བོད་ཡིག |
172a1 / // @#/ /rgya gar skad du/ d+harma tsakra pra brta na sU tra/ bod skad du/ chos kyi 'khor lo rab tu bskor ba'i mdo/ 'phags pa dkon mchog gsum la gus pas phyag 'tshal
172a2 lo/ /'di skad bdag gis thos pa dus gcig na/ bcom ldan 'das yul bA rA Na sI'i drang srong lhung ba ri dgas rgyu ba'i gnas na bzhugs so/ /de nas bcom ldan 'das kyis dge slong lnga sde rnams bos te bka' stsal pa/ dge
172a3 slong dag rab tu byung ba mtha' gnyis po 'di la gnas par mi bya'o/ /gang su dag 'dir 'dod pa rnams dang bde ba la zhen pa ni mi rigs pa dang dman par 'gyur ro/ /so so'i skye bo rnams ni don med pa dang ldan pa'i phyir gang su dag lus
172a4 dub pa dang 'bral ba'i sdug bsngal bsngags par bya ba ma yin pa rnams kyi don med pa dang ldan no/ /dge slong dag 'di rnams ni mtha' gnyis kyi mtha' ste de la 'jug par mi bya'o/ /de bzhin gshegs pa mngon par rdzogs par sangs rgyas
172a5 nas dbu ma'i lam 'di gsungs so/ /mig byed pa dang / ye shes byed pa dang / zhi bar byed pa dang / mngon par shes pa dang / yang dag par khong du chud pa dang / mya ngan las 'das pa la yang dag par 'jug go/ /dge slong dag de bzhin gshegs
172a6 pas mngon par rdzogs par sangs rgyas nas gsungs pa'i dbu ma'i lam gang zhe na/ mig byed pa dang / ye shes byed pa dang / zhi bar byed pa dang / mngon par shes pa dang / yang dag par khong du chud pa dang / mya ngan las 'das pa la yang dag
172a7 par 'jug go/ /dbu ma'i lam ni 'phags pa'i lam yan lag brgyad de/ brgyad po de ni 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang
172a8 dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /dbu ma'i lam 'di yang de bzhin gshegs pa mngon par rdzogs par sangs rgyas nas gsungs so/ /mig byed pa dang /
172b1 ye shes byed pa dang / zhi ba byed pa dang / mngon par shes pa dang / yang dag par khong du chud pa dang / mya ngan las 'das pa la yang dag par 'jug go/ /'di yang dge slong dag sdug bsngal 'phags pa'i bden pa ste/ skye ba'i sdug bsngal dang /
172b2 rga ba'i sdug bsngal dang / na ba'i sdug bsngal dang / 'chi ba'i sdug bsngal dang / mi sdug pa dang phrad pa'i sdug bsngal dang / sdug pa dang bral ba'i sdug bsngal dang / gang 'dod pa btsal te ma rnyed pa de yang sdug bsngal ba dang / mdor na
172b3 nye bar len pa'i phung po lnga sdug bsngal lo/ /'di yang dge slong dag sdug bsngal kun 'byung 'phags pa'i bden pa ste/ gang sred pa 'byung ba can dang / dga' ba'i 'dod chags dang ldan pa dang / de dang de la mngon par dga' ba ni/ 'di
172b4 lta ste/ 'dod pa'i sred pa dang / 'khor ba la sred pa dang / 'khor ba dang bral ba la sred pa'o/ /'di yang dge slong dag sdug bsngal 'gog pa 'phags pa'i bden pa ste/ gang zhig 'di bzhin sred pa ma lus pa la 'dod chags dang bral
172b5 ba dang / 'gog pa dang / bor ba dang / so sor bsgyur ba dang / grol ba dang / grol ba la zhum pa med pa'o/ /'di yang dge slong dag sdug bsngal 'gog par 'gro ba'i lam 'phags pa'i bden pa'o/ /'di yang
172b6 'phags pa'i lam yan lag brgyad pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang
172b7 dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /dge slong dag 'di ni sdug bsngal 'phags pa'i bden pa ste/ sngar chos ma thos pa la mig bskyed pa dang / ye shes bskyed pa dang /
