེ་དང་། སྒྲ་དང་། སྐད་དང་། ཚིག་གི་ལམ་ཐམས་ཅད་མངོན་དུ་རྣམ་པར་ཤེས་པར་བྱ་བའི་ཕྱིར་བྲག་ཆ་དང་མཚུངས་པ་ཉིད་ཁོང་དུ་ཆུད་པ་དང་། དོན་འདོད་པ་ཉིད་ཀྱི་ཕྱིར་ཐོས་པ་ཡོངས་སུ་ཚོལ་ཞིང་དགའ་མགུར་བྱ་བའི་ཕྱིར་མ་ཡིན་པ་དང་། བརྗོད་པ་མེད་པའི་དོན་ལ་འཇུག་ཅིང་བརྗོད་པའི་དོན་ལ་ས་ཡིན་པ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། ཇི་ཙམ་མང་དུ་ཐོས་ཀྱང་དོན་ལ་མི་རྟོག་པས།། བྱིས་པ་ཐོས་དང་མ་ལྡན་རྟག་ཏུ་སྒྲུབ་ཆོས་ཉམས།། སྲིད་བསྣམ་སྔ་སྐད་དབྱངས་དང་ཚིག་ལམ་གང་ཡོད་པ། ། ཐག་ཆ་འདྲར་ཤེས་དེ་ལས་དོན་ལྡན་སྒྲ་ཐོས་ནས།། དོན་ཉིད་རྟོག་ཅིང་དགའ་མགུར་ཉེས་ཀུན་ཕྱིར་མོ་འཇུག། ཆོས་ཉིད་འདི་ནི་དོན་མཆོག་ཡིན་ཏེ། བརྗོད་དུ་མེད།། འདི་ན་དོན་དང་སྒྲ་སྐད་ཐོས་པར་གྱུར་པ་ལས།། འགྲོ་བ་རྣམས་སུ་འགྲོ་བར་བྱེད་ཅིང་འགྲོ་བར་འགྱུར།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། འཇིག་རྟེན་གྱི་ཚུལ་གྱིས་ཆོས་ལ་རྟོན་པ་རྣམས་ཡིན་ཏེ། བཞི་གང་ཞེ་ན། བྲེ་མོ་གཏམ་བྱེད་པ་རྣམས་ལ་ཆོས་སྟོན་པ་དང་། སྐྱེ་བོ་ཕལ་པོ་ཆེ་འདུས་པ་དག་ལ་འཆི་བ་རྗེས་སུ་དྲན་པ་དང་། གཏོང་བ་ཆེན་པོ་དག་ལ་རྗེས་སུ་ཡི་རང་ཞིང་བྱང་ཆུབ་ཏུ་ཡོངས་སུ་སྔོ་བ་དང་། འདུ་འཛི་ཐམས་ཅད་ལས་དབེན་པར་གཞོལ་བ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། གང་ཚེ་སྐྱེ་བོ་མང་པོའི་དབུས་སུ་སོན་གྱུར་པ།། དེར་ནི་མཁས་པས་ཆོས་ཀྱི་གཏམ་ལ་འཇུག་པར་བྱ།། སྐྱེ་བོ་མང་པོ་འདུས་པར་གྱུར་པའི་ཚོགས་རྣམས་ལ།། འཆི་བར་འགྱུར་བའི་འདུ་ཤེས་རབ་ཏུ་བསྒོམ་པར་བྱ། ། དེ་ནས་བག་ཡོད་གཞན་གྱི་གཏོང་བ་རྣམ་ལྔ་ཡི།། གཏོང་ལ་ཡི་རང་བྱས་ནས་བྱང་ཆུབ་བསྔོ་བྱ་ཞིང་།། གང་ཚེ་འདུ་འཛི་དག་དང་ཕྲད་པར་གྱུར་པོའི་ཚེ།། དེར་ནི་དབེན་པར་གཞོལ་བ་རབ་ཏུ་འདོད་པར་བྱ། ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། སངས་རྒྱས་བཅོམ་ལྡན་འདས་རྣམས་ཀྱིས་གསུངས་པ་བཞིན་དུ་སྨྲ་བ་རྣམས་ཡིན་ཏེ། བཞི་གང་ཞེ་ན། བྱང་ཆུབ་ཀྱི་སེམས་མི་གཏོང་བ་དང་། ཐོས་པ་སྒྲུབ་པ་སྙིང་པོར་བྱེད་པ་དང་། ཇི་སྐད་སྨྲས་པ་དེ་བཞིན་དུ་བྱེད་པ་དང་། རང་བཞིན་གྱིས་བདག་མེད་པ་ལ་འཇུག་པ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། ཉམ་ང་གནོད་པར་གྱུར་ཀྱང་བྱང་ཆུབ་སེམས་མི་གཏོང་།། དེ་དག་སྐྱོབ་པའི་ཆོས་ཐོས་སྒྲུབ་པ་སྙིང་པོར་བྱེད།། བཀའ་བློ་བདེ་འཐུན་ཇི་སྐད་སྨྲས་པ་དེ་བཞིན་བྱེད། ། མཁས་པ་དེ་དག་ཆོས་ཀུན་རང་བཞིན་བདག་མེད་འཇུག། དེ་ལྟར་བརྩོན་པའི་ཤེས་ལྡན་སྤྲས་བཞིན་བྱེད་འགྱུར་ཞིང་།། རྟག་བརྩོན་མི་འདོར་རྗེས་འཐུན་བདག་མེད་ཡང་མེད། ། རྟག་ཏུ་སྙན་པའི་འབྲང་འཕྱོགས་བཅུར་གྲགས་འགྱུར་ཞིང་།། དེ་ལྟར་ཆོས་སྤྱད་དག་ཆོས་ཀྱི་ཤེས་པས་འཕགས།། ལྷ་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་པའི་དང་ལྡནན།། སེམས་ཅན་རྣམས་ལ་ཆོས་སྨྲ་བ་རྣམས་ཡིན་ཏེ། བཞི་གང་ཞེ་ན། བདག་ཉིད་སྒྲུབ་པ་ལ་གནས་ཤིང་སེམས་ཅན་རྣམས་ལ་ཆོས་སྟོན་པ་དང་། བདག་ཉིད་དུལ་བ་དང་། བསྲུང་བ་དང་། སྒྲོལ་བ་དང་། བརྟུལ་བ་དང་། ཡོངས་སུ་མྱ་ངན་ལས་འདས་ཤིང་སེམས་ཅན་གཞན་དག་དུལ་བར་བྱ་བ་དང་། བསྲུང་བ་དང་། དགྲོལ་བ་དང་། གདུལ་བ་དང་། ཡོངས་སུ་མྱ་ངན་ལས་བཟླ་བའི་ཕྱིར་ཆོས་སྟོན་པར་བྱེད་པ་དང་། བདག་ཉིད་ཡང་དག་པར་རྫོགས་པའི་བྱང་ཆུབ་ཏུ་བསམ་པ་ངེས་པར་གྱུར་ཅིང་། སེམས་ཅན་རྣམས་ཀྱང་ཐེག་པ་ཆེན་པོ་ལ་རབ་ཏུ་འགོད་པར་བྱེད་པ་དང་། བདག་ཉིད་ཆོས་འདོད་ཅིང་ཆོས་འདོད་པས་གཞན་དག་ལའང་སྟོན་པར་བྱེད་པ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། སྒྲུབ་པ་སྙིང་པོར་བྱེད་ཅིང་འགྲོ་ལ་ཆོས་སྟོན་ལ།། དུལ་བསྲུངས་ལེགས་བཏུལ་ཤིན་ཏུ་མྱ་ངན་འདས་ནས་ཀྱང་། ། གང་དག་མ་དུལ་མ་བསྲུངས་མ་བཏུལ་མྱ་ངན་ལས།། མ་འདས་དེ་དག་ཆོས་ཀྱི་དཀོན་མཆོག་འབྱོར་པར་འཛུད།། དེ་དག་བྱང་ཆུབ་སེམས་དཔའ་བསམ་པ་ངེས་གྱུར་ཅིང་།། ཐེག་པ་དེ་ལ་འགྲོ་བ་རྣམས་ཀྱང་འགོད་པར་བྱེད། ། རྟག་ཏུ་ཆོས་འདོད་དོན་ལྡན་བླ་མ་གུས་བྱེད་ཅིང་།། སེམས་ཅན་རྣམས་ལའང་དེ་དང་འཐུན་པའི་ཆོས་རྣམས་སྟོན།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། མངོན་པར་ཤེས་པ་རྣམས་ཀྱིས་མངོན་པར་འཕགས་པ་རྣམས་ཡིན་ཏེ། བཞི་གང་ཞེ་ན། ཡང་དང་ཡང་དུ་ཚངས་པོའི་གནས་པ་བཞིས་གནས་པ་དང་། རྟག་པར་རྒྱུན་དུ་རབ་ཏུ་དབེན་པར་གནས་པ་དང་། ། ཆོས་ཟབ་མོ་ལ་བཟོད་པ་དང་། ལུས་དང་སེམས་མཉམ་པ་ཉིད་དུ་ཤེས་པ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། ཚངས་པའི་གནས་པ་དང་ལ་རྟག་ཏུ་རབ་གནས་ཤིང་། ། དབེན་པར་གནས་པ་ལ་ཡང་དགའ་བ་སྐྱེད་བྱེད་ལ།། ཤེས་པས་ཟབ་མོའོ་བཟོད་ལ་ངེས་པ་ཐོབ་གྱུར་ཅིང་།། མཁའ་དང་མཉམ་པའི་སེམས་དང་ལྡན་པར་གྱུར་པ་སྟེ།། དེ་ལྟར་མངོན་པར་བརྩོན་པའི་འཇིགས་པ་མེད་པ་རྣམས།། མངོན་ཤེས་ལྔ་པོ་དག་གིས་མངོན་པར་འཕགས་གྱུར་ཅིང་།། དེ་དག་སངས་རྒྱས་རྣམས་ཀྱི་སྤྱན་སྔར་འདུག་འདྲལ།། སེམས་ཅན་བང་པོ་རྣམས་ཀྱང་ཡོངས་སུ་སྤྲིན་བྱེད་འགྱུར། ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆེས་བཞི་དང་ལྡན་ན། བདུད་ཐམས་ཅད་ཀྱིས་ཐུལ་བར་དཀའ་བ་རྣམས་ཡིན་ཏེ། བཞི་གང་ཞེ་ན། སྟོང་པ་ཉིད་ཀྱི་རྣམ་པས་མངོན་པར་བསྒྲུབས་པའི་བསམ་གཏན་བཞི་དང་། སེམས་ཅན་ཐམས་ཅད་མི་གཏོང་བར་སྙིང་རྗེ་ཆེན་པོ་དང་། དཀོན་མཆོག་གསུམ་གྱི་གདུང་མི་གཅོད་པའི་བརྩོན་འགྲུས་དང་། ཐབས་ལ་མཁས་པས་མངོན་པར་བསྒྲིབས་པའི་ཕ་རོལ་ཏུ་ཕྱིན་པ་དྲུག་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། མཚན་མེད་སྟོང་པས་ངེས་པའི་བསམ་གཏན་བཞི་སྒོམ་ཞིང་། ། སེམས་ཅན་ཡོངས་སུ་བསྐྱ་ཕྱིར་རྟག་ཏུ་སྙིང་རྗེ་ལྡན།། དཀོན་མཆོག་གསུམ་རྒྱུན་མི་གཅོད་བརྩོན་འགྲུས་ཐོབ་གྱུར་ཅིང་།། ཀུན་ཏུ་ཐབས་ལྡན་པ་རོལ་ཕྱིན་པ་དྲུག་ལ་འཇུག། དེ་ལྟར་སྤྱོད་མཁས་བློ་ལྡན་ཆེ་བདག་ཡིད་གཞུངས་པ།། དེ་དག་བདུད་བཞི་དག་ལས་ཡང་དག་འདས་གྱུར་ཅིང་།། བདུད་ཀྱི་ལྕགས་ཀྱུས་ཟིན་པའི་འགྲོ་བ་མགོན་མེད་རྣམས།། མྱ་ངན་འདའ་བར་འགྲོ་བའི་ལམ་ལ་འགོད་པར་བྱེད། ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། བློས་གཏིང་དཔག་དཀའ་བ་རྣམས་ཡིན་ཏེ། བཞི་གང་ཞེ་ན། ཆོས་ཟང་མོའི་ཚུལ་ལ་འཇུག་པ་དང་། རྟག་ཏུ་དོན་དང་ལྡན་ཞིང་བསྙེན་པར་དཀའ་བ་དང་། རྟག་ཏུ་ཡང་ཕྱུང་ཞིང་ཆོས་སེམས་པར་བྱེད་པ་དང་། སངས་རྒྱས་ཀྱི་ཡེ་ཤེས་སྒྲིབ་པ་མེད་པ་ལ་སེམས་ཀྱིས་ངེས་པར་རྟོག་པར་བྱེད་པ་སྟེ། ཆོས་བཞི་པོ་དེ་དག་ངང་ངོ་།། དེ་ལ་འདི་སྐད་ཅེས་བྱ་སྟེ། ཟབ་མོའི་ཆོས་ཀྱི་ཚུལ་ལ་ཞུགས་པར་གྱུར་པ་དང་།། རྟག་ཏུ་དོན་དང་ལྡན་ཞིང་བསྙེན་པར་དཀའ་འགྱུར་ལ།། རྟག་ཏུ་ཡིད་བྱུང་ཆོས་ལབསམ་བཞུགས་གྱུར་ཅིང་། ། སེམས་ཀྱིས་ངེས་པར་རྟོག་པར་བྱེད་པ་གང་ཡིན་པའི།། མཁས་པ་ཐེག་པ་ཆེ་ལ་བརྟན་པར་རབ་གནས་པ།། བློ་རྣམས་དག་གིས་གཏིང་དཔག་དཀའ་བར་རབ་འགྱུར་ཞིང་།། ཆགས་པ་མེད་པའི་ཡེ་ཤེས་ཡང་དག་སྒྲུབ་བྱེད་པ།། དེ་ཕྱིར་བློ་རྣམས་དག་གིས་གཏིང་དཔག་དཀའ་བ་ཡིན།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། འཇིག་རྟེན་གྱི་ཆོས་བརྒྱད་ཀྱིས་མི་གོས་པ་རྣམས་ཡིན་ཏེ། བཞི་གང་ཞེ་ན། རྙེད་པ་དང་། སྙན་པ་དང་། བསྟོད་པ་དང་། བདེ་བར་ཁེངས་པ་མེད་པ་དང་། མ་རྙེད་པ་དང་། མ་སྙན་པ་དང་། སྨད་པ་དང་། སྡུག་བསྔལ་གྱིས་ཞུམ་པ་མེད་པ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར། ཕུང་པོ་རྣམས་ལ་ཡོངས་སུ་སྤྱོད་པར་བྱེད་པ་དང་། ཕུང་པོ་ཡོངས་སུ་ཤེས་པ་སྲུང་ཞིང་དབེན་པར་ལྟ་བ་སྟེ། ཆོས་བཞི་པོ་དེ་དག་དང་ངོ་། ། དེ་ལ་འདི་སྐད་ཅེས་བྱ་སྟེ། རྙེད་དང་སྨན་དང་བསྟོད་དང་བདེ་བ་ཀུན་ཐོབ་ཀྱང་།། དེ་དག་ལ་ནི་རྣམས་ཀྱང་ཁེངས་པར་འགྱུར་བ་མེད།། མ་རྙེད་མི་སྙན་སྨད་དང་སྡུག་བསྔལ་ཐོབ་མྱུར་ཀྱང་།། དེ་དག་པདྨ་བཞིན་དུ་ཆགས་མེད་འཇིག་རྟེན་སྤྱོད། ། སེམས་ཅན་སྨིན་པར་བྱ་ཕྱིར་ཕུང་པོ་ཡོངས་སྤྱོད་ཅིང་།། ཕུང་པོ་སྒྱུ་མ་གསོག་འདྲ་ཡ་མ་བརླར་ཤེས་པ།། སེམས་ཅན་ཕ་ན་བདེའི་དོན་དུ་འཇིག་རྟེན་སྤྱོད་བྱེད་ཀྱང་། ། འཇིག་རྟེན་ཆོས་ཀྱིས་མི་གོས་ཚུལ་ཁྲིམས་སྤོས་དང་ལྡན།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན།། གཏིང་དཔག་དཀའ་ཞིང་ཟབ་མོ་ལ་སྤྱོད་པ་རྣམས་@ཡིན་ཏེ། བཞི་དང་ཞེ་ན། བདག་ལ་བདག་མེད་པ་དང་། སེམས་ཅན་ལ་སེམས་ཅན་མེད་པ་དང་། ཆོས་དབེན་པ་དང་། ཤེས་པ་ཆགས་པ་མེད་པ་སྟེ། ཆོས་བཞི་པོ་དེ་དག་དངངོ་།། དེ་ལ་འདི་སྐད་ཅེས་བྱ་སྟེ། བདག་ལ་བདག་མེད་ཉིད་དུ་ཡོངས་སུ་ཤེས་གྱུར་ཅིང་།། སེམས་ཅན་སེམས་ཅན་མེད་པར་རྗེས་སུ་རྟོགས་གྱུར་ལ།། ཆོས་རྣམས་དབེན་པ་ཉིད་དུ་ཡོངས་སུ་རྟོགས་གྱུར་ཅིང་།། མཁའ་ལ་ལག་བཞིན་ཤེས་པ་ཆགས་པ་ཡོད་མིན་པའོ།། དཔའ་རྣམས་ཟབ་མོ་དག་ལ་ཡོངས་སུ་སྤྱོད་བྱེད་པ།། སྤྱོད་པ་མེད་ལ་རྟག་ཏུ་སྤྱོད་པར་བྱེད་གྱུར་ཅིང་།། འཛིན་དང་ཀུན་འཛིན་ཀུན་དང་རྣམས་བྲལ་བས། ། སེམས་ཅན་དག་པ་དེ་དག་དེ་ཕྱིར་གཏིང་དཔག་དཀའ།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ཆོས་སྟོན་པས་དབང་པོ་ལ་མཁས་པ་རྣམས་ཡིན་ཏེ། བཞི་གང་ཞེ་ན། མངོན་པར་ཤེས་པ་ཐོབ་པ་དང་། སོ་སོ་ཡང་དག་པར་རིག་པ་ཤེས་པ་དང་། ཤེས་རབ་རྣོ་བ་དང་། སྔོན་གྱི་སྨོན་ལམ་རྣམ་པར་དག་པ་སྟེ། ཆོས་པོན་པོ་དེ་དག་དངངོ་། ། དེ་ལ་འདི་སྐད་ཅེས་བྱ་སྟེ། མངོན་པར་ཤེས་པ་རྣམས་ནི་རབ་ཏུ་ཐོབ་གྱུར་ཅིང་།། ས་པས་སོ་སོ་ཡང་དག་རིག་པ་མི་ཟད་འགྱུར།། རྟག་ཏུ་ཤེས་རབ་རྣོན་པོར་གྱུར་ཅིང་སྔོན་ཡང་ནི།། ཡང་དག་བསགས་པ་ཡོངས་སུ་དག་པ་ཐོབ་གྱུར་པ།། སེམས་ཅན་རྣམས་ཀྱི་དབང་པོ་ཡོངས་སུ་ཤེས་བྱས་ནས། དེ་དང་འདྲ་བའི་ཆོས་རྣམས་ཡོངས་སུ་སྟོན་པར་བྱེད།། དེ་དག་བསྟན་པ་འབྲས་བུ་མེད་པ་མ་ཡིན་ཏེ། ། དེའི་ཕྱིར་མྱ་ངན་འདས་ནས་མྱ་ངན་འདའ་བར་བྱེད།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། འདུས་པ་བྱས་དང་མ་འདྲེས་པས་རྣམ་པར་ཐར་པའི་སྒོར་ཞུགས་པ་རྣམས་ཡིན་ཏེ། བཞི་གང་ཞེ་ན། སྟོང་པ་ཉིད་སྤྱོད་ཡུལ་དུ་གྱུར་ཅིང་ལྟ་བའི་འཆིང་བས་བཅིངས་པའི་སེམས་ཅན་རྣམས་ཐར་པར་བྱེད་པ་དང་། མཚན་མ་མེད་པ་ལ་གནས་ཤིང་རྣམ་པར་རྟོག་པ་སྤྱོད་པ་རྣམས་ཡོངས་སུ་མྱ་ངན་ལས་འདའ་བར་བྱེད་པ་དང་། སྨོན་པ་མེད་པ་ལ་གནས་ཤིང་སེམས་ཅན་ཡོངས་སུ་སྨིན་པར་བྱ་བའི་ཕྱིར་བསམས་བཞིན་དུ་སྐྱེ་བ་ལེན་པ་དང་། ཐབས་ལ་མཁས་ཤིང་ཤེས་རབ་ཀྱིས་ངེས་པར་བྱུང་བ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། སྟོང་ཉིད་སྤྱོད་ཡུལ་དེ་དག་ལྟས་བཅིངས་གྲོལ་བྱེད་ཅིང་།། མཚན་མེད་གནས་ཤིང་སེམས་ཅན་འདི་དག་ཡོངས་སྨིན་བྱེད།། སྨོན་པ་མེད་ལ་གནས་ཤིང་སེམས་ཅན་སྨིན་བྱར་ཕྱིར།། བསམས་བཞིན་སྐྱེ་ཞིང་གང་དུ་འདོད་པ་དེར་སྐྱེ་འགྱུར།། ཤེས་རབ་ཐབས་ཀྱིས་ངེས་བྱུང་རྣམ་ཐར་སྒོར་གནས་ཀྱང་། ། འདུས་མ་བྱས་པའི་དབྱིངས་ནི་དུས་མིན་ཐོབ་མོ་བྱེད།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན།། ལྷག་པའི་ང་རྒྱལ་ཅན་ཚེར་གཅད་པའི་ཕྱིར་སྣརེལ་ཞིར་བསྒྲུབ་པ་ལ་མཁས་པ་རྣམས་ཡིན་ཏེ། བཞི་གང་ཞེ་ན། ཆོས་ཀྱི་དབྱིངས་ཀུན་ནས་སྒོ་ཡང་དག་པར་ཤེས་པ་དང་། ཆོས་ཐམས་ཅད་སྒྲིབ་པ་མེད་པར་མོས་པ་དང་། ཀུན་ཏུ་རྟོག་པའི་རྩ་བ་ལས་བྱུང་བའི་ཉོན་མོངས་པ་རྣམས་ཡོངས་སུ་ཤེས་པ་དང་། མྱ་ངན་ལས་འདས་པའི་རང་བཞིན་ཅན་གྱིས་ཆོས་ཐམས་ཅད་ལ་ནེམ་ནུར་མེད་པ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། སེམས་མཉམ་ཆོས་ཀྱི་དབྱིངས་སུ་ངེས་པར་བྱུང་གྱུར་ཞིང་།། དེ་དག་རྣམས་ཀྱི་སྒྲིབ་པ་འགའ་ཡང་མཐོང་མི་འགྱུར། ། ཉོན་མོངས་ཀུན་ཏུ་རྟོག་པའི་རྩ་ལས་རབ་བྱུང་བར།། ཤེས་ནས་དེ་ལས་སྣརེལ་ཞིར་ཀུན་ཏུ་སྟོན་མི་བྱེད།། ཆོས་འདི་ཐམས་ཅད་རང་བཞིན་མྱ་ངན་འདས་པ་དང་།། མ་སྐྱེས་མ་འགགས་ངོ་བོ་ཉིད་ཀྱིས་དག་པ་ཡིན། ། དེ་དག་ཀུན་མཁྱེན་ཡོངས་བཙལ་མྱ་ངན་འདས་གྱུར་ནས།། ལྷག་པའི་ང་རྒྱལ་ཅན་དག་ཚར་གཅོད་བྱེད་པ་ཡིན།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ལས་ཀྱི་བྱ་བ་ཐམས་ཅད་ཀྱི་རྒྱུ་ལ་མཁས་པ་རྣམས་ཡིན་ཏེ། བཞི་གང་ཞེ་ན། ལོངས་སྤྱོད་ཆེན་པོའི་རྒྱུ་སྦྱིན་པ་མི་སྤོང་བ་དང་།། མཐོ་རིས་སུ་སྐྱེ་བའི་རྒྱུ་ཚུལ་ཁྲིམས་མི་སྤོང་བ་དང་། ཤེས་རབ་ཆེན་པོའི་རྒྱུ་ཐོས་པ་མི་སྤོང་བ་དང་། གྲོལ་བའི་རྒྱུ་སྒོམ་པ་མི་སྤོང་བ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། ལོངས་སྤྱོད་ཆེ་རྒྱུ་སྦྱིན་བ་མོ་སྤོང་དེའི་འབྲས་ཏེ། མཐོ་རིས་སྐྱེ་བའི་ཚུལ་ཁྲིམས་ཐོབ་ཅིང་དེའི་འབྲས་ཏེ།། ཤེས་རབ་ཉོན་མོངས་འཇོམས་རྒྱུ་ཐོས་པ་དེའི་འབྲས་ཏེ།། རྣམ་གྲོལ་རེག་རྒྱུ་སྒོམ་པར་བྱེད་ཅིང་དེ་འབྲས་ཏེ། ། རྒྱུ་བཞི་དེ་ལ་རྟག་བརྩོན་ཁས་པ་དེ་དག་ནི།། བྱང་ཆུབ་སྙིང་པོར་དབང་བསྐུར་འབྲས་ཕྱིར་ཉིན་མཚན་སྤྱོད།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ལྟ་བའི་རྣམ་པ་དང་བྲལ་ཞིང་རྟེན་ཅིང་འབྲེལ་པར་འབྱུང་བ་ལ་མཁས་པ་རྣམས་ཡིན་ཏེ། བཞི་གང་ཞེ་ན། ཆད་པར་སྨྲ་བ་མ་ཡིན་པ་དང་། རྟག་པར་སྨྲ་བ་མ་ཡིན་པ་དང་། མ་རིག་པ་བྱུང་ན་རྒ་ཤིའི་བར་དུ་འབྱུང་བར་ལྟ་ཞིང་བདག་ཏུ་ལྟ་བར་ཡང་མི་བྱེད་པ་དང་། མ་རིག་པ་འགགས་ན་རྒ་ཤིའོ་བར་དུ་འགགས་པར་ལྟ་ཞིང་སྲིད་པ་འགགས་པར་ཡང་མོ་བྱེད་པ་སྟེ། ཆོས་བཞི་པོ་དེ་དག་དང་ངོ་། ། དེ་ལ་འདི་སྐད་ཅེས་བྱ་སྟེ། ནམ་ཡང་རྟག་པར་མ་ལྟ་ཆད་པར་ལྟུང་མི་བྱེད།། དེས་ནི་ཆོས་རྣམས་རྐྱེན་བྱུང་བྱེད་པ་པོ་དང་ནི།། ཚོར་བ་པོ་མེད་རང་བཞིན་རྣམ་པར་དག་པར་ཤེས་མ་རིག་རྩ་ནས་རྒ་ཤིའི་བར་དུ་འབྱུང་འགྱུར་པ། ། རྒྱལ་བ་ཀུན་གྱིས་གསུངས་ཏེ་དེ་འགག་རྒྱུ་དང་ནི།། རྐྱེན་ཟད་དེ་ཕྱིར་ཕྱིན་ཆད་སྐྱེ་མི་འགྱུར་ཞེས་གསུངས།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། སེམས་ཅན་ཡོངས་སུ་སྨིན་པར་བྱ་བའི་ཐབས་ལ་མཁས་པ་རྣམས་ཡིན་ཏེ། བཞི་གང་ཞེ་ན། བྱང་ཆུབ་སེམས་དཔའ་སེམས་ཅན་ཐམས་ཅད་ལ་རག་ལས་པར་ལྟ་བ་དང་། དགེ་བའི་རྩེ་བ་ཡང་དག་པར་བསགས་པ་ལ་སྐྱོ་བ་མེད་པ་དང་། འཁོར་བའི་སྒོ་ནས་མྱ་ངན་ལས་འདས་པའི་སྒོ་ཡོངས་སུ་ཚོལ་བ་དང་། སེམས་ཅན་རྣམས་ཀྱི་མོས་པ་ཇི་ལྟ་བ་དེ་ལྟ་བུའི་མོས་པའི་ཐབས་ཀྱིས་ཉམས་སུ་མྱོང་བར་བྱེད་ཅིང་། ། ཉོན་མོངས་པ་རྣམས་ཀྱིས་མ་ཡིན་པ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། སངས་རྒྱས་བྱང་ཆུབ་འདི་ནི་སེམས་ཅན་རྣམས་ལ་རྟེན།། དགེ་བ་སོགས་ཤིང་འདོད་པས་ཡོངས་སུ་སྐྱོ་བ་མེད།། འཁོར་བའི་སྒོ་ནས་མྱ་ངན་འདས་པ་ཡོངས་ཚོལ་ཞིང་།། སེམས་ཅན་ཇི་བཞིན་མོས་པ་ཐབས་ཀྱིས་ཡོངས་སུ་ཤེས། ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། སེམས་ཅན་ཐམས་ཅད་ཀྱི་ཉེ་བར་འཚོ་བ་རྣམས་ཡིན་ཏེ། བཞི་གང་ཞེ་ན། ལོངས་སྤྱོད་མི་ཟད་པ་དང་། ཆོས་སྟོན་པ་མི་ཟད་པ་དང་། མངོན་པར་ཤེས་པ་ཐོབ་པ་དང་། སེམས་ས་དང་མཉམ་པ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། དེ་དག་རྣམས་ཀྱི་ལོངས་སྤྱོད་རྟག་ཏུ་མི་ཟད་ཅིང་།། ། རྟག་ཏུ་ཆོས་ཀྱིས་མི་ཟད་རྒྱ་མཚོ་འདྲ་བ་ཡིན།། དེ་དག་མངོན་ཤེས་ལྔ་པོ་མི་ཟད་རྟག་མ་གཡོ།། རྟག་ཏུ་དྲན་ལྡན་བསམ་པས་དང་འདྲ་བ་ཡིན།། མཉམ་མེད་བྱང་ཆུབ་ཕྱིར་ནི་ཡང་དག་ཞུགས་གྱུར་ཅིང་།། མྱ་ངན་མ་འདས་གང་ལ་ཆོས་རྣམས་དེ་ཡོད་པ།། དེ་དག་འགྲོ་བ་ཀུན་གྱི་ཉེ་བར་འཚོར་འགྱུར་ཞིང་།། བྱང་ཆུབ་མཆོག་ཕྱིར་མྱུར་དུ་ངེས་པར་འབྱུང་བར་འགྱུར།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། འཇིག་རྟེན་ཐམས་ཅད་མངོན་པར་འདུ་བར་འགྱུར་བ་རྣམས་ཡིན་ཏེ། བཞི་གང་ཞེ་ན། ཚངས་པའི་གནས་པ་བཞིས་གནས་པ་དང་། བསྡུ་བའི་དངོས་པོ་བཞིས་སྡུད་པ་དང་། བདེན་པ་བཞི་ཤེས་པ་དང་། སོ་སོ་ཡང་དག་པར་རིག་པ་བཞི་ཐོབ་པ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། ཚངས་པའི་གནས་པ་བཞི་པོ་དག་གིས་གནས་བྱེད་ཅིང་། ། བསྡུ་བའི་དངོས་པོ་དག་ལ་རྟག་ཏུ་དགར་བྱེད་ལ།། བདེན་པ་བཞི་པོ་དག་ལ་འཇིགས་མེད་དཔའ་བོ་རྣམས།། འགྲོ་བས་རི་མོ་བྱས་ཤིང་མཆོད་པ་བྱས་པར་འགྱུར།། སོ་སོ་ཡང་དག་རིག་པའི་ཕ་རོལ་སོན་གྱུར་ཅིང་། ། འཆད་དང་ཀློག་པ་དག་ལ་རྟག་ཏུ་བརྩོན་གྱུར་ལ།། ཕ་རོལ་བདེ་བར་གྱུར་པའི་བདེ་བས་མགུ་བྱེད་ན།། དེ་ཕྱིར་དེ་དག་ཡིད་དུ་འོང་ཞིང་སྡུག་པར་འགྱུར།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། སྲོག་ཆགས་ཐམས་ཅད་ཀྱིས་བསྔགས་པར་འགྱུར་བ་རྣམས་ཡིན་ཏེ། བཞི་གང་ཞེ་ན། ཐོས་པ་དང་། ཚུལ་ཁྲིམས་དང་ལྡན་ཞིང་ཚུལ་འཆོས་པ་མེད་པ་དང་། དེས་ཤིང་འགྲོགས་ན་བདེ་བ་དང་། དབེན་པ་ལ་དགའ་ཞིང་དབང་པོ་བསྲུངས་པ་དང་། བདག་ཉིད་བདེ་བ་ལ་ལྷག་པར་ཆགས་པ་མེད་ཅིང་རྟག་ཏུ་ཁ་ན་མ་ཐོ་བ་ལ་ལྟ་པ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། ཐོས་པའི་ཡོན་ཏན་ཐོབ་ཅིང་ཚུལ་ཁྲིམས་ཕ་རོལ་སོན།། ཚུལ་འཆོས་མེད་ཅིང་རྟག་ཏུ་དེས་ལ་བརྟུལ་ཞུགས་བཟང་།། ནགས་དང་ནགས་འདབ་གནས་ཤིང་དབང་པོ་སྡོམ་བྱེད་ལ། ། དྲན་ལྡན་བདག་བདེ་མི་ལྟོས་ཁ་ན་མ་ཐོ་ལྟ།། གང་ལ་རྟག་ཏུ་དགེ་བའི་ཡོན་ཏན་དེ་ཡོད་པ།། དེ་དག་རྟག་ཏུ་སེམས་ཅན་ཕན་ཕྱིར་བརྩོན་འགྱུར་ཞིང་། དེ་དག་སེམས་ཅན་དོན་ཡང་རྟག་ཏུ་བྱེད་འགྱུར་ལ།། དེ་དག་རྟག་ཏུ་བྱང་ཆུབ་ཕྱིར་ཡང་ཡིད་གཞོལ་འགྱུར།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ། དགེ་བའི་སྤྱོད་པ་ཐམས་ཅད་ལ་སྨྲས་པ་མེད་པ་རྣམས་ཡིན་ཏེ། བཞི་གང་ཞེ་ན། དད་པ་ཕུན་སུམ་ཚོགས་པ་དང་། བརྩོན་འགྲུས་ཕུན་སུམ་ཚོགས་པ་དང་། སྙིང་རྗེ་ཆེན་པོ་ཕུན་སུམ་ཚོགས་པ་དང་། ཐེག་པ་ཆེན་པོར་ཡོངས་སུ་སྔོ་བ་ལ་མཁས་པ་རྣམས་ཏེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། དེ་དག་དང་དང་ལྡན་ལ་རྟུལ་བ་བརྟན་ལྡན་ཞིང་།། ། དེ་དག་བརྩོན་འགྲུས་མཐུ་དང་སྟོབས་དང་ལྡན་པ་ཡིན།། འགྲོ་བ་ཀུན་ལ་བྱམས་དང་སྙིང་རྗེ་ཆེ་ལྡན་ཞིང་།། བྱང་ཆུབ་ཆེད་དུ་ཡོངས་སུ་སྔོ་ལ་མཁས་པ་སྟེ།། དེ་ཕྱིར་དགེ་བ་ཀུན་ལ་སྨས་པ་ཡོད་མོན་ཞིང་ཟླ་བ་ཉ་བའི་ཟླ་བ་མཁའ་ལ་སྐར་མ་ཡི། ། ཚོགས་ཀྱི་དབུས་ན་གནས་པ་རྣམ་པར་མཛེས་པ་ལྟར།། ཡང་དང་ཡང་དུ་དགེ་བ་ཀུན་ལ་རྣམ་འཕེལ་འགྱུར།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ཤེས་རབ་དག་ལ་རྒྱ་མཚོ་ལྟ་བུ་རྣམས་ཡིན་ཏེ། བཞི་གང་ཞེ་ན། ཇི་སྐད་སྨྲས་པ་དེ་བཞིན་དུ་བྱེད་པ་དང་། སྒྲུབ་པ་སྙིང་པོར་བྱེད་པ་དང་། བློ་རབ་ཏུ་གནས་པ་དང་ལྷག་པའི་བསམ་པ་རྡོ་རྗེ་ལྟར་བརྟན་པ་སྟེ། ཆོས་བཞི་པོ་དེ་དག་དང་ངོ་།། དེ་ལ་འང་སྐད་ཅེས་བྱ་སྟེ། མཁས་པ་དེ་དག་ཇི་སྐད་སྨྲས་པ་དེ་བཞིན་བྱེད།། དེ་དག་སྒྲུབ་པ་སྙིང་པོར་བྱེད་ཅིང་བློ་རབ་གནས། གང་དག་བརྩོན་པ་དེ་དག་རྡོ་རྗེ་ལྟ་བུ་ཡི།། ལྷག་པའི་བསམ་པ་བརྟན་པ་དག་དང་ལྡན་པར་འགྱུར།། མཁས་པ་གང་དག་ཆོས་པ་ནི་དེ་དག་སྟོན་བྱེད་པ།། དེ་དག་རྟག་ཏུ་དགེ་བའི་བཤེས་གཉེན་སྟེན་བྱེད་ཅིང་།། དམ་བཅས་རྣམས་པ་སྙིང་པོར་བྱེད་པར་འགྱུར་བ་དང་།། རྟག་ཏུ་སངས་རྒྱས་གསུང་ཡང་འཛིན་པར་བྱེད་པ་ཡིན།། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ཆོས་ལ་དབང་སྒྱུར་བས་དབང་ཕྱུག་ཏུ་གྱུར་པ་རྣམས་ཡིན་ཏེ། བཞི་གང་ཞེ་ན། ཡེ་ཤེས་ཀྱི་སྟོབས་ཅན་རྣམས་ཡིན་ཞིང་ཉོན་མོངས་པོའི་སྟོབས་ཅན་རྣམས་མ་ཡིན་པ་དང་། སེམས་ལ་དབང་སྒྱུར་བ་རྣམས་ཡིན་ཞིང་བདུད་ཀྱི་དབང་སྒྱུར་བ་རྣམས་མ་ཡིན་པ་དང་། གཟུངས་དང་སྤོབས་པ་ཕུན་སུམ་ཚོགས་པ་རྣམས་ཡིན་པ་དང་། འབྲས་བུ་ཡོད་པར་ཆོས་སྟོན་པ་རྣམས་ཡིན་ཏེ། ཆོས་བཞི་པོ་དེ་དག་དང་ངོ་། ། དེ་ལ་འདི་སྐད་ཅེས་བྱ་སྟེ། དེ་དག་ཡེ་ཤེས་སྟོབས་ལྡན་ཉོན་མོངས་དབང་མི་འགྲོ།། ཤེས་རབ་སྟོབས་ཀྱིས་བླུན་སྤངས་ལྷ་རྣམས་ཀུན་དང་བྲལ།། སེམས་ལ་དབང་སྒྱུར་བྱེད་ཅིང་བདུད་བཞི་སྤངས་གྱུར་ལ། ། སྤོབས་པ་བརྟན་པར་གྱུར་ཅིང་གཟུངས་ཀྱིས་འཁྲུགས་པ་མེད།། དེ་དག་སྟོན་པ་འབྲས་བུ་མེད་པར་མི་འགྱུར་ཏེ།། དེ་ཕྱིར་མྱུར་དུ་དབང་ཕྱུག་ཉིད་དང་ལྡན་པར་འགྱུར། ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། བྱ་བ་ཐམས་ཅད་ལ་སློབ་དཔོན་དུ་གྱུར་པ་རྣམས་ཡིན་ཏེ། བཞི་གང་ཞེ་ན། ང་རྒྱལ་མེད་པ་དང་། ཧཱ། མ་ལ་གུས་པ་དང་། བག་ཡོད་པ་དང་། འདུན་པ་དྲག་པོ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། ང་རྒྱལ་མེད་ཅིང་བླ་མ་གུས་པས་གནས་གྱུར་ལ། ཀུན་ནས་བག་ཡོད་བྱང་ཆུབ་མཆོག་ལ་འདུན་དྲག་ཅིང་།། བསམ་པ་ཐག་པས་སྨོན་ཅིང་རྟག་ཏུ་དྲང་གྱུར་ལ།། སློབ་དཔོན་དཔེ་མཁྱུད་མེད་པ་རྟག་ཏུ་སློབ་དཔོན་འགྱུར།། མཁས་པ་འཇིག་རྟེན་འཇིག་རྟེན་འདས་པའི་དོན་མཁས་ཤིང་། ། ཚུལ་དང་ཚུལ་མ་ཡིན་ལ་མཁས་པའི་བརྟན་པ་རྣམས།། འཇིག་རྟེན་ཀུན་མཛའ་ཐམས་ཅད་རྟོགས་པར་ཁོང་དུ་ཆུད།། དེ་ཕྱིར་འགྲོ་བས་སྤྱི་བོར་ཐལ་སྦྱར་དེ་ལ་འདུད་ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ཐམས་ཅད་དུ་ཁ་ན་མ་ཐོ་བ་མེད་ཅིང་ཡོན་ཏན་རྣམ་པ་ཐམས་ཅད་དང་ལྡན་པ་རྣམས་ཡིན་ཏེ། བཞི་གང་ཞེ་ན། མངོན་པར་ཤེས་པའི་ཡེ་ཤེས་ཀྱིས་རྣམ་པར་རྩེ་བ་དང་། སངས་རྒྱས་ཐམས་ཅད་ཀྱིས་དགོངས་པའི་སྤོབས་པ་དང་། དགེ་བ་ཐམས་ཅད་དང་མི་འབྲལ་ཞིང་བག་ཆགས་དང་བྲལ་བ་དང་། དགེ་བའི་ཆོས་ཐམས་ཅད་དང་ལྡན་ཞིང་། དབང་བསྐུར་བ་ཐོབ་པ་སྟེ། ཆོས་བཞི་པོ་དེ་དག་དང་ངོ་།། དེ་ལ་འདི་སྐད་ཅེས་བྱ་སྟེ། སེམས་ཅན་དག་པ་རྒྱ་ཆེན་མངོན་ཤེས་ཤེས་པས་རྩེ།། བདེ་གཤེགས་ཀུན་གྱིས་དགོངས་པ་མཁའ་འདྲའི་སྤོབས་དང་ལྡན། ། བརྩོན་འགྲུས་ཐོགས་མེད་མི་དགེ་བག་ཆགས་ཀུན་སྤངས་ཤིང་།། དགེ་དང་ལྡན་ཞིང་དབང་བསྐུར་ཐོབ་པར་གྱུར་པ་སྟེ།། ཆོས་རྣམས་དེ་དག་ལ་ནི་རབ་ཏུ་གནས་གྱུར་པ།། དེདག་ཁ་ན་མ་ཐོ་མེད་པའི་ཡོན་ཏན་ལྡན།། བཅོམ་ལྡན་འདས་ཀྱིས་བཞི་པ་སྒྲུབ་པ་འདི་བསྟན་པ་ན། ལྷ་དང་མི་རྣམས་ལས་སྲོག་ཆགས་ས་ཡ་ཉིས་འབུམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། ། བྱང་ཆུབ་སེམས་དཔའ་ཉི་ཁྲི་ལྔ་སྟོང་གིས་ནི་མོ་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། ལྷ་དང་མི་རྣམས་ཀྱི་སྐྱེ་དགུ་ལས་སྲོག་ཆགས་འབུམ་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའང་རྣམ་པ་དྲུག་རབ་ཏུ་གཡོས་ཤིང་། འཇིག་རྟེན་ཐམས་ཅད་སྣང་བ་ཆེན་པོས། ཁྱབ་པར་ཡང་མྱུར་ཏོ།། ལྷ་རྣམས་ཀྱིས་ཀྱང་ཝའི་མེ་ཏོག་ག་ཆར་རབ་ཏུ་བཅིང་། ཝཱ་རྗེ་ས་ལ་སྤྱན་དག་གི་སྒྲ་ཡང་བྱུང་བར་གྱུར་ཏོ།། ཀླུ་རྣམས་ཀྱིས་ཀྱང་མུ་ཏིག་དམར་པོ་དང་། ཀླུའི་མེ་ཏོག་ས་ཆར་རབ་ཏུ་ཕབབོ། ། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་།། ལྟོ་འཕྱེ་ཆེན་པོ་དང་། གནོད་སྦྱིན་རྣམས་ཀྱིས་ཀྱང་། བཅོམ་ལྡན་འདས་ལ་ལྷའི་མཆོད་པ་དག་གིས་མཆོད་པ་བྱས་སོ། ། ཐམས་ཅད་དང་ལྡན་པའི་འཁོར་རྣམས་ཀྱིས་ཀྱང་ཨ་ལ་ལ་ཆོས། ཨ་ལ་ལ་ཆོས། ཨ་ལ་ལ་ཆོས་ཞེས་ལན་གསུམ་ཆེད་དུ་བརྗོད་ནས། མཆོད་པ་ཆེན་པོ་དག་ཀྱང་བྱས་སོ།། དེ་ནས་བྷའི་བུ་རབ་རྩལ་སེམས་ཀྱིས། ། འཇམ་དཔལ་གཞོན་ནུར་གྱུར་པ་ལ་འདདི་སྐད་ཅེས་སྨྲས་སོ།། འཇམ་དཔལ་བཅོམ་ལྡན་འདས་ཀྱིས་ཆོས་སུམ་ཅུ་རྩ་གཉིས་པོ་དེ་དག་གི་དོན་དང་། ཚིག་གིས་རྣམ་པར་གཏན་ལ་དབབ་པ་བསྟན་པ་དེ་བཀའ་སྩལ་གྱིས། འཇམ་དཔལ་ཁྱོད་ཀྱང་ཆོས་སུམ་ཅུ་རྩ་གཉིས་པོ་དེ་དག་གི་དོན་དང་ཚིག་རྣམ་པར་གཏན་ལ་དབབ་པ་དེ་ལ་སྤོབས་པར་གྱིས་ཤོཤིག། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་གཞན་གྱི་དྲིང་མི་འཇོག་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་གཞན་གྱི་རྐྱེན་གྱིས་མི་འགྲོ་བ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་གཞན་གྱི་དྲིང་མི་འཇོག་པ་རྣམས་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བརྩམས་པ་ཐམས་ཅད་ལ་བརྩོན་འགྲུས་བརྟན་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔ་སེམས་དཔའ་ཆེན་པོ་རྣམས་ཉོན་མོངས་པ་ཐམས་ཅད་ངེས་པར་འཇོམ་པར་བྱེད་པ་དེ་ལྡན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བརྩམ་པ་ཐམས་ཅད་ལ་བརྩོན་འགྲུས་བརྟན་པ་རྣམས་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསོད་ནམས་དག་གིས་མངོན་པར་འཕགས་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཀྱི་དབྱིངས་མི་གཡོ་བ་རྗེས་སུ་རྟོགས་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བསོད་ནམས་དག་གིས་མངོན་པར་འཕགས་པ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་ཀྱིས་ཆགས་པ་མེད་པར་སྤྱོད་པ་རྣམས་ཡིན། འཇམ་དཔལ་གྱིས་སྨྲས་པ། རྩཝའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡུལ་ཐམས་ཅད་ལ་ཆགས་པར་མི་བྱེད་པ་དེ་ལྟར་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་ཀྱིས་ཆགས་པ་མེད་པར་སྤྱོད་པ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱིས་མུན་པ་དང་བྲལ་བ་རྣམས་ཡིན།། འཇམ་དཔལ་གྱིས་སྨྲས་པ་ལྔལྷལྕིའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་རང་བཞིན་གྱིས་ཡོངས་སུ་དག་པར་ཤེས་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་མི་ཤེས་རབ་ཀྱིས་མུན་པ་དང་བྲལ་བ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་རྣམས་ཀྱི་ནང་དུ་འཇིགས་པ་དང་བྲལ་བ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་རྣམ་པར་ཕྱེན་མི་རྙེད་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་རྣམས་ཀྱི་ནང་དུ་འཇིགས་པ་དང་བྲལ་བ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐོས་པས་དོན་ལ་རྟོན་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་བརྗོད་དུ་མེད་པར་ཤེས་པར་བྱེད་པ་དེ་ལྟ་ན། ལྷོ་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐོས་པས་དོན་ལ་རྟོན་པ་རྣམས་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་གྱི་ཚུལ་གྱིས་ཆོས་ལ་རྟོན་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཀྱི་དབྱིངས་ཞི་བ་ཉིད་དུ་ཤེས་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་གྱི་ཚུལ་གྱིས་ཆོས་ལ་རྟོན་པ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་ཆེན་པོ་སངས་རྒྱས་བཅོམ་ལྡན་འདས་རྣམས་ཀྱིས་གསུངས་པ་བཞིན་དུ་སྨྲ་བ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སྒྲ་ཐམས་ཅད་ལ་རྟེན་པར་མི་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་བཅོམ་ལྡན་འདས་རྣམས་ཀྱིས་གསུངས་པ་བཞིན་སྨྲ་བ་རྣམས་ཡིན་ནོ།། ལྷའི་བུས་སྨྲས་པ། འཇམ་དཔ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་རྣམས་ལ་ཆོས་སྨྲ་བ་རྣམས་ཡིན། ། འཇམ་དཔལ་གྱིས་སྨྲས་པ།། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སྨྲ་བ་ཐམས་ཅད་ལས་ལྡོག་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་རྣམས་ལ་ཆོས་སྨྲ་བ་རྣམས་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔ་སེམས་དཔའ་ཆེན་པོ་མངོན་པར་ཤེས་པ་རྣམས་ཀྱིས་མངོན་པར་འཕགས་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ལས་གཡོ་བར་མི་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་མངོན་པར་ཤེས་པ་རྣམས་ཀྱིས་མངོན་པར་འཕགས་པ་རྣམས་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བདུད་ཐམས་ཅད་ཀྱིས་ཐུལ་བར་དཀའ་བ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སྟོང་པ་ཉིད་རྗེས་སུ་རྟོགས་པར་བྱ་བའི་ཕྱིར། ཉོན་མོངས་པ་ཉིད་བྱང་ཆུབ་ཡིན་པར་ཡོངས་སུ་ཚོལ་བར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བདུད་ཐམས་ཅད་ཀྱིས་ཐུལ་བར་དཀའ་བ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བློས་གཏིང་དཔག་དཀའ་བ་རྣམས་ཡིན། འཇམ་དཔལ་གྱིས་སྤྲས་པ། ལྔའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སངས་རྒྱས་ཀྱི་ཆོས་ཐམས་ཅད་ཀྱི་གཏིང་རྟོགས་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བློས་གཏིང་དཔག་དཀའ་བ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་གྱི་ཆོས་བརྒྱ་ཀྱིས་མི་གོས་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཇིག་རྟེན་ན་སྤྱོད་ཀྱང་འཇིག་རྟེན་གྱི་ཆོས་རྣམས་ཀྱིས་གོས་པར་མི་འགྱུར་བ་དེ་ལྟ་ན།། ལྷ་བུ་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་གྱི་ཆོས་བརྒྱད་ཀྱིས་མི་གོས་པ་རྣམས་ཡིན་ནོ། ། ལྷའི་དུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གཏང་དཔག་དཀའ་ཞིང་ཟབ་མོ་ལ་སྤྱོད་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བདག་ལ་བདག་མེད་པས་སྒྱིད་ལུག་པར་མི་འགྱུར་བ་དེ་ལྟ་ན། ལྷའི་དུ་བྱང་ཆུབ་སེམས་དཔའ་སེམས་དཔའ་ཆེན་པོ་གཏིང་དཔག་དཀའ་ཞིང་ཟབ་མོ་ལ་སྤྱོད་པ་རྣམས་ཡིན་ནོ། ། ལྷར་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་སྟོན་པས་དབང་པོ་ལ་མཁས་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དབང་པོ་དྲུག་གིས་དབང་པོ་ཐམས་ཅད་ལ་ལྟ་བར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་སྟོན་པས་དབང་པོ་ལ་མཁས་པ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འདུས་མ་བྱས་དང་མ་འདྲེས་པས་རྣམ་པར་ཐར་པའི་སྒོར་གནས་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སྒོ་ཐམས་ཅད་ནས་ཐར་པ་སྟོན་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་འདུས་མ་བྱས་དང་མ་འདྲེས་པས་རྣམ་པར་ཐར་པའི་སྒོར་གནས་པ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལྷག་པའི་ང་རྒྱལ་ཅན་ཚར་གཅད་པའི་ཕྱིར་བསྒྲུབ་པ་ལ་མཁས་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཁོར་བ་ལས་མྱ་ངན་ལས་འདས་པ་ཚོལ་ཞིང་ལྟ་བར་བྱེད་ལ། མྱ་ངན་ལས་འདས་པ་ལས་ཀྱང་འཁོར་བ་ཚོལ་ཞིང་ལྟ་བར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ལྷག་པའི་ང་རྒྱལ་ཅན་ཚར་གཅད་པའི་ཕྱིར་སྣརེལ་ཞིར་བསྒྲུབ་པ་ལ་མཁས་པ་རྣམས་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལས་ཀྱི་བྱ་བ་ཐམས་ཅད་ཀྱིས་རྒྱུ་ལ་མཁས་པ་རྣམས་ཡིན། འཇམ་དཔལ་གྱིས་སྤྲས་པ། ལྷོའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་མི་འཕོ་བར་ལྟ་བར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ལས་ཀྱིས་བྱ་བ་ཐམས་ཅད་ཀྱི་རྒྱུ་ལ་མཁས་པ་རྣམས་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལྟ་བའི་རྣམ་པ་དང་བྲལ་ཞིང་། རྟེན་ཅིང་འབྲེལ་བར་འབྱུང་བ་ལ་མཁས་པ་རྣམས་ཡིན། འཇམ་དཔལ་གྱིས་སྨྲས་པ། ལྷོ་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་བདག་པོ་མེད་པར་ཤེས་པར་བྱེད་པ་དེ་ལྟ་ན། ལྷའི་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ལྟ་བའི་རྣམས་དང་བྲལ་ཞིང་རྟེན་ཅིང་འབྲེལ་པར་འབྱུང་བ་ལ་མཁས་པ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཡོངས་སུ་སྨིན་པར་བྱ་བ་དག་ལ་ཐབས་ལ་མཁས་པ་རྣམས་ཡིན།། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཇིག་རྟེན་གྱི་ཚུལ་ལ་སྨོད་པར་མི་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཡོངས་སུ་སྨིན་པར་བྱ་བ་དག་ལ་ཐབས་ལ་མཁས་པ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་པ་ཡོངས་སུ་དག་པས་བརྟུལ་ཞུགས་གྲུབ་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྟོགས་པ་ཉིད་བྱང་ཆུབ་ཡིན་པར་ཤེས་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་པ་ཡོངས་སུ་དག་པས་བརྟུལ་ཞུགས་གྲུབ་པ་རྣམས་ཡིན་ནོ། ། ལྷའི་བུས་སྤྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཞེ་འགྲས་པའི་སེམས་མེད་ཅིང་། བཟོད་པའི་སྟོབས་དང་ལྡན་པ་རྣམས་ཡིན་འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་གཏན་དུ་ཡོངས་སུ་མྱ་ངན་ལས་འདས་པར་ཤེས་པར་བྱེད། ལྟ་བར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཞེ་འགྲས་པའི་སེམས་མེད་ཅིང་བཟོད་པའི་སྟོབས་དང་ལྡན་པ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་ཐམས་ཅད་ཀྱི་ཕ་རོལ་ཏུ་སོན་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཕ་རོལ་ལས་མཐོང་བར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་ཐམས་ཅད་ཀྱི་ཕ་རོལ་ཏུ་སོན་པ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་ཉེ་བར་འཚེ་བ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཀྱི་དབྱིངས་མི་ཟད་པ་རབ་ཏུ་རྟོགས་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་ཉེ་བར་འཚེ་བ་རྣམས་ཡིན་ནོ། ། ལྷོ་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་ཐམས་ཅད་མངོན་པར་འདུ་བར་འགྱུར་བ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་མི་སྣང་བའི་ཚུལ་གྱིས་སངས་རྒྱས་ཀྱི་ཞིང་ཐམས་ཅད་ན་སྣང་བ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་ཐམས་ཅད་མངོན་པར་འདྲ་བར་འགྱུར་བ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྲོག་ཆགས་ཐམས་ཅད་ཀྱིས་བསྔགས་པར་འགྱུར་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་འབྲའ་ཡང་ལེན་པར་མི་བྱེད། སྤོང་བར་མི་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སྲོག་ཆགས་ཐམས་ཅད་ཀྱིས་བསྔགས་པར་འགྱུར་བ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་སྤྱོད་པ་ཐམས་ཅད་ལ་སྨྲས་པ་མེད་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ལ་ནམ་མཁའ་དང་མཚུངས་པ་འདྲ་བར་ཤེས་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་སྤྱོད་པ་ཐམས་ཅད་ལ་སྨས་པ་མེད་པ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་དག་ལ་སྙིང་པོར་གྱུར་པ་རྣམས་ཡིན། འཇམ། དཔལ་གྱིས་སྤྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཀྱི་དབྱིངས་ཀུན་ཏུ་འབྱེད་པ་མི་འབྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་དག་ལ་སྙིང་པོར་གྱུར་པ་རྣམས་ཡིན་ནོ། ། ལྷའི་བུས་སྤྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ལ་དབང་སྒྱུར་བས་དབང་ཕྱུག་ཏུ་གྱུར་པ་རྣམས་ཡིན། འཇམ་དཔལ་གྱིས་སྨྲས་པ། ལྷོ་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བསམ་དུ་མེད་པ་སེམས་པས་སེམས་ཐམས་ཅད་ཤེས་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ལ་དབང་སྒྱུར་པས་དབང་ཕྱུག་ཏུ་གྱུར་པ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བྱ་བ་ཐམས་ཅད་ལ་སློབ་དཔོན་དུ་གྱུར་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཚུལ་གཅིག་གིས་ཚུལ་ཐམས་ཅད་ཤེས་པར་བྱེད་ཅིང་། ཚུལ་ཐམས་ཅད་ཀྱིས་ཀྱང་ཚུལ་གཅིག་ཤེས་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བྱ་བ་ཐམས་ཅད་ལ་སློབ་དཔོན་དུ་གྱུར་པ་རྣམས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་དུ་ཁ་ན་མ་ཐོ་བ་མེད་ཅིང་ཡོན་ཏན་ཐམས་ཅད་དང་ལྡན་པ་རྣམས་ཡིན། འཇམ་དཔལ་གྱོས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་གཉེན་པོ་མེད་པར་རྟོགས་ནས་ཆོས་འགའ་ཡང་སྒྲུབ་པར་མི་བྱེད། ཆོས་འགའ་ཡང་སེལ་བར་མི་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་དུ་ཁ་ན་མ་ཐོ་བ་མེད་ཅིང་། ཡོན་ཏན་རྣམ་པ་ཐམས་ཅད་དང་ལྡན་པ་རྣམས་ཡིན་ནོ། ། འཇམ་དཔལ་གཞོན་ནུར་གྱུར་པས་བསྟན་པ་འདི་བཤད་པ་ན། བྱང་ཆུབ་སེམས་དཔའ་ལྔ་ཁྲི་བརྒྱད་སྟོང་གིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། ལྷ་དང་མི་རྣམས་ཀྱི་སྐྱེ་དགུ་བདུན་ཁྲི་ཉིས་སྟོང་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། ། སྲོག་ཆགས་འབུམ་ལྷག་ཙམ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། འཇམ་དཔལ་གཞོན་ནུར་གྱུར་པ་ལ་མཆོད་པའི་ཕྱིར་ལྷ་རྣམས་ཀྱིས་ཀྱང་སྟེང་གི་བར་སྣང་ལས་ལྷའི་མེ་ཏོག་གི་ཆར་དག་མངོན་པར་རབ་ཏུ་ཕབ་བོ། ། ཐམས་ཅད་དང་ལྡན་པའི་འཁོར་རྣམས་ཀྱིས་ཀྱང་འཇམ་དཔལ་གཞོན་ནུར། གྱུར་པས་བསྟན་པ་འདི་ཐོས་ནས་ཡི་རངས་པ་དང་། དགའ་བ་དང་། ཡིད་བདེ་བ་སྐྱེས་ནས་ཚིག་འདི་སྐད་ཅེས་བདག་ཅག་གིས་ཀྱང་ཆོས་དེ་དག་ཐོབ་པར་གྱུར་ཅིག། འཇམ་དཔལ་གཞོན་ནུར་གྱུར་པའི་སྤོབས་པ་ཇི་ལྟ་བ་དེ་ལྟ་བུའི་སྤོབས་པ་མཆོད་པའང་ཐོབ་པར་གྱུར་ཅིག་ཅེས་སྨྲས་སོ། ། བཅོམ་ལྡན་འདས་ཀྱིས་ཀྱང་འཇམ་དཔལ་གཞོན་ནུར་གྱུར་པ་ལ་འཇམ་དཔལ་ཁྱོད་ཀྱིས་ཆོས་རྣམ་པར་གཏན་ལ་དབབ་པ་བསྟན་