བོད་ཡིག |
253a6 'phags pa dkon mchog brtsegs pa chen po'i chos kyi rnam grangs le'u stong phrag brgya pa las le'u sum bcu rtsa gnyis pa ste 'phags pa mya ngan med kyis byin pa lung bstan pa/ bam po gcig pa/
253a7 rgya gar skad du/ Ar+ya a sho ka dad ta byA ka ra Na nA ma ma hA yA na sU tra/ bod skad du/ 'phags pa mya ngan med kyis byin pa lung bstan pa zhes bya ba theg pa chen po'i mdo/ sangs rgyas dang
253a8 byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong lnga brgya tsam gyi dge slong gi dge
253b1 'dun chen po dang / byang chub sems dpa' brgyad stong thams cad kyang gzungs thob pa/ spobs pa thogs pa med pa/ mngon par shes pa sgrub pa la mkhas pa/ chos zab mo'i tshul la
253b2 gnas pa stong pa nyid la gnas pa/ mtshan ma med pa la gnas pa/ smon pa med pa la gnas pa/ mi dmigs pa'i chos la gnas pa/ mi gnas par chos ston pa/ mi skye ba'i chos la bzod
253b3 pa dang ldan pa sha stag la 'di lta ste/ byang chub sems dpa' lhun po dang / byang chub sems dpa' lhun po chen po dang / byang chub sems dpa' ye shes lhun po dang / byang chub sems dpa'
253b4 rin chen seng ge dang / byang chub sems dpa' seng ge blo gros dang / byang chub sems dpa' rtag tu lag brkyang dang / byang chub sems dpa' rtag tu lags bsgreng dang / byang chub sems
253b5 dpa' rtag tu brtson dang / byang chub sems dpa' rtag tu 'dzum zhing rab tu dga' ba dang / byang chub sems dpa' dbang po las 'das pa dang / byang chub sems dpa' rtag tu gdung dang /
253b6 byang chub sems dpa' rin chen sems dang / byang chub sems dpa' lag na rin chen dang / byang chub sems dpa' lag na rin chen thogs dang / byang chub sems dpa' rin chen bkra ldan dang /
253b7 byang chub sems dpa' kha lo sgyur dang / byang chub sems dpa' kha lo sgyur chen po dang / byang chub sems dpa' bden pa la dga' ba dang / byang chub sems dpa' byams pa dang / byang chub sems
253b8 dpa' 'jam dpal gzhon nur gyur ba dang / skyes bu dam pa brgyad la 'di lta ste/ byang chub sems dpa' bzang skyong dang / byang chub sems dpa' dkon mchog 'byung gnas dang / byang
254a1 chub sems dpa' phug sbas dang / byang chub sems dpa' dbang po'i lha dang / byang chub sems dpa' chu lha'i lha dang / byang chub sems dpa' blo gros yangs pa dang / byang chub sems
254a2 dpa' blo gros khyad par can dang / byang chub sems dpa' blo gros 'phel dang / de dag la sogs pa byang chub sems dpa' brgyad stong dang thabs gcig tu bzhugs so/ /de nas de'i tshe bcom
254a3 ldan 'das rgyal po'i khab kyi grong khyer chen po na gnas shing bzhugs pa la rgyal po ma skyes dgra dang / rgyal po'i bka' la gtogs pa dang / blon po dang / sna chen po la gtogs pa dang / zhang blon gyi bu
254a4 tsha dang / zhabs drung na 'khod pa dang / pho brang 'khor gyi mi dang / bram ze dang / rgyal rigs dang / khyim bdag rnams kyis sti stang du byas/ bla mar byas/ ri mor byas/ mchod par byas te/ de nas bcom ldan 'das
254a5 'khor brgya stong du mas yongs su bskor cing mdun gyis bltas nas chos bstan pa 'di lta ste/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru
254a6 bzang po/ ma 'dres pa/ yongs su rdzogs pa/ yongs su dag pa/ yongs su byang ba rab tu ston to/ /de nas tshe dang ldan pa shA ra dwa ti'i bu dang / tshe dang ldan pa maud gal gyi bu chen po dang / tshe dang ldan pa
254a7 'od srungs chen po dang / tshe dang ldan pa rab 'byor dang / tshe dang ldan pa byams ma'i bu gang po dang / tshe dang ldan pa rta thul dang / tshe dang ldan pa nye bar 'khor dang / tshe dang ldan pa sgra gcan zin dang / tshe dang
254a8 ldan pa nam gru dang / tshe dang ldan pa kun dga' bo dang / tshe dang ldan pa ma 'gags pa dang / de dag dang gzhan yang nyan thos chen po rab tu mang po rnams snga dro'i dus kyi tshe chos gos dang sham thabs
254b1 bgos nas lhung bzed thogs te rgyal po'i khab kyi grong khyer chen por bsod snyoms kyi phyir zhugs so/ /de nas nyan thos chen po de dag rgyal po'i khab kyi grong khyer chen por mthar chags su bsod snyoms
254b2 kyi phyir rgyu zhing mthar gyis rgyal po ma skyes dgra'i pho brang ga la ba der dong ste lhags nas phyogs gcig tu cang mi smra bar 'khod do/ /yang de'i tshe rgyal po ma skyes dgra'i pho brang na bu mo mya ngan med
254b3 kyis byin pa zhes bya ba btsas nas lo bcu gnyis lon pa 'dra ba gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa/ sngon gyi rgyal ba la lhag par bya ba
254b4 byas pa/ dge ba'i rtsa ba bskyed pa/ sangs rgyas brgya stong mang po la bsnyen bkur byas pa/ bla na med pa'i byang chub las phyir mi ldog pa de rang gi pha'i khang bzangs na khri gser gyi rkang pa can yod pa
254b5 la 'dug par gyur to/ /de nas bu mo mya ngan med kyis byin pas nyan thos chen po de dag mthong na khri de las ma langs te sur yang mi 'gro/ phyag kyang mi byed/ gtam yang mi zer/ stan yang mi 'ding
254b6 bsod snyoms yang mi 'bul bar kha rog ste 'dug go/ /de nas rgyal po ma skyes dgras nyan thos chen po de dag rgyal po'i pho brang du 'ongs shes thos nas rang gi khang bzangs kyi snga khang ga la ba der
254b7 song ste phyin nas nyan thos chen po de dag la mchog tu sdug par 'dzin pas mngon par dga' zhing stan yang bting ngo / /rgyal po ma skyes dgras bu mo mya ngan med kyis byin pas nyan thos chen po
254b8 de dag mthong bzhin du kha rog ste 'dug pa mthong nas bu mo mya ngan med kyis byin pa la 'di skad ces smras so/ /bu mo 'di dag ni bcom ldan 'das de bzhin gshegs pa dgra bcom pa yang dag
255a1 par rdzogs pa'i sangs rgyas shAkya thub pa de'i nyan thos chen po ste/ che ba nyid kyi yon tan gyi chos dang ldan pa/ zag pa zad pa/ bya ba byas pa/ byed pa byas pa/ khur bor ba bdag gi don
255a2 rjes su thob pa/ srid pa kun du sbyor ba yongs su zad pa/ yang dag pa'i shes pas sems shin tu rnam par grol ba/ bsod nams kyi zhing du gyur pa/ snying brtse ba can yin te/ 'jig rten la snying
255a3 brtse ba'i phyir bsod snyoms kyi phyir rgyu ba khyod kyis mi shes sam/ ci na khyod kyis de dag mthong la/ mthong bzhin du khri las kyang mi ldang / bsu bar yang mi byed phyag kyang mi 'tshal/ gtam yang mi
255a4 zer/ stan dang bsod snyoms la yang spyan mi 'dren/ dad pa dang gus pa yang mi skyed par ci'i phyir ma gus par ston cing kha rog ste 'dug /khyod kyis don gyi dbang ci zhig mthong / de skad ces smras pa
255a5 dang / bu mo mya ngan med kyis byin pas rang gi pha rgyal po ma skyes dgra la 'di skad ces smras so/ /yab 'di ji snyam du dgongs/ ci 'khor los sgyur ba'i rgyal po rgyal phran la ldang ba 'am/ bsur
255a6 mchi ba nam yang gsan tam/ gzigs sam/ rgyal pos smras pa/ bu mo de ni ma yin no/ /bu mos smras pa/ yab ci lha'i dbang po brgya byin lha gzhan dag la ldang ba 'am/ sur mchi 'am/
255a7 rgyal pos smras pa/ bu mo de ni ma yin no/ /bu mos smras pa/ yab ci mi mjed kyi bdag po tshangs pa lha gzhan dag la ldang ngam/ sur mchi 'am/ rgyal pos smras pa/ bu mo de ni ma yin no/ /bu mos
255a8 smras pa/ yab ci rgya mtsho chen po mtsho dang / mtshe'u dang / chu mig dang / mtsho bran dang / lteng ka dang / khron pa la phyag 'tshal ba gsan tam/ gzigs sam/ rgyal pos smras pa/ bu mo de ni ma yin no/ /
255b1 bu mos smras pa/ yab ci ri'i rgyal po ri rab ri nag po gzhan dag la 'dud pa 'am/ phyag 'tshal ba gsan tam/ gzigs sam/ rgyal pos smras pa/ bu mo de ni ma yin no/ /bu mos
255b2 smras pa/ yab ci nyi ma dang / zla ba dang / skar ma'i tshogs srin bu me khyer gyi 'od 'dod pa gsan tam/ gzigs sam/ rgyal pos smras pa/ bu mo de ni ma yin no/ /bu mos smras pa/
