བོད་ཡིག |
189b8 rgya gar gyi mkhan po 'dzi na mi tra dang / su ren dra bo d+hi dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa// // 'phags pa dkon mchog brtsegs pa chen po'i chos kyi
190a1 @#/ /rnam grangs le'u stong phrag brgya pa las le'u dgu pa ste 'phags pa chos bcu pa zhes bya ba/ bam po dang po/ / rgya gar skad du/ Ar+ya da sha d+harmA ka nA ma ma hA yA na sU tra/
190a2 bod skad du/ 'phags pa chos bcu pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/
190a3 bcom ldan 'das rgyal po'i khab na bya rgod kyi phung po'i ri la dge slong lnga brgya tsam gyi dge slong gi dge 'dun chen po dang / byang chub sems dpa' sems dpa' chen po rab tu mang po dang thabs gcig tu bzhugs te/
190a4 de'i tshe byang chub sems dpa' sems dpa' chen po dge ba dri med rnam dag rin chen zla 'od rgyal po zhes bya ba 'khor de nyid du 'dus par gyur te 'dug go/ /de nas byang chub sems dpa' sems dpa' chen
190a5 po dge ba dri med rnam dag rin chen zla 'od rgyal po stan las langs te/ bla gos phrag pa gcig tu gzar nas pus mo g.yas pa'i lha nga pad ma'i snying po la btsugs te/ bcom ldan 'das ga la ba
190a6 de logs su thal mo sbyar ba btud nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das
190a7 de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig las brtsams te zhu lags so/ /de skad ces gsol pa dang / bcom ldan 'das kyis
190a8 byang chub sems dpa' sems dpa' chen po dge ba dri med rnam dag rin chen zla 'od rgyal po la 'di skad ces bka' stsal to/ /rigs kyi bu de bzhin gshegs pas khyod la rtag tu skabs phyes ci dang
190b1 ci 'dod pa dris shig dang / /ngas dris pa de dang de nyid kyis lung bstan pas khyod kyi sems rangs par bya'o/ /de skad ces bka' stsal pa dang / bcom ldan 'das la byang chub sems dpa'
190b2 chen po dge ba dri med rnam dag rin chen zla 'od rgyal pos 'di skad ces gsol to/ /bcom ldan 'das dge slong theg pa chen po la yang dag par zhugs pa dge slong theg pa chen po la yang dag par zhugs pa
190b3 zhes bgyi ba bcom ldan 'das ji tsam gyis na dge slong theg pa chen po la yang dag par zhugs pa lags/ de bzhin gshegs pas ji ltar theg pa chen po la yang dag par zhugs pa lags par 'dogs
190b4 par mdzad/ don gang gis na theg pa chen po 'di la theg pa chen po zhes bgyi lags/ de skad ces gsol pa dang / bcom ldan 'das kyis byang chub sems dpa' sems dpa' chen po dge ba dri med rnam dag
190b5 rin chen zla 'od rgyal po la legs so zhes bya ba byin te/ rigs kyi bu khyod kyi lhag par g.yo ba ni bzang ba yin/ yongs su dpyad pa yang bzang ba yin/ dris pa lung bstan pa la spobs pa yang bzang ba yin
190b6 te/ rigs kyi bu khyod 'di lta ste/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang / mi rnams la phan pa dang / bde ba'i phyir zhugs te/ khyod de bzhin gshegs
190b7 pa la don de lta bu yongs su dri bar sems pa ni legs so legs so/ /rigs kyi bu de'i phyir legs par rab tu nyon la yid la zung shig dang bshad par bya'o/ /byang chub sems dpa' sems dpa' chen po
190b8 dge ba dri med rnam dag rin chen zla 'od rgyal pos bcom ldan 'das legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /
191a1 rigs kyi bu byang chub sems dpa' chos bcu dang ldan na theg pa chen po la yang dag par zhugs pa yin te/ bcu gang zhe na/ 'di lta ste/ dad pa dang ldan pa yin/ nan tan snying por byed pa yin/
191a2 rigs phun sum tshogs pa yin/ byang chub kyi sems 'dod pa yin/ chos 'dod pa yin/ chos la nye bar rtog par byed pa yin/ chos kyi rjes su 'thun pa'i chos la zhugs pa yin/ nga rgyal dang / che ba'i
191a3 nga rgyal dang bral ba yin/ dgongs te gsungs pa rtogs par bya ba la mkhas pa yin/ nyan thos dang / rang sangs rgyas dang ldan pa'i theg pas yongs su mya ngan las 'da' bar mi 'dod pa yin no/ /
191a4 gsol pa/ bcom ldan 'das ji ltar na byang chub sems dpa' dad pa dang ldan pa lags/ bcom ldan 'das kyis bka' stsal pa/ rigs kyi bu 'di la byang chub sems dpa' sems dpa' chen
191a5 po ni rang bzhin gyis g.yo med cing rgyu med la/ drang zhing drang po'i rang bzhin can yin te/ de ni de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub la yang
191a6 mngon par yid ches/ de bzhin gshegs pa rnams kyi ye shes skad cig la dus gsum dang ldan pa la yang mngon par yid ches/ de bzhin gshegs pa'i snying po rga ba med pa dang / 'chi ba med
191a7 pa dang / zad pa med pa dang / 'gog pa med pa dang / chad pa med pa la yang mngon par yid ches/ yang dag pa'i mtha' dang / chos kyi dbyings dang / thams cad shes pa nyid dang / rnam pa thams
191a8 cad mkhyen pa nyid dang / stobs rnams dang / mi 'jigs pa rnams dang / sangs rgyas kyi chos ma 'dres pa rnams la yang mngon par yid ches/ de bzhin gshegs pa rnams kyi
191b1 dbu'i gtsug tor bltar mi mthong ba la yang mngon par yid ches/ de bzhin gshegs pa rnams kyi skyes bu chen po'i mtshan sum bcu rtsa gnyis kyis brgyan pa dang / dpe byad bzang po brgyad bcu
191b2 phun sum tshogs pa dang / 'od 'dom gang ba nyid la yang mngon par yid ches/ nyan thos kyis bshad pa 'am/ rang sangs rgyas kyis bshad pa 'am/ byang chub sems dpa' bshad pa 'am/ de las
191b3 gzhan pa drang srong chen po dag gis smras pa legs par bshad pa la yang mngon par yid ches/ 'jig rten 'di dang / 'jig rten pha rol la yang mngon par yid ches/ dge sbyong dang / bram ze yang
191b4 dag par song ba rnams dang / yang dag par zhugs pa dag la yang mngon par yid ches/ dge ba'i las kyi rnam par smin pa 'dod pa dang / dga' ba dang / yid du 'ong ba rnams kyi nang du lha'i dbang
191b5 po 'am mi rnams kyi nang du mi'i dbang por 'gyur ba'i 'bras bu la yang mngon par yid ches/ mi dge ba'i las kyi rnam par smin pa'i 'bras bu sems can dmyal ba dang / dud 'gro dang /
191b6 yi dags rnams kyi nang du mi 'dod pa dang / mi sdug pa dang / mi dga' ba dang / yid du mi 'ong ba dang / mi bzang ba dang / drag pa dang / rtsub pa dang / tsha bar 'gyur ba la yang mngon par yid ches so/ /
191b7 de de ltar mngon par yid ches pas chos gsum spangs pa yin te/ gsum gang zhe na/ 'di lta ste/ nem nur dang / yid gnyis dang / the tshom mo/ /rigs kyi bu de ni byang chub sems dpa' dad
191b8 pas rjes su 'brang ba zhes bya ste/ rigs kyi bu de ltar na byang chub sems dpa' dad pa dang ldan pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /
192a1 dad pa theg pa mchog yin te/ /des ni 'dren rnams nges par byung / /de phyir blo gros ldan pa'i mis/ /dad pa'i rjes 'brang nyid la bsten/ /'jig rten dag na dad pa mchog /dad ldan rnam par
192a2 nyams pa med/ /de lta bas na mkhas pa'i mis/ /dad pas rjes su 'brang ba sten/ /dad pa med pa'i mi la ni/ /dkar po'i chos rnams mi skye ste/ /me yis sa bon tshig rnams la/ /myu gu sngon po
192a3 ji bzhin no/ /rigs kyi bu ji ltar na byang chub sems dpa' nan tan snying por byed pa yin zhe na/ rigs kyi bu 'di la byang chub sems dpa' skra dang / kha spu bregs te/ gos ngur smrig dag bgos nas
192a4 dad pas khyim nas khyim med par legs pa kho nar rab tu 'byung ngo / /rab tu byung nas kyang nyan thos kyi bslab pa dang / cho ga dang / spyod yul dang / kun spyod pa dag la yang slob par byed/ rang sangs rgyas
192a5 kyi bslab pa dang / cho ga dang / spyod yul dang / kun spyod pa dag la yang slob par byed do/ /de de ltar slob pas lus dang / ngag dang / sems dang ldan pa'i gnas ngan len dag thams cad kyi thams cad rnam
192a6 pa thams cad kyi thams cad du spangs pa yin no/ /de la lus dang ldan pa'i gnas ngan len gang zhe na/ 'di lta ste/ srog gcod pa dang / ma byin par len pa dang / mi tshangs par spyod pa dang / dbyig pa dang / mtshon
192a7 cha dang / bong ba dang / lag pa dag gis gzhan la gnod par byed pa dang / lag pa rgod pa dang / rkang pa rgod pa dang / rgyug pa dang / dkyu ba dang / mchong ba dang / mgyog par 'gro ba dang / rkyal ba ste/ de dag ni
192a8 lus dang ldan pa'i gnas ngan len ces bya'o/ /de la ngag gi gnas ngan len gang zhe na/ 'di lta ste/ brdzun du smra ba dang / phra ma dang / ngag rtsub po dang / tshig kyal ba dang / nyes par smra ba brjod pa dang /
192b1 mdo sde zab mo zab mo dag spong bar byed pa dang / mkhan po dang / slob dpon dang / bla ma lta bu rnams dang / tshangs pa mtshungs par spyod pa rnams la mi snyan brjod par byed pa ste/ de ni ngag gi gnas
192b2 ngan len ces bya'o/ /de la yid kyi gnas ngan len gang zhe na/ 'di lta ste/ brnab sems dang / gnod sems dang / log par lta ba dang / phrag dog dang / ser sna dang / rnyed pa 'dod pa dang / grags pa
192b3 'dod pa dang / shes kyi khe 'dod pa dang / rigs kyis rgyags pa dang / gzugs kyis rgyags pa dang / lang tshos rgyags pa dang / nad med pas rgyags pa dang / gson pas rgyags pa dang / mang du
192b4 thos pas rgyags pa dang / bsgoms pas rgyags pa dang / 'dod pa'i rnam par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa dang / nye du'i rnam par rtog
192b5 pa dang / yul gyi rnam par rtog pa dang / chos gos dang / bsod snyoms dang / mal cha dang / stan dang / na pa'i gsos sman dang / yo byad kyi rnam par rtog pa dang / gnas la lhag par zhen pa dang /
192b6 bzhon pa la lhag par zhen pa dang / mal cha la lhag par zhen pa dang / btung ba la lhag par zhen pa dang / bza' ba la lhag par zhen pa dang / che ba'i bdag nyid la lhag par zhen pa dang /
192b7 chung ma dang / bu dang / bu mo dang / thong gshol dang / zhing las dang / bran dang / bran mo dang / las mi dang / zho shas 'tsho ba dang / mdza' bshes dang / gros grogs dang / nye du dang / snag gi
192b8 gnyen mtshams dag la lhag par zhen pa dang / nor dang / 'bru dang / mdzod dang / bang ba dag la lhag par zhen pa dang / 'tsho ba'i yo byad rnam pa sna tshogs kyi bar dag la lhag par zhen pa ste/
193a1 de de ltar lhag par zhen pas ji skad smos pa'i dngos po de dag las dngos po gang yang rung ba dag chud zos pa na mya ngan dang / smre sngags 'don pa dang / sdug bsngal ba dang / yid mi bde ba dang /
193a2 'khrug pa dag 'byung bar 'gyur zhing de ltar de'i yid sred pa'i brlan gyis yongs su brlan pas sred par nyid mtshams sbyor bar 'gyur ba ste/ rigs kyi bu mdor na yid kyi las kyi 'khrul 'khor gyis
