CLOSE WINDOW

J1
བོད་ཡིག

(ka) @#/ ! /'dul ba lung bzhugs so/ / (黃) 律師戒行經第一部 @##/ /rgya gar skad du/ bi na ya bstu/ bod skad du/ 'dul ba gzhi / bam po dang po/ /dkon mchog gsum la phyag 'tshal lo/ /gang gis 'ching rnams yang dag rab bcad cing / /mu stegs tshogs rnams thams cad rab bcom ste/ /sde dang bcas pa'i bdud rnams nges bcom nas/ /byang chub 'di brnyes de la phyag 'tshal lo/ /khyim don che chung spangs te dang po rab 'byung dka'/ /rab byung thob nas yul spyad dag gis dga' thob dka'/ / mngon dga' ji bzhin don bskyed yang dag byed pa dka'/ /ngur smrig gos 'chang mkhas pa tshul las nyams pa dka'/ /gzhi rnams kyi spyi sdom la/ rab 'byung gso sbyong gzhi dang ni/ / dgag dbye dbyar dang ko lpags gzhi/ /sman dang gos dang sra brkyang dang / /kau sham bi dang las kyi gzhi/ /dmar ser can dang gang zag dang / /spo dang gso sbyong bzhag pa dang / /gnas mal dang ni rtsod pa dang / /dge 'dun dbyen rnams bsdus pa yin// // rab tu byung ba'i spyi sdom la/ shA ri'i bu dang mu stegs can/ /dge tshul gnyis dang bya rog skrod/ /dgra bcom bsad dang lag rdum gyi/ /sde tshan yang dag bsdus pa yin/ /sdom la shA ri'i bu dang rab 'byung dang / /bsnyen par rdzogs par gnang ba dang / /nye sdes tshogs ni bsdus pa dang / /lnga pa'i sde tshan bsdus pa yin/ /byang chub sems dpa' dga' ldan gyi gnas na bzhugs pa na/ yul ang ga dag na ang ga'i rgyal po zhes bya bas rgyal srid 'byor pa rgyas pa bde ba lo legs pa skye bo dang mi mang pos gang ba byed du bcug go/ /yul ma ga d+ha dag na yang rgyal po pad ma chen po zhes bya bas/ rgyal srid 'byor pa rgyas pa bde ba lo legs pa skye bo dang mi mang pos gang ba byed du bcug go/ / res 'ga' ni ang ga'i rgyal po dpung dang mthu che ba yin la/ res 'ga' ni rgyal po pad ma chen po dpung dang mthu che ba yin no/ /gang gi tshe ang ga'i rgyal po dpung dang mthu che ba de'i tshe na/ des dpung gi tshogs yan lag bzhi pa/ glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te/ yul ma ga d+ha rgyal po'i khab ma gtogs pa bcom nas phyir ldog par byed do/ /gang gi tshe rgyal po pad ma chen po dpung dang mthu che ba de'i tshe na/ des kyang dpung gi tshogs yan lag bzhi pa/ glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te/ yul ang ga tsam pa ma gtogs pa bcom nas phyir ldog par byed do/ /de nas dus gzhan zhig na ang ga'i rgyal po dpung dang mthu che bar gyur nas des dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te yul ma ga d+ha gzhom par brtsams pa dang / ma ga d+ha na gnas pa'i skye bo'i tshogs kyis rgyal po pad ma chen po la lha ang ga'i rgyal pos dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te yul ma ga d+ha 'joms par bgyid do zhes sbron pa dag btang ngo / /rgyal po pad ma chen pos kyang thos nas dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te ang ga'i rgyal po dang g.yul sprad pa'i phyir 'phags so/ / de nas ang ga'i rgyal pos rgyal po pad ma chen po'i glang po che'i tshogs thams cad phrogs shing / rta pa'i tshogs dang / shing rta pa'i tshogs dang / dpung bu chung gi tshogs thams cad kyang phrogs so/ / rgyal po pad ma chen po yang pham pa dang / skrag pa dang / bcom pa dang / gzhan rgyal ba dang / rgyab kyis phyogs par byas te/ rgyal po'i khab tu zhugs nas sgo bcad de/ ra ba dag gi khar sbrengs nas 'dug go ang ga'i rgyal pos rgyal po pad ma chen po la pho nya btang ste/ gal te phyir 'byung na de lta na legs/ gal te phyir mi 'byung na ji ste steng gi nam mkha' la 'gro na ni mda' brgyud pas khyod ltung bar bya'o/ /ji ste sa'i 'og tu 'gro na ni mchil pa dang drang ba'i tshul gyis drang bar bya'o/ /ji ste ri'i rtse mor 'dzeg na ni der yang khyod thar pa med do zhes spring ngo / /rgyal po pad ma chen pos phrin yig glags nas de mi bde bar gyur te/ lag pa la 'gram pa gtad nas sems khong su chud cing 'dug 'dug nas des blon po rnams la smras pa/ shes ldan dag ang ga'i rgyal po 'di ni gdug pa/ pha rol gnon pa/ dpung dang mthu che bar gyur la/ des yu bu cag la 'di dang 'di skad ces spring na/ de la yu bu cag gis ji ltar bsgrub par bya/ de dag gis tshigs su bcad pa smras pa/ yul dang srog la gnod gyur na/ /skyes bus kun du srog bsrung bya/ /blo yis gnyis ka dpyad byas na/ /yul ni yang rnyed srog rnams min/ /lha rnam pa thams cad du slar 'byung bar bgyi'o/ /de ral gri mgul du thogs te phyir byung ba dang / ang ga'i rgyal pos de la lo thang dang bca' phab ste de nyid du bzhag go/ gang gi tshe bcom ldan 'das byang chub sems dpa' dga' ldan gyi gnas na bzhugs pas gzigs pa lnga po dag la gzigs nas 'dod pa na spyod pa'i lha drug po dag la lan gsum bsgo ba mdzad de/ glang po che ltar snang bar bsgyur te/ yum gyi lhums su zhugs pa de'i tshe na sa chen po shin tu g.yos par gyur cing 'jig rten 'di thams cad kyang sum bcu rtsa gsum pa'i lha rnams kyi kha dog gi mthu bas lhag pa'i snang ba rgya chen pos khyab par gyur cing / 'jig rten gyi 'jig rten gyi bar gang na nyi ma dang zla ba 'di ltar rdzu 'phrul che ba/ 'di ltar mthu che ba 'di gnyis kyi 'od dag nyams su mi myong ba'i mun pa mun gnag mun par byed pas/ gnag par gyur pa gang dag yin pa de dag kyang de'i tshe na snang ba rgya chen pos khyab par gyur nas/ sems can gang dag der skyes pa dag gis rang gi lag pa brkyang ba yang mi mthong ba de dag gis kyang 'od des sems can gcig gis gcig mthong nas shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so zhes shes par gyur to/ /gang gi tshe bcom ldan 'das byang chub sems dpa' bltams pa de'i tshe na grong khyer chen po bzhi po dag tu rgyal po chen po bzhi dag gi bu yang btsas par gyur te/ rgyal po'i khab tu rgyal po pad ma chen po'i bu btsas so/ / mnyan yod du ni rgyal po rtsibs kyis 'phur tshangs byin gyi bu btsas so/ /'phags rgyal du ni rgyal po mu khyud mtha' yas kyi bu btsas so/ /kau sham bir ni rgyal po dmag brgya pa'i bu btsas so/ /bcom ldan 'das byang chub sems dpa' bltam pa na 'jig rten thams cad sum bcu rtsa gsum pa'i lha rnams kyi kha dog gi mthu bas lhag pa'i snang ba rgya chen pos khyab par gyur cing 'jig rten gyi 'jig rten gyi bar gang na nyi ma dang zla ba 'di ltar rdzu 'phrul che ba/ 'di ltar mthu che ba 'di gnyis kyi 'od dag nyams su mi myong ba'i mun pa mun gnag mun par byed pas gnag par gyur pa gang dag yin pa de dag kyang de'i tshe na snang ba rgya chen pos khyab par gyur nas/ sems can gang dag der skyes pa dag gis rang gi lag pa brkyang ba yang mi mthong ba de dag gis kyang 'od des sems can gcig gis gcig mthong nas shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so zhes shes par gyur to/ /rgyal po pad ma chen pos bsams pa/ bdag gi bu btsas pa na 'jig rten nyi ma'i gzugs shar ba ltar snang zhing 'di btsun mo gzugs can gyi bu yin pas gzhon nu 'di'i ming gzugs can snying por gdags so snyam nas bu de'i ming gzugs can snying po zhes bya bar btags so/ /rgyal po rtsibs kyis 'phur tshangs byin gyis bsams pa/ bdag gi bu btsas pa na 'jig rten gsal ba gsal ba ltar snang bas gzhon nu 'di'i ming gsal rgyal du gdags so snyam nas bu de'i ming gsal rgyal zhes bya bar btags so/ /rgyal po dmag brgya pas bsams pa/ bdag gi bu btsas pa na 'jig rten nyi ma shar ba ltar snang bar gyur pas gzhon nu 'di'i ming shar bar gdags so snyam nas bu de'i ming shar ba zhes bya bar btags so/ /rgyal po mu khyud mtha' yas kyis bsams pa/ bdag gi bu btsas pa na 'jig rten rab tu snang bas snang bar gyur pas gzhon nu 'di'i ming rab snang zhes bya bar gdags so snyam nas bu de'i ming rab snang zhes bya bar btags so/ /rgyal po re res bsams pa yang bdag gi bu 'di'i mthu yin no/ /bdag gi bu 'di'i mthu yin no snyam mod kyi/ de ni de lta ma yin te/ 'di ltar de dag thams cad ni byang chub sems dpa'i mthu yin pa'i phyir ro/ /gang gi nyin mo gzhon nu gzugs can snying po btsas pa de nyid kyi nyin mo blon po lnga brgya dag gi bu lnga brgya yang btsas te/ de dag kyang rigs dang mthun par ming btags so/ /gzhon nu gzugs can snying po ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la rjes su gtad do/ /de ma ma brgyad po dag gis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin myur du skyed par byed do/ /de gang gi tshe chen por gyur pa de'i tshe yi ge dang / grangs dang / rtsis dang / lag rtsis dang / dbyung ba dang / gzhag pa dang / gzhag pa la nye bar zhugs nas/ de yi ge'i mthar phyin cing 'byed pa dang / klog pa dang / mkhas pa dang / spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /rgyal po rgyal rigs spyi bor dbang bskur ba ljongs kyi dbang phyug mthu dang brtson 'grus thob pa/ sa chen po'i dkyil 'khor mngon par rgyal bar byas te gnas pa rnams kyi bzo'i gnas dang / las kyi gnas tha dad par gyur pa gang dag yin pa 'di lta ste/ glang po che'i gnyar bzhon pa dang / rta bzhon pa dang / shing rta'i thabs dang / ral gri'i thabs dang / 'phong dang / phyir bsnur ba dang / mdun du bsnur ba dang / lcags kyi bsgyur thabs dang / zhags pa gdab pa dang / mda' bo che 'phen thabs dang / 'dzin stangs dang / gom stangs dang / thor tshugs dang / gcad pa dang / dral ba dang / dbug pa dang / gnas lnga po 'di lta ste/ rgyang nas 'phog pa dang / sgra grags par 'phog pa dang / gnad du 'phog pa dang / mi 'chor bar 'phog pa dang / tshabs che ba de dag la yang zhugs shing byang bar gyur to/ /blon po'i bu lnga brgya po de dag kyang bzo'i gnas dang / las kyi gnas dag la byang bar gyur to/ /de phas bzo sbyang ba bcwa brgyad po dag la bcug nas de'i ming bzo sbyangs gzugs can snying po/ /bzo sbyangs gzugs can snying po zhes bya bar gyur to/ /de nas dus gzhan zhig na gzhon nu gzugs can snying po glang po che la zhon te ljongs su byung ba dang / des ang ga'i rgyal po'i zho shas 'tsho ba dag lo thang dang dpya sdud pa mthong nas/ des smras pa/ shes ldan dag lo thang dang dpya sdud pa 'di dag su'i yin/ de dag gis smras pa/ lha ang ga'i rgyal po'i lags so/ /des smras pa/ ci yu bu cag de la lo thang 'bul ba yin nam/ de dag gis smras pa/ lha lo thang 'bul ba lags so/ /des smras pa/ shes ldan dag zho shas 'tsho ba de dag bos shig /de dag gis bos pa dang / des smras pa/ shes ldan dag de yang rgyal po rgyal rigs spyi bor dbang bskur ba yin la/ nged kyang rgyal po rgyal rigs spyi bor dbang bskur ba yin na/ ci'i phyir khyed cag lo thang dang dpya sdud par byed/ deng la phyin chad lo thang dang dpya ma sdud cig /de dag gis bsams pa/ gzhon nu 'di ni rgyus mi shes pa yin pas bdag cag rgyal po pad+ma chen po'i gan du 'dong zhing song nas bsnyad par bya'o snyam nas/ de dag rgyal po pad ma chen po'i gan du song ste phyin nas smras pa/ lha bdag cag ang ga'i rgyal po'i zho shas 'tsho ba lo thang dang dpya sdud pa na gzhon nu gzugs can snying pos bkag na/ ci bsdu bar 'tshal lam/ 'on te slar mchi bar 'tshal/ des smras pa/ shes ldan dag gzhon nu de ni rgyus mi shes pa yin pas khyed cag sngon ji ltar lo thang dang dpya sdud pa de bzhin du sdus shig /de dag gis yang bsdu bar brtsams te/ de dag 'ongs nas phyir ldog pa gzhon nu gzugs can snying pos mthong nas smras pa/ shes ldan dag ngas khyed la phyin chad lo thang dang dpya ma sdud cig ces ma bzlog gam/ ci'i phyir yang khyed lo thang dang dpya sdud/ gal te re zhig 'khod na de lta na legs/ gal te mi 'khod na mtshams chen po gcad par bya'o/ /de dag skrag nas bsams pa/ gzhon nu 'di ni gdug pa pha rol gnon pa yin pas bdag cag la gnod pa byed par 'gyur ba gang yin pa de lta bu'i gnas yod par 'gyur gyis/ bdag cag ang ga'i rgyal po'i gan du dong ste sbran par bya'o snyam nas de dag ang ga'i rgyal po'i gan du dong ste phyin nas smras pa/ lha bdag cag lha'i zho shas 'tsho ba lags te/ bdag cag lha'i lo thang dang dpya sdud pa na rgyal po pad ma chen po'i bu gzhon nu gzugs can snying po des bzlog lags na/ da gal te lhas btang snyoms mdzad na slad kyis gnod pa chen po bgyid par 'gyur ba gang lags pa de lta bu'i gnas mchis par 'gyur ro/ /tshigs su bcad pa yang smras pa/ ji srid shing ni gzhon pa'i tshe/ /sen mo dag gis gcad nus pa/ /de nyid chen por skyes pa na/ /sta re brgyas kyang gcad par dka'/ / ang ga'i rgyal pos rgyal po pad ma chen po la gzhon nu gzugs can snying po mgul pa nas thogs la tshur bkri ba'am/ yang na rtswa dang chas sta gon gyis shig dang / nga nyid 'o nir 'ong ngo zhes phrin yig spring ngo / /rgyal po pad ma chen pos phrin yig glags nas de mi bde bar gyur te lag pa 'gram pa la gtad nas sems khongs su chud cing 'dug 'dug nas/ des gzhon nu gzugs can snying po bos nas smras pa/ ci'i phyir khyod kyis ang ga'i rgyal po'i zho shas 'tsho ba dag lo thang dang dpya sdud pa zlog /des khros te nga la 'di dang 'di skad ces spring ngo / /des smras pa/ lha ci skol de la lo thang 'bul ba lags sam/ bu lo thang 'bul ba yin no/ /des smras pa/ lha de yang rgyal po rgyal rigs spyi bor dbang bskur ba lags la/ skol kyang rgyal po rgyal rigs spyi bor dbang bskur ba lags na/ ci'i slad du skol de la lo thang dang dpya 'bul/ lhas bdag la dpung gi tshogs yan lag bzhi pa stsal ba 'ba' zhig mdzod cig dang / bdag gis ang ga'i rgyal po dang lhan cig g.yul ngor g.yul sprad par bgyi'o/ /de nas rgyal po pad ma chen pos ang ga'i rgyal po la khyod kyi mthu dang / dpung dang / brtson 'grus dang / pha rol gnon pa gang dag yin pa de dag thams cad ma nyams par gyis shig ces phrin yig spring ngo / /ang ga'i rgyal pos thos nas mi bzod pa skyes te blon po rnams la smras pa/ shes ldan dag de'i yul 'khor gzhom par byas/ dpung gi tshogs yan lag bzhi pa go skon cig / des dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te yul ma ga d+ha gzhom par brtsams pa dang / ma ga d+ha na gnas pa'i skye bo'i tshogs kyis rgyal po pad ma chen po la lha ang ga'i rgyal po 'di dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te yul ma ga d+ha 'joms par bgyid do zhes sbron pa dag btang ngo / /rgyal po pad ma chen pos thos nas de mi bde bar gyur te lag pa 'gram pa la gtad nas sems khongs su chud cing 'dug 'dug nas/ des gzhon nu gzugs can snying po bos te/ de la dpung gi tshogs yan lag bzhi pa byin no/ /gzhon nu gzugs can snying pos blon po'i bu lnga brgya bsdus te smras pa/ shes ldan dag nga ni ang ga'i rgyal po dang lhan cig g.yul ngor g.yul sprod par byed na shes ldan dag ci byed/ de dag gis smras pa/ gzhon nu khyod kyi gnas skabs gang lags pa de bdag cag gi yang lags so/ /des tshigs su bcad pa smras pa/ mi gang la ni khyim dpal gnas/ /de ni kun gyis yongs bsrung bya/ /de nyams na ni kun nyams te/ /lte ba chag pas rtsibs rnams bzhin/ /da khyed kyis kun nas yongs su bsrung bar bya'o/ /de dag gis smras pa/ lha'i gnas skabs gang lags pa de bdag cag gi yang lags la/ lha'i zhabs gang na ba de na bdag cag gi mgo mchis so/ /de nas des dpung gi tshogs yan lag bzhi pa go bskon te/ rgyal po'i khab nas byung ngo / /rgyal po pad ma chen po steng gi khang bzangs kyi gzhir gtogs pa na blon po'i tshogs kyis bskor cing 'dug pa des de byung ba mthong nas des blon po rnams la smras pa/ shes ldan dag dmag 'di su'i yin/ de dag gis smras pa/ lha gzhon nu gzugs can snying po'i lags so/ /des smras pa/ shes ldan dag e ma 'di dmag mang po dang ldan no zhes smras pas/ de'i ming dmag ldan gzugs can snying po/ dmag ldan gzugs can snying po zhes bya bar gyur to/ /de na kha cig gis ni bzo sbyangs gzugs can snying po zhes bya bar shes so/ /kha cig gis ni dmag ldan gzugs can snying po zhes bya bar shes so/ /gzhon nu gzugs can snying pos blon po'i bu lnga brgya po dag la smras pa/ shes ldan dag ang ga'i rgyal po 'di ni gdug pa pha rol gnon pa dpung dang mthu che bar gyur pa yin pas yu bu cag gis 'di dang lhan cig g.yul sprad par ni mi nus kyis/ 'di ltar de bag yangs su go phud pa'i phru ma brdzi zhing bzhabs te gsad par bya'o/ /de dag gis de bag yangs su go phud pa'i phru ma brdzis nas de dag gis ang ga'i rgyal po bzhabs te bsad do/ /ang ga'i rgyal po'i dpung gi tshogs yan lag bzhi pa phyogs bzhir byer ba dang / gzhon nu gzugs can snying pos phyogs bzhir pho nya rta pa dag bkye ste/ shes ldan dag de yang rgyal po rgyal rigs sbyi bor dbang bskur ba yin la/ nged kyang rgyal po rgyal rigs spyi bor dbang bskur ba yin gyis phyir log shig dang / shes ldan dag ngas shes ldan dag la 'tsho ba'i rgyu sbyin par bya'o zhes spring ba dang de dag phyir log go/ de nas ang ga'i rgyal pos grong khyer tsam pa bsrung ba bzhag pa des ang ga'i rgyal po ji ltar bsad pa thos nas des sgo bcad de ra ba dag gi khar sbrengs nas 'dug go/ gzhon nu gzugs can snying po yang mthar gyis grong khyer tsam par phyin nas des shing ring po la ang ga'i rgyal po'i mgo btags te bstan nas smras pa/ ngas khyod kyi jo bo gang yin pa de gnas skabs 'di lta bur byas kyis/ gal te je phyir 'byung na de lta na legs/ gal te phyir mi 'byung na khyod kyang gnas skabs 'di lta bur byas par 'gyur ba gang yin pa de lta bu'i gnas yod par 'gyur ro/ /des thos nas mi bde bar gyur te/ des bsams pa/ yul dang srog la gnod gyur na/ / skyes bus kun du srog bsrung bya/ /blo yis gnyis ka dpyad byas na/ /yul ni yang rnyed srog rnams min/ /snyam nas de ral gri mgul du thogs te phyir byung ngo / /de na gzhon nu gzugs can snying pos ang ga'i rgyal po bsad de grong khyer tsam pa rang gi lag tu thob nas des rgyal po pad ma chen po la lha bdag gis ang ga'i rgyal po bkum ste grong khyer tsam pa rang gi sug par thob lags na/ lha yongs su ma grub pa gzhan ci mchis bka' stsol cig dang yongs su bsgrub par bgyi'o zhes phrin yig spring ngo / /de mgu nas des de la gdugs dang / cod pan dang / thod bskur te/ bu khyod kyis 'o ni nyid du rgyal srid byed du chug shig /ngas kyang 'di nyid du rgyal srid byed du gzhug go zhes spring ngo / /de nas gzhon nu gzugs can snying pos yul ang ga dag tu rgyal srid 'byor pa rgyas pa bde ba lo legs pa skye bo dang mi mang pos gang ba byed du bcug go/ /dus gzhan zhig na rgyal po pad ma chen po dus la bab nas rgyal po'i khab kyi blon po rnams kyis rgyal po gzugs can snying po la lha khyod kyi yab dus la bab bo zhes spring nas/ de ang ga dang ma ga d+ha pa'i blon po rnams kyis rgyal srid la dbang bskur ba chen pos dbang bskur to/ /de nas rgyal po gzugs can snying pos yul ang ga dang ma ga d+ha dag tu rgyal srid 'byor pa/ rgyas pa/ bde ba/ lo legs pa/ skye bo dang mi mang pos gang ba/ thab mo dang / tha ba dang / phyi dgra dang / nang 'khrug rab tu zhi ba/ chom rkun dang / mu ge dang / nad dang bral ba/ sa lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa chos kyi rgyal pos chos kyi rgyal srid byed du bcug go / de nas bram ze'i khye'u gsang tshig 'dod pa gsang tshig tshol ba zhig yul dbus nas lho phyogs su song ngo / /de na bram ze rig byed dang rig byed kyi yan lag gi pha rol du son pa yul tha dad pa na gnas pa'i bram ze rnams kyi ston par gyur pa zhig 'dug nas/ bram ze'i khye'u de bram ze de'i drung du song ste phyin nas zhi ba dang spyod lam zhi bas mgo bos phyag 'tshal te phyogs gcig tu 'dug go/ / de nas bram ze des bram ze'i khye'u de la 'ongs pa legs so zhes bya ba'i tshig gis kun du spyad nas smras pa/ kye bram ze'i khye'u khyod ga las 'ongs ci zhig 'dod/ bram ze'i khye'us smras pa/ bdag yul dbus nas mchis te/ mkhan po'i zhabs la sri zhu bgyid par 'tshal lo/ /ci zhig gi phyir/ rig byed bklag pa'i slad du'o/ /bu legs kyis de bzhin du gyis shig /de ni bram zes bya ba yin no/ / bram ze'i khye'u des bram ze de'i drung du rig byed bklag par bya bar brtsams so/ /bram ze'i khye'u rnams kyi kun du spyod pa ni 'di yin te/ gang gi tshe mi klog par gyur pa de'i tshe na lan 'ga' ni chu ngogs su nye reg byed du 'dong ngo / /lan 'ga' ni grong khyer ltar 'dong ngo / /lan 'ga' ni yam sreg shing thur 'dong ngo / /ji tsam dus gzhan zhig na de dag mi klog par gyur nas de'i tshe de dag yam sreg shing thur dong ba dang / de dag la lam gyi bar du bar skabs kyi gtam brjod pa 'di lta bu 'di byung ste/ kye kud sa'i bu dag /bad sa'i bu dag /shan di li'i bu dag /ba ra dwa dza'i bu dag /lnga pa'i bu dag /nye lnga'i bu dag / je khyed cag las gang ni yul ga las 'ongs pa dri bar bya'o/ /de na bram ze'i khye'u gcig gis smras pa/ kho bo ni yul shar nas so/ /gzhan zhig gis smras pa/ kho bo ni lho phyogs nas so/ / yang gzhan zhig gis smras pa/ kho bo ni nub phyogs nas so/ /yang gzhan zhig gis smras pa/ kho bo ni byang phyogs nas so/ /bram ze'i khye'u des smras pa/ kho bo ni yul dbus nas so/ /de dag gis smras pa/ shes ldan dag bdag cag gis yul thams cad mthong zhing thos na yul dbus ni ma mthong ma thos so/ /shar na blo can gnas pa ste/ /lho phyogs na ni g.yon byed 'dug / nub kyi yul na phra ma can/ /byang phyogs na ni tshig rtsub po/ /zhes tshigs su bcad pa yang smras so/ /de nas dris pa/ bram ze'i khye'u yul dbus ci 'dra/ shes ldan dag yul dbus ni yul rnams kyi mchog yin te/ sa lu dang / bu ram shing gi phreng ba dang / ba lang dang / ma he phun sum tshogs pa/ slongs mo pa brgyas khyab pa/ dbus pa'i skye bos gang ba/ mtha' 'khob pa'i skye bos spangs pa skye bo mkhas pas bsten pa/ de na chu klung gang gA kha rje dang / bsod nams dang / bkra shis dang / gtsang ba dang / gtsang ba nyid kyi gnas su grags pa/ 'gram gnyis nas rlan 'phyo ba/ drang srong rnam kyi bsti gnas zhes bya ba chu dgur bcwa brgyad 'bab pa yod de/ der drang srong rnams kyis dka' thub spyad na rang gi lus nyid kyis mtho ris su 'dong ba yin no/ /kye bram ze'i khye'u de ni mjal gyis gzhan 'di 'dri'o/ /yul dbus na mkhas par bgrang ba dag yod dam/ shes ldan dag kho bos dang po nyid nas shes ldan dag yul dbus ni dbus pa'i skye bos gang ba/ mtha' 'khob pa'i skye bos spangs pa/ skye bo mkhas pas bsten pa'o zhes ma smras sam/ bram ze'i khye'u khyod kyis de skad smras so/ /bram ze'i khye'u yul dbus na 'di lta ste dper na bdag cag gi mkhan po dang 'dra ba smra ba'i khyu mchog de lta bu dag yod dam/ shes ldan dag yul dbus na bdag cag gi mkhan pos gang dag gi gdong du lta bar yang mi nus pa/ snyan par smra ba/ smra ba'i khyu mchog de lta bu dag yod do/ /bram ze'i khye'u des de dag la de lta de ltar yul dbus kyi bsngags pa brjod pa dang / 'di ltar de dag thams cad yul dbus su 'dong 'dod par gyur to/ / de nas bram ze'i khye'u de dag yam sreg shing dag btsal te/ yam sreg shing gi khur thogs nas bram ze'i khyim ga la ba der dong ste phyin nas yam sreg shing gi khur dag mtha' gcig tu bzhag ste bram ze de ga la ba der dong nas phyin pa dang / bram ze de la 'di skad ces smras so/ /mkhan po mkhyen par mdzod cig /bram ze'i khye'u 'dis ci nas kyang bdag cag thams cad yul dbus su mchi 'tshal bar gyur pa de ltar yul dbus kyi bsngags pa brjod do/ /bram ze des smras pa/ bu dag ji snyed thos pa de snyed bgrod par bya ba yin nam/ 'di ltar yul dag ni thos na dga' bar 'gyur ba yin pas mnyan par bya'i bgrod par ni mi bya'o/ /mkhan po bram ze'i khye'u 'di'i mchid nas yul dbus na bdag cag gi mkhan pos gang dag gi gdong du lta bar yang mi nus pa/ snyan par smra ba/ smra ba'i khyu mchog de lta bu dag mchis so zhes mchi'o/ /bu dag ci kho bo na re sa'i steng na kho bo gcig pu kho na smra ba yin gyi/ smra ba gzhan 'ga' yang med do zhes zer ram/ sa ni rin po che mang po 'dzin pa yin pas sa gzhi ni mdzes pa mdzes pa dag gis gang ba yin no/ /mkhan po re zhig yul de yang mthong bar 'gyur zhing chu ngogs su nye reg kyang bgyi/ smra ba'i khyu mchog de dag la yang bsnyen bkur bgyi/ rgol ba dag kyang tshar gcad par bgyi/ rang gi grags pa yang bsgrag par bgyi/ rnyed pa yang bsgrub par bgyi/ bdag cag yul dbus su mchi'o/ /bram ze de slob ma la rjes su chags pa dang bcas pa dang / 'khor nyung ba yin pas des bram ze'i khye'u de dag la 'di skad ces smras so/ /bu dag gal te de lta na g.yang gzhi dag dang / shing shun dag dang / dbyu gu dag dang / blugs gzar dag dang / dgang gzar dag dang / ril ba dag long zhig dang yul dbus su 'dong ngo / /de dag gis de dag blangs nas bram ze de bram ze'i khye'u de dag dang lhan cig yul dbus su 'phags pa dang / des rgol ba kha cig ni tshar bcad de rgol ba'i shing rta la sbyor bar byed/ kha cig ni mgor thal ba'i bum pa dag gis bsnun/ kha cig ni 'phong gi dpong sar khwa bzhin du thag ring po nas yongs su spong bar byed/ kha cig ni gdugs dang / rgyal mtshan dang / ba dan dag gis bsu bar byed/ kha cig ni slob ma nyid du khas len par byed cing de mthar gyi grong dang / grong khyer dang / grong rdal dang / dbye tshongs dang / tshong rdal dag tu rgol ba 'dul zhing rgyal po'i khab tu phyin to/ /bram ze des bsams pa/ bdag gis ci'i phyir rtsa ba spangs te yal ga dang / 'dab ma dang / lo ma la nyug par bya/ rgol ba gang dag dang / mkhas par bgrang ba gang ji snyed pa de dag thams cad kyang rgyal po dang nye ba yin gyis/ bdag kyang rgyal po'i gan du 'gro'o snyam nas bram ze de rgyal po gzugs can snying po ga la ba der song ste phyin nas rgyal po gzugs can snying po la rgyal ba dang tshe spel ba byas te phyogs gcig tu 'dug go/ /phyogs gcig tu 'dug nas rgyal po gzugs can snying po la 'di skad ces smras so/ /lha bdag la bla ma las yi ge nyung shas shig blangs pa mchis te/ de'i slad du lha'i spyan sngar rgol ba dag dang lhan cig bka' mchid rnam par gtan la dbab par 'tshal lo/ /rgyal pos blon po rnams la smras pa/ shes ldan dag nga'i yul na bram ze 'di dang lhan cig gtam rnam par gtan la 'bebs par byed pa'i rgol ba 'ga' yod dam/ blon po rnams kyis smras pa/ lha grong na la da na bram ze gnas len gyi bu zhes bgyi ba rig byed dang rig byed kyi yan lag gi pha rol tu mchis pa zhugs lta bu'i shes pas rang gi smra ba gsal bar bgyid/ gzhan gyi smra ba tshar gcod par rngo thog pa zhig mchis te/ des bstan bcos gnas len gyi bu zhes bgyi ba nye bar sbyar to/ /mkhan po gnas len gyi bu de bos shig /lha bod par bgyi'o zhes de dag gis de bos nas de rgyal po gzugs can snying po ga la ba der song ste phyin nas rgyal po gzugs can snying po la rgyal ba dang tshe spel ba byas te phyogs gcig tu 'dug pa dang / blon po rnams kyis smras pa/ lha mkhan po de 'di lags so/ /rgyal pos 'ongs pa legs so zhes bya ba'i tshig gis kun du spyad de smras pa/ mkhan po khyod kho bo'i mdun du bram ze 'di dang lhan cig gtam rnam par gtan la dbab par byed nus sam/ gnas len gyi bus smras pa/ bdag gis rngo thog pas rgyal po dgyes par bgyi'o/ / rgyal pos blon po rnams la bsgo ba/ shes ldan dag rgol ba'i dkyil 'khor shoms shig /phyogs dang gzhan gyi phyogs dag rnam par zhog shig /blon po rnams kyis rgol ba'i dkyil 'khor bshams shing phyogs dang gzhan gyi phyogs dag rnam par bzhag go/ de nas blon po rnam kyis rgyal po'i rkang pa gnyis la phyag 'tshal te smras pa/ lha phyogs snga ma gang bgyid du stsal/ rgyal pos smras pa/ bram ze 'di 'gron pa yin gyis 'di phyogs snga ma byed du chug shig /bram ze de phyogs snga ma byed du bcug nas des rgyud chags lnga brgya bzlas so/ /gnas len gyi bus phyir bzlas te/ khyod kyi 'di ni rigs pa med pa yin no/ /'di ni mi mthun pa yin no/ /'di ni mi 'thad pa yin no zhes skyon btags pa dang bram ze de cang mi smra bar 'dug go/ tshar gcad pa'i gnas rnams kyi nang na 'di lta ste lan la sbobs pa med pa 'di ni tha chad yin no/ /rgyal pos blon po rnams la smras pa/ shes ldan dag su rgyal/ lha mkhan po gnas len gyi bu'o/ /de nas rgyal po yid dga' zhing yid dga' nas ro stod bsrang ste lag pa g.yas pa brkyang nas bdag gi yul na smra ba'i khyu mchog 'di lta bu dag yod pa ni bdag gis rnyed pa legs par rnyed do zhes ched du brjod pa ched du brjod nas smras pa/ mkhan po khyod gnas gang na gnas/ gnas len gyi bus smras pa/ lha grong na la da na'o/ /khyod song la grong de khyod kyis rgol ba'i longs spyod gyis shig /gnas len gyi bu rangs pa dang dga' ba dang mchog tu dga' bar gyur nas skye bo mkhas pa rnams kyis yongs su bskor te/ grong der song ngo / /'jig rten ni 'byor ba 'dod cing rgud pa la ma dad pa yin pas de la bram ze du ma zhig gis bu mo chung mar len du bcug pa dang / de nas gnas len gyi bu des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma la bu ro stod ring ba ring ba zhig btsas nas de'i nye du dag 'dus shing lhags nas nyi ma bdun gsum nyi shu rtsa gcig tu btsas pa'i btsas ston rgya cher byas te/ khye'u'i ming cir gdags zhes ming 'dogs par byed do/ /nye du rnams kyis smras pa/ khye'u 'di ro stod ring ba ring bar gyur pas khye'u 'di'i ming stod rings su gdags so zhes de'i ming stod rings su btags so/ /bram ze'i khye'u stod rings ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la rjes su gtad do/ /de ma ma brgyad po dag gis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin myur du skyed par byed do/ /de gang gi tshe chen por gyur pa de'i tshe yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa dang / 'byed pa dang / klog pa'i pha rol tu son cing / de'i tshe na bram ze'i spyod tshul dang / spyod pa dang / gtsang sbra dang / kun tu spyod pa dang / thal ba blang ba dang / bya ma bum blang ba dang / sa blang ba dang / lag stangs dang / thor tshugs dang / rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid bsrung gi rig byed dang / bram ze'i las drug po mchod sbyin byed pa dang / mchod sbyin byed du 'jug pa dang / klog pa dang / klog tu 'jug pa dang / sbyin pa dang / len pa la mkhas pa'i bram ze rig byed dang / rig byed kyi yan lag gi pha rol tu son pa me lta bu'i shes pas rang gi smra ba gsal bar byed pa/ gzhan gyi smra ba tshar gcod par byed nus par gyur to/ /yang de rtse bar byed/ dga' bar byed/ dga' mgur spyod par byed pa'i chung ma la bu mo mig gnyis bya sha ri ka 'dra ba zhig btsas nas de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas te/ bu mo'i ming cir gdags shes ming 'dogs par byed do/ /nye du rnams kyis smras pa/ bu mo 'di'i mig gnyis bya sha ri ka 'dra bas bu mo 'di'i ming sha ri kar gdags so zhes de'i ming sha ri kar btags so/ /bu mo sha ri ka bsrings shing bskyed de chen mor gyur to/ /des yig 'bru'i yi ge la nye bar sbyar nas des yig 'bru'i yi ge dag lobs so/ /dus gzhan zhig na bram ze'i khye'u stod rings sha ri ka dang lhan cig 'gyed par byed pa na sha ri kas de tshar bcad nas/ phas stod rings la smras pa/ bu khyod skyes pa yin na bud med kyis tshar bcad dam/ nga 'das nas rgol ba'i longs spyod dag phrogs par 'gyur ro/ /de nas yang bram ze'i khye'u gsang tshig 'dod pa gsang tshig tshol ba zhig yul dbus nas lho phyogs su song ngo / /de na bram ze skar rgyal zhes bya ba 'jig rten rgyang pan la mkhas pa/ rig byed dang rig byed kyi yan lag gi pha rol tu son pa yul tha dad pa na gnas pa'i bram ze rnams kyi ston par gyur pa zhig 'dug nas/ bram ze'i khye'u de bram ze de'i drung du song ste phyin nas/ zhi ba dang spyod lam zhi bas mgo bos phyag 'tshal te phyogs gcig tu 'dug go/ /de nas bram ze skar rgyal gyis bram ze'i khye'u de la 'ongs pa legs so zhes bya ba'i tshig gis kun tu spyad nas smras pa/ kye bram ze'i khye'u khyod ga las 'ongs pa ci zhig 'dod/ bram ze'i khye'us smras pa/ bdag yul dbus nas mchis te/ mkhan po'i zhabs la sri zhu bgyid par 'tshal lo/ /ci zhig gi phyir/ 'jig rten rgyang pan gzung ba'i slad du'o/ /bram ze'i khye'u legs kyis de bzhin gyis shig /de ni bram zes bya ba yin no/ /bram ze'i khye'u des bram ze skar rgyal gyi drung du 'jig rten rgyang pan gzung bar brtsams so/ / bram ze'i khye'u rnams kyi kun du spyod pa ni 'di yin te/ gang gi tshe mi klog par gyur pa de'i tshe na lan 'ga' ni chu'i ngogs su nye reg byed du 'dong ngo / /lan 'ga' ni grong khyer ltar 'dong ngo / lan 'ga' ni yam sreg shing thur 'dong ngo / /ji tsam dus gzhan zhig na de dag mi klog par gyur nas de'i tshe de dag yam sreg shing thur dong ba dang / de dag la lam gyi bar du bar skabs kyi gtam brjod pa 'di lta bu 'di dag byung ste/ kye kud sa'i bu dag /bad sa'i bu dag /shan di la'i bu dag /ba ra dwa dza'i bu dag /lnga pa'i bu dag /nye lnga pa'i bu dag je khyed cag las gang ni yul ga las 'ongs pa dri bar bya'o/ / de na bram ze'i khye'u gcig gis smras pa/ kho bo ni yul shar nas so/ /gzhan zhig gis smras pa/ kho bo ni lho phyogs nas so/ /yang gzhan zhig gis smras pa/ kho bo ni nub phyogs nas so/ / yang gzhan zhig gis smras pa/ kho bo ni byang phyogs nas so/ /bram ze'i khye'u des smras pa/ kho bo ni yul dbus nas so/ /de dag gis smras pa/ shes ldan dag bdag cag gis yul thams cad mthong zhing thos na yul dbus ni ma mthong ma thos so/ /shar na blo can gnas pa ste/ /lho phyogs na ni g.yon byed 'dug /nub kyi yul na phra ma can/ /byang phyogs na ni tshig rtsub po/ /zhes tshigs su bcad pa yang smras so/ / de nas dris pa/ bram ze'i khye'u yul dbus ci 'dra/ shes ldan dag yul dbus ni yul rnams kyi mchog yin te/ sa lu dang / bu ram shing gi phreng ba dang / ba lang dang / ma he phun sum tshogs pa/ slongs mo pa brgyas khyab pa/ dbus pa'i skye bos gang ba/ mtha' 'khob pa'i skye bos spangs pa/ skye bo mkhas pas bsten pa/ de na chu klung gang gA kha rje dang / bsod nams dang / bkra shis dang / gtsang ba dang / gtsang ba nyid kyi gnas su grags pa/ 'gram gnyis nas rlan 'phyo ba/ drang srong rnams kyi bsti gnas shes bya ba chu dgur bcwa brgyad 'bab pa yod de/ der drang srong rnams kyi dka' thub spyad na rang gi lus nyid kyis mtho ris su 'dong ba yin no/ /kye bram ze'i khye'u de ni mjal gyis gzhan 'di 'dri'o/ /yul dbus na mkhas par bgrang ba dag yod dam/ shes ldan dag kho bos dang po nyid nas shes ldan dag / yul dbus ni dbus pa'i skye bos gang ba/ mtha' 'khob pa'i skye bos spangs pa/ skye bo mkhas pas bsten pa'o zhes ma smras sam/ bram ze'i khye'u khyod kyis de skad smras so/ /bram ze'i khye'u yul dbus na 'di lta ste dper na/ bdag cag gi mkhan po dang 'dra ba smra ba'i khyu mchog de lta bu dag yod dam/ shes ldan dag yul dbus na bdag cag gi mkhan pos gang dag gi gdong du lta bar yang mi nus pa snyan par smra ba/ smra ba'i khyu mchog de lta bu dag yod do/ /bram ze'i khye'u des de dag la de lta de ltar yul dbus kyi bsngags pa brjod pa dang / 'di ltar de dag thams cad yul dbus su 'dong 'dod par gyur to/ /de nas bram ze'i khye'u de dag gis yam sreg shing dag btsal te/ yam sreg shing gi khur thogs nas bram ze de'i khyim ga la ba der dong ste phyin nas yam sreg shing gi khur mtha' gcig tu bzhag ste/ bram ze de ga la ba der dong nas phyin pa dang / bram ze de la 'di skad ces smras so/ /mkhan po mkhyen par mdzod cig /bram ze'i khye'u 'dis ci nas kyang bdag cag thams cad yul dbus su mchi 'tshal bar gyur pa de ltar yul dbus kyi bsngags pa brjod do/ /bram ze skar rgyal gyis smras pa/ bu dag ji snyed thos pa de snyed bgrod par bya ba yin nam/ 'di ltar yul dag ni thos na dga' bar 'gyur ba yin pas mnyan par bya'i bgrod par ni mi bya'o/ /mkhan po bram ze'i khye'u 'di'i mchid nas yul dbus na bdag cag gi mkhan pos gang dag gi gdong du lta bar yang mi nus pa/ snyan par smra ba/ smra ba'i khyu mchog de lta bu dag mchis so zhes mchi'o/ /bu dag ci kho bo na re sa'i steng na kho bo gcig pu smra ba kho na yin gyi smra ba gzhan 'ga' yang med do zhes zer ram/ sa ni rin po che mang po 'dzin pa yin pas sa gzhi ni mdzes pa mdzes pa dag gis gang ba yin no/ /mkhan po re zhig yul de yang mthong bar 'gyur zhing chu ngogs su nye rig kyang bgyi/ smra ba'i khyu mchog de dag la yang bsnyen bkur bgyi/ rgol ba dag kyang tshar gcad par bgyi/ rang gi grags pa yang bsgrag par bgyi/ rnyed pa yang bsgrub par bgyis/ bdag cag yul dbus su mchi'o/ / bram ze de slob ma la rjes su chags pa dang bcas pa dang / 'khor nyung ba yin pas des bram ze'i khye'u de dag la 'di skad ces smras so/ /bu dag gal te de lta na g.yang gzhi dag dang / shing shun dag dang / dbyu gu dag dang / blugs gzar dag dang / dgang gzar dag dang / ril ba dag long shig dang yul dbus su 'dong ngo / /de dag gis de dag blangs nas bram ze de bram ze'i khye'u de dag dang lhan cig yul dbus su 'phags pa dang / des rgol ba kha cig ni tshar bcad de rgol ba'i shing rta la sbyor bar byed/ kha cig ni mgor thal ba'i bum pa dag gis bsnun/ kha cig ni 'phong gi dpong sar khwa bzhin du thag ring po nas yongs su spong bar byed/ kha cig ni gdugs dang / rgyal mtshan dang / ba dan dag gis bsu bar byed/ kha cig ni slob ma nyid du khas len par byed cing de mthar gyis grong dang / grong khyer dang / grong rdal dang / dbye tshongs dang / tshong rdal dag tu rgol ba 'dul zhing rgyal po'i khab tu phyin to/ /bram ze skar rgyal gyis bsams pa/ bdag gis ci'i phyir rtsa ba spangs te yal ga dang / 'dab ma dang / lo ma la nyug par bya/ rgol ba gang dag dang / mkhas par bgrang ba gang ji snyed pa de dag thams cad kyang rgyal po dang nye ba yin gyis/ bdag kyang rgyal po'i gan du 'gro'o snyam nas bram ze skar rgyal rgyal po gzugs can snying po ga la ba der song ste phyin nas/ rgyal po gzugs can snying po la rgyal ba dang tshe spel ba byas te phyogs gcig tu 'dug go/ /phyogs gcig tu 'dug nas rgyal po gzugs can snying po la 'di skad ces smras so/ /lha bdag la bla ma las yi ge nyung shas shig blangs pa mchis te/ de'i slad du lha'i spyan sngar rgol ba dag dang lhan cig bka' mchid rnam par gtan la dbab par 'tshal lo/ /rgyal pos blon po rnams la smras pa/ shes ldan dag mkhan po gnas len gyi bu de gang na 'dug /lha grong na la da na'o/ /mkhan po gnas len gyi bu de bos shig /lha bod par bgyi'o zhes de dag gis de bos nas de rgyal po gzugs can snying po ga la ba der song ste phyin nas/ rgyal po gzugs can snying po la rgyal ba dang tshe spel ba byas te phyogs gcig tu 'dug pa dang blon po rnams kyis smras pa/ lha mkhan po de 'di lags so/ /rgyal pos 'ongs pa legs so/ / zhes bya ba'i tshig gis kun du spyad de smras pa/ mkhan po khyod kho bo'i mdun du bram ze skar rgyal dang lhan cig gtam rnam par gtan la dbab pa byed nus sam/ gnas len gyi bus smras pa/ bdag gis rngo thog gis rgyal po dgyes par bgyi'o/ /rgyal pos blon po rnams la bsgo ba/ shes ldan dag rgol ba'i dkyil 'khor shoms shig /phyogs dang gzhan gyi phyogs dag rnam par zhog shig /blon po rnams kyis rgol ba'i dkyil 'khor bshams shing phyogs dang gzhan gyi phyogs dag rnam par bzhag go/ /de nas blon po rnams kyis rgyal po'i rkang pa gnyis la phyag 'tshal te smras pa/ lha phyogs snga ma gang bgyid du stsal/ rgyal pos smras pa/ bram ze skar rgyal 'di 'gron pa yin gyis/ 'di phyogs snga ma byed du chug shig /bram ze skar rgyal gyis smras pa/ lha bram ze gnas len gyi bu 'di rgan pa lags pas 'di phyogs snga ma bgyid du stsal bar gsol/ bram ze gnas len gyi bus bsams pa/ bram ze skar rgyal 'di gzhung gsar la byed pa gsal bas bdag gis 'di dang lhan cig smra bar mi nus kyis/ je 'di dang lhan cig tshig 'gred pa zhig bya'o snyam nas des rgyud chags lnga brgya bzlas so/ /bram ze skar rgyal gyis phyir bzlas te/ khyod kyi 'di ni rigs pa med pa yin no/ /'di ni mi mthun pa yin no/ / 'di ni mi 'thad pa yin no zhes skyon btags pa dang / bram ze gnas len gyi bu cang mi smra bar 'dug go/ tshar bcad pa'i gnas rnams kyi nang na 'di lta ste lan la spobs pa med pa 'di ni tha chad yin no/ /rgyal pos blon po rnams la smras pa/ shes ldan dag su rgyal/ bram ze skar rgyal rgyal lo/ /shes ldan dag bram ze skar rgyal la rgol ba'i longs spyod byin cig /de dag gis smras pa/ lha gal te skol gyis rgol ba mchis shing lhags dgu la rgol ba'i longs spyod stsal bar gyur na ring po mi thogs par skol gyi yul ang ga dang ma ga d+ha dag rgol ba'i longs spyod du 'gyur bas/ 'di ltar grong na la da 'di nyid rgol ba'i longs spyod kyi ba dan du bgyis la bram ze gnas len gyi bu las phrogs te/ bram ze 'di la stsal cing 'di bas kyang ches rgyal ba gzhan 'ga' zhig mchis na yang skol gyis de la stsal bar bgyi'o/ / rgyal pos smras pa/ shes ldan dag de bzhin gyis shig /de dag gis de gnas len gyi bu las phrogs te bram ze skar rgyal la byin no/ /gnas len gyi bus bsams pa/ bdag gis rgyal po 'di la phan mang du btags na rgyal po 'dis bdag rjes su ma bsrungs kyis/ bdag gzhan du 'gro'o snyam nas des chung ma la smras pa/ bzang mo kho bos rgyal po 'di la phan mang du btags na rgyal po 'dis kho bo rjes su ma bsrungs kyis kho bo gzhan du 'gros khyim gyi so nam dag sdus shig /des khyim gyi so nam dag bsdu bar brtsams pa dang / de'i nye du dag gis mkhan po gnas len gyi bu gzhan du 'gro'o/ / zhes thos nas de dag de'i gan du song ste phyin nas smras pa/ mkhan po ci'i slad du khyim gyi so nam dag sdud/ des smras pa/ shes ldan dag kho bos rgyal po 'di la phan mang du btags na rgyal po 'dis kho bo rjes su ma bsrungs kyis kho bo gzhan du 'gro'o/ /de dag gis smras pa/ mkhan po khyod gzhan du ma bzhud par re zhig nye du'i nang 'di nyid du bde bar bzhugs shig /des tshigs su bcad pa smras pa/ mi ni gzhan gyi yul na gnas bla yi/ /rang gi yul na zil gnon gnas pa min/ /de nyid rang yul de na gnyen yang yod/ /bram ze skar rgyal gyis mkhan po gnas len gyi bu gzhan du 'gro'o zhes thos nas de de'i gan du song ste phyin nas smras pa/ bdag ni blo bur du 'ongs pa yin pas ring po mi thogs pa kho nar 'gro ste/ 'di khyod nyid kyi rgol ba'i longs spyod du 'gyur gyis gzhan du ma 'gro bar 'dug shig /des smras pa/ bram ze'i khye'u 'gro'o/ /mkhan po gal te de lta na grong 'di phyed khyod snoms shig /phyed bdag 'tshal lo/ /bram ze gnas len gyi bus bsams pa/ bdag gis rgyal po 'di la phan mang du btags na rgyal po 'dis bdag rjes su ma bsrungs te/ 'di ltar bram ze skar rgyal 'dis bdag la 'di lta ste/ longs spyod dag gis longs spyod kyi bgo bsha' byas pa ni phan mang du btags pa yin gyis/ 'di la sha ri ka de chung ma'i don du sbyin no snyam nas des chung ma la smras pa/ bzang mo kho bos rgyal po 'di la phan mang du btags na rgyal po 'dis kho bo rjes su ma bsrungs te/ 'di ltar bram ze skar rgyal 'dis kho bo la 'di lta ste/ longs spyod dag gis longs sbyod kyi bgo bsha' byas pa ni phan mang du btags pa yin gyis/ 'di la sha ri ka de chung ma'i don du sbyin no/ /des smras pa/ bram ze'i khye'u stod rings la dri'o/ /de gnyis kyis de bos te smras pa/ bu bdag cag gis rgyal po 'di la phan mang du btags na rgyal po 'dis bdag cag rjes su ma bsrungs te/ 'di ltar bram ze skar rgyal 'dis bdag cag la 'di lta ste/ longs spyod dag gis longs spyod kyi bgo bsha' byas pa ni phan mang du btags pa yin gyis/ 'di la sha ri ka de chung ma'i don du sbyin par bya'o/ /des smras pa/ yab yum de ltar dgra bo la mdza' bshes su bgyis na 'di lta ste/ des longs spyod rnams las nyams par bgyid pa'am/ thams cad kyi thams cad du srog dang 'bral bar bgyid par yang 'gyur la/ des bdag cag longs spyod dag las nyams par bgyis na/ ci'i slad du skol gyis 'di la sha ri ka mchis brang gi don du stsal bar bgyi/ de gnyis kyis smras pa/ blun po khyod ci shes zhes de gnyis kyis de'i tshig tshig ma yin par byas te sha ri ka bram ze skar rgyal la chung ma'i don du byin no/ /des de dpal gyi 'byor pa chen pos bag mar blangs so/ /bram ze'i khye'u stod rings kyis bsams pa/ 'di dag gis bdag brnyas par gyur pa gang yin pa de thams cad ni thos pa nyung ba las gyur pa yin no snyam nas/ 'di ltar bram ze skar rgyal ci zhig shes snyam na/ 'jig rten rgyang pan shes so snyam nas des smras pa/ shes ldan dag 'jig rten rgyang pan shes pa ga la yod/ lho phyogs na'o/ /de 'jig rten rgyang pan gyi don du lho phyogs su 'phags nas de mthar gyis lho phyogs su phyin pa dang / de der song ste dris pa/ shes ldan dag 'jig rten rgyang pan shes pa su dag yin/ kun du rgyu dag go/ /de de dag gi gan du song ste phyin nas smras pa/ bdag shes ldan dag gi zhabs la sri zhu bgyid par 'tshal lo/ / ci zhig gi phyir/ 'jig rten rgyang pan gzung ba'i slad du'o/ /de dag gis smras pa/ kho bo cag ni khyim pa la 'jig rten rgyang pan mi ston to/ /des smras pa/ gal te de lta na rab tu 'byung ngo / /de dag gis de rab tu phyung nas des bdag gis ji srid du 'jig rten rgyang pan ma bzung ba de srid du bdag gis sen mo mi gcad do zhes des sen mo ring po ring por bzhag nas de'i sen mo ring ba ring bar gyur pas de'i ming kun du rgyu sen rings kun du rgyu sen rings shes bya bar gyur to/ /sha ri ka yang bram ze skar rgyal dang lhan cig 'gyed par byed pa na skar rgyal gyis de tshar bcad do/ /bram ze skar rgyal sha ri ka dang lhan cig rtse bar byed/ dga' bar byed/ dga' mgur spyod par byed pa na sems can srid pa tha ma pa spyod pa tshol ba/ thar pa'i snying po bzung ba/ mya ngan las 'das pa la phyogs pa/ 'khor ba las phyir phyogs pa/ srid pa'i 'gro ba thams cad du 'chi 'pho dang skye ba don du mi gnyer ba/ lus tha ma 'dzin pa zhig kyang lha'i ris bzang po zhig nas shi 'phos te sha ri ka'i mngal du zhugs so/ /sha ri kas rmi lam du mi lag na sgron ma thogs pa zhig gis bdag gi dku dral te zhugs shing bdag ri chen po'i spo la 'dzeg go/ /bdag steng gi nam mkha' la 'gro'o/ /bdag la skye bo phal po che'i tshogs phyag 'tshal lo zhes zer ba rmis so/ /rmis nas des bram ze skar rgyal la smras pa/ bdag gis rmi lam 'di dang 'di lta bu zhig rmis so/ /'di ltar bram ze skar rgyal nyid rmi ltas kyi dpyad la mkhas pa yin mod kyi des bram ze rmi ltas kyi dpyad 'don pa gzhan dag la smras pa/ bdag gi bram ze mos rmi lam 'di dang 'di lta bu zhig rmis na ci la lta/ de dag gis smras pa/ mkhan po g.yar lam de bzang ste/ mi lag na sgron ma thogs pa zhig gis bdag gi dku dral te zhugs shes mchi ba ni bu btsa' bar 'gyur zhing des lo brgyad gnyis kyis dbang po'i brda sprod pa bklags nas rgol ba thams cad tshar gcod par 'gyur ba la lta'o/ /bdag ri chen po'i spo la 'dzeg go/ /bdag steng gi nam mkha' la 'gro'o/ /bdag la skye bo phal po che'i tshogs phyag 'tshal lo zhes mchi ba gang lags pa ni rab tu byung nas brtul zhugs grub pa'i bdag nyid chen por 'gyur ba la lta'o/ /dus gzhan zhig na bram ze skar rgyal sha ri ka dang lhan cig 'gyed par byed pa na sha ri kas de tshar bcad nas/ des bsams pa/ sngon bdag gis 'di tshar bcad na da 'dis bdag tshar bcad pa'i sbyor ba gang yin snyam nas des bsams pa/ de ni 'di'i mthu ma yin gyi/ 'di ltar 'di'i mngal du sems can zhugs pa gang yin pa de'i mthu yin no snyam mo/ /de nas zla ba brgyad dam dgu 'das te khye'u gzugs bzang ba/ blta na sdug pa/ mdzes pa/ gsal ba/ gser gyi mdog 'dra ba/ mgo gdugs lta bu dang ldan pa/ lag pa ring ba/ 'phral ba'i dbyes che ba/ smin ma 'jar ba/ sna'i bzangs mtho ba zhig btsas so/ /btsas nas des bram ze skar rgyal la smras pa/ bram ze'i khye'u 'di mes po'i gan du phul na de 'di'i ming 'dogs par 'gyur ro/ /des mes po'i gan du khrid pa dang des khye'u'i ming cir gdags shes bsams na/ bram ze'i khye'u 'di bram ze skar rgyal gyi bu yin pas bram ze'i khye'u 'di'i ming nye rgyal du gdags so snyam nas de'i ming nye rgyal zhes bya bar btags so/ /bram ze skar rgyal gyis smras pa/ mes pos bram ze'i khye'u 'di'i ming cir btags nye rgyal zhes bya bar btags so/ /des bsams pa/ mes pos bram ze'i khye'u 'di'i ming pha las dras te btags kyis/ bdag gis 'di'i ming ma las dras te gdags so snyam nas bram ze'i khye'u 'di ma sha ri ka'i bu yin pas 'di'i ming shA ri'i bur gdags so snyam nas de'i ming shA ri'i bu zhes bya bar btags so/ /de na kha cig gis ni bram ze'i khye'u shA ri'i bu zhes bya bar shes so/ /kha cig gis ni bram ze'i khye'u nye rgyal zhes bya bar shes so/ /bram ze'i khye'u nye rgyal ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la rjes su gtad do/ /de ma ma brgyad po dag gis 'o ma dang / zho dang mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin myur du skyed par byed do/ /de gang gi tshe chen po gyur pa de'i tshe yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa dang / 'byed pa dang / klog pa'i pha rol du son cing / de'i tshe na bram ze'i spyod tshul dang / spyod pa dang / gtsang sbra dang / kun tu spyod pa dang / thal ba blang ba dang / bya ma bum blang ba dang / sa blang ba dang / lag stangs dang / thor tshugs dang / rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / bram ze'i las drug po mchod sbyin byed pa dang / mchod sbyin byed du 'jug pa dang / klog pa dang / klog tu 'jug pa dang / sbyin pa dang / len pa la mkhas pa'i bram ze rig byed dang rig byed kyi yan lag gi pha rol du son pa/ me lta bu'i shes pas rang gi smra ba gsal bar byed pa/ gzhan gyi smra ba tshar gcod nus par gyur to/ /des phas rig pa'i gnas thams cad slob du bcug nas des lo brgyad gnyis kyis dbang po'i brda sprod pa blags nas rgol ba thams cad tshar bcad par gyur to/ /de dus gzhan zhig na pha dang lhan cig rig byed 'don par byed pa na smras pa/ yab smras pa 'di'i don ci lags/ bu kho bos kyang smras pa 'di'i don mi shes te/ 'di ltar gsang tshig gi gzhi 'di dag ni sngon gyi drang srong rnams kyis bstod pa bsgrags pa yang dag par sbyar ba ste/ de dag ni da ltar bram ze rnams kyang rjes su sgrogs shing rjes su brjod par byed do/ /yab gsang tshig gi gzhi sngon gyi drang srong de rnams kyis bstod pa bsgrags pa yang dag par sbyar ba gang dag da ltar bram ze rnams rjes su sgrogs shing rjes su rjod pa de dag don ma mchis lags snyam 'am/ ci 'di ltar smras pa 'di'i don ni 'di lags so/ / smras pa/ 'di'i don ni 'di lags so/ /bram ze skar rgyal yid dga' zhing yid dga' nas bsams pa/ bus bya ba ni 'di lta ste/ pha'i gzhung srongs par bya ba 'am/ khyad par lhag par rtogs par bya ba de tsam du zad na bram ze'i khye'u 'dis ni bdag pas khyad par lhag par rtogs so snyam nas/ de bram ze'i khye'u lnga brgya tsam bram ze'i gsang tshig dag klog tu 'jug pa de dag kyang des yid dga' zhing dga' bas de nyid la gtad do/ /bram ze'i khye'u nye rgyal bram ze'i khye'u lnga brgya tsam bram ze'i gsang tshig dag klog tu 'jug pa na des rig byed ring po ring po gang dag yin pa de dag ni thung ngur rnam par bzhag go/ /rig byed thung ngu thung ngu gang dag yin pa de dag ni ring por rnam par bzhag ste tshig dang yi ge phri zhing don dang nges pa'i tshig tu rnam par bzhag go/ //'dul ba gzhi/ bam po gnyis pa// grong shing thags can na bram ze mdun na 'don gru 'dzin ces bya ba phyug pa nor mang ba longs sbyod che ba/ yongs su bzung ba/ yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug ste/ des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur sbyod par byed pa de la bu yang med bu mo yang med nas/ de bu med cing bu mngon par 'dod pas zhi ba dang / chu lha dang / lus ngan dang / brgya byin dang / tshangs pa la sogs pa dag la gsol ba 'debs shing / lha'i bye brag gzhan 'di lta ste/ kun dga' ra ba'i lha dag dang / tshal gyi lha dag dang / bzhi mdo'i lha dag dang / sum mdo'i lha dag dang / gtor ma len pa'i lha dag dang / lhan cig skyes pa dag dang / chos mthun pa dag dang / rtag tu rjes su 'brang ba'i lha dag la yang gsol ba 'debs so/ /'jig rten na gang gsol ba 'debs pa'i rgyu las bu dang bu mo dag skye'o zhes bya ba'i gtam de lta bu yod do/ /de ni de lta ma yin te/ gal te de ltar 'gyur du zin na re re la yang 'di lta ste dper na 'khor los sgyur ba'i rgyal po bzhin du bu stong yod par 'gyur ro/ /'di ltar gnas gsum po dag mngon du 'gyur ba las bu dang bu mo dag skye bar 'gyur te/ gsum po de dag gang zhe na/ pha dang ma gnyis chags par gyur cing 'dus pa dang / ma dus la bab cing zla mtshan dang ldan pa dang / dri za nye bar gnas shing 'jug par 'dod pa ste/ gnas gsum po de dag mngon du gyur pa las bu dang bu mo dag skye bar 'gyur ro/ /de de ltar gsol ba 'debs pa lhur len cing 'dug pa na/ sems can srid pa tha ma pa spyod pa tshol ba / thar pa'i snying po bzung ba/ mya ngan las 'das pa la phyogs pa/ 'khor ba las phyir phyogs pa/ srid pa'i 'gro ba thams cad du 'chi 'pho dang / skye ba don du mi gnyer ba/ lus tha ma 'dzin pa zhig kyang lha'i ris bzang po zhig nas shi 'phos te de'i skye dgu'i bdag mo'i mngal du zhugs so/ /bud med mkhas pa'i rang bzhin can la la la ma 'dres pa'i chos lnga yod de/ lnga gang zhe na/ /skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs par shes pa dang / gang las mngal na gnas pa zhugs pa de shes pa dang / khye'u shes shing bu mo shes pa ste/ gal te khye'u yin na dku g.yas par rten cing 'dug la/ gal te bu mo yin na dku g.yon par rten cing 'dug pa'o/ /de yid dga' zhing yid dga' nas khyim thabs la smras pa/ rje'i sras bdag la sems can zhugs par gyur pa ni 'di ltar bdag gis dku g.yas par rten cing mchis pas nges par khye'ur 'gyur gyis dgyes pa bskyed du gsol/ de yang yid dga' zhing yid dga' nas ro stod bsrangs te lag pa g.yas pa brkyang nas 'di skad ces kho bo yun ring po nas mngon par 'dod pa bu'i ngo mthong ba dang / kho bo dang mthun par skye zhing mi mthun par mi skye ba dang / kho bo'i bya ba dag byed pa dang / gsos pas phyir gso ba dang / bgo skal la spyod pa dang / kho bo'i rigs rgyud ring du gnas par sgrub pa dang / bdag cag shi zhing dus la bab pa dag la nyung ngu 'am/ mang po yang rung ba'i sbyin pa dag byin zhing bsod nams dag byas nas 'di de gnyis gang du skyes shing 'gro ba'i rjes su 'gro bar gyur cig ces ming gis yon sngo ba byed par gyur cig ces ched du brjod pa ched du rjod par byed do/ / de la sems can zhugs par rig nas 'di lta ste/ mngal na gnas pa yongs su smin par bya ba'i phyir steng gi khang bzangs kyi gzhir grang ba na grang ba'i yo byad dag dang / dro ba na dro ba'i yo byad dag dang / sman pas bcas pa'i zas ha cang yang mi kha ba dang / ha cang yang mi skyur ba dang / ha cang yang lan tshwa mi che ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang / skyur ba dang / lan tshwa dang / mngar ba dang / tsha ba dang / bska ba rnam par spangs pa'i zas dag dang / do shal dang / se mo do dang / rgyan gyis klubs pa'i lus lha'i bu mo dga' ba'i tshal na rnam par spyod pa lta bu dang / khri nas khrir dang / khri'u nas khri'ur rgyu zhing shod kyi sa gzhir mi 'bab pa dang / des sgra yid du mi 'ong ba cung zad kyang mi thos par gnod pa med pa nyid du rim gro byed du 'dzud do/ /de zla ba brgyad dam dgu 'das te khye'u gzugs bzang ba/ blta na sdug pa/ mdzes pa/ gsal ba gser gyi mdog 'dra ba/ mgo gdugs lta bu dang ldan pa/ lag pa ring ba/ 'phral ba'i dbyes che ba/ smin ma 'jar ba/ sna'i gzangs mtho ba zhig btsas so/ /btsas nas de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas khye'u'i ming cir gdags zhes ming 'dogs par byed do/ /khye'u 'di lha pang du blangs nas thob pas/ bram ze'i khye'u 'di'i ming pang nas skyes su gdags so snyam nas de'i ming pang nas skyes zhes bya bar btags so/ /gzhan yang maud gal gyi rigs yin pas bram ze'i khye'u 'di'i ming maud gal gyi bur gdags so snyam nas de'i ming maud gal gyi bu zhes bya bar yang btags so/ /de na kha cig gis ni bram ze'i khye'u maud gal gyi bu zhes bya bar shes so/ /kha cig gis ni bram ze'i khye'u pang nas skyes shes bya bar shes so/ /bram ze'i khye'u pang nas skyes ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la rjes su gtad do/ /de ma ma brgyad po dag gis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin myur du skyed par byed do/ /de gang gi tshe chen por gyur pa de'i tshe yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa dang / 'byed pa dang / klog pa'i pha rol du son cing / de'i tshe na bram ze'i spyod tshul dang / spyod pa dang / gtsang sbra dang / kun tu spyod pa dang / thal ba blang ba dang / bya ma bum blang ba dang / sa blang ba dang / lag stangs dang / thor tshugs dang / rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / bram ze'i las drug po mchod sbyin byed pa dang / mchod sbyin byed du 'jug pa dang / klog pa dang / klog tu 'jug pa dang / sbyin pa dang / len pa la mkhas pa'i bram ze'i rig byed kyi yan lag gi pha rol du son pa me lta bu'i shes pas rang gi smra ba gsal bar byed pa/ gzhan gyi smra ba tshar gcod nus par gyur to/ /de phas rig pa'i gnas thams cad slob tu bcug go/ /de dus gzhan zhig na pha dang lhan cig rig byed 'don par byed pa na smras g.yab smras pa 'di'i don ci lags/ bu kho bos kyang smras pa 'di'i don mi shes te/ 'di ltar gsang tshig gi gzhi 'di dag ni sngon gyi drang srong rnams kyis bstod pa bsgrags pa yang dag par sbyar ba ste/ de dag ni da ltar bram ze rnams kyang rjes su sgrogs shing rjes su rjod par byed do/ /yab gsang tshig gi gzhi sngon gyi drang srong de rnams kyis bstod pa bsgrags pa/ yang dag par sbyar ba gang dag da ltar bram ze rnams rjes su sgrogs shing rjes su brjod pa de dag don ma mchis pa lags snyam 'am ci/ 'di ltar smras pa 'di'i don ni 'di lags so/ /bram ze gru 'dzin yid dga' zhing yid dga' nas bsams pa/ bus bya ba ni 'di lta ste/ pha'i gzhung srongs par bya ba'am/ khyad par lhag par rtogs par bya ba de tsam du zad na/ bram ze'i khye'u 'dis ni bdag pas khyad par lhag par rtogs so snyam nas bram ze'i khye'u lnga brgya tsam bram ze'i gsang tshig dag klog tu 'jug pa de dag kyang des yid dga' zhing yid dga' bas de nyid la gtad do/ /bram ze'i khye'u pang nas skyes bram ze'i khye'u lnga brgya tsam bram ze'i gsang tshig dag klog tu 'jug go/ /bram ze'i khye'u rnams kyi kun du spyod pa ni 'di yin te/ gang gi tshe mi klog par gyur pa de'i tshe na lan 'ga' ni chu ngogs su nye reg byed du 'dong ngo / /lan 'ga' ni grong khyer ltar 'dong ngo / /lan 'ga' ni yam sreg shing thur 'dong ngo / /ji tsam dus gzhan zhig na de dag mi klog par gyur nas/ de'i tshe de dag grong khyer ltar dong ba dang / bram ze'i khye'u nye rgyal gyi bram ze'i khye'u dag gsang tshig dag klog cing mdun du 'dong ngo / /bram ze'i khye'u pang nas skyes kyi bram ze'i khye'u dag kyang gsang tshig dag klog cing phyi bzhin 'brang zhing 'dong ngo / /bram ze'i khye'u pang nas skyes kyi bram ze'i khye'u de dag gis bram ze'i khye'u nye rgyal gyi bram ze'i khye'u de dag gsang tshig gi gzhi dag klog pa thos nas de dag gis smras pa/ ci'i phyir khyed cag gsang tshig gi gzhi dag nyams par byas te klog /de dag gis smras pa/ ji ltar bklag par bya/ gsang tshig gi gzhi 'di dag ni 'di dang 'di skad ces bklag par bya'o/ /de dag gis smras pa/ khyed cag gis su las gsang tshig gi gzhi 'di dag blags/ de dag gis smras pa/ gang gis de mi shes pa des ni nyi ma dang zla ba gnyis mi shes pa yin no/ /grong na la da na bram ze skar rgyal zhes bya ba zhig 'dug pa de'i bu bram ze'i khye'u nye rgyal zhes bya ba de las bdag cag gis blags so/ /khyed cag gis kyang su las gsang tshig gi gzhi 'di dag blags/ de dag gis smras pa/ gang gis de mi shes pa des kyang nyi ma dang zla ba gnyis mi shes pa yin no/ /grong shing thags can na bram ze mdun na 'don gru 'dzin ces bya ba zhig 'dug pa de'i bu bram ze'i khye'u pang nas skyes shes bya ba de las bdag cag gis blags so/ /de nas bram ze'i khye'u nye rgyal gyi bram ze'i khye'u rnams spa gong zhing mi dga' ba dang / mi 'jigs pa med par gyur te/ bram ze'i khye'u nye rgyal ga la ba der dong ba dang des thag ring po kho na nas mthong nas smras pa/ bram ze'i khye'u dag 'di lta ci nyes/ mkhan po cang ma nongs so/ /des tshigs su bcad pa smras pa/ /bsam pa nang na yod pa kun/ /phyi rol nas ni nye bar dmigs/ /skad mdog dbang po'i rnam pa dag /rnam par sba bar mi nus so/ / bram ze'i khye'u dag gor ma chag par ci zhig nyes so/ /de dag gis skabs de rgyas par brjod pa dang des smras pa/ bram ze'i khye'u dag de de bzhin te/ ji ltar bram ze'i khye'u de dag gsang tshig gi gzhi de dag klog pa bzhin du de dag bklag par bya ba yin mod kyi/ kho bos rig byed ring po ring po gang dag yin pa de dag ni thung ngur rnam par bzhag go/ rig byed thung ngu thung ngu gang dag yin pa de dag ni ring por rnam par bzhag ste/ tshig dang yi ge phri zhing don dang nges pa'i tshig tu rnam par bzhag go/ /bram ze'i khye'u pang nas skyes kyi bram ze'i khye'u rnams kyang spa gong zhing mi dga' ba dang mi 'jigs pa med par gyur te/ bram ze'i khye'u pang nas skyes ga la ba der dong ba dang des kyang thag ring po kho na nas mthong nas smras pa/ bram ze'i khye'u dag 'di lta ci nyes/ mkhan po cang ma nongs so/ /des kyang tshigs su bcad pa smras pa/ bsam pa nang na yod pa kun/ /phyi rol nas ni nye bar dmigs/ /skad mdog dbang po'i rnam pa dag /rnam par sba bar mi nus so/ /bram ze'i khye'u dag gor ma chag par ci zhig nyes so/ /de dag gis skabs de rgyas par brjod pa dang des smras pa/ bram ze'i khye'u dag de de bzhin te/ ji ltar bdag cag gsang tshig gi gzhi de dag klog pa de bzhin du de dag klag par bya ba yin mod kyi/ bram ze'i khye'u de shes rab can yin pas des rig byed ring po ring po gang dag yin pa de dag ni thung ngur rnam par bzhag go/ /rig byed thung ngu thung ngu gang dag yin pa de dag ni ring por rnam par bzhag ste/ tshig dang yi ge phri zhing don dang nges pa'i tshig tu rnam par bzhag go/ /de gnyis gcig gis gcig thos ma thag kho nar mthong 'dod par gyur nas bram ze'i khye'u nye rgyal pha'i gan du song ste phyin nas smras pa/ yab bdag grong shing thags can du mchi 'tshal lo/ /ci zhig gi phyir bram ze mdun na 'don gru 'dzin ces bgyi ba zhig mchis pa de'i bu bram ze'i khye'u pang nas skyes shes bgyi ba de blta ba'i slad du'o/ /bu de khyod pas ches shes rab can zhig yin nam ci/ yab de ni bdag pas ches shes rab can ma lags te/ 'di ltar de ni ches phyug pa lags so/ / des tshigs su bcad pa smras pa/ mi gang rigs kyis rgan pa dang / /na tshod rgan dang nor gyis rgan/ /de kun thos pas rgan pa yi/ /sgo na don kun gnyer bas sdod/ /bu gal te de 'ong na thos pas bgo bsha' bya'i bgrod par ni mi bya'o/ /bram ze'i khye'u pang nas skyes kyang pha'i gan du song ste phyin nas smras pa/ yab bdag grong na la dar mchi 'tshal lo/ /ci zhig gi phyir de na bram ze skar rgyal zhes bgyi ba zhig mchis pa de'i bu bram ze'i khye'u nye rgyal zhes bgyi ba de blta ba'i slad du mchi'o/ /bu de khyod pas ches phyug pa zhig yin nam ci/ yab de ni bdag pas ches phyug pa ma lags te/ 'di ltar de ni ches shes rab can lags so/ /des kyang tshigs su bcad pa smras pa/ mi gang rigs kyis rgan pa dang / /na tshod rgan dang thos pas rgan/ /de kun nor gyis rgan pa yi/ /sgo na ci bya snyam pa sdod/ / bu gal te 'ong na nor gyis bgo bsha' bya'i bgrod par ni mi bya'o/ /ji tsam dus gzhan zhig na rgyal po'i khab tu klu'i rgyal po ri bo dang / yid 'ong gnyis kyi dus ston la bab bo/ /rgyal po gzugs can snying po'i kun du spyod pa ni gang gi tshe klu'i rgyal po ri bo dang / yid 'ong gnyis kyi dus ston la bab pa de'i tshe na bdag nyid kyis nyams su myong bar byed pa'am/ yang na gzhon nu ma skyes dgra gtong bar byed do/ /ci tsam dus gzhan zhig na rgyal po gzugs can snying po la bya ba chung zhig byung nas des gzhon nu ma skyes dgra la smras pa/ bu song la klu'i rgyal po ri bo dang / yid 'ong gnyis kyi dus ston nyams su myong bar gyis shig /bram ze gru 'dzin gyis rgyal po gzugs can snying pos gzhon nu ma skyes dgra klu'i rgyal po ri bo dang / yid 'ong gnyis kyi dus ston nyams su myong bar byed du btang ba/ thos nas des bsams pa/ gzhon nu ma skyes dgra 'di pha 'das nas rgyal por 'gyur la/ bram ze'i khye'u pang nas skyes 'di yang bdag 'das nas mdun na 'don du 'gyur bas/ de bsten na dus su 'bras bu ster bar 'gyur ro snyam nas des bram ze'i khye'u pang nas skyes la smras pa/ bu song la klu'i rgyal po ri bo dang / yid 'ong gnyis kyi dus ston nyams su myong bar gyis la de na stan bzhi po rgyal po'i gdan dang / mdun na 'don gyi stan dang / rgol ba'i stan dang / mchog thob pa'i stan bshams pa las khyod kyis rgyal po'i gdan gcig pu zhog la mdun na 'don gyi stan la 'dug shig /de der song nas rgyal po'i stan gcig pu bzhag ste mdun na 'don gyi stan la 'dug go/ / bram ze skar rgyal gyis kyang rgyal po gzugs can snying pos gzhon nu ma skyes dgra klu'i rgyal po ri bo dang / yid 'ong gnyis kyi dus ston nyams su myong bar byed du btang ba thos nas des kyang bram ze'i khye'u nye rgyal la smras pa/ bu song la klu'i rgyal po ri bo dang / yid 'ong gnyis kyi dus ston nyams su myong bar gyis la/ de na stan bzhi po rgyal po'i gdan dang / mdun na 'don gyi stan dang / rgol ba'i stan dang / mchog thob pa'i stan bshams pa las khyod kyis rgyal po'i gdan dang / mdun na 'don gyi stan zhog la mchog thob pa'i stan la dbyi gu dang ril ba zhog ste rgol ba'i stan la 'dug shig /ji tsam na nyi ma 'char ba nas ji tsam na nub par 'gyur ba de'i bar du khyod dang 'dra ba'i rgol ba gzhan med do/ /de yang song ste rgyal po'i stan dang / mdun na 'don gyi stan bzhag ste/ mchog thob pa'i stan la dbyi gu dang ril ba bzhag ste rgol ba'i stan la 'dug go/ /rol mo'i sgra dag byung ba na gar mkhan dag gis to Ta ka'i rgyud du glu blangs pa dang / mi dag gis bro brdung ba dang / glu blang bar brtsams pa dang bram ze'i khye'u de gnyis dbang po dag phyir blan te/ 'khod pa skye bo phal po che'i tshogs kyis mthong nas de dag gis smras pa/ bram ze'i khye'u 'di gnyis yang na ni blun po gnyis shig go/ /yang na ni shes pas mi 'khrug pa gnyis shig go/ /rol mo'i sgra dag zhi zhing mi dag gis bro brdung zhing glu blangs te dong ba dang / bram ze'i khye'u pang nas skyes kyis bram ze'i khye'u nye rgyal la smras pa/ ji ltar khyod la bro legs par brdungs pa dang / glu legs par blangs pa dang / rol mo'i sgra legs par bsgrags par snang ngam/ des smras pa/ gang gis mthong ba'am/ thos pa la snang ngo / /des smras pa/ dbang po nang du bsdus pa dag gis ma mthong ba ni bden na ji ltar ma thos/ des tshigs su bcad pa smras pa/ shi lpags shi ba'i rgyus pa dang / /'chir 'gyur bzhad gad 'jo sgeg gi/ /'chi ba'i skye bo 'dus pa la/ / mkhas pa su zhig bag med byed/ /des smras pa/ khyod nye rgyal yin nam/ kho bo skye bo dag gis de ltar shes so/ /bram ze'i khye'u nye rgyal gyis kyang bram ze'i khye'u pang nas skyes la smras pa/ ji ltar khyod la yang bro legs par brdungs pa dang / glu legs par blangs pa dang / rol mo'i sgra legs par bsgrags par snang ngam/ des kyang smras pa/ gang gis mthong ba'am/ thos pa la snang ngo / /des smras pa/ dbang po nang du bsdus pa dag gis ma mthong ba ni bden na ji ltar ma thos/ des kyang tshigs su bcad pa smras pa/ rgyan rnams thams cad khur yin te/ /gar rnams thams cad mtho 'tsham pa/ /glu rnams thams cad kyal pa ste/ /gzugs kun mi rtag nyid yin no/ /des smras pa/ khyod pang nas skyes yin nam/ kho bo skye bo dag gis de ltar shes so/ /bram ze'i khye'u nye rgyal gyis bram ze'i khye'u pang nas skyes la smras pa/ tshur shog bdag cag yang dag pa kho nar dad pas khyim nas khyim med par rab tu 'byung ngo / /des smras pa/ bram ze'i khye'u gang gi don du mchod sbyin sbyin par byed/ sbyin sreg sreg par byed/ dka' thub kyis gdung bar byed pa'i mdun na 'don de bdag gi lag mthil du 'ongs shing glang po ches 'gro ba'i rigs su skyes na ci'i phyir rab tu 'byung / des tshigs su bcad pa smras pa/ ljon shing rdib par gyur pa'i tshe/ /yal ga 'dab mas ci zhig byed/ /de bzhin skyes bu 'chi ba'i tshe/ /yongs su bzung bas ci zhig byed/ /tshur shog bdag cag yang dag pa kho nar dad pas khyim nas khyim med par rab tu 'byung ngo / /des smras pa/ je pha ma la dri bar bya'o/ /bram ze'i khye'u pang nas skyes pha ma gnyis ga la ba der song ste phyin nas smras pa/ yab yum mkhyen par mdzod cig /bdag yang dag pa kho nar dad pas khyim nas khyim med par rab tu 'byung ngo / /bu gang gi don du mchod sbyin sbyin par byed/ sbyin sreg sreg par byed/ dka' thub kyis gdung bar byed pa'i mdun na 'don de khyod kyi lag mthil du 'ongs shing glang po ches 'gro ba'i rigs su skyes na ci'i phyir rab tu 'byung / des tshigs su bcad pa smras pa/ nags na shing shun rtswa gyon zhing / /rtsa ba 'bras bu 'cha' ba dang / /ri dgas gdug pa rnams dang ni/ /lhan cig gnas pa mchog lags kyi/ /'jig rten pha rol 'jigs byed pa'i/ /mkhas pas rgyal srid slad du ni/ /gsod dang bcing dang rdeg pa dag /bgyid pa de lta ma lags so/ /de gnyis kyis smras pa/ bu khyod nged kyi bu gcig pa sdug pa/ yid du 'ong ba/ bzod pa/ mthong na mi mthun pa med pa yin pas khyod shi bar gyur na nged mi 'dod bzhin du 'bral grang / gson bzhin du gtang ba lta smos kyang ci dgos/ yab yum gal te gnang na de lta na legs/ gal te mi gnang na deng slan chad bdag 'tshal ma yang mi 'tshal/ phyag la yang mi 'tshal lo/ /bu gzhon nu mi gnang gis ji srid nged gson gyi bar du khyod nged kyi mig lam na 'dug la bya ba gzhan ma sems shig /de nas bram ze'i khye'u pang nas skyes kyis nyi ma gcig kyang zan gcad pa byas so/ /gnyis dang / gsum nas drug gi bar du yang zan gcad pa byas so/ /de nas bram ze'i khye'u pang nas skyes kyi pha ma gnyis bram ze'i khye'u pang nas skyes ga la ba der dong ste phyin nas bram ze'i khye'u pang nas skyes la 'di skad ces smras so/ /bu gzhon nu shes par gyis shig /khyod ni shin tu gzhon pa bde ba 'dod pa yin pas khyod kyis sdug bsngal mi shes te/ tshangs par spyod pa spyad dka'o/ /rab tu dben pa bya dka'o/ /gcig pu nyid la mngon par dga' bar dka'o/ /gnas mal dgon pa nags khrod dang / ri drung dang / bas mtha' dag tu gnas par mnags par dka'o/ /gcig pu dgon par gnas pa yang sdug bsngal lo/ /khyod kyis ji srid 'tsho'i bar du ri dgas gdug pa dag dang lhan cig gnas par bya dgos so/ /khyod kyis ji srid 'tsho'i bar du gzhan gyis byin pas 'tsho bar bya dgos so/ /khyod kyis ji srid 'tsho'i bar du mi'i 'dod pa dag las dben par bya dgos so/ /khyod kyis ji srid 'tsho'i bar du mi'i dga' ba dang rtsed mo dag las dben par bya dgos so/ /bu gzhon nu pang nas skyes tshur shog 'di nyid du 'dug la 'dod pa dag la yang yongs su spyod cig /sbyin pa dag kyang byin cig /bsod nams dag kyang gyis shig /de skad smras kyang bram ze'i khye'u pang nas skyes cang mi smra'o/ /bram ze'i khye'u pang nas skyes kyi pha ma gnyis kyis bram ze'i khye'u pang nas skyes la lan gnyis lan gsum gyi bar du 'di skad ces smras so/ /bu gzhon nu shes par gyis shig /khyod ni shin tu gzhon pa bde ba 'dod pa yin pas khyod kyis sdug bsngal mi shes te/ tshangs par spyod pa spyad dka'o/ /rab tu dben pa bya dka'o/ /gcig pu nyid la mngon par dga' bar dka'o/ /gnas mal dgon pa nags khrod dang / ri drung dang / bas mtha' dag tu gnas pa khong du chud par dka'o/ / gcig pu dgon par gnas pa sdug bsngal lo/ /khyod kyis ji srid 'tsho'i bar du ri dgas gdug pa dag dang / lhan cig gnas par bya dgos so/ /khyod kyis ji srid 'tsho'i bar du gzhan gyis byin pas 'tsho bar bya dgos so/ /khyod kyis ji srid 'tsho'i bar du mi'i 'dod pa dag las dben par bya dgos so/ /khyod kyis ji srid 'tsho'i bar du mi'i dga' ba dang rtsed mo dag las dben par bya dgos so/ /bu gzhon nu pang nas skyes tshur shog khyod 'di nyid du 'dug la 'dod pa dag la yang yongs su spyod cig /sbyin pa dag kyang byin cig /bsod nams dag kyang gyis shig /de skad lan gnyis lan gsum gyi bar du smras kyang bram ze'i khye'u pang nas skyes cang mi smra'o/ /de nas bram ze'i khye'u pang nas skyes kyi pha ma gnyis kyis bram ze'i khye'u pang nas skyes kyi nye du rnams la bsgo ba/ kye nye du dag tshur shog bu gzhon nu pang nas skyes slong shig / de nas bram ze'i khye'u pang nas skyes kyi nye du dag bram ze'i khye'u pang nas skyes ga la ba der dong ste phyin nas bram ze'i khye'u pang nas skyes la 'di skad ces smras so/ /sras gzhon nu mkhyen par mdzod cig /khyod ni shin tu gzhon pa bde ba bzhed pa lags pas khyod kyis sdug bsngal mi mkhyen te/ tshangs par spyod pa spyad dka'o/ /rab tu dben pa bgyi dka'o/ /gcig pu nyid la mngon par dga' bar dka'o/ /gnas mal dgon pa nags khrod dang / ri drung dang / bas mtha' dag tu gnas pa khong du chud par dka'o/ /gcig pu dgon par gnas pa sdug bsngal lo/ /khyod kyis ji srid 'tsho'i bar du ri dgas gdug pa dag dang / lhan cig gnas par bgyi 'tshal lo/ /khyod kyis ji srid 'tsho'i bar du gzhan gyis byin pas 'tsho bar bgyi 'tshal lo/ /khyod kyis ji srid 'tsho'i bar du mi'i 'dod pa dag las dben par bgyi 'tshal lo/ /khyod kyis ji srid 'tsho'i bar du mi'i dga' ba dang rtsed mo dag las dben par bgyi 'tshal lo/ /sras gzhon nu pang nas skyes tshur spyon khyod 'di nyid du bzhugs la 'dod pa dag la yang yongs su spyod cig /sbyin pa dag kyang stsol cig /bsod nams dag kyang mdzod cig /de skad smras kyang bram ze'i khye'u pang nas skyes cang mi smra'o/ /bram ze'i khye'u pang nas skyes kyi nye du dag gis/ bram ze'i khye'u pang nas skyes la lan gnyis lan gsum gyi bar du 'di skad ces smras so/ /sras gzhon nu mkhyen par mdzod cig /khyod ni shin tu gzhon pa bde ba bzhed pa lags pas khyod kyis sdug bsngal mi mkhyen te/ tshangs par spyod pa spyad dka'o/ /rab tu dben par bgyi dka'o/ /gcig pu nyid la mngon par dga' bar dka'o/ /gnas mal dgon pa nags khrod dang / ri drung dang / bas mtha' dag tu gnas pa khong du chud par dka'o/ /gcig pu dgon par gnas pa sdug bsngal lo/ /khyod kyis ji srid 'tsho'i bar du ri dgas gdug pa dag dang lhan cig gnas par bgyi 'tshal lo/ /khyod kyis ji srid 'tsho'i bar du gzhan gyis byin pas 'tsho bar bgyi 'tshal lo/ /khyod kyis ji srid 'tsho'i bar du mi'i 'dod pa dag las dben par bgyi 'tshal lo/ /khyod kyis ji srid 'tsho'i bar du mi'i dga' ba dang rtsed mo dag las dben par bgyi 'tshal lo/ / sras gzhon nu pang nas skyes tshur spyon 'di nyid du bzhugs la 'dod pa dag la yang yongs su spyod cig /sbyin pa dag kyang stsol cig /bsod nams dag kyang mdzod cig /de skad lan gnyis lan gsum gyi bar du smras kyang bram ze'i khye'u pang nas skyes cang mi smra'o/ /de nas bram ze'i khye'u pang nas skyes kyi pha ma gnyis kyis bram ze'i khye'u pang nas skyes kyi ne'u ldangs rnams la bsgo ba/ kye gzhon nu dag tshur sheg bu gzhon nu pang nas skyes slong shig /de nas bram ze'i khye'u pang nas skyes kyi ne'u ldangs dag bram ze'i khye'u pang nas skyes ga la ba der dong ste phyin nas bram ze'i khye'u pang nas skyes la 'di skad ces smras so/ /sras zhi ba gzhon nu mkhyen par mdzod cig /khyod ni shin tu gzhon pa bde ba bzhed pa lags pas khyod kyis sdug bsngal mi mkhyen te/ tshangs par spyod pa spyad dka'o/ /rab tu dben par bgyi dka'o/ /gcig pu nyid la mngon par dga' bar dka'o/ /gnas mal dgon pa nags khrod dang / ri drung dang / bas mtha' dag tu gnas pa khong du chud par dka'o/ /gcig pu dgon par gnas pa sdug bsngal lo/ /khyod kyis ji srid 'tsho'i bar du ri dgas gdug pa dag dang lhan cig gnas par bgyi 'tshal lo/ /khyod kyis ji srid 'tsho'i bar du gzhan gyis byin pas 'tsho bar bgyi 'tshal lo/ /khyod kyis ji srid 'tsho'i bar du mi'i 'dod pa dag las dben par bgyi 'tshal lo/ /khyod kyis ji srid 'tsho'i bar du mi'i dga' ba dang rtsed mo dag las dben par bgyi 'tshal lo/ /sras gzhon nu pang nas skyes tshur spyon khyod 'di nyid du bzhugs la 'dod pa dag la yang yongs su spyod cig /sbyin pa dag kyang stsol cig /bsod nams dag kyang mdzod cig /de skad smras kyang bram ze'i khye'u pang nas skyes cang mi smra'o/ /bram ze'i khye'u pang nas skyes kyi ne'u ldangs rnams kyis bram ze'i khye'u pang nas skyes la lan gnyis lan gsum gyi bar du 'di skad ces smras so/ /sras gzhon nu mkhyen par mdzod cig /khyod ni shin tu gzhon pa bde ba bzhed pa lags pas khyod kyis sdug bsngal mi mkhyen te/ tshangs par spyod pa spyad dka'o/ /rab tu dben par bgyi dka'o/ /gcig pu nyid la mngon par dga' bar dka'o/ /gnas mal dgon pa nags khrod dang / ri drung dang / bas mtha' dag tu gnas pa khong du chud par dka'o/ /gcig pu dgon par gnas pa sdug bsngal lo/ /khyod kyis ji srid 'tsho'i bar du ri dgas gdug pa dag dang lhan cig gnas par bgyi 'tshal lo/ /khyod kyis ji srid 'tsho'i bar du gzhan gyis byin pas 'tsho bar bgyi 'tshal lo/ /khyod kyis ji srid 'tsho'i bar du mi'i 'dod pa dag las dben par bgyi 'tshal lo/ /khyod kyis ji srid 'tsho'i bar du mi'i dga' ba dang rtsed mo dag las dben par bgyi 'tshal lo/ /sras gzhon nu pang nas skyes tshur spyon khyod 'di nyid du bzhugs la 'dod pa dag la yang yongs su spyod cig /sbyin pa dag kyang stsol cig /bsod nams dag kyang mdzod cig /de skad lan gnyis lan gsum gyi bar du smras kyang bram ze'i khye'u pang nas skyes cang mi smra'o/ /de nas bram ze'i khye'u pang nas skyes kyi ne'u ldangs rnams bram ze'i khye'u pang nas skyes kyi pha ma gnyis ga la ba der dong ste phyin nas bram ze'i khye'u pang nas skyes kyi pha ma gnyis la 'di skad ces smras so/ /yab yum dag mkhyen par mdzod cig /zhi ba gzhon nu pang nas skyes gum pas ci zhig bgyi rab tu 'byung ba ni mkhas pas bsngags pa lags pas gal te rab tu byung nas mngon par dga' bar gyur na yang de gson po nyid du gzigs par 'gyur la/ mngon par dga' bar ma gyur na yang drang srong dag ni slar ldog pa lags pas bu'i gnas pha ma gnyis las ma gtogs pa gzhan su zhig mchis par 'gyur gyis rab tu byung na legs so/ /de nas bram ze'i khye'u pang nas skyes kyi pha ma gnyis kyis bram ze'i khye'u pang nas skyes la 'di skad ces smras so/ /bu gzhon nu pang nas skyes khyod la rab tu 'byung ba legs pa byed pa yin la/ khyim na gnas pa legs pa byed pa ma yin nam/ yab yum bdag la rab tu 'byung ba legs pa bgyid pa lags la/ khyim na gnas pa legs pa bgyid pa ma lags so/ /bu gzhon nu pang nas skyes 'o na da de'i dus la bab par shes par gyis shig /de nas bram ze'i khye'u pang nas skyes pha ma gnyis kyis gnang nas 'bras khu'i rim gyis lus kyi mthu dang / stobs dang / brtson 'grus bskyed de/ grong shing thags can nas phyir byung nas/ grong na la da ga la ba der 'phags so/ /bram ze'i khye'u nye rgyal dben pa la dga' bas gnas mal dgon par song ste/ bram ze'i khye'u lnga brgya tsam bram ze'i gsang tshig dag klog tu 'jug go/ bram ze'i khye'u pang nas skyes mthar gyis grong na la dar phyin nas bram ze'i khye'u nye rgyal gyi pha ma gnyis la smras pa/ yab yum bram ze'i khye'u nye rgyal gar mchis/ de gnyis kyis smras pa/ bram ze'i khye'u nye rgyal dben pa la dga' bas gnas mal dgon par song ste bram ze'i khye'u lnga brgya tsam bram ze'i gsang tshig dag klog tu 'jug go/ /bram ze'i khye'u pang nas skyes bram ze'i khye'u nye rgyal ga la ba der song ste phyin nas smras pa/ nye rgyal tshur shog bdag cag yang dag pa kho nar dad pas khyim nas khyim med par rab tu 'byung ngo / /des smras pa/ khyod pha ma gnyis kyis gnang ngam/ gnang ngo / /des smras pa/ bram ze'i khye'u kho bos pha ma gnyis la dris te 'ong gi bar du re shig sdod cig /des smras pa/ nye rgyal kho bo ni dus de srid kyis pha mas gnang na khyod da ji srid kyis gnang bar 'gyur/ des smras pa/ bram ze'i khye'u kho bo da kho na gnang bar byas te 'ong ngo / /de nas bram ze'i khye'u nye rgyal pha ma gnyis ga la ba der song ste phyin nas pha ma gnyis la 'di skad ces smras so/ /yab yum mkhyen par mdzod cig /bdag yang dag pa kho nar dad pas khyim nas khyim med par rab tu 'byung ngo / /de gnyis kyis smras pa/ bu khyod la rab tu 'byung ba legs pa byed pa yin nam/ yab yum bdag la rab tu 'byung ba legs pa bgyid pa lags so/ /bu 'o na song la rab tu byung shig /de nas bram ze'i khye'u nye rgyal bram ze'i khye'u pang nas skyes kyi gan du song ste smras pa/ pang nas skyes tshur shog bdag cag yang dag pa kho nar dad pas khyim nas khyim med par rab tu 'byung ngo / /des smras pa/ bram ze'i khye'u khyod pha ma gnyis kyis gnang ngam/ gnang ngo / /nye rgyal kho bo ni dus de srid kyis pha ma gnyis kyis gnang na khyod pha ma gnyis kyis myur du gnang ba'i sbyor ba gang yin/ 'di ltar khyod ni 'ching ba dam pa dang / 'ching ba brtan pa dang / 'ching ba ma rul ba dang / gags shing sbom pa yin gyi/ kho bo ni 'ching ba stobs med pa dang / 'ching ba stobs chung ba dang / 'ching ba rul ba dang / gags shing phra ba yin no/ /'di ltar tshe dang ldan pa shA ri'i bu ni tshe rabs lnga brgyar rab tu byung bar gyur cing 'di ltar tshe dang ldan pa shA ri'i bus smon lam 'di skad ces/ ha cang phyug pa'i khyim dang ni/ /dbul po'i khyim du mi skye bar/ /bar ma'i khyim du skye 'gyur zhing / /rtag tu rab byung mang bar shog / ces btab pa'i phyir ro/ /bram ze'i khye'u pang nas skyes kyis bram ze'i khye'u nye rgyal la smras pa/ bram ze'i khye'u bdag cag ni bram ze rab tu grags pa dag yin pas bdag cag gang yang rung ba rab tu 'byung bar mi nus kyis/ 'di ltar legs par brtag par bya ste rab tu 'byung bar bya'o zhes de gnyis mthar gyis rgyal po'i khab tu phyin to/ /de'i tshe na rdzogs byed la sogs pa ston pa drug po thams cad mkhyen pa ma yin par thams cad mkhyen par mngon pa'i nga rgyal can 'di lta ste/ 'drob skyong gi bu rdzogs byed dang / gnag lhas kyi bu kun du rgyu dang / smra 'dod kyi bu mo'i bu yang dag rgyal ba can dang / mi pham skra'i la ba can dang / kA tA'i bu nog can dang / gnyen gyi bu gcer bu dag rgyal po'i khab na nye bar rten cing gnas so/ /de nas bram ze'i khye'u nye rgyal dang / pang nas skyes gnyis 'drob skyong gi bu rdzogs byed ga la ba der dong ste phyin nas 'drob skyong gi bu rdzogs byed la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ rdzogs byed kyis smras pa/ bram ze'i khye'u dag kho bo ni 'di ltar lta zhing 'di skad smra ste/ sbyin pa med do/ /mchod sbyin med do/ sbyin sreg med do/ /legs par spyad pa med do/ /nyes par spyad pa med do/ /legs par spyad pa dang nyes par spyad pa'i las rnams kyi 'bras bu dang rnam par smin pa med do/ /'jig rten 'di med do/ /'jig rten pha rol med do/ /ma med do/ /pha med do/ /sems can rdzus te skye ba med do/ /'jig rten na dgra bcom pa yang dag par song ba yang dag par zhugs pa gang dag tshe 'di nyid la rang gi mngon par shes pas 'jig rten 'di dang 'jig rten pha rol mngon sum du byas nas bsgrubs te bdag cag ni skye ba zad do/ /tshangs par spyad pa bsten to/ /bya ba byas so/ /srid pa 'di las gzhan mi shes so zhes go bar byed pa dag med do/ /srog ni 'di nyid la 'tsho zhing de phyis chad par 'gyur/ zhig par 'gyur te shi ba'i 'og tu mi 'byung ngo / /skyes bu'i lus ni 'byung ba chen po bzhi las gyur pa yin te/ de ni gang gi tshe dus byed pa na de'i sa'i lus ni sa'i bag la zha/ chu'i lus ni chu'i/ me'i lus ni me'i/ rlung gi lus ni rlung gi bag la zha bar 'gyur ro/ /dbang po rnams ni nam mkha'i rjes su 'gro bar 'gyur ro/ /skyes bu'i ro ni khri dang lnga'i mi dag gis khyer te dur khrod du 'gro zhing bsregs phan chad mi mngon par 'gyur ro/ /bsreg bya dag ni thal bar 'gyur ro/ /rus pa dag ni thi ba'i mdog 'dra bar gnas so/ /'di ltar rmongs pas nye bar bsten pa ni sbyin la/ mkhas pas nye bar bsten pa ni len to/ /de la gang dag yod par smra ba de dag thams cad ni gsob gsog brdzun du gdol ba dag yin no/ /'di ltar byis pa dang mkhas pa de gnyis ni phyis chad par 'gyur/ zhig par 'gyur te shi ba'i 'og tu mi 'byung ngo / /de nas bram ze'i khye'u nye rgyal dang / pang nas skyes gnyis 'di snyam du sems te/ ston pa shes ldan 'di ni lam gol bar zhugs pa/ lam ngan pa legs par sgrub pa yin te/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no snyam du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos ni de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te dong ngo / /de nas bram ze'i khye'u nye rgyal dang pang nas skyes gnyis gnag lhas kyi bu kun du rgyu ga la ba der dong ste phyin nas gnag lhas kyi bu kun du rgyu la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ kun du rgyus smras pa/ bram ze'i khye'u dag kho bo ni 'di ltar lta zhing 'di skad smra ste/ sems can rnams kun nas nyon mongs par 'gyur ba la rgyu med rkyen med do/ /sems can rnams rgyu med rkyen med par kun nas nyon mongs par 'gyur ro/ /sems can rnams rnam par dag par 'gyur ba la rgyu med rkyen med do/ /sems can rnams rgyu med rkyen med par rnam par dag par 'gyur ro/ /sems can rnams shes pa med par 'gyur ba dang / mthong ba med par 'gyur ba la rgyu med rkyen med do/ /sems can rnams rgyu med rkyen med par shes pa med pa dang / mthong ba med par 'gyur ro/ /sems can rnams shes par 'gyur ba dang / mthong bar 'gyur ba la rgyu med rkyen med do/ /sems can rnams rgyu med rkyen med par shes pa dang / mthong bar 'gyur ro/ /stobs med do/ /brtson 'grus med do/ /stobs dang brtson 'grus med do/ /skyes bu'i rtsal med do/ /pha rol gnon pa med do/ /skyes bu'i rtsal dang pha rol gnon pa med do/ / bdag gi rtsal med do/ /gzhan gyi rtsal med do/ /bdag gi rtsal dang gzhan gyi rtsal med do/ /sems can thams cad dang / srog thams cad dang / 'byung po thams cad mthu med/ stobs med do/ /dbang med do/ / brtson 'grus med do/ /pha rol gnon pa med do/ /'gro ba mtshams sbyor ba'i srid pa dag nges par gyur to/ /'di ltar 'gro ba drug po dag tu bde ba dang sdug bsngal so sor myong bar 'gyur ro/ /de nas bram ze'i khye'u nye rgyal dang / pang nas skyes gnyis 'di snyam du sems te/ ston pa shes ldan 'di yang lam gol bar zhugs pa/ lam ngan pa legs par sgrub pa yin te/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no snyam du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos ni de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te dong ngo // //'dul ba gzhi/ bam po gsum pa/ /de nas bram ze'i khye'u nye rgyal dang / pang nas skyes gnyis smra 'dod kyi bu mo'i bu yang dag rgyal ba can ga la ba der dong ste phyin nas smra 'dod kyi bu mo'i bu yang dag rgyal ba can la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ yang dag rgyal ba can gyis smras pa/ bram ze'i khye'u dag kho bo ni 'di ltar lta zhing 'di skad smra ste/ byed pa dang byed du 'jug pa dang / gcod pa dang gcod du 'jug pa dang / sreg pa dang sreg tu 'jug pa dang / rdeg pa dang rdeg tu 'jug pa dang / srog chags la 'tshe ba dang / ma byin par len pa dang / 'dod pa dag la log par spyod pa dang / shes bzhin du brdzun smra ba dang / myos par 'gyur ba'i btung ba 'thung ba dang / khyim 'bigs pa dang / mdud pa dgrol ba dang / ril gyis 'phrog pa dang / lam 'gog cing 'dug pa dang / grong 'joms par byed pa dang / grong khyer 'joms par byed pa dang / yul 'joms par byed pa dang / sa gzhi chen po 'di la sems can gang dag yod pa de dag thams cad 'khor lo'i mtha' spu gri las byas pas kun du gcod par byed/ kun du gsheg par byed/ kun du rdung bar byed/ kun du 'dral bar byed cing sems can de dag thams cad kun du gcad/ kun du gshegs/ kun du brdungs/ kun du dral nas sha'i thang ma gcig tu byed/ sha'i tshoms gcig tu byed/ sha'i bungs gcig tu byed/ sha'i phung po gcig tu byed cing sha'i thang ma gcig tu byas/ sha'i tshoms gcig tu byas/ sha'i bungs gcig tu byas/ sha'i phung po gcig tu byas nas de ltar kun du sgrub par byed pa la gzhi de las sdig pa yang med/ gzhi de las sdig par 'gyur ba yang med do/ /chu klung gang gA'i lho nas kun du gcod par byed/ kun du gsheg par byed/ kun du rdung bar byed/ kun du 'dral bar byed cing 'gro la/ chu klung gang gA'i byang nas sbyin pa byed/ mchod sbyin byed cing 'gro bar gyur na/ gzhi de las sdig pa dang bsod nams kyang med/ gzhi de las sdig pa dang bsod nams su 'gyur ba yang med do/ /sbyin pa dang / dul ba dang / yang dag par sdom pa dang / don spyod pa dang / don mthun pas de ltar byed pa yang bsod nams mi byed pa kho na yin no/ /de nas bram ze'i khye'u nye rgyal dang pang nas skyes gnyis 'di snyam du sems te/ ston pa shes ldan 'di yang lam gol bar zhugs pa/ lam ngan pa yang dag par sgrub pa yin te/ 'jigs pa dang bcas pa'i lam ji lta ba bzhin du mkhas pa rnams kyis spang bar bya ba yin no snyam du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ / gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te dong ngo / /de nas bram ze'i khye'u nye rgyal dang pang nas skyes gnyis mi pham skra'i la ba can ga la ba der dong ste phyin nas mi pham skra'i la ba can la 'di skad ces smras so/ shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ mi pham gyis smras pa/ bram ze'i khye'u dag kho bo ni 'di ltar lta zhing 'di skad smra ste/ lus bdun po 'di dag ni ma byas pa/ byas pas ma byas pa/ ma sprul pa/ sprul pas ma byas pa/ gnod par bya ba ma yin pa ther zug tu gnas pa/ ka ba bzhin du gnas pa dag yin te/ bdun gang zhen/ 'di lta ste sa'i lus dang / chu'i lus dang / me'i lus dang / rlung gi lus dang / bde ba dang / sdug bsngal ba dang / srog gson pa nyid ni bdun pa ste/ lus bdun po de dag ni ma byas pa/ byas pas ma byas pa/ ma sprul pa/ sprul pas ma byas pa/ gnod par bya ba ma yin pa/ ther zug tu gnas pa/ ka ba bzhin du gnas pa dag yin no/ /de dag ni 'di lta ste/ bsod nams su 'gyur ba'i phyir ram/ sdig par 'gyur ba'i phyir ram/ bsod nams dang sdig par 'gyur ba'i phyir ram/ bde bar 'gyur ba'i phyir ram/ sdug bsngal bar 'gyur ba'i phyir ram/ bde ba dang / sdug bsngal bar 'gyur ba'i phyir g.yo bar mi byed/ rnam par 'gyur bar mi byed/ gcig la gcig gnod par mi byed do/ /skyes bu gang gis skyes bu'i mgo gcod par byed pa des kyang 'jig rten na g.yo ba 'am/ gnas pa la gnod pa chung zad kyang mi byed de/ lus bdun po dag la bar med par mtshon thal byung du 'gro zhing der srog la gnod pa'ang med do/ /de la gsod par byed ba'am/ gsod du bcug pa'am/ skul bar byed pa 'am/ skul du bcug pa'am/ dran par byed pa'am/ dran par byed du bcug pa'am/ rnam par rig par byed pa'am/ rnam par rig par byed du bcug pa 'ga' yang med do/ /byis pa'am mkhas pa gang dag yin pa dag ni skye gnas gnas gtso bo dang ldan pa khri bzhi stong dang / rtog pa chen po drug khri dang drug brgya dang / las lnga dang / las gsum dang / las gnyis dang las dang / las phyed dang / lam drug bcu rtsa gnyis dang / rtog pa bar ma drug bcu rtsa gnyis dang / sems can dmyal ba sum bcu rtsa drug dang / dbang po brgya nyi shu dang / rdul gyi khams drug bcu rtsa gnyis dang / klu'i rigs bzhi khri dgu stong dang / nam mkha' lding gi rigs bzhi khri dgu stong dang / kun du rgyu'i rigs bzhi khri dgu stong dang / kun du 'tsho'i rigs bzhi khri dgu stong dang / gcer bu pa'i rigs bzhi khri dgu stong dang / 'du shes can gyi gnas bdun dang / 'du shes med pa'i gnas bdun dang / gcer bu pa'i gnas bdun dang / lha ma yin bdun dang / sha za bdun dang / lha bdun dang / mi bdun dang / mtsho chen po bdun dang / mtsho bdun brgya dang / rmi lam chen po bdun dang / rmi lam bdun brgya dang / 'bri ba chen po bdun dang / 'bri ba bdun brgya dang / 'phel ba chen po bdun dang / 'phel ba bdun brgya dang / sad pa chen po bdun dang / sad pa bdun brgya dang / g.yang sa chen po bdun dang / g.yang sa bdun brgya dang / rigs btsun pa drug dang / mngon par mtho ba bcu dang / skyes bu chen po'i sa brgyad po de dag tu bskal pa chen po brgyad khri bzhi stong du mtshams sbyar cing 'khor nas sdug bsngal mthar byed do/ /'di lta ste/ dper na skud pa'i dru bu yang ba steng gi nam mkha' las 'phangs pa gzangs pa na sa la 'bab pa de bzhin du byis pa'am mkhas pa gang dag yin pa dag kyang de dag tu bskal pa chen po brgyad khri bzhi stong du mtshams sbyar cing 'khor nas sdug bsngal mthar byed do/ /de la dge sbyong dang / bram ze gang 'di skad ces/ bdag tshul khrims sam/ brtul zhugs sam/ dka' thub bam/ tshangs par spyod pa la gnas pa 'dis las yongs su ma smin pa ni yongs su smin par bya zhing yongs su smin pa ni reg par byas nas byang bar bya'o zhes zer ba 'ga' yang med do/ /bde ba dang sdug bsngal 'di nges pa yin no/ /yar skye ba dang mar 'grib pa ni mi srid do/ /'di lta bu 'di nyid dang gzhan ma yin pas 'khor ba gzhal lo/ /de nas bram ze'i khye'u nye rgyal dang pang nas skyes gnyis 'di snyam du sems te/ ston pa shes ldan 'di yang lam gol bar zhugs pa/ lam ngan pa legs par sgrub pa yin ste/ lam 'jigs pa dang bcas pa ci lta ba bzhin du mkhas pa rnams kyis spang bar bya ba yin no snyam du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te dong ngo / /de nas bram ze'i khye'u nye rgyal dang pang nas skyes gnyis kA tA'i bu nog can ga la ba der dong ste phyin nas/ kA tA'i bu nog can la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ nog can gyis smras pa/ bram ze'i khye'u dag kho bo ni 'di ltar lta zhing 'di skad smra ste/ gal te 'ga' zhig kho bo'i gan du 'ongs te 'di skad ces 'jig rten pha rol yod dam zhes dri ba 'dri na/ de la kho bo 'jig rten pha rol yod do zhes dri ba dris pa'i lan 'debs par byed do/ /'jig rten pha rol med dam zhes dri ba 'dri na/ de la kho bo 'jig rten pha rol med do zhes dri ba dris pa'i lan 'debs par byed do/ /'jig rten pha rol yod pa dang med pa yin nam zhes dri ba 'dri na/ de la kho bo 'jig rten pha rol yod pa dang med pa yin no zhes dri ba dris pa'i lan 'debs par byed do/ /'jig rten pha rol yod pa yang ma yin med pa yang ma yin nam zhes dri ba 'dri na/ de la kho bo 'jig rten pha rol yod pa yang ma yin med pa yang ma yin no zhes dri ba dris pa'i lan 'debs par byed do/ /de bzhin du gal te 'ga' zhig kho bo'i gan du 'ongs te 'di skad ces 'jig rten pha rol 'di lta bu nyid dang / 'di lta bu nyid ma yin pa yin nam dri ba 'dri na/ de la kho bo 'jig rten pha rol 'di lta bu dang 'di lta bu nyid ma yin pa yin no zhes dri ba dris pa'i lan 'debs par byed do/ /'jig rten pha rol gzhan nyid dang gzhan nyid ma yin pa yin nam zhes dri ba 'dri na/ de la kho bo 'jig rten pha rol gzhan nyid dang gzhan nyid ma yin pa yin no zhes dri ba dris pa'i lan 'debs par byed do/ /'jig rten pha rol gzhan ma yin pa nyid dang gzhan ma yin pa nyid ma yin pa yin nam zhes dri ba 'dri na/ de la kho bo 'jig rten pha rol gzhan ma yin pa nyid dang / gzhan ma yin pa nyid ma yin pa yin no/ /zhes dri ba dris pa'i lan 'debs par byed do/ /'jig rten pha rol de nyid dang de nyid ma yin pa yin nam zhes dri ba 'dri na/ de la kho bo 'jig rten pha rol de nyid dang de nyid ma yin pa yin no zhes dri ba dris pa'i lan 'debs par byed do/ /de nas bram ze'i khye'u nye rgyal dang pang nas skyes gnyis 'di snyam du sems te/ ston pa shes ldan 'di yang lam gol bar zhugs pa/ lam ngan pa legs par sgrub pa yin te/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no snyam du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos ni de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te dong ngo / /de nas bram ze'i khye'u nye rgyal dang pang nas skyes gnyis gnyen gyi bu gcer bu ga la ba der dong ste phyin nas gnyen gyi bu la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ gcer bus smras pa/ bram ze'i khye'u dag kho bo ni 'di ltar lta zhing 'di skad smra ste/ skyes bu gang zag 'dis so sor myong ba gang yin pa ci yang rung ste de thams cad sngon byas pa'i rgyu las byung ba yin no/ /las rnying pa rnams ni dka' thub kyis 'byung bar 'gyur la las sar pa rnams ni mi bya ba'i chu lon gyis ldog par bya'o/ /de ltar na phyin chad zag pa med do/ /zag pa med na las zad do/ /las zad na sdug bsngal zad do/ /sdug bsngal zad na sdug bsngal mthar byed par 'gyur ro/ /de nas bram ze'i khye'u nye rgyal dang pang nas skyes gnyis 'di snyam du sems te/ ston pa shes ldan 'di yang lam gol bar zhugs pa lam ngan pa legs par bsgrub pa ste/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no snyam du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te dong ngo / de'i tshe na mu stegs can gyi gnas yang dag rgyal ba can zhes bya ba zhig byung nas ring po ma lon par gyur to/ /de nas bram ze'i khye'u nye rgyal dang pang nas skyes gnyis ston pa yang dag rgyal ba can ga la ba der dong ste phyin nas dris pa/ shes ldan dag ston pa yang dag rgyal ba can gang na/ nang du yang dag 'jog la'o/ /kye ma bdag cag gis yun ring mo zhig nas nang du yang dag 'jog gi sgra gdod thos so/ /de gnyis 'di snyam du sems te/ bdag cag gis ston pa nang du yang dag 'jog las bslang ba ni bdag cag gi tshul dang mthun pa ma yin gyis/ gang gi tshe nang du yang dag 'jog las langs par gyur pa de'i tshe na drung du 'dong bar bya'o snyam nas/ de gnyis phyogs gcig tu dong ste 'khod do/ /de nas ston pa yang dag rgyal ba can nang du yang dag 'jog las langs pa dang de bsam gtan dag gis dbang po rnams tshim par gyur to/ /de gnyis kyis bsams pa/ gang la byad bzhin yod pa de dag la yon tan dag kyang yod do snyam nas de gnyis de'i gan du dong ste phyin nas smras pa/ shes ldan yang dag rgyal ba can khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ yang dag rgyal ba can gyis smras pa/ bram ze'i khye'u dag kho bo ni 'di ltar lta zhing 'di skad smra ste/ bden pa dang mi 'tshe ba ni chos so zhi ba dang / rga ba med pa dang / 'chi ba med pa dang / nyams pa med pa'i gnas de ni tshangs pa'o/ /de gnyis kyis smras pa/ mkhan po smras pa de'i don ci lags/ bden pa zhes bya ba ni bden pa'i bsam pas rab tu 'byung ba'o/ / mi 'tshe ba zhes bya ba ni chos thams cad mi 'tshe ba'i gzhi las byung ba'o/ /zhi ba dang / rga ba med pa dang / 'chi ba med pa dang / nyams pa med pa'i gnas shes bya ba de dag ni mya ngan las 'das pa'i rnam grangs kyi tshig dag yin no/ /de ni tshangs pa'o zhes bya ba ni gal te re zhig tshe 'di nyid la mya ngan las 'das pa sgrub par byed na de lta na legs/ gal te sgrub par mi byed na yang tshangs pa'i 'jig rten du nye bar 'gro bar 'gyur te/ de lta na yang bram ze dag ni tshangs pa'i 'jig rten du gzhol ba dang / tshangs pa'i 'jig rten du 'bab pa dang / tshangs pa'i 'jig rten du bab pa yin no/ /tshangs pa'i 'jig rten yang de lta bu yin zhing / tshangs pa'i 'jig rten yang de 'dra ba yin te/ tshangs pa'i 'jig rten dang skal ba mnyam par sgrub pa ni mya ngan las 'das pa la gzhol ba yin no/ /mkhan po bdag cag rab tu 'byung bar gnang na bdag cag mkhan po'i spyan sngar tshangs par spyod pa spyad par bgyi'o/ /des de gnyis rab tu phyung ngo / /gang gi tshe ston pa yang dag rgyal ba can gyis bram ze'i khye'u nye rgyal dang pang nas skyes gnyis rab tu phyung ba de'i tshe na thams cad du ston pa yang dag rgyal ba can gyis bram ze'i khye'u nye rgyal dang pang nas skyes gnyis rab tu phyung ngo zhes sgra grags shing de la rnyed pa dang bkur sti mang po byung bar gyur to/ /des bsams pa/ sngon yang bdag shaN Di la'i rigs yin la da ltar yang bdag shaN Di la'i rigs yin na da ltar bdag la rnyed pa dang bkur sti mang po byung bar gyur pa'i sbyor ba gang yin snyam mo/ /des bsams pa/ 'di ni bdag gi mthu ma yin te/ 'di ltar bram ze'i khye'u 'di gnyis kyi mthu yin no snyam nas bram ze'i khye'u lnga brgya tsam bram ze'i gsang tshig dag klog tu 'dzud pa na des gcig la nyis brgya lnga bcu gtad cing gcig shos la yang nyis brgya lnga bcu gtad do/ /dus gzhan zhig na ston pa yang dag rgyal ba can na bar gyur nas nye rgyal gyis pang nas skyes la smras pa/ pang nas skyes ci khyod mkhan po'i g.yog byed dam 'on te sman tshol bar byed/ des bsams pa/ 'di ni shes rab can yin pas 'di nyid g.yog byed du bcug la bdag gis ni sman btsal bar bya'o snyam nas des smras pa/ khyod mkhan po'i g.yog byos shig dang kho bos sman btsal lo/ /nye rgyal gyis g.yog bya bar brtsams nas pang nas skyes sman tshol bar byed do/ /de la rtsa ba dang / sdong bu dang / 'dab ma dang / me tog dang / 'bras bu'i sman dag gis bsnyen bkur byas kyang nad de nye bar zhi bar ma gyur cing nyam dmas nas des 'dzum pa bstan pa dang bram ze'i khye'u nye rgyal gyis smras pa/ mkhan po khyod lta bu'i skyes bu gtso bo dag ni rgyu ma mchis rkyen ma mchis par 'dzum pa mi mdzad na/ mkhan po 'dzum pa mdzad pa'i rgyu ni gang lags/ rkyen ni gang lags/ des smras pa/ nye rgyal de de bzhin no/ /de de bzhin te/ kho bo lta bu skyes bu gtso bo dag ni rgyu med rkyen med par 'dzum pa mi ston te/ 'di ltar gser gling na rgyal po gser bdag ces bya ba dus la bab pa de'i chung ma me'i phung por mchongs pa na de la kho bo 'di snyam du sems te/ sems can 'di dag ni 'dod pa'i rgyu dang / 'dod pa'i gzhi dang / 'dod pa'i gnas kyi rgyus 'di ltar sdug bsngal nyams su myong bar byed do snyam mo/ /mkhan po dus gang gi tshe/ dus mang ge mo zhig gi tshe'o/ /zla ba gang la/ zla ba mang ge mo zhig la'o/ /nyi ma gang la/ nyi ma mang ge mo zhig la'o/ /des dris pa de glegs bu la bris te bzhag go/ /des smras pa/ mkhan po bdag cag cung zad rab tu phyung ba gang lags pa de dag thams cad bdud rtsi don du gnyer zhing bdud rtsi tshol ba lags na/ gal te mkhan pos bdud rtsi cung zad brnyes pa lta na/ kye ma mkhan pos bdag cag la yang bdud rtsi bgo bsha' mdzad du gsol/ bu kho bo yang cung zad rab tu byung ba de thams cad bdud rtsi don du gnyer zhing bdud rtsi tshol ba yin na kho bos bdud rtsi cung zad kyang ma rnyed de/ 'di ltar 'di nyid kyi gso sbyong bcwa lnga pa la lha dag steng gi nam mkha' la rgyu ba rnams kyi sgra thos nas gangs kyi ngos dang nye ba chu klung skal ldan shing rta pa'i 'gram drang srong ser skya'i bsti gnas dang ha cang mi ring bar shAkya rnams kyi gzhon nu byung ste/ de bram ze ltas pa dang mtshan mkhan dag gis gzhon nu de pho brang gi nang na bzhugs par gyur na 'khor los sgyur ba'i rgyal po mtha' bzhir rgyal ba/ chos kyi rgyal po chos dang ldan pa/ rin po che sna bdun dang ldan par 'gyur te/ de'i rin po che bdun po de dag ni 'di lta bur 'gyur te/ 'di lta ste 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che nyid ni bdun pa yin no/ /'di la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong tshang ba yod par 'gyur ro/ /de rgya mtsho la thugs pa'i sa chen po ma lus pa gnod par sdo ba med cing 'tshe ba med pa 'di nyid chad pa med cing mtshon gyis bda' ba med la/ chos dang mthun zhing snyoms pas legs par phab ste gnas par 'gyur ro/ / gal te skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung na ni de bzhin gshegs pa dgra bcom pa yang dag par rdzogs pa'i sangs rgyas 'jig rten du rnam par grags pa'i sgra dang ldan par 'gyur ro zhes lung bstan to zhes zer ba'i sgra thos kyis/ khyed gnyis de'i bstan pa la rab tu byung la rigs smra bar mi bya/ rus smra bar mi bya/ bram ze'i khye'ur smra ba mi bya bar rgyags pa dang nga rgyal nges par bcom pa dag gis de'i spyan sngar tshangs par spyad pa spyod cig dang / de las khyed gnyis kyis bdud rtsi chen po thob par 'gyur ro zhes smras nas/ bsags pa kun gyi mtha' zad cing / /mthon po rnams ni mtha' ltung 'gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ /zhes bya ba yin pas dus kyi chos dang ldan par gyur to/ /de de rnams kyi gos sngon po dang / ser po dang / dmar po dang / dkar po dag gi phyogs brgyan te dur khrod du bskyal nas bsregs te/ de'i 'og tu mya ngan bsang ba dag byas nas 'khod do/ /gser gling nas bram ze'i khye'u ral pa gser 'dra zhes bya ba zhig mthar gyis rgyal po'i khab tu phyin nas de de rnams kyi 'dug gnas su zhugs pa dang nye rgyal gyis smras pa/ bram ze'i khye'u khyod de bar ga las 'ongs/ des smras pa/ gser gling nas so/ /bram ze'i khye'u khyod kyis gser gling na ngo mtshar dang rmad du byung ba'i chos cung zad ci mthong / des smras pa/ bdag gis ngo mtshar dang rmad du byung ba'i chos chen po ma mthong ste/ 'di ltar bdag gis gser gling na ngo mtshar dang rmad du byung ba'i chos cung zad ci mthong ba de nyon cig /gser gling na rgyal po gser bdag ces bya ba dus la bab pa de'i chung ma me'i phung por mchongs so/ /dus gang gi tshe/ dus mang ge mo zhig gi tshe'o/ /zla ba gang la/ zla ba mang ge mo zhig la'o/ /nyi ma gang la/ nyi ma mang ge mo zhig la'o/ /des dris pa glegs bu la bris pa bltas na ji tsam na thams cad de kho na bzhin du mthong nas nye rgyal gyis pang nas skyes la smras pa/ mkhan pos slob dpon gyi dpe mkhyud byas te/ des shin tu bdud rtsi rnyed na bdag cag la bdud rtsi'i bgo bsha' ma byas te/ 'di ltar lha'i mig gis yul gzhan na 'dug pa'i gzugs dag mthong ba dang / lha'i rna bas sgra yid du 'ong ba dag thos pa las na/ des bdud rtsi ma rnyed do zhes bya ba ni chos med do/ /pang nas skyes kyis bsams pa/ nye rgyal 'di ni shes rab can yin pas 'dis kyang bdud rtsi rnyed na bdag la mi rjod pa gang yin pa de lta bu'i gnas yod par 'gyur ro snyam nas des smras pa/ nye rgyal tshur shog khrims su bya ba bcas/ bdag cag gnyis las gang gis dang por bdud rtsi rnyed pa des phan tshun bsnyad par bya'o zhes de gnyis kyis khrims su bya ba de lta bu bcas te ljongs rgyur dong ngo / /gang gi tshe bcom ldan 'das byang chub sems dpa' lo nyi shu rtsa dgu pa zhes kyang 'dod pa dag la ma rol te rgan po dang / na ba dang / shi ba gzigs pas thugs byung nas mtshan mo nam phyed na/ nags su gshegs nas lo drug tu dka' ba spyad de dka' ba byed pa ci yang med par rig nas ci bder dbugs rngub par mdzad/ ci bder dbugs 'byin par mdzad cing 'bras chan dang zan dron la sogs pa zhal zas rgya chen po dag kyang gsol bar mdzad/ zhun mar dang 'bru mar dag gis sku dag kyang skud par mdzad/ chu dron pos kyang sku bsil bar mdzad cing grong sde 'dong du gshegs nas grong pa'i bu mo dga' mo dang / dga' stobs ma gnyis las lan bcu drug bzlas pa'i 'o ma sbrang rtsi dang bsres pa gsol te/ klu'i rgyal po nag pos mngon par bstod pa na rtswa bkra shis 'tshong ba las rtswa gser gyi mdog lta bu dag bzhes nas byang chub kyi gzhi ga la ba der gshegs te byon nas nyid kyis rtswa ma 'khrugs shing kun du ma 'khrugs pa'i gdan bshams nas dkyil mo dkrung bcas te sku drang por bsrang nas dran pa phyogs par bzhag ste bzhugs nas/ ji srid zag med ma thob pa/ /de srid dkyil dkrung gzhig mi bya/ / zhes thugs bskyed cing gsung brjod de/ de yis ji srid zag med pa/ /ma brnyes dkyil dkrung 'jig mi mdzad/ /ces bya ba dang / gang gi tshe bcom ldan 'das kyis mtshan mo'i gung thun la bdud 'byung po dung phyur phrag gsum dang / bye ba phrag drug gi 'khor dang ldan pa byams pa'i stobs kyis mngon par btul te bla na med pa'i mkhyen pa thugs su chud nas tshangs pas gsol te bA rA Na sIr gshegs nas lan gsum du bzlas te rnam pa bcu gnyis su chos dang ldan pa chos kyi 'khor lo bskor ba de'i tshe lnga pa dang / nye lnga dag dang / grong pa'i khye'u mtho ba mtho ba lnga bcu btul te rab tu byung zhing bsnyen par rdzogs par mdzad do/ /ras bal can gyi tshal gseb tu gshegs nas bzang sde'i tshogs drug bcu bden pa dag la bkod do/ /grong sde 'dong du gshegs nas grong pa'i bu mo dga' mo dang / dga' stobs ma gnyis bden pa dag la bkod do/ /lteng rgyas su gshegs nas ral pa can stong rab tu phyung zhing bsnyen par rdzogs par mdzad do/ /ga ya mgo'i mchod rten du gshegs nas dge slong stong po de dag cho 'phrul gsum gyi gdams pa mdzad nas 'khor ba'i dgon pa las bsgral te shin du mthar thug pa grub pa dang bde ba bla na med pa'i mya ngan las 'das pa la bkod do/ /ltang brang gi tshal gseb tu gshegs nas ma ga d+ha'i rgyal po bzo sbyangs gzugs can snying po lha brgyad khri dang ma ga d+ha pa'i bram ze dang / khyim bdag 'bum phrag du ma dang lhan cig bden pa dag la bzhag go/ /rgyal po'i khab tu gshegs nas 'od ma'i tshal bzhes te/ de na sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /nye rgyal dang pang nas skyes gnyis kyang ljongs rgyu zhing dong ba na rgyal po'i khab tu phyin pa dang de na grong khyer rgyal po'i khab chem me chems se 'dug pa mthong nas/ de gnyis kyis bsams pa/ rgyu gnyis kyis grong khyer chen po 'di lta bu chem me chems ser gyur te/ pha rol gyi dmag tshogs kyis 'jigs pa dang / dge sbyong ngam bram ze bsod nams dang dbang che bar grags pa 'ga' zhig gnas pa las 'gyur ro snyam nas/ de gnyis kyi rgyu skar dag la blta bar brtsams nas de gnyis kyis bsams pa/ re zhig pha rol gyi dmag tshogs kyis 'jigs pa ni med pas sang shes par bya'o snyam mo/ /de gnyis kyi kun du spyod pa ni gang gi tshe de gnyis 'phral ris gsum byas te spyod yul du 'dong ba de'i tshe na srog chags 'bum phrag du ma dag phyi bzhin phyi bzhin rjes su 'brang bar 'gyur ba yin no/ /de gnyis phyi de nyin par 'phral ris gsum byas te/ spyod yul du dong ba dang de'i nyin par sems can gcig kyang phyi bzhin phyi bzhin rjes su mi 'brang ngo / /de gnyis phyir byung ste bltas na/ ji tsam na sems can gcig kyang phyi bzhin phyi bzhin rjes su mi 'brang bar mthong nas de gnyis kyis bsams pa/ bdag cag gnyis sngon chad spyod yul du 'dong ba de'i tshe na srog chags 'bum phrag du ma dag phyi bzhin phyi bzhin rjes su 'brang bar gyur na/ da ltar sems can gcig kyang phyi bzhin phyi bzhin rjes su mi 'brang ba 'di la rgyu gang yin snyam mo/ /de'i skabs su sangs rgyas bcom ldan 'das rnams la ni mi mkhyen pa dang / ma gzigs pa dang / ma rig pa dang / rnam par mi mkhyen pa cung zad kyang mi mnga' bas sangs rgyas bcom ldan 'das 'tsho zhing bzhugs la gson zhing gzhes pa thugs rje chen po dang ldan pa/ 'jig rten la phan par zhugs pa/ bsrung ba gcig pu ba/ nyag gcig dpa' ba/ gnyis pa med pa/ gnyis su mi gsung ba/ zhi gnas dang lhag mthong gis bzhugs pa/ rig pa gsum gsal bar mdzad pa/ bslab pa gsum la legs par bslabs pa/ dul ba'i gnas gsum gyi gzhi la mkhas pa/ chu bo bzhi las rgal ba rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyangs pa mdzad pa/ 'phags pa'i bden pa bzhi ston pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ phung po lnga bdag med par ston pa/ yan lag drug dang ldan pa/ pha rol du phyin pa drug yongs su rdzogs pa/ rtag tu gnas pa drug gis gnas pa/ dbang po drug gi sgo bsdams pa/ yang dag par dga' bar bya ba'i chos drug la goms par mdzad pa/ byang chub kyi yan lag bdun gyi me tog gis phyug pa/ 'phags pa'i nor bdun ston pa/ 'jig rten gyi chos brgyad kyis ma gos pa/ kun nas mnar sems kyi dngos po dgu la mkhas pa/ lam gyi yan lag brgyad ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang sgyur ba las khyad par du 'phags pa rnams kyi chos nyid ni nyin lan gsum mtshan lan gsum du sangs rgyas kyi spyan gyis 'jig rten la rnam par gzigs nas/ gang ni nyams par gyur/ gang ni 'phel bar gyur/ gang ni gnod par gyur/ gang ni nyam nga bar gyur/ gang ni mi bde bar gyur/ gang ni gnod pa dang / nyam nga ba dang / mi bde bar gyur/ gang ni ngan song la gzhol/ gang ni ngan song la bab/ ngas gang ni ngan song gi lam las bslong ste mtho ris dang / thar pa dang 'bras bu la gzhag par bya/ 'dod pa'i 'dam du bying ba gang gi lag nas ni drang bar bya/ 'phags pa'i nor gyi dbyig dang bral ba gang ni 'phags pa'i nor gyi dbang phyug la gzhag par bya/ gang gi sangs rgyas 'byung bas brgyan pa'i 'jig rten ni 'bras bu dang bcas par bya/ gang gi dge ba'i rtsa ba dag ma bskyed pa ni bskyed par bya/ gang gi dge ba'i rtsa ba dag bskyed pa ni yongs su smin par bya/ yongs su smin pa gang ni rnam par grol bar bya zhes mkhyen pa dang gzigs pa la 'jug go/ /smras pa/ chu srin gnas kyi dug can pa/ /dus las 'da' bar 'gyur srid kyi/ /sangs rgyas gdul la byams pa ni/ /dus las 'da' bar mi 'gyur ro/ / ji ltar ma ni bu sdug gcig pu la/ /rtog cing de srog srung bar byed pa ltar/ /de bzhin gshegs pa'ang gdul ba'i skye bo la/ /rtog par mdzad cing de srog srung bar mdzad/ /kun mkhyen rgyud la mnga' ba'i thugs rje yis/ bzhon ma gdul ba'i be'u tshol mi skyo ste/ /srid dang ngan 'gros nyams la byams pa ni/ /rab nyams be'u la byams pa'i ba bzhin no/ /de ltar bcom ldan 'das kyis sangs rgyas kyi spyan gyis 'jig rten la rnam par gzigs na kun du rgyu nye rgyal dang pang nas skyes gnyis rgyud yongs su smin pa/ sngon gyi sangs rgyas rnams la bya ba lhag par byas pa/ dge ba'i rtsa ba'i tshogs bsags pa yin te/ de gnyis gdul ba'i dus ni 'bras yongs su smin pa mtshon gyis brtol ba la sdod pa lta bu yin par gzigs nas/ bcom ldan 'das 'di snyam du dgongs te/ ci 'di gnyis re shig ston pas gdul ba yin nam/ 'on te nyan thos kyis gdul ba yin snyam du dgongs na/ nyan thos kyis gdul ba yin par gzigs so/ /sgo gang nas 'jug par 'gyur/ ci rdzu 'phrul gyis gdul ba yin nam/ 'on te spyod lam gyis gdul ba yin snyam du dgongs na/ spyod lam gyis gdul ba yin par gzigs so/ /bcom ldan 'das ni gang la spyod lam gyis gdul ba de la tshe dang ldan pa rta thul gtong bar mdzad de/ 'di ltar de'i spyod lam gyis ni lha dang mi'i yid sdud par byed pa yin pa'i phyir ro/ /de nas bcom ldan 'das kyis tshe dang ldan pa rta thul la bka' stsal pa/ rta thul khyod kyis kun du rgyu nye rgyal dang pang nas skyes gnyis la soms shig /tshe dang ldan pa rta thul gyis cang mi smra bas bcom ldan 'das kyis bka' stsal pa dang du blangs so/ /de nas tshe dang ldan pa rta thul bcom ldan 'das kyis bka' la lhag par bya ba byed pa yin pas bcom ldan 'das kyis bka' stsal pa la mngon par bstod pa dang rjes su yi rang ba byas nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / / de nas tshe dang ldan pa rta thul de nyid kyi mtshan mo 'das nas snga dro sham thabs bgos lhung bzed dang chos gos thogs te/ 'gro ba dang / ldog pa dang / chung zad blta ba dang rnam par blta ba dang / bskum pa dang / brkyang ba dang / snam sbyar dang chos gos dang lhung bzed thogs pa mdzes pas rgyal po'i khab tu bsod snyoms la zhugs so/ /de'i tshe na kun du rgyu nye rgyal rgyal po'i khab tu bya ba zhig gi phyir spyod yul du zhugs pas tshe dang ldan pa rta thul 'gro ba dang / ldog pa dang / chung zad blta ba dang / rnam par blta ba dang / bskum pa dang / brkyang ba dang / snam sbyar dang / chos gos dang lhung bzed thogs pa mdzes pas rgyal po'i khab na bsod snyoms la rgyu ba thag ring po kho na nas mthong ngo / /mthong nas kyang 'di snyam du sems te/ rgyal po'i khab 'dir rab tu byung ba ji snyed cig lhags shing gnas pa dag las 'di lta ste/ rab tu byung ba 'di'i spyod lam lta bu ni bdag gis sngan chad 'ga' yang ma mthong bas bdag de'i gan du song ste/ dge slong khyod kyi ston pa ni gang yin/ gang gi phyir ni rab tu byung / su'i chos la ni dga' zhes dri'o snyam du rig nas lam po che rub pa zhig na 'gro ba dang ldog pas shas cher sdod cing 'dug go/ /de nas tshe dang ldan pa rta thul kun du rgyu nye rgyal ga la ba der song ngo / /de nas kun du rgyu nye rgyal gyis tshe dang ldan pa rta thul la 'di skad ces smras so/ /dge slong khyod kyi ston pa ni gang yin/ gang gi phyir ni rab tu byung / su'i chos la ni dga'/ tshe dang ldan pa shAkya'i dge sbyong gau ta ma shAkya'i rigs las skra dang kha spu bregs nas gos ngur smrig dag bgos te yang dag pa kho nar dad pas khyim nas khyim med par rab tu byung ba zhig yod de/ de bla na med pa yang dag par rdzogs pa'i byang chub tu mngon par rdzogs par sangs rgyas pas kho bo'i