255b3 yab ci ri dgas kyi rgyal po seng ge wa la ldang ba 'am/ bsur mchi ba gsan tam/ gzigs sam/ rgyal pos smras pa/ bu mo de ni ma yin no/ /bu mos smras pa/ yab de bzhin du su zhig
255b4 bla na med pa yang dag par rdzogs pa'i byang chub tu sems bskyed nas byams pa chen po dang / snying rje chen po'i seng ge'i sgra bsgrags la dman pa la mos pa'i nyan thos wa lta bur gyur ba byams
255b5 pa chen po dang / snying rje chen po dang bral ba dag la dga' zhing ldang ba 'am/ bsur mchi ba 'am/ phyag 'tshal ba 'am/ bkur sti bgyid/ yab chos kyi rgyal po chen po su zhig chos kyi
255b6 'khor lo bla na med pa bskor tam/ skor bar bgyid pa na nyan thos dman pa/ zhan pa zhum pa/ nyi tshe ba'i shes pa dang ldan pa rnams la dga' bas phyag 'tshal ba 'am/ 'dud
255b7 pa bgyid/ yab lha'i bdag po lha'i dbang po lta bu su zhig rnam par dag pa'i lha'i bdag po don du gnyer pa na dge ba chung ba'i lha lta bu'i nyan thos dag la 'dod pa 'am/ phyag 'tshal
255b8 ba 'am/ ldang ba 'am/ bsur mchi bar bgyid/ yab mi mjed kyi bdag po tshangs pa lta bu su zhig 'jig rten na tshangs pa'i snga khang bla na med pa don du gnyer ba na dge ba'i rtsa ba
256a1 chung ba'i tshangs pa lta bu'i nyan thos dag la 'dod pa 'am/ ldang ba 'am/ sur mchi ba 'am/ phyag 'tshal bar bgyid/ yab su zhig ye shes rgya mtsho dpag tu med pa mi mnyam pa dang
256a2 mnyam pa'i chos rtogs pa tshol ba na ba lang gi rmig rjes kyi chu lta bu'i tshul khrims kyi rjes su song ba'i nyan thos dag la 'dod pa 'am/ ldang ba 'am/ sur mchi ba 'am/ phyag 'tshal bar bgyid/
256a3 yab su zhig ri rab lta bu'i bsam gtan dang / rnam par thar pa dang ldan pa'i de bzhin gshegs pa'i gzugs kyi sku don du gnyer ba na yungs 'bru lta bu'i ting nge 'dzin gyi stobs dang ldan pa'i nyan
256a4 thos dag la ldang ba 'am/ bsur mchi ba 'am/ phyag 'tshal ba 'am/ 'dud pa 'am/ 'dod pa skyed par bgyid/ yab su zhig sangs rgyas bcom ldan 'das rnams kyi che ba nyid shes rab dang / bsod
256a5 nams dang / ye shes dang / yon tan nyi ma dang zla ba'i snang ba dpag tu med pa lta bu thos nas srin bu me khyer gyi 'od lta bu rang gi rgyud la snang ba gnas pa gzhan gyi sgra'i rjes su song ba'i nyan thos dag gi
256a6 rnam par grol ba la 'dod pa skyed par bgyid/ bdag ni de bzhin gshegs pa rnams yongs su mya ngan las 'das kyang nyan thos rnams la phyag mi 'tshal na bzhugs bzhin du lta ci smros/ de ci'i slad
256a7 du zhe na/ su zhig zla ba dang nyi ma'i dkyil 'khor btang te srin bu me khyer la phyag 'tshal bar bgyid/ yab gang nyan thos la sten pa ni nyan thos kyi sems dang gnas par 'gyur ro/ /yang dag
256a8 par rdzogs pa'i sangs rgyas la sten na thams cad mkhyen pa'i rin po che'i sems bskyed pa dang gnas par 'gyur ro/ /de nas rgyal po ma skyes dgras bu mo mya ngan med kyis byin pa la 'di skad ces
256b1 smras so/ /'di ltar khyod nyan thos 'di dag mthong bzhin du mi ldang zhing bsur mi 'gro la phyag mi 'tshal zhing bsnyen bkur mi byed de/ 'di dag stan dang / bsod snyoms la spyan mi 'dren pa ni bu
256b2 mo khyod lhag pa'i nga rgyal can zhig go/ /de skad ces smras pa dang / bu mo mya ngan med kyis byin pas rang gi pha rgyal po ma skyes dgra la 'di skad ces smras so/ /yag bdag ni lhag pa'i nga rgyal can ma lags so/ /
256b3 de ci'i slad du zhe na/ yab khyod nyid grong khyer gyi dbul po rnams la mi bzhengs/ bsur mi bzhud/ stan mi 'dings pa las na khyod nyid lhag pa'i nga rgyal can lags pa snyam bgyid do/ /rgyal pos smras pa/
256b4 bu mo de dag ni nga dang mtshungs pa ma yin no/ /bu mos smras pa/ yab de bzhin du byang chub sems dpa' sems dang po bskyed pa ni nyan thos dang rang sangs rgyas thams cad dang mtshungs pa ma lags so/ /
256b5 rgyal pos smras pa/ bu mo byang chub sems dpa' rnams ni nga rgyal dang dregs pa spangs te sems can thams cad la 'dud cing phyag 'tshal bar mi byed dam/ bu mos smras pa/ yab byang chub sems dpa'
256b6 ni 'khon du 'dzin pa dang / tha ba dang / khro ba dang / gnod sems dang / nyes pa spangs pa dang / dge ba'i rtsa ba yongs su smin par bgyid pa'i slad du sems can thams cad la 'dud cing phyag 'tshal lo/ /yab nyan thos chen
256b7 po 'di dag la ni 'khon du 'dzin pa dang / tha ba dang / khro ba dang / gnod sems dang / nyes pa bsal bar bgyi ba ma mchis/ spang bar bgyi ba dang / dge ba 'phel bar bgyi ba yang ma mchis te/ yab nyan thos
256b8 thams cad la ni sangs rgyas 'bum gyis nyan thos kyi tshul khrims ji snyed pa dang / ting nge 'dzin ji snyed pa dang / shes rab ji snyed pa'i chos bstan du lags kyang / yab de dag la ni tshul khrims kyang ga las
257a1 mchi/ ting nge 'dzin kyang ga las mchi/ shes rab kyang ga las mchi/ rnam par grol ba yang ga las mchi/ rnam par grol ba'i ye shes mthong ba yang ga las mchi/ yab 'di lta ste
257a2 dper na bum pa chab kyis gtams pa'i nang du char bab na der chab kyi thigs pa gcig kyang mi len la/ der gnas par yang mi 'gyur ro/ /yab de bzhin du nyan thos rnams la gal te sangs rgyas 'bum
257a3 gyis chos bshad du lags kyang de dag 'dzin par yang mi 'gyur la tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba yang de dag la gnas
257a4 par mi 'gyur zhing rnam par 'phel bar yang mi 'gyur ro/ /yab 'di lta ste dper na rgya mtsho chen po ni chu klung thams cad dang / char gyi rgyun thams cad 'dzin cing der gnas par 'gyur ro/ /de ci'i slad
257a5 du zhe na/ rgya mtsho chen po ni tshad ma mchis pa'i slad du'o/ /yab byang chub sems dpa' sems dpa' chen po rgya mtsho lta bu de dag kyang de bzhin te/ chos bstan pa'i chu thams cad yang dag par 'dzin
257a6 cing chos bstan pa thams cad da la yang dag par gnas so/ /de ci'i slad du zhe na/ 'di ltar byang chub sems dpa' sems dpa' chen po rnams kyi thams cad mkhyen pa nyid kyi snod de ni mi mnyam pa
257a7 dang mnyam pa'i slad du'o/ /de la 'di skad ces bya ste/ ma skyes dgra'i bu mor gyur ba ni/ /mya ngan med byin yon tan gzi brjid brgyan/ /nyan thos lnga brgya dag ni lhags gyur kyang / /de la phyag bya'i phyir
257a8 ni de ma langs/ /ma skyes dgra yis de la smras pa ni/ /bu mo don 'di nga las mnyan par gyis/ /khyod kyis nyan thos lnga brgya mthong bzhin du/ /phyag bya'i phyir na ci phyir ldang mi byed/ /bu mo mya ngan med
257b1 kyis byin na re/ /nyan thos 'di dag bdag gis mthong ba na/ /ci phyir phyag 'tshal bsam pa mi skye ba/ /bdag mchis yab cig tshig ni gsan par gsol/ /dper na mi zhig rgya mtshor mchis nas
257b2 kyang / /rin chen 'byung khung nas ni mching bu blangs/ /de bzhin bdag ni nyan thos thams cad kyang / /ye shes dbyings nas nyan thos blangs snyam bgyid/ /dper na rgyal po nor gyi dbang phyug po/ /sa
257b3 bdag 'khor los sgyur ba mnyes bgyis nas/ /kAr Sha pA Na gcig tsam gsol na ni/ /de yis rgyal po bsten pa don ma mchis/ /gang gis 'khor los sgyur ba mnyes bgyis nas/ /bye ba phrag
257b4 stong gsol ba bgyis na ni/ /des ni dbul mang nor dang ldan par bgyid/ /des ni rgyal po legs par bsten pa lags/ /kAr Sha pA Na slong ba'i mi bzhin du/ /gang gis sangs rgyas yon tan mtha'
257b5 yas rnams/ /thos nas theg pa dman la 'dod skyed pa/ /nyan thos kun la bdag ni de snyam bgyid/ /nor rnams sgrub bgyid mi ni ji lta ba/ /byang chub sems dpa' mkhas pa de 'dra ste/ /rgyal po chos
257b6 kyi rgyal po mnyes bgyis shing / /byang chub reg nas sems can 'dul bar bgyid/ /dper na nad pa nad brgyas gzir rnams sman pa yis/ /grol bgyid de bzhin gzhan gyi sgra phyir 'brang ba yi/ /
257b7 nyan thos nyon mongs rnams kyis gzir ba thams cad kyang / /byang chub sems dpa' sman pa lta bus grol bar bgyid/ /sems can mang po grol bgyid sman pa btang nas ni/ /sos gyur sems can la