193a3 'phangs nas 'khor ba'i 'khor lor yongs su 'khyam par 'gyur ba de ni yid kyi gnas ngan len ces bya'o/ /de de ltar lus dang / ngag dang / sems kyi gnas ngan len dang bral bas na mkhan po la
193a4 ston pa'i 'du shes skyed pa dang / slob dpon la mkhan po'i 'du shes skyed pa dang / tshangs pa mtshungs par spyod pa rgan rabs dang / bar ma dang / gsar bu rnams la rjes dang bcas pa dang / gus
193a5 pa dang bcas par 'gyur zhing de gcig pu dben par gnas nas 'di snyam du sems te/ 'di ltar bdag sems can thams cad bsgral ba'i phyir brtson pa dang / sems can thams cad dgrol ba'i phyir brtson pa dang / sems can thams cad dul ba dang
193a6 zhi ba la dgod pa'i phyir brtson par byed pa na bdag nyid ma dul ba dang / ma zhi ba dang / ma srungs pa dang / ma btul ba ni bdag gi cha ma yin pas bdag gis ci nas kyang bdag mthong ba tsam gyis
193a7 sems can rnams 'dul bar 'gyur ba dang / de bzhin gshegs pa rnams kyi bka' bzhin byed par gyur ba dang / lha dang / klu dang / gnod sbyin dang / dri za la sogs pa dag yi rangs par 'gyur
193a8 pa de ltar bya zhing / de ltar bsgrub par bya/ de ltar brtson 'grus brtsam par bya'o/ /snyam du sems te/ rigs kyi bu de ni byang chub sems dpa'i ngo tsha shes pa yin no/ /de yang 'di snyam du sems
193b1 te/ bdag la khyim pa 'am rab tu byung ba 'ga' yang 'di lta ste/ tshul khrims nyams pa kun du spyod pa 'am/ lta ba nyams pa kun du spyod pa 'am/ 'tsho ba nyams pa kun du spyod pa 'am/ cho ga
193b2 nyams pa kun du spyod pa 'am/ spyod yul nyams pa kun du spyod pa 'am/ nyams pa kun du spyod pa gang yang rung ba dag gis kun du gleng bar mi 'gyur bar bya'o/ /snyam du sems te/ de de ltar khrel yod
193b3 par gyur ba na nyin lan gsum/ mtshan lan gsum tshul khrims la so sor rtog par byed do/ /de tshul khrims yongs su dag pas 'gyod pa med cing de sgrib pa med la lam gyi rgyun bcad de/ de bzhin gshegs
193b4 pa'i chos 'dul ba la nye bar rten cing gnas par byed do/ /rigs kyi bu de ni byang chub sems dpa'i khrel yod pa zhes bya ste/ rigs kyi bu de ltar byang chub sems dpa' nan tan snying por byed pa yin no/ /de nas
193b5 de'i tshe bcom ldan 'das kyis tshigs su bcad pa 'di dag bka' stsal to/ /rdzogs sangs rgyas dang sangs rgyas kyi/ /nyan thos nan tan snying por byed/ /de phyir nan tan thob bya'i phyir/ /shes rab can gyis
193b6 rtag brtson gyis/ /nan tan la ni 'jigs med pa'i/ /byang chub sems dpa' shes rab che/ /sangs rgyas kun gyis bsten pa yi/ /byang chub rdul med rtogs par 'gyur/ /rigs kyi bu de la ji ltar na
193b7 byang chub sems dpa' rigs phun sum tshogs pa yin zhe na/ rigs kyi bu 'di la byang chub sems dpa' rang bzhin gyis 'dod chags dang / zhe sdang dang / gti mug chung ba dang / phrag dog med pa dang / ser
193b8 sna med pa dang / g.yo med pa dang / sgyu med pa yin/ mi rtsub pa dang / mi brlang pa dang / mi rgod pa dang / ma khengs pa yin/ mi cor zhing mu cor mi smra ba yin/ drang ba dag mnyen pa yin/ des pa dang / 'grogs na bde ba yin/ rang bzhin
194a1 gyis mchod pa dang / rim gro bya ba rgya chen po dag la sems 'jug pa dang / longs spyod pa dang / 'tsho ba'i yo byad yod cing bdog pa dag gzhan dag la bged pa'i ngang tshul can yin/ lag pa dang /
194a2 rkang pa dang / mig dang / yan lag gi dam pa mgo shin du dang zhing gsal ba yin/ des de bzhin gshegs pa 'am/ de bzhin gshegs pa'i nyan thos dag mthong na mthong ma thag kho nar dad pa dang / dang ba
194a3 thob par 'gyur zhing / de dad pa dang dang ba des rigs phun sum tshogs pa 'thob par 'gyur ba ste/ rigs kyi bu de ltar na byang chub sems dpa' rigs phun sum tshogs pa yin no/ /de nas de'i tshe bcom ldan 'das
194a4 kyis tshigs su bcad pa 'di dag bka' stsal to/ /du ba las ni mer shes shing / /chu skyar las ni chur shes ltar/ /blo ldan byang chub sems dpa' yi/ /rigs ni mtshan ma rnams las shes/ /
194a5 mi rtsub brlang ba ma yin la/ /g.yo dang sgyu ni rnam spangs shing / /sems can kun las rab dang ba/ /de ni byang chub sems dpa' yin/ /rigs kyi bu de la ji ltar na byang chub sems dpa' byang chub
194a6 kyi sems 'dod pa yin zhe na/ rigs kyi bu 'di la byang chub sems dpa' rigs la gnas shing byang chub tu sems bskyed pa'i tshe de bzhin gshegs pa 'am/ de bzhin gshegs pa'i nyan thos kyis
194a7 yang dag par bskul ba dang / yang dag par skyo ba skyed pa dang / yang dag par 'dzin du 'jug pa dang / bla na med pa yang dag par rdzogs pa'i byang chub tu sems skyed par byed na/ de ni byang chub sems
194a8 'dod pa'i rgyu dang po yin no/ /gzhan yang byang chub dang byang chub kyi sems kyi bsngags pa brjod pa thos nas bla na med pa yang dag par rdzogs pa'i byang chub tu sems skyed par byed na de ni byang chub kyi sems
194b1 'dod pa'i rgyu gnyis pa yin no/ /gzhan yang sems can skyob pa med pa dang / skyabs med pa dang / gnas med pa dang / dpung gnyen med pa dang / gling med pa dag mthong na bdag sems can 'di dag gi skyob pa dang / skyabs
194b2 dang / gnas dang / dpung gnyen dang / gling du gyur cig ces snying rje'i sems nye bar gzhag nas rgyu de dang / rkyen de dang / gzhi des bla na med pa yang dag par rdzogs pa'i byang chub tu sems skyed par byed na de ni byang chub kyi
194b3 sems 'dod pa'i rgyur gsum pa yin no/ /gzhan yang de bzhin gshegs pa'i sku rnam pa thams cad yongs su rdzogs pa mthong na dga' ba skyed par byed/ mchog tu dga' ba skyed par byed/ sems shin du sbyangs
194b4 pa skyed par byed/ /sems spro ba skyed par byed cing de rgyu de dang / rkyen de dang / gzhi des bla na med pa yang dag par rdzogs pa'i byang chub tu sems skyed par byed na de ni byang chub kyi sems 'dod pa'i rgyu bzhi
194b5 pa yin no/ /gzhan yang de sems can rnams la phan pa dang / bde ba kho na'i don du sbyin pa sbyin par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam
194b6 gtan la mnyam par 'jog par byed/ shes rab sgom par byed pa yin te/ de la ji ltar na sbyin pa sbyin par byed pa yin zhe na/ zas 'dod pa rnams la zas dang / skom 'dod pa rnams la skom dang / gzhon
194b7 pa 'dod pa rnams la gzhon pa dang / mal cha 'dod pa rnams la mal cha dang / gos 'dod pa rnams la gos dang / gdu bu dang / dpung rgyan dang / rna cha gdub kor dang / rgyan 'dod pa rnams la rgyan sbyin
194b8 par byed pa yin te/ rigs kyi bu mdor na rang gi sha dag gis kyang sems can rnams la phan 'dogs par byed de/ de ltar sbyin pa sbyin par byed do/ /sbyin pa de yang bla na med pa yang dag par rdzogs pa'i
195a1 byang chub tu yongs su bsngo bar byed la sbyin pa des kyang rlom sems su mi byed do/ /de la ji ltar na tshul khrims srung bar byed pa yin zhe na/ de lus kyis legs par bsdams pa dang / ngag gis legs
195a2 par bsdams pa dang / yid kyis legs par bsdams pa dang / de lus kyis nyes par spyod pa thams cad kyi thams cad rnam pa thams cad kyi thams cad du yongs su spong bar byed pa dang / ngag gis nyes par spyod pa dang /
195a3 yid kyis nyes par spyod pa thams cad kyi thams cad rnam pa thams cad kyi thams cad du yongs su spong bar byed la tshul khrims ma nyams pa dang / ma ral pa dang / ma 'dres pa dang / nag nog tu ma gyur par srung bar
195a4 byed de/ de ltar tshul khrims srung bar byed do/ /tshul khrims de yang bla na med pa yang dag par rdzogs pa'i byang chub tu yongs su bsngo bar byed la tshul khrims des kyang rlom sems su mi byed do/ /de la ji ltar na bzod pa sgom
195a5 par byed pa yin zhe na/ de la khyim na gnas pa 'am/ rab tu byung ba dag gis spyos sam/ brgyad bkag gam/ brdegs sam/ bcogs sam/ bcings sam/ go rar bcug gam/ gzhus sam/ rnam par gtses na yang
195a6 bzod par byed/ dang du len par byed de/ de ltar bzod pa sgom par byed do/ /bzod pa de yang bla na med pa yang dag par rdzogs pa'i byang chub tu yongs su sngo bar byed la bzod pa des kyang rlom sems su mi byed do/ /de la ji ltar
195a7 na brtson 'grus rtsom par byed pa yin zhe na/ de 'di snyam du sems te/ 'di lta ste/ dper na nam mkha'i khams mtha' yas mu med pa de bzhin du sems can gyi khams kyang mtha' yas mu med pa yin pas/ de dag bdag gcig
195a8 pu gnyis su med pas phung po lhag ma med pa'i mya ngan las 'das pa'i dbyings su dgod par bya'o snyam du sems te/ de rgyu de dang / rkyen de dang / gzhi des brtson 'grus rtsom par byed cing de lus kyi tshor ba la lus dang ldan pa'i dran
195b1 pas nye bar rtog par byed do/ /de tshor ba la nye bar rtog pa la brtson par byed pa na sems la sems kyi rjes su lta zhing gnas pa dang / chos la chos kyi rjes su lta ba la yang brtson par byed do/ /de de ltar dran pa shin tu nye bar gzhag pa
195b2 dang / sdig pa mi dge ba'i chos ma skyes pa rnams mi skyed pa'i phyir 'dun pa skyed/ 'bad par byed/ brtson 'grus rtsom/ sems rab tu 'dzin cing yang dag par rab tu 'jog par byed do/ /sdig pa mi dge ba'i chos skyes
195b3 pa rnams spang ba'i phyir 'dun pa skyed/ 'bad par byed/ brtson 'grus rtsom/ sems rab tu 'dzin cing yang dag par rab tu 'jog par byed do/ /dge ba'i chos ma skyes pa rnams bskyed pa'i phyir 'dun pa skyed/ 'bad par
195b4 byed/ brtson 'grus rtsom/ sems rab tu 'dzin cing yang dag par rab tu 'jog par byed do/ /dge ba'i chos skyes pa rnams gnas pa dang / phyir zhing 'byung ba dang / nyams par mi 'gyur ba dang / brjed par mi 'gyur ba dang /
195b5 yongs su rdzogs par bya ba'i phyir 'dun pa skyed/ 'bad par byed/ brtson 'grus rtsom/ sems rab tu 'dzin cing yang dag par rab tu 'jog par byed do/ /de de ltar brtson 'grus brtsams pa na rdzu 'phrul gyi rkang pa dang po sgom
195b6 par byed do/ /de bzhin du rdzu 'phrul gyi rkang pa gnyis pa dang / gsum pa dang / bzhi pa yang sgom par byed do/ /de de ltar rdzu 'phrul gyi rkang pa yongs su grub pas bskal pa 'am/ bskal pa las lhag par gnas shing
195b7 de bskal pa 'am/ bskal pa las lhag par brtson 'grus kyi pha rol tu phyin pa yongs su rdzogs par byed do/ /de ltar brtson 'grus rtsom par byed do/ /brtson 'grus de yang bla na med pa yang dag par rdzogs pa'i byang chub tu
195b8 yongs su bsngo bar byed la brtson 'grus des kyang rlom sems su mi byed do/ /de la ji ltar na bsam gtan la mnyam par 'jog par byed pa yin zhe na/ 'dod chags dang bral ba la mi gnas pa dang / 'gog pa la mi gnas pa dang /
196a1 rnam par spangs par yongs su ma bsngos pa dang / nang la mi gnas pa dang / phyi rol la mi gnas pa dang / gzugs la mi gnas pa dang / tshor ba la mi gnas pa dang / 'du shes la mi gnas pa dang / 'du byed la
196a2 mi gnas pa dang / rnam par shes pa la mi gnas pa dang / 'dod pa'i khams la mi gnas pa dang / gzugs kyi khams la mi gnas pa dang / gzugs med pa'i khams la mi gnas pa dang / stong pa nyid la mi gnas pa dang / mtshan ma med
196a3 pa la mi gnas pa dang / smon pa med pa la mi gnas pa dang / 'jig rten 'di la mi gnas pa dang / 'jig rten pha rol la mi gnas pa dang / gzugs la mi gnas pa dang / sgra la mi gnas pa dang / dri la mi gnas pa dang / ro la mi
196a4 gnas pa dang / reg la mi gnas pa dang / chos la mi gnas pa dang / sbyin pa la mi gnas pa dang / tshul khrims la mi gnas pa dang / bzod pa la mi gnas pa dang / brtson 'grus la mi gnas pa dang / bsam gtan la
196a5 mi gnas pa dang / shes rab la mi gnas pa yin no/ /rigs kyi bu mdor na chags pa thams cad spangs nas mi gnas par bsam gtan byed de/ de ltar bsam gtan la bsam gtan du byed do/ /bsam
196a6 gtan de yang bla na med pa yang dag par rdzogs pa'i byang chub tu yongs su bsngo bar byed la bsam gtan des kyang rlom sems su mi byed do/ /rigs kyi bu de la ji ltar na shes rab sgom par byed pa yin zhe na
196a7 de 'di snyam du sems te/ sems can gyi khams mu med pa dag yongs su mya ngan las bzlas kyang sems can gcig kyang yongs su mya ngan las bzlas pa med do/ /de ci'i phyir zhe na/ bcom ldan 'das kyis chos thams cad ni bdag med
196a8 pa'o/ /chos thams cad ni sems can med pa'o/ /chos thams cad ni gang zag med pa'o zhes gsungs pa'i phyir ro snyam ste/ de ltar shes rab sgom par byed do/ /shes rab de yang bla na med pa yang dag par rdzogs pa'i
196b1 byang chub tu yongs su bsngo bar byed la shes rab des kyang rlom sems su mi byed de/ rigs kyi bu de ltar na byang chub sems dpa' byang chub kyi sems 'dod pa yin no/ /de nas de'i tshe bcom ldan 'das kyis tshigs su bcad
196b2 pa 'di dag bka' stsal to/ /nor bu rin chen rang bzhin gyis/ /'od 'bar 'byung gnas nyid na 'dug / byi dor byas na de bas ni/ /nyis 'gyur gyis kyang mdzes pa ltar/ /de bzhin rigs dang ldan pa yang / /byang chub sems ni tshol
196b3 byed de/ /mtha' gnyis rnam par dag pa yi/ /spyod yul du ni bdud mi 'ong / /rigs gyi bu de la ji ltar byang chub sems dpa' chos 'dod pa yin zhe na/ rigs kyi bu 'di la byang chub sems dpa' rang bzhin gyis chos don du
196b4 gnyer ba dang / chos 'dod pa dang / chos la dga' ba dang / chos kyi kun dga' la sbyor ba'i rjes su brtson pa yin te/ des dge sbyong ngam/ bram ze 'am/ bkres pas nyen cing zas 'dod pa gzhan dag mthong na des de dag la
196b5 ldam ldum 'am/ sngo rngad dam/ bza' bca' ci bdog cing yod pa dag sbyin par byed cing de 'jig rten gyi 'tsho ba dang / yo byed 'di lta ste/ rtsa ba dang 'bras bu dang / sdong bu la sogs pa gang dag yin pa de dag kyang bsags shing bsags
196b6 shing sems can rnams la sbyin par byed pa dang / de dam pa'i chos 'dzin pa rnams kyi drung du song ste gus par smra ba dang / phyag bya ba dang / mngon par ldang ba dang / thal mo sbyar ba dang / gus par bya ba'i las dag byas nas rjes dang bcas/ gus pa
196b7 dang bcas pas tshul bzhin du dri ba 'dri bar byed cing de'i 'og tu de la dam pa'i chos 'dzin pa de yang ji ltar dri ba dris pa de bzhin du lan 'debs par byed la/ de yang dam pa'i chos 'dzin pa de la ston par 'du shes skyed par byed/ dge ba'i
196b8 bshes gnyen du 'du shes skyed par byed/ 'khor ba'i rgya mtsho las sgrol bar byed par 'du shes skyed par byed/ mkhan por 'du shes skyed par byed/ slob dpon du 'du shes skyed par byed/ bdag yun ring po nas 'khor ba'i dgon par
197a1 'khyams pa tshol bar byed pa yin par 'du shes skyed par byed bdag yun ring po nas gti mug gis bsgribs shing gnyid log pa'i gnyid sad par byed pa yin no zhes sad par byed pa yin par 'du shes skyed par byed/ bdag 'khor ba'i rgya mtsho'i
197a2 'dam du bying bar 'byin par byed pa yin no zhes 'byin par byed pa yin par 'du shes skyed par byed/ bdag lam ngan par zhugs pa la lam bzang po ston par byed pa yin no zhes lam ston par byed pa yin par 'du shes skyed par byed/ bdag
197a3 'khor ba'i btson rar bcings pa 'grol ba yin no zhes 'grol bar byed pa yin par 'du shes skyed par byed/ bdag yun ring po nas nyam thag pa'i sman pa dam pa yin no zhes sman pa dam pa yin par 'du shes skyed par byed/ bdag 'dod
197a4 chags kyi me dang / zhe sdang gi me dang / gti mug gi mes kun du 'bar bar 'gyur ba rab tu zhi bar byed pa yin no zhes char sprin chen po yin par 'du shes skyed par byed cing de chos kyi rgyu dang / chos kyi gzhi dang / chos kyi ched kyi phyir tshab
197a5 yang khyad du gsod/ grang ba dang / rlung dang / nyi ma dang / sha sprang dang / sprang bu mchu rings dang / sdig sbrul gyis reg pa yang khyad du gsod/ bkres pa yang khyad du gsod/ skom pa yang khyad du gsod/ gzhan dag bde ba dag mthong
197a6 na yang 'dod pa'i sems skyed par mi byed par de 'di snyam du sems te/ bdag la dam pa'i chos mnyan pa'i snang ba 'char bas na bdag ni 'jig rten na bde ba yin no snyam du sems te/ de rgyu de dang / rkyen de dang / gzhi des
197a7 mya ngan mi byed/ smre sngags mi 'don cing sdug bsngal ba dang / yid mi bde ba'i sems skyed par mi byed la de mya ngan dang / smre sngags 'don pa dang / sdug bsngal ba dang / yid mi bde ba dang bral bas bdag de bzhin gshegs
197a8 pas gsungs pa'i chos tshig gcig tsam gyi phyir yang bskal pa 'am/ bskal pa las lhag par sems can dmyal ba chen po mnar med par gnas par spro'o snyam pa de lta bu'i sems skye bar 'gyur zhing de de ltar
197b1 yid yongs su skyo ba med pas na bsgrim mi dgos pa kho nar rnam pa thams cad mkhyen pa nyid yang dag par sgrub par byed cing sangs rgyas kyi chos ma thob pa rnams kyang thob par byed pa yin te/ rigs kyi bu de ltar na byang chub sems
197b2 dpa' chos 'dod pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /rgyal ba'i sras po shes rab che/ /chos 'dod par ni gyur ba rnams/ /dam chos yongs su tshol ba na/ /
197b3 skyo ba skyed par mi byed do/ /gus pas dam chos yongs tshol ba'i/ /rgyal ba'i thugs las skyes pa rnams/ /sems kyis 'dzin par byed pa dang / /nan tan gyis ni sgrub pa yin/ /rigs kyi bu de la ji ltar na byang chub
197b4 sems dpa' chos la nye bar rtog par byed pa yin zhe na/ rigs kyi bu 'di la byang chub sems dpa' chos la nye bar rtog par byed de/ chos thams cad ni byis pa so so'i skye bo kun du rmongs par byed pa'i phyir sgyu ma lta
197b5 bu'o/ /chos thams cad ni yod pa ma yin pa'i phyir rmi lam lta bu'o/ /chos thams cad ni dngos po med pa'i phyir chu zla lta bu'o/ /chos thams cad ni sems can med pa'i phyir mig yor lta bu'o/ /chos thams
197b6 cad ni yang dag pa ma yin pa kun du brtags pa'i phyir gzugs brnyan lta bu'o/ /chos thams cad ni byung nas 'jig cing 'ju ba'i phyir brag cha lta bu'o/ /chos thams cad ni rten cing 'brel bar 'byung ba yin
197b7 pa'i phyir byung nas 'jig cing 'ju ba yin no/ /chos thams cad ni de bzhin nyid la yang dag par gzhol ba'i phyir ma skyes pa yin no/ /chos thams cad ni mi skyes pa'i phyir ma 'gags pa yin no/ /chos thams cad ni byed
197b8 pa po med pa'i phyir bcos ma ma yin no/ /chos thams cad ni gos pa med pa'i phyir nam mkha' lta bu yin no/ /chos thams cad ni rang bzhin gyis kun du 'bar ba ma yin pa'i phyir zhi ba yin no/ /chos thams cad ni rang bzhin
198a1 gyis kun nas nyon mongs pa can ma yin pa'i phyir gzod ma nas yongs su dag pa yin no/ /chos thams cad ni dri ma thams cad dang bral ba'i phyir dri ma med pa yin no/ /chos thams cad ni nyon mongs pa dang
198a2 bral ba'i phyir gzod ma nas yongs su mya ngan las 'das pa yin no/ /chos thams cad ni nges par snang ba ma yin pa'i phyir gzugs can ma yin no/ /chos thams cad ni lus med pa'i phyir rnam par shes pa'i
198a3 yul las yang dag par 'das pa yin no/ /chos thams cad ni gnas yang dag par bcom pa'i phyir mi gnas pa yin no/ /chos thams cad ni rjes su chags pa dang / khong khro ba spangs pa'i phyir rnam par shes par bya ba
198a4 ma yin pa yin no/ /chos thams cad ni nyon mongs pa'i spyod yul las yang dag par 'das pa'i phyir gnas med pa yin no/ /chos thams cad ni thabs la mkhas pa'i rig pa dang bral ba'i phyir sbrul gdug pa lta
198a5 bu yin no/ /chos thams cad ni snying po med pa'i phyir chu shing gi sdong bu lta bu yin no/ /chos thams cad ni rang bzhin gyis nyam chung ba'i phyir dbu ba rdos pa lta bu yin no/ /zhes nye bar rtog par byed pa yin te/ rigs kyi bu de ltar
198a6 na byang chub sems dpa' chos la nye bar rtog par byed pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /chos kun sgyu ma lta bu ste/ /byis pa rnams kyi sems rmongs byed/ /yang dag ma
198a7 yin rmi 'dra ba/ /de ltar ltos shig dge slong dag /chos rnams chu zla lta bu ste/ /mig yor gyis ni kun nas bslang / /chos rnams gzugs brnyan lta bur ni/ /mkhas pa su zhig rtog mi byed/ /rigs kyi bu de la ji ltar na byang chub sems
198a8 dpa' chos kyi rjes su 'thun pa'i chos la zhugs pa yin zhe na/ rigs kyi bu 'di la byang chub sems dpa' gzugs mi rtag go zhes yang dag par rjes su lta zhing gzugs la 'dod chags dang bral ba'i phyir chos kyi dbyings mngon sum du mi byed par chos kyi dbyings
198b1 kyi 'khor gyi chos rnams yang dag pa'i shes rab kyis legs par rtogs par byed cing de dag gi mtshan ma rnams dang / legs par bshad pa rnams dang / legs par mtshan btab pa rnams legs par zin par byed la mtshan
198b2 ma dang legs par bshad pa dang / legs par mtshan btab pa legs par bzung ba de dag la de'i chos kyi dbyings kyi lam rtsom pa med pa kho nar 'jug pa dang / de bzhin du tshor ba dang / 'du shes dang / 'du byed dang / rnam par shes
198b3 pa mi rtag go zhes yang dag par rjes su lta zhing rnam par shes pa la 'dod chags dang bral ba'i phyir chos kyi dbyings mngon sum du mi byed par chos kyi dbyings kyi 'khor gyi chos rnams yang dag pa'i shes rab kyis legs par
198b4 rtogs par byed cing de dag gi mtshan ma dang / legs par bshad pa dang / legs par mtshan btab pa de dag legs par zin par byed la mtshan ma dang / legs par bshad pa dang / legs par mtshan btab pa legs par bzung