ston pa ni bcom ldan 'das de yin no/ /kho bo de'i phyir rab tu byung ngo / /kho bo de'i chos la dga'o/ /dge slong de'i phyir chos ston cig /tshe dang ldan pa kho bo ni na gzhon pa dang rab tu byung ba gsar pas de'i phyir kho bos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i bstan pa rgya cher yang dag par rab tu bstan par sla ba ma yin te/ 'di ltar de'i don bstan par bya'o/ /dge slong kho bo la ni don dgos kyi tshig ni shin du mang pos kyang ci bya ste/ khyod kyis don mang yang rung nyung yang rung ston cig /de nas tshe dang ldan pa rta thul gyis de'i tshe tshigs su bcad pa smras pa/ chos rnams gang dag rgyu las byung ba dang / /de yi rgyu dang de 'gog gang yin pa'ang / /de bzhin gshegs pa nyid kyis bka' stsal te/ /de skad gsung ba'i tshul can dge sbyong che/ /chos kyi rnam grangs 'di bshad pa na kun du rgyu nye rgyal chos rnams la chos kyi mig rdul med cing dri ma dang bral ba skyes so/ /de nas kun du rgyu nye rgyal chos mthong ba dang / chos thos pa dang / chos rig pa dang / chos kyi gting sleb pa dang / som nyi las rgal ba dang / the tshom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pa'i bstan pa'i chos rnams la mi 'jigs pa thob nas stan las langs te bla gos phrag pa gcig tu gzar nas tshe dang ldan pa rta thul ga la ba de logs su thal mo sbyar ba btud de de'i tshe tshigs su bcad pa smras pa/ skyob pa rnams kyi chos 'di yin/ /bskal mang bye ba khrag khrig tu/ /sngan chad ma mthong ma thos pa/ /'chi med mya ngan med pa yi/ /go 'phang 'di la rjes su rtogs/ /tshe dang ldan pa bcom ldan 'das de da ltar ga la bzhugs/ tshe dang ldan pa rgyal po'i khab 'od ma'i tshal bya ka lan da ka'i gnas 'di nyid na'o/ /de nas kun du rgyu nye rgyal tshe dang ldan pa rta thul gyis smras pa la mngon par bstod pa dang rjes su yi rang ba byas te tshe dang ldan pa rta thul gyi rkang pa gnyis la mgo bos phyag 'tshal nas tshe dang ldan pa rta thul la lan gsum bskor ba byas te song nas kun du rgyu pang nas skyes ga la ba der song ngo / /kun du rgyu pang nas skyes kyis kun du rgyu nye rgyal thag ring po kho na nas mthong ngo / /mthong nas kyang kun du rgyu nye rgyal la 'di skad ces smras so/ /tshe dang ldan pa khyod kyi dbang po rnams ni rnam par dang bzhin gyi mdog ni yongs su dag /pags pa'i mdog ni shin du dkar na khyod kyis bdud rtsi rnyed dam/ tshe dang ldan pa rnyed do/ /tshe dang ldan pa de'i phyir chos ston cig /de nas kun du rgyu nye rgyal gyis de'i tshe tshigs su bcad pa smras pa/ chos rnams gang dag rgyu las byung ba dang / /de yi rgyu dang de 'gog gang yin pa'ang / /de bzhin gshegs pa nyid kyis bka' stsal te/ /de skad gsung ba'i tshul can dge sbyong che/ /tshe dang ldan pa da dung yang lan gcig brjod cig /tshe dang ldan pa brjod par bya'o/ /chos rnams gang dag rgyu las byung ba dang / / de yi rgyu dang de 'gog gang yin pa'ang / /de bzhin gshegs pa nyid kyis bka' stsal te/ /de skad gsung ba'i tshul can dge sbyong che/ /chos kyi rnam grangs 'di bshad pa na kun du rgyu pang nas skyes chos rnams la chos kyi mig rdul med cing dri ma dang bral ba skyes so/ /de nas kun du rgyu pang nas skyes chos mthong ba dang / chos thos pa dang / chos rig pa dang / chos kyi gting sleb pa dang / som nyi las rgal ba dang / the tshom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pa'i bstan pa'i chos rnams la mi 'jigs pa thob nas stan las langs te bla gos phrag pa gcig tu gzar nas kun du rgyu nye rgyal ga la ba de logs su thal mo sbyar ba btud de/ de'i tshe tshigs su bcad pa smras pa/ skyob pa rnams kyi chos 'di yin/ /bskal mang bye ba khrag khrig tu/ /sngan chad ma mthong ma thos pa/ /'chi med mya ngan med pa yi/ /go 'phang 'di la rjes su rtogs/ /tshe dang ldan pa bcom ldan 'das de da ltar ga la bzhugs/ tshe dang ldan pa rgyal po'i khab 'od ma'i tshal bya ka lan da ka'i gnas 'di nyid na'o/ /tshe dang ldan pa tshur shog bcom ldan 'das de'i spyan sngar tshangs par spyod pa spyad par bya'o/ /tshe dang ldan pa de'i phyir je 'khor la blta bar bya ste/ bdag cag lta bu'i mi grags pa dang ldan pa shes pa dag gis 'khor la blta ba ni legs pa yin no/ /de nas kun du rgyu nye rgyal dang pang nas skyes gnyis kyis bram ze'i khye'u rnams la smras pa/ bram ze'i khye'u rnams shes par gyis shig /kho bo cag gnyis ni bcom ldan 'das kyi spyan sngar tshangs par spyad pa spyod par byed na khyed cag ji ltar byed/ mkhan po gnyis bdag cag cung zad ci 'tshal ba gang lags pa de dag thams cad mkhan po gnyis las brten nas 'tshal ba lags na/ gal te mkhan po gnyis bcom ldan 'das kyi spyan sngar tshangs par spyad pa spyod na bdag cag kyang mkhan po gnyis rab tu byung ba'i rjes su rab tu 'byung bar bgyi'o/ /bram ze'i khye'u rnams da de'i dus la bab par shes par gyis shig /de nas kun du rgyu nye rgyal dang pang nas skyes gnyis 'khor nyis brgya lnga bcu lnga bcu dang 'od ma'i tshal bya ka lan da ka'i gnas ga la ba der dong ngo / /de'i tshe na tshe dang ldan pa rta thul nyin mo spyod pa'i phyir shing ljon pa zhig gi drung na rten cing 'dug go/ kun du rgyu nye rgyal dang pang nas skyes gnyis kyis tshe dang ldan pa rta thul thag ring po kho na nas mthong ngo / / mthong nas kyang nye rgyal gyis pang nas skyes la smras pa/ pang nas skyes ci je bcom ldan 'das la bsnyen bkur bya'am/ 'on te gang las chos thos pa de la bya/ des smras pa/ je gang las chos thos pa de la bsnyen bkur bya'o/ /de gnyis tshe dang ldan pa rta thul ga la ba der dong ste phyin nas tshe dang ldan pa rta thul gyi rkang pa gnyis la mgo bos phyag 'tshal te mtha' gcig tu 'khod do/ /de'i tshe na bram ze zla ba la dga' ba zhig zla ba la bsnyen bkur byed cing phyag 'tshal lo/ /de nas bcom ldan 'das kyis byung ba 'di la tshigs su bcad pa bka' stsal pa/ rgan pa dang ni gzhon pa'ang rung / /gang las chos ni rnam shes pa/ /de la gus par phyag bya ste/ /zla ba tshes la ji bzhin no/ /bram ze me la dga' ba zhig kyang me la bsnyen bkur byed cing phyag 'tshal lo/ /de nas bcom ldan 'das kyis byung ba 'di la tshigs su bcad pa smras pa/ rgan pa dang ni gzhon pa'ang rung / /gang las chos ni rnam shes pa/ /de la gus par phyag bya ste/ /me la bram ze gtsang ma bzhin// ! //'dul ba gzhi/ bam po bzhi pa// // de nas kun du rgyu nye rgyal dang pang nas skyes gnyis tshe dang ldan pa rta thul gyi rkang pa gnyis la mgo bos phyag 'tshal te dong nas bcom ldan 'das ga la ba der dong ngo / /de'i tshe na bcom ldan 'das dge slong gi 'khor brgya phrag du ma'i gung la chos ston cing bzhugs so/ /bcom ldan 'das kyis kun du rgyu nye rgyal dang pang nas skyes gnyis thag ring po kho na nas gzigs so/ /gzigs nas kyang dge slong rnams la bka' stsal pa/ dge slong dag khyed kyis grogs yongs su sdud pa/ tshogs yongs su 'dren pa/ tshogs kyi mdun nas 'ong ba 'di lta ste/ nye rgyal dang pang nas skyes gnyis mthong ngam/ btsun pa mthong ngo / /'di gnyis ni nga'i nyan thos zung dang / zung gi mchog dang / zung bzang por 'gyur te/ gcig ni rdzu 'phrul dang ldan pa rnams kyi mchog tu 'gyur la/ gcig shos ni shes rab dang ldan pa rnams kyi mchog tu 'gyur ro/ /de nas dge slong zhig gis de'i tshe tshigs su bcad pa smras pa/ ston pa dgongs yul mtha' yas pa/ /skyes bu'i dbang po mkhyen mthar byon/ /bcom ldan srid pa'i mthar mdzad pas/ /grogs po nye rgyal pang nas skyes/ /'od ma'i tshal du ma phyin par/ / de ltar mchi ba gzigs gyur nas/ /tshogs mchog dbus su de gnyis ni/ /'di gnyis nga'i nyan thos kyi/ /zung mchog 'gyur zhes nges bstan te/ /gcig ni rdzu 'phrul ldan pa'i mchog /gcig shos shes rab ldan pa yi/ / mchog tu 'gyur bar lung bstan mdzad/ /de nas kun du rgyu nye rgyal dang pang nas skyes gnyis bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to/ /btsun pa bdag cag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po gnang na/ bdag cag bcom ldan 'das kyi spyan sngar tshangs par spyod pa spyad par bgyi'o/ /bcom ldan 'das kyis de gnyis la dge slong tshur shog ces bya bas rab tu phyung zhing dge slong dag tshur shog tshangs par spyad pa spyod cig ces bka' stsal pa dang / de dag bcom ldan 'das kyi bka'i mjug kho nar skra byi ba dang snam sbyar gyon par gyur te/ skra dang kha spu zhag bdun skyes pa tsam dang / lag pa na lhung bzed dang / bya ma bum thogs pa dang / dge slong bsnyen par rdzogs nas lo brgya lon pa'i spyod lam lta bur gnas par gyur to/ /yang smras pa/ de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /de nas dge slong rab tu mang po dag snga dro sham thabs bgos lhung bzed dang chos gos thogs te/ rgyal po'i khab tu bsod snyoms la zhugs pa dang / de na rgyal po'i khab kyi mi gang dag yang dag rgyal ba can gyi mu stegs can gyi gnas rab tu phyung zhing bsnyen par rdzogs nas ring po ma lon pas yid ma rangs shing mngon par mi dga' ba de dag gis dge slong de dang de dag mthong nas co 'dri zhing tshigs su bcad pa smras pa/ sangs rgyas ma ga d+ha dag gi/ /grong mchog rgyal po'i khab gshegs pas/ /yang dag rgyal ba'i kun khrid na/ /phyin chad ci zhig bkri bar bya/ /des dge slong rnams spa gong zhing mi dga' ba dang mi 'jigs pa med par gyur to/ /de nas dge slong rab tu mang po dag rgyal po'i khab tu bsod snyoms kyi phyir brgyus nas zas kyi bya ba byas te phyi dro bsod snyoms mi len pas lhung bzed dang chos gos mkhos su phab nas rkang pa gnyis bkrus te sdug bsngal zhing mi bde bas bcom ldan 'das ga la ba der dong nas phyin pa dang / bcom ldan 'das kyi zhabs gnyis la mgo bos phyag 'tshal te phyogs gcig tu 'khod do/ /phyogs gcig tu 'khod nas bcom ldan 'das la dge slong rab tu mang po dag gis 'di skad ces gsol to/ /btsun pa 'di na bdag cag dge slong rab tu mang po dag snga dro sham thabs 'tshal/ lhung bzed dang chos gos thogs te rgyal po'i khab tu bsod snyoms la zhugs pa dang / de na rgyal po'i khab gyi mi gang dag yang dag rgyal ba can gyi mu stegs can gyi gnas rab tu phyung zhing bsnyen par rdzogs nas ring po ma lags pas yid ma rangs shing mngon par mi dga' ba de dag gis dge slong de dang de dag mthong nas co 'dri zhing tshigs su bcad pa/ sangs rgyas ma ga d+ha dag gi/ /grong mchog rgyal po'i khab gshegs pas/ /yang dag rgyal ba'i kun khrid na/ /phyin chad ci zhig bkri bar bya/ /zhes mchi nas des bdag cag rnams spa gong zhing mi dga' ba dang / mi 'jigs pa ma mchis par gyur to/ /bcom ldan 'das kyis bka' stsal pa/ dge slong dag rgyal po'i khab kyi mi de skad zer ba rnams la 'di skad ces/ 'di la dpa' chen bde gshegs dag /dam ba'i chos kyis khrid mdzad de/ /de dag chos kyis khrid mdzad la/ /mkhas pa su zhig mi bzod byed/ /ces brjod na rgyal po'i khab kyi mi de skad zer ba rnams kyi rlom pa tsam 'am spobs pa tsam gang yin pa de thams cad kyi thams cad du med par 'gyur ro/ /de nas dge slong rab tu mang po dag snga dro sham thabs bgos lhung bzed dang chos gos thogs te rgyal po'i khab tu bsod snyoms la zhugs pa dang / de na rgyal po'i khab kyi mi gang dag yang dag rgyal ba can gyi mu stegs can gyi gnas rab tu phyung zhing bsnyen par rdzogs nas ring po ma lon pas yid ma rangs shing mngon par mi dga' ba de dag gis dge slong de dang de dag mthong nas co 'dri zhing tshigs su bcad pa smras pa/ sangs rgyas ma ga d+ha dag gi/ /grong mchog rgyal po'i khab gshegs pas/ /yang dag rgyal ba'i kun khrid na/ /phyin chad ci zhig bkri bar bya/ /de nas dge slong zhig gis de'i tshe tshigs su bcad pa smras pa/ 'di na dpa' chen bde gshegs dag /dam pa'i chos kyis khrid mdzad de/ /de dag chos kyis khrid mdzad la/ /mkhas pa su zhig bzod mi byed/ /de skad ces smras pa dang / rgyal po'i khab kyi mi de skad zer ba rnams kyi rlom pa tsam 'am spobs pa tsam gang yin pa de thams cad kyi thams cad du med par gyur to/ /ji tsam dus gzhan zhig na bram ze gnas len gyi bu dus la bab cing de'i chung ma yang dus la bab/ bram ze skar rgyal yang dus la bab/ sha ri ka yang dus la bab bo/ /bram ze'i bu khye'u stod rings kyang lho phyogs nas 'jig rten rgyang pan bzung nas grong na la dar phyin pa dang / de sgo bas bzhin gyi gzugs las ngo shes nas smras pa/ shes ldan khyod stod rings yin nam/ kho bo skye bo dag gis de ltar shes so/ /bram ze gnas len gyi bu de ga re/ dus la bab bo/ /de'i chung ma de ga re/ de yang dus la bab bo/ /bram ze skar rgyal ga re/ de yang dus la bab bo/ /sha ri ka ga re/ de yang dus la bab bo/ /shA ri'i bu de ga re/ rgyal po'i khab tu ston pa yang dag rgyal ba can zhes bya ba byung nas ring po ma lon pa de'i gan du rab tu byung ngo / /'di lta ste re shig rab tu 'byung bar bya ba de ni bram zes bya ba yin no/ /de mthar gyis rgyal po'i khab tu phyin nas de der song ste dris pa/ ston pa yang dag rgyal ba can ga re/ dus la bab bo/ /de'i mu stegs kyi gnas ga re/ thams cad dge sbyong gau ta ma'i drung du rab tu byung ngo / /dge sbyong gau ta ma ni 'khor los sgyur ba'i rgyal por lung bstan pas de yang de'i mdun na 'don du 'gyur bas legs so/ /de nas kun du rgyu sen rings bcom ldan 'das ga la ba der song ste phyin nas bcom ldan 'das dang thabs gcig phan tshun mngon du yang dag par dga' bar 'gyur ba dang / yang dag par mgu bar 'gyur ba'i gtam sna tshogs byas te phyogs gcig tu 'dug go/ /phyogs gcig tu 'dug nas bcom ldan 'das la kun du rgyu sen rings kyis 'di skad ces gsol to/ /kye gau ta ma bdag ni thams cad mi bzod do/ /mer 'jug gi bu khyod kyis bdag thams cad mi bzod par lta ba gang yin pa'i lta ba de yang mi bzod do/ /kye gau ta ma bdag ni thams cad mi bzod par lta ba gang yin pa'i lta ba de yang mi bzod do/ /mer 'jug gi bu 'o na khyod kyis de ltar shes shing de ltar mthong na lta ba de yang spong ba dang / 'dor ba dang / med par 'gyur la/ lta ba gzhan yang mtshams mi sbyor ba dang / nye bar mi len pa dang / mi 'byung bar 'gyur ro/ /kye gau ta ma bdag gis de ltar shes shing de ltar mthong na lta ba de yang spong ba dang / 'dor ba dang / med par 'gyur la/ lta ba gzhan yang mtshams mi sbyor ba dang / nye bar mi len pa dang / mi 'byung bar 'gyur ro/ /mer 'jug gi bu khyod ni skye bo phal po che dang lhan cig mtshungs shing 'dra bar 'gyur te/ skye bo phal po che yang de ltar lta zhing de skad smra bas khyod kyang de dang 'dra ba kho nar 'gyur ro/ /mer 'jug gi bu 'jig rten na dge sbyong ngam bram ze gang la la dag lta ba 'di yang 'dor zhing lta ba gzhan yang nye bar mi len pa'i dge sbyong ngam bram ze de dag ni nyung ba bas kyang ches nyung ba zhes bya'o/ /mer 'jug gi bu gsum po 'di dag ni lta ba'i gnas yin te/ gsum gang zhe na/ mer 'jug gi bu 'di la la la bdag ni thams cad bzod do zhes de ltar lta zhing de skad smra ba dang / gzhan yang 'di la la la bdag ni thams cad mi bzod do zhes de ltar lta zhing de skad smra ba dang / gzhan yang 'di la la la bdag ni kha cig bzod la kha cig mi bzod do zhes de ltar lta zhing de skad smra ba'o/ / mer 'jug gi bu de la bdag ni thams cad bzod do zhes lta ba'i lta ba gang yin pa 'di ni kun du 'dod chags par 'gyur gyi/ kun du 'dod chags pa med par mi 'gyur ba dang / kun du zhe sdang bar 'gyur gyi/ kun du zhe sdang ba med par mi 'gyur ba dang / kun du gti mug par 'gyur gyi/ kun du gti mug pa med par mi 'gyur ba dang / kun du stsogs par 'gyur gyi/ kun du stsogs pa med bar mi 'gyur ba dang / kun du sbyor bar 'gyur gyi/ kun du sbyor ba dang bral bar mi 'gyur ba dang / kun nas nyon mongs par 'gyur gyi/ rnam par byang bar mi 'gyur ba dang / bdag ni thams cad bzod do zhes lta ba'i lta ba gang yin pa 'di ni mngon par dga' ba dang / nye bar len pa dang lhag par chags par 'gyur ba yin no/ /mer 'jug gi bu de la bdag ni thams cad mi bzod do zhes lta ba'i lta ba gang yin pa 'di ni kun du 'dod chags pa med par 'gyur gyi/ kun du 'dod chags par mi 'gyur ba dang / kun du zhe sdang ba med par 'gyur gyi/ kun du zhe sdang bar mi 'gyur ba dang / kun du gti mug pa med par 'gyur gyi/ kun du gti mug par mi 'gyur ba dang / kun du stsogs pa med par 'gyur gyi/ kun du stsogs par mi 'gyur ba dang / kun du sbyor ba dang bral bar 'gyur gyi/ kun du sbyor bar mi 'gyur ba dang / rnam par byang bar 'gyur gyi/ kun nas nyon mongs par mi 'gyur ba dang / bdag ni thams cad mi bzod do zhes lta ba'i lta ba gang yin pa 'di ni mngon par mi dga' ba dang / nye bar len pa med pa dang / lhag par chags pa med par 'gyur ba yin no/ /mer 'jug gi bu de la bdag ni kha cig bzod la kha cig mi bzod do zhes lta ba'i lta ba gang yin pa 'di la ni re shig bdag ni kha cig bzod do zhes lta ba'i lta ba gang yin pa 'di ni kun du 'dod chags par 'gyur gyi/ kun du 'dod chags pa med par mi 'gyur ba dang / kun du zhe sdang bar 'gyur gyi/ kun du zhe sdang ba med par mi 'gyur ba dang / kun du gti mug par 'gyur gyi/ kun du gti mug pa med par mi 'gyur ba dang / kun du stsogs par 'gyur gyi/ kun du stsogs pa med par mi 'gyur ba dang / kun du sbyor bar 'gyur gyi/ kun du sbyor ba dang bral bar mi 'gyur ba dang / kun nas nyon mongs par 'gyur gyi/ rnam par byang bar mi 'gyur ba dang / bdag ni kha cig bzod do zhes lta ba'i lta ba gang yin pa 'di ni mngon par dga' ba dang / nye bar len pa dang / lhag par chags par 'gyur ba yin no/ / bdag ni kha cig mi bzod do zhes lta ba'i lta ba gang yin pa 'di ni kun du 'dod chags pa med par 'gyur gyi/ kun du 'dod chags par mi 'gyur ba dang / kun du zhe sdang ba med par 'gyur gyi/ kun du zhe sdang bar mi 'gyur ba dang / kun du gti mug pa med par 'gyur gyi/ kun du gti mug par mi 'gyur ba dang / kun du stsogs pa med par 'gyur gyi/ kun du stsogs par mi 'gyur ba dang / kun du sbyor ba dang bral bar 'gyur gyi/ kun du sbyor bar mi 'gyur ba dang / rnam par byang bar 'gyur gyi/ kun nas nyon mongs par mi 'gyur ba dang / bdag ni kha cig mi bzod do zhes lta ba'i lta ba gang yin pa 'di ni mngon par mi dga' ba dang / nye bar len pa med pa dang / lhag par chags pa med par 'gyur ba yin no/ /de la 'phags pa nyan thos thos pa dang ldan pa ni 'di ltar so sor rtog par byed de/ gal te bdag thams cad bzod do zhes de ltar lta zhing de skad smra na bdag ni thams cad mi bzod do zhes de ltar lta zhing de skad smra ba gang yin pa dang / bdag ni kha cig bzod la kha cig mi bzod do zhes de ltar lta zhing de skad smra ba gang yin pa gnyis dang bdag lhan cig rtsod par 'gyur/ 'gyed par 'gyur te/ rtsod na 'gyed par 'gyur/ 'gyed na rnam par 'tshe bar 'gyur ro/ /de ltar rtsod pa dang / 'gyed pa dang / rnam par 'tshe ba yang dag par mthong nas lta ba 'di 'ang dor zhing lta ba gzhan nye bar mi blang ste/ de ltar na bdag la lta ba de yang spong ba dang / 'dor ba dang / med par 'gyur la/ lta ba gzhan yang mtshams mi sbyor ba dang / nye bar mi len pa dang / mi 'byung bar 'gyur ro snyam mo/ /de la 'phags pa nyan thos thos pa dang ldan pa ni 'di ltar so sor rtog par byed de/ gal te bdag thams cad mi bzod do zhes de ltar lta zhing de skad smra na de bdag ni thams cad bzod do zhes de ltar lta zhing de skad smra ba gang yin pa dang / bdag ni kha cig bzod la kha cig mi bzod do zhes de ltar lta zhing de skad smra ba gang yin pa gnyis dang bdag lhan cig rtsod par 'gyur/ 'gyed par 'gyur te/ rtsod na 'gyed par 'gyur/ 'gyed na rnam par 'tshe bar 'gyur ro/ /de ltar rtsod pa dang / 'gyed pa dang / rnam par 'tshe ba yang dag par mthong nas lta ba 'di yang dor zhing lta ba gzhan nye bar mi blang ste/ de ltar na bdag la lta ba de yang spang ba dang / 'dor ba dang / med par 'gyur la/ lta ba gzhan yang mtshams mi sbyor ba dang / nye bar mi len pa dang / mi 'byung bar 'gyur ro snyam mo/ /de la 'phags pa nyan thos thos pa dang ldan pa ni 'di ltar so sor rtog par byed de gal te bdag kha cig bzod la kha cig mi bzod do zhes de ltar lta zhing de skad smra na bdag ni thams cad bzod do zhes de ltar lta zhing de skad smra ba gang yin pa dang / bdag ni kha cig bzod la kha cig mi bzod do zhes de ltar lta zhing de skad smra ba gang yin pa gnyis dang bdag lhan cig rtsod par 'gyur/ 'gyed par 'gyur te/ rtsod na 'gyed par 'gyur/ 'gyed na rnam par 'tshe bar 'gyur ro/ /de ltar rtsod pa dang / 'gyed pa dang / rnam par 'tshe ba yang dag par mthong nas lta ba 'di yang dor zhing lta ba gzhan yang nye bar mi blang ste/ de ltar na bdag la lta ba de yang spong ba dang / 'dor ba dang / med par 'gyur la/ lta ba gzhan yang mtshams mi sbyor ba dang / nye bar mi len pa dang / mi 'byung bar 'gyur ro snyam mo/ /mer 'jug gi bu lus 'di ni gzugs can rags pa 'byung ba chen po bzhi las gyur pa yin te/ de la 'phags pa'i nyan thos kyis yang dang yang du 'byung ba dang 'jig pa rjes su blta zhing gnas par bya'o/ /de la 'phags pa'i nyan thos yang dang yang du 'byung ba dang 'jig par rjes su lta zhing gnas na/ de la lus la 'dun pa dang / lus la chags pa dang / lus la dga' ba dang / lus la zhen pa dang / lus la chums pa dang / lus la lhag par chags pa 'byung ba gang yin pa des de'i sems yongs su gtugs te mi gnas so/ /mer 'jug gi bu gsum po 'di dag ni tshor ba yin te/ gsum gang zhe na/ bde ba dang / sdug bsngal dang / sdug bsngal yang ma yin bde ba yang ma yin pa'o/ /mer 'jug gi bu gang gi tshe 'phags pa'i nyan thos bde ba'i tshor ba myong bar byed pa de'i tshe na de la sdug bsngal dang / sdug bsngal yang ma yin bde ba yang ma yin pa'i tshor ba gnyis 'gag par 'gyur te/ de'i tshe na 'phags pa'i nyan thos bde ba'i tshor ba 'ba' zhig myong bar byed de/ bde ba'i tshor ba yang mi rtag pa dang / sdug bsngal ba dang / 'gog pa'i chos can yin no/ /gang gi tshe 'phags pa'i nyan thos sdug bsngal gyi tshor ba myong bar byed pa de'i tshe na de la bde ba dang / sdug bsngal ba yang ma yin bde ba yang ma yin pa'i tshor ba gnyis 'gag par 'gyur te/ de'i tshe na 'phags pa'i nyan thos sdug bsngal gyi tshor ba 'ba' zhig myong bar byed de/ sdug bsngal gyi tshor ba yang mi rtag pa dang / sdug bsngal ba dang / 'gog pa'i chos can yin no/ /gang gi tshe 'phags pa'i nyan thos sdug bsngal yang ma yin bde ba yang ma yin pa'i tshor ba myong bar byed pa de'i tshe na de la bde ba dang sdug bsngal gyi tshor ba gnyis 'gag par 'gyur te/ de'i tshe na 'phags pa'i nyan thos sdug bsngal yang ma yin bde ba yang ma yin pa'i tshor ba 'ba' zhig myong bar byed de/ sdug bsngal yang ma yin bde ba yang ma yin pa'i tshor ba yang mi rtag pa dang / sdug bsngal ba dang / 'gog pa'i chos can no/ /de 'di snyam du sems te tshor ba 'di dag gi gzhi ni gang yin/ kun 'byung ba ni gang yin/ rigs mthun pa ni gang yin/ rab tu skyed pa ni gang yin snyam na/ de 'di snyam du sems te/ tshor ba 'di dag gi gzhi ni reg pa yin/ kun 'byung ba ni reg pa yin/ rigs mthun pa ni reg pa yin/ rab tu skyed pa ni reg pa yin te/ reg pa de dang de kun 'byung ba las tshor ba de dang de dag kun 'byung ngo / /reg pa de dang de 'gags pa las tshor ba de dang de dag 'gag par 'gyur/ nye bar zhi bar 'gyur/ bsil bar 'gyur/ nub par 'gyur ro snyam mo/ /de bde ba'am/ sdug bsngal ba'am/ sdug bsngal yang ma yin bde ba yang ma yin pa'i tshor ba gang yang rung ba myong bar byed pa na des de dag gi kun 'byung ba dang / nub pa dang / ro myang ba dang / nyes dmigs dang / nges par 'byung ba yang dag pa ji lta ba bzhin rab tu shes so/ / de tshor ba de dag gi kun 'byung ba dang / nub pa dang / ro myang ba dang / nyes dmigs dang / nges par 'byung ba yang dag pa ji lta ba bzhin rab tu shes pa na tshor ba byung ngo cog la mi rtag par rjes su lta zhing gnas/ zad par rjes su lta ba dang / 'jig par rjes su lta ba dang / 'dod chags dang bral bar rjes su lta ba dang / 'gog par rjes su lta ba dang / rab tu spong bar rjes su lta zhing gnas so/ /de tshor ba byung ngo cog la mi rtag par rjes su lta zhing gnas pa dang / zad par rjes su lta ba dang / 'jig par rjes su lta ba dang / 'dod chags dang bral bar rjes su lta ba dang / 'gog par rjes su lta ba dang / rab tu spong bar rjes su lta zhing gnas pa na 'jig rten la cung zad kyang nye bar len par mi byed do/ /nye bar len par mi byed na yongs su gdung bar mi 'gyur ro/ /yongs su mi gdung na bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes go bar byed cing bdag nyid kho nas yongs su mya ngan las 'da' bar byed do/ /de lus kyi mtha' pa'i tshor ba myong bar byed pa na lus kyis mtha' pa'i tshor ba myong ngo snyam du yang dag pa ji lta ba bzhin rab tu shes so/ /srog gi mtha' pa'i tshor ba myong bar byed pa na srog gi mtha' pa'i tshor ba myong ngo snyam du yang dag pa ji lta ba bzhin rab tu shes so/ /lus zhig pa'i 'og tu srog yongs su gtugs pas 'di nyid du de'i tshor ba thams cad ma lus par 'gag par 'gyur/ ma lus par nub par 'gyur/ ma lus par zad par 'gyur/ ma lus par yongs su gtugs par 'gyur ro/ /de 'di snyam du sems te/ bdag bde ba'i tshor ba myong bar byed pa na lus zhig par gyur na de nyid sdug bsngal gyi mtha' yin no/ / bdag sdug bsngal dang / sdug bsngal yang ma yin bde ba yang ma yin pa'i tshor ba myong bar byed pa na lus zhig par gyur na de nyid sdug bsngal gyi mtha' yin no snyam mo/ /de bde ba'i tshor ba myong bar byed pa na mi ldan pa myong bar byed kyi ldan pa ni ma yin no/ /de sdug bsngal dang / sdug bsngal yang ma yin bde ba yang ma yin pa'i tshor ba myong bar byed pa na mi ldan pa myong bar byed kyi ldan pa ni ma yin no/ /ji zhig dang mi ldan zhe na/ 'dod chags dang / zhe sdang dang / gti mug dang mi ldan pa dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag dang mi ldan pa dang / sdug bsngal dang mi ldan par nga smra'o/ / de'i tshe na tshe dang ldan pa shA ri'i bu bsnyen par rdzogs nas zla ba phyed lon pa/ bcom ldan 'das kyi snam logs na bsil yab thogs te bcom ldan 'das la g.yob cing 'dug go/ /de nas tshe dang ldan pa shA ri'i bu 'di snyam du sems te/ bcom ldan 'das chos de dang de dag gi spong ba nyid kyi bsngags pa brjod pa mdzad cing 'dod chags dang bral ba nyid dang / 'gog pa nyid dang / rab tu spong ba nyid kyi bsngags pa brjod par mdzad kyis/ bdag gis kyang chos de dang de dag la spong ba rjes su lta zhing gnas par bya/ 'dod chags dang bral bar rjes su lta ba dang / 'gog par rjes su lta ba dang / rab tu spong bar rjes su lta zhing gnas par bya'o snyam mo/ /de nas tshe dang ldan pa shA ri'i bu chos de dang de dag la spong bar rjes su lta zhing gnas/ 'dod chags dang bral bar rjes su lta ba dang / 'gog par rjes su lta ba dang / rab tu spong bar rjes su lta zhing gnas so/ /de nas tshe dang ldan pa shA ri'i bu chos de dang de dag la spong bar rjes su lta zhing gnas pa dang / 'dod chags dang bral bar rjes su lta ba dang / 'gog par rjes su lta ba dang / rab tu spong bar rjes su lta zhing gnas pa na len pa med par zag pa rnams las sems rnam par grol lo/ /kun du rgyu sen rings kyang chos rnams la chos kyi mig rdul med cing dri ma dang bral ba skyes so/ /de nas kun du rgyu sen rings chos mthong ba dang / chos thob pa dang / chos rig pa dang / chos kyi gting sleb pa dang / som nyi las rgal ba dang / the tshom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pa'i bstan pa'i chos rnams la mi 'jigs pa thob nas stan las langs te bla gos phrag pa gcig tu gzar nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po gnang na/ bcom ldan 'das kyi spyan sngar bdag tshangs par spyod pa spyad par bgyi'o/ /bcom ldan 'das kyis de la dge slong tshur shog ces bya bas rab tu phyung zhing dge slong tshur shog tshangs par spyad pa spyod cig ces bka' stsal pa dang / de bcom ldan 'das kyi bka'i mjug kho nar skra byi ba dang snam sbyar gyon par gyur te skra dang kha spu zhag bdun skyes pa tsam dang / lag pa na lhung bzed dang bya ma bum thogs shing dge slong bsnyen par rdzogs nas lo brgya lon pa'i spyod lam lta bur gnas par gyur to/ /yang smras pa/ de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /de de ltar rab tu byung nas gcig pu dben pa bag yod pa rtun pa dang ldan pa bdag nyid btang bar gnas so/ /gcig pu dben pa bag yod pa rtun pa dang ldan pa bdag nyid btang bar gnas pa na rigs kyi bu gang dag gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing tshe dang ldan pa de kun shes pa dang ldan pa'i dgra bcom pa sems shin tu rnam par grol bar gyur to// // bar sdom la/ bdag ni thams cad mi bzod dang / /'o na khyod kyis de ltar shes/ /khyod ni skye bo phal chen mtshungs/ /'jig rten dge sbyong bram ze dang / /lta ba'i gnas ni gsum po dang / /'phags pa'i nyan thos thos ldan dang / /lus dang tshor dang tshor gzhi 'gag /kun 'byung la sogs shes pa dang / /mya ngan 'das dang lus srog mtha'/ /lus zhig srog ni yongs gtugs dang / /sdug bsngal mtha' dang mi ldan dang / /shA ri'i bu ni tha ma yin/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong so so yang dag par rig pa thob pa rnams kyi nang na 'di lta ste/ dge slong stod rings mchog yin no/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa shA ri'i bu las ci zhig bgyis na las de'i rnam par smin pas shes rab rno ba dang / shes rab zab pa dang / nges par 'byed pa'i shes rab can du gyur/ bcom ldan 'das kyis bka' stsal pa/ dge slong dag shA ri'i bu nyid kyis las tshogs brnyed pa/ rkyen yongs su bsgyur ba/ 'od pa bzhin du nye bar gnas pa gdon mi za bar 'byung bar 'gyur ba dag byas shing bsags pas/ shA ri'i bu nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba ri brags shig na bram ze zhig 'dug pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod pa de'i bu byung nas des de'i ming zhib ma zhes bya bar btags so/ /yang rtse bar byed/ dga' bar byed/ dga' mgur spyod par byed pa de'i bu mo zhig byung nas des de'i ming zhib ma mo zhes bya bar btags so/ /ji tsam dus gzhan zhig na de gnyis kyi pha bram ze de chung ma dang bcas te dus la bab bo/ /bram ze'i khye'u zhib ma de yang dben pa la dga' ba'i phyir sring mo khrid nas dgon pa'i nags su song ste 'dug go/ /gang gi tshe bu mo zhib ma mo chen mor gyur pa de'i tshe na nyon mongs pa dag gis gnod par gyur nas des smras pa/ ming po bdag ni dgon pa'i sman dag gis 'tsho bar mi nus kyis bdag cag grong mthar 'dong ngo / /des sring mo khrid de grong mthar song nas de gnyis gcig car khyim gcig tu slongs mo la zhugs pa dang bram ze nang na 'dug pas bud med dang skyes pa'i tshig brjod pa thos so/ /thos nas de phyir byung ste smras pa/ ci drang srong yang chung ma dang lhan cig yongs su rgyu'am/ des smras pa/ 'di ni kho bo'i chung ma ma yin gyi/ 'di ni kho bo'i sring mo yin no/ /ci 'ga' zhig la byin nam/ des smras pa/ ma byin no/ /gal te ma byin na 'di kho bo'i chung mar byin cig /des smras pa/ 'dis ni sdig pa can dam pa ma yin pa'i chos de spangs so/ /zhib ma mos smras pa/ ming po bdag ni dgon pa'i sman dag gis 'tsho bar mi nus kyis bdag cag grong mthar 'dong ngo zhes smras pa de ji snyam du sems/ 'di ltar bdag ni nyon mongs pa dag gis gnod par gyur to/ /gal te de lta na khyod nyid shes so/ /bram ze des de dpal gyi 'byor ba chen pos bag mar blangs so/ /zhib ma mos smras pa ming po tshur shog dang lhan cig 'khod do/ /des smras pa/ kho bo ni 'dod pa dag don du mi gnyer bas kho bo dgon par 'gro'o/ /ming po gal te de lta na ji ste khyod kyis yon tan gyi tshogs chung zad thob na bdag la rjod cig /zhib ma mtha' gcig tu song ste mkhan po med pa dang slob dpon med par byang chub kyi phyogs dang mthun pa'i chos sum bcu rtsa bdun bskyed nas rang byang chub mngon sum du byas so/ /des bsams pa/ bdag gis sring mo de la khas blangs pas song ste nye bar bstan par bya'o snyam mo/ / bdag nyid chen po de dag ni lus kyis chos ston gyi tshig gis mi ston pas de de la snying brtse ba'i phyir des ngang pa'i rgyal po 'dab ma brkyang pa ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas zhib ma mos shing ljon pa rtsa ba nas bcad pa bzhin du rang sangs rgyas de'i rkang pa gnyis la gtugs nas smras pa/ 'phags pa khyod kyis yon tan gyi tshogs 'di lta bu brnyes sam/ thob bo/ 'phags pa khyod ni bsod snyoms bzhes pa lags la/ bdag ni bsod nams 'tshal ba lags pas 'di nyid du bzhugs shig dang / bdag gis khyod la bsod snyoms kyi mkho ba bstab par bgyi'o/ /sring mo je khyim thab la dris shig /de khyim thab kyi gan du song ste smras pa/ rje'i sras bdag gi ming po rab tu byung ba brtul zhugs grub pa bdag nyid chen por gyur gyis gnang bar mdzod cig dang bdag gis de la bsod snyoms kyi mkho ba bstab par bgyi'o/ /des smras pa/ gal te rab tu ma byung na yang mi 'dod bzhin du sbyin par bya ba yin na/ rab tu byung ba brtul zhugs grub pa bdag nyid chen por gyur na lta smos kyang ci dgos kyis song la ci bder bsod snyoms kyi mkho ba stobs shig /des rang sangs rgyas de la zla ba gsum du bsod snyoms kyi mkho ba bstabs nas ras yug chen chen po la 'os pa bskon te khab dang / gri dang / skud pa yang phul lo/ / des ras yug chen dang / gri dang / khab dang / skud pa de blangs te/ de nyid kyi mdun du dra bar brtsams pa dang gri de rno ba rno bar gcod nas zhib ma mos de'i rkang pa gnyis la phyag 'tshal te smon lam 'di skad ces/ ji ltar gri 'di rno ba rno bar gcod pa de ltar bdag kyang dge ba'i rtsa ba 'dis shes rab rno bar gyur cig ces btab bo/ /rang sangs rgyas des khab kyis dbug par brtsams pa dang khab de zab mo zab mor 'bigs nas zhib ma mo des de'i rkang pa gnyis la phyag 'tshal te smon lam 'di skad ces/ ji ltar khab 'di zab mo zab mor 'bigs pa de ltar bdag kyang dge ba'i rtsa ba 'dis shes rab zab mor gyur cig ces btab bo/ /rang sangs rgyas des skud pas drub par brtsams pa dang skud pa de thal byung thal byung du 'gro nas zhib ma mo des de'i rkang pa gnyis la phyag 'tshal te smon lam 'di skad ces/ ji ltar skud pa 'di thal byung thal du 'gro ba de ltar bdag kyang dge ba'i rtsa ba 'dis nges par 'byed pa'i shes rab can du gyur cig ces btab bo/ /dge slong dag de la de'i tshe de'i dus na bram ze'i bu mo zhib ma mo gang yin pa de ni dge slong shA ri'i bu 'di nyid yin te/ des rang sangs rgyas la mchod pa byas nas smon lam btab pa gang yin pa'i las de'i rnam par smin pas da ltar shes rab rno ba dang / shes rab zab pa dang / nges par 'byed pa'i shes rab can du gyur to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /yang dge slong rnams the tsom skyes nas the tsom thams cad gcod pa sangs rgyas bcom ldan 'das la zhus pa/ btsun pa tshe dang ldan pa shA ri'i bus las ci zhig bgyis na las de'i rnam par smin pas khyim ha cang phyug par yang ma skyes/ khyim ha cang dbul bar yang ma skyes/ khyim 'bring por skyes shing rab tu 'byung ba mang bar gyur/ bcom ldan 'das kyis bka' stsal pa/ dge slong dag shA ri'i bu nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa gdon mi za bar 'byung bar 'gyur ba dag byas shing bsags pas/ shA ri'i bu nyid kyis las byas shing bsags pa dag gzhan su zhig gis myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba ri brags shig na rgyal po zhig 'dug pas des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i bu byung nas bsrings shing bskyed de chen por gyur to/ /des pha chos dang chos ma yin pas rgyal srid byed du 'jug pa mthong nas des bsams pa/ bdag kyang yab 'das nas rgyal por 'gyur la/ bdag gis kyang chos dang chos ma yin pas rgyal srid byed du bcug na sems can dmyal bar 'gro bar 'gyur ro snyam nas/ de rgyal po'i gan du song ste phyin nas smras pa/ yab gnang bar mdzod cig dang bdag legs par gsungs pa'i chos 'dul ba la rab tu 'byung ngo / /rgyal pos smras pa/ bu gang gi don du mchod sbyin sbyin par byed/ sbyin bsreg sreg par byed/ dka' thub kyis gdung bar byed pa'i rgyal srid de khyod kyi lag mthil du 'ongs shing glang po ches 'gro ba'i rigs su skyes na ci'i phyir rab tu 'byung zhes spyos te de phas rab tu 'byung bar ma ster to/ /de dus gzhan zhig na glang po che'i gshul du zhon te phyir byung ba dang / des mi dbul po zhig khar ba dang slong phor chag pa thogs te slong mo la rgyu ba mthong ngo / /mthong nas kyang rgyal bu de de'i gan du song ste smras pa/ kwa'e nang rje kho bo ni 'di lta bu'i khyim du skyes pa des rab tu 'byung ba ma thob na khyod ci'i phyir rab tu mi 'byung / des smras pa/ rgyal po'i sras bdag la lhung bzed ma mchis shing chos gos ma mchis na ji ltar rab tu 'byung bar bgyi/ rgyal bus smras pa/ bzhin bzangs tshur shog ngas khyod la lhung bzed dang chos gos sbyin par bya'o zhes rgyal bu des de khrid de song nas bsti gnas shig na drang srong mngon par shes pa lnga dang ldan pa zhig 'dug pa de'i gan du song ste phyin nas glang po che'i gshul nas babs te dul ba dang bcas pas smras pa/ legs ldan rigs kyi bu 'di khyod las rab tu 'byung bar 'dod kyis/ 'di rab tu phyung shig dang bdag gis 'di la lhung bzed dang chos gos sbyin par bya'o/ /drang srong des de rab tu phyung ngo / /rgyal bu des de'i lhung bzed dang chos gos dag bkrus shing drubs te kha bsgyur nas byin te smras pa/ 'phags pa gal te khyod kyis yon tan gyi tshogs cung zad thob na bdag la rjod cig /des rgyal bu de la de ltar bya'o zhes khas blangs so/ / de phyogs gcig tu song ste mkhan po med pa dang slob dpon med par byang chub kyi phyogs dang mthun pa'i chos sum bcu rtsa bdun bskyed nas rang byang chub mngon sum du byas so/ /des bsams pa/ bdag gis yon tan gyi tshogs gang cung zad thob pa gang yin pa de thams cad rgyal po'i bu de la brten nas thob pa yin la/ bdag gis de la khas blangs pas song la de la nye bar bstan par bya'o snyam mo/ /bdag nyid chen po de dag ni lus kyis chos ston gyi/ tshig gis mi ston pas de la snying brtse ba'i phyir des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ / so so'i skye bo ni rdzu 'phrul la myur du sems gtod par byed pa yin pas/ rgyal bu de shing ljon pa rtsa ba nas bcad pa bzhin du rang sangs rgyas de'i rkang pa gnyis la gtugs nas smras pa/ 'phags pa khyod kyis yon tan gyi tshogs 'di lta bu brnyes sam/ thob bo/ /des bsams pa/ 'phags pa 'dis yon tan gyi tshogs gang cung zad thob pa gang yin pa de thams cad bdag la brten nas thob pa yin na/ 'phags pa 'dis sngon rab tu 'byung ba ma thob pa gang yin pa de ni khyim de lta bur skyes pa yin la/ bdag gis rab tu 'byung ba ma thob pa gang yin pa de ni khyim 'di lta bur skyes pa yin no snyam nas/ des rang sangs rgyas de'i rkang pa gnyis la phyag 'tshal te smon lam 'di skad ces/ dge ba'i rtsa ba 'di yis bdag /ha cang phyug pa'i khyim dang ni/ /dbul po'i khyim du mi skye bar/ /bar ma'i khyim du skye 'gyur zhing / /rtag par rab 'byung mang bar shog /ces btab bo/ /dge slong dag de la de'i tshe de'i dus na rgyal bu de gang yin pa de ni dge slong shA ri'i bu 'di nyid yin te/ des rang sangs rgyas la mchod pa byas nas smon lam btab pa gang yin pa'i las de'i rnam par smin pas da ltar khyim ha cang phyug par yang ma skyes/ khyim ha cang dbul bar yang ma skyes par khyim 'bring por skyes shing rab tu 'byung ba mang bar gyur to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa shA ri'i bus las ci zhig bgyis na/ las de'i rnam par smin pas bcom ldan 'das kyis shes rab chen po dang ldan pa rnams dang / spobs pa chen po dang ldan pa rnams kyi mchog tu bstan/ bcom ldan 'das kyis bka' stsal pa/ de ni smon lam gyi dbang gis te/ gang du smon lam btab ce na/ dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de bA rA Na sI na drang srong smra ba ri dgas kyi nags na nye bar rten cing bzhugs so/ /de'i bstan pa la 'di rab tu byung nas dge slong gang gis de rab tu phyung ba'i dge slong de de bzhin gshegs pa dgra bcom pa yang dag par rdzogs pa'i sangs rgyas 'od srung gis shes rab chen po dang ldan pa rnams dang spobs pa chen po dang ldan pa rnams kyi mchog tu bstan to/ /de na 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas/ de'i 'og tu 'chi ba'i tshe smon lam 'di skad ces/ bdag gis bcom ldan 'das de bzhin gshegs pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad na yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis bcom ldan 'das de bzhin gshegs pa yang dag par rdzogs pa'i sangs rgyas 'od srung gis bram ze'i khye'u bla ma la/ bram ze'i khye'u khyod ma 'ongs pa'i dus na skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shA kya thub pa zhes bya bar 'gyur ro zhes lung bstan pa de'i bstan pa la bdag rab tu byung nas nyon mongs pa thams cad spangs nas dgra bcom pa nyid mngon du byed cing / ji ltar mkhan po 'di bcom ldan 'das de bzhin gshegs pa yang dag par rdzogs pa'i sangs rgyas 'od srung gis shes rab chen po dang ldan pa rnams dang / spobs pa chen po dang ldan pa rnams kyi mchog tu bstan pa de bzhin du/ bdag kyang bcom ldan 'das shAkya thub pa/ shAkya'i seng ge/ shAkya'i rgyal po gtso bo des shes rab chen po dang ldan pa rnams dang / spobs pa chen po dang ldan pa rnams kyi mchog tu bstan par gyur cig ces gdab par brtsams pas smon lam de'i dbang gis da ltar de bzhin gshegs pas shes rab chen po dang ldan pa rnams dang / spobs pa chen po dang ldan pa rnams kyi mchog tu bstan to/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa maud gal gyi bu chen pos las ji zhig bgyis na las de'i rnam par smin pas rdzu 'phrul che ba dang mthu che bar gyur/ bcom ldan 'das kyis bka' stsal pa/ dge slong dag maud gal gyi bu nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa gdon mi za bar 'byung bar 'gyur ba dag byas shing bsags pas maud gal gyi bu nyid kyis las byas shing bsags pa dag gzhan su zhig gis myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba grong khyer bA rA Na sI nas ha cang thag mi ring ba'i bsti gnas shig na drang srong byams pa'i bdag nyid can/ snying rje dang ldan pa/ sems can thams cad la byams pa zhig 'dug go/ ji tsam na mi dbul po zhig shing khur thogs te bsti gnas der song nas shing khur phog ste ngal so zhing 'dug pa drang srong des mthong nas/ de de la snying rje skyes te nyon mongs pa 'di sngon gyi las kyi nyes pas mir skyes kyang tshegs chen pos 'tsho ba sbyor bar byed kyis/ bdag gis 'di rab tu dbyung ngo snyam nas smras pa/ bu khyod su zhig yin/ des smras pa/ 'phags pa bdag ni mi dbul po shing gis 'tsho ba sbyor ba zhig lags so/ /drang srong gis smras pa/ bu 'o na khyod ci'i phyir rab tu mi 'byung / des smras pa/ 'phags pa bdag ni mi dbul po zhig ste shing btsongs shing btsongs nas tshegs chen pos 'tsho ba skyong bar bgyid pa lags na/ su zhig gis bdag rab tu 'byin par 'gyur/ de nas drang srong de byams pa'i bdag nyid can yin pa'i phyir shin du snying rje skyes nas des de la smras pa/ bu khyod rab tu 'byung bar 'dod dam/ des smras pa/ 'phags pa bdag rab tu 'byung bar 'tshal gyis thugs brtse ba'i slad du bdag rab tu dbyung du gsol/ drang srong des de rab tu phyung nas lhung bzed dang chos gos dag kyang bkrus shing kha bsgyur te byin nas smras pa/ bzhin bzangs gal te khyod kyis yon tan gyi tshogs cung zad thob na kho bo la rjod cig /des de la de bzhin du bgyi'o zhes khas blangs so/ /de phyogs gcig tu song nas mkhan po med pa dang slob dpon med par byang chub kyi phyogs dang mthun pa'i chos sum bcu rtsa bdun bskyed nas rang byang chub mngon sum du byas so/ /des bsams pa/ bdag gis drang srong de la khas blangs pas song la de la nye bar bstan par bya'o snyam mo/ /bdag nyid chen po de dag ni lus kyis chos ston gyi tshig gis mi ston pas de de la rjes su snying brtse ba'i phyir des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas drang srong de shing ljon pa rtsa ba nas bcad pa bzhin du rang sangs rgyas de'i rkang pa gnyis la gtugs nas smras pa/ 'phags pa khyod kyis yon tan gyi tshogs 'di lta bu brnyes sam/ thob bo/ /des bsams pa/ 'phags pa 'dis yon tan gyi tshogs cung zad thob pa gang yin pa de thams cad bdag la brten nas thob pa yin no snyam nas/ des rang sangs rgyas de'i rkang pa gnyis la phyag 'tshal te smon lam 'di skad ces/ 'di ltar 'phags pa 'di rdzu 'phrul che ba dang mthu che ba de bzhin du/ bdag kyang dge ba'i rtsa ba 'dis rdzu 'phrul che ba dang mthu che bar gyur cig ces btab bo/ /dge slong dag de la de'i tshe de'i dus na drang srong gang yin pa de ni dge slong maud gal gyi bu 'di nyid yin te/ des rang sangs rgyas la mchod pa byas nas smon lam btab pa gang yin pa de'i las kyi rnam par smin pas da ltar rdzu 'phrul che ba dang mthu che bar gyur to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyod kyis de ltar bslab par bya'o// //'dul ba gzhi/ bam po lnga pa// //dge slong rnams the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa maud gal gyi bu chen pos las ci zhig bgyis na/ las de'i rnam par smin pas bcom ldan 'das kyis rdzu 'phrul chen po dang ldan pa rnams dang / mthu chen po dang ldan pa rnams kyi mchog tu bstan/ de ni smon lam gyi dbang gis te/ gang du smon lam btab ce na/ dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de bA rA Na sI na drang srong smra ba ri dgas kyi nags na nye bar rten cing bzhugs so/ /de'i bstan pa la 'di rab tu byung nas dge slong gang gis de rab tu phyung ba'i dge slong de de bzhin gshegs pa dgra bcom pa yang dag par rdzogs pa'i sangs rgyas 'od srung gis rdzu 'phrul chen po dang ldan pa rnams dang / mthu chen po dang ldan pa rnams kyi mchog tu bstan to/ /de na 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas de'i 'og tu 'chi ba'i tshe smon lam 'di skad ces/ bdag gis bcom ldan 'das de bzhin gshegs pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad na yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis bcom ldan 'das de bzhin gshegs pa yang dag par rdzogs pa'i sangs rgyas 'od srung gis bram ze'i khye'u bla ma la/ bram ze'i khye'u khyod ma 'ongs pa'i dus na skyes dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ /'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shAkya thub pa zhes bya bar 'gyur ro zhes lung bstan pa de'i bstan pa la bdag rab tu byung nas nyon mongs pa thams cad spangs pas dgra bcom pa nyid mngon du byed cing / ji ltar mkhan po 'di bcom ldan 'das de bzhin gshegs pa yang dag par rdzogs pa'i sangs rgyas 'od srung gis rdzu 'phrul chen po dang ldan pa rnams dang / mthu chen po dang ldan pa rnams kyi mchog tu bstan pa de bzhin du/ bdag kyang bcom ldan 'das shAkya thub pa/ shAkya'i seng ge/ shAkya'i rgyal po gtso bo des rdzu 'phrul chen po dang ldan pa rnams dang / mthu chen po dang ldan pa rnams kyi mchog tu bstan par gyur cig ces gdab par brtsams pas smon lam de'i dbang gis da ltar de bzhin gshegs pas rdzu 'phrul chen po dang ldan pa rnams dang / mthu chen po dang ldan pa rnams kyi mchog tu bstan to/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa stod rings kyis las ji zhig bgyis na/ las de'i rnam par smin pas bcom ldan 'das kyis so so yang dag par rig pa thob pa rnams kyi mchog tu bstan/ de ni smon lam gyi dbang gis te/ gang du smon lam btab ce na/ dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de bA rA Na sI na drang srong smra ba ri dgas kyi nags na nye bar rten cing bzhugs so/ /de'i bstan pa la 'di rab tu byung nas dge slong gang gis de rab tu phyung ba'i dge slong de de bzhin gshegs pa dgra bcom pa yang dag par rdzogs pa'i sangs rgyas 'od srung gis so so yang dag par rig pa thob pa rnams kyi mchog tu bstan to/ /de na 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas/ de'i 'og tu 'chi ba'i tshe smon lam 'di skad ces/ bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad na yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis bram ze'i khye'u bla ma la/ bram ze'i khye'u khyod ma 'ongs pa'i dus na skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shAkya thub pa zhes bya bar 'gyur ro zhes lung bstan pa de'i bstan pa la rab tu byung nas nyon mongs pa thams cad spangs pas/ dgra bcom pa nyid mngon du byed cing / ji ltar mkhan po 'di bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis so so yang dag par rig pa thob pa rnams kyi mchog tu bstan pa de bzhin du/ bdag kyang bcom ldan 'das shAkya thub pa/ shAkya'i seng ge/ shAkya'i rgyal po gtso bo des so so yang dag par rig pa thob pa rnams kyi mchog tu bstan par gyur cig ces gdab par brtsams pas smon lam de'i dbang gis da ltar de bzhin gshegs pas so so yang dag par rig pa thob pa rnams kyi mchog tu bstan to/ /de'i tshe na legs par gsungs pa'i chos 'dul ba la 'di ltar rab tu 'byung ba dang bsnyen par rdzogs pa dge slong gi dngos por 'gyur te/ bcom ldan 'das kyis dge slong tshur shog ces bya bas rab tu 'byin par mdzad cing bsnyen par rdzogs par mdzad pas 'ga' zhig gi gan du rab tu 'byung bar 'dod pa 'ongs pa na/ bcom ldan 'das kyis dge slong tshur shog ces bya bas rab tu 'byin par mdzad cing / dge slong tshur shog ces bya bas bsnyen par rdzogs par mdzad par 'gyur ro snyam nas/ des de khrid de bcom ldan 'das ga la ba der 'gro'o/ /dge slong zhig gi gan du rab tu 'byung bar 'dod pa zhig 'ongs pa na/ bcom ldan 'das kyis dge slong tshur shog ces bya bas rab tu 'byin par mdzad cing dge slong tshur shog ces bya bas bsnyen par rdzogs par mdzad par 'gyur ro snyam nas/ des de khrid de bcom ldan 'das ga la ba der song ba dang / des bcom ldan 'das kyi spyan sngar ma phyin pa kho nar bar ma dor rgyun chad cing shi bar gyur te/ de nyid de'i legs par gsungs pa'i chos 'dul ba la rab tu 'byung ba dang / bsnyen par rdzogs pa dge slong gi dngos por 'gyur ba'i bar chad du gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis dgongs pa/ kye ma nga'i nyan thos rnams thag ring po dang ches ring po nas 'ong ba rnams ngal bar 'gyur ro snyam nas bka' stsal pa/ de lta bas na deng nas dge 'dun gyis rab tu dbyung ba dang / dge 'dun gyis bsnyen par rdzogs par bya bar gnang ngo / /bcom ldan 'das kyis dge 'dun gyis rab tu dbyung bar bya ba dang / dge 'dun gyis bsnyen par rdzogs par bya'o zhes bka' stsal nas/ de dag gis ji ltar rab tu dbyung bar bya ba dang / ji ltar bsnyen par rdzogs par bya ba mi shes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ 'ga' zhig gi gan du rab tu 'byung bar 'dod pa 'ongs na/ des de gzung bar bya zhing bzung nas dge 'dun thams cad 'dus pa na cha lugs 'di bzhin byas shing rgan rims la phyag 'tshal du bcug ste/ thal mo sbyar nas tsog tsog por 'dug tu bcug ste/ lan gsum gsol ba 'debs su bcug nas dge slong gcig gis gsol ba dang bzhi'i las kyis gcig car rab tu 'byung ba dang bsnyen par rdzogs pa nye bar bsgrub par bya'o/ /des 'di skad ces brjod par bya ste/ dge 'dun btsun pa rnams gsan du gsol/ bdag ming 'di zhes bgyi ba dge 'dun las rab tu 'byung ba dang / bsnyen par rdzogs pa dge slong gi dngos por gsol na/ thugs brtse ba can dge 'dun btsun pa rnams kyis thugs brtse ba'i slad du bdag rab tu dbyung du gsol/ bsnyen par rdzogs par mdzad du gsol/ de bzhin du lan gnyis lan gsum du bzlas/ de'i 'og tu dge slong gcig gis gsol ba byas te las bya'o/ /'di ltar byas te 'dug la 'di skad brjod par bya ste/ dge 'dun btsun pa rnams gsan du gsol/ ming 'di zhes bgyi ba 'di dge 'dun la rab tu 'byung ba dang bsnyen par rdzogs pa dge slong gi dngos po gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis ming 'di zhes bgyi ba rab tu 'byin to/ /bsnyen par rdzogs par mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ ming 'di zhes bgyi ba 'di dge 'dun las rab tu 'byung ba dang bsnyen par rdzogs pa dge slong gi dngos po gsol te/ de'i slad du dge 'dun gyis ming 'di zhes bgyi ba rab tu dbyung ba dang / bsnyen par rdzogs par mdzad na/ tshe dang ldan pa gang dag ming 'di zhes bgyi ba rab tu dbyung ba dang bsnyen par rdzogs par mdzad par bzod pa de dag ni cang ma gsungs shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis ming 'di zhes bgyi ba rab tu phyung ba dang bsnyen par rdzogs par mdzad lags te/ 'di ltar cang mi gsung bas de de bzhin du 'dzin to/ /de ni sngon gyi cho ga'o/ /de ltar rab tu byung zhing bsnyen par rdzogs pa dag mkhan po med pa dang / slob dpon med pas legs par ma sbyangs pa dang / legs par ma bgos pa dang / sgra mthon po dang / sgra chen po dang / rgod bag gi spyod lam gyis bram ze dang khyim bdag gi khyim dag tu 'dong zhing de dag der zas slong bar byed/ zas slong du 'jug par byed/ sran tshod slong bar byed/ sran tshod slong du 'jug par byed cing bstan pa dang 'gal ba gzhan dag kyang byed nas/ gzhan mu stegs can dag /shes ldan dag shAkya'i bu'i dge sbyong 'di dag ni mkhan po med pa dang / slob dpon med pas legs par ma sbyangs pa dang / legs par ma bgos pa dang / sgra mthon po dang / sgra chen po dang / rgod bag gi spyod lam gyis bram ze dang khyim bdag gi khyim dag tu 'dong zhing de dag der zas slong bar byed/ zas slong du 'jug par byed/ sran tshod slong bar byed/ sran tshod slong du 'jug par byed de/ dge sbyong mgo reg 'di dag la su zhig bsod snyoms sbyin pa dang / bya bar sems shes smod par byed/ phyar ka gtong bar byed/ kha zer bar byed do/ /dge slong nad pa zhig kyang nad g.yog dang bral bas shi bar gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis dgongs pa/ ngas nyan thos rnams gcig gis gcig bsdu ba'i phyir dang / nad pa rnams la rim gro bya ba'i phyir mkhan po dang slob dpon dag gnang bar bya'o snyam nas bka' stsal pa/ de lta bas na mkhan po dang slob dpon dag gis rab tu dbyung bar bya ba dang / bsnyen par rdzogs par bya bar gnang ngo / /bcom ldan 'das kyis mkhan po dang slob dpon dag gis rab tu dbyung bar bya/ bsnyen par rdzogs par bya'o zhes bka' stsal nas/ de dag gis mkhan po dang slob dpon du yong mi shes nas bcom ldan 'das kyis bka' stsal pa/ slob dpon ni lnga/ mkhan po ni gnyis so/ /slob dpon lnga gang zhe na/ dge tshul gyi slob dpon dang / gsang ste ston pa dang / las byed pa dang / gnas sbyin pa'i slob dpon dang / klog pa'i slob dpon no/ /dge tshul gyi slob dpon gang zhe na/ /gang gis skyabs su 'gro ba dang / bslab pa'i gzhi dag byin pa yin no/ gsang ste ston pa gang zhe na/ gang gis gsang ste bstan pa yin no/ /las byed pa gang zhe na/ gang gis gsol ba dang bzhi'i las kyis las byas pa yin no/ /gnas sbyin pa'i slob dpon gang zhe na/ gang gi drung du zhag gcig tsam yang gnas pas 'dug pa yin no/ /klog pa'i slob dpon gang zhe na/ gang las tshig bzhi pa'i tshigs su bcad pa tsam yang lan gsum du bzlas te bzung ba yin no/ /mkhan po gnyis gang zhe na/ rab tu 'byin par byed pa gang yin pa dang / bsnyen par rdzogs par byed pa gang yin pa'o/ /bcom ldan 'das kyis mkhan po dang slob dpon dag gis rab tu dbyung bar bya zhing bsnyen par rdzogs par bya'o zhes bka' stsal nas/ dge slong rnams kyis ji ltar rab tu dbyung bar bya ba dang / ji ltar bsnyen par rdzogs par bya ba mi shes nas bcom ldan 'das kyis bka' stsal pa/ 'ga' zhig gi gan du rab tu 'byung bar 'dod pa 'ongs na des de la bar chad kyi chos rnams dris nas gzung bar bya'o/ /bzung nas gsum la skyabs su 'gro ba dang / dge bsnyen nyid du khas blang bas dge bsnyen gyi sdom pa sbyin par bya'o/ /'di ltar sbyin par bya ste/ dang por ston pa la phyag 'tshal du bzhug go/ de'i 'og tu slob dpon la phyag 'tshal du bcug nas mdun du tsog tsog por 'dug tu bcug ste/ thal mo sbyor du bcug nas des 'di skad ces brjod par bya ste/ btsun pa dgongs su gsol/ bdag ming 'di zhes bgyi ba dus 'di nas bzung ste/ ji srid 'tsho'i bar du rkang gnyis rnams kyi mchog sangs rgyas la skyabs su 'chi'o/ /'dod chags dang bral ba rnams kyi mchog chos la skyabs su mchi'o/ /tshogs rnams kyi mchog dge 'dun la skyabs su 'chi'o/ /bdag ji srid 'tsho'i bar du dge bsnyen du btsun pas gzung du gsol/ de bzhin du lan gnyis lan gsum du bzlas/ tshig gsum pa la slob dpon gyis shes brjod par bya'o/ /slob dpon gyis thabs yin no zhes brjod par bya'o/ /dge bsnyen gyis legs so zhes brjod par bya'o/ /de ni dge bsnyen gyi sdom pa sbyin pa'o/ /de'i 'og tu bslab pa brjod pa khas blang ba'i tshul gyis bya'o/ /'di ltar bya ste/ slob dpon dgongs su gsol/ ji ltar 'phags pa dgra bcom pa de dag gis ji srid 'tsho'i bar du srog gcod pa spangs te srog gcod pa las slar log pa de bzhin du/ bdag ming 'di zhes bgyi bas kyang dus 'di nas bzung ste/ ji srid 'tsho'i bar du srog gcod pa spangs te/ srog gcod pa las slar ldog par bgyi'o/ /yan lag dang po 'dis bdag 'phags pa dgra bcom pa de dag gi bslab pa la rjes su slob bo/ /rjes su bsgrub bo/ /rjes su bgyid do/ /gzhan yang ji ltar 'phags pa dgra bcom pa de dag gis ji srid 'tsho'i bar du ma byin par len pa dang / 'dod pas log par g.yem pa dang / brdzun du smra ba dang / 'bru'i chang dang bcos pa'i chang myos par 'gyur ba bag med pa'i gnas spangs te/ 'bru'i chang dang bcos pa'i chang myos par 'gyur ba bag med pa'i gnas las slar log pa de bzhin du/ bdag ming 'di zhes bgyi bas kyang dus 'di nas bzung ste/ ji srid 'tsho'i bar du ma byin par len pa dang / 'dod pa la log par g.yem pa dang / brdzun du smra ba dang / 'bru'i chang dang bcos pa'i chang myos par 'gyur ba bag med pa'i gnas spangs te/ 'bru'i chang dang bcos pa'i chang myos par 'gyur ba bag med pa'i gnas las slar ldog par bgyi'o/ /yan lag lnga pa 'dis bdag 'phags pa dgra bcom pa de dag gi bslab pa la rjes su slob bo/ /rjes su bsgrub bo/ /rjes su bgyid do/ /slob dpon gyis thabs yin no zhes brjod par bya'o/ /dge bsnyen gyi legs so zhes brjod par bya'o/ /dge bsnyen nyid du nye bar sgrub pa'i cho ga rdzogs s+ho// //de'i 'og tu gang gis de zhu bar byed pa'i dge slong la gtad par bya'o/ /zhu ba'i dge slong gis mkhan po la khyod kyis bar chad kyi chos rnams dris sam zhes dri bar bya'o/ /ma dris par zhu bar byed na 'gal tshabs can du 'gyur ro/ /de'i 'og tu zhu ba'i dge slong gis zhu bar bya'o/ /'di ltar zhu bar bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la'ang rung / gnas khang so so na 'khod pa la'ang rung ste/ rgan rims la phyag 'tshal du bcug nas/ tsog tsog por 'dug tu bcug ste/ thal mo sbyar du bcug nas zhu bar byed pas 'di skad ces brjod par bya ste/ dge 'dun btsun pa rnams gsan du gsol/ ming 'di zhes bgyi ba 'di mkhan po ming 'di zhes bgyi ba las rab tu 'byung bar 'tshal te/ khyim pa gos dkar po can skra dang kha spu ma bregs pa las legs par gsungs pa'i chos 'dul ba la rab tu 'byung bar 'tshal te/ ming 'di zhes bgyi ba 'di rab tu 'byung bar 'tshal zhing skra dang kha spu bregs nas gos ngur smrig bgos te/ yang dag pa kho nar dad pas khyim nas khyim med par mkhan po ming 'di zhes bgyi ba las rab tu 'byung ste/ de yang bar chad kyi chos rnams yongs su dag go zhes kho na nyid mchi na/ ci de rab tu dbyung ngam de dag thams cad kyis gal te yongs su dag na'o zhes brjod par bya'o/ /gal te de skad brjod na de lta na legs/ gal te mi brjod na 'gal tshabs can du 'gyur ro/ /de ni rab tu 'byung bar 'dod pa zhu ba'o// //de'i 'og tu mkhan por gsol ba'o/ /'di ltar gsol bar bya ste/ mkhan po la phyag 'tshal du bcug nas mdun du tsog tsog por 'dug tu bcug ste/ thal mo sbyor du bcug nas des 'di skad ces brjod par bya ste/ slob dpon dgongs su gsol/ bdag ming 'di zhes bgyi ba slob dpon la mkhan por gsol gyis/ slob dpon bdag gi mkhan po mdzad du gsol/ slob dpon mkhan pos rab tu dbyung bar bgyi'o/ /de bzhin du lan gnyis lan gsum du bzlas/ tshig gsum pa la mkhan po zhes brjod par bya'o/ /mkhan pos thabs yin no zhes brjod par bya'o/ /rab tu 'byung bar 'dod pas legs so zhes brjod par bya'o/ /de ni mkhan por gsol ba'o/ /de'i 'og tu gang gis de'i skra dang kha spu dag 'dreg par byed pa'i dge slong la bcol bar bya'o/ /des thams cad 'dreg par byed nas/ bcom ldan 'das kyis bka' stsal pa/ thams cad breg par mi bya bar 'di ltar gtsug phud gzhag par bya zhing de'i 'og tu ci gtsug phud breg gam zhes dri bar bya'o/ /gal te mi breg go zhes zer na 'o na song shig ces brjod par bya'o/ /gal te bregs shig ces zer na breg par bya'o/ /de'i 'og tu khrus byed du gzhug ste/ gal te re zhig grang ba'i dus yin na ni chu dron pos khrus byed du gzhug go/ gal te tsha ba'i dus yin na ni chu grang mos khrus byed du gzhug go/ de'i 'og tu mkhan pos lhung bzed dang gos ngur smrig dag sbyin par bya zhing des kyang rkang pa gnyis la gtugs nas blang bar bya'o/ /de'i 'og tu mkhan pos bskon par bya zhing mtshan med pa'am/ mtshan gnyis pa'am/ gle 'dams pa ma yin nam zhes brtag par bya'o/ /bcom ldan 'das kyis brtag par bya'o zhes bka' stsal nas dge slong dag de sgren mor phyung ste rtog par byed pa na de ngo tsha nas bcom ldan 'das kyis bka' stsal pa/ sgren mor phyung ste brtag par mi bya bar sham thabs bskon pa nyid kyi tshe ma tshor bar brtag par bya'o/ /de ni dus dang por bya ba'o// //de'i 'og tu skyabs su 'gro ba rtsom pas rab tu 'byung ba nye bar bsgrub par bya'o/ /'di ltar nye bar bsgrub par bya ste/ dang por ston pa la phyag 'tshal du gzhug go/ de'i 'og tu mkhan po la phyag 'tshal du bcug nas mdun du tsog tsog pur 'dug tu bcug ste/ thal mo sbyor du bcug nas des 'di skad ces brjod par bya ste/ mkhan po dgongs su gsol/ /bdag ming 'di zhes bgyi ba dus 'di nas bzung ste ji srid 'tsho'i bar du rkang gnyis rnams kyi mchog sangs rgyas la skyabs su mchi'o/ /'dod chags dang bral ba rnams kyi mchog chos la skyabs su mchi'o/ /tshogs rnams kyi mchog dge 'dun la skyabs su mchi'o/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa/ shAkya'i seng ge/ shAkya'i rgyal po gtso bo de rab tu byung ba'i rjes su rab tu 'byung ste khyim pa'i rtags spong ngo / /rab tu byung ba'i rtags yang dag par len to/ /de bzhin du lan gnyis lan gsum du bzlas/ mkhan pos thabs yin no zhes brjod par bya'o/ / rab tu byung bas legs so zhes brjod par bya'o/ /de ni rab tu byung ba nye bar sgrub pa'o// //de'i 'og tu dge tshul nyid du nye bar sgrub par byed pa'i dge slong la gtad par bya'o/ /des kyang mkhan po la ci yongs su dag gam zhes dris nas yongs su dag na skyabs su 'gro ba dang / dge tshul nyid du khas blang bas dge tshul nyid du nye bar bsgrub par bya'o/ /'di ltar nye bar bsgrub par bya ste/ dang por ston pa la phyag 'tshal du gzhug go/ de'i 'og tu slob dpon la phyag 'tshal du bcug nas mdun du tsog tsog por 'dug tu bcug ste/ thal mo sbyor du bcug nas des 'di skad ces brjod par bya ste/ btsun pa dgongs su gsol/ bdag ming 'di zhes bgyi ba dus 'di nas bzung ste/ ji srid 'tsho'i bar du rkang gnyis rnams kyi mchog sangs rgyas la skyabs su mchi'o/ /'dod chags dang bral ba rnams kyi mchog chos la skyabs su mchi'o/ /tshogs rnams kyi mchog dge 'dun la skyabs su mchi'o/ / bdag ji srid 'tsho'i bar du dge tshul du btsun pas gzung du gsol/ de bzhin du lan gnyis lan gsum du bzlas/ tshig gsum pa la slob dpon gyis shes brjod par bya'o/ /slob dpon gyis thabs yin no zhes brjod par bya'o/ /dge tshul gyis legs so zhes brjod par bya'o/ /de ni dge tshul gyi sdom pa sbyin pa'o// //de'i 'og tu slob dpon ma yin pa dge slong gzhan gang yang rung ba gcig gis grib tshod gzhal bar bya zhing skyes bu dang / rtsa ba dang / nyin mtshan gyi cha dang / dus tshod kyang brjod par bya'o/ /de'i 'og tu bslab pa brjod pa khas blang ba'i tshul gyis bya'o/ /'di ltar bya ste/ slob dpon dgongs su gsol/ ji ltar 'phags pa dgra bcom pa de dag gis ji srid 'tsho'i bar du srog gcod pa spangs te/ srog gcod pa las slar log pa de bzhin du bdag ming 'di zhes bgyi bas kyang dus 'di nas bzung ste ji srid 'tsho'i bar du srog gcod pa spangs te srog gcod pa las slar ldog par bgyi'o/ /yan lag dang po 'dis bdag 'phags pa dgra bcom pa de dag gi bslab pa la rjes su slob bo/ /rjes su bsgrub bo/ /rjes su bgyid do/ /gzhan yang ji ltar 'phags pa dgra bcom pa de dag gis ji srid 'tsho'i bar du ma byin par len pa dang / mi tshangs par spyod pa dang / brdzun du smra ba dang / 'bru'i chang dang bcos pa'i chang myos par 'gyur ba bag med pa'i gnas dang / glu dang gar dang rol mo'i sgra dang / phreng ba dang / spos nyug pa dang / rgyan dang kha dog 'chang ba dang / khri stan mthon po dang / khri stan chen po dang / dus ma yin pa'i zas dang / gser dngul len pa spangs te/ gser dngul len pa las slar log pa de bzhin du/ bdag ming 'di zhes bgyi bas kyang dus 'di nas bzung ste ji srid 'tsho'i bar du ma byin par len pa dang / mi tshangs par spyod pa dang / brdzun du smra ba dang / 'bru'i chang dang bcos pa'i chang myos par 'gyur ba bag med pa'i gnas dang / glu gar dang / rol mo'i sgra dang / phreng ba dang / spos nyug pa dang / rgyan dang kha dog 'chang ba dang / khri stan mthon po dang / khri stan chen po dang / dus ma yin pa'i zas dang / gser dngul len pa spangs te/ gser dngul len pa las slar ldog par bgyi'o/ /yan lag bcu pa 'dis bdag 'phags pa dgra bcom pa de dag gi bslab pa la rjes su slob po/ /rjes su sgrub bo/ /rjes su bgyid do/ /slob dpon gyis thabs yin no zhes brjod par bya'o/ /dge tshul gyis legs so brjod par bya'o/ /dge tshul nyid du nye bar sgrub pa'i cho ga rdzogs s+ho// //de'i 'og tu gal te de lo nyi shu tshang na mkhan pos de'i lhung bzed dang chos gos dag btsal bar bya zhing las byed pa'i dge slong la gsol ba gdab par bya/ gsang ste ston pa'i dge slong la yang gsol ba gdab par bya/ gang dag de'i las kyi gnas su 'jug par 'gyur ba'i dge slong dag la yang gsol ba gdab par bya'o/ /dge slong gang dag de'i las kyi gnas su 'jug par 'gyur ba de dag gis kyang der 'du bar 'gyur ba'i tshe zla ba phyed 'das pa'i nyes pa bsdam par bya ba dang / bshags par bya ba dang / byin gyis brlab par bya ba dag la so sor brtag par bya zhing nyes pa shes pa bsdam pa'am/ bshags pa'am/ byin gyis brlabs pas phyir bcos te 'dug par bya'o/ /de'i 'og tu dge 'dun thams cad 'dug cing mthun par gyur pa'am/ dkyil 'khor ba yang rung ste/ yul dbus su dge slong bcu la sogs pa'i tshogs sam/ mtha' 'khob dag tu gzhan med na 'dul ba 'dzin pa dang lnga la sogs pa'i tshogs la yang rung ste/ dang por ston pa la phyag 'tshal du gzhug go/ de'i 'og tu dge slong re re la phyag gsum gsum 'tshal du gzhug go/ phyag ni gnyis te/ yan lag lngas phyag 'tshal ba dang / sgyid pa nas 'khyud pa ste 'dir gang yang rung ngo / /'di ni dus dang por bya ba'o// //de'i 'og tu mkhan por gsol ba bya'o/ /'di ltar gsol bar bya ste/ mkhan po la phyag 'tshal du bcug nas mdun du pha gu'i steng du rtswa bting ba la rting pa gnyis kyis mnan nas tsog tsog por 'dug tu bcug ste/ thal mo sbyor du bcug nas gal te mkhan po yin na mkhan po zhes brjod par bya/ slob dpon yin na slob dpon zhes brjod par bya/ btsun pa yin na btsun pa zhes ci rigs par brjod par bya'o zhes bstan nas/ des 'di skad ces brjod par bya ste/ btsun pa dgongs su gsol/ bdag ming 'di zhes bgyi ba btsun pa la mkhan por gsol gyis/ btsun pa bdag gi mkhan po mdzad du gsol/ btsun pa mkhan pos bsnyen par rdzogs par bgyi'o/ /de bzhin du lan gnyis lan gsum du bzlas/ tshig gsum pa la mkhan po zhes brjod par bya'o/ /mkhan pos thabs yin no zhes brjod par bya'o/ /slob mas legs so zhes brjod par bya'o/ /de ni mkhan por gsol ba'o// // de'i 'og tu mkhan po rang gis de la chos gos gsum byin gyis brlab par bya'o/ /gal te re zhig chos gos dras shing drubs pa dag yod na de lta na legs te/ 'di ltar byin gyis brlab par bya ste/ chos gos gsum po so sor bltab ste slob ma'i phrag pa g.yon par bkal nas gnyis ka 'greng ste/ lag pas chos gos snam sbyar bzung nas 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i chos gos bgyis lags pa rung ba spyad par 'os pa 'di chos gos snam sbyar du byin gyis brlab bo/ /de bzhin du lan gnyis lan gsum du bzlas/ mkhan pos thabs yin no zhes brjod par bya'o/ /slob mas legs so zhes brjod par bya'o/ /de'i 'og tu chos gos bla gos bzung nas des 'di skad ces brjod par bya ste/ mkhan po dgongs su gsol/ /bdag ming 'di zhes bgyi ba'i chos gos bgyis lags pa rung ba spyad par 'os pa 'di chos gos bla gos su byin gyis brlab bo/ /de bzhin du lan gnyis lan gsum du bzlas/ mkhan pos thabs yin no zhes brjod par bya'o/ /slob mas legs so zhes brjod par bya'o/ / de'i 'og tu chos gos mthang gos bzung nas des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i chos gos bgyis lags pa rung ba spyad par 'os pa 'di chos gos mthang gos su byin gyis brlab bo/ /de bzhin du lan gnyis lan gsum du bzlas/ mkhan pos thabs yin no zhes brjod par bya'o/ /slob mas legs so zhes brjod par bya'o/ /de'i 'og tu chos gos dag bskon par bya zhing des kyang snam sbyar dang bcas pa nyid yin na bsnyen par rdzogs pa'i phyir 'dus pa'i dge 'dun la phyag bya'o/ /de ni chos gos dras shing drubs pa gsum byin gyis brlab pa'o// //gal te re shig chos gos dras shing drubs pa dag med na rgyu la byin gyis brlab bo/ /'di ltar byin gyis brlab par bya ste/ chos gos gsum gyi rgyu so sor bltab ste slob ma'i phrag pa g.yon par bkal nas gnyi ga 'greng ste lag pas chos gos snam sbyar rgyu bzung nas des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i chos gos 'di snam sbyar du byin gyis brlab bo/ /'tshal na snam phran dgu pa la sogs par bgyis te/ glegs bu phyed dang gsum pa la sogs par bgyi'o/ /bar chad ma byung na bkru'o/ /brkyang ngo / dra'o/ / sdeb bo/ /gzungs gdab bo/ /drub bo/ /kha bsgyur ro/ /yang na 'di la lhan thabs su glan no/ /rkyen ji lta ba bzhin du bgyis te/ chos gos 'di rung ba spyad par 'os pa'o/ /de bzhin du lan gnyis lan gsum du bzlas/ mkhan pos thabs yin no zhes brjod par bya'o/ /slob mas legs so zhes brjod par bya'o/ /de'i 'og tu chos gos bla gos rgyu bzung nas des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i chos gos 'di bla gos su byin gyis brlab bo/ /'tshal na snam phran bdun par bgyis te/ glegs bu phyed dang gsum par bgyi'o/ /bar chad ma byung na bkru'o/ /brkyang ngo / /dra'o/ /bsdeb bo/ /gzungs gdab bo/ /drub bo/ /kha bsgyur ro/ /yang na 'di la lhan thabs su glan no/ /rkyen ji lta ba bzhin du bgyis te/ chos gos 'di rung ba spyad par 'os pa'o/ /de bzhin du lan gnyis lan gsum du bzlas/ mkhan pos thabs yin no zhes brjod par bya'o/ / slob mas legs so zhes brjod par bya'o/ /de'i 'og tu chos gos mthang gos rgyu bzung nas des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i chos gos 'di mthang gos su byin gyis brlab bo/ /'tshal na snam phran lnga par bgyis te/ glegs bu phyed dang gnyis par bgyi'o/ /bar chad ma byung na bkru'o/ /brkyang ngo / /dra'o/ /bsdeb bo/ /gzungs gdab bo/ /drub bo/ /kha bsgyur ro/ /yang na 'di la lhan thabs su glan no/ /rkyen ji lta ba bzhin du bgyis te/ chos gos 'di rung ba spyad par 'os pa'o/ /de bzhin du lan gnyis lan gsum du bzlas/ mkhan pos thabs yin no zhes brjod par bya'o/ /slob mas legs so zhes brjod par bya'o/ /de ni chos gos ma dras shing ma drubs pa gsum byin gyis brlab pa'o// //de'i 'og tu de'i lhung bzed bstan par bya'o/ /'di ltar bstan par bya ste/ dge slong gcig gis lhung bzed lag pa g.yon par bzhag ste/ lag pa g.yas pas bkab nas rgan pa'i mtha' logs nas dge slong re re'i mdun du 'greng ste 'dud pa dang bcas pas 'di skad ces brjod par bya ste/ btsun pa'am tshe dang ldan pa dgongs su gsol/ tshe dang ldan pa ming 'di zhes bgyi ba'i lhung bzed 'di mi chung ngam/ mi che 'am/ mi skya'am/ dge slong thams cad kyis kyang lhung bzed de lta bu nyid ma yin na re re nas lhung bzed bzang ngo zhes brjod par bya'o/ /gal te de skad brjod na de lta na legs/ gal te mi brjod na 'gal tshabs can du 'gyur ro/ / de ni lhung bzed bstan pa'o/ /de'i 'og tu mkhan po rang gis de la lhung bzed byin gyis brlab par bya'o/ /'di ltar byin gyis brlab par bya ste/ gnyi ga 'greng ste lag pa g.yon par lhung bzed bzhag la lag pa g.yas pas bkab nas des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i lhung bzed zas la spyad par 'os pa drang srong gi snod 'di bslang ba'i snod du byin gyis brlab bo/ / de bzhin du lan gnyis lan gsum du bzlas/ mkhan pos thabs yin no zhes brjod par bya'o/ /slob mas legs so zhes brjod par bya'o/ /de ni lhung bzed byin gyis brlab pa'o/ /de'i 'og tu bsnyen par rdzogs par bya ba de thos pa'i nyen kor nas bkar te mthong ba'i nyen kor du thal mo sbyor du bcug nas tshogs la mngon du phyogs par gzhag par bya'o/ /de'i 'og tu dge slong las byed pas gsang ste ston pa'i dge slong la/ mkhan po ming 'di zhes bya bas ming 'di zhes bya ba'i gsang ste ston par gsol ba btab pa gang yin zhes dri bar bya'o/ /gsang ste ston pa gang yin pa des bdag ming 'di zhes bya ba'o zhes brjod par bya'o/ /de'i 'og tu dge slong las byed pas gsang ste ston pa'i dge slong la ming 'di zhes bya ba khyod mkhan po ming 'di zhes bya bas ming 'di zhes bya ba la gsang ste ston par spro'am zhes brjod par bya'o/ /des kyang spro'o zhes brjod par bya'o/ /de ni gsang ste ston pa spro bar bya'o/ /de'i 'og tu dge slong las byed pas gsang ste ston pas bar chad dri ba'i phyir gsol ba 'ba' zhig gi las bya'o/ /'di ltar bya ste/ 'dug pa 'di skad ces brjod par bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di mkhan po ming 'di zhes bgyi bas ming 'di zhes bgyi ba la gsang ste ston par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge slong ming 'di zhes bgyi ba 'di mkhan po ming 'di zhes bgyi bas ming 'di zhes bgyi ba la gsang ste ston to/ /'di ni gsol ba'o/ /de ni gsang ste ston pa'i gsol ba'i las so// //de'i 'og tu gsang ste ston pa'i dge slong gis dkyil 'khor ba'i phyi rol du song ste bsnyen par rdzogs par bya ba de bdag la phyag 'tshal du bcug nas mdun du tsog tsog por 'dug tu bcug ste/ thal mo sbyor du bcug nas 'di skad ces brjod par bya ste/ tshe dang ldan pa khyod nyon cig 'di ni khyod kyi bden pa'i dus/ 'di ni 'byung ba'i dus te/ kho bos khyod la chung zad cig dris/ khyod ma 'dzem par byos la yin pa la yin zhes smros shig /ma yin pa la yang ma yin zhes lan thob shig /khyod skyes pa yin nam/ des skyes pa lags zhes brjod par bya'o/ /skyes pa'i dbang po dang ldan nam/ des ldan zhes brjod par bya'o/ /lo nyi shu lon nam/ des lon zhes brjod par bya'o/ /khyod kyi chos gos gsum dang lhung bzed tshang ngam/ des tshang zhes brjod par bya'o/ /khyod kyi pha ma gson nam/ gal te gson zhes zer na/ khyod pha mas gnang ngam zhes dri bar bya'o/ /des gnang zhes brjod par bya'o/ /gal te shi zer na/ khyod bran ma yin nam/ brkus pa ma yin nam/ rnyed btson ma yin nam/ rtsod pa can ma yin nam/ btsongs pa ma yin nam/ rgyal pos bkrabs pa ma yin nam/ rgyal po la sdigs pa ma yin nam/ rgyal po la gnod pa'i las byed pa ma yin nam/ khyod rgyal po la gnod pa'i las byas sam/ byed du bcug pa ma yin nam/ chom rkun par grags pa ma yin nam/ za ma ma yin nam/ ma ning ma yin nam/ dge slong ma sun phyung ba ma yin nam/ rku thabs su gnas pa ma yin nam/ tha dad du gnas pa ma yin nam/ gnas par mi bya ba ma yin nam/ mu stegs can ma yin nam/ mu stegs can zhugs pa ma yin nam/ pha bsad pa ma yin nam/ ma bsad pa ma yin nam/ dgra bcom pa bsad pa ma yin nam/ dge 'dun dbyen byas pa ma yin nam/ de bzhin gshegs pa la ngan sems kyis khrag phyung ba ma yin nam/ sprul pa ma yin nam/ dud 'gro ma yin nam zhes dri bar bya'o/ /des ma lags zhes brjod par bya'o/ /khyod la la la'i bu lon mang yang rung nyung yang rung cung zad chags pa med dam/ gal te bu lon chags so zhes zer na/ khyod bsnyen par rdzogs nas 'jal nus sam zhes dri bar bya'o/ /gal te mi nus zhes zer na/ 'o na song shig ces brjod par bya'o/ /gal te bsnyen par rdzogs nas 'jal nus zhes zer na/ khyod sngon rab tu byung ba ma yin nam zhes brjod par bya'o/ /gal te rab tu byung ngo zhes zer na khyod la pham par 'gyur ba bzhi las ltung ba gang yang rung ba zhig byung ba ma yin nam/ khyod 'babs pa na bslab pa legs par phul lam zhes dri bar bya'o/ /gal te ltung ba byung ngo zhes zer na/ 'o na song shig ces brjod par bya'o/ /gal te ma byung ngo zhes zer na/ ji ltar khyod da ltar rab tu byung ba yin nam zhes dri bar bya'o/ /gal te bdag rab tu byung ba yin zhes zer na/ khyod kyis tshangs par spyod pa legs par spyad dam zhes dri bar bya'o/ /des legs par spyad ces brjod par bya'o/ /khyod kyi ming ci/ khyod kyi mkhan po'i ming ci/ des bdag ming 'di zhes bgyi/ don gyi slad du mtshan nas smos te bdag gi mkhan po ming 'di zhes bgyi zhes brjod par bya'o/ /tshe dang ldan pa khyod nyon cig /mi rnams kyi lus la lus kyi nad kyi rnam pa 'di lta bu 'di dag 'byung ba 'di lta ste/ mdze dang / 'bras dang / phol mig dang / 'brum phran dang / sha bkra dang / khyi rngo dang / g.ya' ba dang / klog pa dang / rkang shu dang / skem nad dang / skem pa dang / brjed byed dang / bkres ngab dang / skya rbab dang / rkang bam dang / mtshan bar rdol ba dang / rims dang / rims drag po dang / nyin gcig pa dang / nyin gnyis pa dang / nyin gsum pa dang / nyin bzhi pa dang / 'dus pa dang / rims nyin re ba dang / rtag pa'i rims dang / rims ldang dub pa dang / shu ba dang / gsung ba dang / skyigs bu dang / lud pa dang / dbugs mi bde ba dang / lhog pa dang / yan lag tu zug pa dang / skran dang / khrag nad dang / mkhris nad dang / gzhang 'brum dang / skyug bro ba dang / chus bgags pa dang / ngal ba dang / lus tsha ba dang / rtsib logs tsha ba dang / rus pa la zug pa ste/ lus kyi nad 'di lta bu 'di dag las gang yang rung ba dang / 'di lta bu gzhan dag kyang khyod kyi lus la med dam/ des ma mchis zhes brjod par bya'o/ / tshe dang ldan pa khyod nyon cig /khyod la da ltar ngas gang dris pa de nyid dge 'dun gyi dbus su yang tshangs pa mtshungs par spyod pa mkhas pa rnams khyod la 'dri bas der yang khyod kyis ma 'dzem par byos la yin pa la yang yin zhes smros shig /ma yin pa la yang ma yin zhes lan thob cig /khyod ma bos kyi bar du ma 'ong bar sdod cig /de ni gsang ste bstan pa'o// //de'i 'og tu gsang ste ston pa'i dge slong gis rgan pa'i mtha' logs su 'greng ste/ 'dud pa dang bcas pas 'di skad ces brjod par bya ste/ dge 'dun btsun pa rnams gsan du gsol/ /bdag gis mkhan po ming 'di zhes bgyi bas ming 'di zhes bgyi ba la bar chad kyi chos rnams gsang ste rjes su bstan na/ de yang bar chad kyi chos rnams yongs su dag go zhes kho na nyid mchi na/ ci mchi zhig gam/ thams cad kyis gal te yongs su dag na'o zhes brjod par bya'o/ /gal te de skad brjod na de lta na legs/ gal te mi brjod na 'gal tshabs can du 'gyur ro/ /de ni 'ong ba zhu ba'o/ /de'i 'og tu bsnyen par rdzogs par bya ba de dkyil 'khor par bkug nas rgan pa'i mtha' logs su phyag 'tshal du bcug ste/ dge slong las byed pas bsnyen par rdzogs pa gsol du gzhug par bya'o/ /'di ltar gsol du gzhug par bya ste/ dang por ston pa la phyag 'tshal du gzhug go/ /de'i 'og tu rgan pa'i mtha' logs su phyag 'tshal du bcug ste/ pha gu'i steng du rtswa bting ba la rting pa gnyis kyis mnan nas tsog tsog por 'dug tu bcug ste/ thal mo sbyor du bcug nas des 'di skad ces brjod par bya ste/ dge 'dun btsun pa rnams gsan du gsol/ bdag ming 'di zhes bgyi ba don gyi slad du mtshan nas smos te mkhan po ming 'di zhes bgyi bas dge 'dun las bsnyen par rdzogs par 'tshal te/ bdag ming 'di zhes bgyi bas don gyi slad du mtshan nas smos te/ mkhan po ming 'di zhes bgyi bas dge 'dun las bsnyen par rdzogs par gsol na/ dge 'dun btsun pa rnams kyis bdag bsnyen par rdzogs par mdzad du gsol/ dge 'dun btsun pa rnams kyis bdag drang bar gsol/ dge 'dun btsun pa rnams kyis bdag rjes su gzung du gsol/ dge 'dun btsun pa rnams kyis bdag la rjes su bstan du gsol/ thugs brtse ba can dge 'dun btsun pa rnams kyis thugs brtse ba'i slad du bdag la thugs brtse bar mdzad du gsol/ de bzhin du lan gnyis lan gsum du bzlas/ de ni bsnyen par rdzogs par gsol ba'o/ /de'i 'og tu dge slong las byed pas dge 'dun gyi nang du bar chad dri ba'i phyir gsol ba 'ba' zhig gi las bya'o/ /'di ltar bya ste 'dug la 'di skad ces brjod par bya'o/ /dge 'dun btsun pa rnams gsan du gsol/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par 'tshal te/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / bdag gis dge 'dun gyi nang du mkhan po ming 'di zhes bgyi bas ming 'di zhes bgyi ba la bar chad kyi chos rnams dri bar bgyi'o/ /'di ni gsol ba'o/ /de ni nang du bar chad dri ba gsol ba'i las so// //de'i 'og tu dge slong las byed pas dge 'dun gyi nang du bar chad dri bar bya'o/ /'di ltar dri bar bya ste/ las byed pa la phyag 'tshal du bcug nas mdun du pha gu'i steng du rtswa bting ba la rting pa gnyis kyis mnan nas tsog tsog por 'dug tu bcug ste/ thal mo sbyor du bcug nas 'di skad ces brjod par bya ste/ tshe dang ldan pa khyod nyon cig /'di ni khyod kyi bden pa'i dus/ 'di ni 'byung ba'i dus te/ kho bos khyod la cung zad cig dris/ khyod ma 'dzem par byos la yin pa la yang yin zhes smros shig /ma yin pa la yang ma yin zhes lan thob shig /khyod skyes pa yin nam/ des skyes pa lags zhes brjod par bya'o/ /skyes pa'i dbang po dang ldan nam/ des ldan zhes brjod par bya'o/ /lo nyi shu lon nam/ des lon zhes brjod par bya'o/ /khyod kyi chos gos gsum dang lhung bzed tshang ngam/ des tshang zhes brjod par bya'o/ /khyod kyi pha ma gson nam/ gal te gson zhes zer na/ khyod pha mas gnang ngam zhes dri bar bya'o/ /des gnang zhes brjod par bya'o/ /gal te shi zhes zer na/ khyod bran ma yin nam/ brkus pa ma yin nam/ rnyed btson ma yin nam/ rtsod pa can ma yin nam/ btsongs pa ma yin nam/ rgyal pos bkrabs pa ma yin nam/ rgyal po la sdigs pa ma yin nam/ rgyal po la gnod pa'i las byed pa ma yin nam/ khyod rgyal po la gnod pa'i las byas sam byed du bcug pa ma yin nam/ chom rkun par grags pa ma yin nam/ za ma ma yin nam/ ma ning ma yin nam/ dge slong ma sun phyung ba ma yin nam/ rku thabs su gnas pa ma yin nam/ tha dad du gnas pa ma yin nam/ gnas par mi bya ba ma yin nam/ mu stegs can ma yin nam/ mu stegs can zhugs pa ma yin nam/ pha bsad pa ma yin nam/ ma bsad pa ma yin nam/ dgra bcom pa bsad pa ma yin nam/ dge 'dun gyi dbyen byas pa ma yin nam/ de bzhin gshegs pa la ngan sems kyis khrag phyung ba ma yin nam/ sprul pa ma yin nam/ dud 'gro ma yin nam zhes dri bar bya'o/ / des ma lags zhes brjod par bya'o/ /khyod la la la'i bu lon mang yang rung nyung yang rung cung zad chags pa med dam/ gal te bu lon chags so zhes zer na/ khyod bsnyen par rdzogs nas 'jal nus sam zhes dri bar bya'o/ /gal te mi nus zhes zer na/ 'o na song shig ces brjod par bya'o/ /gal te bsnyen par rdzogs nas 'jal nus zhes zer na/ khyod sngon rab tu byung ba ma yin nam zhes dri bar bya'o/ /gal te rab tu byung ngo zhes zer na khyod la pham par 'gyur ba bzhi las ltung ba gang yang rung ba zhig byung ba ma yin nam/ khyod 'babs pa na bslab pa legs par phul lam zhes dri bar bya'o/ /gal te ltung ba byung ngo zhes zer na/ 'o na song shig ces brjod par bya'o/ /gal te ma byung ngo zhes zer na/ ji ltar khyod da ltar rab tu byung ba yin nam zhes dri bar bya'o/ /gal te bdag rab tu byung ba yin zhes zer na/ khyod kyis tshangs par spyod pa legs par spyad dam zhes dri bar bya'o/ /des legs par spyad ces brjod par bya'o/ /khyod kyi ming ci/ khyod kyi mkhan po'i ming ci/ des bdag ming 'di zhes bgyi'o don gyi slad du mtshan nas smos te bdag gi mkhan po ming 'di zhes bgyi zhes brjod par bya'o/ /tshe dang ldan pa khyod nyon cig /mi rnams kyi lus la lus kyi nad kyi rnam pa 'di lta bu 'di dag 'byung ba 'di lta ste/ mdze dang / 'bras dang / phol mig dang / 'brum phran dang / sha bkra dang / khyi rngo dang / g.ya' ba dang / glog pa dang / rkang shu dang / skem nad dang / skem pa dang / brjed byed dang / bkres ngab dang / skye rbab dang / rkang bam dang / mtshan bar rdol ba dang / rims dang / rims drag po dang / nyin gcig pa dang / nyin gnyis pa dang / nyin gsum pa dang / nyin bzhi pa dang / 'dus pa dang / rims nyin re ba dang / rtag pa'i rims dang / rims ldang dub pa dang / shu ba dang / gsud pa dang / skyigs bu dang / lud pa dang / dbugs mi bde ba dang / lhog pa dang / yan lag tu zug pa dang / skran dang / khrag nad dang / mkhris nad dang / gzhang 'brum dang / skyug bro ba dang / chus bgags pa dang / ngal ba dang / lus tsha ba dang / rtsib logs tsha ba dang / rus pa la zug pa ste/ lus kyi nad 'di lta bu 'di dag las gang yang rung ba dang / 'di lta bu gzhan dag kyang khyod kyi lus la med dam/ des ma mchis zhes brjod par bya'o/ /de ni nang du bar chad dri ba'o// // de'i 'og tu dge slong las byed pas gsol ba byas te las bya'o/ /'di ltar bya ste 'dug la 'di skad ces brjod par bya'o/ /dge 'dun btsun pa rnams gsan du gsol/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par 'tshal nas/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par gsol te/ skyes pa yang lags/ skyes pa'i dbang po dang yang ldan/ lo nyi shu yang lon/ 'di'i chos gos gsum dang lhung bzed kyang tshang / bar chad kyi chos rnams kyang yongs su dag go zhes kho na nyid mchi ste/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis ming 'di zhes bgyi ba mkhan po ming 'di zhes bgyi bas bsnyen par rdzogs par mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par 'tshal nas/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par gsol te/ skyes pa yang lags/ skyes pa'i dbang po dang yang ldan/ lo nyi shu yang lon/ 'di'i chos gos gsum dang lhung bzed kyang tshang / bar chad kyi chos rnams kyang yongs su dag go zhes kho na nyid mchi ste/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par gsol na/ de'i slad du dge 'dun gyis ming 'di zhes bgyi ba 'di mkhan po ming 'di zhes bgyi bas bsnyen par rdzogs par mdzad na/ tshe dang ldan pa gang dag ming 'di zhes bgyi ba 'di mkhan po ming 'di zhes bgyi bas bsnyen par rdzogs par mdzad par bzod pa de dag ni cang ma gsung shig /gang dag mi bzod pa de dag ni gsung shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis ming 'di zhes bgyi ba 'di mkhan po ming 'di zhes bgyi bas bsnyen par rdzogs par mdzad lags te/ 'di ltar cang mi gsung bas de de bzhin du 'dzin to/ /de ni bsnyen par rdzogs pa nye bar bsgrub pa'o// //de'i 'og tu grib tshod gzhal bar bya'o/ / bcom ldan 'das kyis grib tshod gzhal bar bya'o zhes bka' stsal nas dge slong dag shing bu ring po dag gis grib tshod 'jal bar byed nas/ bcom ldan 'das kyis bka' stsal pa/ shing bu ring po dag gis grib tshod gzhal bar mi bya'o/ / dge slong dag gom pa dag gis 'jal bar byed pa na ha cang thogs nas bcom ldan 'das kyis bka' stsal pa/ gom pa dag gis gzhal bar mi bya bar 'di ltar thur ma dag gis gzhal bar bya'o/ /dge slong dag thur ma ring po dag gis 'jal bar byed pa na/ de lta na yang ha cang thogs nas bcom ldan 'das kyis bka' stsal pa/ thur ma sor bzhi tsam gyis gzhal bar bya zhing thur ma ji tsam yod pa de tsam la skyes bu zhes brjod par bya'o/ /de ni grib tshod gzhal ba'o// // de'i 'og tu nyin mtshan gyi cha brjod par bya ste/ snga dro dang / gung dang / phyi dro dang / mtshan mo'i thun dang po dang / thun dang po'i phyed dang / gung thun dang / gung thun gyi phyed dang / thun tha ma dang / thun tha ma'i phyed dang / skya rengs ma shar ba dang / skya rengs shar ba dang / nyi ma ma shar ba dang / nyi ma shar ba dang / nyi ma brgyad cha shar ba dang / nyi ma bzhi cha shar ba dang / gung tshigs ma yol ba dang / nyi ma bzhi cha lus pa dang / nyi ma brgyad cha lus pa dang / nyi ma ma nub pa dang / nyi ma nub pa dang / rgyu skar rnams ma shar ba dang / rgyu skar rnams shar ba ste/ de ni nyin mtshan gyi cha brjod pa'o// //de'i 'og tu dus tshod brjod par bya ste/ dus tshod ni lnga ste/ dgun gyi dus dang / dpyid kyi dus dang / dbyar gyi dus dang / dbyar thung ngu'i dus dang / dbyar ring po'i dus so/ /de la dgun gyi dus ni zla ba bzhi'o/ /dpyid kyi dus ni zla ba bzhi'o/ /dbyar gyi dus ni zla ba gcig go/ dbyar thung ngu'i dus ni nyin zhag gcig go/ dbyar ring po'i dus ni nyin zhag gcig gis zla ba gsum du ma chog pa ste/ de ni dus tshod brjod pa'o// //de'i 'og tu gnas rnams brjod par bya ste/ tshe dang ldan pa ming 'di zhes bya ba khyod nyon cig /bzhi po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des de ltar rab tu byung ba dang bsnyen par rdzogs pa'i dge slong gi gnas su gsungs te/ de la gnas na dge slong legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos por 'gyur ro/ /bzhi gang zhe na/ gos kyi nang na phyag dar khrod ni rung ba rnyed kyang sla ba ste/ de la gnas na dge slong legs par gsungs pa'i chos 'dul ba la rab tu byung ba dang bsnyen par rdzogs par dge slong gi dngos por 'gyur ro/ /ming 'di zhes bya ba khyod ji srid 'tsho'i bar du phyag dar khrod kyi gos kyis 'tsho bar spro'am/ des spro zhes brjod par bya'o/ /lhag par rnyed na dar ram/ ras yug chen nam/ be'u ras sam/ dar la 'am/ mon dar ram/ be'u ras yug chen nam/ be'u ras dmar po'am/ be'u phrug gam/ la mar ram/ yul ka shi'i ras phran nam/ kha dog ran pa'am/ kha dog ngan pa'am/ bal gos sam/ sha na'-i ras sam/ zar ma'i ras sam/ ras gos sam/ du gu la'i ras sam/ ko tam pa'i ras sam/ nyi 'og gi gos sam/ gzhan yang gos rung ba gang dge 'dun nam gang zag las rnyed na/ de yang khyod kyis long la tshod zin par gyis shig / ji ltar khyod gnas 'di lta bu la dam 'cha' 'am/ des dam 'cha'o zhes brjod par bya'o/ /ming 'di zhes bya ba khyod nyon cig /zas kyi nang na bsod snyoms ni rung ba rnyed kyang sla ba ste/ de la gnas na dge slong legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos por 'gyur ro/ /ming 'di zhes bya ba khyod ji srid 'tsho'i bar du bsod snyoms kyi zas kyis 'tsho bar spro'am/ des spro zhes brjod par bya'o/ /lhag par rnyed na 'bras can nam/ skyo ma'am/ thug pa'am/ lnga ston nam/ brgyad ston nam/ bcu bzhi ston nam/ nya ston nam/ rtag res 'khor ram/ mgron du bos pa'am/ 'phral la bos pa'am/ spags pa'am/ gzhan yang zas rung ba gang dge 'dun nam gang zag las rnyed na/ de yang khyod kyis long la tshod zin par gyis shig /ji ltar khyod gnas 'di lta bu la dam 'cha' 'am/ des dam 'cha'o zhes brjod par bya'o/ / ming 'di zhes bya ba khyod nyon cig /gnas mal gyi nang na shing drung ni rung ba rnyed kyang sla ba ste/ de la gnas na dge slong legs par gsungs pa'i chos 'dul ba la rab tu byung ba dang bsnyen par rdzogs pa dang dge slong gi dngos por 'gyur ro/ /ming 'di zhes bya ba khyod ji srid 'tsho'i bar du shing drung gi gnas mal gyis 'tsho bar spro'am/ des spro zhes brjod par bya'o/ /lhag par rnyed na khang pa'am/ snga gang ngam/ khang pa brtsegs pa'am/ bsil khang ngam/ sab mos bskor ba'am/ ba gam 'am/ khang bzangs sam/ sgo khang gi steng gi bsil khang ngam/ khang steng gi yol khang ngam/ yol khang ngam/ spang leb khang ngam/ sa phug gam/ brag phug gam/ ri phug gam/ rtswa'i spyil bu'am/ lo ma'i spyil bu'am/ 'chag sar byas pa'am/ 'chag sar ma byas pa'am/ bya skyibs su byas pa'am/ bya skyibs su ma byas pa'am/ gzhan yang gnas mal rung ba gang dge 'dun nam gang zag las rnyed na/ de yang khyod kyis long la tshod zin par gyis shig /ji ltar khyod gnas 'di lta bu la dam 'cha' 'am/ des dam 'cha'o zhes brjod par bya'o/ /ming 'di zhes bya ba khyod nyon cig / sman gyi nang na bkus te bor ba ni rung ba rnyed kyang sla ba ste/ de la gnas na dge slong legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos por 'gyur ro/ /ming 'di zhes bya ba khyod ji srid 'tsho'i bar du bkus te bor ba'i sman gyis 'tsho bar spro 'am/ des spro zhes brjod par bya'o/ /lhag par rnyed na zhun mar ram/ 'bru mar ram/ sbrang rtsi'am/ bu ram gyi dbu ba'am/ dus su rung ba'am/ thun tshod du rung ba'am/ zhag bdun pa'am/ 'tsho ba'i bar du bcang ba 'am/ rtsa ba'i sman nam/ sdong bu'i sman nam/ lo ma'i sman nam/ 'bras bu'i sman nam/ gzhan yang sman rung ba gang dge 'dun nam gang zag las rnyed na/ de yang khyod kyis long la tshod zin par gyis shig /ji lta khyod gnas 'di lta bu la dam 'cha' 'am/ des dam 'cha'o zhes brjod par bya'o/ /de ni gnas rnams brjod pa'o/ /de'i 'og tu ltung bar 'gyur ba'i chos rnams brjod par bya ste/ ming 'di zhes bya ba khyod nyon cig /bzhi po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des de ltar rab tu byung ba dang bsnyen par rdzogs pa'i dge slong gi ltung bar 'gyur ba'i chos su gsungs te/ dge slong gis de byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing nyams pa bcom pa ltung ba pham par gyur pa ste/ de'i dge sbyong gi tshul phyir bslang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba bzhin no/ /bzhi gang zhe na/ 'dod pa dang / 'dod pa la zhen pa dang / 'dod pa la 'chums pa dang / 'dod pa la lhag par zhen pa ni bcom ldan 'das kyis rnam grangs du mas smad do/ / 'dod pa spangs pa ni bsngags te bor ba dang / bstsal ba dang / zad pa dang / 'dod chags dang bral ba dang / 'gog pa dang / nye bar zhi ba dang / nub pa ni bstod do/ /bkur ro/ /bsngags so/ /snyan par brjod do/ /tshe dang ldan pa khyod deng phyin chad chags pa'i sems kyis bud med la mig gtad de mig gis blta bar yang mi bya na/ gnyis kyis gnyis sprad de mi tshangs par spyod pa 'khrig pa'i chos bsten pa lta smos kyang ci dgos/ tshe dang ldan pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des/ dge slong gang dge slong rnams dang lhan cig bslab pa mtshungs par gyur pas bslab pa ma phul bslab pa nyams par ma byas par mi tshangs par spyod pa 'khrig pa'i chos bsten na/ tha na dud 'gro'i skye gnas su skyes pa dang lhan cig kyang rung ste/ dge slong de pham par gyur pa yin gyis gnas par mi bya'o/ / zhes bya ba 'di bka' stsal te/ dge slong gis gnas de lta bu byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing nyams pa bcom pa pham pa ltung bar 'gyur ba ste/ de'i dge sbyong gi tshul phyir bslang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la 'phel zhing rgyas pa dang yangs par 'gyur du mi rung ba bzhin no/ /deng phyin chad khyod spyod pa ma yin pa dang / bya ba ma yin pa dang / spyad pa ma yin pa spang ba de la dran pa dang bag yod pas sems shin tu bsrung bar brtson par gyis shig /ji ltar gnas 'di lta bu la mi spyod dam/ des mi spyod ces brjod par bya'o/ /tshe dang ldan pa khyod nyon cig /ma byin par len pa ni bcom ldan 'das kyis rnam grangs du mas smad do/ /ma byin par len pa spangs pa ni bstod do/ /bkur to/ /bsngags so/ /snyan par brjod do/ /tshe dang ldan pa khyod deng phyin chad rku sems kyis gzhan gyi til gyi phub ma yang ma byin par mi blang na/ ma sha ka lnga 'am/ ma sha ka lnga las lhag pa lta smos kyang ci dgos/ tshe dang ldan pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des/ yang dge slong gang gzhan dag gi grong na 'dug pa'am/ dgon pa na 'dug pa ma byin pa rku ba'i grangs su gtogs pa blangs na/ ji tsam ma byin par blangs pas de rgyal po 'am blon po chen pos bzung nas de la 'di skad ces/ kye mi khyod ni rkun ma'o/ /byis pa'o/ /blun pa'o/ /rku ba'o zhes zer zhing gsod dam/ 'ching ngam/ spyug kyang rung ste/ dge slong de ltar ma byin par len na dge slong de yang pham par gyur pa yin pas gnas par mi bya'o zhes bya ba 'di bka' stsal te/ dge slong gis gnas de lta bu byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing / nyams pa bcom pa ltung ba pham par 'gyur ba ste/ de'i dge sbyong gi tshul phyir bslang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/ /'phel shing rgyas pa dang yangs par 'gyur du mi rung ba bzhin no/ /deng phyin chad khyod spyad pa ma yin pa dang / bya ba ma yin pa dag spyad pa ma yin pa spang ba de la dran pa dang bag yod pas sems shin tu bsrung bar brtson par gyis shig /ji lta gnas 'di lta bu la mi spyod dam/ des mi spyod ces brjod par bya'o/ /tshe dang ldan pa khyod nyon cig /srog gcod pa ni bcom ldan 'das kyis rnam grangs du mas smad do/ /srog gcod pa spangs pa ni bstod do/ /bkur ro/ /bsngags so/ /snyan par brjod do/ /tshe dang ldan pa khyod deng phyin chad khyod kyi tha na bsam bzhin du srog chags grog sbur yang gsad par mi bya na/ mi 'am mir chags pa lta smos kyang ci dgos/ tshe dang ldan pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des/ yang dge slong gang mi 'am mir chags pa la bsams bzhin du rang gis lag dar te srog gcod dam/ de la mtshon byin nam/ de la mtshon thogs pa gnyer tam/ de 'chir bcug gam/ de la 'chi ba'i bsngags pa brjod kyang rung ste/ de la 'di skad ces/ kye mi khyod 'tsho ba sdig pa mi gtsang ba ngan pa 'dis ji zhig bya/ kye mi khyod gson pa bas shi bla'o zhes zer zhing sems kyi 'dod pa dang / sems kyi kun du rtog pa dag gi rnam grangs du mas de 'chir bcug gam/ de la 'chi ba'i bsngags pa brjod de de yang rtsom pa des dus byas na/ dge slong de yang pham par gyur pa yin gyis gnas par mi bya'o zhes bya ba 'di bka' stsal te/ dge slong gis gnas de lta bu byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing nyams pa bcom pa ltung ba pham par 'gyur ba ste/ de'i dge sbyong gi tshul phyir bslang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/ 'phel shing rgyas pa dang yangs par 'gyur du mi rung ba bzhin no/ /deng phyin chad khyod spyad pa ma yin pa dang / bya ba ma yin pa dang / spyad pa ma yin pa spang ba de la dran pa dang bag yod pas sems shin tu bsrung bar brtson par gyis shig /ji ltar gnas 'di lta bu la mi spyod dam/ des mi spyod ces brjod par bya'o/ /tshe dang ldan pa khyod nyon cig /brdzun du smra ba ni bcom ldan 'das kyis rnam grangs du mas smad do/ /brdzun du smra ba spangs pa ni bstod do/ /bkur ro/ /bsngags so/ /snyan par brjod do/ /tshe dang ldan pa khyod deng phyin chad tha na bzhad gad bya bar bsams te shes bzhin du brdzun du smra bar yang mi bya na/ bsams bzhin du mi'i chos bla ma smra ba lta smos kyang ci dgos/ tshe dang ldan pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des/ yang dge slong gang mngon par mi shes shing yongs su mi shes la mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang / reg par spyod pa med la/ med bzhin du 'di shes so/ /'di mthong ngo zhes khas 'ches pa las de ltung ba byung ba rnam par dag par 'dod nas dus gzhan zhig na dris kyang rung ma dris kyang rung 'di skad ces/ tshe dang ldan pa dag bdag gis ni mi shes par shes so zhes smras/ ma mthong par mthong ngo zhes smras te/ gsob gsog brdzun du smras so zhes zer na mngon pa'i nga rgyal ma gtogs te/ dge slong de yang pham par gyur pa yin gyis gnas par mi bya'o zhes bya ba 'di bka' stsal te/ ci zhig shes zhe na/ sdug bsngal shes so/ /kun 'byung ba dang / 'gog pa dang / lam shes so/ /ci zhig mthong zhe na/ lha rnams mthong ngo / /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams mthong ngo / /lha rnams kyis kyang bdag mthong ngo / /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams kyis kyang bdag mthong ngo / /lha rnams kyi sgra thos so/ /klu rnams dang / gnod spyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams kyi sgra thos so/ /lha rnams kyis kyang bdag gi sgra thos so/ /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams kyis kyang bdag gi sgra thos so/ /lha rnams blta ba'i phyir 'gro'o/ /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams blta ba'i phyir 'gro'o/ /lha rnams bdag blta ba'i phyir 'ong ngo / /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams bdag blta ba'i phyir 'ong ngo / /lha rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /lha rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /ma thob bzhin du bdag gis mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par thos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob bo/ /ma thob bzhin du bdag gis bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyi 'bras bu dang / rdzu 'phrul gyi yul dang / lha'i rna ba dang / sems kyi rnam grangs dang / sngon gyi gnas dang / 'chi 'pho dang skye ba dang zag pa zad pa thob bo/ /bdag ni dgra bcom pa rnam par thar pa brgyad la bsam gtan pa dang gnyi ga'i cha las rnam par grol ba yin no zhes bya ba ste/ dge slong gis gnas de lta bu byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing / nyams pa bcom pa ltung ba pham par 'gyur ba ste/ de'i dge sbyong gi tshul phyir bslang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la 'phel zhing rgyas pa dang yangs par 'gyur du mi rung ba bzhin no/ /deng phyin chad khyod spyad pa ma yin pa dang / bya ba ma yin pa dang / spyad pa ma yin pa spang ba de la dran pa dang bag yod pas sems shin tu bsrung bar brtson par gyis shig /ji ltar gnas 'di lta bu la mi spyod dam/ des mi spyod ces brjod par bya'o/ /de ni ltung bar 'gyur ba'i chos rnams brjod pa'o// //de'i 'og tu dge sbyong du byed pa'i chos rnams brjod par bya ste/ tshe dang ldan pa khyod nyon cig /bzhi po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des de ltar rab tu byung ba dang bsnyen par rdzogs pa'i dge slong gi dge sbyong du byed pa'i chos su gsungs te/ bzhi gang zhe na/ tshe dang ldan pa khyod kyis deng phyin chad gshe yang slar mi gshe bar bya ba dang / khros kyang slar mi khro bar bya ba dang / brdegs kyang slar mi brdeg par bya ba dang / mtshang brus kyang slar mtshang mi bru bar bya'o/ /ji ltar gnas 'di lta bu la spyod dam/ des spyod ces brjod par bya'o/ /de ni dge sbyong du byed pa'i chos rnams brjod pa'o// //de'i 'og tu mchog tu 'dod par bya ba yang dag pa nyid kyis rdzogs pa nyid brjod par bya ste/ tshe dang ldan pa khyod nyon cig /khyod sngon bdag legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po thob kyang ci ma rung snyam du smon pa gang yin pa deng khyod mkhan por 'os pa dang / slob dpon du 'os pa gnyis dang / dge 'dun mthun pa dang / gsol ba dang bzhi'i las mi g.yo ba gzhag par mi 'os pas rab tu byung zhing bsnyen par rdzogs so/ /de ni mchog tu 'dod par bya ba yang dag pa nyid kyis rdzogs pa nyid brjod pa'o// //de'i 'og tu tshul khrims kyis mnyam par gyur pa nyid sgrub pa la nges par sbyar bar bya ste/ tshe dang ldan pa khyod nyon cig /bsnyen par rdzogs nas lo brgya lon pa'i dge slong gis bslab pa gang la bslab par bya ba de la de ring bsnyen par rdzogs pas kyang bslab bo/ /de ring bsnyen par rdzogs pa'i dge slong gis bslab pa gang la bslab par bya ba de la bsnyen par rdzogs nas lo brgya lon pas kyang bslab bo/ /de ltar na tshul khrims nyid kyis mnyam pa dang / bslab pa nyid kyis mnyam pa dang / so sor thar pa'i mdo 'don pa nyid kyis mnyam pa de khyod kyis deng phyin chad bsgrub par bya'i mi bsgrub par mi bya'o/ /de ni tshul khrims kyis mnyam par gyur pa nyid sgrub pa la nges par sbyar ba'o// //de'i 'og tu tshul dang 'brel pa'i gzugs brnyan la nges par sbyar bar bya ste/ deng phyin chad khyod kyis mkhan po la pha'i 'du shes nye bar gzhag par bya'o/ /mkhan pos kyang khyod la bu'i 'du shes nye bar gzhag par bya'o/ /khyod kyis deng phyin chad mkhan po la ji srid 'tsho'i bar du bsnyen bkur bya'o/ /mkhan pos kyang khyod shi 'am sos kyi bar du nad g.yog bya'o/ /de ni tshul dang 'brel ba'i gzugs brnyan la nges par sbyar ba'o// //de'i 'og tu dul bar gnas pa nyid la nges par sbyar bar bya ste/ deng phyin chad khyod kyis tshangs pa mtshungs par spyod pa rnams dang / gnas brtan rnams dang / bar ma rnams dang / gsar bu rnams la gus pa dang bcas pa dang / zhe sa dang bcas pa dang / 'jigs pa dang bcas pa'i dbang du 'gyur bar gnas par bya'o/ /de ni dul bar gnas pa nyid la nges par sbyar ba'o// //de'i 'og tu dgos pa rjes su bsgrub pa la nges par sbyar bar bya ste/ deng phyin chad khyod kyis lung mnod par bya/ bklag par bya/ kha ton du bya'o/ /phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / gnas dang gnas ma yin pa la mkhas par bya'o/ /ma thob pa thob par bya ba dang / ma rtogs pa rtogs par bya ba dang / mngon du ma byas pa mngon du bya ba'i phyir khyod kyis brtson pa mi 'dor bar bya'o/ /de ni dgos pa rjes su bsgrub pa la nye bar sbyar bar bya ba'o// //de'i 'og tu ma brjod pa yang dag par blangs pa yongs su shes pa'i sgrub par 'gyur ba nyid kyang brjod par bya ste/ 'di dag ni kho bos khyod la bslab pa'i gzhi che long che long tsam zhig brjod par zad de/ gzhan dag ni zla ba phyed phyed cing so sor thar pa'i mdo gdon pa 'don pa'i tshe thos par 'gyur ro/ /gzhan dag kyang slob dpon dang / mkhan po dang / mkhan po gcig pa dang / slob dpon gcig pa dang / gtam 'dres pa dang / phebs par smra ba dang / smon 'drin dang / 'grogs bshes rnams kyang rgya cher ston par 'gyur ro/ /de ni ma brjod pa yang dag par blangs pa yongs su shes pa'i sgrub par 'gyur ba nyid brjod pa'o// //de'i 'og tu gus pa la yang nges par sbyar bar bya ste/ shes rab mchog gi bstan pa la/ / khyod ni bsnyen par rdzogs par gyur/ /dal dang 'byor pa rnyed dka' bas/ /'di dag ji lta bzhin du bsgrubs/ /mdzes pa rab tu dbyung ba dang / /yongs su dag pa bsnyen rdzogs par/ /rdzogs sangs rgyas kyis rab mkhyen te/ /bden pa'i mtshan gyis bka' stsal to/ /de ni gus pa la nges par sbyar ba'o/ /de'i 'og tu bsgrub par bya ba thabs brjod pa dang bcas pa la nges par sbyar bar bya ste/ tshe dang ldan pa khyod bsnyen par rdzogs zin gyis bag yod par bsgrub shig /de ni bsgrub par bya ba thabs brjod pa dang bcas pa la nges par sbyar ba'o/ /dge slong bsnyen par rdzogs par bya ba'i cho ga rdzogs s+ho// //'dul ba gzhi/ bam po drug pa/ bar sdom la/ ma zhus lhung bzed chos gos dang / /nad g.yog 'gyod dang lta ba dang / /nan thur bzod dang spo ba dang / /mgu dang dbyung ba rnam pa bcu/ /de dag de ltar rab tu byung zhing bsnyen par rdzogs pa na mkhan po dang slob dpon la zhu bar mi byed/ yongs su zhu bar mi byed gus par mi byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong dag ngas lhan cig gnas pa dang nye gnas rnams kyi kun du spyod pa'i chos dag bca' bar bya ste/ dge slong lhan cig gnas pa dang nye gnas rnams kyis mkhan po dang slob dpon dag la ma zhus par gtsug lag khang chag chag gdab par mi bya/ phyag dar mi bya/ ba lang gi lci ba sar pas byug par mi bya/ lhung bzed kyi las dang chos gos kyi las mi bya/ dge slong de 'dra ba mkhos su dbab par mi bya/ dge slong de 'dra ba la 'dag rdzas dang / so shing bstabs par mi bya/ kha ton dang dmigs kyis dri ba mi bya'o/ /dge slong lhan cig gnas pa dang nye gnas rnams kyis mkhan po dang slob dpon dag la ma zhus par las thams cad mi bya ste/ bshang ba dang / gci ba dang / so shing dor ba dang / chu btung ba dang / nye 'khor dang bcas pa'i gtsug lag khang du mchod rten la phyag bya ba dang / gtsug lag khang nas 'dom bzhi bcu rtsa dgu'i mtha' tshun chad du 'gro ba ni ma gtogs so/ /'di lta ste mkhan po dang slob dpon dag gi lhung bzed kyi las nye bar gnas par gyur na/ de la dge slong lhan cig gnas pa dang nye gnas rnams kyis/ e ma'o bdag cag gis mkhan po dang slob dpon dag gi lhung bzed kyi las bya'o zhe'am/ byed du gzhug go zhes brtson pa shas chen po bsgrub par bya'o/ /gal te brtson par byed na de lta na legs/ gal te brtson par mi byed na 'gal tshabs can du 'gyur ro/ /'di lta ste mkhan po dang slob dpon dag gi chos gos kyi las nye bar gnas par gyur na/ de la dge slong lhan cig gnas pa dang nye gnas rnams kyis/ e ma'o bdag cag gis mkhan po dang slob dpon dag gi chos gos kyi las bya'o zhe'am/ byed du gzhug go zhes brtson pa shas chen po bsgrub par bya'o/ /gal te brtson par byed na de lta na legs/ gal te brtson par mi byed na 'gal tshabs can du 'gyur ro/ /'di lta ste mkhan po dang slob dpon dag na bar gyur na/ de la dge slong lhan cig gnas pa dang nye gnas rnams kyis/ e ma'o bdag cag gis mkhan po dang slob dpon dag gi nad g.yog bya'o zhe 'am/ byed du gzhug go zhes brtson pa shas chen po bsgrub par bya'o/ /gal te brtson par byed na de lta na legs/ gal te brtson par mi byed na 'gal tshabs can du 'gyur ro/ /'di lta ste mkhan po dang slob dpon dag la 'gyod pa skyes na/ de la dge slong lhan cig gnas pa dang nye gnas rnams kyis/ e ma'o bdag cag gis mkhan po dang slob dpon dag gi 'gyod pa bsal bar bya'o zhe 'am/ byed du gzhug go zhes brtson pa shas chen po bsgrub par bya'o/ /gal te brtson par byed na de lta na legs/ gal te brtson par mi byed na 'gal tshabs can du 'gyur ro/ /'di lta ste mkhan po dang slob dpon dag la sdig pa can gyi lta ba'i rnam pa skyes na/ de la dge slong lhan cig gnas pa dang nye gnas rnams kyis/ e ma'o bdag cag gis mkhan po dang slob dpon dag gi sdig pa can gyi lta ba'i rnam pa spang bar bya'o zhe'am/ byed du gzhug go zhes brtson pa shas chen po bsgrub par bya'o/ /gal te brtson par byed na de lta na legs/ gal te brtson par mi byed na 'gal tshabs can du 'gyur ro/ /'di lta ste mkhan po dang slob dpon dag la dge 'dun gyis nan thur gyi las 'di lta ste/ bsdigs pa'i las dang / smad pa'i las dang / bskrad pa'i las dang / phyir dgyed pa'i las dang / ma mthong bas gnas nas dbyung ba'i las dang / phyir mi 'chos pas gnas nas dbyung ba'i las dang / sdig pa can gyi lta ba'i rnam pa mi gtong bas gnas nas dbyung ba'i las de lta bu dag byed 'dod par gyur na/ de la dge slong lhan cig gnas pa dang nye gnas rnams kyis/ e ma'o dge 'dun gyis mkhan po dang slob dpon dag la nan thur gyi las 'di lta bu dag mi bya'o zhes brtson pa shas chen po bsgrub par bya'o/ /gal te brtson par byed na de lta na legs/ gal te brtson par mi byed na 'gal tshabs can du 'gyur ro/ /'di lta ste mkhan po dang slob dpon dag la dge 'dun gyis nan thur gyi las 'di lta ste/ bsdigs pa'i las dang / smad pa'i las dang / bskrad pa'i las dang / phyir dgyed pa'i las dang / ma mthong bas gnas nas dbyung ba'i las dang / phyir mi 'chos pas gnas nas dbyung ba'i las dang / sdig pa can gyi lta ba'i rnam pa mi gtong bas gnas nas dbyung ba'i las de lta bu dag byas par gyur na/ de la dge slong lhan cig gnas pa dang nye gnas rnams kyis/ e ma'o dge 'dun gyis mkhan po dang slob dpon dag la nan thur gyi las 'di lta bu byas pa skra 'greng ba lta bur gyur/ skra zhig pa lta bur gyur cing dge 'dun la spu sa la ltung ba lta bur byed/ 'byung bar skyod/ mtshungs par nye bar ston la mtshams kyi nang du 'ongs te/ bzod pa gsol zhing rgyu gang gis nan thur gyi las byas pa de yang spong ba dag la bzod pa bya'o zhes brtson pa shas chen po bsgrub par bya'o/ /gal te brtson par byed na de lta na legs/ gal te brtson par mi byed na 'gal tshabs can du 'gyur ro/ /'di lta ste mkhan po dang slob dpon dag la dge 'dun lhag ma'i ltung ba byung bar gyur na/ de la dge slong lhan cig gnas pa dang nye gnas rnams kyis/ e ma'o dge 'dun gyis mkhan po dang slob dpon dag la spo ba dang gzhi nas spo ba sbyin par bya'o zhes brtson pa shas chen po bsgrub par bya'o/ /gal te brtson par byed na de lta na legs/ gal te brtson par mi byed na 'gal tshabs can du 'gyur ro/ /'di lta ste mkhan po dang slob dpon dag gis spo ba dang gzhi nas spo ba spyad zin par gyur na/ de la dge slong lhan cig gnas pa dang nye gnas rnams kyis/ e ma'o dge 'dun gyis mkhan po dang slob dpon spo ba dang gzhi nas spo ba spyad zin pa dag la mgu bar bya ba dang gzhi nas mgu bar bya ba sbyin par bya'o zhes brtson pa shas chen po bsgrub par bya'o/ /gal te brtson par byed na de lta na legs/ gal te brtson par mi byed na 'gal tshabs can du 'gyur ro/ /'di lta ste mkhan po dang slob dpon dag gis mgu bar bya ba dang gzhi nas mgu bar bya ba spyad zin par gyur na/ de la dge slong lhan cig gnas pa dang nye bar gnas rnams kyis/ e ma'o dge 'dun gyis mkhan po dang slob dpon mgu bar bya ba dang gzhi nas mgu bar bya ba spyad zin pa dag la dbyung ba sbyin par bya'o zhes brtson pa shas chen po bsgrub par bya'o/ /gal te brtson par byed na de lta na legs/ gal te brtson par mi byed na 'gal tshabs can du 'gyur ro/ /dge slong lhan cig gnas pa dang nye gnas rnams kyis mkhan po dang slob dpon dag la ji ltar bsgrub par bya ba de bzhin du mkhan po dang slob dpon dag gis kyang lhan cig gnas pa dang nye gnas rnams la bsgrub par bya ste/ zhu ba ni ma gtogs so// //sangs rgyas bcom ldan 'das mnyan yod du rgyal byed kyi tshal mgon med zas sbyin gyi kun dga' ra bar dbyar gnas par zhal gyis bzhes so/ /de'i tshe na tshe dang ldan pa nye sde ljongs su dbyar gnas par khas blangs shing des lo gcig lon pa na lhan cig gnas pa rab tu phyung zhing bsnyen par rdzogs par byas so/ /de nas tshe dang ldan pa nye sde dbyar zla ba gsum 'das nas chos gos byas pa dang ldan/ chos gos zin pa dang ldan zhing lo gnyis lon pa lhan cig gnas pa lo gcig lon pa dang lhan cig lhung bzed dang chos gos thogs te mnyan yod ga la ba der rgyu zhing song nas mthar gyis rgyu zhing 'gro ba na mnyan yod du phyin to/ /de nas tshe dang ldan pa nye sdes lhung bzed dang chos gos mkhos su phab ste rkang pa gnyis bkrus nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /sangs rgyas bcom ldan 'das rnams kyi chos nyid ni dge slong glo bur du 'ongs pa rnams la/ dge slong khyod da gzod ga las 'ongs dbyar gang du gnas par khas blangs zhes so sor kun dga' bar bya ba 'dis so sor kun dga' bar mdzad pa yin pas bcom ldan 'das kyis tshe dang ldan pa nye sde la bka' stsal pa/ nye sde khyod da gzod ga las 'ongs/ dbyar gang du gnas par khas blangs/ btsun pa bdag da gzod ljongs nas mchis te/ dbyar ljongs su gnas par mchid kyis 'tshal to/ /nye sde khyod kyi rigs kyi bu 'di su zhig yin/ btsun pa bdag gi lhan cig gnas pa lags so/ /nye sde khyod lo du lon/ khyod kyi lhan cig gnas pa lo du lon/ btsun pa bdag ni dgung lo gnyis lags/ bdag gi lhan cig gnas pas ni dgung lo gcig lags so/ /de nas bcom ldan 'das kyis dge slong rnams la bka' stsal pa/ dge slong dag rigs kyi bu nye sdes dang po kho nar tshogs bsdu bar bsams so/ /de lta bas na lo gcig lon pas rab tu dbyung bar mi bya/ bsnyen par rdzogs par mi bya/ gnas sbyin par mi bya/ dge tshul nye bar gzhag par mi bya zhing bdag nyid kyang mi gnas par 'dug par mi bya'o/ /lo gnyis lon pas kyang mi bya/ lo gsum lon pas kyang mi bya/ lo bzhi lon pas kyang mi bya/ lo lnga lon pas kyang mi bya/ lo drug lon pas kyang mi bya/ lo bdun lon pas kyang mi bya/ lo brgyad lon pas kyang mi bya/ lo dgu lon pas kyang rab tu dbyung bar mi bya/ bsnyen par rdzogs par mi bya/ gnas sbyin par mi bya/ dge tshul nye bar gzhag par mi bya zhing bdag nyid kyang mi gnas par 'dug par mi bya'o/ /lo bcu lon pas ni rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /de dag bye brag med par byis pa dang / rmongs pa dang / mi gsal ba dang / mi mkhas pa dag gis kyang rab tu 'byin par byed de/ kye ma de dag bdag nyid ma dul bar gzhan dul bar byed pa de ni gnas med la/ bdag nyid ma zhi bar gzhan zhi bar byed pa dang / bdag nyid ma grol bar gzhan grol bar byed pa dang / bdag nyid yongs su mya ngan las ma 'das par gzhan yongs su mya ngan las 'da' bar byed pa dang / bdag nyid 'dam las ma rgal bar gzhan 'dam las sgrol bar byed pa de ni gnas med do/ /rgan zhugs byis pa/ rmongs pa/ mi gsal ba/ mi mkhas pa zhig gis gzhan mu stegs can zhig rab tu phyung zhing bsnyen par rdzogs par byas nas/ des dus dang dus su gdams ngag dang rjes su bstan pa ma thob nas bslab pa phul te nyams par gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de lta bas na lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ bsnyen par rdzogs nas lo bcu lon pa'am lhag pa dang / lhan cig gnas pa dang nye gnas rnams kyi nad g.yog byed dam byed du 'jug nus pa dang / lhan cig gnas pa dang nye gnas rnams la 'gyod pa skyes pa sel tam sel du 'jug nus pa dang / lhan cig gnas pa dang nye gnas rnams la sdig pa can gyi lta ba'i rnam pa byung ba spong ngam spong du 'jug nus pa dang / phyogs gang du lhan cig gnas pa dang nye gnas rnams mngon par mi dga' na de la dor ba'am 'dor du 'jug nus pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ tshul khrims dang ldan pa dang / mang du thos pa dang / mdo sde 'dzin pa dang / 'dul ba 'dzin pa dang / ma mo 'dzin pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ tshul khrims dang ldan pa dang / mang du thos pa dang / mdo sde la mkhas pa dang / 'dul ba la mkhas pa dang / ma mo la mkhas pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ / lnga gang zhe na/ tshul khrims dang ldan pa dang / mang du thos pa dang / mdo sde rig pa dang / 'dul ba rig pa dang / ma mo rig pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ tshul khrims dang ldan pa dang / mang du thos pa dang / mdo sde la gsal ba dang / 'dul ba la gsal ba dang / ma mo la gsal ba ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ tshul khrims dang ldan pa dang / mang du thos pa dang / lhan cig gnas pa dang nye gnas rnams mdo sde 'dzin du 'jug nus pa dang / 'dul ba 'dzin du 'jug nus pa dang / ma mo 'dzin du 'jug nus pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ / gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ tshul khrims dang ldan pa dang / mang du thos pa dang / lhag pa'i tshul khrims kyi bslab pa la slob pa dang / lhag pa'i sems kyi bslab pa la slob pa dang / lhag pa'i shes rab kyi bslab pa la slob pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ tshul khrims dang ldan pa dang / mang du thos pa dang / lhan cig gnas pa dang nye gnas rnams lhag pa'i tshul khrims kyi bslab pa la slob tu 'jug nus pa dang / lhag pa'i sems kyi bslab pa la slob tu 'jug nus pa dang / lhag pa'i shes rab kyi bslab pa la slob tu 'jug nus pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ tshul khrims dang ldan pa dang / mang du thos pa dang / lhag pa'i spyod pa la slob pa dang / lhag pa'i 'dul ba la slob pa dang / lhag pa'i so sor thar pa la slob pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ / gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ tshul khrims dang ldan pa dang mang du thos pa dang / lhan cig gnas pa dang nye gnas rnams lhag pa'i spyod pa la slob tu 'jug nus pa dang / lhag pa'i 'dul ba la slob tu 'jug nus pa dang / lhag pa'i so sor thar pa la slob tu 'jug nus pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ dad pa phun sum tshogs pa dang / tshul khrims phun sum tshogs pa dang / thos pa phun sum tshogs pa dang / gtong ba phun sum tshogs pa dang / shes rab phun sum tshogs pa ste/ lo bcu lon pa chos lnga po de dag dang ldan par rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ tshul khrims phun sum tshogs pa dang / ting nge 'dzin phun sum tshogs pa dang / shes rab phun sum tshogs pa dang / rnam par grol ba phun sum tshogs pa dang / rnam par grol ba shes pa dang mthong ba phun sum tshogs pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ tshul khrims dang ldan pa dang / mang du thos pa dang / brtson 'grus brtsams pa dang / shes rab dang ldan pa dang / dran pa dang ldan pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag bar bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ tshul khrims dang ldan pa dang / mang du thos pa dang / brtson 'grus brtsams pa dang / shes rab dang ldan pa dang / nang du yang dag par bzhag pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ tshul khrims dang ldan pa dang / mang du thos pa dang / brtson 'grus brtsams pa dang / shes rab dang ldan pa dang / mnyam par gzhag pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ slob pa'i tshul khrims kyi phung po dang ldan pa dang / slob pa'i ting nge 'dzin gyi phung po dang ldan pa dang / slob pa'i shes rab kyi phung po dang ldan pa dang / slob pa'i rnam par grol ba'i phung po dang ldan pa dang / slob pa'i rnam par grol ba shes pa dang mthong ba'i phung po dang ldan pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ mi slob pa'i tshul khrims kyi phung po dang ldan pa dang / mi slob pa'i ting nge 'dzin gyi phung po dang ldan pa dang / mi slob pa'i shes rab kyi phung po dang ldan pa dang / mi slob pa'i rnam par grol ba'i phung po dang ldan pa dang / mi slob pa'i rnam par grol ba shes pa dang mthong ba'i phung po dang ldan pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ byung ba shes pa dang / bcas pa shes pa dang / rjes su bcas pa shes pa dang / bkag pa shes pa dang / gnang ba shes pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ bar du gcod pa shes pa dang / bar du gcod pa ma yin pa shes pa dang / smra ba po dang / rjes su ston pa dang / lhan cig gnas pa dang nye gnas rnams gnas 'char gzhug nus pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ bar du gcod pa shes pa dang / bar du gcod pa ma yin pa shes pa dang / smra ba po dang / rjes su ston pa dang / lhan cig gnas pa dang nye gnas rnams re shig gi gnas 'char gzhug nus pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /gzhan yang lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /lnga gang zhe na/ ltung ba shes pa dang / ltung ba ma yin pa shes pa dang / yang ba shes pa dang / lci ba shes pa dang / so sor thar pa'i mdo gdon pa dang rgyas pa blags pa dang thon pa ste/ lo bcu lon pa chos lnga po de dag dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa bcom ldan 'das kyis lo bcu lon pa chos lnga dang ldan pas rab tu dbyung bar bya/ bsnyen par rdzogs par bya/ gnas sbyin par bya/ dge tshul nye bar gzhag par bya zhing bdag nyid kyang mi gnas par 'dug par bya'o zhes bka' stsal na/ btsun pa dge slong bsnyen par rdzogs nas lo drug bcu lags la/ des so sor thar pa'i mdo gdon pa dang / rgyas pa blags pa dang / thon pa ma lags na des kyang gzhan la gnas pas mchis par bgyi 'am/ nye bar 'khor des kyang gzhan la gnas pas 'dug par bya'o/ /btsun pa de la ji skad ces bgyi/ nye bar 'khor gnas brtan byis pa zhes bya'o/ /gang la gnas pas mchis par bgyi/ gal te ches rgan pa yod na ches rgan pa la gnas pas 'dug par bya'o/ /gal te ches rgan pa med na ches gzhon pa la gnas par 'dug par bya'o/ /btsun pa ci lags des de la thams cad bgyi 'am/ nye bar 'khor thams cad bya ste/ 'dud pa 'ba' zhig ma gtogs so/ /sangs rgyas bcom ldan 'das rgyal po'i khab tu 'od ma'i tshal ka lan da ka'i gnas su dbyar gnas par zhal gyis bzhes so/ /de'i tshe na rgyal po'i khab tu dge slong gnas brtan dag ni nyung gsar bu dag ni mang du dbyar gnas par khas blangs so/ /de nas bcom ldan 'das kyis dbyar zla ba gsum 'das nas tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag de bzhin gshegs pa lho'i ri bo dag tu ljongs rgyur gshegs kyis/ khyed cag las gang de bzhin gshegs pa dang thabs gcig lho'i ri bo dag tu ljongs rgyur 'gro bar spro ba des chos gos kyi las gyis shig ces bsgo cig /tshe dang ldan pa kun dga' bos btsun pa bka' bzhin 'tshal zhes bcom ldan 'das kyi bka' mnyan nas/ dge slong rnams la tshe dang ldan pa dag de bzhin gshegs pa lho'i ri bo dag tu ljongs rgyur gshegs kyis/ khyed cag las gang de bzhin gshegs pa dang thabs gcig lho'i ri bo dag tu ljongs rgyur 'gro bar spro ba des chos gos kyi las gyis shig ces bsgo ba dang / dge slong gnas brtan rnams kyis smras pa/ tshe dang ldan pa kun dga' bo bdag cag ni bcom ldan 'das dang thabs gcig ljongs rgyur 'gro mi nus so/ /de ci'i phyir zhe na/ bdag cag rgas pa'i phyir ro/ /dge slong gsar bu rnams kyis kyang smras pa/ tshe dang ldan pa kun dga' bo bdag cag kyang bcom ldan 'das dang thabs gcig ljongs rgyur 'gro mi nus so/ /de ci'i phyir zhe na/ bdag cag gsar bu yin la bdag gi mkhan po dang slob dpon dag mi 'dong bas bdag cag gi mkhan po dang slob dpon dag mi 'dong na bdag cag myur du ldog pa dang / rkyen par ldog dgos pa dang / 'di lta ste gnas btsal bas yang dang yang du btsal bar bya dgos pa'i phyir ro/ /de nas bcom ldan 'das dbyar zla ba gsum 'das nas chos gos byas pa dang ldan/ chos gos zin pa dang ldan zhing 'khor nyung shas shig dang lhung bzed dang chos gos bsnams te lho'i ri bo dag tu ljongs rgyur gshegs so/ /sangs rgyas bcom ldan 'das ljongs rgyur gshegs pa rnams kyi chos nyid ni la las legs par ma sbyangs pa dang / legs par ma bgos pa dang / khur thogs pa'am/ gcig tu ma gyur tam snyam pas sku thams cad kyi g.yas nas glang po che'i lta ltangs kyis rnam par gzigs pa mdzad pa yin pas/ de nas bcom ldan 'das kyis sku thams cad kyi g.yas nas glang po che'i lta stangs kyis rnam par gzigs so/ /bcom ldan 'das ljongs rgyur gshegs pas sku thams cad kyis g.yas nas glang po che'i lta stangs kyis rnam par gzigs na de bzhin gshegs pa'i 'khor nyung bar gzigs so/ /gzigs nas kyang sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan pa mi rmed pas sangs rgyas bcom ldan 'das rnams ni don dang mi ldan pa rmed pa la chu lon gyis zlog par mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo da ltar de bzhin gshegs pa'i 'khor nyung bar gyur pa'i rgyu ni gang yin/ rkyen ni gang yin/ btsun pa rgyal po'i khab 'dir dge slong gnas brtan dag ni nyung / gsar bu dag ni mang du dbyar gnas par mchid kyis 'tshal cing / dge slong gnas brtan rnams ni 'di skad ces/ tshe dang ldan pa kun dga' bo bdag cag ni bcom ldan 'das dang thabs gcig ljongs rgyur 'gro mi nus so/ /de ci'i phyir zhe na/ bdag cag rgas pa'i phyir ro zhes mchi/ dge slong gsar bu rnams kyang 'di skad ces/ tshe dang ldan pa kun dga' bo bdag cag kyang bcom ldan 'das dang thabs gcig ljongs rgyur 'gro mi nus so/ /de ci'i phyir zhe na/ bdag cag gsar bu yin la bdag cag gi mkhan po dang slob dpon mi 'dong bas bdag cag gi mkhan po dang slob dpon mi 'dong na myur du ldog pa dang / skyen par ldog dgos pa dang / 'di lta ste gnas btsal bas yang dang yang du btsal bar bya dgos pa'i phyir ro zhes mchi ste/ btsun pa da ltar de bzhin gshegs pa'i 'khor nyung bar gyur pa'i rgyu ni de lags/ rkyen ni de lags so/ /kun dga' bo de lta bas na lo lnga lon pa chos lnga dang ldan pas mi gnas par ljongs rgyur 'gro bar rjes su gnang ngo / lnga gang zhe na/ ltung ba shes pa dang / ltung ba ma yin pa shes pa dang / yang ba shes pa dang / lci ba shes pa dang / so sor thar pa'i mdo gdon pa dang / rgyas pa blags pa dang / thon pa ste/ lo lnga lon pa chos lnga po de dag dang ldan pas mi gnas par ljongs rgyur 'gro bar bya ste/ 'di la 'gyod par mi bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa bcom ldan 'das lo lnga lon pa chos dang ldan pas mi gnas par ljongs rgyur 'gro bar bya'o zhes bka' stsal na/ btsun pa dge slong lo drug lags la/ des so sor thar pa'i mdo gdon pa dang / rgyas pa blags pa dang / thon pa ma lags na/ des kyang mi gnas par ljongs rgyur mchi bar bgyi 'am/ nye bar 'khor mi bya ste/ de ci'i phyir zhe na/ chos lnga dang ldan pa la bca' ba brten pa'i phyir ro/ /btsun pa lo bzhi lags la/ des so sor thar pa'i mdo gdon pa dang / rgyas pa blags pa dang / /thon pa lags na/ des kyang mi gnas par ljongs rgyur mchi bar bgyi 'am/ nye bar 'khor mi bya ste/ de ci'i phyir zhe na/ lo lnga lon pa la bca' ba brten pa'i phyir ro/ /btsun pa gsum rig pa/ dri ma gsum spangs la/ de lo lnga ma lags shing chos lnga dang mi ldan na des kyang mi gnas par ljongs rgyur mchi bar mi bgyi 'am/ nye bar 'khor mi bya'o/ /bar sdom la/ lo bcu 'dzin dang mkhas pa dang / /rig dang gsal dang 'dzin 'jug dang / /slob dang slob 'jug rnam gnyis dang / /phun sum tshogs gnyis rnam pa gsum/ /slob dang mi slob byung shes dang / /gnas 'cha' 'char gzhug ltung ba shes/ /lho yi ri la rgyu ba yi/ /sde tshan yang dag bsdus pa yin/ /gnas kyi skabs rdzogs s+ho// // sdom la/ mu stegs can dang nyi shu dang / /dge tshul bcwa lnga ma lon pa'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na rgan zhugs byis pa/ rmongs pa/ mi gsal ba/ mi mkhas pa zhig gis gzhan mu stegs can zhig rab tu phyung zhing bsnyen par rjogs par byas pa na dge slong rnams rtsod pa 'ga' zhig byung nas bslab pa phul te sngon gyi mu stegs can gyi gnas de nyid du song ba'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong dag ji ltar mi gti mug can de legs par gsungs pa'i chos 'dul ba gya nom pa 'di lta bu spangs nas sngon gyi mu stegs can gyi gnas de nyid du song ba la ltos/ dge slong dag 'di lta ste dper na khyi bkres pa'i nyam chung bas yongs su gzir ba ni bza' ba dang bca' ba gya nom pa spangs nas bshang ba bza' bar bya'o snyam du sems so/ /dge slong dag de bzhin du mi gti mug can des kyang legs par gsungs pa'i chos 'dul ba gya nom pa 'di lta bu spangs nas sngon gyi mu stegs can gyi gnas de nyid du song ngo / /de nas bcom ldan 'das kyis dge slong rnams la bka' stsal pa/ dge slong dag de lta bas na nye du shAkya dang me ba ral pa can ma gtogs pa sems mgu bar ma gyur pa'i mu stegs can rab tu dbyung bar mi bya zhing bsnyen par rdzogs par mi bya'o/ /gal te nye du shAkya mu stegs can gyi rgyal mtshan gyis 'ongs shing gal te legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'dod na/ dge slong dag de rab tu dbyung bar bya zhing bsnyen par rdzogs par bya'o/ /de ci'i phyir zhe na/ dge slong dag nga ni nye du rnams la nye du'i yongs su spang ba sbyin par byed pa'i phyir ro/ /gal te gzhan mu stegs can kun du rgyu 'ongs shing gal te legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'dod na/ dge slong dag de zla ba bzhi'i bar du mkhan pos sbyar ba'i gos dag gis gnas pa sbyin par bya ba shes par gyis shig /dge slong dag gzhan mu stegs can gnas pa spyad nas sems mgu bar gyur na rab tu dbyung bar bya/ bsnyen par rdzogs par bya'o/ /bcom ldan 'das kyis gzhan mu stegs can zla ba bzhi'i bar du mkhan pos sbyar ba'i gos dag gis gnas pa sbyin par bya'o zhes bka' stsal na/ dge slong rnams kyis ji ltar sbyin par bya ba mi shes nas/ bcom ldan 'das kyis bka' stsal pa/ dge slong dag 'ga' zhig gi gan du gzhan mu stegs can rab tu dbyung bar 'dod pa 'ongs na/ des de la bar chad kyi chos rnams dris nas gzung bar bya'o/ /bzung nas gsum la skyabs su 'gro ba dang / dge bsnyen nyid du khas blang bas dge bsnyen gyi sdom pa sbyin par bya'o/ /de'i 'og tu dge 'dun thams cad 'dug cing mthun par gyur pa la rgan rims kyis phyag 'tshal du bcug nas tsog tsog por 'dug tu bcug ste/ thal mo sbyar du bcug nas 'di skad ces brjod par bya'o/ /dge 'dun btsun pa rnams gsan du gsol/ bdag mu stegs can ming 'di zhes bgyi ba ming 'di zhes bgyi ba las rab tu 'byung bar 'tshal te/ bdag mu stegs can ming 'di zhes bgyi ba zla ba bzhi'i bar du mkhan pos sbyar ba'i gos dag gis gnas par dge 'dun la gsol na/ thugs brtse ba can dge 'dun btsun pa rnams kyis thugs brtse ba'i slad du bdag mu stegs can ming 'di zhes bgyi ba la zla ba bzhi'i bar du mkhan pos sbyar ba'i gos dag gis gnas par bgyi ba stsal du gsol/ de bzhin du lan gnyis lan gsum du bzlas/ de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ mu stegs can ming 'di zhes bgyi ba 'di ming 'di zhes bgyi ba las rab tu byung bar 'tshal te/ mu stegs can ming 'di zhes bgyi ba 'di zla ba bzhi'i bar du mkhan pos sbyar ba'i gos dag gis gnas par dge 'dun la gsol na/ gal te dge 'dun gyi dus la bab cing bzod na/ dge 'dun gyis gnang bar mdzod cig dang / dge 'dun gyis mu stegs can ming 'di zhes bya ba la zla ba bzhi'i bar du mkhan pos sbyar ba'i gos dag gis gnas pa stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ mu stegs can ming 'di zhes bgyi ba 'di ming 'di zhes bgyi ba las rab tu 'byung bar 'tshal nas/ mu stegs can ming 'di zhes bgyi ba 'di zla ba bzhi'i bar du mkhan pos sbyar ba'i gos dag gis gnas par dge 'dun la gsol te/ de'i slad du dge 'dun gyis mu stegs can ming 'di zhes bgyi ba la zla ba bzhi'i bar du mkhan pos sbyar ba'i gos dag gis gnas pa stsol na/ tshe dang ldan pa gang dag mu stegs can ming 'di zhes bgyi ba la zla ba bzhi'i bar du mkhan pos sbyar ba'i gos dag gis gnas pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis mu stegs can ming 'di zhes bgyi ba la zla ba bzhi'i bar du mkhan pos sbyar ba'i gos dag gis gnas pa stsal lags te 'di ltar cang mi gsung bas de de bzhin du 'dzin to/ /dge 'dun gyis gzhan mu stegs can gang la zla ba bzhi'i bar du mkhan pos sbyar ba'i gos dag gis gnas pa byin pa de'i zan ni dge 'dun las so/ /gos ni mkhan po las so/ /las ni dge tshul gyi gral rims bzhin bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa bcom ldan 'das kyis gzhan mu stegs can gnas pa spyad nas sems mgu bar gyur na rab tu dbyung bar bya/ bsnyen par rdzogs par bya'o zhes bka' stsal na/ btsun pa ji tsam gyis na gzhan mu stegs can sems mgu bar gyur pa zhes brjod par bgyi/ nye bar 'khor gzhan mu stegs can gyi mdun du sangs rgyas kyi bsngags pa yang dag pa brjod par bya/ chos dang dge 'dun gyi bsngags pa yang dag pa brjod par bya zhing mu stegs can rnams kyi bsngags pa ma yin pa yang dag pa brjod par bya'o/ /nye bar 'khor gal te gzhan mu stegs can sangs rgyas kyi bsngags pa yang dag pa brjod/ chos dang dge 'dun gyi bsngags pa yang dag pa brjod cing mu stegs can rnams kyi bsngags pa ma yin pa yang dag pa brjod pa na nang bar byed/ 'khrug par byed/ khro bar byed cing yul yul por 'dug par byed/ khro ba skyed par byed na gzhan mu stegs can sems mgu bar ma gyur pa zhes brjod par bya'o/ /nye bar 'khor gal te gzhan mu stegs can sangs rgyas kyi bsngags pa yang dag pa brjod/ chos dang dge 'dun gyi bsngags pa yang dag pa brjod cing / mu stegs can rnams kyi bsngags pa ma yin pa yang dag pa brjod pa na nang bar mi byed/ 'khrug par mi byed/ khro bar mi byed cing yul yul por 'dug par mi byed/ khro ba skyed par mi byed na/ nye bar 'khor de tsam gyis na gzhan mu stegs can sems mgu ba zhes brjod par bya'o/ /dge slong dag me pa ral pa can dag rab tu dbyung bar bya zhing bsnyen par rdzogs par bya'o/ /de ci'i phyir zhe na/ dge slong dag me pa ral pa can dag ni las smra ba dang / me pa ral pa can dag ni bya ba smra ba dang / rgyu smra ba dang / brtson 'grus smra ba yin pa'i phyir ro/ /dge slong dag de lta bas na 'di ltar bslab par bya ste/ las smra bar 'gyur ba dang / bya ba smra ba dang / rgyu smra ba dang / brtson 'grus smra bar 'gyur bar bya ste/ dge slong dag khyed kyis de ltar bslab par bya'o// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / gang gi tshe tshe dang ldan pa maud gal gyi bu chen pos nye bar 'khor la sogs pa sar pa skyes phran gzhon nu bcu bdun sde'i tshogs dag rab tu phyung bsnyen par rdzogs par byas pa de'i tshe na de dag mtshan mo'i tho rangs kyi dus kyi tshe bkres pa'i nyam chung bas yongs su gzir nas ngu'o/ /bcom ldan 'das kyis mtshan mo'i tho rangs kyi dus kyi tshe kun dga' ra ba'i nang na byis pa khye'u rab tu mang po dag ngu ba'i sgra gsan to/ /gsan nas kyang sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan pa mi rmed pas sangs rgyas bcom ldan 'das rnams ni don dang mi ldan pa rmed pa la chu lon gyis zlog par mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo mtshan mo'i tho rangs kyi dus kyi tshe kun dga' ra ba'i nang na byis pa khye'u rab tu mang po ngu ba 'di dag su/ btsun pa 'di dag ni tshe dang ldan pa maud gal gyi bu chen pos nye bar 'khor la sogs pa sar pa skyes phran gzhon nu bcu bdun sde'i tshogs dag rab tu byung zhing bsnyen par rdzogs par bgyis pa de dag mtshan mo'i tho rangs kyi dus kyi tshe bkres pa'i nyam chung bas yongs su gzir te ngu ba lags so/ /kun dga' bo dge slong dag gang zag lo nyi shu ma lon pa dge slong gi dngos por bsnyen par rdzogs par byed dam/ btsun pa bgyid do/ /kun dga' bo bsnyen par rdzogs par mi bya'o/ /de ci'i phyir zhe na/ kun dga' bo gang zag lo nyi shu ma lon pas ni grang ba dang / tsha ba dang / bkres pa dang / skom pa dang / sha sbrang dang / sbrang bu mchu rings dang / rlung dang / nyi ma dang / sdig sbrul dag gi reg pa dag dang / gzhan las tshig gi lam ngan pa smras pa dang / ngan pa 'ongs pa dag dang / lus kyi tshor ba sdug bsngal mi bzad pa rtsub pa tsha ba yid du mi 'ong ba srog 'phrog par byed pa byung ngo cog dag mi bzod cing zag pa dag la ji mi snyam par bya ba yang mi bzod cing dang du len mi nus pa'i rang bzhin can yin pa'i phyir dang / gang zag lo nyi shu lon pa ni grang ba dang / tsha ba dang / bkres pa dang / skom pa dang / sha sbrang dang / sbrang bu mchu rings dang / rlung dang nyi ma dang / sdig sbrul gyi reg pa dag dang / gzhan las tshig gi lam ngan pa smras pa dang / ngan pa 'ongs pa dag dang / lus kyi tshor ba sdug bsngal mi bzad pa rtsub pa tsha ba yid du mi 'ong ba srog 'phrog par byed pa byung ngo cog bzod cing zag pa dag la ji mi snyam par bya ba yang bzod cing dang du len nus pa'i rang bzhin can yin pa'i phyir ro/ /bcom ldan 'das kyis dgongs pa/ nyes dmigs gang ci byung ba de ni dge slong dag gang zag lo nyi shu ma lon pa dge slong gi dngos por bsnyen par rdzogs par byed pa las gyur pa yin snyam nas bka' stsal pa/ de lta bas na dge slong gis gang zag lo nyi shu ma lon pa dge slong gi dngos por bsnyen par rdzogs par mi bya'o/ /'ga' zhig gi gan du bsnyen par rdzogs par 'dod pa 'ongs na des de la lo nyi shu lon nam zhes dri bar bya'o/ /ma dris par bsnyen par rdzogs par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur sbyod pa de'i bu byung nas bsrings shing bskyed de chen por gyur to/ /de nas dus gzhan zhig na khyim bdag de nye du zad par gyur cing nor zad pa dang / longs spyod zad par gyur nas des bsams pa/ bdag gis rgas pa'i gnas skabs su nor bsgrub par mi nus kyis rab tu 'byung bar bya'o snyam nas des bu de la smras pa/ bu kho bo rgas pa'i gnas skabs su nor bsgrub par mi nus kyis/ kho bo rab tu 'byung du 'gro'o/ /des smras pa/ yab gal te khyod rab tu 'byung na bdag kyang rab tu 'byung ngo / /bu de bzhin gyis shig ces des de khrid nas rgyal byed kyi tshal du song ste/ dge slong gi gan du song nas smras pa/ 'phags pa bdag rab tu 'byung bar 'tshal lo/ /des smras pa/ khyod kyi khye'u 'di su yin/ bu lags so/ /'di yang rab tu 'byung ngam/ 'phags pa rab tu 'byung ngo / /des de la chags pas gnyi ga yang rab tu phyung nas de'i 'og tu nyi ma gnyis sam gsum du kun du spyad pa'i chos dag slob tu bcug nas smras pa/ bzhin bzangs dag ri dgas kyis ri dgas mi gsos/ mnyan yod rgya che la rang gi spyod yul dang yab kyi yul yin gyis bsod snyoms sgrubs la 'tsho bar gyis shig /de snga dro sham thabs bgos chos gos dang lhung bzed thogs te/ dge tshul de nyid dang lhan cig mnyan yod du bsod snyoms la zhugs so/ /dge tshul des srang zhig na khur ba sreg pa mthong nas des smras pa/ yab bdag la khur ba sbyin du chug shig /des smras pa/ bzhin bzangs dge tshul 'di la khur ba byin cig /des smras pa/ 'phags pa rin ma mchis par mi gsol gyi/ 'di ltar kar Sha pA Na dag gi slad du gsol lo/ /bzhin bzangs kho bo cag ni rab tu byung ba yin pas kho bo cag la kar Sha pA Na dag ga la yod/ des smras pa/ 'phags pa ci lags dge tshul 'di khyod rab tu byung bas bskyed dam/ 'on te khyim pas bskyed/ des smras pa/ khyim pas so/ de lta na bsags pa de dag stsol cig /des smras pa/ dge tshul 'di bgrang ba mang po dag slong bar byed kyis tshur shog 'dong ngo zhes des de sor mo dag nas bzung ste 'phags pa dang / de gan rgyal du 'gyel nas ngu bar brtsams so/ /de gnyis skye bo phal po che'i tshogs kyis mthong nas de dag gis smras pa/ shes ldan dag 'di'i dge tshul 'di su zhig yin/ bu yin no/ /de dag khrag gi thigs pa 'di rab tu phyung bas ci zhig bya zhes smod par byed/ phyar ka gtong bar byed/ kha zer bar byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis dgongs pa/ nyes dmigs gang ci byung ba de ni dge slong dag gang zag lo bcwa lnga ma lon par rab tu 'byin par byed pa las gyur pa yin no snyam nas bka' stsal pa/ de lta bas na dge slong gis gang zag lo bcwa lnga ma lon pa rab tu dbyung bar mi bya'o/ /'ga' zhig gi gan du rab tu 'byung bar 'dod pa 'ongs na des de la lo bcwa lnga lon nam zhes dri bar bya'o/ / ma dris par rab tu 'byin par byed na 'gal tshabs can du 'gyur ro// //'dul ba gzhi/ bam po bdun pa/ sdom la/ dge tshul gnyis dang bran dang ni/ /bu lon chags dang ma gnang dang / /zhu ba dang ni nad pa dang / / shAkya'i sde tshan bsdus pa yin/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nye dga'i dge tshul tsher ma dang chen po pa gnyis gcig la gcig gzhog stegs dang / phyar g.yeng dang / lus la rdeg par byed cing 'di lta ste dper na bud med skyes pa dang lhan cig byed pa dang / skyes pa bud med dang lhan cig byed pa ltar byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis dgongs pa/ nyes dmigs gang ci byung ba de ni dge slong dag dge tshul gnyis nye bar 'jog pa las gyur pa yin no snyam nas bka' stsal pa/ de lta bas na dge slong gis dge tshul gnyis nye bar gzhag par mi bya'o/ /nye bar 'jog na 'gal tshabs can du 'gyur ro/ /bcom ldan 'das kyis dge slong gis dge tshul gnyis nye bar gzhag par mi bya'o zhes bka' stsal nas/ gzhan spun gnyis shig 'ongs te/ bdag cag gnyis gcig car lhan cig tu rab tu 'byung bar bya'o zhes nges par byas te lhags pa na/ dge slong dag de gnyis rab tu 'byin par mi byed pas de gnyis rab tu 'byung ba ma thob par dong ste/ de nyid tshe dang ldan pa de gnyis legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po'i bar chad du gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ gal te spun gnyis shig 'ongs te bdag cag gnyis gcig car lhan cig tu rab tu 'byung bar bya'o zhes nges par byas te lhags na rab tu dbyung bar bya'o/ /rab tu phyung nas gal te lo nyi shu lon na bsnyen par rdzogs par bya'o/ /gal te gcig lo nyi shu lon na de bsnyen par rdzogs par bya zhing gcig shos dge tshul du nye bar gzhag par bya'o/ /gal te gnyi ga lo nyi shu ma lon na gcig bdag nyid kyis nye bar gzhag par bya zhing / gcig shos dge slong grogs po 'ga' la gtad par bya'o/ /gang la gtad pa de nyid kyis bsnyen par rdzogs par byed nas bcom ldan 'das kyis bka' stsal pa/ de gang gi yin pa des bsnyen par rdzogs par bya'o/ /des mi ster nas bcom ldan 'das kyis bka' stsal pa/ mi ster ba las mthus dgug par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa de la bran mkhas pa/ le lo med pa/ sgrub phod pa/ 'phral gyi bya ba thams cad la sngon du 'gro ba zhig yod do/ /dus gzhan zhig na des bran de spyos pa dang bran des bsams pa/ khyim bdag 'di mgu dka' bar gyur pas bdag gis 'di'i sems srung bar byed mi nus kyis 'bros su 'gro snyam mo/ /des bsams pa/ yul gtong ba ni dka' ba byed pa yin gyis shAkya'i sras kyi dge sbyong 'di dag gis rgyal po las gzhon nu'i yongs su spang ba thob pas 'di dag gi nang du rab tu 'byung bar bya'o snyam nas/ de rgyal byed kyi tshal du song ste/ dge slong gi gan du song nas smras pa/ 'phags pa bdag rab tu 'byung bar 'tshal lo/ /des de rab tu phyung zhing bsnyen par rdzogs par byas te/ gdams ngag byin nas des brtson pa dang / 'bad pa dang / brtsal ba byas pas nyon mongs pa thams cad spangs pas dgra bcom pa nyid mngon du byas te/ dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan dang ste'ur mnyam pa lta bu/ rig pas sgo nga'i sbubs dral bar gyur cing / rig pa dang mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /khyim bdag de 'gyod pa skyes nas des bsams pa/ de bdag gi 'phral gyi bya ba thams cad la sngon du 'gro ba yin na/ bdag gis ci'i phyir spyos snyam mo/ /des bsams pa/ gal te da mthong na bzod pa gsol lo snyam nas des mnyan yod kyi sgor bsdad do/ /dge slong de yang snga dro sham thabs bgos lhung bzed dang chos gos thogs te/ mnyan yod du bsod snyoms la zhugs pa dang khyim bdag des de mthong nas des smras pa/ bzhin bzangs khyod rab tu byung na kho bo'i rim gro sus byed par 'gyur/ tshur shog 'dong zhes des lag pa brkyang ste de'i lag pa gnyis nas gzung bar brtsams pa dang / des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas khyim bdag de shing ljon pa rtsa ba nas bcad pa bzhin du dge slong de'i rkang pa gnyis la gtugs nas smras pa/ 'phags pa khyod kyis yon tan gyi tshogs 'di lta bu brnyes sam/ thob bo/ /des de la yo byad thams cad kyis bstabs pa dang / thams cad du khyim bdag che ge mo zhig gi bran rab tu byung nas yon tan gyi tshogs de lta bu thob bo zhes sgra grags so/ /ko sa la'i rgyal po gsal rgyal gyis khyim bdag che ge mo'i bran rab tu phyung nas yon tan gyi tshogs de lta bu thob bo zhes thos nas des blon po rnams la bsgo ba/ shes ldan dag nga ni rgyal po rgyal rigs spyi bor dbang bskur ba bya ba thams cad kyi mnga' bdag yin pas deng phyin chad 'ga' zhig gi bran rab tu 'byung bar 'dod na des mi bzlog par bya'o/ /mnyan yod na khyim bdag cig 'dug pa de la bran mkhas pa/ le lo med pa/ sgrub phod pa/ 'phral gyi bya ba thams cad la sngon du 'gro ba zhig yod do/ /dus gzhan zhig na des bran de spyos pa dang bran des bsams pa/ khyim bdag 'di mgu dka' bar gyur pas bdag gis 'di'i sems srung bar byed mi nus kyis 'bros su 'gro'o snyam mo/ /des bsams pa/ yul gtong ba ni dka' ba byed pa yin gyis shAkya'i sras kyi dge sbyong 'di dag ni rgyal po las gzhon nu'i yongs su spang ba thob pas 'di dag gi nang du rab tu 'byung bar bya'o snyam nas de rgyal byed kyi tshal du song ste/ dge slong gi gan du song nas smras pa/ 'phags pa bdag rab tu 'byung bar 'tshal lo/ /des de rab tu dbyung zhing bsnyen par rdzogs par byas nas de'i 'og tu nyi ma gnyis sam gsum du kun du spyad pa'i chos dag slob tu bcug nas smras pa/ bzhin bzangs ri dgas kyis ri dgas mi gsos/ mnyan yod rgya che la rang gi spyod yul dang yab kyi yul yin gyis bsod snyoms sgrubs la 'tsho bar gyis shig /khyim bdag de 'gyod pa skyes nas des bsams pa/ de bdag gi 'phral gyi bya ba thams cad la sngon du 'gro ba yin na/ bdag gis ci'i phyir spyos snyam mo/ /des bsams pa/ gal te da mthong na bzod pa gsol lo snyam nas des mnyan yod kyi sgor bsdad do/ /dge slong de yang snga dro sham thabs bgos lhung bzed dang chos gos thogs te mnyan yod du bsod snyoms la zhugs pa dang / khyim bdag des de mthong nas des smras pa/ bzhin bzangs khyod rab tu byung na kho bo'i rim gro sus byed par 'gyur/ tshur shog 'dong zhes des lag pa brkyang ste de'i lag pa gnyis nas gzung bar brtsams pa dang / des smras pa/ kho bo cag la rgyal pos gzhon nu'i yongs su spang ba byin nas gal te reg par byed na khyod kyi lag pa khrig ma nas gcod du gzhug go/ de shAkya'i bu'i dge sbyong rnams kyi dge sbyong gi tshul ni tshig pa yin no/ /bram ze'i tshul ni tshig pa yin te/ 'di ltar bran yang rab tu 'byin par byed do zhes smod par byed/ phyar ka gtong bar byed/ kha zer bar byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis dgongs pa/ nyes dmigs gang ci byung ba de ni dge slong dag bran rab tu 'byin pa las gyur pa yin no snyam nas bka' stsal pa/ de lta bas na dge slong gis bran rab tu dbyung bar mi bya'o/ /'ga' zhig gi gan du rab tu 'byung bar 'dod pa 'ongs na des de la bran ma yin nam zhes dri bar bya'o/ /ma dris par rab tu 'byin par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa de la bu lon chags pa zhig gis dus dang dus su dngos dang skyed 'jal bar byed do/ /dus gzhan zhig na khyim bdag des bu lon chags pa de ma tshor ba kho nar bzung nas smras pa/ dngos dang skyed gcig car phul cig ces des de dus cung zad cig tu bzung ste btang ba dang des bsams pa/ khyim bdag 'di mgu dka' bar gyur pas bdag gis dngos dang skyed cig car 'jal mi nus kyis 'bros su 'gro'o snyam mo/ /des bsams pa yul gtong ba ni dka' ba byed pa yin gyis shAkya'i sras kyi dge sbyong 'di dag gis rgyal po las gzhon nu'i yongs su spang ba thob pas 'di dag gi nang du rab tu 'byung bar bya'o snyam nas/ de rgyal byed kyi tshal du song ste dge slong gi gan du song nas smras pa/ 'phags pa bdag rab tu 'byung bar 'tshal lo/ /des de rab tu phyung zhing bsnyen par rdzogs par byas te gdams ngag byin nas/ des brtson pa dang / 'bad pa dang / brtsal bar byas pas nyon mongs pa thams cad spangs pas dgra bcom pa nyid mngon du byas te/ dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan zhag lon par bzhag pa lta bu rig pas sgo nga'i sbubs dral bar gyur cing rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / brjed par bya ba dang / mngon du smra bar bya bar gyur to/ /khyim bdag de 'gyod pa skyes nas des bsams pa/ de bdag la dus dang dus su dngos dang skyed 'bul ba yin na bdag gis ci'i phyir bzung snyam mo/ /des bsams pa/ gal te da mthong na bzod pa gsol lo snyam nas des mnyan yod kyi sgor bsdad do/ /dge slong de yang snga dro sham thabs bgos lhung bzed dang chos gos thogs te mnyan yod du bsod snyoms la zhugs pa dang / khyim bdag des de mthong nas des smras pa/ bzhin bzangs khyod rab tu byung na kho bo la dus dang dus su dngos dang skyed sus 'bul bar 'gyur/ tshur shog 'dong zhes des lag pa brkyang ste de'i lag pa gnyis nas gzung bar brtsams pa dang / des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas khyim bdag de shing ljon pa rtsa ba nas bcad pa bzhin du dge slong de'i rkang pa gnyis la gtugs nas smras pa/ 'phags pa khyod kyis yon tan gyi tshogs 'di lta bu brnyes sam/ thob bo/ /des de la yo byad thams cad kyis bstabs pa dang / thams cad du khyim bdag che ge mo zhig gi bu lon chags pa rab tu byung nas yon tan gyi tshogs de lta bu thob bo zhes sgra grags so/ /ko sa la'i rgyal po gsal rgyal gyis khyim bdag che ge mo zhig gi bu lon chags pa rab tu byung nas yon tan gyi tshogs de lta bu thob bo zhes thos nas/ des blon po rnams la bsgo ba shes ldan dag nga ni rgyal po rgyal rigs spyi bor dbang bskur ba bya ba thams cad kyi mnga' bdag yin pas deng phyin chad 'ga' zhig gi bu lon chags pa rab tu 'byung bar 'dod na des de mi bzlog par bya'o// // mnyan yod na khyim bdag cig 'dug pa de la bu lon chags pa zhig gis dus dang dus su dngos dang skyed 'jal bar byed do/ /dus gzhan zhig na khyim bdag des bu lon chags pa de ma tshor ba kho nar bzung nas smras pa/ dngos dang skyed cig car phul cig ces des de dus cung zad cig bzung nas btang ba dang / des bsams pa/ khyim bdag 'di mgu dka' bar gyur pas bdag gis dngos dang skyed cig car 'jal mi nus kyis 'bros su 'gro'o snyam mo/ /des bsams pa/ yul gtong ba ni dka' ba byed pa yin gyis shAkya'i sras kyi dge sbyong 'di dag gis rgyal po las gzhon nu'i yongs su spang ba thob pas 'di dag gi nang du rab tu 'byung bar bya'o snyam nas/ de rgyal byed kyi tshal du song ste dge slong gi gan du song nas smras pa/ 'phags pa bdag rab tu 'byung bar 'tshal lo/ /des de rab tu phyung zhing bsnyen par rdzogs par byas nas de'i 'og tu nyi ma gnyis sam gsum du kun du spyad pa'i chos dag slob tu bcug nas smras pa/ bzhin bzangs ri dgas kyis ri dgas mi gsos/ mnyan yod rgya che la rang gi spyod yul dang yab kyi yul yin gyis bsod snyoms sgrubs la 'tsho bar gyis shig /khyim bdag de 'gyod pa skyes nas des bsams pa/ de bdag la dus dang dus su dngos dang skyed 'bul ba yin na/ bdag gis ci'i phyir gzung snyam mo des bsams pa/ gal te da mthong na bzod pa gsol lo snyam nas des mnyan yod kyi sgor bsdad do/ /dge slong de yang snga dro sham thabs bgos lhung bzed dang chos gos thogs te mnyan yod du bsod snyoms la zhugs pa dang / khyim bdag des de mthong nas des smras pa/ bzhin bzangs khyod rab tu byung na kho bo la dus dang dus su dngos dang skyed su 'bul bar 'gyur/ tshur shog 'dong zhes des lag pa brkyang ste/ de'i lag pa gnyis nas gzung bar brtsams pa dang des smras pa/ kho bo cag la rgyal pos gzhon nu'i yongs su spang ba byin pas gal te reg par byed na khyod kyi lag pa khrig ma nas gcod du gzhug go/ de shAkya'i bu'i dge sbyong rnams kyi dge sbyong gi tshul ni tshig pa yin no/ /bram ze'i tshul ni tshig pa yin te/ 'di ltar bu lon chags pa yang rab tu 'byin par byed do zhes smod par byed/ phyar ka gtong bar byed/ kha zer bar byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis dgongs pa/ nyes dmigs gang ci byung ba de ni dge slong dag bu lon chags pa rab tu 'byin pa las gyur pa yin no snyam nas bka' stsal pa/ de lta bas na dge slong gis bu lon chags pa rab tu dbyung bar mi bya'o/ /'ga' zhig gi gan du rab tu 'byung bar 'dod pa 'ongs na des de la bu lon chags pa ma yin nam zhes dri bar bya'o/ /ma dris par rab tu 'byin par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod pa de'i bu byung nas bsrings shing bskyed de chen por gyur to/ /dus gzhan zhig na des bu de spyos pa dang / bu des bsams pa/ pha 'di mgu dka' bar gyur pas bdag gis 'di'i sems srung bar byed mi nus kyis 'bros su 'gro'o snyam mo/ /des bsams pa/ yul gtong ba ni dka' ba byed pa yin gyis shAkya'i sras kyi dge sbyong 'di dag ni rgyal po las gzhon nu'i yongs su spang ba thob pas 'di dag gi nang du rab tu 'byung bar bya'o snyam nas/ de rgyal byed kyi tshal du song ste dge slong gi gan du song nas smras pa/ /'phags pa bdag rab tu 'byung bar 'tshal lo/ /des skyabs su 'gro ba dang bslab pa'i gzhi dag byin nas gang gis de zhu bar byed pa'i dge slong la yang gsol ba btab/ gang gis de'i skra dang kha spu dag 'breg par byed pa'i dge slong la yang gsol ba btab gang gis de'i khrus byed pa'i dge slong la yang gsol ba btab/ gang gis de dge tshul nyid du nye bar sgrub par byed pa'i dge slong la yang gsol ba btab ste/ de rab tu phyung nas gang gis de'i las byed pa'i dge slong la yang gsol ba btab/ gang gis de la gsang ste ston pa'i dge slong la yang gsol ba btab/ gang dag de'i las kyi gnas su 'jug par 'gyur ba'i dge slong dag la yang gsol ba btab nas de bsnyen par rdzogs par byed pa na/ khyim bdag de 'ongs nas dris pa/ 'phags pa khye'u 'di 'dra ba zhig mchis pa gzigs sam/ des smras pa/ de zhu bar byed/ de skra dang kha spu dag 'breg par byed/ de khrus byed de/ dge tshul nyid du nye bar sgrub par byed/ de bsnyen par rdzogs par byed do zhes de dag gis de bsnyen par rdzogs par byas nas grib tshod gzhal zhing nyin mtshan gyi cha dang / dus tshigs brjod de/ gnas rnams dang / ltung bar 'gyur ba'i chos rnams dang / dge sbyong byed pa'i chos rnams dang / mchog tu 'dod par bya ba yang dag pa nyid kyis rdzogs pa nyid dang / tshul khrims kyis mnyam par gyur pa nyid bsgrub pa la nges par sbyar bar bya ba dang / tshul dang 'brel pa'i gzugs brnyan la nges par sbyar bar bya ba dang / dul bar gnas pa nyid la nges par sbyar bar bya ba dang / dgos pa rjes su bsgrub pa la nges par sbyar bar bya ba dang / ma brjod pa yang dag par blangs pa yongs su shes pa'i bsgrub par 'gyur ba nyid dang / gus pa la nges par sbyar ba/ shes rab mchog gi bstan pa la/ /khyod ni bsnyen par rdzogs par gyur/ /dal dang 'byor pa rnyed dka' bas/ /'di dag ji lta bzhin du sgrubs/ mdzes pa rab tu dbyung ba dang / /yongs su dag pa bsnyen rdzogs par/ / rdzogs sangs rgyas kyis rab mkhyen te/ /bden pa'i mtshan gyis bka' stsal to/ /zhes bya ba dang / bsgrub par bya ba thabs brjod pa dang bcas pa la nges par sbyar bar byas te/ dge slong de dag langs pa dang khyim bdag de 'ongs te smras pa/ 'phags pa dag ci khyed cag spu gri thogs pa 'ba' zhig gis sdod dam/ gal te bdag la dad pa ma mchis par gyur du lags na 'di'i tshangs par spyod pa'i bar chad du 'gyur ro/ /kye ma khyod kyis zhag bdun nam brgyad cig bsrel na ci nongs shes zer ba'i skabs de bcom ldan 'das la dge slong rnams kyis gsol pa dang / bcom ldan 'das kyis dgongs pa/ nyes dmigs gang ci byung ba de ni dge slong dag rab tu 'byung bar 'dod pa pha mas ma gnang ba zhag bdun mi srel ba las gyur pa yin no snyam nas bka' stsal pa/ de lta bas na 'ga' zhig gi gan du rab tu 'byung bar 'dod pa pha ma gson zhing de gnyis kyis ma gnang bar 'ongs na zhag bdun nam brgyad bsrel bar bya'o/ /bcom ldan 'das kyis rab tu 'byung bar 'dod pa 'ongs na zhag bdun nam brgyad bsrel bar bya'o zhes bka' stsal nas/ rab tu 'byung bar 'dod pa pha mas gnang ba gzhan dag 'ongs shing yul thag ring ba pha mas gtam yang mi thos pa dag kyang 'ongs pa na/ dge slong rnams kyis de dag kyang zhag bdun nam brgyad srel bar byed pas de dag rab tu byung ba ma thob par dong ste/ de nyid tshe dang ldan pa de dag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po'i bar chad du gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ pha mas gnang ba gang dag 'ongs pa dang / yul thag ring po pha mas gtam yang mi thos pa gang dag 'ongs pa de dag ni rab tu dbyung bar bya ste/ 'di la 'gyod par mi bya'o// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i bu byung nas des chung ma la smras pa/ bzang mo yu bu cag gi bu lon 'jal bar byed pa dang / nor spyod pa skyes kyis/ kho bo zong thogs te yul gzhan du 'gro'o/ /rje'i sras de bzhin mdzod cig /de zong thogs te yul gzhan du song ba dang / de de nyid du tshul ma yin pas sdug bsngal bar gyur to/ /mas khye'u de nye du'i mthu dang lag mthus bsnyod cing gsos te bskyed nas/ des khye'u de yig dpon la bcol ba dang / khye'u de'i na zla rnams kyis ni yig 'bru'i yi ge dag lobs nas phyi rol gyi bstan bcos dag klag par brtsams so/ /de ni yig 'bru'i yi ge de dag nyid la slob par byed pa dang / de'i ma yig dpon gyi gan du song ste phyin nas smras pa/ jo bo khye'u 'di'i na zla khye'u dag gis khyod la ci 'bul ba de bdag kyang khyod la 'bul na/ khye'u 'di'i na zla khye'u dag gis ni yi ge'i yig 'bru dag lobs nas phyi rol gyi bstan bcos dag klag par brtsams na/ khye'u 'di ni da dung yig 'bru'i yi ge dag slob par bgyid do/ /des smras pa/ rgyu gnyis kyis rig pa lobs par 'gyur te/ gang la bdag nyid las byung ba'i ngo tsha shes pa yod pa dang / gang la phyi rol las byung ba'i khrel yod pa yod pas so/ /khye'u 'di la ni ngo tsha shes pa yang med la/ khrel yod pa yang med do/ / 'di ltar khyod la yang nyes pa yod de/ kho bos 'di gzhus pa na khyod kyis shed bskyed do/ /des smras pa/ de de bzhin no/ /bdag la nongs pa de mchis te/ khyod kyis gzhus pa bdag gis shed bskyed do/ /dus gzhan zhig na des de gzhus pa dang / de ngu zhing ma'i gan du song ngo / /mas de la smras pa/ bu khyod ci'i phyir ngu / ma bdag yig dpon gyis gzhus so/ /mas kyang de gzhus pa dang khye'u des bsams pa/ gnyi gar nyes dmigs byung ste/ sngon ni bdag gnas gcig tu gzhus na/ da ni gnas gnyi gar gzhus pas bdag gis gnas gnyi gar gnod pa mi bzod pas 'bros so snyam nas de rgyal byed kyi tshal du song ba dang / de na dge tshul zhig me tog thu ba de des mthong nas khye'u des smras pa/ 'phags pa khyod re bde/ ci'i phyir/ gang gi phyir khyod rab tu byung bas so/ /khyod ci'i phyir rab tu mi 'byung / 'phags pa bdag sus rab tu 'byin par 'gyur/ des smras pa/ tshur shog mkhan po'i gan du 'dong zhes des de khrid de mkhan po'i gan du song nas smras pa/ rigs kyi bu 'di rab tu 'byung bar 'tshal gyis 'di rab tu dbyung du gsol/ des de rab tu phyung ngo / /de'i ma yig dpon gyi gan du song ste smras pa/ khye'u de da gar mchis/ de de ring kho bos gzhus so/ /des kyang smras pa/ bdag gis kyang de de ring gzhus so/ /yig dpon gyis smras pa/ de bros kyis tshol du song shig /des dka' thub kyi tshal dang mu stegs kyi gnas de dang de dag tu bu 'dri zhing song ste dris na de'i gtam thos pa yang su yang med do/ /de mnyan yod du song ste sgor bsdad pa dang dge tshul de yang snga dro sham thabs bgos lhung bzed dang chos gos thogs te/ phyi bzhin 'brang ba'i dge sbyong dge tshul de nyid dang mnyan yod du bsod snyoms la zhugs pa dang des de mthong nas des brang brdungs te smras pa/ bu dka' thub kyi tshal dang mu stegs kyi gnas de dang de dag tu kho mos khyod kyi phyir ma btsal ba de dag gang yod de/ khyod kyi gtam thos pa yang su yang med na/ khyod shAkya'i bu'i rkun ma rnams kyi nang du ci'i phyir rab tu 'byung / tshur shog 'dong zhes des de'i lag pa gnyis nas bzung nas khyim du khrid do/ /de nyid tshe dang ldan pa de legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po'i bar chad du gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis dgongs pa/ nyes dmigs gang ci byung ba de ni dge slong dag dge 'dun la ma zhus par rab tu 'byin pa las gyur pa yin no snyam nas bka' stsal pa/ de lta bas na dge slong gis dge 'dun la ma zhus par rab tu dbyung bar mi bya'o/ /'ga' zhig gi gan du rab tu 'byung bar 'dod pa 'ongs na des de dge 'dun la zhur gzhug par bya'o/ /ma zhus par rab tu 'byin par byed na 'gal tshabs can du 'gyur ro// //sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /rgyal po'i khab na bram ze zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i bu byung nas bsrings shing bskyed de chen por gyur to/ /de dus gzhan zhig na na bar gyur nas sman pa thams cad kyis bor ba dang mas de la smras pa/ bu 'tsho byed gzhon nus gsos 'di ni sman pa'i rgyal po bla na med pa yin gyis 'di'i gan du song shig /de 'tsho byed kyi gan du song ste smras pa/ 'tsho byed bdag la gsos mdzod cig /des smras pa/ bzhin bzangs khyod ni gso dka' la 'di ltar kho bo yang gzhan su'i gsos kyang mi byed de/ kho bo ni sangs rgyas bcom ldan 'das nyan thos kyi dge 'dun dang bcas pa dang / rgyal po btsun mo'i 'khor dang bcas pa gnyis kyi gsos byed do/ /de ma'i gan du song ba dang mas smras pa/ bu khyod 'tsho byed kyi gan du son tam/ ma bdag gis 'tsho byed kyi gan du son na de na re khyod ni gso dka' la/ 'di ltar kho bo yang gzhan su'i gsos kyang mi byed de/ kho bo ni sangs rgyas bcom ldan 'das nyan thos kyi dge 'dun dang bcas pa dang / rgyal po btsun mo'i 'khor dang bcas pa gnyis kyi gsos byed do zhes zer ro/ /bu gal te de lta na rab tu byung shig /ma bdag rigs kyi mchog tu gyur nas ji ltar shAkya'i bu'i dge sbyong rigs sna tshogs can rnams kyi nang du rab tu 'byung bar bya/ des smras pa/ bu khyod kyi glad par rtswa ku sha skye bar 'gyur ram ci babs so cog /de 'od ma'i tshal du song ste dge slong gi gan du song nas smras pa/ 'phags pa bdag rab tu 'byung bar 'tshal lo/ /des de rab tu phyung ba dang de mkhun zhing 'dug go/ des smras pa/ ci'i phyir mkhun cing 'dug /mkhan po bdag bro 'tshal to/ / des smras pa/ bzhin bzangs ci khyod rab tu byung nas 'di ltar na bar gyur tam/ mkhan po bdag rab tu byung nas 'di ltar bro 'tshal bar ma gyur gyi/ bdag bro 'tshal bzhin du rab tu byung ngo / /ci'i phyir khyod kyis kho bo la ma smras/ des smras pa/ mkhan po khyod kyis bdag la smras sam ci/ de mi dga' bar gyur cing 'dug pa dang / de'i lhan cig gnas pa dang nye gnas rnams lhags te smras pa/ mkhan po khyod ci'i slad du mi dgyes shing bzhugs/ bu dag rigs kyi bu 'di na bzhin du rab tu phyung bas kho bos nad brang nye bar gzhag go/ /de dag gis smras pa/ mkhan po bcom ldan 'das kyis skyes bu dam pa ni gnyis te/ khur ma blangs pa len par mi byed pa dang / gang khur blangs pa mthar phyin par byed pa'o zhes bka' stsal pas khur blangs pa 'di mthar phyin par mdzod cig /de dag phan tshun smra zhing 'khod pa na 'tsho byed kyang phyogs der 'ongs nas de dag gis de la smras pa/ 'tsho byed gzhon nu 'di'i nad ci yin ltos shig /des smras pa/ bro lci ste/ 'di ltar rgyal pos 'di'i yo byad thams cad sbyar cing bdag gis 'di'i gsos bgyis la/ 'phags pa dag gis bro g.yog mdzad na ring po mi thogs pa kho nar sos par 'gyur ro zhes des de'i gsos byas pa dang de sos par gyur to/ /des smras pa/ mkhan po bdag gang gi don du rab tu 'byung ba'i don de bdag gis thob kyis mchi'o/ /des smras pa/ bu khyod kyis dgra bcom pa nyid mngon du byas sam/ mkhan po ma bgyis so/ /'o na ci khyod kyis phyir mi 'ong ba'i 'bras bu'am/ lan gcig phyir 'ong ba'i 'bras bu'am/ rgyun du zhugs pa'i 'bras bu mngon du byas sam/ mkhan po ma bgyis te/ bdag bro 'tshal bas rab tu byung na da bdag sos par gyur to/ /des smras pa/ bu gang du 'gro/ mkhan po sdum par 'chi'o/ /des smras pa/ bzhin bzangs gang gi phyir khyod kyis legs par gsungs pa'i chos 'dul ba la rab tu byung nas dge sbyong gi 'bras bu bzhi po dag las dge sbyong gi 'bras bu gang yang rung ba thob par bya ba yin na/ khyod dad pas sbyin par bya ba chud gzan nas tshul bzhin ma yin pas sdug bsngal skyed par byed dam/ des de'i tshig tshig ma yin par byas te song nas/ de byas pa shes pas 'tsho byed la lo ma dag dang / me tog dag dang / 'bras bu dag dang / so shing dag stobs par byed do/ /'tsho byed kyis smras pa/ bzhin bzangs khyod kho bo las ci zhig 'dod/ des smras pa ci yang mi 'tshal te/ 'di ltar bdag bgyis pa 'tshal bas khyod la lo ma dag dang / me tog dag dang / 'bras bu dag dang / so shing dag stobs par bgyid do/ /des smras pa/ bzhin bzangs khyod la kho bos ci zhig byas/ bdag bro 'tshal ba la khyod kyis gsos bgyis so/ /des smras pa/ kho bos mi dran no/ /bdag gis khyod dgongs par bgyi'o zhes des de dran par byas pa dang 'tsho byed kyis smras pa/ bzhin bzangs gang gi phyir khyod kyis legs par gsungs pa'i chos 'dul ba la rab tu byung nas dge sbyong gi 'bras bu bzhi po dag las dge sbyong gi 'bras bu gang yang rung ba thob par bya ba yin na/ khyod dad pas sbyin par bya ba chud gzan nas tshul ma yin pas sdug bsngal skyed par gyur tam/ 'tsho byed kyis bsams pa/ 'di ni bdag gi bya ba kho na yin gyis/ bcom ldan 'das kyi spyan sngar 'gro snyam mo/ /de nas 'tsho byed gzhon nus gsos bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la 'tsho byed gzhon nus gsos kyis 'di skad ces gsol to/ /btsun pa 'phags pa 'di dag rigs kyi bu bro 'tshal ba rab tu 'byin par bgyid/ bsnyen par rdzogs par bgyid pas btsun pa re shig rgyal po'i mdzod dang bang ba dag kyang bsrabs pa dang / yongs su bas pa dang / yongs su gtugs par 'gyur la/ bdag gi lus kyang ngal zhing 'phags pa dag gi dge ba'i phyogs kyang yongs su nyams par 'gyur bas/ kye ma bcom ldan 'das kyis thugs brtse ba'i slad du gang gis 'phags pa dag rigs kyi bu bro 'tshal ba rab tu 'byin pa dang / bsnyen par rdzogs par mi bgyid pa dran par bgyi ba cung zhig bca' ba mdzad na legs so/ /bcom ldan 'das kyis 'tsho byed gzhon nus gsos la cang mi gsung bas gnang ngo / /de nas 'tsho byed gzhon nus gsos kyis bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /bcom ldan 'das kyis dgongs pa/ nyes dmigs gang ci byung ba de ni dge slong dag nad pa rab tu 'byin par byed pa las gyur pa yin no snyam nas bka' stsal pa/ de lta bas na dge slong gis nad pa rab tu dbyung bar mi bya'o/ /'ga' zhig gi gan du rab tu 'byung bar 'dod pa 'ongs na des de la nad pa ma yin nam zhes dri bar bya'o/ /ma dris par rab tu 'byin par byed na 'gal tshabs can du 'gyur ro// //sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /gang gi tshe bcom ldan 'das kyis ser skya'i gnas kyi shAkya rnams kyi khyim dag nas re re rab tu phyung ba de'i tshe na de dag gi gan du nye du dag lhags nas/ de dag nye du lhags pa de dag la chos ston par byed do/ /de dag chos thos nas de nyid du rab tu phyung ba na shAkya mo la la'i ni pha rab tu phyung / la la'i ni ming po/ la la'i ni khyim thab/ la la'i ni skud po/ /la la'i ni bu rab tu byung ba dang de dag mya ngan gyis non nas mtshan mo'i tho rangs kyi dus kyi tshe snying rje rje skad du ngu'o/ /rgyal po zas gtsang gis mtshan mo'i tho rangs kyi dus kyi tshe na shAkya'i bu mo rab tu mang po dag snying rje rje skad du ngu ba'i sgra thos so/ /thos nas kyang shAkya rnams la smras pa/ shes ldan dag ci'i phyir mtshan mo'i tho rangs kyi dus kyi tshe shAkya mo rab tu mang po dag snying rje rje skad du ngu / de dag gis smras pa/ lha 'phags pa 'di dag gis rigs kyi bu pha mas ma gnang ba rab tu 'byin par bgyid/ bsnyen par rdzogs par bgyid de/ shAkya mo la la'i ni pha rab tu phyung / la la'i ni ming po/ la la'i ni khyim thab/ la la'i ni skud po/ la la'i ni bu rab tu byung ba dang de dag mya ngan gyis non nas mtshan mo'i tho rangs kyi dus kyi tshe snying rje rje skad du ngu'o/ /rgyal po zas gtsang gis bsams pa/ 'di ni bdag gi bya ba kho na yin gyis/ bcom ldan 'das kyi spyan sngar 'gro'o snyam mo/ /de nas rgyal po zas gtsang bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la rgyal po zas gtsang gis 'di skad ces gsol to/ /bcom ldan 'das bdag la dam pa 'os so/ /bde bar gshegs pa bdag la dam pa 'os so/ /rgyal po chen po de bzhin gshegs pa dgra bcom pa yang dag par rdzogs pa'i sangs rgyas rnams ni dam pa las 'das pa kho na yin na/ khyod la dam pa ci zhig sbyin smros shig /'phags pa rnams kyis brnyes sla ba gang lags pa'o/ /gal te rnyed sla ba yin na sbyin no/ /btsun pa gang gi tshe bcom ldan 'das 'khrungs pa de'i tshe na bdag bcom ldan 'das 'khor los sgyur ba'i rgyal por 'gyur la/ bdag kyang nam mkha'i ngos la rgyu zhing gling bzhi dag tu rjes su mchi'o snyam pas bde ba dang yid bde ba mi chung ba dang ldan pa las/ btsun pa gang gi tshe bcom ldan 'das rab tu byung ba de'i tshe na bdag gi 'khor los sgyur bar re ba gang lags pa de ma mchis par gyur to/ /gzhan yang gzhon nu mdzes dga' 'di stobs kyis 'khor los sgyur ba'i rgyal por 'gyur ro snyam du re ba tsam du gyur pa las gang gi tshe gzhon nu mdzes dga' rab tu byung ba de'i tshe na bdag gi stobs kyi 'khor los sgyur bar re ba gang lags pa de yang ma mchis par gyur to/ /gzhan yang gzhon nu sgra gcan zin bzang po 'di dngos brtsan pa'i rgyal por 'gyur ro snyam du re ba tsam du gyur pa las/ gang gi tshe gzhon nu sgra gcan zin bzang po rab tu byung ba de'i tshe na bdag gi rgyal po dngos brtsan par re ba gang lags pa de yang thams cad kyi thams cad du ma mchis par gyur to/ /btsun pa gzhan yang pha ma dag ni bu la bag dro bar gyur pa lags na/ btsun pa 'phags pa 'di dag rigs kyi bu pha mas ma gnang ba rab tu 'byin par bgyid/ bsnyen par rdzogs par bgyid pas/ kye ma bcom ldan 'das kyis thugs brtse ba'i slad du gang gis 'phags pa dag rigs kyi bu pha mas ma gnang ba rab tu 'byin pa dang bsnyen par rdzogs par mi bgyid par dran par bgyi ba cung zhig bca' ba mdzad na legs so/ /bcom ldan 'das kyis rgyal po zas gtsang la cang mi gsung bas gnang ngo / /de nas rgyal po zas gtsang gis bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /bcom ldan 'das kyis dgongs pa/ nyes dmigs gang ci byung ba de ni dge slong dag rigs kyi bu pha mas ma gnang ba rab tu 'byin par byed/ bsnyen par rdzogs par byed pa las gyur pa yin no snyam nas bka' stsal pa/ de lta bas na dge slong gis rigs kyi bu pha mas ma gnang ba rab tu dbyung bar mi bya/ bsnyen par rdzogs par mi bya'o/ /'ga' zhig gi gan du rab tu 'byung bar 'dod pa 'ongs na des de la pha mas gnang ngam/ zhes dri bar bya'o/ /ma dris par rab tu 'byin par byed na 'gal tshabs can du 'gyur ro/ / bcom ldan 'das kyis dge slong gis rigs kyi bu pha mas ma gnang ba rab tu dbyung bar mi bya/ bsnyen par rdzogs par mi bya'o zhes bka' stsal nas/ pha mas ma gnang ba yul thag ring ba pha mas gtam yang mi thos pa gzhan dag 'ongs na/ dge slong rnams kyis de dag kyang rab tu 'byin par mi byed pas de dag rab tu 'byung ba ma thob par dong ste/ de nyid tshe dang ldan pa de dag legs par gsungs pa'i chos 'dul ba la rab tu 'byung ba dang / bsnyen par rdzogs pa dge slong gi dngos po'i bar chad du gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ pha mas ma gnang ba yul thag ring po pha mas gtam yang mi thos pa gang dag 'ongs na de dag ni rab tu dbyung bar bya ste/ 'di la 'gyod par mi bya'o// // sdom la/ bya rog skrod dang sun phyung dang / /rku thabs gnas dang ma ning dang / /dud 'gro dang ni mu stegs can/ / ma bsad pa dang pha bsad pa'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe 'phags skyes po mi gti mug can gyis ser skya'i gnas na gnas pa'i shAkya khon med pa dang / mi 'gran pa dang / mi 'khu ba dag bsad pa de'i tshe na tshe dang ldan pa kun dga' bo'i sring mo'i bu gnyis shig pha mas bor nas/ de dang de na 'khyam pa las mnyan yod kyi tshong pa dag zong thogs te ser skya'i gnas su dong ba dang / de dag gis de gnyis bzhin gzugs las ngo shes nas smras pa/ khye'u gnyis khyod kyi pha ma gnyis gang na/ de gnyis kyis smras pa/ 'phags skyes po mi gti mug can gyis bsad do/ /mnyan yod na khyed gnyis kyi zhang po btsun pa kun dga' bo zhes bya ba dge slong rab tu grags pa 'dug na ci'i phyir der mi 'dong / de gnyis kyis smras pa/ kho bo cag su zhig gi sa der khrid par 'gyur/ kho bo cag gis dkri'o/ de dag gi zong sgyur nas rin blangs te khye'u de gnyis khrid nas mnyan yod du dong ste/ de dag gis khye'u de gnyis rgyal byed kyi tshal gyi sgor bor ba dang / tshe dang ldan pa kun dga' bos de gnyis bzhin gzugs las ngo shes nas des smras pa/ khye'u gnyis khyed gnyis kyi pha ma gnyis gang na/ de gnyis kyis smras pa/ 'phags skyes po mi gti mug can gyis bsad do/ /tshe dang ldan pa kun dga' bo nye du la mnyes gshin pa yin pas des nye du dang bral ba thos nas mchi mas brnangs te 'dug go/ dge slong rnams kyis de la smras pa/ tshe dang ldan pa kun dga' bo khyod kyi khye'u 'di gnyis su dag cig yin/ sring mo'i bu dag go/ khyod ci'i phyir 'di gnyis sdud par mi byed/ des smras pa/ kho bo ni lto 'grangs tsam gyi bsod snyoms blangs nas phyir 'byung na kho bos 'di gnyis la gang nas sbyin/ de dag gis smras pa/ khye'u 'di gnyis kyis dge slong dag la lo ma dang / me tog dang / 'bras bu dag 'bul na/ dge slong dag kyang 'di gnyis la lhung bzed kyi lhag ma sbyin par 'gyur ro/ /des de gnyis bsdus nas dge slong dag la lo ma dang / me tog dang / 'bras bu dag 'bul du gzhug par brtsams pa dang / dge slong dag kyang de gnyis la lhung bzed kyi lhag ma sbyin par byed do/ /de dag gis de gnyis la zhag nyung shas shig byin nas yang mi sbyin par brtsams pa dang / tshe dang ldan pa kun dga' bo lto 'grangs tsam gyi bsod snyoms blangs nas phyir 'byung bar byed cing de phyed ni bdag nyid za bar byed/ phyed ni de gnyis la sbyin par byed pa na skya bo bseng bseng po rid pa dang / nyam chung ba dang / rke ba dang / skam pa dang / lus ma thob par gyur to/ /sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan pa mi rmed pas sangs rgyas bcom ldan 'das rnams ni don dang mi ldan pa rmed pa la chu lon gyis zlog par mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas sangs rgyas bcom ldan 'das kyis dge slong rnams la rmas pa/ dge slong dag ci'i phyir dge slong kun dga' bo skya bo bseng bseng po rid pa dang / nyam chung ba dang / rke ba dang / skam pa dang / lus ma thob par gyur/ de dag gis gsol pa/ bcom ldan 'das tshe dang ldan pa kun dga' bo'i sring mo'i bu gnyis shig pha mas bor nas tshe dang ldan pa kun dga' bo g.yar bltam gyi bsod snyoms blangs nas slar 'byung zhing de phyed ni bdag nyid 'tshal bar bgyid/ phyed ni de gnyis la stsol bas des na tshe dang ldan pa kun dga' bo 'di skya bo bseng bser po rid pa dang / nyam chung ba dang / rke ba dang / skam pa dang / lus ma thob par gyur to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khye'u de gnyis rab tu mi 'byin tam/ bcom ldan 'das rab tu 'byin to/ /bcom ldan 'das kyis bka' stsal pa/ de lta bas na rab tu 'byung bar 'dod pa dge 'dun gyi zan sbyin par rjes su gnang ngo / /bcom ldan 'das kyis rab tu 'byung bar 'dod pa dge 'dun gyis zan sbyin par bya'o zhes bka' stsal nas/ dge slong dag gis zhag nyung shas shig byin nas smod par brtsams so/ /de nas bcom ldan 'das kyis tshe dang ldan pa kun dga' bo la yang lan gnyis su bka' stsal pa/ kun dga' bo khye'u de gnyis rab tu mi 'byin tam/ btsun pa de gnyis kyis dgung lo bcwa lnga ma lags so/ /khye'u de gnyis kyis dge 'dun gyi skos mal nas bya rog skrod nus sam/ btsun pa rngo thog go/ kun dga' bo de lta bas na lo bdun lon pa bya rog skrod nus pa yongs su spang bas rab tu dbyung bar rjes su gnang ngo / /tshe dang ldan pa kun dga' bos de gnyis rab tu phyung ngo / /rab tu phyung nas klog tu gzhug par brtsams pa dang / de gnyis kyis zhag nyung shas shig blags nas mi nyan par brtsams pa dang / tshe dang ldan pa maud gal gyi bu chen pos tshe dang ldan pa kun dga' bo la smras pa/ tshe dang ldan pa kun dga' bo dge tshul 'di gnyis ci'i phyir klog tu mi gzhug /des smras pa/ gnas brtan bdag la mnyan par mi bya bar sems na bdag gis ji ltar bya/ bdag gis 'di gnyis klog tu gzhug go/ des smras pa/ gnas brtan de bzhin gyis shig /des de gnyis klog tu gzhug par brtsams so/ /de gnyis kyis de la yang zhag nyung shas shig blags nas de la yang mi nyan par brtsams pa dang / tshe dang ldan pa kun dga' bos smras pa/ gnas brtan dge tshul 'di gnyis ci'i phyir klog tu mi gzhug /des smras pa/ tshe dang ldan pa kun dga' bo 'di gnyis kyis bdag la yang mi mnyan par brtsams so/ /tshe dang ldan pa kun dga' bos smras pa/ gnas brtan dge tshul 'di gnyis re shig yid byung bar gyis shig /tshe dang ldan pa maud gal gyi bu chen pos de gnyis la smras pa/ dge tshul gnyis nyin mo spyod du 'dong ngo / /de gnyis kyis smras pa/ 'phags pa bzhud do/ /stan khyer cig /tshe dang ldan pa maud gal gyi bu chen pos dge tshul de gnyis khrid nas nyin mo spyod du song ngo / /de na tshe dang ldan pa maud gal gyi bu chen pos phyogs gcig tu sems can dmyal ba dag tu sprul te/ de na gcod pa dang / 'tsheg pa dang / rdung ba dang / 'dral ba la sogs pa'i sgra dag grag go/ de gnyis kyis smras pa/ 'phags pa 'di ci lags/ des smras pa/ deng la ltos shig /de gnyis der dong ba dang ji tsam na gcod pa dang / 'tsheg pa dang / rdung ba dang / 'dral ba la sogs pa'i las dag byed cing / de na kha cig ni sog le dag gis 'tsheg par byed/ kha cig ni rang thag dag gis 'thag par byed/ kha cig ni zangs po che khol ba dag gi nang du 'jud par byed de/ de na lcags kyi zangs po che gnyis shig khol zhing 'dug pa mthong nas de gnyis kyis smras pa/ shes ldan dag 'di gnyis su su yang mi gzhug gam/ de dag gis smras pa/ su yang mi gzhug ste/ 'di ltar 'phags pa kun dga' bo'i sring mo'i bu gnyis rab tu byung nas le los 'da' bar byed pa de gnyis shi zhing dus la bab na 'dir skye bar 'gyur bas de gnyis kyi don du bzhag go/ de gnyis shin tu skrag nas gal te shes na deng nyid du bcug par 'ong ngo snyam nas phyogs bzhir rnam par blta bar brtsams nas/ de gnyis tshe dang ldan pa maud gal gyi bu chen po'i gan du dong ba dang / tshe dang ldan pa maud gal gyi bu chen pos smras pa/ khyed kyis mthong ngam/ 'phags pa mthong ngo / /de na ci yod/ sems can dmyal ba dag mchis so/ /de na ci byed/ de gnyis kyis smras pa/ gcod pa dang / 'tsheg pa dang / rdung ba dang / 'dral ba la sogs pa'i las dag bgyid cing de na kha cig ni sog le dag gis 'tsheg par bgyid/ kha cig ni rang thag dag gis 'thag par bgyid/ kha cig ni zangs po che khol ba dag gi nang du stsol bar bgyid de/ de na lcags kyi zangs po che gnyis shig khol zhing mchis pa mthong nas bdag cag gis shes ldan dag 'di gnyis su su yang mi gzhug gam zhes bgyis na/ de dag gi mchid nas su yang mi gzhug ste/ 'di ltar 'phags pa kun dga' bo'i sring mo'i bu gnyis rab tu byung nas le los 'da' bar byed pa de gnyis shi zhing dus la bab na 'dir skye bar 'gyur bas de gnyis kyi don du bzhag go zhes mchi'o/ /dge tshul gnyis de ltar na nyes dmigs 'di dag dang / gzhan dag kyang le los 'byung bar 'gyur bas brtson 'grus gyis shig /de gnyis brtson 'grus rtsom pa bklag par bya bar brtsams shing / gal te snga dro sems can dmyal ba dran na ni zan za bar yang mi byed la/ gal te phyi dro dran na ni zas de skyug par 'gyur bas de gnyis skya bo bseng bseng po rid pa dang / nyam chung ba dang / rke ba dang / skam pa dang / lus ma thob par gyur nas des smras pa/ tshe dang ldan pa kun dga' bo de gnyis yid byung bar byas zin to/ /gnas brtan da ni gzeng stod cig /tshe dang ldan pa maud gal gyi bu chen pos de gnyis la smras pa/ dge tshul gnyis nyin mo spyod du 'dong ngo / /de gnyis kyis smras pa/ 'phags pa bzhud de/ phyogs gzhan du bzhud kyi der ni mi bzhud do/ /stan khyer cig /de nas tshe dang ldan pa maud gal gyi bu chen pos de gnyis khrid nas nyin mo spyod du song ngo / /de na tshe dang ldan pa maud gal gyi bu chen pos phyogs gcig gcig tu lha dag sprul te/ de na pi bang dang / 'od ma dang / bal la ri dang / ma ha ti dang / su g+ho Sha ka dag gi sgra dag grag go/ de gnyis kyis smras pa/ 'phags pa 'di ci lags/ des smras pa/ deng la ltos shig /de gnyis der dong ba dang / ji tsam na pi bang dang / 'od ma dang / bal la ri dang / ma ha ti dang / su g+ho Sha ka dag gi sgra dag sgrogs shing de na gzhal med khang mal cha dang stan bshams pa lha'i bu mo dag gis yongs su gang ba gnyis shig yod de/ de gnyis na lha'i bu su yang mi 'dug pa mthong nas de gnyis kyis smras pa/ shes ldan dag ci'i phyir gzhal med khang 'di gnyis na lha'i bu su yang mi 'dug /de dag gis smras pa/ su yang mi 'dug go/ /ci'i phyir/ de dag gis smras pa/ 'phags pa kun dga' bo'i sring mo'i bu gnyis rab tu byung nas brtson 'grus brtsams shing spyod pa de gnyis shi zhing dus la bab na 'dir skye bar 'gyur bas de gnyis kyi don du bzhag go/ de gnyis yongs su dga' nas tshe dang ldan pa maud gal gyi bu chen po'i gan du dong ba dang / tshe dang ldan pa maud gal gyi bu chen pos de gnyis la smras pa/ khyed kyis mthong ngam/ 'phags pa mthong ngo / /de na ci yod/ lha dag mchis so/ /de na ci byed/ de gnyis kyis smras pa/ pi bang dang / 'od ma dang / bal la ri dang / ma ha ti dang / su g+ho Sha ka dag gi sgra dag sgrogs shing de na gzhal med khang mal cha dang stan bshams pa lha'i bu mo dag gis yongs su gang ba gnyis shig mchis te/ de gnyis na lha'i bu su yang ma mchis pa mthong nas/ bdag cag gnyis kyis shes ldan dag ci'i phyir gzhal med khang 'di gnyis na lha'i bu su yang mi 'dug ces bgyis na/ de dag gi mchid nas su yang mi 'dug go/ ci'i phyir zhes bgyis na de dag gi mchid nas/ 'phags pa kun dga' bo'i sring mo'i bu gnyis rab tu byung nas brtson 'grus brtsams shing spyod pa de gnyis shi zhing dus la bab na 'dir skye bar 'gyur bas de gnyis kyi don du bzhag go zhes mchi'o/ /dge tshul gnyis de lta na phan yon 'di dag dang / gzhan dag kyang brtson 'grus brtsams pa las 'byung bar 'gyur bas brtson 'grus gyis shig / //'dul ba gzhi/ bam po brgyad pa/ de gnyis brtson 'grus rtsom pas klag par bya bar brtsams te lung nod dang / ji tsam na gleng gzhi dang / yang dag par ldan pa'i rgyud du gtogs pa las/ de nas bcom ldan 'das kyi phyag gi sen mo'i rtse mos rdul dag bzhes nas dge slong rnams la bka' stsal pa/ dge slong dag ji snyam du sems/ ngas sen mo'i rtse mos rdul dag blangs pa gang dag yin pa dang / sa la gnas pa'i rdul gang dag yin pa de dag gang mang snyam/ btsun pa bcom ldan 'das kyi phyag gi sen mo'i rtse mos rdul dag bzhes pa gang dag lags pa de dag ni nyung ba dang / nyung ngu dang / nyung shas dang / nyung zad lags te/ de dag dog sa la gnas pa'i rdul dag dang bskrun na brgya'i char yang nye bar mi mchi/ stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi mchi'o/ /bcom ldan 'das kyis bka' stsal pa/ dge slong dag sa la gnas pa'i rdul dag ji snyed pa de snyed kyi sems can dag ni sems can dmyal ba rnams kyi nang nas shi 'phos te sems can dmyal ba rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni sems can dmyal ba rnams kyi nang nas shi 'phos te mi rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni sems can dmyal ba rnams kyi nang nas shi 'phos te dud 'gro rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni sems can dmyal ba rnams kyi nang nas shi 'phos te mi rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni sems can dmyal ba rnams kyi nang nas shi 'phos te yi dags rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni sems can dmyal ba rnams kyi nang nas shi 'phos te mi rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni sems can dmyal ba rnams kyi nang nas shi 'phos te sems can dmyal ba rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni sems can dmyal ba rnams kyi nang nas shi 'phos te lha rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni sems can dmyal ba rnams kyi nang nas shi 'phos te dud 'gro rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni sems can dmyal ba rnams kyi nang nas shi 'phos te lha rnams kyi nang du skye bar 'gyur ro/ / sa la gnas pa'i rdul dag ji snyed pa de snyed kyi sems can dag ni sems can dmyal ba rnams kyi nang nas shi 'phos te yi dags rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni sems can dmyal ba rnams kyi nang nas shi 'phos te lha rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni dud 'gro rnams kyi nang nas shi 'phos te dud 'gro rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni dud 'gro rnams kyi nang nas shi 'phos te mi rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni dud 'gro rnams kyi nang nas shi 'phos te sems can dmyal ba rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni dud 'gro rnams kyi nang nas shi 'phos te mi rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni dud 'gro rnams kyi nang nas shi 'phos te yi dags rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni dud 'gro dag gi nang nas shi 'phos te mi rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni dud 'gro rnams kyi nang nas shi 'phos te dud 'gro rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni dud 'gro rnams kyi nang nas shi 'phos te lha rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni dud 'gro rnams kyi nang nas shi 'phos te sems can dmyal ba rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni dud 'gro rnams kyi nang nas shi 'phos te lha rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni dud 'gro rnams kyi nang nas shi 'phos te yi dags rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni dud 'gro rnams kyi nang nas shi 'phos te lha rnams kyi nang du skye bar 'gyur ro/ / sa la gnas pa'i rdul dag ji snyed pa de snyed kyi sems can dag ni yi dags rnams kyi nang nas shi 'phos te yi dags rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni yi dags rnams kyi nang nas shi 'phos te mi rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni yi dags rnams kyi nang nas shi 'phos te sems can dmyal ba rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni yi dags rnams kyi nang nas shi 'phos te mi rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni yi dags rnams kyi nang nas shi 'phos te dud 'gro rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni yi dags rnams kyi nang nas shi 'phos te mi rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni yi dags rnams kyi nang nas shi 'phos te yi dags rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni yi dags rnams kyi nang nas shi 'phos te lha rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni yi dags rnams kyi nang nas shi 'phos te sems can dmyal ba rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni yi dags rnams kyi nang nas shi 'phos te lha rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni yi dags rnams kyi nang nas shi 'phos te dud 'gro rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni yi dags rnams kyi nang nas shi 'phos te lha rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni lha rnams kyi nang nas shi 'phos te sems can dmyal ba rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni lha rnams kyi nang nas shi 'phos te lha rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni lha rnams kyi nang nas shi 'phos te dud 'gro rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni lha rnams kyi nang nas shi 'phos te lha rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni lha rnams kyi nang nas shi 'phos te yi dags rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni lha rnams kyi nang nas shi 'phos te lha rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni mi rnams kyi nang nas shi 'phos te sems can dmyal ba rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni mi rnams kyi nang nas shi 'phos te mi rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni mi rnams kyi nang nas shi 'phos te dud 'gro rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni mi rnams kyi nang nas shi 'phos te mi rnams kyi nang du skye bar 'gyur ro/ /sa la gnas pa'i rdul dag ji snyed pa de snyed kyi sems can dag ni mi rnams kyi nang nas shi 'phos te yi dags rnams kyi nang du skye bar 'gyur gyi/ sen mo'i rtse mo la gnas pa'i rdul dag ji snyed pa de snyed kyi sems can dag ni mi rnams kyi nang nas shi 'phos te mi rnams kyi nang du skye bar 'gyur ro/ /zhes gsungs pa 'khor lo bzhin du sbyar ba blags pa dang / de gnyis kyis smras pa/ 'phags pa bdag cag gis kyang lha dang mi rnams kyi nang nas shi 'phos te sems can dmyal ba dang / dud 'gro dang / yi dags rnams kyi nang du skye bar bgyi 'am/ des smras pa/ bzhin bzangs gnyis 'gro ba lnga pa'i 'khor bar ji srid du nyon mongs pa rnams rgyun chad par ma gyur pa de srid du zo chun rgyud mo'i tshul gyis yongs su 'khor bar bya dgos so/ /de gnyis yid byung nas tshigs su bcad pa smras pa/ gang phyir mi gnas lha rnams mi bzang ste/ /'tsho ba thung ba'i mi rnams mi bzang ngo / /gang na zhi med srid pa mi bzang ste/ /mya ngan 'das pa mchog ces bde gshegs gsung / /'phags pa ci nas kyang bdag cag 'khor bar 'khor ba na slan chad nyon mongs pa de lta bu dag kun du spyod par mi 'gyur ba de ltar bdag cag la chos bstan du gsol/ tshe dang ldan pa maud gal gyi bu chen pos de gnyis kyi bsam pa dang / bag la nyal ba dang / khams dang / rang bzhin khong du chud nas gang thos nas de gnyis kyis nyon mongs pa thams cad spangs pas dgra bcom pa nyid mngon du byas te/ dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan dang ste'ur mnyam pa/ rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur pa de lta bu'i chos bstan pa byas so/ /de gnyis rdzu 'phrul gyis steng gi nam mkha' la me tog dag mthu zhing 'dong ba dge slong rnams kyis mthong nas de dag gis smras pa/ tshe dang ldan pa dag 'di gnyis gang dag yin/ che ge mo dang che ge mo yin no/ /de dag gis smras pa/ bdag cag lhung bzed nag por zos nas so dag lhung zhing mgo byi bor gyur kyang bdag cag gis sems rtse gcig pa yang ma thob na/ tshe dang ldan pa 'di gnyis dang po lo bdun kho na lon te rab tu byung na nyon mongs pa thams cad spangs pas dgra bcom pa nyid mngon du byas pas bcom ldan 'das kyis kun dga' bo brtson 'grus kyis byang chub 'thob bo zhes bka' stsal pa de ni legs par gsungs pa yin no/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa dge tshul 'di gnyis kyis las ci zhig bgyis na las de'i rnam par smin pas lo bdun kho na lags na rab tu byung ste/ bcom ldan 'das kyi 'dul ba la nyan thos rnams kyi bslab pa'i gzhi bca' ba mdzad pa gang lags pa de 'di gnyis kho na la brten nas bag yangs su mdzad cing nyon mongs pa thams cad spangs pas dgra bcom pa nyid mngon du bgyis/ bcom ldan 'das kyis bka' stsal pa/ dge slong dag 'di gnyis nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas 'di gnyis nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag pa rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung 'jig rten du byung ste/ de dge slong gi 'khor nyi khri dang bA rA Na sI na drang srong smra ba ri dgas kyi nags na nye bar rten cing bzhugs so/ /bA rA Na sI na khyim bdag phan tshun bshes pa gnyis shig gzhon nu'i gnas skabs su rab tu 'byung bar 'dod na de gnyis kyis nye du dag las rab tu 'byung ba ma thob nas/ gang gi tshe lang tsho yol bar gyur pa de'i tshe na de gnyis kyis nye du dag la bltas te yang dag par rdzogs pa'i sangs rgyas 'od srung gi bstan pa la rab tu byung ngo / /'di ni chos nyid de rtag tu gzhon rims kyis las bya ba yin pas dge slong rnams kyis rgan zhugs 'di gnyis deng shig /rgan zhugs 'di gnyis 'khyed cig ces bsgo'o/ / de na gcig ni spro ring ba'i rang bzhin can yin/ cig shos ni spro thung ba'i rang bzhin can yin pas de khro bar byed pa dang gcig shos kyis smras pa/ rgan zhugs gzhon pa'i gnas skabs su rab tu ma byung na da ci'i phyir khro/ de na 'di gnyis kyi tshe ji srid par tshangs par spyod pa spyad na yon tan gyi tshogs 'ga' yang ma thob nas de'i 'og tu 'chi ba'i tshe smon lam 'di skad ces/ bdag cag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad na yon tan gyi tshogs 'ga' yang ma thob ste/ bdag cag gis tshe ji srid par tshangs par spyod pa spyad pa'i dge ba'i rtsa ba 'dis bcom ldan 'das de bzhin gshegs pa dgra bcom pa yang dag pa rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shAkya thub pa zhes bya bar 'gyur ro zhes lung bstan pa de'i bstan pa la bdag cag lo bdun kho na lon nas rab tu byung ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des 'dul ba la nyan thos rnams kyi bslab pa'i gzhi bca' ba mdzad pa gang yin pa de bdag cag gnyis kho na la brten nas bag yangs su mdzad cing nyon mongs pa thams cad spangs pas dgra bcom pa nyid mngon du gyur cig ces gdab par brtsams so/ /dge slong dag de la de'i tshe de'i dus na khye'u gnyis gang dag yin pa de dag ni dge tshul 'di gnyis yin te/ de gnyis kyis der smon lam btab pa gang yin pa des da ltar lo bdun kho na lon nas rab tu byung ste/ ngas 'dul ba la nyan thos rnams kyi bslab pa'i gzhi bcas pa gang yin pa 'di gnyis kho na la brten nas bag yangs su byas shing nyon mongs pa thams cad spangs pas dgra bcom pa nyid mngon du byas so/ /sangs rgyas bcom ldan 'das yul ka shi dag tu ljongs rgyu zhing gshegs pa na phyogs gcig cig tu byon pa dang 'dzum pa mdzad do/ /chos nyid kyis na gang gi tshe/ sangs rgyas bcom ldan 'das rnams 'dzum pa mdzad pa de'i tshe na zhal nas 'od zer sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung nas kha cig ni 'og logs su 'dong / kha cig ni steng logs su 'dong bas gang dag 'og logs su 'dong ba de dag ni sems can dmyal ba yang sos dang / thig nag dang / bsdus gzhom dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol ba dang / so thams thams dang / kyi hud zer dang / a chu zer dang / ut+pal ltar gas pa dang / pad ma ltar gas pa dang / pad ma ltar gas pa chen por dong ste/ sems can dmyal ba tsha ba gang dag yin pa de dag tu bsil bar gyur te 'bab par byed la/ sems can dmyal ba grang ba gang dag yin pa de dag tu ni dro bar gyur te 'bab par byed do/ /des sems can dmyal ba de dag gi gnod pa'i bye brag dag rgyun gcod par byed cing de dag 'di snyam du shes ldan dag ci bdag cag 'di nas shi 'phos sam/ 'on te gzhan du skyes snyam du sems so/ /de dag dad pa bskyed par bya ba'i phyir bcom ldan 'das kyis sprul pa gtong bar mdzad de/ de dag gis sprul pa mthong nas 'di snyam du shes ldan dag bdag cag 'di nas shi 'phos pa yang ma yin la/ gzhan du skyes pa yang ma yin te/ 'di ltar sems can sngon ma mthong ba 'di'i mthus bdag cag gi gnod pa'i bye brag dag rgyun chad par gyur to snyam du sems so/ /de dag sprul pa la sems mngon par dad par gyur nas sems can dmyal ba myong bar 'gyur ba'i las de zad par byas nas gang du bden pa dag gi snod du gyur par 'gyur ba'i lha dang mi rnams kyi nang du nying mtshams sbyor ba len par byed do/ /gang dag steng logs su 'dong ba de dag ni rgyal po chen po bzhi dang / sum bcu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / mi che dang / mi gdung dang / gya nom snang dang / shin tu mthong dang / 'og min gyi lha rnams kyi nang du dong nas mi rtag pa dang / sdug bsngal ba dang / stong pa dang / bdag med pa zhes bya ba'i sgra sgrog par byed cing tshigs su bcad pa gnyis po/ brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba yang smras so/ / de nas 'od zer de dag gis stong gsum gyi stong chen po'i 'jig rten gyi khams byul nas bcom ldan 'das nyid kyi slad bzhin slad bzhin du rjes su 'dong ste/ de la bcom ldan 'das 'das pa'i las lung ston par bzhed na ni bcom ldan 'das kyi snam logs su nub par 'gyur ro/ /ma 'ongs pa'i las lung ston par bzhed na ni mdun logs su nub par 'gyur/ sems can dmyal bar skye bar lung ston par bzhed na ni zhabs kyi mthil du nub par 'gyur/ dud 'gror skye bar lung ston par bzhed na ni long bur nub par 'gyur/ yi dags su skye bar lung ston par bzhed na ni zhabs kyi mthe bor nub par 'gyur/ mir skye bar lung ston par bzhed na ni pus mor nub par 'gyur/ stobs kyi 'khor los sgyur ba'i rgyal srid lung ston par bzhed na ni phyag mthil g.yon par nub par 'gyur/ 'khor los sgyur ba'i rgyal srid lung ston par bzhed na ni phyag mthil g.yas par nub par 'gyur/ lhar skye bar lung ston par bzhed na ni lte bar nub par 'gyur/ nyan thos kyi byang chub lung ston par bzhed na ni zhal du nub par 'gyur/ rang sangs rgyas kyi byang chub lung ston par bzhed na ni mdzod spur nub par 'gyur/ bla na med pa yang dag par rdzogs pa'i byang chub lung ston par bzhed na ni gtsug tor du nub par 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi zhabs kyi mthil du nub bo/ /de nas bcom ldan 'das la tshe dang ldan pa kun dga' bos thal mo sbyar te zhus pa/ btsun pa de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa mi mdzad na/ btsun pa 'dzum pa mdzad pa'i rgyu ni gang lags/ rkyen ni gang lags/ tshigs su bcad pa yang gsol pa/ kha dog sna tshogs stong gis bkra ba yi/ /tshogs rnams zhal gyi sgros nas byung gyur te/ /de yis phyogs rnams thams cad snang bgyis pa/ /nyi gdugs bdal bar gyur pa ji bzhin no/ / rgod bral zhum dang rgyags pa rab spangs la/ /sangs rgyas 'gro ba mchog gi rgyur gyur pa/ /rgyal ba dgra thul byed rgyu ma mchis par/ /rtsa ba dung ltar dkar 'dzum ston mi mdzad/ /de slad brtan pa rang blo dus mkhyen nas/ /thub pa khyu mchog dge sbyong skye dbang po/ /nyan pa'i skye bo som nyi ldan rnams la/ /the tshom skyes pa gsung tshig brtan pa dang / /dam pa dge ba dag gis bstsal du gsol/ /tshwa chu ri rgyal lta bur brtan pa yi/ /sangs rgyas mgon rnams glo bur 'dzum mi ston/ /brtan pa ji slad 'dzum pa ston mdzad pa/ /skye bo'i tshogs rnams de ni nyan par 'tshal/ /bcom ldan 'das kyis bka' stsal pa/ kun dga' bo de de bzhin no/ /de de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad de/ kun dga' bo phyogs 'di nyid du g.yon can rab tu mang po dag gis dge slong ma rab tu mang po dag lus bskyod pas sun phyung ste/ de dag 'di nas shi 'phos nas sems can dmyal ba rnams kyi nang du skye bar 'gyur ro/ /de nas dge slong zhig gis bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ / btsun pa g.yon can rab tu mang po dag gis dge slong ma rab tu mang po dag lus bskyod pas sun phyung ba gang dag lags pa de dag gi nang nas gcig bdag lags so/ /mi gti mug can khyod kyis kyang dge slong ma rab tu mang po dag lus bskyod pas sun phyung ngam/ btsun pa bdag gis kyang dge slong ma rab tu mang po dag lus bskyod pas sun phyung ngo / /de nas bcom ldan 'das kyis dge slong rnams la bka' stsal pa/ dge slong dag gang zag dge slong ma sun phyung ba ni chos 'dul ba 'di la mi skye ba'i chos can yin pas dge slong dag khyed kyis gang zag dge slong ma sun phyung ba chos 'dul ba 'di las brnyil bar bya'o/ /'ga' zhig gi gan du rab tu 'byung bar 'dod pa 'ongs na/ des de la dge slong ma sun phyung ba ma yin nam zhes dri bar bya'o/ /ma dris par rab tu 'byin par byed na 'gal tshabs can du 'gyur ro// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig rgyal byed kyi tshal du 'ongs so/ /dge slong dag 'dod chags dang bral ba med pa na dge 'dun lhag ma'i ltung ba 'byin par byed de/ kha cig gzhon nu'i gnas skabs su ltung ba byung nas rgan por gyur/ kha cig ni rgan po'i gnas skabs na ltung ba 'byin par byed do/ /de dag gis gang gi tshe dge slong mdo sde 'dzin pa dang / 'dul ba 'dzin pa dang / ma mo 'dzin pa rnams las thos pa de'i tshe na chos bzhin du sgrub par byed de/ de dag yongs su spo ba dang mgu par bya bar spyod pa na dge 'dun la rim gro byed cing de na kha cig ni btung ba 'drim par byed/ kha cig ni bsil yab thogs te g.yob bar byed do/ /ji tsam na khyim bdag des de na gnas mal bzang po dag bshams shing kha zas bsod pa'i spyi bungs bshams pa mthong nas des bsams pa/ 'di dag gi chos ni bzang na 'di ltar 'di dag la skyon yang yod de/ 'di dag la rje sa dang gus pa med de/ rgan pa rgan pa dag las byed du 'jug go snyam nas de skad smras pa dang / drug sde dag gis thos nas de dag gis smras pa/ khyim bdag ci zer/ 'phags pa khyed cag gi chos ni bzang na 'di ltar khyed cag la skyon yang mchis so/ / khyim bdag kho bo cag la skyon ci yod/ des smras pa/ 'phags pa dag khyed cag la rje sa dang gus pa ma mchis te/ rgan pa rgan pa dag las bgyid du stsol to/ /rgan pa dag la yang las byed du gzhug dgos pa yod do/ /'phags pa dag khyed kyi nang du nga rab tu phyung na yang las bgyid du stsol tam/ de dag gis smras pa/ khyod pas gang ches khyad par du 'phags pa rab tu phyung na yang de yang nged kyis las byed du gzhug na khyod lta ci smos/ des bsams pa/ gal te bdag 'di dag gi nang du rab tu byung na bdag kyang 'di dag gis las byed du bcug par 'gyur gyis/ thabs kyi rnam pa zhig bya'o snyam mo/ /khyim bdag de mkhas pa'i rang bzhin can yin pas des dge slong dag gi gan nas kun du spyod pa'i chos dag bslabs so/ /bslabs nas mtha' 'khob cig tu song ste skra dang kha sbu bregs nas gos ngur smrig dag bgos te 'dug pa dang / ji tsam na dge slong mchod rten la phyag 'tshal ba dag phyogs de nas 'ong zhing 'gro bar byed pa de dag gis de mthong nas smras pa/ gnas brtan mnyan yod na chos kyi rje mngon sum du bzhugs shing de na dus dang dus su lha'i gzugs dag kyang snang / snang ba rgya chen po dag kyang 'byung / lha'i sgra dag kyang grag /kun shes pa brda sprod pa dag kyang grag /longs spyod gnyis po zang zing gi longs spyod dang / chos kyi longs spyod kyang yod na ci'i phyir mnyan yod du mi 'gro/ des smras pa/ tshe dang ldan pa dag 'di nyid du 'dug par bya'o/ /de dag gis de la yang dang yang du smras pa/ gnas brtan mnyan yod na chos kyi rje mngon sum du bzhugs shing de na dus dang dus su lha'i gzugs dag kyang snang / snang ba chen po dag kyang 'byung / lha'i sgra dag kyang grag /kun shes pa brda' sprod pa dag kyang grag / longs spyod gnyis po zang zing gi longs spyod dang / chos kyi longs spyod dag kyang yod na ci'i phyir mnyan yod du mi 'gro/ de tshangs pa mtshungs par spyod pa dag gis dus bskyed pa na mnyan yod du song ngo / /ji tsam na des de na gnas mal bzang po bshams shing kha zas bsod pa'i spyi bungs bshams pa mthong nas des bsams pa/ gal te bdag gral gyi dang por 'dug na ni yon bshad pa bya dgos par 'gyur ro snyam nas des stan gcig bor nas stan gnyis pa la 'dug go/ tshe dang ldan pa kun shes kauN+Di n+ya 'ongs nas des bsams pa/ bcom ldan 'das kyis bdag snam sbyar gyi rgyal mtshan 'chang ba rnams kyi mchog tu bstan na 'di su zhig yin snyam mo/ /ji tsam na bsams pa dang rku thabs su gnas pa zhig yin par mthong nas des de se gol gyi sgras bskrad do/ /tshe dang ldan pa rta thul dang / bzang ldan dang / rlangs pa dang / ming chen dang / grags pa dang / gang po dang / dri med dang / ba lang bdag dang / lag bzangs dang / tshe dang ldan pa shA ri'i bu dang / tshe dang ldan pa maud gal gyi bu chen po dang / dge slong gnas brtan gnas brtan thams cad kyis kyang se gol gyi sgras bskrad do/ /ji tsam na drug sde dag gi gan du song ba dang de dag gis de la smras pa/ gnas brtan khyod lo du lon/ des na tshod kyi dbang du byas te kho bo lo drug bcu lon no zhes smras pa dang / de dag gis smras pa/ bcom ldan 'das nyid kyis kyang lo drug bcu ma bzhes na 'dis ga la lon/ de dag gis de la smras pa/ rgan zhugs khyod kyi mkhan po gang yin/ des smras pa/ dge sbyong gau ta ma'i mkhan po gang yin/ de dag gis smras pa/ tshe dang ldan pa dag rgan zhugs 'di ni rang gis rtags blangs pa yin no zhes de dag gis de lag pa dang rkang pa dag nas bzung ste rgan pa'i mthar khrid nas smras pa/ dge 'dun btsun pa rnams gsan du gsol/ 'jig rten na rang byung gcig ni bcom ldan 'das lags na gnyis pa ni rgan zhugs 'di lags so/ /'di ni gsol ba'o zhes smras nas rgan pa'i mtha' nas bskrad do/ /de nas bcom ldan 'das kyis dge slong rnams la bka' stsal pa/ dge slong dag gang zag rku thabs su gnas pa ni chos 'dul ba 'di la mi skye ba'i chos can yin pas/ dge slong dag khyed kyis gang zag rku thabs su gnas pa chos 'dul ba 'di las bsnyil bar bya'o/ /'ga' zhig gi gan du rab tu 'byung bar 'dod pa 'ongs na/ des de la rku thabs su gnas pa ma yin nam zhes dri bar bya'o/ /ma dris par rab tu 'byin par byed na 'gal tshabs can du 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa bcom ldan 'das kyis gang zag rku thabs su gnas pa bsnyil bar bya'o zhes bka' stsal na/ btsun pa ji tsam gyis na gang zag rku thabs su gnas pa lags/ nye bar 'khor gang tshun chad nas dge slong rang bzhin du gnas pa dag dang lhan cig gso sbyong gi las dag lan gnyis sam gsum du nyams su myong bar gyur na de tsam gyis na gang zag rku thabs su gnas pa yin no// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na bram ze zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma la sems can zhugs par gyur to/ /de zla ba brgyad dam dgu 'das te btsas pa las ma ning skyes pa 'dra ba bud med kyang ma yin skyes pa yang ma yin pa zhig byung nas bsrings shing bskyed de che bar gyur to/ /de khye'u dag dang lhan cig rtse bar byed pa na de de dag la mtshan ma ston par byed nas de dag gis de la smras pa/ khyod ci yin/ des smras pa/ bdag ma ning ngo / /de dag gis smras pa/ khyod ni bram ze yin pas khyod kyi khyim du mi snyan pa grags par gyur na mi rung gis de lta ma byed cig /de dag gis de'i pha ma la smras pa/ khyod kyis ma ning 'di 'di lta 'di lta byed kyis zlog shig /de dag gis de la smras pa/ ma ning bdag cag ni bram ze yin pas bdag cag gi khyim du mi snyan par grags par gyur na mi rung gis de lta ma byed cig /de de dag gis bzlog kyang mi 'dug go/ de dus gzhan zhig na rgyal byed kyi tshal du song ba dang / ji tsam na des dge slong gzhon nu gzhon nu dag mthong nas des bsams pa/ bdag 'di dag gi nang du rab tu byung na 'di dag bdag la skyes pa'i bya ba byed par 'gyur zhing bdag kyang 'di dag la bud med kyi bya ba byed par 'gyur ro snyam nas/ de dge slong gi gan du song ste smras pa/ 'phags pa bdag rab tu 'byung bar 'tshal lo/ /des de la smras pa/ khyod pha mas gnang ngam/ des smras pa/ ma gnang ngo / /song la pha ma la gsol cig /de pha ma'i gan du song ste smras pa/ yab yum bdag rab tu 'byung bar 'tshal lo/ /de gnyis des yongs su gdungs pas bsams pa/ bdag cag 'di dang bral bar byas rab tu 'byung la rag go snyam nas/ de gnyis kyis de la smras pa/ ma ning gnang ngo / /de dge slong gi nang du song ste smras pa/ 'phags pa bdag pha mas gnang gis rab tu dbyung du gsol/ des de rab tu phyung zhing bsnyen par rdzogs par byas pa dang / dge slong rnams kyi mdun du mtshan ma ston par byed nas de dag gis de la smras pa/ khyod ma ning yin nam ci/ des smras pa/ yin no zhes zer ba'i skabs de bcom ldan 'das la dge slong rnams kyis gsol pa dang / de na bcom ldan 'das kyis dge slong rnams la bka' stsal pa/ dge slong dag gang zag ma ning ni chos 'dul ba 'di la mi skye ba'i chos can yin pas/ dge slong dag khyed kyis gang zag ma ning chos 'dul ba 'di las bsnyil bar bya'o/ /'ga' zhig gi gan du rab tu 'byung bar 'dod pa 'ongs na/ des de la ma ning ma yin nam zhes dri bar bya'o/ /ma dris par rab tu 'byin par byed na 'gal tshabs can du 'gyur ro/ /dge slong dag ma ning ni lnga po 'di dag yin te/ lnga gang zhe na/ skyes nas ma ning dang / zla ba phyed pa'i ma ning dang / 'khyud nas ldang ba'i ma ning dang / phrag dog can gyi ma ning dang / nyams pa'i ma ning ngo / /de la skyes nas ma ning gang zhe na/ gang skyes nas bud med kyang ma yin skyes pa yang ma yin pa'o/ /zla ba phyed pa'i ma ning gang zhe na/ gang zla ba phyed ni bud med zla ba phyed ni skyes par 'gyur ba'o/ /'khyud nas ldang ba'i ma ning gang zhe na/ gang la gzhan dag gis 'khyud na dbang po 'byung bar 'gyur ba'o/ /phrag dog can gyi ma ning gang zhe na/ gang la gzhan dag rtsol ba mthong na dbang po 'byung bar 'gyur ba'o/ /nyams pa'i ma ning gang zhe na/ gang gi dbang po nad kyis nyams pa'am mtshon gyis bcad pa'o/ /de la ma ning snga ma bzhi po skyes nas ma ning dang / zla ba phyed pa'i ma ning dang / 'khyud nas ldang ba'i ma ning dang / phrag dog can gyi ma ning gang dag yin pa de dag ni rab tu ma byung na ni rab tu dbyung bar mi bya la/ rab tu byung na ni bsnyil bar bya'o/ /de la nyams pa'i ma ning gang yin pa de ni rab tu ma byung na ni rab tu dbyung bar mi bya la/ rab tu byung na ni gal te 'gyur ba mi sten na btang snyoms su bya'o/ /gal te 'gyur ba bsten na bsnyil bar bya'o// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /klu rnams kyi kun du spyod pa ni lus la nyin mo bye ma me'i mdog lta bu lan gsum 'bab cing des de dag rus pa'i keng rus tsam zhig lus par byed do/ /klu gzhon nu skyes nas ring po ma lon pa zhig gi lus la nyin mo bye ma me'i mdog lta bu lan gsum 'bab cing des de rus ba'i keng rus tsam zhig lus par byas pa dang des ma la smras pa/ ma bdag gis yun ji srid cig tu sdug bsngal 'di lta bu mnag par bgyi 'tshal/ bu ji srid du ris mthun pa yod kyi bar du'o/ /de na klu rdzu 'phrul che ba dang mthu che ba gzhan gang dag yin pa de dag gi lus la bye ma me'i mdog lta bu mi 'bab nas des smras pa/ ma 'di dag la ci'i phyir mi 'bab/ mas smras pa/ 'di dag ni rdzu 'phrul che ba/ mthu che ba/ bskal par gnas pa/ sa 'dzin pa/ 'dab chags kyi rgyal po 'dab bzangs kyis dbyung bar mi nus pa yin pas de'i phyir 'di dag la mi 'bab bo/ /de na klu phra mo gzhan gang dag yin pa de dag gi lus la bye ma me'i mdog lta bu mi 'bab nas des smras pa/ ma 'di dag la ni rigs na 'di dag la ci'i phyir mi 'bab/ mas smras pa/ 'di dag gis bcom ldan 'das kyi spyan snga nas skyabs su 'gro ba dang bslab pa'i gzhi dag blangs pas de'i phyir 'di dag la mi 'bab bo/ /des smras pa/ gal te de lta na bdag gis kyang bcom ldan 'das kyi spyan snga nas skyabs su 'gro ba dang bslab pa'i gzhi dag blang ngo / /mas smras pa/ bu tshe gcig gi sdug bsngal ni bla'i tshe rabs mang po'i ni ma yin te/ gal te khyod kyis bcom ldan 'das kyi spyan snga nas skyabs su 'gro ba dang bslab pa'i gzhi dag blangs nas yang dag par ma bsrungs na yun ring por sems can dmyal bar sdug bsngal mnag par bya dgos so/ /des bsams pa/ sdug bsngal 'di bas ches sdug bsngal bar 'gyur ba ci zhig yod kyis/ bcom ldan 'das kyi spyan sngar skyabs su 'gro ba dang bslab pa'i gzhi dag len du 'gro'o snyam nas/ de bram ze'i cha lugs su mngon par sprul nas rgyal byed kyi tshal du song ba dang / ji tsam na des dge slong dag bsam gtan dang / klog pa dang / rnal 'byor dang / yid la byed pa la brtson zhing gnas pa mthong ngo / /mthong nas kyang dad pa skyes te des bsams pa/ ji je dang por skyabs su 'gro ba dang bslab pa'i gzhi dag blang ngam/ 'on te rab tu 'byung bar bya snyam mo/ /des yang bsams pa/ rab tu 'byung bar bya'o snyam nas de dge slong gi gan du song ste smras pa/ 'phags pa bdag rab tu 'byung bar 'tshal lo/ /des smras pa/ kho bo ni gsar bu yin pas gnas brtan gzhan 'ga' zhig gi drung du song shig /des smras pa/ 'phags pa bdag gis gzhan ngo 'tshal ba ma mchis te/ 'di ltar bdag thog ma kho nar 'phags pa'i gan du mchis pas khyod nyid kyis bdag dge slong 'ga' zhig la gtad par gsol/ dge slong de'i mkhan po dgon pa ba zhig dgon pa na 'dug pas des de khrid de de'i gan du song nas smras pa/ mkhan po rigs kyi bu 'di rab tu 'byung bar 'tshal gyis rab tu dbyung du gsol/ des smras pa/ bzhin bzangs bcom ldan 'das kyis dge slong dag gshan pa byed du bcug pa ni bla'i rab tu phyung zhing bsnyen par rdzogs par byas nas yal bar bor ba ni mi rung ngo zhes bka' stsal pas/ 'di yang sems can dmyal bar 'gro bar 'gyur la/ kho bo yang ltung ba dang bcas par 'gyur bas kho bo 'di rab tu mi 'byin to/ / des smras pa/ mkhan pos rab tu dbyung ba 'ba' zhig mdzod cig dang / bdag gis 'di bslab par bgyi zhing klog tu stsal bar bgyi'o/ /des de rab tu phyung zhing bsnyen par rdzogs par byas nas smras pa/ bzhin bzangs 'di nyid khyod kyi mkhan po gcig pa yin/ 'di nyid slob dpon yin gyis khyod kyis 'di nyid la dri bar bya/ khyod kyis 'di nyid la klag par bya'o/ /khyod kyis 'di nyid la bslab bar bya'o/ /des gcig las 'phros pa'i lung blags pas des de gcig las 'phros ba'i lung klog tu gzhug par brtsams pa dang / des shin tu brtson 'grus brtsams pas kha ton du lhogs nas dge slong slob dpon de shin tu mig gang ste des de la smras pa/ bzhin bzangs ci lhan cig tu bsod snyoms la 'jug par bya 'am/ 'on te so sor/ des bsams pa/ bdag gis mi'i zas kyis 'tsho bar mi nus kyis/ bdag klu'i gnas su song la bdud rtsi zos shing zos shing phyir 'ong bar bya'o snyam nas/ des smras pa/ slob dpon so sor 'jug par bya'o/ /des smras pa/ bzhin bzangs de ltar gyis shig /de klu'i gnas su lha'i bdud rtsi zos nas phyir 'ong ngo / /klu rnams ni gnyid che ba yin pas de gang gi tshe gnyid log nas langs pa de'i tshe na dge slong de bsod snyoms blangs nas phyir 'ong ngo / /ji tsam dus gzhan zhig na dge slong des bsod snyoms glo bur ba rnyed nas des de blangs te phyir 'ongs pa dang / ji tsam na gnas khang na mgar ba'i sbud pa 'bud pa lta bu'i sgra thos nas des gtan pa'i bu ga nas bltas na/ gnas khang de thams cad klu'i lus bskyil bas gang ba mthong nas des sprul pa sprul pa zhes sgra phyung ba dang / de sgra la mkhas pas myur ba myur ba kho nar sad nas rang bzhin gyi cha lugs mi snang bar byas te de sprul pa'i cha lugs su 'dug go/ /dge slong dag lhags nas de dag gis de la smras pa/ 'di ci yin/ des smras pa/ sprul pa yin no/ /de dag gis smras pa/ tshe dang ldan pa brtson 'grus brtsams pas rtag tu kha ton la brtson pa yin na ci khyod 'di la ser sna byed dam/ des smras pa/ kho bo ni 'di la cung zad kyang ser sna mi byed de/ 'di ltar 'di ni sprul pa yin no/ /de dag phan tshun smra ba na bcom ldan 'das kyang phyogs der gshegs nas/ bcom ldan 'das kyis bka' stsal pa/ 'di ci yin/ dge slong dag gis gsol pa/ bcom ldan 'das sprul pa lags so/ /bcom ldan 'das kyis bka' stsal pa/ dge slong dag gang zag sprul pa ni chos 'dul ba 'di la mi skye ba'i chos can yin pas/ dge slong dag khyed kyis gang zag sprul pa chos 'dul ba 'di las bsnyil bar bya'o/ /'ga' zhig gi gan du rab tu 'byung bar 'dod pa 'ongs na/ des de la sprul pa ma yin nam zhes dri bar bya'o/ /ma dris par rab tu 'byin par byed na 'gal tshabs can du 'gyur ro/ /dge slong dag klu'i rang bzhin lnga po 'di dag yin la lhag ma ni sprul pa yin no/ /lnga gang zhe na/ rang bzhin gyis skye ba dang / rang bzhin gyis 'chi ba dang / rang bzhin gyis nyal ba dang / rang bzhin gyis za ba dang / rang bzhin gyis mi tshangs par spyod pa 'khrig pa'i chos sten par byed pa'o/ /bcom ldan 'das kyis de la bka' stsal pa/ bzhin bzangs khyod kyis phung po 'di dag gis yon tan gyi tshogs 'ga' yang thob par mi nus kyis/ dge slong rnams la ma 'tshe bar song shig /des bsams pa/ 'babs par ga la bya snyam nas des sa la'i dgon pa zhig tu song nas gtsug lag khang rta babs mthon po dang ldan pa/ mthong khung dang / skar khung dra ba can dang / lan kan gyis brgyan pa/ snying dang mig 'phrog par byed pa/ mtho ris kyi them skas su gyur pa/ khri dang / khri'u dang / yo byad phun sum tshogs pa zhig sprul te/ dge slong glo bur du 'ongs pa dang / 'gro bar chas pa rnams la yo byad thams cad kyis stobs par byed do/ /rgan zhugs shig gtsug lag khang der dbyar gnas nas mnyan yod du song ngo / /drug sde dag gi kun du spyod pa ni 'dir bdag cag gis bram ze dang khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o/ /snyam pas drug sde dag las gang yang rung bas rgyal byed kyi tshal gyi sgo stong par mi 'jog pas nye dga' nang par sngar langs te so shing bor nas snam sbyar dmar ser gyon te rgyal byed kyi tshal gyi sgo na 'chag cing 'dug go/ des thag ring po kho na nas rgan zhugs mgo spra ba'i me tog ltar skya ba smin ma 'phyang ba zhig 'ong ba de mthong nas des bsams pa/ 'di ni dge slong gnas brtan 'ga' zhig yin gor ma chag snyam nas des bsu ste gnas brtan byon pa legs so byon pa legs so zhes byas pa dang des smras pa/ slob dpon phyag 'tshal lo/ /nye dgas bsams pa/ kye ma 'di ni rgan zhugs zhig ste/ slob dpon yang mi shes/ mkhan po yang mi shes so snyam nas des de la smras pa/ rgan zhugs khyod ga las 'ongs/ sa la'i dgon pa nas so/ /ci de na gtsug lag khang yod dam/ des smras pa/ gtsug lag khang yod do/ /ci de gtsug lag khang yin nam/ 'on te phongs pa yin/ gtsug lag khang ni ci 'dra/ phongs pa ni ci 'dra/ gang na yo byad thams cad dang ldan pa ni gtsug lag khang yin la/ gang na yo byad thams cad dang bral ba ni phongs pa yin no/ /de gtsug lag khang yin no/ /de na ci yod/ de na dge slong zhal ta byed pa gnas te/ des dge slong blo bur du 'ongs pa dang 'gro bar chas pa rnams la yo byad thams cad kyis stobs par byed do/ /drug sde dag gi kun du spyod pa ni gang cung zad ci thos pa de phye 'bred kyi dus kyi tshe gcig tu 'dus nas phan tshun rjod par byed pa yin pas nye dga' gtsug lag khang du song ste drug sde dag la smras pa/ tshe dang ldan pa bdag cag gis yun ji srid kyis brel ba spang bar bya/ khyod kyis thos pa cung zhig yod dam/ nye dgas smras pa/ yod de/ sa la'i dgon pa na gtsug lag khang yod do/ /de na ci yod/ de na zhal ta byed pa gnas te/ des dge slong glo bur du 'ongs pa dang 'gro bar chas pa rnams la yo byad thams cad kyis stobs par byed kyis/ tshur shog bdag cag der 'dong ngo / /de dag der dong ba dang / des de dag thag ring po kho na nas 'ong ba mthong nas des bsams pa/ gnas ngan len kun du spyod pa de dag 'dir 'ongs so snyam mo/ /des yang bsams pa/ bdag gis 'di dag la yo byad thams cad kyis bstabs na/ 'di dag gis bdag la ci byar yod snyam nas/ des de dag la rgan rims kyis gnas mal yang tog dang / khang pa brtsegs pa dag bskos shing yo byad thams cad kyis kyang bstabs so/ /de dag nyi ma nyung shas shig 'khod nas smras pa/ dga' bo nye dga' rgan zhugs 'di la 'du ba yang mi snang 'god pa yang mi snang bas bdag cag gis 'di la grangs dag 'debs su gzhug go zhes de dag gis de la smras pa/ rgan zhugs khyod la 'du ba yang mi snang / 'god pa yang mi snang bas tshur shog grangs thob shig /des smras pa/ 'phags pa dag cung zad nyams pa'am gcig tu ma gyur tam/ de dag gis smras pa/ cung zad kyang nyams par ma gyur te tshangs pa mtshungs par spyod pa rnams kyis drug sde dag gtsug lag khang de nyid du dbyar gnas na de dag gis 'du ba yang mi shes/ 'god pa yang mi shes so zhes bdag cag smad par 'gyur ro/ / des smras pa/ gnas brtan dag gal te de lta na bgyi'o/ /ji tsam na bya/ lo bcu gnyis na'o/ /de dag gis smras pa/ rgan zhugs lo bcu gnyis na khyod kyis gtsug lag khang 'di sgo 'phar yang zos par 'gyur ro/ /des smras pa/ lo bdun na'o/ /de dag gis smras pa/ mi rung ngo / /des smras pa/ zla ba bdun na'o/ /de dag gis smras pa/ mi rung ngo / /des smras pa/ nyin zhag bdun na'o/ /de dag gis smras pa/ dga' bo nye dga' nyin zhag bdun gyis rgan zhugs 'dis ci zhig zos par gyur te de bzhin bya'o/ /de dag gis de la smras pa/ rgan zhugs de bzhin gyis shig /des bsams pa/ zhag bdun lon na gtsug lag khang 'di mi snang bar 'gyur ro snyam nas/ des de nas tshangs pa mtshungs par spyod pa des pa des pa rnams la la la la ni snam sbyar 'bul bar byed/ la la la ni bla gos/ la la la ni sham thabs/ la la la ni rngul zan/ la la la ni lhung bzed/ la la la ni lhung bzed chung ngu 'bul bar byed do/ /drug sde dag gis de mthong nas de dag gis smras pa/ dga' bo nye dga' rgan zhugs 'di phyogs tshol gyis zhag bdun 'das nas phyogs dang bcas nas rtsa nas gdon to/ /des kyang zhag bdun 'das nas de dag nyal ba dang gtsug lag khang de mi snang bar byas nas rgya mtsho'i 'gram du song ngo / /de dag kyang sa sgre bo la nyal zhing 'khod nas smras pa/ dga' bo nye dga' longs la rdo rgyus long shig dang grangs 'debs su gzhug go/ de dag gis ji tsam na bdag cag sa sgre bo la nyal bar mthong nas de dag gis smras pa/ bcom ldan 'das la mngon par dad pa/ sangs rgyas dang / chos dang / dge 'dun la mchod pa byed pa zhig bdag cag gis tho brtsams nas gtsug lag khang mi snang bar byas te song ba de lha'am/ klu'am/ gnod sbyin nam/ su yin zhes zer ba'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong dag dge slong zhal ta byed pa de ni sprul pa gang yin pa de nyid yin te/ gal te dge slong drug sde dag gis tho brtsams par ma gyur na bstan pa mthar thug gi bar du sangs rgyas dang / chos dang / dge 'dun dag la mchod pa byed par 'gyur ro/ /bcom ldan 'das kyis dgongs pa/ nyes dmigs gang ci byung ba de ni dge slong dag gtsug lag khang gang na 'du 'god mi mngon pa der grangs 'debs su 'jug pa las gyur pa yin no snyam nas bka' stsal pa/ de lta bas na gang na 'du ba yang mi mngon 'god pa yang mi mngon pa der yang dge slong gis grangs 'debs su gzhug par mi bya'o/ /gang na 'du ba ni mngon la 'god pa mi mngon pa der yang dge slong gis grangs 'debs su gzhug par mi bya'o/ /gang na 'god pa ni mngon la 'du ba mi mngon pa der yang dge slong gis grangs 'debs su gzhug par mi bya'o/ /gang na 'du ba dang 'god pa mngon pa der ni dge slong gis dran pa dang shes bzhin gyis tshod rig par bya'o// //'dul ba gzhi　// bam po dgu pa/ /de'i 'og tu rgya mtsho'i 'gram du song ste gtsug lag khang rta babs mthon po dang ldan pa/ mthongs khung dang skar khung dra ba can dang ldan pa/ lan kan gyis brgyan pa/ snying dang mig 'phrog par byed pa/ mtho ris kyi them skas su gyur pa/ khri dang khri'u dang yo byad phun sum tshogs pa gnyis pa zhig sprul te/ der rgya mtsho chen po'i klu dag bram ze dang / khyim bdag gi cha byad kyis mngon du lhags nas de dag de la chos nyan par byed do/ /de dag gis de la chos thos nas dge slong glo bur du 'ongs pa dang 'gro bar chas pa rnams la yo byad thams cad kyis stobs par byed do/ /rgan zhugs shig gtsug lag khang der dbyar gnas nas mnyan yod du song ngo / / drug sde dag gi kun du spyod pa ni 'dir bdag cag gis bram ze dang khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o snyam pas drug sde dag las gang yang rung bas rgyal byed kyi tshal gyi sgo stong par mi 'jog pas nye dga' nang par sngar langs te so shing bor nas snam sbyar dmar ser gyon te rgyal byed kyi tshal gyi sgo na 'chag cing 'dug go/ / des thag ring po kho na nas rgan zhugs mgo spra ba'i me tog ltar skya ba smin ma 'phyang ba zhig 'ong ba de mthong nas des bsams pa/ 'di ni dge slong gnas brtan 'ga' zhig yin gor ma chag snyam nas des de bsu ste gnas brtan byon pa legs so byon pa legs so zhes byas pa dang des smras pa/ slob dpon phyag 'tshal lo/ /nye dgas bsams pa/ kye ma 'di ni rgan zhugs shig ste/ slob dpon yang mi shes mkhan po yang mi shes so snyam nas/ des de la smras pa/ rgan zhugs khyod ga las 'ongs/ rgya mtsho'i 'gram nas so/ /ci de na gtsug lag khang yod dam/ des smras pa/ gtsug lag khang yod do/ /ci de gtsug lag khang yin nam/ 'on te phongs pa yin/ gtsug lag khang ni ci 'dra/ phongs pa ni ci 'dra/ gang na yo byad thams cad dang ldan pa ni gtsug lag khang yin la/ gang na yo byad thams cad dang bral ba de ni phongs pa yin no/ /de gtsug lag khang yin no/ /de na ci yod/ de na dge slong chos smra ba gnas te/ de de na bram ze dang khyim bdag rnams la chos ston par byed cing de dag gis de la chos thos nas dge slong glo bur du 'ongs pa dang 'gro bar chas pa rnams la yo byad thams cad kyis stobs par byed do/ / drug sde dag gi kun du spyod pa ni gang cung zad ci thos pa de phye 'bred kyi dus kyi tshe gcig tu 'dus nas phan tshun rjod par byed pa yin pas nye dga' gtsug lag khang du song ste drug sde dag la smras pa/ tshe dang ldan pa dag bdag cag gis yun ji srid kyis brel ba spang bar bya/ khyod kyis thos pa cung zhig yod dam/ nye dgas smras pa yod de/ rgya mtsho'i 'gram na gtsug lag khang yod do/ /de na ci yod/ de na dge slong chos smra ba gnas te/ de de na bram ze dang khyim bdag rnams la chos ston par byed cing de dag gis de las chos thos nas dge slong glo bur du 'ongs pa dang 'gro bar chas pa rnams la yo byad thams cad kyis stobs par byed kyis/ tshur shog bdag cag der 'dong ngo / / de dag der dong ba dang / des de dag thag ring po kho na nas 'ong ba mthong nas des bsams pa/ gnas ngan len kun du spyod pa de dag 'dir yang 'ongs so snyam mo/ /des yang bsams pa/ bdag 'di dag la cung zad kyang rag lus pa med na 'di dag gis bdag la ci byar yod snyam mo/ /de nas rgya mtsho chen po'i klu de dag bram ze dang khyim bdag gi cha lugs kyis mngon du lhags pa dang / des de dag la chos bstan to/ /de dag gis de las chos thos nas dge slong glo bur du 'ongs pa dang 'gro bar chas pa rnams la yo byad thams cad kyis bstabs pa dang drug sde dag gis smras pa/ dga' bo nye dga' rgan zhugs 'dis ci zhig shes/ gcig las 'phros pa'o/ /'di ni re zhig rdzubs pas gcig las 'phros pa'i chos ston gyis dge slong 'di dag ni sde snod gsum dang ldan pa/ chos sgrogs pa/ rigs pa dang grol ba'i spobs pa can sha stag yin na/ ci'i phyir 'di dag la gsol ba mi 'debs/ de dag gis de la smras pa/ rgan zhugs khyod kyis ci shes/ des smras pa/ gcig las 'phros pa'o/ /de dag gis smras pa/ rgan zhugs khyod ni re zhig rdzubs pas gcig las 'phros pa'i chos ston gyi/ dge slong 'di dag ni sde snod gsum dang ldan pa/ chos sgrogs pa/ rigs pa dang grol ba'i spobs pa can sha stag yin na/ ci'i phyir 'di dag la gsol ba mi 'debs/ des smras pa/ 'phags pa dag bdag gis bzlog gam ci na khyed ci'i phyir chos mi ston/ de dag gis smras pa/ dga' bo nye dga' rgan zhugs 'di bdag cag dang mi mthun par byed kyis gnas nas dbyung ba'i las bya'o/ /des bsams pa/ gal te bdag la gnas nas dbyung ba'i las byas na klu'i gnas su yang skabs mi rnyed do snyam nas des de dag nyal ba dang gtsug lag khang de yang mi snang bar byas te rgya mtsho chen por zhugs so/ /de dag bye ma'i thang la nyal zhing 'khod 'khod nas smras pa/ dga' bo nye dga' longs la seng ge'i khri shoms shig dang chos bstan par bya'o/ /de dag gis ji tsam na bdag cag bye ma'i thang la nyal ba mthong nas de dag gis smras pa/ bcom ldan 'das la mngon par dad pa/ sangs rgyas dang / chos dang / dge 'dun la mchod pa byed pa zhig bdag cag gis tho brtsams nas gtsug lag khang mi snang bar byas te song ba de lha'am/ klu'am/ gnod sbyin nam/ su yin zhes zer ba'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong dag dge slong chos smra ba de ni sprul pa gang yin pa de nyid yin te/ gal te dge slong drug sde dag gis tho brtsams par ma gyur na bstan pa mthar thug gi bar du sangs rgyas dang / chos dang / dge 'dun dag la mchod pa byed par 'gyur ro/ /bcom ldan 'das kyis dgongs pa/ nyes dmigs gang ci byung ba de ni dge slong dag ma gsol bar chos ston par byed pa las gyur pa yin no snyam nas bka' stsal pa/ de lta bas na dge slong gis ma gsol bar chos bstan par mi bya'o/ /dge slong ma gsol bar chos ston na 'gal tshabs can du 'gyur ro/ /de'i ngor mgron du bos pa la ni ltung ba med do/ /mnyan yod na khyim bdag sangs rgyas 'tsho zhes bya ba phyug pa nor mang ba longs spyod che ba zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /tshe dang ldan pa shA ri'i bu gdul ba la ltos pas de'i khyim du song ste/ des khyim bdag de chung ma dang bcas pa skyabs su 'gro ba dang bslab pa'i gzhi dag la bzhag go/ ji tsam na dus gzhan zhig na khyim bdag de'i chung ma la sems can zhugs par gyur to/ /tshe dang ldan pa shA ri'i bus sems can de nges par skal ba dang ldan pa nyid du shes nas phyi bzhin 'brang ba'i dge sbyong med par de'i khyim du song ba dang khyim bdag des rkang pa la phyag 'tshal te smras pa/ ci 'phags pa la slad bzhin 'brang ba'i dge sbyong ma mchis sam/ des smras pa/ khyim bdag ci kho bo'i phyi bzhin 'brang ba'i dge sbyong rtswa ku sha'i byings sam/ ku sha'i byings nas 'byung bar 'gyur ram/ 'di ltar khyod lta bu dag las thob pa gang dag yin pa de dag kho bo'i phyi bzhin 'brang ba'i dge sbyong du 'gyur ro/ /khyim bdag sangs rgyas 'tshos smras pa/ 'phags pa bdag gi mchis brang 'di la sems can zhig zhugs par gyur gyis/ gal te bu pho zhig btsas par gyur na de bdag gis 'phags pa'i slad bzhin 'brang ba'i dge sbyong du 'bul lo/ /des smras pa/ khyim bdag thabs yin no/ /de zla ba brgyad dam dgu 'das pa dang khye'u gzugs bzang ba/ blta na sdug pa/ mdzes pa/ gsal ba/ gser gyi mdog 'dra ba/ mgo gdugs lta bu dang ldan pa/ lag pa ring ba/ dpral ba'i dbyes che ba/ smin ma 'jar ba/ sna'i gzangs mtho ba zhig btsas so/ /btsas nas de'i nye du dag 'dus shing lhags nas de nyi ma bdun gsum nyi shu gcig tu btsas pa'i btsas ston rgya cher byas nas khye'u ming cir gdags zhes ming 'dogs par byed do/ /gzhan dag gis smras pa/ khye'u 'di sangs rgyas 'tsho'i bu yin pas khye'u'i ming dge 'dun 'tshor gdags so zhes de'i ming dge 'dun 'tsho zhes bya bar btags so/ /de dag gis khye'u dge 'dun 'tsho 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin du myur du skyed par byed do/ /gang kho na'i