257b8 ni su zhig 'dud par bgyid/ /de bzhin rdzogs pa'i sangs rgyas sman par gnyer ba na/ /sos gyur nyan thos la ni su zhig 'dud par bgyid/ /'di ltar nad pa sos par gyur ba thams cad la/ /sman pa dag
258a1 gis gso bar nus par mi 'gyur ba/ /de bzhin nyan thos thams cad sos par gyur ba la/ /sangs rgyas sman pa dag gis gso bar mi spyod do/ /'di na sman pa gang zhig bdag gis
258a2 bdag nyid la/ /gso bar sems kyi sems can gzhan la ma lags te/ /de 'dra'i bdag nyid 'gengs par bgyid pa'i nga rgyal gyi/ /sman pa de dag la ni 'dod pa'i sems mi skyed/ /sman pa gang
258a3 zhig snying rje bskyed nas bdag nyid ji lta bar/ /de bzhin pha rol rnams kyang nad las grol bgyid pa/ /de ni mchod par 'os shing bsngags par bgyi ba dang / /'jig rten kun gyis 'dud par bgyi ba'i
258a4 gnas kyang lags/ /gang zhig ye shes rig pa gtso bo rtogs gyur nas/ /bdag nyid grol bar bgyid kyi sems can gzhan ma lags/ /de ni sman pa bdag nyid grol bar bgyi ba ltar/ /mkhas
258a5 pa dag gis mchod par bgyi ba'i gnas ma lags/ /gang zhig ye shes rig pa gtso bo rtogs gyur nas/ /sems can grangs med sdug bsngal dag las grol bgyid pa/ /de dag byang chub
258a6 mchog la 'dun pa skyed pa ste/ /de ni 'jig rten kun gyis bsngags par bgyi ba lags/ /e ran da yi shing sdong mdzes pa ma lags la/ /de dag rnams kyi grib ma yangs pa ma lags te/ /
258a7 e ran da yi shing 'dra nyan thos thams cad kyi/ /rnam par grol ba'i grib ma nye bar bsten ma lags/ /tsan dan mchog gi sdong chen dag ni tsha ba yis/ /gdungs pa'i skye bo rnams kyi nye bar bsten
258a8 pa lags/ /de bzhin bdag ni byang chub sems dpa' rnams la yang / /lha dang bcas pa'i 'jig rten dag gi don bgyid snyam/ /ba lang rmig rjes chu ni yangs ma lags/ /tsha bas gdungs pa zhi ba mi
258b1 bgyid la/ /gang gA'i klung ni sems can bye ba stong / /tshim par bgyis nas rgya mtsho chen por mchi/ /ba lang rmig rjes chu 'dra'i nyan thos kun/ /sems can kun gyi tsha ba zhi mi bgyid/ /gang gA'i
258b2 klung 'dra byang chub sems dpa' rnams/ /sems can mtha' yas chos kyis tshim par bgyid/ /ji ltar rin chen char ni 'bab pa na/ /dbul po dag ni mgron bu len par bgyid/ /gang zhig nor mang
258b3 de dag blangs nas ni/ /sems can dbul po nor dang ldan par bgyid/ /de ltar sangs rgyas rin chen chos char 'bebs/ /nyan thos rnams ni dam chos rin chen las/ /chung ngu 'dzin te byang chub
258b4 sems dpa' rnams/ /sems can don slad mang du len par bgyid/ /ji ltar sems can dag ni ri rab kyi/ /drung du mchis na gser gyi mdog tu 'gyur/ /ri bo gzhan la sems can rnams mchis na/ /
258b5 gser gyi kha dog can du yongs mi 'gyur/ /byang chub sems dpa' rnams ni ri rab bzhin/ /gang dag mthus ni lhar bcas skye dgu rnams/ /rnam grol mdog tu kha dog gcig tu 'gyur/ /nyan thos
258b6 rnams kyi ye shes 'dod mi bgyid/ /yab cig ji ltar rtswa bran rtse mo yi/ /zil pa'i thigs pas lo tog rgyas mi bgyid/ /rab tu khebs pa'i sprin gyis sa steng 'di/ /tshim par bgyid cing lo tog
258b7 'phel bar bgyid/ /nyan thos thams cad zil ba'i thigs pa bzhin/ /byang chub sems dpa' rab khebs sprin dang 'dra/ /snying rje mngon byas gang dag bsten na ni/ /stong gsum dam chos chu yis tshim par
258b8 bgyid/ /ka ra bi ra'i me tog dri mchog min/ /des ni skyes pa bud med dga' mi 'gyur/ /tsam pa ka yi me tog dri la dga'/ /ud pal bal shi ka yang de bzhin no/ /nyan thos ka ra bi ra'i dri bzhin
259a1 te/ /de dag shes pas skye dgu dga' mi 'gyur/ /kun mkhyen dri can byang chub sems dpa' la/ /lha dang mi rnams rab tu dga' bar 'gyur/ /gcig pu mchi ba de la mtshar ci mchi/ /
259a2 gang zhig sems can mtha' yas khrid pa rmad/ /nyan thos mi ring gcig pu mchi ba bzhin/ /byang chub sems dpa' rnams ni ded dpon 'dra/ /'gron zhig gzhan gyis stsal pa 'tshal ba dang / /
259a3 skye bo kun la stsol bgyid kun 'gron bzhin/ /sgra 'brang nyan thos kun ni 'gron dang 'dra/ /byang chub sems dpa' kun la 'gron bgyid bzhin/ /gzings la brten pas chu bo chen po las/ /gzhan
259a4 dag bsgral bar nus par mi 'gyur gyi/ /brtan bgyis gru yi nang du zhugs nas ni/ /sems can bye ba mang po sgrol bar bgyid/ /nyan thos gzings la brten pa lta bu ste/ /sems can gzhan dag
259a5 sgrol bar ji ltar nus/ /rdzogs pa'i byang chub grur zhugs byang chub sems/ /sdug bsngal mtsho las sems can sgrol bar bgyid/ /ji ltar g.yul ngor bong bu zhon na ni/ /dgra las rgyal bar nus
259a6 par mi 'gyur gyi/ /glang chen rta dang shing rta zhon na ni/ /g.yul du lhags pa'i dgra rnams choms par nus/ /nyan thos rnams ni bong bu zhon pa bzhin/ /byang chub sems dpa' glang chen zhon
259a7 'dra ste/ /sems can kun la phan dang bde slad du/ /de dag shing dbang drung du bdud kyang 'joms/ /ji ltar bar snang skar mas rgyas gyur kyang / /de dag gis ni mtshan mo mdzes mi 'gyur/ /zla ba rab
259a8 tu rgyas pa shar bas ni/ /mtshan mo mkha' la thig le bzhin du mdzes/ /yab cig nyan thos 'di dag skar ma 'dra/ /rgyal po byang chub sems dpa' zla ba bzhin/ /gang dag sems can kun la sman slad du/ /
259b1 ye shes shar bas skye bo snang bar bgyid/ /yab cig srin bu me khyer tshogs 'od kyis/ /las rnams la ni 'jug par mi nus kyi/ /'dzam gling 'di na nyi ma'i 'od rnams kyis/ /bya ba sna tshogs brgya dag
259b2 bgyid par 'gyur/ /nyan thos 'di dag srin bu me khyer 'dra/ /de dag shes 'od yang dag mthong mi 'gyur/ /sangs rgyas rnam grol nyi ma lta bu yi/ /shes rab ye shes kyis ni sems can 'grel/ /yab
259b3 i dgas dang / /byar bcas rnams kyang phyogs su 'byer bar 'gyur/ /yab cig
259b4 de ltar nyan thos wa 'drar gzigs/ /de dag skad kyis bdud rnams skrag mi 'gyur/ /rgyal po byang chub sems dpa'i spyod spyad pas/ /bdud dang de bzhin bdud ris skrag par 'gyur/ /yab cig rgyu 'di
259b5 bdag gis mthong bas na/ /theg pa dman pa dag la 'dod mi skyed/ /su zhig bla med byang chub spangs nas ni/ /theg pa dman la 'dod pa skyed par bgyid/ /gang zhig byang chub dam pa yongs spangs nas/ /
259b6 theg pa dman la 'dod pa skyed par bgyid/ /de dag 'tsho ngan rnyed pa thob ma gyur/ /de dag mir skyes pa ni nyes par mchis/ /gang dag lhar bcas 'jig rten sman slad du/ /byang chub mchog la 'dun pa
259b7 skyed par bgyid/ /de dag legs 'tsho rnyed pa legs par rnyed/ /de dag mi lus thob pa legs par mchis/ /gang dag lus dang ngag dang yid kyis kyang / /'jig rten sman slad las bgyid yid kyang
259b8 rton/ /gang dag rtag tu sems can sman slad brtson/ /de dag u dum ba ra'i me tog bzhin/ /de nas rgyal po ma skyes dgra bu mo mya ngan med kyis byin pas tshigs su bcad pa bstan pa 'di dag thos nas
260a1 cang mi smra bar gyur to/ /de nas tshe dang ldan pa shA ri'i bu 'di snyam du sems te/ kye ma bu mo 'di spobs pa thogs pa med pa zhig na/ ci bzod pa thob pa 'am ma thob pa bdag gis/
260a2 'di brtag par byar nges so snyam mo/ /de nas tshe dang ldan pa shA ri'i bus bu mo mya ngan med kyis byin pa la 'di skad ces smras so/ /ci bu mo khyod nyan thos kyi theg pa la yang dag par zhugs sam/
260a3 smras pa ma yin no/ /rang sangs rgyas kyi theg pa la yang dag par zhugs sam/ smras pa ma yin no/ /bu mo khyod ci zhig don du gnyer na 'di ltar seng ge'i sgra sgrogs par byed/ bu mos smras pa/
260a4 btsun pa shA ri'i bu gal te bdag chos 'ga' zhig don du gnyer na ni bdag seng ge'i sgra ci yang mi sgrog pa zhig na/ btsun pa shA ri'i bu 'di ltar bdag ni chos gang yang don du mi gnyer te/ de'i
260a5 phyir bdag seng ge'i sgra sgrogs so/ /btsun pa shA ri'i bu yang gang 'di skad du ci bu mo khyod nyan thos kyi theg pa la yang dag par zhugs sam zhes zer ba ni btsun pa shA ri'i bus chos gang mngon du
260a6 byas pa'i chos de la ci nyan thos shes bya ba 'am rang sangs rgyas shes bya ba 'am/ yang dag par rdzogs pa'i sangs rgyas shes bya ba'i theg pa rnam gzhag pa yod dam/ gnas brtan shA ri'i bus/
260a7 smras pa/ bu mo de dag la ni theg pa rnam par gzhag pa med de/ chos de ni 'di ltar mtshan nyid med par mtshan nyid gcig pa'o/ /bu mos smras pa/ btsun pa shA ri'i bu mtshan nyid med pa'i chos
260a8 la don du gnyer ba ci zhig yod/ shA ri'i bus smras pa/ bu mo chos de la ni don du gnyer ba ci yang med do/ /gnas brtan shA ri'i bus bu mo mya ngan med kyis byin pa la gzhan yang 'di skad ces
260b1 smras so/ /bu mo sangs rgyas kyi chos rnams dang / so so'i skye bo'i chos rnams la bye brag ni ci yod/ tha dad du dbye ba ni ci yod/ bu mos smras pa/ btsun pa shA ri'i bu stong pa nyid dang / dben pa
260b2 nyid la bye brag ni ci yod/ tha dad du dbye ba ni ci yod/ shA ri'i bus smras pa/ bye brag med cing tha dad du dbye ba ci yang med do/ /bu mos smras pa/ btsun pa shA ri'i bu stong pa nyid dang / dben pa nyid la
260b3 ji ltar bye brag med cing tha dad du dbye ba ci yang med pa de bzhin du btsun pa shA ri'i bu sangs rgyas kyi chos rnams dang / so so'i skye bo'i chos rnams la yang bye brag med cing tha dad du dbye ba ci yang
260b4 med do/ /btsun pa shA ri'i bu 'di lta ste dper na nam mkha' dang bla gab med pa la yang bye brag med cing tha dad du dbye ba ci yang med do/ /btsun pa shA ri'i bu de bzhin du sangs rgyas kyi chos rnams
260b5 dang / so so skye bo'i chos rnams la yang bye brag med cing tha dad du dbye ba ci yang med do/ /gnas brtan shA ri'i bu cang mi smra bar gyur to/ /de nas tshe dang ldan pa maud gal gyi bu chen pos bu
260b6 mo mya ngan med kyis byin pa la 'di skad ces smras so/ /bu mo ci khyod de skad ces zer ba las na sangs rgyas kyi chos rnams ni shin tu ches lhag pa zhig tu mthong la/ nyan thos kyi chos rnams ni shin tu
260b7 dman par mthong ngam ci na khyod nyan thos chen po rnams mthong na ldang bar yang mi byed/ phyag kyang mi 'tshal/ bsur yang mi 'gro/ gtam yang mi zer/ stan dang bsod snyoms la yang spyan 'dren
260b8 par mi byed de skad ces smras pa dang / bu mo mya ngan med kyis byin pas gnas brtan maud gal gyi bu chen po la 'di skad ces smras so/ /btsun pa maud gal gyi bu chen po stong gsum gyi stong chen
261a1 po'i 'jig rten gyi khams na skar ma'i gzugs su gtogs pa ji snyed cig yod pa shes sam/ maud gal gyi bu chen pos smras pa/ bu mo snyoms par zhugs na ni kho bos grangs shes
261a2 kyi snyoms par ma zhugs na ni mi shes so/ /bu mos smras pa/ btsun pa maud gal gyi bu chen po de bzhin gshegs pas ni lan gcig mnyam par bzhag pa nyid kyis stong gsum gyi stong chen po'i 'jig
261a3 rten gyi khams gang gA'i klung gi bye ma snyed dag na sems can 'das pa dang / ma 'ongs pa dang / da ltar byung ba thams cad kyi sems kyi spyod pa yang rab tu mkhyen na/ stong gsum gyi stong chen po'i 'jig rten
261a4 gyi khams gcig tu gtogs pa'i sems can gyi lta ci smos te/ btsun pa maud gal gyi bu chen po 'di ni de bzhin gshegs pa dang / nyan thos rnams kyi khyad par yin te/ 'di ni tha dad du dbye ba
261a5 yin no/ /btsun pa maud gal gyi bu chen po phyogs bcu'i 'jig rten na sangs rgyas kyi zhing 'jig pa ni ji snyed cig yod/ 'chags pa ni ji snyed cig yod shes sam/ maud gal gyi bus smras pa/ bu mo
261a6 de ni mi shes so/ /bu mos smras pa/ btsun pa maud gal gyi bu chen po sangs rgyas bcom ldan 'das 'das pa ni ji snyed cig yod/ ma byon pa ni ji snyed cig yod/ da ltar bzhugs pa ni ji snyed cig yod
261a7 shes sam/ maud gal gyi bus smras pa/ bu mo de ni mi shes so/ /bu mos smras pa/ btsun pa maud gal gyi bu chen po sems can 'dod chags la spyod pa ni ji snyed cig yod/ zhe sdang la spyod pa ni ji snyed
261a8 cig yod/ gti mug la spyod pa ni ji snyed cig yod/ cha mnyam pa la spyod pa ni ji snyed cig yod shes sam/ maud gal gyi bus smras pa/ bu mo de ni mi shes so/ /bu mos smras pa/ btsun pa maud gal
261b1 gyi bu chen po nyan thos kyi theg pa pa'i sems can ni ji snyed cig yod rang sangs rgyas kyi theg pa pa ni ji snyed cig yod/ theg pa chen po la yang dag par zhugs pa ni ji snyed cig yod shes sam/
261b2 maud gal gyi bus smras pa/ bu mo de ni mi shes so/ /bu mos smras pa/ btsun pa maud gal gyi bu chen po nyan thos kyis 'dul ba'i sems can ni ji snyed cig yod/ rang sangs rgyas kyis
261b3 'dul ba'i sems can ni ji snyed cig yod/ sangs rgyas kyis 'dul ba'i sems can ni ji snyed cig yod shes sam/ maud gal gyi bus smras pa/ bu mo de ni mi shes so/ /bu mos smras pa/ btsun
261b4 pa maud gal gyi bu chen po yang dag pa nyid du nges pa'i sems can ni ji snyed cig yod/ log pa nyid du nges pa'i sems can ni ji snyed cig yod/ ma nges pa'i sems can ni ji snyed cig yod shes
261b5 sam/ maud gal gyi bus smras pa/ bu mo de ni mi shes so/ /bu mos smras pa/ btsun pa maud gal gyi bu chen po de bzhin gshegs pas ni de dag dang gzhan yang de'i gong du gang nyan thos
261b6 dang rang sangs rgyas thams cad kyi sa ma yin pa dag kyang rab tu mkhyen na/ sems can gzhan dag gi lta ci smos te/ btsun pa maud gal gyi bu chen po 'di ni de bzhin gshegs pa'i bla ma'i
261b7 khyad par yin no/ /btsun pa maud gal gyi bu chen po gzhan yang de bzhin gshegs pas khyod rdzu 'phrul chen po rnams kyi mchog tu bstan gyis/ btsun pa maud gal gyi bu chen po 'jig
261b8 rten gyi khams spos kyi 'od ces bya ba gang na de bzhin gshegs pa dgra bcom pa yang dag par rdzogs pa'i sangs rgyas spos rab tu 'gyed pa'i 'od zer zhes bya ba da ltar bzhugs te
262a1 'tsho zhing gzhes la byang chub sems dpa' rnams la chos kyang ston pa'i sangs rgyas kyi zhing de na shing ljon pa thams cad las tsan dan sbrul gyi snying po'i spos gang gis
262a2 sangs rgyas kyi zhing de khyab par 'gyur ba'i spos kyi ngad ldang ba yod pa der song shig /gnas brtan maud gal gyi bu chen pos smras pa/ bu mo sangs rgyas kyi zhing de'i ming yang kho bos
262a3 da gdod thos na sangs rgyas la blta ba dang / chos mnyan pa'i phyir ji ltar 'gro bar bya/ de nas bu mo mya ngan med kyis byin pas khri de las ma langs bzhin du tshig 'di skad ces smras te/
262a4 bden pa dang / bden pa'i tshig gang gis byang chub sems dpa' sems dpa' chen pos sems bskyed ma thag tu nyan thos dang rang sangs rgyas thams cad zil gyis gnon pa lta na/ bden
262a5 pa dang / bden pa'i tshig des de bzhin gshegs pa spos rab tu 'gyed pa'i 'od zer des bdag nyid dang / rang gi sangs rgyas kyi zhing nyan thos chen po 'di dag la ston par gyur cig /
262a6 tsan dan gyi dri de dag kyang nyan thos chen po 'di dag gis tshor bar gyur cig ces byas so/ /de nas bu mo mya ngan med kyis byin pas tshig de skad ces smras ma thag tu bden pa'i byin
262a7 gyi brlabs des bcom ldan 'das de bzhin gshegs pa spos rab tu 'gyed pa'i 'od zer gyis de nyid kyi tshe 'od gang gis nyan thos chen po de dag gis 'jig rten gyi khams
262a8 spos kyi 'od de dang / de bzhin gshegs pa dgra bcom pa yang dag par rdzogs pa'i sangs rgyas spos rab tu 'gyed pa'i 'od zer de chos ston cing bzhugs par mthong bar 'gyur ba
262b1 de lta bu'i 'od sku las bkye'o/ /chos bstan pa de yang sangs rgyas kyi mthus 'jig rten gyi khams 'dir thos so/ /tsan dan sbrul gyi snying po'i dri des kyang 'jig rten gyi khams mi mjed 'dir
262b2 khyabs par gyur to/ /de bzhin gshegs pa spos rab tu 'gyed pa'i 'od zer des kyang gsung gi yan lag drug bcu dang ldan pa'i tshig gis 'di skad ces bka' stsal to/ /bu mo mya ngan med kyis byin
262b3 pas ji skad smras pa bzhin te/ byang chub sems dpa' sems dpa' chen pos sems dang po bskyed ma thag tu nyan thos dang rang sangs rgyas thams cad zil gyis gnon to/ /de nas byang chub sems