172b8 shes rab bskyed pa dang / rig pa bskyed pa dang / snang ba bskyed pa'o/ /de yang sdug bsngal 'phags pa'i bden pa ste/ dge slong dag 'di yongs su shes par bya'o/ /sngar chos ma thos pa la mig bskyed
173a1 pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /'di ni sdug bsngal kun 'byung 'phags pa'i bden pa ste/ dge slong dag 'di ni sngar chos ma thos pa la/ mig
173a2 bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /'di yang sdug bsngal kun 'byung 'phags pa'i bden pa ste rab du spang bar bya'o/ /dge slong dag 'di ni sngar chos ma thos
173a3 pa la mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /'di ni sdug bsngal 'gog pa 'phags pa'i bden pa ste/ dge slong dag 'di ni sngar chos ma thos pa la/ mig bskyed
173a4 pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /'di yang sdug bsngal 'gog pa 'phags pa'i bden pa ste/ mngon sum du bya'o/ /dge slong dag 'di ni sngar chos ma thos pa la/
173a5 mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /'di ni sdug bsngal 'gog par 'gro ba'i lam 'phags pa'i bden pa'o/ /dge slong dag 'di ni sngar chos ma thos pa
173a6 la/ mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /'di yang sdug bsngal 'gog par 'gro ba'i lam 'phags pa'i bden pa ste bsgom par bya'o/ /dge slong dag 'di ni
173a7 sngar chos ma thos pa la/ mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /dge slong dag de ltar bshad pa rnam pa bzhi po 'di ni 'phags pa'i bden pa'o/ /'di ltar lan
173a8 gsum du bzlas te rnam pa bcu gnyis po ji ltar gyur pa rnams ye shes mthong ba shin tu rnam par dag pa yin no/ /dge slong dag nga spangs te/ lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang
173b1 bcas pa dang / skye dgu'i bdag po dang / lha dang mir bcas pa rnams las/ bla na med pa yang dag par rdzogs pa'i sangs rgyas gzhan med do/ /dge slong dag gang yang 'di ni 'phags pa'i bden pa bzhi po 'di ltar lan gsum du
173b2 bzlas te/ rnam pa bcu gnyis su ji ltar gyur pa'i ye shes mthong ba shin du rnam par dag pa yin no/ /ji ltar dge slong dag nga ni 'jig rten lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bcas
173b3 pa dang / skye dgu'i bdag po dang / lha dang mir bcas pa rnams las/ bla na med pa yang dag par rdzogs pa'i sangs rgyas mngon par rdzogs par sangs rgyas nas so sor rtogs so/ /ye shes 'di yang bdag mthong bar gyur pa dang / sngar med
173b4 pa'i rnam par grol ba dang / bdag ni lhag ma med par yang srid pa len pa med par mya ngan las 'das so/ /bcom ldan 'das kyis de skad ces bka' stsal pa dang / dge slong lnga sde bcom ldan 'das kyis gsungs pa la mngon par dga'o/ /
173b5 'di ltar lung du bstan pa de tshun chod nas/ tshe dang ldan pa kau Di n+yas rdul spangs pa dang / dri ma med pa'i chos kyi mig skyes so/ /gang cung zad kun 'byung ba'i chos thams cad ni de 'gog pa'i chos yin no/ /bcom ldan 'das kyis chos
173b6 kyi 'khor lo rab tu bskor zhing bskor nas/ sa'i lha rnams kyis bstod pa'i sgra bsgrags so/ /dge sbyong ngam/ bram ze 'am/ lha 'am/ bdud dam/ tshangs pa 'am/ 'jig rten du gzhan sus kyang bskor bar mi nus pa 'di
173b7 ni bcom ldan 'das kyis yul bA rA Na sI'i drang srong lhung ba dang / ri dgas rgyu ba'i gnas su bzhugs nas bla na med pa'i chos kyi 'khor lo rab tu ma bskor ba bskor to/ /de nas sa'i lha'i sgra thos nas/ rgyal chen ris bzhi'i