nyin mo dge 'dun 'tsho btsas pa de kho na'i nyin mo tshong pa lnga brgya dag gi bu dag kyang btsas te/ de dag kyang rigs dang mthun pa'i ming dag btags so/ /gang gi tshe khye'u dge 'dun 'tsho chen por gyur pa de'i tshe na tshe dang ldan pa shA ri'i bus de rab tu dbyung ba'i dus shes nas gdul ba la ltos pas phyi bzhin 'brang ba'i dge sbyong med par gcig pu de'i khyim du song ba dang khyim bdag sangs rgyas 'tshos rkang pa la phyag 'tshal te stan bting ba dang tshe dang ldan pa shA ri'i bu 'dug go/ /'dug nas kyang khyim bdag sangs rgyas 'tsho la brda' bya bar brtsams so/ /de nas khyim bdag sangs rgyas 'tshos dge 'dun 'tsho la smras pa/ bu kho bos khyod ma'i rum na 'dug cing ma btsas pa nyid nas 'phags pa shA ri'i bu la phyi bzhin 'brang ba'i dge sbyong du phul gyis khyod song la 'di la bsnyen bkur gyis shig /de sems can srid pa tha ma pa yin pas 'dzum sngon du btang ste/ 'jigs pa med cing bzhin nyams pa med pa dang / dman pa med pas de ltar bgyi'o zhes khas blangs nas de tshe dang ldan pa shA ri'i bu'i phyi bzhin phyi bzhin rjes su 'brang ngo / /de nas tshe dang ldan pa shA ri'i bus de rab tu byung zhing bsnyen par rdzogs par byas nas kun du spyod pa'i chos dag bslabs te lung bzhi klog tu bcug go/ ji tsam dus gzhan zhig na/ tshong pa lnga brgya po dag gi bu lnga brgya po de dag gis phan tshun gros byas te rgya mtsho chen por 'dong ba'i zong sta gon byas nas rgya mtsho chen por 'phags pa dang / de dag 'di snyam sems te/ shes ldan dag rgya mtsho chen po ni 'jigs pa du mas kun du gang ba yin pas bdag cag gis gang bdag cag rgya mtsho chen po'i nang du dong ba rnams la chos ston par 'gyur ba'i 'phags pa 'ga' zhig gshegs su gsol na/ des bdag cag bde legs su 'gyur snyam nas/ de dag gis dpyad par brtsams te smras pa/ su gshegs su gsol/ gzhan dag gis smras pa/ shes ldan dag 'phags pa dge 'dun 'tsho 'di bdag cag gi ne'u ldangs lhan cig skyes pa sa rdul la lhan cig rtse rtse ba yin pas bdag cag gis 'di la gsol ba gdab par bya'o/ /de nas de dag de'i gan du song ste rkang pa la phyag 'tshal nas smras pa/ 'phags pa dge 'dun 'tsho bdag cag gi ne'u ldangs lhan cig skyes pa sa rdul la lhan cig rtse rtse ba lags te/ bdag cag ni rgya mtsho chen por 'phags na rgya mtsho chen po ni 'jigs pa du mas kun du gang ba lags pas 'phags pas bdag cag rgya mtsho chen po'i nang du mchis pa rnams la chos bstan na des bdag cag bde legs su 'gyur ba lags kyis/ de'i slad du 'phags pa bdag cag dang thabs gcig rgya mtsho chen por gshegs par gsol/ des smras pa/ shes ldan dag kho bo la rang dbang med kyis deng la mkhan po la zhus shig /de dag tshe dang ldan pa shA ri'i bu ga la ba der song ste phyin nas tshe dang ldan pa shA ri'i bu'i rkang pa gnyis la mgo bos phyag 'tshal te/ tshe dang ldan pa shA ri'i bu la 'di skad ces smras so/ /'phags pa shA ri'i bu mkhyen par mdzod cig /'phags pa dge 'dun 'tsho 'di bdag cag gi ne'u ldangs lhan cig skyes pa sa rdul la lhan cig rtse rtse ba lags te/ bdag cag ni rgya mtsho chen por 'phags na rgya mtsho chen po ni 'jigs pa du mas kun du gang ba lags pas 'phags pa dge 'dun 'tshos bdag cag rgya mtsho chen po'i nang du mchis pa rnams la chos bstan na des bdag cag bde legs su 'gyur lags kyis/ de'i slad du 'phags pa dge 'dun 'tsho bdag cag dang thabs gcig rgya mtsho chen por gtang bar gsol/ des smras pa/ bcom ldan 'das nyid la zhus shig dang kho bos zlog par mi byed do/ /de dag bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das mkhyen par mdzad du gsol/ 'phags pa dge 'dun 'tsho 'di bdag cag gi ne'u ldangs lhan cig skyes pa sa rdul la lhan cig rtse rtse ba lags te/ bdag cag ni rgya mtsho chen por 'phags na rgya mtsho chen po ni 'jigs pa du mas kun du gang ba lags pas 'phags pa dge 'dun 'tshos bdag cag rgya mtsho chen por mchis pa rnams la chos bstan na des bdag cag bde legs su 'gyur ba lags kyis/ de'i slad du 'phags pa dge 'dun 'tsho bdag cag dang thabs gcig rgya mtsho chen por gtang bar gsol/ bcom ldan 'das kyis dgongs pa/ ci tshong pa 'di dag la dge ba'i rtsa ba cung zad yod dam/ 'on te med snyam na yod par gzigs so/ /su la rag lus snyam nas dge slong dge 'dun 'tsho la rag lus par gzigs nas/ de nas bcom ldan 'das kyis tshe dang ldan pa dge 'dun 'tsho la bka' stsal pa/ dge 'dun 'tsho khyod rgya mtsho chen por 'jug tu song la khyod kyis 'jigs pa dang 'jigs su rung ba dag bzod par gyis shig /tshe dang ldan pa dge 'dun 'tshos bcom ldan 'das la cang mi smra bar dang du blangs so/ /de nas tshong pa lnga brgya po de dag tshe dang ldan pa dge 'dun 'tsho dang lhan cig dge mtshan dang / bkra shis dang / bde legs su 'gyur ba dag byas te/ shing rta dag dang / khur dag dang / sbyang dag dang / gle ba dag dang / rnga mo dag dang / ba lang dag dang / bong bu dag gis rgya mtsho chen por 'dong ba'i zong khyer te/ rgya mtsho chen por 'phags nas mthar gyis grong dang / grong rdal dang / yul 'khor dang / rgyal po'i pho brang dang / tshong rdal dag tu rnam par rgyu ba na rgya mtsho chen po'i 'gram du phyin nas de dag gis lam gyi dub pa bsal te/ zong rnying pa lnga brgyas gru bo che sbyar nas zho shas 'tsho ba lnga brgya po stobs par byed pa dang / sel bar byed pa dang / rkyal chen dang / gru ba dang / rlung yor thogs pa dag khrid de/ lan gsum dril bsgrags nas nor bsgrub pa'i phyir rgya mtsho chen por zhugs so/ /ji tsam na de dag rgya mtsho chen por dong ba dag gi gru bo che de klu rnams kyis bzung nas de dag zhi ba dang / chu lha dang / lus ngan dang / brgya byin dang / tshangs pa la sogs pa lha rnams la rgya mtsho chen po 'di na lha'am/ klu'am/ gnod sbyin nam/ dri za'am/ gang gnas pa de bdag cag la ci 'dod pa smra bar gyur cig ces gsol ba gdab par brtsams pa dang / de nas rgya mtsho chen po nas 'phags pa dge 'dun 'tsho nged la byin cig ces sgra phyung ngo / /de dag gis smras pa/ 'phags pa dge 'dun 'tsho ni bdag cag gi ne'u ldangs lhan cig skyes pa sa rdul la lhan cig rtse rtse ba/ bcom ldan 'das dang btsun pa shA ri'i bus bdag cag la gnang ba yin pas bdag cag 'di dang lhan cig 'chi ba dang dus byed pa ni bla'i/ 'di yongs su gtang bar ni mi bya'o/ /tshe dang ldan pa dge 'dun 'tshos de dag la smras pa/ shes ldan dag ci zer/ de dag gis smras pa/ 'phags pa rgya mtsho chen po nas 'phags pa dge 'dun 'tsho nged la byin cig ces sgra byung ngo / /des smras pa/ ci'i phyir mi sbyin/ de dag gis smras pa/ 'phags pa khyod ni bdag cag gi ne'u ldangs lhan cig skyes pa sa rdul la lhan cig rtse rtse ba/ bcom ldan 'das dang / btsun pa shA ri'i bus bdag cag la gnang ba lags pas bdag cag khyod dang thabs gcig 'gum pa dang dus bgyid pa ni bla'i/ khyod yongs su gtang bar ni mi bgyi'o/ /tshe dang ldan pa dge 'dun 'tshos bsams pa/ bcom ldan 'das kyis bdag la dge 'dun 'tsho khyod rgya mtsho chen por 'jug tu song la khyod kyis 'jigs pa dang 'jigs su rung ba dag bzod par gyis shig ces bka' stsal pa gang yin pa de ni 'di yin no snyam nas/ des lhung bzed dang chos gos thogs te bdag nyid rgya mtsho chen por mchong bar brtsams pa dang / de nas tshong pa de dag gis des de ltar brtsams pa mthong nas smras pa/ 'phags pa dge 'dun 'tsho ci mdzad ci mdzad/ de de dag de ltar bzlog bzhin du rgya mtsho chen por mchongs pa dang / de ma thag kho nar klu rnams kyis gru bo che de btang ngo / /tshe dang ldan pa dge 'dun 'tsho yang klu rnams kyis khrid de klu'i gnas su zhugs so/ /de nas klu de rnams klu'i bu mo rnams dang lhan cig 'dzum pa sngon du btang ste ya mtshan skyes nas mig tshugs su lta zhing tshe dang ldan pa dge 'dun 'tsho mchod rten de dag la phyag 'tshal du gzhug par brtsams te smras pa/ 'phags pa dge 'dun 'tsho 'di ni yang dag par rdzogs pa'i sangs rgyas rnam par gzigs kyi dri gtsang khang lags so/ /'di ni gtsug tor can dang / thams cad skyob dang / 'khor ba 'jig dang / gser thub dang / 'od srung gi dri gtsang khang lags so/ /'di ni bcom ldan 'das shAkya thub pa'i dri gtsang khang lags so/ /des de dag dang lhan cig mchod rten dag la phyag 'tshal nas klu'i tshogs kyi gung la stan bshams pa nyid la 'dug go/ /de nas klu de rnams kyis thal mo sbyar nas gsol ba btab pa/ 'phags pa dge 'dun 'tsho lha dang mi rnams la ni bcom ldan 'das kyi mdo sde dang / ma mo rab tu gnas na/ bdag cag klu rnams ni mi khom par skyes/ log par ltung ba'i lus dang ldan pas/ kye ma 'phags pas bdag cag la mdo sde'i mtha' rab tu gnas par mdzad du gsol/ des de ltar bya'o zhes khas blangs so/ /de nas sprul pa des klu gzhon nu gsum spro ba bskyed nas gcig la smras pa/ re shig khyod kyis ni yang dag par ldan pa lhogs shig /gnyis pa la smras pa/ khyod kyis ni bar ma lhogs shig /gsum pa la smras pa/ khyod kyis ni ring po lhogs shig /kho bos kyang gcig las 'phros pa'i lung brjod pa'i skabs de dag nyid la gsal bar bya'o/ /de dag gis klag par brtsams nas de na gcig ni mig btsums te lung nod par byed do/ /gnyis pa ni rgyab kyis phyogs te lung nod par byed do/ /gsum pa ni thag ring por 'dug ste lung nod par byed do/ /de dag gi nang nas sprul pa de nyid ni sngon gyi bag chags kyi khyad par gyis gus pa dang bcas pa dang / zhe sa dang bcas pa dang / 'phral gyi bya ba thams cad la thog mar 'gro ba yin pas de nang par sngar langs te/ 'phags pa bzhengs la tshems shing 'or cig /bcom ldan 'das kyi dkyil 'khor dang mchod rten la phyag mdzod cig /bshos gsol cig /gzims mal shoms shig ces smra bar byed do/ /ji tsam na de thams cad kyis rim gyis lung rnams blags pa dang / sprul pa des smras pa/ 'phags pa 'di dag gis lung rnams blags na ci 'dzin tam 'on te mi 'dzin/ des smras pa/ 'di dag dran pa dang ldan pas 'dzin par ni 'gyur na 'di ltar 'di dag la nyes pa yod do/ /des smras pa/ 'phags pa nongs pa ci mchis/ 'di dag thams cad gus pa med pa dang zhe sa med pa yin te/ re shig gcig ni mig btsums te lung nod par byed/ gnyis pa ni rgyab kyis phyogs te lung nod par byed/ gsum pa ni thag ring por 'dug ste lung nod par byed do/ /khyod 'ba' zhig gus pa dang bcas pa dang / zhe sa dang bcas pa dang 'phral gyi bya ba thams cad la thog mar 'gro ba yin no/ /des smras pa/ 'phags pa de dag ni gus pa ma mchis pa dang / zhe sa ma mchis pa ma lags te/ re shig mig btsums te lung nod pa gang lags pa ni mig gdug pa lags so/ /rgyab kyis phyogs te lung nod pa gang lags pa ni dbugs gdug pa lags so/ /thag ring por mchis te lung nod pa gang lags pa de ni reg pa gdug pa lags so/ /bdag gcig pu ni mche ba gdug pa lags so/ /de nas tshe dang ldan pa dge 'dun 'tsho skrag nas bsams pa/ bdag kho bo dgra bo rnams kyi nang na 'dug pa lta snyam nas/ de skya bo bseng bseng po/ rid pa dang / nyam chung ba dang / rke ba dang skam pa dang lus ma thob par gyur to/ /klu sprul pas smras pa/ 'phags pa khyod ci'i slad du skya bo bseng bseng po/ /rid pa dang / nyam chung ba dang / rke ba dang / skam pa dang / lus ma thob par gyur/ des smras pa/ kho bo ni dgra bo rnams kyi nang na 'dug ste gang gi tshe khyed cag las gang yang rung ba zhig 'khrugs par gyur pa de'i tshe na kho bo ming tsam zhig lus par 'gyur ro/ /des smras pa/ bdag cag 'phags pa la gnod pa mi bgyid de/ 'di ltar 'phags pa slar 'dzam bu'i gling du gshegs bzhed dam ci/ des smras pa/ bzhin bzangs kho bo 'di na dga' ba med pas 'gro 'dod do/ /de nas klu de rnams kyis phan tshun gros byas te/ gang gi tshe gru bo che de phyogs der 'ongs pa de'i tshe na 'phags pa dge 'dun 'tsho bteg ste gru bo che'i nang du bzhag go/ de nas tshong pa de dag 'dzum pa sngon du btang ste ya mtshan skyes nas mig tshugs su lta zhing smras pa/ 'phags pa dge 'dun 'tsho byon pa legs so/ /byon pa legs so des smras pa/ shes ldan dag kho bos ni klu'i gnas su klu rnams la lung bzhi po dag rab tu gnas par byas kyis rjes su yi rang bar gyis shig /de dag gis smras pa/ 'phags pa 'di lta ste/ gzhan la phan 'dogs pa 'di ni ston pa'i bstan pa la rab tu byung bas bgyi ba lags te rjes su yi rang ngo / /de nas tshong pa de dag tshe dang ldan pa dge 'dun 'tsho dang lhan cig tshogs shing kun dga' bzhin du mthar gyis rgya mtsho'i 'gram du phyin to/ /ji tsam na thams cad ngal zhing dub pas gnyid log pa na tshe dang ldan pa dge 'dun 'tsho yang rgya mtsho chen po la blta bar brtsams so/ /bcom ldan 'das kyis dge slong dag lnga po 'di dag ni blta bas chog mi shes shing mthong na mi mthun pa med pa yin te/ lnga gang zhe na/ dge slong dag glang po che cang shes gzhon sha can dang / 'khor los sgyur ba'i rgyal po dang / rgya mtsho dug can pa dang / ri'i rgyal rgyal po ri rab dang / de bzhin gshegs pa dgra bcom pa yang dag par rdzogs pa'i sangs rgyas ni blta bas chog mi shes shing mthong na mi mthun pa med pa yin no zhes gsungs pas/ de yun ring du rgya mtsho chen po la lta ba na dub pas tho rangs gnyid stug pos non to/ /de nas tshong pa de dag khal dag bkal te 'phags nas mtshan mo nam nangs pa na tshe dang ldan pa dge 'dun 'tsho mi snang nas/ de dag brtad cing shes ldan dag 'phags pa dge 'dun 'tsho ga re zhes phan tshun du blta bar brtsams pa dang / de na kha cig na re mdun du song ngo zhes zer ro/ /kha cig na re phyi bzhin 'ong ngo zhes zer ro/ /kha cig na re dbus nas 'gro'o zhes zer ro/ /de dag rnam pa thams cad du kun du tshol ba na yi chad par gyur cing ma mthong ngo / /de nas de dag bzhin nyams shing dman par gyur te smras pa/ shes ldan dag bdag cag gis 'phags pa dge 'dun 'tsho bor ba ma legs pa byas kyis phyir ldog par bya'o/ /yang bsams pa/ 'phags pa dge 'dun 'tsho ni rdzu 'phrul che ba mthu che ba yin pas 'di ltar rgya mtsho chen por yang dus la ma bab na de da lta skam la phyin na dus la bab par ga la 'gyur/ de ni rdzu 'phrul che ba mthu che ba yin pas de ches sngon du song ba gang yin pa de lta bu'i gnas yod do snyam nas smras pa/ shes ldan dag tshur sheg 'dong zhes de dag 'phags so/ / tshe dang ldan pa dge 'dun 'tsho yang bye ma'i thang stong pa la nyi ma 'char ba'i dus kyi tshe nyi ma'i 'od zer dag gis phog nas sad pa dang / ji tsam na ci yang mi snang nas des bsams pa/ /tshong pa de dag ni dong na da ji ltar bya/ gar bab bab tu 'gro'o snyam mo/ /tshe dang ldan pa de snying stobs che bas song ba dang lam mi snang nas des phan tshun btsal nas lam srang zhig mthong nas de der zhugs pa dang / ji tsam na sa la'i dgon pa zhig na gtsug lag khang rta babs mthon po dang ldan pa/ mthongs khung dang / skar khung dra ba can dang / lan kan gyis brgyan pa/ snying dang mig 'phrog par byed pa/ mtho ris kyi them skas su gyur pa/ khri dang khri'u dang yo byad phun sum tshogs pa dang ldan pa/ shing ljon pa sna tshogs kyis bskor ba/ rdzing bu dang mtshe'us nye bar mdzes par byas pa/ ngang pa dang / khrung khrung dang / rma bya dang / ne tsho dang / ri skegs dang / khu byug mngon par sgra 'byin pa/ lha'i gnas ltar dpal gyis 'bar ba zhig dang / de na dge slong legs par bgos shing legs par sbyangs pa/ spyod lam zhi bas gnas pa dag mthong nas gus pa dang bcas pas de dag gi gan du song ngo / /de nas de dag gus par sgrim pa dang bcas pas de la smras pa/ btsun pa dge 'dun 'tsho byon pa legs so/ /byon pa legs so/ /khyod da gzod ga las byon/ des ji ltar gyur pa thams cad brjod pa dang / de nas de dag gis ngal sor bcug ste/ lam gyi dub pa bsal nas gtsug lag khang du khrid do/ /ji tsam na stan bzang po bshams pa dang / kha zas bsod pa'i spyi bungs bshams pa mthong nas de dag gis de la smras pa/ btsun pa dge 'dun 'tsho mi skyems sam/ mi sbribs sam/ des smras pa/ tshe dang ldan pa dag skom mo/ /bkres so/ /de dag gis smras pa/ btsun pa dge 'dun 'tsho gsol cig /des smras pa/ dge 'dun gyi nang du bza'o/ /de dag gis smras pa/ btsun pa dge 'dun 'tsho khyod shul gyis dub pa lags kyis da gsol cig /slad kyis 'dir nyes dmigs 'byung bar 'gyur ro/ /de zos nas mtha' gcig tu song ste 'dug go/ /ji tsam na de dag dro la bab ste/ gaN DI brdungs pa na rang rang gi lhung bzed thogs te gral rims bzhin 'khod do/ /de dag 'khod pa dang gtsug lag khang de yang mi snang bar gyur cing de dag gi rang rang gi lhung bzed kyang lcags kyi tho ba rnam pa sna tshogs su gyur to/ /de nas de dag ji srid du dro ma yol gyi bar du lcags kyi tho ba de dag gis phan tshun glad pa bcom nas de dag glad pa zhom zhing sdug bsngal gyi tshor bas nyen nas nyam thag pa'i skad 'byin to/ /ji tsam na dro yol ba dang gtsug lag khang de yang de kho na bzhin du phyir byung zhing dge slong de dag kyang de kho na bzhin du spyod lam zhi bas gnas so/ /de nas tshe dang ldan pa dge 'dun 'tsho de dag gi gan du song ste dris pa/ tshe dang ldan pa dag khyed su yin/ las gang gis 'dir skyes/ de dag gis smras pa/ btsun pa dge 'dun 'tsho 'dzam bu'i gling pa'i mi rnams ni yid ches par dka' bas khyed yid ches par mi 'gyur ro/ /des smras pa/ kho bos mngon sum kho nar mthong na ci'i phyir yid ches par mi 'gyur/ de dag gis smras pa/ btsun pa dge 'dun 'tsho bdag cag ni yang dag par rdzogs pa'i sangs rgyas 'od srung gi nyan thos su gyur te/ ji tsam na bdag cag gis zan gyi gral du 'thab mo bgyis pas las de'i rnam par smin pas bdag cag nyi tshe ba'i sems can dmyal ba rnams kyi nang du skyes te/ bdag cag 'di nas shi 'phos pa dag sems can dmyal ba rnams kyi nang du skye bar 'gyur ba gang lags pa de lta bu'i gnas kyang mchis par 'gyur ro/ /btsun pa dge 'dun 'tsho de'i slad du 'dzam bu'i gling du gshegs nas tshangs pa mtshungs par spyod pa rnams la tshe dang ldan pa dag 'di lta ste/ dper na 'od srung gi dge slong dag ltar zan gyi gral du thab mo ma byed cig /sdug bsngal gyi tshogs de lta bu'i skal ba can du 'gyur bar ma byed cig ces don 'di rgya cher brjod na legs so/ /des de ltar bya'o zhes khas blangs te song ngo / /ji tsam na de kho na bzhin du sa la'i dgon pa zhig na gtsug lag khang gnyis pa rta babs mthon po dang ldan pa/ mthongs khung dang / /skar khung dra ba can dang / lan kan gyis brgyan pa/ snying dang mig 'phrog par byed pa/ mtho ris kyi them skas su gyur pa/ khri dang khri'u dang yo byad phun sum tshogs pa dang ldan pa/ shing ljon pa sna tshogs kyis bskor ba/ rdzing bu dang mtshe'us nye bar mdzes par byas pa/ ngang pa dang / khrung khrung dang / rma bya dang / ne tso dang / ri skegs dang / khu byug dag mngon par sgra 'byin pa/ lha'i gnas ltar dpal gyis 'bar ba zhig dang / de na dge slong legs par bgos shing legs par sbyangs pa/ spyod lam zhi bas gnas pa dag mthong nas gus pa dang bcas pas de dag gi gan du song ngo / /de nas de dag gis gus pa dang sgrim pa dang bcas pas de la smras pa/ btsun pa dge 'dun 'tsho byon pa legs so/ /byon pa legs so/ /khyod da gzod ga las byon/ des ji ltar gyur pa thams cad brjod pa dang / de nas de dag gis ngal sor bcug ste/ lam gyis dub pa bsal nas gtsug lag khang du khrid do/ /ji tsam na stan bzang po bshams pa dang / kha zas bsod pa'i spyi bungs bshams pa dag mthong nas de dag gis de la smras pa/ btsun pa dge 'dun 'tsho mi skyems sam/ mi sbribs sam/ des smras pa/ tshe dang ldan pa dag skom mo/ /bkres so/ /de dag gis smras pa/ btsun pa dge 'dun 'tsho gsol cig /des smras pa/ dge 'dun gyi nang du bza'o/ / de dag gis smras pa/ btsun pa dge 'dun 'tsho khyod shul gyis mnyel ba lags kyis da gsol cig /slad kyis 'dir nyes dmigs 'byung bar 'gyur ro/ /des nyes dmigs mthong bas zos nas mtha' gcig tu song ste 'dug go/ /ji tsam na de dag dro la bab ste gaN DI brdungs pa na rang rang gi lhung bzed thogs te gral rims bzhin du 'khod do/ /de dag 'khod pa dang gtsug lag khang de yang mi snang bar gyur cing bza' ba dang btung ba de dag kyang lcags khu dag tu gyur to/ / de nas de dag ji srid dro ma yol gyi bar du lcags khu de dag gis phan tshun gtor nas de dag lus tshig cing sdug bsngal gyi tshor bas nyen nas nyam thag pa'i skad 'byin to/ /ji tsam na dro yol ba dang gtsug lag khang de yang de kho na bzhin du phyir byung zhing dge slong de dag kyang de kho na bzhin du spyod lam zhi bas gnas so/ /de nas tshe dang ldan pa dge 'dun 'tsho de dag gi gan du song ste dris pa/ tshe dang ldan pa dag khyed su yin/ las gang gis 'dir skyes/ de dag gis smras pa/ btsun pa dge 'dun 'tsho 'dzam bu'i gling pa'i mi rnams ni yid ches par dka' bas khyod yid ches par mi 'gyur ro/ /des smras pa/ kho bos mngon sum kho nar mthong na ci'i phyir yid ches par mi 'gyur/ de dag gis smras pa/ btsun pa dge 'dun 'tsho bdag cag ni yang dag par rdzogs pa'i sangs rgyas 'od srung gi nyan thos su gyur te/ ji tsam na dge 'dun la snum bag gi rnyed pa byung zhing dge slong glo bur du 'ongs pa dag kyang lhags pa na/ bdag cag ser snas yongs su bzung ba dag gis ji srid du dge slong glo bur du 'ongs ba dag ma dong ba de srid du bza' bar mi bya'o zhes de ltar sems bskyed cing tshig tu yang rjod la/ zhag bdun gyi bar du dus ma yin par yul ngan pa byung nas des bza' ba dang btung ba de dag rul cing ma rung bar gyur pa de ltar bgyis te/ bdag cag gis dad pas sbyin par bya ba chud gsan pas las de'i rnam par smin pas bdag cag nyi tshe ba'i sems can dmyal ba rnams kyi nang du skyes te/ bdag cag 'di nas shi 'phos pa dag sems can dmyal ba chen po rnams kyi nang du skye bar 'gyur ba gang lags pa de lta bu'i gnas kyang mchis par 'gyur ro/ /btsun pa dge 'dun 'tsho de'i slad du 'dzam bu'i gling du gshegs nas tshangs pa mtshungs par spyod pa rnams la tshe dang ldan pa dag 'di lta ste/ dper na 'od srung gi dge sbyong dag ltar dad pas sbyin par bya ba chud ma gzon cig /sdug bsngal gyi tshogs de lta bu'i skal ba can du 'gyur bar ma byed cig ces don 'di rgya cher brjod na legs so/ /des de ltar bya'o zhes khas blangs nas song ngo / /ji tsam na yang de kho na bzhin du sa la'i dgon pa zhig na gtsug lag khang gsum pa rta babs mthon po dang ldan pa/ mthongs khung dang / skar khung dra ba can dang / lan kan gyis brgyan pa/ snying dang mig 'phrog par byed pa/ mtho ris kyi them skas su gyur pa/ khri dang khri'u dang yo byad phun sum tshogs pa dang ldan pa/ shing ljon pa sna tshogs kyis bskor ba/ rdzing bu dang mtshe'us nye bar mdzes par byas pa/ ngang pa dang / khrung khrung dang / rma bya dang / ne tso dang / ri skegs dang / khu byug dag mngon par sgra 'byin pa/ lha'i gnas ltar dpal gyis 'bar ba zhig dang / de na dge slong legs par bgos shing legs par sbyangs pa/ spyod lam zhi bas gnas pa dag mthong nas gus pa dang bcas pas de dag gi gan du song ngo / /de nas de dag gus pa dang sgrim pa dang bcas pas de la smras pa/ btsun pa dge 'dun 'tsho byon pa legs so byon pa legs so/ / khyod da gzod ga las byon/ des ji ltar gyur pa thams cad brjod pa dang / de nas de dag gis ngal sor bcug ste lam gyis dub pa bsal nas gtsug lag khang du khrid do/ /ji tsam na stan bzang po bshams pa dang / kha zas bsod pa'i spyi bungs bshams pa dag mthong nas de dag gis de la smras pa/ btsun pa dge 'dun 'tsho mi skyems sam/ mi sbribs sam/ des smras pa/ tshe dang ldan pa dag skom mo/ /bkres so/ /de dag gis smras pa/ btsun pa dge 'dun 'tsho gsol cig /des smras pa/ dge 'dun gyi nang du bza'o/ /de dag gis smras pa/ btsun pa dge 'dun 'tsho khyod shul gyis mnyel ba lags kyis da gsol cig /slad kyis 'dir nyes dmigs 'byung bar 'gyur ro/ /des nyes dmigs mthong bas zos nas mtha' gcig tu song ste 'dug go/ ji tsam na de dag dro la bab ste gaN DI brdungs na rang rang gi lhung bzed thogs te gral rims bzhin du 'khod do/ /de dag 'khod pa dang de dag gi gtsug lag khang de 'bar rab tu 'bar kun du rab tu 'bar zhing me lce gcig tu gyur nas sreg par brtsams so/ /de nas de dag ji srid du dro ma yol gyi bar du me lce des bsregs nas de dag lus tshig cing sdug bsngal gyi tshor bas nyen nas nyam thag pa'i skad 'byin to/ /ji tsam na dro yol ba dang gtsug lag khang de yang de kho na bzhin du phyir byung zhing dge slong de dag kyang de kho na bzhin du spyod lam zhi bas gnas so/ /de nas tshe dang ldan pa dge 'dun 'tsho de dag gi gan du song ste dris pa/ tshe dang ldan pa dag khyed su yin/ las gang gis 'dir skyes/ de dag gis smras pa/ btsun pa dge 'dun 'tsho 'dzam bu'i gling pa'i mi rnams ni yid ches par dka' bas khyed yid ches par mi 'gyur ro/ /des smras pa/ kho bos mngon sum kho nar mthong na ci'i phyir yid ches par mi 'gyur/ de dag gis smras pa/ btsun pa dge 'dun 'tsho bdag cag ni yang dag par rdzogs pa'i sangs rgyas 'od srung gi nyan thos su gyur te/ ji tsam na bdag cag tshul khrims 'chal ba dang sdig pa'i chos can du gyur nas/ dge slong tshul khrims dang ldan pa rnams kyis bdag cag gtsug lag khang nas bskrad pa dang bdag cag gtsug lag khang stong pa zhig tu 'khod do/ /ji tsam na dge slong tshul khrims dang ldan pa gcig gcig rgyu ba na der phyin pa dang / de nas bdag cag la blo skyes pa/ 'di gcig pus bdag cag gi yon sbyong bar 'gyur gyis 'dug la rag go snyam pa dang / de de nyid du 'dug go/ ji tsam na de'i zhar gyis yang dge slong tshul khrims dang ldan pa mang po dag lhags nas de dag gis bdag cag de nas bskrad do/ /de nas bdag cag mi bzod pa skyes pa dag gis shing dang / rtswa dang / lci ba skam po dag bcer te gtsug lag khang la me btang nas der dge slong bslab pa 'dod pa mang po dag bsregs pas las de'i rnam par smin pas bdag cag nyi tshe ba'i sems can dmyal ba rnams kyi nang du skyes te/ bdag cag 'di nas shi 'phos pa dang sems can dmyal ba rnams kyi nang du skye bar 'gyur ba gang lags pa de lta bu'i gnas kyang mchis par 'gyur ro/ /btsun pa dge 'dun 'tsho de'i slad du 'dzam bu'i gling du gshegs nas tshangs pa mtshungs par spyod pa rnams la tshe dang ldan pa dag 'di lta ste/ dper na 'od srung gi dge sbyong ltar tshangs pa mtshungs par spyod pa dag la sdang ba'i sems ma skyed cig /sdug bsngal gyi tshogs de lta bu'i skal ba can du 'gyur bar ma byed cig ces don 'di rgya cher brjod na legs so/ /des de ltar bya'o zhes khas blangs te song ngo / /ji tsam na sems can rtsig pa 'dra ba dag dang / ka ba 'dra ba dag dang / shing ljon pa 'dra ba dag dang / lo ma 'dra ba dag dang / me tog 'dra ba dag dang / 'bras bu 'dra ba dag dang / thag pa 'dra ba dag dang / phyags ma 'dra ba dag dang / phor pa 'dra ba dag dang / gtun 'dra ba dag dang / phru ba 'dra ba dag dang / rked pa chad pa chu rgyus kyis bzung ba dag 'dong ba yang mthong ngo / /tshe dang ldan pa dge 'dun 'tsho yang mthar gyis ljongs su song ba dang / ji tsam na bsti gnas shig na drang srong lnga brgya tsam 'khod de/ de dag gis tshe dang ldan pa dge 'dun 'tsho thag ring po kho na nas 'ong ba mthong ngo / /de nas de dag gis gros bya bar brtsams pa shes ldan dag nyon cig /shAkya'i bu'i dge sbyong 'di dag ni smra ba mang ba yin pas 'di la sus kyang tshig sbyin par mi bya'o zhes de dag gis khrims su bya ba bcas te 'khod do/ /tshe dang ldan pa dge 'dun 'tsho yang spyod lam zhi bas de dag gi gan du song ste bsti gnas brnya bar brtsams pa na 'gas kyang tshig ma ster to/ /de na drang srong bsod nams 'dod pa gcig cig gis smras pa/ khyod la ci'i phyir bsti gnas mi brnyan te 'di ltar khyed la nyes pa yod do/ /khyed ni smra ba mang ba yin no/ /de lta mod kyi dam tshig gis brnya bar bya ste/ gal te cung zad kyang mi smra na brnyan no/ /tshe dang ldan pa dge 'dun 'tshos smras pa/ drang srong de bzhin du byas mi smra'o/ /de na drang srong gcig cig ljongs rgyur song ba de'i spyil bu stong par 'dug pa de tshe dang ldan pa dge 'dun 'tsho la 'dir nyol cig ces brnyan no/ / tshe dang ldan pa dge 'dun 'tshos spyil bu de chag chag btab/ phyag dar byas/ ba lang gi lci ba sar pas byug pa byas so/ /de dag gis de mthong nas de dag gis smras pa/ shes ldan dag shAkya'i bu'i dge sbyong 'di dag ni gtsang sbra byed pa yin no/ /tshe dang ldan pa dge 'dun 'tshos spyil bu'i phyi rol du rkang pa gnyis bkrus te spyil bur zhugs nas skyil mo krung bcas te lus drang por bsrang nas dran pa phyogs par bzhag ste 'dug go/ de nas bsti gnas de na lha mo zhig 'dug pa gang yin pa de mtshan mo thun dang po la tshe dang ldan pa dge 'dun 'tsho ga la ba der song ste phyin nas des smras pa/ 'phags pa dge 'dun 'tsho chos bstan du gsol/ des smras pa/ lha mo khyod bde bar gyur cig /kho bos khrims su bya bas bsti gnas rnyed pa khyod kyis ma mthong ngam/ ci kho bo bskrad par 'dod dam/ des bsams pa/ rab tu byung ba 'di ngal gyis 'di ltar gung thun la 'ong bar bya'o snyam nas de gung thun la 'ongs te smras pa/ 'phags pa dge 'dun 'tsho chos bstan du gsol/ des smras pa/ sring mo khyod kha rog mi phod pas kho bo nges par bskrad par 'dod dam/ des bsams pa/ rab tu byung ba 'di da dung gnyid kyis myos kyis thun tha ma la 'ong bar bya'o snyam nas de thun tha ma la 'ongs te smras pa/ 'phags pa dge 'dun 'tsho ci'i slad du gzims/ mtshan mo'i dgung sangs kyis bzhengs la chos bstan du gsol/ des smras pa/ sring mo khyod kyis kho bo rnam pa thams cad du bskrad do/ /des smras pa/ 'phags pa mtshan mo'i dgung sangs pas gal te bskrad na yang cir 'gyur bzhud do 'tshal/ 'di ltar bcom ldan 'das kyis 'jigs pa dang 'jigs su rung ba bzod par bya'o zhes bka' ma stsal tam/ tshe dang ldan pa dge 'dun 'tshos bsams pa/ sring mo 'di zer ba ni bden te/ gal te kho bo bskrad na 'gro la rag gis 'di ltar 'di dag ni bram ze yin pas bram ze dang yang dag par ldan pa'i tshigs su bcad pa brjod par bya'o snyam nas/ des bram ze'i sde tshan 'di skad ces/ som nyi ma rgal gcer bu'i spyod pa dang / /ral pa rdzab dang sna tshogs zas dang ni/ /thang la nyal dang rdul dang dri ma dang / /tsog pu'i spong bas mi dag 'byung mi 'gyur/ / 'byung po kun la 'tshe ba rnam spangs te/ /chos spyod zhi dul yang dag sdom pa dang / /tshangs spyod ldan pa rgyan gyis brgyan gyur kyang / /de nyid bram ze dge sbyong dge slong yin/ /zhes kha ton bya bar brtsams so/ /de dag gis de thos nas de dag gis bsams pa/ bram ze dang yang dag par ldan pa'i tshigs su bcad pa zer ro snyam nas gcig nye bar 'ongs so/ /de bzhin du gnyis pa dang / gsum pa nas de dag thams cad kyi bar du nye bar lhags pa dang / lha mo des ci nas kyang de dag gcig gis gcig mi mthong ba de ltar byin gyis brlabs so/ /de'i 'og tu tshe dang ldan pa dge 'dun 'tshos grong khyer lta bu'i mdo gdon par brtsams so/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag sngon nga rdzogs pa'i byang chub mngon par rdzogs par sangs ma rgyas pa'i tshe gcig pu dben par song ste nang du yang dag bzhag pa na sems la sems kyi yongs su rtog pa 'di lta bu byung ste/ kye ma 'jig rten 'di sdug bsngal bar gyur te/ 'di lta ste skye bar 'gyur/ rga bar 'gyur 'chi bar 'gyur/ nyams par 'gyur/ 'byung bar 'gyur yang 'on kyang sems can 'di dag gis rga shi bas bla ma yod bzhin du nges par 'byung ba yang dag pa ji lta ba bzhin rab tu mi shes so snyam nas nga 'di snyam du sems te/ gang yod na rga shi 'byung zhing rkyen gang gis rga shi 'byung snyam du nga tshul bzhin yid la byed pa na/ 'di ltar skye ba yod na rga shi 'byung zhing skye ba'i rkyen gyis rga shi 'byung ngo snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang yod na skye ba 'byung zhing rkyen gang gis skye ba 'byung snyam du nga tshul bzhin yid la byed pa na/ 'di ltar srid pa yod na skye ba 'byung zhing srid pa'i rkyen gyis skye ba 'byung ngo snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang yod na srid pa 'byung zhing rkyen gang gis srid pa 'byung snyam du nga tshul bzhin yid la byed pa na/ 'di ltar len pa yod na srid pa 'byung zhing len pa'i rkyen gyis srid pa 'byung ngo snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang yod na len pa 'byung zhing rkyen gang gis len pa 'byung snyam du nga tshul bzhin yid la byed pa na/ 'di ltar sred pa yod na len pa 'byung zhing sred pa'i rkyen gyis len pa 'byung ngo snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang yod na sred pa 'byung zhing rkyen gang gis sred pa 'byung snyam du nga tshul bzhin yid la byed pa na/ 'di ltar tshor ba yod na srid pa 'byung zhing tshor ba'i rkyen gyis srid pa 'byung ngo snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang yod na tshor ba 'byung zhing rkyen gang gis tshor ba 'byung snyam du nga tshul bzhin yid la byed pa na/ 'di ltar reg pa yod na tshor ba 'byung zhing reg pa'i rkyen gyis tshor ba 'byung ngo snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang yod na reg pa 'byung zhing rkyen gang gis reg pa 'byung snyam du nga tshul bzhin yid la byed pa na/ 'di ltar skye mched drug yod na reg pa 'byung zhing skye mched drug gi rkyen gyis reg pa 'byung ngo snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang yod na skye mched drug 'byung zhing rkyen gang gis skye mched drug 'byung snyam du nga tshul bzhin yid la byed pa na/ 'di ltar ming dang gzugs yod na skye mched drug 'byung zhing ming dang gzugs kyi rkyen gyis skye mched drug 'byung ngo snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang yod na ming dang gzugs 'byung zhing rkyen gang gis ming dang gzugs 'byung snyam du nga tshul bzhin yid la byed pa na/ 'di ltar rnam par shes pa yod na ming dang gzugs 'byung zhing rnam par shes pa'i rkyen gyis ming dang gzugs 'byung ngo snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang yod na rnam par shes pa 'byung zhing rkyen gang gis rnam par shes pa 'byung snyam pa las/ nga'i yid rnam par shes pa nas phyir log cing de phan chad du 'jug par mi byed de/ 'di lta ste/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar na sdug bsngal gyi phung po chen po 'ba' zhig pa 'di 'byung bar 'gyur ro snyam mo/ /nga 'di snyam du sems te/ gang med na rga shi mi 'byung zhing gang 'gags pas rga shi 'gag snyam du nga tshul bzhin yid la byed pa na/ 'di ltar skye ba med na rga shi mi 'byung zhing / skye ba 'gags pas rga shi 'gag go snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang med na skye ba mi 'byung zhing gang 'gags pas skye ba 'gag snyam du nga tshul bzhin yid la byed pa na/ 'di ltar srid pa med na skye ba mi 'byung zhing / srid pa 'gags pas skye ba 'gag go snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang med na srid pa mi 'byung zhing gang 'gags pas srid pa 'gag snyam du nga tshul bzhin yid la byed pa na/ 'di ltar len pa med na srid pa mi 'byung zhing len pa 'gags pas srid pa 'gag go snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang med na len pa mi 'byung zhing gang 'gags pas len pa 'gag snyam du nga tshul bzhin yid la byed pa na/ 'di ltar sred pa med na len pa mi 'byung zhing sred pa 'gags pas len pa 'gag go snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang med na sred pa mi 'byung zhing / gang 'gags pas sred pa 'gag snyam du nga tshul bzhin yid la byed pa na/ 'di ltar tshor ba med na sred pa mi 'byung zhing tshor ba 'gags pas sred pa 'gag go snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang med na tshor ba mi 'byung zhing gang 'gags pas tshor ba 'gag snyam du nga tshul bzhin yid la byed pa na/ 'di ltar reg pa med na tshor ba mi 'byung zhing reg pa 'gags pas tshor ba 'gag go snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang med na reg pa mi 'byung zhing gang 'gags pas reg pa 'gag snyam du nga tshul bzhin yid la byed pa na/ 'di ltar skye mched drug med na reg pa mi 'byung zhing skye mched drug 'gags pas reg pa 'gag go snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang med na skye mched drug mi 'byung zhing gang 'gags pas skye mched drug 'gag snyam du nga tshul bzhin yid la byed pa na/ 'di ltar ming dang gzugs med na skye mched drug mi 'byung zhing ming dang gzugs 'gags pas skye mched drug 'gag go snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang med na ming dang gzugs mi 'byung zhing gang 'gags pas ming dang gzugs 'gag snyam du nga tshul bzhin yid la byed pa na/ 'di ltar rnam par shes pa med na ming dang gzugs mi 'byung zhing rnam par shes pa 'gags pas ming dang gzugs 'gag go snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang med na rnam par shes pa mi 'byung zhing gang 'gags pas rnam par shes pa 'gag go snyam du nga tshul bzhin yid la byed pa na/ 'di ltar 'du byed rnams med na rnam par shes pa mi 'byung zhing 'du byed rnams 'gags pas rnam par shes pa 'gag go snyam du yang dag pa ji lta ba bzhin mngon par rtogs par gyur to/ /nga 'di snyam du sems te/ gang med na 'du byed rnams mi 'byung zhing gang 'gags pas 'du byed rnams 'gag snyam du nga tshul bzhin yid la byed pa na/ 'di ltar ma rig pa med na 'du byed rnams mi 'byung zhing ma rig pa 'gags pas 'du byed rnams 'gag go snyam du yang dag pa ji lta ba bzhin mngon par rtogs par gyur to/ /'di lta ste ma rig pa 'gags pas 'du byed rnams 'gag 'du byed rnams 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar na sdug bsngal gyi phung po 'ba' zhig pa 'di 'gag par 'gyur ro snyam mo// //'dul ba gzhi// // bam po bcu pa// //dge slong dag nga 'di snyam du sems te ngas sngon gyi lam dang / sngon gyi bgrod pa dang / sngon gyi lam srol sngon gyi drang srong rnams gshegs shing rjes su 'dong ba rnyed do snyam mo/ /'di lta ste dper na mi zhig dgon pa nags mchog tu 'khyam zhing 'gro ba na sngon gyi lam dang / sngon gyi bgrod pa dang / sngon gyi lam srol sngon gyi mi rnams dong zhing rjes su 'dong ba zhig rnyed nas de de'i rjes su song ba dang / sngon gyi grong khyer dang / sngon gyi rgyal po'i pho brang kun dga' ra ba phun sum tshogs pa/ tshal phun sum tshogs pa/ rdzing bu phun sum tshogs pa/ bzang ba nags dang ldan pa/ dga' bar 'gyur ba zhig mthong zhing mthong nas kyang de 'di snyam du sems te/ bdag rgyal po'i gan du song ste brjod par bya'o snyam nas/ de rgyal po'i gan du song ste lha mkhyen par mdzod cig /'di na bdag dgon pa nags mchog cig tu 'khyam zhing mchi ba na sngon gyi shul dang / sngon gyi bgrod pa dang / sngon gyi shul srol sngon gyi mi rnams mchis shing rjes su mchi ba zhig rnyed nas bdag de'i rjes su mchis pa dang / sngon gyi grong khyer dang / sngon gyi rgyal po'i pho brang kun dga' ra ba phun sum tshogs pa/ tshal phun sum tshogs pa/ rdzing bu phun sum tshogs pa/ bzang ba nags dang ldan pa/ dga' bar 'gyur ba zhig mthong ste lhas de grong khyer bgyid du gsol la/ de rgyal po'i pho brang bgyid du stsol cig dang / dus gzhan na de rgyal po'i pho brang 'byor pa/ rgyas pa/ bde ba/ lo legs pa/ skye bo dang mi mang pos bltam par 'gyur ro zhes zer ba de bzhin du dge slong dag ngas kyang sngon gyi lam dang / sngon gyi bgrod pa dang / sngon gyi lam srol sngon gyi drang srong rnams gshegs shing rjes su 'dong ba rnyed do/ /dge slong dag sngon gyi lam dang / sngon gyi bgrod pa dang / sngon gyi lam srol sngon drang srong rnams gshegs shing rjes su 'dong ba de gang zhe na/ 'di lta ste/ 'phags pa'i lam yan lag brgyad pa 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ dge slong dag 'di ni sngon gyi lam dang / sngon gyi bgrod pa dang / sngon gyi lam srol sngon gyi drang srong rnams gshegs shing rjes su 'dong ba yin no/ /ngas der son cing der son pa na rga shi mthong / rga shi kun 'byung ba dang / rga shi 'gog pa dang / rga shi 'gog par 'gro ba'i lam mthong ste/ skye ba dang / srid pa dang / len pa dang / sred pa dang / tshor ba dang / reg pa dang / skye mched drug dang / ming dang gzugs dang / rnam par shes pa dang / 'du byed rnams mthong zhing 'du byed rnams kun 'byung ba dang / 'du byed rnams 'gog pa dang / 'du byed rnams 'gog par 'gro ba'i lam mthong ste/ ngas rang gi mngon par shes pas mngon par rdzogs par byang chub nas dge slong rnams dang / dge slong ma rnams dang / dge bsnyen rnams dang / dge bsnyen ma rnams dang / gzhan mu stegs can dang / dge sbyong dang / bram ze dang spyod pa can dang / kun du rgyu sna tshogs dag la brjod do/ /de la dge slong gis kyang yang dag par sgrub pa na sgrub par byed pa yin zhing rigs pa dang ldan pa/ chos dang ldan pa/ dge ba sgrub par byed do/ /dge slong ma dang / dge bsnyen dang / dge bsnyen mas kyang yang dag par sgrub pa na sgrub par byed pa yin zhing / rigs pa dang ldan pa/ chos dang ldan pa/ dge ba sgrub par byed do/ /de ltar na tshangs par spyod pa 'di ni rgya che ba/ skye bo mang po la phan pa/ yang dag par gyur pa/ lha dang mi'i bar dag la yang dag par rab tu bstan pa yin no zhes bton cing / de nas mjug tu/ 'byung po gang dag 'dir ni lhags gyur cing / /sa 'am 'on te bar snang 'khod pa dag /skye dgu rnams la rtag tu byams byed cing / /nyin dang mtshan du chos kyang spyod gyur cig /ces yongs su bsngos pa dang / de dag thams cad kyis bden pa mngon par rtogs ma thag tu phyir mi 'ong ba'i 'bras bu thob ste rdzu 'phrul yang mngon par bsgrubs so/ /de nas de dag thams cad kyis btsun pa dge 'dun 'tsho legs par gsungs so/ /legs par gsungs so zhes mgrin gcig tu sgra phyung ngo / /de nas lha mo des rdzu 'phrul mngon par 'du bya ba de brtul ba dang / gcig gis gcig mthong bar gyur to/ /de dag gis gcig gis gcig mthong nas smras pa/ kye khyod kyang 'ongs sam/ khyod 'ongs sam/ kho bo 'ongs so/ /legs so/ /de dag gis 'byor pa rnyed cing rnyed nas smras pa/ btsun pa dge 'dun 'tshos bdag cag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po gnang na bdag cag bcom ldan 'das kyi spyan sngar tshangs par spyod pa spyad par bgyi'o/ /des 'dzum pa sngon du btang ste smras pa/ tshe dang ldan pa dag khyed spobs pa rgya chen po zhum pa med pa dge ba dang ldan pa legs so legs so/ /bcom ldan 'das kyis kyang phan yon lnga yang dag par rjes su mthong ba'i mkhas pas rab tu 'byung ba la mos pa kho nar rigs te/ lnga gang zhe na/ bdag gis rang gi don ma 'dres pa rjes su thob par 'gyur ro zhes bya bar yang dag par rjes su mthong ba'i mkhas pas rab tu 'byung ba la mos par bya ba kho nar rigs pa dang / bdag gang dag gi bran dang / mngag gzhug pa dang / bsgo ba dang / rang dbang med dang / dga' mgur 'gror med pa yin pa de dag gi mchod par bya ba dang / bstod par bya bar 'gyur ro zhes bya bar yang dag par rjes su mthong ba'i mkhas pas rab tu 'byung ba la mos par bya ba kho nar rigs pa dang / grub pa dang / bde ba bla na med pa'i mya ngan las 'das pa thob par 'gyur ro zhes bya bar yang dag par rjes su mthong ba'i mkhas pas rab tu 'byung ba la mos par bya ba kho nar rigs pa dang / grub pa dang / bde ba bla na med pa'i mya ngan las 'das pa 'thob pa las nyams na yang lha rnams kyi nang du skye bar 'gyur ro zhes bya bar yang dag par rjes su mthong ba'i mkhas pas rab tu 'byung ba la mos par bya ba kho na rigs pa dang / rab tu byung ba ni sangs rgyas rnams dang / sangs rgyas kyi nyan thos dam pa yang dag par song ba/ yang dag par zhugs pa/ skyes bu dam pa rnams kyis rnam grangs du mas bsngags so zhes bya bar yang dag par rjes su mthong ba'i mkhas pas rab tu 'byung ba la mos par bya ba kho nar rigs so zhes gsungs kyis rab tu byung shig /de'i phyir ci/ bcom ldan 'das kyi spyan sngar rab tu 'byung ngam/ 'on te kho bo las/ de dag gis smras pa/ bcom ldan 'das kyi spyan sngar ro/ /tshe dang ldan pa dge 'dun 'tshos smras pa/ gal te de lta na tshur sheg / bcom ldan 'das kyi spyan sngar 'dong ngo / /de dag gis smras pa/ btsun pa dge 'dun 'tsho ci bdag cag gi rdzu 'phrul gyis bzhud dam/ 'on te khyod kyi rdzu 'phrul gyis/ tshe dang ldan pa dge 'dun 'tshos thos nas nyam nga bar gyur te/ des bsams pa/ bdag gi mthus 'di dag gi yon tan gyi tshogs 'di lta bu thob na/ bdag ni gzings lta bur gyur pa lta snyam nas/ de bzhin nyams shing gyur te smras pa/ tshe dang ldan pa dag khyed kho bo la bya ba cung zhig yod kyis/ re zhig yud tsam zhig sdod cig ces de shing ljon pa zhig gi drung du brten nas skyil mo krung bcas te lus drang por bsrang nas dran pa phyogs par bzhag ste 'dug go/ bcom ldan 'das kyis mang du thos pa la phan yon lnga yod de/ lnga gang zhe na/ phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / de'i gdams ngag dang rjes su bstan pa gzhan la rag ma las pa yin no zhes gsungs pas des brtson 'grus brtsams pas 'khor ba'i 'khor lo cha lnga pa g.yo ba dang mi g.yo ba 'di nyid rig ste/ 'du byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid kyis zil gyis mnan cing nyon mongs pa thams cad spangs pas/ rigs kyi bu dag gang gi phyir skra dang kha spu dag bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan dang ste'ur mnyam pa/ rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /des de dag la smras pa/ shes ldan dag kho bo'i chos gos kyi grwa nas zung shig dang / kho bo'i rdzu 'phrul gyis 'dong bar bya'o/ /de dag de'i chos gos kyi grwa la 'jus pa dang / de nas tshe dang ldan pa dge 'dun 'tsho ngang pa'i rgyal po 'dab ma brkyang pa ltar rdzu 'phrul gyis steng gi nam mkha' la song ngo / /ji tsam na tshong pa lnga brgya po de dag rdzas mkhos su 'bebs par byed pa na/ de dag gis de mthong nas de dag gis smras pa/ 'phags pa dge 'dun 'tsho khyod byon tam/ byon pa legs so/ /kho bo 'ongs so/ / gang du bzhud/ des smras pa/ rigs kyi bu lnga brgya po 'di dag bcom ldan 'das kyi spyan sngar legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'dod pas bcom ldan 'das kyi spyan sngar 'gro'o/ /de dag gis smras pa/ 'phags pa dge 'dun 'tsho bdag cag kyang rab tu 'byung gis bobs la bdag cag rdzas mkhos su 'bebs kyi bar du re zhig gzhes su gsol/ tshe dang ldan pa dge 'dun 'tsho babs pa dang / de dag gis rdzas mkhos su phab bo/ /de nas des rigs kyi bu stong po de dag khrid nas bcom ldan 'das ga la der song ngo / /de'i tshe bcom ldan 'das dge slong gi 'khor brgya phrag du ma'i gung la bzhugs te chos ston par mdzad do/ /bcom ldan 'das kyis tshe dang ldan pa dge 'dun 'tsho skyes dang chas te thag ring po kho na nas 'ong ba gzigs so/ /gzigs nas kyang dge slong rnams la bka' stsal pa/ dge slong dag khyed kyis dge slong dge 'dun 'tsho thag ring po nas 'ong ba mthong ngam/ btsun pa mthong ngo / /dge slong dag dge slong dge 'dun 'tsho 'di de bzhin gshegs pa la skyes dang bcas shing 'ong ste/ de bzhin gshegs pa'i skyes ni 'di ltar gdul ba las gzhan pa lta bu med do/ /de nas tshe dang ldan pa dge 'dun 'tsho bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ phyogs gcig tu 'dug nas bcom ldan 'das la tshe dang ldan pa dge 'dun 'tshos 'di skad ces gsol to/ /btsun pa rigs kyi bu stong po 'di dag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'tshal na/ bcom ldan 'das kyis thugs brtse ba'i slad du 'di dag rab tu 'byung du gsol/ bsnyen par rdzogs par mdzad du gsol/ bcom ldan 'das kyis de dag la dge slong tshur shog ces bya bas rab tu phyung zhing dge slong dag tshur shog tshangs par spyod pa spyod cig ces bka' stsal pa dang / de dag bcom ldan 'das kyi bka'i mjug kho nar skra byi ba dang snam sbyar gyon par gyur te/ skra dang kha spu zhag bdun skyes pa tsam dang / lag pa na lhung bzed dang bya ma bum thogs pa dang / dge slong bsnyen par rdzogs nas lo brgya lon pa'i spyod lam lta bur gnas par gyur to/ /yang smras pa/ de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / /mod la dbang po rab zhir gnas gyur te/ / sangs rgyas dgongs pas lus gzugs bkab par gyur/ /de nas bcom ldan 'das kyis de dag la gdams ngag stsal nas/ de dag gis brtson pa dang / 'bad pa dang / brtsal bas nyon mongs pa thams cad spangs pas dgra bcom pa nyid mngon du byas te/ dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan dang ste'ur mnyam pa/ rig pas sgo nga'i sbubs dral bar gyur cing rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas sangs rgyas bcom ldan 'das la tshe dang ldan pa dge 'dun 'tshos zhus pa/ btsun pa 'di na bdag gis sems can rtsig pa 'dra ba dag dang / ka ba 'dra ba dag dang / shing ljon pa 'dra ba dag dang / lo ma 'dra ba dag dang / me tog 'dra ba dag dang / 'bras bu 'dra ba dag dang / thag pa 'dra ba dag dang / phyags ma 'dra ba dag dang / phor pa 'dra ba dag dang / gtun 'dra ba dag dang / phru ba 'dra ba dag dang / rked pa chad pa chu rgyus kyis bzung ba mthong na/ btsun pa de dag gis las ci zhig bgyis na/ las de'i rnam par smin pas de 'dra ba dag tu gyur/ bcom ldan 'das kyis bka' stsal pa/ dge 'dun 'tsho sems can de dag nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bstsags pas de dag nyid kyis las byas shing bsags pa dag gzhan su zhig gis so sor myong bar 'gyur/ dge 'dun 'tsho las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge 'dun 'tsho sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de bA rA Na sI na drang srong smra ba ri dgas kyi nags na nye bar rten cing bzhugs pa na de dag de'i nyan thos su gyur to/ /dge 'dun 'tsho khyod kyis sems can rtsig pa 'dra ba gang dag mthong ba de dag ni dge slong dag tu gyur pa na/ de dag gis dge 'dun gyi rtsig pa mchil mas ma rung bar byas pas las de'i rnam par smin pas rtsig pa 'dra ba dag tu gyur to/ /khyod kyis sems can ka ba 'dra ba gang dag mthong ba de dag kyang dge slong dag tu gyur pa na/ de dag gis dge 'dun gyi ka ba snabs kyis ma rung bar byas pas las de'i rnam par smin pas ka ba 'dra ba dag tu gyur to/ /khyod kyis sems can shing ljon pa 'dra ba dag dang / lo ma 'dra ba dag dang / me tog 'dra ba dag dang / 'bras bu 'dra ba gang dag mthong ba de dag kyang dge slong dag tu gyur pa na/ de dag gis dge 'dun gyi shing ljon pa dang / lo ma dang / me tog dang / 'bras bu dag gang zag gi longs spyod du spyad pas las de'i rnam par smin pas shing ljon pa 'dra ba dag dang / lo ma 'dra ba dag dang / me tog 'dra ba dag dang / 'bras bu 'dra ba dag tu gyur to/ /khyod kyis sems can thag pa 'dra ba dag dang / phyags ma 'dra ba dag mthong ba de dag kyang dge slong dag tu gyur pa na/ de dag gis dge 'dun gyi thag pa dang phyags ma gang zag gis longs spyod du spyad pas las de'i rnam par smin pas thag pa 'dra ba dag dang / phyags ma 'dra ba dag tu gyur to/ /khyod kyis sems can phor pa 'dra ba dag gang dag mthong ba de dag ni dge tshul skom gyi gtsang sbyor du gyur pa na de dag phor pa 'khru bar byed pa'i tshe/ dge slong glo bur du 'ongs pa dag lhags nas de dag gis dge tshul de dag la dris pa/ dge tshul dag ci dge 'dun la skom 'byung bar 'gyur ram/ dge tshul de dag ser snas dkris te smras pa/ kho bo cag gis phor pa bkrus pa ma mthong ngam/ skom 'thungs zin to/ /de dag gis bsams pa/ dus yol ba lta snyam nas/ re ba med par gyur te bzhin gyur cing nyams te dong bas las de'i rnam par smin pas phor pa 'dra bdag tu gyur to/ /khyod kyis sems can gtun 'dra ba gang dag mthong ba de dag kyang dge slong dag tu gyur pa na/ de dag la lhung bzed kyi las dag byung nas de na dge tshul dgra bcom pa cig dam zhag par bskos pa de la de dag gis smras pa/ dge tshul kho bo cag la gtun du 'bru mar gyi tshigs ma nyung ba zhig rdungs te byin cig /des smras pa/ gnas brtan dag bdag brel gyis re shig yud tsam zhig gzhes shig dang / slad kyis gsol lo/ /de dag mi bzod pa skyes nas kun nas dkris pa drag pos smras pa/ dge tshul gal te kho bo cag gtun la reg tu rung na kho bo cag gis khyod nyid gtun du bcug ste/ brdung bar yang bya na/ 'bru mar tshigs ma nyung zhig lta ci smos/ dge tshul des bsams pa/ 'di dag kun nas dkris pa drag pos dkris pas gal te bdag gis 'di dag la lan btab na lhag par yang rab tu 'khrugs par 'gyur ro snyam nas/ des cang mi smra bar bsdad nas gang gi tshe de dag kun nas dkris pa dang bral ba de'i tshe na gan du song ste smras pa/ gnas brtan dag khyed kyis bdag su lags pa mkhyen tam/ de dag gis smras pa/ shes te/ khyod ni yang dag par rdzogs pa'i sangs rgyas 'od srung gi bstan pa la rab tu byung ba'i dge tshul yin no/ /kho bo cag kyang dge slong yin no/ /gnas brtan dag gal te de ltar lags kyis kyang 'di ltar bdag gis ni rab tu byung bas bgyi ba gang lags pa de bgyis so/ /ci zhig byas/ nyon mongs pa thams cad spangs pas dgra bcom pa nyid mngon du bgyis so/ /khyed ni 'ching ba mtha' dag gis bcings pa lags la/ bdag ni 'ching ba mtha' dag las nges par grol ba lags na/ khyed kyis ngag gi las rtsub po brjod kyis sdig pa sdig pa las shog shig dang / de ltar na las bsrabs pa nyid dang / yongs su zad pa dang / yongs su mthar thug par 'gyur ro/ /de dag gis sdig pa sdig pa las bshags kyang las de'i rnam par smin pas gtun 'dra ba dag tu gyur to/ /khyod kyis sems can phru ba 'dra ba gang dag mthong ba de dag ni dge 'dun rnams la rim gror byed pa'i lha 'bangs su gyur te/ de dag sman skol bar byed pa na/ dge slong rnams kyis mi snyan par smras pa dang / de dag sems rab tu khros pas phru ba de dag bcag pas/ las de'i rnam par smin pas phru ba 'dra ba dag tu gyur to/ /khyod kyis sems can rked pa chad pa chu rgyus kyis bzung ba gang dag mthong ba de dag kyang dge slong rnyed pa stobs pa dag tu gyur pa na/ de dag ser snas zil gyis non pas rnyed pa bsgyur te/ dbyar gyi rnyed pa gang yin pa de ni dgun gyir bsgyur/ dgun gyi rnyed pa gang yin pa de ni dbyar gyir bsgyur bas las de'i rnam par smin pas rked pa chad pa chu rgyus kyis bzung ba dag tu gyur to/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa dge 'dun 'tshos las ci zhig bgyis na/ las de'i rnam par smin pas phyug pa nor mang ba longs spyod che ba'i khyim du skyes shing dgra bcom pa nyid mngon du bgyis pa dang / gdul ba'i don chen po bgyis par gyur/ bcom ldan 'das kyis bka' stsal pa/ dge slong dag dge 'dun 'tsho nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ dge slong dge 'dun 'tsho 'di nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de bA rA Na sI na drang srong smra ba ri dgas kyi nags na nye bar rten cing bzhugs so/ /de'i bstan pa la 'di rab tu byung nas zhal ta byed par gyur cing de la lhan cig gnas pa lnga brgya yod par gyur to/ /ri brags na gnas pa'i skye bo'i tshogs de yang phal cher de la mngon par dad par gyur to/ /de nas des tshe ji srid par tshangs par spyod pa spyad pa na yon tan gyi tshogs 'ga' yang ma thob bo/ /de dus gzhan zhig na na bar gyur nas de la rtsa ba dang / sdong bu dang / lo ma dang / me tog dang / 'bras bu'i sman dag gis bsnyen bkur byas kyang nad de nye bar zhi bar ma gyur cing nyam dmas nas de 'chi ba'i dus kyi tshe smon lam 'di skad ces/ bdag gis bcom ldan 'das de bzhin gshegs pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad pa na yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis bcom ldan 'das de bzhin gshegs pa yang dag par rdzogs pa'i sangs rgyas 'od srung gis bram ze'i khye'u bla ma la/ bram ze'i khye'u khyod ma 'ongs pa'i dus na skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shAkya thub pa zhes bya bar 'gyur ro zhes lung bstan pa de'i bstan pa la bdag rab tu byung nas nyon mongs pa thams cad spangs pas dgra bcom pa nyid mngon du byed par gyur cig ces gdab par brtsams so/ /de nas de'i lhan cig gnas pa dag lhags te dris pa/ mkhan pos yon tan gyi tshogs cung zad brnyes pa mchis sam/ des smras pa med do/ /de dag gis dris pa/ smon lam ji skad btab/ des smras pa/ 'di dang 'di skad ces so/ /de dag gis smras pa/ bdag cag kyang dge ba'i bshes gnyen mkhan po la brten nas bcom ldan 'das de nyid kyi bstan pa la rab tu byung nas nyon mongs pa thams cad spangs pas dgra bcom pa nyid mngon du byed par gyur cig /de nas ri brags na gnas pa'i skye bo'i tshogs des 'phags pa de na'o zhes thos nas de dag kyang de'i gan du song ste dris pa/ 'phags pas yon tan gyi tshogs cung zad brnyes pa mchis sam/ des smras pa med do/ /de dag gis smras pa/ smon lam ji skad btab/ des smras pa/ 'di dang 'di skad ces so/ /de dag gis smras pa/ bdag cag kyang dge ba'i bshes gnyen 'phags pa la brten nas bcom ldan 'das de nyid kyi bstan pa la rab tu byung nas nyon mongs pa thams cad spangs pas dgra bcom pa nyid mngon du byed par gyur cig /dge slong dag de la de'i tshe de'i dus na dge slong zhal ta byed par gyur pa gang yin pa de ni dge slong dge 'dun 'tsho 'di nyid yin no/ / de'i lhan cig gnas pa lnga brgya po gang dag yin pa de dag ni drang srong lnga brgya po 'di dag nyid yin no/ /ri brags na gnas pa'i skye bo'i tshogs gang yin pa de dag ni tshong pa lnga brgya po 'di dag yin no/ /'dis der chos dang ldan pas zhal ta byas pa gang yin pa'i las de'i rnam par smin pas phyug cing nor mang ba longs spyod che ba'i khyim du skyes so/ /'chi ba'i dus kyi tshe smon lam btab pa des ni nyon mongs pa thams cad spangs pas dgra bcom pa nyid mngon du byas shing gdul ba'i don chen po byas par gyur to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te las gcig tu dkar ba rnams la btsal bar bya ste/ dge slong dag khyed kyis de ltar bslab par bya'o/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa klu gzhon nu sprul pas dang po gang du dad pa thob par 'gyur/ bcom ldan 'das kyis bka' stsal pa/ dge slong dag bskal pa bzang po 'di nyid la skye dgu'i tshe lo nyi khri thub pa na/ ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de dge slong nyi khri'i 'khor dang / bA rA Na sI na drang srong smra ba ri dgas kyi nags na nye bar rten cing bzhugs so/ /de nyan thos rnams la dge slong dag dgon pa dang / shing drung dang / khyim gyis stong pa dang / ri sul dang / ri phug dang / rtswa spyil dang / bla gab med pa dang / dur khrod dang / nags khrod dang / ri drung dang / bas mtha'i gnas mal 'di dag tu bsam gtan gyis shig /dge slong dag bag yod par sgrubs la phyis 'gyod par mi 'gyur bar gyis shig /'di ni nga'i gdams ngag dang rjes su bstan pa yin no zhes chos ston par mdzad do/ /bcom ldan 'das kyis dge slong rnams la de skad ces bka' stsal nas/ dge slong rnams dgon pa dang / shing drung dang / khyim gyis stong pa dang / ri sul dang / ri phug dang / rtswa spyil dang / bla gab med pa dang / dur khrod dang / nags khrod dang / ri drung dang / bas mtha'i gnas mal dag tu zhugs so/ kha cig ni ri rab kyi bang rim na bsam gtan byed/ kha cig ni gser gyi ri bdun po dag na/ kha cig ni mtsho chen po ma dros pa na/ kha cig ni rdzing bu dal gyis 'bab na/ kha cig ni rnal 'byor pa'i skye bo dang rjes su mthun pa'i grong dang / grong rdal dang / yul dang / yul 'khor dang / rgyal po'i pho brang gi phyogs de dang de dag na bsam gtan byed do/ ji tsam na klu gzhon nu skyes nas ring po ma lon pa zhig 'dab chags kyi rgyal po 'dab bzangs kyis ri rab kyi bang rim gyi steng du drangs pa dang / ji tsam na des dge slong spyod lam zhi bas bsam gtan dang / klog pa dang / rnal 'byor la rjes su brtson pa dag mthong ngo / /mthong nas kyang de'i sems mngon par dad par gyur to/ /de sems dad pa skyes nas 'phags pa bdag nyid chen po 'di dag ni sdug bsngal gyi bye brag 'di lta bu las grol ba yin no snyam du sems skyed par byed cing / de de dag la sems mngon par dad par byas nas dus la bab pa dang / las drug la brtson pa'i bram ze'i khyim zhig tu skyes nas ji tsam na bsrings shing bskyed de chen por gyur to/ /de dus gzhan zhig na bcom ldan 'das yang dag par rdzogs pa'i sangs rgyas 'od srung gi gsung rab la rab tu byung nas des brtson pa dang / 'bad pa dang / brtsal bas nyon mongs pa thams cad spangs pas dgra bcom pa nyid mngon du byas te/ dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan dang ste'ur mnyam pa/ rig pas sgo nga'i sbubs dral par gyur cing / rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /des bsams pa/ bdag ga las shi 'phos/ gang du skyes/ las gang gis byas snyam na/ des dud 'gro nas shi 'phos shing mi rnams kyi nang du skyes pa dang / nyan thos chen po rnams la sems mngon par dad par byas pas skyes par mthong ngo / /des pha ma la bsams te/ bdag gi pha ma ga la 'dug snyam na/ klu'i gnas na 'dug par mthong ngo / /ci byed snyam na/ klu'i skye gnas na ngu zhing 'dug par mthong nas de rdzu 'phrul gyis der song ste dri bar brtsams pa/ yab yum ci'i slad du bshum/ de gnyis kyis smras pa/ 'phags pa bdag cag gi klu gzhon nu skyes nas ring po ma lags pa zhig 'dab chags kyi rgyal po 'dab bzangs kyis phrogs na/ de gar mchis ma 'tshal to/ / des smras pa/ yab yum de ni bdag nyid lags te/ shi zhing dus la bab nas las drug la brtson pa'i bram ze'i khyim du skyes te/ yang dag par rdzogs pa'i sangs rgyas 'od srung gi bstan pa la rab tu byung nas nyon mongs pa thams cad spangs pas dgra bcom pa nyid mngon du bgyis so/ /'phags pa de 'dra bar skyon chags par gyur pa de bdag cag gis bde 'gror mchi bar yang ma bsams na/ dgra bcom pa lta ci smos te/ de ni ngo mtshar dang rmad du byung ba lags na/ khyod kyis yon tan gyi tshogs de lta bu brnyes sam/ thob bo/ /'phags pa khyod ni bsod snyoms bzhed pa lags la/ bdag cag ni bsod nams 'tshal ba lags kyis/ khyod 'di nyid du gdugs re re zhing gshegs te/ zhal zas kyi bya ba mdzod la bzhud cig /des dang du blangs nas des rtag par klu'i gnas su bdud rtsi zos shing ldog par byed do/ /de'i lhan cig gnas pa'i dge tshul de la dge slong rnams kyis smras pa/ dge tshul khyod kyi mkhan po 'di gang du zos shing 'ong / des smras pa/ ma 'tshal to/ /de dag gis smras pa/ klu'i gnas su lha'i bdud rtsi zos shing 'ong na khyod ci'i phyir mi 'gro/ des smras pa/ de ni rdzu 'phrul che ba mthu che ba lags pas des mchi na bdag nyid ji ltar mchi/ de dag gis smras pa/ gang gi tshe 'di rdzu 'phrul gyis 'gro ba de'i tshe na khyod kyis 'di'i chos gos kyi grwa nas zung shig /des smras pa/ mi ltung ngam/ bzhin bzangs gal te de'i chos gos kyi grwa la ri'i rgyal po ri rab btags na de yang mi ltung na khyod lta ci smos/ de dag gis de spro bar byas nas/ gnas gang du de rdzu 'phrul gyis mi snang bar byed pa der song ste bsdad pa dang / de yang mi snang bar byed nas/ des kyang chos gos kyi grwa nas bzung ste/ de gnyis steng gi nam mkha' la dong ngo / /ji tsam na klu rnams kyis mthong nas de gnyis kyi phyir stan gnyis bshams shing dkyil 'khor yang gnyis byas so/ /des bsams pa/ ci'i phyir stan bshams pa dang / dkyil 'khor gzhan 'di byas snyam nas/ des rgyab tu blta bar brtsams pa dang / ji tsam na dge tshul de mthong nas/ des smras pa/ bu khyod kyang 'ongs sam/ mkhan po mchis so/ /legs so/ /klu rnams kyis bsams pa/ 'phags pa 'di ni rdzu 'phrul che ba mthu che ba yin pas lha'i bdud rtsi zhu bar nus na/ 'phags pa 'dis ni zhu bar mi nus kyis/ 'di la kha zas tha mal pa sbyin par bya'o snyam nas/ de rnams kyis gcig la ni lha'i bdud rtsi byin no/ /dge tshul la ni kha zas tha mal pa byin no/ /dge tshul de de'i lhung bzed thogs pa yin pas des mkhan po la lhung bzed blangs pa dang / de 'bras can gyi gzegs ma gcig chags nas/ dge tshul des de khar bcug ste myangs na lha'i bdud rtsi yin nas/ des bsams pa klu rnams ni ser sna can yin te/ lhan cig tu 'khod pa gnyis la/ gcig la ni lha'i bdud rtsi byin la/ gcig la ni kha zas tha mal pa byin no snyam mo/ /de nas de mi bzod pa skyes pas bdag gis bcom ldan 'das yang dag par rdzogs pa'i sangs rgyas yon gnas bla na med pa 'od srung gi spyan sngar tshangs par spyod pa spyad pa gang yin pa'i dge pa'i rtsa ba 'dis bdag klu 'di gnas 'di nas nyams par byas te 'di nyid du skye bar gyur cig ces smon lam log par btab bo/ / las shin tu chen po yongs su rdzogs pa dag ni lus rje ba la mi ltos pas/ tshe de nyid la de'i lag pa gnyis nas chu 'dzag par gyur cing / klu de yang glad pa'i nad kyis btab par gyur nas des 'phrigs te smras pa/ 'phags pa dge tshul 'dis sems mi bzang ba bskyed kyis/ 'di zlog shig /des dge tshul de la 'di skad ces smras so/ /bu 'di dag la sems mi bzang ba bskyed pa bzlog shig /des tshigs su bcad pa smras pa/ sems ni thag ring gyur pa ste/ /'di ltar 'di na gnas bzhin du/ /bdag gi lag tu chu 'dzags pas/ /bzlog par bgyi bar mi nus so/ /des klu de gnas de nas nyams par byas nas de nyid du skyes te/ dge slong dag klu gzhon nu sprul pas dang por der dad pa thob par gyur to/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ji tsam na mu stegs can zhig rgyal byed kyi tshal du phyin pa dang / des de na stan bzang po bshams pa dang / bza' ba dang btung ba bsod pa'i spyi bungs bshams pa mthong nas des bsams pa/ zang zing gi longs spyod ni shAkya'i bu'i dge sbyong 'di dag gi bzang la/ chos kyi longs spyod ni bdag cag gi bzang bas de'i phyir 'di dag gi nang du rab tu byung la/ zang zing gi longs spyod ni 'dir bya zhing chos kyi longs spyod ni der bya'o snyam nas/ de dge slong gi gan du song ste smras pa/ 'phags pa bdag rab tu 'byung bar 'tshal lo/ /des de rab tu phyung zhing bsnyen par rdzogs par byas so/ /mu stegs can rnams kyi gso sbyong ni bcu bzhi pa yin la/ dge slong rnams kyi gso sbyong ni bcwa lnga pa yin pas de tshes bcu bzhi la ni mu stegs can rnams kyi gso sbyong nyams su myong bar byed/ tshes bcwa lnga la ni dge sbyong rnams kyi'o/ /ci tsam dus gzhan zhig na zhag bri bar gyur nas/ dge slong rnams kyi gso sbyong bcu bzhi pa la bab pa dang / de la the tsom skyes te/ ci der 'gro bar bya 'am/ 'on te 'di nyid du gso sbyong nyams su myong bar bya snyam pa las/ de la blo skyes pa shAkya'i bu'i dge sbyong 'di dag ni des pa 'grogs na bde ba yin la bdag gi tshangs pa mtshungs par spyod pa rnams ni ngang tshul ngan pa yin pas gal te ma song na bdag gi tshul shing yang phyung bar 'gyur/ spang leb khye'u yang bsgyur bar 'gyur/ slong phor yang khas bub par 'gyur/ khar ba yang bor bar 'gyur/ tshangs pa mtshungs par spyod pa rnams kyi nang nas kyang phyung bar 'gyur ro snyam nas/ de mu stegs can rnams kyi nang du song ngo / /ji tsam na dge bskos rgan pa'i mtha' logs su 'greng ste/ dge slong rnams bsngos pa na de mi snang nas des dri bar brtsams pa/ tshe dang ldan pa dag dge slong ming 'di zhes bya ba zhig 'dir 'ongs sam/ de'i 'dun pa yang 'ongs sam/ de dag gis smras pa/ ma 'ongs so/ /bcom ldan 'das kyis phyogs bzhir bltas nas gso sbyong bya'o zhes bka' stsal pas/ dge slong de dag gis phyogs bzhir bltas te gso sbyong byas so/ /de'i 'og tu phyi de nyin par dge slong de 'ongs pa dang / dge slong rnams kyis smras pa/ tshe dang ldan pa khyod gang nas 'ongs/ des smras pa/ tshangs pa mtshungs par spyod pa dag gi gnas nas so/ /khyod kyi tshangs pa mtshungs par spyod pa dag su yin/ /mu stegs can dag yin te/ kho bo zang zing gi longs spyod ni khyed cag gi gan du byed la/ chos kyi longs spyod ni de dag gi gan du byed do zhes zer ba'i skabs de bcom ldan 'das la dge slong rnams kyis gsol pa dang / de na bcom ldan 'das kyis dge slong rnams la bka' stsal pa/ dge slong dag gang zag 'di ni mu stegs can zhugs pa yin te/ dge slong dag gang zag mu stegs can zhugs pa ni chos 'dul ba 'di la mi skye ba'i chos can yin pas dge slong dag khyed kyis gang zag mu stegs can zhugs pa chos 'dul ba 'di las bsnyil bar bya'o/ /'ga' zhig gi gan du rab tu 'byung bar 'dod pa 'ongs na/ des de la mu stegs can zhugs pa ma yin nam zhes dri bar bya'o/ /ma dris par rab tu 'byin par byed na 'gal tshabs can du 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa bcom ldan 'das kyis gang zag mu stegs can zhugs pa chos 'dul ba 'di las bsnyil bar bya'o zhes bka' stsal na/ btsun pa ji tsam gyis na gang zag mu stegs can zhugs pa bsnyil bar bgyi ba lags/ nye bar 'khor gang tshun chad nas rgyal mtshan 'di 'chang zhing lta ba de la dga' bas der skya rengs 'char bar byed na/ de tsam gyis na gang zag mu stegs can zhugs pa bsnyil bar bya pa yin no// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i bu byung nas des chung ma la smras pa/ bzang mo 'u bu cag gi bu lon 'khor bar byed pa/ nor spyod pa btsas pas kho bo zong thogs te yul gzhan du 'gro bar bya'o/ /des smras pa/ rje'i sras de bzhin mdzod cig /de zong thogs te yul gzhan du song ba dang / de nyid du tshul ma yin pas sdug bsngal bar gyur to/ /des kyang bu nye du'i stobs dang lag mthus bsnyod cing gsos te bskyed do/ /de dus gzhan zhig na ne'u ldangs dang lhan cig khyim zhig gi drung du song ba na/ khyim de'i steng na bu mo zhig 'dug pa des de'i steng du me tog gi chun po 'phangs pa dang / des bu mo de mthong ngo / /ne'u ldangs des smras pa/ grogs po khyod kyis khyim der brda ma byas sam/ des smras pa/ de yin te/ kho bos brda byas so/ /des smras pa/ grogs po khyim 'di ni ya nga ba yin gyis ma 'jug shig /tshul ma yin pas sdug bsngal bar gyur ta re zhes des nyin thog thag tu 'phyan du bcug ste/ ma'i gan du khrid nas smras pa/ ma khyod kyi bu 'dis khyim che ge mo zhig tu brda byas pa/ kho bos nyin thog thag tu bsrungs kyis mtshan mo srungs shig /khyim de ni ya nga ba yin gyis 'jug tu ma gzhug cig /tshul ma yin pas sdug bsngal bar gyur ta re/ des smras pa/ bu khyod kyis kho mo la bsnyad pa khyod kyis legs par byas so/ / des khye'u de khyim gyi nang du mal bcas te gyo mo gnyis dang / chu dang / sa dag bzhag nas khyim der bcug ste/ bdag nyid sgor khri bcas nas nyal lo/ /des smras pa/ ma sgo phye shig /bu ci'i phyir gcir 'gro'o/ /des smras pa/ bu 'di nyid du kho mos gyo mo bzhag gis der gcis cig /des yud tsam zhig bsdad de smras pa/ ma sgo phye shig /bu ci'i phyir/ bshang du 'gro'o/ /des smras pa/ bu 'di nyid du kho mos gyo mo dang / chu dang / sa bzhag gis 'di nyid du bshang ba byos shig / des yang yud tsam zhig bsdad de smras pa/ ma sgo phye shig /des smras pa/ bu khyod gang du 'gro 'dod pa kho mos mi shes sam ci/ kho mos sgo dbye bar mi nus so/ /ma kho bos khyod bsad do/ /des smras pa/ bu kho mo shi ba ni bla'i/ kho mo bu shi ba la lta ni mi phod do/ /'dod pa sten pas ni sdig pa'i las mi bya ba ci yang med pas snying rje med pa'i sems dang ldan pa/ 'jig rten pha rol btang ba des ral gri shubs nas phyung ste de'i mgo drungs nas bcad de sa la bsgyel to/ /des ma bsad nas song ba dang / sems can sdig pa'i las byas pa 'dar bas/ bu mo des de la smras pa/ rje'i sras 'di na su yang ma mchis te/ bdag bu mo dang gnyis su bas kyis ma bsnyengs shig / des bsams pa/ de 'di la smras na dga' bar 'gyur ro snyam nas/ des smras pa/ bzang mo kho bos khyod kyi phyir ma bsad do/ /des smras pa/ ci ma ma 'am/ 'on te skyed ma mo/ des smras pa/ skyed ma mo'o/ /des bsams pa/ 'di yon tan dag mngon par mi shes te ma gsod par byed pas gang gi tshe bdag la khro ba skyes na/ bdag la gnas skabs ci zhig 'byung bar 'gyur snyam nas/ des smras pa/ rje'i sras bdag steng gi khang thog tu 'dzegs nas slar mchi ba'i bar du re zhig yud tsam zhig gzhes shig /des smras pa/ de bzhin gyis shig /de nas de steng gi khang thog tu 'dzegs nas chom rkun pa chom rkun pa zhes sgra phyung ba dang / des 'jigs shing skrag nas bros te rang gi khyim du song nas sgo drung du ral gri bzhag ste chom rkun pa de ni 'di yin te/ kho bo'i ma bsad nas bros so zhes sgra phyung nas des de'i ma'i ro de bkur sti byas te song ngo / /sems can sdig pa'i las byas pas ni brtan pa mi rnyed pas de mu stegs can gyi gnas dang / dka' thub kyi gnas de dang de dag tu song ste dris pa/ shes ldan dag las ci zhig byas na sdig pa'i las zad par 'gyur/ de na kha cig na re mer zhugs shig ces zer ro/ /kha cig na re dug zo shig ces zer ro/ /kha cig na re g.yangs sar mchongs shig ces zer ro/ /kha cig na re thag pas 'gegs te shi shig ces zer te/ thams cad kyang shi ba'i thabs ston par byed kyi nges par 'byung ba'i thabs ston pa ni 'ga' yang med do/ /de dus gzhan zhig na rgyal byed kyi tshal du song ba dang / des de na dge slong zhig /gang gis sdig pa'i las byas pa/ /dge ba yis ni 'gog byed de/ /nyi zla sprin nas byung ba ltar/ /'jig rten 'dir ni der snang 'gyur/ /zhes kha ton zer ba thos nas/ des bsams pa/ sdig pa'i las kyang dgag par nus kyis 'di dag gi nang du rab tu 'byung ngo snyam nas/ de dge slong gi gan du song ste smras pa/ 'phags pa bdag rab tu 'byung bar 'tshal lo/ /des de rab tu byung zhing bsnyen par rdzogs par byas nas/ des shin tu brtson 'grus brtsams te blags par brtsams so/ /des klog cing kha ton byed pa na sde snod gsum blags shing sde snod gsum dang ldan pa/ rigs pa dang grol ba'i spobs pa can du gyur to/ /de la dge slong dag gis smras pa/ tshe dang ldan pa khyod brtson 'grus 'dis ci zhig don du gnyer des smras pa/ sdig pa'i las zad par bya'o/ /khyod kyis sdig pa'i las ci byas/ ma bsad do/ /ci ma ma 'am/ 'on te skyed ma mo yin/ des smras pa/ skyed ma mo yin no zhes zer ba'i skabs de bcom ldan 'das la dge slong rnams kyis gsol pa dang / de nas bcom ldan 'das kyis dge slong rnams la bka' stsal pa/ dge slong dag 'di ni gang zag ma bsad pa bsnyil bar 'os pa yin te/ dge slong dag gang zag ma bsad pa ni chos 'dul ba 'di la mi skye ba'i chos can yin pas dge slong dag khyed kyis gang zag ma bsad pa chos 'dul ba 'di las bsnyil bar bya'o/ /'ga' zhig gi gan du rab tu 'byung bar 'dod pa 'ongs pa na des de la ma bsad pa ma yin nam/ zhes dri bar bya'o/ /ma dris par rab tu 'byin par byed na 'gal tshabs can du 'gyur ro/ /des bsams pa/ ci 'babs par bya'am/ mtha' 'khob tu 'gro bar bya snyam nas/ de mtha' 'khob tu song ste/ khyim bdag cig rjes su 'jug par byas so/ /des mngon par dad pas de'i phyir gtsug lag khang rtsig tu bcug ste/ de phyogs dang yul tha dad pa na 'khod pa'i dge slong dag gnas shing de'i gdams ngag gis mang po dag gis dgra bcom pa nyid mngon du byas so/ /de dus gzhan zhig na na bar gyur nas rtsa ba dang / sdong bu dang / lo ma dang / me tog dang / 'bras bu'i sman dag gis rim gro byas na/ nyam dmas pa nyid du gyur nas/ des lhan cig gnas pa rnams la smras pa/ tshe dang ldan pa dag kho bo'i phyir dge 'dun la bsro khang gyis shig /de rnams kyis de'i phyir bsro khang bgyis so/ /bsags pa kun gyi mtha' zad cing / /mthon po rnams kyi mtha' ltung 'gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ /zhes bya ba yin pas de shi zhing dus la bab nas sems can dmyal ba chen po mnar med par skyes so/ /de'i lhan cig gnas pa dgra bcom pa zhig gis bdag gi mkhan po gang du skyes zhes sems par zhugs nas de lha rnams kyi nang du rnam par blta bar brtsams na ma mthong zhing mi dang / dud 'gro dang / yi dags rnams kyi nang du rnam par bltas na de yang ma mthong ngo / /sems can dmyal ba'i nang du rnam par blta bar brtsams na/ sems can dmyal ba chen po mnar med par skyes par mthong nas/ des bsams pa/ mkhan po ni tshul khrims dang ldan pa mang du thos pa/ chos kyi 'khor sdud sdud pa yin na/ des las ci zhig byas na des sems can dmyal ba chen po mnar med par skyes snyam nas bsams na ma bsad pa yin par mthong ngo de mnar med pa'i 'od zer dag gis phog pa dang smras pa kye ma bsro khang 'di me re tsha zhes smras pa dang sems can dmyal ba'i srungs mas tho ba blangs te mgor bsnun nas skal chad khyod kyi bsro khang ga la yod 'di ltar 'di ni sems can dmyal ba chen po mnar med pa yin no/ /zhes smras so/ /de dge ba'i sems kyis dus la bab nas rgyal chen bzhi'i ris kyi lha rnams kyi nang du skyes so/ /lha'i bu 'am/ lha'i bu mo'i chos nyid ni skyes nas ring po ma lon pa la sems gsum skye ste/ gang nas shi 'phos pa dang gang du skyes pa dang las gang gis skyes pa'o/ /des sems can dmyal ba rnams kyi nang nas shi 'phos pa dang rgyal chen bzhi'i ris kyi lha rnams kyi nang du skyes pa dang / dge 'dun la bsro khang gi khrus byas pas skyes pa mthong ngo / /de nas sngon sems can dmyal ba'i lha'i bu de 'di snyam du sems te gang gi phyir bdag zhag lon par gnas te bcom ldan 'das la blta ba dang bsnyen bkur bya ba'i phyir nye bar 'gro ba ni bdag gi tshul dang mthun pa ma yin gyis/ bdag zhag lon par ma gnas pa kho nar bcom ldan 'das la blta ba dang / bsnyen bkur bya ba'i phyir nye bar 'gro'o snyam mo/ /de nas sngon sems can dmyal ba'i lha'i bu rna cha gdub 'khor g.yo zhing dri ma med pa thogs te/ do shal dang se mo dos brgyan pa'i lus kyis lha'i ut+pal dang / pad ma dang / ku mu da dang / pad ma dkar po dag gis thu ba bkang ste kha dog shin tu 'das pas mtshan mo la bab pa dang / bcom ldan 'das ga la ba der song ste phyin nas bcom ldan 'das la me tog dag gis mngon par gtor te/ bcom ldan 'das kyi zhabs gnyis la mgo bos phyag 'tshal nas mtha' gcig tu 'dug pa dang / 'di ltar sngon sems can dmyal ba'i lha'i bu'i kha dog gi mthus rgyal byed kyi tshal thams cad snang ba rgya chen pos khyab par gyur to/ /de nas bcom ldan 'das kyis sngon sems can dmyal ba'i lha'i bu'i bsam pa dang / bag la nyal ba dang / khams dang rang bzhin thugs su chud nas gang thos nas sems can dmyal ba'i lha'i bus stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas/ btsun pa bcom ldan 'das kyis bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnam kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dags dag nas ni rkang pa phyung / lha dang mi rnams kyi nang du ni bzhag go zhes lan gsum du ched du brjod pa ched du brjod do/ /yang smras pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ / mtho ris 'gro ba phye zhing bdag gis ni/ /mya ngan 'das pa'i shul yang thob par gyur/ /shin tu rnam dag khyod brten bdag gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol rgal bar gyur/ /'gro bar lha min mi dang lhas mchod pa/ /skye dang rga dang na 'chi bral ba po/ /srid pa stong du mthong bar rab dkon pa/ /thub pa de ring khyod mthong 'bras bu mchis/ /de nas 'dud byas do shal rab 'phyang bas/ /zhabs la phyag 'tshal rangs pa skyes gyur nas/ /dgra thul g.yas nas yongs su bskor byas te/ /lha yi 'jig rten mngon phyogs mkha' la song / /de nas sngon sems can dmyal ba'i lha'i bu tshong pa khe spogs rnyed pa lta bu dang / zhing pa lo tog 'byor pa lta bu dang / dpa' bo g.yul las rnam par rgyal ba lta bu dang / nad pa nad thams cad las yongs su thar ba lta bur gyur te/ cha lugs gang gis bcom ldan 'das kyi spyan sngar 'ongs pa'i cha lugs de nyid kyis rang gi gnas su song ngo / /de'i lhan cig gnas pa dge 'dun gyi gnas brtan dgra bcom pa zas kyi gral du 'dug ste/ de'i lhan cig gnas pa gzhan zhig dge 'dun la chu 'grim par byed do/ /ji tsam na dge 'dun gyi gnas brtan des chu kha phor du blangs nas sor mo'i rtse mos reg na shin tu grang nas des bsams pa/ bdag cag ni chu shin tu grang mo 'di lta bu 'thung na/ mkhan po ni sems can dmyal ba chen po mnar med pa na zangs khu bskol ba 'thung ngo snyam nas/ des sems can dmyal ba chen po mnar med par rnam par blta bar brtsams na mi snang ngo / dud 'gro dang / yi dags dang / mi dang / sems can dmyal ba gzhan rnams su yang rnam par bltas na/ de rnams na yang mi snang nas/ lha rnams kyi bar gyi nang du rnam par blta bar brtsams na/ rgyal chen bzhi'i ris kyi lha rnams kyi nang du skyes te lhar gyur pas bcom ldan 'das kyi spyan sngar bden pa mthong bar byas te lha rnams kyi nang na 'dug pa mthong nas 'dzum pa sngon du btang ste/ bcom ldan 'das la dad pa thob nas/ kye ma sangs rgyas/ kye ma chos/ kye ma dge 'dun/ kye ma chos kyi legs par gsungs pa nyid/ 'di ltar sdig pa byed pa log par ltung bar song ba de lta bu dag gis kyang yon tan gyi tshogs 'di lta bu thob bo zhes ched du brjod pa ched du brjod do/ /mkhan po gcig pa des de rangs shing mgu ba dang / mchog tu dga' ba mthong nas smras pa/ tshe dang ldan pa khyod mkhan po dus la bab pas bdag dge 'dun gyi gnas brtan du gyur to snyam nas rangs shing mgu ba dang mchog tu dga' bar gyur tam/ des smras pa/ tshe dang ldan pa re zhig khyod kyi dri ba'i lan gdab pa'i dus ma yin gyis/ dge 'dun gyi nang du dris shig dang der khyod kyi dri ba'i lan gdab pa'i dus la bab par 'gyur ro/ /ji tsam na dus gzhan zhig na dge slong gi dge 'dun tshogs shing 'khod pa na/ dge 'dun gyi gnas brtan gyis mkhan po gcig pa de la dris pa/ tshe dang ldan pa khyod kyis de'i tshe ci smras des smras pa/ khyod la kho bos khyod mkhan po dus la bab pas bdag dge 'dun gyi gnas brtan du gyur to snyam nas rangs shing mgu ba dang mchog tu dga' bar gyur tam zhes smras so/ /des skabs de dge 'dun gyi nang du de la rgya cher brjod pa dang / de yang yi rangs shing dge slong rnams kyang kye ma sangs rgyas/ kye ma chos/ kye ma dge 'dun/ kye ma chos kyi legs par gsungs pa nyid 'di ltar sdig pa byed pa log par ltung bar song ba de lta bu dag gis kyang yon tan gyi tshogs de lta bu thob bo zhes ched du brjod pa ched du brjod do// //'dul ba gzhi/ bam po bcu gcig pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i bu byung nas/ de dus gzhan zhig na ne'u ldangs dang lhan cig khyim zhig gi drung du song ba na khyim de'i steng na bu mo zhig 'dug pa des de'i steng du me tog gi chun po 'phangs pa dang / des bu mo de mthong ngo / /ne'u ldangs kyis smras pa/ grogs po khyod kyis khyim der brda ma byas sam/ des smras pa/ de yin te/ kho bos brda byas so/ /des smras pa/ grogs po khyim 'di ni ya nga ba yin gyis ma 'jug shig /tshul ma yin pas sdug bsngal bar gyur ta re zhes des nyin thog thag 'phyan du bcug ste pha'i gan du khrid nas smras pa/ yab khyod kyi bu 'dis khyim che ge mo zhig tu brda byas pa/ kho bos ni nyin thog thag tu bsrungs kyis/ da khyod kyis mtshan mo srungs shig /khyim de ni ya nga ba yin gyis 'jug tu ma gzhug cig /tshul ma yin pas sdug bsngal bar gyur ta re/ des smras pa/ bu khyod kyis kho bo la bsnyad pa khyod kyis legs par byas so// des khye'u de khyim gyi nang du mal bcas te/ gyo mo gnyis dang / chu dang / sa dag bzhag nas khyim der bcug ste/ bdag nyid sgor khri bcas nas nyal lo/ /des smras pa/ yab sgo phye shig /bu ci'i phyir/ gcir 'gro'o/ /des smras pa/ bu 'di nyid du kho bos gyo mo bzhag gis der gci zhig /des yud tsam zhig bsdad de smras pa/ yab sgo phye shig /bu ci'i phyir/ bshang du 'gro'o/ /des smras pa/ bu 'di nyid du kho bos gyo mo dang / chu dang / sa dag bzhag gis 'di nyid du bshang ba byos shig /des yang yud tsam zhig bsdad de smras pa/ yab sgo phye shig /des smras pa/ bu khyod gang du 'gro 'dod pa kho bos mi shes sam ci/ kho bos sgo dbye bar mi nus so/ /yab kho bos khyod bsad do/ /des smras pa/ bu kho bo shi ba ni bla'i/ kho bo bu shi ba la lta ni mi phod do/ /'dod pa bsten pas ni sdig pa'i las mi bya ba ci yang med pas snying rje med pa'i sems dang ldan pa 'jig rten pha rol btang ba des ral gri shubs nas phyung ste/ de'i mgo drungs nas bcad de sa la bsgyel to/ /des pha bsad nas song ba dang sems can sdig pa'i las byas pa 'dar bas bu mo des de la smras pa/ rje'i sras 'di na su yang ma mchis te/ bdag bu mo dang gnyis su bas kyis ma bsnyengs shig /des bsams pa/ de 'di la smras na dga' bar 'gyur ro snyam nas/ bzang mo kho bos khyod kyi phyir pha bsad do/ /des smras pa/ ci pha ba'am/ 'on te skyed pha/ des smras pa/ skyed pha'o/ /des bsams pa/ 'di yon tan dag mngon par mi shes te pha gsod par byed pas gang gi tshe bdag la khro ba bskyed na/ bdag la gnas skabs ci zhig 'byung bar 'gyur snyam nas des smras pa/ rje'i sras bdag steng gi khang thog tu 'dzegs nas slar mchi ba'i bar du re shig gzhes shig des smras pa/ de na de bzhin gyis shig de steng gi khang thog tu 'dzegs nas chom rkun pa chom rkun pa zhes sgra phyung ba dang / de 'jigs shing skrag nas bros te rang gi khyim du song nas sgo drung du ral gri bzhag ste chom rkun pa de ni 'di yin te/ kho bo'i pha bsad nas bros so zhes sgra phyung nas/ des pha'i ro de bkur sti byas te song ngo / /sems can sdig pa'i las byas pas brtan pa mi rnyed pas de mu stegs can gyi gnas dang dka' thub kyi nags de dang de dag tu song ste dris pa/ shes ldan dag las ci zhig byas na des sdig pa'i las zad par 'gyur/ de na kha cig na re mer zhugs shig ces zer ro/ /kha cig na re dug zo shig ces zer ro/ /kha cig na re g.yang sar mchongs shig ces zer ro/ /kha cig na re chur mchongs shig ces zer ro/ /kha cig na re thag pas 'gegs te shi shig ces zer te/ thams cad kyang shi ba'i thabs ston par byed kyi/ nges par 'byung ba'i thabs ston pa ni 'ga' yang med do/ /de dus gzhan zhig na rgyal byed kyi tshal du song ba dang / des de na dge slong zhig /gang gis sdig pa'i las byas pa/ /dge ba yis ni 'gog byed de/ /nyi zla sprin nas byung ba ltar/ /'jig rten 'dir ni de snang 'gyur/ /zhes kha ton zer ba thos nas des bsams pa/ sdig pa'i las kyang dgag par nus kyis/ 'di dag gi nang du rab tu 'byung bar bya'o snyam nas/ dge slong gi gan du song ste smras pa/ 'phags pa bdag rab tu 'byung bar 'tshal lo/ /des de rab tu phyung zhing bsnyen par rdzogs par byas nas des shin tu brtson 'grus brtsams te klag par brtsams so/ /des klog cing kha ton byed pa na sde snod gsum blags shing sde snod gsum dang ldan pa/ rigs pa dang grol ba'i spobs pa can du gyur to/ /de la dge slong dag gis smras pa/ tshe dang ldan pa khyod brtson 'grus 'dis ci zhig don du gnyer/ des smras pa/ sdig pa'i las zad par bya'o/ /khyod kyis sdig pa'i las ci zhig byas/ pha bsad do ci pha ba 'am/ 'on te skyed pha yin/ des smras pa/ skyed pha yin no zhes zer ba'i skabs de bcom ldan 'das la dge slong rnams kyis gsol pa dang / de nas bcom ldan 'das kyis dge slong rnams la bka' stsal pa/ dge slong dag 'di ni gang zag pha bsad pa bsnyil bar 'os pa yin te/ dge slong dag gang zag pha bsad pa ni chos 'dul ba 'di la mi skye ba'i chos can yin pas dge slong dag khyed kyis gang zag pha bsad pa chos 'dul ba 'di las bsnyil bar bya'o/ /'ga' zhig gi gan du rab tu 'byung bar 'dod par 'ongs na/ des de la pha bsad pa ma yin nam zhes dri bar bya'o/ /ma dris par rab tu 'byin par byed na 'gal tshabs can du 'gyur ro/ /des bsams pa/ ci de 'babs par bya'am/ mtha' 'khob cig tu 'gro bar bya snyam nas/ des mtha' 'khob tu song ste khyim bdag cig rjes su 'jug par byas so/ /des mngon par dad pas de'i phyir gtsug lag khang rtsig tu bcug ste/ der phyogs dang yul tha dad pa na 'khod pa'i dge slong dag gnas shing de'i gdams ngag gis mang po dag gis dgra bcom pa nyid mngon du byas so/ /de dus gzhan zhig na na bar gyur nas rtsa ba dang / sdong bu dang / lo ma dang / me tog dang / 'bras bu'i sman dag gis rim gro byas na nyam dmas pa nyid du gyur nas/ des lhan cig gnas pa rnams la smras pa/ tshe dang ldan pa dag kho bo'i phyir dge 'dun la bsro khang gyis shig /de rnams kyis de'i phyir bsro khang byas so/ /bsags pa kun gyi mtha' zad cing / /mthon po rnams kyi mtha' ltung 'gyur/ /phrad pa'i mtha' ni 'bral ba ste/ /gson ba'i mtha' ni 'chi ba yin/ /zhes bya ba yin pas de shi shing dus la bab nas sems can dmyal ba chen po mnar med par skyes so/ /de'i lhan cig gnas pa dgra bcom pa zhig gis bdag gi mkhan po gang du skyes zhes sems pa la zhugs nas/ des lha rnams kyi nang du rnam par blta bar brtsams na ma mthong zhing mi dang / dud 'gro dang / yi dags rnams kyi nang du rnam par blta bar brtsams na/ sems can dmyal ba chen po mnar med par skyes par mthong nas des bsams pa/ mkhan po ni tshul khrims dang ldan pa/ mang du thos pa/ chos kyi 'khor sdud sdud pa yin na des las ci zhig byas na/ des sems can dmyal ba chen po mnar med par skyes snyam nas bsams na/ pha bsad pa yin par mthong ngo / /de mnar med pa'i 'od zer dag gis phog pa dang smras pa/ kye ma bsro khang 'di me re tsha zhes smras pa dang / sems can dmyal ba'i srung mas tho ba blangs te mgor bsnun nas skal chad khyod la bsro khang ga la yod/ 'di ltar 'di ni sems can dmyal ba chen po mnar med pa yin no zhes smras so/ /de dge ba'i sems kyis dus byas nas rgyal chen bzhi'i ris kyi lha rnams kyi nang du skyes so/ /lha'i bu'am lha'i bu mo'i chos nyid ni skyes nas ring po ma lon pa la sems gsum skye ste/ gang nas shi 'phos pa dang / gang du skyes pa dang / las gang gis skyes pa'o/ /des sems can dmyal ba rnams kyi nang nas shi 'phos pa dang / rgyal chen bzhi'i ris kyi lha rnams kyi nang du skyes pa dang / dge 'dun la bsro khang gi khrus byas pas skyes pa mthong ngo / /de nas sngon sems can dmyal ba'i lha'i bu de 'di snyam du sems te/ gang gi phyir bdag zhag lon par gnas te bcom ldan 'das la blta ba dang / bsnyen bkur bya ba'i phyir nye bar 'gro ba ni bdag gi tshul dang mthun pa ma yin gyis/ bdag zhag lon par ma gnas pa kho nar bcom ldan 'das la blta ba dang / bsnyen bkur bya ba'i phyir nye bar 'gro'o snyam mo/ /de nas sngon sems can dmyal ba'i lha'i bu rna cha gdub 'khor g.yo zhing dri ma med pa thogs te/ do shal dang se mo dos brgyan pa'i lus kyis lha'i ut+pa la dang / pad ma dang / ku mu da dang / pad ma dkar po dag gis thu ba bkang ste/ kha dog shin tu 'das pas mtshan mo la bab pa dang / bcom ldan 'das ga la ba der song ste phyin nas bcom ldan 'das la me tog gis mngon par gtor te/ bcom ldan 'das kyi zhabs gnyis la mgo bos phyag 'tshal nas mtha' gcig tu 'dug pa dang / 'di ltar sngon sems can dmyal ba'i lha'i bu'i kha dog gi mthus rgyal byed kyi tshal thams cad snang ba rgya chen pos khyab par gyur to/ /de nas bcom ldan 'das kyis sngon sems can dmyal ba'i lha'i bu'i bsam pa dang / bag la nyal ba dang / khams dang / rang bzhin thugs su chud nas gang thos nas sngon sems can dmyal ba'i lha'i bus stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan par mdzad do/ /des bden pa mthong nas btsun pa bcom ldan 'das kyis bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchil ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dags dag nas ni rkang pa phyung / lha dang mi rnams kyi nang du ni bzhag go zhes lan gsum ched du brjod pa ched du brjod do/ /yang smras pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ / mya ngan 'das pa'i shul yang thob par gyur/ /shin tu rnam dag khyod brten bdag gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol rgal bar gyur/ / 'gro bar lha min mi dang lhas mchod pa/ /skye dang rga dang na 'chi bral ba po/ /srid pa stong du mthong bar rab dkon pa/ /thub pa de ring khyod mthong 'bras bu mchis/ /de nas gdung byas do shal rab 'phyang bas/ /zhabs la phyag 'tshal rangs pa skyes gyur nas/ /dgra thul g.yas nas yongs su bskor byas te/ /lha yi 'jig rten mngon phyogs mkha' la song / /de nas sngon sems can dmyal ba'i lha'i bu tshong pa khe spogs rnyed pa lta bu dang / zhing pa lo tog 'byor pa lta bu dang / dpa' bo g.yul las rnam par rgyal ba lta bu dang / nad pa nad thams cad las yongs su thar ba lta bur gyur te/ cha lugs gang gis bcom ldan 'das kyi spyan sngar 'ongs pa'i cha lugs de nyid kyis rang gi gnas su song ngo / /de'i lhan cig gnas pa dge 'dun gyi gnas brtan dgra bcom pa zas kyi gral du 'dug ste de'i lhan cig gnas pa gzhan zhig dge 'dun la chu 'drim par byed do/ /ji tsam na dge 'dun gyi gnas brtan des chu kha phor du blugs nas sor mo'i rtse mos reg na shin tu grangs nas des bsams pa/ bdag cag ni chu shin tu grang mo 'di lta bu 'thung na mkhan po ni sems can dmyal ba chen po mnar med pa na zangs khu bskol ba 'thung ngo snyam nas/ des sems can dmyal ba chen po mnar med par rnam par blta bar brtsams na mi snang ngo / /dud 'gro dang / yi dags dang / mi dang / sems can dmyal ba gzhan rnams su yang rnam par bltas na de rnams na yang mi snang nas/ lha rnams kyi nang du rnam par blta bar brtsams na/ rgyal chen bzhi'i ris kyi lha rnams kyi nang du skyes te/ lhar gyur pas bcom ldan 'das kyi spyan sngar bden pa mthong bar byas te/ lha rnams kyi nang na 'dug pa mthong nas 'dzum pa sngon du btang ste/ bcom ldan 'das la dad pa thob nas/ kye ma sangs rgyas/ kye ma chos/ kye ma dge 'dun/ kye ma chos kyi legs par gsungs pa nyid/ 'di ltar sdig pa byed pa/ log par ltung bar song ba de lta bu dag gis kyang yon tan gyi tshogs 'di lta bu thob bo zhes ched du brjod pa ched du brjod do/ /mkhan po gcig pa des de rangs shing mgu ba dang mchog tu dga' bar mthong nas smras pa/ tshe dang ldan pa khyod mkhan po dus la bab pas bdag ni dge 'dun gyi gnas brtan du gyur to snyam nas rangs shing mgu ba dang mchog tu dga' bar gyur tam/ des smras pa/ tshe dang ldan pa re shig khyod kyi dri ba'i lan gdab pa'i dus ma yin gyis/ dge 'dun gyi nang du dris shig dang / der khyod kyi dri ba'i dus la bab par 'gyur ro/ /ji tsam na dus gzhan zhig na dge slong gi dge 'dun tshogs shing 'khod pa na dge 'dun gyi gnas brtan gyis mkhan po gcig pa de la dris pa/ tshe dang ldan pa khyod kyis de'i tshe ci smras/ des smras pa/ khyod la kho bos khyod mkhan po dus la bab pas bdag dge 'dun gyi gnas brtan du gyur to snyam nas rangs shing mgu ba dang mchog tu dga' bar gyur tam zhes smras so/ /des skabs de dge 'dun gyi nang du de la rgya cher brjod pa dang de yang yi rangs shing dge slong rnams kyang kye ma sangs rgyas/ kye ma chos/ kye ma dge 'dun/ kye ma chos kyi legs par gsungs pa nyid/ /'di ltar sdig pa byed pa/ log par ltung bar song ba de lta bu dag gis kyang yon tan gyi tshogs de lta bu thob bo zhes ched du brjod pa ched du brjod do// // sdom la/ dgra bcom bsad dang dge 'dun dbyen/ /ngan sems kyis ni khrag phyung dang / /pham par 'gyur ba bzhi po dang / /gnas nas dbyung ba gsum yin no/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das kyis ltang brang gi tshal gseb tu ma ga d+ha'i rgyal po bzo sbyangs gzugs can snying po lha brgyad khri dang / ma ga d+ha'i bram ze dang khyim bdag 'bum phrag du ma dag dang lhan cig bden pa dag la bkod pa na/ des rang gi yul du dril bsgrags pa byed du bcug ste/ nga'i yul du sus kyang chom rkun mi bya'o/ /gang zhig byed pa na ngas de yul med par bya zhing skyin pa ni nga nyid kyi mdzod dang bang ba nas sbyin par bya'o zhes bsgo'o/ /gang gi tshe bcom ldan 'das kyis ko sa la'i rgyal po gsal rgyal gzhon nu'i dpe'i mdo sdes btul ba de'i tshe na des kyang dril bsgrags pa byed du bcug ste/ nga'i yul du sus kyang chom rkun mi bya'o/ /gang zhig byed na de gsad pa'i gyod la bskrin cing skyin pa ni nga nyid kyi mdzod dang bang ba nas sbyin par bya'o zhes bsgo ba dang / de nas yul ma ga d+ha'i chom rkun pa gang dag yin pa dang / yul ko sa la'i chom rkun pa gang yin pa de dag sa mtshams kyi bar du dong ste/ 'khod nas yul ma ga d+ha nas don mthun 'ong ba gang yin pa de yang 'joms par byed do/ /yul ko sa la nas don mthun 'ong ba gang yin pa de yang 'joms par byed do/ /ji tsam dus gzhan zhig na don mthun bsel ba dang bcas pa yul ma ga d+ha nas yul ko sa lar 'phags pa dang / gang gi tshe sa mtshams gyi bar du phyin pa de'i tshe ded dpon des smras pa/ shes ldan dag rgyal po gsal rgyal de ni gdug pa pha rol gnon pa yin pas bdag cag la skyin pa sbyin du 'jug nus pa yin na/ bdag cag gis ci'i phyir bsel ba la gla sbyin par bya/ 'di dag nyid nas phyir bzlog go zhes de dag phyir bzlog ste don mthun de tshogs nyung ngur chas pa dang / chom rkun de dag gis kyang bya ma rta btsugs te bsdad pa dang / des de mthong nas shes ldan dag don mthun tshogs nyung ngus 'ongs na ci'i phyir btang snyoms su 'khod ces smras pa dang / de nas chom rkun pa de dag gis der tshong pa kha cig ni srog dang phral lo/ kha cig ni zong bor te bros so/ /dgra bcom pa dag ni ma bsams par shes pa dang mthong ba mi 'jug pas dgra bcom pa don mthun de dang 'gro ba zhig kyang srog dang phral lo/ /de na don mthun gang dag bros pa de dag mgo dang lus rdul gyis yog ste glad pa'i skra yogs nas ku co 'don cing ko sa la'i rgyal po gsal rgyal gyi drung du phyin nas thal mo sbyar te smras pa/ /lha khyod kyi yul du bdag cag tshong par mi rung bar rnam par bzhag go/ ci zhig byas/ bdag cag chom rkun pa dag gis bcom mo/ /phyogs gang du/ ga ge mo zhig tu'o/ /rgyal pos dmag dpon 'phags skyes po la bsgo ba/ rkun rdzas dang chom rkun pa dag myur du khug shig /des dpung gi tshogs yan lag bzhi pa bsgo nas phyir byung ba dang chom rkun pa de dag kyang go cha phud nas bag yangs su sa la'i dgon pa zhig na rkun rdzas bged cing 'khod pa las/ dmag dpon 'phags skyes pos de dag phyogs bzhir bskor nas dbus su dung dang / rnga pa ta ha'i sgra dag gis bsgrags par byas pa dang / de rnams las kha cig ni rkun rdzas bor te bros so/ /kha cig ni bsad do/ /drug bcu ni gson por bzung ste des rkun rdzas de yang khyer nas rgyal po'i drung du song ste smras pa/ lha chom rkun pa dag ni 'di dag lags so/ /rkun rdzas ni 'di dag lags so/ /de nas rgyal pos de rnams la smras pa/ shes ldan dag khyed kyis rgyal pos dril bsgrags pa byed du bcug ste/ nga'i yul du sus kyang chom rku na mi bya'o/ /gang zhig byed na de gsad pa'i gyod la bskrin cing skyin pa ni nga nyid kyi mdzod dang / bang ba nas sbyin no zhes ma thos sam/ de dag gis smras pa/ lha thos so/ /'o na ci'i phyir tshong pa dag bcom/ lha 'tsho ba ma mchis so/ /ci'i phyir srog dang phral/ 'jigs pa nye bar bstan pa'i slad du'o/ /khyod kyis 'jigs pa de 'dra ba nye bar bstan dang da sngon sus kyang ma mthong ba gang yin pa'i 'jigs pa de 'dra ba nye bar bstan par bya'o/ /de nas rgyal pos blon po rnams la bsgo ba/ shes ldan dag deng la 'di dag thams cad sod cig /de dag gis lam po che dang / srang dang / lam gyi bzhi mdo dang / sum mdo rnams su rjes su sgrogs shing gsad par khrid pa na chom rkun pa zhig lam log par bros te rgyal byed kyi tshal du dge slong gi gan du song ste smras pa/ 'phags pa bdag rab tu 'byung bar 'tshal lo/ /des de rab tu phyung zhing bsnyen par rdzogs par byas so/ /chom rkun pa de dag kyang bsad do/ /bcom ldan 'das kyis dge slong dag rang gi rgud pa dang / gzhan gyi rgud pa dang / rang gi 'byor ba dang / gzhan gyi 'byor ba la yang dang yang du so sor rtogs shig /de ci'i phyir zhe na/ dge slong dag rang gi rgud pa dang / gzhan gyi rgud pa ni kun du skyo bar 'gyur ba'i gnas yin la/ rang gi 'byor ba dang / gzhan gyi 'byor ba yang kun du skyo bar 'gyur ba'i gnas yin pa'i phyir ro/ / zhes gsungs pas ji tsam dus gzhan zhig na dge slong rnams dur khrod rgyur 'dong ba na dge slong de yang de rnams dang lhan cig dur khrod rgyur song ba las des chom rkun pa de dag bsad pa mthong nas mchi mas brnangs te 'dug par gyur pa dang / dge slong rnams kyis smras pa/ tshe dang ldan pa dag 'di gsar du rab tu byung ba yin yang bsam pa 'di 'dra bar bzang ngo / /des skad phyung ste ngu bar brtsams pa dang dge slong rnams kyis smras pa/ tshe dang ldan pa khyod ci'i phyir cho nges 'debs/ des smras pa/ 'di ni bdag gi pha'o/ /'di ni bdag gi phu nu'o/ /'di ni khu bo'o/ /'di ni zhang po'o/ /de rnams kyis smras pa/ 'di rnams kyis dgra bcom pa srog dang phral lam/ des smras pa/ phral lo zhes zer ba'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong dag gang zag 'di ni dgra bcom pa bsad pa yin te/ gang zag dgra bcom pa bsad pa ni chos 'dul ba 'di la mi skye ba'i chos can yin pas dge slong dag khyed kyis gang zag dgra bcom pa bsad pa chos 'dul ba 'di las bsnyil bar bya'o/ /'ga' zhig gi gan du rab tu 'byung bar 'dod pa 'ongs na/ des de la dgra bcom pa bsad pa ma yin nam zhes dri bar bya'o/ /ma dris par rab tu 'byin par byed/ bsnyen par rdzogs par byed na 'gal tshabs can du 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa gang gis sngon rab tu phyung ba na de bzhin gshegs pa'i nyan thos kyi dge 'dun phye ba de gal te legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'tshal na/ rab tu dbyung bar bgyi 'am rab tu dbyung bar mi bgyi/ nye bar 'khor rab tu dbyung bar mi bya'o/ /de lta bas na 'ga' zhig gi gan du rab tu dbyung bar 'dod pa 'ongs na/ des de la dge 'dun gyi dbyen byas pa ma yin nam zhes dri bar bya'o/ /ma dris par rab tu 'byin par byed na 'gal tshabs can du 'gyur ro// //sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa gang gis de bzhin gshegs pa la ngan sems kyis khrag phyung ba gal te legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'tshal na/ rab tu dbyung bar bgyi'am/ rab tu dbyung bar mi bgyi/ nye bar 'khor rab tu dbyung bar mi bya'o/ /de lta bas na 'ga' zhig gi gan du rab tu dbyung bar 'dod pa 'ongs na/ des de la de bzhin gshegs pa la ngan sems kyis khrag phyung ba ma yin nam zhes dri bar bya'o/ /ma dris par rab tu 'byin par byed na 'gal tshabs can du 'gyur ro/ / sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa sngon gang rab tu 'byung ba na pham par 'gyur ba bzhi las ltung ba gang yang rung ba byung ba de gal te legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'tshal na/ rab tu dbyung bar bgyi'am/ rab tu dbyung bar mi bgyi/ nye bar 'khor rab tu dbyung bar mi bya'o/ /de lta bas na 'ga' zhig gi gan du rab tu 'byung bar 'dod pa 'ongs na/ des de la pham par 'gyur ba bzhi las ltung ba gang yang rung ba byung ba ma yin nam zhes dri bar bya'o/ /ma dris par rab tu 'byin par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag gal te gang zag ma mthong bas gnas nas phyung ba babs pa zhig yang phyir 'ongs nas/ tshe dang ldan pa dag ltung ba mthong gis bdag rab tu dbyung bar gsol zhes zer na de rab tu dbyung bar bya'o/ /rab tu phyung nas tshe dang ldan pa dag ltung ba bshags par byas/ bdag bsnyen par rdzogs par mdzad du gsol zhes zer na bsnyen par rdzogs par bya'o/ /ji ste bsnyen par rdzogs nas ltung ba ma mthong ngo zhes zer na/ gal te dge 'dun tshogs pa yod na yang ma mthong bas gnas nas dbyung bar bya'o/ /gal te tshogs pa med la ji ste bsnyen par rdzogs na legs par bsnyen par rdzogs pa yin te/ 'di ltar gang zag gis legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po rnyed par dka' ba yin pa'i phyir ro/ /ma mthong bas gnas nas phyung ba ji lta ba bzhin du phyir mi 'chos pas gnas nas phyung ba dang / sdig pa can gyi lta ba'i rnam pa mi gtong bas gnas nas phyung ba yang de bzhin no// // sdom la/ lag rdum dag dang rkang rdum dang / /lag sor zlum por 'jas pa dang / /mchu med lus la rma mtshan can/ /rgan ches pa dang gzhon ches dang / /theng po smad 'chal zhar ba dang / /lag sor rdum sgur mi'u thung dang / /lba ba lkugs pa 'on pa dang / /rten 'phye dang ni rkang 'bam dang / /bud med kyis dub khur gyis dub/ /mi gang lam gyis dub rnams dang / /ya za ma lug gta' gam dang / /de lta bu yi mi rnams ni/ /drang srong chen pos dgag pa mdzad/ /mdzes pa rab tu dbyung ba dang / /yongs su dag pa bsnyen rdzogs par/ /rdzogs sangs rgyas kyis rab mkhyen te/ / bden pa'i mtshan gyis bka' stsal to/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gi kun du spyod pa ni gang rab tu byung ba dang bsnyen par rdzogs par byas pa des ji srid du 'di dag ni gnas ngan len kun du spyod pa dag yin no zhes bya bar mi shes pa de srid du de de dag dang lhan cig gnas par byed la/ gang gi tshe shes par gyur pa de'i tshe dge slong rang bzhin du gnas pa dag dang lhan cig gnas par byed de/ ston pa'i bka' lung gis dus gsum du 'gro ba'i phyir blta ba 'ba' zhig byed do/ /de nas de dag gis gros bya bar brtsams pa/ dga' bo nye dga' lhung bzed nag po can 'di dag ni btsas 'phrog pa dang 'dra ste/ bdag cag gis rab tu phyung ba rnams 'di dag gis 'phrog par byed kyis/ da ni lhung bzed nag po can rnams kyis dbrog par mi 'gyur ba gang yin pa de 'dra ba rab tu dbyung bar bya'o zhes gros byas so/ /ji tsam dus gzhan zhig na nye dga' kun du 'khyam pas mi lag rdum zhig mthong nas smras pa/ bzhin bzangs ci'i phyir rab tu mi 'byung / des smras pa/ 'phags ba bdag lag pa ma tshang ba su zhig gis rab tu 'byin par bgyid/ nye dgas smras pa/ bzhin bzangs bcom ldan 'das kyi bstan pa la thugs rjes rab tu phye ba yin gyis/ kho bos khyod rab tu dbyung bar bya'o zhes des de rab tu phyung zhing bsnyen par rdzogs par byas so/ /de nas zhag gnyis sam gsum zhig kun du spyod pa'i chos rnams bslabs nas smras pa/ bzhin bzangs ri dgas kyis ri dgas mi gsos/ mnyan yod rgya che la rang gi spyod yul dang yab kyi spyod yul yin pas bsod snyoms rgyus la 'tsho bar gyis shig /des smras pa/ mkhan po ji ltar bsod snyoms rgyu bar bgyi/ des smras pa/ khyod kyis de tsam yang mi shes sam/ ngas khyod la bstan par bya'o zhes des de'i sham thabs ni srad bus bcings/ chos gos ni tsher mas gtur te bskon/ dpung pa g.yon par ni lhung bzed kyi snod bzhag /dpung pa g.yas par ni khar gsil btags so/ /de nas de mnyan yod du spyod yul du zhugs pa dang bud med kyis brang brdungs nas smras pa/ 'phags pa sus khyod rab tu byung ba'i lag pa gnyis bcad/ des smras pa/ sring mo khyim pa nas kho bo'i lag pa chad de/ /rab tu byung nas chad pa ma yin no/ /sus rab tu phyung / des smras pa/ mkhan po nye dgas so/ /de rnams kyis smras pa/ gnas ngan len kun du spyod pa de ma gtogs pas gzhan su zhig 'di lta bu rab tu 'byin par byed ces zer ba'i skabs de bcom ldan 'das la dge slong rnams kyis gsol ba dang / bcom ldan 'das kyis dgongs pa/ nyes dmigs gang cung zad ci byung ba de ni dge slong dag lag rdum rab tu 'byin pa las gyur pa yin no snyam nas bka' stsal pa/ dge slong dag de lta bas na dge slong gis lag rdum rab tu dbyung bar mi bya bsnyen par rdzogs par mi bya'o/ /rab tu 'byin par byed/ /bsnyen par rdzogs par byed na 'gal tshabs can du 'gyur ro/ /lag rdum ji lta ba de bzhin du rkang rdum dang / lag sor zlum por 'jas pa dang / mchu med pa dang / lus la rma mtshan can dang / rgan ches pa dag kyang de bzhin no/ /dge slong dag gzhon ches pa dag rab tu 'byin par byed nas de dag gis dge 'dun gyi gnas mal bshang gcis ma rung bar byed nas/ bcom ldan 'das kyis bka' stsal pa/ de dag kyang rab tu dbyung bar mi bya'o/ theng po dag rab tu 'byin par byed nas bcom ldan 'das kyis bka' stsal pa/ de dag kyang rab tu dbyung bar mi bya'o/ /smad 'chal dang / zhar ba dang / lag sor rdum po dang / sgur po dang / mi'u thung dang / lba ba can dang / lkugs pa dang / 'on pa dang / rten 'phye dang / rkang 'bam dag rab tu 'byin par byed nas bcom ldan 'das kyis bka' stsal pa/ de lta bu dag kyang rab tu dbyung bar mi bya'o/ /rab tu 'byin par byed na 'gal tshabs can du 'gyur ro/ /dge slong dag bud med kyis dub pa dang / khur gyis dub pa dang / lam gyis dub pa dang / ya za ma lug dang / gta' gam pa dag rab tu 'byin par byed nas bcom ldan 'das kyis bka' stsal pa/ de lta bu dag kyang rab tu dbyung bar mi bya'o/ /rab tu 'byin par byed na 'gal tshabs can du 'gyur ro/ /bsdu bar bya ba'i skabs so/ /rab tu 'byung ba'i gzhi rdzogs s+ho// // gso sbyong gi gzhi'i sdom la/ mu stegs can dang ka pi na/ /gnas dang rgyal po sbyar ba mang // // sdom la/ mu stegs can dang gsol ba dang / /gnang ba dang ni 'dug pa dang / /bab col spong dang zhal ta dang / /bya dang gso sbyong gnas rnams so/ /sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na rgyal po'i khab kyi dge bsnyen rab tu mang po dag nang par nang par zhing bcom ldan 'das la blta ba dang / bsnyen bkur bya ba'i phyir 'gro bar brtson par gyur to/ /de nas rgyal po'i khab kyi dge bsnyen rab tu mang po dag 'di snyam du sems te/ de ltar bcom ldan 'das kyang nang du yang dag par 'jog par mdzad la/ dge slong yid du 'thad pa rnams kyang nang du yang dag 'jog par byed pas bdag cag re zhig bcom ldan 'das la blta ba dang bsnyen bkur bya ba'i phyir 'dong ba sngas kyis/ bdag cag gzhan mu stegs can kun du rgyu dag gi kun dga' ra ba ga la ba der dong ngo snyam mo de nas rgyal po'i khab kyi dge bsnyen rab tu mang po dag gzhan mu stegs can kun du rgyu dag gis kun dga' ra ba ga la ba der dong ste phyin nas gzhan mu stegs can kun du rgyu dag dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam sna tshogs byas te mtha' gcig tu 'khod do/ /de nas mu stegs can zhig gis mu stegs can dag la 'di skad ces smras so/ /shes ldan dag bdag cag 'ba' zhig la 'dug pa dang bya ba dang gso sbyong yod dam/ 'on te shAkya'i bu'i dge sbyong dag la yang yod/ de nas mu stegs can zhig gis mu stegs can dag la 'di skad ces smras so/ /shes ldan dag bdag cag 'ba' zhig la 'dug pa dang bya ba dang gso sbyong yod kyi/ shAkya'i bu'i dge sbyong dag la ni med do/ /de nas rgyal po'i khab kyi dge bsnyen rab tu mang po dag gzhan mu stegs can kun du rgyu dag gis smras pa la mngon par bstod par yang mi byed/ phyir ldog par yang mi byed cing mngon par bstod pa yang ma byas/ phyir bzlog par yang ma byas par stan dag las langs nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas rgyal po'i khab kyi dge bsnyen rab tu mang po dag gis gzhan mu stegs can kun du rgyu dag dang lhan cig bar skabs su gtam ci brjod pa de thams cad bcom ldan 'das la rgyas par gsol nas 'di skad ces kyang gsol to/ /kye ma bcom ldan 'das kyis thugs brtse ba'i slad du bdag cag gi la yang mchis pa dang / bgyi ba dang / gso sbyong bca' bar gsol/ bcom ldan 'das kyis rgyal po'i khab kyi dge bsnyen rab tu mang po dag la cang mi gsung bas gnang ngo / /de nas rgyal po'i khab kyi dge bsnyen rab tu mang po dag gis bcom ldan 'das kyis cang mi gsung bas gnang bar rig nas/ bcom ldan 'das kyis bka' stsal pa la mngon par bstod pa dang rjes su yi rang ba byas nas bcom ldan 'das kyi spyan snga nas dong ngo / de nas bcom ldan 'das kyis dge slong rnams la bka' stsal pa/ de lta bas na dge slong rnams kyis deng phyin chad 'dug pa dang / bya ba dang / gso sbyong la tron bya bar rjes su gnang ngo / /bcom ldan 'das kyis dge slong rnams kyis deng phyin chad 'dug pa dang / bya ba dang / gso sbyong la tron bya bar rjes su gnang ngo zhes bka' stsal nas/ de dag gis 'dug pa ci lta bu yin pa dang / bya ba ci lta bu yin pa dang / gso sbyong ci lta bu yin pa mi shes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong dag khyed tshur shog /'dug pa ni rnal 'byor te/ lus 'di nyid rkang pa'i mthil/ yan chad glad pa'i skra man chad lpags pa la thug gi bar du ji ltar gnas pa dang / ci ltar byas pa bzhin du mi gtsang ba rnam pa sna tshogs kyis gang ste/ lus 'di la skra dang kha spu dang / sen mo dang so dang rngul dang dri ma dang lpags pa dang sha dang rus pa dang rgyus pa dang rtsa dang mkhal ma dang snying dang / mchin pa dang / glo ba dang rgyu ma dang / gnye ma dang / pho ba dang / long ka dang / lgang pa dang / mtsher pa dang / phyi sa dang / mchi ma dang / snabs dang / zhag dang / chu ser dang / rkang dang tshil dang / mkhris pa dang / bad kan dang / rnag dang khrag dang / klad pa dang / klad rgyas dang / gcin dag yod do snyam du so sor rtogs shig /bcom ldan 'das kyis rnal 'byor bsgom par bya'o zhes bka' stsal nas/ dge slong dag spyod yul du zhugs pa na yang rnal 'byor sgom par byed pa na de dag glang po che 'khrul ba dang / lhan cig phrad cing rta 'khrul ba dang / rkang thang pa 'khrul ba dang lhan cig phrad nas 'gyel ba dang bub par gyur nas ma dad pa rnams 'phags pa dag mi mthong ngam ci zhes co 'dri bar byed pa dang / de dag rnal 'byor sgom mo zhes zer ba'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ spyod yul du zhugs pas rnal 'byor bsgom par mi bya'o/ /de dag sgo khang du rnal 'byor sgom par byed pa na yur nas ma dad pa rnams 'phags pa dag ci khyed 'du bar nyal ba'i brtul zhugs can yin nam zhes co 'dri bar byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ sgo khang du rnal 'byor bsgom par mi bya'o/ /de dag khyams su sgom par byed pa na nyes dmigs de nyid du gyur nas bcom ldan 'das kyis bka' stsal pa/ khyams su rnal 'byor bsgom par mi bya'o/ /de dag gnas khang du sgom par byed pa na bsam gtan dag gi tsher ma ni sgra yin pas sems rtse gcig pa nyid kyang mi thob pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ gnas khang du rnal 'byor bsgom par mi bya'o/ /de dag dgon par dong ste sgom par byed pa na chom rkun pa rnams dang / g.yon can rnams dang / seng ge rnams dang / stag rnams dang / gung rnams dang / gzig rnams kyis bgrod par gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dgon par rnal 'byor bsgom par mi bya'o/ /de dag grong dang nye bar lhags nas sgom par byed pa na ma dad pa rnams 'phags pa dag ci khyed cag 'ga' zhig shi ba dang ldan par ma gyur tam zhes co 'dri bar byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ phyogs de yal ga dag gam/ seg dag dang / re lde dag gis bskor bar bya'o/ /de dag gis phyogs yal ga dag gam/ seg dag gam/ re lde dag gis bskor ba dang ma dad pa rnams 'phags pa dag ci 'di rgyal po'i ga gon gyi ra ba'am/ la phug gi ra ba'am zhes co 'dri bar byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ phyogs de rtsig pa dag gam/ 'obs dag gis bskor bar bya'o/ /de dag gis phyogs de rtsig pa dag gam/ 'obs dag gis bskor ba dang / ma dad pa rnams 'phags pa dag ci 'di ma du lung ga'i ra ba 'am/ 'on te bal po se'u yi ra ba yin/ de rnams kyis smras pa/ rnal 'byor sgom pa'o/ /zhes zer ba'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de lta bas na spong khang brtsig par gnang ngo / /bcom ldan 'das kyis spong khang brtsig par bya'o zhes bka' stsal nas/ de dag gis spong khang rnam pa ji lta bu yin pa mi shes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ spong khang ni gnyis te/ chung ngu dang / chen po'o/ /chu ngu ni gnas khang gnyis kyi bar du srang btod pa'o/ /chen po ni gnas khang bcu'am/ bcu gnyis kyi bar du srang btod pa'o/ /dge slong dag gis gnas khang byas nas sbyang byed pa bzhin du sgo dod par mi byed nas/ bcom ldan 'das kyis bka' stsal pa/ sgo gdod par bya'o/ /dge slong dag sgo glegs mi 'dzud nas bcom ldan 'das kyis bka' stsal pa/ sgo glegs gzhug par bya'o/ /dbye dka' nas bcom ldan 'das kyis bka' stsal pa/ lag zungs gdags par bya'o/ /yang mig sgra 'khrol nas bcom ldan 'das kyis bka' stsal pa/ 'og tu ko ba'i dum bu gzhug par bya'o/ /gcad dka' nas bcom ldan 'das kyis bka' stsal pa/ gnam gzer dang / 'khor gtan dang / phred gtan gzhug par bya'o/ /mun gnag par gyur nas bcom ldan 'das kyis bka' stsal pa/ skar khung gdod par bya'o/ /dma' bar btod pa na chom rkun pa dang / g.yon can dang / seng ge dang / stag dang / gung rnams kyis bgrod par gyur nas bcom ldan 'das kyis bka' stsal pa/ dma' bar gdod par mi bya'o/ /mthon po gdod pa na snang ba mi gsol nas/ bcom ldan 'das kyis bka' stsal pa/ mthon por gdod par mi bya bar sum gnyis dor bar bya zhing sum gnyis dor nas sum char gdod par bya'o/ /de dag gong du sum gnyis bor te 'og gi sum char dod nas bcom ldan 'das kyis bka' stsal pa/ 'og tu sum gnyis bor te gong du sum cha bor bar gdod par bya'o/ /dge slong dag phyi yangs shing nang rub par byed nas bcom ldan 'das kyis bka' stsal pa/ skar khung rgya mtsho'i rnam pa lta bur gdod par bya ste/ phyi rub la nang yangs par bya'o/ khwa dang / mchil