བོད་ཡིག |
229a8 / // 'phags pa dkon mchog brtsegs pa chen po'i chos kyi rnam grangs le'u stong phrag brgya pa las le'u nyi shu dgu pa ste bad sa'i rgyal po 'char
229b1 byed kyis zhus pa/ bam po gcig pa/ @#/ /rgya gar skad du/ Ar+ya u da ya na bad sa rA dzA pa ri pri ts+tshA nA ma pa ri bar ta/ bod skad du/ 'phags pa bad sa'i rgyal po 'char byed kyis zhus pa zhes bya ba'i le'u/
229b2 sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das kau sham+bI na/ dbyangs can gyi kun dga' ra ba na dge slong lnga brgya tsam gyi dge slong
229b3 gi dge 'dun chen po dang / byang chub sems dpa' sems dpa' chen po rab tu mang po dang thabs gcig tu bzhugs te/ de'i tshe na ma du'i bu mo btsun mo dpe med phrag dog dang / ser snas zin pas btsun mo sngo sangs
229b4 can la lhag par dmigs nas bad sa'i rgyal po 'char byed la lha mkhyen par mdzad du gsol/ btsun mo sngo sangs can la sogs pa bud med lnga brgya ni dge sbyong gau ta ma dang lhan cig tu rab tu skyon chags par bgyid
229b5 de/ de'i slad du bdag gis lha la gsol ba lags kyis ji ltar mkhyen pa de bzhin du mdzad du gsol zhes brdzun gyi tshig gis dbyen byas par gyur to/ /de nas bad sa'i rgyal po 'char byed ma du'i bu mo btsun
229b6 mo dpe med kyis dbyen byas pas bcom ldan 'das dang / nyan thos kyi dge 'dun rnams la tha ba dang / 'khrug pa dang / khro ba skyes par gyur to/ /de yi ma rangs shing khro ba dang / rngam pas zil gyis non pas btsun
229b7 mo sngo sangs can gsad pa'i phyir gzhu bdungs nas mda' ste'u ka nya rnga ma blangs te 'phangs so/ /de nas de'i mod la btsun mo sngo sangs can gyis bcom ldan 'das de bzhin gshegs pa dgra bcom pa yang dag par rdzogs
229b8 pa'i sangs rgyas la phyag 'tshal lo zhes bcom ldan 'das la phyag byas shing bcom ldan 'das kyi bsngags pa brjod nas byams pa'i ting nge 'dzin la snyoms par zhugs so/ /de nas 'di ltar sangs rgyas kyi mthus
230a1 mda' ste'u ka nya rnga ma de de nas phyir log ste/ bad sa'i rgyal po 'char byed de nyid kyi mgo'i drang thad kyi steng gi bar snang la 'bar/ rab tu 'bar/ kun tu rab tu mched de 'bar zhing me lce gcig
230a2 tu gyur te phar 'gro tshur 'gro zhing 'dug 'dug nas bad sa'i rgyal po 'char byed ga la ba der song nas bad sa'i rgyal po 'char byed kyi g.yon rol logs su 'dug par gyur te/ de lus la ni ma phog go/ /lan gnyis
230a3 lan gsum du de ltar gyur ba dang / de nas btsun mo sngo sangs can gyis bad sa'i rgyal po 'char byed la 'di skad ces smras so/ /rgyal po chen po de lta lags pas gal te khyod de bzhin gshegs pa la phyag
230a4 'tshal na khyod la yang bde legs su 'gyur lags so/ /de nas bad sa'i rgyal po 'char byed 'jigs shing dngangs la sgyid lug cing spu zing zhes byed par gyur te sa la 'gyel nas btsun mo sngos sangs can la
230a5 tshigs su bcad de smras pa/ khyod ni lha mo 'am dri za mo/ /sha za mo 'am srin mo 'am/ /ngas ni ji ltar gzung bar bya/ /nga yis dris pa de smros shig /gang la mtshon gyis mi gnod pa'i/ /bud med 'ga'
230a6 yang yod min te/ /ngas ni 'di la gang du yang / /thos sam mthong ngam shes pa'ang med/ /nga ni stobs ldan brtson 'grus can/ /'phong gi shes pa legs bslabs pas/ /nga yi mda' ni gdon mi za/ /nam yang
230a7 mi phog yod min te/ /spre'u 'am yang na bya dang ni/ /mi 'am yang na 'ben kyang rung / /gang la nga yis mda' 'phangs pa/ /nam yang mi phog yod min na/ /de ring mda' 'di 'phangs pa ni/ /bzlog pa'i tshul du phyir
230a8 'ongs te/ /lus la gnod pa med par ni/ /nga yi mdun du 'dug par 'gyur/ /gzhan gyi tshig ni mnyan nas kyang / /nga ni khyod la bsod 'dod pa/ /nga ni khyod la skyabs su 'gro/ /sdug bsngal gyur ba nga la skyobs/ /
230b1 phyin cad 'di 'dra mi byed kyis/ /sdug bsngal ba la deng bzod gyis/ /khyod sngon dga' ba dran byos la/ /dang bar gyis shig khro thul cig /de nas btsun mo sngo sangs can gyis bad sa'i rgyal po 'char
230b2 byed la tshigs su bcad de smras pa/ bdag ni lha min dri za min/ /sha za mo min srin mo min/ /bdag ni btsun mo sngo sangs can/ /'jig rten mgon po'i nyan thos ma/ /lha khyod la ni snying brtse
230b3 bas/ /bdag gi sems ni mnyam bzhag gis/ /khyab bdag 'jig rten mgon po la/ /thugs ni rab tu dang bar mdzod/ /bskal pa bye ba stong rnams su/ /gang gis byams pa legs bsgoms
230b4 te/ /byams la gnas pa'i skyes bu dang / /bud med dag ni mi song gsungs/ /gang zhig lo tog smin pa la/ /ser ltar yang dag ji bzhin mkhyen/ /bud med rnams kyis gnod med pa/ /de yi bstan la
230b5 bdag dga' lags/ /'jig rten mgon po thams cad kyis/ /bud med rnams ni smad par gsungs/ /bud med rnams la mi lta ba/ /'jig rten mgon po rnams kyis bsngags/ /sangs rgyas
230b6 rnams dang rang sangs rgyas/ /byang chub sems dpa' nyan thos rnams/ /bud med bsten par mi mdzad de/ /de ni byis pa'i spyod yul lags/ /bud med rnams la bsten pa ni/ /kun nas bdud kyi
230b7 zhags par gsungs/ /sdigs pa rnams la chags pa ni/ /kun 'joms dkrugs pa'i shul dang 'dra/ /mi mkhas bud med chags pa dang / /sdig pa'i las ni bgyis pa dang / /ye shes spong bar 'tshal
230b8 ba yis/ /sems can rnams ni ngan 'gror khrid/ /mkhas pa thar par 'tshal ba yis/ /bud med bsten par mi bgyi ste/ /zhugs gtam du ba ma mchis pa'i/ /dong du mchongs pa mi dong lags/ /yid 'ong bka' mchis bgyis
231a1 pa dang / /bltas pas kyang ni 'ching bgyid cing / /mi bzad dmyal bar ltung bas na/ /khyod ni bud med tshig ma gsan/ /bdag ni khro ba ma mchis te/ /bdag gi yid ni rab tu dang / /khyab bdag 'jig rten
