བོད་ཡིག |
74b6 sho lo ka stong nyis brgya sum bcu mchis/ / @#/ /'phags pa dkon mchog
74b7 brtsegs pa chen po'i chos kyi rnam grangs le'u stong phrag brgya pa las le'u sum bcu rtsa dgu pa ste tshong dpon bzang skyong gis zhus pa/ / bam po dang po/ rgya gar skad du/ Ar+ya b+ha dra pA la shreSh+ThI pa ri pr-i ts+tshA
74b8 nA ma ma hA yA na sU tra/ bod skad du/ 'phags pa tshong dpon bzang skyong gis zhus pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag
75a1 gis thos pa dus gcig na/ bcom ldan 'das rgyal po'i khab na 'od ma'i tshal bya ka lan da ka gnas pa na/ shA ri'i bu la sogs pa bya ba byas pa/ byed pa byas pa dge slong stong nyis brgya lnga bcu'i dge
75a2 slong gi dge 'dun chen po dang thabs gcig tu bzhugs so/ /de'i tshe dge slong de dag bcom ldan 'das kyi thad na lus snyom pa dang / gnyid kyi gnas pas lus nyon mongs pa med cing lus snyom pa med par gnas
75a3 so/ /yang de'i tshe bcom ldan 'das kyi zhal gyi mdangs me tog pad ma'i tshal rgyas pa lta bur snang bar gyur to/ /de nas dge slong de dag 'di snyam du sems te/ bcom ldan 'das kyi zhal gyi mdangs pad ma'i tshal rgyas
75a4 pa lta bur snang bar gyur pa las na/ bcom ldan 'das 'di chos kyi tshul ji lta bu zhig ston par dgongs shig gu snyam mo/ /de nas de'i tshe tshong dpon bzang skyong zhes bya ba 'khor tshong pa drug khri dang bcom ldan 'das kyi
75a5 thad du dong ngo / /de nas bzang skyong shin du gzhon sha can la lus kyi mdog bzang zhing bzhin rgyas pa dang ldan pa bcom ldan 'das ga la ba der song ste phyin nas/ bcom ldan 'das ting nge 'dzin du zhugs pa/ rab tu
75a6 zhi ba dang dul ba'i yon tan gyi gter du gyur pa/ gser gyi shing ljon pa ltar gzi brjid 'bar ba mthong ngo / /de nas bzang skyong dad pa skyes te mnyam par bzhag pa'i yid kyis 'di snyam du sems te/ kye ma thams
75a7 cad mkhyen pa de bzhin gshegs pa dgra bcom pa yang dag par rdzogs pa'i sangs rgyas shes 'jig rten du snyan pa dag grags pa 'di ni mi brdzun no snyam mo/ /de nas bzang skyong gis bcom ldan 'das kyi zhabs
75a8 la gtugs nas de bzhin gshegs pa'i zhal du lta ba gtad de 'dug par gyur ro/ /de nas bcom ldan 'das kyis bzang skyong la gzigs nas sku las 'od phyung ngo / /'od zer des kyang tshong dpon bzang skyong mi
75b1 'jigs pa skyes nas bcom ldan 'das la lan gsum bskor ba byas te/ yang bcom ldan 'das kyi zhabs la gtugs nas bcom ldan 'das la 'di skad ces gsol to/ /bcom ldan 'das bdag la
75b2 thugs brtse bar mdzad du gsol/ bdag ni bcom ldan 'das la da gdod dad pa thob pa lags so/ /bcom ldan 'das de ltar lags pas phyogs 'ga' la re ba/ chos 'tshal ba/ 'khor ba'i gnod pa
75b3 rnams kyis yongs su nyon mongs pa/ rnam par rtog pa'i shas che ba ngo mtshar du gyur pa can bdag la bshad du gsol/ bcom ldan 'das bdag ni the tshom can lags/ bde bar gshegs pa bdag ni som
75b4 nyi can lags na/ gang gis bdag rmongs par gyur cing 'khor ba las nges par 'byung ba ma 'tshal to/ /bcom ldan 'das ni thams can mkhyen pa lags te/ bde ba'i yo byad thams cad 'grub par
75b5 mdzad pas yid bzhin gyi nor bu rin po che lta bu 'jig rten du de'u ma byung ste byung ngo / /bcom ldan 'das ni sems can thams cad la mnyes gshin pas na pha ma lta bu yang lags so/ /de skad ces
75b6 gsol nas/ bcom ldan 'das kyis tshong dpon bzang skyong la 'di skad ces bka' stsal to/ /bzang skyong de'i phyir ci 'dod pa dris shig dang / ngas dris pa de dang de'i lung bstan
75b7 pas sems rangs par bya'o/ /de nas bzang skyong zhu bar 'dod pas phyogs gcig tu 'dug go/ tshong dpon bzang skyong gzi brjid 'bar zhing gzugs bzang po phun sum tshogs
75b8 pa phyogs gcig tu 'dug pa tshe dang ldan pa kun dga' bos mthong nas bcom ldan 'das la 'di skad ces gsol to/ /bcom ldan 'das bzang skyong 'di'i mdog bzang zhing rgyas
76a1 pas rgyal po'i dpal yang zil gyis non te lhag par mdzes pa ni ngo mtshar lags so/ /de nas bcom ldan 'das kyis tshe dang ldan pa kun dga' bo la bka' stsal pa/
76a2 kun dga' bo bzang skyong 'di'i bde ba'i yo byad gang yin pa dang / dga' zhing rtse la dga' mgur spyod pa gang yin pa de ni tshong dpon gzhon nu zla ba 'byor pa ma gtogs par lha rnams
76a3 kyi dbang po brgya byin la yang med do/ /'dzam bu'i gling 'di na khyad par du 'phags pa rnams la yang med do/ /de nas bcom ldan 'das la tshe dang ldan pa kun dga' bos 'di skad
76a4 ces gsol to/ /bcom ldan 'das tshong dpon bzang skyong 'di'i nor du gyur pa gang lags/ bcom ldan 'das kyis bka' stsal pa/ kun dga' bo de'i phyir khyod kyis
76a5 tshong dpon dge ba'i rtsa ba byas pa 'di'i 'byor pa dang longs spyod rgyas pa nyon cig /kun dga' bo nor dang gser phun sum tshogs pa'i tshong pa drug khri 'di'i phyi bzhin 'brang ngo / /
76a6 mal khri tshon sna tshogs spel bas mdzes par byas pa/ smig thags can la stan nang tshangs can gting ba/ g.yas g.yon du sngas dmar po bzhag pa drug khri dang / bud med
76a7 bgo ba dar dang / du ku la'i ras dang / men tri dang / mon dar dang / mes sbyangs pa'i gos dang / la tshig gu'i stod kor dang / dmar po dang / rnam pa sna tshogs
76a8 kyi snam phran gyi gos gyon pa/ 'od chags pa'i rgyan gyis brgyan pa/ lag mthil reg na snyi zhing shin tu 'jam pa rnam pa sna tshogs su gyur pa god cing dga' ba dang / tshig 'chos shing sgeg
76b1 la snyan pa'i gtam brjod pas bskyed pa'i dga' ba dang mchog tu dga' bas rgod par byed pa/ khyim thab la bsnyen bkur byed pa'i tshul gyis lus la stong bar byed pa/ skyes pa gzhan la 'dod pa'i
76b2 rgyud spangs pa mdzes pas 'dud cing bla gos bzang po bgos pa/ gcig la gcig phrag dog gis 'thab pa dang / 'tshe bas bzhin khro gnyer gtsigs shing 'khu bar 'gyur ba med pa/ rkang lag dang sor
76b3 mo shin tu 'jam pa/ rkang lag gi tshigs kyi bar mtshams mi mngon pa/ rkang lag rgyas pa/ sku mnyam zhing bcos la g.yas su 'khyil zhing mdzes pa/ snying chags pa dang ldan zhing shin tu snying nye ba/
76b4 snyan par grags pa'i rigs dang rus las byung bas grags pa dang legs pa bskyed pa/ lus shin tu 'jam pa/ rigs mtho ba'i bud med rtse bar 'os pa'i khang pa dang / mal cha rgyas pa dang
76b5 ldan pa drug khri dang / btso zangs drug khri gang ba'i 'bras can bzang po tshod ma shin du dri zhim pos sna tha dad par phye ba/ sA lu bzang po'i chan dang / chu yan lag brgyad dang ldan pa lta bu'i kha zas rnam
76b6 pa sna tshogs dri zhim zhing yid du 'ong la dga' ba skyed par byed pa/ nyon ma mongs par grub cing bsod nams kyis byung la dri nga zhing mi gtsang ba dang / lus kyi skyon du 'gyur ba med pa dag dang / khang
76b7 pa brtsegs pa nor bu dang / mu tig dang / bai dUr+ya dang / rin po che sna tshogs kyis spras pa rnam par phye la sdug cing mdzes par byas pa dang / ras sbyangs shing rlung gis bskyod pa'i bun long dang / me
76b8 tog sil mas gtor ba dang / bsil ba'i chus reg na bde bas khyab pas bsil bar gyur ba/ 'khar rnga dang / pi bang rgyud gcig pa dang / pi bang dang / gling bu dang / rdza rnga chen po las byung ba'i sgra snyan pa'i dar dir dang / phug ron
77a1 gyi skad yid du 'ong zhing chags su rung bas mdzes par byas pa/ me tog gi 'khri shing gis rtse mo 'khris pa la sbrang bu sgra snyan pa 'byin pa/ lha'i gnas dang / ri rab kyi phrag gi bar lta bur rlung skyabs dang ldan
77a2 ba'i mar me 'bar ba'i gzi brjid dang / sman gyi sgron ma dngar ba drug khri dang / grong khyer bzhi mdo dang / sum mdo dang / bag ma dang / srang sdug gus mdzes par byas pa/ yul sna tshogs kyi skad dang / spyod pa dang / zong dang /
77a3 tshong khang sna tshogs spel bas mdzes par byas pa/ tshong pa'i tshogs stong dag gis lang long du gyur pa/ nags dang shing ljon pa sna tshogs brgya stong dag gis 'khrigs pa/ ku mu da'i me tog rgyas pa dri ma med pa spel
77a4 bas mdzes par byas pa/ rta dang glang po che dang / shing rta'i mchog gis bun long du gyur pa drug khri yod do/ /kun dga' bo grong khyer de dag gi nang na tshong dpon dang / tshong pa dang / yul gyi mi dang / ded dpon 'khod
77a5 pa rnams kyang tshong dpon gzhon nu bzang skyong de'i bsngags pa brjod cing snyan pa smra bar byed de/ nyin gcig bzhin du thal mo sbyar nas 'dud par byed do/ /yul ko sa la'i rgyal po gsal rgyal yang de'i dbang
77a6 phyug dang / 'byor pa dang / longs spyod rgyas pa mthong na bdag nyid la mi dbul po lta bur 'dzin to/ /kun dga' bo tshong dpon gzhon nu zla ba 'byor pa 'di ni btso zangs 'bum gyi g.yos byed pa dang ldan pa'i 'khor
77a7 gyis bskor te/ kun dga' bo de'i bsnyen bkur byed pa yang bud med lnga stong yod do/ /kun dga' bo zla ba 'byor pa de la ni lha rnams kyi dbang po brgya byin gyi bde ba'i yo byad kyis kyang cha tsam du yang mi phod do/ /
77a8 kun dga' bo tshong dpon gzhon nu zla ba 'byor pa de la ni tshong dpon bzang skyong gi gzugs bzang ba dang / kha dog rgyas pa dang / dbang phyug dang / bde ba'i yo byad kyis brgya'i char yang mi phod do/ /kun dga' bo 'on kyang
77b1 bzang skyong la ni lha'i shing rta lha'i nor bu rin po che 'od 'bar ba nam mkha' skar mas spras pa dang 'dra ba/ lha'i gser 'tsher bas ngos sprad pa/ rdo rje dang / spug dang / me shel sna tshogs kyis mdzes par byas
77b2 pa rlung gi shugs ltar mgyogs shing nam mkha' lding gi shugs ltar 'gro ba de la zhon nas rin po'i gling du yang 'gro zhing bde ba dang ldan la/ /rtsed mo nyams su myong nas phyir 'ong ba'i shing rta'i mchog yid 'phrog
77b3 pa zhes bya ba yod do/ /de nas kun dga' bos bcom ldan 'das kyi zhabs la gtugs nas bcom ldan 'das la 'di skad ces gsol to/ /bcom ldan 'das tshong dpon gzhon nu bzang skyong 'dis dge
77b4 ba'i rtsa ba ji lta bu zhig bsags/ de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo 'dir dge ba'i rtsa ba sangs rgyas la bskyed pa dag gi rnam par
77b5 smin pa ni de yin te/ kun dga' bo 'das pa'i dus na 'dir de bzhin gshegs pa dgra bcom pa yang dag par rdzogs pa'i sangs rgyas bde ba'i 'od ces bya ba byung ngo / /kun dga' bo tshong dpon bzang skyong de
77b6 ni de'i nyan thos gtsug pung bzang zhes bya bar gyur te/ bslab pa'i gzhi ma nyams shing tshul khrims ma 'chal bar spyod pa/ chos smra ba/ thos pa'i mdzod 'dzin pa dang / 'dul ba 'dzin par gyur te/ des nyin cig bzhin
77b7 du sems can rnams la skad snyan cing yid du 'ong ba dang / zab cing brtan pa dang / gsang mtho zhing zur phyin pas chos bstan to/ /gang gis chos de thos shing kun chub par byas pa de yang phyin chad log par ltung bar 'gro bar mi 'gyur ro/ /
77b8 kun dga' bo chos kyi sbyin pa des bskal pa dgu bcu rtsa gcig gi bar du lha dang mi rnams mgu bar byas so/ /kun dga' bo de'i shing rta'i gzhal med khang gang yin pa de yang bshad par bya ste/ kun dga' bo 'dis dge slong tshangs par spyod cing tshul khrims dang
78a1 ldan pa lus nyam chung ba zhig la dad pa'i sems kyis bsod snyoms byin nas lham zung cig kyang byin te/ de'i bsod nams rnam par smin pa des na lha'i shing rta'i mchog mngon par grub par gyur to/ /kun dga' bo de bzhin gshegs
78a2 pa dgra bcom pa yang dag par rdzogs pa'i sangs rgyas 'od srung gis kyang 'di skad du ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub pa 'byung ba
78a3 des khyod lung stan par 'gyur ro zhes gsungs so/ /kun dga' bo tshong dpon bzang skyong 'di ni ngas 'dul ba'o/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan
78a4 'das tshong dpon 'di ni nor dang / gser phun sum tshogs la 'dod pa dang ldan pa'i yul rnams kyis kyang dregs par ma gyur pa ni ngo mtshar lags so/ /bcom ldan 'das kyis bka' stsal pa/ mkhas pa
78a5 dag ni 'dod pa'i longs spyod rgyas pa'i khyad par dag gis dregs par mi 'gyur te/ kun dga' bo tshong dpon 'di ni dge ba'i chos can/ dge ba'i rtsa ba nyams su myong ba yin no/ /de nas bcom ldan 'das kyis bskul nas
78a6 tshong dpon gzhon nu bzang skyong gis bdag nyid kyi skabs phye bar rtogs nas thal mo sbyar te bcom ldan 'das kyi zhabs la gtugs nas bcom ldan 'das la 'di skad ces gsol to/ /gal te bcom ldan 'das kyis bdag la skabs
78a7 phye na bcom ldan 'das sems can thams cad la sman 'dogs shing thugs brtse ba can la bdag phyogs 'ga' zhig zhu bar 'tshal lo/ /bcom ldan 'das kyis bka' stsal pa/ bzang skyong de'i phyir khyod kyi dri ba dang 'thun pa'i 'dus
78a8 la bab kyis/ bzang skyong khyod ci dang ci 'dod pa dris shig dang ngas khyod la bshad do/ /de skad ces bka' stsal nas/ bcom ldan 'das la bzang skyong gis 'di skad ces gsol to/ /bcom ldan 'das 'di na sems can rnams
78b1 rnam par shes pa ma 'tshal te/ za ma tog gi nang gi rin po che mi rig pa bzhin du thams cad kyis rnam par shes pa mi rtogs na/ bcom ldan 'das rnam par shes pa de gang lags/ ji ltar rnam par shes pa zhes bgyi/ bcom ldan 'das ji ltar
78b2 na mi gum pa'i rkang lag dang mig nyams shing 'gum pa'i dus kyi tshe dbang po rnams 'gag cing khams rnams dang mi ldan par gyur pa na rnam par shes pa 'di lus las ji ltar 'pho zhing mchi gzugs ni ji lta bu lags/ rang bzhin ni
78b3 ji lta bu lags/ lus dang ni ji ltar 'bral bar 'gyur/ rnam par shes pa 'di lus yongs su btang nas lus gzhan ji ltar len par 'gyur/ ji ltar na khams rnams yongs su btang zhing skye mched rnams bor nas 'di ni 'jig rten
78b4 pha rol du mchi bar 'gyur/ ji ltar na lus tha dad pa dag len par bgyid/ bcom ldan 'das ji ltar na mi gum pa'i skye mched rnams rjes su 'brang bar 'gyur/ bcom ldan 'das 'jig rten 'dir dge ba'i rtsa ba bsags pa/ 'jig
78b5 rten pha rol tu ji ltar myong bar 'gyur/ ji ltar na phung po 'di dag gis dge ba'i rtsa ba bsags la phyis phung po gzhan dag gis nyams su myong bar 'gyur/ ji ltar na rnam par shes pa 'di lus kyi rjes su 'brang bar gyur/ ji ltar na skye mched
78b6 rnams lus kyi rjes su 'brang bar 'gyur/ de skad ces gsol nas/ bcom ldan 'das kyis bzang skyong la 'di skad ces bka' stsal to/ /bzang skyong legs so legs so/ /de de bzhin te/ khyod kyis nga la bskul ba bzhin no/ /bzang skyong de'i phyir
78b7 rnam par shes pa'i 'ong ba dang / 'gro ba dang / 'pho ba dang / 'gag pa nyon cig /bzang skyong dper na rlung gi khams gzugs can ma yin pa yin yang bstan du yod cing gzung du yod pa dag las gzugs su snang ngo / /de la bstan du yod pa ni shing
78b8 'gul shing g.yo ba dang / sgra skad 'ur 'ur po'i sgra 'byin pa dang / grang ba dang / dro ba'i reg pa'i tshor ba skyed pa yin yang de la rkang lag dang mig dang / gdong dmigs par mi 'gyur te/ sngo bsangs dang dkar ba zhes kha dog lhag par mi dmigs
79a1 so bzang skyong de bzhin du rnam par shes pa'i khams 'di yang gzugs su dmigs shing gzugs su snang bar mi 'gyur te/ khyod kyis rgyu'i bye brag dag gis rnam par shes pa'i khams rtogs par bya'o/ /de la rgyu gang zhe na/
79a2 sems pa dang / tshor ba dang / chos kyi khams so/ /de la ji ltar na rnam par shes pa'i khams 'di lus yongs su btang nas tshor ba dang sems pa len ce na/ dper na rlung gi khams kyis me tog gi dri bsdus nas 'pho te 'gro ba de las lha'i me
79a3 tog gi dri ngad ldang ngo zhes shes mod kyi/ rlung gi khams kyang me tog gi dri mi 'dzin la rlung gi khams med par yang me tog sna tshogs kyi dri mi dmigs so/ /dri de yang gzugs can ma yin la/ rlung gi khams de yang gzugs can ma yin/
79a4 sna'i dbang po de yang gzugs can ma yin no/ /bzang skyong de bzhin du mi shi ba'i rnam par shes pa des tshor ba yongs su blangs shing sems pa kun du blangs te chos kyi khams yang dag par blangs nas 'jig rten pha rol du 'gro ste/ pha ma
79a5 phrad pa las rnam par shes pa skye bar 'gyur ro/ /rnam par shes pa skyes na tshor ba rnams dang / sems pa rnams 'du bar 'gyur te/ dper na me tog gi dbang gis snas tshor la/ sna'i dbang gis dri dmigs par 'gyur ba dang / gzhan yang lus kyi dbang gis rlung gi rang bzhin gyi reg pa dmigs par
79a6 'gyur la/ rlung gi dbang gis me tog gi dri 'byung bar 'gyur ba de bzhin du rnam par shes pa'i dbang gis tshor ba 'byung bar 'gyur la tshor ba'i dbang gis sems pa 'byung bar 'gyur ro/ /sems pa'i dbang gis gang gis dge ba 'am mi dge ba shes pa'i
79a7 chos kyi khams 'byung bar 'gyur te/ dper na ri mo mkhan rtsig pa dang shing leb shin du byi dor byas pa la ci 'dod pa bzhin du las byed de/ las la blo sbyangs pa'i ci 'dod pa bzhin du gzugs rnams mngon par
79a8 'grub par byed kyang de'i rnam par shes pa de yang gzugs can ma yin la/ rnam par shes pa gzugs can ma yin pas kyang gzugs sna tshogs mngon par 'grub par byed pa de bzhin du rnam par shes pa'i khams
79b1 gzugs can ma yin pa 'dis gzugs kyi lus drug mngon par 'grub par byed de/ 'di lta ste mig gi skye mched kyis gzugs mthong la/ rnam par shes pa mig la rten pa gang yin pa de yang gzugs can ma yin no/ /rna ba'i rkyen kyis sgra ste/ de yang gzugs can ma yin
79b2 no/ /sna'i rkyen kyis dri ste/ de yang gzugs can ma yin no/ /lce'i rkyen kyis ro ste/ de yang gzugs can ma yin no/ /lus kyi rkyen kyis reg bya ste/ de yang gzugs can ma yin no/ /chos kyi skye mched kyang gzugs can ma yin no/ /rab tu shes pa gang yin pa
79b3 de yang gzugs can ma yin pa ste/ de bas na spyod yul rnams kyang gzugs can ma yin par blta bar bya'o/ /de bzhin du rnam par shes pa'i khams 'di yang gzugs can ma yin par blta bar bya'o/ /ji ltar na rnam par shes pa'i khams 'dis
79b4 lus yongs su btang nas 'jig rten pha rol du 'gro zhe na/ bzang skyong 'dir 'chi ba'i dus kyi tshe las zad pas tshe 'gag pa na las kyi sgrib pas zin pa'i rnam par shes pa'i khams 'di 'pho bar 'gyur te/ dper na dgra
79b5 bcom pa 'gog pa'i snyoms par zhugs pa'i rnam par shes pa'i khams de khong par 'gags nas yongs su mkhyen pa de bzhin du rnam par shes pa'i khams 'di yang skye bo shi ba'i lus yongs su btang zhing
79b6 khams rnams bor nas dran pa stobs dang ldan par 'gyur te/ 'di ltar bdag ni mchod sbyin gyis byin zhes bya ba de nyid yin te/ lus kyi tshor ba dang / yid kyi tshor ba dang tshor ba rnam pa gnyis kyis zin to snyam du rab tu
79b7 shes te/ de 'chi ba'i dus kyi tshe ni lus kyi tshor ba dang ldan par 'gyur ro/ /shi nas ni yid kyi tshor ba dang ldan par 'gyur ro/ /gzhan yang rnam par shes pa zhes bya ba'i don ci zhe na sa bon gyis lus kyi myu gu mngon par 'grub
79b8 par byed la sems pas shes pa dran pa thob par 'gyur te/ de bas na sa bon dang / shes pa la rnam par shes pa zhes bya'o/ /gzhan yang bde ba dang sdug bsngal gyi tshor bas shes pa de rtogs pas na de'i phyir rnam par shes pa zhes bya'o/ /gzhan yang
80a1 de dge ba dang mi dge ba rig pa dang / dge ba dang mi dge ba'i spyod yul shes pas na de'i phyir rnam par shes pa zhes bya'o/ /sa bon gyis myu gu skyed pa bzhin du lus
80a2 'grub pas de'i phyir yang rnam par shes pa zhes bya'o/ /bzang skyong gzhan yang ji ltar rnam par shes pa'i khams kyis lus yongs su btang nas 'pho zhing 'gro bar 'gyur zhes khyod
80a3 kyis smras pa de ni dper na me long gi gzugs brnyan lta bu dang / 'jib la rgyas btab pa'i 'bur bzhin no/ /dper na nyi ma shar na rab rib dang / mun pa med par 'gyur la/ nyi ma
80a4 med par gyur na yang mun pa 'byung bar 'gyur mod kyi/ mun pa de'i gnas ther zug pa 'am/ ther zug pa ma yin pa yang med la/ mun pa de la yang gzugs dang tshor ba mi snang ba de bzhin
80a5 du rnam par shes pa'i khams 'di yang lus skyes nas mun pa bzhin du lus la gnas par 'gyur te/ mis kyang rnam par shes pa mi mthong la/ rnam par shes pa'i khams kyang lus
80a6 'dzin par byed do/ /dper na bud med kyi mngal na bu gnas pa la ci bdag gi lto na 'dug pa 'di khye'u 'am/ bu mo 'am/ sngo bsangs sam/ dkar ram/ ser ram/ dbang po tshang ba 'am/ dbang
80a7 po ma tshang ba yin pa 'am/ rkang lag mnyam pa yin par mi shes la/ lto'i mngal na gnas pa de yang kha zas ha cang tsha bas 'gul zhing reg la tshor bar 'gyur ba de bzhin du rnam par shes pa'i
80a8 khams 'di yang 'gro ba dang / 'ong ba dang / brkyang ba dang / bskum pa dang / mig 'dzums pa dang / 'byed pa dang / las thams cad yongs su spyod cing rgod pa dang / gtam dang bsam pa
80b1 skyed pa'i rang bzhin can lus la gnas pa'i rnam par shes pa la bdag gi lus la rnam par shes pa gnas pa 'di rang bzhin ji lta bu zhig snyam du sems can rnams kyis mi shes so/ /
80b2 bzang skyong gzhan yang rnam par shes pa'i khams 'di ni shin tu yongs su sbyang ba byas pa dang / dngos po thams cad la chub pa yin la/ dngos po rnams kyis kyang gos pa med do/ /
80b3 bzang skyong 'di na rnam par shes pa ni bsgos pa yin te/ dbang po drug po rnams dang / dbang po drug gi spyod yul rnams dang / khams bzhi po rnams dang / nye bar len pa'i phung po
80b4 lnga po rnams dang / bzang skyong 'di dag ni rnam par shes pa la bsgo bar bya ba yin par blta'o/ /dper na shing gi 'khrul 'khor phur bu gcig gis zungs byas pa de bya ba thams cad byed de/
80b5 rgyug pa dang / mchod pa dang / gar byed pa dang / bya ba rnam pa sna tshogs dag la 'jug na bzang skyong 'di ji snyam du sems/ 'khrul 'khor de gang gi dbang gis 'jug par 'gyur/ bzang skyong gis
80b6 gsol pa/ bcom ldan 'das kyis smras pa de'i rgyus ni bdag gis ma 'tshal to/ /bcom ldan 'das kyis bka' stsal pa/ bzang skyong 'khrul 'khor de ni las kyi dbang gis 'jug ste/
80b7 las de yang gzugs can ma yin zhing rnam par shes pa las mngon par grub pa'o/ /de bzhin du lus kyi 'khrul 'khor 'di yang rnam par shes pa'i dbang gis 'byung ste/ rnam par shes pa'i
80b8 khams 'di ni lus sna tshogs la 'jug pa yin no/ /rnam par shes pa'i khams 'di ni lus skyed par byed pa'i phyir byed pa po yang yin no/ /rnam par shes pa'i khams 'di ni lus kyi khams
81a1 la sten pa'i phyir mi zad pa yang yin no/ /rnam par shes pa'i khams 'di ni sngon gyi lus kyi gnas rjes su dran pa'i phyir blo phun sum tshogs pa yang yin no/ /rnam par
81a2 shes pa'i khams 'di ni nyi ma'i 'od zer dang 'dra bar blta bar bya ste/ dper na nyi ma'i 'od zer ni dri nga ba dag dang / mi gtsang ba dang / ro dag la yang 'bab ste/ 'on kyang de dag la dri des gos
81a3 par mi 'gyur la/ nyi ma yang dri nga ba bor te yang mi 'gro'o/ /de bzhin du rnam par shes pa'i khams 'di yang phyi sa dang / snyag snyig za ba'i khyi dang / phag gi skye gnas dag tu yang skye ba
81a4 yongs su 'dzin te/ 'on kyang rnam par shes pa'i khams la spyod pa ngan pa de dag gis gos pa med do/ /bzang skyong gzhan yang rnam par shes pa'i khams 'di ni lus yongs su btang
81a5 nas dge ba dang mi dge ba'i rjes su 'jug ste/ de yang ji lta zhe na/ rnam par shes pa'i khams gzugs can ma yin pa 'dis lus 'dir bor nas bsod nams dang / bsod nams ma yin
81a6 pa yongs su 'dzin to/ /dper na rlung gi khams brag gi phrag nas byung nas shing tsam pa ka dang phrad de/ spos shin tu dri zhim pa khyer nas yang 'gro dri nga ba dang / mi gtsang ba dang / ro'i dri yang khyer
81a7 te 'gro la/ bzang skyong de las gang ches shas che ba de'i dri dang ldan par 'gyur ro/ /ji ltar rlung gi khams de dri rnam pa gnyis khyer te 'gro yang rlung gi khams de yang gzugs can ma yin la/ dri de
81a8 gnyis kyang gzugs can ma yin pa de bzhin du rnam par shes pa'i khams 'di yang lus las 'phos te dge ba dang mi dge ba khyer nas 'pho ste/ de ltar na de'i 'pho ba dmigs so/ /dper na
81b1 rmi lam na mis dngos po thams cad shes kyang lus de mal na 'dug par mi shes pa bzhin du bsod nams su nye bar 'gro ba'i sems can rnams rmi lam rmi ba bzhin du 'pho zhing 'gro
81b2 yang rnam par shes pa'i khams 'di yang lkog ma'i mid pa rnams nas kyang mi 'byung / bu ga rnams nas kyang ma yin te/ de ni khung bu dang gseb rnams mi tshol lo/ /de nas bzang skyong gis
81b3 bcom ldan 'das kyi zhabs la gtugs nas bcom ldan 'das la 'di skad ces gsol to/ /bcom ldan 'das ji ltar na bya gag gi sgo nga 'am/ ngang pa'i sgo nga ma phrugs pa shun pa ma brtol