pa dang / phug ron dag 'jug nas bcom ldan 'das kyis bka' stsal pa/ skar khung dra ba can du bya'o/ /sbrang bu tre ma bu ka dang / tre la ta dag 'jug nas bcom ldan 'das kyis bka' stsal pa/ sgo glegs gzhug par bya'o/ /rlung gis 'byed nas bcom ldan 'das kyis bka' stsal pa/ phred gtan gzhugs par bya'o/ /gcad dka' nas bcom ldan 'das kyis bka' stsal pa/ gnam gzer dang 'khor gtan gzhug par bya'o/ /dbye dka' nas bcom ldan 'das kyis bka' stsal pa/ dbyug gu skam ka byas te phred gtan dang / gnam gzer dang / 'khor gtan dag gis ni gcad par bya'o/ /dbyug gu skam kas ni dbye bar bya'o/ /der gtan dgos par gyur nas bcom ldan 'das kyis bka' stsal pa/ sa'i stegs bu dag bya'o/ /mkhrang bar gyur nas bcom ldan 'das kyis bka' stsal pa/ khri'u bya'o/ / bcom ldan 'das kyis khri'u bya'o zhes bka' stsal nas/ de dag gis khri'u ci 'dra ba mi shes nas bcom ldan 'das kyis bka' stsal pa/ kho ra khor yug tu khru bzhis 'khor ba'i khri'u bya zhing de thags mas bla bar bya'o/ / de dag gis thags ma du yod mi shes nas bcom ldan 'das kyis bka' stsal pa/ thags ma ni lnga ste/ mun dza yi dang / sha na'i dang / gres ma'i dang / ras ma'i dang / sba phra mo'i 'o/ /de dag mkhrang bar gyur nas bcom ldan 'das kyis bka' stsal pa/ stan nang tshangs can gding bar bya'o/ /bcom ldan 'das kyis stan nang tshangs can dag gding bar bya'o zhes bka' stsal nas/ de dag gis stan nang tshangs can ci 'dra ba mi shes nas bcom ldan 'das kyis bka' stsal pa/ srid du khru bzhi pa zheng du khru do yod pa nyis ltab tu byas te drub par bya'o/ /de'i nang du shing bal gyis dgang bar bya'o/ /de dag gis shing bal du yod mi shes nas bcom ldan 'das kyis bka' stsal pa/ shing bal dag ni lnga ste/ arga'i shing bal dang / ka shi ka'i shing bal dang / er ka'i shing bal dang / spra ba'i shing bal dang / shal ma li'i shing bal dag yin no/ /gzhan yang lnga ste/ bal dang / sha na'i shing bal dang / ras bal dang / ras ma dang / lo ma'i tshogs dag gis bkang ba dag yin no/ /shing bal thams cad phyogs gcig tu 'chugs nas bcom ldan 'das kyis bka' stsal pa/ mdo mdor skud pas bya rog rkang gi gzungs gdab par bya'o/ /'khod pa na yur nas bcom ldan 'das kyis bka' stsal pa/ gdos bu gdags par bya'o/ /ji ltar gdags mi shes nas bcom ldan 'das kyis bka' stsal pa/ skud pa btags te rna ba la gdags par bya'o/ /'on kyang yur nas bcom ldan 'das kyis bka' stsal pa/ dbyug gu gzugs par bya'o/ /dge slong dag dbyug gu smyig gu'i bcad 'phro lta bus 'dzugs pa na rma byung nas bcom ldan 'das kyis bka' stsal pa/ bre'i bcad 'phro lta bur bya'o/ /'on kyang snad nas bcom ldan 'das kyis bka' stsal pa/ ras ma dag gis dkris nas dal bus khad kyis khad kyis gzugs par bya'o/ /'on kyang yur nas bcom ldan 'das kyis bka' stsal pa/ pho long 'phang bar bya'o/ /dge slong dag gis mun khung du 'phangs pa na de 'khyams nas bcom ldan 'das kyis bka' stsal pa/ thag gus btags te 'phang bar bya zhing de nas yang phyir drang bar bya'o/ /'on kyang yur nas bcom ldan 'das kyis bka' stsal pa/ mdun du mar me gzhag par bya'o/ /'on kyang yur nas bcom ldan 'das kyis bka' stsal pa/ rkang pa gcig brkyang bar bya'o/ /'on kyang yur nas bcom ldan 'das kyis bka' stsal pa/ rkang pa ya gcig kyang brkyang bar bya'o/ /'on kyang yur nas bcom ldan 'das kyis bka' stsal pa/ langs te bcag par bya'o/ /dge slong dag 'chag pa na 'thom nas bcom ldan 'das kyis bka' stsal pa/ phred dag la 'ju bar bya'o/ /lag pas chang rgyud byed nas bcom ldan 'das kyis bka' stsal pa/ sbu bu bskon la skud pas btags pa la 'jus te bcag par bya'o/ /mchil lham dang bcas pas 'chag par byed pa na sgra byung nas bcom ldan 'das kyis bka' stsal pa/ mchil lham can gyis bcag par mi bya'o/ /rdul gyis rkang pa gnyis ma rung nas bcom ldan 'das kyis bka' stsal pa/ par thang gding bar bya'o/ /snums par gyur nas bcom ldan 'das kyis bka' stsal pa/ dge slong dag ngas spong ba pa'i kun du spyod pa'i chos dag bca' bar bya ste/ dge slong spong ba pas zhag gsum zhing gsum zhing rkang pa gnyis bsku bar bya'o/ /dge slong spong ba pas kun du spyod pa'i chos ji ltar bcas pa dag yang dag par blangs te 'jug par mi byed na 'gal tshabs can du 'gyur ro/ /de dag der mi shong nas bcom ldan 'das kyis bka' stsal pa/ steng du rim khang gnyis pa bya'o/ /'dzeg dka' nas bcom ldan 'das kyis bka' stsal pa/ them skas bya'o/ / lhung bar gyur nas bcom ldan 'das kyis bka' stsal pa/ kha khyer gyis bskor bar bya'o/ /de 'khrul nas bcom ldan 'das kyis bka' stsal pa/ lcags kyi gzer bu dag gis gdab par bya'o/ /'on kyang mi shong nas bcom ldan 'das kyis bka' stsal pa/ phyi rol du spong khang chen po bya'o/ /de dag sgo sprod dag tu byed pa na de dag phan tshun dag tu snang nas bcom ldan 'das kyis bka' stsal pa/ sgo snol mar gdod par bya'o/ /sgo khang bya'o/ / phug kyang bya'o/ /de dag de na yur nas bcom ldan 'das kyis bka' stsal pa/ sgo drung du snam bu 'am ras sbyangs te nyal bar bya zhing 'di la 'gyod par mi bya'o/ /de dag de nas song zhing yang phyis 'ongs nas bcom ldan 'das kyis bka' stsal pa/ dge slong spong ba'i zhal ta byed pa bsko bar bya'o/ /dge slong spong ba'i zhal ta byed pa chos lnga dang ldan pa ni ma bskos pa yang bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / spong ba la tron byas pa dang ma byas pa mi shes pa ste/ dge slong spong ba'i zhal ta byed pa chos lnga po de dag dang ldan pa ni ma bskos pa yang bsko bar mi bya la/ bskos pa yang dbyung bar bya'o/ /dge slong spong ba'i zhal ta byed pa chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / spong ba la tron byas pa dang ma byas pa shes pa ste/ dge slong spong ba'i zhal ta byed pa chos lnga po de dag dang ldan pa ni ma bskos pa yang bsko bar bya la/ bskos pa yang dbyung bar mi bya'o/ /'di ltar bsko bar bya ste/ je dang por spro bar bya ste/ ming 'di zhes bya ba khyod dge 'dun gyi spong ba'i zhal ta byed par spro 'am zhes dri bar bya'o/ /gal te spro na des spro zhes brjod par bya'o/ /de'i 'og tu des gnas mal bshams pa byas nas gaN DI brdungs te/ dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ / dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi spong ba'i zhal ta bgyid par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge 'dun gyi spong ba'i zhal ta bgyid par bsko ste/ dge slong ming 'di zhes bgyi ba 'di dge 'dun gyi spong ba'i zhal ta bgyid do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi spong ba'i zhal ta bgyid par spro ste/ de'i slad du dge slong ming 'di zhes bgyi ba 'di dge 'dun gyi spong ba'i zhal ta bgyid par bsko zhing dge slong ming 'di zhes bgyi ba 'di dge 'dun gyi spong ba'i zhal ta bgyid na/ tshe dang ldan pa gang dag dge slong ming 'di zhes bgyi ba 'di dge 'dun gyi spong ba'i zhal ta bgyid par bsko zhing / dge slong ming 'di zhes bgyi ba 'di dge 'dun gyi spong ba'i zhal ta bgyid par bzod pa de dag ni cang ma gsung shig /gang dag mi bzod pa de dag ni gsung shig /dge 'dun gyis bzod cing gnang nas/ dge 'dun gyis dge slong ming 'di zhes bgyi ba dge 'dun gyi spong ba'i zhal ta bgyid par bskos shing / dge slong ming 'di zhes bgyi ba 'di dge 'dun gyi spong ba'i zhal ta bgyid de/ 'di ltar cang mi gsung bas de de bzhin du 'dzin to/ /dge slong dag ngas dge slong spong ba'i zhal ta byed pa'i kun du spyod pa'i chos rnams bca' bar bya ste/ dge slong spong ba'i zhal ta byed pas spong khang du chag chag gdab par bya'o/ /phyag dar bya'o/ /lci ba sar pa'i byug pas bsku bar bya'o/ /stan bsham par bya'o/ /bshang ba'i sa dang gci ba'i sa byi dor bya'o/ /chag chag gdab par bya'o/ /phyag dar bya'o/ /lci ba sar pa'i byug pas bsku bar bya'o/ /lo ma'i chang bu gzhag par bya'o/ /bong rdog dang / sa dang / chu gzhag par bya'o/ /de dag re re'i gan du song ste 'bod par byed nas bcom ldan 'das kyis bka' stsal pa/ re re nas bod par mi bya bar gaN DI brdung bar bya'o/ /des gaN DI rgya cher brdungs pa dang ji tsam na spyod yul gyi grong mi rnams chom rkun pa ma 'ongs sam zhes sngangs nas/ de rnams go bgos te lhags nas 'phags pa dag ci chom rkun pa dag mchis sam/ de rnams kyis smras pa/ shes ldan dag chom rkun pa dag ma lhags te/ 'di ltar spong pa la tron byed do/ /de rnams kyis smras pa/ 'phags pa dag rnam par 'tshe ba la tron mdzad kyi/ 'di na spong ba ga la mchis zhes zer ba'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ gaN DI rgya cher brdung bar mi bya ste/ 'di ltar gaN DI de ni lnga ste/ dge 'dun bsdu ba'i gaN DI dang / las kyi gaN DI dang / shi ba'i gaN DI dang / spong ba'i gaN DI dang / gnod pa byung ba'i gaN DI'o/ /de la dge 'dun bsdu ba'i gaN DI de ni rgyud gsum dang tog gsum mo/ /las kyi gaN DI de ni rgyud gcig dang tog gsum mo/ /shi ba'i gaN DI de ni byi bo'o/ /spong ba'i gaN DI de ni khar sil lo/ /gnod pa byung ba'i gaN DI de ni ji tsam gyis chog pa'o/ /de dag dus rting la thug pa na ci bder byed nas bcom ldan 'das kyis bka' stsal pa/ rting la thug na ci bder mi bya bar dus shes par byas nas ci bder byas te/ dge 'dun las 'tshal ma thob pa gang dag yin pa de dag kyang khrus byas nas dge 'dun gyi nang du 'du khom pa dang / bsod snyoms pa gang dag yin pa de dag kyang rkang lag gnyis bkrus nas grong du bsod snyoms la 'jug khom par bya'o/ /de dag de kho na bzhin du ci bder byed nas bcom ldan 'das kyis bka' stsal pa/ de kho na bzhin du ci bder mi bya bar rgyud chags gsum pa gdon par bya'o/ /de dag ha cang mang du 'don par byed nas bcom ldan 'das kyis bka' stsal pa/ ha cang mang du gdon par mi bya'o/ /de dag ha cang nyung ngur 'don par byed nas bcom ldan 'das kyis bka' stsal pa/ ha cang nyung ngur gdon par mi bya ste/ 'di ltar ran par gdon par bya'o/ /de dag yon bshad par mi byed nas bcom ldan 'das kyis bka' stsal pa/ yon bshad par bya'o/ /bcom ldan 'das kyis yon bshad par bya'o zhes bka' stsal nas/ de dag gis sus yon bshad par bya ba mi shes nas bcom ldan 'das kyis bka' stsal pa/ dge 'dun gyi gnas brtan gyis yon bshad par bya'o/ /de dag yon bshad pa ha cang mang du byed nas bcom ldan 'das kyis bka' stsal pa/ yon bshad pa ha cang mang du mi bya'o/ /de dag yon bshad pa ha cang nyung ngur byed nas bcom ldan 'das kyis bka' stsal pa/ yon bshad pa ha cang nyung ngur mi bya ste/ 'di ltar yon bshad par ran par bya'o/ /dge slong spong ba'i zhal ta byed pa thams cad kyi mjug tu 'du zhing thams cad kyi mdun du dgyes par byed nas bcom ldan 'das kyis bka' stsal pa/ dge slong spong ba'i zhal ta byed pa thams cad kyi mjug tu dgyes par bya zhing thams cad kyi mdun du 'du bar bya'o/ /gal te rkyen de lta bu byung na des phyogs dben par lde mig sbas te/ tshe dang ldan pa kho bos phyogs ga ge mo zhig tu lde mig sbas kyis phye la zhugs shig ces brjod par bya'o/ /dge slong spong ba'i zhal ta byed pas kun du spyad pa'i chos ji ltar bcas pa dag yang dag par blangs te mi 'jug na 'gal tshabs can du 'gyur ro/ /de ni 'dug pa zhes bya'o/ /bya ba gang zhe na/ dge 'dun gyis gsol ba dang / gsol ba dang gnyis dang / gsol ba dang bzhi'i las gang yin pa de 'di ni bya ba zhes bya'o/ /gso sbyong gang zhe na/ dge slong dag ngas so sor thar pa'i mdo gdon pa ston pa gang yin pa ste/ de khyed kyis deng phyin chad zla ba phyed phyed cing gdon par bya'o/ / bcom ldan 'das kyis zla ba phyed phyed cing so sor thar pa'i mdo gdon pa gdon par bya'o zhes bka' stsal nas/ de dag gis sus gdon par bya ba mi shes nas bcom ldan 'das kyis bka' stsal pa/ dge 'dun gyi gnas brtan gyis zla ba phyed phyed cing so sor thar pa'i mdo gdon pa gdon par bya'o/ /bcom ldan 'das kyis dge 'dun gyi gnas brtan gyis zla ba phyed phyed cing so sor thar pa'i mdo gdon pa gdon par bya'o zhes bka' stsal nas/ dge slong dag de'i gnas khang du 'du bar byed pa na de dag der mi shong ba'i skabs de bcom ldan 'das la dge slong rnams kyis gsol ba dang / bcom ldan 'das kyis bka' stsal pa/ gnas khang du gdon par mi bya'o/ /de dag khyams su gdon par byed pa na der yang mi shong nas bcom ldan 'das kyis bka' stsal pa/ dge 'dun gyis gso sbyong gi gnas la blo mthun par bya'o/ /bcom ldan 'das kyis dge 'dun gyis gso sbyong gi gnas la blo mthun par bya'o zhes bka' stsal nas/ de dag gis gang la blo mthun par bya ba mi shes nas bcom ldan 'das kyis bka' stsal pa/ gnas thams cad grub pa'am/ byas pa'am/ zin pa nang mtshams dang phyi rol nye 'khor 'dom gang dang bcas pa dge 'dun gso sbyong gi gnas su 'dod pa gang yin pa de la blo mthun par bya'o/ /'di ltar blo mthun par bya ste/ gnas mal bshams pa byas nas gaN DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong gcig gis gsol ba byas te las bya'o/ /dge 'dun btsun pa rnams gsan du gsol/ gnas thams cad grub pa'am/ bgyis pa'am/ lags pa nang mtshams dang phyi rol nye 'khor 'dom gang dang bcas pa 'di dge 'dun gyis gso sbyong gi gnas su bzhed na/ gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis gnas thams cad grub pa'am/ bgyis pa'am/ lags pa nang mtshams dang phyi rol nye 'khor 'dom gang dang bcas pa 'di la/ dge 'dun gyi gso sbyong gi gnas su blo mthun par bgyi'o/ /'di ni gsol ba'o/ / las ni 'di ltar bya ste/ dge 'dun btsun pa rnams gsan du gsol/ gnas thams cad grub ba'am/ bgyis pa'am/ lags pa nang mtshams dang phyi rol nye 'khor 'dom gang dang bcas pa 'di dge 'dun gyi gso sbyong gi gnas su bzhed de/ de'i slad du dge 'dun gyis gnas thams cad grub pa'am/ bgyis pa'am/ lags pa nang mtshams dang phyi rol nye 'khor 'dom gang dang bcas pa 'di la dge 'dun gyi gso sbyong gi gnas su blo mthun par bgyi na/ tshe dang ldan pa gang dag gnas thams cad grub pa'am/ bgyis pa'am/ lags pa nang mtshams dang phyi rol nye 'khor 'dom gang dang bcas pa 'di la dge 'dun gyi gso sbyong gi gnas su blo mthun par bgyi bar bzod pa de dag ni cang ma gsung shig /gang dag mi bzod pa de dag ni gsung shig /dge 'dun gyis bzod cing gnang nas/ dge 'dun gyi gnas thams cad grub pa'am/ bgyis pa'am/ lags pa nang mtshams dang phyi rol nye 'khor 'dom gang dang bcas pa 'di la dge 'dun gyi gso sbyong gi gnas su blo mthun par bgyis lags te/ 'di ltar cang mi gsung bas de de bzhin du 'dzin to/ /gang du dge 'dun gyi gso sbyong gi gnas su blo mthun par byas pa der dge slong rnams kyis 'dug la gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las bya'o/ /mi mthun par byed na 'gal tshabs can du 'gyur ro// //'dul ba gzhi/ bam po bcu gnyis pa/ sdom la/ kab pi na dang chos gos dang / /dgrol dang mtshams chung mtshams chen dang / /gnang dang bskyung bskyed dgrol ba dang / / gcad dang mi 'bral ma gcad dang / /grong dgon las dang dgon pa yi/ /sde tshan yang dag bsdus pa yin/ /sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ / de'i tshe na tshe dang ldan pa bram ze kab pi na rgyal po'i khab na sde can ma'i phug na gso sbyong gcig pa'i gnas kyi sdom pas dge 'dun dang mthun par 'dug go/ de nas dge slong rab tu mang po dag gso sbyong bcwa lnga pa de nyid kyi tshe gso sbyong gi gnas su 'dug cing mthun par gyur nas/ shas cher tshe dang ldan pa bram ze kab pi na la sdod cing 'khod do/ /de nas tshe dang ldan pa bram ze kab pi na 'di snyam du sems te/ deng dge 'dun gyi gso sbyong bcwa lnga pa yin la bdag dge slong kab pi na'i gso sbyong yang bcwa lnga pa yin na/ ci dge 'dun gyi gso sbyong gi gnas su 'gro bar bya'am/ 'on te dge 'dun gyi gso sbyong gi gnas su 'gro bar mi bya/ ci dge 'dun dang lhan cig gso sbyong nyams su myong bar bya'am/ 'on te dge 'dun dang lhan cig gso sbyong nyams su myong bar mi bya/ ci dge 'dun gyi bya ba dag dang dge 'dun gyi byed pa dag tu 'gro bar bya'am/ 'on te dge 'dun gyi bya ba dag dang / dge 'dun gyi byed pa dag tu 'gro bar mi bya/ ci dge 'dun dang lhan cig dge 'dun gyi bya ba dag dang dge 'dun gyi byed pa dag nyams su myong bar bya'am/ 'on te dge 'dun dang lhan cig dge 'dun gyi bya ba dag dang / dge 'dun gyi byed pa dag nyams su myong bar mi bya/ bcom ldan 'das kyis kyang / rtag tu dag pa snying po ste/ /rtag tu dag pa gso sbyong yin/ /gtsang ma'i las ni dag gyur pa/ /de yi brtul zhugs 'grub par 'gyur/ /zhes bka' stsal pas bdag ni dag cing mchog tu dag pa dang ldan no snyam mo/ /de nas bcom ldan 'das kyis tshe dang ldan pa bram ze kab pi na'i sems kyi yongs su rtogs pa thugs su chud nas 'od ma'i tshal nas mi snang bar mdzad de/ sde can ma'i phug tu tshe dang ldan pa bram ze kab pi na'i mdun du bzhugs te 'di skad ces bka' stsal to/ /kab pi na khyod gcig pu dben par song ste nang du yang dag 'jog pa na 'di snyam du deng dge 'dun gyi gso sbyong bcwa lnga pa yin la bdag dge slong kab pi na'i gso sbyong yang bcwa lnga pa yin na/ ci dge 'dun gyi gso sbyong gi gnas su 'gro bar bya'am/ 'on te dge 'dun gyi gso sbyong gi gnas su 'gro bar mi bya/ ci dge 'dun dang lhan cig gso sbyong nyams su myong bar bya'am/ 'on te dge 'dun dang lhan cig gso sbyong nyams su myong bar mi bya/ ci dge 'dun gyi bya ba dag dang / dge 'dun gyi byed pa dag tu 'gro bar bya'am/ 'on te dge 'dun gyi bya ba dang / dge 'dun gyi byed pa dag tu 'gro bar mi bya/ ci dge 'dun dang lhan cig dge 'dun gyi bya ba dag dang / dge 'dun gyi byed pa dag nyams su myong bar bya'am/ 'on te dge 'dun dang lhan cig dge 'dun gyi bya ba dag dang / dge 'dun gyi byed pa dag nyams su myong bar mi bya/ bcom ldan 'das kyis kyang / rtag tu dag pa snying po ste/ /rtag tu dag pa gso sbyong yin/ /gtsang ma'i las ni dag gyur pa/ /de yi brtul zhugs 'grub par 'gyur/ /zhes bka' stsal pas bdag ni dag cing mchog tu dag pa dang ldan no snyam du sems la sems kyi yongs su rtog pa ma byung ngam/ btsun pa byung ngo / / kab pi na khyod re zhig dge 'dun gyi gso sbyong gi gnas su mi 'gro na gzhan su zhig 'gro bar 'gyur/ khyod dge 'dun dang lhan cig gso sbyong nyams su myong bar mi byed na/ gzhan su zhig nyams su myong bar byed/ khyod dge 'dun gyi bya ba dag dang / dge 'dun gyi byed pa dag tu mi 'gro na gzhan su zhig 'gro bar 'gyur/ khyod dge 'dun dang lhan cig dge 'dun gyi bya ba dag dang / dge 'dun gyi byed pa dag nyams su myong bar mi byed na gzhan su zhig nyams su myong bar byed/ kab pi na de lta bas na khyod dge 'dun gyi gso sbyong gi gnas su mi 'gro bar ma byed par song shig /kab pi na khyod dge 'dun gyi gso sbyong nyams su mi myong bar ma byed par nyams su myong bar byos shig /kab pi na khyod dge 'dun gyi bya ba dag dang / dge 'dun gyi byed pa dag tu mi 'gro bar ma byed par song shig /kab pi na khyod dge 'dun dang lhan cig dge 'dun gyi bya ba dag dang / dge 'dun gyi byed pa dag nyams su mi myong bar ma byed par nyams su myong bar gyis shig /de nas bcom ldan 'das kyis tshe dang ldan pa bram ze kab pi na khrid nas gso sbyong gi gnas ga la ba der gshegs te byon nas/ dge slong gi dge 'dun gyi gung la gdan bshams pa nyid la bzhugs so/ / bzhugs nas bcom ldan 'das kyis dge slong rnams la bka' stsal pa/ dge slong dag de lta bas na dge slong dag gis gso sbyong gcig pa'i gnas kyi sdom pas mtshams chen po gcad pa rjes su gnang ngo / /bcom ldan 'das kyis gso sbyong gcig pa'i gnas kyi sdom pas mtshams chen po gcad par bya'o zhes bka' stsal nas/ dge slong rnams kyis ji ltar gcad par bya ba mi shes nas/ bcom ldan 'das kyis bka' stsal pa/ je dang por dge slong gnas pa dang / gnyug mar gnas pa rnams kyis mtshams chen po phyogs bzhi'i mtshan ma brtan po shar phyogs su ni pha bong gi mtshan ma 'am/ rtsig pa'i mtshan ma 'am/ ka ba'i mtshan ma 'am/ shing ljon pa'i mtshan ma 'am/ ra ba'i mtshan ma 'am/ bya skyibs kyi mtshan ma 'am/ lam po che'i mtshan ma 'am/ khron pa la sogs pa'i mtshan ma brtan po gzugs par bya'o/ /lho phyogs dang / nub phyogs dang / byang phyogs su yang pha bong gi mtshan ma 'am/ rtsig pa'i mtshan ma 'am/ ka ba'i mtshan ma 'am/ shing ljon pa'i mtshan ma 'am/ ra ba'i mtshan ma 'am/ bya skyibs kyi mtshan ma 'am/ lam po che'i mtshan ma 'am/ khron pa la sogs pa'i mtshan ma brtan po gzugs par bya'o/ /de'i 'og tu gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gnas pa dang / gnyug mar gnas pa rnams kyis mtshams chen po'i phyogs bzhi'i mtshan ma brtan po shar phyogs su ni pha bong gi mtshan ma 'am/ rtsig pa'i mtshan ma 'am/ ka ba'i mtshan ma 'am/ shing ljon pa'i mtshan ma'am/ ra ba'i mtshan ma 'am/ bya skyibs kyi mtshan ma 'am/ lam po che'i mtshan ma 'am/ khron pa la sogs pa'i mtshan ma brtan por brjod par bya'o/ /lho phyogs dang / nub phyogs dang / byang phyogs su yang pha bong gi mtshan ma 'am/ rtsig pa'i mtshan ma 'am/ ka ba'i mtshan ma 'am/ shing ljon pa'i mtshan ma 'am/ ra ba'i mtshan ma 'am/ bya skyibs kyi mtshan ma 'am/ lam po che'i mtshan ma 'am/ khron pa la sogs pa'i mtshan ma brtan por brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ 'di lta ste/ gnas 'di na dge slong gnas pa dang / gnyug mar gnas pa rnams kyis mtshams chen po'i phyogs bzhi'i mtshan ma brtan po brjod pa shar phyogs su ni pha bong gi mtshan ma 'am/ rtsig pa'i mtshan ma brtan po lags/ lho phyogs su ni ka ba'i mtshan ma 'am/ shing ljon pa'i mtshan ma brtan po lags/ nub phyogs su ni ra ba'i mtshan ma'am/ bya skyibs kyi mtshan ma brtan po lags/ byang phyogs su ni lam po che'i mtshan ma'am/ khron pa la sogs pa'i mtshan ma brtan po lags na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du dge 'dun gyis grong dang grong gi nye 'khor ma gtogs par dgon pa la thug pa dang / gnas mal la thug gis bar du mtshams chen po bcad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste/ gnas 'di na dge slong gnas pa dang gnyug mar gnas pa rnams kyis mtshams chen po'i phyogs bzhi'i mtshan ma brtan po brjod pa shar phyogs su ni pha bong gi mtshan ma 'am/ rtsig pa'i mtshan ma brtan po lags/ lho phyogs su ni ka ba'i mtshan ma 'am/ shing ljon pa'i mtshan ma brtan po lags/ nub phyogs su ni ra ba'i mtshan ma 'am/ bya skyibs kyi mtshan ma brtan po lags/ byang phyogs su ni lam po che'i mtshan ma 'am/ khron pa la sogs pa'i mtshan ma brtan po lags te/ de'i slad du dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po gcod na/ tshe dang ldan pa gang dag mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po gcad par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po bcad lags te/ 'di ltar cang mi gsung bas de de bzhin du 'dzin to/ /dge 'dun gyis gang du mtshams chen po bcad pa der dge slong rnams kyis 'dug ste/ gso sbyong bya zhing dgag dbye dang / gsol ba dang / gsol ba dang gnyis dang / gsol ba dang bzhi'i las bya'o/ /mi mthun par byed na 'gal tshabs can du 'gyur ro/ /dge slong rnams chos gos gsum thogs te nyin mo spyod du 'dong ba na skyo bar gyur pa'i skabs de bcom ldan 'das la dge slong rnams kyis gsol ba dang / bcom ldan 'das kyis bka' stsal pa/ mtshams chen po'i nang du dge slong thams cad kyis chos gos dag mi 'bral ba'i gnang ba sbyin par bya'o/ /'di ltar sbyin par bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ 'di lta ste/ gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad pa las/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyis chos gos dag dang bral bar mi 'gyur ba'i gnang ba stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste/ gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad de/ de'i slad du dge 'dun gyis 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsol na/ tshe dang ldan pa gang dag 'di lta ste/ gnas bsdu ba dang / dge slong rnams la bde ba la reg par gnas par bgyi ba'i slad du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig / dge 'dun gyis bzod cing gnang nas dge 'dun gyis mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsal lags te/ 'di ltar cang mi gsung bas de de bzhin du 'dzin to/ /dge 'dun gyis gang du mtshams chen po'i nang du dge slong rnams kyi chos gos dag dang 'bral bar mi 'gyur ba'i gnang ba byin pa der dge slong rnams stod g.yogs dang smad g.yogs dang bcas pas 'dong bar bya ste/ 'di la 'gyod par mi bya'o/ /dge slong dag la bzhi'i tshogs kyis las bya ba dag byung zhing lnga'i tshogs kyis las bya ba dag dang / bcu'i tshogs kyis las bya ba dag byung nas/ de dag dge 'dun thams cad sdud par byed pa na/ dge slong rnams kyi dge ba'i phyogs yongs su nyams par gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ mtshams bu chung gcad cing dkyil 'khor bar blo mthun par bya'o/ /'di ltar gcad par bya ste/ je dang por mtshams chen po dgrol bar bya'o/ /'di ltar dgrol bar bya ste/ gnas mal bsham par byas nas/ gaN DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te/ las bya'o/ /dge 'dun btsun pa rnams gsan du gsol/ 'di lta ste/ gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad pa gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis mtshams chen po gzhig cing dgrol bar mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad de/ de'i slad du dge 'dun gyis mtshams chen po gzhig cing dgrol bar mdzad na/ tshe dang ldan pa gang dag mtshams chen po gzhig cing dgrol bar mdzad par bzod pa de dag ni cang ma gsungs shig /gang dag mi bzod pa de dag ni gsungs shig /'di ni las brjod pa dang po ste de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis mtshams chen po bshig cing bkrol lags te/ 'di star cang mi gsung bas de de bzhin du 'dzin to/ /de'i 'og tu dge slong gnas pa dang gnyug mar gnas pa rnams kyis mtshams bu chung gi phyogs bzhi'i mtshan ma brtan po shar phyogs su ni seng ldeng gi phur pa btab pa 'am/ srad bu bres pa 'am/ rdo bzhag pa 'am/ srol btod pa la sogs pa'i mtshan ma brtan po gzugs par bya'o/ /lho phyogs dang / nub phyogs dang / byang phyogs su yang seng ldeng gi phur pa btab pa 'am/ srad bu bres pa 'am/ rdo bzhag pa 'am/ srol btod pa la sogs pa'i mtshan ma brtan po gzugs par bya'o/ /de'i 'og tu gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong gnas pa dang gnyug mar gnas pa rnams kyis mtshams bu chung gi phyogs bzhi'i mtshan ma brtan po shar phyogs su ni seng ldeng gi phur ba btab pa 'am/ srad bu bres pa 'am/ rdo bzhag pa 'am/ srol btod pa la sogs pa'i mtshan ma brtan po brjod par bya'o/ /lho phyogs dang / nub phyogs dang / byang phyogs su yang seng ldeng gi phur pa btab pa 'am/ srad bu bres pa 'am/ rdo bzhag pa 'am/ srol btod pa la sogs pa'i mtshan ma brtan po brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ 'di lta ste gnas 'di na dge slong gnas pa dang / gnyug mar gnas pa rnams kyis mtshams bu chung gi phyogs bzhi'i mtshan ma brtan po brjod pa shar phyogs su ni seng ldeng gi phur pa btab pa lags/ lho phyogs su ni srad bu bres pa lags/ nub phyogs su ni rdo bzhag pa lags/ byang phyogs su ni srol btod pa brtan po lags na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis mtshan ma 'di rnams kyi nang du 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams bu chung gcod cing dkyil 'khor bar blo mthun par mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'di na dge slong gnas pa dang / gnyug mar gnas pa rnams kyis mtshams bu chung gi phyogs bzhi'i mtshan ma brtan po brjod pa shar phyogs su ni seng ldeng gi phur pa btab pa lags/ lho phyogs su ni srad bu bres pa lags/ nub phyogs su ni rdo bzhag pa lags/ byang phyogs su ni srol btod pa brtan po lags te/ de'i slad du dge 'dun gyis mtshan ma 'di rnams kyi nang du 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams bu chung bcad cing dkyil 'khor bar blo mthun par mdzad na/ tshe dang ldan pa gang dag mtshan ma 'di rnams kyi nang du 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams bu chung bcad cing dkyil 'khor bar blo mthun par mdzad par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis mtshan ma 'di rnams kyi nang du 'di ltar gnas bsdu ba dang / dge slong rnams la bde ba la reg par gnas par bgyi ba'i slad du mtshams bu chung bcad cing dkyil 'khor bar blo 'thun par mdzad lags te/ 'di ltar cang mi gsung bas de de bzhin du 'dzin to/ /de'i 'og tu mtshams chen po gcad par bya'o/ /'di ltar gcad par bya ste/ je dang por dge slong gnas pa dang / gnyug mar gnas pa rnams kyis mtshams chen po'i phyogs bzhi'i mtshan ma brtan po shar phyogs su ni pha bong gi mtshan ma 'am/ rtsig pa'i mtshan ma 'am/ ka ba'i mtshan ma 'am/ shing ljon pa'i mtshan ma 'am/ ra ba'i mtshan ma 'am/ bya skyibs kyi mtshan ma 'am/ lam po che'i mtshan ma 'am/ khron pa la sogs pa'i mtshan ma brtan po gzugs par bya'o/ /lho phyogs dang / nub phyogs dang / byang phyogs su yang pha bong gi mtshan ma 'am/ rtsig pa'i mtshan ma 'am/ ka ba'i mtshan ma 'am/ shing ljon pa'i mtshan ma 'am/ ra ba'i mtshan ma 'am/ bya skyibs kyi mtshan ma 'am/ lam po che'i mtshan ma 'am/ khron pa la sogs pa'i mtshan ma brtan po gzugs par bya'o/ /de'i 'og tu gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gnas pa dang / gnyug mar gnas pa rnams kyis mtshams chen po'i phyogs bzhi'i mtshan ma brtan po shar phyogs su ni pha bong gi mtshan ma 'am/ rtsig pa'i mtshan ma 'am/ ka ba'i mtshan ma 'am/ shing ljon pa'i mtshan ma 'am/ ra ba'i mtshan ma 'am/ bya skyibs kyi mtshan ma 'am/ lam po che'i mtshan ma 'am/ khron pa la sogs pa'i mtshan ma brtan po brjod par bya'o/ /lho phyogs dang / nub phyogs dang / byang phyogs su yang pha bong gi mtshan ma 'am/ rtsig pa'i mtshan ma 'am/ ka ba'i mtshan ma 'am/ shing ljon pa'i mtshan ma 'am/ ra ba'i mtshan ma 'am/ bya skyibs kyi mtshan ma'am/ lam po che'i mtshan ma 'am/ khron pa la sogs pa'i mtshan ma brtan po brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ 'di lta ste/ gnas 'di na dge slong gnas pa dang / gnyug mar gnas pa rnams kyi mtshams chen po'i phyogs bzhi'i mtshan ma brtan po brjod pa shar phyogs su ni pha bong gi mtshan ma 'am/ rtsig pa'i mtshan ma brtan po lags/ lho phyogs su ni ka ba'i mtshan ma 'am/ shing ljon pa'i mtshan ma brtan po lags/ nub phyogs su ni ra ba'i mtshan ma 'am/ bya skyibs kyi mtshan ma brtan po lags/ byang phyogs su ni lam po che'i mtshan ma 'am/ khron pa la sogs pa'i mtshan ma brtan po lags na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyi mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po gcod do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'di na dge slong gnas pa dang / gnyug mar gnas pa rnams kyi mtshams chen po'i phyogs bzhi'i mtshan ma brtan po brjod pa shar phyogs su ni pha bong gi mtshan ma'am/ rtsig pa'i mtshan ma brtan po lags/ lho phyogs su ni ka ba'i mtshan ma 'am/ shing ljon pa'i mtshan ma brtan po lags/ nub phyogs su ni ra ba'i mtshan ma'am/ bya skyibs kyi mtshan ma brtan po lags/ byang phyogs su ni lam po che'i mtshan ma'am/ khron pa la sogs pa'i mtshan ma brtan po lags te/ de'i slad du dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po gcod na/ tshe dang ldan pa gang dag mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po gcad par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po bcad lags te/ 'di ltar cang mi gsung bas de de bzhin du 'dzin to/ /dge 'dun gyis gang du mtshams chen po bcad pa der dge slong rnams kyis 'dug ste gso sbyong bya zhing dgag dbye dang / gsol ba dang / gsol ba dang gnyis dang / gsol ba dang bzhi'i las bya'o/ /mi mthun par byed na 'gal tshabs can du 'gyur ro/ /de'i 'og tu mtshams chen po'i nang du dge slong thams cad kyis chos gos dag dang mi 'bral ba'i gnang ba sbyin par bya'o/ /'di ltar sbyin par bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ 'di lta ste gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad pa las/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis 'di lta ste/ gnas bsdu ba dang / dge slong rnams bde ba la reg par gnas par gyi ba'i slad du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad de/ de'i slad du dge 'dun gyis 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsol na/ tshe dang ldan pa gang dag 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsal lags te/ 'di ltar cang mi gsung bas de de bzhin du 'dzin to/ /dge 'dun gyis gang du mtshams chen po'i nang du dge slong rnams kyis chos gos dag dang 'bral bar mi 'gyur ba'i gnang ba byin pa der dge slong rnams kyi stod g.yogs smad g.yog dang bcas pas 'dong bar bya ste/ 'di la 'gyod par mi bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa las bgyid pa gcig gis gsol ba gcig dang las brjod pa gcig gis mtshams kyi sgo nang dang / slad rol dang bcas pa bskyung ba dang bskyed par rung ngam/ nye bar 'khor rung ste/ de la bskyung ba ni 'di yin te chung ngu'o/ /de la bskyed pa ni 'di yin te chen po'o/ /'di ltar bya ste/ rje dang por mtshams chen po dgrol bar bya zhing mtshams bu chung yang dgrol bar bya ste/ dkyil 'khor ba gzhig par bya'o/ /'di ltar dgrol bar bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa na mtshams gnyi gar dge 'dun bkod de/ dge slong las byed pas mtshams gnyi gar shing ngam/ dbyug pa 'am/ seg gam/ re ldes mnan nas gsol ba byas te las bya'o/ /dge 'dun btsun pa rnams gsan du gsol/ 'di lta ste gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad cing mtshams bu chung bcad de dkyil 'khor bar blo mthun par bgyis pa las/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis mtshams chen po gzhig cing mtshams bu chung yang gzhig ste/ dkyil 'khor ba dgrol bar mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad cing mtshams bu chung yang bcad de/ dkyil 'khor bar blo mthun par bgyis pa de'i slad du dge 'dun gyis mtshams chen po gzhig cing mtshams bu chung yang gzhig ste/ dkyil 'khor ba dgrol bar mdzad na/ tshe dang ldan pa gang dag mtshams chen po gzhig cing mtshams bu chung yang gzhig ste/ dkyil 'khor ba dgrol bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis mtshams chen po gzhig cing mtshams bu chung yang bshig nas dkyil 'khor ba bkrol lags te/ 'di ltar cang mi gsung bas de de bzhin du 'dzin to/ /de'i 'og tu dge slong gnas pa dang / gnyug mar gnas pa rnams kyis mtshams chen po'i phyogs bzhi'i mtshan ma brtan po shar phyogs su ni pha bong gis mtshan ma 'am/ rtsig pa'i mtshan ma 'am/ ka ba'i mtshan ma 'am/ shing ljon pa'i mtshan ma 'am/ ra ba'i mtshan ma 'am/ bya skyibs kyi mtshan ma 'am/ lam po che'i mtshan ma 'am/ khron pa la sogs pa'i mtshan ma brtan po gzugs par bya'o/ / lho phyogs dang / nub phyogs dang / byang phyogs su yang pha bong gi mtshan ma 'am/ rtsig pa'i mtshan ma 'am/ ka ba'i mtshan ma 'am/ shing ljon pa'i mtshan ma 'am/ ra ba'i mtshan ma 'am/ bya skyibs kyi mtshan ma 'am/ lam po che'i mtshan ma 'am/ khron pa la sogs pa'i mtshan ma brtan po gzugs par bya'o/ mtshams bu chung gi phyogs bzhi'i mtshan ma brtan po shar phyogs su ni seng ldeng gi phur pa btab pa 'am/ srad bu bres pa 'am/ rdo bzhag pa 'am/ srol btod pa la sogs pa'i mtshan ma brtan po gzugs par bya'o/ /lho phyogs dang / nub phyogs dang / byang phyogs su yang seng ldeng gi phur pa btab pa 'am/ srad bu bres pa 'am/ rdo bzhag pa 'am/ srol btod pa la sogs pa'i mtshan ma brtan po gzugs par bya'o/ /de'i 'og tu gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing 'thun par gyur pa la dge slong gnas pa dang gnyug mar gnas pa rnams kyis mtshams chen po'i phyogs bzhi'i mtshan ma brtan po shar phyogs su ni pha bong gi mtshan ma 'am/ rtsig pa'i mtshan ma 'am/ ka ba'i mtshan ma 'am/ shing ljon pa'i mtshan ma 'am/ ra ba'i mtshan ma 'am/ bya skyibs kyi mtshan ma 'am/ lam po che'i mtshan ma 'am/ khron pa la sogs pa'i mtshan ma brtan po brjod par bya'o/ /lho phyogs dang / nub phyogs dang / byang phyogs su yang pha bong gi mtshan ma 'am/ rtsig pa'i mtshan ma 'am/ ka ba'i mtshan ma 'am/ shing ljon pa'i mtshan ma 'am/ ra ba'i mtshan ma 'am/ bya skyibs kyi mtshan ma 'am/ lam po che'i mtshan ma 'am/ khron pa la sogs pa'i mtshan ma brtan po brjod par bya'o/ / mtshams bu chung gi phyogs bzhi'i mtshan ma brtan po shar phyogs su ni seng ldeng gi phur pa btab pa 'am/ srad bu bres pa 'am/ rdo bzhag pa 'am/ srol btod pa la sogs pa'i mtshan ma brtan po brjod par bya'o/ / lho phyogs dang / nub phyogs dang / byang phyogs su yang seng ldeng gi phur pa btab pa 'am/ srad bu bres pa 'am/ rdo bzhag pa 'am/ srol btod pa la sogs pa'i mtshan ma brtan po brjod par bya'o/ /de'i 'og tu mtshams gnyi gar dge 'dun bkod de dge slong las byed pas mtshams gnyi gar shing ngam/ dbyug pa'am/ seg gam/ re ldes mnan nas gsol ba byas te las bya'o/ /dge 'dun btsun pa rnams gsan du gsol/ 'di lta ste gnas 'di na dge slong gnas pa dang gnyug mar gnas pa rnams kyis mtshams chen po'i phyogs bzhi'i mtshan ma brtan po brjod pa shar phyogs su ni pha bong gi mtshan ma 'am/ rtsig pa'i mtshan ma brtan po lags/ lho phyogs su ni ka ba'i mtshan ma 'am/ shing ljon pa'i mtshan ma brtan po lags/ nub phyogs su ni ra ba'i mtshan ma 'am/ bya skyibs kyi mtshan ma brtan po lags/ byang phyogs su ni lam po che'i mtshan ma 'am/ khron pa la sogs pa'i mtshan ma brtan po lags/ mtshams bu chung gi phyogs bzhi'i mtshan ma brtan po brjod pa shar phyogs su ni seng ldeng gi phur pa btab pa lags/ lho phyogs su ni srad bu bres pa lags/ nub phyogs su ni rdo gzhag pa lags/ byang phyogs su ni srol btod pa brtan po lags na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po bcad cing mtshams bu chung yang bcad de/ dkyil 'khor bar blo mthun par mdzad do/ / 'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'di na dge slong gnas pa dang / gnyug mar gnas pa rnams kyis mtshams chen po'i phyogs bzhi'i mtshan ma brtan po brjod pa shar phyogs su ni pha bong gi mtshan ma 'am/ rtsig pa'i mtshan ma brtan po lags/ lho phyogs su ni ka ba'i mtshan ma 'am/ shing ljon pa'i mtshan ma brtan po lags/ nub phyogs su ni ra ba'i mtshan ma 'am/ bya skyibs kyi mtshan ma brtan po lags/ byang phyogs su ni lam po che'i mtshan ma 'am/ khron pa la sogs pa'i mtshan ma brtan po lags/ mtshams bu chung gi phyogs bzhi'i mtshan ma brtan po brjod pa shar phyogs su ni seng ldeng gi phur pa btab pa lags/ lho phyogs su ni srad bu bres pa lags/ nub phyogs su ni rdo bzhag pa lags/ byang phyogs su ni srol btod pa brtan po lags te/ de'i slad du dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po bcad cing mtshams bu chung yang bcad de dkyil 'khor bar blo mthun par mdzad na tshe dang ldan pa gang dag mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po bcad cing mtshams bu chung yang bcad de/ dkyil 'khor bar blo mthun par mdzad par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po bcad cing mtshams bu chung yang bcad de dkyil 'khor bar blo mthun par mdzad lags te/ 'di ltar cang mi gsung bas de de bzhin du 'dzin to/ /dge 'dun gyis gang du mtshams chen po dang mtshams bu chung bcad de dkyil 'khor bar blo mthun par byas pa der dge slong rnams kyis 'dug ste gso sbyong bya zhing dgag dbye dang / gsol ba dang / gsol ba dang gnyis dang / gsol ba dang bzhi'i las bya'o/ /mi mthun par byed na 'gal tshabs can du 'gyur ro/ /'di ltar gal te 'dod na bskyed par yang bya'o/ /gal te mi 'dod na bskyung bar bya'o/ /de'i 'og tu mtshams chen po'i nang du dge slong thams cad kyi chos gos dag dang mi 'bral ba'i gnang ba sbyin par bya'o/ /'di ltar sbyin par bya ste/ mtshams bu chung gi nang nas phyir byung ste mtshams chen por gnas mal bsham par byas nas gaN DI brdungs ste dris pa'i tshig gis dge slong rnams la yang dag par bsgo nas/ dge 'dun thams cad 'dug cing 'thun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ 'di lta ste gnas 'dir dge 'dun 'thun pas gso sbyong gcig pa'i gnas kyi sdom pas mtshams chen po bcad pa las/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis 'di lta ste gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyis chos gos dag dang 'bral bar mi 'gyur ba'i gnang ba stsol lo/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'dir dge 'dun 'thun pas gso sbyong gcig pa'i gnas kyi sdom pas mtshams chen po bcad de/ de'i slad du dge 'dun gyis 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsol na/ tshe dang ldan pa gang dag 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsal lags te/ 'di ltar cang mi gsung bas de de bzhin du 'dzin to/ /dge 'dun gyis gang du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba byin pa der dge slong rnams stod g.yogs dang smad g.yogs dang bcas pas 'dong bar bya ste/ 'di la 'gyod par mi bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa mtshams ma bkum pa'i gnas kyi mtshams gang lags/ nye bar 'khor rtsig pas bskor ba yin na rtsig pa mtshams yin la/ rtsig pas ma bskor na wa kha nas chu 'dzag pa gang du bab pa tshun chad de/ dge slong de na 'khod pa rnams kyis der 'dug ste gso sbyong bya zhing dgag dbye dang gsol ba dang gsol ba dang gnyis dang gsol ba dang bzhi'i las bya'o/ /mi mthun par byed na 'gal tshabs can du 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa grong gi mtshams kyi gnas gang lags/ nye bar 'khor nye 'khor gyi mtha' tshun chad do/ /dge slong de na 'khod pa rnams kyis der 'dug cing gso sbyong bya zhing dgag dbye dang gsol ba dang gsol ba dang gnyis dang gsol ba dang bzhi'i las bya'o/ /mi mthun par byed na 'gal tshabs can du 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa grong ma mchis pa'i dgon pa'i gnas kyi mtshams gang lags/ nye bar 'khor rgyang grags kyi mtha' tshun chad de/ dge slong rgyang grags kyi nang na 'khod pa thams cad kyis gcig tu 'dug ste gso sbyong bya zhing dgag dbye dang / gsol ba dang gsol ba dang gnyis dang / gsol ba dang bzhi'i las bya'o/ /mi mthun par byed na 'gal tshabs can du 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa gso sbyong gi las du mchis/ nye bar 'khor bzhi ste/ chos ma yin pas mi mthun par byed pa dang / chos ma yin pas 'thun par byed pa dang / chos kyis mi 'thun par byed pa dang / chos kyis 'thun par byed pa'o/ /de la gso sbyong gi las chos dang ldan pa ni gcig ste/ 'di lta ste chos kyis 'thun par byed pa'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa so sor thar pa'i mdo gdon pa du mchis/ nye ba 'khor lnga ste/ gsol ba byas te gleng gzhi bton nas lhag ma thos pas sgrogs par byed na dge 'dun gyis so sor thar pa bton cing gso sbyong byas pa yin no/ /gsol ba byas te gleng gzhi yang bton/ pham par 'gyur ba'i chos bzhi yang bton nas lhag ma thos pas sgrogs par byed na dge 'dun gyis so sor thar pa bton cing gso sbyong byas pa yin no/ /gsol ba byas te gleng gzhi yang bton/ pham par 'gyur ba'i chos bzhi yang bton/ dge 'dun lhag ma'i chos bcu gsum yang bton nas lhag ma thos pas sgrogs par byed na dge 'dun gyis so sor thar pa bton cing gso sbyong byas pa yin no/ /gsol ba byas te gleng gzhi yang bton/ pham par 'gyur ba'i chos bzhi yang bton/ dge 'dun lhag ma'i chos bcu gsum yang bton/ ma nges pa'i chos gnyis kyang bton nas lhag ma thos pas sgrogs par byed na dge 'dun gyis so sor thar pa bton cing gso sbyong byas pa yin no/ /so sor thar pa'i 'don pa rgyas par bton pa ni lnga pa yin no// // /sdom la/ gnas dang dbyar snga phyi ma dang / / glo bur ba dang rgyu ba dang / /mtshan yol gso sbyong gyis shig dang / /sems bskyed pa yis gso sbyong bya/ /'di lta ste gnas shig na dge slong rab tu mang po dag 'khod pa de dag 'di ltar dge slong che ge mo zhig la so sor thar pa snang ngo / /dge slong che ge mo zhig la so sor thar pa snang ngo / /snyam pa las de dag gi gso sbyong bcwa lnga pa de nyid la dge slong su la yang so sor thar pa mi snang nas/ bcom ldan 'das kyis bka' stsal pa/ dge slong de dag gis gnas bstabs pa dang / gnas mal bstabs pa dang / las bstabs pa dang / rnyed pa bstabs pa dang / bsnyen bkur ba bstabs pa dang / dge slong gang la so sor thar pa snang ba gnyer bar bya'o/ /gal te dge slong gang la so sor thar pa snang ba zhig rnyed na de lta na legs/ 'on te ma rnyed na dge slong de dag gis gnas de nyid du gso sbyong gzhan la bsdad par mi bya'o/ /sdod par byed na 'gal tshabs can du 'gyur ro/ /'di lta ste gnas shig na dge slong rab tu mang po dag dbyar snga mar gnas par khas blang bar 'dod cing de dag 'di ltar dge slong che ge mo zhig la so sor thar pa snang ngo / /dge slong che ge mo zhig la so sor thar pa snang ngo snyam pa las/ de dag gis gso sbyong bcwa lnga pa de nyid la dge slong su la yang so sor thar pa mi snang nas bcom ldan 'das kyis bka' stsal pa/ dge slong de dag gis gnas bstabs pa dang / gnas mal bstabs pa dang / las bstabs pa dang / rnyed pa bstabs pa dang / bsnyen bkur ba bstabs pas dge slong gang la so sor thar pa snang ba gnyer bar bya'o/ /gal te dge slong gang la so sor thar pa snang ba zhig rnyed na de lta na legs/ 'on te ma rnyed na dge slong de dag gis gnas de nyid du dbyar snga mar gnas par khas blang bar mi bya'o/ /khas len par byed na 'gal tshabs can du 'gyur ro/ /'di lta ste gnas shig nas dge slong rab tu mang po dag dbyar snga mar gnas par khas blangs shing de dag 'di ltar dge slong che ge mo zhig la so sor thar pa snang ngo / / dge slong che ge mo zhig la so sor thar pa snang ngo snyam pa las/ de dag gis gso sbyong bcwa lnga pa de nyid la dge slong su la yang so sor thar pa mi snang nas bcom ldan 'das kyis bka' stsal pa/ dge slong de dag gis gnas bstabs pa dang / gnas mal bstabs pa dang / las bstabs pa dang / rnyed pa bstabs pa dang / bsnyen bkur ba bstabs pas dge slong gang la so sor thar pa snang ba gnyer bar bya'o/ /gal te dge slong gang la so sor thar pa snang ba zhig rnyed na de lta na legs/ 'on te ma rnyed na dge slong de dag gis gnas de nyid du dbyar snga mar gnas par mi bya'o/ /gnas par byed na 'gal tshabs can du 'gyur ro/ /'di lta ste gnas shig na dge slong rab tu mang po dag dbyar phyi mar gnas par khas blang bar 'dod cing de dag 'di ltar dge slong che ge mo zhig la so sor thar pa snang ngo / /dge slong che ge mo zhig la so sor thar pa snang ngo snyam pa las/ de dag gi gso sbyong bcwa lnga pa de nyid la dge slong su la yang so sor thar pa mi snang nas/ bcom ldan 'das kyis bka' stsal pa/ dge slong de dag gis gnas bstabs pa dang / gnas mal bstabs pa dang / las bstabs pa dang / rnyed pa bstabs pa dang / bsnyen bkur ba bstabs pas dge slong gang la so sor thar pa snang ba gnyer bar bya'o/ /gal te dge slong gang la so sor thar pa snang ba zhig rnyed na de lta na legs/ 'on te ma rnyed na dge slong de dag gis gnas de nyid du dbyar phyi mar gnas par khas blang bar mi bya'o/ / khas len par byed na 'gal tshabs can du 'gyur ro/ 'di lta ste gnas shig na dge slong rab tu mang po dag dbyar phyi mar gnas par khas blangs shing de dag 'di ltar dge slong che ge mo zhig la so sor thar pa snang ngo / / dge slong che ge mo zhig la so sor thar pa snang ngo snyam pa las de dag gis gso sbyong bcwa lnga pa de nyid la dge slong su la yang so sor thar pa mi snang nas/ bcom ldan 'das kyis bka' stsal pa/ dge slong de dag gis gnas de nyid du zla ba gnyis so sor brtags te gnas par bya'o/ /zla ba gnyis 'das nas dge slong de dag gis gnas bstabs pa dang / gnas mal bstabs pa dang / las bstabs pa dang / rnyed pa bstabs pa dang / bsnyen bkur ba bstabs pas dge slong gang la so sor thar pa snang ba gnyer bar bya'o/ /gal te dge slong gang la so sor thar pa snang ba zhig rnyed na de lta na legs/ 'on te ma rnyed na dge slong de dag gis gnas de nyid du gso sbyong gzhan la bsdad par mi bya'o/ /sdod par byed na 'gal tshabs can du 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa 'di lta ste dge slong gnyug mar gnas pa dag gis dge slong glo bur ba mdo sde 'dzin pa dang / 'dul ba 'dzin pa dang / ma mo 'dzin pa dag mchi'o zhes thos nas de dag gis de dag la ji ltar bsgrub par bgyi/ nye bar 'khor dge slong de dag gis dge slong glo bur ba mdo sde 'dzin pa dang / 'dul ba 'dzin pa dang / ma mo 'dzin pa dag gi don du dpag tshad phyed dang gsum du gdugs dang / rgyal mtshan dang / ba dan la sogs pa dag gis bsu bar bya'o/ /gal te 'grub na de lta na legs/ 'on te mi 'grub na rgyang grags lngar gdugs dang / rgyal mtshan dang / ba dan la sogs pa dag gis bsu bar bya'o/ /gal te 'grub na de lta na legs/ 'on te mi 'grub na dpag tshad phyed dam/ rgyang grags gsum 'am/ rgyang grags sam/ rgyang grags phyed dam/ tha na khyams su yang gdugs dang / rgyal mtshan dang / ba dan la sogs pa dag gis bsu bar bya'o/ /ngag gis bshes pa'i tshig gis bsus nas lhung bzed dang chos gos dag blang bar bya'o/ /khrus bya zhing dge 'dun la yang snum bag gi rnyed pa dbul bar bya'o/ /de dag la gnas bstabs pa dang / gnas mal bstabs pa dang / las bstabs pa dang / rnyed pa bstabs pa dang / bsnyen bkur ba bstabs pa dang / chos mnyan pa sbyin par bya'o/ /gal te la la zhig de na 'di skad ces/ tshe dang ldan pa dag rab tu byung ba dag tu 'dra na ci'i phyir dge slong de dag la ni mchod par 'os par byed la/ kho bo cag la ni 'os par mi byed ces zer na de la 'di skad ces/ tshe dang ldan pa ston pa 'das pa'i gsung rab la 'di ni ston pa'o/ /'di ni rten te/ 'di lta ste mdo sde dang / 'dul ba dang / ma mo'o/ /de yang tshe dang ldan pa de dag gis rgya cher blags shing thon pas de'i phyir 'di dag ni mchod par 'os pa yin gyi khyod ni ma yin no/ /zhes brjod par bya'o/ /'di lta ste/ gso sbyong bcwa lnga pa de nyid la dge slong lhan cig gnas pa dang / nye gnas dag ljongs rgyur 'dong bar 'dod na/ de dag la mkhan po dang slob dpon dag gis rnam pa gang gis kyang gnang bar mi bya'o/ /gal te rkyen de lta bu zhig byung na tshe dang ldan pa dag /gnas che ge mo zhig na dge slong gi dge 'dun gyi gnas brtan dang bcas/ so sor thar pa dang bcas shing / dge slong tshul khrims dang ldan pa dang / yon tan dang ldan pa des pa dge ba'i chos can dag 'khod kyis/ de dag gis 'gyod pa ma skyes pa ni skyed par mi 'gyur la skyes pa ni sel bar 'gyur gyis der deng shig ces brjod par bya'o/ /gal te bstan pa de las gzhan du 'jug na 'gal tshabs can du 'gyur ro/ /de nas bcom ldan 'das gso sbyong bcwa lnga pa de nyid la dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag mtshan mo yol gyis gso sbyong gyis shig /de nas dge slong zhig stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /btsun pa gnas shig na dge slong bro 'tshal ba sdug bsngal ba bro tshabs che ba zhig mchis na de la bdag cag gis ji ltar bsgrub par bgyi/ bcom ldan 'das kyis bka' stsal pa/ de'i yongs su dag pa blang bar bya'o/ /bcom ldan 'das kyis de'i yongs su dag pa blang bar bya'o zhes bka' stsal nas/ dge slong dag gis ji ltar blang bar bya ba mi shes nas/ bcom ldan 'das kyis bka' stsal pa/ gcig gis gcig gi dang / gcig gis gnyis kyi dang / rab tu mang po rnams kyi yang rung ste/ dge 'dun gyi nang du ji snyed kyi ming dag brjod par nus pa'i bar du'o/ /dge slong dag ngas dge slong yongs su dag pa 'bul bar byed pa'i kun du spyad pa'i chos rnams bca' bar bya ste/ dge slong yongs su dag pa 'bul bar byed pas bla gos phrag pa gcig tu gzar te/ mchil lham gnyis phud nas rgan rims bzhin du phyag 'tshal te/ tsog tsog por 'dug nas thal mo sbyar te 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bcwa lnga pa lags la/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bcwa lnga pa lags te/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba bar chad kyi chos rnams yongs su dag go zhes bdag mchi'o/ /bdag gi gso sbyong yang yongs su dag ste/ yongs su dag pa yang brjod do/ /brjod pa yang rig par bgyid do/ /de bzhin du lan gnyis lan gsum du bzlas/ dge slong yongs su dag pa 'bul bas gal te lus kyi rnam par rig byed kyis yongs su dag pa 'bul bar byed na yongs su dag pa phul bar brjod par bya'o/ /ngag gi rnam par rig byed kyis 'bul bar byed na yongs su dag pa phul bar brjod par bya'o/ lus kyi rnam par rig byed dang / ngag gi rnam par rig byed kyis 'bul bar byed na yongs su dag pa phul bar brjod par bya'o/ /lus kyi rnam par rig byed kyis 'bul bar mi byed/ ngag gi rnam par rig byed kyis kyang 'bul bar mi byed na dge 'dun thams cad der dong bar bya'o/ /yang na dge slong de dge 'dun gyi nang du blang bar bya'o/ /dge 'dun thams cad der dong bar mi byed dam/ dge slong de dge 'dun gyi nang du len par mi byed par mi mthun par byed na 'gal tshabs can du 'gyur ro/ /dge slong yongs su dag pa 'bul bar byed pas kun du spyad pa'i chos ji ltar bcas pa rnams yang dag par blangs te 'jug par mi byed na 'gal tshabs can du 'gyur ro/ /dge slong dag ngas dge slong yongs su dag pa len pa'i kun du spyad pa'i chos rnams bca' bar bya ste/ dge slong yongs su dag pa len pas yongs su dag pa blangs nas brgyug par mi bya'o/ /mgyogs par mi bya'o/ /mchong bar mi bya'o/ /phyi rol la mchong bar mi bya'o/ /'obs la mchong bar mi bya'o/ /bang rim la mchong bar mi bya'o/ /steng gi nam mkha' la 'dug par mi bya'o/ /mtshams kyi phyi rol du 'gro bar mi bya'o/ /gom pa gcig gis skas kyi rim pa gnyis la thod rgal du gzeg par mi bya'o/ /gom pa gcig gis them skas kyi them pa gnyis la thod rgal du gzeg par mi bya'o/ /chu lkog ma nub tsam la 'bog par mi bya'o/ /gnyid log par mi bya'o/ /snyoms par 'jug par mi bya'o/ /gnyid log par byed pa dang snyoms par 'jug par byed pa ni rgyu gnyis kyis smad par bya ba yin te/ ngo tsha med pa nyid gang yin pa dang / ma klas pa nyid gang yin pas so/ /gang gi tshe dge 'dun gyi gnas brtan gyis tshe dang ldan pa dag ma lhag pa rnams kyi yongs su dag pa brjod cig /brjod pa yang rig par gyis shig ces smras pa'i tshe des dge slong drung na 'dug pa'i mdun du 'dug ste 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bcwa lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bcwa lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de bar chad kyi chos rnams yongs su dag go zhes kho na nyid mchi'o/ /de'i gso sbyong yang yongs su dag go/ yongs su dag pa yang brjod do/ /brjod pa yang rig par bgyid do/ /de bzhin du lan gnyis lan gsum du bzlas/ yang na des dge 'dun gyi dbus su rgan pa'i mthar 'greng ste 'dud pa dang bcas pas 'di skad ces brjod par bya'o/ /dge 'dun btsun pa rnams dgongs su gsol/ deng dge 'dun gyi gso sbyong bcwa lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bcwa lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de bar chad kyi chos rnams yongs su dag go zhes kho na nyid mchi'o/ /de'i gso sbyong yang yongs su dag go/ yongs su dag pa yang brjod do/ /brjod pa yang rig par bgyid do/ /dge slong yongs su dag pa len pas kun du spyad pa'i chos ji ltar bcas pa rnams yang dag par blangs te 'jug par mi byed na 'gal tshabs can du 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa re shig dge slong yongs su dag pa len pas yongs su dag pa blangs te/ de nyid du rgyun chad cing dus bgyid na yongs su dag pa blangs par brjod par bgyi'am/ ma blangs par brjod par bgyi/ nye bar 'khor ma blangs pa yin te/ yang blang bar bya'o/ /khyim pa nyid du g.yar gyis 'che bar bgyid dam/ dge tshul nyid dam/ za ma nyid dam/ ma ning nyid dam/ dge slong ma sun phyung ba nyid dam/ ma bsad pa nyid dam/ pha bsad pa nyid dam/ dgra bcom pa bsad pa nyid dam/ dge 'dun gyi dbyen bgyis pa nyid dam/ de bzhin gshegs pa la ngan sems kyis khrag phyung ba nyid dam/ mu stegs can nyid dam/ mu stegs can zhugs pa nyid dam/ rku thabs su gnas pa nyid dam/ tha dad par gnas pa nyid dam/ gnas par mi bgyid pa nyid du g.yar gyis 'che bar bgyid na yongs su dag pa blangs par brjod par bgyi'am/ ma blangs par brjod par bgyi/ nye bar 'khor ma blangs pa yin te/ yang blang bar bya'o/ /btsun pa re shig dge slong yongs su dag pa len pas yongs su dag pa blangs te/ shul du rgyun chad cing dus bgyid na yongs su dag pa blangs pa brjod par bgyi'am/ ma blangs par brjod par bgyi/ nye bar 'khor ma blangs pa yin te/ yang blang bar bya'o/ /khyim pa nyid du g.yar gyis 'che bar bgyid dam/ dge tshul nyid dam/ za ma nyid dam/ ma ning nyid dam/ dge slong ma sun phyung ba nyid dam/ ma bsad pa nyid dam/ pha bsad pa nyid dam/ dgra bcom pa bsad pa nyid dam/ dge 'dun gyi dbyen bgyis pa nyid dam/ de bzhin gshegs pa la ngan sems kyis khrag phyung ba nyid dam/ mu stegs can nyid dam/ mu stegs can zhugs pa nyid dam/ rku thabs su gnas pa nyid dam/ tha dad par gnas pa nyid dam/ gnas par mi bgyi ba nyid du g.yar gyis 'che bar bgyid na yongs su dag pa blangs par brjod par bgyi'am/ ma blangs par brjod par bgyi/ nye bar 'khor ma blangs pa yin te/ yang blang bar bya'o/ / btsun pa re shig dge slong yongs su dag pa len pas yongs su dag pa blangs te/ dge 'dun gyi nang du rgyun chad cing dus bgyid na yongs su dag pa blangs par brjod par bgyi'am/ ma blangs par brjod par bgyis/ nye bar 'khor blangs pa yin te/ yang blang bar mi bya'o/ /khyim pa nyid du g.yar gyis 'che bar bgyid dam/ dge tshul nyid dam/ za ma nyid dam/ ma ning nyid dam/ dge slong ma sun phyung ba nyid dam/ ma bsad pa nyid dam/ pha bsad pa nyid dam/ dgra bcom pa bsad pa nyid dam/ dge 'dun gyi dbyen bgyis pa nyid dam/ de bzhin gshegs pa la ngan sems kyis khrag phyung ba nyid dam/ mu stegs can nyid dam/ mu stegs can zhugs pa nyid dam/ rku thabs su gnas pa nyid dam/ tha dad par gnas par nyid dam/ gnas par mi bgyi ba nyid du g.yar gyis 'che bar bgyid na yongs su dag pa blangs par brjod par bgyi 'am/ ma blangs par brjod par bgyi/ nye bar 'khor blangs pa yin te/ yang blang bar mi bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa gnas gang na dge slong gcig pu mchis pa des gso sbyong bcwa lnga pa de nyid la ji ltar bsgrub par bgyi/ nye bar 'khor dge slong des gtsug lag khang chag chag gdab par bya/ phyag dar bya/ ba lang gi lci ba sar pa'i byug pas byug par bya/ seng ge'i khri bsham par bya/ stan bsham par bya/ mar me gzugs par bya/ chos mnyan pa sbyin par bya'o/ /de'i 'og tu phyogs ches mthon por 'dug ste phyogs bzhir blta bar bya'o/ /der dge slong yongs su dag pa lta ba mthun pa la la dag 'ong na 'di skad ces/ tshe dang ldan pa dag myur ba myur bar shog shig deng dge 'dun gyi gso sbyong bcwa lnga pa yin no zhes brjod par bya zhing de dag dang lhan cig 'dug ste gso sbyong bya'o/ /gal te 'grub na de lta na legs/ ji ste mi 'grub na dge slong des rang gi stan la 'dug ste/ deng dge 'dun gyi gso sbyong bcwa lnga pa yin la/ bdag dge slong ming 'di zhes bya ba'i gso sbyong yang bcwa lnga pa yin te/ bdag dge slong ming 'di zhes bya ba bar chad kyi chos rnams yongs su dag go zhes kyang bdag smras/ bdag yongs su dag par lha rnams kyis gzung du gsol/ bdag dge slong ming 'di zhes bya bas tshul khrims kyi phung po yongs su rdzogs par bya ba'i phyir deng gso sbyong byin gyis brlab bo/ /gang gi tshe dge 'dun tshogs pa rnyed pa de'i tshe dge 'dun dang lhan cig tu gso sbyong rgya cher nyams su myong bar bya zhing / so sor thar pa'i mdo gdon pa gdon par bya'o snyam du sems bskyed par bya zhing tshig tu 'ang brjod par bya'o/ /de bzhin du lan gnyis lan gsum du bzlas/ gang na dge slong gnyis 'khod pa der ni rim pa de nyid kyis gcig la gcig brjod par bya'o/ /gang na dge slong gsum 'khod pa der yang rim pa de nyid kyis gcig la gcig brjod par bya'o/ /gang na dge slong bzhi pa 'khod pa der ni de rnams kyis gsol ba byas te gso sbyong bya'o/ /der ni nad pa'i yongs su dag pa blang bar mi bya'o/ /gang na dge slong lnga 'am/ lhag par 'khod pa der ni de rnams kyis gsol ba byas te gso sbyong bya'o/ /nad pa'i yongs su dag pa yang blang bar bya'o// // 'dul ba gzhi/ bam po bcu gsum pa/ sdom la/ rgyal pos dge slong bzung ba dang / /bya ba yod kyis ma ldang dang / /smyos pa gnang ba sbyin pa dang / /dran pa bcu po dag yin no/ /'di lta ste rgyal po 'am/ chom rkun pa 'am/ gsod pa 'am/ phyir rgol ba 'am/ dgra bo rnams kyis gso sbyong bcwa lnga pa de nyid la dge slong bzung na/ dge slong de'i don gyi phyir dge slong de rnams kyis mngon sum du 'am 'phrin pa gtang zhing dge slong 'di bdag cag gi tshangs pa mtshungs par sbyod pa yin gyis/ 'di thong shig ces brjod par bya'o/ /gal te gtong na de lta na legs/ ji ste mi gtong na dge slong 'di dang bdag cag bya ba cung zad cig yod kyis/ dge slong 'di thong shig ces phrin pa gnyis pa btang bar bya'o/ /gal te gtong na de lta na legs/ ji ste mi gtong na dge slong de rnams kyis dkyil 'khor bar dong ste gso sbyong bya'o/ /de'i 'og tu phyi de nyin par dge slong de thar bar bya ba'i phyir 'bad par bya ste/ gal te 'bad par byed na de lta na legs/ ji ste 'bad par mi byed na 'gal tshabs can du 'gyur ro/ /de nas bcom ldan 'das gso sbyong bcwa lnga pa de nyid la dge slong gi dge 'dun gyi gung la gdan bshams pa nyid la bzhugs nas/ dge 'dun gyi so sor thar pa bton te gso sbyong byas pa dang / de nas bcom ldan 'das kyis dge slong rnams la bka' stsal pa/ dge slong dag dge 'dun gyi bya ba cung zhig yod kyis re shig ma ldang shig /de nas dge slong zhig stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba rab tu btud de bcom ldan 'das la 'di skad ces gsol to/ /btsun pa gnas shig na dge slong bro 'tshal ba sdug bsngal ba bro tshabs che ba mchis pa de'i yongs su dag pa blangs na de la bdag cag gis ji ltar bsgrub par bgyi/ bcom ldan 'das kyis bka' stsal pa/ dge slong des dge slong bdag nyid yongs su dag par bya ba'i phyir yongs su dag pa phul ba de'i 'dun pa blang bar bya'o/ /bcom ldan 'das kyis 'dun pa blang bar bya'o zhes bka' stsal na/ dge slong rnams kyis ji ltar blang bar bya ba mi shes nas/ bcom ldan 'das kyis bka' stsal pa/ gcig gis gcig gi dang / gcig gis gnyis kyi dang / rab tu mang po rnams kyi yang rung ste/ dge 'dun gyi nang du ji snyed kyi ming dag brjod par nus pa'i bar du'o/ /dge slong dag ngas dge slong 'dun pa 'bul bar byed pa'i kun tu spyod pa'i chos rnams bca' bar bya ste/ dge slong 'dun pa 'bul bar byed pas bla gos phrag pa gcig tu gzar te mchil lham gnyis phud nas rgan rims gzhin du phyag 'tshal te/ tsog tsog por 'dug nas thal mo sbyar te 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bcwa lnga pa lags la/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bcwa lnga pa lags te/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba bar chad kyi chos rnams yongs su dag go zhes bdag mchi'o/ /dge 'dun chos bzhin du mdzad pa la 'dun pa 'bul lo/ /bdag gi gso sbyong yang yongs su dag go / 'dun pa dang yongs su dag pa yong brjod do/ /brjod pa yang rig par bgyid do/ /de bzhin du lan gnyis lan gsum du bzlas/ dge slong 'dun pa 'bul bas gal te lus kyi rnam par rig byed kyis 'dun pa 'bul bar byed na 'dun pa phul bar brjod par bya'o/ / ngag gi rnam par rig byed kyis 'dun pa 'bul bar byed na 'dun pa phul bar brjod par bya'o/ /lus kyi rnam par rig byed dang / ngag gi rnam par rig byed kyis 'dun pa 'bul bar byed na 'dun pa phul bar brjod par bya'o/ /lus kyi rnam par rig byed kyis kyang 'bul bar mi byed/ ngag gi rnam par rig byed kyis kyang 'bul bar mi byed na dge 'dun thams cad der dong bar bya'o/ /yang na dge slong de dge 'dun gyi nang du blang bar bya'o/ /dge 'dun thams cad der 'dong bar mi byed dam/ dge slong de dge 'dun gyi nang du len par mi byed par mi mthun par byed na 'gal tshabs can du 'gyur ro/ /dge slong 'dun pa 'bul bar byed pas kun tu spyad pa'i chos ji ltar bcas pa rnams yang dag par blangs te mi 'jug na 'gal tshabs can du 'gyur ro/ /dge slong dag ngas dge slong 'dun pa len pa'i kun tu spyad pa'i chos rnams bca' bar bya ste/ dge slong 'dun pa len pas 'dun pa blangs nas brgyug par mi bya'o/ / mgyogs par mi bya'o/ /mchong bar mi bya'o/ /phyi rol la mchong bar mi bya'o/ /'obs la mchong bar mi bya'o/ /bang rim la mchong bar mi bya'o/ /steng gi nam mkha' la 'dug par mi bya'o/ /mtshams kyi phyi rol du 'gro bar mi bya'o/ /gom pa gcig gis skas kyi rim pa gnyis la thod rgal du 'dzeg par mi bya'o/ /gom pa gcig gis them skas kyi them pa gnyis la thod rgal du gzeg par mi bya'o/ /chu lkog ma nub tsam la 'bog par mi bya'o/ /gnyid log par mi bya'o/ /snyoms par 'jug par mi bya'o/ /gnyid log par byed pa dang / snyoms par 'jug par byed pa ni rgyu gnyis kyis smad par bya ba yin te/ ngo tsha med pa nyid gang yin pa dang / ma klas pa nyid gang yin pas so/ /gang gi tshe dge 'dun gyi gnas brtan gyis tshe dang ldan pa dag ma lhag pa rnams kyi 'dun pa dang yongs su dag par brjod cing brjod par yang rig par gyis shig ces smras pa'i tshe/ des dge slong drung na 'dug pa'i mdun du 'dug ste 'di skad ces brjod par bya'o/ /tshe dang ldan pa dgongs su gsol/ /deng dge 'dun gyi gso sbyong bcwa lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bcwa lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de bar chad kyi chos rnams yongs su dag go zhes kho na nyid mchi'o/ /dge 'dun chos bzhin du mdzad pa la 'dun pa 'bul lo/ /de'i gso sbyong yang yongs su dag go/ 'dun pa dang yongs su dag pa yang brjod do/ /brjod pa yang rig par bgyid do/ /de bzhin du lan gnyis lan gsum du bzlas/ yang na des dge 'dun gyi dbus su rgan pa'i mthar 'greng ste 'dud pa dang bcas pas 'di skad ces brjod par bya'o/ /dge 'dun btsun pa rnams dgongs su gsol/ deng dge 'dun gyi gso sbyong bcwa lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bcwa lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de bar chad kyi chos rnams yongs su dag go zhes kho na nyid mchi'o/ /dge 'dun chos bzhin du mdzad pa la 'dun pa 'bul lo/ /de'i gso sbyong yang yongs su dag go/ 'dun pa dang yongs su dag pa yang brjod do/ /brjod pa yang rig par bgyid do/ /dge slong 'dun pa len pas kun tu spyad pa'i chos ji ltar bcas pa rnams yang dag par blangs te 'jug par mi byed na 'gal tshabs can du 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa re shig dge slong 'dun pa dang yongs su dag pa len pas 'dun pa dang yongs su dag pa blangs te/ de nyid du rgyun chad cing dus bgyid na 'dun pa dang yongs su dag pa blangs par brjod par bgyi 'am/ ma blangs par brjod par bgyi/ nye bar 'khor ma blangs pa yin te/ yang blang bar bya'o/ /khyim pa nyid du g.yar gyis 'che bar bgyid dam/ dge tshul nyid dam/ za ma nyid dam/ ma ning nyid dam/ dge slong ma sun phyung ba nyid dam/ ma bsad pa nyid dam/ pha bsad pa nyid dam/ dgra bcom pa bsad pa nyid dam/ dge 'dun gyi dbyen bgyis pa nyid dam/ de bzhin gshegs pa la ngan sems kyis khrag phyung ba nyid dam/ mu stegs can nyid dam/ mu stegs can zhugs pa nyid dam/ rku thabs su gnas pa nyid dam/ tha dad par gnas pa nyid dam/ gnas par mi bgyi ba nyid du g.yar gyis 'che bar bgyid na 'dun pa dang yongs su dag pa blangs par brjod par bgyi 'am/ ma blangs par brjod par bgyi/ nye bar 'khor ma blangs pa yin te/ yang blang bar bya'o/ /btsun pa re shig dge slong 'dun pa dang yongs su dag pa len pas 'dun pa dang yongs su dag pa blang te shul tu rgyun chad cing dus bgyid na 'dun pa dang yongs su dag pa blangs par brjod par bgyi'am/ ma blangs par brjod par bgyi/ nye bar 'khor ma blangs pa yin te/ yang blang bar bya'o/ /khyim pa nyid du g.yar gyis 'che bar bgyid dam/ dge tshul nyid dam/ za ma nyid dam/ ma ning nyid dam/ dge slong ma sun phyung ba nyid dam/ ma bsad pa nyid dam/ pha bsad pa nyid dam/ dgra bcom pa bsad pa nyid dam/ dge 'dun gyi dbyen bgyis pa nyid dam/ de bzhin gshegs pa la ngan sems kyis khrag phyung ba nyid dam/ mu stegs can nyid dam/ mu stegs can zhugs pa nyid dam/ rku thabs su gnas pa nyid dam/ tha dad par gnas pa nyid dam/ gnas par mi bgyi ba nyid du g.yar gyis 'che bar bgyid na 'dun pa dang yongs su dag pa blangs par brjod par bgyi 'am/ ma blangs par brjod par bgyi/ nye bar 'khor ma blangs pa yin te/ yang blang bar bya'o/ /btsun pa re shig dge slong 'dun pa dang yongs su dag pa len pas 'dun pa dang yongs su dag pa blangs te dge 'dun gyi nang du rgyun chad cing dus bgyid na 'dun pa dang yongs su dag pa blangs par brjod par bgyi 'am/ ma blangs par brjod par bgyi/ nye bar 'khor blangs pa yin te/ yang blang bar mi bya'o/ /khyim pa nyid du g.yar gyis 'che bar bgyid dam/ dge tshul nyid dam/ za ma nyid dam/ ma ning nyid dam/ dge slong ma sun phyung ba nyid dam/ ma bsad pa nyid dam/ pha bsad pa nyid dam/ dgra bcom pa bsad pa nyid dam/ dge 'dun gyi dbyen bgyis pa nyid dam/ de bzhin gshegs pa la ngan sems kyis khrag phyung ba nyid dam/ mu stegs can nyid dam/ mu stegs can zhugs pa nyid dam/ rku thabs su gnas pa nyid dam/ tha dad par gnas pa nyid dam/ gnas par mi bgyi ba nyid du g.yar gyis 'che bar bgyid na 'dun pa dang yongs su dag pa blangs par brjod par bgyi 'am/ ma blangs par brjod par bgyi/ nye bar 'khor blangs pa yin te/ yang blang bar mi bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa gnas gang na dge slong gcig pu mchis pa des gso sbyong bcwa lnga pa de nyid la ji ltar bsgrub par bgyi/ nye ba 'khor dge slong des gtsug lag khang chag chag gdab par bya/ phyag dar bya/ ba lang gi lci ba sar pas byug par bya/ seng ge'i khri bsham par bya/ stan bsham par bya/ mar me gzugs par bya/ chos mnyan pa sbyin par bya'o/ / de'i 'og tu phyogs ches mthon por 'dug ste phyogs bzhir blta bar bya'o/ /der dge slong yongs su dag pa lta ba mthun pa la la dag 'ong na 'di skad ces kye tshe dang ldan pa dag myur ba myur bar shog shig /deng dge 'dun gyi gso sbyong bcwa lnga pa yin no zhes brjod par bya zhing de dag dang lhan cig 'dug ste gso sbyong bya'o/ /gal te 'grub na de lta na legs/ ji ste mi 'grub na dge slong des rang gi stan la 'dug ste/ deng dge 'dun gyi gso sbyong bcwa lnga pa yin la/ bdag dge slong ming 'di zhes bya ba'i gso sbyong yang bcwa lnga pa yin te/ bdag dge slong ming 'di zhes bya ba bar chad kyi chos rnams yongs su dag go zhes kyang bdag smras/ bdag yongs su dag par lha rnams kyis gzung du gsol/ bdag dge slong ming 'di zhes bya bas tshul khrims kyi phung po yongs su rdzogs par bya ba'i phyir deng gso sbyong byin gyis brlab bo/ /gang gi tshe dge 'dun tshogs pa rnyed pa de'i tshe dge 'dun dang lhan cig tu gso sbyong rgya cher nyams su myong bar bya zhing so sor thar pa'i mdo gdon pa gdon par bya'o snyam du sems bskyed par bya zhing tshig tu yang brjod par bya'o/ /de bzhin du lan gnyis lan gsum du bzlas/ gang na dge slong gnyis 'khod pa der ni rim pa de nyid kyis gcig la gcig brjod par bya'o/ /gang na dge slong gsum 'khod pa der yang rim pa de nyid kyis gcig la gcig brjod par bya'o/ /gang na dge slong bzhi 'khod pa der ni de rnams kyis gsol ba byas te gso sbyong bya'o/ /der ni nad pa'i 'dun pa dang yongs su dag pa blang bar mi bya'o/ /gang na dge slong lnga 'am/ lhag par 'khod na de rnams kyis gsol ba byas te gso sbyong bya'o/ /nad pa'i 'dun pa dang yongs su dag pa yang blang bar bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe tshe dang ldan pa bye ma skyes sgren mor byung ste smyos shing sems 'khrugs te de dang der 'khyam zhing de dge 'dun gyi gso sbyong gi gnas su res 'ga' ni 'ong / res 'ga' ni mi 'ong / dge 'dun dang lhan cig res 'ga' ni gso sbyong nyams su myong bar byed/ res 'ga' ni nyams su myong bar mi byed/ dge 'dun gyi dge 'dun gyi ched dang bya ba rnams la res 'ga' ni 'ong / res 'ga' ni mi 'ong / dge 'dun dang lhan cig dge 'dun gyi dge 'dun gyi ched dang dge 'dun gyi bya ba dag res 'ga' ni nyams su myong bar byed/ res 'ga' ni nyams su myong bar mi byed pas dge slong rnams bdag cag 'thun par ma gyur ces las rnams mi byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong khyed kyis dge slong bye ma skyes dang gzhan yang de lta bu gang yin pa la smyos pa'i gnang ba byin cig /'di ltar sbyin par bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bgo nas/ dge 'dun thams cad 'dug cing 'thun par gyur pa la dge slong gcig gis gsol ba byas te las bya'o/ /dge 'dun btsun pa rnams dgongs su gsol/ /dge slong bye ma skyes sgren mor byung nas smyos shing sems 'khrugs pa de dang der 'khyam zhing dge 'dun gyi gso sbyong gi gnas su res 'ga' ni mchi/ res 'ga' ni mi mchi/ dge 'dun dang lhan cig gso sbyong res 'ga' ni nyams su myong bar bgyid/ res 'ga' ni nyams su myong bar mi bgyid/ dge 'dun gyi dge 'dun gyi ched dang bgyi ba rnams la res 'ga' ni mchi/ res 'ga' ni mi mchi/ dge 'dun dang lhan cig dge 'dun gyi dge 'dun gyi ched dang bgyi ba rnams res 'ga' ni nyams su myong bar bgyid/ res 'ga' ni nyams su myong bar mi bgyid pas dge slong rnams bdag cag 'thun par ma gyur ces las rnams mi bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong bye ma skyes smyos pa la smyos pa'i gnang ba stsal cing / gal te tshur mchi yang bzlog par mi bgyi/ phar mchi yang bzlog par mi bgyi bar dge slong bye ma skyes tshur mchi 'am/ phar mchi yang rung / dge 'dun gyi gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las bgyi ste/ des dge 'dun mi mthun par mi 'gyur ro/ / 'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong bye ma skyes 'di ltar sgren mor byung nas smyos shing sems 'khrugs te de dang der 'khyam zhing dge 'dun gyi gso sbyong gi gnas su res 'ga' ni mchi/ res 'ga' ni mi mchi/ dge 'dun dang lhan cig gso sbyong res 'ga' ni nyams su myong bar bgyid/ res 'ga' ni nyams su myong bar mi bgyid/ dge 'dun gyi dge 'dun gyi ched dang bgyi ba rnams la res 'ga' ni mchi/ res 'ga' ni mi mchi/ dge 'dun dang lhan cig dge 'dun gyi dge 'dun gyi ched dang dge 'dun gyi bgyi ba rnams res 'ga' ni nyams su myong bar bgyid/ res 'ga' ni nyams su myong bar mi bgyid pas dge slong rnams bdag cag 'thun par ma gyur ces las rnams mi bgyid na/ dge 'dun gyis dge slong bye ma skyes smyos pa la smyos pa'i gnang ba stsal cing / gal te tshur mchi yang bzlog par mi bgyi/ phar mchi yang bzlog par mi bgyi bar dge slong bye ma skyes tshur mchi 'am/ phar mchi yang rung / dge 'dun gyis gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las bgyi ste/ des dge 'dun mi 'thun par mi 'gyur bar mdzad na/ tshe dang ldan pa gang dag dge slong bye ma skyes smyos pa la smyos pa'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong bye ma skyes smyos pa la smyos pa'i gnang ba stsal lags te/ 'di ltar cang mi gsung bas de de bzhin du 'dzin to/ /'di lta ste/ gso sbyong bcwa lnga pa de nyid la dge slong ltung ba dran na dge slong des dge slong gi mdun du ltung ba chos bzhin du phyir bya ste/ dge slong des bla gos phrag pa gcig tu gzar te mchil lham gnyis phud de rgan rims bzhin du phyag 'tshal nas/ dge slong gi mdun du tsog tsog por 'dug ste thal mo sbyar ba btud nas 'di skad ces brjod par bya'o/ /tshe dang ldan pa dgongs su gsol/ bdag dge slong ming 'di zhes bgyi ba la ltung ba 'di lta bu 'di byung ste/ bdag dge slong ming 'di zhes bgyi ba ltung ba de dag pa'i mtha' tshun chad nas bzung ste/ tshe dang ldan pa'i mdun du mthol lo bshags so/ /mi 'chab bo/ /mthol zhing bshags na bdag bde ba la reg par gnas par 'gyur gyi/ ma mthol ma bshags na ni mi 'gyur ro/ /de bzhin du lan gnyis lan gsum du bzlas/ des ltung ba mthong ngam zhes brjod par bya'o/ /mthong ngo / /des phyin chad sdom 'am zhes brjod par bya'o/ /sdom mo/ /de bzhin du lan gnyis lan gsum du bzlas/ len pas thabs yin no zhes brjod par bya'o/ /'chags pas legs so zhes brjod par bya'o/ /de'i 'og tu gso sbyong bya ste/ dge slong dag de ltar gso sbyong bya'i/ nga ni gso sbyong gi bar gcad par mi smra'o/ /'di lta ste gso sbyong bcwa lnga pa de nyid la dge slong ltung ba la dogs pa dang yid gnyis za bar gyur na/ dge slong des dge slong mdo sde 'dzin pa dang / 'dul ba 'dzin pa dang / ma mo 'dzin pa dag la dris te/ ltung ba la dogs pa dang yid gnyis bsal nas dge slong gi mdun du chos bzhin du phyir bya'o/ /de'i 'og tu gso sbyong bya ste/ dge slong dag de ltar gso sbyong bya'i nga ni gso sbyong gi bar gcad par mi smra'o/ /'di lta ste gso sbyong bcwa lnga pa de nyid la dge slong gis dge 'dun gyi nang du ltung ba dran na/ dge slong des ltung ba de dge slong drung na mo la byin gyis brlab par bya ste/ tshe dang ldan pa dgongs su gsol/ deng dge 'dun gyi gso sbyong bcwa lnga pa lags la/ bdag dge slong ming 'di zhes bgyi ba'i gso sbyong yang bcwa lnga pa lags te/ bdag dge slong ming 'di zhes bgyi ba dge 'dun gyi nang du ltung ba 'di dang 'di lta bu zhig dran te/ bdag dge slong ming 'di zhes bgyi bas dge 'dun gyi nang du ltung ba 'di dang 'di lta bu zhig dran pas bdag dge slong ming 'di zhes bgyi bas ltung ba 'di tshe dang ldan pa'i mdun du byin gyis brlabs la deng gso sbyong bgyi'o/ /sang nang par ltung ba de chos bzhin du slar bgyi'o zhes de ltar byin gyis brlab par bya'o/ /de'i 'og tu gso sbyong bya ste/ dge slong dag de ltar gso sbyong bya'i nga ni gso sbyong gi bar gcad par mi smra'o/ / 'di lta ste gso sbyong bcwa lnga pa de nyid la dge slong dge 'dun gyi nang du ltung ba la dogs pa dang yid gnyis za bar gyur na/ dge slong des ltung ba de dge slong drung na mo la byin gyis brlab par bya ste/ tshe dang ldan pa dgongs su gsol/ deng dge 'dun gyi gso sbyong bcwa lnga pa lags la/ bdag dge slong ming 'di zhes bgyi ba'i gso sbyong yang bcwa lnga pa lags te/ bdag dge slong ming 'di zhes bgyi ba dge 'dun gyi nang du ltung ba 'di dang 'di lta bu zhig la yid gnyis su gyur na/ bdag ltung ba de tshe dang ldan pa'i mdun du byin gyis brlabs la deng gso sbyong bgyi'o/ /sang nang par dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la dris te dogs pa dang yid gnyis bsal la/ ltung ba de chos bzhin du slar bgyi'o zhes bya ba de ltar byin gyis brlab par bya'o/ /de'i 'og tu gso sbyong bya ste/ dge slong dag de ltar gso sbyong bya'i nga ni gso sbyong gi bar gcad par mi smra'o/ /'di lta ste gso sbyong bcwa lnga pa de nyid la dge slong so sor thar pa'i mdo 'don pas dge 'dun gyi nang du ltung ba dran na/ dge slong des ltung ba de rang gi sems kyis byin gyis brlab par bya ste/ deng dge 'dun gyi gso sbyong bcwa lnga pa yin la/ bdag dge slong so sor thar pa'i mdo 'don pa ming 'di zhes bya ba'i gso sbyong yang bcwa lnga pa yin te/ bdag dge slong so sor thar pa'i mdo 'don pa ming 'di zhes bya ba dge 'dun gyi nang du ltung ba 'di dang 'di lta bu zhig dran te/ bdag dge slong so sor thar pa'i mdo 'don pa ming 'di zhes bya bas ltung ba de rang gi sems kyis byin gyis brlabs la deng gso sbyong bya'o/ /sang nang par ltung ba de chos bzhin du phyir bya'o zhes de ltar byin gyis brlab par bya'o/ /de'i 'og tu gso sbyong bya ste/ dge slong dag de ltar gso sbyong bya'i nga ni gso sbyong gi bar gcad par mi smra'o/ /'di lta ste gso sbyong bcwa lnga pa de nyid la dge slong so sor thar pa'i mdo 'don pa dge 'dun gyi nang du ltung ba la dogs pa dang yid gnyis za bar gyur na/ dge slong des ltung ba de rang gi sems kyis byin gyis brlab par bya ste/ deng dge 'dun gyi gso sbyong bcwa lnga pa yin la/ bdag dge slong so sor thar pa'i mdo 'don pa ming 'di zhes bya ba'i gso sbyong yang bcwa lnga pa yin te/ bdag dge slong so sor thar pa'i mdo 'don pa ming 'di zhes bya ba dge 'dun gyi nang du ltung ba 'di dang 'di lta bu zhig la yid gnyis su gyur na/ bdag dge slong so sor thar pa'i mdo 'don pa ming 'di zhes bya bas ltung ba de rang gi sems kyis byin gyis brlabs la deng gso sbyong bya'o/ /sang nang par dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la dris te dogs pa dang yid gnyis bsal la/ ltung ba de chos bzhin du phyir bya'o zhes de ltar byin gyis brlab par bya'o/ /de'i 'og tu gso sbyong bya ste/ dge slong dag de ltar gso sbyong bya'i nga ni gso sbyong gi bar gcad par mi smra'o/ /'di lta ste gso sbyong bcwa lnga pa de nyid la dge 'dun thams cad ltung ba dang bcas par gyur na/ dge slong de rnams kyis gang gi mdun du de rnams ltung ba de chos bzhin du phyir bya ba'i dge slong 'ga' zhig gnas gzhan du song la dge slong gi mdun du ltung ba de chos bzhin du phyir byed pa de lta bur spro bar bya'o/ /gal te 'grub na de lta na legs/ ji ste mi 'grub na dge slong de rnams kyis gsol ba 'ba' zhig bya ste/ dge 'dun btsun pa rnams gsan du gsol/ deng dge 'dun gyi gso sbyong bcwa lnga pa lags la/ bdag cag dge 'dun thams cad ni ltung ba dag dang bcas par gyur na/ gang gi mdun du bdag cag ltung ba de chos bzhin du slar bgyi ba bdag cag las dge slong 'ga' zhig gnas gzhan du mchis la dge slong gi mdun du ltung ba de chos bzhin du slar bgyid par spro ba su yang ma mchis na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis deng ltung ba de byin gyis brlabs te gso sbyong mdzad la/ slad kyis dge slong gi mdun du ltung ba de chos bzhin du slar mdzad do/ /'di ni gsol ba'o/ /de'i 'og tu gso sbyong bya ste/ dge slong dag de ltar gso sbyong bya'i nga ni gso sbyong gi bar gcad par mi smra'o/ / 'di lta ste gso sbyong bcwa lnga pa de nyid la dge 'dun thams cad ltung ba la dogs pa dang yid gnyis za bar gyur na/ dge slong de rnams kyis gang gi mdun du de rnams ltung ba chos bzhin du phyir bya ba'i dge slong 'ga' zhig gnas gzhan du song la dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la dris te/ ltung ba la dogs pa dang / yid gnyis bsal nas chos bzhin du phyir byed pa de lta bur spro bar bya'o/ /gal te 'grub na de lta na legs/ ji ste mi 'grub na dge slong de rnams kyis gsol ba 'ba' zhig bya ste/ dge 'dun btsun pa rnams gsan du gsol/ deng dge 'dun gyi gso sbyong bcwa lnga pa lags la/ bdag cag dge 'dun thams cad ltung ba la dogs pa dang yid gnyis dang bcas par gyur na/ gang gi mdun du bdag cag bshags par bgyi ba bdag cag las dge slong gnas gzhan du mchis la/ dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la dris te/ dogs pa dang yid gnyis bsal la ltung ba de chos bzhin du slar bgyid par spro ba su yang ma mchis na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis deng ltung ba de byin gyis brlabs te gso sbyong mdzad la/ slad kyis dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la dris te/ dogs pa dang yid gnyis bsal la ltung ba de chos bzhin du slar mdzad do/ /'di ni gsol ba'o/ /de'i 'og tu gso sbyong bya ste/ dge slong dag de ltar gso sbyong bya'i nga ni gso sbyong gi bar gcad par mi smra'o/ /'di lta ste gso sbyong bcwa lnga pa de nyid la dge slong gnyug mar gnas pa gcig pu ma gtogs pa dge 'dun thams cad ltung ba dang bcas par gyur na/ dge slong de dge slong gtam 'dres pa dang / phebs par smra ba dang / smos 'drin dang / 'grogs bshes gang yin pa de'i drung du song ste 'di skad ces brjod par bya'o/ /tshe dang ldan pa 'di dang 'di ltar byed pa gang yin pa des de la cir 'gyur/ ltung ba dang bcas par 'gyur ro/ /'o na tshe dang ldan pas kyang / 'di dang 'di ltar byas sam byas so/ /'o na tshe dang ldan pa yang ltung ba dang bcas pa yin no/ /tshe dang ldan pa kho bo gcig pur ma zad kyi dge 'dun thams cad don de dang ldan pa yin no/ /kye tshe dang ldan pa je khyod rang gi ltung ba chos bzhin du phyir gyis shig /dge 'dun thams cad kyis khyod la cir 'gyur zhes brjod par bya'o/ /gal te 'chags na des de gang du dge slong gzhan dag kyang mthong na 'chags par 'gyur ba'i snang ba'i phyogs su bzhag ste 'chags su gzhug par bya'o/ /gal te 'grub na de lta na legs/ ji ste mi 'grub na des dge slong de la mi 'dod bzhin du gleng bar mi bya/ mi 'dod bzhin du dran par mi bya'o/ /mi 'dod bzhin du gleng bar byed/ mi 'dod bzhin du dran par byed na 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong blo bur du 'ongs pa gcig pu ma gtogs pa dge 'dun thams cad ltung ba dang bcas par gyur na/ dge slong de dge slong gtam 'dres pa dang / phebs par smra ba dang / smos 'drin dang / 'grogs bshes gang yin pa de'i drung du song ste 'di skad ces brjod par bya'o/ /tshe dang ldan pa 'di dang 'di ltar byed pa gang yin pa des de la cir 'gyur/ ltung ba dang bcas par 'gyur ro/ /'o na tshe dang ldan pas kyang 'di dang 'di ltar byas sam/ byas so/ /'o na tshe dang ldan pa yang ltung ba dang bcas pa yin no/ /tshe dang ldan pa kho bo gcig pur ma zad kyi dge 'dun thams cad don de dang ldan pa yin no/ /kye tshe dang ldan pa je khyod rang gi ltung ba chos bzhin du phyir gyis shig /dge 'dun thams cad kyis khyod la cir 'gyur zhes brjod par bya'o/ /gal te 'chags na des de gang du dge slong gzhan dag kyang mthong na 'chags par 'gyur ba'i snang ba'i phyogs su bzhag ste 'chags su gzhug par bya'o/ /gal te 'grub na de lta na legs/ ji ste mi 'grub na des dge slong la mi 'dod bzhin du gleng bar mi bya/ mi 'dod bzhin du dran par mi bya'o/ /mi 'dod bzhin du gleng bar byed/ mi 'dod bzhin du dran par byed na 'gal tshabs can du 'gyur ro// // /sdom la/ sbyar ba mang dang mi mthun dang / /rnam pa dang ni 'gro ba dang / yongs su dag pa'i gso sbyong ngo / /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo 'don pa gdon du rung ngo snyam nas rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa gdon par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis kyang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo 'don pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas de gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar ba'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ 'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong bya zhing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro 'di lta ste gso sbyong bcwa lnga pa de nyid la dge slong gnyug mar gnas pa bzhi'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung / snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa gdon par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa de dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngam snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa gdon par byed pa las/ de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ / dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong byas zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa gdon par byed pa las/ de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa gdon par byed pa las/ de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa gdon par byed pa las/ de'i 'og tu dge slong glo bur du 'ongs pa dang / gnyug mar gnas pa ches mang ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa gdon par byed pa las/ de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'dul ba gzhi/ bam po bcu bzhi pa/ 'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing mthun par gyur pa na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags pa de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ / dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa gdon par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyis yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong byed cing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches mang po dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa dag de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te/ gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am/ lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te/ gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong byed cing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing mthun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis yang gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis yang gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ / dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa de dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am/ lhag pa dag 'dug cing 'thun par gyur pa na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya'o/ /dge slong snga ma dag la ni dbyen gyi nyer bsdogs las nyes pa sbom por 'gyur ro/ /bar sdom la/ rtog pa dang ni yid gnyis dbyen// //'dul ba gzhi/ bam po bcwa lnga pa/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis gral rims bzhin du 'khod de de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong gnyug mar gnas pa ches nyung ba dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong gnyug mar gnas pa ches nyung ba dag lhags na/ de dag gis gal te re zhig tshogs pa rnyed na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor bar dong ste/ gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong gnyug mar gnas pa ches nyung ba dag lhags na/ de dag gis dkyil 'khor bar dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis gral rims bzhin du 'khod de de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong gnyug mar gnas pa mnyam pa dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong gnyug mar gnas pa mnyam pa dag lhags na/ de dag gis gal te re shig tshogs pa rnyed na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ / ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing / so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong gnyug mar gnas pa mnyam pa dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis gral rims bzhin du 'khod de de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa ches nyung ba dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ / 'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa ches nyung ba dag lhags na/ de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa ches nyung ba dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis gral rims bzhin du 'khod de de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa mnyam pa dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong gnyug mar gnas pa mnyam pa dag lhags na/ de dag gis gal te re shig tshogs pa rnyed na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong gnyug mar gnas pa mnyam pa dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis gral rims bzhin du 'khod de de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis gral rims bzhin du 'khod de de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis gal te re shig tshogs pa rnyed na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis gral rims bzhin du 'khod de de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong gang dag ma dong bar de'i 'og tu dge slong glo bur du 'ongs pa ches nyung ba dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong bya zhing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa ches nyung ba dag lhags na/ de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar ba'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar ba'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa ches nyung ba dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gral rims bzhin du 'khod de de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa mnyam pa dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa mnyam pa dag lhags na/ de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor bar dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa mnyam pa dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis gral rims bzhin du 'khod de de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong gnyug mar gnas pa ches nyung ba dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong gnyug mar gnas pa ches nyung ba dag lhags na/ de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong gnyug mar gnas pa ches nyung ba dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis gral rims bzhin du 'khod de de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong bya zhing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong gnyug mar gnas pa mnyam pa dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ / 'khor de langs shing dge slong kha cig ni dong / kha cig ni ma dong bar de'i 'og tu dge slong gnyug mar gnas pa mnyam pa dag lhags na/ de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong gnyug mar gnas pa mnyam pa dag lhags na/ de dag gis dkyil 'khor bar dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis gral rims bzhin du 'khod de/ de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ / ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ / 'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis gral rims bzhin du 'khod de/ de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ / 'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis gral rims bzhin du 'khod de/ de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ / 'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa dang / gnyug mar gnas pa ches nyung ba dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na de dag gis gral rims bzhin du 'khod de/ de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa dang / gnyug mar gnas pa mnyam pa dag lhags na/ de dag gis gal te re shig tshogs pa rnyed na de dag gis yang de dag gis don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa dang gnyug mar gnas pa mnyam pa dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na de dag gis gral rims bzhin du 'khod de de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ / 'khor de ma langs shing dge slong dag ma dong bar de'i 'og tu dge slong gnyug mar gnas pa ches nyung ba dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong gnyug mar gnas pa ches nyung ba dag lhags na/ de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong gnyug mar gnas pa ches nyung ba dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na de dag gis gral rims bzhin du 'khod de/ de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong gnyug mar gnas pa mnyam pa dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ / 'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong kha cig ni ma dong bar de'i 'og tu dge slong gnyug mar gnas pa mnyam pa dag lhags na de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong gnyug mar gnas pa mnyam pa dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis gral rims bzhin du 'khod de/ de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og du dge slong glo bur du 'ongs pa ches nyung ba dag lhags na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa ches nyung ba dag lhags na/ de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa ches nyung ba dag lhags na/ de dag gis dkyil 'khor bar dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na de dag gis gral rims bzhin du 'khod de/ de dag dang lhan cig gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa mnyam pa dag lhags na/ de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa mnyam pa dag lhags na/ de dag gis gal te re shig tshogs pa rnyed na de dag gis yang de dag gi don du gsol ba byas te gso sbyong bya zhing so sor thar pa'i mdo gdon pa gdon par bya'o/ /ci ste ma rnyed na de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa mnyam pa dag lhags na/ de dag gis dkyil 'khor par dong ste gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /bar sdom la/ gral rims gsol tshogs dkyil 'khor ba'o// //'dul ba gzhi/ bam po bcu drug pa/ 'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis yang gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong kha cig ni ma dong bar de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong gnyug mar gnas pa ches mang po dag lhags na/ de dag gis gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ / 'khor de ma langs shing dge slong dag ma dong bar de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ / 'khor de langs shing dge slong kha cig ni dong kha cig ni ma dong bar de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro 'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing / gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te/ gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol pa byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing / so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa dang / gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de ma langs shing dge slong dag ma dong bar de'i 'og tu dge slong glo bur du 'ongs pa ches mang po dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing chos kyi 'du shes can 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong kha cig ni dong / kha cig ni ma dong bar de'i 'og tu dge slong glo bur du 'ongs pa ches mang po dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa dang / gnyug mar gnas pa bzhi 'am lhag pa dag 'dug cing 'thun par gyur pa na/ de dag 'di snyam du dge slong gang dag ma lhags pa dag yod do snyam du mi sems shing / chos kyi 'du shes can 'thun pa'i 'du shes can de dag gis gsol pa byas te gso sbyong byed cing / so sor thar pa'i mdo gdon pa 'don par byed na/ dge 'dun gyis so sor thar pa bton cing gso sbyong byas pa yin no/ /'khor de langs shing dge slong dag dong nas de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing / so sor thar pa'i mdo gdon pa gdon par bya ste/ dge slong snga ma dag la yang 'gal tshabs can du mi 'gyur ro// //bar sdom la/ gsol ba dang ni ma dong dang / /kha cig dong dang thams cad dong // //dge slong gnyug mar gnas pa dag gi ni tshes bcwa lnga yin la/ dge slong glo bur du 'ongs pa ches nyung ba dag gi ni tshes bcu bzhi 'am tshes gcig yin na/ glo bur du 'ongs pa dag gis gnyug mar gnas pa ches mang po dag gi rjes su 'jug par bya'o/ /dge slong gnyug mar gnas pa dag gi ni tshes bcwa lnga yin la dge slong glo bur du 'ongs pa mnyam pa dag gi ni tshes bcu bzhi 'am tshes gcig yin na/ glo bur du 'ongs pa dag gis ni gnyug mar gnas pa mnyam pa dag gi rjes su 'jug par bya'o/ /dge slong gnyug mar gnas pa ches nyung ba dag gi ni tshes bcwa lnga yin la/ dge slong glo bur du 'ongs pa ches mang po dag gi ni tshes bcu bzhi 'am tshes gcig yin na/ gnyug mar gnas pa dag gis glo bur du 'ongs pa ches mang po dag gi rjes su 'jug par bya'o/ / dge slong glo bur du 'ongs pa dag gi ni tshes bcwa lnga yin la dge slong gnyug mar gnas pa ches nyung ba dag gi tshes bcu bzhi 'am tshes gcig yin na/ gnyug mar gnas pa dag gis glo bur du 'ongs pa ches mang po dag gi rjes su 'jug par bya'o/ /dge slong glo bur du 'ongs pa dag gi ni tshes bcwa lnga yin la dge slong gnyug mar gnas pa mnyam pa dag gi ni tshes bcu bzhi 'am tshes gcig yin na/ glo bur du 'ongs pa dag gis gnyug mar gnas pa mnyam pa dag gi rjes su 'jug par bya'o/ /dge slong glo bur du 'ongs pa dag gi ni tshes bcwa lnga yin la dge slong gnyug mar gnas pa ches mang po dag gi ni tshes bcu bzhi 'am tshes gcig yin na/ glo bur du 'ongs pa dag gis gnyug mar gnas pa ches mang po dag gi rjes su 'jug par bya'o/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na/ de dag 'di snyam du sems shing / dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug cing so sor 'dug kyang rung / thag ring por gyur kyang rung snyam nas dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtor bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing / so sor thar pa'i mdo gdon pa gdon du rung ngam 'on te de dag med par bdag cag gis gsol ba byas te gso sbyong bya zhing / so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ chos ma yin pa'i 'du shes can mi 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni mi 'thun pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas rtog pas don du gnyer ba rtog ba'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ /de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril pa spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhags pa'i bsam pas btsal te ma rnyed nas de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni 'gal tshabs can du mi 'gyur ro/ /'di sta ste gso sbyong bcwa snga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te rnyed na de dag gis de dag dang lhan cig 'khod de gsol ba byas nas gso sbyong byed cing so sor thar pa'i mdo gdon pa 'don par byed na dge slong snga ma dag la yang 'gal tshabs can du mi 'gyur ro/ /'di sta ste gso sbyong bcwa lnga pa de nyid la dge slong gnyug mar gnas pa gzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor 'dug kyang rung / thag ring por 'dug kyang rung snyam nas dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi ltung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni yid gnyis kyis nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas chos ma yin pa'i 'du shes can/ mi 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni mi mthun pa'i nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems shing / dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na de dag gis gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te ma rnyed nas de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te rnyed nas de dag gis de dag dang lhan cig 'khod de gsol ba byas nas gso sbyong byed cing so sor thar pa'i mdo gdon pa 'don par byed na/ dge slong snga ma dag la yang 'gal tshabs can du mi 'gyur ro/ / 'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni dbyen gyi nyer bsdogs las nyes pa sbom por 'gyur ro/ / 'di lta ste/ gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ chos ma yin pa'i 'du shes can mi 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni mi 'thun pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du lhags pa ches mang po dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni rtog pa'i nyer bsdogs las nyes pa sbom po 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa de dag gis khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa de dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ chos ma yin pa'i 'du shes can mi mthun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni mi mthun pa'i nyer bsdogs las 'gal tshabs can du 'gyur ro/ / 'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ /de dag gis de dag lhag pa'i bsam pas btsal te ma rnyed na de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ gzhan gyi lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgro gu can dang / mchil lham dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te rnyed na/ de dag gis de dag dang lhan cig 'khod de gsol ba byas nas gso sbyong byed cing so sor thar pa'i mdo gdon pa 'don par byed na/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni dbyen gyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te ma rnyed nas de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te rnyed na de dag gis de dag dang lhan cig 'khod de gsol ba byas nas gso sbyong byed cing so sor thar pa'i mdo gdon pa 'don par byed na/ dge slong snga ma dag la yang 'gal tshabs can du mi 'gyur ro/ /'dul ba gzhi// // bam po bcu bdun pa/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ chos ma yin pa'i 'du shes can mi mthun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni mi mthun pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las de'i 'og tu dge slong glo bur du 'ongs pa mnyam pa dag lhags na de dag gis yang gsol ba byas te gso sbyong byed cing so sor thar pa'i mdo gdon pa gdon par bya ste/ dge slong snga ma dag la ni rtog pa'i nyer bsdogs las 'gal tshabs can du 'gyur ro/ / 'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ de dag gis de dag lhag pa'i bsam pas btsal te ma rnyed na de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te rnyed na/ de dag gis de dag dang lhan cig 'khod de gsol ba byas nas gso sbyong byed cing so sor thar pa'i mdo gdon pa 'don par byed na/ dge slong snga ma dag la yang 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na de dag gis yang gsol ba byas te/ gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na de dag gis yang gsol ba byas te gso sbyong byed cing so sor thar pa'i mdo gdon pa gdon par bya ste/ dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas chos ma yin pa'i 'du shes can mi mthun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni mi mthun pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te ma rnyed nas/ de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong gnyug mar gnas pa bzhi 'am lhag pa dag 'dug cing 'thun par gyur pa na/ de dag gis de na glo bur du 'ongs pa'i rnam pa dang / glo bur du 'ongs pa'i rtags dang / glo bur du 'ongs pa'i mtshan ma 'di lta ste/ dge slong glo bur du 'ongs pa dag gi khar ba'i sgra dang / ting sgra dang / skad sel ba'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te rnyed na/ de dag gis de dag dang lhan cig 'khod de gsol ba byas nas gso sbyong byed cing so sor thar pa'i mdo gdon pa 'don par byed na/ dge slong snga ma dag la 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong glo bur du 'ongs pa ches nyung ba dag lhags na/ de dag gis yang gsol ba byas te gso sbyong byed cing so sor thar pa'i mdo gdon pa gdon par bya ste/ dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ chos ma yin pa'i 'du shes can mi 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni mi 'thun pa'i nyer bsdogs las 'gal tshabs can du 'gyur ro/ /'di lta ste/ gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na/ de dag 'di snyam du sems te/ dge slong gang dag ma lhags pa de dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te ma rnyed nas de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te rnyed na/ de dag gis de dag dang lhan cig 'khod de gsol ba byas te gso sbyong byed cing so sor thar pa'i mdo gdon pa 'don par byed na/ dge slong snga ma dag la 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong bya zhing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ chos ma yin pa'i 'du shes can mi mthun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni mi mthun pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang gnas mal bshams pa dang / 'bru mar gyi mar me bus pa dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te ma rnyed nas/ de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na/ de dag 'di snyam du sems te dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te rnyed na/ de dag gis de dag dang lhan cig 'khod de gsol ba byas nas gso sbyong byed cing so sor thar pa'i mdo gdon pa 'don par byed pa na/ dge slong snga ma dag la 'gal tshabs can du mi 'gyur ro/ / 'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ chos ma yin pa'i 'du shes can mi mthun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni mi mthun pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te ma rnyed nas/ de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ gtsug lag khang chag chag btab pa dang / phyag dar byas pa dang / lci ba sar pa'i byug pas byugs pa dang / gnas mal bshams pa dang / 'bru mar gyi mar me bus pa dag mthong na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te rnyed na/ de dag gis de dag dang lhan cig 'khod de gsol ba byas nas gso sbyong byed cing so sor thar pa'i mdo gdon pa 'don par byed na/ dge slong snga ma dag la 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste/ gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ chos ma yin pa'i 'du shes can mi 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni mi 'thun pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te/ gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te ma rnyed na/ de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches nyung ba dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis yang de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te rnyed na/ de dag gis de dag dang lhan cig 'khod de gsol ba byas nas gso sbyong byed cing so sor thar pa'i mdo gdon pa 'don par byed na/ dge slong snga ma dag la ni 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te/ gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni dbyen gyi nyer bsdogs las nyes pa sbom por 'gyur ro/ / 'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ chos ma yin pa'i 'du shes can mi 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni mi 'thun pa'i nyer bsdogs las 'gal tshabs can du 'gyur ro/ / 'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na/ de dag 'di snyam du sems te/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te ma rnyed na/ de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa mnyam pa dag lhags na/ de dag gis yang gsol ba byas te/ gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te rnyed na de dag gis de dag dang lhan cig 'khod de gsol ba byas te gso sbyong bya zhing so sor thar pa'i mdo gdon pa 'don par byed na/ dge slong snga ma dag la 'gal tshabs can du mi 'gyur ro// //'dul ba gzhi/ / bam po bcwa brgyad pa/ / 'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med kyang rung / de nyid du 'dug kyang rung / so sor gyur kyang rung / thag ring por gyur kyang rung snyam nas/ dbyen gyis don du gnyer ba dbyen gyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni dbyen gyi nyer bsdogs las nyes pa sbom por 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na/ de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngam/ 'on te de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ yid gnyis kyis don du gnyer ba yid gnyis kyi yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni yid gnyis kyi nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ chos ma yin pa'i 'du shes can mi 'thun pa'i 'du shes can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa 'don par bya ste/ dge slong snga ma dag la ni mi 'thun pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni rtog pa'i nyer bsdogs las 'gal tshabs can du 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung snyam nas/ de dag gis de dag lhag pa'i bsam pas btsal te ma rnyed nas/ de dag gis gsol ba byas te gso sbyong byed cing so sor thar pa'i mdo gdon pa 'don par byed pa las/ de'i 'og tu dge slong gnyug mar gnas pa ches mang po dag lhags na/ de dag gis yang gsol ba byas te gso sbyong bya zhing so sor thar pa'i mdo gdon pa gdon par bya ste/ dge slong snga ma dag la ni 'gal tshabs can du mi 'gyur ro/ /'di lta ste gso sbyong bcwa lnga pa de nyid la dge slong glo bur du 'ongs pa bzhi 'am lhag pa dag 'dug cing 'thun par gyur pa na/ de dag gis de na gnyug mar gnas pa'i rnam pa dang / gnyug mar gnas pa'i rtags dang / gnyug mar gnas pa'i mtshan ma 'di lta ste/ dge slong gnyug mar gnas pa dag gi khar ba'i sgra dang / ting sgra dang / skad sel ba'i sgra dang / lde mig gi sgra dang / lde mig 'khyog po'i sgra dang / gtang rag dag thos na de dag 'di snyam du sems te/ dge slong gang dag ma lhags pa dag yod na/ dge slong gang dag ma lhags pa de dag med par bdag cag gis gsol ba byas te gso sbyong bya zhing so sor thar pa'i mdo gdon pa gdon du mi rung ngo snyam nas/ de dag gis de dag lhag pa'i bsam pas btsal te rnyed na de dag gis de dag dang lhan cig 'khod de gsol ba byas nas gso sbyong byed cing so sor thar pa'i mdo gdon pa 'don par byed na/ dge slong snga ma dag la ni 'gal tshabs can du mi 'gyur ro/ /bar sdom la/ dbyen dang yid gnyis ma mthun dang / /rtog dang ma rnyed rnyed pa'o/ /dge slong gis gso sbyong bcwa lnga pa de nyid la dge slong dang bcas pa'i gnas nas dge slong dang bcas pa'i gnas gang na/ dge slong yongs su dag pa lta ba 'thun pa dag 'khod par 'gro bar bya'o/ / dge slong gis gso sbyong bcwa lnga pa de nyid la dge slong dang bcas pa'i gnas nas dge slong dang bcas pa'i gnas gang na/ dge slong 'thab dkrol byed pa/ mtshang 'dru bar byed pa/ 'thab mo byed pa/ 'thab par byed pa/ rtsod pa'i gzhi byed pa dag 'khod par gnod pa byung ba dang / dge 'dun thams cad der 'gro ba ma gtogs par 'gro bar mi bya'o/ /dge slong gis gso sbyong bcwa lnga pa de nyid la dge slong dang bcas pa'i gnas nas dge slong dang bcas pa'i gnas dang gnas ma yin pa gang na dge slong yongs su dag pa lta ba 'thun pa dag 'khod par 'gro bar bya'o/ /dge slong gis gso sbyong bcwa lnga pa de nyid la dge slong dang bcas pa'i gnas nas dge slong dang bcas pa'i gnas dang gnas ma yin pa gang na dge slong 'thab dkrol byed pa/ mtshang 'dru bar byed pa/ 'thab mo byed pa/ 'thab par byed pa/ rtsod pa'i gzhi byed pa dag 'khod par gnod pa byung ba dang / dge 'dun thams cad der 'gro ba ma gtogs par 'gro bar mi bya'o/ /dge slong gis gso sbyong bcwa lnga pa de nyid la dge slong dang bcas pa'i gnas dang gnas ma yin pa nas dge slong dang bcas pa'i gnas dang gnas ma yin pa gang na dge slong yongs su dag pa lta ba 'thun pa dag 'khod par 'gro bar bya'o/ /dge slong gis gso sbyong bcwa lnga pa de nyid la dge slong dang bcas pa'i gnas dang gnas ma yin pa nas dge slong dang bcas pa'i gnas dang gnas ma yin pa gang na dge slong 'thab khrol byed pa/ mtshang 'dru bar byed pa/ 'thab mo byed pa/ 'thab par byed pa/ rtsod pa'i gzhi byed pa dag 'khod par gnod pa byung ba dang / dge 'dun thams cad der 'gro ba ma gtogs par 'gro bar mi bya'o/ /dge slong gis gso sbyong bcwa lnga pa de nyid la dge slong dang bcas pa'i gnas dang / dge slong dang bcas pa'i gnas ma yin pa dang / dge slong dang bcas pa'i gnas dang gnas ma yin pa nas dge slong med pa'i gnas gang du song na/ lus sam sems reg par 'gyur ba der 'gro bar bya'o/ /dge slong gis gso sbyong bcwa lnga pa de nyid la dge slong dang bcas pa'i gnas dang / dge slong dang bcas pa'i gnas ma yin pa dang / dge slong dang bcas pa'i gnas dang gnas ma yin pa nas dge slong med pa'i gnas su gnod pa byung ba dang / dge 'dun thams cad der 'gro ba ma gtogs par 'gro bar mi bya'o/ /dge slong gis gso sbyong bcwa lnga pa de nyid la dge slong dang bcas pa'i gnas dang / dge slong dang bcas pa'i gnas ma yin pa dge slong dang bcas pa'i gnas dang gnas ma yin pa dang / dge slong med pa'i gnas nas dge slong med pa'i gnas nas gang du song na/ lus sam sems reg par 'gyur ba der 'gro bar bya'o/ /dge slong gis gso sbyong bcwa lnga pa de nyid la dge slong dang bcas pa'i gnas dang / dge slong dang bcas pa'i gnas ma yin pa dang / dge slong dang bcas pa'i gnas dang gnas ma yin pa dang / dge slong med pa'i gnas nas dge slong med pa'i gnas su gnod pa byung ba dang / dge 'dun thams cad der 'gro ba ma gtogs par 'gro bar mi bya'o/ /dge slong gis gso sbyong bcwa lnga pa