231a2 mgon po la/ /thugs ni rab tu dang bar mdzod/ /rgyal po chen po bzhud mdzod de/ /khyod kyis rkang gnyis mchog gzigs la/ /de yis chos ni gang bstan pa/ /g.yel ma mchis par khyod kyi gson/ /de nas bad
231a3 sa'i rgyal po 'char byed btsun mo sngo sangs can gyis bskul bas rgyal po'i mthu chen po dang / rgyal po'i 'byor pa chen po dang / skye bo'i tshogs phal po ches yongs su bskor cing mdun du bdar nas brtad cing myur ba
231a4 myur bas bcom ldan 'das kyi spyan sngar song ba dang / de nas bcom ldan 'das mdzes pa/ dang bar 'gyur pa/ dbang po zhi ba/ thugs zhi ba/ dul ba dang / zhi gnas kyi mchog dam pa'i pha rol tu byon pa/ bsam gtan
231a5 dam pa rnams kyi pha rol du gshegs pa/ gser gyi mchod sdong ltar mngon par 'phags pa/ dpal gyis mdzes shing / lham me lhan ne lhang nge ste/ skyes bu chen po'i mtshan sum bcu rtsa gnyis kyis sku legs par
231a6 brgyan pa/ dge slong dang / dge slong ma dang / dge bsnyen dang / dge bsnyen ma dang / byang chub sems dpa'i dge 'dun gyis yongs su bskor ba/ lha dang klu dang gnod sbyin dang / dri za dang / lha ma yin dang / nam mkha' lding
231a7 dang / mi'am ci dang / lto 'phye chen po dang / mi dang mi ma yin pa rnams kyis mdun gyis bltas pa mthong bar gyur to/ /mthong nas kyang bcom ldan 'das ga la ba der song ste phyin nas bcom ldan 'das kyi zhabs gnyis
231a8 la gtugs te/ bcom ldan 'das la 'di skad ces gsol to/ /bcom ldan 'das bdag gis sngon ma mthong ba'i rmad du byung ba zhig mthong ba bcom ldan 'das la gsol bar 'tshal na/ bcom ldan 'das kyis
231b1 bdag la skabs dbye bar ci gnang / de skad ces gsol pa dang / bcom ldan 'das kyis bad sa'i rgyal po 'char byed la 'di skad ces bka' stsal to/ /rgyal po chen po khyod kyis ji ltar bzod pa de ltar smros shig /
231b2 zlos shig /de nas bcom ldan 'das la bad sa'i rgyal po 'char byed kyis 'di skad ces gsol to/ /bcom ldan 'das bdag 'dod pa'i rgyu dang / 'dod pa'i gzhi dang / 'dod pa la lhag par zhen pas deng ma du'i bu mo dpe
231b3 med kyi tshig gis khros shing rngam pas zil gyis non nas bcom ldan 'das nyan thos kyi dge 'dun dang bcas pa la tha ba dang zhe sdang gi sems kyang bskyed/ bcom ldan 'das bdag gis mchis brang sngo sangs can dgum
231b4 pa'i slad du mda' ste'u ka nya rnga ma zhig 'phangs na/ de bar snang la 'bar/ rab tu 'bar/ kun tu rab tu mched de 'bar zhing me lce gcig tu gyur nas bzlog pa'i tshul du slar log ste bdag gi g.yon rol logs su mchis
231b5 par gyur cing lus la ni ma phog nas/ bcom ldan 'das bdag gis mchis brang sngo sangs can gyi sug pa rkang pa gnyis la gtugs te/ mchis brang sngo sangs can la 'di skad du khyod lha mo zhig gam 'on te klu
231b6 mo 'am/ dri za mo 'am/ sha za mo 'am/ srin mo 'am/ su zhig lags shes bgyis pa dang / de bdag la 'di skad du rgyal po chen po bdag ni lha mo yang ma lags/ klu mo yang ma lags/ dri za mo yang ma lags/ sha za
231b7 mo yang ma lags/ srin mo yang ma lags kyi/ bdag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i nyan thos ma lags te/ khyod nyid la snying brtse ba'i slad du sems
231b8 mnyam par bzhag pa lags so zhes mchi nas/ de nas mchis brang sngo sangs can gyis bcom ldan 'das kyi bsngag pa rnam grangs du mas brjod pa dang / bcom ldan 'das de la bdag 'di snyam du bcom ldan 'das
232a1 de bzhin gshegs pa dgra bcom pa yang dag par rdzogs pa'i sangs rgyas de'i nyan thos ma 'di yang de lta bu'i snying rje'i bsam pa dang / de lta bu'i byams pa thob pa dang / de ltar rdzu 'phrul che ba dang /
232a2 de ltar mthu che ba dang / de ltar dbang che bar grags pa lags na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas lta smos kyang ci 'tshal snyam du sems par gyur lags te/
232a3 bcom ldan 'das bdag 'di ltar byis pa lta bu dang / 'di ltar rmongs pa dang / 'di ltar mi gsal ba dang / 'di ltar mi mkhas pas de bzhin gshegs pa nyan thos kyi dge 'dun dang bcas pa la bdag gis tha ba dang zhe sdang
232a4 gi sems bskyed pa de bcom ldan 'das la bzod par gsol zhing nyan thos kyi dge 'dun gyi mdun du yang nongs pa 'chags shing mchis na/ thugs brtse ba'i slad du bdag gis nongs pa nongs par bshags pa de bcom ldan
232a5 'das kyis legs par rjes su gzung bar gsol/ deng slan chad kyang sdom par 'tshal lags so/ /bcom ldan 'das kyis rgyal po chen po khyod longs la rang gi stan gang yin pa la 'dug shig ces bad sa'i rgyal po
232a6 'char byed kyis nyes pa bshags pa rjes su gzung bar gnang ngo / /de nas bad sa'i rgyal po 'char byed kyis bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs gcig
232a7 tu 'dug nas kyang bcom ldan 'das la bad sa'i rgyal po 'char byed kyis 'di skad ces gsol to/ /bcom ldan 'das bdag ni gtum zhing gzu lums che la drag shul can lags pas bdag gis bud med
232a8 kyi tshig gis sdig pa'i sug las mngon par 'dus bgyis pa des bcom ldan 'das bdag sems can dmyal bar mchi bar bdag gis yang dag par 'tshal na/ bcom ldan 'das bdag la thugs brtse ba'i slad du
232b1 ci nas kyang bdag slan chad bud med kyi dbang du mchis nas sdig pa'i sug las mngon par 'du bgyid par mi 'gyur zhing / sems can dmyal bar mi ltung ba dang / bdag dang sems can thams cad la yun ring po'i don dang