པ་འདི་ལེགས་པར་སྨྲས་ཏེ། ལེགས་སོ་ལེགས་སོ་ཞེས་ལེགས་སོ་ཞེས་བྱ་བ་བྱིན་ནོ།། །། བམ་པོ་གཉིས་པ།། དེ་ནས་ལྷའི་བུ་རབ་རྩལ་སེམས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། ། འཇམ་དཔལ་ཅི་ཁྱོད་ཁོ་བོ་ལས་ཆོས་ཀྱི་དགབ་པ་འདོད་དམ། འཇམ་དཔལ་གྱིས་སྨྲས་པ། ལྷའི་བུ་འདི་སྐད་དུ། ཁྱོད་ཆོས་ཀྱི་དགབ་པ་འདོད་དམ་ཞེས་ཟེར་བ་ནི་ལྷའི་བུ་ལེགས་པར་གསུངས་པའི་ཆོས་འདུལ་བ་འདི་ལ་ཆོས་ཀྱི་དགབ་པ་ཞེས་བྱ་བ་འདི་ནི་མེད་པ་དང་འདོད་པ་སྤངས་པ་ཡིན་ཏེ། ཆོས་འདི་ནི་སོ་སོར་རྟོགས་པ་མེད་པའི་ཕྱིར་འདོད་པ་མེད། པ་ཡིན་ནོ།། ཆོས་འདི་ན་མིག་གི་ལམ་ལས་ཡང་དག་པར་འདས་པའི་ཕྱིར་བལྟར་མི་སྣང་བ་ཡིན་ནོ།། ཆོས་འདིནི་མངོན་པར་གྲུབ་པ་མེད་པའི་ཕྱིར་མ་བྱས་པ་ཡིན་ནོ།། ཆོས་འདི་ནི་ཡུལ་དྲུག་དང་མ་འདྲེས་པའི་ཕྱིར་མི་མཐོང་བ་ཡིན་ནོ། ། ཆོས་འདི་ན་སེམས་དང་། ཡིད་དང་། རྣམ་པར་ཤེས་པ་དང་བྲལ་བའི་ཕྱིར་བདག་གི་བ་མེད་པ་ཡིན་ནོ།། ཆོས་འདི་ནི་གཏན་ཡོངས་སུ་མ་གྲུབ་པའི་ཕྱིར་གཟུང་བ་མེད་པ། ཡིན་ནོ།། ཆོས་འདི་ནི་ཡུལ་མེད་པའི་ཡུལ་དུ་འགྲོ་བའི་ཕྱིར་གཞི་མེད་པ་ཡིན་ནོ།། ཆོས་འདི་ནི་རང་བཞིན་གྱིས་དབེན་པའི་ཕྱིར་ཟག་པ་མེད་པ་ཡིན་ནོ། ཆོས་འདི་ནི་སྔོན་གྱི་མཐའ་རྣམ་པར་དག་པའི་ཕྱིར་འོང་བ་མེད་པ་ཡིན་ནོ། ། ཆོས་འཛིན་ཕྱི་མའི་མཐའ་རྣམ་པར་དག་པའི་ཕྱིར་འགྲོ་བ་མེད་པ་ཡིན་ནོ།། ཆོས་འདིན་ད་ལྟར་བྱུང་བ་རྣམ་པར་དག་པའི་ཕྱིར་གནས་པ་མེད་པ་ཡིན་ནོ།། ཆོས་འདི་ནི་བརྟག་ཅིང་སེལ་བའང་བྲལ་བའི་ཕྱིར་རྩོལ་བ་མེད་པ་ཡིན་ནོ། ། ཆོས་འདི་ནི་ནམ་མཁའ་དང་མཉམ་པའི་ཕྱིར་མཉམ་པ་མེད་པ་ཡིན་ནོ།། ཆོས་འདི་ནི་གཉེན་པོ་མེད་པའི་ཕྱིར་མི་མཉམ་པ་དང་མཉམ་པ་ཡིན་ནོ།། ཆོས་འདི་ནི་བདུད་ཀྱི་ཡུལ་ཐམས་ཅད་ལས་ཡང་དག་པར་འདས་པའི་ཕྱིར་གཡོ་བ་མེད་པ་དང་། རློམ་སེམས་མེད་པ་དང་། མ་བརྟགས་པ་དང་། རྣམ་པར་མ་བརྟགས་པ་དང་། རྣམ་པར་མ་བསྒྲུབས་པ་དང་། ཀུན་ཏུ་མ་བསྟན་པ་ཡིན་ནོ། ། ཆོས་འཛིན་སྐྱེ་བ་དང་། འཇིག་པ་དང་བྲལ་བའི་ཕྱིར་བླང་བ་མེད་པ་དང་། དོར་བ་མེད་པ་ཡིན་ནོ།། ཆོས་འདི་ནི་ཆོས་ཀྱི་དབྱིངས་སུ་ཡང་དག་པར་གཞོལ་བའི་ཕྱིར་གནས་མེད་པར་གནས་པ་ཡིན་ནོ།། ཆོས་འདི་ནི་ཡང་དག་པར་མ་བྱུང་བའི་ཕྱིར་དབྱེར་མེད་པ་ཡིན་ནོ།། ཆོས་འདི་ན་སྤྲོས་པ་དང་བྲལ་བའི་ཕྱིར་རབ་ཏུ་སྤྱོད་པ་མེད་པ་ཡིན་ནོ།། ཆོས་འདི་ནི་རང་བཞིན་གྱིས་ཉེ་བར་ཞི་བའི་ཕྱིར་སྤྲོས་པ་དང་བྲལ་བ་ཡིན་ནོ། ། ཆོས་འདི་ན་རྣམ་པར་རྟོག་པ་ཐམས་ཅད་དང་བྲལ་བའི་ཕྱིར་ཉེ་བར་ཞི་བ་ཡིན་ནོ།། ཆོས་འདི་ནི་ཕས་ཀྱི་རྒོལ་བ་ཐམས་ཅད་ངེས་པར་བཅོམ་པའི་ཕྱིར་རྣམ་པར་རྟོག་པ་མེད་པ་ཡིནནོ། ཆོས་འདིན་འདོད་པའི་འདོད་ཆགས་ཀྱི་རྡུལ་དང་བྲལ་བའི་ཕྱིར་ཤིན་ཏུ་འཕགས་པ་ཡིན་ནོ།། ཆོས་འདི་ནི་སྟོང་པ་ཉིད་ཀྱི་ཕྱིར་སྟོང་པ་ཡིན་ནོ།། ཆོས་འདི་ནི་ངེས་པར་མ་བརྟགས་པའི་ཕྱིར་མཚན་མ་མེད་པ་ཡིན་ནོ།། ཆོས་འདི་ནི་རྣམ་པར་ཤེས་པ་མི་གནས་པའི་ཕྱིར་སྨོན་པ་མེད་པ་ཡིན་ནོ།། ཆོས་འདི་ནི་རྩ་བ་ཡོངས་སུ་ཆད་པའི་ཕྱིར་མི་གནས་པ་ཡིན་ནོ།། ཆོས་འདི་ནི་གྲོགས་མེད་པའི་ཕྱིརརོ་མི་རྟེན་པ་ཡིན་ནོ།། ཆོས་འདི་ནི་མ་རྟེན་པའི་ཕྱིར་མི་གཡོ་བ་ཡིན་ནོ། ། ཆོས་འདི་ནི་གཟོད་མ་ནས་རྣམ་པར་དག་པའི་ཕྱིར་བདག་མེད་པ་ཡིན་ནོ།། ཆོས་འདི་ནི་གཏན་མངོན་པར་གྲུབ་པ་མེད་པའི་ཕྱིར་སེམས་ཅན་མེད་པ་ཡིན་ནོ།། ཆོས་འདི་ནི་གཟོད་མ་ནས་ས་བྱུང་བའི་ཕྱིར་རྟག་པ་མེད་པ་ཡིན་ནོ། ། ཆོས་འདོན་གཟོད་མ་ནས་མ་སྐྱེས་པའི་ཕྱིར་མ་བྱུང་བ་ཡིན་ནོ།། ཆོས་འདོན་མཚན་ཉིད་དང་བྲལ་བའི་ཕྱིར་མ་སྐྱེས་པ་ཡིན་ནོ།། ཆོས་འདི་ནི་མཚན་ཉིད་ཐམས་ཅད་དང་བྲལ་བའི་ཕྱིར་མཚན་ཉིད་མེད་པ་ཡིན་ནོ། ། ཆོས་འདི་ནི་གཟོད་མ་ནས་ཡང་དག་པར་རྒྱུན་ཆད་པའི་ཕྱིར་ཞི་བ་ཡིན་ནོ།། ཆོས་འདི་ནི་གཟོད་མ་ནས་ཉེ་བར་ཞི་བའི་ཕྱིར་ཡང་དག་པར་རྒྱུན་ཆད་པ་མེད་པ་ཡིན་ནོ།། ཆོས་འདི་ནི་མ་ཕྱེད་པ་དང་མི་སྣང་བའི་ཕྱིར་ནམ་མཁའི་མཚན་ཉིད་ལྟ་བུ་ཡིན་ན། ལྷའི་བུ་ཆོས་དེ་ལྟ་བུ་དེ་ལ་ཆོས་ཀྱི་དགབ་པ་ཇི་ལྟ་བུ་ཞིག་ཡོད། ལྷའི་བུས་སྨྲས་པ། འཇམ་དཔལ་ཆོས་འདིའི་དགེབ་པ་ནི་ཀུན་ཏུ་འཕྲོ་བ་མེད་པ་ཡིན་ནོ།། འཇམ་དཔལ་གྱིས་སྨྲས་པ། ལྷའི་བུ་ལེགས་སོ་ལེགས་སོ།། ཇི་སྐད་སྨྲས་པ་དེ་བཞིན་ཏེ། ཆོས་འདིའི་དགབ་པོ་ན་གང་ལ་ལུས་དང་། ངག་དང་། སེམས་ཀྱིས་རྟུལ་བ་མེད་པ་དེ་ལྟ་བུ་ཡིན་ནོ།། དེ་ཅིའི་ཕྱིར་ཞེ། ན། ཆོས་འདི་ནི་གསལ་བ་རྙོག་པ་མེད་པ་ཡིན་པས་དེ་ནི་སེམས་རྙོག་པ་ཅན་གྱིས་མཆོད་པར་མི་ནུས་པའི་ཕྱིར་རོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་སེམས་རྙོག་པ་ཅན་ཡིན། འཇམ་དཔལ་གྱིས་སྨྲས་པ། ལྷའི་བུ་གཟུགས་ཀྱི་མཚན་རྗེས་སུ་དྲན་པར་བྱེད་པ་ནི་སེམས་རྙོག་པ་ཅན་ཡིན་ནོ།། སྒྲ་དང་། སྐད་དང་། དབྱངས་དང་། ཚིག་གི་ལམ་གྱིས་ཆོས་རྗེས་སུ་དྲན་པར་བྱེད་པ་ནི་སེམས་རྙོག་པ་ཅན་ཡོན་ནོ། ། འབྲས་བུ་ཐོབ་པ་མངོན་དུ་བྱེད་པས་དགེ་འདུན་རྗེས་སུ་དྲན་པར་བྱེད་པ་ནི་སེམས་རྙོག་པ་ཅན་ཡིན་ནོ།། ཉོན་མོངས་པ་གཏན་སྤོང་བ་རྗེས་སུ་དྲན་པར་བྱེད་པ་ནི་སེམས་རྙོག་པ་ཅན་ཡིན་ནོ།། སྐྱེ་བ་ལ་རྟེན་པས་ལྷ་རྗེས་སུ་དྲན་པར་བྱེད་པ་ནི་སེམས་རྙོག་པ་ཅན་ཡོན་ནོ།། མ་དུལ་བའི་སྦྱིན་པའི་སེམས་ནི་སེམས་རྙོག་པ་ཅན་ཡིན་ནོ།། མ་ཞི་བའི་ཚུལ་ཁྲིམས་ཀྱི་སེམས་ནི་སེམས་རྙོག་པ་ཅན་ཡིན་ནོ། སེམས་ཅན་ལ་རྟེན་པའི་བཟོད་པའི་སེམས་ནི་སེམས་རྙོག་པ་ཅན་ཡིན་ནོ།། སྤྲོས་པ་དང་བཅས་པའི་ཤེས་རབ་ཀྱི་སེམས་ནི་སེམས་རྙོག་པ་ཅན་ཡིན་ནོ།། བདག་ཏུ་འཛིན་པ་ལ་གནས་པའི་བྱམས་པའི་སེམས་ནི་སེམས་རྙོག་པ་ཅན་ཡིན་ནོ། ། སེམས་ལ་ངེས་པར་མ་བསམས་པའི་བསམ་གཏན་གྱི་སེམས་ནི་སེམས་རྙོག་པ་ཅན་ཡིན་ནོ།། ཐེ་ཙོམ་ཅན་གྱི་སྙིང་རྗེའི་སེམས་ནི་སེམས་རྙོག་པ་ཅན་ཡིན་ནོ། ། མྱ་ངན་ལས་འདས་པའི་ལམ་དང་བྲལ་བའི་དགའ་བའི་སེམས་ནི་སེམས་རྙོག་པ་ཅན་ཡིན་ནོ།། གཉིས་ལ་གནས་པའི་བཏང་སྙོམས་ཀྱི་སེམས་ནི་སེམས་རྙོག་པ་ཅན་ཡིན་ནོ།། ལུས་སུ་འདུ་ཤེས་པའི་ཚོར་བའི་སེམས་ནི་སེམས་རྙོག་པ་ཅན་ཡིན་ནོ།། ཆོས་སུ་འདུ་ཤེས་པའི་དྲན་པ་ཉེ་བར་གཞག་པའི་སེམས་ནི་སེམས་རྙོག་པ་ཅན་ཡིན་ནོ།། སྐྱེ་བ་དང་འཇིག་པར་འདུ་ཤེས་པའི་ཡང་དག་པར་སྤོང་བའི་སེམས་ནི་སེམས་རྙོག་པ་ཅན་ཡིན་ནོ། ། ལུས་དང་སེམས་ལ་རྟེན་པའི་རྫུ་འཕྲུལ་གྱི་རྐང་པའི་སེམས་ནི་སེམས་རྙོག་པ་ཅན་ཡིན་ནོ།། དབང་པོ་དྲུག་ལ་རྟེན་པའི་དབང་པོ་ལྔའི་སེམས་ནི་སེམས་རྙོག་པ་ཅན་ཡིན་ནོ།། ལྟ་བའི་སྟོབས་དང་ལྡན་པའི་སྟོབས་ལྔའི་སེམས་ནི་སེམས་རྙོག་པ་ཅན་ཡིན་ནོ།། ཆོས་སུ་འདུ་ཤེས་པ་ལ་གནས་པའོ་བྱང་ཆུབ་ཀྱི་ཡན་ལག་གི་སེམས་ནི་སེམས་རྙོག་པ་ཅན་ཡིན་ནོ།། འདུ་བྱེད་ཡིད་ལ་བྱེད་པ་ལ་བརྩོན་པའི་ལམ་བསྒོམ་པའོ་སེམས་ནི་སེམས་རྙོག་པ་ཅན་ཡིན་ནོ། ། སྡུག་བསྔལ་ལ་ཡོངས་སུ་རྟོག་པའི་འདུ་ཤེས་ཅན་གྱི་སེམས་ནི་སེམས་རྙོག་པ་ཅན་ཡིན་ནོ།། ཀུན་འབྱུང་བ་ལ་བསྒོམ་པའི་འདུ་ཤེས་ཅན་གྱི་སེམས་ནི་སེམས་རྙོག་པ་ཅན་ཡིན་ནོ། ། འགོག་པ་ཟད་པར་འདུ་ཤེས་པའི་སེམས་ནི་སེམས་རྙོག་པ་ཅན་ཡིན་ནོ།། ལམ་བསྒོམ་པ་ལ་བསྒོམ་པའི་འདུ་ཤེས་པའི་སེམས་ནི་སེམས་རྙོག་པ་ཅན་ཡིན་ཏེ། ལྷའི་བུ་ཇི་ཙམ་དུ་རང་བཞིན་གྱིས་ཡོངས་སུ་དག་པ་ཉིད་ལ་སྒྲོ་འདོགས་པར་བྱེད་པ་དེ་ཙམ་དུ་སེམས་རྙོག་པ་ཅན་ཡིན་ནོ། ། ལྷའི་བུས་སྨྲས་པ། འཇམ་དཔལ་སེམས་རྙོག་པ་མེད་པ་དག་གང་ཡིན། འཇམ་དཔལ་གྱིས་སྨྲས་པ། ། ཝ་བུ་གང་དག་གི་སེམས་ནམ་མཁའ་དང་བཉས་པ་དངའོ།། ལྷའི་བུས་སྨྲས་པ། འཇམ་དཔལ་ནམ་མཁརའ་ལ་སེམས་ཅུང་ཟད་ཀྱང་ཡོད་དམ། འཇམ་དཔལ་གྱིས་སྤྲས་པ། ལྷའི་བུ་ཇི་ལྟར་ནམ་མཁའ་ལ་སེམས་མེད་པ་བཞིན་དུ་སེམས་དེའང་དེ་དང་འདྲ་སྟེ། གང་གི་སེམས་དེ་འདྲ་བ་དེ་ནི་སེམས་ནམ་མཁའ་དང་མཉམ་པ་ཡིན་ནོ།། ལྷའི་བུས་སྨྲས་པ། འཇམ་དཔལ་གནས་དེ་ལ་སུ་ཞིག་མོས་པར་འགྱུར། འཇམ་དཔལ་གྱིས་སྨྲས་པ། ལྷའི་བུ་ལྷག་པར་བྱེད་པ་ལ་བརྩོན་པ་རྣམས་ཀྱིས་མོས་པར་དཀའ་བ་ཡིན་ནོ།། ལྷའི་བུས་སྨྲས་པ་འཇམ་དཔལ་ལྷག་པར་བྱེད་པ་ཞེས་བྱ་བ་དེ་ཇི་ལྟ་བུ་ཡིན། འཇམ་དཔལ་གྱིས་སྨྲས་པ་ཀ་ལྷའི་བུ་གང་གི་སེམས་རམ་མཁའ་དང་མཉམ་པ་ཉིད་ཀྱི་ཕྱིར་ལྷག་པར་བྱེད་པའོ།། ལྷའི་བུས་སྨྲས་པ། འཇམ་དཔལ་ཅི་ཞིག་ལྷག་པར་བྱེད་པ་ཡིན། འཇམ་དཔལ་གྱིས་སྨྲས་པ་ལྷའི་བུ་རྟག་པར་བྱེད་པ་ནི་ལྷག་པར་བྱེད་པ་ཡིན་ནོ། ། མི་རྟག་པར་བྱེད་པ་ནི་ལྷག་པར་བྱེད་པ་ཡིན་ནོ།། དེ་བཞིན་དུ་བདེ་བ་དང་། སྡུག་བསྔལ་དང་། སྡུག་པ་དང་། མི་སྡུག་པ་དང་། བདག་དང་བདག་མེད་པར་བྱེད་པ་ནི་ལྷག་པར་བྱེད་པ་ཡིན་ནོ། ། སྟོང་པ་ཞེས་བྱ་བ་དང་། གང་ཟག་ཅེས་བྱ་བ་དེ་ནི་ལྷག་པར་བྱེད་པ་ཡིན་ནོ།། མཚན་མ་མེད་པ་ཞེས་བྱ་བ་དང་། སྨོན་པ་མེད་པ་ཞེས་བྱ་བ་དེ་ནི་ལྷག་པར་བྱེད་པ་ཡིན་ནོ། ། སྒྱུ་མ་དང་། རྨི་ལམ་དང་། མིག་ཡོར་དང་། གཟུགས་བརྙན་དང་། ཟག་ཆ་དང་། ཆུ་ཟླ་དང་། སྨིག་རྒྱུ་དང་། སྤྲུལ་པའི་དཔེ་ཉེ་བར་དགོད་པ་དག་གིས་ཆོས་རྣམ་པར་འཇོག་པར་བྱེད། མཚོན་པར་བྱེད། འཇུག་པར་བྱེད། སྟོན་པར་བྱེད་པ་དེ་ནི་ལྷག་པར་བྱེད་པ་ཡིན་ནོ།། ཇི་ཙམ་དུ་ཆོས་རྣམ་པར་འཇོག་པར་བྱེད་པ་དེ་ཙམ་དུ་ལྷག་པར་བྱེད་པ་ཡིན་ཏེ། ཀུན་ནས་ཉོན་མོངས་པ་ལ་སྐྱོན་དུ་བྱེད་པ་དང་། རྣམ་པར་བྱང་བ་ལ་སྐྱོན་མེད་པར་བྱེད་པ་དེ་ནི་ལྷག་པར་བྱེད་པ་ཡིན་ནོ།། འཁོར་བ་ལ་སྐྱོན་དུ་ལྟ་བར་བྱེད་པ་དང་། མྱ་ངན་ལས་འདས་པ་ལ་ཕན་ཡོན་དུ་ལྟ་བར་བྱེད་པ་དེ་ནི་ལྷག་པར་བྱེད་པ་ཡིན་ཏེ། ལྷའི་བུ་དེ་ངདག་ནི་ལྷག་པའི་ང་རྒྱལ་ཅན་རྣམས་ཀྱི་ལྷག་པར་བྱེད་པ་དག་ཡོན་ནོ། ། ལྷའོ་བུས་སྨྲས་པ། འཇམ་དཔལ་ཇི་ལྟར་ན་ལྷག་པའི་ང་རྒྱལ་མེད་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གིས་ངེས་པར་འབྱུང་བའི་དབྱིངས་རྟོགས་ཤིང་ཉོན་མོངས་པ་ཐམས་ཅད་འགོག་པ་བསྒྲུབས་ཏེ་གནས་ཀྱང་། འགོག་པ་འགོག་པར་ཡང་མི་བྱེད་ལ། སྐྱེ་བ་མེད་པ་སྐྱེད་པར་ཡང་མི་བྱེད་ཅིང་ག་སྒྲ་ཐམས་ཅད་ཀྱིས་སྐྲག་པར་ཡང་མི་བྱེད་ལ། ཀུན་ནས་ཉོན་མོངས་པའི་རང་བཞིན་གང་ཡིན་པ་དེ་ཉིད་རྣམ་པར་བྱང་བའི་རང་བཞིན་ཡིན་པ་དེ་ལྟར་ཤེས་ཤིང་ཆོས་ཐམས་ཅད་ལ་གཉིས་དང་བྲལ་བ་དང་། བླང་བ་མེད་པ་དང་། དོར་བ་མེད་པ་ཐོབ་པ་དེ་ནི་ལྷའི་བུ་ལྷག་པའི་ང་རྒྱལ་མེད་པ་ཡིན་ནོ། ། འཇམ་དཔལ་གཞོན་ནུར་གྱུར་པས་བསྟན་པ་འདི་བཤད་པ་ན། ལྷའི་བུ་ཉི་ཁྲི་ཉིས་སྟོང་ཆོས་རྣམས་ལ་ཆོས་ཀྱི་མོག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ།། དགེ་སློང་ལྔ་སྟོང་ནི་ལེན་པ་མེད་པར་བས་པ་རྣམས་ལས་སེམས་རྣམ་པར་གྲོལ་ལོ། ། བྱང་ཆུབ་སེམས་དཔའ་མ་ཁྲི་ཅོས་སྟོང་གིས་ནི་མོ་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། སྲོག་ཆགས་སྟོང་ཕྲག་རབ་ཏུ་མང་པོ་དག་གིས་ནི་བླ་ན་མེད་པ་དང་། དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། དགེ་བསྙེན་སྟོང་ཡང་ཆོས་རྣམས་ལ་ཆོས་ཀྱི་མོག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ།། ཁྱིམ་པ་དང་རབ་ཏུ་བྱུང་བ་ལས་བུད་མེད་ཉིས་སྟོང་ཡང་ཆོས་རྣམས་ལ་ཆོས་ཀྱི་སོག་རྡུལ་མེད་ཅིང་དྲི་བ་དང་བྲལ་བ་རྣམ་པར་དག་གོ། ། དེ་ནས་ལྷའི་བུ་རབ་རྩལ་སེམས་ཀྱིས། ཉན་ཐོས་ཆེན་པོ་དེ་དག་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་དག་ཁྱེད་ཅག་ཀྱང་ཐེ་ཙོམ་ཅི་ཡོད་པ་དག་འཇམ་དཔལ་གཞོན་ནུར་གྱུར་པ་ལ་དྲིས་ཤིག། དེ་ནས་གནས་བརྟན་འོད་སྲུངས་ཆེན་པོས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་དགེ་སློང་རྣམ་པར་ཐར་པ་བརྒྱད་ལ་བསམ་གཏན་བྱེད་པ། ཅི་ཞིག་ལ་བསམ་གཏན་བྱེད་པ་ཡིན། འཇམ་དཔལ་གྱིས་སྨྲས་པ། བཙུན་པ་འོད་སྲུངས་ཆེན་པོ་དགེ་སློང་རྣམ་པར་ཐར་པ་བརྒྱད་ལ་བསམ་གཏན་བྱེད་པ་ནི། རྩ་བ་མེད་པ་དང་། མཐའ་མེད་པ་དང་། གནས་མེད་པ་ལ་བསམ་གཏན་བྱེད་པ་དང་། མི་འཁྲུགས་པ་ལ་བསམ་གཏན་བྱེད་པ་དང་། ཡང་དག་པ་ལ་བསམ་གཏན་བྱེད་པ་ཡིན་ནོ།། འོད་སྲུངས་ཆེན་པོས་སྨྲས་པ། འཇམ་དཔལ་ཅི་ལས་བསམ་ཏེ་དེ་སྐད་སྨྲ། འཇམ་དཔལ་གྱིས་སྨྲས་པ། བཙུན་པ་འོད་སྲུངས་ཆེན་པོ་རྩ་བ་ནི་རང་གི་ལུས་ཡིན། མཐའ་ནི་ངར་འཛིན་པ་ཡིན། གནས་ནི་ཁམས་གསུམ་ཡིན།། འཁྲུགས་པ་ནི་ཉོན་མོངས་པ་རྣམས་ཡོན། ། མི་མཉམ་པ་ནི་གཉིས་ཡིན་ཏེ། དེ་ལ་དེས་ལུས་ནི་རྩ་བ་མེད་པར་ཤེས། ངར་འཛིན་པ་ནི་མཐའ་མེད་པར་ཤེས།། ཁམྦ་ག་སུ་ནི་གནས་མེད་པར་ཤེས། ཉོན་མོདྲ་བ་རྣམཱ་ནི་མི་གྲུབ་པར་ཤེས། བསམ་གཏན་རྣམས་། གཉིས་སུ་མེད་པར་ཤེས་པས་ན། བཙུན་པ་འོད་སྲུངས་ཆེན་པོ་ཁོ་བོས་དེ་ལས་བསམས་ནས་དགེ་སློང་རྣམ་པར་ཐར་པ་བརྒྱད་ལ་བསམ་གཏན་བྱེད་པ་ནི་རྩ་བ་མེད་པ་དང་གནས་མེད་པ་ལ་བསམ་གཏན་བྱེད་པ་དང་། མི་འཁྲུགས་པ་ལ་བསམ་གཏན་བྱེད་པ་དང་། ཡང་དག་པ་ལ་བསམ་གཏན་བྱེད་པ་ཡིན་ནོ་ཞེས་སྨྲས་སོ།། ཤཱ་རིའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཆགས་པ་མེད་པའི་ཤེས་རབ་དང་ལྡན་པ་ཡིན། འཇམ་དཔལ་གྱིས་སྨྲས་པ། བཙུན་པ་ཤཱ་རིའི་བུ་བྱང་ཆུབ་སེམས་དཔའ་གང་ཆགས་པ་ཐམས་ཅད་ལ་སྤྱོད་པར་བྱེད་ཀྱང་། ཆགས་བ་ཐམས་ཅད་ཀྱིས་གོས་པར་མི་འགྱུར་ཞིང་། ཉོན་མོངས་པ་ཐམས་ཅད་ལ་མངོན་སུམ་དུ་བྱེད་ཀྱང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་ཉོན་མོངས་པ་དེ་དག་གི་རང་བཞིན་གང་ཡིན་པའི་ཉོན་མོངས་པ་དེ་དག་ཀྱང་སྤོང་བར་མི་བྱེད་ན། དེ་ཙམ་གྱིས་ན་བྱང་ཆུབ་སེམས་དཔའ་ཆགས་པ་མེད་པའི་ཤེས་རབ་དང་ལྡན་པ་ཡིན་ནོ།། མོའུ་འགལ་གྱི་བུ་ཆེན་པོས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་རྫུ་འཕྲུལ་ཆེ་བ་ཡིན། འཇམ་དཔལ་གྱིས་སྨྲས་པ། བཙུན་པ་མོའུ་འགལ་གྱི་བུ་ཆེན་པོ་བྱང་ཆུབ་སེམས་དཔའ་གང་འདུས་བྱས་ཀྱང་མ་ཐོབ། འདུས་མ་བྱས་ཀྱང་མཐོབ་ལ། སློབ་པ་དང་མི་སློབ་པ་རྣམས་ཀྱང་འདུལ་བར་བྱེད་ན། དེ་ཙམ་གྱིས་ནི་བྱང་ཆུབ་སེམས་དཔའ་རྫུ་འཕྲུལ་ཆེ་བ་ཡིན་ནོ།། རབ་འབྱོར་གྱིས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཉོན་མོངས་པ་མེད་པར་གནས་པ་ཡིན། འཇམ་དཔལ་གྱིས་སྨྲས་པ། བཙུན་པ་རབ་འབྱོར་གང་གི་ཚེ་བྱང་ཆུབ་སེམས་དཔའ་ཆོས་ཐམས་ཅད་སྒྲིབ་པ་མེད་པར་ཤེས་པར་བྱེད་ལ། ཕ་རོལ་དང་། ཚུ་རོལ་དང་བྲལ་ཞིང་བྱ་ཆུ་ཀྱི་སྒྲི། པའང་མི་སྤོང་ལ། ཏིང་ངེ་འཛིན་ལས་ཀྱང་མི་ལྡང་ཞིང་། བྱ་བ་ཐམས་ཅད་ཀྱང་སྟོང་པར་བྱེད་ན། དེ་ཙམ་གྱིས་ན་བྱང་ཆུབ་སེམས་དཔའ་ཉོན་མོངས་པ་མེད་པར་གནས་པ་ཡིན་ནོ།། བྱམས་མའི་བུ་གང་བོཔོས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཆོས་སྨྲ་བ་ཡིན། འཇམ་དཔལ་གྱིས་སྨྲས་པ། བཙུན་པ་གང་པོ་གང་གི་ཚེ་བྱང་ཆུབ་སེམས་དཔའ་དབང་པོ་ཐམས་ཅད་ཀྱིས་སྤོབས་པར་བྱེད་ཅིང་འདུ་བྱེད་ཐམས་ཅད་མི་རྟག་གོ་ཞེས་འབྲས་བུ་ཡོད་པར་ཆོས་སྟོན་པར་བྱེད་ལ། བསྐལ་པ་སྟོང་ཕྲག་རྣམས་སུ་དོན་དང་། ཚིག་དང་། ཡི་གེ་སྟོན་པ་རྣམས་ཀྱིས་རྒྱས་པར་སྟོན་པར་བྱེད་ཀྱང་མཐར་ཐུག་པར་མི་འགྱུར་ན། དེ་ཙམ་གྱིས་ན་བྱང་ཆུབ་སེམས་དཔའ་ཆོས་སྟོན་པ་ཡིན་ནོ།། ནམ་གྲུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་བསམ་གཏན་པ་ཡིན། འཇམ་དཔལ་གྱིས་སྨྲས་པ་བ་ཙུན་པ་ནམ་གྲུ་གང་གི་ཚེ་བྱང་ཆུབ་སེམས་དཔའ་ཆོས་ཐམས་ཅད་རང་བཞིན་གྱིས་མཉམ་པར་གཞག་པ་ཉིད་ཡིན་པར་ཡང་ཤེས་པར་བྱེད་ལ་ཀ་སེམས་རྣམ་པར་གཡེངས་པ་རྣམས་ལ་སྙིང་རྗེ་ཆེན་པོ་བསྐྱེད་དེ་ཕྱི་མའི་མཐོ་མུར་ཐུག་པའོ་བར་དུ་སྤྱོད་པར་བྱེད་ཀྱང་ཁསམ་གཏན་ལ་གནས་པ་ལས་གཡོ་བར་མི་འགྱུར། དེ་ཙམ་གྱིས་ན་བྱང་ཆུབ་སེམས་དཔའ་བསམ་གཏན་པ་ཡིན་ནོ།། ཉེ་བར་འཁོར་གྱིས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་འདུལ་བ་འཛིན་པ་ཡིན། འཇམ་དཔལ་གྱིས་སྨྲས་པ། བཙུན་པ་ཉེ་བར་འཁོར་གང་གི་ཚེ་བྱང་ཆུབ་སེམས་དཔའ་ཆོས་རྣམས་གཏན་དུ་ལག་ཉིད་དུའང་ཤེས་པར་བྱེད་ཅིང་། ལྟུང་བ་དང་ཉོན་མོངས་པ་དང་བྲལ་ལ། ལྟུང་བ་དང་ཉོན་མོངས་པ་གདུལ་བའི་ཕྱིར་ཆོས་སྟོན་པར་ཡང་བྱེད་ཅིང་། དེ་ལྟར་ཉོན་མོངས་པ་རྣམས་རྟོགས་པར་ཡང་བྱེད་ལ་བྱང་ཆུབ་ཀྱང་ཚོལ་པར་བྱེད་ན། དེ་ཙམ་གྱིས་ན་བྱང་ཆུབ་སེམས་དཔར་འདུལ་བ་འཛིན་པ་ཡིན་ནོ།། མ་འགགས་པས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ལྷའི་མིག་དང་ལྡན་པ་ཡིན། འཇམ་དཔལ་གྱིས་སྨྲས་པ། བཙུན་པ་མ་འགགས་པ་གང་གི་ཚེ་བྱང་ཆུབ་སེམས་དཔའ་ཕྱོགས་བཅུའི་གཟུགས་སྣང་བ་ཐམས་ཅད་ཀྱང་མཐོང་བར་བྱེད་ལ། གཟུགས་དབེན་པར་མཐོང་བས་ཆོས་ཐམས་ཅད་དབེན་པར་མཐོང་བ་རྗེས་སུ་རྟོགས་བར་བྱེད་ན། ། དེ་ཙམ་གྱིས་ན་བྱང་ཆུབ་སེམས་དཔའ་ལྷའི་སོག་དང་ལྡན་པ་ཡིན་ནོ།། བཀུ་ལས་སྤྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་དབང་པོ་བསྲུངས་པ་ཡིན། འཇམ་དཔལ་གྱིས་སྨྲས་པ། ཤྲཱི་ནྱ་ང་ཆུབ་སེམས་དཔའ་གྲུབ་ཐམས་ཅད་སངས་རྒྱས་ཀྱི་སུམ་ཡིན་པར་ལྟ་དྷཱ། ངས་རྒྱས་ཀྱི་ཡུལ་ཡང་ཡུལ་མེད་པར་བསྟན། དེསས་ཀྱིས་རབྱུང་ཆུབ་སེམས་དཔ་དབང་པོ་བཀྲུས་པ་ཡིན་ནོ།། སོར་མོའི་འཕྲེང་བས་སྨྲས་པ། འཇམ་དཔའ་ཇི་ལྟར་ན་བྱང་ཆུབ་སེམས་དཔའ་དབང་པོ་རྣོ་བ་ཡིན། འཇམ་དཔལ་གྱིས་སྨྲས་པ། བཙུན་པ་སོར་མོའི་འཕྲེང་བ་གང་གི་ཚེ་བྱང་ཆུབ་སེམས་དཔའ་བྱང་ཆུབ་རང་བནི་གྱིས་མ་སྐྱེས་པར་ཕྱིར། མཚམས་མེད་པ་དང་མཉམ་པར་ལྟ་བར་བྱེད་ན། དེ་ཙམ་གྱིས་ན་བྱང་ཆུབ་སེམས་དཔའ་དབང་པོ་རྣོ་བ་ཡིན་ནོ།། ཀ་ཏྱའི་བུ་ཆེན་པོས་སྨྲས་པ། འཇམ་དཔལ་ཇི་ལྟར་ང་བྱང་ཆུབ་སེམས་དཔའ་མདོ་སྡེ་རྣམ་པར་འབྱེད་པ་ལ་མཁས་པ་ཡིན། འཇམ་དཔལ་གྱིས་སྤྲས་པ། བཙུན་པ་ཀ་ཏྱའི་བུ་ཆེན་པོ་གང་གི་ཚེ་བྱང་ཆུབ་སེམས་དཔའ་སོ་སོ་ཡང་དག་པར་རིག་པ་མི་ཟད་པ་བཞི་ཐོབ་ཅིང་ཚིག་གཅིག་གིས་ཀྱང་བསྐལ་པ་འབུམ་གྱི་བར་དུ་རྒྱ་ཆེར་རྣམ་པར་འབྱེད་ཅིང་སྟོན་ལ། ཅི་ནས་ཀྱང་ཀུན་ནས་ཉོན་མོངས་པ་སྤོང་བར་མི་བྱེད་པ་དང་། རྣམ་པར་བྱང་བ་ལེན་པར་མི་བྱེད་པ་དེ་ལྟར་སྟོན་པར་བྱེད་པ་དང་། ཆོས་ཉིད་གནས་པ་ལས་ཀྱང་མི་གཡོ་ལ། གནས་ཐམས་ཅད་ལའང་མི་རྟེན་པ་དེ་ལྟར་སྟོན་པར་བྱེད་ན། དེ་ཙམ་གྱིས་ན་བྱང་ཆུབ་སེམས་དཔའ་མདོ་སྡེ་རྣམ་པར་འབྱེད་པ་ལ་མཁས་པ་ཡིན་ནོ།། གསུས་པོ་ཆེ་ཆེན་པོས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སོ་སོ་ཡང་དག་པར་རིག་པ་ཐོབ་པ་ཡིན། འཇམ་དཔལ་གྱིས་སྨྲས་པ། བཙུན་པ་གསུས་པོ་ཆེ་གང་གི་ཚེ་བྱང་ཆུབ་སེམས་དཔའ་བརྗོད་དུ་མེད་པའི་དོན་གྱོས་དོན་སོ་སོ་ཡང་དག་པར་རིག་པ་སྟོན་པ་དང་། ཆོས་ཀྱི་དབྱིངས་གནས་པ་ཉིད་ཀྱིས་ཆོས་སོ་སོ་ཡང་དག་པར་རིག་པ་སྟོན་པ་དང་། མིང་དང་མཚན་པ་མེད་པ་ཉིད་ཀྱིས་ངེས་པའི་ཚིག་སོ་སོ་ཡང་དག་པར་རིག་པ་སྟོན་པ་དང་། བྲག་ཆ་དང་། མཉམ་པ་ཉིད་ཀྱིས་སྤོབས་པ་སོ་སོ་ཡང་དག་པར་རིག་པ་སྟོན་པར་བྱེད་ན། དེ་ཙམ་གྱིས་ན་བྱང་ཆུབ་སེམས་དཔའ་སོ་སོ་ཡང་དག་པར་རིག་པ་ཐོབ་པ་ཡིན་ནོ།། སྒྲ་གཅན་ཟིན་གྱིས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཚུལ་ཁྲིམས་དང་ལྡན་པ་ཡིན། འཇམ་དཔལ་གྱིས་སྨྲས་པ། བཙུན་པ་སྒྲ་གཅན་ཟིན་གང་གི་ཚེ་བྱང་ཆུབ་སེམས་དཔའ་ཚུལ་ཁྲིམས་དང་།། བརྟུལ་ཞུགས་ཡང་དག་པར་བླངས་ཤིང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་ཚུལ་ཁྲིམས་འཆལ་པའི་འགྲོ་བ་གང་ཡིན་པར་འགྲོ་བར་བྱེད་ན། དེ་ཙམ་གྱིས་ན་བྱང་ཆུབ་སེམས་དཔའ་ཚུལ་ཁྲིམས་དང་ལྡན་པ་ཡིན་ནོ། ། ཀུན་དགའ་བོས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་མང་དུ་ཐོས་པ་ཡིན། འཇམ་དཔལ་གྱིས་སྤྲས་པ། བཙུན་པ་ཀུན་དགའ་བོ་གང་གི་ཚེ་བྱང་ཆུབ་སེམས་དཔའ་སངས་རྒྱས་ཐམས་ཅད་ཀྱིས་གསུངས་པ་ཉན་པར་བྱེད་ཅིང་ཐོས་པ་ཐམས་ཅད་ཀྱི་དོན་ཀྱང་རྟོག་པར་བྱེད་ལ། ཇི་ལྟར་ཐོས་པའང་འཛིན་པར་བྱེད་ཅིང་། ཇི་ལྟར་གཟུང་བ་བཞིན་སྟོན་པར་ཡང་བྱེད་ན། དེ་ཙམ་གྱིས་ན་བྱང་ཆུབ་སེམས་དཔའ་མང་དུ་ཐོས་པ་ཡིན་ནོ། ། དེ་ནས་ལྷའི་བུ་རབ་རྩལ་སེམས་ཀྱིས།། ཉན་ཐོས་ཆེན་པོ་དེ་དག་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་དག་ཁྱེད་ཅག་འཇམ་དཔལ་གཞོན་ནུར་གྱུར་པས་འདི་སྐད་བསྟན་པ་དེ་ལྟ་བུའི་ཆོས་འགའ་དང་ལྡན་ནམ། དེ་དག་གིས་སྨྲས་པ། ལྷའི་བུ་བདག་ཅག་ལ་ནི་ཆོས་དེ་དག་ལས་འགའ་ཙམ་ཡང་མེད་དོ།། ལྷའི་བུས་སྨྲས་པ། ཚེ་དང་ལྡན་པ་དག་དེ་ལྟ་ན་ཁྱེད་ཅག་ཉན་ཐོས་ཆེན་པོ་མཆོག་ཏུ་གྱུར་བ་མ་ཡིན་པར་མི་འགྱུར་རས། ཤཱ་རིའི་བུས་སྨྲས་པ། ལྷའི་བུ་འདི་ལྟ་སྟེ། དཔེར་ན་གནག་རྗེས་ལས་བརྟེན་ན་རྫོང་བུ་མཆོག་ཡིན་པ་དེ་བཞིན་དུ། ཅན་ཐོས་གཞན་དག་ལས་བརྟེན་ན་ཁོ་བོ་ཅག་ཀྱང་མཆོག་ཡིན་ནོ།། འདི་ལྟ་སྟེ། དཔེར་ན་རྒྱ་མཚོ་ཆེན་པོ་ལས་བརྟེན་ན་འོག་གི་ཆུའི་ཕུང་པོ་མཆོག་ཡིན་པ་དེ་བཞིན་དུ། ཉན་ཐོས་དང་རང་སངས་རྒྱས་ཐམས་ཅད་ལ་བརྟེན་ན།། བྱང་ཆུབ་སེམས་དཔའ་མཆོག་ཡིན་ནོ།། ལྷག་པའི་ང་རྒྱལ་མེད། པ་ཡིན་ནོ།། བྱང་ཆུབ་སེམས་དཔའ་ནི་ལྷག་པའི་ང་རྒྱལ་མེད་པ་རྣམས་ཀྱིས་བསྟན་པ་ཡིན་ཏེ།། ལེགས་སོ་ལེགས་སོ།། འཇམ་དཔལ་གྱིས་སྨྲས་པ། ལྷོར་བུ་དེ་དེ་བཞིན་ཏེ། ཉན་ཐོས་ནི་ལྷག་པའི་ང་རྒྱལ་མེད་པ་ཡིན་ནོ། ། བྱང་ཆུབ་སེམས་དཔའ་ནི་ལྷག་པའི་ང་རྒྱལ་ཅན་ཡིན་ནོ།། ལྷོར་བུས་སྨྲས་པ། འཇམ་དཔལ་ཅི་ལས་བསམས་ཏེ་དེ་སྐད་སྨྲ། འཇམ་དཔལ་གྱིས་སྨྲས་པ། ལྷའི་བུ་འདི་ལྟར་ཉན་ཐོས་རྣམས་ནི་རང་སངས་རྒྱས་ལས་བརྟེན་ན་ང་རྒྱལ་སྤངས་པ་ཡིན་གྱི། བྱང་ཆུབ་སེམས་དཔའ་ནི་ལྷག་པའི་ང་རྒྱལ་ཅན་ཡིན་ལ། ང་རྒྱལ་དེས་སངས་རྒྱས་ཀྱི་ཆོས་རྣམས་ཡང་དག་པར་སྒྲུབ་པར་བྱེད་པས་ན།། དེའི་ཕྱིར་བྱང་ཆུབ་སེམས་དཔའ་ནི་ལྷག་པའི་ང་རྒྱལ་ཅན་ཡིན་ནོ། ། ལྷའི་བུས་སྨྲས་པ། འཇམ་དཔལ་ལྷག་པའི་ང་རྒྱལ་ཅན་ནི་བདག་ལ་སྟོད་པར་བྱེད་ཅིང་། གཞན་ལ་སྨོད་པར་བྱེད་པ་ཡིན་ན། བྱང་ཆུབ་སེམས་དཔའ་ཡང་དེ་ལྟ་བུར་མི་འགྱུར་རམ། འཇམ་དཔལ་གྱིས་སྨྲས་པ། ལྷའི་བུ་དེ་བཞིན་ཏེ། བྱང་ཆུབ་སེམས་དཔའ་ནི་བདག་ལ་སྟོད་པར་བྱེད་ཅིང་། གཞན་ལ་སྨོད་པར་བྱེད་པ་ཡིན་ནོ།། ལྷའི་བུས་སྨྲས་པ་འཇམ་དཔལ་ཅི་ལས་བསམས་ཏེ་དེ་སྐད་སྨྲ། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་ནི་རྣམ་གྲངས་དུ་མར་ཐེག་པ་ཆེན་པོའི་བསྔགས་པ་རྗོད་པར་བྱེད་ཅིང་། ཉན་ཐོས་ཀྱི་ཐེག་པའི་བསྔགས་པ་མ་ཡིན་པ་རྗོད་པར་བྱེད་པ་དང་། ཇི་ལྟར་སེམས་ཅན་རྣམས་བྱང་ཆུབ་ཏུ་སེམས་བསྐྱེད་པར་འགྱུར་སྙམ་ནས། བདག་ཉིད་ཀྱི་ཡོན་ཏན་གྱི་ཆོས་རྗོད་པར་བྱེད་ཅིང་འདི་ལ་དགའ་བའི་སེམས་སྐྱེད་པར་མི་འགྱུར་བར་བྱའོ་སྙམ་ནས། ཐེག་པ་དམན་པ་ལ་རྣམ་པར་སྡང་བར་བྱེད་པ་ཡིན་པས། ལྷའི་བུ་དེ་ལྟར་ན་བྱང་ཆུབ་སེམས་དཔའ་ནི་ཐེག་པ་ཆེན་པོ་ལ་སྟོང་པར་བྱེད་པ་དང་། ཉན་ཐོས་ཀྱི་ཐེག་པ་ལ་སྤོད་པར་བྱེད་པ་ཡིན་ནོ། ། ལྷའི་བུས་སྨྲས་པ། འཇམ་དཔལ་དེ་ལྟ་ན་བྱང་ཆུབ་སེམས་དཔའ་ལྟུང་བ་དང་བཅས་པར་མི་འགྱུར་རམ། འཇམ་དཔལ་གྱིས་སྨྲས་པ། ལྷའི་བུ་གང་གིས་ནོར་བུ་མཆིང་བུའི་བསྔགས་པ་མ་ཡིན་པ་བརྗོད་ཅིང་། ནོར་བུ་རིན་པོ་ཆེབཻ་ཌཱུཪྻའི་བསྔགས་པ་བརྗོད་པར་གྱུར་ན། དེའང་ལྟུང་བ་དང་བཅས་པར་འགྱུར་རམ། ལྷའི་བུས་སྨྲས་པ། འཇམ་དཔལ་དེ་ནི་མི་འགྱུར་རོ།། འཇམ་དཔལ་གྱིས་སྨྲས་པ། ལྷའི་བུ་དེ་བཞིན་དུ་བྱང་ཆུབ་སེམས་དཔའ་ཐེག་པ་ཆེན་པོའི་བསྔགས་པ་རྗོད་པར་བྱེད་ཅིང་། ཉན་ཐོས་ཀྱི་ཐེག་པའི་བསྔགས་པ་མ་ཡིན་པ་རྗོད་པར་བྱེད་པའང་ལྟུང་བ་དང་བཅས་པར་མི་འགྱུར་རོ།། ལྷའི་བུ་འོད་ལྟ་སྟེ། དཔེར་ན་སྐྱེས་བུ་ཤིན་ཏུ་སྟོབས་དང་ལྡན་པ་གང་ཞིག་གིས་འཁོར་ལོས་སྒྱུར་བའི་རྒྱལ་པོའི་བསྔགས་པ་བརྗོད་ཅིང་། ཁམས་ཀྱི་རྒྱལ་པོ་ལ་དེ་ལྟ་མ་ཡིན་ན་དེ་སྨད་པའི་འོས་སུ་འགྱུར་བ་ཡིན་སྙམ་མམ། ལྷོར་བུས་སྨྲས་པ། འཇམ་དཔལ་དེ་ལྟ་མ་ཡིན་ནོ།། འཇམ་དཔལ་གྱིས་སྨྲས་པ། ལྷའི་བུ་དེ་བཞིན་དུ་བྱང་ཆུབ་སེམས་དཔའ་ཐེག་པ་ཆེན་པོ་ལ་སྟོད་པར་བྱེད་ཅིང་། ཉན་ཐོས་ཀྱི་ཐེག་པ་ལ་སྨོད་པར་བྱེད་པའང་སྨད་པའི་འོས་སུ་མི་འགྱུར་རོ། ། དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། འཇམ་དཔལ་ལེགས་སོ་ལེགས་སོ།། ཁྱོད་ཀྱི་ཚིག་དེ་ནི་ལེགས་པར་སྨྲས་ཏེ། འཇམ། དཔལ་ཐེག་པ་ཆེན་པོའི་བསྔགས་པ་བརྗོད་པས་དེ་ནི་ཐེག་པ་ཐམས་ཅད་ཀྱི་བསྔགས་པ་རྗོད་པར་འགྱུར་རོ།། དེ་ཅིའི་ཕྱིར་ཞེ་ན། འཇམ་དཔལ་ཐེག་པ་ཐམས་ཅད་ནི་དེ་ལས་ངེས་པར་བྱུང་བ་ཡིན་པའི་ཕྱིར་རོ།། གཞན་ཡང་ལྷའི་བུ་རབ་རྩལ་སེམས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་བྱང་ཆུབ་སེམས་དཔའ་གང་ལས་བརྟེན་ནས་བྱང་ཆུབ་ཏུ་སེམས་སྐྱེད་པར་བྱེད། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་ནི་སེམས་ཅན་ཐམས་ཅད་ཀྱི་ཉོན་མོངས་པ་ལས་བརྟེན་ནས་བྱང་ཆུབ་ཏུ་སེམས་སྐྱེད་པར་བྱེད་དོ།། ལྷའི་བུས་སྨྲས་པ། འཇམ་དཔལ་ཅིའི་ཕྱིར་ན་བྱང་ཆུབ་སེམས་དཔའ་སེམས་ཅན་ཐམས་ཅད་ཀྱི་ཉོན་མོངས་པ་ལས་བརྟེན་ནས་བྱང་ཆུབ་ཏུ་སེམས་སྐྱེད་པར་བྱེད། འཇམ་དཔལ་གྱིས་སྨྲས་པ། ལྷའི་བུ་གལ་ཏེ་སེམས་ཅན་རྣམས་ཀྱི་ཉོན་མོངས་པ་དག་བྱང་ཆུབ་ཀྱི་ཐེག་པ་མ་ཡིན་དུ་ཟིན་ན་ནི་བྱང་ཆུབ་སེམས་དཔའ་ཡང་བྱང་ཆུབ་ཏུ་སེམས་བསྐྱེད་ནས་གོ་ཆ་གྱོན་པར་མི་འགྱུར་རོ། ། ལྷའི་བུས་སྨྲས་པ། འཇམ་དཔལ་བྱང་ཆུབ་ཀྱི་སེམས་ཅི་ཞིག་ལ་རྟེན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ཀྱི་སེམས་ནི་སངས་རྒྱས་ཀྱི་ཆོས་ཐམས་ཅད་ལ་རྟེན་ཏོ།། དེ་ཅིའི་ཕྱིར་ཞེ་ན། ལྷའི་བུ་སངས་རྒྱས་ཀྱི་ཆོས་ཐམས་ཅད་ནི་བྱང་ཆུབ་སེམས་ཀྱི་རྩ་བ་ལས་བརྟེན་ནས། སྐྱེ་བར་འགྱུར་བའི་ཕྱིར་རོ། ། ལྷའི་བུས་སྨྲས་པ། འཇམ་དཔལ་ཆོས་ཐམས་ཅད་ཅི་ལ་རྟེན།། འཇམ་དཔལ་གྱིས་སྨྲས་པ། ལྷའི་བུ་ཆོས་ཐམས་ཅད་ནི་རྩ་བ་མེད་པའི་གནས་ལ་རྟེན་པ་འི་ནོ། ། དེ་ཅིའི་ཕྱིར་ཞེ་ན། ལྔའི་བུ་ཆོས་ཐམས་ཅད་ནི་མཐའ་ཡས་པའི་ཕྱིར་རྩ་བ་མེད་པ་དང་། མངོན་པར་སྐབས་ཡོད་པ་དང་། ནམ་མཁའ་ལ་རྟེན་པོ་ཡིན་པའི་ཕྱིར་རོ།། ལྷའི་བུས་སྤྲས་པ། འཇབ་དཔལ་སངས་རྒྱས་ཀྱི་ཆོས་རྣམས་ཇི་སྙེད་ཡོད། འཇམ་དཔལ་གྱིས་སྨྲས་པ། ལྷའི་བུ་ཆོས་ཐམས་ཅད་ཇི་སྙེད་པ་དེ་སྙེད་པ་ཡོད་དོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་ཆོས་ཐམས་ཅད་སངས་རྒྱས་པས་ན།། ལྷའི་བུ་དེའི་ཕྱིར་ཆོས་ཐམས་ཅད་ཇི་སྙེད་པ་སངས་རྒྱས་ཀྱི་ཆོས་རྣམས་ཀྱང་དེ་སྙེད་དོ།། ལྷའི་བུས་སྨྲས་པ། འཇམ་དཔལ་འོ་ན་ཅི་འདོད་ཆགས་དང་། ཞེ་སྡང་དང་། གཏི་མུག་རྣམས་ཀྱང་སངས་རྒྱས་ཀྱི་ཆོས་ཡིན་ནམ། འཇམ་དཔལ་གྱིས་སྨྲས་པ། ལྷའི་བུ་དེ་དེ་བཞིན་ཏེ། འདོད་ཆགས་དང་། ཞེ་སྡང་དང་། གཏི་མུག་རྣམས་ཀྱང་སངས་རྒྱས་ཀྱི་ཆོས་ཡིན་ནོ།། དེ་ཅིའི་ཕྱིར་ཞེ་ན། ཉོན་མོངས་པ་དེ་དག་གི་རྩ་བའི་གནས་རྗེས་སུ་རྟོགས་པ་ནི་སངས་རྒྱས་ཡིན་ནོ་ཞེས་སྟོན་པའི་ཕྱིར་རོ། ། ལྷའི་བུས་སྨྲས་པ། འཇམ་དཔལ་གང་གིས་སེམས་ཅན་ཐམས་ཅད་སངས་རྒྱས་སུ་འགྱུར་བའི་རྣམ་གྲངས་ཡོད་དམ། འཇམ་དཔལ་གྱིས་སྨྲས་པ། ལྷའི་བུ་རྣམ་གྲངས་མེད་པས་སེམས་ཅན་ཐམས་ཅད་སངས་རྒྱས་སུ་འགྱུར་གྱིས། རྣམ་གྲངས་ཀྱིས་ནི་མ་ཡིན་ནོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པས་ནི་སེམས་ཅན་ཐམས་ཅད་རྟོགས་པར་ཐུགས་སུ་ཆུད་པའི་ཕྱིར་རོ། ། ལྷའི་བུས་སྨྲས་པ། འཇམ་དཔལ་ཇི་ལྟར་རྟོགས་པར་ཐུགས་སུ་ཆུད། འཇམ་དཔལ་གྱིས་སྤྲས་པ། ལྷའི་བུ་སེམས་ཅན་མེད་པའི་རྣམ་པ་དང་། སྟོང་པ་ཉིད་ཀྱི་རྣམ་པས་སོ། ། ལྷའི་བུས་སྨྲས་པ། འཇམ་དཔལ་སྟོང་པ་ཉིད་ཀྱིས་ཅི་ཞིག་རྟོགས་པར་བྱེད། འཇམ་དཔལ་གྱིས་སྨྲས་པ། ལྷའི་བུ་གལ་ཏེ་ཅུང་ཟད་རྗེས་སུ་རྟོགས་པར་བྱེད་ན་ནི་དེ་སྟོང་པ་ཉིད་དུ་མི་འགྱུར་རོ། ། དེ་ཅིའི་ཕྱིར་ཞེ་ན། ལྷའི་བུ་སྟོང་པ་ཉིད་ནི་རྣམ་པར་རྟོག་པ་མེད་པ་དང་། རྩོལ་བ་མེད་པ་ཡིན་པའི་ཕྱིར་རོ།། ལྷའི་བུས་སྨྲས་པ། འཇམ་དཔལ་དེ་བཞིན་གཤེགས་པས་སྟོང་པ་ཉིད་རྗེས་སུ་རྟོགས་པ་ནི་བྱང་ཆུབ་ཡིན་ནོ་ཞེས་མ་གསུངས་སམ། འཇམ་དཔལ་གྱིས་སྨྲས་པ། ལྷའི་བུ་སྟོང་པ་ཉིད་གང་ཡིན་པ་དེ་ཉིད་བྱང་ཆུབ་ཡིན་པས་ན། བཅོམ་ལྡན་འདས་ཀྱིས་ཀྱང་སྟོང་པ་ཉིད་རྗེས་སུ་རྟོགས་པ་ཁོ་ན་བྱང་ཆུབ་ཡིན་ནོ་ཞེས་གསུངས་སོ། ། ལྷའི་བུས་སྨྲས་པ། འཇམ་དཔལ་སྟོང་པ་ཉིད་ལ་གནས་པ་ཅི་ཞིག་ལ་གནས་པ་ཡིན། འཇམ་དཔལ་གྱིས་སྨྲས་པ། ལྷའི་བུ་སྟོང་པ་ཉིད་ལ་གནས་པ་ནི། འདོད་པ་དང་། གཟུགས་དང་། གཟུགས་མེད་པ་ལ་གནས་པ་མ་ཡིན། ཕུང་པོ་དང་། ཁམས་དང་། སྐྱེ་མཆེད་ལ་གནས་པ་མ་ཡིན། ལུས་དང་སེམས་ལ་གནས་པ་མ་ཡིན་ནོ། ། དེ་ཅིའོ་ཕྱིར་ཞེ་ན། ལྷའི་བུ་དེ་གནས་པ་གང་གིས་གནས་པར་འགྱུར་པའི་གནས་པ་དེའང་སྟོང་པས་ན། སྟོང་པ་ཉིད་ནི་སྟོང་པ་ཉིད་ལ་མི་གནས་པའི་ཕྱིར་རོ།། ལྷའི་བུས་སྨྲས་པ།། འཇམ་དཔལ་དེ་བཞིན་གཤེགས་པ་དོན་དམ་པ་སྟོང་པ་ཉིད་བྱིས་པནས་པས་གནས་པར་མི་མཛད་དམ། འཇམ་དཔལ་ཀྱིས་སྨྲས་པ། ལྷའི་བུ་དེ་བཞིན་གཤེགས་པ་ཉིད་སྟོང་པ་ཉིད་ཡིན་ལ། སྟོང་པ་ཉིད་གང་ཡིན་པ་དེ་ནི་གཉིས་སུ་མེད་པ་ཡིན་པས་ན། དེ་བཞིན་གཤེགས་པ་ནི་གཉིས་སུ་མེད་པའི་གནས་པས་གནས་པར་མཛད་དོ།། ལྷའི་བུས་སྨྲས་པ། འཇམ་དཔལ་གཉིས་སུ་མེད་པའི་གནས་པ་གང་ཡིན། འཇམ་དཔལ་གྱིས་སྨྲས་པ། ལྷའི་བུ་གཉིས་སུ་མེད་པའི་གནས་པ་ནི་གཉིས་སུ་མེད་པ་ཉིད་ཡིན་གྱི། དེ་ལ་གནས་པ་གཞན་མེད་དེ། དེའི་གནས་པ་གཉིས་སུ་མེད་པ་དེ་ལས་གཞན་མེད་པ་དེ་ཉིད་ཀྱང་།། གཉིས་སུ་མེད་པ་ཉིད་ཡིན་ནོ།། ལྷའི་བུས་སྨྲས་པ། འཇམ་དཔལ་གཉིས་ཞེས་བྱ་བ་ནི་གང་། གཉིས་སུ་མེད་པ་ཞེས་བྱ་བ་ནི་གང་། འཇམ་དཔལ་གྱིས་སྨྲས་པ། ལྷའི་བུ་འདོད་ཆགས་དང་། འདོད་ཆགས་བྲལ་བར་བྱེད་པ་ནི་གཉིས་སོ། ། འདོད་ཆགས་ཀྱི་རང་བཞིན་ནི་གཉིས་སུ་མེད་པའོ།། ཞེ་སྡང་དང་། ཞེ་སྡང་མེད་པར་བྱེད་པ་དེ་ནི་གཉིས་སོ།། ཞེ་སྡང་གི་རང་བཞིན་གཉིས་སུ་མེད་པའོ།། གཏི་མུག་དང་། གཏི་མུག་མེད་པར་བྱེད་པ་དེ་ནི་གཉིས་སོ།། གཏི་མུག་གི་རང་བཞིན་ནི་གཉིས་སུ་མེད་པའོ།། ཉོན་མོངས་པ་དང་། ཉོན་མོངས་པ་མེད་པར་བྱེད་པ་དེ་ནི་གཉིས་སོ།། ཉོན་མོངས་པའི་རང་བཞིན་ནི་གཉིས་སུ་མེད་པའོ། ། བདག་དང་བདག་མེད་པར་བྱེད་པ་དེ་ནི་གཉིས་སོ།། བདག་གི་རང་བཞིན་ནི་གཉིས་སུ་མེད་པའོ།། ལྷའི་བུས་སྨྲས་པ། འཇམ་དཔལ་བདག་གི་རང་བཞིན་ཡིན། འཇམ་དཔའ་ཀྱིས་སྨྲས་པ། ལྷའི་བུ་བདག་གི་རང་བཞིན་ནི་བཟོད་མ་ནས་དག་པའི་ཕྱིར་བདག་མེད་པ་ཉིད་ཡིན་ནོ།། བདག་གི་རང་བཞིན་ནི་གཟོད་མ་ནས་དག་པའི་ཕྱིར་གཟོད་མ་ནས་དབེན་པ་ཉིད་དང་། གཟོད་མ་ནས་མ་སྐྱེས་པ་ཉིད་དང་། གཟོད་མ་ནས་མ་བྱུང་བ་ཉིད་ཡིན་ནོ།། ལྷའི་བུས་སྨྲས་པ། འཇམ་དཔལ་ཅིའི་ཕྱིར་རང་བཞིན་ཞེས་བྱ། འཇམ་དཔལ་གྱིས་སྨྲས་པ། ལྷའི་བུ་དེ་ནི་འགྱུར་བ་མེད་པས་དེའི་ཕྱིར་རང་བཞིན་ཞེས་བྱའོ། ། དེ་ནི་གཟོད་མ་རས་གསལ་ཞིང་ཉོན་མོངས་པ་ཅན་མ་ཡིན་པས་དེའི་ཕྱིར་རང་བཞིན་ཞེས་བྱའོ།། དེ་ནི་ནམ་མཁའ་དང་མཉམ་པ་ཉིད་ཀྱིས་མཉམ་ཞིང་ཚད་མེད་པས་དེའི་ཕྱིར་རང་བཞིན་ཞེས་བྱའོ། ། དེ་ནི་སྤྲོས་པ་དང་བྲལ་བ་དང་། དེ་ནི་རྒྱུ་བ་དང་བྲལ་བ་དང་། དེ་ནི་འོད་གསལ་བས་དེའི་ཕྱིར་རང་བཞིན་ཞེས་བྱའོ།། དེ་ནི་བླང་བ་མེད་པ་དང་དོར་བ་མེད་པས་དེའི་ཕྱིར་རང་བཞིན་ཞེས་བྱའོ། ། ལྷའི་བུས་སྨྲས་པ། འཇམ་དཔལ་རང་བཞིན་མི་ཤེས་པ་དག་གང་ཡིན། འཇམ་དཔལ་གྱིས་སྨྲས་པ། ལྷའི་བུ་གང་དག་ཆོས་རྣམས་ཀྱི་རང་བཞིན་མི་ཤེས་པ་དག་གོ།། ལྷའི་བུས་སྨྲས་པ། འཇམ་དཔལ་རང་བཞིན་ཤེ་ས་པ་དག་གང་ཡིན། འཇམ་དཔལ་གྱིས་སྨྲས་པ། ལྷའི་བུ་གང་དག་དེ་དག་གི་རང་བཞིན་ཤེས་པ་དག་གོ།། ལྷའི་བུས་སྨྲས་པ། འཇམ་དཔལ་དད་པ་དང་ལྡན་པའི་མཚན་ཉིད་གང་ཡིན་འཇམ་དཔལ་གྱིས་སྨྲས་པ། ལྷའི་བུ་དང་བ་དང་ལྡན་པའི་མཚན་ཉིད་ནི་ཆགས་པ་ཐམས་ཅད་ལས་ཡང་ངས་པར་འདས་པ་ཡིན་ནོ།། ལྷའི་བུས་སྨྲས་པ། འཇམ་དཔལ་དགེ་སློང་དད་པ་དང་མི་ལྡན་པ་ཇི་ལྟར་དད་པས་བྱིན་པ་ལ་དད་པར་བྱེད། འཇམ་དཔལ་གྱིས་སྨྲས་པ། ལྷའི་བུ་དད་པ་དང་མི་ལྡན་པ་ཞེས་བྱ་བ་ནི་གང་མངོན་སུམ་དུ་གྱུར་པའི་ཆོས་ཐམས་ཅད་ལ་གཞན་གྱི་ཟོང་མི་འཇོག་ཅིང་། གཞན་གྱི་དད་པས་ཡང་དང་ཡང་དུ་མ་འགྲོ་བ་ཡིན་པས་དེའི་ཕྱིར་དད་པ་དང་མི་ལྡན་པ་ཞེས་བྱ་སྟེ། དེ་ནི་དད་པས་བྱིན་པ་སྦྱོང་བར་མ་བྱེད་དོ།། ཅིའི་ཕྱིར་ཞེ་ན།། གཟོད་མ་ནས་དག་པའི་ཕྱིར་རོ།། ལྷའི་བུས་སྨྲས་པ། འཇམ་དཔལ་དགེ་སློང་གང་དགེ་འདུན་དང་ལྷན་ཅིག་མི་གནས་པ་དེ་ལ་ཇི་སྐད་ཅེས་བྱ། འཇམ་དཔལ་གྱིས་སྨྲས་པ། ལྷའི་བུ་དགེ་སློང་གང་དགེ་འདུན་དང་ལྷན་ཅིག་མི་གནས་པ་དེ་ནི། དེས་ན་འཇིག་རྟེན་གྱི་གནས་སུ་འགྱུར་རོ། ། དེ་ཅིའི་ཕྱིར་ན། ལྷའི་བུ་དགེ་འདུན་ནི་འདུས་མ་བྱས་པ་ཡིན་ལ། བྱང་ཆུབ་སེམས་དཔའ་ནི་འདུས་མ་བྱས་དང་ལྷན་ཅིག་མི་གནས་པས་དེའི་ཕྱིར་དེ་ནི་འཇིག་རྟེན་གྱི་སྦྱིན་གན་སུ་འགྱུར་བ་ཡིན་པའི་ཕྱིརརོ། ། ལྷའི་བུས་སྨྲས་པ། འཇམ་དཔལ་གལ་ཏེ་བྱང་ཆུབ་སེམས་དཔའ་འདུས་མ་བྱས་དང་ལྷན་ཅིག་གནས་པར་གྱུར་ན་ཉེས་པ་ཅིར་འགྱུར།། འཇམ་དཔལ་གྱིས་སྨྲས་པ།། ལྷའི་བུ་འདུས་མ་བྱས་ཐོབ་ན་སེམས་ཅན་རྣམས་སྐྱོ་བར་མི་བྱེད་ཅིང་། ཉན་ཐོས་སུ་འགྱུར་བས་དེའི་ཉེས་པ་ནི་དེར་འགྱུར་རོ།། ལྷའི་བུས་སྨྲས་པ། འཇམ་དཔལ་འདུས་བྱས་ནི་སོ་སོའི་སྐྱེ་བོའི་ས་ཡིན་ལ། འདུས་མ་བྱས་ནི་འཕགས་པ་རྣམས་ཀྱིས་ཡིན་ནོ།། དོན་ཇི་ལྟར་བྱང་ཆུབ་དཔའ་འཕགས་པའི་ས་སྤངས་ཤིང་སོ་སོའི་སྐྱེ་བོའི་ས་ལ་གནས་པ་འཇིག་རྟེན་གྱི་སྦྱིན་གནས་སུ་འགྱུར། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་ནི་འདུས་བྱས་ལ་འང་མི་གནས། དུས་མ་བྱས་ལའང་མི་གནས་པས་དེའི་ཕྱིར་དེ་ནི་འཇིག་རྟེན་གྱི་སྦྱིན་གནས་སུ་འགྱུར་རོ།། དེ་ཅིའི། ཕྱིར་ཞེ་ན། ལྷའི་བུ་བྱང་ཆུབ་སེམས་དཔའ་ནི་འདུ་བྱེད་ལས་ཡིད་བསྐྱོད་པ་དང་། འདུས་མ་བྱས་ལ་མི་གནས་པ་ཡིན་པའི་འདུས་བྱས་ཀྱི་སྐྱོན་དང་བྲལ་བ་དང་། འདུས་མ་བྱས་ཤེས་པ་རྟོག་པ་ཡིན་ཏེ། དེ་འདུས་བྱས་ཀྱི་སྐྱོན་དང་བྲལ་བས་ནི་འདུས་བྱས་ལ་མི་གནས་ལ། འདུས་མ་བྱས་ཤེས་པ་རྟོགས་པས་ནི་འདུས་མ་བྱས་སུ་མི་ལྟུང་བའི་ཕྱིར་རོ།། ལྷའི་བུ་འདི་ལྟ་སྟེ། དཔེར་ན་མཚན་པོ་ཆེ་ཆེན་པོས་སྟེང་གི་བར་སྣང་ལ་མདའ་འཕངས་པར་གྱུར་ལ། དེ་ནས་མདའ་དེ་ནམ་མཁའ་ལ་མི་གནས་པར་འདུག་ཅིང་ས་ལའང་མི་ལྷུང་ན། ལྷའི་བུ་དེ་ལ་དཀའ་བ་ཅུང་ཟད་ཡོད་དམ། ལྷའི་བུས་སྨྲས་པ། འཇམ་དཔལ་དཀའ་དོ།། འཇམ་དཔལ་གྱིས་སྨྲས་པ། ལྷའི་བུ་དེ་བས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་འདུས་བྱས་ཀྱང་མི་སྤོང་ཞིང་འདུས་མ་བྱས་ཀྱང་ཐོབ་པར་བྱེད་ལ། འདུས་མ་བྱས་སུའང་མི་ལྟུང་ཞིང་། འདུས་བྱས་ཐོབ་པ་རྣམས་ཀྱང་ཡོངས་སུ་སྨིན་པར་བྱེད་པ་ནི་ཆེས་དཀའ་བ་ཡིན་ནོ།། ལྷའི་བུས་སྨྲས་པ། འཇམ་དཔལ་བྱང་ཆུབ་སེམས་དཔའི་འཇིག་པ་འདུས་བྱས་སམ། འོན་ཏེ་འདུས་མ་བྱས་སམ། གང་ལས་འབྱུང་བར་འགྱུར། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའི་འཇིག་པ་ནི་འདུས་བྱས་ལས་ཀྱང་འབྱུང་བར་འགྱུར། འདུས་མ་བྱས་ལས་ཀྱང་འབྱུང་བར་འགྱུར་རོ།། དེ་ཅིའི་ཕྱིར་ཞེ་ན། ལྷའི་བུ་འདུས་བྱས་ལས་ནི་ཉོན་མོངས་པའི་འཇིགས་པ་འབྱུང་ལ། འདུས་མ་བྱས་ལས་ནི། ཉོན་མོངས་པ་མེད་པའི་འཇིགས་པ་འབྱུང་བའི་ཕྱིར་རོ།། ལྷའི་བུས་སྨྲས་པ། འཇམ་དཔལ་ཉོན་མོངས་པ་མེད་པས་འཇིགས་པ་ཅི་ཡོད། འཇམ་དཔལ་གྱིས་སྨྲས་པ། ལྷའི་བུ་ཁམས་གསུམ་ན་ནི་ཉོན་མོངས་པའི་འཇིགས་པ་ཡོད་ལ། བྱང་ཆུབ་སེམས་དཔའ་གང་ཁམས་གསུམ་དུ་ཉོན་མོངས་པར་མི་བྱེད་ན། དེ་ནི་ཉན་ཐོས་སུ་འགྱུར་རོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་འཇིགས་པ་མེད་པ་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་གང་ཤེས་རབ་ཀྱི་ཤེས་པས་འདུས་བྱས་ལ་སྤྱོད་པར་བྱེད་ཅིང་། ཐབས་ཀྱི་ཤེས་པས་འདུས་མ་བྱས་སུ་མི་ལྟུང་བ་དེ་ལྟ་ན། ལྷའི་བུ་བྱང་ཆུབ་སེམས་དཔའ་འཇིགས་པ་མེད་པ་ཡིན་ནོ།། ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་སེམས་ཅན་ལ་ལྟ་བས་འདུས་བྱས་སྤོང་བར་མི་བྱེད་ཅིང་། སངས་རྒྱས་ཀྱི་ཆོས་ལ་ལྟ་བས་འདུས་མ་བྱས་སུ་མི་ལྟུང་བ་དེ་ལྟ་ན། བྱང་ཆུབ་སེམས་དཔའ་འཇིགས་པ་མེད་པ་ཡིན་ནོ།། ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་བསོད་ནམས་ཀྱི་ཚོགས་ཏེ་བར་བསགས་པའི་ཕྱིར་འདུས་བྱས་ལ་སྦྱོར་བར་བྱེད་ཅིང་། སངས་རྒྱས་ཀྱི་ཡེ་ཤེས་ཀྱི་ཚོགས་ཉེ་བར་བསགས་པའི་ཕྱིར། འདུས་མ་བྱས་སུ་མི་ལྟུང་བ་དེ་ལྟ་ན། བྱང་ཆུབ་སེམས་དཔབ་འཇིགས་པ་མེད་པ་ཡིན་ནོ། ། རྩཝའི་བུ་གན་ཡ་ཀྲུང་གི་བྱང་ཆུབ་སེམས་དཔ་འདུས་མ་བྱས་ལ་གནས་ཏེ་བསམ་གཏན་རྣམས་མྱེད་པར་བྱེད་ཅིང་། ཐབས་ལ་གནས་ཏེ་བསམ་གཏན་རྣམས་ལས་རྫོག་པར་བྱེད་པ་ངྒེཿ། ནུ། བྱང་ཆུབ་སེམས་དཔའ་འཇིགས་པ་མེད་པ་ཡིན་ནོ།། ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་བྱང་ཆུབ་ཀྱི་སེམས་ལ་གནས་ཏེ་དགེ་བའི་རྩ་བ་ཉེ་བར་བསོགས་པར་བྱེད་ཅིང་། སྙིང་རྗེ་ཆེན་པོ་ལ་གནས་ཏེ་སེམས་ཅན་རྣམས་ཡོངས་སུ་སྨིན་པར་བྱེད་པ་དེ་ལྟ་ན། བྱང་ཆུབ་སེམས་དཔའ་འཇིགས་པ་མེད་པ་ཡིན་ནོ།། ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་དབེན་པ་ལ་གནས་ཏེ་བདུད་ཀྱི་ལས་རྣམས་རྟོགས་པར་བྱེད་ཅིང་། ཐབས་ལ་གནས་ཏེ་བདུད་ཀྱི་ལས་རྣམས་སྤོང་བར་བྱེད་པ་དེ་ལྟ་ན། བྱང་ཆུབ་སེམས་དཔའ་འཇིགས་པ་མེད་པ་ཡིན་ནོ།། ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་བྱམས་པ་ཆེན་པོ་ལ་གནས་ཏེ་ཆོས་སྟོན་པར་བྱེད་ཅིང་། སྙིང་རྗེ་ཆེན་པོ་ལ་གནས་ཏེ་ཟང་ཟིང་གི་སྦྱིན་པ་སྦྱིན་པར་བྱེད་པ་དེ་ལྟ་ན། བྱང་ཆུབ་སེམས་དཔའ་འཇིགས་པ་མེད་པ་ཡིན་ནོ། ། ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་འཁོར་བ་ལ་གནས་ཏེ་མྱ་ངན་ལས་འདས་པ་ཡོངས་སུ་སྦྱང་བའི་ལས་བྱེད་ཅིང་། མྱ་ངན་ལས་འདས་པ་ལ་གནས་ཏེ་འཁོར་བ་ཡོངས་སུ་སྦྱང་བའི་ལས་བྱེད་པ་དེ་ཙམ་གྱིས་ན་བྱང་ཆུབ་སེམས་དཔའ་འཇིགས་པ་མེད་པ་ཡིན་ནོ། ། ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་སྐྱེ་བ་མེད་པས་སྐྱེ་བར་བྱེད་ཅིང་། འཕོ་བ་མེད་པས་འབྱུང་བར་བྱད། པ་དང་། ཆོས་ལ་ལྟ་བས་སྣང་བར་བྱེད་ཅིང་། ཕུང་པོ་དང་། ཁམས་དང་། སྐྱེ་མཆེད་ཀྱིས་རབ་ཏུ་ཕྱེ་བ་མ་ཡིན་པ་དང་། ཐམས་ཅད་དང་རྗེས་སུ་འབྲེལ་ཅིང་ཞི་བ་དང་། ཉེ་བར་ཞི་བར་གྱུར་པ་དང་། འབར་དར་བྱེད་ཅིང་འབར་བས་ཚིག་པར་མི་བྱེད་པ་དང་། ཉོན་མོངས་པ་ཐམས་ཅད་ལ་ཡོངས་སུ་སྤྱོད་པར་བྱེད་ཅིང་། ཉོན་མོངས་པའི་སྐྱོན་རྣམས་ཀྱིས་མི་གོས་པ་དང་། སློབ་པ་དང་མི་སློབ་པ་རྣམས་འདུལ་བར་བྱེད་ཅིང་། ཉན་ཐོས་ཀྱི་རྣམ་པར་གྲོལ་བ་ལ་རེག་པར་མི་བྱེད་པ་དང་། སེམས་ཅན་རྣམས་ཀྱི་བོསམ་པ་ལ་འཇུག་ཅིང་། ཆོས་ཀྱི་བསམ་པ་སྤོང་བར་མི་བྱེད་པ་དང་། བདུད་ཀྱི་ལྕགས་ཀྱུ་ཤེས་པར་བྱེད་ཅིང་། ཆོས་ཀྱི་ལྕགས་ཀྱུ་སྤོང་བར་མི་བྱེད་པ་དང་། ཤེས་པས་འཇུག་པར་བྱེད་ཅིང་། ཐབས་ཀྱིས་ལྡོག་པར་བྱེད་པ་དང་། འཕགས་པའི་རྣམ་པ་སྟོན་པར་བྱེད་ཅིང་འཕགས་པ་མ་ཡིན་པ་ཡོངས་སུ་སྨིན་པར་བྱ་བ་ལ་སྤྲོ་བར་བྱེད་པ་དང་། སངས་རྒྱས་མཐོང་བ་ལ་མངོན་པར་དགའ་བར་བྱེད་ཅིང་། ཆོས་མཐོང་བ་ལ་ཀུན་ཏུ་འདོད་པར་བྱེད་པ་དེ་ཙམ་གྱིས་ན་བྱང་ཆུབ་སེམས་དཔའ་འཇིགས་པ་མེད་པ་ཡིན་ནོ། ། འཇམ་དཔལ་གཞོན་ནུར་གྱུར་པས་བསྟན་པ་འདི་བཤད་པ་ན། ལྷའི་བུ་ལྔ་ཁྲི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། ལྷའི་བུ་ཉི་ཁྲི་ལྔ་སྟོང་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། ། བྱང་ཆུབ་སེམས་དཔའ་སྔོན་དགེ་བའི་རྩ་བ་བསྐྱེད་པ་ལྔ་ཁྲི་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། བྱང་ཆུབ་སེམས་དཔའ་ཉི་ཁྲི་ནི། གྲོངས་པ་ཟློགས་པ་མེད་པ་སྐྱེས་སོ།། ལྷ་དང་མི་རྣམས་ཅི་སྒྲ་དབུ་ལས་སྲོད་ཆགས་སྟོང་ཐབ་རབ་ཏུ་མང་པོ་དག་གིས་ནི་བྱང་ཆུབ་ཏུ་སེམས་བསྐྱེད་ནས། དེ་བཛིན་གཤེགས་པ་དང་འཇམ་དངུལ་གཞོན་ནུར་གྱུར། པ་ལ་ལྷའི་མཆོད་པ་དག་བྱས་སོ།། གཞན་ཡང་ལྷའི་བུ་རབ་རྩལ་སེམས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་ཇི་ལྟར་ན་བྱང་ཆུབ་སེམས་དཔའི་ལམ་ལ་གནས་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་འདོད་ཆགས་སྤངས་པའི་ཕྱིར་ཡང་ཆོས་སྟོན་པར་བྱེད་ལ། འདོད་ཆགས་དང་བྲལ་བ་མངོན་དུའང་མི་བྱེད་པ་དང་། ཞེ་སྡང་སྤང་བའི་ཕྱིར་ཡང་ཆོས་སྟོན་པར་བྱེད་ལ། ཞེ་སྡང་སྤོང་བ་མངོན་དུ་འང་མི་བྱེད་པ་དང་། གཏི་མུག་སྤང་བའི་ཕྱིར་ཡང་ཆོས་སྟོན་པར་བྱེད་ལ། གཏི་མུག་སྤོང་བ་མངོན་དུའང་མི་བྱེད་པ་དང་། ཉོན་མོངས་པ་སྤང་བའི་ཕྱིར་ཆོས་སྟོན་པར་ཡང་བྱེད་ལ། ཉོན་མོངས་པ་སྤོང་བ་མངོན་དུའང་མི་བྱེད་པ་དེ་ཙམ་གྱིས་ན། སྒྲོའི་བུ་བྱང་ཆུབ་སེམས་དཔའ་ལམ་ལ་གནས་པ་ཡིན་ནོ།། ལྷའི་བུ་གཞན་ཡང་གང་གི་ཚེ་བྱང་ཆུབ་སེ་དཔའ་སེམས་ཅན་རྣམས་ལ་སྟོང་པ་ཉིད་སྟོན་པ་ཡང་བྱེད་ལ། སྟོང་པ་ཉིད་མངོན་དུའང་མི་བྱེད་པ་དང་། སེམས་ཅན་རྣམས་ལ་མཚན་མ་མེད་པ་སྟོན་པར་ཡང་བྱེད་ལ། མཚན་མ་མེད་པ་མངོན་དུའང་མི་བྱེ། པ་དང་། སེམས་ཅན་རྣམས་ལ་སྨོན་པ་མེད་པ་སྟོན་པར་ཡང་བྱེད་ལ། སྨོན་པ་མེད་པ་མངོན་དུའང་མི་བྱེད་པ་དང་། དེ་བཞིན་དུ་སེམས་ཅན་རྣམས་ལ་མངོན་པར་འདུ་བྱེད་པ་མེད་པ་དང་། སྐྱེ་བ་མེད་པ་དང་འབྱུང་བ་མེད་པ་དང་། དངོས་པོ་མེད་པ་དང་། འདོད་ཆགས་དང་བྲལ་བ་དང་མི་ལྡན་པ་དང་། འགོག་པའི་ཆོས་སྟོན་པར་ཡང་བྱེད་ལ། འགོག་པ་མངོན་དུའང་མི་བྱེད་པ་དེ་ཙམ་གྱིས་ན་བྱང་ཆུབ་སེམས་དཔའ་ཡམ་ལ་གནས་པ་ཡིན་ནོ། ། ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་ཡོངས་སུ་མི་གཏོང་བས་སྦྱིན་པའི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་དང་། ཚུལ་ཁྲིམས་ལས་ཡང་དག་པར་འདའ་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་དང་། གནོད་སེམས་ཀྱིས་བཟོད་པའི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་དང་། ལེ་ལོས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་དང་། བརྗེད་ངས་པས་བསམ་གཏན་གྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་དང་། བེམས་པོ་དང་ལུག་ལྟར་ལྐུགས་པས་ཤེས་རབ་ཀྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་དེ་ཙམ་གྱིས་ན་བྱང་ཆུབ་སེམས་དཔའ་ལམ་ལ་གནས་པ་ཡིན་ནོ། ། ལྷའི་བུས་སྨྲས་པ། འཇམ་དཔལ་ཅི་ལས་བསམས་ཏེ་དེ་སྐད་སྨྲ། འཇམ་དཔལ་གྱིས་སྨྲས་པ། ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཡོངས་སུ་མི་གཏོང་བ་ཡིན་ཏེ། བཞི་གང་ཞེ་ན། སེམས་ཅན་ཡོངས་སུ་མི་གཏོང་བ་དང་། ཆོས་ཡོངས་སུ་མི་གཏོང་བ་དང་། བྱང་ཆུབ་ཀྱི་སེམས་ཡོངས་སུ་མི་གཏོང་བ་དང་། དགེ་བའི་ཆོས་ཐམས་ཅད་ཡོངས་སུ་མི་གཏོང་བ་སྟེ། བྱང་ཆུབ་སེམས་དཔའ་ནི་ཆོས་བཞི་པོ་དེ་དག་ཡོངས་སུ་མི་གཏོང་བས་སྦྱིན་པའི་ཕ་རོལ་ཏུ་ཕྱིན་པ་སྒྲུབ་པར་བྱེད་དོ།། ལྷའི་བུ་ཚུལ་ཁྲིམས་ལས་ཡང་དག་པར་འདབ་པ་ཞེས་བྱ་བ་དེ་ནི། དེའི་རང་བཞིན་མ་ཡིན་པའི་ཚིག་བླ་དགས་ཡིན་ཏེ། ཚུལ་ཁྲིམས་ལས་ཡང་དག་པར་འདའ་བས་ཏིང་ངེ་འཛིན་དང་། ཏིང་ངེ་འཛིན་ལས་ཡང་དག་པར་འདའ་བས་ཤེས་རབ་དང་། ཤེས་རབ་ལས་ཡང་དག་པར་འདའ་བས་རྣམ་པར་གྲོལ་བ་ཤེས་པ་སྒྲུབ་པར་བྱེད་དེ། ལྷའི་བུ་ཁྱོད་ཀྱིས་རྣམ་གྲངས་དེས། གང་ཚུལ་ཁྲིམས་ལས་ཡང་དག་པར་འདའ་བདེ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་ཡིན་པར་རིག་པར་བྱའོ།། ལྷའི་བུ་བྱང་ཆུབ་སེམས་དཔའ་གང་གནོད་སེམས་ལ་ཞུགས་པ་ནི་ཉན་ཐོས་ཀྱི་ཐེག་པ་ལས་ལོག་པར་ཞུགས་པ་དང་། རང་སངས་རྒྱས་ཀྱི་ཐེག་པ་ལ་ས་ལོག་པར་ཞུགས་པ་ཡིན་པས་དེ་ནི་ཐེག་པ་ཆེན་པོ་ལ་ལེགས་པ་ཞུགས་པ་ཡིན་ཏེ། གང་ཐེག་པ་ཆེན་པོ་ལ་ལེགས་པར་ཞུགས་པ་དེ་ནི་བཟོད་པའི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་ཡིན་ནོ།། ལྷའི་བུ་གང་གི་ཚེ་བྱང་ཆུབ་སེམས་དཔའ་ལུས་ཀྱིས་རྟུལ་བར་མི་བྱེད་ཅིང་། ང་དང་སེམས་ཀྱིས་རྟུལ་བར་མི་བྱེད་པ་དེ་ནི་ལེ་ལོ་ཅན་ཡིན་ལ། གང་དེ་ལྟར་ཆོས་ལ་མངོན་པར་བརྩོན་པ་དེ་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་ཡིན་ནོ།། ལྷའི་བུ་གཞན་ཡང་བྱང་ཆུབ་སེམས་དཔའ་ནི་རྨི་ལམ་ནའང་ལས་གཉིས་པོ་དག་ལ་དགའ་བའི་སེམས་སྐྱེད་པར་མི་བྱེད་པས་དེ་ནི་བརྗེད་ངས་པ་ཡིན་ལ། གང་ཉན་ཐོས་དང་རང་སངས་རྒྱས་ཀྱི་ཐེག་པ་ལ་བརྗེད་དྲས་པ་དེ་ནི་ཐེག་པ་ཆེན་པོ་ལ་མཉམ་པར་གཞག་པ་ཡིན་པས། དེས་ནི་བསམ་གཏན་གྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་ཡིན་ནོ།། ལྷའི་བུ་ཆོས་ཐམས་ཅད་ནི་བེམས་པོ་སྟེ། ཛཱ་དང་། ཤིང་དང་། རྩིག་པ་དང་། ལམ་དང་། མིག་ཡོར་དང་། ལུག་ལྟར་ལྐུགས་པ་དང་འདྲ་བར་རང་བཞིན་གྱིས་ནུས་པ་མེད་པ་ཡིན་པས། གང་གི་ཚེ་བྱང་ཆུབ་སེམས་དཔའ་ཤེས་རབ་དང་ཡེ་ཤེས་ཀྱིས་དེ་ལྟར་ཆོས་ཐམས་ཅད་བེམས་པོ་དང་ལུག་ལྟར་ཐུག་པ་ལྟ་བུས་བྱང་ཆུབ་སྒྲུབ་པར་བྱེད་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་ཡིན་ཏེ། དེ་ལྟར་ཞུགས་པའི་བྱང་ཆུབ་སེམས་དཔའ་ནི་ལམ་སྒྲུབ་པར་བྱེད་པ་ཡིན་ནོ། ། ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་འཁོར་བའི་ལམ་ཡང་མི་སྤོང་ལ། མྱ་ངན་ལས་འདས་པའི་ལམ་ཡང་ཚོལ་བར་བྱེད་པ་དང་། ལམ་གྱི་ལས་ཀྱི་རྒྱུན་ཡང་མི་གཅོད་ཅིང་། ལམ་གྱི་བྱ་བའང་སྒྲུབ་པར་བྱེད་པ་དང་། ལམ་ངན་པར་ཞུགས་པའི་སེམས་ཅན་རྣམས་ཀྱང་ལམ་ལ་འགོད་པར་བྱེད་པ་དེ་ལྟ་ན། བྱང་ཆུབ་སེམས་དཔའ་ལམ་ལ་གནས་པ་ཡིན་ནོ། ། ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་སེམས་ཅན་ཐམས་ཅད་དང་། ཆོས་ཐམས་ཅད་འཚལ་ན་མི་རྙེད་པ་དང་། བྱང་ཆུབ་ཀྱི་ལམ་སྤང་བར་མི་བྱེད་པ་དང་། འབྲས་བུ་ཡོད་པར། བསམ་གཏན་བྱེད་པ་དེ་ལྟ་ན། བྱང་ཆུབ་སེམས་དཔའ་བྱང་ཆུབ་ཀྱི་ལམ་ཐོབ་པ་ཡིན་ནོ།། ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་ཉན་ཐོས་ཀྱི་ལམ་ཡང་རབ་ཏུ་ཤེས་ལ། ཉན་ཐོས་ཀྱི་ལམ་གྱིས་ངེས་པར་འབྲང་བར་ཡང་མི་བྱེད་པ་དང་། རང་སངས་རྒྱས་ཀྱི་ལམ་ཡང་རབ་ཏུ་ཤེས་ལ། རང་སངས་རྒྱས་ཀྱི་ལམ་གྱི་ངེས་པར་འབྱུང་བར་མི་བྱེད་པ་དང་། བྱང་ཆུབ་སེམས་དཔའི་ལམ་ཡང་ཐོབ་པར་བྱེད་ལ་ལམ་དེས་ཀྱང་དབང་པོ་ཡོངས་སུ་མ་རྫོགས་པར་ངེས་པར་འབྱུང་བར་མི་བྱེད་པ་དེ་ལྟ་ན། བྱང་ཆུབ་སེམས་དཔའ་ལམ་ལ་གནས་པ་ཡིན་ནོ།། བྱུང་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་དགེ་བའི་རྩ་བ་ཐམས་ཅད་མངོན་པར་འདུ་བྱེད་པ་དང་། མངོན་པར་འདུ་བྱ་བའི་འབྲས་བུ་དོན་དུ་མི་གཉེར་བ་དང་། མངོན་པར་འདུ་བྱེད་པའི་སྐྱོན་གྱིས་མི་གོས་པ་དང་། དགེ་བའི་རྩ་བ་མངོན་པར་འདུ་བྱ་བ་ཐམས་ཅད་བྱང་ཆུབ་ཏུ་ཡོངས་སུ་སྔོ་བར་བྱེད་པ་དང་། བྱང་ཆུབ་ཀྱི་ཕྱིར་འཕེལ་བ་ཡང་དག་པར་རྗེས་སུ་མི་མཐོང་བ་དང་། འབྲི་བ་ཡང་དག་པར་རྗེས་སུ་མི་མཐོང་བ་དེ་ལྟ་ན། བྱང་ཆུབ་སེམས་དཔའ་ལམ་ལ་གནས་པ་ཡིན་ནོ། ། ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་ལམ་ངན་པ་ལས་ལམ་ཡོངས་སུ་ཚོལ་བར་བྱེད་པ་དང་། ལམ་ཡོངས་སུ་བཙལ་ནས་ཀྱང་ངེས་པར་འབྱུང་བར་མི་བྱེད་པ་དེ་ལྟ་ན། བྱང་ཆུབ་སེམས་དཔའ་ལམ་ལ་གནས་པ་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ལམ་ངན་པ་ལས་ལམ་ཡོངས་སུ་ཚོལ་བར་བྱེད། འཇམ་དཔལ་གྱིས་སྨྲས་པ། ལྷའི་བུ་ལམ་ངན་པ་ཞེས་བྱ་བ་ནི་འཁོར་བ་སྟེ། བྱང་ཆུབ་སེམས་དཔའ་ནི་དེ་ལ་གནས་ནས་སེམས་ཅན་ངེས་པར་འབྱུང་བའི་ཕྱིར་ལམ་ཡོངས་སུ་ཚོལ་བར་བྱེད་ཀྱི། བདག་ཉིད་ངེས་པར་འབྱུང་བའི་ཕྱིར་ནི་མ་ཡིན་ནོ།། ལྷའི་བུས་སྨྲས་པ། འཇམ་དཔལ་བྱང་ཆུབ་སེམས་དཔའི་སྤྱོད་པ་ནི་འཇིག་རྟེན་ཐམས་ཅད་དང་ཨོཾ་མཐུན་པ་ཡིན་ནོ།། འཇམ་དཔལ་གྱིས་སྨྲས་པ། ལྔའི་བུ་འདི་ལྟར་བྱང་ཆུབ་སེམས་དཔའ་རྣམས་ནི་འཇིག་རྟེན་ན་སྤྱོད་ཀྱང་འཇིག་རྟེན་གྱི་ཆོས་རྣམས་ཀྱིས་མི་གོས་པ་དང་། ཉོན་མོངས་པ་དང་། ཉོན་མོངས་པ་མེད་པ་སྟོན་པར་བྱེད་ཀྱང་། ཉོན་མོངས་པ་མེད་པ་ཉིད་དུ་མི་ལྟུང་བ་དང་། གབ་དང་། འཆིབ་སྟོན་པར་བྱེད་ཀྱང་། ཆོས་ཐམས་ཅད་སྐྱེ་བ་མེད་པ་དང་། འབྱུང་བ་མེད་པར་ཤེས་ཤིང་། སྐྱོན་མེད་པ་མངོན་དུ་མི་བྱེད་པ་དང་། ཕུང་པོ་དང་། ཁམས་དང་། སྐྱེ་མཆེད་ཡོངས་སུ་སྤྱོད་པར་བྱེད་ཀྱང་། ཕུང་པོ་དང་། ཁམས་དང་། སྐྱེ་མཆེད་དོན་དུ་མི་གཉེར་བ་དང་། ཕུང་པོ་དང་། ཁམས་དང་། སྐྱེ་མཆེད་ཡོངས་སུ་ཤེས་པར་བྱ་བའི་ཕྱིར། སེམས་ཅན་རྣམས་ལ་ཆོས་སྟོན་ཀྱང་། ཡོངས་སུ་ཤེས་པ་དེ་དག་ཡོངས་སུ་ཤེས་པར་མི་བྱེད་པ་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དག་མངོན་པར་སྒྲུབ་པར་བྱེད་ཅིང་སེམས་རྣམ་པར་གཡེང་བ་རྣམས་ཏེ་བར་འཇོག་པར་བྱེད་ཀྱང་། ཉེ་བར་འཇོག་པ་ལ་འབྱུང་བར་མི་བྱེད་པ་དང་། བདུད་ཀྱི་ཡུལ་ཉེ་བར་སྟོན་པར་བྱེད་ཀྱང་། བདུད་ཀྱི་ལས་རྣམས་ཀྱིས་མི་འཕྲོགས་པ་དང་། སངས་རྒྱས་ཀྱི་ཡུལ་སྤོང་བར་མི་བྱེད་པ་དང་། བདུད་ཀྱི་ཡུལ་གྱི་རྗེས་སུ་མི་འཇུག་པ་དང་། ཆོས་ཀྱི་དབྱིངས་ཀྱི་ཡུལ་ལས་ལྡོག་པར་མི་བྱེད་པ་དང་། སེམས་ཅན་གྱི་ཁམས་ཀྱི་ཡུལ་ཉེ་བར་ལེན་པར་བྱེད་པས་ན། དེའི་ཕྱིར་སེམས་ཅན་ཆེན་པོ་དེ་དག་གི་སྤྱོད་པ་ནི་འཇིག་རྟེན་ཐམས་ཅད་དང་མཐུན་པ་ཡིན་ནོ། ། ལྷའི་བུས་སྨྲས་པ། འཇམ་དཔལ་ཁྱོད་བྱང་ཆུབ་སེམས་དཔའ་རྣམས་ཀྱི་སྤྱོད་པ་ལ་སྤོབས་པར་གྱིས་ཤིག། འཇམ་དཔལ་གྱིས་སྨྲས་པ། ལྷའི་བུ་བསམ་པ་ཡོངས་སུ་དག་ཅིང་ནང་དང་ཕྱི་རོལ་དབེན་པ་ཉིད་ཀྱིས་ལྷག་པའི་བསམ་པ་ལ་སྤྱོད་པ་དང་། རབ་ཏུ་སྤྱོད་པ་མེད་པ་ཉིད་ཀྱིས་སྦྱོར་བ་ལ་སྤྱོད་པ་དང་། སེམས་མི་བརྗེད་པ་ཉིད་ཀྱིས་བྱང་ཆུབ་ཀྱི་སེམས་མི་བརྗེད་པ་ལ་སྤྱོད་པ་དང་། སེམས་དུལ་བ་ཉིད་ཀྱིས་སྦྱིན་པ་ལ་སྤྱོད་པ་དང་། སེམས་ཞི་བ་ཉིད་ཀྱིས་ཚུལ་ཁྲིམས་ལ་སྤྱོད་པ་དང་། སྨྲས་པ་མེད་པ་ཉིད་ཀྱིས་བཟོད་པ་ལ་སྤྱོད་པ་དང་། ལུས་དབེན་པ་ཉིད་ཀྱིས་བརྩོན་འགྲུས་ལ་སྤྱོད་པ་དང་། ཆོས་ཀྱི་དབྱིངས་རྣམ་པར་གཡེང་བ་མེད་པ་ཉིད་ཀྱིས་བསམ་གཏན་ལ་སྤྱོད་པ་དང་། སྤྲོས་པ་མེད་པ་ཉིད་ཀྱིས་ཤེས་རབ་ལ་སྤྱོད་པ་དང་། སེམས་ཅན་ལ་བདག་མེད་པ་ཉིད་ཀྱིས་བྱམས་པ་ལ་སྤྱོད་པ་དང་། ཉོན་མོངས་པ་ཡོད་པ་མ་ཡིན་པ་རབ་ཏུ་ཞི་བ་ཉིད་ཀྱིས་སྙིང་རྗེ་ལ་སྤྱོད་པ་དང་། རང་བཞིན་གྱིས་རྣམ་པར་གྲོལ་བའི་ཕྱིར་དགའ་བ་ལ་སྤྱོད་པ་དང་། མཐའ་གཉིས་དང་བྲལ་བའི་ཕྱིར་བཏང་སྙོམས་ལ་སྤྱོད་པ་དང་། གཟོད་མ་ནས་མ་སྐྱེས་པའི་ཕྱིར་མི་རྟག་པ་ལ་སོ་སོར་རྟོག་པ་ལ་སྤྱོད་པ་དང་། ཡོངས་སུ་རྟོག་པ་སྡུག་བསྔལ་བའི་ཕྱིར་སྡུག་བསྔལ་ལ་སོ་སོར་རྟོག་པབ་ལ་སྤྱོད་པ་དང་། ཕྱིན་ཅི་ལོག་རང་བཞིན་མེད་པའི་ཕྱིར་བདག་མེད་པ་ལ་སོ་སོར་རྟོག་པ་ལ་སྤྱོད་པ་དང་། འདུ་ཤེས་ཡོངས་སུ་ཤེས་པའི་ཕྱིར་ཞི་བ་ལ་སོ་སོར་རྟོག་པ་ལ་སྤྱོད་པ་དང་། ཕུང་པོ་སྒྱུ་མ་ལྟ་བུར་ཡོངས་སུ་ཤེས་པའི་ཕྱིར་སྡུག་བསྔལ་ཡོངས་སུ་ཤེས་པ་ལ་སྤྱོད་པ་དང་། མ་རིག་པ་སྔོན་དུ་འགྲོ་བའི་ཕྱིར་ཀུན་འབྱུང་བ་ཤེས་པ་ལ་སྤྱོད་པ་དང་། རང་བཞིན་གྱིས་འགགས་པའི་ཕྱིར་འགགས་པ་ཤེས་པ་པ་སྤྱོད་པ་དང་། འདུས་བྱས་ལ་མངོན་པར་ཞེན་པ་མེད་པའི་ཕྱིར་ལམ་ཤེས་པ་ལ་སྤྱོད་པ་དང་། འབྲས་བུ་ཡོངས་སུ་ཤེས་པ་ཉིད་ཀྱིས་རྒྱུ་ཤེས་པ་ལ་སྤྱོད་པ་དང་། རྟེན་ཅིང་འབྲེལ་པར་འབྱུང་བའི་ཕྱིར་རྐྱེན་ཤེས་པ་ལ་སྤྱོད་པ་དང་། དུ་མའི་ཕྱིར་ཚོགས་པ་ལ་སྤྱོད་པ་དང་། བརྗོད་དུ་མེད་པའི་ཕྱིར་དོན་སོ་སོ་ཡང་དག་པར་རིག་པ་ལ་སྤྱོད་པ་དང་། ཆོས་ཀྱི་དབྱིངས་དབྱེར་མེད་པའོ། ཕྱིར་ཆོས་སོ་སོ་ཡང་དག་པར་རིག་པ་ལ་སྤྱོད་པ་དང་། མིང་དང་གཟུགས་འབྱུང་བ་མེད་པའི་ཕྱིར་ངེས་པའི་ཚིག་སོ་སོ་ཡང་དག་པར་རིག་པ་ལ་སྤྱོད་པ་དང་། སྒྲ་བྲག་ཆ་དང་མཚུངས་པའི་ཕྱིར་སྤོབས་པ་སོ་སོ་ཡང་དག་པར་རིག་པ་ལ་སྤྱོད་པ་དང་། ཆོག་འབྲུ་གསལ་བ་ཉིད་ཀྱིས་དོན་ལ་རྟོན་པ་ལ་སྤྱོད་པ་དང་། རྣམ་པར་ཤེས་པའི་སྤྱོད་ཡུལ་མ་སྤངས་པ་ཉིད་ཀྱིས་ཡེ་ཤེས་ལ་རྟོན་པ་ལ་སྤྱོད་པ་དང་། ལས་ཀྱི་རྣམ་པར་སྨིན་པ་སྟོན་པ་ཉིད་ཀྱིས་ངེས་པའི་དོན་གྱི་མདོ་སྡེ་ལ་རྟོན་པ་ལ་སྤྱོད་པ་དང་། གང་བྲག་ཡོངས་སུ་སྨིན་པར་བྱ་བ་ཉིད་ཀྱིས་ཆོས་ལ་རྟོན་པ་ལ་སྤྱོད་པ་དང་། ལས་རྣམ་པར་དག་པའི་ཕྱིར་ལྷའི་མིག་ལ་སྤྱོདཔ་དང་། ཚུལ་ཁྲིམས་རྣམ་པར་དག་པའི་ཕྱིར་ལྷའི་རྣ་བ་ལ་སྤྱོད་པ་དང་། ཏིང་ངེ་འཛིན་རྣམ་པར་དག་པའི་ཕྱིར་ཕ་རོལ་གྱི་སེམས་ཤེས་པ་ལ་སྤྱོད་པ་དང་། དུས་གསུམ་མཉམ་པ་ཉིད་ཀྱིས་ཕྱིར་སྔོན་གྱི་གནས་། སུ་དྲན་པ་ཤེས་པ་ལ་སྤྱོད་པ་དང་། སེམས་ལ་དབང་སྒྱུར་བའི་ཕྱིར་རྫུ་འཕྲུལ་མངོན་པར་སྒྲུབ་པ་ལ་སྤྱོད་པ་དང་། མི་ཕྱེད་པའི་ཕྱིར་སྤྱོད་པ་བརྟན་པ་ལ་སྤྱོད་པ་དང་། མི་ལྷོད་པའི་ཕྱིར་སྤྱོད་པ་སྲ་བ་ལ་སྤྱོད་པ་དང་། བསྐྱོད་དུ་མེད་པའི་ཕྱིར་གནས་པ་མེད་པ་ལ་སྤྱོད་པ་དང་། ཐ་དད་པ་མེད་པ་ཉིད་ཀྱིས་སྤྱོད་པ་མཉམ་པ་ལ་སྤྱོད་པ་དང་། ཐམས་ཅད་དུ་རྗེས་སུ་མ་བརྟགས་པའི་ཕྱིར་ས་དང་། ཆུ་དང་། མེ་དང་། རླུང་དང་། ནམ་མཁའ་ལྟ་བུར་སྤྱོད་པ་དང་། རྣམ་པར་བསྒྲུབས་པའི་མཚན་ཉིད་ཀྱིས་སྒྱུ་མ་ལྟ་བུ་ལ་སྤྱོད་པ་དང་། ཡང་དག་པ་མ་ཡིན་པའི་མཚན་ཉིད་ཀྱིས་རྨི་ལམ་ལྟ་བུ་ལ་སྤྱོད་པ་དང་། རྣམ་པར་རྨོངས་པའི་མཚན་ཉིད་ཀྱིས་སྨིག་རྒྱུ་ལྟ་བུ་ལ་སྤྱོད་པ་དང་། བདག་མི་སྲིད་པའི་མཚན་ཉིད་ཀྱིས་སྟོང་པ་ཉིད་ལ་སྤྱོད་པ་དང་། སེམས་རང་བཞིན་མེད་པའི་མཚན་ཉིད་ཀྱིས་མཚན་མ་མེད་པ་ལ་སྤྱོད་པ་དང་། ཁམས་གསུམ་རང་བཞིན་མེད་པའི་མཚན་ཉིད་ཀྱིས་སྨོན་པ་མེད་པ་ལ་སྤྱོད་པ་དང་། འདུས་བྱས་རང་བཞིན་མེད་པའི་མཚན་ཉིད་ཀྱིས་མངོན་པར་འདུ་བྱེད་པ་མེད་པ་ལ་སྤྱོད་པ་དང་། སེམས་དང་། ཡིད་དང་། རྣམ་པར་ཤེས་པ་འཇུག་པ་མེད་པའི་མཚན་ཉིད་ཀྱིས་བདུད་ཚར་གཅད་པ་ལ་སྤྱོད་པ་དང་། སྤྱོད་པ་ཐམས་ཅད་རྣམ་པར་བསྒྲུབས་པའི་མཚན་ཉིད་ཀྱིས་དཀོན་མཆོག་གསུམ་གྱི་གདུང་རྒྱུན་མི་གཅད་པ་ལ་སྤྱོད་པ་སྟེ། ལྷའི་བུ་དེ་ལྟར་སྤྱོད་པའི་བྱང་ཆུབ་སེམས་དཔའ་ནི་བྱང་ཆུབ་སེམས་དཔའི་སྤྱད་པ་ལ་སྤྱོད་པ་ཡིན་ནོ།། ། བམ་པོ་གསུམ་པ་སྟེ་ཐ་མའོ།། ལྷའི་བུས་སྨྲས་པ། འཇམ་དཔལ་བྱང་ཆུབ་སེམས་དཔའི་སྤྱོད་པ་དེ་ནི་ཉན་ཐོས་དང་རང་སངས་རྒྱས་ཐམས་ཅད་ལས་ཡང་དག་པར་འདས་པ་ཡིན་ནོ། ། འཇམ་དཔལ་གྱིས་སྨྲས་པ། ལྷའི་བུ་དེ་དེ་བཞིན་ཏེ། ལྷའི་བུ་ཁོ་བོ་ནི་བྱང་ཆུབ་སེམས་དཔའ། གང་དད་པས་རྗེས་སུ་འབྲང་བ་མ་ཡིན་པ་དང་། ཆོས་ཀྱི་རྗེས་སུ་འབྲང་བ་མ་ཡིན་པ་དང་། གང་བརྒྱད་པ་མ་ཡིན་པ་དང་། རྒྱུན་དུ་ཞུགས་པ་མ་ཡིན་པ་དང་། ལན་ཅིག་ཕྱིར་འོང་། བ་མ་ཡིན་པ་དང་། ཕྱིར་མི་འོང་བ་མ་ཡིན་པ་དང་། དགྲ་བཅོམ་པ་མ་ཡིན་པ་དང་། དང་ཉན་ཐོས་མ་ཡིན་པ་དང་། རང་སངས་རྒྱས་མ་ཡིན་པ་དང་། གང་སངས་རྒྱས་བཅོམ་ལྡན་འདས་མ་ཡིན་པ་དང་། དེ་བཞིན་གཤེགས་པ་མ་ཡིན་པ་དང་། བཅོམ་ལྡན་འདས་མ་ཡིན་པ་དང་། ཡང་དག་པར་རྫོགས་པའི་སངས་རྒྱས་མ་ཡིན་པ་དང་། སྟོན་པ་མ་ཡིན་པ་དེ་ནི་བྱང་ཆུབ་སེམས་དཔའ་ཡིན་པར་མི་སྨྲའོ།། ལྷའི་བུ་ཁོ་བོ་ནི་བྱང་ཆུབ་སེམས་དཔའ་གང་སོ་སོའི་སྐྱེ་བོའི་ཆོས་ཅན་མ་ཡིན་པ་དང་། འདོད་ཆགས་ཀྱི་ཆོས་ཅན་མ་ཡིན་པ་དང་། ཞེ་སྡང་གི་ཆོས་ཅན་མ་ཡིན་པ་དང་། གཏི་མུག་གི་ཆོས་ཅན་མ་ཡིན་པ་དང་། གང་འཁོར་བའི་ཆོས་ཅན་མ་ཡིན་པ་དང་། ཡོངས་སུ་མྱ་ངན་ལས་འདའ་བའི་ཆོས་ཅན་མ་ཡིན་པ་དེ་ནི་བྱང་ཆུབ་སེམས་དཔའ་ཡིན་པར་མི་སྨྲའོ།། ལྷའི་བུས་སྨྲས་པ། འཇམ་དཔལ་ཅི་ལས་བསམས་ཏེ་དེ་སྐད་སྨྲ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་དད་པས་རྗེས་སུ་འབྲང་བ་དང་། ཆོས་ཀྱི་རྗེས་སུ་འབྲང་བ་དང་། བརྒྱད་པ་དང་། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་དང་། ཉན་ཐོས་དང་། རང་སངས་རྒྱས་དང་། སངས་རྒྱས་བཅོམ་ལྡན་འདས་དང་། དེ་བཞིན་གཤེགས་པ་དང་། བཅོམ་ལྡན་འདས་དང་། ཡང་དག་པར་རྫོགས་པའི་སངས་རྒྱས་དང་། སྟོན་པ་དང་། སོ་སོའི་སྐྱེ་བའི་ཆོས་ཅན་དང་། འདོད་ཆགས་ཀྱི་ཆོས་ཅན་དང་། ཞེ་སྡང་གི་ཆོས་ཅན་དང་། གཏི་མུག་གི་ཆོས་ཅན་དང་། འཁོར་བའི་ཆོས་ཅན་དང་། ཡོངས་སུ་མྱ་ངན་ལས་འདའ་བའི་ཆོས་ཅན་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སངས་རྒྱས་ཀྱི་ཆོས་ཐམས་ཅད་ལ་དད་པར་བྱེད་པ་དང་། ཆགས་པ་ཐམས་ཅད་ལ་དད་པར་བྱེད་ཀྱང་དེ་ལ་ཆགས་པར་མི་འགྱུར་བ་དང་། གཞན་གྱི་དད་པས་མི་འགྲོ་བ་དང་། ཕ་རོལ་ཏུ་ཕྱིན་པ་དྲུག་གི་ལམ་ལ་དད་པ་བསྐྱེད་ཅིང་འཛིན་པར་བྱེད་པ་དང་། ཆགས་པས་ཆགས་པར་གྱུར་པ་རྣམས་ཐར་པར་བྱེད་པ་དང་། ཆགས་པ་མེད་པའི་ཡེ་ཤེས་ཡོངས་སུ་ཚོལ་བར་བྱེད་པ་དང་། འཁོར་བ་ལ་ཆགས་པར་མི་བྱེད་པ་དང་། མྱ་ངན་ལས་འདས་པར་མི་ལྟུང་བ་དེ་ཙམ་གྱིས་ན། ལྷའི་བུ་བྱང་ཆུབ་སེམས་དཔའ་དད་པས་རྗེས་སུ་འབྲང་བ་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཆོས་ཀྱི་རྗེས་སུ་འབྲང་བ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སངས་རྒྱས་ཐམས་ཅད་ཀྱིས་གསུངས་པ་འཛིན་པར་བྱེད་པ་དང་། ཀུན་འཛིན་པར་བྱེད་པ་དང་། ཆོས་ཀྱི་ཟས་དང་ལྡན་ཞིང་ཟང་ཟིང་གི་བས་མེད་པ་དང་། ཆོས་ལ་གནས་ཤིང་ཉོན་མོངས་པ་ལ་མི་གནས་པ་དང་། ཆོས་ཀྱི་སྟོབས་ཅན་ཡིན་གྱི། རྒྱལ་གྱི་སྟོབས་ཅན་མ་ཡིན་པ་དང་། ཆོས་སྨྲ་བ་ཡིན་གྱི། འཇིག་རྟེན་རྒྱང་འཕེན་པའི་གཏམ་སྨྲ་བ་མ་ཡིན་པ་དང་། ཆོས་ཀྱི་དབང་ཕྱུག་ཡིན་གྱི། ཉོན་མོངས་པའི་དབང་ཕྱུག་མ་ཡིན་པ་དང་། ཆོས་ལ་རྔོན་པ། ཡིན་གྱི། གང་ཟག་ལ་རྟོན་པ་མ་ཡིན་པ་དང་། ཆོས་སྨྲ་བ་ཡིན་གྱི། ཆོས་མ་ཡིན་པ་མི་སྨྲ་བ་དང་། ཆོས་ཀྱི་རྗེས་སུ་འཐུན་པའི་ཆོས་ལ་རྟོན་པ་ཡིན་གྱི། བརྩོན་པ་བཏབ། བའི་ཆོས་ལ་མི་གནས་པ་དང་། ཆོས་སྐྱོན་མེད་པ་ཉིད་དུ་ཆོས་ཐམས་ཅད་ཤེས་པར་བྱེད་པ་དང་། གཟུངས་ཀྱི་སྒོ་ཆགས་པ་མེད་པ་དང་ལྡན་པ་དང་། ནོར་བདུན་དང་ལྡན་པ་དང་། དམ་པའི་ཆོས་ཡོངས་སུ་འཛིན་པར་བྱེད་པ་དང་། ཆོས་ཀྱི་ཁྱད་པར་ལ་གནས་པ་དེ་ལྟ་ན། བྷུའི་བུ་བྱང་ཆུབ་སེམས་དཔའ་ཆོས་ཀྱི་རྗེས་སུ་འབྲང་བ་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་བརྒྱད་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ལོག་པ་ཉིད་བརྒྱད་ལས་ཡང་དག་པར་འདས་པ་དང་། ཡང་དག་པ་ཉིད་བརྒྱད་ལ་རབ་ཏུ་གནས་པ་དང་། ལམ་ཡན་ལག་བརྒྱད་པ་རྣམ་པར་སྦྱང་བ་ལ་མཁས་པ་དང་། སྦྱོར་བ་ཡོངས་སུ་མ་རྫོགས་པར་ལམ་ངེས་པར་འབྱུང་བར་མི་བྱེད་པ་དང་། མི་ཁོམ་པ་བརྒྱད་དུ་སྐྱེས་པའི་སེམས་ཅན་རྣམ། དལ་བ་ཕུན་སུམ་ཚོགས་པདག་ལ་འགོད་པར་བྱེད་པ་དང་། སྐྱེས་བུ་དམ་པའི་རྣམ་པར་རྟོག་པ་བརྒྱད་ལ་གནས་པ་དང་། རྣམ་པར་ཐར་པ་བརྒྱད་ལ་བསམ་གཏན་བྱེད་པ་དང་། བྱང་ཆུབ་སེམས་དཔའི་ལྷག་བའི་བསམ་པ་མི་སྤོང་བ་དེ་ལྟ་ན། གྷའི་བུ་བྱང་ཆུབ་སེམས་དཔའ་བརྒྱད་པ་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་རྒྱུན་དུ་ཞུགས་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་ཅན་རྒྱན་ཕྱོགས་སུ་དད་པ་རྣམས་རྒྱུན་ལས་ཟློག་པར་བྱེད་པ་དང་། འཁོར་བའི་རྒྱུན་ཐམས་ཅད་གཅོད་པར་བྱེད་ལ། འཁོར་བ་མི་གཅོད་པ་དང་། ངན་སོང་ཐམས་ཅད་ཀྱང་གཅོད་པར་བྱེད་པ་དང་། སེམས་ཅན་རྣམས་བདེ་འགྲོ་དང་། མྱ་ངན་ལས་འདས་པ་མངོན་དུ་བྱ་བའི་ལམ་ལ་འགོད་པར་བྱེད་པ་དང་། མཚམས་གཅད་པ་དང་། དང་། མི་ལ་གཞོལ་བ་དང་། བདེན་པ་སྟོན་པར་བྱེད་པ་དང་། རློམ་སེམས་སུ་མི་ལྟུང་བ་དང་། ཐེ་ཙོམ་དང་བྲལ་བ་དང་། ངེས་པ་དང་། སངས་རྒྱས་ཀྱི་ཆོས་ལ་གཞོལ་བ་དང་། སོ་སོའི་སྐྱེ་བོའི་ལམ་ལས་ཡང་དག་པར་འདས་པ་དང་། སངས་རྒྱས་ཀྱི་ཆོས་ཀྱི་ལམ་ལ་རབ་ཏུ་གནས་པ་དང་། འཁོར་བའི་གཏིང་རྙེད་པ་དང་། མྱ་ངན་ལས་འདས་པ་ལ་མངོན་དུ་ཕྱོགས་པར་གྱུར་པ་དང་། འཇིག་རྟེན་གྱི་སྤྱན་གནས་སུ་གྱུར་པ་དང་། འདུས་བྱས་ལ་སྣང་བ་དང་། འདུས་མ་བྱས་པས་རབ་ཏུ་ཕྱེ་བ་དང་། ཕྱིར་ལྡོག་པར་མི་འགྱུར་བ་དང་། དགེ་འདུན་ལ་ཡང་དག་པར་གཞོལ་བ་དེ་ལྟ་ན། ལྷའི་བུ་བྱང་ཆུབ་སེམས་དཔའ་རྒྱུན་དུ་ཞུགས་པ་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ལན་ཅིག་ཕྱིར་འོང་བ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ཆོས་ཐམས་ཅད་འོང་བ་མེད་པ་དང་། འགྲོ་བ་མེད་པར་ཤེས་ནས་སེམས་ཅན་ཡོངས་སུ་སྨིན་པར་བྱ་བའི་ཕྱིར་བསམས་བཞིན་དུ་འོང་བ་དང་། སེམས་ཅན་རྣམས་ཡོངས་སུ་སྨིན་པར་བྱེད་པ་དང་། འོང་བ་དང་། འགྲོ་བ་སྟོན་པར་བྱེད་པ་དང་། ཆོས་ཉིད་ལ་འོང་བ་དང་། འགྲོ་བ་མེད་པར་མཐོང་བ་དང་། འོང་བའང་ཉོན་མོངས་པ་མེད་པས་འོང་བ་དང་། རང་གི་ལས་ཡོངས་སུ་དག་པས་འགྲོ་བ་དང་འོང་བ་མཉམ་པ་ཉིད་མི་སྤོང་བ་དང་། བདུད་ཀྱི་དབང་གིས་མི་འགྲོ་བ་དང་། བྱང་ཆུབ་ཀྱི་ལམ་ཉེ་བར་སྟོན་པའི་ཕྱིར་འོང་བ་དང་། ཉེ་བར་བླངས་པའི་སེམས་ཅན་བསྒྲལ་བའི་ཕྱིར་འོང་བ་དང་། བྱང་ཆུབ་ཀྱི་ལྷག་པའི་བསམ་པ་སྲ་ཞིང་མི་ཕྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་ཡན་ཅིག་ཕྱིར་འོང་བ་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཕྱིར་མི་འོང་བ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ལྟ་བ་རྣམས་དང་། ཕྱིན་ཅི་ལོག་རྣམས་དང་། སྒྲིབ་པ་རྣམས་སུའང་མི་འོང་བ་དང་། འདུན་པ་དང་། འདོད་ཆགས་དང་། ཞེ་སྡང་དང་། འཇིགས་པ་དང་། གཏི་མུག་གིས་ཡང་འོང་བ་དང་། འགྲོ་བར་མི་འགྱུར་བ་དང་། བྱས་པ་ངེས་པར་མ་གྱུར་ཅིང་། སངས་རྒྱས་ཀྱི་ཆོས་རྣམས་མ་རྫོགས་པར་མི་འོང་བ་དང་། འོང་བ་མེད་པ་དང་། འཕོ་བ་མེད་པ་ལ་མཁས་པ་དང་། རྒ་ཤི་མེད་པ་ལ་ཐོབ་པ་དང་། མཐར་གནས་དང་། བྱས་པ་ངེས་པ་དང་། ལུང་བསྟན་པ་ཐོབ་པ་དང་། དམིགས་པ་མེད་པ་དང་། རྣམ་པ་མེད་པ་ཐོབ་པ་དང་། ཤེས་པས་གཞན་ལ་རག་མ་ལས་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་ཕྱིར་མི་འོང་བ་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་དགྲ་བཅོམ་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ཆགས་པ་མེད་ཅིང་འདོད་ཆགས་གདུལ་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང་། སྡང་བ་མེད་ཅིང་ཞེ་སྡང་གདུལ། པའི་ཕྱིར་སེམས་ཅན་རྣམས་ལ་ཆོས་སྟོན་པ་དང་། རྨོངས་པ་མེད་ཅིང་གཏི་མུག་གདུལ་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང་། ཆོས་ཐམས་ཅད་ལ་ཉོན་མོངས་པ་མེད་པར་གནས་པ་དང་། སེམས་ཅན་ཐམས་ཅད་ལ་སེམས་མ་བཏང་བ་དང་། སངས་རྒྱས་ཀྱི་ཆོས་ཐམས་ཅད་ལ་བརྩོན་འགྲུས་བརྩམས་པ་དང་། འདོད་པའི་ལོངས་སྤྱོད་ཐམས་ཅད་ལ་དགའ་བ་མེད་པས་དགར་བ་དང་། དགྲ་བཅོམ་པ་དང་། པདྨ་བཞིན་དུ་ཉོན་མོངས་པ་ཐམས་ཅད་ཀྱིས་མ་གོས་པ་དང་། ཤེས་པས་འཕགས་པ་དང་མཉམ་པ་དང་། ཐབས་ཀྱིས་འཕགས་པ་མ་ཡིན་པར་གནས་པ་དང་། ཉེ་བར་ལེན་པ་ཐམས་ཅད་ལ་བདག་གི་མེད་ཅིང་ཡོངས་སུ་འཛིན་པ་མེད་པ་དང་། སངས་རྒྱས་ཀྱི་ཆོས་ཐམས་ཅད་ལ་བདག་གིར་བྱེད་ཅིང་ཡོངས་སུ་འཛིན་པ་དང་། རང་གི་སེམས་ཀྱི་རྒྱུད་དག་ལ་ཟག་པ་མེད་པའི་སེམས་དང་ལྡན་པ་དང་། གན་གྱི་སེམས་ཀྱི་རྒྱུད་དག་ལ་ཟག་པ་མེད་པ་གནས་པར་བྱེད་པ་དང་། སྔོན་དམ་བཅས་པ་དག་ལ་བརྣག་པ་ཡོངས་སུ་རྫོགས་པ་དང་། ཚུ་རོལ་དང་ཕ་རོལ་ལ་གནས་པ་རྣམས་ཀྱི་ཕ་རོལ་ཏུ་སོན་པ་དང་། རོལ་གྱི་གནས་མ་སྤངས་པ་དང་། གཞན་གྱི་སེམས་ཅན་གཞན་ཐར་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་དགྲ་བཅོམ་པ་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཉན་ཐོས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་ཅན་ཐམས་ཅད་ལ་མ་ཐོས་པའི་ཆོས་སྒྲོགས་པར་བྱེད་ཅིང་ཡུལ་རྣམས་ལ་སྤྱོད་པར་མི་བྱེད་པ་དང་། ཡང་དག་འདི་དམ་པའི་ཆོས་དང་། སྐྱེ་བ་མེད་པ་དང་། བཀག་པ་མེད་པའི་ཆོས་སྒྲོགས་པར་བྱེད་པ་དང་། སྒྲ་དང་། རྐྱེན་དང་། བདག་མེད་པ་དང་། སེམས་ཅན་མེད་པ་དང་། རང་བཞིན་གྱིས་གཡོ་བ་མེད་པ་སྒྲོགས་པར་བྱེད་པ་དང་། སངས་རྒྱས་ཀྱི་ཆོས་ཚད་མེད་པ་དང་། ནམ་མཁའ་དང་མཉམ་པའི་ཆོས་རྣམས་སྒྲོགས་པར་བྱེད་པ་དང་། སངས་རྒྱས་ཀྱི་ཡེ་ཤེས་དང་། ཡེ་ཤེས་ཆེན་པོ་ལ་ཆོས་ཐམས་ཅད་རྒྱུས་ཉེ་བར་འགྲོ་བར་རྩོམས་ཤིག་ཅེས་སྒྲོགས་པར་བྱེད་པ་དང་། སྒྲོགས་པའང་གཞན་གྱི་དྲིང་མི་འཇོག་པ་དང་། ཐོས་པས་ཀྱང་རློམ་སེམས་མི་བྱེད་པ་དང་། སྒྲོགས་པ་ཐམས་ཅད་ཀྱི་སྔོན་དང་ཕྱི་མའི་མཐའ་མི་འཆད་པ་ཡོངས་སུ་ཤེས་པ་དང་། སོ་སོ་ཡང་དག་པར་རིག་པ་མི་ཟད་པ་ཐོབ་པ་དང་། དོན་དང་། ཚིག་དང་། ཡིག་འབྲུ་མི་ཟད་པ་དང་། སེམས་ཅན་ཐམས་ཅད་ཀྱི་སེམས་དང་། སྤྱོད་པ་དང་། ཤེས་པ་སྟོན་པར་བྱེད་པ་དང་། སོ་སོ་ཅི་རིགས་པར་ཆོས་སྟོན་པར་བྱེད་པ་དང་། ཞི་བའི་ས་ལ་གནས་པ་དང་། སྤྲོས་པ་མེད་པ་དང་། སྔོན་གྱི་སྨོན་ལམ་པ་སྤྱོད་པ་དེ་ལྟ་ན་ལྷའི་བུ་བྱང་ཆུབ་སེམས་དཔའ་ཉན་ཐོས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་རང་སངས་རྒྱས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ཆོས་ཐམས་ཅད་རྐྱེན་ལ་རག་ལས་པ་དང་། སེམས་ཅན་མེད་པ་དང་། སྲོག་མེད་པ་དང་། གང་ཟག་མེད་པ་དང་། བདག་པོ་མེད་པ་དང་། རྣམ་པར་བསྒྲུབས་པ་ཉེ་བར་གནས་པའི་མཚན་ཉིད་དུ་ཤེས་པ་དང་། དེས་རྐྱེན་རྣམས་ལེགས་པར་མཐོང་བའི་ཕྱིར་བྱང་ཆུབ་འདྲེན་པར་བྱེད་པའི་རྐྱེན་འདི་ལྟ་སྟེ། ཕ་རོལ་ཏུ་ཕྱིན་པ་ཐམས་ཅད་ཀྱི་ཕྱོགས་དང་། བྱང་ཆུབ་ཀྱི་ཕྱོགས་ཀྱི་ཆོས་རྣམས་ཀྱི་ཕྱོགས་དང་། བསྡུ་བའི་དངོས་པོ་བཞིའི་ཕྱོགས་དང་། ཚད་མེད་པ་བཞིའི་ཕྱོགས་དང་། མངོན་པར་ཤེས་པའི་ཕྱོགས་ཡང་དག་པར་སྒྲུབ་པར་བྱེད་པ་དང་། དེ་རྐྱེན་ཉེ་བར་སྒྲུབ་པར་བྱེད་ཅིང་། གཞན་གྱི་དྲིང་མི་འཇོག་པས་བྱང་ཆུབ་མངོན་པར་རྫོགས་པར་འཚང་རྒྱ་བར་བྱེད་པ་དང་། ས་ངན་པ་དག་ལས་སེམས་སྐྱོ་བར་བྱེད་པ་དང་། ཉི་ཚེ་བའི་ཤེས་པ་འདུལ་བ་ལ་མཁས་པ་དང་། ཐེག་པ་ཆེན་པོ་ལ་ལེགས་པར་རབ་ཏུ་གནས་པ་དང་། ཆོས་ཐམས་ཅད་ལ་མངོན་དུ་གྱུར་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་རང་སངས་རྒྱས་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སངས་རྒྱས་ཡིན། འཇམ་དཔལ་གྱིས་སྤྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ཆོས་ཐམས་ཅད་གཟོད་མ་ནས་དབེན་པ་ཉིད་དུ་རྟོགས་པར་བྱེད་པ་དང་། སེམས་ཅན་ཐམས་ཅད་གཟོད་མ་ནས་བདག་མེད་པ་ཉིད་དུ་རྟོགས་པར་བྱེད་པ་དང་། མིང་མངོན་པར་རྟོགས་པར་བྱ་བའི་ཕྱིར་སྤྱོད་པ་དམན་པ་དང་། མཆོག་དང་བར་མ་ཐམས་ཅད་རྟོགས་པར་བྱེད་པ་དང་། རང་གི་ཉོན་མོངས་པ་སྟོང་པ་ཉིད་ཀྱིས་ཉོན་མོངས་པ་ཐམས་ཅད་རྟོགས་པར་བྱེད་པ་དང་། སྐད་ཅིག་གཅིག་ལ་རྗེས་སུ་རྟོགས་པའི་རིམ་གྱིས་ས་དང་སྤྱོད་པ་སྣ་ཚོགས་སྟོན་པར་བྱེད་པ་དང་། སེམས་ཅན་གྱི་དབང་པོ་དང་མོས་པས་ཆོས་སྟོན་པར་བྱེད་པ་དང་། འབྲས་བུ་ཡོད་པར་ཆོས་སྟོན་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སངས་རྒྱས་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་དེ་བཞིན་གཤེགས་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་དེ་བཞིན་གཤེགས་པའི་ལམ་དུ་འགྲོ་བ་དང་། དེ་བཞིན་ཉིད་མི་བརྗེད་པ་དང་། དེ་བཞིན་ཉིད་ལ་རབ་ཏུ་གནས་པ་དང་། དེ་བཞིན་ཉིད་ཀྱི་སྦྱིན་པ་དང་། དེ་བཞིན་ཉིད་ཀྱི་ཚུལ་ཁྲིམས་དང་། དེ་བཞིན་ཉིད་ཀྱི་བཟོད་པ་དང་། དེ་བཞིན་ཉིད་ཀྱི་བརྩོན་འགྲུས་དང་། དེ་བཞིན་ཉིད་ཀྱི་བསམ་གཏན་དང་། དེ་བཞིན་ཉིད་ཀྱི་ཤེས་རབ་དང་། དེ་བཞིན་ཉིད་ཀྱི་ཐབས་དང་། དེ་བཞིན་ཉིད་ཀྱི་སྨོན་ལམ་དང་། དེ་བཞིན་ཉིད་ཀྱི་སྟོབས་དང་། དེ་བཞིན་ཉིད་ཀྱི་ཡེ་ཤེས་དང་ལྡན་པ་དང་། དེ་བཞིན་ཉིད་ཀྱི་སེམས་ཅན་མེད་པ་དང་། སེམས་ཅན་ཡོངས་སུ་ཐར་བར་བྱེད་པ་དང་། སེམས་ཅན་གྱི་གནས་འཁོར་བ་ནའང་སྤྱོད་ལ། སྤྱོད་པ་ཐམས་ཅད་ལས་ཀྱང་ཡང་དག་པར་འདས་པ་དང་། སྤྱོད་པ་ལས་སྒྲོལ་བར་བྱེད་པ་དང་། དེ་ནའང་ཡིན་ལ། དེ་ནའང་མ་ཡིན་པ་དང་། འདི་ནའང་ཡིན་ལ། འདི་ནའང་མ་ཡིན་པ་དང་། གཉིས་ཀ་ལས་དག་པ་དང་། མུན་པ་དང་བྲལ་བ་དང་། རྟག་ཏུ་གསལ་བ་དང་། མུན་པ་མེད་པ་དང་། མུན་པའི་ལིང་ཏོག་དང་བྲལ་བ་དང་། དེ་བཞིན་ཉིད་ཀྱི་རྗེས་སུ་སོང་བ་དང་། དེ་བཞིན་གཤེགས་པའི་སའི་རྗེས་སུ་སོང་བ་དེ་ལྟ་ན། ལྷའི་བུ་བྱང་ཆུབ་སེམས་དཔའ་དེ་བཞིན་གཤེགས་པ་ཞེས་བྱའོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས། དཔའ་བཅོམ་ལྡན་འདས་ཞེས་བྱ། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ཉོན་མོངས་པ་བཅོམ་པ་དང་། ཆུ་བོ་ལས་བརྒལ་བ་དང་། སྲིད་པ་མཐོང་བ་དང་། སེམས་ཅན་ཐམས་ཅད་ཀྱི་ཁུར་དང་། སྲིད་པ་འཇོམས་པ་དང་། སྲིད་པའི་འདུ་ཤེས་དང་བྲལ་བ་དང་། བདུད་བཅོམ་པ་དང་། ཁུར་བོར་བ་དང་། སྲིད་པའི་འགྲོ་བར་འཆི་འཕོ་བ་དང་། སྐྱེ་བ་དང་། བྱ་བ་ཤེས་པ་དང་། སྲིད་པའི་འདོད་ཆགས་བསལ་བ་དང་། ལུས་དང་སེམས་བསྒོམས་པ་དང་། ཚུལ་ཁྲིམས་དང་། ཤེས་རབ་བསྒོམས་པ་དང་། སྲིད་པའི་སྐྱོན་ལེགས་པར་མཐོང་བ་དང་། སྲིད་པའི་སྲེད་པ་དང་བྲལ་བ་དང་། སེམྲ་ན་ལ་བསམ་པ་མ་བཏང་བ་དང་། སྲིད་པའི་རྒྱ་མཚོ་ལས་སྒྲོལ་བ་དང་། ཆུ་ལོན་དང་ཟམ་པ་ལེགས་པར་བྱས་པ་དང་། མི་གནས་པས་ལེགས་པར་མཐོང་བ་དང་། རྟག་ཏུ་བསྒོམ་པ་ལ་ཡིད་ཀྱིས་བརྩོན་པ་དང་། སེམས་ཅན་གྱི་སྲིད་པ་ཟད་པར་བྱེད་པ་དང་། སྲིད་པ་ཐམས་ཅད་ལས་རྣམ་པར་ལོག་པ་དང་། ཐབས་ལ་མཁས་པ་དང་། ཉོན་མོངས་པ་ཐམས་ཅད་ཐལ་བར་རློག་པར་བྱེད་པ་དང་། སྲིད་པས་རྣམ་པར་རྩེ་བ་ལ་མཁས་པ་དང་། སྲིད་པ་གསུམ་ན་ཡོད་པ་རྣམས་ཀྱིས་མཆོད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་བཅོམ་ལྡན་འདས་ཞེས་བྱའོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཡང་དག་པར་རྫོགས་པའི་སངས་རྒྱས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་མཚམས་མེད་པས། དང་མཉམ་པ་བྱང་ཆུབ་ཀྱང་དེ་དང་མཉམ་པས་མཉམ་པ་ཉིད་དུ་མངོན་པར་རྫོགས་པར་བྱང་ཆུབ་པར་བྱེད་པ་དང་། ལྟ་བའི་རྣམ་པ་རྣམས་དང་། ཕྱིན་ཅི་ལོག་པ་རྣམས་དང་། སྒྲིབ་པ་རྣམས་དང་། ཆོད་པ་རྣམས་དང་། ཀུན་ནས་ལྡང་བ་རྣམས་གང་དང་མཉམ་པ་བྱང་ཆུབ་ཀྱང་དེ་དང་མཉམ་པས་མཉམ་པ་ཉིད་དུ་མངོན་པར་རྫོགས་པར་བྱང་ཆུབ་པར་བྱེད་པ་དང་། འདོད་ཆགས་དང་། ཞེ་སྡང་དང་། གཏི་མུག་གང་དང་མཉམ་བ་དང་། ཉོན་མོངས་པ་ཐམས་ཅད་གང་དང་མཉམ་པ་བྱང་ཆུབ་ཀྱང་དེ་དང་མཉམ་པས་མཉམ་པ་ཉིད་དུ་མངོན་པར་རྫོགས་པར་བྱང་ཆུབ་པར་བྱེད་པ་དང་། སོ་སོའི་སྐྱེ་བོའི་ཆོས་རྣམས་དང་། སློབ་པའི་ཆོས་རྣམས་དང་། ཉན་ཐོས་ཀྱི་ཆོས་རྣམས་དང་། རང་སངས་རྒྱས་ཀྱི་ཆོས་རྣམས་དང་། བྱང་ཆུབ་སེམས་དཔའི་ཆོས་རྣམས་གང་དང་མཉམ་པ་བྱང་ཆུབ་ཀྱང་དེ་དང་མཉམ་པས་མཉམ་པ་ཉིད་དུ་མངོན་པ་འཇོས་པར་བྱང་ཆུབ་པར་བྱེད་པ་དང་། མཉམ་པ་ཉིད་དུ་རྣམ་པར་འཁྲུག་པར་མི་བྱེད་པ་དང་། རྣམ་པར་ཐར་པའི་སྒོ་གསུམ་མཉམ་པ་ཉིད་ཀྱིས་མཉམ་པ་ཉིད་དུ་ལྟ་བར་བྱེད་པ་དང་། ཆོས་ཐམས་ཅད་གཟོད་མ་ནས་དག་པའི་ཕྱིར་རྐྱེན་ལ་རག་ལས་པ་དང་། ཡོད་པ་མ་ཡིན་པའི་ཡོངས་སུ་རྟོག་པས་ཀུན་ནས་བླང་བ་ནམ་མཁའ་དང་མཉམ་པ་ཉིད་དུ་མངོན་པར་རྫོགས་པར་བྱང་ཆུབ་པར་བྱེད་པ་དེ་ལྟ་ན། ལྷའི་བུ་བྱང་རྒྱུ་བ་སེམས་དཔའ་ཡང་དག་པར་རྫོགས་པའི་སངས་རྒྱས་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ར་བྱང་ཆུབ་སེམས་དཔའ་སྟོན་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་གང་ལ་སྟོན་པ་དང་། རབ་ཏུ་སྟོན་པ་དང་། རྗེས་སུ་སྟོན་པར་བྱེད་པ་དེ་དག་ཐམས་ཅད་མི་གཡོ་པའི་ཆོས་ཅན་དུ་འགྱུར་བ་དང་། བསྟན་པ་ཡོངས་སུ་འཛིན་པར་འགྱུར་བ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་སྟོན་པ་དང་། རབ་ཏུ་སྟོན་པ་དང་། སྟོན་པ་གཅིག་པུར་འགྱུར་བ་དང་། སེམས་ཅན་ཐམས་ཅད་ཀྱི་སྐྱབས་དང་། གླིང་དང་། དཔུང་གཉེན་དུ་འགྱུར་བ་དང་། མཚན་མ་ཐམས་ཅད་ཞི་བ་དང་། རབ་ཏུ་ཞི་བ་དང་། ཉེ་བར་ཞི་བར་འགྱུར་བ་དང་། ཐེ་ཚོམ་དང་བྲལ་བ་དང་། སེམས་ཅན་ཐམས་ཅད་ཀྱི་ཐེ་ཚོམ་གཅོད་པ་ལ་མཁས་པ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་གིས་ཕྱག་བྱས་པ་དང་། ཡང་དག་པར་སྨྲ་བ་དང་། ཁམས་གསུམ་པས་ཕྱག་བྱས་པ་དང་། སེམས་ནམ་མཁའ་དང་མཉམ་ཞིང་ཁེངས་པ་མེད་པ་དང་། ཡང་དག་པའི་མཐའ་ལེགས་པར་མཐོང་བའི་ཕྱིར་སྨད་པ་དང་། བརྡེག་པ་དང་། དགོད་བ་དང་། གཤུང་བ་དང་། ཁྲོ་བ་དང་། སྤྲོ་བ་དང་། བསྡིགས་པ་ཐམས་ཅད་དང་། རློམ་སེམས་ཐམས་ཅད་ཀྱིས་ཞུམ་པར་མི་འགྱུར་བ་དང་། སེམས་ཅན་གྱི་རང་བཞིན་ལེགས་པར་མཐོང་བའི་ཕྱིར་སེམས་ཅན་ཐམས་ཅད་ལ་ཕན་ཞིང་སྙིང་བརྩེ་བ་དང་། འཇིག་རྟེན་ལ་སྟོན་པར་གྲགས་པར་འགྱུར་བདེ་ལྟ་ན་ལྷའི་བུ་བྱང་ཆུབ་སེམས་དཔའ་སྟོན་པ་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སོ་སོའི་སྐྱེ་བོའི་ཆོས་ཅན་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ཐབས་ཀྱིས་སོ་སོའི་སྐྱེ་བོའི་སྤྱོད་པ་ཐམས་ཅད་ཀྱང་སྟོན་པར་བྱེད་ལ། ཤེས་པས་སོ་སོ་སྐྱེ་བོའི་སྤྱོད་པ་ཐམས་ཅད་ལ་ཆགས་པར་ཡང་མི་འགྱུར་བ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སོ་སོའི་སྐྱེ་བོའི་ཆོས་ཅན་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་འདོད་ཆགས་ཀྱི་ཆོས་ཅན་ཡིན།། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་རྟག་ཏུ་སངས་རྒྱས་ཀྱི་ཆོས་རྣམས་ལ་རྗེས་སུ་ཆགས་པར་འགྱུར་བ་དང་། རྟག་ཏུ་སངས་རྒྱས་ཀྱི་སྐུ་ལ་ཀུན་ཏུ་ཆགས་པར་འགྱུར་བ་དང་། བསམ་གཏན་དང་། ཏིང་ངེ་འཛིན་དང་། སྙོམས་པར་འཇུག་པ་སྒྲུབ་པའི་ཕྱིར་རྟག་ཏུ་དགོན་པར་གནས་པ་ལ་རྗེས་སུ་ཆགས་པར་འགྱུར་བ་དང་། སེམས་ཅན་རྣམས་བསྡུ་བའི་དངོས་པོ་བཞིས་བསྡུ་བ་ལ་རྟག་ཏུ་རྗེས་སུ་ཆགས་པར་འགྱུར་བ་དང་། སེམས་ཅན་ཐམས་ཅད་ལ་ཞེ་འགྲས་པའི་སེམས་མེད་པར་འགྱུར་བ་དེ་ལྟ་ན། ལྷའི་བུ་བྱང་ཆུབ་སེམས་དཔའ་འདོད་ཆགས་ཀྱི་ཆོས་ཅན་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཞེ་སྡང་གི་ཆོས་ཅན་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་འདུས་བྱས་རྣམས་ལ་གཅིག་ཏུ་ཉེས་པའི་སྐྱོན་ཆགས་པར་ལྟ་བར་བྱེད་པ་དང་། ཉན་ཐོས་དང་རང་སངས་རྒྱས་ཀྱི་ཐེག་པ་ལ་སྡང་བར་བྱེད་པ་དང་། ཉོན་མོངས་པ་ཐམས་ཅད་དང་། འདུ་བྱེད་ཐམས་ཅད་ལ་སྐྱོན་དུའང་འདུ་ཤེས་ལ། ཉོན་མོངས་པ་རྣམས་དང་། འདུ་བྱེད་རྣམས་སྤོང་བར་ཡང་མི་བྱེད་པ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་བརྩོན་འགྲུས་རྒྱུན་མི་གཅོད་པར་བྱེད་པ་དང་། སྙིང་རྗེ་ཆེན་པོས་ཡང་དག་པར་ཟིན་པའི་ཡིད་ཀྱིས་སྙིང་བརྩེ་བ་རྒྱ་ཆེན་པོ་ཡང་དག་པར་སྐྱེད་པར་བྱེད་པ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་སེམས་ཅན་རྣམས་ཉོན་མོངས་པའི་འདམ་རྫབ་ལས་འབྱིན་པར་བྱེད་པ་དང་། སེམས་ཅན་ཞེ་སྡང་ཅན་རྣམས་ལ་བཟོད་པ་ཉེ་བར་སྒྲུབ་པར་བྱེད་ཅིང་། ཉོན་མོངས་པ་རྣམས་ལ་ཉེས་པ་སྦྱིན་པར་བྱེད་པ་དང་། འཆིང་བོའི་ཐབས་ཐམས་ཅད་དང་འཁོར་བ་སུན་འབྱིན་པར་བྱེད་པ་དེ་ན། ལྷའི་བུ་བྱང་ཆུབ་སེམས་དཔའ་ཞེ་སྡང་གི་ཆོས་ཅན་ཡིན་ནོ།། བྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་གཏི་མུག་གི་ཆོས་ཅན་ཡིན། འཇམ་དཔལ་གྱིས་སྨྲས་པ། ལྷའི་བུ་གཏི་མུག་ཅེས་བྱ་བ་ནི་གང་ཅུང་ཟད་ཀྱང་མི་ཤེས་པ་ཡིན་པས། དེ་ལ་གང་གི་ཚེ་བྱང་ཆུབ་སེམས་དཔའ་ཆོས་ཀྱི་ངོ་བོ་ཉིད་ལ་སྙོམས་པར་ཞུགས་པ་དེ་ཤེས་པར་མི་བྱེད། རྣམ་པར་ཤེས་པར་མི་བྱེད། ཀུན་ཏུ་ཤེས་པར་མི་བྱེད། ལེན་པར་མི་བྱེད། སྤོང་བར་མི་བྱེད། འབྱུང་བར་མི་བྱེད། འཇིག་པར་མི་བྱེད། གཡོ་བར་མི་བྱེད། རློས་སེམས་སུ་མི་བྱེད། སྐྱོ་བར་མི་བྱེད་ཅིང་། ཆོས་ཀྱི་རང་བཞིན་གྱིས་འགོག་པ་ལ་སྙོམས་པར་ཞུགས་པ་དེ་ལྟ་ན། བྷའི་བུ་བྱང་ཆུབ་སེམས་དཔའ་གཏི་མུག་གི་ཆོས་ཅན་ཡིན་ནོ།། ལྷའི་བུས་སྨྲས་པ། འཇམ། དཔའ་ཇི་ལྟར་ན་བྱང་ཆུབ་སེམས་དཔའ་འཁོར་བའི་ཆོས་ཅན་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་འཁོར་བ་ལས་ཀྱང་མི་གཡོ་ལ། དེ་ཉིད་ལས་སངས་རྒྱས་ཀྱི་ཆོས་རྣམས་ཚོལ་བར་ཡང་བྱེད་པ་དང་། བདུད་ཐམས་ཅད་དང་ཐུན་མོང་མ་ཡིན་ཞིང་སྤྱོད་པ་དམན་པ་རྣམས་དང་མ་འདྲེས་པ་དང་། སེམས་ཅན་རྣམས་སྤྱོད་པ་དམན་པ་ལས་བྲལ་ཞིང་སྤྱོད་པ་རྒྱ་ཆེན་པོ་ལ་འགོད་པར་བྱེད་པ་དང་། དོན་འཐུན་པར་བྱེད་པ་དང་། མི་དགེ་བ་ཐམས་ཅད་ལ་མི་བསྔགས་པ་རྗོད་པར་བྱེད་ཅིང་འདུན་པ་ཟློག་པ་དང་། ཕྱིར་ཟློག་པར་བྱེད་པ་དང་། བྱང་ཆུབ་འཁོར་བ་ལ་གཞོལ་བར་ཤེས་པར་བྱེད་པ་དང་། འཁོར་བ་མཉམ་པ་ཉིད་ཀྱིས་སངས་རྒྱས་མཉམ་པ་ཉིད་དུ་ལྟ་བར་བྱེད་པ་དང་། འཁོར་བ་ལས་མི་གཡོ་ཞིང་གནས་པར་ཡང་མི་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔ་འཁོར་བའི་ཆོས་ཅན་ཡིན་ནོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཡོངས་སུ་མྱ་ངན་ལས་འདའ་བའི་ཆོས་ཅན་ཡིན། འཇམ་དཔལ་གྱིས་སྨྲས་པ། ལྷའི་བུ་གང་། གི་ཚེ་བྱང་ཆུབ་སེམས་དཔའ་སེམས་ཅན་རང་བཞིན་གྱིས་ཡོངས་སུ་མྱ་ངན་ལས་འདས་པར་ལྟ་བར་བྱེད་པ་དང་། ཆོས་ཐམས་ཅད་རང་བཞིན་གྱིས་ཉེ་བར་ཞི་བར་ཤེས་པར་བྱེད་པ་དང་། སེམས་ཅན་ཐམས་ཅད་ཡོངས་སུ་མྱ་ངན་ལས་བཟླ་བ་དང་། ཉེ་བར་ཞི་བར་བྱ་བའི་ཕྱིར་ཆོས་སྟོན་པར་བྱེད་པ་དང་། སེམས་ཅན་དཔག་ཏུ་མེད་པ་མེ་གསུམ་གྱིས་འབར་བར་གྱུར་པ་རྣམས་ཉེ་བར་ཞི་བར་བྱེད་ཅིང་ཡོངས་སུ་མྱ་ངན་ལས་འདའ་བར་བྱེད་པ་དང་། ཡོངས་སུ་མྱ་ངན་ལས་འདས་པ་ལའང་སྤྱོད་པར་བྱེད་ལ། གཏན་དུ་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདའ་བར་ཡང་མི་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་ཡོངས་སུ་མྱ་ངན་ལས་འདའ་བའི་ཆོས་ཅན་ཡིན་ཏེ། ཐབས་མཁས་པ་དང་། ཐབས་ཤེས་པ་ལ་ངེས་པར་སྐྱེས་པ་དང་། སེམས་ཅན་ཐམས་ཅད་ལ་ཕན་པ་དང་། རྗེས་སུ་སྙིང་བརྩེ་བ་དང་ལྡན་པ་ཡིན་ནོ།། འཇམ་དཔལ་གཞོན་ནུར་གྱུར་པས་བསྟན་པ་འདི་བཤད་པ་ན། སྲོག་ཆགས་འབུམ་ལྷག་ཙམ་ཆོས་རྣམས་ལ་ཆོས་ཀྱི་མིག་རྡུལ་མེད། ཅིང་དྲི་མ་དང་བྲལ་བ་རྣམ་པར་དག་གོ།། སྲོག་ཆགས་དྲུག་ཁྲི་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ།། སྔོན་དགེ་བའི་རྩ་བ་བསྐྱེད་ཅིང་སངས་རྒྱས་མང་པོ་ལ་བསྙེན་བཀུར་བྱ་པའི་སེམས་ཅན་རྣམས་ཀྱིས་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། ། བྱང་ཆུབ་སེམས་དཔའ་ཉི་ཁྲི་ལྔ་སྟོང་གིས་ནི་མི་ཟད་པའི་རྣམ་པའི་མཛོད་ཅེས་བྱ་བའི་གཟུངས་སོ་སོར་ཐོབ་པར་གྱུར་ཏོ།། ། སྲོག་ཆགས་ས་ཡ་ཕྲག་གཉིས་དང་ལྔ་འབུམ་གྱིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། སྟེང་གི་བར་སྣང་ལས་ཀྱང་བཅོམ་ལྡན་འདས་དང་། འཇམ་དཔལ་གཞོན་ནུར་གྱུར། པ་ལ་མཆོད་པར་བྱ་བའི་ཕྱིར་མེ་ཏོག་གི་ཆར་དག་མངོན་པར་རབ་ཏུ་བབ་བོ།། དེ་ནས་སྤུའི་བུ་རབ་རྩལ་སེམས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས། སོ།། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཐབས་དང་ཤེས་རབ་ཀྱིས་ངེས་པར་འབྱུང་བ་ཡིན། དེ་ནས་འཇམ་དཔལ་གཞོན་ནུར་གྱུར་པས། ལྷའི་བུ་རབ་རྩ་ལ་སེམས་ལ་ཚིགས་སུ་བཅ་དེ་སྨྲས་པ། གང་ཚེ་སེམས་ནི་ཆགས་མེད་པ།། བླ་མེད་བྱང་ཆུབ་སེམས་ཡིན་ཏེ།། སེམས་ཀྱི་རང་བཞིན་མངོན་སུམ་པ།། དེ་ནི་ཤེས་རབ་མཚན་ཉིད་དོ།། སེམས་རྣམས་བསྐྱེད་པ་ཐམས་ཅད་ནི། ། བྱང་ཆུབ་ཏུ་ནི་ཡོངས་སྔོ་ཞིང་།། བྱང་ཆུབ་སེམས་ལས་རབ་རྟས་པ།། དེ་ནི་ཐབས་ཀྱི་མཚན་ཉིད་དོ།། སེམས་ཅན་ཐམས་ཅད་བདག་མེད་ཅིང་།། མི་བདེན་ཡ་མ་བརླ་གསོག་ཏུ།། གང་ཚེ་ཤེས་པས་ཤེས་བྱེད་པ། ། དེ་ནི་ཤེས་རབ་མཚན་ཉིད་དོ།། གང་ཕྱིར་སེམས་ཅན་ཐམས་ཅད་དག། བྱང་ཆུབ་ཕྱིར་ནི་སྦྱིན་བྱེད་ཅིང་།། བསམ་པ་ཐག་པས་སྡུད་བྱེད་པ།། དེ་ནི་ཐབས་ཀྱི་མཚན་ཉིད་དོ། ། གང་ཚེ་བདག་དང་བྱང་ཆུབ་དག། གཏན་དུ་མཐོང་བར་མི་བྱེད་ཅིང་།། འཁོར་གསུམ་ཡོངས་སུ་དག་གྱུར་པ།། དེ་ནི་ཤེས་རབ་མཚན་ཉིད་དོ།། ནང་དང་ཡང་ནི་ཕྱི་རོལ་དག། ཐམས་ཅད་ཡོངས་སུ་གཏོང་བྱེད་ཅིང་། ། སེམས་ཅན་ཀུན་ལ་ཡོངས་བསྔོ་བ།། དེ་ནི་ཐབས་ཀྱི་མཚན་ཉིད་དོ།། ཞི་ཞིང་རབ་ཞི་གཙང་དག་ཅིང་།། ཚུལ་ཁྲིམས་རློམ་སེམས་མི་བྱེད་ལ།། ལུས་དང་ངག་ཡིད་ཞི་གྱུར་པ།། དེ་ནི་ཤེས་རབ་མཚན་ཉིད་དོ།། ཚུལ་ཁྲིམས་ལ་ནི་ཞུགས་གྱུར་ཅིང་།། གཞན་ཡང་ཚུལ་ཁྲིམས་སྦྱོར་བྱེད་ལ།། སངས་རྒྱས་ཚུལ་ཁྲིམས་སྔོ་བྱེད་པ།། དེ་ཕྱིར་ཐབས་ཤེས་བྱ་བ་ཡིན།། ཆོས་རྣམས་ཐམས་ཅད་རབ་སྟོང་ཞིང་། ། བདག་མེད་བཟོད་པ་སྒོམ་བྱེད་ལ།། ལུས་དང་སེམས་ཀྱིས་མ་སྨྲས་པ།། དེ་ནི་ཤེས་རབ་ཕ་རོལ་ཕྱིན།། ལུས་ཀྱིས་སྦྱོར་བར་མི་བྱེད་ཅིང་།། ངག་དང་སེམས་ཀྱིས་མ་ཡིན་ལ། ། ཆོས་སེམས་ཀུན་ལ་དབེན་གྱུར་པ།། དེ་ནི་ཤེས་རབ་ཕ་རོལ་ཕྱིན།། སེམས་ཅན་ཀུན་གྱི་ཁྲོ་བ་དང་།། གསོད་དང་འཆིང་བ་བཟོད་བྱེད་ཅིང་།། སེམས་ཅན་དེ་དག་མི་སྤོང་བ།། དེ་ནི་ཐབས་ཀྱི་ཕ་རོལ་ཕྱིན། ། སེམས་ཅན་ཡོངས་སུ་སྨིན་བྱའི་ཕྱིར།། བསམ་གཏན་བདེ་བ་རབ་སྤངས་ནས།། གྲོང་དང་ཡུལ་འཁོར་སྣང་བྱེད་པ།། དེ་ནི་ཐབས་ཀྱི་ཕ་རོལ་ཕྱིན།། ཚུ་རོལ་མ་ཡིན་པ་རོལ་མིན། ། མཐུན་པའི་ཕ་རོལ་རབ་གནས་ཤིང་།། སྤྲོས་པའི་ལྟ་བ་རྒྱུན་བཅད་པ།། ཤེས་རབ་ཕ་རོལ་ཕྱིན་རྟོགས་ཡིན།། གང་གིས་སྟོང་ཉིད་རྟོགས་གྱུར་ནས།། དེ་ནི་བཏང་སྙོམས་མི་བྱེད་ཅིང་སེམས་ཅན་སྟོང་ཉིད་སྦྱོར་བྱེད་པ། ། དེ་ནི་ཐབས་ཀྱི་ཚུལ་ཡིན་ནོ།། སངས་རྒྱས་གཟུང་མེད་མཁའ་འདྲ་བར།། ཆོས་ཀྱི་སྒོ་ནས་ལྟ་བྱེད་ཅིང་།། དེ་ཚེ་གཟུགས་ལ་ཞེན་མེད་པ།། དེ་ནི་ཤེས་རབ་མཚན་ཉིད་དོ། ། སངས་རྒྱས་མཚན་ཉིད་མཆོད་འདོད་ཅིང་།། སངས་རྒྱས་བྱེ་བ་མཆོད་བྱེད་ལ།། འདྲེན་ཀུན་མཆོད་ཏུ་འཇུག་བྱེད་པ།། དེ་ཕྱིར་ཐབས་ཤེས་བྱ་བ་ཡིན།། ཆོས་རྣམས་རྡུལ་མེད་རྡུལ་བྲལ་ཞིང་།། མཁའ་དང་མཉམ་པས་མཉམ་གྱུར་ལ།། ཆོས་འགའ་ཡང་འཛིན་པར་མི་བྱེད་པ།། དེ་ནི་ཤེས་རབ་ཕ་རོལ་ཕྱིན།། ཆོས་ནི་ཡོངས་སུ་གཟུང་བའི་ཕྱིར།། ལུས་དང་སྲོག། ནི་འདོར་བྱེད་ཅིང་།། འཇིག་རྟེན་ཀུན་གྱིས་དབེན་གྱུར་པ།། དེ་ནི་ཐབས་ཀྱི་སྒོ་ཡིན་ནོ།། ཆོས་དབྱིངས་གནས་པ་ཉིད་ཀྱི་ཕྱིར།། ཡང་དག་མཐའ་ལ་རབ་གནས་ཤིང་།། དེ་བཞིན་ཉིད་ལས་མི་གཡོ་བས། ། དེ་ནི་ཤེས་རབ་སྒོ་ཡིན་ནོ།། གང་གིས་ཆོས་ཉིད་ཅི་འདྲ་བ།། སེམས་ཅན་དེ་འདྲར་ཤེས་བྱེད་ཅིང་།། དེ་ལྟར་རྟོགས་པར་བྱེད་པའི་མཐའ།། དེ་ནི་ཤེས་རབ་ཕ་རོལ་ཕྱིན།། ཆོས་ཀུན་འཆི་འཕོ་ཡོད་མིན་ཞིང་། ། སྒྲུ་བ་མེད་པར་ཤེས་བྱེད་ལ།། མི་འགྲོ་རྒྱུག་པར་མི་བྱེད་པ།། དེ་ནི་ཤེས་རབ་ཕ་རོལ་ཕྱིན།། སེམས་ཅན་ཡོངས་སུ་སྨིན་བྱའི་ཕྱིར།། མཁས་པ་འདོད་དང་གཟུགས་རྣམས་སུ། བསམ་བཞིན་དུ་ནི་སྐྱེ་བྱེད་པོ།། དེ་དག་ཐབས་ཀྱི་ཡོན་ཏན་ཡིན།། དགོན་པ་གནས་རབ་གནས་བྱེད་ཅིང་།། ཉོན་མོངས་མེད་ལ་རབ་གནས་ལ།། བསམ་གཏན་རྣམ་ཐར་སྟེན་བྱེད་པ།། དེ་དག་ཤེས་རབ་མཚན་ཉིད་ཡིན། ། གྲོང་དང་ཡུལ་འཁོར་རྣམས་སུ་ནི།། སོང་ནས་སྙན་གཏམ་སྟོན་བྱེད་ཅིང་།། མི་ཟད་ཞུམ་པ་ཡོད་མིན་པའི།། མཁས་པ་ཐབས་ལ་མཁས་པ་ཡིན།། འཇིག་རྟེན་གསུམ་པོ་ཐམས་ཅད་ལས། ། སྐྲག་ཅིང་འདུ་འཛི་རྟེན་མེད་ལ།། བདག་ཉིད་དུལ་ཞིང་ནི་གྱུར་པ།། དེ་ནི་ཤེས་རབ་ཕ་རོལ་ཕྱིན།། འགྲོ་བ་དག་ན་འདུས་ཆེན་དང་།། ཚོགས་དང་འདུ་འཛི་ཇི་སྙེད་པ།། ཀུན་ན་སྣང་བ་དེ་དག་ནི།། ཐབས་ཀྱིས་སྤྲས་པ་མེད་པ་ཡིན།། བརྟན་པ་ཆབས་མེད་སྤྱོད་བྱེད་ཅིང་།། ཡི་གེ་དོན་གཉེར་མི་བྱེད་ལ།། བརྗེད་མེད་ངེས་དོན་དོན་མཉེའ་བ།། དེ་ནི་ཤེས་རབ་ཕ་རོལ་ཕྱིན།། མཁས་པ་ཆགས་པ་ཐམས་ཅད་ན།། སྣང་ཞིང་ཆོས་རྣམས་སྟོན་བྱེད་ལ།། དཀོན་མཆོག་གསུམ་གྱི་བསྔགས་བརྗོད་པ།། དེ་ནི་ཐབས་ཀྱི་ཕ་རོལ་ཕྱིན།། མངོན་ཤེས་ཤེས་པ་མཁས་གྱུར་ཅིང་།། ། ཞི་ཞིང་དུལ་ལ་ཟག་པ་མེད།། གདེག་མེད་བཞག་པ་ཡོད་མིན་པ།། དེ་ནི་ཤེས་རབ་ཕ་རོལ་ཕྱིན།། མངོན་ཤེས་དག་ལ་རྣམ་འཕྲུལ་ཞིང་།། ཞིང་རྣམས་བྱེ་བར་འགྲོ་བྱེད་ལ།། སངས་རྒྱས་བྱེ་བ་མཆོད་བྱེད་པ། ། དེ་ནི་ཐབས་ཀྱི་མཚན་ཉིད་ཡིན།། ཕུང་པོ་སྒྱུ་མ་འདྲར་ཤེས་ཤིང་།། ཉོན་མོངས་དངོས་མེད་ཤེས་བྱས་ནས།། དེ་དག་བདུད་བཞི་ཞི་གྱུར་པ།། དེས་ནི་ཤེས་རབ་ཕ་རོལ་ཕྱིན།། བདུད་རྣམས། ཐམས་ཅད་སྟོན་བྱེད་ཅིང་།། བསྟན་ནས་རྒྱལ་བར་བྱེད་གྱུར་ལ།། དེ་ལས་སེམས་ཅན་ཐར་བྱེད་པ།། དེ་ནི་ཐབས་ཀྱི་སྒོ་ཡིན་ནོ།། སྟོང་ཉིང་མཚན་མ་མེད་པ་དང་། སྨོན་པར་བྱེད་པ་ཡོད་མིན་པའི།། ། རྣམ་ཐར་སྒོ་ལ་སྟེན་བྱེད་པ།། དེ་ནི་ཤེས་རབ་མཚན་ཉིད་ཡིན།། ཆགས་མེད་སྡང་བ་ཡོད་མིན་ཞིང་།། རྨོངས་མེད་ཤེས་པའི་སྤྱོད་ཡུལ་དང་།། བླང་མེད་དོར་བ་ཡོད་མིན་པ།། དེ་ནི་ཤེས་རབ་མཚན་ཉིད་ཡིན། ། རྣམ་པ་ཀུན་གྱི་མཆོག་ལྡན་ཞིང་།། སྟོང་ཉིད་རབ་ཏུ་བསྟེན་གྱུར་ལ།། ཀུན་གྱི་ཕ་རོལ་སོན་གྱུར་པ།། མཉམ་མེད་འགོག་པའི་མཚན་ཉིད་ཡིན།། ཟག་མེད་བརྟུལ་བ་མ་ཡིན་པ། དག་ཤེས་རབ་ལྡན་འགྱུར་ཞིང་།། འཁོར་བའི་སྤྱོད་ཡུལ་དེ་དག་ནི།། སེམས་ཅན་ཀུན་གྱི་གྲོགས་སུ་འགྱུར།། བསོད་ནམས་ཚོགས་ཀྱིས་མི་ངོམས་པའི།། མཁས་པ་ཐུབས་ལ་མཁས་པ་ཡིན། ། ཤེས་རབ་ཐབས་ལ་མཁས་པ་ཡིན།། ཡན་ལག་གཉིས་ལྡན་ལམ་དེ་ནི།། ཤེས་ལྡན་བྱང་ཆུབ་སེམས་དཔའི་སྟེ།། དེས་ནི་འདྲེན་རྣམས་ངེས་པར་འབྱུང་།། ཐབས་དང་མི་ལྡན་ཤེས་རབ་ཀྱིས། ། མ་བྱུང་འབྱུང་བར་འགྱུར་བ་མེད།། ཤེས་རབ་མེད་པའི་ཐབས་ཀྱིས་ནི།། མཁྲབ་རབ་ཏུ་ཞི་མི་འགྱུར།། ཤེས་རབ་དང་ནི་ཐབས་ཤེས་པ།། དེ་གཉིས་ཀུན་ཏུ་འདྲེས་གྱུར་ཅིང་།། གཉིས་ཀ་ཟུང་དུ་འཇུག་འགྱུར་ན།། དོན་དམ་པ་རྟོགས་པར་འགྱུར།། གང་དག་བགྲོད་པ་འདིར་འགྲོ་བ།། སངས་རྒྱས་ཀུན་གྱིས་རབ་བསྔགས་ཤིང་།། ཡེ་ཤེས་ཕ་རོལ་ཕྱིན་གྱུར་ཏེ།། དེ་ནི་ཆོས་རྣམས་ཆོས་ཉིད་དོ། ། དེ་དག་སངས་རྒྱས་སྤྱོད་ཡུལ་གྱིས།། ཆོས་དབྱིངས་དབྱེར་མེད་དགའ་བྱེད་ཅིང་།། སངས་རྒྱས་བྱང་ཆུབ་བླ་མེད་པའི།། རྡུལ་མེད་བྱང་ཆུབ་རྟོགས་པར་འགྱུར།། ལྷའི་བུ་རངབ་རྩ་ལ་སེམས་ཀྱིས། འཇམ་དཔལ་གཞོན་ནུར་གྱུར་པ་ལ་གཞན་ཡང་འདི་སྐད་ཅེས་སྨྲས་སོ།། འཇམ་དཔལ་བྱང་ཆུབ་ཀྱི་ཡུལ་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ཀྱི་ཡུལ་ནི་རང་གི་ཡུལ་དབེན་པ་ཉིད་ཡིན་ནོ། ། ལྷའི་བུས་སྨྲས་པ། འཇམ་དཔལ་བྱང་ཆུབ་ཀྱི་མཚན་ཉིད་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ནི་ནམ་མཁའི་མཚན་ཉིད་དོ།། ལྷའི་བུས་སྨྲས་པ། འཇམ་དཔལ་བྱང་ཆུབ་ཀྱི་མཐའ་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ཀྱི་མཐའ་ནི་སྟོང་པ་ཉིད་ཡིན་ནོ།། ལྷའི་བུས་སྨྲས་པ། འཇམ་དཔལ་བྱང་ཆུབ་ཀྱི་གནས་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ཀྱི་གནས་ནི་ཆོས་ཐམས་ཅད་ཀྱི་གནས་ཡིན་ནོ།། ལྷའི་བུས་སྨྲས་པ། འཇམ་དཔལ་བྱང་ཆུབ་ཀྱི་སྒོ་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ཀྱི་སྒོ་ནི་ཀུན་ནས་སྒོ་ཡིན་ནོ།། ལྷའི་བུས་སྨྲས་པ། འཇམ་དཔལ་བྱང་ཆུབ་ཀྱི་རྩོམ་པ་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ཀྱི་རྩོམ་པ་ནི་སེམས་ཅན་ཐམས་ཅད་བདག་མེད་པའོ། ། ལྷའི་བུས་སྨྲས་པ། འཇམ་དཔལ་བྱང་ཆུབ་ཅི་དང་མཉམ། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ནི་ཆོས་ཐམས་ཅད་མི་སྐྱེ་བ་དང་མཉམ་མོ། ། ལྷའི་བུས་སྨྲས་པ། འཇམ་དཔལ་བྱང་ཆུབ་ཀྱི་བགྲོད་པ་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ཀྱི་བགྲོད་པ་ནི་སེམས་ཅན་ཐམས་ཅད་ཀྱི་སེམས་དང་སྤྱོད་པ་ཡིན་ནོ། ། བྱང་ཆུབ་ཀྱི་བགྲོད་པ་ནི་འགྲོ་བ་མེད་པར་འགྲོ་བ་དང་། རྒྱུ་བ་མེད་པར་འགྲོ་བ་ཡིན་ནོ།། ལྷའི་བུས་སྨྲས་པ། འཇམ་དཔལ་བྱང་ཆུབ་གང་གི་རྒྱུ་འཐུན་པ་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ནི་སྙིང་རྗེ་ཆེན་པོའི་རྒྱུ་འཐུན་པ་ཡིན་ནོ།། ལྷའི་བུས་སྨྲས་པ། འཇམ་དཔལ་སྙིང་རྗེ་ཆེན་པོ་གང་གི་རྒྱུ་འཐུན་པ་ཡིན། འཇམ་དཔལ་གྱིས་སྨྲས་པ། ལྷའི་བུ་སྙིང་རྗེ་ཆེན་པོ་ནི་སེམས་ཅན་ཐམས་ཅད་རབ་ཏུ་ཐར་བར་བྱ་བའི་རྒྱུ་འཐུན་པ་ཡིན་ནོ།། ལྷའི་བུས་སྨྲས་པ། འཇམ་དཔལ་བྱང་ཆུབ་ག་ལས་བཙལ་བར་བྱ། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ནི་སེམས་ཅན་ཐམས་ཅད་ཀྱི་ཉོན་མོངས་པ་རྗེས་སུ་རྟོགས་པ་ལས་བཙལ་བར་བྱའོ།། ལྷའི་བུས་སྨྲས་པ། འཇམ་དཔལ་ཉོན་མོངས་པ་རྣམས་ག་ལས་བཙལ་བར་བྱ། འཇམ་དཔལ་གྱིས་སྨྲས་པ། ལྷའི་བུ་ཉོན་མོ་རྣམ་པནི་འཕགས་པའི་ལམ་ཡན་ལག་བརྒྱད་པ་ལ་ས་འཙལ་བར་བྱའོ།། ལྷའི་བུས་སྨྲས་པ། འཇམ་དཔལ་ཅི་འཕགས་པའི་ལམ་ཉེན་མོངས་པ་རྣམས་དང་ལྷན་ཅིག་གནས་སམ། འཇམ་དཔལ་གྱིས་སྨྲས་པ། ལྷའི་བུ་གལ་ཏེ་འཕགས་པའི་ལམ་གཉིས་སུ་གྱུར་པ་ཞིག་ཡིན་ན་ནི། འཕགས་པའི་ལམ་ཉོན་མོངས་པ་རྣམས་དང་ལྡ་ག་ཡ་གྲཝ་བ་ཞི་ཀ་ལྷའི་བུ་འཕགས་པའི་ལམ་འི་གཉིས་སུ་གྱུ་པ་མེད་པ་སྡེ། ཉོན་མོངས་པ་ཚོལ་བ་གང་ཡིན་པ་དེ་ཉིད་འཕགས་པའི་ལམ་ཡིན་ནོ། ། ལྷའི་ལུས་སྨྲ་ས་ན་རྒྱལ་ལམ་གྱི་བྱ་བ་བྱས་པ་ཡིན། འཇམ་དཔལ་གྱི་སྨྲསལྷའི་བུ་ག་གི་ཚེ་བཙལ་ན་ཉོན་མོངས་པ་རྣམས་མི་རྙེད་ཅིང་འཁོར་བའང་མི་རྙེང་མྱ་ངན་ལས་འདས་པའང་མི་རྙེད་པ་དེ་སྟ་ན། ལམ་གྱིས་ལམ་གྱི་བྱ་བབྲུ་པ་ཡིན་ནོ།། ཝཱའི་བུས་སྨྲས་པ། @་དཔལ་བྱང་ཆུབ་སེམས་དཔའི་ལམ་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའི་ལམ་ནི་ལྟ་བའི་རྣམ་པ་དྲུག་ཅུ་རྩ་གཉིས་དང་། ཕྱིན་ཅི་ལོག་བཞི་དང་སྒྲིབ་པ་ལྔ་དང་། མི་དགེ་བའི་ཕྱོགས་ཀྱི་ཆོས་ཐམས་ཅད་དོ།། ལྷའི་བུས་སྨྲས་པ། འཇམ་དཔལ་ཅི་ལས་བསམས་ཏེ་དེ་སྐད་སྨྲས། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་ནི་སེམས་ཅན་ལ་སྦྱོར་བ་ཡིན་པས། སེམས་ཅན་རྣམས་ཀྱང་ལྟ་བའི་རྣམ་པ་དང་། ཕྱིན་ཅི་ལོག་དང་། སྒྲིབ་པ་དང་། མི་དགེ་བའི་ཆོས་རྣམས་མ་གཏོགས་པ་གཞན་ལས་བཙལ་བར་མི་བྱའོ། ། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི་གང་གིས་སེམས་ཅན་རྣམས་རབ་ཏུ་ཕྱེ་བའི་ལྟ་བའི་རྣམ་པ་དང་། ཕྱིན་ཅི་ལོག་དང་། སྒྲིབ་པ་དང་། ཉོན་མོངས་པ་དེ་དག་ཉིད་ཚོལ་བར་བྱེད་དེ། དེ་ཚོལ་བར་བྱེད་པ་ན། སེམས་ཅན་ཡང་མི་རྙེད། ཉོན་མོངས་པ་རྣམས་ཀྱང་མི་རྙེད་དོ།། མ་རྙེད་ན་སེམས་ཅན་ཡོངས་སུ་སྨིན་པར་བྱ་བ་ལ་སྐྱོ་བར་མི་འགྱུར་ཏེ། ལྷའི་བུ་རྣམ་གྲངས་དེས་ན་ཉོན་མོངས་པ་ཚོལ་བ་ནི་བྱང་ཆུབ་སེམས་དཔའི་ལམ་ཡིན་ལ། སེམས་ཅན་ཚོལ་བའང་བྱང་ཆུབ་སེམས་དཔའི་ལམ་ཡིན། ཕུང་པོ་དང་།། ཁམས་དང་། སྐྱེ་མཆེད་དང་། ཉོན་མོངས་པ་ཚོལ་བའང་བྱང་ཆུབ་སེམས་དཔའི་ལམ་ཡིན་ནོ།། ལྷའི་བུས་སྨྲས་པ། འཇམ་དཔལ་རྣམ་པར་ཐར་པའི་སྒོ་གསུམ་པོ་དག་བྱང་ཆུབ་སེམས་དཔའི་ཁམ་མ་ཡིན་ནམ། འཇམ་དཔལ་གྱིས་སྨྲས་པ། ལྷའི་བུ་སྟོང་པ་ཉིད་ནི་བཙལ་བར་མི་ནུས་ལ། མཚན་མ་མེད་པ་དང་། སྨོན་པ་མེད་པའང་བཙལ་བར་མི་ནུས་སོ། ། དེ་ཅིའི་ཕྱིར་ཞེ་ན། ལྷའི་བུ་དེ་ལ་ནི་སེམས་དང་། ཡིད་དང་། རྣམ་པར་ཤེས་པ་འཇུག་པར་མི་འགྱུར་ལ། གང་ལ་སེམས་དང་། ཡིད་དང་། རྣམ་པར་ཤེས་པ་འཇུག་པར་མི་འགྱུར་བ་དེ་ནི་བཙལ་བར་མི་ནུས་པའི་ཕྱིར་རོ། ། ལྷའི་བུས་སྨྲས་པ། འཇམ་དཔལ་ལམ་ཇི་ལྟར་མངོན་པར་རྟོགས་པར་བྱ། འཇམ་དཔལ་གྱིས་སྨྲས་པ། ལྷའི་བུ་ཡང་དག་པར་ལྟ་བ་གང་དང་མཉམ་པ་ཁོག་པའི་ལྟ་བའང་དེ་དང་མཉམ་པ་དེ་ལྟར་མངོན་པར་རྟོགས་པ་གང་ཡིན་པ་དེ་ནི་ལམ་མངོན་པར་རྟོགས་པ་ཡིན་ནོ། ། ཡང་དག་པའི་རྟོག་པ་གང་དང་མཉམ་པ་ལོག་པའི་རྟོག་པའང་དེ་དང་མཉམ་པ་དང་། ཡང་དག་པའི་ངག་གང་དང་མཉམ་པ་ལོག་པའི་ངག་ཀྱང་དེ་དང་མཉམ་པ་དང་། ཡང་དག་འི་ལས་ཀྱི་མཐའ་གང་དང་མཉམ་པ་ལོག་པའི་ལས་ཀྱི་མཐའ་ཡང་དེ་དང་མཉམ་པ་དང་། ཡང་དག་པའི་ཚེ་བ་གང་དང་མཉམ་པ་ལོག་པའི་འཚོ་བའང་དེ་དང་མཉམ་པ་དང་། ཡང་དག་པའི་རྩོལ་བ་གང་དང་མཉམ་པ་ལོག་པའི་རྩོལ་བའང་དེ་དང་མཉམ་པ་དང་། ཡང་དག་པའི་དྲན་པ་གང་དང་མཉམ་པ་ལོག་པའི་དྲན་པའང་དེ་དང་མཉམ་པ་དང་། ཡང་དག་པའི་ཏིང་ངེ་འཛིན་གང་དང་མཉམ་པ་ལོག་པའི་ཏིང་ངེ་འཛིན་ཀྱང་དེ་དང་མཉམ་པ་དེ་ལྟར་མངོན་པར་རྟོགས་པ་གང་ཡིན་པ་དེ་ནི་ལམ་མངོན་པར་རྟོགས་པ་ཡིན་ནོ། ། ལྷའི་བུས་སྨྲས་པ། འཇམ་དཔལ་ཡང་དག་པའི་ལྟ་བ་གང་དང་མཉམ། འཇམ་དཔལ་གྱིས་སྨྲས་པ། ལྷའི་བུ་ཡང་དག་པའི་ལྟ་བ་དང་། ལོག་པའི་ལྟ་བ་ནི་སྟོང་པ་ཉིད་དང་། དབེན་པ་ཉིད་དང་མཉམ་པ་ཡིན་ནོ།། ལྷའི་བུས་སྨྲས་པ། འཇམ་དཔལ་སྟོང་པ་ཉིད་དང་དབེན་པ་ཉིད་ལ་ཐ་དད་དུ་བྱ་བ་ཅི་ཡོད། འཇམ་དཔལ་གྱིས་སྨྲས་པ། ལྷའི་བུ་མཁའ་དང་ནམ་མཁའ་ལ་ཐ་དད་དུ་བྱ་བ་ཅི་ཡོད། ལྷའི་བུས་སྨྲས་པ། འཇམ་དཔལ་ཐ་དད་དུ་བྱ་བ་ཅུང་ཟད་ཀྱང་མེད་དོ།། འཇམ་དཔལ་གྱིས་སྨྲས་པ། ལྷའི་བུ་དེ་བཞིན་དུ་སྟོང་པ་ཉིད་དང་། དབེན་པ་ཉིད་ལའང་ཐ་དད་དུ་བྱ་བ་ཅུང་ཟད་ཀྱང་མེད་དོ།། ལྷའི་བུས་སྨྲས་པ། འཇམ་དཔལ་ཐ་དད་དུ་བྱ་བ་གང་ལས་རབ་ཏུ་ཕྱེ་བ་ཡིན། འཇམ་དཔལ་གྱིས་སྨྲས་པ། ལྷའི་བུ་ཐ་དད་དུ་བྱ་བ་ནི་མཚན་མ་དང་། དམིགས་པ་དང་། འདུ་ཤེས་དང་། སྤྲོས་པ་ལས་རབ་ཏུ་ཕྱེ་བ་ཡིན་ཏེ། མཚན་མ་དང་། དམིགས་པ་དང་། འདུ་ཤེས་དང་། སྤྲོས་པ་གང་ཡིན་པ་དེའི་ངོ་བོ་ཉིད་ཀྱི་མཚན་ཉིད་རྗེས་སུ་རྟོགས་པ་གང་ཡིན་པ་དེ་ལ་ནི་ཐ་དད་དུ་བྱ་བ་མེད་དོ།། ལྷའི་བུ་འདི་ལྟ་སྟེ། དཔེར་ན་རྒྱ་མཚོ་ཆེན་པོར་མ་ཞུགས་པའི་ཆུ་ལ་ནི་ཐ་དད་དུ་བྱ་བ་ཡོད་ཀྱིས། རྒྱ་མཚོ་ཆེན་པོར་ཞུགས་པའི་ཚུ་ལ་ནི་ཐ་དད་དུ་བྱ་བ་མེད་པ་དེ་བཞིན་དུ། བྷའི་བུ་ཆོས་ཀྱི་དབྱིངས་ཡོངས་སུ་མ་ཤེས་པ་ལ་ནི་ཆོས་ལ་ཐ་དད་དུ་བྱ་བ་ཡོད་ཀྱི། ཆོས་ཀྱི་དབྱིངས་ཡོངས་སུ་ཤེས་པ་ལ་ནི་ཆོས་ལ་ཐ་དད་དུ་བྱ་བ་མེད་དོ།། ལྷའི་བུས་སྨྲས་པ། འཇམ་དཔའ་ཅི་ཆོས་ཀྱི་དབྱིངས་ཡོངས་སུ་ཤེས་པར་ནུས་སམ། འཇམ་དཔལ་གྱིས་སྨྲས་པ། ལྷའི་བུ་ཆོས་ཀྱི་དབྱིངས་ནི་ཡོངས་སུ་ཤེས་པར་མི་ནུས་སོ།། དེ་ཅིའི་ཕྱིར་ཞེ་ན། ལྷའི་བུ་ཆོས་ཐམས་ཅད་ནི་ཆོས་ཀྱི་དབྱིངས་སུ་ཡང་དག་པར་འདུ་བ་ཡིན་ལ། ཆོས་ཀྱི་དབྱིངས་ནི་ཆོས་ཀྱི་དབྱིངས་ཡོངས་སུ་མི་ཤེས་པའི་ཕྱིར། ཆོས་ཀྱི་དབྱིངས་སུ་ཡང་དག་པར་འདུ་བའི་ཆོས་དེ་དག་ལ་གཉིས་སུ་མེད་པར་ཤེས་པ་གང་ཡིན་པ་དེ་ནི་ཡོངས་སུ་ཤེས་པ་ཞེས་བྱ་སྟེ། སེམས་གཅིག་ནས་གཅིག་ཏུ་བརྒྱུད་པ་ཉེ་བར་ཞི་བར་བྱེད་པའི་ཕྱིར་དེ་ནི་ཡོངས་སུ་ཤེས་པ་ཞེས་བྱའོ། ། གཞན་གྱི་རྣམ་པར་རིག་པ་ལ་གནས་པའི་ཕྱིར་དེ་ནི་ཡོངས་སུ་ཤེ། ལྷའི་བུ་འདི་ལྟ། དཔེར་ནཱ་ནམ་མཁའ་གཟུགས་མེད་པའི་དང་བ་ལ་གཟུགས་ཐམས་ཅད་སྣང་ཡང་། གཟུགས་དེ་དག་ནི་ནམ་མཁའི་ངོ་བོ་ཉིད་ཡིན་པ་དེ་བཞིན་དུ། ལྷའི་བུ་བྱང་ཆུབ་སེམས་དཔས་རང་གིས་སྨྲས་པའི་ཆོས་ཀྱི་དབྱིངས་ཀྱི་སྒོ་ནས་ཆོས་ཐམས་ཅད་མཐོང་ཡང་། ཆོས་དེ་དག་ནི་ཆོས་ཀྱི་དབྱིངས་ཀྱི་ངོ་བོ་ཉིད་ཁོ་ན་ཡིན་ནོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་མགོ་སྨོས་པས་གོ་བ་ཡིན། འཇམ་དཔལ་གྱིས་སྨྲས་པ། ལྷའི་བུ་མགོ་སྨོས་པས་གོ་བའི་རང་གི་ལྟ་བས་སེམས་ཅན་ཐམས་ཅད་ཀྱི་ལྟ་བ་སྤང་བའི་ཕྱིར་ཆོས་སྟོན་པར་བྱེད་ནའོ། ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་རྣམ་པར་སྤྲོས་པས་གོ་བ་ཡིན། འཇམ་དཔལ་གྱིས་སྨྲས་པ་ལྷའི་བུ་དབེན་པའི་ཕྱིར་བདག་ཀྱང་གཞན་དུ་མི་བྱེད་ལ། བདག་མེད་པའང་གཞན་དུ་མི་བྱེད་ནའོ།། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་མི་བཀྲི་བ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ཆོས་འགའ་ཡང་ཁྲིད་པར་མི་བྱེད། མི་ཁྲིད་པར་མི་བྱེད་པ་ནའོ།། ལྦའི་བུ་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་གནས་ལྷུར་ལེན་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་མཚན་མ་མེད་པའི་གནས་ལས་གཡོ་བར་མི་བྱེད་ནའོ། ། ལྷའི་བུས་སྨྲས་པ། འཇམ་དཔལ་གང་གིས་བྱང་ཆུབ་སེམས་དཔའ་ཚོགས་གསུམ་པོ་ངེས་པ་ཉིད་དང་། མ་ངེས་པ་ཉིད་དང་། ལོག་པ་ཉིད་དུ་ངེས་པའི་ཚོགས་དག་ལ་སྣང་བར་འགྱུར་བའི་རྣམ་གྲངས་ཡོད་དམ། འཇམ་དཔལ་གྱིས་སྨྲས་པ། ལྷའི་བུ་ཡོད་དོ།། ལྔའི་བུས་སྨྲས་པ། འཇམ་དཔལ་ཨརྦཱ་ཡྀན། འཇམ་དཔལ་གྱིས་སྤྲུས་པ། བྱང་ཆུབ་སེམས་དཔ་ངས་པ་ནི་སངས་རྒྱས་ཀྱི་ཆོས་ཐམས་ཅ་ལའོ།། མཛེས་པ་འི་ན་ས་དྲུང་རང་། སངས་རྒྱས་ཀྱི་ས་ལའོ།། ལོག་པ་ཉིད་དུ་ངེས་པ་ནི་དེ་ལས་སེམས་ཅན་བསྒྲལ་བར་བྱ་བ་ལའོ།། ལྷའི་བུས་སྨྲས་པ། འཇམ་དཔལ་གང་གིས་བྱང་ཆུབ་སེམས་དཔའ་མི་ཁོམ་པ་ཐོབ་ཅིང་། ཁོམ་པ་མ་ཐོབ་པའི་རྣམ་གྲངས་ཡོད་དམ། འཇམ་དཔལ་གྱིས་སྨྲས་པ། ལྷའི་དུ་ཡོད་དོ།། ལྷའི་བུས་སྨྲས་པ། འཇམ་དཔལ་འོ་ན་ཅིའི་ཕྱིར། བྱང་ཆུབ་སེམས་དཔའ་ནི་ཁོམ་པ་ཐོབ་པ་རྣམས་ལ་ཉིང་རྗེ་ཆེན་པོ་སྦེད་པར་བྱེད་ཅིང་། སེམས་ཅན་ཡོངས་སུ་སྨིན་པར་བྱ་བའི་ཕྱིར། འོམ་པ་ཐོབ་པ་དེ་དག་ཀྱང་ཡལ་བར་འཇོག་པར་བྱེད། 2་དཔལ་གྱིས་སྨྲས་པ། ལྷའི་བུ་གང་རྣམ་པར་གྲོལ་བའི་ཚོགས་དེ་དག་ནི་ཁོམ་ཐོབ་པ་ཡིན་པས། དེ་ལ་ནི་བྱང་ཆུབ་སེམས་དཔའ་མི་སྣང་ངོ་།། ལྷའི་བུས་སྨྲས་པ། འཇམ་དཔལ་ཁྱོད་མི་འོམ་པ་ཐོབ་པ་ཡིན་ནམ། འོན་ཏེ་ཁོམ་པ་ཐོབ་པ་ཡིན། འཇམ་དཔལ་གྱིས་སྨྲས་པ། ལྷའི་བུ་ཁ་ཟ་ན་ཁྱིམ་པ་ཐོབ་པའང་མ་ཡིན། མི་འོམ་པ་ཐོ་པའང་མ་ཡིན་ནོ། ། ལྷའི་བུས་སྨྲས་པ། འཇམ་དཔལ་ཅིའི་ཕྱིར། འཇམ་དཔལ་གྱིས་སྨྲས་པ། ལྷོའི་བུ་ཁོ་བོ་ནི་ཐོབ་པའང་མ་ཡིན། ཡང་དག་པར་ཐོབ་པའང་མ་ཡིན། ཁོམ་པའང་མ་ཡིན། མི་ཁོམ་པའང་མ་ཡིན་ལ། ཁོམ་པ་དང་། མི་ཁོམ་པ་ལ་ཆགས་པར་ཡང་མི་བྱེད་པའི་ཕྱིར་རོ།། ལྷའི་བུས་སྨྲས་པ། འཇམ་དཔལ་ཆོས་ཀྱི་རྣམ་གྲངས་འདིས་ནི་བདུད་ཀྱི་དཀྱིལ་འཁོར་ཐམས་ཅད་ཚར་བཅད་དོ། ། འཇམ་དཔལ་གྱིས་སྨྲས་པ། ལྷའི་བུ་འདི་ལྟར་ཆོས་ཀྱི་རྣམ་གྲངས་འདི་ལ་ནི་ཕུང་པོ་ཡོངས་སུ་ཤེས་པའང་མེད། ཉོན་མོངས་པ་སེལ་བའང་མེད། བདུད་ལས་ཡང་དག་པར་འདས་པའང་མེད་པའི་ཕྱིར་རོ།། ལྷའི་བུས་སྨྲས་པ། འཇམ་དཔལ་ཉེ་བར་སྦར་པས་གཞན་མུ་སྟེགས་ཅན་རྣམས་ཕམ་པར་བྱས་སོ། ། འཇམ་དཔལ་གྱིས་སྨྲས་པ། ལྷའི་བུ་འདི་ལྟར་འདི་ལ་མུ་སྟེགས་ཐམས་ཅད་ཀྱི་སྤྱོད་པ་མེད་པའི་ཕྱིར་རོ།། ལྷའི་བུས་སྨྲས་པ། འཇམ་དཔལ་ཆོས་ཀྱི་ཏོག་བཙུགས་སོ། ། འཇམ་དཔལ་གྱིས་སྨྲས་པ། ལྷའི་བུ་སྣང་བ་མེད་པ་དང་། མུན་པ་མེད་པའི་ཕྱིར་རོ།། ལྷའི་བུས་སྨྲས་པ། འཇམ་དཔལ་འདིས་ནི་ཆོས་ཀྱི་འཁོར་ལོ་རབ་ཏུ་བསྐོར་ཏོ།། འཇམ་དཔལ་གྱིས་སྨྲས་པ། ལྷའི་བུ་ལྟ་བའི་མཐར་ཐམས་ཅད་ཡོངས་སུ་བཅད་པའི་ཕྱིར་རོ།། ལྷའི་བུས་སྨྲས་པ། འཇམ་དཔལ་ཆོས་བསྟན་པ་འདིས་ཆོས་ཀྱི་སྣང་བ་ཇི་སྙེད་ཅིག་བྱས། འཇམ་དཔལ་གྱིས་སྨྲས་པ། ལྷའི་བུ་གང་དག་ལ་སྣང་བའང་མེད་ལ། མུན་པའང་མེད་པ་དེ་དག་ཆོས་ཀྱིས་སྣང་བར་བྱས་སོ།། ལྷའི་བུས་སྨྲས་པ། འཇམ་དཔལ་སེམས་ཅན་གང་དག་ཆོས་ཀྱི་རྣམ་གྲངས་འདི་ཐོས་ནས། མོས་པར་འགྱུར་བ་དེ་དག་ནི་དཀོན་ནོ། ། འཇམ་དཔལ་བྱས་སྨྲས་པ། ལྷའི་བུས་སྤྲས་པ། འཇམ་དཔལ་འདི་ལ་སུ་དག་མེས་པར་འགྱུར། འཇམ་དཔལ་གྱིས་སྤྲས་པ། ལྷའི་བུ་གང་དག་འཆིང་བས་རྣམ་པར་འཁྲུགས་པར་མི་འགྱུར་བ་རྣམས་སོ། ། ལྷའི་བུས་སྨྲས་པ། འཇམ་དཔལ་འཆིང་བས་རྣམ་པར་འཁྲུགས་པར་མི་འགྱུར་བ་དག་གང་ཡིན། འཇམ་དཔལ་གྱིས་སྨྲས་པ། ལྷའི་བུ་གང་དག་འདོད་ཆགས་དང་། ཞེ་སྡང་དང་། གཏི་མུག་དང་། ཉོན་མོངས་པ་བསལ་བའི་སྒོ་ནས་ཐར་པ་ཚོལ་བར་མི་བྱེད་པ་དང་། གང་དག་འདོད་ཆགས་དང་། ཞེ་སྡང་དང་། གཏི་མུག་དང་། ཉོན་མོངས་པ་མཉམ་པ་ཉིད་ཀྱིས་རྣམ་པར་གྲོལ་བ་མཉམ་པར་གྱུར་པ་དག་སྟེ། དེ་དག་གིས་ནི་འཆིང་བ་མ་དམིགས་པས་རྣམ་པར་འཁྲུག་པར་ཡང་མི་འགྱུར་བའི་ཕྱིར་རོ།། འཇམ་དཔལ་གཞོན་ནུར་གྱུར་པས་བསྟན་བ་འདི་བཤད་པ་ན། སྲོག་ཆགས་ལྔ་འབུམ་ཙམ་གྱིས་བྱང་ཆུབ་ཏུ་སེམས་བསྐྱེད་ནས་ཚིག་འདི་སྐད་ཅེས། བདག་ཇི་ལྟར་འཇམ་དཔལ་གནོས་གྱུར་པ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཆོས་འདི་དག་བརྙེས་པ་དེ་བཞིན་དུ་ཐོབ་པར་གྱུར་ཅིག་ཅེས་ཀྱང་སྨྲས་སོ། ། ལྷ་དང་མི་རྣམས་ཀྱི་སྐྱེ་དགུ་ལས་སྲོག་ཆགས་འབུམ་ལྷག་ཙམ་ནི་ཆོས་ཐམས་ཅད་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། ། གནས་གཙང་མའི་རས་ཀྱི་ལྷའི་བུ་དྲུག་ཁྲི་ནི་ལེམ་པ་མང་བ་ཟག་པ་རྣམས་ལས་སེམས་རྣམ་པར་གྲོལ་ལོ།། འདོད་པ་ན་སྤྱོད་པའི་ལྷའི་བུ་བརྒྱད། ཁྲི་ཡང་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ།། སྲོག་ཆགས་དང་། དགེ་སློང་དང་། དགེ་སློང་མ་དང་། དགེ་བསྙེན་དང་ངག་བསྙེན་མ་ཉི་ཁྲི་ཡང་ལེན་པ་མེད་པར་ཟག་པ་རྣམས་ལས་སེམ་རྣམ་པར་གྲོལ་ལོ། ། བྱང་ཆུབ་སེམས་དཔའ་སྔོན་དགེ་བའི་རྩ་བ་བསྐྱེད་པ་བདུན་ཁྲི་ཉིས་སྟོང་གིས་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། ཐམས་ཅད་དང་ལྡན་པའི་འཁོར་རྣམས་ཀྱང་དགའ་བ་དང་། མགུ་བ་དང་། ཡི་རངས་པ་དང་། རབ་ཏུ་དགའ་བ་དང་། དགའ་བ་དང་། ཡིད་བདེ་བ་སྐྱེས་ནས། ཆེད་དུ་རྗོད་པ་འདི་ཆེད་དུ་བརྗོད་དོ།། ཨེ་མའོ་ཀུན་ནས་ཡོངས་སུ་གྲོལ་བ་ཡི།། དམིགས་མེད་ཆོས་ནི་ལེགས་པར་བཤད།། འཇམ་དཔལ་གཞོན་ནུར་གྱུར་པ་ཡིས། ། ཤིན་ཏུ་ལེགས་པར་བཤད་པ་བྱས།། དེ་ནས་བྱང་ཆུབ་སེམས་དཔའ་དེ་དག་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དེ་དག་གིས་ལྷ་དང་མིའི་མཆོད་པ་དག་བྱས་ཏེ། སྟེང་གི་བར་སྣང་ལས་ཀྱང་ལྷའི་མེ་ཏོག་གི་ཆར་དག་ཀྱང་ཕབ། རིན་པོ་ཆེའི་ཆར་དག་ཀྱང་ཕབ། གོས་ཀྱི་ཆར་དག་ཀྱང་ཕབ། བདུག་སྤོས་ཀྱི་ཆར་དག་དང་། སྤོས་ཆུའི་ཆར་དག་དང་། ཕྱེ་མའི་ཆར་དག་ཀྱང་ཕབ་བོ།། ལྷའི་བུ་རྣམས་ཀྱིས་སྟེང་གི་བར་སྣང་ལས་ལྷའི་སིལ་སྙན་བརྒྱ་སྟོང་དག་ཀྱང་རབ་ཏུ་གསིལ་བར་གྱུར་ཏོ། ། དགེ་བསྙེན་དང་། དགེ་བསྙེན་མ་རྣམས་དང་། རྒྱལ་པོ་གསལ་རྒྱལ་གྱིས་ཀྱང་རང་རང་གི་འབྱོར་པ་ཅི་བདོག་པ་དག་གིས་བཅོམ་ལྡན་འདས་དང་འཇམ་དཔལ་གཞོན་ནུར་གྱུར་པ་ལ་མཆོད་པ་བྱས་སོ། ། ཐམས་ཅད་དང་ལྡན་པའི་འཁོར་རྣམས་ཀྱིས་ཀྱང་ཐལ་མོ་སྦྱར་ཏེ་ཚིག་འདི་སྐད་ཅེས་བཅོམ་ལྡན་འདས་གང་དག་ཆོས་ཀྱི་རྣམ་ཐ། འདི་ལ་དད་པར་མི་བགྱིད་པ་དེ་དག་ལ་ནི་སངས་རྒྱས་འབྱུང་བ་མ་མཆིས་ལགས་སོ།། གང་དག་ཆོས་ཀྱི་རྣམ་གྲངས་འདི་སྤོང་བར་བགྱིད་པ་དེ་དག་ལ་ནི་རབ་ཏུ་འབྱུང་བ་མ་མཆིས་ལགས་སོ།། གང་དག་ཆོས་ཀྱི་རྣམ་གྲངས་འདི་བསྒྲུབས་ཏེ་གནས་པར་མི་བགྱིད་པ་དེ་དག་ལ་ནི་བསྙེན་པར་རྫོགས་པ་མ་མཆིས་ལགས་སོ། ། དེ་དག་ལ་ནི་འཕགས་པའི་བསྙེན་པར་རྫོགས་པས་བསྙེན་པར་རྫོགས་པའང་མ་མཆིས་ལགས་སོ། ། གང་དག་ཆོས་ཀྱི་རྣམ་གྲངས་འདི་བགྲོད་པར་མི་མཆི་བ་དེ་དག་ལ་ནི་དགེ་སྦྱོང་གི་ཚུལ་མ་མཆིས་ལགས་སོ།། དེ་དག་ལ་ནི་བྲམ་ཟེའི་ཚུལ་ཡང་མ་མཆིས་ལགས་སོ།། གང་དག་ཆོས་ཀྱི་རྣམ་གྲང།། འདི་ལ་སྐྲག་པར་འགྱུར་བ་དེ་དག་ལ་ནི་ཐོབ་པའང་མ་མཆིས། མངོན་པར་རྟོགས་པའང་མ་མཆིས་ལགས་སོ།། གང་དག་ཆོས་ཀྱི་རྣམ་གྲངས་འདི་ཉན་པར་བགྱིད་པ་དང་། ཐོས་ནས་ཀྱང་མོས་པར་བགྱིད་པ་དང་། ལེན་པར་བགྱིད་པ་དང་། ཀུན་ཆུབ་པར་བགྱིད་པ་དང་། འཛིན་པར་བགྱིད་པ་དང་། ཀློག་པར་བགྱིད་པ་དང་། ཡི་གེར་འདྲི་བར་བགྱིད་པ་དང་། སྣོད་འཚལ་བར་བགྱིད་པ་ནས། གཞན་དག་ལ་འང་སྟོན་པར་བགྱིད་པ་དང་། སྐྱོ་བ་མ་མཆིས་པའི་ཡིད་ཀྱིས་འདོམས་པར་བགྱིད་པ་དང་། རྗེས་སུ་སྟོན་པར་བགྱིད་པ་དང་།། འདི་ལ་ནན་ཏན་སྒྲུབ་པར་བགྱིད་པ་དང་། གཞན་དག་ཀྱང་ནན་ཏན་གྱིས་སྒྲུབ་ཏུ་སྩོལ་བ་དང་། ། ཉམས་པར་མི་བགྱིད་པ་དེ་དག་ནི་སེམས་ཅན་དམ་པ་དང་། སེམས་ཅན་ཆེན་པོ་དང་། དགེ་བའི་རྩ་བ་བསྲུངས་པ་དང་། སངས་རྒྱས་མང་པོ་ལ་བསྙེན་བཀུར་བགྱིས་པ་དང་། གཏིང་རྙེད་པ་དང་། ལོག་པར་ལྟུང་བའི་རྒྱུན་བཀུམ་པ་དང་། ངན་སོང་དང་ངན་འགྲོའི་སྒོ་བཀུམ་པ་དང་། དགེ་བའི་བཤེས་གཉེན་གྱིས་ཡོངས་སུ་ཟིན་པ་དང་། དགེ་བའི་བཤེས་གཉེན་རྣམས་ལ་ཤིན་ཏུ་གུས་པ་དང་། དགེ་བའི་བཤེས་གཉེན་རྣམས་ལ་བགྱིས་པ་གཟོ་ཞིང་བགྱིས་པ་ཚོལ་བ་ལགས་ཤིང་། དེ་དག་ནི་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་དམ་པའི་ཆོས་ཡོངས་སུ་གཟུང་བའི་སླད་དུ་ཞུགས་པ་ལགས་ཏེ། སྐྱེས་བུ་དམ་པ་དེ་དག་ལ་ནི་སངས་རྒྱས་འབྱུང་བའང་མཆིས་ལགས་སོ།། དེ་དག་ལ་ནི་ཆོས་ཀྱི་འཁོར་ལོ་བསྐོར་བའང་མཆིས་ལགས་སོ།། དེ་དག་ནི་འབྲས་བུ་མཆིས་པ་དང་། ཁོམ་པ་དང་ལྡན་པ་ལགས་སོ་ཞེས་ཀྱང་གསོལ་ཏོ།། དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་དེ་དག་ལ་ལེགས་སོ་ཞེས་བྱ་བ་བྱིན་ནས། བྱང་ཆུབ་སེམས་དཔའ་བྱམས་པ་ལ་བཀའ་སྩལ་པ། ། བྱམས་པ་ཆོས་ཀྱི་རྣམ་གྲངས་འདི་བཤད་པ་ན། ལྷ་དང་མི་རྣམས་ཀྱི་སྐྱེ་དགུ་ལས་སྲོག་ཆགས་ཉི་ཁྲི་ཉིས་སྟོང་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། ། ལྷ་དང་མི་རྣམས་ཀྱི་སྐྱེ་དགུ་ལས་སྲོག་ཆགས་འབུམ་ཕྲག་བརྒྱད་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ།། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མས་ཡ་ཕྲག་གཉིས་ཀྱིས་ནི་བྱང་ཆུབ་ཏུ་སེམས་བསྐྱེད་དོ། ། འདི་ན་གནས་པ་དང་། འཇིག་རྟེན་གྱི་ཁམས་གཞན་དག་ནས་འདུས་པའི་བྱང་ཆུབ་སེམས་དཔའ་ལྔ་འབུམ་གྱིས་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། བྱང་ཆུབ་སེམས་དཔའ་བསམ་པ་ཐ་དད་པ་ཉིས་སྟོང་ཙམ་གྱིས་ནི་གཟུངས་སྣ་ཚོགས་སོ་སོར་ཐོབ་པར་གྱུར་ཏོ། ། བྱང་ཆུབ་སེམས་དཔའ་འབུམ་གྱིས་ནི་གཟུངས་དྲི་མ་མེད་པ་སོ་སོར་ཐོབ་པར་གྱུར་ཏོ།། དེ་དག་ལས་བྱང་ཆུབ་སེམས་དཔའ་མང་པོ་དག་བྱང་ཆུབ་སེམས་དཔའ་བྱམས་པ་ཁྱོད་ཀྱིས་བྱང་ཆུབ་ཐོབ་པའི་དམ་པའི་ཆོས་ཡོངས་སུ་འཛིན་པར་འགྱུར་ཞིང་མདོ་སྡེ་ཟབ་མོ་འདི་ལྟ་བུ་དག་གནོད་པ་དང་། སྟོན་པ་དང་། འཛིན་པ་དང་། ཀློག་པར་ཡང་འགྱུར་ཏེ། དེ་དག་ནི་བྱམས་པ། ཁྱོད་ཉིད་ཀྱིས་བྱང་ཆུབ་ཏུ་ལུང་སྟོན་པར་འགྱུར་རོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་བྱམས་པས་འདི་སྐད་ཅེས་གསོལ་ཏོ།། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་གང་དག་མདོ་སྡེ་འཛིན་པ་དང་། ཀློག་པ་དང་། སྟོན་པ་དང་། ཡི་གེར་འདྲི་བ་དང་། དམ་པའི་ཆོས་ཡུན་རིང་དུ་གནས་པར་བགྱི་བའི་སླད་དུ།། གླེགས་པམ་དུ་བགྱིས་ཏེ་འཆང་བ་དང་། ཐན་ལན་འགའ་ཞིག་ཉན་པར་བགྱིད་པ་དང་། རྣལམ་དུ་གྲགས་པར་བགྱིད་པ་དེ་དག་བསོད་ནམས་ཇི་ཙམ་སྐྱེད་པར་འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བྱང་ཆུབ་སེམས་དཔའ་བྱམས་པ་ལ་འདི་སྐད་ཅེས་བཀའ་སྩལ་ཏོ།། བྱམས་པ་ཁྱོད་དེ་བཞིན་གཤེགས་པ་ལ་དོན་འདི་ཡོངས་སུ་འདྲི་བར་སེམས་པ་ནི་ལེགས་སོ་ལེགས་སོ། ། བྱམས་པ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་། ངས་ཁྱོད་ལ་བཤད་པར་བྱའོ།། བྱམས་པ་ནན་གྱིས་དཔེར་ན། ལྷ་དང་མི་རྣམ་ཀྱི་སྐྱེ་དགྲ་ལས་ལྷ་འམ། མི་གང་ཞིག་གིས་སངས་རྒྱས་བཅོམ་ལྡན་འདས་འཁོར་གངྒཱའི་ཀླུང་གི་བྱེ་མ་སྙེད་དང་བཅས་པ་གངྒཱའི་ཀླུང་གི་བྱེ་མ་སྙེད་ཅིག་ལ་བསྐལ་པ་གངྒཱའི་ཀླུང་གི་བྱེ་མ་སྙེད་དུ་བདེ་བའི་ཡོ་བྱད་ཐམ་ཅད་ཀྱིས་བསྙེན་བཀུར་བྱས་པར་གྱུར་པ་དེ་བས་ནི། གང་གིས་མདོ་སྡེ་ལེགས་པར་གསུངས་པ་འདི་ཡི་གེར་བྲིས་ཏེ་འཛིན་པ་དང་། ཀློག་པ་དང་། དེ་བཞིན་དུ་སྒྲུབ་པར་བྱེད་པ་དང་། གཞན་དག་ལ་སྟོན་པར་བྱེད་པ་དེ་ཆེས་བསོད་ནམས་མང་དུ་སྐྱེད་པར་འགྱུར་ཏེ། བྱང་ཆུབ་མངོན་པར་རྫོག་པར་འཚང་རྒྱ་བའི་ཕྱིར་རིང་པོ་མི་ཐོགས་པར་བྱང་ཆུབ་ཀྱི་སྙིང་པོར་ཉེ་བར་འགྲོ་བར་ཡང་འགྱུར་རོ།། བྱམས་པ་ང་ནི་གང་དག་གིས་མདོ་སྡེ་འདི་ཐོས་ནས་སྤོང་བར་མི་བྱེད་ཅིང་མོས་པར་བྱེད་པ་དང་། ཐ་ན་གླེགས་བམ་དུ་འདྲི་བར་བྱེད་པ་དེ་དག་ཀྱང་མོས་པ་ཇི་ལྟ་བ་བཞིན་དུ་ཕྱིར་མི་ལྡོག་པ་ཉིད་དུ་ལུང་སྟོན་ཏོ།། བྱམས་པ་ང་ནི་གང་དག་གིས་མདོ་སྡེ་ཟབ་མོ་འདི་ལྟ་བུ་འདིའི་མིང་ཙམ་ཐོས་པ་དེ་དག་ཀྱང་འབྲས་བུ་ཡོད་པར་ལུང་སྟོན་པར་བྱེད་ན། གང་དག་མོས་པ་དང་། ཡི་གེར་འདྲི་བ་དང་།། ཀློག་པ་དང་། གཞན་དག་ལའང་སྟོན་པར་བྱེད་པ་དག་ལ་ལྟ་སྨོས་ཀྱང་ཅི་དགོས། གང་དག་མདོ་སྡེ་འདི་ཡི་གེར་འདྲི་བ་དང་།། ལུང་སྟོན་པ་དང་། ཁ་ཏོན་བྱེད་པ་དང་། ཀློག་པ་དང་།། དེ་བཞིན་ཉིད་དུ་སྒྲུབ་པར་བྱེད་པ་དེ་དག་གིས་སངས་རྒྱས་བཅོམ་ལྡན་འདས་དང་ལྷན་ཅིག་ཏུ་གཏམ་འདྲེ་བར་བྱེད་པ་དང་། ཕེབས་པར་སྨྲ་བར་བྱེད་པར་འགྱུར་ཏེ། དེ་དག་ནི་རྟག་ཏུ་སངས་རྒྱས་བཅོམ་ལྡན་འདས་རྣམས་དང་མི་འབྲལ་བར་འགྱུར་ཞིང་། འཇིག་རྟེན་གྱི་ཁམས་གཞན་དག་ན་བཞུགས་པའི་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་དེ་དག་ལ་སྟོན་པར་མཛད་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་ཡང་འགྱུར་རོ། ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ་ཀུན་དགའ་བོ་ཆོས་ཀྱི་རྣམ་གྲངས་འདི་ཐོས་པ་དེ་ནི་སངས་རྒྱས་འབྱུང་བ་དང་འདྲ་བ་ཡིན་གྱི། ཀུན་དགའ་བོ་ཁྱོད་ཀྱིས་ཆོས་ཀྱི་རྣམ་གྲངས་འདི་ཟུང་ཞིག། གཞན་དག་ལའང་རྒྱ་ཆེར་སྟོན་ཅིག། ཀུན་དགའ་བོས་གསོལ་པ། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ཞེས་བགྱི། འདི་ཇི་ལྟར་གཟུང་བར་བགྱི། འདིའི་མིང་ཇི་སྐད་བསྟན་པར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཆོས་ཀྱི་རྣམ་གྲངས་འདི་ལྷའི་བུ་རབ་རྩལ་སེམས་ཀྱིས་ཞུས་པ་ཞེས་བྱ་བ་དང་། འཇམས་པལ་གྱིས་བསྟན་པ་ཆོས་ཐམས་ཅད་རྣམ་པར་གཏན་ལ་དབབ་པ་བསྟན་པ་ཞེས་བྱ་བར་ཡང་ཟུང་ཞིག། དེ་ནས་འཁོར་དེ་དག་གིས་ཆོས་ཀྱི་རྣམ་གྲངས་འདིའི་མིང་ཐོས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ཅག་གིས་འཇམ་དཔལ་གཞོན་ནུར་གྱུར་པས་ཆོས་བསྟན་པ་མང་དུ་ཐོས་ལགས་ན། ཇི་ལྟར་ཆོས་ཀྱི་རྣམ་གྲངས་འདི་རབ་ཏུ་རྣམ་པར་ཕྱེ་སྟེ་རྒྱ་ཆེར་བསྟན་པ་དང་། དེ་ལྟ་བུའི་ཆོས་ནི་ནམ་ཡང་མ་བྱུང་ལགས་སོ།། བདག་ཅག་གིས་ཀྱང་ཆོས་ཀྱི་རྣམ་གྲངས་ལ་དགའ་བ་འདི་ལྟ་བུ་ཐོབ་པ་ནི་སྔོན་མ་མྱོང་ལགས་ཏེ། དེ་ལྟ་ལགས་པས། བཅོམ་ལྡན་འདས་ཡོངས་སུ་མྱ་ངན་ལས་འདས་ནས་ཀྱང་། སྐྱེ་བོ་མང་པོ་ལ་སྨན་པ་དང་། མ་འོངས་པའི་སྐྱེ་བོ་རྣམས་ཀྱི་སླད་དུ། ཆོས་ཀྱི་རྣམ་གྲངས་འདི་ཅི་ནས་སངས་རྒྱས་ཀྱི་མཛད་པ་བགྱིད་པར་འགྱུར་བ་དང་། སེམས་ཅན་མོས་པ་ཐ་དད་པ་རྣམས་ཀྱིས་ཆོས་ཀྱི་རྣམ་གྲངས་འདི་ཐོས་ནས་མོས་པ་ཇི་ལྟ་བ་བཞིན་དུ་ཐེག་པ་ཐ་དད་པས་ངེས་པར་འབྱུང་བར་འགྱུར་བ་དང་། དེ་དག་བདེ་འགྲོར་མཆི་བར་བགྱི་བར་བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་ལེས་པར་བྱིན་གྱིས་བརླབ་ཏུ་གསོལ། དེ་ནས་བཅོམ་ལྡན་འདས་ཀྱིས་འཁོར་བཞི་པོ་དེ་དག་གིས་གསོལ་བ་བཏབ་པར་ཐུགས་སུ་ཆུད་ནས་ཕྱོགས་བཅུར་རྣམ་པར་གཟིགས་སོ།། བཅོམ་ལྡན་འདས་ཀྱིས་ཕྱོགས་བཅུར་རྣམ་པར་གཟིགས་མ་ཐག་ཏུ་དེ་ནས་དེའི་མོད་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་ས་གཞི་ཆེན་པོ་རྣམ་པ་དྲུག་ཏུ་རབ་ཏུ་གཡོས་པར་གྱུར་ཅིང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱང་དགའ་བ་དང་། མགུ་བ་དང་། ཡི་རངས་པ་དང་། སྤྲོ་བ་དང་། དགའ་བ་དང་། ཡིད་བདེ་བ་སྐྱེས་ནས། ཅི་ནས་ཀྱང་ཕྱི་མའི་དུས་ན་ཆོས་ཀྱི་རྣམ་གྲངས་འདི་ནུབ་པར་མི་འགྱུར་བར་བྱིན་གྱིས་བརླབ་པར་བྱ་བའི་ཕྱིར་དེ་བཞིན་གཤེགས་པ་དང་། བྱང་ཆུབ་སེམས་དཔའ་སེམས་ཅན་ལ་དགའ་བ་རྣམས་དང་། ཉན་ཐོས་ཀྱི་དགེ་འདུན་ལ་ལྷའི་མཆོད་པ་དག་བྱས་ཤིང་། སྟེང་གི་བར་སྣང་ལས་མེ་ཏོག་གི་ཆར་དག་ཀྱང་རབ་ཏུ་ཕབ། ལྷའི་སིལ་སྙན་དང་གླུ་དབྱངས་དག་ཀྱང་རབ་ཏུ་གསིལ་ཅིང་བླངས་སོ།། དེ་ནས་དེ་བཞིན་གཤེགས་པས་ཐམས་ཅད་དང་ལྡན་པའི་འཁོར་ང་ལ་འདི་སྐད་ཅེས་ངདང་འཇམ་དཔལ་གཞོན་ནུར་གྱུར་པས་ཆོས་ཀྱི་རྣམ་གྲངས་འདི་བྱིན་གྱིས་བརླབས་སོ། ། ཞེས་གོ་བར་ཡང་མཛད་དོ།། དེ་ནས་ཐམས་ཅད་དང་ལྡན་པའི་འཁོར་དེ་དང་། བྱང་ཆུབ་སེམས་དཔའ་དེ་དག་དགའ་བ་དང་། མགུ་བ་དང་། ཡི་རངས་པ་དང་། རབ་ཏུ་དགའ་བ་དང་། དགའ་བ་དང་། ཡིད་བདེ་བ་སྐྱེས་ནས། བཅོམ་ལྡན་འདས་དང་། འཇམ་དཔལ་གཞོན་ནུར་གྱུར་པ་ལ་མ་རློད་པ་བྱས་ཏེ་རང་རང་གི་གནས་སུ་དོང་ངོ་།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་བྱམས་པ་དང་། ཚེ་དང་ལྡན་པ་ཀུན་དགའ་བོ་དང་། ཐམས་ཅད་དང་ལྡན་པའི་འཁོར་དེ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། ། འཕགས་པ་ལྷའི་བུ་རབ་རྒྱལ་སེམས་ཀྱིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། ། རྒྱག་མཁན་པོ་པྲ་ཛྙཱ་བ་ར་མ་དང་།
CLOSE WINDOW