198b5 ba de dag la de'i chos kyi dbyings kyi lam rtsom pa med pa kho nar 'jug pa dang / mi rtag pa la ji lta ba bzhin du sdug bsngal ba dang / stong pa dang / bdag med pa la yang de bzhin te/ de gzugs bdag med do zhes yang dag par
198b6 rjes su lta zhing gzugs bdag med do/ /zhes yang dag par rjes su lta ba na gzugs kyis mi skrag mi dngang zhing dngang bar mi 'gyur ro/ /de ci'i phyir zhe na/ gzugs ni yang dag pa ma yin pa'i yongs su rtogs pas kun nas
198b7 bslang ba yin la/ des de yang dag pa ji lta ba bzhin du shes pa'i phyir ro/ /de bzhin du tshor ba dang / 'du shes dang / 'du byed dang / rnam par shes pa bdag med do zhes bya bar yang dag par rjes su lta zhing rnam par shes pa bdag med
198b8 do/ /zhes yang dag par rjes su lta ba na rnam par shes pas mi skrag mi dngang zhing dngang bar mi 'gyur ro/ /de ci'i phyir zhe na/ rnam par shes pa ni yang dag pa ma yin pa yongs su rtog pas kun nas bslang ba yin la/ des de yang
199a1 dag pa ji lta ba bzhin du shes pa'i phyir ro/ /rigs kyi bu 'di lta ste/ dper na sgyu ma mkhan nam sgyu ma mkhan gyi slob ma mkhas pa zhig gis skye bo phal po che'i mdun du sgyu mar byas pa rnam pa sna tshogs 'di lta ste/
199a2 glang po che'i tshogs sam/ rta'i tshogs sam/ shing rta'i tshogs sam/ dpung bu chung gi tshogs dag mngon par sprul te bstan par gyur na skyes bu mkhas pa'i rang bzhin can ni de mthong na mi skrag mi dngang zhing dngang bar mi 'gyur
199a3 ro/ /de ci'i phyir zhe na/ des de ni sgyu mar byas pa ste/ yang dag pa ma yin pa dang / yod pa ma yin pa dang / brdzun pa dang / slu bar byed pa'i chos yin par rig cing kun du shes pa'i phyir ro/ /rigs kyi bu de bzhin du byang chub sems dpa'
199a4 yang gzugs bdag med do zhes yang dag par rjes su lta ba na mi skrag mi dngang zhing dngang bar mi 'gyur ro/ /de ci'i phyir zhe na/ gzugs ni yang dag pa ma yin pa yongs su rtog pas kun nas bslang pa yin la/ des de yang dag pa
199a5 ji lta ba bzhin du shes pa'i phyir ro/ /de bzhin du tshor ba dang / 'du shes dang / 'du byed dang / rnam par shes pa bdag med do/ /zhes yang dag par rjes su lta ba na/ rnam par shes pas mi skrag mi dngang zhing dngang bar mi 'gyur ro/ /
199a6 de ci'i phyir zhe na/ rnam par shes pa ni yang dag pa ma yin pa yongs su rtog pas kun nas bslang ba yin la/ des de yang dag pa ji lta ba bzhin du shes pa'i phyir ro/ /de nas bcom ldan 'das la byang chub sems dpa'
199a7 sems dpa' chen po dge ba dri med rnam dag rin chen zla 'od rgyal pos 'di skad ces gsol to/ /bcom ldan 'das ji ltar na byang chub sems dpa' gzugs mi rtag par yang dag par rjes su lta zhing gzugs la 'dod chags dang
199a8 bral ba'i slad du chos kyi dbyings mngon sum du mi bgyid par chos kyi dbyings kyi 'khor gyi chos rnams yang dag pa'i shes rab kyis legs par rtogs par bgyid pa lags/ de skad ces gsol pa dang / bcom ldan
199b1 'das kyis byang chub sems dpa' sems dpa' chen po dge ba dri med rnam dag rin chen zla 'od rgyal po la 'di skad ces bka' stsal to/ /rigs kyi bu 'di na skyes bu mkhas pa la la dpes bshad pa'i don kun shes par 'gyur
199b2 bas na de'i phyir dpe brjod par byas nyon cig rigs kyi bu 'di lta ste dper na shes rab dang ldan pa'i rang bzhin can gyi mi la la zhig dug spyod par gyur na des dus dus su dug de byi dor byed/ sbed par byed/ nor du byed/ bdag gir byed
199b3 cing yo byed rnam pa sna tshogs dag tu 'tshod par byed kyi de za bar mi byed do/ /de ci'i phyir zhe na/ gzhi 'dis bdag gi srog gi bar chad du 'gyur du 'ong ngo snyam du sems pa'i phyir ro/ /rigs kyi bu de bzhin du byang chub sems dpa' yang
199b4 mya ngan las 'das pa la sems pa dang / mya ngan las 'das pa la gzhol ba dang / mya ngan las 'das pa la 'bab pa dang / mya ngan las 'das pa 'bab par yang byed mod kyi/ mya ngan las 'das pa de mngon sum du ni mi byed do/ /
199b5 de ci'i phyir zhe na/ gzhi 'dis bdag byang chub las ldog par 'gyur du 'ong ngo snyam du sems pa'i phyir ro/ /rigs kyi bu 'di lta ste/ dper na shes rab dang ldan pa'i rang bzhin can gyi mi la la zhig me spyod par gyur na de dus dus su
199b6 me de la bkur sti byed/ bla mar byed/ ri mor byed/ mchod pa byed/ legs par rim gro byed kyang / de 'di snyam du bdag gis me 'di la bkur sti byas/ bla mar byas/ ri mos byas/ mchod pa byas/ legs par rim gro byas mod kyi/ 'di la
199b7 lag pa gnyis kyis ni gzung bar mi bya'o snyam du sems so/ /de ci'i phyir zhe na/ gzhi 'dis bdag la lus kyi sdug bsngal dang / yi sems kyi yid mi bde ba 'byung bar 'gyur du 'ong ngo snyam du sems pa'i phyir ro/ /rigs kyi bu de bzhin
199b8 du byang chub sems dpa' yang mya ngan las 'das pa la sems pa dang / mya ngan las 'das pa la gzhol ba dang / mya ngan las 'das pa la 'bad pa dang mya ngan las 'das pa la bab par yang byed mod kyi/ mya ngan las
200a1 'das pa de mngon sum du ni mi byed do/ /de ci'i phyir zhe na/ gzhi 'dis bdag byang chub las ldog par gyur du 'ong ngo snyam du sems pa'i phyir ro/ /de skad ces bka' stsal pa dang / bcom ldan 'das byang chub
200a2 sems dpa' sems dpa' chen po dge ba dri med rnam dag rin chen zla 'od rgyal pos 'di skad ces gsol to/ /bcom ldan 'das bdag gis bcom ldan 'das kyis gsungs pa'i don 'tshal ba ltar na/ byang chub sems
200a3 dpa' ni 'khor ba kho nar gnas par bgyi ba lags so/ /bcom ldan 'das kyis bka' stsal pa/ rigs kyi bu de de bzhin no/ /ji skad smras pa de bzhin te/ byang chub sems dpa' ni 'khor ba kho nar gnas par bya ba yin no/ /
200a4 gsol pa/ bcom ldan 'das ji ltar na byang chub sems dpa' 'khor ba na 'khor ba'i tshe 'khor ba'i skyon rnams kyis mi gos pa lags/ bcom ldan 'das kyis bka' stsal pa/ rigs kyi bu de'i phyir dpe brjod par
200a5 byas nyon cig rigs kyi bu 'di lta ste/ dper na sbrul 'dzin pa'i mis gsang sngags dang / sman gyi stobs bskyed pa chen po dang ldan pa ni sbrul gdug pa dag dang / lhan cig tu rtse zhing dga' la dga' mgur skyod par byed
200a6 kyang gzhi des de'i srog gi bar chad byed par yang mi 'gyur ro/ /de ci'i phyir zhe na/ 'di lta ste/ shes rab dang / thabs dang / rig pa'i gsang sngags dang / sman gyi stobs bskyed pa'i phyir ro/ /de skad ces bka' stsal pa dang / bcom ldan 'das
200a7 la byang chub sems dpa' sems dpa' chen po dge ba dri med rnam dag rin chen zla 'od rgyal pos 'di skad ces gsol to/ /bcom ldan 'das ji ltar byang chub sems dpa' sems dpa' chen po dag mya ngan las 'das pa
200a8 de yang mngon sum du mi bgyid la/ 'khor ba'i skyon de dag gis kyang mi gos pa ni bcom ldan 'das ngo mtshar lags so/ /bde bar gshegs pa ngo mtshar lags so/ /bcom ldan 'das shin du ngo mtshar lags so/ /bde bar
200b1 gshegs pa shin du ngo mtshar lags te/ bcom ldan 'das bdag byang chub sems dpa' de dag la skyabs su mchi lags so/ /bcom ldan 'das sems can gang dag chos kyi rnam grangs 'di thos nas tha na sems dang ba gcig
200b2 tsam rnyed par gyur ba de dag ni dge ba'i rtsa ba ngan ngon dang ldan pa ma lags so/ /bcom ldan 'das rigs kyi bu dang / rigs kyi bu mo gang dag chos bstan pa 'di bshad pa na nyan par bgyid pa de dag ni bla na med pa yang dag par
200b3 rdzogs pa'i byang chub tu lung bstan par 'gyur ba lags so/ /bcom ldan 'das kyis bka' stsal pa/ rigs kyi bu de de bzhin no/ /ji skad smras pa de bzhin te/ rigs kyi bu dang / rigs kyi bu mo gang dag chos bstan pa 'di bshad
200b4 pa na nyan par byed pa de dag ni bla na med pa yang dag par rdzogs pa'i byang chub tu lung bstan par 'gyur ba yin no/ /chos bstan pa 'di bshad pa na dge slong lnga brgya po de dag len pa med par zag pa rnams las sems rnam par
200b5 grol bar gyur nas sems rnam par grol ba de dag stan las langs te/ bla gos phrag pa gcig tu gzar nas pus mo g.yas pa'i lha nga dag sa la btsugs te/ bcom ldan 'das ga la ba de logs su thal mo sbyar ba dag
200b6 btud nas bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po rnams ni phyag bgyi bar 'os pa lags so/ /bde bar gshegs pa byang chub sems dpa' sems
200b7 dpa' chen po rnams ni phyag bgyi bar 'os pa lags so/ /bcom ldan 'das kyis bka' stsal pa/ dge slong dag de de bzhin te/ ji skad smras pa de bzhin no/ /de nas de'i tshe bcom ldan 'das kyis tshigs su bcad pa
200b8 'di dag bka' stsal to/ /grags chen thabs la mkhas pa dang / /shes rab khyad par 'phags pa yis/ /nyan thos rnams kyi sa dag las/ /yang dag 'das par gyur ba dang / /phung po skye 'jig zad 'gyur bar/ /yang dag ji bzhin
201a1 shes gyur kyang / /'gro ba nyam thag 'di mthong nas/ /mya ngan 'da' bar mi 'gro ba'i/ /shes rab che rnams phyag bya'i 'os/ /'jigs pa med rnams phyag bya'i 'os/ /spyan yangs ldan rnams phyag bya'i 'os/ /
201a2 rgyal ba'i sras rnams phyag bya'i 'os/ /rigs kyi bu de ltar na byang chub sems dpa' chos kyi rjes su 'thun pa'i chos la zhugs pa yin no/ /rigs kyi bu de la ji ltar na byang chub sems dpa' nga rgyal dang / che ba'i nga rgyal dang bral
201a3 ba yin zhe na/ rigs kyi bu 'di la nga rgyal zhes bya ba ni bdag ni gzhan dag dang / rigs dang / rus dang / gzugs dang / mgron bu dang / gser dang / nor dang / yo byad gang yang rung ba dag gam/ glang po che'i tshogs sam/ rta'i tshogs sam/
201a4 shing rta'i tshogs sam/ dpung bu chung gi tshogs dag mi mtshungs so snyam du 'gran par byed cing de ltar sems mngon par mtho bar byed pa gang yin pa ste/ de ni nga rgyal zhes bya'o/ /che ba'i nga rgyal zhes bya ba ni bdag ni gzhan
201a5 dag pas rigs dang / rus dang / gzugs dang / 'gron bu dang / gser dang / nor dang / 'bru phun sum tshogs pa dag gam/ glang po che'i tshogs sam/ rta'i tshogs sam/ shing rta'i tshogs sam/ dpung bu chung gi tshogs
201a6 dag gis khyad par du 'phags pa yin no snyam du sems la/ de ltar sems khengs shing mi 'dud pa gang yin pa ste/ de ni che ba'i nga rgyal zhes bya'o/ /byang chub sems dpa'i ni de dag bral bas na de'i phyir nga rgyal dang /
201a7 che ba'i nga rgyal dang bral ba zhes bya'o/ /de nas de'i tshe bcom ldan 'das kyi tshigs su bcad pa 'di dag bka' stsal to/ /nga rgyal che ba'i nga rgyal bral zhing rtag tu byams pa'i sems/ /snying rje'i yid dang ldan zhing 'gro
201a8 ba dag la bag yod pa'i/ /sems dpa' gtso bo yangs pa 'di na bsod snyoms spyod byed cing / /lha dang mi rnams dag la phan brjod par byed pa yin// // // bam po gnyis pa// // //