232b2 sman pa dang / bde bar 'gyur ba'i slad du bcom ldan 'das kyis bud med kyi skyon de dag legs par yang dag par rab tu bshad cing bud med kyi spyod pa rnams dang / bud med kyi mtshan ma rnams dang / bud med kyi sgyu rnams
232b3 dang / bu med kyi g.yo rnams dang / bud med kyi gya gyu rnams dang / bud med kyi mi brtan pa rnams dang / bud med kyi 'gyur ldog rnams dang / bud med kyi sten pa rnams dang / bud med kyi tshig rnams dang / bud med kyi 'khrul
232b4 pa rnams yang dag par rab tu bshad du gsol/ de skad ces gsol pa dang / bcom ldan 'das kyis bad sa'i rgyal po 'char byed la 'di skad ces bka' stsal to/ /rgyal po chen po gnas de lta bu yongs
232b5 su zhus pas khyod la ci zhig bya/ bcom ldan 'das bad sa'i rgyal po 'char byed kyis yang 'di skad ces gsol to/ /bcom ldan 'das ci nas bdag bud med kyi dbang du mchis par gyur na bud med ni ma rungs
232b6 ma/ 'khon can/ gtum mo drag shul can lags te/ bcom ldan 'das bud med de ni bdag sems can dmyal bar mchi bar bgyid 'tshal ba lags pas bcom ldan 'das las bdag don de nyid nyan par
232b7 'tshal lags so/ /de skad ces gsol pa dang / bcom ldan 'das kyis bad sa'i rgyal po 'char byed la 'di skad ces bka' stsal to/ /rgyal po chen po khyod kyis je rang gi skyon rnams yongs su rtogs shig dang /
232b8 de nas phyis bud med kyi skyon rnams yongs su rtogs par 'gyur ro/ /de skad ces bka' stsal pa dang / bcom ldan 'das la bad sa'i rgyal po 'char byed kyis 'di skad ces gsol to/ /bcom ldan 'das legs
233a1 so legs so/ /skyes pa skyon ji lta bu dag dang ldan na skyes pa bud med kyi dbang du mchi bar 'gyur ba'i skyes pa'i skyon rnams bcom ldan 'das kyis bdag la yang dag par rab tu bshad du gsol/
233a2 de skad ces gsol pa dang / bcom ldan 'das kyis bad sa'i rgyal po 'char byed la 'di skad ces bka' stsal to/ /rgyal po chen po de'i phyir khyod legs par nyon la rab tu yid la zung shig dang ngas khyod
233a3 la bshad par bya'o/ /bad sa'i rgyal po 'char byed kyis bcom ldan 'das de bzhin no zhes gsol to/ /bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /rgyal
233a4 po chen po skyes pa skyon gang dag dang ldan na skyes ba bud med kyi dbang du 'gro bar 'gyur ba'i skyes pa'i skyes bu'i skyon ni bzhi po 'di dag yin no/ /bzhi po gang zhe na/ 'di lta ste/ rgyal po chen po 'di la skyes pa 'dod
233a5 pa rnams la chags par gyu cing / de 'dod pa rnams la bag med par gyur nas phyir zhing bud med la lta 'dod de/ tshul khrims dang ldan pa/ yon tan dang ldan pa/ shes rab dang ldan pa'i dge sbyong dang bram ze
233a6 dag la lta bar mi 'dod cing / des tshul khrims dang ldan pa/ yon tan dang ldan pa/ shes rab dang ldan pa'i dge sbyong dang bram ze dag mthong na bsnyen par mi byed/ bsten par mi byed/ bsnyen bkur mi byed pas
233a7 de tshul khrims dang ldan pa/ yon tan dang ldan pa/ shes rab dang ldan pa'i dge sbyong dang bram ze dag gis yongs su spangs pas dad pa las yongs su nyams/ tshul khrims las yongs su nyams/ gtong ba
233a8 las yongs su nyams/ shes rab las yongs su nyams shing dad pa dang bral ba/ tshul khrims 'chal ba/ thos pa nyung ba/ ser sna can du gyur pa/ yi dags kyi yon tan gyi chos la kun tu spyod pa/ shes rab
233b1 'chal pa/ rma la chags pa/ btsog pa'i spyod yul can/ bshul bar mnam pa la mngon par dga' ba/ mi gtsang ba la dga' ba/ bud med la dad che ba/ zhi ba yongs su mi tshol ba chags pa'i spyod yul can/ 'gro bar bya
233b2 ba ma yin par song ba/ smad par 'os pa/ mi gtsang ba'i srin bu dang 'dra ba/ snyigs ma len pa/ 'dod pa la brkam pa/ khrel dang ngo tsha bor ba/ lha dang mi'i chos las nyams pa/ ngan par smad pa'i 'tsho bas 'tsho ba/
233b3 mkhas pas smad pa/ byis pa'i skye bo la sten pa/ sdig pa'i bsam pa dang ldan pa/ sdig pa'i grogs po la sten pa/ sdig pa la kun tu 'jug pa/ sdig pa la gzhol ba/ bud med kyi thul 'og tu chud pa bud med
233b4 kyis 'khol ba/ bud med kyi dbang du song ba bud med la gzhol ba/ bud med dang gnas pa/ rma'i sgo'i spyod yul can/ rma'i sgo la sten pa/ rma'i sgo la gnas pa/ kha chu dang / snabs dang / mchil ma dang / ngar snabs dang /
233b5 rnag dang / she'u rul dang / glad rgyas dang / mi gtsang ba'i spyod yul can/ lug dang / ba lang dang / bya gag dang / khyi dang / phag pa dang / wa dang / bong bu'i chos spyod pa/ gnod pas 'tsho ba/ pha ma la phangs par mi 'dzin
233b6 pa/ dge sbyong dang / bram ze dang / sbyin gnas la phangs par mi 'dzin pa/ sangs rgyas dang / chos dang / dge 'dun la dang ba yongs su nyams pa/ mya ngan las 'da' ba la yongs su nyams pa/ sems can dmyal ba dang / dud 'gro'i skye
233b7 gnas dang / gshin rje'i 'jig rten la zhugs shing gzhol ba seng ge dang / nam mkha' lding gi lus la yang dag par zhugs pa/ lcags kyi shing shal ma li mthon po dang / me ma mur la gzhol ba/ sems can dmyal ba yang
233b8 sos dang / thig nag dang / bsdus 'jom dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa'i sems can dmyal ba chen por zhugs pa ni bud med kyi skyon 'di lta bu 'di dag thos kyang bud med
234a1 la chags shing bud med dang sten pas bgad pa dang / ngus pa dang / ca co 'don 'dod pa dang / bro brdungs pa dang / glu blangs pa dang / rol mo byas pa dag rjes su dran par byed cing skyo ba mi skyed yid byung bar
234a2 mi byed de/ rgyal po chen po byis pa'i chos la kun tu spyod cing kun tu spyod pa de dag dang ldan pa'i skyes pa ni ngan song rnams su skye bar 'gyur te/ rgyal po chen po bud med kyi dbang du song nas 'dod pa la sten cing / ngan 'gror
