| Wylie | e-texts produced with ocr Programm |
རྒྱ་གར་སྐད་དུ། སད་དྷརྨ་པུན་ཌ་རཱི་ཀ་ནཱ་མ་མ་ཧཱ་ཡཱ། ན་སཱུ་ཏྲ། བོད་སྐད་དུ། དམ་པའོ།། ། ཆོས་པདྨ་དཀར་པོ་ཞེས་བྱ་བ་ཐེག་པ་ཆེན་པོའི་མདོ། ། ། བམཔོ་དང་པོ།། སངས་རྒྱས་དང་བྱང་། ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁྱབ་ན། བྱ་རྒོད་ཀྱི་ཕུང་པོའི་རི་ལ་བཞུགས་ཏེ། དགེ་སློང་ཁྲི་ཉིས་སྟོང་གི་དགེ་སློང་གི་དགེ་འདུན་ཆེན་པོ་ཐམ་ཅད་ཀྱང་། དགྲ་བཅོམ་པ། ཟག་པ་ཟད་པ། ཉོན་མོངས་པ་མེད་པ། དབང་དང་ལྡན་པར་གྱུར་པ། སེམས་ཤིན་ཏུ་རྣམ་པར་གྲོལ་བ། ཤེས་རབ་ཤིན་ཏུ་རྣམ་པར་གྲོལ་བ། ཅང་ཤེས་པ། གླང་པོ་ཆེན་པོ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གིས་དོན་རྗེས་སུ་ཐོབ་པ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ། སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་ཏུ་སོན་པ། མངོན་པར་ཤེས་པས། མངོན་པར་ཤེས་པའི་ཉན་ཐོས་ཆེན་པོ་ཤ་སྟག་ལ་འདི་ལྟ་སྟེ། ཚེ་དང་ལྡན་པ་ཀུན་ཤེས་ཀོའུ་དི་ནྱ་དང་། ཚེ་དང་ལྡན་པ་རྟ་ཐུལ་དང་། ཚེ་དང་ལྡན་པ་རླངས་པ་དང་། ཚེ་དང་ལྡན་པ་མིང་ཆེན་དང་། ཚེ་དང་ལྡན་པ་བཟང་པོ་དང་། ཚེ་དང་ལྡན་པ་འོད་སྲུངས་ཆེན་པོ་དང་། ཚེ་དང་ལྡན་པ་ལྟེང་རྒྱས་འོད་སྲུངས་དང་། ཚེ་དང་ལྡན་པ་ཆུ་ཀླུང་འོད་སྲུངས་དང་། ཚེ་དང་ལྡན་པ་ག་ཡ་འོད་སྲུངས་དང་། ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མོའུ་འགལ་གྱི་བུ་ཆེན་པོ་དང་། ཚེ་དང་ལྡན་པ་ཀ་ཏྱའི་བུ་ཆེན་པོ་དང་། ཚེ་དང་ལྡན་པ་མ་འགགས་པ་དང་། ཚེ་དང་ལྡན་པ་ནམ་གྲུ་དང་། ཚེ་དང་ལྡན་པ་ཀ་པི་ན་དང་།། ཚེ་དང་ལྡན་པ་བ་ལང་བདག་དང་། ཚེ་དང་ལྡན་པ་པི་ལིན་དའི་བུ་དང་། ཚེ་དང་ལྡན་པ་བ་ཀུ་ལ་དང་། ཚེ་དང་ལྡན་པ་གསུས་པོ་ཆེ་དང་། ཚེ་དང་ལྡན་པ་བྷ་ར་དྷཱ་ཙ་དང་། ཚེ་དང་ལྡན་པ་དགའ་བོ་དང་། ཚེ་དང་ལྡན་པ་ཉེ་དགའ་དང་། ཚེ་དང་ལྡན་པ་མཛེས་དགའ་དང་། ཚེ་དང་ལྡན་པ་བྱམས་མའི་བུ་གང་པོ་དང་། ཚེ་དང་ལྡན་པ་རབ་འབྱོར་དང་། ཚེ་དང་ལྡན་པ་སྒྲ་གཅན་ཟིན་དང་། དེ་དག་དང་ཉན་ཐོས་ཆེན་པོ་གཞན་དག་དང་། སློབ་པ་ཚེ་དང་ལྡན་པ་ཀུན་དགའ་བོ་དང་། གཞན་ཡང་སློབ་པ་དང་མི་སློབ་པའི་དགེ་སློང་ཉིས་སྟོང་དང་། སྐྱེ་དགུའི་བདག་མོ་ཆེན་མོ་ལ་སོགས་པ་དགེ་སློང་མ་དྲུག་སྟོང་དང་། སྒྲ་གཅན་ཟིན་གྱི་མ་དགེ་སློང་མ་གྲགས་འཛིན་འཁོར་དང་བཅས་པ་དང་ཐབས་གཅིག་གོ། ། བྱང་ཆུབ་སེམས་དཔའ་བརྒྱད་ཁྲི་ཐམས་ཅད་ཀྱང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ། གཟུངས་ཐོབ་པ། སྤོབས་པ་ཆེན་པོ་ལ་གནས་པ། ཕྱིར་མི་ལྡོག་པའི་ཆོས་ཀྱི་འཁོར་ལོ་བསྐོར་བ། སངས་རྒྱས་བརྒྱ་སྟོང་མང་པོ་ལ་བསྙེན་བཀུར་བྱས་པ་སངས་རྒྱས་བརྒྱ་སྟོང་མང་པོ་ལ་དགེ་བའི་རྩ་བ་བསྐྱེད་པ། སངས་རྒྱས་བརྒྱ་སྟོང་མང་པོས་ཡང་དག་པར་བསྟོད་པ། ལུས་དང་ངག་དང་སེམས་བྱམས་པས་ཡོངས་སུ་བསྒོས་པ་དེ་བཞིན་གཤེགས་པའི་ཡེ་ཤེས་ལ་འཛུད་པ་ལ་མཁས་པ། ། ཤེས་རབ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་རྟོགས་པར་ཁོང་དུ་ཆུད་པ། འཇིག་རྟེན་གྱི་ཁམས་བརྒྱ་སྟོང་མང་པོར་རྣམ་པར་གྲགས་པ། སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་མང་པོ་ཡང་དག་པར་སྒྲོལ་བ་ཤ་སྟག་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་ཕྱུག་དང་། བྱང་ཆུབ་སེམས་དཔའ་མཐུ་ཆེན་ཐོབ་དང་། བྱང་ཆུབ་སེམས་དཔའ་དོན་ཐམས་ཅད་གྲུབ་ཅེས་བྱ་བ་དང་བྱང་ཆུབ་སེམས་དཔའ་རྟག་ཏུ་བརྩོན་དང་། བྱང་ཆུབ་སེམས་དཔའ་བརྩོན་པ་མི་གཏོང་བ་དང་། བྱང་ཆུབ་སེམས་དཔའ་ལག་ན་རིན་ཆེན་དང་། བྱང་ཆུབ་སེམས་དཔའ་སྨན་གྱི་རྒྱལ་པོ་དང་། བྱང་ཆུབ་སེམས་དཔའ་སྨན་ཡང་དག་འཕགས་དང་། བྱང་ཆུབ་སེམས་དཔའ་བཀོད་པའི་རྒྱལ་པོ་དང་། བྱང་ཆུབ་སེམས་དཔའ་རབ་ཏུ་སྦྱིན་པ་དང་། བྱང་ཆུབ་སེམས་དཔའ་རིན་ཆེན་ཟླ་བ་དང་། བྱང་ཆུབ་སེམས་དཔའ་རིན་ཆེན་འོད་དང་། བྱང་ཆུབ་སེམས་དཔའ་ཟླ་གང་དང་། བྱང་ཆུབ་སེམས་དཔའ་གནོན་པ་ཆེན་པོ་དང་། བྱང་ཆུབ་སེམས་དཔའ་མཐའ་ཡས་གནོན་དང་། བྱང་ཆུབ་སེམས་དཔའ་འཇིག་རྟེན་གསུམ་གནོན་དང་། བྱང་ཆུབ་སེམས་དཔའི་སྤོབས་པ་ཆེན་པོ་དང་། བྱང་ཆུབ་སེམས་དཔའ་རྟག་པར་རྒྱུན་དུ་བརྩོན་དང་། བྱང་ཆུབ་སེམས་དཔའ་ས་འཛིན་དང་། བྱང་ཆུབ་སེམས་དཔའ་བློ་གྲོས་མི་ཟད་པ་དང་། བྱང་ཆུབ་སེམས་དཔའ་པདྨའི་དཔལ་དང་། བྱང་ཆུབ་སེམས་དཔའ་སྐར་མའི་རྒྱལ་པོ་དང་། བྱང་ཆུབ་སེམས་དཔའ་བྱམས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེ་དེ་དག་དང་ཡང་ཐབས་གཅིག་གོ།། བཟང་སྐྱོང་ལ་སོགས་པ་སྐྱེས་བུ་དམ་པ་བཅུ་དྲུག་ལ་འདི་ལྟ་སྟེ། བཟང་སྐྱོང་དང་། དཀོན་མཆོག་འབྱུང་གནས་དང་། དེད་དཔོན་བཟང་པོ་དང་། མིས་བྱིན་དང་། ཕུག་སྦས་དང་། ཆུས་བྱིན་དང་། དབང་པོས་བྱིན་དང་། བླ་མའི་བློ་གྲོས་དང་། ཁྱད་པར་བློ་གྲོས་དང་། འཕེལ་བའི་བློ་གྲོས་དང་། མཐོང་བ་དོན་ཡོད་པ་དང་། ཤིན་ཏུ་ཡང་དག་ཞུགས་པ་དང་། རབ་ཀྱི་རྩལ་གྱིས་རྣམ་པར་གནོན་པ་དང་། དཔེ་མེད་བློ་གྲོས་དང་། ཉི་མའི་སྙིང་པོ་དང་། ས་འཛིན་དག་དང་། ཡང་ཐབས་གཅིག་སྟེ། དེ་དག་ལ་སོགས་པ་བྱང་ཆུབ་སེམས་དཔའ་བརྒྱད་ཁྲི་དག་དང་ཡང་ཐབས་གཅིག་གོ། ལྷ་རྣམས་ཀྱི་དབང་པོ་བརྒྱ་བྱིན་དང་། འཁོར་ལྷའི་བུ་ཉི་ཁྲི་འདི་ལྟ་སྟེ། ལྷའི་བུ་ཟླ་བ་དང་། ལྷའི་བུ་ཉི་མ་དང་། ཀུན་ཏུ་དྲི་དང་། རིན་ཆེན་འོད་དང་། ལྷའི་བུ་སྣང་འོད་དང་། དེ་དག་ལ་སོགས་པའི་ལྷའི་བུ་ཉི་ཁྲི་དང་ཡང་ཐབས་གཅིག་གོ། ། རྒྱལ་པོ་ཆེན་པོ་བཞི་དང་། འཁོར་ལྷའི་བུ་སུམ་ཁྲི་འདི་ལྟ་སྟེ། རྒྱལ་པོ་ཆེན་པོ་འཕགས་སྐྱེས་པོ་དང་། རྒྱལ་པོ་ཆེན་པོ་མིག་མི་བཟང་དང་། རྒྱལ་པོ་ཆེན་པོ་ཡུལ་འཁོར་སྲུངས་དང་། རྒྱལ་པོ་ཆེན་པོ་རྣམ་ཐོས་ཀྱི་བུ་དང་། ལྷའི་བུ་དབང་ཕྱུག་དང་། ལྷའི་བུ་དབང་ཕྱུག་ཆེན་པོ་དང་། འཁོར་ལྷའི་བུ་སུམ་ཁྲི་དག་དང་ཡང་ཐབས་གཅིག་གོ། ། མི་མཇེད་ཀྱི་བདག་པོ་ཚངས་པ་དང་། འཁོར་ཚངས་རིས་ཀྱི་ལྷའི་བུ་ཁྲི་ཉིས་སྟོང་འདི་ལྟ་སྟེ། ཚངས་པ་གཙུག་པུད་ཅན་དང་། ཚངས་པ་སྐར་མའི་འོད་དང་། དེ་དག་ལ་སོགས་པ་ཚངས་རིས་ཀྱི་ལྷའི་བུ་ཁྲི་ཉིས་སྟོང་དང་ཡང་ཐབས་གཅིག་གོ།། ཀླུའི་རྒྱལ་པོ་བརྒྱད་འདི་ལྟ་སྟེ། ཀླུའི་རྒྱལ་པོ་དགའ་བོ་དང་། ཉེ་དགའ་དང་། མཚོ་དང་། ནོར་རྒྱས་ཀྱི་བུ་དང་། འཇོག་པོ་དང་། གཟི་ཅན་དང་། མ་དྲོས་པ་དང་། ཀླུའི་རྒྱལ་པོ་ཨུཏྤལ་དང་། འཁོར་ཀླུ་བྱེ་བ་བརྒྱ་སྟོང་མང་པོ་དག་དང་ཡང་ཐབས་གཅིག་གོ།། མི་འམ་ཅིའི་རྒྱལ་པོ་བཞི་འདི་ལྟ་སྟེ། མི་འམ་ཅིའི་རྒྱལ་པོ་ལྗོན་པ་དང་། མི་འམ་ཅིའི་རྒྱལ་པོ་ཆོས་ཆེན་དང་། མི་འམ་ཅིའི་རྒྱལ་པོ་ཆོས་བཟངས་དང་། མི་འམ་ཅིའི་རྒྱལ་པོ་ཆོས་འཛིན་དང་། འཁོར་མི་འམ་ཅི་བྱེ་བ་བརྒྱ་སྟོང་མང་པོ་དག་དང་ཡང་ཐབས་གཅིག་གོ།། དྲི་ཟའི་རིས་ཀྱི་ལྷའི་བུ་བཞི་འདི་ལྟ་སྟེ། དྲི་ཟ་ཡིད་དུ་འོང་བ་དང་། ཡིད་དུ་འོང་དབྱངས་དང་། འཇམ་སྙན་དང་། དྲི་ཟ་དབྱངས་སྙན་དང་། འཁོར་དྲི་ཟ་བྱེ་བ་བརྒྱ་སྟོང་མང་པོ་དག་དང་ཡང་ཐབས་གཅིག་གོ། ལྷ་མ་ཡིན་གྱི་དབང་པོ་བཞི་འདི་ལྟ་སྟེ། ལྷ་མ་ཡིན་གྱི་དབང་པོ་སྟོབས་ཅན་དང་། ཕྲག་རྩུབ་དང་། ཐགས་ཟངས་རིས་དང་། ལྷ་མ་ཡིན་གྱི་དབང་པོ་སྒྲ་གཅན་དང་། འཁོར་ལྷ་མ་ཡིན་བྱེ་བ་བརྒྱ་སྟོང་མང་པོ་དག་དང་ཡང་ཐབས་གཅིག་གོ།། ནམ་མཁའ་ལྡིང་གི་དབང་པོ་བཞི་འདི་ལྟ་སྟེ། ནམ་མཁའ་ལྡིང་གི་དབང་པོ་གཟི་བརྗིད་ཆེན་པོ་དང་། ལུས་ཆེན་དང་། རྫོགས་ཆེན་དང་། ནམ་མཁའ་ལྡིང་གི་དབང་པོ་འཕྲུལ་ཆེན་ཐོབ་དང་། འཁོར་ནམ་མཁའ་ལྡིང་བྱེ་བ་བརྒྱ་སྟོང་མང་པོ་དག་དང་ཡང་ཐབས་གཅིག་གོ།། ལུས་འཕགས་མོའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་དང་ཡང་ཐབས་གཅིག་གོ།། དེའི་ཚེ་ན་བཅོམ་ལྡན་འདས་འཁོར་བཞི་པོ་དེ་དག་གིས་ཡོངས་སུ་བསྐོར་ཅིང་མདུན་དུ་བལྟས་ཏེ། བསྟི་སྟང་དུ་བྱས། བཙུན་པར་བྱས། རི་མོར་བྱས། མཆོད་པར་བྱས། རྗེད་པར་བྱས། གསོལ་བར་བྱས་ཏེ། ངེས་པར་བསྟན་པ་ཆེན་པོ་ཞེས་བྱ་བའི་ཆོས་ཀྱི་རྣམ་གྲངས་མདོ་སྡེ་ཤིན་ཏུ་རྒྱས་པ་ཆེན་པོ་བྱང་ཆུབ་སེམས་དཔའ་རྣམས་ལ་གདམས་པ། སངས་རྒྱས་ཐམས་ཅད་ཀྱིས་ཡོངས་སུ་བཟུང་བ་བཤད་པར་བཞེད་དེ། ཆོས་ཀྱི་གདན་དེ་ཉིད་ལ་སྐྱིལ་མོ་ཀྲུང་བཅས་ནས། མཐའ་ཡས་ངེས་པར་བསྟན་པའི་གནས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་མི་གཡོ་ཞིང་སེམས་མི་གཡོ་བར་གྱུར་ནས་བཞུགས་སོ། ། བཅོམ་ལྡན་འདས་སྙོམས་པར་ཞུགས་མ་ཐག་ཏུ། བཅོམ་ལྡན་འདས་ལ་ལྷའི་མེ་ཏོག་མནྡ་ར་དང་། མནྡ་ར་ཆེན་པོ་དང་། མཉྫུ་ཤ་ཀ་དང་། མཉྫུ་ཤ་ཀ་ཆེན་པོ་རྣམས་ཀྱི་མེ་ཏོག་གི་ཆར་ཆེན་པོ་མངོན་པར་བབ་སྟེ། བཅོམ་ལྡན་འདས་དང་འཁོར་བཞི་པོ་དེ་དག་ལ་འཐོར་རོ།། ཐམས་ཅད་དང་ལྡན་པའི་སངས་རྒྱས་ཀྱི་ཞིང་ཡང་རྣམ་པ་དྲུག་ཏུ་གཡོས་པར་གྱུར་ཏེ། འགུལ་ཀུན་ཏུ་རབ་ཏུ་འགུལ། ལྡེག་ཀུན་ཏུ་རབ་ཏུ་ལྡེག། འཁྲུགས་ཀུན་ཏུ་རབ་ཏུ་འཁྲུགས་སོ།། དེའི་ཚེ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། ལྷ་དང་ཀླུ་དང་གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་རྣམས་དང་། རྒྱལ་ཕྲན་དང་། སྟོབས་ཀྱི་འཁོར་ལོས་སྒྱུར་བ་དང་། གླིང་བཞིའི་འཁོར་ལོས་སྒྱུར་བ་གང་དག་འཁོར་དེར་འདུས་ནས་འཁོད་པར་གྱུར་པ་འཁོར་དང་བཅས་པ་དེ་དག་ཐམས་ཅད་བཅོམ་ལྡན་འདས་ལ་ལྟ་ཞིང་འཁོད་དེ། ངོ་མཚར་དུ་གྱུར། རྨད་དུ་གྱུར། ཤིན་ཏུ་དགའ་བར་གྱུར་ཏོ།། དེ་ནས་དེའི་ཚེ་བཅོམ་ལྡན་འདས་ཀྱི་སྨིན་མཚམས་ཀྱི་མ་ཛོད་སྤུ་ནས་འོད་ཟེར་གཅིག་བྱུང་ནས་དེ་ཤར་ཕྱོགས་སུ་སངས་རྒྱས་ཀྱི་ཞིང་ཁྲི་བརྒྱད་སྟོང་དུ་སོང་སྟེ་སངས་རྒྱས་ཀྱི་ཞིང་དེ་དག་ཐམས་ཅད་མནར་མེད་པའི་སེམས་ཅན་དམྱལ་བ་ཆེན་པོ་ཡན་ཆད་སྲིད་པའི་རྩེ་མོ་མན་ཆད་འོད་ཟེར་དེའི་འོད་ཀྱིས་ཤིན་ཏུ་ཁྱབ་པར་སྣང་ངོ་། ། སངས་རྒྱས་ཀྱི་ཞིང་དེ་དག་གི་འགྲོ་བ་དྲུག་པོ་དེ་དག་ན་སེམས་ཅན་གང་ཡོད་པ་དེ་དག་ཐམས་ཅད་མ་ལུས་པར་སྣང་ངོ་།། སངས་རྒྱས་ཀྱི་ཞིང་དེ་དག་ན་སངས་རྒྱས་བཅོམ་ལྡན་འདས་གང་དག་བཞུགས་ཤིང་འཚོ་ག་ཞེས་པ་དེ་དག་ཐམས་ཅད་ཀྱང་སྣང་ངོ་།། སངས་རྒྱས་བཅོམ་ལྡན་འདས་དེ་དག་ཆོས་གང་འཆད་པ་དེ་དག་ཐམས་ཅད་ཀྱང་མ་ལུས་པར་གྲག་གོ། ། སངས་རྒྱས་ཀྱི་ཞིང་དེ་དག་ན་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། རྣལ་འབྱོར་ཅན་དང་། རྣལ་འབྱོར་སྤྱོད་པ་གང་དག་འབྲས་བུ་ཐོབ་པ་དང་། འབྲས་བུ་མ་ཐོབ་པ་དེ་དག་ཐམས་ཅད་ཀྱང་སྣང་ངོ་།། སངས་རྒྱས་ཀྱི་ཞིང་དེ་དག་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཉན་པ་དང་དམིགས་པ་དང་། མོས་པ་རྣམ་པ་སྣ་ཚོགས་དུ་མའི་རྒྱུའི་ཐབས་ལ་མཁས་པ་དག་གིས་བྱང་ཆུབ་སེམས་དཔའི་སྤྱད་པ་སྤྱོད་པ་དེ་དག་ཐམས་ཅད་ཀྱང་སྣང་ངོ་།། སངས་རྒྱས་ཀྱི་ཞིང་དེ་དག་ན་སངས་རྒྱས་བཅོམ་ལྡན་འདས་གང་དག་ཡོངས་སུ་མྱ་ངན་ལས་འདའ་བ་དེ་དག་ཐམས་ཅད་ཀྱང་སྣང་ངོ་། ། སངས་རྒྱས་ཀྱི་ཞིང་དེ་དག་ཐམས་ཅད་ན་སངས་རྒྱས་བཅོམ་ལྡན་འདས་གང་དག་ཡོངས་སུ་མྱ་ངན་ལས་འདས་པ་རྣམས་ཀྱི་རིང་བསྲེལ་གྱི་མཆོད་རྟེན་རིན་པོ་ཆེ་ལས་བྱས་པ་དེ་དག་ཐམས་ཅད་ཀྱང་སྣང་ངོ་། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་འདི་སྙམས་དུ་སེམས་ཏེ། ཀྱེ་མ་དེ་བཞིན་གཤེགས་པས་ལྟས་ཆོ་འཕྲུལ་ཆེན་པོ་བསྟན་པ་འདི་འདིར་ཅིའི་རྒྱུར་འགྱུར་ཞིག་གུ། ཅིའི་ཕྱིར་བཅོམ་ལྡན་འདས་ཀྱིས་ལྟས་ཆོ།། འཕྲུལ་ཆེན་པོ་འདི་ལྟ་བུ་འདི་བསྟན་ཏེ། བཅོམ་ལྡན་འདས་ཀྱང་ཏིང་ངེ་འཛིན་དེ་ལ་སྙོམས་པར་ཞུགས་ཤིང་། རྫུ་འཕྲུལ་གྱི་ཆོ་འཕྲུལ་ཆེན་པོ་ངོ་མཚར་རྨད་དུ་བྱུང་བ་ཆེན་པོ་བསམ་གྱིས་མི་ཁྱབ་པ་འདི་ལྟ་བུ་འདི་དག་ཀྱང་སྣང་བར་གྱུར་པ་འདིའི་དོན་བདག་གི་སུ་ལ་དྲི། འདི་ན་དོན་འདིའི་ལན་ལྡོན་ནུས་པ་ནི་སུ་ཡོད་སྙམ་མོ།། དེ་ནས་ཡང་འདི་སྙམ་དུ་འཇམ་དཔལ་གཞོན་ནུར་གྱུར་པ་འདི། སྔོན་གྱི་རྒྱལ་བ་རྣམས་ལ་ལྷག་པར་བྱ་བ་བྱས་པ། དགེ་བའི་རྩ་བ་བསྐྱེད་པ། སངས་རྒྱས་མང་པོ་ལ་བསྙེན་བཀུར་བྱས་པ་སྟེ། འཇམ་དཔལ་གཞོན་ནུར་གྱུར་པ་འདིས་སྔན་ཆད་ཀྱང་། སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ལྟས་འདི་ལྟ་བུ་བྱུང་བ་རྣམས་མཐོང་ཞིང་། སྔན་ཆད་ཆོས་ཆེན་པོའི་འབེལ་བའི་གཏམ་དག་ཀྱང་མྱོང་བས་ནཱ། བདག་གིས་འཇམ་དཔལ་གཞོན་ནུར་གྱུར་པ་ལ་དེའི་དོན་འདྲིའོ་སྙམ་དུ་སེམས་སོ།། དགེ་སློང་དང་། དགེ་སློང་མ་དང་དགེ་བསྙེན་དང་། དགེ་བསྙེན་མའི་འཁོར་བཞི་པོ་དེ་དང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་མང་པོ་དེ་དག་ཀྱང་། བཅོམ་ལྡན་འདས་ཀྱི་ལྟས་ཀྱི་རྫུ་འཕྲུལ་གྱི་མོ་ཕྲུལ་ཆེན་པོའི་སྣང་བ་འདི་ལྟ་བུ་འདི་མཐོང་ནས་ངོ་མཚར་དུ་གྱུར། རྨད་དུ་གྱུར་ལྟད་མོར་གྱུར་ཏེ་འདི་སྙམ་དུ། བཅོམ་ལྡན་འདས་ཀྱི་ལྟས་ཀྱི་རྫུ་འཕྲུལ་གྱི་ཆོ་འཕྲུལ་ཆེན་པོའི་སྣང་བ་འདི་ལྟ་བུ་འདི་བསྟན་པ་བདག་ཅག་གིས་སུ་ལ་དྲི་སྙམ་དུ་སེམས་སོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་སྐད་ཅིག་ཐང་ཅིག་ཡུད་ཙམ་དེ་ཉིད་ལ་འཁོར་བཞི་པོ་རྣམས་ཀྱི་སེམས་ཀྱི་རྣམ་པར་རྟོག་པ་སེམས་ཀྱི་ཤེས་ནས། འཇམ་དཔལ་གཞོན། ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་བཅོམ་ལྡན་འདས་ཀྱི་ལྟས་ངོ་མཚར་རྨད་དུ་བྱུང་བ་རྫུ་འཕྲུལ་གྱི་སྣང་བ་འདི་ལྟ་བུ་འདི་བསྟན་ཏེ། སངས་རྒྱས་ཀྱི་ཞིང་ཁྲི་བརྒྱད་སྟོང་པ་འདི་དག་རྣམ་པར་བཀྲ་བ། མཆོག་ཏུ་བལྟ་ན་སྡུག་པ། དེ་བཞིན་གཤེགས་པ་སྔོན་དུ་བཞུད་པ། དེ་བཞིན་གཤེགས་པ་ཡོངས་སུ་འདྲེན་པར་སྣང་བ་འདིའི་རྒྱུ་གང་རྐྱེན་གང་། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས། འཇམ་དཔལ་གཞོན་ནུར་གྱུར་པ་ལ་ཚིགས་སུ་བཅད་པ་འདི་དག་སྨྲས་སོ།། འཇམ་དཔལ་ཅི་ཡི་ཕྱིར་ན་འདི་ལྟ་བུ། ། མི་ཡི་མགོན་པོས་འོད་ཟེར་གཅིག་པོ་འདི།། ཞལ་གྱི་སྨིན་མཚམས་ཀྱི་ནི་མཛོད་སྤུ་ནས།། ཤིན་ཏུ་སྣང་བའི་འོད་ཟེར་རབ་ཏུ་བཏང་།། ལྷ་རྣམས་དགའ་བས་ཙན་དན་ཕྱེ་མ་དང་། ལྷ་ཡི་སྤོས་རབ་ཡིད་དུ་འོང་བ་དང་།། མནྡ་ར་དང་མན་ཛུ་ཤ་ཀ་ཡི།། མེ་ཏོག་དག་གི་ཆར་ཆེན་རབ་ཏུ་ཕབ།། དེས་ནི་ས་འདི་ཀུན་ཏུ་མཛེས་གྱུར་ཅིང་།། འཁོར་བཞི་འདི་དག་དགའ་བ་རབ་ཏུ་ཐོབ། ། ཞིང་རྣམས་འདི་དག་ཐམས་ཅད་རྣམ་དྲུག་ཏུ།། ཤིན་ཏུ་འཇིགས་པའི་གཟུགས་སུ་ཀུན་ནས་གཡོས།། འོད་ཟེར་དེ་ཡིས་ཤར་གྱི་ཕྱོགས་ལོགས་ཀྱི།། ཞིང་ནི་སྟོང་ཕྲག་བཅོ་བརྒྱད་ཚང་བ་རྣམས། ། སྐད་ཅིག་གཅིག་གིས་ཐམས་ཅད་རབ་ཏུ་སྣང་།། ཞིང་རྣམས་གསེར་གྱི་ཁ་དོག་བཞིན་དུ་མཛེས།། མནར་མེད་ཡན་ཆད་སྲིད་པའི་རྩེ་མོའི་བར། ཞིང་དེ་དག་ན་སེམས་ཅན་ཇི་སྙེད་པ།། འགྲོ་བ་དྲུག་པོ་དེ་ན་ཡོད་པ་རྣམས།། གང་དག་དེར་ཡང་ཤི་འཕོ་སྐྱེ་བ་རྣམས།། དེ་དག་ལས་ཀྱི་རྣམ་པ་སྣ་ཚོགས་དང་།། འགྲོ་བ་བདེ་དང་མི་བདེ་རྣམས་ཀྱང་སྣང་། ། བཟང་པོ་ངན་པ་དེ་བཞིན་བར་པ་ཡང་།། འདི་ན་འདུག་ཀྱང་དེ་དག་ཐམས་ཅད་མཐོང་།། སངས་རྒྱས་སེང་གེ་མི་ཡི་དབང་པོ་རྣམས།། ཆོས་ཉིད་རབ་སྟོན་རྣམ་པར་འབྱེད་པ་མཐོང་། ། སེམས་ཅན་བྱེ་བ་མང་ལ་རབ་སྟོན་པ།། སྙན་པའི་སྒྲ་དང་དབྱངས་སུ་གསུང་བ་དག། ཟབ་ཅིང་རྒྱ་ཆེ་རྨད་དུ་བྱུང་བའི་སྒྲ།། སོ་སོའི་ཞིང་རྣམས་སུ་ཡང་རབ་ཏུ་འབྱིན། ། དཔེ་དང་གཏན་ཚིག་ཁྲག་ཁྲིག་བྱེ་བ་ཡིས།། སངས་རྒྱས་ཆོས་འདི་རབ་ཏུ་སྟོན་པ་ནི།། སེམས་ཅན་གང་རྣམས་སྡུག་བསྔལ་གཟིར་བ་དག། སྐྱེ་དང་དགའ་བས་ཡིད་སྐྱོ་མི་ཤེས་ལ། ། འདི་ནི་དགེ་སློང་སྡུག་བསྔལ་ཐ་མ་ཞེས།། དེ་ལ་རབ་ཞི་མྱ་ངན་འདས་པ་སྟོན།། མི་རྣམས་གང་གིས་རྒྱ་ཆེ་མཐུ་ཐོབ་ཅིང་།། སངས་རྒྱས་མཐོང་བས་དེ་བཞིན་བསོད་ནམས་ལྡན།། དེ་དག་ལ་ནི་ཆོས་ཚུལ་འདི་བརྗོད་ཅིང་། ། རང་རྒྱལ་ཐེག་པ་ཡང་ནི་སྟོན་པ་མཛད།། གཞན་ཡང་བདེ་བར་གཤེགས་ཀྱི་སྲས་པོ་གང་།། བླ་ན་མེད་པའི་ཡེ་ཤེས་ཚོར་བ་དག། བྱ་བ་སྣ་ཚོགས་རྟག་ཏུ་བྱེད་པ་ལ། ། དེ་དག་ལ་ནི་བྱང་ཆུབ་ཕྱིར་བསྔགས་གསུངས།། འདི་ན་འདུག་བཞིན་དེ་ན་འདི་འདྲ་དང་།། ཁྱད་པར་གཞན་ཡང་སྟོང་ཕྲག་བྱེ་བ་དག། ཤིན་ཏུ་མཐོང་ཞིང་ཐོས་ཏེ་འཇམ་པའི་དབྱངས། ། དེ་དག་ལས་ནི་ཕྱོགས་ཙམ་སྨོས་པར་བྱ།། བདག་མཐོང་ཞིང་རྣམས་མང་པོ་དེ་དག་ནའང་།། བྱང་ཆུབ་སེམས་དཔའ་གངྒཱའི་བྱེ་མ་སྙེད།། གང་རྣམས་བྱེ་བ་སྟོང་ཕྲག་མི་ཉུང་ག་བརྩོན་འགྲུས་རྣམ་པ་མང་པོས་བྱང་ཆུབ་བསྐྱེད། ། ལ་ལ་སྦྱིན་པ་སྦྱིན་པའང་དེ་བཞིན་ཏེ།། ནོར་དང་མགྲོན་བུ་གསེར་དང་དངུལ་རྣམས་དང་།། མུ་ཏིག་ནོར་བུ་མན་ཤེལ་བྱི་རུ་དང་།། བྲན་པོ་བྲན་མོ་རྟ་དང་ཤིང་རྟ་ལུག། དེ་བཞིན་རིན་ཆེན་དག་གིས་བརྒྱན་པའི་ཁྱོགས།། ཡོངས་སུ་དགའ་བའི་ཡིད་ཀྱིས་སྦྱིན་པ་གཏོང་།། བདག་ཅག་གིས་ཀྱང་ཐེག་མཆོག་ཐོབ་ཤོག་ཅེས།། བྱང་ཆུབ་མཆོག་འདིར་ཡོངས་སུ་སྔོ་བ་བྱེད།། སྦྱིན་པ་འདི་འདྲ་འདི་དག་བྱིན་པས་ན།། ཁམས་གསུམ་ནང་ན་ཐོག་མཆོག་ཁྱད་པར་ཅན།། སངས་རྒྱས་ཐེག་པ་བདེ་གཤེགས་གང་བསྔགས་པ། ། དེ་ནི་བདག་གིས་མྱུར་དུ་ཐོབ་གྱུར་ཅིག། ལ་ལས་རྟ་བཞི་ཅན་གྱི་ཤིང་རྟ་ལ།། ཁ་ཁྱེར་བཅས་པ་མེ་ཏོག་རྒྱལ་མཚན་བརྒྱན།། རིན་ཆེན་དག་ལས་བྱས་པའི་བ་དན་ཅན།། ལ་ལས་དེ་ལྟ་བུ་ཡང་སྦྱིན་པ་བྱིན།། དེ་བཞིན་བུ་དང་ཆུང་མ་རྣམས་ཀྱང་བྱིན།། ལ་ལ་ཕངས་པའི་ཤ་ཡང་སྦྱིན་པར་བྱེད།། བྱང་ཆུབ་དམ་པ་འདི་ནི་ཚོལ་བའི་ཕྱིར།། ལག་པ་དང་ནི་རྐང་པ་བསླངས་ན་བྱིན། ། ལ་ལ་དག་གིས་མགོ་དང་ལ་ལས་མིག། ལ་ལ་དག་གི་ལུས་མཆོག་རབ་ཀྱང་གཏོང་།། དང་བའི་སེམས་ཀྱིས་སྦྱིན་པ་རྣམས་བྱིན་ནས།། དེ་བཞིན་གཤེགས་ཀྱི་ཡེ་ཤེས་དོན་དུ་གཉེར། ། འཇམ་དཔལ་བདག་གིས་མཐོང་བ་ལ་ལ་ན།། རྒྱལ་སྲིད་སྐྱིད་པ་རྣམ་པར་སྤངས་བྱས་ཏེ།། བཙུན་མོའི་འཁོར་དང་དེ་བཞིན་གླིང་ཀུན་དང་།། གཉེན་དང་བློན་པོ་ཐམས་ཅད་རྣམ་སྤངས་ནས། ། འཇིག་རྟེན་རྣམ་པར་འདྲེན་གྱི་དྲུང་དོང་སྟེ།། ཞི་བའི་ཕྱིར་ནི་ཆོས་རབ་མཆོག་འདྲི་ཞིང་།། ངུར་སྨྲིག་གོས་རྣམ་རབ་ཏུ་གྱོན་བྱེད་དེ།། སྐྲ་དང་ཁ་སྤུ་དག་ཀྱང་འདྲེག་པར་བྱེད། ། བདག་མཐོང་བྱང་ཆུབ་སེམས་དཔའ་ལ་ལ་ནི།། དགེ་སློང་གྱུར་ཅིང་ནགས་ཚལ་གནས་པ་དག། དགོན་པ་སྟོང་པ་རྣམས་སུ་གནས་འཆའ། ཞིང་།། ལ་ལ་ལུང་ནོད་ཁ་དོན་བྱེད་ལ་དགའ།། བདག་མཐོང་བྱང་ཆུབ་སེམས་དཔའ་ལ་ལ་དག། རི་སུལ་དག་ཏུ་ཞུགས་ཤིང་བསྟན་པ་རྣམས།། སངས་རྒྱས་ཡེ་ཤེས་འདི་ལ་རྣམ་པར་བསྒོམ། ། ཡོངས་སུ་སེམས་ཤིང་ཉེ་བར་རྟོག་པར་བྱེད།། ཁ་ཅིག་གིས་ནི་འདོད་པ་མ་ལུས་སྤངས།། ཡོངས་བསྒོམས་བདག་ཉིད་སྤྱོད་ཡུལ་རྣམ་པར་དག། མངོན་པར་ཤེས་པ་ལྔ་ཡང་དེར་ཐོབ་ནས། ། ངན་པར་ཤེས་པ་ལྔ་ཡང་དར་ཐབ་ནས།། བདེ་བར་གཤེགས་པའི་སྲས་པོ་དགོན་པར་གནས།། བརྟན་པ་ལ་ལ་རྐང་པཤིབས་དེར་གནས་ཏེ།། འདྲེན་པའི་སྤྱན་སྔར་ཐལ་མོ་སྦྱར་བྱས་ནས། ། དགའ་བ་བསྐྱེད་དེ་རྒྱལ་དབང་རྒྱལ་པོ་ལ།། ཚིགས་སུ་བཅད་པ་སྟོང་གིས་མངོན་པར་བསྟོད།། དྲན་དང་ལྡན་ཞིང་དུལ་བ་མི་འཇིགས་པ།། ལ་ལ་སྤྱོད་པ་ཕྲ་བ་ཤེས་པ་དག། རྐང་གཉིས་གཙོ་ལ་ཆོས་ཀྱང་དྲི་བར་བྱེད།། ཐོས་ནས་དེ་དག་ཆོས་རྣམས་འཛིན་པར་འགྱུར།། ཡོངས་བསྒོམས་བདག་ཉིད་རྒྱལ་དབང་སྲས་པོ་རྣམས།། ལ་ལ་བདག་གིས་དེ་དང་དེར་མཐོང་བ། ། དཔེ་དང་གཏན་ཚིགས་ཁྲག་ཁྲིག་དུ་མ་ཡིས།། སྲོག་ཆགས་བྱེ་བ་མང་ལ་ཆོས་རྣམས་སྟོན།། མཆོག་ཏུ་དགའ་སྐྱེས་ཆོས་རྣམས་རབ་སྟོན་ཅིང་།། བྱང་ཆུབ་སེམས་དཔའ་མང་པོ་ཡང་དག་འཛུད། ། བདུད་རྣམས་སྟོབས་དང་གཞོན་པར་བཅས་བཅོམ་སྟེ།། ཆོས་ཀྱི་རྔ་འདི་ཤིན་ཏུ་རྡུང་བར་བྱེད།། ལ་ལ་བདེ་བར་གཤེགས་པའི་བསྟན་པ་ལ།། བདེ་གཤེགས་སྲས་ལ་ལྷ་མི་གནོད་སྦྱིན་དང་། ། སྲིན་པོས་མཆོད་ཀྱང་ངོ་མཚར་མི་འཛིན་ཅིང་།། སྙེམས་མེད་ཞི་ཞིང་རབ་ཞི་སྤྱོད་པ་མཐོང་།། ཕལ་ཆེན་ནགས་གནས་དེ་བཞིན་གཞན་དག་ཀྱང་།། སྣང་བའི་འོད་ནི་ལུས་ལས་རབ་གཏོང་སྟེ།། སེམས་ཅན་དམྱལ་ལས་སེམས་ཅན་རྣམས་འདོན་ཅིང་།། དེ་དག་བྱང་ཆུབ་ལ་ཡང་ཡང་དག་འཛུད།། རྒྱལ་བའི་སྲས་པོ་ལ་ལ་བརྩོན་འགྲུས་གནས།། ཁ་ཅིག་གིས་ཀྱང་མ་ལུས་གཉིད་སྤངས་ནས།། ཆགས་པ་མེད་ཅིང་ནགས་ཚལ་གནས་པ་དག། དེ་དག་བརྩོན་པས་བྱང་ཆུབ་མཆོག་ལ་ཞུགས།། ལ་ལ་ཚུལ་ཁྲིམས་མ་རལ་སྲུང་བ་ནི།། རྟག་ཏུ་རྣམ་དག་ནོར་བུ་རིན་ཆེན་བཞིན། ། ལ་ལ་སྤྱད་པ་ཡོངས་སུ་རྫོགས་པར་འགྱུར།། དེ་དག་ཁྲིམས་ཀྱིས་བྱང་ཆུབ་མཆོག་ལ་ཞུགས།། རྒྱལ་སྲས་ལ་ལ་བཟོད་པའི་སྟོབས་ཅན་ཏེ།། དགེ་སློང་ང་རྒྱལ་ཅན་དག་ཁྲོ་བ་དང་། ། དེ་བཞིན་གཤེགས་ཞིང་བསྡིག་པའང་བཟོད་པར་བྱེད།། བཟོད་པས་དེ་དག་བྱང་ཆུབ་མཆོག་ལ་ཞུགས།། བདག་མཐོང་བྱང་ཆུབ་སེམས་དཔའ་ལ་ལ་ནི།། རྩེད་མོ་དགའ་བ་ཐམས་ཅད་རྣམ་སྤངས་ཏེ། ། བྱིས་པའི་གྲོགས་པོ་རྣམས་ཀྱང་ཡོངས་སྤངས་ནས།། འཕགས་པ་རྣམས་དང་འགྲོགས་དགའ་མཉམ་པར་གཞག། རྣམ་པར་གཡེངས་པའི་སེམས་ནི་རྣམ་སྤངས་ནས། ། ལོ་སྟོང་བྱེ་བར་ནགས་དང་རི་སུལ་ན།། རྩེ་གཅིག་སེམས་སུ་བསམ་གཏན་བྱེད་པ་རྣམས།། དེ་དག་བསམ་གཏན་བྱང་ཆུབ་མཆོག་ལ་ཞུགས།། དགེ་འདུན་སློབ་བཅས་རྒྱལ་བ་མངོན་སུམ་དུ།། བཟའ་དང་བཅའ་དང་དེ་བཞིན་ཟས་དང་སྐོམ།། ན་བའི་སྨན་ནི་མི་ཉུང་མང་པོ་དག། ཁ་ཅིག་དེ་ལྟར་སྦྱིན་པ་སྦྱིན་པར་བྱེད།། དགེ་འདུན་སློབ་བཅས་རྒྱལ་བ་མངོན་སུམ་དུ། ། དེ་དག་གོས་བརྒྱ་བྱེ་བ་སྦྱིན་པར་བྱེད།། ལ་ལ་སྟོང་ཕྲག་བྱེ་བ་རྒྱ་རི་དང་།། རིན་ཐང་མེད་པའི་གོས་རྣམས་རབ་ཏུ་འབུལ།། རིན་པོ་ཆེ་དང་དེ་བཞིན་ཙན་དན་གྱི། ། གཙུག་ལག་ཁང་ནི་བྱེ་བ་བརྒྱ་བྱས་ནས།། སྟན་དང་མལ་ཆ་མང་པོས་བརྒྱན་པ་རྣམས།། བདེ་བར་གཤེགས་པ་རྣམས་ལ་མངོན་སུམ་འབུལ།། ཀུན་དགའ་ར་བ་ཡིད་འོང་གཙང་མ་རྣམས། ། མེ་ཏོག་འབྲས་བུ་སྣ་ཚོགས་ལྡན་པ་དག། སྐྱེས་བུ་ཁྱུ་མཆོག་ཉན་ཐོས་བཅས་པ་ལ།། ལ་ལ་ཉིན་པར་བཞུགས་ཕྱིར་རབ་ཏུ་འབུལ།། དགའ་བ་སྐྱེས་ནས་སྣ་ཚོགས་རྣམ་མང་པོ། ། དེ་ལྟ་བུ་ཡི་སྦྱིན་པ་སྦྱིན་པར་བྱེད།། བྱིན་ནས་བྱང་ཆུབ་ཕྱིར་ཡང་བརྩོན་འགྲུས་བསྐྱེད།། སྦྱིན་པས་དེ་དག་བྱང་ཆུབ་མཆོག་ལ་བཞུགས།། ལ་ལ་ཞི་བའི་ཆོས་ཀྱང་རབ་འཆད་དེ།། དཔེ་དང་གཏན་ཚིགས་ཁྲག་ཁྲིག་དུ་མ་ཡིས། ། དེ་དག་སྲོག་ཆགས་བྱེ་བ་སྟོང་ལ་སྟོན།། དེ་དག་ཡེ་ཤེས་བྱང་ཆུབ་མཆོག་ལ་ཞུགས།། བྱེད་པ་མེད་པའི་ཆོས་རབ་ཤེས་པ་ནི།། གཉིས་མེད་རབ་ཞུགས་ནམ་མཁའ་མཚུངས་འདྲ་བ། ། མ་ཆགས་བདེ་བར་གཤེགས་པའི་སྲས་པོ་རྣམས།། དེ་དག་ཤེས་རབ་བྱང་ཆུབ་མཆོག་ལ་ཞུགས།། བདག་གིས་གཞན་ཡང་མཐོང་བ་འཇམ་པའི། དབྱངས།། བདེ་གཤེགས་མྱ་ངན་འདས་པའི་བསྟན་པ་ལ།། བྱང་ཆུབ་སེམས་དཔའ་བརྟན་པ་མང་བྱུང་ནས།། རྒྱལ་བའི་རིང་བསྲེལ་དག་ལ་རིམ་གྲོ་བྱེད།། མཆོད་རྟེན་བྱེ་བ་སྟོང་ཕྲག་མི་ཉུང་བ། ། ཇི་ལྟར་གངྒཱའི་ཀླུང་གི་བྱེ་མ་བཞིན།། གང་གིས་བྱེ་མའི་ཞིང་རྣམས་རྟག་བརྒྱན་པ།། རྒྱལ་སྲས་དེ་དག་བྱེད་དུ་འཇུག་པ་མཐོང་།། རིན་ཆེན་སྣ་བདུན་མཆོག་གི་རྒྱལ་མཚན་གདུགས།། དེ་ན་བྱེ་བ་སྟོང་རྣམས་བསྒྲེང་བ་ནི།། འཕང་དུ་དཔག་ཚད་ལྔ་སྟོང་ཕྱིན་པ་སྟེ།། ཁོ་ར་ཡུག་ཏུ་དཔག་ཚད་ཉིས་སྟོང་ཡོད།། རྣམ་རྒྱལ་བ་དན་བཅས་པ་འཁོར་མོར་མཛེས།། དྲིལ་དང་དྲིལ་བུ་གཡེར་ཁ་རྟག་ཏུ་འཁྲོལ། ། མེ་ཏོག་དྲི་དང་དེ་བཞིན་སིལ་སྙན་གྱིས།། ལྷ་མི་སྲིན་པོ་གནོད་སྦྱིན་རྣམས་ཀྱིས་མཆོད།། ཡོངས་འདུས་ཤིང་གི་མེ་ཏོག་རྒྱས་པ་བཞིན།། དེ་ལྟར་ཕྱོགས་བཅུ་དེ་དག་མཛེས་བྱས་ཏེ། ། རྒྱལ་བའི་རིང་བསྲེལ་དག་ལ་འདི་འདྲ་འདིར།། བདེ་གཤེགས་སྲས་ཀྱིས་མཆོད་པ་བྱེད་དུ་བཙུད།། རྒྱལ་བས་འོད་ཟེར་གཅིག་པོ་འདི་བཏང་བས།། ལྷར་བཅས་འཇིག་རྟེན་འདི་དག་རབ་རྒྱས་པ། ། བདག་དང་སྲོག་ཆགས་བྱེ་བ་མང་པོ་འདིས།། འདི་ན་འདུག་བཞིན་དེ་དག་ཐམས་ཅད་མཐོང་།། གང་གིས་འོད་ཟེར་གཅིག་པོ་དེང་བཏང་བས།། ཞིང་རྣམས་སྟོང་ཕྲག་མང་པོ་སྟོན་པ་སྟེ། ། ཀྱེ་མ་སྐྱེས་བུ་ཁྱུ་མཆོག་དེ་ཡིས་མཐུས།། ཀྱེ་མ་ཡེ་ཤེས་རྒྱ་ཆེ་ཟག་མེད་དོ།། རྨད་དུ་བྱུང་བ་ཚད་མེད་འདི་འདྲ་བའི།། ལྟས་རྣམས་མཐོང་ནས་བདག་ཅག་ངོ་མཚར་གྱུར། ། འདི་ཡི་དོན་རྣམས་འཇམ་དབྱངས་རབ་སྟོན་ཏེ།། སངས་རྒྱས་སྲས་རྣམས་ཐེ་ཙོམ་གྱུར་པ་སྩོལ།། འཁོར་བཞི་འདི་དག་རབ་ཏུ་དགའ་སེམས་ཀྱིས། ། དཔའ་བོ་ཁྱོད་དང་བདག་ལ་མངོན་པར་ལྟ།། བདེ་བར་གཤེགས་པས་དེ་རིང་ཅི་ཡི་ཕྱིར།། སྣང་བ་འདི་འདྲ་འདི་ནི་རབ་ཏུ་བཏང་།། བདེ་གཤེགས་སྲས་པོ་ཁྱོད་ཀྱིས་ལུ་སྟོན་ལ། ། དགའ་བ་བསྐྱེད་ཅིང་ཐེ་ཙོམ་རྣམ་པར་སོལ།། འདི་དག་འོད་ཟེར་རྒྱ་ཆེན་རབ་བཏང་བ།། འདི་དག་ཅི་འདྲའི་དོན་དུ་འགྱུར་བ་ཞིག། བདེ་བར་གཤེགས་པ་སྐྱེས་བུ་དམ་པ་ཡིས།། བྱང་ཆུབ་སྙིང་པོར་ཆོས་མཆོག་གང་བསྙེས་པ།། དེ་དག་འཇིག་རྟེན་མགོན་པོ་འདིར་འཆད་དམ།། བྱང་ཆུབ་སེམས་དཔའ་འདི་དག་ལུང་སྟོན་ཏམ།། ཞིང་རྣམས་སྟོང་ཕྲག་དུ་མ་གང་བསྟན་པ།། ཆུ་ན་ཅན།། མ་ས་ས་རྒྱ་ས་། འོ་ནི་ར་། རྒྱལ་མས་ལ་བྱམས་པས་ན་ནས། ནོད་སྦྱིན་སྲིན་པོ་དེ་དག་དགའ།། འཇམ་དབྱངས་འཛིན་གྱི་ནིག་ལུང་སྟོན་ཅེས།། འཁོར་རྣམས་བཞི་པོ་དེ་དག་ཤིན་ཏུ་སྡོད། དེ་ནས་འཇམ་དཔལ་གཞོན་ནུར་གྱུར་པས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚིགས་དེ་ལ་སྨྲས་པ། རིགས་ཀྱི་བུ་དག་འདི་ནི་དེ་བཞིན་གཤེགས་པ་ཆོས་ཆེན་པོ་སྒྲགས་པའི་འབེལ་བའི་གཏམ་མཛད་པར་དགོངས་པའོ། ། རིགས་ཀྱི་བུ་དག་འདི་ནི་དེ་བཞིན་གཤེགས་པས་ཆོས་ཀྱི་ཆར་ཆེན་པོ་མངོན་པར་དབབ་པ་དང་། ཆོས་ཀྱི་རྔ་ཆེན་པོ་རབ་ཏུ་བརྡུང་བ་དང་། ཆོས་ཀྱི་རྒྱལ་མཚན་ཆེན་པོ་བསྒྲེང་བ་དང་། ཆོས་ཀྱི་སྒྲོན་མ་ཆེན་པོ་རབ་ཏུ་འབར་བར་མཛད་པ་དང་། ཆོས་ཀྱི་དུང་ཆེན་པོ་རབ་ཏུ་བུད་པ། ཆོས་ཀྱི་རྔ་བོ་ཆེ་ཆེན་པོ་རབ་ཏུ་བརྡུང་བ་དང་། ཆོས་བསྟན་པ་ཆེན་པོ་མཛད་པར་དགོངས་པ་སྟེ། རིགས་ཀྱི་བུ་དག་བདག་ཇི་ལྟར་སྤོབས་པ་དང་། ཇི་ལྟར་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྔ་ལྟས་འདི་ལྟ་བུ་འདི་བདག་གིས་མཐོང་སྟེ། སྔོན་གྱི་དེ་བཞིན་གཤེགས་པ་དེ་དག་གིས་ཀྱང་། འོད་གཟེར་གྱི་སྣང་བ་འདི་བཏང་བས། བདག་ནི་འདི་ལྟར་དེ་བཞིན་གཤེགས་པ་ཡང་ཆོས་ཆེན་པོ་བསྒྲག་པའི་འབེལ་བའི་གཏམ་མཛད་པར་བཞེད་པ་དང་། ཆོས་ཆེན་པོ་བསྒྲགས་པ་ཐོས་པར་མཛད་བཞེད་པས། འདི་ལྟ་བུའི་སྔ་ལྟས་འདི་མཛད་པ་མཉམ་བྱེད་དོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་ཐམས་ཅད་དང་མི་མཐུན་པའི་ཆོས་ཀྱི་རྣམ་གྲངས་བསྒྲག་པ་བཞེད་པས། སྔ་ལྟས་ཚེ།། འཕྲུལ་ཆེན་པོ་འོད་པར་རབ་ཏུ་བཏང་བའི་སྣང་བ་འདི་སྨྲ་བུ་འང་སྟོན་ཏོ།། རིགས་ཀྱི་སུ་དག་བདག་གིས་དྲན་པ་འདས་པའི་དུས་ན། བསྐལ་བཟུངས་མེད་པའི་ཡང་ཆེས་དང་མེད་པ་ཡངས་པ་དཔག་ཏུ་མེད་པ། བསམ་གྱིས་མི་ཁྱབ་པ། དཔག་གིས་མི་ལང་བ་ཚད་མེད་པ། དེའི་ཕ་རོལ་གྱི་ཡང་ཆེས་ཕ་རོལ་ཏུ་གྱུར་པ། དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཉི་ཟླ་སྒྲོན་མ་ཞེས་བྱ་བ་འཇིག་རྟེན་དུ་བྱུང་སྟེ། དེས་ཆོས་བསྟན་པ་ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ་ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཡང་དག་པར་སྟོན་ཏེ། འདི་ལྟ་སྟེ། ཉན་ཐོས་རྣམས་ལ་ནི་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ལས་ཤིན་ཏུ་བཟླ་བའི་ཕྱིར། མྱ་ངན་ལས་འདས་པའི་མཐར་ཐུག་པ། འཕགས་པའི་བདེན་པ་བཞི་དང་ལྡན་པ། རྟེན་ཅིང་འབྲེལ་བར་འབྱུང་བ་ལ་འཇུག་པའི་ཆོས་སྟོན་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་བརྩམས་ཏེ། ཕ་རོལ་ཏུ་ཕྱིན་པ་དྲུག་དང་ལྡན་པ། ཐམས་ཅད་མཁྱེན་པའི་ཡེ་ཤེས་ཀྱི་མཐར་ཐུག་པའི་ཆོས་སྟོན་ཏོ།། རིགས་ཀྱི་བུ་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་སྒྲོན་མའི་ཕ་རོལ་གྱི་ཡང་ཆེས་ཕ་རོལ་ན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་སྒྲོན་མ་ཞེས་བྱ་བ་ཞིག་འཇིག་རྟེན་དུ་བྱུང་སྟེ། མ་ཕམ་པ་འདི་ལྟར་སྔ་རོལ་དང་སྔ་རོལ་བརྗོད་པའི་ཚུལ་འདིས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་སྒྲོན་མ་ཞེས་བྱ་བར་མཚན་གཅིག་པ། རིགས་དང་གདུང་གཅིག་པ་ཤ་སྟག་སྟེ། འདི་ལྟར་བྷཱ་ར་དྲ་ཛཱི་རིགས་སུ་མཐུན་པ་དེ་བཞིན་གཤེགས་པ་ཉི་ཁྲི་བྱུང་ངོ་།། མ་ཕམ་པ་དེ་ལ་དེ་བཞིན་གཤེགས་པ་ཉི་ཁྲི་པོ་དེ་དག་ཐོག་མའི་དེ་བཞིན་གཤེགས་པ་ནས། ཐ་མའི་དེ་བཞིན་གཤེགས་པའི་བར་དུ་དེ་དག་གིས་ཆོས་བཤད་པ་ཡང་ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱུང་བ། ཡང་དག་པར་སྟོན་ཏེ། འདི་ལྟ་སྟེ། ཉན་ཐོས་རྣམས་ལ་ནི་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ལས་ཤིན་ཏུ། བཟླ་བའི་ཕྱིར། མྱ་ངན་ལས་འདས་པའི་མཐར་ཐུག་པ། འཕགས་པའི་བདེན་པ་བཞི་དང་ལྡན་པ། རྟེན་ཅིང་འབྲེལ་བར་འབྱུང་བ་ལ་འཇུག་པའི་ཆོས་སྟོན་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་བརྩམས་ཏེ། ཕ་རོལ་ཏུ་ཕྱིན་པ་དྲུག་དང་ལྡན་པ། ཐམས་ཅད་མཁྱེད་པའི་ཡེ་ཤེས་ཀྱི་མཐར་ཐུག་པའི་ཆོས་སྟོན་ཏོ། ། མ་ཕམ་པ་འདི་ལྟར་ཡང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་སྒྲོན་མ་དེ་སྔོན་གཞོན་ནུར་གྱུར་ཅིང་ཁབ་ན་བཞུགས་པ་ལས། མངོན་པར་མ་བྱུང་བའི་ཚེ། སྲས་བརྒྱད་ཡོད་པར་གྱུར་སྟེ། འདི་ལྟ་སྟེ། རྒྱལ་བུ་གཞོན་ནུ་བློ་གྲོས་ཞེས་བྱ་བ་དང་། བཟང་པོའི་བློ་གྲོས་དང་། མཐའ་ཡས་བློ་གྲོས་དང་། དཀོན་མཆོག་བློ་གྲོས་དང་། ཁྱད་པར་བློ་གྲོས་དང་། ཐེ་ཙོམ་ཀུན་བཅོམ་དང་། དབྱངས་ཀྱི་བློ་གྲོས་དང་། རྒྱལ་བུ་གཞོན་ནུ་ཆོས་ཀྱི་བློ་གྲོས་ཞེས་བྱ་བ་ཡོད་དེ། མ་ཕམ་པ་བཅོམ་ལྡན་འདས་ཉི་ཟླ་སྒྲོན་མ་དེའི་སྲས་རྒྱལ་བུ་གཞོན་ནུ་བརྒྱད་པོ་དེ་དག་རྫུ་འཕྲུལ་ཆེན་པོར་གྱུར་ཏེ། དེ་དག་རེ་རེ་ཡང་གླིང་ཆེན་པོ་བཞི་ལ་ཀུན་ཏུ་ལོངས་སྤྱོད་པར་གྱུར་ཅིང་དེ་དག་ན་རྒྱལ་པོ་བྱེད་དོ།། དེ་དག་གིས་བཅོམ་ལྡན་འདས་དེ་ཁབ་ནས་མངོན་བྱུང་བར་ཤེས་ཤིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་ཐོས་ནས། རྒྱལ་པོའི་ལོངས་སྤྱོད་ཐམས་ཅད་སྤངས་ཏེ། བཅོམ་ལྡན་འདས་དེའི་རྗེས་སུ་རབ་ཏུ་བྱུང་ནས། ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་ཏེ་ཆོས་སྨྲ་བར་གྱུར་ཏོ།། རྒྱལ་བུ་གཞོན་ནུ་དེ་དག་རྟག་ཏུ་ཚངས་པར་སྤྱོད་ཅིང་། སངས་རྒྱས་བརྒྱ་སྟོང་མང་པོ་ལ་དགེ་བའི་རྩ་བ་བསྐྱེད་པར་གྱུར་ཏོ།། མ་ཕམ་པ་དེའི་ཚེ་ན་ཡང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་སྒྲོན་མ་དེས། ངེས་པར་བསྟན་པ་ཆེན་པོ་ཞེས་བྱ་བའི་ཆོས་ཀྱི་རྣམ་གྲངས་མདོ་སྡེ་ཤིན་ཏུ་རྒྱས་པ་ཆེན་པོ། བྱང་ཆུབ་སེམས་དཔའ་རྣམས་ལ་གདམས་པ། སངས་རྒྱས་ཐམས་ཀྱིས་ཡོངས་སུ་བཟུངས་པ་བཤད་ནས། དེའི་ཚེ་སྐད་ཅིག་བླ་ཅིག་ཡུད་ཙམ་དེ་ཉིད་ལ། འཁོར་འདུས་པ་དེ་ཉིད་དུ་ཆོས་ཀྱི་གདན་ཆེན་པོ་དེ་དག་ཉིད་ལ་སྐྱིལ་མོ་ཀྲུང་བཅས་ཏེ། མཐའ་ཡས་ངེས་པར་བསྟན་པའི་གནས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་མི་གཡོ་ཞིང་སེམས་མི་གཡོ་བར་གྱུར་ནས་བཞུགས་སོ།། བཅོམ་ལྡན་འདས་དེ་སྙོམས་པར་ཞུགས་མ་ཐག་ཏུ། བཅོམ་ལྡན་འདས་ལ་མེ་ཏོག་མནྡ་ར་དང་། མནྡ་ར་ཆེན་པོ་དང་། མཉྫུ་ཤ་ཀ་དང་། མཉྫ་ཤ་ཀ་ཆེན་པོ་དང་། ལྷའི་མེ་ཏོག་དག་གི་ཆར་ཆེན་པོ་མངོན་པར་བབ་སྟེ། བཅོམ་ལྡན་འདས་འཁོར་དང་བཅས་པ་ལ་མངོན་པར་འཐོར་རོ། ། ཐམས་ཅད་དང་ལྡན་པའི་སངས་རྒྱས་ཀྱི་ཞིང་ཡང་རྣམ་པ་དྲུག་ཏུ་རབ་ཏུ་གཡོས་པར་གྱུར་ཏེ། འགུལ་ཀུན་ཏུ་རབ་ཏུ་འགུལ། ལྡེག་ཀུན་ཏུ་རབ་ཏུ་ལྡེག། འཁྲུགས་ཀུན་ཏུ་རབ་ཏུ་འཁྲུགས་སོ།། མ་ཕམ་པ་ཡང་དེའི་ཚེ་འཁོར་དེར་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་རྣམས་དང་། རྒྱལ་ཕྲན་དང་། སྟོབས་ཀྱི་འཁོར་ལོས་སྒྱུར་བ་དང་། གླིང་བཞིའི་འཁོར་ལོས་སྒྱུར་བ་རྣམས་འདུས་ནས། འཁོད་པར་གྱུར་པ་འཁོར་དང་བཅས་པ་དེ་དག་ཐམས་ཅད་བཅོམ་ལྡན་འདས་ལ་ལྟ་ཞིང་ངོ་མཚར་དུ་གྱུར། རྨད་དུ་གྱུར། དགའ་བར་གྱུར་ཏོ།། དེ་ནས་དེའི་ཚེ་བཅོམ་ལྡན་འདས་དེ་བཞིན་གཤེགས་པ་ཉི་ཟླ་སྒྲོན་མའི་སྨིན་མཚམས་ཀྱི་བར་གྱི་མཛོད་སྤུ་ནས། འོད་ཟེར་གཅིག་བྱུང་ནས། དེ་ཤར་ཕྱོགས་སུ་སངས་རྒྱས་ཀྱི་ཞིང་ཉི་ཁྲི་བྱུང་སྟེ། སངས་རྒྱས་ཀྱི་ཞིང་དེ་དག་ཐམས་ཅད་དུ་འོད་ཟེར་དེའི་འོད་ཀྱིས་ཤིན་ཏུ་ཁྱབ་པར་སྣང་བར་གྱུར་ཏེ། མ་ཕམ་པ་འདི་ལྟ་སྟེ། དཔེར་ན། ད་ལྟར་སངས་རྒྱས་ཀྱི་ཞིང་འདི་དག་སྣང་བར་གྱུར་པ་བཞིན་ནོ།། མ་ཕམ་པ་ཡང་དེའི་ཚེ་བཅོམ་ལྡན་འདས་དེའི་ཞམ་རིང་ན་བྱང་ཆུབ་སེམས་དཔའ་བྱེ་བ་དྲག་ཉི་ཤུ་འཁོད་པ་དང་། འཁོར་དེན་ཆོས་ཉན་པ་དེ་དག་འོད་ཟེར་ཆེན་པོའི་སྣང་བ་དེས་འཇིག་རྟེན་སྣང་བར་བྱས་པ་མཐོང་ནས། ངོ་མཚར་དུ་གྱུར། རྨད་དུ་གྱུར་ཏེ། ལྟད་མོ་ཆེར་བྱུང་ངོ་།། མ་ཕམ་པ་དེའི་ཚེ་ན་ཡང་བཅོམ་ལྡན་འདས་དེའི་བསྟན་པ་ལ། བྱང་ཆུབ་སེམས་དཔའ་སེམས་དཔའ་ཆེན་པོ་འོད་མཆོག་ཅེས་བྱ་བ་བྱུང་སྟེ། དེའི་སློབ་མ་བརྒྱད་བརྒྱ་ཡོད་དོ།། བཅོམ་ལྡན་འདས་དེ་ཡང་ཏིང་ངེ་འཛིན་དེ་ལས་བཞེངས་ནས་བྱང་ཆུབ་སེམས་དཔའ་འོད་མཆོག་ལས་བརྩམས་ཏེ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་ཡང་དག་པར་སྟོན་ཏེ། བར་གྱི་བསྐལ་པ་དྲུག་ཅུ་ཚང་བར་གདན་གཅིག་ལ་བཞུགས་ནས། སྐུ་མི་སྐྱོད། སེམས་མི་གཡོ་བར་བཤད་དོ།། འཁོར་དེ་དག་ཐམས་ཅད་ཀྱང་སྟན་གཅིག་ལ་འཁོད་དེ། ལུས་མི་བསྐྱོད། སེམས་མི་གཡོ་བར་བར་གྱི་བསྐལ་པ་དྲུག་ཅུར་བཅོམ་ལྡན་འདས་དེ་ལ་ཆོས་ཉན་ཏེ། འཁོར་དེ་ན་སེམས་ཅན་འགའ་ཡང་ལུས་ངལ་བ་ཡང་མེད། སེམས་སྐྱོ་བ་ཡང་མེད་དོ།། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་ད་ཨག་པར་རྫོགས་པའི་སངས་རྒྱས་ཉི་ཟླ་སྒྲོན་མས་བར་གྱི་བསྐལ་པ་དྲུག་ཅུ་འདས་ཀྱི་བར་དུ་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་མདོ་སྡེ་ཤིན་ཏུ་རྒྱས་པ་ཆེན་པོ་བྱང་ཆུབ་སེམས་དཔའ་རྣམས་ལ་གདམས་པ། སངས་རྒྱས་ཐམས་ཅད་ཀྱིས་ཡོངས་སུ་བཟུང་བ་བཤད་ནས། སྐད་ཅིག་དེ་ཉིད་ལ་མྱ་ངན་ལས་འདའོ་ཞེས་ལྷ་དང་བཅས། བདུད་དང་བཅས། ཚངས་པ། དང་བཅས་པའི་འཇིག་རྟེན་དང་། དགེ་སྦྱོང་དང་། བྲམ་ཟེར་བཅས་པའི་སྐྱེ་དགུའི་མདུན་དུ་དགེ་སློང་དག་ངོ་ནབ་ནམ་གྱི་གང་ཐ་ན་ལ་དེ་བཞིན་གཤེགས་པ་ཕུང་པོའི་ལྷག་མ་མེད་པའི་མྱ་ངན་ལས་འདའ་བའི་དབྱིངས་སུ་ཡོངས་སུ་མྱ་ངན་ལས་འདའོ་ཞེས་གསུངས་སོ། ། མ་ཕམ་པ་དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་སྒྲོན་མ་དེས། བྱང་ཆུབ་སེམས་དཔའ་སེམས་དཔའ་ཆེན་པོ་དཔལ་གྱི་སྙིང་པོ་ཞེས་བྱ་བ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ནས། འཁོར་དེ་དག་ཐམས་ཅད་ལ་བཀའ་སྩལ་པ། དགེ་སློང་དག་བྱང་ཆུབ་སེམས་དཔའ་དཔལ་གྱི་སྙིང་པོ་འདི་ངའི་འོག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲི་མ་མེད་པའི་སྤྱན་ཞེས་བྱ་བར་འགྱུར་རོ་ཞེས་གསུངས་སོ།། མ་པ་ཧམ་པ་དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་སྒྲོན་མ་དེའི་ནུབ་མོ་ནམ་གྱི་གུང་ཐུན་ལ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་དེ་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་འོད་མཆོག་དེས་བླངས་ཏེ། བར་གྱི་བསྐལ་པ་བརྒྱད་ཅུའི་བར་དུ་བཅོམ་ལྡན་འདས་མྱ་ངན་ལས་འདས་པ་དེའི་བསྟན་པ་ལ་ཡང་དག་པར་བསྟན་ཏོ།། མ་ཕམ་པ་དེ་ལ་བཅོམ་ལྡན་འདས་དེའི་སྲས་བློ་གྲོས་ལ་སོགས་པ་བརྒྱད་པོ་དེ་དག། བྱང་ཆུབ་སེམས་དཔའ་བོད་མཆོག་དེའི་སློབ་མར་གྱུར་ཏེ། དེས་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ།། དེ་དག་གིས་དེའི་འོག་ཏུ་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་མཐོང་སྟེ། བཀུར་བསྟི་བྱས་ནས་དེ་དག་ཐམས་ཅད་ཀྱ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། དེ་དག་གི་ཐ་མ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ཡིན་ནོ།། སློབ་མ་བརྒྱད་བརྒྱ་པོ་དེ་དག་ལས་གཅིག་རྙེད་པ་ལ་རབ་ཏུ་གདུ་བ། བཀུར་སྟི་ལ་གདུ་བ། ཤེས་ཀྱི་ཁེ་ལ་གདུ་བ། གྲགས་པ་འདོད་པས་དེ་ལ་བསྟན་པ། བསྟན་པའི་ཚིག་དང་ཡི་གེ་མི་ཟིན། མི་ཆགས་ཏེ། དེའི་མིང་ཡང་གྲགས་འདོད་ཅེས་བྱ་བར་གྱུར་ཏོ། ། དེས་ཀྱང་དགེ་བའི་རྩ་བ་དེས་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་མཉེས་པར་བྱས་སོ།། མཉེས་པར་བྱས་ནས་བསྟི་སྟང་བྱས། བཙུན་པར་བྱས། རི་མོར་བྱས།། མཆོད་པ་དང་། བཀུར་བ་དང་། རིམ་གྲོ་བྱས་སོ།། མ་ཕམ་པ་དེའི་ཚེ་དེའི་དུས་ན་བྱང་ཆུབ་སེམས་དཔའ་འོད་མཆོག་ཅེས་བྱ་བ་ཆོས་སྨྲ་བར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་སོམ་ཉི་འམ་ཡིད་གཉིས་སམ་ཐེ་ཙོམ་ཟ་བར་གྱུར་ན་དེ་ལྟར་མི་བལྟའོ། ། དེ་ཅིའི་ཕྱིར་ཞེ་ན། ཁོ་བོ་དེའི་ཚེ་དེའི་དུས་ན་བྱང་ཆུབ་སེམས་དཔའ་འོད་མཆོག་ཅེས་བྱ་བ་ཆོས་སྨྲ་བར་གྱུར་ཏོ།། གང་ཡང་བྱང་ཆུབ་སེམས་དཔའ་གྲགས་འདོད་ཅེས་བྱ་བ་ལེ་ལོ་ཅན་དུ་གྱུར་པ་དེ་ནི། མ་ཕམ་པ་ཁྱོད་ཉིད་དེའི་ཚེ་དེའི་དུས་ན། བྱང་ཆུབ་སེམས་དཔའ་གྲགས་འདོད་ཅེས་བྱ་བ་ལ་ལོ་ཅན་དུ་གྱུར་པ་ཡིན་ནོ། ། མ་ཕམ་པ་དེ་ལྟར་ཁོ་བོས་རྣམ་གྲངས་འདིས་ནི། བཅོམ་ལྡན་འདས་ཀྱི་སྔ་ལྟས་འདི་ལྟ་བུའི་འོད་ཟེར་བཏང་བ་མཐོང་ནས། བཅོམ་ལྡན་འདས་ཀྱང་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་མདོ་སྡེ་ཤིན་ཏུ་རྒྱས་པ་ཆེན་པོ་དེ་བཤད་པར་བཞེད་པ་སྙམ་བྱེད་དོ། ། དེ་ནས་འཇམ་དཔལ་གཞོན་ནུར་གྱུར་པས་དོན་དེ་ཉིད་རྒྱས་པར་སྟོན་ཅིང་དེའི་ཚེ་ཚིགས་སུ་བཅད་པ་འདི་དག་སྨྲས་སོ། ། འདས་པའི་དུས་རྣམས་རྗེས་སུ་དྲན་པ་ནི།། ཚད་མེད་བསམ་གྱིས་མི་ཁྱབ་བསྐལ་པ་ན།། དེ་ཚེ་རྒྱལ་བ་བྱུང་བ་སྐྱེ་དགུའི་མཆོག་མཚན་ནི་ཉི་ཟླ་སྒྲོན་མ་ཞེས་བྱ་བ། ། སྐྱེ་དགུ་འདྲེན་པ་དེ་ནི་ཆོས་སྟོན་ཏེ།། སེམས་ཅན་མཐའ་ཡས་བྱེ་བ་རྣམ་པར་འདུལ།། བྱང་ཆུབ་སེམས་དཔའ་མཐའ་ཡས་བྱེ་བ་སྟོང་།། མང་པོ་དེ་དག་ཡེ་ཤེས་ཡང་དག་འཛུད། ། རྣམ་པར་འདྲེན་པ་གཞོན་ནུར་གྱུར་པ་ཡི།། དེ་ཚེ་དེ་ཡི་སྲས་གྱུར་བརྒྱད་པོ་དག། ཐུབ་ཆེན་རབ་ཏུ་བྱུང་བ་དེ་མཐོང་ནས།། འདོད་སྤངས་ཐམས་ཅད་མྱུར་བར་རབ་ཏུ་བྱུང་། ། འཇིག་རྟེན་མགོན་པོ་དེ་ཡིས་ཆོས་བཤད་པ།། མཐའ་ཡས་ངེས་པར་བསྟན་པ་མདོ་སྡེ་མཆོག། དེ་མིང་ཤིན་ཏུ་རྒྱས་པའི་སྡེ་ཞེས་བྱ།། སྲོག་ཆགས་སྟོང་ཕྲག་བྱེ་བ་དག་ལ་སྟོན། ། རྣམ་པར་འདྲེན་པ་དེ་ཡིས་བཤད་མ་ཐག། དེ་ཚེ་སྐད་ཅིག་སྐྱིལ་མོ་ཀྲུང་བཅས་ན།། མཐའ་ཡས་ངེས་བསྟན་ཏིང་འཛིན་དམ་པ་ལ།། ཐུབ་མཆོག་ཆོས་གདན་བཞུགས་ནས། བསམ་གཏན་མཛད།། ལྷ་ཡི་མེ་ཏོག་མ་ནྡ་ར་བ་འབབ།། མརྡུངས་པར་ནི་རྔ་ཡི་སྒྲ་ཡང་འབྱུང་།། ལྷ་དང་གནོད་སྦྱིན་པར་སྣང་གནས་འཁོད་པ།། རྐང་གཉིས་དམ་པ་ལ་ནི་མཆོད་པ་བྱེད།། ཞིང་རྣམས་ཐམས་ཅད་དེ་མ་ཐག་ཏུ་གཡོས།། དེ་ན་ངོ་མཚར་རྨད་དུ་བྱུང་བ་འགྱུར།། སྨིན་མཚམས་ནས་ནི་ཤིན་ཏུ་མཛེས་པ་ཡི།། འདྲེས་པས་འོད་གཟེར་གཅིག་པོ་རབ་བཏང་བ།། ཤར་གྱི་ཕྱོགས་སུ་འོད་ཟེར་དེ་སོང་བས།། ཞིང་རྣམས་སྟོང་ཕྲག་བཅོ་བརྒྱད་ཚངས་པ་དག། རབ་ཏུ་སྣང་བས་འཇིག་རྟེན་ཐམས་ཅད་མཛེས།། སེམས་ཅན་རྣམས་ཀྱི་ཤི་འཕོ་སྐྱེ་བ་སྟོན།། རྣམ་པར་འདྲེན་པའི་འོད་གཟེར་དེ་ཡི་མཐུས།། དེ་ལྟར་དེ་ན་ལ་ལ་རིན་ཆེན་ཞིང་།། དེ་བཞིན་ཁ་དོག་བཻ་ཌཱུཪྻ་ཡི་མདོག། བལྟ་ན་སྡུག་པ་སྣ་ཚོགས་སྣང་བར་གྱུར།། ལྷ་དང་མི་དང་དེ་བཞིན་གནོད་སྦྱིན་ཀླུ། ། ལྷ་ཡི་བུ་མོ་དྲི་ཟ་མི་འམ་ཅི།། གང་རྣམས་བདེ་བར་གཤེགས་ལ་མཆོད་བརྩོན་པ།། དེ་དག་འཇིག་རྟེན་ཁམས་ན་མཆོད་བྱེད་སྣང་།། སངས་རྒྱས་རང་བྱུང་དེ་དག་ཉིད་ཀྱང་སྣང་། ། གསེར་གྱི་མཆོད་སྡོང་ལྟ་བུར་བལྟ་ན་མཛེས།། བཻ་ཌཱུཪྻ་ཡི་དབུས་ན་གསེར་གཟུགས་བཞིན།། འཁོར་གྱི་དབུས་ན་ཆོས་ནི་རབ་ཏུ་གསུང་།། དེ་ན་ཉན་ཐོས་གྲངས་ཡོད་མ་ཡིན་ཏེ། བདེ་གཤེགས་ཉན་ཐོས་དེ་སྙེད་ཚད་མེད་པ།། སོ་སོའི་ཞིང་དུ་རྣམ་པར་འདྲེན་པ་ཡི།། འོད་ཟེར་འོད་ཀྱིས་དེ་དག་ཐམས་ཅད་སྟོན།། བརྩོན་འགྲུས་ལྡན་ཞིང་ཚུལ་ཁྲིམས་མ་ཉམས་ཏེ། ། ཚུལ་ཁྲིམས་སྐྱོན་མེད་ནོར་བུ་རིན་ཆེན་འདྲ།། མི་མགོན་སྲས་དག་རེ་ཡི་སུལ་དག་ན།། གནས་ཤིང་སྤྱོད་པ་དེ་དག་སྣང་བར་གྱུར།། བདོག་པ་ཐམས་ཅད་མ་ལུས་ཡོངས་སུ་གཏོང་།། བརྟན་པོ་བཟོད་པའི་སྟོབས་ཅན་བསམ་གཏན་དགའ།། བྱང་ཆུབ་སེམས་དཔའ་གངྒཱའི་བྱེ་སྙེད་མང་།། འོད་ཟེར་དེ་ཡིས་ཐམས་ཅད་རབ་ཏུ་སྣང་།། བསྐྱོད་པ་མེད་ཅིང་གཡོ་བ་མེད་པར་སྣང་།། བཟོད་གནས་བསམ་གཏན་དགའ་ཞིང་མཉམ་པར་གཞག། དེ་དག་བསམ་གཏན་བྱང་ཆུབ་མཆོག་ཞུགས་པ།། བདེ་བར་གཤེགས་པའི་ཐུགས་ཀྱི་སྲས་རྣམས་སྣང་།། ཡང་དག་ཞི་བ་ཟག་པ་མེད་པའི་གནས། ། ཤིན་ཏུ་ཤེས་ནས་ཡང་དག་རབ་སྟོན་ཏེ།། འཇིག་རྟེན་ཁམས་མང་དུ་ནི་ཆོས་ཀྱང་འཆད།། དེ་འདྲའི་བྱེད་པ་བདེ་གཤེགས་མཐུ་ཡིས་འབྱུང་།། ཉི་མ་ཟླ་བ་སྒྲོན་མ་དེ་ཡི་མཐུས།། སྐྱོང་བའི་འཁོར་བཞིས་དེ་དག་མཐོང་ནས་སུ།། དེ་ཚེ་ཐམས་ཅད་དགའ་བར་གནས་གྱུར་ཏེ།། འདི་ལྟ་ཅི་ཞིག་ཅེས་ནི་ཕན་ཚུན་འདྲི།། གནོད་སྦྱིན་ལྷ་མིས་དེ་མཆོད་མི་རིང་བར། ། འཇིག་རྟེན་འདྲེན་པ་ཏིང་ངེ་འཛིན་ལས་བཞེངས།། ཆོས་སྨྲ་བྱང་ཆུབ་སེམས་དཔའ་གང་མཁས་པ།། འོད་མཆོག་སྲས་ལ་དེ་ཚེ་འདི་སྐད་གསུངས།། མཁས་པ་ཁྱོད་ནི་འཇིག་རྟེན་མིག་དང་ལམ།། ང་ཡི་ཆོས་འཛིན་ཤིན་ཏུ་ཡིད་བརྟན་པ།། ཇི་ལྟར་སྲོག་ཆགས་ཕན་ཕྱིར་ངས་བཤད་པ།། ང་ཡི་ཆོས་མཛོད་འདི་ལ་ཁྱོད་མངོན་སུམ།། བྱང་ཆུབ་སེམས་དཔའ་མང་པོ་ཀུན་བཀོད་དེ།། དགའ་བར་བྱས་ཤིང་ཤིན་ཏུ་བསྔགས་བསྟོད་ནས།། བར་གྱིས་བསྐལ་པ་དྲུག་ཅུ་ཚངས་པར་ནི།། དེ་ཚེ་རྒྱལ་བ་དེ་ཡིས་ཆོས་མཆོག་བཤད། ། གདན་གཅིག་སྟེངས་བཞུགས་འཇིག་རྟེན་མགོན་པོ་དེས།། ཆོས་མཆོག་དམ་པ་དག་ནི་གང་བཤད་པ།། དེ་དག་ཐམས་ཅད་འོད་མཆོག་རྒྱལ་བའི་སྲས།། ཆོས་སྨྲར་གྱུར་པ་དེ་ཡིས་ཤིན་ཏུ་བཟུང་། ། རྒྱལ་བ་དེས་ནི་ཆོས་ཀྱི་མཆོག་བཤད་དེ།། སྐྱེ་བོ་དུ་མ་རབ་ཏུ་དགའ་བྱས་ནས།། དེ་ཡི་ཉིན་པར་ལྷར་བཅས་འཇིག་རྟེན་མདུན།། རྣམ་པར་འདྲེན་པ་དེ་ནི་འདི་སྐད་གསུངས། ། ང་ཡིས་ཆོས་ཀྱི་ཚུལ་འདི་རབ་བསྟན་ཏེ།། ཆོས་ཀྱི་རང་བཞིན་ཅི་འདྲ་བཤད་ཟིན་གྱིས།། དགེ་སློང་དོ་ནུབ་ནམ་གྱི་གུང་ཐུན་ལ།། ང་ནི་མྱ་ངན་ཟླ་བའི་དུས་ལ་བག།། ། ང་ཡི་བསྟན་པ་འདི་ལ་རབ་སྦྱོར་ལ།། བག་མེད་མ་ཡིན་དད་པ་སྙིང་པོར་གྱིས།། བསྐལ་པ་བྱེ་བ་ཁྲག་ཁྲིག་འདས་པར་ཡང་།། རྒྱལ་བ་དྲང་སྲོང་ཆེན་པོ་རྙེད་པར་དཀའ།། རྐང་གཉིས་དམ་པ་ཤིན་ཏུ་མྱུར་བར་དུ། ། མྱ་ངན་ལས་ནི་ཟླ་བའི་སྒྲ་ཐོས་ནས།། སངས་རྒྱས་སྲས་རྣམས་མང་པོ་མྱ་ངན་སྐྱེས།། སྡུག་བསྔལ་རབ་དང་ཤིན་ཏུ་ལྡན་པར་གྱུར།། སྲོག་ཆགས་བྱེ་མང་བསམ་ཡས་དེ་དག་ལ། ། མི་ཡི་དབང་པོ་རྒྱལ་པོས་དབུགས་བྱུང་བ།། མྱ་ངན་འདས་དགེ་སློང་མ་འཇིགས་ཤིག། ང་ཡི་འོག་ཏུ་སངས་རྒྱས་འབྱུང་བ་ནི།། བྱང་ཆུབ་སེམས་དཔ་དཔལ་སྙིང་མཁས་པ་འདི། ། ཟག་མེད་ཡེ་ཤེས་འདི་ནི་རྟོགས་པར་རིགས།། ང་ཡི་བྱང་ཆུབ་མཆོག་རབ་ཐོབ་འགྱུར་ཏེ།། སྤྱན་དང་ཡན་ལག་དྲི་མེད་རྒྱལ་བར་འོང་།། དེ་ཚེ་དེ་ཡི་ནམ་གྱི་གུང་ཐུན་ལ། ། རྒྱུ་ཟད་མེ་དང་འདྲ་བར་མྱ་ངན་འདས།། དེ་ཡི་སྐུ་གདུང་ཤིན་ཏུ་རྒྱས་འགྱུར་ཏེ།། མཆོད་རྟེན་བྱེ་བ་ཁྲག་ཁྲིག་མཐའ་ཡས་སོ།། དེ་ན་དགེ་སློང་དེ་བཞིན་དགེ་སློང་མ།། གང་རྣམས་བྱང་ཆུབ་མཆོག་ལ་རབ་ཞུགས་ཤིང་། ། བདེ་གཤེགས་དེ་ཡི་བསྟན་ལ་མངོན་བརྩོན་པ།། དེ་དག་མི་ཉུང་གངྒཱའི་བྱེ་མ་སྙེད།། དེ་ཚེ་ཆོས་སྨྲར་གང་གྱུར་དགེ་སློང་ནི།། གང་གིས་ཆོས་དེ་བཟུང་བ་འོད་མཆོག་སྟེ། ། བར་གྱི་བསྐལ་པ་བརྒྱད་ཅུ་ཚང་བ་དེར།། བསྐལ་པ་དེ་ལ་ཆོས་མཆོག་རབ་ཏུ་སྟོན།། དེ་ཡི་སློབ་མར་གྱུར་པ་བརྒྱད་བརྒྱ་དག། དེ་དག་ཐམས་ཅད་ཡོངས་སུ་སྨིན་པར་བྱས། ། དེ་དག་སངས་རྒྱས་བྱེ་བ་མང་པོ་མཐོང་།། དྲང་སྲོང་ཆེན་པོ་དེ་དག་བཀུར་སྟི་བྱས།། དེ་ཚེ་སྤྱད་པ་རྗེས་སུ་མཐུན་སྤྱད་ནས།། འཇིག་རྟེན་མང་པོ་ཁམས་སུ་སངས་རྒྱས་གྱུར། ། གཅིག་འོག་གཅིག་པུ་དེ་དག་རྗེས་བཞིན་དུ།། བྱང་ཆུབ་མཆོག་ཏུ་གཅིག་གིས་གཅིག་ལུང་བསྟན།། སངས་རྒྱས་དེ་དག་རིམ་གྱིས་བྱུང་བ་ཡི།། ཐ་མར་གྱུར་པ་མར་མེ་མཛད་པ་སྟེ། ། ལྷ་ཡི་ལྷ་མཆོག་དྲང་སྲོང་མང་པོས་མཆོད།། སྲོག་ཆགས་བྱེ་བ་སྟོང་ཡང་རྣམ་པར་བཏུལ།། གང་སྔོར་བདེ་བར་གཤེགས་པ་དེ་ཡི་སྲས།། དེ་ཡི་ཚེ་ན་འོད་མཆོག་ཆོས་སྨྲ་བའི།། སློབ་མ་སྲེད་དང་ལྡན་ཞིང་ལེ་ལོ་ཅན།། ཤེས་ཀྱི་ཁེ་དང་རྙེད་པ་ཚོལ་བ་དང་།། ཤིན་ཏུ་གྲངས་པའརྒྱུ་གྱུར་པ་སྟེ།། དེ་ཡི་ཁ་ཏོན་ལུང་ནས་དེ་བཞིན་ཀུན། ། དེ་ཡི་ཚེ་ན་བཤད་པ་རྣམས་མི་ཟིན།། དེ་ཡི་མིང་ཡང་འདི་ཞེས་བྱ་བར་འགྱུར།། གྲགས་པ་འདོད་ཅེས་ཕྱོགས་སུ་རྣམ་པར་གྲགས།། དེ་ཡང་དགེ་བ་རྣམས་ཀྱི་ལས་དེ་དག། འདྲེན་མར་གྱུར་པ་མངོན་པར་འདུས་བྱས་པས། ། སངས་རྒྱས་སྟོང་ཕྲག་བྱེ་བ་མཉེས་བྱས་ཏེ།། དེ་དག་མཆོད་པ་རྒྱ་ཆེར་བྱསརྗེས་སུ་མཐུན་པའི་སྤྱོད་པ་རབ་སྤྱད་ནས།། སངས་རྒྱས་ཤཱཀྱ་སེང་གེ་འདི་ཡང་མཐོང་། ། དེ་ནི་འདིར་ཡང་ཐ་མར་འབྱུང་བ་སྟེ།། རྗེས་བཞིན་བྱང་ཆུབ་མཆོག་ཀྱང་ཐོབ་འགྱུར་བ།། བྱམས་པའི་རིགས་སུ་བཅོམ་ལྡན་འདས་སུ་འགྱུར།། སྲོག་ཆགས་སྟོང་ཕྲག་བྱེ་བ་རྣམ་པར་འདུལ།། བདེ་གཤེགས་མྱ་ངན་འདས་པའི་བསྟན་པ་ལ། དེ་ཚེ་ལེ་ལོ་ཅན་དུ་གང་གྱུར་པ།། དེ་ན་དེ་འདྲར་གྱུར་པ་ཁྱོད་ཉིད་དོ།། དེ་ཚེ་ཆོས་སྨྲར་གྱུར་པ་ཁོ་བོ་སྟེ། ། ཁོ་བོས་དེ་དག་དེ་ཡི་རྒྱུ་དང་གཞིས།། ཡེ་ཤེས་གྲགས་པ་དེ་ཡི་ལྟས་བྱུང་བ།། སྔོན་ཚེ་དེ་ན་ཁོ་བོས་གྱུར་པ།། དེ་འདྲའི་ལྟས་འདི་དང་ཡང་མཐོང་བས་ན།། ངེས་པར་རྒྱལ་བའི་དབང་པོ་ཀུན་ཏུ་སྤྱན། ། ཤཱཀྱའི་རྒྱལ་ཆེན་དོན་དམ་གཟིགས་པས་ཀྱང་།། དེའི་ཚེ་ཁོ་བོས་རྣམ་གྲངས་མཆོག་ཐོབ་གང་།། དེ་དག་ཉིད་ནི་འདིས་ཀྱང་བཤད་པར་དགོངས། ། དེ་ཡི་ལྟས་ཉིད་དེ་རིང་ཡོངས་རྫོགས་ཀྱིས།། རྣམ་པར་འདྲེན་པ་རྣམས་ཀྱི་ཐབས་མཁས་པ།། ཤཱཀྱ་སེང་གེས་ཡང་དག་འཇོག་མཛད་དེ།། ཆོས་ཀྱི་དངོས་ཉིད་ཕྱག་རྒྱ་སྟོན་པར་འགྱུར།། ཐལ་མོ་སྦྱར་ཏེ་སེམས་བཟང་བརྩོན་པར་གྱིས།། འཇིག་རྟེན་ཕན་ཞིང་ཐུགས་རྩེ་སྟོན་འགྱུར་ཏེ།། མཐའ་ཡས་པ་ཡི་ཆོས་ཀྱི་ཆར་པ་འབབ།། གང་དག་བྱང་ཆུབ་ཕྱིར་ཞུགས་ངོམས་པར་མཛད།། བྱང་ཆུབ་སེམས་དཔའ་བྱང་ཆུབ་ཕྱིར་ཞུགས་པ།། གང་དག་མཁས་པ་ཉིད་ལས་སྐྱེས་གྱུར་པ།། དེ་དག་རྣམས་ཀྱི་སོམ་ཉིད་གང་ཡིན་དང་།། ཡིད་གཉིས་ཐེ་ཙོམ་གང་ཡིན་དེ་སེལ་འགྱུར།། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་ལས།། གླེང་གཞིའི་ལེའུ་ཞེས་བྱ་བ་སྟེ་དང་པོའོ།། །། བམ་པོ་གཉིས་པ།། ། དེ་ནས་བཅོམ་ལྡན་འདས་དྲན་པ་དང་ལྡན་ཞིང་མཁྱེན་བཞིན་དུ་ཏིང་ངེ་འཛིན་དེ་ལས་བཞེངས་སོ། ། བཞེངས་ནས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་རྣམས་ཀྱིས་ཐུགས་སུ་ཆུད་པ། སངས་རྒྱས་ཀྱི་ཡེ་ཤེས་ནི་ཟབ་པ། མཐོང་བར་དཀའ་བ། རྟོགས་པར་དཀའ་བ་སྟེ། ཉན་ཐོས་དང་རང་སངས་རྒྱས་ཐམས་ཅད་ཀྱིས་ཤེས་པར་དཀའོ། ། དེ་ཅིའི་ཕྱིར་ཞེ་ན། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་བསྙེན་བཀུར་མཛད་མཛད་པ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྤྱོད་པ་སྤྱད་སྤྱད་པ། ཡུན་རིང་པོ་ནས་རྗེས་སུ་ཞུགས་པ། བརྩོན་འགྲུས་མཛད་མཛད་པ་སྟེ། ངོ་མཚར་དང་རྨད་དུ་བྱུང་བའི་ཆོས་དང་ལྡན་ཞིང་ཤེས་པར་དཀའ་བའི་ཆོས་རྣམས་མཁྱེན་པའི་ཕྱིར་རོ།། ཤཱ་རིའི་བུ་དེ་བཞིནི་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ལྡེམ་པོར་དགོངས་ཏེ་བཤད་པ་ནི་ཤེ་བར་དཀའ་བའོ། ། དེ་ཅིའི་ཕྱིར་ཞེ་ན། རང་གིས་རིག་པའི་ཆོས་རྣམས་ཐབས་མཁས་པ་དང་། ཡེ་ཤེས་མཐོང་བ་དང་། རྒྱུད་དང་གཞི་དང་དམིགས་པ་དང་། ངེས་པའི་ཚིག་དང་། རྣམ་པར་རིག་བྱེད་སྣ་ཚོགས་རྣམས་ཀྱིས་ཡང་དག་པར་སྟོན་ཏེ། ཐབས་མཁས་པ་དེ་དང་། དེ་བདག་གིས་སེམས་ཅན་དེ་དང་དེ་ལ་ཆགས་པ་རྣམས་རབ་ཏུ་འགྲེལ་པའི་ཕྱིར་རོ།། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། ཐབས་མཁས་པ་ཆེན་པོ་དང་། ཡེ་ཤེས་མཐོང་བ་དམ་པའི་ཕ་རོལ་ཏུ་བྱོན་པའོ།། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་ཆགས་པ་མེད་ཅིང་ཐོགས་པ་མེད་པའི་ཡེ་ཤེས་མཐོང་བ་དང་། སྟོབས་དང་། མི་འཇིགས་པ་དང་། མ་འདྲེས་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། བསམ། གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། རྨད་དུ་བྱུང་བའི་ཆོས་ལྔ་དང་ལྡན་ཏེ། ཆོས་རྣམ་པ་སྣ་ཚོགས་ཡང་དག་པར་སྟོན་པའོ།། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་ངོ་མཚར་ཆེན་པོ་བརྙེས་པའོ། ། ཤཱ་རིའི་བུ་དེ་ཙམ་གྱིས་བཤད་པ་ཆོག་པར་གྱིས་ཤིག། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་ངོ་མཚར་མཆོག་བརྙེས་པ་སྟེ། ཤཱ་རིའི་བུ་དེ་བཞིན་གཤེགས་པས་ཆོས་གང་མཁྱེན་པའི་ཆོས་དེ་ཡང་དེ་བཞིན་གཤེགས་པས་དེ་བཞིན་གཤེགས་པ་ཉིད་ལ་འཆད་དོ། ། ཤཱ་རིའི་བུ་ཆོས་ཐམས་ཅད་ཀྱང་དེ་བཞིན་གཤེགས་པ་ཉིད་སྟོན་ཏོ།། ཆོས་ཐམས་ཅད་ཀྱང་དེ་བཞིན་གཤེགས་པ་ཉིད་ཀྱིས་མཁྱེན་ཏེ། ཆོས་དེ་དག་གང་ཡིན་པ་དང་། ཆོས་དེ་དག་ཇི་ལྟ་བུ་ཡིན་པ་དང་། ཆོས་དེ་དག་ཅི་འདྲ་བ་དང་། ཆོས་དེ་དག་གི་མཚན་ཉིད་གང་ཡིན་པ་དང་། ཆོས་དེ་དག་གི་ངོ་བོ་ཉིད་ཅི་ཡིན་པ་དང་། ཆོས་དེ་དག་གང་ཡིན་པ་དང་། ཇི་ལྟ་བུ་ཡིན་པ་དང་། ཅི་འདྲ་བ་དང་། མཚན་ཉིད་གང་ཡིན་པ་དང་། ངོ་བོ་ཉིད་ཅི་ཡིན་པ་ཡང་མཁྱེན་ཏོ།། དེ་ནས་བཅོམ་ལྡན་འདས་དོན་དེ་ཉིད་རྒྱས་པར་སྟོན་ཅིང་། དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། ལྷ་མིར་བཅས་པའི་འཇིག་རྟེན་ན།། དཔའ་བོ་ཆེན་པོ་དཔག་མེད་པ།། རྣམ་འདྲེན་སེམས་ཅན་ཐམས་ཅད་ཀྱིས། རྣམ་པ་ཀུན་ཏུ་ཤེས་མི་ནུས།། དེ་དག་སྟོབས་དང་རྣམ་ཐར་དང་།། འཇིགས་མེད་གང་དག་ཅི་འདྲ་དང་།། སངས་རྒྱས་ཆོས་རྣམས་ཅི་འདྲ་བ།། སུས་ཀྱང་ཤེས་པར་མི་ནུས་སོ།། སངས་རྒྱས་། བྱེ་བའི་གན་དག་ན།། ཟབ་ཅིང་ཤིན་ཏུ་ཕྲ་བ་དང་།། རིག་དཀའ་མཐོང་བར་དཀའ་བ་ཡིན།། སྤྱོད་པ་དག་ནི་སྔན་ཆད་བསྙེན།། བསྐལ་པ་བྱེ་བ་བསམ་ཡས་སུ།། སྤྱོད་པ་དེ་དག་སྤྱད་པ་ཡི།། འབྲས་བུ་དེ་ནི་ཅི་འདྲ་བ།། བྱང་ཆུབ་སྙིང་པོར་ངས་མཐོང་ངོ་།། དེ་ནི་འཇིག་རྟེན་རྣམ་འདྲེན་པ།། གཞན་དག་དང་ནི་ངས་ཀྱང་དེ།། ཇི་ལྟ་ཡིན་དང་ཅི་འདྲ་དང་།། དེ་ཡི་མཚན་ཉིད་ཅི་འདྲ་ཤེས།། དེ་ནི་བསྟན་དུ་མི་ནུས་ཏེ།། དེ་ནི་བརྗོད་དུ་ཡོང་མེད་དོ།། མོས་པ་ལ་ནི་གང་གནས་པ།། བྱང་ཆུབ་སེམས་དཔའ་མ་གཏོགས་པར།། གང་ལ་ཆོས་དེ་བསྟན་པ་དང་།། བསྟན་པ་དག་ཀྱང་ཤེས་པ་ཡི། ། དེ་འདྲའི་སེམས་ཅན་སུ་ཡང་ནི།། འཇིག་རྟེན་དག་ན་ཡོད་མ་ཡིན།། གང་དག་འཇིག་རྟེན་མཁྱེན་པའི་ཉན་ཐོས་པ།། ལྷག་པར་བྱས་པ་བདེ་བར་གཤེགས་པས་བསྔགས།། ཟག་ཟང་ཐ་མའི་ལུས་འཛིན་དེ་དག་གི། ཡུལ་ནི་རྒྱལ་བའི་ཡེ་ཤེས་འདི་ལ་མེད།། གལ་ཏེ་འཇིག་རྟེན་འདི་དག་ཐམས་ཅད་དུ།། ཤཱ་རིའི་བུ་གང་འདྲ་བར་དེ་གྱུར་ཏེ།། གཅིག་ཏུ་འདུས་པར་གྱུར་ནས་རྣམ་བསམས་ཀྱང་། ། དེ་དག་བདེ་གཤེགས་ཡེ་ཤེས་ཤེས་མི་ནུས།། གལ་ཏེ་ཁྱོད་དང་འདྲ་བའི་མཁས་རྣམས་ཀྱིས།། ཕྱོགས་རྣམས་བཅུར་ཆུར་གང་བར་གྱུར་པ་དང་།། གང་ཡང་ང་ཡི་ཉན་ཐོས་འདི་གཞན་རྣམས། ། དེ་དག་གིས་ཀྱང་དེ་བཞིན་གང་གྱུར་ཏེ།། དེ་དག་ཐམས་ཅད་གཅིག་ཏུ་དེང་འདུས་ནས།། བདེ་བར་གཤེགས་པའི་ཡེ་ཤེས་རྣམ་བསམས་ཀྱང་།། ཅི་ཙམ།། ཚད་མེད་ཡེ་ཤེས་ངས་ཤེས་པ།། ཐམས་ཅད་འདུས་པས་ཤེས་པར་མི་ནུས་སོ།། ཟག་པ་མེད་པར་གྱུར་པའི་རང་སངས་རྒྱས།། དབང་པོ་རྣོ་བའི་ཐ་མའི་ལུས་འཛིན་པས།། ཇི་ལྟར་སྨིག་དང་འདམ་བུའི་ཚལ་བཞིན་དུ། ། ཕྱོགས་བཅུ་ཐམས་ཅད་གང་བར་གྱུར་པ་དག། གཅིག་ཏུ་འདུས་ནས་རྣམ་པར་བསམ་བྱས་ཀྱང་།། ང་ཡི་ཆོས་ཀྱི་མཆོག་གི་ཕྱོགས་ཙམ་ཡང་།། བསྐལ་པ་བྱེ་བ་ཁྲག་ཁྲིག་མཐའ་ཡས་སུ། ། དེ་ཡི་ཡང་དག་དོན་ནི་ཡོངས་མི་ཤེས།། བྱང་ཆུབ་སེམས་དཔའ་ཐེག་པར་གསར་ཞུགས་པ།། སངས་རྒྱས་བྱེ་བ་མང་ལ་བྱ་བ་བྱས།། ཤིན་ཏུ་ངེས་དོན་ཆོས་སྨྲ་མང་པོ་རྣམས། ། དེ་དག་གིས་ཀྱང་ཕྱོགས་བཅུ་གང་གྱུར་ཏེ།། སྨིག་དང་འདམ་བུ་བཞིན་དུ་འཇིག་རྟེན་ཀུན།། བར་མཚམས་མེད་པར་རྟག་ཏུ་གང་གྱུར་ལ།། གཅིག་ཏུ་འདུས་ནས་རྣམ་པར་སེམས་བྱེད་ཅིང་། ། ཤེས་རབ་ཕྲ་བས་གཞན་དུ་མི་སེམས་པར།། བསྐལ་པ་བྱེ་བ་མང་པོ་དཔག་མེད་པ།། གངྒཱའི་བྱེ་མ་སྙེད་དུ་བསམས་བྱས་ཀྱང་།། ཆོས་གང་བདེ་བར་གཤེགས་པས་མངོན་གཟིགས་པ། ། འདི་ལ་དེ་དག་རྣམས་ཀྱི་ཡུལ་མེད་དོ།། ཕྱིར་མི་ལྡོག་པའི་བྱང་ཆུབ་སེམས་དཔའ་གང་།། མི་ཉུང་གངྒཱའི་བྱེ་མ་སྙེད་རྣམས་ཀྱིས།། གཞན་དུ་མི་སེམས་རྣམ་པར་བསམས་བྱས་ཀྱང་། ། དེ་ལ་དེ་དག་གི་ཡང་ཡུལ་མེད་དོ།། ཟབ་ཅིང་ཤིན་ཏུ་ཕྲ་བའི་ཆོས་རྟོགས་ཤིང་།། རྟོག་པ་མེད་ལ་ཐམས་ཅད་ཟག་མེད་པ།། ཕྱོགས་བཅུའི་འཇིག་རྟེན་རྒྱལ་བ་དེ་དག་དང་།། ངས་ནི།། ། འདི་ན་དེ་དག་ཇི་འདྲ་ཤེས།། གཞན་མིན་གསུང་བ་རྒྱལ་བ་དྲང་སྲོང་ཆེ།། ཡུན་རིང་དུས་ན་མཆོག་གི་དོན་འཆད་ཀྱིས།། བདེ་བར་གཤེགས་པས་གང་བསྟན་དེ་ལ་ནི།། མོས་པ་ཕུན་སུམ་ཚོགས་བྱོས་ཤཱ་རིའི་བུ། ། ཉན་ཐོས་པ་ནི་འདི་དག་ཐམས་ཅད་དང་།། རང་སངས་རྒྱས་སུ་མི་གང་ཞུགས་པ་དང་།། མྱ་ངན་འདས་ལ་ངས་ནི་གང་བཀོད་ཅིང་།། སྡུག་བསྔལ་རྒུད་ལས་ཡང་དག་བཀྲོལ་ལ་བསྒོ། ། གང་ཕྱིར་འཇིག་རྟེན་དུ་ནི་ཆོས་མང་བཤད།། དེ་དང་དེ་ལ་ཆགས་པ་རབ་བཀྲོལ་ཞིང་།། ཐེག་པ་གསུམ་དག་ཉེ་བར་བསྟན་པ་ནི།། དེ་དག་ང་ཡི་ཐབས་མཁས་མཆོག་ཡིན་ནོ།། དེ་ནས་འཁོར་དེ་ན་ཀུན་ཤེས་ཀོའུ་དི་ནྱ་ལ་སོགས་པ་ཉན་ཐོས་ཆེན་པོ་གང་དག་དགྲ་བཅོམ་པ། ཟག་པ་ཟད་པ། དབང་དང་ལྡན་པར་གྱུར་པ། སྟོང་ཉིས་བརྒྱ་དང་གཞན་ཡང་གང་དག་ཉན་ཐོས་ཀྱི་ཐེག་པ་ལ་ཞུགས་པའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་དང་། གང་ཡང་རང་སངས་རྒྱས་ཀྱི་ཐེག་པ་ལ་ཞུགས་པ་དེ་དག་ཐམས་ཅད་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་དེ་བཞིན་གཤེགས་པ་རྣམས་ཀྱི་ཐབས་མཁས་པ་ཆེར་བསྔགས་པ་དང་། ཆོས་ཟབ་མོ་དེ་ཡང་མངོན་པར་རྫོགས་པར་སངས་རྒྱས་སོ་ཞེས་གསུང་ཞིང་། ཉན་ཐོས་དང་རང་སངས་རྒྱས་ཐམས་ཅད་ཀྱིས་ཤེས་པར་དཀའོ་ཞེས་གསུངས་པའི་རྒྱུ་ནི་གང་གཞི་ནི་ཅི་ཞིག། འདི་ལྟར་བཅོམ་ལྡན་འདས་ཀྱིས་རྣམ་པར་གྲོལ་བ་གཅིག་གོ་ཞེས་བཀའ་སྩལ་ཏེ། བདག་ཅག་རྣམས་ཀྱང་སངས་རྒྱས་ཀྱི་ཆོས་རྣམས་རྙེད་པར་འགྱུར་ཞིང་མྱ་ངན་ལས་འདས་པ་མ་ཡིན་མོད་ཀྱི། བཅོམ་ལྡན་འདས་ཀྱིས་གསུངས་པ་དེའི་དོན་བདག་ཅག་གིས་མ་རིག་གོ་སྙམ་མོ། ། དེ་ནས་ཚེ་དང་ལྡན་པ་ཤཱ་རིའི་བུས་འཁོར་བཞི་པོ་དེ་དག་སོམ་ཉིད་དང་ཐེ་ཙོམ་ཟ་བར་རིག་སྟེ། སེམས་ཀྱི་རྣམ་པར་རྟོག་པ་སེམས་ཀྱིས་ཤེས་ནས། བདག་ཉིད་ཀྱང་ཆོས་ལ་ཐེ་ཙོམ་ཟ་བར་གྱུར་ཏེ། དེའི་ཚེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འདི་ལྟར་བཅོམ་ལྡན་འདས་ཀྱིས་དེ་བཞིན་གཤེགས་པ་རྣམས་ཀྱི་ཐབས་མཁས་པ་མཁྱེན་པའི་ཆོས་བསྟན་པ་ཡང་དང་ཡང་བསྔགས་པ་མཛད་པ་དང་། ཆོས་ཟབ་མོ་ངས་མངོན་པར་རྫོགས་པར་སངས་རྒྱས་སོ་ཞེས་བགྱི་བ་དང་། ལྡེམ་པོར་དགོངས་ཏེ་བཤད་པ་ཡང་ཤེས་པར་དཀའོ་ཞེས་ཡང་དང་ཡང་གསུང་བའི་རྒྱུ་གང་ལགས། རྐྱེན་གང་ལགས། བདག་གིས་བཅོམ་ལྡན་འདས་ལས་ཆོས་ཀྱི་རྣམ་གྲངས་འདི་ལྟ་བུ་སྔན་ཆད་མ་ཐོས་ཏེ། བཅོམ་ལྡན་འདས་འཁོར་བཞི་པོ་འདི་དག་ཀྱང་ཐེ་ཙོམ་དང་སོམ་ཉི་འཚལ་ན་དེ་བཞིན་གཤེགས་པས་ཅི་ལ་དགོངས་ཏེ། དེ་བཞིན་གཤེགས་པས་ཆོས་ཟབ་མོ་ཡང་དང་ཡང་གསུང་བ་མཛད་པ་དེ། བཅོམ་ལྡན་འདས་ཀྱིས་ལེགས་པར་བཤད་དུ་གསོལ། དེ་ནས་ཚེ་དང་ལྡན་པ་ཤཱ་རིའི་བུས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ།། སྟོབས་དང་རྣམ་ཐར་བསམ་གཏན་དག། དཔག་ཏུ་མེད་པ་ངས་ཐོབ་ཅེས། ། རིང་ནས་མི་ཡི་ཉི་མ་ཡི།། དེང་གདོད་བཀའ་མཆིང་འདི་འདྲ་མཛད།། ཁྱོད་ལ་ཞུ་བ་མ་མཆིས་པར།། བྱང་ཆུབ་སྙིང་པོའང་བརྗོད་པ་མཛད།། ཁྱོད་ལ་སུའང་མི་ཞུ་བར། ། ལྡེམ་པོར་དགོངས་ཏེ་བཤད་པ་མཛོད།། མ་ཞུས་པར་ནི་གསུང་མཛད་དེ།། ཉིད་ཀྱི་སྤྱོད་པ་བསྔགས་པ་མཛད།། ཡེ་ཤེས་བརྙེས་པ་བརྗོད་མཛད་ཅིང་།། ཟབ་མོ་དག་ཀྱང་རབ་བཤད་པས། ། དབང་ལྡན་གྱུར་ཅིང་ཟག་མེད་པ།། མྱ་ངན་འདས་པ་གང་ཞུགས་རྣམས།། རྒྱལ་བ་ཅི་ཞིག་གསུང་སྙམ་སྟེ།། དེ་རིང་འདི་དག་ཐེ་ཙོམ་གྱུར།། རང་རྒྱལ་བྱང་ཆུབ་གང་འཚལ། བ།། དགེ་སློང་དེ་བཞིན་དགེ་སློང་མ།། ལྷ་དང་ཀླུ་དང་གནོད་སྦྱིན་དང་།། ལྟོ་འཕྱེ་ཆེ་དང་དྲི་ཟ་དག། ཐེ་ཙོམ་འཚལ་ཞིང་རྣམ་སེམས་ཏེ།། དེ་དག་ཕན་ཚུན་ཏམ་མཆི་ཞིང་།། རྐང་གཉིས་མཆོག་ལ་རབ་ལྟན། ། ཐུབ་པ་ཆེན་པོ་ལུང་བསྟན་གསོལ།། བདེ་བར་གཤེགས་པའི་ཉན་ཐོས་རྣམས།། འདི་ན་ཇི་སྙེད་མཆིས་པ་ཀུན།། དེ་ཡི་ནང་ན་བདག་མཆོག་ཅེས།། དྲང་སྲོང་མཆོག་གིས་བསྟན་ལགས་ན།། མི་ཡིགཙོ་བ་ཉིད་ཀྱི་གནས།། འདི་ལ་བདག་ཀྱང་ཐེ་ཙོམ་འཚལ།། མྱ་ངན་འདས་ཐར་བདག་ཕྱིན་ཏམ།། འོན་ཏེ་བདག་ལ་སྤྱོད་བསྟན་ཏམ།། རྔ་མཆོག་དབྱངས་ཀྱིས་རབ་ཏུ་གསུང་ཕྱུང་སྟེ། ། ཆོས་འདི་ཇི་ལྟ་ལགས་པ་བཤང་དུ་གསོལ།། རྒྱལ་སྲས་ཐུགས་སྲས་མཆིས་པ་འདི་དག་རྣམས།། ཐལ་མོ་སྦྱར་བ་བགྱིས་ནས་རྒྱལ་བ་ལྟ།། ལྷ་དང་ཀླུ་དང་གནོད་སྦྱིན་སྲིན་པོར་བཅས། ། བྱེ་བ་སྟོང་ཕྲག་གངྒཱའི་བྱེ་མ་སྙེད།། བྱང་ཆུབ་མཆོག་འདི་འཚལ་བ་གང་ལགས་པ།། བརྒྱད་ཁྲི་ཚང་བར་གང་མཆིས་དེ་དག་དང་།། ས་བདག་འཁོར་ལོས་སྒྱུར་བའི་རྒྱལ་པོ་གང་། ། བྱེ་བ་སྟོང་གི་ཞིང་ནས་ལྷགས་པ་དག། སྤྱོད་པ་ཇི་ལྟར་ཡོངས་སུ་རྫོགས་བགྱི་ཞེས།། ཐམས་ཅད་ཐལ་མོ་སྦྱར་ཏེ་གུས་པར་མཆིས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་རིའི་བུ་དོན་འདི་བཤད་པས་ཅི་ཞིག་བྱ།། དེ་ཅིའི་ཕྱིར་ཞེ་ན། ཤཱ་རིའི་བུ་དོན་འདི་བཤད་ན་ལྷ་དང་བཅས་པའི་འཇིག་རྟེན་འདི་དངངས་པར་འགྱུར་རོ། ། ཡང་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་ལན་གཉིས་སུ་གསོལ་བ་བཏབ་པ། དོན་འདི་ཉིད་བཅོམ་ལྡན་འདས་བཤད་དུ་གསོལ། བདེ་བར་གཤེ་བ་བཤད་དུ་གསོལ། དེ་ཅིའི་སླད་དུ་ཞེ་ན། བཅོམ་ལྡན་འདས་འཁོར་དེ་ན་སྲོག་ཆགས་བརྒྱ་ཕྲག་མང་པོ། སྲོག་ཆགས་སྟོང་ཕྲག་མང་པོ་སྲོག་ཆགས་བརྒྱ་སྟོང་ཕྲག་མང་པོ། སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་སྔོན་གྱི་སངས་རྒྱས་མཐོང་བ། ཤེས་རབ་དང་ལྡན་པ་གང་དག་བཅོམ་ལྡན་འདས་ཀྱིས་བཤད་པ་ལ་དད་པ་དང་། ཡིད་ཆེས་པ་དང་། འཛིན་པར་འགྱུར་བ་མཆིས་སོ།། དེ་ནས་དེའི་ཚེ་ཚེ་དང་ལྡན་པ་ཤཱ་རིའི་བུས་ཚིགས་སུ་བཅད་པ་འདི་གསོལ་ཏོ།། སྲོག་ཆགས་སྟོང་རྣམས་འཁོར་ན་མཆིས་པ་དག་ད་དགའ་བདེ་བར་གཤེགས་ལ་གུས་པ་སྟེ། ། ཁྱོད་ཀྱིས་ཆོས་བསྟན་དེ་དག་འཚལ་བར་འགྱུར།། མི་དབང་རྒྱལ་པོ་གསལ་བར་བཤད་དུ་གསོལ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་ལན་གཉིས་སུ་ཡང་འདི་སྐད་ཅེས་བཀའ་སྩལ་ཏོ། ། ཤཱ་རིའི་བུ་དོན་འདི་བཤང་པས་ཅི་ཞིག་བྱ།། ཤཱ་རིའི་བུ་དོན་འདི་བཤད་ན་ལྷ་དང་བཅས་བའི་འཇིག་རྟེན་འདི་དངངས་པར་འགྱུར་ཏེ། དགེ་སློང་ལྷག་པའི་ང་རྒྱལ་ཅན་དུ་གྱུར་པ་རྣམས།། གཡངས་ཆེན་པོར་ལྷུང་བར་འགྱུར་རོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། ། ང་ཡི་ཆོས་འདི་བཤད་པས་ཆོག། ཡེ་ཤེས་འདི་ཕྲ་བརྟག་མི་ནུས།། བྱིས་པ་མྱང་འཁོད་དང་རྒྱལ་ཅན།། ང་ཡི་ཆོས་བཤད་མི་ཤེས་སྤོང་། དེ་ནས་ཚེ་དང་ལྡན་པ་ཤཱ་རིའི་བུས། བཅོམ་ལྡན་འདས་ལ་ལན་གསུམ་དུ་ཡང་གསོལ་བ་བཏའ་པ། དོན་འདི་ཉིད་བཅོམ་ལྡན་འདས་བཤད་དུ་གསོལ། བདེ་བར། གཤེགས་པ་བཤད་དུ་གསོལ། བཅོམ་ལྡན་འདས་འཁོར་འདི་ན་བདག་དང་འདྲ་བ་བརྒྱ་ཕྲག་མང་དུ་མཆིས་སོ།། བཅོམ་ལྡན་འདས་སྲོག་ཆགས་བརྒྱ་ཕྲག་མང་པོ། གྲོག་ཆགས་སྟོང་ཕྲག་མང་པོ། སྲོག་ཆགས་བརྒྱ་སྟོང་ཕྲག་མང་པོ། སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་གང་དག། བཅོམ་ལྡན་འདས་ཀྱིས་སྔོན་གྱི་སྲིད་པ་དག་ན། ཡོངས་སུ་སྨིན་པར་མཛད་པ་གཞན་དག་ཀྱང་མཆིས་ཏེ། བཅོམ་ལྡན་འདས་ཀྱིས་བཤད་པ་ལ་དད་པར་འགྱུར། ཡིད་ཆེས་པར་འགྱུར། འཛིན་པར་འགྱུར་རོ།། དེ་ཡང་དེ་དག་གི་ཡུན་རིང་པོའི་དོན་དང་སྨན་པ་དང་བདེ་བར་འགྱུར་རོ། ། དེ་ནས་ཚེ་དང་ལྡན་པ་ཤཱ་རིའི་བུས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ།། རྐང་གཉིས་རྣམས་ཀྱི་མཆོག་གིས་ཆོས་བཤད་གསོལ། ། ཁྱོད་ལ་སྲས་ཀྱི་ཐུབ་བོ་བདག་གསོལ་པ།། འདི་ན་སྲོག་ཆགས་བྱེ་བ་སྟོང་མཆིས་པ།། དེ་དག་ཁྱོད་ཀྱིས་ཆོས་བཤད་འདི་དད་འགྱུར།། སྔོན་གྱི་སྲིད་པ་རྣམས་སུ་ཁྱོད་ཀྱིས་གང་། ། སུན་རིང་རྟག་ཏུ་སེམས་ཅན་སྨིན་མཛད་པ།། དེ་ཀུན་ཐལ་མོ་སྦྱར་ཏེ་འདི་ན་མཆིས།། དེ་དག་ཆོས་འདི་ལ་ནི་དད་པར་འགྱུར།། བདག་འདྲ་བརྒྱ་ཕྲག་བཅུ་གཉིས་འདི་དག་དང་། གང་དག་བྱང་ཆུབ་མཆོག་ཏུ་ཞུགས་པ་དག། དེ་ལ་གཟིགས་ནས་བདེར་གཤེགས་རབ་བཤད་དེ།། དེ་དག་དགའ་བ་མཆོག་ཀྱང་བསྐྱེད་དུ་གསོལ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུས་ལན་གསུམ་དུ་གསོལ་བ་བཏབ་པ་མཁྱེན་ནས། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་རིའི་བུ་འདི་ལྟར་དེ་བཞིན་གཤེགས་པ་ལ་2་གསུམ་གྱི་བར་དུ་གསོལ་བ་འདེབས་ན། ཤཱ་རིའི་བུ་དེ་ལྟར་གསོལ་བ་འདེབས་པ་ཁྱོད་ལ་ཇི་སྐད་བྱས། ཤཱ་རིའི་བུ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བ་དོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་མ་ཐག་ཏུ། འཁོར་དེ་ནས་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ལྷག་པའི་ང་རྒྱལ་ཅན་ལྔ་སྟོང་སྟན་ལས་ལངས་ཏེ། བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་འཚལ་ཏེ་འཁོར་དེ་ནས་དོང་ངོ་།། འདི་ལྟར་ལྷག་པའི་ང་རྒྱལ་ཅན་གྱིས་དགེ་བའི་རྩ་བ་མ་ཐོབ་པར་ནི་ཐོབ་པར་འདུ་ཤེས། ཁོང་དུ་མ་ཆུད་པར་ནི་ཁོང་དུ་ཆུད་པར་ཤེས་པ་དེ་དག་རང་གི་སྐྱོན་ཤེས་ཏེ། འཁོར་དེ་ནས་དོང་བ་ལ་བཅོམ་ལྡན་འདས་ཀྱིས་ཅང་མི་གསུང་བར་གྱུར་པས་གནང་ངོ་།། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་རིའི་བུ་ངའི་འཁོར་ཤིན་ཏུ་མུ་མེད་པར་གྱུར་ཏེ། ཤཱ་རིའི་བུ་སྙིང་པོ་མ་ཡིན་པ་མེད་པར་གྱུར་ལ། དང་། པའི་སྙིང་པོ་ལ་གནས་ཏེ། ལྷག་པའི་ང་རྒྱལ་ཅན་དེ་དག་དོང་བ་ཡང་ལེགས་སོ།། ཤཱ་རིའི་བུ་དེ་ལྟ་བས་ན་དེའི་དོན་བ་ཤད་དོ།། བཅོམ་ལྡན་འདས་ལེགས་སོ་ཞེས་གསོལ་ནས། ཤཱ་རིའི་བུ་བཅོམ། ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། ཤཱ་རིའི་བུ་དེ་བཞིན་གཤེགས་པ་ནི་བརྒྱ་ལ་རེས་འགའ་ཞིག་འདི་ལྟ་བུ་ཡི་ཆོས་བསྟན་པ་གསུང་ངོ་། ། འདི་ལྟ་སྟེ་དཔེར་ན། ཨུ་དུམ་ཝཱ་རའི་ཚལ་ནི་བརྒྱ་ལ་རེས་འགའ་འབྱུང་ངོ་།། ཤཱ་རིའི་བུ་དེ་བཞིན་དུ་དེ་བཞིན་གཤེགས་པ་ཡང་བརྒྱ་ལ་རེས་འགའ་ཞིག་ཆོས་བསྟན་པ་འདི་ལྟ་བུ་གསུང་ངོ་། ། ཤཱ་རིའི་བུ་ང་ལ་ཡིད་ཆེས་པར་གྱིས་ཤིག། ང་ནི་བདེན་པར་སྨྲ་བའོ།། ང་ནི་ཡང་དག་པར་སྨྲ་བའོ།། ང་ནི་གཞན་མ་ཡིན་པར་སྨྲ་བའོ།། ཤཱ་རིའི་བུ་དེ་བཞིན་གཤེགས་པའི་ལྡེམ་པོར་དགོངས་ཏེ་བཤད་པའི་དོན་ཁོང་དུ་ཆུད་པར་དཀའོ། ། དེ་ཅིའི་ཕྱིར་ཞེ་ན། ཤཱ་རིའི་བུ་ངས་ངེས་པའི་ཚིག་དང་བསྟན་པ་དང་།། བརྗོད་པ་དང་། དཔེ་སྣ་ཚོགས་དང་། ཐབས་ལ་མཁས་པ་རྣམ་བ་བརྒྱ་སྟོང་དག་གིས་ཆོས་རབ་ཏུ་བཤད་པ་ནི་རྟག་ཏུ་མེད་ཅིང་རྟོག་གེའི་སྤྱོད་ཡུལ་མ་ཡིན་པའི་ཕྱིར་ཏེ། ཤཱ་རིའི་བུ་ཆོས་དེ་ནི་དེ་བཞིན་གཤེགས་པས་མཁྱེན་པར་བྱ་བའོ།། དེ་ཅིའི་ཕྱིར་ཞེ་ན། ཤཱ་རིའི་བུ་བྱ་བ་གཅིག་དང་བྱེད་པ་གཅིག་དང་། བྱ་བ་ཆེན་པོ་དང་། བྱེད་པ་ཆེན་པོའི་ཕྱིར་བྱ་བ་གང་དང་བྱེད་པ་གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོག་པའི་སངས་རྒྱས་འཇིག་རྟེན་དུ་འབྱུང་བའི་ཕྱིར་རོ། ། ཤཱ་རིའི་བུ་དེ་བཞིན་གཤེགས་པའི་བྱ་བ་གཅིག་པོ་དང་། བྱེད་པ་གཅིག་པོ་དང་། བྱ་བ་ཆེན་པོ་དང་། བྱེད་པ་ཆེན་པོ་དང་། བྱ་བ་གང་དང་། བྱེད་པ་གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་བ་གང་ཞེ་ན། དེ་ནི་སེམས་ཅན་རྣམས་དེ་བཞིན་གཤེགས་པའི་ཡེ་ཤེས་མཐོང་བ་ཡང་དག་པར་འཛིན་དུ་གཟུང་བའི་རྒྱུའི་ཕྱིར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་ངོ་།། སེམས་ཅན་རྣམས་ལ་དེ་བཞིན་གཤེགས་པའི་ཡེ་ཤེས་མཐོང་བ་ཡང་དག་པར་བསྟན་པའི་རྒྱུའི་ཕྱིར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་ངོ་།། སེམས་ཅན་རྣམས་ལ་དེ་བཞིན་གཤེགས་པའི་ཡེ་ཤེས་མཐོང་བ་ལ་གཞུག་པའི་རྒྱུའི་ཕྱིར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་ངོ་།། ། སེམས་ཅན་རྣམས་དེ་བཞིན་གཤེགས་པའི་ཡེ་ཤེས་མཐོང་བའི་ཁོང་དུ་ཆུད་པར་བྱ་བའི་རྒྱུའི་ཕྱིར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་ངོ་། ། སེམས་ཅན་རྣམས་དེ་བཞིན་གཤེགས་པའི་ཡེ་ཤེས་མཐོང་བའི་ལམ་དུ་གཟུང་བའི་རྒྱུའི་ཕྱིར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་སྟེ། ཤཱ་རིའི་བུ་དེ་ནི་དེ་བཞིན་གཤེགས་པའི་བྱ་བ་གཅིག་པོ་དང་། བྱེད་པ་གཅིག་པོ་དང་། བྱ་བ་ཆེན་པོ་དང་། བྱེད་པ་ཆེན་པོ་དང་། འཇིག་རྟེན་དུ་འབྱུང་བའི་དགོས་པ་གཅིག་པའོ། ། ཤཱ་རིའི་བུ་དེ་ལྟར་དེ་བཞིན་གཤེགས་པས་བྱ་བ་གཅིག་པོ་དང་། བྱེད་པ་གཅིག་པོ་དང་། བྱ་བ་ཆེན་པོ་དང་། བྱེད་པ་ཆེན་པོ་དེ་དེ་བཞིན་གཤེགས་པ་མཛད་དོ། ། དེ་ཅིའི་ཕྱིར་ཞེ་ན། ཤཱ་རིའི་བུ་ང་ནི་དེ་བཞིན་གཤེགས་པའི་ཡེ་ཤེས་མཐོང་བ་ཡང་དག་པར་འཛིན་དུ་འཇུག་པའོ།། ཤཱ་རིའི་བུ་ང་ནི་དེ་བཞིན་གཤེགས་པའི་ཡེ་ཤེས་མཐོང་བ་ཡང་དག་པར་སྟོན་པའོ། ། ཤཱ་རིའི་བུ་ང་ནི་དེ་བཞིན་གཤེགས་པའི་ཡེ་ཤེས་མཐོང་བ་ལ་འཇུག་པར་བྱེད་པའོ།། ཤཱ་རིའི་བུ་ང་ནི་དེ་བཞིན་གཤེགས་པའི་ཡེ་ཤེས་མཐོང་བ་ཁོང་དུ་ཆུད་པར་བྱེད་པའོ། ། ཤཱ་རིའི་བུ་ང་ནི་དེ་བཞིན་གཤེགས་པའི་ཡེ་ཤེས་མཐོང་བའི་ལམ་དུ་འཛུད་པའོ།། ཤཱ་རིའི་བུ་ང་ཡང་ཐེག་པ་གཅིག་ལས་བརྩམས་ཏེ། སེམས་ཅན་རྣམས་ལ་ཆོས་སྟོན་པ་འདི་ལྟ་སྟེ་སངས་རྒྱས་ཀྱི་ཐེག་པ་ཐམས་ཅད་མཁྱེན་པ་ཉིད་ཀྱི་མཐར་ཐུག་པ་སྟེ་ཐེག་པ་གཉིས་སམ་གསུམ་ཞེས་བྱ་བ་གང་ཡང་མེད་དོ། ། ཤཱ་རིའི་བུ་ཕྱོགས་བཅུའི་འཇིག་རྟེན་ཐམས་ཅད་ན་ཡང་ཆོས་ཉིད་ནི་འདིའོ། ། དེ་ཅིའི་ཕྱིར་ཞེ་ན། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་འདྲེས་པའི་དུས་ན། ཕྱོགས་བཅུའི་འཇིག་རྟེན་གྱི་ཁམ་དཔག་ཏུ་མེད་གྲངས་མེད་པ་རྣམས་སུ་བྱུང་སྟེ། སེམས་ཅན་མོས་པ་ཐ་དད་པ་དང་། ཁམས་དང་བསམ་པ་ཐ་དད་པ་རྣམས་ཀྱི་བསམ་པ་མཁྱེན་ནས། སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མི་རྣམས་ཀྱི་དོན་དང་། ཕན་པ་དང་བདེ་བའི་ཕྱིར་སྣ་ཚོགས་མངོན་པར་བསྒྲུབ་པ་བསྟན་པ་དང་རྒྱུ་དང་གཞི་དང་དཔེ་དང་། དམིགས་པ་དང་། ངེས་པའི་ཚིག་དང་། ཐབས་ལ་མཁས་པ་རྣམ་པ་སྣ་ཚོགས་ཀྱིས། ཆོས་བསྟན་པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱང་ཤཱ་རིའི་བུ་ཐེག་པ་གཅིག་ལ་བརྩམས་ནས། སེམས་ཅན་རྣམས་ལ་ཆོས་བསྟན་ཏེ། དེ་ཡང་འདི་ལྟར་སངས་རྒྱས་ཀྱི་ཐེག་པ་ཐམས་ཅད་མཁྱེན་པ་ཉིད་ཀྱི་མཐར་ཐུག་པ་སྟེ། གང་འདི་སེམས་ཅན་རྣམས་དེ་བཞིན་གཤེགས་པའི་ཡེ་ཤེས་མཐོང་བ་ཉིད་ཡང་དག་པར་འཛིན་དུ་འཇུག་པ་ཉིད། དེ་བཞིན་གཤེགས་པའི་ཡེ་ཤེས་མཐོང་བ་ཉིད་སྟོན་པ། དེ་བཞིན་གཤེགས་པའི་ཡེ་ཤེས་མཐོང་བ་ཉིད་ལ་འཇུག་པར་བྱེད་པ། དེ་བཞིན་གཤེགས་པའི་ཡེ་ཤེས་མཐོང་བ་ཉིད་ཁོང་དུ་ཆུད་པར་བྱེད་པ། སེམས་ཅན་རྣམས་དེ་བཞིན་གཤེགས་པའི་ཡེ་ཤེས་མཐོང་བ་ཉིད་ཀྱི་ལམ་དུ་འཇུག་པར་བྱེད་པའི་ཆོས་སྟོན་ཏེ། ཤཱ་རིའི་བུ་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ལ་སེམས་ཅན་གང་དག་གིས། ཆོས་དེ་ཐོས་པ་དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་གྱུར་ཏོ། ། ཤཱ་རིའི་བུ་མ་འོངས་པའི་དུས་ན། ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད་གྲངས་མེད་པ་རྣམས་སུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སང་རྒྱས་གང་དག་འབྱུང་བ། སེམས་ཅན་མོས་པ་ཐ་དད་པ་དང་། བསམ་པ་དང་། ཁམས་ཐ་དད་པ་རྣམས་ཀྱི་བསམ་པ་མཁྱེན་ནས། སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མི་རྣམས་ཀྱི་དོན་དང་ཕན་པ་དང་། བདེ་བའི་ཕྱིར་སྣ་ཚོགས་མངོན་པར་བསྒྲུབ་པ་བསྟན་པ་དང་། རྒྱུ་དང་གཞི་དང་དཔེ་དང་དམིགས་པ་དང་། ངེས་པའི་ཚིག་དང་། ཐབས་མཁས་པ་རྣམ་པ་སྣ་ཚོགས་ཀྱིས་ཆོས་སྟོན་པར་འགྱུར་བའི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱང་། ཤཱ་རིའི་བུ་ཐེག་པ་གཅིག་ལས་བརྩམས་ནས། སེམས་ཅན་རྣམས་ལ་ཆོས་སྟོན་པར་འགྱུར་ཏེ། དེ་ཡང་འདི་ལྟར་སངས་རྒྱས་ཀྱི་ཐེག་པ་ཐམས་ཅད་མཁྱེན་པ་ཉིད་ཀྱི་མཐར་ཐུག་པ་སྟེ། གང་འདི་སེམས་ཅན་རྣམས་དེ་བཞིན་གཤེགས་པའི་ཡེ་ཤེས་མཐོང་བ་ཉིད་ཡང་དག་པར་འཛིན་དུ་འཇུག་པ། དེ་བཞིན་གཤེགས་པའི་ཡེ་ཤེས་མཐོང་བ་ཉིད་སྟོན་པ། དེ་བཞིན་གཤེགས་པའི་ཡེ་ཤེས་མཐོང་བ་ཉིད་ལ་འཇུག་པར་བྱེད་པ། དེ་བཞིན་གཤེགས་པའི་ཡེ་ཤེས་མཐོང་བ་ཉིད་ཁོང་དུ་ཆུད་པར་བྱེད་པ། སེམས་ཅན་རྣམས་དེ་བཞིན་གཤེགས་པའི་ཡེ་ཤེས་མཐོང་བ་ཉིད་ཀྱི་ལམ་དུ་འཇུག་པར་བྱེད་པའི་ཆོས་སྟོན་པར་འགྱུར་ཏེ། ཤཱ་རིའི་བུ་མ་འོངས་པའི་དེ་བཞིན་གཤེགས་པ་དག། བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ལས་སེམས་ཅན་གང་དག་ཆོས་འདི་ཉན་པ་དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ།། ཤཱ་རིའི། བུ་ད་ལྟར་བྱུང་བའི་དུས་ན། ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད་གྲངས་མེད་པ་དག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་བཞུགས་ཏེ། འཚོ་ཞིང་གཞེས་པ། སེམས་ཅན་མོས་པ་ཐ་དད་པ་དང་། ཁམས་དང་། བསམ་པ་ཐ་དད་པ་རྣམས་ཀྱི་བསམ་པ་མཁྱེན་ནས། སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མི་རྣམས་ཀྱི་དོན་དང་། ཕན་པ་དང་། བདེ་བའི་ཕྱིར། སྣ་ཚོགས་མངོན་པར་བསྒྲུབ་པ་བསྟན་པ་དང་། རྒྱུ་དང་གཞི་དང་དཔེ་དང་དམིགས་པ་དང་། ངེས་པའི་ཚིག་དང་། ཐབས་མཁས་པ་རྣམ་པ་སྣ་ཚོགས་ཀྱི་ཆོས་སྟོན་པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱང་། ཤཱ་རིའི་བུ་ཐེག་པ་གཅིག་ལས་བརྩམས་ནས། སེམས་ཅན་རྣམས་ལ་ཆོས་སྟོན་ཏེ། དེ་ཡང་འདི་ལྟར་སངས་རྒྱས་ཀྱི་ཐེག་པ་ཐམས་ཅད་མཁྱེན་པ་ཉིད་མཐར་ཐུག་པ་སྟེ། གང་འདི་སེམས་ཅན་རྣམས་དེ་བཞིན་གཤེགས་པའི་ཡེ་ཤེས་མཐོང་བ་ཉིད་ཡང་དག་པར་འཛིན་དུ་འཇུག་པ་དེ་བཞིན་གཤེགས་པའི་ཡེ་ཤེས་མཐོང་བ་ཉིད་སྟོན་པ། དེ་བཞིན་གཤེགས་པའི་ཡེ་ཤེས་མཐོང་བ་ཉིད་ལ་འཇུག་པར་བྱེད་པ། དེ་བཞིན་གཤེགས་པའི་ཡེ་ཤེས་མཐོང་བ་ཉིད་ཁོང་དུ་ཆུད་པར་བྱེད་པ། སེམས་ཅན་རྣམས་དེ་བཞིན་གཤེགས་པའི་ཡེ་ཤེས་མཐོང་བ་ཉིད་ཀྱི་ལམ་དུ་འཇུག་པར་བྱེད་པའི་ཆོས་སྟོན་ཏེ། ཤཱ་རིའི་བུ་ད་ལྟར་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ལས་སེམས་ཅན་གང་དག་ཆོས་ཉན་པ་དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ། ། ཤཱ་རིའི་བུད་ད་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ང་ཡང་སེམས་ཅན་མོས་པ་ཐ་དད་པ་དང་། ཁམས་དང་། བསམ་པ་ཐ་དད་པ་རྣམས་ཀྱི་བསམ་པ་མཁྱེན་ནས། སྐྱེ་བོ་མང་པོ་ལ་བདེ་བ་དང་། སྐྱེ་བོ་མང་པོ་ལ་ཕན་པ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མི་རྣམས་ཀྱི་དོན་དང་། ཕན་པ་དང་། བདེ་བའི་ཕྱིར། སྣ་ཚོགས་མངོན་པར་བསྒྲུབ་པ་བསྟན་པ་དང་། རྒྱུ་དང་གཞི་དང་དཔེ་དང་དམིགས་པ་དང་། ངེས་པའི་ཚིག་དང་། ཐབས་མཁས་པ་རྣམ་པ་སྣ་ཚོགས་ཀྱིས་ཆོས་སྟོན་ཏོ།། ཤཱ་རིའི་བུ་ང་ཡང་ཐེག་པ་གཅིག་ལས་བརྩམས་ནས། སེམས་ཅན་རྣམས་ལ་ཆོས་སྟོན་ཏེ། འདི་ལྟར་སངས་རྒྱས་ཀྱི་ཐེག་པ་ཐམས་ཅད་མཁྱེན་པ་ཉིད་ཀྱི་མཐར་ཐུག་པ་སྟེ། གང་འདི་སེམས་ཅན་རྣམས་དེ་བཞིན་གཤེགས་པའི་ཡེ་ཤེས་མཐོང་བ་ཉིད་ཡང་དག་པར་འཛིན་དུ་འཇུག་པ། དེ་བཞིན་གཤེགས་པའི་ཡེ་ཤེས་མཐོང་བ་ཉིད་སྟོན་པ། དེ་བཞིན་གཤེགས་པའི་ཡེ་ཤེས་མཐོང་བ་ཉིད་ལ་འཇུག་པར་བྱེད་པ། དེ་བཞིན་གཤེགས་པའི་ཡེ་ཤེས་མཐོང་བ་ཉིད་ཁོང་དུ་ཆུད་པར་བྱེད་པ། སེམས་ཅན་རྣམས་དེ་བཞིན་གཤེགས་པའི་ཡེ་ཤེས་མཐོང་བ་ཉིད་ཀྱི་ལམ་དུ་འཇུག་པར་བྱེད་པའི་ཆོས་སྟོན་ཏེ། ཤཱ་རིའི་བུ་སེམས་ཅན་གང་དག་ད་ལྟར་ང་ལ་འདི་ལྟར་ཆོས་ཉན་པ་དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ། ། ཤཱ་རིའི་བུ་རྣམ་གྲངས་འདིས་ཀྱང་འདི་ལྟར་རིག་པར་བྱ་སྟེ། འདི་ལྟར་ཕྱོགས་བཅུའི་འཇིག་རྟེན་གང་ན་ཡང་ཐེག་པ་གཉིས་སུ་གདགས་པ་ཡང་མེད་ན། གསུམ་ལྟ་ག་ལ་ཡོད། འོན་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་བསྐལ་པའི་སྙིགས་མ་ལས་བྱུང་ངམ། སེམས་ཅན་གྱི་སྙིགས་མ་འམ། ཉོན་མོངས་པའི་སྙིགས་མ་འམ། ལྟ་བའི་སྙིགས་མ་འམ། ཚེའི་སྙིགས་མ་ལས་བྱུང་ནས། ཤཱ་རིའི་བུ་འདི་ལྟ་བུར་བསྐལ་བ་དང་། འཁྲུག་པའི་སྙིགས་མ་དང་། དྲི་མ་མང་པོ་དང་། བརྐམ་པའི་སེམས་ཅན་དགེ་བའི་རྩ་བ་ཆུང་བ་དེའི་ཚེ། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཐབས་མཁས་པས་སངས་རྒྱས་ཀྱི་ཐེག་པ་གཅིག་པོ་དེ་ལས་ཐེག་པ་གསུམ་དུ་བཤད་དེ་བསྟན་ཏོ། ། ཤཱ་རིའི་བུ་དེ་ལྟར་གང་ཉན་ཐོས་སམ། དགྲ་བཅོམ་པ་འམ། རང་སངས་རྒྱས་རྣམས་དེ་བཞིན་གཤེགས་པའི་བྱ་བ་སངས་རྒྱས་ཀྱི་ཐེག་པ་ཡང་དག་པར་འཛིན་དུ་འཇུག་པ་ལ་མི་ཉན་མི་འཇུག། ཁོང་དུ་ཆུད་པར་མི་བྱེད་པ་དེ་དག་ནི་ཤཱ་རིའི་བུ་དེ་བཞིན་གཤེགས་པའི་ཉན་ཐོས་མ་ཡིན་པར་རིག་པར་བྱའོ། ། དགྲ་བཅོམ་པ་ཡང་མ་ཡིན། རང་སངས་རྒྱས་ཀྱང་མ་ཡིན་པར་རིག་པར་བྱའོ།། ཤཱ་རིའི་བུ་ཡང་དགེ་སློང་ངམ་དགེ་སློང་མ་ལ་ལ་དགྲ་བཅོམ་པར་ཁས་འཆེ་ཞིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་ཡོངས་སུ་མི་འཛིན་ཏེ། ང་ནི་སངས་རྒྱས་ཀྱི་ཐེག་པ་བཅད་པའོ།། ཞེས་ཟེར་ཞིང་ངའི་ལུས་འདི་ཐ་མ་མྱ་ངན་ལས་འདའ་བའོ་ཞེས་བེར་བ་ནི། ཤཱ་རིའི་བུ་དེ་ལྷག་པའི་ང་རྒྱལ་ཅན་དུ་ཤེས་པར་བྱའོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཟག་པ་ཟད་པ་དེ། དེ་བཞིན་གཤེགས་པ་མངོན་སུམ་དུ་གྱུར་ཏེ། ཆོས་འདི་ཐོས་ནས་དད་པར་མི་འགྱུར་བའི་གོ་སྐབས་མེད་ཅིང་གནས་མ་ཡིན་ཏེ། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་ནི་མ་གཏོགས་སོ།། དེ་ཅིའི་ཕྱིར་ཞེ་ན། ཤཱ་རིའི་བུ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་དེའི་ཚེ། མདོ་འདི་ལྟ་བུ་འདི་འཛིན་པ་དང་། འཆང་བའི་ཉན་ཐོས་མི་འབྱུང་སྟེ། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཞན་དག་ལས་ཆོས་འདི་ལ་ཐེ་ཙོམ་མེད་པར་འགྱུར་རོ། ། ཤཱ་རིའི་བུ་འད་པར་གྱིས་ཤིག། ཡིད་ཆེས་པར་གྱིས་ཤིག། རྟོགས་པར་གྱིས་ཤིག་ཤཱ་རིའི་བུ་དེ་བཞིན་གཤེགས་པ་རྣམས་ལ་བགྷྣཱན་དུ་སྨྲ་བ་མེད་དེ། ཤཱ་རིའི་བུ་ཐེག་པ་འདི་ནི་གཅིག་ཏུ་ཟད་དེ། འདི་ལྟ་སྟེ། སངས་རྒྱས་ཀྱི་ཐེག་པའོ།། དེ་ནས་བཅོམ་ལྡན་འདས་དོན་དེ་ཉིད་རྒྱས་པར་སྟོན་ཅིང་། དེའི་ཚེ་ཚོགས་སུ་བཅད་པ་འདི་དག་བཀའ་སྩལ་ཏོ།། ང་རྒྱལ་ཅན་གྱི་དགེ་སློང་དང་།། དགེ་སློང་མ་དང་དགེ་བསྙེན་དང་།། དགེ་བསྙེན་མ་རྣམས་མ་དང་པ། ། ལྔ་སྟོང་ལས་ནི་མི་ཉུང་བ།། བསླབ་པ་ཞིག་རལ་ལྡན་པ་རྣམས།། ཉེས་པ་འདི་དག་མཐོང་གྱུར་ནས།། སྐྱོན་རྣམས་ཡོངས་སུ་སྐྱེད་པའི་ཕྱིར།། བྱིས་པའི་བློ་ཅན་དེ་དག་དོང་།། གང་གིས་ཆོས་འདི་ཉན་པར་འགྱུར་བ་ཡི།། དེ་དག་ལ་ནི་དགེ་བ་དེ་མེད་དེ།། འཁོར་གྱི་སྙིང་མ་ཉིད་དུ་མཁྱེན་ནས་སུ།། འཇིག་རྟེན་མགོན་པོ་ངས་ཀྱང་དསལ་བ་ཡི།། ང་ཡི་འཁོར་ནི་ལེགས་པར་འཁོད། ། ཤུན་པ་མེད་ཅིང་དག་པ་སྟེ།། སྙིང་པོ་མ་ཡིན་ཀུན་མེད་གྱུར།། འདི་དག་སྙིང་པོར་རབ་ཏུ་གནས།། སྐྱེས་བུ་དམ་པ་སྐྱོབ་པ་སངས་རྒྱས་དག། ཐབས་ལ་མཁས་པ་རྒྱ་ཕྲག་དུ་མ་ཡིས། ། རྫོགས་པའི་སངས་རྒྱས་ཆོས་ནི་ཅི་གསུང་བ།། ཅི་འདྲི་ང་ལས་ཉོན་ཅིག་ཤཱ་རིའི་བུ།། དེ་དག་སྤྱོད་པ་བསམ་པཎྜི་འདྲའང་མཁྱེན།། སྲོག་ཆགས་བྱེ་བ་མང་པོ་ཐ་དད་པ། དེ་དག་སྔོན་ཆང་དགེ་བཅི་བྱས་དང་།། ལས་རྣམས་སྣ་ཚོགས་དག་ནི་མཁྱེན་ནས་སུ།། ངེས་པའི་ཚིག་དང་གཞི་རྣམས་སྣ་ཚོགས་ཀྱི།། སྲོག་ཆགས་དེ་ག་ཁོང་དུ་ཆུང་པར་བྱེད།། ངས་ནི་རྒྱུང་དཔེ་ཡང་བརྒྱ་དག་གིས། ། སེམས་ཅན་ལྟ་དེ་ལྟ་མགུ་བར་བྱས།། མདོ་སྡེ་དེ་བཞིན་ཚིགས་སུ་བཅད་པའང་བཤད།། དེ་ལྟ་བྱུང་དང་སྐྱེ་རབས་རྨད་བྱུང་དང་།། གླེང་གཞི་དེ་བཞིན་གཏན་ལ་བབ་པ་དང་། ། དབྱངས་པ་སྣད་དཔེ་བརྒྱ་སྣ་ཚོགས་རྣམས་ཀྱིས་བཤད།། མི་མཁས་གང་དག་དམན་ལ་མངོན་དགའ་ཞིང་།། སངས་རྒྱས་བྱེ་བ་མོང་ལ་སྤྱོད་པ་སྤྱད།། འཁོར་བར་ཆགས་ཤིང། ཤིན་ཏུ་སྡུག་བསྔལ་བ།། དེ་ལ་མྱ་ངན་འདའ་བར་ཉེ་བར་བསྟན།། སངས་རྒྱས་ཡེ་ཤེས་རབ་ཏུ་རྟོགས་བྱའི་ཕྱིར།། དེ་ལྟར་རང་འབྱུང་བ་ནི་ཐབས་མཛད་དེ།། ཁྱེད་ཅག་སངས་རྒྱས་སུ་ཡང་འགྲུབ་པོ་ཞེས།། དེ་རྣམས་ལ་ནི་རེ་ཤིག་མི་གསུངས་སོ།། ཅི་ཕྱིར་ཞེ་ན་སྤྱོད་པ་དུས་ལ་གཞེས།། དལ་བ་གཟིགས་ཏེ་དེ་ནས་འདོད་ཆགས་དོ།། དལ་བ་དེ་ནི་བརྒྱ་ལ་དེང་ཐོབ་པས།། དེ་ཕྱིར་ཡང་དག་ངེས་པ་འདིར་བཤད་དོ།། ང་ཡི་བསྟན་པ་ཡན་ལག་དགུ་པོ་ཡང་།། སེམས་ཅན་དག་གི་མཐུ་དང་སྟོབས་ལས་བཤད།། འདི་ལྟར་ཐབས་ཀྱིས་མཆོག་སྦྱིན་ཡེ་ཤེས་ལ།། རབ་ཏུ་གཟུད་པའི་ཕྱིར་ནི་ངས་བཤད་དོ།། གང་དག་རྟག་ཏུ་རྣམ་པར་དག་གྱུར་པ། ། གསལ་གཙང་རབ་ཏུ་ངེས་པ་སངས་རྒྱས་སྲས།། སངས་རྒྱས་བྱེ་བ་མངལ་ལྷག་བྱས་པ།། དེ་དག་ལ་ནི་རབ་རྒྱས་མདོ་རྣམས་བཤད།། འདི་ལྟར་འདི་དག་བསམ་པ་རྫོགས་པ་དང་། ། རྣམ་པར་དག་པའི་ཚུལ་དང་ལྡན་གྱུར་པ།། དེ་དག་ལ་ནི་མ་འོངས་དུས་ན་ཡང་།། ཕན་ཞིང་བརྩེ་བའི་སངས་རྒྱས་འགྱུར་ཞེས་གསུང་།། ཐོས་ནས་འགྲོ་མཆོག་སངས་རྒྱས་འགྱུར་སྙམ་སྟེ། ། ཐམས་ཅད་ཤིན་ཏུ་དགའ་བས་ཁྱབ་པར་འགྱུར།། དེ་དག་སྤྱོད་པ་རྣམས་ཀྱང་ངས་ཤེས་ནས།། ཤིན་ཏུ་རྒྱས་པའི་མདོ་སྡེ་རབ་ཏུ་བཤད།། འདི་ལྟར་འདྲེན་པའི་ཉན་ཐོས་དེ་དག་ལ།། གང་དག་ང་ཡི་བསྟན་པ་འདི་ཐོས་པ། ། ཚིགས་བཅད་ཅིག་ཙམ་ཐོས་སམ་གཟུངས་ཡང་རུང་།། ཐམས་ཅད་ཐེ་ཙོམ་མེད་པར་བྱང་ཆུབ་འགྱུར།། ཐེག་པ་ཐ་དད་པར་ནི་གང་སྟོན་པ།། སྐྱེ་མཆོག་རྣམས་ཀྱི་ཐབས་མཁས་མ་གཏོགས་པར། ། ཐེག་པ་གཅིག་སྟེ་གཉིས་སུ་ཡོད་མ་ཡིན།། འཇིག་རྟེན་ན་ནི་ནམ་ཡང་གསུམ་དུ་མེད།། སངས་རྒྱས་རྣམས་ཀྱི་ཡེ་ཤེས་བསྟན་པའི་ཕྱིར།། འཇིག་རྟེན་དུ་ཡང་འཇིག་རྟེན་མགོན་པོ་འབྱུང་། ། བྱ་བ་གཅིག་སྟེ་གཉིས་སུ་ཡོད་མ་ཡིན།། སངས་རྒྱས་ཐེག་པ་དམན་པས་མི་འདྲེན་ཏོ།། རང་འབྱུང་བངས་ཉིད་ཅི་ལ་གནས་པ་དང་།། སངས་རྒྱས་ཇི་ལྟ་བུ་དང་ཅི་འདྲ་བ།། སྟོབས་དང་བསམ་གཏན་རྣམ་ཐར་དབང་པོ་རྣམས།། དེ་དག་ཉིད་ལ་སེམས་ཅན་རབ་ཏུ་འཇོག། བྱང་ཆུབ་རྡུལ་མེད་དམ་པ་ཐོབ་ནས་སུ།། ཐེག་པ་དམན་ལ་སེམས་ཅན་གཅིག་བཀོད་ན།། འདི་ནི་ང་ཡི་ལེགས་པ་མ་ཡིན་ཏེ། ། སེར་སྣའི་ཉེས་པའང་ང་ལ་ཡོད་པར་འགྱུར།། ང་ལ་སེར་སྣ་དག་ནི་ཅུང་ཟད་མེད།། ང་ལ་ཕྲག་དོག་མེད་ཅིང་འདོད་ཆགས་མེད།། སྡིག་པའི་ཆོས་རྣམས་ཐམས་ཅད་ངས་བཤད་དེ།། དེ་ཕྱིར་འགྲོ་བ་རྟོགས་པས་ང་སངས་རྒྱས།། ཇི་ལྟར་མཚན་རྣམས་ཀྱིས་ནི་ང་བརྒྱན་ཏེ།། འཇིག་རྟེན་འདི་དག་ཐམས་ཅད་རབ་སྣང་བྱེད།། སྲོག་ཆགས་བརྒྱ་ཕྲག་དུ་མས་མདུན་ལྔས་ཤིང་།། ཆོས་ཀྱི་རང་བཞིན་ཕྱག་རྒྱ་འདི་བཤད་དོ། ། ང་ནི་འདི་སྙམ་སེམས་ཏེ་ཤཱ་རིའི་བུ།། སུམ་ཅུ་རྩ་གཉིས་མཚན་གྱི་གཟུགས་ལྡན་ཞིང་།། བདག་འོད་རང་འབྱུང་འཇིག་རྟེན་རིག་པར་ཡང་།། དེ་ལྟར་ཅི། ནས་སེམས་ཅན་ཀུན་འགྱུར་སྙམ།། ཇི་ལྟར་མཐོང་ཞིང་ཇི་ལྟར་བསམ་པ་དང་།། ང་ཡི་སྔན་ཆད་ཇི་ལྟར་བརྣགས་པ་དེ།། ང་ཡི་སྨོན་ལམ་དེ་དག་ཡོངས་རྫོགས་ཏེ།། བྱང་ཆུབ་སངས་རྒྱས་ནས་ནི་མ་བསྟན་ཏོ། ། སེམས་ཅན་རྣམས་ལ་བྱང་ཆུབ་འདུན་སྐྱེད་ཅེས།། ངས་ནི་དེ་སྐད་སྨྲས་ན་ཤཱ་རིའི་བུ།། མི་ཤེས་སེམས་ཅན་རྣམས་ནི་འདིར་མྱོས་ཏེ།། ང་ཡིས་ལེགས་བཤང་འཛིན་པར་གཞར་མི་འགྱུར།། དེ་དག་འདི་འདྲའི་ཚུལ་དུ་ངས་ཤེས་ཏེ།། ཚེ་རབས་སྔ་མར་སྤྱོད་པ་རྣམས་མ་སྤྱང་།། འདོད་པའི་ཡོན་ཏན་རྣམས་ལ་ཆགས་ཤིང་ཞེ་ན།། སྲེད་པས་རྒྱལ་ཞིང་གཏི་མུག་མྱོས་པ་རྣམས།། དེ་དག་འདོད་རྒྱུས་ངན་འགྲོར་རབ་ཏུ་ལྟུང་། ། འགྲོ་བ་དྲུག་ཏུ་ཀུན་གྱིས་ཉོན་མོངས་ཏེ།། དུར་ཁྲོད་དེ་དག་ཕྱི་ཕྱིར་འཕེལ་བར་བྱེད།། བསོད་ནམས་ཆུངས་པ་སྡུག་བསྔལ་ཀུན་གྱིས་གཟིར།། ལྟ་བའི་ཐིབས་། པོར་རྟག་ཏུ་རྣམ་པར་ཆགས།། ཡོད་དང་མེད་དང་དེ་བཞིན་ཡོད་མེད་པ།། ལྟར་གྱུར་དྲུག་ཅུ་གཉིས་ལ་བརྟེན་ནས་སོ།། དངོས་པོ་མེད་ལ་ཡོངས་སུ་འཛིན་ཅིང་གནས།། སྦྱང་བར་དཀའ་ཞིང་ལོག་བྱེད་ང་རྒྱལ་ཅན། ། བྱིས་པ་ཐོས་ཉུང་ཡོན་པོ་གཡོ་བྱེད་རྣམས།། ཚེ་རབས་བྱེ་བ་ཕྲག་སྟོང་ནམ་དུ་ཡང་།། དེ་དག་སངས་རྒྱས་སྒྲ་འདི་མི་ཐོས་སོ།། ང་ཡི་ཐབས་ཀྱིས་དེ་ལ་ཤཱ་རིའི་བུ།། སྡུག་བསྔལ་མཐར་ཕྱུང་ཤིག་ཅེས་དེ་སྐད་སྨྲས། ། སེམས་ཅན་སྡུག་བསྔལ་གཟིར་བ་མཐོང་བས་ན།། དེ་དག་མྱ་ངན་འདས་པ་ཉེ་བར་བསྟན།། འདི་ལྟར་ངས་ནི་ཆོས་རྣམས་འདི་དག་ཀུན།། གདོང་ནས་རབ་ཞི་མ་ངན་རྟག་འདས་བཤད། ། སངས་རྒྱས་སྲས་དེ་སྤྱོད་པ་ཀུན་རྫོགས་ནས།། ཕྱི་མའི་དུས་ཀྱི་ཚེ་ལ་རྒྱལ་བར་འགྱུར།། ཐེག་པ་གསུམ་དུ་གང་རྣམས་བསྟན་པ་ནི།། ང་ཡི་ཐབས་མཁས་ཚུལ་ནི་དེ་འདྲ་སྟེ། ། ཐེག་པ་གཅིག་སྟེ་དེ་བཞིན་ཚུལ་ཡང་གཅིག། དེ་ལྟར་འདྲེན་པ་རྣམས་ཀྱིས་བཤད་པ་གཅིག། གང་འདིར་ལ་ལ་ཐེ་ཙོམ་ཡོད་པ་དག། ཐེ་ཙོམ་ཟ་དང་དེ་བཞིན་སོམ་ཉིད་སྤོངས།། གཞན་དུ་མི་གསུངས་འཇིག་རྟེན་འདྲེན་པ་རྣམས།། ཐེག་པ་འདི་ནི་གཅིག་སྟེ་གཉིས་སུ་མེད།། སྔོན་གྱི་དེ་བཞིན་གཤེགས་པ་གང་བྱུང་བ།། སངས་རྒྱས་སྟོང་མང་མྱ་ངན་ཡོངས་འདས་ཤིང་།། འདས་པའི་དུས་ན་བསྐལ་པ་གྲངས་མེད་ལ།། གྲང་དག་ཚད་ནི་ནམ་ཡང་ཡོང་མེད་པ།། སྐྱེས་བུ་དམ་པ་དེ་དག་ཐམས་ཅད་ཀྱིས།། དཔེ་དང་གཞི་དང་རྒྱུ་དང་བཅས་པ་དང་།། ཐབས་ལ་མཁས་པ། བརྒྱ་ཕྲག་དུ་མ་ཡིས།། རྣམ་པར་དག་པའི་ཆོས་རྣམས་རབ་བཤད་པ།། དེ་དག་ཐམས་ཅད་ཐེག་པ་གཅིག་སྟོན་ཅིང་།། སྲོག་ཆགས་སྟོང་ཕྲག་བྱེ་བ་བསམ་ཡས་རྣམས།། ཐེག་པ་གཅིག་པུ་ལ་ཡང་རབ་འཛུད་དེ། ། ཐེག་པ་གཅིག་ལ་ཡོངས་སུ་སྨིན་པར་བྱེད།། མོས་དང་དེ་བཞིན་བསམ་པ་རྣམས་མཁྱེན་ནས།། དེ་བཞིན་གཤེགས་པས་ལྷར་བཅས་འཇིག་རྟེན་དུ།། རྒྱལ་བའི་ཐབས་གཞན་རྣམ་པ་མང་པོ་དག། གང་གིས་ཆོས་མཆོག་འདི་ནི་རབ་བསྟན་པ།། སེམས་ཅན་གང་གིས་དེ་ལས་མངོན་སུམ་དེར།། ཆོས་ཉན་པ་དང་འོན་ཏེ་ཐོས་ལྡན་པ།། སྦྱིན་པ། སྦྱིན་ཞིང་ཚུལ་ཁྲིམས་སྤྱོད་པ་དང་།། བཟོད་པས་སྤྱོད་པ་ཐམས་ཅད་བསྒྲུབས་པ་དང་།། བརྩོན་འགྲུས་བསམ་གཏན་ལྷག་པར་བྱས་པ་དང་།། ཤེས་རབ་ཀྱིས་ནི་ཆོས་འདི་རྣམས་བསམས་ཏེ། རྣམ་པ་དད་པ་བསོད་ནམས་སུས་བྱས་པ།། དེ་དག་ཐམས་ཅད་བྱང་ཆུབ་ཐོབ་པར་གྱུར།། མྱ་ངན་འདས་པའི་རྒྱལ་བ་དེ་དག་གིས།། བསྟན་པ་དེ་ལ་སེམས་ཅན་གང་ཞུགས་དེ།། དེ་ན་བཟོད་ཅིང་ཞི་ལ་དུལ་བ་ནི། ། དེ་དག་ཐམས་ཅད་བྱང་ཆུབ་ཐོབ་པར་གྱུར།། རྒྱལ་བ་མྱ་ངན་འདས་པ་དེ་དག་གི། རྒྱལ་བའི་རིང་བསྲེལ་དག་ལས་སུ་མཆོད་ཅིང་།། རིན་ཆེན་མཆོད་རྟེན་སྟོང་ཕྲག་དུ་མ་དང་། ། གསེར་དང་དངུལ་དང་འོན་ཏེ་ཤེལ་གྱི་ས་འམ།། རྡོའི་སྙིང་པོ་མཆོད་རྟེན་དག་གིས་བྱས།། བཻ་ཌཱུཪྻ་མཆོག་དེ་བཞིན་ཨན་དྷ་རྙིལ།། ལ་ལས་མུ་ཏིག་ཀེ་ཀེ་རུ་ལས་བྱས།། དེ་དག་གིས་ཀྱང་བྱང་ཆུབ་ཐོབ་པར་འགྱུར། ། གང་གིས་མཆོད་རྟེན་རྡོ་ལས་བྱས་པ་དང་།། གང་གིས་ཨ་གཱ་རུ་དང་ཙན་དན་ནམ།། གང་གིས་ཐང་ཤིང་མཆོད་རྟེན་བྱས་པ་དང་།། ལ་ལས་ཤིང་མང་གཞན་ལས་བྱས་པ་དང་། ། ས་དང་སོ་ཕག་ལས་ནི་བརྩིགས་པ་ཡི།། རྒྱལ་བ་མཆོད་རྟེན་དགའ་བཞིན་བྱས་པ་དང་།། དེ་ཕྱིར་ས་རྡུལ་ཕུང་པོ་དག་ལས་ཀྱང་།། མྱ་ངན་དགོན་པ་དག་ཏུ་བྱས་པ་དང་། ། བྱིས་པའི་རྩེད་མོར་དེ་དང་དེ་དག་ཏུ།། གང་གིས་རྒྱལ་བ་དེ་ཕྱིར་མཆོད་རྟེན་དག། བྱེ་མ་ལས་ནི་ཕུང་པོ་བྱས་པ་ཡང་།། དེ་རྣམས་ཀྱིས་ཀྱང་བྱང་ཆུབ་ཐོབ་པར་གྱུར།། ལ་ལས་དེ་བཞིན་རིན་ཆེན་གཟུགས་བྱས་པ། ། སུམ་ཅུ་རྩ་གཉིས་མཚན་དང་ལྡན་པའི་གཟུགས།། གང་གིས་དེ་ཕྱིར་བྱས་པ་དེ་དག་ཀྱང་།། དེ་དག་ཐམས་ཅད་བྱང་ཆུབ་ཐོབ་པར་གྱུར།། ལ་ལས་དེར་ནི་རིན་ཆེན་སྣ་བདུན་དང་། ། ལ་ལས་དེ་བཞིན་ཟངས་དང་ཁར་བ་ལས།། བདེ་བར་གཤེགས་པ་རྣམས་ཀྱི་གཟུགས་བྱས་པ།། དེ་དག་ཐམས་ཅད་བྱང་ཆུབ་ཐོབ་པར་གྱུར།། རོ་ཉེ་དང་ནི་ལྕགས་སམས་ཡང་རུང་། ། བདེ་བར་གཤེགས་པ་རྣམས་ཀྱི་གཟུགས་བྱས་ཏེ།། བལྟ་ན་སྡུག་པ་འཇིམ་པའི་ལས་བྱེད་བཅུག། དེ་དག་ཐམས་ཅད་བྱང་ཆུབ་ཐོབ་པར་གྱུར།། གང་གིས་རྩིག་ངོས་གཟུགས་ཀྱི་རི་མོ་དག། བསོད་ནམས་བརྒྱ་མཚན་ཡོངས་སུ་རྫོགས་པའི་སྐུ།། བདག་གིས་བྲིས་སམ་འདྲི་རུ་བཅུག་ཀྱང་རུང་།། དེ་དག་ཐམས་ཅད་བྱང་ཆུབ་ཐོབ་པར་གྱུར།། སྐྱེས་བུ་དག་གམ་འོན་ཏེ་གཞོན་ནུའང་རུང་།། གང་དག་ལ་ལ་དེ་ན་སློབ་པའི་ཚེ།། རྩེད་མོ་དགའ་དང་བསང་བ་བྱེད་པ་ན།། རྩིག་ངོས་སེན་མོ་ཤིང་བུས་གཟུགས་བྲིས་པ།། དེ་དག་ཐམས་ཅད་བྱང་ཆུབ་ཐོབ་གྱུར་ཏེ།། དེ་དག་ཐམས་ཅད་སྙིང་རྗེ་ཅན་དུ་འགྱུར། ། ཐམས་ཅད་ཀྱང་ནི་སྲོག་ཆགས་བྱེ་བ་སྒྲོལ།། བྱང་ཆུབ་སེམས་དཔའ་མང་པོ་ཡང་དག་འཛུད།། དེ་བཞིན་གཤེགས་པ་རྣམས་ཀྱི་རིང་བསྲེལ་དང་།། འཇིམ་པའི་གཟུགས་དང་མཆོད་རྟེན་དག་ལའང་རུང་། ། རྩིག་ངོས་བྲིས་དང་རྡུལ་ཕུང་མཆོད་རྟེན་ལ།། དེ་ལ་མེ་ཏོག་དང་ནི་སྤྲོས་གསོལ་ཏེ།། དེར་ནི་གང་གིས་སྦ་སྙན་ཅང་ཏེའུ་དང་།། དུང་དང་རྔ་ཆེན་རོལ་མོའི་སྒྲ་བྱེད་བཅུག། བྱང་ཆུབ་མཆོག་རབ་མཆོད་པར་བྱ་བའི་ཕྱིར།། གང་དག་རྔ་རྣམས་རབ་ཏུ་རྡུང་བྱེད་ཅིང་།། པི་ཝ་ང་དང་ནི་ཕེག་དང་ཁར་བའི་རྔ།། རྫ་རྔ་རྒྱུད་གཅིག་གླིང་བུ་ཡིད་འོང་དང་།། ཨེ་ཀོ་ནད་རབ་ཏུ་སྙན་འབྱིན་པ། ། དེ་དག་ཐམས་ཅད་བྱང་ཆུབ་ཐོབ་པར་འགྱུར།། བདེ་བར་གཤེགས་པ་རྣམས་ལ་མཆོད་པའི་ཕྱིར།། གང་དག་ལྕགས་ཀྱི་སིལ་ཁྲོལ་རྡུང་བཅུག་དང་།། ཆུ་ལ་བརྡབས་དང་ཐལ་མོས་བརྡབས་པ་དང་། ། ཡིད་དུ་འོང་ཞིང་སྙན་པའི་གླུ་བླངས་དང་།། རིང་བསྲེལ་དེ་དག་རྣམ་མང་མཆོད་བྱས་པ།། དེ་དག་ཐམས་ཅད་འཇིག་རྟེན་སངས་རྒྱས་འགྱུར།། བདེ་གཤེགས་རིང་བསྲེལ་ལ་ནི་ཆུང་ཟད་དང་། ། སིལ་སྙན་གཅིག་བརྡུངས་པ་ཡི་སྒྲ་བྱུང་ངམ།། མེ་ཏོག་གཅིག་ཙམ་གྱིས་ནི་མཆོད་པ་དང་།། བདེ་གཤེགས་གཟུགས་དག་རྩིག་ངོས་བྲིས་པ་ལ།། འཁྲུག་བཞིན་པ་ཡི་སེམས་ཀྱིས་མཆོད་ན་ཡང་། ། དེ་དག་རིམ་གྱིས་སངས་རྒྱས་བྱེ་བ་མཐོང་།། མཆོད་རྟེན་དེ་ལ་གང་གིས་ཐལ་མོ་སྦྱར།། ཡོངས་སུ་ཚང་བའམཐལ་མོ་ཡ་གཅིག་གམ།། ཡང་ན་མགོ་བོ་སྐད་ཅིག་བཏུད་བ་དང་། ། དེ་བཞིན་ལན་ཅིག་ལུས་ཀྱང་བཏུང་བ་དང་།། གང་གིས་རིང་བསྲེལ་གནས་པ་དེ་དག་ལ།། གཡེངས་པའི་སེམས་ཀྱིས་ཕྱག་འཚལ་སངས་རྒྱས་ཤེས།། ཚིག་གཅིག་ལན་འགའ་བརྗོད་པར་བྱས་པ་ཡང་། ། དེ་དག་ཀུན་གྱིས་བྱང་ཆུབ་མཆོག་འདི་ཐོབ།། དེ་ཚེ་བདེ་བར་གཤེགས་པ་དེ་དག་ནི།། མྱ་ངན་འདས་སམ་ཡང་ན་བཞུགས་ཀྱང་རུང་།། སེམས་ཅན་གང་གིས་ཆོས་འདིའི། མིང་ཐོས་པ།། དེ་དག་ཐམས་ཅད་བྱང་ཆུབ་ཐོབ་པར་འགྱུར།། ཕྱིས་འབྱུང་སངས་རྒྱས་བྱེ་བ་མང་པོ་རྣམས།། དེ་དག་བསམ་གྱིས་མི་ཁྱབ་ཚད་ཀྱང་མེད།། འཇིག་རྟེན་དགོན་མཆོག་རྒྱལ་བ་དེ་དག་ཀྱང་། ། ཐབས་འདི་རྣམས་ནི་རབ་ཏུ་སྟོན་པར་འགྱུར།། གང་གིས་སངས་རྒྱས་ཡེ་ཤེས་ཟག་མེད་པ།། འདི་ལ་སྲོག་ཆགས་བྱེ་བ་འདུལ་མཛད་པ།། འཇིག་རྟེན་རྣམ་པར་འདྲེན་པ་དེ་དག་གི། ཐབས་ལ་མཁས་པ་དག་ནི་མཐའ་ཡས་འགྱུར། ། ཆོས་འདི་ཐོས་ནས་སངས་རྒྱས་མི་འགྱུར་བ།། སེམས་ཅན་དེ་དག་ནམ་གཅིག་ཀྱང་མེད།། བྱང་ཆུབ་ཕྱིར་སྤྱད་ནས་ནི་སྤྱོད་པར་གཞག། དེ་ནི་དེ་བཞིན་གཤེས་རྣམས་སྨོན་ལམ་མོ། ། ཆོས་སྒོ་བྱེ་བ་སྟོང་ཕྲག་དུ་མ་དག། མ་འོངས་དུས་ན་རབ་ཏུ་སྟོན་འགྱུར་ཏེ།། ཐེག་པ་གཅིག་པོ་འདི་ནི་མངོན་སྟོན་ཙོང་།། དེ་བཞིན་གཤེགས་པ་ཉིད་དུ་ཆོས་སྟོན་འགྱུར།། ཆོས་ཀྱི་ཚུལ་འདི་རྟག་ཏུ་གནས་པ་དང་།། ཆོས་ཀྱི་རང་བཞིན་རྟག་ཏུ་འོད་གསལ་བར།། རྐང་གཉིས་དམ་པ་སངས་རྒྱས་རྣམས་མཁྱེན་ནས།། ང་ཡི་ཐེག་པ་གཅིག་ཅེས་སྟོན་པར་འགྱུར།། ཆོས་ཀྱི་གནས་ཉིད་སྐྱོན་མེད་ཆོས་ཉིད་ནི། ། འཇིག་རྟེན་འདི་ན་རྟག་ཏུ་མི་གཡོ་གནས།། ས་ཡི་སྙིང་པོར་བྱང་ཆུབ་སངས་རྒྱས་ཏེ།། ཐབས་ལ་མཁས་པ་ཤིན་ཏུ་སྟོན་པར་འགྱུར།། ལྷ་མི་རྣམས་ཀྱི་མཆོ་པའི་སངས་རྒྱས་རྣམས། ། ཕྱོགས་བཅུར་བཞུགས་པ་གངྒཱའི་བྱེ་མ་སྙེད།། འདི་ན་སྲོག་ཆགས་ཐམས་ཅད་བདེ་བའི་ཕྱིར།། དེ་དག་རྣམས་ཀྱང་ཐེག་པ་མཆོག་འདི་འཆང་།། ཞི་བའི་ས་ཆོག་འདི་ནི་སངས་རྒྱས་ནས། ། ཐབས་ལ་མཁས་པས་རབ་ཏུ་སྟོན་མཛད་ཅིང་།། ཐེག་པ་རྣམ་པ་ཐ་དད་མངོན་པར་འཆད།། ཐེག་པ་གཅིག་པོའང་ཡོངས་སུ་སྟོན་མཛད་དོ།། ལུས་ཅན་ཀུན་གྱི་སྤྱོད་པ་རིག་པ་དང་། ། དེ་བཞིན་སྔོན་ཆད་ཇི་བསྒོམས་ཇི་བསམས་པ།། དེ་ཡི་མཐུ་དང་བརྩོན་འགྲུས་རྣམས་ཀྱང་རིག། ཤིན་ཏུ་དད་པ་མཁྱེན་ནས་རབ་ཏུ་སྟོན།། འདྲེན་པའི་ཡེ་ཤེས་སྟོབས་ཀྱིས་རྒྱུ་མང་དང་། ། ད་པེ་དང་གཞི་ཡང་མང་པོར་རབ་སྟོན་ཏེ།། སེམས་ཅན་མོས་པ་སྣ་ཚོགས་རིག་ནས་ནི།། སྣ་ཚོགས་མངོན་པར་བསྒྲུབ་པ་ཉེ་བར་སྟོན།། ད་ལྟར་རྒྱལ་དབང་འདྲེན་པ་ང་ཡ་ནི།། སེམས་ཅན་རྣམས་ལ་བདེ་བའི་ཕྱིར་བྱུང་སྟེ། ། སྣ་ཚོགས་བསྒྲུབ་པ་བྱེ་བ་ཕྲག་སྟོང་གིས།། སངས་རྒྱས་བྱང་ཆུབ་འདི་ནི་ཡང་དག་བསྟན།། སྲོག་ཆགས་རྣམས་ཀྱི་མོས་དང་བསམ་མཁྱེན་ནས།། ཆོས་རྣམས་རྣམ་པ་མང་པོར་རབ་བཤད་དེ། ། རྣམ་པ་སྣ་ཚོགས་ཐབས་ཀྱིས་དགའ་བ་བསྐྱེད།། དེ་ནི་ང་ཡི་རང་རིག་ཡེ་ཤེས་སྟོབས།། ང་ཡིས་མཐོང་བ་སེམས་ཅན་དབུལ་པོ་རྣམས།། ཤེས་རབ་བསོད་ནམས་རྣམས་དང་བྲལ་གྱུར་ཅིང་།། འཁོར་བར་བྱིང་ལ་མྱ་ངན་ཞུགས་པ་རྣམས།། སྡུག་བསྔལ་རྒྱུད་དུ་ཤིན་ཏུ་ནུབ་པ་སྟེ།། སྲེད་པས་ཆགས་པ་གཡག་གི་རྔ་མ་བཞིན།། འདོད་པས་འདི་དག་རྟག་ཏུ་ལྡོངས་པར་བྱས།། སངས་རྒྱས་མཐུ་ཆེན་རྣམས་ཀྱང་མི་ཚོལ་ཞིང་། ། སྡུག་བསྔལ་མཐར་ནི་འགྲོ་བའི་ཆོས་མི་ཚོལ།། འགྲོ་བ་དྲུག་པོ་རྣམས་སུ་ཟིན་པའི་སེམས།། ལོག་པར་མཐོང་བའི་ལྷ་ལ་མི་གཡོ་གནས།། སྡུག་བསྔལ་བ་ཡི་སྡུག་བསྔལ་རབ་མྱོང་བ།། དེ་ལ་ང་ཡི་སྙིང་རྗེ་སྟོབས་ལྡན་ཏེ། ། བྱང་ཆུབ་སྙིང་པོ་དེར་ནི་ང་སེམས་ཤིང་།། འབུམ་ཕྲག་གསུམ་དུ་ཚང་བར་རབ་གནས་ཏེ།། ང་ནི་འདི་འདྲའི་དོན་ལ་རབ་སེམས་ཤིང་།། དེ་ན་སྡོང་པོ་དེ་ལ་བལྟས་པ་ནི།། ཤིང་མཆོག་དེ་ལ་མིག་མི་འཛུམས་པར་བལྟ། ། དེ་ཡི་དྲུང་ན་ཕན་ཚུན་འཆག་ཅིང་གནས།། ཡེ་ཤེས་དེ་ནི་དམ་པ་ངོ་མཚར་ཏེ།། སེམས་ཅན་འདི་དག་མི་མཁས་གཏི་མུག་ལྡོངས།། དེ་ཚེ་ང་ལ་ཚངས་དང་བརྒྱ་བྱིན་དང་། ། དབང་ཕྱུགས་ཆེ་དང་འཇིག་རྟེན་སྐྱོང་བཞི་དང་།། དེ་བཞིན་དབང་ཕྱུག་དག་ཀྱང་གསོལ་འདེབས་ཏེ།། ལྷ་རྣམས་བྱེ་བ་སྟོང་ཕྲག་མང་པོ་ཡང་།། ཐམས་ཅད་ཐལ་མོ་སྦྱར་ནས་གུས་པར་འཁོད།། དོན་རྣམས་ཇི་ལྟར་བྱ་བ་རབ་ཏུ་བསམས།། ང་ཡིས་བྱང་ཆུབ་ཡོན་ཏན་བསྔགས་ན་ནི།། སེམས་ཅན་འདི་དག་སྡུག་བསྔལ་གཟིར་བ་སྟེ།། ང་ཡི་ཆོས་ལ་བྱིས་པའི་བློ་ཅན་སྐུར།། དེ་ལྟར་སྐུར་པས་ངན་སོང་གནས་སུ་འགྲོ། ། ངས་ནི་སོང་མ་བཤད་ན་དགེར་འགྱུར་གྱིས།། ང་དེང་ཞི་བར་མྱ་ངན་འདས་བླ་སྙམ།། སྔོན་གྱི་སངས་རྒྱས་རྣམས་དང་དེ་དག་གི། ཐབས་མཁས་ཇི་ལྟ་བ་ཡང་རབ་དྲན་ཏེ།། ངས་ཀྱང་འདི་ལྟར་སངས་རྒྱས་བྱང་ཆུབ་འདི། ། རྣམ་པ་གསུམ་དུ་འདིར་ཕྱེ་རབ་ཏུ་བཤད།། ང་ཡིས་དོན་དེ་དེ་ལྟར་བསམས་པ་ན།། ཕྱོགས་བཅུའི་སངས་རྒྱས་དེ་དག་གཞན་གྱིས་ཀྱང་།། དེ་དག་རང་གི་ལུས་ཀྱང་ང་བསྟན་ནས། ། ལེགས་ཞེས་བྱ་བའི་སྒྲ་ཡང་རབ་བསྒྲགས་ཏེ།། ཐུབ་པ་འཇིག་རྟེན་རྣམ་པར་འདྲེན་པའི་མཆོག། བླ་ན་མེད་པའི་ཡེ་ཤེས་འདི་རྟོགས་ནས།། ཐབས་ལ་མཁས་པ་རྣམ་པར་བརྩམས་པ་དང་། ། འཇིག་རྟེན་འདྲེན་པ་རྣམས་ཀྱི་རྗེས་སློབ་ལེགས།། ངེད་ཀྱང་དམ་པའི་གནས་ནི་རྟོགས་པའི་ཚེ།། རྣམ་པ་གསུམ་དུ་ཕྱེ་སྟེ་རབ་ཏུ་སྟོན།། མཁས་པ་མ་ཡིན། དད་པ་ཆུང་བའི་མི།། སངས་རྒྱས་རྣམས་ལ་དད་པར་མི་འགྱུར་ཏེ།། དེ་བས་ངེད་ཀྱིས་རྒྱུ་རྣམས་ཀུན་བསྡུས་པས།། ཐབས་ལ་མཁས་པ་རྣམས་ནི་རབ་སྤྱད་ཅིང་།། འབྲས་བུ་འདོད་པ་ཡོངས་སུ་བརྗོད་བྱས་ཏེ། ། བྱང་ཆུབ་སེམས་དཔའ་མང་པོ་ཡང་དག་འཛུད།། སྐྱེས་བུ་ཁྱུ་མཆོག་དག་གིས་ཡིད་འོང་སྨྲ།། ཐོས་ནས་དེ་ཚེ་ང་ནི་དགའ་བར་གྱུར།། དགའ་བའི་སེམས་ཀྱིས་སྐྱོབ་པ་དེ་དག་ལ།། དྲང་སྲོང་ཆེན་པོ་དོན་ཡོད་གསུང་བ་སྟེ། ། མཁས་པ་འཇིག་རྟེན་འདྲེན་པས་གསུངས་པ་ལྟར།། བདག་ཀྱང་དེ་བཞིན་སྤྱད་པར་བགྱི་ཞེས་སྨྲས།། ང་ནི་འཁྲུག་དང་མི་བཟང་འདི་ཡི་ཚེ།། སེམས་ཅན་སྙིགས་མར་གྱུར་པའི་ནང་དུ་སྐྱེས། ། དེ་ལྟར་ངས་རིག་ནས་ནཱི་ཤཱ་རིའི་བུ།། དེ་ཡི་ཚེན་ཝཱ་ར་ཎ་སེར་སོང་།། དེ་ན་དགེ་སློང་ལྔ་པོ་དག་ལ་ཡང་།། རབ་ཞི་ས་ཡི་ཆོས་ནི་ཐབས་ཀྱིས་བཤང་།། དེ་ནས་ང་ཡིས་ཆོས་ཀྱི་འཁོར་ལོ་བསྐོར། ། མྱ་ངན་འདའ་བའི་སྒྲ་ཡང་འཇིག་རྟེན་བྱུང་།། དགྲ་བཅོམ་སྒྲ་དང་དེ་བཞིན་ཆོས་ཀྱི་སྒྲ།། དེར་ནི་དགེ་འདུན་སྒྲ་ཡང་བྱུང་བར་གྱུར།། ལོ་གྲངས་མི་ཉུང་བར་ནི་རབ་བཤད་དེ། ། མྱ་ངན་འདའ་བའི་ས་ཡང་མངོན་པར་བསྟན།། འཁོར་བ་སྡུག་བསྔལ་མཐའ་ནི་འདི་ཡིན་ཞེས།། དེ་བཞིན་རྟག་པར་དུས་སུ་ངས་སྨྲས་སོ།། ངས་ནི་དེ་ཡི་ཚེ་ན་ཤཱ་རིའི་བུ།། རྐང་གཉིས་དམ་པའི་སྲས་རྣམས་མཐོང་བ་ནི། ། གང་དག་བྱང་ཆུབ་དམ་པ་མཆོག་ཞུགས་པ།། བྱེ་བ་ཁྲག་ཁྲིག་སྟོང་ཕྲག་མཐའ་ཡས་པ།། ང་ཡི་དྲུང་དུ་དེ་དག་ཉེར་ལྷགས་ནས།། ཐལ་མོ་སྦྱར་ཏེ་ཐམས་ཅད་གུས་པར་འཁོད། ། གང་དག་ཐབས་ལ་མཁས་པ་རྣམ་མང་པོ།། རྒྱལ་བ་དག་ལས་ཆོས་ཐོས་དེ་དག་མཐོང་།། དེ་ནས་སྐད་ཅིག་དེ་ལ་འདི་སྙམ་དུ།། ང་ཡིས་ཆོས་མཆོག་བཤད་པའི་དུས་ལ་བ་བ། ། གང་ཕྱིར་ང་ནི་འཇིག་རྟེན་འདིར་སྐྱེས་པ།། བྱང་ཆུབ་མཆོག་རབ་དེ་ནི་འདིར་བསྟན་ཏོ།། མཚན་མར་འདུ་ཤེས་བྱིས་པའི་བློ་དང་ལྡན།། མི་མཁས་ལྷག་པའི་ང་རྒྱལ་ལྡན་པ་རྣམས།། དེ་རིང་འདི་ལ་དད་པར་དཀའ་འགྱུར་གྱི།། བྱང་ཆུབ་སེམས་དཔའ་འདི་དག་ཉན་སྙམ་སྟེ།། དེ་ཚེ་ང་ནི་འཇིགས་མེད་རབ་ཏུ་དགའ།། ཡང་དག་ནང་འཇོག་ཐམས་ཅད་རྣམ་སྤངས་ནས།། བདེ་བར་གཤེགས་པའི་སྲས་ཀྱི་དབུས་སུ་བཤད། ། དེ་དག་བྱང་ཆུབ་ལ་ནི་ཡང་དག་འཛུད།། འདི་འདྲའི་སངས་རྒྱས་སྲས་རྣམས་མཐོང་ནས་ནི།། ཁྱོད་ཀྱང་སོམ་ཉིད་རྣམ་པར་སྤོང་བར་འགྱུར།། གང་ངག་ཟག་ཟང་བརྒྱ་ཕྲག་བཅུ་གཉིས་པོ། ། འདི་དག་ཐམས་ཅད་འཇིག་རྟེན་སངས་རྒྱས་འགྱུར།། སྔ་མའི་སྐྱོབ་པ་དེ་དག་ཅི་འདྲ་དང་།། མ་འོངས་རྒྱལ་པོའི་ཆོས་ཉིད་ཇི་ལྟ་བར།། ངས་ཀྱང་དེ་ལ་རྣམ་པར་རྟོག་སྤངས་ཏེ། ། དེ་བཞིན་དུ་ནི་ཁྱོད་ལ་ངས་དེང་བཤད།། རེས་འགའ་གང་དུ་ཅི་ཡིས་འཇིག་རྟེན་དུ།། སྐྱེས་བུ་ཁྱུ་མཆོག་དག་ནི་འབྱུང་བར་འགྱུར།། མཐའ་ཡས་མིག་ཅན་འཇིག་རྟེན་བྱུང་ན་ཡང་། ། རེས་འགའ་འདི་འདྲ་བ་ཡི་ཆོས་བཤད་དེ།། བསྐལ་པ་བྱེ་བ་ཁྲག་ཁྲིག་སླད་དུ་ཡང་།། འདི་འདྲའི་ཆོས་མཆོག་རབ་ཏུ་རྙེད་པར་དཀའ།། གང་དག་ཆོས་མཆོག་ཐོས་ནས་དད་འགྱུར་པ། ། དེ་འདྲའི་སེམས་ཅན་ཤིན་ཏུ་རྙེད་པར་དཀའ།། ཨུ་དུམ་ཝཱ་རའི་མེ་ཏོག་རྙེད་དཀའ་བཞིན།། རེས་འགའ་གང་ཞིག་ཅི་ཡིས་སྣང་གྱུར་ན།། གཟུགས་དེ་འགྲོ་བའི་ཡིད་དུ་འོང་པ་སྟེ། ། ལྷར་བཅས་འཇིག་རྟེན་རྣམས་ལ་ངོ་མཚར་འགྱུར།། དེ་བས་ལེགས་བཤད་ཆོས་འདི་སུས་ཐོས་ནས།། རྗེས་སུ་ཡི་རང་ཚིག་ཅིག་བརྗོད་ན་ཡང་།། ཤིན་ཏུ་ངོ་མཚར་ཆེ་བར་འདི་བསྟན་ཏེ།། དེས་ནི་སངས་རྒྱས་ཐམས་ཅད་མཆོད་པར་འགྱུར།། འདི་ལ་ཐེ་ཙོམ་སོམ་ཉིད་རྣམ་པར་སྤོངས།། ཆོས་ཀྱི་རྒྱལ་པོ་ངས་ནི་ཀུན་བསྟན་ཏེ།། བྱང་ཆུབ་དམ་པ་འདི་ལ་ཡང་དག་གཟུད།། འདི་ན་ངལ་ཉན་ཐོས་གང་ཡང་མེད། ། ཤཱ་རིའི་བུ་ཁྱོད་འདི་ནི་གསང་ཆེན་གྱིས།། ང་ཡི་ཉན་ཐོས་གང་འདི་ཐམས་ཅད་དང་།། བྱང་ཆུབ་སེམས་དཔའ་གཙོ་བོ་འདི་དག་གིས།། ང་ཡི་གསང་ཆེན་འདི་ནི་ཐུབ་པར་གྱིས། ། ཅི་ཕྱིར་ཞེ་ན་སྙིགས་མ་ལྔ་ཡི་ཚེ།། སེམས་ཅན་ངན་པ་གཏུམ་པོ་འབྱུང་བས་ན།། བྱིས་པའི་བློ་ཅན་འདོད་པས་གདུངས་གྱུར་པ།། དེ་དག་ནམས་ཀྱང་བྱང་ཆུབ་སེམས་མི་སྐྱེ།། ཐེག་པ་གཅིག་པོ་འདི་ནི་རྒྱལ་བ་དེས། ། སྔོན་རབས་བཤད་པ་ཡིན་ཞེས་ཐོས་ནས་སུ།། མ་འོངས་དུས་ན་སེམས་ཅན་མྱོས་གྱུར་ཏེ།། མདོ་སྡེ་སྤངས་པས་སེམས་ཅན་དམྱལ་བར་འགྲོ།། སེམས་ཅན་གང་། དག་འཛེམ་ཞིང་གཙང་བ་དང་།། གང་དག་བྱང་ཆུབ་དམ་པ་མཆོག་ཞུགས་པ།། དེ་དག་ལ་ནི་འཇིགས་པ་མེད་གྱི་ས་ལ།། ཐེག་པ་གཅིག་གི་བསྔགས་པ་མཐའ་ཡས་ཤོད།། འདྲེན་པ་རྣམས་ཀྱིས་བཤད་པ་དེ་ལྟ་བུ། ། ཐབས་ལ་མཁས་པ་དམ་པ་མཆོག་འདི་ནི།། ལྡེམ་པོར་ངག་རྣམས་རབ་ཏུ་མང་པོར་བཤད།། འདི་ནི་མ་བསླབས་རྣམས་ཀྱིས་རིག་པར་དཀའ།། དེ་བས་འཇིག་རྟེན་སློབ་དཔོན་སངས་རྒྱས་ཀྱི། ། སྐྱོབ་པའི་ལྡེམ་པོར་ངག་ནི་ཤེས་པར་གྱིས།། ཐེ་ཙོམ་ཆོད་ལ་སོམ་ཉིད་རྣམ་སྤངས་ཏེ།། སངས་རྒྱས་འགྱུར་གྱིས་དགའ་བ་རབ་ཏུ་སྐྱེད།། ཐབས་ལ་མཁས་པའི་ལེའུ་ཞེས་བྱ་བ་སྟེ་གཉིས་པའོ། ། ། དམ་པའི་ཆོས་པདྨ་དཀར་པོ་བམ་པོ་གསུམ་པ།། དེ་ནས་ཚེ་དང་ལྡན་པ་ཤཱ་རིའི་བུ་དེའི་ཚེ། ཚིམ་ཞིང་མགུ་ལ། ཡིད་རངས་ཤིང་རབ་ཏུ་དགའ་སྟེ། དགའ་བ་དང་ཡིད་བདེ་བ་སྐྱེས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་སྟེ། བཅོམ་ལྡན་འདས་ཀྱི་སྤྱན་སྔ་ན། བཅོམ་ལྡན་འདས་ཁོ་ན་ལ་རབ་ཏུ་ལྟ་ཞིང་། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་འདི་ལྟ་བུའི་གསུང་འདི་བཅོམ་ལྡན་འདས་ལས་ཐོས་ནས། བདག་ངོ་མཚར་དང་རྨད་དུ་གྱུར་ཏེ་དགའ་བ་ཐོབ་བོ།། དེ་ཅིའི་སླད་དུ་ཞེ་ན། བཅོམ་ལྡན་འདས་བྱང་ཆུབ་སེམས་དཔའ་གཞན་དག་ཀྱང་མཐོང་། ། བྱང་ཆུབ་སེམས་དཔའ་རྣམས་ཀྱི་མ་འོངས་པའི་དུས་ཀྱི་སངས་རྒྱས་ཀྱི་མཚན་ག་ཀྱང་ཐོས་ཏེ། འདི་ལྟ་བུའི་ཆོས་ནི་བཅོམ་ལྡན་འདས་ལས་བདག་གིས་མ་ཐོས་ལ། བདག་དེ་བཞིན་གཤེགས་པའི་ཡེ་ཤེས་གཟིགས་པ་འདི་ལྟ་བུ་ལས་ཉམས་སོ་སྙམ་ནས་ཤིན་ཏུ་མྱ་ངན་དུ་གྱུར། ཤིན་ཏུ་ཡོངས་སུ་གདུང་བར་གྱུར་པའི་སླད་དུའོ། ། བཅོམ་ལྡན་འདས་བདག་རི་དང་རི་སུལ་དང་། ནགས་ཁྲོད་དང་། ཀུན་དགའ་ར་བ་དང་། ཆུ་འགྲམ་དང་། ཤིང་དྲུང་དབེན་པར་གདུགས་ལ་གནས་པའི་སླད་དུ། རྟག་པར་ནམ་མཆི་བ་དེའི་ཚེ་ཡང་བཅོམ་ལྡན་འདས་འདི་ལྟར་ཆོས་ཀྱི་དབྱིངས་ལ་འཇུག་པར་མཚུངས་ན། བཅོམ་ལྡན་འདས་ཀྱིས་བདག་ཅག་ཐེག་པ་དམན་པས་ངེས་པར་བཏོན་པ་སྙམ་དུ་གནས་པ་དེ་ལྟ་བུས་མང་དུ་གནས་ཏེ། བཅོམ་ལྡན་འདས་དེའང་བདག་ཅག་གིས་ནོངས་ཀྱི། བཅོམ་ལྡན་འདས་ཀྱིས་མ་ནོངས་སོ་ཞེས་དེའི་ཚེ། བདག་དེ་སྙམ་དུ་སེམས་སོ།། དེ་ཅིའི་སླད་དུ་ཞེ་ན། གང་འདི་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་བརྩམས་ཏེ། ཡང་དག་ཕུལ་གྱི་ཆོས་བསྟན་པ་གསུང་བ་བདག་ཅག་གིས་བསྙད་ན་ནི། བཅོམ་ལྡན་འདས་བདག་ཅག་ཀྱང་། ཆོས་འདི་ཉིད་ལ་ངེས་པར་འབྱུང་བར་འགྱུར་བ་ཞིག་ན། བཅོམ་ལྡན་འདས་བྱང་ཆུབ་སེམས་དཔའ་མ་ཚོགས་པར་བཅོམ་ལྡན་འདས་ཀྱིས་ལྡེམ་པོར་དགོངས་ཏེ་བཤད་པ་དེ། བདག་ཅག་གིས་མ་རྟོགས་ཏེ་རིང་ཐབས་སུ་དེ་བཞིན་གཤེགས་པས་ཆོས་བསྟན་པ་ཐོག་མར་གསུངས་པ་ཉིད་ཐོས་ནས། བཟུང་ཞིང་བསྒོམས་ཏེ། བསམས་ཞིང་ཡིད་ལ་བཟུང་བས། བཅོམ་ལྡན་འདས་བདག་ཉིད་ལ་བདག་གིས་དེ་ལྟར་འགྱོད་པས་མང་དུ་གདུགས་མཚན་བས་པར་གྱུར་ཏོ། ། བཅོམ་ལྡན་འདས་རྨད་དུ་བྱུང་བའི་ཆོས་ཀྱི་སྒྲ་སྔོན་མ་ཐོས་པ་འདི་ལྟ་བུ། བཅོམ་ལྡན་འདས་ལས་ཐོས་པས། བཅོམ་ལྡན་འདས་དེང་བདག་གིས་མྱ་ངན་ལས་འདས་པ་ཐོབ་སྟེ། བཅོམ་ལྡན་འདས་དེང་བདག་བསིལ་བར་གྱུར་ཏོ།། བཅོམ་ལྡན་འདས་དེང་བདག་ཡོངས་སུ་མྱ་ངན་ལས་འདས་སོ།། བཅོམ་ལྡན་འདས་དེང་བདག་གིས་དགྲ་བཅོམ་པ་ཐོབ་བོ། ། བཅོམ་ལྡན་འདས་དེང་བདག་བཅོམ་ལྡན་འདས་ཀྱི་སྲས་མཐུ་བོ། ཐུགས་ཀྱི་སྲས། ཞལ་ནས་སྐྱེས་པ། རོས་ལས་སྐྱེས་པ། ཆོས་ཀྱིས་སྤྲུལ་པ། ཆོས་ཀྱི་བགོ་སྐལ་ལ་སྤྱོད་པ། ཆོས་ཀྱི་གྲུབ་པ་སྟེ། དེང་བདག་ཡོངས་སུ་གདུང་བ་དང་བྲལ་ལོ།། དེ་ནས་ཚེ་དང་ལྡན་པ་ཤཱ་རིའི་བུས། དེའི་ཚེ་བཅོམ་ལྡན་འདས་ལ་ཚིགས་སུ་བཅད་པ་འདི་དག་གསོལ་ཏོ།། སྒྲོ་འདི་ཐོས་ནས་ཚིམ་པ་རབ་སྐྱེས་ཏེ། ། རྣམ་འདྲེན་ཆེན་པོ་བདག་ནི་ངོ་མཚར་གྱུར།། བདག་ལ་ཐེ་ཙོམ་ནམ་ཡང་ཕྱིས་མི་འབྱུང་།། ཐེག་པ་མཆོག་འདིར་ནི་ཡོངས་ཟིན་བགྱིས།། བདེ་བར་གཤེགས་པའི་གསུང་དེ་ངོ་མཚར་ཏེ། ། སྲོག་ཆགས་རྣམས་ཀྱི་ཐེ་ཙོམ་མྱ་ངན་བསལ།། ཟག་པ་མང་པ་བདག་གི་མྱ་ངན་ཀྱང་།། གསུང་ཐོས་པས་ནི་ཐམས་ཅད་བསལ་བར་གྱུར།། གདུགས་ལ་གནས་ཤིང་ཕན་ཚུན་པཆི་བ་དང་། ། ནགས་ཚལ་ཁྲོད་དང་ཀུན་དགའ་ཤིང་དྲུང་དང་།། རི་དང་རི་སུལ་གནས་པར་གྱུར་པའི་ཚེ།། བསམ་པ་འདི་དག་ཉིད་ནི་རྗེས་སུ་སེམས།། ཟག་པ་མེད་པའི་ཆོས་སུ་མཚུངས།། པ་ལ།། འདི་ལྟར་ཁམས་གསུམ་པ་ཡི་ཆོས་ཀྱི་མཆོག། མ་འོངས་དུས་ན་སྟོན་པར་མི་འགྱུར་བ།། ཀྱེ་མ་བདག་ནི་སྡིག་པའི་སེམས་ཀྱིས་བསླུས།། མཚུངས་པའི་ཆོས་རྣམས་ལ་ནི་བདག་རྨོངས་པས།། བདག་ནི་སུམ་ཅུ་རྩ་གཉིས་མཚན་ལས་ཉམས།། གསེར་གྱི་ཁ་དོག་མདོག་ཀྱང་རབ་ཏུ་སྟོར།། སྟོབས་དང་རྣམ་ཐར་འདི་དག་ཀུན་ནས་ཉམས།། ཐུབ་པ་ཆེན་པོ་དཔེ་བྱད་བཟང་པོ་གང་།། མཆོག་རབ་དམ་པ་བརྒྱད་ཅུ་ཚང་བ་དང་། ། གང་ཡང་མ་འདྲེས་པ་ཡི་བཅོ་བརྒྱད་ཆོས།། དེ་ལས་ཀྱེ་མ་བདག་ཅག་ཉམས་ཤིང་བསླུས།། འཇིག་རྟེན་ཕན་པ་ཐུགས་བརྩེ་ཁྱོད་མཐོང་ནས།། གདུགས་ལ་མཆིས་ནས་གཅིག་པུ་གནས་པའི་ཚེ། ། མ་ཆགས་ཡེ་ཤེས་བསམ་གྱིས་མི་ཁྱབ་ལས།། ཀྱེ་མ་བདག་ནི་བསླུས་ཞེས་རྣམ་པར་སེམས།། དེ་ལྟར་མང་དུ་རྣམ་པར་སེམས་པ་ཡིས།། མགོན་པོ་གདུགས་དང་མཚན་ཡང་བས་པར་གྱུར། ། འདི་ལས་བདག་ནི་ཉམས་སམ་མ་ཉམས་ཤེས།། བཅོམ་ལྡན་འདས་ལ་རེ་ཞིག་ཞུ་སྐམ་བགྱིད།། བྱང་ཆུབ་སེམས་དཔའ་མང་པོ་གཞན་དག་ལ།། འཇིག་རྟེན་འདྲེན་པས་བསྟོད་པ་མཐོང་ནས་སུ། ། རྒྱལ་བ་དབང་པོ་བདག་ནི་དེ་སེམས་ཤིང་།། གདུགས་དང་མཚན་མོ་རྟག་ཏུ་དེ་བཞིན་པས།། ཡེ་ཤེས་རྟག་མེད་ཕྲ་ཞིང་ཟག་མེད་པ།། རྒྱལ་བས་བྱང་ཆུབ་སྙིང་པོར་གསུངས་པས་ན། ། དེ་ནི་ལྡེམ་པོར་དགོངས་ཏེ་གསུངས་པ་ཞེས།། སངས་རྒྱས་ཆོས་འདི་ཐོས་ནས་བདག་བཟོད་དོ།། སྔོན་ཆང་བདག་ནི་ལྟ་ལ་ཆགས་གྱུར་པ།། མུ་སྟེགས་ཅན་གྱིས་བཀུར་བའི་ཀུན་ཏུ་རྒྱུ། དེ་ནས་མགོན་པོས་བདག་གི་བསམ་མཁྱེན་ནས།། ལྟ་བ་དགྲོལ་ཕྱིར་མྱ་ངན་འདའ་བ་གསུངས།། ལྟ་བར་གྱུར་པ་དེ་དག་ཀུན་ལས་བཀྲོལ།། བདག་གིས་སྟོང་པ་ཉིད་ཀྱི་ཆོས་ཐོབ་སྟེ།། དེ་ཕྱིར་བདག་ནི་མྱ་ངན་འདས་སྙམ་བགྱི་། ། མྱ་ངན་འདས་ཞེས་བགྱི་བ་དེ་མ་ལགས།། གང་ཚེ་སངས་རྒྱས་སེམས་ཅན་གཙོར་གྱུར་ཏེ།། ལྷ་མི་གནོད་སྦྱིན་སྲིན་པོས་མདུན་དུ་བདར།། སུམ་ཅུ་རྩ་གཉིས་མཚན་གྱི་གཟུག་ལྡན་པ། ། དེ་ཚེ་མ་ལུས་མྱ་ངན་འདས་པ་ལགས།། ལྷར་བཅས་འཇིག་རྟེན་རྣམས་ཀྱི་མདུན་དུ་ཡང་།། གང་ཚེ་བདག་ནི་བྱང་ཆུབ་མཆོགོ་ལུང་བསྟན།། གསུང་ཐོས་བདག་ནི་དེ་རིང་མྱ་ངན་འདས།། འདི།། ལྟར་རློམ་སེམས་ཀུན་ཀྱང་རྣམ་པར་བསལ།། ཐོག་མ་རྣམ་པར་འདྲེན་གྱི་གསུང་ཐོས་ནས།། ས་འདིར་སངས་རྒྱས་ཆ་བྱད་མངོན་སྤྲུལ་ནས།། འདི་བདུད་རྐྱལ་ཀ་བྱེད་པ་མ་ཡིན་གྲང་།། དེ་ལྟར་བདག་ནི། བག་ཚའི་སྟོབས་སྐྱེས་སོ།། གང་གི་ཚེ་ན་རྒྱུ་དང་གཞི་རྣམས་དང་།། དཔེ་རྣམ་བྱེ་བ་ཁྲག་ཁྲིག་རྣམས་ཀྱིས་ཀྱང་།། སངས་རྒྱས་བྱང་ཆུབ་མཆོག་དེ་གནས་པར་བསྟན།། དེ་ནས་བདག་ནི་ཆོས་ཐོས། ཐེ་ཙོམ་བྲལ།། གང་ཚེ་བདག་ལ་སངས་རྒྱས་བྱེ་བ་སྟོང་།། མྱ་ངན་ཡོངས་འདས་རྒྱལ་བ་འདས་པས་བརྗོད།། ཐབས་མཁས་པ་ལ་རབ་ཏུ་གནས་ནས་ནི།། དེ་དག་གིས་ཀྱང་ཆོས་འདི་ཤིན་ཏུ་བཤད།། མ་བྱོན་སངས་རྒྱས་མང་དང་འཇིག་རྟེན་ན།། དོན་དམ་གཟིགས་པ་གང་དག་བཞུགས་པ་རྣམས།། ཐབས་ལ་མཁས་པ་བརྒྱ་ཡིས་རང་གི་ཆོས།། ཤིན་ཏུ་སྟོན་པར་འགྱུར་ཞི་དེ་ལྟར་འཆང་། ། དེ་ལྟར་ཁྱོད་ཉིད་སྤྱོད་པ་ཅི་འདྲ་བ།། ཁབ་ནས་བྱུང་བ་ཚུན་ཆད་རབ་བསྟན་ཅིང་།། ཆོས་ཀྱི་འཁོར་ལོ་ཅི་འདྲ་ཁྱོད་ཀྱིས་མཁྱེན།། ཇི་ལྟར་ཁྱོད་ཀྱི་ཆོས་བཤད་གནས་པ་ལས།། དེ་བས་དེ་ནི་བདུད་མ་ལགས་པར་འཚལ། ། འཇིག་རྟེན་མགོན་པོ་ཡང་དག་སྤོད་སྟོན་པ།། འདི་ལ་བདུད་ཀྱི་སྤྱོད་ཡུལ་མ་མཆིས་ན།། བདག་ཉིད་དེ་ལྟར་སེམས་ལ་ཐེ་ཙོམ་སྐྱེས།། གང་ཚེ་འཇམ་ཞིང་ཟབ་མོ་སྙན་པ་ཡི། ། སངས་རྒྱས་གསུང་གིས་བདག་གི་དགའ་བ་བསྐྱེད།། དེ་ན་བདག་གི་དོགས་པ་ཀུན་བསལ་གྱུར།། བདག་ནི་ཐེ་ཙོམ་བྲལ་ཏེ་ཡེ་ཤེས་གནས།། ལྷར་བཅས་འཇིག་རྟེན་དག་གིས་མདུན་བདར་ཏེ། ། དེ་བཞིན་གཤེགས་པར་བདག་འགྱུར་ཐེ་ཙོམ་བྲལ།། བྱང་ཆུབ་སེམས་དཔའ་མང་པོ་ཀུན་འཛུད་ཅིང་།། སངས་རྒྱས་བྱང་ཆུབ་འདི་ཡང་དགོངས་པར་བཤད།། དེ་སྐད་ཅེས་གསོལ་པ་དང་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་རིའི་བུ་ལྷ་དང་བཅས་པའི་འཇིག་རྟེན་འདི་དག་གི་མདུན་དང་། བདུད་དུ་བཅས་ཚངས་པར་བཅས། དགེ་སྦྱོང་དང་། བྲམ་ཟེར་བཅས་པའི་སྐྱེ་དགུའི་མདུན་དུ་ཁྱོད་མོས་པར་བྱའོ།། ཁྱོད་ཀྱིས་ཁོང་དུ་ཆུད་པར་བྱའོ།། ཤཱ་རིའི་བུ་ངས་ཁྱོད་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་ཉི་ཤུའི་དྲུང་དུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་ཏེ། ཤཱ་རིའི་བུ་ཁྱོད་ཡུན་རིང་པོ་ནས་ངའི་རྗེས་སུ་སློབ་པར་གྱུར་པ་ཡིན་ཏེ། ཤཱ་རིའི་བུ་ཁྱོད་བྱང་ཆུབ་སེམས་དཔའི་མན་ངག་དང་བྱང་ཆུབ་སེམས་དཔའི་གསང་ཆེན་གྱིས། ངའི་གསུངས་རབ་འདི་ལས་སྐྱེས་པར་གྱུར་ཏོ།། ཤཱ་རིའི་བུ་འདི་ལྟར་ཁྱོད་བྱང་ཆུབ་སེམས་དཔའི་བྱིན་གྱི་རླབས་ཀྱི་སྔོན་གྱི་སྤྱོད་པ་དང་སྨོན་ལམ་དང་། བྱང་ཆུབ་སེམས་དཔའི་མན་ངག་དང་། བྱང་ཆུབ་སེམས་དཔའི་གསང་ཆེན་མི་དྲན་ནས། བདག་མྱ་ངན་ལས་འདས་སོ་སྙམ་དུ་སེམས་ཏེ། ཤཱ་རིའི་བུ་ངས་ཁྱོད་སྔོན་གྱི་སྤྱོད་པ་དང་། སྨོན་ལམ་དང་། ཡེ་ཤེས་ཁོང་དུ་ཆུད་པར་དྲན་པར་བྱ་བར་འདོད་དེ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་མདོ་སྡེ་ཤིན་ཏུ་རྒྱས་པ་ཆེན་པོ་བྱང་ཆུབ་སེམས་དཔའ་རྣམས་ལ་གདམས་པ། སངས་རྒྱས་ཐམས་ཅད་ཀྱི་ཡོངས་སུ་བཟུང་བ་འདི་ཉན་ཐོས་རྣམས་ལ་ཡང་དག་པར་བསྟན་ཏོ། ། ཤཱ་རིའི་བུ་ཁྱོད་འདི་ལྟར་མ་འོངས་པའི་དུས་ན། བསྐལ་པ་དཔག་ཡས་བསམ་གྱི་མི་ཁྱབ་པ་དཔག་ཏུ་མེད་པར་དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་མང་པོའི་ཆོས་བཟུང་ཞིང་མཆོད་པ་རྣམ་པ་སྣ་ཚོགས་བྱས་ཏེ། བྱང་ཆུབ་སེམས་དཔའི་སྤྱོད་པ་འདི་དག་ཡོངས་སུ་རྫོགས་པར་བྱས་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་པདྨའི་འོད་ཅེས་བྱ་བར་འཇིག་རྟེན་དུ་འབྱུང་བར་འགྱུར་རོ།། ཤཱ་རིའི་བུ་དེའི་ཚེ་ན། བཅོམ་ལྡན་འདས་དེ་བཞིན་གཤེགས་པ་པདྨའི་འོད་དེའི་སངས་རྒྱས་ཀྱི་ཞིང་རྡུལ་མེད་པ་ཞེས་བྱ་བར་འགྱུར་ཏེ། མཉམ་པ། ཉམས་དགའ་བ། བཟང་བ། སྡུག་པ། ཡོངས་སུ་དག་པ། འབྱོར་པ། རྒྱས་པ་བདེ་བ་ལོ་ལེགས་པ། མི་དང་ལྷ་མང་པོས་རབ་ཏུ་གང་བ། གཞི་བཻ་ཌཱུཪྻ་ལ་ལ་གསེར་གྱི་སྐུད་པ་མིག་མངས་རིས་སུ་བྲེས་པ། མིག་མངས་དེ་ཀུན་ཏུ་རིན་པོ་ཆེའི་ཤིང་སྐྱེས་ཏེ། རྟག་པར་རྒྱུན་དུ་རིན་པོ་སྣ་བདུན་གྱི་མེ་ཏོག་དང་འབྲས་བུ་དང་ལྡན་པར་འགྱུར་རོ། ། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་འོད་དེ་ཡང་ཐེག་པ་གསུམ་ལས་བརྩམས་ནས་ཆོས་སྟོན་ཏེ། གཞན་ཡང་ཤཱ་རིའི་བུ་དེ་བཞིན་གཤེགས་པ་དེ་བསྐལ་པའི་སྙིགས་མ་ལ་མི་འབྱུང་མོད་ཀྱི། འོན་ཀྱང་སྔོན་གྱི་སྨོན་ལམ་གྱི་དབང་གིས་ཆོས་སྟོན་པར་འགྱུར་རོ།། ཤཱ་རིའི་བུ་བསྐལ་པ་དེའི་མིང་ཡང་རིན་པོ་ཆེ་ཆེན་པོས་བརྒྱན་པ་ཞེས་བྱ་བར་འགྱུར་རོ། ། ཤཱ་རིའི་བུ་དེ་ཇི་སྙམ་དུ་སེམས། ཅིའི་ཕྱིར་བསྐལ་པ་དེ་རིན་པོ་ཆེ་ཆེན་པོས་བརྒྱན་པ་ཞེས་བྱ་ཞེ་ན། ཤཱ་རིའི་བུ་སངས་རྒྱས་ཀྱི་ཞིང་དེ་ན་བྱང་ཆུབ་སེམས་དཔའ་རྣམས་ནི་རིན་པོ་ཆེཆེན་པོ་ན་བྱ་སྟེ། དེའི་དུས་དེའི་ཚེ་འཇིག་རྟེན་གྱི་ཁམས་རྡུལ་མེད་པ་དེར། དེ་དག་དཔག་ཏུ་མེད་པ། བགྲང་དུ་མེད་པ། བསམ་གྱིས་མི་ཁྱབ། བགྲང་བ་ལས་འདས་པ་མང་པོ་འབྱུང་སྟེ། དེ་བཞིན་གཤེགས་པས་བགྲང་བ་ནི་མ་གཏོགས་སོ།། དེའི་ཕྱིར་བསྐལ་པ་དེ་རིན་པོ་ཆེ་ཆེན་པོས་བརྒྱན་པ་ཞེས་བྱའོ།། ཤཱ་རིའི་བུ་འདི་ལྟར་ཡང་དེའི་ཚེ། བྱང་ཆུབ་སེམས་དཔའ་རྣམས་སངས་རྒྱས་ཀྱི་ཞིང་དེ་ན། ཕལ་ཆེར་རིན་པོ་ཆེའི་པདྨའི་སྟེང་ནས་གོམ་པ་འདོར་ཞིང་འགྲོ་བར་འགྱུར་ཏེ། བྱང་ཆུབ་སེམས་དཔའ་འབྱུང་བ་དེ་དག་ནི་ལས་དང་པོ་མ་ཡིན་ཏེ། དགེ་བའི་རྩ་བ་ཡུན་རིང་པོ་ནས་སྤྱད་པ། ལོ་བརྒྱ་སྟོང་མང་པོར་ཚངས་པར་སྤྱོད་པ་སྤྱད་པ་དེ་བཞིན་གཤེགས་པས་ཡོངས་སུ་བསྟོད་པ། སངས་རྒྱས་ཀྱི་ཡེ་ཤེས་ལ་བརྩོན་པ་མངོན་པར་ཤེས་པ་ཆེན་པོ་ཡོངས་སུ་སྦྱངས་པ་ལས་སྐྱེས་དང་། ཆོས་ཀྱི་ཚུལ་ཐམས་ཅད་ལས་མཁས་པ། མཉེན་པ། དྲན་པ་དང་ལྡན་པ་ཡིན་ཏེ། ཤཱ་རིའི་བུ་ཕལ་ཆེར་ནི་བྱང་ཆུབ་སེམས་དཔའ་དེ་ལྟ་བུས་སངས་རྒྱས་ཀྱི་ཞིང་དེ་ཡོངས་སུ་གོང་བར་འགྱུར་རོ། ། ཤཱ་རིའི་བུ་འདི་ལྟར་ཡང་དེ་བཞིན་གཤེགས་པ་པདྨའི་འོད་དེའི་ཚེའི་ཚད་ནི་གཞོན་ནུར་གྱུར་པ་མ་གཏོགས་པར་བར་གྱི་བསྐལ་པ་བཅུ་གཉི་སུ་འགྱུར་རོ། ། སེམས་ཅན་དེ་དག་གི་ཚེའི་ཚད་ནི་བར་གྱི་བསྐལ་པ་བརྒྱད་དུ་འགྱུར་རོ།། ཤཱ་རིའི་བུ་དེ་བཞིན་གཤེགས་པ་པདྨའི་འོད་དེ། བར་གྱི་བསྐལ་པ་བཅུ་གཉིས་འདས་པ་དང་། དགེ་སློང་དག་བྱང་ཆུབ་སེམས་དཔའ་སེམས་དཔའ་ཆེན་པོ་མོས་པ་རྫོགས་པ་འདི་ངའི་འོག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ། ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིགས་པ་དང་ནབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་པདྨའི་ཁྱུ་མཆོག་རྣམ་པར་གནོན་པ་ཞེས་བྱ་བར་འཇིག་རྟེན་དུ་འབྱུང་ངོ་ཞེས། བྱང་ཆུབ་སེམས་དཔའོ་སེམས་དཔའ་ཆེན་པོ་མོས་པ་རྫོགས་པ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ནས། ཡོངས་སུ་མྱ་ངན་ལས་འདའ་བར་འགྱུར་རོ།། ཤཱ་རིའི་བུ་དེ་བཞིན་གཤེགས་པ་པདྨའི་ཁྱུ་མཆོག་རྣམ་པར་གནོན་པ་དེའི་སངས་རྒྱས་ཀྱི་ཞིང་ཡང་རྣམ་པ་དེ་འདྲ་བར་འགྱུར་རོ། ། ཡང་ཤཱ་རིའི་བུ་དེ་བཞིན་གཤེགས་པ་པདྨའི་འོད་དེ་ཡོངས་སུ་མྱ་ངན་ལས་འདས་ནས་བར་གྱི་བསྐལ་པ་སུམ་ཅུ་རྩ་གཉིས་སུ་དམ་པའི་ཆོས་གནས་པར་འགྱུར་རོ། ། བར་གྱི་བསྐལ་པ་སུམ་ཅུ་རྩ་གཉིས་སུ་དམ་པའི་ཆོས་ཀྱི་གཟུགས་བརྙན་གནས་པར་འགྱུར་རོ།། དེ་ནས་བཅོམ་ལྡན་འདས་ཀྱིས། དེའི་ཚེ་ཚིགས་སུ་བཅད་པ་འདི་དག་པཀའ་སྩལ་ཏོ། ། མ་འོངས་དུས་ན་ཤཱ་རིའི་བུ་ཁྱོད་ཀྱང་།། རྒྱལ་བ་དེ་བཞིན་གཤེགས་པ་འབྱུང་འགྱུར་ཏེ།། པདྨའི་འོད་ཅེས་བྱ་བ་ཀུན་ཏུ་སྤྱན།། སྲོག་ཆགས་བྱེ་བ་སྟོང་དག་རྣམ་པར་འདུལ། ། སངས་རྒྱས་བྱེ་བ་མངལ་བཀུར་སྟིར་བྱས།། དེར་ནི་སྤྱོད་པ་སྟོབས་རྣམས་རབ་བསྒྲུབས་ནས།། སྟོབས་བཅུ་དག་ཀྱང་མངོན་པར་བསྐྱེད་བྱས་ཏེ།། བྱང་ཆུབ་དམ་པ་མཆོག་ཀྱང་ཐོབ་པར་འགྱུར། ། ཚད་མེད་བསམ་གྱིས་མི་ཁྱབ་བསྐལ་པ་ན།། དེ་ཚེ་བསྐལ་པ་རིན་ཆེན་མང་པོ་འབྱུང་།། འཇིག་རྟེན་མིང་ཡང་དེ་ཚེ་རྡུལ་མེད་པ།། རྐང་གཉིས་གཙོ་བོའི་ཞིང་ནི་རྣམ་པར་དག། བཻ་ཌཱུཪྻ་ལླི་དེ་བཞིན་ས་གཞི་གཡོགས། ། གསེར་གྱི་བཀུད་པས་སོ་སོར་རབ་ཏུ་བརྒྱན།། མེ་ཏོག་འབྲས་བུས་བརྒྱན་ཅིང་བལྟ་སྡུག་པའི།། རིན་ཆེན་ཤིང་ལྗོན་བརྒྱ་དང་རབ་ཏུ་ལྡན།། དྲན་ལྡན་བྱང་ཆུབ་སེམས་དཔའ་དེ་ན་མང་། ། སྤྱོད་པ་མངོན་པར་བསྒྲུབ་ལ་རབ་མཁས་ཤིང་།། གང་གིས་སངས་རྒྱས་བརྒྱ་ལས་སྤྱོད་བསླབས་པ།། དེ་དག་སངས་རྒྱས་ཞིང་དེར་སྐྱེ་བར་འགྱུར།། རྒྱལ་བ་དེ་ཡི་ཐ་མའི་ལུས་ཀྱི་ཚེ། ། གཞོན་ནུའི་ས་ལས་ཤིན་ཏུ་འདས་གྱུར་ནས།། འདོད་པ་རྣམ་པར་སྤངས་ནས་མངོན་བྱུང་སྟེ།། བྱང་ཆུབ་དམ་པ་མཆོག་ཀྱང་ཐོབ་པར་འགྱུར།། དེ་ན་རྒྱལ་བ་དེ་ཡི་ཚེ་ཚད་ནི།། བར་གྱི་བསྐལ་པ་བཅུ་གཉིས་ཚངས་པར་འགྱུར། ། དེ་ན་མི་དེ་དག་གི་ཚེ་ཚད་ནི།། བར་གྱི་བསྐལ་པ་བརྒྱད་དུ་ཐུབ་པར་གྱུར།། རྒྱལ་བ་དེ་ནི་མྱ་ངན་འདས་ནས་ཀྱང་།། བར་གྱི་བསྐལ་པ་སུམ་ཅུ་གཉིས་ཚང་བར།། ལྷར་བཅས་འཇིག་རྟེན་རྣམས་ལ་ཕན་པའི་ཕྱིར། ། དེ་ཡི་ཚེ་ན་དམ་པའི་ཆོས་གནས་སོ།། དམ་པའི་ཆོས་ནུབ་དེ་ཡི་གཟུགས་བརྙན་ཡང་།། བར་གྱི་བསྐལ་པ་སུམ་ཅུ་རྩ་གཉིས་གནས།། སྐྱོབ་པ་དེ་ཡི་སྐུ་གདུང་རྒྱས་འགྱུར་ཏེ། ། ལྷ་དང་མི་ཡིས་རྟག་ཏུ་རིམ་གྲོ་བྱ།། བཅོམ་ལྡན་འདས་དེ་དེ་ལྟར་འབྱུང་འགྱུར་གྱིས།། ཤཱ་རིའི་བུ་ཁྱོད་རབ་ཏུ་དག་པར་གྱིས།། ཟིལ་གྱིས་མི་ནོན་རྐང་གཉིས་གཙོ་བོ་སྟེ།། དེ་ལྟར་འགྱུར་བ་དེ་ནི་ཁྱོད་ཉིད་ཡིན་དེ་ནས་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་འཁོར་བཞི་པོ་དེ་དག་དང་། ལྷ་དང་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ན་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་རྣམས། ཚེ་དང་ལྡན་པ་ཤཱ་རིའི་བུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་འདི། བཅོམ་ལྡན་འདས་ལས་མངོན་གསུམ་དུ་ཐོས་ནས། ཚིམ་ཞིང་མགུ་ལ་ཡིད་རངས་ཏེ། རབ་ཏུ་དགའ་ནས། དགའ་བ་དང་། ཡིད་བདེ་བ་སྐྱེས་ཏེ། རང་རང་གི་གོས་བཅོམ་ལྡན་འདས་ཀྱི་སྐུ་ལ་གསོལ་ཏོ། ། ལྷའི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་། ལྷའི་བུ་གཞན་བྱེ་བ་བརྒྱ་སྟོང་དག་གི་ཀྱང་བཅོམ་ལྡན་འདས་ཀྱི་སྐུ་ལ་ལྷའི་ན་བཟ་དག་གསོལ། ལྷའི་མེ་ཏོག་མ་ནཱ་ར་བ་དང་། མནྡཱ་ར་ཆེན་པོ་དག་ཀྱང་མངོན་པར་གཏོར། སྟེང་གི་བར་སྣང་ལ་ལྷའི་གོས་དག་ཀྱང་བསྐོད། ལྷའི་སིལ་སྙན་བརྒྱ་སྟོང་དང་། རྔ་དག་ཀྱང་སྟེང་གི་བར་སྣང་ལ་བརྡུངས་ཏེ། མེ་ཏོག་གི་ཆར་ཆེན་པོ་ཡང་མངོན་པར་ཕབ་ནས། ཚིག་འདི་སྐད་དུ། བཅོམ་ལྡན་འདས་ཀྱིས་སྔོན་ཡུལ་ཝ་ར་ཎ་སེར་དྲང་སྲོང་ལྷུང་བ་རི་དགས་ཀྱི་ནགས་སུ་ཆོས་ཀྱི་འཁོར་ལོ་བསྐོར་ཏེ། དེང་འདིར་ཡང་བཅོམ་ལྡན་འདས་ཀྱིས་བླ་ན་མེད་པའི་ཆོས་ཀྱི་འཁོར་ལོ་བསྐོར་ཏོ་ཞེས་སྨྲས་ནས་ལྷའི་བུ་དེ་རྣམས་ཀྱིས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ།། ཝཱ་ར་ཎ་སེར་འཇིག་རྟེན་ན། ། མཚུངས་མེད་གང་ཟག་དཔའ་ཆེན་གྱིས།། ཕུང་པོའི་སྐྱེ་འཇིག་སྟོན་པ་ཡི།། ཆོས་ཀྱི་འཁོར་ལོ་རབ་བསྐོར་ཏེ།། དེར་ནི་ཐོག་མར་རབ་ཏུ་བསྐོར།། འདྲེན་པས་འདིར་དང་ལན་གཉིས་ཏེ།། ཡིད་ཆེས་དཀའ་བ་གང་ལགས་དེ། ། རྣམ་འདྲེན་ཁྱོད་ཀྱིས་དེ་བཤད་དོ།། འཇིག་རྟེན་མགོན་པོའི་སྤྱན་སྔར་ནི། བདག་ཅག་ཆོས་མང་ཐོས་ན་ཡང་།། འདི་འདྲ་བ་ཡི་ཆོས་འདི་ནི།། སྔན་ཆད་ནམ་ཡང་མཐོས་སོ། ། དྲང་སྲོང་ཆེན་པོའི་ལྡེམ་ངག་ལ།། དཔའ་བོ་བདག་ཅག་རྗེས་ཡི་རང་།། ཇི་ལྟར་འཇིགས་མེད་ཤཱ་རིའི་བུ།། འཕགས་པ་འདི་ལ་ལུང་བསྟན་བཞིན།། དེ་འདྲར་བདག་ཅག་འཇིག་རྟེན་དུ། ། བླ་མེད་སངས་རྒྱས་གྲུབ་གྱུར་ནས།། དགོངས་ཏེ་བཤད་པ་སངས་རྒྱས་ཀྱི།། བྱང་ཆུབ་བླ་མེད་སྟོན་པར་ཤོག། འཇིག་རྟེན་འདི་དང་གཞན་དག་ཏུ།། རྫོགས་པའི་སངས་རྒྱས་མཉེས་བགྱིས་ཏེ། ། བདག་ཅག་དགེ་བ་ཅི་བགྱིས་པ།། བྱང་ཆུབ་ཏུ་ཡང་སྨོན་པར་ཤོག། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ།། བཅོམ་ལྡན་འདས་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ། བཅོམ་ལྡན་འདས་ལས་མངོན་སུམ་དུ་ཐོས་ནས། བཅོམ་ལྡན་འདས་བདག་ཐེ་ཙོམ་མ་མཆིས་པར་གྱུར། སོམ་ཉིད་དང་བྲལ་བར་གྱུར་ཏོ།། བཅོམ་ལྡན་འདས་གང་དག་དང་དང་ལྡན་པར་གྱུར་པ་སྟོང་ཉིས་བརྒྱ་པོ་སྔོན་བཅོམ་ལྡན་འདས་ཀྱིས་སློབ་པའི་ས་ལ་བཀོད་དེ། དགེ་སློང་དག་གང་འདི་སྐྱེ་བ་དང་། རྒ་བ་དང་། ན་བ་དང་། འཆི་བ་ལས་ཡང་དག་པར་འདའ་བ་ཡོངས་སུ་མྱ་ངན་ལས་འདས་པའི་མཐར་ཐུག་པ། མྱ་ངན་ལས་འདས་པ་ལ་ཡང་དག་པར་གཞོལ་བ་དེ་ནི། ངའི་རློས་འདུལ་བའི་མཐར་ཐུག་པ་ཡིན་ནོ་ཞེས་དེ་སྐད་གཏམས་ཤིང་དེ་སྐད་རྗེས་སུ་བསྟན་པ་འདི་དག་དང་། བཅོམ་ལྡན་འདས་སློབ་པ་དང་། མི་སློབ་པའི་དགེ་སློང་དག་ཏུ་ལྟ་བ་དང་། འབྱུང་བར་ལྟ་བ་དང་འཇིག་པར་ལྟ་བའི་ལྟ་བ་ཐམས་ཅད་རྣམ་པར་སྤངས་ཏེ། བཅོམ་ལྡན་འདས་ཀྱི་ཉན་ཐོས་ཉིས་སྟོང་པོ་འདི་དག་ཐམས་ཅད་ཀྱང་བདག་མྱ་ངན་འདས་པའི་ས་ལ་གནས་སོ་སྙམ་བགྱིད་དེ་འདི་དག་སྔོན་མ་ཐོས་པའི་ཆོས་འདི་ལྟ་བུ་འདི་བཅོམ་ལྡན་འདས་ལས་ཐོས་ནས། ཐེ་ཙོམ་འཚལ་བར་གྱུར་ན། བཅོམ་ལྡན་འདས་ཅི་ནས་འཁོར་བཞི་པོ་འདི་དག་ཐེ་ཙོམ་མ་མཆིས། སོམ་ཉི་མ་མཆིས་པར་གནས་པར་འགྱུར་བར་དགེ་སློང་འདི་དག་གི་དོགས་པ་གསལ་བའི་སླད་དུ། བཅོམ་ལྡན་འདས་ཀྱིས་ལེགས་པར་བཀའ་སྩལ་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱི་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་རིའི་བུ་སེམས་ཅན་མོས་པ་ཐ་དད་པ་དང་། བསམ་པ་དང་། ཁམས་ཐ་དད་པ་རྣམས་ཀྱི་བསམ་པ་མཁྱེན་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་ལྟར་སྣ་ཚོགས་མངོན་པར་བསྒྲུབ་པ་དང་། རྒྱུ་དང་གཞི་དང་དཔེ་དང་དམིགས་པ་དང་། ངེས་པའི་ཚིག་དང་། ཐབས་མཁས་པ་རྣམ་པ་། སྣ་ཚོགས་ཀྱིས་ཆོས་སྟོན་ཏོ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ལས་བརྩམས་ཏེ། ཆོས་བསྟན་པ་ཐམས་ཅད་ཀྱིས་བྱང་ཆུབ་སེམས་དཔའི་ཐེག་པ་འདི་ཉིད་ལ་ཡང་དག་པར་འཛུད་དོ། ཞེས་ངས་ཁྱོད་ལ་བསྟན་ཟིན་པ་མ་ཡིན་ནམ། ཤཱ་རིའི་བུ་འོན་ཀྱང་དོན་དེ་རྒྱས་པར་བསྟན་པའི་ཕྱིར། ཁྱོད་ལ་དཔེ་བསྟན་པར་བྱའོ།། དེ་ཅིའི་ཕྱིར་ཞེ་ན། སྐྱེས་བུ་མཁས་པ་ལ་ལ་ནི་སྨྲས་པའི་དོན་དཔེས་ཤེས་པར་འགྱུར་བའི་ཕྱིར་རོ། ། ཤཱ་རིའི་བུ་འདི་ལྟ་སྟེ་དཔེར་ན། གྲོང་ངམ། གྲོང་ཁྱེར་རམ། ལྗོངས་སམ། གྲོང་རྡལ་ལམ། ཡུལ་འཁོར་རོམ། རྒྱལ་པོའི་ཕོ་བྲང་འཁོར་ལ་ལ་ཞིག་ན།། ཁྱིམ་བདག་རྒན་པོ་འཁོགས་པ། གཏུགས་པ། དུས་ཡོལ་བ་དགོག་ཏུ་ཕྱིན་པ། ཕྱུག་པ་ནོར་ཆེ་བ། ལོངས་སྤྱོད་ཆེ་བ་ཞིག་འདུག་ལ། དེའི་ཁང་པ་ཡང་མཐོ་ཞིང་ཡང་ལ། བརྩིགས་ནས་རིང་དུ་ལོན་པ། འདྲུམས་པ། སྲོག་ཆགས་བརྒྱ་ཕྲག་གཅིག་ག་མ། གཉིས་སམ། གསུམ་མམ། བཞི་འམ། ལྔའི་གནས་སྒོ་གཅིག་པ་ཞིག་ཡོད་དེ། རྩས་གཡོགས་པ། ཁྱམས་རྣམས་ཀྱང་འདྲུམས་པ། ཀ་བའི་རྩ་བ་རུལ་བ། རྩིག་པ་དང་། སྒོའི་སྐྱང་ནུལ་གོགས་པར་གྱུར་པའི་ཁང་པ་དེ་ལ་གློ་བུར་དུ་མེའི་ཕུང་པོ་ཆེན་པོ་ངོས་ཐམས་ཅད་ཀུན་ནས་རབ་ཏུ་འབར་བར་གྱུར་ལ། སྐྱེས་བུ་དེ་ལ་ཡང་ཁྱེའུ་ལྔ་འམ། བཅུ་འམ། ཉི་ཤུ་འམ། མང་ཞིག་ཡོད་དེ། སྐྱེས་བུ་དེ་ནི་ཁང་པ་དེ་ནས་བྱུང་བར་གྱུར་ལ། ཤཱ་རིའི་བུ་དེ་ནས་སྐྱེས་བུ་དེས་བདག་གི་ཁང་པ་ལ་མེའི་ཕུང་པོ་ཆེན་པོ་ཀུན་ནས་འབར་བར་མཐོང་སྟེ། སྔངས་སྐྲག་ནས་སེམས་མི་དགའ་བར་གྱུར་ཏེ། འདི་ལྟར་བདག་ནི་མེའི་ཕུང་པོ་ཆེན་པོ་འདིས་མ་རེག་མ་ཚིག་ཅིང་བདེ་བར་མྱུར་དུ་ཁྱིམ་འབར་བ་འདིའི་སྒོར་བྱུང་སྟེ་འགྲོ་ནུས་མོད་ཀྱི། བདག་གི་བུ་བྱིས་པ་གཞོན་ནུ་འདི་དག་ཁྱིམ་འབར་བ་འདི་ན་རྩེ་མོ་དག་གིས་རྩེ་དགའ་ཞིང་དགའ་དགུར་སྤྱོད་དེ། ཁྱིམ་འདི་ཚིག་པར་མཚོར་མི་ཤེས་མ་རིག་མ་རྟོགས་ནས། འདི་ལྟར་མེའི་ཕུང་པོ་ཆེན་པོས་ཤིན་ཏུ་གདུངས་ཏེ། སྡུག་བསྔལ་གྱི་ཕུང་པོ་ཆེན་པོས་རེག་ཀྱང་མི་དག་ར་མི་བྱེད་དེ། སྡུག་བསྔལ་དུ་ཡང་ཡིད་ལ་མི་འཛིན། ཕྱིར་འབྱུང་བར་ཡང་ཡིད་ལ་བྱ་བ་མི་སྐྱེད་དོ་སྙམ་དུ་སེམས་སོ། ། ཤཱ་རིའི་བུ་སྐྱེས་བུ་དེ་ཡང་སྟོབས་དང་ལྡན་ཞིང་ལག་སྟོབས་ཆེ་བ་ཡིན་ཏེ། དེ་འདི་ལྟར་བདག་སྟོབས་དང་ལྡན་ཞིང་ལག་སྟོབས་ཡོད་ན། བདག་གིས་ཁྱེའུ་འདི་དག་ཐམས་ཅད་གཅིག་ཏུ་སྡུས་ལ་ཕང་པར་བླང་སྟེ་ཁྱེར་ལ་ཁྱིམ་འདི་ནས་དབྱུང་ངོ་སྙམ་དུ་བསམས་པ་དང་། དེས་ཡང་འདི་སྙམ་དུ་བསམས་ཏེ། ཁང་པ་འདི་ན་སྒོ་གཅིག་པུ་ཡོད་པ་སྒོ་དེ་ཡང་དོག། གཞོན་ནུ་འདི་དག་ནི་གཡོ་ཞིང་རྒོད་དེ། བྱིས་པར་གྱུར་པས་གཏན་པར་གྱུར་དུ་འོང་སྟེ། དེ་དག་མེའི་ཕུང་པོ་ཆེན་པོ་འདིས་ཚུལ་མ་ཡིན་པར་ཉོན་མོངས་པར་འགྱུར་གྱིས། འདི་ངདག་ལ་སྦྲན་ཏོ་སྙམ་དུ་དེ་ལྟར་བསམས་ནས། གཞོན་ནུ་དེ་དག་ལ་སྨྲས་པ། ཁྱིམ་འདི་ལ་མེའི་ཕུང་པོ་ཆེན་པོ་འབར་ཏེ། འདིར་ཐམས་ཅད་མེའི་ཕུང་པོ་ཆེན་པོ་འདིས་ཚོགས་ནས་ཚུལ་མ་ཡིན་པར་ཉོན་མོངས་པར་གྱུར་དུ་འོངས་ཀྱིས་གཞོན་ནུ་ཁྱེད་ཚུར་གཤེགས། ཕྱིར་བྱུང་ཞེས་བྱས་པ་དང་། དེ་ལྟར་ཕན་པར་འདོད་པའི་སྐྱེས་བུ་དེས་དེ་སྐད་བསྒོ་བ། གཞོན་ནུ་དེ་དག་གིས་མེ་འབར་བ་དེ་ལྟ་གོ་ཅི་ཞིག་ཅེས་མི་ཤེས་ནས། མི་དགར་མི་བྱེད། མི་འཇིགས་མི་སྐྲག། འཇིགས་པར་མ་གྱུར་ཏེ། མི་སེམས་ཕྱིར་འབྱུང་དུ་མི་འདྲུངས་ཤིང་མ་རིག་མི་ཤེས་ཏེ། གཞན་དུ་ན་དེ་དང་དེ་དག་ཏུ་འཕྱན་ཅིང་ཕྱི་ཕྱིར་རྒྱུག་སྟེ། བ་དེ་ལ་ལྟའོ།། དེ་ཅིའི་ཕྱིར་ཞེ་ན། དེ་དགེ་འདི་ལྟར་བྱིས་པར་གྱུར་པའི་ཕྱིར་རོ།། དེ་ནས་ཡང་སྐྱེས་བུ་དེ་འདི་སྙམ་དུ་སེམས་ཏེ། ཁྱིམ་འདི་ལ་མེའི་ཕུང་པོ་ཆེན་པོ་འབར་ཏེ། འདིར་བདག་དང་གཞོན་ནུ་འདི་དག་ཚུལ་མ་ཡིན་པར་མེའི་ཕུང་པོ་ཆེན་པོ་འདིས་སྐྱོན་མོངས་པར་འགྱུར་དུ་འོང་གིས། འདི་ལྟར་བདག་གིས་ཐབས་མཁས་པས་གཞོན་ནུ་འདི་དག་ཁྱིམ་འདི་ནས་གདོན་ཏོ་སྙམ་ནས། སྐྱེས་བུ་དེས་གཞོན་ནུ་དེ་དག་གི་བསམ་པ་ཤེས། མོས་པ་རིག་པར་གྱུར་ཏེ། གཞོན་ནུ་དེ་དག་བརྩེད་པ་ནི་དུ་མ་སྟེ། རྣམ་པ་ཐ་དད་པ་ཡང་དུ་མ་ཞིག་ཡིན་ལ། དགའ་བར་འགྱུར་བ་འདོད་པ་དང་། མཛེས་པ་དང་། སྡུག་པ་དང་། ཡིད་དུ་འོང་བ་རྣམ་པ་དུ་མ་ཡིན་ན། དེ་དག་ཀྱང་དཀོན་པར་གྱུར་ཏེ། དེ་ནས་སྐྱེས་བུ་དེས་གཞོན་དུ་དེ་དག་གིས་བསམ་པ་ཤེས་པས་འདི་སྐད་ཅེས་སྨྲས་ཏེ། གཞོན་ནུ་དག་ཁྱེད་ཀྱི་རྩེད་མོ་བྱ་བ་དགའ་བར་འགྱུར་བ་ངོ་མཚར་རྨད་དུ་བྱུང་བ་གང་མ་རྙེད་པའི་ཕྱིར་མི་དགའ་བར་གྱུར་པ་དེ་དག་ཁ་དོག་སྣ་ཚོགས་རྣམ་པ་མང་ཁོ་འདི་ལྟ་སྟེ། གླང་གི་ཤིང་རྟ་དང་། རའི་ཤིང་རྟ་དང་། རི་དགས་ཀྱི་ཤིང་རྟ་ཁྱེད་ཀྱིས་ཇི་ལྟར་སེམས་པ་དང་། མཛེས་པ་དང་། སྡུག་པ་དང་། ཡིད་དུ་འོང་བ་དེ་དག་ཐམས་ཅད་ཁྱེད་རྩེར་གཞུག་པའི་ཕྱིར། ངས་ཁང་པའི་ཕྱི་སྒོར་བཀོད་ཀྱིས། ཁང་པ་འདི་ནས་ཁྱེད་ཕྱིར་བྱུང་ལ། རྒྱུག་སྟེ་ཤེགས་ཤིག་དང་། ངས་ཁྱེད་ཅག་སུ་ཅི་འདོད་པ་དེ་ལ་དེ་སྦྱིན་གྱིས་ད་ངག་གི་ཕྱིར་མྱུར་དུ་རྒྱུགས་ཏེ། ཤེག་ཤིག་ཅེས་བྱས་པ་དང་། གཞོན་ནུ་དེ་དག་འདོད་པ་དང་། མཛེས་པ་དང་། སྡུག་པ་དང་། ཡིད་དུ་འོང་བ་ཇི་ལྟ་བུར་འདོད་པ་དང་ཇི་ལྟ་བུར་བསམས་པ་རྣམས་ཀྱི་མིང་ཐོས་ནས། འབར་བར་གྱུར་པའི་ཁང་པ་དེ་ནས་རྩེད་མོ་ར་བ་པ་དང་། དགའ་བར་བྱ་བའི་ཕྱིར། མྱུར་བ་ཁོ་ནར་བརྩོན་འགྲས་བརྩམས་ནས། མཐུ་དང་ལྡན་པའི་དབང་གིས་གཅིག་ལ་གཅིག་སྡོད་པ་མེད་པར་སུ་སྔ་དེ་བས་ཀྱང་སུ་སྔ་ཞེས་ལུས་གཅིག་ལ་གཅིག་བངོས་ཤིང་རྒྱུགས་ཏེ། ཁྱིམ་འབར་པ་དེ་ནས་མྱུར་དུ་ཕྱིར་ཐོན་ཏོ།། དེ་ནས་སྐྱེས་བུ་དེས་བྱིས་པ་དེ་དག་བདེ་ཞིང་ལེགས་པར་འཐོན་པ་མཐོང་ནས། འཇིགས་པ་མེད་པར་གྱུར་པར་རིག་སྟེ། གྲོང་གི་དཔོངས་བླ་གབ་མེད་པར་འདུག་ནས། དགའ་བ་དང་རངས་པ་སྐྱེས་ཏེ། མྱ་ངན་མེད་ཅིང་སྒྲིབ་པ་དང་བྲལ་ནས། འཇིགས་པ་མེད་པ་ཐོབ་པར་གྱུར་ཏེ། དེ་ནས་བྱིས་པ་དེ་དག་ཕ་དེ་ག་ལ་འདུག་པ་དེར་དོང་ནས་ཕྱིན་པ་དང་། འདི་སྐད་དུ་ཡབ་རྩེ་མོར་བགྱི་བོ་རྣམ་པ་མང་པོ་དགའ་བར་འགྱུར་པ་དེ་དག་འདི་ལྟ་སྟེ། གླང་གི་ཤིང་རྟ་དང་། རའི་ཤིང་རྟ་དང་། རི་དགས་ཀྱི་ཤིང་རྟ་བདག་ཅག་ལ་སྩལ་དུ་གསོལ་ཞེས་སྨྲས་པ་དང་། ཤཱ་རིའི་བུ་དེ་ནས་སྐྱེས་བུ་དེས་བདག་གི། བུ་རྣམས་ལ་རླུང་ལྟར་མགྱོགས་ཤིང་མཐུ་དང་ལྡན་པའི་གླང་གི་ཤིང་རྟ་བྱིན་ཏེ། རིན་པོ་ཆེ་སྣ་བདུན་ལས་བྱས་པ། ལོགས་དང་ལྡན་པ་དྲིལ་བུ་གཡེར་ཀའི་དྲ་བ་རབ་ཏུ་སྦྱངས་པ། མཐོ་ཞིང་བརྟན་པ། རིན་པོ་ཆེ་ངོ་མཚར་རྨད་དུ་བྱུང་བའི་རྒྱན་གྱིས་བརྒྱན་པ། རིན་པོ་ཆེ་ཕྲེང་བས་མཛེས་པར་བྱས་པ། མེ་ཏོག་གི་ཕྲེང་བས་མཛེས་པར་བརྒྱན་པ། ཤིང་བལ་གྱི་སྟན་བཏིང་བ། རས་བཅོས་བུ་དུ་མ་དང་། དར་གྱིས་གཡོགས་པ། རྒྱབ་རྟེན་དམར་པོ་གཉིས་སུ་བཞག་པ། གླང་དཀར་པོ་ཐལ་དཀར་ཤིན་ཏུ་མགྱོགས་པ་དག་དང་བཅས་ནས་བ་དན་དང་ལྡན་པ་སྐྱེས་བུ་མང་པོས་བཟུང་བ། གླང་སྟོབ་དང་ལྡན་ཞིང་རླུང་བཞིན་དུ་མགྱོགས་པ། ཁ་དོག་མཐུན་པ་རྣམ་པ་སྣ་ཚོགས་པའི་གླང་གི་ཤིང་རྟ་བྱིས་པ་རྣམས་ལ་རེ་རེ་བྱིན་ནོ།། ཤཱ་རིའི་བུ་དེ་ཅིའི་ཕྱིར་ཞེ་ན། མི་དེ་དེ་ལྟར་ཕྱུག་ལ་ནོར་ཆེ་བ་བང་མཛོད་མང་བས་དེས་འདི་སྙམ་དུ་སེམས་ཏེ། བདག་གིས་བྱིས་པ་འདི་རྣམས་བཞོན་པ་ངན་པ་བྱིན་ཏེ། བདག་ལ་ཅི་ཞིག་བྱ་སྙམ་མོ།། དེ་ཅིའི་ཕྱིར་ཞེ་ན། གཞོན་ནུ་འདི་དག་ཀུན་ཀྱང་བདག་ཉིད་ཀྱི་བུ་སྟེ། ཐམས་ཅད་ཀྱང་བདག་ལ་སྡུག་ཅིང་ཡིད་དུ་འོང་ལ། བདག་ལ་ཡང་བཞོན་པ་ཆེན་པོ་འདི་ལྟ་བུ་འདི་དག་ཡོད་ན། བདག་གིས་གཞོན་ནུ་འདི་དག་ཐམས་ཅད་ལ་སྙོམས་པར་བསམ་གྱི། མི་སྙོམས་པར་མི་བྱའོ།། བདག་ཀྱང་བང་མཛོད་མང་གིས། བདག་གིས་སེམས་ཅན་ཐམས་ཅད་ལ་ཡང་བཞོན་པ་ཆེན་པོ་འདི་འདྲ་བ་སྦྱིན་ན། བདག་གི་བུ་རྣམས་ལ་ལྟ་ཅི་སྨོས་སྙམ་པའི་ཕྱིར་རོ།། དེའི་ཚེ་གཞོན་ནུ་དེ་དག་ཀྱང་བཞོན་པ་ཆེན་པོ་དེ་དག་ལ་ཞོན་ནས། ངོ་མཚར་དང་རྨད་དུ་བྱུང་བ་ཐོབ་པར་གྱུར་ན། ཤཱ་རིའི་བུ་འདི་ཇི་སྙམ་དུ་སེམས་སྐྱེས་བུ་དེས་གཞོན་ནུ་དེ་དག་ལ་འདི་ལྟར་སྔོན་དུ་བཞོན་པ་རྣམ་གསུམ་བསྟན་ལ། ཕྱིས་ཐམས་ཅད་ཀྱང་བཞོན་པ་ཆེན་པོ་བྱིན་ཏེ། བཞོན་པ་རླབས་པོ་ཆེ་བྱིན་ན། བརྫུན་དུ་སྨྲས་པར་མི་འགྱུར་རམ་ཤཱ་རིའི་བུས་གསོལ་པ། བཅོམ་ལྡན་འདས་དེ་ལྟ་མ་ལགས་སོ།། བདེ་བར་གཤེགས་པ་དེ་ལྟ་མ་ལགས་སོ།། སྐྱེས་བུ་དེས་འདི་ལྟར་ཐབས་མཁས་པས། བྱིས་པ་དེ་རྣམས་ཁྱིམ་འབར་བ་དེ་ནས་ཕྱུང་སྟེ། སྲོག་སྩལ་བའི་སླད་དུའོ།། དེ་ཉིད་ཀྱི་རྒྱུས་སྐྱེས་བུ་དེ་ཤོ་བ་མཆི་བ་མ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་བདག་གི་ལུས་ཐོབ་པ་ཉིད་ཀྱིས། རྩེད་མོར་བགྱི་བ་ཐམས་ཅད་ཀྱང་ཐོབ་པ་ལགས་ཏེ། འདི་ལྟར་བཅོམ་ལྡན་འདས་སྐྱེས་བུ་དེས་གཞོན་ནུ་དེ་དག་ལ་ཤིང་རྟ་གཅིག་མ་སྩལ་དུ་ལགས་ཀྱང་། བཅོམ་ལྡན་འདས་སྐྱེས་བུ་དེ་ཤོ་བེ་བར་མཆི་བར་མི་འགྱུར་རོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་སྐྱེས་བུ་དེས་ཐོག་མ་ནས་ཐབས་མཁས་པས། གཞོན་ནུ་དེ་དག་བདག་གིས་སྡུག་བསྔལ་གྱི་ཕུང་པོ་ཆེན་པོ་ལས་ཐར་པར་བགྱིའོ་སྙམ་དུ་བསམས་པའི་སླད་དུ་སྟེ། རྣམ་གྲངས་འདིས་ཀྱང་སྐྱེས་བུ་དེ་ཤོ་བ་མཆི་བ་མ་ལགས་ན། སྐྱེས་བུ་དེ་བདག་ལ་བང་མཛོད་མང་པོ་ཡང་མཆིས་ལ། བུ་ཡང་སྡུག་པར་བསམས་ནས། ལེགས་སུ་འདོད་པས་སྤུ་དོག་མཐུན་པའི་བཞོན་པ་བཞོན་པ་ཆེན་པོ་སྩལ་བ་ལྟ་སྨོས་ཀྱང་ཅི་འཚལ་ཏེ། བཅོམ་ལྡན་འདས་སྐྱེས་བུ་དེ་ཤོ་བེ་མཆི་བ་མ་ལགས་སོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་རིའི་བུ་ལེག་སོ་སོ་ལེགས་སོ།། དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ།། ། ཤཱ་རིའི་བུ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིགས་པ་ཐམས་ཅད་བསལ་བ། འཚེ་བ་དང་། འཁྲུག་པ་དང་། གནོད་པ་དང་། སྡུག་བསྡེལ་བ་དང་། ཡིད་མི་བདེ་བ་དང་། མ་རིག་པའི་མུན་པ་མུན་ནག་གི་རབ་རིབ་སྒྲིབ་པ་དང་། ཡོངས་སུ་དཀྲིས་པ་ཐམས་ཅད་ལས་ཡོང་ཡེ་རྣམ་པར་གྲོལ་བ་དེ་བཞིན་གཤེགས་པའི་ཡེ་ཤཱ་དང་། སྟོབས་དང་། མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་དང་ལྡན་པ། རྫུ་འཕྲུལ་གྱི་སྟོབས་ཀྱིས་ཤིན་ཏུ་སྟོབས་དང་ལྡན་པ། འཇིག་རྟེན་གྱི་ཕ་ཐབས་ཆེན་པོ་ལ་མཁས་པའི་ཡེ་ཤེས་དམ་པའི་ཕ་རོལ་ཏུ་སོན་པ། སྙིང་རྗེ་ཆེན་པོ་མི་སྐྱོ་བའི་ཡིད་ཀྱིས་ཕན་པར་འདོད་པ། སྙིང་བརྩེ་བ་དང་ལྡན་པ་སྟེ། དེ་ཁམས་གསུམ་གྱི་སྡུག་བསྔལ་གྱི་ཕུང་པོ་ཆེན་པོ་འབར་བ་གདུང་ཕྱམ་དང་སྟེང་གི་གཡོགས་མ་ཞིག་པའི་ཁང་པ་དང་འདྲ་བར་སེམས་ཅན་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་དང་། མ་རིག་པའི་མུན་པ་མུན་ནག་གི་རབ་རིབ་སྒྲིབ་པ་དང་། ཡོངས་སུ་དཀྲིས་པར་ཞུགས་པ་རྣམས་འདོད་ཆགས་དང་། ཞེ་སྡང་དང་། གཏི་མུག་ལས་ཡོངས་སུ་གྲོལ་བར་བྱ་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་གཟུད་པའི་ཕྱིར་འབྱུང་སྟེ། དེ་བྱུང་མ་ཐག་ཏུ་སེམས་ཅན་རྣམས་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པས་བསྲེག་པ་དང་གཙོ་བོ་དང་། གདུང་བ་དང་། ཡོངས་སུ་གདུང་བ་དང་། ལོངས་སྤྱོད་ཀྱི་ཕྱིར་འདོད་པའི་རྒྱུའི་གཞིས་སྡུག་བསྔལ་རྣམ་པ་མང་པོ་རབ་ཏུ་མྱོང་བ་དང་། ད་ལྟར་གྱི་ཚེ་ལ་ཚོལ་བ་དང་། ཡོངས་སུ་བསགས་པའི་ཕྱིར། ཚེ་ཕྱི་མ་ལ་སེམས་ཅན་དམྱལ་བ་དང་། དྲོད་འགྲོའི་སྐྱེ་ག་ག་། གཤིན་རྗེའི་འཇིག་རྟེན་དུ་། སྡུག་བསྔལ་རྣམ་པ་མང་པོ་རབ་ཏུ་མྱོང་བ་དང་། ལྷ་མི་དབུལ་པོ་དང་། མི་སྡུག་པ་དང་ཕྲད་པ་དང་། སྡུག་པ་དང་བྲལ་བའི་སྡུག་བསྔལ་རབ་ཏུ་མྱོང་བ་དེ་ཉིད་དུ་སྡུག་བསྔལ་གྱི་ཕུང་པོར་འཁོར་ཞིང་རྩེ་དགའ་དགུར་སྤྱོད་དེ། མི་སྐྲག་མི་དངང་། དངང་བར་མི་འགྱུར། མ་རིག་མཚོར་སྐྱོ་བར་མི་བྱེད། འབྱུང་བ་མི་ཚོལ་བར་ཁང་པ་འབར་དང་འདྲ་བའི་ཁམས་གསུམ་དེར་མངོན་པར་དགའ་ནས་དེ་དང་དེ་དག་ཏུ་རྒྱུག་སྟེ། སྡུག་བསྔལ་གྱི་ཕུང་པོ་ཆེན་པོ་དེ་ལྟ་བུས་གཟིར་ཀྱང་། སྡུག་བསྔལ་དུ་འདུ་ཤེས་པ་ཡིད་ལ་བྱ་བ་མི་སྐྱེད་པར་གཟིགས་སོ།། ཤཱ་རིའི་བུ་དེ་ལ་ང་ནི་སེམས་ཅན་འདི་དག་གི་ཕ་སྟེ། ངས་སེམས་ཅན་འདི་དག་སྡུག་བསྔལ་གྱི་ཕུང་པོ་ཆེན་པོ་འདི་ལྟ་བུ་འདི་ལས་ཡོངས་སུ་ཐར་བར་བྱ་ཞིང་ངས་གང་གིས་སེམས་ཅན་འདི་དག་རྩེ་བ་དང་། དགའ་བ་དང་། དགའ་དགུར་སྤྱོད་པ་དང་། རྣམ་པར་རྩེ་བར་བྱེད་པར་འགྱུར་བ་སངས་རྒྱས་ཀྱི་ཡེ་ཤེས་བདེ་བ་དཔག་ཏུ་མེད་ཅིང་བསམ་གྱིས་མི་ཁྱབ་པ། སེམས་ཅན་འདི་དག་ལ་སྦྱིན་པ་བྱ་བར་དེ་བཞིན་གཤེགས་པ་དེ་ལྟར་གཟིགས་སོ། ། ཤཱ་རིའི་བུ་དེ་ལ་ང་ནི་ཡེ་ཤེས་ཀྱི་སྟོབས་དང་ལྡན་ཞིང་རྫུ་འཕྲུལ་གྱི་སྟོབས་དང་ལྡན་ཞེས་གལ་ཏེ་ཐབས་མ་ཡིན་པས་སེམས་ཅན་འདི་དག་ལ། དེ་བཞིན་གཤེགས་པའི་ཡེ་ཤེས་གཟིགས་པ་དང་། སྟོབས་དང་། མི་འཇིགས་པ་རྣམས་ཐོབ་པར་བྱས་སུ་ཟིན་ན། སེམས་ཅན་དེ་དག་ཆོས་དེ་དག་གིས་ངེས་པར་འབྱུང་བར་མི་འགྱུར་ཏེ། དེ་ཅིའི་ཕྱིར་ཞེ་ན། སེམས་ཅན་འདི་དག་ནི་འདོད་པའི་ཡོན་ཏན་ལྔ་པོ་དག་ལ་ཤིན་ཏུ་ཆགས་པ། སེམས་ཅན་འདི་དག་ནི་ཁམས་གསུམ་གྱི་དགའ་བ་ལ་ཤིན་ཏུ་ཆགས་པ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ལས་མཐར་པ། བསྲེག། བཙོ། གདུང་། ཡོངས་སུ་གདུང་པ། སྟེང་གཡོགས་དང་། གདུང་ཕྱམ་འབར་བའི་ཁྱིམ་དང་འདྲ་བའི་ཁམས་གསུམ་ནས་མ་བྱུང་བ་སྟེ། དེ་དག་གིས་སངས་རྒྱས་ཀྱི་ཡེ་ཤེས་ལ་ཇི་ལྟར་ལོངས་སྤྱོད་པར་འགྱུར་ཞེས་དེ་བཞིན་གཤེགས་པ་དེ་ལྟར་གཟིགས་སོ། ། དེ་ལ་ཤཱ་རིའི་བུ་འདི་ལྟར་སྐྱེས་བུ་ལག་སྟོབས་ཅན་དེས། ལག་སྟོབས་བཞག་སྟེ། ཐབས་མཁས་པས་གཞོན་ནུ་དེ་དག་ཁྱིམ་འབོར་བ་དེ་ནས་བཏོན་ཏེ། བཏོན་ནས་དེ་དག་ཕྱིས་རླབས་ཆེ་བའི་བཞོན་པ་ཆེན་པོ་བྱིན་པ་དེ་བཞིན་དུ། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་བཞིན་གཤེགས་པའི་ཡེ་ཤེས་དང་། སྟོབས་དང་མི་འཇིགས་པ་དང་ལྡན་པ་ཡང་དེ་བཞིན་གཤེགས་པའི་ཡེ་ཤེས་དང་། སྟོབས་དང་། མི་འཇིགས་པ་བཞག་སྟེ། ཐབས་མཁས་པའི་ཡེ་ཤེས་ཀྱིས་གདུང་ཕྱ་མ་དང་སྟེང་གཡོགས་འབར་བའི་ཁྱིམ་དང་འདྲ་བའི་ཁམས་གསུམ་ནས་སེམས་ཅན་རྣམས་གདོན་པའི་ཕྱིར། ཐེག་པ་གསུམ་སྟོན་པ་འདི་ལྟ་སྟེ། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། བྱང་ཆུབ་སེམས་དཔའི་ཐེག་པ་སྟེ། ཐེག་པ་གསུམ་གྱིས་སེམས་ཅན་རྣམས་དྲོངས་ཏེ། དེ་དག་ལ་འདི་སྐད་ཅེས་གསུངས་ཏེ། ཁྱེད་ཅག་ཁྱིམ་འབར་བ་དང་འདྲ་བའི་ཁམས་གསུམ་གྱི་གཟུགས་དང་། སྒྲ་དང་། དྲི་དང་རོ་དང་། རེག་བྱ་ངན་པ་ལ་དགའ་བར་མ་བྱེད་ཅིག། ཁྱེད་ཅག་ཁམས་གསུམ་འདིར་མངོན་པར་དགའ་བོས། འདོད་པ་ལྔའི་ཡོན་ཏན་བཅས་པའི་སྲེད་པས། བཙ། བསྲེག། གདུང་། ཡོངས་སུ་གདུང་བར་འགྱུར་གྱིས། ཁམས་གསུམ་འདི་ནས་བྱུང་ལ་འདི་ལྟ་སྟེ། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། བྱང་ཆུབ་སེམས་དཔའི་ཐེག་པ་སྟེ། ཐེག་པ་གསུམ་པོ་དག་ཐོབ་པར་གྱིས་ཤིག། ང་ནི་གནས་འདི་ལ་ཁྱེད་ཀྱི་སྙིང་སྡེང་བ་སྟེ། ངས་ཁྱེད་ལ་ཐེག་པ་འདི་གསུམ་སྦྱིན་གྱིས་ཁམས་གསུམ་ལས་འབྱུང་བའི་ཕྱིར་བརྩོན་པར་གྱིས་ཤིག། ཀྱེ་སེམས་ཅན་དག་ཐེག་པ་འདི་དག་ནི། གང་འཕགས་པ་རྣམས་ལ་འཕགས་པ་རྣམས་ཀྱིས་རབ་ཏུ་བསྟོད་པ། དགའ་བ་ཆེན་པོ་དང་ལྡན་པ་ཡིན་ཏེ། ཁྱེད་ཅག་མི་ཕོངས་པར་རྩེན་ཅིང་དགའ་ལ་དགའ་དགུར་སྤྱོད་པར་འགྱུར་གྱིས། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པས་དགའ་བ་ཆེན་པོ་རབ་ཏུ་མྱོང་བར་འགྱུར་རོ། ། བདེ་བ་དང་། ཡིད་བདེ་བ་ཆེན་པོ་དང་ཡང་ལྡན་པར་འགྱུར་རོ་ཞེས་གསུང་ངོ་།། ཤཱ་རིའི་བུ་དེ་ལ་སེམས་ཅན་གང་མཁས་པར་གྱུར་པ་དེ་དག་ནི་དེ་བཞིན་གཤེགས་པ་འཇིག་རྟེན་གྱི་ཕ་ལ་མངོན་པར་ཡིད་ཆེས་པར་འགྱུར་རོ། ། མངོན་པར་ཡིད་ཆེས་ནས་ཀྱང་དེ་བཞིན་གཤེགས་པའི་བསྟན་པ་ལ་བརྩོན་པར་བྱེད་དོ།། དེ་ལ་སེམས་ཅན་ཁ་ཅིག་གཞན་གྱི་སྒྲ་ཐོས་པའི་རྗེས་སུ་འགྲོ་བར་འདོད་པ་དག་ནི། བདག་ཡོངས་སུ་མྱ་ངན་ལས་འདའ་བ་དང་། འཕགས་པའི་བདེན་པ་བཞི་ཁོང་དུ་ཆུད་པར་བྱ་བའི་ཕྱིར། དེ་བཞིན་གཤེགས་པའི་བསྟན་པ་ལ་བརྩོན་པར་བྱེད་དེ། དེ་དག་ནི་ཉན་ཐོས་ཀྱི་ཐེག་པ་འདོད་ཅིང་ཁམས་གསུམ་ནས་འབྱུང་བ་ཞེས་བྱ་སྟེ། དཔེར་ན། ཁྱིམ་འབར་བ་དེ་ནས་བྱིས་པ་ཁ་ཅིག་རི་དགས་ཀྱི་ཤིང་རྟ་འདོད་དེ་ཕྱིར་འབྱུང་བ་ལྟ་བུའོ། ། སེམས་ཅན་གཞན་ཡང་སློབ་དཔོན་མེད་པའི་ཡེ་ཤེས་དང་། དུལ་བར་གནས་པ་དང་། ཞི་གནས་འདོད་པ་དེ་དག་ནི་བདག་ཡོངས་སུ་མྱ་ངན་ལས་བཟླ་བ་དང་། རྒྱུ་དང་རྐྱེན་ཡོངས་སུ་ཁོང་དུ་ཆུད་པར་བྱ་བའི་ཕྱིར། དེ་བཞིན་གཤེགས་པའི་བསྟན་པ་ལ་བརྩོན་པར་བྱེད་དེ། དེ་དག་ནི་རང་སངས་རྒྱས་ཀྱི་ཐེག་པ་འདོད་ཅིང་ཁམས་གསུམ་ནས་འབྱུང་བ་ཞེས་བྱ་སྟེ། དཔེར་ན། ཁྱིམ་འབར་བ་དེ་ནས་བྱིས་པ་ཁ་ཅིག་རིའི་ཤིང་རྟ་འདོད་དེ་བྱུང་བ་ལྟ་བུའོ།། ཡང་སེམས་ཅན་ཁ་གཅིག་ཐམས་ཅད་མཁྱེན་པའི་ཡེ་ཤེས། སངས་རྒྱས་ཀྱི་ཡེ་ཤེས། རང་བྱུང་གི་ཡེ་ཤེས། སློབ་དཔོན་མེད་པའི་ཡེ་ཤེས་འདོད་པ་དག་ནི་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་མི་དང་། སྐྱེ་བོ་ཕལ་པོ་ཆེའི་དོན་དང་། ཕན་པ་དང་། བདེ་བ་དང་། སེམས་ཅན་ཐམས་ཅད་ཡོངས་སུ་མྱ་ངན་ལས་བཟླ་བ་དང་། དེ་བཞིན་གཤེགས་པའི་ཡེ་ཤེས་དང་། སྟོབས་དང་། མི་འཇིགས་པ་ཁོང་དུ་ཆུད་པར་བྱ་བའི་ཕྱིར། དེ་བཞིན་གཤེགས་པའི་བསྟན་པ་ལ་བརྩོན་པར་བྱེད་དེ། དེ་དག་ནི་ཐེག་པ་ཆེན་པོ་འདོད་ཅིང་ཁམས་གསུམ་ནས་འབྱུང་བ་ཞེས་བྱའོ།། དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བྱ་སྟེ། དཔེར་ན། ཁྱིམ་འབར་བ་དེ་ནས་བྱིས་པ་ཁ་ཅིག་གླང་གི་ཤིང་རྟ་འདོད་དེ་ཕྱིར་བྱུང་བ་ལྟ་བུའོ།། ཤཱ་རིའི་བུ་འདི་ལྟ་སྟེ་དཔེར་ན། མི་དེས་ཁྱིམ་འབར་བ་དེ་ནས་གཞོན་ནུ་དེ་དག་འཐོན་པར་མཐོང་ནས། བདེ། ཞིང་ལེགས་པར་ཐར་ཏེ། འཇིགས་པ་མེད་པར་རིགས་ལ། བདག་ཀྱང་ནོར་མང་བར་ཤེས་ནས། བྱིས་པ་དེ་དག་ལ་བཞོན་པ་རླབས་པོ་ཆེ་གཅིག་བྱིན་པ་དེ་བཞིན་དུ། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་། སེམས་ཅན་བྱེ་བ་དུ་མ་སྡུག་བསྔལ་དང་། འཇིགས་པ་དང་། བག་ཚ་བ་དང་། གཙེ་བས་ཡོངས་སུ་གང་བའི་ཁམས་གསུམ་ནས་ཡོངས་སུ་ཐར་ཏེ། དེ་བཞིན་གཤེགས་པའི་བསྟན་པའི་སྒོ་ནས་བྱུང་ནས། འཇིགས་པ་དང་། བག་ཚ་བ་དང་། གཙེ་བའི་དགོན་པ་དག་ལས་ཡོངས་སུ་ཐར་ཏེ། མྱ་ངན་ལས་འདས་པའི་བདེ་བ་ཐོབ་པར་གཟིགས་ནས། ཤཱ་རིའི་བུ་དེ་དག་ལ་དེའི་ཚེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདག་ལ་ཡེ་ཤེས་དང་། སྟོབས་དང་། མི་འཇིགས་པའི་མཛོད་མང་བར་མཁྱེན་ཏེ། དེ་དག་ཐམས་ཅད་ཀྱང་བདག་ཉིད་ཀྱི་བུ་ཡིན་པར་ཐུགས་སུ་ཆུད་ནས། སེམས་ཅན་དེ་དག་ཐམས་ཅད་ཀྱང་སངས་རྒྱས་ཀྱི་ཐེག་པ་ཉིད་ཀྱིས་ཡོངས་སུ་མྱ་ངན་ལས་འདའ་བར་མཛད་ཀྱི། སེམས་ཅན་གང་ལ་ཡང་སོ་སོ་བདག་གི་མྱ་ངན་ལས་འདས་པ་མི་གསུང་སྟེ། སེམས་ཅན་དེ་དག་ཐམས་ཅད་ཀྱང་དེ་བཞིན་གཤེགས་པའི་མྱ་ངན་ལས་འདའ་བར་མྱ་ངན་ལས་འདའ་བ་ཆེན་པོས་ཡོངས་སུ་མྱ་ངན་ལས་འདའ་བར་མཛད་དོ། ། ཤཱ་རིའི་བུ་སེམས་ཅན་གང་དག་ཁམས་གསུམ་ནས་ཐར་བར་གྱུར་པ་དེ་དག་ལ་ཡང་དེ་བཞིན་གཤེགས་པ་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་འཕགས་པའི་བདེན་པའི་མཆོག་དང་རྩེན་པ་དགའ་བར་འགྱུར་བ་ཐམས་ཅད་ཁ་དོག་གཅིག་པ་སྦྱིན། པར་མཛད་དོ།། ཤཱ་རིའི་བུ་འདི་ལྟ་སྟེ་དཔེར་ན། སྐྱེས་བུ་དེས་འདི་ལྟར་གཞོན་ནུ་དེ་དག་ལ་བཞོན་པ་རྣམ་གསུམ་བསྟན་ནས། དེ་དག་ཐམས་ཅད་ལ་བཞོན་པ་ཆེན་པོ་གཅིག་བྱིན་ཏེ། རིན་པོ་ཆེ་སྣ་བདུན་ལསོ་བྱས་པ། རྒྱན་ཐམས་ཅད་ཀྱིས་བརྒྱན་པ། ཁ་དོག་གཅིག་པ། བཞོན་པ་བརླབས་པོ་ཆེ། བཞོན་པའི་མཆོག་ཐམས་ཅད་ལ་བྱིན་པའི་ཕྱིར། བརྫུན་དུ་སྨྲ་བ་མ་ཡིན་པ་དེ་བཞིན་དུ། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་འདི་ལྟར་ཐ་བྲ་ལ་མཁས་པས་དང་པོ་ཐེག་པ་གསུམ་བསྟོན་ནས། ཕྱིས་ཐེག་པ་ཆེན་པོ་ཉིད་ཀྱིས་སེམས་ཅན་རྣམས་ཡོངས་སུ་མྱ་ངན་ལས་འདའ་བར་མཛད་པའི་ཕྱིར། བརྫུན་དུ་སྨྲ་བ་མ་ཡིན་ནོ།། དེ་ཅིའི་ཕྱིར་ཞེ་ན། ཤཱ་རིའི་བུ་དེ་བཞིན་གཤེགས་པ་ནི་ཡེ་ཤེས་དང་། སྟོབས་དང་། མི་འཇིགས་པའི་བང་མཛོད་མང་པོ་དང་ལྡན་ཏེ། སེམས་ཅན་ཀུན་ལ་ཐམས་ཅད་མཁྱེན་པའི་ཡེ་ཤེས་དང་ལྡན་པའི་ཆོས་སྟོན་པའི་མཐུ་མངའ་བའི་ཕྱིར་རོ།། ཤཱ་རིའི་བུ་འདི་ལྟར་ཐབས་མཁས་པ་སྣ་ཚོགས་དང་། ཡེ་ཤེས་མངོན་པར་སྒྲུབ་པས་དེ་བཞིན་གཤེགས་པ་ཐེག་པ་གཅིག་པུ་སྟོན་པར་རྣམ་གྲངས་འདིས་ཀྱང་དེ་ལྟ་བུར་རིག་པར་བྱའོ། ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། ། ཇི་ལྟར་སྐྱེས་བུ་ཞིག་གི་ཁྱིམ་ཡོད་པ།། ཆེ་ལ་རབ་ཏུ་འདྲུམས་ཏེ་ཞིག་ལ་ཐུག། དེ་བཞིན་ཁྱམས་རྣམས་ཞིག་པར་གྱུར་པ་སྟེ།། ཀ་བའི་རྩ་བ་དག་ཀྱང་རུལ་བར་གྱུར།། པུ་ཤུ་དང་ནི་སྐར་ཁུང་ཕྱོགས་རེར་བྲལ། ། རྩིག་པ་རིལ་ལྡེ་ཀྱང་ནུལ་རྣམས་ཀྱང་གོགས།། སྟེགས་བུ་དག་ཀྱང་རྙིངས་ནས་འདྲུམས་ཤིང་ཞིག། རྩེ་ཡིས་གཡོགས་པ་ཀུན་ཀྱང་འདྲལ་ཞིང་འཛག། བརྒྱ་ཕྲག་ལྔ་དག་ལས་ནི་མི་ཉུང་བ། ། དེ་ན་དེ་དག་གི་ཡང་གནས་སུ་གྱུར།། ཁང་ཕྲན་ཤིན་ཏུ་དོག་པ་མང་པོ་དག། སྨེ་བས་རབ་ཏུ་གང་ཞིང་སྨད་པར་གྱུར།། དེ་ན་ཕྱ་མ་རྣམས་དགུ་པོ་ཐམས་ཅད་འདྲུམ།། རབ་རྩིག་པ་དག་ཀྱང་དེ་བཞིན་ཞིག། བྱ་རྒོད་བྱེ་བ་དག་ནི་དེ་ན་གནས།། དེ་བཞིན་ཕུག་རོན་འུག་པ་བྱ་གཞན་དང་།། མི་བཟང་གདུག་པའི་སྦྲུལ་རྣམས་དེ་ན་ཡོད།། དུག་ཆེན་དྲག་པོ་རྣམས་ཀྱང་ཕྱོགས་ཕྱོགས་ན། ། སྡིག་པ་དང་ནི་བྱི་བ་སྣ་ཚོགས་དང་།། ཤིན་ཏུ་གཏུམ་པའི་སྲོག་ཆགས་རྣམས་མང་གནས།། མི་མ་ཡིན་པའང་གནས་དང་གནས་དག་ན།། བཤང་གཅི་དག་གིས་རབ་ཏུ་སྨེ་བར་བྱས།། སྲིན་བུ་མེ་ཁྱེར་གྲོག་མ་སྦུར་བུས་གང་།། ཁྱི་རྣམས་དང་ནི་ཝ་དག་ང་རོ་འདོན།། ལྕེ་སྤྱང་མི་བཟད་ཁྲོ་བོ་དེ་ན་འཁོད།། མི་རོ་རྣམས་ལ་འདྲེན་ཅིང་རབ་ཏུ་ཟ།། དེ་ཡི་ཐེ་རོལ་སྡོད་ཅིང་ལྟ་བ་ཡང་།། 3་དང་ཁྱི་དག་དེ་ན་དུ་མ་འཁོད། ། དེ་དག་ཉམ་ཆུང་རྟག་ཏུ་བཀྲེས་པས་ཉེན།། གནས་དང་གནས་ན་རྣམ་པར་འཆའ་ཞིང་ཟ།། འཐབ་མོ་བྱེད་དེ་སྒྲ་ཡང་རབ་ཏུ་འབྱིན།། རྣམ་པ་དེ་འདྲར་ཁྱིམ་དེ་ཤིན་ཏུ་འཇིགས། ། མི་ཡི་རོ་དག་ལ་ཡང་རྣམ་འདྲེན་ཅིང་།། ཤིན་ཏུ་དྲག་སེམས་གནོད་སྦྱིན་དེ་ན་འཁོད།། སྦྲུལ་དང་རྐང་བརྒྱ་པ་དང་གཅན་གཟན་རྣམས།། དེ་ཡི་གནས་དང་གནས་ན་རབ་ཏུ་འཁོད། ། དེ་དག་ཕྱོགས་དང་ཕྱོགས་སུ་ཚངས་བཅས་ཏེ།། ཕྲུ་གུ་རྣམས་ཀྱང་ཀློག་ཅིང་འཇོག་པར་བྱེད།། དེ་དག་གིས་ནི་བཞག་ཅིང་བཀོད་པ་ལ།། གནོད་སྦྱིན་དག་ཀྱང་དེ་ལ་ཕལ་ཆེར་ཟ།། རབ་ཏུ་གཏུམ་སེམས་སེམས་ཅན་གཞན་ཟོས་པས། ། ཅི་ཙམ་གནོད་སྦྱིན་དེ་དག་འདྲངས་གྱུར་ཏེ།། སེམས་ཅན་གཞན་གྱི་ཤ་ཡིས་ལུས་རྒྱས་ནས།། དེ་ཚེ་དེ་ན་རབ་ཏུ་འཐབ་མོ་བྱེད།། མི་བཟང་གཏུམ་སེམས་ཁྲོ་བོའི་གྲུལ་བུམ་རྣམས། ། ཞིག་པའི་ཁྱིམ་དེ་རྣམས་སུ་གནས་འཆའ་སྟེ།། མཐོ་གང་ཚད་དང་དེ་བཞིན་ཁྲུ་གང་ཚད།། ཁྲུ་དོའི་ཚད་ཀྱང་ཕན་ཚུན་རྒྱུ་ཞིང་འགྲོ།། དེ་དག་ཁྱི་ཡི་རྐང་ནས་བཟུང་ནས་ནི། ། དེ་བཞིན་ས་ལ་གན་རྐྱལ་དེ་བཞག་སྟེ།། མགུལ་པ་རབ་ཏུ་དགས་ཤིང་བསྡིགས་པ་ཡིས།། ཁང་དུ་བཅུག་པ་དེ་ལ་དགའ་བར་བྱེད།། གཅེར་བུ་གནག་ཅིང་དེ་བཞིན་རིད་པ་ཡི།། ཡི་དགས་ཆེ་ཞིང་རིང་བའང་དེར་གནས་ཏེ། ། རབ་ཏུ་བཀྲེས་པས་ཁ་ཟས་ཀུན་ཚོལ་ཞིང་།། དེ་དག་དེ་ན་ཉམ་ཐག་ཆོ་ངེས་འདེབས།། ལ་ལ་གླང་གི་མགོ་ལ་ཁབ་ཀྱི་ཁ།། མི་ཙམ་དག་ནི་དེ་བཞིན་ཁྱི་ཙམ་དག། ཟས་ལ་སྲེད་པས་རབ་ཏུ་གདུངས་པའི་ཕྱིར། ། སྐྲ་དག་ལྷུག་པར་བཤིག་ཅིང་སྨྲ་ཡང་འབྱིན།། གནོད་སྦྱིན་ཤ་ཟ་ཡི་དགས་དག་ཀྱང་།། སྲེང་སྐོམ་ཁ་ཟས་དག་ནི་ཚོལ་བའི་ཕྱིར།། རྟག་ཏུ་མཐོངས་དང་སྐར་ཁུང་དག་ནས་ཀྱང་། ། དེ་ན་ཕྱོགས་བཞིར་རབ་ཏུ་ལྟ་བར་བྱེད།། དེ་ལྟར་ཁྱིམ་དེ་མི་བཟང་འཇིགས་གྱུར་ལ།། ཆེ་ཞིང་མཐོ་ལ་རབ་ཏུ་མི་བཏན་ཏེ།། རྣམ་པར་འདྲུམས་ཤིང་འཇིག་ཉེ་འཇིགས་པ་དེ།། སྐྱེས་བུ་གཅིག་ཅིག་ཡོངས་སུ་དབང་གྱུར་ལ། ། སྐྱེས་བུ་དེ་ཡང་ཁྱིམ་གྱི་ཕྱི་རོལ་བྱུང་།། ཁྱིམ་དེ་ཀུན་ཀྱང་རབ་ཏུ་འབར་གྱུར་ཏེ།། དངོས་བཞི་ཐམས་ཅད་ནས་ནི་གློ་བུར་དུ།། མེ་ལྕེ་སྟོང་སྙེད་ཀུན་ཏུ་འབར་བར་གྱུར། ། འོད་མ་དང་ནི་ཤིང་དག་མེས་ཚིག་སྟེ།། དྲག་པོའི་སྒྲ་རྣམས་ཤིན་ཏུ་འཇིགས་པ་འབྱུང་།། ཀ་བ་དང་ནི་དེ་བཞིན་རྩིག་པ་འབར།། གནོད་སྦྱིན་ཡི་དགས་རྣམས་ཀྱང་སྒྲ་དག་འབྱིན།། བྱ་རྒོད་བརྒྱ་ཡང་རག་རོག་ཚིག་པར་གྱུར།། གྲུལ་བུམ་དག་ནི་གདོང་ཚིག་ལྡོམ་ཞིང་འཕྱན།། དེ་ན་ཀུན་ཏུ་སྦྲུལ་བརྒྱ་མང་པོ་དག། མེ་ཡིས་ཚིག་ནས་ཚེར་ལྗང་སྒྲ་ཡང་འཛིན།། བསོད་ནམས་མེད་པ་དེ་ཡིས་ཀུན་ཚིག་ཅིང་། ། དེ་ན་ཤ་ཟ་མང་པོ་ཕན་ཚུན་རྒྱུ།། དེ་དག་གཅིག་ལ་གཅིག་ནི་སཽས་བཏབ་སྟེ།། ཚིག་པར་གྱུར་པ་དག་ལ་ཁྲག་གིས་འཐོར།། དེ་ན་ལྕེ་སྤྱང་དུས་བྱས་ཤི་བ་ལ།། སེམས་ཅན་དག་ནི་ཕན་ཚུན་རྣམ་པར་ཟ། ། ངན་སྐྱུགས་ཚིག་པའི་དྲི་མ་ཡིད་མི་འོང་།། འཇིག་རྟེན་དག་ན་ཕྱོགས་བཞིར་རབ་ཏུ་འཐུལ།། སྲིན་བུ་རྐང་བརྒྱ་པ་དག་བྲོས་པ་ལ།། དེ་ལ་གྲུལ་བུམ་དག་ནི་ཤིན་ཏུ་པ། ། བཀྲེས་པ་དང་ནི་སྐོམ་པས་རབ་གདུངས་ཤིང་།། ཡི་དགས་རྣམས་ཀྱང་སྐྲ་འབར་ཀུན་འཕྱན་ཏེ།། དེ་ལྟར་ཁྱིམ་དེ་ཤིན་ཏུ་མི་བཟད་འཇིགས།། མེ་ལྕེ་དག་ནི་སྟོང་སྙེད། འབར་བར་གྱུར།། སྐྱེས་བུ་ཁྱིམ་དེའི་བདག་པོ་དེ་ཉིད་ནི།། ཤིན་ཏུ་རྣམ་པར་ལྟ་ཞིང་སྒོ་ན་འདུག། དེ་ན་དེ་ཡིས་ཐོས་པ་བདག་གི་བུ།། འདི་ལྟར་བྱིས་པ་དག་ནི་མི་ཤེས་པས།། རྩེད་མོ་རྩེན་པ་དག་ལ་ཆགས་པའི་བློ། ། རྩེད་མོ་དགའ་བས་རབ་ཏུ་དྲེགས་མྱོས་ཤེས།། དེས་ཐོས་བདག་གིས་བྱིས་པ་ཁྱེའུ་འདི་ཀུན།། མྱུར་དུ་ཚིག་ཅིང་ཆུད་ཟོས་མི་འགྱུར་བར།། བདག་གི་བུ་རྣམས་རབ་ཏུ་ཐར་བྱའི་ཕྱིར།། ཁྱིམ་དེའི་ནང་དུ་མྱུར་དུ་ཞུགས་ནས་སུ།། དེ་ལ་དེས་ནི་ཁྱིམ་གྱི་ཉེས་བརྗོད་དེ།། སྡུག་བསྔལ་འདི་དག་མི་བཟང་རིགས་ཀྱི་བུ།། སེམས་ཅན་རྣམ་པ་མང་ཞིང་མ་འདི་དང་།། སྡུག་བསྔལ་ཆེན་པོ་དག་ཀྱང་གཅིག་ཕྱི་གཅིག། སྦྲུལ་གདུག་ཤིན་ཏུ་གཏུམ་སེམས་གནོད་སྦྱིན་དང་།། གྲུལ་བུམ་དང་ནི་ཡི་དྭགས་མང་པོ་གནས།། ལྕེ་སྤྱང་དག་དང་ལྔ་དང་ཁྱི་ཡང་མང་།། བྱ་རྒོད་དག་ཀྱང་ཁ་ཟས་ཀུན་ཏུ་ཆོལ། ། དེ་འདྲ་བ་དག་འདི་ན་མང་གནས་ཏེ།། མེ་མེད་ཟིན་ཀྱང་ཤི་མོ་ཏུ་མི་བཟད་འཇིགས།། འདི་ཡི་ཁོར་ཡུག་ཏུ་མེ་འབར་ཏེ།། འདི་ན་དེ་འདྲའི་སྡུག་བསྔལ་འབའ་ཞིག་གོ། དེ་ལྟར་བྱིས་པའི་བློ་ཅན་དེ་སྦྲན་ཏེ། ། གཞོན་ནུ་རྣམས་ནི་རྩེད་མོས་རབ་མྱོས་པས།། ཕ་ཡིས་བསྒོ་བ་དེ་ལ་མི་སེམས་ཏེ།། དེ་དག་གི་ནི་ཡིད་ལ་ཇི་མི་སྙམ།། དེ་ཚེ་སྐྱེས་བུ་དེ་ནི་ཡང་སེམས་པ།། བུ་ཕྱིར་སེམས་པས་བདག་ནི་སྡུག་བསྔལ་ཏེ། ། བདག་གི་བུ་དང་རྒྱུད་དག་མེད་པ་རུ།། མེ་འདིས་འདི་དག་ཚིག་ན་མི་རུང་ཞེས།། དེ་ཡི་དུས་ན་དེས་ནི་ཐབས་བསམས་པ།། རྩེད་མོ་དག་ལ་བྱིས་པ་འདི་ཆགས་ཏེ།། འདི་ན་རྩེང་མོ་དགའ་བ་ཅི་ཡང་མེད། ། ཀྱེ་མ་འདི་ལྟར་བྱིས་པ་གླེན་ཞིང་རྨོངས།། དེ་ལ་དེ་ཡིས་སྨྲས་པ་གཞོན་ནུ་ཉོན།། བཞོན་པ་རྣམ་པ་མང་པོ་ང་ལ་ཡོད།། ར་དང་གླང་དང་རི་དགས་མཆོག་ལས་བཅས།། ཆེ་ཞིང་མཐོ་ལ་ལེགས་པར་བརྒྱན་པ་དག། ཁྱིམ་གྱི་ཕྱི་རོལ་ན་ནི་དེ་དག་ཡོད།། ཕྱི་རོལ་བྱུང་ལ་དེ་ལ་དགོས་པར་སྤྱོད།། ཁྱོད་ཅག་རྣམས་ཀྱི་ཕྱིར་ནི་ངས་བྱས་ཀྱིས།། དེ་ལ་དགའ་བར་ལྷན་ཅིག་ཕྱིར་འཐོན་ཅིག། གཞོན་པ་དེ་འདྲ་ཡོད་པར་ཤེས་ནས་སུ།། དེ་དག་བརྩོན་འགྲུས་བརྩམས་ཏེ་རངས་གྱུར་ནས།། དེ་ཡི་མོད་ལ་ཐམས་ཅད་ཕྱི་རོལ་འཐོན།། སྡུག་བསྔལ་དག་ལས་ཐར་ཏེ་སྟོང་པར་འདུག། མི་དེས་བྱིས་པ་འཐོན་པ་མཐོང་ནས་སུ།། གྲོང་ཁྱེར་དབུས་ཀྱི་སྤོང་སར་གནས་པ་ནི།། སེང་གེའི་ཁྲི་ལ་འདུག་ནས་དེ་ལ་སྨྲས།། ཀྱེ་མ་ང་ནི་དེ་རིང་མྱ་ངན་འདས།། ང་ཡིས་དཀའ་བ་རྙེད་པར་ཉོན་མོངས་དག། བུ་སྡུག་ཉི་ཤུ་འདི་དག་སྙིང་གི་བུ།། སྐྱེ་བོ་མང་པོས་གང་ཞིང་འཇིགས་པ་ཡི།། དེ་དག་མི་བཟང་གདོན་དཀའི་ཁྱིམ་ན་འཁོད།། ཀུན་ཏུ་འབར་ཞིང་མེ་ལྕེ་སྟོང་གིས་གང་།། དེ་དག་རྩེད་མོ་དགའ་ལ་ཆགས་པར་གྱུར། ། ངས་ནི་དེ་རིང་དེ་དག་ཐར་བྱས་ཏེ།། དེ་བས་ང་དེང་མྱ་ངན་འདས་པར་འགྱུར།། ཕ་དེར་བདེ་བར་འདུག་པར་རིག་ནས་སུ།། བྱིས་པ་དེ་དག་ལྷགས་ནས་འདི་སྐད་སྨྲས།། གཞོན་པ་ཡིད་དུ་འོང་བ་གསུམ་པོ་རྣམས། ། ཡབ་ཀྱི་གསུངས་པ་བཞིན་དུ་བདག་ཅག་སྩོལ།། གཞོན་པ་རྣམ་པ་གསུམ་པོ་ཁྱེད་སྦྱིན་ཞེས།། ཡབ་ཁྱོད་ཀྱི་ནི་ཁྱིམ་དེར་གང་གསུངས་པ།། གལ་ཏེ་དེ་དག་ཐམས་ཅད་མེད་ན་ནི།། ད་འདིར་དུས་ལ་བབ་ཀྱིས་དེ་དག་སྩོལ།། མི་དེ་མཛོད་ཀྱི་མཐུ་དང་ལྡན་པ་སྟེ།། གསེར་དང་དངུལ་དང་ནོར་བུ་མུ་ཏིག་དང་།། བྲན་དང་འགྲོན་བུ་དག་ནི་མི་ཉུང་བས། ། བཞོན་པ་དེ་ཡང་རྣམ་པ་སྣ་གཅིག་བྱིན།། གླང་གི་ཤིང་རྟ་རིན་ཆེན་དམ་པ་སྟེ།། ལོགས་བཅས་དྲིལ་བུ་གསེར་ཁའི་དྲ་བབྲེས།། གདུགས་དང་རྒྱལ་མཚན་དག་གིས་ལེགས་པར་བརྒྱན།། མུ་ཏིག་དང་ནི་ནོར་བུའི་དྲ་བས་གཡོགས།། གསེར་གྱི་མེ་ཏོག་རྣམས་ཀྱི་ཕྲེང་བ་དག། ཕྱོགས་དང་ཕྱོགས་མཚམས་རྣམས་སུ་ཤིན་ཏུ་སྤུངས།། རབ་ཏུ་རེ་བས་གོས་ཀྱིས་དེ་གཡོགས་ཏེ།། དཀར་བཟང་བཅོས་བུའི་རས་རྣམས་ཤིན་ཏུ་བཏིང་། ། དེ་ན་དེ་བཞིན་འཇམ་པའི་དར་རྣམས་དང་།། ཤིང་རྟི་དེ་ལ་ཤིང་བལ་མཆོག་ཀྱང་བཏིང་།། གོས་རབ་ཀོ་ཏམ་པ་མཆོག་ངང་པའི་མཚད།། བྱེ་བ་ཕྲག་སྟོང་རིབ་རྣམས་ཀྱིས་གཡོགས། ། རིན་ཆེན་ཤིང་རྟ་བཅས་པ་དེ་དག་ནི།། གླང་པོ་དཀར་ཞིང་ཆོ་ལ་སྟོབས་དང་ལྡན།། བལྟ་ན་སྡུག་ཅིང་ཤིན་ཏུ་བོང་ཡང་ཆེ།། སྐྱེས་བུ་དམ་པ་དག་གིས་རབ་ཏུ་བསྟེན།། སྐྱེས་བུ་དེས་ནི་བུ་རྣམས་ཐམས་ཅད་ལ།། དེ་ལྟ་བུ་ཡི་ཤིང་རྟ་མཆོག་བྱིན་ཏེ།། དེས་ནི་དེ་དག་དགའ་ཞིང་རངས་ནས་སུ།། ཕྱོགས་དང་ཕྱོགས་མཚམས་དག་ཏུ་རྩེ་ཞིང་དོང་།། དེ་བཞིན་དྲང་སྲོང་ང་ཡང་ཤཱ་རིའི་བུ། ། སེམས་ཅན་རྣམས་ཀྱི་སྐྱབས་དང་པ་ཡིན་ཏེ།། སྲོག་ཆགས་འདི་དག་ཐམས་ཅད་ང་ཡི་བུ།། བྱིས་པ་དག་ནི་ཁམས་གསུམ་འདོད་ལ་ཆགས།། ཁམས་གསུམ་དག་ནི་ཁང་པ་དེ་འདྲཿ། སྡུག་བསྔལ་ཤིན་ཏུ་མི་ཟད་བརྒྱ་ཡིས་དཀྲུགས།། ན་བ་དང་ནི་སྐྱེ་རྒ་དུ་མ་བརྒྱས།། མ་ལུས་ཐམས་ཅད་ནས་ཀྱང་རབ་ཏུ་འབར།། ད་ནི་ཁམས་གསུམ་དག་ལས་ཐར་ཅིང་ནི།། ནགས་ཚལ་དག་ན་གནས་ཤིང་དབེན་པར་འདུག། ངས་ནི་ཁམས་གསུམ་འདི་དག་གོངས་བཟུང་སྟེ།། འདི་ན་གང་རྣམས་སྲེག་པ་ང་ཡི་བུ།། ང་ཉིད་དེ་ཡི་སྐྱབས་སུ་རིགས་ནས་སུ།། དེ་ལ་ཉེས་པ་དག་ནི་ངས་བསྟན་ཏེ། ། འདི་ལྟར་འདོད་ལ་རྣམ་པར་ཆགས་པའི་བློ།། བྱིས་པ་འདི་ཀུན་ང་ཡི་མི་ཉན་ཏོ།། ཐབས་ལ་མཁས་པ་དག་ནི་ངས་སྦྱར་ཏེ།། དེ་དག་ལ་ཡང་ཐེག་པ་གསུམ་དུ་བཤད།། ཁམས་གསུམ་དག་གི་ཉེས་པ་མང་མཁྱེན་ནས། ། གདོན་པར་བྱ་བའི་ཕྱིར་ནི་ཐབས་བཤད་དོ།། བུ་གག་གང་ལ་རྟེན་པར་གྱུར་པ་དག། མངོན་ཤེས་དྲུག་དང་གསུམ་རིག་མཐུ་ཆེན་དང་།། འདི་ན་རང་རྒྱལ་རྣམས་ནི་གང་ཡོད་དང་། ། ཕྱིར་མི་ལྡོག་པའི་བྱང་ཆུབ་སེམས་དཔའ་གང་།། ངས་ནི་བུ་འདྲར་མཁས་པ་དེ་དག་ལ།། དེ་ཡི་ཚེ་ན་དཔེ་མཆོག་འདི་དག་གིས།། སངས་རྒྱས་ཐེག་པ་གཅིག་པོ་འདི་བཤད་དེ། ། ཐམས་ཅད་རྒྱལ་བར་འགྱུར་གྱིས་འདི་རུང་ཤིག། སངས་རྒྱས་རྐང་གཉིས་མཆོག་གི་ཡེ་ཤེས་ཏེ།། ཁྱད་པར་འཕགས་ཤིང་ཤིན་ཏུ་ཡིད་དུ་འོང་།། འཇིག་རྟེན་འདི་དག་ཀུན་ནས་ཁྱད་པར་ཅན། ། ཡངས་པའི་དངོས་པོ་དེ་བཞིན་ཕྱག་བྱར་འོས།། སྟོབས་དང་བསམ་གཏན་དེ་བཞིན་རྣམཐར་དང་།། ཏིང་ངེ་འཛིན་དག་བྱེ་བ་དུ་མ་བརྒྱ།། ཤིང་རྟ་དེ་ནི་དེ་ལ། མཆོག་ཡིན་ཏེ།། དེ་ལ་སངས་རྒྱས་སྲས་རྣམས་རྟག་ཏུ་དགའ།། དེ་ལ་རྩེན་པར་ཉིན་མཚན་འདས་པར་བྱེད།། དུས་དང་ཟླ་བ་ཕྱེད་དང་ཟླ་བ་དང་།། དེ་བཞིན་ལོ་དང་བར་གྱི་བསྐལ་པ་དང་།། བསྐལ་པ་ཕྱེ་བ་སྟོང་ཡང་འདས་པར་བྱེད། ། བདེ་གཤེགས་ཉན་ཐོས་གང་རྣམས་ཉན་པ་དང་།། བྱང་ཆུབ་སེམས་དཔའ་མང་པོ་རྣམ་རྩེན་ཅིང་།། འདིས་ནི་བྱང་ཆུབ་སྙེམས་པོར་དེ་འགྲོ་སྟེ།། རིན་ཆེན་ཐེག་པ་འདི། ནི་དམ་པ་མཆོག། སྐར་རྒྱལ་ཁྱོད་ཀྱིས་འདི་ལྟར་རིག་པར་གྱིས།། ཕྱོགས་བཅུ་ཐམས་ཅད་དུ་ནི་བཙལ་བྱས་ཀྱང་།། སྐྱེས་བུ་དམ་པའི་ཐབས་རྣམས་མ་གཏོགས་པར།། དེ་ལ་ཐེག་པ་གཉིས་སུ་གང་ནའང་མེད། ། ཁྱེད་ཀྱི་ཕ་དེ་ཁྱེད་ཀྱང་ང་ཡི་བུ།། ཁྱེད་རྣམས་ཁམས་གསུམ་རབ་ཏུ་འཇིགས་པ་ན།། བསྐལ་པ་བྱེ་བ་མང་པོར་བསྲེགས་པ་ཡི།། སྡུག་བསྔལ་དག་ལས་ངས་ནི་རབ་ཏུ་བཏོན།། ། འདི་ལྟར་མྱ་ངན་འདས་པར་ངས་བསྟན་པ།། འཁོར་བའི་སྡུག་བསྔལ་དག་ལས་ཁྱེད་ཐར་ཏེ།། ཁྱེད་ནི་དདུང་མྱ་ངན་ཡོངས་མ་འདས།། སངས་རྒྱས་ཐེག་པ་ཉིད་ནི་བཙལ་བར་བྱ།། འདི་ནི་བྱང་ཆུབ་སེམས་དཔའ་གང་འཁོད་པ། ། ང་ཡི་སངས་རྒྱས་ཚུལ་འདི་ཀུན་ཉོན་ཅིག། འདི་ནི་བྱང་ཆུབ་སེམས་དཔའ་མང་པོ་འདུལ།། འདི་ནི་རྒྱལ་བའི་ཐབས་ལ་མཁས་པ་ཡིན།། གང་ཚེ་ཐེག་པ་དམན་པ་སྨད་པ་ལ། ། དེ་ལ་སེམས་ཅན་དགའ་བར་གྱུར་པ་ན།། དེ་ཚེ་སྡུག་བསྔལ་འཕགས་པའི་བདེན་པ་དག། གཞན་མི་གསུངས་པ་འཇིག་རྟེན་འདྲེན་པ་འཆང།། གང་རྣམས་བྱིས་པའི་བློ་དག་མི་ཤེས་པས།། སྡུག་བསྔལ་ངག་གི་རྩ་བ་མི་མཐོང་བ། ། དེ་དག་ལ་ཡང་ལམ་རྣམས་བསྟན་པར་བྱ།། སྲེད་པ་ཀུན་འབྱུང་ལས་ནི་སྡུག་བསྔལ་སྐྱེ།། རྟག་ཏུ་མི་གནས་སྲེད་པ་འགོག་པ་ཡང་།། འདི་ནི་ང་ཡི་འགོག་བདེན་གསུམ་པ་ཡིན། ། གཞན་མ་ཡིན་པ་གང་གིས་སྐྱེས་བུ་མཐར།། ལམ་རྣམས་བསྒོམས་ནས་རྣམ་པར་ཐར་པར་འགྱུར།། དེ་དག་ཅི་ལས་རྣམ་གྲོལ་ཤཱ་རིའི་བུ།། མེད་པར་འཛིན་ལས་དེ་རྣམས་རྣམ་གྲོལ་ཏེ། ། ཀུན་ལས་དེ་དག་ད་དུང་ཐར་མ་ཡིན།། མྱ་ངན་དེ་མ་འདས་ཞེས་འདྲེན་པ་གསུང་།། དེ་ལ་ཐར་པར་ཅི་ཕྱིར་བཤད་མ་མཛད།། བྱང་ཆུབ་དམ་པའི་མཆོག་འདི་མ་ཐོབ་ཕྱིར།། འཇིག་རྟེན་བདེ་བྱའི་ཕྱིར་ནི་ང་སྐྱེས་པས། ། ཆོས་ཀྱི་རྒྱལ་པོ་ང་ནི་དེ་ལྟར་འདོད།། ཐ་མར་དེ་རིང་ངས་ནི་གང་བཤད་པ།། ང་ཡི་ཆོས་ཀྱི་རྒྱུ་འདི་ཤཱ་རིའི་བུ།། ལྷར་བཅས་འཇིག་རྟེན་དག་ལ་ཕན་པའི་ཕྱིར། ཕྱོགས་དང་ཕྱོགས་མཚམས་ངག་ཏུ་བཤད་པར་གྱིས།། ཁྱོད་ཀྱིས་བསྟན་པའི་ཚེ་ན་སེམས་ཅན་གག། རྗེས་སུ་ཡི་རང་ངོ་ཞེས་ཚིག་སྨྲ་ཞིང་།། མདོ་འདི་མགོ་བོས་རབ་ཏུ་ལེན་པ་ནི།། མི་དེ་ཕྱིར་མི་ལྡོག་པར་ཁྱོད་ཟུང་ཤིག། མདོ་སྡེ་འདི་ལ་དད་པར་གང་འགྱུར་བ།། དེས་ནི་སྔོན་གྱི་དེ་བཞིན་གཤེགས་པ་མཐོང་།། དེ་དག་ལ་ཡང་བཀུར་སྟི་བྱས་པ་ཡིན།། རྣམ་པ་འདི་ལྟ་བུ་ཡི་ཆོས་ཀྱང་ཐོས། ། ང་ཡིས་བཤད་པ་འདི་ལ་གང་དད་པ།། དེས་ནི་ཁྱོད་དང་ང་ཡང་མཐོང་བ་ཡིན།། ང་ཡི་དགེ་སློང་དགེ་འདུན་འདི་ཀུན་དང་།། བྱང་ཆུབ་སེམས་དཔའ་འདི་དག་ཀུན་ཀྱང་མཐོང་། ། མངོན་པར་ཤེས་པས་རིག་ནས་ངས་འདི་བསྟན།། མདོ་འདིས་སྐྱེ་བོ་བྱིས་པ་མྱོས་པར་འགྱུར།། འདི་ལ་ཉན་ཐོས་རྣམས་ཀྱི་ཡུལ་ཡང་མེད།། འདི་ལ་རང་སངས་རྒྱས་ཀྱི་འགྲོ་བའང་མེད།། ཤཱ་རིའི་བུ་ཁྱོད་མོས་པ་ལྷུར་བྱེད་ན། ། ང་ཡི་ཉན་ཐོས་འདི་དག་གཞན་ཅི་སྨོས།། འདི་དག་ང་ལ་དད་ཕྱིར་འབྲང་བ་སྟེ།། སོ་སོ་རང་གིས་རིག་པའི་ཡེ་ཤེས་མེད།། ཁྱོད་ཀྱིས་ང་རྒྱལ་ཅན་དང་ཁེངས་པ་དང་།། མི་རིགས་ཞུགས་པ་དག་ལ་འདི་མ་བཤད།། བྱིས་པ་འདོད་ལ་རྟག་ཏུ་རབ་མྱོས་ཤིང་།། མི་ཤེས་པས་ན་ཆོས་རྣམས་སྤོང་བར་བྱེ།། འཇིག་རྟེན་རྟག་ཏུ་ལེགས་གནས་སངས་རྒྱས་ཚུལ།། ང་ཡི་ཐབས། མཁས་འདི་ནི་རབ་སྤངས་ཤིང་།། ཁྲོ་གཉེར་བྱས་ཏེ་ཐེག་པ་སྤངས་པ་ཡི།། དེ་ཡི་མི་བཟང་རྣམ་སྨིན་འདིར་ཉོན་ཅིག། ང་ནི་འདུག་གམ་མྱ་ངན་འདས་ཀྱང་རུང་།། རྣམ་པ་འདི་འཇ་མདོ་སྡེ་རབ་སྤངས་ཤིང་། ། དགེ་སློང་དེ་དག་ལ་ཡང་སྡང་འདོད་པ།། དེ་ཡི་རྣམ་པར་སྨིན་པ་ང་ལས་ཉོན།། དེ་དག་མི་ལས་ཤི་འཕོས་མནར་མང་དུ།། བསྐལ་པ་ཚང་བར་རབ་ཏུ་གནས་པར་འགྱུར།། དེ་ནས་བར་གྱི་བསྐལ་པ་དུ་མར་ཡང་། ། བྱིས་པ་ཤི་ཞིང་འཕོས་ནས་དེར་ཡང་ལྷུང་།། སེམས་ཅན་དམྱལ་བ་ནམ་ཞིག་ཤི་འཕོས་ཀྱང་།། དེ་ནས་དུད་འགྲོ་དག་ཏུའང་སྐྱེ་བར་འགྱུར།། ཤིན་ཏུ་རིང་པའི་ཝ་དང་ཁྱི་གྱུར་ཅིང་། ། གཞན་དག་རྩེད་མོ་བྱེད་པའི་གཞིར་འགྱུར་ཏེ།། དེ་ན་དེ་དག་ཁ་དོག་གནག་པར་འགྱུར།། སྲེ་བོ་རྨ་ཅན་གཡན་པ་དག་གིས་གང་།། སྤུ་ཡང་བ་ཞིང་ཤིན་ཏུ་ཉམ་ཆུང་འགྱུར།། ང་ཡི་བྱང་ཆུབ་མཆོག་འདིར་ཞེ་སྡང་བས། ། སྲོག་ཆགས་ནང་ན་རྟག་ཏུ་སྨད་འགྱུར་ཏེ།། རྡོ་དང་བོང་བས་ཕོག་ནས་ཤིན་ཏུ་འཁང་།། དེ་དང་དེ་ན་དབྱིག་པས་ཀུན་བསྡིགས་ལ།། བཀྲེས་ཤིང་སྐོམ་པར་གྱུར་པས་ལུས་ཀྱང་སྐམས། ། བྱིས་པའི་བློ་གང་སངས་རྒྱས་ཚུལ་སྤོངས་པ།། རྔ་མོ་དང་ནི་བོང་བུར་ཡང་འགྱུར་ཏེ།། ཁ་ཟས་བསམ་པ་དག་ལ་རྗེས་སེམས་ཤིང་།། ཁལ་རྣམས་བཀལ་ནས་དབྱིག་པ་བརྒྱ་ཡིས་བརྡེགས། ། ཕྱིར་ཡང་དེ་དག་དེར་ནི་ཝར་འགྱུར་ཏེ།། ཤིན་ཏུ་མི་སྡུག་ཞར་བ་ཐེང་པོར་འོང་།། གྲོང་གི་གཞོན་ནུ་དག་གིས་རབ་གཙེས་ཤིང་།། བྱིས་པ་དེ་དག་རྡོ་དང་འོང་བས་རྡེག། དེ་ནས་བྱིས་པ་བློ་ཅན་ཤི་འཕོས་ནས། ། དཔག་ཚད་དག་ཀྱང་ལྔ་བརྒྱ་མཉམ་པ་ཡི།། སྲོག་ཆགས་ལུས་རིང་རྣམས་སུ་གྱུར་ནས་སུ།། ཤིན་ཏུ་བླུན་ཞིང་རྨོངས་ལ་འགྲེ་ཞིང་ལྡོག། འདི་འདྲ་བ་ཡི་མདོ་སྡེ་སྤངས་པས་ནི།། དེ་དག་རྐང་པ་མེད་པའི་ལྟོ་འཕྱེར་འགྱུར། ། སྲོག་ཆགས་བྱེ་བ་མང་པོས་བཟའ་བས་ན།། དེ་དག་ཤིན་ཏུ་མི་བཟང་ཚོར་བ་མྱོང་།། རམ་ཞིག་མི་ཡི་ལུས་ཐོབ་གྱུར་པ་ན།། ང་ཡི་མདོ་སྡེ་འདི་ལམ་དད་པས།། དེ་ན་དེ་དག་ལུས་ནག་ཐེང་པོར་འགྱུར། ། སྦུར་པོ་ཞར་བ་ལྡོངས་པ་གླེན་ཞིང་སྨད།། སངས་རྒྱས་བྱང་ཆུབ་འདི་ལ་མ་དད་པས།། འཇིག་རྟེན་དག་ནི་ཡིད་ཀྱང་མི་ཆིས་ཏེ།། དེ་དག་ཁ་ནས་རུལ་མནམ་རྒྱུན་མི་འཆང་།། དེ་ཡི་ལུས་ལ་གནོད་སྦྱིན་གདོན་ཀྱང་གནོད། ། དབུལ་ཞིང་གཞན་གྱི་མངག་ཞུག་བྱེད་པ་སྟེ།། ཉམ་ཆུང་གཞན་གྱིས་རྟག་ཏུ་བཀོལ་བར་འགྱུར།། དེ་དག་ཤིན་ཏུ་ནང་དང་གནོད་པ་མང་། མགོན་མེད་གྱུར་ཅིང་འཇིག་རྟེན་དག་ན་རྒྱུ།། དེ་ན་དེ་ཡིས་གང་ལ་ཉེར་བསྙེན་ཀྱང་།། དེ་ལ་དེ་དག་སྦྱིན་པ་དང་མི་འགྱུར།། བྱིན་ན་ཡང་ནི་མྱུར་དུ་སྟོར་གྱུར་ཏེ།། དེ་ཡི་སྡིག་པའི་འབྲས་བུ་དེ་འདྲའོ།། དེ་ན་དེ་ཡིས་སྨན་གང་རྙེད་པ་ནི། ། ཤིན་ཏུ་སྦྱར་ལེགས་མཁས་པས་བྱིན་ན་ཡང་།། དེས་ཀྱང་དེ་དག་ནད་ནི་ཕྱིར་ཞིང་སྐྱེ།། ནམ་ཡང་དེ་ཡི་ནད་རྣམས་མཐར་མི་འབྱུང་།། གཞན་གྱིས་བརྐུན་པོ་བྱས་པར་གྱུར་པ་དང་།། འཁྲུག་ཅིང་དེ་བཞིན་དཔུང་འཆའ་འཐབ་པ་དང་།། དེ་བཞིན་གཞན་གྱི་ནོར་རྣམས་ཕྲོགས་པ་ཡང་།། སྡིག་པའི་ལས་ཀྱིས་དེ་ཡི་སྟེང་དུ་འབབ།། ང་ཡི་སངས་རྒྱས་ཚུལ་འདི་སྤངས་པས་ན།། མི་དབང་རྒྱལ་པོ་འཇིག་རྟེན་སྟོན་པ་ཡི། ། འཇིག་རྟེན་མགོན་པོ་དེས་ནི་ཡོང་མི་མཐོང་།། དེ་ནི་མི་ཁོམ་པར་ཡང་གནས་པར་འགྱུར།། བྱིས་པ་དེས་ནི་ཆོས་ཀྱང་མི་ཐོས་ཏེ།། དེ་དག་སེམས་དཔའ་མེད་ཅིང་འོན་པར་འགྱུར།། ། བྱང་ཆུབ་འདི་འདྲ་བ་ནི་སྤངས་པས་ན།། དེ་དག་ནམ་ཀྱང་ཞི་བར་མི་འགྱུར་རོ།། བསྐལ་པ་གངྒཱའི་ཀླུང་གི་བྱེ་མ་སྙེད།། ཁྲག་ཁྲིག་དག་ནི་བརྒྱ་སྟོང་མང་པོར་ཡང་།། ལུས་ནི་མ་གྲིམས་ཡན་ལག་མ་ཚང་འགྱུར། ། དེ་ནི་མདོ་སྡེ་འདི་སྤངས་སྡིག་པའི་འབྲས།། དེ་ཡི་སྐྱེད་མོས་ཚལ་ནི་སེམས་ཅན་དམྱལ།། ངན་སོང་དག་ནི་དེ་ཡི་ཁྱིམ་ཡིན་ཏེ།། ཕག་དང་བོང་བུ་ཝ་དང་ས་འཛུལ་བར།། དེ་ན་དེ་དག་རྟག་ཏུ་གནས་པར་འགྱུར། ། དེ་དག་མི་ཡི་ལུས་སུ་གྱུར་ར་ཡང་།། ལྡོངས་པ་དང་ནི་འོན་པ་གླེན་པ་སྟེ།། རྟག་ཏུ་དབུལ་ཞིང་གཞན་གྱིས་མངག་པར་འགྱུར།། དེ་ཆེད་མི་རྒྱན་ནི་དེ་དག་གོ།། དེ་ན་དེམི་གས་ནིནད་ཡིན་ཏེ། ། ལུས་ལ་རྨ་ནི་བྱེ་བ་ཁྲག་ཁྲིག་འབྱུང་།། དེ་བཞིན་ཤུ་བ་གསན་པ་འབྲུམ་བུ་དང་།། དེ་བཞིན་ཤ་བ་ཀྲ་མཛེ་དག་བ་ཤུལ་བར་མནམ།། དེ་ཡི་འཇིག་ཚོགས་ལྟ་བ་སྟུག་པོར་འགྱུར།། དེ་ཡི་ཁྲོ་བའི་སྟོབས་ཀྱང་ཤིན་ཏུ་ཆེ། ། དེ་ཡི་འདོད་ཆགས་དག་ཀྱང་ཤིན་ཏུ་བདོ།། དེ་ནི་དུད་འགྲོའི་སྐྱེ་གནས་རྟག་ཏུ་དགའ།། གང་གིས་ང་ཡི་མདོ་སྡེ་འདི་སྤངས་པ།། དེ་རིང་གལ་ཏེ་ང་ཡིས་ཤཱ་རིའི་བུ།། དེ་ཡི་ཉེས་པ་བསྐལ་པར་བརྗོད་ན་ཡང་། ། ཉེས་པའི་མཐར་ནི་ཕྱིན་པར་ཡོང་མི་ནུས།། ངས་ནི་དེ་འདི་དོན་རྣམས་རབ་མཐོང་བས།། ཤཱ་རིའི་བུ་ཁྱོད་ཡང་དག་བསྟན་པ་ནི།། ཁྱོད་ཀྱིས་སྐྱེ་བོ་བྱིས་པའི་མདུན་དུ་ཡང་། ། མདོ་སྡེ་འདི་འདྲ་མ་བཤད་ཅིག་ཅེས་བསྒོ།། འདི་ལྟར་གང་དག་གསལ་ཞིང་མང་ཐོས་པ།། དྲན་དང་ལྡན་ཞིང་གང་མཁས་ཡེ་ཤེས་ལྡན།། བྱང་ཆུབ་དམ་པ་མཆོག་ལ་གང་ཞུགས་པ། ། དེ་ལ་ཁྱོད་ཀྱིས་དམ་པ་འདི་སྒྲོགས་ཤིག། གང་གིས་སངས་རྒྱས་བྱེ་བ་མང་པོ་མཐོང་།། གང་གིས་དཔག་ཏུ་མེད་པའི་དགེ་བ་བསྐྱེད།། གང་རྣམས་ལྷག་པའི་བསམ་པ་ཤིན་ཏུ་བརྟན། ། དེ་ལ་ཁྱོད་ཀྱིས་དོན་དམ་འདི་སྒྲོགས་ཤིག། གང་རྣམས་བརྩོན་འགྲུས་ལྡན་ཞིང་རྟག་བྱམ་སེམས།། བྱམས་པ་དེ་ལ་དེ་དག་རིང་དུས་བསྒོམས།། ལུས་དང་དེ་བཞིན་སྲོག་ཀྱང་རབ་ཏུ་བཏང་། ། དེ་དག་ལ་ནི་མདོ་འདི་མངོན་སུམ་ཤོད།། ཕན་ཚུན་རྟོག་ཅིང་རིམ་གྲོར་བཅས་པ་དང་།། གང་རྣམས་བྱིས་པ་དག་དང་མི་རྟེན་ཅིང་།། གང་དག་རི་སུལ་རྣམས་སུ་དགའ་བ་དག། དེ་ལ་མདོ་སྡེ་བཟང་པོ་འདི་སྒྲོགས་ཤིག། དགེ་བའི་བཤེས་གཉེན་ངག་ལ་རབ་བསྙེན་ཅིང་།། སྡིག་པའི་གྲོགས་པོ་དག་ནི་རབ་སྤོང་བ།། དེ་ལྟ་བུ་ཡི་སངས་རྒྱས་སྲས་མཐོང་ན།། དེ་དག་ལ་ནི་ཡང་མདོ་སྡེ་འདི་སྟོན་ཅིག། ཚུལ་ཁྲིམས་མ་ཉམས་ནོར་བུ་རིན་ཆེན་བཞིན།། ཤིན་ཏུ་རྒྱས་པའི་མདོ་སྡེ་བཟུང་བར་གནས།། དེ་འདྲ་སངས་རྒྱས་སྲས་པོ་མཐོང་ན་ཡང་།། དེ་དག་མདུན་དུ་མདོ་སྡེ་འདི་ཤོད་ཅིག། ཁྲོ་བ་མེད་ཅིང་རྟག་ཏུ་དྲང་བ་སྟེ།། སྲོག་རླགས་ཐམས་ཅད་ལ་ཡང་སྙིང་རྗེར་ལྡན།། བདེ་བར་གཤེགས་པ་དག་ལ་རིམ་གྲོར་བཅས།། དེ་ཡི་མདུན་དུ་མདོ་སྡེ་འདི་ཤོད་ཅིག། གང་དག་འཁོར་གྱི་དབུས་སུ་ཆོས་སྟོན་པ།། དཔེ་རྣམས་བྱེ་བ་ཁྲག་ཁྲིག་དུ་མ་ཡིས།། མ་ཆགས་གྱུར་ཅིང་ནན་ཏན་ཡིད་ཀྱིས་འཆང་།། དེ་དག་ལ་ཡང་མདོ་སྡེ་འདི་ཤོད་ཅིག། ཐམས་ཅད་མཁྱེན་པ་ཉིད་ནི་ཡོངས་ཚོལ་ཞིང་། ། གང་དག་ཐལ་མོ་སྦྱར་ཏེ་མགོ་ལ་འཐུག། ལེགས་པར་སྨྲ་བའི་དགེ་སློང་ཚོལ་བའི་ཕྱིར།། གང་དག་ཕྱོགས་བཅུ་ཀུན་ཏུ་རབ་ཏུ་འགྲོ།། ཤིན་ཏུ་རྒྱས་པའི་མདོ་སྡེ་ཀུན་འཛིན་ཏེ། ། དེ་ནི་ནམ་ཡང་གཞན་ལ་དགའ་མི་བྱེད།། གཞན་ལས་ཚིགས་བཅད་གཅིག་ཀྱང་མི་འཛིན་པ།། དེ་དག་ལ་ཡང་མདོ་སྡེ་འདི་ཤོད་ཅིག། ཇི་ལྟར་དེ་བཞིན་གཤེགས་པའི་སྐུ་གདུང་འཛིན། ། དེ་ལྟར་མི་དག་ལ་ལ་དེ་ཚོལ་ཏེ།། དེ་བཞིན་དུ་ཡང་མདོ་སྡེ་འདི་འདྲ་ཚོལ།། རྙེད་ནས་ཀྱང་ནི་དེ་དག་སྤྱི་བོས་ལེན།། མདོ་སྡེ་གཞན་ལ་ནམ་ཡང་མི་སེམས་ཏེ།། འཇིག་རྟེན་རྒྱང་ཕན་པ་དང་བསྟན་བཅོས་གཞན། ། དེ་འདྲ་བྱིས་པ་རྣམས་ཀྱི་སྤྱོད་ཡུལ་ཏེ།། དེ་དག་ཁྱོད་ཀྱིས་སྤོངས་ལ་འདི་ཤོད་ཅིག། བསྐལ་པ་ཚང་བར་ཡང་ནི་ཤཱ་རིའི་བུ།། བྱང་ཆུབ་དམ་པ་མཆོག་འདིར་གང་ཞུགས་པ། རྣམ་པ་བྱེ་བ་ཕྲག་སྟོང་ང་སྨྲ་བ།། དེ་དག་མདུན་དུ་མདོ་སྡེ་འདི་ཤོད་ཅིག། དཔེའི་ལེའུ་ཞེས་བྱ་སྟེ་གསུམ་པའོ།། རྣམ་པའི་ཆོས་པདྨ་དཀར་པོ་བམ་པོ་བཞི་པ། དེ་ནས་ཚེ་དང་ལྡན། པ་རབ་འབྱོར་དང་། ཚེ་དང་ལྡན་པ་ཀ་ཏྱའི་བུ་ཆེན་པོ་དང་། ཚེ་དང་ལྡན་པ་འོད་སྲུངས་ཆེན་པོ་དང་། ཚེ་དང་ལྡན་པ་མོའུ་འགལ་གྱི་བུ་ཆེན་པོས། སྔོན་མ་ཐོས་པའི་ཆོས་རྣམ་པ་འདི་ལྟ་བུ་འདི། བཅོམ་ལྡན་འདས་ལས་ཐོས་ཤིང་། ཚེ་དང་ལྡན་པ་ཤཱ་རིའི་བུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་སུམ་དུ་ལུང་བསྟན་པ་ཐོས་ནས་ངོ་མཚར་དུ་གྱུར། རྨད་དུ་གྱུར། ཤིན་ཏུ་དགའ་བར་གྱུར་ཏེ། དེའི་ཚེ་སྟན་ལས་ལངས་ནས། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་པ་དང་། བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་མངོན་དུ་ལྷ་ཞིང་ལུས་བཏུད་། ལུས་མངོན་པར་བཏུད། ལུས་རྣམ་པར་བཏུད། ལུས་ཤིན་ཏུ་བཏུ་དདེ། དེའི་ཚེ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ཅག་རྒས་གཏུགས་འཁོགས་ནས་དགེ་སློང་གི་དགེ་འདུན་གྱི་ནང་ནའང་གནས་བརྟན་དུ་འཛིན་ཏེ། རྒས་འཁོགས་ཤིང་བདག་ཅག་མ་ངན་ལས་འདས་པ་ཐོབ་སྙམ་ནས། བཅོམ་ལྡན་འདས་བདག་ཅག་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩོན་པ་མ་མཆིས་ཏེ། བདག་ཅག་ནི་བརྩོན་འགྲུས་བརྩམ་པའི་རྔོ་མི་ཐོག་པའོ། ། གང་གི་ཚེ་བཅོམ་ལྡན་འདས་ཆོས་སྟོན་ཅིང་བཅོམ་ལྡན་འདས་རིང་དུ་ཡང་བཞུགས་པར་གྱུར་ཏེ། ཆོས་བཤད་པ་དེ་ལ་བདག་ཅག་ཀྱང་མཆིས་པར་གྱུར་པ་དེའི་ཚེ་ན་ནི།། བཅོམ་ལྡན་འདས་བདག་ཅག་ཀྱང་རིང་དུ་མཆིས་ཤིང་བཅོམ་ལྡན་འདས་ལ་རིང་དུ་བསྙེན་བཀུར་བགྱིས་པས། ཡན་ལག་དང་ཉིང་ལག་ཀྱང་བྲོ་འཚལ།། ཚིགས་དང་ཚིགས་ཕྲེའུ་རྣམས་ཀྱང་བྲོ་འཚལ་ཏོ། ། བཅོམ་ལྡན་འདས་དེའི་སླད་དུ། བཅོམ་ལྡན་འདས་ཀྱིས་ཆོས་བསྟན་པ་ན་ཡང་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ཐམས་ཅད་བདག་ཅག་གིས་བརྗོད་ཀྱི། སངས་རྒྱས་ཀྱི་ཆོས་འདི་དག་དང་། སངས་རྒྱས་ཀྱི་ཞིང་བདེ་བ་བཀོད་པ་དག་དང་། བྱང་ཆུབ་སེམས་དཔའི་རྣམ་པར་རོལ་པ་དག་དང་། དེ་བཞིན་གཤེགས་པའི་རྣམ་པར་རོལ་པ་དག་ལ། བདག་གིས་རེ་བ་མ་བསྐྱེད་དོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟར་བདག་ཅག་ཁམས་གསུམ་ནས་བྱུང་སྟེ། མྱ་ངན་ལས་འདས་པར་འདུ་ཤེས་ཤིང་བདག་ཅག་ནི་རྒས་འཁོགས་པས་དེའི་སླད་དུ་བཅོམ་ལྡན་འདས་བདག་ཅག་གིས་བྱང་ཆུབ་སེམས་དཔའ་གཞན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཅིང་བལྟམས་མོད་ཀྱི། བཅོམ་ལྡན་འདས་དེ་ལ་བདག་ཅག་གིས། རེ་བའི་སེམས་གཅིག་ཀྱང་བསྐྱེད་པར་མ་གྱུར་ཏེ། བཅོམ་ལྡན་འདས་བདག་ཅག་གིས་བཅོམ་ལྡན་འདས་ཀྱི་དྲུང་ནས། ཉན་ཐོས་རྣམས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་བར་ལུང་བསྟན་པ་ཐོས་ནས། ངོ་མཚར་དང་རྨད་དུ་གྱུར་ཏོ།། བཅོམ་ལྡན་འདས་དེང་འཕྲལ་ལ། དེ་བཞིན་གཤེགས་པའི་གསུང་སྔོན་མ་ཐོས་པ་རྣམ་པ་འདི་ལྟ་བུ་འདི་ཐོས་ནས་བདག་ཅག་གིས་རྙེད་པ་ཆེན་པོ་ཐོབ་བོ། ། བཅོམ་ལྡན་འདས་བདག་ཅག་གིས་རིན་པོ་ཆེ་ཆེན་པོ་ཐོབ་བོ།། བཅོམ་ལྡན་འདས་བདག་ཅག་གིས་ཚད་མ་མཆིས་པའི་རིན་པོ་ཆེ་ཆེན་པོ་ཐོབ་བོ།། བཅོམ་ལྡན་འདས་བདག་ཅག་ཀྱི། མ་བསླངས་མ་བཙལ་མ་བསམས་མ་སྨོན་པར་རྣམ་པ་འདི་ལྟ་བུའི་རིན་པོ་ཆེ་ཆེན་པོ་འདི་ཐོབ་སྟེ། བཅོམ་ལྡན་འདས་བདག་ཅག་སྤོབས་སོ།། བདེ་བར་གཤེགས་པ་སྤོབས་སོ།། བཅོམ་ལྡན་འདས་འདི་ལྟ་སྟེ་དཔེར་ན། མི་ལ་ལ་ཞིག་འདི་ལྟར་ཕའི་གནས་ནས་ལོགས་ཤིག་ཏུ་མཆིས་ལ། དེ་ལོགས་ཞིག་ཏུ་མཆིས་ནས། ཡུལ་ཕྱོགས་གཅིག་ཅིག་ཏུ་ཕྱིན་ཏེ། སྟོར་ནས་དེ་དེ་ན་དགུང་ལོ་མང་དུ་ཉི་ཤུ་འམ། སུམ་ཅུ་འམ། བཞི་བཅུ་འམ། ལྔ་བཅུར་གནས་ཏེ། བཅོམ་ལྡན་འདས་དེ་ནས་མི་དེ་ཆེན་པོ་ཞིག་ཏུ་ལགས་ལ། དེ་ཡང་དབུལ་པོར་འགྱུར་ནས། འཚོ་བ་འཚོལ་ཞིང་། འཚལ་མ་དང་རང་བའི་སླད་དུ། ཕྱོགས་དང་ཕྱོགས་མཚམས་སུ་མཆིས་ནས། ཡུལ་ཕྱོགས་གཅིག་ཅིག་ཏུ་ཕྱིན་ཏེ། དེའི་ཕ་དེའང་ཡུལ་གཞན་དུ་མཆིས་ལ། ནོར་དང་། མགྲོན་བུ་དང་། མཛོད་དང་། བང་བ་མང་པོར་གྱུར་ཏེ། གསེར་དང་། དངུལ་དང་། ནོར་བུ་དང་། མུ་ཏིག་དང་། བཻ་ཌཱུཪྻ་དང་། དུང་དང་། མན་ཤེལ་དང་། བྱི་རུ་དང་། ས་ལེ་སྦྲམ་དང་། དངུལ་དག་དང་ལྡན་པར་གྱུར་ལ། བྲན་པོ་དང་། ཟན་མོ་དང་། སུག་ལས་བགྱིད་པ་དང་། ཞོ་ཤས་འཚོ་བའི་མི་མང་པོར་གྱུར་ལ། གླང་པོ་ཆེ་དང་། རྟ་དང་། ཤིང་རྟ་དང་། བ་ལང་དང་། ལུག་མང་པོ་དང་ལྡན་པར་གྱུར་ཏེ། གཡོག་མང་ཞིང་ཡུལ་ཆེན་པོའི་ནང་ན་ནོར་དང་ལྡན་པ་ལགས་ལ། འདུ་བ་དང་། འཕེལ་བ་དང་། རྨོ་བ་དང་། ཚོལ་བ་ཡང་མང་དུ་གྱུར་ཏེ། བཅོམ་ལྡན་འདས་དེ་ནས་མི་དབུལ་པོ་དེ་འཚལ་མ་དང་རད་པ་ཚོལ་བའི་སླད་དུ། གྲོང་དང་གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་དུ་མཐར་གྱིས་འཁྱམ་པ་ལས། དེ་ན་ནོར་དང་། མགྲོན་བུ་དང་། མཛོད་དང་བང་བ་མང་པོ་མཆིས་པའི་མི་དེ་གང་ན་མཆིས་པའི་གྲོང་ཁྱེར་དེར་ཕྱིན་པར་གྱུར་ཏེ། བཅོམ་ལྡན་འདས་དེ་ནས་མི་དབུལ་པོའི་ཕ་ནོར་དང་། མགྲོན་བུ་དང་། མཛོད་དང་། བང་བ་མང་པོ་ཅན་དེ་གྲོང་ཁྱེར་དེ་ན་གནས་ཤིང་། བུ་ལོ་ལྔ་བཅུའི་བར་དུ་སྟོར་བ་དེ་རྟག་པར་རྒྱུན་དུ་དྲན་ཏེ། དྲན་ཡང་བདག་གཅིག་པུ་ནང་དུ་གདུང་བ་མ་གཏོགས་པར་གཞན་སུ་ལ་ཡང་མི་སྨྲ་བར་འདི་སྙམ་དུ་སང་བདག་ནི་རྒས་ཤིང་འཁོགས་ཏེ་གཏུགས་ན། བདག་ལ་མགྲོན་བུ་དང་། གསེར་དང་། ནོར་དང་འབྲུ་དང་། མཛོད་དང་། བང་བ་མང་དུ་ཡོད་ལ། བདག་ལ་བུ་ནི་གཅིག་ཀྱང་མེང་ན། བདག་ནི་འཆི་བའི་དུས་བྱེད་པར་འགྱུར་ཏེ། འདི་དག་ཐམས་ཅད་མ་སྤྲད་པར་ཆུད་ཟོས་པར་མི་འགྱུར་རམ་སྙམ་དུ་དེའི་ཕྱིར་ཞིང་བུ་དེ་དྲན་ནས། ཀྱེ་མ་གལ་ཏེ་བདག་གི་བུ་དེ་ནོར་གྱི་ཚོགས་འདི་ལ་སྤྱོད་པར་གྱུར་ན་ནི། བདག་མྱ་ངན་མེད་པར་འགྱུར་བར་སེམས་ལ། བཅོམ་ལྡན་འདས་དེ་ནས་མི་དབུལ་པོ་དེ་རང་པ་དང་། འཚལ་མ་ཚོལ་ཞིང་མཐར་གྱིས་མགྲོན་བུ་དང་། གསེར་དང་། ནོར་དང་། འབྲུ་དང་། མཛོད་དང་། བང་བ་མང་པོ་ཅན་གྱི་མི་དེའི་གནས་ག་ལ་བ་དེར་མཆིས་ཏེ། བཅོམ་ལྡན་འདས་དེ་ནས་མི་དབུལ་པོ་དེའི་ཕ་དེ་བདག་གི་མཆིས་བྲང་གི་ཆབ་སྒོ་ན། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་ཀྱི་འཁོར་ཆེན་པོས་ཡོངས་སུ་བསྐོར་ཅིང་མདུན་གྱིས་བལྟས་ཏེ། སེང་གེའི་ཁྲི་ཆེན་པོ་སུག་རྟེན་དང་བཅས་པ། གསེར་དང་། དངུལ་གྱིས་ཤིན་ཏུ་བརྒྱན་པ་ལ་མཆིས་ནས། མགྲོན་བུ་བྱེ་བ་བརྒྱ་སྟོང་གི་སྤྱོད་པ་བགྱིད་དེ། རྔ་ཡབ་ཀྱིས་གཡོབ་ཅིང་བླ་རེ་བྲེས་པའི་ས་ཕྱོགས་མེ་ཏོག་སིལ་མ་གཏོར་ཅིང་རིན་པོ་ཆེའི་ཕྲེང་བ་སྦྱངས་པ་ན། འབྱོར་ཅིང་ལོངས་པ་ཆེན་པོས་མཆིས་ལ། བཅོམ་ལྡན་འདས་མི་དབུལ་པོ་དེས་བདག་གི་ཕ་དེས་རང་གི་མཆིས་བྲང་གི་ཆབ་སྒོ་ན་རྣམ་པ་འདི་ལྟ་བུའི་ལོངས་པར་མཆིས་ཤིང་། སྐྱེ་བོ་ཕལ་པོ་ཆེས་ཡོངས་སུ་བསྐོར་ནས། ཁྱིམ་བདག་གི་སུག་ལས་བགྱིད་པ་མཐོང་སྟེ། མཐོང་ནས་ཀྱང་། འཇིགས་ཤིང་སྐྲག་ལ་མི་དགའ་ནས་སྤུ་ཟིང་ཞེས་བགྱིར་དེ། རབ་ཏུ་ཡིད་མི་བདེ་ནས་འདི་སྙམ་དུ་སེམས་ཏེ། རྒྱལ་པོ་འམ་བློན་པོ་ཆེན་པོ་འདི་དང་བདག་གློ་བུར་དུ་ཕྲད་དེ། འདི་ན་བདག་གི་བྱ་བ་ཅི་ཡང་མེད་ཀྱིས། བདག་དབུལ་པོའི་གནས་ག་ལ་བ་དེར་སོང་ན། དེར་བདག་གི་ཟས་དང་། གོས་ཉོན་མི་མོངས་པར་རྙེད་ཀྱི། བདག་འདིར་རིང་དུ་ཐོགས་སུ་ཟིན་ན་མི་རུང་ངོ་།། འདིར་བདག་ཙམ་ཟུངས་སུ་ཟིན་ཏམ། ཉེས་པ་གཞན་ལ་ལ་དང་ཕྲད་པར་གྱུར་དུ་མི་འོང་ངམ་སྙམ་ནས། བཅོམ་ལྡན་འདས་དེ་ནས་མི་དབུལ་པོ་དེ་འཇིགས་པ་རྒྱུད་མར་ཡིད་ལ་བགྱིད་ཅིང་སྐྲག་ནས། དེ་ན་མི་གནས་པར་རིངས་པར་བྲོས་ཏེ་མཆིས་པ་དང་། བཅོམ་ལྡན་འདས་དེ་ནས་མི་ཕྱུག་པོ་དེ་བདག་གི་མཆིས་བྲང་གི་ཆབ་སྒོ་ན། སེང་གེའི་ཁྲི་ལ་མཆིས་པས་བདག་གི་བུ་དེ་མཐོང་མ་ཐག་ཏུ་ངོ་མཚར་ཏེ། མཐོང་ནས་ཀྱང་དགའ་མགུ་རངས་ཏེ་རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་པར་གྱུར་ནས་འདི་སྙམ་དུ། མགྲོན་བུ་དང་། གསེར་དང་། ནོར་དང་། འབྲུ་དང་། མཛོད་དང་། བང་བའི་ལོངས་སྤྱོད་ཆེན་པོ་འདི་ལ་སྤྱོད་པ་འདི་ལྟར་རྙེད་དེ། བདག་ནི་རྒས་འཁོགས་གཏུགས་ནས། བདག་ཀྱང་འདི་ཉིད་ཕྱིར་ཞིང་དྲན་ན། འདི་ཡང་ཁོ་བདག་ཉིད་འདིར་འོངས་པ་ངོ་མཚར་ཆེའོ་སྙམ་དུ་སེམས་སོ།། ། བཅོམ་ལྡན་འདས་དེ་ནས་མཽ་དབུ་ལ་སྲེད་པས་གདུངས་པས་དེའི་ཚེ་སྐད་ཅིག་ཐང་ཅིག་ཡུད་ཙམ་དེ་ཉིད་ལ་མི་མགྱོགས་པ་དག་བཀྱེ་སྟེ། གྲོགས་པོ་དག་དང་ལ་མི་དེ་མྱུར་དུ་ཁྲིད་དེ་ཤོག་ཤིག་ཅེས་བསྒོ་ནས་བཅོམ་ལྡན་འདས་དེ་ནས་མི་དེ་དག་ཐམས་ཅད་ཀྱིས་མགྱོགས་པར་བརྒྱུགས་ནས་མི་དབུལ་པོ་དེ་བཟུང་བ་དང་། བཅོམ་ལྡན་འདས་དེ་ནས་མི་དབུལ་པོ་དེ་དེའི་ཚེ་ན་འཇིགས་ཤིང་སྐྲག་ལ། མི་དགའ་ནས་བ་སྤུ་ཟིང་ཞེས་བགྱིད་རབ་ཏུ་ཡིད་མི་བདེ་སྟེ། སྔངས་པའི་སྒྲ་དྲག་པོ་ཕྱུང་ནས། ཁུ་ཅོ་འདོན་ཅིང་ཁོ་བོས་ཁྱེད་ལ་ཉེས་པ་ཅུང་ཟད་ཀྱང་མ་བྱས་ན་ཞེས་ཚིག་ཏུ་སྨྲས་ཏེ།། དེ་ནས་མི་དེ་དག་གིས་ནན་གྱིས་མི་དབུལ་པོ་དེ་ཁུ་ཅོ་འདོན་བཞིན་དུ་ཁྲིད་པ་དང་། དེ་ནས་མི་དབུལ་པོ་དེ་འཇིགས་ཤིང་སྐྲག་ལ། མི་དགའ་ནས་སྤུ་ཟིང་ཞེས་བགྱིད་ཅིང་རབ་ཏུ་ཡིད་མི་བདེ་སྟེ། འདི་ལྟར་བདག་གསོད་དུ་འཇུག་ནས་མ་རུང་བར་མི་བྱས་སམ་སྙམ་སེམས་ཤིང་དེ་བརྒྱལ་ཏེ། དོགས་པ་སྐྱེལ་ནས་མྱོས་པར་གྱུར་ལ། དེའི་ཕ་དེ་ཡང་ཉེ་བ་ཞིག་ན་མཆིས་ནས་དེས་མི་དེ་དག་ལ་ཁྱེད་ཀྱིས་མི་འོ་ནི་ཁྲིད་དེ་མ་འོང་བར། འོ་ནི་ཆུ་གྲང་མོ་གཏོར་ཅིག་ཅེས་དེ་སྐད་སྨྲས་ནས། གཞན་མི་མཆི་སྟེ། དེ་ཅིའི་སླད་དུ་ཞེ་ན། ཁྱིམ་བདག་དེ་བདག་ནི་མཐུ་ཆེན་པོ་དང་ལྡན་ལ། མི་དབུལ་པོ་འདི་ནི་དམན་པ་ལ་མོས་པར་འཚལ་ནས། འདི་བདག་གི་བུ་ལགས་པར་ཡང་འཚལ་ན། བཅོམ་ལྡན་འདས་དེ་ནས་ཁྱིམ་བདག་དེ་ཐབས་མཁས་པའི་སླད་དུ། འདི་བདག་གི་བུ་ལགས་ཞེས་སུ་ལ་ཡང་མི་མཆི་སྟེ།། བཅོམ་ལྡན་འདས་དེ་ནས་ཁྱིམ་བདག་དེས་མི་གཞན་ཞིག་ལ། ཀྱེ་མི་ཁྱོད་སོང་སྟེ། མི་དབུལ་པོ་ཕ་བི་ལ་ཀྱེ་མི་ཁྱོད་བཏང་གིས་གར་དགའ་བར་འགྲོ་ལ་རག་ཅེས་སྒོ་ཤིག་ཅེས་མཆི་ནས། ལྷ་བཀའ་བཞིན་འཚལ་ཞེས་མི་དེས། དེ་ལས་མཉན་ནས་མི་དབུལ་པོ་དེ་ག་ལ་བ་དེར་མཆིས་ཏེ། ཕྱིན་ནས་མི་དབུལ་པོ་དེ་ལ་ཀྱེ་མི་ཁྱོད་བཏང་གིས་གར་དགའ་བར་འགྲོ་ལ་རག་གོ་ཞེས། བགྱིས་ནས། དེ་ནས་མི་དབུལ་པོས་དེའི་ཚིག་དེ་ཐོས་པ་དང་། ངོ་མཚར་དང་རྨད་དུ་བྱུང་བ་ཐོབ་པར་གྱུར་ཏེ། སའི་ཕྱོགས་དེ་ནས་ལངས་ནས། མི་དབུལ་པོའི་གནས་ག་ལ་བ་དེར་འཚལ་མ་དང་རང་བ་ཚོལ་བའི་སླད་དུ་མཆིས་ཏེ། དེ་ནས་ཁྱིམ་བདག་དེ་མི་དབུལ་པོ་དེ་དགུག་པའི་སླད་དུ། ཐབས་མཁས་པ་སྦར་བ་དེས་དེ་ལ་མདོག་མི་སྡུག་ཅིང་མདངས་ངན་པའི་མི་གཉིས་ཤིག་མངགས་ཏེ། ཁྱེད་གཉིས་དེང་ལ་གང་འདིར་འོངས་པའི་མི་དེ་ལ་ཁྱེད་རང་གི་ཚིག་གིས་ཉི་མའི་གླ་ཐང་གིས་གླ་གྱིས་ལ། ངའི་ཁྱིམ་འདིར་ལོས་བྱེད་དུ་ཆུག་ཤིག། དེ་གལ་ཏེ་འདི་སྐད་དུ་ལས་ཅི་བྱ་ཞེས་ཟེར་བ་དང་། ཁྱེད་གཉིས་ཀྱིས་དེ་ལ་འདི་སྐད་དུ། ངེང་གཉིས་དང་ལྷན་ཅིག་ཏུ་ཕྱག་དར་གྱི་ཕུང་པོ་ཕྱག་གོ་ཞེས་སྨྲོས་ཤིག་ཅེས་བགྱིས་ནས། མི་དེ་གཉིས་ཀྱིས་མི་དབུལ་པོ་དེ་བཙལ་ཏེ། སུག་ལས་དེ་བཞིན་དུ་བསྒྲུབས་ནས། དེ་ནས་མི་དེ་གཉིས་དང་མི་དབུལ་པོ་དེས་མི་ནོར་པོ་ཆེ་དེ་ལས་གླ་བླངས་ཏེ། ཁྱིམ་དེ་ཉིད་ལ་ཕྱག་དར་གྱི་ཕུང་པོ་འཕྱག་ཅིང་། མི་ནོར་པོ་ཆེ་དེ་ཉིད་ཀྱི་ཁྱིམ་དྲུང་གི་སྤྱིལ་པོ་ན་གནས་ཤིང་མཆིས་ནས། མི་ཕྱུག་པོ་དེས་མཐོང་ཀུང་དང་སྐར་ཁུང་དག་ནས་བདག་གི་བུ་ཕྱག་དར་འཕྱག་པ་མཐོང་སྟེ། མཐོང་ནས་ངོ་མཚར་དུ་གྱུར་ཏོ།། དེ་ནས་ཁྱིམ་བདག་དེ་ཕྲེང་བ་དང་རྒྱན་བཀྲོལ་ཏེ། རང་པ་འཇམ་པོ་བཟང་པོ་རིན་ཆེན་བཟུང་རས་རང་བཇིམ་ཅན་འཚལ་ཏེ། བདག་གི་གནས་ནས་བབས་ནས་སག་པ་གསོན་པན་གོན་པ་ཐོགས་ཏེ་ཕྱག་དྷར་གྱིས་བདག་གི་སུས་མགས་པར་བགྱིས་ནས། བྱ་མ་ཞིང་བདག་གི་བུ་ག་ལ་བ་དེར་མཆིས་ཏེ། ཕྱི་ནས་འདི་སྐད་དུ་ཁྱེད་མ་འཁོད་པར་སྐོན་པ་ཐོགས་ལ་ཕྱག་དར་སྐྱོས་ཤིག་ཅེས་མཆི་ཞིང་། ཐབས་འདིས་བུ་དེ་ལ་སྨྲས་ཏེ། ཡང་འདི་སྐད་བསྒོའོ།། ཀྱེ་མི་ཁྱོད་འདི་ཉིད་ན་ལས་བྱོས་ལ་ཕྱིར་གཞན་དུ་མ་འགྲོ་ཤིག་དང་། ངས་ཁྱོད་གླ་བསྐྱེད་དེ་སྦྱིན་ནོ།། ཁྱོད་ལ་ཅི་དང་ཅི་དགོས་པ་ཡང་ན་བུམ་པའི་རིན་ཏམ། ཡང་ན་རིལ་བའི་རིན་ཏམ། ཡང་ན་ཕྲུ་བའི་རིན་ཏམ་ཡང་ན་ཤིང་གི་རིན་ཏམ། ཡང་ན་ལན་ཚྭའི་རིན་ཏམ། ཡང་ན་ཟས་སམ། ཡང་ན་གོས་ཀྱང་རུང་སྟེ། དེ་དག་ང་ལ་འཛེམ་པ་མེད་པར་སློངས་ཤིག་ཀྱེ་སྐྱེས་བུ་ང་ལ་རས་རྙིང་བ་ཡང་ཡོད་དེ། དེ་སྟེ་དེ་ཡང་ཁྱོད་ལ་དགོས་ན་སྤོངས་ཤིག་དང་ངས་ང་ཡང་སྦྱིན་ནོ།། ཀྱེ་སྐྱེས་བུ་ཡོ་བྱད་ཀྱི་རྣམ་པ་དེ་ལྟ་བུ་དག་ཁྱོད་ལ་ཅི་དང་ཅིང་དགོས་པ་དེ་དང་དེ་དག་ཐམས་ཅད་ངས་ཁྱོད་ལ་སྦྱིན་གྱིས། མི་ཁྱོད་མྱ་ངན་མེད་པར་བྱོས་ལ་ཁྱོད་ཀྱི་བ་ཇི་ལྟ་བ་བཞིན་དུ་ཁྱོད་ཀྱིས་ང་ལ་སོམས་ཤིག། དེ་ཅིའི་ཕྱིར་ཞེ་ན། ང་ནི་རྒན་ཁྱོད་ནི་གཞོན་ཏེ། ཁྱོད་ཀྱིས་ངའི་ཕྱག་དར་གྱི་ཕུང་པོ་འདི་ཕྱགས་ཤིང་ལས་མང་པོ་བྱས་ཏེ། ཀྱེ་མི་ཁྱོད་ལས་འདི་བྱེད་པའི་ཚེ། སྒྱུ་འམ། གྱ་གྱུའམ། གཡོ་འམ། ང་རྒྱལ་ལམ། འཆབ་པ་སྔོན་བྱས་པ་འམ། བྱེད་པ་ཡང་མེད་དེ། ཀྱེ་སྐྱེས་བུ་ཇི་ལྟར་མི་འདི་དག་གཞན་ལས་བྱེད་པའི་ཚེ། སྐྱོན་དེ་དག་ཡོད་པ་ཁྱོད་ལ་རྣམ་པ་ཐམས་ཅད་དུ་ཉེས་པ་དེ་དག་ལས་གཅིག་ཀྱང་མ་མཐོང་གིས་དེངས་ཕན་ཆད་ང་ལ་ཁྱོད་ནི་ངའི་སྙིང་གི་བུ་ཇི་ལྟ་བ་དེ་དང་འདྲ་བ་ཡིན་ནོ།། བཅོམ་ལྡན་འདས་དེ་ནས་ཁྱིམ་བདག་དེས་མི་དབུལ་པོ་དེ་བུ་ཞེས་མིང་དུ་བཏགས་སོ།། མི་དབུལ་པོ་དེ་ཡང་ཁྱིམ་བདག་དེ་ལ་ཕར་འདུ་ཤེས་བསྐྱེད་དེ། བཅོམ་ལྡན་འདས་རྣམ་གྲངས་འདིས་ཁྱིམ་བདག་དེ། བུ་འཚལ་བར་སྐོམ་ནས། དགུང་ལོ་ཉི་ཤུའི་བར་དུ་བུ་དེ་ཕྱག་དར་གྱི་ཕུང་པོ་འཕྱག་ཏུ་སྩལ་ཏེ། དེ་ནས་དགུང་ལོ་ཉི་ཤུ་འདས་པ་དང་། མི་དབུལ་པོ་དེ་ཁྱིམ་བདག་དེའི་མཆིས་བྲང་གི་སླད་ནང་དུ་མཆི་བ་ལ་འཛེམ་པ་མ་མཆིས་པར་གྱུར་ཏེ། སྤྱིལ་པོ་དེ་ཉིད་ན་གནས་ཤིང་མཆིས་པ་ལས། བཅོམ་ལྡན་འདས་དེ་ནས་ཁྱིམ་བདག་དེ་བྲོ་འཚལ་བར་གྱུར་ཏེ། བདག་འགུམ་པའི་དུས་ལ་བབ་པར་མཐོང་ནས། དེ་མི་དབུལ་པོ་དེང་ལ་འདི་སྐད་དུ་ཀྱེ་མི་ཁྱོད་ཚུར་ཤོག། ངའི་མགྲོན་བུ་དང་། གསེར་དང་། ནོར་དང་། འབྲུ་དང་། མཛོད་དང་། བང་བ་ཤིན་ཏུ་མང་དུ་ཡོད་པ་འདི་དག་ང་ནི་ནད་ཚབས་ཆེ་ན་དེ་དག་སུ་སྦྱིན་པ་དང་། སུ་ལས་བླང་བ་དང་། གང་སྦ་བར་བྱ་བ་དེ་ཐམས་ཅད་ཁྱོད་ཀྱིས་ཤེས་པར་འདོད་དོ།། དེ་ཅིའི་ཕྱིར་ཞེ་ན། ཇི་ལྟར་ང་ནོར་འདིའི་བདག་པོར་གྱུར་པ་ལྟར་ཁྱོད་ཀྱང་དེ་བཞིན་གྱིས་ངའི་འདི་ལས་ཁྱོད་ཀྱིས་ཅུང་ཟད་ཀྱང་ཆུང་མ་གཟན་ཅིག་མཆི་ནས། བཅོམ་ལྡན་འདས་དེ་མས་མི་དབུལ་པོ་དེ་རྣམ་གྲངས་འདིས། ཁྱིམ་བདག་དེའི་མགྲོན་བུ་དང་། གསེར་དང་། ནོར་དང་། འབྲུ་དང་། མཛོད་དང་། བང་བ་རབ་ཏུ་མང་པ་དེ་དག་མཆིས་པར་འཚལ་ལ། བདག་ཉིད་དེ་ལ་རེ་བ་མ་མཆིས་ཤིང་། ཐ་ན་ཕྱེ་བུལ་གང་ཙམ་གྱི་རིན་ཙམ་ཡང་དེ་ལ་ཅུང་ཟད་ཀྱང་སྤོང་བ་མ་མཆིས་ཏེ། རྩཝའི་སྤྱིལ་བུ་དེ་ན་གནས་ཤིང་མཆིས་ནས། དབུལ་པོའི་བསམ་པ་དེ་ཉིད་ཀྱི་རྗེས་སུ་སེམས་སོ། ། བཅོམ་ལྡན་འདས་དེ་ནས་ཁྱིམ་བདག་དེས་བུ་དེ་སྲུང་ནུས་ཤིང་། ཡོངས་སུ་སྨིན་པར་འཚལ། སེམས་བཏུལ་ཏེ། རྒྱ་ཆེན་པོར་སེམས་ཤིང་སྔོན་དབུལ་དབུལ་པོ་བསམ་ན་ཉམ་ངཞིང་ངོ་ཚ་སྟེ། སྨོད་པར་འཚལ་ནས་འགུམ་པའི་དུས་ལ་བབ་པ་དང་། མི་དབུལ་པོ་དེ་བཀུག་སྟེ། ཉེ་དུ་འདུས་པ་མང་པོ་དང་སྤྲད་ནས། རྒྱལ་པོ་དང་། བློན་པོ་དང་། གྲོང་རྡལ་གྱི་མི་དང་། ཡུལ་མིའི་མདུན་དུ་མངོན་སུམ་དུ་འདི་སྐད་བསྒྲགས་སོ།། ཁྱེད་ཉོན་ཅིག་འདི་ནི་ཁོ་བོའི་སྙིང་གི་བུ་ཁོ་བོས་བསྐྱེད་པ་སྟེ། གྲོང་ཁྱེར་གྱི་མིང་ཞེས་བྱ་བ་ནས་འཁྱམས་ནས་ལོ་ལྔ་བཅུ་ལོན་ཏེ། འདིའི་མིང་ནི་འདི་ཞེས་བྱ། ཁོ་བོའི་མིང་ནི་འདི་ཞེས་བྱ་སྟེ། ཁོ་བོ་ནི་འདི་ཚོལ་བའི་ཕྱིར་གྲོང་ཁྱེར་དེ་ནས་འདིར་འོངས་སོ།། འདི་ནི་ཁོ་བོའི་བུ། ཁོ་བོ་ནི་འདིའི་ཕ་སྟེ། བདག་གི་སྤྱོད་པ་དང་ལོངས་སྤྱོད་ཅི་ཡོད་པ་ཐམས་ཅད་མི་འདི་ལ་སྦྱིན་ནོ། ། ཁོ་བོའི་ནང་གི་ནོར་ཅུང་ཟད་ཅི་ཡོད་པ་དེ་ཀུན་ཀྱང་འདི་ཉིད་ཤེས་སོ་ཞེས་བགྱིས་པ་དང་། བཅོམ་ལྡན་འདས་དེ་ནས་མི་དབུལ་པོ་དེས་དེའི་ཚེ། འདི་ལྟ་བུའི་སྒྲ་ཐོས་ནས། ངོ་མཚར་དང་རྨད་དུ་གྱུར་ཏེ། འདི་ལྟར་བདག་གིས་འཕྲལ་ལ་མགྲོན་བུ་དང་། གསེར་དང་། ནོར་དང་། འབྲུ་དང་། མཛོད་དང་། བང་བ་མང་པོ་སྐད་དོ་སྙམ་དུ་སེམས་སོ།། བཅོམ་ལྡན་འདས་དེ་བཞིན་དུ་བདག་ཅག་ནི་དེ་བཞིན་གཤེགས་པའི་སྲས་དང་འདྲ་སྟེ། དེ་བཞིན་གཤེགས་པས་བདག་ཅག་ལ་ཁྱེད་ནི་ངའི་བུའོ་ཞེས་བཀའ་སྩལ་ཏེ། ཁྱིམ་བདག་དེ་ཇི་ལྟ་བ་བཞིན་ནོ། ། བཅོམ་ལྡན་འདས་བདག་ཅག་ནི་སྡུག་བསྔལ་གསུམ་གྱིས་གཟིར་ཏོ།། གསུམ་གང་ཞེ་ན། འདི་ལྟ་སྟེ། སྡུག་བསྔལ་གྱི་སྡུག་བསྔལ་ཉིད་དང་། འདུ་བྱེད་ཀྱི་སྡུག་བསྔལ་ཉིད་དང་། འགྱུ་བའི་སྡུག་བསྔལ་ཉིད་དོ། ། འཁོར་བ་ན་སྨན་པ་ལ་མོས་པས་བདག་ཅག་བཅོམ་ལྡན་འདས་ཀྱིས་ཆོས་ངན་པ་མང་པོ་ཕྱག་དར་གྱི་ཕུང་པོ་དང་འདྲ་ལ་སེམས་སུ་སྩལ་ཏེ། དེ་རྣམས་ལ་བདག་ཅག་ཞུགས་ནས་འབད་ཅིང་བཙལ་ནས། བཅོམ་ལྡན་འདས་བདག་ཅག་མྱ་ངན་ལས་འདའ་བ་ཙམ་ཞིག་གདུགས་ཀྱི་བླ་བཞིན་ཚོལ་ཞིང་གསོལ་ཏེ། བཅོམ་ལྡན་འདས་བདག་ཅག་ནི་མྱ་ངན་ལས་འདའ་བ་དེ་རྙེད་པས་ན་དགའ་བར་གྱུར་ཏེ། དེ་བཞིན་གཤེགས་པ་ལས་ཆོས་འདི་དག་ལ་ཞུགས་ཏེ། འབད་ཅིང་བཙལ་བས་མང་པོ་རྙེད་པར་སེམས་སོ།། དེ་བཞིན་གཤེགས་པས་བདག་ཅག་དམན་པ་ལ་མོས་པར་མཁྱེན་ཏེ། དེའི་སླད་དུ་བཅོམ་ལྡན་འདས་ཀྱིས་བདག་ཅག་ཡལ་བར་བཞག་སྟེ། འདི་ལྟར་དེ་བཞིན་གཤེགས་པའི་ཡེ་ཤེས་ཀྱི་མཛོད་དུ་ཁྱེད་འགྱུར་རོ་ཞེས་མ་བརྟོལ་མ་བསྟན་ཏེ། བཅོམ་ལྡན་འདས་ཐབས་མཁས་པས་བདག་ཅག་དེ་བཞིན་གཤེགས་པའི་ཡེ་ཤེས་ཀྱི་མཛོད་ལ་བགོ་བསྐལ་ལ་སྤྱོད་པར་བཀོད་ན། བཅོམ་ལྡན་འདས་བདག་ཅག་དེ་ལ་རེ་བ་མ་མཆིས་ཏེ། འདི་ལྟར་བདག་ཅག་གིས་དེ་བཞིན་གཤེགས་པ་ལས་མྱ་ངན་ལས་འདའ་བ་གདུགས་ཀྱི་བླ་ཐང་བཞིན་དུ་བགྱིས་པ་ནི་དེ་ཉིད་བདག་ཅག་གིས་མང་དུ་བགྱིས་པར་འཚལ་ཏོ།། བཅོམ་ལྡན་འདས་བདག་ཅག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ། དེ་བཞིན་གཤེགས་པའི་ཡེ་ཤེས་ལས་བརྩམས་ནས་ཆོས་རྒྱ་ཆེན་པོ་བཤད་དེ། དེ་བཞིན་གཤེགས་པའི་ཡེ་ཤེས་པ་འབྱེད་ཅིང་སྟོན་ཏེ། ཉེ་བར་སྟོན་དུ་ལགས་ཀྱང་། བཅོམ་ལྡན་འདས་བདག་ཅག་དེ་ལ་རེ་བ་མ་མཆིས་སོ།། དེ་ཅིའི་སླད་དུ་ཞེ་ན། དེ་བཞིན་གཤེགས་པ་ཐབས་མཁས་པས་བདག་ཅག་གི་མོས་པ་རབ་ཏུ་མཁྱེན་ན། དེ་བདག་ཅག་གིས་ནི་མ་འཚལ་མ་རྟོགས་སོ།། བཅོམ་ལྡན་འདས་ཀྱིས་འདི་ལྟར་བདག་ཅག་ལ་བཅོམ་ལྡན་འདས་ཀྱི་སྲས་ཡང་དག་པ་ཞེས་གསུངས་ཏེ། བཅོམ་ལྡན་འདས་ཀྱི་བདག་ཅག་དེ་བཞིན་གཤེགས་པའི་ཡེ་ཤེས་ཀྱི་བསྒོ་སྐལ་ལ་སྤྱོད་པ་དྲན་པར་མཛད་དོ།། དེ་ཅིའི་སླད་དུ་ཞེ་ན། འདི་ལྟར་བདག་ཅག་དེ་བཞིན་གཤེགས་པའི་སྲས་ཡང་དག་པ་ལགས་མོད་ཀྱི། བདག་ཅག་དམན་པ་ལ་མོས་པའི་སླད་དུའོ།། གལ་ཏེ་བཅོམ་ལྡན་འདས་ཀྱིས་བདག་ཅག་གི་མོས་པའི་སྟོབས་གཟིགས་ན། བཅོམ་ལྡན་འདས་ཀྱི་བདག་ཅག་ལ། བྱང་ཆུབ་སེམས་དཔའ་ཞེས་བགྱི་བར་བཀའ་སྩལ་ཏོ། ། བཅོམ་ལྡན་འདས་ཀྱིས་བདག་ཅག་བགྱི་བ་རྣམ་གཉིས་བགྱིད་དུ་སྩལ་ཏེ། བྱང་ཆུབ་སེམས་དཔའ་རྣམས་ཀྱི་མདུན་དུ་ནི་དམན་པ་ལ་མོས་པ་ཞེས་@#། བཀའ་སྩལ་ཏེ། དེ་དག་ནི་སངས་རྒྱས་ཀྱི་བྱང་ཆུབ་རྒྱ་ཆེན་པོ་ལ་ཡང་དག་པར་བཙུད་དོ།། བཅོམ་ལྡན་འདས་ཀྱིས་བདག་ཅག་གི་མོས་པའི་སྟོབས་མཁྱེན་ནས་སྐད་ཅེས་བཀའ་སྩ། ཏོ།། བཅོམ་ལྡན་འདས་རྣམ་གྲངས་འདིས་བདག་ཅག་འདི་སྐད་ཅེས་བདག་ཅག་རབ་མ་མཆིས། མི་འཚལ། མ་བསླངས། མ་བཙལ། མ་བསམས། མ་གསོལ་བར་འཕྲལ་ལ་དེ་བཞིན་གཤེགས་པའི་སྲས་འདི་དག་བཞིན་དུ་ཐམས་ཅད་མཁྱེན་པའི་རིན་པོ་ཆེ་ཐོབ་བོ་ཞེས་མཆིའོ། ། དེ་ནས་ཚེ་དང་ལྡན་པ་འོད་སྲུངས་ཆེན་པོས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ།། དེ་ལྟར་འཕྲལ་ལ་དེ་རིང་བདག་ཅག་གིས། ། འདྲེན་པའི་གསུང་སྒྲ་ཡིད་དུ་འོང་བ་ཐོས།། གསུང་ཐོས་པས་ན་བདག་ཅག་དགའ་བ་ཐོབ།། བདག་ཅག་ངོ་མཚར་དེ་བཞིན་རྨད་དུ་གྱུར།། རིན་ཆེན་ཆེན་པོ་མཆོག་གི་ཕུང་པོ་རྣམས།། བསམས་པ་མ་མཆིས་ནམ་ཡང་མ་གསོལ་བར།། དེ་དག་ཡུད་ཙམ་གྱིས་ནི་དེང་རྙེད་དེ།། བདག་ཅག་ཐམས་ཅད་དེ་ཐོས་ངོ་མཚར་གྱུར།། ཇི་ལྟར་བྱིས་པར་གྱུར་པའི་མི་ཞིག་ནི།། སྐྱེ་བོ་བྱིས་པ་རྣམས་ཀྱི་བསླུས་ནས་སུ། ། བ་ཡི་གན་ནས་གལ་ཏེ་མཆིས་པ་ནི།། གཞན་གྱི་ཡུལ་ཡང་ཤིན་ཏུ་རིང་བར་མཆིས།། བདག་གི་བུ་ནི་འཁྱམས་པར་འཚལ་བས་ན།། དེ་ཚེ་བ་ཡང་དེ་ཡི་མྱ་ངན་བགྱིད།། གུང་ལ་ལྔ་བཅུ་ལས་ཀྱང་མི་ཉུང་བར། ། མྱ་ངན་དེ་བགྱིའོ་ཕྱོགས་མཚམས་རྣམས་སུ་ཚོལ།། དེ་ནི་དེ་ལྟར་བུ་དེ་ཚོལ་བ་ན།། གྲོར་ཁྱེར་ཆེན་པོ་གཞན་དུ་མཆིས་པ་དང་།། འདོད་པའི་ཡོན་ཏན་ལྔ་དང་ལྡན་པ་ནི། ཁྱིམ་རྣམས་བརྩིགས་ཤིང་དེ་ན་རབ་ཏུ་གནས།། དེ་ལ་གསེར་རྣམས་དང་ནི་མགྲོན་བུ་དང་།། ནོར་དང་འབྲུ་དང་མན་ཤེལ་བྱི་རུ་དང་།། གླང་པོ་ཆེ་དང་རྟ་དང་དཔུང་བུ་ཆུང་།། དེ་བཞིན་ཕྱུགས་དང་བ་ལང་ལུག་མང་སྟེ། ། འཕེལ་ཞིང་འདུ་བ་དང་ནི་དེ་བཞིན་ཞིང་།། བྲན་པོ་བྲན་མོ་མངག་པའི་ཚོགས་མང་སྟེ།། སྲོག་ཆགས་བྱེ་བ་སྟོང་གིས་རི་མོ་བགྱིས།། རྒྱལ་པོ་འདི་ཡང་དེ་ནི་རྟག་ཏུ་གནང་།། གྲོང་ན་སུ་གནས་པ་ཡི་གྲོང་པ་དང་།། གྲོང་ཁྱེར་པས་ནི་དེ་ལ་ཐལ་སྦྱར་གྱུར།། དགོས་པ་མང་ལ་ཤིན་ཏུ་དབང་བས་ན།། ཚོང་པ་མང་པོ་དེ་ཡི་དྲུང་དུ་མཆི།། དེ་ལྟར་མི་དེ་འབྱོར་པར་ལྡན་པ་སྟེ།། རྒས་ཤིང་འཁོགས་ལ་ཤིན་ཏུ་གཏུགས་པར་གྱུར། ། དེ་ནི་བུ་ཡི་མྱ་ངན་བགྱིད་སེམས་པས།། ཉིན་དང་མཚན་མོ་རྟག་ཏུ་བས་པར་གྱུར།། བདག་གི་བུ་ནི་དེ་འདྲ་བློ་གྲོས་ལོག། དེ་ནི་འཁྱམས་ནས་ལོ་ཡང་ལྔ་བཅུ་ལོན།། འདི་ལྟར་བདག་ལ་མཛོད་ནི་མང་དུ་ཡོད། ། བདག་ནི་འཆི་བའི་དུས་ལ་ཉེ་བར་གྱུར།། དེའི་བུ་བྱིས་པ་དེ་ནི་དེ་ཡི་ཚེ།། དབུལ་ཞིང་རྟག་ཏུ་ཕོངས་པར་གྱུར་པས་ན།། ཟས་དང་དེ་བཞིན་གོས་རྣམས་ཚོལ་བའི་ཕྱིར།། གྲོང་དང་གྲོང་རྣམས་སུ་སྣང་རྗེས་སུ་རྒྱུ། ། ཅུང་ཟད་ཙམ་ནི་རེས་དགའ་ཚོལ་བ་ན།། ཅུང་བད་རྙེད་ཅིང་རེས་འགའ་ཅི་མི་རྙེད།། བྱིས་པ་དེ་ནི་གཞན་གྱི་ཁྱིམ་ན་ཏེ།། གཡན་པ་དང་ནི་ནོམ་པོས་ལུས་ཀྱང་གཡོགས་གང་ན་ཕ་མཆིས་གྲོང་ཁྱེར་དེར་མཆི་ཞིང་། ། འཚལ་མ་དང་ནི་རད་པ་ཚོལ་བ་ན།། རང་གི་བ་ཡི་ཁྱིམ་དེ་ག་ལ་བར།། དེ་ནི་མཐར་གྱིས་དེ་རུ་ཕྱིན་པར་གྱུར།། སྐྱེས་བུ་དེ་ནི་ཕྱུག་ཅིང་ནོར་མང་སྟེ།། སྒོ་ན་སེང་གེའི་ཁྲི་ཡི་སྟེང་ན་མཆིས། ། སྲོག་ཆགས་བརྒྱ་ཕྲག་དུ་མས་ཡོངས་སུ་བསྐོར།། དེ་སྟེང་བར་སྣང་ལ་ཡང་བླ་རེ་བྲེས།། སྐྱེ་བོ་ཡིད་བརྟན་དེ་ཡི་གམ་ཡོ་འཁོད།། ལ་ལ་དག་ནི་ནོར་དང་མགྲོན་བུ་འགྲང་། ། ལ་ལ་དག་ནི་དེ་ལ་སྤྲིང་བ་འདྲི།། ལ་ལ་སྐྱེད་དང་སྤོགས་སུ་རབ་ཏུ་གཏོང་།། ཁྱིམ་བདག་དེ་ཁྱིམ་རབ་ཏུ་བརྒྱན་པ་དག། དབུལ་པོ་དེས་ནི་ཁྱིམ་དེ་མཐོང་ནས་སུ།། བདག་ནི་དེང་འདིར་ག་ལས་ཇི་ལྟར་འོང་། ། འདི་ནི་རྒྱལ་པོ་འམ་ཡང་ན་བློན་པོ་ཡིན།། འདི་ན་ཉེས་པར་གྱུར་ན་མི་རུང་སྟེ།། འཚམས་གཟུངས་སུ་ཡང་གཟུང་བར་མི་འགྱུར་གྲང་།། མི་དེ་དེ་སྙམ་སེམས་ཤིང་འབྲོས་བགྱིད་ལ། ། དབུལ་པོ་རྣམས་ཀྱི་ཤུལ་སྲང་ཀུན་ཏུ་འདྲི།། ཕྱུག་པོ་དེས་ནི་བདག་གི་བུ་མཐོང་ནས།། སེང་གེའི་ཁྲི་ལ་མཆིས་ཤིང་དགའ་བར་གྱུར།། དེས་ནི་དེ་ཡི་གན་དུ་འཛིན་པ་བཏང་།། སྐྱེས་བུ་དབུལ་པོ་དེ་ནི་ཁྲིད་དེ་ཤོག། དེ་ཡི་མོད་ལ་མི་དེ་བཟུང་བ་དང་།། བཟུང་མ་ཐག་ཏུ་དེ་ནི་བརྒྱལ་བར་གྱུར།། གོར་མ་ཆག་པར་བདག་གསོད་ཉེ་བར་ལྷགས།། བདག་ལ་ཟས་དང་གོས་ཀྱིས་ཅི་ཞིག་བྱ། ། ནོར་མང་མཁས་པ་དེ་ཡིས་དེ་མཐོང་ནས།། བྱིས་པ་ལོག་ཡིད་འདི་ནི་དམན་ལ་མོས།། ང་ཡི་འབྱོར་པ་འདི་ལ་དང་མི་བྱེད།། འདི་ནི་བདག་གི་ཕ་ཞེས་ཡིད་མི་ཆེས།། དེ་ཡིས་སེམས་ཅན་དམན་ཞིང་གོས་ངན་ལ། ། ཡོན་པོ་ཞར་བ་འཐེང་འགྲུམ་གྱུར་པ་ཡི།། དེ་འདྲའི་མི་དག་ཁ་ཅིག་བཏང་ནས་སུ།། ལས་བྱེད་པ་ཡི་མི་དེ་རབ་ཚོལ་ཅིག། ང་ཡི་འདི་ན་ཕྱག་དར་རུལ་བ་དང་།། གཅིན་དང་བཤང་བས་མ་རུང་གྱུར་པ་རྣམས། ། དེ་དག་འཕྱག་པའི་ཕྱིར་ནི་ལས་བྱོས་ཤིག། ཁྱོད་ནི་བླ་ཡང་ཉིས་གྱུར་སྦྱིན་པར་བྱ།། མི་དེས་འདི་ལྟ་བུ་ཡི་སྒྲ་ཐོས་ནས།། འོངས་ཏེ་ས་ཕྱོགས་དེ་དག་དེ་ཡིས་ཕྱགས།། ཁྱིམ་གྱི་དྲུང་དུ་རྩཝ་ཡི་སྤྱིལ་པོ་ན། ། དེར་ཡང་གནས་བཅས་ནས་ནི་འདུག་པར་བྱེད།། སྐར་ཁུང་སྣང་བ་ནས་ནི་རྟོག་པར་ཡང་།། ཕྱུག་པོ་དེས་ཀྱང་སྐྱེས་བུ་དེ་བལྟས་ཏེ།། དམན་ལ་མོས་པ་བདག་གིས་བུ་འདི་ནི།། ཕྱག་དར་ཕུང་པོ་རྣམས་ནི་འཕྱག་པར་བྱེད།། དེ་ནི་བབས་ཏེ་སྐོན་བུ་ཐོགས་བགྱིད་ཅིང་།། དྲི་མ་ཅན་གྱི་གོས་དག་འཚལ་ནས་སུ།། དེ་ཡི་གན་དུ་ཉེ་བར་མཆིས་ནས་ནི།། ལས་རྣམས་མི་བྱེད་ཅེས་ནི་རབ་ཏུ་སྤྱོས། ། ཁྱོད་ལ་གླ་ཡང་ཉིས་གྱུར་སྦྱིན་པར་བྱ།། དེ་བཞིན་རྐང་པ་བསྐུ་བའང་ཉིས་གྱུར་དུ།། ལན་ཚྭ་ཅན་གྱིས་ཟས་ནི་ཁྱོད་ལ་སྦྱིན།། རས་དང་ཚོད་མ་དག་ཀྱང་སྦྱིན་པར་བྱ།། དེ་ཚེ་དེ་ལྟར་དེ་ལ་སྤྱོས་ནས་ནི། ། མཁས་པས་དེ་ནི་སླར་ཡང་རབ་ཏུ་བསྲིས།། ཁྱོད་ཀྱིས་འདོར་ནི་ཤིན་ཏུ་ལས་བྱོས་ཤིག། ང་ཡི་བུ་ཡིན་ཡང་དག་ཐེ་ཙམ་མེད།། དེ་ནི་བགས་ཀྱིས་བགས་ཀྱིས་ཁྱིམ་བཞག་སྟེ། ལོ་གྲངས་ཉི་ཤུ་བར་དུ་ཚང་བར་ཡང་།། མི་དེ་ལས་རྣམས་ལེགས་པར་བགྱིད་དུ་སྩལ།། བགས་ཀྱིས་མི་དེ་རྣམ་པར་ཡིད་ཕབ་ནས།། དེས་ནི་ཤེལ་དང་མགྲོན་བུ་མུ་ཏིག་ཀྱང་།། ཁྱིམ་དེ་ཉིད། དུ་རབ་ཏུ་སྤང་བར་བགྱིད།། དེ་ནི་ཐམས་ཅད་བགྲང་ཞིང་བརྩི་བ་བགྱིད།། དོན་དང་ནོར་རྣམས་ཀུན་ལ་དེ་སེམས་སོ།། དེ་ཡི་མཆིས་བྲང་གི་ནི་སླད་རོལ་ན།། བྱིས་པ་དེ་ནི་གཅིག་པུ་སྤྱིལ་བུར་གནས། ། བདག་ལ་ལོངས་སྤྱོད་འདི་དག་ཡོངས་མེད་ཅེས།། དབུལ་པོའི་བསམ་པ་དག་ནི་རྗེས་སུ་སེམས།། བུ་དེ་འདུ་ཤེས་རྒྱ་ཆེར་གྱུར་པར་ནི།། དེ་ཡི་རྣམ་པ་དེ་འདྲ་དེས་འཚལ་ནས། ། མཛའ་བོ་གཉེན་བཤེས་མང་པོ་ཀུན་བསགས་ཏེ།། ནོར་འདི་ཐམས་ཅད་འདི་ལ་གཏད་པར་བྱ།། དེ་ཡི་རྒྱལ་པོ་གྲོང་དང་གྲོང་ཁྱེར་མི།། ཚོང་པ་མང་པོ་དག་ཀྱང་བསགས་ནས་སུ།། འཁོར་གྱི་དབུས་སུ་འདི་སྐད་ཚིག་སྨྲས་པ།། བདག་གི་བུ་འདི་སྟོར་ནས་ཡུན་རིང་སྟེ།། སྔར་ནི་ལོ་གྲངས་ལྔ་བཅུ་ཚང་བར་ལེན།། གཞན་ཡང་བདག་གིས་མཐོང་ནས་ཉི་ཤུ་ལགས།། གྲོང་ཁྱེར་འདི་ཞེས་བགྱི་བར་བདག་གི་སྟོར། ། དེ་ཚོལ་སླད་དུ་བདག་ནི་འདིར་མཆིས་སོ།། བདག་ནི་ནོར་འདི་ཀུན་གྱི་བདག་པོ་སྟེ།། འདི་དག་ཐམས་ཅད་མ་ལུས་འདི་ལ་གཏང་།། ཕ་ཡི་ནོར་གྱིས་དགོས་དགུར་སྤྱད་པར་གྱིས།། བྲན་བཟའ་འདི་དག་ཀྱང་ནི་རབ་ཏུ་སྦྱིན།། དམན་ལ་མོས་དང་ཕ་ཡི་ཡོན་ཏན་དང་།། སྔོན་གྱི་དབུལ་ཞིང་ཕོངས་པ་དྲན་ནས་ནི།། མི་དེ་ཤིན་ཏུ་ངོ་མཚར་ཐོབ་པར་གྱུར།། ཟན་གཟའ་རྙེད་པས་དེ་རིང་ཤིན་ཏུ་བདེ། ། དེ་བཞིན་བདག་ཅག་རྣམ་པར་འདྲེན་པ་ཡིས།། དམན་པ་ལ་ནི་མོས་པར་མཁྱེན་པས་ནས།། སངས་རྒྱས་སུ་ཡང་འགྱུར་ཞེས་མ་བསྟན་ཏེ།། ཁྱོད་ནི་ཉན་ཐོས་ང་ཡི་བུ་ཡིན་ནོ།། བདག་ལ་འཇི་རྟེན་མགོན་གྱིས་བཀའ་སྩལ་བ། ། མཆོག་རབ་བྱང་ཆུབ་ལ་ནི་སུ་ཞུགས་རྣམས།། ལམ་གང་བསྒོམས་པས་སངས་རྒྱས་འགྱུར་བ་ཡི།། བླ་མེད་ལམ་ནི་དེ་ལ་འོད་སྲུང་ཤོད།། དེ་ཕྱིར་བདེ་བར་གཤེགས་པས་བཀའ་སྩལ་ནས། ། བྱང་ཆུབ་སེམས་དཔའ་སྟོབས་ཅན་མང་པོ་ལ།། རྒྱུ་དང་དཔེ་ཡང་བྱེ་བ་ཁྲག་ཁྲིག་གིས།། བདག་ཅག་གིས་ཀྱང་བླ་མེད་ལམ་བསྟན་ཏོ།། རྒྱལ་བའི་སྲས་ཀྱི་བདག་ལ་ཐོས་ནས་ནི། ། བྱང་ཆུབ་མཆོག་ལམ་དེ་ནི་གོམས་པར་བགྱིད།། སངས་རྒྱས་སུ་ནི་འཇིག་རྟེན་འདིར་འགྱུར་ཞེས།། དེ་མ་ཐག་ཏུ་དེ་དག་ལུང་ཡང་བསྟན།། ཆོས་མཛོད་འདི་ནི་ཡང་དག་སྲུང་བགྱིད་ཅིང་།། རྒྱལ་བའི་སྲས་རྣམས་ལ་ནི་བསྟན་པ་ཡང་།། ཇི་ལྟར་མི་དེའི་ཡིད་བརྟན་དེ་བཞིན་དུ།། རྣམ་པར་འདྲེན་པ་དེ་འདྲའི་ལས་བགྱིད་དོ།། དབུལ་པོ་དག་གི་བསམ་པ་རྣམ་པར་སེམས།། སངས་རྒྱས་མཛོད་འདི་རྣམས་ནི་རབ་སྦྱིན་ཞིང་། ། རྒྱལ་བའི་ཡེ་ཤེས་རབ་ཏུ་བཤད་མོད་ཀྱི།། རྒྱལ་བའི་ཡེ་ཤེས་འདི་ནི་དོན་མི་གཉེར།། བདག་ཉིད་མྱ་ངན་ལས་ཀྱང་འདའ་བར་རྟོག། ཡེ་ཤེས་འདི་ཙམ་ལས་ནི་གཞན། མི་འབྱུང་།། སངས་རྒྱས་རྣམས་ཀྱི་ཞིང་གི་བཀོད་ཐོས་ནས།། བདག་ཅག་ནམ་ཡང་དགའ་བར་མ་གྱུར་ཏོ།། ཆོས་འདི་ཐམས་ཅད་ཟག་མེད་ཞི་བ་སྟེ།། འགོག་པ་དང་ནི་སྐྱེ་བ་རྣམ་པར་སྤངས།། འདི་ན་ཆོས་རྣམས་གང་ཡང་མ་མཆིས་ཤེས། ། དེ་ལྟར་བསམས་ན་དད་པར་མ་གྱུར་ཏོ།། སངས་རྒྱས་ཡེ་ཤེས་བླ་ན་མེད་པ་ལ།། བདག་ཅག་ཡུན་རིང་དུས་ནས་མི་རེ་ཞིང་།། བདག་ཅག་ནམ་ཡང་འདི་ལ་མ་སྨོན་ཏེ། ། རྒྱལ་བས་འདི་ནི་དམ་པའི་མཐར་གསུངས་སོ།། མྱ་ངན་འདས་པའི་མཐར་ཐུག་ལུས་འདི་ལ།། སྟོང་པ་ཉིད་དུ་ཡུན་རིངས་ཡོངས་སུ་བསྒོམས།། ཁམས་གསུམ་སྡུག་བསྔལ་གཟིར་ལས་ཡོངས་སུ་ཐར། ། བདག་ཅག་གིས་ནི་རྒྱལ་བའི་བསྟན་པ་གྱིས།། རྒྱལ་བའི་སྲས་ལ་གང་ཚེ་རབ་བསྟན་ཏེ།། བྱང་ཆུབ་མཆོག་ལ་ཡང་དག་སུ་ཞུགས་པ།། དེ་དག་ལ་ནི་ཆོས་གང་ཅི་བཤད་པ། དེ་ལ་བདག་ཅག་ནམ་ཡང་རེ་མ་མཆིས།། བདག་ཅག་འཇིག་རྟེན་སློབ་དཔོན་རང་བྱུང་གིས།། དུས་ལ་གཞེས་པ་མཛད་ནས་ཡལ་བར་བཞག། བདག་ཅག་རྣམས་ཀྱི་དད་པ་རབ་བརྟགས་ནས།། ཡང་དག་ལྡེམ་དགོངས་ཚིག་དོན་དེ་མ་བཤད། ། དེ་ཡི་ཐབས་མཁས་པ་ནི་ཇི་ལྟ་བུར།། དུས་སུ་ནོར་མང་པོ་ཡི་སྐྱེས་བུ་ལྟར།། དམན་པར་དད་པ་བུ་དེ་ལེགས་པར་བཏུལ།། བཏུལ་ནས་དེ་ལ་ནོར་ཡང་མང་དུ་སྩལ།། ཐ་བྲ་ལ་མཁས་པས་རབ་ཏུ་སྟོན་མཛད་དེ། ། དམན་ལ་མོས་པའི་སྲས་རྣམས་འདུལ་མཛད་ཅིང་།། བཏུལ་ནས་སངས་རྒྱས་ཡེ་ཤེས་འདི་སྩོལ་པ།། འཇིག་རྟེན་མགོན་པོ་ཤིན་ཏུ་དཀའ་བ་མཛད།། སངས་རྒྱས་བསྟན་པ་འདི་ལ་བདག་ཅག་རྣམས། ། ཐོག་མའི་འབྲས་བུ་ཟག་མེད་དམ་པ་ཐོབ།། ཇི་ལྟར་དབུལ་པོས་ནོར་རྣམས་རྙེད་པ་བཞིན།། དེ་རིང་འབྲལ་ལ་བདག་ཅག་ངོ་མཚར་ཐོབ།། བདག་ཅག་ཚུལ་ཁྲིམས་གང་རྣམས་ཡུན་རིང་དུ། ། འཇིག་རྟེན་མཁྱེན་པའི་བསྟན་ལ་ལེགས་བསྲུང་བ།། མགོན་པོ་མངོན་ཆང་ཚུལ་ཁྲིམས་སྤྱད་པ་ཡི།། དེ་ཡི་འབྲས་བུ་དེ་རིང་བདག་ཅག་ཐོབ།། ཚངས་པར་སྤྱོད་པ་མཆོག་རབ་རྣམ་དག་གང་། ། འདྲེན་པའི་བསྟན་ལ་ཤིན་ཏུ་བསྟེན་བགྱིས་པ།། དེ་ཡི་འབྲས་བུ་ཞི་བ་ཁྱད་པར་ཅན།། རྒྱ་ཆེན་ཟག་པ་མ་མཆིས་དེ་རིང་ཐོབ།། མགོན་པོ་དེ་རིང་བདག་ཅག་སྒྲོགས་གྱུར་ཏེ།། བྱང་ཆུབ་དམ་པ་ཡང་དག་བསྒྲག་པར་བགྱི། ། བྱང་ཆུབ་ཐོབ་པའི་སྒྲ་ཡང་རབ་ཏུ་བརྗོད།། དེ་བས་བདག་ཅག་སྒྲོགས་པ་མི་བཟང་འདྲ།། མགོན་པོ་དེང་ནི་བདག་ཅག་འོས་གྱུར་ཏེ།། ལྷ་དང་བཅས་པའི་འཇིག་རྟེན་བདུད་བཅས་དང་། ཚངས་པར་བཅས་པའི་སེམས་ཅན་ཐམས་ཅད་ཀྱིས།། བདག་ཅག་ཤིན་ཏུ་མཆོད་པར་འོས་པ་ལགས།། མི་ཡི་འཇིག་རྟེན་འདི་ན་གང་དཀའ་བ།། དཀའ་བ་འདི་འདྲ་བ་དག་མཛད་པས་ན།། བསྐལ་པ་བྱེ་བ་མང་པོར་འབད་པས་ཀྱང་། ། ཁྱོད་ལ་ལན་ལྗོན་རྡོ་ཐོག་ག་ལ་མཆིས།། མགོ་དང་ལག་པ་དང་ནི་རྐང་པས་ཀྱང་།། ལན་དུ་ཕན་པ་བགྱི་བ་ཤིན་ཏུ་དཀའ།། གངྒའི་བྱེ་སྙེད་བསྐལ་པ་རྫོགས་པར་ཡང་།། མགོ་དང་། ཕྲག་པ་གང་གིས་ཁྱེར་བ་དང་།། བཅའ་དང་བཟའ་དང་སྐོམ་དང་གོས་རྣམས་དང་།། མལ་ཆ་སྟན་དང་སྟེང་གཡོགས་ཆེན་པོ་ཕུལ།། ཙན་དན་དག་ལས་གཙུག་ལག་ཁང་བགྱིས་ཏེ།། བཅོས་བུའི་རས་ཕྲུགས་རབ་ཏུ་བཏིང་བ་དང་། ། ན་བའི་གསོས་སྨན་རྣམ་པ་མང་པོ་ཡང་།། བདེ་བར་གཤེགས་པ་མཆོད་ཕྱིར་རྟག་ཕུལ་ཏེ།། གངྒཱའི་བྱེ་སྙེད་བསྐལ་པར་ཕུལ་ཡང་ནི།། དེ་ལ་ནམ་ཡང་ལན་ལྡོན་རྔོ་མི་ཐོག། མཚུངས་མེད་མཐུ་མངར་ཆེ་བའི་ཆོས་ལྡན་པ།། བཟོད་པའི་སྟོབས་གནས་རྫུ་འཕྲུལ་ཆེ་རྣམས་དང་། སངས་རྒྱས་རྒྱལ་ཆེན་ཟག་མེང་རྒྱལ་བ་ནི།། བྱིས་པ་དག་གི་འདི་འདྲ་ཤིན་ཏུ་བཟོད།། དེ་བཞིན་རྟག་ཏུ་རྗེས་སུ་མཐུན་འཇུག་ཅིང་། ། མཚན་མ་སྤྱོད་པ་རྣམས་ལ་ཆོས་སྟོན་ཏེ།། ཆོས་ཀྱི་དབང་ཕྱུག་འཇིག་རྟེན་ཀུན་ལ་དབང་།། དབང་ཕྱུག་ཆེན་པོ་འཇིག་རྟེན་འདྲེན་དབང་པོ།། སེམས་ཅན་གནས་རྣམས་རབ་ཏུ་མཁྱེན་པས་ན། ། སོ་སོར་སྒྲུབ་པ་རྣམ་པ་མང་པོར་སྟོན།། དེ་དག་མོས་པ་སྣ་ཚོགས་མཁྱེན་ནས་སུ།། བརྒྱ་ཕྲག་སྟོང་གིས་རབ་ཏུ་ཆོས་འཆད་དོ།། སེམས་ཅན་ཐམས་ཅད་དང་ནི།། གང་ཟག་གི། དེ་བཞིན་གཤེགས་ཀྱིས་སྤྱོད་པ་རབ་མཁྱེན་པས།། བྱང་ཆུབ་དམ་པ་འདི་ནི་རབ་སྟོན་ཅིང་།། ཆོས་རྣམས་རྣམ་པ་མང་པོ་ཤིན་ཏུ་གསུང་།། མོས་པའི་ལེའུ་ཞེས་བྱ་སྟེ་བཞི་པའོ།། ། ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་འོད་སྲུངས་ཆེན་པོ་དང་། གཞན་ཡང་གནས་བརྟན་ཉན་ཐོས་ཆེན་པོ་དེ་དག་ལ་བཀའ་སྩལ་པ། འོད་སྲུངས་ལེགས་སོ་ལེགས་སོ།། ཁྱོད་ཀྱིས་དེ་བཞིན་གཤེགས་པའི་ཡང་དག་པའི་ཡོན་ཏན་བསྔགས་པ་བརྗོད་པ་ནི། འོད་སྲུངས་ཁྱོད་ལེགས་སོ།། འོད་སྲུངས་དེ་དག་ནི་དེ་བཞིན་གཤེགས་པའི་ཡོན་ཏན་ནོ།། དེ་བས་གཞན་ཡང་མང་ཞིང་ཚད་མེད་གྲངས་མེད་དེ་བསྐལ་པ་དཔག་ཏུ་མེད་པར་བཤད་ཀྱང་དེ་དག་གི་མཐའ་རྟོགས་པར་སླ་བ་མ་ཡིན་ནོ། ། འོད་སྲུངས་དེ་བཞིན་གཤེགས་པ་ནི་ཆོས་ཀྱི་རྗེ། ཆོས་ཐམས་ཅད་ཀྱི་རྒྱལ་པོ་གཙོ་བོ་མངའ་བ་སྟེ། འོད་སྲུངས་དེ་བཞིན་གཤེགས་པས་ཆོས་གང་དུ་བཞག་པ་དང་ཇི་ལྟར་བཞག་པ་དེ་དག་དེ་བཞིན་དུ་འགྱུར་རོ།། འོད་སྲུངས་དེ་བཞིན་གཤེགས་པ་ཆོས་ཐམས་ཅད་རིགས་པར་འཇོག་སྟེ། དེ་བཞིན་གཤེགས་པའི་ཡེ་ཤེས་ཀྱིས་འཇུག་གོ། ཇི་ལྟར་ཆོས་དེ་དག་ཐམས་ཅད་མཁྱེན་པའི་ས་ཉིད་དུ་འབྱུང་བར་དེ་ལྟར་འཇོག་གོ།། ཆོས་ཐམས་ཅད་ཀྱི་དོན་གྱི་རིམ་པ་ལ་དེ་བཞིན་གཤེགཔ་གཟིགས་ཏེ། ཆོས་ཐམས་ཅད་ལ་ལྷག་པའི་བསམ་པ་ཐོབ། ཆོས་ཐམས་ཅད་ངེས་པར་གཏན་ལ་དབབ་པ་ལ་ཐབས་མཁས་པའི་ཡེ་ཤེས་དམ་པའི་མཆོག་ཐོབ་སྟེ། འོད་སྲུངས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་ཐམས་ཅད་མཁྱེན་པའི་ཡེ་ཤེས་སྟོན་པའོ། ། ཐམས་ཅད་མཁྱེན་པའི་ཡེ་ཤེས་ལ་འཛུད་པའོ།། ཐམས་ཅད་མཁྱེན་པའི་ཡེ་ཤེས་ལ་འཇོག་པའོ།། འོད་སྲུངས་འདི་ལྟ་སྟེ་དཔེར་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན། རྩཝ་དང་ཤིང་གེལ་བ་དང་། སྨན་དང་། ནགས་ཚལ་ཁ་དོག་སྣ་ཚོགས་རྣམ་པ་དུ་མ་དང་། སྨན་མང་པོ་མིང་ཐ་དད་དུ་བཏགས་པས་དང་རི་དང་རི་སུལ་དག་ནས་ཇི་སྙེད་སྐྱེས་པ། སྤྲིན་ཆུ་ཆེན་པོས་རྒྱས་པ་འདུས་ནས། ཐམས་ཅད་དང་ལྡན་པའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཁེབས་པར་བྱས་སོ།། ཀུན་ཁེབས་པར་བྱས་ནས་དུས་གཅིག་ཏུ་ཆར་མཉམ་པར་ཕབ་སྟེ། འོད་སྲུངས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་རྩཝ་དང་། ཤིང་གེལ་བ་དང་། སྨན་དང་། ནག་སོ་ཚལ་དེ་ན་སྡོང་བུ་དང་། ཡལ་ག་དང་། མ་དང་། འདབ་མ་གཞོན་ཞིང་འཇམ་པ་ཛི་ཡོད་པ་དང་། སྡོང་བུ་དང་ཡལ་ག་དང་། ལོ་མ་དང་། འདབ་མ་བར་མ་ཅི་ཡོད་པ་དང་། སྡོང་བུ་དང་། ཡལ་ག་དང་། ལོ་མ་དང་། འདབ་མ་ཆེན་པོ་དང་། རྩཝ་དང་ཤིང་གེལ་བ་དང་། སྨན་དང་ནག་ས་ཚལ་གྱི་སྡོང་པོ་དང་། སྡོང་པོ་ཆེན་པོ་ཅི་ཡོད་པ་དེ་དག་ཐམས་ཅད་སྤྲིན་ཆེན་པོ་དེ་ལས་ཆར་བབ་པ་ལ་མཐུ་དང་། ཡུལ་ཇི་ལྟ་བ་བཞིན་དུ་ཆུའི་ཁམས་སོ་སོར་འཐུང་སྟེ། དེ་ཡང་སྤྲིན་གཅིག་ལས་བྱུང་བ། རོ་གཅིག་པའི་ཆུ་མང་པོས་ས་བོན་ཇི་ལྟ་བར་རྗེས་སུ་མཐུན་པར་སྐྱེ་སྟེ། འཕེལ་ཞིང་རྒྱས་པར་འགྱུར་རོ།། དེ་བཞིན་དུ་མེ་ཏོག་དང་འབྲས་བུ་འབྱུང་སྟེ། དེ་དག་ཀྱང་སོ་སོའི་མིང་ཐོབ་བོ།། ས་གཅིག་ལ་གནས་པའི་སྨན་ཆེན་པོ་ས་བོན་མང་པོ་དེ་ཐམས་ཅད་ཆུ་རོ་གཅིག་པས་བངས་པ་དེ་བཞིན་དུ། འོད་སྲུངས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་ངོ་། ། ཇི་ལྟར་སྤྲིན་ཆེན་པོ་འདུས་པ་དེ་བཞིན་དུ་དེ་བཞིན་གཤེགས་པ་བྱུང་ནས། ལྷ་དང་མི་དང་། ལྷ་མ་ཡིན་དུ་བཅས་པ་ཐམས་ཅད་དང་ལྡན་པའི་འཇིག་རྟེན་ལ་དབྱངས་ཀྱིས་གོ་བར་མཛད་དོ། ། དེ་ལ་འདི་ལྟ་སྟེ་དཔེར་ན། སྤྲིན་ཆེན་པོ་དེས་ཐམས་ཅད་དང་ལྡན་པའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཁེབས་པ་དེ་བཞིན་དུ། འོད་སྲུངས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས། ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱི་མདུན་དུ་སྒྲ་འདི་སྐད་འབྱིན་ཅིང་དབྱངས་ཀྱིས་ཐོས་པར་བྱེད་དེ། ལྷ་དང་མི་དག་ང་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཏེ། རྒལ་ནས་བསྒྲལ་ལོ།། གྲོལ་ནས་དགྲོལ་ལོ།། དབུགས་ཕྱིན་ནས་དབུགས་དབྱུང་ངོ་། ། ཡོངས་སུ་མྱ་ངན་ལས་འདས་ནས་ཡོངས་སུ་མྱ་ངན་ལས་བཟླའོ།། ང་ནི་ད་ལྟར་གྱི་འཇིག་རྟེན་དང་། འཇིག་རྟེན་གཞན་ཡང་ཡང་དག་པའི་ཤེས་ཀྱིས་ཡང་དག་པར་ཇི་ལྟ་བ་བཞིན་དུ་རབ་ཏུ་མཁྱེན་ཏོ། ། ཐམས་ཅད་མཁྱེན་ཅིང་ཐམས་ཅད་གཟིགས་སོ།། ལྷ་དང་མི་དག་ཆོས་ཉན་པའི་ཕྱིར་ངའི་དྲུང་དུ་ཤེགས་ཤིག། ང་ནི་ལམ་སྟོན་པའོ།། ལམ་ཆད་པའོ། ། ལམ་རིག་པའོ།། ལམ་མཁས་པའོ།། འོད་སྲུང་དེ་ལྟར་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་མང་པོ་དེ་བཞིན་གཤེགས་པ་ལ་ཆོས་ཉན་ཅིང་ཉེ་བར་ལྷགས་པའི་སེམས་ཅན་དེ་དག་གི་དབང་པོ་དང་། བརྩོན་འགྲུས་ཀྱི་རིམ་པ་དེ་བཞིན་གཤེགས་པས་མཁྱེན་ནས། དེ་དག་ལ་ཆོས་ཀྱི་རྣམ་གྲངས་ཉེ་བར་སྦྱོར་རོ།། དེ་དག་ལ་ཆོས་ཀྱི་གཏམ་མང་པོ་སྣ་ཚོགས་དགའ་བ་ཚིམ་པ་མགུ་བར་བྱེད་པ། ཕན་པ་དང་བདེ་བར་འགྱུར་བའི་གཏམ་གང་གིས་སེམས་ཅན་ཚེ་འདི་ལ་བདེ་བར་འགྱུར་ཞིང་འཆི་བའི་དུས་བྱས་ནས་ཀྱང་བདེ་འགྲོར་སྐྱེ་ལ། གར་སྐྱེས་པ་དེར་འདོད་པ་མང་པོ་སྤྱོད་ཀྱང་ཆོས་ཉན་ཅིང་ཆོས་དེ་ཐོས་ནས། སྒྲིབ་པ་མེད་པར་འགྱུར་ཏེ། མཐར་གྱིས་ཐམས་ཅད་མཁྱེན་པའི་ཆོས་ལ་སྟོབས་ཇི་ལྟ་བ་དང་། ཡུལ་ཇི་ལྟ་བ་དང་མཐུ་ཇི་ལྟ་བ་བཞིན་དུ་འཇུག་པར་འགྱུར་བ་གསུང་ངོ་།། འོད་སྲུང་འདི་ལྟ་སྟེ་དཔེར་ན། སྤྲིན་ཆེན་པོ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཁེབས་ནས། ཆར་མཉམ་པར་ཕབ་སྟེ། རྩཝ་དང་། ཤིང་གེལ་བ་དང་། སྨན་དང་། ནགས་ཚལ་ཐམས་ཅད་ཆུས་ངོམས་ཏེ། སྟོབས་ཇི་ལྟ་བ་དང་། ཡུལ་ཇི་ལྟ་བ་དང་། མཐུ་ཇི་ལྟ་བ་བཞིན་དུ་རྩཝ་དང་། ཤིང་གེལ་བ་དང་། སྨན་དང་། ནགས་ཚལ་ལ་སོགས་པ་ཆུ་འཐུང་སྟེ། བདག་བདག་གི་སོ་སོའི་རིགས་དང་ཚང་དུ་སྐྱེའོ། ། འོད་སྲུང་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཆོས་བཤད་པ། ཆོས་ཐམས་ཅད་རོ་གཅིག་པ་སྟེ། དེ་ནི་རྣམ་པར་གྲོལ་བ་དང་། འདོད་ཆགས་དང་བྲལ་བ་དང་། འགོག་པ་དང་། ཐམས་ཅད་མཁྱེན་པའི་ཡེ་ཤེས་ཀྱི་མཐར་རོ་གཅིག་གོ།། འོད་སྲུང་དེ་བཞིན་དུ་དེ་བཞིན་གཤེགས་པས་ཆོས་བཤད་པ་དེ་ལ། སེམས་ཅན་གང་ཉན་པ་དང་། འཛིན་པ་དང་། འཇུག་པ་དེ་དག་བདག་གིས་ཤེས་པ་འམ། རིག་པ་འམ་རྟོགས་པ་མེད་དོ།། དེ་ཅིའི་ཕྱིར་ཞེ་ན། འོད་སྲུང་དེ་བཞིན་གཤེགས་པས་འདི་ལྟར་སེམས་ཅན་དེ་དག་དེ་བཞིན་དུ་མཁྱེན་ཏེ། དེ་དག་སུ་ཡིན་པ་དང་། དེ་དག་ཇི་ལྟ་བུ་ཡིན་པ་དང་། དེ་དག་ཅི་འདྲ་བ་དང་། དེ་དག་ཅི་ལ་སེམས་པ་དང་།། དེ་དག་ཇི་ལྟར་སེམས་པ་དང་། དེ་དག་ཅིས་སེམས་པ་དང་། དེ་དག་ཅི་ལ་སྒོམ་པ་དང་། དེ་དག་ཇི་ལྟར་སྒོམ་པ་དང་། དེ་དག་ཅིས་སྒོམ་པ་དང་། དེ་དག་ཅི་འཐོབ་པ་དང་། དེ་དག་ཇི་ལྟར་འཐོབ་པ་དང་། དེ་དག་ཅིས་ཐོབ་པ་དེ་དག་ཐམས་ཅད་ནི། འོད་སྲུང་དེ་བཞིན་དེ་བཞིན་གཤེགས་པ་ལ་མངོན་སུམ་སྟེ། མངོན་སུམ་དུ་གཟིགས། ཇི་ལྟ་བ་བཞིན་དུ་གཟིགས་པའི་ཕྱིར་རོ།། འོད་སྲུང་འདི་ལྟ་སྟེ། རྣམ་པར་གྲོལ་བའི་རོ་དང་། མྱ་ངན་ལས་འདས་པའི་མཐར་ཐུག་པ་དང་། རྟག་པར་ཡོངས་སུ་མྱ་ངན་ལས་འདས་པ་དང་། ས་གཅིག་པ་དང་། ན་མཁའི་སྤྱོད་ཡུལ་དུ་ངས་ཆོས་རྣམས་རོ་གཅིག་པར་རྟོགས་ཀྱང་། སེམས་ཅན་རྣམས་ཀྱི་དད་པ་བསྲུང་བའི་ཕྱིར། ས་དེ་དང་དེ་དག་ན་གནས་པའི་སེམས་ཅན། རྩཝ་དང་། ཤིང་གེལ་བ་དང་། སྨན་དང་། ནགས་ཚལ་རབ་འབྲིང་ཐ་མ་ལྟ་བུ་དེ་དག་ལ་ཐམས་ཅད་མཁྱེན་པའི་ཡེ་ཤེས་གློ་བུར་དུ་མི་སྟོན་ཏོ། ། འོད་སྲུང་ང་བཞིན་གཤེགས་པས་ལྡེམ་པོར་དགོངས་ཏེ་བཤད་པ་ལ་ཁྱེད་འཇུག་མི་ནུས་པས་ཁྱེད་དོ། མཚར་དུ་གྱུར་ཏོ།། དེ་ཅིའི་ཕྱིར་ཞེ་ན། འོད་སྲུང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་དགོངས་ཏེ་བཤད་པ་ནི། ཤེས་པར་དཀའ་བའི་ཕྱིར་རོ།། དེ་ནས་བཅོམ་ལྡན་འདས་དེའི་དོན་རྒྱས་པར་སྟོན་ཅིང་། དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། ཆོས་རྒྱལ་སྲིད་པ་འཇོམས་མཛད་པ།། ང་ནི་འཇིག་རྟེན་བྱུང་ནས་སུ། ། མོས་པ་རྣམ་པར་མཁྱེན་གྱུར་ནས།། སེམས་ཅན་རྣམས་ལ་ཆོས་འཆད་དོ།། དཔའ་བོ་ཆེན་པོ་བློ་བརྟན་པས།། བཤད་པ་རྣམས་ནི་ཡུན་རིང་སྲུང་།། གསང་ཆེན་དག་ཀྱང་འཛིན་མཛད་ཅིང་། ། སྲོག་ཆགས་རྣམས་ལ་མི་སྟོན་ཏོ།། ཡེ་ཤེས་དེ་ནི་ཤེས་དཀའ་སྟེ།། བྱིས་པ་རྣམས་ཀྱིས་འཕྲལ་ལ་ཐོས།། མི་ཤེས་པས་ནི་ཐེ་ཙོམ་གྱུར།། དེ་ལས་ཉམས་ཤིང་དེ་དག་འཁྱམ། ། དེ་ཡི་སྟོབས་ཀྱང་ཅི་འདྲ་དང་།། ཡུལ་ཡང་ཅི་བཞིན་བཤང་བར་བྱ།། ཐ་དད་པ་ཡི་དོན་རྣམས་ཀྱིས།། ལྟ་བ་དག་ནི་དྲང་པོར་བྱ།། འོད་སྲུང་སྨིན་ནི་ཇི་ལྟ་བུ།། འདུས་ནས་འཇིག་རྟེན་ཁམས་རྣམས་སུ། ། ས་རྣམས་རབ་ཏུ་ཡོག་པར་ནི།། ཐམས་ཅད་དུ་ཡང་ཁེབས་པར་གྱུར།། དེ་ནི་རབ་ཏུ་ཆུས་རྒྱས་ཏེ།། སྤྲིན་ཆེན་གློག་གི་ཕྲེང་བར་བཅས།། སྐད་ཀྱིས་ཤིན་ཏུ་སྒྲ་འབྱིན་ཅིང་། ། ལུས་ཅན་རྣམས་ལ་དགའ་བར་བྱེད།། ཉི་མའི་འོད་ནི་བསྒྲིབས་པས་ན།། དཀྱིལ་འཁོར་དག་ཀྱང་བསིལ་བར་བྱས།། ལག་གིས་སླེབས་པར་འདུག་ནས་སུ།། ཐམས་ཅད་ཀུན་ཏུ་ཆར་ཡང་འབེབས། ། དེ་ནི་སྙོམས་པར་འབེབས་པ་ཡང་།། ཆུའི་ཕུང་པོ་མི་ཆུང་བར།། ཀུན་ཏུ་བབ་པར་གྱུར་པས་ན།། ས་འདི་རྣམས་ཀྱང་ངོམས་པར་བྱས།། གང་དག་ས་འདི་རྣམས་ལས་ནི།། སྐྱེ་བར་གྱུར་པའི་སྨན་རྣམས་དང་།། རྩཝ་དང་གེལ་བ་ནགས་ཚལ་དང་།། སྡོང་པོ་དང་ནི་སྡོང་ཆེན་དང་།། འབྲུ་ཡི་རྣམ་པ་མང་པོ་དང་།། སྔོན་པོར་གྱུར་པ་གང་ཀྱང་རུང་།། རི་དང་རི་སུལ་ནགས་རྣམས་སམ། ། སྨན་ལྗོངས་ནས་ནི་གང་འཁྲུངས་པ།། སྤྲིན་གྱིས་ཐམས་ཅད་ངོམས་པར་བྱེད།། རྩཝ་དང་གེལ་བ་ནགས་ཚལ་དང་།། གདུངས་པའི་ས་ཡང་ངོམས་པར་བྱས།། སྨན་རྣམས་ལ་ཡང་ཀུན་ཏུ་ཕབ། ། ཆུ་དེ་རྣམས་ཀྱང་རོ་གཅིག་སྟེ།། སྤྲིན་ལས་བབ་པ་འདི་ན་གནས།། ཇི་ལྟར་སྟོབས་དང་ཡུལ་བཞིན་དུ།། རྩཝ་དང་གེལ་བ་དེ་འཐུང་ངོ་།། སྡོང་པོ་དང་ནི་སྡོང་པོ་ཆེན་པོ་རྣམས།། ཆུང་དུངུདུ་བར་མན་ཚོད་ཇི་བཞིན་དུ། ། ཇི་ལྟར་སྟོབས་བཞིན་ཐམས་ཅད་ཆུ་འཐུང་སྟེ།། འཐུང་ནས་ཇི་ལྟར་འདོད་པ་བཞིན་དུ་སྐྱེ།། སྤྲིན་ལས་ཆར་པ་བབ་པས་རྩི་ཆེན་རྣམས།། སྡོང་བུ་སྦུ་བུ་ཤུན་པ་ཇི་ལྟ་བར།། ཡལ་ག་གྱེས་དང་འདབ་མ་ཇི་བཞིན་དུ།། འབྲས་བུ་མེ་ཏོག་རྣམས་ཀྱང་དེ་བཞིན་འཕེལ།། ཆར་པ་རོ་གཅིག་པ་ཡང་བབ་པས་ན།། ཇི་ལྟའི་སྟོབས་དང་ཡུལ་ནི་ཇི་འདྲ་བར།། གང་གིས་ས་བོན་དག་ནི།། ཇི་འདྲ་ལས།། དེ་དག་རང་རང་ལས་ནི་སྐྱེ་བ་འབྱིན།། འོད་སྲུང་དེ་བཞིན་སངས་རྒྱས་འཇིག་རྟེན་འདིར།། འཇིག་རྟེན་ཆར་འཛིན་སྤྲིན་དང་འདྲ་བར་འབྱུང་།། འཇིག་རྟེན་མགོན་པོ་བྱུང་ནས་འཆད་པར་འགྱུར།། སྲོག་ཆགས་ལ་ནི་ཡང་དག་སྤྱོད་པ་སྟོན།། ལྷར་བཅས་འཇིག་རྟེན་དག་གིས་མདུན་བདར་ནས།། དེ་ལྟར་དྲང་སྲོང་ཆེན་པོ་རབ་སྒྲོགས་ཏེ།། དེ་ནི་རྐང་གཉིས་མཆོག་རྒྱལ་དེ་བཞིན་གཤེགས།། སྤྲིན་ལྟ་བུར་ནི་འཇིག་རྟེན་འདིར་བྱུང་སྟེ། ། རབ་ཏུ་ལུས་སྐམས་སྲིད་པ་གསུམ་ཆགས་པ།། སེམས་ཅན་ཐམས་ཅད་ངས་ནི་ངོམས་པར་བྱ།། སྡུག་བསྔལ་དག་གིས་སྐམས་པ་བདེ་ལ་དགོད།། ངས་ནི་འདོད་དང་མྱ་ངན་འདས་པའང་སྦྱིན། ། སྒྲ་དང་མི་ཚོགས་རྣམས་ཀྱང་ངལ་ཉོན།། ངལ་ལྟ་བའི་ཕྱིར་ནི་ཉེ་བར་ཤེག། དེ་བཞིན་གཤེགས་པ་བཅོམ་ལྡན་ཟིལ་མི་ནོན།། བསྒྲལ་བའི་ཕྱིར་ནི་འཇིག་རྟེན་འདིར་སྐྱེས་ཏེ། རྣམ་དག་ཤིན་ཏུ་མཐོང་བར་བྱ་བའི་ཆོས།། སྲོག་ཆགས་བྱེ་བ་སྟོང་ལ་བཤད་པར་བྱ།། དེ་ཡི་མཉམ་པ་ཉིད་དང་ཡང་དག་གཅིག། དེ་ནི་རྣམ་གྲོལ་མྱ་ངན་འདས་པ་ཡིན།། རྟག་ཏུ་བྱང་ཆུབ་ཕྱིར་ནི་གོ་ཞུག་པར་ཡང་། ། དབྱངས་གཅིག་གིས་ནི་རབ་ཏུ་ཆོས་བཤད་དེ།། དེ་ནི་མཉམ་པ་ཉིད་དེ་མི་མཉམ་མེད།། འདོད་ཆགས་མེད་ཅིང་ཞེ་སྡང་གང་ཡང་མེད།། ནམ་ཡང་ང་ལ་རྗེས་སུ་ཆགས་པ་མེད།། སུ་ལའང་ང་ནི་མཛའ་ཞིང་སྡང་བའང་མེད། ། སེམས་ཅན་གཅིག་བཞིན་འགྲོ་བ་གཞན་ལ་སྟེ།། ལུས་ཅན་རྣམས་ལ་ཆོས་ནི་སྙོམས་པར་འཆད།། ལས་གཞན་མི་བྱེད་རབ་ཏུ་ཆོས་འཆད་དེ།། འགྲོ་བ་དང་ནི་འགྲེང་དང་འདུག་པ་དང་།། མལ་དུ་ཞུགས་ཤིང་ཉལ་བའི་ཚེ་ན་ཡང་།། ནམ་ཡང་ངལ་སྐྱོ་བར་གྱུར་པ་མེད།། སྤྲིན་གྱིས་ཆར་བ་མཉམ་པར་ཕབ་པ་བཞིན།། འཇིག་རྟེན་འདི་རྣམས་ཐམས་ཅད་ངོམས་པར་བྱ། ། འཕགས་པ་དང་ནི་མ་རབས་མཚུངས་པའི་བློ།། ཚུལ་ཁྲིམས་ལྡན་དང་ཚུལ་ཁྲིམས་འཆལ་པ་དང་།། དེ་བཞིན་མི་གང་སྤྱོད་པ་ཉམས་པ་དང་།། སྤྱོད་དང་ཆོ་ག་རྣམས་སུ་ལྡན་པ་དང་། ། ལྷ་ལ་གནས་ཤིང་ལྟ་བ་གང་ཉམས་དང་།། ཡང་དག་གང་ལྟ་ལྟ་བ་རྣམ་ངག་དང་།། བློ་གྲོས་ངན་པ་དང་ནི་དམ་པའང་རུང་།། དབང་པོ་རྟུལ་པོ་རྣམས་ལ་ཆོས་འོ་ཆད་དེ།། སྐྱོ་བ་ཟླ་ཅད་རབ་ཏུ་རྣམ་སྤངས་ནས། ། ངས་རི་ཡང་དག་ཆོས་ཀྱི་ཆར་པབ་པ།། ཇི་ལྟའི་སྤོབས་བཞིན་ང་ལས་མཉན་ནས་ནི།། ལྷ་མིའི་ནང་ན་ཡིད་དུ་འོང་བ་དང་།། འཁོར་ལོས་སྒྱུར་དང་བརྒྱ་བྱིན་ཚངས་པ་ཡི། རྣམ་པ་མང་པོའི་ས་ལ་གནས་པར་འགྱུར།། ཕྲན་ཚོགས་ཕྲན་ཆགས་སྨན་རྣམས་འདི་དག་དང་།། འཇིག་རྟེན་འདི་ན་གང་ཆུང་འདི་དག་དང་།། བར་མཆེན་པོ་སྨན་རྣམས་གཞན་དག་དང་།། དེ་དག་ཐམས་ཅད་རབ་ཏུ་བཤད་ཀྱིས་ཉོན། ། ཟག་པ་མེད་པའི་ཆོས་རྣམས་རབ་ཤེས་ནས།། མི་གང་མྱ་ངན་འདས་ཐོབ་གནས་པ་དང་།། དྲུག་མངོན་ཤེས་ཤིང་གསུམ་རིག་གང་འགྱུར་བ།། དེ་ནི་པར་མའི་སྨན་ཅེས་བྱ་བ་ཡིན། ། གང་དག་རི་སུལ་རྣམས་ན་གནས་པ་དང་།། མི་གང་རང་རྒྱལ་བྱང་ཆུབ་འདོད་བྱེད་པ།། དེ་འདྲ་འབྲིང་དུ་རྣམ་པར་དག་པའི་བློ།། དེ་ནི་བར་མའི་སྨན་ཅེས་བྱ་བ་ཡིན།། བརྩོན་འགྲུས་དང་ནི་བསམ་གཏན་རྣམ་སྟེན་ཅིང་། ། ལྷ་དང་མི་མགོན་སངས་རྒྱས་འགྱུར་བྱ་ཞེས།། སྐྱེས་བུ་ཁྱུ་མཆོག་ཏུ་ཡང་གང་སྨོན་པ།། དེ་ནི་སྨན་གྱི་མཆོག་ཅེས་བྱ་བ་ཡིན།། བདེ་བར་གཤེགས་པའི་སྲས་པོ་གང་ཞུགས་པ། ། བྱམས་པར་བསྙེན་ཅིང་འདི་ལ་ཞི་བ་སྤྱོད།། སྐྱེས་བུ་ཁྱུ་མཆོག་ཏུ་ཡང་ཐེ་ཙོམ་མེད།། དེ་འདྲ་འདི་ན་སྡོང་པོ་ཡིན་ཞེས་བྱ།། ཕྱིར་མི་ལྡོག་པའི་འཁོར་ལོ་རབ་བསྐོར་ཅིང་། ། རྫུ་འཕྲུལ་སྟོབས་ལ་གནས་པ་གང་དཔའ་བ།། སྲོག་ཆགས་བྱེ་བ་མང་པོ་རབ་ཏུ་འགྲོལ།། དེ་ནི་འདི་ན་སྡོང་པོ་ཆེན་པོ་ཡིན།། རྒྱལ་བས་ཆོས་དེ་མཉམ་པར་བཤད་པ་ནི།། སྤྲིན་གྱིས་ཆར་པ་མཉམ་པར་ཕབ་པ་བཞིན། ། སྣ་ཚོགས་མངོན་ཤེས་འདི་འདྲ་འདི་དག་ཀྱང་།། ས་སྟེང་སྨན་རྣམས་ཇི་ལྟར་གནས་པ་བཞིན།། དེ་ལྟ་བུ་ཡི་དཔེ་དག་བསྟན་པ་ཡིས།། དེ་བཞིན་གཤེགས་ཀྱི་ཐབས་རྣམས་ཤེས་པར་གྱིས། ། ཇི་ལྟར་དེ་ཡིས་ཆོས་གཅིག་བཤད་པ་ཡང་།། སྣ་ཚོགས་ཚིག་ནི་ཆར་གྱི་ཐིགས་པ་བཞིན།། ངས་ཀྱང་ཆོས་ཀྱི་ཆར་པ་ཕབ་པས་ན།། འཇིག་རྟེན་འདི་དག་ཐམས་ཅད་ངོམས་པར་གྱུར། ། རབ་ཏུ་བཤད་པ་རོ་གཅིག་ཆོས་ལ་ཡང་།། ཇི་འདྲ་སྟོབས་བཞིན་རྗེས་སུ་རྣམ་པར་སེམས།། ཇི་ལྟར་རྩཝ་དང་གེལ་བའི་ཤིང་རྣམས་དང་།། བར་མ་སྨན་རྣམས་ལ་ཡང་ཇི་ལྟ་བར།། སྡོང་པོ་དང་ནི་སྡོང་པོ་ཆེན་པོ་དེ།། ཆར་བབ་ཕྱོགས་བཅུ་ཀུན་ནའང་མཛེས་པ་བཞིན།། འདི་ནི་རྟག་ཏུ་འཇིག་རྟེན་ཕན་པའི་ཆོས།། འཇིག་རྟེན་འདི་ཀུན་ཆོས་ཀྱིས་ངོམས་པར་བྱེད།། འཇིག་རྟེན་ཐམས་ཅད་ངོམས་པར་བྱས་ནས་ནི།། སྨན་རྣམས་ལས་ནི་མེ་ཏོག་རབ་ཏུ་འབྱུང་།། བར་མའི་སྨན་རྣམས་རྣམ་པར་སྐྱེ་བ་ནི།། དགྲ་བཅོམ་གང་དག་ཟག་པ་ཟད་གནས་དང་།། ནགས་ཚལ་ཁྲོད་གནས་རང་སངས་རྒྱས་རྣམས་ལ། ། ལེགས་པར་གསུངས་པའི་ཆོས་རྣམས་བསྟན་པར་བྱ།། བྱང་ཆུབ་སེམས་དཔའ་མང་པོ་དྲིན་ལྡན་བརྟན།། བྱང་ཆུབ་མཆོག་འདི་ཡོངས་སུ་ཚོལ་བ་ན།། ཁམས་གསུམ་ཐམས་ཅད་རྟོགས་པར་ཁོང་ཆུད་པ། ། དེ་དག་རྟག་ཏུ་སྐྱེ་བ་སྡོང་བུ་བཞིན།། རྫུ་འཕྲུལ་གང་ལྡན་བསམ་གཏན་བཞིར་བཞུགས་པ།། གང་དག་སྟོང་པ་ཉིད་ཐོས་དགའ་སྐྱེད་ཅིང་།། འོད་ཟེར་སྟོང་ཕྲག་རབ་ཏུ་གཏོང་བ་རྣམས། ། དེ་དག་སྡོང་པོ་ཆེན་པོ་ཞེས་ཀྱང་བྱ།། འོད་སྲུང་འདི་ལྟ་བུ་ཡི་ཆོས་བཤད་པ།། སྤྲིན་གྱིས་ཆར་པ་མཉམ་པར་ཕབ་པ་བཞིན།། མི་ཡི་མེ་ཏོག་མང་པོ་མཐའ་ཡས་པ།། དེས་ནི་མང་པོའི་སྨན་བཞིན་རྣམ་པར་བསྐྱེད། ། རང་གིས་རིག་པའི་ཆོས་རྣམས་རབ་ཏུ་བཤད།། སངས་རྒྱས་བྱང་ཆུབ་དག་ནི་དུས་སུ་བསྟན།། དེ་ནི་འཇིག་རྟེན་འདྲེན་པ་ཐམས་ཅད་དང་།། ང་ཡི་ཐབས་ལ་མཁས་པ་མཆོག་ཡིན་ནོ། ། འདི་ལྟར་དོན་དམ་ཡང་དག་ངས་བཤད་པ།། ཉན་ཐོས་དེ་ཀུན་མྱ་ངན་མ་འདས་ཏེ།། དེ་དག་བྱང་ཆུབ་སྤྱོད་པ་རབ་སྤྱད་ནས།། ཉན་ཐོས་འདི་དག་ཐམས་ཅད་སངས་རྒྱས་འགྱུར།། འོད་སྲུང་གཞན་ཡང་དེ་བཞིན་གཤེགས་པ་ནི་སེམས་ཅན་འདུལ་བར་མཚུངས་ཏེ། མི་མཚུངས་པ་མེད་དོ།། འོད་སྲུང་འདི་ལྟ་སྟེ་དཔེར་ན། ཉི་མ་དང་ཟླ་བའི་འོད་ཀྱིས་འཇིག་རྟེན་ཐམས་ཅད་དུ་སྣང་བར་བྱེད་པ་ནི་དགེ་བབྱེད་པ་དང་། མི་དགེ་བ་བྱེད་པ་དང་། སྟེང་ན་གནས་པ་དང་། འོག་ན་གནས་པ་དང་། དྲི་ཞིམ་པ་དང་། དྲི་མི་ཞིམ་པ་ཐམས་ཅད་མཉམ་པར་འོད་ཀྱིས་ཕོག་སྟེ། མི་མཉམ་པ་མ་ཡིན་ནོ།། འོད་ས་རུང་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐམས་ཅད་མཁྱེན་པའི་ཡེ་ཤེས་ཀྱི་སེམས་ཀྱི་འོད་ཀྱིས་འགྲོ་བ་ལྔར་སྐྱེས་པའི་སེམས་ཅན་ཐམས་ཅད་ཇི་ལྟར་མོས་པ་བཞིན་དུ་ཐེག་པ་ཆེན་པོ་པ་དང་། རང་སངས་རྒྱས་ཀྱི་ཐེག་པ་ཅན་དང་། ཉན་ཐོས་ཀྱི་ཐེག་པ་ཅན་རྣམས་ལ་ཆོས་བཤད་པ་དེ་མཉམ་པར་འཇུག་ལ། དེ་བཞིན་གཤེགས་པའི་ཡེ་ཤེས་ནི་སྐྱེ་བའང་མེད། འབྲི་བའང་མེད་དེ། འདི་ལྟར་བསོད་ནམས་དང་། ཡེ་ཤེས་ཡང་དག་པར་སྡུད་པར་འགྱུར་རོ།། ། དམ་པའི་ཆོས་པདྨ་དཀར་པོ། ཁྱབ་བམ་པོ་ལྔ་པ། འོད་སྲུང་ཐེག་པ་ནི་གསུམ་དུ་མེད་དེ། སེམས་ཅན་སྤྱོད་པ་ཐ་དད་པས་དེའི་ཕྱིར་གྱི་ན་ཐེག་པ་གསུམ་དུ་བཏགས་པར་བད་དོ།། དེ་སྐད་ཅེས་བཀའ་སྩལ་ནས་བཅོམ་ལྡན་འདས་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་གསོལ་ཏོ། ། བཅོམ་ལྡན་འདས་གལ་ཏེ་ཐེག་པ་གསུམ་དུ་མ་མཆིས་ན། ཅིའི་སླད་དུ་ད་ལྟར་བྱུང་བའི་དུས་ན་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔར་བདགས་པས་རབ་ཏུ་བདགས། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་བཀའ་སྩལ་ཏོ།། འོད་སྲུང་འདི་ལྟ་སྟེ་དཔེར་ན། རྫ་མཁན་གྱིས་འཇིམ་པ་མཚུངས་པ་ལས་སྣོད་བྱས་ཏེ། དེ་ལས་ཁ་ཅིག་ནི་བུ་རམ་གྱི་སྣོད་དུ་གྱུར། ཁ་ཅིག་ནི་མར་གྱི་སྣོད་དུ་གྱུར། ཁ་ཅིག་ནི་ཞོ་དང་འོ་མའི་སྣོད། ཁ་ཅིག་ནི་ངན་པ་མི་གཙང་བའི་སྣོད་དུ་གྱུར་ཏེ། འཇིམ་པ་ལ་ཐ་དད་པ་མེད་མོད་ཀྱི། རྫས་གཙུག་པ་ཙམ་གྱིས་སྣོད་ཐ་དད་པར་སྣང་ངོ་།། འོད་སྲུང་དེ་བཞིན་དུ་ཐེག་པ་ནི་གཅིག་པུ་འདི་ཉིད་དེ། འདི་ལྟ་སྟེ། སངས་རྒྱས་ཀྱི་ཐེག་པ་སྟེ། ཐེག་པ་གཉིས་སམ། གསུམ་དུ་མེད་དོ།། དེ་སྐད་ཅེས་བཀའ་སྩལ་ནས། བཅོམ་ལྡན་འདས་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་གལ་ཏེ། སེམས་ཅན་མོས་པ་ཐ་དད་པ་གང་དག་ཁམས་གསུམ་ནས་བྱུང་བ་དེ་དག་གི་མྱ་ངན་ལས་འདས་པ་གཅིག་གམ། འོན་ཏེ་གཉིས་སམ་གསུམ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་ཆོས་ཐམས་ཅད་མཉམ་པ་ཉིད་ཁོང་དུ་ཆུད་པའི་ཕྱིར་མྱ་ངན་ལས་འདའ་བས་ན། དེ་ནི་གཅིག་སྟེ། གཉིས་སུ་མེད། གསུམ་དུ་མེད། གསུམ་དུ་ཡང་མེད་དོ།། འོད་སྲུང་སྐྱེས་བུ་མཁས་པ་ཁ་ཅིག་ནི་དཔེས་བཤད་པས་དོན་རིག་པར་འགྱུར་ཏེ། དེ་ཕྱིར་ཁྱོད་ལ་དཔེ་བསྟན་པར་བྱའོ།། འོད་སྲུང་འདི་ལྟ་སྟེ་དཔེར་ན། མི་དམུས་ལོང་ཞིག་འདི་སྐད་དུ། ཁ་དོག་བཟང་པོ་དང་། ཁ་དོག་ངན་པའི་གཟུགས་མེད། ཁ་དོག་བཟང་པོ་དང་། ཁ་དོག་ངན་པའི་གཟུགས་མཐོང་བ་ཡང་མེད། ཉི་མ་དང་ཟླ་བཡང་མེད། སྐར་མ་ཡང་མེད། གཟའ་ཡང་མེད། གཟ་མཐོང་བ་ཡང་མེད་དོ་ཞེས་ཟེར་རོ། ། དེ་ནས་མི་གཞན་དག་གིས། དམུས་ལོང་དེའི་མདུན་དུ་འདི་སྐད་ཅེས། ཁ་དོག་བཟང་པོ་དང་། ཁ་དོག་ངན་པའི་གཟུགས་ཀྱང་ཡོད། ཁ་དོག་བཟང་པོ་དང་། ཁ་དོག་ངན་པའི་གཟུགས་མཐོང་བ་ཡང་ཡོད། དེ་བཞིན་དུ་ཉི་མ་དང་། ཟླ་བ་དང་། སྐར་མ་ཡང་ཡོད། གཟའ་ཡང་ཡོད། གཟའ་མཐོང་བ་ཡང་ཡོད་དོ་ཞེས་སྨྲས་ནི། མི་དམུས་ལོང་དེ་མི་དེ་དག་ལ་ཡིད་མི་ཆེས་ཤིང་སྨྲས་པ་བཞིན་མི་འཛིན་ཏོ། ། དེ་ནས་སྨན་པ་ནད་ཐམས་ཅད་ཤེས་པ་ལ་ལ་ཞིག་གིས་མི་དམུས་ལོང་དེ་མཐོང་ནས།། དེ་འདི་སྙམ་དུ་སེམས་ཏེ། མི་དེ་སྔོན་གྱི་སྡིག་པའི་ལས་ཀྱིས་ནང་དུ་གྱུར་ཏེ། གང་ཅུང་ཟད་ནང་དུ་གྱུར་པ་དེ་ཐམས་ཅད་རྣམ་པ་བཞི་སྟེ། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བང་ཀན་ལས་གྱུར་པ་དང་། འདུས་པ་ལས་གྱུར་པའོ་སྙམ་མོ།། དེ་ནས་སྨན་པས་དེའི་ནད་ཞི་བར་བྱ་བའི་ཕྱིར། ཡང་དང་ཡང་ཐབས་བསམས་ཏེ། གང་འདི་ན་སྨན་ཡོད་པ་རྣམས་ཀྱིས་ནི་ནད་དེ་ཕྱིན་པར་མི་ནུས་ཀྱི། གངས་ཀྱི་རིའི་རྒྱལ་པོ་ལ་སྨན་སྣ་བཞི་ཡོད་དེ། བཞི་གང་ཞེ་ན། འདི་ལྟ་སྟེ། གཅིག་པ་ཁ་དོག་དང་རོ་ཐམས་ཅད་ཀྱི་གནས་དང་ལྡན་པ་ཞེས་བྱ་བ་དང་། གཉིས་པ་ནད་ཐམས་ཅད་ལས་རབ་ཏུ་ཐར་པར་བྱེད་པ་ཞེས་བྱ་བ་དང་། གསུམ་པ་དུག་ཐམས་ཅད་ལས་ཐར་བར་བྱེད་པ་ཞེས་བྱ་བ་དང་། བཞི་པ་གནས་གང་ན་འདུག་པར་བདེ་བ་སྦྱིན་པ་ཞེས་བྱ་བ་དང་། དེ་བཞི་ཡོད་དོ་སྙམ་མོ།། དེ་ནས་དམུས་ལོང་དེ་ལ་སྨན་པས་སྙིང་རྗེ་བསྐྱེད་ནས། ཐབས་གང་གིས་གངས་ཀྱི་རིའི་རྒྱལ་པོ་ལ་འགྲོ་ནུས་པ་དེ་ལྟ་བུའི་ཐབས་བསམས་ཏེ། སོང་ནས་པར་ཡང་འཛེགས། མར་ཡང་བབས། ངོས་ལ་ཡང་བཙལ་ཏོ།། དེ་ལྟར་བཙལ་དེ་སྨན་དེ་སྣ་བཞི་རྙེད་ནས། རྙེད་པ་དང་། ཁ་ཅིག་ནི་སོས་བཅས་ཏེ་བྱིན་ཁ་ཅིག་ནི་བཏགས། ཁ་ཅིག་ནི་ཕྲད་གཞན་དང་སྦྱར་ནས་བཙོས་ཏེ་བྱིན། ཁ་ཅིག་ནི་ཕྲད་རློན་པ་དང་སྦྱར་ཏེ་བྱིན། ཁ་ཅིག་ནི་ལུས་ཀྱི་གནས་ཐུར་མས་ཕུག་ཏེ་བླུགས། ཁ་ཅིག་ནི་ནས་བསྲེགས་ཏེ་བྱིན། ཁ་ཅིག་ནི་ཕྲད་གཞན་དང་སྦྱར་ཏེ་ཟས་དང་། སྐོམ་ལ་སོགས་པ་དང་བསྲེས་ཏེ་བྱིན་ནོ།། དེ་ནས་དམུ་ས་ལོང་དེ་ཐབས་སྦྱར་བ་དེས་མིག་ཐོབ་བོ། ། དེས་མིག་ཐོབ་ནས་ཕྱི་དང་། ནང་དང་། ཟག་རིང་པོ་དང་། ཉེ་བ་དང་། ཟླ་བ་དང་། ཉི་མའི་འོད་དང་། སྐར་མ་དང་གཟའི་གཟུགས་ཐམས་ཅད་ཀྱང་མཐོང་ནས་འདི་སྐད་ཅེས་ཀྱེ་མ་ཨ་ལ་ལ། བླུན་པོ་ཁོ་བོ་ན་སྔོན་ནི་བསྟན་ཀྱང་ཡིད་མི་ཆེས་ཞིང་། སྨྲས་པ་བཞིན་མི་འཛིན་ན། ད་ནི་ཁོ་བོས་ཐམས་ཅད་མཐོང་ནས། དམུས་ལོང་ལས་ཐར་ཏེ། ཁོ་བོས་མིག་ཐོབ་པས་ཁོ་བོ་ལྟ་བུར་ཁྱད་པར་དུ་ཕགས་པ་གང་ཡང་མེད་དོ་ཞེས་སྨྲས་སོ། ། དེའི་ན་དྲང་སྲོང་མངོན་པར་ཤེས་པ་ལྔ་དང་ལྡན་པ། ལྷའི་མིག་དང་། ལྷའི་རྣ་བ་དང་། ཕ་རོལ་གྱི་སེམས་ཤེས་པ་དང་། སྔོན་གྱི་གནས་དྲན་པའི་ཤེས་པ་དང་། རྫུ་འཕྲུལ་མངོན་སུམ་དུ་བྱ་ལ་མཁས་པ་དག་གཅིག་ཡོད་དེ། དེ་དག་གིས་མི་དེ་ལ་འདི་སྐད་ཅེས་སྨྲས་ཏེ། ཀྱེ་མི་ཁྱོད་ནི་མིག་རྙེད་པ་འབའ་ཞིག་ཏུ་ཟད་ཀྱི། ཁྱོད་གཞན་ཅི་ཡང་མི་ཤེས་ན། ཁྱོད་ཀྱི་ང་རྒྱལ་དེ་ཅི་ལས་བྱུང་། ཁྱོད་ལ་ནི་ཤེས་རབ་ཀྱང་མེད། ཟབ་མཁས་པ་ཡང་མ་ཡིན་ནོ།། དེ་དག་གིས་ཡང་དེ་ལ་འདི་སྐད་ཅེས་སྨྲས་ཏེ། ཀྱེ་མི་ཁྱོད་གང་གི་ཚེ་ཁྱིམ་གྱི་ནང་ན་འདུག་པ་ན། ཕྱི་ལོགས་ཀྱི་གཟུགས་གཞན་དག་མི་མཐོང་མི་ཤེས། ཁྱོད་ཀྱིས་སེམས་ཅན་གང་དག་བྱམས་པར་སེམས་པ་དང་། གནོད་པར་སེམས་པ་དེ་དག་ཀྱང་མི་ཤེས། དཔག་ཚད་ལྔའི་བར་ན་འདུག་པ་སྨྲ་བ་དང་། རྔ་དང་དུང་ལ་སོགས་པའི་སྒྲ་ཡང་མི་ཤེས་མི་ཐོས། རྒྱང་གྲགས་གཅིག་གི་བར་དུ་གོམ་པ་མི་འདོར་བར་འགྲོ་ཡང་མི་ནུས། མའི་ལྟོ་ན་སྐྱེ་ཞིང་འཕེལ་བར་བྱེད་པ་དེ་དག་ཀྱང་། མི་དྲན་ན་ཇི་ལྟར་མཁས་པ་ཡིན། ཇི་ལྟར་ཐམས་ཅད་མཐོང་ཞེས་སྨྲ། ཀྱེ་མི་ཁྱོད་ཀྱིས་སྣང་བ་གང་ཡིན་པ་དེ་ནི་མུན་པར་ཤེས། མུན་པ་གང་ཡིན་པ་དེ་ནི་སྣང་བར་ཤེས་སོ་ཞེས་དེ་སྐད་སྨྲས་པ་དང་། དེ་ནས་མི་དེས་དྲང་སྲོང་དེ་དག་ལ་འདི་སྐད་ཅེས་སྨྲས་ཏེ། ཐབས་གང་དང་དགེ་བའི་ལས་ཅི་བྱས་ན། འདི་འདྲ་བའི་ཤེས་རབ་འཐོབ། ཁྱེད་ཀྱིས་བྱ་དགའ་ལ་ཡོན་ཏན་དེ་དག་ཐོབ་པར་གྱིས། དེ་ནས་དྲང་སྲོང་དེ་དག་གིས་མི་དེ་ལ་འདི་སྐད་ཅེས་སྨྲས་སོ།། གལ་ཏེ་འདོད་ན་འབྲོག་དགོན་པར་གནས་པར་གྱིས། ཡང་ན་བྲག་ཕུག་ཏུ་འདུག་ལ་ཆོས་སེམས་ཤིང་ཁྱོད་ཀྱིས་ཉོན་མོངས་པ་རྣམས་སྤང་བར་བྱ་སྟེ། དེ་བཞིན་དུ་སྦྱངས་པའི་ཡོན་ཏན་དང་ལྡན་ན། མངོན་པར་ཤེས་པ་རབ་ཏུ་འཐོབ་བོ།། དེ་ནས་མི་དེས་དེའི་དོན་བླངས་ཏེ། རབ་ཏུ་བྱུང་ནས་དགོན་པ་ལ་གནས་ཏེ། སེམས་རྩེ་གཅིག་པས་འཇིག་རྟེན་གྱི་སྲིད་པོ་སྤངས་ཏེ། མངོན་པར་ཤེས་པ་ལྔ་ཐོབ་བོ།། མངོན་པར་ཤེས་པ་ལྔ་ཐོབ་ནས་བསམས་པ། སྔོན་བདག་གིས་ལས་གཞན་བྱས་འདས་བདག་གིས་ཡོན་ཏན་གང་ཡང་མ་ཐོབ་བོ། ། ད་ནི་གར་བསམས་པར་འགྲོའོ།། སྔོན་བདག་ནི་ཤེས་པ་ཆུང་ཞིང་རྟོག་པ་ཆུང་སྟེ། བདག་ནི་དམུས་ལོང་དུ་གྱུར་པའོ་སྙམ་མོ།། འོད་སྲུང་དེ་ལྟར་དོན་དེ་རིག་པར་བྱ་བའི་ཕྱིར་དཔེ་འདི་བྱས་ཏེ། དེའི་དོན་ནི་འདི་ལྟར་བལྟའོ།། འོད་སྲད་དམུས་ལོང་ཞེས་བྱ་བ་དེ་ནི་སེམས་ཅན་འགྲོ་བ་ལྔའི་འཁོར་བ་ན་གནས་པ་རྣམས་ཀྱི་ཚ་གེ་བླ་དགས་ཏེ། གང་ངག་དམ་པའི་ཆོས་མི་ཤོས་ཤིང་། ཉོན་མོངས་པའི་མུན་པ་མུན་ནག་སྐྱེད་པ་དེ་དག་མ་རིག་པས་ལྗོངས་སོ།། མ་རིགས་པས་ལྡོངས་པས་འདུ་བྱེད་སོགས་སོ།། འདུ་བྱེད་ཀྱི་རྐྱེན་གྱིས་མིང་དང་གཟུགས་ནས། དེ་བཞིན་དུ་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པ་དེའི་བར་དུ་འབྱུང་བར་འགྱུར་རོ།། དེ་ལྟར་མ་རིག་པས་ལྡོངས་ཏེ། སེམས་ཅན་འཁོར་བ་ན་གནས་པ་རྣམས་ལ། དེ་བཞིན་གཤེགས་པས་ཐུགས་རྗེ་བསྐྱེད་ནས། ཁམས་གསུམ་ལས་འདས་ཀྱང་བུ་གཅིག་པའི་ཕ་བྱམས་པ་བཞིན་དུ་ཐུགས་རྗེ་ཆེན་པོ་བསྐྱེད་ནས། ཁམས་གསུམ་དུ་གཤེགས་ཏེ། སེམས་ཅན་རྣམས་འཁོར་བའི་འཁོར་ལོ་ན་འཁྱམ་ཞིང་ཉོན་མོངས་ཀྱང་དེ་དག་འཁོར་བ་ལས་འབྱུང་བ་ཡང་དག་པ་ཇི་ལྟ་བ་བཞིན་དུ་མི་ཤེས་པར་དེ་དག་བཅོམ་ལྡན་འདས་ཀྱི་ཤེས་རབ་ཀྱི་སྤྱན་གྱིས་གཟིགས་སོ། ། གཟིགས་ནས་ཀྱང་སེམས།། ཅན་འདི་དག་སྔོན་དགེ་བ་བྱས་པས་ཞེ་སྡང་ཆུང་ལ། འདོད་ཆགས་རེ་བ་དང་། འདོད་ཆགས་ཆུང་ལ་ཞེ་སྡང་ཆེ་བ་དང་། ཁ་ཅིག་ཤེས་རབ་ཆུང་བ་དང་། ཁ་ཅིག་མཁས་པ་དང་། ཁ་ཅིག་ཡོངས་སུ་སྨིན་ཅིང་དག་པ་དང་། ཁ་ཅིག་ལོག་པར་ལྟ་བར་མཁྱེན་ནས། སེམས་ཅན་དེ་དག་ལ་དེ་བཞིན་གཤེགས་པ་ཐབས་མཁས་པས་ཐེག་པ་གསུམ་དུ་བཤད་དོ།། དེ་ལ་ཇི་ལྟར་དྲང་སྲོང་ཆེན་པོ་དེ་དག་མངོན་པར་ཤེས་པ་ལྔ་དང་ལྡན་ཞིང་མིག་རྣམ་པར་དག་པ་དེ་བཞིན་དུ། བྱང་ཆུབ་སེམས་དཔས་བྱང་ཆུབ་ཏུ་སེམས་བསྐྱེད་དེ། མི་སྐྱེ་བའི་ཆོས་ལ་བཟོད་པ་ཐོབ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བལྟའོ། ། དེ་ལ་སྨན་པ་ཆེན་པོ་དེ་ཇི་ལྟ་བ་བཞིན་དུ་དེ་བཞིན་གཤེགས་པར་བལྟའོ།། དམུས་ལོང་ཇི་ལྟ་བ་དེ་བཞིན་དུ་གཏི་མུག་གིས་ལྡོང་པོའི་སེམས་ཅན་དུ་བལྟའོ།། རླུང་དང་མཁྲིས་པ་དང་། བད་ཀན་ཇི་ལྟར་བ་དེ་བཞིན་དུ། འདོད་ཆགས་དང་། ཞེ་སྡང་དང་། གཏི་མུག་དང་། ལྟ་བ་དྲུག་ཅུ་རྩ་གཉིས་སུ་གྱུར་པར་བལྟའོ།། ཇི་ལྟར་སྨན་སྣ་བཞི་པོ་དེ་ལྟར་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། མྱ་ངན་ལས་འདས་པའི་སྒོར་བལྟའོ།། ཇི་ལྟ་ཇི་ལྟ་བུར་སྨན་རྣམས་བཏང་བས་དེ་ལྟ་དེ་ལྟ་བུར་ནད་རབ་ཏུ་ཞི་བ་དེ་བཞིན་དུ་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་བསྒོམས་པས་མ་རིག་པ་འགག་པར་བྱེད་ཅིང་། མ་རིག་པ་འགགས་པས་འདུ་བྱེད་འགག་པ་ནས་དེ་བཞིན་དུ་སྡུག་བསྔལ་གྱི་ཕུང་པོ་ཆེན་པོ་འབའ་ཤིག་པ་དེའི་བར་དུ་འགག་པར་འགྱུར་ཏེ། དེ་བཞིན་དུ་དེའི་སེམས་དགེ་བ་ལ་ཡང་མི་གནས། སྡིག་པ་ལ་ཡང་མི་གནས་ཏེ། ཇི་ལྟར་དམུས་ལོང་གིས་མིག་ཐོབ་པ་དེ་བཞིན་དུ་ཉན་ཐོས་དང་། རང་སངས་རྒྱས་ཀྱི་ཐེག་པ་ཅན་དུ་བལྟའོ།། འཁོར་བའི་ཉོན་མོངས་པས་བཅིངས་པ་གཅོད་ཅིང་ཉོན་མོངས་པའི་བཅིངས་པ་ལས་རྣམ་པར་གྲོལ་ཏེ། ཁམས་གསུམ་གྱི་འགྲོ་བ་དྲུག་ལས་རབ་ཏུ་ཐར་བས་ན། དེའི་ཕྱིར་ཉན་ཐོས་ཀྱི་ཐེག་པ་ཅན་གྱིས་འདི་ལྟར་ཤེས་ནས། འདི་སྐད་ཅེས་མངོན་པར་རྫོགས་པར་འཚང་རྒྱ་བར་བྱ་བའི་ཆོས་གཞན་མེད་དེ། བདག་ནི་མ་ངན་ལས་འདས་པ་ཐོབ་བོ་ཞེས་ཟེར་རོ། ། དེ་ནས་དེ་བཞིན་གཤེགས་པ་དེ་ལ་ཆོས་སྟོན་ཏེ། གང་གིས་ཆོས་ཐམས་ཅད་མ་ཐོབ་པ་དེ་ལ་མྱ་ངན་ལས་འདས་པ་གང་ལ་ཡོད་ཅེས་དེ་བཞིན་གཤེགས་པས་དེ་དག་བྱང་ཆུབ་ཏུ་བཙུད་དེ། དེ་བྱང་ཆུབ་ཀྱི་སེམས་སྐྱེས་ནས། འཁོར་བ་ལ་ཡང་མི་གནས། མྱ་ངན་ལས་འདས་པ་ཐོབ་པར་ཡང་མི་འགྱུར་རོ།། དེས་ཁམས་གསུམ་རབ་ཏུ་རྟོགས་ནས། ཕྱོགས་བཅུའི་འཇིག་རྟེན་སྟོང་པ་དང་། སྤྲུལ་པ་ལྟ་བུ་དང་། སྒྱུ་མ་ལྟ་བུ་དང་། རྨི་ལམ་དང་། སྨིག་རྒྱུ་དང་། བྲག་ཆ་ལྟ་བུ་དང་། ཆོས་ཐམས་ཅད་མ་སྐྱེས་པ་དང་། མ་འགགས་པ་དང་། མཽ་བཅིངས་པ་དང་། མ་ཟོལ་བ་དང་། མུན་པ་ཡང་མ་ཡིན། སྣང་བ་ཡང་མ་ཡིན་པར་མཐོང་ངོ་།། གང་གིས་དེ་ལྟར་ཆོས་ཟབ་མོ་མཐོང་བ་དང་། ཐོས་པ་དེས་ཁམས་གསུལ་ཐམས་ཅད་གང་བའི་སེམས་ཅན་གྱི་བསམ་པ་དང་། མོས་པ་ཐ་དད་པ་མི་མཐོང་བའི་ཚུལ་གྱིས་མཐོང་ངོ་། ། དེ་ནས་བཅོམ་ལྡན་འདས་དེའི་དོན་རྒྱས་པར་སྟོན་ཅིང་། དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། ཇི་ལྟར་ཉི་མ་ཟླ་བའི་འོད་སོན་ཏན་ལྡན་དང་སྡིག་ཅན་གྱི། ། མི་ལ་མཉམ་པར་རབ་འཆར་ཏེ།། དེ་ལ་སྐྱེ་ཞིང་འབྲི་བའང་མེད།། དེ་བཞིན་གཤེགས་ཀྱི་ཤེས་རབ་འོད།། སྙོམས་པ་ཉི་མ་ཟླ་བ་བཞིན།། ལྷག་ཅིང་ཆད་པ་མེད་པར་ནི།། སེམས་ཅན་ཐམས་ཅད་རྣམ་པར་འདུལ།། ཇི་ལྟར་ཁམས་སྣོད་རྫ་མཁན་གྱིས།། འཇིམ་པ་མཚུངས་ལས་བྱས་པ་དག། དེ་ལས་སྣོད་དུ་གྱུར་པ་ནི།། བུ་རམ་འོ་མ་མར་དང་ཆུ།། ཡང་ན་ལ་ལ་མི་གཙང་དང་། ། ཁ་ཅིག་ཞོ་ཡི་སྣོད་དུ་གྱུར།། ཁམས་པ་སྣ་ཅིག་དེས་བླངས་ཏེ།། རྫ་མཁན་གྱི་ནི་སྣོད་དུ་བྱས།། ཇི་ལྟར་དངོས་པོ་བཅུག་པ་བཞིན།། དེས་ནི་སྣོད་ཀྱང་སོ་སོར་རྟོགས།། དེ་བཞིན་སེམས་ཅན་བྱེ་བྲག་མེད།། ། ཐ་དད་མོས་པས་དེ་བཞིན་གཤེགས།། ཐེག་པ་ཐ་དད་རབ་སྟོན་ཀྱང་།། ཐེག་པ་སངས་རྒྱས་ཐེག་པར་ངེས།། འཁོར་བའི་འཁོར་ལོ་མི་ཤེས་པས།། མྱ་ངན་འདས་པའང་ཤེས་མ་ཡིན།། ཆོས་རྣམས་བདག་ཉིད་རྣམ་སྤངས་ཤིང་། ། སྟོང་པར་གང་དག་རྣམ་ཤེས་པ།། དེ་དག་སངས་རྒྱས་བཅོམ་ལྡན་གྱི།། བྱང་ཆུབ་ཡང་དག་ཉིད་དུ་ཤེས། ཤེས་རབ་བར་མར་བདགས་པ་ནི།། དེ་ནི་རང་རྒྱལ་ཞེས་ཀྱང་བྱ། སྟོང་པར་ཤེས་པས་རྣམ་བཏུལ་བ།། དེ་ནི་ཉན་ཐོས་ཉིད་དུ་བཞག། ཆོས་རྣམས་ཐམས་ཅད་རྟོག་པ་ནི།། ཡང་དག་རྫོགས་པའི་སངས་རྒྱས་ཡིན།། ཇི་ལྟར་དམུས་ལོང་ལ་ལས་ནི།། ཉི་ཟླ་གཟའ་དང་སྐར་མ་རྣམས།། དེས་མ་མཐོང་བས་འདི་སྐད་ཅེས།། གཟུགས་ནི་རྣམ་ཀུན་མེད་ཅེས་སྨྲ།། སྨན་པ་ཆེན་པོས་དམུས་ལོང་ལ།། སྙིང་རྗེ་ཆེན་པོ་བསྐྱེད་ནས་སུ།། གངས་ཀྱི་རི་ལ་དེ་སོང་སྟེ།། གྱེན་འཛེགས་ཐུར་བབས་ཐད་ཀར་སོང་། ། ཁ་དོག་རོ་ཀུན་གནས་ལྡན་པ།། དེ་ལ་སོགས་པ་སྣ་བཞི་དག། རི་ལ་སྨན་ཀྱང་ཀུན་རྙེད་དེ།། དེ་ནས་དེ་དག་རབ་ཏུ་སྦྱར།། ཁ་ཅིག་དག་ནི་སོས་ཀྱང་བཅས།། ཁ་ཅིག་བཏགས་ཏེ་དེ་བཞིན་གཞན། ། ཡན་ལག་ཏུ་ཡང་ཁབ་རྩེས་བཅུག། དམུས་ལོང་ལ་ནི་རབ་ཏུ་གཏོ།། དེ་ཡིས་མིག་ཐོ་བ་ཉི་ཟླ་དང་།། སྐར་མ་གཟའ་རྣམས་མཐོང་བར་འགྱུར།། མི་ཤེས་པས་ན་སྔོན་སྨྲས་ཤེས། ། དེ་ནི་དེ་ལྟར་སེམས་པར་གྱུར།། དེ་བཞིན་སེམས་ཅན་མི་ཤེས་ཚེ།། དམུས་ལོང་འདྲ་དག་འདི་ན་འཁོར།། རྟེན་འབྱུང་འཁོར་ལོ་མི་ཤེས་པས།། སྡུག་བསྔ་ལ་ཆུ་བོའི་ལམ་དུ་གྱུར།། དེ་བཞིན་མི་ཤེས་རྨོངས་པ་ཡི།། འཇིག་རྟེན་དུ་ནི་ཀུན་མཁྱེན་མཆོག། སྨན་པ་ཆེན་པོ་དེ་བཞིན་གཤེགས།། སྙིང་རྗེ་བདག་ཉིད་འདིར་འབྱུང་སྟེ།། སྟོན་པ་ཐབས་ལ་མཁས་པས་ན།། དེས་ནི་དམ་པའི་ཆོས་བཤད་དེ། ། བླ་མེད་ཡང་དག་རྫོགས་བྱང་ཆུབ།། ཐེག་པ་དམ་པར་ཞུགསལ་བཤད།། འདྲེན་པས་ཤེས་རབ་འབྲིང་ལ་ཡང་།། བར་མ་དག་ནི་རབ་ཏུ་བཤད།། འཁོར་བས་འཇིགས་ལ་བྱང། ཆུབ་ཀྱང་།། གཞན་དུ་རབ་ཏུ་བཤད་པ་ཡིན།། ཁམས་གསུམ་ལས་ནི་བྱུང་བ་ཡི།། ཉན་ཐོས་རྣམས་ཀྱིས་འདི་ལྟར་ཤེས།། མྱ་ངན་འདས་པ་དྲི་མེད་ཞི།། བདག་གིས་རབ་ཏུ་ཐོབ་སྙམ་སེམས།། ཆོས་ཀུན་ཁོང། དུ་ཆུད་གྱུར་ན།། མི་འཆི་མྱ་ངན་འདས་པ་ཐོབ།། དྲང་སྲོང་ཆེ་རྣམས་དེ་ལ་ནི།། ཤིན་ཏུ་སྙིང་རྗེ་བསྐྱེན་ནས་སུ།། དེ་ལ་སྨྲས་པ་བླུན་པོ་ཁྱོད།། ཡེ་ཤེས་ཅན་དུ་བདག་མ་སེམས།། གང་ཚེ་ཁྱོད་ནི་ཁང་པ་ཡི།། ནང་ན་འདུག་པར་གྱུར་པ་ན།། ཕྱི་རོལ་དག་ན་གང་ཡོད་པ།། ཤེས་རབ་ཆུང་ཁྱོད་དེ་མི་ཤེས།། གང་ཞིག་ནང་ན་འདུག་པ་དེས།། བྱས་དང་མ་བྱས་ཕྱི་རོལ་གྱི།། ཤེས་བྱ་ད་དུང་མི་ཤེས་ན།། ཤེས་ཆུང་ཁྱོད་ཀྱིས་ག་ལ་ཤེས། ། དཔག་ཚད་ལྔ་ཙམ་པར་དག་གིས།། སྒྲ་གང་བྱུང་བ་དེ་རྣམས་ཀྱང་།། དེ་ཡང་ཐོས་པར་མི་ནུས་ན།། དེ་བས་རིང་བ་གཞན་ཅི་སྨོས།། ཁྱོད་ལ་གང་དག་ཉེར་སེམས་དང་།། དེ་བཞིན་གཞན་དག་བྱམས་པ་ཡང་། ། ཁྱོད་ཀྱིས་དེ་དག་ཤེས་མི་ནུས།། ཅིའི་ཕྱིར་ཁྱོད་ཀྱིས་ང་རྒྱལ་བྱ།། རྒྱང་གྲགས་ཙམ་དུ་འགྲོ་ན་ཡང་།། གོམ་པ་མ་བོར་འགྲོ་མི་ནུས།། མའི་མངལ་ན་ཅི་བྱུང་བ།། དེ་དག་དེ་མ་ཐག་ཏུ་བརྗེད། ། སུལ་མངོན་ཤེས་འདི་ལྔ་ཡོད།། དེ་རིང་ཐམས་ཅད་ཤེས་ཤེས་བྱ།། ཁྱོད་ནི་གཏི་མུག་ཅང་མི་ཤེས།། བདག་ནི་ཐམས་ཅད་ཤེས་ཤེས་སྨྲ།། ཐམས་ཅད་མཁྱེན་པར་ཁྱོད་འདོད་ན། ། འདི་ལྟར་མངོན་པར་ཤེས་པ་བསྒྲུབས།། མངོན་པར་ཤེས་པ་དེ་བསྒྲུབ་ནོ།། དགོན་པར་གནས་ཤིང་རྣམ་དག་ཆོས།། བསམ་པར་བྱ་སྟེ་དེ་ཡིས་ཁྱོད།། མངོན་པར་ཤེས་པ་འཐོབ་པར་འགྱུར། དོན་བཟུང་དགོན་པར་དེ་སོང་སྟེ། ཤིན་ཏུ་མཉམ་གཞག་རྣམ་པར་སེམས།། མངོན་པར་ཤེས་པ་ལྔ་ཐོབ་སྟེ།། རིང་པོ་མ་ཐོགས་ཡོན་ཏན་ལྡན།། དེ་བཞིན་ཉན་ཐོས་ཐམས་ཅད་ཀྱང་།། མྱ་ངན་འདས་ཐོབ་འདུ་ཤེས་ཏེ།། རྒྱལ་བས་བཤད་པ་དེ་དག་ལ།། མྱ་ངན་མ་འདས་དེ་ངལ་བསོ།། གང་ཡང་ཚུལ་འདི་གསུང་བ་ནི།། སངས་རྒྱས་རྣམས་ཀྱི་ཐབས་འདི་སྟེ།། ཐམས་ཅད་མཁྱེན་པ་མ་གཏོགས་པར། ། མྱ་ངན་འདའ་མེད་འདི་རྩོམ་ཤིག། དུས་གསུམ་ཡེ་ཤེས་མཐའ་ཡས་དང་།། ཕ་རོལ་ཕྱིན་དྲུག་དགེ་བ་དང་།། སྟོང་པ་ཉིད་དང་མཚན་མ་མེད།། མོན་ལམ་རྣམ་པར་སྤངས་པ་དང་།། བྱང་ཆུབ་སེམས་དང་གཞན་ཡང་གང་། ། མྱ་ངན་འདའ་བར་འགྲོ་བའི་ཆོས།། ཚངས་པའི་གནས་པ་རྣམ་བཞི་དང་།། བསྡུ་བ་རྣམས་སུ་གང་བརྗོད་པ།། སེམས་ཅན་རྣམས་ནི་གདུལ་བའི་ཕྱིར།། དྲང་སྲོང་མཆོག་གིས་རབ་ཏུ་བརྗོད། ། རྨི་ལམ་སྒྱུ་མའི་རང་བཞིན་དང་།། སྙིང་པོ་མེད་པའི་ཆུ་ཤིང་ཕུང་།། བྲག་ཆ་དང་ཡང་མཚུངས་པར་ནི།། གང་གིས་ཆོས་རྣམས་རབ་ཤེས་ཤིང་།། ཁམས་གསུམ་ལྷག་མ་མ་ལུས་པར། ། དེ་ཡི་རང་བཞིན་ཤེས་པ་ཡང་།། བཅིངས་མེད་རྣམ་གྲོལ་མེད་པ་ཡི།། མྱ་ངན་འདས་པ་མི་ཤེས་སོ།། ཆོས་ཀུན་སྟོང་ཞིང་མཉམ་པ་སྟེ།། ཐ་དད་དབྱེར་མེད་བདག་ཉིད་དོ།། དེ་དག་ལ་ནི་མི་རྟོག་སྟེ།། ཆོས་ནི་གང་ཡང་མཐོང་མེད་ན།། ཆོས་ཀྱི་སྐུ་ནི་མ་ལུས་པར།། ཤེས་རབ་ཆེན་པོར་དེས་མཐོང་ངོ་།། ཐེག་པ་གསུམ་དུ་ཡོང་མེད་དེ།། འདི་ན་ཐེག་པ་གཅིག་པུ་ཡོད།། ཆོས་ཀུན་མཉམ་སྟེ་ཐམས་ཅད་ཀྱང་།། མཉམ་ཞིང་སྙོམས་ཏེ་རྟག་ཏུ་མཉམ།། དེ་ལྟར་རིག་ནས་ཞི་བ་ཡི།། མི་མཆི་མྱ་ངན་འདའ་བ་ཤེས།། སྨན་གྱི་ལེའུ་ཞེས་བྱ་བ་སྟེ་ལྔ་པའོ།། ། དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་དེ་དག་བཀའ་སྩལ་ནས། ཐམས་ཅད་དང་ལྡན་པའི་དགེ་སློང་གི་དགེ་འདུན་ལ་བཀའ་སྩལ་པ། ཀྱེ་དགེ་སློང་དག་ཁྱོད་མོས་པར་བྱ། ཁོང་དུ་ཆུད་པར་བྱའོ།། ངའི་ཉན་ཐོས་དགེ་སློང་འོད་སྲུང་འདི་སངས་རྒྱས་བྱེ་བ་སྟོང་ཕྲག་སུམ་ཅུ་ལ་བ་ཀུར་སྟི་བྱེད། བཙུན་པར་བྱེད། རི་མོར་བྱེད། མཆོད་པར་བྱེད་པར་འགྱུར་ཏེ། སངས་རྒྱས་བཅོམ་ལྡན་འདས་དེ་དག་གི་དམ་པའི་ཆོས་འཛིན་པར་འགྱུར་རོ།། དེ་ལུས་ཐ་མའི་ཚེ། བསྐལ་པ་བཀོད་པ་ཆེན་པོ་ཞེས་བྱ་བ་ལ།། འཇིག་རྟེན་གྱི་ཁམས་སྣང་བ་ཐོབ་པ་ཞེས་བྱ་བར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་ཟེར་རབ་ཏུ་སྣང་བ་ཞེས་བྱ་བར་འཇིག་རྟེན་དུ་འབྱུང་ངོ་། ། དེའི་ཚེའི་ཚད་ནི་བར་གྱི་བསྐལ་པ་བཅུ་གཉིས་སུ་འགྱུར་རོ།། བར་གྱི་བསྐལ་པ་ཉི་ཤུར་ནི་དམ་པའི་ཆོས་གནས་པར་འགྱུར་རོ།། བར་གྱི་བསྐལ་པའི་ཤུར་ནི་དམ་པའི་ཆོས་ཀྱི་གཟུགས་བརྙན་གནས་པར་གྱུར་རོ། ། དེའི་སངས་རྒྱས་ཀྱི་ཞིང་དེ་ཡང་དག་པར་འགྱུར་རོ།། གཙང་ཞིང་གྱོ་མོ་དང་གསེག་མ་མེད་པ། ངམ་གྲོག་དང་གཡང་ས་མེད་པ། འཛིན་ངན་དང་། སྨེ་བ་མེད་དེ། མཉམ་པ། ཉམས་དགའ་བ་མཛེས་པ། བལྟ་ན་སྡུག་པ། བཻ་ཌཱུཪྻའི་གཞི་ལ་རིན་པོ་ཆེའི་ཤིང་ལྗོན་པས་རབ་ཏུ་བརྒྱན་པ། གསེར་གྱི་སྐུད་པས་མིག་མངས་རིས་སུ་ཟོས་པ། མེ་ཏོག་གིས་གང་བ་སྟེ། དེར་བྱང་ཆུབ་སེམས་དཔའ་བརྒྱ་སྟོང་ཕྲག་མང་པོ་འབྱུང་བར་འགྱུར་རོ།། དེར་ཉན་ཐོས་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པར་འབྱུང་ངོ་།། དེ་ན་བདུད་སྡིག་ཅན་དང་། བདུད་ཀྱི་འཁོར་ཀྱང་མི་སྣང་ངོ་།། དེར་བདུད་དང་བདུད་ཀྱི་འཁོར་དག་བྱུང་ན་ཡང་། བཅོམ་ལྡན་འདས་དེ་བཞིན་གཤེགས་པ་འོད་ཟེར་རབ་ཏུ་སྣང་བ་དེའི་བསྟན་པ་དམ་པའི་ཆོས་ཡོངས་སུ་འཛིན་པ་ལ་བརྩོན་པར་འགྱུར་རོ། ། དེ་ནས་བཅོམ་ལྡན་འདས་ཀྱིས། དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། དགེ་སློང་དག་གོ་སངས་རྒྱས་སྤྱན་གྱིས་ངས།། གྲངས་མེད་བསྐལ་པར་གནས་བརྟན་འོད་སྲུངས་འདིས། ། རྐང་གཉིས་རྣམས་ཀྱི་དམ་པ་མཆོད་བྱས་ནས།། མ་འོངས་དུས་ན་སངས་རྒྱས་འགྱུར་བར་མཐོང་།། སྟོང་ཕྲག་སུམ་ཅུ་ཡོངས་སུ་ཚོང་བ་ཡི།། རྒྱལ་བ་རྣམས་ནི་འོད་སྲུང་འདི་ཡིས་མཐོབ་སངས་རྒྱས་ཡེ་ཤེས་ཕྱིར་ནི་དགེ་སློང་འདི། ། དེ་ན་ཚངས་པར་སྤྱད་པ་སྤྱོད་འགྱུར་ཞིང་།། རྐང་གཉིས་གཙོ་བོ་རྣམས་ལ་མཆོད་བྱས་ནས།། བླ་ན་མེད་ཀྱི་ཡེ་ཤེས་འོང་བསྒྲུབས་ཏེ།། དེ་ནི་ཐ་མའི་ལུས་། འཇིག་རྟེན་མགོན།། མཚུངས་པ་མེད་པ་དྲང་སྲོང་ཆེན་པོར་འགྱུར།། དེ་ཡི་ཞིང་ཡང་རྣམ་བཀྲ་མཆོག་འགྱུར་ཏེ།། བཟང་ཞིང་རྣམ་དག་ཉམས་དགའ་བལྟ་ན་སྡུག། རྟག་ཏུ་དགའ་བྱེད་ཡིད་དུ་འོང་བའི་གཟུགས། གསེར་གྱི་སྐུད་པ་དག་གིས་ལེགས་པར་བརྒྱན།། དེ་ནི་རིན་ཆེན་ཤིང་ལྗོན་སྣ་ཚོགས་པ།། མིག་མངས་རིས་བྲེས་དེ་ནང་རེ་རེ་སྟེ།། ཡིད་དུ་འོང་བའི་དྲི་ཡང་རྣམ་པར་འབྱུང་།། དེ་ནི་དགེ་སློང་འདི་ཡི་ཞིང་དུ་འགྱུར། ། མེ་ཏོག་མང་པོས་ལེགས་པར་བརྒྱན་པ་སྟེ།། མེ་ཏོག་སྣ་ཚོགས་རྣམས་ཀྱིས་མཛེས་པར་བྱས།། ངམ་གྲོག་གཡང་ས་རྣམས་ཀྱང་དེ་ན་མེད།། མཉམ་ཞིང་བཟང་ལ་བལྟ་ན་སྡུག་པར་འགྱུར།། དེ་ན་བྱང་རླུཆུབ་སེམས་དཔའ་བྱེ་བ་སྟོང་། ། རྫུ་འཕྲུལ་རེ་ཞིང་ཤིན་ཏུ་དུལ་བའི་སེམས།། སྐྱོབ་པའི་མདོ་སྡེ་ཤིན་ཏུ་རྒྱས་འཛིན་པ།། སྟོང་ཕྲག་དུ་མ་མང་པོ་འབྱུང་བར་འགྱུར།། དེ་ཚེ་ཆོས་ཀྱི་རྒྱལ་པོའི་ཉན་ཐོས་ནི།། ཟག་མེང་ཐ་མའི་ལུས་འཛིན་རྣམས་འབྱུང་འགྱུར། ། བསྐལ་པར་ལྷ་ཡི་ཤེས་པས་བགྲངས་ན་ཡང་།། དེ་དག་ཚད་ནི་ནམས་ཀྱང་མི་ཟིན་ཏོ།། དེ་ནི་བར་གྱི་བསྐལ་པ་བཅུ་གཉིས་ནས།། དམ་པའི་ཆོས་ནི་ཉི་ཤུ་ཚང་བར་གནས། ། བར་གྱི་བསྐལ་པ་ཉི་ཤུར་གཟུགས་བརྙན་ཏེ།། འོད་ཟེར་རབ་སྣང་དེ་བཀོད་དེ་འདྲར་འགྱུར།། དེ་ནས་ཚེ་དང་ལྡན་པ་གནས་བརྟན་མོའུ་འགལ་གྱི་བུ་ཆེན་པོ་དང་། ཚེ་དང་ལྡན་པརབ་འབྱོར་དང་། ཚེ་དང་ལྡན་པ་ཀ་ཏྱའི་བུ་ཆེན་པོ་ལུས་འདར་ནས་མིག་མི་འཛུམ་པར།། བཅོམ་ལྡན་འདས་ལ་ལྟ་ཞིང་དེའི་ཚེ་སོ་སོའི་ཡིད་ལ་བརྗོད་ནས་ཚིགས་སུ་བཅད་པ་འདི་དག་གསོལ་ཏོ།། དཔའ་ཆེ་ཆེན་པོ་དགྲ་བཅོམ་པ། ། ཤཱཀྱ་སེང་གེ་མི་ཡི་མཆོག། བདག་ཅག་ལ་ནི་ཐུགས་བརྩེའི་ཕྱིར།། སངས་རྒྱས་སྒྲ་ནི་བསྒྲག་ཏུ་གསོལ།། སྐབས་མཁྱེན་པས་ན་ངེས་པར་ཡང་།། བདག་ཅག་ལ་ནི་མི་མཆོག་གི།། བདུད་རྩི་དག་གིས་རབ་གཏོར་ནས།། རྒྱལ་བས་བདག་ཅག་ལུང་བསྟན་འགྱུར།། མུ་གེ་བྱུང་ཚེ་མི་འགའ་ཞིག། ཁ་ཟས་བཟང་པོ་རྙེད་ནས་སུ།། བདག་གིས་ཁ་ཟས་རྙེད་དོ་ཞེས།། དེ་ཡང་བསྡད་ནས་རབ་ཏུ་སྨྲ།། དེ་བཞིན་བདག་ཅག་སྤྲོ་བ་ནི།། ཐེག་པ་དམན་པར་སེམས་པ་ལས།། སངས་རྒྱས་ཡེ་ཤེས་ཐོབ་འགྱུར་ཏེ།། དུས་ངན་སེམས་ཅན་ཟས་རྙེད་བཞིན།། བདག་ཅག་རྫོགས་པའི་སང་རྒྱས་ཀྱི། ། ཐུབ་པ་ཆེན་པོས་ལུང་མ་བསྟན།། ཇི་ལྟར་སུག་པ་བཅུག་ནས་ནི།། ཁ་ཟས་དེ་ཡང་མ་འཚལ་བཞིན།། དཔའ་བོ་བདག་ཅག་སྤྲོ་བ་ཡང་།། བླ་ན་མེད་པའི་གསུང་ཐོས་ཤིང་།། གང་ཚེ་ལུང་བསྟན་གྱུར་པ་ན། ། དེ་ཚེ་མྱ་ངན་འདས་པར་གྱུར།། ཕན་པར་བཞེད་པ་ཐུགས་བརྩེ་བ།། དཔའ་བོ་ཆེན་པོ་ལུང་བསྟན་གསོལ།། དབུལ་པོར་སེམས་པ་རྣམས་ཀྱང་ནི།། ཐུབ་པ་ཆེན་པོར་མཐར་འགྱུར་རོ།། དེ་ནས་བཅོམ་ལྡན་འདས་ཀྱིས་གནས་བརྟན་ཉན་ཐོས་ཆེན་པོ་དེ་དག་གི་སེམས་ཀྱི་རྟོག་པ་དེ་ལྟ་བུ་དེ་ཐུགས་ཀྱིས་ཐུགས་སུ་ཆུད་ནས་ཡང་ཐམས་ཅད་དང་ལྡན་པའི་དགེ་སློང་གི་དགེ་འདུན་ལ་བཀའ་སྩལ་པ། དགེ་སློང་དག་ངའི་ཉན་ཐོས་ཆེན་པོ་གནས་བརྟན་རབ་འབྱོར་འདི་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་སུམ་ཅུ་ལ་བཀུར་སྟི་བྱེད། བཙུན་པར་བྱེད། རི་མོར་བྱེད། མཆོད་པར་བྱེད། རྗེད་པར་བྱེད།། གསོལ་བར་བྱེད་ཅིང་། དེ་ན་ཚངས་པར་སྤྱོད་པ་སྤྱད་དེ། བྱང་ཆུབ་སྒྲུབ་པར་འགྱུར་རོ།། དེ་ལྟ་བུར་ལྷག་པར་བྱ་བ་བྱས་ཏེ། ལུས་ཐ་མ་ལ་དེ་བཞིན་གཤེགས་པོ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཟླ་བའི་ཏོག་ཅེས་བྱ་བར་འཇིག་རྟེན་དུ་འབྱུང་སྟེ། སངས་རྒྱས་ཀྱི་ཞིང་ནི་རིན་པོ་ཆེ་འབྱུང་བ་ཞེས་བྱ་བར་འགྱུར་རོ།། བསྐལ་པ་དེ་ནི་རིན་པོ་ཆེ་སྣང་བ་ཞེས་བྱ་བར་འགྱུར་རོ།། སངས་རྒྱས་ཀྱི་ཞིང་དེ་ནི་མཉམ་པ། ཉམས་དགའ་བ་ཤེལ་གྱི་གཞི་ལ་རིན་པོ་ཆེའི་ཤིང་ལྗོན་པས་རྣམ་པར་སྤྲས་པ། ངམ་གྲོག་དང་གཡང་ས་མེད་པ། འཛིན་ངན་དང་། སྨེ་བ་མེད་པ། ཡིད་དུ་འོང་བའི་མེ་ཏོག་དག་བཀྲམ་པར་འགྱུར་ཏེ། ཁང་པ་བརྩེགས་པའི་ཡོངས་སུ་སྤྱོད་པ་དག་ན་མི་རྣམས་གནས་པར་འགྱུར་རོ།། དེར་ཉན་ཐོས་མང་པོ་ཚད་མེད་པ་འབྱུང་བར་འགྱུར་ཏེ། དེ་དག་གི་མཐའ་ནི་བགྲང་བས་རྟོགས་པར་མི་ནུས་སོ། ། དེར་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་འབྱུང་བར་འགྱུར། བཅོམ་ལྡན་འདས་དེའི་ཚེའི་ཚད་ནི་བར་གྱི་བསྐལ་པ་བཅུ་གཉིས་སུ་འགྱུར། དམ་པའི་ཆོས་ནི་བར་གྱི་བསྐལ་པ་ཉི་ཤུར་གནས་པར་འགྱུར། དམ་པའི་ཆོས་ཀྱི་གཟུགས་བརྙན་ཡང་བར་གྱི་བསྐལ་པ་ཉི་ཤུར་གནས་པར་འགྱུར་རོ།། བཅོམ་ལྡན་འདས་དེ་ན་མཁའ་བར་སྣང་ལ་གནས་ནས་རྟག་ཏུ་ཆོས་སྟོན་ཏོ། ། བྱང་ཆུབ་སེམས་དཔའ་བརྒྱ་སྟོང་མང་པོ་དང་། ཉན་ཐོས་མང་པོ་འདུལ་བར་འགྱུར་རོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། ། ངས་དེང་དགེ་སློང་དག་ནི་མོས་པར་བྱ།། ཁོང་དུ་ཆུད་པར་བྱའོ་ང་ལས་ཉོན།། ང་ཡི་ཉན་ཐོས་གནས་བརྟན་རབ་འབྱོར་འདི།། མ་འོངས་དུས་ཀྱི་ཚེ་ན་སངས་རྒྱས་འགྱུར། ། བྱེ་བ་ཁྲག་ཁྲིག་སུམ་ཅུ་ཚང་བ་ཡི།། སངས་རྒྱས་མཐུ་ཆེན་རྣམས་ཀྱང་རབ་ཏུ་མཐོང་།། ཡེ་ཤེས་འདི་ཡི་ཕྱིར་ཡང་འདི་ཉིད་ནི།། དེ་ཚེ་མཐུན་པའི་སྤྱོད་པ་སྤྱད་པར་འགྱུར།། ཐ་མའི་ལུས་ཀྱི་ཚེ་ན་དཔའ་བོ་དེ།། སུམ་ཅུ་རྩ་གཉིས་མཚན་གྱི་གཟུགས་དང་ལྡན།། དྲང་སྲོང་ཆེན་པོ་གསེར་གྱི་མཆོད་སྡོང་འདྲ།། འཇིག་རྟེན་རྣམས་ལ་ཕན་ཞིང་ཐུགས་བརྩེར་འགྱུར།། སྲོག་ཆགས་བྱེ་བ་ཁྲག་ཁྲིག་བསྒྲལ་ནས་ནི།། འཇིག་རྟེན་རྩ་ལགས་དེ་ནི་གར་གནས་པ།། ཞིང་དེ་ཤིན་ཏུ་བལྟ་ན་སྡུག་པ་དང་།། སྐྱེ་བོ་མང་པོ་ཡིད་འོང་མཛེས་པར་འགྱུར།། དེ་ན་བྱང་ཆུབ་སེམས་དཔའ་མཐུ་ཆེན་མང་། ། ཕྱིར་མི་ལྡོག་པའི་འཁོར་ལོ་སྐོར་བྱེད་པ།། རྒྱལ་བ་དེ་ཡི་བསྟན་ལ་དབང་པོ་རྣོ།། དེ་དག་རྣམས་ཀྱིས་སངས་རྒྱས་ཞིང་མཛེས་འགྱུར།། དེ་ཡི་ཉན་ཐོས་མང་པོ་གྲངས་མེད་དེ། ། དེ་དག་ཚད་ནི་ནམས་ཀྱང་མི་ཟིན་ཏོ།། དྲུག་མངོན་ཤེས་ཤིང་གསུམ་རིག་རྫུ་འཕྲུལ་ཆེ།། རྣམ་ཐར་བརྒྱད་ལ་ཤིན་ཏུ་གནས་པའོ།། བྱང་ཆུབ་མཆོག་འདི་རབ་ཏུ་བཤད་པ་ན། ། རྫུ་འཕྲུལ་སྟོབས་ནི་བསམ་གྱིས་མི་ཁྱབ་འགྱུར།། གངྒཱའི་བྱེ་མ་སྙེད་ཀྱི་ལྷ་དང་མི།། དེ་ལ་རྟག་ཏུ་ཐལ་མོ་སྦྱར་བར་འགྱུར།། དེ་ནི་བར་གྱི་བསྐལ་པ་བཅུ་གཉིས་གནས།། དམ་ཆོས་བར་གྱི་བསྐལ་པ་ཉི་ཤུར་གནས།། དེ་བཞིན་རྐང་གཉིས་མཆོག་གི་གཟུགས་བརྙན་ཡང་།། བར་གྱི་བསྐལ་པ་ཉི་ཤུར་གནས་པར་འགྱུར།། དེ་ནས་ཡང་བཅོམ་ལྡན།། འདས་ཀྱིས་ཐམས་ཅད་དང་ལྡན་པའི་དགེ་སློང་གི་དགེ་འདུན་ལ་བཀའ་སྩལ་པ། དགེ་སློང་དག་ཁྱེད་མོས་པར་བྱ། ཁོང་དུ་ཆུད་པར་བྱའོ།། ངའི་ཉན་ཐོས་གནས་བརྟན་ཀ་ཏྱའི་བུ་ཆེན་པོ་འདི་སངས་རྒྱས་བྱེ་བ་སྟོང་ཕྲག་བརྒྱད་ལ་བཀུར་སྟི་བྱེད། བཙུན་པར་བྱེད། རི་མོར་བྱེད། མཆོད་པར་བྱེད། རྗེད་པ་བྱེད། གསོལ་བ་བྱེད་པར་འགྱུར་རོ།། དེ་བཞིན་གཤེགས་པ་དེ་དག་ཡོངས་སུ་མྱ་ངན་ལས་འདས་ནས་ཀྱང་། རིན་པོ་ཆེ་སྣ་བདུན་འདི་ལྟ་སྟེ། གསེར་དང་། དངུལ་དང་། བཻ་ཌཱུཪྻ་དང་། ཤེལ་དང་། མུ་ཏིག་དམར་པོ་དང་། རྡོའི་སྙིང་པོ་དང་། རིན་པོ་ཆེ་སྣ་བདུན་པ་སྤུག་ལས་མཆོད་རྟེན་འཕང་དུ་དཔག་ཚད་སྟོང་། ཁོ་ར་ཡུག་ཏུ་དཔག་ཚད་ལྔ་བརྒྱ་པ་དགོ་བྱེད་པར་འགྱུར་ཏེ། མཆོད་རྟེན་དེ་དག་ལ་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། ལྷའི་བ་དན་དང་། རྣམ་པར་རྒྱལ་བའི་བ་དན་དག་གིས་མཆོད་པར་འགྱུར་རོ། ། དེའི་ཕ་རོལ་གྱི་ཡང་ཆེས་ཕ་རོལ་ཏུ་སངས་རྒྱས་བྱེ་བ་ཕྲག་ཉི་ཤུ་ལ་དེ་ལྟ་བུའི་བཀུར་སྟི་བྱེད། བཙུན་པར་བྱེད། རི་མོར་བྱེད། མཆོད་པ་བྱེད། རྗེད་པ་བྱེད། གསོལ་བ་བྱེད་པར་འགྱུར་རོ།། དེ་ནས་ལུས་ཐ་མ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྔ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཛམ་དུའི་ཆུ་བོའི་གསེར་གྱི་འོད་ཅེས་བྱ་བར་འཇིག་རྟེན་དུ་འབྱུང་ངོ་། ། དེའི་སངས་རྒྱས་ཀྱི་ཞིང་ཡང་ཡོངས་སུ་དག་པར་འགྱུར་ཏེ། མཉམ་པ་ཉམས་དགའ་བ། མཛེས་པ་བལྟ་ན་སྡུག་པ། ཤེལ་གྱི་གཞི་ལ་རིན་པོ་ཆེའི་ཤིང་ལྗོན་པས་རྣམ་པར་སྤྲས་པ། གསེར་གྱི་སྐུད་པ་བྲེས་པ། མེ་ཏོག་གིས་ཆལ་པར་བཀྲམ་པ། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ལྷ་མ་ཡིན་གྱི་རིས་མེད་དེ། ལྷ་དང་མི་མང་པོས་ཡོངས་སུ་གང་བ། ཉན་ཐོས་བརྒྱ་སྟོང་མ་གྲོ་ཡོངསུ་མཛེས་པར་བྱས་པ། བྱང་ཆུབ་སེམས་དཔའ་བརྒྱ་སྟོང་མང་པོས་བརྒྱན་པར་འགྱུར་རོ།། དེའི་ཚེའི་ཚད་ནི་བར་གྱི་བསྐུལ་པ་བཅུ་གཉིས་སུ་འགྱུར། དེའི་དམ་པའི་ཆོས་ནཱི་བར་གྱི་བསྐལ་པའི་ཤཱ་གནས་པར་འགྱུར། དམ་པའི་ཆོས་ཀྱི་གཟུགས་རྙན་མ་བར་གྱི་བསྐས་པ་ཉི་ཤུར་གནས་པར་འགྱུར་རོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། ། གཞན་དུ་མི་འགྱུར་བ་ཡི་ཚིག་བརྗོད་ཀྱིས། དེ་རིང་དཱ་ལས་དགེ་སློང་ཀུན་ཉོན་ཅིག། ང་ཡི་ཉན་ཐོས་གནས་བརྟན་ཀ་ཏྱའི་ཟ།། འདི་ནི་རྣམ་འདྲེན་རྣམས་ལ་མཆོད་བྱ།། འགྱུར།། འཇིག་རྟེན་འདྲེན་པ་མྱ་ངན་ཡོངས་འདས་ནས།། དེ་དག་རྣམས་ཀྱི་མཆོད་རྟེན་རྣམ་མང་བྱེད།། བཀུར་སྟི་རྣམ་པ་མང་པོ་བྱེད་འགྱུར་ཞིང་།། སྤོས་དང་མེ་ཏོག་གིས་ཀྱང་མཆོད་པར་འགྱུར། ། དེ་ཡི་ཐ་མ་ཡི་ནི་ལུས་ཐོབ་ནས།། ཡོངས་སུ་དག་པའི་ཞིང་དུ་རྒྱལ་བར་འགྱུར།། ཡེ་ཤེས་འདི་ཉིད་ཡོངས་སུ་རྫོགས་བྱས་ཏེ།། སྲོག་ཆགས་བྱེ་བ་སྟོང་ལ་འཆད་པར་བྱེད།། ལྷར་བཅས་འཇིག་རྟེན་དགན་བཀུར་སྟི་བྱས།། འོད་བྱེད་གཙོ་བོ་བཅོམ་ལྡན་འདས་སུ་འགྱུར།། དེ་མིང་འཛམ་བུ་ཆུ་བོའི་གསེར་གྱི་འོད།། ལྷ་མི་བྱེ་བ་དག་ཀྱང་ཤིན་ཏུ་སྒྲོལ།། བྱང་ཆུབ་སེམས་དཔའ་དེ་བཞིན་ཉན་ཐོས་མང་། ། སངས་རྒྱས་ཞིང་དེར་ཚད་མེད་གྲངས་མེད་དེ།། ཐམས་ཅད་འབྱུང་དང་འཇིགས་པ་རབ་སྤངས་ནས།། སངས་རྒྱས་བསྟན་པ་མཛེས་པར་བྱེད་པར་འགྱུར། ། དེ་ནས་བཅོམ་ལྡན་འདས་ཀྱིས། ཐམས་ཅད་དང་ལྡན་པའི་དགེ་སློང་གི་དགེ་འདུན་ལ་བཀའ་སྩལ་པ། དགེ་སློང་དག་ཁྱེད་མོས་པར་བྱ། ཁོང་དུ་ཆུད་པར་བྱའོ། ། ངའི་ཉན་ཐོས་གནས་བརྟན་མོའུ་འགལ་གྱི་བུ་ཆེན་པོ་འདི། སངས་རྒྱས་ཉི་ཁྲི་བརྒྱད་སྟོང་མཉེས་པར་བྱེད་པར་འགྱུར་ཏེ་སངས་རྒྱས་བཅོམ་ལྡན་འདས་དེ་དག་ལ་རྣམ་པ་མང་པོས་བཀུར་སྟི་བྱེད། བཙུན་པར་བྱེད། རི་མོ་བྱེད། མཆོད་པ་བྱེད། རྗེད་པ་བྱེད། གསོལ་བ་བྱེད་པར་འགྱུར་རོ།། སངས་རྒྱས་བཅོམ་ལྡན་འདས་དེ་དག་ཡོངས་སུ་མྱ་ངན་ལས་འདས་ནས་ཀྱང་རིན་པོ་ཆེ་སྣ་བདུན་འདི་ལྟ་སྟེ། གསེར་དང་། དངུལ་དང་། བཻ་ཌཱུཪྻ་དང་། ཤེལ་དང་། མུ་ཏིག་དམར་པོ་དང་། རྡོའི་སྙིང་པོ་དང་། སྤུག་གི་མཆོད་རྟེན་འཕང་དུ་དཔག་ཚད་སྟོང་། ཁོ་ར་ཁོར་ཡུག་ཏུ་དཔག་ཚད་ལྔ་བརྒྱ་པ་དག་བྱེད་པར་འགྱུར་ཏེ། མཆོད་རྟེན་དེ་དག་ལ་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། ལྷའི་བ་དན་དང་། རྣམ་པར་རྒྱལ་བའི་བ་དན་དག་གིས་མཆོད་པ་བྱེད་པར་འགྱུར་རོ།། དེའི་ཕ་རོལ་གྱི་ཡང་ཆེས་ཕ་རོལ་ཏུ་ཡང་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་ཉི་ཤུ་རྣམས་ལ། དེ་བཞིན་དུ་འདི་ལྟར་བཀུར་སྟི་བྱེད། བཙུན་པར་བྱེད། རི་མོར་བྱེད། མཆོད་པར་བྱེད། རྗེད་པར་བྱེད། གསོལ་བར་བྱེད་པར་འགྱུར་རོ།། དེ་ཡི་འོག་ཏུ་ལུས་ཐ་མ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། དེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཏ་མ་ལའི་ལོ་མ་དང་། ཙན་དན་གྱི་དྲི་ཞེས་བྱ་བར་འཇིག་རྟེན་དུ་འབྱུང་སྟེ། དེའི་སངས་རྒྱས་ཀྱི་ཞིང་ནི་མངོན་པར་དགའ་བ་ཞེས་བྱ་བར་འགྱུར་རོ།། བསྐལ་པ་དེ་ནི་དགའ་བས་གང་བ་ཞེས་བྱ་བར་འགྱུར་རོ། ། དེའི་སངས་རྒྱས་ཀྱི་ཞིང་དེ་ཡོངས་སུ་དག་སྟེ། མཉམ་པ། ཉམས་དགའ་བ། མཛེས་པ། བལྟ་ན་སྡུག་པ། ཤེལ་གྱི་གཞི་ལ་རིན་པོ་ཆེའི་ཤིང་ལྗོན་པས་རྣམ་པར་སྤྲས་པ། མེ་ཏོག་སིལ་མས་གཏོར་བ། ལྷ་དང་མི་མང་པོས་རབ་ཏུ་གང་བ་སྟེ། འདི་ལྟར་ཉན་ཐོས་དང་། བྱང་ཆུབ་སེམས་དཔའི་དྲང་སྲོང་བརྒྱ་སྟོང་གནས་པར་འགྱུར་རོ། ། དེའི་ཚེའི་ཆད་ནི་བར་གྱི་བསྐལ་པ་ཉི་ཤུ་རྩ་བཞིར་འགྱུར་རོ།། དེའི་དམ་པའི་ཆོས་ནི་བར་གྱི་བསྐལ་པ་བཞི་བཅུར་གནས་པར་འགྱུར་རོ།། དམ་པའི་ཆོས་ཀྱི་གཟུགས་བརྙན་ཡང་བར་གྱི་བསྐལ་པ་བཞི་བཅུར་གནས་པར་འགྱུར་རོ། ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། ང་ཡི་ཉན་ཐོས་མོའུ་འགལ་རིགས་འདི་ནི། ། མི་ཡི་ལུས་སུ་གྱུར་པ་དེ་བོར་ནས།། སྐྱོབ་པ་རྒྱལ་བ་སྟོང་ཕྲག་ཉི་ཤུ་དང་།། གཞན་ཡང་རྡུལ་དང་བྲལ་བ་བརྒྱད་རྣམས་མཐོང་།། ཚངས་པར་སྤྱད་པ་ཡང་ནི་དེར་སྤྱད་དེ། ། སངས་རྒྱས་ཡེ་ཤེས་འདི་ནི་ཚོལ་བྱེད་ཅིང་།། རྐང་གཉིས་གཙོ་བོ་འདྲེན་པ་དེ་དག་ལ།། དེ་ཚེ་བཀུར་སྟི་རྣམ་པར་མང་པོ་བྱེད།། དེ་དག་གསུངས་པ་དམ་ཆོས་དྲི་མེད་པ།། བསྐལ་པ་བྱེ་བ་སྟོང་དུ་འཛིན་པར་འགྱུར།། བདེ་གཤེགས་དེ་དག་མྱ་ངན་ཡོངས་འདས་ནས།། མཆོད་རྟེན་དག་ལ་དེ་ཚེ་མཆོད་བྱེད་འགྱུར།། རྒྱལ་མཆོག་དེ་དག་རྣམས་ཀྱི་མཆོད་རྟེན་ནི། ། རིན་ཆེན་མཆོད་རྟེན་པ་དན་བཅས་པ་བྱེད།། འཇིག་རྟེན་ཕན་པ་མཛད་པ་སྐྱོབ་རྣམས་ལ།། རོལ་མོའི་སྒྲ་དང་མེ་ཏོག་སྤོས་ཀྱིས་མཆོད།། དེ་ནས་འདི་ལྟར་ཐ་མའི་ལུས་ཀྱི་ཚེ། ། བལྟ་སྡུག་ཡིད་དུ་འོང་བའི་ཞིང་དེར་ནི།། འཇིག་རྟེན་ཕན་པར་ཐུགས་བརྩེར་དེ་འགྱུར་ཏེ།། མིང་ནི་ཏ་མ་ལའི་ལོ་ཙན་དན་དྲི།། བར་གྱི་བསྐལ་པ་ཉི་ཤུ་བཞི་ཚང་བར།། དེ་བར་གཤེག་པའི་ཚེ་ཡི་ཚད་དུ་འགྱུར། ། རྟག་ཏུ་ལྷ་རྣམས་དང་ནི་མི་དག་ལ།། སངས་རྒྱས་ཚུལ་འདི་རབ་ཏུ་སྟོན་པར་འགྱུར།། དེ་ནི་རྒྱལ་བ་དེ་ཡི་ཉན་ཐོས་མང་།། བྱེ་བ་སྟོང་ཕྲག་གངྒཱའི་བྱེ་མ་སྙེད།། དྲུག་མངོན་ཤེས་ཤིང་གསུམ་རིག་རྫུ་འཕྲུལ་ཆེ།། བདེ་གཤེགས་བསྟན་ལ་མངོན་པར་ཤེས་པ་ཐོབ།། ཕྱིར་མི་ལྡོག་པའི་བྱང་ཆུབ་སེམས་དཔའ་མང་།། བརྩོན་འགྲུས་བརྩམས་ཤིང་རྟག་ཏུ་ཤེས་བཞིན་ཅན། ། བདེ་བར་གཤེགས་ཀྱི་བསྟན་ལ་བརྩོན་བྱེད་པ།། སྟོང་ཕྲག་མང་པོ་དེ་དག་དེ་ན་ཡོད།། རྒྱལ་བ་དེ་དག་མྱ་ངན་ཡོངས་འདས་ནས།། བར་གྱི་བསྐལ་པ་བཞི་བཅུ་ཚང་བར་ནི། ། དེ་ཡི་ཚེ་ན་དམ་ཆོས་གནས་པར་འགྱུར།། གཟུགས་བརྙན་ཚད་ཀྱང་དེ་དང་མཉམ་པར་འགྱུར།། ང་ཡི་ཉན་ཐོས་འཕྲུལ་ཆེན་ལྔ་པོ་འདི།། ངས་ནི་དེ་དག་བྱང་ཆུབ་མཆོག་ཏུ་བསྟན།། མ་འོངས་དུས་ན་རང་བྱུང་རྒྱལ་བ་ཡི།། དེ་དག་གི་ནི་སྤྱོད་པ་ང་ལས་ཉོན།། ཉན་ཐོས་ལུང་བསྟན་པའི་ལེའུ་ཞེས་བྱ་བ་སྟེ་དྲུག་པའོ།། ། དགེ་སློང་དག་སྔོན་བྱུང་བ་འདས་པའི་དུས་ན། ། བསྐལ་པ་གྲངས་མེད་པའི་ཡང་ཆེས་གྲངས་མེད་པ། དཔག་ཏུ་མེད་པ། བསམ་གྱིས་མི་ཁྱབ་པ། གཞལ་དུ་མེད་པ། ཚད་མེད་པའི་ཕ་རོལ་གྱི་ཡང་ཆེས་ཕ་རོལ་ཏུ་གྱུར་པ་དེའི་ཚེ་དེའི་དུས་ན། བསྐལ་པ་གཟུགས་ཆེན་པོ་ཞེས་བྱ་བ་ལ། འཇིག་རྟེན་གྱི་ཁམས་འབྱུང་བ་ཞེས་བྱ་བར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་ཞེས་བྱ་བ་འཇིག་རྟེན་དུ་འབྱུང་ངོ་། ། དགེ་སློང་དག་དེ་བཞིན་གཤེགས་པ་དེ་བྱུང་ནས་ཇི་སྲིད་ལོན་ཞེ་ན། དགེ་སློང་དག་འདི་ལྟ་སྟེ། དཔེར་ན། མི་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་སའི་ཁམས་ཐམས་ཅད་བཏགས་ཏེ། ཕྱེ་མར་བྱས་ལ་དེ་ནས་མི་དེས་འཇིག་རྟེན་གྱི་ཁམས་དེ་ནས་རྡུལ་ཐ་རབ་ཀྱི་རྡུལ་གཅིག་བླངས་ཏེ། ཤར་ཕྱོགས་སུ་འཇིག་རྟེན་གྱི་ཁམས་སྟོང་འདས་ནས། དེར་རྡུལ་ཕྲ་རབ་ཀྱི་རྡུལ་གཅིག་བཞག། དེ་ནས་ཡང་མི་དེས་རྡུལ་ཕྲ་རབ་ཀྱི་རྡུལ་ཕྲ་རབ་ཀྱི་རྡུལ་གཅིག་བླངས་ཏེ། དེའི་ཕ་རོལ་གྱི་འཇིག་རྟེན་ཁམས་སྟོང་འདས་ནས། རྡུལ་ཕྲ་རབ་ཀྱི་རྡུལ་གཅིག་བཞག་ལ་རྣམ་གྲངས་འདིས་མི་དེས་ཤར་ཕྱོགས་སུ་སའི་ཁམས་དེ་ཐམས་ཅད་བཞག་ན་དགེ་སློང་དག་འདི་ཇི་སྙམ་དུ་སེམས། འཇིག་རྟེན་གྱི་ཁམས་དེ་དག་གི་མཐའ་དང་། མུ་བགྲངས་པས་རྟོགས་པར་ནུས་སམ། དེ་དག་གིས་གསོལ་པ། བཅོམ་ལྡན་འདས་དེ་རྔོ་མི་ཐོག་གོ། ། བདེ་བར་གཤེགས་པ་དེ་རྔོ་མི་ཐོག་གོ།། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གང་དག་ཏུ་རྡུལ་ཕྲ་རབ་བཞག་པ་དང་། གང་དག་ཏུ་མ་བཞག་པའི་འཇིག་རྟེན་གྱི་ཁམས་དེ་རྣམས་ནི་རྩིས་པ་འམ། རྩིས་པ་ཆེན་པོ་ལ་ལ་ཞིག་གིས་བགྲངས་ཞིང་རྟོགས་པར་ནུས་ཀྱི། བཅོམ་ལྡན་འདས་དེ་བཞིན་གཤེགས་པ་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་ཡོངས་སུ་མྱ་ངན་ལས་འདས་ནས། བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཇི་སྙེད་ལོན་པའི་བསྐལ་པ་ནི་བགྲང་བའི་ཚུལ་གྱིས་མཐའ་རྟོགས་པར་མི་ནུས་ཏེ། དགེ་སློང་དག་དེ་བཞིན་གཤེགས་པ་དེ་ཡོངས་སུ་མྱ་ངན་ལས་འདས་ནས། དེ་ཙམ་དུ་ཡུན་རིང་བ་ནི་དེ་ལྟར་བསམ་གྱིས་མི་ཁྱབ་ཅིང་དེ་ལྟར་ཚད་མེད་དེ། ངས་ནི་དེ་བཞིན་གཤེགས་པའི་ཡེ་ཤེས་མཐོང་བའི་སྟོབས་བསྐྱེད་པས་ཁར་ཚང་ངམ་དེ་རིང་ཡོངས་སུ་མྱ་ངན་ལས་འདས་པ་བཞིན་དྲན་ནོ། ། དེ་ནས་བཅོམ་ལྡན་འདས་ཀྱིས། དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། རྗེས་སུ་དྲན་པ་འདས་པའི་བསྐལ་བ་མང་།། དེ་ཚེ་ཐུབ་ཆེན་རྐང་གཉིས་རྣམས་ཀྱི་མཆོག། མངོན་ཤེས་ཡེ་ཤེས་ཆེན་པོས་ཟིལ་གནོན་པ།། རྒྱལ་བ་དམ་པ་འཇིག་རྟེན་བྱུང་བར་གྱུར།། འདི་ལྟར་སྟོང་གསུམ་འདི་ཡི་འཇིག་རྟེན་ཁམས། ། ལ་ལས་ཕྲ་རབ་རྡུལ་གྱི་རྡུལ་དུ་བྱས།། དེ་ནས་ཕྲ་རབ་རྡུལ་གཅིག་ཁྱེར་ནས་སུ།། ཞིང་སྟོང་རྣམས་ནི་འདས་ནས་དེ་བཞག་ལ།། དེ་བཞིན་དུ་ནི་གཉིས་དང་གསུམ་བཞག་སྟེ། ། དེས་ནི་རྡུལ་དུ་གྱུར་པ་ཀུན་བཞག་པས།། འཇིག་རྟེན་འདི་ཡི་ཁམས་ནི་སྟོང་གྱུར་ཅིང་།། རྡུལ་ཕྲན་དེ་ཡང་ཐམས་ཅད་ཟད་གྱུར་ལ།། འཇིག་རྟེན་ཁམས་དེ་དག་ན་ཡོད་པ་ཡི། ། རྡུལ་ཕྲན་ཕྱེ་མ་དེ་ཡང་ཚད་མེད་པ།། དེ་དག་མ་ལུས་གང་གིས་རྡུལ་བྱས་ཏེ།། བསྐལ་པ་བརྒྱ་འདས་མཚན་མར་འཇོག་བྱེད་པ།། དེ་ལྟར་བདེ་གཤེགས་མྱ་ངན་དེ་འདས་ནས།། བསྐལ་པ་བྱེ་བ་མང་པོ་དཔག་ཏུ་མེད།། ཕྲ་རབ་རྡུལ་ཀུན་མཚན་མར་མི་ཆོག་སྟེ།། དེ་སྙེད་བསྐལ་པ་མང་པོ་ཟད་པར་གྱུར།། འདྲེན་པ་མྱ་ངན་འདས་རིང་དེ་སྲིད་ལོན།། ཉན་ཐོས་བྱང་ཆུབ་སེམས་དཔའ་དེ་དག་ཀྱང་། ། དེ་འདྲ་དེ་བཞིན་གཤེགས་ཀྱི་ཡེ་ཤེས་ཀྱིས།། ཐམས་ཅད་དྲན་པ་ཁར་ཚང་དེ་རིང་བཞིན།། དགེ་སློང་གང་དག་ཡེ་ཤེས་མཐའ་ཡས་ཅན།། དེ་བཞིན་གཤེགས་ཀྱི་ཡེ་ཤེས་འདི་འདྲའོ། ། དྲན་པ་ཕྲ་ཞིང་ཟག་པ་མེད་པ་ཡིས།། བསྐལ་པ་དུ་མ་བརྒྱན་ནི་ང་སངས་རྒྱས།། དགེ་སློང་དག་འདི་ལྟར་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེའི་ཚེའི་ཚད་ནི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་རྩ་བཞིར་འགྱུར་ཏོ། ། བཅོམ་ལྡན་འདས་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་པར་སྔར་བྱང་ཆུབ་ཀྱི་སྙིང་པོར་མཆོག་དམ་པར་སོང་ནས། བདུད་ཀྱི་སྡེ་ཐམས་ཅད་རབ་ཏུ་བཅོམ་ཞིང་ཕམ་པར་བྱས་སོ། ། རབ་ཏུ་འཇོམ་ཞིང་ཕམ་པར་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་བྱའོ་སྙམ་ཡང་དེ་སྲིད་དུ། དེ་ལ་ཆོས་དེ་དག་མངོན་སུམ་དུ་ནི་མ་གྱུར་ཏོ།། དེ་བྱང་ཆུབ་ཀྱི་ཤིང་དྲུང་དུ་བྱང་ཆུབ་ཀྱི་སྙིང་པོར་བར་གྱིས་བསྐལ་པ་གཅིག་ཏུ་གནས། བར་གྱི་བསྐལ་པ་གཉིས་སུ་གནས་ཀྱང་དེ་སྲིད་དུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ནས། བར་གྱི་བསྐལ་པ་གསུམ་དང་། བཞི་དང་། ལྔ་དང་། དྲུག་དང་། བདུན་དང་། བརྒྱད་དང་། དགུ་དང་། བཅུར་ཡང་བྱང་ཆུབ་ཀྱི་ཤིང་དྲུང་དུ་བྱང་ཆུབ་ཀྱི་སྙིང་པོར་སྐྱིལ་མོ་ཀྲུང་ལན་ཅིག་བཅས་པ་ལས་བར་དུ་མ་ལངས་པར་འདུག་ཅིང་སེམས་མི་གཡོ་ཞིང་ལུས་མི་འགུལ་མི་འགྱུར་བར་འདུག་ཀྱང་། དེ་སྲིད་དུ་ཡང་དེ་ལ་ཆོས་དེ་དག་མངོན་དུ་མ་གྱུར་ནས། དགེ་སློང་དག་སུམ་ཅུ་རྩ་གསུམ་པའི་ལྷ་རྣམས་ཀྱིས། བཅོམ་ལྡན་འདས་བྱང་ཆུབ་ཀྱི་སྙིང་པོ་མཆོག་དམ་པར་སོང་བའི་བཅོམ་ལྡན་འདས་དེ་གང་ལ་འདུག་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པའི་སེང་གེའི་ཁྲི་ཆེན་པོ་འཕང་དུ་དཔག་ཚད་ལྔ་བརྒྱ། པ་བཤམས་ཏེ། བཅོམ་ལྡན་འདས་དེ་བྱང་ཆུབ་ཀྱི་སྙིང་པོར་འདུག་མ་ཐག་ཏུ། དེ་ནས་ཚངས་རིས་ཀྱི་ལྷའི་བུ་དེ་དག་གིས། བྱང་ཆུབ་ཀྱི་སྙིང་པོ་དེ་ཁོར་ཡུག་དཔག་ཚད་བརྒྱ་ཚུན་ཆད་དུ་མེ་ཏོག་གི་ཆར་མངོན་པར་ཕབ་བོ། ། བར་སྣང་ལས་རླུང་ལངས་པས་མེ་ཏོག་གང་དག་རྙིང་པ་དེ་དག་སེལ་ཏོ།། དེ་ལྟར་མེ་ཏོག་གི་ཆར་དེ་རབ་ཏུ་ཕབ་པ། བཅོམ་ལྡན་འདས་བྱང་ཆུབ་ཀྱི་སྙིང་པོ་ལ་འདུག་པ་དེ་ལ་རྒྱུན་མི་ཆད་པར་རབ་ཏུ་ཕབ་ཏེ། བཅོམ་ལྡན་འདས་དེ་ལ་བར་གྱི་བསྐལ་པ་བཅུ་ཚང་བར་མངོན་པར་ཕབ་བོ།། དེ་ལྟར་མེ་ཏོག་གི་ཆར་དེ་རབ་ཏུ་ཕབ་སྟེ། བཅོམ་ལྡན་འདས་དེ་ཡོངས་སུ་མྱ་ངན་ལས་འདའ་བའི་དུས་ཀྱིར་རབ་ཏུ་ཕབ་ཅིང་། བཅོམ་ལྡན་འདས་དེ་ལ་མངོན་པར་འཐོར་རོ།། རྒྱལ་ཆེན་བཞིའི་རིས་ཀྱི་ལྷའི་བུ་དག་ཀྱང་། བཅོམ་ལྡན་འདས་བྱང་ཆུབ་ཀྱི་སྙིང་པོ་མཆོག་དམ་པ་ན་འདུག་པ་དེ་ལ་བཀུར་སྟི་བྱ་བའི་ཕྱིར། ལྷ་ཡུལ་བའི་རྔ་རབ་ཏུ་བརྡུངས་ཏེ། བར་གྱི་བསྐལ་པ་བཅུ་ཚང་བར་རབ་ཏུ་བརྡུངས་ནས་དེ་ནས་བཅོམ་ལྡན་འདས་དེ་ནམ་ཡོངས་སུ་མྱ་ངན་ལས་འདས་པ་ཆེན་པོའི་དུས་ཀྱི་བར་དུ། ལྔའི་སིལ་སྙན་དག་རྒྱུན་མི་འཆད་པར་རབ་ཏུ་བསིལ་ཏོ།། དགེ་སློང་དག་དེ་ནས་བར་གྱི་བསྐལ་པ་བཅུ་འདས་པ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོ་ཟིལ་གྱིས་གནོན་པ་དེབླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། ། མངོན་པར་རྫོགས་པར་སངས་རྒྱས་མ་ཐག་ཏུ་བཅོམ་ལྡན་འདས་དེ་གཞོན་ནུར་གྱུར་པའི་ཚེ། ལ་སྙིང་གི་བུ་ཤ་སྟག་བུ་བཅུ་དྲུག་ཡོད་དེ། དེ་དག་གི་ཐུ་བོ་ནི་ཡེ་ཤེས་འབྱུང་གནས་ཞེས་བྱ་བར་གྱུར་ཏེ། དགེ་སློང་དག་འདི་ལྟར་རྒྱལ་བུ་གཞོན་ནུ་བུཅུ་དྲུག་པོ་དེ་དག་རེ་རེ་ལའང་རྩེད་མོར་བྱ་བ་སྣ་ཚོགས་བཀྲ་བ། དགའ་བར་འགྱུར་བ། ལྟ་ན་སྡུག་པ། རྣམ་པ་དུ་མ་ཡོད་ལ། དགེ་སློང་དག་དེ་ནས་རྒྱལ་བུ་གཞོན་ནུར་གྱུར་པ་བཅུ་དྲུག་པོ་དེ་དག་གིས། བཅོམ་ལྡན་འདས་དེ་བཞིན་ག་ཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་རིག་ནས། རྩེད་མོར་བྱ་བ། དགའ་བར་འགྱུར་བ། རྣམ་པ་མང་པོ་དེ་དག་སྤངས་ཏེ། མ་དང་མ་མ་དག་དེ་བཞིན་དུ་ཡོངས་སུ་བསྐོར་ཅིང་མདུན་དུ་བདར་ནས།། འཁོར་ལོས་སྒྱུར་བའི་རྒྱལ་པོ་འཕགས་པའི་མཛོད་མང་པོ་དང་། རྒྱལ་པོའི་བློན་པོ་དང་། སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་གིས་ཡོངས་སུ་བསྐོར་ཅིང་མདུན་དུ་བདར་ཏེ། བཅོམ་ལྡན་འདས་དེ་བ་ཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་བྱང་ཆུབ་ཀྱི་སྙིང་པོ་མཆོག་དམ་པ་ན་འདུག་པ་ག་ལ་བ་དེར་དོང་ངོ། བཅོམ་ལྡན་འདས་དེ་ལ་བཀུར་སྟི་བྱ་བ་དང་། བཙུན་པར་བྱ་བ་དང་། རི་མོར་བྱ་བ་དང་། མཆོད་པ་དང་། རྗེད་པ་དང་། གསོལ་བའི་ཕྱིར་དེར་དོང་སྟེ་ལྷགས་ནས་བཅོམ་ལྡན་འདས་དེའི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཐལ་མོ་སྦྱར་ཏེ། བཅོམ་ལྡན་འདས་དེའི་སྤྱན་སྔར་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། ། མངོན་པ་ཆེན་པོ་དྲུག་ལྡན་བླ་ན་མེད།། བསྐལ་པ་མཐའ་ཡས་དག་གིས་ཡང་དག་བསྒྲུབས།། ལུས་ཅན་ཐམས་ཅད་མ་ལུས་བསྒྲལ་བའི་ཕྱིར།། ཁྱོད་ཀྱི་བརྣག་པ་བཟང་དེ་འདིར་རྫོགས་སོ།། རབ་ཏུ་དཀའ་མཛད་བསྐལ་པ་བར་མ་བཅུར།། གདན་གཅིག་དེ་ལ་བཞུགས་ཏེ་མཛད་པ་ན།། བར་དུ་ནམ་ཡང་ཁྱོད་ཀྱི་སྒྱུ་མ་གཡོས།། ཕྱག་ཞབས་མ་གཡོས་དེ་བཞིན་གར་མ་གཤེགས།། ཁྱོད་ཐུགས་ཞི་བར་གྱུར་ཅིང་ཤིན་ཏུ་གནས།། རྟག་པར་མི་གཡོར་གྱུར་ཅིང་མི་འགུལ་ཏེ།། ཁྱོད་ལ་ནམ་ཡང་གཡེང་བ་མི་མངའ་ལ། ། ཁྱོད་ནི་རབ་ཞི་ཟག་པ་མེད་ལ་གནས།། དགེ་བ་དང་ནི་བདེ་བ་དགའ་བ་དང་།། གནོད་པ་མེད་པར་བྱང་ཆུབ་མཆོག་འདི་བརྙེས།། དེ་ལྟ་བུ་ནི་བདག་ཅག་རྣམས་ཀྱི་ཁེ།། མི་དབང་སེང་གེ་བདག་ཅག་དགེ་བར་སྐྱེས། ། སྐྱེ་དགུ་འདི་ཀུན་མགོན་མེད་སྡུག་བསྔལ་ཏེ།། མིག་ཕྱུང་བདེ་བ་དག་ལས་རྣམ་པར་ཉམས།། སྡུག་བསྔལ་མཐར་མཆི་ལམ་རྣམས་མི་འཚལ་བས། ། ཐར་པའི་ཕྱིར་ནི་བརྩོན་འགྲུས་མི་སྐྱེད་དོ།། ཡུན་རིང་དུ་ནི་ངན་སོང་འཕེལ་བར་བགྱིད།། ལྷ་ཡི་ལུས་ལས་ཡོངས་སུ་ཉམས་པའི་ཆོས།། དེ་ན་རྒྱལ་བའི་སྒྲ་ནི་ཡོང་མི་གྲགས། ། འཇིག་རྟེན་འདི་ཀུན་གཏི་མུག་མུན་ནག་གོ།། ཟག་མེད་དམ་པ་ཞི་བའི་གོ་འཕང་ནི།། འཇིག་རྟེན་རིག་པ་ཁྱོད་ཀྱིས་དེང་བརྙེས་པས།། བདག་ཅག་རྣམས་དང་འཇིག་རྟེན་རྗེས་སུ་བཟུང་། ། མགོན་པོ་ཁྱོད་ལ་རབ་ཏུ་སྐྱབས་སུ་འཆི།། དགེ་སློང་དག་དེ་ནས་རྒྱལ་བུ་གཞོན་ནུར་གྱུར་པ། བྱིས་པ་བཅུ་དྲུག་པོ་དེ་རྣམས་ཀྱིས་བཅོམ་ལྡན་འདས་དེ་བཞིན་ག་ཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེ་ལ་ཚུལ་དང་འདྲ་བའི་ཚིགས་སུ་བཅད་པ་དེ་དག་གིས་མངོན་པར་བསྟོད་ནས། སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། ལྷ་དང་མི་དང་། སྐྱེ་བོ་ཕལ་པོ་ཆེའི་དོན་དང་། ཕན་པ་དང་། བདེ་བའི་སླད་དུ། བཅོམ་ལྡན་འདས་ཆོས་བཤད་དུ་གསོལ། བདེ་བར་གཤེགས་པ་ཆོས་བཤད་དུ་གསོལ་ཞེས་བཅོམ་ལྡན་འདས་དེ་ལ་ཆོས་ཀྱི་འཁོར་ལོ་བསྐོར་བར་གསོལ་བ་བཏབ་སྟེ། དེའི་ཚེ་ཡང་ཚིགས་སུ་བཅད་པ་འདི་དག་གསོལ་ཏོ། ། བསོད་ནམས་བརྒྱ་ཡི་མཚན་ཅན་ཆོས་བཤད་གསོལ།། རྣམ་པར་འདྲེན་པ་མཚུངས་མེད་དྲང་སྲོང་ཆེ།། ཡེ་ཤེས་དམ་པ་ཁྱད་པར་འཕགས་བརྙེས་པ། ། ལྷ་དང་བཅས་པ་འཇིག་རྟེན་རྣམས་ལ་སྟོན།། བདག་ཅག་རྣམས་དང་སེམས་ཅན་འདི་དག་སྒྲོལ།། ཅི་ནས་བྱང་ཆུབ་མཆོག་འདི་བདག་ཅག་དང་།། སེམས་ཅན་འདི་རྣམས་ཀྱིས་ཀྱང་ཐོབ་འགྱུར་བར། དེ་བཞིན་གཤེགས་ཀྱི་ཡེ་ཤེས་བསྟན་དུ་གསོལ།། སྤྱོད་པ་དང་ནི་ཡེ་ཤེས་ཀུན་ཀྱང་མཁྱེན།། བསམ་པ་རྣམས་དང་སྔོན་གྱི་བསོད་ནམས་དང་། སྲོག་ཆགས་ཀུན་གྱི་མོས་པ་རྣམྦྷ་མཁྱེན་པ།། བླ་མེད་འཁོར་ལོ་དམ་པ་བསྐོར་དུ་གསོལ།། དམ་པའི་ཆོས་པདྨ་སོར་པོ་བམ་པོ་དྲུག་པ། དགེ་སློང་ངག་དེ་ནས་ཡང་དེའི་ཚེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བ་ན། ཕྱོགས་བཅུའི་ཕྱོགས་རེ་རེར་ཡང་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་རྣམ་པ་དྲུག་ཏུ་གཡོས་ནས་སྣང་བ་ཆེན་པོས་ཁྱབ་པར་གྱུར་ཏེ། འཇིག་རྟེན་གྱི་ཁམས་དེ་དག་ཐམས་ཅད་ཀྱི། འཇིག་རྟེན་གྱི་བར་མི་ཁོམ་པར་གྱུར་ཅིང་། མུན་པ་མུན་གནག་ཏུ་གྱུར་པ་གང་དག་ན། ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ། འདི་ལྟར་གཟི་ཆེ་བ། བརྗིད་ཆེ་བ། དེ་དག་གིས་འོད་ཀྱི་ཀྱང་སྣང་བར་མི་ནུས་ཏེ། དེ་དག་གི་ཁ་དོག་གིས་ཀྱང་ཁ་དོག་དང་། གཟིག་ཀྱང་བའི་བརྗིད་དུ་བྱེད་མི་ནུས་པ་དེ་དག་ཏུ་ཡང་དེའི་ཚེ། སྣང་བ་ཆེན་པོ་བྱུང་བར་གྱུར་ཏོ།། འཇིག་རྟེན་གྱི་བར་དེ་དག་ཏུ་སེམས་ཅན་གང་དག་སྐྱེས་པ་དེ་དག་ཀྱང་གཅིག་གིས་གཅིག་མཐོང་ནས། ཨེ་མ་ཀྱེ་སེམས་ཅན་གཞན་དག་ཅིག་ཀྱང་འདིར་སྐྱེས་ཤིང་འཁོད་པ་ལྟ། ཨེ་མ་ཀྱེ་སེམས་ཅན་གཞན་དག་ཅིག་ཀྱང་འདིར་སྐྱེས་ཤིང་འཁོད་པ་ལྟ་ཞེས་གཅིག་གིས་གཅིག་ཤེས་སོ། ། འཇིག་རྟེན་གྱི་ཁམས་དེ་དག་ཐམས་ཅད་ན། ལྷའི་གནས་དང་ལྷའི་གཞལ་མེད་ཁང་གང་དག་ཡོད་པ་ནས། ཚངས་པའི་འཇིག་རྟེན་གྱི་བར་དུ་ཡང་རྣམ་པ་དྲུག་ཏུ་གཡོས་པར་གྱུར་ནས། སྣང་བ་ཆེན་པོས་ཁྱབ་སྟེ། ལྷ་རྣམས་ཀྱི་ལྷའི་མཐུ་ལས་ཀྱང་འདས་སོ།། དགེ་སློང་དག་དེ་ལྟར་དེའི་ཚེ་འཇིག་རྟེན་གྱི་ཁམས་དེ་དག་ཏུ་ས་ཆེར་གཡོས་ཤིང་སྣང་བ་ཆེན་པོ་ཡང་བྱུང་བར་གྱུར་ཏོ། ། དེ་ནས་ཤར་ཕྱོགས་སུ་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་ན་ཚངས་པའི་གཞལ་མེད་ཁང་གང་ངདག་ཡོད་པ་དེ་དག་ཤིན་ཏུ་མཛེས་ཤིང་། ལྷན་ནེ་ལྷང་ངེར་གྱུར་ལ་དཔལ་དང་ལྡན་ཞིང་གཟི་བརྗིད་ཅན་དུ་གྱུར་ཏོ།། དགེ་སློང་དག་དེ་ནས་ཚངས་པ་དེ་དག་འདི་སྙམ་དུ། ཚངས་པའི་གཞལ་མེད་ཁང་འདི་དག་ཤིན་ཏུ་མཛེས་ཤིང་ལྡན་ནེ་ལྗང་ངེར་གྱུར་ལ་དཔལ་དང་ལྡན་ཞིང་གཟི་བརྗིད་ཅན་དུ་གྱུར་པ་འདི་སུའི་སྔ་ལྟས་སུ་འགྱུར་སྙམ་དུ་སེམས་སོ། ། དགེ་སློང་དག་དེ་ནས་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་ན་ཚངས་པ་ཆེན་པོ་གང་དག་འཁོད་པ་དེ་དག་ཐམས་ཅད་གནས་དག་ཏུ་ཕན་ཚུན་དོང་ནས་སྨྲའོ། ། དགེ་སློང་དག་དེ་ནས་ཚངས་པ་ཆེན་པོ་སེམས་ཅན་ཐམས་ཅད་སྐྱོབ་པ་ཞེས་བྱ་བས། ཚངས་པ་ཆེན་པོའི་ཚོགས་དེ་ལ་ཚིགས་སུ་བཅད་དེ་སྨྲས་པ། བདག་ཅག་ཐམས་ཅད་དེ་རིང་ཤིན་ཏུ་དགའ།། གཞལ་མེད་ཁང་མཆོག་འདི་དག་རབ་ཏུ་འབར།། དཔལ་ཆེན་ལམ་མེ་ཡིད་དུ་འོང་བ་སྟེ།། ཅི་ཡི་ཕྱིར་ན་དེ་རིང་འདི་འདྲར་འགྱུར།། དོན་འདི་བཙལ་བར་བྱས་ན་རབ་ཏུ་ལེགས།། ལྷའི་བུ་ཞིག་དེ་རིང་སྐྱེས་གྱུར་ཏེ། ། འདི་འདྲ་བར་ནི་དེ་ཡི་མཐུས་གྱུར་ཏམ།། སྔོན་ཆད་མ་བྱུང་འདི་ནི་དེ་རིང་སྣང་།། གལ་ཏེ་སངས་རྒྱས་མི་དབང་རྒྱལ་པོ་དེ།། འཇིག་རྟེན་གཤད་དུ་ནི་དེ་བྱུང་སྟེ། དེ་རིང་ཕྱོགས་བཅུ་དག་ན་དཔལ་འབར་བ།། འདི་འདྲ་འདི་ནི་དེ་ཡི་ལྟས་ཡིན་ནམ། དགེ་སློང་དག་དེ་ནས་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་ན་ཚངས་པ་ཆེན་གང་དག་འཁོར་པ་དེ་དག་ཐམས་ཅད་ལྷན་ཅིག་ཏུ་འདུས་ནས། དེ་དག་རང་རང་གི་ཚངས་པའི་ལྷའི་གཞལ་མེད་ཁང་དེ་དག་ཏུ་ཞུགས་ཏེ། ལྷའི་མེ་ཏོག་གི་ཕུར་མ་རི་རབ་ཙམ་ཐོགས་ནས། ཕྱོགས་བཞིན་། རྒྱུ་ཞིང་འདོང་བ་ལས། ནུབ་ཕྱོགས་ལོགས་སུ་དོང་བ་དང་། དགེ་སློང་དག་དེ་ནས་ཚངས་པ་ཆེན་པོ་དེ་དག་གིས་ནུབ་ཕྱོགས་ལོག་ན། བཅོམ་ལྡན་འདས་དེ་བཞིན་གཤེགས་པ། དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་བྱང་ཆུབ་ཀྱི་སྙིང་པོ་མཆོག་དམ་པར་གཤེགས་ཤིང་། བྱང་ཆུབ་ཀྱི་ཤིང་དྲུང་ན་སེང་གེའི་ཁྲིལ་བཞུགས་ཏེ། ལྷ་དང་ཀླུ་དང་གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དག་གིས་ནི་ཡོངས་སུ་བསྐོར་ཅིང་མདུན་གྱིས་བལྟས་ཏེ། སྲས་རྒྱལ་བུ་གཞོན་ནུ་བཅུ་དྲུག་པོ་དེ་དག་ནི། ཆོས་ཀྱི་འཁོར་ལོ་བསྐོར་བར་གསོལ་བ་འདེབས་པ་མཐོང་ངོ་།། མཐོང་ནས་ཀྱང་བཅོམ་ལྡན་འདས་དེ་ག་ལ་བ་དེར་དོང་ནས་ལྷགས་པ་དང་། བཅོམ་ལྡན་འདས་དེའི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་དེ་ལ་ལན་བརྒྱ་སྟོང་དུ་མར་བསྐོར་བ་བྱས་ནས་མེ་ཏོག་གི་ཕུར་མ་རི་རབ་ཙམ་དེ་དག་གིས་བཅོམ་ལྡན་འདས་དེ་ལ་གཏོར་རབ་ཏུ་གཏོར་ཏེ། བྱང་ཆུབ་ཀྱི་ཤིང་དེའི་དཔག་ཚད་བཅུ་ཚུན་ཆད་གཏོར་ནས། ཚངས་པའི་གཞལ་མེད་ཁང་དེ་ངག་ཀྱང་། བཅོམ་ལྡན་འདས་དེ་ལ་ཕུལ་ཏེ། བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་ཚངས་པའི་གཞལ་མེད་ཁང་འདི་དག་བཞེས་སུ་གསོལ། བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་ཚངས་པའི་གཞལ་མེད་ཁང་འདི་དག་ཡོངས་སུ་སྤྱད་དུ་གསོལ། ། བདེ་བར་གཤེགས་པ་ཡོངས་སུ་སྤྱད་དུ་གསོལ་ཞེས་གསོལ་ཏོ།། དགེ་སློང་དག་དེ་ནས་ཚངས་པ་ཆེན་པོ་དེ་དག་གིས་རང་རང་གི་གཞལ་མེད་ཁང་དེ་དག་བཅོམ་ལྡན་འདས་དེ་ལ་ཕུལ་ནས། དེའི་ཚེ་བཅོམ་ལྡན་འདས་དེའི་སྤྱན་སྔར་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། ། ངོ་མཚར་གྱུར་པ་རྒྱལ་བ་ཚད་མེད་པ།། འཇིག་རྟེན་ཕན་པ་ཐུགས་བརྩེ་འདིར་བྱུང་སྟེ།། མགོན་པོ་བླ་མ་སྟོན་པ་བྱུང་གྱུར་པས།། དེང་ནི་ཕྱོགས་བཅུ་པོ་དག་རྗེས་སུ་བཟུང་། ། འདི་དག་ནས་ཀྱང་འཇིག་རྟེན་ཁམས་རྣམས་ནི།། བྱེ་བ་ཁྲག་ཁྲིག་ལྔ་བཅུ་ཚང་བ་ནས།། བདག་ཅག་དེ་ནས་རྒྱལ་ལ་ཕྱག་འཚལ་ལྷགས།། གཞལ་མེད་ཁང་མཆོག་རྣམ་པ་ཀུན་ཏུ་སྤངས། ། བདག་ཅག་རྣམས་ཀྱིས་སྔོན་ཆད་ལས་བགྱིས་པས།། གཞལ་མེད་ཁང་པར་རི་མོས་བཀྲ་འདི་དག། བདག་ཅག་རྣམས་ལ་ཐུགས་བརྩེའི་སླད་དུ་བཞེས། ། འཇིག་རྟེན་མཁྱེན་པ་ཅི་དགྱེས་སྤྱད་དུ་གསོལ།། དགེ་སློང་དག་དེ་ནས་ཚངས་པ་ཆེན་པོ་དེ་དག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེའི་སྤྱན་སྔར་ཚུལ་དང་འདྲ་བའི་ཚིགས་སུ་བཅད་པ་དེ་དག་གིས་མངོན་པར་བསྟོད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་འཇིག་རྟེན་དུ་ཆོས་ཀྱི་འཁོར་ལོ་བསྐོར་དུ་གསོལ། བཅོམ་ལྡན་འདས་མྱ་ངན་ལས་འདས་པ་བཤད་དུ་གསོལ།། བཅོམ། ལྡན་འདས་སེམས་ཅན་རྣམས་སྦྲུལ་དུ་གསོལ། བཅོམ་ལྡན་འདས་འཇིག་རྟེན་འདི་དག་རྗེས་སུ་གཟུང་དུ་གསོལ། བཅོམ་ལྡན་འདས་ལྷ་དང་བཅས། བདུད་དང་བཅས་ཚངས་པ་དང་བཅས་བའི་འཇིག་རྟེན་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་རྣམས་དང་། ལྷ་དང་མི་དང་ལྔ་མ་ཡིན་དུ་བཅས་པ་ལ་ཆོས་བསྟན་དུ་གསོལ། དེ་ནི་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། སྐྱེ་བོ་བལ་པོ་ཆེ་དང་། ལྷ་དང་མི་རྣམས་ཀྱི་དོན་དང་། སྨན་པ་དང་བདེ་བར་འགྱུར་རོ།། དགེ་སློང་དག་དེ་ནས་ཚངས་པ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་གིས། སྒྲ་སྐད་གཅིག་ཏུ་མཐུན་པར་བརྗོད་དེ། བཅོམ་ལྡན་འདས་དེ་ལ་ཚིགས་སུ་བཅད་པ་འདི་དག་གསོལ་ཏོ།། བཅོམ་ལྡན་འདས་ཀྱིས་ཆོས་བཤད་གསོལ། ། རྐང་གཉིས་གཙོ་བོས་བསྟན་དུ་གསོལ།། བྱམས་པའི་སྟོབས་ཀྱིས་བཤད་དུ་གསོལ།། སེམས་ཅན་སྡུག་བསྔལ་རྣམས་ལས་སྒྲོལ།། འཇིག་རྟེན་སྒྲོན་མ་རྙེད་དཀར་སྟེ། ། ཨུ་དུམ་ཝཱ་རའི་མེ་ཏོག་བཞིན།། དཔའ་བོ་ཆེན་པོ་བྱུང་བས་ན།། དེ་བཞིན་གཤེགས་ལ་གསོལ་བ་འཚལ། དགེ་སློང་དག་དེ་ནས་ཚང་པ་ཆེན་པོ་དེ་དག་ལ་བཅོམ་ལྡན་འདས་དེས་ཅང་མི་གསུང་བར་གྱུར་པས་གནང་ངོ་། ། དགེ་སློང་དག་དེའི་ཚེ་ན། ཤར་ལྷོའི་ཕྱོགས་མཚམས་ཀྱི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་དག་ན། ཚངས་པའི་གཞལ་མེད་ཁང་གང་དག་ཡོད་པ་དེ་དག་ཤིན་ཏུ་མཛེས་ཤིང་ལྷན་ནེ་ལྷང་ངེར་གྱུར་ལ། དཔལ་དང་ལྡན་ཞིང་གཟི་བརྗིད་ཅན་དུ་གྱུར་ཏོ།། དགེ་སློང་དག་དེ་ནས་ཚངས་པ་ཆེན་པོ་དེ་དག་འདི་སྙམ་དུ་ཚངས་པའི་གཞལ་མེད་ཁང་འདི་དག་ཤིན་ཏུ་མཛེས་ཤིང་ལྷན་ནེ་ལྒང་ངེར་གྱུར་ལ། དཔལ་དང་ལྡན་ཞིང་གཟི་བརྗིད་ཅན་དུ་གྱུར་པ་འདི་སུའི་སྔ་ལྟས་སུ་གྱུར་སྙམ་དུ་སེམས་སོ།། དགེ་སློང་དག་དེ་ནས་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་ན། ཚངས་པ་ཆེན་པོ་གང་དག་འཁོད་པ་དེ་དག་ཐམས་ཅད་གནས་དག་ཏུ་ཕན་ཚུན་དུ་དོང་ནས་སྨྲའོ། ། དགེ་སློང་དག་དེ་ནས་ཚངས་པ་ཆེན་པོ་རབ་ཏུ་སྙིང་རྗེ་ཅན་ཞེས་བྱ་བས་ཚངས་པའི་ཚོགས་དེ་ལ་ཚིགས་སུ་བཅད་དེ་སྨྲས་པ། གྲོགས་དང་སུ་ཡི་ལྔ་ལྟས་ཀྱིས།། གཞལ་མེད་ཁང་རྣམས་དེང་མཛེས་ཤིང་།། ཤིན་ཏུ་གཟི་བརྗིད་ལྡན་གྱུར་པར།། དེ་རིང་འདི་ན་སྣང་བར་གྱུར།། དེ་སྟེ་དེ་རིང་ལྔ་ཡི་བུ།། བསོད་ནམས་ཅན་ཞིག་འདིར་འོངས་ཏེ།། དེ་ཡི་མཐུས་ན་གཞལ་མེད་ཁང་།། དེ་དག་ཐམས་ཅད་མཛེས་གྱུར་ཏམ།། འོན་ཏེ་སངས་རྒྱས་རྐང་གཉིས་མཆོག། འཇིག་རྟེན་འདིར་ནི་བྱུང་གྱུར་ཏམ།། གང་གི་མཐུས་ནི་། ལྟར་དེང་།། གཞལ་མེད་ཁང་འདི་འི་འདྲར་འགྱུར།། ཐམས་ཅད་འདུས་ཏེ་བརྟག་པར་བྱ།། འདི་ནི་དོན་ཅུང་མ་ཡིན་ཏེ།། སྔན་ཆད་དག་ནི་འདི་འདྲ་བའི།། ལྟས་ནི། ནམ་ཡང་མ་མཐོང་ངོ་།། ཕྱོགས་བཞི་དག་ཏུ་འདོང་བར་བྱ།། བྱེ་བ་སྙེད་ཀྱི་ཞིང་ཡང་བསྐོར།། དེ་རིང་སངས་རྒྱས་འཇིག་རྟེན་དུ།། གདོན་མི་ཟ་བར་འབྱུང་བར་འགྱུར།། དགེ་སློང་དག་དེ་ནས་ཚངས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་རང་རང་གི་ཚངས་པའི་ལྷའི་གཞལ་མེད་ཁང་དེ་དག་ཏུ་ཞུགས་ཏེ། ལྷའི་མེ་ཏོག་གི་ཕུར་མ་རི་རབ་ཙམ་ཐོགས་ནས། ཕྱོགས་བཞིར་རྒྱུ་ཞིང་འདོང་བ་ལས་ནུབ་བྱང་གི་ཕྱོགས་མཚམས་སུ་དོང་བ་དང་། དགེ་སློང་དག་ཚངས་པ་ཆེན་པོ་དེ་དག་གིས་ནུབ་བྱང་གི་ཕྱོགས་མཚམས་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེ་བྱང་ཆུབ་ཀྱི་སྙིང་པོ་མཆོག་དམ་པར་གཤེགས་ཤིང་བྱང་ཆུབ་ཀྱི་ཤིང་དྲུང་ན། སེང་གེའི་ཁྲི་ལ་བཞུགས་ཏེ། ལྒ་དང་ཀླུ་དང་གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དག་གིས་ནི་ཡོངས་སུ་བསྐོར་ཅིང་མདུན་གྱིས་བལྟས་ཏེ། སྲས་རྒྱལ་བུ་གཞོན་ནུ་བཅུ་དྲུག་པོ་དེ་དག་ནི་ཆོས་ཀྱི་འཁོར་ལོ་བསྐོར་བར་གསོལ་བ་འདེབས་པར་མཐོང་ངོ་།། མཐོང་ནས་ཀྱང་བཅོམ་ལྡན་འདས་དེ་ག་ལ་བ་དེར་སོང་སྟེ་ལྷགས་ནས། བཅོམ་ལྡན་འདས་དེའི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་དེ་ལ་ལན་བརྒྱ་སྟོང་དུ་མར་བསྐོར་བ་བྱས་ནས། མེ་ཏོག་གི་ཕུར་མ་རི་རབ་ཙམ་དེ་དག་གིས་བཅོམ་ལྡན་འདས་དེ་ལ་གཏོར། རབ་ཏུ་གཏོར་ཏེ། བྱང་ཆུབ་ཀྱི་ཤིང་དེའི་དཔག་ཚད་བཅུ་ཚུན་ཆད་གཏོར་ནས། ཚངས་པའི་གཞལ་མེད་ཁང་དེ་དག་ཀྱང་བཅོམ་ལྡན་འདས་དེ་ལ་ཕུལ་ཏེ། བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ། ཚངས་པའི་གཞལ་མེད་ཁང་འདི་དག་བཞེས་སུ་གསོལ། བདེ་བར་གཤེགས་པ་བདག་ཅག་ལ་ཐུགས་བརྩེ་བའི་སླད་དུ། ཚངས་པའི་གཞལ་མེད་ཁང་འདི་དག་ཡོངས་སུ་སྦྱང་དུ་གསོལ་ཞེས་གསོལ་ཏོ།། དགེ་སློང་དག་དེ་ནས་ཚངས་པ་ཆེན་པོ་དེ་དག་གིས་རང་རང་གི་གཞལ་མེད་ཁང་དེ་དག། བཅོམ་ལྡན་འདས་དེ་ལ་ཕུལ་ནས། དེའི་ཚེ་བཅོམ་ལྡན་འདས་ཀྱི་སྤྱན་སྔར་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་མངོན་པར་བསྟོད་དོ།། མཚུངས་མེད་དྲང་སྲོང་ཆེ་ལ་ཕྱག་འཚལ་ལོ།། ཀ་ལ་བིངྐའི་དབྱངས་སྙན་ལྷ་ཡི་ལྷ།། རྣམ་པར་འདྲེན་པ་ཝཱར་བཅས་འཇིག་རྟེན་ན།། འཇིག་རྟེན་ཕན་བརྩེ་ཁྱོད་ལ་ཕྱག་འཚལ་ལོ།། མངོན་པོ་ཤིན་ཏུ་ཡུན་རིང་བརྒྱ་ལམ་ན།། ངོ་མཚར་གྱུར་པ་དེ་རིང་འཇིག་རྟེན་བྱུང་།། བསྐལ་པ་བརྒྱ་ཚང་འཚོ་བའི་འཇིག་རྟེན་འདི།། སངས་རྒྱས་བརྒྱད་ཅུ་དག་དང་མཚུངས་པར་གྱུར།། བསྐལ་པ་ཁྲག་ཁྲིག་བརྒྱད་ཅུ་རྫོགས་པར་ནི།། རྐང་གཉིས་གཙོ་བོས་སྔན་ཆད་ཚུངས་པར་གྱུར།། དེ་སྲིད་ངན་སོང་ས་ནི་རྣམ་པར་འཕེལ།། ལྷ་ཡི་ལུས་ནི་རྟག། ཏུ་ཉམས་པར་གྱུར།། ད་ནི་བདག་ཅག་རྣམས་ཀྱི་བསོད་ནམས་ཀྱིས།། ཆོས་ཀྱི་རྒྱལ་པོ་མིག་དང་རྟེན་དང་གནས།། སྐྱོབ་དང་ཕ་དང་རྩ་ལག་ཕན་མཛད་པ།། ཐུགས་བརྩེར་ལྡན་པ་འཇིག་རྟེན་འདིར་བྱུང་ངོ་། ། དགེ་སློང་དག་དེ་ནས་ཚངས་པ་ཆེན་པོ་དེ་དག་གིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེའི་སྤྱན་སྔར་ཚུལ་དང་འདྲ་བའི་ཚིགས་སུ་བཅད་པ་དེ་དག་གིས་མངོན་པར་བསྟོད་ནས། བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འཇིག་རྟེན་དུ་ཆོས་ཀྱི་འཁོར་ལོ་བསྐོར་དུ་གསོལ། བཅོམ་ལྡན་འདས་མྱ་ངན་ལས་འདའ་བ་བཤད་དུ་གསོལ། བཅོམ་ལྡན་འདས་སེམས་ཅན་རྣམས་བསྒྲལ་དུ་གསོལ་བཅོམ་ལྡན་འདས་འཇིག་རྟེན་འདི་དག་རྗེས་སུ་གཟུང་དུ་གསོལ། བཅོམ་ལྡན་འདས་ལྷ་དང་བཅས་བདུད་དང་བཅས། ཚངས་པ་དང་བཅས་པའི་འཇིག་རྟེན་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་རྣམས་དང་། ལྷ་དང་མི་དང་ལྷ་མ་ཡིན་དུ་བཅས་པ་ལ་ཆོས་བཤད་དུ་གསོལ། དེ་ནི་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མི་རྣམས་ཀྱི་དོན་དང་། སྨན་པ་དང་བདེ་བར་འགྱུར་རོ།། དགེ་སློང་དག་དེ་ནས་ཚངས་པ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་། ཕྲག་ལྔ་བཅུ་པོ་དེ་དག་གིས་སྒྲ་སྐད་གཅིག་ཏུ་མཐུན་པར་བརྗོད་དེ། བཅོམ་ལྡན་འདས་དེ་ལ་ཚིགས་སུ་བཅད་པ་འདི་དག་གསོལ་ཏོ།། ཐུབ་པ་ཆེན་པོ་འཁོར་ལོ་མཆོག་བསྐོར་གསོལ།། ཕྱོགས་བཅུ་རྣམས་སུ་ཆོས་རབ་བཤད་དུ་གསོལ། ། སྡུག་བསྔལ་ཆོས་ཀྱིས་གཟིར་བའི་སེམས་ཅན་སྒྲོལ།། ལུས་ཅན་རྣམས་ལ་དགའ་ཞིང་རངས་པ་སྐྱེད།། དེ་ཐོས་པས་ན་བྱང་ཆུབ་འཐོབ་འགྱུར། ཏེ།། ལྷ་ཡི་གནས་རྣསས་སུ་ཡང་མཆི་བར་འགྱུར།། ཀུན་གྱིས་ལྷ་མ་ཡིན་གྱི་ལུས་སྤངས་ཏེ།། དུལ་ཞིང་ཞི་ལ་རབ་ཏུ་བདེ་བར་འགྱུར།། དགེ་སློང་དག་དེ་ནས་ཚངས་པ་ཆེན་པོ་དེ་དག་ལ་ཡང་། བཅོམ་ལྡན་འདས་དེས་ཅང་མི་གསུང་བར་གྱུར་པས་གནང་ངོ་།། དགེ་སློང་དག་དེའི་ཚེ་ལྷོ་ཕྱོགས་ཀྱི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་ན། ཚངས་པའི་གཞལ། མེད་ཁང་གང་དག་ཡོད་པ་དེ་དག་ཤིན་ཏུ་མཛེས་ཤིང་ལྷན་ནེ་ལྷང་ངེར་གྱུར་ལ། དཔལ་དང་ལྡན་ཞིང་གཟི་བརྗིད་ཅན་དུ་གྱུར་ཏོ།། དགེ་སློང་དག་དེ་ནས་ཚངས་པ་ཆེན་པོ་དེ་དག་འདི་སྙམ་དུ་ཚངས་པའི་གཞལ་མེད་ཁང་འདི་དག་ཤིན་ཏུ་མཛེས་ཤིང་ལྡན་ནེ་ལྒང་དེར་གྱུར་ལ། དཔལ་དང་ལྡན་ཞིང་གཟི་བརྗིད་ཅན་དུ་གྱུར་པ་འདི་སུའི་སྔ་ལྟས་སུ་འགྱུར་སྙམ་དུ་སེམས་སོ།། དགེ་སློང་དག་དེ་ནས་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་ན་ཚངས་པ་ཆེན་པོ་གང་དག་འཁོད་པ་དེ་དག་ཐམས་ཅད་གནས་དག་ཏུ་ཕན་ཚུན་དོང་ནས་སྨྲའོ། ། དགེ། སློང་དག་དེ་ནས་ཚངས་པ་ཆེན་པོ་ཆོས་བཟང་ཞེས་བྱ་བས་ཚངས་པའི་ཚོགས་ཆེན་པོ་དེ་ལ་ཚིགས་སུ་བཅད་དེ་སྨྲས་པ། གྲོགས་དག་དེ་རིང་རྒྱུ་མེད་རྐྱེན་མེད་པར།། གཞལ་མེད་ཁང་འདི་ཐམས་ཅད་གཟི་བརྗིད་གྱུར། ། འཇིག་རྟེན་འདིར་ནི་ཅུང་ཟད་ལྟས་ཅི་སྟོན།། དེ་ཡི་དོན་ནི་ལེགས་པར་བཙལ་བར་བྱ།། བསྐལ་པ་བརྒྱ་ཕྲག་མི་ཉུང་འདས་པ་ནས།། འདི་འདྲའི་ལྟས་སྔོན་ནམ་ཡང་བྱུང་མ་གྱུར། ། ཡང་ན་འདི་ནི་ལྷ་ཡི་བུ་ཞིག་སྐྱེས།། ཡང་ན་འཇིག་རྟེན་འདིར་ནི་སངས་རྒྱས་བྱུང་།། དགེ་སློང་དག་དེ་ནས་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་ན། ཚངས་པ་ཆེན་པོ་གང་དག་འཁོར་དེ་དག་ཐམས་ཅད་ལྷན་ཅིག་ཏུ་འདུས་ནས། རང་རང་གི་ཚངས་པའི་གཞལ་མེད་ཁང་དེ་དག་ཏུ་ཞུགས་ཏེ། ལྷའི་མེ་ཏོག་གི་ཕུར་མ་རི་རབ་ཙམ་ཐོགས་ནས་ཕྱོགས་བཞིར་རྒྱུ་ཞིང་འདོང་བ་ལས། བྱང་ཕྱོགས་སུ་འདོང་བ་དང་། དགེ་སློང་དག་དེ་ནས་ཚངས་པ་ཆེན་པོ་དེ་དག་གིས་བྱང་ཕྱོགས་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་། དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེ། བྱང་ཆུབ་ཀྱི་སྙིང་པོ་མ་རྣམ་པར་གཤེགས་ཤིང་། བྱང་ཆུབ་ཀྱི་ཤིང་དྲུང་ན། སེང་གེའི་ཁྲི་ལ་བཞུགས་ཏེ། ལྷ་དང་ཀླུ་དང་གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དག་གིས་ནི་ཡོངས་སུ་བསྐོར་ཅིང་མདུན་གྱིས་བལྟས་ཏེ། སྲས་རྒྱལ་བུ་གཞོན་ནུ་བཅུ་དྲུག་པོ་དེ་དག་ནི། ཆོས་ཀྱི་འཁོར་ལོ་བསྐོར་བར་གསོལ་བ་འདེབས་པ་མཐོང་ངོ་།། མཐོང་ནས་ཀྱང་བཅོམ་ལྡན་འདས་དེ་ག་ལང་དེར་སོང་སྟེ་ལྷགས་ནས། བཅོམ་ལྡན་འདས་དེའི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་དེ་ལ་ལན་བརྒྱ་སྟོང་དུ་མར་བསྐོར་བ་བྱས་ནས། མེ་ཏོག་གི་ཕུར་མ་རི་རབ་ཙམ་དེ་དག་གིས། བཅོམ་ལྡན་འདས་དེ་ལ་གཏོར། རབ་ཏུ་གཏོར་ཏེ། བྱང་ཆུབ་ཀྱི་ཤིང་དེའི་དཔག་ཚད་བཅུ་ཚུན་ཆད་གཏོར་ནས། ཚངས་པའི་གཞལ་མེད་ཁང་དེ་དག་ཀྱང་བཅོམ་ལྡན་འདས་དེ་ལ་ཕུལ་ཏེ། བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ། ཚངས་པའི་གཞལ་མེད་ཁང་འདི་དག་བཞེས་སུ་གསོལ། བདེ་བར་གཤེགས་པ་བདག་ཅག་ལ་ཐུགས་བརྩེ་བའི་སླད་དུ། ཚངས་པའི་གཞལ་མེད་ཁང་འདི་དག་ཡོངས་སུ་སྤྱད་དུ་གསོལ་ཞེས་གསོལ་ཏོ།། དགེ་སློང་དག་དེ་ནས་ཚངས་པ་ཆེན་པོ་དེ་དག་གིས་ཀྱང་རང་རང་གི་ཚ་བའི་གནས་མེད་ཁང་དེ་དག། བཅོམ་ལྡན་འདས་དེ་ལ་ཕུལ་ནས། དེའི་ཚེ་བཅོམ་ལྡན་འདས་དེའི་སྤྱན་སྔར་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་མངོན་པར་བསྟོད་དོ།། འདྲེན་པ་མཐོང་བ་ཤིན་ཏུ་རྙེད་པར་དཀའ། ། ལེགས་གཤེགས་ཁྱོད་ནི་སྲིད་པའི་འདོད་ཆགས་འཇོམ།། འཇིག་རྟེན་གྱིས་ནི་རིང་ལོན་ཁྱོད་དང་མཐོང་།། བསྐལ་པ་བརྒྱ་སྙེད་ཆང་ནས་གནང་བར་གྱུར།། འཇིག་རྟེན་མགོན་པོ་སྐྱེ་དགུ་སྐོམ་ངོམས་མཛོད།། སྔོན་ཆད་མ་མཐོང་བརྒྱ་ལམ་སྣང་བར་གྱུར།། རྙེད་དཀའ་ཨུ་དུམ་ཝཱ་རའི་མེ་ཏོག་བཞིན།། དེ་བཞིན་རྣམ་པར་འདྲེན་པ་བརྒྱ་ལམ་མཐོང་། རྣམ་པར་འདྲེན་པ་བདག་ཅག་གཞལ་མེད་ཁང་།། ཁྱོད་ཀྱི་མཐུས་ནི་དེ་རིང་མཛེས་པར་གྱུར།། ཀུན་ཏུ་སྤྱན་གྱིས་འདི་དག་གཞེས་སུ་གསོལ།། བདག་ཅག་ཐུགས་བརྩེའི་སླད་དུ་སྤྱད་པ་མཛོད། ། དགེ་སློང་དག་དེ་ནས་ཚངས་པ་ཆེན་པོ་དེ་དག་གིས།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེའི་སྤྱན་སྔར་ཚུལ་དང་འདྲ་བའི་ཚིགས་སུ་བཅད་པ་དེ་དག་གིས་མངོན་པར་བསྟོད་ནས། བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འཇིག་རྟེན་དུ་ཆོས་ཀྱི་འཁོར་ལོ་བསྐོར་དུ་གསོལ། བཅོམ་ལྡན་འདས་མྱ་ངན་ལས་འདའ་བར་བཤད་དུ་གསོལ། བཅོམ་ལྡན་འདས་སེམས་ཅན་རྣམས་བསྒྲལ་དུ་གསོལ། བཅོམ་ལྡན་འདས་འཇིག་རྟེན་འདི་དག་རྗེས་སུ་གཟུང་དུ་གསོལ། བཅོམ་ལྡན་འདས་ལྷ་དང་བཅས། བདུད་དང་བཅས། ཚངས་པ་དང་བཅས་པའི་འཇིག་རྟེན་དང་། དགེ་སྦྱོང་དང་། བྲམ་ཟེར་བཅས་པའི་སྐྱེ་དགུ་རྣམས་དང་། ལྷ་དང་མི་དང་ལྷ་མ་ཡིན་དུ་བཅས་པ་ལ་ཆོས་བཤད་དུ་གསོལ། དེ་ནི་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མི་རྣམས་ཀྱི་དོན་དང་། སྨན་པ་དང་བདེ་བར་འགྱུར་རོ།། དགེ་སློང་དག་དེ་ནས་ཚངས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་གིས་སྒྲ་སྐད་གཅིག་ཏུ་མཐུན་པར་བརྗོད་དེ། བཅོམ་ལྡན་འདས་དེ་ལ་ཚིགས་སུ་བཅད་པ་འདི་དག་གསོལ་ཏོ།། རྣམ་པར་འདྲེན་པ་བཅོམ་ལྡན་ཆོས་བཤད་གསོལ།། ཆོས་ཀྱི་འཁོར་ལོ་རབ་ཏུ་བསྐོར་བར་གསོལ།། ཆོས་ཀྱི་རྔ་རྣམས་རབ་ཏུ་བརྡུང་བ་དང་།། ཆོས་ཀྱི་དུང་ཡང་རབ་ཏུ་བུད་པར་གསོལ།། དམ་ཆོས་ཆར་པ་འཇིག་རྟེན་དབབ་ཏུ་གསོལ།། དབྱངས་སྙན་པས་ནི་ལེགས་པར་བསྟན་དུ་གསོལ།། གསོལ་བ་བཞིན་དུ་ཆོས་ནི་བཤད་དུ་གསོལ།། སེམས་ཅན་བྱེ་བ་ཁྲག་ཁྲིག་དགྲོལ་དུ་གསོལ། དགེ་སློང་དག་དེ་ནས་ཡང་ཚངས་བ་ཆེན་པོ་དེ་དག་ལ་ཡང་། བཅོམ་ལྡན་འདས་དེས་ཅང་མི་གསུང་བར་གྱུར་པས་གནང་ངོ་།། དེ་བཞིན་དུ་སྦྱར་ཏེ། དེ་བཞིན་དུ་ལྷོ་ནུབ་ཀྱི་ཕྱོགས་དང་། དེ་བཞིན་དུ་ནུབ་ཀྱི་ཕྱོགས་དང་དེ་བཞིན་དུ་ནུབ་བྱང་གི་ཕྱོགས་དང་། དེ་བཞིན་དུ་བྱང་གི་ཕྱོགས་དང་། དེ་བཞིན་དུ་བྱང་ཤར་གྱི་ཕྱོགས་དང་། འོག་གི་ཕྱོགས་ཀྱང་དེ་བཞིན་ནོ།། དགེ་སློང་དག་དེ་ནས་སྟེང་གི་ཕྱོགས་ཀྱི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་ན། ཚངས་པའི་གཞལ་མེད་ཁང་གང་དང་གང་དག་ཡོད་པ་དེ་དག་ཤིན་ཏུ་མཛེས་ཤིང་ལྡན་ནེ་ལྗང་། བྷ་ར་ལ། དཔལ་དང་ལྡན་ཞིང་གཟི་བརྗིད་ཅན་དུ་གྱུར་ཏོ།། དགེ་སློང་དག་དེ་ནས་ཚངས་པ་ཆེན་པོ་དག་འདི་སྙམ་དུ་ཚངས་པའི་གཞལ་མེད་ཁང་འདི་དག་ཤིན་ཏུ་མཛེས་ཤིང་། ལྡན་ནེ་ལྷུང་ངེ། གྱུར་ལ། དཔལ་དང་ལྡན་ཞིང་གཟི་བརྗིད་ཅན་དུ་གྱུར་པ་འདི་སུའི་སྔ་ལྟས་སུ་འགྱུར་སྙམ་དུ་སེམས་སོ།། དགེ་སློང་དག་དེ་ནས་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་ན་ཚངས་པ་ཆེན་པོ་གང་དག་འཁོད་པ་དེ་དག་ཐམས་ཅད་གནས་དག་ཏུ་ཕན་ཚུན་དོང་ནས་སྨྲའོ། ། དགེ་སློང་དག་དེ་ནས་ཚངས་པ་ཆེན་པོ་གཙུག་ཏོར་ཅན་ཞེས་བྱ་བས། ཚངས་པའི་ཚོགས་ཆེན་པོ་དེ་ལ་ཚིགས་སུ་བཅད་དེ་སྨྲས་པ། གྲོགས་པོ་ཙ་ཡི་རྒྱུ་ཡིས་འདི་ལྟར་གྱུར།། གཞལ་མེད་ཁང་རྣམས་གང་གིས་ཡོངས་སུ་ཁྱབ།། གཟི། དང་ཁ་དོག་དང་ནི་འབར་བས་ཀྱང་།། ཤིན་ཏུ་རྒྱུས་པ་འདི་ལ་རྒྱུ་ཅི་ཡོད།། འདི་འདྲ་སྔོན་ཆད་བདག་ཅག་ཡོད་མ་མཐོང་།། སུས་ཀྱང་སྔོན་ཆད་འདི་འདྲ་མ་ཐོས་ཏེ། དེ་རིང་འདི་ལྟར་འོད་ཀྱིས་འདི་ཁྱབ་པ། ། ཤིན་ཏུ་ཆེར་མཛེས་འདི་ལ་རྒྱུ་ཅི་ཡོད།། དེ་སྟེ་དགེ་བའི་ལས་དང་ལྡན་པ་ཡི།། ལྷ་ཡི་བུ་ཞིག་དེ་རིང་འདིར་བྱུང་སྟེ།། བྱུང་བ་དེ་ཡི་མཐུ་ནི་འདི་ཡིན་ནམ་ཡང་ན་བརྒྱ་ལ་སངས་རྒྱས་འཇིག་རྟེན་བྱུང་། ། དགེ་སློང་དག་དེ་ནས་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་ན། ཚངས་པ་ཆེན་པོ་གང་དག་འཁོད་པ་དེ་དག་ཐམས་ཅད་ལྷན་ཅིག་ཏུ་འདུས་ནས། རང་རང་གི་ཚངས་པའི་གཞལ་མེད་ཁང་དེ་དག་ཏུ་ཞུགས་ཏེ། ལྷའི་མེ་ཏོག་གི་ཕུར་མ་རི་རབ་ཙམ་ཐོགས་ཏེ། ཕྱོགས་བཞིར་རྒྱུ་ཞིང་འདོང་བ་ལས་འོག་གི་ཕྱོགས་ལོགས་སུ་དོང་བ་དང་། དགེ་སློང་དག་དེ་ནས་ཚངས་པ་ཆེན་པོ་དེ་དག་གིས་འོག་གི་ཕྱོགས་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་བྱང་ཆུབ་ཀྱི་སྙིང་པོ་མཆོག་དམ་པ་གཤེགས་ཤིང་བྱང་ཆུབ་ཀྱི་ཤིང་དྲུང་ན། སེང་གེའི་ཁྲི་ལ་བཞུགས་ཏེ་ལྷ་དང་ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དག་གིས་ནི་ཡོངས་སུ་བསྐོར་ཅིང་མདུན་གྱིས་བལྟས་ཏེ། སྲས་རྒྱལ་བུ་གཞོན་ནུ་བཅུ་དྲུག་པོ་དེ་དག་ནི། ཆོས་ཀྱི་འཁོར་ལོ་བསྐོར་བར་གསོལ་བ་འདེབས་པ་མཐོང་ངོ་།། མཐོང་ནས་ཀྱང་། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་དེའི་ཞ་བྲལ་མགོ་བོས་ཕྱག་འཚལ་ཏེ། བཅོམ་ལྡན་འདས་དེ་ལ་ལན་བརྒྱ་སྟོང་དུ་མར་བསྐོར་བ་བྱས་ནས། མེ་ཏོག་གི་བུར་མ་རི་རབ་ཙམ་དེ་དག་གིས་བཅོམ་ལྡན་འདས་དེ་ལ་གཏོར། རབ་ཏུ་གཏོར་ཏེ། བྱང་ཆུབ་ཀྱི་ཤིང་དེའི་དཔག་ཚད་བཅུ་ཚུན་ཆད་གཏོར་ནས་ཚངས་པའི་གཞལ་མེད་ཁང་དེ་དག་ཀྱང་། བཅོམ་ལྡན་འདས་དེ་ལ་ཕུལ་ཏེ། བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ། ཚངས་པའི་གཞལ་མེད་ཁང་འདི་དག་བཞེས་སུ་གསོལ། བདེ་བར་གཤེགས་པ་བདག་ཅག་ལ་ཐུགས་བརྩེ་བའི་སླ་དུ་ཚངས་པའི་གཞལ་མེད་ཁང་འདི་དག་ཡོངས་སུ་སྤྱད་དུ་གསོལ་ཞེས་གསོལ་ཏོ། ། དགེ་སློང་དག་དེ་ནས་ཚངས་པ་ཆེན་པོ་དེ་དག་རང་རང་གི་གཞལ་མེད་ཁང་དེ་དག་བཅོམ་ལྡན་འདས་དེ་ལ་ཕུལ་ནས། དེའི་ཚེ་བཅོམ་ལྡན་འདས་དེ་ལ་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་མངོན་པར་བསྟོད་དོ།། ཁམས་གསུམ་དག་ན་སེམས་ཅན་རྣམས།། བཅིངས་པ་གང། དག་འགྲོལ་བ་ཡི།། འཇིག་རྟེན་མགོན་པོ་སྐྱོབ་མཛད་པ།། སངས་རྒྱས་རྣམས་ནི་མཐོང་བ་ལགས།། འཇིག་རྟེན་དབང་པོ་ཀུན་ཏུ་སྤྱན།། ཕྱོགས་བཅུར་རྣམ་པར་གཟིགས་མཛད་ཅིང་།། འཆི་བ་མེད་པའི་སྒོ་བྱེ་ནས།། སྐྱེ་བོ་མང་པོ་ཤིན་ཏུ་སྒྲོལ།། སྔོན་ཆད་བསྐལ་པ་བསམ་མི་ཁྱབ།། འདས་པ་དེ་དག་སྤྱོང་གྱུར་ཏེ།། རྒྱལ་བའི་དབང་པོ་མ་མཐོང་བས།། ཕྱོགས་བཅུ་ད་ནི་ལྡོངས་པར་འགྱུར། ། མི་ཟད་སེམས་ཅན་དམྱལ་བ་དང་།། ལྷ་མིན་དུད་འགྲོའི་སྐྱེ་གནས་འཕེལ།། སྲོག་ཆགས་བྱེ་བ་ཕྲག་སྟོང་ནི།། ཡི་དགས་རྣམས་སུ་སྐྱེས་པར་གྱུར།། ལྔ་ཡི་སུས་ལས་ཉམས་ནས་ནི། ། འཆི་ཞིང་འཕོས་ན་ངན་འགྲོར་མཆིས།། སངས་རྒྱས་རྣམས་ཀྱི་ཆོས་མ་ཐོས།། དེ་ཡི་འགྲོ་བ་སྡིག་ཅན་གྱུར།། སྲོག་ཆགས་ཀུན་གྱི་སྤྱོད་དག་པའི། ཤེས་རབ་ཉམས་པར་གྱུར།། དེ་དག་བདེ་བ་རྣམ་པར་ཞིག། བདེ་བའི་འདུ་ཤེས་ཞིག་པར་གྱུར།། དེ་དག་ཆོ་ག་ལོག་པ་ལགས།། དམ་ཆོས་མ་ལགས་རྣམས་ལ་གནས།། འཇིག་རྟེན་མགོན་གྱིས་མ་བཏུལ་བས། ། ངན་འགྲོ་རྣམས་སུ་དེ་དག་ལྟུང་།། དགེ་བ་འཇིག་རྟེན་སྒྲོན་མ་ནི།། ཤིན་ཏུ་རིང་ནས་བྱོན་པར་གྱུར།། སེམས་ཅན་ཀུན་གྱི་སླད་དུ་ཡང་།། རྗེས་སུ་ཐུགས་བརྩེ་འདིར་བྱུང་ངོ་། ། སངས་རྒྱས་ཡེ་ཤེས་བླ་མེད་པ།། དགའ་ཞིང་བདེ་བ་རབ་ཏུ་བརྙེས།། ལྷ་དང་བཅས་པའི་འཇིག་རྟེན་དང་།། བདག་ཅག་ཁྱོད་ལ་རྗེས་ཡི་རང་།། གཙོ་བོ་ཁྱེད་ཀྱི་མཐུ་ཡིས་ནི། ། གཞལ་མེད་ཁང་དག་རྣམ་བཀྲ་བ།། དཔའ་བོ་ཆེན་པོ་ཁྱོད་ལ་འབྲལ།། ཐུབ་པ་ཆེན་པོ་བཞེས་སུ་གསོལ།། བདག་ཅག་རྣམས་ལ་ཐུགས་བརྩེའི་སླད།། རྣམ་འདྲེན་ཡོངས་སུ་སྤྱད་དུ་གསོལ། ། བདག་ཅག་རྣམས་དང་སེམས་ཅན་ཀུན།། བྱང་ཆུབ་མཆོག་ལ་རེག་པར་བགྱི།། དགེ་སློང་དག་དེ་ནས་ཚངས་པ་ཆེན་པོ་དེ་དག་གིས། བཅོམ་ལྡན་འདས་དེ་བ་ཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེའི་སྨན་སྔར་ཚུལ་དང་འདྲ་བའི་ཚོགས་སུ་བཤད་པ་འདི་དག་གིས་མངོན་པར་བསྟོད་ནས། བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འཇིག་རྟེན་དུ་ཆོས་ཀྱི་འཁོར་ལོ་བསྐོར་དུ་གསོལ།། བཅོམ་ལྡན་འདས་མྱ་ངན་ལས་འདའ་བ་བཤད་དུ་གསོལ། ། བཅོམ་ལྡན་འདས་སེམས་ཅན་ཐམས་ཅད་བསྒྲལ་དུ་གསོལ།། བཅོམ་ལྡན་འདས་འཇིག་རྟེན་འདི་དག་རྗེས་སུ་གཟུང་དུ་གསོལ།། བཅོམ་ལྡན་འདས་ལྷ་དང་བཅས་བདུད་དང་བཅས། ཚངས་པ་དང་བཅས་པའི་འཇིག་རྟེན་དང་། དགེ་སྦྱོང་དང་། བྲམ་ཟེར་བཅས་པའི་སྐྱེ་དགུ་རྣམས་དང་། ལྷ་དང་མི་དང་ལྷ་མ་ཡིན་དུ་བཅས་པ་ལ་ཆོས་བཤད་དུ་གསོལ། དེ་ནི་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མི་རྣམས་ཀྱི་དོན་དང་། སྨན་བ་དང་བདེ་བར་འགྱུར་རོ། ། དགེ་སློང་དག་དེ་ནས་ཚངས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་པོ་དེ་དག་གིས། སྒྲ་སྐད་གཅིག་ཏུ་མཐུན་པར་བརྗོད་དེ། བཅོམ་ལྡན་འདས་དེ་ལ་ཚུལ་དང་འདྲ་བའི་ཚིགས་སུ་བཅད་པ་འདི་དག་གསོལ་ཏོ། ། འཁོར་ལོ་བླ་མེད་དམ་པ་བསྐོར་དུ་གསོལ།། འཆི་བ་མེད་པའི་རྔ་ཡང་རྡུང་དུ་གསོལ།། སེམས་ཅན་སྡུག་བསྔས་བརྒྱ་ལས་ཐར་བར་མཛོད། ། མྱ་ངན་འདས་པའི་ལམ་ཡང་བསྟན་དུ་གསོལ།། བདག་ཅག་གསལ་པ་བཞིན་དུ་ཆོས་གསང་ཞིང་།། འཇིག་རྟེན་འདི་དང་བདག་ཅག་རྗེས་རྦ་ཟང་།། བས་བྱེ་བ་སྟོང་དུ་བསྒྲུབས་པ་ཡི། ། གསུང་སྙན་འཇམ་པ་དེ་ཡང་དབྱུང་དུ་གསོལ།། དགེ་སློང་དག་དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེ། ཚངས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་དེ་དག་དང་། སྲས་རྒྱལ་བུ་གཞོན་ནུ་བཅུ་དྲུག་པོ་དེ་དག་གིས་གསོལ་བ་བཏབ་པར་མཁྱེན་ནས། དེའི་ཚེ་དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ཚངས་པའམ། གང་གིས་ཀྱང་འཇིག་རྟེན་དུ་ཆོས་དང་མཐུན་པས་མ་བསྐོར་བའི་ཆོས་ཀྱི་འཁོར་ལོ་འདི་ལྟ་སྟེ། འདི་ནི་སྡུག་བསྔལ་བའོ།། འདི་ནི་སྡུག་བསྔལ་ཀུན་འབྱུང་བའོ།། འདི་ནི་སྡུག་བསྔལ་འགོག་པའོ།། འདི་ནི་སྡུག་བསྔལ་འགོག་པར་འགྲོ་བའི། ལམ་མོ་ཞེས་བྱ་བ་ལན་གསུམ་དུ་བཟླས་ཏེ། རྣམ་པ་བཅུ་གཉིས་སུ་བསྐོར་ཏོ།། དགེ་སློང་དག་འདི་ལྟར་མ་རིག་པའི་རྐྱེན་གྱིས་འདུ་བྱེད། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག། སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འབྱུང་སྟེ། དེ་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཤིག་པོ་འདི་འབྱུང་བར་འགྱུར་རོ།། མ་རིག་པ་འགགས་པས་འདུ་བྱེད་འགག་འདུ་བྱེད་འགགས་པས་རྣམ་པར་ཤེས་པ་འགག། རྣམ་པར་ཤེས་པ་འགགས་པས་མིང་དང་གཟུགས་འགག། མིང་དང་གཟུགས་འགགས་པས། སྐྱེ་མཆེད་དྲུག་འགག། སྐྱེ་མཆེད་དྲུག་འགགས་པས། རེག་པ་འགག། རེག་པ་འགགས་པས་ཚོར་བ་འགག། ཚོར་བ་འགགས་པས་སྲེད་པ་འགག། སྲེད་པ་འགགས་པས། ལེན་པ་འགག། ལེན་པ་འགགས་པས་སྲིད་པ་འགག། སྲིད་པ་འགགས་པས་སྐྱེ་བ་འགག། སྐྱེ་བ་འགགས་པས། རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམ་འགག་སྟེ། དེ་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཤིག་པོ་འདི་དག་འགག་པར་འགྱུར་རོ་ཞེས་བྱ་བ་རྟེན་ཅིང་འབྲེལ་བར་འབྱུང་བ་ལ་འཇུག་པ་ཡང་རྒྱ་ཆེར་རབ་ཏུ་བསྟན་ཏོ།། དགེ་སློང་དག་ད་ཨེ་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱི་གནོན་པ་དེས་ཆོས་ཀྱི་འཁོར་ལོ་འདི་ལྔ་དང་བཅས། བདུད་དང་བཅས། ཚངས་པ་དང་བཅས་པའི་འཇིག་རྟེན་དང་། དགེ་སྦྱོང་དང་། བྲམ་ཟེར་བཅས་པའི་འཁོར་གྱིས་མདུན་དུ་བསྐོར་ནས། སྐད་ཅིག་ཐང་ཅིག་ཡུང་ཙམ་དོ་འ་ལ་གྲོགས་ཆགས་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་ཏུ་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ནས། དེ་དག་ཐམས་ཅད་ཀྱང་རིག་པ་གསུམ་དང་ལྡན་པ་དང་། མངོན་པར། ཤེས་པ་དྲུག་དང་ལྡན་པ་དང་། རྣམ་པར་ཐར་པ་བརྒྱད་ལ་བསམ་གཏན་པར་གྱུར་ཏོ།། དགེ་སློང་དག་དེ་ནས་ཡང་མཐར་གྱིས་བཅོམ་ལྡན་འདས་དེ་ཆོས་བསྟན་པ་ལན་གཉིས་སུ་མཛད་དེ། དེ་བཞིན་ལན་གསུམ་ལན་བཞིའི་བར་དུ་ཆོས་བསྟན་པ་མཛད་དོ།། དགེ་སློང་དག་དེ་ནས་བཅོམ་ལྡན་འདས་དེའི་ཆོས་བསྟན་པ་ལན་རེ་རེ་ལ་ཡང་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང། གངྒཱའི་ཀླུང་བྱེ་མ་སྙེད་ལེན་པ་མེད་པར་ཟག་པ་ལས་སེམས་རྣམ་པར་གྲོལ་ལོ།། དགེ་སློང་དག་དེའི་འོག་ཏུ་བཅོམ་ལྡན་འདས་དེའི་ཉན་ཐོས་ཀྱི་དགེ་འདུན་བགྲང་བ་ལས་འདས་པ་བྱུང་ངོ་།། དགེ་སློང་དག་དེ་ནས་ཡང་དེའི་ཚེ། རྒྱལ་བུ་བཅུ་དྲུག་པོ་དེ་དག་གཞོན་ནུར་གྱུར་བཞིན་དུ་དང་དེ། ཁྱིམ་ནས་ཁྱིམ་མེད་པར་རབ་ཏུ་བྱུང་ནས་དེ་དག་ཐམས་ཅད་དགེ་ཚུལ་པར་གྱུར་ཏེ། འཛད་ཤིང་གསལ་ལ་ཡིད་རྡོ་ཞིང་མཁས་ཏེ། སངས་རྒྱས་བརྒྱ་སྟོང་མང་པོ་ལ་སྤྱད་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བ་སྟེ། དགེ་སློང་དག་དེ་ནས་དགེ་ཚུལ་བཅུ་དྲུག་པ་དེ་དག་གིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེ་ལ་འདི་སད་ཅེས་གསོམ། ། རྒྱས་རྣན་འདས་དེ་པ་ན་གཤེགས་པསཉན་གས་ས་སྣང་བ་འདི་དཀ་ཅོམ་ལྡན་ས་ས་ནས་དང་། དབྱུང་ཆེ་བར་ཡངས་སུ་གྲུབ་ཟོ།། བཅོམ་ལྡན་འདས་དེ་ལྟ་ལགས་པས་བདག་ཅག་ལ་ཐུགས་བརྩེ་བའི་སླད་དུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་བརྩམས་ཏེ་རྣམ་བསྟན་དུ་གསོལ། བདག་ཅག་ཀྱང་དེ་བཞིན་གཤེགས་པའི་རྗེས་སུ་སློབ་བོ།། བཅོམ་ལྡན་འདས་དེ་བཞིན་གཤེགས་པའི་ཡེ་ཤེས་བདག་ཅག་མཐོང་བར་འཚལ་ལོ།། བདག་ཅག་གི་དོན་འཇིས་བཅོམ་ལྡན་འདས་ཉིད་མངོན་སུམ་སྟེ། བཅོམ་ལྡན་འདས་ཁྱོད་སེམས་ཅན་ཐམས་ཅད་ཀྱི་བསམ་པ་མཁྱེན་པས་བདག་ཅག་གི་བསམ་པ་མཁྱེན་ཏོ།། དགེ་སློང་དག་དེ་ནས་དེའིཚེ་ན། རྒྱལ་བུ་གཞོན་ནུ་བྱིས་པ་ཁྱེའུ་རབ་ཏུ་བྱུང་བ་དགེ་ཚུལ་དེ་དག་མཐོང་ནས། འཁོར་ལོས་སྒྱུར་བའི་རྒྱལ་པོ་དེའི་འཁོར་དུ་གྱུར་པ་ཇི་སྙེད་ཡོད་པའི་ཕྱེད། སྲོག་ཆགས་བྱེ་བ་ཁྲག་ཁྲིག་ངརྒྱ་སྟོང་ཕྲག་བརྒྱད་ཅུ་རྩ་བཞི་རབ་ཏུ་བྱུང་བར་གྱུར་ཏོ། ། དགེ་སློང་དག་དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེས། དགེ་ཚུལ་དེ་དག་གིས་གསོལ་བ་བཏབ་པར་མཁྱེན་ཏེ། བསྐལ་པ་ཉི་ཁྲི་འདས་ནས་དམ་པའི་ཆོས་པདྨ་དཀར་པོ་ཞེས་བྱ་བའི་ཆོས་ཀྱི་རྣམ་བཤམས་པ་ལ་བཞུགས་ས། དགེ་སློང་དག་དེ་ནས་བཅོམ་ལྡན་འདས་དེ་ཆོས་ཀྱི་གདན་དེ་ལ་བཞུགས་མ་ཐག་ཏུ། དེ་ནས་འཁོར་འདུས་པ་ཐམས་ཅད་ལ་གཟིགས་ནས། དགེ། སློང་གི་དགེ་འདུན་ལ་བཀའ་སྩལ་པ། དགེ་སློང་དག་དགེ་ཚུལ་བཅུ་དྲུག་པོ་འདི་དག་ངོ་མཚར་དུ་གྱུར་པ། རྨད་དུ་གྱུར་པ། ཤེས་རབ་དང་ལྡན་པ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་བསྙེན་བཀུར་བྱས་པ། ཤིན་ཏུ་སྤྱོད་པ་སྤྱད་པ། སངས་རྒྱས་ཀྱི་ཡེ་ཤེས་འཛིན་དུ་འཇུག་པ། སངས་རྒྱས་ཀྱི་ཡེ་ཤེས་ལ་འཛུད་པ། སངས་རྒྱས་ཀྱི་ཡེ་ཤེས་ཡང་དག་པར་སྟོན་པ་ཡིན་གྱིས། དགེ་སློང་དག་དགེ་ཚུལ་བཅུ་དྲུག་པོ་འདི་དག་ལ་ཕྱིར་ཞིང་བསྙེན་བཀུར་གྱིས་ཤིག། དགེ་སློང་དག་ཉན་ཐོས་ཀྱི་ཐེག་པ་ཅན་ནམ། རང་སངས་རྒྱས་ཀྱི་ཐེག་པ་ཅན་ན་མ། བྱང་ཆུབ་སེམས་དཔའི་ཐེག་པ་ཅན་ཡང་རུང་། གང་དག་ཁ་ཅིག་རིགས་ཀྱི་བུ་འདི་དག་གིས་ཆོས་བཤད་པ་ལ་མི་སྨོད་པ་དེ་དག་ཐམས་ཅད་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ། ། དེ་དག་ཐམས་ཅད་དེ་བཞིན་གཤེགས་པའི་ཡེ་ཤེས་ཐོབ་པར་འགྱུར་རོ།། དགེ་སློང་དག་རིགས་ཀྱི་བུ་བཅུ་དྲུག་པོ་དེ་དག་གིས། བཅོམ་ལྡན་འདས་དེའི་བསྟན་པ་ལ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་དང་ཡང་རབ་ཏུ་བསྟན་ཏོ།། དགེ་སློང་དག་དགེ་ཚུལ་བྱང་ཆུབ་སེམས་དཔའ་སེམས་དཔའ་ཆེན་པོ་བཅུ་དྲུག་པོ་བྱང་ཆུབ་སེམས་བསྟན་ནས། ནང་དུ་ཡང་དག་འཇོག་ལ་འཇུག་པའི་ཕྱིར་གཙུག་ལག་ཁང་དུ་ཞུགས་སོ།། དགེ་སློང་དག་དེ་བཞིན་གཤེགས་པ་དེ་འདི་ལྟར་བསྐལ་པ་བརྒྱད་ཁྲི་བཞི་སྟོང་གི་བ་དུ་གཙུག་ལག་ཁང་དུ་གནས་ཏེ། ནང་དུ་ཡང་དག་འཇོག་ལ་ཞུགས་སོ།། དགེ་སློང་དག་དེ་ནས་དགེ་ཚུལ་བཅུ་དྲུག་པོ་དེ་དག་གིས་བཅོམ་ལྡན་འདས་དེ་ནང་དུ་ཡང་དག་འཇོག་ལ་ཞུགས་པར་རིག་ནས་སོ་སོའི་ཆོས་ཀྱི་སྟན་སེང་གེའི་ཁྲི་བཤམས་ཏེ། དེ་དག་ལ་འཁོད་ནས། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་འཁོར་བཞི་པོ་དག་ལ་བསྐལ་པ་བརྒྱད་ཁྲི་བཞི་སྟོང་དུ་རྒྱ་ཆེར་རབ་ཏུ་སྟོན་ཏོ། ། དགེ་སློང་དག་དེ་ནས་དགེ་ཚུལ་བྱང་ཆུབ་སེམས་དཔའ་རེ་རེས་ཀྱང་། སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒའི་ཀླུང་དྲུག་ཅུ་དྲུག་ཅུའི་བྱེ་མ་སྙེད་ཡང་དག་པར་བསྟན་ཏེ། ཡང་དག་པར་གཟེང་བསྟོད། ཡང་དག་པར་རབ་ཏུ་དགའ་བར་བྱས། ཡང་དག་པར་འཛིན་དུ་བཙུད། ཞུགས་པར་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། ། དགེ་སློང་དག་དེའི་ཚེ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེ་བསྐལ་པ་བརྒྱད་ཁྲི་བཞི་སྟོང་པོ་དེ་དག་འདས་ནས། དྲན་པ་དང་ལྡན་ཞིང་མཁྱེན་བཞིན་དུ་ཏིང་ངེ་འཛིན་དེ་ལས་བཞེང་སོ།། བཅོམ་ལྡན་འདས་དེང་ཞེང་ནས། ཆོས་ཀྱི་གདན་ག་ལ་བ་དེར་བཅུད་དེ་ཕྱིན་ནས་གདན་། བཤམས་པ་ལ་བཞུགས་སོ། དགེ་སློང་དག་དེ་ནས་བཅོམ་ལྡན་འདས་དེ་ཆོས་ཀྱི་གདན་དེ་ལ་བཞུགས་མ་ཐག་ཏུ། དེ་ནས་འཁོར་འདུས་པ་ཐམས་ཅད་ལ་གཟིགས་ནས། དགེ། སློང་གི་དགེ་འདུན་ལ་བཀའ་སྩལ་པ། དགེ་སློང་དག་དགེ་ཚུལ་བཅུ་དྲུག་པོ་འདི་དག་ངོ་མཚར་དུ་གྱུར་པ། རྨད་དུ་གྱུར་པ། ཤེས་རབ་དང་ལྡན་པ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་བསྙེན་བཀུར་བྱས་པ། ཤིན་ཏུ་སྤྱོད་པ་སྤྱད་པ། སངས་རྒྱས་ཀྱི་ཡེ་ཤེས་འཛིན་དུ་འཇུག་པ། སངས་རྒྱས་ཀྱི་ཡེ་ཤེས་ལ་འཛུད་པ། སངས་རྒྱས་ཀྱི་ཡེ་ཤེས་ཡང་དག་པར་སྟོན་པ་ཡིན་གྱིས། དགེ་སློང་དག་དགེ་ཚུལ་བཅུ་དྲུག་པོ་འདི་དག་ལ་ཕྱིར་ཞིང་བསྙེན་བཀུར་གྱིས་ཤིག། དགེ་སློང་དག་ཉན་ཐོས་ཀྱི་ཐེག་པ་ཅན་ནམ། རང་སངས་རྒྱས་ཀྱི་ཐེག་པ་ཅན་ན་མ། བྱང་ཆུབ་སེམས་དཔའི་ཐེག་པ་ཅན་ཡང་རུང་། གང་དག་ཁ་ཅིག་རིགས་ཀྱི་བུ་འདི་དག་གིས་ཆོས་བཤད་པ་ལ་མི་སྨོད་པ་དེ་དག་ཐམས་ཅད་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ། ། དེ་དག་ཐམས་ཅད་དེ་བཞིན་གཤེགས་པའི་ཡེ་ཤེས་ཐོབ་པར་འགྱུར་རོ།། དགེ་སློང་དག་རིགས་ཀྱི་བུ་བཅུ་དྲུག་པོ་དེ་དག་གིས། བཅོམ་ལྡན་འདས་དེའི་བསྟན་པ་ལ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་དང་ཡང་རབ་ཏུ་བསྟན་ཏོ།། དགེ་སློང་དག་དགེ་ཚུལ་བྱང་ཆུབ་སེམས་དཔའ་སེམས་དཔའ་ཆེན་པོ་བཅུ་དྲུག་པོ་བྱང་ཆུབ་སེམས་དཔའ་དེ་དག་རེ་རེས་ཀྱང་། སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་དྲུག་ཅུ་དྲུག་ཅུའི་བྱེ་མ་སྙེད་བྱང་ཆུབ་ཏུ་ཡང་དག་པར་བཙུད་པར་གྱུར་ཏེ། དེ་དག་ཐམས།། ཅད་ཀྱང་དེ་དག་ཉིད་དང་ཚེ་རབས་དེ་དང་དེ་དགབ་ཏུ་བྱུང་སྟེ། དེ་དག་ལ་ལྟ་ཞིང་དེ་དག་ལ་ཆོས་ཉན་ཏོ།། དེ་དག་གིས་སངས་རྒྱས་བེ་སྟོང་ཕྲག་བཞི་བཅུ་མཉིས་པར་བྱས་སོ།། ཁ་ཅིག་ནི་ད་དུང་ཡང་མཉེས་པར་བྱེད་དོ། ། དགེ་སློང་དག་ཁྱེད་མོས་པར་བྱ། ཁོང་དུ་ཆུད་པར་བྱའོ།། རྒྱལ་བུ་གཞོན་ནུ་བཅུ་དྲུག་པོ་དེ་དག་གཞོན་ནུར་གྱུར་བཞིན་དུ། བཅོམ་ལྡན་འདས་དེའི་བསྟན་པ་ལ། དགེ་ཚུལ་ཆོས་སྨྲ་བར་གྱུར་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་དེ་དག་ཐམས་ཅད་ད་ལྟ་ན་བཞུགས་ཏེ་འཚོ་ཞིང་ཀ་ཞེས་སོ། ། ཕྱོགས་བཅུའི་སངས་རྒྱས་ཀྱི་ཞིང་ཐ་དད་པ་དག་ན་ཉན་ཐོས་དང་། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་ཆོས་སྟོན་ཏོ།། དགེ་སློང་དག་འདི། ལྟ་སྟེ། ཤར་ཕྱོགས་ན་འཇིག་རྟེན་གྱི་ཁམས་མངོན་པར་དགའ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་ཞེས་བྱ་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤུརན་པོ་བརྩེགས་པ་ཞེས་བྱ་བའོ། ། དགེ་སློང་དག་ཤར་ལྷོའི་ཕྱོགས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེང་གེའི་སྒྲ་ཞེས་བྱ་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེ་གེའི་རྒྱལ་མཚན་ཞེས་བྱ་བའོ།། དགེསློ། དག་ལྷོ་ཕྱོགས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་མཁའ་ལ་གནས་པ་ཞེས་བྱ་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྟག་པར་ཡོངས་སུ་མྱ་ངན་ལས་འདས་པ་ཞེས་བྱ་བའོ། ། དགེ་སློང་དག་ལྷོ་ནུབ་ཀྱི་ཕྱོགས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབང་པོའི་རྒྱལ་མཚན་ཞེས་བྱ་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚངས་པའི་རྒྱལ་མཚན་ཞེས་བྱ་བའོ།། དགེ་སློང་དག་ནུབ་ཕྱོགས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་ཅེས་བྱ་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་གྱི་ཁམས་ཐམས་ཅད་ཀྱི་གནོད་པ་དང་། སྐྱོ་བ་ལས་རབ་ཏུ་རྒལ་བ་ཞེས་བྱ་བའོ།། དགེ་སློང་དག་ནུབ་བྱང་གི་ཕྱོགས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཏ་མ་ལའི་འདབ་མ་དང་ཙན་དན་གྱི་དྲི་མངོན་པར་ཤེས་པ་ཞེས་བྱ་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷུན་པོ་ལྟ་བུ་ཞེས་བྱ་བའོ།། ། དེང་ས་ས་ག་རྦྦ་དྒྷ་མྦྷ་ས་དྒྷ་ད་། བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་སྒྲ་རྒྱལ་པོ་ཞེས་བྱ་བའོ།། དགེ་སློང་དག་ཟུང་ཤར་གྱི་ཕྱོགས་ན། དེ་བཞིན་གྱི་ཤེགས་པ་དགྲ་བཅོམ་པ་ཡང་དག་པར་རྟོགས་པའི་ས་འཇིག་རྟེན་ཐམས་ཅད་ཀྱི་འཇིགས་པ་དང་། ཕམ་པ་དང་བག་ཚ་བ་རྣམ་པར་འཇོམ་པ་ཞེས་བྱ་བའོ།། དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ང་ནི་བཅུ་དྲུག་པ་སྟེ། དབུས་ཀྱི་འཇིག་རྟེན་གྱི་ཁམས་མི་མཇེད་འདིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ།། དགེ་སློང་དག་དགེ་ཚུལ་དུ་གྱུར་པ་ངེད་ལས། སེམས་ཅན་གང་དག་གིས་ཆོས་ཐོས་ཤིང་། བཅོམ་ལྡན་འདས་དེའི་བསྟན་པ་ལ། བྱང་ཆུབ་སེམས་དཔའ་རེ་རེས་ཀྱང་། སེམས་ཅན་བརྒྱ་སྟོང་ཕྲག་མང་པོ་གངྒཱའི་ཀླུང་གི་བྱེ་མ་སྙེད་ངེད་ཀྱིས་སོ་སོར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་བཙུད་པ་དེ་དག། དགེ་སློང་དག་ད་དུང་ཉན་ཐོས་ཀྱིས་ན་གནས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡོངས་སུ་སྨིན་པར་བྱེད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་གོ་རིམས་ནི་དེ་ལྟའོ།། དེ་ཅིའི་ཕྱིར་ཞེ་ན། དགེ་སློང་དག་འདི་ལྟར་དེ་བཞིན་གཤེགས་པའི་ཡེ་ཤེས་ལ་མོས་པར་དཀའ་བའི་ཕྱིར་རོ། ། དགེ་སློང་དཀང་བྱང་ཆུབ་སེམས་དཔར་གྱུར་པ་ནཱ། བཅོམ་ལྡན་འདས་དེའི་བསྟན་པ་ལ། སེམས་ཅན་རྩེ། བ་ཁྲག་ཁྲིག་བརྒྱ་སྟོང་དཔག་ཏུ་མེད་པ། གྲངས་མེད་པ། གངྒཱའི་ཀླུང་གི་བྱེ་མ་སྙེད་གང་དག་ཐམས་ཅད་མཁྱེན་པའི་ཆོས་ཐོས་པར་བྱ་བའི་སེམས་ཅན་དེ་དག་གང་ཞེ་ན། དགེ་སློང་དག་དེ་དག་ནི་ཁྱེད་ཡིན་ཏེ། དེའི་ཚེ་དེའི་དུས་ན་སེམས་ཅན་དུ་གྱུར་ཏོ།། དགེ་སློང་དག་ང་མྱ་ངན་ལས་འདས་ནས། མ་འོངས་པའི་དུས་ན། ཉན་ཐོས་གང་དག་འབྱུང་བ་དེ་དག་བྱང་ཆུབ་སེམས་དཔའི་སྤྱོད་པ་ཉན་ཀྱང་། བདག་ཅག་བྱང་ཆུབ་སེམས་དཔའ་ཡིན་པར་མི་ཤེས་པས། དེ་དག་ཐམས་ཅད་ཀྱང་། ཡོངས་སུ་མྱ་ངན་ལས་འདས་པར་འདུ་ཤེས་ནས་ཡོངས་སུ་མྱ་ངན་ལས་འདའ་བར་འགྱུར་རོ།། དགེ་སློང་དག་འོན་ཀྱང་འཇིག་རྟེན་གྱི་ཁམས་གཞན་དག་ནང་མིང་གཞན་དང་གཞན་དག་གིས་གནས་པ་དེར་དེ་དག་དེ་བཞིན་གཤེགས་པའི་ཡེ་ཤེས་ཚོལ་ཞིང་སྐྱེ་བར་འགྱུར་རོ།། དེ་ན་ཡང་དེ་བཞིན་གཤེགས་པ་རྣམས་ཀྱི་ཡོངས་སུ་མྱ་ངན་ལས་འདས་པ་གཅིག་པུ་སྟེ། འདི་ལས་གུད་ན་མྱ་ངན་འདའ་བ་གཉིས་སུ་གཞན་མེད་དོ་ཞེས་དེ་ལྟ་བུའི་བྱ་བ་འདི་ཉན་པར་འགྱུར་རོ།། དགེ་སློང་དག་ཆོས་བསྟན་པ་མངོན་པར་བསྒྲུབ་པ་དེ་ནི་དེ་བཞིན་གཤེགས་པ་རྣམས་ཀྱི་ཐབས་མཁས་པའི་རིག་པར་བྱ་སྟེ། དགེ་སློང་དག་གང་གི་ཚེ་ན། དེ་བཞིན་གཤེགས་པས་བདག་ཉིད་ཡོངས་སུ་མྱ་ངན་ལས་འདར་བའི་དུས་ཀྱང་གཟིགས་ལ། འཁོར་ཡོངས་སུ་དག་ཅིང་མོས་པ་སྙིང་པོར་བྱེད། སྟོང་པའི་ཆོས་རྟོགས་པར་ཁོང་དུ་ཆུད་པ། བསམ་གཏན་དང་ལྡན་པ། བསམ་གཏན་ཆེན་པོ་དང་ལྡན་པ་ཡང་གཟིགས་ན། དགེ་སློང་དག་དེ་བཞིན་གཤེགས་པ་དུས་ལ་བབ་པར་མཁྱེན་ནས། བྱང་ཆུབ་སེམས་དཔའ་ཐམས་ཅད་དང་། ཉན་ཐོས་ཐམས་ཅད་བསགས་ཏེ། ཕྱིས་དོན་འདི་ཡང་དག་པར་སྒྲོགས་སོ། ། དགེ་སློང་དག་འཇིག་རྟེན་ན། ཐེག་པ་འམ་ཡོངས་སུ་མྱ་ངན་ལས་འདས་པ་གཉིས་སུ་གང་ཡང་མེད་ན། གསུམ་དུ་ལྟ་ཅི་སྨོས། དགེ་སློང་དག་འདི་ནི་དེ་བཞིན་གཤེགས་པ་རྣམས་ཀྱི་ཐབས་མཁས་པ་སྟེ། སེམས་ཅན་ཡུན་རིང་མ་རུང་ཞིང་། དམན་པ་ལ་དགའ་བ་འདོད་པ་ལ་ཆགས་པར་མཁྱེན་ནས། དགེ་སློང་དག་དེ་དག་གང་ལ་མོས་པ་བཞིན་དུ་དེ་དག་ལ་དེ་བཞིན་གཤེགས་པ་མྱ་ངན་ལས་འདས་པ་དེ་འཆད་དོ། ། དགེ་སློང་དག་འདི་ལྟ་སྟེ་དཔེར་ན། འདི་ལྟར་རིན་པོ་ཆེའི་གླིང་ལ་འདོད་པའི་ཕྱིར། འབྲོག་དགོན་པ་དཔག་ཚད་ལྔ་བརྒྱ་པ་དེར་སྐྱེ་བོའོ་ཚོགས་ལྷགས་པར་གྱུར་ཏེ་དེ་དག་གི་ནང་ན། ལམ་མཚོན་པ་འཛངས་ཤིང་གསལ་ལ་ཡིད་གཞུངས་ཤིང་། མཁས་པ་གཅིག་པུ་ཞིག་ཡོད་པ་དེས། མྱ་ངན་དགོན་པ་དེ་ལས་འདྲོན་པ་མང་པོ་དེ་དག་སྒྲོལ་ལོ།། དེ་ནས་སྐྱེ་བོ་ཕལ་པོ་ཆེ་དེ་དག་ངལ་ཞིང་ཆད་དེ་སྐྲག་ནས། འདི་སྐད་ཅེས་ཀྱེ་འཕགས་པ་མཚོན་མ་ཡོངས་ས་འདྲན་པ། བདག་ཅག་ངལ་ཞིང་ཆད་དེ། འཇིགས་ཤིང་སྐྲག་པས་། མྱ་ངང་དེ་ལས་མ་འདས་པར་མཁྱེན་པར་མཛོད་། འཇོག་དཀོན་པ་འདུན། ཤིན་ཏུ་རིང་བས་སྔར་ལྡོག་ག་ཞེས་བྱས་པ་དང་། དགེ་སློང་དག་དེནས་མངོན་མ་དེ་ཐ་བསྣམ་འས་པས། དེ་དག་སླར་ལྡོག་པར་འདོད་པར་ཤེས་ནས་འདི་སྙམ་དུ་ཉོན་མོངས་འདི་དག་ནི་རིན་པོ་ཆེའི་གླིང་ཆེན་པོ་རེ་དེ་ལྟ་བུར་མི་འགྲོ་བར་གྱུར་ན་མི་རུང་སྙམ་དུ་བསམས་ནས། དེས་དེ་དག་ལ་སྙིང་བརྩེ་བའི་ཕྱིར་ཐབས་མཁས་པ་དང་སྦྱར་ཏེ། དགོན་པའི་དབུས་སུ་དཔག་ཚད་བརྒྱ་འམ། དཔག་ཚད་ཉིས་བརྒྱ་འདས་པ་དང་། རྫུ་འཕྲུལ་གྱི་གྲོང་ཁྱེར་མངོན་པར་སྤྲུལ་ནས། དེ་ནས་མི་དེས་མི་དེ་དག་ལ་འདི་སྐད་ཅེས་ཁྱེད་ཅག་མ་འཇིགས་ཤིག་སླར་མ་ལྡོག་པར་ཡུལ་ཆེན་པོ་འདིར་ངལ་སོས་ཤིག་བྱ་བ་གང་དག་ཅི་ཡོད་པ་དེ་དག་ཐམས་ཅད་ཀྱང་འདིར་གྱིས་ཤིག། འདིར་མྱ་ངན་ལས་འདའ་བ་ཐོབ་པར་གནས་པར་གྱིས་ཤིག། འདིར་ངལ་བསོས་ནས། སུ་ལ་དགོས་པར་གྱུར་པ་དེ་ནི། རིན་པོ་ཆེའི་གླིང་ཆེན་པོ་དེར་འདོང་ངོ་ཞེས་བསྒོ་བ་དང་། དགེ་སློང་དག་དེ་ནས་དགོན་པར་ཕྱིན་པའི་མི་དེ་དག་བདག་ཅག་ནི་འབྲོག་དགོན་པ་ལས་ཐར་ནས་འདིར་མྱ་ངན་ལས་འདས་པ་ཐོབ་སྟེ་གནས་སོ་སྙམ་ནས་ངོ་མཚར་ཐོབ་པར་གྱུར་ཏོ། ། དགེ་སློང་དག་དེ་ནས་མི་དེ་དག་རྫུ་འཕྲུལ་གྱི་གྲོང་ཁྱེར་དེར་ཞུགས་ནས་བྱིན་པ་སྙམ་དུ་འདུ་ཤེས་པར་གྱུར། རྒལ་བ་སྙམ་དུ་འདུ་ཤེས་པར་གྱུར། མྱ་ངན་ལས་འདས་པར་འདུ་ཤེས་པར་གྱུར། བདག་ཅག་མྱ་ངན་ལས་འདས་ཤིང་བསིལ་བར་གྱུར་པར་སེམས་པར་གྱུར་ཏོ། ། དེ་ནས་མཚོན་མས་དེ་དག་ངལ་སོས་པར་ཤེས་ནས། རྫུ་འཕྲུལ་གྱི་གྲོང་ཁྱེར་དེ་མི་སྣང་བར་བྱས་སོ།། མི་སྣང་བར་བྱས་ནས། མི་དེ་དག་ལ་འདི་སྐད་དུ། ཟོང་ཁྱེར་ཆེན་པོ་འདོན་ཁྱེད་ངམ་ཕས་པའི་ཁྱིམ་བ་ཟས་སྤྲུས་པ་ཡིན་ཏེ། རན་པ་ཆེའི་གླི་ང་མེད་ཏེ། སེམས་ཅན་བྱེད་འདོང་ངོ་ཞེས་པཟློ་བ་དེ་བཞིན་དུ་དགེ་སློང་དག་དེ་བཞིན་ཤེ་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་ཁྱེད་དང་སེམས་ཅན་ཐམས་ཅད་ཀྱི་མཚོན་མའོ། ། དགེ་སློང་དག་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས། འདི་ལྟར་ཉོན་མོངས་པའི་དགོན་པ་ཆེན་པོ་འདི་ལ་སྐྱོ་བར་བྱ། བཟླ་བར་བྱ། སྤངས་པར་བྱ་ན། སེམས་ཅན་འདི་དག་སངས་རྒྱས་ཀྱི་ཡེ་ཤེས་གཅིག་པུ་ཐོས་ནས། སྤངས་ཏེ་ཕྱིར་ལྡོག་ཅིང་སངས་རྒྱས་ཀྱི་ཡེ་ཤེས་བསྒྲུབ་པ་འདི་ཉོན་མོངས་པ་མང་ངོ་ཞེས་མི་འཇུག་པར་མི་འགྱུར་གྲང་ཞེས་གཟིགས་ཏེ། དེ་ལ་དེ་བཞིན་གཤེགས་པས། སེམས་ཅན་བསམ་པའི་སྟོབས་ཆུང་བར་མཁྱེན་ནས། ཇི་ལྟར་མཚོན་མ་དེས། སེམས་ཅན་དེ་དག་ངལ་བསོ་བའི་ཕྱིར། རྫུ་འཕྲུལ་གྱི་གྲོང་ཁྱེར་མངོན་པར་སྤྲུལ་ཏེ། སེམས་ཅན་དེ་དག་ངལ་བསོས་ནས། འདི་ནི་རྫུ་འཕྲུལ་གྱི་གྲོང་ཁྱེར་ཡིན་ནོ་ཞེས་བསྒོ་བ་དེ་བཞིན་དུ། དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐབས་མཁས་པ་ཆེན་པོས། སེམས་ཅན་རྣམས་ངལ་བསོ་བའི་ཕྱིར། བར་དུ་མྱ་ངན་ལས་འདས་པའི་ས་གཉིས་བཤད་ཅིང་། རབ་ཏུ་བསྟན་ཏེ། འདི་ལྟར་ཉན་ཐོས་ཀྱི་ས་དང་། རང་སངས་རྒྱས་ཀྱི་ས་སྟེ། དགེ་སློང་དག་གང་གི་དུས་ན། སེམས་ཅན་དེ་དག་དེ་ལ་གནས་པར་གྱུར་པ་དེ་ན་དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་འདི་སྐད་དུ་དགེ་སློང་དག་ཁྱེད་བྱ་བ་བྱས་པ་མ་ཡིན། བྱེད་པ་བྱས་པ་མ་ཡིན་ལ་དགེ་སློང་དག་ཁྱེད་དེ་བཞིན་གཤེགས་པའི་ཡེ་ཤེས་ལ་ཉེ་བར་གྱུར་གྱིས་ལྟོས་ཤིག། རྟོགས་ཤིག་གང་ཁྱེད་ཀྱི་མྱ་ངན་ལས་འདས་པ་དེ། མྱ་ངན་ལས་འདས་པ་མ་ཡིན་ཏེ། དགེ་སློང་དག་གང་ཐེག་པ་གསུམ་དུ་བཤད་པ་དེ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐབས་མཁས་པའོ་ཞེས་ཡང་དག་པར་སྒྲོགས་སོ།། དེ་ནས་བཅོམ་ལྡན་འདས་དོན་དེ་ཉིད་རྒྱས་པར་སྟོན་ཅིང་། དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། མངོན་ཤེས་ཡེ་ཤེས་ཟིལ་གནོན་འཇིག་རྟེན་འདྲེན།། འདི་ལྟར་བྱང་ཆུབ་སྙིང་པོར་བཞུགས་གྱུར་པ། ། དེར་ཡང་བར་གྱི་བསྐལ་པ་བཅུ་ཚང་བར།། དོན་དམ་གཟིགས་པ་དག་ནི་མ་བསྙེས་སོ།། ལྷ་དང་ཀླུ་དང་ལྷ་མིན་གསང་བ་པ།། རྒྱལ་བ་དེ་ལ་རབ་ཏུ་མཆོད་པར་གྱུར།། མི་ཡི་འདྲེན་པ་བྱང་ཆུབ་སངས་རྒྱས་ལ། ། དེར་ནི་མེ་ཏོག་ཆར་པ་རབ་ཏུ་ཕབ།། རྒྱལ་བ་དེ་ལ་མཆོད་ཅིང་བཀུར་སྟིའི་ཕྱིར།། སྟེང་གི་མཁའ་ལ་དེ་དག་རྔ་རྡུང་ངོ་།། རིང་ནས་བླ་ན་མེད་པའི་གནས་རྟོགས་ཕྱིར། ། དེ་ན་རྒྱལ་བ་ཤིན་ཏུ་སྡུག་བསྔལ་གྱུར།། དེ་ནས་བར་གྱི་བསྐལ་པ་བཅུ་འདས་ནས།། བཅོམ་ལྡན་ཟིལ་ནོན་དེ་ཡིས་བྱང་ཆུབ་ཐོབ།། དེ་ཚེ་ལྷ་མི་ཀླུ་དང་ལྷ་མ་ཡིན། ཐམས་ཅད་རབ་ཏུ་དགའ་ཞིང་མགུ་བར་གྱུར།། ཡོན་ཏན་ཕྱུག་པ་མི་གཙོ་དེ་ཡི་སྲས།། གཞོན་ནུར་གྱུར་པ་དཔའ་བོ་བཅུ་དྲུག་རྣམས།། སྲོག་ཆགས་བྱེ་བ་སྟོང་གི་མདུན་བདར་ཏེ།། རྐང་གཉིས་དབང་པོའི་མཆོག་དེའི་དྲུང་དུ་དོང་། ། རྣམ་པར་འདྲེན་པའི་ཞབས་ལ་ཕྱག་འཚལ་ནས།། མི་དབང་སེང་གེས་འདིར་ནི་ལེགས་བཤད་པས།། བདག་ཅག་འཇིག་རྟེན་འདི་རྣམས་ཚིམ་མཛད་ཅིང་།། ཆོས་རབ་བསྟན་དུ་གསོལ་ཞེས་གསོལ་བ་བཏབ།། རིང་ནས་ཕྱོགས་བཅུའི་འཇིག་རྟེན་འདི་རྣམས་སུ།། རྣམ་འདྲེན་ཆེན་པོ་བྱུང་བར་རབ་ཏུ་རིག། ལྟས་ཀྱི་སྲོག་ཆགས་རྣམས་ནི་བསྐུལ་བའི་ཕྱིར། ཚངས་པའི་གཞལ་མེད་ཁང་རྣམས་རབ་ཏུ་བསྐྱང་།། ཤར་གྱི་ཕྱོགས་སུ་ཞིང་རྣམས་བྱེ་བ་ཕྲག། སྟོང་ཕྲག་ལྔ་བཅུ་དེ་དག་གཡོས་པར་གྱུར།། དེ་ན་ཚངས་པའི་གཞལ་མེད་ཁང་མཆོག་དག་དེ་དག་རབ་ཏུ་གཟི་བརྗིད་ལྡན་པར་གྱུར། ། དེ་དག་སྔ་ལྟས་འདི་འདྲ་རིག་གྱུར་ནས།། འཇིག་རྟེན་འདྲེན་དབང་དྲུང་དུ་ཉེ་བར་ལྷགས།། འདྲེན་པ་དེ་ལ་མེ་ཏོག་མངོན་པར་འཐོར།། དེ་ལ་གཞལ་མེད་ཁང་དེ་ཐམས་ཅད་ཕུལ། ། འཁོར་ལོ་རབ་ཏུ་བསྐོར་བར་གསོལ་བ་འདེབས།། ཚིགས་སུ་བཅད་པའི་དབྱངས་ཀྱིས་མངོན་པར་བསྟོད།། ད་དུང་ང་ཡིས་ཆོས་འཆད་དུས་མིན་ཞེས།། མི་དབང་རྒྱལ་པོ་དེ་ནི་མི་གསུང་གྱུར། ། དེ་བཞིན་དུ་ནི་ལྷོ་ཡི་ཕྱོགས་ལོགས་དང་།། དེ་བཞིན་དུ་ཡང་ནུབ་དང་འོག་དང་བྱང་།། སྟེང་གི་ཕྱོགས་དང་ཕྱོགས་མཚམས་དེ་བཞིན་ཏེ།། ཚངས་པ་བྱེ་བ་ཕྲག་སྟོང་ལྕགས་གྱུར་ནས། ། འདྲེན་པ་དེ་ལ་མངོན་པར་ཡང་གཏོར་ཏེ།། རྣམ་པར་འདྲེན་གྱི་ཞབས་ལ་ཕྱག་འཚལ་ནས།། གཞལ་མེད་ཁང་རྣམས་ཐམས་ཅད་དེར་ཕུལ་ཏེ།། མངོན་པར་བསྟོད་པ་བྱས་ནས་ཡང་གསོལ་པ། ། མཐའ་ཡས་སྤྱན་ལྡན་འཁོར་ལོ་བསྐོར་དུ་གསོལ།། བསྐལ་པ་བྱེ་མང་ཁྱོད་རྙེད་རབ་ཏུ་དཀའ།། སྔོན་ཆད་བྱམས་པའི་སྟོབས་བསྙེན་བསྟན་དུ་གསོལ།། འཆི་བ་མེད་པའི་སྒོ་ཡང་དབྱེ་བར་གསོལ། ། གསོལ་བ་མཐའ་ཡས་སྤྱན་གྱིས་མཁྱེན་ནས་ནི།། རྣམ་པ་མང་པོར་ཆོས་རྣམས་རབ་བསྟན་པ།། བདེན་པ་བཞི་རྣམས་རབ་ཏུ་རྒྱས་པ་དང་།། དངོས་པོ་འདི་དག་ཐམས་ཅད་བརྟེན་ནས་བྱུང་། ། མ་རིག་ལ་སོགས་འཆི་བའི་སྤྲུལ་བསྔལ་ཡང་།། མཐའ་ཡས་པར་ནི་སྤྱན་དང་ལྡན་པས་གསུངས།། སྐྱེ་བ་ལས་ནི་ཉེས་པ་འདི་ཀུན་བྱུང་།། མི་ཡི་འཆི་བདག་འདིའང་ཤེས་པར་གྱིས། ། རྣམ་པ་མང་པོ་སྣ་ཚོགས་མཐའ་ཡས་པ།། ཆོས་རྣམས་དེ་ཡིས་བཤད་མ་ཐག་ཏུ་ཡང་།། ཐོས་ནས་སེམས་ཅན་བྱེ་བ་ཁྲག་ཁྲིག་ཕྲག། བརྒྱད་ཅུ་ཉན་ཐོས་ས་ལ་མྱུར་དུ་གནས། ། རྒྱལ་བ་དེ་ཡིས་ཆོས་མང་བཤད་པ་ནི།། གཞན་ཡང་ལན་གཉིས་སུ་ནི་གྱུར་པ་ན།། སེམས་ཅན་གངྒཱའི་བྱེ་སྙེད་རྣམ་དག་སྟེ།། སྐད་ཅིག་གིས་ནི་དེ་ཀུན་ཉན་ཐོས་གྱུར།། དེ་ཡི་འོག་ཏུ་དེ་ཚེ་འཇིག་རྟེན་གྱི།། རྣམ་འདྲེན་དེ་ཡི་དགེ་འདུན་གྲངས་མེད་བྱུང་།། བསྐལ་པ་ཁྲག་ཁྲིག་བྱེ་བར་བགྲངས་ན་ཡང་།། རེ་རེ་ལ་ཡང་དེ་དག་མཐར་མི་ཕྱིན།། རྒྱལ་བུ་བཅུ་དྲུག་པོ་ནི་དེ་དག་ཀྱང་། ། ཐམས་ཅད་གཞོན་ཚུལ་གྱུར་པ་སྙིང་གི་བུ།། འདྲེན་པ་ཁྱོད་ཀྱིས་ཆོས་མཆོག་བསྟན་གསོལ་ཞེས།། རྒྱལ་བ་དེ་ལ་དགེ་ཚུལ་དེ་དག་གསོལ།། ཇི་ལྟར་སྐྱེ་དགུ་ཀུན་མཆོག་ཁྱོད་བཞིན་དུ། ། བདག་ཅག་འཇིག་རྟེན་མཁྱེན་པར་འགྱུར་བར་ཤོག། ཇི་ལྟར་དཔའ་བོ་སྤྱན་དག་ཁྱོད་བཞིན་དུ།། སེམས་ཅན་འདི་དག་ཐམས་ཅད་དེ་བཞིན་ཤོག། དེ་སྲས་གཞོན་ནུར་གྱུར་པ་དེ་དག་གི། བསམ་པ་དག་ནི་རྒྱལ་བ་དེས་མཁྱེན་ནས།། དེཔེ་རྣམས་བྱེ་བ་ཁྲག་ཁྲིག་དུ་མ་ཡིས།། བྱང་ཆུབ་དམ་པ་མཆོག་ནི་རབ་ཏུ་བསྟན།། རྒྱུ་ནི་མང་པོ་སྟོང་གིས་ཉེར་བསྟན་ཏེ། མངོན་པར་ཤེས་དང་ཡེ་ཤེས་རབ་ཏུ་བསྒྲགས།། བྱང་ཆུབ་སེམས་དཔའ་མཁས་པ་སྤྱོད་པ་བཞིན།། འཇིག་རྟེན་མགོན་པོས་ཡང་དག་སྤྱོད་པ་བསྟན།། གང་དག་ཅད་ནི་གངྒཱའི་བྱེ་སྙེད་ཀྱི། ཚིགས་སུ་བཅད་པ་སྟོང་ཕྲག་མི་ཉུང་བས།། རངབ་རྒྱས་མདོ་སྡེ་དམ་ཆོས་པདྨ་དཀར།། འདི་ཉིད་བཅོམ་ལྡན་འདས་ཀྱིས་རབ་ཏུ་བཤད།། རྒྱལ་བ་དེས་ཀྱང་མདོ་སྡེ་འདི་བཤད་ནས། འཇིག་ཅེ་མགོན་པོ་བཅུག་ལས་ཁང་བཞུགས་ཏེ། ། ལྷན་ཅིག་སྟང་དུ་མཉམ་པར་གཞག་ནས་སྲ།། བསྐལ་པ་བརྒྱད་ཅུ་རྩ་བཞི་ཚང་བར་བརྟགས།། འདྲེན་པ་གཙུག་ལག་ཁང་ཞུགས་མི་འབྱུང་བར། དགེ་ཚུལ་དེ་དག་རྣམས་ཀྱིས་རིག་གྱུར་ནས།། སངས་རྒྱས་ཡེ་ཤེས་ཟག་མེད་ཞི་བ་འདི།། སྲོག་ཆགས་བྱེ་བ་མང་པོ་རྣམས་ལ་བསྒྲགས།། སོ་སོར་ཁྲི་སྟན་བཤམས་ཏེ་འདུག་ནས་ནི།། དེ་ལ་ཡང་མདོ་སྡེ་འདི་ཉིད་བཤད། ། བདེ་བར་གཤེགས་པ་དེ་ཡི་བསྟན་པ་ལ།། དེ་དག་དེ་འདྲའི་ཚུལ་དུ་དབང་བྱེད་དོ།། བདེ་གཤེགས་སྲས་པོ་དེ་དག་རེ་རེས་ཀྱང་།། དེ་ཡི་ཆེན་སེམས་ཅན་སྟོང་ཕྲག་ནི། གངྒཱ་དྲུག་ཅུའི་བྱེ་མ་རྙེད་ལ་བསྒྲགས།། སེམས་ཅན་མཐའ་ཡས་པ་དག་རྣམ་པར་འདུལ།། རྒྱལ་བ་དེ་ནི་མྱ་ངན་ཡོངས་འདས་ནས།། དེ་དག་སྤྱད་ནས་སངས་རྒྱས་བྱེ་བ་མཐོང་།། དེ་མ་ཐོས་བྱས་རྣམ་དང་ལྷན་ཅིག་ཏུ། ། རྐང་གཉིས་དམ་པ་ལ་ཡང་མཆོད་པ་བྱེད།། སྤྱོད་པ་ཡངས་པ་ཁྱད་པར་འཕགས་སྤྱད་ནས།། དེ་དག་ཕྱོགས་བཅུར་བྱང་ཆུབ་སངས་རྒྱས་ཏེ།། རྒྱལ་བ་དེ་ཡི་སྲས་དེ་བཅུ་དྲུག་པོ། ། ཕྱོགས་རྣམས་ཀུན་ན་རྒྱལ་བ་གཉིས་གཉིས་སོ།། དེ་ཚེ་གང་དག་ཐོས་བྱས་དེ་དག་ཀྱང་།། རྒྱལ་བ་དེ་ཡི་ཉན་ཐོས་ཐམས་ཅད་དེ།། བགས་ཀྱིས་རྣམ་པ་ཐ་དད་ཐབས་རྣམས་ཀྱིས། ། བྱང་ཆུབ་འདི་ནི་རབ་ཏུ་ཐོབ་པར་བྱས།། ང་ཡང་དེ་དག་ནང་དུ་གཏོགས་པར་གྱུར།། ངས་ཀྱང་ཁྱེད་རྣམས་ཐམས་ཅད་ཐོབ་པར་བྱས།། དེ་ཕྱིར་ད་དུང་ང་ཡི་ཉན་ཐོས་ཁྱེད།། བྱང་ཆུབ་འདི་ལ་ཐམས་ཅད་ཐབས་ཀྱིས་བཀྲི། ། གང་གི་ཕྱིར་ནང་ནི་ཆོས་འཆད་ཅིང་།། གང་ཕྱིར་བྱང་ཆུབ་མཆོག་འདིར་ངས་བཀྲིབ།། རྒྱུ་འདི་རྐྱེན་འདི་དེ་ཚེ་སྔོན་བྱུང་ངོ་།། དགེ་སློང་དག་གོ་གནས་འདིར་མ་འཇིགས་ཤིང་། ། ཇི་ལྟར་དགོན་པ་མ་རུངས་བཟང་རླག་པ།། སྟོང་པ་གནས་མེད་རྟེན་ཀྱང་མེད་པ་ལ།། གཅན་གཟན་རབ་ཏུ་མང་ཞིང་ཆུ་མེད་དོ།། དེ་ནི་བྱིས་པ་འཇིགས་པར་བྱེད་པ་ཡིན། ། དེ་ལ་སྐྱེས་བུ་སྟོང་ཕྲག་དུ་མ་རྣམས།། དགོན་པ་དེར་ནི་དེ་དག་ཞུགས་པར་གྱུར།། དགོན་པ་དེ་ཡང་སྟོང་ཞིང་རིང་བ་ནི།། དཔག་ཚད་ལྔ་བརྒྱ་རྙེད་དུ་ཚང་བར་གྱུར།། མྱ་ངན་དགོན་པ་རབ་ཏུ་འཇིགས་པ་ན། ། དེ་ན་དེ་ཡི་མཚོན་མར་གང་གྱུར་པ།། སྐྱེས་བུ་ཕྱུག་ཅིང་དྲན་ལྡན་གསལ་བ་སྟེ།། དེ་ཚེ་ཤིན་ཏུ་མཁས་ཤིང་འཛངས་པ་ཡི།། ཤིན་ཏུ་དཔའ་ཞིང་དུལ་ལ་འཇིམས་པ་མེད། ། སྲོག་ཆགས་བྱེ་བ་མང་པོ་དེ་དག་སྐྱོ།། དེ་ཚེ་མཚོན་མ་དེ་ལ་སྨྲས་པ་ནི།། འཕགས་པ་བདག་ཅག་སྐྱོ་སྟེ་མི་ནུས་ན།། བདག་ཅག་དེ་རིང་འདི་ནས་ལྡོག་པར་དཀའ།། དེ་ཚེ་ཤིན་ཏུ་མཁས་ཤིང་མཛངས་པ་ཡི། ། འདྲེན་པ་དེ་ཡང་དེ་ཚེ་ཐབས་སེམས་ཏེ།། ཀྱི་ཧུད་བྱིས་པ་འདི་དག་ཐམས་ཅད་ནི།། བདག་ཉིད་ལྡོག་པས་རིན་པོ་ཆེ་ལས་ཉམས།། འདི་ལྟར་ང་ཡིས་རྫུ་འཕྲུལ་སྟོབས་ཀྱིས་དེང་། ། ཁང་པ་བྱེ་བ་སྟོང་གིས་རབ་བརྒྱན་ཅིང་།། གཙུག་ལག་ཁང་དང་ཚལ་བུས་བརྒྱན་པ་ཡི།། གྲོང་ཁྱེར་ཆེན་པོ་མངོན་པར་སྤྲུལ་ནས་སུ།། རྫིང་དང་འབབ་ཆུ་དག་ཀྱང་མངོན་པར་སྤྲུལ། ། ཀུན་དགའ་དང་ནི་མེ་ཏོག་དག་གིས་བརྒྱན།། སྒོ་དང་རྩིག་པས་ཤིན་ཏུ་མཛེས་བྱས་ཤིང་།། སྐྱེས་པ་བུད་མེད་མཚུངས་མེད་རྣམས་ལྡན་པ།། སྤྲུལ་ནས་དེ་དག་རྣམས་ལ་འདི་སྐད་དུ། ། འཇིགས་པར་མ་བྱེད་རབ་ཏུ་དགའ་བར་བྱོས།། གྲོང་ཁྱེར་མཆོག་ཏུ་ཁྱེད་ཀྱིས་ད་ཕྱིན་གྱིས།། ཞུགས་ཏེ་དོན་རྣམས་མྱུར་དུ་གྱིས་ཤེས་སྨྲས།། ཅི་ནས་དེ་དག་ཐམས་ཅད་པར་འགྲོ་བར། དབུགས་དབྱུང་བྱ་བའི་ཕྱིར་ནི་ཆོག་སྨྲས་པ།། དགོན་པ་མ་རུངས་ཀུན་ལས་རྒལ་ཟིན་ཏེ།། མྱ་ངན་འདས་ཟིན་སེམས་ནི་དགའ་བར་བྱས།། ཐམས་ཅད་ངར་བསོས་གྱུར་པའི་ཚུལ་རིག་ནས། ། ཤིན་ཏུ་རི་མོ་བྱས་ཏེ་ཡང་སྨྲས་པ།། ཚུར་ཤེག་ཁོ་བོས་སྨྲས་པ་རྣམས་ལ་ཉོན།། འདི་ནི་རྫུ་འཕྲུལ་གྲོང་ཁྱེར་སྤྲུལ་པ་སྟེ།། ཁྱེད་རྣམས་སྐྱོ་བར་ཁོ་བོས་རིག་པས་ན།། ཁྱེད་རྣམས་ཕྱིར་མི་ལྡོག་པར་བྱ་བའི་ཕྱིར། ། འདི་འདྲ་འདི་ནི་ཁོ་བོའི་ཐབས་མཁས་ཡིན།། གླིང་དུ་འགྲོ་བའི་ཕྱིར་ནི་བརྩོན་འགྲུས་སྐྱེད།། དགེ་སློང་དེ་བཞིན་ང་ཡང་མཚོན་མ་སྟེ།། སྲོག་ཆགས་བྱེ་བ་སྟོང་གི་འདྲེན་པ་ཡིན། ། ཉོན་མོངས་སྒོ་ང་སྦུགས་རྡོལ་མི་ནུས་ཤིང་།། སྐྱོ་བའི་སེམས་ཅན་དག་ཀྱང་དེ་བཞིན་མཐོང་།། དེ་ཕྱིར་དེ་ཡི་དོན་དུ་ངས་བསམས་ཏེ།། བསྟི་བའི་གནས་འདིར་མྱ། ངན་འདས་འདི་བྱས།། སྡུག་བསྔལ་ཐམས་ཅད་རྗེས་སུ་རྟོགས་པ་འདི།། དགྲ་བཅོམ་ས་ལ་ཁྱེད་ཅག་བྱ་བ་བྱས།། གང་གི་ཚེ་ན་ཁྱེད་ཅག་ལུགས་གནས་འདིར།། གནས་པར་དགྲ་བཅོམ་བཔས་རང་བཟོང་རས་ཇི། ། དེ་ཡི་འོག་ཏུ་ཐམས་ཅད་འདིར་བསྡུ་སྟེ། ཆོས་འདི་ཇི་བའི་ངག་ངོར་བཤད་།། དང་སོང་ཆེན་པོ་ས་ཐེག་པ་གསུམ་བསྟན་པ།། རྣམ་འདྲེན་རྣམ་ཀྱི་ཐབས་ལ་མཁས་པ་སྟེ། ། ཐེག་པ་གཅིག་ཏེ་གཉིས་སུ་ཡོང་མ་ཡིན།། བསྟི་བའི་དོན་དུ་ཐེག་པ་གཉིས་བསྟན་ཏོ།། དགེ་སློང་དག་གོ་དེ་ཕྱིར་དེ་རིང་ངས།། འ་གྱིས་ནི་མྱ་ངན་མི་འདའ་སྟེ། ། ཁྱེད་ཀྱིས་ཐམས་ཅད་མཁྱེན་གྱི་ཡེ་ཤེས་ཕྱིར།། བརྩོན་འགྲུས་རླབས་ཆེན་དམ་པ་བསྐྱེད་པར་གྱིས།། ནམ་ཞིག་ཐམས་ཅད་མཁྱེན་གྱི་ཡེ་ཤེས་ཐོབ།། རྒྱལ་ཆོས་རྣམས་གང་དག་སྟོབས་བཅུ་དང་། ། སུམ་ཅུ་རྩ་གཉིས་མཚན་གྱི་གཟུགས་ལྡན་པ།། སངས་རྒྱས་གྱུར་ནས་མྱ་ངན་འདས་པ་ཡིན།། འདྲེན་པ་རྣམས་ཀྱི་བསྟན་པ་འདི་འདྲ་སྟེ།། བསྟི་བའི་ཕྱིར་ནི་མྱ་ངན་འདས་པ་གསུངས། ། ངལ་བསོས་རིག་ནས་མྱ་ངན་བཟླ་ཕྱིར་ཀུན།། ཐམས་ཅད་མཁྱེན་གྱི་ཤེས་ལ་བཀྲི་ཞེས་བཤད།། སྔོན་གྱི་སྦྱོར་བའི་ལེའུ་ཞེས་བྱ་བ་སྟེ་བདུན་པའོ།། ། ། དམ་པའི་ཆོས་པདྨ་དཀར་པོ་བམ་པོ་བདུན་པ། དེ་ནས་ཚེ་དང་ལྡན་པ་བྱམས་མའི་བུ་གང་པོས། བཅོམ་ལྡན་འདས་ལས་ཐབས་མཁས་པའི་ཡེ་ཤེས་གཟིགས་པ་དང་།། ལྡེམ་བོར་དགོངས་ཏེ་གསུངས་པ་བསྟན་པ་འདི་ལྟ་བུ་འདི་ཡང་ཐོས། ཉན་ཐོས་ཆེན་པོ་དེ་དག་ལུང་བསྟན་པ་ཡང་ཐོས། སྔོན་གྱི་སྦྱོར་བ་དང་ལྡན་པའི་གཏམ་འདི་དང་། བཅོམ་ལྡན་འདས་ཀྱི་ལྷ་མཆོག་ཏུ་གྱུར་པ་འདི་ཡང་ཐོས་ནས་ངོ་མཚར་དུ་གྱུར། རྨད་དུ་གྱུར་ཏེ། ཟང་ཟིང་མེད་པའི་སེམས་ཀྱིས་དགའ་བ་དང་། མཆོག་ཏུ་དགའ་བས་ཁྱབ་པར་གྱུར་ནས། དེ་མཆོག་ཏུ་དགའ་བ་ཆེན་པོ་དང་། ཆོས་ལ་གུས་པ་ཆེན་པོས་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས། འདི་སྙམ་དུ་འདི་ལྟར་ཁམས་ཐ་དད་པའི་འཇིག་རྟེན་གྱི་རྗེས་སུ་མཐུན་པར་འཇུག་པ་དང་། ཐབས་མཁས་པའི་ཡེ་ཤེས་གཟིགས་པ་མང་པོས་སེམས་ཅན་རྣམས་ལ་ཆོས་སྟོན་པ་དང་། དེ་དང་དེ་ལ་ཆགས་པའི་སེམས་ཅན་རྣམས་རབ་ཏུ་འགྲོལ་བ་ནི། དེ་བཞིན་གཤེགས་བ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཤིན་ཏུ་དཀའ་མཛད་དེ། བཅོམ་ལྡན་འདས་ངོ་མཚར་ཏོ།། བདེ་བར་གཤེགས་པ་ངོ་མཚར་ཏོ།། བཅོམ་ལྡན་འདས་འདི་ལ་ནི་བདག་ཅག་གིས་བགྱིད་པའི་རྡོག་ལ་ཐོག་སྟེ། དེ་བཞིན་གཤེགས་པ་ཉིད་ཀྱིས་བདག་ཅག་གི་བསམ་པ་དང་། སྔོན་གྱི་སྦྱོར་བའི་སྤྱོད་པ་མཁྱེན་ཏོ་སྙམ་དུ་སེམས་བསྐྱེད་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་ནས། བཅོམ་ལྡན་འདས་ཉིད་ལ་ཕྱག་འཚལ་ཞིང་མིག་མི་འཛུམ་པར་ལྟའོ།། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་བྱམས་མའི་བུ་གང་པོའོ་སེམས་ཀྱི་བསམ་པ་ལ་གཟིགས་ནས། ཐམས་ཅད་དང་ལྡན་པའི་དགེ་སློང་གི་དགེ་འདུན་ལ་བཀའ་སྩལ་པ། དགེ་སློང་དག་ཁྱེད་ངའི་ལན་ཐོས་བྱམས་མའི་བུ་གང་པོ་འདི་ལ་ལྟོས། འདི་ངས་དགེ་སློང་གི་དགེ་འདུན་འདིའི་ནང་མཆོས་སྩོགས་པ་རྔམས་ཀྱི་མཆོག་ཏུ་བསྟན་པ། ཡང་དག་པའི་ཡོན་ཏན་མང་པོས་བསྟོད་པ། ང་ཡིས་བསྟན་པ་འདི་ལ་རྣམ་པ་མང་པོས་དམ་པའི་ཆོས་ཡོངས་སུ་འཛིན་པར་མངོན་པར་བརྩོན་པ། འཁོར་བཞི་ཡང་དག་པར་རབ་ཏུ་དགའ་བར་བྱེད་པ། ཡང་དག་པར་འཛིན་དུ་འཇུག་པ་ཡང་དག་པར་གཟེང་བསྟོད་པ། ཆོས་འཆད་པས་ངལ་བ་མེད་པ། ཆོས་འདི་འཆད་ནུས་པ། ཚངས་པ་མཚུངས་པར་སྤྱོད་པ་རྣམས་ལ་ཕན་འདོགས་ནུས་པ་སྟེ། དགེ་སློང་དག་དེ་བཞིན་གཤེགས་པ་མ་གཏོགས་པར། གཞན་གྱིས་བྱམས་མའི་བུ་གང་པོ་དོན་དམ་ཚིག་འབྲུས་ཡོངས་སུ་གཏུགས་པར་མི་ནུས་སོ།། དགེ་སློང་དག་འདི་ཇི་སྙམ་དུ་སེམས། འདིང་འབའ་ཞིག་གི་དམ་པའི་ཆོས་འཛིན་པ་ཡིན་སྙམ་དུ་སེམས་ན། དགེ་སློང་དག་ཁྱེད་ཀྱིས་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། དགེ་སློང་དག་ངས་མངོན་པར་དྲན་ཏེ་འདས་པའི་དུས་ན། སངས་རྒྱས་བྱེ་བ་ཕྲག་དགུ་བཅུ་རྩ། དགུ་བྱུང་བའི་སངས་རྒྱས་བཅོམ་ལྡན་འདས་དེ་དག་གི་བསྟན་པ་ལ་འདི་ཉིད་ཀྱིས་དམ་པའི་ཆོས་ཡོངས་སུ་བཟུངས་ཏེ། ཇི་ལྟར་ད་ལྟར་ངས་ཆོས་སྒྲོགས་པ་རྣམས་ཀྱི་མཆོག་ཏུ་གྱུར་པ་བཞིན་དུ་ཐམས་ཅད་དུ་ཡང་གྱུར་ཏོ། ། ཐམས་ཅད་དུ་ཡང་བོང་ང་ཆུད་པར་གྱུར་ཏོ།། ཐམས་ཅད་དུ་ཡང་སོ་སོ་ཡང་དག་པར་རིག་པ་ཐོབ་པར་གྱུར་ཏོ།། ཐམས་ཅད་དུ་ཡང་བྱང་ཆུབ་སེམས་དཔའི་མངོན་པར་ཤེས་པ་ལེགས་པར་ཁོང་དུ་ཆུད་པར་གྱུར། ཆོས་སྟོན་པ་། ཐེ་ཙོམ་མེད་པར་ཆོས་སྟོན་པ་དང་། ཡོངས་སུ་དག་པར་ཆོས་སྟོན་པར་གྱུར། ཏོ།། སངས་རྒྱས་བཅོམ་ལྡན་འདས་དེ་དག་གི་བསྟན་པ་ལ་ཚེས་གནལ་ཏེ། ཚངས་པར་སྤྱོད་པ་སྤྱད་དོ།། ཐམས་ཅད་དུ་ཡང་ཉན་ཐོས་སུ་ཀུན་གྱིས་ཤེས་ཏེ། དེའི་ཐབས་འདིས་སེམས་ཅན། བྱེ་བ་ཁྲག་ཁྲིག་བརྒྱ་སྟོང་དཔག་ཏུ་མེད་གྲངས་མེད་པ་རྣམས་ཀྱི་དོན་བྱས་སོ།། སེམས་ཅན་དཔག་ཏུ་མེད། གྲངས་མེད་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། ། ཐམས་ཅད་དུ་ཡང་སངས་རྒྱས་བྱེ་བས་སེམས་ཅན་རྣམས་ལ་ཉེ་བར་གནས་པར་གྱུར་ཏོ།། ཐམས་ཅད་དུ་ཡང་བདག་གིས་སངས་རྒྱས་ཀྱི་ཞིང་ཡོངས་སུ་དག་པར་བྱས་སོ། ། སེམས་ཅན་དག་ཡོངས་སུ་སྨིན་པར་བྱ་བ་ལ་བརྩོན་པར་གྱུར་ཏོ།། དགེ་སློང་དག་རྣམ་པར་གཟིགས་ལ་སོགས་པ། དེ་བཞིན་གཤེགས་པ་བདུན་པོ་དག་གི་ཐ་མ་ནི་ང་ཡིན་ཏེ། དེ་དག་གི་ཡང་ཆོས་བརྗོད་པའི་མཆོག་ཏུ་གྱུར་ཏོ།། དགེ་སློང་དག་བསྐལ་པ་བཟང་པོ་འདི་ལ་མ་འོངས་པའི་དུས་ན། སངས་རྒྱས་སྟོང་དུ་སངས་རྒྱས་བཞིས་མ་ཚང་བ་གང་དག་འབྱུང་བ་དེ་དག་གི་བསྟན་པ་ལ་ཡང་། བྱམས་མའི་བུ་གང་པོ་འདི་ཉིད་ཆོས་སྟོན་པའི་མཆོག་ཏུ་འགྱུར། དམ་པའི་ཆོས་ཡོངས་སུ་འཛིན་པར་འགྱུར་རོ།། དེ་བཞིན་དུ་མ་འོངས་པའི་དུས་ན། སངས་རྒྱས་བཅོམ་ལྡན་འདས་དཔག་དམེང་གྲངས་མེད་པའི་དམ་པའི་ཆོས་ཀར་འཛིན་པར་འགྱུར་རོ། ། སེམས་ཅན་དཔག་ཏུ་མེད་གྲངས་མེད་པ་རྣམས་ཀྱི་དོན་བྱེད་པར་འགྱུར་རོ།། སེམས་ཅན་དཔག་ཏུ་མེད་གྲངས་མེད་པ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱེད་པར་འགྱུར་རོ། ། རྟག་ཏུ་རྒྱུན་མི་ཟད་པར་བདག་གི་སངས་རྒྱས་ཀྱི་ཞིང་ཡོངས་སུ་དག་པར་བྱ་བ་དང་། སེམས་ཅན་ཡོངས་སུ་སྨིན་པར་བྱ་བ་ལ་བརྩོན་པར་འགྱུར་རོ།། དེས་བྱང་ཆུབ་སེམས་དཔའི་སྤྱོད་པ་འདི་ལྟ་བུ་ཡོངས་སུ་རྫོགས་པར་བྱ་སྟེ། བསྐལ་པ་གྲངས་མེད་དཔག་ཏུ་མེད་པ་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་བཞིནི་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཆོས་རབ་ཏུ་སྣང་བ་ཞེས་བྱ་བ་འཇིག་རྟེན་དུ་འབྱུང་སྟེ། སངས་རྒྱས་ཀྱི་ཞིང་འདི་ཉིད་དུ་འབྱུང་བར་འགྱུར་རོ།། དགེ་སློང་དག་ཡང་དེའི་ཚེ། སངས་རྒྱས་ཀྱི་ཞིང་འདི་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ཀངྐའི་ཀླུང་གི་བྱེ་མ་སྙེད་སངས་རྒྱས་ཀྱི་ཞིང་གཅིག་ཏུ་འགྱུར་ཏེ། དེ་རིན་པོ་ཆེ་སྣ་བདུན་གྱི་གཞི་ལ་ལག་མཐིལ་ལྟར་མཉམ་པ། རི་མེད་པ། རིན་པོ་ཆེ་སྣ་བདུན་གྱི་ཁང་པ་བརྩེགས་པས་ཡོངས་སུ་གང་བར་འགྱུར་རོ། ། ལྷའི་གཞལ་མེད་ཁང་དགེ་དང་ཉེ་བར་གྱུར་ཏེ། ལྷ་དག་གིས་ཀྱང་མི་མཐོང་མི་དག་གིས་ཀྱང་ལྷ་མཐོང་བར་འགྱུར་རོ།། དགེ་སློང་དག་དེའི་ཚེ་། སངས་རྒྱས་ཀྱི་ཞིང་འདི་ན་ངན་སོང་མེད་པར་འགྱུར། བུད་མེད་ཀྱང་མེད། སེམས་ཅན་དེ་དག་ཐམས་ཅད་ཀྱང་རྫུས་ཏེ་རྒྱང་ཚངས་པར་སྦྱོད་བ། ཡིད་ལས་བྱུང་བའི་ལུས་འོང་རང་མ་མ། པ། རྫུ་འཕྲུལ་ཅན། ནམ་མཁའ་ལ་འགྲོ་བ། བརྩོན་འགྲུས་དང་ལྡན་པ། དྲན་པ་དང་ལྡན་པ། ཤེས་རབ་དང་ལྡན་པ། ལུས་གསེར་གྱི་ཁ་དོག་ཅན། སྐྱེས་བུ་ཆེན་པོའི་མཚན་སུམཿ་རྩ་གཉིས་ཀྱིས་ཀྱང་ལུས་བརྒྱན་པར་འགྱུར་རོ། ། དགེ་སློང་དག་ཡང་དེའི་ཚེ་སངས་རྒྱས་ཀྱི་ཞིང་འདིར་སེམས་ཅན་དེ་དག་གི་ཟས་རྣམ་པ་གཉིས་སུ་འགྱུར་ཏེ། གཉིས་གང་ཞེ་ན་འདི་ལྟ་སྟེ། ཆོས་ཀྱི་དཀའ་བའི་ཟས་དང་། བསམ་གཏན་གྱི་དཀའ་བའི་ཟས་སོ།། དེའི་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་དཔག་ཏུ་མེད་པ་འབྱུང་སྟེ། ཐམས་ཅད་ཀྱང་མངོན་པར་ཤེས་པ་ཆེན་པོ་ཐོབ་པ། སོ་སོ་ཡང་དག་པར་རིག་པ་རྣམས་རྟོགས་པར་ཁོང་དུ་ཆུད་པ་སེམས་ཅན་ལ་འདེམས་མཁས་པ་ཤ་སྟག་གོ།། དེའི་ཉན་ཐོས་ནི་བགྲངས་པ་ལས་འདས་པ་འབྱུང་སྟེ། རྫུ་འཕྲུལ་ཆེ་བ། མཐུ་ཆེ་བ། རྣམ་པར་ཐར་པ་བརྒྱད་ལ་བསམ་གཏན་པ་ཤ་སྟག་གོ། སངས་རྒྱས་ཀྱི་ཞིང་དེ་དེ་ལྟ་བུའི་ཡོན་ཏན་ཚད་མེད་པ་དང་ལྡན་པར་འགྱུར་རོ།། བསྐལ་བ་ནི་རིན་པོ་ཆེ་སྣང་བ་ཞེས་བྱ་བར་འགྱུརརོ། ། འཇིག་རྗེར་གྱི་གས་འི་ས་པ་ཞེས་བྱ་བར་འགྱུར་རོ།། དེའི་ཚེའི་ཚད་ནི་བསྐལ་པ་གྲངས་མེད། དཔག་ཏུ་མེད་པར་འགྱུར་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བརྩམ་པ་ཡང་དག་པར་རྫོགས་པའི་སངས་རྒྱས་ཆོས་རབ་ཏུ་སྣང་བ་དེ་ཡོངས་སུ་མྱ་ངན་ལས་འདུས་ནས་ཀྱང་དམ། པའི་ཆོས་སུ་མ་དུ་གནས་པར་འགྱུར། འཇིག་རྟེན་གྱི་ཁམས་དེ་རིན་པོ་ཆེའི་མཆོད་རྟེན་གྱིས་གང་བར་འགྱུར་རོ།། དགེ་སློང་དག་དེ་ལྟར་བཅོམ་ལྡན་འདས་དེའི་སངས་རྒྱས་ཀྱི་ཞིང་དེ་ཡོན་ཏན་བསམ་གྱིས་མི་ཁྱབ་པ་དང་ལྡན་པར་འགྱུར་རོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། ། ང་ཡི་བུ་ནི་ཐབས་མཁས་ལེགས་བསླབས་པ།། ཇི་ལྟར་སྤྱོད་པ་སྤྱད་པར་གྱུར་པ་དང་།། ཇི་ལྟར་བྱང་ཆུབ་སྤྱོད་པ་འདི་སྤྱད་པ།། དོན་དེང་ལས་ཉོན་ཅིག་དགེ་སློང་དག་ཐེག་པ་རླབས་པོ་ཆེས་ནི་སྐྲག་འགྱུར་ཞིང་། ། འདི་ན་སེམས་ཅན་དམན་ལ་མོས་རིག་ནས།། བྱང་ཆུབ་སེམས་དཔའ་འདི་དག་ཉན་ཐོས་གྱུར།། རང་རྒྱལ་བྱང་ཆུབ་པར་ཡང་རབ་ཏུ་སྟོན།། ཐབས་ལ་མཁས་པ་བརྒྱ་ཕྲག་དུ་མ་ཡིས། ། བྱང་ཆུབ་སེམས་དཔའ་མང་པོ་སྨིན་པར་བྱེད།། འདི་སྐད་བདག་ཅག་ཉན་ཐོས་བདག་ཅག་ནི།། བྱང་ཆུབ་དམ་པ་མཆོག་ལས་རིང་ཞེས་སྨྲ།། དེ་དག་རྗེས་སུ་སྤྱོད་པ་དེ་སློབ་པས། ། སེམས་ཅན་བྱེ་བ་དེ་དག་སྨིན་པར་འགྱུར།། དམན་ལ་མོས་ཤིང་ལེ་ལོ་ཅན་གྱི་ཚུལ།། དེ་དག་ཐམས་ཅད་མཐར་གྱི་སངས་རྒྱས་འགྱུར།། དེ་དག་མི་ཚོར་བར་ནི་སྤྱད་པ་བདག་ཅ་ཅན་ཟས་ཐཾ་གཆུང་བ་ན། སྨྲ་ཨུ0f7f། བྱསས་ཤིང་བང་སོངས་སུ་ས་པར་གྱུ།། ངདག་ད་། གས་ས་གཏི་མུག་བཅས་པར་ཡང་ནི་རབ་ཏུ་སྟོན། ། སེམས་ཅན་ལྟལ་ཆགས་པར་རིག་ནས་ནོ།། དེ་ཡི་ལྟ་བ་རྣམས་ལ་ཉེ་བར་གནས།། ང་ཡིནན་ཐོས་མང་དུ་དེ་ལྟར་སྤྱོད།། སེམས་ཅན་ཐབས་ཀྱིས་རྣམ་པར་གྲོལ་བར་བྱེད། ། དེ་ཡིས་སྨོད་པ་ཐམས་ཅད་རབ་བསྟན་ན།། མི་མཁས་མི་རྣམས་ཤིན་ཏུ་བྱོས་པར་འགྱུར།། དགེ་སློང་གང་པོ་ང་ཡིས་ཉན་ཐོས་འདི།། སངས་རྒྱས་རྣམས་ཀྱི་ཡེ་ཤེས་འདི་ཆོལ་ཕྱིར། ། སྔོན་གྱི་སངས་རྒྱས་བྱེ་བ་སྟོང་ལ་སྤྱད།། དེ་དག་རྣམས་ཀྱི་དམ་ཆོས་ཡོངས་སུ་བཟུང་།། ཀུན་ཏུ་འདི་ནི་ཉན་ཐོས་མཆོག་ཏུ་གྱུར།། མང་དུ་ཐོས་ཤིང་འཇིགས་མེད་སྣ་ཚོགས་བརྗོད། ། རྟག་ཏུ་མི་སྐྱོ་ཡང་དག་དགའ་བར་བྱེད།། རྟག་ཏུ་སངས་རྒྱས་བྱེ་བས་ཉེ་བར་གནས།། རྟག་ཏུ་མངོན་ཤེས་ཆེན་པོས་རྟོགས་པར་རིག། སོ་སོ་ཡང་དག་རིག་པ་ཐོབ་པར་གྱུར། ། སེམས་ཅན་རྣམས་ཀྱི་དབང་པོ་སྤྱོད་ཡུལ་ཤེས།། རྟག་ཏུ་རྣམ་པར་དག་པའི་ཆོས་ཀྱང་འཆད།། དམ་པའི་ཆོས་ཀྱི་མཆོག་ཀྱང་རབ་འཆད་ཅིང་།། བླ་ན་མེད་པའི་ཐེག་པ་མཆོག་འདི་ལ། ། སེམས་ཅན་བྱེ་བ་ཕྲག་སྟོང་ཡོངས་སྨིན་བྱེད།། བདག་གི་ཞིང་མཆོག་རྣམ་པར་དག་པར་བྱེད།། མ་འོངས་དུས་ཀྱི་ཚེ་ཡང་དེ་བཞིན་དུ།། སངས་རྒྱས་བྱེ་བ་ཕྲག་སྟོང་མཆོད་པར་འགྱུར། ། དམ་པའི་ཆོས་མཆོག་རྣམས་ཀྱང་རབ་ཏུ་འཛིན།། བདག་གི་ཞིང་ཡང་ཡོངས་སུ་དག་པར་བྱེད།། རྟག་ཏུ་འཇིགས་པ་མེད་པར་ཆོས་འཆད་དེ། ཐབས་ལ་མཁས་པ་བྱེ་བ་ཕྲག་སྟོང་གིས།། ཐམས་མཁྱེན་གྱི་ཡེ་ཤེས་ཟག་མེད་ལ།། སེམས་ཅན་མང་པོ་ཡོངས་སུ་སྨིན་པར་བྱེད།། མི་ཡི་འདྲེན་པ་རྣམས་ལ་ངེས་མཆོད་པས།། དམ་པའི་ཆོས་མཆོག་རྟག་ཏུ་བཟུང་ནས་ནི། ། འཇིག་རྟེན་དུ་ཡང་རང་བྱུང་སངས་རྒྱས་འགྱུར།། ཆོས་རབ་སྣང་ཞེས་ཕྱོགས་སུ་རབ་ཏུ་གྲགས།། དེ་ཡི་ཞིང་ཡང་ཤིན་ཏུ་རྣམ་དག་འགྱུར།། རིན་ཆེན་སྣ་བདུན་རྟག་ཏུ་ཁྱད་པར་འཕགས། ། བསྐལ་པ་དེ་ནི་རིན་ཆེན་སྣང་བ་ཡིན།། འཇིག་རྟེན་ཁམས་དེ་ཤིན་ཏུ་རྣམ་དག་ཡིན།། མངོན་ཤེས་ཆེ་ལ་ཤིན་ཏུ་མཁས་པ་ཡི།། བྱང་ཆུབ་སེམ་དཔའ་བྱེ་བ་སྟོང་མང་སྟེ། ། རྣམ་དག་བློ་ཅན་རྫུ་འཕྲུལ་ཆེ་རྣམས་ཀྱིས།། འཇིག་རྟེན་ཁམས་དེ་ཡོངས་སུ་གང་བར་འགྱུར།། དེ་བཞིན་ཉན་ཐོས་དག་ཀྱང་བྱེ་བ་སྟོང་།། དེ་ཚེ་འདྲེན་པའི་དགེ་འདུན་འབྱུང་བ་ནི། ། རྣམ་ཐར་བརྒྱད་ལ་བསམ་གཏན་རྫུ་འཕྲལ་ཆེ།། སོ་སོ་ཡང་དག་རིག་པ་རྟོགས་པར་རིག། སེམས་ཅན་ཐམས་ཅད་སངས་རྒྱས་ཞིང་དེ་ན།། ཚངས་པར་སྤྱོད་ཅིང་རབ་ཏུ་དགའ་བར་འགྱུར། ། ཐམས་ཅད་གསེར་གྱི་མདོག་ཅན་རྫུས་ཏེ་སྐྱེ།། སུམ་ཅུ་རྩ་གཉིས་མཚན་གྱི་གཟུགས་དང་ལྡན།། ཆོས་ལ་མངོན་པར་དགའ་བ་མ་གཏོགས་པར།། དེ་ན་ཟས་ཀྱ་འདུ་ཤེས་མེད་པར་འགྱུར། ། དེར་ནི་བུད་མེད་རྣམས་ཀྱང་མི་འབྱུང་སྟེ།། ངན་སོང་དང་ནི་ངན་འགྲོས་འཇིགས་པ་མེད།། སེམས་ཅན་རབ་ཏུ་དགེ་བས་ཀུན་གང་སྟེ།། གང་པོ་ཡིན་ངན་ཡང་དག་རྫོགས་ལྡན་གྱི། ། ཞིང་མཆོག་རེ་ནི་དེ་འདྲར་འགྱུར་བ་སྟེ།། འདི་ནི་ཅུང་ཟད་ཙམ་ཞིག་བསར་པ་ཡིདེ་ནས་དབང་དང་ལྡན་པར་གྱུར་པ་སྟོང་ཉིས་བརྒྱ་པོ་དེ་དག་འདི་སྙམ་དུ་སེམས་ཏེ། གལ་ཏེ་བདག་ཅག་ཀྱང་། བཅོམ་ལྡན་འདས་ཀྱིས་ཉན་ཐོས་ཆེན་པོ་གཞན་དག་ཇི་ལྟར་ལུང་བསྟན་པ་དེ་བཞིན་དུ། དེ་བཞིན་གཤེགས་པས་བདག་ཅག་སོ་སོར་ལུང་བསྟན་ངོ་མཚར་དུ་འགྱུར། རྨད་དུ་འགྱུར་རོ་སྙམ་མོ།། དེ་ནས་བཅོམ་ལྡན་འདས་ཀྱིས་ཉན་ཐོས་ཆེན་པོ་དེ་དག་གི་སེམས་ཀྱི་རྣམ་པར་རྟོག་པ་ཐུགས་ཀྱིས། ཐུགས་སུ་ཆུད་ནས་ཚེ་དང་ལྡན་པ་འོད་སྲུང་ཆེན་པོ་ལ་བཀའ་སྩལ་པ། འོད་སྲུང་དབང་དང་ལྡན་པར་གྱུར་པ་སྟོང་ཉིས་བརྒྱ་པོ་གང་དག་ད་ལྟར་ང་མངོན་སུམ་དུ་གྱུར་པའི་འདི་དག་ཐམས་ཅད་དེའི་འོག་ཏུ་ལུང་བསྟན་འོད་སྲུང་དེ་ལ་ཉན་ཐོས་ཆེན་པོ་དགེ་སློང་ཀོའུ་དི་ནྱ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་ཅུ་རྩ་གཉིས་ཀྱི་ཕ་རོལ་གྱི་ཡང་ཆེས་ཕ་རོལ་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་པ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྔ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཀུན་ཏུ་སྣང་བ་ཞེས་བྱ་བར་འཇིག་རྟེན་དུ་འབྱུང་སྟེ། འོད་སྲུང་དེ་ནི་མིང་འདི་གཅིག་པུ་བཏགས་པ། དེ་བཞིན་གཤེགས་པ་ལྔ་བརྒྱ་འབྱུང་བར་འགྱུར་རོ། ། ཉན་ཐོས་ཆེན་པོ་ལྔ་བརྒྱ་པོ་དེ་ཐམས་ཅད་གཅིག་གི་འོག་ཏུ་གཅིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཆང་རྒྱ་སྟེ། ཐམས་ཅད་ཀྱང་ཀུན་ཏུ་སྣང་བ་ཞེས་བྱ་བར་འགྱུར་རོ།། འདི་ལྟ་སྟེ། ག་ཡ་འོད་སྲུང་དང་། ཆུ་ཀླུང་འོད་སྲུང་དང་། ལྟེང་རྒྱས་འོད་སྲུང་དང་། ནག་པོ་དང་། འཆར་པ་ནག་པོ་དང་། མ་འགགས་པ་དང་། ནམ་གྲུ་དང་། ཀ་པི་ན་དང་། བ་གུ་ལ་དང་། སྐུལ་བྱེད་དང་། ལེགས་འོངས་ལ་སོགས་པ་དབང་དང་ལྡན་པར་གྱུར་པ་ལྔ་བརྒྱའོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། ། ཀོའུ་དི་ནྱ་རིགས་ང་ཡི་ཉན་ཐོས་འདི།། མ་འོངས་དུས་ཀྱི་བསྐལ་པ་མཐའ་ཡས་ན།། དེ་བཞིན་གཤེགས་པ་འཇིག་རྟེན་མགོན་དུ་འགྱུར། ། སྲོག་ཆགས་བྱེ་བ་ཕྲག་སྟོང་རྣམ་པར་འདུལ།། མ་འོངས་དུས་ཀྱི་བསྐལ་པ་མཐའ་ཡས་ན།། སངས་རྒྱས་མང་པོ་མཐའ་ཡས་མཐོང་ནས་ནི།། ཀུན་ཏུ་སྣང་ཞེས་བྱ་བའི་རྒྱལ་བར་འགྱུར། ། དེ་ཡི་ཞིང་ཡང་ཡོངས་སུ་དག་པར་འགྱུར།། སངས་རྒྱས་སྟོབས་དང་འོད་དུ་ལྡན་པར་འགྱུར།། ཕྱོགས་བཅུ་དག་ཏུ་སྒྲ་ཡང་རྣམ་པར་བསྒྲགས།། སྲོག་ཆགས་བྱེ་བ་སྟོང་གིས་མདུན་གྱིས་བལྟས། ། བྱང་ཆུབ་དམ་པ་མཆོག་ཀྱང་སྟོན་པར་གྱུར།། དེ་ན་བྱང་ཆུབ་སེམས་དཔའ་བརྩོན་པ་རྣམས།། གཞལ་མེད་ཁང་མཆོག་ཏུ་ནི་མངོན་ཞུགས་ནས།། དེ་ན་གནས་ཤིང་རྗེས་སུ་རྣམ་པར་སེམས། ། རྣམ་དག་ཚུལ་ཁྲིམས་རྟག་ཏུ་ལེན་པའི་ཚུལ།། རྐང་གཉིས་གཙོ་བོ་དེ་ཡི་ཆོས་ཐོས་ནས།། ཞིང་གཞན་དུ་ནི་དེ་དག་རྟག་ཏུ་ཡང་།། དེ་དག་སངས་རྒྱས་སྟོང་ལ་ཕྱག། འཚལ་འགྲོ།། དེ་དག་ལ་ནི་རྒྱ་ཆེའི་མཆོད་བྱས་ཏེ།། སྐད་ཅིག་གིས་ནི་རྣམ་པར་འདྲེན་པ་ཡི།། ཞིང་དེར་དེ་དག་ཕྱིར་ཡང་འོང་བར་འགྱུར།། རབ་ཏུ་སྣང་ཞེས་བྱ་བ་མི་ཡི་གཙོ།། སྤྱོད་པའི་སྟོབས་ནི་དེ་ལྟ་དེ་འདྲར་འགྱུར། ། བདེ་གཤེགས་དེ་ཡི་ཚེ་ཚད་འགྱུར་བ་ནི།། བསྐལ་པ་སྟོང་ཕྲག་དྲུག་ཅུ་ཚང་བར་འགྱུར།། སྐྱོབ་པ་ཡོངས་སུ་མྱ་ངན་འདས་ནས་ནི།། དེ་ལས་ཉིས་གྱུར་དམ་ཆོས་དེར་གནས་འགྱུར། ། དེ་ཡི་གཟུགས་བརྙན་འབྱུང་བར་འགྱུར་བ་ནི།། དེ་ནི་སུམ་གྱུར་དེ་སྲིད་དུས་སུའོ།། སྐྱོབ་པ་དེ་ཡི་དམ་ཆོས་མེད་གྱུར་ནས།། ལྷ་རྣམས་དང་ནི་མི་དག་སྡུག་བསྔལ་འགྱུར།། སྐྱེས་མཆོག་ཀུན་ཏུ་སྣང་ཞེས་བྱ་བར་ཡང་།། མིང་གཅིག་པ་ཡི་རྒྱལ་བ་འབྱུང་བ་ནི།། འདྲེན་པ་ལྔ་བརྒྱར་ཡོངས་སུ་ཚང་བར་ཏེ།། དེ་དག་གཅིག་གི་འོག་ཏུ་གཅིག་འབྱུང་འགྱུར།། དེ་དག་ཀུན་གྱི་བཀོད་པ་དེ་འདྲ་སྟེ། ། རྫུ་འཕྲུལ་སྟོབས་དང་དེ་བཞིན་སངས་རྒྱས་ཞིང་།། འདུས་པ་དེ་བཞིན་དམ་ཆོས་དེ་འདྲ་སྟེ།། དམ་པའི་ཆོས་གནས་པ་ཡང་མཉམ་པར་འགྱུར།། ཀུན་ཏུ་སྣང་བ་སྐྱེས་བུ་དམ་པ་ཡི། ། ཇི་ལྟར་ང་ཡིས་སྔར་ནི་བཤད་པ་བཞིན།། དེ་ཚེ་སྒྲ་ནི་ལྷར་བཅས་འཇིག་རྟེན་དུ།། ཐམས་ཅད་དེ་དག་ལྟ་བུར་འགྱུར་བ་ཡིན།། ཇི་ལྟར་འཇིག་རྟེན་ཐམས་ཅད་ངས་བསྟན་བཞིན། ། འདི་ནི་ང་ཡི་འོག་ཏུ་འབྱུང་ངོ་ཞེས།། མཐར་གྱིས་དེ་ལྟར་དེ་དག་གཅིག་ནས་གཅིག། ཕན་ཞིང་སྙིང་བརྩེ་བ་དག་ལུང་སྟོན་འགྱུར།། འོད་སྲུང་ཁྱོད་ཀྱིས་དེ་རིང་དབང་ལྡན་པ། ། ལྔ་བརྒྱ་ལས་ནི་མོ་ཉུང་དེ་དག་དང་།། ང་ཡི་ཉན་ཐོས་གཞན་ཡང་དེ་ལྟར་ཟུང་།། དེ་བཞིན་དུ་ཡང་ཉན་ཐོས་གཞན་ལ་བསྒོ།། དེ་ནས་དགྲ་བཅོམ་པ་ལྔ་བརྒྱ་པོ་དེ་དག་བཅོམ་ལྡན་འདས་ལས་བདག་ཅག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་སུམ་དུ་ལུང་བསྟན་པ་ཐོས་ནས་ཚིམ་ཞིང་མགུ་ལ་ཡིད་རངས་ཏེ། དགའ་བ་དང་། ཡིད་བདེ་བསྐྱེས་ནས། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་གིས་རྟག་ཏུ་རྒྱུན་མི་འཆད་པར་འདི་ནི་བདག་ཅག་གི་མྱ་ངན་ལས་འདས་པ་ལགས་ཏེ། བདག་ཅག་ནི་ཡོངས་སུ་མྱ་ངན་ལས་འདས་སོ་སྙམ་དུ་སེམས་ལ་ཡོངས་སུ་བསྒོམས་པའི་ནོངས་པ་དེ་དག་བདག་ཅག་གིས་བཤགས་སོ། ། བཅོམ་ལྡན་འདས་འདི་ནི་བདག་ཅག་མ་རྟོགས་མ་འཚལ་མི་མཁས་པ་ལགས་ཏེ། དེ་ཅིའི་སླད་དུ་ཞེ་ན། འདི་ལྟར་བདག་ཅག་དེ་བཞིན་གཤེགས་པའི་ཡེ་ཤེས་ཀྱིས་མངོན་པར་རྫོགས་པར་འཚང་རྒྱ་བར་བགྱི་བ་ལགས་ན། འདི་ལྟ་བུའི་ཡེ་ཤེས་ཆུང་རས་འཚལ་ཏོ་སྙམ་མོ།། འདི་ལྟ་སྟེ་དཔེར་ན། མི་ལ་ལ་ཞིག་མཛའ་བོའི་མཆིས་འབྲང་དུ་མཆིས་ནས། ཕྱག་ལ་ཁོམ་མམ། མཆིས་ཉལ་བ་ལ་མཛའ་བོ་དེས་འདིའི་ནོར་བུ་རིན་པོ་ཆེར་འདིར་བྱའོ་སྙམ་ནས། རིན་ཐང་མ་མཆིས་པའི་ནོར་བུ་རིན་པོ་ཆེ་འདི་གོས་ཀྱིས་མཐའ་མར་ཕུར་རོ།། བཅོམ་ལྡན་འདས་དེ་ན་མི་དེ་མཆིས་ལངས་ཏེ། འཕགས་ནས་ཡུལ་ཕྱོགས་གཞན་དུ་མཆིས་ཏེ། དེ་དེ་ན་ཉོན་མོངས་པར་གྱུར་ནས། འཚལ་མ་དང་རད་པ་ཚོལ་བའི་སླད་དུ་ཤིན་ཉོན་མོངས་ཤིང་ཆེར་འབད་དེ། གང་ཞིག་ནས་ཁ་ཟས་ཆུང་ཟད་ཅིག་རྙེད་ནས་མགུ་སྟེ་རབ་ཏུ་དགའ་བར་གྱུར་ཏོ། ། བཅོམ་ལྡན་འདས་དེ་ནས་མི་དེའི་མཛའ་བོ་རྙིང་པས། དེའི་གོས་ཀྱི་ཐ་མར་རིན་ཐང་མ་མཆིས་པའི་ནོར་བུ་རིན་པོ་ཆེའི་ཕུ་ར་མ་བགྱིས་པའི་མི་དེས་ཡང་མཐོང་ནས། དེས་དེ་ལ་འདི་སྐད་ཅེས། ཀྱེ་མི་ཁྱོད་ཟས་དང་སྐོམ་ཚོལ་བའི་ཕྱིར་ཅི་སྟེ། ཉོན་མོངས་སུ་འོང་ཞེས་ཀྱེ་མི་ཁྱོད་བདེ་བར་གནས་པར་བྱ་བའི་ཕྱིར། ངས་འདོད་པ་ཐམས་ཅད་གྲུབ་པར་བྱེད་པ། རིན་ཐང་མེད་པའི་ནོར་བུ་རིན་པོ་ཆེ་གོས་ཀྱི་ཐ་མར་ཕུར་ཏེ། ཀྱེ་མི་ཁྱོད་ངས་ནོར་བུ་རིན་པོ་ཆེ་དེ་སྦྱིན་ནས། ཀྱེ་མི་ཁྱོད་གོས་ཀྱི་ཐ་མ་ལ་ནོར་བུ་རིན་པོ་ཆེ་རིང་ཐང་མེད་པ་ཕུར་ན། བདག་ལ་ནམ་ཕུར། སུ་ཞིག་གིས་ཕུར། ཅིའི་རྒྱུ། ཅིའི་ཕྱིར་ཕུར་བ། ཀྱེ་མི་ཁྱོད་ཅུང་ཟད་ཀྱང་མི་ལྟ་འམ། ཁྱོད་ནི་བྱིས་པའི་རང་བཞིན་ཅན་ཏེ། ཀྱེ་མི་ཁྱོད་ཉོན་མོངས་པར་ཟས་དང་སྐོམ་ཚོལ་བ་ཙམ་གྱིས་ཆོག་པར་འཛིན་ཏམ། ཀྱེ་མི་ཁྱོད་སོང་ལ་རིང་ཐང་མེད་པའི་རིན་པོ་ཆེ་འདི་ཁྱེར་ཏེ། གྲོང་ཁྱེར་ཆེན་པོར་སོང་ལ། ནོར་བུ་དེས་ནོར་གྱི་བྱ་བ་ཐམས་ཅད་བྱོས་ཤིག་ཅེས་མཆི་བ་དེ་བཞིན་དུ། བཅོམ་ལྡན་འདས་བདག་ཅག་ཀྱང་དེ་བཞིན་གཤེགས་པས། ཐོག་མ་བྱང་ཆུབ་སེམས་དཔའི་སྤྱོད་པ་སྤྱད་པ་ན། ཐམས་ཅད་མཁྱེན་པ་ཉིད་ཀྱི་སེམས་བསྐྱེད་པར་གྱུར་པ་དེ་དག་བདག་ཅག་གིས་མ་རྟོགས་འཚལ་ཏེ། བཅོམ་ལྡན་འདས་དེའི་སླད་བདག་ཅག་ཀྱང་དགྲ་བཅོམ་པའི་ས་ན་མྱ་ངན་ལས་འདས་པ་སྙམ་བགྱིད་དོ། ། བཅོམ་ལྡན་འདས་བདག་ཅག་ཉོན་མོངས་པར་ཚོལ་ཞིང་། བཅོམ་ལྡན་འདས་འདི་ལྟ་བུའི་ཡེ་ཤེས་ཆུང་ངུས་འཚལ་བར་འཛིན་ཏོ།། ཐམས་ཅད་མཁྱེན་པའི་ཡེ་ཤེས་སུ་སྨོན་པ། རྟག་ཏུ་མ་ཉམས་པ་དེས། བཅོམ་ལྡན་འདས་བདག་ཅག་དེ་བཞིན་གཤེགས་པས་ཁོང་དུ་ཆུད་པར་བསྟན་པ། དགེ་སློང་དག་ཁྱེད་དེ་ལྟར་མྱ་ངན་ལས་འདས་པར་མ་སེམས་ཤིག། དགེ་སློང་དག་ངས་སྔོན་ཡོངས་སུ་སྨིན་པར་བྱས་པའི་དགེ་བའི་རྩ་བ་དེ་དག་ཁྱེད་ཀྱི་སེམས་ལ་ཡོད་དོ།། ཆོས་བཤད་ཅིང་བརྗོད་པས་ཁྱེད་ད་ལྟར་མྱ་ངན་ལས་འདའ་བ་ཡིན་པར་སེམས་པ་འདི་ཡང་ངའི་ཐབས་མཁས་པའོ་ཞེས་དེ་ལྟར་བཅོམ་ལྡན་འདས་ཀྱིས་བདག་ཅག་ཁོང་དུ་ཆུད་པར་བགྱིས་ཏེ། དེ་རིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། ། དེ་ནས་ཀུན་ཤེས་ཀོའུ་དི་ནྱཱ་ལ་སོགས་པ་དབང་དང་ལྡན་པར་གྱུར་པ་ལྔ་བརྒྱ་པོ་དེ་དག་གིས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ།། གང་ཕྱིར་མཆོག་རབ་བྱང་ཆུབ་ལུང་བསྟན་ཏེ། ། འདི་འདྲ་བ་ཡི་དབུགས་འབྱིན་བླ་མེད་པ།། འདི་ཐོས་ནས་ནི་བདག་ཅག་དགའ་མགུ་སྟེ།། བཅོམ་ལྡན་མཐའ་ཡས་སྤྱན་ལ་ཕྱག་འཚལ་ལོ།། ཇི་ལྟར་བྱིས་པ་མི་མཁས་མ་འཚལ་བཞིན། ། བདེ་བར་གཤེགས་ཀྱི་བསྟན་ལ་བདག་ཅག་ནི།། མྱ་ངན་འདས་པ་ཙམ་གྱིས་ཚལ་འཛིན་པ།། ནོངས་པ་དེ་དག་ཁྱོད་ལ་རབ་ཏུ་བཤགས།། ཇི་ལྟར་དཔེར་ན་མི་འགའ་ལ་ལ་ཞིག། དེ་ཡི་མཛའ་བོའི་ཁྱིམ་དེར་ཕྱིན་གྱུར་ནས།། གྲོགས་པོ་ད་ནི་ནོར་བདག་ཕྱུག་པོ་སྟེ།། དེས་ནི་དེ་ལ་བཟའ་བཅའ་མང་སྩལ་ནས།། ཟས་ཀྱིས་དེ་ནི་ཡང་དག་ཚིམ་པར་བགྱིས།། རིན་ཆེན་དུ་མ་རི་བ་དེ་སྩལ་ཏེ།། དེ་ཡི་བླ་གོས་མཐའ་མར་ཕུར་ཏེ་འདུད།། དེ་ལ་སྩལ་ནས་དེ་ནི་དགའ་བར་གྱུར།། བྱིས་པ་དེ་ཡང་དེ་ནས་མཆིས་གྱུར་པ།། ལངས་ནས་དེ་ཡང་གྲོང་ཁྱེར་གཞན་དུ་མཆིས། ། དེ་ནི་ཉོན་མོངས་གྱུར་ཏེ་ཕོངས་ཤིང་ཚོལ།། འཚལ་མ་ཡོངས་སུ་ཚོལ་བས་ཤིན་ཏུ་སྐྱོ།། ཁ་ཟས་དེ་བཙལ་མྱ་ངན་འདས་པར་གྱུར།། དེ་ནི་ཁ་ཟས་རྒྱ་ཆེ་མི་སེམས་ཤིང་།། དེ་ཡི་རིན་པོ་ཆེ་ཡང་མི་དྲན་གྱུར། ། བླ་གོས་ལ་ནི་ཕུར་བར་དྲན་མ་མཆིས།། དེ་ཡི་གྲོགས་པོ་སྔ་མ་དེས་མཐོང་བ།། བདག་གི་ཁྱིམ་དུ་རིན་ཆེན་བྱིན་པ་དེ།། དེ་ལ་ཤིན་ཏུ་ཡོངས་སུ་སྤྱོས་བརྒྱད་ནས། རིན་ཆེན་གོས་ཀྱི་མཐའ་ནམཆིས་པ་བསྟན།། དེ་ཡིས་མཐོང་ནས་བདེ་བ་མཆོག་དང་སྤྱན།། རིན་ཆེན་དེ་མི་མཐུན་དེ་འདྲ་སྟེ། ནོར་མང་མཛོད་སྟོབས་ཅན་དུ་དེ་གྱུར་ནས། ། འདོད་པའི་ཡོན་ཏན་ལྔ་དང་ཤིན་ཏུ་ལྡན།། དེ་བཞིན་བཅོམ་ལྡན་བདག་ཅག་འདི་ལྟ་བུ།། སྔོན་གྱི་སྲིད་པ་ཤིན་ཏུ་ཡུན་རིང་ནས།། དེ་བཞིན་གཤེགས་པ་ཉིད་ཀྱི་འདི་སྩལ་ཏེ། སྔོན་གྱི་སྨོན་ལམ་རྣམས་ནི་མ་འཚལ་བས།། བཅོམ་ལྡན་བདག་ཅག་འདི་ན་བྱིས་པའི་བློ།། བདག་ཅག་བདེ་གཤེགས་བསྟན་པ་མ་འཆལ་བས།། བདག་ཅག་མྱ་ངན་འདས་ཙམ་འཚལ་བར་གཟུང་། ། བླ་མ་མི་རེ་མི་ཆོལ་མི་སེམས་སོ།། འདི་འདྲའི་མྱ་ངན་འདས་པ་ཡོངས་མེད་ཅེས།། འཇིག་རྟེན་གཉེན་གྱིས་བདག་ཅག་འཚལ་བར་བགྱིས།། མྱ་ངན་འདས་གང་མཆོག་ཏུ་བདེ་བ་དེ། ། སྐྱེས་བུ་དམ་པ་རྣམས་ཀྱི་ཡེ་ཤེས་མཆོག། འདི་ལྟར་ཡངས་པ་རྒྱ་ཆེན་རྣམ་མང་གིས།། བླ་ན་མེད་པའི་ལུང་བསྟན་རབ་ཐོབ་སྟེ།། མགོན་པོ་གཅིག་ལ་གཅིག་ལུང་སྟོན་པ་ཡིས། ། བདག་ཅག་དགའ་ཞིང་མགུ་བ་རངས་པ་སྐྱེས།། དགེ་སློང་ལྔ་བརྒྱ་ལུང་བསྟན་པའི་ལེའུ་ཞེས་བྱ་བ་སྟེ་བརྒྱད་པའོ།། ། དེ་ནས་དེའི་ཚེ། ཚེ་དང་ལྡན་པ་ཀུན་དགའ་བོ་འདི་སྙམ་དུ་བདག་ཀྱང་ལུང་བསྟན་པ་དེ་ལྟ་བུ་ཐོབ་པར་བྱའོ་སྙམ་དུ་སེམས་ཏེ། དེ་འདི་སྙམ་དུ་བསམས་ཤིང་རྗེས་སུ་རྣམ་པར་བསམས་ཏེ་སྨོན་ནས་བསྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་གཏུགས་སོ། ། ཚེ་དང་ལྡན་པ་སྒྲ་གཅན་ཟིན་གྱིས་གང་དེ་སྙམ་དུ་བསམས་ཏེ། རྗེས་སུ་རྣམ་པར་བསམས་ཤིང་སྨོན་ནས། བཅོམ་ལྡན་འདས་ཀྱི་ཞབས་ས་གཏུ་། འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་ལའང་སྐབས་དབྱེར་གསོལ། བདེ་བར་གཤེགས་པ་བདག་ཅག་ལ་སྐབས་དབྱེར་གསོལ། བཅོམ་ལྡན་འདས་ནི་བདག་ཅག་གི་ཡང་སྐྱེད་པ་དང་། སྐྱབས་དང་། གནས་དང་དཔུང་གཉེན་ལགས་སོ།། བཅོམ་ལྡན་འདས་བདག་ཅག་ཀྱང་། བཅོམ་ལྡན་འདས་ཀྱི་སྲས། བཅོམ་ལྡན་འདས་ཀྱི་ཞབས་འབྲིང་བ་སྟེ་བཅོམ་ལྡན་འདས་ཀྱི་ཆོས་ཀྱི་མཛོད་འཛིན་པ་ལགས་སོ་ཞེས་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ན། ཤིན་ཏུ་རི་མོ་བགྱི་བར་གྱུར་ཏོ།། དེའི་སླད་དུ་བཅོམ་ལྡན་འདས་ཀྱིས་བདག་ཅག་བླ་ན་མེད་ཡང་དག་པར་རྫོགས་པའི་བྱང་ཆུབ་ཏུ་མྱུར་དུ་ལུང་བསྟན་ན། བཅོམ་ལྡན་འདས་མཐུན་པ་ལགས་སོ།། གཞན་ཡང་དགེ་སློང་ཉིས་སྟོང་ལྷག་ཙམ་སློབ་པ་དང་། མི་སློབ་པ་དེ་དག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། ཐལ་མོ་སྦྱར་ཏེ། བཅོམ་ལྡན་འདས་ཀྱི་སྤྱན་སྔ་ན། བཅོམ་ལྡན་འདས་ལ་ལྟ་ཞིང་འདུག་ནས། བསམ་པ་འདི་ཉིད་འདི་ལྟ་སྟེ། སངས་རྒྱས་ཀྱི་ཡེ་ཤེས་འདི་ཉིད་ལ་རྗེས་སུ་སེམས་ཏེ། བདག་ཅག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཐོབ་པར་གྱུར་ཅིག་སྙམ་མོ།། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་མ་འོངས་པའི་དུས་ན། དེ་བཞིན་གཤེགས་པ་དགྲ་བཅོམ་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རྒྱ་མཚོ་མཆོག་འཆང་བློ་རྣམ་པར་རོལ་པའི་མངོན་པར་ཤེས་པ་ཞེས་བྱ་བར་འཇིག་རྟེན་དུ་འབྱུང་སྟེ། སངས་རྒྱས་བྱེ་བ་ཕྲག་དྲུག་ཅུ་རྩ་གཉིས་བསྟི་སྟང་དུ་བྱས། བཙུན་པར་བྱས། རི་མོར་བྱས། མཆོད་པར་བྱས་ཏེ། སངས་རྒྱས་བཅོམ་ལྡན་འདས་དེ་དག་གི་དམ་པའི་ཆོས་བླངས་ཤིང་བསྟན་པ་ཡོངས་སུ་བཟུང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་ཉི་ཤུའི་བྱེ་མ་སྙེད་བླ་ན་མེད་པ་ཡང་དག་པར་རྫོགས་བའི་བྱང་ཆུབ་ཏུ་ཡོངས་སུ་སྨིན་པར་བྱེད་པར་འགྱུར་རོ། ། ཁྱོད་ཀྱི་སངས་རྒྱས་ཀྱི་ཞིང་དེ་ཤིན་ཏུ་འབྱོར་ཅིང་། ས་གཞི་ནི་བཻ་ཌཱུཪྻ་ལས་གྲུབ་པར་འགྱུར་རོ།། འཇིག་རྟེན་གྱི་ཁམས་དེ་ནི་མ་བསྐལ་པའི་རྒྱལ་མཚན་ཞེས་བྱ་བར་འགྱུར་རོ། ། བསྐལ་པ་དེ་ནི་ཡིད་དུ་འོང་བའི་སྒྲ་མངོན་པར་བསྒྲགས་པ་ཞེས་བྱ་བར་འགྱུར་རོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱ་མཚོ་མཆོག་འཆང་བློ་རྣམ་པར་རོལ་པའི་མངོན་པར་ཤེས་པ་དེའི་ཚེའི་ཚད་ནི་བསྐལ་པ་དཔག་ཏུ་མེད་པར་འགྱུར་ཏེ། བཅོམ་ལྡན་འདས་དེའི་ཚེ་ཚད་ནི་བགྲང་བས་མཐར་ཕྱིན་པར་མི་ནུས་པའི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པར་འགྱུར་རོ། ། ཀུན་དགའ་བོ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱ་མཚོ་མཆོག་འཆང་བློ་རྣམ་པར་རོལ་པའི་མངོན་པར་ཤེས་པ་དེའི་ཚེའི་ཚད་ཇི་ཙམ་དུ་འགྱུར་བ་དེའི་ཉིས་གྱུར་དུ་ཡོངས་སུ་མྱ་ངན་ལས་འདས་ནས། དམ་པའི་ཆོས་གནས་པར་འགྱུར་རོ། ། བཅོམ་ལྡན་འདས་དེའི་དམ་པའི་ཆོས་ཇི་ཙམ་དུ་གནས་པར་འགྱུར་བ་དེའི་ཉིས་གྱུར་དུ་དམ་པའི་ཆོས་ཀྱི་གཟུགས་བརྙན་གནས་པར་འགྱུར་རོ།། ཡང་ཀུན་ད་གའ་བོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱ་མཚོ་མཆོག་འཆང་བློ་རྣམ་པར་རོལ་པའི་མངོན་པར་ཤེས་པ་དེ་ལ་ཕྱོགས་ཕྱོགས་བཅུའི་སངས་རྒྱས་བྱེ་བ་བྲཕྲག་ཁྲིག་བརྒྱ་སྟོང་ཕྲག་མང་པོ་གངྒཱའི་ཀླུང་གི་བྱེ་མ་སྙེད་དག་སྔགས་པ་བརྗོད་པར་འགྱུར་རོ། ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། ངས་ནི་དགེ་སློང་དགེ་འདུན་མོས་པར་བྱ།། ཀུན་དགའ་བཟང་པོ་ང་ཡི་ཆོས་འཛིན་པ།། བདེ་གཤེགས་བྱེ་བ་དྲུག་ཅུ་མཆོད་བྱས་ནས།། མ་འོངས་དུས་ཀྱི་ཚེ་ན་རྒྱལ་བར་འགྱུར།། དེ་ཡི་མིང་ནི་རྒྱ་མཚོ་བློ་འཛིན་ཏེ། ། མངོན་པར་ཤེས་ཐོབ་ཅེས་བྱ་དེ་ན་གྲགས།། བསྟ་ན་སྡུག་པ་ཡོངས་སུ་དག་པའི་ཞིང་།། མ་བསྐལ་རྒྱལ་མཚན་རྒྱལ་བའི་བ་དན་ནོ།། བྱུང་ཆུབ་སེམས་དཔའ་གངྒཱའི་བྱེ་སྙེད་དེར། ། དེ་བས་ལྷག་པར་ཡོངས་སུ་སྨིན་པར་བྱེད།། རྒྱལ་བ་དེ་ནི་རྫུ་འཕྲུལ་ཆེ་བར་འགྱུར།། ཕྱོགས་བཅུའི་འཇིག་རྟེན་དུ་ནི་སྒྲ་ཡང་གྲགས།། དེ་ཡི་ཚེ་ཡང་དཔག་ཏུ་མེད་པར་འགྱུར། ། འཇིག་རྟེན་རྣམས་ལ་ཕན་ཞིང་བརྩེ་ཕྱིར་གནས།། སྐྱོབ་པ་དེ་ནི་མྱ་ངན་འདས་འོག་ཏུ།། ཉིས་གྱུར་དེ་ཡི་དམ་ཆོས་གནས་པར་འགྱུར།། དེ་ན་གཟུགས་བརྙན་དེ་ཡི་ཉེས་གྱུར་དུ། ། གནས་ཏེ་རྒྱལ་བ་དེ་ཡི་བསྟན་པ་ལ།། དེ་ན་སེམས་ཅན་གངྒཱའི་བྱེ་མ་སྙེད།། སངས་རྒྱས་བྱང་ཆུབ་འདི་ལ་རྒྱུ་ཡང་སྐྱེད།། དེ་ནས་འཁོར་དེ་ན་བྱང་ཆུབ་སེམས་དཔའ་ཐེག་པ་ལ་གསར་དུ་ཡང་དག་པར་ཞུགས་པ་བརྒྱད་སྟོང་འདི་སྙམ་དུ་སེམས་ཏེ། བྱང་ཆུབ་སེམས་དཔའ་རྣམས་ལ་ཡང་དེ་ལྟ་བུར་རྒྱ་ཆེར་ལུང་སྟོན་པ། བདག་ཅག་གིས་སྔོན་མ་ཐོས་ན། ཉན་ཐོས་རྣམས་ལ་ལྟ་ཅི་སྨོས་ཏེ། འདི་ལ་རྒྱུ་གང་དང་རྐྱེན་ཅི་ཞིག་ཡོད་སྙམ་མོ།། དེ་ནས་བཅོམ་ལྡན་འདས་ཀྱི། བྱང་ཆུབ་སེམས་དཔའ་དེ་དག་གི་སེམས་ཀྱི་རྣམ་པར་རྟོགས་པ་ཐུགས་ཀྱིས་ཐུགས་སུ་ཆུད་ནས། བྱང་ཆུབ་སེམས་དཔའ་དེ་དག་ལ་བཀའ་སྩལ་པ། རིགས་ཀྱི་བུ་དག་སྐད་ཅིག་ཡུད་ཙམ་ཅིག་ལ་མཉམ་དུང་དང་ཀུན་དགའ་བོས་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཀྱི་ནམ་མཁའ་མངོན་འཕགས་རྒྱལ་པོའི་སྤྱན་སྔར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། དེ་ན་རིགས་ཀྱི་བུ་འདི་ནི་རྟག་ཏུ་རྒྱུན་མི་འཆད་པར་མང་དུ་ཐོས་པ་ལ་བརྩོན་པར་གྱུར་ཏོ།། ང་ནི་བརྩོན་འགྲུས་རྩོམ་པ་ལ་བརྩོན་ཏེ། དེའི་ཕྱིར་ང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། ། ཀུན་དགའ་བོ་བཟང་པོ་འདི་ནི། སངས་རྒྱས་བཅོམ་ལྡན་འདས་རྣམས་ཀྱི་དམ་པའི་ཆོས་ཀྱི་མཛོད་འཛིན་པར་འགྱུར་ཏེ། རིགས་ཀྱི་བུ་དག་འདི་ལྟ་སྟེ། བྱང་ཆུབ་སེམས་དཔའ་རྣམས་ཡོངས་སུ་གྲུབ་པར་བྱ་བའི་ཕྱིར། རིགས་ཀྱི་བུ་འདིའི་སྨོན་ལམ་ནི་འདི་ཡིན་ནོ།། དེ་ནས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལས་བདག་ཉིད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཐོས། བདག་གིས་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཐོས། སྔོན་གྱི་སྨོན་ལམ་དང་སྤྱོད་པ་ཡང་ཐོས་ནས། ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་པར་གྱུར་ཏེ། དེའི་ཚེ་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོའི་དམ་པའི་ཆོས་དང་། བདག་གི་སྔོན་གྱི་སྨོན་ལམ་དྲན་ནོ།། དེ་ནས་ཚེ་དང་ལྡན་པ་ཀུན་དགའ་བོས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ།། ངོ་མཚར་གྱུར་པ་རྒྱལ་བ་དཔག་མེད་པས།། སྐྱོབ་པ་ཡོངས་སུ་མྱ་ངན་འདས་རྣམས་ཀྱིས། ། ཆོས་བསྟན་པ་དག་བདག་ལ་དྲན་མཛད་པས།། ཁར་ཅང་དེ་རིང་བཞིན་དུ་དྲན་པར་གྱུར།། ཐེ་ཙོམ་མ་མཆིས་བྱུང་ཆུབ་དོན་དུ་གནས། ། བདག་གི་ཐབས་ལ་མཁས་པ་འདི་འདྲ་སྟེ།། བདག་ནི་བདེ་བར་གཤེགས་པའི་ཞ་འབྲིང་ལགས།། བྱང་ཆུབ་དོན་དུ་དམ་པའི་ཆས་ཀྱང་འཛིན།། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་སྒྲ་གཅན་ཟིན་ལ་བཀའ་སྩལ་པ། སྒྲ་གཅན་ཟིན་ཁྱོད་མ་འོངས་པའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེམ་ཁམས་བཅུའི་རྡུལ་ཕྲ་རབ་ཀྱི་རྡུལ་སྙེད་ལ། བསྟི་སྟང་བྱས། བཙུན་པར་བྱས། རི་མོ་བྱས། མཆོད་པ་བྱས་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྔ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རིན་པོ་ཆེ་སྣ་བདུན་གྱི་པད་མ་ལ་གོམ་པས་འགྲོ་བ་ཞེས་བྱ་བར་འགྱུར་རོ། ། རྟག་ཏུ་ཡང་སངས་རྒྱས་བཅོམ་ལྡན་འདས་དེ་དག་གིས་སྲས་ཐུ་བོར་འགྱུར་ཏེ། འདི་ལྟ་སྟེ་དཔེར་ན་དལྟར་ངའི་བཞིན་ནོ། ། སྒྲ་གཅན་ཟིན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་སྣ་བདུན་གྱི་པད་མ་ལ་གོམ་པས་འགྲོ་བ་དེའི་ཚེ་ཚད་ཀྱང་འདི་ལྟ་བུར་འགྱུར། ཡོན་ཏན་རྣམ་པ་མང་པོ་ཐམས་ཅད་ཕུན་སུམ་ཚོགས་པ་ཡང་འདི་ལྟ་བུར་འགྱུར་ཏེ། ཇི་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱ་མཚོ་མཆོག་འཆང་བློ་རྣམ་པར་རོལ་པའི་མངོན་པར་ཤེས་པའི་ཡོན་ཏན་རྣམ་པ་ཐམས་ཅད་ལྡན་པའི་སངས་རྒྱས་ཀྱི་ཞིང་གི་ཡོན་ཏན་བཀོད་པ་བཞིན་དུ་འགྱུར་རོ། ། སྒྲ་གཅན་ཟིན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱ་མཚོ་མཆོག་འཆང་བློ་རྣམ་པར་རོལ་པའི་མངོན་པར་ཤེས་པ་དེའི་སྲས་ཐུ་བོར་ཡང་ཁྱོད་ཉིད་གྱུར་ཏེ། དེའི་འོག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། ། སྒྲ་གཅན་ཟིན་འདི་ང་ཡི་བུ་ཐོག།། གཞོན་ནུར་གྱུར་པའི་ཆེན་སྙིང་གི་བུ།། བྱང་ཆུབ་ཐོབ་ཀྱང་ང་ཡི་བུ་ཡིན་ཏེ།། དྲང་སྲོང་ཆེན་པོ་ཆོས་ཀྱི་སྒོ་སྐལ་འཛིན།། མ་འོངས་དུས་ན་སངས་རྒྱས་བྱེ་མང་པོ། ། དེ་དག་ཚད་མེད་པ་ནི་མཐོང་བར་འགྱུར།། བྱང་ཆུབ་ཡོངས་སུ་བཙལ་བར་བྱ་བའི་ཕྱིར།། རྒྱལ་བ་དེ་དག་ཀུན་གྱི་སྲས་སུ་འགྱུར།། སྒྲ་གཅན་ཟིན་གྱིས་སྤྱོད་འདི་མི་ཤེས་ཏེ། ། འདི་ཡི་སྨོན་ལམ་དག་ནི་ངས་ཤེས་སོ།། བདག་ནི་དེ་བཞིན་གཤེགས་ཀྱི་སྲས་སོ་ཞེས།། འཇིག་རྟེན་གཉེན་ལ་ཡང་དག་སྤྱོམས་པར་བྱེད།། སྒྲ་གཅན་ཟིན་པ་ང་ཡི་བུ་འདི་ཡི།། ཡོན་ཏན་བྱེག་ཁྲག་ཁྲིག་དཔག་ཏུ་མེད། ། དེ་ལ་ནས་ཡང་ཚད་གཟུང་ཡོད་མེད་དེ།། དེ་ལྟར་འདྲི་ནི་བྱང་ཆུ་དོན་དུ་གནས། དེ་ནས་བཅོམ་ལྡན་འདས་ཀྱིས་ཉན་ཐོས་སློབ་པ་དང་། མི་སློབ་པ་ཉིས་སྟོང་པོ་དེ་དག་བཅོམ་ལྡན་འདས་ཀྱི་སྤྱན་སྔན། བཅོམ་ལྡན་འདས་ལ་ལྟ་ཞིང་སེམས་དང་བ་དང་། སེམས་མཉེན་པ་དང་། སེམས་འཇམ་པར་བཅོམ་ལྡན་འདས་ཀྱིས་གཟིགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཉན་ཐོས་སློབ་པ་དང་། མི་སློབ་པ་ཉིས་སྟོང་པོ་འདི་དང་མཐོང་ངམ། གསོལ་པ། བཅོམ་ལྡན་འདས་མཐོང་ལགས་སོ།། བདེ་བར་གཤེགས་པ་མཐོང་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དགེ་སློང་ཉིས་སྟོང་པོ་འདི་དག་ཐམས་ཅད་མཉམ་དུ་བྱང་ཆུབ་སེམས་དཔའི་སྤྱོད་པ་ཡང་དག་པར་སྒྲུབ་པར་འགྱུར་ཏེ། སངས་རྒྱས་བཅོམ་ལྡན་འདས་འཇིག་རྟེན་གྱི་ཁམས་ལྔ་བཅུའི་རྡུལ་ཕྲ་རབ་ཀྱི་རྡུལ་སྙེད་ལ་བསྟི་སྟང་བྱས། བཙུན་པར་བྱས། རི་མོ་བྱས། མཆོད་པ་བྱས་ཏེ། དམ་པའི་ཆོས་བཟུང་ནས། ལུས་ཐ་མ་ལ་སྐད་ཅིག་ཐང་ཅིག་ཡུད་ཙམ་གཅིག་ལ། ཕྱོགས་བཅུའི་འཇིག་རྟེན་གྱི་ཁམས་གཞན་དང་གཞན་དག་གི་སངས་རྒྱས་ཀྱི་ཞིང་རྣམས་སུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་ཏོག་གི་རྒྱལ་པོ་ཞེས་བྱ་བར་འཇིག་རྟེན་དུ་འབྱུང་སྟེ། དེ་དག་གི་ཚེའི་ཚད་ནི་བསྐལ་པ་ཚང་བར་འགྱུར། དེ་དག་གི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཡང་མཚུངས་པར་འགྱུར་རོ། ། དེ་དག་གི་ཉན་ཐོས་ཀྱི་ཚོགས་དང་། བྱང་ཆུབ་སེམས་དཔའི་ཚོགས་ཀྱང་མཉམ་པར་འགྱུར་རོ།། དེ་དག་མཉམ་པར་ཡོངས་སུ་མྱ་ངན་ལས་འདའ་བར་འགྱུར་རོ། ། དེ་དག་གི་དམ་པའི་ཆོས་ཀྱང་མཉམ་པར་གནས་པར་འགྱུར་རོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། ཀུན་དགའ་གང་དག་ང་ཡི་མདུན་འཁོད་པ། ། ཉན་ཐོས་ཉིས་སྟོང་འདི་དག་ཐམས་ཅད་ནི།། མ་འོངས་དུས་ན་དེ་བཞིན་གཤེགས་འགྱུར་ཞེས།། ངས་ནི་ཁམས་རྣམས་དེ་རིང་ལུང་བསྟན་ཏོ།། དཔེ་བསྟན་པ་ནི་མཐའ་ཡས་རྣམ་དག་གིས།། སངས་རྒྱས་རྣམས་ལ་མཆོད་པ་མཆོག་བྱས་ནས།། ཐ་མའི་ལུས་འདི་ལ་ནི་གནས་ནས་སུ།། དེ་ཡི་བྱང་ཆུབ་མཆོག་འདི་ཐོབ་པར་འགྱུར།། ཕྱོགས་བཅུ་རྣམས་སུ་མིང་ནི་གཅིག་འགྱུར་ཏེ།། སྐད་ཅིག་དེ་བཞིན་ཡུད་ཙམ་གཅིག་ལ་ནི།། ཤིང་མཆོག་རྣམས་ཀྱི་དྲུང་དུ་འཁོད་ནས་སུ།། ཡེ་ཤེས་ཐོབ་སྟེ་སངས་རྒྱས་རྣམས་སུ་འགྱུར། དེ་དག་རྣམས་ཀྱི་མིང་ནི་གཅིག་འགྱུར་ཏེ།། རིན་ཆེན་ཏོག་ཅེས་བྱ་བར་འཇིག་རྟེན་གྲགས།། དེ་དག་རྣམས་ཀྱི་ཞིང་མཆོག་མཚུངས་པར་འགྱུར།། ཉན་ཐོས་བྱང་ཆུབ་སེམས་དཔའི་ཚིགས་ཀྱང་@། ། ཆུ་ཆུམ་གྱུར་པ་འང་ན་སྨྱ་ན།། མཉྫུམ་ཞིང་དེདས་ཕྱོགས་པ་རྣམས་ས་ཡང་།། ཆོས་བཤད་ནས་ནཱི་མཉམ་ན་ཀྱ་ན། དེ་ཆོས་མཉམ་དུ་གནས་པར་འགྱུར། དེ་ནས་སློབ་པ་དང་མི་ཐུབ་པའི་རྣམཐོས་དང།། བཅོམ་ལྡན་འདས་ལས་མངོན་སྨྲས་དུ།། དང་རང་གིསང་བསྟན་པ་ཐོས་ནས། མགུལ་ཡི་རངས་ཏེ། རབ་ཏུ་དགའ་ཞིང་དཀའ་བ་དང་། ཡིད་བདེ་བ་སྐྱེས་ནས། བཅོམ་ལྡན་འདས་ལ་ཚིགས་སུ་བཅད་པ་འདི་དག་གསོལ་ཏོ།། ལུང་བསྟན་པ་འདི་ཐོས་པས་ན། འཇིག་རྟེན་སྒྲོན་མ་བདག་ཅག་ངོམས།། བདུད་རྩིས་ཇི་ལྟར་གཏོར་བ་བཞིན།། དེ་བཞིན་གཤེགས་པ་བདག་ཅག་བདེ།། བདག་ཅག་མི་མཆོག་མི་འགྱུར་ཞེས།། བདག་ཅག་ཡིད་གཉིས་དོགོས་མ་མཆིས། ། ལུང་བསྟན་པ་ནི་འདི་ཐོས་པས།། དེ་རིང་བདག་ཅག་བདེ་བ་ཐོབ།། ཀུན་དགའ་བོ་དང་། སྒྲ་གཅན་ཟིན་དང་། དགེ་སློང་ཉིས་སྟོང་ལུང་བསྟན་པའི་ལེའུ་ཞེས་བྱ་བ་སྟེ་དགྲ་པའོ། ། ། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སྨན་གྱི་རྒྱལ་པོ་ལ་སོགས་པ། བྱང་ཆུབ་སེམས་དཔའ་བརྒྱད་ཁྲི་པོ་དེ་དག་ལ་བཀའ་སྩལ་བ་སྨན་གྱི་རྒྱལ་པོ་འཁོར་འདིའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མཉན་ཐོས་ཀྱི་ཐེག་པ་ཅན་དང་། བྱང་ཆུབ་སེམས་དཔའི་ཐེག་པ་ཅན་མང་པོ་འདི་དག་གིས། ཆོས་ཀྱི་རྣམ་གྲངས་འདི། དེ་བཞིན་གཤེགས་པ་ལས་མངོན་སུམ་དུ་ཐོས་པ་དེ་དག་མཐོང་ངམ། གསོལ་པ། བཅོམ་ལྡན་འདས་མཐོང་ལགས་སོ།། བདེ་བར་གཤེགས་པ་མཐོང་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ།། སྨན་གྱི་རྒྱལ་པོ་དེ་དག་ཐམས་ཅད་བྱང་ཆུབ་སེམས་དཔའ་སེམས་དཔའ་ཆེན་པོ་སྟེ། འཁོར་འདིའི་ནང་ན་གང་ཐ་ན་ཚིགས་སུ་བཅད་པ་གཅིག་ཐོས་པ་དང་། ཚིག་གཅིག་ཐོས་པ་དང་། གང་དག་གིས་ཐ་ན། མདོ་སྡེ་འདི་ལ་སེམས་བསྐྱེད་པ་གཅིག་ཙམ་གྱི་རྗེས་སུ་ཡི་རང་བའི་འཁོར་བཞི་པོ་དེ་དག་ཐམས་ཅད་ནི་སྨན་གྱི་རྒྱལ་པོ་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། ། སྨན་གི་རྒྱལ་པོ་གང་ལ་ལ། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། ཆོས་ཀྱི་རྣམ་གྲངས་འདི་ཉན་པ་དང་། ཐ་ན་ཚིགས་སུ་བཅད་པ་གཅིག་ཐོས་ནས། སེམས་བསྐྱེད་པ་གཅིག་ཙམ་གྱིས་ཀྱང་རྗེས་སུ་ཡི་རང་བར་འགྱུར་བའི་རིགས་ཀྱི་བུ་འམ། རིགས་ཀྱི་བུ་མོ་གང་དག་སྨན་གྱི་རྒྱལ་པོ་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། ། སྨན་གྱི་རྒྱལ་པོ་རིགས་ཀྱི་བུ་འམ། རིགས་ཀྱི་བུ་མོ་དེ་དག་གིས། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཚངས་པ་ལ་བསྙེན་བཀུར་བྱས་པ་ཡིན་ནོ། ། སྨན་གྱི་རྒྱལ་པོ་རིགས་ཀྱི་ཟླ་འམ། རིགས་ཀྱི་བུ་མོ་དེ་དག་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་སྨོན་ལམ་བཏབ་པ་ཡིན་ཏེ། སྨན་གྱི་རྒྱལ་པོ་རིགས་ཀྱི་བུ་འམ། རིགས་ཀྱི་བུ་མོ་དེ་རག་སེམས་ཅན་རྣམས་ལ་སྙིང་བརྩེ་བའི་ཕྱིར། འཛམ་བུའི་གླིང་འདིར་མིར་སྐྱེས་པར་རིག་པར་བྱའོ།། གང་དག་ཆོས་ཀྱི་རྣམཐང་འདི་ལས། ཐ་ན་ཚིགས་སུ་བཅད་པ་གཅིག་ཙམ་ཡང་འཛིན་ཏམ། ཀློག་གམ། སྟོན་ཏམ། ཡང་དག་པར་བརྗོད་དམ། ཡི་གེར་འདྲི་འམ། བྲིས་ནས་རྗེས་སུ་དྲན་པར་བྱེད་དམ། དུས་དུས་སུ་ལྟ་འམ། གླེགས་བམ་དེ་ལ་དེ་བཞིན་གཤེགས་པ་ལ་བྱ་བ་བཞིན་དུ་གུས་པ་སྐྱེད་དམ། སྟོན་པ་ལ་བྱ་བ་བཞིན་དུ་གུས་པར་བཀུར་སྟི་བྱེད་དམ། བཙུན་པར་བྱེད་དམ། རིམ་གྲོ་བྱེད་དམ། མཆོད་དམ། གླེགས་བམ་དེ་ལ་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། ལྷའི་བ་དན་དང་། རོལ་མོའོ་སྒྲ་ལ་སོགས་པ་དང་། ཕྱག་འཚལ་བ་དང་། ཐལ་མོ་སྦྱོར་བར་བྱེད་པས་མཆོད་དམ། སྨན་གྱི་རྒྱལ་པོ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ། ཆོས་ཀྱི་རྣམ་གྲངས་འདི་ལས་ཐ་ན་ཚིགས་སུ་བཅད་པ་གཅིག་ཙམ་ཡང་འཛིན་ཏམ་རྗེས་སུ་ཡི་རང་ན། སྨན་གྱི་རྒྱལ་པོ་དེ་དག་ཐམས་ཅད་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ།། སྨན་གྱི་རྒྱལ་པོ་དེ་ལ་སྐྱེས་པ་འམ། བུད་མེད་གང་ལ་ལ་ཞིག་འདི་སྐད་ཅེས་མ་འོངས་པའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་བའི་སེམས་ཅན་དེ་དག་ཇི་ལྟ་བུ་དག་ཅེས་ཟེར་ན། སྨན་གྱི་རྒྱལ་པོ་སྐྱེས་པ་འམ། བུད་མེད་དེ་ལ། རིགས་ཀྱི་བུ་འམ། རིགས་ཀྱི་བུ་མོ་དེ་བསྟན་པར་བྱ་སྟེ། གང་གིས་ཆོས་ཀྱི་རྣམ་གྲངས་འདི་ལས། ཐ་ན་ཚིག་བཞི་པའི་ཚིགས་སུ་བཅད་པ་གཅིག་ཙམ་ཡང་འཛིན་ཏམ། ཐོས་པར་བྱེད་དམ། བཤད་དམ། ཆོས་ཀྱི་རྣམ་གྲངས་འདི་ལ་རི་མོ་བྱེད་ན། རིགས་ཀྱི་བུའམ། རིགས་ཀྱི་བུ་མོ་དེ་མ་འོངས་པའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འཇིག་རྟེན་དུ་འབྱུང་བར་ལྟོས་ཤིག་ཅེས་བྱའོ།། དེ་ཅིའི་ཕྱིར་ཞེ་ན། སྨན་གྱི་རྒྱལ་པོ་རིགས་ཀྱི་བུ་འམ། རིགས་ཀྱི་བུ་མོ་དེ་དེ་བཞིན་གཤེགས་པར་རིག་པར་བྱ་བའི་ཕྱིར་ཏེ། གང་གིས་ཆོས་ཀྱི་རྣམ་གྲངས་འདི་ལས། ཐ་ན་ཚིགས་སུ་བཅད་པ་གཅིག་ཙམ་བཟུང་ན་ཡང་ལྷ་དང་བཅས་པའི་འཇིག་རྟེན་གྱིས། དེ་བཞིན་གཤེགས་པ་ལ་བཀུར་སྟི་བྱ་བ་བཞིན་དུ་བྱ་ན། གང་ཞིག་ཆོས་ཀྱི་རྣམ་གྲངས་འདི་མཐའ་དག་ཆུབ་པར་འཛིན་པ་འམ། འཆང་བ་འམ། ཀུན་ཆུབ་པར་བྱེད་པ་འམ། རབ་ཏུ་སྟོན་པ་འམ། ཡི་གེར་འདྲི་བ་འམ། དྲིས་ནས་རྗེས་སུ་དྲན་པར་བྱེད་པ་འམ། གླེགས་བམ་དེ་ལ་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། ལྷའི་བདན་དང་། རོལ་མོའི་སྒྲ་དང་། ཐལ་མོ་སྦྱར་ཏེ་ལྷག་འཚལ་ཞིང་རབ་ཏུ་འདུད་པ་དག་གིསར་མོར་བྱེད་པ་ག་ཅི་སྤོས་སྨན་གྱི་རྒྱལ་པོ་རིགས་ཀྱི་བུའམ། རིགས་ཀྱི་བུ་མོ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་གྲུབ་པར་རིག་པར་བྱའོ།། དེས་དེ་བཞིན་གཤེགས་པ་མཐོང་བར་རིག་པར་བྱའོ། ། འཇིག་རྟེན་ལ་ཕན་ཞིང་སྙིང་བརྩེ་བ། སྨོན་ལམ་གྱི་དབང་གིས་ཆོས་ཀྱི་རྣམ་གྲངས་འདི་རབ་ཏུ་བསྟན་པའི་ཕྱིར་འཛམ་བུའི་གླིང་འདིར་མིར་སྐྱེས་ཏེ། བདག་ཉིད་རྒྱ་ཆེར་ཆོས་མངོན་པར་འདུ་བྱེད་པ་དང་། སངས་རྒྱས་ཀྱི་ཞིང་རྒྱ་ཆེན་པོ་སྐྱེ་བ་བཞག་སྟེ། ཆོས་ཀྱི་རྣམ་གྲངས་འདི་ཤིན་ཏུ་ཡང་དག་པར་བསྟན་པའི་ཕྱིར། ང་ཡོངས་སུ་མྱ་ངན་ལས་འདས་ནས། སེམས་ཅན་རྣམས་ལ་པན་ཞིང་སྙིང་བརྩེ་བའི་དོན་དུ་སྐྱེས་པར་རིག་པར་བྱའོ། ། སྨན་གྱི་རྒྱལ་པོ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། གང་གིས་ཆོས་ཀྱི་རྣམ་གྲངས་འདི་བཤད་དམ། ཐ་ན་གསང་སྟེ། རྐུན་བུར་སེམས་ཅན་གཅིག་ལ་ཡང་དག་པར་བཤད་དམ་བསྟན་ན། སྨན་གྱི་རྒྱལ་པོ་རིགས་ཀྱི་བུ་འམ། རིགས་ཀྱི་བུ་མོ་དེ་དེ་བཞིན་གཤེགས་པའི་ཕོ་ཉ་ཡིན་པར་རིག་པར་བྱའོ།། རིགས་ཀྱི་བུ་འམ་རིགས་ཀྱི་བུ་མོ་དེ་དེ་བཞིན་གཤེགས་པའི་བྱ་བ་བྱེད་པ་སྟེ། དེ་བཞིན་གཤེགས་པས་མངགས་པར་རིག་པར་བྱའོ།། སྨན་གྱི་རྒྱལ་པོ་སེམས་ཅན་ལ་སྡང་བའི་སེམས་དང་ལྡན་པ་དང་། སྡིག་པའི་སེམས་དང་ལྡན་པ་དང་། དྲག་ཤུལ་གྱི་སེམས་དང་ལྡན་པ་གང་ལ་ལས། དེ་བཞིན་གཤེགས་པ་ལ་མངོན་དུ་བསྐལ་པར་མི་སྙན་པར་སྨྲ་བ་པས། གང་ཞིག་མདོ་སྡེ་འདི་འཛིན་པ། ཆོས་སྨྲ་བ་དེ་ལྟ་བུ་ཁྱིམ་ན་གནས་པ་འམ། རབ་ཏུ་བྱུང་བ་དེ་དག་ལ་བདེན་པ་འམ། མི་བདེན་པའི་ཚིག་མི་སྙན་པ་གཅིག་བསྒྲགས་པ་དེའི་སྡིག་པའི་ལས་ཤིན་ཏུ་མི་ཟད་པར་བཤད་དེ། དེ་ཅིའི་ཕྱིར་ཞེ་ན། སྨན་གྱི་རྒྱལ་པོ་རིགས་ཀྱི་བུ་འམ། རིགས་ཀྱི་བུ་མོ་དེ་ནི་དེ་བཞིན་གཤེགས་པའི་རྒྱན་གྱིས་བརྒྱན་པར་རིག་པར་བྱ་བའི་ཕྱིར་ཏེ། སྨན་གྱི་རྒྱལ་པོ་གང་གིས་ཆོས་ཀྱི་རྣམ་གྲངས་འདི།། ཡི་གེ་བྲིས་ནས། གླེགས་བམ་དུ་བྱས་ཏེ། ཕྲག་པ་ལ་ཐོགས་པ་དེས། དེ་བཞིན་གཤེགས་པ་ཕྲག་པ་ལ་ཐོགས་པར་འགྱུར་ཏེ། དེ་གང་དང་གང་དུ་འགྲོ་བ། དེ་དང་དེར་སེམས་ཅན་རྣམས་ཀྱིས་ཐལ་མོ་སྦྱར་བར་བྱ། བཀུར་སྟིར་བྱ། བཙུན་པར་བྱ། རི་མོར་བྱ། མཆོད་པར་བྱའོ།། ལྷ་དང་མིའི་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། ལྷའི་བ་དན་དང་། རོལ་མོའི་སྒྲ་དང་། བཟའ་བ་དང་། བཅའ་བ་དང་། ཁ་ཟས་དང་། བཏུང་བ་དང་། ཞོན་པ་དང་། མཆོག་ཏུ་གྱུར་པའི་ལྷའི་རིན་པོ་ཆེའི་ཕུང་པོ་དག་གིས་ཆོས་སྨྲ་བ་དེ་ལ། བཀུར་བསྟི་བྱ། ཆོས་སྨྲ་བ་དེ་ལ་ལྷའི་རིན་པོ་ཆེའི་ཕུང་པོ་དག་དབུལ་བར་བྱའོ།། དེ་ཅིའི་ཕྱིར་ཞེ་ན། ཆོས་ཀྱི་རྣམ་གྲངས་འདི་ལན་ཅིག་ཡང་དག་པར་རབ་ཏུ་བསྟན་ན་ཡང་། འདི་ཐོས་པས་དཔག་ཏུ་མེད་གྲངས་མེད་པའི་སེམས་ཅན་རྣམས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་གྲུབ་པར་འགྱུར་བའི་ཕྱིར་རོ། ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། སངས་རྒྱས་ཉིད་དུ་གནས་འདོད་ཅིང་།། རང་བྱུང་ས་ཤེས་འདོད་པ་ཡིས། ། གང་རྣམས་ཚུལ་འདི་འཛིན་བྱེད་པ།། སེམས་ཅན་དེ་དག་བཀུར་སྟི་བྱ།། ཐམས་ཅད་མཁྱེན་ཉིད་གང་འདོད་དེ།། ཇི་ལྟར་མྱུར་དུ་འཐོབ་སྙམ་པ།། དེས་ནི་མདོ་སྡེ་འདི་བཟུང་སྟེ། ། འཛིན་པ་ལ་ཡང་བཀུར་སྟི་བྱ།། སེམས་ཅན་རྣམས་ལ་བརྩེ་དོན་དུ།། མདོ་སྡེ་འདི་ནི་སུ་ཀློག་པ།། སེམས་ཅད་རྣམ་པར་གདུལ་བའི་ཕྱིར།། འཇིག་རྟེན་མགོན་གྱིས་བརྗེབ་སི། སེམས་ཅན་རྣམས་ལ་སྙིང་བརྩིའི་ཕྱིར།། གང་ཞིག་མདོ་སྡེ་འདི་འཛིན་པ།། སྤང་བཟང་པོ་བཏང་ནས་སུ།། དཔའ་ཟ་ད་ནི་འདིར་འོངས་སོ།། བླ་ན་མེད་པའི་མདོ་སྡེ་འདི། གྱི་མ་དུས་པ་རབ་འད་ཅིང་།། གང་ཕྱིར་དེན་དེ་སྣང་བ།། སྡེ་བ་ལ་ནི་དདབང་ངོ་།། ཆོས་སྨྲབལ་རིན་ཆེན་འཐོར།། མ་མ་ཐོས་རབ་ཐམས་ཅད་དང་།། ཝཱ་ཡི་མེ་ཏོག་དག་གི་མཆོད། ། རྒྱ་མི་གོས་ཀྱིས་རབ་ཏུ་འགེབས།། བྱི་དྲིས་འཇིགས་པ་དན་ཡང་།། མྱ་ངནང་འདས་མདོ་འཛིན་པ།། ཇི་སྐར་རྒྱལ་དབང་རང་བྱུང་བཞིན།། དེ་ས་རྟག་ཏུ་ཐལ་སྦྱར་ལམ་ལན་ཅིག་མདོ་སྡེ་འདི་སྒྲུ་བ། ། རྒྱལ་སྲས་དེ་ནི་མཆོད་པའི་ཕྱིར།། བཟའ་བཅའ་དེ་བཞིན་ཟས་དང་སྐོམ།། གནས་དང་མལ་ཆ་གོས་བྱེ་སྦྱིན།། གང་རྣམ་མདོ་འདི་བྱི་དྲས་ན།། མི་གེར་འདྲི་འཆད་ཉན་པ་ནི། ། མི་ཡི་སྲིད་པར་ངས་བཏང་སྟེ།། དེ་བཞིན་གཤེགས་ཀྱི་བྱ་བ་བྱེད།། གང་ཞིག་ང་ཡི་མདུན་འདུག་ནས།། ཁྲོ་གཉེར་བྱས་ཤིང་གནོད་སེམས་ཀྱིས།། བསྐལ་པ་ཚང་བར་མི་སྙན་བསྒྲགས།། མི་དེ་སྡིག་པ་མང་དུ་འཕེལ།། མདོ་སྡེ་འདི་ནི་རབ་སྟོན་པ།། གང་རྣམས་མདོ་འཛིན་དེ་དག་ལ།། གཤེ་ཞིང་མི་བསྔགས་སྨྲ་བ་དེ།། སྡིག་པ་ཤིན་ཏུ་དེ་མང་བཤད། ། བྱང་ཆུབ་མཆོག་འདི་ཡོངས་ཚོལ་ཞིང་།། བསྐལ་པ་རྫོགས་པར་ཐལ་སྦྱར་ཏེ།། ཚིགས་བཅད་དུ་མ་ཁྲག་ཁྲིག་གིས།། མི་གང་ལ་ལ་མངོན་པར་བསྟོད།། དགའ་སྐྱེས་ངལ་བསྟོད་པ་ནི།། དེ་ལས་བསོད་ནམས་ཆེས་མང་རྙེད།། མི་གང་དེ་ཡི་བསྔགས་བརྗོད་པོ།། དེ་ངས་བསོད་ནམས་མང་དུ་འཕེལ།། བསྐལ་པ་བྱེ་སྟོང་བཅོ་བརྒྱད་དུ།། སྒྲ་དང་གཟུགས་དང་རོ་རྣམས་དང་། ། ལྷ་ཡི་རེག་དང་ལྷ་སྤོས་ཀྱིས།། གཟུགས་རྟེན་དེ་དག་སྲས་མཆོད་དེ།། བསྐལ་པ་བྱེ་སྟོང་བཅོ་བརྒྱད་དུ།། རྟེན་ལ་དེ་ལྟར་མཆོད་པ་བས།། ལན་ཅིག་མདོ་སྡེ་འདི་ཐོས་ནས། ། ངོ་མཚར་ཆེན་པོ་དེས་ཐོབ་འགྱུར།། སྨན་གྱི་རྒྱལ་པོ་ཁྱོད་མོས་པར་བྱ།། ཁྱོད་ཀྱི་ཁོང་དུ་ཆུད་པར་བྱའོ།། སྨན་གྱི་རྒྱལ་པོ་ངས་ཆོས་ཀྱི་རྣམ་གྲངས་མང་པོ་བཤད་དོ། ། འཆད་དོ།། བཤད་པར་བྱའོ།། བླན་གྱི་རྒྱལ་པོ་དེ་ཆོས་ཀྱི་རྣམ་གྲངས་དེ་དག་ཐམས་ཅད་ཀྱི་ནང་ན། ཆོས་ཀྱི་རྣམ་གྲངས་འདི་ནི་འཇིག་རྟེན་ཐམས་ཅད་དང་མི་མཐུན་པ་སྟེ། འཇིག་རྟེན་ཐམས་ཅད་ཡིད་ཆེས་པར་མི་འགྱུར་བའོ།། སྨན་གྱི་རྒྱལ་པོ་འདི་ནི་དེ་བཞིན་གཤེགས་པའི་མངོན་པར་ཤེས་པའི་ནང་གི་གསང་ཆེན་ཏེ། དེ་བཞིན་གཤེགས་པའི་སྟོབས་ཀྱིས་བསྲུངས་པ་སྔོན་མ་འཕེལ་བའོ། ། གནས་འདི་ནི་སྔོན་མ་བསྟན་པ་སྟེ། སྨན་གྱི་རྒྱལ་པོ་དེ་བཞིན་གཤེགས་པ་བཞུགས་པ་ན་ཡང་ཆོས་ཀྱི་རྣམ་གྲངས་འདི་ལ་སྐྱེ་བོ་མང་པོ་སྤོང་ན། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་ལྟ་ཅི་སྨོས། སྨན་གྱི་རྒྱལ་པོ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། གང་དག་ཆོས་ཀྱི་རྣམ་གྲངས་འདི་ལ་དད་པ་དང་། ཀློག་པ་དང་། ཡི་གེར་འདྲི་བ་དང་། བཀུར་སྟི་བྱེད་པ་དང་། གཞན་དག་ལ་ཡང་ཐོས་པར་བྱེད་པའི་རིགས་ཀྱི་བུ་འམ། རིགས་ཀྱི་བུ་མོ་དེ་དག་ནི། དེ་བཞིན་གཤེགས་པའི་ཆོས་གོས་ཀྱིས་གཡོགས་པར་རིག་པར་བྱའོ། ། འཇིག་རྟེན་གྱི་ཁམས་གཞན་ན་བཞུགས་པའི་དེ་བཞིན་གཤེགས་པ་རྣམས་ཀྱིས་གཟིགས་ཤིང་བྱིན་གྱིས་བརླབས་པའོ།། དེ་དག་སོ་སོ་རང་གི་དད་པའི་སྟོབས་དང་། དགེ་བའི་རྩ་བའི་སྟོབས་དང་། སྨོན་ལམ་གྱི་སྟོབས་ཅན་དུ་འགྱུར་རོ།། སྨན་གྱི་རྒྱལ་པོ་རིགས་ཀྱི་བུ་འམ། རིགས་ཀྱི་བུ་མོ་དེ་དག་དེ་བཞིན་གཤེགས་པ་དང་གནས་གཅིག་ན་འདུག་པར་འགྱུར་ཏེ། དེ་དག་གི་སྤྱི་བོ་ལ་དེ་བཞིན་གཤེགས་པའི་ཕྱག་གིས་ཉུག་པར་འགྱུར་རོ།། སྨན་གྱི་རྒྱལ་པོ་ས་ཕྱོགས་གང་ན་ཆོས་ཀྱི་རྣམ་གྲངས་འདི་འཆང་ངམ། སྟོན་ཏམ། ཡི་གེར་འདྲི་འམ། ཁ་ཏོན་བྱེད་དམ། ཡང་དག་པར་བརྗོད་པའི་ས་ཕྱོགས་དེར་སྨན་གྱི་རྒྱལ་པོས་དེ་བཞིན་གཤེགས་པའི་མཆོད་རྟེན་རིན་པོ་ཆེ་ལས་བྱས་པ་མཐོ་ཞིང་ཆེ་བར་བྱའོ།། དེར་དེ་བཞིན་གཤེགས་པའི་སྐུ་གདུང་ངེས་པར་གཞག་མི་དགོས་སོ། ། དེ་ཅིའི་ཕྱིར་ཞེ་ན། དེར་དེ་བཞིན་གཤེགས་པའི་སྐུ་གདུང་གཅིག་ཏུ་འདུས་པ། གཞག་པར་འགྱུར་བའི་ཕྱིར་རོ།། ས་ཕྱོགས་གང་ན་ཆོས་ཀྱི་རྣམ་གྲངས་འདི་འཆད་དམ། སྟོན་ཏམ། ཀློག་གམ། ཡང་དག་པར་བརྗོད་དམ། ཡི་གེར་འདྲི་འམ། གླེགས་བམ་དུ་བྱས་ཏེ། བཞག་པ་དེར་མཆོད་རྟེན་བཞིན་དུ་བཀུར་སྟི་དང་། བཙུན་པར་བྱ་བ་དང་། རི་མོ་དང་། མཆོད་པར་བྱའོ།། མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། ལྔའི་བ་དན་དང་། རྣམ་པར་རྒྱལ་བའི་བ་དན་ཐམས་ཅད་དང་། གླུ་དང་རོལ་མོའི་སྒྲ་དང་། གར་དང་། སིལ་སྙན་དང་། ཕེབ་བརྡོབ་པ་ཐམས་ཅད་ཀྱིས་མཆོད་པར་བྱའོ། ། སྨན་གྱི་རྒྱལ་པོ་སེམས་ཅན་གང་དག་དེ་བཞིན་གཤེགས་པའི་མཆོད་རྟེན་དེ་ལ་ཕྱག་འཚལ་བ་འམ། མཐོང་བ་རྙེད་པ་དེ་དག་ཐམས་ཅད་ནི། སྨན་གྱི་རྒྱལ་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཤིན་ཏུ་ཉེ་བར་གྱུར་པར་རིག་པར་བྱའོ། ། དེ་ཅིའི་ཕྱིར་ཞེ་ན། སྨན་གྱི་རྒྱལ་པོ་ཁྱིམ་ན་གནས་པ་དང་རབ་ཏུ་བྱུང་བའི་བྱང་ཆུབ་སེམས་དཔའ་མང་པོ་དག་བྱང་ཆུབ་སེམས་དཔའི་སྤྱོད་པ་སྤྱོད་ཀྱང་། ཆོས་ཀྱི་རྣམ་གྲངས་འདི་བལྟ་བ་འམ། མཉན་པ་དང་། ཡི་གེར་བྲི་བ་འམ། མཆོད་པར་ཡང་མི་རྙེད་དོ། ། སྨན་གྱི་རྒྱལ་པོ་ཇི་ཙམ་དུ་ཆོས་ཀྱི་རྣམ་གྲངས་འདི་མི་ཉན་པ་དེ་ཙམ་དུ། བྱང་ཆུབ་སེམས་དཔའ་བྱང་ཆུ་སེམས་དཔའི་སྤྱོད་པ་ལ་མཁས་པ་མ་ཡིན་ནོ།། གང་གི་ཚེ་ཆོས་ཀྱི་རྣམ་གྲངས་འདི་མཉན་ཏེ་ཐོས་ནས་མོས་པ་དང་། རྟོགས་པ་དང་། འཇུག་པ་དང་། ཤེས་པ་དང་། ཡོངས་སུ་འཛིན་པ་དེའི་ཚེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བསྙེན་པར་འགྱུར་ཏེ་ཉེ་བར་གནས་པ་ཡིན་ནོ། ། སྨན་གྱི་རྒྱལ་པོ་འདི་ལྟ་སྟེ་དཔེར་ན། མི་ལ་ལ་ཞིག་ཆུ་འདོད་པར་གྱུར་ཏེ། ཆུ་ཚོལ་ཞིང་དེས་ཆུའི་ཕྱིར། སྐམ་སའི་ཕྱོགས་ཤིག་ཏུ་ཞོན་པ་རྐོར་བཅུག་སྟེ། དེ་ཀོ་བ་ན་སྐམ་ཞིང་སྐྱ་བའི་ས་འབྱིན་པར་མཐོང་སྟེ།། མཐོང་ནས་འདི་ལྟར་འདི་ནས་ཆུང་ངུང་ཐག་རིང་ངོ་སྙམ་དུ་སེམས་སོ།། དེ་ནས་དུས་གཞན་ཞིག་ན་མི་དེས་གཤེར་བ་དང་། འདྲེས་པ་འདམ་རྫབ་དང་ཆུའི་ཐིག་པ་ཟག་པ་འབྱིན་ཅིང་ཁྲོན་པ་རྐོ་བའི་མི་དེ་དག་ལུས་འངམ་རྫབ་ཀྱིས་གོས་པར་མཐོང་སྟེ། དེ་ནས་ཡང་སྨན་གྱི་རྒྱལ་པོ་མ་དེས་སྔ་ལྟས་དེ་མཐོང་ནས། དོགས་པ་དང་ཐེ་ཙོམ་མེད་དེ། འདི་ནས་ཆུ་ནི་ཉེའོ་སྙམ་མོ།། སྨན་གྱི་རྒྱལ་པོ་དེ་བཞིན་དུ་ཇི་ཙམ་དུ་ཆོས་ཀྱི་རྣམ་གྲངས་འདི་མི་ཉན། མི་འཛིན། ཁོང་དུ་ཆུད་པར་མི་བྱེད། མི་འཇུག། མི་སེམས་པའི་བར་དུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་རིང་བ་ཡིན་ནོ།། སྨན་གྱི་རྒྱལ་པོ་གང་གི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་ཀྱི་རྣམ་གྲངས་འདི་ཉན་ཅིང་འཛིན་པ་དང་། འཇུག་པ་དང་། ཁ་ཏོན་དུ་བྱེད་པ་དང་། སེམས་པ་དང་། སྒོམ་པ་དེའི་ཚེ། དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཉེ་བར་གྱུར་པ་ཡིན་ཏེ། སྨན་གྱི་རྒྱལ་པོ་ཆོས་ཀྱི་རྣམ་གྲངས་འདི་ལས་སེམས་ཅན་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྐྱེའོ། ། དེ་ཅིའི་ཕྱིར་ཞེ་ན། ཆོས་ཀྱི་རྣམ་གྲངས་འདི་ནི་ལྡེམ་པོར་དགོངས་ཏེ་བཤད་པ་འགྲེལ་པའི་མཆོག་ཡིན་པའི་ཕྱིར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡོངས་སུ་གྲུབ་པར་བྱ་བའི་ཕྱིར། ཆོས་གསང་བའི་གནས་བཤད་པའོ།། སྨན་གྱི་རྒྱལ་པོ་བྱང་ཆུབ་སེམས་དཔའ་གང་ལ་ལ་ཞིག། ཆོས་ཀྱི་རྣམ་གྲངས་འདིས་སྐྲག་ཅིང་སྤངས་ཏེ། དངངས་པར་གྱུར་ན། སྨན་གྱི་རྒྱལ་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཐེག་པ་ལ་གསར་དུ་ཞུགས་པར་རིག་པར་བྱའོ། ། གལ་ཏེ་ཡང་ཉན་ཐོས་ཀྱི་ཐེག་པ་ཙན་ཞིག་ཆོས་ཀྱི་རྣམ་གྲངས་འདིས་སྐྲག་ཅིང་སྔངས་ཤིང་སྐྲག་པར་གྱུར་ན། ན་གྱི་རྒྱལ་པོ་དེ་ཉིད་ཉན་ཐོས་ཀྱི་ཐེག་པ་ཅན་གྱི་གང་ཟག་ང་རྒྱལ་ཅན་དུ་རིག་པར་བྱའོ། ། སྨན་གྱི་རྒྱལ་པོ་བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་ལ་ཞིག། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། ཕྱི་མའི་དུས་ཕྱི་མའི་ཚེ། ཆོས་ཀྱི་རྣམ་གྲངས་འདི་འཁོར་བཞི་ལ་ཡང་དག་པར་སྟོན་ན། སྨན་གྱི་རྒྱལ་པོ་བྱང་ཆུབ་སེམས་དཔའ་དེས། དེ་བཞིན་གཤེགས་པའི་གནས་སུ་ཞུགས་ཏེ། དེ་བཞིན་གཤེགས་པའི་ཆོས་གོས་བགོས་ལ། དེ་བཞིན་གཤེགས་པའི་བསྟན་ལ་འདུག་སྟེ། ཆོས་ཀྱི་རྣམ་གྲངས་འདི་ཕྱིས་འཁོར་བཞི་ལ་ཡང་དག་པར་བཤད་པར་བྱའོ། ། སྨན་གྱི་རྒྱལ་པོ་དེ་བཞིན་གཤེགས་པའི་གནས་གང་ཞེ་ན། སྨན་གྱི་རྒྱལ་པོ་སེམས་ཅན་ཐམས་ཅད་ལ་བྱམས་པར་གནས་པ་ནི། སྨན་གྱི་རྒྱལ་པོ་དེ་བཞིན་གཤེས་པའི་གནས་ཏེ། སྨན་གྱི་རྒྱལ་པོ་དེ་འཇུག་པར་བྱའོ།། སྨན་གྱི་རྒྱལ་པོ་དེ་བཞིན་གཤེགས་པའི་ཆོས་གོས་གང་ཞེ་ན། སྨན་གྱི་རྒྱལ་པོ་བཟོད་པ་དང་། ངེས་པ་ཆེན་པོ་ནི་དེ་བཞིན་གཤེགས་པའི་ཆོས་གོས་ཏེ། སྨན་གྱི་རྒྱལ་པོ་དེའང་རིགས་ཀྱི་བུ་དེས་བགོ་བར་བྱའོ།། སྨན་གྱི་རྒྱལ་པོ་དེ་བཞིན་གཤེགས་པའི་ཆོས་ཀྱི་སྟན་གང་ཞེ་ན། ཆོས་ཐམས་ཅད་སྟོང་པ་ཉིད་དུ་འཇུག་པ་སྟེ། སྨན་གྱི་རྒྱལ་པོ་དེ་བཞིན་གཤེགས་པའི་ཆོས་ཀྱི་སྟན་དེ་ལ་རིགས་ཀྱི་བུ་ངེས་འདུག་པར་བྱའོ།། འདུག་ནས་ཆོས་ཀྱི་རྣམ་གྲངས་འདི་འཁོར་བཞི་པོ་དག་ལ་ཡང་དག་པར་བསྟན་པར་བྱའོ། ། བྱང་ཆུབ་སེམས་དཔའ་མི་ཞན་པའི་སེམས་ཀྱིས། བྱང་ཆུབ་སེམས་དཔའི་ཚོགས་དང་། བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པའི་འཁོར་བཞི་དོ།། ། དེ་དག་གི་མདུན་དུ་རབ་ཏུ་བསྟན་པར་བྱའོ།། སྨན་གྱི་རྒྱལ་པོ་ང་འཇིག་རྟེན་གྱི་ཁམས་གཞན་ན་འདུག་ན་ཡང་སྤྲུལ་པས། རིགས་ཀྱི་བུ་དེའི་འཁོར་དང་མཐུན་པར་བྱའོ།། སྤྲུལ་པའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་ཆོས་ཉན་དུ་དགྱེའོ།། ཆོས་སྨྲ་བ་དེས་བཤད་པ་དེ་ལ། དེ་དག་ཕྱིར་མི་ལྡོག་ཅིང་སྤོང་བར་མི་བྱེད་དོ།། གལ་ཏེ་དགོན། པ་ན་འདུག་པར་གྱུར་ན། དེར་ངས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་མང་པོ་ཆོས་ཉན་དུ་དགྱེའོ། ། སྨན་གྱི་རྒྱལ་པོ་ང་འཇིག་རྟེན་གྱི་ཁམས་གཞན་ན་འདུག་ན་ཡང་། རིགས་ཀྱི་བུ་དེ་ལ་ངའི་ངོ་བོ་ཉེ་བར་བསྟན་ཏོ།། གང་ཆོས་ཀྱི་རྣམ་གྲངས་འདི་ལས། ཚིག་དང་ཡི་གེ་ཆ་པར་གྱུར་པ་དེ་དག་ཁ་ཏོན་བྱེད་པ་ན། སླར་འཐོན་པར་བྱའོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚོགས་སུ་བཅད་པ་འདི་དག་བཀའ་སྩལ་ཏོ།། ཞན་པ་ཐམས་ཅད་ནམ་སྤངས་ཏེ། ། འདི་འདྲ་བ་ཡི་མ་ལྔ་ཏྲོན།། འདུན་ཤིན་ཏུ་མོས་པར་དཀའ།། མོས་པ་རྙེད་པར་ཤིན་ཏུ་དཀར།། དྲི་སྐར་ལ་ལ་ན་འདོད་པས།། རྣམ་། ཁྲོན་པ་རྐོར་བཅུག་ལ།། ཕྱི་ཕྱིར་རབ་ཏུ་རྐོ་བ་ན།། ས་སྐམ་དག་ནི་འབྱུང་བར་མཐོང་།། དེས་མཐོང་དེ་ནས་སེམས་པ་ནི།། འདི་ནས་ཆུ་ཡང་རྒྱང་རིང་སྟེ།། སྐམ་ས་རྐོ་བར་བྱེད་པ་ཡང་། འདི་ནི་རྒྱང་རིང་མཚན་མ་སྙམ།། ཕྱི་ཕྱིར་ས་དག་སྣུམ་པ་ཡིས།། གཤེར་བ་གང་ཚེ་མཐོང་གྱུར་པ།། དེ་ན་དེ་ལ་ཐུག་པར་འགྱུར།། དེ་ནས་ཆུ་ཡང་ཐག་མི་རིང་།། དེ་བཞིན་མདོ་སྡེ་མི་ཉན་ཅིང་། ། ཕྱི་ཕྱིར་ཤིན་ཏུ་མ་བསྒོམས་པ།། དེ་དག་སངས་རྒྱས་ཡེ་ཤེས་ནི།། འདི་འདྲ་བ་ལས་ཤིན་ཏུ་རིང་།། གང་ཚེ་ཉན་ཐོས་རྣམས་ཀྱིས་ནི།། གཏན་ལ་ཕབ་པ་མདོ་སྡེའི་རྒྱལ།། ཟབ་མོ་འདི་ནི་ཉན་འགྱུར་ཞིང་།། ལན་ཅིག་མ་ཡིན་སེམས་བྱེད་པ།། མཁས་པ་དེ་དག་སངས་རྒྱས་ཀྱི།། ཡེ་ཤེས་ལ་ནི་ཉེ་བར་གྱུར།། ཇི་ལྟར་ས་ནི་གཤེར་བ་ཡིས།། ཆུ་དང་ཉེ་ཞེས་བྱ་བ་བཞིན། ། རྒྱལ་བའི་གནས་དེར་རབ་ཞུགས་ཏེ།། ཆོས་གོས་དག་ཀྱང་བགོས་ནས་སུ།། ང་ཡི་སྟན་ལ་འདུག་ནས་ནི།། མདོ་སྡེ་འདི་ནི་མི་འཇིགས་ཤོད།། བྱམས་པའི་སྟོབས་ནི་ང་ཡི་གནས། ། བཟོད་དང་ངེས་པ་ཆོས་གོས་ཏེ།། སྟོང་པ་ཉིད་ནི་ང་ཡི་སྟན།། དེ་ལ་གནས་ནས་ཆོས་རབ་སྟོན།། དབྱིག་པ་བོང་བ་མདུང་ཐུང་དང་།། གཤེ་ཞིང་སྡིགས་པར་བྱེད་པ་ནི། གང་དུ་བཤད་པར་དེ་བྱུང་ཡང་།། ང་དྲན་ནས་ནི་དེ་བཟོད་བྱ།། བྱེ་བ་ཕྲག་སྟོང་ཞིང་དུ་ཡང་།། ང་ཡི་ལུས་ཀྱི་དངོས་པོ་བརྟན།། བསྐལ་པ་བྱེ་བ་བསམ་ཡས་སུ།། སེམས་ཅན་རྣམས་མཆོས་སྟོན་ཏོ། ། ཡོངས་སུ་མྱ་ངན་ང་འདས་ནས།། མདོ་སྡེ་འདི་ནི་བང་སྟོན་པ།། ངས་ནི་དཔའ་བོ་དེ་ལ་ཡང་།། སྤྲུལ་པ་མང་པོ་དརྩེ་བར་བྱ།། དགེ་སློང་དག་དང་དགེ་སློང་མ། ། དགེ་བསྙེན་རྣམས་དང་དགེ་བསྙེན་མ།། དེ་དག་དེ་ལ་མཆོད་པར་བྱེད།། འཁོར་རྣམས་ལ་ཡང་རི་མོ་བྱེད།། བོང་དབྱུག་དེ་བཞིན་གཤེ་བ་དང་།། སྡིགས་པར་བྱེད་ཅིང་སྤྲོས་པ་དག། དེ་ལ་གང་རྣམས་བྱེད་པ་ཡང་།། སྤྲུལ་པ་རྣམས་ཀྱིས་དེ་དག་བཟློག། མི་དང་བྲལ་བའི་ཡུལ་ཕྱོགས་དང་།། དགོན་པ་རྣམས་དང་རི་དག་ལ།། ནམ་ཞིག་གཅིག་བུ་གནས་ནས་སུ། ། ཁ་ཏོན་བྱེད་པར་འགྱུར་བ་ན།། དེ་ན་འོད་གསལ་ང་ཡི་ལུས།། ངས་ནི་དེ་ལ་བསྟན་པར་བྱ།། དེ་ཡི་ཁ་ཏོན་ནོར་བ་ཡང་།། ཕྱིར་ཞིང་འཐོན་པར་འགྱུར་བར་བྱ། ། གཅིག་པུ་ནགས་ན་རྒྱུ་བྱེད་ཅིང་།། དེ་ནི་དེ་ན་གནས་པའི་ཚེ།། ལྷ་དང་གནོད་སྦྱིན་དུ་མ་དག། དེ་ཡི་གྲོགས་སུ་དགྱེ་བར་བྱ།། འཁོར་བཞི་ལ་ནི་རབ་སྟོན་པ།། དེ་མི་ཡོན་ཏན་དེ་འདྲར་འགྱུར། ། ནགས་ཚལ་རི་སུལ་གཅིག་གནས་ཤིང་།། ཁ་ཏོན་བྱེད་པ་དེས་ང་མཐོང་།། དེ་ཡི་སྤོབས་པ་ཐོགས་མེད་འགྱུར།། ཆོས་དང་ངེས་ཚིག་མང་པོ་ཤེས་འདི་ལྟར་སངས་རྒྱས་བྱི་བརླབས་པས། ། ཐོག་ཆགས་ཀྱི་སྟོང་དེས་ཆིས་བྱེད།། སེམས་ཅན་གང་དག་དེར་རྟེན་པ།། བྱང་ཆུབ་སེམས་དཔར་དེམུར་འགྱུར། དེ་དང་འགྲོགས་ཤིང་སྟེན་པ་གན།། སངས་རྒྱས་གངྒཱའི་བྱེ་སྐྱེད་མཐོང་།། ཆོས་སྨྲ་བའི་ལེའུ་ཞེས་བྱ་བ་སྟེ་བཅུ་པའོ།། དམ་པའི་ཆོས་པདྨ་། པོ་བམ་པོ་བརྒྱད་པ། དེ་ནས་བཅོམ་ལྡན་འདས་ཀྱི་སྤྱན་སྔར་ས་ཕྱོགས་དེའི་འཁོར་གྱི་དབུས་ནས་རིན་པོ་ཆེ་སྣ་བདུན་གྱི་མཆོད་རྟེན་བྱུང་སྟེ། འཕང་དུ་ནི་དཔག་ཚད་ལྔ་བརྒྱ་ཁོར་ཁོར་ཡུག་ཏུ་ནི་དེ་དང་འཚམ་པ། བཀྲ་བ། བལྟ་ན་སྡུག་པ། མེ་ཏོག་བཀྲམ་པའི་སྟེགས་བུ་ལྔ་སྟོང་གིས་ལེགས་པར་བརྒྱན་པ། རྟ་བབས་སྟོང་ཕྲག་མང་པོ་བརྒྱན་པ། ལྷའི་བ་དན་དང་། རྣམ་པར་རྒྱལ་བའི་བ་དན་སྟོང་གིས་བརྒྱན་པ། རིན་པོ་ཆེའི་འཕྲེང་བ་སྟོང་སྦྱངས་པ། དར་དང་དྲིལ་བུ་སྟོང་རབ་ཏུ་སྦྱངས་པ་མངོན་པར་བྱུང་ནས་ནམ་མཁའ་བར་སྣང་ལ་གནས་ཏེ། ཏ་མ་ལའི་མདབ་མ་དང་། ཙན་དན་གྱི་དྲི་རབ་ཏུ་བྱུང་བས། དྲི་དེས་ཐམས་ཅད་དང་ལྡན་པའི་འཇིག་རྟེན་གྱི་ཁམས་འདི་ཁྱབ་པར་གྱུར་ཏོ།། དེའི་གདུགས་ཀྱི་འཕྲེང་བ་རྒྱལ་ཆེན་བཞིའི་རིས་ཀྱི་ལྷའི་ཁང་པའི་བར་དུ་འཕགས་པར་གྱུར་ཏོ། ། རིན་པོ་ཆེ་སྣ་བདུན་ལས་བྱས་པ་འདི་ལྟ་སྟེ། གསེར་དང་། དངུལ་དང་། བཻ་ཌཱུཪྻ་དང་། སྤུག་དང་། རྡོའི་སྙིང་པོ་དང་། མུ་ཏིག་དམར་པོ་དང་། ཀེ་ཀེ་རུའོ། ། མཆོད་རྟེན་དེ་ལ་སུམ་ཅུ་རྩ་གསུམ་རིས་ཀྱི་ལྷའི་བུ་རྣམས་ལྷའི་མེ་ཏོག་མནྡ་ར་བ་དང་། མནྡ་ར་བ་ཆེན་པོས་རིན་པོ་ཆེའི་མཆོད་རྟེན་དེ་ལ་འཐོར་རོ།། རིན་པོ་ཆེའི་མཆོད་རྟེན་དེ་ལས་འདི་འདྲ་བའི་སྒྲ་འབྱུང་སྟེ། དེ་བཞིན་གཤེགས་པ་རྣམས་ལ་ནི་སེམས་པ་མེད་དོ།། རྟོག་པ་མེད་དོ།། སྤྱོད་ལམ་ཐམས་ཅད་ཀྱང་བསྟན་ཏོ།། དེ་བཞིན་གཤེགས་པ་རྣམས་ནི་ཕུང་པོ་དང་། ཁམས་དང་། སྐྱེ་མཆེད་ལས་རབ་ཏུ་བྱེ་བ་མ་ཡིན་ནོ།། ལས་དང་ཉོན་མོངས་པ་དང་། ཕ་མ་དང་། འབྱུང་བ་ཆེན་པོ་ལས་འབྱུང་བ་མ་ཡིན་གྱི། ཤ་དང་། ཁྲག་དང་ཆུ་བ་ལས་རྣམ་པར་འབྲེལ་པ་མ་ཡིན། དབུགས་ནང་དུ་རྒྱུ་བ་དང་། ཕྱི་རོལ་དུ་རྒྱུ་བ་དང་། སྲོག་དང་ཉེ་བར་འབྲེལ་བ་མ་ཡིན་ནོ།། དེ་བཞིན་གཤེགས་པ་རྣམས་ནི་ནམ་མཁའ་དང་མཚུངས་ཏེ་རྟག་པ་མ་ཡིན་མི་རྟག་པ་མ་ཡིན། འོན་ཀྱང་དེ་བཞིན་གཤེགས་པ་རིན་ཆེན་མང་བསྐལ་པ་བྱེ་བ་ཁྲག་ཁྲིག་བརྒྱ་སྟོང་མང་པོར་ཡོངས་སུ་མྱ་ངན་ལས་འདས་པ་རྟོག་པ་དང་། རྣམ་པར་རྟོག་པ་ཐམས་ཅད་དང་བྲལ་བ་སེམས་ཅན་རྣམས་ཀྱི་དོན་གྱི་ཕྱིར། སྔོན་གྱི་སྨོན་ལམ་གྱི་དབང་གིས་ཆོས་ཉན་པའི་ཕྱིར་དང་། སེམ་ཅན་རྣམ་ཡོངས་སུ་སྨིན་པར་བྱ་བའི་ཕྱིར་མཐོང་སྟེ། དེ་བཞིན་གཤེགས་པའི་སྐུ་ལ་ནི་ཅུང་ཟད་ཀྱང་རྟོག་པ་མེད་དེ་དེ་བཞིན་གཤེགས་པ་རྣམས་ནི་ཡི་གེ་འབྲུ་གཅིག་ཀྱང་མ་གསུངས་སོ།། ཇི་ལྟར་འདུལ་བའི་སེམས་ཅན་རྣམས་ཁམས་སོ་སོ་བ་དང་། མོས་པ་སོ་སོ་བ་རྣམས་དང་། ཆོས་ཀྱི་གཏམ་དེ་བཞིན་གཤེགས་པ་ལ་ཉན་ཏོ།། གང་དེ་བཞིན་གཤེགས་པ་དེ་ནི་དེ་བཞིན་ཉིད་གང་དེ་བཞིན་ཉིད་དེ་ནི་ཡང་དག་པའི་མཐའ། ཡང་དག་པའི་མཐའ་དེ་ནི་ཆོས་ཀྱི་དབྱིངས་གང་དེ་བཞིན་ཉིད་དང་། ཡང་དག་པའི་མཐའ་དང་། ཆོས་ཀྱི་དབྱིངས་དེ་ནི་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་སོ། ། དེ་ལྟར་ཡོངས་སུ་དག་པའི་དེ་བཞིན་གཤེགས་པ་རྣམས་གང་གི་ཚེ་གཤེགས་པ་དང་། མཐོང་བ་དང་། སྨྲས་པ་ནི། སྔོན་གྱི་སྨོན་ལམ་གྱི་དབང་གིས་བསམ་པ་ཡོངས་སུ་དག་པའི་སེམས་ཅན་རྣམས་ལ་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་ཐབས་མཁས་པ་ཆེན་པོ་བསྟན་ཏོ། ། ཡང་རིན་པོ་ཆེའི་མཆོད་རྟེན་དེ་ལས་སྒྲ་འདི་གཉིས་བྱུང་ངོ་། ། བཅོམ་ལྡན་འདས་ཤཱཀྱ་ཐུབ་པ་ཁྱོད་ཀྱིས་དམ་པའི་ཆོས་པདྨ་དཀར་པོ་ཞེས་བྱ་བའི་ཆོས་ཀྱི་རྣམ་གྲངས་འདི་ལེགས་པར་གསུངས་པ་ལེགས་སོ་ལེགས་སོ།། བཅོམ་ལྡན་འདས་དེ་དེ་ལྟའོ།། བདེ་བར་གཤེགས་པ་དེ་དེ་ལྟའོ་ཞེས་བྱ་བའི་སྒྲ་འདི་འདྲ་བ་བྱུང་ངོ་།། དེ་ནས་འཁོར་བཞི་པོ་དེ་དག་གིས་རིན་པོ་ཆེའི་མཆོད་རྟེན་ཆེན་པོ་ནམ་མཁའ་བར་སྣང་ལ་འདུག་པ་དེ་མཐོང་ནས། དགའ་བ་སྐྱེས་ཤིང་མགུ་བ་དང་། རངས་པ་དང་། མཆོག་ཏུ་དགའ་བར་གྱུར་ཏེ། དེའི་ཚེ་སྟན་ལས་ལངས་ནས་ཐལ་མོ་སྦྱར་ཏེ་འཁོད་དོ།། དེ་ནས་དེའི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་ཆེན་པོ་ཞེས་བྱ་བས། ལྷ་དང་མི་དང་ལྷ་མ་ཡིན་དང་བཅས་པའི་འཇིག་རྟེན་ངོ་མཚར་དུ་འཛིན་པར་གྱུར་པར་རིག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་རིན་པོ་ཆེའི་མཆོད་རྟེན་ཆེན་པོ་འདི་ལྟ་བུ་འདི་བྱུང་བའི་རྒྱུ་གང་ལགས། རྐྱེན་གང་ལགས། བཅོམ་ལྡན་འདས་རིན་པོ་ཆེའི་མཆོད་རྟེན་ཆེན་པོ་འདི་ལས་འདི་ལྟ་བུའི་སྒྲ་འབྱིན་པ་སུ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་ཆེན་པོ་ལ་འདི་སྐད་ཅེས་བཀའ་སྩལ་ཏོ། ། སྤོབས་པ་ཆེན་པོ་རིན་པོ་ཆེའི་མཆོད་རྟེན་ཆེན་པོ་འདི་ཡི་ནང་ན། དེ་བཞིན་གཤེགས་པའི་སྐུ་གཅིག་ཏུ་འདུས་པ་བཞུགས་སོ། ། འདི་ནི་དེའི་མཆོད་རྟེན་ཏེ། དེས་སྒྲ་འདི་འབྱུང་ངོ་།། སྤོབས་པ་ཆེན་པོ་ཤར་ཕྱོགས་སུ་འཇིག་རྟེན་གྱི་ཁམས་སྟོང་ཕྲག་གྲངས་མེད་པ་འདས་པ་ན། འཇིག་རྟེན་གྱི་ཁམས་རིན་པོ་ཆེ་རྣམ་པར་དག་པ་ཞེས་བྱ་བ་ཡོད་དེ། དེར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་ཞེས་བྱ་བ་བྱུང་སྟེ། བཅོམ་ལྡན་འདས་དེས་སྨོན་ལམ་འདི་སྐད་དུ། ང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། ཇི་སྲིད་དུ་ངས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་བྱང་ཆུབ་སེམས་དཔའ་རྣམས་ལ་གདམས་པ་འདི་མ་ཐོས་པ་དེ་སྲིད་དུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ངེས་པར་འབྱུང་མི་བྱའོ།། གང་གི་ཚངས་དམ་པའི་ཆོས་པདྨ་དཀར་པོའི་ཆོས་རྣམ་གྲངས་འདི་ཐོས་པ་དེའི་འོག་ཏུ་ང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་གྲུབ་པར་གྱུར་ཅིག་ཅེས་སྨོན་ལམ་བཏབ་བོ། ། སྤོབས་པ་ཆེན་པོ་ཡང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་དེས་ཡོངས་སུ་མྱ་ངན་ལས་འདའ་བའི་དུས་ཀྱི་ཚེ། ལྷ་དང་བཅས་པའི་འཇིག་རྟེན་གྱི་མདུན་དུ། འདི་སྐད་ཅེས་དགེ་སློང་དགང་ཡོངས་སུ་མྱ་ངན་ལས་འདས་ནས། དེ་བཞིན་གཤེགས་པའི་ལུས་གཟུགས་ཀྱི་རིན་པོ་ཆེའི་མཆོད་རྟེན་ཆེན་པོ་ཅིག་བྱོས་ཤིག། མཆོད་རྟེན་ལྷག་མ་རྣམས་ནི་ངའི་ཕྱིར་གྱིས་ཤིག་ཅེས་མོས་པར་བྱས་སོ། ། སྤོབས་པ་ཆེན་པོ་ཡང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་ར་གྱས་རིན་ཆེན་མང་དེས་ངའི་མཆོད་རྟེན་འདི་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན་སངས་རྒྱས་ཀྱི་ཞིང་གང་དང་གང་དུ་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་དག་པར་རབ་ཏུ་སྟོན་པ་དེ་དང་དེ་དག་ཏུ། ངའི་ལུས་གཟུགས་ཀྱི་མཆོད་རྟེན་འདི་མངོན་པར་བྱུང་སྟེ། སངས་རྒྱས་བཅོམ་ལྡན་འདས་དེ་དང་དེ་དག་དམ་པའི་ཆོས་པདྨ་དཀར་པོ་ཡི་རྣམ་གྲངས་འདི་འཆད་པ་ན། འཁོར་གྱི་དཀྱིལ་འཁོར་གྱི་སྟེང་གི་ནམ་མཁའ་ལ་འདུག་ནས། སངས་རྒྱས་བཅོམ་ལྡན་འདས་དེ་དང་དེ་དག་དམ་པའི་ཆོས་པདྨ་དཀར་པོ་ཡི་ཆོས་ཀྱི་རྣམ་གྲངས་འདི་སྟོན་པ་ལ། ངའི་ལུས་གཟུགས་ཀྱིས་ལེགས་སོ་ཞེས་བྱ་བ་སྦྱིན་ནོ་ཞེས་དེ་ལྟར་བྱིན་གྱིས་བརླབས་སོ།། སྤོབས་པ་ཆེན་པོ་དེའི་ཕྱིར། བཅོམ་ལྡན་འདས་དེ་བཞིན་གཤེགས་པ་ཨ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་དེའི་སྐུ་གདུང་གི་མཆོད་རྟེན་འདིར་འཇིག་རྟེན་གྱི་ཁམས་མི་མཇེད་འདིར་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་ངས་བཤད་པ་ན། འཁོར་གྱི་དཀྱིལ་འཁོར་འདིའི་དབུས་ནས་མངོན་པར་བྱུང་སྟེ། སྟེང་གི་ནམ་མཁའ་བར་སྣང་ལ་འདུག་ནས་ལེགས་སོ་ཞེས་བྱ་བ་བྱིན་ནོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྤོངས་པ་ཚོན་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་བཅོམ་ལྡན་འདས་ཀྱི་མཐུས། བཞིན་གཤེགས་པའི་སྐུ་འདི་བལྟའོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་ཆེན་པོ་ལ་འདི་སྐད་ཅེས་བཀའ་སྩལ་ཏོ། ། སྤོབས་པ་ཆེན་པོ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་དེའི་སྨོན་ལམ་ལྕི་བར་གྱུར་ཏོ།། དེའི་སྨོན་ལམ་ནི་འདི་ལྟ་སྟེ། གང་གི་ཚེ་སངས་རྒྱས་ཀྱི་ཞིང་གཞན་དག་ཏུ་སངས་རྒྱས་བཅོམ་ལྡན་འདས་རྣམས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་འཆད་པ་དེའི་ཚེ། ངའི་ལུས་གཟུགས་ཀྱི་མཆོད་རྟེན་འདི་དམ་པའི་ཆོས་པདྨ་དཀར་པོ་འདི་མཉན་པའི་ཕྱིར། དེ་བཞིན་གཤེགས་པ་རྣམས་ཀྱི་གན་དུ་འགྲོ་བར་གྱུར་ཅིག། གང་གི་ཚེ་ཡང་སངས་རྒྱས་བཅོམ་ལྡན་འདས་དེ་དག་འཁོར་བཞི་ལ་ངའི་ལུས་གཟུགས་ཕྱེ་སྟེ། བསྟན་པར་འདོད་པར་གྱུར་ན། དེ་ནས་དེ་བཞིན་གཤེགས་པ་དེ། དེ་དག་གིས་ཕྱོག་བཅུའི་སངས་རྒྱས་ཀྱི་ཞིང་སོ་སོ་ན། དེ་བཞིན་གཤེགས་པའི་སྐུ་ལུས་སྤྲུལ་པ་མིང་ཐ་དད་པ་གང་དག་སངས་རྒྱས་ཀྱི་ཞིང་དེ་དང་དེ་དག་ན། ཆོས་སྟོན་པ་དེ་དག་ཐམས་ཅད་བསོགས་ལ་དེའི་འོག་ཏུ་དེ་བཞིན་གཤེགས་པའི་སྐུ་ལུས་སྤྲུལ་པ་དེ་དག་དང་ལྷན་ཅིག་ཏུ། ངའི་ལུས་གཟུགས་ཀྱི་མཆོད་རྟེན་འདི་ཕྱེ་སྟེ། འཁོར་བཞི་ལ་བསྟན་པར་བྱའོ་ཞེས་སྨོན་ལམ་བཏབ་བོ།། སྤོབས་པ་ཆེན་པོ་དེའི་ཕྱིར་ངས་དེ་བཞིན་གཤེགས་པའི་གཟུགས་སྤྲུལ་པ་མང་པོ་གང་དག་ཕྱོགས་བཅུའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་གཞན་དང་གཞན་སྟོང་དག་ན། སེམས་ཅན་རྣམས་ལ་ཆོས་སྟོན་པ་དེ་དག་ཐམས་ཅད་འདིར་བསྡུ་བར་བྱའོ། ། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་ཆེན་པོས་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པའི་སྲ། དེ་བཞིན་གཤེགས་པའི་སྤྲུལ་པ། དེ་དག་ཐམས་ཅད་ལ་བདག་ཅག་གིས་ཕྱག་བགྱིའོ།། དེ་ནས་དེའི་ཚེ་བཅོམ་ལྡན་འདས་ཀྱི་ཞལ་གྱི་མཛོད་སྤུ་ནས་འོད་ཟེར་བཏང་སྟེ། འོད་ཟེར་བཏང་མ་ཐག་ཏུ་ཤར་ཕྱོགས་ཀྱི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་བཅུའི་བྱེ་མ་སྙེད་དག་ན། སངས་རྒྱས་བཅོམ་ལྡན་འདས་གང་དག་བཞུགས་པ་དེ་དག་ཐམས་ཅད་སྣང་ངོ་། ། སངས་རྒྱས་ཀྱི་ཞིང་དེ་དག་ནི་ཤེལ་གྱི་གཞི་ལ་རིན་པོ་ཆེའི་ཤིང་ལྗོན་པས་བརྒྱན་པ་རས་བཅོས་བུ་དང་། དར་གྱིས་ལྔ་ལྡིས་ལེགས་པར་བརྒྱན་པ། བྱང་ཆུབ་སེམས་དཔའ་བརྒྱ་སྟོང་མང་པོས་ཡོངས་སུ་གང་བ། བླ་རེ་བྲེས་པ། རིན་པོ་ཆེ་སྣ་བདུན་དང་། གསེར་གྱི་དྲ་བས་གཡོགས་པར་སྣང་ངོ་།། དེ་དག་ན་སངས་རྒྱས་བཅོམ་ལྡན་འདས་དེ་དག་དབྱངས་སྙན་ཅིང་འཇམ་པས་སེམས་ཅན་རྣམས་ལ་ཆོས་སྟོན་པར་སྣང་ངོ་། ། སངས་རྒྱས་ཀྱི་ཞིང་དེ་དག་བྱང་ཆུབ་སེམས་དཔའ་བརྒྱ་སྟོང་གིས་ཡོངས་སུ་གང་བར་སྣང་ངོ་། ། དེ་བཞིན་དུ་ཤར་ལྷོའི་ཕྱོགས་དང་། དེ་བཞིན་དུ་ལྷོའི་ཕྱོགས་དང་། དེ་བཞིན་དུ་ལྷོ་ནུབ་ཀྱི་ཕྱོགས་དང་། དེ་བཞིན་དུ་ནུབ་ཀྱི་ཕྱོགས་དང་། དེ་བཞིན་དུ་ནུབ་བྱུང་གི་ཕྱོགས་དང་། དེ་བཞིན་དུ་བྱང་གི་ཕྱོགས་དང་། དེ་བཞིན་དུ་བྱང་ཤར་གྱི་ཕྱོགས་དང་། དེ་བཞིན་དུ་སྟེང་གི་ཕྱོགས་དང་། དེ་བཞིན་དུ་འོག་གི་ཕྱོགས་དང་། ཕྱོགས་བཅུ་ཐམས་ཅད་ཀྱི་ཕྱོགས་རེ་རེ་ན་ཡང་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་གངྒཱའི་ཀླུང་གི་བྱེ་མ་སྙེད་དག་ན། སངས་རྒྱས་བཅོམ་ལྡན་འདས་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་གངྒཱའི་ཀླུང་གི་བྱེ་མ་སྙེད་གང་དག་བཞུགས་པ་དེ་དག་ཐམས་ཅད་སྣང་ངོ་། ། དེ་ནས་ཕྱོགས་བཅུའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གིས་རང་རང་གི་བྱང་ཆུབ་སེམས་དཔའི་ཚོགས་ལ་བཀའ་སྩལ་པ། རིགས་ཀྱི་བུ་དག་ངེད་ནི་དེ་བཞིན་གཤེགས་པ་རིན་ཆེན་མང་གི་སྐུ་གདུང་གི་མཆོད་རྟེན་ལ་ཕྱག་བྱ་བའི་ཕྱིར། འཇིག་རྟེན་གྱི་ཁམས་མི་མཇེད་དུ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པའི་གན་དུ་འདོང་ངོ་།། དེ་ནས་སངས་རྒྱས་བཅོམ་ལྡན་འདས་དེ་དག་རང་རང་གི་ཞམ་འབྲིང་བ་དང་ལྷན་ཅིག་ཏུ་བདག་དང་གཉིས་སམ། བདག་དང་གསུམ་འཇིག་རྟེན་གྱི་ཁམས་མི་མཇེད་འདིར་གཤེགས་སོ།། འདི་ལྟར་དེའི་ཚེ། ཐམས་ཅད་དང་ལྡན་པའི་འཇིག་རྟེན་གྱི་ཁམས་མི་མཇེད་འདི་རིན་པོ་ཆེའི་ཤིང་ལྗོན་པས་རབ་ཏུ་བརྒྱན་པར་གྱུར་ཏོ།། བཻ་ཌཱུཪྻའི་གཞི་ལ་རིན་པོ་ཆེ་སྣ་བདུན་དང་། གསེར་གྱི་དྲ་བ་བྲེས་པ་རིན་པོ་ཆེ་ཆེན་པོའི་སྤོས་དང་། བདུག་པས་གདུགས་པ། མེ་ཏོག་མནྡ་ར་དང་། མནྡཱ་ར་བ་ཆེན་པོ་ཀུན་ཏུ་བཀྲམ་པ། དྲིལ་བུ་གཡེར་ཀའི་དྲ་བས་བརྒྱན་པ། གསེར་གྱི་སྐུད་པས་མིག་མངས་རིས་སུ་བྲེས་པར་གྱུར་ཏོ། ། གྲོང་དང་གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་ཀྱང་མེད་པར་གྱུར། རི་ནག་པོ་ཡང་མེད་པར་གྱུར། རི་བཏང་བཟུང་དང་བཏང་བཟུང་ཆེན་པོ་ཡང་མེད་པར་གྱུར། རི་ཁོར་ཡུག་དང་། ཁོར་ཡུག་ཆེན་པོ་ཡང་མེད་པར་གྱུར། རིའོ་རྒྱལ་པོ་རི་རབ་ཀྱང་མེད་པར་གྱུར། རི་ཆེན་པོ་དང་རི་གཞན་ཡང་མེད་པར་གྱུར། རྒྱ་མཚོ་ཆེན་པོ་ཡང་མེད་པར་གྱུར། འབབ་ཆུ་དང་། འབབ་ཆེན་པོ་ཡང་མེད་པར་ཡོངས་སུ་གནས་པར་གྱུར་ཏོ།། ལྷ་དང་མི་དང་ལྷ་མ་ཡིན་གྱི་ཚོགས་ཀྱང་མེད་པར་གྱུར། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ཡང་མེད་པར་གྱུར་ཏོ།། འདི་ལྟར་དེའི་ཚེ། འཇིག་རྟེན་གྱི་ཁམས་མི་མཇེད་འདིར། འགྲོ་བ་དྲུག་ཏུ་སྐྱེས་པའི་སེམས་ཅན་དེ་དག་ཐམས་ཅད་ཀུན་འཇིག་རྟེན་གྱི་ཁམས་གཞན་དག་ཏུ་བཀོད་པར་གྱུར་ཏོ།། གང་དག་འཁོར་དེ་ཉིད་དུ་འདུས་པ་དེ་དག་ནི་མ་གཏོགས་སོ། ། དེ་ནས་སངས་རྒྱས་བཅོམ་ལྡན་འདས་དེ་དག་ཞམ་འབྲིང་བ་གཉིས་སམ། ཞམ་འབྲིང་བ་གསུམ་འཇིག་རྟེན་གྱི་ཁམས་མི་མཇེད་འདིར་གཤེགས་སོ།། དེ་བཞིན་གཤེགས་པ་གཤེགས་ཤིང་བྱོན་པ་དེ་དག་རིན་པོ་ཆེའི་ཤིང་ལྗོན་པའི་དྲུང་ན་གནས་ཤིང་བཞུགས་ཏེ་རིན་པོ་ཆེའི་ཤིང་ལྗོན་པ་རེ་རེའི་འཕང་ཡང་དཔག་ཚད་ལྔ་བརྒྱ་པར་གྱུར་ཏེ། ཡལ་ག་དང་ལོ་མ་དང་། འདུབ་ས་ད་། རྣམས་ནི་རིམ་བཞིན་མེ་ཏོ། དང་། འབྲས་བུས་རབ་ཏུ་བརྒྱན་པ། རིན་པ་ཚ་ཤིང་ལྗོན་པ་རེ་རརིའི་དྲུང་ན་ཡང་། སེང་ནམ་འཕང་དུ་དཔག་ཚད་ལྔ་བརྒྱ་པ། རིན་པོ་ཆེ་ཆེན་པོས་བརྒྱན་པ་བཤམས་པ་དེ་ལ་དེ་བཞིན་གཤེགས་པ་སྐྱིལ་མོ་ཀྲུང་བཅས་ཏེ་བཞུགས་པར་གྱུར་ཏོ།། རྣམ་གྲངས་འདིས་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་འདི་ཐམས་ཅད་ན་རིན་པོ་ཆེའི་ཤིང་ལྗོན་པ་ཐམས་ཅད་ཀྱི་དྲུང་ན་དེ་བཞིནི་གཤེགས་པ་རྣམས་སྐྱིལ་མོ་ཀྲུང་བཅས་ཏེ་བཞུགས་པར་གྱུར་ཏོ། ། དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐམས་ཅད་དེ་བཞིན་གཤེགས་པས་རབ་ཏུ་གང་བར་གྱུར་ཀྱང་། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་སྐུ་སྤྲུལ་པ་ཕྱོགས་གཅིག་ནས་ཐམས་ཅད་ཚོགས་པ་ནི་མ་ཡིན་ནོ། ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་དེ་བཞིན་གཤེགས་པའི་སྐུ་གཤེགས་ཤིང་བྱོན་པ་དེ་དག་གི་སྒོ་མངོན་པར་སྤྲུལ་ཏེ། ཕྱོགས་བཅུ་མཐའ་ཡས་ཐམས་ཅད་དུ་སངས་རྒྱས་ཀྱི་ཞིང་བྱེ་བ་ཕྲག་སྟོང་ཕྲག་ཉི་ཤུ་ཐམས་ཅད་བཻ་ཌཱུཪྻ་ལས་ནི་བྱས། རིན་པོ་ཆེ་སྣ་བདུན་དང་། གསེར་གྱི་དྲ་བ་ནི་བྲེས། དྲིལ་བུ་གེ་ཡར་ཁའི་དྲ་བས་ནི་བརྒྱན། མེ་ཏོག་མནྡར་དང་། མནྡཱ་ར་ཆེན་པོ་ནི་ཀུན་ཏུ་བཀྲམ་ལྷའི་བླ་རེ་ནི་བྲེས། ལྷའི་མེ་ཏོག་གི་ཕྲེང་བ་ནི་མངོན་པར་སྦྱངས་ལྷའི་སྤོས་དང་། འདུག་པས་ནི་བདུགས་ཏེ། སངས་རྒྱས་ཀྱི་ཞིང་བྱེ་བ་སྟོང་ཕྲག་ཉི་ཤུ་པོ་དེ་དག་ཐམས་ཅད་ན། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་ཀྱང་མེད། རི་ནག་པོ་ཡང་མེད། རི་བཏང་བཟུང་དང་། རི་བཏང་བཟུང་ཆེན་པོ་ཡང་མེད། རི་ཁོར་ཡུག་དང་། ཁོར་ཨུག་ཆེན་པོ་ཡང་མེད། རིའི་རྒྱལ་པོ་རི་རབ་ཀྱང་མེད། རི་ཆེན་པོ་དང་། རི་གཞན་ཡང་མེད། རྒྱ་མཚོ་ཆེན་པོ་ཡང་མེད་པར་གྱུར་ཅིག། བ་ཆུད་དཔ་ལབ་ཆུ་ཆེན་པོ་ཡང་མེད་པར་ཡོངས་སུ་བཞག་གོ། ལྷ་དང་མི་དང་ལྷ་མ་ཡིན་གྱི་ཚོགས་ཀྱང་མེད་པར་གྱུར། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ཡང་མེད་པར་གྱུར་ཏེ། སངས་རྒྱས་ཀྱི་ཞིང་དེ་དག་ཐམས་ཅད་སངས་རྒྱས་ཀྱི་ཞིང་གཅིག་དང་མཚུངས་ཤིང་ཕྱོགས་གཅིག་དང་འདྲ་བར་ཡོངས་སུ་གནས་པར་གྱུར་ཏེ། མཉན་ཞིང་ཉམས་དགའ་ལ་རིན་པོ་ས་སྣ་དུན་ཅི་ཤིང་ལྗོན་པ་དག་གིས་བརྒྱན་པར་གྱུར་ཏེ། ཤིང་ལྗོན་པ་དེ་དག་འཕང་དུ་ནི་དཔག་ཚད་ལྔ་བརྒྱན་པ། སྦོམས་སུ་ནི་རིམ་བཞིན་ཡལ་ཀ་དང་། ལོ་མ་དང་། མེ་ཏོག་དང་། འབྲས་བུ་དང་ལྡན་ནོ།། རིན་པོ་ཆེའི་ཤིང་སྔོན་པ་ཐམས་ཅད་ཀྱི་དྲུང་ན། སེང་གེའི་ཁྲི་ཁོར་ལུག་ཏུ་དཔག་ཚད་ལྔ་བརྒྱ་པ། ལྷའི་རིན་པོ་ཆེ་ལས་བྱས་པ། བཀྲ་བ། བསྟན་སྡུག་པ་བཤམ་པར་གྱུར་ཏེ། དེ་བཞིན་གཤེགས་པ་གཤེགས་ཤིང་བྱོན་པ་རྣམས། ཤིང་དྲུང་དེ་དག་ན་སེང་གེའི་ཁྲི་དག་ལ་སྐྱིལ་མོ་གྲང་བཅས་ཏེ་བཞུགས་སོ།། རྣམ་གྲངས་འདིས་གཞན་ཡང་ཕྱོགས་རེ་རེ་ཡང་འཇིག་རྟེན་གྱི་ཁམས་བྱེ་བ་སྟོང་ཕྲག་ཉི་ཤུ་དེ་བཞིན་གཤེགས་པ་ཤཱཀྱ་ཐུབ་པས་ཡོངས་སུ་དག་པར་མཛད་དོ། ། དེ་བཞིན་གཤེགས་པ་བྱོན་ཅིང་གཤེགས་པ་དེ་དག་གི་གོ་དབྱེ་བའི་ཕྱིར། གཞན་ཡང་ཕྱོགས་རེ་རེ་ཡང་འཇིག་རྟེན་གྱི་ཁམས་བྱེ་བ་སྟོང་ཕྲག་ཉི་ཤུར་གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་ཀྱང་མེད་པར་གྱུར། རྒྱལ་པོའི་ཕོ་བྲང་འཁོར་ཀྱང་མེད་པར་གྱུར་རི་ནག་པོ་ཡང་མེད་པར་གྱུར། རི་བཏང་བཟུང་དང་། རི་བཏང་བཟུང་ཆེན་པོ་ཡང་མེད་པར་གྱུར། རི་ཁོར་ཡུག་དང་། རི་ཁོར་ཡུག་ཆེན་པོ་ཡང་མེད་པར་གྱུར། རིའི་རྒྱལ་པོ་རི་རབ་ཀྱང་མེད་པར་གྱུར། རི་ཆེན་པོ་གཞན་ཡང་མེད་པར་གྱུར། རྒྱ་མཚོ་ཆེན་པོ་ཡང་མེད་པར་གྱུར། འབབ་ཆུ་དང་། འབབ་ཆུ་ཆེན་པོ་ཡང་མེད་པར་ཡོངས་སུ་གཞག་གོ།། ལྷ་དང་མི་དང་ལྷ་མ་ཡིན་གྱི་ཚོགས་ཀྱང་མེད་པར་གྱུར། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ཡང་མེད་པར་གྱུར་ཏེ། སེམས་ཅན་དེ་དག་ཐམས་ཅད་འཇིག་རྟེན་གྱི་ཁམས་གཞན་དག་ཏུ་དགོད་དོ། ། སངས་རྒྱས་ཀྱི་ཞིང་དེ་དག་ནི་བཻ་ཌཱུཪྻ་ལས་གྲུབ་པ། རིན་པོ་ཆེ་སྣ་བདུན་དང་། གསེར་གྱི་རྦ་བས་ཟོས་པ་དྲིལ་བུ་གཡེར་ཁའི་དྲ་བས་བརྒྱན་པ། མེ་ཏོག་མནྡ་ར་དང་། མནྡ་ར་ཆེན་པོས་ཀུན་ཏུ་བཀྲམ་པ། ལྷའི་བླ་རེ་བྲེས་པ། ལྷའི་མེ་ཏོག་གི་ཕྲེང་བ་མངོན་པར་སྦྱངས་པ། ལྷའི་སྤོས་དང་། བདུག་པས་བདུགས་པ། རིན་པོ་ཆེའི་ཤིང་ལྗོན་པས་མཛེས་པར་བྱས་པ་སྟེ། རིན་པོ་ཆེའི་ཤིང་ལྗོན་པ་དེ་དག་ཐམས་ཅད་ཀྱི་ཚད་ཀྱང་དཔག་ཚད་ལྔ་བརྒྱ་པའོ།། སེང་གེའི་ཁྲི་དཔག་ཚད་ལྔ་བརྒྱ་པ་དེ་དག་ཀྱང་མངོན་པར་སྤྲུལ་ཏེ། རིན་པོ་ཆེའི་ཤིང་ལྗོན་པའི་དྲུང་དག་ན། སོ་སོའི་སེང་གེའི་ཁྲི་ལ་དེ་བཞིན་གཤེགས་པ་དེ་དག་སྐྱིལ་མོ་ཀྲུང་བཅས་ཏེ་བཞུགས་སོ།། ཡང་དེའི་ཚེ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་སྤྲུལ་པའི་དེ་བཞིན་གཤེགས་པ་གང་དག། ཤཱར་ཕྱོགས་ནས་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་གི་བྱེ་མ་སྙེད་དག་ན། ཆོས་སྟོན་པ་དེ་དག་ཐམས་ཅད་གཤེགས་སོ། ། དེ་བཞིན་དུ་ཕྱོགས་བཅུ་ནས་གཤེགས་ཤིང་བྱོན་པ་དེ་དག་ནི་ཕྱོགས་བརྒྱད་ན་བཞུགས་པར་གྱུར་ཏོ།། དེའི་ཚེ་ཕྱོགས་བརྒྱད་ནས་གཤེགས་པའི་དེ་བཞིན་གཤེགས་པ་དེ་དག་གིས་ཕྱོགས་རེ་རེར་ཡང་འཇིག་རྟེན་གྱི་ཁམས་བྱེ་བ་ཕྲག་སུམ་ཅུ་ཀུན་ཏུ་ནོན་པར་གྱུར་ཏོ། ། དེ་ནས་དེ་བཞིན་གཤེགས་པ་དེ་དག་རང་རང་གི་སེང་གེའི་ཁྲིལ་བཞུགས་ནས། རང་རང་གི་ཞམ་འབྲིང་བ་དག། བཅོམ་ལྡན་འདས་ཤཱཀྱ་ཐུབ་པའི་ཐད་དུ་བཀྱེ་སྟེ། རིན་པོ་ཆེའི་མེ་ཏོག་གི་ཕུར་མ་སྐར་ནས། འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་དག་ཁྱེད་རྒྱལ་པོའི་ཁྱབ་ཀྱི་བྱ་རྒོད་ཀྱི་ཕུང་པོའི་རིལ་སོང་སྟེ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ལ་ཕྱག་འཚོལ་ལ། ངའི་ཚིག་གིས་བྱང་ཆུབ་སེམས་དཔའི་ཚོགས་དང་། ཉན་ཐོས་ཀྱི་ཚོགས་དང་བཅས་པ་ལ་གནོད་པ་ཉུང་ངམ། བསྐྲུན་ཆུང་ངམ། སྟོབས་དང་ལྡན་ནམ། བདེ་བར་རེག་པ་ལ་གནས་སམ་ཞེས་དྲིས་ལ། རིན་པོ་ཆེའི་ཕུང་པོ་འདིས་གཏོར་ཏེ། འདི་སྐད་ཅེས་བཅོམ་ལྡན་འདས་ཀྱིས་དེ་བཞིན་གཤེགས་པ་རིན་པོ་ཆེའི་མཆོ་རྟེན་ཆེན་པོ་འདི་དབྱེ་བར་དད་པ་འབུལ་ལོ་ཞེས་གསོལ་ཅིག། དེ་ལྟར་དེ་བཞིན་གཤེགས་པ་དེ་དག་ཐམས་ཅད་ཀྱིས་རང་རང་གི་ཞམ་འབྲེང་བ་བཀྱེའོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་དེའི་དུས་ན། བདག་གིས་སྤྲུལ་པ་མ་ལུས་པར་ཚོགས་པར་མཁྱེན། སོ་སོའི་སེང་གེའི་ཁྲི་དག་ལ་བཞུགས་པར་མཁྱེན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་ཞབས་འབྲིང་བ་ལྷགས་པར་མཁྱེན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གིས་ད་པ་ཕུལ་བར་མཁྱེན་ནས། དེའི་ཚེ་རང་གི་ཆོས་ཀྱི་གདན་ལས་བཞེངས་ཏེ། ནམ་མཁའ་བར་སྣང་ལ་བཞུགས་སོ།། འཁོར་བཞི་པོ་དེ་དག་ཐམས་ཅད་ཀྱང་སྟན་ལས་ལངས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་ལྟ་ཞིང་འཁོད་དོ།། དེ་ནས་བཅོམ་ལྡན་འདས་ཀྱིས་རིན་པོ་ཆེའི་མཆོད་རྟེན་ཆེན་པོ་ནམ་མཁའ་ལ་འདུག་པ་དེ་ཕྱག་གཡས་པའི་སོར་མོས་དབུས་ནས་ཕྱེའོ། ། ཕྱེ་ནས་ལོགས་གཉིས་སོ་སོར་གདངས་སོ།། འདི་ལྟ་སྟེ་དཔེར་ན། གྲོང་ཁྱེར་ཆེན་པོའི་སྒོ་འཕར་ཆེན་པོ་བཅད་པའི་གཏན་པ་བྱུང་ནས། སོ་སོར་ཕྱེ་བ་དེ་བཞིན་དུ་བཅོམ་ལྡན་འདས་ཀྱིས། རིན་པོ་ཆེའི་མཆོད་རྟེན་ཆེན་པོ་དེ་ཕྱག་གཡས་པའི་སོར་མོས་དབུས་ནས་ཕྱེ་སྟེ་ས་ལེར་མཛད་དོ།། དེ་བཞིན་གཤེགས་པའི་རིན་པོ་ཆེ་ཆེན་པོའི་མཆོད་རྟེན་ཆེན་པོ་དེ་ཕྱེ་མ་ཐག་ཏུ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་སེང་གེའི་ཁྲི་ལ་བཞུགས་ཏེ། སྐྱིལ་མོ་ཀྲུང་བཅས་ཏེ་སྐུ་ཀུན་སྐམས་ཤིང་སྐུ་མ་གཡོས་པར་ཇི་ལྟར་ཏིང་ངེ་འཛིན་ལ་སྙོམས་པར་ཞུགས་པ་དེ་བཞིན་དུ་སྣང་སྟེ། འདི་སྐད་ཅེས་བཅོམ་ལྡན་འདས་ཤཱཀྱ་ཐུབ་པ་ཁྱོད་ཀྱིས། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ལེགས་པར་བཤད་པ་ལེགས་སོ་ལེགས་སོ། ། བཅོམ་ལྡན་འདས་ཤཱཀྱ་ཐུབ་པ་ཁྱོད་ཀྱིས། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་བཤད་པ་ཡང་ལེགས་སོ། ། བཅོམ་ལྡན་འདས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་མཉན་པའི་ཕྱིར་ཁོ་བོ་འདིར་འོངས་སོ་ཞེས་གསུང་ངོ་།། དེ་ནས་འ་ཁོར་བཞི་པོ་དེ་དག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་ནས་ཡོངས་སུ་མྱ་ངན་ལས་འདས་པ་དེ་སྐད་གསུང་བ་ཐོས་ནས། ངོ་མཚར་དང་རྨད་དུ་གྱུར་ཏེ། དེའི་ཚེ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ། ལྷ་དང་མིའི་རིན་པོ་ཆེའི་ཕུང་པོས་མངོན་པར་གཏོར་ཏོ། ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་གིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ། སེང་གེའི་ཁྲི་དེའི་ཕྱེད་བདར་ཏེ། རིན་པོ་ཆེའི་མཆོད་རྟེན་ཆེན་པོ་དེའི་ནང་ནས། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་འདིར་བཞུགས་ཞེས་དེ་སྐད་གསུང་ངོ་། ། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་གདན་དེའི་ཕྱེད་ལ་བཞུགས་སོ།། དེ་བཞིན་གཤེགས་པ་དེ་དང་ལྷན་ཅིག་ཏུ། དེ་བཞིན་གཤེགས་པ་གཉི་ག་རིན་པོ་ཆེའི་མཆོད་རྟེན་ཆེན་པོ་དེའི་དབུས་ན།། སེང་གེའི་ཁྲི་ལ་བཞུགས་ནས། ནམ་མཁའ་བར་སྣང་ལ་གནས་ར་གནང་ངོ་། ། དེ་ནས་འཁོར་བཞི་པོ་དེ་དག་འདི་སྙམ་དུ། བདག་ཅག་དེ་བཞིན་གཤེགས་པ་འདི་དག་དང་ཐག་རིང་ན། བདག་ཅག་ཀྱང་དེ་བཞིན་གཤེགས་པའི་མཐུས་ནམ་མཁའ་ལ་འཕགས་པར་བྱའོ་སྙམ་དུ་སེམས་སོ། ། དེ་ནས་བཅོམ་ལྡན་འདས་ཀྱིས། འཁོར་བཞི་པོ་དེ་དག་གི་སེམས་ཀྱི་རྟོག་པ་ཐུགས་ཀྱིས་ཐུགས་སུ་ཆུད་ནས། དེའི་དུས་ནརྫུ་འཕྲུལ་གྱི་སྟོབས་ཀྱིས། འཁོར་བཞི་པོ་དེ་དག་ནམ་མཁའ་བར་སྣང་ལ་བཀོད་དོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས། དེའི་ཚེ་འཁོར་བཞི་པོ་དེ་དག་ལ་བཀའ་སྩལ་པ། དགེ་སློང་དག་ཁྱེད་ཀྱི་ནང་ན་འཇིག་རྟེན་གྱི་ཁམས་མི་མཇེད་འདིར། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་དག་པར་འཆད་པར་སྤྲོ་བ་སུ་ཡོད། དེ་བཞིན་གཤེགས་པ་མངོན་སུམ་དུ་བཞུགས་ཏེ། དེའི་དུས་འདིའོ།། དེའི་ཚེ་འདིའོ།། དགེ་སློང་དག་དེ་བཞིན་གཤེགས་པ་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་བཞག་སྟེ། ཡོངས་སུ་མྱ་ངན་ལས་འདའ་བར་འདོད་དོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། དགེ་སློང་དག་གོ་འདྲེན་པ་དྲང་སྲོང་ཆེ། ། མྱ་ངན་འདས་འདི་རིན་ཆེན་མཆོད་རྟེན་འདིར།། ཞུགས་ནས་ཆོས་འདི་གསན་ཕྱིར་གཤེགས་མཛད་ན།། ཆོས་ཀྱི་ཆེད་དུ་བརྩོན་འགྲུས་སུ་མི་སྐྱེད།། མྱ་ངན་ཡོངས་འདུས་བསྐལ་པ་བྱེ་བ་མང་། ། འོན་ཀྱང་དདུང་དེ་ནི་ཆོས་གསན་ཏེ།། ཆོས་ཀྱི་ཆེད་དུ་དེ་དང་དེར་ཡང་གཤེགས།། འདི་འདྲའི་ཆོས་འདི་ཤིན་ཏུ་རྙེད་པར་དཀའ། རྣམ་པར་འདྲེན་པ་འདི་ཡི་སྨོན་ལམ་ནི།། སྲིད་པ་སྔ་མ་དག་ལ་སྐྱེན་གྱུར་པས།། མྱ་ངན་འདས་ཀྱང་འཇིག་རྟེན་འདི་ཀུན་ན།། ཕྱོགས་ཅུ་ཐམས་ཅད་དུ་ཡང་ཡོངས་སུ་རྒྱུ།། བྱེ་བ་སྟོང་ཕྲག་གངྒཱའི་བྱེ་མ་སྙེད། ། འདི་དག་ཐམས་ཅད་ང་ཡི་ལུས་ཡིན་ཏེ།། མགོན་པོ་མྱ་ངན་འདས་པ་འདི་བལྟ་དང་།། ཆོས་ཀྱི་བྱ་བ་བྱ་ཕྱིར་དེ་དག་ལྷགས།། ཅི་ནས་ཆོས་ཚུལ་ཡུན་རིང་གནས་འགྱུར་བར། ། ཐམས་ཅད་དམ་པའི་ཆོས་འདི་བསྲུང་བའི་ཕྱིར།། ཉན་ཐོས་དེ་བཞིན་མི་དང་ལྷ་ཀུན་དང་།། སོ་སོ་རང་རང་གི་ནི་ཞིང་བོར་ཏེ།། སངས་རྒྱས་འདི་དག་བཞུགས་པར་བྱ་བའི་ཕྱིར། ། ངས་ནི་རྫུ་འཕྲུལ་སྟོབས་ཀྱིས་འདི་ལྟ་བུར།། འཇིག་རྟེན་ཁམས་མང་སྟོང་ཕྲག་བྱེ་བ་ནས།། སེམས་ཅན་ཐམས་ཅད་སྤོས་ཤིང་ཡོངས་དག་བྱས།། ། ཆོས་ཀྱི་ཚུལ་འདི་ཇི་ལྟར་བསྟན་བྱ་ཞེས།། དེ་ལྟ་བུ་ནི་ང་ཡང་ཤིན་ཏུ་བརྩོན།། ཤིང་དབང་དྲུང་ན་སངས་རྒྱས་ཚད་མེད་པ།། ཇི་ལྟར་པདྨའི་ཕུང་པོ་བཞིན་དུ་བཞུགས།། བྱེ་བ་ཕྲག་ནི་མི་ཉུང་ཤིང་དྲུང་ན། ། སེང་གེའི་ཁྲི་ལ་འདྲེན་པ་བཞུགས་པ་ནི།། རབ་ཏུ་མཛེས་པར་རྟག་ཏུ་དེར་བཞུགས་ཏེ།། མུན་ནག་ཆེན་པོའི་ནང་ན་མེ་བཞིན་ནོ།། འཇིག་རྟེན་རྣམ་འདྲེན་རྣམས་ཀྱི་ཡིད་འོང་དྲི། ། ཕྱོགས་བཅུའི་རྣམས་སུ་རབ་ཏུ་ལྡང་བ་དེ།། སེམས་ཅན་འདི་དག་ཀུན་དང་འདྲེས་པར་གྱུར།། རླུང་རྣམས་འདིར་ནི་རྟག་པར་ལངས་པ་བཞིན།། ང་ནི་མྱ་ངན་འདས་ནས་གང་། ། ཆོས་ཀྱི་རྣམས་གྲངས་འདི་འཛིན་པ།། འཇིག་རྟེན་མགོན་པོའི་སྤྱན་སྔར་འདིར།། ཚིག་ནི་མྱུར་དུ་སྨྲ་བར་གྱིས།། སངས་རྒྱས་མྱ་ངན་ཡོངས་འདས་པ། ། ཐུབ་པ་རིན་ཆེན་མང་པོ་ཡང་།། འདི་ལ་སྤྲོ་བར་སུ་བྱེད་པ།། དེ་ཡི་སེང་གེའི་སྒྲ་གསན་ཏོ།། གཉིས་པ་ང་དང་འདྲེན་པ་བྱེ་བ་ཕྲག། མང་པོ་གང་དག་ལྤགས་པ་འདི་དག་ཀྱང་། ། གང་རྣམས་ཆོས་འདི་བཤད་པར་སྤྲོ་བ་ཡི།། རྒྱལ་བའི་སྲས་ཀྱི་བརྩོན་པ་ཉན་པར་བྱེད།། འདི་ལྟ་བུ་ཡི་ཆོས་འདི་མཉན་པའི་ཕྱིར།། ཕྱོགས་དང་ཕྱོགས་མཚམས་རྟག་ཏུ་སུ་འགྲོ་བ། ། དེས་ནི་ང་དང་རིན་ཆེན་མང་བ་ཡི།། རྒྱལ་བ་རང་བྱུང་རྟག་ཏུ་མཆོད་པ་ཡིན།། མདོ་སྡེ་རབ་ཏུ་བསྟན་པས་འཇིག་རྟེན་མགོན།། གང་འདི་ལྤགས་པར་གྱུར་ཅིང་གང་དག་གིས། ། ས་འདི་བཀྲ་མཛེས་བྱས་པ་དེ་ཀུན་ལ།། མཆོད་པ་རྒྱ་ཆེ་མི་ཆུང་བྱས་པར་འགྱུར།། མཆོད་རྟེན་ནང་བཞུགས་བཅོམ་ལྡན་འདས་འདི་དང་།། ང་ཡང་སྟན་གྱི་སྟེང་ན་འདུག་པ་དང་། ། ཞིང་བརྒྱ་དུ་མ་དག་ནས་གང་ལྤགས་པ།། འཇིག་རྟེན་མགོན་གཞོན་མང་པོ་འདི་མཐོང་བ།། སེམས་ཅན་ཀུན་ལ་སྙིང་བརྩེའི་ཕྱིར།། རིགས་ཀྱི་བུ་དག་ཁྱེད་ཅག་སོམས། ། ཤིན་ཏུ་བྱ་དཀའ་གནས་འདི་ལ།། རྣམ་པར་འདྲེན་པས་སྤྲོ་བར་མཛད།། མདོ་སྡེ་སྟོང་ཕྲག་མང་པོ་དག། གངྒཱའི་བྱེ་མཇི་བཞིན། པ།། དེ་དག་གང་ཞིག་སྟོན་བྱེད་པ།། དེ་ནི་དཀའ་བ་མ་ཡིན་ནོ།། གང་གི་ལག་གིས་རི་རབ་རི།། ཆང་བར་བླང་བ་བྱས་ནས་སུ།། ཞིང་རྣམས་བྱེ་བར་འཕེན་བྱེད་པ།། དེ་ནི་དཀའ་བ་མ་ཡིན་ནོ། ། གང་གིས་སྟོང་གསུམ་འདི་དག་ཀྱང་།། རྐང་པའི་མཐེ་བོས་བསྐྱོད་ནས་ནི།། ཞིང་རྣམས་བྱེ་བར་འཕེན་པ་ཡང་།། དེ་ནི་དཀའ་བ་མ་ཡིན་ནོ།། མི་གང་སྲིད་པའི་རྩེར་གནས་ནས། ། མདོ་སྡེ་གཞན་དག་སྟོང་གྱུར་གྱི།། ཆོས་འདི་རབ་ཏུ་འཆད་པ་ཡང་།། དེ་ནི་དཀའ་བ་མ་ཡིན་ནོ།། འཇིག་རྟེན་དབང་པོ་མྱ་ངན་འདས།། ཕྱི་དུས་ཤིན་ཏུ་མི་བཟད་ལ། ། གང་ཞིག་མདོ་སྡེ་འདི་འཛིན་ཏམ།། འཆད་པ་དེ་ནི་ཤིན་ཏུ་དཀའ།། གང་གིས་ནམ་མཁའི་ཁམས་ཀུན་ཀྱང་།། ཆད་པ་གཅིག་གི་ནང་འཇུག་ཅིང་།། རབ་ཏུ་བཅུག་སྟེ་འགྲོ་བ་ནི། ། དེ་ཡང་དཀའ་བ་མ་ཡིན་ནོ།། ང་ནི་མྱ་ངན་འདས་པའི་ཚེ།། གང་ཞིག་མདོ་སྡེ་འདི་འདྲ་བ།། ཕྱི་དུས་ཡི་གེར་འདྲིར་འཇུག་པ།། དེ་ནི་ཤིན་ཏུ་དཀའ་བ་ཡིན།། གང་ཞིག་ས་ཡི་ཁམས་རྣམས་ཀུན། ། སེན་མོའི་རྩེ་མོར་འཇུག་བྱེད་ལ།། རབ་ཏུ་བཅུག་ནས་འགྲོ་བྱེད་ཅིང་།། ཚངས་པའི་འཇིག་རྟེན་འཛེག་བྱེད་པ།། འཇིག་རྟེན་ཀུན་གྱི་མདུན་དུ་འདིར། ། དེ་ལྟར་དཀའ་བ་བྱས་པ་ཡང་།། དེ་ནི་དཀའ་བ་བྱས་མ་ཡིན།། བརྩོན་འགྲུས་དག་ཀྱང་དེ་ཙམ་མེད།། ང་ནི་མྱ་ངན་འདས་པའི་ཚེ།། ཕྱི་མའི་དུས་ན་མདོ་སྡེ་འདི།། སུ་ཞིག་སྨན་པར་བྱེད་པ་དེ།། དེ་བས་ཤིན་ཏུ་དཀའ་བ་བྱེད།། བསྐུལ་པས་བསྲེག་པར་མི་གང་ཞིག། རྩཝ་ཡི་ཁུར་བུ་ཐོགས་ནས་སུ།། ཚིག་བཞིན་དུ་ནི་དབུལ་འགྲོ་བ། འཇིག་རྟེན་ན་ནི་དེ་མི་དཀའ།། ང་ནི་མྱ་ངན་འདས་པའི་ཚེ།། གང་གིས་མདོ་འདྲི་བཟུང་ནས་ཀྱང་།། སེམས་ཅན་གཅིག་ལའང་ཐོས་བྱེད་པ།། དེ་བས་ཤིན་ཏུ་དཀའ་བ་ཡིན།། ཆོས་ཀྱི་ཕུང་པོ་སྟོང་ཕྲག་ནི།། བརྒྱད་ཅུ་རྩ་བཞི་འདི་འཛིན་ཅིང་།། ལུང་བཅས་ཇི་སྐད་གསུང་བ་བཞིན།། སྲོག་ཆགས་བྱེ་བ་རྣམས་ལ་འཆད།། དེ་ཚེ་གང་ཞིག་དགེ་སློང་རྣམས།། འདུལ་བྱེད་ང་ཡི་ཉན་ཐོས་རྣམས།། མངོན་པར་ཤེས་ལ་བཀོད་པ་ཡང་།། དེ་ནི་དཀའ་བ་མ་ཡིན་ནོ།། གང་ཞིག་མདོ་འདི་འཛིན་པ་འམ།། དད་དམ་མོས་པར་བྱེད་པ་འམ།། ཡང་དང་ཡང་དུ་འཆད་བྱེད་པ། ། དེ་ནི་དེ་བས་ཤིན་ཏུ་དཀའ།། སྟོང་ཕྲག་བྱེ་བ་མང་པོ་རྣམས།། གངྒཱའི་བྱེ་མ་ཇི་སྙེད་བཞིན།། མངོན་ཤེས་དྲུག་ལྡན་སྐལ་ཆེན་དང་།། དགྲ་བཅོམ་ཉིད་ལ་བཀོད་པ་བས། ། ང་ནི་མྱ་ངན་འདས་འོག་ཏུ།། གང་ཞིག་མདོ་མཆོག་འདི་འཛིན་པ།། མི་མཆོག་དེ་ནི་དེ་བས་ཀྱང་།། ཤིན་ཏུ་ལས་མང་བྱེད་པ་ཡིན།། སངས་རྒྱས་ཡེ་ཤེས་ཆེད་ཀྱི་ཕྱིར། ། འཇིག་རྟེན་ཁམས་ནི་སྟོང་རྣམས་སུ།། ང་ཡིས་ཤིན་ཏུ་ཆོས་མང་བཤད།། ད་དུང་དུ་ཡང་ང་འཆད་དོ།། འདི་ནི་མདོ་སྡེ་ཐམས་ཅད་ལས།། མདོས་དམ་པ་མཆོག་ཅེས་བྱ། ། མདོ་སྡེ་འདི་ནི་སུ་འཛིན་པ།། དེ་ནི་རྒྱལ་བའི་སྐུ་འཛིན་ཏོ།། རིགས་ཀྱི་བུ་དག་ཕྱི་དུས་ན།། ཁྱེད་ཅག་རྣམས་ལས་གང་སུ་ཞིག། མདོ་སྡེ་འཛིན་པར་སྤྲོ་བ་ཁྱེད།། དེ་བཞིན་གཤེགས་ཀྱི་སྤྱན་སྔར་སྨྲོས།། ཤིན་ཏུ་བཟུང་དཀའ་མདོ་འདི་ནི།། གང་ཞིག་ཡུད་ཙམ་འཛིན་པ་ཡང་།། འཇིག་རྟེན་མགོན་ལ་རྣམ་ཀུན་ཏུ།། དཀའ་བ་ཆེན་པོ་བྱས་པར་འགྱུར། ། འཇིག་རྟེན་མགོན་གྱིས་ཐམས་ཅད་དུ།། དེ་ནི་ཤིན་ཏུ་བསྔགས་པ་ཡིན།། ཤིན་ཏུ་དཔའ་ཞིང་ནུས་པ་སྟེ།། བྱང་ཆུབ་ཏུ་ནི་མངོན་ཤེས་མྱུར།། མདོ་སྡེ་འདི་ནི་སུ་འཛིན་པ།། གཅེས་པ་ཁྱེར་བ་དེ་ཡིན་ཏེ།། འཇིག་རྟེན་མགོན་གྱི་ཐུགས་ཀྱི་སྲས།། དུལ་བའི་ས་ཡང་རྗེས་སུ་ཐོབ།། མི་གརྩོ་མྱ་ངན་འདས་པ་ན།། མདོ་སྡེ་འདི་ནི་རབ་སྟོན་པ།། ལྷ་དང་མིར་བཅས་འཇིག་རྟེན་ན། ། དེ་ནི་མིག་ཏུ་གྱུར་པ་ཡིན།། གང་ཞིག་ཕྱི་མའི་དུས་ཀྱི་ཚེ།། མདོ་སྡེ་འདི་ནི་ཡུད་ཙམ་ཞིག། འཆད་པར་བྱེད་པ་མཁས་པ་དེ།། སེམས་ཅན་ཀུན་གྱི་ཕྱག་བྱའི་འོས་དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའི་ཚོགས་མ་ལུས་པ་དང་། ལྷ་དང་ལྷ་མ་ཡིན་དང་བཅས་པའི་འཇིག་རྟེན་ལ་བོས་ཏེ། འདི་སྐད་ཅེས་བཀའ་སྩལ་ཏོ། ། དགེ་སློང་དག་སྔོན་བྱུང་བ་འདས་པའི་དུས་ན། བསྐལ་པ་ཚད་མེད། ཟངས་མེད་པར་ངས་དམ་པའི་ཆོས་པདྨ་དཀར་པོའི་མདོ་ཡོངས་སུ་བཙལ་ཏེ། སྐྱོམ་མྱོང་ལ་ངལ་བ་མེད་པར་གྱུར་ཏོ། ། སྔོན་བསྐལ་པ་དུ་མ་ལ་བསྐལ་པ་བརྒྱ་སྟོང་ཕྲག་དུ་མར་ང་རྒྱལ་པོར་གྱུར་ཏེ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་ནས་ངའི་སེམས་ལྡོག་པར་མ་གྱུར་ཏོ། ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱ་བའི་ཕྱིར་བརྩོན་པར་གྱུར་ནས། སྦྱིན་པ་ཚད་མེད་པ་རབ་ཏུ་བྱིན་ཏེ། གསེར་དང་། ནོར་བུ་དང་། མུ་ཏིག་དང་། བཻ་ཌཱུཪྻ་དང་། དུང་དང་། མན་ཤེལ་དང་། བྱི་རུ་དང་། ས་ལེ་སྦྲམ་དང་། དངུལ་དང་། རྡོའི་སྙིང་པོ་དང་། སྤུག་དང་། མུ་ཏིག་དམར་པོ་དང་། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དང་། ཆུང་མ་དང་། བུ་ཕོ་དང་། བུ་མོ་དང་། བྲན་པོ་དང་། བྲན་མོ་དང་། གླང་པོ་ཆེ་དང་། རྟ་དང་། ཤིང་རྟ་དང་། བདག་གིས་ལུས་ཀྱི་བར་དུ་ཡོངས་སུ་བཏང་སྟེ། ལག་པ་དང་། རྐང་པ་དང་། མགོ་དང་། ཡན་ལག་དང་། ཉིང་ལག་ཐམས་ཅད་དང་། སྲོག་སྦྱིན་པ་པོར་གྱུར་ནས། ངནམ་ཡང་ཀུན་འཛིན་པའི་སེམས་མ་སྐྱེས་སོ།། དེའི་ཚེ་འཇིག་རྟེན་འདི་ཚེ་རིང་པོར་གྱུར་ཏེ། ལོ་བརྒྱ་སྟོང་དུ་མར་འཚོའོ།། དེའི་ཚངས་ཆོས་ཀྱི་ཕྱིར་ཆོས་ཀྱི་རྒྱལ་པོ་བྱས་ཀྱི། ཡུལ་འཁོར་གྱི་ཕྱིར་ནི་མ་ཡིན་ཏེ། བུ་ཐུ་བོ་དབང་བསྐུར་ནས། དཕྱོགས་བཞིར་ཆོས་ཀྱི་མཆོག་ཚོལ་བ་ལ་བརྩོན་པར་གྱུར་ཏོ།། ངས་དྲིལ་བརྡང་ཏེ་འདི་སྐད་ཅེས། ང་ལ་སུས་ཆོས་ཀྱི་མཆོག་རབ་ཏུ་བྱིན་པ་དང་། དོན་རྣམ་པར་བཤད་པ་དེའི་བྲན་ངས་བྱའོ་ཞེས་གྲགས་པར་བྱས་སོ།། དེ་ནས་དེའི་ཚེ་དྲང་སྲོང་ཞིག། ཡོད་པ་ང་ལ་འདི་སྐད་ཅེས། རྒྱལ་པོ་ཆེན་པོ་དམ་པའི་ཆོས་པདྨ་དཀར་པོ་ཞེས་བྱ་བ་མདོ་མཆོག་གི་ཆོས་བསྟན་པ་ཡོད་དེ། བྲན་དུ་ཁས་ལེན་ན་ཆོས་དེ་ཁོ་བོས་ཁྱོད་ཀྱིས་ཐོས་པར་བྱའོ་ཞེས་ཟེར་བ་དང་། ངས་དྲང་སྲོང་དེའི་ཚིག་དེ་ཐོས་ནས། དགའ་མགུ་རངས་ཡིད་རབ་ཏུ་དགའ་སྟེ། དྲང་སྲོང་དེ་ག་ལ་བ་དེར་བསྙེན་ནས། འདི་སྐད་ཅེས་བྲན་གྱི་ལས་ཅི་བྱེད་པ་དེ་བྱའོ་ཞེས་སྨྲས་ཏེ། དེ་ལྟར་ང་དྲང་སྲོང་དེའི་བྲན་དུ་ཁས་བླངས་ནས། རྩཝ་དང་། ཤིང་དང་། ཆུ་དང་། རྩ་བ་དང་། རྡོ་གུ་དང་། འབྲས་བུ་ལ་སོགས་པ་ལེན་པའི་ལས་བྱས་ཏེ། ངས་སྒོ་བསྲུང་བ་ཡན་ཆད་བྱས་སོ།། ཉིན་པར་རྣམ་པ་དེ་ལྟ་བུའི་ལས་བྱས་ནས། མཚན་མོ་མལ་ཁྲིའི་རྐང་པ་ཡང་བཟུང་ངོ་།། འོན་ཀྱང་ངའི་ལུས་ངལ་བར་གྱུར་པ་ཡང་མེད། སེམས་ངལ་བར་གྱུར་པ་ཡང་མེད་དེ། ལས་དེ་ལྟར་བྱས་པས་ལོ་སྟོང་ཚང་བར་འདས་སོ།། དེ་ནས་བཅོམ་ལྡན་འདས་ཀྱིས་དེའི་ཚེ་དོན་འདི་ཡོངས་སུ་བསྟན་པའི་ཕྱིར། ཚིགས་སུ་བཅད་པ་འདི་དག་བཀའ་སྩལ་ཏོ།། བསྐལ་པ་འདས་པ་ཡང་དག་རྗེས་དྲན་ཏེ།། ང་སྔོན་ཆོས་ཕྱིན་ཆོས་རྒྱལ་གྱུར་པ་ན།། ཆོས་ཀྱི་ཕྱིར་ནི་ང་ཡིས་རྒྱལ་པོ་བྱས། ། འདོད་ཕྱིར་མ་ཡིན་ཆོས་མཆོག་དོན་དུའོ།། གང་ཞིག་ཆོས་སྨྲས་དེ་ཡི་བྲན་བྱ་ཞེས།། ངས་ནི་ཕྱོགས་བཞིར་དེ་སྐད་བསྒྲགས་པ་བྱས།། དེ་ཡི་ཚེ་ན་དྲང་སྲོང་མཁས་ཡོད་པ། ། དམ་པ་ཆོས་ཤེས་བྱ་བ་མདོ་སྡེ་སྨྲ།། དེ་ནི་ང་ལ་གལ་ཏེ་ཆོས་འདོད་ན།། བྲན་དུ་ཁས་ལོང་དེ་ནས་ཆོས་བཤད་ཟེར། ཚིག་དེ་ཐོས་ནས་ང་ནི་རབ་ཏུ་དགའ། ། དེ་ན་བྲན་གྱིས་བྱ་བའི་ལས་དེ་བྱས།། དམ་པའི་ཆོས་ཕྱིར་བྲན་ནི་བྱེད་པ་ན།། ལུས་དང་སེམས་ལ་ངལ་བས་མ་རེག་གོ།། དེ་ཚེ་ང་ནི་སེམས་ཅན་ཕྱིར་སྨོན་གྱི།། བདག་གི་ཕྱིར་མིན་འདོད་ཕྱིར་མ་ཡིན་ཏེ། ། ལས་གཞན་མེད་པར་ཕྱོགས་བཅུ་རྣམས་སུ་རྒྱུ།། བསྐལ་པ་སྟོང་དུ་རྫོགས་པར་མི་སྐྱོ་བར།། ཆོས་ཤེས་བྱ་བ་མདོ་སྡེ་རྙེད་ཀྱི་བར།། རྒྱལ་པོ་དེས་ནི་དེ་སྲིད་བརྩོན་འགྲུས་བརྩམས། ། དགེ་སློང་དག་འདི་ཇི་སྙམ་དུ་སེམས། དེའི་ཚེ་དེའི་དུས་ན། རྒྱལ་པོར་གྱུར་པ་དེ་གཞན་ཞིག་ཡིན་པ་སྙམ་དུ་འཛིན་ན་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། དེའི་ཚེ་དེའི་དུས་ན། རྒྱལ་པོར་གྱུར་པ་དེ་ནིང་ཡིན་ནོ།། དགེ་སློང་དག་དེའི་ཚེ་དེའི་དུས་ན། དྲང་སྲོང་དུ་གྱུར་པ་དེ་གཞན་ཡིན་པ་སྙམ་དུ་འཛིན་ན་དེ་ལྟར་རྨ། བལྟའོ།། དེ་ཅིའི་ཕྱིར་ཞེ་ན། དགེ་སློང་དག་ལྷས་སྦྱིན་འདི་དེའི་ཚེ་དེའི་དུས་ན། དྲང་སྲོང་དུ་གྱུར་ཏེ། དགེ་སློང་དག་ལྔ་སྦྱིན་ཡང་ངའི་དགེ་བའི་བཤེས་གཉེན་ནོ།། སྦྱིན་ལ་བརྟེན་ཏེ་ངས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱས་སོ།། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་དང་། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དང་། འོད་འདོམ་གང་བ་དང་། མདོག་གསེར་གྱི་ཁ་དོག་དང་། སྟོབས་བཅུ་དང་། མི་འཇིགས་པ་བཞི་དང་། བསྡུ་བའི་དངོས་པོ་བཞི་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། རྫུ་འཕྲུལ་གྱི་སྟོབས་ཆེན་པོ་དང་། ཕྱོགས་བཅུའི་སེམས་ཅན་བསྒྲལ་བ་དེ་དག་ཐམས་ཅད་ཀྱང་། ལྷས་སྦྱིན་ལ་བརྟེན་ཏེ་རྫོགས་པར་བྱས་སོ། ། དགེ་སློང་དག་ཁྱེད་མོས་པར་བྱའོ།། ཁོང་དུ་ཆུད་པར་བྱའོ།། དགེ་སློང་ལྔས་སྦྱིན་འདི་མ་འོངས་པའི་དུས་བསྐལ་པ་ཚད་མེད་གྲངས་མེད་པ་ན་འཇིག་རྟེན་གྱི་ཁམས་ལྷའི་ཐེམ་སྐས་ཞེས་བྱ་བར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷའི་རྒྱལ་པོ་ཞེས་བྱ་བར་འགྱུར་རོ།། དགེ་སློང་དག་དེ་བཞིན་གཤེགས་པ་ལྷའི་རྒྱལ་པོའི་ཚེའི་ཚད་ནི་བར་གྱི་བསྐལ་པ་ཉི་ཤུར་འགྱུར་རོ། ། ཆོས་ཀྱང་རྒྱས་པར་སྟོན་པར་འགྱུར་རོ།། སེམས་ཅན་གངྒཱའི་ཀླུང་གི་བྱེ་མ་སྙེད་དག་ནི།། ཉོན་མོངས་པ་ཐམས་ཅད་སྤངས་ནས། དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ།། སེམས་ཅན་དུ་མ་ནི་རང་བྱང་ཆུབ་ཏུ་སེམས་བསྐྱེད་པར་འགྱུར་རོ།། སེམས་ཅན་གངྒཱའི་ཀླུང་གི་བྱེ་མ་སྙེད་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་འགྱུར་ཞིང་ཕྱིར་མི་ལྡོག་པའི་བཟོད་པ་ཡང་ཐོབ་པར་འགྱུར་རོ། ། དགེ་སློང་དག་དེ་བཞིན་གཤེགས་པ་ལྷའི་རྒྱལ་པོ་ཡོངས་སུ་མྱ་ངན་ལས་འདས་ནས། དམ་པའི་ཆོས་པར་གྱི་བསྐལ་པ་ཉི་ཤུར་གནས་སོ།། དེའི་སྐུ་གདུང་གི་རིང་བསྲེལ་ནི་འགྱེས་པར་མི་འགྱུར་ཞིང་དེའི་སྐུ་གདུང་གཅིག་ཏུ་འདུས་པར་འགྱུར་ཏེ། རིན་པོ་ཆེ་སྣ་བདུན་གྱི་མཆོད་རྟེན་དུ་བཅུག་ནས་མཆོད་རྟེན་དེའི་ཕང་དུ་དཔག་ཚད་དྲུག་ཅུ། རྒྱར་ནི་དཔག་ཚད་བཞི་བཅུར་འགྱུར་རོ།། དེ་ལ་མི་དང་ལྷ་ཐམས་ཅད་ཀྱིས་སྤོས་དང་བདུག་པ་དང་། མེ་ཏོག་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། ལྷའི་བ་དན་ལ་སོགས་པས་མཆོད་པ་བྱེད་པར་འགྱུར་རོ། ། ཚིགས་སུ་བཅད་པའི་དབྱངས་ཀྱིས་བསྟོད་པར་འགྱུར་རོ།། གང་དག་མཆོད་རྟེན་དེ་ལ་བསྐོར་བ་བྱེད་པ་འམ། འདུད་པར་བྱེད་པ་དེ་དག་ཀྱང་ལ་ལ་ནི་འབྲས་བུའི་མཆོག་དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། ། ལ་ལ་ནི་རང་བྱང་ཆུབ་ཐོབ་པར་འགྱུར་རོ།། ལྷ་དང་མི་བསམ་གྱིས་མི་ཁྱབ་དཔག་ཏུ་མེད་པ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། ཕྱིར་མི་ལྡོག་པར་འགྱུར་རོ།། དེ་ནས་ཡང་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མ་འོངས་པའི་དུས་ན། རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་དམ་པའི་ཆོས་པདྨ་དཀར་པོའི་མ་འདི་ཉན་པ་དང་། ཐོས་ནས་སོམ་ཉི་མི་ཟ་བ་དང་། རྣམ་པར་དག་པའི་སེམས་ཀྱིས་མོས་པ་དེ་དག་གིས་ངན་འགྲོ་གསུམ་གྱི་སྒོ་བཅད་པར་འགྱུར་ཏེ། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་སྐྱེ་བར་མི་ལྟུང་ངོ་། ། ཕྱོགས་བཅུའི་སངས་རྒྱས་ཀྱི་ཞིང་དུ་སྐྱེས་ན་ཡང་། ཚེ་རབས་ཚ་རབས་སུ་མདོ་སྡེ་འདི་ཐོས་པརརོ།། ལྷ་དང་མིའི་འཇིག་རྟེན་དུ་སྐྱེས་ན་ཡང་དེས་གནས་ཁྱད་པར་ཅན་ཐོབ་པར་འགྱུར་རོ། ། སངས་རྒྱས་ཀྱི་ཞིང་གང་དུ་སྐྱེ་བ་དེར་ཡང་དེ་བཞིན་གཤེགས་པའི་སྤྱན་སྔང་རིན་པོ་ཆེ་སྣ་བདུན་གྱི་པདྨའི་ནང་ནས་རྫུས་ཏེ་སྐྱེ་བར་འགྱུར་རོ།། དེ་ནས་དེའི་ཚེ་འོག་གི་ཕྱོགས་ནས། དེ་བཞིན་གཤེགས་པ་རིན་ཆེམ་མང་གི་སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་བརྩེག་ཤྲེ་བྱ་བ་འོངས་པ་དེས། དེ་བཞིན་གཤེགས་པ་རིན་ཆེན་མང་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཉིད་ཀྱི་སངས་རྒྱས་ཀྱི་ཞིང་དུ་གཤེགས་སོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་བརྩེགས་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་ཡུད་ཙམ་ཞིག་སྡོད་ཅིག། ངའི་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང་། ཆོས་རྣམ་པར་གཏན་ལ་དབབ་པ་འགའ་ཞིག་གྱིས་ལ་ཕྱིས་བདག་གི་སངས་རྒྱས་ཀྱི་ཞིང་དུ་སོང་ཤིག། དེ་ནས་དེའི་ཚེ་འཇམ་དཔལ་གཞོན་ནུར་གྱུར་པ་པདྨ་འདབ་མ་སྟོང་ཡོད་པ། ཚད་ཤིང་རྟའི་ཕང་ལོ་ཙམ་ལ་འདུག་སྟེ། བྱང་ཆུབ་སེམས་དཔའ་དུ་མས་ཡོངས་སུ་བསྐོར་ནས། རྒྱ་མཚོའི་ནང་ནས་ཀླུའི་རྒྱལ་པོ་རྒྱ་མཚོ་རི་ཁང་པ་ནས། སྟང་གི་ནམ་མཁའ་ལ་འཕགས་ཏེ། ནམ་མཁའ་ལས་བྱ་རྒོད་ཀྱི་ཕུང་པོའི་རི་ལ། བཅོམ་ལྡན་འདས་ཀྱི་གན་དུ་སོན་ཏོ།། དེ་ནས་འཇམ་དཔལ་གཞོན་ནུར་གྱུར་པ། པདྨ་ལས་བབས་ཏེ། བཅོམ་ལྡན་འདས་ཤཱཀྱ་ཐུབ་པ་དང་། དེ་བཞིན་གཤེགས་པ་རིན་ཆེན་མང་གི་ཞབས་ལ་མགོ་བོས་ཕྱག་འཚལ་ནས། བྱང་ཆུབ་སེམས་དཔའ་ཤེས་རབ་བརྩེགས་ག་ལ་བ་དེར་སོང་སྟེ་ཕྱིན་ནས། བྱང་ཆུབ་སེམས་དཔའ་ཤེས་རབ་བརྩེགས་དང་། མངོན་སུམ་དུ་དགའ་ཞིང་ཡང་དག་པར་མགུ་བའི་གཏམ་རྣམ་པ་མང་པོ་བྱས་ཏེ། ཕྱོགས་གཅིག་ཏུ་འདུག་གོ།། དེ་ནས་བྱང་ཆུབ་སེམས་དཔའ་ཤེས་རབ་བརྩེགས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། ། འཇམ་དཔལ་ཁྱོད་རྒྱ་མཚོར་ཞུགས་ཏེ། སེམས་ཅན་གྱི་ཁམས་ཇི་སྙེད་ཅིག་བཏུལ། འཇམ་དཔལ་གྱིས་སྨྲས་པ། ཇི་ཙམ་དུ་ཚིག་གིས་བརྗོད་མི་ནུས་ཤིང་། སེམས་ཀྱི་བསམ་མི་ནུས་པ་དེ་སྙེད་དུ་ཚད་མེད་གྲངས་མེད་པའི་སེམས་ཅན་དུ་མ་དག་བཏུལ་ཏོ།། རིགས་ཀྱི་བུ་སྐད་ཅིག་སྡོད་ཅིག་དང་སྔ་ལྟས་ཀྱིས་བར་དུ་མཐོང་བར་འགྱུར་རོ།། འཇམ་དཔལ་གཞོན་ནུར་གྱུར་པས་དེ་སྐད་ཅེས་སྨྲས་མ་ཐག་ཏུ། དེའི་ཚེ་པདྨ་སྟོང་ཕྲག་དུ་མ་རྒྱ་མཚོའོ་ནང་ནས་སྟེང་གི་ནམ་མཁའ་ལ་བྱུང་སྟེ། པདྨ་དེ་དག་ལ་བྱང་ཆུབ་སེམས་དཔའ་སྟོང་ཕྲག་དུ་མ་འཁོད་དོ།། དེ་ནས་བྱང་ཆུབ་སེམས་དཔའ་དེ་དག་ནམ་མཁའ་ལས་བྱ་རྒོད་ཀྱི་ཕུང་པོའི་རིག་ལ་བ་དེར་ལྷགས་ཏེ། སྟེང་གི་ནམ་མཁའ་ལ་འཁོད་པར་གནང་ངོ་།། དེ་དག་ཐམས་ཅད་ཀྱང་། འཇམ་དཔལ་གཞོན་ནུར་གྱུར་པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཏུལ་བ་ཤ་སྟག་གོ། ། དེ་ནས་བྱང་ཆུབ་སེམས་དཔའ་གང་དག་སྔོན་ཐེག་པ་ཆེན་པོ་ལ་ཡང་དག་པར་ཞུགས་པར་གྱུར་པ་དེ་དག་ནི་ཐེག་པ་ཆེན་པོའི་ཡོན་ཏན་དང་། ཕ་རོལ་ཏུ་ཕྱིན་པ་དྲུག་པོ་དག་གི་བསྔགས་པ་བརྗོད་དོ།། གང་དག་སྔོན་ཉན་ཐོས་བྱེད་བྱེད་པའི་བྱང་ཆུབ་སེམས་དཔའ་དེ་དག་ནི་ཉན་ཐོས་ཀྱི་ཐེག་པ་ཉིད་བརྗོད་དེ། དེ་དག་ཐམས་ཅད་ཀྱང་ཆོས་ཐམས་ཅད་སྟོང་པ་ཉིད་དང་། ཐེག་པ་ཆེན་པོའི་ཡོན་ཏན་ཡང་ཡང་དག་པར་ཤེས་པ་ཤ་སྟག་གོ།། དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་པ་ཤེས་རབ་བརྩེགས་ལ་འདི་སྐད་ཅེས་སྨྲས་སོ། ། རིགས་ཀྱི་བུ་འདི་དག་ཐམས་ཅད་ནི། ཁོ་བོས་རྒྱ་མཚོར་ཞུགས་ནས་སེམས་དུལ་བར་བྱས་པ་ཡིན་ཏེ། དེ་དག་ཀྱང་འདི་ན་སྣང་ངོ་།། དེ་ནས་བྱང་ཆུབ་སེམས་དཔའ་ཤེས་རབ་བརྩེགས་ཀྱིས། འཇམ་དཔལ་གཞོན་ནུར་གྱུར་པ་ལ་ཚིགས་སུ་བཅད་པའི་དབྱངས་ཀྱི་ཡོངས་སུ་དྲིས་པ།། བཟང་པོ་ཆེན་པོ་ཤེས་རབ་དཔེར་བརྗོད་པ། ། ཁྱོད་ཀྱིས་སེམས་ཅན་གྲངས་མེད་དེང་བརྟུལ་བ། མི་ཡི་ལྔ་ཁྱོད་ལ་ནི་དེ་འདྲི་ཡིས།། འདི་ནི་སུ་ཡི་མཐུ་ལགས་དེ་གསུངས་ཤིག། བྱང་ཆུབ་ལམ་བསྟན་པ་ཡི་མདོ་གང་དང་། ། ཆོས་ནི་གང་ཞིག་ཁྱོད་ཀྱིས་རབ་བསྟན་ན།། དེ་ཐོས་འདི་དག་བྱང་ཆུབ་སེམས་སྐྱེས་ཤིང་།། ཐམས་ཅད་མཁྱེན་ཉིད་ངེས་ཏེ་གཏིང་ཡང་རྙེད།། འཇམ་དཔལ་གྱིས་སྨྲས་པ། རྒྱ་མཚོའི་ནང་དུ་དམ་པའི་ཆོས་པདྨ་དཀར་པོའི་མདོ་བཤད་དེ་གཞན་མ་ཡིན་ནོ།། ཤེས་རབ་བརྩེགས་ཀྱིས་སྨྲས་པ། མདོ་འདི་ཟབ་ཅིང་ཕྲལ་མཐོང་བར་དཀའ་སྟེ། མདོ་སྡེ་འདི་དང་མཚུངས་པའི་མདོ་སྡེ་གཞན་གང་ཡང་མེད་ན་སེམས་ཅན་གང་ལ་ལ་མདོ་སྡེ་དཀོན་མཆོག་འདི་ཁོང་དུ་ཆུད་པ་འམ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ནུས་པ་ཡོད་དམ། འཇམ་དཔལ་གྱིས་སྨྲས་པ། རིགས་ཀྱི་བུ་ཡོད་དེ། ཀླུའི་རྒྱལ་པོ་རྒྱ་མཚོའི་བུ་མོ་སྐྱེས་ནས་ལོ་བརྒྱད་ལོན་པ། ཤེས་རབ་ཆེ་བ། དབང་པོ་རྣོ་བ། ཡེ་ཤེས་སྔོན་དུ་འགྲོ་བའི་ལུས་དང་། ངག་དང་ཡིད་ཀྱི་ལས་དང་ལྡན་པ། དེ་བཞིན་གཤེགས་པ་ཐམས་ཅད་ཀྱིས་བཤད་པའི་ཚིག་འབྲུ་དང་། དོན་འཛིན་པའི་གཟུངས་ཐོབ་པ། ཆོས་ཐམས་ཅད་དང་སེམས་ཅན་ཐམས་ཅད་ལ་མཉམ་པར་གཞག་པའི་ཏིང་ངེ་འཛིན་སྟོང་སྐད། ཅིག་ཅིས་ཐོབ་པ། བྱང་ཆུབ་ཀྱི་སེམས་ལས་ཕྱིར་མི་ལྡོག་པ། སྨོན་ལམ་རྒྱ་ཆེ་བ། སེམས་ཅན་ཐམས་ཅད་ལ་བདག་དང་འདྲ་བར་ཕངས་པར་སེམས་པ་དང་ལྡན་པ། ཡོན་ཏན་བསྐྱེད་པར་ནུས་ཤིང་། དེ་དག་ལས་ཡོངས་སུ་མི་ཉམས་པ། བཞིན་འཛུམ་པ། ཁ་དོག་རྒྱས་པ་མཆོག་དང་ལྡན་པ། བྱམས་པའི་སེམས་དང་ལྡན་པ། སྙིང་རྗེ་བའི་ཚིག་སྨྲ་བ་དེ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་ནུས་སོ། ། ཤེས་རབ་བརྩེགས་ཀྱིས་སྨྲས་པ། ཁོ་བོས་མཐོང་བ་བཅོམ་ལྡན་འདས་དེ་བཞིན་གཤེགས་པ་ཤཀྱ་ཐུབ་པ་བྱང་ཆུབ་ཀྱི་ཕྱིར་འབད་ཅིང་བྱང་ཆུབ་སེམས་དཔར་གྱུར་པ་ན། བསོད་ནམས་དུ་མ་མཛད་དེ། བསྐལ་པ་སྟོང་ཕྲག་དུ་མར་ནམ་ཡང་བརྩོན་འགྲུས་མ་ཉམས་སོ། ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་ཐ་ན་ཡུངས་ཀར་ཙམ་གྱི་ཕྱོགས་གང་དུ་ཡང་། སེམས་ཅན་གྱི་ཕྱིར་སྐུ་མ་བོར་བ་ཆུང་ཟད་ཀྱང་མེད་དེ། ཕྱིར་བྱང་ཆུབ་མངོན་པར་རྫོགས་པར་སངས་རྒྱས་ན། དེས་ཡུད་ཙམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ནུས་ཞེས་བྱ་བ་དེ་ལ་སུ་ཞིག་ཡིད་ཆེས་དེ་ནས་དེའི་ཚེ་ཀླུའི་རྒྱལ་པོ་རྒྱ་མཚོའི་བུ་མོ་མདུན་ན་འདུག་པར་སྣང་སྟེ། དེ་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་སྟེ། དེའི་ཚེ་ཚིགས་སུ་བཅད་པ་འདི་དག་གསོལ་ཏོ།། བསོད་ནམས་བསོད་ནམས་ཤིན་ཏུ་ཟབ།། ཕྱོགས་རྣམས་ཀུན་ཏུ་ཁྱབ་པ་ལགས།། སུམ་ཅུ་རྩ་གཉིས་མཚན་རྣམས་ཀྱིས།། ཕྲ་བའི་སྐུ་ནི་ལེགས་པར་བརྒྱན།། དཔེ་བྱད་བཟང་པོ་རྣམས་དང་ལྡན།། སེམས་ཅན་ཀུན་གྱིས་ཕྱག་ཀྱང་བགྱིས།། སེམས་ཅན་ཐམས་ཅད་འདུ་བ་ནི། ། དཔེར་ན་གྲོང་བར་འདྲ་བ་ལེགས།། བདག་ནི་འདོད་བཞིན་བྱང་ཆུབ་སྟེ། དེ་བཞིན་གཤེགས་པ་བདག་གི་དབང་།། སྡུག་བསྔལ་རྣམས་ལས་གྲོལ་བའི་ཆོས། ། རྒྱ་ཆེར་རབ་ཏུ་བསྟན་པར་བགྱི།། དེ་ནས་དེའི་ཚེ་ཚེ་དང་ལྡན་པ་ཤཱ་རིའི་བུས། ཀླུའི་རྒྱལ་པོ་རྒྱ་མཚོའི་བུ་མོ་ལ་འདི་སྐད་ཅེས་སྨྲས་སོ།། རྨེན་ཁྱོད་ཕྱིར་མི་ལྡོག་པའི་བྱང་ཆུབ་ཏུ་སེམས་སྐྱེས་ཤིང་། ཤེས་རབ་དཔག་ཏུ་མེད་པ་ཡོད་དུ་ཟད་དེ། ཡང་དག་པར་རྫོགས་པའི་སངས་རྒྱས་ཉིད་ནི་རྙེད་པར་དཀ། ཆེ་ཞེ་བུད་མེད་བརྩོན་འགྲུས་མི་འདོར་ཞིང་བསྐལ་པ་སྟོང་ཕྲག་དུ་མར་བསོད་ནམས་དག་བྱེད་ལ། ཕ་རོལ་ཏུ་ཕྱིན་པ་དྲུག་པོ་དག་ཡོངས་སུ་རྫོགས་པར་བྱེད་ཀྱང་ད་དུང་སངས་རྒྱས་ཉིད་མི་འཐོབ་པ་ཡོད་དེ། དེ་ཅིའི་ཕྱིར་ཞེ་ན། བུད་མེད་ཀྱིས་ད་དུང་གནས་ལྔ་མ་ཐོབ་པའི་ཕྱིར་ཏེ། ལྔ་གང་ཞེ་ན། དང་པོ་ཚངས་པའི་གནས། གཉིས་པ་བརྒྱ་བྱིན་གྱིས་གནས་དང་། གསུམ་པ་རྒྱལ་ཆེན་བཞིའི་གནས་དང་། བཞི་པ་འཁོར་ལོས་སྒྱུར་བའི་གནས་དང་། ལྔ་པ་ཕྱིར་མི་ལྡོག་པའི་བྱང་ཆུབ་སེམས་དཔའི་གནས་སོ།། དེ་ནས་དེའི་ཚེ་ཀླུའི་རྒྱལ་པོ་རྒྱ་མཚོའི་བུ་མོ་ལ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མ་ལུས་པའི་རིན་དུ་ཆོག་པའི་ནོར་བུ་གཅིག་ཡོད་པ་དེ། ཀླུའི་རྒྱལ་པོའི་བུ་མོ་དེས་བཅོམ་ལྡན་འདས་ལ་ཕུལ་ནས། བཅོམ་ལྡན་འདས་ཀྱིས་ཀྱང་ཐུག་བརྩེ་བའི་ཕྱིར་དེ་བཞེས་སོ།། དེ་ནས་ཀླུའི་རྒྱལ་པོ་རྒྱ་མཚོའི་བུ་མོས། བྱང་ཆུབ་སེམས་དཔའ་ཤེས་རབ་བརྩེགས་དང་། གནས་བརྟན་རིའི་བུ་ལ་འདི་སྐད་ཅེས་སྨྲས་སོ། ། གང་བདག་གིས་བཅོམ་ལྡན་འདས་ལ་ནོར་བུ་ཕུལ་བ་དེ། བཅོམ་ལྡན་འདས་ཀྱིཀྱི་མྱུར་དུ་བཞེས་སམ། འོན་ཏེ་མ་བཞེས། གནས་བརྟན་གྱིས་སྨྲས་པ། ཁྱོད་ཀྱིས་ཀྱང་མྱུར་དུ་འཕུལ་ལོ།། བཅོམ་ལྡན་འདས་ཀྱིས་ཀྱང་མྱུར་དུ་བཞེས་སོ།། ཀླུའི་རྒྱལ་པོ་རྒྱ་མཚོའི་བུ་མོས་སྨྲས་པ། བཙུན་པ་ཤཱ་རིའི་བུ་གལ་ཏེ་བདག་གི་རྫུ་འཕྲུལ་ཆེ་བར་གྱུར་ན། དེ་བས་ཀྱང་ཆེས་མྱུར་དུ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་སྟེ། ནོར་བུ་འདི་བཞེས་པ་ནི་དེ་ལྟ་མ་ཡིན་ནོ།། དེ་ནས་དེའི་ཚེ་འཇིག་རྟེན་ཐམས་ཅད་དང་གནས་བརྟན་ཤཱ་རིའི་བུའི་མངོན་སུམ་དུ། ཀླུའི་རྒྱལ་པོ་རྒྱ་མཚོའི་བུ་མོ་བུད་མེད་ཀྱི་དབང་པོ་མི་སྣང་བར་གྱུར་ཏེ། སྐྱེས་པའི་དབང་པོ་བྱུང་ནས། བདག་ཉིད་བྱང་ཆུབ་སེམས་དཔར་གྱུར་པར་ཡང་དག་པར་བསྟན་ཏེ། དེའི་ཚེ་ལྷོ་ཕྱོགས་སུ་སོང་ངོ་།། དེ་ནས་ལྷོ་ཕྱོགས་སུ་འཇིག་རྟེན་གྱི་ཁམས་དྲི་མ་མེད་ཅེས་བྱ་བ་དེར་རིན་པོ་ཆེ་སྣ་བདུན་གྱི་ཤིང་དྲུང་དུ་འདུག་ནས། བདག་ཉིད་མངོན་པར་རྫོགས་པར་སངས་རྒྱས་པར་ཀུན་ཏུ་བསྟན་ཏེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་དཔེ་བྱད་བཟང་པོ་ཐམས་ཅད་དང་ལྡན་པའི་གཟུགས་ཀྱི་ལུས་ཀྱི་འོད་ཀྱིས་ཕྱོགས་བཅུར་ཁྱབ་པར་བྱས་ཏེ། ཆོས་སྟོན་པར་བྱེད་དོ།། གང་དག་འཇིག་རྟེན་གྱི་ཁམས་མི་མཇེད་ན་འཁོད་པའི་སེམས་ཅན་དེ་དག་ཐམས་ཅད་ཀྱིས་ཀྱང་། དེ་བཞིན་གཤེགས་པ་དེ་ལྷ་དང་། ཀླུ་དང་གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་དེ་དག་ཐམས་ཅད་ཀྱིས་ཕྱག་བྱས་ཤིང་དེ་དག་ལ་ཆོས་སྟོན་པར་མཛད་པ་མཐོང་ངོ་།། སེམས་ཅན་གང་དག་དེ་བཞིན་གཤེགས་པ་དེས་ཆོས་བསྟན་པ་ཉན་པ་དེ་དག་ཐམས་ཅད་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ།། འཇིག་རྟེན་གྱི་ཁམ་དྲི་མ་མེད་པ་དེ་དང་། འཇིག་རྟེན་གྱི་ཁམས་མི་མཇེད་འདི་ཡང་རྣམ་པ་དྲུག་ཏུ་གཡོས་སོ།། བཅོམ་ལྡན་འདས་ཤཀྱ་ཐུབ་པའི་འཁོར་གྱི་དཀྱིལ་འཁོར་ལས་ཀྱང་སྲོག་ཆགས་སུ་སྟོང་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། ། སྲོག་ཆགས་སུམ་སྟོང་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཐོབ་པར་གྱུར་ཏོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་བརྩེགས་དང་། གནས་བརྟན་ཤཱ་རིའི་བུ་ཅང་མི་སྨྲ་བར་གྱུར་ཏོ།། མཆོད་རྟེན་བསྟན་པའི་ལེའུ་ཞེས་བྱ་སྟེ། བཅུ་གཅིག་པའོ།། ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་རྒྱལ་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་ཆེན་པོ་གཡོག་བྱང་ཆུབ་སེམས་དཔའ་ཉིས་འབུམ་དང་ལྷན་ཅིག། བཅོམ་ལྡན་འདས་ཀྱི་སྤྱན་སྔར་ཚིག་འདི་སྐད་ཅེས་གསོལ་ཏོ།། བཅོམ་ལྡན་འདས་དོན་འདི་ལ་ཐུགས་ལས་ཆུང་ངུ་མཛད་དུ་གསོལ། བཅོམ་ལྡན་འདས་བདག་ཅག་གིས། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་ཆོས་ཀྱི་རྣམ་གྲངས་འདི་སེམས་ཅན་རྣམས་ལ་བསྟན་པར་བགྱིའོ།། ཡང་དག་པར་བཤད་པར་བགྱིའོ།། བཅོམ་ལྡན་འདས་འདི་ལྟར་ཡང་དེའི་ཚེ། སེམས་ཅན་དམུ་རྒོད་དགེ་བའི་རྩ་བ་ཆུང་བ། ལྷག་པའི་ང་རྒྱལ་ཅན། རྙེད་པ་དང་། བཀུར་སྟི་ལ་གནས་པ། མི་དགེ་བའི་རྩ་བ་ལ་ཞུགས་པ་གདུལ་དཀའ་བ། མོས་པ་དང་བྲལ་བ། མ་མོས་པ་མང་བ་དག་འབྱུང་བ་ལགས་མོད་ཀྱི། བཅོམ་ལྡན་འདས་བདག་ཅག་གིས་བཟོད་པའི་སྟོབས་བསྟན་ཏེ། དེའི་དུས་ན་མདོ་འདི་བསྟན་པར་བགྱི། བཟུང་བར་བགྱི། བཤད་པར་བགྱི། ཡི་གེར་བྲི་བར་བགྱི། བསྟི་སྟང་དུ་བགྱི། རིམ་གྲོར་བགྱི། མཆོད་པར་བགྱིའོ།། བཅོམ་ལྡན་འདས་བདག་ཅག་གིས་ལུས་དང་སྲོག་ཀྱང་བོར་ཏེ། མདོ་འདི་བཤད་པར་བགྱིས། བཅོམ་ལྡན་འདས་ཐུགས་ལས་ཆུང་ངུར་མཛད་དུ་གསོལ། དེ་ནས་འཁོར་དེའི་དགེ་སློང་སློབ་པ་དང་མི་སློབ་པ་དགེ་སློང་ལྔ་བརྒྱ་ཙམ་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་ཀྱང་འཇིག་རྟེན་གྱི་ཁམས་གཞན་དག་ཏུ་ཆོས་ཀྱི་རྣམ་གྲངས་འདི་རབ་ཏུ་བསྟན་པར་སྤྲོ་ལགས་སོ། ། དེ་ནས་བཅོམ་ལྡན་འདས་ཀྱི་ཉན་ཐོས་སློབ་པ་དང་མི་སློབ་པ་ཇི་སྙེད་པ་དེ་དག་དང་། གང་དག་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ། དགེ་སློང་བརྒྱད་སྟོང་པོ་དེ་དག་ཐམས་ཅད་ཀྱིས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་ཐུགས་ལས་ཆུང་ངུར་མཛད་དུ་གསོལ། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་སློད་མའི་ཆ། སླད་མའི་དུས་ན་བདག་ཅག་གིས་ཀྱང་ཆོས་ཀྱི་རྣམ་གྲངས་འདི་འཇིག་རྟེན་གྱི་ཁམས་གཞན་དག་ཏུ་བཤད་པར་བགྱིའོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་འཇིག་རྟེན་གྱི་ཁམས་མི་མཇེད་འདིའི་སེམས་ཅན་དག་ནི་ལྷག་པའི་ང་རྒྱལ་ཅན་དགེ་བའི་རྩ་བ་ཆུང་བ། རྟག་ཏུ་གནོད་སེམས་ཀྱི་སེམས་དང་ལྡན་པ། གཡོ་ཅན་ཡོན་པོའི་རང་བཞིན་ཅན་ལགས་པའི་སླད་དུའོ།། དེ་ནས་བཅོམ་ལྡན་འདས་ཀྱི་སྐུ་སྐྱེ་དགུའི་བདག་མོ་ཆེན་མོ་གོ་ཏ་མེ་དགེ་སློང་མ་སློབ་པ་དང་མི་སློབ་པ་དགེ་སློང་མ་དྲུག་སྟོང་དང་། ལྷན་ཅིག་ཏུ་སྟན་ལས་ལངས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་ལྟ་ཞིང་འཁོད་དོ།། དེ་ནས་བཅོམ་ལྡན་འདས་ཀྱིས་དེའི་ཚེ་སྐྱེ་དགུའི་བདག་མོ་ཆེན་པོ་གོའུ་ཏ་མི་ལ་བཀའ་སྩལ་པ། གོའུ་ཏ་མི་ཁྱོད་བདོག་ནི། དེ་བཞིན་གཤེགས་པས་ཡོངས་སུ་མ་བརྗོད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་མ་བསྟན་སྙམ་དུ་ཡིད་མི་བདེ་བར་དེ་བཞིན་གཤེགས་པ་ལྟ་ཞིང་མ་འདུག་ཤིག། གོའུ་ཏ་མི་འདི་ལྟར་འཁོར་ཐམས་ཅད་ལུང་བསྟན་པས་ཁྱོད་ཀྱང་ལུང་བསྟན་ཟིན་ཏོ།། གོའུ་ཏ་མི་ཁྱོད་འདི་ནས་བཟུང་སྟེ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་སུམ་ཅུ་རྩ་བརྒྱད་ཀྱི་ཐད་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་སྨྲ་བར་འགྱུར་རོ།། སློབ་པ་དང་མི་སློབ་པའི་དགེ་སློང་མ་དྲུག་སྟོང་འདི་དག་དང་ཁྱོད་ལྡན་ཅིག་ཏུ། དེ་བཞིན་གཤེགས་པ་དེ་དག་གི་ཐད་ན་བྱང་ཆུབ་སེམས་དཔའ་ཆོས་སྨྲ་བར་འགྱུར་རོ།། དེའི་ཕ་རོལ་གྱི་ཡང་ཆེས་ཕ་རོལ་ནས། བྱང་ཆུབ་སེམས་དཔའི་སྤྱོད་པ་ཡོངས་སུ་རྫོགས་པར་བྱས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སེམས་ཅན་ཐམས་ཅད་ཀྱིས་མཐོང་ན་དགའ་བ་ཞེས་བྱ་བར་འཇིག་རྟེན་དུ་འབྱུང་བར་འགྱུར་ཏེ། གོའུ་ཏེ་མི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེམས་ཅན་ཐམས་ཅད་ཀྱིས་མཐོང་ན་དགའ་བ་དེས། བྱང་ཆུབ་སེམས་དཔའ་དྲུག་སྟོང་པོ་དེ་དག་གཅིག་ནས་གཅིག་ཏུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པས་ལུང་སྟོན་པར་འགྱུར་རོ།། དེ་ནས་སྒྲ་གཅན་འཛིན་གྱི་མ་དགེ་སློང་མ་གྲགས་འཛིན་འདི་སྙམ་དུ། བཅོམ་ལྡན་འདས་ཀྱིས་བདག་གི་མིང་མ་སྨོས་སོ་སྙམ་དུ་སེམས་སོ།། དེ་ནས་བཅོམ་ལྡན་འདས་ཀྱིས་དགེ་སློང་མ་གྲགས་འཛིན་མའི་སེམས། ཀྱི་རྟོག་པ་ཐུགས་སུ་ཆུད་ནས། དགེ་སློང་མ་གྲགས་འཛིན་ལ་འདི་སྐད་ཅེས་བཀའ་སྩལ་ཏོ།། གྲགས་འཛིན་པར་བྱའོ།། ཁོང་དུ་ཆུད་པར་བྱའོ།། ཁྱོད་ཀྱང་སངས་རྒྱས་བྱེ་བ་སྟོང་ཕྲག་བཅུའི་ཐད་ནཱ། བྱང་ཆུབ་སེམས་དཔའ་ཆོས་སྨྲ་བར་འགྱུར་རོ།། བྱང་ཆུབ་སེམས་དཔའི་སྤྱོད་པ་རིམས་ཀྱིས་ཡོངས་སུ་རྫོགས་པར་བྱས་ནས། འཇིག་རྟེན་གྱི་ཁམས་བཟང་པོ་ཞེས་བྱ་བར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འད་མ་བརྒྱ་སྟོང་ཡོངས་སུ་རྫོགས་པའི་རྒྱལ་མཚན་ཞེས་བྱ་བར་འཇིག་རྟེན་དུ་འབྱུང་བར་འགྱུར་རོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སས་རྒྱས་འོད་ཟེར་བརྒྱ་སྟོང་ཡོངས་སུ་རྫོགས་པའི་རྒྱལ་མཚན་དེའི་ཚེའི་ཚད་ནི་དཔག་ཏུ་མེད་པར་འགྱུར་རོ། ། དེ་ནས་དགེ་སློང་མ་སྐྱེ་དགུའི་བདག་མོ་ཆེན་མོ་གོའུ་ཏ་མི་གཡེག་འཁོར་དགེ་སློང་མ་དྲུག་སྟོང་དང་། དགེ་སློང་མ་གྲགས་འཛིན་གཡོག་འཁོར་དགེ་སློང་མ་བཞི་སྟོང་དང་། བཅོམ་ལྡན་འདས་ལས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བདག་ཅག་ལུང་བསྟན་པ་ཐོས་པ་ཐོས་ནས། ངོ་མཚར་དང་རྨད་དུ་གྱུར་ཏེ། དེའི་ཚེ་ཚིགས་སུ་བཅད་པ་འདི་དག་གསོལ་ཏོ།། བཅོམ་ལྡན་འདྲེན་པ་རྣམ་པར་འདྲེན་པ་སྟེ།། ལྷར་བཅས་འཇིག་རྟེན་དག་གིས་བསྟོད་པ་ལགས།། དབུགས་འབྱིན་ལྷ་དང་མི་ཡིས་མཆོད་པ་སྟེ། ། མགོན་པོ་བདག་ཅག་རྣམས་ཀྱང་དེས་ཚིམ་གྱིས།། དེ་ནས་དགེ་སློང་མ་རྣམས་ཀྱིས་ཚིགས་སུ་བཅད་པ་འདི་གསོལ་ནས། བཅོམ་ལྡན་འདས་ལ་འདི། སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་ཀྱང་སླད་མའི་དུས་སྨད་མའི་ཚེ་ན། ཆོས་ཀྱི་རྣམ་གྲངས་འདི་འཇིག་རྟེན་གྱི་ཁམས་གཞན་དག་ཏུ་སྟོན་པར་སྤྲོ་ལགས་སོ།། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་གཟུངས་ཐོབ་པ། ཕྱིར་མི་ལྡོག་པའི་ཆོས་ཀྱི་འཁོར་ལོ་བསྐོར་བའི་བྱང་ཆུབ་སེམས་དཔའ་བརྒྱད་ཁྲི་པོ་དེ་དག་ག་ལ་བ་དེ་ལོགས་སུ་གཟིགས་སོ། ། དེ་ནས་བཅོམ་ལྡན་འདས་ཀྱིས་གཟིགས་མ་ཐག་ཏུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། འདི་སྙམ་དུ་ཆོས་ཀྱི་རྣམ་གྲངས་འདི་བཤད་པར་བྱ་བའི་ཕྱིར། བཅོམ་ལྡན་འདས་ཀྱིས་བདག་ཅག་ལ་བསྐུལ་བ་མཛད་དོ་སྙམ་དུ་སེམས་སོ།། དེ་དག་དེ་སྙམ་དུ་བསམས་ནས་ཀུན་གཡོས་ཏེ། ཕན་ཚུན་དུ་སྨྲས་པ། རིགས་ཀྱི་བུ་དག་མ་འོངས་པའི་དུས་ན། ཆོས་ཀྱི་རྣམ་གྲངས་འདི་བཤད་པར་བྱ་བའི་ཕྱིར། བཅོམ་ལྡན་འདས་ཀྱིས་བདག་ཅག་ལ་བསྐུལ་བ་མཛད་ན། བདག་ཅག་གིས་ཇི་ལྟར་བྱ།། དེ་ནས་རིགས་ཀྱི་བུ་དེ་དག་བཅོམ་ལྡན་འདས་ལ་གུས་པ་དང་། བདག་ཉིད་ཀྱི་སྔོན་གྱི་སྤྱོད་པ་དང་སྨོན་ལམ་གྱིས་བཅོམ་ལྡན་འདས་ཀྱི་སྤྱན་སྔར་སེང་གེའི་སྒྲ་ཕྱུང་བ། བཅོམ་ལྡན་འདས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། བདག་ཅག་ཕྱོགས་བཅུར་མཆིས་ཏེ། བཅོམ་ལྡན་འདས་ཀྱི་མཐུས་ཆོས་ཀྱི་རྣམ་གྲངས་འདི་སེམས་ཅན་རྣམས་ཡི་གེར་འདྲིར་སྩལ་བར་བགྱི། ཀློག་ཏུ་སྩལ་བར་བགྱི། སེམས་སུ་སྩལ་བར་བགྱི། འཆད་དུ་སྩལ་བར་བགྱིའོ། ། བཅོམ་ལྡན་འདས་ཀྱང་འཇིག་རྟེན་གྱི་ཁམས་གཞན་ན་བཞུགས་ཏེ། བདག་ཅག་ལ་སྲུང་བ་དང་། སྐྱོབ་པ་དང་། སྦེད་པར་མཛད་པར་འགྱུར་རོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་བཅོམ་ལྡན་འདས་ལ་དབྱངས་མཐུན་པར་ཚིགས་སུ་བཅད་པ་འདི་དག་གསོལ་ཏོ།། བཅོམ་ལྡན་འདས་ཁྱོད་ཐུགས་ལས་ཆུང་མཛད་གསོལ། ཁྱོད་ནི་མྱ་ངན་འདས་ནས་བདག་ཅག་རྣམས།། ཤིན་ཏུ་མ་རུངས་སླད་མའི་དུས་ཀྱི་ཚེ།། མདོ་སྡེ་དམ་པ་འདི་ནི་བཤད་པར་བགྱི།། བྱིས་པ་རྣམས་ཀྱིས་སྤྱོས་པ་དང་། ། བརྡེག་པ་དང་ནི་དབྱུག་ཐོགས་ཏེ། གཟས་པ་རྣམས་ནི་བཟོད་པར་བགྱི།། འདྲེན་པ་བག་ལ་ཞ་བར་བགྱི།། མ་རུངས་སླད་མའི་དུས་ལ་ནི།། ལོག་པའི་བློ་དང་ཡོན་པོ་དང་།། བྱིས་པ་གཡོ་དང་ང་རྒྱལ་ཅན།། མ་ཐོབ་ཐོབ་པར་འདུ་ཤེས་པ།། དགོན་པ་དག་ལ་རབ་སེམས་ཤིང་།། ཆེམ་བུ་དག་ཀྱང་བགོས་ནས་ནི།། ཡོ་བྱད་བསྙུངས་ཚུལ་སྤྱོད་དོ་ཞེས།། བློ་ངན།། དེ་སྐད་སྨྲས་པར་འགྱུར།། རོ་བྲོ་ཆགས་ཤིང་ཞེན་པ་རྣམས།། ཁྱིམ་པ་དག་ལ་ཆོས་ཀྱང་འཆད།། མངོན་ཤེས་དྲུག་ཅན་ཇི་བཞིན་དུ།། བསྟི་སྟང་དག་ཀྱང་བགྱིད་པར་འགྱུར།། གཏུམ།། པའི་སེམས་དང་སྡང་སེམས་ལྡན།། ཁྱིམ་དང་ནོར་ལ་རྣམ་པར་སེམས།། དགོན་པ་དབེན་པར་རབ་བཞུགས་ཏེ།། བདག་ཅག་རྣམས་ལ་བསྐུར་བ་འདེབས།། བདག་ཅག་ལ་ནི་འདི་སྐད་མཆི། ། རྙེད་དང་བཀུར་སྟི་གནས་པ་སྟེ།། དགེ་སློང་འདི་དག་མུ་སྟེགས་ཅན།། བདག་གི་རང་བཟོ་རབ་ཏུ་འཆད།། རྙེད་པ་དང་ནི་བཀུར་སྟིའི་ཕྱིར།། རང་གིས་མདོ་སྡེ་བྱས་ནས་སུ།། འཁོར་གྱི་དབུས་སུ་འཆད་བྱེད་ཅེས།། བདག་ཅག་རྣམས་ལ་ཤིན་ཏུ་འཕྱེ།། རྒྱལ་པོ་དང་ནི་རྒྱལ་བུ་དང་།། དེ་བཞིན་རྒྱལ་པོའི་བློན་པོ་དང་།། བྲམ་ཟེ་དག་དང་ཁྱིམ་བདག་དང་།། དགེ་སློང་གཞན་དག་དྲུང་དུ་ནི། ། བདག་ཅག་རྣམས་ལ་མི་བསྔགས་བརྗོད།། མུ་སྟེགས་ཅན་ཞེས་ཚིག་ཀྱང་བརྗོད།། དྲང་སྲོང་ཆེ་ལ་གུས་པས་ན།། ཐམས་ཅད་བདག་ཅག་བཟོད་པར་བགྱི། དེ་ཚེ་ངན་པའི་བློ་ཟོས་ཅན།། བདག་ཅག་རྣམས་ལ་སྡོད་པར་འགྱུར།། འདི་དག་སངས་རྒྱས་འགྱུར་ཞེས་ཏེ།། རྣམ་པ་ཐམས་ཅད་བཟོད་པར་བགྱི།། འཕྲུལ་བའི། བསྐལ་པ་འཇིག་པ་ལ།། མ་རུང་འཇིགས་པ་ཆེན་པོའི་ཆེ།། གནོད་སྦྱིན་གཟུགས་ཅན་དགེ་སློང་མང་།། བདག་ཅག་ལ་ནི་མི་སྙན་བརྗོད།། འཇིག་རྟེན་དབང་ལ་གུས་པ་ཡིས།། ཤིན་ཏུ་དཀའ་བར་སྤྲོ་བར་བགྱི། ། བཟོད་པའི་གེ་གོས་ནས་སུ།། མདོ་འདི་རབ་ཏུ་བཤད་པར་བགྱི།། འདྲེན་པ་བདག་ཅག་སྐྱེས་དང་ནི།། སྲོག་ཀྱང་དོན་དུ་གཏེར་མ་ལགས།། བདག་ཅས། བྱང་ཆུབ་དོན་གཉེར་བས།། ཁྱོད་ཀྱིས་གཏམས་གཏད་འཛིན་པ་ལགས།། ལྡེམ་པོར་དགོངས་བཤད་མ་འཚལ་བ།། དགེ་སློང་སྡིག་ཅན་དེ་འདྲ་དག། སྲད་མའི་དུས་ན་འབྱུང་བ་ནི།། བཅོམ་ལྡན་ཉིད་ཀྱི་རབ་ཏུ་མཁྱེན།། གཙུག་ལག་ཁང་ནས་བསྐྲད་པ་དང་།། བཅིང་དང་བརྡེག་པ་རྣམ་མང་དང་།། ཕྱིར་ཞིང་བཅས་པ་མ་ལགས་དང་།། ཁྲོ་ག་ར་ཐམས་ཅད་བཟོད་པར་བགྱི། འཇིག་རྟེན་མགོན་གྱིས་བཀའ་སྩལ་པ།། དྲན་པར་བགྱིས་པས་སྐད་དུས་ན།། འཁོར་གྱི་དབུས་སུ་མི་འཇིགས་པར།། མདོ་འདི་རབ་ཏུ་བཤད་པར་བགྱི།། འདྲེན་པ་འདི་ན་འདི་རྗེམ་བ། ། གྲོང་ཁྱེར་གྲོང་དུ་གང་འབྱུང་བ།། དེ་དག་གན་དུ་མཆིས་ནས་སུ།། ཁྱོད་ཀྱིས་བཏམ་པ་སྩལ་བར་བགྱི།། འཇིག་རྟེན་དབང་པོ་ཐུབ་པ་ཆེ།། ཁྱོད་ཀྱི་མངག་གཞུག་བདག་ཅན་འཚལ། ། མྱ་ངན་རབ་འདས་ཞི་བརྙེས་པ།། ཐུགས་ལས་ཆུང་ངུར་མཛད་དུ་གསོལ།། ཕྱོགས་བཅུ་དག་ན་གང་གཤེགས་པ།། འཇིག་རྟེན་སྒྲོན་མ་ཐམས་ཅད་ཀྱིས།། མོས་པ་རྣམ་པར་མཁྱེན་པས་ན། ། བདེན་པའི་ཚིག་ནི་སྨྲ་བར་བགྱིད།། སྤྲོ་བར་བྱ་བའི་ལེའུ་ཞེས་བྱ་བ་སྟེ་བཅུ་གཉིས་པའོ།། ། དམ་པའི་ཆོས་པདྨ་དཀར་པོ་བམ་པོ་དགུ་པ།། ། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག། བཅོམ་ལྡན་འདས་ལ་གུས་པར་སྤྲོ་བ་ནི། ། དཀའ་བར་བགྱིད་པ་ཤ་ནི་ཏུ་དཀའ་བར་བགྱིད་པ་ལགས་སོ།། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་གིས་སླད་མའི་ཚེ། སླད་མའི་དུས་ན། ཆོས་ཀྱི་རྣམ་གྲངས་འདི་ཇི་ལྟར་རབ་ཏུ་བཤད་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། ། འཇམ་དཔལ་ཆོས་བཞི་ལ་གནས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོས། ཆོས་ཀྱི་རྣམ་གྲངས་འདི་ཕྱི་མའི་ཚེ། ཕྱི་མའི་དུས་ན་ཡང་དག་བསྟན་པར་བྱའོ། ། གཞི་གང་ཞེ་ན། འཇམ་དཔལ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དག། ཆོ་ག་དང་སྤྱོད་ཡུལ་ལ་གནས་ཏེ། ཆོས་ཀྱི་རྣམ་གྲངས་འདི་ཡང་དག་པར་རབ་ཏུ་བསྟན་པར་བྱའོ། ། འཇམ་དཔལ་ཇི་ལྟར་ན། བྱང་ཆུབ་སེམས་དཔའ་སེམས་དཔའ་ཆེན་པོ་དག། ཆོ་ག་དང་སྤྱོད་ཡུལ་ལ་གནས་པ་ཡིན་ཞེ་ན་འཇམ་དཔལ་གང་གི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ།། བཟོད་པ་དང་དུལ་བ་དང་། དུལ་བའི་ས་ཐོབ་ཅིང་། ཡིད་མི་སྡང་ལོ། ཕྲག་དོག་མེད་པར་འགྱུར་ཏེ། འཇམ་དཔལ་གང་གི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་དག། ཆོས་གང་ལ་ཡང་མི་སྤྱོད་ཅིང་། ཆོས་རྣམས་ཀྱི་རང་གི་མཚན་ཉིད་ལ་ཡང་དག་པ་ཇི་ལྟ་བ་བཞིན་དུ་ལྟ་སྟེ། གང་ཆོས་རྣམས་ལ་རྣམ་པར་མི་སྤྱོད། རྣམ་པར་མི་རྟོག་པ་དེ་ནི། འཇམ་དཔལ་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོ་ག་ཞེས་བྱའོ།། འཇམ་དཔལ་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྱོད་ཡུལ་གང་ཞེ་ན། འཇམ་དཔལ་གང་གི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་པོ་ལ་མི་སྟེན་རྒྱལ་བུ་དང་། རྒྱལ་བོའི་བློན་པོ་ཆེན་པོ་དང་། རྒྱལ་པོའི་ན་འབྲིང་བ་ལ་མི་སྟེན། མི་བསྙེན། བསྙེན་བཀུར་མི་བྱེད། ཉེ་བར་མི་འགྲོ་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་བ་པ་དང་། འཚོ་བ་པ་དང་། གཅེར་བུ་པ་རྣམས་དང་། སྙན་དངགས་ཀྱི་བསྟན་བཅོས་ལ་ཞུགས་པའི་སེམས་ཅན་རྣམས་དང་། མི་སྟེན་མི་བསྙེན། བསྙེན་བཀུར་མི་བྱེད། འཇོག་རྟེན་རྒྱང་པན་པའི་གསང་ཚིགས་འཆང་བའི་འཇིག་རྟེན་རྒྱ་འཕན་པ་ལ་མི་སྟེན། མི་བསྙེན། བསྙེན་བཀུར་མི་བྱེད། དེ་དག་དང་ལྷན་ཅིག་ཏུ་འདྲིས་པར་མི་བྱེད། གདོལ་བ་པ་དང་། ཟོལ་པ་རྣམས་དང་མ་ཡིན། ཕག་འཚོང་རྣམས་དང་མ་ཡིན། བྱ་གག་འཚོང་བ་རྣམས་དང་མ་ཡིན། རི་དགས་ཀྱི་རྔོན་པ་རྣམས་དང་མ་ཡིན། ཉ་བ་རྣམས་དང་མ་ཡིན། གླུ་མཁན་རྣམས་དང་། གར་མཁན་དང་། ལྕགས་ཀྱི་སིལ་ཀྲོལ་བྱེད་པ་རྣམས་དང་མ་ཡིན། གྱད་རྣམས་དང་མ་ཡིན། གཞན་དག་གིས་དགའ་བ་དང་རྩེ་བའི་གནས་སུ་མི་འགྲོ། དེ་དག་དང་ལྷན་ཅིག་འདྲིས་པར་ཡང་མི་བྱེད་དེ། དྲུང་དུ་ལྤགས་པ་ལ་དུས་སུ་ཆོས་བཤད་པ་ནི་མ་གཏོགས་ཏེ། དེ་ཡང་མི་གནས་པར་འཆད་པའོ།། ཉན་ཐོས་ཀྱི་ཐེག་པ་ཅན་གྱི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ལ་མི་སྟེན། མི་བསྙེན་བསྙེན་བཀུར་མི་བྱེད། དེ་དག་དང་འདྲིས་པར་མི་བྱེད། དེ་འཆག་ས་འམ། གནས་ཁང་ངམ། གཙུག་ལག་ཁང་ན་ཡང་དེ་དག་དང་འགྲོགས་པའི་སྤྱོད་ཡུལ་བ་མ་ཡིན་ནོ། ། དྲུང་དུ་ལྷགས་པ་ལ་དུས་སུ་ཆོས་འཆད་མ་གཏོགས་ཏེ། དེ་ཡང་མི་གནས་པར་འཆད་པའོ།། འཇམ་དཔལ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྱོད་ཡུལ་ལོ། ། འཇམ་དཔལ་གཞན་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་བུད་མེད་ལ་རྗེས་སུ་ཆགས་པ་གང་ཡང་རུང་བ་མཚན་མར་བཟུང་ནས། རྟག་ཏུ་ཆོས་འཆད་པ་མ་ཡིན། བུད་མེད་ལ་རྟག་ཏུ་ལྟ་བར་འདོད་པ་མ་ཡིན། ཁྱིམ་དག་ཏུ་སོང་སྟེ། བུད་མེད་དམ། བུ་མོ་འམ། ཁྱིམ་མ་མོ་ལ་རྟག་ཏུ་བཤད་པར་སེམས་པ་མ་ཡིན། ཡང་དག་པར་མགུ་བར་བྱེད་པ་མ་ཡིན། མ་ནིང་ལ་ཆོས་མི་སྟོན། དེ་དག་དང་ལྷན་ཅིག་འདྲིས་པར་མི་བྱེད། ཡང་དག་པར་མགུ་བར་བྱེད་པ་མ་ཡིན། སློང་བའི་ཕྱིར་གཅིག་ཏུ་ཁྱིམ་དུ་མི་འཇུག་སྟེ། དེ་བཞིན་གཤེགས་པ་རྗེས་སུ་དྲན་པ་བསྒོམ་པ་ནི་མ་གཏོགས་སོ།། གལ་ཏེ་བུད་མེད་ལ་ཆོས་སྟོན་ན་ཡང་། དེ་ཐ་ན་ཆོས་ལ་འདོད་ཆགས་པས་ཀྱང་ཆོས་མི་སྟོན་ན། དེ་བུད་མེད་ལ་འདོད་ཆགས་པས་ལྟ་ཅི་སྨོས། དེ་ཆོས་སྟོན་པ་ན། ཐ་ན་སོའི་ཕྲེང་བ་ཡང་མི་སྟོན་ན། བཞིན་གྱི་འགྱུར་བ་ཆེན་པོ་ལྟ་ཅི་སྨོས། དགེ་ཚུལ་དང་། དགེ་ཚུལ་མ་དང་། དགེ་སློང་དང་། དགེ་སློང་མ་དང་། གཞོན་ནུ་དང་། གཞོན་ནུ་མ་དང་མི་སྟེ་མི་སྙེན། དེ་དག་དང་གཏམ་ཡང་མི་བྱེད་ལ། ནང་དུ་ཡང་དག་འཇོག་ལ་འཇུག་པར་དགའ་ཞིང་། ནང་དུ་ཡང་དག་འཇོག་ལ་རྟག་ཏུ་སྙེན་པ་ཡིན་ཏེ། འཇམ་དཔལ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྱོད་ཡུལ་དང་པོའོ།། འཇམ་དཔལ་གཞན་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ལ་སྟོང་པར་ལྟ་སྟེ། ཇི་ལྟར་གནས་པ་བཞིན་དང་། མ་ལོག་པར་གནས་པ་དང་། ཡང་དག་པ་ཇི་ལྟ་བ་བཞིན་དུ་གནས་པ་དང་། མི་སྐྱོད་པ་མི་གཡོ་བ་མི་ལྡོག་པ། མི་འགྱུར་བ་རྟག་ཏུ་ཡང་དག་པ་ཇི་ལྟ་བ་བཞིན་གནས་པ་དང་། ནམ་མཁའི་ངོ་བོ་ཉིད་ལྟ་བུ། ངེས་པའི་ཚིག་དང་ཐ་སྙད་རྣམ་པར་སྤངས་པ། མ་སྐྱེས་པ་མ་བྱུང་བ་ཡང་དག་པར་མ་བྱུང་བ། མེད་པ་འདུས་མ་བྱས་པ། རྒྱུན་མེད་པ། མེད་པ་ལ་ཚིག་གིས་བརྗོད་པ་མི་ཆགས་པའི་གནས་ལ་འཇུག་པ། འདུ་ཤེས་ཕྱིན་ཅི་ལོག་ལས་བྱུང་བར་དེ་ལྟར་འཇམ་དཔལ། བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་ཆོས་ཐམས་ཅད་ལ་ལྟ་ཞིང་། གནས་པ་འདིས་གནས་ན། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱོད་ཡུལ་ལ་གནས་པ་ཡིན་ཏེ། འཇམ་དཔལ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྱོད་ཡུལ་གཉིས་པའོ། ། དེ་ནས་བཅོམ་ལྡན་འདས་དོན་འདི་ཉིད་རྒྱས་པར་སྟོན་ཅིང་དེའི་ཚེ་ཚིག་སུ་བཅད་པ་འདི་དག་བཀའ་སྩལ་ཏོ།། ཕྱི་དུས་ཤིན་ཏུ་འཇིགས་པ་ལ། ། ཞུམ་པ་མེད་ཅིང་མི་འཇིགས་པར།། མདོ་སྡེ་འདི་ནི་བསྟན་པར་ཡང་།། བྱང་ཆུབ་སེམས་དཔའ་གང་འདོད་པ།། ཆོ་ག་སྤྱོད་ཡུལ་བསྲུང་བྱ་ཞིང་།། འདུ་འཛི་མེད་ལ་གཙང་བར་བྱ། ། རྒྱལ་པོ་དང་ནི་རྒྱལ་བུ་དང་།། འདྲིས་བྱེད་རྟག་ཏུ་སྤང་བར་བྱ།། རྒྱལ་པོའི་ཞ་འབྲིང་གང་ཡིན་དང་།། གདོལ་པ་དང་ནི་ཟོལ་བ་དང་།། མུ་སྟེགས་ཅན་ནི་དེ་དག་དང་།། རྣམ་པ་ཀུན་ཏུ་འདྲིས་མི་བྱེད།། དགེ་སློང་འདུལ་དང་ལུང་གནས་པ།། དགྲ་བཅོམ་སྙམ་དུ་སྙེམས་བྱེད་ཅིང་།། ང་རྒྱལ་ཅན་རྣམས་བསྟེན་མི་བྱ།། ཚུལ་ཁྲིམས་འཆལ་རྣམས་རྣམ་པར་སྤང་། ། དགོད་ཅིང་སྨྲ་བའི་སྤྱོད་ཡུལ་ཅན།། དགེ་སློང་མ་རྣམས་རྟག་ཏུ་སྤང་།། མི་བསྟན་པར་ནི་མངོན་པ་ཡི།། དགེ་བསྙེན་རྣམས་ཀྱང་སྤང་བར་བྱ།། དགེ་བསྙེན་མ་གང་ཚེ་འདི་ལ།། མྱ་ངན་འདས་པ་ཚོལ་བྱེད་པ།། དེ་དག་དང་ནི་འདྲིས་བྱེད་སྤང་།། འདི་ནི་ཆོ་ག་ཡིན་ཞེས་བྱ།། གང་ཞིག་དེ་ཡི་ཐར་འོངས་ནས།། བྱང་ཆུབ་མཆོག་ཕྱིར་ཆོས་འདྲི་ན། ། གནས་པ་མེད་ཅིང་མི་ཞན་པར།། དཔའ་བོ་རྟག་ཏུ་དེ་ལ་ཤོད།། བུད་མེད་མ་ནིང་སེམས་ཅན་གང་།། དེ་དང་འདྲིས་བྱེད་རྣམ་པ་སྤང་།། ཁྱིམ་རྣམས་སུ་ནི་མནའ་མ་དང་། ། གཞོན་ནུ་མ་རྣམས་རྣམ་པར་སྤང་།། དེ་ལ་ནམ་དུའང་དགའ་མི་བྱེད།། མཁས་དང་དགོད་པ་འདྲི་བ་དང་།། ཕག་འཚོང་བ་དང་ཤན་པ་དང་།། འདྲིས་པར་བྱེད་པ་རྣམ་པར་སྤང་། ། གང་དག་སྲོག་ཆགས་རྣམ་མང་དག། ལོངས་སྤྱོད་ཕྱིར་ནི་གསོད་པ་དང་།། བཟའ་ཕྱིར་ཤ་རྣམས་འཚེང་བྱེད་པ།། དེ་དག་འདྲིས་བྱེད་རྣམ་པར་སྤང་།། གང་དག་བུད་མེད་གསོ་བྱེད་དང་། ། གར་མཁན་གྱད་དང་སིལ་ཁྲོལ་བ།། གང་གཞན་དེ་དང་འདྲ་བ་ཡང་།། དེ་དག་རྣམས་དང་འདྲིས་བྱེད་སྤང་།། རེས་མའི་གཙོ་མོ་བསྟེན་མི་བྱ།། ཇི་སྙེད་ལོངས་སྤྱོད་འཚེ་བ་གཞན། ། ཤིན་ཏུ་དགའ་བ་དེ་དག་ཀྱང་།། རྣམ་པ་ཀུན་ཏུ་ཡོངས་སུ་སྤང་།། མཁས་པ་བུད་མེད་རྣམས་ལ་ཡང་།། གང་གིས་དུས་ན་ཆོས་འཆད་པ།། དེར་ནི་གཅིག་པུར་མི་འགྲོ་སྟེ། ། དགོད་ཅིང་འདུག་པར་མི་བྱའོ།། གང་ཚེ་ཟས་ཕྱིར་ཡང་དང་ཡང་།། གྲོང་དུ་འཇུག་པར་བྱེད་པ་ན།། དགེ་སློང་གཉིས་པ་བཙལ་བར་བྱ།། ཡང་ན་སངས་རྒྱས་དྲན་པར་བྱ། ། གང་གིས་ཤེས་རབ་ལྡན་པ་དག། མདོ་སྡེ་འདི་འདྲ་འཛིན་གནས་པའི།། ཆོ་ག་དང་ནི་སྤྱོད་ཡུལ་དག། ཐོག་མར་ངས་བཤད་འདི་ཡིན་ནོ།། གང་ཚེ་འདུས་བྱས་འདུས་མ་བྱས། ། ཡང་དག་ཡང་དག་མ་ཡིན་དང་།། རབ་འབྲིང་ཐ་མའི་ཆོས་རྣམས་ལ།། རྣམ་པ་ཀུན་ཏུ་སྤྱོད་པ་མེད།། བརྟན་པ་བུད་མེད་ཅེས་མི་སྤྱོད།། སྐྱེས་པ་ཞེས་ཀྱང་མི་རྟོག་སྟེ། ། ཆོས་སོ་ཅོག་ནི་མ་སྐྱེས་ཕྱིར།། བཙལ་བ་བྱས་ཀྱང་མི་མཐོང་བ།། འདི་ནི་བྱང་ཆུབ་སེམས་དཔའ་ཡི།། ཆོ་གར་རྣམ་པ་ཀུན་ཏུ་བསྟན།། དེ་དག་སྤྱོད་ཡུལ་ཅི་འདྲ། བ། དེ་ནི་རྣམ་པར་མཉན་པར་གྱིས།། ཆོས་འདི་དག་ནི་ཡོད་པ་མ་ཡིན་བསྟན།། ཐམས་ཅད་འབྱུང་བ་མེད་ཅིང་སྐྱེས་པ་མེད།། རྟག་ཏུ་མི་གཡོ་སྟོང་པ་ཉིད་དུ་གནས།། དེ་ནི་མཁས་པ་རྣམས་ཀྱི་སྤྱོད་ཡུལ་ཡིན། ། འདི་དག་འདུ་ཤེས་ལོག་པས་བརྟག་པ་སྟེ།། ཡང་དག་མིན་ལ་ཡང་དག་མེད་ལ་ཡོད།། མ་བྱུང་བ་དང་མ་སྐྱེས་ཆོས་རྣམས་ལ།། ཡང་དག་ཉིད་དང་འབྱུང་བར་ལོག་པར་བརྟགས། ། སེམས་ནི་རྟག་ཏུ་རྩེ་གཅིག་མཉམ་གཞག་སྟེ།། རི་རབ་ཕུང་པོ་ཅི་བཞིན་རབ་ཏུ་གནས།། དེ་བཞིན་འདུག་ནས་ནམ་མཁའ་ལྟ་བུར་ནི། ། ཆོས་རྣམས་འདི་དག་ཀུན་ལ་བརྟག་པར་བྱ།། རྟག་ཏུ་ནམ་མཁའ་མཚུངས་པར་སྙིང་པོ་མེད།། མི་གཡོ་རློམ་སེམས་རྣམ་པར་སྤངས་པ་སྟེ།། ཆོས་རྣམས་འདི་དག་རྟག། པའི་དུས་གནས་པ།། འདི་ནི་མཁས་པ་རྣམས་ཀྱི་སྤྱོད་ཡུལ་ཡིན།། ང་ནི་མྱ་ངན་འདས་ནས་དགེ་སློང་གང་།། ང་ཡི་སྤྱོད་ཡུལ་འདི་ནི་རབ་སྲུང་ཞིང་།། དེ་ནི་ནམ་ཡང་ཞུམ་པ་མེད་པ་ཡིས། ། འཇིག་རྟེན་དུ་ཡང་མདོ་འདིརབ་ཤོད་ཅིག། མཁས་པ་དུས་སུ་སེམས་པར་བྱེད་པ་ན།། ཁང་བུར་ཞུགས་ཏེ་དེ་བཞིན་སྒོ་བཅད་ནས།། ཆོས་འདི་ཐམས་ཅད་ལ་ནི་ཚུལ་བཞིན་བལྟ། ། ལངས་ནས་ཞུམ་པ་མེད་པའི་སེམས་ཀྱིས་ཤོད།། རྒྱལ་པོ་རྣམས་དང་རྒྱལ་པོའི་བུ་གང་དག། ཆོས་ཉན་པ་རྣམས་འདི་ནི་དེ་ལ་སྲུང་།། གཞན་ཡང་ཁྱིམ་བདག་དང་བྲམ་ཟེ་རྣམས། ། ཐམས་ཅད་དེ་ཡི་གཡོག་ཏུ་འཁོད་པར་འགྱུར།། འཇམ་དཔལ་གཞན་ཡང་། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས།། ཕྱི་མའི་དུས་ཕྱི་མའི་ཚེ། དམ་པའི་ཆོས་རབ་ཏུ་འཇིག་པར་འགྱུར་བ་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་རྣམ་གྲངས་འདི་རབ་ཏུ་སྟོན་པར་འདོད་པ་ནི། བདེ་བ་ལ་གནས་པ་ཡིན་ནོ། ། དེ་བདེ་བ་ལ་གནས་ནས་ཆོས་འཆད་དོ།། ལུས་ལ་ཡོད་དམ། གླེགས་བམ་དུ་བྱས་སམ། གཞན་དག་ལ་ཡང་སྟོན་ན་ཡང་ཤིན་ཏུ་ཀླན་ཀ་ཚོལ་བའི་རང་བཞིན་ཅན་མ་ཡིན། དགེ་སློང་ཆོས་སྨྲ་བ་གཞན་དག་ལ་སྐུར་བར་མི་བྱེད། མི་སྙན་པ་མི་སྨྲ། མི་སྙན་པ་མི་བརྗོད། གཞན་ཉན་ཐོས་ཀྱི་ཐེག་པ་ཅན་གྱི་དགེ་སློང་དག་གི་མིང་སྨོས་ཏེ། མི་སྙན་པ་མི་སྨྲ། མི་སྙན་པ་མི་བརྗོད་ཅིང་།། དེ་དག་ལ་ཕྱིར་རྒོལ་བར་འདུ་ཤེས་པ་མ་ཡིན་ནོ།། དེ་ཅིའི་ཕྱིར་ཞེ་ན། འདི་ལྟར་བདེ་བའི་གནས་ལ་གནས་པའི་ཕྱིར་ཏེ། དེ་ཆོས་ཤིན་ཏུ་ཉན་ཏུ་འོངས་ཤིང་ལྤགས་པ་རྣམས་ལ། ཕན་འདོགས་པ་དང་ཕྲག་དོག་མེད་པར་ཆོས་སྟོན་ཏོ།། མི་རྩོད་ཅིང་། དྲི་བ་དྲིས་ཀྱང་ཉན་ཐོས་ཀྱི་ཐེག་པས་ལན་མི་ལྡོན་ཏོ།། ཅི་ནས་སངས་རྒྱས་ཀྱི་ཡེ་ཤེས་མངོན་པར་རྫོགས་པར་འཚང་རྒྱ་བ་དེ་ལྟ་བུར་ལན་ལྡོན་ནོ། ། དེ་ནས་བཅོམ་ལྡན་འདས་ཀྱིས། དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། མཁས་པ་བདེ་ལ་རྟག་ཏུ་གནས་པར་འགྱུར། ། དེ་ལ་འདུག་ནས་དེ་བཞིན་ཆོས་ཀྱང་སྟོན།། གཙང་ཞིང་ཡིད་དུ་འོང་བའི་ས་ཕྱོགས་སུ།། ཡངས་པའི་སྟན་ནི་རབ་ཏུ་བཤམས་བཏིང་སྟེ།། བཟང་པོའི་ཚོན་གྱིས་ལེགས་པར་ཁ་བསྒྱུར་བ།། ཆོས་གོས་གཙང་མ་དེ་ནི་རབ་བགོས་ནས།། རྡུལ་གཟན་ནག་པོ་དེ་བཞིན་བཤམས་བྱས་ལ།། ཤམ་ཐབས་ཆེ་ཚད་ལེགས་པར་རབ་བགོས་ནས། ། བཅོས་བུའི་རས་རྣམས་སྣ་ཚོགས་ལེགས་བཏིང་བ།། རྐང་རྟེན་བཅས་པའི་ཁྲི་ལ་རབ་འདུག་ཅིང་།། རྐང་པ་ལེགས་པར་བཀྲུས་ཏེ་སྟེང་འཛེགས་ནས། ། མགོ་དང་བཞིན་གྱི་དངས་ནི་རབ་སྣུམ་ཞིང་།། ཆོས་ཀྱི་སྟན་དེ་ལ་ནི་རབ་འདུག་ནས།། སེམས་ཅན་ལྷགས་པ་རྩེ་གཅིག་གྱུར་རྣམས་ལ།། གཏམ་མང་རྣམ་པ་སྣ་ཚོག་ཉེ་བར་སྟོན། ། དགེ་སློང་དག་དང་དགེ་སློང་མ་རྣམས་དང་།། དགེ་བསྙེན་རྣམས་དང་དགེ་བསྙེན་མ་དག་དང་།། རྒྱལ་པོ་དག་དང་རྒྱལ་བུ་རྣམས་ལ་ཡང་།། མཁས་དེ་རྟག་ཏུ་ཕྲག་དོག་མེད་པར་ནི། ། སྣ་ཚོགས་དོན་ལྡན་སྙན་པའི་གཏམ་ཡང་སྟོན།། དེ་ཚེ་དང་ལ་དེ་དག་དྲི་དྲིས་ནས།། དེ་ལ་མཐུན་པའི་དོན་རྣམས་རབ་ཏུ་སྟོན།། ཅི་ནས་ཐོས་པས་བྱང་ཆུབ་ཐོབ་འགྱུར་བ། ། དེ་ལྟར་དོན་གྱི་རྣམ་པར་རབ་ཏུ་སྟོན།། ལེ་ལོ་དག་ཀྱང་རྣམ་པར་རབ་སྤངས་ནས།། སྐྱོ་བ་སྙམ་པའི་འདུ་ཤེས་བསྐྱེད་མི་བྱ།། མཁས་པས་མི་དགའ་ཐམས་ཅད་རྣམ་པར་སྤང་། ། བྱམས་པའི་སྟོབས་ནི་འཁོར་ལ་བསྒོམ་པར་བྱ།། ཉིན་མཚན་དུ་ཡང་ཆོས་མཆོག་རབ་ཏུ་བསྒོམ།། མཁས་པ་དེས་ནི་བྱེ་བ་ཁྲག་ཁྲིག་དཔེས།། འཁོར་རྣམས་མགུ་ཞིང་དེ་བཞིན་དགའ་བར་བྱེད། ། དེ་ལ་ནམ་ཡང་འདོད་པ་ཅུང་ཟད་མེད།། ཟས་དང་སྒོམ་དང་བཟའ་དང་བཅའ་བ་དང་།། གོས་དང་མལ་ཆ་ཆོས་གོས་རྣམས་དང་ནི།། ན་བའི་གསོས་སྨན་དག་ཀྱང་མི་བསམ་སྟེ། ། འཁོར་རྣམས་ལ་ནི་ཅི་ཡང་མི་བསླང་ངོ་།། གཞོན་ནུ་མཁས་པ་རྟག་ཏུ་བདག་ཉིད་དང་།། སེམས་ཅན་འདི་དག་སངས་རྒྱས་གྲུབ་པར་ཤོག། ཕན་ཕྱིར་འཇིག། རྟེན་ཆོས་གང་བསྟན་པ་དེ།། བདག་གི་བདེ་བའི་ཡོ་བྱད་ཀུན་སྙམ་སེམས།། དགེ་སློང་གང་ཞིག་མྱ་ངན་ང་འདས་ནས།། ཕྲག་དོག་མེད་པར་འདི་ནི་རབ་སྟོན་པ།། དེ་ལ་སྡུག་བསྔལ་མེད། ཅིང་བར་ཆད་མེད།། ནམས་ཀྱང་མྱ་ངན་རྣམས་དང་འཁྲུག་པའང་མེད།། དེ་ལ་སུ་ཡང་སྤངས་པར་མི་བྱེད་དེ།། རྡེག་པ་མེད་ཅིང་མི་སྙན་སྨྲ་བའི་མེད།། དེ་ནི་ནམ་ཡང་བསྐྲད་པར་མི་འགྱུར་ཏེ། ། འདི་ལྟར་དེ་ནི་བཟོད་པའི་སྟོབས་ལ་གནས།། རྟག་ཏུ་མཁས་པ་དེ་ལ་གནས་པ་དེ།། ཇི་ལྟར་ངས་བཤད་བཞིན་དུ་གནས་པ་ནི།། ཡོན་ཏན་བྱེ་བ་དུ་མ་བརྒྱ་འབྱུང་སྟེ།། དེ་ནི། བསྐལ་པ་བརྒྱར་ཡང་བརྗོད་མི་ནུས།། འཇམ་དཔལ་གཞན་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། དམ་པའི་ཆོས་ཟད་པའི་ཐ་མའི་དུས་ཀྱི་ཚེ། མདོ་སྡེ་འདི་འཆང་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྲག་དོག་དང་། གཡོ་དང་སྒྱུ་མེད་པ་ཡིན། བྱང་ཆུབ་སེམས་དཔའི་ཐེག་པ་ཅན་གྱི་གང་ཟག་གཞན་དག་ལ་མི་སྙན་པ་མི་སྨྲ། སྐུར་པ་མི་འདེབས། བརྙས་པར་མི་བྱེད་དོ།། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ཉན་ཐོས་ཀྱི་ཐེག་པ་ཅན་ནམ། རང་སངས་རྒྱས་ཀྱི་ཐེག་པ་ཅན་ནམ་བྱང་ཆུབ་སེམས་དཔའི་ཐེག་པ་ཅན་གཞན་དག་ལ། འགྱོད་པ་སྐྱེད་པར་མི་བྱེད་དེ། རིགས་ཀྱི་བུ་དག་ཁྱེད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་རིང་སྟེ། ཁྱེད་དེ་ན་མི་སྣང་ངོ་།། ཁྱེད་ནི་རབ་ཏུ་བག་མེད་པར་གནས་པ་སྟེ། ཁྱེད་ནི་དེ་བཞིན་གཤེགས་པའི་ཡེ་ཤེས་མངོན་པར་རྫོགས་པར་འཚང་རྒྱ་བའི་མཐུ་མེད་པའོ་ཞེས་བྱང་ཆུབ་སེམ་དཔའི་ཐེག་པ་ཅན་གང་ལ་ཡང་ཐེ་ཚོམ་སྐྱེད་པར་མི་བྱེད་དོ། ། ཆོས་ཀྱིས་རྩོད་པ་ལ་དགའ་བ་མ་ཡིན་ཏེ། ཆོས་ལ་རྩོད་པར་མི་བྱེད་དོ།། སེམས་ཅན་ཐམས་ཅད་ལ་བྱམས་པའི་སྟོབས་མི་གཏོང་ངོ་། ། དེ་བཞིན་གཤེགས་པ་ཐམས་ཅད་ལ་ཕར་འདུ་ཤེས་སྐྱེད་དོ།། བྱང་ཆུབ་སེམས་དཔའ་ཐམས་ཅད་ལ་སྟོན་པར་འདུ་ཤེས་སྐྱེད་དོ།། ཕྱོགས་བཅུའི་འཇིག་རྟེན་རྣམས་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་འཁོད་པ་དེ་དག་ལ། རྒྱུན་མི་འཆད་པར་ལྷག་པའི་བསམ་པས་གུས་པར་ཕྱག་འཚལ་ལོ།། ཆོས་འཆད་པ་ན་ལྷག་ཆད་མེད་པར་ཆོས་འཆད་དོ། ། ཆོས་ཀྱི་རྣམ་གྲངས་འདི་རབ་ཏུ་སྟོན་པ་ན། ཆོས་ཀྱི་དགའ་བས་སྙོམས་པར་བྱེད་དེ། ཐ་ན་འགའ་ཙམ་ལ་ཡང་ཆོས་ཀྱི་དགའ་བས་ལྷག་པར་ཕན་འདོགས་པར་བྱེད་དོདོ། ། འཇམ་དཔལ་ཆོས་འདི་གསུམ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། དམ་པའི་ཆོས་ཟད་པ་ཐ་མའི་དུས་ཀྱི་ཚེ། ཆོས་ཀྱི་རྣམ་གྲངས་འདི་ཡང་དག་པར་སྟོན་པ་ནི། བདེ་བར་རེག་པ་ལ་གནས་ཤིང་། འཚེ་བ་མེད་པར་ཆོས་ཀྱི་རྣམ་གྲངས་འདི་ཡང་དག་པར་རབ་ཏུ་སྟོན་ཏེ། དེའི་ཆོས་ཡང་དག་པར་འགྲོ་བའི་གྲོགས་དག་ཀྱང་འབྱུང་བར་འགྱུར་རོ། ། གང་དག་དེ་ལ་ཆོས་ཉན་པའི་ཆོས་ཀྱི་རྣམ་གྲངས་འདི་ཉན་པ་དང་། དད་པ་དང་། ཡིད་ཆེས་པ་དང་། འཛིན་པ་དང་། ཀུན་ཆུབ་པར་བྱེད་པ་དང་། ཡི་གེར་འདྲི་བ་དང་། ཡི་གེར་འདྲིར་འཇུག་པ་དང་། གླེགས་བམ་དུ་བྱས་ཏེ། བསྟི་སྟང་དུ་བྱེད་པ་དང་། བཙུན་པར་བྱེད་པ་དང་། རིམ་གྲོར་བྱེད་པ་དང་། མཆོད་པ་བྱེད་པ་དག་ཀྱང་འབྱུང་བར་འགྱུར་རོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། ། གང་ཞིག་མདོ་འདི་འཆད་འདོད་ཆོས་སྨྲ་བ།། གཡོ་དང་ང་རྒྱལ་དེ་བཞིན་འཕྱ་བ་དག། མ་ལུས་པར་ནི་ཡོངས་སུ་སྤང་བར་བྱ།། དེ་བཞིན་མཁས་པས་ཕྲག་དོག་གཞན་མི་བྱ། ། ནམ་དུའང་སུ་ལའང་མི་སྙན་བརྗོད་མི་བྱ།། བལྟ་བས་རྩོད་པ་ནམ་ཡང་མི་བྱའོ།། བླ་མེད་ཡེ་ཤེས་ཁྱོད་ཐོབ་མི་འགྱུར་ཞེས།། ཐེ་ཙོམ་གནས་ནི་ནམས་ཀྱང་མི་བྱའོ།། དེ་ནི་རྟག་ཏུ་དྲང་ཞིང་མཉན་པ་སྟེ། ། བདེ་བར་གཤེགས་ཀྱི་སྲས་པོ་བཟོད་ལྡན་འགྱུར།། ཆོས་འདི་ཡང་དང་ཡང་དུ་རབ་སྟོན་ཀྱང་།། དེ་འདིར་སྐྱོ་བར་འགྱུར་བ་ཅུང་ཟད་མེད།། བྱང་ཆུབ་སེམས་དཔའ་གང་དག་ཕྱོགས་བཅུ་ཡི། ། འཇིག་རྟེན་དག་ན་སེམས་ཅན་སྙིང་བརྩེས་རྒྱུ།། དེ་ཀུན་བདག་གི་སྟོན་ཅེས་དེ་དག་ལ།། མཁས་པ་རྣམས་ནི་བླ་མར་གུས་པ་སྐྱེད། ། སངས་རྒྱས་རྐང་གཉིས་མཆོག་རྣམས་དྲན་བྱས་ལ།། རྒྱལ་བ་རྣམས་ལ་རྟག་ཏུ་བར་སེམས་སྐྱེད།། ང་རྒྱལ་འདུ་ཤེས་ཐམས་ཅད་རྣམ་སྤངས་ན།། དེའི་ཚེ་དེ་ལ་བར་ཆད་འབྱུང་མི་འགྱུར། ། རྣམ་པ་འདི་འདྲའི་ཆོས་འདི་ཐོས་ནས་ནི།། མཁས་པས་དེ་ཚེ་ལེགས་པར་བསྲུང་བར་བྱ།། བདེ་བར་གནས་པའི་ཕྱིར་དང་མཉམ་གཞག་ན།། སྲོག་ཆགས་བྱེ་བས་རབ་ཏུ་བསྲུངས་པར་འགྱུར། ། འཇམ་དཔལ་གཞན་ཡང་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། དམ་པའི་ཆོས་སྤོང་བའི་དུས་ཀྱི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་རྣམ་གྲངས་འདི་འཛིན་པར་འདོད་པའི་དགེ་སློང་དེས། ཁྱིམ་ན་གན་པ་དང་། རབ་ཏུ་བྱུང་བ་རྣམ་ལ་རིང་བ་བ་ཀྱང་རིང་དུ་གན་པར་བྱའོ།། བྱམ་པ་ལ་གན་པས་གནས་པར་བྱའོ།། ། སེམ་ཅན་གང་དག་བྱང་ཆུབ་ཏུ་ཡང་དག་པར་ཞུགས་པ་དེ་དག་ཐམས་ཅད་ལ་སྙིང་རྗེ་བསྐྱེད་པར་བྱའོ།། དེས་འདི་སྙམ་དུ་ཀྱེ་མ། གང་དག་དེ་བཞིན་གཤེགས་པའི་ཐབས་མཁས་པ་ལྡེམ་པོར་དགོད་ཏེ་བཤད་པ་མི་ཉན་པ་དང་། མི་ཤེས་པ་དང་། མི་རྟོགས་པ་དང་། མི་འདྲི་བ་དང་། མ་དད་པ་དང་། མ་མོས་པའི་སེམས་ཅན་དེ་དག་ནི་ཤིན་ཏུ་ཤེས་རབ་འཆལ་པའི་རང་བཞིན་ཅན་དག་གོ། གཞན་ཡང་སེམས་ཅན་འདི་དག་ནི། ཆོས་ཀྱི་རྣམ་གྲངས་འདི་ལ་མི་འཇུག་ཅིང་ཁོང་དུ་མི་ཆུད་པ་དག་སྟེ། འདི་ལྟར་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། གང་ལ་གང་གནས་པར་འགྱུར་བ་དེ་ལ་དེ་རྫུ་འཕྲུལ་གྱི་སྟོབས་ཀྱིས་འདུན་པར་བྱའོ།། ཡིད་ཆེས་པར་བྱའོ།། འཇུག་པར་བྱའོ།། ཡོངས་སུ་སྨིན་པར་བྱའོ་སྙམ་དུ་བསམ་པར་བྱའོ། ། འཇམ་དཔལ་ཆོས་བཞི་པོ་འདི་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། ཆོས་ཀྱི་རྣམ་གྲངས་འདི་ཡང་དག་པར་རབ་ཏུ་སྟོན་པ་ན། གནོད་པ་མེད་པར་འགྱུར་རོ།། དགེ་སློང་དང་། དགེ་སློང་མ་དང་། དགེ་བསྙེན་མ་དག་དང་། རྒྱལ་པོ་དང་། རྒྱལ་བུ་དང་། རྒྱལ་པོའི་བློན་པོ་ཆེན་པོ་དང་། རྒྱལ་པོའི་སྣ་ཆེན་པོ་ལ་གཏོགས་པ་དང་། གྲོང་རྡལ་གྱི་མི་དང་། ཡུལ་གྱི་མི་དང་། བྲམ་ཟེ་དང་། ཁྱིམ་བདག་རྣམས་བསྟི་སྟང་དུ་བྱེད། བཙུན་པར་བྱེད། རི་མོར་བྱེད། མཆོད་པ་བྱེད་པར་འགྱུར་རོ།། བར་སྣང་ལ་གནས་པའི་ལྷ་དག་ཀྱང་ཆོས་མཉན་པའི་ཕྱིར་དེའི་ཕྱི་བཞིན་འབྲང་བར་འགྱུར་རོ།། ལྷའི་བུ་རྣམས་ཀྱང་དེ་བསྲུང་བའི་ཕྱིར་རྟག་ཏུ་ཕྱི་བཞིན་དུ་འབྲང་བར་འགྱུར་རོ། ། གྲོང་ན་འདུག་ཀྱང་རུང་། གཙུག་ལག་ཁང་ན་འདུག་ཀྱང་རུང་། ཆོས་ཡོངས་སུ་འདྲི་བ་དག་ཉིན་མཚན་དུ་དེའི་དྲུང་དུ་འདོང་པར་འགྱུར་རོ།། དེས་ལན་བཏབ་པས་དགའ་མགུ་རངས་པར་འགྱུར་རོ།། དེ་ཅིའི་ཕྱིར་ཞེ་ན། འཇམ་དཔལ་ཆོས་ཀྱི་རྣམ་གྲངས་འདི་ནི། སངས་རྒྱས་ཐམས་ཅད་ཀྱིས་བྱིན་གྱིས་བརླབས་པའི་ཕྱིར་རོ། ། འཇམ་དཔལ་ཆོས་ཀྱི་རྣམ་གྲངས་འདི་ནི་འདས་པ་དང་། མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་རྟག་ཏུ་བྱིན་གྱིས་བརླབས་པའི་ཕྱིར་རོ། ། འཇམ་དཔལ་ཆོས་ཀྱི་རྣམ་གྲངས་འདི་ནི་འཇིག་རྟེན་གྱི་ཁམས་མང་པོར་ཡང་སྒྲ་འམ། དབྱངས་སམ། མིང་ཐོས་པ་ཡང་རྙེད་པར་དཀའ་འོ། ། འཇམ་དཔལ་འདི་ལྟ་སྟེ་དཔེར་ན། སྟོབས་ཀྱི་འཁོར་ལོ་སྒྱུར་བའི་རྒྱལ་པོས་ནི་སྟོབས་ཀྱིས་བདག་གི་རྒྱལ་སྲིད་ཐུབ་སྟེ། དེ་ལ་ཕྱིར་རྒོལ་བ་རྒྱལ་པོ་ཟླ་དག་དང་དེ་འཐབ་མོ་བྱེད་པར་གྱུར་ན། སྟོབས་ཀྱིས་འཁོར་ལོས་སྒྱུར་བའི་རྒྱལ་པོ་དེ་ལ་དམག་མི་མང་པོ་ཡོད་དེ། དེ་དག་དང་དགྲ་དེ་དག་འཐབ་བོ།། རྒྱལ་པོ་དེས་དམག་མི་འཐབ་པ་དེ་མཐོང་ནས་དམག་མི་དེ་དག་ལ་དགའ་ཞིང་མགུ་རངས་པར་འགྱུར་རོ། ། དེ་དགའ་ཞིང་མགུ་རངས་ནས་དམག་མི་དེ་དག་ལ་སྦྱིན་པ་རྣམ་པ་དུ་མ་སྦྱིན་པར་བྱེད་དེ། འདི་ལྟ་སྟེ། གྲོང་དང་གྲོང་གི་ཞིང་རྣམས་སྦྱིན་ནོ།། གྲོང་ཁྱེར་དང་། གྲོང་ཁྱེར་གྱི་ཞིང་དང་། གོས་དང་། ཐོད་དང་། ལག་པའི་རྒྱན་དང་མགུལ་རྒྱན་དང་། གསེར་གྱི་ཅོང་ཙོང་དང་། རྣ་རྒྱན་དང་། ས་མོ་དོ་དང་། དོ་ཤལ་དང་། འགྲོན་བུ་དང་། གསེར་དང་། དངུལ་དང་། ནོར་བུ་དང་། པུ་ཏིག་དང་། བཻ་ཌཱུཪྻ་དང་། དུང་དང་། མན་ཤེས་དང་། བྱི་རུ་ཡང་སྦྱིན་པར་བྱེད། གླང་པོ་ཆེ་དང་། རྟ་དང་། ཤིང་རྟ་དང་། རྐང་ཐང་དང་། བྲན་པ་དང་བྲན་མོ་ཡང་སྦྱིན་པར་བྱེད། བཞོན་པ་དང་། ཁྱོགས་ཀྱང་སྦྱིན་པར་བྱེད་དེ། གཙུག་གི་ནོར་བུ་ནི་སུ་ལ་ཡང་སྦྱིན་པར་མི་བྱེད་དོ།། དེ་ཅིའི་ཕྱིར་ཞེ་ན། རྒྱལ་པོའི་གཙུག་ཏུ་གདགས་པའི་ནོར་བུ་དེ་ནི་གཅིག་པ་ཁོ་ན་ཡིན་པའི་ཕྱིར་རོ། ། འཇམ་དཔལ་གང་གི་ཚེ་རྒྱལ་པོས་གཙུག་གི་ནོར་བུ་དེ་ཡང་སྦྱིན་པར་བྱེད་པ་ན། རྒྱལ་པོའི་དཔུང་གི་ཚོགས་ཡན་ལག་བཞི་པ་དེ་ཐམས་ཅད་ངོ་མཚར་དུ་འགྱུར། རྨད་དུ་འགྱུར་རོ།། འཇམ་དཔལ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉིད་ཀྱི་ལག་སྟོབས་ཀྱི་བསོད་ནམས་ལས་བྱུང་བའི་ཁམས་གསུམ་ན་ཆོས་ཀྱི་རྒྱ་ལོ་མཛད་པའི་ཁམས་གསུམ་དེ་ལ། བདུད་སྡིག་ཅན་གནོན་ཏེ། དེ་ནས་དེ་བཞིན་གཤེགས་པའི་འཕགས་པ་དམག་མི་རྣམས་དང་། བདུད་དུ་འཐབ་མོ་བྱེད་དོ།། འཇམ་དཔལ་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་སངས་རྒྱས་ཆོས་ཀྱི་རྒྱལ་པོ། ཆོས་ཀྱི་བདག་པོ།། འཕགས་པའི་དམག་མི་རྣམ་དང་འཐབ་མོ་བྱེད་པ་དེ་དག་ལ་མདོ་སྡེ་བརྒྱ་སྟོང་རྣམ་པ་དུ་མ་འཆང་ངོ་།། འཁོར་བཞི་ཡང་དག་པར་དགའ་བར་བྱ་བའི་ཕྱིར། དེ་དག་ལ་མྱ་ངན་ལས་འདས་པའི་གྲོང་ཁྱེར་དང་། ཆོས་ཀྱི་གྲོང་ཁྱེར་ཆེན་པོའི་སྦྱིན་པ་སྦྱིན་ཏེ། མྱ་ངན་ལས་འདས་པས་དེ་དག་ལ་བརྗོད་ཅིང་། ཆོས་ཀྱི་རྣམ་གྲངས་འདི་ལྟ་བུ་འདི་ནི་མི་འཆད་དོ།། འཇམ་དཔལ་དེ་ལ་ཇི་ལྟར་སྟོབས་ཀྱིས་འཁོར་ལོས་སྒྱུར་བའི་རྒྱལ་པོ་དམག་མི་དེ་དག་འཐབ་པ་ན། སྐྱེས་བུའི་རྩལ་ཆེན་པོས་ངོ་མཚར་དུ་གྱུར་ནས། ཕྱིས་བདོག་པ་ཐམས་ཅད་ཀྱི་མཆོག་གི་གཙུག་གི་ནོར་བུ་འཇིག་རྟེན་ཐམས་ཅད་ཡིད་ཆེས་ཤིང་ངོ་མཚར་དུ་འགྱུར་བ་དེ་སྦྱིན་པར་བྱེད་དོ། ། འཇམ་དཔལ་ཇི་ལྟར་རྒྱལ་པོ་དེའི་གཙུག་གི་ནོར་བུ་གཙུག་ན་འདུག་པ་དེ་ཡུན་རིང་དུ་བསྲུངས་པ་དེ་བཞིན་དུ། འཇམ་དཔལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཁམས་གསུམ་ན་ཆོས་ཀྱི་རྒྱལ་པོ་ཆེན་པོ། ཆོས་ཀྱི་རྒྱལ་པོ་མཛད་པ་གང་གི་ཚེ་ཉན་ཐོས་དག་དང་། བྱང་ཆུབ་སེམས་དཔའ་དག་ཕུང་པོའི་བདུད་དམ། ཉོན་མོངས་པའི་བདུད་དང་འཐབ་པར་གཟིགས་ཏེ། དེ་དག་དང་ལྷན་ཅིག་ཏུ་འཐབ་པ་ན། གང་གི་ཚེ་འདོད་ཆགས་དང་། ཞེ་སྡང་དང་། གཏི་མུག་ཟད་དེ། ཁམས་གསུམ་པ་ཐམས་ཅད་ནས་བྱུང་ཞིང་། བདུད་ཐམས་ཅད་འཇོམ་པ། སྐྱེས་བུ་ཆེན་པོའི་རྩལ་ཆེན་པོ་བྱས་པར་གྱུར་པ་དེའི་ཚེ། དེ་བཞིན་གཤེག་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཉེས་ནས། འཕགས་པའི་དམག་མི་དེ་དག་ལ་འཇིག་རྟེན་ཐམས་ཅད་དང་མི་མཐུན་པ། འཇིག་རྟེན་ཐམས་ཅད་ཡིད་མི་ཆེས་པ་སྔོན་མ་བཤད་སྔོན་མ་བསྟན་པའི་ཆོས་ཀྱི་རྣམ་གྲངས་འདི་ལྟ་བུ་འདི་བཤད་དེ། ཀུན་གྱིས་ཐམས་ཅད་མཁྱེན་པ་ཉིད་ཐོབ་པར་བྱེད་པ། གཙུག་གི་ནོར་བུ་ཆེན་པོ་དང་འདྲ་བ་དང་། བཞིན་གཤེགས་པས་ཉན་ཐོས་རྣམས་ལ་རབ་ཏུ་སྦྱིན་ནོ།། འཇམ་དཔལ་འདི་ནི་དེ་བཞིན་གཤེགས་པ་རྣམས་ཀྱི་ཆོས་བསྟན་པའི་མཆོག་སྟེ། འདི་ནི་དེ་བཞིན་གཤེགས་པ་རྣམས་ཀྱི་ཆོས་ཀྱི་རྣམ་གྲངས་ཀྱི་མཐའོ། ། ཆོས་ཀྱི་རྣམ་གྲངས་ཐམས་ཅད་ཀྱི་ནང་ན་ཆོས་ཀྱི་རྣམ་གྲངས་འདི་ཟབ་སྟེ། འཇིག་རྟེན་ཐམས་ཅད་དང་མི་མཐུན་པའོ།། འཇམ་དཔལ་སྟོབས་ཀྱི་འཁོར་ལོས་སྒྱུར་བའི་རྒྱལ་པོ་དེ་ཉིད་ཀྱིས། རིང་དུ་བསྲུང་བའི་གཙུག་གི་ནོར་བུ་བཀྲོལ་ཏེ། དམག་མི་མཆོག་རྣམས་ལ་བྱིན་པ་དེ་བཞིན་དུ་དེ་བཞིན་གཤེགས་པའི་ཆོས་ཀྱི་རྣམ་གྲངས་གསང་བ་ཡུན་རིང་པོར་བསྲུངས་པ། ཆོས་ཀྱི་རྣམ་གྲངས་ཐམས་ཅད་ཀྱི་སྤྱི་བོ་ལ་འདུག་པ། དེ་བཞིན་གཤེགས་པས་མཁྱེན་པ་དེ། དེ་བཞིན་གཤེགས་པས་དེ་རིང་ཡང་དག་པར་རབ་ཏུ་བསྟན་ཏོ། ། དེ་ནས་བཅོམ་ལྡན་འདས་དོན་འདི་ཉིད་རྒྱས་པར་སྟོན་ཅིང་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། བྱམས་པའི་སྟོབས་ནི་རབ་ཏུ་སྟོན་པར་བྱེད། ། རྟག་ཏུ་སེམས་ཅན་ཀུན་ལ་སྙིང་ཡང་རྗེ།། བདེ་བར་གཤེགས་པས་བསྔགས་པ་མདོ་སྡེའི་མཆོག། འདི་འདྲའི་ཆེས་འདི་རབ་ཏུ་སྟོན་པར་བྱེད།། གང་དག་ཁྱིམ་ར་གནས་དང་རབ་བྱུང་དང་། ། བྱང་ཆུབ་སེམས་དཔའ་མ་ཡིན་ཕྱི་དུས་དེར།། ཆོས་འདི་ཐོས་ནས་སྨོད་པར་འགྱུར་འོང་ཞེས།། ཐམས་ཅད་ལ་ཡང་དེས་ནི་བྱམས་སྟོབས་བསྟན། ། བདག་གིས་བྱང་ཆུབ་རྗེས་སུ་ཐོབ་གྱུར་ཏེ།། དེ་བཞིན་གཤེགས་ལ་འཇུག་པར་ནམ་གྱུར་པ།། དེ་ཚེ་ཐབས་ལ་གནས་ནས་ཁྱེད་ལ་སྦྱིན།། བྱང་ཆུབ་མཆོག་འདི་ཀུན་ཏུ་བསྒྲག་པར་བྱ། ། དཔེར་ན་སྟོབས་ཀྱིས་འཁོར་ལོ་སྒྱུར་རྒྱལ་གྱིས།། མགུ་ནས་དམག་མི་རྣམས་ལ་འགྲོན་མང་བྱིན།། གླང་ཆེན་རྟ་དང་ཤིང་རྟ་རྐང་ཐང་དང་།། གྲོང་རྣམས་དང་ནི་གྲོང་ཁྱེར་རྣམས་ཀྱང་བྱིན། ། དགའ་ནས་ཁ་ཅིག་ལ་ནི་ལག་པའི་རྒྱན།། དངུལ་དང་གསེར་གྱི་ཅོད་པད་རྣམས་ཀྱང་བྱིན།། མུ་ཏིག་ནོར་བུ་བྱི་རུ་མན་ཤེལ་དང་།། སྦྱིན་པར་བྱ་བ་རྣམ་པ་མང་པོ་བྱིན། ། གང་ཚེ་དེ་ནི་དེ་ལ་གང་ཞིག་གིས།། ཚམ་ཚོམ་མེད་པ་མཆོག་གིས་ངོ་མཚར་གྱུར།། དེ་ཡིས་ངོ་མཚར་བྱས་པ་ཤེས་ནས་སུ།། ཅོད་པན་ལས་ནི་ནོར་བུ་བཀྲོལ་ཏེ་བྱིན།། བཟོད་པའི་སྟོབས་དང་ཤེས་རབ་མཛོད་མང་པོ།། སངས་རྒྱས་ཆོས་རྒྱལ་ངས་ཀྱང་དེ་བཞིན་དུ།། ཕན་ཞིང་སྙིང་རྗེའི་རྗེས་སུ་ཐུགས་བརྩེའི་ཕྱིར།། ཆོས་ཀྱིས་འཇིག་རྟེན་འདི་དག་ཐམས་ཅད་བསྟན། ། འཚེ་བའི་སེམས་ཅན་དག་ཀྱང་གཟིགས་ནས་སུ།། མདོ་སྡེ་བྱེ་བ་ཕྲག་སྟོང་རྣམས་ཀྱང་བཤད།། སེམས་ཅན་གང་འདིར་ཉོན་མོངས་འཇོམས་གཙང་བ།། སྲོག་ཆགས་དེ་དག་རྣམས་ཀྱི་མཐུ་མཁྱེན་ནས།། དེ་ནས་ཆོས་རྒྱལ་སྨན་པོ་ཆེན་པོ་ཡང་།། རྣམ་གྲངས་བྱེ་བ་ཕྲག་བརྒྱ་འཆད་མཛད་ཅིང་།། སེམས་ཅན་སྟོབས་དང་ཡེ་ཤེས་ལྡན་མཁྱེན་ནས། ། གཙུག་གི་ནོར་བུ་ལྟ་བུའི་མདོ་འདི་བཤད།། མདོ་སྡེ་ཀུན་གྱི་མཆོག་གྱུར་འདི་ཡིན་ཏེ།། འཇིག་རྟེན་དུ་ནི་མདོ་སྡེ་མཐའ་འདི་བཤད།། ངས་ནི་ནམས་ཀྱང་མ་བཤད་རབ་བསྲུང་པ། ། དེ་ནི་དེ་རིང་བསྒྲགས་ཀྱིས་ཐམས་ཅད་ཉོན།། ད་ནི་ཡོངས་སུ་མྱ་ངན་འདས་གྱུར་ནས།། འདི་འདྲའི་ཆོས་གཞི་འདི་དག་སྟེན་པར་བྱ།། གང་དག་བྱང་ཆུབ་དམ་པ་མཆོག་འདོད་དང་། ། གང་དག་ང་ཡི་བྱ་བ་རྣམས་བྱེད་པ།། དེ་ལ་མྱ་ངན་མེད་ཅིང་བར་ཆད་མེད།། མདོག་མི་སྡུག་དང་ན་བར་མི་འགྱུར་ཞིང་།། དེ་ཡི་མདོག་ཀྱང་ནག་པོར་མི་འགྱུར་ཏེ།། དེ་ནི་གྲོང་ཁྱེར་ངན་པར་ཡོད་མི་གནས། ། རྟག་ཏུ་མཐོང་དགའ་དྲང་སྲོང་ཆེན་པོ་དེ།། དེ་བཞིན་གཤེགས་པ་བཞིན་དུ་མཆོད་པར་འགྱུར།། ལྷ་ཡི་བུ་ཕོ་གཞོན་ནུ་དེ་དག་ཀྱང་།། རྟག་ཏུ་དེ་ཡི་གཡོག་ཀྱང་བྱེད་པར་འགྱུར། ། དེ་ལ་ནམ་ཡང་མཚོན་དང་དུག་མི་ཚུགས།། ལུས་ལ་བོང་རྡོ་དབྱུག་པས་མི་ཕོག་གོ།། དེ་ལ་གང་དག་ཁ་ངན་ཟེར་བ་ནི།། དེ་དག་ཁ་ཡང་ལྐུགས་ཤིང་ཟུམས་པར་འགྱུར། ། མྱ་ངན་ང་འདས་མདོ་འདི་གང་འཛིན་པ།། དེ་ནི་སྲོ་ཆགས་རྣམས་ཀྱི་གཉེན་དུ་འགྱུར།། སྣང་བ་ཐོབ་ཅིང་ས་འདིའི་སྟེང་ན་རྒྱུ།། སྲོག་ཆགས་བྱེ་བ་མང་པོ་རབ་རིབ་སེལ། ། དེའི་རྨི་ལམ་བཟང་པོའི་དངོས་མཐོང་ནས།། དེས་ནི་དགེ་སྦྱོང་དགེ་སློང་མ་ཡང་མཐོང་།། དེ་བཞིན་བདག་ལུས་སེང་གེའི་ཁྲི་ལ་འདུག། རྣམ་པ་མང་ཟོའི་ཆོས་རྣམས་སྟོན་པར་བྱེད། ། དེ་ནི་རྨི་ལམ་ན་ཡང་ཝཱ་ཀླུ་དང་།། གནོད་སྦྱིན་ལྷ་མིན་གངྒཱའི་བྱེ་མ་སྦེད་།། ཐམས་ཅད་ཐལ་མོ་སྦྱར་བ་དེ་དག་ལ།། ཆོས་ཀྱི་དམ་པ་རྣམ་པ་མང་པོ་འཆང་། དེ་ནི་རྨི་ལམ་དེ་བཞིན་གཤེགས་མཐོང་སྟེ།། སྲོག་ཆགས་བྱེ་བ་མང་ལ་ཆོས་སྟོན་ཅིང་།། འོད་ཟེར་སྟོང་དག་རབ་ཏུ་འཀྱེད་མཛད་ས།། མགོན་པོ་དབྱངས་སྤྱན་གསེར་གྱི་མདོག་འང་མཐོང་། ། དེ་ཡང་དེ་ན་ཐལ་མོ་སྦྱར་འདུག་ནས།། ཐུབ་པ་རྐང་གཉིས་མཆོག་ལ་མངོན་པར་བསྟོད།། རྒྱས་པ་སྨན་པ་ཆེན་པོ་དེ་ཡང་ནི།། འཁོར་བཞི་དག་ལ་ཆོས་མཆོག་སྟོན་པ་མཛད། དེ་ཡིས་ཐོས་ནས་རབ་ཏུ་དགའ་བར་འགྱུར།། རབ་ཏུ་མགུ་བ་སྐྱེས་ནས་མཆོད་པ་བྱེད།། ཕྱིར་མི་ལྡོག་པའི་ཡེ་ཤེས་མྱུར་རེག་ནས།། རྨི་ལམ་དུ་ནི་དེ་ཡིས་གཟུངས་ཐོབ་བོ།། འཇིག་རྟེན་མགོན་པོས་དེ་ཡི་བསམ་མཁྱེན་ནས། ། རིགས་ཀྱི་བུ་ཁྱོད་མ་འོངས་དུས་ན་འདིར།། ཡེ་ཤེས་བླ་མེད་ཞི་བ་རེག་འགྱུར་ཞེས།། སྐྱེས་བུ་ཁྱུ་མཆོག་ཉིད་དུ་དེ་སང་སྟོན།། ཁྱོད་ཀྱི་ཞིང་ཤིན་ཏུ་རྒྱ་ཆེར་འགྱུར། ། འཁོར་བཞི་རྣམས་ཀྱང་ཇི་ལྟ་རང་ཡི་བཞིན།། གུས་པར་གྱུར་ཅིང་ཐལ་མོ་རབ་སྦྱར་ཏེ།། དེ་དག་ཟག་མེད་ཆོས་མི་བཞན་པར་འགྱུར།། དེས་ནི་བདག་གིསས་ཀྱང་ཡང་མཐོང་བ། ། རི་སུལ་དག་ན་ཆོས་ནི་སྒོམ་བྱེད་ཅིང་།། ཆོས་ལ་གོམས་པར་བྱས་ནས་ཆོས་ཉིད་རིག། དེས་ནི་ཏིང་ངེ་འཛིན་རྙེད་རྒྱལ་བ་མཐོང་།། གསེར་གྱི་ཁ་དོག་བསོད་ནམས་བརྒྱལ་མཚན་ལྡན། ། རྨི་ལམ་དག་ན་མཐོང་ནས་ཆོས་ཀྱང་ཉན།། ཐོས་ནས་དེ་ཡང་འཁོར་ལ་རབ་ཏུ་སྟོན།། དེ་ཡི་རྨི་ལམ་དུ་ནི་དེ་འདྲ་རྨི།། རྨི་ལམ་ན་ཡང་རྒྱལ་སྲིད་ཐམས་ཅད་དང་། བཙུན་མོའི་འཁོར་དང་དེ་བཞིན་གཉེན་ཚོགས་སྤངས།། འདོད་པ་ཐམས་ཅད་སྤངས་ནས་མངོན་པར་བྱུང་།། བྱང་ཆུབ་སྙིང་པོ་ག་ལ་ཡོད་པར་སོང་།། བྱང་ཆུབ་འདོད་པའི་ཕྱིར་ནི་ཤིང་དྲུང་དེར། ། དེ་ན་སེང་གེའི་ཁྲི་ལ་འདུག་ནས་སུ།། དེ་བཞིན་དུ་ཡང་ཞག་བདུན་འདས་ནས་ནི།། དེ་བཞིན་གཤེགས་ཀྱི་ཡེ་ཤེས་རྗེས་སུ་ཐོབ།། བྱང་ཆུབ་ཐོབ་སྟེ་དེ་ནས་ལ་ངས་ནས་སུ།། ཟག་པ་མེད་པའི་འཁོར་ལོ་རབ་བསྐོར་ཏེ།། བསྐལ་པ་བསམ་གྱིས་མི་ཁྱབ་བྱེ་སྟོང་དུ།། འཁོར་བཞི་དག་ལ་དེ་ནི་ཆོས་སྟོན་ཏོ།། དེར་ནི་ཟག་པ་མེད་པའི་ཆོས་བསྟན་ནས།། སྲོག་ཆགས་བྱེ་བ་མང་པོ་མྱ་ངན་འདས། ། རྒྱུ་ཟད་མར་མེ་བཞིན་དུ་མྱ་ངན་འདའ།། དེ་ནི་རྨི་ལམ་རྣམ་པ་དེ་འདྲ་མི།། ང་ཡིས་ལེགས་བཤད་ང་ཡི་ཆོས་མདོ་མཆོག། གང་ཞིག་ཕྱི་མའི་དུས་ན་རབ་སྟོན་པ།། དེ་ཡི་ཕན་ཡོན་མང་ཞིག་མཐའ་ཡས་ཏེ།། འཇམ་དབྱངས་དེ་དག་འདྲ་བར་དེ་རྟག་འགྱུར།། བདེ་བར་གནས་པའི་ལེའུ་ཞེས་བྱ་བ་སྟེ་བཅུ་གསུམ་པའོ།། །། དེ་ནས་འ་ཇིག་རྟེན་གྱི་ཁམས་གཞན་ནས་ལྷགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གངྒཱའི་ཀླུང་བརྒྱད་ཀྱི་བྱེ་མ་སྙེད་དེའི་ཚེ་འཁོར་གྱི་དཀྱིལ་འཁོར་དེ་ནས་ཏེ། དེ་དག་ཐལ་མོ་སྦྱར་ནས། བཅོམ་ལྡན་འདས་ལ་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་བཅོམ་ལྡན་འདས་ཀྱིས་བདག་ཅག་ལ་གནང་ན། བཅོམ་ལྡན་འདས་བདག་ཅག་གིས་ཀྱང་དེ་བཞིན་གཤེགས་པ་ཡོངས་སུ་མྱ་ངན་ལ་སེ་ནས། ཆོས་ཀྱི་རྣམ་གྲངས་འཇིག་རྟེན་གྱི་ཁམས་མི་མཇེད་འདིར། ཡང་དག་པར་རབ་ཏུ་བསྟན་པར་བགྱིའོ།། བཀླག་པར་བགྱིའོ།། ཡི་གེར་བྲི་བར་བགྱིའོ།། མཆོད་པར་བགྱིའོ།། ཆོས་ཀྱི་རྣམ་གྲངས་འདི་ལ་བརྩོན་པར་བགྱིའོ།། བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བདག་ཅག་ལ་ལེགས་པར་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་དེ་དག་ཐམས་ཅད་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་ཐ་དག་ཁྱེད་ཀྱིས་འདི་བྱ་བ་ཅི་དགོས། འཇིག་རྟེན་གྱི་ཁམས་མི་མཇེད་འདི་ན། ངའི་བྱང་ཆུབ་སེམས་དཔའ་སྟོང་ཟག་གཱངྒཱའི་ཀླུང་དྲུག་ཅུའི་བྱེ་མ་སྙེད་ཡོད་དེ། བྱང་ཆུབ་སེམས་དཔ་དེ་ལྟ་བུ་རྣམས་ཀྱི་བྱང་ཆུབ་སེམས་དཔའ་རེ་རེའི་གཡོག་ཀྱང་། བྱང་ཆུབ་སེམས་དཔའ་སྟོང་ཕྲག་གངྒཱའི་ཀླུང་དྲུག་ཅུའི་བྱེ་མ་སྙིད་ཁོ་ན་སྟེ། བྱང་ཆུབ་སེམས་དཔའ་དེ་དག་རེ་རེའི་གདོས། ཀྱང་དེ་སྙེད་དོ།། དེ་དགང་ཡོངས་སུ་མྱ་ངན་ལས་འདས་ནས། ཕྱི་མའི་དུས་ཕྱི་མའི་ཚེ་ན། ཆོས་ཀྱི་རྣམ་གྲངས་འདི་འཛིན་ཏོ།། ཡང་དག་པར་རབ་ཏུ་སྟོན་ཏོ།། བཅོམ་ལྡན་འདས་ཀྱིས་དེསྐད་ཅེས་བཀའ་སྩལ་མ་ཐག་ཏུ་འཇིག་རྟེན་གྱི་ཁམས་མི་མཇེད་འདི་ཀུན་ཏུ་གས་རྣམ་པར་གས་པར་གྱུར་ཏོ། ། གས་པ་དེ་དག་གི་བར་ནས། གང་དག་འཇིག་རྟེན་གྱི་ཁམས་མི་མཇེད་འདི་ཉིད་ལ་རྟེན་ཅིང་ས་ཆེན་པོ་འདིའི་འོག་གི་ནམ་མཁའི་ཁམས་ལ་གནས་པའི། བྱང་ཆུབ་སེམས་དཔའ་ལུས་གསེར་གྱི་ཁ་དོག་ལྟ་བུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་འཐོན་ཏོ། ། དེ་དག་བཅོམ་ལྡན་འདས་ཀྱི་གསུང་འདི་ལྟ་བུ་འདི་ཐོས་ནས་ས་རུ་མ་ནས་འཐོན་ཏེ། དེ་དག་ལས་བྱང་ཆུབ་སེམས་དཔའ་རེ་རེ་ཡང་གཡོག་བྱང་ཆུབ་སེམས་དཔའ་གངྒཱའི་ཀླུང་དྲུག་ཅུའི་བྱེ་མ་སྙེད་ཡོད་ཅིང་། ཚོགས་དང་ཚོགས་ཆེན་པོ་དང་། ཚོགས་ཀྱི་སློབ་དཔོན་ནོ།། བྱང་ཆུབ་སེམས་དཔའ་སེམས་དཔའ་ཆེན་པོ་ཚོགས་དང་ཚོགས་ཆེན་པོ་དང་། ཚོགས་ཀྱི་སློབ་དཔོན་འདི་ལྟ་བུའི་བྱང་ཆུབ་སེམས་དཔའ་བྱེ་བ་ཁྲག་ཁྲིག་སྟོང་ཕྲག་གངྒཱའི་ཀླུང་དྲུག་ཅུའི་བྱེ་མ་སྙེད་དེ་དག་འཇིག་རྟེན་གྱི་ཁམས་མི་མཇེད་འདིའི་ས་རུམ་འདི་ནས་འཐོན་པར་གྱུར་ན། བྱང་ཆུབ་སེམས་དཔའ་སེམས་དཔའ་ཆེན་པོ་གཡོག་བྱང་ཆུབ་སེམས་དཔའི་གངྒཱའི་ཀླུང་ལྔ་བཅུའི་བྱེ་མ་སྙེད་ཡོད་པ་རྣམས་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ་གཡོག་བྱང་ཆུབ་སེམས་དཔའ་གངྒཱའི་ཀླུང་བཞི་བཅུའི་བྱེ་མ་སྙེད་ཡོད་པ་རྣམས་ལྟ་ཅི་སྨོས།། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་བྱང་ཆུབ་སེམས་དཔའ་གངྒཱའི་ཀླུང་སུམ་ཅུའི་བྱེ་མ་སྙེད་ཡོད་པ་རྣམས་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་བྱང་ཆུབ་སེམས་དཔའ་གངྒཱའི་ཀླུང་ཉི་ཤུའི་བྱེ་མ་སྙེད་ཡོད་པ་རྣམས་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་བྱང་ཆུབ་སེམས་དཔའ་གངྒཱའི་ཀླུང་བཅུའི་བྱེ་མ་སྙེད་ཡོད་པ་རྣམས་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་བྱང་ཆུབ་སེམས་དཔའ་གངྒཱའི་ཀླུང་ལྔ་དང་བཞི་དང་གསུམ་དང་གཉིས་ཀྱི་བྱེ་མ་སྙེད་ཡོད་པ་རྣམས་སྟེ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ་གཡོག་བྱང་ཆུབ་སེམས་དཔའ་གངྒཱའི་ཀླུང་གཅིག་གི་བྱེ་མ་སྙེད་ཡོད་པ་རྣམས་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་བྱང་ཆུབ་སེམས་དཔའ་གངྒཱའི་ཀླུང་ཕྱེད་ཀྱི་བྱེ་མ་སྙེད་ཡོད་པ་རྣམས་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ་གཡོག་བྱང་ཆུབ་སེམས་དཔའ་གངྒཱའི་ཀླུང་གི་བྱེ་མའི་བཞིའི་ཆ་དང་། དྲུག་ཆ་དང་། བརྒྱད་ཆ་དང་། ཉི་ཤུ་ཆ་དང་། ལྔ་བཅུའི་ཆ་དང་། བརྒྱའི་ཆ་དང་། བརྒྱ་ཕྲག་སྟོང་གི་ཆ་དང་། བྱེ་བའི་ཆ་དང་། བྱེ་བ་བརྒྱའི་ཆ་དང་། བྱེ་བ་སྟོང་གི་ཆ་དང་། བྱེ་བ་བརྒྱ་སྟོང་གི་ཆ་དང་། བྱེ་བ་ཁྲག་ཁྲིག་བརྒྱ་སྟོང་གི་ཆ་ཡོད་པ་རྣམས་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་མང་པོ་ཡོད་པ་རྣམ་ལྔ་ཅི་སྨོས། བྱང་ཆུབ་སེམ་དཔའ་སེམ་དཔའ་ཆེན་པོ། གཡོག་བྱེ་བ་ཡོད་པ་རྣམ་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ་གཡོག་བྱང་ཆུབ་སེམས་དཔའ་སྟོང་ཕྲག་བརྒྱ་ཡོད་པ་རྣམས་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་སྟོང་ཡོད་པ་རྣམས་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་ལྔ་བརྒྱ་ཡོད་པ་རྣམས་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་སྟོང་ཡོད་པ་རྣམས་སྟེ་ཅི་སྟེ།། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་བརྒྱ་ཡོད་པ་རྣམས་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་བྱང་ཆུབ་སེམས་དཔའ་ལྔ་བཅུ་མེད་པ་རྣམས་ལྟ་ཅི་སྨོས། དེ་བཞིན་དུ་སྦྱར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་བྱང་ཆུབ་སེམས་དཔའ་བཞི་བཅུ་པ་དང་། སུམ་ཅུ་པ་དང་། བཅུ་པ་དང་། ལྔ་པ་དང་། བཞི་པ་དང་། གསུམ་པ་དང་། གཉིས་པ་ཡོད་པ་རྣམས་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ་བདག་དང་གཉིས་པ་རྣམས་སྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ། གཡོག་མེད་དེ་གཅིག་པུ་གནས་པ་རྣམས་ལྟ་ཅི་སྨོས་ཏེ། དེ་དག་གི་གྲངས་སམ། བགྲང་བ་འམ། དཔེ་འམ། ཟླར་ཡང་མི་དམིགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དག། འཇིག་རྟེན་གྱི་ཁམས་མི་མཇེད་འདིའི་ས་རུམ་ནས་འཐོན་ཏོ།། དེ་དག་འཐོན་ནས། བཅོམ་ལྡན་འདས་དེ་བཞིན་གཤེགས་པ་རིན་ཆེན་མང་ཡོངས་སུ་མྱ་ངན་ལས་འདས་པ་དང་། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དང་ལྷན་ཅིག་ཏུ་སེང་གེའི་ཁྲི་གང་ལ་བཞུགས་པའི་རིན་པོ་ཆེའི་མཆོད་རྟེན་ཆེན་པོ་ནམ་མཁའ་བར་སྣང་ལ་གནས་པ་ག་ལ་བ་དེར་དོང་སྟེ་ལྷགས་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་གཉིས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ཉིད་ཀྱི་སྤྲུལ་པ། དེ་བཞིན་གཤེགས་པའི་སྐུ་གང་དག་ཕྱོགས་བཅུ་ཀུན་གྱི་འཇིག་རྟེན་གྱི་ཁམས་གཞན་དང་། གཞན་དག་ནས། འདུས་པ་རིན་པོ་ཆེ་སྣ་ཚོགས་ཀྱི་ཤིང་ལྗོན་པའི་དྲུང་དག་ན། སེང་གེའི་ཁྲི་ལ་བཞུགས་པའི་བཅོམ་ལྡན་འདས་དེ་དག་ཐམས་ཅད་ལ་བཏུད་ཅིང་ཕྱག་འཚལ་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ལ། ལན་བརྒྱ་སྟོང་དུ་མར་བསྐོར་བ་བྱས་ནས། བྱང་ཆུབ་སེམས་དཔའི་བསྟོད་པ་རྣམ་པ་དུ་མས་མངོན་པར་བསྟོད་དེ་ཕྱོགས་གཅིག་ཏུ་འཁོད་ནས། ཐལ་མོ་སྦྱར་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མངལ་མངོན་དུ་ཕྱག་འཚལ་ལོ། ། དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ས་རུ་མ་ནས་འཐོན་ནས། བར་གྱི་བསྐལ་པ་ལྔ་བཅུ་རྫོགས་པར་འདས་ཀྱི་བར་དུ། དེ་བཞིན་གཤེགས་པ་རྣམས་ལ་ཕྱག་འཚལ་ཞིང་། བྱང་ཆུབ་སེམས་དཔའི་བསྟོད་པ་རྣམ་པ་དུ་མས་བསྟོད་དོ། ། བར་གྱི་བསྐལ་པ་ལྔ་བཅུ་པོ་དེ་དག་ལ་བཅོམ་ལྡན་འདས་ཤཱཀྱ་ཐུབ་པ་དེ་ཅང་མི་གསུང་བར་གྱུར་ཏོ།། འཁོར་བཞི་པོ་དེ་དག་ཀྱང་བར་གྱི་བསྐལ་པ་ལྔ་བཅུ་པོ་དེ་དག་ཉིད་ལ་ཅང་མི་སྨྲ་བར་འཁོད་པར་གྱུར་ཏོ། ། དེ་ནས་བཅོམ་ལྡན་འདས་ཀྱིས་རྫུ་འཕྲུལ་མངོན་པར་འདུ་བྱ་བ་འདི་ལྟ་བུ་མཛད་དེ། རྫུ་འཕྲུལ་ཇི་ལྟ་བུར་མངོན་པར་འདུ་བྱ་བ་མངོན་པར་མཛད་པས། འཁོར་བཞི་པོ་དེ་དག་གི་དེ་དག་ཕྱི་དྲོ་གཅིག་ཁོ་ན་སྙམ་དུ་ཤེས་སོ།། འཇིག་རྟེན་གྱི་ཁམས་མི་མཇེད་འདི་ཡང་། འཇིག་རྟེར་གྱི་ཁམས་སྟོང་ཕྲག་བརྒྱའི་ནམ་མཁའ་ཙམ་དུ་གྱུར་ཏེ། བྱང་ཆུབ་སེམས་དཔའ་ཡོངས་སུ་གང་བར་མཐོང་ངོ་།། བྱང་ཆུབ་སེམས་དཔའི་ཚོགས་ཆེན་པོ་དང་། བྱང་ཆུབ་སེམས་དཔའི་ཕུང་པོ་ཆེན་པོ་དེའི་གཙོ་བོ། ། བྱང་ཆུབ་སེམས་དཔའ་སེམས་དཔའ་ཆེན་པོ་བཞི་གང་དག་བྱུང་བ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱོད་པ་ཁྱད་པར་ཅན་ཞེས་བྱ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱོད་པ་མཐའ་ཡས་ཞེས་བྱ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱོད་པ་རྣམ་པར་དག་ཅེས་བྱ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱོད་པ་བརྟན་པ་ཞེས་བྱ་བ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་བཞི་པོ་དེ་དག་ནི། བྱང་ཆུབ་སེམས་དཔའ་སེམས་དཔའི་ཚོགས་ཆེན་པོ་དང་། བྱང་ཆུབ་སེམས་དཔའི་ཕུང་པོ་ཆེན་པོ་གཙོ་བོར་གྱུར་ཏོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཞི་པོ་དེ་དག་བྱང་ཆུབ་སེམ། དཔའི་ཚོགས་ཆེན་པོ་དང་། བྱང་ཆུབ་སེམས་དཔའི་ཕུང་པོ་ཆེན་པོ་དེའི་མདུན་དུ་འདུག་སྟེ། བཅོམ་ལྡན་འདས་ཀྱི་སྤྱན་སྔར་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་ལ། གནོད་པ་ཆུང་ལགས་སམ། སྙུན་ཉུང་ལགས་ས་མ། བདེ་བར་རེག་པ་ལ་གནས་ལགས་སམ། བཅོམ་ལྡན་འདས་ཁྱོད་ཀྱི་སེམས་ཅན་རྣམས་ཚུལ་མཛེས་ལགས་སམ། ལེགས་པར་གོ་བ་ལགས་ས་མ། གདུལ་སླབ་ལགས་སམ། རྣམ་པར་སྦྱང་སླ་བ་ལགས་སམ། བཅོམ་ལྡན་འདས་ལ་སྐྱོ་བ་སྐྱེད་པར་མི་བགྱིད་པ་ལགས་སམ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཞི་པོ་དེ་དག་གིས། བཅོམ་ལྡན་འདས་ལ་ཚིགས་སུ་བཅད་པ་འདི་དག་གསོལ་ཏོ།། འཇིག་རྟེན་མགོན་པོ་འོད་མཛད་པ། ། བདེ་བར་རེག་ལ་གནས་ལགས་སམ།། གནོད་ལས་རྣམ་པར་རབ་བཀྲོལ་ལམ།། སྡིག་པ་མི་མངའ་སྐུ་བདེའམ།། ཁྱོད་ཀྱི་སེམས་ཅན་ཚུལ་མཛེས་སམ། གདུལ་སླ་སྦྱང་བར་སླ་ལགས་སམ།། འཇིག་རྟེན་མགོན་གྱིས་བཤད་པ་ན། སྐྱོ་བ་སྐྱེད་པར་མི་བགྱིད་དམ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའི་ཚོགས་ཆེན་པོ་དང་བྱང་ཆུབ་སེམས་དཔའི་ཕུང་པོ་ཆེན་པོ་དེའི་གཙོ་བོ། བྱང་ཆུབ་སེམས་དཔའ་བཞི་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་དག་དེ་བཞིན་ཏེ། བདེ་བར་རེག་པ་ལ་གནས་སོ།། གནོད་པ་ཆུང་ངོ་།། སྙན་ཉུང་ངོ་།། ངའི་སེམས་ཅན་འདི་དག་ཚུལ་མཛེས་སོ།། གོ་སླའོ།། གདུལ་སླའོ།། རྣམ་པར་སྦྱང་སླའོ།། རྣམ་པར་སྦྱོང་བ་ན་ང་ལ་སྐྱོ་བ་མི་སྐྱེད་དོ།། དེ་ཅིའི་ཕྱིར་ཞེ་ན། རིགས་ཀྱི་བུ་དག་ང་ཉིད་ཀྱི་སེམས་ཅན་འདི་དག་སྔོན་གྱི་ཡང་དག་པར་རྫོགས་པའི་སངས་རྒྱས་ཀྱི་ཚེ་ཡོངས་སུ་སྦྱང་བ་བྱས་པའི་ཕྱིར་ཏེ། རིགས་ཀྱི་བུ་དག་ང་མཐོང་བ་དང་། ཐོས་པ་ཙམ་གྱིས་ཀྱང་མོས་པར་འགྱུར་ལ། སངས་རྒྱས་ཀྱི་ཡེ་ཤེས་ལ་འབབ་ཅིང་འདུག་སྟེ། གང་དག་ཉན་ཐོས་ཀྱི་ས་ལ་ཡོངས་སུ་འདྲིས་པར་བྱས་པ་རྣམས་ནི་མ་གཏོགས་སོ།། དེ་དག་ཀྱང་ངས་ད་ལྟར་སངས་རྒྱས་ཀྱི་ཡེ་ཤེས་ལ་བཙུད་དེ། དོན་དམ་པ་ཐོབ་པར་བྱས་སོ།། དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་ཚིགས་སུ་བཅད་པ་འདི་དག་གསོལ་ཏོ། ། དཔའ་བོ་ཆེན་པོ་ལེགས་སོ་ལེགས།། ཁྱོད་ཀྱི་སེམས་ཅན་ཚུལ་མཛེས་ཤིང་།། གདུས་སྒྲ་རྣམ་པར་སྦྱར་སླ་དང་།། འདྲེན་པ་གང་དས་ཁྱོད་ཀྱི་ནི། ། ཡེ་ཤེས་ཟབ་མོ་འདི་ཉན་ཅིང་།། ཐོས་ནས་མོས་པར་འགྱུར་བ་དང་།། འདྲེན་པ་འཇུག་པར་འགྱུར་བ་ལ།། བདག་ཅག་རྗེས་སུ་ཡི་རང་ངོ་།། དེ་སྐད་ཅེས་གསོལ་པ་དང་བཅོམ་ལྡན་འདས་ཀྱིས་བྱང་ཆུབ་སེམས་དཔའི་ཚོགས་ཆེན་པོ་དང་། བྱང་ཆུབ་སེམས་དཔའི་ཕུང་པོ་ཆེན་པོའི་གཙོ་བོ། བྱང་ཆུབ་སེམས་དཔའ་སེམས་དཔའ་ཆེན་པོ་བཞི་པོ་དག་ལ་རིགས་ཀྱི་བུ་དག་ལེགས་སོ་ལེགས་སོ། ། རིགས་ཀྱི་བུ་དག་ཁྱེད་དེ་བཞིན་གཤེགས་པ་ལ་མངོན་པར་བསྟོད་པ་ཡང་ལེགས་སོ་ལེགས་སོ་ཞེས་བྱ་བ་བྱིན་ནོ།། དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། གཞན་ཡང་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་བརྒྱད་ཀྱི་བྱེ་མ་སྙེད་དག་འདི་སྙམ་དུ་སེམས་པར་གྱུར་ཏེ། བྱང་ཆུབ་སེམས་དཔའི་ཚོགས་ཆེན་པོ་དང་། བྱང་ཆུབ་སེམས་དཔའི་ཕུང་པོ་ཆེན་པོ་གང་ས་རུམ་ནས་འཐོན་ཏེ། བཅོམ་ལྡན་འདས་ཀྱི་སྤྱན་སྔར་འདུག་ནས། བཅོམ་ལྡན་འདས་ལ་བསྟི་སྟང་བྱེད། བཙུན་པར་བྱེད། བཅོམ་ལྡན་འདས་དགྱེས་པར་བྱེད་པ་འདི་དག། བདག་ཅག་གིས་སྔོན་མ་མཐོང་། སྔོན་མ་ཐོས་ན། བྱང་ཆུབ་སེམས་དཔའ་སེམས་དཔའ་ཆེན་པོ། འདི་དག་ག་ལ་ལྤགས་སྙམ་སེམས་སོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་བདག་ཉིད་ཐེ་ཙོམ་དང་སོམ་ཉིར་གྱུར་པ་ཡང་ཤེས། བྱང་ཆུབ་སེམས་དཔའ་སེམས་དཔའ་ཆེན་པོ། བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་བརྒྱད་ཀྱི་བྱེ་མ་སྙེད་དེ་དག་གི་སེམས་ཀྱི་རྣམ་པར་རྟོག་པ་ཡང་སེམས་ཀྱིས་རིག་ནས་དེའི་ཚེ་ཐལ་མོ་སྦྱར་ཏེ། བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་དོན་དེ་ཞུས་པ། བྱང་ཆུབ་སེམས་དཔའ་སྔོན་མ་བྱུང་།། བརྒྱ་སྟོང་ཕྲག་ནི་མང་པོ་དང་།། བྱེ་བ་ཕྲག་ནི་མཐའ་ཡས་པ། ། རྐང་གཉིས་མཆོག་གིས་བསྟན་དུ་གསོལ།། རྫུ་འཕྲུལ་ཆེན་པོ་འདི་དག་རྣམས།། གང་ནས་ཇི་ལྟར་ལྤགས་པར་གྱུར།། རབ་ཏུ་ཆེ་བའི་ལུས་ཀྱི་གཟུག། འདི་དག་གང་ནས་ཇི་ལྟར་ལྷག། འདི་དག་ཐམ་ཅད་བརྟན་ལྡན་ཞིང་།། དྲན་དང་ལྡན་ལ་དྲང་སྲོང་ཆེ།། ཤིན་ཏུ་བལྟ་ན་སྡུག་པའི་གཟུགས།། འདི་དག་གང་ནས་ཇི་ལྟར་ལྤགས།། བྱང་ཆུབ་སེམས་དཔའ་མཁས་གྱུར་པ། ། རེ་རེའི་གཡོག་ཀྱང་དཔག་མི་ལངས།། གངྒཱའི་བྱེ་མ་ཇི་སྙེད་པ།། དེ་སྙེད་མཆིས་སོ་འཇིག་རྟེན་དབང་།། བྱང་ཆུབ་སེམས་དཔའ་གཡོག་རྣམས་ནི།། གྲགས་ལྡན་དྲུག་ཅུར་ཡོངས་ཚང་བ། ། གངྒཱའི་ཀླུང་གི་བྱེ་མ་སྙེད།། ཀུན་ཀྱང་བྱང་ཆུབ་ཞུགས་པ་ལགས།། དཔའ་བོ་གཡོག་དང་ལྡན་གྱུར་པ།། རྣམ་པ་འདི་འདྲའི་སྐྱོབ་རྣམས་ཀྱི།། འདི་དག་ཆད་ན་གངྒཱའི་ཀླུང་། ། དྲུག་ཅུ་ཁོ་ནའི་བྱེ་མ་སྙེད།། གཞན་དག་དེ་བས་ཆེས་མང་སྟེ།། གཡོག་རྣམས་མཐའ་ཡས་ལྡན་པ་ལགས།། གངྒཱའི་ཕྲག་ནི་ལྔ་བཅུ་དང་།། བཞི་བཅུ་དང་ནི་སུམ་ཅུ་དང་། ། གངྒཱའི་ཉི་ཤུའི་བྱེ་སྙེད་དེ།། གཡོག་འཁོར་དེ་དག་དེ་སྙེད་ལགས།། གཞན་དག་དེ་བས་ཆེས་མང་སྟེ།། དེ་དག་རྣམས་ཀྱི་བཅུ་དང་ལྡེ།། སྐྱོབ་པ་སངས་རྒྱས་སྲས་རྣམས་ཀྱི། ། སོ་སོ་རེ་རེའི་གཡོག་གྱུར་པ།། གང་ནས་འདི་འདྲའི་འཁོར་འདི་རྣམས།། རྣམ་པར་འདྲེན་པ་དེ་རིང་ལྷགས།། སོ་སོ་རེ་རེའི་གཡོག་གྱུར་པ།། རྗེས་སུ་སློབ་པའི་གྲོགས་པོ་དག། གངྒཱ་བཞི་དང་གསུམ་རྣམས་དང་།། གཉིས་ཀྱི་བྱེ་མ་སྙེད་ཀྱང་མཆིས།། གཞན་ཡང་དེ་བས་ཆེས་མང་བ།། དེ་ཡི་གྲངས་ནི་མཐའ་ཡས་ཏེ།། བསྐལ་པ་བྱེ་བ་སྟོང་དུ་ཡང་།། དེ་དག་དཔག་པར་ནུ་ས་མ་ལགས། ། བྱང་ཆུབ་སེམས་དཔའ་སེམས་དཔའ་ཆེ།། སྐྱོབ་པ་དག་གི་གཡོག་རྣམས་ནི།། གངྒཱ་ཕྱེད་དང་སུམ་ཅུ་དང་།། བཅུ་དང་ཉི་ཤུའི་ཆ་ཡང་མཆིས།། གཞན་ཡང་དེ་བས་ཆེས་མང་སྟེ།། བསྐལ་པ་བྱེ་བ་བརྒྱད་རྣམས་སུའང་།། རེ་རེ་བགྲང་བ་བགྱིས་ན་ནི།། དེ་དག་རྣམས་ལ་ཚད་མ་མཆིས།། གཞན་བྱས་དེ་བས་ཆེས་མང་སྟེ།། གཡོག་རྣམས་ཉུང་བ་མ་ལགས་པ།། བྱེ་བ་བྱེ་བྲག་བྱེ་བ་དང་།། དེ་བཞིན་བྱེ་བ་ཕྱེད་པའང་མཆིས།། གཞན་ཡང་དྲང་སྲོང་ཆེ་རྣམས་ཀྱི།། བྱང་ཆུབ་སེམས་དཔའ་ཤེས་རབ་ཆེ།། བགྲང་བ་ལས་ནི་འདས་པ་རྣམས།། ཐམས་ཅད་གུས་དང་བཅས་པར་གནས།། གཡོག་འཁོར་སྟོང་དང་ལྡན་པ་དང་།། དེ་བཞིན་བརྒྱ་དང་ལྔ་བཅུ་དང་།། བསྐལ་པ་བྱེ་བ་ཕྲག་བརྒྱར། ཡང་།། དེ་དག་བགྲང་བར་ནུས་མ་ལགས།། དཔའ་བོ་དག་གི་གཡོག་རྣམས་ནི།། ཉི་ཤུ་དག་དང་བཅུ་དང་ལྔ།། དེ་བཞིན་བཞི་གསུམ་གཉིས་པ་ཡང་།། དེ་དག་ལ་ནི་གྲངས་མ་མཆིས་གང་དག་བདག་ཉིད་གཅིག་རྒྱུ་ཞིང་། ། གཅིག་པུ་ཞི་བ་མྱོང་བགྱིད་པ།། གང་དག་དེ་རིང་འདིར་ལྷགས་པ།། དེ་དག་ལ་ཡང་གྲངས་མ་མཆིས།། བགྲང་ཤིང་ལག་ན་ཐོགས་ནས་སུ།། གངྒཱའི་བྱེ་མ་སྙེད་རྣམས་ཀྱི།། བསྐལ་པར་གལ་ཏེ་མིས་བགྲངས་ཀྱང་།། དེ་ནི་མཐའ་མ་རྙེད་མ་ལགས།། ཀུན་ཀྱང་ཆེ་བའི་བདག་ཉིད་ཅན།། སྐྱོབ་པ་བརྩོན་འགྲུས་བརྟན་པ་སྟེ།། བྱང་ཆུབ་སེམས་དཔའ་སེམས་དཔའ་ཆེ། ། འདི་རྣམས་གང་ནས་བྱུང་བ་ལགས།། གང་གིས་འདི་དག་ཆོས་རྣམས་བསྟན།། བྱང་ཆུབ་ལ་ནི་སུ་ཡཱི་བཀོད།། འདི་དག་སུ་ཡི་བསྟན་ལ་མོས། ། གང་གི་བསྟན་པ་འཛིན་པ་ལགས།། ས་འདི་ཐམས་ཅད་བརྟོལ་ནས་སུ།། ཕྱོགས་བཞི་དག་ནི་ཀུན་ནས་ཀྱང་།། མཁས་ཤིང་རྫུ་འཕྲུལ་ལྡན་པ་དང་།། ཤེས་རབ་ཆེན་པོ་རྣམས་ཀྱང་འཐོན། ། བྱང་ཆུབ་སེམས་དཔའ་འཇིགས་བྲལ་བ།། ད་ལྟར་འཐོན་པ་འདི་དག་གིས།། ཐུབ་པ་འཇིག་རྟེན་ཁམས་འདི་ཡང་།། ཀུན་ཏུ་སང་སེང་བགྱིས་ལགས་སོ།། ། འདི་དག་ནམ་ཡང་བདག་ཅག་གིས།། སྔོན་ཆད་ཡོད་ཡེ་མ་མཐོང་ན།། དེ་ཡི་ཞིང་གི་མིང་རྣམས་ནི།། འཇིག་རྟེན་འདྲེན་པས་བསྟན་དུ་གསོལ།། ཕྱོགས་བཅུ་དག་ཏུ་བདག་ཅག་རྣམས། ། འདི་ལྟར་ཡང་དང་ཡང་མཆིས་ན།། བྱང་ཆུབ་སེམས་དཔའ་འདི་དག་ནི།། བདག་ཅག་རྣམས་ཀྱིས་ཡོད་མ་མཐོང་།། ཁྱོད་ཀྱི་སྲས་རྣམས་གཅིག་ཀྱང་ནི།། བདག་ཅག་ནམ་ཡང་མ་མཐོང་བ།། འདི་དག་དེ་རིང་འཕྲལ་ལ་མཐོང་།། ཐུབ་པ་དེ་ཡི་སྤྱོད་པ་གསུངས།། བྱང་ཆུབ་སེམས་དཔའ་ཁྲག་ཁྲིག་ཕྲག། སྟོང་གི་ཕྲག་ནི་བརྒྱ་རྣམས་ཀྱང་།། ཐམས་ཅད་ངོ་མཚར་ལྟད་མོར་གྱུར།། རྐང་གཉིས་མཆོག་ལ་དེ་དག་ལྟ།། བྱང་ཆུབ་སེམས་དཔའ་འཇིགས་བྲལ་བ།། དཔའ་བོ་འདི་དག་ག་ལ་མཆིས།། ཕུང་པོ་མི་མངའ་དཔག་ཡས་པ། དཔའ་བོ་ཆེན་པོ་ལུང་བསྟན་གསོལ།། ཡང་དེའི་ཚེ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་སྤྲུལ་པ་གང་དག་འཇིག་རྟེན་གྱི་ཁམས་གཞན་དག་ན་སེམས་ཅན་རྣམས་ལ་ཆོས་སྟོན་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་འཇིག་རྟེན་གྱི་ཁམས་གཞན་དག་ནས་གཤེགས་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པའི་ཕྱོགས་བརྒྱད་ཀུན་ན་རིན་པོ་ཆེའི་ཤིང་ལྗོན་པའི་དྲུང་དག་ན། རིན་པོ་ཆེའི་སེང་གེའི་ཁྲི་ཆེན་པོ་ལ་སྐྱིལ་མོ་ཀྲུང་བཅས་ཏེ་བཞུགས་པའི་དེ་བཞིན་གཤེགས་པ་དེ་དག་གི་སོ་སོའི་ཞ་འབྲིང་བ་དེ་དག་གིས་ཀྱང་བྱང་ཆུབ་སེམས་དཔའི་ཚོགས་ཆེན་པོ་དང་། བྱང་ཆུབ་སེམས་དཔའི་ཕུང་པོ་ཆེན་པོ་ས་རུམ་ནས་འཐོན་ཏེ། ནམ་མཁའ་ལ་འཁོད་པ་དེ་དག་མཐོང་ནས་ངོ་མཚར་དུ་གྱུར། རྨད་དུ་གྱུར་ཏེ། སོ་སོའི་དེ་བཞིན་གཤེགས་པ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ། དཔག་ཏུ་མ་མཆིས་པ་འདི་སྙེད་གང་ནས་ལྷགས། དེ་སྐད་ཅེས་གསོལ་པ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གིས། རང་རང་གི་ཞ་འབྲིང་བ་དེ་དག་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་དག་ཁྱེད་ཡུད་ཙམ་ཞིག་སྡོད་ཅིག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་བཅོམ་ལྡན་འདས་ཤཱཀྱ་ཐུབ་པའི་འོག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་དེ། བཅོམ་ལྡན་འདས་ཤཀྱ་ཐུབ་པ་དེ་ལ་དོན་འདྲི་སྟེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་དེའི་ལན་ལྡོན་པར་འགྱུར་གྱིས། དེ་ལས་ཁྱེད་ཉོན་ཅིག། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་བཀའ་སྩལ་པ། མ་ཕམ་པ་གང་ཁྱོད་ཀྱི་ང་ལ་གནས་རྒྱ་ཆེན་པོ་འདི་དྲིས་པ་མ་ཕམ་པ་ལེགས་སོ་ལེགས་སོ། ། དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་ལ་བཀའ་སྩལ་པ། རིགས་ཀྱི་བུ་དག་དེ་བཞིན་གཤེག་པའི་ཡེ་ཤེས་མཐོང་བ་དང་། དེ་བཞིན་གཤེགས་པའི་ཁྱུ་མཆོག་ཏུ་གྱུར་པ་དང་། དེ་བཞིན་གཤེགས་པའི་འཕྲིན་ལས་དང་། དེ་བཞིན་གཤེགས་པའི་རྣམ་པར་རོལ་པ་དང་དེ་བཞིན་གཤེགས་པའི་མཐུ་བསྒྱིངས་པ་དང་། དེ་བཞིན་གཤེགས་པའི་ཕ་རོལ་གནོན་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ཡང་དག་པར་རབ་ཏུ་སྟོན་གྱིས། རིགས་ཀྱི་བུ་དག་དེའི་ཕྱིར། བྱང་ཆུབ་སེམས་དཔའི་ཚོགས་འདི་ཐམས་ཅད་སྒྲིམས་ཤིང་། ཤིན་ཏུ་གོ་གྱོན་ལ་མཐུ་བརྟན་པར་གྱིས་ཤིག། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། ། གཞན་མ་ཡིན་པའི་ཚིག་རྣམས་ངས་བཤད་ཀྱིས།། རིགས་ཀྱི་བུ་དག་ཐམས་ཅད་རབ་ཏུ་སྒྲིམས།། དེ་བཞིན་གཤེགས་ཀྱི་ཡེ་ཤེས་བསམ་མི་ཁྱབ། ། འདི་ལ་མཁས་རྣམས་ཞུམ་པར་མ་བྱེད་ཅིག། ཀུན་ཀྱང་བརྟན་དང་ལྡན་ཞིང་དྲན་ལྡན་བྱོས།། ཀུན་ཀྱང་མཉམ་པར་གཞག་ཅིང་གནས་པར་གྱིས།། ། དེ་བཞིན་གཤེགས་པ་རྣམས་ཀྱི་ངོ་མཚར་པོ།། སྔོན་ཆད་མ་བྱུང་ཆོས་ནི་མཉན་པར་བྱོས།། ངས་ནི་ཁྱེད་ཅག་ལེགས་པར་ཡོངས་དགོད་ཀྱིས།། ཐམས་ཅད་ཐེ་ཙོམ་ནམ་ཡང་མ་བྱེད་ཅིག། རྣམ་པར་འདྲེན་ང་གཞན་དུ་གསུང་མ་ཡིན།། ང་ཡི་ཡེ་ཤེས་ནམ་ཡང་གྲངས་ཡོད་མིན།། བདེ་བར་གཤེགས་པས་ཆོས་ཟབ་ཐུགས་ཆུད་དེ།། བརྟག་མི་ནུས་ཤིང་དེ་ལ་ཚད་ཀྱང་མེད་ངས་ནི་ཆོས་འདི་རབ་ཏུ་བསྟན་པར་བྱས། ། དེ་དག་ཇི་འདྲ་ཇི་ལྟ་ང་ལས་ཉོན།། དེ་ནས་བཅོམ་ལྡན་འདས་ཀྱིས་ཚིག་སུ་བཅད་པ་དེ་དག་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་བཀའ་སྩལ་པ། མ་ཕམ་པ་ཁྱོད་མོས་པར་བྱ། ཁོང་དུ་ཆུད་པར་བྱའོ།། མ་ཕམ་པ་ཁྱོད་བྱང་ཆུབ་སེམས་དཔའ་སེམས་དཔའ་ཆེན་པོ་དཔག་ཏུ། མེད་གྲངས་མེད། བསམ་གྱིས་མི་ཁྱབ། གཞལ་དུ་མེད། བགྲང་དུ་མེད་པ་གང་དག་ཁྱོད་ཀྱིས་སྔོན་མ་མཐོང་བ། ས་རུ་མ་ནས་གདོད་འཐོན་པའི་བྱང་ཆུབ་སེམས་དཔའ་སེམས་དཔའ་ཆེན་པ་ཨོ་འདི་དག་ཐམས་ཅད་ནི་མ་ཕམ་པ་ང་འཇིག་རྟེན་གྱི་ཁམས་མི་མཇེད་འདིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ང་ཉིད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཙུད་དེ་ཡོངས་སུ་བསྔོས་སོ། ། རིགས་ཀྱི་བུ་འདི་དག་ནི་ངས་བྱང་ཆུབ་སེམས་དཔའི་ཆོས་འདི་ལ་ཡོངས་སུ་སྨིན་པར་བྱས་པ། རབ་ཏུ་བཀོད་པ་བཞག་པ་ཡོངས་སུ་གནས་པར་བྱས་པ། བཙུད་པ་ཁོང་དུ་ཆུད་པར་བྱས་པ་དག་གོ།། མ་ཕམ་པ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་ནི་འཇིག་རྟེན་གྱི་ཁམས་མི་མཇེད་འདིའི་འོག་གི་ནམ་མཁའི་ཁམས་ཀྱིས་ཡོངས་སུ་ཟིན་པ་ན་གནས་ཏེ། ཁ་ཏོན་དང་ལུང་ནོད་པ་དང་། ཚུལ་བཞིན་དུ་ཡིད་ལ་བྱེད་པ་ལ་ཞུགས་པ་དག་གོ། རིགས་ཀྱི་བུ་འདི་དག་ནི་འདུ་འཇིལ་མི་དགའ་ཞིང་འདུ་འཛིམེད་པ་ལ་དགའ་བ། བརྩོན་པ་མི་འདོར་ཞིང་བརྩོན་འགྲུས་བརྩམས་པ་དག་གོ།། མ་ཕམ་པ་རིགས་ཀྱི་བུ་འདི་དག་ནི་དབེན་པ་ལ་མངོན་པར་དགའ་ཞིང་དབེན་པ་ལ་མོས་པ་སྟེ། རིགས་ཀྱི་བུ་འདི་དག་ནི། ལྷ་དང་མི་ལ་རྟེན་ཅིང་མི་གནས་སོ།། རིགས་ཀྱི་བུ་འདི་དག་ནི། འདུ་འཛི་མེད་པའི་སྤྱོད་པ་ལ་དགའ་བ་ཆོས་ཀྱི་ཀུན།། དགའ་ལ་དགའ་མོས་པ། སངས་རྒྱས་ཀྱི་ཡེ་ཤེས་ལ་བརྩོན་པ་དག་གོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། བྱང་ཆུབ་སེམས་དཔའ་འདི་དག་དཔག་མེད་པ། ། འདི་དག་བསམ་གྱིས་མི་ཁྱབ་ཚད་ཀྱང་མེད།། རྫུ་འཕྲུལ་ཤེས་རབ་ཐོས་པ་རྣམས་དང་ལྡན།། བསྐལ་པ་བྱེ་བ་མང་པོར་ཡེ་ཤེས་སྤྱོད།། ང་ཡིས་འདི་དག་ཐམས་ཅད་བྱང་ཆུབ་ལ། ། ཡོངས་སུ་སྨིན་བྱས་ང་ཡི་ཞིང་ན་འཁོད།། འདི་དག་ཐམས་ཅད་ང་ཡིས་སྨིན་བྱས་ཏེ།། བྱང་ཆུབ་སེམས་དཔའ་འདི་དག་ང་ཡི་སྐུ།། འདི་དག་ཐམས་ཅད་དཀོན་དང་སྦྱངས་ལ་མོས།། འདུ་འཛིས་ནི་རྟག་ཏུ་སྤོང་བར་བྱེད།། ང་ཡི་སྤྱོད་པ་མཆོག་གི་རྗེས་སློབ་ཅིང་།། ད་བུ་འདི་དག་འདུ་འཛི་མེད་པར་སྤྱོད།། ནམ་མཁའ་ཡོངས་སུ་ཟིན་པ་འདིར་གནས་ཏེ།། ཞིང་འདིའི་འོག་ན་དཔའ་རྣམས་ཡོངས་སུ་སྤྱད།། བྱང་ཆུབ་དམ་པ་འདི་ནི་ཀུན་སྒྲུབ་ཅིང་།། ཉིན་མཚན་དུ་ནི་བག་ཡོད་ཤིན་ཏུ་བརྩོན་ཐམས་ཅད་བརྩོན་འགྲུས་བརྩམས་པ་དྲན་དང་ལྡན། ། དཔག་ཏུ་མེད་པའི་ཤེས་རབ་སྟོབས་ལ་གནས།། འདི་དག་མི་འཇིགས་པར་ཡང་ཆོས་འཆད་པའི།། འོད་གསོལ་འདི་དག་ཐམས་ཅད་ང་ཡི་བུ། ། བྱང་ཆུབ་དམ་པ་འདི་ནི་ངས་ཐོབ་ནས།། གྲོང་ཁྱེར་ག་ཡ་དེ་ཡི་ཤིང་དྲུང་དེར།། ཆོས་ཀྱི་འཁོར་ལོ་བླ་ན་མེད་པ་བསྐོར།། ཐམས་ཅད་བྱང་ཆུབ་མཆོག་འདིར་སྨིན་པར་བྱས། ། ཟག་མེད་ཡང་དག་ང་ཡི་ཚིག་འདི་ནི།། ཐོས་ནས་ཐམས་ཅད་ང་ལ་དད་པར་གྱིས།། ང་ཡིས་དེ་ལྟར་བྱང་ཆུབ་མཆོག་ཐོབ་རིང་།། ངས་ནི་འདི་དག་ཐམས་ཅད་ཡོངས་སྨིན་བྱས། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་།། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་མང་པོ་དེ་དག་ངོ་མཚར་དུ་གྱུར། རྨད་དུ་གྱུར་ནས། ཇི་ལྟར་ན་བཅོམ་ལྡན་འདས་སྐད་ཅིག་བཞུགས་ནས་ཡུན་རིང་པོ་མ་ལོན་པར་བྱང་ཆུབ་སེམས་དཔའ་གྲངས་མེད་པ་འདི་སྙེད་འདི་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་བཙུད་དེ། ཡོངས་སུ་སྨིན་པར་མཛད་སྙམ་མོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པ་གཞོན་ནུར་གྱུར་པ་ན་སེར་སྐྱའི་གནས་ཀྱི་ཤཱཀྱའི་གྲོང་ཁྱེར་ནས་མངོན་པར་བྱུང་སྟེ། ཀ་ཡའི་གྲོང་ཁྱེར་ནས་ཤིན་ཏུ་མི་རིང་བ་བྱང་ཆུབ་ཀྱི་སྙིང་པོ་མཆོག་དམ་པར་གཤེགས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། བཅོམ་ལྡན་འདས་དེང་དུ་དེའི་དུས་ནས་ལོ་བཞི་བཅུ་ལྷག་ཙམ་ལགས་ན། བཅོམ་ལྡན་འདས་ཇི་ལྟར་དེ་བཞིན་གཤེགས་པས་དུས་དེ་ཙམ་གྱིས་དེ་བཞིན་གཤེགས་པའི་མཛད་པ་དཔག་ཏུ་མ་མཆིས་པ་འདི་དང་དེ་བཞིན་གཤེགས་པའི་ཁྱུ་མཆོག་ཏུ་གྱུར་པ་དང་། དེ་བཞིན་གཤེགས་པའི་ཕ་རོལ་གནོན་པ་མཛད་ཅིང་བྱང་ཆུབ་སེམས་དཔའི་ཚོགས་དང་། བྱང་ཆུབ་སེམས་དཔའི་ཕུང་པོ་འདི་བཅོམ་ལྡན་འདས་ཀྱིས། དུས་དེ་ཙམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཙུད་ཅིང་ཡོངས་སུ་སྨིན་པར་མཛད། བཅོམ་ལྡན་འདས་བྱང་ཆུབ་སེམས་དཔའ་ཚོགས་དང་། བྱང་ཆུབ་སེམས་དཔའི་ཕུང་པོ་འདི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་བགྲངས་ཀྱང་མཐའ་མི་སྙེད་པ་དེ་ཙམ་དུ། བཅོམ་ལྡན་འདས་དཔག་ཏུ་མ་མཆིས་པ། དེ་ལྟར་གྲངས་མ་མཆིས་པའི་བྱང་ཆུབ་སེམས་དཔའ་འདི་དག་ནི་ཡུན་རིང་པོར་ཚངས་པར་སྤྱོད་པ་སྤྱད་པ། སངས་རྒྱས་བརྒྱ་སྟོང་མང་པོ་ལ་དགེ་བའི་རྩ་བ་བསྐྲུན་པ། བསྐལ་པ་བརྒྱ་སྟོང་མང་པོར་ཡོངས་སུ་གྲུབ་པ་ལགས་སོ། ། བཅོམ་ལྡན་འདས་འདི་ལྟ་སྟེ། དཔེར་ན་མི་བཙས་ནས་ལོ་ཉི་ཤུ་རྩ་ལྔ་ལོན་པ་གཞོན་ནུ་ཐོར་བུ། ལང་ཚོལ་སྒྲ་ནག་པོ། ཐོག་མའི་ནཆོད་དང་ལྡན་པ་འགའ་ཞིག་མཆིས་ལ། དེས་བུ་ལོ་བརྒྱ་ལོན་པ་དག་སྟོན་ཅིང་རིགས་ཀྱི་བུ་འདི་དག་ནི་ངའི་བུ་འདི་དག་ནི་ངའི་བུའོ་ཞེས་དེ་སྐད་སྨྲ་ལ། མི་ལོ་བརྒྱ་ལོན་པ་དེ་དག་ཀྱང་འདི་སྐད་དུ་འདི་ནི་བདག་ཅག་གི་ཕ་སྟེ་སྐྱེད་པ་ཡིན་ནོ་ཞེས་མཆི་ན། བཅོམ་ལྡན་འདས་མི་དེའི་ཚིག་ལ་འཇིག་རྟེན་ཡིད་ཆེས་པར་མི་འགྱུར་ཏེ། ཡིད་ཆེས་པར་དཀའ་བ་ལགས་སོ།། བཅོམ་ལྡན་འདས་དེ་བཞིན་གཤེགས་པ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་རིང་པོར་མ་ལགས་པར། བྱང་ཆུབ་སེམས་དཔའ་སེམས་དཔའ་ཆེན་པོ་དཔག་ཏུ་མ་མཆིས་པ་མང་པོ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་མང་པོར་ཚངས་པར་སྤྱོད་པ་སྤྱད་པ་ཡུན་རིང་པོར་སངས་རྒྱས་ཀྱི་ཡེ་ཤེས་ལ་ངེས་པར་བགྱིས་པ། ཏིང་ངེ་འཛིན་གྱི་སྒོ་བརྒྱ་སྟོང་ལ་མཉམ་པར་ག་ཞག་པ་དང་ལྡན་པ་ལ་མཁས་པ་མངོན་པར་ཤེས་པ་ཆེན་པོ་དང་ཡོངས་སུ་སྦྱང་བ་བགྱིས་པ་སངས་རྒྱས་ཀྱི་ས་ལ་མཁས་པ་དེ་བཞིན་གཤེགས་པའི་ཆོས་རྣམས་ཡང་དག་པར་བརྗོད་པ་ལ་མཁས་པ་འཇིག་རྟེན་ན་ངོ་མཚར་དང་རྨད་དུ་གྱུར་པ། བརྩོན་འགྲུས་དང་། སྟོབས་དང་། མཐུ་ཆེན་པོ་ཐོབ་པ་དེ་དག་ལ། བཅོམ་ལྡན་འདས་ཀྱིས་འདི་སྐད་དུ། ངས་འདི་དག་ཐོག་མ་ནས། བྱང་ཆུབ་སེམས་དཔའི་ས་འདི་ལ། ཡང་དག་པར་བཅུད་དེ། ཡོངས་སུ་སྦྱིན་པར་བྱས་ཤིང་། ཡོངས་སུ་བསྔོས་ཏེ། དེ་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། ང་ཉིད་ཀྱིས་བརྩོན་འགྲུས་དང་། ཕ་རོལ་གནོན་པ་འདི་དག་ཐམས་ཅད་བྱས་སོ་ཞེས་གསུང་པ་ལ། བཅོམ་ལྡན་འདས་བདག་ཅག་ནི་དེ་བཞིན་གཤེགས་པ་གཞན་མ་ལགས་པར་གསུང་བ་སྟེ། དོན་འདི་དེ་བཞིན་གཤེགས་པ་ཉིད་ཀྱིས་མཁྱེན་ཏོ་ཞེས་དེ་བཞིན་གཤེགས་པ་ལ་ཡིད་ཆེས་ལགས་མོད་བཅོམ་ལྡན་འདས་བྱང་ཆུབ་སེམས་དཔའི་ཐེག་པ་ལ་གསར་དུ་ཡང་དག་པར་ཞུགས་པ་རྣམས་གནས་འདི་ལ་ཐེ་ཙོམ་འཚལ་བར་འགྱུར་རོ། ། དེ་བཞིན་གཤེགས་པ་ཡོངས་སུ་མྱ་ངན་འདས་ནས་ཆོས་ཀྱི་རྣམ་གྲངས་འདི་ཐོས་ན། ཡིད་མི་ཆེས་མི་དད་མི་མོས་པར་འགྱུར་ཏེ། བཅོམ་ལྡན་འདས་དེའི་སླད་དུ། དེ་དག་ནི་ཆོས་ཀྱིས་ཕོངས་པར་འགྱུར་བའི་ལས་མངོན་པར་འདུ་བགྱིད་པ་དང་ལྡན་བར་འགྱུར་རོ། ། ཅི་ནས་བདག་ཅག་ཀྱང་ཆོས་འདི་ལ་ཐེ་ཙོམ་འཚལ་བར་མི་འགྱུར་བ་དང་། མ་འོངས་པའི་དུས་ན་ཡང་རིགས་ཀྱི་བུ་འམ། རིགས་ཀྱི་བུ་མོ་བྱང་ཆུབ་སེམས་དཔའི་ཐེག་པ་ཅན་དག་གིས་ཐོས་ན་ཡང་ཐེ་ཙོམ་འཚལ་བར་མི་འགྱུར་བར། བཅོམ་ལྡན་འདས་ཀྱིས་དོན་འདི་ལེགས་པར་བཤད་དུ་གསོལ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས། དེའི་ཚེ་བཅོམ་ལྡན་འདས་ལ་ཚིགས་སུ་བཅད་པ་འདི་དག་གསོལ་ཏོ།། གང་ཚེ་སེར་སྐྱའི་གནས་སུ་བལྟམ་གྱུར་ཅིང་།། ཤཱཀྱའི་གནས་ནས་མངོན་པར་བྱུང་ནས་སུ། ། གྲོང་ཁྱེར་ག་ཡར་བྱང་ཆུབ་བརྙེས་གྱུར་པ།། འཇིག་རྟེན་མགོན་པོ་དེ་ནས་ཡུན་མི་རིང་།། འཇིགས་བྲལ་འདི་དག་དང་ནི་གཞན་མང་བ།། ཚོགས་ཆེན་བསྐལ་པ་བྱེ་བར་སྤྱད་པ་སྟེ།། འཕྲུལ་སྟོབས་ལ་གནས་ཤིང་མི་གཡོ་བ།། ལེགས་བསླབས་ཤེས་རབ་སྟོབས་ཀྱང་རྟོག་པར་རིག། ཆུ་ཡིས་པདྨ་ལྟ་བུར་མ་གོས་པ།། དེ་དག་ས་འདི་བརྟོལ་ནས་དེང་འདིར་ལྷགས།། འཇིག་རྟེན་བདག་པོ་དྲན་ལྡན་སློབ་མ་སྲས།། ཐམས་ཅད་ཐལ་སྦྱར་གུས་དང་བཅས་ཏེ་མཆིས།། ཁྱོད་ཀྱི་རྨད་བྱུང་འདི་འདྲ་དེ་དག་ལ།། བྱང་ཆུབ་སེམས་དཔའ་ཇི་ལྟར་ཡིད་ཆེས་འགྱུར།། ཐེ་ཙོཅོམ་གཞོམ་པའི་སླད་དུ་བཀའ་སྩོལ་ཏེ། ། དོན་འདི་ཇི་བཞིན་ཁྱོད་ཀྱིས་འདིར་བཤད་གསོལ།། དཔེར་ན་འདི་ན་སྐྱེས་བུ་ལ་ལ་ཞིག། བཅས་ནས་ལོ་ནི་ཉི་ཤུ་ལྷག་ལོན་པ།། གཞོན་ནུ་ཐོར་བུ་ལཡང་ཚོ་སྐྲ་གནག་དེས། ། བཙས་ནས་ལོ་བརྒྱ་ལོན་པ་བུར་སྟོན་ཅིང་།། སྒྲ་སྐྱ་གཉེར་མ་ཅན་དག་འདི་སྐད་དུ།། འདི་ནི་བདག་ཅག་ལུས་སྐྱེད་ཡིན་མཆིན།། ཐོར་བུའི་བུ་ནི་འདི་འདྲ་དེ་དག་ལ།། འཇིག་རྟེན་མགོན་པོ་ཤིན་ཏུ་ཡིད་ཆེས་དཀའ།། དེ་བཞིན་བཅོམ་ལྡན་འདས་ཀྱང་སྐུ་གཞོན་ལ།། བྱང་ཆུབ་སེམས་དཔའ་མཁས་པ་མང་པོ་འདི།། དྲན་དང་ལྔ་བཞིན་མི་འཇིགས་ཤེས་རབ་ཅན། ། བསྐལ་པ་བྱེ་བ་སྟོང་དུ་ལེགས་པར་བསླབས།། བརྟན་དང་ལྡན་ཞིང་ཤེས་རབ་མཁས་གྱུར་པ།། ཐམས་ཅད་བྱད་བཞིན་བཟང་ཞིང་བལྟ་ན་སྡུག། ཆོས་རྣམས་གཏན་ལ་དབའ་ལ་མི་འཇིགས་པ། ། འཇིག་རྟེན་རྣམ་པར་འདྲེན་པས་ཡོངས་སུ་བསྟོད།། རླུང་ལྟར་ཆགས་པ་མ་མཆིས་རྒྱུ་བ་སྟེ།། ནམ་མཁའི་ཁམས་ལ་རྟག་ཏུ་གནས་མ་ལགས། ། སངས་རྒྱས་བྱང་ཆུབ་འདི་ནི་ཡོངས་ཚོལ་ཞིང་།། བདེ་བར་གཤེགས་ཀྱི་སྲས་རྣམས་བརྩོན་འགྲུས་སྐྱེད།། འཇིག་རྟེན་མགོན་པོའི་མངོན་སུམ་ཐོས་པས་ན།། བདག་ཅག་ལ་ནི་ཐེ་ཙོམ་གཞན་མ་མཆིས། ། འཇིག་རྟེན་རྣམ་འདྲེན་མྱ་ངན་འདས་པ་ན།། འདི་ལ་ཇི་ལྟ་བུར་ནི་ཡིད་ཆེས་འགྱུར།། གནས་འདི་ལ་ནི་ཐེ་ཙོམ་འཆལ་བ་ཡིས།། བྱང་ཆུབ་སེམས་དཔའ་ངན་འགྲོར་མཆིས་ས་རེ། ། བཅོམ་ལྡན་ཇི་ལྟར་བྱང་ཆུབ་སེམས་དཔའ་རྣམས།། སྨིན་མཛད་ཇི་བཞིན་དེ་ནི་ལུང་བསྟན་གསོལ།། བྱང་ཆུབ་སེམས་དཔའ་ས་རུམ་ནས་འཐོན་པའི་ལེའུ་ཞེས་བྱ་སྟེ། བཅུ་བཞི་པའོ།། ། དམ་པའི་ཆོས་པདྨ་དཀར་པོ་བམ་པོ་བཅུ་པ། དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་ལ་བཀའ་སྩལ་པ། རིགས་ཀྱི་བུ་དག་དེ་བཞིན་གཤེགས་པ་ངས་ཡང་དག་པའི་ཚེ་སྨྲས་པ་ལ་དད་ཅིང་ཡིད་ཆེས་པར་གྱིས་ཤིག། ལན་གཉིས་ལན་གསུམ་དུ་ཡང་བཅོམ་ལྡན་འདས་ཀྱིས། བྱང་ཆུབ་སེམས་དཔའ་དེ་དག་ལ་བཀའ་སྩལ་པ། རིགས་ཀྱི་བུ་དག་དེ་བཞིན་གཤེགས་པ་ངས་ཡང་དག་པའི་ཚིག་སྨྲས་པ་ལ་དད་ཅིང་ཡིད་ཆེས་པར་གྱིས་ཤིག། དེ་ནས་ཐམས་ཅད།། དང་ལྡན་པའི་བྱང་ཆུབ་སེམས་དཔའི་ཚོགས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་མདུན་དུ་བཞག་ནས། ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་ཀྱིས་དོན་འདི་བཤད་དུ་གསོལ། བདེ་བར་གཤེགས་པས་བཤད་དུ་གསོལ། དེ་བཞིན་གཤེགས་པས་བཀའ་སྩལ་པ་ལ། བདག་ཅག་ཡིད་ཆེས་པར་བགྱིད་དོ། ། ལན་གཉིས་སུ་ཡང་ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་དོན་འདི་ཉིད་བཤད་དུ་གསོལ། བདེ་བར་གཤེགས་པས་བཤད་དུ་གསོལ། དེ་བཞིན་གཤེགས་པས་བཀའ་སྩལ་པ་ལ། བདག་ཅག་ཡིད་ཆེས་པར་བགྱིད་དོ།། ལན་གསུམ་དུ་ཡང་ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་དོན་འདི་དག་བཤད་དུ་གསོལ། བདེ་བར་གཤེགས་པས་བཤད་དུ་གསོལ། དེ་བཞིན་གཤེགས་པས་བཀའ་སྩལ་པ་ལ། བདག་ཅག་ཡིད་ཆེས་པར་བགྱིད་དོ།། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་རྣམས་ཀྱིས་ལན་གསུམ་གྱི་བར་དུ་གསོལ་བ་བཏབ་པར་མཁྱེན་ནས། བྱང་ཆུབ་སེམས་དཔའ་དེ་དག་ལ་བཀའ་སྩལ་པ། རིགས་ཀྱི་བུ་དག་དེའི་ཕྱིར་ཏིང་ངེ་འཛིན་གྱི་སྟོབས་བསྐྱེད་པ་འདི་ལྟ་བུ་འདི་ཉོན་ཅིག། རིགས་ཀྱི་བུ་དག་ལྷ་དང་མི་དང་། ལྷ་མ་ཡིན་དུ་བཅས་པའི་འཇིག་རྟེན་འདིས་ནི། བཅོམ་ལྡན་འདས་ཤཱཀྱ་ཐུབ་པ་ཤཱཀྱའི་ཁྱིམ་ནས་མངོན་པར་བྱུང་སྟེ། གྲོང་ཁྱེར་ག་ཡ་ཞེས་བྱ་བར་བྱང་ཆུབ་ཀྱི་སྙིང་པོ་མཆོག་དམ་པར་གཤེགས་ནས། ད་གདོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ་སྙམ་དུ་དེ་ལྟར་ཤེས་མོད་ཀྱི། རིགས་ཀྱི་བུ་དག་ང་ནི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་མང་པོ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། ། རིག་ཀྱི་བུ་དག་འདི་ལྟ་སྟེ་དཔེར་ན། མི་ལ་ལ་ཞིག་བྱུང་ལ་དེས་འཇིག་རྟེན་གྱི་ཁམས་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུའི་སའི་ཁམས་ཀྱི་རྡུལ་ཕྲ་རབ་དག་ལས། རྡུལ་ཕྲ་རབ་གཅིག་ཁྱེར་ཏེ། ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་བྱེ་བ་ཁྲི་བརྒྱ་སྟོང་ཕྲག་ལྔ་བཅུ་ཁོ་ན་འདས་ནས། རྡུལ་ཕྲ་རབ་ཀྱི་རྡུལ་དེ་བཞག་ལ། མི་དེས་རྣམ་གྲངས་འདིས་འཇིག་རྟེན་གྱི་ཁམས་དེ་དག་ཐམས་ཅད་སའི་ཁམས་རྣམས་ཟད་པར་བྱས་ནས། སའི་ཁམས་ཀྱི་རྡུལ་ཕྲ་རབ་ཀྱི་རྡུལ་དེ་དག་ཐམས་ཅད་རྣམ་གྲངས་འདི་དང་བཞག་པའི་ཚུལ་འདིས།། ། ཤར་ཕྱོགས་སུ་བཞག་ན། རིགས་ཀྱི་བུ་དག་འདི་ཇི་སྙམ་དུ་སེམས། འཇིག་རྟེན་གྱི་ཁམས་དེ་དག་ལ་ལ་ཞིག་གིས། བསམ་པ་འམ། དཔག་པ་འམ། བགྲང་བ་འམ། བརྟག་པར་ནུས། སམ། དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་དེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་འཇིག་རྟེན་གྱི་ཁམས་དེ་དག་ནི། གྲངས་མ་མཆིས་པ། བགྲང་དུ་མ་མཆིས་པ། སེམས་ཀྱིས་ལས་ཡང་དག་པར་འདས་པ་སྟེ། བཅོམ་ལྡན་འདས་ཉན་ཐོས་དང་། རང་སངས་རྒྱས་ཐམས་ཅད་ཀྱིས་ཀྱང་། འཕགས་པའི་ཡེ་ཤེས་ཀྱིས་བསམ་པ་འམ། དཔག་པ་འམ། བགྲང་བ་འམ། བརྟག་པར་མི་ནུས་སོ།། བཅོམ་ལྡན་འདས་གནས་འདི་ནི། བདག་ཅག་ཕྱིར་མི་ལྡོག་པའི་ས་ལ་གནས་པའི་བྱང་ཆུབ་སེམས་དཔའ་རྣམས་ཀྱི་བསམ་པའི་སྤྱོད་ཡུལ་དུ་ཡང་མི་འགྱུར་ཏེ། བཅོམ་ལྡན་འདས་འཇིག་རྟེན་གྱི་ཁམས་དེ་དག་དེ་ཙམ་དུ་ཚད་མ་མཆིས་པ་ལགས་སོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་དག་ཁྱེད་མོས་པར་བྱའོ།། ཁྱོད་ཀྱིས་ཁོང་དུ་ཆུད་པར་བྱའོ།། རིགས་ཀྱི་བུ་དག་འཇིག་རྟེན་གྱི་ཁམས་ཇི་སྙེད་པ་དེ་དག་ལས་མི་དེས་གང་དག་ཏུ་རྡུལ་ཕྲ་རབ་དེ་དག་བཞག་པ་དང་། རིགས་ཀྱི་བུ་དག་གང་དག་ཏུ་མ་བཞག་པའི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་དེ་དག་ཐམས་ཅད་ན། རྡུལ་ཕྲ་རབ་ཀ་ཡི་རྡུལ་ཡོད་པ་དེ་དག་ནི་རིགས་ཀྱི་བུ་དག་ང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་ཇི་སྙེད་པ་དེ་སྙེད་དུ་མེད་དོ། ། རིགས་ཀྱི་བུ་དག་གང་ཚུན་ཆད་ངས་འཇིག་རྟེན་གྱི་ཁམས་མི་མཇེད་འདི་དང་། འཇིག་རྟེན་གྱི་ཁམས་གཞན་བྱེ་བ་ཁྲག་ཁྲིག་བརྒྱ་སྟོང་དག་ཏུ་སེམས་ཅན་རྣམས་ལ་ཆོས་བསྟན་པ་དེའི་བར་དུ། རིགས་ཀྱི་བུ་དག་ངས་དེ་བཞིན་གཤེགས་པ་མར་མེ་མཛད་ལ་སོགས་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་ཡོངས་སུ་བརྗོད་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པར་སངས་རྒྱས་དེ་དག་ཡོངས་སུ་མྱ་ངན་ལས་འདའ་བར་བྱ་བའི་ཕྱིར། རིགས་ཀྱི་བུ་དག་ངས་ཐབས་མཁས་པས། ཆོས་བསྟན་པ་མངོན་པར་བསྒྲུབ་པ་དེ་དག་སྤྲུལ་ཏོ།། རིགས་ཀྱི་བུ་དག་ཡང་དེ་བཞིན་གཤེགས་པ་ནི་སེམས་ཅན་འོངས་ཤིང་ལྷགས་པ་རྣམས་ཀྱི་དབང་པོ་དང་། བརྩོན་འགྲུས་ཀྱི་རིམ་པ་ལ་གཟིགས་ནས། དེ་དང་དེ་དག་ཏུ་བདག་གི་མིང་བརྗོད་ཅིང་། དེ་དང་དེ་དག་ཏུ་བདག་ཉིད་ཡོངས་སུ་མྱ་ངན་ལས་འདས་པར་བརྗོད་དོ།། ཆོས་ཀྱི་རྣམ་གྲངས་རྣམ་པ་མང་པོས། དེ་ལྟར་ལྟ་བུར་སེམས་ཅན་རྣམས་ཡོངས་སུ་ཚིམ་པར་མཛད་དོ།། རིགས་ཀྱི་བུ་དག་དེ་ལ་དེ་བཞིན་གཤེགས་པས་མོས་པ་ཐ་དད་པའི་སེམས་ཅན་དགེ་བའི་རྩ་བ་ཆུང་བའི་ཉོན་མོངས་པ་མང་བའི་རྣམས་ལ་འདི་སྐད་དུ་དགེ་སློང་དག་ང་ནི་ན་གཞོན་ཏེ་མངོན་པར་བྱུང་བ་དང་། དགེ་སློང་དག་ང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་ནོ་ཞེས་གསུང་ངོ་། ། རིགས་ཀྱི་བུ་དག་དེ་ལྟར་དེ་བཞིན་གཤེགས་པ་མངོན་པར་རྫོགས་པར་སངས་རྒྱས་ནས། ཡུན་རིང་མོད་ཀྱི། ང་མངོན་པར་རྫོགས་པར་སངས་རྒྱས་ནས་རིང་པོར་མ་ལོན་ནོ་ཞེས་གསུངས་ཏེ། སེམས་ཅན་རྣམས་ཡོངས་སུ་སྨིན་པར་བྱ་བ་དང་། གཟུད་པའི་དོན་མ་གཏོགས་པར། ཆོས་ཀྱི་རྣམ་གྲངས་འདི་དག་མ་བཤད་དོ། ། རིགས་ཀྱི་བུ་དག་ཆོས་ཀྱི་རྣམ་གྲངས་དེ་དག་ཐམས་ཅད་ཀྱང་། དེ་བཞིན་གཤེགས་པས་སེམས་ཅན་རྣམས་གདུལ་བའི་ཕྱིར་གསུངས་སོ།། རིགས་ཀྱི་བུ་དག་དེ་བཞིན་གཤེགས་པས་སེམས་ཅན་རྣམས་གདུལ་བའི་ཕྱིར་ཚིག་གང་གསུངས་པ། བདག་ལ་སྨོས་ཀྱང་རུང་། གཞན་ལ་སྨོས་ཀྱང་རུང་། བདག་ལ་དམིགས་ཀྱང་རུང་། གཞན་ལ་དམིགས་ཀྱང་རུང་སྟེ། དེ་བཞིན་གཤེགས་པས་གང་ཅི་བཤད་པའི་ཆོས་ཀྱི་རྣམ་གྲངས་འདི་དག་ཐམས་ཅད་ནི་བདེན་པ། དེ་བཞིན་གཤེགས་པས་གསུངས་པ་སྟེ། འདི་ལ་དེ་བཞིན་གཤེགས་པ་ལ་རྫུན་དུ་སྨྲ་བ་མེད་དོ། ། དེ་ཅིའི་ཕྱིར་ཞེ་ན། དེ་བཞིན་གཤེགས་པས་ཁམས་གསུམ་པ་སྐྱེ་བ་མེད་པ་དང་། འཆི་བ་མེད་པ་དང་། འཆི་འཕོ་བ་མེད་པ་དང་། འབྱུང་བ་མེད་པ་དང་། འཁོར་བ་མེད་པ་དང་། ཡོངས་སུ་མྱ་ངན་ལས་འདའ་བ་མེད་པ་དང་། བྱུང་བ་མ་ཡིན་པ་དང་། མ་བྱུང་བ་མ་ཡིན་པ་དང་། ཡོད་པ་མ་ཡིན་པ་དང་། མེད་པ་མ་ཡིན་པ་དང་། དེ་བཞིན་དུ་མ་ཡིན་པ་དང་། མ་ནོར་བ་དེ་བཞིན་ཉིད་མ་ཡིན་པ་དང་། མ་ནོར་བ་དེ་བཞིན་ཉིད་མ་ཡིན་པ་ཡང་མ་ཡིན་པར་ཡང་དག་པ་ཇི་ལྟ་བ་བཞིན་དུ་གཟིགས་ཤིང་། ཇི་ལྟར་བྱིས་པ་སོ་སོའི་སྐྱེ་བོས་མཐོང་བ་དེ་ལྟར་དེ་བཞིན་གཤེགས་པས་ཁམས་གསུམ་པ་གཟིགས་པ་མ་ཡིན་པའི་ཕྱིར་རོ།། དེ་བཞིན་གཤེགས་པ་ནི་གནས་འདི་ལ་མངོན་སུམ་གྱི་ཆོས་དང་ལྡན་ཏེ། བསྙེལ་བ་མི་མངའ་བའི་ཆོས་ཅན་ནོ།། དེ་ལ་དེ་བཞིན་གཤེགས་པས་གང་གསུངས་པ་དེ་ཐམས་ཅད་བདེན་ཏེ་མི་བརྫུན་ནོ།། ཡང་སེམས་ཅན་སྤྱོད་པ་ཐ་དད་པ་དང་བསམ་པ་ཐ་དད་པ་དང་། འདུ་ཤེས་དང་རྣམ་པར་རྟོག་པ་སྤྱོད་པ་རྣམས་ཀྱི་དགེ་བའི་རྩ་བ་བསྐྱེད་པའི་ཕྱིར། ཆོས་ཀྱི་རྣམ་གྲངས་རྣམ་པ་མང་པོ་དམིགས་པ་རྣམ་པ་མང་པོས་བཤད་དོ། ། རིགས་ཀྱི་བུ་དག་དེ་བཞིན་གཤེགས་པས་མཛད་པ་གང་ཡིན་པ་དེ་ནི། དེ་བཞིན་གཤེགས་པ་མཛད་དོ།། ཡུན་རིང་པོ་དེ་སྲིད་ནས་མངོན་པར་རྫོགས་པར་སངས་རྒྱས་ཏེ། དེ་བཞིན་གཤེགས་པའི་ཚེའི་ཚད་ནི་དཔག་ཏུ་མེད་དོ། ། དེ་བཞིན་གཤེགས་པ་ནི་ཡོངས་སུ་མྱ་ངན་ལས་མི་འདའ་སྟེ། རྟག་ཏུ་བཞུགས་མོད་ཀྱི། འདུལ་བའི་དབང་གིས་ཡོངས་སུ་མྱ་ངན་ལས་འདས། པ་ཡང་བསྟན་ཏོ།། རིགས་ཀྱི་བུ་དག་ངས་ད་དུང་ཡང་། སྔོན་གྱི་བྱང་ཆུབ་སེམས་དཔའི་སྤྱོད་པ་ཡོངས་སུ་རྫོགས་པར་བྱས་པའི་ཚེའི་ཚད་དུ་ཡང་མ་ཕྱིན་ཏེ། རིགས་ཀྱི་བུ་དག་ངས་ད་དུང་ཡང་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དེ་ཉིས་གྱུར་གྱིས། ངའི་ཚེའི་ཚད་ཚང་བར་འགྱུར་རོ།། རིགས་ཀྱི་བུ་དག་ངས་འདི་ལྟར་ཡོངས་སུ་མྱ་ངན་ལས་མི་འདའ་མོད་ཀྱི། ཡོངས་སུ་མྱ་ངན་ལས་འདའ་བར་སྨྲས་སོ། ། དེ་ཅིའི་ཕྱིར་ཞེ་ན། རིགས་ཀྱི་བུ་དག་ངས་རྣམ་གྲངས་འདིས་སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་ཏེ། ང་ཡོངསུ་མྱ་ངན་ལས་མི་འདའ་བར་ང་ཧ་ཅང་ཡུན་རིང་དུ་འདུག་ཅིང་། རྒྱུན་དུ་མཐོང་ན་སེམས་ཅན་དགེ་བའི་རྩ་བ་མ་བྱས་པ་བསོད་ནམས་དང་བྲལ་བ། དབུལ་པོར་གྱུར་པ། འདོད་པ་ལ་ནི་བརྐམ་པ། ལྡོངས་པ་ལྟ་བ་མང་པོའི་དྲ་བས་ཁེབས་པ་རྣམས་དེ་བཞིན་གཤེགས་པ་བཞུགས་སོ་སྙམ་སྟེ། སླེབ་པར་འཛིན་འདུ་ཤེས་ཅན་དུ་འགྱུར་ཞིང་། རྙེད་པར་དཀའ་བའི་འདུ་ཤེས་མི་སྐྱེད་དེ། དེ་བཞིན་གཤེགས་པ་བདག་ཅག་དང་ཉེའོ་ཞེས་ཁམས་གསུམ་ནས་འབྱུང་བའི་ཕྱིར། བརྩོན་འགྲུས་མི་རྩོམ་ཞིང་དེ་བཞིན་གཤེགས་པ་དཀོན་པར་འདུ་ཤེས་མི་སྐྱེད་པར་འགྱུར་རོ་སྙམ་སྟེ། རིགས་ཀྱི་བུ་དག་དེའི་ཕྱིར། དེ་བཞིན་གཤེགས་པ་ཐབས་མཁས་པས་དགེ་སློང་དག་དེ་བཞིན་གཤེགས་པ་དག་འབྱུང་བ་ནི་ཤིན་ཏུ་རྙེད་པར་དཀའོ་ཞེས་ཚིག་དེ་སྐད་གསུང་ངོ་། ། དེ་ཅིའི་ཕྱིར་ཞེ་ན། འདི་ལྟར་སེམས་ཅན་དེ་དག་གི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་མང་པོས་དེ་བཞིན་གཤེགས་པ་མཐོང་བར་འགྱུར་ཡང་སྲིད། མི་འགྱུར་ཡང་སྲིད་དེ། རིགས་ཀྱི་བུ་དག་དེའི་ཕྱིར། ངས་དེ་དག་ལ་དམིགས་པ་བྱས་ཏེ། དགེ་སློང་དག་དེ་བཞིན་གཤེགས་པ་རྣམས་འབྱུང་བ་ནི་རྙེད་པར་དཀའོ་ཞེས་སྨྲས་པས། དེ་དག་གིས་དེ་བཞིན་གཤེགས་པ་དག་འབྱུང་བ་རབ་ཏུ་རྙེད་པར་དཀའ་བར་རིག་ནས། ངོ་མཚར་དུ་འདུ་ཤེས་བསྐྱེད་པར་འགྱུར། མྱ་ངན་གྱི་འདུ་ཤེས་སྐྱེད་པར་འགྱུར། མྱ་ངན་གྱི་འདུ་ཤེས་སྐྱེད་པར་འགྱུར་རོ།། དེ་བཞིན་གཤེགས་པ་མི་མཐོ་ན་ཡང་། དེ་བཞིན་གཤེགས་པ་ལ་ལྟ་བས་སྐོམ་པར་འགྱུར་རོ།། དེ་དག་གིས་དེ་བཞིན་གཤེགས་པ་ལ་དམིགས་པ་ཡིད་ལ་བྱེད་པའི་དགེ་བའི་རྩ་བ་དེ་དག་ཡུན་རིང་པོའི་དོན་དང་ཕན་པ་དང་བདེ་བར་འགྱུར་བའི་དོན་དུ་རིག་ནས་དེ་བཞིན་གཤེགས་པ་ཡོངས་སུ་མྱ་ངན་ལས་མི་འདའ་མོད་ཀྱི། སེམས་ཅན་རྣམས་འདུལ་བའི་དབང་གིས་ཡོངས་སུ་མྱ་ངན་ལས་འདའ་བར་གསུངས་སོ། ། རིགས་ཀྱི་བུ་དག་གང་འདི་སྐད་དུ་གསུང་བ་དེ་ནི། དེ་བཞིན་གཤེགས་པའི་ཆོས་ཀྱི་རྣམ་གྲངས་ཏེ། དེ་ལ་དེ་བཞིན་གཤེགས་པ་བརྫུན་དུ་སྨྲ་བ་མེད་དོ།། རིགས་ཀྱི་བུ་དག་འདི་ལྟ་སྟེ་དཔེར་ན། སྐྱེས་བུ་སྨན་པ་ནད་ཐམས་ཅད་རབ་ཏུ་ཞི་བར་བྱེད་པ་ལ་མཁས་པ་གསལ་བ། ཡིད་གཞུངས་པ། ཤིན་ཏུ་བྱང་བ་འགའ་ཞིག་ཡོད་ལ། སྐྱེས་བུ་དེ་ལ་བུ་མ་པོ་བཅུ་འམ། ཉི་ཤུ་འམ། སུམ་ཅུ་འམ། བཞི་བཅུའམ། ལྔ་བཅུ་འམ། བརྒྱ་འམ། སྟོང་ཡོད་པར་གྱུར་ལ། སྨན་པ་དེ་ལོགས་ཤིག་ཏུ་སོང་སྟེ། དེའི་བུ་དག་ཐམས་ཅད་དབྱིག་གི་དུག་འཐུངས་སམ། མདའ་དུག་འཐུངས་ནས། དེ་རྣམས་མདའ་དུག་དང་། དབྱིག་དུག་དེ་དག་གིས་སྡུག་བསྔལ་གྱི་ཚོར་བ་དག་གིས་ཉོན་མོངས་ཤིང་འདུག་སྟེ། སལ་འགྲེ་ལྡོག་ལ། ། དེ་ནས་དེ་དག་གི་ཕ་སྨན་པ་དེ་ལོགས་ཞིག་ནས་འོངས་ནས། བུ་དེ་རྣམས་དབྱིག་དུག་གམ། མདའ་དུག་དེའི་སྡུག་བསྔལ་གྱིས་ཉམ་ཐག་སྟེ་ཁ་ཅིག་ནི་འདུ་ཤེས་ལོག་པར་གྱུར། ཁ་ཅིག་ནི་འདུ་ཤེས་མ་ལོག་སྟེ། དེ་དག་ཐམས་ཅད་སྡུག་བསྔལ་དེ་ཉིད་ཀྱིས་ཉམ་ཐག་ལ་ཕ་དེ་མཐོང་ནས་མངོན་པར་དགའ་སྟེ། དེ་ལ་འདི་སྐད་ཅེས། ཡབ་བདེ་ཞིང་གནོད་པ་མི་མངའ་སྟེ། ལེགས་པར་བྱོན་ཏམ། བདག་ཅག་གི་ལུས་འཇིག་པར་བགྱིད་པ། དབྱིག་དུག་གམ། མདའ་དུག་འདི་ལས་ཡོངས་སུ་དགྲོལ་བར་གསོལ། ཡབ་ཀྱིས་བདག་ཅག་ལ་སྲོགས་སྩལ་དུ་གསོལ་ཞེས་སྨྲས་པ་དང་། དེ་ནས་སྨན་པ་དེས་བུ་དེ་དག་སྡུག་བསྔལ་གྱིས་ཉམ་ཐག་སྟེ། ན་བས་ཉོན་མོངས་ཤིང་གདུང་སྟེ། ས་ལ་འགྲེ་ལྡོག་པ་མཐོང་ནས། དེས་སྨན་ཆེན་པོ་ཁ་དོག་དང་ལྡན་པ། དྲི་དང་ལྡན་པ། རོ་དང་ལྡན་པ་བསྡུས་ནས་རྡོལ་བཏགས་ཏེ། བུ་དེ་དག་འཐུང་དུ་བཅུག་ནས་འདི་སྐད་ཅེས་བུ་ཁྱེད་རྣམས་སྨན་ཆེན་པོ་ཁ་དོག་དང་ལྡན་པ། དྲི་དང་ལྡན་པ། རོ་དང་ལྡན་པ་འདི་འཐུང་ཤིག། རིགས་ཀྱི་བུ་དག་ཁྱེད་སྨན་བཟང་པོ་འདི་འཐུངས་ན་མྱུར་དུ་དབྱིག་དུག་གམ། མདའ་དུག་ལས་ཐར་ཏེ། བདེ་ཞིང་ནད་མེད་པར་འགྱུར་རོ་ཞེས་སྨྲས་ན། དེ་ནས་སྨན་པ་དེའི་བུ་གང་དག་འདུ་ཤེས་མ་ལོག་པ་དེ་དག་ནི་སྨན་དེའི་ཁ་དོག་མཐོང་། དྲི་བསྣམས་རོ་མྱངས་ནས་མྱུར་དུ་འཐུངས་པ་དང་དེ་དག་ནད་ཐམས་ཅད་ལས་ཐམས་ཅད་ཀྱི་ཐམས་ཅད་དུ་ཐར་བར་གྱུར་ཏོ། ། དེའི་བུ་གང་དག་འདུ་ཤེས་མ་ལོག་པར་གྱུར་པ་དེ་དག་གིས། ཕ་དེ་ལ་མངོན་པར་བསྟོད་དེ། འདི་སྐད་དུ་ཡབ་བདེ་ཞིང་གནོད་པ་མི་མངའ་སྟེ་ལེགས་པར་བྱོན་ཏམ། བདག་ཅག་གསོར་གསོལ་ཞེས་ཚིག་དེ་སྐད་སྨྲས་ཏེ། སྨན་བྱོན་པ་དེའི་མི་འཐུང་ངོ་།། དེ་ཅི་ཕྱིར་ཞེ་ན། འདི་ལྟར་དེ་དག་འདུ་ཤེས་ལོག་པར་གྱུར་པ་དེས། སྨན་དེའི་ཁ་དོག་ཀྱང་མི་འདོད། དྲི་ཡང་མི་འདོད། རོ་ཡང་མི་འདོད་དོ།། དེ་ནས་སྐྱེས་བུ་སྨན་པ་དེས་འདི་སྙམ་དུ་བསམས་ཏེ། བདག་གི་བུ་འདི་དག་དབྱིག་དྲུག་གམ། མདའ་དུག་དེས་འདུ་ཤེས་ལོག་པར་གྱུར་པས། སྨན་འདི་ཡང་འཐུང་ངུ་མ་རུང་སྟེ། ང་ལ་ནི་མངོན་པར་བསྟོད་ནཱབདག་གི་བུ་འདི་དག་ལ་ཐབས་མཁས་པས་སྨན་འདི་བླད་དོ་སྙམ་མོ། ། དེ་ནས་སྨན་པ་དེ་བུ་དག་ལ་ཐབས་མཁས་པས་སྨན་བླུད་པར་འདོད་ནས། འདི་སྐད་ཅེས་རིགས་ཀྱི་བུ་དག་ང་ནི་རྒས་འཁོགས་གཏུགས་ཏེ། ངའི་འཆི་བའི་དུས་ཉེ་བར་གནས་ཀྱིས། བུ་བྱེད་ནམ་མྱ་ངངམ་བྱེད་ཅིག་མི་བདེ་བར་མ་གྱུར་ཅིག། སྨན་ཆེན་པོ་བྱིན་པ་འདི་ཁྱེད་འདོང་ན་སྨན་འདི་འཐུང་ཤིག་ཅེས་སྨྲས་ཏེ། བུ་དེ་དག་ལ་ཐབས་མཁས་པས་དེ་སྐད་བསྒོ་ནས་ཡུལ་གཞན་དུ་སོང་སྟེ། ཕྱིན་ནས་བདག་ཤིའོ་ཞེས་བུ་ནད་པ་དེ་དག་གིས་ཐོས་པར་བྱས་པ་དང་དེ་དག་དེའི་ཚེ་ཤིན་ཏུ་མྱ་ངམ་དུ་གྱུར། ཤིན་ཏུ་སྨྲེ་སྔགས་འདོན་པར་གྱུར་ཏེ། བདག་ཅག་གི་ཕ་མགོན་པོ་སྐྱེད་པ་རྗེས་སུ་སྙིང་བརྩེ་བ། གཅིག་པུ་དེ་ཡང་ཤི་བས། དེའི་ཕྱིར་ད་ནི་བདག་ཅག་མགོན་མེད་པར་གྱུར་ཏོ་སྙམ་མོ། ། དེ་དག་བདག་ཉིད་མགོན་མེད་པར་མཐོང་བདག་ཉིད་སྐྱབས་མེད་པར་མཐོང་ནས། ཕྱིར་ཞིང་མྱ་ངན་བྱེད་པས་གཟིར་བར་གྱུར་ཏེ། དེ་དག་ཕྱིར་ཞིང་མྱ་ངན་བྱེད་པས་གཟིར་བ་དེས་འདུ་ཤེས་ལོག་པ་འདུ་ཤེས་མ་ལོག་པར་གྱུར་ཏེ། སྨན་ཁ་དོག་དང་དྲི་དང་རོར་ལྡན་པར་ཤེས་ནས། དེ་ནས་དེའི་ཚེ་དེ་འཐུངས་སོ།། དེ་འཐུངས་ནས་ནད་དེ་ལས་ཐར་བར་གྱུར་ཏོ།། དེ་ནས་སྨན་པ་དེས་བུ་དེ་དག་ནད་སོས་པར་རིག་ནས་སླར་བདག་ཉིད་བསྟན། རིགས་ཀྱི་བུ་དག་འདི་ཇི་སྙམ་དུ་སེམས། སྨན་པ་ཐབས་མཁས་པ་བྱེད་པ་དེ་ལ། ལ་ལ་དག་དེ་བརྫུན་དུ་སྨྲའོ་ཞེས་ཟེར་རམ། གསོལ་པ། བཅོམ་ལྡན་འདས་དེ་ནི་མ་ལགས་སོ།། བདེ་བར་གཤེགས་པ་དེ་ནི་མ་ལགས་སོ། ། བཀའ་སྩལ་པ། རིགས་ཀྱི་བུ་དག་དེ་བཞིན་དུ། ང་ཡང་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་དཔག་ཏུ་མེད་པ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་མངོན་པར་རྫོགས་པར་སངས་རྒྱས་མོད་ཀྱི། ངས་སྐབས་སྐབས་སུ་ཐབས་མཁས་པ་འདི་ལྟ་བུ་དག་སེམས་ཅན་རྣམས་གདུལ་བའི་ཕྱིར་བསྟན་ཏེ། གནས་དེར་ང་ལ་བརྫུན་དུསྨྲ་བར་འགྱུར་བ་གང་ཡང་མེད་དོ། ། དེ་ནས་བཅོམ་ལྡན་འདས་དོན་གྱི་རྣམ་པ་འདི་ཉིད་རྒྱས་པར་སྟོན་ཅིང་། དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། བསྐལ་པ་བྱེ་སྟོང་བསམ་གྱིས་མི་ཁྱབ་པ།། དེ་ཡི་ཚད་ནི་ནམ་ཡང་མེད་པ་ནས།། བྱང་ཆུབ་མཆོག་རབ་འདི་ནི་ངས་ཐོ་བ་སྟེ།། ང་ནི་རྟག་ཏུ་ཆོས་ཀྱང་རབ་འཆད་དོ།། བྱང་ཆུབ་སེམས་དཔའ་མང་འདི་ཡང་དག་བཟུང་། ། སངས་རྒྱས་ཡེ་ཤེས་ལ་ནི་དེ་དག་དགོད།། སེམས་ཅན་བྱེ་བ་ཁྲག་ཁྲིག་མཐའ་ཡས་པ།། བསྐལ་པ་བྱེ་བ་མང་པོར་སྨིན་པར་བྱ།། མྱ་ངན་འདས་པའི་ས་ཡང་བསྟན་བྱས་ཏེ། ། སེམས་ཅན་རྣམ་པར་གདུལ་ཕྱིར་ཐབས་བརྗོད་དོ།། དེའི་ཚེ་ནི་མྱ་ངན་མི་འདའ་སྟེ།། འདི་ཉིད་ན་ནི་ཆོས་རྣམས་རབ་སྟོན་ཏོ།། དེ་ནང་བདག་ཉིད་ཀྱང་བྱིན་གྱིས་བརླབ། ། དེ་ཡིས་སེམས་ཅན་རྣམས་ཀྱང་བྱིན་གྱིས་བརླབ།། ལོག་པའི་བློ་ལྡན་བླུན་པོའི་མི་རྣམས་ཀྱིས།། འདི་ནང་འདུག་པ་ཡང་མི་མཐོང་ངོ་།། ང་ལུས་ཡོངས་སུ་མྱ་ངན་འདས་མཐོང་ནས། ། རིང་བསྲེལ་རྣམས་ལ་མཆོད་པ་རྣམ་མང་བྱེད།། ང་མ་མཐོང་བས་དེ་དག་སྲེད་པ་སྐྱེད།། དེ་ནས་དེ་དག་སེམས་ཀྱང་དྲང་པོར་འགྱུར།། ནམ་ཞིག་དེ་དག་འཇམ་ཞིང་མཉེན་དྲང་སྟེ། ། སེམས་ཅན་ལུས་ཀྱང་བཏང་བར་གྱུར་པ་ན།། དེ་ན་ང་ཡི་ཉན་ཐོས་དགེ་འདུན་བྱས།། བྱ་རྒོད་ཕུང་པོར་ང་ཉིད་དེར་བསྟན་ཏེ།། དེ་ལ་ང་ཡིས་ཕྱིས་ནི་འདི་སྐད་སྨྲས། ། འདི་ཉིད་ན་ནི་མྱ་ངན་ང་མ་འདས།། དགེ་སློང་དག་གོ་དེ་ནི་ང་ཐབས་མཁས།། ཡང་ཡང་ང་འབྱུང་འཚོ་བའི་འཇིག་རྟེན་དུ།། སེམས་ཅན་གཞན་གྱིས་ང་ནི་མདུན་དུ་བྱས། ། དེ་ལ་བྱང་ཆུབ་མཆོག་འདི་རབ་ཏུ་བཤད།། འཇིག་མགོན་མྱ་ངན་མ་འདས་མ་གཏོགས་པར།། ཁྱེད་ཀྱིས་ང་ཡི་སྒྲ་ཡང་མི་ཐོས་སོ།། སེམས་ཅན་རྣམ་པར་འཇིག་པར་ངས་མཐོང་ཡང་། ། ངས་ནི་བདག་གི་ལུས་ཉིད་མ་བསྟན་ཏེ།། རེ་ཤིག་ང་མཐོང་བར་ནི་འདོད་བྱས་ལ།། སྐོམ་པར་གྱུར་ནས་དམ་པའི་ཆོས་བཤད་དོ།། རྟག་ཏུ་ང་ཡི་བྱིན་རླབས་དེ་འདྲ་སྟེ། ། བསྐལ་པ་བསམ་ཡས་བྱེ་བ་སྟོང་དུ་ནི།། བྱ་རྒོད་ཕུང་པོ་འདི་ལས་མི་འཕོ་ཡང་།། གུང་ན་བྱེ་བ་སྙེད་ཀྱི་མལ་ཆ་ཡོད།། གང་ཚེ་འཇིག་རྟེན་ཁམས་འདི་སེམས་ཅན་གྱིས། ། བསྐལ་པས་བསྲེག་པར་མཐོང་ཞིང་རྟོག་པ་ན།། དེ་ཚེ་ང་ཡི་སངས་རྒྱས་ཞིང་འདི་ནི།། ལྔ་དང་མི་ཡིས་ཡོངས་སུ་གང་བར་འགྱུར།། དེ་དག་ཞིང་དགའ་བ་སྣ་ཚོགས་ལྡན། ། སྐྱེད་མོས་ཁང་བཟངས་གཞལ་མེད་བྱེ་བ་ཡོད།། རིན་ཆེན་རི་བོ་རྣམས་དང་དེ་བཞིན་དུ།། མེ་ཏོག་འབྲས་ལྡན་ཤིང་ལྗོན་རྣམས་ཀྱིས་བརྒྱན།། སྟེང་ནས་ལྷ་རྣམས་རྔ་ཆེན་རབ་ཏུ་རྡུང་། ། མནྡ་ར་བའི་ཆར་ཀྱང་ཤིན་ཏུ་འབེབས།། མཁས་པ་གཞན་གང་བྱང་ཆུབ་འདིར་ཞུགས་དང་།། ང་དང་ཉན་ཐོས་རྣམས་ལ་མངོན་པར་འཐོར།། ང་ཡི་ཞིང་འདི་དེ་ལྟར་རྟག་ནས་ཀྱང་།། གཞན་དག་འདི་ལ་བསྐལ་པས་བསྲེགས་པར་རྟོག། མྱ་ངན་བརྒྱ་ཡིས་གང་ཞིག་གཙེས་པ་དང་།། འཇིག་རྟེན་ཁམས་ནི་ཤིན་འཇིགས་པར་མཐོང་། ། ལོ་མང་བྱེ་བར་དེ་བཞིན་གཤེགས་རྣམས་དང་།། ཆོས་དང་ང་ཡི་དགེ་འདུན་ཚོགས་རྣམས་ཀྱིས།། མིང་ནི་ནམས་ཀྱང་ཐོས་པར་མི་འགྱུར་ཏེ།། སྡིག་པའི་ལས་ཀྱི་འབྲས་བུ་དེ་འདྲའོ། ། ནམ་ཞིག་སེམས་ཅན་འཇམ་ཞིང་མཉེན་པ་རྣམས།། ང་ཡི་འཇིག་རྟེན་འདིར་ནི་སྐྱེས་གྱུར་ཏེ།། དགེ་བའི་ལས་ཀྱིས་དེ་ལྟར་སྐྱེས་མ་ཐག། ང་ནི་ཆོས་རྣམས་རབ་ཏུ་འཆད་པར་མཐོང་། ། དེ་དག་ལ་ནི་ནམ་ཡང་ང་མི་འཆད།། བྱ་བ་འདི་འདྲ་མཐའ་ཡས་འདི་དག་སྟེ།། དེ་ཡིས་ཡུན་རིང་ནས་ནི་ང་མཐོང་ངོ་།། དེ་ལ་རྒྱལ་བ་ཤིན་ཏུ་རྙེད་དཀའ་བཤད། ང་ཡི་ཡེ་ཤེས་སྟོབས་ནི་འདི་འདྲ་སྟེ།། འདི་ནི་ཤིན་ཏུ་འོད་གསལ་མཐའ་ཡོད་མེད།། ང་ཡི་ཚེ་རིང་བསྐལ་པ་མཐའ་ཡས་ཏེ།། དེ་ནི་སྔོན་གྱི་སྤྱད་པ་སྤྱོད་པས་བསྒྲུབས།། མཁས་རྣམས་འདི་ལ་སོམ་ཉི་མ་བྱེད་པར། ། ཐེ་ཙོམ་ཟ་བ་རྣམས་ནི་མ་ལུས་སྤོངས།། ངས་ནི་ཚིག་དེ་ཡང་དག་རབ་སྨྲས་ཏེ།། བརྫུན་གྱི་ཚིག་ནི་ང་ལས་གཞན་མི་འབྱུང་།། དཔེར་ན་ཐབ་མཁས་པ་ཡི་སྨན་པ་དེས། ། འདུ་ཤེས་ལོག་པར་གྱུར་པའི་བུ་རྣམས་ཕྱིར།། བདག་ཉིད་མ་ཤི་བཞིན་དུ་ཤི་ཞེས་བརྗོད།། དེ་བརྫུན་མི་སྨྲ་སྙམ་དུ་མཁས་པས་རིག། དེ་བཞིན་དུ་ཡང་རང་བྱུང་འཇིག་རྟེན་པ། ། སྐྱེ་དགུ་ཀུན་གྱི་གསོར་བྱེད་མགོན་པོ་སྟེ།། བྱིས་པ་གཏི་མུག་ལོག་པ་རྣམས་རིག་ནས།། མྱ་ངན་མ་འདས་མྱ་ངན་འདས་པར་བསྟན།། ཅི་ཕྱིར་ཞེ་ན་རྟག་པར་ང་མཐོང་ན། ། མི་ཤེས་མ་རིག་པ་རྣམས་ལེ་ལོར་འགྱུར།། འདོད་པ་ལ་ཡང་དཔག་མེད་ཡིད་རྟོན་ཏེ།། བག་མེད་རྒྱུ་ཡིས་ངན་འགྲོར་རབ་ཏུ་ལྟུང་།། སྤྱོད་དང་སྤྱད་པར་རིག་ནས་རྟག་པར་ཡང་། ། ཅི་ནས་བྱང་ཆུབ་ལ་ནི་དགོད་པ་དང་།། ཅི་ནས་སངས་རྒྱས་ཆོས་རྣམས་ཐོབ་བྱའི་ཕྱིར།། སེམས་ཅན་རྣམས་ལ་ང་ནི་དེ་བཞིན་སྨྲ།། དེ་བཞིན་གཤེགས་པའི་སྐུ་ཚེའི་ཚད་ཀྱི་ལེའུ་ཞེས་བྱ་སྟེ་བཅོ་ལྔ་པའོ། ། །། དེ་བཞིན་གཤེགས་པའི་ཚེའི་བསྟན་པ་བཤད་པ་ན།། སེམས་ཅན་གྲངས་མེད་དཔག་ཏུ་མེད་པ་རྣམས་ཀྱི་དོན་བྱས་པར་གྱུར་ཏོ། ། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་བཀའ་སྩལ་པ་མ་ཕམ་པ་དེ་བཞིན་གཤེགས་པའི་ཚེའི་ཚད་བསྟན་པའི་ཆོས་ཀྱི་རྣམ་གྲངས་འདི་བཤད་པ་ན། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་དྲུག་ཅུ་རྩ་བརྒྱད་ཀྱི་བྱེ་མ་སྙེད་དག་མི་སྐྱེ་བའི་ཆོས་ལ་བཟོད་པ་སྐྱེས་སོ། ། དེ་སྟོང་དུ་བསྒྲེས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དག་གིས་གཟུངས་ཐོབ་པར་གྱུར་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་ཡང་། སྟོང་གི་འཇིག་རྟེན་གྱིས་ཁམས་ཀྱི་རྡུལ་ཕྲ་རབ་ཀྱི་རྡུལ་སྙེད་དག་གིས་ཆོས་ཀྱི་རྣམ་གྲངས་འདི་ཐོས་ནས་ཐོགས་པ་མེད་པའི་སྤོབས་པ་ཐོབ་པར་གྱུར་ཏོ། ། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་ཡང་། འཇིག་རྟེན་གྱི་ཁམས་རྡུལ་ཕྲ་རབ་ཀྱི་རྡུལ་སྐྱེད་དག་གིས་བྱེ་བ་བརྒྱ་སྟོང་དུ་ཡོངས་སུ་བསྒྱུར་བའི་གཟུངས་ཐོབ་པར་གྱུར་ཏོ། ། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་ཡང་སྟོང་གི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་ཀྱི་རྡུལ་སྙེད་དག་གིས་ཆོས་ཀྱི་རྣམ་གྲངས་འདི་ཐོས་ནས། ཕྱིར་མི་ལྡོག་པའི་འཁོར་ལོ་བསྐོར་ཏོ། ། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་ཡང་སྟོང་བར་མའི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་ཀྱི་རྡུལ་སྙེད་དག་གིས། ཆོས་ཀྱི་རྣམ་གྲངས་འདི་ཐོས་ནས། དྲི་མ་མེད་པའི་སྣང་བ་ཞེས་བྱ་བའི་ཆོས་ཀྱི་འཁོར་ལོ་བསྐོར་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་ཡང་། སྟོང་ཆུང་ངུའི་འཇིག་རྟེན་གྱི་ཁམས་རྡུལ་ཕྲ། རབ་ཀྱི་རྡུལ་སྙེད་དག་གིས་ཆོས་ཀྱི་རྣམ་གྲངས་འདི་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྐྱེ་བ་བརྒྱད་ཀྱིས་ཐོགས་པར་གྱུར་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་ཡང་གླིང་བཞིའི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་ཀྱི་རྡུལ་སྙེད་དག་ཆོས་ཀྱི་རྣམ་གྲངས་འདི་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྐྱེ་བ་བཞིས་ཐོགས་པར་གྱུར་ཏོ། ། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་ཡང་གླིང་བཞི་པ་གསུམ་གྱི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་ཀྱི་རྡུལ་སྙེད་དག་ཆོས་ཀྱི་རྣམ་གྲངས་འདི་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྐྱེ་བ་གསུམ་གྱི་ཐོགས་པར་གྱུར་ཏོ། ། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་ཡང་གླིང་བཞི་པ་གཉིས་ཀྱི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་ཀྱི་རྡུལ་སྙེད་དག་ཆོས་ཀྱི་རྣམས་གྲངས་འདི་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྐྱེ་བ་གཉིས་ཀྱིས་ཐོགས་པར་གྱུར་ཏོ། ། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་ཡང་གླིང་བཞི་པ་གཅིག་གི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་ཀྱི་རྡུལ་སྙེད་དག་ཆོས་ཀྱི་རྣམ་གྲངས་འདི་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྐྱེ་བ་གཅིག་གིས་ཐོགས་པར་གྱུར་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བརྒྱད་རྡུལ་ཕྲ་རབ་ཀྱི་རྡུལ་སྙེད་དག་གིས་ཆོས་ཀྱི་རྣམས་གྲངས་འདི་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་ཆོས་མངོན་པར་རྟོགས་པའི་གནས་བསྟན་མ་ཐག་ཏུ། དེའི་མོད་ལ་སྟེང་གི་ནམ་མཁའ་བར་སྣང་ལས། མེ་ཏོག་མནྡ་ར་དང་། མནྡ་ར་ཆེན་པོའི་མེ་ཏོག་གི་ཆར་ཆེན་པོ་མངོན་པར་བབ་སྟེ། འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་དེ་དག་ན་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་རིན་པོ་ཆེའི་ཤིང་ལྗོན་པའི་དྲུང་དག་ན། སེང་གེའི་ཁྲི་ལ་བཞུགས་པ་དེ་དག་ཐམས་ཅད་ལ་འཐོར་མངོན་པར་རབ་ཏུ་འཐོར་རོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དང་། ཡོངས་སུ་མྱ་ངན་ལས་འདས་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་སེང་གེའི་ཁྲི་ལ་བཞུགས་པ་ལ་ཡང་འཐོར། མངོན་པར་རབ་ཏུ་འཐོར་རོ།། ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་དེ་དང་འཁོར་བཞི་པོ་དེ་དགས་ཡང་འཐོར་མངོན་པར་རབ་ཏུ་འཐོར་རོ། ། བར་སྣང་ལས་ལྷའི་ཙན་དན་དང་། ཨ་ག་རུའི་ཕྱེ་མ་ཡང་རབ་ཏུ་འབབ་བོ།། སྟེང་གི་ནམ་མཁའི་བར་སྣང་ལས་རྔ་དག་ཀྱང་མ་བརྡུངས་པར་ཡིད་དུ་འོང་བ་སྙན་ཅིང་འཇམ་པའི་སྒྲ་འབྱིན་ཏོ། ། སྟེང་ནས་ལྷའི་རས་བཅོས་བུ་ཟུང་བརྒྱ་སྟོང་དག་ཀྱང་ལྟུང་ངོ་།། སྟེང་གི་ནམ་མཁའི་བར་སྣང་ལས་རྒྱན་ཕྲེང་དང་། སེ་མོ་དོ་དང་མུ་ཏིག་གི་ཕྲེང་བ་དང་། ནོར་བུ་རིན་པོ་ཆེ་དང་། ནོར་བུ་རིན་པོ་ཆེ་ཆེན་པོ་དག་ཀྱང་ཕྱོགས་ཐམས་ཅད་དུ་ཀུན་ནས་རབ་ཏུ་འཕྱང་ངོ་།། རིན་ཐང་མེད་པའི་བདུག་པའི་པོག་ཕོར་རིན་པོ་ཆེ་ལས་བྱས་པས་རྒྱ་སྟོང་དག་ཀྱང་ཀུན་ནས་རང་རྒྱའོ། ། དེ་བཞིན་གཤེགས་པ་རེ་རེ་ལ་ཡང་རིན་པོ་ཆེའི་གདུགས་ཀྱི་ཕྲེང་བ་ཚངས་པའི་འཇིག་རྟེན་ལ་ཐུག་པ་སྟེང་གི་ན་མཁའ་བར་སྣང་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཛིན་ཏོ། ། རྣམ་གྲངས་འདིས་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་དཔག་ཏུ་མེད་པ་དེ་དག་ཐམས་ཅད་ལ་ཡང་། བྱང་ཆུབ་སེམས་དཔའ་སེམས་དཔ་ཆེན་པོ་དེ་དག་རིན་པོ་ཆེའི་གདུགས་ཀྱི་ཕྲེང་བ་ཚངས་པའི་འཇིག་རྟེན་ལ་ཐུག་པ་སྟེང་གི་ནམ་མཁའ་བར་སྣང་ལ་འཛིན་ཏོ། ། སོ་སོ་ནས་ཚིགས་སུ་བཅད་པ་མངོན་པར་བསྒྲུབས་པ་ཡང་དག་པར་སངས་རྒྱས་ལ་བསྟོད་པ་དག་གིས་ཀྱང་དེ་བཞིན་གཤེགས་པ་དེ་དག་ལ་མངོན་པར་བསྟོད་དོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། ། བདེ་བར་གཤེགས་པས་ངོ་མཚར་ཆོས་བསྒྲགས་པ།། འདྲེན་པ་རྣམས་ཀྱི་མཐུ་ཆེན་ཅི་འདྲ་དང་།། ཇི་སྐར་སྒྲ་ཆེའི་ཚད་ཀྱང་། མཐའ་ཡས་པ།། བདག་ཅག་རྣམས་ཀྱིས་འདི་སྔོན་ཡོད་མ་ཐོས།། བདེ་བར་གཤེགས་པས་མངོན་དུ་རྣམ་ཕྱེ་བ།། དེ་འདྲའི་ཆོས་དེ་དེ་རིང་ཐོས་པས་ན།། སྲོག་ཆགས་བྱེ་བ་སྟོང་རྣམས་དགའ་བས་ཁྱབ། ། འཇིག་རྟེན་རྣམ་པར་འདྲེན་གྱི་ཐུགས་ལས་ནི།། ཁ་ཅི་མི་ལྡོག་བྱང་ཆུབ་མཆོག་ལ་འཁོད།། ཁ་ཅིག་གཟུངས་རྣམས་ཀྱི་ནི་མཆོག་ལ་གནས།། ཁ་ཅིག་སྤོབ་པ་ཐོགས་པ་མེད་ལ་འཁོད། ། ཁ་ཅིག་བྱ་བ་སྟོང་གི་གཟུངས་ལ་གནས།། དེ་བཞིན་གཞན་ཡང་ཞིང་རྡུལ་ཕྲ་རབ་རྙེད།། དེ་དག་སངས་རྒྱས་ཡེ་ཤེས་མཆོག་ལ་གནས།། དེ་བཞིན་ཁ་ཅིག་སྐྱེ་བ་བརྒྱད་ཀྱིས་ནི། ། མཐའ་ཡས་གཟིགས་པ་རྒྱལ་བ་རྣམས་སུ་འགྱུར།། རྣམ་པར་འདྲེན་པའི་ཆོས་འདི་ཐོས་ནས་སུ།། ཁ་ཅིག་སྐྱེ་བ་བཞི་ལས་རབ་ཏུ་འདས།། གཞན་དག་ཁ་ཅིག་གསུམ་དང་གཉིས་ཀྱིས་ན། ། དོན་དམ་གཟིགས་པ་བྱང་ཆུབ་འཐོབ་པར་འགྱུར།། ཁ་ཅིག་དེ་ན་སྐྱེ་བ་གཅིག་གནས་ནས།། སྲིད་པ་གཞན་ལ་ཐམས་ཅད་མཁྱེན་དུ་འགྱུར།། འདྲེན་པའི་སྐུ་ཚེའི་ཚད་འདི་ཐོས་པས་ན།། འབྲས་བུ་ཟག་མེད་དེ་འདྲ་རབ་ཏུ་འཐོབ།། སེམས་ཅན་བྱེ་བ་གང་རྣམས་ཆོས་ཐོས་ནས།། བྱང་ཆུབ་དམ་པ་ལ་ནི་སེམས་བསྐྱེད་པ།། ཞིང་བརྒྱད་དག་གི་ཕྲ་རབ་རྡུལ་རྙེད་དེ།། བགྲངས་ན་དཔག་མི་ལང་པ་དེ་རྙེད་དོ།། སངས་རྒྱས་བྱང་ཆུབ་འདི་ནི་རབ་བསྟན་པ།། མཐའ་ཡས་གང་ལ་ཚད་ཀྱང་མ་མཆིས་པ།། ནམཁའི་ཁམས་ལྟར་དཔག་ཏུ་མ་མཆིས་ཏེ། ། དྲང་སྲོང་ཆེན་པོས་དེ་འདྲའི་འཕྲིན་ལས་མཛད།། མནྡ་ར་ཡི་ཆར་ཡང་རབ་ཏུ་འབབ།། ལྷ་ཡི་བུ་དག་བྱེ་སྟོང་མང་པོ་དང་།། བརྒྱ་བྱིན་ཚངས་བ་གངྒཱའི་བྱེ་མ་སྙེད། ། ཞིང་སྟོང་བྱེ་བ་དག་ནས་དེ་དག་ལྷགས།། ཙནྡན་དང་ནི་སྤོས་མཆོག་ཕྱེ་མ་དང་།། ཨ་ག་རུ་ཡི་ཕྱེ་མས་འཐོར་བཞིན་དུ།། ནམ་མཁའ་ལ་ནི་བྱ་བཞིན་རབ་རྒྱུ་ཞིང་། ། རྒྱལ་བའི་དབང་པོ་ལ་ཡང་ཚུལ་བཞིན་འཐོར།། སྟེང་གི་ནམ་མཁའ་ལས་ནི་རྔ་རྣམས་ཀྱང་།། མ་བརྡུངས་པར་ནི་སྒྲ་སྙན་ཉིད་ལས་གྲག། ལྷ་རས་བཅོས་བུ་བྱེ་བ་སྟོང་རྣམས་ཀྱང་། ། འདྲེན་པ་རྣམས་ལ་བསྐོར་ཞིང་འཐོར་བར་བགྱིད།། བདུག་པ་རིན་ཐང་མ་མཆིས་རི་བ་ཡི།། རིན་ཆེན་པོག་པོར་བྱེ་བ་སྟོང་རྣམས་ཀྱང་།། སྐྱོབ་པ་འཇིག་རྟེན་བདག་པོ་མཆོད་སླད་དུ། ། དེ་ན་བདག་ཉིད་ཀུན་ཏུ་རབ་ཏུ་རྒྱུ།། གདུགས་རྣམ་བྱེ་བ་ཁྲག་ཁྲིག་མཐའ་ཡས་པ།། རིན་ཆེན་དག་ལས་བགྱིས་པ་མཐོ་ཞིང་ཆེ།། ཕལ་ཆེན་ཚངས་པའི་འཇིག་རྟེན་པར་ཐུག་པ། ། བྱང་ཆུབ་སེམས་དཔའ་མཁས་པ་དེ་དག་འཛིན།། རྒྱལ་བའི་བ་དན་བལྟ་སྡུག་བཅས་པ་ཡི།། འདྲེན་པ་རྣམས་ཀྱི་རྒྱལ་མཚན་རབ་ཏུ་བཙུགས།། བདེ་གཤེགས་སྲས་རྣམས་རབ་ཏུ་སེམས་དགའ་བས།། ཚིགས་སུ་བཅད་པ་སྟོང་གིས་མངོན་པར་བསྟོད།། དེ་འདྲའི་ངོ་མཚར་ཁྱད་འཕགས་རྨང་བྱུང་བ།། སྣ་ཚུག་འདི་དག་འདྲེན་པ་དེ་རིང་གདའ། ། སྐུ་ཚེའི་ཚད་ནི་ངེས་པར་བསྟན་མཛད་པས།། སེམས་ཅན་འདི་ཀུན་རབ་ཏུ་དགའ་བ་ཐོབ།། ཕྱོགས་བཅུ་དག་ན་དེ་རིང་དོན་རྒྱ་ཆེ།། འདྲེན་པ་རྣམས་ཀྱི། གསུང་ཡང་མངོན་པར་འཕགས།། སྲོག་ཆགས་བྱེ་བ་སྟོང་རྣམས་ཚིམ་པར་གྱུར།། བྱང་ཆུབ་ཕྱིར་ནི་དགེ་བ་རྣམས་དང་ལྡན།། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་བཀའ་སྩལ་པ། མ་ཕམ་པ་དེ་བཞིན་གཤེགས་པའི་ཚེའི་ཚད་བསྟན་པའི་ཆོས་ཀྱི་རྣམ་གྲངས་འདི་བཤད་པ་ནི། སེམས་ཅན་གང་དག་གིས་སེམས་བསྐྱེད་པ་གཅིག་ཙམ་ཞིག་མོས་པ་བསྐྱེད་དམ། མངོན་པར་དད་ན། རིགས་ཀྱི་བུ་འམ། རིགས་ཀྱི་བུ་མོ་དེ་བསོད་ནམས་ཇི་ཙམ་ཞིག་སྐྱེད་པར་འགྱུར་བ་དེ་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། དེ་དག་བསོད་ནམས་ཇི་ཙམ་ཞིག་སྐྱེད་པར་འགྱུར་བ་དེ་བཤད་དོ།། མ་ཕམ་པ་འདི་ལྟ་སྟེ་དཔེར་ན། རིགས་ཀྱི་བུ་འམ། རིགས་ཀྱི་བུ་མོ་ལ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདོད་དེ་བསྐལ་པ་བྱེ་བ་ཁྲག་ཁྲིག་བརྒྱད་སྟོང་ཕྲག་བརྒྱད་དུ་ཕ་རོལ་ཏུ་ཕྱིན་པ་ལྔ་པོ་འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་དང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཕྱིན་པ་ལ་སྤྱད་དེ། ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་ན། མ་ཕམ་པ་རིགས་ཀྱི་བུ་འམ། རིགས་ཀྱི་བུ་མོ་གང་དག་གིས་དེ་བཞིན་གཤེགས་པའི་ཚེའི་ཚད་བསྟན་པའི་ཆོས་ཀྱི་རྣམ་གྲངས་འདི་ཐོས་ནས་སེམས་བསྐྱེད་པ་གཅིག་ཙམ་ཞིག་མོས་པ་བསྐྱེད་དམ་མངོན་པར་དད་ན། དེའི་བསོད་ནམས་མངོན་པར་འདུས་བྱས་པ་འདི་ལ་ཕ་རོལ་ཏུ་ཕྱིན་པ་ལྔ་དང་ལྡན་པ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་དུ་ཡོངས་སུ་རྫོགས་པར་བསོད་ནམས་མངོན་པར་འདུས་བྱས་པ་དང་། དགེ་བའི་རྩ་བ་མངོན་པར་འདུས་བྱས་པ་ལྔ་མ་དེས་བརྒྱའི་ཆར་ཡང་ཉེ་བར་མི་འགྲོ། སྟོང་གི་ཆ་དང་། བརྒྱ་སྟོང་གི་ཆ་དང་། བྱེ་བའི་ཆ་དང་། བྱེ་བ་བརྒྱའི་ཆ་དང་། བྱེ་བ་སྟོང་གི་ཆ་དང་། བྱེ་བ་བརྒྱ་སྟོང་གི་ཆ་དང་། བྱེ་བ་ཁྲག་ཁྲིག་བརྒྱ་སྟོང་གི་ཆར་ཡང་ཉེ་བར་མི་འགྲོ་སྟེ། གྲངས་སུ་ཡང་ཆར་ཡང་བགྲང་བར་ཡང་དཔེར་ཡང་རྒྱུར་ཡང་མི་བཟོད་དོ། ། མ་ཕམ་པ་དེ་ལྟ་བུའི་བསོད་ནམས་མངོན་པར་འདུ་བྱེད་པ་དང་ལྡན་པའི་རིགས་ཀྱི་བུ་འམ། རིགས་ཀྱི་བུ་མོ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་ལྡོག་པ་དེ་ནི་གནས་མེད་དོ། ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། སངས་རྒྱས་ཡེ་ཤེས་བླ་ན་མེད།། ཡེ་ཤེས་འདི་ནི་རོལ་བའི་ཕྱིར། ། གང་གིས་ཕ་རོལ་ཕྱིན་པ་ལྔ།། ཡི་དམ་བཅས་ནས་དེར་ཞུགས་ཏེ།། བསྐལ་པ་བྱེ་བ་སྟོང་ཟག་ཀྱང་།། བརྒྱད་དུ་ཚངས་པར་རབ་ཏུ་སྦྱོར།། བྱི་བྱིར། ཉན་ཐོས་རྣམས་དང་ནི།། སངས་རྒྱས་རྣམས་ལ་སྦྱིན་པ་བྱིན།། བྱང་ཆུབ་སེམས་དཔའ་བྱེ་བ་དང་།། རང་སངས་རྒྱས་ནི་མང་པོ་ལ།། བཟའ་བཅའ་ཟས་དང་སྐོམ་རྣམས་དང་།། གོས་དང་མལ་ཆས་མགུ་བར་བྱེད། ། གནས་དང་གཙུག་ལག་ཁང་རྣམས་ཀྱང་།། ཙནྡན་ལས་ནི་འདིར་བྱས་དང་།། ཀུན་དགའ་ར་བ་ཉམས་དགའ་དང་།། འཆག་ས་མཛེས་པར་བྱས་པ་རྣམས། ། སྦྱིན་པ་སྣ་ཚོགས་རྣམ་པ་མང་།། འདི་ལྟ་བུའི་སྦྱིན་འདིར་བྱིན།། བསྐལ་པ་བྱེ་བ་ཕྲག་སྟོང་དུ།། བྱིན་ནས་བྱང་ཆུབ་ཕྱིར་ཡང་བསྔོས།། སངས་རྒྱས་ཡེ་ཤེས་ཆེད་ཀྱི་ཕྱིར།། རྫོགས་སངས་རྒྱས་ཀྱིས་བསྔགས་དག་ཅིང་།། མ་ཉམས་ཡང་དག་བསྟོད་པ་ཡི།། ཚུལ་ཁྲིམས་ཕྱིར་ནི་སྤང་བར་བྱེད།། ཕྱིར་ཞིང་བཟོད་པ་སྒོམ་པར་བྱེད།། དུལ་བའི་ས་ལ་རབ་ཏུ་གནས། ། བརྟན་དང་ལྡན་ཞིང་དྲན་དང་ལྡན།། ཁ་ངན་མང་པོ་བཟོད་པར་བྱེད།། དམིགས་པ་ཅན་གྱི་སེམས་ཅན་གང་།། ང་རྒྱལ་དག་ལ་རབ་གནས་པས།། སྨད་པ་བྱས་པ་དེ་དག་ཀྱང་སངས་རྒྱས་ཡེ་ཤེས་ཕྱིར་བཟོད་དོ། ། བརྩོན་འགྲུས་ལ་ནི་རྟག་ཏུ་འབད།། དྲན་པ་བརྟན་ཞིང་མངོན་པར་བརྩོན།། ཡིད་ལ་གཞན་དུ་རྟོག་པ་མེད།། བསྐལ་པ་བྱེ་བར་དེ་བཞིན་གྱུར།། དགོན་པའི་གནས་ན་རབ་ཏུ་འདུག། འཆག་སར་མངོན་པར་སོང་ནས་སུ།། གཉིད་དང་རྨུགས་པ་རྣམ་སྤངས་ཏེ།། བསྐལ་པ་བྱེ་བ་དེ་དག་སྤྱོད།། བསམ་གཏན་བསམ་གཏན་ཆེན་པོ་པ། བསམ་གཏན་དགའ་ཞིང་མཉམ་པར་གཞག། བསྐལ་པ་བྱེ་བ་སྟོང་ཕྲག་བརྒྱད།། དེ་ལས་མི་ཉུང་བསམ་གཏན་བྱེད།། དཔའ་བོ་དེ་ནི་བསམ་གཏན་དེས།། ཐམས་ཅད་མཁྱེན་པར་བདག་བསྒྱུར་ཞེས། ། བྱང་ཆུབ་དམ་པ་དོན་དུ་གཉེར།། བསམ་གཏན་དག་གི་ཕ་རོལ་སོང་།། བསྐལ་པ་བྱེ་བ་སྟོང་ཕྲག་ཏུ།། བྱ་བ་འདི་ལ་རབ་གནས་པའི།། དེ་དག་བསོད་ནམས་གང་ཡིན་པ། ། གང་སྔར་ཡོངས་སུ་བསྒྲགས་པ་བས།། སྐྱེས་པ་རྣམས་སམ་བུད་མེད་དག། གང་གིས་ང་ཡི་དེ་ཐོས་ནས།། སྐད་ཅིག་དད་པར་བྱེད་པ་ཡང་།། བསོད་ནམས་དེ་ནི་མཐའ་ཡས་སོ།། གཡོ་བ་དང་ནི་རློམ་སེམས་དང་།། ཐེ་ཙོམ་དག་ཀྱང་རྣམ་སྤངས་ཏེ།། ཡུད་ཙམ་ཤིན་ཏུ་མོས་པ་ཡང་།། དེ་ཡི་འབྲས་བུ་འདི་འདྲའོ།། བསྐལ་པ་བྱེ་བར་སྤྱད་པ་ཡི།། བྱང་ཆུབ་སེམས་དཔའ་གང་ཡིན་པ།། ང་ཚེ་བསམ་གྱིས་མི་ཁྱབ་པ།། འདི་ཐོས་དེ་དག་མི་སྤང་ངོ་།། སྤྱི་བོ་ཡིས་ཀྱང་ཕྱག་འཚལ་ཏེ།། མ་འོངས་པ་ཡི་དུས་ན་ཡང་། ། བདག་ཅག་འདི་འདྲར་རབ་གྱུར་ཅིག། སྲོག་ཆགས་བྱེ་བ་བསྒྲལ་བར་བགྱི།། ཇི་ལྟར་མགོན་པོ་ཤཱཀྱ་ཐུབ།། ཐུབ་ཆེན་ཤཱཀྱ་སེང་གེའི་ཡིས།། བྱང་ཆུབ་སྙིང་པོར་བཞུགས་ནས་སུ། ། སེང་གེའི་སྒྲ་འདི་བསྒྲགས་པ་ལྟར།། བདག་ཀྱང་མ་འོངས་དུས་ཀྱི་ཚེ།། ལུས་ཅན་ཀུན་གྱིས་བཀུར་སྟི་ཞིང་།། བྱང་ཆུབ་སྙིང་པོར་འདུག་ནས་ནི། ། འདི་ལྟ་བུ་ཡི་ཚེ་བཤད་དོ།། མི་གང་ཐོས་པ་འཛིན་གྱུར་ཅིང་།། ལྷག་པའི་བསམ་པ་ཕུན་སུམ་ཚོགས།། ལྡེམ་པོར་དགོངས་ཏེ་བཤད་ཤེས་པ།། དེ་དག་རྣམ་ནི་ཐེ་ཙོམ་མེད། ། མ་ཕམ་པ་གཞན་ཡང་དེ་བཞིན་གཤེགས་པའི་ཚེའི་ཚད་བསྟན་པའི་ཆོས་ཀྱི་རྣམ་གྲངས་འདི་ཐོས་ནས་འབབ་པ་དང་། འཇུག་པ་དང་། ཁོང་དུ་ཆུད་པ་དེ་ནི་དེ་པས་སངས་རྒྱས་ཀྱི་ཡེ་ཤེས་སུ་འགྱུར་བའི་བསོད་ནམ་མངོན་པར་འདུ་བྱེད་པ་ཆེས་དཔག་ཏུ་མེད་པ་བསྐྱེད་ན། གང་ཆོས་ཀྱི་རྣམ་གྲངས་འདི་ལྟ་བུ་འདི་ཉན་ཏམ། སྒྲོགས་སམ་འཛིན་ཏམ། ཡི་གེར་འདྲི་འམ། ཡི་གེར་འདྲིར་འཇུག་གམ། གླེགས་བམ་ལ་མེ་ཏོག་དང་། བདུག་པ་དང་། སྤོས་དང་། འཕྲེང་བ་དང་། བྱུག་པ་དང་། ཕྱེ་མ་དང་། གོས་དང་གདུགས་དང་། རྒྱལ་མཚན་དང་། ལྷའི་བ་དན་དང་། འབྲུ་མར་གྱི་མར་མེ་དང་། མར་གྱི་མར་མེ་དང་། སྤོས་མར་གྱི་མར་མེ་དག་གིས་བསྟི་སྟང་བྱེད་དུ་འཇུག་པ་ལྟ་ཅི་སྨོས་ཏེ་སངས་རྒྱས་ཀྱི་ཡེ་ཤེས་སུ་འགྱུར་བའི་བསོད་ནམས་མངོན་པར་འདུ་བྱེད་པ་ཆེས་མང་དུ་སྐྱེད་དོ། ། མ་ཕམ་པ་གང་གི་ཚེ་རིགས་ཀྱི་བུའམ། རིགས་ཀྱི་བུ་མོ་དེ་བཞིན་གཤེགས་པའི་ཚེའི་ཚད་བསྟན་པའི་ཆོས་ཀྱི་རྣམ་གྲངས་འདི་ཐོས་ནས་ལྷག་པའི་བསམ་པས་མོས་པར་བྱེད་པ་དེའི་ཚེ། དེའི་ལྷག་པའི་བསམ་པའི་མཚན་ཉིད་ནི་འདི་ཡིན་པར་རིག་པར་བྱས་ཏེ། འདི་ལྟ་སྟེ། ང་བྱ་རྒོད་ཕུང་པོའི་རི་ལ་འདུག་སྟེ། བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་བ་དང་། བྱང་ཆུབ་སེམས་དཔའི་ཚོགས་ཀྱིས་མདུན་གྱིས་བལྟས་པ་དང་། ཉན་ཐོས་ཀྱི་དགེ་འདུན་གྱི་དབུས་ན་འདུག་ཅིང་ཆོས་སྟོན་པར་མཐོང་བ་དང་། ངའི་སངས་རྒྱས་ཞིང་འཇིག་རྟེན་གྱི་ཁམས་མི་མཇེད་འདི་གཞི་བཻ་ཌཱུཪྻ་ལས་གྲུབ་ཅིང་མཉམ་པར་གནས་ལ། གསེར་སྐད་མིག་མངས་སུ་བྲེས་ཤིང་། རིན་པོ་ཆེའི་ཤིང་ལྗོན་པ་རྣམས་ཀྱིས་རྣམ་པར་བཀྲ་བར་མཐོང་བ་དང་། འདི་ན་ཡོངས་སུ་སྤྱད་པའི་ཁང་པ་བརྩེགས་པ་དག་ནི། བྱང་ཆུབ་སེམ་དཔའ་དག་གནས་པར་མཐོང་བ་སྟེ། མ་ཕམ་པ་འདི་ནི་ལྷག་པའི་བསམ་པས་མོས་པའི་རིགས་ཀྱི་བུ་འམ། རིགས་ཀྱི་བུ་མོའི་ལྷག་པའི་བསམ་པའི་མཚན་ཉིད་དུ་རིག་པར་བྱའོ།། མ་ཕམ་པ་ཡང་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། གང་དག་ཆོས་ཀྱི་རྣམ་གྲངས་འདི་ཐོས་ནས་མི་སྤོང་བའི་སྟེང་དུ་རྗེས་སུ་ཡི་རང་བ་དེ་དག་ཀྱང་ལྷག་པའི་བསམ་པས་མོས་པའི་རིགས་ཀྱི་བུར་ངས་བཤད་ན། གང་འཛིན་པ་དང་། ཀློག་པ་ལྟ་ཅི་སྨོས་ཏེ། དེ་ནི་དེ་བཞིན་གཤེགས་པ་ཕྲག་པ་ལ་ཐོགས་པ་ཡིན་ནོ།། མ་ཕམ་པ་གང་ཆོས་ཀྱི་རྣམ་གྲངས་འདི་གླེགས་བམ་དུ་བྱས་ཤིང་ཕྲག་པ་ལ་ཐོགས་པའི་རིགས་ཀྱི་བུ་འམ། རིགས་ཀྱི་བུ་མོ་དེས་ངའི་མཆོད་རྟེན་བྱ་མི་དགོས། གཙུག་ལག་ཁང་བྱ་མི་དགོས། དགེ་སློང་གི་དགེ་འདུན་གྱི་ན་བའི་གསོས་སྨན་དང་། ཡོ་བྱད་དག་སྦྱིན་མི་དགོས་སོ།། དེ་ཅིའི་ཕྱིར་ཞེ་ན། མ་ཕམ་པ་རིགས་ཀྱི་བུ་འམ། རིགས་ཀྱི་བུ་མོ་དེས་ངའི་སྐུ་གདུང་ལ། གདུང་གི་མཆོད་པ་བྱས་པ་ཡིན། རིན་པོ་ཆེ་སྣ་བདུན་གྱི་མཆོད་རྟེན་འཕང་དུ་ནི་ཚངས་པའི་འཇིག་རྟེན་ལ་ཐུག་པ་ཁོ་ར་ཡུག་ཏུ་ནི་རིམ་བཞིན་པ། གདུགས་ཡོངས་སུ་བཟུང་བ་དང་བཅས་པ། ལྷའི་བ་དན་དང་བཅས་པ་དྲིལ་བུ་སྒྲ་གསལ་བ་འབྱུང་བ་དག་བྱས་པ་ཡིན་ནོ།། སྐུ་གདུང་གི་མཆོད་རྟེན་དེ་དག་ལ་ལྷ་དང་མིའི་མེ་ཏོག་དང་། སྤོས་དང་། བདུག་པ་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། ལྷའི་བ་དན་དང་། རྣམ་པར་རྒྱལ་བའི་བ་དན་རྣམ་པ་མང་པོ་དག་གིས་བཀུར་སྟི་རྣམ་པ་མང་པོ་བྱས་པ་ཡིན་ནོ།། ཡིད་དུ་འོང་བ་སྙན་ཅིང་གསལ་བའི་སྒྲ་དང་། རྔ་བོ་ཆེ་རྣམ་པ་མང་པོ་དག་དང་། རོལ་མོའི་སྒྲ་དང་། ཕེག་རྡོབ་པ་དང་། རྣམ་པ་ཐ་དད་པའི་གླུ་དང་། གར་དང་། བཞད་གད་དང་། རོལ་མོ་རྣམ་པ་མང་པོ་ཚད་མེད་པས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དཔག་ཏུ་མེད་པ་མང་པོར་བཀུར་སྟི་བྱས་པར་འགྱུར་རོ། ། མ་བམ་པ་ང་ཡོངས་སུ་མྱ་ངན་ལས་འདས་ནས་ཆོས་ཀྱི་རྣམ་གྲངས་འདི་བཟུང་བ་དང་། བཀླགས་པ་དང་། ཡི་གེར་བྲིས་པ་དང་། རབ་ཏུ་སྟོན་པ་དེས་ངའི་ཕྱིར་ཙནྡན་དམར་པོའི་གཙུག་ལག་ཁང་རྒྱ་ཆེན་པོ་ཡངས་པ་མཐོན་པོ་ཁང་བཟངས་སུམ་ཅུ་རྩ་གཉིས་ཡོད་བརྒྱད་རྩེག་དགེ་སློང་སྟོང་གི་གནས་ཀུན་དགའ་ར་བ་དང་། མེ་ཏོག་གིས་མཛེས་པར་བྱས་པ། འཆག་སའི་ནགས་ཚལ་དང་ལྡན་པ་མལ་སྟན་དང་བཅས་པ། བཟའ་བ་དང་། བཅའ་བ་དང་། ཟས་དང་སྐོམ་དང་། ན་བའི་གསོས་སྨན་གྱིས་ཡོངས་སུ་གང་བ། བདེ་བའི་ཡོ་བྱད་ཐམས་ཅད་ཀྱིས་རབ་ཏུ་བརྒྱན་པ་དག་ཀྱང་བྱས་པར་འགྱུར་ཏེ། དེ་དག་མང་ཞིང་དཔག་ཏུ་མེད་དེ། བརྒྱའམ་སྟོང་ངམ། སྟོང་ཕྲག་བརྒྱའམ། བྱེ་བ་འམ། བྱེ་བ་བརྒྱའམ། བྱེ་བ་སྟོང་ངམ། བྱེ་བ་བརྒྱ་སྟོང་ངམ། བྱེ་བ་ཁྲག་ཁྲིག་བརྒྱ་སྟོང་དེ་དག་ངའི་མདུན་དུ་ཉན་ཐོས་ཀྱི་དགེ་འདུན་ལ་ཕུལ་ཏེ། དེ་དག་ཀྱང་ངས་ཡོངས་སུ་སྤྱད་པར་རིག་པར་བྱའོ།། མ་ཕམ་པ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་གང་ཞིག་ཆོས་ཀྱི་རྣམ་གྲངས་འཛིན་ཏམ། ཀློག་གམ། སྟོན་ཏམ། ཡི་གེར་འདྲི་འམ། ཨོཾ་གེར་འདྲིར་བཅུག་ཀྱང་རུང་སྟེ། རྣམ་གྲངས་འདི་དེས་ང་ཡོངས་སུ་མྱ་ངན་ལས་འདས་ནས་རིང་བསྲེལ་གྱི་མཆོད་རྟེན་དག་བྱ་མི་དགོས། དགེ་འདུན་ལ་མཆོད་པ་བྱ། མི་དགོས་སོ་ཞེས་ང་དེ་སྐད་འཆད་ན། མ་ཕམ་པ་གང་ཆོས་ཀྱི་རྣམ་གྲངས་འདི་འཛིན་ཅིང་སྦྱིན་པ་བསྒྲུབ་པ་འམ། ཚུལ་ཁྲིམས་སམ། བཟོད་པ་འམ། བརྩོན་འགྲུས་སམ། བསམ། གཏན་ནམ། ཤེས་རབ་བསྒྲུབ་པ་ལྟ་ཅི་སྨོས་ཏེ། རིགས་ཀྱི་བུ་འམ། རིགས་ཀྱི་བུ་མོ་དེ་བསོད་ནམས་མངོན་པར་འདུ་བྱེད་པ་ཆེས་དཔག་ཏུ་མེད་པ་གྲངས་མེད་པ་མཐའ་ཡས་པ་སྐྱེ་བ་ལྟ་ཅི་སྨོས་ཏེ། མ་ཕམ་པ་འདི་ལྟ་སྟེ་དཔེར་ན། ནམ་མཁའི་ཁམས་ནི་ཤར་དང་། ལྷོ་དང་། ནུབ་དང་། བྱང་དང་། སྟེང་དང་། འོག་གི་ཕྱོགས་དང་། ཕྱོགས་མཚམས་རྣམས་སུ་ཡང་མུ་མེད་པ་དེ་བཞིན་དུ་རིགས་ཀྱི་བུ་འམ། རིགས་ཀྱི་བུ་མོ་དེ་བསོད་ནམས་མངོན་པར་འདུ་བྱེད་པ། སངས་རྒྱས་ཀྱི་ཡེ་ཤེས་སུ་འགྱུར་བ། གྲངས་མེད་དཔག་ཏུ་མེད་པ་བསྐྱེད་དོ། ། གང་ཆོས་ཀྱི་རྣམ་གྲངས་འདི་འཛིན་ཏམ། ཀློག་གམ། སྟོན་ཏམ། ཡི་གེར་འདྲིའམ། ཡི་གེར་འདྲིར་འཇུག་ན་དེ་ནི་དེ་བཞིན་གཤེགས་པའི་མཆོད་རྟེན་ལ་བསྟི་སྟང་བྱ་བའི་ཕྱིར་མངོན་པར་བརྩོན་པ་ཡིན་ནོ། ། དེ་བཞིན་གཤེགས་པའི་ཉན་ཐོས་རྣམས་ཀྱི་བསྔགས་པ་སྨྲ་བའོ།། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོན་ཏན་བྱེ་བ་ཁྲག་ཁྲིག་བརྒྱ་སྟོང་ཡོངས་སུ་བརྗོད་ཅིང་གཞན་དག་ལ་ཡང་ཡང་དག་པར་རབ་ཏུ་སྟོན་པ་ཡིན་ནོ། ། བཟོད་པ་བསྒྲུབས་པ་དང་། ཚུལ་ཁྲིམས་དང་ལྡན་པ་དང་། དགེ་བའི་ཆོས་ཅན་དང་། འགྲོགས་ན་བདེ་བ་དང་། བཟོད་པ་ཅན་དང་། དུལ་བ་དང་། ཕྲག་དོག་མེད་པ་དང་། ཁྲོ་བ་ཡིད་ལ་བྱེད་པ་དང་བྲལ་བ་དང་། གནོད་སེམས་མེད་པ་ཡིད་ལ་བྱེད་པ་དང་། དྲན་པ་དང་ལྡན་པ་དང་མཐུ་དང་ལྡན་པ་ཡིན། བརྩོན་འགྲུས་དང་ལྡན་པ་སྟེ། སངས་རྒྱས་ཀྱི་ཆོས་ཚོལ་བ་ལ་རྟག་ཏུ་བརྩོན་པ་ཡིན། བསམ་གཏན་པ་ཡིན། ནང་དུ་ཡང་དག་འཇོག་ལྷུར་ལེན་པ་ཡིན། ནང་དུ་ཡང་དག་འཇོག་མང་དུ་བྱེད་པ་དང་། འདྲི་བར་རབ་ཏུ་དབྱེ་བ་ལ་མཁས་པ་ཡིན། འདྲི་བ་བྱེ་བ་ཁྲག་ཁྲིག་བརྒྱ་སྟོང་གི་ལན་ལྗོན་པ་ཡིན་ནོ།། མ་ཕམ་པ་བྱང་ཆུབ་ས་ཨེམས་དཔའ་སེམས་དཔའ་ཆེན་པོ་གང་ལ་ལ་ཞིག་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་ཆོས་ཀྱི་རྣམ་གྲངས་འདི་འཛིན་པའི་ཡོན་ཏན་དག་ནི་གང་དག་ངས་ཡོངས་སུ་བརྗོད་པ་འདི་ལྟ་བུ་འདི་དག་ཡིན་ནོ། ། མ་ཕམ་པ་རིགས་ཀྱི་བུ་འམ། རིགས་ཀྱི་བུ་མོ་དེ་འདི་ལྟར་རིག་པར་བྱ་སྟེ། རིགས་ཀྱི་བུ་འམ། རིགས་ཀྱི་བུ་མོ་དེ་བྱང་ཆུབ་ཀྱི་སྙིང་པོར་ཡང་དག་པར་ཞུགས་ཏེ། བྱང་ཆུབ་མངོན་པར་རྫོགས་པར་འཚང་རྒྱ་བར་བྱ་བའི་ཕྱིར། བྱང་ཆུབ་ཀྱི་ཤིང་དྲུང་དུ་འགྲོ་བ་ཡིན་པར་རིག་པར་བྱའོ།། མ་ཕམ་པ་རིགས་ཀྱི་བུ་འམ། རིགས་ཀྱི་བུ་མོ་དེ་གང་ན་འགྲེང་ངམ་འདུག་གམ། འཆག་པ་དེར། མ་ཕམ་པ་དེ་བཞིན་གཤེགས་པའི་ཕྱིར་མཆོད་རྟེན་བརྩིག་གོ། ལྷ་དང་བཅས་པའི་འཇིག་རྟེན་གྱིས་ཀྱང་འདི་དེ་བཞིན་གཤེགས་པའི་མཆོད་རྟེན་ཡིན་ནོ་ཞེས་དེ་ལ་བརྗོད་པར་བྱའོ། ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། མི་མགོན་མྱ་ངན་འདས་པ་ན།། མདོ་སྡེ་འདི་ནི་གང་འཛིན་པ།། བསོད་ནམས་ཕུང་པོ་མུ་མེད་པར།། ང་ཡིས་ཡང་དང་ཡང་དུ་བསྔགས།། དེས་ནི་ང་ལ་མཆོད་པ་བྱས།། རིང་བསྲེལ་གྱི་ནི་མཆོད་རྟེན་ཡང་། ། རིན་ཆེན་བྱས་པ་སྣ་ཚོགས་པ།། བལྟ་ན་སྡུག་ཅིང་མཛེས་རྣམས་བྱས།། འཕང་དུ་ཚངས་པའི་འཇིག་རྟེན་མཉམ།། གདུགས་ཕྲེང་རྣམས་དང་རབ་ཏུ་ལྡན།། ཁོ་ར་ཡུག་ལྡན་དཔལ་ཆེན་ཏེ། ། རྣམ་རྒྱལ་བ་དན་རྣམས་དང་ལྡན།། དྲིལ་བུ་གསལ་བའི་སྒྲ་འབྱུང་སྟེ།། དར་གྱི་ལྡ་ལྡིས་མཛེས་པར་བྱས།། དེ་བཞིན་དྲིལ་བུ་རླུང་བསྐྱོད་པས།། རྒྱལ་བའི་རིང་བསྲེལ་ཤིན་ཏུ་མཛེས། ། སྤོས་དང་མེ་ཏོག་བྱུག་པ་དང་།། གོས་དང་རོལ་མོའི་སྒྲ་རྣམས་དང་།། རྔ་རྣམས་ཀྱིས་ཀྱང་ཡང་དང་ཡང་།། དེ་དག་མཆོད་པ་རྒྱ་ཆེན་བྱས།། རོལ་མོའི་སྒྲ་སྙན་ཆ་སྤྱད་རྣམས། ། རིང་བསྲེལ་དེ་ལ་བརྡུངས་ཤིང་གསིལ།། སྤོས་དང་འབྲུ་མར་མར་མེ་རྣམས།། དེ་དག་ལ་ནི་ཀུན་ནས་ཕུལ།། གང་གིས་མདོ་སྡེ་འདི་བཟུང་ཞིང་།། ཟད་པའི། དུས་ལ་སྟོན་པ་ཡིས།། དེས་ནི་མཆོད་པ་རྣམ་མང་པོ།། དེ་འདྲ་མཐའ་ཡས་ང་ལ་བྱས།། གཙུག་ལག་ཁང་མང་བྱེ་བ་དག། ཙན་དན་ལས་ནི་བྱས་པ་ཡིན།། ཁང་བཟང་སུམ་ཅུ་རྩ་གཉིས་ཏེ། ། དེ་དག་འཕང་དུ་བརྒྱད་རྩེག་གོ།། མལ་ཆ་དག་གིས་ཉེ་བར་བརྟན།། བཟའ་བཅའ་རྣམས་ཀྱང་ཚོགས་པར་ལྡན།། ཡོལ་བ་བཟང་པོ་རབ་ཏུ་བཤམས།། གནས་རྣམས་ཀྱང་ནི་རྣམ་པ་སྟོང་། ། མེ་ཏོག་ཀུན་དགས་མཛེས་བྱས་པའི།། ཀུན་དགའ་དག་དང་འཆགས་བྱིན།། གཟུགས་མང་རྣམ་པ་སྣ་ཚོགས་ཀྱི།། གདིང་གཡོག་མང་པོ་དེ་བཞིན་ནོ།། རྣམ་འདྲེན་མྱ་ངན་འདས་པ་ན། ། གང་ཞིག་མདོ་འདི་འཛིན་པ་དེས།། ང་ཡི་མདུན་དུ་དགེ་འདུན་ལ།། མཆོད་པ་མང་པོ་བྱས་པ་ཡིན།། མོས་པ་སྙིང་པོར་གང་གྱུར་ཏེ།། གང་ཞིག་མདོ་འདི་ཀློག་པའམ། ། ཡི་གེར་འདྲི་བར་བྱེད་པ་དེ།། དེ་བས་བསོད་ནམས་མང་དུ་ཐོབ།། མི་འགའ་ལ་ལས་གླེགས་བམ་ལ།། ཤིན་ཏུ་ངེས་ཚིག་འདྲིར་བཅུག་སྟེ།། སྤོས་དང་ཕྲེང་བ་བྱུག་པ་ཡིས། ། གླེགས་པ་མ་དེ་ལ་མཆོད་པ་བྱེད།། སྤོས་ཀྱི་འབྲུ་མར་བཀང་བ་ཡི།། མར་མེ་རྟག་ཏུ་སུ་འབུལ་ཞིང་།། སྣ་མ་ཨུཏྤལ་སིལ་མ་དང་།། ཙམ་པ་ཀས་ཀྱང་རབ་ཏུ་གཏོར། ། གླེགས་པམ་དག་ལ་འདི་འདྲ་བའི།། མཆོད་པ་བྱེད་པའི་མི་དེ་ནི།། བསོད་ནམས་མང་པོ་རབ་འཕེལ་ཏེ།། དེ་ལ་ཆད་ཀྱང་ཡོང་མེད་དོ།། ཇི་ལྟར་ནམ་མཁའི་ཁམས་ཀྱི་ཚད། ཕྱོགས་བཅུ་དག་ནི་ཐམས་ཅད་དུ།། རྟག་ཏུ་རྙེད་པར་འགྱུར་མ་ཡིན།། བསོད་ནསས་ཕུང་པོ་འདི་དེ་འདྲ།། བཟོད་ཅིང་དུལ་ཏེ་མཉམ་པར་གཞག། ཚུལ་ཁྲིམས་ལྡན་ཞིང་བསམ་གཏན་པ། ། ཡང་དག་ནང་འཇོག་སྤྱོད་ཡུལ་ཅན།། དེ་འདྲ་བ་ལྟ་སྨོས་ཅི་དགོས།། ཁྲོ་བ་མེད་ཅིང་ཕྲ་མ་མེད།། མཆོད་རྟེན་དག་ལ་གུས་པར་གནས།། དགེ་སློང་རྣམས་ལ་རྟག་ཏུ་འདུད། ། ང་རྒྱལ་མེད་ཅིང་ལེ་ལོ་མེད།། ཤེས་རབ་ལྡན་ཞིང་དེ་བཞིན་བརྟན།། དྲི་བ་དྲིས་ན་མི་ཁྲོ་སྟེ།། སྙིང་རྗེ་བློ་ཡིས་སྲོག་ཆགས་ལ།། རྗེས་སུ་འཐུན་པར་རབ་ཏུ་སྟོན། ། གང་ཞིག་དེ་འདྲར་གྱུར་ནས་སུ།། མདོ་འདི་ཡང་ནི་གང་འཛིན་པ།། དེ་ཡི་བསོད་ནམས་ཕུང་པོ་ནི།། ཚད་ཀྱང་སྙེད་པར་མི་འགྱུར་རོ།། མདོ་འདི་འཛིན་པར་བྱེད་པ་ཡི། ། དེ་ལྟ་བུ་ཡི་ཆོས་སྨྲ་བ།། གལ་ཏེ་མི་འགས་མཐོང་ན་ཡང་།། དེ་ལ་ཤིན་ཏུ་བཀུར་སྟི་བྱ།། ལྷ་ཡི་མེ་ཏོག་རྣམས་ཀྱིས་དེ་ལ་གཏོར།། ལྷ་ཡི་གོས་རྣམས་ཀྱིས་ཀྱང་མངོན་པར་དགབ། ། དེ་ཡི་རྐང་ལ་མགོ་བོས་ཕྱག་བྱས་ཏེ།། དེ་ལ་དེ་བཞིན་གཤེགས་པར་འདུ་ཤེས་བསྐྱེད།། དེ་མཐོང་ནས་ནི་དེ་ཚེ་འདི་སྙམ་དུ།། འདི་ནི་ཤིང་ལྗོན་དྲུང་དུ་འགྲོར་འགྱུར་ཏེ།། ལྷ་དང་བཅས་པའི་འཇིག་རྟེན་ཕན་པའི་ཕྱིར། ། བླ་མེད་བྱང་ཆུབ་ཞིང་འཆང་རྒྱ་སྙམ་བསམ།། མདོ་སྡེ་འདི་ལས་ཚིགས་བཅད་གཅིག་བརྗོད་ཅིང་།། འདི་འདྲའི་མཁས་དེ་གང་ན་འཆག་པ་འམ། ། གང་ན་འགྲེང་ངམ་འོན་ཏེ་འདུག་པའམ།། དཔའ་བོ་གང་དུ་ཉལ་བར་བྱེད་ཀྱང་རུང་།། དེར་ནི་འདྲེན་པ་སངས་རྒྱས་བཅོམ་ལྡན་གྱི།། ཆེད་དུ་སྐྱེས་བུ་དམ་པའི་མཆོད་རྟེན་ནི།། བལྟ་ན་སྡུག་པ་སྣ་ཚོགས་བྱེད་དུ་གཞུག། དེ་བཞིན་དེར་ནི་མཆོད་པ་སྣ་ཚོགས་བྱ།། གང་ན་སངས་རྒྱས་བུ་དེ་འདུག་པ་ཡི།། ས་ཕྱོགས་དེ་ནི་ང་ཡིས་ཡོངས་སུ་སྤྱད།། ངས་ནི་དེ་ཉིད་དུ་ཡང་འཆག་པ་བྱས། ། དེ་ཉིད་དུ་ནི་ང་ནི་འདུག་པར་འགྱུར།། བསོད་ནམས་ཀྱི་རྣམ་གྲངས་ཀྱི་ལེའུ་ཞེས་བྱ་སྟེ་བཅུ་དྲུག་པའོ།། །། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི་སྐད་ཅེས་གསོལ་ཏོ། ། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་གང་གིས་ཆོས་ཀྱི་རྣམ་གྲངས་འདི་བཤད་པ་ཐོས་ནས་རྗེས་སུ་ཡི་རང་ན། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་དེ་བསོད་ནམས་ཇི་སྙེད་ཅིག་སྐྱེད་པར་འགྱུར། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། ། དཔལ་ཆེན་མྱ་ངན་འདས་ན་གང་།། མདོ་འདི་འདྲི་བ་ཉན་པ་དང་།། ཐོས་ནས་རྗེས་སུ་ཡི་རང་བ།། དེ་ཡི་དགེ་བ་ཇི་ཙམ་འགྱུར། ། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་འདི་སྐད་ཅེས་བཀའ་སྩལ་ཏོ།། མ་ཕམ་པ་དེ་བཞིན་གཤེག་པ་ཡོངས་སུ་མྱ་ངན་ལས་འདས་ནས། རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། སྐྱེས་བུ་མཁས་པ་འམ་གཞོན་ནུ་འམ། གཞོན་ནུ་མ་གང་ལ་ལ་ཆོས་ཀྱི་རྣམ་གྲངས་འདི་བཤད་པ་ཉན་ཅིང་ཐོས་ནས་ཀྱང་རྗེས་སུ་ཡི་རང་ལ། ཆོས་ཉན་པ་དེ་ནས་སོང་སྟེ་གཙུག་ལག་ཁང་ན་འདུག་གམ། ཁྱིམ་ན་འདུག་གམ། དགོན་པ་ན་འདུག་གམ། སྲང་ན་འདུག་གམ། ལྗོངས་ན་འདུག་ཀྱང་རུང་སྟེ། རྒྱུ་དེ་དག་དང་། བྱེད་རྒྱུ་དེ་དག་དང་། ཆོས་དེ་ཇི་ལྟར་ཐོས་པ་དང་། ཇི་ལྟ་ཟིན་པ་བཞིན་དུ་ཅི་ནུས་ཀྱིས་ཕ་འམ། མ་འམ། ཉེ་དུ་འམ། ཡང་དག་པར་མགུ་བར་འགྱུར་བ་འམ། འདྲིས་པའམ། གཞན་གང་ཡང་རུང་སྟེ། སེམས་ཅན་ཕ་རོལ་བསྟན་ནས། དེས་དེ་ཐོས་ཏེརྗེས་སུ་ཡི་རང་ནས་ཀྱང་གཞན་ལ་སྨྲས་ཏེ། དེས་ཀྱང་དེ་ཐོས་ནས་རྗེས་སུ་ཡི་རང་ལ་དེས་ཀྱང་གཞན་ལ་སྨྲས་ཏེ། དེས་ཀྱང་དེ་ཐོས་ནས་རྗེས་སུ་ཡི་རང་ལ། དེ་ལྟར་རྣམ་གྲངས་འདིས་གཅིག་ནས་གཅིག་ཏུ་བརྒྱུད་དེ་ལྔ་བཅུ་པ་ལ་ཐུག་ན། མ་ཕམ་པ་གཅིག་ནས་གཅིག་ཏུ་བརྒྱུད་དེ་ཐོས་པ། རྗེས་སུ་ཡི་རང་བ་ལྔ་བཅུ་པའི་མིར་གྱུར་པ་གང་ཡིན་པ།། མ་ཕམ་པ་རིགས་ཀྱི་བུ་འམ། རིགས་ཀྱི་བུ་མོ་དེའི་རྗེས་སུ་ཡི་རང་བ་དང་ལྡན་པའི་བསོད་ནམས་མངོན་པར་འདུ་བྱེད་པ་ངས་དེ་བཤད་དེ་ས་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། ངས་ཁྱོད་ལ་བཤད་དོ།། མ་ཕམ་པ་འདི་ལྟ་སྟེ་དཔེར་ན། འཇིག་རྟེན་གྱི་ཁམས་གྲངས་མེད་པ། བརྒྱ་སྟོང་ཕྲག་བཞིན་སེམས་ཅན་འཁོད་ཅིང་ཡོད་པ་འགྲོ་བ་དྲུག་ཏུ་སྐྱེས་པ། སྒོ་ང་ལས་སྐྱེས་པ་འམ། མངལ་ལས་སྐྱེས་པ་འམ། དྲོད་གཤེར་ལས་སྐྱེས་པ་འམ། རྫུས་ཏེ་སྐྱེས་པ་འམ། གཟུགས་ཅན་ནམ། གཟུགས་མེད་པ་འམ། འདུ་ཤེས་ཅན་ནམ། འདུ་ཤེས་མེད་པའམ། འདུ་ཤེས་མེད་འདུ་ཤེས་མེད་མིན་ནམ། རྐང་མེད་དམ། རྐང་གཉིས་པ་འམ། རྐང་བཞི་པ་འམ། རྐང་མངས་སམ། སེམས་ཅན་ཇི་ཙམ་སེམས་ཅན་གྱི་ཁམས་སུ་བསྡུས་ཤིང་། ཡང་། པར་འདུ་བར་འགྱུར་བ་རྣམས་མི་བསོད་ནམས་འདོད་པ། ཕན་པར་འདོད་པ་འགའ་ཞིག་བྱུང་བས་སེམས་ཅན་གྱི་ཚོགས་དེ་ལ་འདོད་པའི་རྩེད་མོ་དང་། དགའ་བའི་ལོངས་སྤྱོད་སྡུག་པ་མཛེས་པ་གཅེས་པ་ཡིད་དུ་འོང་བ་དག་བྱིན་ལ་འདོད་པའི་རྩེད་མོ་དགའ་བ། ཡོངས་སུ་ལོངས་སྤྱོད་པར་བྱ་བའི་ཕྱིར།། སེམས་ཅན་རེ་རེ་ལ་ཡང་འཛམ་བུའི་གླིང་ཡོངས་སུ་གང་བ་བྱིན་ཏེ། འགྲོན་བུ་དང་། གསེར་དང་། དངུལ་དང་། ནོར་བུ་དང་། མུ་ཏིག་དང་། བཻ་ཌཱུཪྻ་དང་། དུང་དང་། མན་ཤེལ་དང་། བྱི་རུ་དང་། རྟའི་ཤིང་རྟ་དང་། གླང་གི་ཤིང་རྟ་དང་། གླང་པོ་ཆེའི་ཤིང་རྟ་དང་། ཁང་པ་བརྩེགས་པ་དང་། ཁང་པ་ཡང་བྱིན་ཏེ། མ་ཕམ་པ་རྣམ་གྲངས་འདིས་སྦྱིན་པའི་བདག་པོ་སྦྱིན་བདག་ཆེན་པོའི་མི་དེས་ལོ་བརྒྱད་ཅུ་ཚང་བར་སྦྱིན་པ་བྱིན་ལ། མ་ཕམ་པ་དེ་ནས་སྦྱིན་པའི་བདག་པོ་སྦྱིན་བདག་ཆེན་པོའི་མི་དེ་འདི་སྙམ་དུ་སེམས་ཏེ། སེམས་ཅན་འདི་དག་ཐམས་ཅད་ཀྱང་བདག་གིས་བརྩེན་དུ་བཅུག། དགའ་བར་བྱས་བདེ་བར་གསོས་ན། སེམས་ཅན་འདི་དག་མགོ་སྐྱེ་ཞིང་གཉེར་མས་གང་སྟེ། ན་ཚོད་ལོ་བརྒྱད་ཅུ་ལོན་པས་རྒས་ཏེ་འཆི་བའི་དུས་བྱེད་པར་ཡང་ཉེ་བར་གྱུར་ན། བདག་གིས་འདི་དག་དེ་བཞིན་གཤེགས་པས་གསུངས་པའི་ཆོས་འདུལ་བ་ལ་བཙུད་དེ། རྗེས་སུ་བསྟན་ཏོ་སྙམ་ནས་མ་ཕམ་པ་དེ་ནས་མི་དེས་སེམས་ཅན་དེ་དག་ཐམས་ཅད་དེ་བཞིན་གཤེགས་པས་གསུངས་པའི་ཆོས་འདུལ་བ་ལ་ཡང་དག་པར་བཙུད་དེ་ཡང་དག་པར་བཙུད་ནས་འཛིན་དུ་བཅུག་ལ། སེམས་ཅན་དེ་དག་གིས་ཀྱང་ཆོས་དེ་མཉན་ཏེ། ཐོས་ནས་སྐད་ཅིག་ཐང་ཅིག་ཡུད་ཙམ་གཅིག་ལ་འདུས་ཏེ་ཐམས་ཅད་རྒྱུན་དུ་ཞུགས་པར་གྱུར། ལན་ཅིག་ཕྱིར་འོང་བ་དང་། ཕྱིར་མི་འོང་བའི་འབྲས་བུ་ཐོབ་པར་གྱུར་པ་ནས། ཟག་པ་ཟད་པ་བསམ་གཏན་པ། བསས་གཏན་པ་ཆེན་པོ་རྣམ་པར་ཐར་པ་བརྒྱད་ལ་བསམ་གཏན་པའི་དགྲ་བཅོམ་པའི་བར་དུ་གྱུར་ན། མ་ཕམ་པ་འདི་ཇི་སྙམ་དུ་སེམས། སྦྱིན་པའི་བདག་པོ་ཆེན་པོའི་མི་དེ་གཞི་དེ་ལས་བསོད་ནམས་མང་པོ་དཔག་ཏུ་མེད་གྲངས་མེད་པ་བསྐྱེད་དམ། དེ་སྐད་ཅེས་བཀའ་སྩལ་ནས། བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་དེ་ལྟ་ལགས་སོ།། བདེ་བར་གཤེགས་པ་དེ་དེ་ལྟ་ལགས་ཏེ། སྦྱིན་པའི་བདག་པོ་སྦྱིན་པའི་བདག་པོ་ཆེན་པོའི་མི་དེ་སེམས་ཅན་དེ་སྙེད་ལ་བདེ་བའི་ཡོ་བྱད་ཐམས་ཅད་སྩལ་བའི་རྒྱུ་དེས་ཀྱང་བསོད་ནམས་མང་དུ་བསྐྱེད་ན། བཅོམ་ལྡན་འདས་དེའི་གོང་དུ་དགྲ་བཅོམ་པ་ཉིད་ལ་རབ་ཏུ་བཀོད་པ་ལྟ་སྨོས་ཀྱང་ཅི་འཚལ། དེ་སྐད་ཅེས་གསོལ་ནས། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ་ལ་འདི་སྐད་ཅེས་བཀའ་སྩལ་ཏོ།། མ་ཕམ་པ་ཁྱོད་མོས་པར་བྱ། ཁོང་དུ་ཆུད་པར་བྱའོ།། སྦྱིན་པའི་བདག་པོ་སྦྱིན་པའི་བདག་པོ་ཆེན་པོའི་མི་དེ་གང་གིས་འཇིག་རྟེན་གྱི་ཁམས་གྲངས་མེད་པ་བརྒྱ་སྟོང་ཕྲག་བཞིའི་སེམས་ཅན་ཐམས་ཅད་ལ་བདེ་བའི་ཡོ་བྱད་ཐམས་ཅད་ཀྱིས་རིམ་གྲོར་བྱས་ཏེ། དགྲ་བཅོམ་པ་ཉིད་ལ་རབ་ཏུ་བཀོད་ནས། བསོད་ནམས་སྐྱེད་ལ་གང་ཡང་གཅིག་ནས་གཅིག་ཏུ་བརྒྱུད་དེ་ཐོས་པ་ལྔ་བཅུ་པར་གྱུར་པའི་མི་དེས་ཆོས་ཀྱི་རྣམ་གྲངས་འདི་ལས་ཚིགས་སུ་བཅད་པ་གཅིག་གམ་ཚིག་གཅིག་ཙམ་ཐོས་ཏེ། རྗེས་སུ་ཡི་རང་བ་དང་ལྡན་པའི་བསོད་ནམས་བྱ་བའི་དངོས་པོ་ནི་སྦྱིན་པའི་བདག་པོ་སྦྱིན་པའི་བདག་པོ་ཆེན་པོའི་མི་དེའི་སྦྱིན་པ་དང་ལྡན་པ་དང་། དགྲ་བཅོམ་པ་ལ་བཀོད་པ་དང་ལྡན་པའི་བསོད་ནམས་བྱ་བའི་དངོས་པོ་དེ་བས་གང་མི་གཅིག་ནས་གཅིག་ཏུ་བརྒྱུད་པ་ལྔ་བཅུ་པའི་མིས་ཆོས་ཀྱི་རྣམ་གྲངས་འདི་ལས་ཚིགས་སུ་བཅད་པ་གཅིག་གམ། ཚིག་གཅིག་ཐོས་ནས་རྗེས་སུ་ཡི་རང་བ་ནི་ཆེས་མང་སྟེ། མ་ཕམ་པ་རྗེས་སུ་ཡི་རང་བ་དང་ལྡན་པའི་བསོད་ནམས་མངོན་པར་འདུ་བྱེད་པ་དང་། དགེ་བ་མངོན་པར་འདུ་བྱེད་པ་འདིའི་མདུན་ན་སྔ་མའི་སྦྱིན་པ་དང་ལྡན་པ་དང་། དགྲ་བཅོམ་པ་ཉིད་ལ་བཀོད་པ་དང་ལྡན་པའི་བསོད་ནམས་མངོན་པར་འདུ་བྱེད་པ་དེས་བརྒྱའི་ཆར་ཡང་ཉེ་བར་མི་འགྲོའོ། ། སྟོང་གི་ཆར་ཡང་བརྒྱ་སྟོང་གི་ཆར་ཡང་། བྱེ་བའི་ཆར་ཡང་། བྱེ་བ་བརྒྱའི་ཆར་ཡང་། བྱེ་བ་སྟོང་གི་ཆར་ཡང་། བྱེ་བ་བརྒྱ་སྟོང་གི་ཆར་ཡང་། བྱེ་བ་ཁྲག་ཁྲིག་བརྒྱ་སྟོང་གི་ཆར་ཡང་ཉེ་བར་མི་འགྲོ་སྟེ། བགྲང་བར་ཡང་། ཆར་ཡང་། གྲངས་སུ་ཡང་། དཔེར་ཡང་། རྒྱུར་ཡང་མི་བཟོད་དོ།། མ་ཕམ་པ་དེ་ལྟར་ལྔ་བཅུ་པའི་མི་དེ་ཐ་ན་ཆོས་ཀྱི་རྣམ་གྲངས་འདི་ལས་ཚིགས་སུ་བཅད་པ་གཅིག་གམ། མིག་གཅིག་ལ་རྗེས་སུ་ཡི་རང་བ་ཡང་བསོད་ནམས་འདི་སྙེད་སྐྱེད་ན། མ་ཕམ་པ་གང་གིས་ངའི་མངོན་སུམ་དུ་ཆོས་ཀྱི་རྣམ་གྲངས་འདི་མཉན་ཏེ། ཐོས་ནས་རྗེས་སུ་ཡི་རང་བ་ལྟ་ཅི་སྨོས་ཏེ། མ་ཕམ་པ་དེའི་བསོད་ནམས་མངོན་པར་འདུ་བྱེད་པ་ནི་ཆེས་དཔག་ཏུ་མེད། ཆེས་གྲངས་མེད་ཅེས་ངས་བཤད་དོ། ། མ་ཕམ་པ་ཡང་རིགས་ཀྱི་བུ་འམ། རིགས་ཀྱི་བུ་མོ་གང་གིས་ཆོས་ཀྱི་རྣམ་གྲངས་འདི་མཉན་པའི་ཕྱིར་བདག་གི་ཁྱིམ་ནས་བྱུང་སྟེ། གཙུག་ལག་ཁང་དུ་སོང་ལ་དེ་ཕྱིར་ནས། དེར་འགྲེང་ངམ་འདུག་སྟེ་ཆོས་ཀྱི་རྣམ་གྲངས་འདི་ཡུད་ཙམ་མཉན་ན། སེམས་ཅན་དེ་བསོད་ནམས་མངོན་པར་འདུ་བྱ་བ་དེ་ཙམ་དུ་བྱས་ཤིང་བསགས་པས་དེ་ཚེ་རྗེས་ནས། ལུས་ཕྱི་མ་དང་བདག་གི་ངོ་བོ་ཕྱི་མ་ཐོབ་པ་ལ་གླང་གི་ཤིང་རྟ་ཐོབ་པར་འགྱུར་རོ།། རྟའི་ཤིང་རྟ་དང་། གླང་པོ་ཆེའི་ཤིང་རྟ་དང་། ཁྱོགས་ཀྱི་བཞོན་པ་དང་། གྲུའི་བཞོན་པ་དང་། ཁྱུ་མཆོག་གི་བཞོན་པ་དང་། ལྷའི་གཞལ་མེད་ཁང་ཐོབ་པར་འགྱུར་རོ།། གལ་ཏེ་མདོའི་ཆོས་སྒྲོག་པ་དེར་ཡང་ཙམ་ཞིག་འདུག་སྟེ། ཆོས་ཀྱི་རྣམ་གྲངས་འདི་ཉན་ཏམ། ཕ་རོལ་འདུག་ཏུ་བཅུག། གམ་སེམས་ཅན་གཞན་ལ་བསྟན་བགོས་ན། བསོད་ནམས་མངོན་པར་འདུ་བྱེད་པ་དེས་བརྒྱ་བྱིན་གྱི་སྟན་དང་། ཚངས་པའི་སྟན་དང་། འཁོར་ལོས་སྒྱུར་བའི་སེང་གེའི་ཁྲི་ཐོབ་པར་འགྱུར་རོ། ། མ་ཕམ་པ་གལ་ཏེ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་མི་གཞན་ཞིག་ལ་འདི་སྐད་དུ། ཀྱེ་མི་ཁྱོད་ཚུར་ཤོག། དམ་པའི་ཆོས་པདྨ་དཀར་པོ་ཞེས་བྱ་བའི་ཆོས་ཀྱི་རྣམ་གྲངས་འདི་ཉོན་ཅིག་ཅེས་སྨྲས་ལ། མི་དེ་ཡང་སྤྲོ་བ་རྙེད་ནས་གལ་ཏེ་ཡུད་ཙམ་ཞིག་མཉན་ན། སེམས་ཅན་དེའི་སྤྲོ་བའི་དགེ་བའི་རྩ་བ་མངོན་པར་འདུ་བྱས་པ་དེས་གཟུངས་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་ལྷན་ཅིག་འགྲོགས་པ་ཐོབ་བོ། ། བླུན་པོར་མི་འགྱུར་རོ།། དབང་པོ་རྣོ་ཞིང་ཤེས་རབ་དང་ལྡན་པར་འགྱུར་རོ།། ཚེ་རབས་བརྒྱ་སྟོང་དུ་ཡང་ཁ་རུལ་ཅིང་མནམ་པར་མི་འགྱུར་དེ་ལ་ལྕེ་ནད་མེད་པར་འགྱུར། ཁ་ནད་མེད་པར་འགྱུར། སོ་སྔོན་པོར་མི་འགྱུར། སོ་མི་མཉམ་པ་མེད་པ་དང་། སོ་མི་སེར་བ་དང་། སོ་འགྱེད་འདུམས་མེད་པ་དང་། སོ་སྔོ་བ་མེད་པ་དང་། སོ་བྱུང་བ་མེད་པ་དང་། སོ་ཡོ་བ་མེད་པར་འགྱུར་རོ།། མཆུ་འཕྱང་དུ་མི་འགྱུར། མཆུ་ནང་དུ་སོང་བ་མ་ཡིན་པ་དང་། མཆུ་ལོག་པ་མེད་པ་དང་། མཆུ་ཤོ་རེར་མ་གྱུར་པ་དང་། མཆུ་ཡོ་བ་མེད་པ་དང་། མཆུ་གནག་པ་མེད་པ་དང་། མཆུ་མི་སྡུག་པ་མེད་པར་འགྱུར་རོ།། སྣ་ལེབ་ལེབ་པོར་མི་འགྱུར། སྣ་ཡོན་པོར་མི་འགྱུར་རོ།། གདོང་རིང་པོར་མི་འགྱུར། གདོང་ཡོན་པོར་མི་འགྱུར། གདོང་ནག་པོར་མི་འགྱུར། གདོང་བལྟ་ན་མི་སྡུག་པར་མི་འགྱུར་རོ།། མ་ཕམ་པ་འདི་ལྟར་ལྕེ་དང་སོ་དང་། མཆུ་སྲབ་ཅིང་ཤིན་ཏུ་ལེགས་པར་འགྱུར། སྣ་ཆེ་བ་དང་། བཞིན་གྱི་དབྱིབས་ལེགས་པ་དང་། སྨིན་མ་ལེགས་པ་དང་། དཔྲལ་བའི་དབྱེས་ཆེ་བར་འགྱུར། དཔེ་བྱད་རྫོགས་པ་འཐོབ་པར་འགྱུར། དེ་བཞིན་གཤེགས་པས་གདམས་པ་དང་། རྗེས་སུ་བསྟན་པ་ཡང་འཐོབ་པར་འགྱུར་རོ།། སངས་རྒྱས་བཅོམ་ལྡན་འདས་རྣམས་དང་ཡང་མྱུར་དུ་ཕྲད་པར་འགྱུར་རོ། ། མ་ཕམ་བལྟོས། སེམས་ཅན་གཅིག་སྤྲོ་བར་བྱས་པས་ཀྱང་། བསོད་ནམས་དེ་ཙམ་སྐྱེད་ན་གང་གིས་བསྟི་སྟང་དུ་བྱས་ཏེ་མཉན་ཏམ། བསྟི་སྟང་དུ་བྱས་ཏེ། ཀློག་གམ། བསྟི་སྟང་དུ་བྱས་ཏེ། སྟོན་ཏམ། བསྟི་སྟང་དུ་བྱས་ཏེ་རབ་ཏུ་འཆད་པ་ལྟ་ཅི་སྨོསདེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། གཅིག་ནས་གཅིག་ཏུ་བརྒྱུད་པ་ལྔ་བཅུ་པ།། གང་གིས་མདོ་འདིའི་ཚིགས་བཅད་གཅིག་མཉན་ཏེ།། ཐོས་ནས་སེམས་དང་རྗེས་སུ་ཡི་རང་བའི།། བསོད་ནམས་ཇི་སྙེད་འབྱུང་བ་དེ་ཞོན་ཅིག་གལ་ཏེ་སྦྱིན་བྱེད་མི་ཞིག་བྱུང་གྱུར་ཏེ། ། རྟག་ཏུ་སེམས་ཅན་བྱེ་བ་ཁྲག་ཁྲིག་ལ།། གང་སྔར་ང་ཡིས་དཔེ་བྱས་དེ་དག་རྣམས།། དེ་ཀུན་ལོ་ཡང་བརྒྱ་བཅུར་ཚིམ་པར་བྱས།། མགོ་ལ་སྐྲ་དཀར་གཉེར་མ་ཀུན་འབྱུང་སྟེ། ། དེ་དག་རྒལ་ཉེར་གནས་དེས་མཐོང་ནས།། ཀྱེ་མ་སེམས་ཅན་ཉོན་མོངས་འདི་དག་ཀུན།། ཆོས་ཀྱིས་འདི་དག་རབ་ཏུ་བསྟན་པར་བྱ།། དེ་ཡིས་དེ་རྣམས་ལ་ནི་བྱིས་ཆོས་སྨྲས། ། མྱ་ངན་འདའ་བའི་ས་ཡང་རབ་ཏུ་བཤད།། སྲིད་པ་ཐམས་ཅད་དབུ་བ་སྨིག་རྒྱུ་འདྲ།། སྲིད་པ་ཀུན་ལ་མྱུར་དུ་ཡིད་བྱུང་བྱོས།། སྦྱིན་པ་བྱེད་པའི་མི་དེའི་གན་ནས་སུ། ། སེམས་ཅན་དེ་དག་ཀུན་གྱིས་ཆོས་ཐོས་ནས།། ཟག་པ་ཟད་ཅིང་ཐ་མའི་ལུས་འཛིན་པར།། དུས་གཅིག་ཏུ་ནི་དགྲ་བཅོམ་ཐོབ་གྱུར་ཀྱང་།། གང་ཞིག་རྒྱུད་དེ་ཚིགས་བཅད་གཅིག་ཐོས་ཤིང་། ། རྗེས་སུ་ཡི་རང་བསོད་ནམས་ཇི་སྙེད་པ།། དེ་ཡི་བསོད་ནམས་དེ་བས་ཆེས་མང་སྟེ།། བསོད་ནམས་ཕུང་པོ་སྔ་མས་ཆར་མི་ཕོད།། གང་གིས་བརྒྱུད་དེ་ཚིགས་བཅད་གཅིག་ཐོས་པ། ། དེ་ལྟར་དེ་ཡིས་བསོད་ནམས་མང་གྱུར་ཏེ།། དེ་དག་མཐའ་ཡས་ཚད་ཀྱང་ཡོད་མེད་ན།། མངོན་སུམ་ཐོས་པ་དེ་ནི་སྨོས་ཅི་དགོས།། གང་དེར་སེམས་ཅན་གཅིག་ལའང་སྨྲས་པ་ནི། ། བསྐལ་པ་བྱེ་བ་ཁྲག་ཁྲིག་དུ་མར་ཡང་།། མདོ་འདི་ཡང་ནི་ཤིན་ཏུ་རྙེད་དཀའ་ཡིས།། སོང་སྟེ་ཆོས་ཉོན་ཅེས་ནི་སྤྲོ་བར་བྱས།། སེམ་ཅན་དེ་དག་དེ་ཡིས་སྤྲོ་བྱས་ནས།། མདོ་འདི་ཡང་ནི་ཡུད་ཙམ་ཉན་བྱེད་པ།། དེ་ཡི་ལས་ཀྱི་འབྲས་བུ་མཉན་པར་གྱིས།། ནམས་ཀྱང་དེ་ལ་ཁ་ཡི་ནད་མེད་འགྱུར།། དེ་ཡི་ལྕེ་ཡང་ན་བར་གཞར་མི་འགྱུར། ། དེ་ཡི་སོ་རྣམས་འབྱུང་བར་མི་འགྱུར་རོ།། སྔོན་པོ་སེར་པོ་མི་མཐུན་གཞར་མི་འགྱུར།། མཆུ་མི་སྡུག་པར་ཡང་ནི་ཡོང་མི་འགྱུར།། དེ་གདོང་ཡོ་འམ་སྐམ་ཞིང་རིང་བ་མེད།། ནམས་ཀྱང་སྣ་ལེབ་ཏུ་ནི་ཡོང་མི་འགྱུར།། སོ་དང་མཆུ་དང་བཞིན་གྱི་དཀྱིལ་འཁོར་དང་།། དེའི་སྣ་དང་འཕྲལ་བའི་དབྱིབས་ཀྱང་ལེགས།། མི་རྣམས་ཀྱིས་ནི་བལྟ་ན་སྡུག་པར་འགྱུར། ། དེ་ཡི་ཁ་ནི་རུལ་བར་གཞར་མི་འགྱུར།། ཨུཏྤལ་བཞིན་དུ་རྟག་ཏུ་དྲི་ཞིམ་པ།། དེ་ཡི་ཁ་ནས་དྲི་ཡང་འབྱུང་བར་འགྱུར།། དཔའ་བོ་ཁྱིམ་ནས་གཙུག་ལག་ཁང་དུ་སོང་། མདོ་སྡེ་མཉན་པའི་ཕྱིར་ཡང་དེར་སོང་སྟེ།། སོང་ནས་དེས་ནི་ཡུད་ཙམ་དེས་ཆོས་མཉན།། དད་པའི་སེམས་ཀྱིས་འབྲས་བུ་མཉན་པར་གྱིས།། དེ་ཡི་ལུས་ནི་ཤིན་ཏུ་དཀར་བར་འགྱུར། ། བརྟན་པ་དེ་ནི་རྟ་ཡི་ཤིང་རྟས་འགྲོ།། གླང་ཆེན་ཤིང་རྟ་མཐོན་པོར་འདུག་ནས་དུ།། རིན་པོ་ཆེ་ཡིས་བརྒྱན་པར་བཞོན་ཅིང་འཆག། ཤིན་ཏུ་སྤྱད་པའི་ཁྱོགས་ཀྱང་དེས་ཐོབ་ནས།། དེ་དག་དུ་མའི་མི་ཡིས་བཏེག་ཅིང་བཀུར།། ཆོས་ཉན་ཕྱིར་ནི་སོང་བར་གྱུར་པ་དེའི།། འབྲས་བུ་དགེ་བར་འགྱུར་བ་འདི་འདྲ་ཡིན།། དེ་ནི་འཁོར་གྱི་ནང་ན་དེར་འདུག་ནས།། དཀར་པོའི། ལས་རྣམས་བྱས་པ་དེ་དག་གིས།། ཚངས་པའི་སྟན་དང་རྒྱལ་པོའི་སྟན་རྣམས་དང་།། བརྒྱ་བྱིན་སྟན་རྣམས་ཀྱང་ནི་དེས་ཐོབ་འགྱུར།། རྗེས་སུ་ཡི་རང་བའི་བསོད་ནམས་བསྟན་པ་ལེའུ་ཞེས་བྱ་སྟེ་བཅུ་བདུན་པའོ། ། །། དམ་པའི་ཆོས་པདྨ་དཀར་པོ་བམ་པོ་བཅུ་གཅིག་པ། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་རྒྱུན་དུ་བརྩོན་པ་ལ་བཀའ་སྩལ་པ། རིགས་ཀྱི་བུ་གང་ལ་ལ་ཆོས་ཀྱི་རྣམ་གྲངས་འདི་འཛིན་པའམ། ཀློག་པ་འམ། སྟོན་པ་འམ་ཡི་གེར་འདྲི་ཡང་རུང་སྟེ། རིགས་ཀྱི་བུ་དེ་མིག་ཡོན་ཏན་བརྒྱད་བརྒྱ་ཐོབ་པར་འགྱུར་རོ། ། རྣ་བའི་ཡོན་ཏན་སྟོང་ཉིས་བརྒྱ་ཐོབ་པར་འགྱུར་རོ།། སྣའི་ཡོན་ཏན་བརྒྱད་བརྒྱ་ཐོབ་པར་འགྱུར་རོ།། ལྕེའི་ཡོན་ཏན་སྟོང་ཉིས་བརྒྱ་ཐོབ་པར་འགྱུར་རོ། ། ལུས་ཀྱི་ཡོན་ཏན་བརྒྱད་བརྒྱ་ཐོབ་པར་འགྱུར་རོ།། ཡིད་ཀྱི་ཡོན་ཏན་སྟོང་ཉིས་བརྒྱ་ཐོབ་པར་འགྱུར་རོ།། དེ་ཡོན་ཏན་བརྒྱ་ཕྲག་མང་པོས་དབང་པོ་དྲུག་གི་གྲོང་ཡོངས་སུ་དག་ཅིང་ཤིན་ཏུ་ཡོངས་སུ་དག་པར་འགྱུར་རོ། ། དེའི་ཕ་དང་མ་ལས་བྱུང་བའི་ཤའི་མིག་ཐ་མལ་པ་དེ་ལྟར་ཡོངས་སུ་དག་མིག་གི་དབང་པོས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཕྱི་ནང་དང་། བྲག་དང་ནགས་སྟུག་པོར་བཅས་པ་དང་། འོག་ཏུ་མནར་མེད་པའི་སེམས་ཅན་དམྱལ་བ་ཆེན་པོ་ལ་ཐུག་པ་ཡན་ཆད་སྟེང་དུ་སྲིད་པའི་རྩེ་མོ་ལ་ཐུག་གི་བར་དུ་དེ་དག་ཐམས་ཅད་མཐོང་ངོ་། ། ཤའི་མིག་ཐ་མལ་པས་སེམས་ཅན་གང་དག་དེར་སྐྱེས་པ་དེ་དག་ཐམས་ཅད་ཀྱང་མཐོང་སྟེ། དེ་དག་གི་ལས་ཀྱི་རྣམ་པར་སྨིན་པ་ཡང་ཤེས་སོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། འཁོར་གྱི་དབུས་སུ་མི་འཇིགས་པ།། གང་ཞིག་མདོ་སྡེ་འདི་འཆད་ཅིང་།། ལེ་ལོ་མེད་པར་རབ་འཆད་པ། ། དེ་ཡི་ཡོན་ཏན་ང་ལས་ཉོན།། ཡོན་ཏན་དག་ནི་བརྒྱད་བརྒྱ་ཡི།། དེ་ཡི་མིག་ནི་ཀུན་ཏུ་མཛེས།། དེས་ནི་དེ་མིག་དྲི་མ་མེད།། རྙོག་པ་མེད་ཅིང་དག་པར་འགྱུར།། ཕ་དང་མ་ལས་བྱུང་བ་ཡི།། དེ་ཡི་ཤ་ཡི་མིག་དེས་ནི།། འཇིག་རྟེན་ཁམས་འདི་ཐམས་ཅད་ཀྱང་།། ཕྱི་ནང་བཅས་པར་རབ་ཏུ་མཐོང་།། ལྷུན་པོ་རི་རབ་ཐམས་ཅད་དང་།། ཁོར་ཡུག། ཀྱང་དེས་མཐོང་སྟེ།། རི་གཞན་གང་རྣམས་གྲགས་པ་དང་།། རྒྱ་མཚོ་དག་ཀྱང་མཐོང་བར་འགྱུར།། འོག་ཏུ་མན་ར་མེད་དམྱལ་བར་ཐུག། སྟེང་དུ་སྲིད་པའི་རྩེར་གནས་པ་བརྟན་པ་དེས་ནི་ཀུན་མཐོང་སྟེ། ། ཤའི་མིག་ནི་དེ་འདྲའོ།། ད་དུང་དེ་ལ་ལྷ་ཡི་མིག། མེད་པས་ཤེས་པ་མ་ཡིན་ནོ།། དེ་ཡི་ཤ་ཡི་མིག་གི་ཡུལ།། དེ་དག་དེ་ལྟར་འགྱུར་བ་ཡིན་རྟག་པར་རྒྱུན་དུ་བརྩོན་པ་གཞན་ཡང་རིགས་ཀྱི་བུ་འམ། རིགས་ཀྱི་བུ་མོ་དེས་ཆོས་ཀྱི་རྣམ་གྲངས་འདི་ཡང་དག་པར་རབ་ཏུ་བསྟན་ཅིང་། གཞན་དག་ལ་ཡང་དག་པར་བཤད་ན། རྣ་བའི་ཡོན་ཏན་སྟོང་ཉིས་བརྒྱ་པོ་དེ་དག་དང་ལྡན་ཏེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་མནར་མེད་པའི་སེམས་ཅན་དམྱལ་བ་ཆེན་པོ་ལ་ཐུག་པ་ཡན་ཆད། སྲིད་པའི་རྩེ་མོ་ལ་ཐུག་པ་མན་ཆད་ན་ཕྱི་ནང་གི་སྒྲ་རྣམ་པ་མང་པོ་གང་དག་འབྱུང་བ་འདི་ལྟ་སྟེ། གླང་པོ་ཆེའི་སྒྲ་འམ། རྟའི་སྒྲ་འམ། རྔ་མོའི་སྒྲ་འམ། བ་གྲང་གི་སྒྲ་འམ། རའི་སྒྲ་འམ་ཤིང་རྟའི་སྒྲའམ། དུ་བའི་སྒྲ་འམ། མྱ་ངན་གྱི་སྒྲ་འམ། འཇིག་པའི་སྒྲ་འམ། དུང་གི་སྒྲ་འམ། དྲིལ་བུའི་སྒྲའམ། རྔའི་སྒྲ་འམ། རྩེད་མོའི་སྒྲ་འམ། གླུའི་སྒྲ་འམ་རོལ་མོའི་སྒྲ་འམ། སྐྱེས་པའི་སྒྲའམ། བུད་མེད་ཀྱི་སྒྲའམ། ཁྱེའུ་ཡི་སྒྲ་འམ། བུ་མོའི་སྒྲ་འམ་ཆོས་ཀྱི་སྒྲའམ། ཆོས་མ་ཡིན་པའི་སྒྲ་འམ་བདེ་བའི་སྒྲ་འམ་སྡུག་བསྔལ་བའི་སྒྲ་འམ། བྱིས་པའི་སྒྲ་འམ། འཕགས་པའི་སྒྲ་འམ། ཡིད་དུ་འོང་བའི་སྒྲ་འམ། ཡིད་དུ་མི་འོང་བའི་སྒྲའམ། ལྷའི་སྒྲ་འམ། ཀླུའི་སྒྲ་འམ། གནོད་སྦྱིན་གྱི་སྒྲ་འམ། དྲི་ཟས་སྒྲ་འམ། ལྷ་མ་ཡིན་གྱི་སྒྲ་འམ། ནམ་མཁའི་ལྡིང་གི་སྒྲ་འམ། མི་འམ་ཅིའི་སྒྲ་འམ། ལྟོ་འཕྱེ་ཆེན་པོའི་སྒྲ་འམ། མིའི་སྒྲའམ། མི་མ་ཡིན་པའི་སྒྲོའམ། མེའི་སྒྲའམ། ཆུའི་སྒྲ་འམ། རླུང་གི་སྒྲ་འམ། གྲོང་གི་སྒྲ་འམ། གྲོང་ཁྱེར་གྱི་སྒྲ་འམ། དགེ་སློང་གི་སྒྲ་འམ། ཉན་ཐོས་ཀྱི་སྒྲ་འམ། རང་སངས་རྒྱས་ཀྱི་སྒྲ་འམ། བྱང་ཆུབ་སེམས་དཔའི་སྒྲ་འམ། དེ་བཞིན་གཤེགས་པའི་སྒྲ་འམ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཕྱི་ནང་ན་སྒྲ་ཅི་བྱུང་བ་ཇི་སྙེད་པ་དེ་དག་ཐམས་ཅད་རྣ་བའི་དབང་པོ་ཐ་མལ་པ་ཡོངས་སུ་དག་པ་དེས་ཐོས་ཏེ། རེ་ཞིག་ལྷའི་རྣ་བ་ནི་མི་སྒྲུབ་མོད་ཀྱི་སེམས་ཅན་དེ་དང་དེ་དག་གི་སྐད་དུ་རབ་ཏུ་རྟོགས་སོ།། སེམས་ཅན་དེ་དང་དེ་དག་གི་སྐད་ལ་རྣམ་པར་རྟོག་གོ། ། རྣམ་པར་དཔྱོད་དོ།། རྣ་བའི་དབང་པོ་ཐ་མལ་པ་དེས། སེམས་ཅན་དེ་དང་དེ་དག་གི་སྐད་རྣམས་ཐོས་ཀྱང་དེའི་རྣ་བའི་དབང་པོ་ལ་སྒྲ་དེ་དག་ཐམས་ཅད་ཀྱིས་ཟིལ་གྱིས་མི་གནོན་ཏོ། ། རྟག་པར་རྒྱུན་དུ་བརྩོན་པ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣ་བའི་དབང་པོ་འདི་ལྟ་བུ་འཐོབ་པར་འགྱུར་ཏེ། རེ་ཤིག་ལྷའི་རྣ་བ་ནི་མངོན་པར་མི་སྒྲུབ་བོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། ། དེའི་རྣ་བའི་དབང་པོ་ཐ་མལ་པ།། རྙོག་པ་མེད་ཅིང་རྣམ་པར་དག་པར་འགྱུར།། འཇིག་རྟེན་ཁམས་འདི་དག་ན་མ་ལུས་པར།། རྣམ་པ་མང་པོའི་སྒྲ་རྣམས་དེས་ཐོས་ཏེ། ། རྔ་བོ་ཆེ་དང་རྫ་རྔ་སྠ་སྙན་དང་། པི་ཝང་གླིང་བུ་དང་ནི་བ་ཀ་ལི།། ཤིང་རྟ་བལ་གྲང་ར་དང་ལུག་དག་དང་།། རྟ་དང་གླང་ཆེན་དག་གི་སྒྲ་ཡང་ཐོས།། འཇམ་ཞིང་ཡིད་འོང་གྲ་ཡི་དབྱངས་ཀྱང་ཐོས། ། བརྟན་པ་དེ་ནི་དེ་ལ་ཆགས་པ་མེད།། གང་དང་གང་ནས་སུ་སྨྲ་བ།། བྱེ་བ་སྙེད་ཀྱི་མི་ཡི་སྒྲ་རྣམས་ཐོས།། ལྷ་ཡི་སྒྲ་དང་ཀླུའི་དབྱངས་རྣམས་དང་།། སྙན་ཅིང་ཡིད་དུ་འོང་བ་རྟག་པར་ཐོས།། སྐྱེས་པ་བུད་མེད་དག་གི་སྒྲ་རྣམས་དང་།། ཁྱེའུ་དང་བུ་མོའི་སྒྲ་ཡང་དེ་བཞིན་ཐོས།། རི་དང་ཕུག་ན་གང་གནས་དེ་དག་དང་།། ཁུ་བྱུག་རྨ་བྱ་ཀ་ལ་བིངྒ་དང་། ། བྱ་རྣམས་གང་དག་ཤང་ཤང་ཏེའུ་རྣམས་དང་།། དེ་དག་རྣམས་ཀྱི་སྒྲ་སྙན་འདི་ཐོས་སོ།། སེམས་དམྱལ་དག་ན་སྡུག་བསྔལ་གང་མྱོང་བ།། ཤིན་ཏུ་མི་བཟད་པ་ཡི་སྒྲ་རྣམས་དང་། ། ཟས་ཀྱི་སྡུག་བསྔལ་དག་གིས་ཉེན་པ་ཡི།། ཡི་དགྲ་རྣམས་ཀྱི་སྒྲ་ཕྱུང་དེ་བཞིན་ཐོས།། ལྷ་མ་ཡིན་དང་རྒྱ་མཚོའི་ནང་གནས་དང་།། སྒྲ་འབྱིན་པ་དང་དེ་བཞིན་གཞན་དང་གཞན། ། ཆོས་སྨྲ་བ་དེ་དེ་ན་འདུག་བཞིན་དུ།། སྒྲ་རྣམས་ཐམས་ཅད་ཐོས་ཏེ་ཆོད་པ་མེད།། དུད་འགྲོའི་སྐྱེ་གནས་དག་ན་ཕན་ཚུན་དུ།། སྨྲ་བར་བྱེད་པའི་སྒྲ་རྣམས་གང་ཡིན་པ། ། རྣམ་པ་ཐ་དད་སྒྲ་རྣམས་མང་པོ་དག། དེ་ནི་འདི་ན་འདུག་བཞིན་དེ་དག་ཐོས།། ལྷ་གང་ཚངས་པའི་འཇིག་རྟེན་གནས་པ་དང་།། གང་དག་འོག་མིན་དང་ནི་འོད་གསལ་ལྷ། ། ཕན་ཚུན་དུ་ནི་སྒྲ་སྐད་གང་འབྱིན་པ།། དེ་དག་མ་ལུས་ཐམས་ཅད་ངེས་ཐོས་སོ།། བདེ་བར་གཤེགས་ཀྱི་བསྟན་ལ་རབ་བྱུང་ནས།། དགེ་སློང་གང་དག་ཁ་ཏོན་བྱེད་པ་དང་། ། འཁོར་གྱི་ནང་ན་ཆོས་སྟོན་གང་ཡིན་པ།། དེ་དག་སྒྲ་ཡང་རྟག་ཏུ་དེ་ཡིས་ཐོས།། འཇིག་རྟེན་ཁམས་འདིར་བྱང་ཆུབ་སེམས་དཔའ་གང་། ཁ་ཏོན་དག་ཀྱང་བྱེད་ཅིང་ཕན་ཚུན་དུ།། ཆོས་རྣམས་ཡང་དག་བརྗོད་པར་གང་བྱེད་པ།། དེ་དག་སྒྲ་རྣམས་རྣམ་པ་ཐ་དད་ཐོས།། བྱང་ཆུབ་སེམས་དཔའ་མདོ་འདི་གང་འཛིན་པ། ། སངས་རྒྱས་བཅོམ་ལྡན་མི་འདུལ་ཁ་ལོ་སྒྱུར།། འཁོར་རྣམས་ལ་ཡང་ཆོས་མཆོག་གང་གསུང་བ།། དུས་གཅིག་ཏུ་ནི་དེ་ཡང་དེ་ཡིས་ཐོས།། མནར་མེད་ཡན་ཆད་སྟེང་དུ་སྲིད་པའི་རྩེ། ། སྟོང་གསུམ་གྱི་ནི་ཞིང་འདི་ཐམས་ཅད་ན།། ནང་ལོགས་དག་དང་ཕྱི་ལོགས་དག་ནས་ཀྱང་།། སེམས་ཅན་དག་གིས་སྒྲ་མང་ཕྱུང་བ་དང་།། སེམས་ཅན་ཀུན་གྱི་སྒྲ་རྣམས་ཐོས་གྱུར་ཀྱང་། ། འོན་ཀྱང་དེ་ཡི་རྣ་བ་འགག་པ་མེད།། དབང་པོ་གསལ་ཞིང་གནས་དང་གནས་ཀྱང་ཤེས།། རྣ་བའི་དབང་པོ་ཐ་མལ་དེ་ཙམ་མོ།། རེ་ཤིག་ལྷ་ཡི་ལ་ནི་འབད། མི་བྱེད།། ཐ་མ་ལ་རྣ་བ་དེ་ནི་དེ་ལྟར་འདུག། འཇིགས་མེད་གང་གིས་མདོ་འདི་བཟུང་བ་ཡི།། དེ་ཡི་ཡོན་ཏན་དག་ནི་དེ་འདྲར་འགྱུར།། རྟག་པར་རྒྱུན་དུ་བརྩོན་པ་གཞན་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་རྣམ་གྲངས་འདི་འཛིན་ཏམ། རབ་ཏུ་བསྟན་ཏམ། ཁ་ཏོན་བྱེད་དམ། ཡི་གེར་འདྲི་བ་དེ་སྣའི་ཡོན་ཏན་བརྒྱད་བརྒྱ་དང་ལྡན་ཞིང་། སྣང་དབང་པོ་ཡོངས་སུ་དག་པར་འགྱུར་ཏེ། དེའི་སྣའི་དབང་པོ་ཡོངས་སུ་དག་པ་དེས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཕྱི་ནང་ཀྱི་དྲི་རྣམ་པ་མང་པོ་ཡོད་པ་འདི་ལྟ་སྟེ། དྲལ། བའི་དྲི་འམ། ཡིད་དུ་འོང་བའི་དྲི་འམ། ཡིད་དུ་མི་འོང་བའི་དྲི་འམ། མེ་ཏོག་རྣམ་པ་ཐ་དད་པའི་དྲི་འདི་ལྟ་སྟེ། སྣ་མའི་མེ་ཏོག་དང་། མ་ལི་ཀ་དང་། ཙམ་པ་ཀ་དང་། སྐྱ་སྣར་གྱི་དྲི་རྣམས་ཀྱང་ཚོར་རོ། ། ཆུ་ལས་སྐྱེས་པའི་མེ་ཏོག་རྣམ་པ་མང་པོའི་དྲི་རྣམས་ཀྱང་ཚོར་ཏེ། འདི་ལྟ་སྟེ། ཨུཏྤ་ལ་དང་། པདྨ་དང་། ཨུཏྤལ་དང་པདྨ་དཀར་པོ་རྣམས་ཀྱི་དྲི་དག་ཀྱང་ཚོར་རོ། ། མེ་ཏོག་དང་འབྲས་བུའི་ཤིང་རྣམ་པ་མང་པོའི་མེ་ཏོག་དང་། འབྲས་བུའི་དྲི་རྣམས་ཀྱང་ཚོར་ཏེ། འདི་ལྟ་སྟེ། ཙན་དན་དང་ཏ་མ་ལའི་འདབ་མ་དང་། རྒྱ་སྤོས་དང་། ཨ་ག་རུའི་དྲི་ཞིམ་པོ་རྣམས་ཀྱང་ཚོར། སྤོས་རྣམ་པ་ཐ་དད་པ་བརྒྱ་སྟོང་གནས་གཅིག་ན་འདུག་པ་ཐམས་ཅད་ཀྱང་ཚོར་རོ།། ཐམས་ཅད་ཀྱང་ཤེས་སོ།། སེམས་ཅན་ཐམས་ཅད་ཀྱི་དྲི་རྣམ་པ་མང་པོ་ཡང་ཚོར་ཏེ། འདི་ལྟ་སྟེ། གླང་པོ་ཆེ་དང་། རྟ་དང་བ་གླང་དང་། ར་ལུག་དང་། ཕྱུགས་ཀྱི་དྲི་རྣམས་ཀྱང་ཚོར་རོ།། དུད་འགྲོའོ་སྐྱེ་གནས་སུ་སོང་བའི་སྲོག་ཆགས་རྣམ་པ་མང་པོའི་ལུས་ཀྱི་དྲི་རྣམས་ཀྱང་ཚོར་རོ། ། སྐྱེས་པ་དང་བུད་མེད་ཀྱི་དྲི་རྣམས་ཀྱང་ཚོར་རོ།། ཁྱེའུ་དང་བུ་མོའི་ལུས་ཀྱི་དྲི་རྣམས་ཀྱང་ཚོར་རོ།། རྩཝ་དང་ཤིང་གེལ་བ་དང་དང་ནགས་ཐག་རིང་པོ་ན་འདུག་པའི་དྲི་རྣམས་ཀྱང་ཚོར་རོ། ། དྲི་ཡང་དག་པར་ཚོར་ཏེ། དྲི་ཡང་དག་པར་ཤེས་མོད་ཀྱི། དྲི་དེ་དག་གིས་མི་འཕྲོགས། དེ་དག་གིས་མྱོས་པར་མི་འགྱུར་རོ། ། དེ་འདི་ན་འདུག་བཞིན་དུ་ལྷ་དག་གི་དྲི་རྣམས་ཀྱང་ཚོར་ཏེ། འདི་ལྟ་སྟེ། ཡོངས་འདུ་དང་། ས་བརྟོལ་གྱི་དྲི་རྣམས་ཀྱང་ཚོར་རོ།། མེ་ཏོག་མནྡ་ར་བ་དང་། མནྡ་ར་བ་ཆེན་པོ་དང་། མཉྫུ་ཤ་ཀ་དང་། མཉྫུ་ཤ་ཀ་ཆེན་པོ་རྣམས་ཀྱི་ལྷའི་དྲི་རྣམས་ཀྱང་ཚོར་རོ།། ལྷའི་ཨ་གཱ་རུའི་ཕྱེ་མ་དང་། ཙན་དན་གྱི་ཕྱེ་མའི་དྲི་རྣམས་ཀྱང་ཚེརརེ་རོ།། ལྷའི་མེ་ཏོག་རྣམ་པ་ཐ་དད་པ་བརྒྱ་སྟོང་གི་དྲི་དག་ཀྱང་ཚོར་རོ། ། དེ་དག་གི་མིང་རྣམས་ཀྱང་ཤེས་སོ།། ལྷའི་བུའི་ལུས་ཀྱི་དྲི་རྣམས་ཀྱང་ཚོར་ཏེ། འདི་ལྟ་སྟེ། ལྷའི་དབང་པོ་བརྒྱ་བྱིན་གྱི་ལུས་ཀྱི་དྲི་རྣམས་ཀྱང་ཚོར། རྣམ་པར་རྒྱལ་བའི་ཁང་པ་ན་རྩེ་དགའ་ཞིང་དགའ་དགུར་སྤྱོད་པ་འམ། ཆོས་བཟང་ལྷའི་འདུན་ས་ན་སུམ་ཅུ་རྩ་གསུམ་པའི་ལྷ་རྣམས་ལ་ཆོས་སྔོན་པ་འམ། རྩེ་དགའ་བའི་ཕྱིར་སྐྱེད་མོས་ཚལ་གྱི་སར་བྱུང་བ་དེ་ཡང་ཤེས་སོ།། ལྷའི་བུ་གཞན་རྣམས་ཀྱི་སོ་སོའི་ལུས་ཀྱི་དྲི་རྣམས་ཀྱང་ཚེར་རོ།། ལྷའི་བུ་མོ་དང་། ལྷའི་ཆུང་མ་རྣམས་ཀྱི་ལུས་ཀྱི་དྲི་རྣམས་ཀྱང་ཚེར་རོ། ། ལྷ་གཞོན་ནུ་རྣམས་ཀྱི་ལུས་ཀྱི་དྲི་རྣམས་ཀྱང་ཚོར་རོ།། ལྷ་གཞོན་ནུ་མ་རྣམས་ཀྱི་ལུས་ཀྱི་དྲི་རྣམས་ཀྱང་ཆར་ཏེ། དྲིང་ངག་གིས་ཀྱང་མི་འཕྲོགས་ཤིང་མྱོས་པར་ཡང་མི་འགྱུར་རོ། ། རྣམ་གྲངས་འདིས་སྲིད་པའི་རྩེ་མོའི་བར་དུ་སྐྱེས་པའི་སེམས་ཅན་དེ་དག་གིས་ལུས་ཀྱི་དྲི་རྣམས་ཀྱང་ཚོར་རོ།། ཚངས་རིས་ཀྱི་སྒྲའི་བུ་རྣམས་དང་ཚངས་པ་ཆེན་པོ་དག་གི་སྲས་ཀྱི་དྲི་རྣམས་ཀྱང་ཚོར་རོ། ། རྣམ་གྲངས་འདིས་ལྔའི་རིས་ཐམས་ཅད་ཀྱི་ལུས་ཀྱི་དྲི་རྣམས་ཀྱང་ཚོར་རོ།། ཉན་ཐོས་དང་། རང་སངས་རྒྱས་དང་བྱང་ཆུབ་སེམས་དཔའ་དང་། དེ་བཞིན་གཤེགས་པ་དག་གི་སྐུའི་དྲི་རྣམས་ཀྱང་ཚོར་རོ།། དེ་བཞིན་གཤེགས་པ་དག་གི་གདན་གྱི་དྲི་རྣམས་ཀྱང་ཚོར་རོ།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གང་ན་བཞུགས་པ་དེ་ཡང་རབ་ཏུ་ཤེས་སོ། ། དེའི་སྣའི་དབང་པོ་དེ་ཡང་དྲི་རྣམ་པ་མང་པོ་དེ་དང་དེ་དག་གིས་མི་འཕྲོགས་ཏེ། ཉམས་པ་འམ། གནོད་པར་འགྱུར་བ་ཡང་མེད་དོ།། དེ་འདོད་ན་དྲི་དེ་དང་དེ་གཞན་དག་ལ་ཡང་སྟོན་ཏེ། དེ་དྲན་པ་ཉམས་པར་འགྱུར་བ་མེད་དོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། ། དེ་ཡི་སྣ་ཡི་དབང་པོ་རྣམ་དག་འགྱུར།། གང་རྣམས་འཇིག་རྟེན་ཁམས་འདི་ཐམས་ཅད་ན།། དྲི་ཞིམ་དྲི་མི་ཞིམ་པ་ཅི་ཡོད་པ། ། དེས་ནི་རྣམ་པ་མང་པོའི་དྲི་ཡང་ཚོར།། སྣ་མའི་མེ་ཏོག་དྲི་དང་མ་ལི་ཀ། ཙན་དན་ཏ་མ་ལའི་མདབ་མ་དང་།། རྒྱ་སྤོས་དག་དང་ཨ་ག་རུ་ཡི་དྲི།། མེ་ཏོག་འབྲས་བུ་སྣ་མང་དེ་དག་དང་། ། སྐྱེས་པ་བུད་མེད་རིང་ན་འདུག་པ་དང་།། ཁྱེའུ་རྣམས་དང་ནི་བུ་མོ་དེ་དག་དང་།། སེམས་ཅན་རྣམས་ཀྱི་དྲི་ཡང་དེ་བཞིན་ཤེས།། དེ་མི་གནས་ཀྱང་དེས་ནི་དྲི་ལས་ཤེས། ། འཁོར་ལོས་སྒྱུར་རྒྱལ་རྣམས་ཀྱང་དེ་ཡིས་ཤེས།། སྟོབས་ཀྱིས་འཁོར་ལོས་སྒྱུར་དང་རྒྱལ་ཕྲན་དང་།། དེ་བཞིན་ཁྱེའུ་དང་བུ་མོ་དེ་དག་དང་།། ཆུང་མའི་འཁོར་ཀུན་དྲི་ལས་དེ་ཡིས་ཤེས།། ཡོངས་སུ་ཡོངས་སྤྱོད་རིན་ཆེན་རྣམ་མང་དང་།། སྦ་བ་གང་དག་ས་ལ་འདུག་རྣམས་དང་།། བུད་མེད་རིན་པོ་ཆེར་གྱུར་དེ་དག་ཀྱང་།། བྱང་ཆུབ་སེམས་དཔའ་དེ་ཡིས་དྲི་ལས་ཤེས།། དེ་དག་རྣམས་ཀྱི་རྒྱན་རྣམས་ཅི་ཡོད་པ།། ལུས་ལ་བཏགས་པ་རྣམ་པ་སྣ་ཚོགས་གཟུགས།། གོས་དང་ཕྲེང་བ་བྱུག་པ་སྤོས་རྣམས་ཀྱང་། ། དྲི་ལས་བྱང་ཆུབ་སེམས་དཔའ་དེ་ཡིས་ཤེས།། དེ་བཞིན་འགྲེང་དང་འདུག་དང་ཉལ་བ་དང་།། རྩེད་མོ་དགའ་བ་མཐུ་སྟོབས་ཐམས་ཅད་ཀྱང་།། མདོ་སྡེ་དམ་པ་འདི་དག་གང་འཛིན་པ། ། བརྟན་པ་དེ་ཡི་སྣ་ཡི་སྟོབས་ཀྱིས་ཤེས།། སྤོས་མཆོག་འབྲུ་མར་དྲི་ཡང་དེ་བཞིན་ཏེ།། མེ་ཏོག་འབྲས་བུ་རྣམ་པ་མང་པོ་འདི།། དྲི་འདི་ག་གེ་མོ་ན་ཡོད་ཅེས་བྱ།། འདུག་བཞིན་དུ་ནི་ཅིག་ཆར་ཤེས་ཤིང་ཚོར།། རི་ཡི་ཕྲག་ནི་རྣམ་པ་སྣ་ཚོགས་ན།། ཙན་དན་མེ་ཏོག་རྒྱས་མང་གང་ཡོད་དང་།། སེམས་ཅན་གང་དག་དེ་ན་གནས་པ་ཡང་།། མཁས་དེས་དེ་དག་ཐམས་ཅད་དྲི་ལས་ཤེས། ། ཁོར་ཡུག་ངོས་ལ་གང་དག་གནས་པ་དང་།། རྒྱ་མཚོའི་དབུས་ན་གང་དག་འཁོད་པ་དང་།། ས་ཡི་དབུས་ན་སེམས་ཅན་གང་གནས་པ། མཁས་པ་དེས་ནི་ཐམས་ཅད་དྲི་ལས་ཤེས།། ལྷ་དང་ལྷ་མ་ཡིན་ཀྱང་དེ་བཞིན་ཤེས།། དེས་ནི་ལྷ་མིན་བུ་མོ་དག་ཀྱང་ཤེས།། ལྷ་མ་ཡིན་གྱི་རྩེད་མོ་དགའ་བའང་ཤེས།། དེའི་སྣ་ཡི་དབང་པོའི་མཐུ་དེ་འདྲ། ། ནགས་ཁྲོད་དག་ན་རྐང་བཞི་གང་ཡོད་པ།། སེང་གེ་སྟག་དང་དེ་བཞིན་གླང་ཆེན་མཆོག། དེ་ན་མ་ཧེ་བ་ལང་བ་མེན་རྣམས།། དེ་དག་གནས་པ་དེ་ཡི་སྣ་ཡིས་ཤེས། ། བུད་མེད་གང་དག་སྦྲུམ་མར་གྱུར་པ་དང་།། ཁྱེའུ་འམ་འོན་ཏེ་བུ་མོ་གང་ཡིན་པ།། རུམ་ན་འཆང་བ་ཤིན་ཏུ་ངལ་བའི་ལུས།། དེ་ལ་གང་ཡོད་དེ་ཡིས་དྲི་ལས་ཤེས།། སེམ་ཅན་གང་དག་མངལ་དུ་ཞུགས་པའང་དེས་ཤེས་ཏེ། ། རྣམ་པར་འཇིག་པའི་ཆོས་ཀྱང་དེ་ཡིས་ཤེས།། བུད་མེད་དེ་ནི་སྡུག་བསྔལ་རྣམས་དང་བྲལ།། བསོད་ནམས་ལྡན་པའི་བུ་ནི་འབྱུང་བར་ཤེས། ། སྐྱེས་བུའི་བསམ་པ་མང་པོ་རབ་ཤེས་ཏེ།། བསམ་པའི་དྲི་ཡང་དེ་བཞིན་དེ་ཡིས་ཚོར།། འདོད་ཆགས་ཞེ་སྡང་དེ་བཞིན་འཆབ་པ་དང་།། ཉེ་བར་ཞི་བའི་སེམས་ཀྱིས་དྲི་ཡང་ཚོར། ། ས་ལ་གཏེར་རྣམས་གང་དག་ཡོད་གྱུར་པ།། ནོར་རྣམས་དང་ནི་གསེར་དངུལ་འགྲོན་བུ་ཡིས།། ལྕགས་ཀྱི་སྒྲོམ་རྣམས་དེ་བཞིན་གང་བ་དག། དྲི་ལས་བྱང་ཆུབ་སེམས་དཔའ་འདི་ཡིས་ཤེས། ། མུ་ཏིག་ནོར་བུ་དོ་ཤལ་སེ་མོ་དོ།། རིན་ཐང་མེད་པའི་རིན་ཆེན་རྣམ་མང་པོ།། རིན་ཐང་མེད་པའི་མིང་དང་འོད་དབྱིབས་དང་། ། དེ་དག་ཐམས་ཅད་དེ་ཡིས་དྲི་ལས་ཤེས།། དེ་བཞིན་སྟེང་གི་ལྷ་ཡི་མེ་ཏོག་རྣམས།། མནྡ་ར་དང་མཉྫུ་ཤ་ཀ་དང་།། ཡོངས་འདུའི་མེ་ཏོག་གང་དག་ཡོད་གྱུར་པ།། དཔའ་བོ་འདི་ན་འདུག་བཞིན་དེ་དག་ཚོར། ། གང་གི་གཞལ་མེད་ཁང་རྣམས་ཅི་འདྲ་བ།། ཡངས་དང་འབྲིང་དང་དེ་བཞིན་ཆུང་ངུ་དང་།། དེ་ན་རྣམ་པ་སྣ་ཚོགས་གཟུགས་ཡོད་པ།། འདི་ན་འདུག་བཞིན་སྣ་ཡི་སྟོབས་ཀྱིས་ཚོར། ། བསྐྱེད་མོས་ཚལ་གྱི་ས་ཡང་དེ་བཞིན་ཤེས།། ཆོས་བཟངས་དང་ནི་རྣམ་པར་རྒྱལ་བ་ཡི།། ཁང་བཟང་མཆོག་ན་ལྷ་གང་འཁོད་པ་དང་། དེ་ན་ལྷ་བུ་བརྩོན་པའང་རྟག་ཏུ་ཤེས།། གང་ཞིག་གང་ན་ལས་ནི་བྱེད་པ་འམ།། འདུག་དང་ཉལ་དང་གང་དུ་འགྲོ་བ་ཡང་།། འདི་ན་འདུག་བཞིན་དེ་དག་དྲི་ཡང་ཚོར།། ལྔའི་བུ་རྣམས་དེས་ནི་དྲི་ལས་ཤེས། ། མེ་ཏོག་མང་བརྒྱན་ལྷ་ཡི་བུ་མོ་གང་།། འཕྲེང་བ་ཐོགས་ཤིང་ལྦབ་ལྦུབ་རྣམས་ཀྱིས་བརྒྱན།། གང་དང་གང་དུ་རྩེན་ཅིང་དོང་བ་དག། བྱང་ཆུབ་སེམས་དཔའ་དེ་ཡིས་དྲི་ལས་ཤེས། ། སྟེང་དུ་སྲིད་པའི་རྩེ་མོ་བར་གྱི་ལྷ།། ཚངས་པ་ཚངས་ཆེན་གཞལ་མེད་ཁང་རྒྱུ་བ།། བསམ་གཏན་གནས་སམ་འོན་ཏེ་ལངས་པ་ཡང་།། དེ་དག་དེར་ནི་དྲི་ལས་རབ་ཏུ་ཤེས། ། འོད་གསལ་གྱི་ནི་ལྷ་ཡི་བུ་རྣམས་ཀྱང་།། ཤི་འཕོས་སྐྱེས་པ་གསར་དུ་འོངས་པ་ཤེས།། བྱང་ཆུབ་སེམས་དཔའ་མདོ་འདི་འཛིན་པ་ཡི།། སྣ་ཡི་དབང་། འདི་འདྲར་གྱུར་པ་ཡིན།། དགེ་སློང་གང་རྣམས་བདེ་གཤེགས་བསྟན་པ་ལ།། མངོན་པར་བརྩོན་པ་ཆག་ཅིང་འདུག་པ་དང་།། ཝང་ནོད་ཁ་ཏོན་མོས་པའི་དགེ་སློང་རྣམས།། ཐམས་ཅད་བྱང་ཆུབ་སེམས་དཔའ་དེ་ཡིས་ཤེས། ། རྒྱལ་བའི་སྲས་པོ་ཉན་ཐོས་གང་ཡོད་པ།། ལ་ལ་རྟག་ཏུ་ཤིང་དྲུང་གནས་པ་དག། དགེ་སློང་འདི་ཞེས་བྱ་བ་འདི་གནས་ཤེས།། དེ་དག་ཐམས་ཅད་མཁས་པ་དེས་ཤེས་སོ། ། བྱང་ཆུབ་སེམས་དཔའ་དྲན་ལྡན་བསམ་གཏན་པ།། རྟག་ཏུ་ལུང་ནོད་ཁ་ཏོན་དགའ་གང་དག། འཁོར་གྱི་ནང་ན་ཆོས་ཀྱང་རབ་འཆད་པ།། དེ་དག་དྲི་ལས་བྱང་ཆུབ་སེམས་དཔའ་ཤེས། ། བདེ་བར་གཤེགས་པ་ཐུབ་ཆེན་ཕྱོགས་དག་ན།། ཉན་ཐོས་དགེ་འདུན་གྱིས་ནི་བལྟས་དབུས་ན།། ཕན་ཞིང་ཐུགས་བརྩེ་རྟག་ཏུ་ཆོས་འཆད་པ། ། འཇིག་རྟེན་མགོན་པོ་དེ་ཡང་དྲི་ལས་ཤེས།། སེམས་ཅན་གང་རྣམས་ཆོས་འདི་ཉན་པ་དག། གང་རྣམས་ཐོས་ནས་དགའ་བའི་ཡིད་གྱུར་པ།། དེ་ན་རྒྱལ་བའི་འཁོར་རྣམས་ཐམས་ཅད་ཀྱང་། ། འདི་ན་འདུག་བཞིན་བྱང་ཆུབ་སེམས་དཔས་ཤེས།། དེ་ཡི་སྣ་ཡི་སྟོབས་ནི་དེ་འདྲར་འགྱུར།། དེ་ལ་ལྷ་ཡི་སྣ་ནི་ད་དུང་མེད།། ཟག་པ་མེད་པར་གྱུར་པ་ལྷ་ཡི་སྣ། ། དེ་མི་སྔོན་དུ་འགྲོ་བར་འདི་འགྱུར་རོ།། རྟག་པར་རྒྱུན་དུ་བརྩོན་པ་གཞན་ཡང་། རིགས་ཀྱི་བུ་འམ། རིགས་ཀྱི་བུ་མོ་དེ་ཆོས་ཀྱི་རྣམ་གྲངས་འདི་འཛིན་ཏམ་སྟོན་ཏམ། རབ་ཏུ་འཆད་དམ། ཡི་གེར་འདྲི་ན་ལྕེའི་ཡོན་ཏན་སྟོང་ཉིས་བརྒྱ་པོ་དེ་དག་དང་ལྡན་པའི་ལྕེའི་དབང་པོ་ཐོབ་པར་འགྱུར་ཏེ། དེ་ལྕེའི་དབང་པོ་དེ་ལྟ་བུས་རོ་གང་དག་མྱངས་པ་དང་། རོ་གང་དག་ལྕེའི་དབང་པོ་ལ་རེག་པ་དེ་ཐམས་ཅད་ལྷའི་རོ་བྲོ་བ་དམ་པར་འགྱུར་རོ།། ཇི་ལྟར་ཡིད་དུ་མི་འོང་བའི་རོ་གང་ཡང་མི་མྱོང་བ་དེ་ལྟ་བུ་མྱོང་བར་འགྱུར་རོ།། ། ཡིད་དུ་མི་འོང་བའི་རོ་གང་ཡིན་པ་དེ་དག་ཀྱང་དེའི་ལྕེའི་དབང་པོའི་སྟེང་དུ་རེག་ན་ལྷའི་རོ་བྲོ་བར་འགྱུར་རོ།། འཁོར་གྱི་ནང་དུ་སོང་ནས་ཆོས་གང་བཤད་པ་དེས་སེམས་ཅན་དེ་དག་དབང་པོ།། ། ཚིམ་པར་འགྱུར་ཏེ། མགུ་བ་དང་། ཡོངས་སུ་མགུ་བ་དང་། མཆོག་ཏུ་དགའ་བ་སྐྱེའོ།། དེའི་སྒྲ་ཡང་ཟབ་ཅིང་ཡིད་དུ་འོང་ལ་མཉེན་ཞིང་སྙན་པར་འབྱུང་སྟེ། སྙིང་ལ་བབ་པ་དགའ་བར་འགྱུར་བ་དེས་སེམས་ཅན་དེ་དག་དགའ་དགུ་རངས་པའི་སེམས་སུ་འགྱུར་རོ། ། གང་དག་ལ་ཆོས་བཤད་པ་དེ་དག་གིས་ཀྱང་དེའི་དབྱངས་འཇམ་ཞིང་སྙན་པ་ཡིད་དུ་འོང་བའི་སྒྲ་ཐོས་ནས་ལྷ་རྣམས་ཀྱང་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཆོས་མཉན་པའི་ཕྱིར་དེའི་དྲུང་དུ་འགྲོ་བར་སེམས་སོ།། ལྷའི་བུ་དང་། ལྷའི་བུ་མོ་རྣམས་ཀྱང་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཚེ་མཉན་པའི་ཕྱིར་དྲུང་དུ་འགྲོ་བར་སེམས་སོ།། བརྒྱ་བྱིན་དང་། ཚངས་པ་དང་ཚངས་རིས་ཀྱི་ལྷའི་བུ་རྣམས་ཀྱང་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཆོས་མཉན་པའི་ཕྱིར་དྲུང་དུ་འགྲོ་བར་སེམས་སོ།། ཀླུ་དང་ཀླུའི་བུ་མོ་དག་ཀྱང་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཆོས་མཉན་པའི་ཕྱིར་དྲུང་དུ་འགྲོ་བར་སེམས་སོ།། ལྷ་མ་ཡིན་དང་། ལྷ་མ་ཡིན་གྱི་བུ་མོ་རྣམས་ཀྱང་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཆོས་མཉན་པའི་ཕྱིར་དྲུང་དུ་འགྲོ་བར་སེམས་སོ།། ནམ་མཁའ་ལྡིང་དང་ནམ་མཁའ་ལྡིང་གི་བུ་མོ་རྣམས་ཀྱང་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཆོས་མཉན་པའི་ཕྱིར་དྲུང་དུ་འགྲོ་བར་སེམས་སོ། ། མི་འམ་ཅི་དང་། མི་འམ་ཅིའི་བུ་མོ་རྣམས་དང་། གནོད་སྦྱིན་དང་། གནོད་སྦྱིན་གྱི་བུ་མོ་རྣམས་དང་། ཤ་ཟ་དང་ཤ་ཟའི་བུ་མོ་རྣམས་ཀྱང་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཆོས་མཉན་པའི་ཕྱིར་དྲུང་དུ་འགྲོ་བར་སེམས་ཏེ། དེ་དག་ཀྱང་དེ་ལ་བཀུར་སྟིར་བྱེད་བསྟི་སྟང་དུ་བྱེད། བརྩོན་པར་བྱེད། མཆོད་པ་དང་། གསོལ་བ་དང་། དབུལ་བ་བྱེད་དོ།། དགེ་སློང་དང་། དགེ་སློང་མ་དང་། དགེ་བསྙེན་དང་དགེ་བསྙེན་མ་རྣམས་ཀྱང་ལྟ་འདོད་པར་འགྱུར་རོ།། རྒྱལ་པོ་དང་རྒྱལ་བུ་དང་། རྒྱལ་པོའི་བློན་པོ་རྣམས་ཀྱང་ལྟ་འདོད་པར་འགྱུར་རོ།། སྟོབས་ཀྱིས་འཁོར་ལོས་སྒྱུར་བའི་རྒྱལ་པོ་དང་། འཁོར་ལོས་སྒྱུར་བའི་རྒྱལ་པོ།། རིན་པོ་ཆེ་སྣ་བདུན་དང་ལྡན་པ་བུ་དང་བཅས། བློན་པོ་དང་བཅས་པ། བརྫུན་མོའི་འཁོར་དང་བཅས་པ་དང་། གཡོག་འཁོར་དང་བཙོས་པ་ཡང་བཀུར་སྟིར་བྱ་བའི་ཕྱིར་ལྟ་འདོད་པར་འགྱུར་རོ། ། ཆོས་སྨྲ་བ་དེ་དེ་བཞིན་གཤེགས་པས་ཇི་སྐད་གསུངས་པ་བཞིན་ཡང་དག་པ་ཇི་ལྟ་བ་བཞིན་དུ་སྙན་པའི་ཆོས་འཆད་དོ།། བྲམ་ཟེ་དང་ཁྱིམ་བདག་དང་། ཡུལ་གྱི་མི་གཞན་དག་ཀྱང་རྟག་ཏུ་རྒྱུན་མི་གཅོད་པར་ཚེའི་མཐར་ཕྱིན་གྱི་བར་དུ། ཆོས་སྨྲ་བ་དེའི་ཕྱི་བཞིན་དུ་འབྲང་བར་འགྱུར་རོ།། དེ་བཞིན་གཤེགས་པའི་ཉན་ཐོས་རྣམས་ཀྱང་དེ་ལ་ལྟ་འདོད་པར་འགྱུར་རོ། ། རང་སངས་རྒྱས་རྣམས་ཀྱང་དེ་ལ་ལྟ་འདོད་པར་འགྱུར་རོ།། སངས་རྒྱས་བཅོམ་ལྡན་འདས་རྣམས་ཀྱང་དེ་ལ་གཟིགས་བཞེད་པར་འགྱུར་རོ།། རིགས་ཀྱི་བུ་འམ་རིགས་ཀྱི་བུ་མོ་དེ་ཕྱོགས་གང་ན་འདུག་པ་དེའི་ཕྱོགས་སུ་དེ་བཞིན་གཤེགས་པ་གཟིགས་ཏེ་ཆོས་འཆད་དོ། ། སངས་རྒྱས་ཀྱི་ཆོས་རྣམས་ཀྱི་སྣོད་དུ་འགྱུར་ཏེ། དེ་ལྟར་དེ་ཟབ་ཅིང་ཡིད་དུ་འོང་བའི་ཆོས་ཀྱི་སྒྲ་འབྱིན་པར་འགྱུར་རོ། ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། དེ་ཡི་ལྕེ་ཡི་དབང་པོ་མཆོག་ཏུ་འགྱུར། ། ནམ་ཡང་ངན་པའི་རོ་ནི་སོང་མི་མྱོང་།། རེག་མ་ཐག་ཏུ་ལྷ་ཡི་རོ་བྲོར་འགྱུར་རོ།། ལྷ་ཡི་རོ་ཟོར་ཤིན་ཏུ་ལྡན་པ་ཡིན།། རྣ་བར་སྤྱན་ཅིང་ཡིད་དུ་འོང་བ་དང་།། འཇམ་ཞིང་མཉེན་པའི་སྒྲ་སྐད་རབ་ཏུ་སྨྲ། ། འཁོར་གྱི་དབུས་དེར་དགའ་བར་འགྱུར་བ་ཡི།། ཟབ་མོའི་དབྱངས་ནི་རྟག་པར་རབ་ཏུ་སྨྲ།། བྱེ་བ་ཁྲག་ཁྲིག་དུ་མའི་དམ་རྣམས་ཀྱིས།། དེས་བཤད། བ་ལ་ཆོས་རྣམས་གང་ཉན་པ།། དེ་ན་དེ་ལ་མཆོག་ཏུ་དགའ་བ་སྐྱེད།། དེ་ལ་མཆོད་པ་དཔག་ཏུ་མེད་པ་བྱེད།། ལྷ་དང་ཀླུ་དང་གནོད་སྦྱིན་ལྷ་མིན་དང་།། གསང་བ་པ་དག་རྟག་ཏུ་དེ་ལྟ་འདོད། ། ཆོས་འདི་ཤིན་ཏུ་གུས་པར་ཉན་པ་དེ།། ཡོན་ཏན་དེ་དག་ཐམས་ཅད་དེ་ཡིར་འགྱུར།། འདོད་པར་གྱུར་ན་འཇིག་རྟེན་ཁམས་འདི་དག། དབྱངས་ཀྱིས་ཐམས་ཅད་དུ་ཡང་གོ། བར་བྱེད།། དེ་ཡི་དབྱངས་ནི་མཉེན་ཞིང་འཇམ་པ་སྟེ།། ཟབ་ཅིང་སྙན་ལ་ཤིན་ཏུ་དགའ་བར་འགྱུར།། རྒྱལ་པོ་ས་བདག་འཁོར་ལོས་སྒྱུར་བ་རྣམས།། མཆོད་པའི་ཕྱིར་ནི་དེའི་དྲུང་དུ་འདོང་། ། བུ་དང་ཆུང་མར་བཅས་ཏེ་ཐལ་མོ་སྦྱར།། རྟག་ཏུ་དེ་ལ་ཆོས་ནི་ཉན་པར་འགྱུར།། གནོད་སྦྱིན་རྣམས་ཀྱི་རྟག་ཏུ་བཀུར་སྟི་བྱེད།། ཀླུ་དང་དྲི་ཟ་དག་གི་ཚོགས་རྣམས་དང་།། ཤ་ཟ་ཕོ་དང་ཤ་ཟ་མོ་རྣམས་ཀྱིས།། བསྟི་སྟང་རི་མོ་མཆོད་པ་རྣམས་ཀྱང་བྱས།། ཚངས་པ་རྣམས་ལ་དེ་ནི་དབང་བྱེད་འགྱུར།། ལྷ་བུ་དབང་ཕྱུག་ཆེ་དང་དབང་ཕྱུག་དང་།། བརྒྱ་བྱིན་དེ་བཞིན་ལྷ་ཡི་བུ་གཞན་དང་། ། ལཱ་ཡི་བུ་མོ་མང་པོ་དྲུང་དུ་འགྲོ། སངས་རྒྱས་འཇིག་རྟེན་ཕན་ཞིང་ཐུགས་བརྩེ་གང་།། ཉན་ཐོས་བཅས་པ་དེ་ཡི་དབྱངས་ཐོས། ནས།། ཞལ་སྟོན་པ་དང་སྲུང་བ་དག་ཀྱང་མཛད།། ཆོས་འདི་འཆད་པ་ལ་ནི་དགྱེས་པར་འགྱུར།། རྟག་པར་རྒྱུན་དུ་བརྩོན་ག། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་རྣམ་གྲངས་འདི་འཛིན་ཏམ། ཀློག་གམ། རབ་ཏུ་འཆད་དམ། སྟོན་ཏམ། ཡི་གེར་བྲིས་ན། དེའི་ལུས་ཀྱིས་ཡོན་ཏན་བརྒྱད་བརྒྱ་ཐོབ་པར་འགྱུར་རོ།། དེའི་ལུས་ཡོངས་སུ་དག་དེ། ལྤགས་པའི་མདོག་བཻ་ཌཱུཪྻ་ལྟར་དག་ཅིང་། སེམས་ཅན་རྣམས་ཀྱི་མཐོང་ན་དགའ་བར་འགྱུར་རོ།། དེའི་ལུས་ཡོངས་སུ་དག་པ་དེ་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་སྣང་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་གང་འཆི་འཕོ་དང་། སྐྱེ་བ་དང་། ངན་པ་དང་། བཟང་པོ་དང་། མདོག་བཟང་པོ་དང་། མདོག་ངན་པ་དང་། བདེ་འགྲོ་དང་། ངན་འགྲོ་དང་། རི་ཁོ་ར་ཁོར་ཡུག་དང་། ཁོར་ཡུག་ཆེན་པོ་དང་། ལྷུན་པོ་དང་། རིའི་རྒྱལ་པོ་རི་རབ་ལ་སེམས་ཅན་གང་དག་གནས་པ་རྣམས་དང་། འོག་ཏུ་མནར་མེད་པའི་སེམ་ཅན་དམྱལ་བ་ལ་ཐུག་པ་དང་། སྟེང་དུ་སྲིད་པའི་རྩེ་མོའི་བར་དུ། སེམས་ཅན་གང་གནས་པ་དེ་དག་ཐམས་ཅད་ཀྱང་བདག་གི་ལུས་ལ་སྣང་བར་འགྱུར་རོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་ཉན་ཐོས་སམ། རང་སངས་རྒྱས་སམ། བྱང་ཆུབ་སེམས་དཔའ་འམ། དེ་བཞིན་གཤེགས་པ་གང་ལ་ལ་དག་བཞུགས་པ་དང་། དེ་བཞིན་གཤེགས་པ་དེ། དག་ཆོས་གང་སྟོན་པ་དང་། སེམས་ཅན་གང་དག་དེ་བཞིན་གཤེགས་པ་དེ་དག་ལ་བསྙེན་བཀུར་བྱེད་པ་དང་། སེམས་ཅན་དེ་དག་ཐམས་ཅད་ཀྱི་ལུས་སོ་སོར་ཐོབ་པའང་བདག་གི་ལུས་ལ་སྣང་བར་འགྱུར་རོ། ། དེ་ཅིའི་ཕྱིར་ཞེ་ན། འདི་ལྟར་དེ་ཡི་ལུས་ཡོངས་སུ་དག་པའི་ཕྱིར་རོ།། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། ། གང་ཞིག་རྒྱ་ཆེན་མདོ་འདི་འཛིན་བྱེད་པ།། དེའི་ལུས་ནི་ཡོངས་སུ་དག་པར་འགྱུར།། རྣམ་དག་བཻ་ཌཱུཪྻ་ལས་གྲུབ་པ་སྟེ།། རྟག་ཏུ་སེམས་ཅན་རྣམས་ཀྱིས་མཐོང་ན་དགའ།། མེ་ལོང་ཕྱིས་པར་གཟུགས་བརྙན་སྣང་བ་བཞིན། ། ལུས་ལ་འཇིག་རྟེན་འདི་དག་དེ་བཞིན་སྣང་།། སེམས་ཅན་གཞན་མིན་རང་བྱུང་དེ་ཡིས་མཐོང་།། ཡོངས་སུ་དག་པའི་ལུས་ནི་འདི་འདྲའོ།། འཇིག་རྟེན་ཁམས་འདིའི་སེམས་ཅན་ཅི་ཡོད་པ།། ལྷ་མིན་ལྷ་མ་ཡིན་དང་གསང་བ་པ།། སེམས་དམྱལ་ཡི་དགས་དུད་འགྲོའི་སྐྱེ་གནས་རྣམས།། ལུས་དེ་ལ་ནི་གཟུགས་བརྙན་སོ་སོར་སྣང་། ། སྲིད་པའི་རྩེ་བར་གཞལ་མེད་ཁང་གི་ལྷ།། བྲག་རྣམས་དང་ནི་རི་དང་ཁོར་ཡུག། གངས་རི་རི་རབ་ལྷུན་པོ་ཆེན་པོ་རྣམས།། དེ་ཡི་ལུས་ལ་རྣམ་པ་ཐམས་ཅད་སྣང་།། ད་ཡི་ལུས་ལ་ཉན་ཐོས་བཅས་པ་ཡི། ། སངས་རྒྱས་རྣམས་དང་སངས་རྒྱས་སྲས་གཞན་དང་།། བྱང་ཆུབ་སེམས་དཔའ་གཅིག་པུ་གང་གནས་དང་།། ཚོགས་ལ་གང་དག་ཆོས་སྟོན་རྣམ་ཀྱང་སྣང་། ། དེ་ཡི་རྣམ་དག་ལུས་ནི་དེ་འདྲ་སྟེ།། འཇིག་རྟེན་ཁམས་རྣམས་ཐམས་ཅད་དེ་ལ་སྣང་།། དེ་ནི་ད་དུང་ལྷ་ཡི་མ་ཐོབ་སྟེ།། དེ་ཡི་རང་བཞིན་ལུས་ནི་དེ་འདྲའོ།། རྟག་པར་རྒྱུན་དུ་བརྩོན། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། ཆོས་ཀྱི་རྣམ་གྲངས་འདི་འཛིན་ཏམ། སྟོན་ཏམ་རབ་ཏུ་འཆད་དམ། ཡི་གེར་འདྲི་འམ། ཀློག་ན། ཡིད་ཀྱི་ལས་ཀྱི་ཡོན་ཏན་སྟོང་ཉིས་བརྒྱ་པོ་དེ་དག་དང་ལྡན་ཞིང་ཡིད་ཀྱི་དབང་པོ་ཡོངས་སུ་དག་པར་འགྱུར་རོ།། དེ་ཡིད་ཀྱི་དབང་པོ་ཡོངས་སུ་དག་པ་དེས་ཐ་ན་ཚིགས་སུ་བཅད་པ་གཅིག་ཐོས་ཀྱང་། དེའི་དོན་མང་པོར་ཤེས་སོ།། དེས་དེ་དག་ཁོང་དུ་ཆུད་ནས་དེའི་ཕྱིར་ཟླ་བ་གཅིག་ཏུ་ཆོས་སྟོན། ཟླ་བ་བཞི་འམ་ལོར་ཡང་ཆོས་སྟོན་ཏོ། ། ཆོས་གང་བཤད་པ་དེ་ལ་དེ་བརྗེད་ངས་པར་མི་འགྱུར་རོ།། འཇིག་རྟེན་པའི་འཇིག་རྟེན་གྱི་ཐ་སྙད་གང་དག་སྐད་དམ། སྔགས་ཅི་ཡོད་པ་དེ་དག་ཐམས་ཅད་ཆོས་ཀྱི་ཚུལ་དང་སྦྱོར་རོ། ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། སེམས་ཅན་འགྲོ་བ་དྲུག་ཏུ་སྐྱེས་ཤིང་འཁོར་བའི་སེམས་ཅན་གང་ཇི་སྙེད་དག་ཐམས་ཅད་ཀྱི་སེམས་ཀྱི་སྤྱོད་པའི་གཡོ་བ་རྣམས་ཀྱང་ཤེས་སོ། ། གཡོས་པ་དང་བསམ་པ་དང་། སྤྲོས་པ་རྣམས་ཀྱང་ཤེས་ཤིང་རབ་ཏུ་རྟོགས་སོ།། རེ་ཤིག་འཕགས་པའི་ཡེ་ཤེས་མཛོབ་ཀྱང་།། དེན་ཡིད་ཀྱི་དབང་པོ་འདི་ལྟ་བུར་ཡོངས་སུ་དག་པར་འགྱུར་རོ། ། ཆོས་ཀྱི་ངེས་གང་དང་གང་རྗེས་སུ་བསམས་ཏེ། གཏམ་སྟོན་པ་དེ་ཐམས་ཅད་ཀྱང་དག་པར་སྟོན་ཏོ།། དེ་བཞིན་གཤེགས་པས་གསུངས་པ་ཐམས་ཅད་སྟོན་ཏོ། ། སྔོན་གྱི་རྒྱལ་བས་མདོ་སྡེའི་རྣམ་གྲངས་བསྟན་པ་ཐམས་ཅད་འཆད་དོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། ། དེ་ཡི་ཡིད་ཀྱི་དབང་པོ་རྣམ་དག་འགྱུར།། གསལ་ཞིང་འོད་གས་ལ་རྙོག་པ་མེད་པ་སྟེ།། ངན་པ་བཟང་པོ་དེ་བཞིན་པར་མ་དང་།། དེས་ནི་རྣམ་པ་མང་པོའི་ཆོས་རབ་ཤེས། ། བརྟན་པ་དེས་ནི་ཚིགས་བཅད་གཅིག་ཐོས་ཀྱང་།། དེ་དོན་རྣམ་པ་མང་པོ་དེ་ཡིས་ཤེས།། ཟླ་བ་བཞི་འམ་དེ་བཞིན་ལོ་ཡི་བར།། རྟག་ཏུ་ཡང་དག་འབྲེལ་བར་རབ་ཏུ་སྨྲ། ། སེམས་ཅན་གང་རྣམས་འཇིག་རྟེན་ཁམས་འདི་ཡི།། ཕྱི་རོལ་དག་དང་ནང་ན་གང་གནས་པ།། ལྷ་མི་ལྷ་མ་ཡིན་དང་གསང་བ་པ།། ཀླུ་དང་དུད་འགྲོའི་སྐྱེ་གནས་གར་སོང་དང་། ། འགྲོ་བ་དྲུག་ན་གནས་པའི་སེམས་ཅན་རྣམས།། དེ་དག་རྣམས་ཀྱིས་རྣམ་པར་ཅི་བསམས་པ།། སྐད་ཅིག་ཏུ་ནི་ཐམས་ཅད་མཁས་པས་ཤེས།། མདོ་འདི་འཛིན་པའི་ཕན་ཡོན་འདི་དག་གོ། ། བསོད་ནམས་བརྒྱ་ཡི་མཚན་ལྡན་སངས་རྒྱས་ཀྱིས།། འཇིག་རྟེན་ཀུན་ན་ཆོས་གང་རབ་བཤད་པ།། དེ་ཡི་རྣམ་པར་དག་པའི་སྒྲ་ཡང་ཐོས། དེཡིས་ཅི་བསྟན་པ་ཡང་དེས་བཟུང་སྟེ།། ཆོས་ཀྱི་མཆོག་ཀྱང་མང་དུ་རྣམ་པར་སེམས།། དེ་ནི་རྟག་ཏུ་མང་པོ་སྟོན་པར་འགྱུར།། དེ་ནི་མྱོས་པར་ནམ་ཡང་མི་འགྱུར་ཏེ།། མདོ་འདིའ་པའི་ཕན་ཡོན་འདི་དག་གོ། ། དེས་ནི་མཚམས་དང་ཚིག་ཀྱང་རབ་ཏུ་ཤེས།། ཆོས་རྣམས་ཀུན་གྱི་མཚན་ཉིད་མི་མཐུན་དང་།། དོན་དང་ངེས་པའི་ཚིག་ཀྱང་རབ་ཏུ་ཤེས།། ཇི་ལྟར་དེ་དག་ཤེས་པ་བཞིན་དུ་འཆད། ། སྔོན་གྱི་འཇིག་རྟེན་དག་གི་སློབ་དཔོན་གྱིས།། ཡུན་རིང་འདིར་ནི་མདོ་སྡེ་གང་བཤད་པ།། དེ་ཡི་ཆོས་རྣམས་འཁོར་གྱི་དབུས་སུ་ཡང་།། འཇིགས་པ་མེད་པར་རྟག་ཏུ་དེ་འཆད་དོ། ། མདོ་འདི་བཟུང་བ་དང་ནི་བཀླགས་པ་ཡིས།། དེ་ཡི་ཡིད་ཀྱི་དབང་པོ་དེ་འདྲར་འགྱུར།། ད་དུང་མ་ཆགས་ཡེ་ཤེས་མ་ཐོབ་སྟེ།། འདི་ནི་དེ་ཡི་སྔོན་དུ་འགྲོ་བར་འགྱུར། ། བདེ་བར་གཤེགས་པའི་མདོ་འདི་བཟུང་ན་ཡང་།། སློབ་དཔོན་གྱི་ནི་ས་ལ་འདུག་པ་ཡིན།། སེམས་ཅན་ཐམས་ཅད་ལ་ཡང་ཆོས་སྨྲ་སྟེ།། ངེས་ཚིག་བྱེ་བ་སྙེད་ལ་མཁས་པར་འགྱུར། ། སྐྱེ་མཆེད་དྲུག་རྣམ་པར་དག་པའི་ཕན་ཡོན་གྱི་ལེའུ་ཞེས་བྱ་བ་སྟེ་བཅོ་བརྒྱད་པའོ།། །། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དངཔ་སེམས་དཔའ་ཆེན་པོ་མཐུ་ཆེན་པོ་ཐོབ་ལ་བཀའ་སྩལ་པ། མཐུ་ཆེན་ཐོབ་རྣམ་གྲངས་འདིས་ཀྱང་འདི་ལྟར་རིག་པར་བྱ་སྟེ། གང་དག་ཁ་ཅིག་ཆོས་ཀྱི་རྣམ་གྲངས་འདི་ལྟ་བུ་འདི་སྤོང་བ་དང་། མདོ་སྡེ་འདི་ལྟ་བུ་འཛིན་པའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ལ་གཤེ་ཞིང་མི་སྙན་པར་སྨྲ་བ་དང་། ཚོགས་པར་མི་དབྱུང་བའི་ཚིག་ཟླུམ་མོ་ཟེར་བ་ངག་གི་རྣམ་པར་སྨིན་པ་འདོད་པ་མ་ཡིན་པར་འགྱུར་ཏེ། དེ་ནི་ཚིག་གིས་བརྗོད་དུ་ཡང་མི་ནུས་སོ།། གང་དག་མདོ་སྡེ་འདི་ལྟ་བུ་འཛིན་པ་དང་། ཀློག་པ་དང་། ཀུན་ཆུབ་པར་བྱེད་པ་དང་། འཆད་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་དེ་དག་གི་རྣམ་པར་སྨིན་པ་ནི་འདོད་པར་འགྱུར་ཏེ། ཇི་ལྟར་ངས་སྔར་བརྗོད་པ་དེ་ལྟ་བུར་མིག་དང་། རྣ་དང་སྣ་དང་། ལྕེ་དང་། ལུས་དང་། ཡིད་ཡོངས་སུ་དག་པ་འཐོབ་པར་འགྱུར་རོ།། མཐུ་ཆེན་ཐོབ་སྔོན་བྱུང་བ་འདས་པའི་དུས་ན་བསྐལ་པ་གྲངས་མེད་པའི་ཡང་ཆེས་གྲངས་མེད་པ། ཡངས་པ་ཚད་མེད་པ། བསམ་གྱིས་མི་ཁྱབ་པ་དེ་དག་གི་ཡང་ཕ་རོལ་ཏུ་གྱུར་པ་དེའི་ཚེ། དེའི་དུས་ན་ཐ་དད་དུ་གནས་པའི་བསྐལ་པ་ལ་འཇིག་རྟེན་གྱི་ཁམས་ཆེར་འབྱུང་བར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འཇིགས་བསྒྲགས་དབྱངས་ཀྱི་རྒྱལ་པོ་ཞེས་བྱ་བ་འཇིག་རྟེན་དུ་བྱུང་སྟེ། མཐུ་ཆེན་ཐོབ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིགས་བསྒྲགས་དབྱངས་ཀྱི་རྒྱལ་པོ་དེས། འཇིག་རྟེན་གྱི་ཁམས་ཆེར་འབྱུང་བ་དེ་ལྒང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱི་མདུན་ན་ཆོས་སྟོན་ཏེ། འདི་ལྟ་སྟེ། ཉན་ཐོས་རྣམས་ལ་ནི་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ལས་ཤིན་ཏུ་བཟླ་བའི་ཕྱིར། མྱ་ངན་ལས་འདས་པའི་མཐར་ཐུག་པ། འཕགས་པའི་བདེན་པ་བཞི་དང་ལྡན་པ་རྟེན་ཅིང་འབྲེལ་བར་འབྱུང་བ་ལ་འཇུག་པའི་ཆོས་སྟོན་ཏོ། ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་བརྩམས་ཏེ་ཕ་རོལ་ཏུ་ཕྱིན་པ་དྲུག་དང་ལྡན་པ། དེ་བཞིན་གཤེགས་པའི་ཡེ་ཤེས་ཀྱི་མཐར་ཐུག་པའི་ཆོས་སྟོན་ཏོ།། མཐུ་ཆེན་ཐོབ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིགས་བསྒྲགས་དབྱངས་ཀྱི་རྒྱལ་པོ་དེའི་ཚེའི་ཚད་ནི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་བཞིའི་བྱེ་མ་སྙེད་དུ་གྱུར་ཏོ། ། དེ་ཡོངས་སུ་མྱ་ངན་ལས་འདས་ནས་ཀྱང་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་འཛམ་བུའི་གླིང་གི་རྡུལ་ཕྲ་རབ་སྙེད་དུ་དམ་པའི་ཆོས་གརགྱུར་ཏོ། ། བསལ་པ་བྱེ་བ་ཁྲག་ཁྲིག་བརྒྱ་སྟོང་ཕྲ་བཞིའི་རྡུལ་ཕྲ་རབ་སྙེད་དུ་དམ་པའི་ཆོས་ཀྱི་གཟུགས་བརྙན་གནས་པར་གྱུར་ཏོ། ། མཐུ་ཆེན་ཐོབ་འཇིག་རྟེན་གྱི་ཁམས་ཆར་འབྱུང་བ་དེ་ན། བཅོམ་ལྡན་འདས་དེ་བཞིན་དགས་པ་ད་བཅོམ་པ་ཡང་དག་པར་རྫོགས་པའི་སངས་རྒྱས་འཇིགས་བསྒྲགས་དབྱངས་ཀྱི་རྒྱལ་པོ་དེ་ཡོངས་སུ་མྱ་ངན་ལས་འདས་པའི་དམ་པའི་ཆོས་དང་། དམ་པའི་ཆོས་ཀྱི་གཟུགས་བརྙན་ཡང་མེད་པར་གྱུར་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིགས་བསྒྲམས་དབྱངས་ཀྱི་རྒྱལ་པོ་གཞན་ཡང་འཇིག་རྟེན་དུ་འབྱུང་མ་ཐུ་ཆེན་ཐོབ་དེ་ལྟ་བུ་གཅིག་ནས་གཅིག་ཏུ་ཆེར་འབྱུང་བའི་འཇིག་རྟེན་གྱི་ཁམས་དེར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིགས་བསྒྲགས་དབྱངས་ཀྱི་རྒྱལ་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་ཉི་ཤུ་བྱུང་ངོ་། ། མཐུ་ཆེན་ཐོབ་ཐ་དད་དུ་གནས་པའི་བསྐལ་པ་ལ་འཇིག་རྟེན་གྱི་ས་ཆེར་འབྱུང་བ་དང་། དེ་བཞིན་གཤེགས་པ་དགྲ་བཅོམ་པ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། འཇིགས་བསྒྲགས་དབྱངས་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་ཐོག་མར་གང་བྱུང་བའི་བཅོམ་ལྡན་འདས་ཡོངས་སུ་མྱ་ངན་ལས་འདས་པ་དེའི་དམ་པའི་ཆོས་ནུབ་པར་གྱུར་ཏེ། དམ་པའི་ཆོས་ཀྱི་གཟུགས་བརྙན་ཡང་ནུབ་པར་གྱུར་པའི་ཚེ། དེའི་བསྟན་པ་ལ། ང་རྒྱལ་ཅན་གྱི་དགེ་སློང་གིས་ཤིན་ཏུ་ནོན་པར་གྱུར་ཏེ། དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་བརྙས་པ་ཞེས་བྱ་བའི་དགེ་སློང་ཞིག་བྱུང་ངོ་།། མཐུ་ཆེན་ཐོབ་ཅིའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྟག་ཏུ་བརྙས་པ་ཞེས་བྱ་ཞེ་ན། མཐུ་ཆེན་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་དེས། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ་སུ་མཐོང་ཡང་རུང་སྟེ། དེ་དག་གི་དྲུང་དུ་སོང་ནས་འདི་སྐད་དུ་ཁོ་བོ་ནི་ཚེ་དང་ལྡན་པ་ཁྱེད་ལ་བརྙས་པར་མི་བྱེད་དེ། ཁྱེད་ནི་མ་བརྙས་པའོ།། དེ་ཅིའི་ཕྱིར་ཞེ་ན། ཁྱེད་ཐམས་ཅད་ཀྱིས་བྱང་ཆུབ་སེམས་དཔའི་སྤྱད་པ་སྤྱོད་ཅིག་དང་། ཁྱེད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་སྨྲའོ།། མཐུ་ཆེན་ཐོབ་རྣམ་གྲངས་འདིས་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་སློང་དུ་གྱུར་པ་དེ་སེམས་ཅན་རྒྱང་རིང་པོ་ན་འདུག་པ་སུ་མཐོང་ཡང་རུང་སྟེ། དེའི་དྲུང་དུ་སོང་ཞིང་འདི་སྐད་དུ་ཡང་དག་པར་སྒྲོགས་པ་མ་གཏོགས་པར་ལུང་ཡང་མི་ནོད་ཁ་ཏོན་ཡང་མི་བྱེད་དོ། ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་དེ་དང་དེ་དག་གི་དྲུང་དུ་སོང་ནས། འདི་སྐད་དུ་ཁོ་བོ་ནི་ཚེ་དང་། ལྡན་པ་ཁྱེད་ལ་བརྙས་པར་མི་བྱེད་དེ། ཁྱེད་ནི་མ་བསྙས་པའོ།། དེ་ཅིའི་ཕྱིར་ཞེ་ན། ཁྱེད་ཐམས་ཅད་ཀྱིས་བྱང་ཆུབ་སེམས་དཔའི་སྤྱད་པ་སྤྱོད་ཅིག་དང་ཁྱེད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་སྨྲའོ། ། མཐུ་ཆེན་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་དེས། དེའི་ཚེ་དགེ་སློང་ངམ། དགེ་སློང་མ་འམ་དགེ་བསྙེན་ནམ། དགེ་བསྙེན་མ་སུ་དང་སུ་ལ་དེ་སྐད་བསྒྲགས་པ་དེ་དག་ཐམས་ཅད་ལས་ཕལ་ཆེར་དེ་ལ་ཁྲོ་ཞིང་གནོད་པར་སེམས་ལ་མ་དད་པ་སྐྱེད་དེ། དེ་ལ་གཤེ་ཞིང་སྤྱོས་ཏེ། ཅིའི་ཕྱིར་དགེ་སློང་འདི་མ་དྲིས་པར་བརྙས་པའི་སེམས་མེད་དོ་ཞེས་བདག་ཅག་ལ་སྟོན་ཏེ་བདག་ཉིད་ལ་བརྙས་པར་བྱེད་ཅིང་། འདི་ལྟར་མ་བསམ་མི་འདོད་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བདག་ཅག་ལ་ལུང་སྟོན་ཅེས་སྨྲའོ། ། མཐུ་ཆེན་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དེ་ལྟ་བུར་གཤེ་ཞིང་སྤྱོ་བས་ལོ་མང་པོ་འདས་ཏེ། སུ་ལ་ཡང་མི་ཁྲོ་ཞིང་གནོད་སེམས་མི་སྐྱེད་དོ། ། དེ་ལྟར་དེ་ཡང་དག་པར་སྒྲོགས་པ་ལ་བོང་བ་དང་དབྱིག་པ་འཕེན་ཀྱང་དེས་དེ་དག་ལ་ཐག་རིང་པོ་ནས་སྒྲ་ཆེན་པོར་བྱས་ཏེ། ཁོ་བོ་ཁྱོད་ལ་བརྙས་པར་མི་བྱེད་དོ།། ཞེས་ཡང་དག་པར་སྒྲོག་གོ། དེས་ང་རྒྱལ་ཅན་གྱི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དེ་དག་ལ་རྟག་ཏུ་རྒྱུན་མི་འཆད་པར་ཡང་དག་པར་བསྒྲགས་པས་དེ་དག་གིས་དེ་ལ་མིང་རྟག་ཏུ་བརྙས་པ་ཞེས་བཏགས་སོ། ། མཐུ་ཆེན་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་བརྙས་པ་དེ་འཆི་བའི་དུས་བྱེད་པ་ཉེ་བར་གནས་ཏེ། འཆི་བའི་དུས་ཀྱི་ཚེ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཐོས་པར་གྱུར་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིགས་བསྒྲགས་དབྱངས་ཀྱི་རྒྱལ་པོ་དེས། ཆོས་ཀྱི་རྣམ་གྲངས་འདི་ཚོགས་སུ་བཅད་པ་དཀྲིགས་ཕྲག་བྱེ་བ་ཁྲག་ཁྲིག་བརྒྱ་སྟོང་ཕྲག་ཉི་ཤུས་བཤད་པ་དེ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་བརྙས་པ་དེ་འཆི་བའི་དུས་ཉེ་བར་གནས་པ་དེའི་ཚེ། བར་སྣང་གི་སྒྲ་ལས་ཆོས་ཀྱི་རྣམ་གྲངས་འདི་ཐོས་སོ།། སུས་ཀྱང་མ་སྨྲས་པར་དེས་པར་སྣང་ལས་སྒྲ་ཐོས་ཏེ། ཆོས་ཀྱི་རྣམ་གྲངས་འདི་བཟུང་ནས་མིག་རྣམ་པར་དག་པ་དང་། རྣ་བ་རྣམ་པར་དག་པ་དང་། སྣ་རྣམ་པར་དག་པ་དང་། ལྕེ་རྣམ་པར་དག་པ་དང་། ལུས་རྣམ་པར་དག་པ་དང་། ཡིད་རྣམ་པར་དག་པ་དེ་ལྟ་བུ་ཐོབ་བོ།། རྣམ་པར་དག་པ་དེ་དག་ཐོབ་མ་ཐག་ཏུ། ཕྱིར་ཡང་ལོ་བྱེ་བ་ཁྲག་ཁྲིག་བརྒྱ་སྟོང་ཕྲག་ཉི་ཤུར་བདག་གིས་སྲོག་གི་འདུ་བྱེད་བྱིན་གྱིས་བརླབས་ཏེ། ཆོས་ཀྱི་རྣམ་གྲངས་འདི་ཡང་དག་པར་བསྒྲགས་སོ།། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་ང་རྒྱལ་ཅན་གང་དག་ལ་སྔོན་ཁྱེད་ལ་ཁོ་བོ་བརྙས་པར་མི་བྱེད་དོ་ཞེས་བསྒྲགས་པ་གང་དག་གིས་དེའི་མིང་དུ་བརྙས་པར་བཏགས་པ་དེ་དག་གིས། དེའི་རྫུ་འཕྲུལ་གྱི་སྟོབས་ཀྱི་མཐུ་དང་། དམ་ཅས་པའི་སྟོབས་ཀྱི་མཐུ་དང་། སྤོབས་པའི་སྟོབས་ཀྱི་མཐུ་དང་། ཤེས་རབ་ཀྱི་མཐུ་ཆེན་པོ་མཐོང་ནས། ཐམས་ཅད་ཀྱང་ཆོས་མཉན་པའི་ཕྱིར་ཕྱི་ན་འཁོད་པར་འགྱུར་ཏོ།། དེས་གཞན་ཡང་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་མང་པོ་དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་བཙུད་དོ། ། མཐུ་ཆེན་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་དེ། དེ་ནས་ཤི་འཕོས་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བའི་དབྱངས་ཀྱི་རྒྱལ་པོ་ཞེས་བྱ་བར་མཚན་མཐུན་པ་བྱེ་བ་བརྒྱ་ཕྲག་ཉི་ཤུ་མཉེས་པར་བྱས་ཏེ། ཐམས་ཅད་དུ་ཡང་ཆོས་ཀྱི་རྣམ་གྲངས་འདི་ཡང་དག་པར་རབ་ཏུ་སྟོན་ཏོ།། དེ་སྔོན་གྱི་དགེ་བའི་རྩ་བ་དེས། རིམས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྔ་སྒྲའི་རྒྱལ་པོ་ཞེས་བྱ་བར་མཚན་མཐུན་པ་བྱེ་བ་བརྒྱ་ཕྲག་ཉི་ཤུ་མཐར་གྱིས་མཉེས་པར་བླ་ནས། དེ་ཐམས་ཅད་དུ་ཡང་དམ་པའི་ཆོས་པདྨ་དཀར་པོ་ཆོས་ཀྱི་རྣམ་གྲངས་འདི་བཟུང་སྟེ། འཁོར་བཞི་ལ་ཡང་དག་པར་རབ་ཏུ་བཤད་དོ།། དེ་སྔོན་གྱི་དགེ་བའི་རྩ་བ་དེས་མཐར་གྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྦྱིན་སྒྲ་རྒྱལ་པོ་ཞེས་བྱ་བར་མཚན་མཐུན་པ་བྱེ་བ་བརྒྱ་ཕྲག་ཉི་ཤུ་མཉེས་པར་བྱས་ནས། ཐམས་ཅད་དུ་ཡང་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཉིད་བཟུང་སྟེ། འཁོར་བཞི་ལ་ཡང་དག་པར་རབ་ཏུ་བཤད་དོ།། ཐམས་ཅད་ན་ཡང་མིག་ཡོངས་སུ་དག་པ་དང་ལྡན་པར་གྱུར་ཏོ།། རྣ་བ་ཡོངས་སུ་དག་པ་དང་། སྣ་ཡོངས་སུ་དག་པ་དང་། ལྕེ་ཡོངས་སུ་དག་པ་དང་། ལུས་ཡོངས་སུ་དག་པ་དང་། ཡིད་ཡོངས་སུ་དག་པ་དེ་ལྟ་བུ་དང་ལྡན་པར་གྱུར་ཏོ།། མཐུ་ཆེན་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་བརྙས་པ་དེས། དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་དེ་སྙེད་ལ་བསྟི་སྟང་དུ་བྱས། བླ་མར་བྱས། རི་མོ་དང་། མཆོད་པ་དང་གསོལ་བ་དང་། དབུལ་བ་བྱས་ཏེ། གཞན་ཡང་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་བསྟི་སྟང་དུ་བྱ་བ་དང་། བླ་མར་བྱ་བ་དང་། རི་མོ་དང་མཆོད་པ་དང་། གསོལ་བ་བྱས་ནས། དེ་དག་ཐམས་ཅད་དུ་ཡང་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་བཟུང་སྟེ། སྔོན་གྱི་དགེ་བའི་རྩ་བ་དེ་ཉིད་ཡོངས་སུ་སྨིན་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ། ། མཐུ་ཆེན་ཐོབ་དེའི་ཚེ་དེའི་དུས་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། འཇིགས་བསྒྲགས་དབྱངས་ཀྱི་རྒྱལ་པོའི་བསྟན་པ་ལ་འཁོར་བཞི་རྣམས་ཀྱིས་རྟག་ཏུ་བརྙས་པར་གྲགས་ཤིང་གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་སྙེད་མཉེས་པར་བྱས་པ། བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་བརྙས་པ་དེ་གཞན་ཡིན་སྙམ་དུ་སོམ་ཉིའམ། ཡིད་གཉིས་དང་། ཐེ་ཙོམ་ཟ་བར་གྱུར་ན།། མཐུ་ཆེན་ཐོབ་ཁྱོད་ཀྱིས་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། ང་ཉིད་དེའི་ཚེ་དེའི་དུས་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་བརྙས་པ་ཞེས་བྱ་བར་གྱུར་ཏོ།། མཐུ་ཆེན་ཐོབ་གལ་ཏེ་ངས་སྔོན་ཆོས་ཀྱི་རྣམ་གྲངས་འདི་མ་བླངས་མ་བཟུང་བར་གྱུར་ན། ང་འདི་ལྟར་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་མི་འགྱུར་ཏེ། མཐུ་ཆེན་ཐོབ་དེ་ལྟར་ངས་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་གན་ནས་ཆོས་ཀྱི་རྣམ་གྲངས་འདི།། བཟུང་སྟེ་བཀླགས་པ་དང་བསྟན་པས། དེའི་ཕྱིར་ང་འདི་ལྟར་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ།། མཐུ་ཆེན་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་བརྙས་པ་དེ། དགེ་སློང་དང་། དགེ་སློང་མ་དང་། དགེ་བསྙེན་མ་བརྒྱ་ཕྲག་མང་པོ་དག་ལ། བཅོམ་ལྡན་འདས་དེའི་བསྟན་པ་ལ་ཆོས་ཀྱི་རྣམ་གྲངས་འདི་ཡང་དག་པར་བསྒྲགས་ཤིང་ཁོ་བོ་ཁྱེད་ལ་བརྙས་པར་མི་བྱེད་དོ། ། ཁྱེད་ཅག་ཐམས་ཅད་ཀྱང་བྱང་ཆུབ་སེམས་དཔའི་སྤྱད་པ་སྤྱོད་ཅིག་དང་། ཁྱེད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་བྱས་པ་དང་། གང་གིས་བྱང་ཆུབ་སེམས་དཔའ་དེ་ལ་གནོད་སེམས་བསྐྱེད་པར་གྱུར་པ་དེ་དག་གིས་བསྐལ་པ་བྱེ་བ་བརྒྱ་ཕྲག་ཉི་ཤུར་ནམ་ཡང་། དེ་བཞིན་གཤེགས་པ་མ་མཐོང་ཆོས་ཀྱི་སྒྲ་ཡང་མ་ཐོས། དགེ་འདུན་གྱི་སྒྲ་ཡང་མ་ཐོས་སོ།། བསྐལ་པ་སྟོང་ཕྲག་བཅུར་མནར་མེད་པའི་སེམས་ཅན་དམྱལ་བ་ཆེན་པོར་སྡུག་བསྔལ་མི་བཟད་པ་མྱོང་ངོ་། ། དེ་དག་ཐམས་ཅད་ལས་ཀྱི་སྒྲིབ་པ་དེ་ལས་ཡོངས་སུ་ཐར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཉིད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། ། མཐུ་ཆེན་ཐོབ་དེའི་ཚེ་དེའི་དུས་ན། སེམས་ཅན་དུ་གྱུར་པ་བྱང་ཆུབ་སེམས་དཔའ་ཆེན་པོ་ལ་བསྟིང་བ་དང་། འཕྱ་བ་བྱས་པ་དེ་དག་གང་ཡིན་སྙམ་དུ་སོམ་ཉི་དང་། ཡིད་གཉིས་སམ། ཐེ་ཙོམ་ཟ་བར་གྱུར་ན། མཐུ་ཆེན་ཐོབ་འཁོར་འདི་ཉིད་ཀྱི་ནང་ན། བཟང་སྐྱོང་ལ་སོགས་པ་བྱང་ཆུབ་སེམས་དཔའ་ལྔ་བརྒྱ་དང་། སེང་གེ་ཟླ་བ་ལ་སོགས་པ་དགེ་སློང་མ་ལྔ་བརྒྱ་དང་། བདེ་གཤེགས་སེམས་པ་ལ་སོགས་པ་དགེ་བསྙེན་མ་ལྔ་བརྒྱ་སྟེ། ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་བྱས་སོ། ། མཐུ་ཆེན་ཐོབ་ཆོས་ཀྱི་རྣམ་གྲངས་འདི་འཛིན་པ་དང་། སྟོན་པ་དང་ལྡན་པའི་བསོད་ནམས་ཀྱི་ཕུང་པོ་དེ་ལྟར་དོན་ཆེ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་པར་བྱེད་པར་འགྱུར་རོ།། མཐུ་ཆེན་ཐོབ་དེ་ལྟ་བས་ན། དེ་བཞིན་གཤེགས་པ་ང་ཡོངས་སུ་མྱ་ངན་འདས་ནས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཆོས་ཀྱི་རྣམ་གྲངས་འདི་རྒྱུན་མི་འཆད་པར་བཟུང་བར་བྱའོ།། བསྟན་པར་བྱའོ།། བཀླག་པར་བྱའོ།། བཤད་པར་བྱའོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། འདས་པའི་དུས་རྣམས་རྗེས་སུ་དྲན་པ་ནི། འཇིགས་དབྱངས་རྒྱལ་པོ་རྒྱལ་བ་གང་བྱུང་བ།། ལྷ་མི་གནོད་སྦྱིན་སྲིན་པོའི་འདྲེན་པ་སྟེ།། མཐུ་ཆེན་དེ་ལ་ལྷ་དང་མི་ཡིས་མཆོད།། རྒྱལ་བ་དེ་ནི་མྱ་ངན་ཡོངས་འདས་ནས།། དམ་ཆོས་འཁྲུག་པར་གྱུར་པ་ཐ་མ་ལ།། དེ་ན་བྱང་ཆུབ་སེམས་དཔའ་དགེ་སློང་བྱུང་།། དེ་ཡི་མིང་ནི་རྟག་ཏུ་བརྙས་ཞེས་བྱ།། དེ་ན་དགེ་སློང་གཞན་དང་དེ་བཞིན་དུ།། དམིགས་པར་ལྟ་བའི་དགེ་སློང་དེ་གན་སོང་། ། ཁོ་བོས་ཁྱེད་ལ་ནམ་ཡང་བརྙས་པ་མེད།། ཁྱེད་ཀྱིས་བྱང་ཆུབ་མཆོག་ཕྱིར་སྤྱད་པ་སྤྱོད།། དེ་བཞིན་རྟག་ཏུ་ཡང་དག་བསྒྲགས་པ་ན། ། གཤེ་ཞིང་བརྒྱད་པ་དེ་དག་བཟོད་པར་བྱེད།། འཆི་བའི་དུས་བྱེད་ཉེ་བར་གནས་པ་དང་།། དེ་ཡིས་མདོ་སྡེ་འདི་ནི་ཐོས་གྱུར་ནས།། དེ་ཚེ་མཁས་པས་འཆི་བའི་དུས་མ་བྱས། ། ཚེ་ཡང་ཤིན་ཏུ་རིང་པོར་བྱིན་བརླབས་ཏེ།། རྣམ་པར་འདྲེན་པ་དེ་ཡི་བསྟན་པ་ལ།། དེ་ཚེ་མདོ་འདི་ཡང་ནི་རབ་ཏུ་བཤད།། དམིགས་ཅན་མང་པོ་དེ་དག་ཐམས་ཅད་ཀྱང་།། དེ་ཡིས་བྱང་ཆུབ་ཏུ་ནི་ཡོངས་སྨིན་བྱས།། དེ་ནས་བྱང་ཆུབ་སེམས་དཔའ་ཤི་འཕོས་ནས།། སངས་རྒྱས་བྱེ་བ་ཕྲག་སྟོང་མཉེས་བྱས་ཏེ།། མཐར་གྱིས་བསོད་ནམས་བྱས་པ་དེ་དག་གིས། ། མདོ་འདི་ཡང་ནི་རྟག་པར་རབ་ཏུ་བཤད།། རྒྱལ་བའི་སྲས་དེས་བྱང་ཆུབ་ཡང་དག་ཐོབ།། ཤཱཀྱ་ཐུབ་པ་ང་ཉིད་དེ་ཡིན་ནོ།། དེ་ཚེ་གང་དག་དམིགས་ཅན་དགེ་སློང་དང་།། དགེ་སློང་མ་དང་དགེ་བསྙེན་གང་རྣམས་དང་། དེ་ན་དགེ་བསྙེན་མ་རྣམས་གང་བྱུང་བ།། མཁས་པས་དེ་ཚེ་བྱང་ཆུབ་བསྒྲགས་གྱུར་པ།། དེ་དག་རྣམས་ཀྱིས་སངས་རྒྱས་བྱེ་མང་མཐོང་།། དེ་དག་ལྔ་བརྒྱ་མི་ཉུང་འདི་རྣམས་དང་།། དེ་བཞིན་དགེ་སློང་ཕ་དང་དགེ་སློང་མ།། ང་ཡི་མངོན་སུམ་དགེ་བསྙེན་འདི་དག་སྟེ།། ཐམས་ཅད་ང་ཡིས་ཆོས་མཆོག་ཐོབ་བྱས་ནས།། ངས་ནི་འདི་དག་ཐམས་ཅད་ཡོངས་སྨིན་བྱས། ། མྱ་ངན་ང་འདས་དཔའ་བོ་འདི་ཀུན་ནི།། འདི་ན་མདོ་སྡེ་མཆོག་འདི་འཛིན་པར་འགྱུར།། བསྐལ་པ་མཐའ་ཡས་བྱེ་བ་མང་པོར་ཡང་།། འདི།། འདྲའི་ཆོས་ནི་ནམ་ཡང་མི་ཐོས་ཏེ།། སངས་རྒྱས་བྱེ་བ་ཕྲག་བརྒྱ་བྱུང་ན་ཡང་།། དེ་དག་ཀྱང་ནི་མདོ་འདི་མི་འཆད་དོ།། དེ་ཕྱིར་རང་བྱུང་ཉིད་ཀྱིས་བརྗོད་པའི་ཆོས།། འདི་ལྟ་བུ་ཡི་རྣམ་པ་ཐོས་ནས་སུ། ། ཡང་དང་ཡང་ནི་རབ་ཏུ་འདི་བཟུང་ལ།། མྱ་ངན་ང་འདས་མདོ་སྡེ་རབ་ཤོད་ཅིག། རྟག་ཏུ་བརྙས་པའི་ལེའུ་ཞེས་བྱ་བ་སྟེ། བཅུ་དགུ་པའོ།། ། ། དེ་ནས་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་སྟོང་གི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་རྙེད་གང་དག་ས་རུམ་ནས་འཐོན་པ་དེ་དག་ཐམས་ཅད་ཀྱིས། བཅོམ་ལྡན་འདས་ཀྱི་སྤྱན་སྔར་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། བདག་ཅག་གིས་སངས་རྒྱས་ཀྱི་ཞིང་ཐམས་ཅད་ན། བཅོམ་ལྡན་འདས་ཀྱི་སངས་རྒྱས་ཀྱི་ཞིང་གང་དག་ལགས་པ་གང་དུ་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་འགྱུར་བ་དེ་དང་དེར་ཆོས་ཀྱི་རྣམ་གྲངས་འདི་རབ་ཏུ་བཤད་པར་བགྱིའོ། ། བཅོམ་ལྡན་འདས་བདག་ཅག་ནི། ཆོས་ཀྱི་རྣམ་གྲངས་རྒྱ་ཆེན་པོ་འདི་ལྟ་བུ་གཟུང་བ་དང་། བཀླགས་པ་དང་། བསྟན་པ་དང་། རབ་ཏུ་བཤད་པ་དང་། ཡི་གེར་བྲི་བར་འཚལ་བ་ལགས་སོ། ། དེ་ནས་འཇམ་དཔལ་ལ་སོགས་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་མང་པོ་གང་དག་འཇིག་རྟེན་གྱི་ཁམས་མཇེད་འདི་ན་གནས་པ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མང་པོ་གངྒཱའི་ཀླུང་གི་བྱེ་མ་སྙེད་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་བདག་ཅག་གིས་ཀྱང་ཆོས་ཀྱི་རྣམ་གྲངས་འདི་ཡང་དག་པར་རབ་ཏུ་བཤད་པར་བགྱིའོ།། བཅོམ་ལྡན་འདས་ལུས་མི་གདའ་བར་སྣང་ལ་གནས་ཏེ་དབྱངས་ཀྱིས་ཡང་དག་པར་བསྒྲགས་པར་བགྱིའོ།། དགེ་བའི་རྩ་བ་མ་བསྐྲུན་པའི་སེམས་ཅན་རྣམས་དགེ་བའི་རྩ་བ་བསྐྲུན་པར་བགྱིའོ། ། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་སྔ་མ་ཚོགས་དང་ཚོགས་ཆེན་པོ་དང་། ཚོགས་ཀྱི་སློབ་དཔོན་དེ་དག་གི་གཙོ་པོ་གཅིག་པོ་བྱང་ཆུབ་སེམས་དཔའ་ཆེན་པོ། ། སྤྱོད་པ་ཁྱད་པར་ཅན་ཞེས་བྱ་བ་ཚོགས་དང་ཚོགས་ཆེན་པོ་དང་ཚོགས་ཀྱི་སློབ་དཔོན་ལ་འདི་སྐད་ཅེས་བཀའ་སྩལ་ཏོ།། སྤྱོད་པ་ཁྱད་པར་ཅན་ལེགས་སོ་ལེགས་སོ། ། ཁྱོད་ཀྱིས་དེ་ལྟར་གྱིས་ཤིག་དང་། ཆོས་ཀྱི་རྣམ་གྲངས་འདིའི་ཕྱིར་ཁྱེད་དེ་བཞིན་གཤེགས་པས་ཡོངས་སུ་སྨིན་པར་བྱས་སོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དང་། བཅོམ་ལྡན་འདས་ཡོངས་སུ་མྱ་ངན་ལས་འདས་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་དེ་མཆོད་རྟེན་གྱི་དབུས་ན་སེང་གེའི་ཁྲི་ལ་བཞུགས་པ་གཉིས་འཛུམ་པ་མཛད་ནས། གཉི་ཀའི་ཞལ་གྱི་སྒོ་ནས་ལྗགས་ཀྱི་དབང་པོ་ཕྱུང་སྟེ། ལྗགས་ཀྱི་དབང་པོ་དེ་གཉིས་ཀྱི་ཚངས་པའི་འཇིག་རྟེན་གྱི་བར་དུ་ཕྱིན་ནས། ལྗགས་ཀྱི་དབང་པོ་དེ་གཉིས་ཀ་ལས་འོད་ཟེར་བྱེ་བ་ཁྲག་ཁྲིག་བརྒྱ་སྟོང་མང་པོ་བྱུང་ངོ་།། འོད་ཟེར་དེ་དག་ལས་འོད་ཟེར་རེ་རེ་ལས་ཀྱང་། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་མང་པོ་ལུས་ཀྱི་མདོག་གསེར་གྱི་ཁ་དོག་འདྲ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ། པདྨོའི་སྙིང་པོའི་ཁྲི་ལ་འཁོར་པ་དག་བྱུང་ངོ་།། བྱང་ཆུབ་སེམས་དཔའ་དེ་དག་ཀྱང་ཕྱོགས་དང་ཕྱོགས་མཚམས་ཀྱི་འཇིག་རྟེན་གྱི་ཁམས་བརྒྱ་སྟོང་དག་ཏུ་དོང་སྟེ། ཕྱོགས་དང་ཕྱོགས་མཚམས་དེ་དག་ཐམས་ཅད་ན་བར་སྣང་ལ་འཁོད་ནས་ཆོས་སྟོན་ཏོ། ། ཇི་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་གི་སྔགས་ཀྱི་དབང་པོ་རྫུ་འཕྲུལ་གྱི་ཚེ་འཕྲུལ་མཛད་པ་དེ་བཞིན་དུ། འཇིག་རྟེན་གྱི་ཁམས་བྱེ་བ་ཁྲག། ཁྲིག་བརྒྱ་སྟོང་གཞན་དག་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་གཤེགས་ཤིང་རིན་པོ་ཆེའི་ཤིང་ལྗོན་པའི་དྲུང་དག་ན། སེང་གེའི་ཁྲི་སོ་སོ་ལ་བཞུགས་པ་དེ་དག་ཀྱང་ལྗགས་ཀྱི་དབང་པོ་རྫུ་འཕྲུལ་གྱི་ཆོ་འཕྲུལ་མཛད་དོ། ། དེ་ནས་བཅོམ་ལྡན་འདས་ཤཱཀྱ་ཐུབ་པ་དང་དེ་བཞིན་གཤེགས་པ་རིན་ཆེན་མང་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ཐམས་ཅད་ཀྱིས་ལོ་འབུམ་ཆང་གི་བར་དུ་རྫུ་འཕྲུལ་མངོན་པར་འདུ་བྱེད་པ་མཛད་དོ། ། དེ་ནས་ལོ་འབུམ་འདས་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གིས་ལྗགས་ཀྱི་དབང་པོ་དེ་དག་བསྡུས་ཏེ། དུས་གཅིག་ཏུ་སྐད་ཅིག་ཐང་ཅིག་ཡུད་ཙམ་ཅིག་ལ་ཐམས་ཅད་ཀྱིས་མགུར་བསལ་བའི་སྒྲ་ཆེན་པོ་ཕྱུང་སྟེ། སེ་གོལ་གཏོགས་པའི་སྒྲ་གཅིག་མཛད་དོ།། མགུར་བསལ་བའི་སྒྲ་ཆེན་པོ་དེ་དང་གོལ་གཏོགས་པའི་སྒྲ་ཆེན་པོ་དེས། ཕྱོགས་བཅུའི་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་ཇི་སྙེད་པ་དེ་དག་ཐམས་ཅད་གཡོས་པར་གྱུར་ཏེ། རབ་ཏུ་གཡོས་ཀུན་ཏུ་རབ་ཏུ་གཡོས། འགུལ་རབ་ཏུ་འགུལ། ཀུན་ཏུ་རབ་ཏུ་འགུལ། ལྡེག་རབ་ཏུ་ལྡེག། ཀུན་ཏུ་རབ་ཏུ་ལྡེག་གོ། སངས་རྒྱས་ཀྱི་ཞིང་དེ་དག་ན་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་སེམས་ཅན་ཇི་སྙེད་འཁོད་པ་དག་དེ་ན་འདུག་བཞིན་དུ། སངས་རྒྱས་ཀྱི་མཐུས་དེ་དག་ཐམས་ཅད་ཀྱིས་འཇིག་རྟེན་གྱི་ཁམས་མི་མཇེད་འཇིག་རྟེན་མཐོང་སྟེ། དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་རིན་པོ་ཆེའི་ཤིང་ལྗོན་པའི་དྲུང་ན། སེང་གེའི་ཁྲི་སོ་སོ་ལ་བཞུགས་པ་དེ་དག་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དང་། བཅོམ་ལྡན་འདས་ཡོངས་སུ་མྱ་ངན་འདས་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་རིན་པོ་ཆེའི་མཆོད་རྟེན་ཆེན་པོ་དེའི་དབུས་ན་སེང་གེའི་ཁྲི་ལ་བཞུགས་པ་དེ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དང་ལྷན་ཅིག་ཏུ་བཞུགས་པ་དང་། འཁོར་བཞི་པོ་དེ་དག་ཀྱང་མཐོང་ངོ་།། དེ་མཐོང་ནས་ངོ་མཚར་དུ་གྱུར་རྨད་དུ་གྱུར་ཤིན་ཏུ་དགའ་བ་ཐོབ་པར་གྱུར་ཏེ། བར་སྣང་ལས་སྒྲ་འདི་སྐད་ཅེས་ཐོས་ཏེ། ཀྱེ་གྲོགས་པོ་དག་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་དཔག་ཏུ་མེད། གྲངས་མེད་པ་དག་འདས་པ་ན། འཇིག་རྟེན་གྱི་ཁམས་མི་མཇེཛད་ཅེས་བྱ་བ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་དེ་ད་ལྟར་དམ་པའི་ཆོས་པདྨ་དཀར་པོ་ཞེས་བྱ་བའི་ཆོས་ཀྱི་རྣམ་གྲངས་འདི་ཤིན་ཏུ་རྒྱས་པ་ཆེན་པོའི་མདོ་སྡེ། བྱང་ཆུབ་སེམས་དཔའ་རྣམས་ལ་གདམ་པ། སངས་རྒྱས་ཐམས་ཅད་ཀྱིས་ཡོངས་སུ་བཟུང་བ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཡང་དག་པར་རབ་ཏུ་འཆད་ཀྱིས་དེ་ལ་ཁྱོད་ཀྱིས་ང་ལ་ལྷག་པའི་བསམ་པས་རྗེས་སུ་ཡི་རང་བར་གྱིས་ཤིག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ལ་ཕྱག་འཚོལ་ཅིག། མཆོད་པ་གྱིས་ཤིག་ཅེས་ཐོས་སོ།། དེ་ནས་སེམས་ཅན་དེ་དག་ཐམས་ཅད་ཀྱི་བར་སྣང་ལས་དེ་ལྟ་བུའི་སྒྲ་ཐོས་ནས། དེ་ན་འཁོད་བཞིན་དུ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ལ་ཕྱག་འཚལ་ལོ་ཞེས་ཚིག་དེ་སྐད་སྨྲས་སོ། ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དང་། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ལ་མཆོད་པའི་ལས་ཀྱི་ཕྱིར་ཐལ་མོ་སྦྱར་ཏེ་མེ་ཏོག་དང་། བདུག་པ་དང་། སྤོས་དང་། འཕྲེང་བ་དང་། བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། ལྷའི་བ་དན་དང་། རྣམ་པར་རྒྱལ་བའི་བ་ངན་རྣམ་པ་མང་པོ་འཇིག་རྟེན་གྱི་ཁམས་མི་མཇེད་འདི་ག་ལ་བ་དེར་ལོགས་སུ་འཐོར་རོ། ། བྱང་ཕྲུལ་དང་། བགོ་བ་དང་། སེ་མོ་དོ་དང་། དོ་ཤལ་དང་། ནོར་བུ་དང་། རིན་པོ་ཆེ་རྣམ་པ་མང་པོ་ཡང་གཏོར་རོ། ། མེ་ཏོག་དང་། བདུག་པ་དང་། སྤོས་དང་། འཕྲེང་བ་དང་། བྱུག་པ་དང་། ཕྱེ་མ་དང་། ཆོས་གོས་དང་། གདུགས་དང་། རྒྱལ་མཚན་དང་། ལྷའི་བ་དན་དང་། རྣམ་པར་རྒྱལ་བའི་བ་དན་དང་སེ་མོ་དོ་དང་། དོ་ཤལ་དང་། ནོར་བུ་དང་། རིན་པོ་ཆེ་གཏོར་བ་དེ་དག་ཐམས་ཅད་འཇིག་རྟེན་གྱི་ཁམས་མི་མཇེད་འདིར་འོངས་ཏེ། མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། བྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། ལྷའི་བ་དན་དང་། རྣམ་པར་རྒྱལ་བའི་བ་དན་རྣམ་པ་མང་པོ་དང་། སེ་མོ་དོ་དང་། དོ་ཤལ་དང་། ནོར་བུ་དང་། རིན་པོ་ཆེ་དེ་དག་གིས་ཐམས་ཅད་དང་ལྡན་པའི་འཇིག་རྟེན་གྱི་ཁམས་མི་མཇེད་འདི་ཁེབས་པར་གྱུར་ཏོ།། འཇིག་རྟེན་གྱི་ཁམས་གཞན་བྱེ་བབ་ཁྲག་ཁྲིག་བརྒྱ་སྟོང་དེ་དག་དང་ལྷན་ཅིག་ཏུ་ཁེབས་པར་གྱུར་ནས་གཅིག་ཏུ་གྱུར་ཏེ། གང་དག་ན་དེ་བཞིན་གཤེགས་པ་དེ་དག་བཞུགས་པ་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་དེ་དག་དང་། ཐམས་ཅད་ཀྱི་སྟེང་གི་ནམ་མཁའ་བར་སྣང་ལ། མེ་ཏོག་གི་བླ་རེ་ཆེན་པོ་ཀུན་ཏུ་ཁེབས་པར་གྱུར་ཏོ།། དེ་ནས་བཅོམ་ལྡན་འདས་ཀྱི་སྤྱོད་པ་ཁྱད་པར་ཅན་ལ་སོགས་པ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་བཀའ་སྩལ་པ། རིགས་ཀྱི་བུ་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། མཐུ་བསམ་གྱིས་མི་ཁྱབ་པ་སྟེ། རིགས་ཀྱི་བུ་དག་ཆོས་ཀྱི་རྣམ་གྲངས་འདི་ཡོངས་སུ་གཏད་པའི་ཕྱིར། ངས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་མང་པོ་ཆོས་ཀྱི་སྒོ་རྣམ་པ་ཐ་དད་པ་དག་གིས་ཕན་ཡོན་གྱི་རྣམ་གྲངས་མང་པོ་བཤད་མོད་ཀྱི། ངས་ཆོས་ཀྱི་རྣམ་གྲངས་འདིའི་ཡོན་ཏན་བཤད་ཀྱང་ཡོན་ཏན་གྱི་ཕ་རོལ་ཏུ་མི་ཕྱིན་ནོ།། རིགས་ཀྱི་བུ་དག་མདོར་ན། སངས་རྒྱས་ཀྱི་ཆོས་ཐམས་ཅད་དང་། སངས་རྒྱས་ཀྱི་ཁྱུ་མཆོག་ཏུ་གྱུར་པ་ཐམས་ཅད་དང་། སངས་རྒྱས་ཀྱིས་གསང་ཆེན་ཐམས་ཅད་དང་། སངས་རྒྱས་ཀྱི་ཟབ་མོའི་གནས་ཐམས་ཅད་ངས་ཆོས་ཀྱི་རྣམ་གྲངས་འདིར་བཤད་དོ། ། རིགས་ཀྱི་བུ་དག་དེ་ལྟ་བས་ན། ཁྱེད་ཀྱིས་ཀྱང་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས། ཆོས་ཀྱི་རྣམ་གྲངས་འདི་གུས་པར་གཟུང་བར་བྱའོ། ། བསྟན་པར་བྱའོ།། ཡི་གེར་འབྲི་བར་བྱའོ།། བཀླག་པར་བྱའོ།། རབ་ཏུ་བཤད་པར་བྱའོ།། བསྒོམ་པར་བྱའོ།། མཆོད་པར་བྱའོ།། རིགས་ཀྱི་བུ་དག་ས་ཕྱོགས་གང་ན་ཆོས་ཀྱི་རྣམ་གྲངས་འདི་ཀློག་གམ། སྟོན་ཏམ། རབ་ཏུ་འཆད་དམ། ཡི་གེར་འདྲི་འམ། སེམས་སམ། འདོན་ཏམ། ཁ་ཏོན་བྱེད་དམ། གླེགས་བམ་དུ་བྱས་པ་ཀུན་དགའི་ར་བ་འམ། གཙུག་ལག་ཁང་ངམ། ཁྱིམ་མམ། གནས་སམ། ཤིང་དྲུང་ངམ། ཁང་པ་འམ། གནས་ཁང་ངམ། ཕུག་ན་འདུག་ཀྱང་རུང་སྟེ། ས་ཕྱོགས་དེར་དེབཞིན་གཤེགས་པའི་མཆོད་རྟེན་བྱའོ། ། དེ་ཅིའི་ཕྱིར་ཞེ་ན། ས་ཕྱོགས་སུ་དེ་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སྙིང་པོར་རིག་པར་བྱ་བ་དང་། ས་ཕྱོགས་དེ་དེ་བཞིན་ག་ཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་རིག་པར་བྱ་བ་དང་ས་ཕྱོགས་དེར་དེ་བཞིན་གཤེགས་པ་ཐམས་ཅད་ཀྱིས་ཆོས་ཀྱི་འཁོར་ལོ་རབ་ཏུ་བསྐོར་བ་དང་། ས་ཕྱོགས་དེར་དེ་བཞིན་གཤེགས་པ་ཐམས་ཅད་ཡོངས་སུ་མྱ་ངན་ལས་འདས་པར་རིག་པར་བྱ་བ་ཡིན་པའི་ཕྱིར་རོ། ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། མངོན་ཤེས་ཡེ་ཤེས་རབ་ཏུ་གནས་རྣམས་ཀྱི།། འཇིག་རྟེན་བན་པའི་ཆོས་ནི་བསམ་མི་ཁྱབ། ། ལུས་ཅན་འདི་ཀུན་མཆོག་ཏུ་དགའ་བའི་ཕྱིར།། མཐའ་ཡས་སྤྱན་གྱིས་རྫུ་འཕྲུལ་རབ་ཏུ་བསྟན།། འོད་ཟེར་སྟོང་རྣམས་རབ་ཏུ་ཀུན་འགྱེད་ཅིང་།། སྔགས་ཀྱི་དབང་པོས་ཚངས་པའི་འཇིག་རྟེན་ཕྱིན།། བྱང་ཆུབ་མཆོག་ལ་ཞུགས་པ་དེ་དག་ཕྱིར།། ངོ་མཚར་གྱུར་པའི་རྫུ་འཕྲུལ་དེ་དག་བསྟན།། སངས་རྒྱས་རྣམས་ནི་མགུར་སེར་སྒྲ་མཛད་ཅིང་།། ས་གོལ་གཅིག་གི་སྒྲ་དག་གང་ཕྱུང་བ། ། དེ་དག་ཕྱོགས་བཅུའི་འཇིག་རྟེན་ཇི་ཙམ་པ།། འཇིག་རྟེན་ཁམས་དེ་ཐམས་ཅད་གོ་བར་བྱས།། ཅི་ནས་དེ་དག་དགའ་ནས་ཕྱི་དུས་ན། ། བདེ་གཤེགས་མྱ་ངན་འདས་ནས་མདོ་འཛིན་པར།། དེ་དག་དང་ནི་ཆོ་འཕྲུལ་གཞན་རྣམས་དང་།། ཡོན་ཏན་རྣམས་ནི་ཕན་ཞིང་ཐུགས་བརྩེས་བསྟན།། འཇིག་རྟེན་རྣམ་འདྲེན་མྱ་ངན་འདས་པ་ན། ། མདོ་སྡེ་མཆོག་འདི་གང་དག་འཛིན་པ་ཡི།། བདེར་གཤེགས་སྲས་པོ་རྣམས་ཀྱི་བསྔགས་པ་ནི།། བསྐལ་པ་བྱེ་བ་ཕྲག་སྟོང་མང་བརྗོད་ཀྱང་།། དེ་དག་གི་ནི་ཡོན་ཏན་མཐའ་ཡས་ཏེ། ། ཇི་ལྟར་ཕྱོགས་རྣམས་སུ་ནི་ནམ་མཁའ་བཞིན།། གང་དག་རྟག་ཏུ་མདོ་སྡེ་འདི་འཛིན་པ།། དེ་དག་ཡོན་ཏན་བསམ་གྱི་མི་ཁྱབ་འགྱུར།། འཇིག་རྟེན་འདྲེན་པ་མྱ་ངན་འདས་འདི་དང་། ། ང་དང་འདྲེན་པ་འདི་དང་ཐམས་ཅད་མཐོང་།། བྱང་ཆུབ་སེམས་དཔའ་མང་པོ་འདི་ཀུན་དང་།། འཁོར་བཞི་རྣམས་ཀྱང་དེ་ཡིས་མཐོང་བ་ཡིན།། དེ་ཡིས་དེང་འདིརང་ནི་མཉེས་པར་བྱས། ། རྒྱལ་བའི་དབང་པོ་མྱ་ངན་འདས་འདི་དང་།། ཕྱོགས་བཅུ་རྣམས་ན་གང་དག་གཞན་བཞུགས་པ།། འདྲེན་པ་དེ་དག་ཐམས་ཅད་མཉེས་པར་བྱས།། གང་ཞིག་མདོ་སྡེ་འདི་ནི་འཛིན་བྱེད་པ། ། འདས་དང་དེ་བཞིན་མ་བྱོན་སངས་རྒྱས་དང་།། ཕྱོགས་བཅུ་དག་ན་གང་དག་བཞུགས་པ་ཡང་།། དེ་ཀུན་མཐོང་ཞིང་ཤིན་ཏུ་མཆོད་པར་འགྱུར།། མདོ་སྡེ་ཡང་དག་ཆོས་འདི་གང་འཛིན་པས། ། བྱང་ཆུབ་སྙིང་པོར་རྣམ་པར་གང་དགོངས་པ།། སྐྱེས་མཆོག་རྣམས་ཀྱི་གསང་ཆེན་ཤེས་པར་འགྱུར།། དེ་ནི་དེ་ཡང་མྱུར་དུ་རྗེས་སུ་སེམས།། གང་ཞིག་མདོ་སྡེ་དམ་པ་འདི་འཛིན་པ། ། དེ་ཡི་སྤོབས་པ་དག་ནི་མཐའ་ཡས་འགྱུར།། ཇི་ལྟར་རླུང་ནི་གང་དུའང་ཐོགས་མེད་བཞིན།། ཆོས་དང་དོན་དང་ངེས་པའི་ཚིག་ཀྱང་ཤེས།། འདྲེན་པ་རྣམས་ཀྱིས་དགོངས་ཏེ་གང་གསུངས་པ། ། མདོ་སྡེ་རྣམས་ཀྱི་མཚམས་སྦྱོར་རྟག་ཏུ་ཤེས།། རྣམ་པར་འདྲེན་པ་མྱ་ངན་འདས་པ་ཡི།། མདོ་སྡེ་རྣམས་ཀྱི་ཡང་དག་དོན་དེ་ཤེས།། ཟླ་བ་ཉི་མ་འདྲ་བར་དེར་འགྱུར་ཏེ། ། དེ་ནི་ཤིན་ཏུ་སྣང་ཞིང་བསལ་བྱེད་འགྱུར།། དེ་ནི་ས་ལ་རྒྱུ་ཞིང་དེ་དང་དེར།། བྱང་ཆུབ་སེམས་དཔའ་མང་པོ་ཡང་དག་འཛུད།། དེ་བས་བྱང་ཆུབ་སེམས་དཔའ་མཁས་གང་དག། འདི་འདྲ་བ་ཡི་ཕན་ཡོན་འདི་ཐོས་ནས།། མྱ་ངན་འདས་མདོ་སྡེ་འདི་ཟུང་ཤིག་དང་།། དེ་དག་ཐེ་ཙོམ་མེད་པར་བྱང་ཆུབ་འགྱུར།། དེ་བཞིན་གཤེགས་པའི་རྫུ་འཕྲུལ་མངོན་པར་འདུ་བྱེད་པའི་ལེའུ་ཞེས་བྱ་སྟེ་ཉི་ཤུ་པའོ། ། དམ་པའི་ཆོས་པདྨ་དཀར་པོ་བམ་པོ་བཅུ་གཉིས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་རྒྱལ་པོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གལ་བ་དེ་ལོགས་སུ་ཐལ་མོ་སྦྱར་བ་བཏུང་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ལུས་ལ་ཐོགས་སམཱ། གླེགས་བམ་དུ་བགྱིས་ཏེ་འཛིན་པའི་རིགས་ཀྱི་བུ་འམ། རིགས་ཀྱི་བུ་མོ་དེ་བསོད་ནམས་ཇི་སྙེད་ཅིག་སྐྱེད་པར་འགྱུར། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་བོཔོ་སྨན་གྱི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། ། སྨན་གྱི་རྒྱལ་པོ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་བརྒྱད་ཅུའི་བྱེ་མ་སྙེད་ལ་བསྟི་སྟང་དུ་བྱེད། བཙུན་པར་བྱེད། རི་མོར་བྱེད། མཆོད་པར་བྱེད་ན། སྨན་གྱི་རྒྱལ་པོ་འདི་ཇི་སྙམ་དུ་སེམས། རིགས་ཀྱི་བུ་འམ། རིགས་ཀྱི་བུ་མོ་དེ་གཞི་དེ་ལས་བསོད་ནམས་མང་དུ་སྐྱེད་དམ། གསོལ་པ། བཅོམ་ལྡན་འདས་མང་ལགས་སོ།། བདེ་བར་གཤེགས་པ་མང་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། སྨན་གྱི་རྒྱལ་པོ་ཁྱོད་མོས་པར་བྱའོ།། ཁོང་དུ་ཆུད་པར་བྱའོ།། སྨན་གྱི་རྒྱལ་པོ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་དམ་པའི་ཆོས་ཀྱི་རྣམ་གྲངས་འདི་ལས་ཐ་ན་ཚིག་བཞི་པའི་ཚིགས་སུ་བཅད་པ་གཅིག་ཙམ་ཡང་འཛིན་པ་དང་། ཀློག་པ་དང་། ཀུན་ཆུབ་པར་བྱེད་པ་དང་། ནན་ཏན་གྱིས་བསྒྲུབ་ན། སྨན་གྱི་རྒྱལ་པོ་རིགས་ཀྱི་བུ་འམ། རིགས་ཀྱི་བུ་མོ་དེ་བཞིན་དེ་བས་ཆེས་བསོད་ནམས་མང་དུ་བསྐྱེད་དོ། ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་རྒྱལ་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་གང་དམ་པའི་ཆོས་ཀྱི་རྣམ་གྲངས་འདི་ལུས་ལ་ཐོགས་སམ། གླེགས་བམ་དུ་བགྱིས་ཏེ། འཛིན་པའི་རིགས་ཀྱི་བུ་འམ། རིགས་ཀྱི་བུ་མོ་དེ་བདག་གིས་བསྲུང་བ་དང་། བསྐྱབ་པ་དང་སྦ་བའི་སླད་དུ་གཟུངས་སྔགས་ཀྱི་ཚིག་རྣམས་སྩལ་བར་བགྱིའོ།། ཏད་ཡ་ཐཱ། ཨ་ནྱེ། མ་ནྱེ། མ་མ་ནེ། ཙི་ཏ་ཏེ། ཙ་རི་ཏེ། ཤ་མེ་ཤ་མི། ཏཱ་བི། ཤཱན་ཏཾ། མུ་ཀ་ཏེ་མུག་ཏ་ཏ་མེ། ས་མེ་ཨ་བི། ཤ་མེ་ས་མ་ས་མེ། ཛ་ཡེ་ཀྵ་ཡེ། ཨཀྵ་ཡེ། ཨཀྵི་ནི། ཤཱན་ཏེ། ཤ་མི་དྷེ་དྷ་ར་ཎི། ཨ་ལོ་ཀ་བྷཱ་སེ། པྲ་ཏྱ་བ་ཀྵ་ཎི། བི་བི་རུ། ཨ་བྷྱཱ་ན་ཏ་ར་ནི། བཥྚེ་ཨ་ཏྱན་ཏ། པ་རི་ཤྲད་དྷི། མ་ཨུཏ་ཀུ་ལེ། མུཏ་ཀུ་ལེ། མུཏ་ཀུ་ལེ། ཨ་ར་ཊེ་པ་ར་ཊེ། ཤུ་ཀཱ་ཀྵི། ཨ་ས་མ་ས་མེ། བུད་དྷ་བི་ལོ་ཀི་ཏེ། དྷརྨ་པ་རིཀྵི་ཏེ། སང་གྷ་ནིར་གྷོ་ཥ་བ་ཡ་ཨ་བྷ་ཡ། ཤོ་དྷ་ནི། མན་ཏྲེ། མན་ཏྲེ། ཀྵཱ་ཡ་ཏྲེ། རུ་དྲ་ཀོའུ་ཤྭ་སྱེ་ཨ་ཀྵ་ཡེ། ཨཀྵཱཾ་ཡེ། ཨཱ་བ་ནཱུ་ཏཱ་ཡ་བ་ལོ་ཨ་མྱཱ་མྱན་ཏཱ་ཡ།། བཅོམ་ལྡན་འདས་གཟུངས་སྔགས་ཀྱི་ཚིག་འདི་དག་ནི་སངས་རྒྱས་བཅོམ་ལྡན་འདས་གངྒཱའི་ཀླུང་དྲུག་ཅུའི་བྱེ་མ་སྙེད་ཀྱིས་བཤད་པ་སྟེ། གང་གིས་མདོ་སྡེ་འདི་ལྟ་བུ་འཛིན་པ་ཆོས་སྨྲ་བ་འདི་ལྟ་བུ་དེ་དག་དང་འགལ་བར་བགྱིས་ན། སངས་རྒྱས་བཅོམ་ལྡན་འདས་དེ་དག་ཐམས་ཅད་ལ་དེ་འཁུས་པ་ལགས་སོ།། དེ་ནས་བཅོམ་ལྡན་འདས་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་རྒྱལ་པོ་ལ། སྨན་གྱི་རྒྱལ་པོ་ཁྱོད་ཀྱིས་གཟུངས་སྔགས་ཀྱི་ཚིགས་རྣམས་སྨྲས་ཏེ་སེམས་ཅན་མང་པོའི་དོན་བྱས་ཤིང་། སྨན་གྱི་རྒྱལ་པོ་སེམས་ཅན་རྣམས་ལ་སྙིང་བརྩེ་བའི་ཕྱིར་བསྲུང་བ་དང་། བསྐྱབ་པ་དང་། སྦ་བ་བྱས་པ་ལེགས་སོ་ལེགས་སོ་ཞེས་བྱ་བ་བྱིན་ནོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་སྦྱིན་པས་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་གིས་ཀྱང་ཆོས་སྨྲ་བ་འདི་ལྟ་བུ་དག་གི་ཆེད་དུ་གཟུངས་སྔགས་ཀྱི་ཚིག་རྣམས་སྩལ་བར་བགྱི་སྟེ། དེས་ཆོས་སྨྲ་བ་འདི་ལྟ་བུ་དེ་དག་ལ་གླགས་ལྟ་བ་གང་གིས་ཀྱང་གླགས་མི་རྙེད་པ་འདི་ལྟ་སྟེ། གནོད་སྦྱིན་ནམ། སྲིན་པོ་འམ། སྲུལ་པོ་འམ། གཤེད་བྱེད་དམ། གྲུལ་བུམ་མམ། ཡི་དགས་གླགས་ལྟ་བ་རྣམས་ཀྱིས་གླགས་མི་རྙེད་དོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་སྦྱིན་པས་དེའི་ཚེ་གཟུངས་སྔགས་ཀྱི་ཚིག་འདི་དག་སྨྲས་སོ།། ཏད་ཡ་ཐཱ། ཛྭ་ལེ། མ་ཧཱ་ཛཱ་ལེ། ཨུ་ཀ་ཀེ་མུག་གེ། ཨ་ཌེ། ཨ་རབ་ཏི། ནརི་ནྱེ། ནརི་ཌྷ། བ་ཏི། ཨི་ཏི་ནི། ཙི་ཊི་ནི་ནཱི། ནརྀ་ཌྷ་བ་ཏི། བཅོམ་ལྡན་འདས་གཟུངས་སྔགས་ཀྱི་ཚིག་འདི་དག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱིས་གསུངས་ཤིང་རྗེས་སུ་ཡི་རང་སྟེ། གང་གིས་ཆོས་སྨྲ་བ་འདི་ལྟ་བུ་འདི་དག་དང་འགལ་བར་བགྱིས་ན། དེ་དེ་བཞིན་གཤེགས་པ་ཐམས་ཅད་ལ་འཁུས་པ་ལགས་སོ།། དེ་ནས་བཅོམ་ལྡན་འདས་ལ་རྒྱལ་པོ་ཆེན་པོ་རྣམས་ཐོས་ཀྱི་བུས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་ཀྱང་ཆོས་སྨྲ་བ་དེ་དག་ལ་གློ་བ་བརྩེ་བས་སྨན་པ་དང་། བདེ་བ་དང་། བསྲུང་བ་དང་། བསྐྱབ་པ་དང་། སྦ་བའི་སླད་དུ། གཟུངས་སྔགས་ཀྱི་ཚིག་རྣམས་བརྗོད་པར་བགྱིའོ། ། ཏ་ད་ཡ་ཐཱ། ཨད་ཏེ་ནད་ཏེ། ནུ་ན་ཏེ། ཨ་ན་དོ་ན། ཌི་ཀུ་ན་ཏི། བཅོམ་ལྡན་འདས་གཟུངས་སྔགས་ཀྱི་ཚིག་འདི་དག་གིས་ཆོས་སྨྲ་བ་དེ་དག་ལ་དཔག་ཚད་བརྒྱ་ཚུན་ཆད་དུ་བསྲུང་བར་བགྱིའོ། ། རིགས་ཀྱི་བུ་འམ། རིགས་ཀྱི་བུ་མོ་མདོ་སྡེ་འདི་ལྟ་བུ་འཛིན་ཅིང་ཆོས་སྨྲ་བ་དེ་དག་ལ་ཡང་བསྲུང་བར་བགྱིས་པར་འགྱུར་ཏེ། བདེ་ལེགས་སུ་བགྱིས་པར་འགྱུར་རོ། ། དེ་ནས་རྒྱལ་པོ་ཆེན་པོ་འབགྲ་སྐྱེས་པོ་དྲི་ཟ་བྱེ་བ་ཁྲག་ཁྲིག་བརྒྱ་སྟོང་གིས་ཡོངས་སུ་བསྐོར་ཅིང་མདུན་དུ་བདར་ནས། འཁོར་དེར་འདུས་པར་གྱུར་ཏེ་འདུག་པ་དེ་སྟན་ལས་ལངས་ནས། བླ་གོས་ཕྲག་པགཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུང་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་ཀྱང་མདོ་སྡེ་འདི་ལྟ་བུ་འཛིན་པ། ཆོས་སྨྲ་བ་འདི་ལྟ་བུ་དེ་དག་བསྲུང་བ་དང་། བསྒྲུབ་པ་དང་། སྦ་བའི་སླད་དུ་གཟུངས་སྔགས་ཀྱི་ཚིག་རྣམས་བརྗོད་པར་བགྱིའོ།། ཏད་ཡ་ཐཱ། ཨ་ག་ཎེ་གཽ་རི། གན་དྷ་རཱི། གན་དྷ་རི། ཙཎ་ཊ་ལཱི་མ་ཏང་གི་པྲ་ཀུ་སཱི། སང་ཀུ་ལི། བྲུ་ཥ་ལཱི། བཅོམ་ལྡན་འདས་གཟུངས་སྔགས་ཀྱི་ཚིག་འདི་དག་ནི། སངས་རྒྱས་བྱེ་བ་ཁྲག་ཁྲིག་བཞི་བཅུ་རྩ་གཉིས་ཀྱིས་གསུངས་ཏེ། གང་ཞིག་ཆོས་སྨྲ་བ་འདི་ལྟ་བུ་དེ་དག་དང་འགལ་བར་བགྱིད་ན། དེ་དག་ཐམས་ཅད་འཁུས་པ་ལགས་སོ།། དེ་ནས་སྲིན་མོ་འཕྱང་མ་ཞེས་བྱ་བ་དང་། སྲིན་མོ་རྣམ་པར་འཕྱང་ཞེས་བྱ་བ་དང་། སྲིན་མོ་སོ་བརྩེག་ཞེས་བྱ་བ་དང་། སྲིན་མོ་མེ་ཏོག་སོ་ཞེས་བྱ་བ་དང་། སྲིན་མོ་ཅོད་པན་སོ་ཞེས་བྱ་བ་དང་། སྲིན་མོ་སྒྱུ་ཅན་སོ་ཞེས་བྱ་བ་དང་། སྲིན་མོ་མེ་ཞེས་བྱ་བ་དང་། སྲིན་མོ་ཕྲེང་བ་འཆང་ཞེས་བྱ་བ་དང་། སྲིན་མོ་མདུང་ཅན་ཞེས་བྱ་བ་དང་། སྲིན་མོ་སེམས་ཅན་ཐམས་ཅད་ཀྱི་མདངས་འཕྲོག་ཅེས་བྱ་བ་དང་། འཕྲོག་མ་བུ་དང་གཡོག་ཏུ་བཅས་པ་དང་། སྲིན་མོ་དེ་དག་ཐམས་ཅད་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་སྲིན་མོ་དེ་དག་ཐམས་ཅད་ཀྱིས་སྒྲ་སྐད་གཅིག་ཏུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ཅག་གིས་ཀྱང་མདོ་སྡེ་འཛིན་པ་ཆོས་སྨྲ་བ་འདི་ལྟ་བུ་དེ་དག་བསྲུང་བ་དང་། བསྐྱབ་པ་དང་། སྦ་བར་བགྱིའོ།། བདེ་ལེགས་སུ་འགྱུར་བར་བགྱིའོ།། ཅི་ནས་ཆོས་སྨྲ་བ་དེ་དག་ལ་གླགས་ལྟ་བ་དང་། སྐབས་ཚོལ་བ་གང་གིས་ཀྱང་གླགས་མི་རྙེད་པར་བགྱིའོ།། དེ་ནས་སྲིན་མོ་དེ་དག་ཐམས་ཅད་ཀྱིས་སྒྲ་སྐད་གཅིག་ཏུ་ཚིག་མཐུན་པར་བཅོམ་ལྡན་འདས་ལ་གཟུངས་སྔགས་ཀྱི་ཚིག་འདི་དག་ཕུལ་ལོ། ། ཏད་ཡ་ཐཱ། ཨི་ཏི་མེ། ཨི་ཏི་མེ། ཨི་ཏི་མེ། ཨི་ཏི་མེ། ཨི་ཏི་མེ། ནི་མེ། ནི་མེ། ནི་མེ། ནི་མེ། ནི་མེ། རུ་ཧེ། རུ་ས་ཧེ། རུ་ཧེ་རུ་ཧེ། རུ་ས་ཧེ། སྟ་ཧེ། སྟ་ཧེ། སྟ་ཧེ། སྟ་ཧེ། སྟ་ཧེ། འདི་སྤྱི་བོར་བཞག་ནས་ཆོས་སྨྲ་བ་རྣམས་ལ་སུ་ཡང་འཁུ་བར་མ་གྱུར་ཅིང་གནོད་སྦྱིན་ནམ། སྲིན་པོ་འམ། ཡི་དགས་སམ། ཤ་ཟ་འམ། སྲུལ་པོ་འམ། གཤེད་བྱེད་དམ། རོ་ལངས་སམཱ། རེངས་པའམ། གནོན་པ་འམ། བརྗེད་བྱེད་ཀྱི་གཟུགས་སམ། གནོད་སྦྱིན་གྱིས་བྱས་པ་འམ། མིས་བྱས་པ་འམ། མི་མ་ཡིན་པས་བྱས་པ་འམ། རིམས་ནད་ཉིན་གཅིག་པ་འམ། ཉིན་གཉིས་པའམ། ཉིན་གསུམ་པའམ། ཉིན་བཞི་པ་འམ། རྟག་པའི་རིམས་སམ། ཟ་ན་རྨི་ལམ་ན་ཡང་བུད་མེད་ཀྱི་གཟུགས་སམ། སྐྱེས་པའི་གཟུགས་སམ། ཁྱེའུ་ཡི་གཟུགས་སམ། བུ་མོའི་གཟུགས་ཀྱི་མཐོ་འཚམ་པར་འགྱུར་བ་དེ་ནི་གནས་མ་མཆིས་སོ།། ནས་སྲིན་མོ་དེ་དག་གིས་སྒྲ་སྐད་གཅིག་ཏུ་ཚིག་མཐུན་པར་བཅོམ་ལྡན་འདས་ལ་ཚིགས་སུ་བཅད་པ་འདི་དག་གསོལ་ཏོ།། གང་གིས་གསང་སྔགས་འདི་ཐོས་ནས། ཆོས་སྨྲ་བ་དང་འགལ་བགྱིད་དང་།། དེ་ཡི་མགོ་ཚལ་བདུན་དུ་འགས།། ཨརྫ་ཀ་ཡི་དོག་པ་བཞིན།། གང་ཞིག་ཆོས་སྨྲ་འགལ་བགྱིད་པ།། མ་བསད་པ་ཡི་འགྲོ་གང་དང་། ཕ་བས་འགྲོ་བ་གང་ལགས་པའི། ། འགྲོ་བ་དེར་ནི་དེ་མཆིའོ།། གང་ཞིག་ཆོས་སྨྲ་འགལ་བགྱིད་པ།། ཏིལ་འཆིར་དག་གི་འགྲོ་གང་དང་།། ཏིལ་རྡུལ་འགྲོ་བ་གང་ལགས་པའི།། འགྲོ་བ་དེར་ནི་དེ་མཆིའོ། ། གང་ཞིག་ཆོས་སྨྲ་འགལ་བགྱིད་པ།། སྲང་ལ་གཡོ་བགྱིད་འགྲོ་གང་དང་།། པྲེ་འཆོས་འགྲོ་བ་གང་ལགས་པའི།། འགྲོ་བ་དེར་ནི་དེ་མཆིའོ།། དེ་སྐད་ཅེས་གསོལ་ནས། མདུང་ཅན་ལ་སོགས་སྲིན་མོ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་གིས་ཀྱང་ཆོས་སྨྲ་བ་འདི་ལྟ་བུ་དེ་དག་ལ་སྲུང་བར་བགྱིའོ། ། བདེ་ལེགས་སུ་འགྱུར་བ་དང་།། ཆད་པ་སྤང་བ་དང་། དུག་གཞིལ་བར་བགྱིའོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་སྲིན་མོ་དེ་དག་ལ་འདི་སྐད་ཅེས་བཀའ་སྩལ་ཏོ། ། ཀྱེ། སྲིན་མོ་དག་ལེགས་སོ་ལེགས་སོ།། ཁྱེད་ཀྱིས་སྨྲ་བ་དེ་དག་ལ་སྤང་བ་དང་། བསྐྱབ་པ་དང་། སྦབ་གྱིས་ཤིག། གང་དག་ཐ་ན་ཆོས་ཀྱི་རྣམ་གྲངས་འདིའི་མིང་ཙམ་འཛིན་པ་དེ་དག་ལ་ཡང་མདུང་ཅན་ཁྱོད་འཁོར་དང་བཅས་པས་བསྲུང་བར་བྱ་ན། གང་དག་ཆོས་ཀྱི་རྣམ་གྲངས་འདི་མཐའ་དག་ཆུབ་པར་འཛིན་པར་དང་། གླེགས་པམ། དུ་བྱས་ཏེ་རིམ་གྲོར་བྱེད་པ་དང་། མེ་ཏོག་དང་། བདུག་པ་དང་། སྤོས་དང་། འཕྲེང་བ་དང་། བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། ལྷའི་བ་དན་དང་། འབྲུ་མར་གྱི་མར་མེ་དང་། མར་གྱི་མར་མེ་དང་། སྤོས་མར་གྱི་མར་མེ་དང་། ཙམ་པ་ཀའི་མར་གྱི་མར་མེ་འམ། བ་ཤ་ཀའི་མར་གྱི་མར་མེ་འམ། ཨུཏྤ་ལའི་མར་གྱི་མར་མེ་འམ་སྣང་བའི་མར་གྱི་མར་མེ་འམ། དེ་ལྟ་བུའི་མཆོད་པའི་ཡོ་བྱད་རྣམ་པ་མང་པོ་བརྒྱ་སྟོང་གིས་རིམ་གྲོ་བྱེད་པ་ལྟ་ཅི་སྨོས་ཏེ། མདུང་ཅན་ཁྱོད་འཁོར་དང་བཅས་པས་བསྲུང་བར་བྱའོ།། གཟུངས་སྔགས་ཀྱི་ལེའུ་འདི་བཤད་པ་ན། སྲོག་ཆགས་དྲུག་ཁྲི་བརྒྱད་སྟོང་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། གཟུངས་སྔགས་ཀྱི་ལེའུ་ཞེས་བྱ་སྟེ། ཉི་ཤུ་རྩ་གཅིག་པའོ།། ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པས་འདི་སྐད་ཅེས་གསོལ་ཏོ།། བཅོམ་ལྡན་འདས་ཅིའི་སླད་དུ། བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་རྒྱལ་པོ་འཇིག་རྟེན་གྱི་ཁམས་མི་མཇེད་འདི་ན་རྒྱུ་བ་དང་། བཅོམ་ལྡན་འདས་འདིའི་དཀའ་བ་བགྱིད་པ་བྱེ་བ་ཁྲག་ཁྲིག་བརྒྱ་སྟོང་མང་པོ་དག་གདའ། བཅོམ་ལྡན་འདས་གང་ཐོས་པས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་སྔང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ལགས་པ་རྣམས་དང་། འཇིག་རྟེན་གྱི་ཁམས་གཞན་ནས་ལྤགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་ཉན་ཐོས་ཆེན་པོ་འདི་དག་གིས་ཐོས་ནས་ཐམས་ཅད་དགའ་མགུ་རངས་ཤིང་ཡིད་བདེ་བར་འགྱུར་བ། བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་རྒྱལ་པོའི་སྤྱོད་པ་གང་ཅི་ལགས་པའི་ཕྱོགས་ཙམ་ཞིག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ལེགས་པར་བཤད་དུ་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པས་གསོལ་བ་བཏབ་པར་མཁྱེན་ནས། དེའི་བྱང་ཆུབ་སེམས་དཔའ་སེམས་དཔའ་ཆེན་པོ་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་སྔོན་བྱུང་བ་འདས་པའི་དུས་ན། བསྐལ་པ་གངྒཱའི་ཀླུང་གི་བྱེ་མ་སྙེད་དུ་གྱུར་པ། དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཉི་ཟླ་དྲི་མ་མེད་པའི་འོད་དཔལ་ཞེས་བྱ་བ་འཇིག་རྟེན་དུ་བྱུང་སྟེ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། ཉི་ཟླ་དྲི་མ་མེད་པའི་འོད་དཔལ་དེའི་བྱང་ཆུབ་སེམས་དཔའ་བྱེ་བ་བརྒྱད་ཅུའི་འདུས་པ་ཆེན་པོ་བྱུང་ངོ་། ། གངྒཱའི་ཀླུང་བདུན་ཅུ་རྩ་གཉིས་ཀྱི་བྱེ་མ་སྙེད་ཀྱི་ཉན་ཐོས་འདུས་པ་བྱུང་ངོ་།། དེའི་བསྟན་པ་ལ་བུད་མེད་མེད་པར་གྱུར་ཏོ།། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། ཡི་དགས་དང་། ལྷ་མ་ཡིན་གྱི་རིས་མེད་དོ།། སངས་རྒྱས་ཀྱི་ཞིང་ཡང་ལག་མཐིལ་ལྟར་མཉམ་ལ་ཉམས་དགའ་བར་འགྱུར་ཏེ།། ལྷའི་བཻ་ཌཱུཪྻ་ལས་གྲུབ་པའི་ས་ཕྱོགས་རིན་པོ་ཆེ་དང་། ཙན་དན་གྱི་ཤིང་ལྗོན་པས་བརྒྱན་ཅིང་རིན་པོ་ཆེའི་དྲ་བས་བྲེས་པ་དར་གྱི་ལྔ་ལྡི་མངོན་པར་རབ་ཏུ་སྦྱངས་པ། རིན་པོ་ཆེའི་པོག་ཕོར་ནས་བདུག་པས་བདུགས་པ་རིན་པོ་ཆེའི་ཤིང་ལྗོན་པའི་དྲུང་ཐམས་ཅད་ན། རིན་པོ་ཆེའི་མཁའ་རྟེན་མདའ་རྒྱང་གང་གི་ཚད་ཙམ་བྱས་པ་ཡོད་པ་རིན་པོ་ཆེའི་མཁའ་རྟེན་ཐམས་ཅད་ཀྱི་སྟེང་ན་ལྷའི་བུ་བྱེ་བ་བརྒྱ་དག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་དྲི་མ་མེད་པའི་འོད་དཔལ་ལ་མཆོད་པ་བྱ་བའི་ཕྱིར། སིལ་སྙན་བྱེད་ཅིང་ཕེག་རྡོབ་པ་དང་། རོལ་མོའི་སྒྲ་འབྱིན་ཅིང་འཁོད་དོ།། བཅོམ་ལྡན་འདས་དེ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་ལངས་བརྩམས་ཏེ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཉན་ཐོས་ཆེན་པོ་དེ་དག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་རྒྱས་པར་རབ་ཏུ་སྟོན་ཏོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་དྲི་མ་མེད་པའི་འོད་དཔལ་དེའི་ཚེའི་ཆང་ནི་བསྐལ་པ་བཞི་ཁྲི་ཉིས་སྟོང་དུ་གྱུར་ཏོ། ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། ཉན་ཐོས་ཆེན་པོ་དེ་དག་གི་ཚེའི་ཚད་ཀྱང་དེ་ཙམ་དུ་གྱུར་ཏོ། ། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་དེ་ཡང་། བཅོམ་ལྡན་འདས་དེའི་གསུང་རབ་ལ་དཀའ་བ་བྱེད་པ་ལ་བརྩོན་པར་གྱུར་ཏེ། དེ་ལོ་ཁྲི་ཉིས་སྟོང་དུ་འཆག་པ་ལ་ཞུགས་ཤིང་བརྩོན་འགྲུས་ཆེན་པོ་བརྩམས་པས་རྣལ་འབྱོར་ལ་བརྩོན་པར་གྱུར་ཏོ།། དེས་ལོ་ཁྲི་ཉིས་སྟོང་འདས་ནས་གཟུགས་ཐམས་ཅད་ཡང་དག་པར་སྟོན་པ་ཞེས་བྱ་བའི་ཏིང་ངེ་འཛིན་ཐོབ་སྟེ། ཏིང་ངེ་འཛིན་དེ་ཐོབ་མ་ཐག་ཏུ། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་དེ་ཚིམ་ཞིང་མགུ་སྟེ་ཡི་རངས་ནས་རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ནས་དེའི་ཚེ་འདི་སྙམ་དུ་སེམས་ཏེ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ལ་བརྟེན་ནས། གཟུངས་ཐམས་ཅད་ཡང་དག་པར་སྟོན་པའི་ཏིང་ངེ་འཛིན་བདག་གིས་ཐོབ་བོ་སྙམ་མོ།། དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་ཡང་འདི་སྙམ་དུ་སེམས་ཏེ། འདི་ལྟར་བདག་གིས་དེ་བཞིན་གཤེགས་པ་ཉི་ཟླ་དྲི་མ་མེད་པའི་འོད་དཔལ་དང་། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་མཆོད་པར་བྱའོ་སྙམ་ནས། དེའི་ཚེ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བའི་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་དེའི་མོད་ལ་སྟེང་གི་ནམ་མཁའ་བར་སྣང་ལས་མེ་ཏོག་མནྡ་ར་དང་། མནྡ་ར་ཆེན་པོའི་མེ་ཏོག་གི་ཆར་ཆེན་པོ་མངོན་པར་བབ་བོ་དུས་ཀྱི་རྗེས་སུ་འབྲང་བའི་ཙན་དན་གྱིས་སྤྲིན་བྱས་ཏེ། ཅན་ངན་སྦྲུལ་གྱི་སྙིང་པོའི་ཆར་ཆེན་པོ་མངོན་པར་བབ་སྟེ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་ལྟ་བུའི་སྤོས་ཀྱི་རྣམ་པ་ཞོ་གཉིས་ཀྱི་རིན་དུ་འཇིག་རྟེན་གྱི་ཁམས་མི་མཇེད་འདི་མི་མི་ཆོག་གོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་དྲན་པ་དང་ལྡན་ཞིང་ཤེས་བཞིན་དུ་ཏིང་ངེ་འཛིན་དེ་ལས་ལངས་སོ། ། ལངས་ནས་འདི་སྙམ་དུ་སེམས་ཏེ། ཇི་ལྟར་ལུས་ཡོངས་སུ་བཏང་བ་ལྟར་ནི་རྫུ་འཕྲུལ་གྱི་ཆོ་འཕྲུལ་དག་གིས་བཅོམ་ལྡན་འདས་ལ་མཆོད་པ་བྱས་པ་མ་ཡིན་ནོ་སྙམ་མོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་དེའི་ཚེ། ཨ་ག་རུ་དང་། དུ་རུ་ཀ་དང་། སྤོས་ཀྱི་ཁུ་བ་ཟ་ཞིང་། ཙམ་པ་ཀའི་མར་ཡང་འཐུང་ངོ་། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་རྣམ་གྲངས་འདིས། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་རྟག་ཏུ་སྤོས་ཟ་ཞིང་ཙམ་པ་ཀའི་མར་ཡང་འཐུང་བས་ལོ་བཅུ་གཉིས་པོ་དེ་འདས་པར་གྱུར་ཏེ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་མཐོང་ན་དགའ་བ་ལོ་བཅུ་གཉིས་པོ་དེ་འདས་ནས། རང་གི་ལུས་ལྷའི་རས་ཀྱི་ཀུན་ཏུ་དཀྲིས་ནས། འབྲུ་མར་གྱིས་ཞེན་པར་བྱས་ཏེ། བདག་གིས་བྱིན་གྱིས་བརླབས་བྱས་སོ། ། བདག་གིས་བྱིན་གྱིས་བརླབས་བྱས་ནས། དེ་བཞིན་གཤེགས་པ་དང་། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་མཆོད་པའི་ལས་ཀྱི་ཕྱིར། བདག་གིས་ལུས་ལ་མེ་འབར་བར་བྱས་སོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བའི་ལུས་ཀྱི་མར་མེ་འབར་བ་དེའི་འོད་ཀྱིས་འཇིག་རྟེན་གྱིས་ཁམས་གང་གཱའི་ཀླུང་བརྒྱད་ཅུའི་བྱེ་མ་སྙེད་ཁྱབ་པར་གྱུར་ཏེ། འཇིག་རྟེན་གྱི་ཁམས་དེ་དག་གི་སངས་རྒྱས་བཅོམ་ལྡན་འདས་གངྒཱའི་ཀླུང་བརྒྱད་ཅུའི་བྱེ་མ་སྙེད་ཐམས་ཅད་ཀྱིས་ལེགས་སོ་བྱ་བ་བྱིན་ཏེ་ལེགས་སོ་ལེགས་སོ། ། རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བརྩོན་འགྲུས་རྩོམ་པ་ཡང་དག་པའོ། ། འདི་ནི་དེ་བཞིན་གཤེགས་པ་ལ་མཆོད་པ་དང་། ཆོས་ལ་མཆོད་པ་ཡང་དག་པ་སྟེ། མེ་ཏོག་དང་། བདུག་པ་དག་དང་། སྤོས་དང་། འཕྲེང་བ་དང་བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། ལྷའི་བ་དན་དག་གིས་མཆོད་པ་དང་། ཟང་ཟིང་གིས་མཆོད་པ་དང་། ཙན་དན་སྦྲུལ་གྱི་སྙིང་པོས་མཆོད་པས་ནི་དེ་ལྟ་མ་ཡིན་ནོ། ། རིགས་ཀྱི་བུ་སྦྱིན་པ་འདི་ནི་མཆོག་སྟེ། རྒྱལ་སྲིད་ཡོངས་སུ་གཏོང་བའི་སྦྱིན་པ་དེ་ནི་དེ་ལྟ་མ་ཡིན་ནོ།། བུ་དང་ཆུང་མ་ཕངས་པ་ཡོངས་སུ་གཏོང་བའི་སྦྱིན་པ་དེ་ཡང་དེ་ལྟ་མ་ཡིན་ནོ། ། རིགས་ཀྱི་བུ་གང་བདག་གི་ལུས་གཏོང་བའི་ཆོས་ཀྱི་མཆོད་པ་འདི་ནི་མཆོད་པ་ཁྱོད་པར་ཅན་ནོ།། དམ་པའོ།། མཆོག་གོ།། ཕུལ་ལོ།། གྱ་ནོམ་པ་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། སངས་རྒྱས་བཅོམ་ལྡན་འདས་དེ་དག་གིས་ཚིག་དེ་སྐད་གསུང་ནས། དེ་ནས་ཅང་མི་གསུང་བར་གྱུར་ཏོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། སེམས་ཅན་ཐམས་ཅད་ཀྱིས་མཐོང་ན་དགའ་བའི་ལུས་ལ་འབར་བ། ལོ་བཅུ་གཉིས་ཀྱི་བར་དུ་ཞི་བར་མ་སོང་སོ།། དེ་ཕྱིས་ལོ་བཅུ་གཉིས་འདས་ནས་ཞི་བར་གྱུར་ཏོ། ། སྐར་མའི་རྒྱལ་པོ་མ་ཏོག་ཏུ་རྒྱས་པ་མངོན་པར་ཤེས་པ། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་མཐོང་ན་དགའ་བ་དེས། དེ་བཞིན་གཤེགས་པ་དེ་ལྟ་བུའི་མཆོད་པ་དང་། ཆོས་ཀྱི་མཆོད་པ་བྱས་ཏེ། དེ་ནས་ཤི་འཕོས་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་དྲི་མ་མེད་པའི་འོད་དཔལ་གྱི་གསུང་རབ་ལ་རྒྱལ་པོ་དྲི་མ་མེད་པས་བྱིན་པའི་ཁྱིམ་དུ་སྐྱེས་ཏེ། སྐྱིལ་མོ་ཀྲུང་བཅས་བཞིན་དུ་བང་པར་རྫུས་ཏེ་སྐྱེས་པར་གྱུར་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་མཐོང་ན་དགའ་བ་སྐྱེས་མ་ཐག་ཏུ་དེའི་ཚེ་རང་གིས་ཕ་མ་ལ་ཚིགས་སུ་བཅད་དེ་སྨྲས་པ། རྒྱལ་མཆོག་འདི་ན་བདག་འཆག་ཅིང་། ། དེར་གནས་བདག་གིས་ཏིང་འཛིན་ཐོབ།། བདག་གིས་ལུས་ལངས་ཡོངས་བཏང་སྟེ། བརྩོན་འགྲུས་སྲ་བརྩམས་བརྟུལ་ཞུགས་ཆེ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བས་ཚིག་སུ་བཅད་པ་དེ་སྨྲས་ནས། རང་གི་ཕ་མ་ལ་འདི་སྐད་ཅེས་ཡབ་ཡུམ། བཅོམ་ལྡན་འདས་གང་ལ་བདག་གིས་མཆོད་ནས་སྒྲ་ཐམས་ཅད་ལ་མཁས་པའི་གཟུངས་ཐོབ་ཅིང་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་ཚིགས་སུ་བཅད་པ་བྱེ་བ་ཁྲག་ཁྲིག་བརྒྱ་སྟོང་གཏམས་པ་དང་། དཀྲིགས་པ་དང་། མི་འཁྲུག་པ་བྱེ་བ་ཕྲག་བརྒྱད་ཅུས། བཅོམ་ལྡན་འདས་དེ་ལས་ཐོས་པར་གྱུར་པའི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་དྲི་མ་མེད་པའི་འོད་དཔལ་དེ་ད་ལྟར་ཡང་བཞུགས་ཏེ། འཚོ་ཞིང་གཞེས་ཀྱིས་ཡབ་ཡུམ་བདག་བཅོམ་ལྡན་འདས་དེའི་དྲུང་དུ་མཆིས་ན་ལེགས་སོ། ། དེར་མཆིས་ནས་ཡང་། བཅོམ་ལྡན་འདས་དེ་ལ་མཆོད་པ་བགྱིའོ་ཞེས་སྨྲས་སོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་དེའི་ཚེ། ནམ་མཁའ་ལ་ཤིང་ཏ་ལ་བདུན་ཙམ་དུ་མངོན་པར་འཕགས་ཏེ། རིན་པོ་ཆེ་སྣ་བདུན་གྱི་ཁང་པ་བརྩེགས་པར་སྐྱིལ་མོ་ཀྲུང་བཅས་ནས་བཅོམ་ལྡན་འདས་དེའི་དྲུང་དུ་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་དེ་ལ་ལན་བདུན་བསྐོར་བ་བྱས་ནས། བཅོམ་ལྡན་འདས་གལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་ཕྱག་འཚལ་ཏེ། ཚིགས་སུ་བཅད་པ་འདིས་མངོན་པར་བསྟོད་དོ། ། དཔའ་བོ་མི་དབང་ཤིན་ཏུ་དྲི་མེད་ཞལ།། ཕྱོགས་བཅུ་འདིར་ནི་ཁྱོད་ཀྱི་འོད་ཟེར་མཛེས།། བདེ་གཤེགས་ཁྱོད་ལ་བདག་གིས་མཆོད་མཆོག་བགྱིས།། མགོན་པོ་བལྟ་བའི་སླད་དུ་བདག་འདིར་མཆིས། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེའི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བས་ཚིགས་སུ་བཅད་པ་འདི་སྨྲས་ནས། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་དྲི་མ་མེ་པའི་འོད་དཔལ་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་ཁྱོད་དབུ་དུ་བཞུགས་སམ་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་དྲི་མ་མེད་པའི་འོད་དཔལ་གྱིས། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུང་ཡོངས་སུ་མྱ་ངན་ལས་འདས་པའི་དུས་ལ་བབ་སྟེ། རིགས་ཀྱི་བུ་ང་ཚེ་ཟད་པའི་དུས་ལ་བབ་ཀྱིས། རིགས་ཀྱི་བུ་ཁྱོད་སོང་ལ་ང་ཡི་ཁྲི་ཤོམས་ཤིག་དང་། ང་ཡོངས་སུ་མྱ་ངན་འདའོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བ་ཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་དྲི་མ་མེད་པའི་འོད་དཔལ་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་བསྟན་པ་འདི་ནི་ངས་ཁྱོད་ལ་ཡོངས་སུ་གཏད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་འདི་དང་ཉན་ཐོས་ཆེན་པོ་འདི་དག་དང་། སངས་རྒྱས་བྱང་ཆུབ་འདི་དག་དང་། འཇིག་རྟེན་གྱི་ཁམས་འདི་དག་དང་། རིན་པོ་ཆེའི་མཁའ་རྟེན་འདི་དག་དང་། རིན་པོ་ཆེའི་ཤིང་ལྗོན་པ་འདི་དག་དང་། ང་ཡི་བསྙེན་བཀུར་བྱེད་པའི་ལྷ་ཡི་བུ་འདི་རྣམས་ཀྱང་ཡོངས་སུ་གཏད་དོ། ། རིགས་ཀྱི་བུ་ང་ཡོངས་སུ་མྱ་ངན་ལས་འདས་པའི་རིང་བསྲེལ་གང་ཡིན་པ་དེ་དག་ཀྱང་ཡོངས་སུ་གཏད་དོ།། རིགས་ཀྱི་བུ་ངའི་རིང་བསྲེལ་ལ་ཁྱོད་ཀྱིས་ཀྱང་མཆོད་པ་རྒྱ་ཆེར་གྱིས་ཤིག། རིང་བསྲེལ་དེ་དག་ཀྱང་རྒྱས་པར་གྱིས་ཤིག། མཆོད་རྟེན་སྟོང་ཕྲག་མང་པོ་གྱིས་ཤིག། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་ནས་བཅོམ་ལྡན་འདས་ད་ཨེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་དྲི་མ་མེད་པའི་འོད་དཔལ་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་དེ་ལ་དེ་ལྟར་རྗེས་སུ་བསྟན་ནས། དེའི་ནུབ་མོ་ནམ་གྱི་ཆ་སྨད་ལ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ། སེམས་ཅན་ཐམས་ཅད་ཀྱིས་མཐོང་ན་དགའ་བས་བཅོམ་ལྡན་འདས་དེ་བཞིན་གཤེགས་པ་ཉི་ཟླ་དྲི་མ་མེད་པའི་འོད་དཔལ་དེ་ཡོངས་སུ་མྱ་ངན་ལས་འདས་པར་རིག་སྟེ། ཅན་དན་སྦྲུལ་གྱི་སྙིང་པོ་སྤངས་ནས། དེ་བཞིན་གཤེགས་པའི་སྐུ་བསྲེག་སྟེ། དེ་བཞིན་གཤེགས་པའི་སྐུ་ཚིགས་པ་ཞི་བར་རིག་ནས། རིང་བསྲེལ་བསྡུས་ཏེ། ངུ་ཞིང་ཆོ་ངེས་བཏབ་ནས་སྨྲེ་སྔགས་འདོན་ཏོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་ངུས་ཏེ་ཆོ་ངེས་བཏབ་ནས། སྨྲེ་སྔགས་འདོན་ཏེ་རིན་པོ་ཆེ་སྣ་བདུན་གྱི་བུམ་པ་བརྒྱད་ཁྲི་བཞི་སྟོང་བྱེད་དུ་བཅུག་ནས། དེ་དག་གི་ནང་དུ་དེ་བཞིན་གཤེགས་པའི་རིང་བསྲེལ་བཅུག་སྟེ། རིན་པོ་ཆེ་སྣ་བདུན་གྱི་མཆོད་རྟེན་འཕང་དུ་ཚངས་པའི་འཇིག་རྟེན་ལ་ཐུག་པ། གདུགས་ཀྱིས་འགྲེང་བས་ལེགས་པར་བརྒྱན་པ། དར་དང་། དྲིལ་བུ་ལེགས་པར་སྦྱངས་པ་བརྒྱད་ཁྲི་བཞི་སྟོང་བྱས་ཏེ། ངེས་མཆོད་རྟེན་དེ་དག་བྱས་ནས། འདི་སྙམ་དུ་བསམས་ཏེ། བདག་གིས་བཅོམ་ལྡན་འདས་ཉི་ཟླ་དྲི་མ་མེད་པའི་འོད་དཔལ་དེ་བཞིན་གཤེགས་པའི་སྐུ་གདུང་ལ་མཆོད་པ་ནི་བྱས་ན།། དེ་བས་ཀྱང་ལྷག་པ་ཆེས་ཁྱད་པར་དུ་འཕགས་པས། དེ་བཞིན་གཤེགས་པའི་རིང་བསྲེལ་ལ་མཆོད་པ་བྱའོ་སྙམ་མོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ནས་བྱང་ཆུབ་སེམ་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་དེས། ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་དེ་དང་། ཉན་ཐོས་ཆེན་པོ་དེ་དང་། ལྷ་དང་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའི་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པའི་ཚོགས་དེ་དག་ལ་སྨྲས་པ་རིགས་ཀྱི་བུ་དག་ཁྱེད་ཐམས་ཅད་ཀྱིས། བཅོམ་ལྡན་འདས་དེའི་རིང་བསྲེལ་རྣམས་ལ་མཆོད་པ་བྱ་བ་སེམས་ཤིག། སྐར་མའི་རྒྱལ་པོ་མ་ཏོག་ཀུན་ཏུ་རྒྱས་པ་མངོན་པར་ཤེས་པ།། ནས་བྱང་ཆུབ་སེམས་དཔའ་སེམས་དཔའ་ཆེན་པོ། སེམས་ཅན་ཐམས་ཅད་ཀྱིས་མཐོང་ན་དགའ་བ་དེས། དེའི་ཚེ་དེ་བཞིན་གཤེགས་པའི་མཆོད་རྟེན་བརྒྱད་བཞི་ཁྲི་སྟོང་གི་མདུན་དུ། རང་གི་ལག་པ་བསོད་ནམས་བརྒྱས་བརྒྱན་པ་འབར་བར་བྱས་ཏེ། འབར་བར་བྱས་པས་ལོ་བདུན་ཁྲི་ཉིས་སྟོང་གི་བར་དུ་དེ་བཞིན་གཤེགས་པའི་མཆོད་རྟེན་དེ་དག་ལ་མཆོད་པ་བྱས་སོ།། དེས་མཆོད་པ་དེ་བྱས་པས་འཁོར་དེ་ལས་ཉན་ཐོས་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་བཏུལ་ལོ། ། བྱང་ཆུབ་སེམས་དཔའ་དེ་དག་ཐམས་ཅད་ཀྱིས་ཀྱང་གཟུངས་ཐམས་ཅད་ཡང་དག་བཔར་སྟོན་པའི་ཏིང་ངེ་འཛིན་ཐོབ་པར་གྱུར་ཏོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ནས་ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་དེ་དང་ཉན་ཐོས་ཆེན་པོ་དེ་དག་གིས། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་དེ་ཡན་ལག་མ་ཚང་བར་མཐོང་ནས་ངུ་སྟེ་ཆོ་ངེས་བཏབ་ནས་སྨྲེ་སྔགས་འདོན་ཅིང་གཅིག་ལ་གཅིག་འདི་སྐད་དུ་སྨྲས་ཏེ། བདག་ཅག་གི་སློབ་དཔོན་རྗེས་སུ་སྟོན་པ། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན། དགའ་བ་འདི་ད་ལྟར་ཡན་ལག་མ་ཚང་ཞིང་ལག་པ་མེད་པར་གྱུར་ཏོ་ཞེས་ཟེར་རོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་དེས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། ཉན་ཐོས་ཆེན་པོ་དེ་དག་དང་། ལྷའི་བུ་དེ་དག་ལ་སྨྲས་པ་རིགས་ཀྱི་བུ་དག་ཁོ་བོའི་ཡན་ལག་ཉམས་པར་མཐོང་བས་མ་དུ་ཤིག། ཆོ་ངེས་མ་འདེབས་ཤིག། སྨྲེ་སྔགས་མ་འདོན་ཅིག། རིགས་ཀྱི་བུ་དག་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན། སངས་རྒྱས་བཅོམ་ལྡན་འདས་གང་དག་བཞུགས་ཤིང་འཚེ་སྟེ། གཞེས་པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཁོ་བོས་དབང་དུ་བཞག་སྟེ། དེ་དག་གི་སྤྱན་སྔར་བདེན་པའི་བྱིན་གྱི་རླབས་བྱའོ། ། བདེན་པ་དང་། བདེན་པའི་ཚིག་གང་གིས་བདག་གིས་ལག་པ་དེ་བཞིན་གཤེགས་པ་ལ་མཆོད་པའི་ཕྱིར། ཡོངས་སུ་བཏང་བས་བདག་གི་སྤོས་གསེར་གྱི་ཁ་དོག་ཏུ་འགྱུར་བའི་བདེན་པ་དང་། བདེན་པའི་ཚིག་དེས་བདག་གི་ལག་པ་འདི་སྔོན་གྱི་བཞིན་དུ་གྱུར་ཅིག། ས་ཆེན་པོ་འདི་ལན་དྲུག་ཏུ་གཡོས་པར་གྱུར་ཅིག། བར་སྣང་ལ་གནས་པའི་ལྷའི་བུ་རྣམས་ཀྱིས་མེ་ཏོག་གི་ཆར་ཆེན་པོ་ཕོབ་ཤིག་ཅེས་བྱས་སོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པས་མངོན་པར་ཤེས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ། སེམས་ཅན་ཐམས་ཅད་ཀྱིས་མཐོང་ན་དགའ་བ་དེས། བདེན་པའི་བྱིན་གྱི་རླབས་དེ་བྱས་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་སོ། ། སྟེང་གི་བར་སྣང་ལས་ཀྱང་མེ་ཏོག་གི་ཆར་ཆེན་པོ་མངོན་པར་བབ་བོ།། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་མཐོང་ན་དགའ་བ་དེའི་ལག་པ་དེ་ཡང་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཉིད་ཀྱི་བསོད་ནམས་ཀྱི་སྟོབས་བསྐྱེད་པ་དང་། ཡེ་ཤེས་ཀྱི་སྟོབས་བསྐྱེད་པ་དེས་སྔོན་བཞིན་དུ་གྱུར་ཏོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེའི་ཚེ་དེའི་དུས་ན། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་སོམ་ཉི་འམ། ཡིད་གཉིས་སམ། ཐེ་ཙོམ་ཟ་བར་གྱུར་ན། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་མངོན་པར་ཤེས་པ་ཁྱོད་ཀྱིས་དེ་ལྟར་མི་བལྟའོ། ། དེ་ཅིའི་ཕྱིར་ཞེ་ན། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། བྱང་ཆུབ་སེམས་དཔའ་སེམས་དཔའ་ཆེན་པོ་སྨན་པའི་རྒྱལ་པོ་འདི་ཉིད་དེའི་ཚེ་དེའི་དུས་ན། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་མཐོང་ན་དགའ་བ་ཞེས་བྱ་བར་གྱུར་ཏོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་རྒྱལ་པོ་བྱ་དཀའ་བ་ཁྲག་ཁྲིག་བརྒྱ་སྟོང་དེ་སྙེད་བྱེད་དོ།། ལུས་ཡོངས་སུ་གཏོང་བ་ཡང་བྱེད་དོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་རིགས་ཀྱི་བུ་འམ། རིགས་ཀྱི་བུ་མོ་བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་འདོད་པས་དེ་བཞིན་གཤེགས་པའི་མཆོད་རྟེན་དག་ལ་རྐང་པའི་མཐེ་བོ་འབར་བར་བྱའོ། ། ལག་པའི་སོར་མོ་འམ། རྐང་པའི་སོར་མོ་གཅིག་གམ། ཡན་ལག་གཅིག་གམ། ལག་པ་འབར་བར་བྱའོ། ། བྱང་ཆུབ་སེམས་དཔའི་ཐེག་པ་ལ་ཞུགས་པའི་རིགས་ཀྱི་བུ་འམ། རིགས་ཀྱི་བུ་མོ་དེ་ནི་བསོད་ནམས་མངོན་པར་འདུ་བྱེད་པ་ཆེས་མང་དུ་བསྐྱེད་དེ། རྒྱལ་སྲིད་ཡོངས་སུ་བཏང་བས་ནི་དེ་ལྟ་མ་ཡིན་ནོ། ། ཆུང་མ་དང་། བུ་ཕོ་དང་། བུ་མོ་ཕངས་པ་ཡོངས་སུ་བཏང་བས་ནི་དེ་ལྟ་མ་ཡིན་ནོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནགས་ཚལ་དང་བཅས་པ། རྒྱ་མཚོ་དང་བཅས་པ། རི་དང་བཅས་པ་འབབ་ཆུའི་དངངོ་དང་། མཚོ་དང་། འཚེའུ་དང་། ཁྲོན་པ་དང་། ཀུན་དགའ་ར་བར་བཅས་པ་ཡོངས་སུ་བཏང་བས་ནི་དེ་ལྟ་མ་ཡིན་ནོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། རིགས་ཀྱི་བུ་འམ་རིགས་ཀྱི་བུ་མོ་བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པ་གང་གི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རིན་པོ་ཆེ་སྣ་བདུན་གྱིས་རབ་ཏུ་གང་བར་བྱས་ཏེ། སངས་རྒྱས་དང་། བྱང་ཆུབ་སེམས་དཔའ་དང་། ཉན་ཐོས་དང་། རང་སངས་རྒྱས་ཐམས་ཅད་ལ་སྦྱིན་པ་བྱིན་ན། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། རིགས་ཀྱི་བུ་འམ་རིགས་ཀྱི་བུ་མོ་དེ་ནི་བསོད་ནམས་འདི་ཙམ་དུ་མི་འཕེལ་ཏེ། ཇི་ཙམ་དུ་རིགས་ཀྱི་བུ་འམ། རིགས་ཀྱི་བུ་མོ་གང་གིས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ལས་ཐ་ན་ཚིག་བཞི་པའི་ཚིགས་སུ་བཅད་པ་གཅིག་ཙམ་འཛིན་པ་དེ་བསོད་ནམས་ཇི་སྙེད་ཅིག་བསྐྱེད་པ་དེ་སྙེད་དུ་མི་སྐྱེད་དེ། དེའི་བསོད་ནམས་མངོན་པར་འདུ་བྱེད་པ་འདི་ནི་དེ་བས་ཆེས་མང་བར་བཤད་ཀྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རིན་པོ་ཆེ་སྣ་བདུན་གྱིས་རབ་ཏུ་གང་བར་བྱས་ཏེ། སངས་རྒྱས་དང་། བྱང་ཆུབ་སེམས་དཔའ་དང་། ཉན་ཐོས་དང་། རང་སངས་རྒྱས་ཐམ་ཅད་ལ་སྦྱིན་པ་བྱིན་ན་དེ་ལྟ་མ་ཡིན་ནོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་འདི་ལྟ་སྟེ་དཔེར་ན། འབབ་ཆུའི་དང་དང་། མཚོ་དང་། འཚེའུ་ཐམས་ཅད་ཀྱི་ནང་ན་རྒྱ་མཚོ་ནི་མཆོག་ཏུ་གྱུར་པ་ཡིན་ནོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་བཞིན་དུ། དེ་བཞིན་གཤེགས་པ་ཐམས་ཅད་ཀྱིས་བཤད་མདོ་སྡེ་ཐམས་ཅད་ཀྱི་ནང་ན་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་མཆོག་ཏུ་གྱུར་པ་ཡིན་ནོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་འདི་ལྟ་སྟེ་དཔེར་ན། རི་ནག་པོ་དང་། ཁོར་ཡུག་དང་། ཁོར་ཡུག་ཆེན་པོ་ཐམས་ཅད་ཀྱི་ནང་ན། རི་རབ་ནི་རིའི་རྒྱལ་པོ་སྟེ་མཆོག་ཏུ་གྱུར་པ་ཡིན་ནོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་བཞིན་དུ། དེ་བཞིན་གཤེགས་པས་གསུངས་པའི་མདོ་སྡེ་ཐམས་ཅད་ཀྱི་ནང་ན་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་མཆོག་ཏུ་གྱུར་པ་ཡིན་ནོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་འདི་ལྟ་སྟེ། དཔེར་ན་སྐར་མ་ཐམས་ཅད་ཀྱི་ནང་ན་ཟླ་བ་ནི་འོད་བྱེད་པའི་མཆོག་ཏུ་གྱུར་པ་ཡིན་ནོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་བཞིན་དུ་དེ་བཞིན་གཤེགས་པས་གསུངས་པའི་མདོ་སྡེ་ཐམས་ཅད་ཀྱི་ནང་ན་དམ་པའི་ཆོས་པདྨ་དཀར་པོའོ་ཆོས་ཀྱི་རྣམ་གྲངས་འདི་ནི། ཟླ་བ་བྱེ་བ་ཁྲག་ཁྲིག་བརྒྱ་སྟོང་བས་ལྷག་པར་འོད་བྱེད་པའི་མཆོག་ཏུ་གྱུར་པ་ཡིན་ནོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་འདི་ལྟ་སྟེ་དཔེར་ན། ཉི་མའི་དཀྱིལ་འཁོར་ནི་མུན་པ་མུན་ནག་ཐམས་ཅད་སེལ་བར་བྱེད་དོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་བཞིན་དུ་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་མི་དགེ་བའི་མུན་པ་མུན་ནག་ཐམས་ཅད་སེལ་བར་བྱེད་དོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་འདི་ལྟ་སྟེ་དཔེར་ན། སུམ་ཅུ་རྩ་གསུམ་པའི་ལྷ་རྣམས་ཀྱི་ནང་ན། བརྒྱ་བྱིན་ནི་ལྷ་རྣམས་ཀྱི་དབང་པོ་ཡིན་ནོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་འདི་ལ་དེ་བཞིན་དུ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་དེ་བཞིན་གཤེགས་པས་གསུངས་པའི་མདོ་སྡེ་ཐམས་ཅད་ཀྱི་ནང་དབང་པོ་ཡིན་ནོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་འདི་ལྟ་སྟེ་དཔེར་ན། མི་མཇེད་ཀྱི་བདག་པོ་ཚངས་པ་ནི་ཚངས་རིས་ཀྱི་ལྷ་ཐམས་ཅད་ཀྱི་རྒྱལ་པོ་སྟེ། ཚངས་པའི་འཇིག་རྟེན་ན་པའི་བྱ་བ་བྱེད་དོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་བཞིན་དུ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་སེམས་ཅན་སློབ་པ་དང་མི་སློབ་པ་ཐམས་ཅད་དང་། ཉན་ཐོས་དང་། བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པ་ཐམས་ཅད་ལ་ཕའི་བྱ་བ་བྱེད་དོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་འདི་ལྟ་སྟེ། དཔེར་ན། རྒྱུན་ཏུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་དང་། རང་སངས་རྒྱས་རྣམས་ནི་བྱིས་པ་སོ་སོའི་སྐྱེ་བོ་ཐམས་ཅད་ལས་འདས་པའོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་བཞིན་དུ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་དེ་བཞིན་གཤེགས་པའི་གསུངས་པའི་མདོ་སྡེ་ཐམས་ཅད་ལས་འདས་ཤིང་མངོན་པར་འཕགས་ཏེ་མཆོག་ཏུ་གྱུར་པར་རིག་པར་བྱའོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་གང་དག་མདོ་སྡེའི་རྒྱལ་པོ་འདི་འཛིན་པ་དེ་དག་ཀྱང་སེམས་ཅན་ཐམས་ཅད་ཀྱིས་གཙོ་བོར་གྱུར་པར་རིག་པར་བྱའོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་འདི་ལྟ་སྟེ། དཔེར་ན། ཉན་ཐོས་དང་། རང་སངས་རྒྱས་ཐམས་ཅད་ཀྱི་ནང་ན་བྱང་ཆུབ་སེམས་དཔའ་ནི་མཆོག་ཅེས་བྱའོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་བཞིན་དུ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་དེ་བཞིན་གཤེགས་པས་གསུངས་པའི་མདོ་སྡེ་ཐམས་ཅད་ཀྱི་ནང་ན་མཆོག་ཅེས་བྱའོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པབ་མངོན་པར་ཤེས་པ་འདི་ལྟ་སྟེ། དཔེར་ན། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱི་ནང་ན་དེ་བཞིན་གཤེགས་པ་ནི་ཆོས་ཀྱི་རྒྱལ་པོར་ཐབས་གསོལ་བ་ཡིན་ནོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་བཞིན་དུ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པ་རྣམས་ལ་དེ་བཞིན་གཤེགས་པ་དང་འདྲ་བ་ཡིན་ནོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ནི་སེམས་ཅན་ཐམས་ཅད་ལས་སྐྱོབ་པ། སྡུག་བསྔལ་ཐམས་ཅད་ལས་ཐར་བར་བྱེད་པ་སྟེ། སྐོམ་པ་རྣམས་ལ་འཚེའུ་དང་འདྲའོ།། གྲང་བས་ཉེན་པ་རྣམས་ལ་མེ་དང་འདྲའོ།། གཅེར་བུ་རྣམས་ལ་གོས་དང་འདྲའོ། ། ཚོང་པ་རྣམས་ལ་དེད་དཔོན་དང་འདྲའོ།། བུ་རྣམས་ལ་མ་དང་འདྲའོ།། ཕ་རོལ་ཏུ་འགྲོ་བ་རྣམས་ལ་གྲུ་དང་འདྲའོ།། ནད་པ་རྣམས་ལ་སྨན་པ་དང་འདྲའོ། མུན་པ་མུན་ནག་གིས་བསྒྲིབས་པ་རྣམས་ལ་མར་མེ་དང་འདྲའོ།། ནོར་འདོད་པ་རྣམས་ལ་རིན་པོ་ཆེ་དང་འདྲའོ།། ཁམས་ཀྱི་རྒྱལ་པོ་ཐམས་ཅད་ལ་འཁོར་ལོས་སྒྱུར་བ་དང་འདྲའོ།། འབབ་ཆུ་རྣམས་ལ་རྒྱ་མཚོ་དང་འདྲའོ།། མུན་པ་མུན་ནག་ཐམས་ཅད་སེལ་བའི་ཕྱིར་སྒྲོན་མ་དང་འདྲའོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་བཞིན་དུ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་སྡུག་བསྔལ་ཐམས་ཅད་ལས་རབ་ཏུ་ཐར་བར་བྱེད་པའོ།། ནད་ཐམས་ཅད་གཅོད་པའོ།། འཁོར་བའི་བཅིངས་པ་ཉམ་ང་བ་ཐམས་ཅད་ལས་རབ་ཏུ་ཐར་པར་བྱེད་པའོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པར་མངོན་པར་ཤེས་པ་གང་གིས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཐོས་པ་དང་། གང་གིས་ཡི་གེར་འབྲི་བ་དང་། གང་ཡི་གེར་འདྲིར་འཇུག་པ་དང་། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་གང་གིས་ཆོས་ཀྱི་རྣམ་གྲངས་འདི་གསུང་ངམ་བསྟན་ཏམ། ཐོས་སམ། ཡི་གེར་བྲིས་སམ། ཡི་གེར་འདྲིར་འཇུག་གམ། གླེགས་བམ་དུ་བྱས་ཏེ། བསྟི་སྟང་དུ་བྱེད་པ་དང་། བཙུན་པར་བྱེད་པ་དང་། བཀུར་སྟི་བྱེད་པ། དང་མཆོད་པ་དང་། མེ་ཏོག་དང་། བདུག་པ་དང་། སྤོས་དང་། འཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། བ་དན་དང་། རོལ་མོའི་སྒྲ་དང་། ན་བཟའ་དང་། ཐལ་མོ་སྦྱར་བའི་ལས་དང་། མར་གྱི་མར་མེ་འམ། འབྲུ་མར་གྱི་མར་མེ་འམ། སྤོས་མར་གྱི་མར་མེ་འམ། ཙམ་པ་ཀའི་མར་གྱི་མར་མེ་འམ། སྣ་མ་དང་སྐྱ་སྣར་དང་། བར་ཤ་ཀ་དང་། ན་བ་མ་ལི་ཀའི་མར་གྱི་མར་མེ་འམ། མཆོད་པ་རྣམ་པ་མང་པོས་བསྟི་སྟང་དུ་བྱེད། བཙུན་པར་བྱེད། རིམ་གྲོར་བྱེད། མཆོད་པར་བྱེད་པའི་བསོད་ནམས་མངོན་པར་འདུ་བྱེད་པ་ཇི་སྐད་ཅིག་འཕེལ་བར་འགྱུར་བའི་བསོད་ནམས་མངོན་པར་འདུ་བྱེད་པ་དེ་དག་གི་མཐའ་ནི། སངས་རྒྱས་ཀྱི་ཡེ་ཤེས་ཀྱིས་ཀྱང་རྟོག་པར་མི་ནུས་སོ།། སྐར་མའི་རྒྱལ་པོ་མེ་ཏོག་ཀུན་རྒྱས་པ་མངོན་པར་ཤེས་པ་གང་ཞིག་སྨན་གྱི་རྒྱལ་པོའི་སྔོན་གྱི་སྦྱོར་བའི་ལེའུ་འདི་འཛིན་པ་དང་། སྟོན་པ་དང་། ཉན་པའི་རིགས་ཀྱི་བུ་འམ། རིགས་ཀྱི་བུ་མོ་བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པ་དེ་བསོད་ནམས་མང་དུ་བསྐྱེད་པར་འགྱུར་རོ། ། གལ་ཏེ་བུད་མེད་གཅིག་གིས་ཆོས་ཀྱི་རྣམ་གྲངས་འདི་ཐོས་ནས་འཛིན་དེ་ཉིད་ན་བུད་མེད་ཀྱི་ལུས་ཀྱི་ཐ་མར་འགྱུར་རོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་བུད་མེད་གང་ལ་ལས་སྨན་གྱི་རྒྱལ་པོའི་སྔོན་གྱི་སྦྱོར་བའི་ལེའུ་འདི་ལྔ་བརྒྱ་པ་ཐ་མ་ལ་ཐོས་ནས། ནན་ཏན་དུ་བྱེད་པ་དེ་ནི་འདི་ནས་ཤི་འཕོས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ། གང་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཚེ་དཔག་མེད་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་ཅིང་བཞུགས་ཏེ་འཚོ་ཞིང་ཞེས་པ་དེར། དེ་པདྨའི་སྙིང་པོའི་སེང་གེའི་ཁྲི་ལ་འདུག་བཞིན་དུ་སྐྱེ་བར་འགྱུར་རོ།། དེ་འདོད་ཆག་ཀྱི་གཇིང་བར་མི་འགྱུར་ཏེ། ཞེ་སྡང་གིས་མ་ཡིན། གཏི་མུག་གིས་མ་ཡིན། ང་རྒྱལ་གྱིས་མ་ཡིན། སེར་སྣས་མ་ཡིན། ཁྲོ་བས་མ་ཡིན། གནོད་སེམས་ཀྱིས་མ་ཡིན། སྐྱེས་མ་ཐག་ཏུ་མངོན་པར་ཤེས་པ་སྡུ་ཐོབ་པར་འགྱུར་རོ།། མི་སྐྱེ་བའི་ཆོས་ལ་བཟོད་པ་ཡང་ཐོབ་པར་འགྱུར་རོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། བྱང་ཆུབ་སེམས་དཔའ་སེམས་དཔའ་ཆེན་པོ་དེས་མི་སྐྱེ་བའི་ཆོས་ལ་བཟོད་པ་ཐོབ་ན། དེ་བཞིན་གཤེགས་པ་གངྒཱའི་ཀླུང་བདུན་ཅུ་རྩ་གཉིས་ཀྱི་བྱེ་མ་སྙེད་མཐོང་བར་འགྱུར་རོ།། མིག་གིས་དབང་པོ་ཡོངས་སུ་དག་པ་གང་གིས་སངས་རྒྱས་བཅོམ་ལྡན་འདས་དེ་དག་མཐོང་བར་འགྱུར་བ་དེ་འདྲ་བར་དེའི་མིག་གི་དབང་པོ་ཡོངས་སུ་དག་པར་འགྱུར་རོ། ། སངས་རྒྱས་བཅོམ་ལྡན་འདས་དེ་དག་གིས་ཀྱང་དེ་ལ་ལེགས་སོ་ཞེས་བྱ་བ་སྦྱིན་པར་འགྱུར་ཏེ། གང་ཁྱོད་ཀྱིས་དམ་པའི་ཆོས་པདྨ་དཀར་པོའི་ཆོས་ཀྱིས་རྣམ་གྲང་འདི་ཐོས་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱུས་ཤཱཀྱ་ཐུབ་པ་དེའི་གསུང་རབ་ལ་ལུང་མནོས་པ་དང་། ཁ་ཏོན་བྱས་པ་དང་། བསྒོམས་པ་དང་། བསམས་པ་དང་། ཡིད་ལ་བྱས་པ་དང་། སེམས་ཅན་གཞན་དག་ལ་ཡང་རབ་ཏུ་བསྟན་པ་རིགས་ཀྱི་བུ་ལེགས་སོ་ལེགས་སོ། ། རིགས་ཀྱི་བུ་ཁྱོད་ཀྱིས་བསོད་ནམས་མངོན་པར་འདུ་བྱེད་པ་འདི་ནི་མེས་ཚིག་པ་འམ། ཆུས་ཁྱེར་བར་མི་ནུས་སོ།། རིགས་ཀྱི་བུ་ཁྱོད་ཀྱིས་བསོད་ནམས་མངོན་པར་འདུ་བྱེད་པ་འདི་ནི། སངས་རྒྱས་བརྒྱ་སྟོང་གིས་ཀྱང་བཤད་པར་མི་ནུས་སོ།། རིགས་ཀྱི་བུ་ཁྱོད་བདུད་ཀྱི་ཕྱིར་རྒོལ་བ་བཅོམ་མོ།། སྲིད་པའི་རྒྱ་མཚོ་ལས་རྒལ་ཏོ།། དགྲའི་ཚེར་མ་དཀྲུགས་སོ། ། སངས་རྒྱས་བརྒྱ་སྟོང་གིས་བྱིན་གྱིས་བརླབས་སོ།། རིགས་ཀྱི་བུ་ལྷ་དང་བཅས་པའི་འཇིག་རྟེན་ན་ཁྱོད་དང་འདྲ་བ་མེད་དོ།། དེ་བཞིན་གཤེགས་པ་གཅིག་པུ་མ་གཏོགས་པར་གཞན་ཉན་ཐོས་སམ། རང་སངས་རྒྱས་སམ། བྱང་ཆུབ་སེམས་དཔའ་གང་གིས་ཀྱང་ཁྱོད་ལ་བསོད་ནམས་ཀྱིས་ཀྱང་རུང་། ཡེ་ཤེས་ཀྱིས་ཀྱང་རུང་། ཤེས་རབ་ཀྱིས་ཀྱང་རུང་། ཏིང་ངེ་འཛིན་གྱིས་ཀྱང་རུང་སྟེ། ཟིལ་གྱིས་གནོན་པར་མི་ནུས་སོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཡེ་ཤེས་ཀྱི་སྟོབས་བསྐྱེད་པ་འདི་ལྟ་བུ་ཐོབ་པར་འགྱུར་རོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་གང་ལ་ལས་སྨན་གྱི་རྒྱལ་པོའི་སྔོན་གྱི་སྦྱོར་བའི་ལེའུ་འདི་བཤད་པ་ཐོས་ནས། ལེགས་སོ་ཞེས་བྱ་བ་བྱིན་པ་དེའི་ཁ་ནས་ཨུཏྤ། པའི་དྲི་འབྱུང་བར་འགྱུར་རོ།། དེའི་ལུས་ལས་ཀྱང་ཙན་དན་གྱི་དྲི་འབྱུང་བར་འགྱུར་རོ།། གང་གིས་ཆོས་ཀྱི་རྣམ་གྲངས་འདི་འཆད་པ་ན་ལེགས་སོ་ཞེས་བྱ་བ་བྱིན་པ་དེའི་ཆོས་ཅན་གྱི་ཡོན་ཏན་གྱི་ཕན་ཡོན་དེ་དག་ནི་ངས་ད་ལྟར་གང་དག་བཤད་པ་དེ་འདྲ་བར་འགྱུར་རོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་ལྟ་བས་ན། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་མཐོང་ན་དགའ་བའི་སྔོན་གྱི་སྦྱོར་བའི་ལེའུ་འདི་ཅི་ནས་ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་ལ། འཛམ་བུའི་གླིང་འདི་ན་སྤྱོད་ཅིང་ནུབ་པར་མི་འགྱུར་བ་དང་། བདུད་སྡིག་ཅན་གྱིས་གླགས་མི་རྙེད་པ་དང་། བདུད་ཀྱི་རིས་ཀྱི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། གྲུལ་བུམ་རྣམས་ཀྱིས་གླགས་མི་རྙེད་པར་བྱ་བའི་ཕྱིར་ངས་ཁྱོད་ལ་ཡོངས་སུ་གཏད་དོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་ལྟ་བས་ན། ཆོས་ཀྱི་རྣམ་གྲངས་འདི་འཛམ་བུ་གླིང་འདི་སེམས་ཅན་ནད་ཀྱིས་བཏབ་པ་རྣམས་ལ་སྨན་ལྟ་བུར་འགྱུར་བར་བྱིན་གྱིས་བརླབ་པར་བྱ་སྟེ། ཆོས་ཀྱི་རྣམ་གྲངས་འདི་ཐོས་ནས་ལུས་ལ་ནད་ཀྱིས་མི་ཟུག་གོ།། རྒ་བས་མ་ཡིན། དུས་མ་ཡིན་པར་འཆི་བས་མ་ཡིན་ནོ།། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་གལ་ཏེ། བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པ་གང་ལ་ལས་མདོ་སྡེ་འདི་འཛིན་པ་དགེ་སློང་དེ་ལྟ་བུ་དེ་མཐོང་ན་དེ་ལ་ཙན་དན་གྱི་ཕྱེ་མ་དང་། ཨུཏྤ་ལ་སྔོན་པོས་མངོན་པར་གཏོར་བར་བྱའོ། ། མངོན་པར་གཏོར་ནས་ཀྱང་འདི་སྙམ་དུ་རིགས་ཀྱི་བུ་འདི་ནི། བྱང་ཆུབ་ཀྱི་སྙིང་པོར་འགྲོ་བར་འགྱུར། འདི་ནི་རྩཝ་ལེན་པར་འགྱུར། འདི་ནི་བྱང་ཆུབ་ཀྱི་སྙིང་བོཔོར་རྩ་འདིང་བར་འགྱུར། འདི་ནི་བདུད་ཀྱི་ཕྱོགས་ཕམ་པར་བྱེད་པར་འགྱུར། འདི་ནི་ཆོས་ཀྱི་དུང་འབུད་པར་འགྱུར། འདི་ནི་ཆོས་ཀྱི་རྔ་རྡུང་བར་འགྱུར། འདི་ནི་འཁོར་བའི་རྒྱ་མཚོ་ལས་རྒལ་བར་འགྱུར་རོ་སྙམ་དུ་སེམས་བསྐྱེད་པར་བྱའོ། ། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་རིགས་ཀྱི་བུ་བམ། རིགས་ཀྱི་བུ་མོ་བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པས་མདོ་སྡེ་འདི་ལྟ་བུ་འཛིན་པའི་དགེ་སློང་མཐོང་ནས། དེ་ལྟར་སེམས་བསྐྱེད་པར་བྱ་སྟེ། དེ་ལྟར་ན་དེའི་ཡོན་ཏན་དག་ནི། དེ་བཞིན་གཤེགས་པས་ཅི་འདྲ་བ་དག་བཤད་པ་དག་ཏུ་འགྱུར་རོ། ། སྨན་གྱི་རྒྱལ་པོ་སྔོན་གྱི་སྦྱོར་བའི་ལེའུ་འདི་བཤད་པ་ན་བྱང་ཆུབ་སེམས་དཔའ་བརྒྱད་ཁྲི་བཞི་སྟོང་གི་སྒྲ་ཐམས་ཅད་ལ་མཁས་པ་དང་ལྡན་པའི་གཟུངས་ཐོབ་པར་གྱུར་ཏོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་དེས་ཀྱང་། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་འདི་ལྟར་ཁྱོད་ཀྱི་དེ་བཞིན། གཤེགས་པ་ལ་བསམ་གྱིས་མི་ཁྱབ་པའི་ཡོན་ཏན་གྱི་ཆོས་དྲིས་པ་ལེགས་སོ་ལེགས་སོ་ཞེས་བྱ་བ་བྱིན་ནོ།། སྨན་གྱི་རྒྱལ་པོའི་སྔོན་གྱི་སྦྱོར་བའི་ལེའུ་ཞེས་བྱ་བ་སྟེ་ཉི་ཤུ་རྩ་གཉིས་པའོ།། ། ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་དེའི་ཚེ། སྐྱེས་བུ་ཆེན་པོའི་མཚན་སྨིན་མཚམས་ཀྱི་མཛོད་སྤུ་ནས་འོད་བྱུང་སྟེ། འོད་དེས་ཤར་ཕྱོགས་སུ་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་བཅོ་བརྒྱད་ཀྱི་བྱེ་མ་སྙེད་དག་ཁྱབ་པར་བྱས་ཏེ། སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་བཅོ་བརྒྱད་ཀྱི་བྱེ་མ་སྙེད་དེ་དག་འདས་པ་དེ་ན། འཇིག་རྟེན་གྱི་ཁམས་རྣམ་པར་སྣང་བའི་འོད་ཟེར་གྱིས་བརྒྱན་པ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་འདབ་མ་དྲི་མ་མེད་པའི་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་ཞེས་བྱ་བ་བཞུགས་ཏེ། འཚོ་ཞིང་གཞེས་ལ། བྱང་ཆུབ་སེམས་དཔའི་དགེ་འདུན་རྒྱ་ཆེན་པོ་ཚད་མེད་པས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏོ། ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེས་མཛོད་སྤ་ནས་འོད་གང་བཏང་བ་དེའི་ཚེ། འཇིག་རྟེན་གྱི་ཁམས་རྣམ་པར་སྣང་བའི་འོད་ཟེར་གྱིས་བརྒྱན་པ་དེ་སྣང་བ་ཆེན་པོས་ཁྱབ་པར་གྱུར་ཏོ། ། འཇིག་རྟེན་གྱི་ཁམས་རྣམ་པར་སྣང་བའི་འོད་ཟེར་གྱིས་བརྒྱན་པ་དེ་ན། བྱང་ཆུབ་སེམས་དཔའ་སང་སང་པོའི་དབྱངས་ཞེས་བྱ་བ་དགེ་བའི་རྩ་བ་བསྐྱེད་པ། སྔོན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མང་པོའི་འོད་ཟེར་དེ་ལྟ་བུ་མཐོང་ཞིང་། བྱང་ཆུབ་སེམས་དཔའ་སེམས་དཔོའ་ཆེན་པོ་སང་སང་པོའི་དབྱངས་ཀྱི་ཏིང་ངེ་འཛིན་མང་པོ་ཐོབ་པ་འདི་ལྟ་སྟེ། རྒྱལ་མཚན་གྱི་རྩེ་མོའི་དཔུང་རྒྱན་གྱི་ཏིང་ངེ་འཛིན་ཐོབ། དམ་པའི་ཆོས་པདྨ་དཀར་པོའི་ཏིང་ངེ་འཛིན་ཐོབ། དྲི་མ་མེད་པས་བྱིན་པའི་ཏིང་ངེ་འཛིན་ཐོབ། སྐར་མའི་རྒྱལ་པོ་རྣམ་པར་རོལ་པའི་ཏིང་ངེ་འཛིན་ཐོབ། རླུང་ལྷའི་བུའི་ཏིང་ངེ་འཛིན་ཐོབ། ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན་ཐོབ། ཟླ་བ་སྒྲོན་མའི་ཏིང་ངེ་འཛིན་ཐོབ། སྒྲ་ཐམས་ཅད་ལ་མཁས་པའི་ཏིང་ངེ་འཛིན་ཐོབ། བསོད་ནམས་ཐམས་ཅད་ཀུན་ལས་བསྡུས་པའི་ཏིང་ངེ་འཛིན་ཐོབ། དད་པ་ཅན་གྱི་ཏིང་ངེ་འཛིན་ཐོབ། རྫུ་འཕྲུལ་གྱིས་རྣམ་པར་རོལ་པའི་ཏིང་ངེ་འཛིན་ཐོབ། ཡེ་ཤེས་ཏ་ལ་ལའི་ཏིང་ངེ་འཛིན་ཐོབ། བཀོད་པའི་རྒྱལ་པོའི་འོད་ཀྱི་ཏིང་ངེ་འཛིན་ཐོབ། དྲི་མ་མེད་པའི་འོད་ཀྱི་ཏིང་ངེ་འཛིན་ཐོབ། དྲི་མ་མེད་པའི་སྙིང་པོའི་ཏིང་ངེ་འཛིན་ཐོབ། ཟད་པར་ཆུབ་པའི་ཏིང་ངེ་འཛིན་ཐོབ། ཉི་མའིཁོར་བའི་ཏིང་ངེ་འཛིན་ཐོབ། དེ་བཞིན་དུ་སྦྱར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ཀྱི་ཏིང་ངེ་འཛིན་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་གི་བྱེ་མ་སྙེད་ཀྱི་བར་དུ་ཐོབ་པ་འདུག་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་དེའི་ལུས་ལ་འོད་དེས་ཕོག་པར་གྱུར་ཏོ།། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་འདབ་མ་དྲི་མ་མེད་པ་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་ལ། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་བལྟ་བ་དང་། ཕྱག་བྱ་བ་དང་། བསྙེན་བཀུར་བགྱི་བ་དང་། འཇམ་དཔལ་གཞོན་ནུར་གྱུར་པ་དེ་ཡང་བལྟ་བ་དང་། བྱང་ཆུབ་སེམས་དཔའ་སྨན་གྱི་རྒྱལ་པོ་དེ་ཡང་བལྟ་བ་དང་། བྱང་ཆུབ་སེམས་དཔའ་རབ་ཏུ་སྦྱིན་པ་དེ་ཡང་བལྟ་བ་དང་། བྱང་ཆུབ་སེམས་དཔའ་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པར་མངོན་པར་ཤེས་པ་དེ་ཡང་བལྟ་བ་དང་། བྱང་ཆུབ་སེམས་དཔའ་སྤྱོད་པ་ཁྱད་པར་ཅན་དེ་ཡང་བལྟ་བ་དང་། བྱང་ཆུབ་སེམས་དཔའ་བཀོད་པའི་རྒྱལ་པོ་དེ་ཡང་བལྟ་བ་དང་། བྱང་ཆུབ་སེམས་དཔའ་སྨན་ཡང་དག་འཕགས་དེ་ཡང་བལྟ་བའི་སླད་དུ། འཇིག་རྟེན་གྱི་ཁམས་མི་མཇེད་དུ་མཆིའོ།། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་འདབ་མ་དྲི་མ་མེད་པ་སྐསླར་མའི་རྒྱལ་པོ་མེ་ཏོག་ཀུན་ཏུ་རྒྱས་པས། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་ཁྱོད་འཇིག་རྟེན་གྱི་ཁམ་མི་མཇེད་དེར་སོང་སྟེ་ཕྱིན་ནས་ངན་པའི་འདུ་ཤེས་བསྐྱེད་པར་མི་བྱའོ། ། རིགས་ཀྱི་བུ་འཇིག་རྟེན་གྱི་ཁམས་དེ་ནི་མཐོན་དམན་ཅན་དང་། ས་ལས་གྲུབ་པ་དང་། རི་ནག་པོས་གང་བ་དང་། འཇིག་ངན་གྱིས་ཡོངས་སུ་གང་བའོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ཡང་སྐུ་ཐུང་ངོ་།། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ལུས་ཐུང་ངོ་། ། རིགས་ཀྱི་བུ་ཁྱོད་ཀྱི་ལུས་ཐོབ་པ་ནི་དཔག་ཚད་བཞི་ཁྲི་ཉིས་སྟོང་ངོ་།། རིགས་ཀྱི་བུ་ངའི་ལུས་ནི་དཔག་ཚད་འབུམ་ཕྲག་དྲུག་ཅུ་རྩ་བརྒྱད་ཡོད་དོ། ། རིགས་ཀྱི་བུ་ཁྱོད་ནི་མཛེས་པ་བལྟ་ན་སྡུག་པ། གཟུགས་བཟང་བ། ཁ་དོག་བཟང་པོ། རྒྱས་པ་མཆོག་དང་ལྡན་པ། བསོད་ནམས་བརྒྱ་སྟོང་པས་ཤིན་ཏུ་ལྷག་པའི་དཔལ་དང་ལྡན་པའོ། ། རིགས་ཀྱི་བུ་དེ་ལྟ་བས་ན། འཇིག་རྟེན་གྱི་ཁམས་མི་མཇེད་དུ་ཕྱིན་ནས། དེ་བཞིན་གཤེགས་པ་དང་། བྱང་ཆུབ་སེམས་དཔའ་རྣམས་དང་། སངས་རྒྱས་ཀྱི་ཞིང་དེ་ལ་ངན་པའི་འདུ། ཤེས་མ་སྐྱེད་ཅིག་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ཀྱིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་འདབ་མ་དྲི་མ་མེད་པ་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་དེ་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་དེ་བཞིན་གཤེགས་པའི་བྱིན་གྱིས་བརླབས་དང་། དེ་བཞིན་གཤེགས་པའི་སྟོབས་བསྐྱེད་པ་དང་། དེ་བཞིན་གཤེགས་པའི་རྣམ་པར་རོལ་པ་དང་། དེ་བཞིན་གཤེགས་པའི་བཀོད་པ་དང་། དེ་བཞིན་གཤེགས་པའི་མངོན་པར་འཕགས་པའི་ཡེ་ཤེས་ཀྱིས་འཇིག་རྟེན་གྱི་ཁམས་མི་མཇེད་དེར་མཆིའོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ཀྱིས་དེའི་ཚེ། སངས་རྒྱས་ཀྱི་ཞིང་དེ་ནས་མ་གཡོས་ཤིང་། སྟན་དེ་ལས་མ་ལངས་པར་འདི་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་དེ་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ། དེའི་མོད་ལ་འཇིག་རྟེན་གྱི་ཁམས་མི་མཇེད་དུ་བྱ་རྒོད་ཀྱི་ཕུང་པོའི་རི་ལ། དེ་བཞིན་གཤེགས་པའི་ཆོས་ཀྱི་གདན་གྱི་དྲུང་དུ་པདྨ་ཆུབ་ནི་གསེར། འདབ་མ་ནི་དངུལ་སྙིང་པོ་ནི་པདྨ་དང་། ནེ་ཙེ་འམ་ཅི་ལས་གྲུབ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་བྱུང་བར་གྱུར་ཏོ།། དེ་ནས་འཇམ་དཔལ་གཞོན་ནུར་གྱུར་པས། པདྨ་བཀོད་པ་བྱུང་བ་དེ་མཐོང་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འདི་ལྟར་ཆུ་བ་ནི་གསེར། འདབ་མ་ནི་དངུལ། སྙིང་པོ་ནི་པདྨ་དང་། ནེ་ཅོ་འམ་ཅི་ལས་གྲུབ་པའི་པདྨ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་གདའ་བ་འདི་སུའི་སྔ་ལྟས་ལགས་དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ་འདི་ནི་ཤར་ཕྱོགས་ལོགས་ནས་འཇིག་རྟེན་གྱི་ཁམས་རྣམ་པར་སྣང་བའི་འོད་ཟེར་གྱིས་བརྒྱན་པ་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་འདབ་མ་དྲི་མ་མེད་པ་སྐར་མའི་རྒྱལ་པོ་མེ་ཏོག་ཀ་ཨུན་ཏུ་རྒྱས་པ་དེའི་སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་གིས་ཡོངས་སུ་བསྐོར་ཅིང་བདུན་དུ་བདར་ཏེ་ང་ལ་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་མཉན་པའི་ཕྱིར། འཇིག་རྟེན་གྱི་ཁམས་མི་མཇེད་འདིར་འོང་བ་དེའི་སྔ་ལྟས་སོ། ། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་རིགས་ཀྱི་བུ་དེས། དགེ་བའི་རྩ་བའི་ཚོགས་ཅི་བགྱིས་ན་དགེ་བའི་རྩ་བའི་ཚོགས་བསགས་པ་དེས་འདི་ལྟ་བུའི་ཁྱད་པར་འདི་ཐོབ། བཅོམ་ལྡན་འདས་བྱང་ཆུབ་སེམས་དཔའ་དེ་ཏིང་ངེ་འཛིན་གང་ལ་སྤྱོད་པའི་ཏིང་ངེ་འཛིན་དེ། བཅོམ་ལྡན་འདས་པདག་གིས་མཉན་པར་བགྱིའོ། ། བཅོམ་ལྡན་འདས་བདག་གིས་ཏིང་ངེ་འཛིན་དེ་ལ་སྤྱད་པར་བགྱིའོ།། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཅི་འདྲ་བ་དང་། ཁ་དོག་ཅི་འདྲ་བ་དང་། གཟུགས་ཅི་འདྲ་བ་དང་། རྟགས་ཅི་འདྲ་བ་དང་། དབྱིབས་ཅི་འདྲ་བ་དང་། དེའི་སྤྱོད་པ་ཅི་ལགས་པ་བདག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བལྟ་བ་བགྱིའོ། ། བཅོམ་ལྡན་འདས་བརྡ་ལྟས་གང་གིས་བསྐུལ་མ་ཐག་ཏུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་འཇིག་རྟེན་གྱི་ཁམས་མི་མཇེད་འདིར་མཆི་བར་འགྱུར་བ་དེ་ལྟ་བུའི་བརྡ་ལྟས་ཤིག། དེ་བཞིན་གཤེགས་པས་ལེགས་པར་མཛད་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདས་པ་རིན་ཆེན་མང་ལ་འདི་སྐད་གསུངས་སོ།། ཅི་ནས་བརྡ་ལྟས་གང་གི་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་འཇིག་རྟེན་གྱི་ཁམས་མི་མཛད་འདིར་མཆི་བ་དེ་ལྟ་བུའི་བརྡ་ལྟས། བཅོམ་ལྡན་འདས་ཀྱིས་མཛོད་ཅིག། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདས་པ་རིན་ཆེན་མང་གི་དེའི་ཚེ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་བསྐུལ་བའི་ཕྱིར། འཇམ་དཔའ་གཞོན་ནུར་གྱུར་པ་འདི་རིགས་ཀྱི་བུ་ཁྱོད་ཀྱི་བུ་མཐུ་མཐོང་བར་དགའ་ཡིས་རིགས་ཀྱི་བུ་ཁྱོད་འཇིག་རྟེན་གྱི་ཁམས་མི་མཇེད་འདི་གཤེག་ཤིང་ཅེས་དེ་ལྟ་བུའི་བརྡ་མཛད་དོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོའི་སང་སང་པོའི་དབྱངས་ཀྱིས། བཅོམ་ལྡན་འདས་ད་ཨེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་འདབ་མ་དྲི་མ་མེད་པ་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་དེའི་ཞབས་ལ་མགོ་བོས་ཕྱག་འཚལ་ནས་ལན་གསུམ་བསྐོར་བ་བྱས་ཏེ། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་པོ་དེ་དག་གི་ཡོངས་སུ་བསྐོར་ཅིང་མདུན་དུ་བདར་ནས་ལྷན་ཅིག་ཏུ་འཇིག་རྟེན་གྱི་ཁམས་རྣམ་པར་སྣང་བའི་འོད་ཟེར་གྱིས་བརྒྱན་པ་དེ་ནས་མི་སྣང་བར་གྱུར་ནས། འཇིག་རྟེན་གྱི་ཁམས་མི་མཇེད་འདིར་འོངས་ཏེ། ཞིང་དག་ནི་རབ་ཏུ་གཡོ་བར་བྱེད། པདྨའི་ཆར་ནི་རབ་ཏུ་འབེབས། སིལ་སྙན་བྱེ་བ་ཁྲག་ཁྲིག་བརྒྱ་སྟོང་ནི་ལེན་ཅིང་མིག་ནི་ཨུཏྤ་ལ་སྔོན་པོའི་འདབ་མ་འདྲ། བཞིན་ནི་ཟླ་བ་བྱེ་བ་ཁྲག་ཁྲིག་བརྒྱ་སྟོང་པས་ལྷགས། ལུས་ཀྱི་མདོག་ནི་གསེར་གྱི་ཁ་དོག་འདྲ་ལ། ལུས་བསོད་ནམས་བརྒྱ་སྟོང་གིས་ནི་བརྒྱན། དཔལ་གྱིས་ནི་རབ་ཏུ་འབར། གཟི་བརྗིད་ཀྱིས་ནི་ཤིན་ཏུ་ལྷང་ངེར་གྱུར། ལུས་ནི་མཚན་རྣམས་ཀྱིས་རྣམ་པར་སྤྲས། ལུས་ཕྲེད་མེད་ཀྱི་བུའི་ལུས་ལྟར་འཁྲེགས་པ་རིན་པོ་ཆེ་སྣ་བདུན་གྱི་ཁང་པ་བརྩེགས་པར་ཞུགས་ཏེ། ནམ་མཁའ་ལ་ཏ་ལ་བདུན་ཙམ་ནས་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་ཅིང་མདུན་དུ་བདར་ནས་འོངས་ཏེ། དེ་འཇིག་རྟེན་གྱི་ཁམས་མི་མཇེད་འདི་ག་ལ་བ་དང་། བྱ་རྒོད་ཕུང་པོའི་རིག་ལ་བ་དེར་འོངས་ཏེ་ཕྱིན་ནས་ཁང་པ་བརྩེགས་པ་དེ་ནས་བབས་ཏེ་བརྒྱ་སྟོང་རི་བའི་མུ་ཏིག་གི་འཕྲེང་བ་ཐོགས་ཤིང་། བཅོམ་ལྡན་འདས་ག་ལ་བ་དེར་སོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ལན་བདུན་བསྐོར་བ་བྱས་ནས། བཅོམ་ལྡན་འདས་ལ་མཆོད་པ་བྱ་བའི་ཕྱིར། མུ་ཏིག་གི་འགྲེང་བ་བུམ་མོ།། ཕུལ་ནས་བཅོམ་ལྡན་འདས་ལ་འདི་སྐད་ཅེས་གསོལ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་འདབ་མ་དྲི་མ་མེད་པ་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པས། བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ། སྐྱོད་པ་ཡང་ངམ། སྟོབས་དང་བདེ་བར་གནས་སམ། ཞེས་སྙུན་གསོལ་ལོ།། བཅོམ་ལྡན་འདས་དེ་འདི་སྐད་ཅེས་ཀྱང་གསུང་སྟེ། བཅོམ་ལྡན་འདས་ཁྱོད་བཟོད་དམ་གཞེས་སམ། ཁམས་རྣམས་འཐུན་ནམ། ཁྱོད་ཀྵི་སེམས་ཅན་རྣམས་གོ་སླ་འམ། གདུལ་སླ་འམ། གཙང་མ་འདོད་དམ། ཧ་ཅང་འདོད་ཆགས་མི་སྤྱོད་དམ། ཧ་ཅང་ཞེ་སྡང་མི་སྤྱོད་དམ། ཧ་བང་གཏི་མུག་ཏུ་མི་སྤྱོད་དམ། བཅོམ་ལྡན་འདས་ཁྱོད་ཀྱི་སེམས་ཅན་དག་ཤིན་ཏུ་ཕྲག་དོག་ཅན་མ་ཡིན་ནམ། སེར་སྣ་ཅན་མ་ཡིན་ནམ། མར་མི་འཛིན་པ་མ་ཡིན་ནམ། བར་མི་འཛིན་པ་མ་ཡིན་ནམ། དགེ་སྦྱོང་དུ་མི་འཛིན་པ་མ་ཡིན་ནམ། བྲམ་ཟེར་མི་འཛིན་པ་མ་ཡིན་ནན། ལོག་པར་ལྟ་བ་མ་ཡིན་ནམ། སེམས་མདུལ་བ་མ་ཡིན་ནམ། དབང་པོ་མ་བསྲུངས་པ་མ་ཡིན་ནམ། བཅོམ་ལྡན་འདས་ཁྱོད་ཀྱི་སེམས་ཅན་དེ་དག་གིས་བདུད་ཕྱིར་རྒོལ་བ་བཅོམ་མམ། བཅོམ་ལྡན་འདས་དེ་བཞིན་ག་ཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདས་པ་རིན་ཆེན་མང་དེ་རིན་པོ་ཆེ་སྣ་བདུན་གྱི་མཆོད་རྟེན་གྱི་ནང་དུ་བཞུགས་པ་ཆོས་གསན་པའི་ཕྱིར། འཇིག་རྟེན་གྱི་ཁམས་མི་མཇེད་དུ་གཤེགས་སམ། བཅོམ་ལྡན་འདས་དེ་བཞིན་གཤེགས་པ་རིན་ཆེན་མང་ལ་ཡང་། བཅོམ་ལྡན་འདས་དེའི་འདྲི་བ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་རིན་ཆེན་མང་དེ་བཟོད་དམ། གཞེས་སམ། བཅོམ་ལྡན་འདས་དེ་བཞིན་གཤེགས་པ་རིན་ཆེན་མང་རིང་དུ་གནས་སམ་ཞེས་གསུང་ངོ་།། བཅོམ་ལྡན་འདས་དེ་དག་གིས་ཀྱང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་དེའི་རིང་བསྲེལ་གྱི་སྐུ་བལྟ་བར་བགྱིའོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་དེའི་རིང་བསྲེལ་གྱི་སྐུ། དེ་བཞིན་གཤེགས་པས་ལེགས་པར་བསྟན་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདས་པ་རིན་ཆེན་མང་ལ་འདི་སྐད་ཅེས་གསུངས་སོ། ། བཅོམ་ལྡན་འདས་བྱང་ཆུབ་སེམས་ད་པའ་སེམས་དཔའ་ཆེན་པོ་སང་སང་པོའི་དབྱངས་འདི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདས་པ་རིན་ཆེན་མང་མཐོང་བར་འཚལ་ནས་མཆིས་སོ། ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་གིས། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་ཁྱོ་ང་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་མཐོང་བར་འདོད་པ་དང་། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་མཉན་པ་དང་འཇམ་དཔལ་གཞོན་ནུར་གྱུར་པ་བལྟ་བའི་ཕྱིར་འོངས་པ་ལེགས་སོ་ལེགས་སོ། ། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ཀྱིས། དེ་བཞིན་གཤེགས་པ་གང་གི་དྲུང་དུ་སྔོན་དགེ་བའི་རྩ་བ་ཇི་ལྟ་བུ་ཞིག་བསྐྲུན། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་སྔོན་བྱུང་བ་འདས་པའི་དུས་ན། བསྐལ་པ་མཐོང་ན་དགའ་བ་ལ་འཇིག་རྟེན་གྱི་ཁམས་གཟུངས་ཐམས་ཅད་ཤིན་ཏུ་སྟོན་པར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། སྦ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སྦྱིན་དང་། རྔ་སྒྲ་རྒྱལ་པོ་ཞེས་བྱ་བ་འཇིག་རྟེན་དུ་བྱུང་སྟེ། རིགས་ཀྱི་བུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་དང་རྔ་སྒྲ་རྒྱལ་པོ་དེ་ལ། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ཀྱིས་སིལ་སྙན་བརྒྱ་སྟོང་རབ་ཏུ་བླངས་ཏེ་ལོ་ཁྲི་ཉིས་སྟོང་དུ་མཆོད་པ་བྱས་སོ། ། རིན་པོ་ཆེ་སྣ་བདུན་གྱི་སྣོད་བརྒྱད་ཁྲི་བཞི་སྟོང་ཕུལ་ལོ།། རིགས་ཀྱི་བུ་དེ་བཞིན་གཤེགས་པ་སྤྲིན་དང་། རྔ་སྒྲ་རྒྱལ་པོའི་གསུང་རབ་དེ་ལ། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ཀྱིས་དེ་ལྟ་བུའི་དད་པ་ཐོབ་བོ།། དེའི་ཚེ་དེའི་དུས་ན་བཅོམ་ལྡན་འདས་དེ་བ་ཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་དང་རྔ་སྒྲའི་རྒྱལ་པོ་ལ་མཆོད་པ་བྱས་ཤིང་སྣོད་བརྒྱད་ཁྲི་བཞི་སྟོང་དེ་དག་ཕུལ་བ་དེ་གཞན་ཞིག་ཡིན་སྙམ་དུ་ཁྱོད་སོམ་ཉིའམ་ཡིད་གཉིས་སམ། ཐེ་ཙོམ་ཟ་བར་གྱུར་ན། རིགས་ཀྱི་བུ་ཁྱོད་ཀྱིས་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། རིགས་ཀྱི་བུ་གང་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་དང་རྔ་སྒྲའི་རྒྱལ་པོ་དེ་ལ་མཆོད་པ་བྱས་པ་དང་། སྣོད་དེ་དག་ཀྱང་ཕུལ་བ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་འདི་ཉིད་ཡིན་ཏེ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་དེ་ནི། སངས་རྒྱས་མང་པོ་ལ་བསྙེན་བཀུར་བྱས་པ། སངས་རྒྱས་བརྒྱ་སྟོང་མང་པོ་ལ་དགེ་བའི་རྩ་བ་བསྐྱེད་པ། ཡོངས་སུ་སྦྱང་བ་བྱས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་འདིས། སྡོམ་ཡང་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་སྙེད་མཐོང་ངོ་། ། པདྨའི་དཔལ་ཁྱོད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་འདི་མཐོང་ངམ། པདྨའི། དཔལ་གྱིས་གསོལ་པ། བཅོམ་ལྡན་འདས་མཐོང་ལགས་སོ།། བདེ་བར་གཤེགས་པ་མཐོང་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། པདྨའི་དཔལ་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་འདི་ནི་གཟུགས་མང་པོས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་སྟོན་ཏོ། ། འདི་ལྟ་སྟེ། ལ་ལར་ནི་ཚངས་པའི་གཟུགས་ཀྱིས། ལ་ལར་ནི་བརྒྱ་བྱིན་གྱི་གཟུགས་ཀྱིས། ལ་ལར་ནི་དབང་ཕྱུག་གི་གཟུགས་ཀྱིས། ལ་ལར་ནི་དབང་ཕྱུག་ཆེན་པོའི་གཟུགས་ཀྱིས། ལ་ལར་ནི་དམག་དཔོན་གྱི་གཟུགས་ཀྱིས། ལ་ལར་ནི་མཆོག་གི་གཟུགས་ཀྱིས། ལ་ལར་ནི་འཁོར་ལོས་སྒྱུར་བའི་གཟུགས་ཀྱིས། ལ་ལར་ནི་ཁམས་ཀྱི་རྒྱལ་པོའི་གཟུགས་ཀྱིས། ཁ་ལར་ནི་ཚོང་དཔོན་གྱིས་གཟུགས་ཀྱིས། ས་ལར་ནི་ཁྱིམ་བདག་གི་གཟུགས་ཀྱིས། ལ་ལར་ནི་གྲོང་མིའི་གཟུགས་ཀྱིས། ལ་ལར་ནི་བྲམ་ཟེའི་གཟུགས་ཀྱིས། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་སྟོན་ཏོ། ། ལ་ལར་ནི་དགེ་སློང་གི་གཟུགས་ཀྱིས། ལ་ལར་ནི་དགེ་སློང་མའི་གཟུགས་ཀྱིས། ལ་ལར་ནི་དགེ་བསྙེན་གྱི་གཟུགས་ཀྱིས།། ལ་ལར་ནི་དགེ་བསྙེན་མའི་གཟུགས་ཀྱིས་ལ་ལར་ནི་ཚོང་དཔོན་གྱི་ཆུང་མའི་གཟུགས་ཀྱིས། ལ་ལར་ནི་ཁྱིམ་བདག་གི་ཆུང་མའི་གཟུགས་ཀྱིས། ལ་ལར་ནི་གྲོང་མིའི་ཆུང་མའི་གཟུགས་ཀྱིས། ལ་ལར་ནི་ཁྱེའུའི་གཟུག་ཀྱིས། ལ་ལར་ནི་བུ་མོའི་གཟུགས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་སེམས་ཅན་རྣམས་ལ་སྟོན་ཏེ། རིགས་ཀྱི་བུ་གཟུགས་དེ་སྙེད་ཀུན་ཏུ་སྟོན་པས། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་དམ་པའི་ཆོས་པདྨ་དཀར་པོའི་ཆོས་རྣམ་གྲངས་འདི་སེམས་ཅན་རྣམས་ལ་སྟོན་ཏོ། ། ཁ་ཅིག་ལ་ནི་གནོད་སྦྱིན་གྱི་གཟུགས་ཀྱི་བར་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོར་དབྱངས་ཀྱིས་དམ་པའི་ཆོས་པདྨ་དཀར་པོའི་ཆོས་ཀྱི་རྣམས་གྲངས་འདི་སེམས་ཅན་རྣམས་ལ་སྟོན་ཏོ། ། ཁ་ཅིག་ལ་ནི་ལྷ་མ་ཡིན་གྱི་གཟུགས་ཀྱིས། ཁ་ཅིག་ལ་ནི་ནམཁའ་ལྡིང་གི་གཟུགས་ཀྱིས། ཁ་ཅིག་ལ་ནི་མི་འམ་ཅིའི་གཟུགས་ཀྱིས། ཁ་ཅིག་ལ་ནི་ལྟོ་འཕྱེ་ཆེན་པོའི་གཟུགས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་སེམས་ཅན་རྣམས་ལ་སྟོན་ཏོ། ། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། མི་ཁོམ་པར་སྐྱེ་བའི་བར་གྱི་སེམས་ཅན་རྣམས་ལ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་སྐྱོབ་པར་འགྱུར་རོ། ། བཙུན་མོའི་འཁོར་གྱི་ནང་ན་འདུག་པའི་བར་གྱི་སེམས་ཅན་རྣམས་ལ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་བུད་མེད་ཀྱི་གཟུགས་སུ་མངོན་པར་སྤྲུལ་ཏེ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་འཇིག་རྟེན་གྱི་ཁམས་མི་མཇེད་འདིར་སེམས་ཅན་རྣམས་ལ་སྟོན་ཏོ། ། པདྨའི་དཔལ་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ནི། འཇིག་རྟེན་གྱི་ཁམས་མི་མཇེད་དུ་སྐྱེས་པའི་སེམས་ཅན་རྣམས་ཀྱི་སྐྱོབ་པ་སྟེ། འཇིག་རྟེན་གྱི་ཁམས་མི་མཇེད་འདི་ན་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་འདི་དེ་སྙེད་ཀྱིས་གཟུགས་སུ་སྤྲུལ་པས། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་སེམས་ཅན་རྣམས་ལ་སྟོན་ཏོ།། སྐྱེས་བུ་དམ་པ་འདིའི་རྫུ་འཕྲུལ་ཡང་ཉམས་པ་མེད། ཤེས་རབ་ཀྱང་ཉམས་པ་མེད་དོ། ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ནི་ཡེ་ཤེས་ཀྱི་སྣང་བ་འདི་ཉིད་ཀྱིས། འཇིག་རྟེན་གྱི་ཁམས་མི་མཇེད་འདི་ནི་སྣང་ངོའཇིག་རྟེན་གྱི་ཁམས་གཞན་དག་གངྒཱའི་ཀླུང་གི་བྱེ་མ་སྙེད་དག་ན་བྱང་ཆུབ་སེམས་དཔའ་འདུལ་བའི་སེམས་ཅན་རྣམས་འདི་བྱང་ཆུབ་སེམས་དཔའི་གཟུགས་ཀྱིས་ཆོས་སྟོན་ཏོ། ། ཉན་ཐོས་ཀྱི་གཟུགས་ཀྱིས་འདུལ་བའི་སེམས་ཅན་རྣམས་ལ་ཉན་ཐོས་ཀྱི་གཟུགས་ཀྱིས་ཆོས་སྟོན་ཏོ།། རང་སངས་རྒྱས་ཀྱིས་འདུལ་བའི་སེམས་ཅན་རྣམས་ལ། རང་སངས་རྒྱས་ཀྱི་གཟུགས་ཀྱིས་ཆོས་སྟོན་ཏོ། ། དེ་བཞིན་གཤེགས་པའི་གཟུགས་ཀྱིས་འདུལ་བའི་སེམས་ཅན་རྣམས་ལ། དེ་བཞིན་གཤེགས་པའི་གཟུགས་ཀྱིས་ཆོས་སྟོན་ཏོ།། དེ་བཞིན་གཤེགས་པའི་རིང་བསྲེལ་གྱི་བར་གྱིས་འདུལ་བའི་སེམས་ཅན་རྣམས་ལ། དེ་བཞིན་གཤེགས་པའི་རིང་བསྲེལ་སྟོན་ཏོ།། ཡོངས་སུ་མྱ་ངན་ལས་འདའ་བའི་བར་གྱིས་འདུལ་བའི་སེམས་ཅན་རྣམལ། བདག་ཡོངས་སུ་མྱ་ངན་ལས་འདས་པར་སྟོན་ཏོ།། པདྨའི་དཔལ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ནི་ཡེ་ཤེས་ཀྱི་སྟོབས་བསྐྱེད་པ་ཐོབ་པའོ། ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་སང་སང་པོའི་དབྱངས་དགེ་བའི་རྩ་བ་བསྐྲུན་པ་འདི་བཅོམ་ལྡན་འདས་ཏིང་ངེ་འཛིན་གང་ལ་གནས་ཏེ། བྱང་ཆུབ་སེམས་དཔའ་སེམས།། དཔའ་ཆེན་པོ་སང་སང་པོའི་དབྱངས་ཀྱིས་སེམས་ཅན་དེ་སྙེད་བཏུལ་བའི་ཏིང་ངེ་འཛིན་དེ་གང་ལགས། དེ་སྐད་ཅེས་གསོལ་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་ཏིང་ངེ་འཛིན་གང་ལགནས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ཀྱིས་འདི་ལྟར་སེམས་ཅན་དཔག་ཏུ་མེད་པའི་དོན་བྱས་པ་ནི།། གཟུགས་ཐམས་ཅད་ཡང་དག་པར་སྟོན་བ་ཞེས་བྱ་བའི་ཏིང་ངེ་འཛིན་འདི་ཡིན་ནོ། ། སང་སང་པོའི་དབྱངས་ཀྱིས་ལེའུ་འདི་བཤད་པ་ན། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་དང་ལྷན་ཅིག་ཏུ་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་གང་དག་འཇིག་རྟེན་གྱི་ཁམས་མི་མཇེད་འདིར་ལྷགས་པ་དེ་དག་ཐམས་ཅད་ཀྱིས། གཟུགས་ཐམས་ཅད་ཡང་དག་པར་སྟོན་པའི་ཏིང་ངེ་འཛིན་ཐོབ་པར་གྱུར་ཏོ། ། འཇིག་རྟེན་གྱི་ཁམས་མི་མཇེད་འདི་ན་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་བགྲང་བ་ལས་འདས་པ་དེ་དག་གིས་ཀྱང་གཟུགས་ཐམས་ཅད་ཡང་དག་པ་སྟོན་པའི་ཏིང་ངེ་འཛིན་ཐོབ་པར་གྱུར་ཏོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་ཀྱིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་གི་རིང་བསྲེལ་གྱི་མཆོད་རྟེན་ལ་ཡངས་ཤིང་རྒྱ་ཆེ་བའི་མཆོད་པ་བྱས་ནས། རིན་པོ་ཆེ་སྣ་བདུན་གྱི་ཁང་པ་བརྩེགས་པར་ཞུགས་ཏེ། ཞིང་རྣམས་ནི་རབ་ཏུ་གཡོས་པར་བྱེད་པདྨའི་ཆར་ནི་རབ་ཏུ་འབེབས། སིལ་སྙན་བྱེ་བ་ཁྲག་ཁྲིག་བརྒྱ་སྟོང་ནི་ལེན་ཅིང་། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞིས་ཡོངས་སུ་བསྐོར་ཏེ་མདུན་དུ་བདར་ནས། ལྷན་ཅིག་ཏུ་སླར་རང་གི་སངས་རྒྱས་ཀྱི་ཞིང་དུ་སོང་སྟེ་ཕྱིན་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་འདབ་མ་དྲི་མ་མེད་པ་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་འཇིག་རྟེན་གྱི་ཁམས་མི་མཇེད་དུ་བདག་གིས་སེམས་ཅན་གྱི་དོན་བགྱིས་སོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་གི་རིང་བསྲེལ་གྱི་མཆོད་རྟེན་ཡང་མཐོང་ངོ་།། ཕྱག་ཀྱང་བགྱིས་སོ། ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ཡང་མཐོང་སྟེ། ཕྱག་ཀྱང་བགྱིས་སོ།། འཇམ་དཔལ་གཞོན་ནུར་གྱུར་པ་དེ་ཡང་མཐོང་ངོ་།། བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་རྒྱལ་པོ་བརྩོན་འགྲུས་ཀྱི་སྟོབས་ཀྱི་ཤུགས་ཐོབ་པ་དེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་སྦྱིན་པ་དེ་ཡང་མཐོང་ངོ་།། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་པོ་དེ་དག་ཐམས་ཅད་ཀྱིས་ཀྱང་། གཟུགས་ཐམས་ཅད་ཡང་དག་པར་སྟོན་པའི་ཏིང་ངེ་འཛིན་ཐོབ་པར་གྱུར་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་འགྲོ་བ་དང་འོང་བའི་ལེའུ་འདི་བཤད་པ་ན། བྱང་ཆུབ་སེམས་དཔའ་བཞི་ཁྲི་ཉིས་སྟོང་གིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱིས་ཀྱང་། དམ་པའི་ཆོས་པདྨ་དཀར་པོའི་ཏིང་ངེ་འཛིན་ཐོབ་པར་གྱུར་ཏོ།། སང་སང་པོའི་དབྱངས་ཀྱི་ལེའུ་ཞེས་བྱ་བ་སྟེ། ཉི་རྩ་གསུམ་པའོ། ། །། བམ་པོ་བཅུ་གསུམ་པ་སྟེ་ཐ་མའོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག། དེ་ཅིའི་སླད་དུ་སྤྱན་རས་གཟིགས་དབང་ཕྱུག་ཅེས་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་འདི་ལ་སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཇི་སྐད་ཅིག་སྡུག་བསྔལ་གང་དག་མྱོང་བར་གྱུར་པ་དེ་དག་གིས་གལ་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གི་མིང་ཐོས་ན་དེ་ངག་ཐམས་ཅད་སྡུག་བསྔལ་གྱི་ཕུང་པོ་དེ་ལས་ཡོངས་སུ་ཐར་བར་འགྱུར་རོ། ། རིགས་ཀྱི་བུ་སེམས་ཅན་གང་དག་བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་གི་མིང་འཛིན་པ་དེ་དག་གལ་ཏེ། མེའི་ཕུང་པོ་ཆེན་པོར་ལྷུང་ན་ཡང་དེ་དག་ཐམས་ཅད་བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་གི་གཟི་བརྗིད་ཀྱིས། མེའི་ཕུང་པོ་ཆེན་པོ་དེ་ལས་རབ་ཏུ་ཐར་བར་འགྱུར་རོ།། རིགས་ཀྱི་བུ་གལ་ཏེ། ཆུ་ཀླུང་དག་གིས་ཁྱེར་ལ། བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་ལ་བོས་ན། ཆུ་ཀླུང་དེ་དག་ཐམས་ཅད་ཀྱིས་སེམས་ཅན་དེ་དག་ཐམས་ཅད་གཏི་ས་ཚུགས་པར་བྱེད་དོ།། རིགས་ཀྱི་བླ་གལ་ཏེ། སེམས་ཅན་བྱེ་བ་ཁྲག་ཁྲིག་བརྒྱ་སྟོང་རྒྱ་མཚོའི་ནང་དུ་གྲུར་ཞུགས་ཏེ། འགྲོན་བུ་དང་། གསེར་དང་། ནོར་བུ་དང་། བཻ་ཌཱུཪྻ་དང་། དུང་དང་། མན་ཤེལ་དང་། རྡོའི་སྙིང་པོ་དང་། བྱི་རུ་དང་། སྤུག་དང་མུ་ཏིག་དམར་པོ་ལ་སོགས་པའི་ཕྱིར་དོང་བ་དེ་རྣམས་རླུང་ནག་པོས། སྲིན་མོའི་གླིང་དུ་འཕངས་པར་གྱུར་ལ། དེ་ནས་སེམས་ཅན་གཅིག་འགའ་ཞིག་གིས་སྤྱན་རས་གཟིགས་དབང་ཕྱུག་ལ་བོས་ན། དེ་དག་ཐམས་ཅད་སྲིན་མོའི་གླིང་དེ་ནས་ཐར་བར་འགྱུར་རོ།། རིགས་ཀྱི་བུ་དེའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཅེས་བཏགས་སོ། ། རིགས་ཀྱི་བུ་གལ་ཏེ། བསད་པར་བསྐོར་བ་ལས་སྤྱན་རས་གཟིགས་དབང་ཕྱུག་ལ་བོས་ན། གཤེད་མ་དེ་དག་གི་མཚོན་ཆ་དུམ་བུ་དུམ་བུར་ཆག་ཅིང་ཟུག་པར་འགྱུར་རོ།། རིགས་ཀྱི་བུ་གལ་ཏེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གནོད་སྦྱིན་དང་སྲིན་པོས་གང་བར་གྱུར་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་གི་མིང་འཛིན་པ་ལ་དེ་དག་ཐམས་ཅད་ཀྱིས་སྡང་བའི་སེམས་ཀྱིས་བལྟ་ཡང་མི་ཕོད་དོ། ། རིགས་ཀྱི་བུ་སེམས་ཅན་ལ་ལ་ལྕགས་སྒྲོག་དང་། ཤིང་སྒྲོག་ཏུ་བཅུག་པར་གྱུར།། ན་ཉེས་ཡོད་ཀྱང་རུང་ཉེས་མེད་ཀྱང་རུང་བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་གི་མིང་ནས་ཕྱུང་བས། ལྕགས་སྒྲོག་དང་ཤིང་སྒྲོག་ཏུ་བཅུག་པ་དེ་དག་གི་བུ་ག་བྱེ་བར་འགྱུར་རོ། ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གི་མཐུ་ནི་དེ་འདྲའོ།། རིགས་ཀྱི་བུ་གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གཡོན་ཅན་དང་། ཆོམ་རྐུན་དང་། དགྲ་ལག་ན་མཚོན་ཆ་ཐོགས་པས་གང་བར་གྱུར་ཏེ། དེར་དེད་དཔོན་གཅིག་གིས། འདྲོན་པ་མང་པོ་ཕལ་པོ་ཆེས་ཕྱུག་པ་དེད་དེ་དོང་བ་ལས། འདོང་བ་དེ་དག་གིས་གཡོན་ཅན་དང་། ཆོམ་རྐུན་དང་། དགྲ་ལག་ན་མཚོན་ཆ་ཐོགས་པ་དེ་མཐོང་སྟེ། མཐོང་ནས་ཀྱང་འཇིགས་ཤིང་སྐྲག་སྟེ་བདག་ཅག་སྐྱབས་མེད་པར་ཤེས་པ་ལས། དེད་དཔོན་དེས་འདྲོན་པ་མང་པོ་ལ་འདི་སྐད་ཅེས་མ་འཇིགས་ཤིག། རིགས་ཀྱི་བུ་དག་མ་འཇིགས་ཤིག། མི་འཇིགས་པ་སྦྱིན་པ་བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་དེ་ལ་སྒྲ་སྐད་གཅིག་ཏུ་བོས་ཤིག་དང་། དེང་ཁྱེད་ཆོམ་རྐུན་གྱིས་འཇིགས་པ་འདི་དང་། དགྲ་ཡིས་འཇིགས་པ་འདི་ལས་ཡོངས་སུ་ཐར་བར་འགྱུར་རོ་ཞེས་བསྒོ་ལ། དེ་ནས་འདྲོན་པ་མང་པོ་ཐམས་ཅད་ཀྱིས་སྒྲ་སྐད་གཅིག་ཏུ་སྤྱན་རས་གཟིགས་དབང་ཕྱུག་པོས་ཏེ། འཇིགས་པ་མེད་པ་སྦྱིན་པ། བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་དེ་ལ་ཕྱག་འཚལ་ལོ་ཕྱག་འཚལ་ལོ་ཞེས་མིང་ནས་བྱུང་མ་ཐག་ཏུ་འདྲོན་པ་ཕལ་པོ་ཆེ་དེ་དག་འཇིགས་པ་ཐམས་ཅད་ལས་ཡོངས་སུ་ཐར་པར་གྱུར་ཏེ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་གི་མཐུ་ནི་དེ་འདྲའོ། ། རིགས་ཀྱི་བུ་སེམས་ཅན་གང་དག་འདོད་ཆགས་སྤྱད་པ་དེ་དག་གིས། བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་དེ་ལ་ཕྱག་བྱས་ན་འདོད་ཆགས་དང་བྲལ་བར་འགྱུར་རོ། ། སེམས་ཅན་གང་དག་ཞེ་སྡང་ལ་སྤྱོད་པ་དེ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དེ་ལ་ཕྱག་བྱས་ན། ཞེ་སྡང་དང་བྲལ་བར་འགྱུར་རོ།། སེམས་ཅན་གང་དག་གཏི་མུག་སྤྱད་པ་དེ་དག་གིས། བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་ལ་ཕྱག་བྱས་ན། གཏི་མུག་དང་བྲལ་བར་འགྱུར་རོ།། རིགས་ཀྱི་བུ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་ནི་རྫུ་འཕྲུལ་ཆེ་བའོ།། རིགས་ཀྱི་བུ་སུ་བུད་མེད་བུ་འདོད་པ་གང་ལ་ལ་བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་ལ་ཕྱག་འཚལ་ན། དེ་ལས་བུ་ཕོ་འབྱུང་སྟེ། གཟུགས་བཟང་བ་མཛེས་ལ་བལྟ་ན་སྡུག་པ་ཁྱེའུ་ཡི་མཚན་དང་ལྡན་པ། སྐྱེ་བོ་མང་པོའི་ཡིད་དུ་འོང་ཞིང་སྡུག་པ་དགེ་བའི་རྩ་བ་བསྐྱེད་པ་འབྱུང་ངོ་།། གང་བུ་མོ་འདོད་པ་དེ་ཡང་བུ་མོ་འབྱུང་སྟེ། གཟུགས་བཟང་བ་མཛེས་པ་བལྟ་ན་སྡུག་པ་བུ་མོའི་མཚན་དང་ལྡན་པ་སྐྱེ་བོ་མང་པོའི་ཡིད་དུ་འོང་ཞིང་སྡུག་པ་དགེ་བའི་རྩ་བ་བསྐྱེད་པར་འབྱུང་ངོ་། ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་གི་མཐུ་ནི་དེ་འདྲའོ།། གང་དག་བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་ར་ས་གཟིགས་དབང་ཕྱུག་ལ་ཕྱག་འཚལ་བ་དེ་དག་དོན་ཡོད་པའི་འབྲས་བུར་འགྱུར་རོ། ། རིགས་ཀྱི་བུ་གང་ཞིག་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་ཕྱག་འཚལ་ཞིང་མིང་འཛིན་པ་གང་ཞིག་སངས་ར་གྱས་བཅོམ་ལྡན་འདས་གངྒཱའི་ཀླུང་དྲུག་ཅུ་རྩ་གཉིས་ཀྱི་བྱེ་མ་སྙེད་དག་ལ་ཕྱག་འཚལ་ཞིང་མིང་འཛིན་པ་དང་ཡང་གང་ཞིག་སངས་རྒྱས་བཅོམ་ལྡན་འདས་གངྒཱའི་ཀླུང་དྲུག་ཅུ་རྩ་གཉིས་ཀྱི་བྱེ་མ་སྙེད་བཞུགས་ཏེ། འཚོ་ཞིང་གཞེས་པ་དེ་དག་ལ། ན་བཟའ་དང་། བསོད་སྙོམས་དང་། གཟིམས་ཆ་དང་། སྙུན་གྱི་གསོས་སྨན་དང་། ཡོ་བྱད་ཀྱིས་མཆོད་པ་བྱེད་ན། རིགས་ཅིཐ་ད་རྒྱས་། ཟླུ་། ད་ས་ས་དས་པས་མས་ད་མྱུང་བྱེ་བ་། བྱུང་ཆུབ་སེམས་དཔའ་སེམས་དཔའ་ར་པ་ཟླམས་མི་བང་བས། བཅོམ་ལྡན་འདས་ས་འདི་གད་ཅེས་འཚལ་ཏོ།། རིགས་ཀྱི་བུ་འཛི་ས་ཀྱི་དུ་མ་དང་ས་བསོད་ནམས་སྐྱེད་པ་ནི། བཅོམ་ལྡན་འདས་མང་ལགས་སོ།། བདེ་བར་གཤེགས་པ་མང་ལགས་སོ།། བཅོམ་ལྡན་འདས་ཀྱིས་བཀརའ་སྤྲུལ་བྱ། རིགས་ཀྱི་ཟླ་གང་གིས་སངས་རྒྱས་ལྡན་འདས་དེ་སྙེད་ལ་བཀུར་སྟི་བྱས་པའི་བསོད་ནམས་མངོན་པར་འདུ་བྱེད་པ་དང་། གང་གིས་ཐ་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུས་ལ་ཕྱག་ལན་གཅིག་བྱས་པ་དང་། མིང་འཛིན་པ་བསོད་ནམས་མངོན་པར་འདུ་བྱེད་པ་གཉིག་མཉམ་སྟེ། ལྷག་པ་ཡང་མེད་འཕགས་པ་ཡང་མེད་དེ། གང་གིས་སངས་རྒྱས་བཅོམ་ལྡན་འདས་ཀཱངྒཱའི་ཀླུང་དྲུག་ཅུ་རྩ་གཉིས་ཀྱི་བྱེ་མ་སྙེད་ལ་ཕྱག་འཚལ་ཞིང་མིང་འཛིན་པ་དང་། གང་བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུག་ལ་ཕྱག་འཚལ་ཞིང་མིང་འཛིན་པའི་བསོང་རྣམས་ཀྱི་ཕུང་པོ་དེགཉིག་དེ་བསལ་པ་བྱེ་བ་ཁྲག་ཁྲིག་འཆ་སོང་ངམར་ཡང་ཟང་བར་བྱ་བ་ས་པ་མ་ཡིན་ནོ། ། རིགས་ཀྱི་ཐ་བྱང་ཆུབ་སེམས་དཔའ་སེམས་ཆེན་པོ་སྤྱན་རས་གཟིགས་དབང་ཕྱུག་གི་མི་འཛིན་པ་དེ་དག་གི་བསོད་ནམས་དེ་ལྟར་དཔག་ཏུ་མེད་དོ། ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པས་འདི་སྐད་ཅེས་གསོལ་ཏོ། ། བཅོམ་ལྡན་འདས་ཇི་ལྟར། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་འཇིག་རྟེན་གྱི་ཁམས་མི་མཇེད་འདི་ན་རྣམ་པར་རྒྱུ། ཇི་ལྟར་སེམས་ཅན་རྣམས་ལ་ཆོས་སྟོན། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གི་ཐབས་མཁས་པའི་ཡུལ་ནི་ཅི་འདྲ་བ་ཞིག་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་གང་དག་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སངས་རྒྱས་ཀྱི་གཟུགས་ཀྱིས་སེམ་ཅན་རྣམ་ལ་ཆོས་སྟོན་པའི་འཇིག་རྟེན་གྱི་ཁམས་དག་ཡོད་དོ། ། གང་དག་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་བྱང་ཆུབ་སེམས་དཔའི་གཟུགས་ཀྱི་ཆོས་སྟོན་པའི་འཇིག་རྟེན་གྱི་ཁམས་དག་ཀྱང་ཡོད་དོ།། སེམས་ཅན་ཁ་ཅིག་ལ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་རང་སངས་རྒྱས་ཀྱི་གཟུགས་ཀྱི་ཆོས་སྟོན་ཏོ། ། ཁ་ཅིག་ལ་ནི་ཉན་ཐོས་ཀྱི་གཟུགས་ཀྱིས། ། ཁ་ཅིག་ལ་ནི་ཚངས་པའི་གཟུགས་ཀྱིས། ཁ་ཅིག་ལ་ནི་བརྒྱ་བྱིན་གྱི་གཟུགས་ཀྱིས། སེམས་ཅན་ཁ་ཅིག་ལ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དྲི་ཟའི་གཟུགས་ཀྱི་ཆོས་སྟོན་ཏོ། ། གནོད་སྦྱིན་གྱིས་འདུལ་བའི་སེམས་ཅན་རྣམས་ལ་ནི། གནོད་སྦྱིན་གྱི་གཟུགས་ཀྱིས་ཆོས་སྟོན་ཏོ།། དབང་ཕྱུག་གིས་འདུལ་བའི་སེམས་ཅན་རྣམས་ལ་ནི། དབང་ཕྱུག་གི་གཟུགས་ཀྱིས་ཆོས་སྟོན་ཏོ།། དབང་ཕྱུག་ཆེན་པོས་འདུལ་བའི་སེམས་ཅན་རྣམས་ལ་ནི་དབང་ཕྱུག་ཆེན་པོའི་གཟུགས་ཀྱིས་ཆོས་སྟོན་ཏོ།། འཁོར་ལོས་སྒྱུར་བའི་རྒྱལ་པོས་འདུལ་བའི་སེམས་ཅན་རྣམས་ལ་ནི། འཁོར་ལོས་སྒྱུར་བའི་རྒྱལ་པོའི་གཟུགས་ཀྱི་ཆོས་སྟོན་ཏོ།། ཤ་ཟས་འདུལ་བའི་སེམས་ཅན་རྣམས་ལ་ནི་ཤ་ཟའི་གཟུགས་ཀྱིས་ཆོས་སྟོན་ཏོ། ། མཆོག་གིས་འདུལ་བའི་སེམས་ཅན་རྣམས་ལ་ནི། མཆོག་གི་གཟུགས་ཀྱིས་ཆོས་སྟོན་ཏོ།། དམག་དཔོན་གྱིས་འདུལ་བའི་སེམས་ཅན་རྣམས་ལ་ནི་དམག་དཔོན་གྱི་གཟུགས་ཀྱིས་ཆོས་སྟོན་ཏོ། ། བྲམ་ཟེས་འདུལ་བའི་སེམས་ཅན་རྣམས་ལ་ནི། བྲམ་ཟེས་གཟུགས་ཀྱིས་ཆོས་སྟོན་ཏོ།། ལག་ན་རྡོ་རྗེས་འདུལ་བའི་སེམས་ཅན་རྣམས་ལ་ནི་ལག་ན་རྡོ་རྗེས་གཟུགས་ཀྱི་ཆོས་སྟོན་ཏོ། ། རིགས་ཀྱི་བུ་དག་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཡོན་ཏན་བསམ་གྱིས་མི་ཁྱབ་པ་དང་ལྡན་ནོ།། རིགས་ཀྱི་བུ་དེ་ལྟ་བས་ན། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་མཆོད་ཅིག། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་འདི་འཇིགས་པའི་སེམས་ཅན་རྣམས་ལ་མི་འཇིགས་པ་སྦྱིན་པ་སྟེ། དེའི་ཕྱིར་འཇིག་རྟེན་གྱི་ཁམས་མི་མཇེད་འདི་ན། མི་འཇིགས་པ་སྦྱིན་པ་ཞེས་ཀུན་གྱིས་ཤེས་སོ།། དེ་ནས་བཅོམ་ལྡན་འདས་ལ་བློ་གྲོས་མི་ཟད་པས་འདི་སྐད་ཅེས་གསོལ་པ་སྟེ། བཅོམ་ལྡན་འདས་བདག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་ཆོས་ཀྱིས་དགའ་བ་སྩལ་བར་བགྱིའོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེའི་དུས་ལ་བབ་པར་ཤེས་ན་བྱིན་ཅིག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པས་བདག་གི་མགུལ་ནས། སྲང་བརྒྱ་སྟོང་རི་བའི་མུ་ཏིག་གི་དོ་ཤལ་བཀྲོལ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་ཆོས་ཀྱི་དགའ་བ་བྱིན་ཏེ། སྐྱེས་བུ་དམ་པ་བདག་ལས་ཆོས་ཀྱི་དགའ་བ་འདི་ལོང་ཤིག་དེས་མ་བླངས་ནས། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ།། རིགས་ཀྱི་བུ་ཁྱོད་ཀྱིས་མུ་ཏིག་གི་དོ་ཤལ་འདི་བདག་ལ་སྙིང་བརྩེ་བའི་ཕྱིར་ལོང་ཤིག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པ་ལ་སྙིང་བརྩེ་བ་དང་། འཁོར་བཞི་པོ་དེ་དག་དང་། ལྷ་དང་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའི་ལྡིང་དང་། མི་འམ་ཅི་དང་ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ལ་སྙིང་བརྩེ་བའི་ཕྱིར། བྱང་ཆུབ་སེམས་དཔའ་སེམས་ཆེན་པོ། བློ་གྲོས་མི་ཟད་པ་ལས་མུ་ཏིག་གི་དོ་ཤལ་བླངས་སོ།། བླངས་ནས་ཆ་གཉིས་སུ་བགོས་ཏེ། བགོས་ནས་ཆ་གཅིག་ནི་བཅོམ་ལྡན་འདས་ཤཱཀྱ་ཐུབ་པ་ལ་ཕུལ་ལོ།། ཆ་གཅིག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་མཆོད་རྟེན་ལ་ཕུལ་ལོ། ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་འཇིག་རྟེན་གྱི་ཁམས་མི་མཇེད་འདི་ན་དེ་ལྟ་བུའི་རྣམ་པར་འཕྲུལ་བས་རྣམ་པར་རྒྱུའོ། ། དེ་ལ་དེའི་ཆོས་ཉིད་ནི་འདི་སྐད་ཅེས་བྱའོ།། རྒྱལ་མཚན་ཁྲོ་བོས་བློ་གྲོས་མི་ཟད་ལ།། དེ་ཡི་དོན་གྱི་སྒྲ་ནི་ཀུན་དྲིས་པ།། རྒྱལ་བའི་སྲས་པོ་འདི་ལྟར་ཡི་ཕྱིར། ། སྤྱན་རས་གཟིགས་ཀྱི་དབང་པོ་ཞེས་འདི་བགྱི།། དེས་ནི་དེ་ཡི་ཕྱོགས་རྣམས་ཀུན་བསྡུས་ཏེ།། སྨོན་ལམ་རྒྱ་མཚོ་བློ་གྲོས་མི་ཟད་པས།། རྒྱལ་མཚན་ཁྲོ་བོ་དེ་ལ་འདི། སྐད་སྨྲས།། སྤྱན་རས་གཟིགས་ཀྱི་དབང་པོའི་སྤྱོད་པ་རྐོན།། བསྐལ་པ་བསམ་ཡས་བྱེད་དུ་མ་བརྒྱར།། སངས་རྒྱས་སྟོང་ཕྲག་བྱེ་བ་མང་པོ་ལ།། སྨོན་ལམ་ཇི་ལྟར་རབ་ཏུ་རྣམ་པར་སྦྱངས། ། དེ་དག་ཁོ་བོས་རབ་ཏུ་བཤད་ཀྱིས་ཉོན།། མཉན་པར་བྱས་སམ་འོན་ཏེ་ལྟ་བར་བྱེད།། རིམ་གྱིས་དེ་ལྟར་རྗེས་སུ་དྲན་པ་ཡང་།། སྲོག་ཆགས་རྣམས་ནི་འབྲས་བུ་ཡོད་པར་འགྱུར། ། སྡུག་བསྔལ་སྦྲིད་པ་མྱ་ངན་ཀུན་སེལ་བྱེད།། གལ་ཏེ་གསོད་པས་མེ་ཡི་དོང་དུ་ཡང་།། བསད་པར་བྱ་ཕྱིར་བཏང་བའི་ཡིད་ཀྱིས་ནི།། སྤྱན་རས་གཟིགས་ཀྱི་དབང་པོ་དྲནཱ་ན་ནི། ། ཆུས་བཏབ་བཞིན་དུ་མེ་དག་ཞི་བར་འགྱུར།། རྒྱ་མཚོ་དང་ནི་མི་ངན་རྒལ་ན་ཡང་།། ཀླུ་དང་འབྱུང་པོ་ལྷ་མ་ཡིན་གནས་སུ།། སྤྱན་རས་གཟིགས་ཀྱི་དབང་པོ་དྲན་ན་ནི།། ཆུ་ཡི་རྒྱལ་པོ་རྣམས་ཀྱང་མི་ནུབ་བོ།། རབ་ཏུ་སྡང་བའི་ཡིད་ཀྱིས་བསད་པའི་ཕྱིར།། རི་རབ་ལྷུན་པོའི་རྩ་ནས་བོར་ན་ཡང་།། སྤྱན་རས་གཟིགས་ཀྱི་དབང་པོ་དྲན་ན་ནི།། ཉི་མ་ལྟ་བུར་ནམ་མཁའ་གནས་པར་འགྱུར། ། གལ་ཏེ་རྡོ་རྗེ་ཡི་ནི་རི་དག་ཀྱང་།། བསད་པའི་ཕྱིར་ནི་སྤྱི་བོར་འོངས་ན་ཡང་།། སྤྱན་རས་གཟིགས་ཀྱི་དབང་པོ་དྲན་ན་ནི།། བ་སྤུའི་ཁུང་ཙམ་གཙེས་པར་མི་ནུས་སོ། ། བསད་པའི་སེམས་ཀྱིས་ལག་ན་མཚོན་ཐོགས་ཏེ།། དགྲ་ཚོགས་མང་པོའི་ཀུན་ཏུ་བསྐོར་ན་ཡང་།། སྤྱན་རས་གཟིགས་ཀྱི་དབང་པོ་དྲན་ན་ནི།། དེ་མ་ཐག་ཏུ་བྱམས་པའི་སེམས་སུ་འགྱུར། ། གལ་ཏེ་བསད་པ་ཉེ་བར་འོངས་ནས་སུ།། གཤེད་མ་མཱི་ཡི་དབང་དུ་གྱུར་ན་ཡང་།། སྤྱན་རས་གཟིགས་ཀྱི་དབང་པོ་དྲན་ན་ནི། ། དེ་ཡི་མཚོན་ཆ་དུམ་བུར་དུམ་བུར་འགྱུར།། དེ་སྟེ་ཤིང་ངམ་ལྕགས་ལས་བྱས་པ་ཡི།། ཁོང་སྒྲིལ་དང་ནི་གདོས་ཀྱིས་བཅིངས་ན་ཡང་།། སྤྱན་རས་གཟིགས་ཀྱི་དབང་པོ་དྲན་ན་ནི། ། བཅིངས་པ་མྱུར་དུ་རྣམ་པར་ཆད་པར་འགྱུར།། སྔགས་དང་སྟོབས་དང་སྨན་དང་རིག་སྔགས་དང་།། རོ་ལངས་པ་དང་འབྱུང་པོ་ལུས་འཇིགས་པ།། སྤྱན་རས་གཟིགས་ཀྱི་དབང་པོ་དྲན་ན་ནི། ། གང་ནས་རབ་ཏུ་བཏང་བ་དེར་སླར་འགྲོ།། གནོད་སྦྱིན་ལྷ་མིན་འབྱུང་པོ་ཀླུ་འབར་བ།། མདངས་འཕྲོག་པ་ཡིས་ཡོངས་སུ་བསྐོར་ན་ཡང་། སྤྱན་རས་གཟིགས་ཀྱི་དབང་པོ་དྲན་ན་ནི། ། བ་སྤུ་ཁུང་ཙམ་གཙེས་པར་ཡོང་མི་ནུས།། མཆེ་བ་སེན་རྣོན་རབ་ཏུ་འཇིགས་པ་ཡི།། གཅན་གཟན་མ་རུངས་པ་ཡིས་བསྐོར་ན་ཡང་།། སྤྱན་རས་གཟིགས་ཀྱི་དབང་པོ་དྲན་ན་ནི། ། མྱུར་བར་ཕྱོགས་ཀུན་ཏུ་ཡང་འགྲོ་བར་འགྱུར།། མིག་འཇིགས་མེ་ལྕེ་ལྟ་བུར་འོད་འཕྲོ་བ།། མིག་དུག་ཅན་གྱི་ཡོངས་སུ་བསྐོར་ན་ཡང་།། སྤྱན་རས་གཟིགས་ཀྱི་དབང་པོ་དྲན་ན་ནི། ། ཤིན་ཏུ་མྱུར་བར་དུག་པོ་མེད་པར་འགྱུར།། བཟང་པོ་གློག་ཀྱང་འབྱུང་ཞིང་སྡུག་པ་ཡི།། སྤྲིན་ལས་ལྕེ་དང་སེར་བ་ཆར་འབབ་པ།། སྤྱན་རོས་གཟིགས་ཀྱི་དབང་པོ་དྲན་ན་ནི། ། དེ་མ་ཐག་ཏུ་མྱུར་བར་རབ་ཏུ་ཞི།། སྡུག་བསྔལ་མང་པོ་བརྒྱ་ཡིས་གསེས་པ་དང་།། སྡུག་བསྔལ་མང་པོས་གཟིར་བའི་སེམས་ཅན་མཐོང་།། ཡེ་ཤེས་དགེ་བའི་སྟོབས་ཀྱིས་སྤྱན་རས་གཟིགས། ། དེ་བས་ལྷ་བཅས་འགྲོ་བའི་སྐྱོབ་པ་པོ།། རྫུ་འཕྲུལ་སྟོབས་ཀྱིས་ཕ་རོལ་སོང་བ་སྟེ།། ཐབས་དང་ཡེ་ཤེས་ཡངས་པ་བསླབས་པས་མ་ཕྱོགས་བཅུའི་འགྲོ་བ་མང་པོ་ཐམས་ཅད་དང་། ། མ་ལུས་ཞིང་ཀུན་ཏུ་ཡང་རབ་ཏུ་སྣང་།། སྲོག་ཆགས་རྣམས་ཀྱི་ངན་འགྲོའི་འཇིགས་པ་དང་།། མི་ཁོམ་པ་དང་སེམས་ཅན་དམྱལ་བ་དང་།། བྱོལ་སོང་དང་ནི་གཤིན་རྗེས་བསྒོ་བ་དང་།། སྐྱེ་རྒན་པས་གཟིར་བ་མཐར་ཞི་བྱེད།། ཤིན་ཏུ་དགེ་བའི་སྤྱན་ཏེ་བྱམས་པའི་སྤྱན།། ཐབས་དང་ཤེས་རབ་ཁྱད་པར་ཡོད་པའི་སྤྱན།། སྙིང་རྗེའི་སྤྱན་དང་བྱམས་པའི་སྤྱན་དང་ལྡན།། ཞལ་བཟང་སྤྱན་བཟང་ཤིན་ཏུ་བལྟ་འདོད་པ།། དྲི་མ་མེད་པ་དྲི་མ་བྲལ་བའོ་འོད།། རབ་རིབ་མེད་པ་ཡེ་ཤེས་ཉི་མའི་འོད།། སྤྲིན་གྱིས་ཆོད་པ་མེད་པར་གྱུར་པའི་འོད། ། འཇིག་རྟེན་དག་ན་ལྷག་གེ་ལྷང་ངེར་མཛད།། སྙིང་རྗེ་ལས་བྱུང་ཚུལ་ཁྲིམས་གྲགས་པ་སྟེ།། དགེ་བའི་ཡོན་ཏན་བྱམས་ཡིད་སྤྲིན་ཆེན་པོ།། སྲོག་ཆགས་རྣམས་ཀྱི་ཉོན་མོངས་མེ་ཞི་བྱེད། ། ཆོས་ཀྱི་ཆར་པ་བདུད་རྩི་རབ་ཏུ་འབེབས།། འཐབ་མོ་དང་ནི་རྩོད་ཅིང་འགྱེད་པ་ཡི།། འཇིགས་ཆེན་གཡུལ་ངོར་སྐྱེས་བུ་སོང་ན་ཡང་།། སྤྱན་རས་གཟིགས་ཀྱི་དབང་པོ་དྲན་ན་ནི། ། དེ་མ་ཐག་ཏུ་དགྲ་རྣམས་རབ་ཏུ་ཞི།། སྤྲིན་གྱི་སྒྲ་དང་རྔ་བོ་ཆེ་ཡི་སྒྲ།། འབྲུག་གི་སྒྲ་དང་ཚངས་པའི་དབྱངས་སྙན་པ།། དབྱངས་ཀྱི་དཀྱིལ་འཁོར་ཕ་རོལ་ཕྱིན་པ་སྟེ། ། སྤྱན་རས་གཟིགས་ཀྱི་དབང་པོ་དྲན་པར་བྱ།། དག་པའི་སེམས་ཅན་སྤྱན་རས་གཟིགས་དབང་པོ།། ཐེ་ཙོམ་མ་ཟ་དྲན་བྱོས་དྲན་པར་བགྱིས།། འཆི་བའི་ཚེ་དང་ཉོན་མོངས་གཙེས་པ་ཡི། ། མགོན་དང་སྐྱབས་དང་དཔུང་གཉེན་དུ་ཡང་འགྱུར།། ཡོན་ཏན་ཐམས་ཅད་ཀྱི་ནི་ཕ་རོལ་ཕྱིན།། སེམས་ཅན་ཀུན་ལ་སྙིང་རྗེ་བྱམས་པའི་སྤྱན།། ཡང་དག་ཡོན་ཏན་ཡོན་ཏན་རྒྱ་མཚོ་ཆེ། ། སྤྱན་རས་གཟིགས་ཀྱི་དབང་པོ་ཕྱག་བྱར་འོས།། འདི་ལྟར་འགྲོ་བ་རྣམས་ལ་སྙིང་བརྩེ་བ།། ཕྱི་མའི་དུས་ན་སངས་རྒྱས་སུ་ཡང་འགྱུར།། འཇིགས་དང་མྱ་ངན་ཐམས་ཅད་འཇིག་བྱེད་པ། ། སྤྱན་རས་གཟིགས་ཀྱི་དབང་པོ་དྲན་པར་བྱ།། འཇིག་རྟེན་དབང་པོ་རྒྱལ་པོ་གཙོ་བོ་སྟེ།། དགེ་སློང་ཆོས་ཀྱི་འབྱུང་གནས་འཇིག་རྟེན་མཆོད།། བསྐལ་པ་བརྒྱ་ཕྲག་མང་པོར་སྦྱང་ནས་སུ། ། རྡུལ་བྲལ་བླ་ན་མེད་པ་བྱང་ཆུབ་ཐོབ།། འདྲེན་པ་སྣང་བ་མཐའ་ཡས་གཡས་གཡོན་ན།། གསིལ་ཡབ་ཐོགས་ཏེ་དེ་བཞིན་གཡོབ་ཅིང་འདུག། སྒྱུར་མ་ལྟ་བུའི་ཏིང་ངེ་འཛིན་གྱིས་ཀྱང་། ། ཞིང་རྣམས་ཀུན་ཏུ་སོང་ནས་རྒྱལ་བ་མཆོད།། ནུབ་ཀྱི་ཕྱོགས་ན་བདེ་བའི་འབྱུང་གནས་ཏེ།། རྡུལ་བྲལ་འཇིག་རྟེན་ཁམས་ནི་བདེ་བ་ཅན།། དེ་ན་སེམས་ཅན་ཁ་ལོ་སྒྱུར་བ་ཡི།། འདྲེན་པ་མཐའ་ཡས་པའང་དེ་ལྟར་བཞུགས། ། དེར་ནི་བུད་མེད་རྣམས་ཀྱང་མི་འབྱུང་སྟེ།། རྣམ་པ་ཀུན་ཏུ་གཡེམ་པའི་ཆོས་མེད་དོ།། རྒྱལ་བའི་སྲས་པོ་དེ་དག་རྫུས་ཏེ་སྐྱེ།། དྲི་མ་མེད་པའི་པདྨའི་སྙིང་པོར། འདུག། འདྲེན་པ་ཚེ་མཐའ་ཡས་པ་དེ་ཉིད་ཀྱང་།། པདྨའི་སྙིང་པོ་དྲི་མེད་དགའ་བ་ལ།། སེང་གེའི་ཁྲི་ལ་རབ་ཏུ་བཞུགས་པ་ཡང་།། སཱ་ལའི་རྒྱལ་པོ་ལྟ་བུར་རྣམ་པར་མཛེས།། འཇིག་རྟེན་འདྲེན་པའི་འདི་སང་དེ་བཞིན་ཏེ། ། སྲིད་པ་གསུམ་ན་དེ་འདྲ་ཡོང་མེད་དོ།། གང་གིས་སྤྱན་རས་གཟིགས་དབང་མིང་ཐོས་པ།། དེ་ཡི་བསོད་ནམས་དག་ནི་མི་ཟད་འགྱུར།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་བོས་འཛིན་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་སུ་དག་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་ཕྱུག་གི་ལེའུ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གི་རྣམ་པར་འཕྲུལ་པ་བསྟན་པ་ཀུན་ནས་སྒོའི་ལེའུ་སྤྱན་རས་གཟིགས་དབང་ཕྱུག་གི་རྣམ་པར་སྤྲུལ་པའི་ཆོ་འཁྲུལ་འདི་ཐོས་པའི་སེམས་ཅན་དེ་དག་ནི། ། དགེ་བའི་རྩ་བ་དམ་དོན་དང་ལྡན་པ་མ་ལགས་སོ། ། ཀུན་ནས་སྒོའི་ལེའུ་བསྟན་པ་འདི་བཅོམ་ལྡན་འདས་ཀྱི་བཤད་པ་ན། འཁོར་དེ་ལས་སྲོག་ཆགས་བརྒྱད་ཁྲི་བཞི་སྟོང་གིས་མི་མཉམ་པ་དང་མཉམ་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། ། སྤྱན་རས་གཟིགས་དབང་ཕྱུག་གི་རྣམ་པར་འཕྲུལ་པ་བསྟན་པ་ཀུན་ནས་སྒོའི་ལེའུ་ཞེས་བྱ་བ་སྟེ་ཉི་ཤུ་རྩ་བནི་པའོ། ། ། དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་ལ་བཀའ་སྩལ་པ། རིགས་ཀྱི་བུ་དག་སྔོན་བྱུང་བ་འདས་པའི་དུས་ན་བསྐལ་པ་ག་རངས་མེད་པར་གྱུར་པ་དེའི་ཚེ་དེའི་དུས་ན་བསྐལ་པ་མཐོང་ན་དགའ་བ་ལ་འཇིག་རྟེན་གྱི་ཁམས་རྣམ་པར་སྣང་བའི་འོད་ཟེར་གྱིས་བརྒྱན་པར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འབྲུག་སྒྲ་དབྱངས་སྤྱན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་ཞེས་བྱ་བ་འཇིག་རྟེན་དུ་བྱུང་ངོ་། ། དེ་བཞིན་གཤེགས་པ་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་གསུང་རབ་ལ། རྒྱལ་པོ་དགེ་བ་བཀོད་པ་ཞེས་བྱ་བ་བྱུང་སྟེ། རིགས་ཀྱི་བུ་དག་རྒྱལ་པོ་དགེ་བ་བཀོད་པ་དེའི་ཆུང་མ་དྲི་མ་མེད་པས་བྱིན་པ་ཞེས་བྱ་བ་ཞིག་ཡོད་དོ།། རིགས་ཀྱི་བུ་དག་རྒྱལ་པོ་དགེ་བ་བཀོད་པ་དེ་ལ་བུ་གཉིས་ཡོད་དོ། ། གཅིག་གི་མིང་ནི་དྲི་མ་མེད་པའི་སྙིང་པོ། གཅིག་གི་མིང་ནི་དྲི་མ་མེད་པའི་མིག་སྟེ། ཁྱེའུ་དེ་གཉིས་རྫུ་འཕྲུལ་དང་ལྡན། ཤེས་རབ་དང་ལྡན། བསོད་ནམས་དང་ལྡན། ཡེ་ཤེས་དང་ལྡན་ཏེ། བྱང་ཆུབ་སེམས་དཔའི་སྤྱོད་པ་ལ་བརྩོན་པར་གྱུར་ཏོ།། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཐབས་མཁས་པའི་ཕ་རོལ་ཏུ་ཕྱིན་པ་དང་། བྱམས་པ་དང་། སྙིང་རྗེ་དང་དགའ་བ་དང་བཏང་སྙོམས་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་པོ་དག་ལ་བརྩོན་པར་གྱུར་ཏེ། ཐམས་ཅད་ཀྱི་ཕ་རོལ་ཏུ་སོན་པར་གྱུར་ཏོ།། དྲི་མ་མེད་པའི་ཏིང་ངེ་འཛིན་གྱི་ཕ་རོལ་ཏུ་སོང་ངོ་། ། རྒྱུ་སྐར་དང་སྐར་མ་དང་ཉི་མའི་ཏིང་ངེ་འཛིན་གྱི་ཕ་རོལ་ཏུ་སོང་ངོ་།། དྲི་མ་མེད་པའི་འོད་ཀྱི་ཏིང་ངེ་འཛིན་གྱི་ཕ་རོལ་ཏུ་སོང་ངོ་།། དྲི་མ་མེད་པའི་འོད་གསལ་བའི་ཏིང་ངེ་འཛིན་གྱི་ཕ་རོལ་ཏུ་སོང་ངོ་། ། དཔའ་པའི་རྒྱན་གྱི་ཏིང་ངེ་འཛིན་གྱི་ཕ་རོལ་ཏུ་སོང་ངོ་།། གཟི་བརྗིད་ཆེན་པོའི་སྙིང་པོའི་ཏིང་ངེ་འཛིན་གྱི་ཕ་རོལ་ཏུ་སོང་བར་གྱུར་ཏོ།། བཅོམ་ལྡན་འདས་དེ་ཡང་དེའི་ཚེ་དེའི་དུས་ན་སེམས་ཅན་དེ་དག་ལ་ཐུགས་བརྩེ་བ་དང་། རྒྱལ་པོ་དགེ་བ་བཀོད་པ་དེ་ལ་ཐུགས་བརྩེ་བའི་ཕྱིར། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་སྟོན་ཏོ།། རིགས་ཀྱི་བུ་དག་དེ་ནས་ཁྱེའུ་དྲི་མ་མེད་པའི་སྙིང་པོ་དང་། ཁྱེའུ་དྲི་མ་མེད་པའི་མིག་བདག་ཅག་སྐྱེད་པའི་མ་ག་ལ་བ་དེར་སོང་སྟེ། ཕྱིན་ནས་སོར་མོ་བཅུ་ཐལ་མོ་སྦྱར་ཏེ་བདག་ཅག་སྐྱེད་པའི་མ་ལ་འདི་སྐད་ཅེས་སྨྲས་སོ།། ཡུམ་ཚུར་སྤྱོན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་དེ་ལ་བལྟ་བ་དང་། ཕྱག་བགྱི་དང་། བསྙེན་བཀུར་བགྱི་བའི་སླད་དུ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་དེའི་དྲུང་དུ་བཞུང་ངོ་།། དེ་ཅིའི་སླད་དུ་ཞེ་ན། ཡུམ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་དེ་ལྷ་དང་བཅས་པའི་འཇིག་རྟེན་གྱི་མདུན་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་རྒྱས་པར་རབ་ཏུ་འཆད་ཀྱིས་དེ་མཉན་པའི་ཕྱིར་བཞུད་དོ། ། རིགས་ཀྱི་བུ་དག་དེ་སྐད་ཅེས་སྨྲས་ནས། རྒྱལ་པོའི་ཆུང་མ་དྲི་མ་མེད་པས་བྱིན་པ་ཁྱེའུ་དྲི་མ་མེད་པའི་སྙིང་པོ་དང་། དྲི་མ་མེད་པའི་མིག་ལ་འདི་སྐད་ཅེས་སྨྲས་སོ།། རིགས་ཀྱི་བུ་དག་ཁྱེད་ཀྱི་ཕ་རྒྱལ་པོ་དགེ་བ་བཀོད་པ་འདི་བྲམ་ཟེ་ལ་དད་པས་དེ་བཞིན་གཤེགས་པ་དེ་ལ་བལྟ་བའི་ཕྱིར་འགྲོར་མི་སྟེར་ཏོ། ། རིགས་ཀྱི་བུ་དག་དེ་ནས་ཁྱེའུ་དྲི་མ་མེད་པའི་སྙིང་པོ་དང་། ཁྱེའུ་དྲི་མ་མེད་པའི་མིག་གིས་སོར་མོ་བཅུ་ཐལ་མོ་སྦྱར་ནས། བདག་ཅག་སྐྱེད་པའི་མ་ལ་འདི་སྐད་ཅེས་སྨྲས་སོ། བདག་ཅག་ལོག་པར་ལྟ་བའི་ཁྱིམ་དུ་སྐྱེས་ཏེ། བདག་ཅག་གི་ཆོས་ཀྱི་རྒྱལ་པོའི་བུ་མ་ལགས་པ་ལྟ། རིགས་ཀྱི་བུ་དག་དེ་ནས་རྒྱལ་པོའི་ཆུང་མ་དྲི་མ་མེད་པས་བྱིན་པས་ཁྱེའུ་དེ་དག་ལ་འདི་སྐད་ཅེས་སྨྲས་སོ། རིགས་ཀྱི་བུ་དག་ཁྱེད་ཀྱིས་བདག་ཅག་གི་ཕ་རྒྱལ་པོ་དགེ་བ་བཀོད་པ་ལ་སྙིང་བརྩེ་བའི་ཕྱིར་ཆོ་འཕྲུལ་ཅུང་ཟད་ཅིག་ལེགས་པར་སྟོན་ཅིག་དང་། ཁྱེད་ལ་དད་པར་འགྱུར་ཡང་སྲིད་ཀྱིས། སེམས་དད་པར་གྱུར་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོའི་མེ་ཏོག་ཀུན་ཏུ་རྒྱས་པ་དེའི་གན་དུ་འདོང་བར་གནང་ངོ་། ། རིགས་ཀྱི་བུ་དག་དེ་ནས་ཁྱེའུ་དྲི་མ་མེད་པའི་སྙིང་པོ་དང་། ཁྱེའུ་དྲི་མ་མེད་པའི་མིག་གིས་དེའི་ཚེ་ཏ་ལ་བདུན་སྲིད་དུ་ནམ་མཁའ་ལ་འཕགས་ནས་ཕ་རྒྱལ་པོ་དགེ་བ་བཀོད་པ་དེ་ལ་སྙིང་བརྩེ་བའི་ཕྱིར་སངས་རྒྱས་ཀྱིས་གནང་བའི་ཆོ་འཕྲལ་ཟུང་དུ་བྱེད་དོ། ། དེ་དག་ནམ་མཁའ་བར་སྣང་དེ་ལ་དོང་ནས་ཉལ་བར་བྱེད་དོ།། བར་སྣང་དེ་ལ་འཆག་གོ།། བར་སྣང་དེ་ལ་རྡུལ་སྤྲུག་གོ།། བར་སྣང་དེ་ཉིད་ལ་ལུས་ཀྱི་སྨད་ནས་ཆུའི་རྒྱུན་གཏོང་ཞིང་། ། ལུས་ཀྱི་སྟོད་ནས་མེའི་ཕུང་པོ་རབ་ཏུ་འབར་བར་བྱེད་དོ།། ལུས་ཀྱི་སྟོད་ནས་ཆུའི་རྒྱུན་གཏོང་ཞིང་ལུས་ཀྱི་སྨད་ནས་མེའི་ཕུང་པོ་རབ་ཏུ་འབར་བར་བྱེད་དོ།། དེ་དག་ནམ་མཁའ་དེ་ཉིད་ལ་ཆེན་པོར་གྱུར་ནས་ཆུང་ངུར་གྱུར། ཆུང་ངུར་གྱུར་ནས་ཆེན་པོར་གྱུར་ཏོ།། བར་སྣང་དེ་ཉིད་ལས་མི་སྣང་བར་གྱུར་ཏེ། ས་ལ་བྱུང་ནས་ནམ་མཁའ་ལ་འཕག་གོ། རིགས་ཀྱི་བུ་དག་ཁྱེའུ་དེ་གཉིས་ཀྱི་རྫུ་འཕྲུལ་དེ་སྙེད་ཀྱིས་རང་གི་ཕ་རྒྱལ་པོ་དགེ་བ་བཀོད་པ་འཏུལ་ཏོ། ། རིགས་ཀྱི་བུ་དག་དེ་ནས་རྒྱལ་པོ་དགེ་བ་བཀོད་པས་ཁྱེའུ་དེ་གཉིས་ཀྱི་རྫུ་འཕྲུལ་གྱི་ཆོ་འཕྲུལ་དེ་དག་མཐོང་ནས་དེའི་ཚེ། ཚིམ་ཞིང་མགུ་ལ་ཡིད་རངས་ཏེ། རབ་ཏུ་དགའ་ཞིང་བདེ་བ་དང་། ཡིད་བདེ་བ་སྐྱེས་ནས་སོར་མོ་བཅུའི་ཐལ་མོ་སྦྱར་ཏེ། ཁྱེའུ་དེ་དག་ལ་འདི་སྐད་ཅེས་རིགས་ཀྱི་བུ་དག་ཁྱེད་ཀྱི་སྟོན་པ་སུ། ཁྱེད་སུའི་སློབ་མ་ཞེས་སྨྲས་སོ།། རིགས་ཀྱི་བུ་དག་དེ་ནས་ཁྱེའུ་དེ་གཉིས་ཀྱི་རྒྱལ་པོ་དགེ་བ་བཀོད་པ་ལ་འདི་སྐད་ཅེས་སྨྲས་སོ།། རྒྱལ་པོ་ཆེན་པོ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་དེ་བཞུགས་ཏེ། འཚོ་ཞིང་གཞེས་ལ་རིན་པོ་ཆེའི་བྱང་ཆུབ་ཀྱི་ཤིང་དྲུང་ན། ཆོས་ཀྱི་གདན་ལ་བཞུགས་ཏེ། ལྷ་དང་བཅས་བདུད་དང་བཅས། ཚངས་པ་དང་བཅས་པའི་འཇིག་རྟེན་གྱི་མདུན་ན། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲང་ཤིན་ཏུ་རྒྱས་པར་རབ་ཏུ་འཆད་པའི་བཅོམ་ལྡན་འདས་དེ་ནི་བདག་ཅག་གི་སྟོན་པ་སྟེ། རྒྱལ་པོ་ཆེན་པོ་བདག་ཅག་ནི་དེའི་སློབ་མའོ།། རིགས་ཀྱི་བུ་དག་དེ་ནས་རྒྱལ་པོ་དགེ་བ་བཀོད་པས་ཁྱེའུ་དེ་གཉིས་ལ་འདི་སྐད་ཅེས་སྨྲས་སོ། ། རིགས་ཀྱི་བུ་དག་ཁྱེད་ཀྱི་སྟོན་པ་བལྟ་ཞིང་། བཅོམ་ལྡན་འདས་དེའི་དྲུང་དུ་བདག་ཀྱང་འགྲོའོ།། རིགས་ཀྱི་བུ་དག་དེ་ནས་ཁྱེའུ་དེ་གཉིས་པར་སྣང་དེ་ལས་བབས་ནས། བདག་ཅག་སྐྱེད་པའི་མ་ག་ལ་བ་དེར་སོང་སྟེ་ཕྱིན་ནས། སོར་མོ་བཅུའི་ཐལ་མོ་སྦྱར་ཏེ། བདག་ཅག་སྐྱེད་པའི་མ་ལ་འདི་སྐད་ཅེས་སྨྲས་སོ།། ཡུམ་བདག་ཅག་གིས་ཡབ་འདི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཏུལ་ལགས་སོ། ། བདག་ཅག་གིས་ཡབ་ཀྱི་སྟོན་པ་བགྱི་བ་བགྱིས་སོ།། བདག་ཅག་བཅོམ་ལྡན་འདས་དེ་ལས་རབ་ཏུ་འབྱུང་ན། ཡུམ་དེ་ནི་བདག་ཅག་གཏང་བའི་རིགས་སོ། ། རིགས་ཀྱི་བུ་དག་དེ་ནས་ཁྱེའུ་དྲི་མ་མེད་པའི་སྙིང་པོ་དང་། ཁྱེའུ་དྲི་མ་མེད་པའི་མིག་གིས་དེའི་ཚེ་བདག་ཅག་བསྐྱེད་པའི་མ་ལ་ཚིགས་སུ་བཅད་པ་འདི་དག་སྨྲས་སོ།། ཁྱིམ་མེང་རབ་འབྱུང་བར་ནི། ། ཡུམ་གྱིས་བདག་ཅག་གནང་བར་མཛོད།། དེ་བཞིན་གཤེགས་པ་རྙེད་པར་དཀའ།། བདག་ཅག་རབ་ཏུ་འབྱུང་བར་བགྱི།། ཨུ་དུམ་ཝ་རའི་མེ་ཏོག་ལྟར།། རྒྱལ་བ་ཤིན་ཏུ་རྙེད་པར་དཀའ།། དལ་བ་འབྱོར་པའང་རྙེད་དཀའ་བས། ། རབ་ཏུ་འབྱུང་གིས་གཏང་དུ་གསོལ།། རྒྱལ་པོའི་ཆུང་མ་དྲི་མ་མེད་པས་བྱིན་པས་སྨྲས་པ། དེ་རིང་ཁྱེད་གཉིས་བཏང་བར་བྱ།། བྱིས་པ་དག་གོ་ལེགས་པར་དེང་།། དེ་བཞིན་གཤེགས་པ་རྙེད་དཀའ་བས། ། བདག་ཀྱང་རབ་ཏུ་འབྱུང་བར་བྱ།། རིགས་ཀྱི་བུ་དག་ཁྱེའུ་དེ་དག་གིས་ཚིགས་སུ་བཅད་པ་འདི་དག་སྨྲས་ནས། ཁག་ཅག་གི་ཕ་དང་མ་དེ་དག་ལ་འདི་སྐད་ཅེས་སྨྲས་སོ།། ཡབ་ཡུམ་ལེགས་སོ་ཆུར་སྤྱོན། ཁྱེད་དང་ཐམས་ཅད་ལྷན་ཅིག་བཞུང་ངོ་།། བཅོམ་ལྡན་འདས་དེ་ལ་བལྟ་བ་དང་། ཕྱག་བགྱི་བ་དང་བསྙེན་བཀུར་བགྱི་བའི་སླད་དུ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་དེའི་དྲུང་དུ་བཞུད་དོ། ། དེ་ཅིའི་སླད་དུ་ཞེ་ན། ཡབ་ཡུམ་སངས་རྒྱས་འབྱུང་བ་རྙེད་པར་དཀའ་སྟེ། ཨུ་དུམ་ཝ་རའི་མེ་ཏོག་དང་འདྲ་ཞིང་། གཉའ་ཤིང་གི་བུ་གར་རུ་སྦལ་གྱི་མགྲིན་པ་ཆུད་པ་དང་འདྲ་བའི་སླད་དུའོ།། ཡབ་ཡུམ་སངས་རྒྱས་བཅོམ་ལྡན་འདས་དག་འབྱུང་བ་རྙེད་པར་དཀའ་སྟེ། དེ་བས་ན་ཡབ་ཡུམ་བདག་ཅག་བསོད་ནམས་མཆོག་གིས་བརྟན་པའི་གསུང་རབ་འདི་ལྟ་བུ་ལ་སྐྱེས་ཏེ། ཡབ་ཡུམ་བདག་ཅག་གཏང་ན་ལེགས་ཏེ། བདག་ཅག་མཆི་ཞིང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པའི་བསྟན་པ་ལ་རབ་ཏུ་འབྱུང་ངོ་། ། དེ་ཅིའི་སླད་དུ་ཞེ་ན། ཡབ་ཡུམ་དེ་བཞིན་གཤེགས་པ་མཐོང་ན་རྙེད་པར་དཀའ་བ་དང་། ད་ལྟར་གྱི་དུས་ན་འདི་འདྲ་བའི་ཆོས་ཀྱི་རྒྱལ་པོ་རྙེད་པར་དཀའ་བ་དང་། འདི་ལྟ་བུའི་ངལ་བ་འབྱོར་པ་ཤིན་ཏུ་རྙེད་པར་དཀའ་བའི་སླད་དུའོ།། རིགས་ཀྱི་བུ་དག་དེའི་ཚེ་ན། རྒྱལ་པོ་དགེ་བ་བཀོད་པ་དེའི་བཙུན་མོའི་འཁོར་ལས། སྦས་བརྒྱད་ཁྲི་བཞི་སྟོང་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདིའི་སྣོད་དུ་གྱུར་ཏོ།། ཁྱེའུ་དྲི་མ་མེད་པའི་མིག་དང་། ཁྱེའུ་དྲི་མ་མེད་པའི་སྙིང་པོས་ཆོས་ཀྱི་རྣམ་གྲངས་འདི་ལ་སྤྱད་དེ། བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་ངན་སོང་ཐམས་ཅད་ཇི་ལྟར་བསལ་སྙམ་ནས། སེམས་ཅན་ཐམས་ཅད་ཀྱི་ངན་སོང་ཐམས་ཅད་སེལ་བའི་ཏིང་ངེ་འཛིན་ལ་སྤྱད་པར་གྱུར་ཏོ། ། ཁྱེའུ་དེ་དག་གིས་མ་དྲི་མ་མེད་པས་བྱིན་པ་རྒྱལ་པོའི་ཆུང་མ་དེ་ཡང་སངས་རྒྱས་ཐམས་ཅད་ཀྱི་ཀུན་བསྟན་པ། སངས་རྒྱས་ཐམས་ཅད་ཀྱི་ཆོས་གསང་བའི་གནས་ཤེས་སོ། ། རིགས་ཀྱི་བུ་དག་དེ་ནས་ཁྱེའུ་དེ་གཉིས་ཀྱི་རྒྱལ་པོ་དགེ་བ་བཀོད་པ་དེ་བཞིན་གཤེགས་པའི་བསྟན་པ་ལ་བཏུལ་ཏེ། ཞུགས་པར་བྱས་ནས་ཡོངས་སུ་སྨིན་པར་བྱས་ཏེ་མཉེན་མདབ་དང་། རྒྱལ་པོའི་ཆུང་མ་དྲི་མ་མེད་པས་བྱིན་པ་དེ་དང་། མཉེན་མདབ་དང་། རྒྱལ་པོ་དགེ་བ་བཀོད་པའི་བུ་ཁྱེའུ་དེ་གཉིས་ཀྱང་སྲོག་ཆགས་བཞི་ཁྲི་ཉིས་སྟོང་དང་། བཙུན་མོའི་འཁོར་དང་བཅས་བ་ལོན་པོ་དང་བཅས་ཏེ་ཐམས་ཅད་འགྲོགས་ནས་ལྷན་ཅིག་ཏུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་དེ་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་དེའི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་བདུན་བསྐོར་བ་བྱས་ནས། ཕྱོགས་གཅིག་ཏུ་འཁོད་དོ།། རིགས་ཀྱི་བུ་དག་དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་དེས་རྒྱལ་པོ་དགེ་བ་བཀོད་པ་འཁོར་དང་བཅས་ཏེ་ལྷགས་པར་མཁྱེན་ནས་ཆོས་ཀྱི་གཏམ་གྱིས་ཤིན་ཏུ་ལེགས་པར་ཡང་དག་པར་བསྟན། ཡང་དག་པར་འཛིན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དོ། ། རིགས་ཀྱི་བུ་དག་དེ་ནས་བཅོམ་ལྡན་འདས་དེས་རྒྱལ་པོ་དགེ་བ་བཀོད་པ་ལ་ཆོས་ཀྱི་གཏམ་གྱིས་ཤིན་ཏུ་ལེགས་པར་ཡང་དག་པར་བསྟན། ཡང་དག་པར་འཛིན་དུ་བཅུག་ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དོ།། རིགས་ཀྱི་བུ་དག་དེ་ནས་བཅོམ་ལྡན་འདས་དེས་རྒྱལ་པོ་དགེ་བ་བཀོད་པ་ལ་ཆོས་ཀྱི་གཏམ་གྱིས་ཤིན་ཏུ་ལེགས་པར་ཡང་དག་པར་བསྟན། ཡང་དག་པར་འཛིན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་པས། དེའི་ཚེ་ཚིམ་ཞིང་མགུ་ལ་ཡི་རངས་ཏེ་རབ་ཏུ་དགའ་བ་དང་། ཡིད་བདེ་བ་སྐྱེས་ནས། ནུ་བོ་ཅོད་པན་གྱིས་བཅིངས་ཏེ་རྒྱལ་པོར་བཅུག་ནས། བུ་དང་གཉེན་འདབ་དང་། འཁོར་དང་བཅས་པ་དང་། རྒྱལ་པོའི་ཆུང་མ་དྲི་མ་མེད་པས་བྱིན་པ་དེ་ཡང་བུད་མེད་ཀྱི་ཚོགས་ཐམས་ཅད་དང་བཅས་པས་འཁོར་དང་ཁྱེའུ་དེ་གཉིས་དང་ལྷན་ཅིག་ཏུ་སྲོག་ཆགས་བརྒྱད་ཁྲི་བཞི་སྟོང་དང་ལྷན་ཅིག་ཏུ་འགྲོགས་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་དེའི་གསུང་རབ་ལ། དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། རབ་ཏུ་བྱུང་ནས་རྒྱལ་པོ་དགེ་བ་བཀོད་པ་འཁོར་དང་བཅས་པས་ལོ་བརྒྱད་ཁྲི་བཞི་སྟོང་དུ་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ལ་བསམ་པ་དང་། བསྒོམ་པ་དང་། ཀུན་ཆུབ་པར་བྱ་བ་ལ་བརྩོན་པར་གྱུར་ཏོ།། རིགས་ཀྱི་བུ་དག་དེ་ནས་རྒྱལ་པོ་དགེ་བ་བཀོད་པ་ལོ་བརྒྱད་ཁྲི་བཞི་སྟོང་འདས་ནས། ཡོན་ཏན་གྱི་རྒྱན་ཐམས་ཅད་བཀོད་པ་ཞེས་བྱ་བའི་ཏིང་ངེ་འཛིན་ཐོབ་སྟེ། ཏིང་ངེ་འཛིན་འདི་ཐོབ་མ་ཐག་ཏུ་དེའི་ཚེ་ནམ་མཁའ་ལ་ཏ་ལ་བདུན་ཙམ་དུ་འཕགས་སོ། ། དེ་ནས་རིགས་ཀྱི་བུ་དག་རྒྱལ་པོ་དགེ་བ་བཀོད་པ་ནམ་མཁའི་དཀྱིལ་དུ་འདུག་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་ལ་འདི་སྐད་ཅེས་གསོལ་ཏོ། འདས་བདག་གི་བུ་འདི་གཉིས་སྟོན་པ་ལགས་ཏེ། གང་འདི་དག་གིས་རྫུ་འཕྲུལ་གྱིས་ལྟ་བར་གྱུར་པ་ཆེན་པོ་དེ་ལས་བཟློག་སྟེ། དེ་བཞིན་གཤེགས་པའི་བསྟན་པ་ལ་རབ་ཏུ་བཞག་གོ། ཡོངས་སུ་སྨིན་པར་བགྱིས་ཞུགས་པར་བགྱིས་སོ།། དེ་བཞིན་གཤེག་པ་ལ་བལྟ་བ་དང་། ཕྱག་བགྱི་བའི་སླད་དུ་ཡང་སྐུལ་ཏོ།། བཅོམ་ལྡན་འདས་ཁྱེའུ་འདི་གཉིས་བདག་གི་དགེ་བའི་བཤེས་གཉེན་ཏེ། སོན་དགེ་བའི་རྩ་བ་དྲན་པར་བགྱི་བའི་སླད་དུ། བུའི་གཟུགས་ཀྱིས་བདག་གིས་ཁྱིམ་དུ་སྐྱེས་སོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པས། རྒྱལ་པོ་དགེ་བ་བཀོད་པ་ལ་འདི་སྐད་ཅེས་བཀའ་སྩལ་ཏོ།། རྒྱལ་པོ་ཆེན་པོ་དེ་དེ་བཞིན་ཏེ། ཇི་སྐད་སྨྲས་པ་དེ་བཞིན་ནོ།། དགེ་བའི་རྩ་བ་བསྐྱེད་པའི་རིགས་ཀྱི་བུ། འམ། རིགས་ཀྱི་བུ་མོ་རྣམས་ནི་སྲིད་པའི་འགྲོ་བ་དང་། འཆི་འཕོའི་གནས་ཐམས་ཅད་དུ་སྐྱེས་པ་ན་ཡང་། གང་དག་སྟོན་པའི་བྱེད་པས་བར་གནས་པ་དང་། གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྲུང་སྟོན་པ་དང་། འཛུད་པ་དང་། ཡོངས་སུ་སྨིན་པར་བྱེད་པའི་དགེ་བའི་བཤེས་གཉེན་རྣམས་རྙེད་སླ་བར་འགྱུར་རོ།། རྒྱལ་པོ་ཆེན་པོ་འདི་ལྟ་སྟེ་དགེ་བའི་བཤེས་གཉེན་གྱིས་ཡོངས་སུ་ཟིན་པ་དེ་བཞིན་གཤེགས་པ་བལྟར་འཛུད་པའི་གནས་འདི་ནི་རྒྱ་ཆེ་བའོ། ། རྒྱལ་པོ་ཆེན་པོ་ཁྱེའུ་འདི་གཉིས་མཐོང་ངམ། གསོལ་པ། བཅོམ་ལྡན་འདས་མཐོང་ལགས་སོ། ། བདེ་བར་གཤེགས་པ་མཐོང་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ཁྱེའུ་འདི་གཉིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པངྒཱའི་ཀླུང་དྲུག་ཅུ་རྩ་ལྔའི་བྱེ་མ་སྙེད་ལ་མཆོད་པར་བྱེད་དོ། ། སེམས་ཅན་རྣམས་ལ་སྙིང་བརྩེ་བའི་ཕྱིར། ལོག་པར་ལྟ་བའི་སེམས་ཅན་རྣམས་ཡང་དག་པར་ལྟ་བ་ལ་བརྩོན་འགྲུས་བསྐྱེད་པའི་ཕྱིར། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་འཛིན་པར་འགྱུར་རོ།། རིགས་ཀྱི་བུ་དག་དེ་ནས་རྒྱལ་པོ་དགེ་བ་བཀོད་པ་ནམ་མཁའི་དཀྱིལ་དེ་ནས་བབས་ཏེ་ས་ཨོར་མོ་བཅུ་ཐལ་མོ་སྦྱར་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པ་ཇི་ལྟ་བུའི་ཡེ་ཤེས་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་སླད་དུ་དབུའི་གཙུག་ཏོག་རྣམ་པར་མཛེས། སྤྱན་དྲི་མ་མ་མཆིས་པ་ལགས་སྨིན་མཚམས་ཀྱི་མཛོད་སྤུ་མཛེས་ཤིང་ཟླ་བ་དང་དུང་ལྟར་དཀར་ལ་མཛེས་མཉམ་ཞིང་ཐགས་བཟང་བའི་ཚེམས་ཀྱི་ཕྲེང་བ་ཞལ་གྱི་ནང་ནས་མཛེས། བཅོམ་ལྡན་འདས་ཀྱི་ཞལ་གྱི་སྒྲོས་མེ་ཏོག་བིམ་པ་ལྟར་དམར་བ་དང་། བདེ་བར་གཤེགས་པའི་སྤྱན་མཛེས་པ། དེ་བཞིན་གཤེགས་པས་ལེགས་པར་བཤད་དུ་གསོལ། རིགས་ཀྱི་བུ་དག་དེ་ནས་རྒྱལ་པོ་དགེ་བ་བཀོད་པས། ཡོན་ཏན་དེ་སྙེད་ཀྱིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་དེ་ལ་མངོན་པར་བསྟོད་ནས་ཡོན་ཏན་བྱེ་བ་ཁྲག་ཁྲིག་བརྒྱ་སྟོང་གཞན་དག་གིས་ཀྱང་བཅོམ་ལྡན་འདས་དེ་ལ་བསྟོད་དེ། དེའི་ཚེ་བཅོམ་ལྡན་འ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ཙམ་དུ་དེ་བཞིན་གཤེགས་པའི་བསྟན་པ་འདི་དོན་ཆེ་ཞིང་ཡོན་ཏན་བསམ་གྱིས་མི་ཁྱབ་པ་དང་ལྡན་པའི་ཆོས་འདུལ་བ་གསུངས་ཏེ། ཇི་ཙམ་དུ་དེ་བཞིན་གཤེགས་པས་བསླབ་པ་ལེགས་པར་བཅས་པ་ནི་ངོ་མཚར་ཏོ། ། བཅོམ་ལྡན་འདས་དེང་སླན་ཆད་བདག་སླར་སེམས་ཀྱི་དབང་དུ་མཆི་བར་མི་བགྱིའོ།། སླར་ལོག་པར་ལྔ་པའི་དབང་དུ་མཆི་བར་མི་བགྱིའོ།། སླར་ཁྲོ་བའི་དབང་དུ་མཆི་བར་མི་བགྱིའོ། ། སླར་སྡིག་པའི་སེམས་བསྐྱེད་པའི་དབང་དུ་མཆི་བར་མི་བགྱིའོ།། བཅོམ་ལྡན་འདས་བདག་མི་དགེ་བའི་ཆོས་འདི་སྐད་དང་ལྡན་པས། བཅོམ་ལྡན་འདས་ཀྱི་དྲུང་དུ་མཆི་བར་མི་འཚལ་ལོ་ཞེས་སྨྲས་ཏེ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་བཻ་མེ་ཏོག་ཀུན་ཏུ་རྒྱས་པའི་ཞབས་ལ་མགོ་བོས་ཕྱག་འཚལ་ནས་བར་སྣང་ལ་སོང་སྟེ་འདུག་གོ། ། དེ་ནས་རྒྱལ་པོ་དགེ་བ་བཀོད་པ་དང་། རྒྱལ་པོའི་ཆུང་མ་དྲི་མ་མེད་པས་བྱིན་པ་དེས་སྲང་བརྒྱ་སྟོང་རི་བའི་མུ་ཏིག་གི་རྒྱན་ཕྲེང་བཅོམ་ལྡན་འདས་ཀྱི་སྟེང་གི་བར་སྣང་ལ་གཏོར་ཏོ། ། མུ་ཏིག་གི་རྒྱན་ཕྲེང་དེ་གཏོར་མ་ཐག་ཏུ་བཅོམ་ལྡན་འདས་ཀྱི་སྟེང་ན་མུ་ཏིག་གི་རྒྱན་ཕྲེང་གི་ཁང་པ་བརྩེགས་པ་གྲུ་བཞི་ལྷམ་པ། ཀ་བ་བཞི་ཟུག་པ། ངོས་མཉམ་པ་ཤིན་ཏུ་རྣམ་པར་ཕྱེ་བ་བལྟ་ན་སྡུག་པ་གནས་པར་གྱུར་ཏེ། ཁང་པ་བརྩེགས་པ་དེར་རས་བཅོས་བུ་བརྒྱ་སྟོང་དུ་མ་གཏིང་བའི་ཁྲི་འབྱུང་ངོ་།། ཁྲི་དེ་ལ་དེ་བཞིན་གཤེགས་པའི་སྐུ་སྐྱིལ་མོ་ཀྲུང་བཅས་ཏེ་བཞུགས་པར་སྣང་ངོ་། ། དེ་ནས་རྒྱལ་པོ་དགེ་བ་བཀོད་པ་དེ་འདི་སྙམ་དུ་སེམས་ཏེ། སངས་རྒྱས་ཀྱི་ཡེ་ཤེས་འདི་ནི་མཐུ་ཆེ་ཞིང་། དེ་བཞིན་གཤེག་པ་བསམ་གྱིས་མི་ཁྱབ་པ་དང་ལྡན་པ། འདི་ལྟར་དེ་བཞིན་གཤེགས་པའི་སྐུ་ཁང་པ་བརྩེགས་པའི་དབུས་ན་མཛེས་ཤིང་བལྟ་ན་སྡུག་པ། ཁ་དོག་བཟང་པོ་རྒྱས་པ་མཆོག་དང་ལྡན་པར་གདའོ།། དེ་ནས་བཅོམ་ལྡན་འདས་དེ་བཞིན་གཤེགས་པ་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པས་འཁོར་བཞི་པོ་དེ་དག་ལ་བཀའ་སྩལ་པ། དགེ་སློང་དག་རྒྱལ་པོ་དགེ་བ་བཀོད་པ་ནམ་མཁའི་དཀྱིལ་ན་འདུག་ཅིང་སེང་གེའི་སྒྲ་སྒྲོགས་པ་མཐོང་ངམ། གསོལ་པ། མཐོང་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྒྱལ་པོ་དགེ་བ་བཀོད་པས་ངའི་བསྟན་པ་ལ་དགེ་སློང་གི་ཚུལ་དུ་བྱས་ནས། བསྐལ་པ་མངོན་འཕགས་རྒྱལ་པོ་ཞེས་བྱ་བ་ལ། འཇིག་རྟེན་གྱི་ཁམས་ཡངས་ལྡན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ་འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སཱ་ལའི་དབང་པོའི་རྒྱལ་པོ་ཞེས་བྱ་བར་འཇིག་རྟེན་དུ་བྱུང་སྟེ། དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སཱ་ལའི་དབང་པོའི་རྒྱལ་པོ་དེ་བྱང་ཆུབ་སེམས་དཔའི་དགེ་འདུན་དཔག་ཏུ་མེད་པ་དང་། ཉན་ཐོས་ཀྱི་དགེ་འདུན་དཔག་ཏུ་མེད་པར་འགྱུར་རོ།། འཇིག་རྟེན་གྱི་ཁམས་ཡངས་ལྡན་ཡང་ལག་མཐིལ་ལྟར་མཉམ་པར་འགྱུར་རོ།། དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ཡོན་ཏན་བསམ་གྱིས་མི་ཁྱབ་པར་འགྱུར་རོ། ། རིགས་ཀྱི་བུ་དག་དེའི་ཚེ་དེའི་དུས་ན། རྒྱལ་པོ་དགེ་བ་བཀོད་པ་ཞེས་བྱ་བར་གྱུར་བདེ་གཞན་ཞིག་ཡིན་སྙམ་དུ་ཁྱོད་སོམ་ཉིའམ་ཡིད་གཉིས་སམ། ཐེ་ཙོམ་ཟ་བར་གྱུར་ན། རིགས་ཀྱི་བུ་དག་ཁྱེད་ཀྱིས་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་འདི་ཉིད་དེའི་ཚེ་དེའི་དུས་ན། རྒྱལ་པོ་དགེ་བ་བཀོད་པ་ཞེས་བྱ་བར་གྱུར་ཏོ།། རིགས་ཀྱི་བུ་དག་དེའི་ཚེ་དེའི་དུས་ན། རྒྱལ་པོའི་ཆུང་མ་དྲི་མ་མེད་པས་བྱིན་པ་ཞེས་བྱ་བར་གྱུར་པ་དེ་གཞན་ཞིག་ཡིན་སྙམ་དུ་ཁྱོད་སོམ་ཉི་འམ་ཡིད་གཉིས་སམ། ཐེ་ཙོམ་ཟ་བར་གྱུར་ན། རིགས་ཀྱི་བུ་དག་ཁྱོད་ཀྱིས་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་སྣང་བའི་འོད་ཟེར་གྱིས་བརྒྱན་པའི་རྒྱལ་མཚན་ཞེས་བྱ་བ་འདི་ཉིད་དེའི་ཚེ་དེའི་དུས་ན་རྒྱལ་པོའི་ཆུང་མ་དྲི་མ་མེད་པས་བྱིན་པ་ཞེས་བྱ་བར་གྱུར་ཏེ། རྒྱལ་པོ་དགེ་བ་བཀོད་པ་དང་། སེམས་ཅན་དེ་དག་ལ་སྙིང་བརྩེ་བའི་ཕྱིར། རྒྱལ་པོ་དགེ་བ་བཀོད་པའི་ཆུང་མར་དེས་ཁས་བླངས་པར་གྱུར་ཏོ།། རིགས་ཀྱི་བུ་དག་དེའི་ཚེ་དེའི་དུས་ན། ཁྱེའུ་དེ་གཉིས་སུ་གྱུར་པ་དེ་དག་གཞན་དག་ཅིག་ཡིན་པ་སྙམ་དུ་ཁྱེད་སོམ་ཉོ་འམ། ཡིད་གཉིས་སམ། ཐེ་ཙོམ་ཟ་བར་གྱུར་ན། རིགས་ཀྱི་བུ་དག་ཁྱེད་ཀྱིས་དེ་ལྟར་མི་བལྟའོ།། དོ་ཅིའི་ཕྱིར་ཞེ་ན། སྨན་གྱི་རྒྱལ་པོ་དང་། སྨན་ཡང་དག་འཕགས་འདི་ཉིད་དེའི་ཚེ་དེའི་དུས་ན། རྒྱལ་པོ་དགེ་བ་བཀོད་པ་དེའི་བུར་གྱུར་ཏོ།། རིགས་ཀྱི་བུ་དག་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་རྒྱལ་པོ་དང་། སྨན་ཡང་དག་འཕགས་གཉིས་ཡོན་ཏན་བསམ་གྱིས་མི་ཁྱབ་པ་དང་ལྡན་ཏེ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་དགེ་བའི་རྩ་བ་བསྐྱེད་པའོ།། སྐྱེས་བུ་དམ་པ་འདི་གཉིས་ཀ་ཡང་བསམ་གྱིས་མི་ཁྱབ། པའི་ཆོས་ཀྱིས་ཡང་དག་པར་འལགས་པའོ།། གང་དག་སྐྱེས་བུ་དམ་པ་འདི་གཉིས་ཀྱི་མིང་འཛིན་པ་དེ་དག་ཐམས་ཅད་ཀྱང་ལྷ་དང་བཅས་པའི་འཇིག་རྟེན་གྱིས་ཕྱག་བྱ་བར་འགྱུར་རོ།། སྔོན་གྱི་སྦྱོར་བའི་ལེའུ་འདི་བཤད་པ་ན། སྲོག་ཆགས་བརྒྱད་དྲུ་བ་ནི་སྟོང་ཆོས་རྣམས་ལ་ཆེས་ཀྱི་མོག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ།། རྒྱལ་པོ་དགེ་བ་བཀོད་པའི་སྔོན་གྱི་སྦྱོར་བའི་ལེའུ་ཞེས་བྱུབ་སྟེ་ཉི་ཤུ་རྩ་ལྔའོ། ། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ། བྱང་ཆུབ་སེམས་དཔའ་སེམས་དཔའ་ཆེན་པོ་འགྲེང་བ་ལས་འདས་པ་དག་གིས་ཡོངས་སུ་བསྐོར་ཅིང་མདུན་དུ་བདར། ལྷ་དང་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མོ་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན། པ་དག་གིས་ཀྱང་། ཡོངས་སུ་བསྐོར་ཅིང་མདུན་དུ་བདར་ཏོ། ལྷན་ཅིག་ཏུ་ཤར་ཕྱོགས་ནས་ཞིང་དག་ནི་རབ་ཏུ་གཡོ་བར་བྱེད། པདྨའི་ཆར་ནི་རབ་ཏུ་འབེབས། སིལ་སྙན་བྱེ་བ་ཁྲག་ཁྲིག་བརྒྱ་སྟོང་ནི་རབ་ཏུ་ལེན་ཅིང་། བྱང་ཆུབ་སེམས་དཔའི་མཐུ་ཆེན་པོ་དང་། བྱང་ཆུབ་སེམས་དཔའི་རྣམ་པར་འཕྲུལ་པ་ཆེན་པོ་དང་། བྱང་ཆུབ་སེམས་དཔའི་རྫུ་འཕྲུལ་ཆེན་པོ་དང་། བྱང་ཆུབ་སེམས་དཔའི་ཆེ་བ་ཉིད་དང་། བྱང་ཆུབ་སེམས་དཔའི་གཟི་བརྗིད་ཆེན་པོ་འབར་བ་དང་། བྱང་ཆུབ་སེམས་དཔའི་ཐེག་པ་ཆེན་པོ་དང་། བྱང་ཆུབ་སེམས་དཔའི་རྫུ་འཕྲུལ་ཆེན་པོ་དང་། ལྷ་དང་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡོང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པའི་རྣམ་པར་འཕྲུལ་པ་ཆེན་པོ་དང་། དེ་ལྟར་རྫུ་འཕྲུལ་གྱི་ཆོ་འཕྲུལ་བསམ་གྱིས་མི་ཁྱབ་པ་དག་གིས། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་འཇིག་རྟེན་གྱི་ཁམས་མི་མཇེད་འདིར་ཕྱིན་ནས། དེ་རིའི་རྒྱལ་པོ་བྱ་རྒོད་ཀྱི་ཕུང་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་བཅོམ་ལྡན་འདས་དེ་བཞིན་གཤེགས་པ་དཀོན་མཆོག་གཟི་བརྗིད་མངོན་འཕགས་རྒྱལ་པོའི་སངས་རྒྱས་ཀྱི་ཞིང་ནས་འདིར་མཆིས་ཏེ། བཅོམ་ལྡན་འདས་འཇིག་རྟེན་གྱི་ཁམས་མི་མཇེད་འདི་ན། དམ་པའི་ཆོས་པདྨ། དཀར་པོའི་ཆོས་ཀྱི་རྣམ་གྲངས་འདི་སྟོན་པ་དེ་མཉན་པའི་སླད་དུ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་དྲུང་དུ་བདག་མཆིས་སོ།། བཅོམ་ལྡན་འདས་བྱང་ཆུབ་སེམས་དཔའ་རྒྱ་སྟོང་འདི་དག་སྙེད་འདི་དག་ཀྱང་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་མཉན་པའི་སླད་དུ་མཆིས་སོ། ། དེའི་སླད་དུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས། དམ་པའི་ཆོས་པདྨ་དགཡོའི་ཆོས་ཀྱི་རྣམ་གྲངས་འདི་བྱང་ཆུབ་སེམས་དཔའ་སེམས་དཔའ་ཆེན་པོ་འདི་རྣམས་ལ་རྒྱ་ཆེར་ལེགས་པར་བཤད་དུ་གསོལ། དེ་སྐད་ཅེས་གསོལ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག། མགོ་སྨོས་པ་ཙམ་གྱིས་ཁོང་དུ་ཆུད་པ་ཤ་སྟག་གོ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ནི་འོང་ལྟ་སྟེ། དེ་བཞིན་ཉིད་དང་། ཡང་དག་པའི་མཐའ་དང་། ཆོས་ཀྱི་དབྱངས་དབྱེར་མེད་པའོ།། བྱང་ཆུབ་སེམས་དཔའ་དེ་དག་གིས་གསོལ་པ། བཅོམ་ལྡན་འདས་དེ་ལྟ་ལེགས་སོ།། བདེ་བར་གཤེགས་པ་དེ་དེ་ལྟ་ལེགས་སོ།། དེ་ནས་འཁོར་དེར་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་འདུས་པ་དེ་དག་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ལ་རབ་ཏུ་དགོད་པའི་ཕྱིར་ཡང་བཅོམ་ལྡན་འདས་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་ཆོས་བཞི་དང་ལྡན་པའི་བུད་མེད་ཀྱིས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ལག་ཏུ་ཐོབ་པར་འགྱུར་རོ། ། བཞི་གང་ཞེ་ན། འདི་ལྟ་སྟེ། སངས་རྒྱས་བཅོམ་ལྡན་འདས་རྣམས་ཀྱིས་བྱིན་གྱིས་བརླབས་པར་འགྱུར་བ་དང་། དགེ་བའི་རྩ་བ་བསྐྱེད་པར་འགྱུར་བ་དང་། ངེས་པའི་ཕུང་པོ་ལ་གནས་པར་འགྱུར་བ་དང་། སེམས་ཅན་ཐམས་ཅད་ཡོངས་སུ་བསྐྱབ་པའི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་འགྱུར་བ་སྟེ། རིགས་ཀྱི་བུ་ཆོས་བཞི་པོ་དེ་དག་དང་ལྡན་པའི་བུད་མེད་ཀྱིས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ལག་ཏུ་ཐོབ་པར་འགྱུར་རོ། ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་གིས་སླད་མའི་ཚེ་སླད་མའི་དུས་ལྔ་བརྒྱ་ཐ་མ་ལ་མདོ་སྡེ་འདི་ལྟ་བུ་འཛིན་པའི་དགེ་སློང་རྣམས་ལ་བསྲུང་བར་བགྱིའོ།། བདེ་ལེགས་སུ་འགྱུར་པཔར་བགྱིའོ། ། ཆད་པ་སྤང་བར་བགྱིའོ།། དུག་གཞིའི་བར་བགྱིའོ།། ཅི་ནས་ཆོས་སྨྲ་བ་དེ་དགལ་གླགས་ལྟ་བ་དང་། སྐབས་ཚོལ་བ་གང་དག་གིས་ཀྱང་གླགས་མི་རྙེད་པར་འགྱུར་བ་དང་། བདུད་སྡིག་ཅན་དང་བདུད་ཀྱི་བུ་རྣམས་དང་། བདུད་ཀྱི་རིས་ཀྱི་ལྷའི་བུ་རྣམས་དང་། བདུད་ཀྱི་བུ་མོ་རྣམས་དང་། བདུད་ཀྱི་འཁོར་གླགས་ལྟ་བ་དང་། སྐབས་ཚོལ་བ་རྣམས་ཀྱི་གླགས་མི་རྙེད་པར་འགྱུར་བ་ནས། བདུད་ཀྱིས་ཀུན་ནས་ལྡང་བའི་བར་དུ་འབྱུང་བར་མི་འགྱུར་བ་དང་། ལྷའི་བུ་དང་། གནོད་སྦྱིན་དང་། ཡི་དགས་དང་། སྲུལ་པོ་དང་། གཤེད་བྱེད་དང་། རོ་ལངས་དག་ལས་ཆོས་སྨྲ་བ་དེ་ལ་གླགས་ལྟ་བ་དང་། སྐབས་ཚོལ་ན་ཡང་སྐབས་རྙེད་པར་མི་འགྱུར་བར། བཅོམ་ལྡན་འདས་བདག་གིས་ཆོས་སྨྲ་བ་དེ་ལ་རྟག་བར་རྒྱུན་དུ་དུས་ཐམས་ཅད་དུ་བསྲུང་བར་བགྱིའོ།། བསྒྲུབ་པར་བགྱིའོ།། བཅོམ་ལྡན་འདས་གང་གི་ཚེ་ཆོས་སྨྲ་བ་དེ་ཆོས་ཀྱི་རྣམ་གྲངས་འདི་ལ་སེམས་ཤིང་རྣལ་འབྱོར་ལ་བརྩོན་པ་དང་། འཆག་པ་ལ་ཞུགས་པར་གྱུར་པ་དེའི་ཚེ། ཆོས་ཀྱི་རྣམ་གྲགས་འདི་བསྲུང་བའི་སླད་དུ། བདག་གླང་པོ་ཆེའི་རྒྱལ་པོ་ཐལ་ཀར་མཆེ་བ་དྲུག་པ་ལ་འཚལ་ཏེ། བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་ནས། ཆོས་སྨྲ་བ་དེ་འཆག་བའི་གནས་སུ་ཆོས་སྨྲ་བ་དེའི་དྲུང་དུ་མཆི་བར་བགྱིའོ།། གང་གི་ཚེ་ཆོས་སྨྲ་བ་དེ་ཆོས་ཀྱི་རྣམ་གྲངས་འདི་ལ་སེམས་ཤིང་རྣལ་འབྱོར་གྱི་རྗེས་སུ་ཞུགས་པ་དེས་ཆོས་ཀྱི་རྣམ་གྲངས་འདི་ལས་ཐ་ན་ཚིག་དང་ཡི་གེ་གཅིག་ཙམ་ཡང་ལན་འགའ་ནོར་བར་གྱུར་པ་དེའི་ཚེ། བདག་གླང་པོ་ཆེའི་རྒྱལ་པོ་ཐལ་ཀར་མཆེ་བ་དྲུག་པ་ལ་འཚལ་ནས། ཆོས་སྨྲ་བ་དེ་ལ་བདག་གི་བསྟན་ཏེ། ཆོས་ཀྱི་རྣམ་གྲངས་འདི་མ་ཉམས་པར་ཟློས་སུ་སྩལ་ཏོ།། ཆོས་སྨྲ་བ་དེས་བདག་གིས་ལུས་མཐོང་ཞིང་། ཆོས་ཀྱི་རྣམ་གྲངས་འདི་མ་ཉམས་པར་བདག་ལས་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ནས་ཆོས་ཀྱི་རྣམ་གྲངས་འདི་ལ་བརྩོན་འགྲུས་རྩོམ་མོ། ། བདག་མཐོང་མ་ཐག་ཏུ་ཏིང་ངེ་འཛིན་ཐོབ་པར་འགྱུར་རོ།། གཟུངས་འཁྱིལ་བ་ཞེས་བགྱི་བའི་གཟུངས་ཐོབ་པར་འགྱུར་རོ།། བྱེ་བ་བརྒྱ་སྟོང་དུ་འཁྱིལ་པ་ཞེས་བགྱི་བའི་གཟུངས་ཐོབ་པར་འགྱུར་རོ། ། སྒྲ་ཐམས་ཅད་ལ་མཁས་པ་ཞེས་བགྱི་བའི་གཟུངས་ཐོབ་པར་འགྱུར་རོ།། བཅོམ་ལྡན་འདས་སླད་མའི་ཚེ་སླད་མའི་དུས་ལྔ་བརྒྱ་པ་ཐ་མ་ལ་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་དག་མདོ་སྡེ་འདི་ལྟ་བུ་འཛིན་པ་དང་། མདོ་སྡེ་འདི་ལྟ་བུ་ཡི་གེར་འདྲི་བ་དང་། མདོ་སྡེ་འདི་ལྟ་བུ་ཚོལ་བ་དང་། མདོ་སྡེ་འདི་ལྟ་བུ་ཀློག་པ་དང་། གང་དག་སླད་མའི་དུས་སླད་མའི་ཚེ་ལྔ་བརྒྱ་ཐ་མ་ལ་ཆོས་ཀྱི་རྣམ་གྲངས་འདིའི་ཆེད་དུ་གདུགས་བདུན་གསུམ་ཉི་ཤུ་རྩ་གཅིག་ཏུ་འཆག་ཅིང་བརྩོན་པར་གྱུར་ན། དེ་དག་ལ་བདག་གིས་སེམས་ཅན་ཐམས་ཅད་ཀྱིས་མཐོང་ན་དགའ་བའི་ལུས་བསྟན་པར་བགྱིའོ།། གླང་པོ་ཆེའི་རྒྱལ་པོ་ཐལ་ཀར་མཆེ་བ་དྲུག་པ་ལ་འཚལ་ཏེ། བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་ནས། གདུགས་ཉི་ཤུ་རྩ་གཅིག་པ་ལ་ཆོས་སྨྲ་བ་དེ་དག་འཆག་པའི་ཐད་དུ་མཆིའོ།། མཆིས་ནས་ཆོས་སྨྲ་བ་དེ་དག་ལ་ཡང་དག་པར་བསྟན་པར་བགྱིའོ།། ཡང་དག་པར་འཛིན་དུ་སྩལ་བར་བགྱིའོ། ། ཡང་དག་པར་གཟེང་བསྟོད་པར་བགྱིའོ།། ཡང་དག་པར་རབ་ཏུ་དགའ་བར་བགྱིའོ།། དེ་དག་ལ་གཟུངས་ཀྱང་སྩལ་བར་བགྱིའོ།། ཅི་ནས་ཆོས་སྨྲ་བ་དེ་དག་ལ་སུས་ཀྱང་མི་ཚུགས་པར་འགྱུར་བ་དང་། དེ་དག་ལ་མི་འམ་མི་མ་ལགས་པས་གླགས་མི་རྙེད་པར་འགྱུར་བ་དང་། བུད་མེད་ཀྱིས་འཕྲོགས་པར་མི་འགྱུར་བར་དེ་དག་ལ་བསྲུང་བར་བགྱིའོ།། བདེ་ལེགས་སུ་འགྱུར་བར་བགྱིའོ།། ། ཆད་པ་སྤང་བར་བགྱིའོ།། དུག་གཞིལ་བར་བགྱིའོ།། བཅོམ་ལྡན་འདས་ཆོས་སྨྲ་བ་དེ་དག་ལ་བདག་གིས་གཟུངས་སྔགས་ཀྱི་ཚིགས་འདི་དག་སྩལ་བར་བགྱིའོ།། བཅོམ་ལྡན་འདས་གཟུངས་སྔགས་ཀྱི་ཚོག་འདི་དག་གསན་དུ་གསོལ། ། ཏདྱ་ཐ། ཨ་དཎ་ཌེ། དཎྜ་ཌ་པ་ཏི། དཎ་ཌ་པ་རྟ་ན། དཎ་ཌ་ཀུ་ཤ་ལེ། དཎ་ཌ་སུ་དྷ་རི། སུ་དྷ་རི། སུ་དྷ་ར་པ་ཏི། བུད་དྷ་པ་ཤྱ་ནི། དྷ་ར་ཎི། ཨ་བརྟ་ནི། ཨ་བརྟ་ནི། ཨ་བརྟ་ནི་སང་ག་པ་རིཀྵེ་ཏེ། སང་གྷ་ནིར་གྷ་ས་ནེ། དྷརྨ་པ་རི་ཀྵི་ཏེ། སརྦ་སཏ། རུ་ཏ་ཀོ་ཤ་ལྱ། ཨ་ནུ་ག་ཏེ་ས་ངག། བི་ཀྲྀ་ཌི་ཏ། ཨ་ནུ་བརྟེ། བརྟེ་ནི། བརྟ་ལི་སྭཱ་ཧཱ། བཅོམ་ལྡན་འདས་གཟུངས་སྔགས་ཚིག་འདི་དག། བྱང་ཆུབ་སེམས་དཔའ་གང་གི་རྣ་བའི་དབང་པོ་ལ་གྲག་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོའི་བྱིན་གྱི་རླབས་སུ་རིག་པར་བགྱིའོ།། བཅོམ་ལྡན་འདས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་འཛམ་བུའི་གླིང་འདི་ན་སྤྱོད་པ་ན། བྱང་ཆུབ་སེམས་དཔའ་གང་དག་གི་ལག་ཏུ་ཐོབ་པར་གྱུར་ན། བཅོམ་ལྡན་འདས་ཆོས་སྨྲ་བ་དེ་དག་གིས། བྱང་ཆུབ་སེམས་དཔའ་ཀུན་ཏུ་བཟང་པོའི་མཐུ་དང་། བྱང་ཆུབ་སེམས་དཔའ་ཀུན་ཏུ་བཟང་པོའི་གཟི་བརྗིད་ཀྱིས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་བདག་གི་ལག་ཏུ་ཐོབ་བོ་སྙམ་དུ་དེ་ལྟར་རིག་པར་བགྱིའོ། ། བཅོམ་ལྡན་འདས་གང་དག་མདོ་སྡེ་འདི་ཡི་གེར་འདྲི་བ་དང་། འཛིན་པའི་སེམས་ཅན་དེ་དག་གི་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ཐོབ་པར་འགྱུར་རོ། ། སེམས་ཅན་དེ་དག་གིས་སངས་རྒྱས་མང་པོ་ལ་དགེ་བའི་རྩ་བ་བསྐྱེད་པར་འགྱུར་རོ།། བཅོམ་ལྡན་འདས་སེམས་ཅན་དེ་དག་ནི་དེ་བཞིན་གཤེགས་བའི་ཕྱག་གིས་སྤྱི་བོ་ལ་བྱུག་པར་འགྱུར་རོ། ། བཅོམ་ལྡན་འདས་དེ་དག་གིས་བདག་ཀྱང་དགའ་བར་བགྱིད་པར་འགྱུར་རོ།། གང་དག་མདོ་སྡེ་འདི་ཡི་གེར་འདྲིར་སྩོལ་བ་དང་། གང་དག་འདིའི་དོན་ཁོང་དུ་ཆུད་པར་བགྱིད་པ་དང་། བཅོམ་ལྡན་འདས་མདོ་སྡེ་འདི་ཡི་གེར་བྲིས་པ་དེ་དག་འདི་ནས་ཤི་འཕོས་ནས་སུམ་ཅུ་རྩ་གསུམ་པའི་ལྷ་རྣམས་དང་སྐལ་བ་མཉམ་པར་སྐྱེ་བར་འགྱུར་ཏེསྐྱེས་མ་ཐག་ཏུ་དེའི་དྲུང་དུ་ལྷའི་བུ་མོ་བརྒྱད་ཁྲི་བ་ནི་སྟོང་མཆི་བར་འགྱུར་རོ། ། ལྷའི་བུ་དག་རྔ་བོ་ཆེ་ཙམ་གྱིས་ཅོད་པན་དང་། ལྷའི་བུ་དེ་དག་གི་ནང་ན་གནས་པར་འགྱུར་རོ།། བཅོམ་ལྡན་འདས་ཆོས་ཀྱི་རྣམ་གྲངས་འདི་ཡི་གེར་བྲིས་པའི་བསོད་ནམས་ཀྱི་ཕུང་པོ་ཡང་འདི་འདྲ་ལགས་ན། གང་དག་ལུང་ནོད་པ་དང་། ཁ་ཏོན་བགྱིད་པ་དང་། སེམས་པ་དང་། ཡིད་ལ་བགྱིད་པ་ལྔ་སྨོས་ཀྱང་འཚལ། བཅོམ་ལྡན་འདས་དེ་ལྷ་ལགས་པས། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་སེམས་ཀྱིས་ཀུན་བསམས་ཏེ། ཡི་གེར་བྲི་བར་བགྱིའོ།། གང་མི་གཡེང་བས་ཡིད་ལ་བགྱིད་པས་ཡི་གེར་བྲིན་དེ་ལ། སངས་རྒྱས་སྟོང་གིས་ཕྱག་རྐྱོང་བར་འགྱུར་རོ།། འཆི་བའི་ཚེ་ཡང་སངས་རྒྱས་སྟོང་གི་ཞལ་མཐོང་བར་འགྱུར་རོ།། ངན་འགྲོ་ལོག་པར་ལྟུང་བར་མཆི་བར་མི་འགྱུར་རོ།། འདི་ནས་ཤི་འབྱེས། ནས་ཀྱང་དགའ་ལྡན་གྱི་ལྷ་རྣམས་དང་སྐལ་མཉམ་པར་སྐྱེ་བར་འགྱུར་ཏེ། གང་ན་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་མཚན་བཟང་པོ་སུམ་ཅུ་རྩ་གཉིས་དང་ལྡན་པ་དེ། བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་ཅིང་། ལྷའི་བུ་མོ་བྱ་བ་ཁྲག་ཁྲིག་བརྒྱ་སྟོང་གིས་མདུན་གྱིས་བལྟས་ཏེ། ཆོས་འཆད་པ་དེར་སྐྱེའོ།། དེ་ལྟ་ལགས་པས་རིགས་ཀྱི་བུ་འམ། རིགས་ཀྱི་བུ་མོ་མཁས་པས། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་གུས་པར་ཡི་གེར་བྲི་བར་བགྱིའོ།། གུས་པར་ལུང་མནོད་པར་བགྱིའོ།། གུས་པར་ཁ་ཏོན་དུ་བགྱིའོ།། གུས་པར་ཡིད་ལ་བགྱིའོ། ། བཅོམ་ལྡན་འདས་ཆོས་ཀྱི་རྣམ་གྲངས་འདི་ཡི་གེར་བྲིས་པ་དང་། ལུང་མནོད་པ་དང་། ཁ་ཏོན་བགྱིས་པ་དང་། བསྒོམས་པ་དང་། ཡིད་ལ་བགྱིས་པ་ནི་དེ་ལྟར་ཡོན་ཏན་དཔག་ཏུ་མ་མཆིས་པར་འགྱུར་རོ། ། བཅོམ་ལྡན་འདས་དེ་ལྟ་ལགས་པས། རིགས་ཀྱི་བུའམ། རིགས་ཀྱི་བུ་མོ་མཁས་པས་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་བཟུང་བར་བགྱིས་ཏེ། དེ་དག་གི་ཡོན་ཏན་གྱི་ཕན་ཡོན་འདི་སྙེད་དུ་འགྱུར་རོ།། བཅོམ་ལྡན་འདས་དེ་ལྟ་ལགས་པས།། ཅི་ནས་བདག་གི་བྱིན་གྱིས་བརླབས་ཀྱིས་ཆོས་ཀྱི་རྣམ་གྲངས་འདི་འཛམ་བུའི་གླིང་འདི་ན་སྤྱོད་པར་འགྱུར། བར་བདག་གིས་ཆོས་ཀྱི་རྣམ་གྲངས་འདི་བྱིན་གྱིས་བརླབས་པར་བགྱིའོ།། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་ཀུན་ཏུ་བཟང་པོ་ཁྱོད་སྐྱེ་བོ་མང་པོ་ལ་ཕན་པའི་ཕྱིར་ཞུགས་པ་དང་། འདི་ལྟར་བསམ་གྱི་མི་ཁྱབ་པའི་ཆོས་དང་ལྡན་ཞིང་སྙིང་རྗེ་ཆེན་པོས་ཟིན་པའི་ལྷག་པའི་བསམ་པ་དང་། བསམ་གྱིས་མི་ཁྱབ་པ་ཡིས་ཟིན་པའི་སེམས་བསྐྱེད་པས། ཁྱོད་ཀྱིས་ཆོས་སྨྲ་བ་དེ་དག་ལ་བྱིན་གྱི་རློབ་པར་བྱེད་པ་ལེགས་སོ་ལེགས་སོ་ཞེས་བྱ་བ་བྱིན་ནོ། རིགས་ཀྱི་བུ་གང་ལ་ལ་དག་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོའི་མིང་འཛིན་པ་དེ་དག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་མཐོང་བ་དང་། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་ཡང་བཅོམ་ལྡན་འདས་ཤཱཀྱ་ཐུབ་པའི་གན་ནས་ཐོས་པ་དང་། དེ་དག་གི་དེ་བཞིན་གཤེགས་པ་ཤཱཀྱ་ཐུབ་པ་མཆོད་པ་དང་། དེ་བཞིན་གཤེགས་པ་ཤཱཀྱ་ཐུབ་པས་ཆོས་བསྟན་པ་ལ་ལེགས་སོ་ཞེས་བྱ་བ་བྱིན་པ་དང་། ཆོས་ཀྱི་རྣམ་གྲངས་འདི་ལ་རྗེས་སུ་ཡི་རང་བ་དང་། དེ་བཞིན་གཤེགས་པ་ཤཱཀྱ་ཐུབ་པས་དེ་དག་གི་སྤྱི་བོཔོར་ཕྱག་བཞག་པ་དང་། དེ་དག་གིས་བཅོམ་ལྡན་འད་ཤཱཿཐུབ་པ་ལ་ཆོ་གོས་ཀྱིས་གཡོགས་པར་རིག་པར་བྱའོ།། ཀུན་ཏུ་བཟང་པོ་རིགས་ཀྱི་བུ་འམ། རིགས་ཀྱི་བུ་མོ་དེ་དག་དེ་བཞིན་གཤེགས་པའི་བསྟན་པ་འཛིན་པར་རིག་པར་བྱའོ། ། དེ་དག་འཇིག་རྟེན་རྒྱང་འཕེན་པ་ལ་དགའ་བར་མི་འགྱུར་རོ།། དེ་དག་སྙན་དངགས་ལ་ཞུགས་པའི་སེམས་ཅན་རྣམས་ལ་དགའ་བར་མི་འགྱུར་རོ།། དེ་དག་གར་བྱེད་པ་དང་། རོལ་མོ་བྱེད་པ་དང་། ཀྱང་དང་། ཤཱ་འཚོང་དང་། ཤན་པ་དང་། བྱ་གག་འཚོང་བ་དང་། ཕག་འཚོང་བ་དང་། བུད་མེད་གསོ་བའི་སེམས་ཅན་རྣམས་ལ་དགའ་བར་མི་འགྱུར་རོ།། ། མདོ་སྡེ་འདི་ལྟ་བུ་ཐོས་པ་དང་། ཡི་གེར་བྲིས་པ་དང་། འཛིན་པ་དང་། བཀླགས་པ་དེ་དག་གཞན་ལ་སྲེད་པར་མི་འགྱུར་རོ།། སེམས་ཅན་དེ་དག་ཆོས་ཀྱི་ངོ་བོ་ཉིད་དང་ལྡན་པར་འགྱུར་རོ།། དེ་དག་སོ་སོར་བདག་ཉིད་ཚུལ་བཞིན་ཡིད་ལ་བྱེད་པར་འགྱུར་རོ། ། རང་གི་བསོད་ནམས་ཀྱི་སྟོབས་བསྐྱེད་པར་འགྱུར་རོ།། དེ་དག་སེམས་ཅན་རྣམས་ཀྱིས་མཐོང་ན་དགའ་བར་འགྱུར་རོ།། དགེ་སློང་གང་དག་མདོ་སྡེ་འདི་ལྟ་བུ་འཛིན་པ་དེ་དག་འདོད་ཆགས་ཀྱིས་གཟིར་བར་མི་འགྱུར་རོ། ། ཞེ་སྡང་མེད་པ་དང་། གཏི་མུག་མེད་པ་དང་། སེར་སྣ་མེད་པ་དང་། འཆབ་པ་མེད་པ་དང་། ང་རྒྱལ་པ་དང་། ཆེ་བའི་ང་རྒྱལ་མེད་པ་དང་། ལོག་པའི་ང་རྒྱལ་མེད་པར་འགྱུར་རོ།། ཀུན་ཏུ་བཟང་པོ་ཆོས་སྨྲ་བ་དེ་དག་བདག་གི་རྙེད་པས་ཆོག་ཤེས་པར་འགྱུར་རོ།། ཀུན་ཏུ་བཟང་པོ་གང་དག་གིས་ཕྱི། མའི་དུས་ཕྱི་མའི་ཚེ། ལྔ་བརྒྱ་པ་ཐ་མ་ལ་དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འདི་འཛིན་པའི་དགེ་སློང་མཐོང་ན་འདི་སྙམ་དུ་རིགས་ཀྱི་བུ་འདི་ནི་བྱང་ཆུབ་ཀྱི་སྙིང་པོར་འགྲོ་བར་འགྱུར་རོ།། རིགས་ཀྱི་བུ་འདི་ནི་བདུད་ཀྱི་ཐབ་མོའི་ཚོགས་ལས་རྒྱལ་བར་འགྱུར་རོ།། རིགས་ཀྱི་བུ་འདི་ནི་ཆོས་ཀྱི་འཁོར་ལོ་བསྐོར་བར་འགྱུར་རོ།། འདི་ནི་ཆོས་ཀྱི་རྔ་རྡུང་བར་འགྱུར་རོ།། འདི་ནི་ཆོས་ཀྱི་དུང་འབུད་པར་འགྱུར་རོ། ། འདི་ནི་ཆོས་ཀྱི་ཆར་ཆེན་པོ་རབ་ཏུ་འབེབས་པར་འགྱུར་རོ།། འདི་ནི་ཆོས་ཀྱི་སེང་གེའི་ཁྲི་ལ་འདུག་པར་འགྱུར་རོ་སྙམ་དུ་སེམས་བསྐྱེད་པར་བྱའོ།། གང་དག་ཕྱི་མའི་ཚེ་ལྔ་བརྒྱའི་ཐ་མ་ལ་ཆོས་ཀྱི་རྣམ་གྲངས་འདི་འཛིན་པའི་དགེ་སློང་དེ་དག་བརྐམ་པར་མི་འགྱུར་རོ། ། ཆོས་གོས་ལ་ཆགས་པ་དང་། ལྷུང་བཟེད་ལ་ཆགས་པར་མི་འགྱུར་རོ།། ཆོས་སྨྲ་བ་དེ་དག་དྲང་པོར་འགྱུར་རོ། ། ཆོས་སྨྲ་བ་དེ་དག་རྣམ་པར་ཐར་པ་གསུམ་ཐོབ་པར་འགྱུར་རོ།། དེ་དག་གི་ཚེ་འདི་ལ་བཟློག་པར་འགྱུར་རོ།། གང་དག་མདོ་སྡེ་འདི་ལྟ་བུ་འཛིན་པ་ཆོས་སྨྲ་བའི་དགེ་སློང་རྣམས་སྨོད་པར་བྱེད་པའི་སེམས་ཅན་དེ་དག་དམུས་ལོང་དུ་འགྱུར་རོ། ། གང་དག་གིས་མདོ་སྡེ་འདི་ལྟ་བུ་འཛིན་པའི་དགེ་སློང་རྣམས་ལ་མི་སྙེད་པར་བསྒྲགས་ན། དེ་དག་ཚེ་འདི་ཉིད་ལ་ལུས་ལ་ཤ་བཀྲ་འབྱུང་བར་འགྱུར་རོ། གང་དག་མདོ་སྡེ་འདི་ལྟ་བུ་ཡི་གེར་འདྲི་བ་རྣམས་ལ་འཕྱ་བ་དང་། བསྟིང་བ་དེ་དག་སོ་ཆག་པར་འགྱུར་རོ།། སོ་ཐགས་ངན་པར་འགྱུར་རོ།། མཆུ་མི་སྡུག་པར་འགྱུར་རོ།། སྣ་ལེབ་ཏུ་འགྱུར་རོ།། ལག་པ་དང་རྐང་པ་ལོག་པར་འགྱུར་རོ།། མིག་ལོག་པར་འགྱུར་རོ།། ལུས་དྲི་མི་ཞིམ་པར་འགྱུར་རོ།། ལུས་ལ་འབྲས་དང་འབྲུམ་བུ་ཕྲ་མོ་དང་། རྐང་ཤུ་དང་ཤུ་བ་དང་། གཡན་པས་གང་བར་འགྱུར་རོ། ། གང་དག་མདོ་སྡེ་འདི་ལྟ་བུ་འཛིན་པ་དང་། མདོ་སྡེ་འདི་ལྟ་བུ་ཡི་གེར་འདྲི་བ་དང་། མདོ་སྡེ་འདི་ལྟ་བུ་ཀློག་པ་དང་། མདོ་སྡེ་འདི་ལྟ་བུ་འཆང་བ་རྣམས་ལ་མི་སྙན་པའི་ཚིག་བདེན་པ་འམ་མི་བདེན་པ་བསྒྲགས་ན། སྡིག་པའི་ལས་དེ་ཤིན་ཏུ་ལྕི་བར་རིག་པར་བྱའོ།། ཀུན་ཏུ་བཟང་པོ་དེ་བས་ན། ཆོས་ཀྱི་རྣམ་གྲངས་འདི་འཛིན་པའི་དགེ་སློང་ལ་རྒྱང་མ་ནས་ཀྱང་ལྡན་པར་བྱའོ།། ཇི་ལྟར་དེ་བཞིན། གཤེགས་པ་ལ་གུས་པར་བྱ་བ་དེ་བཞིན་དུ་མདོ་སྡེ་འདི་ལྟ་བུ་འཛིན་པའི་དགེ་སློང་དེ་དག་ལའང་གུས་པར་བྱའོ།། ཀུན་ཏུ་བཟང་པོ་སྤྲོ་བར་བྱ་བའི་ལེའུ་འདི་བཤད་པ་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཀངྒཱའི་ཀླུང་གི་བྱེ་མ་སྙེད་ཀྱིས་བྱེ་བ་བརྒྱ་སྟོང་འཁྱིལ་བ་ཞེས་བྱ་བའི་གཟུངས་ཐོབ་པར་གྱུར་ཏོ། ། ཀུན་ཏུ་བཟང་པོ་སྤྲོ་བར་བྱ་བའི་ལེའུ་སྟེ་ཉི་ཤུ་རྩ་དྲུག་པའོ།། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཆོས་ཀྱི་གདན་དེ་ལས་བཞེངས་ཏེ། ཐམས་ཅད་དང་ལྡན་པའི་བྱང་ཆུབ་སེམས་དཔའ་དེ་དག་བསྡུས་ནས་རྫུ་འཕྲུལ་མངོན་པར་མཛད་པ་ཡོངས་སུ་གྲུབ་པའི་ཕྱག་གཡས་པས་དེ་དག་གི་ལག་པ་གཡས་པ་ནས་གཟུང་ནས། དེའི་ཚེ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་དགངས་བསྐལ་པ་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་དུ་ཡང་དག་པར་བསྒྲུབས་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཁྱེད་ཀྱི་ལག་ཏུ་གཏད་དོ།། ཡོངས་སུ་གཏད་དོ།། རྗེས་སུ་གཏད་དོ།། གཞག་གོ།། གཏ་མོས་སོ།། རིགས་ཀྱི་བུ་དག་ཁྱེད་ཀྱིས་ཅི་ནས་ཀྱང་རྒྱ་ཆེར་རྒྱས་པར་འགྱུར་བར་དེ་ལྟར་གྱིས་ཤིག། ལན་གཉིས་ལན་གསུམ་དུ་ཡང་བཅོམ་ལྡན་འདས་ཀྱིས་ཕྱག་གཡས་པས་ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་ཀྱི་ལག་པ་གཡས་པ་ནས་བཟུང་སྟེ། འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་དགངས་བསྐལ་པ་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་དུ་ཡང་དག་པར་བསྒྲུབས་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཁྱེད་ཀྱི་ལག་ཏུ་གཏད་དོ།། ཡོངས་སུ་གཏད་དོ།། རྗེས་སུ་གཏད་དོ།། བཞག་གོ།། གཏམས་སོ།། རིགས་ཀྱི་བུ་དག་ཁྱེད་ཀྱིས་བླངས་ལ་གཟུང་ངོ་།། བཀླག་གོ། ཀུན་ཆུབ་པར་བྱའོ།། བསྟན་པར་བྱའོ།། བཤད་པར་བྱའོ།། སེམས་ཅན་ཐམས་ཅད་ལ་བསྤགས་པར་བྱའོ།། རིགས་ཀྱི་བུ་དགང་ལ་སེར་སྣ་མེད་དོ།། འཛིན་པའི་སེམས་མེད་དོ།། འཇིགས་པ་མེད་པར་སངས་རྒྱས་ཀྱི་ཡེ་ཤེས་སྦྱིན་པོའོ།། དེ་བཞིན་གཤེགས་པའི་ཡེ་ཤེས་དང་། རབ་བྱུང་གི་ཡེ་ཤེས་སྦྱིན་པའོ།། རིགས་ཀྱི་བུ་དག་ང་ནི་སྦྱིན་པའི་བདག་པོ་ཆེན་པོ་སྟེ། རིགས་ཀྱི་བུ་དག་ཁྱེད་ཀྱང་ངའི་རྗེས་སུ་སྤོབས་ཤིག། སེར་སྒྲ་མེད་པར་གྱིས་ལ། དེ་བཞིན་གཤེགས་པའི་ཡེ་ཤེས་མཐོང་བ་ཐབས་མཁས་པ་ཆེན་པོའི་ཆོས་ཀྱི་རྣམ་གྲངས་འདི། འོངས་ཤིང་ལྷགས་པའི་རིགས་ཀྱི་བུ་དང་། རིགས་ཀྱི་བུ་མོ་དག་ལ་ཡང་དག་པར་སྒྲོགས་ཤིག། རིགས་ཀྱི་བུ་འམ། རིགས་ཀྱི་བུ་མོ་གང་དག་དད་པ་དང་། སེམས་ཅན་གང་དག་མ་དད་པ་དེ་དག་ཆོས་ཀྱི་རྣམ་གྲངས་འདི་ལ་ཡང་དག་པར་གཟུད་པར་བྱའོ། ། རིགས་ཀྱི་བུ་དག་ཁྱེད་ཀྱིས་དེ་ལྟར་བྱས་ན། དེ་བཞིན་གཤེག་པ་ལ་ལན་ལོན་པར་འགྱུར་རོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དགའ་བ་དང་། མཆོག་ཏུ་དགའ་བས་ཁྱབ་པར་གྱུར་ནས་རྗེས་ནེར་བསྐྱེད་དེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ག་ལ་བ་དེ་ལོགས་སུ་ལུས་བཏུད་ལུས་རབ་ཏུ་བཏུད་ནས་ལུས་བཅུ་མ་སྟེ་མགོ་སྨད་ནས་ཐལ་མོ་སྦྱར་ཏེ། ཐམས་ཅད་ཀྱི་སྒྲ་སྐད་གཅིག་ཏུ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པས་ཇི་སྐད་བཀའ་སྩལ་པ་དེ་བཞིན་དུ་འཚལ་ལོ། ། དེ་བཞིན་གཤེགས་པ་ཐམས་ཅད་ཀྱི་བཀའ་ཡོངས་སུ་རྫོགས་པར་བགྱིའོ།། བཅོམ་ལྡན་འདས་ཐུགས་ལས་ཆུང་ངུར་ཇི་བདེར་བཞུགས་སུ་གསོལ། ལན་གཉིས་ལན་གསུམ་དུ་ཡང་ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་དེས་སྒྲ་སྐད་གཅིག་ཏུ་ཆོག་འདི་སྐད་ཅེས་བཅོམ་ལྡན་འདས་ཐུགས་ལས་ཆུང་ངུར་ཅི་བདེར་བཞུགས་སུ་གསོལ། ། བཅོམ་ལྡན་འདས་ཇི་སྐད་དུ་དེ་བཞིན་གཤེགས་པས་བཀའ་སྩལ་པ་དེ་བཞིན་དུ་བགྱིའོ། ། དེ་བཞིན་གཤེགས་པ་ཐམས་ཅད་ཀྱི་བཀའ་ཡོངས་སུ་རྫོག་པར་བགྱིའོ་ཞེས་གསོལ་ཏོ།། དེ་ནས་བཅོམ་ལྡན་འདས་ད་ཨེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་འཇིག་རྟེན་གཞན་དག་ནས་བྱོན་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་། རྫོགས་པའི་སངས་རྒྱས་དེ་དག་ཐམས་ཅད་སླར་གཤེགས་སུ་གསོལ་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ལ་ཅི་བདེར་གནས་པར་མཛོད་ཅིག་ཅེས་དེ་བཞིན་གཤེགས་པ་དེ་དག་ལ་ཅི་བདེར་གནས་པ་མཛོད་ཅིག་ཅེས་བྱ་བ་གསུངས་སོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་དེའི་མཆོད་རྟེན་ཀྱང་གནས་ཇི་ལྟ་བ་བཞིན་དུ་བཞག་གོ། ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལ་ཡང་ཅི་བདེར་བཞུགས་ཤིག་ཅེས་གསུངས་སོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྲངས་མེད་དཔག་ཏུ་མེད་པ་འཇིག་རྟེན་གྱི་ཁམས་གཞན་དག་ནས་བྱོན་ཏེ། རིན་པོ་ཆེའི་ཤིང་ལྗོན་པ་རྣམས་ཀྱི་དྲུང་དག་ན། སེང་གེའི་ཁྲི་ལ་བཞུགས་པ་དེ་དག་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་དང་། ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་དེ་དང་། སྤྱོད་པ་ཁྱད་པར་ཅན་ལ་སོགས་པ་ས་རུམ་ནས་འཐོན་པའི་བྱང་ཆུབ་སེམས་ས་དཔའ་སེམས་དཔའ་ཆེན་པོ་གྲངས་མེད་དཔག་ཏུ་མེད་པ་དེ་དག་དང་། ཉན་ཐོས་ཆེན་པོ་དེ་དག་དང་། འཁོར་བཞི་པོ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཐུགས་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་ཤིན་ཏུ་རྒྱས་པ་ཆེན་པོའི་མདོ་སྡེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་གདམས་པ། སངས་རྒྱས་ཐམས་ཅད་ཀྱིས་ཡོངས་སུ་བཟུང་བ། སངས་རྒྱས་ཐམས་ཅད་ཀྱི་གསང་ཆེན། སངས་རྒྱས་ཐམས་ཅད་ཀྱི་སྦ་བ། སངས་རྒྱས་ཐམས་ཅད་ཀྱི་རིགས། སངས་རྒྱས་ཐམས་ཅད་ཀྱི་གསང་བའི་གནས། སངས་རྒྱས་ཐམས་ཅད་ཀྱི་བྱང་ཆུབ་ཀྱི་སྙིང་པོ། སངས་རྒྱས་ཐམས་ཅད་ཀྱི་ཆོས་ཀྱི་འཁོར་ལོ་བསྐོར་བ། སངས་རྒྱས་ཐམས་ཅད་ཀྱི་སྐུ་གཅིག་ཏུ་འདུས་པ། ཐབས་མཁས་པ་ཆེན་པོ། ཐེག་པ་གཅིག་ཏུ་བསྟན་པ། དོན་དམ་པ་བསྒྲུབ་པ་བསྟན་པ་རྫོགས་སོ།། །
CLOSE WINDOW