262b4 dpa' sems dpa' chen po byams pa bya rgod kyi phung po la gnas pas tsan dan sbrul gyi snying po'i dri tshor nas bcom ldan 'das la 'di skad ces gsol to/ /bcom ldan 'das tsan dan sbrul gyi snying
262b5 po'i dri 'di ga las byung lags/ de skad ces gsol pa dang / bcom ldan 'das kyis byang chub sems dpa' byams pa la 'di skad ces bka' stsal to/ /byams pa bu mo mya ngan med kyis byin
262b6 pa 'dis nyan thos chen po rnams kyi mdun du seng ge'i sgra bsgrags te/ des nyan thos chen po de dag la bden pa'i byin gyi brlabs kyis 'jig rten gyi khams spos kyi 'od ces bya ba na de bzhin gshegs
262b7 pa spos rab tu 'gyed pa'i 'od zer byang chub sems dpa' sems dpa' chen po rnams la chos ston cing bzhugs pa yang bstan/ 'jig rten gyi khams spos kyi 'od de'i tsan dan sbrul gyi snying po'i dri
262b8 des kyang 'jig rten gyi khams 'di khyab par byas so/ /de nas bu mo mya ngan med kyis byin pas tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen po
263a1 mkhas pa su zhig byang chub sems dpa' sems dpa' chen po dag gi cho 'phrul dang rnam par 'phrul pa bsam gyis mi khyab pa rmad du byung ba 'di lta bu dag mthong ngam thos na nyan thos dman
263a2 pa/ zhan pa/ zhum pa/ nyi tshe ba'i shes pa dang ldan pa rnams la ldang ba 'am/ bsur 'gro ba 'am/ phyag 'tshal bar byed/ btsun pa maud gal gyis bu chen po 'jig rten gyi khams spos kyi 'od de ji
263a3 tsam du thag ring ba shes sam/ maud gal gyi bus smras pa/ bu mo de ni mi shes so/ /bu mos smras pa/ btsun pa maud gal gyi bu chen po gal te khyod 'dra ba'i rdzu 'phrul can sha stag gis stong gsum
263a4 gyi stong chen po'i 'jig rten gyi khams 'di dper na bu ram shing gi tshal lam/ 'od ma'i tshal lam/ 'dam bu'i tshal lam/ 'bras sA lu'i zhing bzhin du mtshams med par gang bar gyur nas de dag
263a5 thams cad kyi bskal par rtsis kyang 'jig rten gyi khams spos kyi 'od ces bya ba de sangs rgyas kyi zhing ji snyed cig 'das pa'i pha rol na 'dug pa bgrang ba'i thabs kyis rtogs par mi nus
263a6 so/ /de nas bcom ldan 'das de bzhin gshegs pa spos rab tu 'gyed pa'i 'od zer gyis 'od de dag mi snang bar mdzad de/ sangs rgyas kyi zhing de yang mi snang bar mdzad do/ /de nas tshe dang ldan pa 'od srung
263a7 chen pos bu mo mya ngan med kyis byin pa la 'di skad ces smras so/ /bu mo khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de sngon
263a8 mthong ngam/ bu mos smras pa/ btsun pa 'od srung chen po de bzhin gshegs pa mthong bar nus sam/ de bzhin gshegs pas/ gang dag nga la gzugs su mthong / /gang dag nga la sgrar shes
263b1 pa/ /log pas spong bar zhugs pa ste/ /skye bo de dag nga mi mthong / /sangs rgyas rnams ni chos nyid blta/ /'dren pa rnams ni chos nyid sku/ /chos nyid shes par bya min pas/ /de ni rnam par shes
263b2 mi nus/ /zhes ma gsungs sam/ btsun pa 'od srung chen po gzhan yang bu mo khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya
263b3 thub pa de sngon mthong ngam zhes de skad zer ba ni btsun pa 'od srung chen po bdag gis de bzhin gshegs pa mthong mod kyi/ sha'i mig gis ma yin te gzugs su ma yin no/ /lha'i mig gis
263b4 ma yin te tshor bar ma yin no/ /shes rab kyi mig gis ma yin te 'du shes su ma yin no/ /chos kyi mig gis ma yin te 'du byed du ma yin no/ /sangs rgyas kyi mig gis ma yin te rnam par
263b5 shes par ma yin no/ /btsun pa 'od srung chen po gzhan yang bdag gis de bzhin gshegs pa mthong ste/ dper na gnas brtan gyis ma rig pa dang srid pa la sred pa mthong ba bzhin no/ /
263b6 btsun pa 'od srung chen po gzhan yang bdag gis de bzhin gshegs pa mthong ste/ dper na gnas brtan gyis ngar 'dzin pa dang / nga yir 'dzin pa mthong ba bzhin no/ /gnas brtan 'od srung chen
263b7 pos smras pa/ bu mo 'di ltar ma rig pa dang / srid pa la sred pa dang / ngar 'dzin pa dang / nga yir 'dzin pa'i chos 'di gnyis ni med pa yin no/ /chos gang med pa de ni blta bar mi nus so/ /bu mo mya ngan
263b8 med kyis byin pas smras pa/ btsun pa 'od srung chen po de de bzhin no/ /chos thams cad ni med pa yin te/ de dag ni blta bar mi nus so/ /'od srung chen pos smras pa/ bu mo ci sangs
264a1 rgyas kyi chos kyang med dam/ bu mos smras pa/ gnas brtan sangs rgyas kyi chos rnams sam so so'i skye bo'i chos rnams kyang rung ste/ chos 'ga' zhig yongs su grub par 'dod dam/
264a2 'od srung chen pos smras pa/ bu mo kho bo ni so so'i skye bo'i chos rnams la yang yongs su grub par mi 'dod na sangs rgyas kyi chos rnams lta la ci smos/ bu mos smras pa/ btsun pa 'od srung chen
264a3 po chos gang dag yongs su grub pa med pa'i chos de dag ci yod pa yin nam/ 'on te med pa yin/ 'od srung chen pos smras pa/ bu mo med pa de dag ni med pa yin no/ /bu mos smras pa/ btsun pa 'od
264a4 srung chen po de bas na chos thams cad ni med pa nyid do/ /med pa gang yin pa de dag la ni lta ba rnam par spyad par bya ba med do/ /btsun pa 'od srung chen po rigs kyi bu 'am rigs kyi bu mo sangs rgyas la
264a5 lta ba rnam par sbyang bar 'dod pas ni bdag la blta ba rnam par sbyang bar bya'o/ /'od srung chen pos smras pa/ bu mo bdag la lta ba ji ltar rnam par dag par gyur/ bu mos smras pa/ btsun pa 'od srung chen
264a6 po gang gi tshe bdag rang bzhin med pa'i phyir chos thams cad rang bzhin med pa nyid du mos na de tsam gyis na bdag la blta ba rnam par dag par 'gyur ro/ /'od srung chen pos smras pa/ bu mo bdag gi rang
264a7 bzhin ci yin/ bu mos smras pa/ btsun pa 'od srung chen po bdag gi rang bzhin ni stong pa nyid do/ /bdag gi rang bzhin med pa'i phyir bdag dben pa yang yin no/ /rang bzhin med pa des bdag dben
264a8 no/ /rang bzhin med pa des chos thams cad dben no/ /'od srung chen pos smras pa/ bu mo khyod kyis su la chos thos na 'di ltar khyod kyi yang dag pa'i lta ba skyes par gyur/ bu mo yang dag pa'i lta ba
264b1 skye ba la ni rgyu gnyis dang rkyen gnyis yod de/ gzhan gyi sgra dang bdag nyid kyi tshul bzhin yid la byed pa las 'byung ngo zhes de skad gsungs so/ /bu mos smras pa/ btsun pa 'od srung chen po gang dag
264b2 gzhan gyi dring mi 'jog pa'i shes rab can de dag ni gzhan gyi sgra dang / bdag nyid kyi tshul bzhin du so sor rtog pa las lta ba rnam par dag par 'gyur ro/ /btsun pa 'od srung chen po gang dag gzhan
264b3 gyi dring mi 'jog pa'i shes rab can dag ni gzhan gyi sgra mi tshol lo/ /btsun pa 'od srung chen po ji ltar na dge slong tshul bzhin du zhugs pa yin/ 'od srung chen pos smras pa/ bu mo gang gi tshe dge slong
264b4 ji skad thos pa'i chos rnams kyi don la nye bar rtog par byed pa de ltar na dge slong tshul bzhin du zhugs pa yin no/ /'od srung chen pos smras pa/ bu mo ji ltar na byang chub sems dpa' tshul bzhin
264b5 du zhugs pa yin/ bu mos smras pa/ btsun pa 'od srung chen po gang gi tshe byang chub sems dpa' sems can thams cad dang lhan cig gnas kyang sems can du 'du shes skyed par mi byed pa de ltar
264b6 na byang chub sems dpa' tshul bzhin du zhugs pa yin no/ /btsun pa 'od srung chen po zhugs pa zhes bya ba ni chos thams cad ni sngon gyi mtha'i de bzhin nyid dang ldan no/ /chos thams cad ni phyi ma'i
264b7 mtha'i de bzhin nyid dang ldan no/ /chos thams cad ni da ltar byung ba'i de bzhin nyid dang ldan no zhes btsun pa 'od srung chen po byang chub sems dpa' sbyor ba de lta bus sbyor bar mi byed na de tsam
264b8 gyis na byang chub sems dpa' tshul bzhin du zhugs pa yin no/ /'od srung chen pos smras pa/ bu mo chos de dag la ji ltar sbyar bar bya/ bu mos smras pa/ btsun pa 'od srung chen po ji ltar de bzhin