234a3 'gro bar 'jug pa de ni skyes pa'i skyes bu'i skyon dang po yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /'dod pa dri nga mi gtsang smad par 'os pa dang / /mi mthun 'jigs
234a4 byed mi rtag las byung sdug bsngal byed/ /don med phung bar byed cing dman pa yin pas na/ /mkhas pa su zhig 'dod pa'i skom la sten par byed/ /btsog pas gang ba'i chab khung dri nga lta bu dang / /mnam par gyur
234a5 cing rul pa'i khyim rnams ji bzhin dang / /shi ba dur khrod sa na shin tu smad pa ltar/ /de bzhin 'dod pa rnams kyang mchog tu smad pa yin/ /sbrang bu rma zhig mthong nas rgyug pa ci 'dra dang / /phag ni ngan skyugs mthong
234a6 na rgyug pa ci 'dra dang / /khyi ni sha yi don du shen sar 'gro ba ltar/ /de bzhin mi mkhas bud med dag la dga' bar byed/ /grags pa med cing mi snyan yon tan 'bri ba dang / /de las tshul khrims dag ni nyams
234a7 par 'gyur ba dang / /mtho ris nyams shing dmyal ba dag tu ltung bas na/ /mkhas pa su zhig 'dod pa'i skom la sten par byed/ /ji ltar ha la ha la'i dug ni zos pa na/ /lus ngag rmya zhing rmongs pa skye ba 'gyur
234a8 ba ltar/ /de bzhin 'di na byis pa rnams ni 'dod pa'i rgyus/ /rang gi lus kyi dbyibs ni dug tu mi rigs go/ /ji ltar sgyu ma shin tu bslabs pa'i mi zhig gis/ /rnam par 'phrul pas sems can brgya dag
234b1 dga' byed ltar/ /de bzhin byis pa bdag la bde bar 'dod pa rnams/ /'dod la dga' ba'i rgyu las ngan 'gror rab tu ltung / /zas skom ston mo bzang po tha dad pa dag dang / /glu bro sil snyan bzang po tha dad pa dag gis/ /
234b2 khang pa mchog nas byung ba'i chung ma len pa ni/ /gnod pa rnyed pa yin zhing sdug bsngal sogs pa yin/ /'dod pa'i dga' la brkam pa dag ni gnod yin te/ /mi gtsang mtshon 'dra rmongs gyur dag la bsngags
234b3 pa rjod/ /'dod pa dman pa dag la bsngags shing sten pas ni/ /dman pa de dag ngan 'gror rab tu ltung bar 'gyur/ /gnod pa 'dod pa dag gis yul rnams rab bsngags shing / /'dod pa gnod pa yid la dga'
234b4 ba'i byis pa rnams/ /de dag don med 'tsho ba rnams par spangs nas ni/ /mi bzad g.yang sa chen por rab tu ltung bar 'gyur/ /nga rgyal rmongs pas bcom pa'i skyes bu 'di dag ni/ /rgya mtsho'i pha rol ma mthong ba yi bya
234b5 bzhin du/ /lcags kyi me lce lnga po dag la chags gyur nas/ /byis pa rnams ni rab tu 'bar zhing 'khyam par 'gyur/ /'di ni byis pa myos shing shin tu rmongs pa rnams/ /shel du mi mthong snod mchog yin par
234b6 sems pa ltar/ /lam la rnam par rmongs rnams 'dod pa'i ched kyi phyir/ /rtag tu 'dir gnas 'di ni gya nom yin zhes 'dzer/ /gang phyir rnam pa sna tshogs las dag mi shes pas/ /'gro ba thams cad rab nyams
234b7 gus pa yod min pas/ /pha dang ma dang bu dang bu mo dag la ni/ /don gyis mchod pa mi byed gnod pa thob pa yin/ /de dag rtag tu bud med 'dris pa rjod byed pa'i/ /de 'dra'i las kyi tshul la rab tu 'jug par byed/ /
234b8 de dag gti mug dra ba sdig pa rab sogs shing / /ngan song 'gro bar 'gyur ba'i lam yang sogs par byed/ /mi rnams de dag der chags bde bar 'du shes shing / /pha dang ma yang yongs su rab tu spong bar byed/ /de
235a1 dag mchod 'os rnams la mchod pa mi byed cing / /smad par 'os pa'i 'dod pa dag la sten par byed/ /phan tshun gdungs par 'gyur ba la ni gzhol byed cing / /rnam rtog mu yis nges bcom mi rnams nyon
235a2 mongs pa/ /bkur sti yongs su tshol la dga' zhing ma 'phags rnams/ /chos ma yin par 'jig rten rab tu 'dzud par byed/ /gzhi de las ni mtshon cha dag dang lcags rnams dang / /de bzhin bcing ba dang ni 'thab
235a3 cing rtsod pa dang / /nges par 'chi ba'i sdug bsngal rab tu myong bar 'gyur/ /shi 'phos nas ni mnar med 'jigs su rung bar 'gro/ /tshe 'di nyid la de bzhin sdug bsngal 'byung 'gyur zhing / /nor nyams snying du sdug pa rab
235a4 tu 'jig 'gyur la/ /mtho ris nyams shing dmyal bar rab tu ltung bas na/ /mkhas pa su zhig 'dod pa'i 'du shes skyes par byed/ /lcags las grub pa'i nags tshal sngon po'i khrod dag tu/ /mkhas pas bdag nyid
235a5 rab tu bor ba de sla zhing / /'dzangs pa spu gri'i so yis bcad pa byas sla la/ /ral gri dag gi khrod du mal yang bcas sla zhing / /rab tu me 'bar thu lum bzung ba de sla la/ /de bzhin lcags kyi thu lum 'bar ba za sla zhing / /
235a6 me dong 'jigs su rung ba rnams la reg sla yi/ /lag pa gnyis kyis nam yang bud med reg mi bya/ /mis ni ji lta ji ltar 'dod pa rnam sten pa/ /de lta de ltar bde ba thams cad rab spong zhing / /'di ltar 'dod
235a7 rnams gcig tu sdug bsngal mi gtsang bas/ /'dod pa sdug bsngal mi gtsang ba dag rnam par spongs/ /'dod pa sdug bsngal kun kyi gzhi bor gyur ba dang / /gang phyir nor ni chud zar 'gyur bar byed pa dang / /yid
235a8 'ong skye bo rnams kyi nyams pa'i rtsa ba bas/ /bud med nges par sten pa gnod pa thob pa yin/ /skyes bu gang gis de 'dra'i chos tshul rig nas ni/ /bud med rnams la rab tu bag med mi 'gyur ba/ /des ni rtag tu mtho ris lam
235b1 yang rnam sbyangs shing / /des ni byang chub dam pa rnyed par dka' ma yin/ /rgyal po chen po gzhan yang mi'i pha ma dag ni dka' ba byed pa dag yin te/ zla ba dgu 'am zla ba bcur mngal na bzung ste shin tu sdug bsngal
235b2 bar gsos shing / gcin dang phyi sa yang 'phyi bar byed/ pang du blangs nas nu zho ldud par byed/ phung po rnams skyed par byed/ khams rnams gso bar byed/ 'jig rten ston par byed/ 'dzam bu'i gling sna tshogs ston