81b4 bar sgo nga'i nang nas bye'u phrug rnams 'chi 'pho bar 'gyur ba lags/ ji ltar na bu ga ma brtol bar rnam par shes pa 'pho bar 'gyur/ bcom ldan 'das kyis bka' stsal pa/ dper na
81b5 til 'bru tsam pa ka'i me tog gis bsgos nas legs par brdungs te btsir ba las til mar byung ba ni tsam pa ka'i til mar zhes bya'o/ /'di lta ste dper na dri des kyang til 'bru ma brtol bzhin
81b6 du dri zhim pos bsgos te 'pho zhing 'gro yang dri des snum gyi ro myong bar yang mi 'gyur la/ 'bru'i rkyen dang me tog phrad pas til mar dri dang 'dres pa'i dngos por 'gyur te/ 'on kyang til gyi
81b7 'bru de la me tog gi dri de gseb nas 'gro ba ni med la/ de'i rkyen kyis dri de 'pho zhing 'gro ba de bzhin du rnam par shes pa'i khams 'di yang me tog gi dri bzhin du sgo nga'i shun pa ma brtol
81b8 bar 'pho zhing 'gro ste/ de'i 'pho ba yang de bzhin du blta bar bya'o/ /gzhan yang de'i 'pho ba ni nyi ma dang / me shel dang / bsreg bya dang 'dra bar yang blta bar bya'o/ /gzhan yang sa bon
82a1 'pho ba dang 'dra ste/ sa phyogs gang du sa bon btab na sa'i khams dang / chu'i khams dang / me'i khams dang / rlung gi khams gcig pu kho na las sa bon de sa la rten
82a2 cing sdong bu dang lo ma sngon por 'grub la/ me tog dkar po 'am sngon po 'am/ dmar por snang ba 'am/ kha dog sna tshogs sam/ smin pa'i ro tha dad par 'grub par 'gyur ba de bzhin du
82a3 rnam par shes pa'i khams chos kyi khams gcig pu 'di las srid par skye ba thams cad du lus sngo bsangs sam/ dkar ba 'am/ ser ba 'am/ khra bo 'am/ nag po 'am/ rang bzhin
82a4 gyis mnyen por skye bar 'gyur ro/ /bzang skyong gzhan yang 'chi ba'i dus kyi tshe rnam par shes pa'i khams 'di lus yongs su btang nas sa bon du 'gyur te/ bdag nyid rkang lag dang
82a5 ldan par shes so/ /'on kyang de la yan lag dang nying lag ni med do/ /de yang sa'i khams yongs su btang nas chos kyi khams yongs su 'dzin te/ chos kyi khams de yang dran pa dang
82a6 mtshungs par ldan no/ /dran pa de yang spyod yul gyi stobs dang ldan no/ /chos kyi khams dran pa dang mtshungs par ldan pa'i len pa'i rgyu ni rnam par shes pa yin te/ rnam par shes pa
82a7 ma gtogs par yang chos kyi khams mi dmigs la/ chos kyi khams ma gtogs par yang rnam par shes pa'i khams med do/ /rlung gi khams ni rnam par shes pa de'i rjes su
82a8 'jug go/ gzhan yang sa'i khams 'di lta ste/ dran pa'i khams dang / tshor ba'i khams dang / chos kyi khams dang / gzugs kyi khams gang yin pa rnams kyang rjes su 'jug go/ /go
82b1 de skad ces bka' stsal nas/ bcom ldan 'das la bzang skyong gis 'di skad ces gsol to/ /bcom ldan 'das ji ltar na rnam par shes pa de gzugs can lags/ bcom
82b2 ldan 'das kyis bka' stsal pa/ bzang skyong 'di la nang gi gzugs dang / phyi rol gyi gzugs yod de/ de la nang gi gzugs gang zhe na/ zin pa'i mig gang yin pa de ni phyi rol
82b3 gyi gzugs so/ /mig gi rnam par shes pa gang yin pa de ni nang gi gzugs so/ /rna ba gang yin pa de ni phyi rol gyi gzugs so/ /rna ba'i rnam par shes pa gang yin pa de ni nang gi
82b4 gzugs so/ /sna gang yin pa de ni phyi rol gyi gzugs so/ /sna'i rnam par shes pa gang yin pa de ni nang gi gzugs so/ /lce gang yin pa de ni phyi rol gyi gzugs so/ /lce'i rnam
82b5 par shes pa gang yin pa de ni nang gi gzugs so/ /lus gang yin pa de ni phyi rol gyi gzugs so/ /lus kyi 'dus te reg pa las byung ba'i tshor ba gang yin pa de ni nang gi gzugs
82b6 so/ /bzang skyong 'di lta ste/ dper na mi dmus long zhig nub mo gnyid kyi dbang du gyur pa na lha'i gzugs rkang lag mnyam zhing mchog tu yid du 'ong ba dag mthong la/ des de
82b7 dag mthong nas mchog tu dga' ba bskyed de/ gnyid log pa las sad pa dang gzugs de dag ma mthong la/ de nam nangs nas 'di skad du khyod nyon cig mdang mtshan mo bdag gi rmi
82b8 lam du bud med kyi gzugs mchog tu yid du 'ong ba dang / bskyed mos tshal mi stong gis gang ba mthong ste/ der bdag gis mi lus shin du gzhon sha can/ lag pa glang po che
83a1 mchog gi sna ltar ring ba/ thal gong yangs shing rgyas la/ brang yangs shing mkhregs pa dag mthong ngo zhes smra zhing mi de dag gi lus kyi rgyan mdzes pa gang yin
83a2 pa de dag bzlas la/ de nas dmus long des mi de dag nyid kyi gzugs rnams ma mthong na bzang skyong 'di ji snyam du sems/ mi dmus long des rmi lam du gzugs ji ltar
83a3 mthong / bzang skyong gis gsol pa/ bcom ldan 'das de'i slad du bdag la bka' stsal du gsol/ bcom ldan 'das kyis bka' stsal pa/ bzang skyong de bas na nang gi mig
83a4 shes pa dang ldan pas rmi lam du gzugs rnams mthong gi sha'i mig gis ni ma yin no/ /ji ltar mi gnyid kyis log pa'i rmi lam du yud tsam zhig dran pa 'byung ba de bzhin du shi ba'i dran
83a5 pa yang de dang 'dra ste/ nang gi gzugs de yang de bzhin du blta bar bya'o/ /bzang skyong gzhan yang mi shi ba'i rnam par shes pa'i khams de sa bon gyi khams bzhin du 'pho zhing 'gro ba ngas
83a6 bshad par bya ste/ dper na sa bon gyi khams sa gzhi la btab na khams bzhi po dag sdud par byed pa de bzhin du rnam par shes pa'i khams 'di yang dran pa rab tu 'dzin cing tshor ba yongs
83a7 su 'dzin te/ dge ba dang mi dge ba yang rjes su bzung nas lus yongs su btang ste 'pho zhing 'gro'o/ /bcom ldan 'das ji ltar na rnam par shes pa de dge ba dang mi dge ba yongs su
83a8 'dzin par 'gyur/ bzang skyong dper na/ nor bu rin po che pad ma ral ni 'od nag po 'am dkar po 'dzin te/ 'od kyi rang bzhin ji lta ba bzhin du nor bu rin po che de la 'byung zhing de'i rang
83b1 bzhin nyid nor bu rin po che de la snang bar 'gyur te/ gnas gang dang gang du 'phos pa de dang der kha dog dag snang ba de bzhin du rnam par shes pa 'di dge ba dang mi dge ba yongs su bzung
83b2 nas 'pho zhing 'gro'o/ /de nas yang bcom ldan 'das la bzang skyong gis 'di skad ces gsol to/ /bcom ldan 'das ji ltar na lus 'di la rnam par shes pa rtogs par 'gyur ba
83b3 lags/ bcom ldan 'das kyis bka' stsal pa/ bzang skyong rnam par shes pa 'di bsags pa 'am/ spungs par mi dmigs so/ /de ci'i phyir zhe na/ rnam par shes pa'i khams
83b4 'di skye zhing 'gag pa'i phyir ro/ /bzang skyong dper na sa bon las myu gu 'byung mod kyi/ sa bon rul pa las myu gu 'byung bar mi 'gyur la/ sa bon nyams pa las kyang myu gu 'byung bar
83b5 mi 'gyur te/ myu gu yang 'grub par 'gyur na/ bzang skyong 'di ji snyam du sems/ myu gu de'i sa bon sdong bu 'am/ lo ma 'am/ sbubs gang la gnas/ sa bon ni shing gi rtse mo na yang mi
83b6 gnas so/ /de bzhin du lus 'di la rnam par shes pa gang na yang mi gnas te/ mig la yang ma yin/ rna ba la yang ma yin/ sna'i dbang po la yang ma yin no/ /sa bon gyi myu gu skye
83b7 ba gang yin pa de ni sems pa chung ba yin no/ /mngal du skye ba de ni tshor ba chung ba yin te/ dper na myu gu 'byung zhing dus tshigs dang ldan pa na me tog rnams 'grub ste/ me tog grub
83b8 na 'bras bu 'grub pa de bzhin du rnam par shes pa'i khams 'dis lus 'grub par 'gyur ro/ /lus grub pa na yan lag dang nying lag gang la yang rnam par shes pa mi gnas la/
84a1 rnam par shes pa med na yang lus skye bar mi 'gyur ro/ /dper na shing yongs su smin pa las sa bon 'byung la yongs su ma smin pa las ma yin pa de bzhin du 'chi
84a2 ba'i dus kyi tshe lus las rnam par shes pa 'di snang bar 'gyur te/ tshor ba dang mtshungs par ldan pa/ sred pas bsdams pa/ dran pas yongs su bzung ba/ dge ba la dmigs
84a3 pa dang mtshungs par ldan pa/ mi dge ba la dmigs pa dang mtshungs par ldan pa/ rlung gi khams kyis yongs su zin pa/ shes pas mngon par brlan pa/ rkyen la mngon du phyogs
84a4 pa'i rnam par shes pa ni pha ma phrad pa na skye bar 'gyur ro/ /dper na me long gi dkyil 'khor shin du phyis pa la bzhin kyi gzugs brnyan snang gi/ bzhin med par gzugs brnyan mi
84a5 'byung la/ me long med par yang gzugs brnyan mi 'byung ste/ ji ltar bzhin dang me long phrad pa las gzugs brnyan 'byung bar 'gyur zhing gzugs brnyan de yang gzugs can ma yin
84a6 la/ de la tshor ba dang rab du shes pa yang med de/ lus gang dang gang du bskyod pa de dang de nyid du gzugs brnyan 'pho zhing ji lta bur lus smra ba dang / 'bod pa dang / 'gro ba dang / bskum pa dang /
84a7 brkyang bar byed pa de bzhin du bzhin gyi gzugs brnyan yang 'gyur bar snang ngo / /bzang skyong 'di ji snyam du sems/ gang gi dbang gis gzugs brnyan de dmigs par 'gyur/ bzang skyong gis
84a8 gsol pa/ mi'i dbang po'i gzugs brnyan gda' ste/ de yang me long gi rkyen gyis bzhin gyi gzugs gda' la/ bzhin gyi mdog ci 'dra ba dang / dbang po ma tshang pa 'am/ dbang po tshang ba
84b1 de nyid kyi gzugs brnyan 'byung lags so/ /bzang skyong ji ltar lus kyi dbang dang / me long gi dkyil 'khor gyi rkyen gyis gzugs 'grub par 'gyur ba de bzhin du rnam par shes pa'i
84b2 dbang gis lus 'di tshor ba myong zhing / 'du shes dang / 'du byed rnams dang / yid la byed pa 'grub par byed do/ /de la me long gang yin pa de ni pha ma dang phrad pa lta bur blta'o/ /ji ltar lus
84b3 mi snang na gzugs brnyan mi snang ste/ dper na me long gi dkyil 'khor la gzugs brnyan gyi rang bzhin yod pa spangs nas yang chu'i nang du gzugs brnyan 'byung bar byed pa de bzhin du rnam
84b4 par shes pa'i khams 'di yang lus yongs su btang ste/ lus kyi rang bzhin 'phongs nas phung po gzhan 'thob par 'gyur ro/ /dper na sa bon gyi khams chung du zin kyang shing n+ya gro d+ha dang /
84b5 u dum pa ra la sogs pa'i shing gi phung po chen po bskyed nas yang shing de yongs su btang ste/ shing gzhan 'dzin la sa bon gyi khams yongs su btang ba na dus bzlog par gyur pas shing de'i
84b6 khams kyi bcud med par 'gyur ro/ /khams kyi bcud rnams med par gyur pas shing de yongs su rnyengs shing yongs su skam par 'gyur ba de bzhin du rnam par shes pa'i khams phra zhing mi
84b7 gsal ba 'dis kyang lus rnams bskyed nas yang yongs su btang ste/ lus gzhan dag sgrub par byed do/ /dper na nas dang / til dang / gro dang mon sran gre'u dang / mon sran sde'u la sogs pa'i
84b8 sa bon cung zad gang na yod pa der cung zad sems pa lta bur gnas par 'gyur ba de bzhin du rnam par shes pa'i khams 'di yang sems can gyi ris gang dang gang du 'pho ba de dang der sems pa
85a1 yongs su bzung zhing tshor ba chung ngu dang / bsod nams dang bsod nams ma yin pa rjes su bzung nas 'jig rten 'di nas 'jig rten pha rol du 'pho'o/ /dper na bung ba ro la sred
85a2 pas yun ring du me tog la gnas te longs spyad nas me tog yongs su btang ste me tog gzhan du 'pho la/ bung ba de yang me tog dri mi zhim pa longs spyad nas dri zhim por 'gro bar byed de/ me tog
85a3 gang dang gang la 'byar ba de dang de la chags shing ro yang myong bar byed pa de bzhin du rnam par shes pa'i khams 'dis kyang lha rnams kyi nang du lha'i lus blangs te/ dge ba'i rtsa ba shin du longs spyad
85a4 nas phyir yang sems can dmyal ba dang / dud 'gro dang / yi dags kyi nang du lus blangs te/ des mi dge ba'i rtsa ba yongs su myong nas yang phung po lnga po gzhan dag lan to/ /de la rnam par shes pa'i
85a5 khams 'di ji ltar blta bar bya/ dper na gur gum gyi sa bon nam leb rgan rtsi'i sa bon rnams rang bzhin gyis dkar la/ de dag gi khong na myu gu yang mi snang / me tog kyang mi snang / kha dog kyang
85a6 mi snang yang sa bon de sa'i khams la btab na chu'i khams kyis yongs su brlan nas myu gu mngon par grub nas me tog dmar po'am/ dkar po 'am/ sngon po 'byung bar 'gyur te/ 'on kyang kha dog
85a7 de yang sa bon gyi khong na mi gnas la sa bon med na yang kha dog dang myu gu 'byung bar mi 'gyur ba de bzhin du rnam par shes pa'i khams 'dis kyang lus yongs su btang nas mi'i sha tshugs
85a8 can yin la/ sha snag gu'i dbang po 'byung ba'i skye mched dang ldan pa ma yin te/ de lha'i mig dang / lha'i rna ba dang ldan zhing sgra dang / dri dang ro dang / chos kyi skye mched rab tu shes pa'i bdag nyid
85b1 can du 'gyur la/ 'di snyam du gang bdag gis las byas pa de nyid ni bdag yin no snyam du yang shes so/ /lus de yang rnam par shes pa'i rkyen kyis bsdus pa yin te/ dper na dar gyi srin
85b2 bu rang gi lus las skud pa'i rgyud byung bas khyim byas la de nyid de'i nang du 'chi ba'i dus byed do/ /de bzhin du rnam par shes pa'i khams 'dis kyang lus bskyed nas/ dar gyi srin bu bzhin du
85b3 bdag nyid yang lus yongs su btang nas med par 'gyur ro/ /dper na pad ma chu'i nang nas skyes te/ lha'i dri dang / kha dog mngon par 'grub kyang pad ma dkar po de la chu'i khams kyang mi
85b4 dmigs la de'i nang du mi snang bar gyur nas gang du sa bon gnas pa der kha dog dang / dri dang / ro rnams gnas par 'gyur ro/ /de bzhin du rnam par shes pa'i khams 'di gang du 'pho
85b5 zhing 'gro ba der dbang po dag gi spyod yul rnams 'pho bar 'gyur te/ tshor ba dang / sems pa dang / chos kyi khams rnams kyang der 'pho zhing 'gro bar 'gyur ro/ /dper na yid bzhin
85b6 gyi nor bu rin po che gang du 'gro ba der longs spyod thams cad 'pho zhing 'gro bar 'gyur ro/ /dper na nyi ma dang 'brel ba'i 'od zer rnams nyi ma gang dang gang du 'gro ba de dang de nyid du 'od zer
85b7 rnams kyang rjes su 'gro ba de bzhin du rnam par shes pa'i khams 'di gang dang gang du 'pho ba de dang de nyid du tshor ba dang / 'du shes dang / chos kyi khams rnams kyang 'pho zhing 'gro'o/ /
85b8 gzhan yang rnam par shes pa'i khams 'dis lus yongs su btang nas dbang po thams cad kyi phrad pa yongs su bzung ste/ sha med pa dang / rus pa med pa'i lus 'grub par byed do/ /
86a1 de'i lus len pa'i rgyu ni gzugs yin no/ /dbang po'i dngos po rnams ni tshor bas myong ngo / /dran pa ni lha'i lta bas mthong ste/ dge ba dang mi dge ba yang yongs su len to/ /
86a2 dper na rgya shug dang / 'bra go dang / a mra dang / nyo ti dang / se'u dang / bil ba dang / ka ping ta la sogs pa'i 'bras bu rnams ni ro du mar 'grub ste/ tsha ba dang / kha ba dang / skyur ba dang /
86a3 lan tshwa'i ro dang / bska ba la sogs pa'i ro re rer rnam par smin par 'gyur te/ la la ni ro tsha bar 'gyur/ la la ni skyur/ la la ni mngar ro/ /'bras bu de dag med par gyur pa'i sa bon
86a4 gang dang gang du 'pho ba der ro yang 'pho bar 'gyur ro/ /de bzhin du rnam par shes pa'i khams 'di gang dang gang du 'pho ba de dang der tshor ba 'pho bar 'gyur ro/ /bsod nams dang / bsod
86a5 nams ma yin pa dang / dran pa yang 'pho bar 'gyur ro/ /gzhan yang rnam par shes pa'i khams 'dis ni lus yongs su btang nas bdag gi lus 'di yongs su btang ngo snyam du rab tu shes
86a6 te/ de bas na 'di la rnam par shes pa'i khams shes bya'o/ /dge ba'i las kyang rab tu shes so/ /mi dge ba'i las kyang rab tu shes so/ /las 'di dag ni bdag gi phyi bzhin 'brang
86a7 ngo / /bdag kyang 'di dag gi phyi bzhin du 'brang ngo snyam du de ltar rab tu shes te/ de bas na rnam par shes pa zhes bya'o/ /gzhan yang lus 'di'i bya ba thams cad rab tu shes te/
86a8 de bas na rnam par shes pa zhes bya'o/ /dper na rlung gi khams grang bar yang 'gyur zhing tsha bar yang 'gyur la/ dri zhim por yang ldang zhing dri nga bar yang ldang ste/ spyod pa de dag thams cad
86b1 ni rlung gi khams kyi rkyen las byung yang rlung gi khams de yang gzugs can ma yin la/ len pa'i rgyus snang ste/ ji ltar rlung gi khams kyis shing g.yo ba dang / grang ba dang /
86b2 tsha ba'i reg pa len pa'i rkyen byed pa las rlung gi khams shes par 'gyur ba de bzhin du rnam par shes pa'i khams 'di yang gzugs can ma yin te/ gzugs len pa'i rkyen dang /
86b3 'dod pa len pa'i rkyen dang / lta ba len pa'i rkyen dang / tshul khrims dang / brtul zhugs mchog tu 'dzin pa len pa'i rkyen kyis tshor ba myong bar 'gyur ro/ /tshor ba'i rkyen kyis lus dang
86b4 kha dog skye zhing 'grub par byed pas na rnam par shes pa zhes bya'o/ /de nas tshong dpon gzhon nu zla ba 'byor pa stan las langs te/ thal mo sbyar nas bcom ldan 'das la 'di skad ces
86b5 gsol to/ /bcom ldan 'das gzugs ji ltar blta bar bgyi/ len pa ni ji lta bu lags/ las len pa ni ji ltar blta bar bgyi/ lta ba len pa ni ji lta bu lags/ tshul khrims dang /
86b6 brtul zhugs mchog tu 'dzin pa'i len pa ni ji ltar blta bar bgyi/ bcom ldan 'das kyis bka' stsal pa/ zla ba 'byor pa legs so legs so/ /mkhas pas ni mkhas pa'i mtshan
86b7 nyid de ltar shes so/ /zla ba 'byor pa 'di ni kha dog bzang po 'am/ kha dog ngan pa yang rung ste/ de ni sha kham tshang dang / rtsa dang / rgyus pa dang / mgo dang / glad pa dang / rus pa dang / rkang pa dang /
86b8 rgyu ma dang / gnye ma dang / mkhal ma dang / snying dang / lto dang / glo ba dang / phyi sa dang / gcin dang / lgang pa dang / pho ba dang / long ka dang / zhag dang / chu ser dang / rnag dang / khrag dang / mkhris pa dang /
87a1 bad kan dang / dar snabs dang / skra dang / kha spu dang / sen mo dang / spu dang / lpags pas g.yog pa shin du gyur pa/ mi sdug pa/ mi gtsang ba mang po la brten pa'o/ /gzugs
87a2 gang ci yang rung ba de dag thams cad ni 'byung ba chen po bzhi dang / 'byung ba chen po bzhi rgyur byas pa las mngon par 'grub ste/ de yang pha ma phrad pa'i rkyen kyis 'grub par 'gyur te/ de bas
87a3 na gzugs len pa'i rgyu zhes bshad do/ /zla ba 'byor pa lus kyi sra ba nyid gang yin pa de ni sa'i khams so/ /gsher ba nyid gang yin pa de ni chu'i khams so/ /dro ba nyid dang / yongs su smin par
87a4 byed pa gang yin pa de ni me'i khams so/ /g.yo ba nyid dang / bskum pa dang / brkyang pa nyid gang yin pa de ni rlung gi khams so/ /lus de'i rab tu shes pa dang / ro'i khams dang / dri'i khams
87a5 dang / sgra'i khams dang / reg bya'i khams dang / dran pa gang yin pa de ni rnam par shes pa'i khams zhes bya'o/ /de nas bcom ldan 'das la tshong dpon gzhon nu zla ba 'byor pas 'di skad
87a6 ces gsol to/ /bcom ldan 'das 'gum pa'i dus kyi tshe rnam par shes pa 'dis gzugs kyi khams ji ltar yongs su gtong bar 'gyur/ lus las rnam par shes pa ji ltar 'byung
87a7 bar 'gyur/ lus yongs su btang nas 'di snyam du 'di ni bdag gi khog pa yin no snyam du ji ltar 'tshal bar 'gyur/ bcom ldan 'das kyis bka' stsal pa/ zla ba 'byor pa 'dir lus 'di
87a8 gnas par gyur nas/ dus log par gyur pas/ khams rnams yongs su gtong bar 'gyur te/ dper na 'o ma dang chu bsres te/ lhan cig tu bzhag pa me dang phrad na/ 'o ma yang logs
87b1 shig tu 'gyur zhing / chu yang logs shig tu 'gyur te/ 'o ma'i snum gyi khams gang yin pa de yang gzugs can ma yin no/ /zla ba 'byor pa de bzhin du mi shi ba'i khog pa yang logs
87b2 shig tu 'gyur/ khams rnams kyang logs shig tu 'gyur/ rnam par shes pa yang logs shig tu 'gyur te/ rnam par shes pa de yang khams kyi rten yongs su blangs nas/
87b3 chos kyi khams yongs su len to/ /dran pa ni chos kyi khams dang / 'brel bar 'gyur te/ dran pa chos kyi khams dang 'brel pa dang / dge ba dang mi dge ba blangs nas/ 'jig rten pha rol du
87b4 'gro bar 'gyur ro/ /dper na dge ba chen po zhes bya ba'i sman mar de ni/ sman ro tsha ba dang / kha ba dang / skyur ba dang / lan tshwa'i ro dang / bska ba'i ro'i mthu dang / rnam par smin pa du ma blangs nas
87b5 lus kyi nang du 'gro'o/ /dge ba'i sman mar gyi ro'i mthu dang / rnam par smin pa de nang du song bas lus la kha dog dang / dri dang / ro skyed par byed cing / de mar gyi khams yongs su btang nas
87b6 lus la 'pho ba de bzhin du/ rnam par shes pa'i khams 'dis kyang lus yongs su btang nas/ dge ba dang mi dge ba yongs su blangs shing / chos kyi khams yongs su blangs nas
87b7 rnam par shes pa 'pho bar 'gyur te/ mar gyi khams gang yin pa de lus lta bu'o/ /sman rnams phrad pa gang yin pa de ni dbang po rnam phrad pa lta bu'o/ /sman rnams kyi kha dog dang /
87b8 dri dang / ro dang / reg bya gang yin pa de ni rnam par shes pa lta bu'o/ /'pho ba gang yin pa de ni shi 'phos pa'i rnam par shes pa 'pho ba lta bur blta bar bya'o/ /mi'i kha dog rgyas pa dang /
88a1 mdog bzang zhing bde bar smin pa gang yin pa de ni dge ba lta bur bstan to/ /dge ba chen po'i sman mar des mdog ngan cing skya bor gyur pa gang yin pa de ni mi dge ba lta bur bstan to/ /
88a2 dge ba chen po'i sman mar rin po che ji lta ba de bzhin du ni rnam par shes pa'i khams blta bar bya'o/ /ji ltar dge ba chen po'i sman mar gyis sman rnams kyi kha dog 'jug par byed cing /
88a3 ro dang / dri 'jug par byed kyang / mar de de la rkang lag dang mig med pa de bzhin du/ rnam par shes pa'i khams 'dis kyang lus yongs su btang zhing / khams rnams bor nas chos kyi khams
88a4 yongs su len cing / tshor ba yongs su len te/ dge ba dang mi dge ba yongs su len to/ /zla ba 'byor pa mi shi 'phos pa des kyang lha'i dran pa thob par 'gyur te/ 'dod pa na spyod pa drug gi lha rnams
88a5 mthong ngo / /sems can dmyal ba bcu drug kyang mthong ngo / /bdag nyid kyi lus rkang lag mnyam pa yang mthong ste/ de 'di snyam du/ 'di ni bdag gi khog pa yin no snyam du yang shes so de'i 'chi
88a6 ba'i dus kyi tshe'i dran pas lha'i ltas/ khang pa brtsegs pa rnam par bkra zhing / shing gel ba dang / 'khri shing dang / ldum bu sna tshogs kyis kun nas bskor ba/ gser btso ma sar pa'i mdog
88a7 ltar sba ba/ spras pa rnam par dbye ba byas pa dag mthong ngo / /des ltas de mthong nas/ mchog tu dga' ba skyes te/ de dga' ba skyes pa des bde ba'i rnam par smin pa'i 'chi ba'i dus kyi tshogs
88a8 dang ldan par 'gyur ro/ /de'i rnam par shes pa de ni rta la zhon pa dang 'dra bar blta ste/ dper na g.yul ngor chas pa na/ dmag mi'i nang na mi ci la rag par chas pa sga las bzung ste/ myur ba myur bar
88b1 zhon par byed pa de bzhin du/ rnam par shes pa'i khams 'di yang dge ba la dmigs pa dang 'brel zhing / dbugs rgyu ba rgod pas chos kyi khams yongs su blangs shing skye mched 'gags
88b2 te/ lus bor nas lha'i gnas 'og min man chad tshangs pa'i bar du yongs su len par 'gyur ro// // bam po gnyis pa/ de nas sman chen gyis bcom ldan 'das kyi zhabs la gtugs
88b3 nas bcom ldan 'das la 'di skad ces gsol to/ /rnam par shes pa lus las 'pho ba de'i rang bzhin ji lta bu zhig lags/ bcom ldan 'das kyis bka' stsal pa/ sman chen de ltar khyod
88b4 kyis nga la ji skad bskul ba de ni de bzhin te/ /legs so legs so/ /dri ba 'di ni de bzhin gshegs pas bstan par bya ba yin te/ rnam par shes pa de ston pa de ni de bzhin gshegs pa ma
88b5 gtogs par gzhan med do/ /de nas bcom ldan 'das la bzang skyong gis 'di skad ces gsol to/ /bcom ldan 'das rgyal po'i bu gzhon nu sman chen ni zab mo zhu ba zhu ba la mkhas pa lags te/
88b6 blo zhib cing 'dzangs la mkhas pa lags so/ /bcom ldan 'das kyis bka' stsal pa/ bzang skyong de bzhin te/ rgyal po'i bu gzhon nu sman chen 'di ni bcom ldan 'das rnam par gzigs la
88b7 dge ba'i rtsa ba bskyed pa yin no/ /bzang skyong rgyal po'i bu gzhon nu sman chen 'di ni tshe rabs lnga brgya'i bar du gzhan mu stegs can du gyur nas de 'di snyam du rtog ste/ rnam par shes pa'i khams 'di
88b8 ci yin/ rnam par shes pa'i khams 'di su'i yin/ rnam par shes pa'i khams 'di ji lta bu zhig yin snyam mo/ /bzang skyong 'on kyang rnam par shes pa'i 'gro ba dang 'ong ba khong du ma chud de
89a1 ngas 'di'i the tshom bsal bar bya'o/ /de nas tshong dpon bzang skyong gis sman chen la 'di skad ces smras so/ /sman chen legs so legs so/ /khyod ni shes rab rgya che zhing
89a2 yangs la chos zab mo zhu ba la mkhas so/ /sman chen bcom ldan 'das ye shes la 'jug pa blo dag pa'i rtsa bar gyur pa la skul cig /zla ba 'byor pa 'di ni byis pa ste/ yul la sred pas
89a3 bcom ldan 'das kyi de bzhin gshegs pa la lan 'ga' yang bskul bar ma byas so/ /de bzhin gshegs pa 'byung ba ni rnyed par dka' la dam pa'i chos dang phrad pa yang shin tu rnyed par dkas
89a4 bcom ldan 'das kyi zab pa zab pa'i gnas rnams bcom ldan 'das la skul cig /de nas sman chen gyis bcom ldan 'das kyi zhal ston ka'i dus kyi me tog pad ma'i tshal ltar rgyas