265a1 nyid la sbyor ba yang med/ mi sbyor ba yang med par mthong ba de bzhin du chos thams cad la sbyar bar bya'o/ /'od srung chen pos smras pa/ bu mo ji ltar mthong na chos thams cad mthong
265a2 ba yin/ bu mos smras pa/ btsun pa 'od srung chen po chos thams cad gnyis su med par mthong la mi byed cing 'jig par yang mi byed na de ltar na chos thams cad mthong ba yin no/ /btsun pa 'od
265a3 srung chen po mthong zhes bya ba de ni mthong ba med pa'i tshig bla dgas so/ /'od srung chen pos smras pa/ bu mo bdag ji ltar blta bar bya/ bu mos smras pa/ btsun pa 'od srung chen pos ji ltar mthong
265a4 ba bzhin du blta bar bya'o/ /'od srung chen pos smras pa/ bu mo kho bos ni bdag dang bdag gi ma mthong ngo / /bu mos smras pa/ btsun pa 'od srung chen pos ji ltar bdag med cing bdag gi med pa de
265a5 bzhin du chos thams cad blta bar bya'o/ /gtam de skad brjod pa'i skabs su gnas brtan rab 'byor gyis bu mo mya ngan med kyis byin pa la 'di skad ces smras so/ /bu mo khyod kyis spobs pa 'di 'dra ba
265a6 rnyed pa ni khyod kyis rnyed pa legs par rnyed do/ /bu mo mya ngan med kyis byin pas smras pa/ btsun pa rab 'byor rnyed pa las ni spobs par mi 'gyur gyi gang gis ci yang ma rnyed pa de spobs pa dang ldan zhing
265a7 gang gis nang ngam phyi rol ci yang mi dmigs pa de spobs pa dang ldan pa yin no/ /rab 'byor gyis smras pa/ bu mo gang ma rnyed na spobs pa dang ldan pa yin/ bu mos smras pa/ gang gis bdag ma rnyed cing gzhan ma
265a8 yin/ dge ba ma yin/ mi dge ba ma yin/ kha na ma tho ba dang bcas pa ma yin/ kha na ma tho ba med pa ma yin/ zag pa dang bcas pa ma yin/ zag pa med pa ma yin/ 'dus byas ma yin/ 'dus ma byas
265b1 ma yin/ 'jig rten pa ma yin/ 'jig rten las 'das pa ma yin/ kun nas nyon mongs pa ma yin/ rnam par byang ba ma yin te/ 'khor ba dang mya ngan las 'das pa ma rnyed la so so'i skye bo'i chos
265b2 mi dmigs shing 'phags pa'i chos kyang mi dmigs te sangs rgyas kyi chos mi dmigs na/ btsun pa rab 'byor de ltar na gang gis ci yang ma rnyed pa spobs pa dang ldan pa yin no/ /rab 'byor gyis smras
265b3 pa/ ji ltar spobs par 'gyur/ bu mos smras pa/ btsun pa rab 'byor gyis ji ltar chos thams cad ma rnyed pa de bzhin du de spobs par 'gyur ro/ /chos kyi de bzhin nyid gang gis gnas brtan nyon mongs pa
265b4 med pa rnams kyi mchog tu bstan pa'i chos kyi de bzhin nyid de ci brjod cing smrar rung ngam/ nyon mongs pa med pa de dang chos kyi de bzhin nyid de la ci spobs pa ci yang yod dam/ rab 'byor gyis smras pa/
265b5 nyon mongs pa med pa dang / de bzhin nyid ni bstan pa 'am brjod par mi nus so/ /bu mos smras pa/ btsun pa rab 'byor chos thams cad ni brjod du med pa yin na khyod kyis bu mo khyod spobs pa 'di lta
265b6 bu dang ldan pa ni khyod kyis rnyed pa legs par rnyed do zhes bya ba de ji lta bu yin/ rab 'byor gyis smras pa/ bu mo khyod ni 'di ltar med pa'i spobs pas ston te/ bu mos smras pa/ gnas brtan rab
265b7 'byor chos thams cad la brag cha lta bur mos sam/ rab 'byor gyis smras pa/ bu mo mos so/ /bu mos smras pa/ gnas brtan rab 'byor ci brag cha la spobs pa ci yang yod dam/ rab 'byor
265b8 gyis smras pa/ bu mo de ni med de/ bu mo rgyu dang rkyen tshogs pa las sgra 'byung bar zad do/ /bu mos smras pa/ btsun pa rab 'byor brten nas sgra 'byung ba gang yin pa de la ni rang bzhin gyis grub pa ci yang
266a1 med do/ /de ci'i phyir zhe na/ 'di ltar gang brten nas 'byung ba de la ni skye ba ci yang med pa'i phyir ro/ /rab 'byor gyis smras pa/ bu mo chos thams cad ni brten nas 'byung ba'o/ /bu mos
266a2 smras pa/ btsun pa rab 'byor de bas na chos thams cad ni rang bzhin gyis ma skyes pa'o/ /rab 'byor gyis smras pa/ bu mo gal te chos thams cad rang bzhin gyis ma skyes pa yin na bcom ldan 'das
266a3 kyis de bzhin gshegs pa gang gA'i klung gi bye ma snyed ni 'das te gshegs so/ /de bzhin gshegs pa gang gA'i klung gi bye ma rnyed ni ma 'ongs pa na 'byung bar 'gyur ro/ /de bzhin gshegs pa gang gA'i
266a4 klung gi bye ma snyed ni da ltar bzhugs so zhes ci'i phyir bstan/ bu mos smras pa/ btsun pa rab 'byor mi skye ba ni skye bar mi 'gyur ro/ /de ci'i phyir zhe na/ btsun pa rab 'byor chos kyi dbyings la ni skye ba
266a5 'am nub par 'gyur ba mi 'dod pa'i phyir ro/ /rab 'byor gyis smras pa/ bu mo khyod ni 'di ltar skye ba med pa don dam pa'i tshig ston to/ /bu mos smras pa/ btsun pa rab 'byor bstan pa thams cad ni bstan
266a6 tu med pa'o/ /ci'i phyir bstan pa thams cad bstan du med ce na/ de ni bstan kyang rung / ma bstan kyang rung dngos po ma yin te/ dngos po med pa dang brjod du med pa'i mtha' mi spong ba'i phyir ro/ /rab 'byor
266a7 gyis smras pa/ bu mo khyod khyim na gnas bzhin du 'di lta bu'i chos la gnas shing 'di lta bu'i rnam pa dag ston pa 'di ni ngo mtshar to/ /bu mos smras pa/ btsun pa rab 'byor byang chub sems dpa' sems
266a8 dpa' chen po la ni khyim pa 'am/ rab tu byung ba zhes gzung bar mi bya'o/ /de ci'i phyir zhe na/ de dag ni bsam pas phye ba yin/ shes rab kyis phye ba yin/ ye shes kyi phye ba yin pa'i phyir ro/ /btsun pa
266b1 rab 'byor byang chub sems dpa'i gnas pa khyod kyis shes sam/ rab 'byor gyis smras pa/ bu mo khyod kyis shod cig dang kho bos mnyan to/ /bu mos smras pa/ btsun pa rab 'byor byang chub sems
266b2 dpa' sems dpa' chen po chos brgyad dang ldan na khyim pa 'am rab tu byung ba zhes mi bya ste/ spyod lam gang dang gang gis gnas kyang kha na ma tho ba med par 'gyur ro/ /brgyad gang zhe na/ 'di lta ste/
266b3 btsun pa rab 'byor 'di la byang chub sems dpa' sems dpa' chen po lhag pa'i bsam pa phun sum tshogs pa yin te/ lhag pa'i bsam pa de yang bla na med pa yang dag par rdzogs pa'i byang chub kyi phyir ro/ /
266b4 sems can thams cad yongs su mi gtong bar gnas pa'i phyir byams pa la gnas pa yang yin no/ /'jig rten pa'i dga' ba dang spyod pa dang bral ba'i phyir snying rje chen po la gnas pa yang yin
266b5 no/ /lus dang srog la mi lta ba'i phyir btang snyoms la gnas pa yang yin no/ /yongs su bsngo ba la mkhas pa shin tu rdzogs pa'i phyir thams la mkhas pa yang yin no/ /lta ba thams cad dang bral ba'i phyir
266b6 shes rab kyi pha rol du phyin pa las nges par byung ba yang yin no/ /dge ba'i rtsa ba tshol ba la brtson pas chog mi shes pa'i phyir brtson 'grus brtsams pa yang yin no/ /bzod pa shin tu thob pa'i phyir ma
266b7 bstan par shes pa yang yin te/ btsun pa rab 'byor byang chub sems dpa' sems dpa' chen po chos brgyad po de dag dang ldan na khyim pa 'am rab tu byung ba zhes mi bya ste/ spyod lam gang dang / gang
266b8 gis gnas kyang thams cad du kha na ma tho ba med par 'gyur ro/ /de nas tshe dang ldan pa sgra gcan zin gyis bu mo mya ngan med kyis byin pa la 'di skad ces smras so/ /bu mo khyod mal khri gser gyi rkang pa
267a1 can la 'dug cing stan shin tu mtho ba la 'dug nas nyan thos chen po dag dang gtam zer ba de ni rung ba ma yin par gnas pa yin no/ /bu mo mi na bar
267a2 stan mthon po la 'dug pa la stan dma' ba la 'dug pas chos bshad par mi bya'o zhes bya ba ci khyod kyis ma thos sam/ de skad ces smras pa dang / bu mo mya ngan med kyis byin pas tshe dang ldan pa
267a3 sgra gcan zin la 'di skad ces smras so/ /btsun pa sgra gcan zin 'jig rten na gang dag ni rung ba yin/ 'jig rten na gang dag ni rung ba ma yin pa khyod kyis shes sam/ sgra gcan zin gyis smras
267a4 pa/ bu mo kho bos shes te/ gang dag ji ltar bcas pa'i bslab pa la slob cing bslab pa de las 'gal bar mi byed pa de dag ni rung ba zhes bya'o/ /gang dag bslab pa de las 'gal bar byed pa de dag