235b3 par byed/ don du 'dod/ phan par 'dod/ grub pa dang bde bar 'dod/ 'jig rten la yang phan par 'dod pa ste sbyin pa'i gnas yin la/ bu la phan pa dang bde bar 'dod pas de dag gis rang gi nor gyi tshogs kyis
235b4 gzhan gyi khyim nas gzhan gyi bu mo blangs pa dang / de de la chags shing myos la 'chums shing brgyal ba dang / lhag par zhen pa dang / lhag par zhen cing 'dug par gyur nas/ gzhan gyi khyim nas blangs pa'i bud med
235b5 de la chags shing myos pas sbyin pa'i gnas pha ma rgas 'khogs pa/ gtugs la lus nyam chung zhing mig mi mthong ba dag la brnyas shing longs spyod med pa dang / nor med par byas nas rang gi khyim nas phyung
235b6 ste skrod par byed do/ /rgyal po chen po 'di ltar pha ma dga' ba byed byed pa sbyin pa'i gnas la rtag tu rgyun mi 'chad par yang dag pa'i bde bas sti stang du bya/ bla mar bya/ rjed par bya/ mchod par bya ba'i rigs na/ des
235b7 de'i tshe pha ma dag rang gi khyim nas phyung ste bskrad nas gzhan gyi khyim nas blangs pa'i bud med la bza' ba dang / btung ba dang / gos rnams kyis bsnyen bkur byed cing sti stang du byed/ gces su byed/ rim gro byed la
235b8 mchod pa byed cing yang dag pa'i bde bas bsnyen bkur byed kyi pha ma la ni mi byed pa'i mi snying brtse ba med pa dang / mi lta ba dang / ngan pa'i sems dang ldan pa la ltos/ rgyal po chen po des bde 'gror 'gro ba'i chos gang
236a1 yin pa de ni spangs la/ ngan 'gror 'gro ba'i chos gang yin pa de ni yang dag par blangs te 'dug pa'i mi de la yang ltos/ rgyal po chen po bud med kyi dbang du song nas 'dod pa rnams la sten cing pha ma la
236a2 brnyas pa dang / ngan 'gror 'gro bar 'jug pa de ni skyes ba'i skyes bu'i skyon gnyis pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /gang dag pha ma rgas pa gso bar byed pa
236a3 ni/ /de dag rtag tu bde zhing yid kyang bde 'gyur la/ /'di la lha dang bcas pa dang ni dbang po dang / /de bzhin 'di la tshangs par bcas pa'i rigs su 'gyur/ /gang dag pha ma rgas pa gso bar byed pa ni/ /de dag song na phyir
236a4 'ong ba yang 'grub 'gyur zhing / /rgya mtsho chen po nas kyang bde zhing legs 'ong ste/ /de ltar byed pa dag ni rab mchog rnyed pa yin/ /gang dag pha ma rgas pa gso bar byed pa yi/ /tshong pa de dag yon tan kun gyi gtsor
236a5 'gyur zhing / /de bzhin zhing las 'bras bu phun sum tshogs 'byung ste/ /bsod nams bgrang ba'i don du brjod par mi nus so/ /gang dag pha ma rgas pa gso bar byed pa ni/ /de dag khur rnams khyer ba'i rnga mo rnams dang
236a6 yang / /yang na glang dang bong bu dag tu'ang mi 'gyur te/ /mi rnams de dag spu gri'i so la rdzi mi 'gyur/ /gang dag pha ma rgas pa gso bar byed pa ni/ /de dag chu bo rab med dang ni me mur dang / /spu gri so dang ldan pa la yang mi rgal te/ /
236a7 de dag zangs khu bskol ba 'thung bar yong mi 'gyur/ /gang dag pha ma rgas pa gso bar byed pa ni/ /de dag nor dang 'bru ni mi nyung ba dag dang / /chung ma dang ni bu dang bu mo dag dang yang / /bai dUr+ya dang rin chen sa le sbram yang rnyed/ /gang
236a8 dag pha ma rgas pa gso bar byed pa ni/ /de dag rab 'phrul lha yi pho brang dag dang ni/ /rtsub 'gyur dang ni 'dres pa'i tshal yang mthong 'gyur te/ /lha rnams du mas rtag tu mdun du bdar bar 'gyur/ /mi yi gtso bor gyur cing lha yi
236b1 lhar gyur pa/ /thub pa chen po 'di 'dra'i gsung ni thos gyur na/ /rgas shing dbang po shin tu nyam chung gyur ba yi/ /pha ma sbyin gnas dam pa su zhig gso mi byed/ /rgyal po chen po gzhan yang skyes bu dam pa ma yin pa ni skyes bu dam pa
236b2 ma yin pa'i las byed cing log par lta ba la mngon par zhen pa yin te/ de ni dge ba dang mi dge ba gang yin zhes bdag gi don mi shes shing mi brtan pa yin pas skye bo mang po rnams mi dga' zhing byis pa'i skye bos bsngags pa
236b3 la mngon par dga' ba dang / 'dod chags dang zhe sdang dag gis rmongs par gyur ba dang / skyes bu 'dzangs pa dag gis smad pa dang / khro bas zil gyis non cing sdig pa'i las byed pa dang / sangs rgyas dang / byang chub sems dpa'
236b4 rnams kyis yongs su spangs pa dang / longs spyod kyi rgyags pas myos pa dang / ser sna can du gyur ba dang / gzhan la gnod par mngon par dga' zhing chos sgom par mi dga' ba yin te/ rgyal po chen po skyes bu dam pa ma yin pa skyes
236b5 bu dam pa ma yin pa'i las la mngon par dga' zhing skyes bu dam pa'i las la mi dga' ba de la ltos/ rgyal po chen po 'dod pa rnams la sten cing ngan 'gror 'gro bar 'jug pa de ni skyes ba'i skyes bu'i skyon gsum pa yin no/ /de
236b6 nas de'i tshe bcom ldan 'das kyis tshigs su bcad pa 'di dag bka' stsal to/ /'dod pa rnams kyi gzhis ni skyes bu rnam nyams shing / /gzhi de las ni sdig pa dag kyang rab tu byed/ /log par lta bas rmongs nas 'dir ni 'khyam
236b7 'gyur zhing / /de ni rnam par 'khrul pas ngan 'gror 'gro bar 'gyur/ /log dang ldan pas yon tan kun gyis rnam spangs shing / /de ni rtog pa med cing blo yang nor ba yin/ /gang dag chu klung dag tu ud pal rtswa chol ltar/ /log
236b8 par lta bas yongs su 'khor bar byed pa yin/ /bde ba'i don tu bdag nyid yongs su skyong byed cing / /chos ma yin la chags pa'i mi rnams mang po dag /de bzhin bde ba'i rgyu phyir 'dod pa rnams tshol ba/ /de dag gti mug rmongs
237a1 pas sems can dmyal bar 'gro/ /gang dag 'dod pa rnams kyi don du rtag tu ni/ /de bzhin sems la gcags pa'i skyes bu tha ma dang / /'dod pa'i bdag nyid can dang skye bo sdig can dang / /'du shes log pa