89a5 pa mthong ngo / /mthong nas kyang sman chen dad pa skyes te bcom ldan 'das la 'di skad ces gsol to/ /bcom ldan 'das bdag ni chos 'tshal ba lags na bde bar gshegs pas bdag la chos bstan
89a6 du gsol/ bskal pa'i mthar ma thug par yongs su mya ngan las 'das par gshegs pa zhig tu gyur na/ de'i slad na sems can 'di dag gis las dge ba dang mi dge ba rnams kyi rnam par smin pa ma
89a7 'tshal te/ 'khor ba na yongs su 'khyam par 'gyur du mchi'o/ /bcom ldan 'das kyis bka' stsal pa/ sman chen ngas tshigs su bcad pa phyed kyi don gyi phyir yang brag gi rtse mo nas rang gi lus
89a8 bor te dka' ba rnam pa brgya stong du ma nyams su myong ngo / /sman chen khyod ci dang ci 'dod pa dris shig dang ngas khyod la lan gdab bo/ /de skad ces bka' stsal nas/ bcom ldan 'das
89b1 la sman chen gyis 'di skad ces gsol to/ /bcom ldan 'das rnam par shes pa 'di'i rang bzhin ci lags/ bcom ldan 'das kyis bka' stsal pa/ sman chen sgyu ma mkhan gyi mi'i rang bzhin
89b2 gang yin pa dang / mi'i grib ma chu'i nang du 'byung ba gsal ba ma yin zhing mi gsal ba'i rang bzhin gang yin pa dang / mig dang nam mkha'i rang bzhin gang yin pa dang / sred pa'i rang bzhin gang
89b3 yin pa bzhin no/ /sman chen gyis gsol pa/ bcom ldan 'das sred pa'i rang bzhin ji lta bu lags/ bcom ldan 'das kyis bka' stsal pa/ snying du sdug pa'i mi mthong ba na mig gi
89b4 dbang po 'pho ba dang / ji ltar mis me long la rang gi bzhin gyi gzugs brnyan mthong la/ me long gud du phyung na rang gi bzhin gyi gzugs brnyan mi mthong ba de bzhin du rnam par shes pa'i khams
89b5 'di 'phos na rang gi bsod nams dang / bsod nams ma yin pa rnam par shes pa'i khams des mthong ngo / /dper na mi dmus long gis nyi ma 'char ba 'am/ nyi ma gud na 'dug pa yang mi
89b6 mthong la/ mtshan mo yang zla ba 'char ba dang nub pa mi mthong ba de bzhin du rnam par shes pa'i khams 'di yang lus la mi snang ngo / /sman chen 'on kyang lus la sred pa dang / tshor ba dang / 'du shes dang /
89b7 rab tu shes pa gang yin pa de ni rnam par shes pa'i khams yin te/ de yang lus 'di'i khams rnams dang / skye mched rnams dang / phung po rnams phrad par byed pa yin no/ /de la gzugs can gyi
89b8 dngos po gang yin pa ni 'di lta ste/ mig dang / rna ba dang / sna dang / ro dang / sgra rnams so/ /tshor ba dang / sdug bsngal dang / bde ba dang / yid rnams ni gzugs can ma yin pa'i dngos po ste/ de ni rnams
90a1 par shes pa'i khams yin no/ /sman chen ji ltar mi'i lce'i thor tos ro kha ba dang / tsha ba dang / skyur ba dang / mngar ba dang / lan tshwa'i ro dang / bska ba tshor te/ de'i lce de yang gzugs can
90a2 yin la ro'i dngos po yang gzugs can yin no/ /de bzhin du lus 'di la yang rus pa dang / rkang dang / sha dang / khrag ni gzugs can yin la/ tshor ba gang yin pa de ni gzugs can ma yin te/ gang gis
90a3 rnam par smin pa dang / bsod nams dang / bsod nams ma yin pa myong ba de ni rnam par shes pa'o/ /de nas bzang skyong gis bcom ldan 'das kyi zhabs la gtugs nas bcom ldan 'das la
90a4 'di skad ces gsol to/ /bcom ldan 'das bsod nams dang / bsod nams ma lags pa myong ba de gang lags/ bcom ldan 'das kyis bka' stsal pa/ bzang skyong de'i phyir nyon cig
90a5 bden pa ma mthong bas ni rnam par shes pa 'di mi mthong ste/ de ni lag mthil du skyu ru ra bzhag pa bzhin du mthong bar mi 'gyur ro/ /de ni mig la yang mi gnas te/ mig las kyang skyes la mthong
90a6 bar yang mi 'gyur ro/ /bzang skyong de bzhin gshegs pa gang gA'i klung gi bye ma snyed dag gis rnam par shes pa'i khams 'di ji ltar gzigs pa de bzhin du ngas kyang gzugs can ma yin par
90a7 thugs su chud de/ 'on kyang byis pa rnams kyis mi shes pa'i phyir rnam par shes pa'i khams 'di dpes bstan to/ /bzang skyong 'di ni rnam par shes pa'i khams 'dis bsod nams dang / bsod
90a8 nams ma yin pa ji lta ba bzhin du rig ste/ dper na mi la la skem byed dam/ rjed byed dam/ dri za'i gdon nam/ lha'i gdon gyis zin par gyur na bzang skyong 'di ji snyam du sems/ ci mi de'i
90b1 khong na 'dug pa'i skem byed dam/ dri za 'am/ lha de snang ngam/ gsol pa/ bcom ldan 'das de ni ma lags so/ /mi de'i nang ngam slad rol na yang gdon mi gda' ste/ gdon de dag ni
90b2 gzugs ma mchis pa lags so/ /bzang skyong dper na lha'i gdon chen pos me tog shin tu dri zhim pa dang / spos dang / bdug pa dang / me tog phreng byin pa len pa de bzhin du rnam par shes
90b3 pa'i khams bsod nams dang ldan pas kyang lus blangs nas rgyal srid kyi dbang phyug gam/ tshong dpon nyid dam/ lha nyid byed du 'jug ste/ de ltar na rnam par shes pa'i khams 'di ni
90b4 bsod nams myong ba yin no/ /ji ltar lha'i gdon de lha'i me tog phreng byin pas rangs par 'gyur zhing mi de'i lus kyang tshim par 'gyur ba de bzhin du rnam par shes pa'i khams 'di yang
90b5 rgyal srid kyi dbang phyug nyid la dga' bar 'gyur zhing lus de yang tshim par 'gyur te/ de lta na rnam par shes pa 'di ni bsod nams myong ba yin no/ /bzang skyong dper na srul po'i gdon mi
90b6 sdug cing gzugs mi snang ba mi'i lus la gnas te mi gtsang ba dang / rul pa dang / ljan ljin dang / gtor khung nas 'bab pa dang / gtor ma 'dod cing de yang gtor ma des dga' bar 'gyur la/
90b7 mi de yang gdon gyi dbang gis dri nga zhing mi gtsang ba las byung ba'i kha zas btsog pa dag la chags shing dga' bar 'gyur ba de bzhin du rnam par shes pa'i khams 'di yang bsod nams
90b8 ma yin par nye bar 'gro ba'i las kyis skye gnas ngan pa bskyed de/ dbul po 'am/ yi dags ngan pa 'am/ ljan ljin za ba dag la chags shing dga' bar 'gyur te/ de ltar na rnam par shes
91a1 pa'i khams 'di ni bsod nams ma yin pa myong ba yang yin no/ /dper na lha'i gdon chen po gzugs med pa de lha'i longs spyod len pa de bzhin du rnam par shes pa'i khams
91a2 gzugs can ma yin pa 'di yang bsod nams gzugs can ma yin pas yongs su bzung nas lha'i lus rnams skyed par byed do/ /dper na srul po'i gdon gzugs med pa mi la gnas
91a3 shing phyi sa dang / ljan ljin za bar byed pa de bzhin du rnam par shes pa'i khams 'di yang bsod nams ma yin par nye bar 'gro ba'i las rnams kyis skye gnas ngan par skye bar 'gyur te/
91a4 de ltar na rnam par shes pa'i khams 'di ni bsod nams ma yin par nye bar 'gro bar yang blta'o/ /bzang skyong de bas na khyod kyis gdon gang yin pa de ni gzugs med pa'i phyir rnam par shes
91a5 pa'i khams lta bur blta'o/ /gdon gyi longs spyod bzang po dang ngan pa gang yin pa de dag ni dge ba dang mi dge ba lta bur blta'o/ /mi gang yin pa de ni lus lta bur blta'o/ /de nas bcom ldan
91a6 'das la sman chen gyis 'di skad ces gsol to/ /bcom ldan 'das lus 'di len pa'i rgyu ji ltar blta bar bgyi/ bcom ldan 'das kyis bka' stsal pa/ 'di ni phan tshun gyi rkyen kyis 'dod
91a7 pa len par byed de/ dper na gtsub stan las kyang brten/ gtsub shing las kyang brten/ de skyed pa'i mi'i rtsol ba las kyang brten te me 'grub par 'gyur ba de bzhin du lus 'di len pa'i rgyu skyes
91a8 pa dang bud med kyi rkyen kyis sgra dang reg pa dang / ro dang / gzugs la sogs pa'i 'dod pa 'grub par 'gyur ro/ /dper na me tog las 'bras bu 'grub par 'gyur te/ 'on kyang me tog de la yang
91b1 'bras bu mi dmigs la 'bras bu 'grub pa la yang me tog mi dmigs pa de bzhin du lus 'di las rnam par shes pa 'byung te/ 'on kyang lus de la yang rnam par shes pa mi snang la
91b2 rnam par shes pa ldog pas kyang lus kyi rus pa dang / rkang dang / mer mer po dang / mi gtsang ba rnams rnam par 'jig par 'gyur ro/ /dper na sa bon de me tog gi kha dog dang / dri dang /
91b3 ro 'debs pa de bzhin du rnam par shes pa'i khams 'dis kyang lus yongs su btang nas dge ba dang mi dge ba btab cing tshor ba dang / 'du shes dang / yid la byed pa yang btab nas 'jig rten
91b4 pha rol tu 'gro'o/ /dper na skyes pa dang bud med gnyis kyi dbang po gnyis phrad na dga' ba brlan te bud med la shin tu dam por 'khyud nas nyon mongs pa 'byin par byed de/ de gnyis kyi nyon
91b5 mongs pa med par gyur na yang 'bral bar 'gyur ro/ /de gnyis la 'dod pa dang ldan pa'i bde ba 'byung bar 'gyur te/ der nyon mongs pa phyung nas 'dod chags med par 'gyur te/ yang gcig la
91b6 gcig 'dod chags dang bral bar 'gyur ba de bzhin du rnam par shes pa'i khams 'dis lus dang phrad pa rnyed nas dga' ba skyed nas chags pa 'phel bar byed do/ /dper na lus kyi rkyen kyis bud med
91b7 kyi gzugs mthong na skyes pa'i 'dod chags skyed la/ yang phrad pa las bral na phyir ldog par 'gyur ba de bzhin du rnam par shes pa'i khams 'dis lus yongs su blangs nas yang bor te gzhan
91b8 du 'gyur ba med par 'gyur ro/ /'di la pha ma phrad pa dang / dri za nye bar gnas pa dang / las la dmigs pa'i dngos po las rnam par shes pas lus 'grub par byed de/ las de dag kyang
92a1 gzugs can ma yin la skyes pa dang bud med kyi rkyen kyi ngo bo de yang gzugs can ma yin no/ /len pa'i rkyen la 'dod pa 'byung ste/ de bas na 'dod pa'i len pa zhes bya'o/ /gzugs
92a2 kyis 'dod pa len pas na de'i phyir yang 'dod pa'i len pa zhes bya'o/ /sman chen gzhan yang tshul khrims dang brtul zhugs mchog tu 'dzin pa'i len pa de gang zhe na/ 'di la tshul khrims ni
92a3 srog gcod pa dang / ma byin par len pa dang / 'dod pa log par g.yem pa dang / brdzun du smra ba dang / 'bru'i chang dang / sbyar ba'i chang myos par byed pa bag med pa'i gnas spong ba'o/ /de mchog
92a4 tu 'dzin pa ni rgyun tu zhugs pa'i 'bras bu dang / lan cig phyir 'ong ba'i 'bras bu'o/ /de'i len pa ni srid pa ste/ lha dang mir skye zhing skye ba yongs su 'dzin pa skyed pa ste/ de ni zag pa dang bcas
92a5 pa dang / zag pa med pa'i dge ba yongs su smin par byed do/ /phung po rnams kyi sa bon yang rlan par byed do/ /las dge ba dang mi dge ba rnams kyang sdud par byed do/ /rnam par shes pa yang sbyong bar
92a6 byed do/ /nyon mongs pa blangs pa rnams kyang sreg par byed de/ de bas na 'di ni tshul khrims dang brtul zhugs mchog tu 'dzin pa'i len pa zhes bya'o/ /de skad ces bka' stsal nas/ bcom ldan
92a7 'das la sman chen gyis 'di skad ces gsol to/ /bcom ldan 'das rnam par shes pa 'dis ji ltar lha'i nang du lus yongs su len pa lags/ sems can dmyal ba rnams su ji ltar len
92a8 pa lags/ bcom ldan 'das kyis bka' stsal pa/ sman chen de'i phyir nyon cig /'di la rnam par shes pa'i khams 'dis chos kyi khams yongs su blangs nas lha'i lta ba skyed de/
92b1 de'i lta ba de yang sha'i mig la rten pa ma yin no/ /de'i lta bas mthong ba gang yin pa de ni len pa zhes bya ste/ de bas na lta ba'i len pa zhes bya'o/ /de'i lha'i lta ba bsod nams la dmigs
92b2 pa dang mtshungs par ldan pa des 'dod pa na spyod pa'i lha rnams kyi nang du lha'i gnas mthong ste/ der lha rnams lha'i rtse ba dag gis rtse ba mthong nas de der chags pa skye'o/ /'di snyam du yang
92b3 sems te/ bdag ni der 'gro'o snyam mo/ /des der chags su rung zhing dran pa dang ldan pa'i srid pa rab tu shes so/ /dur khrod na 'dug pa'i khog pa de yang des mthong nas 'di snyam du sems
92b4 te/ 'di ni bdag gi dge ba'i bshes gnyen yin te/ 'dis bdag lha rnams kyi nang du skye ba yongs su len pa gang yin pa'i dge ba'i rtsa ba bsags so snyam mo/ /de skad ces bka' stsal nas
92b5 bcom ldan 'das la sman chen gyis 'di skad ces gsol to/ /bcom ldan 'das rnam par shes pa khog pa de la chags na ci'i slad du mi gnas/ khog pa de nyid la ci'i slad du mi rten/
92b6 bcom ldan 'das kyis bka' stsal pa/ sman chen dper na mi la la'i skra dang kha spu bregs te/ skra dang kha spu de mthong nas mi de 'di snyam du sems te/ skra 'di dag ni dri zhim zhing gnag pa
92b7 yin gyi 'di dag ni phyir yang mgo la bskyed par bya'o snyam na/ sman chen 'di ji snyam du sems/ ci skra de dag phyir skye bar 'gyur ram/ gsol pa/ bcom ldan 'das de ni ma lags so/ /
92b8 bcom ldan 'das kyis bka' stsal pa/ sman chen de bzhin du rnam par shes pa'i khams 'dis khog pa bor nas phyir yang khog pa de nyid la gnas pa 'di ni gnas med do/ /de skad