267a5 ni rung ba ma yin pa zhes bya'o/ /bu mo mya ngan med kyis byin pas smras pa/ btsun pa sgra gcan zin thong de skad ma zer cig /btsun pa sgra gcan zin gang dag ji ltar bcas pa'i bslab pa la slob pa de dag
267a6 ni rung ba ma yin pa'o/ /de ci'i phyir zhe na/ 'di ltar de dag ni rtog cing rnam par rtog pa'i phyir ro/ /btsun pa sgra gcan zin gang dag mi rtog cing rnam par mi rtog pa de dag ni rung ba zhes bya'o/ /btsun pa
267a7 sgra gcan zin rung ba zhes bya ba 'di ni dge slong dgra bcom pa zag pa zad pa rnams kyi tshig bla dgas yin te/ de dag ni bslab pa las 'gal bar mi byed do/ /de ci'i phyir zhe na/ bcom ldan 'das kyi nyan thos
267a8 rnams ni bslab pa las yang dag par 'das pa'i phyir te/ de dag ni phyir yang bslab pa 'dod pa ma yin pas de ni rung ba yin no/ /de dag ni khams gsum du phyir mi 'ong ba yin/ de dag ni bslab pa las
267b1 yang dag par 'das pa yin te/ mi slob pa zhes bya'o/ /de ltar na de dag gi bslab pa ni mi dmigs te/ khams gsum pa btags pa tsam du shes so/ /de'i phyir de dag ni rung ba zhes bya'o/ /
267b2 sgra gcan zin gyis smras pa/ bu mo rung ba dang / rung ba ma yin pa la tha dad du dbye ba ci zhig yod/ bu mos smras pa/ btsun pa sgra gcan zin 'di lta ste dper na gser dngul rgyan du byas pa dang /
267b3 rgyan du ma byas pa la tha dad du dbye ba ci yod/ sgra gcan zin gyis smras pa/ bu mo tha dad du dbye ba ci yang med do/ /bu mos smras pa/ btsun pa sgra gcan zin de bzhin du rung ba dang / rung ba ma yin
267b4 pa la yang yi ge'i tha snyad mnyam pa nyid kyi phyir tha dad du dbye ba ci yang med do/ /de ci'i phyir zhe na/ chos thams cad ni ci dang yang bral ba'i phyir te/ rang bzhin gyis kun
267b5 nas nyon mongs pa can ma yin no/ /btsun pa sgra gcan zin yang 'di skad du stan shin tu mtho ba la 'dug ste chos nyan tam zhes zer ba la byang chub sems dpa' ni rtswa bting ba la 'dug kyang shin tu mtho ba
267b6 la 'dug pa yin no/ /sgra gcan zin gyis smras pa/ rnam grangs gang gis khyod de skad smra/ bu mos smras pa/ btsun pa sgra gcan zin 'di ji snyam du sems/ byang chub sems dpas gang la 'dug
267b7 ste byang chub thob par gyur/ sgra gcan zin gyis smras pa/ rtswa bting ba la bzhugs nas byang chub thob bo/ /bu mos smras pa/ btsun pa sgra gcan zin ci byang chub sems dpas rtswa bting ba la 'dug
267b8 pa la stong gsum gyi stong chen po'i 'jig rten gyi khams na tshangs pa 'am/ brgya byin nam/ 'jig rten skyong ngam/ de las gzhan pa 'og min man chad kyi lha gang yin pa de dag thams cad kyis lus
268a1 btud de thal mo sbyar nas byang chub sems dpa'i zhabs la gtug par byed dam/ sgra gcan zin gyis smras pa/ bu mo de de bzhin te/ khyod kyis ji skad smras pa bzhin no/ /
268a2 bu mos smras / btsun pa sgra gcan zin de'i phyir rnam grangs des kyang dper na byang chub sems dpa' sems dpa' chen po rtswa bting ba la 'dug kyang stan shin tu mtho ba la 'dug pa yin gyi/
268a3 nyan thos tshangs pa'i 'jig rten na 'dug pa ni de lta ma yin par rig par bya'o/ /de nas rgyal po ma skyes dgras bu mo mya ngan med kyis byin pa la 'di skad ces smras so/ /bu mo btsun pa
268a4 sgra gcan zin ni bcom ldan 'das shAkya thub pa de nyid kyi sras yin te/ bslab pa 'dod pa rnams kyi mchog yin na ci khyod kyis mi shes sam/ bu mo mya ngan med kyis byin pas smras pa/
268a5 yab thong shig thong shig /'di ltar btsun pa sgra gcan zin bcom ldan 'das shAkya thub pa de'i sras yin zhes ma gsung shig /ri dgas kyi rgyal po seng ge ral pa can con pan btags
268a6 pa lta bu wa skyed par gyur ba nam yang gsan tam/ gzigs sam/ rgyal pos smras pa/ bu mo de ni ma yin no/ /bu mos smras pa/ yab de bzhin du de bzhin gshegs pa seng ge'i rtsal
268a7 lta bus gshegs pa dam pa'i chos kyi 'khor los sgyur ba'i zhabs 'bring ba ni nyan thos mdzes ma lags so/ /yab de bzhin gshegs pa'i sras gang yin zhes yang dag pa'i smra bas gang smra
268a8 na byang chub sems dpa' nyid yin no zhes de dag yang dag pa'i smra bas smra'o/ /yab de lta bas na de bzhin gshegs pa'i sras su khas len par 'tshal bas ni bla na med pa yang dag par rdzogs
268b1 pa'i byang chub tu sems bskyed par bgyi'o/ /gtam 'di brjod pa'i skabs su rgyal po ma skyes dgra'i btsun mo'i 'khor nas btsun mo nyi shus bla na med pa yang dag par rdzogs pa'i byang chub
268b2 tu sems bskyed do/ /lha'i bu brgya tham pas kyang bu mo de'i seng ge'i sgra 'di thos nas bla na med pa yang dag par rdzogs pa'i byang chub tu sems bskyed de tshig 'di skad du bdag cag 'di rnams 'das
268b3 pa dang / ma byon pa dang / da ltar byung ba'i sangs rgyas bcom ldan 'das rnams kyi sras su khas len to zhes kyang smras so/ /lha'i bu de dag gis 'di ltar bu mo mya ngan med kyis byin pa la mchod pa
268b4 bya'i phyir rgyal po'i khab kyi grong khyer chen po thams cad lha'i me tog dag gis mngon par gtor to/ /de nas bu mo mya ngan med kyis byin pa khri gser gyi rkang pa can las babs te nyan thos chen po
268b5 de dag gi rkang pa la mgo bos phyag 'tshal nas bza' ba dang / bca' ba dang / bldag pa dang / bzhib pa dang / myang bar bya ba bsod pa mang po dag gis bkur sti byas te/ dad pa dang gus pas rang gi
268b6 lag nas nyan thos chen po de dag tshim par byas nas 'di skad du btsun pa dag rang dgar slad dro bcom ldan 'das chos nyan du bzhud cig /btsun pa dag bdag kyang mchi bar 'tshal lo zhes kyang
268b7 smras so/ /de nas bu mo mya ngan med kyis byin pa pha ma la sogs pa 'khor mang po dang / skye bo phal po ches yongs su bskor nas bcom ldan 'das ga la ba der song ste phyin nas bcom ldan 'das kyi
268b8 zhabs la mgo bos phyag 'tshal te phyogs gcig tu 'khod do/ /rgyal po btsun mo'i 'khor dang bcas pas kyang bcom ldan 'das kyi zhabs la mgo bos phyag 'tshal nas gnang ste phyogs gcig tu
269a1 'khod do/ /nyan thos chen po de dag kyang bcom ldan 'das kyi thad du dong ste bcom ldan 'das kyi zhabs la mgo bos phyag 'tshal nas phyogs gcig tu 'khod do/ /de nas bcom ldan 'das la tshe dang ldan pa shA ri'i bus
269a2 'di skad ces gsol to/ /bcom ldan 'das bu mo mya ngan med kyis byin pa'i spobs pa ni ngo mtshar lags so/ /bcom ldan 'das kyis bka' stsal pa/ shA ri'i bu bu mo 'dis ni thog ma nyid du
269a3 byang chub don du gnyer ba na sangs rgyas bye ba khrag khrig phrag dgu bcu rtsa gnyis la dge ba'i rtsa ba dag bskyed do/ /shA ri'i bus gsol pa/ bcom ldan 'das ci'i slad du bu mo 'dis bud med kyi
269a4 lus ma bsgyur/ bcom ldan 'das kyis bka' stsal pa/ shA ri'i bu 'di ji snyam du sems/ bu mo mya ngan med kyis byin pa la bud med do snyam du sems na de ltar mi blta'o/ /byang chub sems
269a5 dpa' dag ni sems can yongs su smin par bya ba'i phyir smon lam gyis bdag nyid bud med kyi gzugs su ston to/ /de nas de'i tshe bu mo mya ngan med kyis byin pas bden pa'i byin gyi brlabs byas
269a6 te/ bden pa'i byin gyi brlabs gang gis chos thams cad skyes pa yang ma yin/ bud med kyang ma yin pa lta na bden pa dang bden pa'i tshig des bdag skyes pa'i lus su gyur cig /thams cad dang
269a7 ldan pa'i 'khor 'dis kyang mthong bar gyur cig /tshig de skad ces smras ma thag tu bud med kyi mtshan ma mi snang bar gyur te/ skyes pa'i mtshan ma byung bar gyur nas steng gi bar snang la tal bdun
269a8 srid tsam du 'phags so/ /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu byang chub sems dpa' sems dpa' chen po mya ngan med kyis byin pa steng gi bar snang
269b1 la 'phags pa khyod kyis mthong ngam/ shA ri'i bus gsol pa/ bcom ldan 'das mthong lags so/ /bcom ldan 'das kyis bka' stsal pa/ shA ri'i bu byang chub sems dpa' sems dpa' chen po mya