de nyid la dge slong dang bcas pa'i gnas dang / dge slong dang bcas pa'i gnas ma yin pa dang / dge slong dang bcas pa'i gnas dang gnas ma yin pa dang / dge slong med pa'i gnas dang / dge slong med pa'i gnas ma yin pa nas dge slong med pa'i gnas dang gnas ma yin pa gang du song na/ lus sam sems reg par 'gyur ba der 'gro bar bya'o/ /dge slong gis gso sbyong bcwa lnga pa de nyid la dge slong dang bcas pa'i gnas dang / dge slong dang bcas pa'i gnas ma yin pa dang / dge slong dang bcas pa'i gnas dang gnas ma yin pa dang / dge slong med pa'i gnas dang / dge slong med pa'i gnas ma yin pa nas dge slong med pa'i gnas dang gnas ma yin par gnod pa byung ba dang / dge 'dun thams cad der 'gro ba ma gtogs par 'gro bar mi bya'o/ /dge slong dang bcas pa'i gnas gang zhe na/ gang na las thams cad snang ba'o/ /dge slong dang bcas pa'i gnas ma yin pa gang zhe na/ gang na las thams cad mi snang ba'o/ /dge slong dang bcas pa'i gnas dang gnas ma yin pa gang zhe na/ gang na las kha cig ni snang la/ kha cig ni mi snang ba'o/ /dge slong med pa'i gnas gang zhe na/ dge slong ma'i gnas so/ /dge slong med pa'i gnas ma yin pa gang zhe na/ mu stegs can gyi gnas so/ / dge slong med pa'i gnas dang gnas ma yin pa gang zhe na/ bkar ba'i gnas so/ /dge slong rnams kyis ni khyim pa dag dang 'dus shing 'khod nas gso sbyong dang dgag dbye dang / gsol ba dang / gsol ba dang gnyis dang / gsol ba dang bzhi'i las mi bya/ dge sbyong du khas 'che ba rnams dang ma yin/ za ma rnams dang ma yin/ ma ning rnams dang ma yin/ dge slong ma sun phyung ba rnams dang ma yin/ pha bsad pa rnams dang ma yin/ ma bsad pa rnams dang ma yin/ dgra bcom pa bsad pa rnams dang ma yin/ dge 'dun gyi dbyen byed pa rnams dang ma yin/ de bzhin gshegs pa la ngan sems kyis khrag 'byin pa rnams dang ma yin/ mu stegs can rnams dang ma yin/ mu stegs can zhugs pa rnams dang ma yin/ rku thabs su gnas pa rnams dang ma yin/ tha dad du gnas pa rnams dang ma yin te/ gnas par mi bya ba rnams dang 'dus shing 'khod nas gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las mi bya'i/ thams cad yongs su dag pa dang / lta ba 'thun pa dag 'dus shing 'khod nas gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las bya'o/ /las mi 'thun pa dag byas na 'gal tshabs can du 'gyur ro/ /gso sbyong gi gzhi rdzogs so// // dgag dbye'i gzhi'i bsdus pa'i sdom la/ dgag dbye chos min dge slong dang / /zlos dang dbyar dang phyi ma'o/ /sdom la/ dgag dbye rjes su gnang ba dang / /dgag dbye byed pa bsgo ba dang / /chos dang chos min gtogs pa dang / /nad pa gso ba'i las rnams so/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra bar dbyar bzhugs par dam bzhes so/ /de'i tshe dge slong rab tu mang po dag ljongs shig tu khrims su bca' ba 'di lta bu dag byas nas dbyar gnas par dam bcas te/ tshe dang ldan pa dag bdag cag gi nang na dge slong gang gis kyang dbyar gyi nang logs su dge slong la tshul khrims nyams she 'am/ lta ba nyams she 'am/ spyod pa nyams she 'am/ 'tsho ba nyams shes gleng bar mi bya dran par mi bya'o/ / bdag cag gi nang na gang gis chu ra'i bum pa 'am/ khrus kyi bum pa stong pa skam po chu med par mthong na/ gal te gcig pus nus par gyur na gcig pu des bkang la gnas ji lta ba bzhin du gzhag par bya'o/ /gal te gcig pus mi nus par gyur na dge slong cig shos la lag brda'i sgra byas te lag rub kyis gnas ji lta ba bzhin du bzhag nas gcig la gcig mi smra bar kha rog ste 'gro bar bya'o zhes de lta bu'i khrims su bca' ba dag byas nas ljongs su dbyar gnas par dam bcas so/ / de nas dge slong rab tu mang po dbyar zla ba gsum 'das nas chos gos byas pa dang ldan/ chos gos zin pa dang ldan nas lhung bzed dang chos gos thogs te/ phan tshun mi smra bar mnyan yod ga la ba de logs su rgyu zhing dong ste/ rim gyis rgyu zhing dong ba dang / mnyan yod du phyin to/ /de nas dge slong rab tu mang pos lhung bzed dang chos gos mkhos su phab ste/ rkang pa gnyis bkrus nas/ bcom ldan 'das gang na ba der dong ste phyin nas/ bcom ldan 'das kyi zhabs gnyis la mgo bos phyag byas te phyogs gcig tu 'khod do/ /chos nyid kyis sangs rgyas bcom ldan 'das rnams ni glo bur du lhags pa'i dge slong rnams la so sor yang dag par dga' bar mdzad pa 'dis so sor yang dag par dga' bar mdzad de/ dge slong dag khyed gang nas 'dir 'ongs/ khyed gang du dbyar gnas par dam bcas shes bya ba ste/ sangs rgyas bcom ldan 'das kyis glo bur du 'ongs pa'i dge slong rnams la dge slong dag khyed gang nas 'dir 'ongs/ khyed gang du dbyar gnas par dam bcas shes so sor yang dag par dga' bar mdzad pa dang / btsun pa bdag cag ljongs shig nas da gzod 'dir mchis te/ bdag cag ljongs shig tu dbyar gnas par dam bcas lags so/ / dge slong dag khyed cag ljongs su bde ba la reg par dbyar gnas par dam bcas sam/ khyed cag bsod snyoms kyis brel bar ma gyur mod/ btsun pa med de/ bdag cag ljongs shig tu bde ba la reg par dbyar gnas par dam bcas te/ bdag cag bsod snyoms kyis kyang brel ba ma mchis lags so/ /dge slong dag khyed cag ji lta bu zhig tu ljongs su bde ba la reg par dbyar gnas par dam bcas/ bsod snyoms kyis kyang brel bar ma gyur/ btsun pa 'di la bdag cag dge slong rab tu mang pos ljongs shig tu khrims su bca' ba 'di lta bu dag bgyis nas dbyar gnas par dam bcas te/ tshe dang ldan pa dag bdag cag gis nang na dge slong gang gis kyang dbyar gyi nang logs su dge slong la tshul khrims nyams she 'am/ lta ba nyams she 'am/ spyod pa nyams she 'am/ 'tsho ba nyams shes gleng bar mi bya/ dran par mi bya'o/ /bdag cag gi nang na gang gis chu ra'i bum pa 'am/ khrus kyi bum pa stong pa skam po chu med par mthong na/ gal te gcig pus nus par gyur na gcig pu des bkang la gnas ji lta ba bzhin du gzhag par bya'o/ /gal te gcig pus mi nus par gyur na dge slong gcig shos la lag brda'i sgra byas te/ lag rub kyis gnas ji lta ba bzhin du gzhag nas gcig la gcig mi smra bar kha rog ste 'gro bar bya'o zhes btsun pa bdag cag gis khrims su bca' ba de lta bu dag bgyis nas ljongs shig tu dbyar gnas par dam bcas te/ btsun pa de ltar na bdag cag ljongs shig tu bde ba la reg par dbyar gnas par dam bcas shing bsod snyoms kyis kyang brel bar ma gyur lags so/ /skyes bu gti mug khyed cag gnas mal na dgra dang lhan cig gnas pas bde ba la reg par dbyar gnas par dam bcas snyam sems sam/ skyes bu gti mug dag 'di lta ste mi smra ba ni mu stegs can gyi rgyal mtshan yin no/ /de lta bas na dge slong gis mi smra bar dam bca' bar mi bya'o/ /dge slong gis mi smra bar dam 'cha' na 'gal tshabs can du 'gyur ro/ /'on kyang dbyar gnas par dam bcas pa'i dge slong gis dge 'dun la mthong ba dang / thos pa dang dogs pa'i gnas gsum gyis dgag dbye bya'o/ /bcom ldan 'das kyis dbyar gnas par dam bcas pa'i dge slong gis dge 'dun la mthong ba dang / thos pa dang / dogs pa'i gnas gsum gyis dgag dbye bya'o zhes gsungs pa dge slong rnams kyis dgag dbye ji ltar bya ba ma shes nas bcom ldan 'das kyis bka' stsal pa/ nyi ma bdun nam brgyad na dgag dbye byed par 'gyur na nyi ma 'di snyed cig na dge 'dun gyi dgag dbye mdzad par 'gyur ro zhes spyod yul gyi grong khyer du go bar bya'o/ /gnas 'cha' ba'i dge slong rnams kyis mchod rten dang mchod rten gyi 'khor sa rnams su mchod par bya ba'i las la lhag par brtson par bya ste/ dri gtsang khang byi dor bya/ brgyan par bya'o/ /gnas pa dang gnyug mar gnas pa'i dge slong rnams kyis gtsug lag khang phyag dar bya/ chag chag bya/ ba lang gi lci ba sar pa'i byug pas byug par bya'o/ /dge 'dun la rnyed pa snum bag can dag dbul bar bya'o/ /dge slong mdo sde 'dzin pa dang / 'dul ba 'dzin pa dang / ma mo 'dzin pa rnams kyis mtshan mo thog thag chos bshad par bya'o/ /gal te skya rengs ma shar bar dgag dbye bya mi nus par shes na dus shes par bya ste ci bder bya'o/ /de nas dgag dbye byed pa'i dge slong gcig gam/ gnyis sam/ mang po bsko bar bya ste/ chos lnga dang ldan pa'i dge slong dgag dbye byed par ma bskos pa ni bsko bar mi bya'o/ /bskos pa ni dbyung bar bya'o/ /lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / dgag dbye dang dgag dbye ma yin pa mi shes pa ste/ chos 'di lnga dang ldan pa'i dge slong dgag dbye byed par ma bskos pa ni bsko bar mi bya'o/ / bskos pa ni dbyung bar bya'o/ /chos lnga dang ldan pa'i dge slong ni dgag dbye byed par ma bskos pa ni bsko bar bya'o/ /bskos pa ni dbyung bar mi bya'o/ /lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / dgag dbye dang dgag dbye ma yin pa shes pa ste/ chos 'di lnga dang ldan pa'i dge slong ni dgag dbye byed par ma bskos pa ni bsko bar bya'o/ /bskos pa ni dbyung bar mi bya'o/ /bsko ba ni 'di ltar bya ste/ gnas mal bsham pa byas la gaN DI brdungs te dge slong rnams la dris pa'i tshig gis yang dag par bsgo la/ dge 'dun thams cad 'dug cing 'thun par gyur pa dang re shig dang por spro bar bya ste/ ming 'di zhes bya ba khyod dbyar gnas pa'i dge 'dun la dgag dbye byed par spro 'am/ des spro'o zhes brjod par bya'o/ /de'i 'og tu dge slong gcig gis gsol ba byas nas las bya ste/ dge 'dun btsun pa rnams gsan du gsol/ ming 'di zhes bgyi ba 'di dbyar gnas pa'i dge 'dun la dgag dbye bgyid par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang dge 'dun gyis dge slong ming 'di zhes bgyi ba 'di dgag dbye bgyid par bskos te/ dgag dbye bgyid pa'i dge slong ming 'di zhes bgyi ba 'di dbyar gnas pa'i dge 'dun la dgag dbye bgyid par 'gyur ro/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dbyar gnas pa'i dge 'dun la dgag dbye bgyid par spro ste/ de'i slad du dge 'dun gyis dge slong ming 'di zhes bgyi ba dgag dbye bgyid par bsko na/ dge slong ming 'di zhes bgyi ba 'di dbyar gnas pa'i dge 'dun la dgag dbye bgyid par bsko bar tshe dang ldan pa gang dag bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis dge slong ming 'di zhes bgyi ba 'di dge 'dun la dgag dbye bgyid par bskos lags te/ 'di ltar cang mi gsung bas de de bzhin du 'dzin to/ /ngas dgag dbye byed pa'i dge slong gi kun tu spyod pa'i chos bca' bar bya ste/ dgag dbye byed pa'i dge slong gis dge 'dun gyi ched du 'jag ma dag nye bar gzhag par bya ste/ de'i 'og tu brim par bya'o/ /gal te gcig pu zhig yin na/ des rgan rims kyi mtha' nas bzung ste gzhon rims kyi mtha'i bar du brim par bya'o/ /ji ste gnyis yod na gcig gis rgan rims kyi mtha' nas brim par bya'o/ /gcig shos kyis ni gzhon rims kyi mtha' nas so/ /'on te mang po zhig yod na gcig gis ni rgan rims kyi mtha' nas brim par bya'o/ /gcig gis ni dbus nas so/ /gcig gis ni gzhon rims kyi mtha' nas so/ /de'i 'og tu dge 'dun gyi gnas brtan gyis gsol ba 'ba' zhig gis las bya ste/ dge 'dun btsun pa rnams gsan du gsol/ deng dge 'dun gyi dgag dbye bcwa lnga pa lags te/ gal te dge 'dun gyi dus la bab cing bzod na dge 'dun gyis gnang bar mdzod cig dang / deng dge 'dun gyis dgag dbye mdzad do/ /'di ni gsol ba'o/ /de nas dgag dbye byed pa'i dge slong gis dge 'dun gyi gnas brtan gyi mdun du 'greng bar bya ste/ dge 'dun gyi gnas brtan gyis 'di skad ces/ dge 'dun btsun pa rnams gsan du gsol/ deng dge 'dun gyi dgag dbye bcwa lnga pa lags te/ bdag dge slong ming 'di zhes bgyi ba'i dgag dbye yang bcwa lnga pa lags na/ bdag dge slong ming 'di zhes bgyi ba dge 'dun btsun pa rnams la mthong ba dang / thos pa dang / dogs pa'i gnas gsum gyis dgag dbye bgyid kyis/ tshe dang ldan pa rnams kyis bdag la gdams su gsol/ tshe dang ldan pa rnams kyis bdag la rjes su bstan du gsol/ tshe dang ldan pa rnams kyis bdag rjes su gzung du gsol/ tshe dang ldan pa rnams kyis thugs brtse ba nye bar bzung ste bdag la thugs brtse bar mdzad du gsol/ ltung ba shes shing mthong na chos bzhin 'dul ba bzhin slar bgyi'o zhes de ltar lan gnyis/ de ltar lan gsum du brjod par bya'o/ /de bzhin du dge 'dun gsar bu'i bar gyis dgag dbye bya'o/ /de'i 'og tu dgag dbye byed pa'i dge slong rnams kyis dgag dbye bya ste/ gal te dgag dbye byed pa'i dge slong gnyis yod na gcig la gcig dgag dbye bya'o/ /ji ste gcig pu zhig yin na dge slong zhig gi mdun du dgag dbye bya'o/ / de'i 'og tu dge slong ma rnams dang / dge slob ma rnams dang / dge tshul pha dang / dge tshul ma rnams dgag dbye byed du gzhug go/ de'i 'og tu dgag dbye byed pa'i dge slong gis rgan rims kyis mdun du 'dug ste/ dge 'dun gyis dgag dbye mdzad lags so zhes brjod par bya'o/ /thams cad kyis dgag dbye legs par mdzad zin to/ /dgag dbye shin tu legs par mdzad zin to zhes brjod par bya'o/ /gal te de skad ces smras na legs/ ji ste de skad ma smras na 'gal tshabs can du 'gyur ro/ /de'i 'og tu dgag dbye byed pa'i dge slong gis khab 'am/ gri yang rung khyer la rgan rims kyi mdun du 'dug ste/ btsun pa dag dngos po 'di tsam gyis kyang dbyar gnas pa'i dge 'dun la dgag dbye mdzad par chud do zhes brjod par bya'o/ /thams cad kyis legs par chud do/ /shin tu legs par chud do zhes brjod par bya'o/ /de na gang cung zad ci rnyed pa ni dge 'dun ril gyis bgo bar bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa dgag dbye'i las du mchis/ nye bar 'khor bzhi yod de/ chos ma yin pas mi 'thun par dgag dbye byed pa dang / chos ma yin pas 'thun pa dang / chos kyis mi 'thun pa dang / chos kyis 'thun pa'o/ /nye bar 'khor de la dgag dbye'i las chos dang mthun pa ni gcig yin te/ 'di lta ste chos kyis 'thun par dgag dbye byed pa'o/ /de nas bcom ldan 'das dgag dbye bcwa lnga pa de nyid la dge slong gi dge 'dun gyi gung la gdan bshams pa nyid la bzhugs so/ /de nas bcom ldan 'das kyis dge slong rnams la bka' stsal pa/ dge slong dag nam nangs su nyes dgag dbye gyis shig /de nas dge slong gzhan zhig stan las langs te bla gos phrag pa gcig tu bzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa gnas zhig na dge slong bro 'tshal ba/ sdug bsngal ba/ bro tshabs che ba zhig mchis na de la bdag gis ji ltar bsgrub par bgyi/ bcom ldan 'das kyis bka' stsal pa/ dgag dbye blang bar bya'o/ /bcom ldan 'das kyis dgag dbye blang bar bya'o zhes gsungs pa dge slong rnams kyis dgag dbye ji ltar blang ba ma shes nas/ bcom ldan 'das kyis bka' stsal pa/ gcig gis gcig gi 'am/ gcig gis gnyis kyis 'am mang po'i yang rung ji tsam ming sgrogs nus kyi bar du blang bar bya'o/ /ngas dgag dbye 'bul ba'i dge slong gis kun tu spyod pa'i chos bca' bar bya ste/ dgag dbye 'bul ba'i dge slong gis bla gos phrag pa gcig tu bzar nas mchil lham phud de rgan rims bzhin du 'dud pa dang bcas pas tsog pur 'dug ste thal mo sbyor la tshig 'di skad ces/ tshe dang ldan pa dag dgongs su gsol/ /deng dge 'dun gyi dgag dbye bcwa lnga pa lags na/ bdag dge slong ming 'di zhes bgyi ba'i yang dgag dbye bcwa lnga pa lags te/ bdag dge slong ming 'di zhes bgyi bas dge 'dun btsun pa rnams la mthong ba dang / thos pa dang / dogs pa'i gnas gsum gyis dgag dbye brjod do/ /brjod pa yang rigs par bgyid do zhes de ltar lan gnyis/ de ltar lan gsum du brjod par bya'o/ /dgag dbye 'bul ba'i dge slong gis gal te lus kyi rnam par rig byed kyis dgag dbye phul na dgag dbye phul ba zhes bya'o/ /ngag gi rnam par rig byed kyis 'bul na dgag dbye phul ba zhes bya'o/ /lus kyi rnam par rig byed dang / ngag gi rnam par rig byed kyis 'bul mi nus na dge 'dun thams cad der dong bar bya'o/ /yang na dge slong de dge 'dun gyis nang du blang bar bya'o/ /dge 'dun thams cad der ma dong ngam/ dge slong de dge 'dun gyis nang du ma blangs te ma tshogs par dgag dbye byed na 'gal tshabs can du 'gyur ro/ /dge slong dgag dbye 'bul bas kun tu spyod pa'i chos ji ltar bcas pa bzhin yang dag par blangs te 'jug par mi byed na 'gal tshabs can du 'gyur ro/ /ngas dgag dbye len pa'i dge slong gi kun tu spyod pa'i chos bca' bar bya ste/ dgag dbye len pa'i dge slong gis dgag dbye blangs nas brgyug par mi bya/ mgyogs par mi bya/ mchong bar mi bya/ phyi rol du mchong bar mi bya/ 'obs la mchong bar mi bya/ bang rim la mchong bar mi bya/ steng gi nam mkha' la 'dug par mi bya/ mtshams kyi phyi rol du 'gro bar mi bya/ gom pa gcig gis skas kyi gdang bu gnyis la 'dzeg par mi bya/ gom pa gcig gis skas kyi rim pa gnyis la gzeg par mi bya/ gnyid log par mi bya/ snyoms par 'jug par mi bya'o/ /gnyid log gam/ snyoms par zhugs na rgyu gnyis kyis smad par 'gyur te/ ngo tsha med pa gang yin pa dang / khyad du bsad pa gang yin pa'o/ /gang gi tshe dge 'dun gyi gnas brtan gyis tshe dang ldan pa dag ma lhags pa rnams kyi 'dun pa dang yongs su dag pa brjod cig /brjod pa yang rig par gyis shig ces smras pa na/ des dge slong drung na 'dug pa'i mdun du 'dug ste/ tshe dang ldan pa dgongs su gsol/ gnas ga ge mo zhig na dge slong bro 'tshal ba/ sdug bsngal ba/ bro tshabs che ba zhig gnas te/ deng dge 'dun gyi dgag dbye bcwa lnga pa lags la/ dge slong de'i yang dgag dbye bcwa lnga pa lags te/ dge slong ming 'di zhes bgyi ba de dge 'dun btsun pa rnams la mthong ba dang / thos pa dang / dogs pa'i gnas gsum gyis dgag dbye bgyid de/ dgag dbye brjod do/ /brjod pa yang rig par bgyid do zhes smros shig / dgag dbye len pa'i dge slong gis kun tu spyod pa'i chos ji ltar bcas pa bzhin yang dag par blangs te 'jug par mi byed na 'gal tshabs can du 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa re shig dgag dbye len pa'i dge slong gis dgag dbye blangs nas de nyid du gum na dgag dbye blangs pa zhes bgyi 'am/ ma blangs pa zhes bgyi/ nye bar 'khor ma blangs pa zhes bya ste/ yang blang bar bya'o// khyim pa nyid du dbyar gyis 'che 'am/ dge sbyong nyid du g.yar gyis 'che 'am/ ma ning nyid dam/ za ma nyid dam/ dge slong ma sun phyung ba nyid dam/ ma bsad pa nyid dam/ pha bsad pa nyid dam/ dgra bcom pa bsad pa nyid dam/ dge 'dun gyi dbyen byas pa nyid dam/ de bzhin gshegs pa la ngan sems kyis khrag 'byin pa nyid dam/ mu stegs can nyid dam/ mu stegs can zhugs pa nyid dam/ rku thabs su gnas pa nyid dam/ tha dad du gnas pa nyid dam/ gnas par mi bgyi ba nyid du g.yar gyis 'che bas dgag dbye blangs pa zhes bgyi 'am/ ma blangs pa zhes bgyi/ nye bar 'khor ma blangs pa zhes bya ste/ yang blang bar bya'o/ /shul kar gum na dgag dbye blangs pa zhes bgyi 'am/ ma blangs pa zhes bgyi/ nye bar 'khor ma blangs pa zhes bya bas yang blang bar bya ste/ sngar gso sbyong gi gzhi las ji skad 'byung ba de bzhin du rgyas par brjod par bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa gnas gang zhig na dge slong gcig pu zhig gnas pa des dgag dbye bcwa lnga pa de nyid la ji ltar bsgrub par bgyi/ nye bar 'khor dge slong des dgag dbye bcwa lnga pa de nyid la gtsug lag khang phyag dar bya/ chag chag bya/ ba'i lci ba sar pa'i byug pas byug par bya'o/ /seng ge'i khri bsham par bya'o/ /stan dag gding bar bya'o/ /ji tsam nus kyi bar du chos sgrags par bya'o/ /de'i 'og tu sa phyogs mthon po zhig tu 'dug la phyogs bzhir blta bar bya'o/ /der gal te dge slong yongs su dag pa lta ba 'thun pa dag cig 'ong na/ de dag la tshe dang ldan pa dag myur ba myur bar tshur spyon/ deng dge 'dun gyi dgag dbye bcwa lnga pa lags kyis khyed dang lhan cig 'khod la dgag dbye bya'o zhes smros shig /gal te de ltar grub na legs/ ci ste de ltar ma grub na dge slong des rang gi stan la 'dug la sems 'di ltar bskyed cing tshig tu brjod de/ deng dge 'dun gyi dgag dbye bcwa lnga pa lags la/ dge slong ming 'di zhes bgyi ba'i dgag dbye yang bcwa lnga pa lags na/ bdag dge slong ming 'di zhes bgyi ba'i dgag dbye byin gyis brlab bo/ /gang gi tshe dge 'dun tshogs pa rnyed pa de'i tshe dge 'dun tshogs pa dang lhan cig dgag dbye bgyi'o zhes lan gnyis lan gsum du byin gyis brlab par bya'o/ /gang na dge slong gnyis gnas pa der yang go rims ni 'di nyid kyis gcig la gcig brjod par bya'o/ /gang na dge slong gsum gnas pa der yang go rims ni 'di nyid kyis phan tshun brjod par bya'o/ /gang na dge slong bzhi gnas par ni de dag gis gsol ba byas la dgag dbye bya'o/ /dgag dbye byed pa'i dge slong ni bsko bar mi bya'o/ /gang na dge slong lnga gnas par ni de dag gis gsol ba byas la dgag dbye bya'o/ /dgag dbye byed pa'i dge slong bsko bar bya'o/ /nad pa'i dgag dbye ni blang bar mi bya'o/ /gang na dge slong drug gam lhag pa dag gnas par ni de dag gis gsol ba byas la dgag dbye bya'o/ /dgag dbye byed pa'i dge slong bsko bar bya'o/ /nad pa'i dgag dbye yang blang bar bya'o// // bar sdom la/ gnas par dam ni bca' ba la/ / chos ma yin pa gzhag pa dang / /tshig gcig pa'i dgag dbye dang / /gang phyir tshig gcig bya ba'o/ /dgag dbye gzhag pa chos dang 'thun pa gcig dang chos dang mi 'thun pa gcig dang / dgag dbye gzhag pa chos dang 'thun pa gsum dang chos dang mi 'thun pa gcig dang / dgag gzhag pa chos dang 'thun pa lnga dang chos dang mi 'thun gcig go dgag dbye gzhag pa chos dang 'thun pa gcig dang chos dang mi 'thun pa gcig gang zhe na/ dgag dbye lan gcig bzlas pa la brjod pa ma rdzogs par dgag dbye 'jog pa ni dgag dbye 'jog pa chos dang 'thun pa yin no/ /brjod pa rdzogs nas dgag dbye 'jog pa ni chos dang mi 'thun pa ste/ 'di ni dgag dbye gzhag pa'i chos dang 'thun pa gcig dang chos dang mi 'thun pa gcig yin no/ /dgag dbye gzhag pa chos dang 'thun pa gsum dang chos dang mi 'thun pa'i gcig gang zhe na/ dgag dbye lan gnyis bzlas pa la bzlas pa dang po brjod pa ma rdzogs par dgag dbye 'jog pa ni dgag dbye 'jog pa chos dang 'thun pa yin no/ /brjod pa rdzogs nas 'jog pa yang dgag dbye 'jog pa chos dang 'thun pa yin no/ /bzlas pa gnyis brjod pa ma rdzogs par dgag dbye 'jog pa yang dgag dbye 'jog pa chos dang 'thun pa yin no/ /brjod pa rdzogs nas dgag dbye 'jog pa ni dgag dbye 'jog pa chos dang mi 'thun pa ste/ de ltar de dag ni dgag dbye 'jog pa chos dang 'thun pa gsum dang chos dang mi 'thun pa gcig yin no/ /dgag dbye 'jog pa chos dang 'thun pa lnga dang chos dang mi 'thun pa gcig gang zhe na/ dgag dbye lan gsum bzlas pa la bzlas pa dang po brjod pa ma rdzogs par dgag dbye 'jog pa ni dgag dbye 'jog pa chos dang 'thun pa yin no/ /brjod pa rdzogs nas dgag dbye 'jog pa chos dang 'thun pa yin no/ /bzlas pa gnyis pa brjod pa ma rdzogs par dgag dbye 'jog pa yang dgag dbye 'jog pa chos dang 'thun pa yin no/ /brjod pa rdzogs nas dgag dbye 'jog pa yang dgag dbye 'jog pa chos dang 'thun pa yin no/ /bzlas pa gsum pa brjod pa ma rdzogs par dgag dbye 'jog pa yang dgag dbye 'jog pa chos dang 'thun pa yin no/ /brjod pa rdzogs nas dgag dbye 'jog pa ni dgag dbye 'jog pa chos dang mi 'thun pa ste/ de ltar na dgag dbye gzhag pa chos dang 'thun pa lnga dang chos dang mi mthun pa gcig yin no/ /dgag dbye lan gcig bzlas pa yod/ dgag dbye lan gnyis bzlas pa yod/ dgag dbye lan gsum bzlas pa yod/ tshogs kyi dgag dbye yod do/ /don gang la dgag dbye lan gcig bzlas pa yin zhe na/ /bar sdom la/ gzhang 'brum char dang rgyal po dang / /snyan dang chos ni rnam nges dang / /dge 'dun bar chad byed gtogs pa/ /yang dag bsdus pa'i tshogs yin no/ /'di ltar yang dgag dbye bcwa lnga pa de nyid la dge slong gzhang 'brum gyis thebs pa rab tu mang po 'dug cing 'thun par gyur pa dang / de la dgag dbye byed pa'i dge slong 'di snyam du sems te/ deng dge 'dun gyi dgag dbye bcwa lnga pa yin la/ dge slong rab tu mang po 'dug cig 'thun par gyur pa 'di dag kyang gzhang 'brum gyis thebs pa yin te/ gal te bdag gis dgag dbye lan gsum bzlas pas dgag dbye byas na/ tshe dang ldan pa 'di dag reg par mi gnas par 'gyur bas ma la bdag gis dgag dbye lan gcig bzlas pas dgag dbye bya'o snyam nas de dgag dbye lan gcig bzlas pas dgag dbye byed na don de la dgag dbye lan gcig bzlas pa yin no/ /don gzhan la dgag dbye lan gcig bzlas pa ni 'di ltar yang dgag dbye bcwa lnga pa de nyid la bla gab med par gnas mal rab tu mang po bkram la char pa bab pa 'am/ 'bab du dogs pa dang / de la dgag dbye byed pa'i dge slong 'di snyam du sems te/ deng dge 'dun gyi dgag dbye bcwa lnga pa yin la/ gnas mal rab tu mang po zhig ni bla gab med par bkram ste char pa 'bab pa 'am/ 'bab tu dogs la/ gal te bdag gis dgag dbye lan gsum bzlas pas dgag dbye byas na bdag gis gnas mal rnams ma gsher bar brtul mi nus pas ma la bdag gis dgag dbye lan gcig bzlas pas dgag dbye bya'o snyam nas/ dgag dbye lan gcig bzlas pas dgag dbye byed na/ don de la dgag dbye lan gcig bzlas pa yin no/ /don gzhan la dgag dbye lan gcig bzlas pa ni 'di ltar yang dgag dbye bcwa lnga pa de nyid la rgyal po dang btsun mo dang / gzhon nu dang / blon po dang / khrom gyi ru pa dang / grong mi dang / yul mi dag dang thabs gcig tu kun dga' ra bar lhags la/ der rgyal pos kyang dge 'dun la gos dang zang zing gi rnyed pa mang du phul/ btsun mo dang / gzhon nu dang / blon po dang / khrom gyi ru pa dang / grong mi dang / yul mi dag gis kyang dge 'dun la gos dang zang zing gi rnyed pa mang du phul la/ sgrogs par byed pa'i dge slong gis kyang bsgrags pas nam ring zhig zad par gyur pa la/ de la dgag dbye byed pa'i dge slong 'di snyam du sems te/ deng dge 'dun gyi dgag dbye bcwa lnga pa yin la/ rgyal po 'di yang btsun mo dang / gzhon nu dang / /blon po dang / khrom gyi ru pa dang / grong mi dang / yul mi dag dang thabs gcig tu kun dga' ra bar lhags la/ 'dir rgyal pos kyang dge 'dun la gos dang zang zing gi rnyed pa mang du phul/ btsun mo dang / gzhon nu dang / blon po dang / khrom gyi ru pa dang / grong mi dang / yul mi rnams kyis kyang dge 'dun la gos dang zang zing gi rnyed pa mang du phul te/ sgrogs par byed pa'i dge slong gis kyang bsgrags pas mtshan ring zhig zad pas/ gal te bdag gis dgag dbye lan gsum bzlas pas dgag dbye byas na bdag gis skya reng ma shar bar dgag dbye bya mi nus pas/ ma la bdag gis dgag dbye lan gcig bzlas pas dgag dbye bya'o snyam nas/ de dgag dbye lan gcig bzlas pas dgag dbye byed na/ don de la dgag dbye lan gcig bzlas pa yin no/ /don gzhan la dgag dbye lan gcig bzlas pa ni 'di ltar yang dgag dbye bco lnga pa de nyid la snyan pa snyan par smra ba'i dge slong dag gis chos snyan dgu bton pas mtshan ring zhig zad la/ de la dgag dbye byed pa'i dge slong 'di snyam du sems te/ deng dge 'dun gyi dgag dbye bcwa lnga pa yin la/ snyan pa snyan par smra ba'i dge slong 'di dag gis chos snyan dgu ston pas mtshan ring zhig zad te/ gal te bdag gis dgag dbye lan gsum bzlas pas dgag dbye byas na bdag gis skya reng ma shar bar dgag dbye bya mi nus pas/ ma la bdag gis dgag dbye lan gcig bzlas pas dgag dbye bya'o snyam nas/ de dgag dbye lan gcig bzlas pas dgag dbye byed na/ don de la dgag dbye lan gcig bzlas pa yin no/ /don gzhan la dgag dbye lan gcig bzlas pa ni 'di ltar yang dgag dbye bco lnga pa de nyid la dge slong mdo sde 'dzin pa dang / 'dul ba 'dzin pa dang / ma mo 'dzin pa dag gis chos rnam par gtan la 'bebs pa'i gtam gyis mtshan ring zhig zad par gyur te/ de la dgag dbye byed pa'i dge slong 'di snyam du sems te/ dge 'dun gyi dgag dbye bcwa lnga pa yin la/ dge slong mdo sde 'dzin pa dang / 'dul ba 'dzin pa dang / ma mo 'dzin pa 'di dag gis chos rnam par gtan la 'bebs pa'i gtam gyis mtshan ring zhig zad de/ gal te bdag gis dgag dbye lan gsum bzlas pas dgag dbye byas na bdag gis skya reng ma shar bar dgag dbye bya mi nus pas ma la bdag gis dgag dbye lan gcig bzlas pas dgag dbye bya'o snyam nas/ de dgag dbye lan gcig bzlas pas dgag dbye byed na/ don de la dgag dbye lan gcig bzlas pa yin no/ /don gzhan la dgag dbye lan gcig bzlas pa ni 'di ltar yang dgag dbye bcwa lnga pa de nyid la dge 'dun gyis nang du rtsod pa'i chos bzhi las rtsod pa gang yang rung ba zhig byung bar gyur la/ de nas dge slong mdo sde 'dzin pa dang / 'dul ba 'dzin pa dang / ma mo 'dzin pa dag gis rtsod pa de rtsod pa zhi bar byed pa'i chos bdun gyis rtsod pa rnams dul bar byed/ zhi bar byed/ nye bar zhi bar byed pas nam ring zhig zad de/ de la dgag dbye byed pa'i dge slong 'di snyam du sems te/ deng dge 'dun gyi dgag dbye bcwa lnga pa yin la/ dge 'dun gyi nang du rtsod pa'i chos bzhi las rtsod pa gang yang rung ba zhig byung bar gyur te/ dge slong mdo sde 'dzin pa dang / 'dul ba 'dzin pa dang / ma mo 'dzin pa 'di dag gis rtsod pa de rtsod pa zhi bar byed pa'i chos bdun gyis dul bar byed/ zhi bar byed/ nye bar zhi bar byed pas mtshan ring zhig zad pas/ gal te bdag gis dgag dbye lan gsum bzlas pas dgag dbye byas na bdag gis skya reng ma shar bar dgag dbye bya mi nus pas/ ma la bdag gis dgag dbye lan gcig bzlas pas dgag dbye bya'o snyam nas/ de dgag dbye lan gcig bzlas pas dgag dbye byed na/ don de la dgag dbye lan gcig bzlas pa yin no/ /don gzhan la dgag dbye lan gcig bzlas pa ni 'di ltar yang dgag dbye bcwa lnga pa de nyid la rgyal po dpung gi tshogs yan lag bzhi pa go bskon pa glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs dang / kun dga' ra ba'i sgo'i bar du lhags te spar thabs su bskur ba sgrogs shing / shes ldan dag shAkya'i sras kyi dge sbyong rnams zung shig /sod cig /chings shig /spyugs shig /nga'i glang po che/ 'tsho ba dang / rta rdzi dang / shing rta bsrung ba dang / so phag skyed pa dang / rgyal mtshan thogs pa dang / 'phan rings 'dzin pa so sor rgyal po'i bya ba dang / rgyal po'i byed pa rnams byed par 'gyur ro/ /zhes zer la/ de la dgag dbye byed pa'i dge slong 'di snyam du sems te/ deng dge 'dun gyi dgag dbye bcwa lnga pa yin la/ rgyal po'i dpung gi tshogs yan lag bzhi pa go bskon pa glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs dang / kun dga' ra ba'i sgo'i bar du lhags te spar thabs su skur ba sgrogs shing / khyed kyis shAkya'i sras kyi dge sbyong rnams zung shig /sod cig /chings shig /spyugs shig /bdag cag gi glang po che 'tsho ba dang / rta rdzi dang / shing rta srung ba dang / so phag skyed pa dang / rgyal mtshan thogs pa dang / 'phan rings 'dzin pa so sor rgyal po'i bya ba dang / rgyal po'i byed pa rnams byed par 'gyur ro zhes zer bas/ gal te bdag gis dgag dbye lan gsum bzlas pas dgag dbye byas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur bas/ ma la bdag gis dgag dbye lan gcig bzlas pas/ dgag dbye bya'o snyam nas/ de dgag dbye lan gcig bzlas pas dgag dbye byed na/ don de la dgag dbye lan gcig bzlas pa yin no/ /don gzhan la dgag dbye lan gcig bzlas pa ni 'di ltar yang dgag dbye bcwa lnga pa de nyid la chom rkun pa dag grong bcom pa 'am/ grong khyer bcom pa 'am/ yul bcom ste/ kun dga' ra ba'i sgor lhags nas ba lang 'am/ ma he 'am/ ra dag bsad de khrag gis yan lag dag byugs nas/ dge slong dag la pho nya btang ste 'phags pa rnams phyung shig /'dir bdag cag 'khod dgos so zhes zer la/ de la dgag dbye byed pa'i dge slong 'di snyam du sems te/ deng dge 'dun gyi dgag dbye bcwa lnga pa yin la/ chom rkun pa 'di dag kyang grong bcom pa 'am/ grong khyer bcom pa 'am/ yul bcom ste/ kun dga' ra ba'i sgor lhags nas ba lang 'am/ ma he 'am/ ra dag bsad de khrag gis yan lag dag byugs nas/ dge slong rnams la pho nya dag btang ste 'phags pa rnams phyung shig /'dir bdag cag rnams 'khod dgos so/ /zhes zer te/ gal te bdag gis dgag dbye lan gsum bzlas pas dgag dbye byas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur bas/ ma la bdag gis dgag dbye lan gcig bzlas pas dgag dbye bya'o snyam nas/ de dgag dbye lan gcig bzlas pas dgag dbye byed na/ don de la dgag dbye lan gcig bzlas pa yin no/ /don gzhan la dgag dbye lan gcig bzlas pa ni 'di ltar yang dgag dbye bcwa lnga pa de nyid la rgan zhugs mi shes pa/ rmongs pa/ mi gsal ba/ mi mkhas pa gzhan zhig gis spyod yul lam/ spyod yul gyi lam kar rigs kyi bu med dam/ rigs kyi na chung la gshes sam/ kha ngan smras sam/ reg pas mi rnams khros te kun dga' ra ba'i sgor lhags nas spar thabs su skur pa sgrogs shing / shes ldan dag shAkya'i sras kyi dge sbyong rnams zung shig /sod cig /chings shig /spyugs shig /rgyal po'i glang po che 'tsho ba dang / rta rdzi dang / shing rta srung ba dang / so phag skyed pa dang / rgyal mtshan thogs pa dang / 'phan rings 'dzin pa so sor rgyal po'i bya ba dang / rgyal po'i byed pa rnams byed par 'gyur ro zhes zer la/ de la dgag dbye byed pa'i dge slong 'di snyam du sems te/ deng dge 'dun gyi dgag dbye bcwa lnga pa yin la/ rgan zhugs mi shes pa/ rmongs pa/ mi gsal ba/ mi mkhas pa gzhan zhig gis spyod yul lam/ spyod yul gyi lam kar rigs kyi bud med dam/ rigs kyi na chung la gshes sam/ kha ngan smras sam/ reg pas mi rnams khros te kun dga' ra ba'i sgor lhags nas spar thabs su skur pa sgrogs shing / shes ldan dag shAkya'i sras kyi dge sbyong rnams zung shig /sod cig /chings shig /spyugs shig /rgyal po'i glang po che 'tsho ba dang / rta rdzi dang / shing rta srung ba dang / so phag skyed pa dang / rgyal mtshan thogs pa dang / 'phan rings 'dzin pa so sor rgyal po'i bya ba dang / rgyal po'i byed pa rnams byed par 'gyur ro zhes zer te/ gal te bdag gis dgag dbye lan gsum bzlas pas dgag dbye byas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur bas/ ma la bdag gis dgag dbye lan gcig bzlas pas dgag dbye bya'o snyam nas/ de dgag dbye lan gcig bzlas pas dgag dbye byed na/ don de la dgag dbye lan gcig bzlas pa yin no/ /don gzhan la dgag dbye lan gcig bzlas pa ni 'di ltar yang mi ma yin pa gnas pa'i phyogs shig tu gtsug lag khang brtsigs la/ rgan zhugs mi shes pa/ rmongs pa/ mi gsal ba/ mi mkhas pa gzhan zhig gis mi rung ba'i sa phyogs su bshang ba dang / gci ba dang / mchil ma dang / snabs dang / skyugs pa dang / 'khru ba bor ba dang / mi gtsang bas sbags pa'i gnas mal bzhag pas mi ma yin pa rnams khros nas spyod yul dang / spyod yul gyi lam ka dang / 'chag sa dang / khyams dang / sgo khang rnams su 'dug nas kyang dge slong rnams la 'bab par byed do/ /de la dgag dbye byed pa'i dge slong 'di snyam du sems te/ deng dge 'dun gyi dgag dbye bcwa lnga pa yin la/ gtsug lag khang 'di yang mi ma yin pa rnams gnas pa'i phyogs shig tu brtsigs la/ rgan zhugs mi shes pa/ rmongs pa/ mi gsal ba/ mi mkhas pa gzhan zhig gis mi rung ba'i sa phyogs su bshang ba dang / gci ba dang / mchil ma dang / snabs dang / skyugs pa dang / 'khru ba bor ba dang / mi gtsang bas sbags pa'i gnas mal bzhag pas mi ma yin pa rnams khros nas spyod yul lam/ spyod yul gyi lam 'am/ 'chag sa 'am/ khyams sam/ sgo khang rnams su 'dug ste dge slong dag la 'bab par byed kyis/ ji ste bdag gis dgag dbye lan gsum bzlas pas dgag dbye byas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gis dgag dbye lan gcig bzlas pas dgag dbye bya'o snyam nas/ de lan gcig bzlas pa'i dgag dbyes dgag dbye byed na/ don de la dgag dbye lan gcig bzlas pa yin no/ / don gzhan la dgag dbye lan gcig bzlas pa ni 'di ltar yang gdug pa gnas pa'i phyogs shig tu gtsug lag khang brtsigs la/ de na rgan zhugs mi shes pa/ rmongs pa/ mi gsal ba/ mi mkhas pa gzhan zhig gis mi rung ba'i phyogs su bshang ba dang / gci ba dang / mchil ma dang / snabs dang / skyugs pa dang / 'khru ba dag bor zhing mi gtsang bas sbags pa'i gnas mal bzhag pas gdug pa khros te spyod yul lam/ spyod yul gyi lam 'am/ 'chag sa 'am/ khyams sam/ sgo khang rnams su 'dug nas kyang dge slong rnams la 'bab par byed/ nyal khri dag kyang sgyur bar byed do/ /de na dgag dbye byed pa'i dge slong 'di snyam du sems te/ deng dge 'dun gyi dgag dbye bcwa lnga pa yin na/ gtsug lag khang 'di yang gdug pa gnas pa'i phyogs shig tu brtsigs la/ rgan zhugs mi shes pa/ rmongs pa/ mi gsal ba/ mi mkhas pa gzhan zhig gis mi rung ba'i phyogs su bshang ba dang / gci ba dang / mchil ma dang / snabs dang / skyugs pa dang / 'khru ba dag bor zhing mi gtsang bas sbags pa'i gnas mal bzhag pas gdug pa khros nas spyod yul lam spyod yul gyi lam 'am/ 'chag sa 'am/ khyams sam/ sgo khang rnams su 'dug nas dge slong dag la 'bab par byed/ nyal khri dag sgyur bar byed kyis/ gal te bdag gis dgag dbye lan gsum bzlas pas dgag dbye byas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gis dgag dbye lan gcig bzlas pas dgag dbye bya'o snyam nas/ de dgag dbye lan gcig bzlas pas dgag dbye byed na/ don de la dgag dbye lan gcig bzlas pa yin no/ /don gzhan la dgag dbye lan gcig bzlas pa ni 'di ltar yang klu gnas pa'i phyogs shig tu gtsug lag khang brtsigs la/ de na rgan zhugs mi shes pa/ rmongs pa/ mi gsal ba/ mi mkhas pa gzhan zhig gis mi rung ba'i phyogs su bshang ba dang / gci ba dang / mchil ma dang / snabs dang / skyugs pa dang / 'khru ba dag bor zhing mi gtsang bas sbags pa'i gnas mal bzhag pas klu khros te spyod yul lam/ spyod yul gyi lam 'am/ 'chag sa 'am/ khyams sam/ sgo khang dag tu 'dug nas dge slong rnams la 'bab par byed/ nyal khri dag kyang sgyur bar byed do/ /de na dgag dbye byed pa'i dge slong 'di snyam du sems te/ deng dge 'dun gyi dgag dbye bcwa lnga pa yin na/ gtsug lag khang 'di yang klu gnas pa'i phyogs gcig tu brtsigs la/ rgan zhugs mi shes pa/ rmongs pa/ mi gsal ba/ mi mkhas pa gzhan zhig gis mi rung ba'i phyogs su bshang ba dang / gci ba dang / mchil ma dang / snabs dang / skyugs pa dang / 'khru ba dag bor la mi gtsang bas sbags pa'i gnas mal bzhag pas klu khros te spyod yul lam/ spyod yul gyi lam 'am/ 'chag sa 'am/ khyams sam/ sgo khang rnams su 'dug nas/ dge slong rnams la 'bab par byed/ nyal khri dag kyang sgyur bar byed de/ gal te bdag gis dgag dbye lan gsum bzlas pas dgag dbye byas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gis dgag dbye lan gcig bzlas pas dgag dbye bya'o snyam nas/ de dgag dbye lan gcig bzlas pas dgag dbye byed na/ don de la dgag dbye lan gcig bzlas pa yin no/ /don gzhan la dgag dbye lan gcig bzlas pa ni 'di ltar yang nags khrod zhig tu gtsug lag khang brtsigs pa dang / me shor bas grong dang / grong khyer dang / rgyal po'i pho brang 'khor rnams kyang sreg cing 'ong ste spyod yul dang / spyod yul gyi lam ka yang tshig /'chag sa dang / khyams sam/ sgo khang yang tshig /gtsug lag khang dang / gtsug lag khang gi nye 'khor yang tshig la thug nas/ de na dge slong dgag dbye byed pa 'di snyam du sems te/ deng dge 'dun gyi dgag dbye bcwa lnga pa yin na/ gtsug lag khang 'di yang nags khrod zhig tu brtsigs te me shor bas grong dang / grong khyer dang / rgyal po'i pho brang 'khor rnams kyang sreg cing 'ong ste spyod yul dang / spyod yul gyi lam ka yang tshig /'chag sa dang / khyams sam/ sgo khang rnams kyang tshig /gtsug lag khang dang / gtsug lag khang gi nye 'khor yang tshig la thug pas/ gal te bdag gis dgag dbye lan gsum bzlas pas dgag dbye byas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gis dgag dbye lan gcig bzlas pas dgag dbye bya'o snyam nas/ de dgag dbye lan gcig bzlas pas dgag dbye byed na/ don de la dgag dbye lan gcig bzlas pa yin no// //'dul ba gzhi/ bam po bcu dgu pa/ don gzhan la dgag dbye lan gcig bzlas pa ni 'di ltar yang gshong zhig tu gtsug lag khang brtsigs pa dang / ri gzar po'i khar char mo che bab pas grong dang / grong khyer dang / yul 'khor dang / rgyal po'i pho brang 'khor yang ded cing 'ong ste/ spyod yul dang / spyod yul gyi lam dang / 'chag sa dang / khyams dang / sgo khang yang ded la thug /gtsug lag khang yang gsher bar gyur pa dang / de na dgag dbye byed pa'i dge slong 'di snyam du sems te/ deng dge 'dun gyi dgag dbye bcwa lnga pa yin na/ gtsug lag khang 'di yang gshong zhig tu brtsigs te ri gzar po'i khar char mo che bab pas grong dang / grong khyer dang / yul 'khor dang / rgyal po'i pho brang 'khor yang ded cing 'ong ste/ spyod yul dang / spyod yul gyi lam dang / 'chag sa dang / khyams dang / sgo khang yang ded la thug /gtsug lag khang yang gsher bar gyur pas/ gal te bdag gis dgag dbye lan gsum bzlas pas dgag dbye byas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gis dgag dbye lan gcig bzlas pas dgag dbye bya'o snyam nas/ de dgag dbye lan gcig bzlas pas dgag dbye byed na/ don de la dgag dbye lan gcig bzlas pa yin no/ /don gang gi phyir dgag dbye lan gnyis bzlas pa yin zhe na/ gang la dgag dbye lan gsum bzlas pa'i skabs med par gyur na/ don de la dgag dbye lan gnyis bzlas pa yin no/ /don gang la dgag dbye lan gsum bzlas pa yin zhe na/ rnal du gnas pa'i gnas skabs na'o/ /don gang la tshogs kyi dgag dbye bya zhe na/ 'di ltar yang dgon pa 'khrugs pa'i dmag gi 'jigs pa byung nas/ yul mi rnams kyang de dang de dag tu bros so/ /de nas dge slong rnams kyang gtur bu dag tu chos gos rnams thum po byas te thogs nas phan tshun bltas te/ tshe dang ldan pa dag deng dge 'dun gyi dgag dbye bcwa lnga pa yin mod kyi/ gang gi tshe dge 'dun 'thun pa rnyed pa de'i tshe dgag dbye bya'o zhes brjod nas 'dong bar bya ste/ don de la tshogs kyi dgag dbye zhes bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa 'di ltar yang dge slong rnams kyis 'di lta bu'i khrims su bca' ba dag bgyis nas dbyar gnas te/ tshe dang ldan pa dag bdag cag gi nang na su yang rung dbyar gyi nang logs su nye du dag 'ongs na dgag dbye sbyin par bya'o zhes mchi na/ btsun pa dgag dbye stsal bar bgyi 'am/ mi stsal bar bgyi/ nye bar 'khor byin cig /ci ste dngos po bzhag la gang zag ma lags na dgag dbye stsal bar bgyi 'am/ mi stsal bar bgyi/ nye bar 'khor ma sbyin par de la tshig 'di skad ces/ tshe dang ldan pa bdag cag don 'di la 'dus shing 'thun par gyur pa ni ma yin na/ tshe dang ldan pa ci'i phyir dngos po bzhag ste gang zag ma yin/ 'on kyang bdag nyid shin tu rnam par dag par bya ba'i phyir dgag dbye byos shig ces bcom ldan 'das kyis bka' stsal gyis/ gal te 'dod na ni 'dug la dgag dbye bya'o zhes smros shig /gal te gang zag bzhag la dngos po ma lags na/ dgag dbye stsal bar bgyi 'am/ mi stsal bar bgyi/ nye bar 'khor ma sbyin par de la tshig 'di skad ces/ tshe dang ldan pa bdag cag don 'di la 'dus shing 'thun par gyur pa ni ma yin na/ tshe dang ldan pa ci'i phyir gang zag bzhag ste dngos po ma yin/ 'on kyang bdag nyid shin tu rnam par dag par bya ba'i phyir dgag dbye byos shig ces bcom ldan 'das kyis bka' stsal gyis/ gal te 'dod na 'dug la dgag dbye bya'o zhes smros shig /gal te dngos po dang gang zag bzhag na dgag dbye stsal bar bgyi 'am/ mi stsal bar bgyi/ nye bar 'khor ma sbyin par tshe dang ldan pa bdag cag don 'di la 'dus shing 'thun par gyur pa ni ma yin na/ tshe dang ldan pa ci'i phyir gang zag dang dngos po bzhag ste ma yin/ 'on kyang bdag nyid shin tu rnam par dag par bya ba'i phyir dgag dbye byos shig ces bcom ldan 'das kyis bka' stsal gyis/ gal te 'dod na 'dug la dgag dbye bya'o zhes smros shig /gal te dngos po dang gang zag ma bzhag na dgag dbye stsal bar bgyi 'am/ mi stsal bar bgyi/ nye bar 'khor ma byin cig / // sdom la/ rgyal pos dge slong bzung ba dang / /dran par bya ba bcu po dang / /ltung bas bdun po bya ba dang / /gleng ba yis ni bdun po'o/ /'di ltar yang dgag dbye bcwa lnga pa de nyid la dge slong rgyal po 'am/ chom rkun nam/ g.yon can nam/ gsod pa 'am/ phyir rgol ba 'am/ phas kyi dgra bos bzung bar gyur na/ de la dge slong dag gis pho nya gtang bar bya ste/ dge slong 'di bdag cag gi tshangs pa mtshungs par spyod pa yin gyis 'di thong shig ces spring shig /gal te btang na legs/ ci ste ma btang na pho nya gnyis pa btang bar bya ste/ dge slong 'di bdag cag rnams dang lhan cig tu bgyi ba cung zhig mchis kyis 'di thong shig ces spring shig /gal te btang na legs/ ci ste ma btang na dge slong rnams dkyil 'khor gyi nang du zhugs la dgag dbye bya'o/ /de'i 'og tu phyi de nyin par nas dge slong de thar par bya ba'i phyir brtson par bya'o/ /gal te brtson par byas na legs/ ci ste brtson par ma byas na 'gal tshabs can du 'gyur ro/ /'di ltar yang dgag dbye bcwa lnga pa de nyid la dge slong gis ltung ba dran na/ dge slong des ltung ba de dge slong gi mdun du chos bzhin du gyis la de'i 'og tu dgag dbye bya'o/ /dgag dbye ni 'di ltar bya ste/ ngas dgag dbye'i bar chad du 'gyur ba mi smras shes bya ba sngar gso sbyong gi gzhir ji skad bstan pa bzhin bcu tshan rgyas par bya'o/ /'di ltar yang dgag dbye bcwa lnga pa de nyid la dge slong gis ltung ba shes la ci ste phas pham pa byung bar shes na bskrad la dgag dbye bya'o/ /gal te dge 'dun lhag ma byung bar shes na byin gyis brlabs nas dgag dbye bya'o/ /gal te ltung byed dang / so sor bshags pa dang / nyes byas dag byung bar shes na bshags nas dgag dbye bya'o/ /'di ltar yang dgag dbye bcwa lnga pa de nyid la dngos po ma nges par gyur nas/ kha cig ni lhag ma med par 'du shes la/ kha cig ni lhag ma dang bcas par 'du shes na de la gang dag lhag ma med par 'du shes pa de dag gis ni bskrad nas dgag dbye bya'o/ /gang dag lhag ma dang bcas par 'du shes pa de dag gis ni byin gyis rlob tu bcug nas dgag dbye bya'o/ /'di ltar yang dgag dbye bcwa lnga pa de nyid la ltung ba ma nges te/ de la kha cig ni bshags par bya'o zhes zer/ kha cig ni bsdam par bya'o zhes zer na/ de la gang dag bshags par bya'o zhes zer ba de dag gis ni 'chags su bcug nas dgag dbye bya'o/ / gang dag bsdam par bya'o zhes zer ba de dag gis ni bsdam pa byed du bcug nas dgag dbye bya'o/ /'di ltar yang dgag dbye bcwa lnga pa de nyid la dge slong gis dge slong la gleng bar byed la/ gal te gleng ba po lus dang ngag ma bsdams par gyur na/ de lta bu'i gleng ba po la bsgo zhing rab tu bsgo nas dgag dbye bya'o/ /gal te gleng ba po lus kyis bsdams la ngag gis ma yin par gyur na/ de lta bu'i gleng ba po la yang bsgo zhing rab tu bsgo nas dgag dbye bya'o/ /gal te gleng ba po ngag gis bsdams la lus kyis ma yin par gyur na/ de lta bu'i gleng ba po la yang bsgo zhing rab tu bsgo nas dgag dbye bya'o/ /gal te gleng ba po lus dang ngag gis bsdams par gyur la mdo sde mi 'dzin/ 'dul ba mi 'dzin/ ma mo mi 'dzin pa yin na/ de lta bu'i gleng ba po la brda' sprad cing yang dag par brda' sprad nas dgag dbye bya'o/ /gal te gleng ba po lus dang ngag gis bsdams la mdo sde 'dzin pa/ 'dul ba 'dzin pa/ ma mo 'dzin par gyur la/ mdo sde la gsal ba ma yin/ 'dul ba la gsal ba ma yin/ ma mo la gsal ba ma yin na/ de lta bu'i gleng ba po la yang brda' sprad cing yang dag par brda' sprad nas dgag dbye bya'o/ /gal te gleng ba po lus dang ngag gis bsdams shing mdo sde 'dzin pa/ 'dul ba 'dzin pa/ ma mo 'dzin pa/ mdo sde la gsal ba/ 'dul ba la gsal ba/ ma mo la gsal ba yin la/ mdo sde la mi gzo/ 'dul ba la mi gzo/ ma mo la mi gzo ba yin na/ de lta bu'i gleng ba po la yang brda' sprad cing yang dag par brda' sprad nas dgag dbye bya'o/ /gal te gleng ba po lus dang ngag gis bsdams shing mdo sde 'dzin pa/ 'dul ba 'dzin pa/ ma mo 'dzin pa/ mdo sde la gsal ba/ 'dul ba la gsal ba/ ma mo la gsal ba/ mdo sde la gzo ba/ 'dul ba la gzo ba/ ma mo la gzo ba yin la/ mdo sde la mi mkhas pa/ 'dul ba la mi mkhas pa/ ma mo la mi mkhas pa yin na/ de lta bu'i gleng ba po la yang brda' sprad cing yang dag par brda sprad nas dgag dbye bya'o/ /gal te gleng ba po lus dang ngag gis bsdams shing mdo sde 'dzin pa/ 'dul ba 'dzin pa/ ma mo 'dzin pa/ mdo sde la gsal ba/ 'dul ba la gsal ba/ ma mo la gsal ba/ mdo sde la gzo ba/ 'dul ba la gzo ba/ ma mo la gzo ba/ mdo sde la mkhas pa/ 'dul ba la mkhas pa/ ma mo la mkhas pa yin na/ gal te ched du bsams te dge 'dun gyi nang du chos ma yin pa la chos dang / chos la chos ma yin pa dang / 'dul ba ma yin pa la 'dul ba dang / 'dul ba la 'dul ba ma yin par ston pa yin na/ de lta bu'i gleng ba po la yang brda sprad cing yang dag par brda sprad nas dgag dbye bya'o/ /gal te gleng ba po lus dang / ngag gis bsdams pa yin la mdo sde 'dzin pa/ 'dul ba 'dzin pa/ ma mo 'dzin pa/ mdo sde la gsal ba/ 'dul ba la gsal ba/ ma mo la gsal ba/ mdo sde la gzo ba/ 'dul ba la gzo ba/ ma mo la gzo ba/ mdo sde la mkhas pa/ 'dul ba la mkhas pa/ ma mo la mkhas pa yin na/ gal te ched du bsams pa ma yin par dge 'dun gyi nang du chos ma yin pa la chos dang / chos la chos ma yin pa dang / 'dul ba ma yin pa la 'dul ba dang / 'dul ba la 'dul ba ma yin no zhes ston pa de la 'di skad ces brjod par bya ste/ tshe dang ldan pa gleng ba po gang gis smra/ phas pham pas sam/ dge 'dun gyi lhag mas sam/ ltung byed kyis sam/ so sor bshags pas sam/ nyes byas kyis sam/ mtshan mo byas pas sam/ nyin mo byas pas sam/ lam du byas pas sam/ lam gol bar byas pas sam/ 'gro ba'i 'am/ 'greng ba'i 'am/ 'dug pa'i 'am/ nyal ba'i 'am/ gal te phas pham pas yin gyi/ dge 'dun lhag mas ma yin/ ltung byed kyis ma yin/ so sor bshags pas ma yin/ nyes byas kyis ma yin nam/ gal te dge 'dun lhag mas yin gyi/ phas pham pas ma yin/ ltung byed kyis ma yin/ so sor bshags pas ma yin/ nyes byas kyis ma yin nam/ gal te ltung byed kyis yin gyi/ phas pham pas ma yin/ dge 'dun lhag mas ma yin/ so sor bshags pas ma yin/ nyes byas kyis ma yin nam/ gal te so sor bshags pas yin gyi/ phas pham pas ma yin/ dge 'dun lhag mas ma yin/ ltung byed kyis ma yin/ nyes byas kyis ma yin nam/ gal te nyes byas kyis yin gyi/ phas pham pas ma yin/ dge 'dun lhag mas ma yin/ ltung byed kyis ma yin/ so sor bshags pas ma yin nam/ gal te phas pham pa dang pos yin gyi/ gnyis pas ma yin/ gsum pas ma yin/ bzhi pas ma yin nam/ gal te gnyis pas yin gyi dang pos ma yin/ gsum pas ma yin/ bzhi pas ma yin nam/ gal te gsum pas yin gyi/ dang pos ma yin/ gnyis pas ma yin/ bzhi pas ma yin nam/ gal te bzhi pas yin gyi/ dang pos ma yin/ gnyis pas ma yin/ gsum pas ma yin nam/ gal te dge 'dun lhag ma dang pos yin gyi/ gnyis pas ma yin zhes bya ba nas bcu gsum pa'i bar gyis ma yin nam/ gal te bcu gsum pa'i bar gyis yin gyi/ dang pos ma yin/ gnyis pas ma yin/ gsum pas ma yin pa nas bcu gnyis pa'i bar gyis ma yin pa 'am/ gal te ltung byed dang pos yin gyi/ gnyis pas ma yin/ gsum pas ma yin pa nas dgu bcu pa'i bar gyis ma yin pa 'am/ gal te dgu bcu pas yin gyi/ dang pos ma yin/ gnyis pas ma yin pa nas brgyad bcu rtsa dgu'i bar gyis ma yin pa 'am/ gal te so sor bshags pa dang pos yin gyi/ gnyis pas ma yin/ gsum pas ma yin/ bzhi pas ma yin nam/ gal te gnyis pas yin gyi/ dang pos ma yin/ gsum pas ma yin/ bzhi pas ma yin 'am/ gal te gsum pas yin gyi/ dang pos ma yin/ gnyis pas ma yin/ bzhi pas ma yin 'am/ gal te bzhi pas yin gyi/ dang pos ma yin/ gnyis pas ma yin/ gsum pas ma yin 'am/ gal te nyes byas dang pos yin gyi/ gnyis pas ma yin/ gsum pas ma yin/ tha ma'i bar gyis ma yin 'am/ gal te tha mas yin gyi/ dang pos ma yin/ gnyis pas ma yin pa 'am/ tha ltag gi bar gyis ma yin pa 'am/ gal te nub mo byas pas yin gyi/ nyin par byas pas ma yin 'am/ gal te nyin par byas pas yin gyi/ mtshan mo byas pas ma yin 'am/ gal te lam gol ba na byas pas yin gyi lam du byas pas ma yin nam/ gal te lam du byas pas yin gyi/ lam gol bar byas pas ma yin nam/ gal te 'gro ba'i yin gyi/ 'dug pa'i ma yin/ 'greng ba'i ma yin/ nyal ba'i ma yin nam/ gal te 'dug pa'i yin gyi/ 'gro ba'i ma yin/ 'greng ba'i ma yin/ nyal ba'i ma yin nam/ gal te nyal ba'i yin gyi/ 'gro ba'i ma yin/ 'greng ba'i ma yin/ 'dug pa'i ma yin nam/ gal te 'greng ba'i yin gyi nyal ba'i ma yin/ 'dug pa'i ma yin zhes gal te gleng ba po la de ltar legs par shin tu yang dag par smras/ yang dag par bstan/ yang dag par brtags pa na gnas nas gnas su sbed pa ni gleng ba po ma yin/ glengs pas ma yin no/ /gal te gleng ba po de ltar legs par shin tu yang dag par smras/ yang dag par bstan/ yang dag par brtags pas na gnas nas gnas su sbed par mi byed na/ de ni gleng ba po yin/ glengs pa yin no/ /gal te gleng ba po gnas nas gnas su mi sbed na/ glengs pa yin pas 'di skad ces brjod par bya ste/ tshe dang ldan pa de'i tshe lus kyi 'du byed dang / ngag gi 'du byed dang / yid kyi 'du byed gang dag yin pa smros shig /gal te phas pham pa yin par shes na bskrad la dgag dbye bya'o/ /gal te dge 'dun gyi lhag ma yin par shes na byin gyis brlabs la dgag dbye bya'o/ /gal te ltung byed dang / so sor bshags pa dang / nyes byas yin par shes na bshags la dgag dbye bya'o// // sdom la/ mang po bsgre dang bzhag pa dang / /bya dang rnam pa lnga pa dang / /'dong bas rnam gnas bya ba dang / / yongs su dag la dgag dbye bya'o/ /'di ltar yang dgag dbye bcwa lnga pa de nyid la gnyug mar gnas pa'i dge slong lnga 'am lhag pa dag 'dug cing 'thun par gyur la/ de dag 'di snyam du sems te/ dge slong ma 'ongs pa dag yod de/ de dag ma 'ongs te med kyang bdag cag gis gsol ba byas te dgag dbye byar rung ngo snyam nas/ rtog pas don du gnyer ba rtog pa'i yo byad can de dag gis gsol ba byas te dgag dbye byed na/ de'i 'og tu gnyug mar gnas pa'i dge slong nyung zad cig 'ongs na/ de dag gis kyang gsol ba byas te dgag dbye bya'o/ /dge slong snga ma rtog pa'i nyer bsdogs can dag la ni 'gal tshabs can du 'gyur te/ sngar gso sbyong gi gzhi las sdom gyi tshigs su bcad pa las ji skad gsungs pa de bzhin du brjod par bya'o/ /khyad par gcig yod pa ni der gnyug mar gnas pa'i dge slong bzhi 'am lhag pa zhig 'dug cing 'thun par gyur la zhes smos pa 'dir ni lnga 'am lhag par brjod par bya ba yin no// // sdom la/ dbyar gnas par ni dam bcas pa'i/ /'thab krol dge slong shes nas kyang / /bshes pa'i tshig gis bsu bya dang / /nges pa'i zla ba bzhi po dang / /nad pa dang ni dngos po ste/ / yang dag bsdoms pa'i tshogs yin no/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa 'di ltar yang dbyar gnas par dam bcas pa'i dge slong rnams kyis dge slong 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa dag mchi'o zhes thos te/ de dag ngo tsha ma mchis pas tho brtsam pa nyid du bdag cag la gleng bar bgyid/ dran par bgyid do snyam na/ de rnams kyis de dag la ji ltar bsgrub par bgyi/ nye bar 'khor dge slong de rnams kyis gso sbyong gi las gnyis sam/ gsum 'das par byas nas dgag dbye bya'o/ /gal te de ltar grub na legs/ gal te ma grub na dge slong de rnams kyis gnod pa'i ched kyi dkyil 'khor gnyis sam/ gsum khas blang bar bya'o/ /gal te de ltar grub na legs/ gal te ma grub na dge slong de rnams kyis bshes pa'i tshig gis bsu bar bya/ lhung bzed dang chos gos blang bar bya ste/ lhung bzed dang chos gos dag gis mgu zhing rab tu mgu bar byas la dgag dbye bya'o/ /gal te de ltar grub na legs/ gal te de ltar ma grub na khrus bya ste/ khrus bya bas mgu zhing rab tu mgu bar byas la dgag dbye bya'o/ /gal te de ltar grub na legs/ gal te ma grub na chos bsgrags par bya ste/ chos bsgrags pas mgu zhing rab tu mgu bar byas la dgag dbye bya'o/ /gal te de ltar grub na legs/ gal te ma grub na nye bar 'khor dge slong de dag dkyil 'khor gyi nang du dong la gso sbyong bya'o/ /gal te de dag 'di skad ces/ tshe dang ldan pa dag deng dge 'dun gyi dgag dbye bcwa lnga pa yin na/ khyed cag ci'i phyir gso sbyong byed ces zer na/ de dag la 'di skad ces brjod par bya ste/ tshe dang ldan pa khyed cag ni glo bur du 'ongs pa yin la/ don 'di ni gnyug mar gnas pa'i dge slong rnams kyi'o zhes smros shig /de nas de dag 'di snyam du tshe dang ldan pa 'di dag ni nges par zla ba bzhi pa'i dgag dbye byed do snyam du sems pa dang / de'i 'og tu 'jigs pa dang bral zhing phas kyi rgol ba dang bral nas slar yang dgag dbye bya'o/ /'di ltar yang dgag dbye bcwa lnga pa de nyid la nad pas mi na ba'i dgag dbye 'jog na nad pa la 'di skad ces/ tshe dang ldan pa khyod ni nad pa ste sbyor mi bzod kyis 'dug shig ces brjod par bya'o/ /'di ltar yang dgag dbye bcwa lnga pa de nyid la mi na bas nad pa'i dgag dbye 'jog na mi na ba la 'di skad ces/ tshe dang ldan pa de ni nad pa ste sbyor mi bzod kyis khyod tshur zhes brjod par bya'o/ /'di ltar yang dgag dbye bcwa lnga pa de nyid la nad pas mi na ba'i dgag dbye pho nya btang ste 'jog na pho nya la 'di skad ces/ tshe dang ldan pa de ni na bas sbyor mi bzod kyis khyod 'dug shig ces brjod par bya'o/ /'di ltar yang dgag dbye bcwa lnga pa de nyid la mi na bas nad pa'i dgag dbye pho nya btang ste 'jog na pho nya la 'di skad ces/ tshe dang ldan pa de ni na bas sbyor mi bzod kyis khyod tshur zhes brjod par bya'o/ /'di ltar yang dgag dbye bcwa lnga pa de nyid la dngos po shes la gang zag ma yin pa dang / gang zag shes la dngos po ma yin pa dang / gang zag dang dngos po shes pa dang / gang zag dang dngos po mi shes pa ste/ dngos po shes la gang zag ma yin pa ji lta bu zhe na/ 'di ltar yang dgag dbye bcwa lnga pa de nyid la rgan zhugs mi shes pa/ rmongs pa/ mi gsal ba/ mi mkhas pa gzhan zhig gis spyod yul 'am/ spyod yul gyi lam kar rigs kyi bud med dam/ rigs kyi na chung la khros sam/ tshig ngan smras sam/ reg par gyur pas mi rnams khros te/ kun dga' ra ba'i sgor 'ongs nas 'di skad ces/ 'phags pa 'di dag ni mi mdzes pa/ ma brtags pa yin te/ 'phags pa dag gis nyes pa 'di dang 'di dag byas so zhes smras kyi/ che ge mo zhig gis zhes de skad du ma smras pa ste/ de lta bu ni dngos po shes la gang zag ma yin pa zhes bya'o/ /gang zag shes la dngos po ma yin pa ji lta bu zhe na/ 'di ltar yang dgag dbye bcwa lnga pa de nyid la zhes bya ba nas/ kun dga' ra ba'i sgor 'ongs nas 'di skad ces/ 'phags pa 'di dag ni mi mdzes pa/ ma brtags pa zhes bya ba'i bar snga ma bzhin te/ 'di ltar 'phags pa che ge mo zhes bya bas nyes pa byas shes smos kyi/ 'di skad du 'di dang 'di dag byas so zhes ni ma smos pa ste/ de lta bu ni gang zag shes la dngos po ma yin pa'o/ /gang zag dang dngos po shes pa ji lta bu zhe na/ 'di ltar yang dgag dbye bcwa lnga pa de nyid la zhes bya ba nas/ kun dga' ra ba'i sgor 'ongs nas 'di skad ces 'phags pa zhes bya ba'i bar snga ma bzhin te/ 'phags pa che ge mo zhes bya bas nyes pa 'di dang 'di dag byas so zhes smos pa ste/ 'di lta bu ni gang zag dang dngos po shes pa yin no/ /gang zag dang dngos po mi shes pa ji lta bu zhe na/ rnam pa 'di dag ma gtogs pa'o/ /dgag dbye'i gzhi rdzogs s+ho// // dbyar gnas kyi gzhi'i bsdus pa'i sdom la/ dbyar gnas pa dang zas dang ni/ /dbyar ral ba dang lnga po dang / /smig dang lo ma rtswa mchil lham/ /dbyar dang ko lpags bzhi dag go/ // sdom la/ dbyar gnas rjes su gnang ba dang / / 'char kar 'gro ba dag dang ni/ /bya ba la ni zhag bdun dang / /'gro bya ci zhig bya ba'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra bar dbyar bzhugs par zhal gyis bzhes so/ /de'i tshe dge slong dag dbyar gyi nang logs su ljongs rgyu zhing dong ngo / /de dag dbyar gyi nang logs su ljongs rgyu zhing dong ba dag mi sbed cing ma bsrungs la ma sbas par gyur pa dag la mu stegs can rnams shes ldan dag shAkya'i bu'i dge sbyong 'di dag ni srog gcod pa yin te/ srog gcod pa las ma log /rnam par ma log /phyir ma log pa 'di dag dbyar gyi nang logs su ljongs rgyu zhing 'dong ste/ dbyar gyi nang logs su ljongs rgyu zhing 'dong ba na srog chags phra mo dang shin tu phra mo mang po'i tshogs rnams brdzis nas srog dang bral bar byas so/ /re shig bye'u khug rta yang dbyar zla ba bzhi rang gi tshang na zhum zhum por byas/ kun tu zhum zhum por byas nas bskums shing bskums nas 'dug na/ dge sbyong mgo reg 'di dag ni khas len pa tsam yang mi shes na/ dge sbyong mgo reg 'di dag la bsod snyoms sbyin pa dang de la bya bar sems pa lta su zhig yod ces smod par byed/ 'phya bar byed/ kha zer bar byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de lta bas na rjes su gnang ste/ dge slong gis dbyar gnas par dam bca' bar bya'o/ /bcom ldan 'das kyis dge slong gis dbyar gnas par dam bca' bar bya'o zhes gsungs pa dge slong rnams kyis ji ltar gnas par dam bca' ba ma shes nas/ bcom ldan 'das kyis bka' stsal pa/ de nyid kyi dbyar zla 'bring po tshes bcwa lnga la gtsug lag khang chag chag bya'o/ /phyag dar bya'o/ /ba'i lci bas byug pas byug par bya'o/ /gnas mal thams cad gcig tu bsog par bya ste/ chung du na rkang pa bkru ba'i chol zangs kyang mi sba'o/ /de'i 'og tu gnas mal stobs pa'i dge slong bsko bar bya ste/ chos lnga dang ldan pa'i dge slong gnas mal stobs par ma bskos pa ni bsko bar mi bya'o/ /bskos pa ni dbyung bar bya'o/ /lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / gnas mal bstab pa dang ma bstabs pa mi shes pa ste/ chos 'di lnga dang ldan pa'i dge slong gnas mal stobs par ma bskos pa ni bsko bar mi bya'o// bskos pa ni dbyung bar bya'o/ /chos lnga dang ldan pa'i dge slong gnas mal stobs par ma bskos pa ni bsko bar bya'o/ /bskos pa ni dbyung bar mi bya'o/ /lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / gnas mal bstabs pa dang ma bstabs pa shes pa ste/ chos 'di lnga dang ldan pa'i dge slong gnas mal stobs par ma bskos pa ni bsko bar bya'o/ /bskos pa ni dbyung bar mi bya'o/ /bsko ba ni 'di ltar bya ste/ gnas mal bsham pa byas la gaN DI brdungs te dge slong rnams la dris pa'i lan gyis yang dag par bsgo la/ dge 'dun thams cad 'dug cing 'thun par gyur pa dang re shig dang por spro bar bya ste/ ming 'di zhes bya ba khyod dge 'dun la dbyar gyi gnas mal stobs par spro 'am/ des spro'o zhes brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ gnas mal stobs pa'i dge slong ming 'di zhes bgyi ba dge 'dun la dbyar gyi gnas mal stobs par spro na gal te dge 'dun gyi dus la bab cing bzod na/ dge 'dun gyis gnang bar mdzod cig dang / dge 'dun gyis ming 'di zhes bgyi ba dge 'dun la gnas mal stobs par bsko ste/ gnas mal stobs pa ming 'di zhes bgyi ba dge 'dun la dbyar gyi gnas mal stobs so/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ gnas mal stobs pa dge slong ming 'di zhes bgyi ba dge 'dun la dbyar gyi gnas mal stobs par spro nas/ ming 'di zhes bgyi ba 'di dge 'dun la gnas mal stobs par bsko ste/ gnas mal stobs pa ming 'di zhes bgyi ba 'di dge 'dun la dbyar gyi gnas mal stobs par bgyid gyis/ tshe dang ldan pa dag las gang dag ming 'di zhes bgyi ba gnas mal stobs par bsko bar bzod pa de dag ni cang ma gsungs shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba dge 'dun la gnas mal stobs par bsko ste/ 'di ltar cang mi gsungs pas de de bzhin du 'dzin to/ /ngas gnas mal stobs pa'i dge slong gi kun tu spyod pa'i chos bca' bar bya ste/ gnas mal stobs pa'i dge slong gis dge 'dun gyi ched du tshul shing rnams yon po ma yin pa dang / 'khyor po ma yin pa dang / kyar khyor ma yin pa dang / dri zhim po dang / reg na bde bar 'gyur bar bstar bar bya'o/ /de'i 'og tu nang par sngar langs te gnas mal bsham pa byas la gaN DI brdungs nas dge slong rnams la dris pa'i lan gyis yang dag par bsgo la/ dge 'dun thams cad 'dug cing 'thun par gyur pa dang dge slong gnas mal stobs pas tshul shing dri zhim pos bskus te sprog ma'i nang du ras dkar po bting ba'i steng du bzhag nas rgan rims kyi mthar gzhag par bya'o/ /de'i 'og tu khrims su bca' ba dag brjod par bya ste/ dge 'dun btsun pa rnams gsan du gsol/ gnas 'dir khrims su bca' ba 'di dang 'di dag mchis kyis/ tshe dang ldan pa khyed cag las gang khrims su bca' ba 'di dang 'dis dbyar gnas par dam bca' bar spro ba de ni tshul shing long shig /khyed cag las dge slong sus kyang dbyar gyi nang logs su dge slong la gleng bar mi bya/ dran par mi bya'o/ /khyed cag las su yang rung 'ga' zhig cung zad shes na de da smros shig /phyis dbyar gyi nang logs su ma gleng shig /khyed cag las sus dbyar gyi nang logs su gleng bar gyur na/ de dge 'dun gyis phyis brtag par dgongs so/ /de'i 'og tu gnas mal stobs pa'i dge slong gis tshul shing brim par bya ste/ je thog mar ston pa'i tshul shing blang bar bya'o/ /de'i 'og tu dge 'dun gyi gnas brtan gyis stan gyi steng nas spags te tshul shing blangs la dal gyis gzhag par bya ste/ dge 'dun gsar bu rnams kyi bar du yang de bzhin du bya'o/ /dge tshul rnams kyi tshul shing ni slob dpon 'am/ mkhan pos blang bar bya'o/ /de'i 'og tu gnas bsrungs rnams kyi yang blang bar bya'o/ /de'i 'og tu bgrangs te gnas 'dir dge slong 'di snyed cig gis tshul shing blangs so zhes smros shig /de'i 'og tu gnas mal stobs pa'i dge slong gis lde mig dang / lde mig 'khyog po dag blangs la dge 'dun gyi gnas brtan gyi mdun du 'dug ste/ gnas brtan gnas khang che ge mo ni rnyed pa dang bcas pa/ gos dang bcas pa lags kyis bzhes shig ces brjod par bya'o/ /gal te blangs na dge 'dun gyi gnas brtan gyi gnas khang gang yin pa de gnas brtan gnyis pa la sbyin par bya'o/ /gnas brtan gnyis pa'i gnas khang gang yin pa de gnas brtan gsum pa la sbyin par bya ste/ dge 'dun gsar bu'i bar du yang de bzhin du bya'o/ /gal te dge 'dun gyis gnas brtan gyis ma blangs na gnas brtan gnyis pa la sbyin par bya'o/ /gal te gnas brtan gnyis pas ma blangs na gnas brtan gsum pa la sbyin par bya'o/ /gal te gnas brtan gsum pas blangs pa la dge 'dun gyi gnas brtan slong na tshig dang po la sbyin par mi bya'o/ /tshig gnyis pa la yang sbyin par mi bya'o/ /tshig gsum pa la sbyin par bya ste/ dge 'dun gyi gnas brtan gyis 'dul ba dang 'gal ba'i nyes byas kyi ltung ba bshags par bya'o/ /dge 'dun gsar bu'i bar du de bzhin du blangs pa la/ gal te dge 'dun gsar bu gsum pa slong na tshig dang po la sbyin par mi bya'o/ /tshig gnyis pa la yang sbyin par mi bya'o/ /tshig gsum pa la sbyin par bya ste/ dge 'dun gsar bus kyang 'dul ba dang 'gal ba'i nyes byas kyi ltung ba bshags par bya'o/ /dge slong rnams kyis gnas khang thams cad bgos pa dang glo bur du lhags pa'i dge slong rnams phongs par gyur nas bcom ldan 'das kyis bka' stsal pa/ glo bur du lhags pa'i dge slong rnams kyi phyir ma bgos pa'i gnas gcig gzhag par bya'o/ /dge slong rnams kyis sgo khang yang bgos pa dang / bcom ldan 'das kyis bka' stsal pa/ sgo khang bsgo bar mi bya'o/ /khyams rnams bgos pa dang / bcom ldan 'das kyis bka' stsal pa/ khyams bgo bar mi bya'o/ /khyams stong pa rnams su khwa dang / bye'u dang / phug ron dag gis tshang bcas pa dang / bcom ldan 'das kyis bka' stsal pa/ skrod pa'i dge slong dag bsko bar bya ste/ des so sor blta bar bya'o/ /gal te sgo nga dag ma lhags par gyur na bskrad par bya'o/ /de ste lhags na ni gzhag par bya'o/ /srin bu trai'i bu ka dang / tre'i la ta'i tshang bcas nas/ bcom ldan 'das kyis bka' stsal pa/ so sor brtag par bya ste/ gal te sgo nga ma lhags par gyur na bskrad par bya'o/ /gal te lhags par gyur na skud pas bcings na 'phel bar mi 'gyur ro/ /de nas gnas mal bgo bar bya ste/ 'di ltar re shig dngos po nyung du zhig yin na re re sbyin par bya'o/ /'on te mang po zhig yin na gnyis gnyis gsum gsum sbyin par bya'o/ /dngos po kha cig chen por gyur pas dge slong rgan rabs rgan rabs dag byi dor byed pas dub cing ngal bar gyur nas/ bcom ldan 'das kyis bka' stsal pa/ de dag gnas 'cha' ba rnams la sbyin par bya'o/ /de'i 'og tu gnas mal stobs pa'i dge slong gis khrims su bca' ba dag brjod par bya ste/ dge slong sus kyang dge 'dun gyi gnas mal la gding ba med par longs spyod par mi bya ste/ ming thogs kyi gding bas ma yin/ gding ba dri ma can gyis ma yin/ seng bas ma yin no/ /stug po yin na rim pa gcig gis so/ /seng ba yin na rim pa gnyis so/ /khyed las gang gis dge 'dun gyi gnas mal longs spyod par bya ba ma yin par longs spyod pa na de la dge 'dun gyis phyis brtag par bya bar dgongs so/ / gnas mal stobs pa'i dge slong gis zla ba phyed phyed cing gnas mal la so sor brtag par bya'o/ /'di ltar re shig rgan po dag gis gnas mal longs spyod par bya ba ma yin par longs spyad par mthong na dge 'dun la gsol nas sba bar bya'o/ / 'on te gsar bu zhig gis mthong na mkhan po 'am slob dpon la brjod de sba bar bya'o/ /de'i 'og tu tshogs nas sbyin bdag che ge mo zhes bgyi ba dang / zhal ta bgyid pa che ge mo zhes bgyi ba dang / spyod yul gyi grong ga ge mo zhes bgyi bas dge 'dun dbyar gnas par dam bca' ba mdzad do zhes brjod par bya'o/ /de'i 'og tu dge slong rnams kyis gnas dang spyod yul bltas nas skyabs yod par zhugs te dbyar gnas par dam bca' bar bya'o/ /gnas ji ltar brtag par bya zhe na/ ji ga bdag la gnas 'dir tshangs pa mtshungs par spyod pa mkhas pa dag gis gang sdug bsngal ba dang yid mi bde ba ma skyes pa mi skyed par 'gyur zhing / skyes pa yang myur ba kho nar so sor zhi bar byed par 'gyur la/ gang bde ba dang yid bde ba ma skyes pa skyed par 'gyur zhing / skyes pa yang legs par rab tu rjes su srung bar sems pa dang bdag na bar gyur na nad g.yog byed par 'gyur ba lta yod dam zhes de ltar gnas la brtag par bya'o/ /spyod yul la ji ltar brtag par bya zhe na/ ji ga spyod yul gyi grong 'di na bsod snyoms ster ba dang / na bar gyur na nad g.yog dang / sman sbyin par 'gyur ba lta yod dam zhes de ltar spyod yul la brtag par bya'o/ /de'i 'og tu skyabs yod par zhugs la/ dge slong rgan rims ji lta ba bzhin gyi mdun du 'dud pa dang bcas pas tsog tsog por 'dug la thal mo sbyar te 'di skad ces/ tshe dang ldan pa dgongs su gsol/ deng dge 'dun gyi dbyar nye bar sgrub pa dbyar zla 'bring po tshes bcu drug lags la/ bdag dge slong ming 'di zhes bgyi ba'i dbyar nye bar sgrub pa yang dbyar zla 'bring po tshes bcu drug lags te/ bdag ming 'di zhes bgyi ba nang mtshams dang bcas pa'i gnas 'dir gnas ral ba dang 'drums pa bcos pa'i slad du sbyin bdag che ge mo zhes bgyi ba dang / zhal ta bgyid pa che ge mo zhes bgyi ba dang / spyod yul gyi grong khyer che ge mo zhes bgyi bar dbyar snga ma zla ba gsum gnas par dam 'cha'o/ /bdag dbyar 'di na mchis shing dbyar gyi gnas ni 'di lags so/ /zhes de skad lan gnyis de skad lan gsum du bzlas te/ de ltar dge slong rnams kyis dbyar gnas par dam bca' bar bya'o/ /dbyar gnas par dam bcas pa'i dge slong gis mtshams kyi phyi rol du 'gro bar mi bya'o/ /gal te song na der gnas par mi bya'o/ /bcom ldan 'das kyis dbyar gnas par dam bcas pa'i dge slong gis mtshams kyi phyi rol du 'gro bar mi bya'o/ / gal te song na der gnas par mi bya'o zhes gsungs pa dang glang po che skyong ba zhes bya ba'i grong na khyim bdag 'char ka zhes bya ba gnas te/ de'i khyim na rang gi 'ching ba bag ma blangs nas des gos kyi rnyed pa dang zas kyi rnyed pa mang du sta gon byas te/ des dge slong rnams la pho nya btang nas 'phags pa dag longs spyad pa dag 'bul gyis tshur spyon ces spring ba dang / dge slong rnams kyis dri bar brtsams te/ glang po che skyong ba'i grong du ji srid yod/ der ni dpag tshad gsum lhags tsam mchis so/ /bdag cag gis deng nyid dong la slar 'khor bar nus sam mi nus snyam pa las/ de dag gis bsams pa/ bcom ldan 'das kyis dbyar gnas par dam bcas pa'i dge slong gis mtshams kyi phyi rol du 'gro bar mi bya'o/ /gal te song na der gnas par mi bya'o zhes gsungs so snyam nas de rnams ma song ngo / /de na glang po che skyong ba'i grong gi nye 'khor du dge slong gang dag dbyar gnas par dam bcas pa de dag la des gos kyi rnyed pa dang zas kyi rnyed pa mang du phul lo/ /de dag dbyar zla ba gsum 'das te chos gos byas pa dang ldan/ chos gos zin pa dang ldan nas lhung bzed dang chos gos thogs te mnyan yod gang na ba der rgyu zhing dong nas rim gyis rgyu zhing dong ba na mnyan yod du phyin to/ /de dag dge slong rnams kyis rgyang ring po kho na nas mthong nas tshe dang ldan pa dag 'ongs pa legs so/ /'ongs pa legs so zhes ngal sor bcug nas smras pa/ tshe dang ldan pa dag khyed gang nas da 'dir 'ongs/ gang du dbyar gnas par dam bcas/ tshe dang ldan pa bdag cag ni glang po che skyong ba'i grong nas da gzod 'dir 'ongs te/ glang po che skyong ba'i grong du dbyar gnas par dam bcas so/ /tshe dang ldan pa ji ga khyed cag glang po che skyong ba'i grong du bde ba la reg par dbyar gnas par dam bcas sam/ de na khyed bsod snyoms kyis brel bar ma gyur mod/ tshe dang ldan pa dag bden te/ bdag cag glang po che skyong ba'i grong du bde ba la reg par dbyar gnas par dam bcas shing bsod snyoms kyis kyang brel bar ma gyur to/ /tshe dang ldan pa dag ji lta ba zhig tu khyed cag glang po che skyong ba'i grong du bde ba la reg par dbyar gnas par dam bcas shing bsod snyoms kyis kyang ma brel/ tshe dang ldan pa dag glang po che skyong ba'i grong de na khyim bdag 'char ka zhes bya ba zhig gnas te/ de'i khyim na rang gi 'ching ba bag ma blangs nas/ bdag cag la des gos kyi rnyed pa dang zas kyi rnyed pa mang du phul te/ de ltar na tshe dang ldan pa dag bdag cag glang po che skyong ba'i grong du bde ba la reg par dbyar gnas par dam bcas te bsod snyoms kyis kyang brel bar ma gyur to/ /de dag gis smras pa/ tshe dang ldan pa dag bdag cag la yang khyim bdag des pho nya btang nas 'phags pa dag longs spyad pa dag 'bul gyis 'dir spyon cig ces spring ba las/ de la bdag cag gis glang po che skyong ba'i grong du ji srid yod ces smras na/ der dpag tshad gsum lhag tsam yod do zhes zer nas bdag cag gis blo skyes pa/ bcom ldan 'das kyis dbyar gnas par dam bcas pa'i dge slong gis mtshams kyi phyi rol du 'gro bar mi bya'o/ /gal te song na der gnas par mi bya'o zhes gsungs so snyam nas bdag cag ma dong ngo / /skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ kye ma nga'i nyan thos rnams ni gos kyi rnyed pa dang zas kyi rnyed pa dag 'dod kyis/ ma la ngas dge slong rnams bde ba la reg par gnas par bya ba'i phyir dang / sbyin bdag gis byin pa'i chos yongs su spyad par bya ba'i phyir zhag bdun rjes su gnang bar bya ste/ de lta bas na rjes su gnang ste bya ba'i phyir zhag bdun byin gyis brlabs la 'gro bar bya'o/ /bcom ldan 'das kyis bya ba'i phyir zhag bdun byin gyis brlabs te 'gro bar bya'o zhes gsungs pa dge slong dag gis gang gi bya ba'i phyir ma shes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge bsnyen gyi bya ba dang / dge bsnyen ma'i bya ba dang / dge slong gi dang / dge slong ma'i dang / dge tshul gyi dang / dge tshul ma'i bya ba'i phyir ro/ dge bsnyen gyi bya ba gang zhe na/ 'di ltar yang dge bsnyen gyi khyim du rang gi 'ching ba bag ma blangs te/ des der gos kyi rnyed pa dang zas kyi rnyed pa mang du sta gon byas nas des dge slong rnams la pho nya btang ste/ 'phags pa dag longs spyad pa dag 'bul gyis tshur spyon cig ces spring na/ zhag bdun byin gyis brlabs nas dge bsnyen gyi bya ba'i phyir dge slong 'gro bar bya ste/ 'di ni dge bsnyen gyi bya ba yin no/ /gzhan yang dge bsnyen gyi bya ba 'di lta ste/ dge bsnyen gyis phyogs bzhi'i dge slong gi dge 'dun gyi phyir gtsug lag khang brtsig par 'dod nas/ des der gos kyi rnyed pa dang zas kyi rnyed pa mang du sta gon byas te/ des dge slong dag la pho nya btang nas/ 'phags pa dag longs spyad pa dag 'bul gyis tshur spyon cig ces spring na/ zhag bdun byin gyis brlabs la dge bsnyen gyi bya ba'i phyir dge slong 'gro bar bya ste/ 'di ni dge bsnyen gyi bya ba yin no/ /gzhan yang dge bsnyen gyi bya ba 'di lta ste dge bsnyen gyis gtsug lag khang de nyid du gnas mal dbul bar 'dod par gyur nas/ des der gos kyi rnyed pa dang zas kyi rnyed pa mang du sta gon byas te/ des dge slong rnams la pho nya btang nas/ 'phags pa dag longs spyad pa dag dbul gyis tshur spyon cig ces spring na/ zhag bdun byin gyis brlabs la dge bsnyen gyi bya ba'i phyir dge slong 'gro bar bya ste/ 'di ni dge bsnyen gyi bya ba yin no/ /gzhan yang dge bsnyen gyi bya ba 'di lta ste/ dge bsnyen gyis gtsug lag khang de nyid du 'thun pa'i mchod sbyin brtan po bca' bar 'dod nas/ des der gos kyi rnyed pa dang zas kyi rnyed pa mang du sta gon byas te/ des dge slong rnams la pho nya btang nas/ 'phags pa dag longs spyod pa dag dbul gyis tshur spyon cig ces spring na/ zhag bdun byin gyis brlabs la dge bsnyen gyi bya ba'i phyir dge slong 'gro bar bya ste/ 'di ni dge bsnyen gyi bya ba yin no/ /gzhan yang dge bsnyen gyi bya ba 'di lta ste/ dge bsnyen gyis gtsug lag khang de nyid du de bzhin gshegs pa'i sku gdung gis mchod rten brtsig par 'dod nas/ des dge slong rnams la pho nya btang ste/ 'phags pa dag tshur spyon cig chos kyi grogs mdzod cig ces spring na/ zhag bdun byin gyis brlabs la dge bsnyen gyi bya ba'i phyir dge slong 'gro bar bya ste/ 'di ni dge bsnyen gyi bya ba yin no/ /gzhan yang dge bsnyen gyi bya ba 'di lta ste/ dge bsnyen gyis mchod rten de nyid la srog shing gzugs pa dang / gdugs gdags pa dang / rgyal mtshan gzugs pa dang / 'phan gdags pa dang / dri sna tshogs kyi byug pa dang / tsan dan gyi bsku ba dang / gur kum gyi byug pa dag dbul bar 'dod nas/ des dge slong rnams la pho nya btang ste/ 'phags pa dag tshur spyon cig /bdag gi chos kyi grogs mdzod cig ces spring na/ zhag bdun byin gyis brlabs la dge bsnyen gyi bya ba'i phyir dge slong 'gro bar bya ste/ 'di ni dge bsnyen gyi bya ba yin no/ /gzhan yang dge bsnyen gyi bya ba 'di lta ste/ dge bsnyen gyis mdo sde ris bzhi las mdo sde'i ris gang yang rung ba zhig rgyas par blags sam bton par gyur nas/ des der gos kyi rnyed pa dang zas kyi rnyed pa mang du sta gon byas te dge slong dag la pho nya btang nas 'phags pa dag longs spyad pa dag dbul gyis tshur spyon cig ces spring na/ zhag bdun byin gyis brlabs la dge bsnyen gyi bya ba'i phyir dge slong 'gro bar bya ste/ 'di ni dge bsnyen gyi bya ba yin no/ /gzhan yang dge bsnyen gyi bya ba 'di lta ste/ dge bsnyen zhig 'gyod par gyur nas des dge slong rnams la pho nya btang ste/ 'phags pa dag 'gyod pa skyes pa so sor bsal gyis tshur spyon cig ces spring na/ zhag bdun byin gyis brlabs la dge bsnyen gyi bya ba'i phyir dge slong 'gro bar bya ste/ 'di ni dge bsnyen gyi bya ba yin no/ /gzhan yang dge bsnyen gyi bya ba 'di lta ste/ dge bsnyen zhig sdig pa can gyi lta bar song ba skyes par gyur nas des dge slong dag la pho nya btang ste/ 'phags pa dag sdig pa can gyi lta bar song ba skyes pa de so sor bsal gyis tshur spyon cig ces spring na/ zhag bdun byin gyis brlabs la dge bsnyen gyi bya ba'i phyir dge slong 'gro bar bya ste/ 'di ni dge bsnyen gyi bya ba yin no/ /gzhan yang dge bsnyen gyi bya ba 'di lta ste/ dge 'dun gyis dge bsnyen la lhung bzed khas dbub par 'dod par gyur pa dang des dge slong dag la pho nya btang ste/ 'phags pa dag chos dang 'thun pa'i phyogs sten par bgyid kyis tshur spyon cig ces spring na/ zhag bdun byin gyis brlabs la dge bsnyen gyi bya ba'i phyir dge slong 'gro bar bya ste/ 'di ni dge bsnyen gyi bya ba yin no/ /gzhan yang dge bsnyen gyi bya ba 'di lta ste/ dge 'dun gyis dge bsnyen la lhung bzed khas bub par gyur pa dang des dge slong rnams la pho nya btang ste/ 'phags pa dag lhung bzed khas bub pa btang bar gsol/ tshur spyon cig ces spring na zhag bdun byin gyis brlabs la dge bsnyen gyi bya ba'i phyir dge slong 'gro bar bya ste/ 'di ni dge bsnyen gyi bya ba yin no/ /gzhan yang dge bsnyen gyi bya ba 'di lta ste/ dge bsnyen na ba sdug bsngal ba nad tshabs che bar gyur nas des dge slong rnams la pho nya btang ste/ 'phags pa dag tshur spyon cig /'ga' stsol cig ces spring na zhag bdun byin gyis brlabs la dge bsnyen gyi bya ba'i phyir dge slong 'gro bar bya ste/ 'di ni dge bsnyen gyi bya ba yin no/ /dge bsnyen ma'i bya ba gang zhe na/ de dag thams cad dge bsnyen ma'i bya ba yin te/ rang gi 'ching ba bag ma len pa ni ma gtogs so/ /dge slong gi bya ba gang zhe na/ 'di lta ste/ dge slong zhig gis phyogs bzhi'i dge slong gi dge 'dun la kun dga' ra ba dbul bar 'dod nas/ des der gos kyi rnyed pa dang zas kyi rnyed pa mang du sta gon byas nas des dge slong rnams la pho nya btang ste/ tshe dang ldan pa dag longs spyad pa dag 'bul gyis tshur spyon cig ces spring na zhag bdun byin gyis brlabs la dge slong gi bya ba'i phyir dge slong 'gro bar bya ste/ 'di ni dge slong gi bya ba yin no/ /gzhan yang dge slong gi bya ba 'di lta ste/ dge slong gis kun dga' ra ba de nyid du gtsug lag khang dang / gnas mal dang / 'tsho ba brtan po dang / de bzhin gshegs pa'i sku gdung gi mchod rten la dri sna tshogs kyis byugs pa dang / tsan dan gyis byug pa dang / srog shing gzugs pa dang / rgyal mtshan gzugs pa dang / mdo sde'i ris bzhi las mdo sde'i ris gang yang rung ba dang / 'gyod pa dang / sdig pa'i lta bar song ba skyes nas des dge slong rnams la pho nya btang ste/ tshe dang ldan pa dag sdig pa'i lta bar song ba skyes pa so sor bsal gyis tshur spyon cig ces spring na/ zhag bdun byin gyis brlabs la dge slong gi bya ba'i phyir dge slong 'gro bar bya ste/ 'di ni dge slong gi bya ba yin te/ thams cad gong ma bzhin du rgyas par brjod par bya'o/ /gzhan yang dge slong gi bya ba 'di lta ste/ dge 'dun gyis dge slong zhig la chad pa'i las 'di lta ste/ bsdigs pa'i las sam/ smad pa'i las sam/ bskrad pa 'am/ phyir 'gyed pa dang / mi snang bar gnas nas dbyung ba 'am/ phyir mi 'chos pa gnas nas dbyung ba 'am/ sdig pa'i lta bar song ba ma btang ba gnas nas dbyung ba'i las de lta bu bya bar 'dod par gyur pa dang / des dge slong rnams la pho nya btang ste/ tshe dang ldan pa dag chos dang 'thun pa'i phyogs dang 'thun par bgyid par 'gyur gyis tshur spyon cig ces spring na zhag bdun byin gyis brlabs la dge slong gi bya ba'i phyir dge slong 'gro bar bya ste/ 'di ni dge slong gi bya ba yin no/ /gzhan yang dge slong gi bya ba 'di lta ste/ dge 'dun gyis dge slong gi chad pa'i las 'di lta ste/ bsdigs pa'i las sam/ smad pa'i las sam/ bskrad pa'i las sam/ phyir 'gyed pa'i las sam/ mi snang bar gnas nas dbyung ba 'am/ phyir mi 'chos pa gnas nas dbyung ba 'am/ sdig pa'i lta bar song ba gnas nas dbyung ba'i las de lta bu byas pa dang / des dge slong rnams la pho nya btang ste/ tshe dang ldan pa dag 'byin par 'gyur gyis/ tshur spyon cig ces spring na/ zhag bdun byin gyis brlabs la dge slong gi bya ba'i phyir dge slong 'gro bar bya ste/ 'di ni dge slong gi bya ba yin no/ /gzhan yang dge slong gi bya ba 'di lta ste/ dge slong zhig la dge 'dun gyis lhag ma'i ltung ba byung bar gyur nas des dge slong rnams la pho nya btang ste/ tshe dang ldan pa dag tshur spyon/ spo ba stsal du gsol zhes spring na zhag bdun byin gyis brlabs la dge slong gi bya ba'i phyir dge slong 'gro bar bya ste/ 'di ni dge slong gi bya ba yin no/ /gzhan yang dge slong gi bya ba 'di lta ste/ dge slong gis spo ba rdzogs nas des dge slong rnams la pho nya btang ste/ tshe dang ldan pa dag tshur spyon/ mgu bar bgyi ba stsal du gsol zhes spring na/ zhag bdun byin gyis brlabs te dge slong gi bya ba'i phyir dge slong 'gro bar bya ste/ 'di ni dge slong gi bya ba yin no/ /gzhan yang dge slong gi bya ba 'di lta ste/ dge slong gis mgu bar bya ba spyad nas des dge slong rnams la pho nya btang ste/ tshe dang ldan pa dag tshur spyon dbyung ba bgyir gsol zhes spring na/ zhag bdun byin gyis brlabs te dge slong gi bya ba'i phyir dge slong 'gro bar bya ste/ 'di ni dge slong gi bya ba yin no/ /gzhan yang dge slong gi bya ba 'di lta ste/ dge slong na ba sdug bsngal ba nad tshabs che ba zhig gis dge slong rnams la pho nya btang ste/ tshe dang ldan pa dag tshur spyon cig /'ga' stsol cig ces spring na zhag bdun byin gyis brlabs la dge slong gi bya ba'i phyir dge slong 'gro bar bya ste/ 'di ni dge slong gi bya ba yin no/ /dge slong ma'i bya ba gang zhe na/ de dag thams cad dge slong ma'i bya ba yin te/ chad pa'i las ni ma gtogs so/ /gzhan yang dge slong ma'i bya ba 'di lta ste/ dge slong ma zhig la lci ba'i chos kyi ltung ba byung bar gyur nas des dge slong rnams la pho nya btang ste/ 'phags pa dag tshur spyon/ zla ba phyed kyi bar du mgu bar bgyi ba stsal du gsol zhes spring na/ zhag bdun byin gyis brlabs la dge slong ma'i bya ba'i phyir dge slong 'gro bar bya ste/ 'di ni dge slong ma'i bya ba yin no/ /dge slob ma'i bya ba gang zhe na/ de dag thams cad dge slob ma'i bya ba yin no/ /gzhan yang dge slob ma'i bya ba 'di lta ste/ dge slob mas lo gnyis kyi bar du bslab pa'i chos drug dang rjes su 'thun pa'i chos drug bslabs nas des dge slong rnams la pho nya btang ste/ 'phags pa dag bsnyen par rdzogs par mdzad du gsol/ tshur spyon cig ces spring na/ zhag bdun byin gyis brlabs la dge slob ma'i bya ba'i phyir/ dge slong 'gro bar bya ste/ 'di ni dge slob ma'i bya ba yin no/ /dge tshul gyi bya ba gang zhe na/ de dag thams cad dge tshul gyi bya ba yin no/ /gzhan yang dge tshul gyi bya ba gang zhe na/ 'di lta ste dge tshul lo nyi shu lon par gyur nas des dge slong rnams la pho nya btang ste/ 'phags pa dag bsnyen par rdzogs par mdzad du gsol tshur spyon cig ces spring na/ zhag bdun byin gyis brlabs la dge tshul gyi bya ba'i phyir dge slong 'gro bar bya ste/ 'di ni dge tshul gyi bya ba yin no/ /dge tshul ma'i bya ba gang zhe na/ de dag thams cad dge tshul ma'i bya ba yin no/ /gzhan yang dge tshul ma'i bya ba 'di lta ste/ dge tshul ma khyim so bzung ba lo bcu gnyis lon pa 'am/ gzhon nu ma lo bcwa brgyad lon nas des dge slong dag la pho nya btang ste/ 'phags pa dag lo gnyis kyi bar du chos drug dang rjes su 'thun pa'i chos drug gi bslab pa stsal du gsol tshur spyon cig ces spring na/ zhag bdun byin gyis brlabs la dge tshul ma'i bya ba'i phyir dge slong 'gro bar bya ste/ 'di ni dge tshul ma'i bya ba yin no// // sdom la/ kha zas sman dang g.yog dang ni/ /bud med skyes pa ma ning dang / /mtshan ma gter dang gnyen dag dang / /bar chad kyis ni 'gro bya ba'o/ /'di ltar yang dbyar gnas par dam bcas pa'i dge slong 'di snyam du sems te/ gnas 'dir bdag dbyar gnas par dam bcas na bdag la bsod snyoms ster ba ni 'ga' yang med de/ bdag gis bsod snyoms ma rnyed pas bdag nyon mongs pa 'am shi na bdag gi ma thob pa thob par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba de'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dbyar gnas par dam bcas pa'i dge slong 'di snyam du sems te/ gnas 'dir bdag dbyar gnas par dam bcas na bdag nad kyis thebs na na ba la nad kyi sman sbyin pa ni 'ga' yang med de/ bdag gis sman ma rnyed pas nyon mongs pa 'am shi na bdag gi ma thob pa thob par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba de'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dbyar gnas par dam bcas pa'i dge slong 'di snyam du sems te/ gnas 'dir bdag dbyar gnas par dam bcas na bdag nad kyis thebs na nad g.yog byed pa 'ga' yang med do/ /bdag la nad g.yog byed pa med pas nyon mongs pa 'am shi na bdag gi ma thob pa thob par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba de'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do// //'dul ba gzhi/ bam po nyi shu pa/ 'di ltar yang dbyar gnas par dam bcas pa'i dge slong gi drung du bud med dag 'ongs te mi 'tsham pa'i gsol bas gsol ba 'debs te/ 'phags pa bzhugs shig /'phags pa dgyes par mdzod cig /khyod la bdag gis bsnyen bkur bgyi'o/ /khyod la bu mo dbul lo/ /khyod la mna' ma dang / khyod la bran mo dang / las bgyid pa 'bul lo/ /de na dbyar gnas par dam bcas pa'i dge slong 'di snyam du sems te/ gnas 'dir bdag dbyar gnas par dam bcas na bud med 'di bdag gi drung du 'ongs nas mi 'tsham pa'i gsol bas gsol ba 'debs te/ 'phags pa bzhugs shig /'phags pa dgyes par mdzod cig /khyod la bdag bsnyen bkur bgyi'o/ /khyod la bu mo 'bul lo/ /khyod la mna' ma dang / khyod la bran mo dang / las bgyi ba 'bul lo/ /zhes zer te/ gal te gnas 'dir bdag dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam ste/ des de lta bus rkyen byas nas gnas de nas song ba las dbyar ral na ltung ba med do/ /'di ltar yang dbyar gnas par dam bcas pa'i dge slong gi drung du skyes pa zhig 'ongs nas mi 'tsham pa'i gsol bas gsol ba 'debs te/ 'phags pa bzhugs shig /'phags pa dgyes par mdzod cig /khyod la bdag bsnyen bkur bgyi'o/ /khyod la bu mo 'bul lo/ /khyod la mna' ma dang / khyod la bran mo dang / las byed pa 'bul lo/ /de na dbyar gnas par dam bcas pa'i dge slong 'di snyam du sems te/ gnas 'dir bdag dbyar gnas par dam bcas na bdag gi drung du skyes pa 'di 'ongs nas mi 'tsham pa'i gsol bas gsol ba 'debs te/ 'phags pa bzhugs shig /'phags pa dgyes par mdzod cig /khyod la bdag bsnyen bkur bgyi'o/ /khyod la bu mo 'bul lo/ /mna' ma dang / bran mo dang / las bgyid pa 'bul lo zhes zer na/ gal te gnas 'dir bdag dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dbyar gnas par dam bcas pa'i dge slong gi drung du ma ning zhig 'ongs nas mi 'tsham pa'i gsol bas gsol ba 'debs te/ 'phags pa bzhugs shig /'phags pa dgyes par mdzod cig / khyod la bdag bsnyen bkur bgyi'o/ /khyod la bran mo dang / las bgyid pa 'bul lo/ /de na dbyar gnas par dam bcas pa'i dge slong 'di snyam du sems te/ gnas 'dir bdag dbyar gnas par dam bcas na bdag gi drung du ma ning 'di 'ongs nas mi 'tsham pa'i gsol bas gsol ba 'debs te/ 'phags pa bzhugs shig /'phags pa dgyes par mdzod cig /khyod la bdag bsnyen bkur bgyi'o/ /khyod la bran mo dang / khyod la las bgyid pa 'bul lo zhes zer te/ gal te gnas 'dir bdag dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dbyar gnas par dam bcas pa'i dge slong gis bud med gzhon nu mdog mdzes pa chags par 'os pa zhig mthong nas tshul bzhin ma yin pa'i yid la byed pa'i mtshan ma bzung bar gyur to/ /de na dbyar gnas par dam bcas pa'i dge slong 'di snyam du sems te/ gnas 'dir bdag dbyar gnas par dam bcas na bud med gzhon nu mdzes pa chags par 'os pa zhig mthong nas tshul bzhin ma yin pa yid la byed pa'i mtshan ma bzung bas gnas 'dir bdag dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dbyar gnas par dam bcas pa'i dge slong gis nor gyi gter zhig mthong ngo / /de na dbyar gnas par dam bcas pa'i dge slong 'di snyam du sems te/ gnas 'dir bdag dbyar gnas par dam bcas na bdag gis 'dir nor gyi gter zhig mthong bas/ gnas 'dir bdag dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dbyar gnas par dam bcas pa'i dge slong gi drung du gnyen dag 'ongs nas mi 'tsham pa'i gsol bas gsol ba 'debs te/ 'phags pa khyod ci'i phyir mgo bregs shing lhung bzed lag tu thogs te/ rigs kyi grong nas grong du rgyu zhing gos ngur smrig grang mo 'dis kyang lus gdung bar bgyi/ 'phags pa khyod tshur spyon/ 'dod pa la yongs su spyod cig /sbyin pa dag stsol cig /bsod nams dag gyis shig /de na dbyar gnas par dam bcas pa'i dge slong 'di snyam du sems te/ bdag gnas 'dir dbyar gnas par dam bcas pas bdag gi drung du gnyen dag 'ongs nas mi 'tsham pa'i gsol bas gsol ba 'debs te/ 'phags pa khyod ci'i phyir mgo bregs shing lhung bzed lag tu thogs te/ rigs kyi grong nas grong du rgyu zhing gos ngur smrig grang mo 'dis kyang lus gdung bar bgyi/ 'phags pa khyod tshur spyon/ 'dod pa la yongs su spyod cig /sbyin pa dag stsol cig /bsod nams dag gyis shig ces zer te/ gal te gnas 'dir bdag dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang rgyal po dpung gi tshogs yan lag bzhi go bskon pa glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs can kun dga' ra ba'i sgo'i bar du lhags nas spar thabs su skur pa sgrogs shing / shes ldan dag shAkya'i bu'i dge sbyong dag zung shig ces bya ba nas/ gong du gso sbyong gi gzhir ji skad bstan pa de bzhin rgyas par rdzogs par bya ste/ de na dbyar gnas par dam bcas pa'i dge slong 'di snyam du sems te/ gnas 'dir bdag dbyar gnas par dam bcas na rgyal po dpung gi tshogs yan lag bzhi go bskon pa glang po che'i tshogs dang / rta pa'i tshogs can zhes bya ba gong ma bzhin te/ gal te gnas 'dir bdag dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dge slong gis skyes pa 'am/ bud med dam/ ma ning gang la brten nas dbyar gnas par dam bcas par gyur pa de rgyal pos gzung ngam/ btson du bzung ngam/ bsad dam/ de'i nor 'phrogs sam/ rgyal po'i 'jigs pas yul 'khor gzhan nam/ yul gzhan du bros sam shi bar gyur la/ de na dbyar gnas par dam bcas pa'i dge slong 'di snyam du sems te/ bdag skyes pa 'am/ bud med dam/ ma ning gang la brten nas 'dir dbyar gnas par dam bcas pa de rgyal pos bzung ngam/ btson du bzung ngam/ bsad dam/ de'i nor 'phrogs sam/ rgyal po'i 'jigs pas yul 'khor gzhan nam/ yul gzhan du bros sam shi bar gyur pas/ gal te bdag gnas 'dir dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang chom rkun pa dag gis grong bcom 'am/ grong khyer bcom 'am/ yul ljongs bcom nas kun dga' ra ba'i sgor lhags te/ ba lang bsad dam/ ma he 'am/ ra bsad pa'i khrag gis yan lag byugs nas dge slong rnams la pho nya btang ste/ 'phags pa dag phyir byung shig /bdag cag 'dir gnas so zhes spring la/ de na dbyar gnas par dam bcas pa'i dge slong 'di snyam du sems te/ bdag gnas 'dir dbyar gnas par dam bcas na chom rkun pa 'di dag grong bcom 'am zhes bya ba'i bar gong ma bzhin te/ des de lta bus rkyen byas te gnas de nas song ba las dbyar ral ba na ltung ba med do/ /'di ltar yang dge slong gis bud med dam/ skyes pa 'am/ ma ning gang la brten nas dbyar gnas par dam bcas par gyur pa de chom rkun pas bzung ngam/ btson du bzung ngam/ bsad dam/ de'i nor 'phrogs sam/ chom rkun pa'i 'jigs pas yul 'khor gzhan nam/ yul gzhan du bros sam shi bar gyur la/ de na dbyar gnas par dam bcas pa'i dge slong 'di snyam du sems te/ bdag bud med dam/ skyes pa 'am/ ma ning gang la brten te dbyar gnas par dam bcas pa de chom rkun pa dag gis bzung ngam/ btson du bzung ngam/ bsad dam/ de'i nor 'phrogs sam/ chom rkun pa'i 'jigs pas yul 'khor gzhan nam/ yul gzhan du bros sam shi bar gyur pas/ gal te bdag gnas 'dir dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang rgan zhugs mi shes pa/ rmongs pa/ mi gsal ba/ mi mkhas pa gzhan zhig gis spyod yul lam/ spyod yul gyi lam kar rigs kyi bud med dam/ rigs kyi na chung la gshes sam/ kha ngan smras sam/ reg pas mi rnams khros te/ kun dga' ra ba'i sgor lhags nas spar thabs su skur pa sgrogs shing zhes bya ba'i bar gong ma bzhin te/ des de lta bus rkyen byas te/ gnas de nas song ba las dbyar ral na ltung ba med do/ /'di ltar yang dge slong gis bud med dam/ skyes pa 'am/ ma ning gang la brten nas dbyar gnas par dam bcas par gyur pa de mi rnams kyis bzung ngam/ btson du bzung ngam/ bsad dam/ de'i nor 'phrogs sam/ mi ma yin pa'i 'jigs pas yul gzhan nam/ yul gzhan du bros sam shi bar gyur la/ de na dbyar gnas par dam bcas pa'i dge slong 'di snyam du sems te/ bdag bud med dam/ skyes pa 'am/ ma ning gang la brten te gnas 'dir dbyar gnas par dam bcas pa de mi rnams kyis bzung ngam/ btson du bzung ngam/ bsad dam/ de'i nor 'phrogs sam/ mi ma yin pa'i 'jigs pas yul 'khor gzhan nam/ yul gzhan du bros sam shi bar gyur pas/ gal te bdag gnas 'dir dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang mi ma yin pa gnas pa'i phyogs shig tu gtsug lag khang brtsigs la/ de na rgan zhugs mi shes pa/ rmongs pa/ mi gsal ba/ mi mkhas pa gzhan zhig gis mi rung ba'i phyogs shig tu bshang ba dang gci ba zhes bya ba'i bar gong ma bzhin te/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dge slong gis bud med dam/ skyes pa 'am/ ma ning gang la brten nas dbyar gnas par dam bcas par gyur pa de mi ma yin pa rnams kyis bzung ngam/ btson du bzung ngam/ bsad dam/ de'i nor 'phrogs sam/ mi ma yin pa'i 'jigs pas yul 'khor gzhan nam/ yul gzhan du bros sam shi bar gyur la/ de na dbyar gnas par dam bcas pa'i dge slong 'di snyam du sems te/ bdag bud med dam/ skyes pa 'am/ ma ning gang la brten nas 'dir dbyar gnas par dam bcas pa de mi ma yin pas bzung ngam/ btson du bzung ngam/ bsad dam/ de'i nor 'phrogs sam/ mi ma yin pa'i 'jigs pas yul 'khor gzhan nam/ yul gzhan du bros sam shi bar gyur pas/ gal te bdag gnas 'dir dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang gdug pa gnas pa'i phyogs shig tu gtsug lag khang brtsigs la/ de na rgan zhugs mi shes pa/ rmongs pa/ mi gsal ba/ mi mkhas pa gzhan zhig gis mi rung ba'i phyogs shig tu bshang ba dang / gci ba dang / mchil ma dang / snabs dang / skyugs pa dang / 'khru ba dag bor zhing mi gtsang bas sbags pa'i gnas mal bzhag par gyur nas gdug pa khros te spyod yul lam/ spyod yul gyi lam ka 'am/ 'chag sa 'am/ khyams sam/ sgo khang rnams su 'dug nas dge slong rnams la 'bab par byed de/ de na dbyar gnas par dam bcas pa'i dge slong 'di snyam du sems te zhes bya ba gong ma bzhin te/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dge slong gis bud med dam/ skyes pa 'am/ ma ning gang la brten nas dbyar gnas par dam bcas par gyur pa de gtum po dag gis bzung ngam/ btson du bzung ngam/ bsad dam/ gtum po'i 'jigs pas yul 'khor gzhan nam/ yul gzhan du bros sam shi bar gyur la/ de na dbyar gnas par dam bcas pa'i dge slong 'di snyam du sems te/ bdag bud med dam/ skyes pa 'am/ ma ning gang la brten te 'dir dbyar gnas par dam bcas pa de gtum po rnams kyis bzung ngam/ btson du bzung ngam/ de'i nor 'phrogs sam/ gtum po'i 'jigs pas yul 'khor gzhan nam/ yul gzhan du bros sam shi bar gyur pas/ gal te bdag gnas 'dir dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang klu gnas pa'i phyogs shig tu gtsug lag khang brtsigs te zhes bya ba'i bar gong ma bzhin te/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dge slong gis bud med dam/ skyes pa 'am/ ma ning gang la brten nas dbyar gnas par dam bcas par gyur pa de klu rnams kyis bzung ngam/ btson du bzung ngam/ bsad dam/ de'i nor phrogs sam/ klu'i 'jigs pas yul 'khor gzhan nam/ yul gzhan du bros sam shi bar gyur la/ de na dbyar gnas par dam bcas pa'i dge slong 'di snyam du sems te/ bdag bud med dam/ skyes pa 'am/ ma ning gang la brten nas 'dir dbyar gnas par dam bcas pa de klu rnams kyis bzung ngam/ btson du bzung ngam/ bsad dam/ de'i nor 'phrogs sam/ klu'i 'jigs pas yul 'khor gzhan nam/ yul gzhan du bros sam shi bar gyur pas/ gal te gnas 'dir bdag dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang nags khrod cig tu gtsug lag khang brtsigs la zhes bya ba'i bar gong ma bzhin te/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dge slong gis bud med dam/ skyes pa 'am/ ma ning gang la brten nas dbyar gnas par dam bcas par gyur pa de mes tshig gam/ de'i nor mes tshig gam/ me'i 'jigs pas yul 'khor gzhan nam/ yul gzhan du bros sam shi bar gyur la/ de na dbyar gnas par dam bcas pa'i dge slong 'di snyam du sems te/ bdag bud med dam/ skyes pa 'am/ ma ning gang la brten te 'dir dbyar gnas par dam bcas pa de mes tshig gam/ de'i nor mes tshig gam/ me'i 'jigs pas yul 'khor gzhan nam/ yul gzhan du bros sam shi bar gyur pas/ gal te gnas 'dir bdag dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang gshong zhig gi dbus su gtsug lag khang brtsigs la zhes bya ba'i bar gong ma bzhin te/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dge slong gis bud med dam/ skyes pa 'am/ ma ning gang la brten te dbyar gnas par dam bcas par gyur pa de chus khyer ram/ de'i nor chus khyer ram/ chu'i 'jigs pas yul 'khor gzhan nam/ yul gzhan du bros sam shi bar gyur la/ de na dbyar gnas par dam bcas pa'i dge slong 'di snyam du sems te/ bdag bud med dam/ skyes pa 'am/ ma ning gang la brten nas dbyar gnas par dam bcas pa de chus khyer ram/ de'i nor chus khyer ram/ chu'i 'jigs pas yul 'khor gzhan nam/ yul gzhan du bros sam shi bar gyur pas/ gal te bdag gnas 'dir dbyar gnas na gzhi des bdag gi srog gi bar chad dang / dge sbyong gi tshul gyi bar chad dang / tshangs par spyod pa'i bar chad du 'gyur gyis/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do// // sdom la/ dbyar ral ltung ba med pa dang / /gnas par dam ni 'cha' ba dag /snga ma yi ni bcu gnyis dang / /phyi ma yi ni bcu gnyis so/ /'di ltar yang dbyar gnas par dam bcas pa'i dge slong gis dge slong zhig dge 'dun gyi dbyen bya bar rtsol zhing de lta de lta bur dge slong rnams la go bar byed/ kun tu go bar byed/ slob par byed/ 'dzin du 'jug par byed cing / gang yang gnas 'dir dbyar gyi nang logs nyid du dge 'dun bye bar 'gyur ba'i gnas 'di yod par mthong nas/ de na dbyar gnas par dam bcas pa'i dge slong 'di snyam du sems te/ gnas 'dir bdag dbyar gnas par dam bcas na/ dge slong 'di dge 'dun gyi dbyen bya bar rtsol zhing de lta de lta bur dge slong rnams la go bar byed/ kun tu go bar byed/ slob par byed/ 'dzin du 'jug par byed cing gang yang gnas 'dir dbyar gyi nang logs nyid du dge 'dun bye bar 'gyur ba'i gnas 'di yod de/ gal te gnas 'dir bdag dbyar gnas na gang yang mi mthun pa'i sems skyes sam/ ma brtags pa'i tshig byung na bdag gi ma thob pa thob par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba'i bar chad du 'gyur ba'i gnas 'di yod pas/ ma la bdag gnas 'di nas 'gro'o snyam nas/ des de lta bus rkyen byas te gnas de nas song ba las dbyar ral na ltung ba med do/ /'di ltar yang dbyar gnas par dam bcas pa'i dge slong gis gnas ga ge mo zhig tu dge slong zhig gis dge 'dun gyi dbyen bya bar rtsol zhing de lta de lta bur dge slong rnams la go bar byed/ kun tu go bar byed/ slob par byed/ 'dzin du 'jug par byed cing / gang yang gnas der dbyar gyi nang logs nyid du dge 'dun bye bar 'gyur ba'i gnas 'di yod par thos la/ dge slong de dang ni bdag tu gtam 'dres pa/ phebs par smra ba/ smos 'drin pa/ 'grogs bshes pa yin gyis/ gal te bdag der song na bdag gis ji ltar gnas der dbyar gyi nang logs su dge 'dun bye bar mi 'gyur ba de lta de ltar bya nus so snyam na/ dge slong gis zhag bdun byin gyis brlabs la dge 'dun gyi bya ba'i phyir 'gro bar bya ste/ gal te der song na legs/ ma song na 'gal tshabs can du 'gyur ro/ /gal te dge 'dun gyi bya ba'i phyir der song ba las zhag bdun 'das te dbyar ral na ltung ba med do/ /'di ltar yang dbyar gnas par dam bcas pa'i dge slong gis gnas ga ge mo zhig tu dge slong zhig gis dge 'dun gyi dbyen bya bar rtsol zhing de lta de lta bur dge slong rnams la go bar byed/ kun tu go bar byed/ slob par byed/ 'dzin du 'jug par byed cing / gang yang gnas der dbyar gyi nang logs nyid du dge 'dun bye bar 'gyur ba'i gnas 'di yod par thos la/ dge slong de dang bdag tu ni gtam 'dres pa dang / phebs par smra ba dang / smos 'drin pa dang / 'grogs bshes pa ma yin mod kyi/ 'on kyang dge slong de gang dang gtam 'dres pa/ phebs par smra ba/ smos 'drin pa/ 'grogs bshes pa'i dge slong de dang bdag tu gtam 'dres pa/ phebs par smra ba/ smos 'drin pa/ 'grogs bshes pa yin gyis/ bdag der song la bdag gis ji ltar gnas der dbyar gyi nang logs su dge 'dun bye bar mi 'gyur ba de lta de ltar bya nus so snyam nas/ dge slong gis zhag bdun byin gyis brlabs la dge 'dun gyi bya ba'i phyir 'gro bar bya ste/ gal te song na legs/ ma song na 'gal tshabs can du 'gyur ro/ /gal te dge 'dun gyi bya ba'i phyir der song ba las zhag bdun 'das te dbyar ral na ltung ba med do/ /'di ltar yang dge slong gis gnas ga ge mo zhig tu dbyar snga ma zla ba gsum gnas par dam bcas pa las gnas de gnyis na rnyed pa ni thun mong / gso sbyin ni tha dad pa dang de 'di snyam du sems te/ bdag 'dir gnas kyang rnyed pa ni der zad/ bdag der gnas kyang rnyed pa ni der zad do snyam nas/ de dam bcas par ma song na de'i gnas der snga ma'i zla ba gsum yang ma yin la/ dam bcas pas nyes byas su yang 'gyur ro/ /'di ltar yang dge slong gis gnas ga ge mo zhig tu snga ma'i zla ba gsum gnas par dam bcas te/ de dam bcas par song nas tshul shing ma blangs la bya ba'i phyir de song na de'i gnas der snga ma'i zla ba gsum yang ma yin la/ dam bcas pas nyes byas su yang 'gyur ro/ /'di ltar yang dge slong gis gnas ga ge mo zhig tu snga ma'i zla ba gsum gnas par dam bcas te/ de dam bcas par song nas tshul shing ni blangs kyis gnas mal ni ma blangs la bya ba'i phyir de song na de'i gnas der snga ma'i zla ba gsum yang ma yin la/ dam bcas pas nyes byas su yang 'gyur ro/ /'di ltar yang dge slong gis gnas ga ge mo zhig tu snga ma'i zla ba gsum gnas so zhes dam bcas te/ de dam bcas par song nas tshul shing yang blangs gnas mal yang blangs kyi/ dbyar gnas par dam bcas la/ bya ba'i phyir de song na de'i gnas der snga ma'i zla ba gsum yang ma yin la/ dam bcas pas nyes byas su yang 'gyur ro/ /'di ltar yang dge slong gis gnas ga ge mo zhig tu snga ma'i zla ba gsum gnas par dam bcas te/ de dam bcas par song nas tshul shing yang blangs/ gnas mal yang blangs/ dbyar gnas par dam bcas la/ bya ba'i phyir byin gyis ma brlabs par zhag bdun mtshams kyi phyi rol du de song na de'i gnas der snga ma'i zla ba gsum yang ma yin la/ dam bcas pas nyes byas su yang 'gyur ro/ /'di ltar yang dge slong gis gnas ga ge mo zhig tu snga ma'i zla ba gsum gnas so zhes dam bcas la/ de dam bcas par song nas tshul shing yang blangs/ gnas mal yang blangs/ dbyar gnas par dam yang bcas nas bya ba'i phyir zhag bdun byin gyis brlabs la mtshams kyi phyi rol du song ba na de'i gnas der snga ma'i zla ba gsum yang yin la/ dam bcas pa la nyes byas su yang mi 'gyur te/ gal te bya ba de nyid kyi phyir de'i zhag bdun 'das pa la dbyar ral ba'i ltung ba med do/ /bya ba'i phyir drug po ji lta ba de bzhin du bya ba ma yin pa yang drug go/ snga ma zla ba gsum ji lta ba de bzhin phyi ma yang zla ba gsum mo/ / dbyar gyi gzhi rdzogs so// // ko lpags kyi gzhi'i sdom la/ lngas ni bsnyen par rdzogs pa dang / /gnas mal che dang be'u dang ni/ /bzhon pa khrus dang ba lang 'jug /shing lham ri mo can min no// // sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe rdo can zhes bya ba'i yul gyi mtha' na gnas pa zhes bya ba'i grong na khyim bdag stobs kyi sde zhes bya ba phyug pa/ nor mang ba/ longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug ste/ des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed kyang bu pho yang med/ bu mo yang med nas/ lag pa 'gram pa la gtad de sems khongs su chud cing bdag la bu pho yang med/ bu mo yang med pas nor rdzas 'di rnyed bdag gis khyim du bsags kyang / bdag shi nas bdog pa thams cad bdag la bu med do zhes nas rgyal pos dbang byas par 'gyur ro snyam du sems khongs su chud cing 'dug go/ /de'i mdza' bshes dang nye du dang gnyen rnams kyis smras pa/ khyod ci'i phyir sems khongs su chud/ lha la gsol ba byos shig /khyod la bu yod par 'gyur ro/ /des bsams pa/ legs pa zhig smras kyis/ ma la bdag gis bu'i phyir lha rnams la gsol ba bya'o/ /snyam nas bu med pa de bu mngon par 'dod pa'i phyir zhi ba dang / chu lha dang / lus ngan dang / brgya byin dang / tshangs pa la sogs pa lha rnams la yang gsol ba byed de/ 'di lta ste kun dga' ra ba'i lha dang / nags tshal gyi lha dang / bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa dang / chos 'thun pa dang / rtag par rjes su 'brang ba'i lha la yang gsol ba 'debs so/ /'jig rten na gang dag gsol ba 'debs pa'i rgyu las bu pho dang bu mo skye bar 'gyur ba'i gtam de lta bu grag ste/ de ni de lta ma yin te/ gal te de ltar 'gyur du zin na re re la yang 'di lta ste/ dper na 'khor los sgyur ba'i rgyal po bzhin du bu stong yod par 'gyur ro/ /'on kyang gnas gsum po dag mngon du gyur pa las bu pho dang bu mo skye bar 'gyur te/ gnas gsum gang zhe na/ 'di ltar pha dang ma gnyis chags par gyur cing 'dus pa dang / ma yang rung zhing zla mtshan dang ldan pa dang / dri za nye bar gnas pa ste/ gnas gsum po de dag mngon du gyur pa las bu pho dang bu mo skye bar 'gyur ro/ /de de ltar gsol ba 'debs pa lhur len cing 'dug pa las srid pa tha ma pa'i sems can spyod pa tshol ba/ thar pa'i snying po bzung ba/ mya ngan las 'das pa la mngon du phyogs pa/ 'khor ba las phyir phyogs pa/ srid pa ba'i 'gro ba thams cad du 'chi 'pho dang skye ba don du mi gnyer ba/ lus tha ma 'dzin pa zhig lha'i ris shig nas shi 'phos nas de'i chung ma'i rum du zhugs so/ /bud med mkhas pa'i rang bzhin can kha cig la ma 'dres pa'i chos lnga yod do/ /lnga gang zhe na/ skyes pa chags pa shes shing chags pa dang bral ba shes pa dang / dus shes shing zla mtshan shes pa dang / mngal du zhugs pa shes pa dang / gang las mngal du zhugs pa de yang shes pa dang / bu pho shes shing bu mo shes pa'o/ /gal te khye'ur 'gyur na dku g.yas par rten cing gnas so/ /gal te bu mor 'gyur na dku g.yon par rten cing gnas so/ /de yid dga' zhing mgu nas khyim thab la smras pa/ rje'i sras dgyes pa bskyed du gsol/ bdag la sems can zhugs pa ni 'di ltar bdag gi dku g.yas par rten cing gnas pa las na gdon mi za bar khye'ur 'gyur ro/ / de yang dga' zhing mgu bas ched du brjod pas ched du brjod pa/ 'di ltar bdag gis yun ring mo zhig nas mngon par 'dod pa'i bu'i ngo mthong bar 'gyur gyis/ bdag dang 'thun par skye zhing mi mthun par mi skye ba dang / bdag gi bya ba dag byed pa dang / gsos pas phyir gso ba dang / bgo skal la spyod pa dang / bdag gi rigs kyi rgyud yun ring du gnas par sgrub pa dang / bdag cag shi zhing dus la bab pa na nyung ngu 'am mang po yang rung sbyin pa dag byin zhing bsod nams dag byas nas 'di de gnyis gang du skyes pa der 'gro zhing rjes su 'gro bar gyur cig ces bdag cag gnyis kyi ming nas brjod cing yon bsngo ba byed par 'gyur ro zhes smras so/ /de la sems can zhugs par shes nas gang yang mngal na gnas pa yongs su smin par bya ba'i phyir steng gi khang bzangs kyi gzhir grang ba na grang ba'i yo byad dang / dro ba na dro ba'i yo byad dang / sman pas bcas pa'i zas ha cang mi kha ba dang / ha cang mi skyur ba dang / ha cang lan tshwa mi che ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang / skyur ba dang / mngar ba dang / tsha ba dang / bska ba rnams spangs pa'i zas dang / se mo do dang / do shal dag gis brgyan pa'i lus lha'i bu mo dga' tshal na rnam par spyod pa bzhin du khri nas khri dang / khri'u nas khri'ur rgyu zhing shod kyi sa gzhir mi 'bab ste/ sgra yid du mi 'ong ba cung zad kyang mi grag par byas so/ /de zla ba brgyad dam dgu 'das nas khye'u gzugs bzang ba/ blta na sdug pa/ mdzes pa/ lpags pa'i mdog gser 'dra ba/ mgo gdugs lta bu lag pa ring ba/ 'phral ba'i dbyes che ba/ smin ma 'jar ba/ sna'i gzangs mtho ba/ rin po ches spras pa'i rna cha rna ba la btags pa'i khye'u zhig btsas so/ /gnas pa zhes bya ba'i grong na rin po che dpyod pa ji snyed cig gnas pa de thams cad khyim bdag stobs kyi sdes rin po che brtag pa'i phyir bkug nas smras pa/ shes ldan dag rin po che rin thang chod cig /de dag gis smras pa/ rin po che'i rin thang bcad par mi nus so/ /chos nyid kyis rin thang gcad par mi nus pa'i rin po che gang yin pa de ni bye ba ri ba yin pas/ de dag gis smras pa/ khyim bdag rin po che 'di ni bye ba ri'o/ /de'i nye du dag 'dus shing lhags nas nyi ma bdun gsum nyi shu gcig tu btsas ston rgya cher byas nas ming 'dogs par byed de/ shes ldan dag khye'u'i ming cir gdags/ gnyen dag gis smras pa/ khye'u 'di rin po che bye ba ri bas spras pa'i rna cha rna ba la btags shing rgyu skar gro zhin la btsas pas khye'u'i ming gro zhin skyes rna ba bye ba rir gdags so zhes de'i ming gro zhin skyes rna ba bye ba rir btags so/ /gang gi nyi ma la gro zhin skyes rna ba bye ba ri btsas pa de'i nyi ma la khyim bdag stobs kyi sde'i mngag gzhug pa'i khye'u gnyis btsas te/ des gcig gi ming ni bran zhes bya bar brtags so/ /gcig gi ming ni skyong ba zhes bya bar btags so/ /gro zhin skyes rna ba bye ba ri ma ma brgyad la rjes su gtad de/ pang na mtsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis te/ ma ma brgyad kyis de 'o ma dang / zho dang / mar sar pa dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed de/ rdzing na gnas pa'i pad ma bzhin du myur du skyed par byed do/ /de gang gi tshe chen por gyur pa de'i tshe yi ge dang / rtsis dang / grangs dang / lag rtsis dang / dbyung ba dang / gzhug pa dang / gzhag pa dang / len pa dang / gzhi brtag pa dang / ras brtag pa dang / rin po che brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa dang / shing brtag pa la nye bar zhugs te/ de brtag pa brgyad rnams la byang zhing 'byed pa dang / klog pa la g.yer por gyur to/ /de'i phas 'dug pa'i khang pa gsum po dgun gyi dang / dpyid kyi dang / dbyar gyi brtsigs so/ /bskyed mos tshal gsum po dgun gyi dang / dpyid kyi dang / dbyar gyi btsugs nas chung ma gsum po chen ma dang / bar ma dang / chun ma nye bar bzhag nas/ de steng gi khang bzangs kyi gzhi la skyes pa med par rol mos rtse bar byed/ dga' bar byed/ dga' mgur spyod par byed do/ /khyim bdag stobs kyi sde ni rtag tu zhing las kyi mtha' la 'bad do/ /des pha de rtag par zhing las kyi mtha' la 'bad pa mthong nas de la smras pa/ yab khyod ci'i phyir rtag tu zhing las kyi mtha' la 'bad/ des smras pa/ bu khyod ji ltar steng gi khang bzangs kyi gzhi na skyes pa med par rol mos rtse bar byed/ dga' bar byed/ dga' mgur spyod par byed pa de bzhin du ngas kyang rtsed mo byas/ dga' bar byas/ dga' mgur spyad na ring por mi thogs par bdag cag gi longs spyod 'gribs shing yongs su zad pa dang gtugs par 'gyur ro/ /des smras pa/ yab gal te de lta na bdag zong thogs te yul gyi mthar mchi'o/ /bu re shig nga la rin po che'i rigs gal te khyod kyis til dang / 'bras dang / rgya shug dang / mon sran bzhin du rin po che yongs su spyad kyang rin po che dag yongs su zad par mi 'gyur ba nga la yod do/ /des yang dang yang du smras pa/ yab bdag ni zong thogs la yul gyi mthar mchi'o/ /des de nges par gal gyis 'chu bar shes nas gnang ngo / /khyim bdag stobs kyi sdes gnas pa'i grong du dril bsgrags nas/ gnas pa'i grong na gnas pa'i shes ldan tshong pa dag nyon cig /gro zhin skyes rna ba bye ba ri rgya mtsho chen por 'jug par 'gyur gyis/ shes ldan khyed las gang zhig gro zhin skyes rna ba bye ba ri dang lhan cig sho gam med pa dang / bsel ba'i rngan pa mi dgos pa dang / gru btsas mi dgos par rgya mtsho chen por 'jug par spro ba de dag rgya mtsho chen por 'gro ba'i zong sdogs shig /tshong pa lnga brgyas rgya mtsho chen por 'jug pa'i zong sta gon byas so/ /khyim bdag stobs kyi sdes tshong pa lnga brgya po rang gi khyim du 'gron du bos te zas byin nas smras pa/ shes ldan tshong pa dag nyon cig /gro zhin skyes rna ba bye ba ri ji ltar bdag gi bu yin pa de bzhin du khyed kyi yang yin gyis 'di la khyed rnams kyis gnod pa spang bar bya zhing phan pa la sbyar bar bya'o/ /dbon po bka' bzhin 'tshal zhes tshong pa rnams kyis khyim bdag stobs kyi sde'i ltar mnyan to/ /de nas khyim bdag stobs kyi sdes gro zhin skyes rna ba bye ba ri la 'di skad ces smras so/ bu khyod kyis ji ltar nga las tshig mnyan par bya zhing bsgrub par bya bar sems pa de bzhin du tshong pa lnga brgya po 'di rnams kyi yang mnyan par bya zhing bsgrub par soms shig /khyim bdag stobs kyi sdes bsams pa/ gro zhin skyes rna ba bye ba ri bzhon pa ci 'dra ba zhig gis btang snyam mo/ /des bsams pa/ gal te glang po che'i