237a2 dag la bde ba ga la yod/ /mi rnams de dag byas pa mi gzo sdig bcas shing / /dad pa rnam nyams tshul 'chos gus pa med pa dang / /'phags pa'i tshogs kyis rtag tu rnam par spangs pas na/ /dmyal ba bzad brlag shin tu
237a3 'jigs su rung bar ltung / /gzugs dang sgra dang ro la chags pa'i mi rnams ni/ /byang chub sems dpa' rnams dang mkhas pa mi mchod cing / /log par lta bas chos kyang nyan par mi byed la/ /lan 'ga'ang dge 'dun legs
237a4 par mchod par mi byed pas/ /'phags pa rnams kyis rnam spangs ngan song ltung bas na/ /de phyir mi yi srid pa 'di ni rnyed pa la/ /sbyin dul gang dag sdom pa nges par sten cig dang / /de las byang chub dam pa mchog kyang thob
237a5 par 'gyur/ /rgyal po chen po gzhan yang skyes pa ni bzo'i gnas sna tshogs dang / las kyi gnas sna tshogs 'di dag gis 'tsho bar byed de/ rgyal po chen po 'di ltar yi ge'am/ rtsis sam/ grangs sam/ lag rtsis sam/
237a6 mtshon cha 'am/ rgyal po la zho shas 'tsho ba 'am/ zhing las sam/ tshong byed pa 'am/ ba lang 'tsho ba 'am/ de lta bu'i bzo'i gnas sna tshogs dang / las kyi gnas sna tshogs dag gis 'tsho bar byed cing 'di lta ste/ nor gyi
237a7 phyir lam ma yin par yang 'gro bar byed/ lam ngan par yang 'gro bar byed/ gcong rong dang chu klung can gyi lam du yang 'gro bar byed/ mtshon cha'i lam du yang 'gro bar byed/ rgya mtshor 'jug par yang 'jug par byed/
237a8 grang ba'i dus na yang lhags pas gnod par byed/ dro ba'i dus na yang tsha bas gnod par byed cing bkres pa dang / skom pa dag gis gnod bzhin du 'gro ba la yang spro bar byed de/ longs spyod yongs su tshol ba na de lta bu'i
237b1 sdug bsngal dag gis longs spyod yongs su btsal nas kyang rang gi 'tsho ba dag gi phyir nye bar sgrub par byed pas dge sbyong dang bram ze dag dang / bkren pa dang / sdug phongs pa dang / slongs mo pa dag la sbyin pa sbyin par mi
237b2 bzod cing bud med rnams kyis dbang du byas pa dang / bud med rnams kyis thul 'og tu chud pa dang / bud med rnams kyis bskol ba dang / bud med rnams la byams pa de nyid kyis bud med de dag nyid gso pa'i phyir sbyin
237b3 pa sbyin pa dang / tshul khrims yang dag par len par mi nus shing de de la chags la bud med rnams kyis spyos pa bzod par byed cing bud med kyis bsdigs pa dang / bltas pa dang / brgyab pa dag kyang bzod par byed de/
237b4 de skyes par gyur kyang bud med kyis bsdigs pa dang du len cing / mi dga' ba med par de'i ngor lta bar byed pa ni 'dod pa'i gzhis bud med kyi dbang du song ba yin te/ rgyal po chen po bud med la sten cing ngan 'gror 'gro bar
237b5 'jug pa de ni skyes pa bud med la brkam zhing ngan skyugs kyi sgo la gdu ba dang / mi gtsang ba la dga' ba dang / shes bzhin med par spyod pa'i skyes bu'i skyon bzhi pa yin te/ rgyal po chen po skyon de dag dang ldan pa'i skyes pa
237b6 ni 'dod pa rnams kyi dbang du 'gro ba yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /'dod pa rnams ni tshol ba dang / /rab tu myos pa ga la bde/ /'dod pa dman pa rnams
237b7 sten pa/ /de ni gang gis bde bar 'gyur/ /skyes bu dam pa ma yin pa'i/ /las rnams byed cing mi sdom la/ /'dod pa'i 'dod chags tshol byed pa/ /de dag rab nyams chud kyang za/ /mi rnams gang dag mi mkhas
237b8 pa/ /rnga mo bong bu'i chos spyod cing / /bud med mthong na rab snyeg pa/ /ngan skyugs gnas la phag rnams bzhin/ /gang la byis pa gus bcas pa'i/ /'dod rnams dri nga mi gtsang yang / /'dod pa'i skyon rnams
238a1 mi mthong ba/ /sa yi steng na dmus long bzhin/ /gzugs kyi 'ching bas bcings pa rnams/ /'dod pa'i 'du shes rab tu 'jug /byis pa 'dod rnams sten pa dag /khyi dang wa rnams ji bzhin
238a2 no/ /sgra dri ro dang reg rnams kyis/ /gang la so so'i skye bo rnams/ /byis pa 'khor ba yongs 'khor ba/ /spre'u rnams phur la btags pa bzhin/ /byis pa ma rig khebs pa rnams/ /mun pa'i phung pos bsgribs gyur cing / /
238a3 bud med rnams la chags pa ni/ /mi gtsang gnas la khwa bzhin no/ /gang gis ngan 'gror rab 'jug pa/ /de ni bdud kyi spyod yul yin/ /ro myang 'du shes chags gyur pa/ /ngan skyugs gnas la srin bu bzhin/ /
238a4 gsang ba'i gshed ma rnams kyis ni/ /ji ltar mi zhig bor ba ltar/ /shes na thar pa thob 'gyur zhing / /bud med dbang du 'gro mi 'gyur/ /'dod pa bud med lta byed pa'i/ /kun tu sbyor las 'jigs pa skye/ /byis
238a5 pa mtshan mar 'dzin pa rnams/ /'dod pa'i sred pa rab tu 'phel/ /sos ka'i dus na mi zhig ni/ /dgon pa chen por song gyur nas/ /byis pas lan tshwa'i chu 'thungs na/ /skom pa phyir zhing rab skyed ltar/ /
238a6 de bzhin bden pa ma mthong ba'i / /byis pa rmongs pas 'tsho ba rnams/ /'di na phyir zhing bud med la/ /'dod pa'i sred pa brtan par 'gyur/ /ji ltar mi lus mdze can la/ /srog chags rnams ni za ba
238a7 ltar/ /'dod brkam so so'i skye bo rnams/ /de bzhin bud med rnams kyis zos/ /mi gtsang bum pa khra bo zhig /kha dog ldan par snang mod kyi/ /nang na ha la ha la'i dug /drag po chen po yod pa
238a8 ltar/ /de bzhin bud med brgyan pa dag /gang dang gang na snang ba yang / /gcin dang phyi sas gang ba yi/ /rkyal pa rlung gis gang ba bzhin/ /'bru mar gyis ni bdar ba'i mtshon/ /gos kyis dkris pa ji bzhin
238b1 du/ /de bzhin bud med brgyan pa yang / /ral gri rling ba g.yogs pa bzhin/ /ji ltar me dong gang gyur la/ /du ba med cing 'bar ldan ltar/ /bud med de bzhin me 'dra zhing / /srin bu gtum po bzhin du g.yo/ /sreg