269b2 ngan med kyis byin pa 'di ni bskal pa grangs med pa bdun gyis 'jig rten gyi khams dri ma med pa'i 'od ces bya bar de bzhin gshegs pa dgra bcom pa yang dag par rdzogs pa'i sangs rgyas mya ngan
269b3 med pa zhes bya bar 'gyur te/ tshe'i tshad ni bskal pa brgyar 'gyur ro/ /dam pa'i chos ni bskal pa bcur gnas par 'gyur ro/ /de'i dge 'dun ni byang chub sems dpa' 'ba' zhig tu 'gyur te/ phyir
269b4 mi ldog pa'i byang chub sems dpa' sems dpa' chen po bye ba phrag sum bcu rtsa gnyis yod do/ /'jig rten gyi khams de yang bai dUr+ya las grub pa rin po che sna bdun gyis bkra bar byas shing
269b5 mig mangs ris su bres la rin po che'i pad+mas khebs pa dang / ngan song thams cad rnam par spangs par 'gyur ro/ /lha dang mi rnams kyi longs spyod dag kyang khyad par med de/ shA ri'i bu dga'
269b6 ldan gyi lha rnams kyi nye bar spyad pa dang / longs spyod ji lta ba bzhin du mi rnams kyi yang der de bzhin du 'gyur ro/ /de nas byang chub sems dpa' mya ngan med kyis byin pa'i ma rgyal po ma skyes dgra'i
269b7 btsun mo dam pa/ zla ba can zhes bya ba des thal mo sbyar ba btud nas bcom ldan 'das la 'di skad ces gsol to/ /bcom ldan 'das bdag gis skyes bu dam pa 'di dgung zla dgur rum na bzung
269b8 ba ni bdag gis rnyed pa legs par rnyed lags so/ /bcom ldan 'das bdag gis kyang bla na med pa yang dag par rdzogs pa'i byang chub tu sems bskyed par bgyi ste/ dge ba'i rtsa ba 'dis
270a1 bdag 'jig rten gyi khams dri ma med pa'i 'od de nyid du 'di'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /de nas bcom
270a2 ldan 'das kyis tshe dang ldan pa shA ri'i bu la bka' stsal pa/ shA ri'i bu btsun mo zla ba can 'di khyod kyis mthong ngam/ shA ri'i bus gsol pa/ bcom ldan 'das mthong lags so/ /bcom
270a3 ldan 'das kyis bka' stsal pa/ shA ri'i bu rgyal po'i btsun mo zla ba can 'di ni 'di nas shi 'phos nas sum bcu rtsa gsum pa'i lha rnams dang skal pa mnyam par skye bar 'gyur zhing lha'i bu
270a4 rin chen mchog ces bya bar 'gyur te/ gang gi tshe byang chub sems dpa' byams pas byang chub thob par gyur ba de'i tshe rgyal po dung zhes bya ba de'i bu rgyal po gzhon nu mthong na
270a5 dga' ba zhes bya bar gyur nas de bzhin gshegs pa byams pa la mchod pa byas te rab tu 'byung bar 'gyur ro/ /des de bzhin gshegs pa byams pa'i dam pa'i chos thog ma dang / bar dang /
270a6 tha ma'i bar du 'dzin par 'gyur te/ bskal pa bzang po 'di la sangs rgyas bcom ldan 'das gang dag 'byung bar 'gyur ba de dag thams cad kyang mnyes par byed cing mchod par 'gyur ro/ /de
270a7 mthar gyis de bzhin gshegs pa mya ngan med pas byang chub thob pa na 'khor los sgyur ba'i rgyal po mu khyud 'dzin ces bya bar 'gyur te/ des de bzhin gshegs pa de la mchod pa tshad med pa
270a8 dag byas nas sangs rgyas kyi zhing de lta bu de nyid du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa kun tu 'od zer zhes bya bar
270b1 'gyur ro/ /de nas rgyal po'i btsun mo zla ba can gyis bdag nyid lung bstan pa thos nas tshim zhing mgu ste yi rangs nas bcom ldan 'das la mu tig gi do shal brgya stong ri ba phul te tshangs
270b2 par spyod par rgyal pos gnang nas bslab pa'i gzhi dag bzung ngo / /de nas byang chub sems dpa' sems dpa' chen po mya ngan med kyis byin pas lhas phul ba'i me tog man dA ra ba dag gis bcom
270b3 ldan 'das dang 'khor thams cad la gtor to/ /de nas bar snang las babs te phyogs gcig tu 'dug nas tshig 'di skad du bden pa dang bden pa'i tshig gang gis bdag gi byang chub thob pa na byang
270b4 chub sems dpa' sems dpa' chen po de dag thams cad rdzus te skye zhing chos gos ngur smrig gyon la rin po che'i pad+ma dag la skyil mo dkrung bcas te skye bar 'gyur ba lta na/ bden pa dang bden
270b5 pa'i tshig des dper na dge slong bsnyen par rdzogs nas lo brgyad lon pa'i spyod lam ji lta ba bzhin du bdag gnas par gyur cig ces smras so/ /byang chub sems dpa' sems dpa' chen po mya ngan
270b6 med kyis byin pas bden pa'i byin gyi brlabs byas ma thag tu dge slong gi spyod lam dang ldan par snang bar gyur to/ /de nas byang chub sems dpa' sems dpa' chen po mya ngan med kyis byin pas
270b7 pha rgyal po ma skyes dgra la 'di skad ces smras so/ /yab 'di ltar chos thams cad ni bcos ma ste rnam par bsgrubs pas nye bar gnas pa'i mtshan nyid dang / yongs su brtags pa las langs
270b8 pa med bzhin du phyin ci log dang mtshungs par ldan pa lags so/ /rgyal po chen po gzigs shig dang de ring kho na'i gdugs gcig la bu mo'i gzugs su yang gzigs khye'u'i gzugs su yang khyod kyis gzigs/ da ni
271a1 bdag la dge slong gi gzugs su yang khyod kyis gzigs na 'di la gang yang dag pa'i gzugs lags/ rgyal po chen po de ltar na ya ma brla'i chos thams cad la 'di na kha cig lta ba'i kun nas
271a2 dkris pas kun nas glags shing mchis te/ rang gi rgyud la mchis pa'i nyon mongs pa rnams kyis yongs su sreg go/ /yongs su bsregs pas chos 'dul ba 'di ma 'tshal te 'gyod pa
271a3 ma lags pa la 'gyod par sems so/ /rgyal po chen po de ltar na khyod kyis bag yod par mdzod la/ rgyal srid nyam nga ba na bzhugs bzhin du rtag tu bcom ldan 'das kyi thad du bzhud
271a4 cig dang / 'jam dpal gzhon nur gyur bas khyod kyi yod pa ma yin pa phyin ci log las byung ba'i 'gyod pa sel bar 'gyur ro/ /rgyal po chen po khyod ni bya ba mang zhing byed pa mang ba lags kyis
271a5 bzhud cig /de nas rgyal po ma skyes dgra dang / btsun mo zla ba can dang / btsun mo'i 'khor thams cad kyis bcom ldan 'das dang / byang chub sems dpa' mya ngan med kyis byin pa dang / dge slong gi
271a6 dge 'dun rnams la phyag 'tshal nas bcom ldan 'das la 'di skad ces gsol to/ /bcom ldan 'das bdag cag ni bgyi ba mang zhing bgyid pa mang ba lags kyis bdag cag mchi'o/ /
271a7 bcom ldan 'das kyis bka' stsal pa/ rgyal po chen po da de'i dus la bab par shes na song shig ces bka' stsal nas rgyal po ma skyes dgra btsun mo zla ba can la sogs pa btsun mo'i 'khor
271a8 chen po dag dang lhan cig tu bya rgod kyi phung po'i ri las rgyal po'i khab kyi grong khyer chen por dong ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod
271b1 kyis chos kyi rnam grangs 'di zung shig /chongs shig /lhogs shig /kun chub par gyis shig /gzhan dag la yang rgya cher rab tu ston cig /kun dga' bos gsol pa/ bcom ldan
271b2 'das chos kyi rnam grangs 'di bdag gis gzung lags na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/
271b3 kun dga' bo de'i phyir chos kyi rnam grangs 'di mya ngan med kyis byin pa'i seng ge'i sgra zhes bya ba dang / mya ngan med kyis byin pa lung bstan pa zhes bya bar zung shig /gzhan dag la yang ston cig /
271b4 kun dga' bo gang gis stong gsum gyi stong chen po'i 'jig rten gyi khams 'di rin po che sna tshogs kyis yongs su bkang ste sbyin pa byin pa bas gang gis chos kyi rnam grangs 'di tha na rna lam
271b5 du thos na 'di ni de bas ches bsod nams mang du skyed na gang 'dzin pa dang / kun chub par byed pa dang / 'chang ba dang / klog pa dang / rjod pa dang / lung ji skad phog pa bzhin du nan tan du grub pa
271b6 lta ci smos/ bcom ldan 'das kyis de skad ces bka' stsal nas/ byang chub sems dpa' sems dpa' chen po mya ngan med kyis byin pa dang / nyan thos chen po de dag dang / lha dang mi dang /
271b7 lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs
271b8 pa chen po'i chos kyi rnam grangs le'u stong phrag brgya pa las mya ngan med kyis byin pa lung bstan pa zhes bya ba'i le'u ste sum bcu rtsa gnyis pa rdzogs so// //
272a1 rgya gar gyi mkhan po dzi na mi tra dang / su ren dra bo d+hi dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa/ /
CLOSE WINDOW