201b1 rigs kyi bu de la ji ltar na byang chub sems dpa' dgongs te gsungs pa rtogs par bya ba la mkhas pa yin zhe na/ rigs kyi bu 'di la byang chub sems dpa' de bzhin gshegs pas dgongs te gsungs ba'i mdo sde
201b2 zab mo zab mo gang dag yin pa de dag la sgra ji bzhin kho nar mngon par zhen par mi byed pa yin te/ de la de bzhin gshegs pas dgongs te gsungs pa de dag kyang gang zhe na/ 'di lta ste/ de bzhin gshegs pas nyan thos
201b3 rnams bla na med pa yang dag par rdzogs pa'i byang chub tu lung bstan to/ /zhes gsungs pa ni de ltar mi blta'o/ /kun dga' bo nga ni ro rgyab na'o zhes gsungs pa yang de ltar mi blta'o/ /nga ni rgas 'khogs te gtugs
201b4 pa yin gyis/ nga'i bsnyen bkur ba tshol cig ces gsungs pa yang de ltar mi blta'o/ /maud gal gyi bu khyod song la sman pa'i rgyal po 'tsho byed kyi gan nas sman long shig dang bza' bar bya'o/ /zhes gsungs pa yang
201b5 de ltar mi blta'o/ /de bzhin gshegs pa ni gzhan mu stegs can spyod pa pa dang / kun du rgyu dag dang lhan cig tu tshigs gis rtsod par byed do/ /zhes gsungs pa yang de ltar mi blta'o/ /de bzhin gshegs pa'i zhabs
201b6 la seng ldeng gi tshal pa zug go zhes gsungs pa yang de ltar mi blta'o/ /skyes bu dam pa ma yin pa lhas byin ni yun ring po nas de bzhin gshegs pa'i gshed ma dang / gcugs can dang / phyir rgol ba dang /
201b7 dgra bor gyur ba yin no/ /zhes gsungs pa yang de ltar mi blta'o/ /de bzhin gshegs pa ni bsod snyoms kyi phyir bram ze'i grongs la can du ji ltar lhung bzed bkrus pas zhugs pa bzhin du phyir byung ngo / /
201b8 zhes gsungs pa yang de ltar mi blta'o/ /bram ze'i bu mo dregs mas shing gi gzhong bu lto bar bcings te/ de bzhin gshegs pa'i skur ba btab po zhes gsungs pa yang de ltar mi blta'o/ /
202a1 de bzhin gshegs pa nyon mongs med kyi ljongs su dbyar gnas par zhal gyis bzhes pa na zla ba gsum du rta chas kyi nas dag gsol to/ /zhes gsungs pa yang de ltar mi blta'o/ /de skad ces bka'
202a2 stsal pa dang / bcom ldan 'das la byang chub sems dpa' sems dpa' chen po dge ba dri med rnam dag rin chen zla 'od rgyal pos 'di skad ces gsol to/ /bcom ldan 'das de bzhin gshegs pas nyan thos rnams
202a3 bla na med pa yang dag par rdzogs pa'i byang chub tu lung bstan pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu ngas nyan thos rnams bla na med pa yang dag par rdzogs pa'i
202a4 byang chub tu lung bstan pa gang yin pa de ni rigs las brtag te lung bstan to/ /gsol pa bcom ldan 'das nyan thos zag pa zad pa/ srid par kun du sbyor ba yang dag par rgyun chad pa dag la rigs mchis su
202a5 lags kyang ji ltar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ bcom ldan 'das kyis bka' stsal pa/ rigs kyi bu de'i phyir dpe nyon cig rigs kyi bu 'di lta ste/
202a6 dper na rgyal po rgyal rigs spyi bo nas dbang bskur ba zhig la bu zhig bdog par gyur la de yang bzo'i gnas thams cad slob par byed cing de dbang po rtul la dbang po mi rno ba zhig yin pas de phyis bslab par bya ba gang yin pa de ni
202a7 sngar slob par byed la/ sngar bslab par bya ba gang yin pa de ni phyis slob par byed na rigs kyi bu 'di ji snyam du sems/ de gzhi nges rgyal po'i bu ma yin no/ /zhes brjod par bya ba yin snyam 'am
202a8 gsol pa bcom ldan 'das de ni ma lags so/ /bde bar gshegs pa de ni ma lags te/ de ni rgyal po'i bu zhes bgyi lags so/ /bcom ldan 'das kyis bka' stsal pa/ rigs kyi bu de bzhin du rigs dang ldan pa'i byang chub
202b1 sems dpa' dbang po rtul po yang sgom pa'i lam gyis sngar nyon mongs pa rnams zad par byed cing phyis bla na med pa yang dag par rdzogs pa'i byang chub mngon par rdzogs par 'tshang rgya bar byed na rigs kyi bu 'di ji snyam
202b2 du sems/ des gzhi des mngon par rdzogs par 'tshang mi rgya'o zhes bya snyam 'am/ gsol pa/ bcom ldan 'das bdag gis gang 'dod chen pa ma gtogs par mngon par rdzogs par 'tshang mi rgya'o zhes de skad mchi
202b3 ba'i sems can de dag ni lha dang bcas pa dang / bdud dang bcas pa dang / dge sbyong dang / bram zer bcas pa'i skye dgu dang / lha dang mi dang / lha ma yin du bcas pa'i 'jig rten na yang dag par rjes su ma mthong lags so/ /
202b4 bcom ldan 'das kyis bka' stsal pa/ rigs kyi bu dpe gzhan yang nyon cig /rigs kyi bu 'di ji snyam du sems/ byang chub sems dpa' sa bcu pa la gnas pa nyon mongs pa'i sgrib pa zad nas byang chub kyi snying
202b5 po la 'jug gam/ 'on te ma zad pas 'jug snyam/ gsol pa/ bcom ldan 'das bas nas mchis lags so/ /bde bar gshegs pa bas nas mchis lags so/ /bcom ldan 'das kyis bka' stsal pa/ rigs
202b6 kyi bu de ji snyam du sems/ de gzhi des mngon par rdzogs par 'tshang mi rgya snyam 'am/ gsol pa/ bcom ldan 'das mngon par rdzogs par 'tshang rgya lags so/ /bde bar gshegs pa mngon par rdzogs par 'tshang
202b7 rgya lags so/ /bcom ldan 'das kyis bka' stsal pa/ rigs kyi bu 'di la yang de dang 'dra bar blta bar bya'o/ /gsol pa/ bcom ldan 'das kun dga' bo nga ni ro rgyab na'o zhes gsungs pa de ji ltar blta bar bgyi lags
202b8 bcom ldan 'das kyis bka' stsal pa/ rigs kyi bu ngas phyi ma'i skye bo de bzhin gshegs pa'i sku rdo rje ltar sra ba yang sku ro rgyab bsnyung na gzhan dag lta smos kyang ci dgos snyam du sems pa la thugs brtse bas de skad
203a1 gsungs pa yin na/ de la mi blun po kha cig de bzhin gshegs pa'i sku ro rgyab bsnyung zhe'o/ /zhes sgra ji bzhin kho nar 'dzin par byed de/ de dag ni rang yang nyams par byas la gzhan
203a2 yang nyams par byed pa yin te/ de bzhin gshegs pas de las dgongs nas de skad gsungs so/ /gsol pa bcom ldan 'das nga ni rgas 'khogs te gtugs pa yin gyis/ nga'i bsnyen bkur ba tshol cig ces
203a3 gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu de yang ngas phyi ma'i skye bo rnams la thugs brtse bas nga'i nyan thos rgas 'khogs te gtugs pa gang dag gi lus la
203a4 bsnyen bkur ba dgos pa dag 'byung bar 'gyur ba de dag de bzhin gshegs pas rjes su ma gnang ngo / /zhes 'phongs par mi 'gyur bar bya ba'i phyir de skad gsungs te/ de bzhin gshegs pas de las dgongs nas de
203a5 skad gsungs pa yin na/ de la mi blun po kha cig de bzhin gshegs pa bgres 'khogs te/ gtugs so zhes sgra ji bzhin kho nar 'dzin par byed de/ de dag kyang rang yang nyams par byas la gzhan yang
203a6 nyams par byed pa yin no/ /gsol pa/ bcom ldan 'das maud gal gyi bu khyod song la sman pa'i rgyal po 'tsho byed kyi gan nas sman long shig dang / bza' bar bya'o zhes gsungs pa de ji ltar blta bar
203a7 bgyi lags/ bcom ldan 'das kyis bka' stsal pa/ rigs kyi bu de yang ngas phyi ma'i skye bo rnams la thugs brtse bas nga'i nyan thos gang dag la sman dgos pa dag 'byung bar 'gyur ba de dag
203a8 de bzhin gshegs pas rjes su ma gnang ngo / /zhes 'phongs bar mi 'gyur bar bya ba'i phyir de skad gsungs te/ de bzhin gshegs pas de las dgongs nas de skad gsungs pa yin na/
203b1 de la mi blun po kha cig sman pa'i rgyal po 'tsho byed kyis dge slong maud gal gyi bu la rje sa med pa dang / gus par sgrim pa med pa ma yin par bstan cing dris na yang rings pa rings
203b2 pa kho nar bsnyun gyi gsos sman bstan pa las na/ de bzhin gshegs pa ni sku la bsnyun mnga' ba yin no snyam pa dang / de bzhin gshegs pa'i sku de la
203b3 yang nyes dmigs dag snang ste/ ches mthong ba rnams la yang de lta bu'i bag med pa dag 'byung bar gyur na/ so so'i skye bo dag la lta smos kyang ci dgos/ zhes sgra ji bzhin
203b4 kho nar 'dzin par byed de/ de dag kyang rang yang nyams par byas la gzhan yang nyams par byed pa yin no/ /gsol pa/ bcom ldan 'das de bzhin gshegs pa ni gzhan mu stegs can
203b5 spyod pa pa dang / kun du rgyu dag dang lhan cig tu tshig gis rtsod par byed do/ /zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu de yang
203b6 ngas phyi ma'i skye bo/ de bzhin gshegs pa nyid la skye bo dgra bo dang / phyir rgol ba dag yod na bdag cag la lta smos kyang ci dgos/ snyam du sems pa dag la thugs brtse
203b7 bas de skad ces gsungs pa dag yin na/ de la mi blun po de dag de bzhin gshegs pa la yang dgra bo dang / phyir rgol ba dag yod do/ /zhes sgra ji bzhin kho nar 'dzin par byed de/
203b8 rigs kyi bu 'khor los bsgyur ba'i rgyal po dge ba'i rtsa ba chung ngu dang ldan pa la yang dgra bo dang / phyir rgol ba bdag med na de bzhin gshegs pa bsod nams kyi chu bo chen
204a1 po dang ldan pa la lta smos kyang ci dgos/ gsol pa/ bcom ldan 'das de bzhin gshegs pa'i zhabs la seng ldeng gi tshal pa zug go/ zhes gsungs pa de ji ltar
204a2 blta bar bgyi lags/ bcom ldan 'das kyis bka' stsal pa/ rigs kyi bu de bzhin gshegs pa ni las bdag gir bya ba nyid ston par mdzad de/ de bzhin gshegs pa nyid la yang sngon
204a3 byas pa'i las dag yod na/ gzhan dag la lta smos kyang ci dgos/ shes rgyu de dang rkyen de dang / gzhi des sdig pa'i las la mi dga' zhing dga' bar mi 'gyur ba'i don gyi dbang de gzigs
204a4 pas na/ de bzhin gshegs pa las bdag gir bya ba nyid ston par mdzad pa yin na/ de la mi blun po de dag de bzhin gshegs pa'i zhabs la seng ldeng gi tshal pa zug go/ zhes sgra ji bzhin kho
204a5 nar 'dzin par byed do/ /gsol pa/ bcom ldan 'das skyes bu dam pa ma yin pa lhas byin ni yun ring po nas de bzhin gshegs pa'i gshed ma dang / gcugs can dang / phyir
204a6 rgol ba dang / dgra bor gyur ba yin no/ /zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu gal te skyes bu dam
204a7 pa lhas byin med par gyur na/ de bzhin gshegs pa la sangs rgyas kyi che ba'i bdag nyid gcig kyang yod par mi mngon te/ rigs kyi bu gang gi phyir skyes bu dam pa lhas byin gyis
204a8 de bzhin gshegs pa la brtsad pa dang / bsgrun pa dang / phyir brgal ba dag bstan pa de'i phyir/ de bzhin gshegs pa la sangs rgyas kyi che ba'i bdag nyid dag yod par mngon no/ /
204b1 rigs kyi bu rgyal po'i tshig gis skyes bu dam pa lhas byin 'dis de bzhin gshegs pa rnam par gzhom par bya'o/ /snyam nas grong bar gyi dbus nas de bzhin gshegs pa la glang po che
204b2 chen po nor skyong spad par gyur ba gang yin pa de de bzhin gshegs pas btul cing rnam par btul nas dul bar mdzad de/ skye bo phal po ches de mthong nas ngo mtshar du 'dzin cing rmad du byung bar