238b2 pa'i bskal pa 'dir byung na/ /sa 'di kun tu 'bar gyur la/ /rtswa dang gel ba 'jig 'gyur zhing / /chu klung dag kyang skams par 'gyur/ /'byung po chen po'i gnas gyur pa/ /rgya mtsho yang ni skam 'gyur zhing / /ri
238b3 bo chen po rnams sreg la/ /de bzhin lhun po'ang 'jig par 'gyur/ /rgyal chen 'byung po 'dzin pa yi/ /sa 'di'ang rnam par 'jig 'gyur zhing / /brag chen rnams ni 'jig 'gyur yang / /skyob par byed
238b4 pa yod ma yin/ /ji ltar me yis rir bcas dang / /rgya mtshor bcas pa sreg pa ltar/ /de bzhin bud med me 'dra ste/ /gtum zhing skyes bu g.yo bar byed/ /snabs dang mchil ma kha chu dang / /glad rgyas rul pa'i
238b5 glad pa dang / /lus las dri nga 'jag de la/ /byis pa rnams ni sbrang rtsi bzhin/ /kha sgo rus pas gang ba dang / /sha dang lpags la sogs bsags shing / /de bzhin lus ni 'bras 'dra ste/ /dri nga smad par bya ba
238b6 yin/ /mi gtsang sna tshogs gang ba dang / /'bras ni smin par gyur ba ltar/ /de ltar lus 'di mi gtsang ba/ /sna tshogs rnams kyi snod yin no/ /lto ni gnye ma mtsher ba dang / /glo bas gang zhing mkhal ma
238b7 dang / /khrag dang mkhris pas gang gyur la/ /glad rgyas kyis ni glad pa gang / /khong pa'i nang na srin bu'i rigs/ /brgyad khri po dag gnas gyur kyang / /gti mug dra bas bsgribs pa yi/ /byis pa rnams
238b8 kyis mi mthong ngo / /rma sgo dgu nas rtag tu ni/ /mi gtsang rul ba zag gyur kyang / /smra ba dag dang lta ba la/ /byis pa rnams ni mtshan mar 'dzin/ /gang zhing kun gyis smad pa'i yul/ /chags pa rnams kyis phyis
239a1 mi shes/ /mi gtsang spyod yul byis pa rnams/ /snabs dang mchil ma za bar byed/ /smad par 'os la chags byed pa/ /sbrang bu rnams kyis rma mthong bzhin/ /mchan khung dag nas rdul
239a2 'dzag cing / /smad pa'i dri ni 'byung bar 'gyur/ /byis pa sdug bsngal chags byed pa/ /de dag bdag la gnod phyir g.yo/ /des ni myur du phongs gyur te/ /nya rnams chu nas bton pa bzhin/ /'jigs rung lag na
239a3 mtshon thogs kyis/ /ji ltar mi zhig gtses pa ltar/ /mtshon 'dra'i bud med sdig can gyis/ /'dod la chags rnams de bzhin no/ /rnam rgyal lag na mtshon thogs pas/ /ji ltar rgyal po gtses pa
239a4 ltar/ /'dod chags me dang 'dra ba yis/ /'dod la chags rnams de bzhin sreg /shan pa'i gnas la khyi rnams ltar/ /myang bar 'du shes byis pa rnams/ /ji ltar sgra yis skrag pa ltar/ /myur
239a5 du sdug bsngal myong bar 'gyur/ /rang gi las kyi nyes pa yis/ /de la skyob pa med pa ltar/ /de bzhin bdag gi nyes pa yis/ /sems can rnams ni ngan 'gror 'gro/ /de dag sangs rgyas chos spangs nas/ /
239a6 bud med rnams kyi rnag la sten/ /sems ni ro la chags gyur pa/ /de yis ngan 'gror 'gro bar 'gyur/ /ji ltar spre'u zhig shing las ni/ /shing gzhan du ni rgyu ba'i tshe/ /de ni gnas der gtses gyur na/ /de nyid
239a7 du ni sdug bsngal 'gyur/ /de bzhin 'dod la brkam pa dang / /sdug bsngal 'dod chags sten pa dang / /gti mug rgya la thogs pa rnams/ /dus ni yang dang yang du 'da'/ /mi bkren rnams ni gsal
239a8 shing la/ /rab du btsugs nas 'phyang pa ltar/ /de bzhin 'dod la chags pa rnams/ /shal ma li ni mtho la 'phyang / /ji ltar mon sran sde'u dang gre'u/ /lcags zangs rnams su
239b1 blugs byas nas/ /mes ni rab tu bsregs pa na/ /dbu bar bcas shing khol ba ltar/ /de bzhin dge ba ma mthong zhing / /'dod la chags pa'i skye bo rnams/ /shi nas ngan song 'gro 'gyur
239b2 zhing / /lcags zangs rnams su btso bar 'gyur/ /mi rnams gang dag sdig byed pa'i/ /sems can sdig pa rnams kyi gnas/ /zangs ni bye ba drug bcu dang / /gzhan yang bzhi po dag
239b3 yin no/ /zangs ni so so re re la/ /tshad ni dmigs su yod min zhing / /me yi phung por ldan rnams su/ /bskal pa du mar btso bar 'gyur/ /kha cig zangs rnams de dag tu/ /rang gi
239b4 las kyis bskal brgya 'am/ /nyis brgya sum brgya tshang bar 'tshed/ /yang na bzhi brgyar btso bar 'gyur/ /phra skam rnon po rnams kyis ni/ /bzung zhing yang dang yang smyugs pas/ /de
239b5 dag sha ni yod min zhing / /dung ltar dkar ba rnams su 'gyur/ /lcags kyi gzhong bar 'dug nas ni/ /rab tu tsha zhing 'dren pa med/ /shi zhing shi zhing skye 'gyur te/ /
239b6 rang gi las kyis gnas par 'gyur/ /gang tshe dmyal ba'i srungs rnams kyis/ /ngan pa'i mi rnams de dag ni/ /gtun la sogs pas brdungs pas na/ /sha rkang rus pa phye mar 'gyur/ /
239b7 de yis tshe na de dag la/ /shin du grang ba'i rlung yang ldang / /des ni dmyal ba'i sems can rnams/ /sdug bsngal gyur ba de las 'tsho/ /mi rnams gang dag sdig byed pa/ /gtun pu
239b8 drag po rnams kyis 'joms/ /sta re rnams kyis gsheg pa dang / /de bzhin gsal shing 'jugs par 'gyur/ /mi rnams gang dag sdig byed pa'i/ /sems can rnams kyi
240a1 lus la ni/ /lcags mdung rtse mo bzhi pa dang / /rtse gsum pa dang rtse lnga 'bab/ /mi rnams gang dag sdig byed pa/ /ral gri mchu can khwa rnams kyis/ /mgo dang glad
240a2 pa btogs 'gyur zhing / /wa dang spyang kis zos par 'gyur/ /mi rnams gang dag sdig byed pa/ /ngan skyugs rul pa dri nga zhing / /kun gyis smad par ltung 'gyur la/ /spu gri'i chu klung
240a3 rnams su ltung / /mi rnams gang dag sdig byed pa/ /rab tu tsha bar sreg 'gyur zhing / /ngu 'bod dang ni ngu 'bod che/ /thig nag tu yang sreg par 'gyur/ /mi rnams gang dag