93a1 ces bka' stsal nas/ bcom ldan 'das la sman chen gyis yang 'di skad ces gsol to/ /rnam par shes pa'i khams cha phra zhing mi mngon pa 'dis glang po che'i lus
93a2 bong chen po ji ltar sgrub par bgyid cing rdo rje ltar sra ba'i khog pa yang ji ltar rtol bar bgyid/ glang po che dgu stong gi stobs dang ldan pa'i mi dang glang po che'i rgyal po yang ji ltar 'dzin par bgyid/ bcom ldan
93a3 'das kyis bka' stsal pa/ sman chen dper na rlung gi khams gzugs med cing bstan tu med pa ri'i phrag na gnas pa de yang ri'i phrag de nas byung ste/ ri rab dang 'dra zhing mtshungs pa'i ri'i rtse mo
93a4 snyil bar byed cing 'gyes par byed na/ sman chen 'di ji snyam du sems/ rlung gi khams kyi rang bzhin ni ji lta bu/ ri de'i rang bzhin ni ji lta bu/ sman chen gyis gsol pa/ rlung gi khams ni snyi zhing
93a5 lus ma mchis par blta bar bgyi'o/ /bcom ldan 'das kyis bka' stsal pa/ sman chen de de bzhin te/ ji ltar rlung gi khams snyi zhing lus med pa de bzhin du rnam par shes pa 'di yang zhan cing
93a6 lus med mod kyi lus chen po dag dang chung ngu dag kyang skyed par byed de/ sbrang bu'i yang rnam par shes pa de nyid yin no/ /glang po che'i yang de nyid yin no/ /dper na mar me'i me lce chung yang ra ba 'am/
93a7 khang pa'i nang gi mun pa chen po sel bar byed pa de bzhin du rnam par shes pa'i khams 'dis kyang las len pa'i rgyu des na gzugs chung ngu dang chen po rnams 'grub par byed do/ /de skad ces bka'
93a8 stsal nas/ bcom ldan 'das la sman chen gyis 'di skad ces gsol to/ /bcom ldan 'das ci lags/ de gzugs can zhig lags sam/ 'on te gzugs ma mchis pa zhig lags/
93b1 rang bzhin ni ji lta bu lags/ rkyen ni ji lta bu dag las blta bar bgyi/ bcom ldan 'das kyis bka' stsal pa/ sman chen 'di la las rnams kyi spyod yul ni lha'i bde ba dag dang / 'byor pa dag dang /
93b2 lha'i kha zas 'thob pa yin te/ dper na mi dbul po gnyis shig 'brog tu 'khyams pa las der gcig gis ni chu bsil ba rnyed la/ gcig ni skom ste shi na chu de la la zhig gis snyim pas bcus
93b3 te mi de la byin pa yang med/ la la zhig gis mi gcig shos de la bkag pa yang med kyi bsod nams kyi mthu 'ba' shig gis gcig gis ni chu rnyed la gcig gis ni chu ma rnyed pa de bzhin du dge
93b4 ba dang mi dge ba'i chos de dag blta bar bya'o/ /zla ba yar gyi ngo dang mar gyi ngo ji lta ba bzhin du dge ba dang mi dge ba yang de bzhin du blta bar bya'o/ /dper na shing thog rlon pa yongs su smin pa na kha
93b5 dog gzhan du 'gyur te/ kha dog de dang yongs su smin pa yang me'i khams kyi dbang gis 'gyur ro/ /de bzhin du lus 'di yang bsod nams kyi dbang gis tshong dpon gyi khyim nor dang gser 'byor
93b6 pa dag tu rgyan nye bar ston to/ /lha'i gnas dag tu lha'i rgyan dag nye bar ston te/ dbang phyug gi rgyan gang yin pa de ni bsod nams kyi dper bstan to/ /dper na sa bon sa la btab na shing gi rtse
93b7 mor snang bar 'gyur la/ sa bon de yang sdong bu nas sdong bu'i rtse mor 'pho ba med cing shing gi nang na yang sa bon de mi dmigs la/ mi la la zhig gis lag pa gnyis kyis sa bon blangs te shing
93b8 gi rtse mor bzhag pa yang med cing sa bon rtsa ba nas 'pho ba yang mi dmigs pa de bzhin du dge ba dang mi dge ba lus la gnas pa rnams kyang lus la mi snang ngo / /dper na sa bon las me tog 'grub
94a1 pa na sa bon gyi nang na yang me tog mi snang zhing me tog gi nang na yang 'bras bu mi dmigs la/ sa bon dang me tog kyang gnyis su dbyer med pa de bzhin du lus las kyang las 'byung las
94a2 las kyang lus 'byung mod kyi/ lus kyi nang na yang las mi snang las kyi nang na yang lus mi snang ngo / /dper na me tog yongs su smin pa na 'bras bu dmigs pa de bzhin du lus smin na las rnams dmigs
94a3 so/ /dper na gang na sa bon gnas pa der me tog 'byung bar snang ba de bzhin du lus 'di gang dang gang du skyes par gyur pa de dang der las dge ba dang mi dge ba 'byung bar snang ste/ las de yang gzugs
94a4 can ma yin la rnam par smin pa yang gzugs can ma yin no/ /dper na mi'i lus las grib ma mi gsal zhing gzugs can ma yin pa 'byung la mi de nyid kyi phyi bzhin 'brang ste/ grib ma de yang mi
94a5 de'i lus dang 'brel ba ma yin la lus med par yang grib ma 'byung bar mi 'gyur ba de bzhin du lus 'di la dge ba dang mi dge ba 'brel bar 'dug ste/ lus gang dang gang du 'pho ba de dang der las
94a6 rnams 'gro bar 'gyur te/ lus kyi dbang gis las rnams 'brang ba yang ma yin la lus med na yang las rnams skye bar mi 'gyur ro/ /dper na sman tsha ba dang / kha ba dang / bska ba la sogs pa'i
94a7 bye brag gis lus la bkru sman btang na nad thams cad las thar bar 'gyur zhing lha'i mdog rgyas pa yang lus la snang bar 'gyur te/ ji ltar sman tsha ba dang / kha ba rnams kyis lus kyi mdog gzhon
94a8 shar 'dug pa dang / yid du 'ong ba sgrub par byed cing 'di snyam du mi 'dis ni sman zos gor ma chag go snyam du shes par 'gyur mod kyi/ sman de dag gi ro dang smin pa de yang gzugs can ma yin la
94b1 ro dang smin pa gzugs can ma yin pa yang mi'i mdog rgyas pa la las snang bar 'gyur ba de bzhin du/ dge ba'i las 'di yang gzugs can ma yin te/ de las lus grub nas kha zas dang /
94b2 nye bar spyad pa dang / longs spyod dang / gos kyi bye brag gi dbang gis rkang lag mnyam zhing mchog tu bde ba dang ldan te/ nor bu dang / gser dang / dngul 'byor par 'gyur ba de dag thams cad
94b3 ni dge ba'i las kyi 'bras bu yin no/ /rigs dang longs spyod rgyas shing 'byor pa las nyams pa dang / nye bar spyad pa dang bral zhing gzhan la re ba dang / kha zas ngan pa za zhing mal stan ngan pa
94b4 dang / gzugs ngan cing mi sdug pa'i lus can gang yin pa de dag ni mi dge ba'i las de'i 'bras bu yin no/ /dper na me long gi dbang gis bzhin gyi mdog sdug pa 'am mi sdug pa snang la/
94b5 me long gi gzugs brnyan de yang gzugs can ma yin pa de bzhin du dge ba dang mi dge ba'i las kyi dbang gis rnam par shes pa 'di lha rnams dang / mi rnams dang / sems can dmyal ba dang / dud 'gro
94b6 dang / yi dags rnams kyi nang du skye bar 'gyur te/ sman chen las rnams ni de ltar blta bar bya'o/ /de ltar na las 'di dag ni rnam par shes pa'i rjes su 'brang ngo / /gsol pa/ bcom ldan 'das
94b7 rnam par shes pa 'dis dbang po rnams ji ltar 'debs/ lus chen po yang ji ltar yongs su 'dzin par bgyid/ bcom ldan 'das kyis bka' stsal pa/ sman chen 'di lta ste dper na rngon pa nags
94b8 thibs po'i nang du song nas gzhu shin tu bkang ste/ dug mdas spos kyi glang po che bong che ba la snun la/ dug de yang khrag dang phrad na yan lag dang nying lag rnams su 'pho zhing 'gro ste/ dbang po'i
95a1 spyod yul thams cad 'dor la gnad rnams su bsnun cing khrag gi kha dog bsgyur te/ yan lag dang nying lag thams cad du 'pho zhing 'gro la/ phyir yang lus bor nas dug de lus las
95a2 phyir byung na/ sman chen 'di ji snyam du sems/ dug de dang glang po che'i khog pa de'i tshad ji tsam/ gsol pa/ ri rab dang yungs 'bru bzhin lags so/ /bka' stsal pa/ dug de ji ltar 'pho ba de
95a3 bzhin du rnam par shes pa'i khams 'di yang lus yongs su spong zhing dbang po rnams kyang 'dor la khams rnams kyang yongs su gtong ngo / /de ltar na rnam par shes pa 'di dbang po rnams 'dor bar
95a4 byed do/ /sman chen gzhan yang khyod kyis bcom ldan 'das rnam par shes pa 'di ji ltar lus chen po yongs su 'dzin par bgyid ces zer ba ni ji ltar kho lag che zhing rags pa'i lus 'di la mi
95a5 sems pa bzhin te/ dper na ri'i rgyal po ri rab kyi 'phang du dpag tshad brgyad khri bzhi stong yod la de yang klu'i rgyal po dga' bo dang / nye dga' gnyis kyis sum khris su yongs su dkris te/ klu'i
95a6 rgyal po de gnyis kyis dbugs phyi nang du rgyu bas rgya mtsho btung du mi rung bar 'gyur zhing de gnyis kyi dbugs kyis ri rab kyang g.yo bar byed de/ de gnyis ji ltar dug che la spro ba che zhing yangs pa bzhin du
95a7 nor rgyas kyi bu dang / 'jog po gnyis kyang de dang 'dra'o/ /sman chen 'di ji snyam du sems/ de dag gi rnam par shes pa yang gzhan la/ sbrang bu'i yang gzhan no snyam na de ltar blta bar mi bya ste/ sman chen
95a8 'di ltar rnam par shes pa de nyid sbrang bu'i yang yin la de nyid de dag gi yang yin no/ /dper na dug bad sa nA ba dang / ha la ha la'i thigs pa chung ngu yang klu'i rgyal po dga' bo dang
95b1 nye dga' la sogs pa de dag gis zos na de dag kyang 'chi bar 'gyur ro/ /sman chen 'di ji snyam du sems/ dga' bo dang nye dga' la sogs pa'i dug gang yin pa dang / bang sa nA ba dang /
95b2 ha la ha la'i dug gi thigs pa gang yin pa de'i nang na ches mang ba gang yin/ gsol pa/ bcom ldan 'das dga' bo dang nye dga' gnyis kyi dug ches mang bar blta bar bgyi ste/
95b3 bad sa nA ba dang / ha la ha la'i dug ni de lta ma lags so/ /bcom ldan 'das kyis bka' stsal pa/ sman chen de bzhin du lus chen po glang po che dgu stong gi stobs dang ldan pa de dag
95b4 gi rnam par shes pa'i khams kyang chung zhing mi gsal la gzugs can ma yin par blta bar bya'o/ /rnam par shes pa de yang las kyi rkyen kyis lus chen po mngon par 'grub par byed de/
95b5 dper na shing n+ya gro d+ha'i sa bon chung ngu las shing gi rgyal po mtho zhing rgya che la yal ga dang / yal ga phre'u brgya stong gis rgyas pa 'grub par 'gyur ro/ /sman chen 'di ji snyam du sems/ sa bon
95b6 de'i tshad ni ji tsam/ shing de'i tshad ni ji tsam/ gsol pa/ bcom ldan 'das yungs 'bru'i nang dang bar snang bzhin te khyad che lags so/ /bcom ldan 'das kyis bka' stsal pa/ sman chen
95b7 de bzhin du sa bon de'i nang na yang shing mi snang la sa bon med na yang shing skye ba mi dmigs te/ ji ltar sa bon phra mo las shing chen po skye ba de bzhin du rnam par shes pa cha phra ba las gzugs chen
95b8 po 'grub par 'gyur te/ lus la yang rnam par shes pa mi dmigs la rnam par shes pa med na yang lus skye ba mi dmigs so/ /de skad ces bka' stsal nas/ bcom ldan 'das la sman chen gyis yang 'di skad ces
96a1 gsol to/ /bcom ldan 'das rdo rje'i snying po lta bu'i rnam par shes pa des lus nyam chung ba rnams ji ltar mngon par 'grub par bgyid/ bcom ldan 'das kyis bka' stsal pa/ sman chen dper na mi dbul po la la zhig gis yid
96a2 bzhin gyi nor bu rin po che rnyed na/ des yid bzhin gyi nor bu rin po che de blangs nas lha'i gnas dang / bskyed mos tshal dang / bskyed tshal dang / zhing dang / ra ba dang / sgo khang dang / shing gel ba dang / 'khri shing sna tshogs kyis 'khor
96a3 ba dang / khang pa me tog gis gtor ba dang / rdzas dang / yo byad dag sprul na/ sman chen de dag thams cad ni mi brtan zhing nyam chung la myur du 'gyes shing 'jig pa'i chos can yin te/ yid bzhin gyi nor bu rin po che de mi de'i lag
96a4 nas stor na de'i bde ba'i longs spyod de dag kyang med par 'gyur ro/ /ji ltar yid bzhin gyi nor bu rin po che'i de rdo rje stong gis kyang mi phyed la/ de'i yo byad de dag 'jig pa'i rang bzhin can yin pa de bzhin du rnam par shes pa'i
96a5 khams ni rdo rje'i snying po rang bzhin lta bu yin la lus gang yin pa de ni snying po med do/ /gsol pa/ bcom ldan 'das rnam par shes pa'i khams zhan pa des ji ltar gzugs mkhrang zhing sra ba phye ste 'pho zhing 'chi/
96a6 bcom ldan 'das kyis bka' stsal pa/ sman chen dper na chu'i rgyun shin tu 'jam po ri'i gseb na 'dug pas ri de nyid rtol te byung na/ sman chen de ji snyam du sems/ de'i nang na ches sra ba gang yin/ gsol
96a7 pa/ bcom ldan 'das ri ni rang bzhin gyis mkhrang la rdo rje ltar brtan zhing sra ba lags la/ tsha ba ni rang bzhin gyis 'jam zhing reg na bde ba lags so/ /bcom ldan 'das kyis bka' stsal pa/ de bzhin du
96a8 rnam par shes pa rang bzhin gyis zhan pas lus chen po dag phye ste 'gro bar 'gyur ro/ /gsol pa/ bcom ldan 'das ji ltar sems can gyi ris nas/ sems can shi 'phos te lha rnams kyi nang du skye ba len pa lags/