204b3 mdzad nas dkon mchog gsum po 'di lta ste/ sangs rgyas dkon mchog dang / chos dkon mchog dang / dge 'dun dkon mchog la skyabs su dong ste/ de yang skyes bu dam
204b4 pa lhas byin gyi skyes bu'i rtsal yin par blta bar bya'o/ /de la mi blun po de dag ni de bzhin gshegs pa'i gshed ma dang / gcugs can dang / phyir rgol ba yin no/ /zhes sgra ji
204b5 bzhin kho nar 'dzin par byed do/ /de bzhin du de bzhin gshegs pa byang chub sems dpar gyur ba na tshe rabs lnga brgyar skyes bu dam pa lhas byin gyis gnod pa byas pa gang yin pa de yang byang chub
204b6 sems dpa'i yon tan thams cad bstan par bya ba'i phyir byas pa yin na de la mi blun po kha cig kye ma lhas byin ni de bzhin gshegs pa'i gshed ma dang / gcugs can dang / phyir rgol ba yin no/ /
204b7 zhes sgra ji bzhin kho nar 'dzin te/ de dag ni gzhi des lus zhig nas sems can dmyal ba dang / dud 'gro dang / yi dags rnams su skye bar 'gyur ro/ /de ci'i phyir zhe na/ 'di ltar skyes
204b8 bu dam pa lhas byin kyi tshogs shin du bsags pa/ dge ba'i rtsa ba shin du bsags pa/ rgyal ba du ma la lhag par bya ba byas pa/ dge ba'i rtsa ba bskyed pa/ theg pa chen po la yang dag
205a1 par zhugs pa/ byang chub chen po la gzhol ba/ byang chub chen po la 'bab pa/ byang chub chen po la bab pa/ bla na med pa yang dag par rdzogs pa'i byang chub tu nye ba yin pas na de la sdang ba'i sems bskyed pa
205a2 de dag ni lus zhig nas sems can dmyal ba dang / dud 'gro dang yi dags rnams su skye bar 'gyur ba'i phyir ro/ /gsol pa/ bcom ldan 'das de bzhin gshegs pa gsod snyoms kyi phyir bram ze'i grong sa la can
205a3 du ji ltar lhung bzed bkrus pas zhugs pa bzhin du phyir byung ngo zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu de yang ngas phyi ma'i skye bo rnams la bltas te
205a4 de lta bu bstan to/ /de ci'i phyir zhe na/ rigs kyi bu de bzhin gshegs pa la las kyi sgrib pa cung zad kyang med pa'i phyir te/ 'on kyang de bzhin gshegs pas phyi ma'i skye bo rnams la bltas nas de lta bu bstan te/ dge slong
205a5 bsod snyoms pa kha cig bsod snyoms kyi phyir grong dang / grong khyer dang / grong brdal dang / ljongs dang / yul 'khor dang / rgyal po'i pho brang 'khor dag tu zhugs pa'i tshe bdag nyid bsod nams chung bas bsod snyoms ma rnyed pa na/
205a6 de dag de'i tshe de bzhin gshegs pa yid la byas nas 'di skad ces de bzhin gshegs pa dge ba'i rtsa ba'i tshogs thams cad yongs su rdzogs pa de nyid kyang ji ltar lhung bzed bkrus pas zhugs pa bzhin du phyir byung na/ bdag cag
205a7 dge ba'i rtsa ba chung ngu dang / ldan pa rnams lta smos kyang ci dgos te/ bsod snyoms ma rnyed pa 'dis bdag cag yongs su gdung bar mi bya'o zhes brjod par 'gyur ba'i don gyi dbang 'di gzigs pas de bzhin gshegs pa bsod
205a8 snyoms kyi phyir bram ze'i grong sa la can du ji ltar lhung bzed bkrus pas zhugs pa bzhin du phyir byung bar bstan to/ /gzhan yang bdud sdig can gyis bram ze dang / khyim bdag rnams byin gyis brlabs pas na de ltar bsod snyoms mi ster to//
205b1 zhes zer na de yang de ltar mi blta'o/ /de ci'i phyir zhe na/ bdud sdig can gyis de bzhin gshegs pa'i bsod snyoms kyi bar chad byed par mi nus pa'i phyir te/ 'on kyang de bzhin gshegs pa'i byin gyi brlabs kyis bdud sdig can gyis bram ze dang
205b2 khyim bdag rnams kun du byin gyis brlabs pa yin gyi/ de bzhin gshegs pa la ni las kyi sgrib pa cung zad kyang med de/ sems can de dag nyid yongs su smin par bya ba'i phyir de bzhin gshegs pas thabs la mkhas pa de lta bu
205b3 bstan par mdzad do/ /de bzhin gshegs pas zhal zas bcad cing chad pa de na bdud dang bdud kyi ris kyi lha dang / lha'i bu gzhan dag kyang dge sbyong gau ta ma dang / nyan thos dag yid mi bde bar mi 'dug gam zhes de
205b4 bzhin gshegs pa nyan thos kyi dge 'dun dang bcas pa'i thugs la sems par byed de/ de dag nyin mtshan du de bzhin gshegs pa nyan thos kyi dge 'dun dang bcas pa'i thugs la sems kyis sems par byed pa na thugs kyi
205b5 gnas gcig tsam la yang mtho ba med cing dma' ba med la sngon ji lta ba bzhin du phyis kyang de bzhin/ phyis ji lta ba bzhin sngon yang de bzhin te/ yid mi bde ba med par yang dag par rjes su mthong nas de'i tshe na lha'i bu bdun khri
205b6 'dus par gyur ba dag gis de bzhin gshegs pa la rab tu btud pa dang / de bzhin gshegs pas kyang de dag la ci nas kyang de dag thams cad chos rnams la chos kyi mig rnam par dag par 'gyur ba de lta de ltar chos
205b7 bshad de/ de ltar na de bzhin gshegs pa phyi ma'i skye bo la gzigs pa yin gyi/ de bzhin gshegs pa la las kyi sgrib pa yod pa ma yin no/ /gsol pa/ bcom ldan 'das bram ze'i bu mo dregs mas shing gi
205b8 gzhong bu lto bar bcings te/ de bzhin gshegs pa la skur pa btab bo zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu de bzhin gshegs pa la ni las kyi sgrib
206a1 pa'i nyes pa med de/ de bzhin gshegs pas bram ze'i bu mo dregs ma 'jig rten gyi khams gang gA'i klung gi bye ma snyed du 'phang bar yang spyod mod kyi/ de bzhin gshegs pas thabs la mkhas pas
206a2 las kyi bya ba bstan te/ nga'i bstan pa 'di la rab tu byung ba la skur pa btab pa dag 'byung bar 'gyur ba de dag yang dag pa ma yin pa'i bskur pas skur par 'gyur bas de dag 'gyod pa tsam du gyur ba'i tshe de dag skur pa btab pa na 'di
206a3 skad du de bzhin gshegs pa dkar po'i chos thams cad dang ldan pa des kyang re shig mngon sum du skur pa brnyes par gyur na bdag cag gis lta ci'i phyir mi rnyed ces zer zhing de dag de'i tshe skur pa de zil gyis mnan nas tshangs par
206a4 spyod pa yongs su dag pa/ yongs su byang ba spyod par 'gyur ba dang / nyams par mi 'gyur par bya ba'i phyir ro/ /bram ze'i bu mo dregs ma ni re shig sdig pa'i las kun du rgyas pa yin pas rmi lam na yang de bzhin gshegs
206a5 pa la skur pa 'debs par byed pa yin te/ shi 'phos nas kyang sems can dmyal bar 'gro bar 'gyur ro/ /rigs kyi bu gal te de bzhin gshegs pa de kun du srung bar spyod do zhes mkhyen par gyur na ni de kun du srung bar yang
206a6 mdzad do/ /de ci'i phyir zhe na/ de bzhin gshegs pas sems can 'ga' yang yongs su ma btang ba'i phyir ro/ /gsol pa/ bcom ldan 'das de bzhin gshegs pa nyon mongs med kyi ljongs su dbyar gnas par zhal gyis bzhes
206a7 pa na zla ba gsum du rta chas kyi nas dag gsol to zhes gsungs pa/ de ji ltar blta bar bgyi lags/ bcom ldan 'das kyis bka' stsal pa/ rigs kyi bu ngas bram ze dang / khyim bdag de dag de bzhin gshegs pa spyan drang bar mi
206a8 sems par shes te/ shes bzhin du de bzhin gshegs pa der dbyar gnas so/ /de ci'i phyir zhe na/ de bzhin gshegs pa dge slong gi dge 'dun dang bcas pas zla ba gsum gyi bar du gang dag gi chas gsol pa'i rta lnga brgya
206b1 po de dag thams cad ni byang chub sems dpa'i theg pa pa sngon gyi rgyal po la bsnyen bkur byas pa sha stag yin te/ de dag sdig pa'i grogs po'i dbang du song nas sdig pa'i las byas pas des de dag dud 'gro'i skye gnas
206b2 su skyes te/ rta lnga brgya po dag gi nang na rta cang shes gang yin pa de ni byang chub sems dpa' nyi ma'i snying po zhes bya ba smon lam gyi dbang gis bsams bzhin du der skyes pa yin la/ rta lnga brgya po de dag kyang byang chub
206b3 sems dpa' nyi ma'i snying po de nyid kyis byang chub yang dag par 'dzin du bcug pa yin pas de de dag yongs su smin par bya ba'i phyir der skyes te rta cang shes de nyid kyi mthus rta lnga brgya po de dag thams cad kyis sngon gyi tshe rabs
206b4 rjes su dran par gyur cing de dag gi byang chub kyi sems de yang mngon du gyur ba'i phyir te/ rigs kyi bu de lta bas na de bzhin gshegs pa rta lnga brgya po de dag la thugs brtse ba'i phyir dbyar der gnas so/ /de na rta cang shes kyi chas
206b5 kyi nas gang dag yin pa de dag las phyed ni de bzhin gshegs pa la 'bul lo/ /rta lnga brgya po de dag gi chas kyi nas gang dag yin pa de dag las phyed phyed ni dge slong lnga brgya po dag la 'bul zhing rta cang shes des rta'i skad des rta lnga
206b6 brgya po de dag sdig pa 'chags su bcug cing sangs rgyas la sogs pa dge slong lnga brgya po dag la phyag 'tshal du bcug go/ rigs kyi bu de nas zla ba gsum po de dag 'das pa dang / rta lnga brgya po de dag shi 'phos te/
206b7 dga' ldan gyi lha rnams dang bskal pa mnyam par skyes nas lhar gyur ba de dag gis yang de bzhin gshegs pa la bkur bsti byas/ /bla mar byas/ ri mor byas/ mchod pa byas pa dang / de bzhin gshegs
206b8 pas kyang de dag la ci nas kyang de dag bla na med pa yang dag par rdzogs pa'i byang chub tu nges par 'gyur ba de lta de ltar chos bstan to/ /rta lnga brgya po de dag 'dul zhing 'tsho bar byed pa'i rta rdzi/
207a1 gang yin pa de yang de bzhin gshegs pas rang sangs rgyas rab tu sems dul zhes bya bar 'gyur ro zhes lung bstan to/ /rigs kyi bu de lta mod kyi 'on kyang de bzhin gshegs pa'i zhal zas gang
207a2 yin pa de la ni mi bsod pa cung zad kyang med de/ rigs kyi bu gal te de bzhin gshegs pas shing dang / bong ba dang / gseg ma dang / gyo mo la sogs pa yongs su longs spyad par gyur na yang shing dang /
207a3 bong ba dang / gseg ma dang / gyo mo la sogs pa de dag gi ro de lta bu dang / ro bro ba'i mchog gang dag yin pa de lta bu dag ni stong gsum gyi stong chen po'i 'jig rten gyi khams na yang med do/ /de ci'i phyir zhe na/
207a4 'di ltar de bzhin gshegs pas skyes bu chen po'i mtshan ro bro ba'i mchog dang ldan pa zhes bya ba brnyes pa'i phyir te/ rigs kyi bu de'i phyir rnam grangs des na khyed kyis 'di ltar 'di lta ste/ de bzhin gshegs pa'i
207a5 zhal zas thams cad ni bsod pa yin par rig par bya'o/ /rigs kyi bu gzhan yang dge slong kun dga' bo 'di snyam du de bzhin gshegs pas 'khor los sgyur ba'i rgyal srid spangs nas rta chas kyi nas dag
207a6 gsol bar mdzad pa lta zhes snying rje bar gyur ba dang / de bzhin gshegs pas de'i sems la rnam par gzigs nas kun dga' bo 'di ci'i ro yin shes sam zhes nas kyi 'bru cig byin pa dang / des de zos nas ngo
207a7 mtshar du 'dzin par 'gyur te/ /nga la 'di skad ces bcom ldan 'das bdag ni rgyal po'i khyim du skyes shing rgyal po'i khyim du legs par rgyas pa lags na bdag gis ro 'di lta bu ni sngon chad ma myong pa lags so zhes