173b8 lha rnams kyis bstod pa'i sgra bsgrags so/ /dge sbyong ngam bram ze 'am/ lha 'am/ bdud dam/ tshangs pa'am/ 'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung
174a1 ba dang ri dgas rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to/ /rgyal chen ris bzhi'i lha rnams kyis bstod pa'i sgra thos nas/ sum bcu rtsa gsum gyi lha rnams kyis bstod
174a2 pa'i sgra bsgrags so/ /dge sbyong ngam/ bram ze'am/ lha 'am/ bdud dam/ tshangs pa 'am/ 'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang ri dgas
174a3 rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to/ /sum bcu rtsa gsum gyi lha rnams kyis bstod pa'i sgra thos nas/ 'thab bral gyi lha rnams kyis bstod pa'i sgra bsgrags so/ /
174a4 dge sbyong ngam/ bram ze 'am/ lha 'am/ bdud dam/ tshangs pa 'am/ 'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang / ri dgas rgyu ba'i gnas su bzhugs nas
174a5 bla na med pa'i chos kyi 'khor lo ma bskor ba bskor to/ /'thab bral gyi lha rnams kyis bstod pa'i sgra thos nas/ dga' ldan gyi lha rnams kyis bstod pa'i sgra bsgrags so/ /dge sbyong ngam/ bram ze'am/ lha'am/ bdud
174a6 dam/ tshangs pa 'am/ 'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang / ri dgas rgyu ba'i gnas su bzhugs nas/ bla na med pa'i chos kyi 'khor lo ma
174a7 bskor ba bskor to/ /dga' ldan gyi lha rnams kyis bstod pa'i sgra thos nas/ 'phrul dga'i lha rnams kyis bstod pa'i sgra bsgrags so/ /dge sbyong ngam/ bram ze 'am/ lha 'am/ bdud dam/ tshangs pa'am/ 'jig
174a8 rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang / ri dgas rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to/ /'phrul
174b1 dga'i lha rnams kyis bstod pa'i sgra thos nas/ gzhan 'phrul dbang byed kyi lha rnams kyis bstod pa'i sgra bsgrags so/ /dge sbyong ngam/ bram ze 'am/ lha 'am/ bdud dam/ tshangs pa 'am/ 'jig rten du gzhan sus
174b2 kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang / ri dgas rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to/ /gzhan 'phrul dbang
174b3 byed kyi lha rnams kyis bstod pa'i sgra thos nas/ tshangs ris kyi lha rnams kyis bstod pa'i sgra bsgrags so/ /dge sbyong ngam/ bram ze 'am/ lha 'am/ bdud dam/ tshangs pa 'am/ 'jig rten du gzhan sus kyang
174b4 bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang / ri dgas rgyu ba'i gnas su bzhugs nas bla na med pa'i chos kyi 'khor lo ma bskor ba bskor to/ /de nas skad cig dang yud tsam de la tshangs
174b5 pa'i 'jig rten gyi bar du sgras khyab par gyur to/ /'dir yang 'jig rten gyi khams stong phrag bcu yang dag par g.yos so/ /yang dag par rab tu g.yos so/ /yang dag par rab tu ldeg go/ /bag yod par
174b6 gyur/ ya mtshan du gyur/ snang bar gyur/ 'jig rten rnams su de ltar gyur to/ /'jig rten rnams su de ltar gyur te/ tshangs pas chos bstan pa thos nas/ lha rnams rang rang gi gnas su song ngo / /
174b7 de nas yang bcom ldan 'das kyis ched du brjod pa ched du brjod de/ kun shes pa'i phyir kau Di n+ya'o/ /kun shes pa rnams kyis kau Di n+ya'o/ /de'i phyir 'di ni tshe dang ldan pa kau Di n+ya'o ste/ kun shes kau Di n+yas zhes bya
174b8 ba'i ming thob bo/ /chos kyi 'khor lo bskor ba'i mdo/ rdzogs s+ho// //
CLOSE WINDOW