bzhon pas 'gro na ni de shin tu bskyang dka' zhing dgang dka'o/ /rta yang bskyang dka' la dgang dka'o/ /bong bu ni gso sla zhing dran pa dang ldan pas bong bu'i bzhon pas btang ngo snyam nas des de la smras pa/ bu grogs kyi thog ma dang tha ma nas ma 'gro zhig /gal te chom rkun pa mthu dang ldan par gyur na ni 'gron pa'i thog ma nas 'joms so/ /gal te mthu chung bar gyur na ni tha ma nas 'joms kyis khyod tshong pa'i dbus nas 'gro bar bya ste/ ded dpon bcom pas ni tshong pa rnams bcom zhes bya'o/ /bran dang / skyong ba la smras pa/ khyed gnyis kyis rnam grangs gang gis kyang gro zhin skyes rna ba bye ba ri gtang bar mi bya'o/ /de nas dus gzhan zhig na gro zhin skyes rna ba bye ba ri dge mtshan dang / bkra shis dang / bde legs su 'gyur ba dag byas nas ma'i gan du song ste/ yum bdag mchi phyag 'tshal lo/ /des ngu bar brtsams pa dang / des smras pa/ yum ci'i phyir bshums/ bu khyod gson por kho mo dang nam zhig phrad snyam mod/ des bsams pa/ bdag bkra shis par byas te chas pa la 'di 'dra ba'i bkra mi shis pa smra'o snyam nas de mi bzod pa skyes te smras pa/ ngan song la ci'i phyir mi gzigs/ des smras pa/ bu khyod kyis ngag gi las rtsub po byung gis nyes pa la nyes par shog shig dang / des na las de nyid bsrabs pa dang / yongs su zad pa dang / gtugs par 'gyur ro/ /des de la nyes pa la nyes par bzod par gsol te/ /de nas gro zhin skyes rna ba bye ba ri dge mtshan dang / bkra shis dang / bde legs su 'gyur ba byas nas shing rta dang / khur dang / pang tshad dang / gzeb rnams dang / rnga mo rnams dang / ba lang dang / bong bu rnams la zong mang po bkal nas rgya mtsho chen por chas te/ de dag rim gyis grong dang / grong khyer dang / grong 'dab dang / tshong dus rnams rgyu zhing rgya mtsho chen po'i 'gram du phyin nas rgya mtsho'i gru bo che phun sum tshogs pa zhig bsgrubs te/ nor bsgrub pa'i phyir rgya mtsho chen por zhugs pa dang / rjes su 'thun pa'i rlung gis bdas te rin po che'i gling du phyin to/ /des der brtag brtag nas rin po che rnams kyis gru bo che dper na til lam/ 'bras sam/ rgya shug gam/ mon sran bzhin du bkang nas de rjes su 'thun pa'i rlung gis bdas te gru bo che nye zho med par 'dzam bu'i gling du phyin nas tshong pa de dag rgya mtsho'i 'gram de nyid du 'brang btab bo/ /des kyang bran dang skyong ba khrid de phyogs gcig tu dong nas 'du ba dang 'god pa'i rtsis bya bar brtsams so/ /phyi zhig nas des bran la smras pa/ bran tshong pa rnams ci dag byed ltos shig /de der song na ci tsam na tshong pa rnams gnyid log pa mthong nas/ de yang de nyid du nyal lo/ /bran ring zhig thogs nas des skyong ba la smras pa/ skyong ba tshong pa rnams ci dag byed pa ltos shig /des der song na ji tsam na tshong pa rnams khal 'gel ba mthong nas des kyang khal dgal bar brtsams so/ /bran gyis bsams pa/ skyong bas ded dpon sbran grang snyam mo/ /skyong bas bsams pa bran gyis ded dpon sbran grang snyam mo/ /tshong pa de dag ni khal bkal nas dong ngo / /gro zhin skyes rna ba bye ba ri ba ni gnyid kyis myos nas nyal lo/ /tshong pa de rnams dong ba las ci tsam na nam nangs nas de dag gis smras pa shes ldan dag ded dpon ga re/ ded dpon sngar song ngo / /sngon du song nas ded dpon ga re zhes dris pa dang mjug nas 'ong ngo / /mjug tu song ste ded dpon ga re zhes dris pa dang bar nas song ngo / / bar du song ste dris pa las gang na yang mi snang nas bran gyis smras pa/ bdag gi blo skyes pa skyong bas ded dpon sbran grang snyam mo/ /skyong bas smras pa/ bdag gi blo skyes pa bran gyis ded dpon sbran grang snyam mo/ /shes ldan dag gang yang bdag cag gis ded dpon bor nas dong bas ni bzang po ma yin gyis phyir 'dong gis tshur sheg /de dag gis smras pa/ shes ldan dag gal te bdag cag phyir log na thams cad tshul ma yin pas sdug bsngal bar 'gyur gyis tshur sheg /re shig nang khrims shig bca' bar bya ste/ gang yang bdag cag gi rdzas rnams ma brubs kyi bar du re shig sus kyang gro zhin skyes rna ba bye ba ri'i pha ma la gtam bsnyad par mi bya'o zhes de rnams kyis nang khrims su bca' ba dag byas nas dong ngo / /gro zhin skyes rna ba bye ba ri ba'i pha mas gro zhin skyes rna ba bye ba ri 'ongs so zhes thos nas de gnyis bsur dong nas/ ded dpon ga re sngar song ngo / /de gnyis sngon du song nas ded dpon ga re zhes dris pa dang mjug nas 'ong ngo / /mjug tu dong nas ded dpon ga re zhes dris pa dang bar nas song ngo zhes rdzas rnams brubs kyi bar du mgo rmongs su bcug nas/ de'i 'og tu smras pa/ yab yum bdag cag gis ded dpon brjed do/ /de gnyis kyi drung du gcig cig 'ongs nas yab yum gro zhin skyes rna ba bye ba ri mchis so zhes smras pa dang / de dag gis de la rngan pa byin nas bsur dong nas ma mthong ngo / /yang gzhan zhig 'ongs nas yab yum gro zhin skyes rna ba bye ba ri mchis so zhes smras pa dang / de dag gis de la rngan pa byin nas sur dong na cang ma mthong ste/ de ltar su la yang yid mi ches so/ /de gnyis kyis bskyed mos tshal dang / lha khang dang / 'dun khang rnams su gdugs dang / dril bu dang / rnga yab rnams phul nas gal te gro zhin skyes rna ba bye ba ri gson par gyur na myur du 'ong ba dang / la gor 'ong bar gyur cig /gal te dus las 'das te shi 'phos par gyur na 'gro ba'i gnas gnas khyad par can du skye bar gyur cig ces yi ger bris so/ /de gnyis ni mya ngan dang ngud mos long bar gyur to/ / de yang nyi ma 'char ka'i tshe nyi ma'i zer gyis phog nas sad na de na bong bu gnyis 'dug pa ma gtogs par tshong pa gang yang ma mthong ngo / /des de gnyis sbrel te ded de song ba na rlung langs pas lam bye mas yog pa bong bu dran pa dang ldan pas lam snas snom zhing dal gyis song ba dang / des lcag gzer bu can gyis gzhus shing ded pa las de gnyis kyi dran pa 'khrugs nas shing sa la'i dgon pa zhig tu phyin to/ /de gnyis skom pas sro shi zhing lce phyung ste phan tshun 'thom pa des mthong nas snying rje skyes te/ des bsams pa/ gal te bdag gis ma bzhag na 'di dang lhan cig tu tshul ma yin pas sdug bsngal bar 'gyur ro snyam nas des de gnyis bor te rkang pas song ba las/ des ji tsam na lcags kyi grong khyer mtho zhing rgya che ba de'i sgo na skyes bu gnag la che ba/ mig dmar ba/ byin snying rlo ba lag na dbyug pa thogs pa zhig 'dug pa mthong nas/ de de'i drung du song ste/ kye nang rje 'di na chu yod dam/ de yang cang mi smra bar 'dug go / des yang dris pa/ kye nang rje 'di na chu yod dam/ 'on kyang de yang mi smra bar 'dug go/ des der zhugs te chu chu zhes bya ba'i sgra phyung ba dang yi dags lus sdong dum tshig pa 'dra ba/ rus gong bsgreng ba lta bu rang gi spu dang skras yog pa/ lto ri sul ltar 'dug pa/ khab kyi mig tsam gyi kha yod pa brgya stong du mas yongs su bskor nas gro zhin skyes snying rje dang ldan pa khyod kyis bdag cag skom pa la chu lud cig /des smras pa/ shes ldan dag bdag kyang chu slong na bdag gis chu blud du ga la yod/ de dag gis smras pa/ gro zhin skyes yi dags kyi grong khyer 'di na chu ga la yod/ bdag cag gis lo bcu gnyis kyi bar du chu chu zhes bya ba'i ming deng thos so/ /shes ldan dag khyed cag su zhig las gang gis 'dir skyes/ gro zhin skyes 'dzam bu'i gling pa'i mi rnams ni yid ches par dka' bas yid mi ches so/ /shes ldan dag bdag gis mngon sum du mthong na ji ltar yid mi ches par 'gyur/ de dag gis tshigs su bcad de smras pa/ bdag cag ngag rtsub khro ldan zhing / /bdag cag ser sna 'jungs pa can/ /sbyin pa cung zad ma btang des/ /bdag cag yi dags 'jig rten lhags/ /gro zhin skyes khyod bsod nams kyi mthu chen po dang ldan gyis song shig /yi dags kyi grong khyer du zhugs pa la gson por 'gro ba 'ga' yang khyod kyis mthong ba yod dam/ de song ba dang / ji tsam na skyes bu de mthong nas des de la smras pa/ e ma'o bzhin bzangs khyod kyis kho bo la 'di lta ste/ 'di ni yi dags kyi grong khyer yin no/ zhes smras pa dang kho bo der mi 'jug pa zhig /des smras pa/ gro zhin skyes khyod bsod nams kyi mthu chen po dang ldan gyis song shig /yi dags kyi grong khyer du zhugs pa la gson por 'gro ba 'ga' yang khyod kyis mthong ba yod dam/ /des song ba las ji tsam na lcags kyi grong khyer mtho zhing rgya che ba zhig gi sgo na skyes bu gnag la che ba/ mig dmar ba/ byin snying rlo ba/ lag na dbyig pa thogs pa zhig 'dug pa mthong nas/ de de'i drung du song ste/ kye nang rje 'di na chu yod dam/ de cang mi smra bar 'dug pa dang / de la yang kye nang rje 'di na chu yod dam/ de 'on kyang cang mi smra bar 'dug go/ des der zhugs te chu chu zhes bya ba'i sgra phyung ba dang / yi dags sdong dum tshig pa 'dra ba rus gong bsgreng ba lta bu rang gi skra dang spus yog pa/ lto ri sul ltar 'dug pa/ khab kyi mig tsam gyi kha yod pa brgya stong du mas yongs su bskor nas gro zhin skyes snying rje dang ldan pa khyod kyis bdag cag skom pa rnams la chu lud cig /des smras pa/ shes ldan dag bdag nyid kyang chu slong na bdag gis chu lud du ga la yod/ /de dag gis smras pa/ gro zhin skyes yi dags kyi grong khyer 'di na chu ga la yod/ bdag cag gis lo bcu gnyis lon na chu chu zhes bya ba'i sgra khyod las deng thos so/ /shes ldan dag khyed cag su zhig /las gang gis 'dir skyes/ de dag gis smras pa/ gro zhin skyes 'dzam bu'i gling pa'i mi rnams ni yid ches par dka' bas yid mi ches so/ /shes ldan dag bdag gis mngon sum du mthong na ji ltar yid mi ches par 'gyur/ de dag gis tshigs su bcad de smras pa/ nad med rgyags pas myos pa dang / /lang tsho longs spyod dregs myos te/ /sbyin pa ci yang ma btang bas/ /bdag cag yi dags 'jig rten lhags/ /gro zhin skyes khyod bsod nams kyi mthu chen po dang / ldan pas song shig /yi dags kyi grong khyer du zhugs pa la gson por 'gro ba 'ga' yang khyod kyis mthong ba yod dam/ de song ba dang ci tsam na skyes bu de mthong nas des de la smras pa/ e ma'o bzhin bzangs khyod kyis kho bo la 'di lta ste/ 'di ni yi dags kyi grong khyer yin no zhes smras pa dang kho bo der mi 'jug pa zhig /des smras pa/ gro zhin skyes khyod bsod nams kyi mthu chen po dang ldan pas song shig /yi dags kyi grong khyer du zhugs pa la gson por 'gro ba 'ga' yang khyod kyis mthong ba yod dam/ de song ba dang / ci tsam na nyi ma nub ka'i dus su gzhal med khang zhig mthong ste/ de na lha mo gzugs bzang ba mdzes pa/ blta na sdug pa bzhi dang / skyes bu gzugs bzang ba/ mdzes pa/ blta na sdug pa dpung rgyan dang / rna cha gdub 'khor dang / byug pa dang / phreng ba sna tshogs kyis brgyan pa gcig dang de dag tu lhan cig rtse bar byed/ dga' bar byed/ dga' mgur spyod par byed do/ /de dag gis de rgyang ring po kho na nas mthong nas/ de dag gis so so nas smra bar brtsams pa/ gro zhin skyes 'ongs pa legs so/ /mi skom 'am/ mi bkres 'am/ des bsams pa/ gdon mi za bar lha 'am/ klu 'am/ gnod sbyin zhig yin no snyam nas bdag skom mo/ /bdag bkres so/ /de dag gis khrus byas nas zan byin te gzhal med khang de nyid du ji tsam nyi ma ma shar gyi bar du 'dug pa dang / de la de dag gis smras pa/ gro zhin skyes 'dir nyes dmigs dag 'byung bar 'gyur gyis byung shig /de byung nas mtha' gcig tu song ste gnas so/ /de nas phyi shig na nyi ma shar ba'i dus kyi tshe gzhal med khang de yang mi snang / lha'i bu mo yang mi snang bar gyur te/ khyi sre bo bzhi zhig byung nas de dag gis skyes pa de khas bub tu bsnyal te rgyab kyi sha spags kham tshad kham tshad du bcad de ji tsam nyi ma nub kyi bar du zos so/ /de'i 'og tu yang gzhal med khang yang slar byung / lha'i bu mo yang byung bar gyur te/ skyes pa gzugs bzang ba/ mdzes pa/ blta na sdug pa/ dpung rgyan dang / rna cha gdub 'khor dang / byug pa dang / phreng ba sna tshogs kyis brgyan pa de dang de dag tu lhan cig rtse bar byed/ dga' bar byed/ dga' mgur spyod par byed do/ /de dag gi drung du song nas shes ldan dag khyed cag su zhig /las gang gis 'dir skyes/ gro zhin skyes 'dzam bu'i gling pa'i mi rnams ni yid ches par dka' bas yid mi ches so/ /shes ldan dag bdag gis mngon sum du mthong na ji ltar yid mi ches par 'gyur/ gro zhin skyes bdag gnas pa'i grong gi shen par gyur pa na lug bsad de bsad pa'i sha btsongs pas 'tsho bar byed pa las/ 'phags pa kAt+yA ya na chen pos bdag la thugs brtse ba'i phyir byon nas bzhin bzangs las 'di'i 'bras bu rnam par smin pa ni yid du mi 'ong ba yin gyis dam pa ma yin pa'i chos sdig pa spongs shig ces gsungs na/ des gsungs pa bzhin du bdag gis ma spangs pa dang / des bdag la spong du gzhug pa'i phyir yang dang yang du bzhin bzangs las 'di'i 'bras bu rnam par smin pa ni yid du mi 'ong ba yin gyis dam pa ma yin pa'i chos sdig pa spongs shig ces gsungs na/ 'on kyang bdag gis ma spangs nas des bdag la smras pa/ bzhin bzangs khyod ci lug nyin par 'am/ nub mo gsod/ bdag gis smras pa/ 'phags pa nyin par ro/ /des ci'i phyir nub mo tshul khrims yang dag par mnod pa mi gzungs zhes gsungs nas/ de las bdag gis nub mo tshul khrims yang dag par mnos te bzung ba de'i las kyi rnam par smin pa'i 'bras bus nub mo 'di lta bu'i bde ba nyams su myong ngo / /gang yang nyin par lug bsad pa de'i las kyi rnam par smin pas nyin par 'di lta bu'i sdug bsngal nyams su myong ngo / /tshigs su bcad de/ yang smras pa/ nyin par gzhan gyi srog gcod cing / /nub mo tshul khrims yon tan ldan/ /las de'i 'bras bu bzang po dang / /sdig to 'di ni myong ba yin/ / gro zhin skyes khyod gnas pa'i grong du 'gro 'am/ de na bdag gi bu shan pa bgyid pa de la khyod kyi pha ngas mthong ste/ de na re las 'di'i 'bras bu rnam par smin pa ni yid du mi 'ong ba yin gyis dam pa ma yin pa'i chos sdig pa spongs shig ces zer ro zhes gsungs shig /kye nang rje khyod kyis kho bo la 'dzam bu'i gling pa'i mi rnams ni yid ches par dka'o zhes smras pas yid ches par mi 'gyur ro/ /gro zhin skyes gal te yid mi ches na de la khyod kyis pha de na re ral gris bsad pa'i sa'i 'og na gser phye bum pa gang bzhag gis de phyung ste bdag nyid la yun du bde bas tshim par bya ba dang / dus dus su 'phags pa kAt+yA ya na chen po la bsod snyoms phul la bdag cag gi ming nas phyung ste yon bsngo ba byos shig dang de na las de bsrabs pa dang / yongs su zad pa dang / gtugs par 'gyur ro zhes gsungs shig /de song ba las ji tsam na nyi ma 'char ka'i dus su gzhal med khang gzhan zhig mthong ste/ de na lha mo gzugs bzang ba/ mdzes pa/ blta na sdug pa gcig dang / skyes pa gzugs bzang ba/ mdzes pa/ blta na sdug pa/ dpung rgyan dang / rna cha gdub 'khor dang / byug pa dang / phreng ba sna tshogs kyis brgyan pa gcig dang der lhan cig rtse bar byed/ dga' bar byed/ dga' mgur spyod par byed do/ /de de dag gis rgyang ring po nas mthong nas so so nas smra bar brtsams pa/ gro zhin skyes 'ongs pa legs so/ /mi skom 'am/ mi bkres sam/ des bsams pa/ gdon mi za bar lha 'am/ klu 'am/ gnod sbyin zhig yin no snyam nas bdag skom mo/ /bdag bkres so/ /de dag gis de khrus byas nas zan byin te/ /de gzhal med khang du ji tsam nyi ma nub kyi bar du 'dug pa dang / de la de dag gis smras pa/ gro zhin skyes 'dir nyes dmigs dag 'byung bar 'gyur gyis byung shig /des nyes dmigs dag mthong bas byung ste mtha' gcig tu 'dug go/ de'i 'og tu nyi ma nub ka'i dus kyi tshe de na gzhal med khang yang mi snang / lha mo de yang mi snang gi/ srin gyi med chen po zhig byung ste/ des skyes pa de'i lus la lus kyis lan bdun du dkris nas steng du byung ste/ des nam nyi ma shar ba'i bar du glad rgyas za bar byed do// // 'dul ba gzhi/ bam po nyi shu gcig pa/ de nas de'i 'og tu gzhal med khang yang slar byung / lha mo de yang slar byung nas skyes pa gzugs bzang ba/ mdzes pa/ blta na sdug pa/ dpung rgyan dang / rna cha gdub 'khor dang / byug pa dang / phreng ba sna tshogs kyis brgyan pa de dang der lhan cig rtse bar byed/ dga' bar byed/ dga' mgur spyod par byed do/ /de de dag gi drung du song ste song nas smras pa/ shes ldan dag khyed cag su zhig /las gang gis 'dir skyes/ gro zhin skyes 'dzam bu'i gling pa'i mi rnams ni yid ches par dka' bas yid mi ches so/ /bdag gis mngon sum du mthong na ji ltar yid mi ches par 'gyur/ des smras pa/ gnas pa'i grong na bdag bram zer gyur te byi bo byed pa las 'phags pa kA t+yA ya na chen pos bdag la thugs brtse ba'i phyir byon nas gsungs pa/ bzhin bzangs las 'di'i 'bras bu rnam par smin pa ni yid du mi 'ong ba yin gyis dam pa ma yin pa'i chos sdig pa spongs shig ces gsungs na/ de gsungs pa bzhin du bdag gis ma spangs pa dang / des bdag la spong du gzhug pa'i phyir yang dang yang du bzhin bzangs las 'di'i 'bras bu rnam par smin pa ni yid du mi 'ong ba yin gyis dam pa ma yin pa'i chos sdig pa spongs shig ces gsungs na 'on kyang bdag gis de ma spangs so/ / des bdag la smras pa bzhin bzangs khyod nyin par byi bo la 'gro 'am nub mo/ bdag gis de la smras pa/ 'phags pa nub mo'o/ /des bzhin bzangs ci'i phyir nyin par tshul khrims yang dag par mnos te mi gzungs des na las de bsrabs pa dang / yongs su zad pa dang / yongs su gtugs par 'gyur ro/ /zhes gsungs nas/ de las bdag gis nyin par tshul khrims yang dag par mnos te bzung ngo / /gang yang nyin par tshul khrims yang dag par mnos te bzung ba de'i las kyi rnam par smin pas nyin par bde ba 'di lta bu nyams su myong ngo / /gang yang mtshan mo byi bo byed du song ba de'i las kyi rnam par smin pas mtshan mo sdug bsngal 'di lta bu nyams su myong bar gyur to/ /tshigs su bcad de yang smras pa/ mtshan mo byi bo byed la chags/ /nyin par tshul khrims yon tan ldan/ /las de'i 'bras bu bzang po dang / /sdig to 'di ni myong ba yin/ /gro zhin skyes khyod gnas pa'i grong du 'gro 'am/ de na bdag gi bu bram ze byi bo byed pa la khyod kyi pha ngas mthong ste/ de na re las 'di'i rnam par smin pa ni yid du mi 'ong ba yin gyis/ dam pa ma yin pa'i chos sdig pa spongs shig ces zer ro/ /zhes gsungs shig /des smras pa/ kye nang rje khyod na re 'dzam bu'i gling pa'i mi rnams ni yid ches par dka'o zhes smras pas yid ches par mi 'gyur ro/ /gro zhin skyes gal te yid mi ches na de la khyod kyi pha na re me thab kyi 'og na gser phye bum pa gang bzhag gis de phyung ste/ bdag nyid la yun du bde bas tshim par bya ba dang / dus dus su 'phags pa kA t+yA ya na chen po la bsod snyoms phul la bdag cag gi ming nas phyung ste yon bsngo ba gyis shig dang / des na las de bsrabs pa dang / yongs su zad pa dang / gtugs par 'gyur ro zhes zer ro zhes gsungs shig /de song ba dang ji tsam na gzhal med khang gzhan zhig mthong ste/ de na bud med gzugs bzang ba/ mdzes pa/ blta na sdug pa/ dpung rgyan dang / rna cha gdub 'khor dang / byugs pa dang / phreng ba sna tshogs kyis brgyan pa zhig 'dug pa de'i khri'i rkang pa bzhi la yi dags bzhi btags shing 'dug go/ de des rgyang ring po nas mthong nas smras pa gro zhin skyes 'ongs pa legs so/ /'ongs pa legs so/ mi skom 'am/ mi bkres sam/ des bsams pa/ /gdon mi za bar lha mo 'am/ /klu mo 'am / /gnod sbyin mo zhig yin no snyam nas/ des smras pa/ bdag skom mo/ /bdag bkres so/ /des de khrus byas nas zan byin te de la smras pa/ gro zhin skyes gal te khyod la 'di dag chung zad slong na ma sbyin cig ces smras nas/ sems can de rnams kyi las bdag gir bya ba mngon sum du bya bar 'dod nas gzhal med khang gi nang du zhugs te 'dug go/ de dag gis bslang bar brtsams te/ gro zhin skyes snying rje dang ldan pa khyod kyis bdag cag bkres pas nyen pa la byin cig /des gcig la kham gcig byin pa dang phub mar gyur to/ /yang gcig la kham gcig byin pa dang lcags kyi mthu lum za bar gyur to/ /yang gcig la kham gcig byin pa dang de rang gi sha la za bar gyur to/ /yang gcig la kham gcig byin pa dang rnag khrag tu gyur to/ /de dri tshor nas byung ste/ gro zhin skyes khyod la kho mos ma zlog gam/ ci'i phyir 'di dag la sbyin ci kho mo'i snying rje las khyod kyi snying rje lhag gam/ des smras pa/ sring mo 'di dag khyod kyi cir 'ong / des smras pa/ 'di ni kho mo'i khyim thab yin/ 'di ni bu yin/ 'di ni mna' ma yin/ 'di ni kho mo'i bran mo yin no/ /khyed cag su dag cig /las gang gis 'dir skyes/ gro zhin skyes 'dzam bu'i gling pa'i mi rnams ni yid ches par dka' bas yid mi ches so/ /sring mo bdag gis mngon sum du mthong na ji ltar yid mi ches par 'gyur/ des smras pa/ gro zhin skyes kho mo gnas pa zhes bya ba'i grong gi bram ze mor gyur pa na rgyu skar la bab pa'i nub mo kha zas bsod pa dag sta gon byas pa dang / 'phags pa kA t+yA ya na chen po kho mo la thugs brtse ba'i phyir gnas pa'i grong du bsod snyoms la gshegs te rim gyis kho mo'i khyim du byon pa dang / kho mos de'i sku mdzes shing thugs dang ba mthong ngo / /mthong nas kyang kho mo mngon par dad par gyur te/ de la kho mo dad pa skyes nas bsod snyoms phul te kho mo'i blo skyes pa/ de la khyim thabs rjes su yid rang ba 'bul du bcug na rab tu dga' ba skye bar 'gyur ro snyam pa las des khrus byas te 'ongs pa dang / de la kho mos smras pa/ rje'i sras 'phags pa kA t+yA ya na chen po la kho mos bsod snyoms phul gyis rjes su yid rang ba phul cig /de khros nas smras pa/ ji srid bram ze rnams la ma phul/ gnyen bshes rnams la gnyen gyi sri zhu ma byas par je khyod kyis dge sbyong mgo reg de la bsod snyoms kyi phud sbyin nam zhes de mi bzod pa skyes nas dge sbyong mgo reg de ci'i phyir phub ma mi 'gam zhes smras pas/ de las de'i rnam par smin pas phub ma 'gam par gyur to/ /kho mo'i blo skyes pa/ khyim thab kyis rjes su yid rang ba ma phul gyis/ re shig bu rjes su yi rang ba 'bul du bcug na dga' ba skye bar 'gyur ro snyam nas kho mos de la yang smras pa/ bu 'phags pa kA t+yA ya na chen po la kho mos bsod snyoms phul gyis rjes su yi rang ba phul cig /de yang khros te smras pa/ ji srid bram ze rnams la ma byin par je khyod kyis dge sbyong mgo reg de la bsod snyoms kyi phud byin nam zhes de mi bzod pa skyes nas dge sbyong mgo reg de ci'i phyir lcags kyi thu lum mi za zhes smras pa/ de las de'i rnam par smin pas lcags kyi thu lum za bar gyur to/ /gro zhin skyes rgyu skar la bab pa'i nub mo gnyen dag gis kho mo la g.yar gzigs shig bskur ba de kho mos mna' ma la gtad na/ des g.yar gzigs bsod pa bsod pa dag ni zos la/ ngan pa dag kho mo la byin no/ /kho mos gnyen de dag la khyed cag lo nyes sam ci/ 'di lta bu g.yar gzigs ngan pa bskur/ de rnams kyis kho mo la bdag cag gis g.yar gzigs ngan pa ni ma bskur te/ de lta mod kyi g.yar gzigs bsod pa zhig bskur ro zhes spring ba 'ongs nas kho mos mna' ma la smras pa/ bag sar khyod kyis g.yar gzigs bsod pa dag ni zos la ngan pa dag kho mo la ma byin grang des smras pa/ khyod kyi g.yar gzigs za na bdag rang gi sha ci'i phyir mi za zhes smras pa/ de las de'i rnam par smin pas rang gi sha za bar gyur to/ /rgyu skar la bab pa'i nub mo kho mos bran mo g.yar gzigs bsod pa dag cig lag du bskur te gnyen bshes kyi gan du btang ba las/ des lam kar g.yar gzigs bsod pa dag zos nas de dag la ngan pa dag byin pa dang / de dag gis kho mo la khyod lo nyes sam ci/ bdag cag la g.yar gzigs ngan pa dag bskur zhes spring ba 'ongs na/ kho mos de dag la kho mos khyed cag la g.yar gzigs ngan pa ni ma bskur te/ de lta mod kyi g.yar gzigs bsod pa zhig bskur ro zhes spring ngo / /kho mos bran mo la dris pa/ bran mo g.yar gzigs bsod pa dag khyod kyis zos la de dag la ngan pa dag ma byin grang / des smras pa/ khyod kyi g.yar gzigs za na rnag khrag ci'i phyir mi 'thung zhes smras pas/ de las de'i rnam par smin pas rnag khrag 'thung bar gyur to/ /bdag gi blo skyes pa gang du sems can 'di dag rang rang gi las kyi 'bras bu nyams su myong bar 'gyur ba der nying mtshams sbyor zhing lta bar gyur cig snyam mo/ /kho mos gang yang 'phags pa kA t+yA ya na chen po la bsod snyoms phul pas sum bcu rtsa gsum pa'i gnas bzang por skye bar 'gyur ba las bdag gis smon lam log par btab pas/ da ltar yi dags mthu chen po zhig tu skyes so/ /gro zhin skyes yang gnas pa zhes bya ba'i grong du 'gro na de na kho mo'i bu mo smad 'tshong byed pa de la/ khyod kyi pha dang / ma dang / ming po dang / mna' ma dang / bran mo dag ngas mthong ste/ de dag na re las 'di'i 'bras bu rnam par smin pa ni yid du mi 'ong ba yin gyis dam pa ma yin pa'i chos sdig pa spongs shig ces zer ro/ /zhes gsungs shig /sring mo khyed nyid na re 'dzam bu'i gling pa'i mi rnams ni yid ches par dka'o zhes smras pas yid ches par mi 'gyur ro/ /des smras pa/ gro zhin skyes gal te yid mi ches na khyod kyi pha'i sngon gyi khang pa na lcags zangs gser gyis gang ba zung bzhi dang / dbus na gser gyi khar ba dang / ril ba spyi lugs shig yod kyis de dag phyung ste bdag nyid la yun du bde bas tshim par bya ba dang / dus dus su 'phags pa kA t+yA ya na chen po la bsod snyoms dbul zhing bdag cag gi ming nas phyung ste yon bsngo ba byos shig dang des na las de bsrabs pa dang / yongs su zad pa dang / gtugs par 'gyur ro zhes zer ro zhes gsungs shig /des de las khas blangs te/ de de ltar 'khyam pa la lo bcu gnyis 'das so/ /des de la smras pa/ gro zhin skyes khyod gnas pa'i grong du 'gro 'am/ sring mo 'gro'o zhes de gzhal med khang du zhugs pa dang des yi dags de rnams la bsgo ba/ shes ldan dag deng la gro zhin skyes rna ba bye ba ri nyal bzhin du gnas pa'i grong gi pha'i bskyed mos tshal du zhog la slar gshegs shig /de dag gis de gnas pa'i grong du pha'i bskyed mos tshal du bzhag go/ /de gnyid sad pa dang ji tsam na dril bu dang / gdugs dang / bsil yab rnams phul nas gal te gro zhin skyes rna ba bye ba ri gson po zhig na la gor 'ong zhing myur du 'ong bar shog shig /'on te dus las 'das te shi 'phos par gyur na 'gro ba'i gnas gnas khyad par can du skye bar gyur cig / ces yi ge bris pa mthong nas/ des bsams pa/ 'di ltar bdag pha dang mas shi ba'i khongs su brtsis na ci'i phyir slar khyim du 'jug /bdag song la 'phags pa kA t+yA ya na chen po'i drung du rab tu 'byung bar bya'o snyam mo/ /de nas gro zhin skyes rna ba bye ba ri tshe dang ldan pa kA t+yA ya na chen po gang na ba der song ba dang / tshe dang ldan pa kA t+yA ya na chen pos gro zhin skyes rna ba bye ba ri ba rgyang ring po nas mthong ngo / /mthong nas kyang gro zhin skyes rna ba bye ba ri la 'di skad ces smras so/ /gro zhin skyes tshur shog /gro zhin skyes khyod 'ongs pa legs so/ /gro zhin skyes khyod kyis 'jig rten 'di dang 'jig rten pha rol mthong ngam/ btsun pa kA t+yA ya na chen po mthong ngo / /btsun pa kA t+yA ya na chen po bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po gnang na/ btsun pa kA t+yA ya na chen po bdag bcom ldan 'das kyi spyan sngar tshangs par spyod pa la spyad par 'tshal lo/ /gro zhin skyes re shig sngon gyi dam bcas pa dran par byos la tha na ji skad spring zhing bzung ba chub par skyol cig /de shen pa de'i drung du song nas bzhin bzangs khyod kyi pha ngas mthong ste/ de na re las 'di'i 'bras bu rnam par smin pa ni yid du mi 'ong ba yin gyis dam pa ma yin pa'i chos sdig pa spongs shig ces zer ro/ /des smras pa/ kye nang rje bdag gi pha ni shi nas deng du lo bcu gnyis lon na/ khyod kyis 'jig rten pha rol nas slar 'ongs pa 'ga' mthong ba yod dam/ bzhin bzang bdag der son to/ /de yid ma ches pa dang bzhin bzangs ci ste yid mi ches na de na re khyod kyi pha'i ral gris bsad pa'i 'og na gser phye ma bum pa gang bzhag gis de phyung la bdag nyid la yun du bde bas tshim par bya ba dang / dus dus su 'phags pa kA t+yA ya na chen po la bsod snyoms phul la/ bdag cag gi ming nas phyung ste yon bsngo ba byos shig dang / des na las de bsrabs pa dang / yongs su zad pa dang / gtugs par 'gyur ro zhes zer ro/ /des bsams pa/ bdag gis sngon chad ni de lta bu lan 'ga' yang ma thos na re shig bltas te gal te byung bar gyur na zer ba de thams cad bden no snyam nas/ des song ste brkos nas ji tsam na mthong ba dang de thams cad de kho na bzhin du gyur te/ des yid ches par gyur to/ /de'i 'og tu byi bo byed pa de'i drung du song ste son nas smras pa/ bzhin bzangs khyod kyi pha ngas mthong ste/ de na re las 'di'i 'bras bu rnam par smin pa ni yid du mi 'ong ba yin gyis dam pa ma yin pa'i chos sdig pa spongs shig ces zer ro des smras pa/ kye nang rje bdag gi pha shi nas deng du lo bcu gnyis lon na khyod kyis 'jig rten pha rol nas 'ongs pa 'ga' mthong ba yod dam/ bzhin bzangs bdag der son to/ /de yid ma ches te des smras pa/ bzhin bzangs gal te yid mi ches na pha na re khyod kyi pha'i me thab kyi 'og na gser phye bum pa gang bzhag gis de phyung la bdag nyid yun du bde bas tshim par bya ba dang / dus dus su 'phags pa kA t+yA ya na chen po la bsod snyoms phul la bdag cag gi ming nas phyung ste yon bsngo ba byos shig dang / des na las de bsrabs pa dang / yongs su zad pa dang / gtugs par 'gyur ro zhes de skad zer ro/ /des bsams pa/ bdag gis de skad sngon chad ni lan 'ga' yang ma thos na gal te byung bar gyur na zer ba de thams cad bden no snyam nas/ des song ste brkos nas ji tsam na mthong ba dang de thams cad de kho na bzhin du gyur te des yid ches par gyur to/ / de'i 'og tu gro zhin skyes rna ba bye ba ri smad 'tshong ma de'i drung du song ste smras pa/ sring mo khyod kyi pha dang / ma dang / ming po dang / mna' ma dang / bran mo dag ngas mthong ste/ de dag na re las 'di'i 'bras bu rnam par smin pa ni yid du mi 'ong ba yin gyis dam pa ma yin pa'i chos sdig pa spongs shig ces zer ro/ /des smras pa/ kye skyes bu bdag gi pha dang ma dag shi nas deng du lo bcu gnyis lon na khyod kyis 'jig rten pha rol nas 'ongs pa 'ga' mthong ba yod dam/ des smras pa/ bdag der son to/ /de yid ma ches pa dang / des smras pa/ sring mo gal te yid mi ches na de dag na re khyod kyi pha'i sngon gyi khang pa rnying pa na lcags zangs gser phyes gang ba zung bzhi dang / dbus na gser gyi khar ba dang / ril ba spyi blugs yod kyis de dag phyung la bdag la yun du bde bas tshim par bya ba dang / dus dus su 'phags pa kA t+yA ya na chen po la bsod snyoms phul la/ bdag cag gi ming nas phyung ste yon bsngo ba byos shig dang / des na las de bsrabs pa dang / yongs su zad pa dang / gtugs par 'gyur ro zhes zer ro/ /des bsams pa/ bdag gis sngon cad ni de lta bu lan 'ga' yang ma thos na blta bar bya ste/ gal te byung bar gyur na zer ba de thams cad bden no snyam nas/ des song ste brkos nas ji tsam na mthong ba dang de thams cad de kho na bzhin du gyur te yid ches par gyur to/ /gro zhin skyes rna ba bye ba ris bsams pa/ 'jig rten 'di dag thams cad ni gser gyis yid ches kyis/ bdag la ni 'ga' yang yid ches par ma gyur to snyam nas des 'dzum phyung ba dang / de byis pa na mche ba gser gyis brgyan pa de des ngo shes par gyur nas dpon po gro zhin skyes rna ba bye ba ri yin nam/ sring mo bdag ni skye bo dag gis de ltar shes so/ /de song nas de'i pha ma la yab yum gro zhin skyes rna ba bye ba ri mchis so zhes sbran pa nas du ma zhig gis sbran na yang de dag yid ma ches nas/ ji tsam na de rang nyid 'ongs te yab yum phyag 'tshal lo zhes smras pa dang / de dbyig gi nga ro can zhig pas de gnyis kyis skad las ngo shes nas de gnyis kyis de'i mgul nas 'jus te ngu bar brtsams pa dang / de gnyis mchi ma byung bas mig gi ling tog byid nas blta bar brtsams so/ /des smras pa/ yab yum bdag yang dag par khyim nas khyim med par rab tu 'byung gis gnang bar mdzod cig /de gnyis kyis smras pa/ bu khyod kyi mya ngan dang ngud mos bdag cag mig ldongs par gyur pa las/ da khyod nyid 'ongs nas bdag cag gi mig sor chud kyis/ bdag ji srid gson pa de srid du rab tu ma 'byung bar nam shi bar gyur pa de'i tshe rab tu byung shig /des tshe dang ldan pa kA t+yA ya na chen po'i drung du chos mnyan pas rgyun du zhugs pa'i 'bras bu mngon sum du byas so/ /pha dang ma gnyis kyang skyabs su 'gro ba dang bslab pa'i gzhi rnams la bkod do/ /lung bzhin rtogs par byas te lan gcig phyir 'ong ba'i 'bras bu mngon sum du byas so/ /pha dang ma gnyis kyang bden pa rnams la bkod do/ /dus gzhan zhig na de'i pha dang ma shi nas des nor de dag phongs pa dang / mgon med pa dang / bkren pa dang / nyam thag pa rnams la byin te/ bkren pa phal mo che zhig dbul bor nas tshe dang ldan pa kA t+yA ya na chen po gang na ba der song ste phyin nas tshe dang ldan pa kA t+yA ya na chen po'i rkang pa gnyis la mgo bos phyag byas nas phyogs gcig tu 'dug go/ phyogs gcig tu 'dug nas gro zhin skyes rna ba bye ba ris tshe dang ldan pa kA t+yA ya na chen po la 'di skad ces smras so/ /'phags pa kA t+yA ya na chen po bdag legs par gsungs pa'i chos 'dul ba la rab tu byung ba dang bsnyen par rdzogs te dge slong gi dngos po gnang na/ bcom ldan 'das kyi spyan sngar tshangs par spyod pa spyad par 'tshal lo/ /tshe dang ldan pa kA t+yA ya na chen pos de rab tu phyung ngo / /des rab tu phyung nas ma mo rtogs par byas te/ phyir mi 'ong ba'i 'bras bu mngon sum du byas so/ /rdo can zhes bya ba'i yul gyi mtha' na dge slong gi tshogs nyung ste grangs bcur bskang ba dka' nas/ des de zla ba gsum du dge tshul du bzhag go/ chos nyid kyis sangs rgyas bcom ldan 'das rnams kyi nyan thos rnams kyi 'dus pa ni gnyis su 'gyur te/ 'dus pa chen po ni dbyar zla 'bring po'i dbyar nye bar sgrub pa la gang yin pa dang / ston zla 'bring po'i nya la gang yin pa'o/ /de la gang dag dbyar zla 'bring po'i dbyar nye bar sgrub pa la 'dus pa de dag ni yid la byed pa'i khyad par de dang de dag bzung nas chub par byas te grong dang / grong khyer dang / grong rdal dang / yul 'khor dang / rgyal po'i pho brang 'khor de dang de rnams su dbyar gnas par dam 'cha'o/ /gang dag ston zla 'bring po'i nya la 'dus pa de dag ni ji ltar rtogs pa dag smras nas gong ma dag 'dri bar byed de/ nyan thos chen po rnams kyi yang de dang 'dra'o/ /de nas tshe dang ldan pa kA t+yA ya na chen po'i lhan cig gnas pa dang / nye gnas kyi dge slong dag gis yid la byed pa'i khyad par de dang de dag bzung nas chub par byas te grong dang / grong khyer dang / grong rdal dang / yul 'khor dang / rgyal po'i pho brang 'khor de dang de rnams su dbyar gnas par dam bcas so/ /de dag gis dbyar zla ba gsum po dag 'das nas chos gos byas pa dang ldan/ chos gos zin pa dang ldan nas/ lhung bzed dang chos gos thogs te tshe dang ldan pa kA t+yA ya na chen po gang na ba der dong ste phyin nas/ tshe dang ldan pa kA t+yA ya na chen po'i rkang pa gnyis la mgo bos phyag byas te phyogs gcig tu 'dug nas de dag gis ji ltar rtogs pa dag smras te/ gong ma dag kyang 'dri'o/ /tshogs kyi grangs kyang bcur bskangs nas des de bsnyen par rdzogs par byas so/ /des sde snod gsum rtogs par byas nas nyon mongs pa thams cad spangs shing dgra bcom pa mngon sum du byas te dgra bcom par gyur nas khams gsum gyi 'dod chags dang bral ba gyo mo dang gser du mnyam pa/ nam mkha' dang lag mthil du mnyam pa'i sems tsan dan dang ste 'ur mnyam pa/ rig pas ma rig pa'i sgo nga'i sbubs dral ba/ rig pa dang / mngon par shes pa dang / so sor yang dag par rig pa thob pa/ srid pa dang / rnyed pa dang / chags pa dang / bkur sti las phyir phyogs pa/ dbang po dang nye dbang po'i lha dang bcas pa rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas tshe dang ldan pa kA t+yA ya na chen po'i lhan cig gnas pa dang / nye gnas kyi dge slong rnams kyis tshe dang ldan pa kA t+yA ya na chen po la bsnyen bkur byas nas/ tshe dang ldan pa kA t+yA ya na chen po la 'di skad ces smras so/ /mkhan po ni bdag cag gis mthong ste/ bsnyen bkur yang bgyis lags kyis/ bcom ldan 'das la bdag cag rnams bsnyen bkur bgyid du mchi'o/ /bu dag de bzhin du gyis shig /de bzhin gshegs pa dgra bcom pa yang dag par rdzogs pa'i sangs rgyas rnams ni bsnyen bkur bya ba kho na yin no/ /de'i tshe gro zhin skyes rna ba bye ba ri 'khor de nyid kyi nang du tshogs shing 'dug par gyur to/ /de nas tshe dang ldan pa gro zhin skyes rna ba bye ba ri stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas tshe dang ldan pa kA t+yA ya na chen po la 'di skad ces smras so/ /bdag gis mkhan po yang mthong / bcom ldan 'das kyang chos kyi skur ni mthong na/ gzugs kyi sku ma mthong bas/ mkhan po bcom ldan 'das kyi gzugs kyi sku ltar mchi'o/ /bu de bzhin du gyis shig /de bzhin gshegs pa dgra bcom pa yang dag par rdzogs pa'i sangs rgyas mthong ba ni rnyed par dka' ste/ dper na me tog u dum 'bar ra dang mtshungs so/ /bcom ldan 'das kyi zhabs la mgo bos phyag byos la/ bdag gi tshig 'dis reg par spyod dam zhes bya ba'i bar dang / zhu ba lnga po 'di dag kyang zhus shig /btsun pa rdo can zhes bgyi ba'i yul gyi mtha' na dge slong nyung bas grangs bcur bskang ba dka' na de la ji ltar bdag gis bsgrub par bgyi/ btsun pa ba lang gi rjes kyis sa rtsub por gyur pa dang / rdo can zhes bgyi ba'i yul gyi mtha' na 'di lta bu'i gding ba dang / dgab pa 'di lta ste/ lug gi lpags pa dang / ba'i ko ba dang / ri dgas kyi lpags pa dang / ra'i lpags pa las bgyid do/ /ji ltar yul gzhan dag na 'di lta bu'i gding ba dang / dgab pa 'di lta ste bal stan dang / shing shun gyi stan dang / srin bal gyi stan dang / ras bal gyi stan dag mchis pa de bzhin du rdo can zhes bgyi ba'i yul gyi mtha' na 'di lta bu'i gding ba dang / dgab pa 'di lta ste/ lug gi lpags pa dang zhes bya ba gong ma bzhin no/ /chus 'dag par 'tshal ba'i mi rnams rtag par khrus la spyod pa dang / dge slong gis dge slong la chos gos bskur ba tshu rol nas ni spangs la der ni ma mchis na/ de gang la spang ba'i ltung byed du 'gyur zhes zhus shig /tshe dang ldan pa gro zhin skyes rna ba bye ba ris cang mi smra bas tshe dang ldan pa kA t+yA ya na chen po las mnyan to/ /de nas tshe dang ldan pa gro zhin skyes rna ba bye ba ris tshe dang ldan pa kA t+yA ya na chen po'i rkang pa gnyis la mgo bos phyag byas nas tshe dang ldan pa kA t+yA ya na chen po'i drung nas song ngo / /de nas tshe dang ldan pa gro zhin skyes rna ba bye ba ri de nyid kyi mtshan mo 'das nas snga dro'i dus su sham thabs bgos lhung bzed dang chos gos thogs nas gnas pa zhes bya ba'i grong du bsod snyoms la zhugs te/ ji tsam na rim gyis mnyan yod du phyin to/ / de nas tshe dang ldan pa gro zhin skyes rna ba bye ba ri lhung bzed dang chos gos mkhos su phab nas rkang pa gnyis bkrus te/ bcom ldan 'das gang na ba der dong ste phyin nas bcom ldan 'das kyi zhabs gnyis la mgo bos phyag byas te phyogs gcig tu 'dug go/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la de bzhin gshegs pa dang / gro zhin skyes rna ba bye ba ri gtsug lag khang gcig tu khri shoms shig /tshe dang ldan pa kun dga' bos btsun pa bka' bzhin 'tshal zhes bcom ldan 'das kyi ltar mnyan nas/ de bzhin gshegs pa dang gro zhin skyes rna ba bye ba ri gtsug lag khang gcig tu khri bshams nas bcom ldan 'das gang na ba der song ste phyin nas/ bcom ldan 'das la 'di skad ces gsol to/ /btsun pa de bzhin gshegs pa dang gro zhin skyes rna ba bye ba ri gtsug lag khang gcig tu khri bshams lags te/ bcom ldan 'das da de'i dus la bab pa lags so/ /de nas bcom ldan 'das dang / gro zhin skyes rna ba bye ba ri gtsug lag khang gang na ba der gshegs te byon nas/ gtsug lag khang gi phyi rol du zhabs gnyis bkrus te gtsug lag khang du zhugs nas dgongs pa mngon du bzhag ste bzhugs so/ /tshe dang ldan pa gro zhin skyes rna ba bye ba ri yang gtsug lag khang gi phyi rol du rkang pa gnyis bkrus nas gtsug lag khang du zhugs te skyil mo krung bcas lus bsrang nas dran pa mngon du phyogs par bzhag nas 'dug ste/ bcom ldan 'das dang tshe dang ldan pa gro zhin skyes rna ba bye ba ri 'phags pa'i mi smra bas de'i mtshan mo 'das par mdzad do/ /de nas bcom ldan 'das kyis nam nangs su nye ba na tshe dang ldan pa gro zhin skyes rna ba bye ba ri la bka' stsal pa/ gro zhin skyes chos gang la bdag gis mngon par shes te mngon par sangs rgyas nas gsungs pa la khyod spobs par gyis shig /de nas gro zhin skyes rna ba bye ba ri bcom ldan 'das kyis skabs phye ba dang rdo can zhes bya ba'i mtha'i dbyangs kyi nga ros ched du brjod pa dang / pha rol 'gro byed dang / bden pa mthong ba dang / ri gnas kyi tshigs su bcad pa dang / thub pa'i tshigs su bcad pa dang / gnas brtan gyi tshigs su bcad pa dang / gnas brtan ma'i tshigs su bcad pa dang / don gyi tshoms kyi mdo sde dag gsang bstod de bton to/ /de nas bcom ldan 'das kyis gro zhin skyes rna ba bye ba ris brjod pa rdzogs par mkhyen nas tshe dang ldan pa gro zhin skyes rna ba bye ba ri la 'di skad ces bka' stsal to/ /gro zhin skyes khyod kyis gang dag bdag gis mngon par shes te mngon par sangs rgyas nas gsungs pa'i chos gya nom pa dang snyan par bsgrags pa legs so/ /de nas tshe dang ldan pa gro zhin skyes rna ba bye ba ri 'di snyam du sems te/ da bcom ldan 'das la bdag gi mkhan pos phrin gsol ba smra ba'i dus la bab bo snyam du rig nas stan las langs te bla gos phrag pa gcig tu bzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa rdo can zhes bgyi ba'i yul gyi mtha' gnas pa zhes bgyi ba'i grong na btsun pa kA t+yA ya na chen po mchis pa de bdag gi mkhan po lags te/ de yang bcom ldan 'das kyi zhabs la phyag 'tshal te gnod pa chung ngam/ nyam nga ba nyung ngam/ bskyod pa yang ngam/ 'tsho 'am/ stobs dang bde ba dang nyam nga ba ma mchis pas bde ba la reg par spyod dam zhes snyun gsol lags so/ /gro zhin skyes dge slong kA t+yA ya na bde bar gyur cig /zhu ba lnga po dag kyang rgyas par brjod par bya'o/ /de nas bcom ldan 'das kyis gro zhin skyes rna ba bye ba ri la 'di skad ces bka' stsal to/ /gro zhin skyes re zhig ngas zhu ba 'di lung bstan pa'i dus la ma bab kyis dge 'dun gyi nang du zhu ba zhus shig dang der khyod kyi zhu ba lung bstan pa'i dus la bab bo/ /de nas bcom ldan 'das nang par sngar bzhengs nas dge slong gi dge 'dun gyi gung la gdan bshams pa nyid la bzhugs so/ /de nas tshe dang ldan pa gro zhin skyes shes bya ba nas phyogs gcig tu 'dug go zhes bya ba'i bar du ste/ gro zhin skyes rna ba bye ba ris bcom ldan 'das la 'di skad ces gsol to/ /btsun pa rdo can zhes bgyi ba'i yul gyi mtha' na gnas pa zhes bgyi ba'i grong na btsun pa kA t+yA ya na chen po mchis pa de bdag gi mkhan po lags te/ de yang bcom ldan 'das kyis zhabs la zhes bya ba nas bde ba la reg par spyod dam zhes bya ba'i bar du'o/ /zhu ba lnga po gong du ji skad du spang ba'i ltung byed kyi bar brjod pa yang rgyas par gsol to/ /bcom ldan 'das kyis bka' stsal pa/ de'i phyir rjes su gnang ste/ yul mtha' 'khob rnams su 'dul ba 'dzin pa dang lnga'i tshogs kyis bsnyen par rdzogs pa dang / rtag tu khrus byas pa dang / mchil lham rim gcig pa bcang bar bya ste/ rim gnyis pa ma yin/ rim gsum pa ma yin no/ /gal te zad par gyur na lhan pas btab ste bcang bar bya'o/ /ko ba bcang bar bya'o/ /dge slong gis dge slong la chos gos bskur ba tshu rol nas ni spangs la der ma phyin na gang la yang spang ba'i ltung byed du mi 'gyur ro/ /bcom ldan 'das la tshe dang ldan pa nye bar 'khor gyis zhus pa/ btsun pa bcom ldan 'das kyis yul mtha' 'khob rnams su 'dul ba 'dzin pa dang lnga'i tshogs kyis bsnyen par rdzogs par bya'o zhes gang gsungs pa de la dbus ni gang lags/ mtha' 'khob ni gang lags/ nye bar 'khor shar phyogs na li kha ra shing 'phel zhes bya ba'i grong yod pa de'i shar phyogs na li kha ra tshang tshing zhes bya ba'i tshal yod de de ni dbus so/ /de phan chad ni mtha' 'khob bo/ /lho phyogs na 'dam bu can zhes bya ba'i grong yod pa de'i pha rol na 'dam bu can zhes bya ba'i chu bo yod pa de ni dbus so/ /de phan chad ni mtha' 'khob bo/ /nub phyogs na bram ze'i grong ka ba dang nye ba'i ka ba dag yod de de ni dbus so/ /de phan chad ni mtha' 'khob bo/ /byang phyogs na u shi ri'i ri zhes bya ba yod de de ni dbus so/ /de phan chad ni mtha' 'khob bo/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa gro zhin skyes rna ba bye ba ris las ci zhig bgyis na las de'i rnam par smin pas phyug pa nor mang ba longs spyod che ba'i rigs dang rin po ches spras pa'i rna cha rna ba la thogs shing btsas la/ ngan song mthong zhing bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag gro zhin skyes rna ba bye ba ri nyid kyis sngon gyi tshe rabs gzhan rnams su zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba skye dgu rnams kyi tshe lo nyi khri thub pa na bA rA Na sI'i grong khyer du ston pa 'od bsrung zhes bya ba de bzhin gshegs pa dgra bcom pa yang dag par rdzogs pa'i sangs rgyas shes bya ba nas 'jig rten du sgra rnam par grags pa zhes bya ba'i bar 'jig rten du byung ngo / /bA rA Na sI'i grong na khyo shug gnyis shig yod pa de gnyis kyis yang dag par rdzogs pa'i sangs rgyas 'od srung las skyabs su 'gro ba dang bslabs pa'i gzhi rnams mnos so/ /gang gi tshe yang dag par rdzogs pa'i sangs rgyas 'od srung gis sangs rgyas kyi mdzad pa mtha' dag mdzad nas phung po'i lhag ma med pa'i mya ngan las 'das pa'i dbyings su yongs su mya ngan las 'das pa dang rgyal po kri kis de'i mchod rten rin po che sna bzhi las kho ra khor yug tu dpag tshad gang tsam la 'phang du dpag tshad phyed pa zhig byed du bcug nas/ de zhig cing gogs pa slar bcos pa'i phyir grong khyer gyi shar phyogs kyi sgo nas dpya 'du ba gang yin pa de dag des mchod rten de la phul lo/ /gang gi tshe rgyal po kri ki shi nas de'i bu legs skyes shes bya ba de rgyal srid la bzhag pa dang de'i blon po dag gis dpya nyung shas shig phul lo/ /des blon po rnams la smras pa/ ci'i phyir khyed kyis nga la dpya nyung ngu zhig phul/ nga'i yul nas dpya mi 'du 'am zhes smras pa dang / de dag gis smras pa/ lha dpya de las 'du ba gang la mchis/ lha grong khyer gyi shar phyogs kyi sgo nas dpya 'du ba gang lags pa de dag ni rgyal po yab kyi mchod rten zhig cing gogs pa slar bcos pa'i rgyur gzhag go/ gal te lhas gnang na dpya de bdag cag gis dgum mo/ /des smras pa/ shes ldan nga'i yab kyis gang mdzad pa de ni tshangs pas byas pa'o/ /de ni brgya byin gyis byas pa'o/ /de dag gis bsams pa/ gal te lhas gnang na bdag cag gis ci nas dpya de dag rang 'du bar mi 'gyur ba de ltar bya'o snyam nas/ de dag gis sgo bcad de bzhag pas phyin chad dpya 'du ba chad do/ /mchod rten de yang zhig cing gogs par gyur pa dang / khyo shug de gnyis rgas par gyur pa nas mchod rten de nyid la byi dor byed cing 'dug go/ byang phyogs nas ded dpon zhig zong thogs te bA rA Na sI'i grong du phyin pa dang / des mchod rten zhig cing gogs par gyur pa de mthong ngo / /des mthong nas yab yum mchod rten 'di su'i lags zhes dris so/ /de gnyis kyis smras pa/ yang dag par rdzogs pa'i sangs rgyas 'od srung gi yin no/ /sus bgyis pa/ rgyal po kri kis so/ /rgyal po kri ki des mchod rten de zhig pa dang gogs pa slar bcos pa'i phyir phul ba cung zad med dam/ de gnyis kyis smras pa/ phul ba yod de grong khyer gyi shar phyogs kyi sgo nas dpya 'du ba gang dag mchod rten de zhig pa dang gogs pa bcos pa'i phyir phul ba las rgyal po kri ki nongs nas de'i sras legs skyes zhes bya ba de rgyal srid la bzhag nas des dpya 'du ba de bcad pas mchod rten zhig cing gogs par gyur to/ /des rin po ches spras pa'i rna cha rna ba las bkrol nas des de gnyis la byin te smras pa/ yab yum rin po che'i rna cha 'dis mchod rten 'di zhig cing gogs pa rnams chos shig /bdag nam zong rnams 'gyur te 'ongs nas phyis kyang sbyin no/ /de gnyis kyis de btsongs nas des mchod rten de zhig pa dang gogs pa slar bcos te kha cig ni lhag go/ de nas dus phyi zhig na ded dpon gyis zong bsgyur nas spogs khyer te 'ongs so/ /des mchod rten de lta bas mi ngoms pa zhig tu mthong ngo / /mthong nas kyang de phyir zhing rab tu dga' ba dang / dang ba skyes te dris pa/ yab yum khyed kyis skyin po cung zad ma byas sam/ de gnyis kyis smras pa/ bu bdag cag gis skyin po cung zad kyang ma byas te/ 'on kyang lhag pa yang yod do/ /de rab tu dang ba skyes nas de la ci lhag pa dang gzhan yang phul nas mchod pa dang bkur sti cher byas te dge ba'i rtsa ba 'dis bdag phyug pa dang / nor mang ba dang / longs spyod che ba'i rigs su skye ba dang / chos 'di lta bu thob pa dang / ston pa 'di lta bu kho na mnyes par byed kyi/ mi mnyes par mi byed par gyur cig ces smon lam btab bo/ /dge slong dag ji snyam du sems/ ded dpon gang yin pa de ni gro zhin skyes rna ba bye ba ri 'di nyid yin te/ 'dis gang yang dag par rdzogs pa'i sangs rgyas 'od bsrung gi mchod rten la bya ba byas te smon lam btab pa'i las de'i rnam par smin pas phyug pa dang / nor mang ba dang / longs spyod che ba'i rigs dang / rin po ches spras pa'i rna cha rna ba la thogs bzhin du btsas shing nga'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byas te/ 'dis yang dag par rdzogs pa'i sangs rgyas 'od srung dang shugs mnyam pa/ stobs mnyam pa/ brtson pa mnyam pa/ mi mnyam pa bdag brnyes pa'i ston pa nga mnyes par byas kyi ma mnyes par ni ma yin no/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin/ gcig tu dkar ba rnams kyi ni dkar ba yin/ 'dren ma rnams kyi 'dren ma yin no/ /dge slong dag de lta bas na las gcig tu gnag pa rnams dang 'dren ma rnams ni spangs la/ las gcig tu dkar ba kho na la brtsal bar bya ste/ dge slong dag khyed kyis de lta bu la bslab par bya'o/ /btsun pa tshe dang ldan pa gro zhin skyes rna ba bye ba ris las ci zhig bgyis na las de'i rnam par smin pas mthong ba'i chos 'di nyid la ngan song dag mthong ba lags/ bcom ldan 'das kyis bka' stsal pa/ 'dis ma la ngag gi las rtsub mo smras pa de'i las de'i rnam par smin pas mthong ba'i chos nyid la ngan song dag mthong ngo // // sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nye dga' dge 'dun gyi gsar bu yin pas de gral rims kyis khri ldeg pa zhig thob pa dang / de zhig gis dogs pas bla 'og ma bsgyur bar nyal lo/ /des bsams pa/ bdag nye dga' yin na khri la yang chags sam/ gal te mal cha 'am khri ma rjes na nye dga' zhes bya ba'i ming yang mi 'dogs so snyam nas de nang par sngar langs te yul ko sa la'i rgyal po gsal rgyal gyi drung du song ba dang des de la smras pa/ btsun pa nye dga' byon pa legs so/ /byon pa legs so/ /ji ga btsun pa nye dga' bde bar gzims sam/ des smras pa/ gsus po che khyod ji snyam du sems/ ji ltar bdag mal stan rim pa brgyad la nyal ba bzhin nye dga' yang de bzhin snyam 'am/ kho bo dge 'dun gyi gsar bu yin pas kho bo gral rims kyis khri ldeg pa zhig thob ste/ de zhig gis dogs nas kho bo bla 'og kyang mi sgyur bar nyal lo/ /btsun pa nye dga' mal cha stan rim pa brgyad po 'di 'dra ba rtags lags sam/ legs par rtags pa'o/ /shin tu brtags pa'o/ /gang du bkag sus bkag /gal te brtags pa lags na dbul gyis snoms la bzhud cig /nye dgas smras pa/ gsus po che ko sa la'i yul rnams kho bo dbang ngam ci/ gtsug lag khang du skyol la byin cig /des de la mi brgyad byin te/ de la bzhis ni mal stan rnams khyer/ bzhis khri khyer nas de dag srang gi dbus nas 'dong ba bram ze dang khyim bdag de dag gis mthong ngo / /mthong nas kyang dris pa/ shes ldan dag deng lha'i gzims mal gang du byed/ nye dgas smras pa/ nyid kyi pho brang du'o/ /gzims mal 'di gang du khyer/ nye dgas smras pa/ 'di dag ni bdag gis thob bo/ /shes ldan dag dge sbyong nye dga' ni 'dod pa'i yon tan gyis g.yen spyo 'am ci zhes de dag smod par byed/ gzhog 'phyas byed/ kha zer bar byed do/ /de gtsug lag khang du song nas gtsug lag khang chag chag btab phyag dar byas nas ba'i lci ba sar pa'i byug pas byugs te/ gnas mal bshams nas nyal bar bsams pa dang / bcom ldan 'das kyis kyang phyogs der byon to/ /de dga' ba skyes nas bcom ldan 'das la 'di skad ces gsol to/ /btsun pa bdag gis gnas mal ci 'dra ba mchis gzigs su gsol/ de nas bcom ldan 'das kyis dge slong rnams la bka' stsal pa/ dge slong dag thog ma nyid du rul pa sbed pa ni skyes bu gti mug nye dga' yin par rig par bya'o/ /bcom ldan 'das kyis dgongs pa/ nyes dmigs gang ci byung ba de ni dge slong dag khri stan mthon po dang khri stan chen po la nyal ba yin no/ / de lta bas na dge slong gis khri stan mthon po dang khri stan chen po la 'dug par mi bya'o/ /'dug na 'gal tshabs can du 'gyur ro/ /bcom ldan 'das kyis dge slong gis khri stan mthon po dang stan chen po la 'dug par mi bya'o zhes gsungs pa dang / khyim bdag gzhan zhig gis sangs rgyas la sogs pa dge slong gi dge 'dun khyim du spyan drangs te/ des khri stan mthon po dag bshams par brtsams so/ /tshe dang ldan pa kun dga' bo sngon rol nyid du son pa dang / des stan mthon po dag shom pa de mthong nas des de la smras pa/ khyim bdag stan 'di dag ni dge slong dang 'tsham pa ma yin gyis sdus shig /des de dag bsdu bar brtsams pa na bcom ldan 'das kyang der gshegs so/ /sangs rgyas bcom ldan 'das ni mkhyen bzhin du rmed pa yin pas/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo 'di ci zhig byed/ bcom ldan 'das khyim bdag 'dis chen po la 'os pa'i gdan dag shom nas bdag gis khyim bdag stan 'di dag ni dge slong dang 'tsham pa ma yin gyis 'di dag sdus shig ces bsgo ba dang de dag sdud pa lags so/ /kun dga' bo thams cad la 'byor ba yod pa ma yin gyis/ kun dga' bo khyim bdag stan shom pa ma zlog shig /de lta bas na rjes su gnang ste/ khyim du khri stan mthon po la 'dug par bya'i der nyal bar mi bya'o/ /gtsug lag khang du ni 'dug par mi bya'o/ /nyal bar yang mi bya ste/ 'dug gam nyal na yang 'gal tshabs can du 'gyur ro// // lho phyogs nas dge slong chos gos gsum pa gzhan zhig bcom ldan 'das kyi zhabs la phyag 'tshal du mnyan yod du 'ongs pa dang / de'i lpags pa'i gding ba bzang po de nye dgas mthong nas des de la smras pa/ bsod snyoms pa lpags pa kho bo la byin cig /kho bo bcom ldan 'das kyi zhabs la phyag 'tshal du 'gro'o/ /des smras pa/ btsun pa nye dga' 'gro yang rung mi 'gro yang rung / bdag bcom ldan 'das kyi zhabs la phyag 'tshal du 'dir 'ongs so/ / bsod snyoms pa khyod ji snyam du sems/ nye dgas 'o na 'di 'dra ba'i lpags pa rnyed par mi nus snyam 'am/ nga'i rnyed pa la ltos shig /btsun pa nye dga' khyod kyis gang gi phyir de nus pa de'i phyir kho bo mi 'bul lo/ /yul ko sa la'i rgyal po gsal rgyal gyi ba lang gi spyan byed pa chen po zhes bya ba dang tshe dang ldan pa nye dgar bshes pas de de'i gan du song ba na/ /ji tsam na sos ka'i dus su be'u bkra zhing bkra ba dag byung ngo / /des be'u gcig gi rgyab tu byugs pa dang / chen pos smras pa/ btsun pa nye dga' khyod be'u 'di'i ma'i 'o ma gsol bar bzhed dam ci/ des smras pa/ de yang 'dod mod kyi/ 'di 'dra ba'i lpags pa dge slong gang la yod pa ni sems las chung ngus bde bar dge ba'i phyogs la rab tu brtson par 'gyur ro/ /chen pos smras pa/ btsun pa nye dga' bka' stsal pas mjal kyis bzhud cig /de song ba dang chen pos phyugs rdzi la bsgo ba/ be'u 'di sod la khyod kyis lpags pa khyer te btsun pa nye dga' la phul cig /des be'u de bsad nas lpags pa khyer te song ba dang / ba de be'u de la gdung bas skad 'byin cing rjes bzhin du song ba las de rgyal byed kyi tshal du zhugs pa dang / ba de rgyal byed kyi tshal gyi sgo na skad 'byin cing 'dug go/ /sangs rgyas bcom ldan 'das rnams ni mkhyen bzhin du rmed pa yin pas/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo rgyal byed kyi tshal gyi sgo na ba 'di ci'i phyir skad 'byin cing 'dug /tshe dang ldan pa kun dga' bos gsol pa/ bcom ldan 'das btsun pa nye dgas be'u de'i lpags pa 'tshal ba'i slad du 'gums su stsal bas des na ba de rgyal byed kyi tshal gyi sgo na skad 'byin lags so/ /bcom ldan 'das kyis bka' stsal pa/ nyes dmigs gang ci byung ba de ni dge slong dag ko lpags 'chang ba yin gyis/ de lta bas na dge slong gis ko lpags bcang bar mi bya'o/ /bcangs na 'gal tshabs can du 'gyur ro/ /bcom ldan 'das kyis dge slong gis ko lpags bcang bar mi bya'o zhes gsungs pa dang / khyim bdag gzhan zhig gis sangs rgyas la sogs pa dge slong gi dge 'dun khyim du gdugs tshod la spyan drangs na khyim bdag des gdan gzhan bsham du med nas/ des ko lpags kyi gdan dag bsham par brtsams so/ /tshe dang ldan pa kun dga' bo nang par sngar langs te khyim bdag de'i khyim du song ba dang / des khyim bdag de ko lpags kyi gdan dag shom pa mthong nas smras pa/ khyim bdag stan 'di dag ni dge slong dang 'tsham pa ma yin gyis 'di dag sdus shig /des bsdu bar brtsams pa na bcom ldan 'das kyang der gshegs so/ /bcom ldan 'das rnams ni mkhyen bzhin du rmed pa yin pas/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo 'di ci zhig byed/ tshe dang ldan pa kun dga' bos gsol pa/ khyim bdag 'dis gdan gzhan bsham du ma 'byor nas de na ko lpags kyi gdan dag bshams pa dang / bdag gis khyim bdag gdan 'di dag ni dge slong dang 'tsham pa ma yin gyis 'di dag sdus shig ces bsgo nas/ de stan 'di dag sdud pa lags so/ /kun dga' bo thams cad la 'byor ba med pas kun dga' bo khyim bdag stan shom pa ma zlog shig /de lta bas na rjes su gnang ste/ khyim du ko lpags kyi stan bshams pa la 'dug par bya'i nyal bar ni mi bya'o/ /gtsug lag khang du ni 'dug par mi bya nyal bar mi bya ste 'dug gam nyal na 'gal tshabs can du 'gyur ro// // sangs rgyas bcom ldan 'das rgyal po'i khab 'od ma'i tshal bya ka lan da ka gnas pa na bzhugs so/ /tshe dang ldan pa pi lin da'i bu rab tu byung tshun chad nas rtag tu nad bu can nyid du gyur to/ /gnyen dag de'i drung du song ste son pa dang / des de dag la chos bshad do/ /de dag gis tshe dang ldan pa pi lin da'i bu la chos mnyan nas bud med kyi gan du 'ongs te smras pa/ 'phags pa pi lin da'i bus sbrang rtsi btsir ba lta bur chos snyan dgu zhig bshad do/ /de dag gis smras pa/ khyed cag gis tshe dang ldan pa de las chos mnyan pa ni sangs rgyas 'byung ba 'bras bu dang bcas pa yin no/ /khyed cag kyang nyan 'dod cing bdag cag der mchi bar ngo tsha'o/ /gal te 'phags pa bdag cag gi 'dir gshegs te chos bshad pa na bdag cag gis kyang de bzhin du mnyan no/ /de dag gis smras pa/ bdag cag 'phags pa pi lin da'i bu'i thad du song la zhu bar bya'o/ / zhes de dag tshe dang ldan pa pi lin da'i bu gang na ba der song ste phyin nas smras pa/ 'phags pa pi lin da'i bu bud med dag chos thos par 'tshal lo/ /des smras pa/ kho bos bkag gam ci nyon cig /de dag gis smras pa/ 'phags pa bud med de dag mchir ngo tsha lags so/ /gal te 'phags pa pi lin da'i bu de nyid du gshegs te chos bshad na de dag nyan par 'gyur ro/ /des smras pa/ shes ldan dag kho bo na bas rkang pas ni 'gro mi nus so/ /de dag gis smras pa/ 'phags pa bzhon pas gshegs/ bzhin bzangs dag bcom ldan 'das kyis rjes su ma gnang ngo / /skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de lta bas na rjes su gnang ste/ bzhon pas 'gro bar bya'o/ /bcom ldan 'das kyis bzhon pas 'gro bar bya'o zhes gsungs nas/ tshe dang ldan pa pi lin da'i bu bzhon pa la zhon nas lhan cig gnas pa dang nye gnas rnams kyis yongs su bskor cing dong ba drug sde rnams kyis mthong nas de dag gis dris pa/ shes ldan dag 'gro ba pha bi su zhig /de dag gis smras pa/ mkhan po yin no ci bcom ldan 'das kyis bzhon pa rjes su gnang ngam/ rjes su gnang ngo / /drug sde rnams kyis smras pa/ bcom ldan 'das kyi dgongs pa ni shAkya rnams shin tu gzhon pas rkang pas 'gro mi nus te/ bcom ldan 'das kyis bzhon pa rjes su gnang ngo snyam nas de rnams kyis gser dang / dngul dang / bai dUr+ya dang / shel gyis khra bor byas shing pad ma bzhin du byi dor byas pa'i bzhon pa dag nye bar bzhag ste/ de dag bzhon pa la zhon nas srang gi dbus nas lag pa bsgreng ste/ bram ze dang khyim bdag rnams la nad med par gyur cig ces zer zhing dong ngo / /de dag gis smras pa/ 'phags pa dag ci 'di dag bcom ldan 'das kyis rjes su gnang ngam/ rjes su gnang ngo / /de dag gis 'phags pa dge sbyong khyed cag ni 'dod pa'i yon tan gyis g.yen spyo ba yin no zhes smras pa'i skabs de bcom ldan 'das la dge slong rnams kyis gsol pa dang / bcom ldan 'das kyis dgongs pa/ nyes dmigs gang ci byung ba de ni dge slong dag bzhon pas 'gro ba yin te/ de lta bas na dge slong gis bzhon pas 'gro bar mi bya'o/ /de nyid nyes dmigs su gyur nas bcom ldan 'das kyis bka' stsal pa/ bzhon pas 'gro bar bya ba ni gnyis te rgas 'khogs nas nyam chung ba dang / na ste sbyor mi bzod pa'o// // dge slong rnams ljongs rgyu zhing dong ba las de dag gis chos gos dang lhung bzed thogs te chu rgal ba na dbus su phyin nas 'gro ma nus pa'i skabs de bcom ldan 'das la dge slong rnams kyis gsol ba dang / bcom ldan 'das kyis bka' stsal pa/ de lta bas na rjes su gnang ste/ dge slong gis rkyal bslab par bya'o/ /bcom ldan 'das kyis rkyal bslab par bya'o/ / zhes gsungs pa dang / drug sde rnams kyis chu bo a dzi ra ba ti la phar yang rkyal tshur yang rkyal ba dang / ji tsam phyugs rdzi bud med dag 'ongs pa de dag gis mthong nas smras pa/ sring mo tshur shog /khyed cag bdag cag gis bsgral lo/ /de dag gis de dag bsgral bar brtsams pa na de dag gis de dag gi yan lag dang nying lag dag la reg cing de dag gis de dag bsgral nas smras pa/ sring mo dag yang tshur sheg /kho bo cag gis phyir yang bsgral lo/ /de dag gis smras pa/ 'phags pa dag bdag cag gi yan lag dang nying lag dag la khyim thab kyis kyang ma reg na khyed cag gis reg par byas pas bdag cag slar ga la mchi zhes de dag smod par byed/ 'phya bar byed/ kha zer bar byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis dgongs pa nyes dmigs gang ci byung ba de ni dge slong dag bud med la reg par byed pa yin gyis/ de lta bas na dge slong gis bud med la reg par mi bya'o/ /reg na 'gal tshabs can du 'gyur ro/ /bcom ldan 'das kyis dge slong gis bud med la reg par mi bya'o zhes gsungs pa dang / grong khyer gyi mi rnams bskyed mos tshal la dga' bas de rnams bskyed mos tshal du dong ba dang / bud med cig chu chur song ba las de 'gred de chus khyer ro/ /de tshol du song ba'i mi des dge slong dag mthong nas 'phags pa bdag gi bud med chus khyer ba zhig gzigs sam/ mthong ste chus khyer ba pha bi yin no/ /pha bi de da ltar shi la thug na nyin thog thag tu chu la lta zhing 'khod dam zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dbyung bar bya'o/ /gzhan dag na re mthong shig ces zer na/ gal te mthu yod pa yin na gtang bar bya'o/ /gzhan dag g.yo ba med par gyur te de dag bye ma spungs pa la khas bub tu gzhag nas bor te dong ba dang was zos so/ /de bor te 'gro bar mi bya'o/ /de dag chags pa skyes pa dang / bcom ldan 'das kyis bka' stsal pa/ phyogs gzhan zhig na 'dug la gang dag kha ton zlos pa de dag gi ni kha ton byos shig /bsam gtan pa gang dag yin pa de dag gis ni yid la byos shig /dro yol du dogs na de na ba lang rdzi dang phyugs rdzi gang dag 'khod pa de dag la gtad nas 'gro bar bya'o// // drug sde dag gis khyim bdag gzhan zhig gi ba'i mjug ma la bzung nas/ ba'i 'o ma zad zad du phar rkyal tshur rkyal lo/ /des phyugs rdzi la dris pa/ de ring ci'i phyir 'o ma med/ des smras pa/ 'phags pa drug sde dag gis zhes bya ba nas de smod par byed/ 'phya bar byed/ kha zer bar byed ces bya ba'i bar gong ma bzhin te/ bcom ldan 'das kyis bka' stsal pa/ de lta bas na dge slong gis ba'i mjug ma las bzung ste rkyal bar mi bya'o/ /bcom ldan 'das kyis dge slong gis ba'i mjug ma las bzung ste rkyal bar mi bya'o zhes gsungs pa dang / dge slong chu rgal ba dag cig glang po che'i mjug ma nas bzung ste 'gro bar 'dod pa phongs par gyur nas/ bcom ldan 'das kyis bka' stsal pa/ mjug ma can lnga'i mjug ma las bzung ste/ glang po cang shes pa dang / rta cang shes dang / khyu mchog dang / ma he dang / g.yag gi'o/ /'on kyang rkyal bas rkyal bar bya'o/ /bcom ldan 'das kyis rkyal bas rkyal bar bya'o zhes gsungs pa dang / drug sde dag gis rkyal ba bud med dang skyes pa nyal po byed pa ri mor bris shing pad ma ltar byi dor byas pa dag byas pa dang / de dag bram ze dang khyim bdag dag gis mthong nas smras pa/ 'phags pa 'di ci lags/ de dag gis smras pa/ bcom ldan 'das kyis rkyal pa rjes su gnang ngo / /'phags pa dge sbyong khyed cag ni 'dod pa lnga'i yon tan gyis g.yen spyo 'am ci zhes de dag smod par byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge sbyong gis rkyal ba bud med dang skyes pa nyal po byed pa'i ri mor bris shing pad ma ltar byi dor byas pa dag bcang bar mi bya'o/ / 'on kyang rkyal ba gnyis bcang bar bya ste/ rtsis bskus pa dang / rkyal skya'o// // khyim bdag mgon med zas sbyin gyis 'khor gyi khyams shig brtsigs pa dang / chos mnyan par dge slong shing gi mchil lham gon pa dag lhags nas/ de dag gis shing gi mchil lham gyis sa gzhi bstar ba brud cing glog par gyur to/ /khyim bdag mgon med zas sbyin nang par sngar langs te bcom ldan 'das kyi zhabs la phyag 'tshal du 'ongs pa des mthong ngo / /mthong nas smras pa/ 'phags pa 'dir mdang gsum rgyal po gsal rgyal dpung gi tshogs yan lag bzhi dang rgongs btab bam/ de dag gis smras pa/ rgyal po ni ma yin mod kyi dge slong shing gi mchil lham gon pa dag cig 'ongs te/ de dag gis 'di ma rung bar byas so/ /de smod par byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis dgongs pa/ nyes dmigs gang ci byung ba de ni dge slong dag shing gi mchil lham 'chang ba yin gyis/ de lta bas na dge slong gis shing gi mchil lham bcang bar mi bya'o/ /bcom ldan 'das kyis dge slong gis shing gi mchil lham bcang bar mi bya'o zhes gsungs pa dang / khyim du dge slong rnams dbyar gnas par dam bcas pa las/ de dag gis mchil lham 'dam gyis rlan par gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong gis khyim gyi nang du shing gi mchil lham bcang bar bya'o/ /dge slong gis dge 'dun rnams la bram ze dang khyim bdag dad pa can dag gis shing gi mchil lham dag phul ba dang dge slong rnams kyis ma blangs so/ /de dag gis smras pa/ 'phags pa dag gang gi tshe bcom ldan 'das 'jig rten du ma byung ba de'i tshe mu stegs can rnams sbyin gnas su gyur to zhes bya ba'i bar du ste/ bcom ldan 'das kyis bka' stsal pa/ blang bar bya ste/ blangs nas dge 'dun gyi snam phyi sa 'am/ chab khung sar gzhag par bya'o// // 'dul ba gzhi/ bam po nyi shu gnyis pa/ sdom la/ smyug ma'i lo ma gro zhin dang / /rjes su gnang dang bsrungs phyir dang / /de bzhin bsegs su bcing ba dang / /rtse mo rting ba sbu gu can/ /bcom ldan 'das kyis dge slong gis shing gi mchil lham bcang bar mi bya'o zhes gsungs nas de dag smyug lo'i mchil lham 'chang ba dang / de nyid nyes dmigs su gyur nas/ bcom ldan 'das kyis bka' stsal pa/ smyug lo'i mchil lham bcang bar mi bya'o/ /de dag rtswa mun dza'i mchil lham 'chang ba dang / de nyid nyes dmigs su gyur nas/ bcom ldan 'das kyis bka' stsal pa/ rtswa mun dza'i mchil lham bcang bar mi bya'o/ /de dag srad bu'i mchil lham 'chang ba dang / de nyid nyes dmigs su gyur nas/ bcom ldan 'das kyis bka' stsal pa/ srad bu'i mchil lham bcang bar mi bya'o/ /dge slong dag dreg gis btab ste/ de dag shu ba byung bas ko ba'i mchil lham rlan par gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dreg gis thebs pa gang yin pa des srad bu'i mchil lham bcang bar bya'o/ /gang gi tshe gro zhin skyes bye ba nyi shu pa rab tu byung ba de'i tshe de'i rkang mthil la gser gyi kha dog 'dra ba'i spu sor bzhi tsam yod pa de drug sde dag gis mthong ngo / /mthong nas kyang de dag gis smras pa/ dga' bo nye dga' re shig mar sar gyi gong bu 'dra ba 'di gcig tu brtson pas bstan pa la rab tu byung nas ci zhig byed ces smras pa des thos so/ /des thos nas nga rgyal skyes te tshe dang ldan pa kun dga' bo'i drung du song ste phyin nas tshe dang ldan pa kun dga' bo la dris pa/ btsun pa kun dga' bo bcom ldan 'das kyis gcig tu brtson pas bstan pa la ting nge 'dzin yun ring du gnas par gsungs pa gang lags/ tshe dang ldan pa gro zhin skyes 'chag pas thob pa yin no/ /de bsil ba'i tshal gyi dur khrod du song nas 'chags sa bcas so/ /de 'chag pa na spu gser gyi kha dog 'dra ba sor bzhi tsam po dag kyang zad do/ /de'i 'og tu lpags pa rdol/ de'i 'og tu khrag byung ste/ de ji srid 'chag sa'i mgo gcig nas gcig shos su song gi bar du de'i 'chag sa'i mgo gcig na yang khwa dag khrag 'thung la gnyis pa na yang 'thung ngo / /chos nyid kyis sangs rgyas bcom ldan 'das rnams bzhugs shing 'tsho la gzhes pa ni dus dus su chu bor rgyu ba spyod do/ /zhes bya ba'i bar du rgyas par bya ste/ skabs 'dir ni sangs rgyas bcom ldan 'das gtsug lag khang du rgyu zhing gshegs pa yin pas tshe dang ldan pa gro zhin skyes bye ba nyi shu pa'i gtsug lag khang gang na ba der gshegs pa dang / bcom ldan 'das kyis gro zhin skyes bye ba nyi shu pa'i 'chag sa gzigs so/ /gzigs nas kyang sangs rgyas bcom ldan 'das rnams ni mkhyen bzhin du rmed pa yin pas mkhyen bzhin du rmed de/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo gcig tu brtson pa'i 'chag sa 'di dge slong gang gi yin/ gro zhin skyes bye ba nyi shu pa'i lags so/ /kun dga' bo de lta bas na rjes su gnang ste/ gro zhin skyes bye ba nyi shu pas rim pa gcig pa'i mchil lham bcang bar bya'o/ /rim gnyis pa ma yin/ rim gsum pa ma yin no/ /gal te rdol bar gyur na lhan pas btab ste bcang bar bya'o/ /de nas tshe dang ldan pa kun dga' bo tshe dang ldan pa gro zhin skyes bye ba nyi shu pa gang na ba der song ste son nas/ tshe dang ldan pa gro zhin skyes bye ba nyi shu pa la 'di skad ces smras so/ /tshe dang ldan pa shes par gyis shig ston pas khyod la mchil lham rim gcig pa rjes su gnang ste/ rim gnyis pa ma yin/ rim gsum pa ma yin no zhes bya ba rgyas par sbyar ro/ /btsun pa kun dga' bo dge 'dun thams cad la 'am/ 'on te bdag 'ba' zhig la/ khyod 'ba' shig la'o/ /btsun pa kun dga' bo ston pa'i bka' ni mi gcog na/ gal te bdag gis bcangs na gzhi des bdag la tshangs pa mtshungs par spyod pa dag e ma'o gro zhin skyes bye ba nyi shu pa rab tu byung nas ltog po zhig rnyed do/ /gang yang yul tsam pa thun mong ma yin pa dang glang po che bdun gyi tshogs spangs te rab tu byung la/ deng mchil lham the gi ba tsam la chags pa lta zhes gleng bar 'gyur te/ de lta mod kyi gal te bcom ldan 'das kyis bdag la bltos te dge 'dun thams cad la rjes su gnang na bdag gis de bzhin du bcang bar bya'o zhes pa'i skabs de bcom ldan 'das la tshe dang ldan pa kun dga' bos rgyas par gsol pa dang / bcom ldan 'das kyis bka' stsal pa/ de lta bas na rjes su gnang ste/ gro zhin skyes bye ba nyi shu pa la bltos nas dge 'dun thams cad kyis rim gcig pa'i mchil lham bcang bar bya ste/ rim gnyis pa ma yin zhes rgyas par sbyar ro/ /bcom ldan 'das kyi spyan snga na rgan zhugs mchil lham can gzhan zhig 'chag par byed pa dang / de nas bcom ldan 'das kyis dge slong de la 'di skad ces bka' stsal to/ /dge slong phar song nga'i spyan snga na ma 'dug cig /de nas bcom ldan 'das kyis dge slong rnams la bka' stsal pa/ dge slong dag re shig 'jig rten thams cad kyi zang zing dang 'dres pa'i ston pa gang yin pa/ ston pa de'i nyan thos rnams kyang 'di ltar myur ba myur bar ltung bar 'gyur ba'i brtul zhugs mi spyod na/ nga 'jig rten thams cad kyi zang zing dang bral bar gnas pa'i lta smos kyang ci dgos/ bcom ldan 'das kyis dgongs pa nyes dmigs gang ci byung ba de ni dge slong dag mchil lham 'chang ba yin te/ de lta bas na dge slong gis mchil lham bcang bar mi bya'o/ /bcom ldan 'das kyis dge slong gis mchil lham bcang bar mi bya'o zhes gsungs pa dang / gar mkhan gzhan zhig rab tu byung ba de'i chu snod chag nas de rkang pa bkru ba'i gnas su rkang pa bkrus nas kha'i nang chus bkang ste/ rma bya'i 'gros su song ba de drug sde rnams kyis mthong nas de rnams kyis smras pa/ tshe dang ldan pa dag rol mo'i sgra med par dge slong gar byed kyis rol mo'i sgra bya'o zhes de rnams kyis khas rol mo'i sgra bya bar brtsams so/ /de rnams la dge slong dag gis smras pa/ tshe dang ldan pa dag ci ma grangs pa byed dam/ de rnams kyis smras pa/ 'di la ma grangs su ci zhig yod khyed kyis rol mo'i sgra med par dge slong gar byed pa mthong ngam zhes bya ba'i skabs de bcom ldan 'das la dge slong rnams kyis gsol pa dang / bcom ldan 'das rnams ni mkhyen bzhin du rmed pa yin pas mkhyen bzhin du rmed de/ sangs rgyas bcom ldan 'das kyis dge slong de la rmas pa/ dge slong khyod kyis bsam pa ci zhig gis de lta bu byas/ btsun pa gnas mal bsrungs pa'i slad du'o/ /dge slong 'di gnas mal bsrung ba'i phyir de lta bu byed pa la ltung ba med de/ de lta bas na rjes su gnang ste/ gnas mal bsrung ba'i phyir rim gcig pa'i mchil lham bcang bar bya'o/ /rim gnyis pa ma yin/ rim gsum pa ma yin/ gal te rdol bar gyur na lhan pas btab ste bcang bar bya'o/ /bcom ldan 'das kyis rim gcig pa'i mchil lham bcang bar bya'o zhes gsungs pa dang / bsod snyoms pa gzhan zhig la khyim bdag gcig dad par gyur to/ /de nang par sngar langs te mchil lham med par mnyan yod du bsod snyoms la zhugs so/ /de mchil lham med pa khyim bdag des mthong ngo / /mthong nas smras pa/ 'phags pa la mchil lham ma mchis sam/ tshur spyon lham mkhan gyi drung du bzhud/ mchil lham gcig 'bul du stsal to/ /de lham mkhan gyi drung du song nas des lham mkhan la smras pa/ kye nang rje 'phags pa 'di la mchil lham gcig phul cig ces bsgo nas song ngo / /de'i tshe dge slong rnams dang / shi ba rnams dang gnyis kyi phyir mchil lham rim gcig pa dag byas so/ /dge slong de yang yang du lham mkhan gyi drung du song yang ma byin no/ /dus gzhan zhig na khyim bdag des yang dge slong mchil lham med pa mthong ngo / /mthong nas kyang smras pa/ 'phags pa khyod la lham mkhan gyis mchil lham ma phul lam/ khyim bdag lham mkhan la bden par smra ba dkon par khyod kyis ma thos sam/ yang dang yang song yang ma byin no/ /des smras pa/ 'phags pa tshur spyon khyim du bzhud/ des khyim du khrid nas kha zas bsod pas tshim par byas te rim pa mang po can gyi mchil lham zhig byin no/ /dge slong gis smras pa/ khyim bdag bcom ldan 'das kyis rjes su ma gnang ngo / /des 'phags pa snoms te bzhud la rim gcig pa'i mchil lham mdzod la gsol cig /des de khyer te gnas khang du song nas des de dang gri blangs te shing drung du 'dug nas dral bar brtsams so/ /bcom ldan 'das kyang phyogs der byon nas dge slong ci byed/ bcom ldan 'das kyis rim pa mang po can gyi mchil lham bkag na bdag la rim pa mang po can 'di lta bu grub ste/ rim pa gcig par bgyis la bcad bar bgyi'o/ /de nas bcom ldan 'das 'di snyam du e ma'o nga'i nyan thos rnams la bram ze dang / khyim bdag dad pa can dag gis rim pa mang po'i mchil lham ster ba lta snyam du dgongs nas/ de lta bas na rjes su gnang ste/ mchil lham rim pa mang po can khyim pa'i dman ma yin phan chad bcang bar bya'o/ /tshe dang ldan pa nye bar 'khor gyis zhus te zhes bya ba'i bar du ste/ btsun pa bcom ldan 'das kyis mchil lham rim pa mang po can khyim pa'i dman ma yin phan chad bcang bar bya'o zhes gsungs na/ btsun pa ji tsam gyis na khyim pa'i dman ma lags par brjod par bgyi/ nye bar 'khor tha na gom pa bdun nam brgyad bgos par gyur na yang yin no/ /gleng gzhi ni yangs pa can na'o/ /de'i tshe yangs pa can na 'di lta bu'i mchil lham dag byed de/ 'di lta ste/ khrig khrig /tshig tshig chem chem zhes zer ba lug ru 'am/ byang chub kyi shing gi lo ma lta bu khra bo kar Sha pa Na lnga ri ba dag byed do/ /drug sde dag gis mchil lham gon pa zhig mthong nas de dag gi rting pa rkang pa'i mthe bos mnan nas ltag pa nas phul te khyod kyis sbyin pa 'di phul bas sems kyi rgyan dang / sems kyi yo byad dang / rnal 'byor gyi tshogs dang / don gyi mchog sangs rgyas nyid thob par gyur cig ces byas nas blangs pa dang / phyogs kun du 'phags pa dag ni lham de lta bu 'phrog go / zhes sgra grags so/ /rgan mo zhig gi rmag pa zhig 'ongs pa dang / de la des mchil lham zhig byin nas 'phags pa dag mchil lham 'phrog gis ji nas kyang 'phrog par mi 'gyur bar bag yod par gyis shig ces bsgo'o/ / phyis bsod snyoms pa zhig bsod snyoms kyi phyir zhugs pa des mthong nas de khyim zhig tu zhugs so/ /de yang de nyid du zhugs pa dang / khyim de nas byung nas khyim gzhan zhig tu zhugs so/ /bsod snyoms pas kyang de nyid du zhugs pa dang / des smras pa/ 'phags pa khyod don ci'i phyir kho bo'i rjes bzhin du 'brang ba ci mchil lham 'di dbrog par bzhed mod/ bzhin bzangs khyod kyi mchil lham kho bo mi 'phrog ste/ 'on kyang kho bo bsod snyoms kyi phyir zhugs so/ /des smras pa/ 'phags pa 'phrog kyang rung mi 'phrog kyang rung ste/ 'on kyang phyogs kun tu 'phags pa khyed cag mchil lham 'phrog go zhes sgra grags pa'i skabs de bcom ldan 'das la dge slong rnams kyis gsol pa dang / de nas bcom ldan 'das 'di snyam du dgongs te/ nyes dmigs gang ci byung ba de ni dge slong dag mchil lham khrig khrig ces bya ba nas de lta bas na dge slong gis mchil lham khrig khrig zer ba bcang bar mi bya'o zhes bya ba'i bar rgyas par sbyar ro/ /de lta bu bcang bar mi bya'o/ /dge slong gis de lta bu'i mchil lham bcangs na 'gal tshabs can du 'gyur ro/ /gleng gzhi ni mnyan yod na'o/ /de'i tshe dge slong rnams mchil lham gyis rkang pa'i bol rma byung ba bram ze dang khyim bdag rnams kyis mthong nas/ khyed cag gi zhabs kyi bol ji zhig gis rma byung bar gyur/ mchil lham gyis so/ /ci khyed cag gis bsegs su bcings nas ma bcangs sam/ bcom ldan 'das kyis rjes su ma gnang ngo zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de lta bas na rjes su gnang ste/ bsegs su bcings nas bcang bar bya'o/ /dge slong rnams bya rgod kyi phung po'i ri la 'dzeg pa na rkang pa'i mthe bor rma byung ngo / /de dag bram ze dang khyim bdag dag gis mthong nas smras pa/ khyed cag gi zhabs mthe bo la ci zhig gis rma byung / bya rgod kyi phung po'i ri la 'dzeg pa na'o/ /ci khyed cag gis mchil lham gyi rtse mo sbu bu can ma bcangs sam/ bcom ldan 'das kyis rjes su ma gnang ngo zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de lta bas na rjes su gnang ste/ dge slong gis mchil lham rtse mo sbu bu bcang bar bya'o/ /dge slong rnams bya rgod kyi phung po'i ri las babs pa na rkang pa'i rting pa rma byung ba bram ze dang khyim bdag rnams kyis mthong nas smras pa/ 'phags pa khyed cag rnams kyi zhabs kyi rting pa ci zhig gis rma byung / bya rgod kyi phung po'i ri las babs pa na'o/ /ci khyed cag gis mchil lham gyi rting pa sbu bu can ma bcangs sam/ bcom ldan 'das kyis rjes su ma gnang ngo zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de lta bas na rjes su gnang ste/ dge slong gis mchil lham gyi rting pa sbu bu can bcang bar bya'o// // sdom la/ mgul chad dang ni yu'u thung lham/ /kha khrod dag tu sgrog gu can/ /dom gyi lpags pa gnang ba dang / /smyung bu 'breng bu chu gri'o/ /gleng gzhi ni mnyan yod na'o/ /dge slong rnams rtswa'i myu gus rkang pa rma byung ba dag bram ze dang khyim bdag rnams kyis mthong nas smras pa/ 'phags pa dag khyed cag gi zhabs ci zhig gis rma byung / rtswa'i myu gus so/ /ci khyed cag gis lham mgul chad ma bcangs sam/ bcom ldan 'das kyis rjes su ma gnang ngo zhes bya ba'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de lta bas na rjes su gnang ste/ lham mgul chad bcang bar bya'o/ / gang gi tshe rtswa'i myu gu dag cher skyes pa de'i tshe dge slong rnams kyi rkang pa de bas kyang rma cher byung ba bram ze dang khyim bdag rnams kyis mthong nas smras pa/ khyed cag gi zhabs ci zhig gis rma byung / de rnams kyis smras pa/ rtswa'i myu gu dag cher skyes pas bdag cag gi rkang pa de bas kyang rma cher byung ngo / /'phags pa rnams ci khyed cag gis lham yu'u thung ma bcangs sam/ bcom ldan 'das kyis rjes su ma gnang ngo zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de lta bas na rjes su gnang ste/ lham yu'u thung bcang bar bya'o/ /gang gi tshe skyes bu gti mug 'phags skyes pos ser skya na gnas pa'i shAkya rnams kha btag pa na/ de dag las kha cig nub phyogs su dong ba nas/ kha cig bal yul gyi bar du dong ngo / /mnyan yod pa'i don mthun dag zong thogs te bal yul du lhags pa dang / de dag gis de rnams mthong nas smras pa/ shes ldan dag khyed cag gang nas da 'dir lhags/ de rnams kyis smras pa/ mnyan yod nas so/ /bdag cag gi gnyen 'phags pa kun dga' bo yod na lan 'ga' yang 'phags pa kun dga' bo 'dir 'ongs te bdag cag la gtam ma dris so/ /de rnams kyis smras pa/ bdag cag gi 'phags pa kun dga' bo'i drung du song la sbran par bgyi'o/ /de rnams kyis zong rnams bsgyur ba'i zong dag khyer te mnyan yod du lhags nas de rnams kyis 'phags pa kun dga' bo la smras pa/ 'phags pa kun dga' bo khyod kyi gnyen bal yul na mchis te de dag khyod mthong bar 'tshal lo/ /tshe dang ldan pa kun dga' bo ni gnyen la gdung ba yin pas de gnyen dag la blta ba'i phyir bal yul du song ba las/ de lhags pas lag pa dang rkang pa ser ga byung ba dang / de la dge slong rnams kyis smras pa/ tshe dang ldan pa kun dga' bo pad ma'i 'dab ma ral ba bzhin du khyod kyi lag pa dang rkang pa ci zhig gis ser ga byung bar gyur/ des smras pa/ lhags pas so/ /khyod kyi gnyen dag ni lham sgro gu can ci ste 'chang / khyod ni ci'i phyir mi 'chang / bcom ldan 'das kyis rjes su ma gnang ngo zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de lta bas na rjes su gnang ste/ yul kha ba can rnams su lham sgro gu can bcang bar bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa bcom ldan 'das kyis yul kha ba can rnams su lham sgro gu can bcang bar bya'o zhes gsungs pa gang lags pa/ btsun pa ji tsam gyis yul kha ba can du brjod par bgyi/ /nye bar 'khor gang na snod du chu 'khyag pa yin no/ /dge slong gzhan zhig la rngon pa zhig dad par gyur nas/ rngon pa des dom lpags shig rnyed pa dge slong de la phul ba dang des ma blangs so/ /des dge slong de'i phyi bzhin 'brang zhing smras pa/ 'phags pa bdag gis dom lpags rnyed pa khyod la 'bul gyis bzhes shig /dge slong des ma blangs so/ /bcom ldan 'das kyang phyogs der gshegs te/ sangs rgyas bcom ldan 'das rnams ni mkhyen bzhin du rmed pa yin pas mkhyen bzhin du rmed de/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo dge slong 'o ni'i phyi bzhin du rngon pa pha bi ci ste 'brang / btsun pa rngon pa des dom lpags shig rnyed nas/ des dge slong 'o ni la stsal pa las/ dge slong gis de ma blangs pa dang rngon pa de dge slong 'o ni'i phyi bzhin 'brang zhing mchi'o/ /bcom ldan 'das kyis bka' stsal pa/ kun dga' bo rngon pa dad pa can ni dkon te/ gal te brgya 'am stong zhig dang phrad na thams cad gsod pa yin pas/ de bas na gal te rngon pas dom lpags byin na blang bar bya'o/ /blangs nas dri gtsang khang gi sgo 'am/ rkang pa'i 'og tu gding bar bya ste/ dom lpags thams cad ni mig la phan no/ /dge slong gzhan zhig mchil lham ral nas de lham mkhan gyi drung du song ste son nas smras pa/ bzhin bzangs bdag gi mchil lham ral ba rgyus te bdag la byin cig /lham mkhan gyis bsams pa/ shAkya'i sras kyi dge sbyong rnams ni rngan pa med par 'tshol gyis yun ring du bsgyangs pa dang / rang gi blo slar ldog par 'gyur ro snyam nas/ 'phags pa bdag brel gyis sang spyon cig /dge slong de yang dang yang du lham mkhan de'i drung du song yang des bsgyangs pa dang / de mdza' bshes dge slong rnams kyis mthong nas de la smras pa/ tshe dang ldan pa ci de na khyed kyi zas sbyor ba'i khyim yod dam/ 'on te gnyen gyi khyim yod/ des smras pa/ de na bdag gi zas sbyor ba'i khyim yang med/ gnyen gyi khyim yang med mod kyi bdag gi mchil lham ral nas bdag gis de la rgyus te byin cig ces smras na des bsgyangs so/ / des smras pa/ lham mkhan la bden par smra ba dkon par khyod kyis ma thos sam/ 'on kyang bdag shes kyis gal te bcom ldan 'das kyis rjes su gnang na bdag gis brgyus te khyod la sbyin no zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong gang zhig shes pa yod na des gang du gzhan gyis mthong na mi dad par mi 'gyur ba dben pa'i phyogs su 'dug ste brgyu bar bya'o/ /de de'i drung du song ste smras pa/ bcom ldan 'das kyis rjes su gnang gis rgyus shig /des smras pa/ ci 'di de bzhin du brgyur rung snyam 'am/ de la re shig smyung bu dang / dra gri dang / 'breng bu yang dgos so zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong gang zhig shes pa yod na des smyung bu dang / 'breng bu ni bcang bar bya'o/ chu gri ni bcang bar mi bya'o/ /ko lpags kyi gzhi rdzogs s+ho// // sman gyi gzhi'i bsdus pa'i sdom la/ sman dag dang ni sde chen dang / /rgyal po'i khab dang 'od ma'i tshal/ /shing mkhan yid tsa nang ga la/ /kam bi la dang sngon rgyal po'o/ /gzhon nu 'phel dang nad pa dang / /gtam du gyur dang sder bsdus so// // sdom la/ sman ni rjes su gnang ba dang / /tshil dang g.yan pa mig sman dang / smyon pa dang ni pi lin da/ /nam gru dang ni skyur khu'o/ /sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong rnams ston ka'i nad kyis thebs te/ de rnams ston ka'i nad kyis btab pas skya bo bseng bseng por gyur cing rid pa dang / nyam chung ba dang / na bas nyam dmas par gyur to/ /sangs rgyas bcom ldan 'das rnams ni mkhyen bzhin du rmed pa ste/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo ci'i phyir da ltar dge slong 'di rnams skya bo bseng bseng por gyur cing rid pa dang / nyam chung ba dang / na bas nyam dmas par gyur tshe dang ldan pa kun dga' bos gsol pa/ btsun pa dge slong 'di rnams ston ka'i bro nad kyis btab ste/ 'di rnams ston ka'i bro nad kyis btab pas skya bo bseng bseng por gyur cing rid pa dang / nyam chung ba dang / bro 'tshal bas nyam dmas par gyur to/ /bcom ldan 'das kyis bka' stsal pa/ kun dga' bo de lta bas na rjes su gnang ste/ dge slong gis sman so sor bsten par bya'o/ /bcom ldan 'das kyis dge slong gis sman so sor bsten par bya'o/ /zhes gsungs pa dang / de rnams dus su za ba yin pas dus su sten par byed kyis/ dus las yol bar sten par mi byed pas de rnams skye bo bseng bseng por gyur cing rid pa dang / nyam chung ba dang / na bas nyam dmas par gyur to/ /sangs rgyas bcom ldan 'das ni mkhyen bzhin du rmed pa yin pas/ sangs rgyas bcom ldan 'das kyis tshe dang ldan pa kun dga' bo la smras pa/ kun dga' bo ngas dge slong gis sman so sor bsten par bya'o zhes bka' stsal na/ 'on kyang da ltar dge slong 'di rnams skya bo bseng bseng por gyur cing rid pa dang / nyam chung ba dang / na bas nyam dmas par gyur tam/ tshe dang ldan pa kun dga' bos gsol pa/ bcom ldan 'das kyis dge slong gis sman so sor bsten par bya'o zhes gsungs pa 'di dag dus su 'tshal ba lags pas dus su sten par bgyid kyi dus las yol bar mi sten te/ de'i slad du skya bo bseng bseng por gyur cing rid pa dang / nyam chung ba dang / bro 'tshal bas nyam dmas par gyur lags so/ /kun dga' bo de lta bas na rjes su gnang ste/ dge slong rnams kyis sman rnam pa bzhi po dus su rung ba dang / thun tshod du rung ba dang / zhag bdun pa dang / 'tsho ba'i bar du bcang ba so sor bsten par bya'o/ /de la dus su rung ba ni 'deg gu dang / 'bras chan dang / zan dron dang / sha dang / snum khur ro/ /thun tshod du rung ba ni btung ba rnam pa brgyad po shing thog tso tsa'i btung ba dang / chu shing gi 'bras bu'i btung ba dang / rgya shug gi btung ba dang / a shwad tha'i btung ba dang / u dum 'ba' ra'i btung ba dang / pa ru sha ka'i btung ba dang / rgun 'bru'i btung ba dang / 'bra go'i btung ba'o// //bar sdom la/ tso tsa chu shing rgya shug dang / /a shwad u dum 'ba' ra dang / /ba ru sha ka rgun 'bru dang / /brgyad pa yang ni 'bra go yin/ /zhag bdun pa ni mar dkar dang / / til mar dang / bu ram gyi dbu ba dang / sbrang rtsi dang / sha kha ra'o/ /'tsho ba'i bar du bcang ba ni rtsa ba'i sman dang / sdong bu'i sman dang / lo ma'i sman dang / me tog gi sman dang / 'bras bu'i sman dang / trang chu lnga dang / thal ba lnga dang / lan tshwa lnga dang / bska ba lnga'o/ / de la rtsa ba'i sman ni glas gang dang / shu dag dang / yung dang / sge'u gsher dang / bong dkar po dang / gzhan yang rtsa ba'i sman gyi nang du gtogs pa zas kyi don du mi 'gyur ba gang yin pa'o/ /sdong bu'i sman ni tsan dan dang / dbyi mo dang / shug pa dang / thang shing dang / sle tres dang / skyer pa dang / gzhan yang rtsa ba'i sman gyi nang du gtogs pa zas kyi don du mi 'gyur ba gang yin pa'o/ /lo ma'i sman ni pa to la'i lo ma dang / ba sha ka'i lo ma dang / nim pa'i lo ma dang / ko sha ta ga'i lo ma dang / sab ta par+Na'i lo ma dang / gzhan yang lo ma'i sman gyi nang du gtogs pa'i zas kyi don du mi 'gyur ba gang yin pa'o/ /me tog gi sman ni me tog lnga po ba sha ka'i me tog dang / nim ba'i me tog dang / d+ha ka'i me tog dang / sha ta'i me tog dang / pad ma ke sa ra'i me tog dang / /gzhan yang me tog gi sman gyi nang du gtogs pa zas kyi don du mi 'gyur ba gang yin pa'o/ /'bras bu'i sman ni a ru ra dang / skyu ru ra dang / ba ru ra dang / na le sham dang / pi pi ling dang / gzhan yang 'bras bu'i sman gyi nang du gtogs pa zas kyi don du mi 'gyur ba gang yin pa'o/ /trang chu lnga ni shing kun dang / sra rtsi dang / rgya skegs dang / spra tshil dang / drod sman no/ /de la shing kun ni shing kun gyi trang chu'o/ /sra rtsi ni shing sa la'i trang chu'o/ /rgya skegs ni rgya skegs so/ /spra tshil ni spra tshil lo/ /drod sman ni de dag las gzhan pa'i shing rnams kyi trang chu'o/ /thal ba lnga gang zhe na/ nas kyi thal ba dang / nas kyi phub ma'i thal ba dang / shings rdzi ka'i thal ba dang / til gyi thal ba dang / shing 'ba' shig ka'i thal ba'o/ /lan tshwa lnga gang zhe na/ rgyam tshwa dang / lan tshwa smug po dang / kha ru tshwa dang / lan tshwa dang / rgya mtsho'i lan tshwa'o/ /bska ba lnga gang zhe na/ a mra'i bska ba dang / nim pa'i bska ba dang / 'dzam bu'i bska ba dang / sha ri sha'i bska ba dang / ko sham pa'i bska ba'o/ /de la dus su rung ba gang yin pa dang / thun tshod du rung ba gang yin pa dang / zhag bdun pa gang yin pa dang / 'tsho ba'i bar du bcang ba gang yin pa de dus su rung ba dang 'dres par gyur na dus su spyad par bya'i dus ma yin par longs spyad par mi bya'o/ /dus su rung ba gang yin pa dang / thun tshod du rung ba gang yin pa dang / zhag bdun pa gang yin pa dang / 'tsho ba'i bar du bcang ba gang yin pa de gal te thun tshod du rung ba dang 'dres par gyur na thun tshod la yongs su spyad par bya'i thun tshod las 'das par spyad par mi bya'o/ /zhag bdun pa gang yin pa dang / 'tsho ba'i bar du bcang ba gang yin pa de zhag bdun pa dang 'dres par gyur na zhag bdun spyad par bya'i zhag bdun las 'das par spyad par mi bya'o/ /'tsho ba'i bar du bcang ba ni 'tsho ba'i bar du bcang bar byin gyis brlabs nas yongs su spyad par bya'o/ /byin gyis brlab pa ni 'di ltar bya ste/ zan ma zos pa'i mdun du lag pa gnyis bkrus nas byin len byas te/ dge slong zhig gi mdun du 'dug nas 'di skad ces brjod par bya'o/ /tshe dang ldan pa dgongs su gsol/ bdag cag ming 'di zhes bgyi ba'i sman ni bdag dang tshangs pa mtshungs par spyod pa rnams kyi don du 'tsho ba'i bar du bcang bar byin gyis brlab bo/ /de bzhin du lan gnyis lan gsum du brjod do/ /'tsho ba'i bar du bcang ba byin gyis brlab pa ji lta ba de bzhin du thun tshod du rung ba dang / zhag bdun pa yang byin gyis brlab par bya'o/ /gleng gzhi ni mnyan yod na'o/ /de nas dge slong gzhan zhig rlung nad kyis thebs nas des sman pa'i drung du song ste/ bzhin bzangs kho bo 'di 'dra ba'i nad kyis btab na sman ston cig /des smras pa/ 'phags pa tshil sten cig dang khyod sos par 'gyur ro/ /dge slong gis smras pa/ bzhin bzangs ci kho bo 'dre yin nam/ sman pas smras pa/ dge slong khyod kyi sman 'di yin te gzhan gyis ni sos par mi nus so zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ gal te sman pa na re dge slong khyod kyi sman 'di yin te gzhan gyis ni sos par mi nus so zhes smra na tshil bsten par bya'o/ /dge slong dag gis ma shes nas sman pa la dris pa dang / des smras pa/ 'phags pa khyed cag gi ston pa thams cad mkhyen pa yin gyis/ de kho na'i drung du bzhud la zhus shig /skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ tshil lnga so sor bsten par bya ste/ lnga gang zhe na/ nya tshil dang / sbal pa dkar po'i tshil dang / chu srin byis pa gsod kyi tshil dang / dom tshil dang / phag gi tshil lo/ /tshil 'di lnga dus ma yin par btsos pa dang / dus ma yin par btsags pa dang / dus ma yin par byin len byas pa dang / dus ma yin par byin gyis brlabs na longs spyad par mi bya'o/ /dus su btsos la dus ma yin par btsags/ dus ma yin par byin len byas/ dus ma yin par byin gyis brlabs na longs spyad par mi bya'o/ /dus su btsos dus su btsags dus ma yin par byin len byas/ dus ma yin par byin gyis brlabs na spyad par mi bya'o/ /dus su btsos/ dus su btsags/ dus su byin len byas la dus ma yin par byin gyis brlabs na spyad par mi bya'o/ /dus su btsos dus su btsags/ dus su byin len byas/ dus su byin gyis brlabs na til mar la spyod pa bzhin du zhag bdun du spyad par bya'o/ /de nas dge slong des tshil longs spyad nas sos par gyur to/ /de sos par gyur pa dang / des tshil gyi lhag ma dag bor ro/ /ji tsam na dge slong gzhan zhig de 'dra ba'i nad kyis thebs nas de yang sman pa'i drung du song nas smras pa/ bzhin bzangs kho bo la 'di 'dra ba'i nad kyis btab kyis sman ston cig /des de la yang tshil bstan pa dang / de dge slong de'i drung du song nas smras pa/ tshe dang ldan pa khyod kyis tshil spyad pa kho bo la yang sman pas/ bstan na tshil lhag pa lta cung zad yod dam/ des smras pa/ bdog bdog pa las bdag gis de bor ro/ /ma legs pa shig byas so/ / zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong gis tshil longs spyad pa'i lhag ma bor bar mi bya ste/ 'on kyang bcang bar bya'o/ /des dge slong tshil 'chang ba'i kun du spyod pa'i chos bca' bar bya ste/ tshil 'chang ba'i dge slong gis tshil spyad pa'i lhag ma dge slong gzhan la sbyin par bya'o/ /gal te ma byin na sman khang du gzhag par bya ste/ su 'dod pa des blang bar bya'o/ /tshil 'chang ba'i dge slong gis kun du spyod pa'i chos ji ltar bcas par yang dag par blangs nas 'jug par mi byed na 'gal tshabs can du 'gyur ro/ /bcom ldan 'das mnyan yod na bzhugs so/ /de'i tshe dge slong gzhan zhig g.yan pa'i nad kyis thebs nas/ des sman pa'i drung du song ste/ bzhin bzangs kho bo g.yan pa'i nad kyis btab kyis sman ston cig des smras pa/ 'phags pa bska ba sten cig dang khyod sos par 'gyur ro/ /bzhin bzangs ci kho bo 'dod pa la spyod pa yin nam/ des smras pa/ dge slong khyod kyi sman 'di yin te gzhan gyis ni sos par mi nus so zhes pa'i skabs de bcom ldan 'das la dge slong rnams kyis gsol pa dang zhes bya ba'i bar gong ma bzhin du ste/ khyod kyi ston pa ni thams cad mkhyen pa yin pas/ de kho nas mkhyen par 'gyur zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ bska ba ni lnga ste a mra'i bska ba zhes bya ba nas gong ma bzhin du'o/ /dge slong des bska ba dag 'deg gur byas te lus la byugs pa las rma mched nas bcom ldan 'das kyis bka' stsal pa/ phye ma bya'o dge slong dag rlon pa la btags pas ri lur gyur pa dang / bcom ldan 'das kyis bka' stsal pa/ bskam par bya'o/ /de dag gis nyi ma la bskams pa dang / mthu nyams par gyur nas bcom ldan 'das kyis bka' stsal pa/ nyi ma la bskam par mi bya'o/ /de dag gis grib ma la bskams pa dang 'on kyang rul bar gyur nas bcom ldan 'das kyis bka' stsal pa/ nyi ma'i grib mas bskam par bya'o/ /dge slong gis bska bas lus byugs nas bska ba'i bya ba mi byed do/ /bcom ldan 'das kyis bka' stsal pa/ lag pas ji tsam chog gi bar du dril nas khrus bya'o/ /bkrus nas slar yang bska bas bskus nas bkrus na bska ba'i bya ba byed par 'gyur ro/ / dge slong des bska bas bskus pa dang nad zhi bar gyur to des bska ba'i lhag ma bor ro/ /ji tsam na dge slong gzhan zhig de 'dra ba'i nad kyis thebs nas de yang sman pa'i drung du song ste zhes bya ba nas gong ma bzhin du ste kho bos de ni bor ro/ /ma legs pa zhig byas so zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ ngas bska ba 'chang ba'i dge slong gi kun du spyod pa'i chos bca' bar bya ste/ bska ba 'chang ba'i dge slong gis bska ba spyad pa'i lhag ma dge slong su slong ba de la sbyin par bya'o/ /gal te ma byin na sman khang du gzhag bar bya'o/ /bska ba bcang ba'i dge slong gis kun du spyod pa'i chos ji ltar bcas pa yang dag par blangs te 'jug par mi byed na 'gal tshabs can du 'gyur ro/ /gling gzhi ni mnyan yod na'o de'i tshe dge slong gzhan zhig mig nad kyis thebs nas de sman pa'i drung du song ste bzhin bzangs kho bo mig nad kyis thebs par gyur na kho bo la sman ston cig /des smras pa/ 'phags pa mig sman so sor sten cig dang khyed sos par 'gyur ro/ /bzhin bzangs ci kho bo 'dod pa la spyod dam 'phags pa khyod kyi sman 'di yin te gzhan gyis ni sos par mi nus so zhes bya ba'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ gal te sman pa na re sman 'di yin te gzhan gyis ni sos par mi nus so zhes zer na mig sman bsten par bya'o/ / dge slong dag gis mig sman gang bsten par bya ba ma shes nas de dag gis sman pa la dris pa dang des smras pa 'phags pa khyod nyid kyi ston pa thams cad mkhyen pa yin gyis zhes bya ba'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ mig sman ni lnga ste/ me tog gi mig sman dang khu ba'i mig sman dang phye ma'i mig sman dang ri lu'i mig sman dang / btsag yug snam gyi mig sman no/ /de nas dge slong des mig sman de bsten nas sos par gyur to/ /des mig sman gyi lhag ma gar bab bab tu bzhag pa las de chud zos par gyur to/ /ji tsam na dge slong gzhan zhig mig nad kyis thebs nas des kyang sman pa la dris pa dang / des de la yang mig sman de nyid bstan to/ /de dge slong de'i drung du song nas tshe dang ldan pa kho bo yang mig nad kyis btab par gyur na khyod la mig sman gyi lhag ma cung zad yod dam/ des brtsal bar brtsams pa las ma rnyed nas des smras pa/ tshe dang ldan pa mig sman de bdog bdog ste bzhag pa las der stor to zhes pa'i skabs de bcom ldan 'das la dge slong rnams kyis gsol pa dang / /bcom ldan 'das kyis bka' stsal pa/ dge slong gis mig sman gar bab bab tu gzhag par mi bya'o/ /ngas mig sman 'chang ba'i dge slong gi kun du spyad pa'i chos bca' bar bya ste/ mig sman 'chang ba'i dge slong gis mig sman rnams so sor phye la gzhag par bya ste/ me tog gi mig sman ni snod kyi nang du'o/ / khu ba'i mig sman ni gab tse'i nang du'o/ /phye ma'i mig sman ni dong bu'i nang du'o/ /ri lu'i mig sman dang btsag yug snam gyi mig sman ni sgye'u 'am/ thum por skud pas bcings la zung gdags par bya'o/ /mig sman 'chang ba'i dge slong gis kun tu spyad pa'i chos ji ltar bcas pa bzhin yang dag par blangs nas 'jug par mi byed na 'gal tshabs can du 'gyur ro/ /gleng gzhi ni mnyan yod na'o/ /de'i tshe tshe dang ldan pa bye ma skyes sems 'khrugs te smyos par gyur nas de de dang de dag tu 'phyan pa/ ji tsam na bram ze dang khyim bdag dag gis mthong ste de dag gis smras pa/ shes ldan dag 'di su'i bu zhig yin/ gzhan dag gis smras pa/ khyim bdag che ge mo zhig gi'o/ /de dag gis smras pa shAkya'i sras kyi dge sbyong mgon med pa rnams kyi nang du rab tu ma byung na 'di gnyen rnams kyis gsos par 'gyur ba zhig ces pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong dag de lta bas na dge slong bye ma skyes kyi dpyad sman pa la dris la byos shig /sman pa'i drung du dong nas bzhin bzangs dge slong zhig 'di 'dra ba'i nad kyis thebs kyis de'i sman ston cig /des smras pa/ 'phags pa dag sha rjen 'tshal du stsol cig dang sos par 'gyur ro/ /bzhin bzangs de ci 'dre yin nam/ 'phags pa de'i sman 'di lags te gzhan gyis ni sos par mi nus so zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ gal te sman pa na re de'i sman 'di yin te gzhan gyis ni sos par mi nus so zhes zer na sha rjen pa sbyin par bya'o/ /dge slong dag gis de bzhin du byin pa dang / de zar ma btub bo bcom ldan 'das kyis bka' stsal pa/ mig ras kyis bkab la sbyin par bya'o/ /de dag gis byin te byin ma thag tu ras phye ba dang des lag pa la reg pa mthong nas zhe ba log pas skyugs so/ /bcom ldan 'das kyis bka' stsal pa/ mod la ras dbye bar mi bya ste de lta mod kyi bca' ba dang bza' ba gtsang zhing bsod pa dag mdun du bzhag nas gang gi tshe de'i lag pa bkrus pa de'i tshe de dbye bar bya'o/ /de sos par gyur pa dang de de nyid la srid par gyur pa'i skabs de bcom ldan 'das la dge slong rnams kyis gsol pa dang / gang gi tshe sos par gyur pa de'i tshe bslab pa ji ltar bcas pa bzhin yang dag par blangs te 'jug par bya'o/ / longs spyod na 'gal tshabs can du 'gyur ro/ /gleng gzhi ni rgyal po'i khab na'o/ /tshe dang ldan pa pi lin da'i bu gang gi tshe rab tu byung ba de tshun chad rtag tu na ba dang zug zer mang por gyur pa dang / de la dge slong dag gis smras pa/ gnas brtan khyod kyi snyun gyi zo ji lta des smras pa/ tshe dang ldan pa dag bdag rgyun du na ba dang zug gzer mang bas the ge ba'i skabs med do/ /gnas brtan khyod sngon ci zhig 'chang bar byed/ des smras pa/ sman gyi mchan khug go/ da ci'i phyir mi bcang bcom ldan 'das kyis rjes su ma gnang ngo zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong dag de lta bas na rjes su gnang ste dge slong gis sman gyi mchan khug bcang bar bya'o/ /dge slong dag gis rtsa ba dang / me tog dang sdong bu dang / 'bras bu'i sman rags pa dag de'i nang du bcug pa dang de dag rul nas bcom ldan 'das kyis bka' stsal pa/ de dag sbam pa 'am bam por byas te zung la gdags par bya'o/ /de dag rul nas bcom ldan 'das kyis bka' stsal pa/ dus dus su bskam par bya'o/ /de dag gis nyi ma la bskams pa dang de dag mthu chung bar gyur nas bcom ldan 'das kyis bka' stsal pa/ nyi ma la bskam par mi bya'o/ /de dag gis grib ma la bskams pa dang 'on kyang rul bar gyur nas bcom ldan 'das kyis bka' stsal pa/ grib ma la bskam par mi bya'o/ /de dag gis bting nas dong ba dang / char ba dang rlung byung ste ma bsdus nas bcom ldan 'das kyis bka' stsal pa/ bsdu bar bya'o/ /bcom ldan 'das kyis bsdu bar bya'o zhes gsungs pa dang de dag gis sus bsdu ba ma shes nas bcom ldan 'das kyis bka' stsal pa/ khyim pas so/ /khyim pa med na dge sbyong gis so/ /dge sbyong med na dge slong nyid kyis bsdu bar bya'o/ /dge slong gis bsdus pa dang 'dres par gyur nas 'dres so zhes ma zos pa dang / bcom ldan 'das kyis bka' stsal pa/ so sor phye nas longs spyad par bya ste/ de la 'gyod par mi bya'o/ /ngas na ba dag la rjes su gnang ba gang yin pa de tha mal pa'i gnas skabs na spyad par mi bya'o/ /spyod na 'gal tshabs can du 'gyur ro/ /gleng gzhi ni mnyan yod na'o/ /tshe dang ldan pa nam gru gar yang som nyi za bas de'i ming nam gru som nyi can nam gru som nyi can zhes bya bar grags so/ /de snga dro sham thabs bgos chos gos dang lhung bzed thogs nas mnyan yod du bsod snyoms la zhugs te de rim gyis bu ram byed pa'i grong du phyin pa dang / ji tsam na 'bras phye dang bu ram sbru bar byed pa mthong nas des smras pa/ shes ldan dag bu ram 'bras chen dang ma sbru shig /'phags pa sbyi bar bgyid pa gzhan 'ga' mkhyen nam/ kho bos sbyi ba gzhan yang mi shes mod kyi bdag cag dus ma yin par longs spyod dgos so/ /'phags pa dus su 'am dus ma yin par gsol pa yang rung ste/ de'i sbyi ba ni 'di lags te gzhan gyis ni mi 'brus so ji tsam dus gzhan zhig na dge 'dun gyis bca' ba bu ram dag rnyed na des ma zos so/ /de'i lhan cig gnas pa dang nye gnas dag gis smras pa slob dpon dge 'dun gyi bca' ba bu ram zhig brnyes kyis longs spyad du gsol/ des smras pa bzhin bzangs zas dang 'dres so de dag gis kyang longs ma spyad pa dang de rnams la dge slong gzhan dag gis smras pa tshe dang ldan pa dag dge 'dun gyi bca' ba bu ram zhig brnyes na ci ste longs mi spyad de dag gis smras pa mkhan po'i zhal nas 'di zas dang 'dres so zhes gsungs so de rnams kyis kyang longs ma spyad do 'khor phal po che de dang dge 'dun ril las kyang phal cher longs mi spyad pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa zas kyis zas kyi bya ba mi byed pa ni mi rnyed pas 'byung khung yongs su dag pas longs spyad par bya ste/ 'di la 'gyod par mi bya'o/ /gleng gzhi ni mnyan yod na'o/ /tshe dang ldan pa nam gru snga dro sham thabs bgos chos gos dang lhung bzed thogs nas mnyan yod du bsod snyoms la zhugs so/ /rim gyis srang zhig tu phyin pa dang des spos 'tshong zhig phye la reg nas bu ram la reg par byed pa mthong nas des smras pa/ bzhin bzangs phye la reg nas bu ram la reg par ma byed/ dus ma yin par yang bdag cag gis longs spyad dgos so des smras pa/ 'phags pa dag la yang dang yang du sug chab gtong ba su zhig mchis/ dus gzhan zhig na dge 'dun gyi bca' ba bu ram zhig rnyed pa dang des longs ma spyad do/ /lhan cig gnas pa dang nye gnas dag gis smras pa slob dpon dge 'dun gyi bca' ba bu ram dag brnyes na ci ste mi gsol des smras pa/ bzhin bzangs 'di zas dang 'dres so/ /de rnams kyis kyang longs ma spyad pa dang de rnams la dge slong dag gis smras pa/ tshe dang ldan pa dag dge 'dun gyi bca' ba bu ram zhig brnyes na ci ste mi za de rnams kyis smras pa/ mkhan po'i zhal nas 'di zas dang 'dres so zhes gsung ngo / /de dag gis kyang longs ma spyad do/ /'khor phal po che de dang dge 'dun ril las kyang phal ches longs ma spyad pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ zas kyis zas kyi bya ba mi byed pas mi rnyed kyis khyim pas yongs su dag pas longs spyad par bya ste/ de la 'gyod par mi bya'o/ /gleng gzhi ni mnyan yod na'o/ /tshe dang ldan pa shA ri'i bu rlung nad kyis thebs nas tshe dang ldan pa maud gal gyi bu chen pos bsams pa tshe dang ldan pa shA ri'i bu la bdag rang gi blos rim gro ni lan mang du byas mod kyi lan 'ga' yang sman pa la ma dris kyis/ ma la da ni sman pa la dri'o snyam nas de sman pa'i drung du song ste/ bzhin bzangs tshe dang ldan pa shA ri'i bu 'di 'dra ba'i nad kyis thebs par gyur na de'i sman ston cig des smras pa/ 'phags pa skyur khu'i nang du lan tshwa stsol la gsol cig dang sos par 'gyur ro/ /des skyur khu ni rnyed na lan tshwa med nas de lan tshwa btsal bar brtsams pa dang tshe dang ldan pa pi lin da'i bus smras pa/ tshe dang ldan pa maud gal gyi bu kho bo la lan tshwa rwa gang 'tsho ba'i bar du bcang bar byin gyis brlabs pa zhig yod kyis/ gal te bcom ldan 'das kyis gnang na sbyin no zhes smras pa tshe dang ldan pa shA ri'i bus thos nas des smras pa/ tshe dang ldan pa maud gal gyi bu chen po kho bo 'di snyam du sems te/ 'tsho ba'i bar du bcangs ba dus su rung ba dang 'dres pa longs spyad par mi dbang ngo snyam mo zhes pa'i skabs de bcom ldan 'das la tshe dang ldan pa maud gal gyi bu chen pos gsol pa dang / bcom ldan 'das kyis bka' stsal pa/ maud gal gyi bu mi dbang ste/ dus su rung ba gang yin pa dang / thun tshod du rung ba gang yin pa dang / zhag bdun pa gang yin pa de gal te dus su rung ba dang 'dres par gyur la/ gal te byin gyis kyang ma brlabs na dus su rung ba dang 'dres pas dus su spyad par bya'i dus las 'das par spyad par mi bya'o/ /thun tshod du rung ba gang yin pa dang / zhag bdun pa gang yin pa dang / 'tsho ba'i bar du bcang ba gang yin pa de gal te thun tshod du rung ba dang 'dres par gyur la/ gal te byin gyis ma brlabs na thun tshod du rung ba dang 'dres pas thun tshod du spyad par bya'i thun tshod las 'das par spyad par mi bya'o/ /zhag bdun pa gang yin pa dang / 'tsho ba'i bar du bcang ba gang yin pa de zhag bdun pa dang 'dres par gyur na zhag bdun pa dang 'dres pas zhag bdun du spyad par bya'i zhag bdun las 'das par spyad par mi bya'o/ /'tsho ba'i bar du bcang ba gang yin pa de ni ji srid 'tsho'i bar du spyad par bya ste gzhan du spyod na 'gal tshabs can du 'gyur ro// // sdom la/ sde chen sha dang gzhang 'brum dang / /rlung nad can dang gang po dang / /mes byin dang ni be'i ra to/ /sprin can bya rog rnams yin no/ /sangs rgyas bcom ldan 'das yul ka shi nas ljongs rgyu zhing gshegs pa na bA rA Na sIr byon nas/ bA rA Na sI na drang srong smra ba ri dgas kyi nags na bzhugs so/ /bA rA Na sI na khyim bdag sde chen zhes bya ba phyug cing nor mang la longs spyod che ba zhig gnas so/ /de'i chung ma ni sde chen ma zhes bya'o/ /de chung ma dang bcas te dad pa bzang ba dge ba'i bsam pa can yin te/ des bcom ldan 'das yul ka shi zhes bya ba nas ljongs rgyu zhing gshegs pa na bA rA Na sIr byon nas/ bA rA Na sI na drang srong smra ba ri dgas kyi nags na bzhugs so zhes thos so/ /thos nas kyang 'di snyam du sems te/ bcom ldan 'das bdag gi khyim du lan mang du spyan drangs te zhal zas ni gsol na yo byad thams cad kyis ma bstabs kyis/ ma la bdag gis da bcom ldan 'das la zla ba gsum du yo byad thams cad kyis bstabs par bya'o snyam nas/ bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te phyogs gcig tu 'dug go/ phyogs gcig tu 'dug pa dang bcom ldan 'das kyis khyim bdag sde chen la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas khyim bdag sde chen bcom ldan 'das kyis bka' stsal pa la mngon par bstod de rjes su yid rang nas stan las langs te bla gos phrag pa gcig tu gzar nas/ bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig la dgung zla gsum du na bza' chos gos dang / bsod snyoms dang / gzims cha dang / snyun dpyad kyi rkyen sman dang / yo byad rnams 'bul na bdag la gnang bar mdzad du gsol/ bcom ldan 'das kyis khyim bdag sde chen la cang mi gsung bas gnang ngo / /de nas khyim bdag sde chen bcom ldan 'das kyis gsungs pa la mngon par bstod de rjes su yi rang nas/ bcom ldan 'das kyi zhabs gnyis la mgo bos phyag byas nas stan las langs te song ngo / /bcom ldan 'das dge slong gi dge 'dun dang thabs gcig tu khyim bdag sde chen gyis zla ba gsum du na bza' chos gos dang / bsod snyoms dang / gzims cha dang / snyun dpyad kyi rkyen sman dang / yo byad rnams kyis bsnyen bkur kho na byas so/ /khyim bdag sde chen gyi kun du spyod pa ni nang par sngar langs te bcom ldan 'das kyi zhabs la mgo bos phyag 'tshal te dge slong rnams la lta bar byed pa las dge slong na ba nad tshabs che ba sdug bsngal ba'i nad pa gzhan zhig yod pa de la sman pas sha khu 'thung shig ces bstan to/ /de nas khyim bdag sde chen dge slong de gang na ba der song ste phyin nas rkang pa gnyis la mgo bos phyag byas te dris pa/ 'phags pa sman pas ci bstan/ des smras pa/ sha khu 'thung shig lo/ /de nas khyim bdag sde chen rang gi khyim du song ste chung ma la smras pa/ slob dpon che ge mo zhes bya ba la sman pas sha khu 'thung shig ces bstan gyis sbyor ba la skur cig /des bu mo zhig la rin bskur nas tshong dus su btang ba las/ de'i nyin mo rgyal po'i sras bltam nas/ des dril sgrogs su bcug pa/ sus kyang srog gcad par mi bya'o/ /gang zhig srog bcad na chad pas chod par bcad do zhes bsgo'o/ /de nas rin gyis kyang tshong dus su sha ma rnyed nas/ de nas bu mo des de ltar gyur pa dag khyim bdag sde chen la rgyas par brjod pa dang / khyim bdag sde chen gyi chung mas bsams pa/ sangs rgyas la sogs pa dge slong gi dge 'dun la bdag cag gi yo byad thams cad kyis bstabs na/ gal te dge slong zhig sman med pas shi bar gyur na ma legs so zhes de snyam du dpyad nas/ gri rnon po blangs te khyim du zhugs nas brla'i sha las bcad de bu mo la byin nas bu sha 'di khu bar byos la 'phags pa che ge mo zhes bya ba'i drung du khyer cig /des de khyer nas dge slong gi longs spyad pa las sos par gyur to// // 'dul ba gzhi/ bam po nyi shu gsum pa/ dge slong des 'di ltar bdag la khyim bdag gi chung ma 'dis rang gi shas bsnyen bkur byas par rig nas de 'di snyam du sems te/ bdag dad pas byin pa longs spyad nas glos phab ste 'dug pa ni rigs pa ma yin gyi/ ma la bdag gis ma thob pa thob par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba'i phyir brtson par bya'o snyam nas/ de brtson 'grus brtsam par brtsams te/ des brtson pa dang / 'bad pa dang / brtsal ba byas pas 'khor ba'i 'khor lo cha lnga po g.yo ba dang / mi g.yo ba 'di nyid rig ste/ 'du byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid du zil gyis mnan nas nyon mongs pa thams cad spangs te dgra bcom pa mngon sum du byas nas dgra bcom par gyur te/ khams gsum gyi 'dod chags dang bral ba/ bong ba dang gser du mnyam pa/ nam mkha' dang lag mthil du mnyam pa'i sems ste'u dang tsan dan du mnyam pa/ rig pas ma rig pa'i sgo nga'i sbubs dral cing rig pa dang / mngon par shes pa dang / so so yang dag par rig pa thob pa/ srid pa'i rnyed pa dang chags pa dang / bkur sti la rgyab kyis phyogs pa/ dbang po dang nye dbang po dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /skabs de la sangs rgyas bcom ldan 'das rnams ni mi mkhyen pa 'am/ mi gzigs pa 'am/ thugs su mi chud pa 'am/ rnam par mi mkhyen pa cung zad kyang mi mnga'o/ /de nas bcom ldan 'das snga dro sham thabs mnabs lhung bzed dang / chos gos bsnams nas dge slong gi tshogs kyis yongs su bskor cing / dge slong gi dge 'dun gyis mdun gyis bltas te khyim bdag sde chen gyi khyim gang na ba der gshegs te byon nas dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis khyim bdag sde chen la bka' stsal pa/ khyim bdag khyim bdag gi chung ma sde chen ma mi snang na ga re/ bcom ldan 'das spyod lam rngo mi thog pas phugs na mchis so/ /sangs rgyas bcom ldan 'das rnams kyi che ba'i bdag nyid ni bsam gyis mi khyab pa yin pas bcom ldan 'das kyis gang gis na rma de mdog 'dra ba dang / lpags pa 'dra ba dang / ba spu 'dra bar gyur pa de ltar byin gyis brlabs so/ /de nas khyim bdag sde chen gyi chung ma dad pa skyes te sgor byung nas bcom ldan 'das kyis bka' stsal pa/ ci khyim bdag gi chung ma 'di byang chub sems dpa'i spungs nyams su myong bar byed dam/ des tshigs su bcad de gsol pa/ bsgrim mi dgos par 'khor ba na/ /lus ni shin tu rnyed par sla'i/ /bskal pa bye ba stong rnams su/ /sbyin gnas shin tu rnyed par dka'/ /de nas khyim bdag sde chen gyis sangs rgyas la sogs pa dge slong gi dge 'dun bde bar bzhugs par rig nas gtsang zhing bsod pa'i bza' ba dang bca' ba rnams rang gi lag gis stobs shing tshim par byed do/ /rnam grangs du mar gtsang zhing bsod pa'i bza' ba dang bca' ba dag rang gi lag gis bstabs shing tshim par byas te/ bcom ldan 'das kyis gsol zin nas phyag bcabs te/ lhung bzed gyu bar rig nas stan ches dma' ba zhig blangs te/ bcom ldan 'das kyi spyan sngar chos mnyan pa'i phyir 'dug go/ de nas bcom ldan 'das kyis khyim bdag sde chen la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas gdan las bzhengs te gshegs