207a8 zer te/ de byin pas tshe dang ldan pa kun dga' bo zas mi za bar dga' ba dang bde bas zhag bdun 'das par 'gyur to/ /rigs kyi bu de'i phyir rnam grangs des kyang khyos kyis 'di ltar 'di lta ste/ de bzhin gshegs pa ni gang la
207b1 yang las kyi sgrib pa mi mnga' ba yin par rig par bya ste/ sems can gang dag dge sbyong dang / bram ze tshul khrims dang ldan pa dag mgron du gnyer la zas 'bul bar mi byed pa de dag gis ji skad smras pa de bzhin
207b2 byed pa nyid kun du bstan par bya ba'i phyir las kyi rgyud de lta bu dag nye bar ston par mdzad do/ /rigs kyi bu gang gis de bzhin gshegs pa spyan drangs la zhal zas ma gsol ba de yang de bzhin gshegs pas log
207b3 par ltung bar mi 'gyur ba'i chos su lung bstan pa'i de bzhin gshegs rnams kyi de bzhin gshegs pa'i tsha ba'i bdag nyid kyi khyad par la ltos/ rigs kyi bu gzhan yang de bzhin gshegs pa dang thabs gcig
207b4 tu dbyar zla ba gsum gnas par khas blangs pa'i dge slong lnga brgya po gang dag yin pa de dag las dge slong bzhi bcu ni 'dod chags spyod pa dang / sdug pa'i mtshan ma spyod pa yin pas gal te de'i tshe na de dag gis
207b5 zas bsod pa dag zos par gyur na/ 'dod chags dang ldan pa'i rnam par rtog pa shin du shas chen po dag skye bar 'gyur ba zhig na de dag gis zas ngan pa zos pa des 'dod chags dang ldan pa'i rnam par rtog pa de dag
207b6 srab mor gyur nas de dag gis zhag bdun gyis dgra bcom pa nyid mngon du byas so/ /rigs kyi bu de lta bas na gang gis de bzhin gshegs pa rnams kyis gsungs pa nges par rtogs pa des ni legs pa kho nar nges
207b7 par rtogs pa yin te/ rigs kyi bu de ltar na byang chub sems dpas dgongs te gsungs pa rtogs par bya ba la mkhas pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /byang chub
207b8 sems dpa' snying rje'i bdag /bkri don gsungs pa gang yin dang / /nges don gsungs pa gang yin pa/ /legs pa kho nar rtogs par byed/ /brtan pa dgongs la mkhas gyur pa/ /nying mtshams sbyor ba spangs pa rnams//
208a1 rdzogs pa'i sangs rgyas grags ldan gyis/ /gsungs pa khong du chud pa yin/ rigs kyi bu de la ji ltar na byang chub sems dpa' nyan thos dang / rang sangs rgyas dang ldan pa'i theg pas yongs su mya ngan las
208a2 'da' bar mi 'dod pa yin zhe na/ rigs kyi bu 'di la byang chub sems dpa' ni sems can dmyal ba'i sdug bsngal dag gam/ dud 'gro'i sdug bsngal dag gam/ yi dags kyi sdug bsngal dag gis kun du gdungs
208a3 shing tsha bar gyur kyang nyan thos dang / rang sangs rgyas dang ldan pa'i theg pas mya ngan las 'da' bar 'dod pa mi skyed cing e ma'o kye ma bdag len pa med par zag pa rnams las sems rnam par grol bar gyur cig
208a4 ces don nyung ngur mi byed bya ba nyung ngur mi byed cing don nyung ba nyid dang / bya ba nyung ba nyid la brtson par mi byed kyi/ de ni sems can rnams kyi dge ba'i las bya ba dag la grogs su 'gyur zhing sems can de dag kyang bla
208a5 na med pa yang dag par rdzogs pa'i byang chub yang dag par 'dzin du 'jug /yang dag par gzeng stod/ yang dag par rab tu dga' bar byed de/ rigs kyi bu de ltar na byang chub sems dpa' nyan thos dang / rang sangs
208a6 rgyas dang ldan pa'i theg pas yongs su mya ngan las 'da' bar mi 'dod pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /snying rje'i bdag nyid can dang ni/ ri 'dra'i sems
208a7 kyis spyod byed la/ /sems can don la mi skyo zhing / /byang chub las ni phyir mi ldog /byang chub sems dpa' sems can la/ /phan par 'dod pas skyo mi byed/ /sems can gzhan la phan pa'i phyir/ /bag med
208a8 pa yang mi byed do/ /de nas bcom ldan 'das la byang chub sems dpa' sems dpa' chen po dge ba dri med rnam dag rin chen zla 'od rgyal pos 'di skad ces gsol to/ /bcom ldan 'das byang chub sems
208b1 dpa' chos gang dag dang ldan na theg pa chen po la yang dag par zhugs pa'i chos bcu po dag ni bcom ldan 'das kyis bka' stsal lags na/ don gang gis na theg pa chen po 'di la theg pa chen po zhes bgyi ba de
208b2 ni bcom ldan 'das kyis bka' ma stsal lags so/ /de skad ces gsol pa dang / bcom ldan 'das kyis byang chub sems dpa' sems dpa' chen po dge ba dri med rnam dag rin chen zla 'od rgyal po la 'di skad
208b3 cas bka' stsal to/ /rigs kyi bu de'i phyir de khyod nyid la dri yis khyod kyis ji ltar bzod pa de bzhin du lan thob shig /rigs kyi bu 'di ji snyam du sems/ 'khor los sgyur ba'i rgyal po dpung gi tshogs
208b4 yan lag bzhi dang lhan cig tu lam gang nas 'gro ba'i lam de ji skad brjod par bya snyam/ gsol pa/ bcom ldan 'das de ni rgyal po'i gshegs shul zhes brjod par bgyi lags so/ /shul
208b5 po che zhes brjod par bgyi/ shul bde ba zhes brjod par bgyi/ shul bzang po zhes brjod par bgyi/ zhe 'gras pa ma mchis pa'i shul zhes brjod par bgyi/ 'khrugs long ma mchis
208b6 pa'i shul zhes brjod par bgyi lags so/ /bcom ldan 'das kyis bka' stsal pa/ rigs kyi bu de bzhin du de bzhin gshegs pa dgra bcom pa yang dag par rdzogs pa'i sangs rgyas theg pa gang gis
208b7 gshegs pa'i theg pa de yang theg pa chen po zhes bya'o/ /theg pa mchog ces bya/ /theg pa rab ces bya/ theg pa rab mchog ces bya/ theg pa thu bo zhes bya/ theg pa
208b8 gtso bo zhes bya/ theg pa bla na med pa zhes bya/ theg pa gong na med pa zhes bya/ theg pa mnyam pa zhes bya/ theg pa mi mnyam pa med pa zhes bya/ theg pa mi mnyam pa dang mnyam pa zhes bya ste/
209a1 rigs kyi bu de'i phyir theg pa chen po 'di la theg pa chen po zhes bya'o/ /gsol pa/ bcom ldan 'das theg pa chen po ni bzang ba lags so/ /bde bar gshegs pa theg pa chen po 'di ni
209a2 bzang ba lags so/ /de nas bdud sdig can 'di snyam du sems te/ dge sbyong gau ta ma ni bdag gi bdud kyi yul las yang dag par 'das shing gzhan dag kyang yang dag par 'da' bar byed pa yin gyis
209a3 dpung gi tshogs yan lag bzhi dang bcas te/ dge sbyong gau ta ma de dang / chos kyi rnam grangs de la mtho brtsam du 'gro bar bya'o snyam mo/ /de nas bdud sdig can dpung gi tshogs yan lag bzhi dang bcas
209a4 pa go gyon nas rgyal po'i khab kyi grong khyer chen po ga la ba dang / bya rgod kyi phung po'i ri ga la ba de logs su song ba dang / byang chub sems dpa' sems dpa' chen po dge ba dri med rnam dag rin chen zla 'od rgyal
209a5 pos bdud sdig can dpung gi tshogs yan lag bzhi dang bcas pa bcom ldan 'das la mtho brtsam pa dang / chos kyi rnam grangs 'di nub par bya ba'i bsam pas 'ong bar mthong ngo / /mthong nas kyang rdzu 'phrul
209a6 mngon par 'du bya ba 'di lta bu mngon par 'du byas te/ ji lta bu'i rdzu 'phrul mngon par 'du bya ba mngon par du byas pas bdud sdig can dpung gi tshogs yan lags bzhi dang bcas pa rgyal po'i khab
209a7 kyi grong khyer chen por song nas lam po che dang / lam srang gi bzhi mdo dang / sum mdo dag tu sgra sgrogs par byed/ dbyangs brjod par byed cing 'di skad ces rgyal po'i khab kyi mi khyed cag shes par gyis shig
209a8 de bzhin gshegs pa dgra bcom pa yang dag par rdzogs pa'i sangs rgyas de ni bya rgod kyi phung pa'i ri la 'khor bzhi po dge slong dang / dge slong ma dang / dge bsnyen dang / dge bsnyen ma rnams dang / gzhan
209b1 mu stegs can rnams la tshangs par spyod pa thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa yongs su dag pa/ yongs su byang ba'i chos ston
209b2 par mdzad rab tu ston par mdzad kyis de'i phyir khyed cag kyang dam pa'i chos mnyan pa'i phyir de bzhin gshegs pa'i spyan sngar deng shig dang / des khyed cag la yun ring po'i don dang / phan pa dang / bde bar 'gyur ro/ /
209b3 zhes kyang rjes su bsgrags so/ /de nas rgyal po'i khab kyi rgyal rigs dang / bram ze dang / khyim bdag dang / grong rdal gyi mi dang / yul gyi mi rnams bdud sdig can gyis bskul ba na me tog dang /
209b4 bdug pa dang / spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag thogs te/ rgyal po'i khab kyi grong khyer chen po nas byung nas bya rgod kyi phung
209b5 po'i ri ga la ba dang / bcom ldan 'das ga la ba der dong ste lhags nas bcom ldan 'das kyi zhabs gnyis la mgo bos phyag 'tshal te/ bcom ldan 'das la phyag byas/ bla mar byas/ ri mor byas/ mchod
209b6 pa byas nas phyogs gcig tu 'khod do/ /bdud sdig can yang dpung gi tshogs yan lag bzhi dang bcas par rgyal po'i khab kyi grong khyer chen po nas byung nas bya rgod kyi phung po'i ri ga la ba dang /
209b7 bcom ldan 'das ga la ba der song ste phyin pa dang / lha'i me tog man dA ra ba dag mngon par sprul nas bcom ldan 'das la gtor/ mngon par gtor/ mngon par rab tu gtor to/ /bcom ldan 'das
209b8 la gtor/ mngon par gtor/ mngon par rab tu gtor nas dpung gi tshogs yan lag bzhi dang lhan cig tu phyogs gcig tu 'dug go/ de nas byang chub sems dpa' sems dpa' chen po dge ba
210a1 dri med rnam dag rin chen zla 'od rgyal pos bdud sdig can phyogs gcig tu 'dug pa de la 'di skad ces smras so/ /sdig can khyod dpung gi tshogs yan lag bzhi dang bcas te bcom ldan 'das kyi spyan
210a2 sngar ci la 'ongs/ bdud kyis smras pa/ bcom ldan 'das la mtho brtsam pa dang / chos kyi rnam grangs 'di la bar chad bya ba'i bsam pas 'ongs so/ /byang chub sems dpa' dge ba dri med rnam dag rin
210a3 chen zla 'od rgyal pos smras pa/ sdig can de bzhin gshegs pa la mtho brtsam pa dang / chos kyi rnam grangs 'di'i bar chad byas pas khyod la ci bya/ sdig can khyod la des yun ring por don med pa dang /
210a4 gnod pa dang / sdug bsngal bar mi 'gyur par khyod kyis/ /bcom ldan 'das kyi spyan sngar nyes pa la nyes par shogs shig /de nas bdud sdig can gyis byang chub sems dpa' sems dpa' chen po dag
210a5 pa dri med rnam dag rin chen zla 'od rgyal po las rjes su 'thun pa'i gdams ngag rjes su bstan pa de thos nas stan las langs te/ bla gos phrag pa gcig tu gzar nas pus mo g.yas pa'i lha nga
210a6 sa la btsugs te/ bcom ldan 'das kyi zhabs la gtugs nas bcom ldan 'das kyi spyan sngar bcom ldan 'das byis pa rmongs pa/ mi gsal pa/ mi mkhas pa/ bdag gi chod ma 'tshal ba/
210a7 bdag gis bcom ldan 'das la zhe sdang gi sems bskyed pa dang / mdo sde 'di lta bu la bar chad bgyi par 'tshal ba/ bcom ldan 'das nongs pa la nongs par bshags par 'tshal lo/ /bde bar gshegs
210a8 pa nongs pa la nongs par bshags par 'tshal zhing slan chad kyang sdom par 'tshal lags na/ bcom ldan 'das kyis bdag gi nongs pa la nongs par bshags pa de legs par rjes su gzung bar gsol