96b1 ji ltar sems can dmyal ba rnams su skye ba yongs su len pa lags/ bcom ldan 'das kyis bka' stsal pa/ sman chen de'i phyir nyon cig /sems can de shi 'phos nas bsod nams su nye bar 'gro ba'i 'du byed kyis
96b2 yongs su zin na lus yongs su btang nas rnam par shes pa des mi'i lta ba yongs su spangs te lha'i lta ba thob par 'gyur ro/ /de lha'i lta ba des 'dod pa na spyod pa drug gi lha rnams mthong ngo / /sems can dmyal ba chen po
96b3 brgyad kyang mthong ngo / /lus de yang 'dor bar mthong ngo / /lha rdzas kyi lha'i gnas dang / dga' tshal dang / 'dres tshal dang / me tog gi rna rgyan dang / shing ku she sha ya dang / ko ka na da dang / gzhal
96b4 med khang dang / tshal stug po dang / lha'i bu mo rtse bas bskor ba yang mthong ngo / /rtag tu me tog rgyas shing rnam par bkra bar byas pa'i lha'i longs spyod sdug gus mdzes par byas pa dang / se mo do dang / gdub zlum
96b5 dang / gdub leb dang / dpung rgyan spa zhing spras pas brgyan pa de dag kyang des mthong ngo / /lha gzhon nu dang lha mo khri'i steng na 'dug cing yid rab tu dga' ba yang des mthong ngo / /des de dag mthong nas kun tu chags pa
96b6 skyed do/ /de der kun tu chags pas dga' ba thob par 'gyur ro/ /dga' ba thob pas yid rab tu dga' bar 'gyur ro/ /de snying dga' bas de'i tshe lus kyi kha dog rgyas par 'gyur te/ 'di ltar bzhin gyi
96b7 mdog pad ma lta bur snang bar 'gyur zhing lta ba phyin ci ma log par 'gyur ro/ /sna yang yo bar mi 'gyur/ de'i kha yang mnam par mi 'gyur ro/ /de bzhin du de'i mig ud pa la sngon po'i mdab ma 'dra bar snang bar 'gyur ro/ /
96b8 de'i gnad rnams kyang 'chad par mi 'gyur/ de'i khrag kyang zag par mi 'gyur/ phyi sa yang 'byung bar mi 'gyur ro/ /de spu zing zhes byed par mi 'gyur de'i sen mo rnams kyang nag por mi 'gyur/ lag pa yang ser por snang bar mi 'gyur/
97a1 rkang lag kyang g.yob bar mi 'gyur/ rkang lag 'khums bzhin du 'chi ba'i chos dang ldan par yang mi 'gyur ro/ /sman chen de 'chi ba'i dus kyi tshe lha'i ltas 'byung bar 'gyur te/ 'di ltar khang pa
97a2 brtsegs pa ka ba brgya stong gis brgyan pa mthong ste/ lha'i dril bu g.yer ka'i dra ba sgra snyan pa 'byung ba dang ldan pa dang / lha'i me tog sna tshogs spel ba'i phreng ba shin tu dri zhim pa dag mthong ngo / /lha gzhon nu
97a3 rgyan dang / gser gyis mchog dang / se mo do dang / gdub bu dang / dpung rgyan gyis mdzes par byas shing lus brgyan pa dag kyang mthong ngo / /des lha gzhon nu dag mthong nas mchog tu dga' ba skye'o/ /de yid dga'
97a4 bas khog pa la ltas gnyis 'byung bar 'gyur te/ me tog kun da dang / ku mu da ltar dkar bar snang ngo / /mig ha cang yang mi 'dzums ha cang yang mi 'byed do/ /sgra snyan pa dag kyang 'byung ngo / /de'i bzhin yang bar
97a5 ma lta bur snang bar 'gyur ro/ /shi ba'i khog par yang ha cang tsha bar yang mi 'gyur/ ha cang grang bar yang mi 'gyur ro/ /de'i gnyen sdug pa rnams kyang smre sngags chen po 'don par mi byed do/ /de nyi ma 'char
97a6 ba'i dus kyi tshe 'chi ba'i chos dang ldan par yang 'gyur ro/ /phyogs kyang mun par snang bar mi 'gyur ro/ /de 'chi ba'i dus kyi tshe phyogs shin tu dri zhim zhing shin tu yongs su dag pa tshor bar 'gyur ro/ /
97a7 de'i mig kyang ser bar mi 'gyur/ de'i lta ba yang phyin ci log tu mi 'gyur/ de bzhin gshegs pa'i sku gzugs mthong na yid ches shing dang ba skye bar 'gyur/ gnyen sdug pa dag mthong na ga zhig nas
97a8 phyir 'ongs pa 'am/ ring mo zhig tu gud na 'dug 'dug pa bzhin du mgul nas 'khyud cing yid rab tu dga' ste/ 'di skad du srid par skyes pa thams cad kyi tshul ni 'di yin gyis/ rang dang bral ba'i phyir gdung
97b1 bar ma byed par thong shig ces des gnyen de dag yang dag par dbugs 'byin par byed do/ /sman chen gal te sems can bsod nams su nye bar 'gro bas 'chi ba'i dus kyi tshe sbyin pa la sred cing yud tsam re re la
97b2 tshigs bcad dang / tshigs su bcad pa dang / gtam sna tshogs pa dang / gtan tshigs sna tshogs pa rjod cing smra la/ de'i tshe gnyid la yang sred par mi 'gyur zhing gnyid kyi dbang du yang mi 'gro la/ bde ba thams cad dang ldan
97b3 pas tshe'i 'du byed 'dor bar 'gyur ro/ /de 'chi ba'i dus kyi tshe lha dang lha mo lhan cig tu khri gcig gi steng na 'dug la/ lha mo khri'i steng na 'dug pa de'i lag pa lha'i lag pa'i steng du bzhag cing de'i lag pa gnyis
97b4 las me tog dag 'byung ste/ lha mo des me tog byung ba dag mthong nas lha de la 'di skad du lha gzhon nu skye ba'i dga' ba'i dus la bab kyis dgyes par mdzod cig ces zer ro/ /des kyang me tog rnams lag pas mnyes
97b5 shing 'phur bar byed do/ /des me tog de dag mnyes pas sems can de 'chi ba'i chos dang ldan par 'gyur ro/ /de'i rnam par shes pa des kyang dbang po rnams bor zhing dbang po'i spyod yul rnams btang ste/
97b6 khams rnams yongs su btang nas khams kyi don yongs su blangs te/ mi gsal zhing gzugs can ma yin la rta zhon pa lta bu dang / nyi ma dang / me shel dang / bsreg bya lta bu dang / chu la zla ba'i gzugs brnyan lta bu dang / sbubs kyi nang gi rlung ltar dge ba la
97b7 dmigs pa bsdus nas byung ste 'pho zhing 'gro'o/ /de yang de'i tshe me tog la brten nas pha ma khri gcig la 'dug cing phrad pas rnam par shes pa me tog de dag gi nang du 'dres par 'gyur ro/ /yang der bdud rtsi 'dod pa zhes bya ba'i rlung ldang ste/ rlung des rnam par shes pa
97b8 de zhag bdun lon pa na lha gzhon nu rna cha gdub kor dri ma med cing 'gul ba dang ldan pa 'grub par 'gyur ro/ /de skad ces bka' stsal nas/ bcom ldan 'das la sman chen gyis 'di skad ces gsol to/ /bcom ldan 'das rnam par shes pa gzugs can ma lags pa'i rkyen kyi dbang gis gzugs
98a1 rnams ji ltar mngon par 'grub par bgyid/ rkyen rnams la yang ji ltar gda' bar 'gyur/ bcom ldan 'das kyis bka' stsal pa/ sman chen dper na rlung gi khams gzugs med cing bstan tu med pa'i rkyen kyi dbang
98a2 gis lha'i gnas dang / ri dang / nags tshal la sogs pa 'jig rten gyi khams rnams 'grub par byed pa de bzhin du rnam par shes pa 'di yang rkyen kyi dbang gis gzugs rnams 'grub par byed do/ /sman chen gzhan yang shing 'jings
98a3 pa gnyis phan tshun phrad de gcig la gcig drud cing gtsubs pa las me 'grub par 'gyur te/ me de yang shing gi nang na mi snang la shing med na yang me 'byung bar mi 'gyur te/ me de yang rkyen kyang dbang gis shing las 'grub par 'gyur
98a4 gyi rkyen med par ni mi 'byung ngo / /gzugs kyi dbang gis kyang shing gi nang na yang me mi snang la shing ma gtogs par yang me mi dmigs so/ /sman chen de bzhin du rnam par shes pa de yang pha ma'i dbang gis 'jug ste/ rnam par
98a5 shes pa yang lus kyi nang na mi dmigs la lus med par yang rnam par shes pa mi 'byung ngo / /sman chen dper na me ma byung bar gzugs dang / dro ba dang / kha dog gsal bar mi snang ngo / /sman chen de bzhin du lus ma grub par rnam
98a6 par shes pa dang / tshor ba dang / 'du shes dang / 'du byed rnams mi snang ngo / /sman chen dper na nyi ma'i dkyil 'khor chen po gsal bar snang zhing gzi brjid kyis lam mer 'dug kyang byis pa so so'i skye bo rnams kyis nyi ma'i
98a7 gzugs gnag gam/ ser ram/ dkar ram/ dmar ser du mi mthong ngo / /sman chen de bzhin du rnam par shes pa ni lta ba dang / nyan pa dang / snom pa dang / ro myang ba dang / reg pa'i rnam pa dag gis rtogs par 'gyur gyi lus la rnam
98a8 par shes pa gnag pa'am/ dkar ba 'am/ gzugs su snang bar mis mi mthong ngo / /dper na nyi ma tsha ba dang / ser ba dang / 'gro ba dang / phyir yang 'char ba dag gi rtags las snang ba de bzhin du rnam par shes pa yang rtags dag
98b1 gis blta bar bya'o/ /de skad ces bka' stsal nas/ bcom ldan 'das la sman chen gyis 'di skad ces gsol to/ /bcom ldan 'das rnam par shes pa'i rtags ji ltar blta bar bgyi/ bcom ldan 'das kyis bka' stsal pa/
98b2 'du byed kyi rtags dang / tshor ba'i rtags dang / 'du shes kyi rtags dang / sems pa dang / mya ngan dang / gdung ba dang / yid mi bde ba ni rnam par shes pa'i rtags su blta'o/ /gzhan yang rnam par shes pa'i bag chags 'di
98b3 ltar dge bar nye bar 'gro ba'i sems dang / mi dge bar nye bar 'gro ba'i sems las blta bar bya'o/ /de skad ces bka' stsal nas/ bcom ldan 'das la sman chen gyis 'di skad ces gsol to/ /bcom ldan 'das ji
98b4 ltar rnam par shes pa lus las byung ste myur du skye ba yongs su len pa lags/ rnam par shes pa lus las byung nas ma skyes shing yongs su ma bzung ba des ji ltar lus gzhan la gnas par bgyid/ rnam par shes pa 'di
98b5 ni ji ltar blta bar bgyi/ bcom ldan 'das kyis bka' stsal pa/ sman chen dper na mi la la lag pa ring zhing thur du brkyang la g.yul gyi go cha gyon te/ lha'i rta rlung gi shugs dang 'dra bar mgyogs pa la zhon nas g.yul
98b6 du 'gro ste/ de g.yul ngo der song nas mdung dang / ral gri dang / mda' dag gis snying myos te/ g.yul ngor rta'i mchog de las sa la lhung la/ de yang lus kyi 'phong rtsal yongs su sbyangs pa zhig ste/ myur ba myur bar
98b7 sa las rta'i rgyab tu 'gong bar byed na/ ji ltar mi de lhung nas rta zhon pa dang 'gong che bas ji ltar rta nye bar gnas pa la rta la 'gong ba na rta 'gro bzhin du 'gong chen pos 'gong par byed pa de bzhin du rnam par shes pa yang blta
98b8 bar bya'o/ /ji ltar mi pha rol gyi dmag tshogs kyis 'jigs shing skrag nas rta zhon te 'bros pa de bzhin du rnam par shes pa 'di thog ma shi 'phos nas lha'i dmigs pas yongs su zin cing lha dang lha mo khri'i steng na 'dug
99a1 pa mthong nas shin tu myur bar skye ba yongs su len to/ /sman chen gzhan yang dang po shi 'phos nas/ da dung ma skyes pa'i rnam par shes pa'i rnam pa ji ltar blta bar bya zhes gang khyod kyis smras pa de ni dper na
99a2 mi'i grib ma chu'i steng du bab pa gzugs su snang mod kyi/ de gzugs su gtogs par yang blta bar mi bya'o/ /sman chen dper na rkang lag mnyam pa dang ldan pa'i gzugs chu'i steng du bab pa de la ni dro ba 'am/ grang ba 'am
99a3 lus ngal bar 'gyur ba med cing lus de la ni sha'i dum bu yang med do/ /grib ma de la ni khams kyis blangs pa yang med do/ /mi'i gzugs brnyan chu'i nang du byung ba de las ni sdug bsngal ba'i sgra 'am/ bde ba'i sgra 'byung ba
99a4 yang med do/ /de bzhin du rnam par shes pa dang po shi 'phos nas lus kyi khog pa bor te gzugs brnyan gyi rnam par lta bur 'gyur ro/ /sman chen de ltar na rnam par shes pa bsod nams su nye bar 'gro ba ni lha rnams kyi nang du skye ba
99a5 yongs su len par 'gyur ro/ /de skad ces bka' stsal nas/ bcom ldan 'das la sman chen gyis 'di skad ces gsol to/ /bcom ldan 'das rnam par shes pa sems can dmyal ba rnams su ji ltar skye ba yongs su
99a6 len pa lags/ bcom ldan 'das kyis bka' stsal pa/ sman chen bsod nams ma yin par nye bar 'gro ba'i sems can dmyal ba rnams su skye ba yongs su len pa de nyon cig /sman chen 'di la sems can las mi dge
99a7 bas yongs su zin pa ni sems can gyi ris nas 'chi 'pho ste/ shi 'phos pa de 'di snyam du mi de ni nga nyid yin te/ sems can dmyal ba 'di nas shi 'phos so/ /'di gnyis ni bdag gi pha ma yin no snyam du dran pa skye'o/ /
99a8 shi 'phos pa de'i lus de ni tha mal pa'i gzugs kyi rang bzhin gyi rnam pa dang ldan par 'gyur te/ yan lag skyes pa rnams kyang de dang 'dra ba nyid du snang ngo / /dang po shi 'phos pa de mya ngan gyis g.yengs nas sems can
99b1 dmyal ba sna tshogs snang ba mthong ngo / /rnam par shes pa dang po shi 'phos pa de'i las sems can dmyal ba dang 'brel bar 'gyur te/ phyogs kha cig na ni sems can dmyal ba'i sa gzhi khrag gis gtor ba mthong nas
99b2 de der chags pa skyed par 'gyur ro/ /de chags par gyur nas sems can dmyal ba'i lus 'grub par 'gyur te/ de'i rnam par shes pa de las kyi rkyen gyi dbang gis chu'i rjen shul shin tu rul cing mchog tu dri mi zhim pa mnam
99b3 pa'i nang du lus skye ba yongs su len te/ dper na mi gtsang ba dang / ljan ljin mnam po'i rkyen kyis srin bu skye ba dang / dper na zho dang / sbrang rtsi dang / chang mnam por gyur pa'i phyir srog chags skye bar 'gyur ro/ /sman
99b4 chen de bzhin du sems can rnams sems can dmyal bar 'byung bar 'gyur ro/ /de skad ces bka' stsal nas/ bzang skyong gis thal mo sbyar te bcom ldan 'das la 'di skad ces gsol to/ /bcom ldan 'das sems
99b5 can dmyal ba pa'i sems can rnams kyi kha dog gi rnam pa ji lta bu lags/ lus kyi rnam pa ni ji lta bur 'grub par 'gyur/ bcom ldan 'das kyis bka' stsal pa/ bzang skyong der khrag gi nang du skye ba gang yin pa
99b6 de dag ni khrag gi mdog 'dra bar 'byung bar 'gyur ro/ /chu klung rgal du med pa dag gi nang du skye ba gang yin pa de dag ni sprin sngon po'i kha dog ltar 'gyur ro/ /ba tshwa can gyi chu klung gi nang du skye ba gang yin pa de dag ni sha gzi gur 'byung
99b7 bar 'gyur ro/ /de dag gi lus ni rgyal po'i bu gzhon nu bde dgur rim gror byas pa ltar gzhon sha can du 'gyur ro/ /bzang skyong de na de dag lus bong che bar 'gyur te/ mgo bo ma gtogs par khru brgyad par 'gyur ro/ /
99b8 sen mo ring zhing kha sbu yod la spun por 'gyur zhing rkang lag mi sdug par 'gyur te/ gal te 'dzam bu'i gling pa'i mi sems can dmyal ba pa'i mi la ltar 'gro na mthong ma thag tu 'chi ba'i chos dang ldan
100a1 par 'gyur ro/ /bzang skyong gzhan yang sems can dmyal ba pa'i sems can rnams kha zas za mod kyi de dag la bde bar 'gyur ba cung zad kyang med do/ /de skad ces bka' stsal nas/ bcom ldan 'das
100a2 la sman chen gyis 'di skad ces gsol to/ /bcom ldan 'das sems can de dag kha zas ci 'tshal/ bcom ldan 'das kyis bka' stsal pa/ sman chen sems can dmyal ba de na de dag yongs su 'khyam la shin
100a3 tu rgyang ring ba nas zangs dang ra gan dmar por snang ba mthong bar 'gyur te/ de dag mthong nas kha zas kyi tshig rjod par byed de/ bzas 'dod pa khyed tshur shog ces zer ro/ /de dag kun nas 'phungs te snyim pa bzed nas
100a4 zangs dang ra gan bskol ba ga la ba der dong ste lhags nas snyim pa bzed cing zangs dang ra gan bskol ba'i kha zas de dag 'dod pas kha gdangs te zangs dang ra gan za bar byed do/ /de dag zangs dang ra gan rab tu 'bar
100a5 ba des su ru rur rab tu 'bar zhing khog pa rab tu 'bar bar 'gyur ro/ /sman chen de dag kha zas 'dra bas bslus nas sdug bsngal shin tu che ba myong bar 'gyur ro/ /sman chen sems can dmyal ba pa'i sems can de dag gi
100a6 rnam par shes pa de rus pa'i lus dag la gnas par 'gyur zhing rus pa'i tshogs dang 'bral bar mi 'gyur te/ sems can dmyal ba pa'i sems can de dag rnam par shes pa dang mi 'bral ba'i phyir/ 'chi ba'i dus byed
100a7 par mi 'gyur ro/ /de dag bru ba tsha bas gzir bzhin du de na kha zas kyi bya ba yang med do/ /de na lha'i bskyed mos tshal shing ljon pa brgya phrag mang po me tog shin tu rgyas pa dag dang / gsing ma sngon po yangs pa'i sa phyogs
100a8 dag kyang yod par mthong ngo / /de dag gis bskyed mos tshal de dag mthong nas yid rab tu dga' ste 'di skad du grogs po dag bskyed mos tshal 'di na reg na bde ba'i ser bu ldang ba yod kyis tshur shog ces zer te/
100b1 de dag 'dus nas myur ba myur bar bskyed mos tshal de'i nang du 'gro'o/ /de dag de'i nang du song nas yud tsam zhig bde ba'i 'du shes skyed do/ /de dag gis shing de dag las byung ba'i me tog de dag dang / lo ma de dag ral grir
100b2 'gyur te/ ral gri de dag gis de dag gis yan lag gcod cing gshegs par byed de/ de dag ral gris bcad nas nyam thag pa'i sgra chen po 'byin par byed cing phyogs phyogs su 'byer ro/ /de dag 'byer ba na yang rang gi las
100b3 las byung ba'i gshin rje'i mi lag na sog le dang tho ba thogs shing so dang bzhin bsgyur la skra 'bar zhing lus 'bar ba'i phreng bas yog la mtshon cha gzas pa dag phyi bzhin du sgra 'byin cing 'di skad du khyed cag sdod cig da
100b4 gar 'bros/ khyed rang gi las kyis bsgrubs pa'i tshul 'di nyams su myong bar gyis shig ces zer te/ sman chen de ltar na sems can dmyal ba pa'i sems can rnams skyo ba skye bar 'gyur ro/ /sman chen gzhan yang
100b5 zhag bdun lon nas sems can dmyal ba pa'i sems can rnams kyis las nyams su myong bar 'gyur te/ bung ba me tog la 'pho ba bzhin du dngos po sna tshogs kyi rkyen kyi dbang gis rnam par shes pa sems can
100b6 dmyal ba rnams su skye ba yongs su len to/ /de yang dang po shi 'phos nas dbang med par khrid de sdug bsngal zhing yid mi bde bar gyur nas mun pa mug nag chen por zhugs te/ mi rgod kyis khrid pa bzhin du 'di snyam
100b7 du sems te/ kyi hud da ni bdag 'dzam bu'i gling rnam par bkra ba bor te/ gnyen sdug pa yongs su spangs nas sems can dmyal ba dag tu mngon du gnas par gyur cing 'dug ci gud ni mtho ris kyi lam mi mthong ngo snyam
100b8 mo de yang dar gyi srin bu rgyud gcig gis dkris pa bzhin du shin tu myur bar skye ba yongs su len te/ de yang bdag nyid kyi mgul nas zhags pas btags par shes so/ /bzang skyong de ltar na sems can dmyal bar sems
101a1 can rnams su skye bar 'gyur zhing de ltar na de dag la rgyu'i bye brag dag 'byung bar 'gyur ro/ /de nas bzang skyong spu zing zhes byed nas thal mo sbyar te/ bcom ldan 'das la skyabs su song ngo / /rgyal po'i bu gzhon nu
101a2 sman chen gyis kyang 'di skad du dam pa'i chos mnyan pa 'dis na bdag 'khor ba nas 'khor ba'i tshe log par ltung ba'i chos can du ma gyur cig /bdag sems can dmyal ba rnams su skye ba yongs su len par ma gyur cig ces
101a3 smon lam btab po/ /de nas bcom ldan 'das la bzang skyong gis 'di skad ces gsol to/ /yang bcom ldan 'das la bdag zhu ba zhu'o/ /bcom ldan 'das kyis bka' stsal pa/ bzang skyong ci dang ci 'dod pa bzhin du 'dod
101a4 pa dris shig /bzang skyong gis gsol pa/ bcom ldan 'das bsags pa ni gang lags/ spungs pa ni gang lags/ phung po rnams ni gang lags/ 'pho ba ni gang lags/ bcom ldan 'das kyis bka' stsal pa/ bzang
101a5 skyong 'di la khams phrad pa'i phyir khams bzhi po dag gis lus 'grub par byed de/ shes rab dang / lta ba dang / yid dang / ma rig pa dang / khams dang / spyod yul dang / rnam par shes pa rnams ni bsags pa zhes bya'o/ /
101a6 de la spungs pa ni khams drug po nyid dang / skye mched kyi spyod yul drug dang / khams kyi rang bzhin gsum dang / skye mched len pa'i rgyu gnyis dang / skra dang / kha spu dang / sen mo dang / ba spu dang / lpags pa dang / sha dang /
101a7 rnag dang / mkhris pa dang / bad kan dang / snabs dang / tshil dang / chu ser dang / rkang dang / mig dang / yan lag dang / nying lag tshogs pa la spungs pa zhes bya'o/ /dper na 'bru spungs pa bzhin te/ nas dang / til dang /
101a8 gro dang / mon sran sde'u mang po la spungs pa zhes bya ba de bzhin du lus kyi yan lag dang nying lag tu gtogs pa tshogs pa la spungs pa zhes bya'o/ /khams drug po dag gang zhe na/ de la sa'i khams dang / chu'i khams dang /
101b1 me'i khams dang / rlung gi khams dang / nam mkha'i khams dang / rnam par shes pa'i khams zhes bya'o/ /skye mched drug gang zhe na/ 'di la mig dang / rna ba dang / sna dang / lce dang / lus dang / yid ces bya ba'o/ /skye mched
101b2 kyi spyod yul drug gang zhe na/ 'di la gzugs dang / sgra dang / dri dang / ro dang / reg bya dang / chos kyi skye mched ces bya ba ste/ de dag ni spyod yul drug yin no/ /de la khams kyi rang bzhin gsum gang zhe na/ 'di la 'dod chags dang /
101b3 zhe sdang dang / gti mug ces bya'o/ /de la de dag nyid kyi kun nas ldang ba gsum gang zhe na/ rlung dang / mkhris pa dang / bad kan rnams so/ /de la skye mched len pa'i rgyu gnyis gang zhe na/ 'di la tshul khrims dang / dad pa dang /
101b4 gtong ba dang / nor dang / brtson 'grus dang / ting nge 'dzin dang / dge ba dang / mi dge ba zhes bya ba'o/ /de la phung po zhes bya ba'i don gang zhe na/ 'di la tshor ba dang / 'du shes dang / 'du byed rnams dang / rnam par shes pa zhes
101b5 bya ba ste/ bzhi po 'di dag ni gzugs can ma yin pa'i phung po rnams so/ /de la tshor ba ni myong ba'o/ /'du shes ni shes pa'o/ /bde ba dang sdug bsngal ni 'du byed rnams so/ /lta ba dang nyan pa dang / bsnom pa dang / ro myang
101b6 ba dang / reg bya rnams rig pa ni rnam par shes pa ste/ dngos po thams cad kyi khongs su gtogs pas na lus la dbang ba'i dbang phyug dang len pa dang 'thun pa yin no/ /de la 'pho ba zhes bya ba ni tshul khrims shin tu
101b7 yongs su dag pa dang / lus dang ngag gi las kyi 'bras bu thob pa 'chi ba'i dus byed pa gang yin pa de'i tshe rnam par shes pa des phung po rnams yongs su btang nas yang srid par mi skye zhing phyir mi ldog pas na shin tu bde
101b8 bar 'pho zhing 'gro ste/ 'phos pa de'i phyir 'pho ba can ma yin pa de lta bu ni de'i 'pho ba 'gyur ba yin no/ /de nas bzang skyong dang sman chen gnyis kyis bcom ldan 'das kyi zhabs la gtugs nas bcom ldan 'das la
102a1 'di skad ces gsol to/ /bcom ldan 'das thams cad mkhyen pas sems can rnams tshim par bgyid pa gang lags pa'i chos kyi tshogs 'di legs par gsungs so/ /bcom ldan 'das kyis bka' stsal pa/
102a2 bzang skyong de bzhin gshegs pa'i ye shes 'di ni bcos ma ma yin te/ 'di'i rang bzhin ni thams cad mkhyen pa ma yin pas rig pa ma yin no/ /shes rab kyi snang ba 'di ni dka' ba spyad pa brgya stong du mas bsgrubs pa ste/ 'di ni
102a3 ngas ji skad bstan pa de kho na bzhin no/ /chos kyi nyi ma thams cad mkhyen pa nyid snang bar byed pa/ yon tan gyi grags pa rgyas par byed pa/ thams cad mkhyen pa'i ye shes rgya mtsho'i mdzod sems can rnams kyi rgyud 'dul bar byed pa
102a4 'dul ba ston pa 'di yul gang na gnas sam/ de ston par 'gyur ba der ni mi ma yin pa rnams srung bar byed de/ lha dang / lha ma yin dang / lto 'phye chen po rnams phyag bya ba'i phyir 'ong bar 'gyur ro/ /chos kyi rnam grangs 'di
102a5 'dzin pa dang / 'chang ba dang / klog pa dang / kun chub par byed par dang / gzhan dag la yang rgya cher rab tu ston pa gang yin pa de la ni mtshon gyi 'jigs pa 'byung bar mi 'gyur/ dug gi 'jigs pa 'byung bar mi 'gyur/ me'i 'jigs pa dang / rgyal
102a6 po dang / chu dang / chom rkun gyi 'jigs pa 'byung bar mi 'gyur ro/ /dge slong dag khyed kyis deng phan chad ma dad pa rnams la bshad par mi bya'o/ /klan ka tshol ba rnams la ma yin/ gcer bu pa rnams la ma yin/ gcer bu pa'i nyan thos
102a7 rnams la ma yin/ /gnas gzhan la zhugs pa la bshad par mi bya'o/ /ma dris par yang bshad par mi bya'o/ /de bas na gal te la la 'khrul par 'gyur na de bzhin gshegs pa 'khrul pa byas par 'gyur ro/ /
102a8 dge slong ngam khyim na gnas pa gang la las 'di rtogs pa de ni phyag bya ba'i gnas su 'gyur te/ de bzhin gshegs pa la bya ba bzhin du gus pa bskyed par bya zhing 'di ni mdzod 'dzin pa yin no snyam du gzung bar bya'o/ /de nas
102b1 bcom ldan 'das kyi tshe dang ldan pa dga' bo la 'di skad ces bka' stsal to/ /kun dga' bo chos kyi rnam grangs 'di zung shig /chongs shig /lhogs shig /shod cig /gzhan dag la yang rgya cher rab tu ston cig /
102b2 kun dga' bos gsol pa/ bcom ldan 'das chos kyi rnam grangs 'di gzung bar 'tshal na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka'
102b3 stsal pa/ kun dga' bo de'i phyir khyod kyis chos kyi rnam grangs 'di rnam par shes pa 'pho ba zhes bya bar zung shig /bzang skyong gis zhugs pa zhes bya bar yang zung shig /brtsam par bya zhing 'byung bar bya/ /sangs rgyas bstan
102b4 la 'jug par bya/ /'dam bu'i khyim la glang chen bzhin/ /'chi bdag sde rnams gzhom par bya/ /gang zhig rab tu bag yod par/ /chos 'dul 'di la sbyong 'gyur pa/ /skye ba'i 'khor ba rab spangs nas/ /sdug bsngal mtha'
102b5 mar 'byin par 'gyur/ /bcom ldan 'das kyis de skad ces bka' stsal nas/ rgyal po'i bu gzhon nu sman chen dang / tshong dpon bzang skyong dang / lha dang / mi dang / lha ma yin dang / nam mkha' lding dang / dri zar bcas pa'i
102b6 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las tshong dpon bzang skyong gis zhus
pa'i le'u zhes bya ste sum bcu rtsa dgu pa/
CLOSE WINDOW