240a4 sdig byed pa/ /thig nag tu ni skyes nas kyang / /yang dang yang du me mur dang / /spu gri'i chu klung rnams su ltung / /gang tshe lcags kyi zangs po cher/ /mi rnams de dag
240a5 'tshed pa na/ /khyi rnams kyis ni gtses gyur nas/ /de dag bde ba tshol bar byed/ /mi rnams gang dag sdig byed pa/ /dmyal ba drag po chen por ni/ /lhung nas dpung
240a6 gnyen yod min zhing / /lcags kyi thu lum za bar 'gyur/ /mi rnams sdig pa byed pa dag /lcags las grub pa'i brag chen dang / /mi sdug ri bo rnams kyis ni/ /de tshe kun nas
240a7 lus 'joms byed/ /des ni rang gis las byas pa'i/ /'bras bu de 'dra thob gyur zhing / /de yis tshor ba myong bas na/ /de la skyob pa 'ga' yang med/ /ji snyed rten pa thams cad ni/ /bdag gi mdun der 'ga' yang med/ /
240a8 der ni mgon med bdag gcig pu/ /sdug bsngal tshor ba myong bar byed/ /gang dag bde phyir don min par/ /sngan chad nyes par spyad byas kyang / /pha ma de dag de ring ni/ /rnam par grol ba'i mthu yang med/ /gang dag bde phyir don min par/ /sngan
240b1 chad nyes par spyad byas kyang / /bu dang bu mo chung ma rnams/ /de ring bdag la 'grel mi nus/ /gang dag bde phyir don min par/ /sngan chad nyes par spyad byas kyang / /mdza' bshes nye du de dag kun/ /rnam par dgrol bar yong mi nus/ /
240b2 gang dag bde phyir don min par/ /sngan chad nyes pa spyad byas kyang / /bdag gi rtsa lag de dag kun/ /de rang 'grol bar mi nus so/ /'dod pa dman pa rnams sten cing / /dman pa'i chos rnams bsten nas ni/ /nyes pa'i las
240b3 rnams byed pa dag /de yis ngan 'gror 'gro bar 'gyur/ /shes rab 'chal ba mnar med par/ /song nas sdug bsngal tshor ba myong / /sangs rgyas rnams kyis bud med dag /phyi sa'i dri ltar dman par bsgrags/ /de phyir dman pa
240b4 rnams dang ni/ /dman pa'i bud med rnams sten pa/ /byis pa de ni phyi sa yi/ /rkyal pa bzung nas gnas pa yin/ /ci 'dra'i las ni byed pa ltar/ /de 'dra'i 'bras bu thob 'gyur te/ /rgyal po yi ni chad pa dang / /sdug bsngal bcing ba'ang myong
240b5 bar 'gyur/ /bud med gzhi las skyes pa yang / /gsad dang bcing ba myong 'gyur zhing / /dmyal srungs rnams kyis sreg pa dang / /nges par 'ching ba'ang myong bar 'gyur/ /bud med rnams la brkam pa yi/ /blo ngan de dag bde mi
240b6 'gyur/ /gsal shing mthon po rnams su ni/ /btsugs shing chur yang bcug par 'gyur/ /sa yi ser kar bcug nas ni/ /de bzhin ral gris gdab par 'gyur/ /de 'dra ba dag thos nas ni/ /de dag
240b7 yi chad bde mi 'gyur/ /rmongs pa bud med lhan cig tu/ /yang dang yang du 'du 'dzi byed/ /sdug bsngal 'dod pa rnams sten cing / /smad pa rnams kyang smra bar byed/ /rmongs pa rnams kyis chos thos nas/ /
240b8 dge bar gsungs shes rjod byed kyang / /de sems bud med phyi bzhin song / /byi ba la ni byi la bzhin/ /rgyal bas gsungs pa thos gyur nas/ /yud tsam zhig ni yid byung yang / /ha la ha la'i dug 'dra ba'i/ /'dod chags kyis ni de yang
241a1 'khrugs/ /ji ltar phag ni yud tsam zhig /dngangs shing skrag par byung gyur kyang / /des ni phyi sa mthong na yang / /chags pa skyes par byed pa ltar/ /de bzhin byis pa bde 'dod rnams/ /rgyal ba'i
241a2 bstan pa spangs nas ni/ /'dod pa dman pa rnams bsten pas/ /des ni ngan 'gror 'gro bar 'gyur/ /'dod pa rnams la chags myos nas/ /shin du sdig pa'i las byas shing / /tshul khrims can dag bslus byas
241a3 nas/ /phyis ni ngan 'gror 'gro bar 'gyur/ /shes rab can gyis dal rnyed cing / /de 'dra'i chos ni thos gyur nas/ /'dod kun spangs nas 'di la ni/ /mkhas pa mngon par rab byung shig /rgyal po chen po skyes pa
241a4 'dod pa la sten pa rnams kyi skyon ni de dag yin te/ 'dod pa'i gzhi dang / 'dod pa'i rma dang / 'dod pa la lhag par zhen pa rnams ni sems can dmyal ba pa rnams kyi tshor ba myong bar 'gyur ro/ /rgyal po chen
241a5 po de lta bas na khyod kyis rtag par rgyun tu sangs rgyas rjes su dran pa bsgom par bya'o/ /khyod kyis lus su gtogs pa'i sems rjes su dran pa bsgom pa bya'o/ /de ltar bcom ldan 'das kyis bad sa'i rgyal po 'char
241a6 byed la de lta de ltar chos bstan par mdzad de/ chos bstan pa des bad sa'i rgyal po 'char byed de bzhin gshegs pa la dga' ba dang / rab tu dga' ba dang / mchog tu dga' ba thob par gyur to/ /de nas bcom ldan
241a7 'das la bad sa'i rgyal po 'char byed kyis 'di skad ces gsol to/ /bcom ldan 'das ji tsam du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis skyes pa dang /
241a8 bud med rnams kyi skyon bsam gyis mi khyab pa'i bar de dag bka' stsal cing legs par gsungs pa ni ngo mtshar lags so/ /bcom ldan 'das da bdag ni bcom ldan 'das dang / chos dang dge slong gi dge 'dun
241b1 la skyabs su mchi ste/ mtshon cha spangs shing dbyug pa spangs la ngo tsha mchis shing srog chags 'byung po thams cad la snying brtse bar zhugs pa lags kyis/ bcom ldan 'das kyis bdag dge bsnyen du
241b2 gzung du gsol/ bcom ldan 'das kyis de skad ces bka' stsal nas/ bad sa'i rgyal po 'char byed dang / dge slong de dag dang / byang chub sems dpa' de dag dang / lha dang / mi dang lha ma yin dang / dri zar
241b3 bcas pa'i 'jig rten yi rangs te bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las bad sa'i rgyal po
241b4 'char byed kyis zhus pa'i le'u zhes bya ste nyi shu rtsa dgu pa rdzogs so// //rgya gar gyi mkhan po dzi na mi tra dang / su ren dra bo d+hi dang / zhu chen gyi lo ts+tshA ba ban de ye shes sde la sogs pas bsgyur
cing zhus te gtan la phab pa/
CLOSE WINDOW