210b1 zhes nyes pa la nyes pa'i sgo nas bshags pa dang / bcom ldan 'das kyis bka' stsal pa/ sdig can 'di lta ste/ rigs kyi bu 'am rigs kyi bu mo nyes pa byung na rnam par lta ba dang / nyes pa la nyes par
210b2 lta ba na 'chags par byed/ sbyong bar byed cing phyin chad kyang sdom par byed na 'phags pa legs par gsungs pa'i chos 'dul ba 'di 'phel par 'gyur ro/ /de nas bdud sdig can stan las langs
210b3 te/ bcom ldan 'das kyi spyan sngar 'dug nas bcom ldan 'das la 'di skad ces gsol to/ /bcom ldan 'das bcom ldan 'das kyis ngag rtsub po ni thams cad kyi thams cad rnam pa thams cad
210b4 kyi thams cad du mi dge ba'i las kyi lam du gdags pa mdzad lags sam/ bcom ldan 'das kyis bka' stsal pa/ sdig can de de bzhin no/ /bdud kyis gsol pa/ bcom ldan 'das de lta lags
210b5 na bcom ldan 'das chos kyi mnga' bdag ci'i slad du bdag la sdig can zhes bgyi ba'i sgras kun du rjod par mdzad lags/ bcom ldan 'das kyis bka' stsal pa/ sdig can de'i phyir 'di ni skyes bu
210b6 mkhas pa la la bshad pa'i don dpes kun shes par 'gyur ba dag yod pas dpe nyon cig /sdig can 'di lta ste/ /dper na tshong dpon nam/ khyim bdag phyug po nor mang ba longs spyod che ba zhig la bu
210b7 sdug pa/ 'dod pa/ dga' ba/ yid du 'ong ba/ mthong na mi mthun pa med pa/ gcig pu zhig bdog par gyur cing de yang de dang 'brel ba'i 'tsho bas 'tsho bar 'gyur la/ de'i bu gcig pa de yang gdul
210b8 dka' ba dang / bcos dka' ba dang / g.yo sgyu can zhig yin par gyur nas tshong dpon nam khyim bdag des bu gcig pa de 'di lta ste/ nyes pa de las bzlog par bya ba'i phyir lag pas kyang rdeg par byed/
211a1 dbyig pa dang / khu tshur dang / rdeg pa gang yang rung ba dag gis kyang rdeg par byed cing ngag rtsub po dag gis kyang sdigs par byed na sdig can 'di ji snyam du sems/ tshong dpon nam/ khyim bdag de bu
211a2 gcig pa de la khro ba dang / 'khrug pa dang / sdang ba dang / rngam pa'i bsam pas rdeg par byed pa yin snyam 'am/ /bdud kyis gsol pa/ bcom ldan 'das de lta ma lags so/ /bde bar gshegs pa de lta
211a3 ma lags te/ bcom ldan 'das de ni de la sman par bgyi ba'i slad du rdeg lags so/ /bcom ldan 'das kyis bka' stsal pa/ sdig can de bzhin du de bzhin gshegs pa sems can thams cad kyi bsam pa dang
211a4 bag la nyal mkhyen pa yang sems can ngag rtsub pos gdul ba rnams ni ngag rtsub pos 'dul bar mdzad do/ /sems cad sma dbab pas 'dul ba rnams ni sma dbab pas 'dul bar mdzad do/ /sems can bsdu bas 'dul
211a5 ba rnams ni bsdu bas 'dul bar mdzad do/ /sems can gzugs kyis 'dul ba rnams ni gzugs kyis 'dul bar mdzad do/ /sems can sgra dang / dri dang / ro dang / reg bya dang / chos kyis 'dul pa rnams ni sgra dang / dri dang / ro dang / reg bya dang /
211a6 chos kyis 'dul bar mdzad do/ /de nas bdud sdig can dga' ba dang / mgu ba dang / yi rangs pa dang / mchog tu yi rangs pa dang / rab tu dga' ba dang / dga' ba dang / yid bde ba skyes nas yang bcom ldan 'das kyi
211a7 zhabs la mgo bos gtugs nas bcom ldan 'das la 'di skad ces gsol to/ /bcom ldan 'das grong ngam/ grong khyer ram/ grong rdal lam/ ljongs sam/ ljongs kyi phyogs gang yang rung ba na chos kyi rnam
211a8 grangs 'di klog gam/ 'chad pa der bdag kyang chos mnyan pa dang / chos kyi rnam grangs 'di bsrung zhing bskyab pa dang / sba ba dang / chos smra ba de la yang sman gdags pa'i slad du mchi bar bgyi lags so/ /de la snga ltas
211b1 ni 'di dag legs par rig par bgyi ste/ de'i 'khor zhi ba dang / gnyid dang rmugs pa dang bral ba dang / de la chos nyan pa rgya chen po dag 'byung bar 'gyur ba dang / 'dzin pa dang / 'chang ba dang / klog pa dang /
211b2 'chang pa dag gis de'i lus dub par mi 'gyur ba dang / sems kyang dub par mi 'gyur ba dang / ji lta ji ltar chos kyi rnam grangs 'di klog pa dang / ston pa dang / gzhan dag la rgya cher yang dag par rab tu ston
211b3 par bgyid pa de lta de ltar de'i sems dga' ba dang / mchog tu dga' ba dang / gzeng mtho ba nyid du yang 'gyur lags so/ /de nas gzhan mu stegs can spyod pa pa dang / kun du rgyu gang dag 'khor der 'dus par
211b4 gyur ba de dag gis bdud kyis bshad pa 'di thos nas de bzhin gshegs pa la dang ba dang / dga' ba dang / mchog tu dga' ba thob par gyur to/ /de nas bcom ldan 'das la tshe dang ldan pa kun dga' bos
211b5 'di skad ces gsol to/ /bcom ldan 'das rgyu gang dang / rkyen gang gis chos kyi rnam grangs 'di bshad pa la gzhan mu stegs can spyod pa pa dang / kun du rgyu 'di dag gis dga' ba dang / mchog
211b6 tu dga' ba thob par gyur lags/ bcom ldan 'das kyis bka' stsal pa/ kun dga' bo sngon byung ba 'das pa'i dus na rgyal po'i khab 'di nyid dang bya rgod kyi phung po'i ri 'di nyid du de bzhin gshegs
211b7 pa dgra bcom pa yang dag par rdzogs pa'i sangs rgyas rab kyi rtsal gyis rnam par gnon pa zhes bya ba zhig byung bas chos kyi rnam grangs 'di nyid bshad do/ /des chos kyi rnam grangs 'di bshad pa na yang
211b8 gzhan mu stegs can spyod pa pa dang / kun du rgyu mtho brtsam pa'i bsam pa can dag lhags te/ lhags pa de dag gis chos kyi rnam grangs 'di thos nas legs so legs par gsungs so zhes bya
212a1 ba'i tshig ni brjod kyi/ de bzhin gshegs pa de la sems dang ba dang / dga' ba dang / mchog tu dga' ba ni ma thob bo/ /de dag rgyu de dang rkyen des bskal pa drug bcu rtsa brgyad kyi bar du lha dang /
212a2 mi rnams su skyes pa ma gtogs par nam yang sems can dmyal ba rnams dang / dud 'gro rnams dang / yi dags rnams su ma skyes so/ /de dag de bzhin gshegs pa la sems dang ba dang / dga' ba dang /
212a3 mchog tu dga' ba ma thob pas ni tshe rabs gzhan de dang / de dag tu dge ba'i bshes gnyen dang bral bar gyur to/ /kun dga' bo de'i tshe de'i dus na gzhan mu stegs can spyod pa pa dang / kun du rgyur gyur ba de dag gzhan
212a4 dag cig yin snyam du khyod nem nur dang / yid gnyis dang / the tshom za bar gyur na kun dga' bo khyod kyis de ltar mi blta'o/ /de ci'i phyir zhe na/ rigs kyi bu 'di dag nyid de'i tshe de'i dus na gzhan mu stegs can spyod pa
212a5 pa dang / kun du rgyu de dag tu gyur ba'i phyir ro/ /kun dga' bo 'di dag ni de bzhin gshegs pa la sems dang ba skyes shing dga' ba yang skyes/ mchog tu dga' ba yang skyes pas de bzhin gshegs pas
212a6 'di dag bla na med pa yang dag par rdzogs pa'i byang chub tu lung bstan par yang mdzad do/ /de nas gzhan mu stegs can spyod pa pa dang / kun du rgyu de dag la lung bstan pa'i mdo la skyes pa'i dang ba dang /
212a7 dga' ba dang / mchog tu dga' ba de nyid kyis mi skye ba'i chos la bzod pa thob par gyur to/ /chos kyi rnam grangs 'di bshad pa na srog chags khri nyis stong chos rnams la chos kyi mig rdul med cing dri ma dang
212a8 bral ba rnam par dag go //sngon sems ma bskyed pa'i srog chags nyi khri ni bla na med pa yang dag par rdzogs pa'i byang chub tu sems bskyed do/ /de nas bcom ldan 'das la tshe dang ldan pa kun dga' bos
212b1 'di skad ces gsol to/ /bcom ldan 'das rigs kyi bu'am/ rigs kyi bu mo gang chos kyi rnam grangs 'di 'dzin pa dang / 'chang ba dang / klog pa dang / gzhan dag la yang rgya cher yang dag par ston par bgyid pa de
212b2 bsod nams ji tsam zhig skyed par 'gyur lags/ bcom ldan 'das kyis bka' stsal pa/ kun dga' bo rigs kyi bu 'am/ rigs kyi bu mo gang la la zhig gis sems can gyi khams ma lus pa thams
212b3 cad bla na med pa yang dag par rdzogs pa'i byang chub la bkod pa de bas ni rigs kyi bu 'am rigs kyi bu mo gzhan gang zhig gis chos kyi rnam grangs 'di 'dzin pa dang / 'chang ba dang / klog pa dang / gzhan
212b4 dag la rgya cher yang dag par ston par byed pa de bsod nams ches grangs med pa dang ches mang du skyed do/ /de ci'i phyir zhe na/ kun dga' bo 'di ltar chos kyi rnam grangs 'di ni thams cad mkhyen pa'i ye shes
212b5 'dren par byed pa yin pa'i phyir ro/ /kun dga' bos gsol pa/ bcom ldan 'das rigs kyi bu 'am/ rigs kyi bu mo gang zhig chos kyi rnam grangs 'di dang / chos smra ba de la sdang ba'i sems skyed par bgyid na/
212b6 bcom ldan 'das rigs kyi bu 'am/ rigs kyi bu mo des bsod nams ma lags pa ji tsam zhig skyed par 'gyur lags/ bcom ldan 'das kyis bka' stsal pa/ kun dga' bo rigs kyi bu 'am/ rigs
212b7 kyi bu mo gang la la zhig gis sems can thams cad kyi mig phyung bar gyur ba de bas ni rigs kyi bu 'am/ rigs kyi bu mo gang gis chos kyi rnam grangs 'di dang / chos smra ba de la sdang pa'i sems skyed par
212b8 byed pa de bsod nams ma yin pa ches grangs med pa dang / ches mang du skyed par 'gyur ro/ /de ci'i phyir zhe na/ kun dga' bo 'di ltar chos kyi rnam grangs 'di ni sems can thams cad kyi snang bar gyur ba yin pa'i
213a1 phyir ro/ /kun dga' bos gsol pa/ bcom ldan 'das chos kyi rnam grangs 'di ni ma dad pa rnams kyi mdun du brjod par mi bgyi lags so/ /de ci'i slad du zhe na/ bcom ldan 'das sems can
213a2 thams cad kyis chos kyis phongs par 'gyur ba'i sug las bgyis nas lus zhig ste/ gum pa'i 'og tu sems can dmyal ba rnams su skye bar mi 'gyur bar rjes su bsrung bar bgyi 'tshal ba'i slad du'o/ /
213a3 bcom ldan 'das kyis bka' stsal pa/ kun dga' bo chos kyi rnam grangs 'di ni de dag gi mdun du brjod par bya ba kho na yin no/ /de ci'i phyir zhe na/ kun dga' bo 'di ni skyes bu dam pa ma yin pa de dag gi bla na
213a4 med pa yang dag par rdzogs pa'i byang chub kyi rgyur 'gyur ba yin pa'i phyir ro/ /kun dga' bos gsol pa/ /bcom ldan 'das chos kyi rnam grangs 'di 'i ming ci lags/ 'di ji ltar gzung bar bgyi/ bcom
213a5 ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di chos bcu pa zhes bya bar zung shig /byang chub sems dpa' dge ba dri med rnam dag rin chen zla 'od rgyal pos zhus pa zhes bya
213a6 yang zung shig /bcom ldan 'das kyis de skad ces bka' stsal nas tshe dang ldan pa kun dga' bo dang / byang chub sems dpa' sems dpa' chen po dge ba dri med rnam dag rin chen zla 'od rgyal po dang / dge slong
213a7 de dag dang / byang chub sems dpa' de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par
213a8 bstod do/ //'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ chos bcu pa'i le'u ste dgu pa rdzogs so// //rgya gar gyi mkhan po dzi na mi tra dang su ren dra bo d+hi dang
zhus chen gyi lo ts+tsha ba ban de ye shes sde la sogs pas bsgyur cing zhus te gtan la phab pa/
CLOSE WINDOW