so/ /de nas bcom ldan 'das gtsug lag khang du gshegs nas dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag sha rnams kyi nang nas ni 'di lta ste/ mi'i sha tha chad yin no/ / de lta bas na dge slong gis mi'i sha bza' bar mi bya'o/ /dge slong gis mi sha zos na ltung ba sbom por 'gyur ro/ /gzhan yang ngas dge 'dun gyi gnas brtan gyi dge slong gi kun tu spyod pa'i chos bca' bar bya ste/ dge 'dun gyi gnas brtan gyi dge slong gis sha 'drim par byed na 'di ci'i sha zhes dri bar bya'o/ /gal te dge 'dun gyi gnas brtan gyis ma spobs na gnas brtan gnyis pas dri bar bya'o/ /dge 'dun gyi gnas brtan gyis kun du spyad pa'i chos ji ltar bcas pa bzhin yang dag par blangs te 'jug par mi byed na 'gal tshabs can du 'gyur ro/ /dge slong thams cad the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa khyim bdag sde chen gyi mchis brang gis rang gi shas dge slong 'di la bsnyen bkur bgyis la/ dge slong 'dis kyang sde chen ma la brten nas nyon mongs pa thams cad spangs te dgra bcom pa mngon sum du bgyis pa la gzigs/ bcom ldan 'das kyis bka' stsal pa/ dge slong dag da ltar 'ba' zhig ma yin gyi/ ji ltar 'dis 'das pa'i dus na yang dge slong 'di la rang gi shas bsnyen bkur byas te 'dis kyang de la brten nas mngon par shes pa lnga mngon sum du byas pa de shin tu legs par rab tu nyon la yid la zung shig dang bshad do/ /dge slong dag sngon byung ba bA rA Na sI'i grong na khyim bdag sde chen zhes bya ba zhig yod de/ de'i chung ma sde chen ma zhes bya'o/ /ji tsam na bram ze tshogs 'don du 'jug pa gzhan zhig bram ze'i bu lnga brgya tsam la bram ze'i gsang tshig 'don du 'jug go/ de la khyim bdag sde chen dad pa skyes te/ des de 'khor dang bcas pa la yo byad thams cad kyis bstabs te/ khyim bdag sde chen gyis bram ze de 'khor dang bcas pa la bkur sti kho na byas so/ /khyim bdag de'i kun tu spyod pa ni nang par sngar langs te nad pa rnams la lta bar byed pas ji tsam na bram ze'i khye'u gzhan zhig na ba sdug bsngal ba nad tshabs che bar gyur nas de la sman pas sha khu 'thung shig ces bstan to/ de nas khyim bdag sde chen bram ze'i khye'u gang na ba der song ste son nas phyag byas te dris pa/ bram ze'i khye'u khyod la sman pas ci bstan/ des smras pa/ sha khu 'thung shig lo/ de nas khyim bdag sde chen khyim dag tu song nas chung ma la smras pa/ bram ze'i khye'u che ge mo zhes bya ba la sha khu 'thung shig ces sman pas bstan gyis de sbyor la skur cig /des bu mo zhig la rin bskur te tshong dus su btang ngo / /de nyid kyi nyin mo rgyal po'i bu btsas nas des dril sgrogs su bcug ste/ sus kyang srog gcad par mi bya'o/ /gang gis srog bcad par gyur na de chad pas chod par gcad do zhes bsgo'o/ /de nas tshong dus su rin gyis kyang sha ma rnyed do/ /de nas bu mo des de ltar gyur pa dag khyim bdag sde chen gyi chung ma la rgyas par smras pa dang / khyim bdag sde chen gyi chung mas bsams pa/ bram ze 'khor dang bcas pa 'di dag bdag cag gis yo byad thams cad bstabs na/ gal te bram ze'i khye'u zhig sman med pas dus byas par gyur na ma legs so zhes de snyam du dpyad na/ gri rnon po blangs te khyim gyi nang du zhugs nas brla'i sha las bcad de bu mo la byin nas/ bu sha 'di khu bar byos la bram ze'i khye'u che ge mo zhes bya ba'i drung du khyer cig /des khyer nas bram ze'i khye'u des longs spyad nas sos par gyur to/ /bram ze'i khye'u des 'di ltar bdag la khyim bdag gi chung ma des rang gi shas bsnyen bkur byas par rig nas de 'di snyam du sems te/ bdag dad pas byin pa yongs su longs spyad nas bdag glos phab ste 'dug pa ni rigs pa ma yin gyis/ ma la bdag gis ma thob pa thob par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba'i phyir bdag gis 'bad par bya'o snyam nas/ de nas de zhi ba'i phyogs su song ste mngon par shes pa lnga mngon sum du byas so/ /dge slong dag ji snyam du sems/ de'i tshe de'i dus kyi khyim bdag sde chen zhes bya ba'i chung ma gang yin pa de ni khyim bdag sde chen gyi chung ma 'di nyid yin no/ /de'i tshe de'i dus kyi bram ze'i khye'u gang yin pa de ni dge slong 'di nyid yin te de'i tshe yang 'dis dge slong de la rang gi shas bsnyen bkur byas te/ 'dis kyang de la brten nas mngon par shes pa lnga mngon sum du byas so/ /da ltar yang 'dis dge slong 'di la rang gi shas bsnyen bkur byas so/ /dge slong 'dis kyang 'di la brten nas nyon mongs pa thams cad spangs te dgra bcom pa mngon sum du byas so/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin/ las gcig tu dkar ba rnams kyi ni gcig tu dkar ba yin/ /'dren ma rnams kyi ni 'dren ma yin no/ /dge slong dag de lta bas na da phyin chad las gcig tu gnag pa rnams dang 'dren ma ni spangs la/ las gcig tu dkar ba la brtsal bar bya ste/ dge slong dag khyed kyis de lta bu la bslab par bya'o/ /gleng gzhi ni mnyan yod na'o/ /de'i tshe yul ko sa la'i rgyal po gsal rgyal gyi glang po che tsho dgu kha dag go/ mu ge'i dus byung bas bram ze dang / khyim bdag rnams kyis glang po che'i sha bza' bar brtsams so/ /drug sde'i dge slong dag snga dro sham thabs bgos lhung bzed dang chos gos thogs nas mnyan yod du bsod snyoms la zhugs so/ /ji tsam na khyim bdag gzhan zhig gis glang po che'i sha phru bar bcug ste 'tshed cing 'dug pa'i khyim der de dag zhugs pa dang / /khyim bdag gi chung mas smras pa/ 'phags pa dbul du cung zad kyang ma mchis kyis bzhud cig /de dag gis smras pa/ phru ba 'di'i nang na 'tshed cing 'dug na/ 'phags pa 'di ni glang po che'i sha lags na ci khyed cag kyang glang po'i sha gsol lam/ kho bo cag ni 'tsho ba khyed cag la rag las pa yin pas gal te khyed za na kho bo cag la yang byin cig /de dag la phul nas de dag gis lhung bzed kyi snod bkang ste phyir byung ba dge slong gzhan dag cig bsod snyoms la rgyus pa de dag gis mthong ngo / /mthong nas dris pa/ e ma'o drug sde lhung bzed kyi snod khengs na ci yin/ de dag gis smras pa/ glang po che'i sha cung zhig rnyed do/ /ci khyed cag glang po che'i sha yang za 'am/ tshe dang ldan pa dag mu ge'i dus byung ba la gal te gzhan ma rnyed na ci kho bo cag ltogs te 'chi 'am zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong dag rgyal po'i glang po che tsho dgu kha dag la/ gal te khyed kyis glang po che'i sha zos pa rgyal pos thos na khyed la mngon par dad pa'i lha dang / klu dang / mi dang / mi ma yin pa gzhan dag kyang yod pas 'phags pa dag glang po che'i sha za ste/ des na bdag gi glang po che tsho dgu kha dag go zhes sems par mi 'gyur ram/ dge slong dag gis glang po che'i sha longs spyad par mi bya'o/ /longs spyad na 'gal tshabs can du 'gyur ro/ /glang po che'i sha ji lta ba bzhin du rta'i sha yang de dang 'dra'o/ /sangs rgyas bcom ldan 'das yul tsam pa na drang srong gar ga'i rdzing 'gram na bzhugs so/ /yul tsam pa'i klu dad pa bzang ba dge ba'i bsam pa can de tshes brgyad dang bcu bzhi la gnas nas byung ste yan lag brgyad dang ldan pa'i bsnyen gnas blangs nas gnas snang bar lus chen por byas te lus btang nas 'dug cing / 'jig rten na sems can gnas pa dag la cung zad kyang gnod pa 'am skrag par mi byed do/ /mu ge'i dus byung bas las la mi lta ba'i mi phyugs rdzi rnams dang / lug rdzi rnams dang / rtswa thun rnams dang / shing thun rnams dang / lam gyis 'tsho ba rnams dang / lam gol bas 'tsho ba'i mi rnams kyis klu'i sha la dum bu dum bur bcad nas longs spyad par brtsams so/ / drug sde'i dge slong dag snga dro sham thabs bgos lhung bzed dang chos gos thogs nas bsod snyoms la zhugs pa las/ ji tsam na khyim bdag gzhan zhig gis klu'i sha phru bar bcug ste 'tshed cing 'dug pa'i khyim der de dag zhugs so/ khyim bdag gi chung mas smras pa/ 'phags pa dbul du cung zad kyang ma mchis kyis bzhud cig /de dag gis smras pa/ phru ba 'di'i nang na 'tshed cing 'dug na/ 'phags pa 'di ni klu'i sha lags na ci khyed cag kyang klu'i sha gsol lam/ kho bo cag ni 'tsho ba khyed la rag las pa yin pas gal te khyed cag za na kho bo cag la yang byin cig /de dag la phul nas 'phags pa rnams kyang longs spyod do zhes phal mo ches gcad par brtsams so/ /de nas tsam pa'i klu'i chung ma 'di snyam du sems te/ 'phags pa 'di dag kyang klu'i sha la longs spyod pas skye bo'i tshogs phal mo ches longs spyad na bdag gi khyim thab kyis yun ji srid cig sdug bsngal mnags dgos/ bdag gis 'di'i phyir 'di kho na bya'o snyam mo/ /de nas tsam pa'i klu'i chung ma de'i mtshan mo 'das nas kha dog 'phags pas bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te phyogs gcig tu 'dug go/ de'i tshe tsam pa'i klu'i chung ma'i kha dog gi mthus drang srong gar ga'i rdzing gi nyen kor thams cad snang ba rgya chen pos khyab par byas so/ /tsam pa'i klu'i chung ma phyogs gcig tu 'dug nas bcom ldan 'das la 'di skad ces gsol to/ /btsun pa bdag gi sdum thab dad pa bzang ba dge ba'i bsam pa can des tshes brgyad dang bcu bzhi la gnas nas byung ste yan lag brgyad dang ldan pa'i bsnyen gnas blangs nas lus btang ste mchis la/ 'jig rten na sems can dag gnas pa la gnod pa dang skrag pa cung zad kyang mi bgyid pa mu ge'i dus byung bas las la mi lta ba'i mi phyugs rdzi rnams dang / lug rdzi rnams dang / rtswa thun rnams dang / shing thun rnams dang / lam gyis 'tsho ba rnams dang / lam gol bas 'tsho ba'i mi rnams kyis klu'i sha dum bu dum bur bkum nas 'tshal pa 'phags pa dag gis gzigs nas 'phags pa rnams kyis gsol bar brtsams so/ /'phags pa rnams kyis gsol la de dag gis kyang cher bkum zhing 'tshal bar brtsams nas bdag gi sdum thab kyis yun ji srid cig sdug bsngal mnags 'tshal/ kye ma bcom ldan 'das thugs brtse ba nye bar bzung ste/ gang gi phyir 'phags pa dag klu'i sha mi gsol bar dgongs pa'i rgyu chung zhig bca' bar gsol/ /de nas tsam pa'i klu'i chung ma bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag byas te de nyid du mi snang bar gyur to/ /de nas bcom ldan 'das de nyid kyi mtshan mo 'das nas dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag mdang sum nga'i spyan sngar tsam pa'i klu'i chung ma mtshan mo 'das nas kha dog 'phags pas gang na ba der 'ongs te phyin nas nga'i zhabs gnyis la mgo bos phyag byas te phyogs gcig tu 'dug go/ de'i tshe tsam pa'i klu'i chung ma'i kha dog gi mthus drang srong gar ga'i rdzing gi nyen kor thams cad snang ba rgya chen pos khyab par byas so/ /tsam pa'i klu'i chung ma phyogs gcig tu 'dug nas nga la 'di skad ces gsol to/ /btsun pa bdag gi sdum thab dad pa bzang po dge ba'i bsam pa can de tshes brgyad dang bcu bzhi la rang gi gnas nas byung ste yan lag brgyad dang ldan pa'i bsnyen gnas blangs nas lus btang ste mchis la/ 'jig rten na sems can dag gnas pa la gnod pa dang skrag pa cung zad kyang mi bgyid pa mu ge'i dus byung bas las la mi lta ba'i mi phyugs rdzi rnams dang / lug rdzi rnams dang / rtswa thun rnams dang / shing thun rnams dang / lam gyis 'tsho ba rnams dang / lam gol bas 'tsho ba'i mi rnams kyis klu'i sha dum bu dum bur bkum nas 'tshal lo/ /de dag gis 'tshal ba dang / 'phags pa dag gis kyang gsol bar brtsams so/ /'phags pa rnams kyang gsol to zhes de dag gis cher bkum zhing 'tshal bar brtsams na/ bdag gi sdum thab kyis yun ji srid cig sdug bsngal mnags 'tshal/ kye bcom ldan 'das thugs brtse ba nye bar bzung ste gang gi phyir 'phags pa dag klu'i sha mi gsol bar dgongs pa'i rgyu cung zhig bca' bar gsol zhes zer nas ngas tsam pa'i klu'i chung ma la cang mi gsung bas gnang ngo / /de nas tsam pa'i klu'i chung mas nga cang mi gsung bas gnang bar rig nas nga'i zhabs gnyis la mgo bos phyag byas te de nyid du mi snang bar gyur to/ /gang la da ltar lha dag kyang shAkya'i sras kyi dge slong rnams ni dge ba'i chos rnams las nyams so zhes smod par byed/ phyar ka gtong bar byed/ kha zer bar byed pa 'di ni bzang po ma yin/ rigs pa ma yin te/ dge slong dag de lta bas na dge slong dag gis klu'i sha bza' bar mi bya'o/ /za na 'gal tshabs can du 'gyur ro/ /bcom ldan 'das yul ma ga d+ha'i ljongs rgyu zhing gshegs pa na rgyal po'i khab tu byon nas/ rgyal po'i khab 'od ma'i tshal bya ka lan da ka gnas pa na bzhugs so/ /ma ga d+ha'i rgyal po bzo sbyangs gzugs can snying pos bcom ldan 'das yul ma ga d+ha'i ljongs rgyu zhing gshegs te/ rgyal po'i khab 'od ma'i tshal bya ka lan da ka gnas pa na bzhugs so zhes thos so/ /thos nas kyang yang 'di snyam du sems te/ bcom ldan 'das bdag gis lan mang du spyan drangs te zhal zas gsol nas lan 'ga' yang zla ba gsum du yo byad thams cad kyis ma bstabs kyis/ ma la bdag gis bcom ldan 'das la zla ba gsum du yo byad thams cad kyis bstabs shing sman pa'i rgyal po 'tsho byed kyang dbul lo snyam mo/ /de nas rgyal po'i 'byor pa dang / rgyal po'i mthu chen pos bcom ldan 'das gang na ba der song ste phyin nas bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / bcom ldan 'das kyis ma ga d+ha'i rgyal po bzo sbyangs gzugs can snying po la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas ma ga d+ha'i rgyal po bzo sbyangs gzugs can snying po stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig la dgung zla gsum du bsod snyoms dang / na bza' chos gos dang / gzims cha dang / snyun spyad kyi rkyen sman gyi yo byad rnams dang / sman pa'i rgyal po 'tsho byed dbul na bdag la gnang bar mdzad du gsol/ bcom ldan 'das kyis ma ga d+ha'i rgyal po bzo sbyangs gzugs can snying po la cang mi gsung bas gnang ngo / / de nas ma ga d+ha'i rgyal po bzo sbyangs gzugs can snying pos bcom ldan 'das kyis cang mi gsung bas gnang bar rig nas/ stan las langs te bcom ldan 'das kyi zhabs gnyis la mgo bos phyag byas nas song ngo / / bcom ldan 'das dge slong gi dge 'dun dang thabs gcig ma ga d+ha'i rgyal po bzo sbyangs gzugs can snying pos zla ba gsum du na bza' chos gos dang / bsod snyoms dang / gzims cha dang / snyun gyi rkyen sman gyi yo byad thams cad dang / sman pa'i rgyal po 'tsho byed kyis rim gro kho na byas so/ /yul ko sa la'i rgyal po gsal rgyal gyis/ bcom ldan 'das nyan thos kyi dge 'dun dang thabs gcig tu ma ga d+ha'i rgyal po bzo sbyangs gzugs can snying pos yo byad thams cad dang / sman pa'i rgyal po 'tsho byed bstabs so zhes thos so/ /thos nas kyang 'di snyam du sems te/ de yang rgyal po rgyal rigs spyi bo nas dbang bskur ba yin/ bdag kyang rgyal po rgyal rigs spyi bo nas dbang bkur ba yin la/ de'i sman pa'i rgyal po ni 'tsho byed yin la/ bdag gi sman pa'i rgyal po ni rgyun shes gyi bu yin gyis/ gang gi tshe bcom ldan 'das mnyan yod du byon pa de'i tshe bdag gis kyang bcom ldan 'das nyan thos kyi dge 'dun dang thabs gcig la yo byad thams cad dang / sman pa'i rgyal po rgyun shes kyi bu bstabs par bya'o snyam mo/ /ji tsam na bcom ldan 'das rgyal po'i khab tu dbyar bzhugs nas dbyar gyi zla ba gsum 'das nas chos gos byas pa dang ldan/ chos gos zin pa dang ldan nas lhung bzed dang chos gos bsnams te/ dge slong gi tshogs kyis yongs su bskor cing / dge slong gi dge 'dun gyi mdun gyis bltas nas mnyan yod gang na ba der rgyu zhing gshegs te/ rim gyis rgyu zhing gshegs pa na/ mnyan yod du byon nas mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /ko sa la'i rgyal po gsal rgyal gyis bcom ldan 'das yul ko sa la'i ljongs rgyu zhing gshegs pa na mnyan yod du byon nas mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so zhes thos so/ /thos nas kyang mnyan yod nas byung nas bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas nas phyogs gcig tu 'dug go/ phyogs gcig tu 'dug pa dang / bcom ldan 'das kyis ko sa la'i rgyal po gsal rgyal la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas ko sa la'i rgyal po gsal rgyal stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig la dgung zla gsum du na bza' chos gos dang / /bsod snyoms dang / /gzims cha dang / snyun sman gyi rkyen sman gyi yo byad rnams dang / sman pa'i rgyal po rgyun shes kyi bu dbul na bdag la gnang bar mdzad du gsol/ bcom ldan 'das kyis ko sa la'i rgyal po gsal rgyal la cang mi gsung bas gnang ngo / /de nas ko sa la'i rgyal po gsal rgyal bcom ldan 'das kyis cang mi gsung bas gnang bar rig nas stan las langs te/ bcom ldan 'das kyi zhabs gnyis la mgo bos phyag byas nas song ngo / / bcom ldan 'das dge slong gi dge 'dun dang thabs gcig ko sa la'i rgyal po gsal rgyal gyis zla ba gsum du yo byad thams cad dang / sman pa'i rgyal po rgyun shes kyi bus rim gro kho na byas so/ /ko sa la'i rgyal po gsal rgyal gyi kun du spyod pa ni nang par sngar langs te/ bcom ldan 'das kyi zhabs la phyag byas nas dge slong nad pa la lta ba yin no/ /ji tsam na dge slong gzhan zhig gzhang 'brum gyis thebs nas de skya bo bseng bseng por gyur cing rid pa dang / nyam chung ba dang / na bas nyam dmas par gyur pa de ko sa la'i rgyal po gsal rgyal gyis mthong nas smras pa/ 'phags pa khyod ci'i phyir skya bo bseng bseng por gyur cing rid pa dang / nyam chung ba dang / na bas nyam dmas par gyur/ lha bdag gzhang 'brum gyis thebs so/ /de nas rgyal pos sman pa'i rgyal po rgyun shes kyi bu la bsgo ba/ dge slong 'di'i dpyad byos shig /lha bka' bzhin 'tshal/ de ma dad pas des ma byas so/ /ji tsam na rgyal pos yang dge slong de mthong nas smras pa/ 'phags pa khyod rgyun shes kyi bus dpyad ma bgyis sam/ lha ma bgyis so/ /de nas rgyal po khros te rgyun shes kyi bu pho nyas bkug nas bsgo ba/ gal te khyod kyis dge slong 'di'i dpyad byas na de lta na legs/ gal te ma byas na khyod kyi dbang thang gcad do/ /de rang bzhin gyis ma dad pa zhig pas cher 'khrugs nas/ dge sbyong mgo reg 'di'i phyir lhas bdag gi dbang thang gcod par 'gyur ro zhes des dge slong de rgyal bu rgyal byed kyi tshal gyi sgor bzo bcos byas nas de dang de nas mtshon gyi las bya bar brtsams so/ /de nas dge slong de nyam nga ba dang / dog pa dang / gnod pa thob cing sdug bsngal rtsub pa mi bzad pa yid du mi 'ong ba'i tshor ba nyams su myong nas bsams pa/ nyam nga ba dog pa gnod pa thob pa la bcom ldan 'das kyis ma dgongs pa lta zhig /skabs de la sangs rgyas bcom ldan 'das rnams mi mkhyen pa 'am/ mi gzigs pa 'am/ thugs su mi chud pa 'am/ rnam par mi mkhyen pa cung zad kyang mi mnga'o/ /de nas bcom ldan 'das thugs rje chen pos bskul nas phyogs der gshegs pa dang / sman pa'i rgyal po rgyun shes kyi bus bcom ldan 'das phyogs der gshegs pa mthong ngo / /mthong nas kyang kun nas dkris pa drag pos bcom ldan 'das la smras pa/ dge sbyong bran mo'i bu tshur shog /nyan thos kyi rkub phye ba la ltos/ de nas bcom ldan 'das de nyid nas slar log ste gtsug lag khang du gshegs nas gdan bshams pa nyid la bzhugs so/ /bzhugs nas bcom ldan 'das kyis 'dzum pa mdzad do/ / 'di ni chos nyid yin te/ gang gi tshe sangs rgyas bcom ldan 'das rnams 'dzum pa mdzad pa de'i tshe zhal nas 'od zer sngon po dang / ser po dang / dmar po dang / dkar po dag 'byung zhing kha cig ni 'og tu 'gro'o/ /kha cig ni steng du 'gro'o/ gang dag 'og tu song ba de dag ni yang sos dang / thig nag dang / bsdus gzhom dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol pa dang / so thams thams dang / kyi hud zer ba dang / a chu zer ba dang / ut+pal ltar gas pa dang / pad ma ltar gas pa dang / pad ma ltar gas pa chen po rnams su yang song ste/ tsha ba'i sems can dmyal ba gang dag yin pa de dag la ni bsil bar 'bab bo/ /grang ba'i sems can dmyal ba gang dag yin pa de dag la ni dro bar 'bab bo/ /des sems can de rnams kyi sdug bsngal gyi khyad par dag so sor zhi bar byas so/ /de rnams 'di snyam du sems te/ shes ldan dag ci bdag cag 'di nas shi 'phos par gyur tam/ 'on te gzhan du skyes par gyur snyam pa la/ de rnams dad pa bskyed pa'i phyir bcom ldan 'das kyis sprul pa zhig btang ngo / /de rnams kyis sprul pa mthong nas 'di snyam du sems te/ shes ldan dag bdag cag ni 'di nas shi 'phos pa med la/ gzhan du skyes pa med kyis kyang sngon ma mthong ba'i sems can 'di'i mthus bdag cag gi sdug bsngal gyi khyad par rnams so sor zhi bar byas so zhes de rnams sprul pa la sems mngon par dad par gyur pas las de zad par byas nas gang du bden pa rnams mthong ba'i snod du 'gyur ba lha dang mi rnams kyi nang du nying mtshams sbyor ba bzung ngo / /gang dag steng du song ba de dag ni rgyal chen bzhi'i ris dang / sum bcu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs pa chen po dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / mi che ba dang / mi gdung ba dang / gya nom snang ba dang / shin du mthong ba dang / 'og min gyi lha rnams kyi nang du song nas mi rtag pa dang / sdug bsngal ba dang / stong pa dang / bdag med pa'i dbyangs sgrog cing tshigs su bcad pa gnyis kyang bsgrags so/ /brtsam par bya zhing 'byung bar bya/ / sangs rgyas bstan la 'jug par bya/ /'dam bu'i khyim la glang chen bzhin/ 'chi bdag sde ni gzhom par bya/ /gang zhig rab tu bag yod pas/ /chos 'dul 'di la brtson gyur na/ /skye ba'i 'khor ba rab spangs nas/ /sdug bsngal tha mar byed par gyur/ /de nas 'od zer de dag gis stong gsum gyi stong chen po 'jig rten gyi khams rnams byul nas bcom ldan 'das nyid kyi rjes bzhin rjes bzhin du 'gro'o/ /de la gal te bcom ldan 'das kyis 'das pa'i las rnams lung ston par bzhed na ni/ bcom ldan 'das kyi gnam logs su nub par 'gyur ro/ /ma 'ongs pa lung ston par bzhed na ni mdun logs su nub par 'gyur ro/ /dmyal bar skye bar lung ston par bzhed na ni zhabs kyi mthil du nub par 'gyur ro/ /dud 'gror skye bar lung ston par bzhed na ni zhabs kyi rting par nub par 'gyur ro/ /yi dags su skye bar lung ston par bzhed na ni zhabs kyi mthe bor nub par 'gyur ro/ /mir skye bar lung ston par bzhed na ni zhabs kyi pus mor nub par 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du nub par 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du nub par 'gyur ro/ /lha rnams su lung ston par bzhed na ni sku'i lte bar nub par 'gyur ro/ /nyan thos kyi byang chub tu lung ston par bzhed na ni zhal gyi nang du nub par 'gyur ro/ /rang byang chub tu lung ston par bzhed na ni mdzod spur nub par 'gyur ro/ /yang dag par rdzogs pa'i byang chub tu lung ston par bzhed na ni dbu'i gtsug tu nub par 'gyur ro/ /de nas 'od zer de dag gis bcom ldan 'das la lan gsum bskor ba byas nas bcom ldan 'das kyi zhabs kyi mthil du nub bo/ /de nas bcom ldan 'das la tshe dang ldan pa kun dga' bos thal mo sbyar nas zhus pa/ kha dog sna tshogs stong gis bkra ba yi/ / tshogs rnams zhal gyi nang nas byung gyur pa/ /ji ltar gdugs ni shar bar gyur pa bzhin/ /de yis phyogs rnams kun du snang bar bgyis/ /yang tshigs su bcad pa dag gsol pa/ rgod bral zhum dang rgyags pa spangs pa yi/ /sangs rgyas 'gro nang mchog gi rgyur gyur pa/ /rgyal ba dgra thul byed rgyu ma mchis par/ /rtsa lag dung ltar dkar 'dzum ston mi mdzad/ /de slad brtan pa nyid blos dus mkhyen nas/ /rgyal ba'i dbang po thub pa skyes kyi mchog /nyan par 'tshal ba'i nyan pa po rnams kyi/ /the tshom skyes pa gsung tshig brtan pa dang / /dam pa bzang po dag gis bsal du gsol/ /tshwa chu'i ri bo lta bur brtan pa'i mgon/ /rdzogs sangs rgyas rnams blo bur 'dzum mi ston/ /brtan pa ci slad 'dzum pa ston mdzad pa/ / skye bo phal che 'di dag de nyan 'tshal/ /bcom ldan 'das kyis bka' stsal pa/ kun dga' bo de de bzhin te/ de de bzhin no/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi ston te/ kun dga' bo sman pa'i rgyal po rgyun shes kyi bu nyams shing chud zos par gyur te/ des de bzhin gshegs pa mang pos bkur ba'i gdung brgyud nas bzung ste spyod pa skyon mi mnga' ba la bran mo'i bu zhes smras so/ /de deng nas zhag bdun nas khrag dron du skyugs te dus byed par 'gyur te/ lus zhig nas sems can dmyal ba rnams su skye bar 'gyur ro/ /dge slong dag de lta bas na rgyun shes kyi bu 'am/ rgyun shes kyi bu 'dra ba la bsnyen bkur byed du ma gzhug shig /gzhang 'brum yang gcad par mi bya'o/ /'on kyang gzhang 'brum gyi dpyad ni rnam pa gnyis kyis bya ste/ gsang sngags dang / sman gyis so/ /dge slong gis gzhang 'brum gcod dam/ rgyun shes kyi bu 'am/ rgyun shes kyi bu 'dra ba la bsnyen bkur byed du 'jug na 'gal tshabs can du 'gyur ro/ /dge slong de rgyun shes kyi bus ji ltar gnod pa de nyid kyis dus las 'das pa de lta de ltar byas so/ /de nas blon po dag gis rgyal po gsal rgyal la smras pa/ lha rgyun shes kyi bus ni bcom ldan 'das la yang bran mo'i bu zhes tshig tu smras la/ dge slong de yang ji ltar gnod pa de nyid kyis dus las 'das pa de lta de ltar bgyis so/ /de nas rgyal po che thang du khros nas blon po rnams la bsgo ba/ shes ldan dag ngas sman pa'i rgyal po rgyun shes kyi bu yongs su btang zin gyis deng shig /blon po rnams kyis smras pa/ lha gum lags pa de dgum ci 'tshal/ bcom ldan 'das nyid kyi zhag bdun na khrag dron du skyug nas dus byed par 'gyur te lus zhig nas sems can dmyal ba rnams su skye bar 'gyur ro zhes lung bstan lags so/ /rgyal pos smras pa/ gal te de ltar gyur na nga'i yul nas spyugs shig /de dag gis de spyugs nas yul gnas bcas zhes bya bar phyin no/ /yul gnas bcas na gnas pa'i lha rnams kyis skyes bu gti mug gang gi phyir khyod khams gsum gyi mgon po la dran mo'i bu'o zhes tshig tu smras pa/ khyod 'dir gnas su ga la rung zhes mang du spyos nas bskrad do/ /de nas bA rA Na sIr song ngo / /de nas kyang bskrad nas yangs pa can du song ngo / /de nas kyang bskrad nas yul tsam par song ngo / /de nas kyang bskrad nas rgyal po'i khab tu song ngo / /de nas kyang bskrad nas shing drung zhig na gnas so/ /de nas kyang shing la gnas pa'i lha rnams kyis bskrad nas/ 'bab chu dang / mtsho dang / mtshe 'u dag gi 'gram shig tu song ba dang der yang skabs ma rnyed nas des bsam pa/ 'dzam bu'i gling 'di na re zhig wa dag gis kyang skabs rnyed na/ bdag gis skabs shing drung dang / mtsho dang / mtshe 'u dag na yang med do snyam pa dang / de la gang gis na khrag dron po skyugs nas dus las 'das pa de lta bu'i kun nas dkris pa skyes so/ /dus las 'das ma thag tu mnar med pa'i sems can dmyal ba chen por skyes so/ /de nas bcom ldan 'das kyis byung ba de la tshigs su bcad pa dag gsungs pa/ mi zhig skyes par gyur pa yi/ /kha nas sta ri'i tshig 'byung ste/ /nyes par smra ba smra tshig des/ /bdag nyid la ni gcod par byed/ /gang zhig smad 'os skye bo bsngags byed cing / /bsngags 'os skye bo rnam par smod byed pa/ /de ni kha yi nyes pas gang gis na/ /bde ba thob mi 'gyur ba'i nyes pa sogs/ /'dir ni brgyan pos rang gi nor yal ba/ /'di ni phung ba cung zad tsam yin te/ /bde gshegs rnams la yid kyis gdug bsam pa/ /gang yin de ni phung po chen po yin/ /'phags la gnod byed lus dang ngag gis las/ /sdig to byas nas chu bur rdol rnams su/ /lo 'bum dag dang chu bur can du lo/ /bzhi khri chig stong gang yin dmyal der 'gro/ /sangs rgyas bcom ldan 'das yul ka shi nas ljongs rgyu zhing gshegs pa na grong rdal mtshams ma bcad pa gzhan zhig tu dgongs btab nas bzhugs so/ /de na bcom ldan 'das rlung nad kyi snyun gyis thebs par gyur to/ /de nas tshe dang ldan pa kun dga' bo 'di snyam du sems te/ bcom ldan 'das la bdag gis rang gi blos ni rim gro lan mang du byas na sman pa la lan 'ga' yang ma dris kyis/ ma la bdag gis da ni sman pa la dri'o snyam ste/ de sman pa'i drung du song nas bzhin bzangs bcom ldan 'das 'di lta bu'i snyun gyis thebs kyis sman ston cig /des smras pa/ 'phags pa gru sum chab mar mang po stsal ba sgrol la gsol gcig dang snyun gdangs par 'gyur ro/ /de nas tshe dang ldan pa kun dga' bo rang nyid kyis byas te btsos nas bcom ldan 'das la 'bul lo/ /sangs rgyas bcom ldan 'das rnams ni mkhyen bzhin du rmed pa yin pas/ sangs rgyas bcom ldan 'das kyis tshe dang ldan pa kun dga' bo la smras pa/ kun dga' bo 'di ci yin/ des gsol pa/ btsun pa bdag gis glo ba la bsams na/ bcom ldan 'das la bdag gis rang gi blos ni rim gro lan mang du bgyis na sman pa la lan 'ga' yang ma dris kyis/ ma la bdag gis da ni sman pa la dri'o snyam bgyis nas bdag gis sman pa la smras na de'i mchid nas/ gru sum chab mar mang pos stsal ba sgrol la gsol gcig dang snyun gdangs par 'gyur ro zhes mchi nas/ de nas bdag gis bgyis te bsgral ba lags so/ /kun dga' bo gang du btsos/ mtshams kyi nang du'o/ / gang du gzhag /mtshams kyi nang du'o/ /sus btsos/ bdag gis mtshams kyi nang du'o/ /kun dga' bo mtshams gyi nang du btsos la mtshams kyi nang du zhag kyang lon pa longs spyad par mi bya'o/ /mtshams kyi nang du btsos la mtshams kyi phyi rol du zhag lon pa yang longs spyad par mi bya'o/ /mtshams kyi phyi rol du btsos la mtshams kyi nang du zhag lon pa yang longs spyad par mi bya'o/ /mtshams kyi phyi rol du btsos la mtshams kyi phyi rol du zhag lon na longs spyad par bya'o/ /kun dga' bo mtshams kyi nang yang rung mtshams kyi phyi rol yang rung ste dge slong gis btsos pa ni thams cad kyi thams cad du longs spyad par mi bya'o/ /bcom ldan 'das kyis dge slong gis btsos pa thams cad kyi thams cad du longs spyad par mi bya'o zhes gsungs pa dang / mnyan yod na khyim bdag gzhan zhig yod pa de bcom ldan 'das gang na ba der song ste phyin nas/ bcom ldan 'das kyi zhabs la mgo bos phyag byas te phyogs gcig tu 'dug go/ phyogs gcig tu 'dug pa dang bcom ldan 'das kyis khyim bdag de la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar zhes bya ba nas/ yang dag par rab tu dga' bar mdzad nas cang mi gsung ngo zhes bya ba'i bar du'o/ /de nas khyim bdag de stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig sang bdag gi sdum bar gdugs tshod sbyor zhing mchis na gnang bar mdzad du gsol zhes bya ba nas rgyas par sbyar te/ ji tsam na spyan 'dren gyis dus tshod gsol ba/ btsun pa gdugs tshod lags na/ bcom ldan 'das da de'i dus la bab par dgongs su gsol/ /de nas dge slong gi dge 'dun snga dro sham thabs bgos lhung bzed dang chos gos thogs nas khyim bdag de'i khyim ga la ba der dong ngo / /bcom ldan 'das ni bsod snyoms bzhes nas rdzas kyis bsgrubs pa'i khyim na bzhugs so/ /sangs rgyas bcom ldan 'das rnams ni bsod snyoms bzhes nas rgyu lngas rdzas kyis bsgrubs pa'i khyim na bzhugs so/ /lnga gang zhe na/ nad pa la gzigs par bzhed pa dang / gnas mal la gzigs par bzhed pa dang / nang du yang dag 'jog la bzhugs par bzhed pa dang / lha rnams la chos ston par bzhed pa dang / nyan thos rnams 'dul ba la bslab pa'i gzhi bca' bar bzhed pa yin no/ /skabs 'dir ni bcom ldan 'das nyan thos rnams 'dul ba la bslab pa'i gzhi bca' bar bzhed pas bsod snyoms bzhes nas rdzas kyis bsgrubs pa'i khyim na bzhugs so/ /tshe dang ldan pa kun dga' bo ni bcom ldan 'das kyi bsod snyoms nod pa yin te/ ji tsam na der 'bras chan ma tshos pa zhig phog pa dang / de nas tshe dang ldan pa kun dga' bo 'di snyam du sems te/ bcom ldan 'das snyun gdangs nas ring po ma lon la 'bras chan 'di yang ma tshos pa zhig pas 'di gal te longs spyad na snyun slar ldang bar 'gyur srid kyis/ bcom ldan 'das kyis ma gnang yang 'di nyid kyis rkyen byas nas gnang bar 'gyur ba'i gnas de yod do snyam nas/ des chu snod blangs te chus btab nas ji srid tshos pa de srid du btsos so/ /de nas bcom ldan 'das la gsol to/ /sangs rgyas bcom ldan 'das rnams ni mkhyen bzhin du rmed pa yin pas/ sangs rgyas bcom ldan 'das kyis tshe dang ldan pa kun dga' bo la smras pa/ kun dga' bo ci dge 'dun thams cad kyi 'bras chan yang 'di 'dra 'am/ btsun pa ma lags te/ 'on kyang ma gral ba lags so/ /'o na 'di ga las 'ongs/ des skabs de bcom ldan 'das la rgyas par gsol pa dang / bcom ldan 'das kyis bka' stsal pa/ kun dga' bo legs so legs so/ / ngas rjes su ma gnang ba gang yin pa yang khyod kyis shes so/ /de lta bas na rjes su gnang ste/ dge slong gis ma tshos pa byin len byos la btsos te longs spyad par bya'o/ /bcom ldan 'das kyis dge slong gis ma tshos pa byin len byos la btsos te longs spyad par bya'o zhes gsungs pa dang / drug sde rnams kyis 'bras skam byin len byas te btsos nas longs spyad par brtsams pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ 'bras chan sum cha tshos pa byin len byos la btsos te longs spyad par bya'o/ /tshod ma dang / me tog dang / 'bras bu dang / nya dang / sha dag ni kha dog gyur nas byin len byas te longs spyad par bya'o/ /'o ma la sogs pa'i rdzas kyi khu ba rnams gang gi tshe lan gnyis lan gsum du bskol bar gyur pa de'i tshe byin len byas te bskol nas spyad par bya ste/ 'di la 'gyod par mi bya'o/ /'di las gzhan du longs spyad na 'gal tshabs can du 'gyur ro/ /sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe grong khyer slo ma lta bu zhes bya ba na khyim bdag 'byor pa zhes bya ba phyug pa nor mang ba/ longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas so/ des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las dus gzhan zhig na chung ma la sems can zhugs par gyur to/ /de zla ba brgyad dam dgu 'das nas khye'u gzugs bzang ba/ mdzes pa/ lta na sdug pa zhig btsas nas/ de nyi ma bdun gsum nyi shu gcig tu btsas ston rgya cher byas nas ming 'dogs par byed de/ khye'u 'di'i ming cir gdags/ nye du rnams kyis smras pa/ khye'u 'di khyim bdag 'byor pa'i bu yin pas/ de lta bas na khye'u'i ming 'byor len zhes gdags so zhes khye'u de'i ming 'byor len zhes bya bar btags so/ /yang rtse bar byed/ dga' bar byed/ dga' mgur spyod par byed pa las khye'u zhig btsas te/ de'i ming ni 'byor skyob ces bya bar btags so/ /yang de'i khye'u zhig btsas te/ de'i ming ni 'byor dga' zhes bya bar btags so/ /ji tsam na dus gzhan zhig na khyim bdag 'byor pa nad kyis btab par gyur nas de shin tu tshig rtsub mor smra ste/ des na chung ma dang bus kyang yal bar bor ro/ /de'i mngag gzhug byed pa'i bu mo zhig yod pa des bsams pa/ bdag gi jo bos thabs brgya stong du mas longs spyod rnams bsags na/ de da nad kyis thebs par gyur pa dang chung ma dang bus kyang yal bar bor na/ bdag gis rje bo yal bar dor ba ni bdag la rigs pa ma yin no snyam nas des sman pa'i drung du song ste/ jo bo khyod kyis khyim bdag 'byor pa mkhyen tam/ shes so/ /de ci bya/ de 'di 'dra ba'i bro nad cig gis thebs te/ de chung ma dang bus kyang yal bar bor na de'i sman ston cig /des smras pa/ chung ma dang bu dag gis kyang yal bar bor ro zhes khyod nyid zer na/ 'o na de la su zhig rim gro byed/ de'i rim gro bdag gis bgyi mod kyi khyod kyis ci nas sman rin chung ba zhig ston cig /des de'i sman ni 'di yin no zhes bstan to/ /de nas des bdag rang gi rgyags las kyang cung zad sbyar/ khyim de nyid nas kyang cung zad brkus nas rim gro byas te de sos par gyur to/ /des bsams pa bdag ni chung ma dang bus kyang yal bar bor te 'di ltar bdag gson por gyur pa ni bu mo 'di'i mthu yin gyis/ 'di la phan gdags par bya'o snyam nas des de la smras pa/ bu mo kho bo ni chung ma dang bus kyang yal bar bor ba las/ kho bo cung zad cig gson pa de thams cad ni khyod kyi drin yin na/ khyod mchog ci 'dod pa sbyin gyis smros shig /gal te jo bo bdag khyod kyi thugs su 'thad par gyur na bdag khyod dang lhan cig 'grogs par 'tshal lo/ /des smras pa/ nga dang khyod lhan cig 'grogs pas ci byas kar Sha pA Na lnga brgya byin la bran las dbyung bar bya'o/ /des smras pa/ jo bo bdag rgyangs bkum par mchis kyang bran mo kho na lags par bas kyis/ gal te rje'i sras khyod dang lhan cig 'grogs na de lta na bran mor mi 'gyur lags so/ /des gal gyis 'chu bar shes nas smras pa/ bu mo gang gi tshe rung zhing zla mtshan dang ldan par gyur pa de'i tshe kho bo la sbron cig /des dus gzhan zhig na rung zhing zla mtshan dang ldan par gyur nas des de la sbran to/ /de nas khyim bdag 'byor pa dang de gnyis lhan cig dga' mgur spyad pas de sems can dang ldan par gyur to/ /gang gis nyi ma la sems can zhugs par gyur pa'i nyi ma de kho na nas bzung nas khyim bdag 'byor pa'i nor thams cad dang / las kyi mtha' thams cad yongs su rdzogs par gyur to/ /de zla ba brgyad dam dgu 'das nas khye'u gzugs bzang ba/ mdzes pa/ lta na sdug pa/ mdog gser 'dra ba/ mgo gdugs ltar 'dug pa/ lag pa ring ba/ 'phral ba'i dbyes che ba/ smin ma 'jar ba/ sna'i gzangs mtho ba/ yan lag dang nying lag thams cad dang ldan pa zhig btsas so/ /de btsas nas lhag par khyim bdag 'byor pa'i dgos pa thams cad dang / las kyi mtha' thams cad yongs su rdzogs par gyur to/ /de nyi ma bdun gsum nyi shu gcig tu btsas pa'i btsas ston rgya cher byas nas ming 'dogs par byed de zhes bya ba nas/ gang po zhes bya bar gdags so zhes de'i ming gang po zhes btags so zhes bya ba'i bar gong ma bzhin no/ /khye'u gang po ma ma brgyad la rjes su gtad de/ dri ma phyi ba'i ma ma gnyis dang zhes bya ba nas rgyas par sbyar te/ rdzing na gnas pa'i pad ma bzhin du myur du skyed par byed do zhes bya ba'i bar du'o/ /de chen por gyur pa de'i tshe yi ge dang / rtsis dang / grangs dang / lag rtsis dang / dbyung ba dang / gzhugs pa dang / gzhag pa la nye bar zhugs shing brtag pa brgyad po gzhi brtag pa dang / ras brtag pa dang / rin po che brtag pa dang / shing brtag pa dang / glang po che brtag pa dang / rta brtag pa dang / gzhon nu brtag pa dang / gzhon nu ma brtag pa la shin tu byang zhing / brtag pa gzhan yang byed pa dang / klog pa la mkhas pa dang / spyod pa gsal bar gyur to/ /de nas khyim bdag 'byor pas 'byor len la sogs pa bu rnams rims bzhin du khyim phub pa dang / de dag chung ma la lhag par chags pas 'tsho nam yal bar bor te 'jo sgeg lhur len cing 'khod do/ /de nas khyim bdag 'byor pa lag pa la 'gram pa gtad nas sems khongs su chud cing 'dug pa de bu rnams kyis mthong nas dris pa/ yab khyod ci'i slad du phyag la zhal gtad nas sems khongs su chud cing bzhugs/ des smras pa/ bu dag nga ni ji srid gser 'bum ma rnyed pa de srid du khyim ma phub bo/ /khyed cag 'tsho nam yal bar bor nas chung ma la lhag par chags pas 'jo sgeg lhur len cing 'khod de/ nga shi nas khyim mya ngan gyis gang bar 'gyur na ji ltar sems khongs su chud par mi 'gyur/ 'byor len gyis rin po che'i rna rgyan thogs pa bkrol nas shing gi rna rgyan gcig btags te bdag gis ji srid gser 'bum ma grub pa de srid du rin po che'i rna rgyan gdags par mi bya'o zhes dam bcas so/ /gcig gis ni rgya skegs kyi rna brgyan no/ /gcig gis ni zha nye'i rna brgyan no/ /de dag ming 'byor len dang / 'byor skyob dang / 'byor dga' zhes bya ba gang yin pa de dag nub par gyur nas shing gi rna rgyan can/ rgya skegs kyi rna brgyan can/ zha nye'i rna rgyan can zhes bya bar ming grags so/ /de rnams zong thogs te rgya mtsho chen por dong ba dang / gang pos smras pa/ yab bdag kyang rgya mtsho chen por mchi'o/ /des smras pa/ bu khyod bus pa yin gyis 'di nyid du 'dug la tshong khang gi bya ba dag byos shig ces de nyid du 'dug go/ de rnams kyis kyang gru bo che grub nas lhags te lam gyis dub pa dag ngal bso nas smras pa/ yab bdag cag gi zong 'di brtsir gsol/ brtsis nas re res kyang gser 'bum 'bum rnyed par gyur to/ /gang pos kyang de nyid du chos dang 'thun pas bsgyur bas gser 'bum lhag gcig rnyed nas gang pos kyang pha'i rkang pa gnyis la gtugs nas smras pa/ yab bdag gi tshong khang nas bsgyur ba'i rdzas kyang brtsir gsol/ des smras pa/ bu khyod 'di nyid na 'dug 'dug na khyod la ci zhig brtsir yod/ des smras pa/ yab 'on kyang brtsir gsol/ mkhyen par 'gyur ro/ /brtsis na gang yang rigs pas bsgrubs pa gser bzhi po nyid ma gtogs pa gser 'bum lhag cig byung ngo / /khyim bdag 'byor pa dga' ba dang yid bde ba skyes te bsams pa/ sems can 'di ni bsod nams kyi mthu chen po dang ldan pa zhig ste/ 'dis 'di nyid na 'dug bzhin gser 'bum rnyed gcig grub bo snyam mo/ /ji tsam dus gzhan zhig na khyim bdag 'byor ba nad kyis btab par gyur nas des bsams pa bdag shi ba dang 'di dag 'bye par 'gyur gyis thabs shig bsham par bya'o snyam nas des de dag la smras pa/ bu dag shing skam po dag sta gon gyis shig /de rnams kyis shing dag sta gon byas pa dang / des smras pa/ me bus shig /de rnams kyis me bus pa dang / des smras pa/ mgal pa re re nas phyung shig /de rnams kyis mgal pa re re nas phyung ba dang / me de shi bar gyur to/ /des smras pa/ bu dag khyed kyis mthong ngam/ yab mthong lags so/ /des tshigs su bcad pa dag smras pa/ mgal pa tshogs pas me 'bar ltar/ /spun tshogs pa yang de bzhin no/ /mgal pa phral na shi gyur pa/ /mi rnams kyang ni de dang 'dra/ /bu dag nga shi nas khyed cag gis bud med kyi tshig mnyan par mi bya'o/ /bud med kyis ni gza' dag 'byed/ /sngar ma rnams ni ngag gis 'byed/ /ngan la smras pas gsang tshig 'phel/ /'dod pa yis ni mdza' shes 'byed/ /de dag gzhan ni dong ngo / /'byor len de nyid na 'dug pa dang des de la smras pa/ bu khyod kyis ji ltar gyur kyang gang po gtang bar mi bya ste/ sems can 'di ni bsod nams kyi mthu chen po dang ldan pa yin no zhes bsgo ste/ bsags pa kun gyi mtha' zad cing / /mthon po rnams kyis mtha' lhung gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ /zhes smras nas dus kyi chos dang ldan par gyur to/ /de rnams kyis de ras sngon po dang / ser po dang / dmar po dang / dkar po rnams kyis khyogs brgyan te bkur sti cher byas nas dur khrod du khyer te bsregs so/ /de nas mya ngan bsang ba byas nas smras pa/ gang gi tshe bdag cag gi pha gson pa de'i tshe ni srog de la rag las na da de dus las 'das na/ gal te da 'tsho nam yal bar bor te 'dug na khyim zhig par 'gyur zhing nye du rnams kyis kyang dpyas par 'gyur gyis/ ma la bdag cag zong thogs te yul gzhan du 'dong ngo / /gang pos smras pa/ gal te de ltar na bdag kyang mchi'o/ /de rnams kyis smras pa/ khyod 'di nyid du 'dug la tshong khang gi bya ba dag byos shig /kho bo cag kho na 'dong ngo zhes de rnams kyis zong khyer te yul gzhan du dong ngo // // //'dul ba gzhi/ bam po nyi shu bzhi pa// // gang po la ni dgos pa thams cad gtad nas de nyid na gnas so/ /chos nyid kyis phyug po'i khyim bdag na nyin re zhing 'god pa 'bog pa yin pas/ de dag gi chung mas bran mo de dag mngags te 'god pa nod du btang ba las gang po tshong pa dang / tshong dpon dang / ded dpon dang / gzhan yang rjes su 'tsho ba dag gis yongs su bskor cing 'dug ste de dag gis skabs ma rnyed do/ /ji tsam na de dag langs te dong bar gyur pa de'i tshe de dag la nyin par gyi 'god pa phog go/ /bu mo de dag ring zhig lon te 'ongs pa dang / kye ma bu mo khyed cag ring zhig ci thogs shes spyos pas de dag gis smras pa/ gang po tshong pa dang / tshong dpon dang / ded dpon dang / gzhan yang rjes su 'tsho ba dag gis yongs su bskor nas nyi ma'i 'od zer lta bur gzi brjid 'bar zhing bzhugs te/ gang gi tshe de dag langs te mchis pa de'i tshe phog go/ de dag gis smras pa/ gang dag gis khyim na bran mo'i bu dag dbang phyug la dbang byed pa de dag la yong yang de ltar 'gyur ro/ /'byor len gyi chung mas bran mo la smras pa/ ring mo zhig tu ci'i phyir thogs/ des skabs de rgyas par smras pa dang / des smras pa/ khyod 'or che'o/ /khyod kyis dus shes par byos la song shig / des dus shes par byas nas song ba dang myur du thob bo/ /gzhan dag ni ring du thogs par gyur nas de dag gis de la dris pa/ khyod ni ci ste myur bar 'khor/ des thams cad smras nas de dag kyang de dang lhan cig 'dong bar brtsams so/ /gang po yang tshong pa dang / tshong dpon dang / ded dpon dang / gzhan yang rjes su 'tsho ba rnams kyis yongs su bskor cing 'dug pa las de dag kyang dong nas/ des de la nyin par gyi 'god pa phog go/ de dag gis kyang myur du thob bo/ /de dag gi jo mo dag gis smras pa/ da myur du 'khor ba 'di la rgyu ci yod/ de dag gis smras pa/ jo mo thu mo snyun mi mnga' bar gyur cig /de'i tshe gang gi bran mo mchis pa de'i tshe phog lags kyis bdag cag de dag dang 'grogs te mchi'o/ /de dag mi bzod pa skyes nas smras pa/ gang dag gis khyim na bran mo'i bu dag dbang phyug la dbang byed pa de dag la yong yang de ltar 'gyur ro/ /ji tsam dus gzhan zhig na 'byor len dang / 'byor skyob dang / 'byor dga' rnams lhan cig tu dga' zhing 'thun pas rgya mtsho chen po nas gru bo che grub ste 'ongs so/ /'byor len gyis chung ma la dris pa/ bzang mo gang pos khyod legs par bskyangs sam/ des smras pa/ ji ltar ming po 'am bus bgyi ba bzhin du legs par bgyis so/ /gzhan dag la khyim thab dag dag gis smras pa dang de dag gis smras pa/ gang dag gis khyim na bran mo'i bu dbang phyug la dbang bgyid pa de dag la yong yang de ltar 'gyur lags so/ /de dag gis bsams pa/ bud med dag ni mdza' bshes kyis dbyen du 'gyur ro snyam mo/ /ji tsam dus gzhan zhig na ka shi ka'i ras kyi tshong khang gi sgo phye ma thag tu 'byor len gyi bu 'ongs nas gang pos de la ka shi ka'i ras yug gcig bskon no/ /mna' ma dag gis mthong nas smras pa/ bu 'di sus byin/ des smras pa/ khu gus byin no/ /gzhan dag gis mthong nas kyang rang rang gi bu btang ba dang / ka shi ka'i ras kyi tshong khang gi sgo ni bcad/ ras sbom po dag yod pa'i tshong khang gi sgo phye ba la de dag kyang ma stes te/ phyin nas de dag la gang pos ras sbom po dag bskon no/ /de dag gis mthong nas khyim thab dag la smras pa/ khyed cag gis gzigs sam/ kha cig la ni ka shi ka'i ras yug stsal la/ kha cig la ni ras sbom po dag go/ de dag gis lan btab pa/ cig gdon mi za bar 'di ltar ka shi ka'i tshong khang gi ras kyi sgo ni bcad la/ ras sbom po'i sgo bye ba la bab pa zhig ma yin grang / de dag gis smras pa/ da dung yang brtag par bgyi'o/ /ci tsam dus gzhan zhig na sha kha ra'i tshong khang gi sgo phye ba na 'byor len gyi bu 'ongs nas des sha kha ra phor bu gang thob ste/ des de khyer nas khyim du song ba dang mna' ma dag gis mthong nas smras pa/ bu 'di sus byin/ des smras pa/ khu gus byin no/ /de dag gis kyang rang rang gi bu btang ba dang sha kha ra'i tshong khang gi sgo ni bcad/ bu ram gyi tshong khang gi sgo phye ba dang / de dag kyang ma stes te bu ram gyi tshong khang gi sgo bye ba'i khar 'ongs nas de dag gis bu ram zhig thob bo/ /de dag gis smras pa/ khyed kyis gzigs sam/ gcig la ni sha kha ra stsal la/ gzhan la ni bu ram stsal lo/ /de dag gis de mthong ste/ ji ltar khyim bgo ba byed par stsol ba de lta de ltar khyim thab dag bye nas de dag phan tshun gros byas pa/ bdag cag gi khyim gtan zhig gis bgo bar bya'o/ /gcig gis smras pa/ phu bo chen po sbran pa snyam/ gcig gis smras pa/ re shig ji ltar bgo bar dpyad do/ / de gnyis kyis rang gi blos dpyad pa/ gcig gis ni khyim na yod pa dang zhing na yod pa'o/ /gcig gis ni tshong khang na yod pa dang yul gzhan na yod pa'o/ /gcig gis ni gang po'o/ /gal te phu bo chen pos khyim na yod pa dang zhing na yod pa blangs na/ bdag cag gis tshong khang na yod pa dang yul gzhan na yod pas rang 'tsho bar nus so/ /'on te tshong khang na yod pa dang yul gzhan na yod pa blangs na/ 'on kyang bdag cag gis khyim na yod pa dang zhing na yod pa dang 'tsho bar bya zhing gang po yang mnar bar nus so snyam nas/ de gnyis kyis de ltar gros byas te 'byor len gyi drung du song nas spun zhig par 'gyur gyis bdag cag khyim bgo'o/ /des smras pa/ khyim 'jigs par byed pa ni bud med dag yin pas legs par brtags te bya ba snyam/ de gnyis kyis smras pa/ bdag cag gis brtags zin gyis bgo'o/ /des smras pa/ gal te de ltar na gzu bo mi lnga zhig bos shig /de gnyis kyis smras pa/ bdag cag gis snga mo zhig tu bgos zin na gzu bo mi lnga ci dgos kyis gcig gis ni khyim na yod pa dang zhing na yod pa dag go/ gcig gis ni tshong khang na yod pa dang yul gyi mtha' na yod pa'o/ /gcig gis ni gang po'o/ /des smras pa/ ci gang po'i skal ba mi sbyin nam/ de gnyis kyis smras pa/ bran mo'i bu de la bgo skal sus sbyin/ der ma bas kyis de nyid bdag cag gis bgo'o/ /gal te khyod bzhed na khyod nyid snoms shig /des bsams pa/ pha na re bdag la khyod kyis bdog pa thams cad yongs su btang yang gang po gtang par mi bya'o zhes bsgo bas gang po blang bar bya'o snyam du bsams nas smras pa/ gal te de lta na gang po ni kho bos bkur ro/ /khyim na yod pa dang zhing na yod pa dbang ba gang yin pa de ni rings par khyim du song nas smras pa/ mna' ma thu mo phyung shig /de phyir byung ba dang slar yang ma 'jug shig /ci'i phyir/ bdag cag gis khyim du gtogs pa bgos zin to/ /tshong khang na yod pa dang yul gzhan na yod pa dbang ba gang yin pa de yang de ma thag tu tshong khang du song nas smras pa/ gang po mar bobs shig /des babs pa dang da phan chad ma 'dzeg shig /ci'i phyir/ bdag cag gis khyim bgos te/ yul gzhan na yod pa dang tshong khang na yod pa ni bdag gi yin no/ /des smras pa/ bdag gi bgo skal byin cig /des smras pa/ khyod bran mo'i bu yin na khyod la ci'i phyir bgo skal byin/ der ma zad khyod nyid kho bo cag gis bgos te phu bo chen pos thob bo/ /'byor len gyi chung ma gang po dang lhan cig 'grogs te gnyen zhig gi khyim du dong ba na bus pa bkres nas ngu bar brtsams so/ /des smras pa/ gang po bus pa dag la g.yar stsus stsol cig /des smras pa/ kar Sha pA Na phog shig /des smras pa/ khyod kyis gser 'bum snyed kyi spogs byas na bus pa dag gi g.yar stsus ma mchis pa lta ci kho bos khyed cag gi khyim 'di 'dra ba mkhos su 'bebs par 'gyur bar shes sam/ gal te kho bos shes par gyur na gser 'bum phrag du ma spags pa zhig /bud med kyi gos kyi mthar ma sha ka sgyu ma can dag thum po byed pa de ni chos nyid yin te/ des ma sha ka sgyu ma can zhig phog ste g.yar stsus snoms te byon cig /des de khyer te tshong dus su song ba las mi zhig gis rgya mtsho'i rlabs kyis bdas pa'i shing las khur cig khyer te grang bas sbrebs nas 'dar zhing 'ong ba de des mthong nas dris pa/ kye nang rje ci'i phyir de ltar 'dar/ des smras pa/ bdag gis kyang ma 'tshal te/ cung zad du na shing khur 'di thogs nas bdag 'di 'dra bar grang bar gyur to/ /de shing brtags pa la mkhas pas des shing de brtag par brtsams pa dang / de na tsan dan sa mchog yod par mthong nas des de la smras pa/ kye nang rje rin ji tsam du btsong / kar Sha pA Na lnga brgyar ro/ /des shing khur de blangs nas tsan dan sa mchog de phyung ste/ tshong dus su song nas sog les dum bu bzhir gshegs te/ bur ma de rnams kar Sha pA Na stong du btsongs nas de nas de la kar Sha pA Na lnga brgya byin te 'di skad ces smras so/ /khyim ga ge mo zhes bya ba na 'byor len gyi chung ma 'dug gis/ der shing khur 'di khyer la gang pos bskur ba yin no zhes byos shig /des de khyer nas ji ltar gyur pa dag smras pa dang / des brang brdungs nas smras pa/ 'di ltar de nor 'khyams na shes rab kyang 'khyams sam/ ci btso ba tshol du btang na btso rgyu gang yin pa de nyid med par bud pa bskur to/ /ci tsam dus gzhan zhig na grong khyer slo ma lta bu'i rgyal po tsha ba'i rims chen pos thebs nas myog myog por gyur pa de la sman pas tsan dan sa mchog bstan to/ /de nas blon po rnams kyis tsan dan sa mchog btsal bar brtsams pa dang / de rnams kyis tshong dus su brgyud pa las thos nas de rnams gang po'i drung du song ste/ tsan dan sa mchog yod dam/ yod do/ /rin ji tsam du btsong / kar Sha pA Na stong ngo / /de rnams kar Sha pA Na stong gis nyos nas rgyal po la byugs pa dang sos par gyur to/ / rgyal pos bsams pa/ gang gi khyim na tsan dan sa mchog yod pa'i khyim de ci 'dra ba zhig yin snyam nas/ rgyal pos blon po rnams la smras pa/ 'di ga las 'ongs/ blon po rnams kyis smras pa/ lha gang po las so/ /gang po 'dir khug shig /der pho nya song nas smras pa/ gang po lhas bka' stsal to/ /des dpyad par brtsams pa/ rgyal po bdag la ci'i phyir bka' stsol/ des yang bsams pa/ des tsan dan sa mchog gis snyun gdangs par gyur pas de'i phyir bdag la bka' stsal gyis tsan dan sa mchog thams cad khyer te 'gro'o snyam nas/ des tsan dan sa mchog gi dum bu gsum ras kyis khud du dkris te/ gcig lag tu thogs nas rgyal po'i drung du song ba dang rgyal pos smras pa/ gang po tsan dan sa mchog cung zad yod dam/ des smras pa/ lha 'dir mchis so/ /'di la rin ji tsam/ gser 'bum mo/ /gzhan yang yod dam/ lha mchis so zhes des dum bu gsum car bstan pa dang rgyal pos blon po rnams la bsgo ba/ gang po la gser bzhi 'bum byin cig /gang pos smras pa/ lha gsum gyis ni stsol cig /gcig ni lha la skyes su 'bul lo/ /gsum gyis byin nas rgyal pos smras pa/ gang po khyod nga'i thugs su 'thad kyis mchog ci 'dod pa gsol cig dang sbyin no/ / lha gal te thugs dang 'thad par gyur na lha'i yul du sus kyang mi gtse bar mchis par gsol/ rgyal pos blon po rnams la bsgo ba shes ldan dag deng phyin chad khyed kyis gzhon nu rnams la bsgo bar bya'i/ gang po la ni ma yin no/ /ji tsam tshong pa lnga brgya tsam pa rgya mtsho chen po'i gru bo che grub nas grong khyer slo ma lta bur lhags so/ /tshong pa'i tshogs kyis nang khrims su bcas pa/ bdag cag sus kyang gcig pu tshogs las gar te tshong pa'i drung du 'gro bar mi bya'o/ / gal te song na de la kar Sha pA Na drug bcu dbab bo/ /brungs kyang tshogs te blang bar bya'o zhes bcas so/ /kha cig gis smras pa/ gang po yang bran pa snyam/ kha cig gis smras pa/ bkren pa de la bran na ci yod/ de'i tshe gang po phyir byung ba na des tshong pa lnga brgya tsam rgya mtsho chen po nas gru bo che grub nas grong khyer slo ma lta bur phyin no zhes thos nas/ de grong khyer du ma zhugs pa nyid du de dag gi drung du song ste dris pa/ shes ldan dag rdzas 'di dag ci yin/ de rnams kyis smras pa/ 'di dang 'di dag yin no/ /rin ji tsam/ ded dpon gar phyin yang khyod kho na dri bar bas so/ /des smras pa/ gal te de lta yin yang 'on kyang rin thang smos shig /de dag gis gser sa ya dang brgyad 'bum du rin btab bo/ /des smras pa/ shes ldan dag thag bcad pa'i gser sum 'bum khyer cig /zong 'di dag ni kho bo'i yin no/ /lhag ma ni nang du phyin nas sbyin no/ /de bzhin du bgyi'o zhes pa dang / des gser sum 'bum yang blangs nas thag gcad pa'i phyir byin/ rang gis rgyas kyang btab ste song ngo / /de nas tshong pa'i tshogs kyis tshong pa'i g.yog gis mi dag rdzas ci yod ltos shig ces mngags nas de dag song ste dris pa/ rdzas 'di dag ci yin/ 'di dang 'di dag yin no/ /bdag cag la 'di 'dra bas ni mdzod dang bang ba gang bar 'dug go/ de rnams kyis smras pa/ gang yang rung ma gang yang rung ste/ 'on kyang 'di btsongs zin to/ /su zhig la/ gang po la'o/ /gang po la btsongs na chen mo zhig khugs mod/ de rnams kyis smras pa/ des thag bcad par byin pa gang yin pa de khyod kyis rin du yang mi byin no/ /des thag bcad par ci byin gser sum 'bum mo/ /des phu bo de dag las brkus yang dag go/ de rnams slar log ste tshong pa'i tshogs la smras pa/ rdzas de dag ni btsongs zin to/ / su zhig la/ gang po la'o/ /gang po la tshongs na chen mo zhig khugs mod/ des thag bcad par byin pa gang yin pa de khyod kyis rin du yang mi byin no/ /des thag bcad par ci byin/ srang sum 'bum mo/ /des spun de dag las brkus yang dag go/ de rnams kyis de bos nas smras pa/ gang po tshong pa'i tshogs kyis khrims su bcas pa/ sus kyang gcig pus zong mi blangs gis tshong pa'i tshogs kho nas blang bar bya'o zhes bcas na khyod kyis ci'i phyir blang / des smras pa/ shes ldan dag gang gi tshe khyod kyis khrims su bca' ba byas pa de'i tshe ci kho bo 'am/ kho bo'i phu nu bo dag la bsgo 'am/ khyod kho bo nas khrims su bca' ba byas/ khyed cag nyid srungs shig /de nas tshong pa'i tshogs khros nas kar Sha pA Na drug bcu'i phyir bzung ste nyi ma la bzhag pa rgyal po'i mi gang gis mthong ba de dag gis rgyal po la smras pa dang / rgyal pos bsgo ba/ shes ldan dag de rnams khug shig /de dag gis de rnams bkug pa dang / rgyal pos smras pa/ shes ldan dag khyed cag gis ci'i phyir gang po bzung ste nyi ma la bzhag /lha tshong pa rnams kyis khrims su bcas pa/ sus kyang gcig pus zong 'jal tshong mi bgyi'o zhes bcas pa las/ 'di gcig pus 'jal tshong bgyis pas so/ /des smras pa/ lha gang gi tshe 'di dag gis khrims su bca' ba bgyis pa de'i tshe 'di dag gis ci bdag gam bdag gi phu nu bo dag la bsgo 'am zhes rmar gsol/ rgyal pos smras pa/ shes ldan dag gang po'i shags bzang ngo / /de rnams skyengs nas de btad do/ /ji tsam dus gzhan zhig na rgyal po la rdzas shig gi dgos pa byung nas des tshong pa'i tshogs bkug ste bsgo ba/ shes ldan dag nga la rdzas che ge mo zhes bya ba zhig dgos kyis de nga la phul cig /de rnams kyis smras pa/ lha gang po la mchis so/ /des smras pa/ nga de la bka' mi stsol gyis/ khyed nyid kyis de las nyos la nga la phul cig /de dag gis gang po la pho nya btang ste tshong pa'i tshogs 'bod do zhes byas so/ /des smras pa/ kho bo mi 'ongs ngo / /de nas tshong pa'i tshogs thams cad 'dus te de'i khyim du song nas sgor bsdad de de la phrin btang nas gang po tshong pa'i tshogs sgo na sdod kyis byung zhig ces spring ngo / /de nga rgyal dang nyam du shed dang bcas pa'i dregs pas byung ba dang / tshong pa'i tshogs kyis smras pa/ ded dpon ji ltar nyos pa bzhin du zong byin cig /des smras pa/ gal te ji ltar nyos pa bzhin zong byin na kho bo tshong pa chen po yin mod/ de dag gis smras pa/ rin nyis 'gyur gyis byin cig dang tshong pa'i tshogs mchod par 'gyur ro/ /des bsams pa/ tshong pa'i tshogs ni mchod par bya ba yin no snyam nas/ des sa ya dang lnga 'bum nyis 'gyur du byin no/ /lhag ma ni khyim du sbas nas des bsams pa/ ji ga zil pa'i thigs pas bum pa dgang bar nus sam/ rgya mtsho chen por 'jug par bya'o snyam nas/ rgya mtsho chen por 'jug par bya ba'i phyir des grong khyer slo ma lta bur dril sgrogs su bcug pa/ shes ldan grong khyer slo ma lta bu na gnas pa'i tshong pa dag nyon cig /ded dpon gang po rgya mtsho chen por 'jug par 'gyur gyis/ khyed cag las gang ded dpon gang po dang lhan cig sho gam med pa dang / la can pa'i gla med pa dang / gru btsas med par rgya mtsho chen por 'jug par spro ba de dag gis rgya mtsho chen por 'dong ba'i zong sta gon byos shig /tshong pa lnga brgya tsam gyis rgya mtsho chen por 'dong ba'i zong sta gon byas so/ /de nas ded dpon gang po dge mtshan dang / bkra shis dang / bde legs su 'gyur ba dag byas te 'khor tshong pa lnga brgya dang rgya mtsho chen por zhugs pa las/ gru bo che grub nas/ grong khyer slo ma lta bur 'khor to/ /de lta bur lan drug gi bar du rgya mtsho chen por zhugs pa las gru bo che grub nas slar 'khor to/ /phyogs kun du gang pos lan drug gi bar du rgya mtsho chen por zhugs pa las slar 'khor to zhes sgra grags pa dang / mnyan yod pa'i tshong pa dag zong thogs te grong khyer slo ma lta bur dong nas/ de dag lam gyis dub pa ngal sos nas/ ded dpon gang po gang na ba der dong ste/ lhags nas smras pa/ ded dpon rgya mtsho chen por bzhud do/ /des smras pa/ shes ldan dag lan drug gi bar du rgya mtsho chen po nas gru bo che grub ste/ slar 'khor ba las bdun par 'jug pa khyed cag gis mthong ba 'am thos pa 'ga' yod dam/ de dag gis smras pa/ gang po bdag cag shul ring po nas khyod kyi ched du lhags te gal te mi 'jug na khyod nyid tshad ma yin no/ /des bsams pa/ bdag la ni nor gyis cung zad kyang mi chog pa med na 'di dag gis don du 'gro bar bya'o snyam nas/ de de rnams dang lhan cig tu rgya mtsho chen por chas so/ /de dag gis nam tho rangs kyis dus su ched du brjod pa dang / pha rol 'gro byed dang / bden pa mthong ba dang / gnas brtan pa'i tshigs su bcad pa dang / gnas brtan ma'i tshigs su bcad pa dang / ri gnas pa'i tshigs su bcad pa dang / thub pa'i tshigs su bcad pa dang / don gyi tshoms kyi mdo dag gsang bstod de bton pa dang / des de dag thos nas smras pa/ shes ldan dag glu bzang po zhig long shig /de rnams kyis smras pa/ ded dpon de dag ni glu ma lags so/ /'o na ci/ de ni sangs rgyas kyis bka' 'o/ /des sangs rgyas zhes bya ba'i sgra sngon ma thos pa thos nas ba spu'i khung bu thams cad nas spu zing zhes byed nas gus pa dang bcas pas dris pa/ shes ldan dag sangs rgyas zhes bya ba de su zhig yin/ de rnams kyis smras pa/ shAkya'i sras dge slong gau ta ma shAkya'i rigs las skra dang kha spu bregs nas gos ngur smrig bgos te yang dag pa kho nar dad pas khyim nas khyim med par rab tu byung nas de bla na med pa yang dag par rdzogs pa'i byang chub mngon par rdzogs par sangs rgyas pa zhig yod de/ ded dpon de ni sangs rgyas zhes bgyi'o/ / shes ldan dag bcom ldan 'das de da ltar gang na bzhugs/ ded dpon mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /des de snying la bzung nas de rnams dang lhan cig rgya mtsho chen por zhugs te gru bo che grub nas slar lhags so/ /de'i phu bo 'byor len gyis bsams pa 'di rgya mtsho chen por 'gro 'gro bas dub par gyur gyis 'di khyim dbub par bya'o snyam nas des de la smras pa/ khyod kyi don du tshong pa dang / tshong dpon dang / ded dpon gang gis bu mo bslang ba phu bo la smros shig / des smras pa/ bdag 'dod pa ni ma 'tshal gyis gal te gnang na rab tu 'byung ngo / /des smras pa/ gang gi tshe bdag cag khyim gyis 'tsho nam la ma zhugs pa de'i tshe rab tu mi 'byung bar da ci'i phyir rab tu 'byung / des smras pa/ de'i tshe ni mi rigs lags so/ /des de gdon mi za bar gal gyis 'chu bar shes nas gnang ngo / /des smras pa/ phu bo rgya mtsho chen po na nyes dmigs ni mang la mnog ni chung ngo / /der 'jug pa ni mang la slar 'khor ba nyung bas khyod kyis rnam pa thams cad du rgya mtsho chen por 'jug par mi bya'o/ /khyod la rigs pas bsgrub pa'i nor phal po che yod la khyod kyi nu bo dag la rigs pa ma yin pas bsgrubs pa yin pas gal te de dag na re lhan cig 'khod par bya'o zhes zer na 'dug par mi bya'o zhes smras nas rim gro pa gcig khrid de mnyan yod du song ste/ mnyan yod kyi bskyed mos tshal du 'dug nas khyim bdag mgon med zas sbyin la phrin pa btang ste/ khyim bdag ded dpon gang po khyim bdag blta bar 'dod nas skyed mos tshal na sdod do zhes spring ba dang / mgon med zas sbyin gyis bsams pa/ gdon mi za bar chu'i bzhon pas dub nas/ da ni thang gi bzhon pas 'ongs so snyam mo/ /de nas dris pa/ kye nang rje zong ji snyed cig khyer te 'ongs/ de la zong ga la yod/ rim gro pa dang gnyis pu ste de dang bdag tu bas so/ /mgon med zas sbyin gyis bsams pa/ gang bdag gis skyes bu dam pa de la bkur stir ma byas par khyim du bod pa ni bdag rigs pa dang ldan pa ma yin snyam nas/ des de bkur sti chen pos khyim du bos nas bsku mnye byas te khrus byas nas zan byin te dga' ba'i gtam byas te 'dug nas/ mgon med zas sbyin gyis dris pa/ ded dpon dgos pa ci zhig la 'ongs/ khyim bdag bdag ni legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po 'tshal lo/ /de nas khyim bdag mgon med zas sbyin gyis ro stod bstod nas lag pa g.yas pa brkyang ste ched du brjod pas ched du brjod pa/ kye ma'o sangs rgyas/ kye ma'o chos/ kye ma'o dge 'dun/ kye ma'o chos legs par gsungs pa nyid/ de la ni da skyes bu gtso bo 'di lta bu yang rang gi skye bo dang gnyen bshes kyi tshogs rgya chen po dang / mdzod dang bang mdzod rgyas pa rnams kyang spangs nas legs par gsungs pa'i chos 'dul ba las rab tu byung zhing bsnyen par rdzogs pa dge slong gi dngos po 'dod par gyur to/ /de nas khyim bdag mgon med zas sbyin gyis ded dpon gang po khrid de bcom ldan 'das gang na ba der song ngo / /de'i tshe bcom ldan 'das dge slong gi 'khor brgya phrag du ma'i gung la bzhugs nas chos 'chad do/ /bcom ldan 'das kyis khyim bdag mgon med zas sbyin skyes dang chas te 'ong ba gzigs so/ /gzigs nas kyang dge slong rnams la bka' stsal pa/ dge slong dag khyim bdag mgon med zas sbyin skyes dang chas te da ltar 'ong ngo / /de bzhin gshegs pa'i skyes ni 'di lta bu med de/ 'di lta ste gdul ba'i skyes bu'o/ /de nas khyim bdag mgon med zas sbyin gyis bcom ldan 'das kyi zhabs gnyis la phyag byas te/ ded dpon gang po dang lhan cig phyogs gcig tu 'dug go/ phyogs gcig tu 'dug nas khyim bdag mgon med zas sbyin gyis bcom ldan 'das la 'di skad ces gsol to/ /btsun pa ded dpon gang po 'di legs par gsungs pa'i chos 'dul ba la rab tu 'byung zhing bsnyen par rdzogs pa dge slong gi dngos po 'tshal na/ de bcom ldan 'das kyis rab tu dbyung ba dang bsnyen par rdzogs par mdzad du gsol/ bcom ldan 'das kyis khyim bdag mgon med zas sbyin la cang mi gsung bas gnang ngo / /de nas bcom ldan 'das kyis ded dpon gang po la bka' stsal pa/ dge slong tshur shog tshangs par spyad pa spyod cig ces bcom ldan 'das kyis bka' stsal pa'i mod kho nar de skra byi ba dang / snam sbyar gon par gyur te/ skra dang kha spu zhag bdun skyes pa tsam dang / lag na lhung bzed dang bya ma bum thogs pa dang / dge slong bsnyen par rdzogs nas lo brgya lon pa'i spyod lam lta bur gnas par gyur to/ /de bzhin gshegs pas tshur shog gsungs pas de/ /skra byi snam sbyar gon pa'i lus ldan zhing / mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /de nas dus gzhan zhig na tshe dang ldan pa gang po bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te phyogs gcig tu 'dug go/ phyogs gcig tu 'dug nas tshe dang ldan pa gang pos bcom ldan 'das la 'di skad ces gsol to/ /bcom ldan 'das bcom ldan 'das las bdag gis mdor bsdus pa'i chos thos pa ji lta bus gcig pus dben pa bag yod pa dang rtun pa dang ldan la bdag nyid la bdag nyid gtod cing gnas par 'gyur ba de lta bu'i chos mdor bsdus pa legs par bshad du gsol/ gcig pu dben pa bag yod pa dang rtun pa dang ldan la bdag nyid gtod cing gnas na/ rigs kyi bu bdag gang gi phyir skra dang kha spu bregs nas gos ngur smrig bgos te yang dag pa'i dad pas khyim nas khyim ma mchis par rab tu byung bar bgyid pa tshangs par spyod pa'i mtha' bla na ma mchis pa de mthong ba'i chos de nyid la rang gi mngon par shes pas mngon sum du bgyis te bsgrubs nas bdag gi skye ba ni zad do/ /tshangs par spyod pa ni spyad do/ /bya ba ni byas so/ /srid pa 'di las gzhan mi shes so zhes go bar bgyi'o/ /de skad ces gsol pa dang / bcom ldan 'das kyis tshe dang ldan pa gang po la 'di skad ces bka' stsal to/ /gang po legs so/ legs so/ /gang po gang khyod 'di skad du srid pa 'di las gzhan mi shes so zhes bya ba nas de lta bu'i chos mdor bsdus pa legs par bshad du gsol zhes bya ba'i bar smra ba ni yang legs so zhes bya ba snga ma bzhin te/ de'i phyir rab tu nyon la yid la zung shig dang bshad do/ /gang po mig gis rnam par shes par bya ba'i gzugs sdug pa dang / chags pa dang / dga' ba dang / yid du 'ong ba dang / 'dod pa dang ldan pa dang / kun du chags par 'gyur ba yod la/ de dag gal te dge slong gis mthong nas mngon par dga' ba dang / mngon par bstod pa dang / lhag par chags pa dang / lhag par zhen cing gnas nas de dag la mngon par dga' ba dang / mngon par bstod pa dang / lhag par chags pa dang / lhag par zhen cing gnas pa de la kun du dga' ba 'byung ngo / /kun du dga' ba yod na dga' ba dang / yid bde bar 'gyur ro/ /dga' ba dang yid bde ba yod na kun du chags par 'gyur ro/ /kun du chags pa yod na kun du sbyor bar 'gyur te/ dga' ba dang / kun du chags pa dang / kun du sbyor ba dang ldan par gyur pa'i dge slong ni gang po mya ngan las 'das pa las ring du gyur pa zhes bya'o/ / gang po rna bas rnam par shes par bya ba'i sgra dang / snas rnam par shes par bya ba'i dri dang / lces rnam par shes par bya ba'i ro dang / lus kyis rnam par shes par bya ba'i reg bya dang / yid kyis rnam par shes par bya ba'i chos sdug pa dang / chags pa dang / dga' ba dang / yid du 'ong ba dang / 'dod pa dang / ldan pa dang kun du chags par 'gyur ba rnams yod la/ de dag gal te dge slong gis shes nas zhes bya ba nas/ mya ngan las 'das pa las ring du gyur pa zhes bya'o zhes bya ba'i bar snga ma bzhin no/ /gang po mig gis rnam par shes pa bya ba'i gzugs sdug pa dang / chags pa dang / dga' ba dang / yid du 'ong ba dang / 'dod pa dang ldan pa dang / kun du chags par 'gyur ba yod la/ de dag gal te dge slong gis mthong nas mngon par mi dga' ba dang / mngon par mi bstod pa dang / lhag par ma chags pa dang / lhag par mi zhen cing gnas na de dag la mngon par mi dga' ba dang / mngon par mi bstod pa dang / lhag par ma chags pa dang / lhag par ma zhen par gnas pa de la kun du dga' ba mi 'byung ngo / / kun du dga' ba med na dga' ba dang yid bde ba med par 'gyur ro/ /dga' ba dang yid bde ba med na kun du ma chags par 'gyur ro/ /kun du chags pa med na kun du sbyor ba med par 'gyur ro/ /kun du sbyor ba med na dga' ba dang / kun du chags pa dang / kun du sbyor ba dang mi ldan pa'i dge slong ni gang po mya ngan las 'das pa la nye bar gyur pa zhes bya'o/ /gang po rna bas rnam par shes par bya ba'i sgra dang / snas rnam par shes par bya ba'i dri dang / lces rnam par shes par bya ba'i ro dang / lus kyis rnam par shes par bya ba'i reg bya dang / yid kyis rnam par shes par bya ba'i chos sdug pa dang / chags pa dang / dga' ba dang / yid du 'ong ba dang / 'dod pa dang ldan pa dang / kun du chags par 'gyur ba yod la/ de dag gal te dge slong gis shes nas zhes bya ba nas/ de ni mya ngan las 'das pa la nye bar gyur pa zhes bya'o/ /zhes bya ba'i bar gong ma bzhin du'o/ /gang po ngas mdor bsdus pa'i gdams ngag 'dis khyod la gtams na gang du gnas par 'dod/ gang du gnas bca' bar 'dod/ btsun pa bcom ldan 'das kyis mdor bsdus pa'i gdams ngag 'dis bdag la gtams lags pas gro zhin skyes gnas pa'i yul gyi mthar mchis par 'tshal lags so/ /gang po gro zhin skyes gnas pa'i yul gyi mtha'i mi rnams ni gtum pa/ gzu lums can/ rtsub pa/ gshe ba/ spro thung ba/ 'phya ba yin te/ gang po gal te khyod la gro zhin skyes gnas pa'i mtha'i mi rnams mngon sum du sdig pa tshogs par mi dbyung ba'i tshig rtsub pos gshe bar byed/ zher 'debs par byed/ 'phya bar byed na/ de la khyod ji snyam byed/ btsun pa gal te gro zhin skyes gnas pa'i mtha'i mi rnams bdag la mngon sum du sdig pa tshogs par mi dbyung ba'i tshig rtsub pos gshe bar bgyid/ zher 'debs par bgyid/ 'phya bar bgyid na de la bdag gis 'di snyam du sems te/ e ma'o gro zhin skyes gnas pa'i mtha'i mi rnams ni rung ba dag yin no/ /e ma'o gro zhin skyes gnas pa'i mtha'i mi rnams ni blo dang ldan pa yin te/ de dag bdag la sdig pa tshogs par mi dbyung ba'i tshig rtsub pos gshe bar byed/ zher 'debs par byed/ 'phya bar byed kyang lag pa 'am bong bas ma brgyab snyam mo/ /gang po gro zhin skyes gnas pa'i mtha'i mi rnams ni gtum pa zhes bya ba nas 'phya bar byed pa yin no/ /zhes bya ba'i bar gong ma bzhin te/ gang po gal te gro zhin skyes gnas pa'i mtha'i mi rnams kyis dbyug pa 'am mtshon gyis brgyab na de la khyod ji snyam byed/ btsun pa gal te bdag la gro zhin skyes gnas pa'i mtha'i mi rnams kyis dbyug pa 'am mtshon gyis brgyab par gyur na/ de la bdag gis 'di snyam sems te/ kye ma'o gro zhin skyes gnas pa'i mtha'i mi rnams ni rung ba dag yin no/ /kye ma'o gro zhin skyes gnas pa'i mtha'i mi rnams ni blo dang ldan pa yin te/ de dag bdag la dbyug pa 'am mtshon gyis brgyab kyang thams cad kyis thams cad du srog dang bral bar mi byed do snyam mo/ /gang po gro zhin skyes gnas pa'i mtha'i mi rnams ni gtum pa zhes bya ba nas 'phya bar byed pa yin no zhes bya ba'i bar du ste/ gal te gang po gro zhin skyes gnas pa'i mtha'i mi rnams kyis khyod thams cad kyis thams cad du srog dang 'bral bar byed na de la khyod ji snyam byed/ btsun pa gal te bdag la gro zhin skyes gnas pa'i mtha'i mi rnams kyis thams cad kyis thams cad du srog dang 'bral bar bgyid na/ de la bdag nyid 'di snyam du sems te/ bcom ldan 'das kyis nyan thos lus rnag can 'dis skye ba dang / ngo tsha ba dang / rnam par smod pa gang dag mtshon gyis kyang 'debs par byed/ dug kyang za bar byed/ thag pas kyang 'gegs te 'chi bar byed/ g.yangs nas kyang mchongs te 'chi ba yod na/ /kye ma'o gro zhin skyes gnas pa'i mtha'i mi rnams ni rung ba dag yin no/ /kye ma'o gro zhin skyes gnas pa'i mtha'i mi rnams ni blo dang ldan pa yin te/ de dag bdag gi lus rnag can 'di las tshegs chung ngus grol bar byed do snyam bsam par bgyi'o/ /gang po legs so legs so/ /gang po khyod bzod pa dang des pa 'di dang ldan par gro zhin skyes gnas pa'i yul gyi mtha' gnas par nus pa ni khyod yang legs so/ /gang po song la ma bsgral ba rnams ni sgrol cig /ma grol ba rnams ni khrol cig /dbugs ma phyin pa rnams ni dbugs phyung shig /yongs su mya ngan las ma 'das pa rnams ni yongs su mya ngan las zlos shig /de nas tshe dang ldan pa gang pos bcom ldan 'das kyis gsungs pa la mngon par bstod cing rjes su yi rang nas bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas song ngo / / de nas tshe dang ldan pa gang po de nyid kyi mtshan mo 'das nas snga dro sham thabs bgos te lhung bzed dang chos gos thogs nas mnyan yod du bsod snyoms la zhugs te/ mnyan yod du bsod snyoms kyi zas kyi bya ba byas nas zas phyi ma'i bsod snyoms las slar log ste/ gnas mal ji ltar longs spyad pa mkhos su phab nas/ lhung bzed dang chos gos thogs te/ gro zhin skyes gnas pa'i yul gyi mtha' gang na ba der chas te/ rim gyis rgyu zhing song ba na gro zhin skyes gnas pa'i yul gyi mthar phyin to/ /de nas tshe dang ldan pa gang po snga dro sham thabs bgos lhung bzed dang chos gos thogs te/ gro zhin skyes gnas pa'i mthar bsod snyoms la zhugs pa rngon pa zhig mda' gzhu lag na thogs te ri dgas gshor du 'gro ba des mthong nas des bsams pa/ dge sbyong mgo reg 'di mthong ba ni kha rje ma rung bar byas so snyam du bsams nas gzhu rna drung du bkang ste/ tshe dang ldan pa gang po gang na ba der brgyugs pa dang / de nas tshe dang ldan pa gang pos de mthong ngo / /mthong nas kyang bla gos bsnyil te smras pa/ /bzhin bzangs dgang dka' ba 'di'i don du zhugs pas 'di la snun cig /tshigs su bcad de smras pa/ gang gi don du mkha' la bya rgyu ri dgas rnyis zin gyur/ /g.yul ngor mda' mdung mda' bo che thogs mi rnams 'chi 'gyur la/ / bkren pa nyon mongs yul ngan rgyu zhing mchil pas nya zin pa/ /sdig pa rab mang lto 'dir khyod kyis 'tsham rims mda' 'phongs shig /des bsams pa/ rab tu byung ba 'di ni 'di lta bu'i bzod pa dang des pa dang ldan pa yin na/ ci'i phyir 'di la mda' 'phang snyam du bsams nas de sems mngon par dad par gyur to/ /de nas tshe dang ldan pa gang pos de la chos bshad de/ skyabs su 'gro ba dang bslab pa'i gzhi rnams la bzhags pa dang / des ri khrod pa gzhan lnga brgya ni dge bsnyen byas/ lnga brgya ni dge bsnyen mar byas nas gtsug lag lnga brgya rtsig tu bcug ste/ khri dang khri'u dang / stan nang tshangs can dang / sngas nang tshangs can dang / gor thabs brgya phrag du ma 'bul du bcug go/ zla ba gsum po de 'das pa dang des rig pa gsum lus kyis mngon sum du byas nas dgra bcom par gyur te/ khams gsum gyi 'dod chags dang bral ba zhes bya ba nas/ dbang po dang nye dbang po'i lha dang bcas pa rnams kyis mchod par bya ba dang / rjed par bya ba dang / mngon sum du smra bar bya bar gyur to zhes bya ba'i bar du'o/ /ji tsam dus gzhan zhig na shing gi rna cha can gyi nu bo gnyis longs spyod srabs shing yongs su zad pas gtugs par gyur nas de gnyis kyis smras pa/ byur lta bu de bdag cag gi khyim nas song gis tshur shog lhan cig gnas par bya'o/ /des smras pa/ byur lta bu de gang zhig yin/ gang po yin mod/ de ni kho bo'i khyim nas dpal byung ba yin gyi byur lta bu ni ma yin no/ /de gnyis kyis smras pa/ dpal yang rung byur yang rung tshur shog lhan cig tu gnas par bya'o/ /des smras pa/ khyed cag gi nor ni rigs pas bsgrubs pa ma yin la/ kho bo'i ni rigs pas bsgrubs pa yin pas khyed cag dang kho bor lhan cig gnas par mi bya'o/ /de gnyis kyis smras pa/ bran mo'i bu des rgya mtsho chen por yang song yang song nas khyod kyi longs spyod dag bsgrubs pas khyod de la spyod pas rgyags su zad/ khyod kyis ni rgya mtsho chen por 'jug par ga la nus/ de de gnyis las nga rgyal bzung nas des bsams pa/ bdag kyang rgya mtsho chen por 'jug par bya'o snyam nas zhes bya ba nas rgya mtsho chen por zhugs so zhes bya ba'i bar gong ma bzhin du'o/ /ji tsam na gru bo che de rjes su mthun pa'i rlung gis tsan dan sa mchog gi tshal du bdas so/ /sa mkhan gyis smras pa/ shes ldan dag tsan dan sa mchog gi tshal zhes grags pa gang yin pa de ni 'di yin gyis/ 'di las 'doms la long shig /de'i tshe na tsan dan sa mchog gi tshal gyi dbang po gnod sbyin dbang phyug chen po zhes bya ba yin te/ de yang gnod sbyin rnams kyi gnod sbyin gyi mdun sar song ngo / /de nas tsan dan sa mchog gi tshal sta re lnga brgya tsam gyis bcad par brtsams so/ /gnod sbyin mi dga' ba zhes bya bas tsan dan sa mchog gi tshal sta re lnga brgya tsam gyis gcod par mthong ngo / /mthong nas kyang gnod sbyin dbang phyug chen po gang na ba der song ste phyin nas gnod sbyin dbang phyug chen po la 'di skad ces smras so/ /dpon po mkhyen par mdzod cig /tsan dan sa mchog gi tshal sta re lnga brgya tsam gyis 'gums na khyod kyi phrin las sam bgyi ba gang lags pa de mdzod cig /de nas gnod sbyin dbang phyug chen po gnod sbyin rnams kyi gnod sbyin gyi mdun ma byas nas mi bzod pa skyes te/ rlung nag po chen po 'jigs su rung ba bslangs nas tsan dan sa mchog gi tshal gang na ba der chas so/ /sa mkhan gyis smras pa/ shes ldan 'dzam bu'i gling gi tshong pa dag nyon cig /rlung nag po chen po'i 'jigs pa zhig yod do/ zhes grag pa gang yin pa de ni 'di yin gyis ngo lon som shig /de nas tshong pa'i tshogs de rnams 'jigs skrag phongs te ba spu'i khung bu thams cad nas spu zing zhes byed nas/ lha rnams la gsol ba byed par rtsom ste/ zhi ba dang ni chu lha lus ngan nor lha stsogs/ /lha mi lto 'phye gnod sbyin lha mi dbang po rnams/ /bdag cag shin tu nyam thag 'jigs par gyur lags kyis/ bsnyengs bral de ring bdag cag rnams kyi mgon mdzod cig /mi rnams kha cig bde sogs khyod la 'dud/ /gzhan dag tshangs dang khyab 'jug lha chen dang / /sar rten shing dang tshal la brten pa la/ /sha za'i rlung gis zin pas skyabs tshol 'dud/ /shing gi rna cha can sems las chung ngur 'dug pa dang / tshong pa rnams kyis smras pa/ ded dpon bdag cag ni sdug bsngal mi bzad pa nyam nga bar gyur na/ khyod ci'i phyir sems las chung ngur 'dug /des smras pa/ shes ldan dag kho bo la nu bos bsgo ba/ phu bo rgya mtsho chen por 'jug pa ni mnog chung la nyes dmigs mang ste/ sred pas ldongs pa phal cher 'jug kyang slar 'khor ba nyung bas khyod kyis rnam pa gang gis kyang rgya mtsho chen por 'jug par mi bya'o zhes bsgo ba las/ kho bos de'i tshig ma mnyan te rgya mtsho chen por zhugs pas da ci byar yang med do/ /khyod kyi nu bo gang yin/ gang po yin no/ /tshong pa'i tshogs rnams kyis smras pa/ shes ldan dag 'phags pa gang po de ni bsod nams kyi mthu chen po dang ldan pa yin gyis/ de nyid la bdag cag skyabs su 'gro bar bya'o zhes de thams cad kyis tshig 'thun par 'di skad ces/ 'phags pa gang po de la phyag 'tshal lo/ /'phags pa gang po de la phyag 'tshal lo/ /phyag 'tshal lo zhes smras so/ /de nas tshe dang ldan pa gang po la mngon par dga' ba'i lha gang yin pa de dag tshe dang ldan pa gang po gang na ba der song ste phyin nas tshe dang ldan pa gang po la 'di skad ces smras so/ /'phags pa khyod kyis gcen ni sdug bsngal mi bzad pa nyam nga bar gyur gyis dgongs su gsol/ des bsams te/ de nas sems ji ltar mnyam par bzhag na gro zhin skyes gnas pa'i mtha' nas mi snang bar gyur te/ rgya mtsho chen po gru'i dngor dkyil mo krung bcas nas 'dug pa de lta bu'i ting nge 'dzin la snyoms par zhugs so/ /de nas rlung nag po de ri rab la phog ste rdugs pa bzhin du slar log par gyur to/ /gnod sbyin dbang phyug chen pos bsams pa/ sngon chad ni rlung nag pos gru gang la reg pa de shing bal gyi 'da' bu bzhin 'phangs pa dang 'jig par 'gyur na da rlung nag po de ri rab la phog ste/ rdugs pa bzhin du slar log par gyur pa'i rgyu gang yin snyam nas/ phan tshun du brtag par brtsams pa las/ ji tsam na tshe dang ldan pa gang po gru'i dngor dkyil mo krung bcas nas 'dug pa mthong ngo / /mthong nas kyang des smras pa/ 'phags pa gang po tho btsams te ci bgyi/ gang pos smras pa/ rga ba'i chos can khyod nyid kyis nga la tho 'tsham mam/ gal te ngas 'di lta bu'i yon tan gyi tshogs ma thob par gyur na/ khyod kyis nga'i phu bo ming lus par byas par 'gyur ro/ /dbang phyug chen pos smras pa/ 'phags pa tsan dan sa mchog 'di ni 'khor los sgyur ba'i rgyal po'i don du srung lags so/ /gang pos smras pa/ dpon po ji snyam du sems/ de bzhin gshegs pa dgra bcom pa yang dag par rdzogs pa'i sangs rgyas dang / 'khor los sgyur ba'i rgyal po gang che/ 'phags pa ci bcom ldan 'das 'jig rten du byung ngam/ byung ngo / /gal te de lta na da gang ma gang ba de khong shig /de nas tshong pa'i tshogs de rnams srog byin te/ tshe dang ldan pa gang po la sems mngon par dad nas gru de tsan dan sa mchog gis bkang ste chas pa dang rim gyis grong khyer slo ma lta bur phyin to/ /de nas gang pos phu bo la smras pa/ gang gi ming gis gru bo che grub ste 'ongs pa de ni de dbang bas khyod kyis rin po che ni tshong pa 'di rnams la gos shig /bdag gis ni tsan dan sa mchog 'di rnams kyis bcom ldan 'das kyi phyir tsan dan gyi phreng ba'i khang bzangs brtsig go/ des tshong pa de rnams la rin po che rnams bgos so/ /de nas gang pos tsan dan sa mchog gi khang bzangs zhig brtsig par brtsams te des bzo bo dag bkug nas smras pa/ shes ldan dag ci nyi ma re re zhing kar Sha pA Na lnga brgya len nam 'on te tsan dan sa mchog gi phye ma pho sum gang len/ de dag gis smras pa/ 'phags pa tsan dan sa mchog gi phye ma pho sum gang 'tshal lo/ /ji tsam na ring po ma thogs par tsan dan gyi phreng ba'i khang bzangs brtsigs te byi dor thams cad zin par gyur to/ / de na zhogs ma dang phye ma'i lhag ma gang yin pa de dag kyang btags nas de nyid la zhal zhal du byugs so/ /des spun de rnams phan tshun du thams cad bzod pa gsol du bcug nas smras pa/ sangs rgyas la sogs pa dge slong gi dge 'dun rnams spyan drongs la zhal zas gsol cig 'phags pa gang po bcom ldan 'das gang na bzhugs/ mnyan yod na'o/ /lam ji srid mchis/ mnyan yod na dpag tshad brgya lhag tsam mo/ /re zhig rgyal po la brtag par bgyi'o/ /de bzhin du gyis shig /de dag rgyal po'i drung du dong nas lha bdag cag ni sangs rgyas la sogs pa dge slong gi dge 'dun spyan drangs te zhal zas gsol bar 'tshal na/ lhas bdag cag la bstang du gsol/ rung gis de bzhin du bya'o/ /de nas tshe dang ldan pa gang po khang steng du 'dzegs nas rgyal byed kyi tshal logs su kha bltas te pus mo lha nga gnyis sa la btsugs te 'dug nas me tog gis gtor/ bdug pas bdugs nas khyim pa zhig gser gyi bya ma bum 'dzin du bcug ste gsol ba 'debs pa la zhugs pa tshul khrims rnam dag shin tu rnam dag blo/ /zhal zas dus su rtag tu don gzigs pa/ /mgon med gyur pa rab tu gzigs nas ni/ /shin tu thugs brtser mdzad de gshegs par gsol/ /de nas me tog de rnams sangs rgyas rnams kyi sangs rgyas kyi mthu dang lha rnams kyi lha'i mthus me tog gi khang bzangs su byas te rgyal bu rgyal byed kyi tshal du rgan rims bzhin gnas par gyur to/ /bdug pa ni sprin ltar spungs so/ /chu ni bai dUr+ya'i phur ma lta bur gyur to/ /tshe dang ldan pa kun dga' bo mtshan ma la mkhas pa yin pas thal mo sbyar ba byas te bcom ldan 'das la zhus pa btsun pa spyan 'dren pa gang nas mchis/ kun dga' bo grong khyer slo ma lta bu nas so/ /btsun pa grong khyer slo ma lta bur ji srid cig mchis kun dga' bo dpag tshad brgya lhag tsam yod kyis song la dge slong rnams la khyed cag las/ gang dang gang sang grong khyer slo ma lta bur song nas zas za bar spro bas tshul shing long shig ces bsgo shig btsun pa bka' bzhin 'tshal zhes tshe dang ldan pa kun dga' bos bcom ldan 'das las mnyan nas tshul shing blangs te bcom ldan 'das kyi spyan sngar 'dug pa dang / bcom ldan 'das dang dge slong gnas brtan gnas brtan rnams kyis tshul shing blangs so/ /de'i tshe yul chu mig can na gnas pa'i gnas brtan tshe dang ldan pa gang po shes rab kyis rnam par grol ba 'khor de nyid du 'dus te 'dug par gyur pa des kyang tshul shing blang bar brtsams pa dang / de la tshe dang ldan pa kun dga' bos slar tshigs su bcad de smras pa/ tshe dang ldan pa zan 'di ni/ /ko sa la bdag po'i pho brang ngam/ /rab sbyin khyim dang ri dgas kyi/ /khyim kyi zas kyang ma lags so/ /grong khyer slo ma zhes bya ba/ /dpag tshad brgya lhag mchis pa der/ /rdzu 'phrul gyis ni bzhud 'tshal bas/ /gang po khyod ni ma gsung bzhugs/ /de shes rab kyis rnam par grol ba yin gyi/ des rdzu 'phrul ma bskyed pas de 'di snyam du sems te gang gi phyir bdag gis nyon mongs pa'i tshogs mtha' dag btsal cing bor la spangs shing so sor spangs na/ bdag mu stegs can dang thun mong ba'i rdzu 'phrul la sgyid lug gam snyam nas des brtson 'grus la gnas te rdzu 'phrul bskyed pas ji srid tshe dang ldan pa kun dga' bos gnas brtan gsum pa la tshul shing ma byin pa de'i bar du des lag pa glang po che'i sna lta bu brkyang nas tshul shing blangs te/ de nas tshigs su bcad de smras pa/ gau tam 'di na mngon shes drug po nyid/ /grags pa dang ni thos pas 'thob min la/ /tshan gyi yon tan rnams dang ngag dang ni/ /yid smon chen pos kyang ni ma yin gyi/ /bdag 'dra yongs su rtog par byed pa rnams/ /rga bas dar yal gyur kyang zhi ba dang / /tshul khrims lhag mthong stobs dang bsam gtan stobs/ /rnam pa du mas mngon shes drug ldan 'gyur/ /de nas bcom ldan 'das kyis dge slong rnams la bka' stsal pa/ dge slong dag 'di ni nga'i dge slong rnams kyi mchog yin te/ nga'i nyan thos mchod pa'i tshul shing blang ba la dang po tshul shing len pa rnams kyi nang na 'di lta ste yul chu mig can na gnas pa'i gnas brtan gang po mchog yin no/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la ngas dge slong dag khyed kyis dge ba mi spyoms pa dang / sdig pa mi bcab par gnas par bya'o zhes bshad mod kyi/ 'on kyang grong khyer de na mu stegs pa rnams gnas pas khyed las gang gis rdzu 'phrul gang thob pa de des grong khyer slo ma lta bur song la zan bza' bar bya'o zhes sgo shig /btsun pa bka' bzhin 'tshal zhes tshe dang ldan pa kun dga' bos bcom ldan 'das las mnyan nas dge slong rnams la smras pa/ tshe dang ldan pa dag bcom ldan 'das kyis 'di skad ces ngas dge slong rnams kyis dge ba mi spyoms pa dang / sdig pa mi bcab par gnas par bya'o/ /zhes bshad mod kyi zhes bya ba nas song la zan bza' bar bya'o zhes bya ba'i bar gong ma bzhin du'o/ /rgyal pos grong khyer slo ma lta bu rdo ba dang gseg ma dang gyo mo rnams sel du bcug ste/ tsan dan gyi chus chag chag btab dri zhim po'i pog phor sna tshogs bshams/ dar gyi chun 'phyan mang po spyangs me tog sna tshogs chal par bkram ste dga' dga' ltar byas te grong khyer slo ma lta bu la sgo bcwa brgyad yod la rgyal po de la yang bu bcu bdun yod de/ grong khyer gyi sgo rer so sor rgyal po'i bu rnams 'byor pa mchog dang bkod do/ /sgo chen por ni slo ma lta bu'i bdag po'i rgyal po rgyal po'i 'byor pa chen po dang tshe dang ldan pa gang po dang shing gi rna cha can dang rgya skyegs kyi rna cha can dang zha nye'i rna cha can 'dug go ji tsam na lo ma 'drim pa dang / shang tse 'drim pa dang snod spyad 'drim pa dag rdzu 'phrul gyis lhags pa rgyal pos mthong nas smras pa/ ci btsun pa gang po bcom ldan 'das gshegs sam des smras pa/ 'di dag ni lo ma 'drim pa dang / shang tse 'drim pa dang / snod spyad 'drim pa lags te/ bcom ldan 'das ma lags so/ / ji tsam na dge slong gnas brtan gnas brtan rnams bsam gtan la snyoms par zhugs pa rnam pa du mas lhags pa dang rgyal pos yang dris pa/ ci btsun pa gang po bcom ldan 'das gshegs sam/ des smras pa/ ma lags te 'di ni dge slong gnas brtan gnas brtan rnams bsam gtan la snyoms par zhugs pa rnam pa du mas lhags pa lags so/ /de nas dge bsnyen zhig gis tshigs su bcad de smras pa/ kha cig seng ge stag dang glang po che rta klu dang khyu mchog bzang po bcibs/ /kha cig rin chen gzhal med khang dang ri dang shing mdzes shing rta 'bar la rten/ /gzhan dag nam mkha'i ngos las chu 'dzin glog gi phreng bas brgyan pa lta bur ni/ /rab tu dgyes bzhin lha yi pho brang lta bur rdzu 'phrul dag gis gshegs par brtson/ / kha cig sa brtol gyen du 'byung / /kha cig nam mkha'i dkyil nas 'bab/ /kha cig stan las sprul par byed/ /rdzu 'phrul ldan pa'i mthu la ltos/ /de nas bcom ldan 'das kyis gtsug lag khang gi phyi rol du zhabs gnyis bkrus te/ gtsug lag khang du zhugs nas gdan bshams pa nyid la bzhugs te/ sku drang por bsrang nas dgongs pa mngon du phyogs par bzhag go/ ji tsam na bcom ldan 'das kyis mngon par 'du byed pa dang bcas pa'i zhabs kyis dri gtsang khang du bzhag pa na sa rnam pa drug tu g.yos par gyur te/ sa chen po 'di g.yos/ rab tu g.yos/ kun tu g.yos so/ /chem chem rab tu chem chem/ kun tu rab tu chem chem ste/ shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang phyogs dma'/ byang phyogs mtho na lho phyogs dma'/ mtha' mtho na dbus dma'/ dbus mtho na mtha' dma'o/ /rgyal pos tshe dang ldan pa gang po la dris pa/ 'phags pa gang po 'di ci lags/ des smras pa/ bcom ldan 'das kyis mngon par 'du byed pa dang bcas pa'i zhabs kyis dri gtsang khang du bzhag pa des na sa rnam pa drug tu g.yos par gyur pa lags so/ /de nas bcom ldan 'das kyis gser gyi 'od zer gyi kha dog lta bu'i 'od bkye ste/ des 'dzam bu'i gling gser zhun ma lta bur snang bar gyur to/ /yang rgyal po ngo mtshar du gyur pa'i mig phye nas dris pa/ 'phags pa gang po 'di ci lags/ des smras pa/ rgyal po chen po bcom ldan 'das kyis gser gyi kha dog lta bu'i 'od zer bkye ba lags so// //bkra shis par gyur cig /gcig zhus sngags dang dpal/ gnyis zhus sngags dang dpal/ gsum zhus snar thang dpon slob pas/ /dag par bgyis pas gzigs par zhu/ /slar yang zhwa dmar cod pan 'dzin pa bzhi pa spyan snga thams cad mkhyen pa'i spyan sngar gtugs te/ dge ba'i bshes gnyen stod lung pa chen po'i thugs dam dang bstun zhus dag par byas pa'o// // (kha) @#/ ! /'dul ba lung bzhugs so/ / (黃) 律師戒行經第二部 @#/ /'dul ba gzhi/ bam po nyi shu lnga pa/ de nas bcom ldan 'das dul ba 'khor dul ba/ zhi ba 'khor zhi ba dgra bcom pa lnga brgya dang thabs gcig tu slo ma lta bur gshegs so/ /de nas rgyal bu rgyal byed kyi tshal na gnas pa'i lha des ba ku la'i yal ga zhig blangs te/ bcom ldan 'das la grib ma byed cing rjes bzhin rjes bzhin du song ba dang / bcom ldan 'das kyis de'i bsam pa dang / bag la nyal dang / khams dang / rang bzhin mkhyen nas de dang mthun pa'i 'phags pa'i bden pa bzhi rtogs par 'gyur ba'i chos bshad pa mdzad de/ lha des 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas par gyur to/ /ji tsam na phyogs gzhan zhig na yugs mo lnga brgya tsam gnas pa de dag gis sangs rgyas bcom ldan 'das sku skyes bu chen po'i mtshan sum bcu rtsa gnyis kyis kun nas brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bur kun nas bzang bar mthong ngo / /mthong ma thag tu yang de rnams bcom ldan 'das la sems dang ba chen po skyes so/ /'di ni chos nyid yin te/ ji ltar dge ba'i rtsa ba bsags pa'i rgyu can gyi sems can gyis dang por sangs rgyas mthong ba ltar lo bcu gnyis su zhi gnas kyi sems goms par byas pa dang / bu med pas bu rnyed pa dang / dbul pos gter mthong ba dang / rgyal srid la mngon par dga' ba rgyal srid kyi dbang bskur ba ni de ltar nyams dga' ba skyed pa ma yin no/ /de nas bcom ldan 'das kyis de rnams kyi gdul ba'i dus la gzigs nas dge slong gi dge 'dun gyi gung la gdan bshams pa nyid la bzhugs so/ /de rnams kyis kyang bcom ldan 'das kyi zhabs gnyis la mgo bos phyag byas te phyogs gcig tu 'khod do/ /de nas bcom ldan 'das kyis de rnams kyi bsam pa dang / bag la nyal dang / khams dang / rang bzhin mkhyen nas shes bya ba nas rgyun du zhugs pa'i 'bras bu mngon sum du byas so zhes bya ba'i bar gong ma bzhin du'o/ /de rnams kyis bden pa mthong nas lan gsum du ched du brjod pas ched du brjod pa/ btsun pa bdag cag la 'di lta bu ni mas ma bgyis te phas ma lags/ rgyal pos ma lags/ lhas ma lags/ sdug pas ma lags/ rang gi skye bo dang gnyen gyi tshogs kyis ma lags/ sngon gyi 'das pas ma lags/ dge sbyong dang / bram zes ma lags pa gang lags pa bcom ldan 'das kyis bdag cag la mdzad de/ khrag dang mchi ma'i rgya mtsho ni bskams/ rus pa'i ri bo las ni bsgral/ ngan song gi sgo ni bkum/ thar pa dang mtho ris kyi sgo ni phye nas bdag cag lha dang mi rnams su ni bkod de/ btsun pa bdag cag 'phags so/ /mngon par 'phags so/ /bdag cag bcom ldan 'das dang / chos dang / dge slong gi dge 'dun la skyabs su mchi lags kyis/ bcom ldan 'das kyis bdag cag dge bsnyen du gzung du gsol/ de dag stan las langs te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /kye ma bcom ldan 'das bdag cag la cung zad cig stsol cig dang / de la bdag cag bgyi ba dag bgyi'o/ /de nas bcom ldan 'das kyi rdzu 'phrul gyis dbu skra dang sen mo bregs te byin no/ /de dag gis bcom ldan 'das kyi dbu skra dang sen mo'i mchod rten zhig brtsigs so/ /de nas rgyal bu rgyal byed kyi tshal na gnas pa'i lha gang yin pa des mchod rten de'i 'khor sar ba ku la'i yal ga de bskyed de/ bcom ldan 'das la gsol pa/ bcom ldan 'das bdag ni mchod rten 'di la bgyi ba bgyid cing mchis so zhes de nyid na gnas so/ /de la kha cig gis ni yugs mo'i mchod rten no zhes bya bar shes so/ /kha cig gis ni ba ku la'i 'khor sa zhes bya bar shes te/ mchod rten la phyag byed pa'i dge slong dag da dung yang phyag byed do/ /bcom ldan 'das gshegs pa dang / ji tsam na bsti gnas gzhan zhig na drang srong lnga brgya gnas te/ de dag gi bsti gnas de ni me tog dang 'bras bu dang chu phun sum tshogs pas de dag des rgyags nas ci yang mi sems so/ /de nas bcom ldan 'das kyis de rnams kyi gdul ba'i dus la gzigs nas bsti gnas der gshegs te byon pa dang / rdzu 'phrul gyis bsti gnas de'i me tog dang 'bras bu ni brlag /chu ni bskams/ ne'u gsing rnams ni glogs/ 'dug gnas dag ni brtib bo/ /de nas drang srong de dag lag pa 'gram pa la gtad nas sems khongs su chud cing 'dug go/ /de nas bcom ldan 'das kyis bka' stsal pa/ ci'i phyir sems khongs su chud cing 'dug / de rnams kyis gsol pa/ bcom ldan 'das bsod nams kyi zhing rkang gnyis khyed 'dir gshegs nas bdag cag ni gnas skabs 'di 'dra bar gyur to/ /bcom ldan 'das kyis bka' stsal pa/ drang srong dag bsti gnas me tog dang 'bras bu dang chu phun sum tshogs pa ci ste ma rung / ji sngon gyi ji lta ba de bzhin du bya 'am/ bcom ldan 'das mdzad du gsol/ de nas bcom ldan 'das kyis rdzu 'phrul brtul ba dang sngon gyi ji lta ba bzhin du gyur to/ /de nas de dag mchog tu ya mtshan du gyur nas/ bcom ldan 'das la sems mngon par dad pa bskyed do/ /de nas bcom ldan 'das kyis drang srong lnga brgya po de dag gi bsam pa dang bag la nyal dang / khams dang / rang bzhin mkhyen nas de dang 'thun pa'i chos bshad pa mdzad de/ de thos nas de dag gis phyir mi 'ong ba'i 'bras bu mngon sum du byas te rdzu 'phrul mngon par bsgrubs nas/ de nas bcom ldan 'das ga na ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag cag legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po 'thob pa lta na/ bcom ldan 'das kyi spyan sngar bdag cag tshangs par spyod pa spyad par bgyi'o/ /de nas bcom ldan 'das kyis de dag la dge slong tshur shog ces bya bas dge slong dag tshur shog tshangs par spyad pa spyod cig ces bcom ldan 'das kyis bka' stsal pa'i mod la skra byi ba dang snam sbyar gyon par gyur te/ lag na lhung bzed dang / bya ma bum thogs pa dang / skra dang kha spu zhag bdun skyes pa tsam dang / dge slong bsnyen par rdzogs nas lo brgya lon pa'i spyod lam lta bur gnas par gyur to/ /de bzhin gshegs pas tshur shog bka' stsal pas/ skra byi snam sbyar gyon pa'i lus ldan zhing / /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /de dag gis 'bad pa dang brtsal bas brtson 'grus brtsams pas 'khor ba'i 'khor lo cha lnga pa g.yo ba dang mi g.yo ba 'di nyid rig ste/ 'du byed kyi rnam pa thams cad ces bya ba nas/ mngon du smra bar bya bar gyur to zhes bya ba'i bar gong ma bzhin du'o/ /de dag la 'doms par byed pa'i drang srong gang yin pa des gsol pa/ bcom ldan 'das bdag gis cha byad 'dis skye bo'i tshogs chen po bslus pa de dag je dad pa skyes par bgyis la slad kyis rab tu dbyung bar bgyi'o/ /de nas bcom ldan 'das drang srong lnga brgya dang sngon gyi dge slong rnams kyis zla ba kham pa lta bur bskor nas de nyid nas rdzu 'phrul gyis steng gi nam mkha' las gshegs te rim gyis gtun ri la byon to/ /de'i tshe gtun ri la drang srong shing gos can zhes bya ba zhig gnas te/ drang srong des bcom ldan 'das skyes bu chen po'i mtshan sum bcu rtsa gnyis kyis kun nas brgyan pa zhes bya ba nas/ kun nas mdzes pa rgyang ring po kho na nas mthong ngo zhes bya ba'i bar gong ma bzhin du'o/ /mthong ma thag tu de bcom ldan 'das la sems mngon par dad par gyur te/ de dad pa skyes nas bsams pa/ ma la bdag ri las babs te/ bcom ldan 'das blta zhing 'gror ni bcom ldan 'das gdul ba la gzigs pas 'das par 'gyur gyis/ ma la bdag nyid mchong bar bya'o snyam nas/ des ri las bdag nyid mchongs pa dang / sangs rgyas bcom ldan 'das rnams ni bsnyel ba mi mnga' ba'i chos can yin pas bcom ldan 'das kyi rdzu 'phrul gyis blangs so/ /de nas bcom ldan 'das kyis de'i bsam pa dang / bag la nyal dang / khams dang / rang bzhin mkhyen nas de dang mthun pa'i chos bshad pa mdzad de/ de thos nas shing gos can gyis phyir mi 'ong ba'i 'bras bu mngon sum du byas te rdzu 'phrul mngon par bsgrubs nas/ de nas bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po 'thob pa blta na zhes bya ba nas/ bcom ldan 'das kyis dge slong tshur shog ces bya bas rab tu phyung ngo zhes bya ba dang / sangs rgyas dgongs pas lus gzugs bkab pa gyur ces bya ba'i bar gong ma bzhin du'o/ /de nas bcom ldan 'das kyis dge slong rnams la bka' stsal pa/ dge slong dag nga'i dge slong dad pas rnam par grol ba rnams kyi mchog ni 'di yin te/ 'di lta ste dge slong shing gos can no/ /de nas bcom ldan 'das dge slong stong gis yongs su bskor te/ cho 'phrul rnam pa sna tshogs mdzad cing grong khyer slo ma lta bur gshegs so/ /bcom ldan 'das kyis dgongs pa/ gal te sgo gcig nas zhugs na gzhan dang gzhan du sems par 'gyur bas ma la nga rdzu 'phrul kho nas 'jug par bya'o snyam nas/ de nas rdzu 'phrul gyis steng gi nam mkha' las grong khyer slo ma lta bu'i dbus su gshegs so/ /de nas slo ma lta bu'i bdag po rgyal po dang / tshe dang ldan pa gang po dang / shing gi rna ca can dang / rgya skegs kyi rna ca can dang / zha nye'i rna ca can dang / rgyal po'i sras bcu bdun po de dag kyang rang rang gi 'khor dang / srog chags brgya stong phrag du ma bcom ldan 'das gang na ba der song ngo / /de nas bcom ldan 'das srog chags brgya stong phrag du mas zham ring byas shing tsan dan gyi phreng ba'i khang bzangs gang na ba der gshegs te byon nas dge slong gi dge 'dun gyi gung la gdan bshams pa nyid la bzhugs te/ skye bo'i tshogs chen po des bcom ldan 'das mthong ngo / /tsan dan gyi phreng ba'i khang bzangs zhig la thug pa dang / bcom ldan 'das kyis dgongs pa/ gal te tsan dan gyi phreng ba'i khang bzangs zhig par gyur na sbyin bdag rnams kyi bsod nams kyi bar chad du 'gyur gyis/ ma la ngas 'di shel gyi rang bzhin du sprul par bya'o snyam nas/ bcom ldan 'das kyis de ji ltar skye bo'i tshogs des sangs rgyas kyi sku sgrib pa med par mthong bar 'gyur bar shel gyi rang bzhin du sprul to/ /de nas 'khor de dag gi bsam pa dang / bag la nyal dang / khams dang / rang bzhin mkhyen nas de dang 'dra ba'i chos bshad pa mdzad de/ de thos nas srog chags brgya stong phrag du mas khyad par chen po dag rtogs te/ kha cig gis ni thar pa'i cha dang 'thun pa'i dge ba'i rtsa ba bskyed/ kha cig gis ni nges par 'byed pa'i cha dang 'thun pa/ kha cig gis ni rgyun du zhugs pa'i 'bras bu mngon sum du byas/ kha cig gis ni lan cig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni rab tu byung nas nyon mongs pa thams cad spangs te dgra bcom pa mngon sum du byas/ kha cig gis ni nyan thos kyi byang chub tu sems bskyed kha cig gis ni rang sangs rgyas kyi byang chub tu/ kha cig gis ni bla na med pa yang dag par rdzogs pa'i byang chub tu'o/ /'khor de phal cher sangs rgyas la gzhol ba dang / chos la 'bab pa dang / dge 'dun la bab par bkod do/ /de nas shing gi rna ca can dang / rgya skegs kyi rna ca can dang / zha nye'i rna ca can gyis gtsang zhing bsod pa'i bza' ba dang bca' ba dag sta gon byas nas gdan bshams te/ nor bu'i chu snod bzhag nas bcom ldan 'das la spyan 'dren gyis dus tshod gsol pa/ btsun pa gdugs tshod lags shing mchis na/ bcom ldan 'das da de'i dus la bab par dgongs su gsol/ de'i tshe klu'i rgyal po nag po dang / gau ta ma zhes bya ba rgya mtsho chen po na gnas pa de gnyis kyis bsams pa/ bcom ldan 'das grong khyer slo ma lta bu na chos 'chad kyis dong la mnyan par bya'o snyam mo/ /de nas de gnyis klu lnga brgya'i 'khor dang grong khyer slo ma lta bu'i chu bo lnga brgya phab nas chas so/ /sangs rgyas bcom ldan 'das rnams ni bsnyel ba mi mnga' ba'i chos can yin pas bcom ldan 'das kyis dgongs pa/ klu'i rgyal po nag po dang / gau ta ma 'di gnyis gal te grong khyer slo ma lta bur 'ongs par gyur na/ yul phung bar byed par 'gyur ro snyam nas/ de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu de bzhin gshegs pa'i rings pa'i bsod snyoms long shig /maud gal gyi bu de ci'i phyir zhe na/ rings pa'i bsod snyoms ni lnga ste/ lnga gang zhe na/ glo bur ba dang / 'gro bar chas pa dang / nad pa dang / nad g.yog dang / dge skos so/ /skabs 'dir ni bcom ldan 'das dge skos su dgongs te/ bcom ldan 'das rdzu 'phrul gyis de nyid nas steng gi nam mkha' las gshegs so/ /bcom ldan 'das dang maud gal gyi bu gnyis klu'i rgyal po nag po dang / gau ta ma gang na ba der gshegs te byon nas bka' stsal pa/ klu'i dbang po grong khyer slo ma lta bu la soms la yul phung bar ma bya shig /de gnyis kyis gsol pa/ btsun pa bdag cag gang srog chags grog sbur la yang gnod pa mi bgyid pa de lta bu'i dad pas mchis na/ slo ma lta bu na gnas pa'i skye bo'i tshogs la lta smos kyang ci 'tshal/ /de nas bcom ldan 'das kyis klu'i rgyal po nag po dang / gau ta ma la de lta bu'i chos bshad pa mdzad de/ de thos nas sangs rgyas dang chos dang dge 'dun la skyabs su song zhing bslab pa'i gzhi rnams bzung ngo / / bcom ldan 'das kyis zhal zas gsol ba'i mdzad pa brtsams pa dang / klu re re nas bsams pa/ kye ma'o bcom ldan 'das la bdag gi chu'i btung ba gsol lo snyam mo/ /bcom ldan 'das kyis dgongs pa/ gal te gcig gi chu gsol na ni des na gzhan dag gzhan du sems par 'gyur bas thabs shig bsham par bya'o snyam du dgongs nas/ de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu song la gang na chu bo lnga brgya 'dres pa de las chu lhung bzed khong la khyer te shog shig /btsun pa bka' bzhin 'tshal zhes tshe dang ldan pa maud gal gyi bu chen pos/ bcom ldan 'das kyis ltar mnyan nas gang du chu bo lnga brgya 'dres pa de nas chus lhung bzed bkang nas khyer te/ bcom ldan 'das gang na ba der song ste phyin nas/ bcom ldan 'das la lhung bzed bkang ba'i chu phul ba dang / bcom ldan 'das kyis bzhes te gsol lo/ /tshe dang ldan pa maud gal gyi bu chen pos bsams pa bcom ldan 'das kyis sngon gyi bka' stsal pa/ dge slong dag pha dang mas ni bu gsos/ bsrings bskyed nu mas bsnun/ 'dzam bu'i gling gi sna tshogs ston par byed pa yin pas shin tu dka' ba byed pa ste/ bus phrag pa gcig la ni ma bzhag gcig shos la ni pha bzhag nas lo brgya tshang bar khur du thogs sam/ sa chen po 'di'i nor bu dang / mu tig dang / bai dUr+ya dang / man shel dang / byi ru dang / dngul dang / gser dang / rdo'i snying po dang / sbug dang / pad ma rA ga dang / dung g.yas su 'khyil pa ste/ de lta bu'i dbang phyug la bdag por bcug kyang / bus pha ma la de tsam gyis phan thogs pa 'am lan lon par mi 'gyur gyi/ gang gis pha ma dad pa med pa dad pa phun sum tshogs pa yang dag par 'dzin du 'jug la 'dul zhing 'dzud de so sor 'god pa byed pa dang / tshul khrims 'chal ba tshul khrims phun sum tshogs pa dang / ser sna can gtong ba phun sum tshogs pa dang / shes rab 'chal ba/ shes rab phun sum tshogs pa yang dag par 'dzin du 'jug la 'dul zhing 'dzud de so sor 'god par byed na/ de tsam gyis bus pha dang ma la phan thogs pa dang lan lon pa yin no zhes gsungs na/ bdag gis ni ma la lan gcig yang ma lon gyis/ ma la bdag gis bdag gi ma gang du skyes pa bsam mo snyam nas bsam pa la zhugs pa dang / 'jig rten gyi khams 'od zer can du skyes par mthong ngo / /des de su'i gdul bya yin pa brtags na/ bcom ldan 'das kyi yin par mthong nas de 'di snyam du sems te/ bdag lam ring po nas 'dir 'ongs pas ci nas kyang bdag gis bcom ldan 'das la don 'di gsol lo snyam nas/ bcom ldan 'das la 'di skad ces gsol to/ /btsun pa bcom ldan 'das kyis sngon dge slong dag pha dang ma ni bu la shin du dka' ba byed pa yin no zhes gsungs na/ bdag gi ma 'jig rten gyi khams 'od zer can du skyes te/ de yang bcom ldan 'das kyis 'dul bar 'gyur lags na/ bcom ldan 'das kyis thugs brtse ba nye bar bzung ste gdul bar gsol/ bcom ldan 'das kyis bka' stsal pa/ maud gal gyi bu su'i rdzu 'phrul gyis dong / bcom ldan 'das bdag gi'o/ /de nas bcom ldan 'das dang / tshe dang ldan pa maud gal gyi bu chen po ri rab kyi rtse mo la gom pa bor zhing gshegs pa dang / zhag bdun gyis 'jig rten gyi khams 'od zer can du byon to/ /bu mo bzang mo des tshe dang ldan pa maud gal gyi bu rgyang ring po kho na nas mthong ngo / /mthong nas kyang dga' ba dang bcas pas de'i drung du song ste smras pa/ kye ma'o yun ring zhig lon nas bu mthong ngo / /kye ma'o yun ring mo zhig lon nas bu mthong ngo / /de nas skye bo'i tshogs chen pos smras pa/ shes ldan dag rab tu byung ba 'di ni rgan na ji ltar bu mo 'di de'i ma yin/ tshe dang ldan pa maud gal gyi bu chen pos smras pa/ shes ldan dag kho bo'i lus 'dis bskyed de/ des na kho bo'i ma yin no/ /de nas bcom ldan 'das kyis bu mo bzang mo de'i bsam pa dang / bag la nyal dang / khams dang / rang bzhin mkhyen nas de dang 'thun pa'i 'phags pa'i bden pa bzhi rtogs par 'gyur ba'i chos bshad pa mdzad de/ de thos nas bu mo bzang mo des 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas lan gsum du ched du brjod pa ched du brjod do zhes bya ba nas lha dang mi rnams su rab tu bzhag ces bya ba'i bar gong ma bzhin no/ /yang smras pa/ nyes pa mang por ldan pas mi bzad pa'i/ /ngan song lam ni khyod kyi mthus bcad de/ /mtho ris 'gro ba bsod nams bzang ldan phye/ /mya ngan 'das pa'i lam yang bdag gis thob/ /khyed la brten nas shin tu rnam dag mig /nyes dang bral bas dag pa deng 'dir thob/ /'phags pa dgyes pa'i go 'phang zhi thob nas/ /sdug bsngal rgya mtsho'i pha rol bdag gis rgal/ /'gro bar lha min lha dang mis mchod pa/ /skye rga 'chi dang nad dang rnam bral ba/ /srid pa stong du mthong ba rnyed dka' ba/ /thub pa khyod mthong deng 'dir 'bras bur bcas/ /btsun pa bdag ni 'phags shing mngon par 'phags te/ bdag bcom ldan 'das dang chos dang dge 'dun la skyabs su mchi lags kyis dge bsnyen du bzung du gsol/ /deng slan chad ji srid 'tsho'i bar du bsam pa thag pas skyabs su mchi bar mngon par spro lags so/ /bcom ldan 'das maud gal gyi bu chen po dang thabs gcig tu deng bsod snyoms sbyor zhing mchis na gnang bar mdzad du gsol/ bcom ldan 'das kyis bu mo bzang mo de la cang mi gsung bas gnang ngo / /de nas bu mo bzang mos bcom ldan 'das kyis gnang bar rig ste/ bcom ldan 'das dang tshe dang ldan pa maud gal gyi bu chen po gdan la bde bar bzhugs par rig nas/ gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ rnam grangs du mar gtsang zhing bsod pa'i bza' ba dang / bca' ba dag rang gi lag nas bstabs shing tshim par byas so/ /bcom ldan 'das kyis gsol zin nas phyag gnyis bcabs te/ lhung bzed gyur bar rig nas stan dma' ba zhig blangs te/ bcom ldan 'das kyi spyan sngar bting nas chos mnyan pa'i phyir 'dug pa dang / de la bcom ldan 'das kyis chos bshad do/ / bcom ldan 'das kyi lhung bzed tshe dang ldan pa maud gal gyi bu chen pos blangs te lhung bzed 'khru bar byed pa na/ bcom ldan 'das kyis bka' stsal pa/ maud gal gyi bu 'dong ngam/ bcom ldan 'das gshegs so/ /su'i rdzu 'phrul gyis bcom ldan 'das kyi'o/ /gal te de lta na rgyal bu rgyal byed kyi tshal soms shig /bcom ldan 'das skol byon lags sam/ maud gal gyi bu yu bu phyin zin no/ /de nas ngo mtshar du dad pa'i yid kyis gsol pa/ bcom ldan 'das rdzu 'phrul 'di'i ming ci lags/ maud gal gyi bu yid mgyogs yin no/ /btsun pa sangs rgyas kyi chos zab mo de lta bu ni bdag gis glo bar ma chud do/ /gal te bdag gis glo bar gyur na/ bdag gi lus til gyi phye ma ltar bgyis kyang bla na med pa yang dag par rdzogs pa'i byang chub kyi sems las mi ldog par 'gyur ba zhig na/ da ni shing tshig pa bzhin ci bgyir yang ma mchis so/ /dge slong rnams the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa gang pos las ci zhig bgyis na/ las de'i rnam par smin pas nor mang ba longs spyod che ba'i rigs su skyes lags/ las ci zhig bgyis na des bran mo'i mngal du skyes shing rab tu byung nas nyon mongs pa thams cad spangs te dgra bcom pa mngon sum du bgyis lags/ bcom ldan 'das kyis bka' stsal pa/ dge slong dag gang po nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa gdon mi za bar 'byung bar 'gyur ba dag byas shing bsags pas gang pos las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed nas lus can rnams la ni/ /'bras bu dag tu 'gyur ba nyid/ /dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa skyes bu 'dul pa'i kha lo bsgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sIr nye bar rten cing bzhugs so/ /de'i bstan pa la rab tu byung nas sde snod gsum par gyur te/ chos bzhin gyis dge 'dun gyi zhal ta ba byed do/ /re shig cig na dgra bcom pa zhig la dge skos bab ste/ des gtsug lag khang phyag dar bya bar brtsams pa dang / rlung langs pas phyag dar phan tshun du khyer bar gyur to/ /des bsams pa re shig rlung zhi bar gyur gyi bar du gzhag go snyam pa las/ ji tsam na gtsug lag khang de ma phyags pa zhal ta ba des mthong nas de kun nas dkris pa drag pos/ rtsub po'i ngag phyung ba/ bran mo'i bu gang zhig dge skos byed/ dgra bcom pa des thos nas/ des bsams pa/ 'di kun nas dkris pa yin pas re shig bzhag la phyis go bar bya'o snyam nas/ gang gi tshe kun nas dkris pa dang bral ba de'i tshe/ de'i drung du song ste smras pa khyod kyis kho bo su yin shes sam/ des smras pa shes te khyod dang kho bo yang dag par rdzogs pa'i sangs rgyas 'od srung gi bstan pa la rab tu byung ba yin no/ /des smras pa gal te de lta yin mod kyi kho bos ni rab tu byung ba'i bya ba byas te/ kho bo ni 'ching ba mtha' dag las grol ba yin la/ khyod ni 'ching ba mtha' dag gis bcings pa yin pas khyod kyis ngag rtsub po'i las phyung gis nyes pa la nyes par shogs shig dang / des na las de bsrabs pa dang / yongs su zad pa dang / gtugs par 'gyur ro/ /des nyes pa la nyes par bshags pas sems can dmyal bar skye zhing bran mo'i bur 'gyur ba las/ de sems can dmyal bar ma skyes pas/ tshe rabs lnga brgyar bran mo'i mngal du skyes te da ltar gyi bar du srid pa tha ma la yang bran mo'i mngal du skyes par gyur to/ /gang yang dge 'dun la bsnyen bkur byas pa des na phyug pa dang nor mang ba dang / longs spyod che ba'i rigs su skyes so/ /gang yang de na blags shing bton pas phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas par byas pa des na nga'i bstan pa la rab tu byung ste/ nyon mongs pa thams cad spangs nas dgra bcom pa mngon sum du byas so/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin/ gcig tu dkar ba rnams kyi ni gcig tu dkar ba yin/ 'dren ma rnams kyi ni 'dren ma yin no/ /dge slong dag de lta bas na las gcig tu gnag pa rnams dang 'dren ma ni spangs la las gcig tu dkar ba la brtsal bar bya ste/ dge slong dag khyed kyis de lta bu la bslab par bya'o/ / bcom ldan 'das kyis de skad ces bka' stsal nas dge slong de dag yid rangs te/ bcom ldan 'das kyis gsungs pa la mngon par bstod do// //gleng gzhi ni rgyal po'i khab na'o/ /de'i tshe rgyal po'i khab na klu'i rgyal po grog mkhar dang ri bo gnas so/ /de gnyis kyi mthus dka' thub kyi chu lnga brgya yang rtag tu 'bab la/ chu mig dang mtsho dang / mtshe'u rnams kyang skam par mi 'gyur/ lhas dus dus su char gyi rgyun legs par phab pas lo tog rnams kyang lhag par legs par 'gyur ro/ /gang gi tshe bcom ldan 'das kyis klu'i rgyal po dga' bo dang nye dga' bo gnyis btul ba na de gnyis ri rab kyi bang rim nas nyi ma re re zhing bcom ldan 'das la bsnyen bkur byed du 'ong ngo / /de nas klu'i rgyal po grog mkhar dang ri bo 'di snyam du sems te/ klu'i rgyal po dga' bo dang nye dga' bo 'di gnyis ri rab kyi bang rim nas nyi ma re re zhing bcom ldan 'das la bsnyen bkur byed cing 'ong na/ bdag cag 'di nyid na gnas bzhin du bcom ldan 'das la bsnyen bkur mi byed pa ni bzang po ma yin gyis/ ma la bdag cag gis kyang bcom ldan 'das la bsnyen bkur bya'o snyam nas/ de gnyis bcom ldan 'das gang na ba der dong ste phyin nas/ bcom ldan 'das kyi zhabs gnyis la mgo bos phyag 'tshal te/ phyogs gcig tu 'dug go/ /phyogs gcig tu 'dug nas bcom ldan 'das kyis de gnyis la de 'dra ba'i chos bshad pa mdzad de/ de thos nas de gnyis sangs rgyas la skyabs su dong zhing / chos dang dge 'dun la skyabs su dong nas bslab pa'i gzhi rnams blangs so/ /gang gi tshe bcom ldan 'das las skyabs su 'gro ba dang / bslab pa'i gzhi rnams blangs pa de'i tshe/ lus dang longs spyod lhag par 'phel bar gyur to/ /de gnyis kyis bcom ldan 'das gang na ba der dong ste phyin nas bcom ldan 'das kyi zhabs gnyis la mgo bos phyag byas nas gsol pa/ bcom ldan 'das gang gi tshe bdag cag gis bcom ldan 'das la skyabs su mchis shing / bslab pa'i gzhi rnams mnos pa de'i tshe lus dang longs spyod lhag par 'phel bar gyur lags so/ /bcom ldan 'das gal te bcom ldan 'das kyis rjes su gnang na bdag cag rgya mtsho chen por 'jug lags so/ /bcom ldan 'das kyis bka' stsal pa/ klu'i dbang po dag khyed rgyal po'i yul na gnas pa yin gyis rgyal po la rtogs shig /de gnyis kyis bsams pa dang / don gyis na bdag cag bcom ldan 'das kyis rjes su ma gnang ngo zhes smras nas de nyid na gnas so/ /klu'i rgyal po grog mkhar dang ri bo'i kun du spyod pa ni/ gal te nub mo bcom ldan 'das ltar 'gro na ni lha'i bu'i cha byad kyis so/ /'on te nyin par na ni khyim bdag gi cha byad kyis so/ /de gnyis khyim bdag gi cha byad du byas shing nyin re zhing bcom ldan 'das la bsnyen bkur byed do/ /rgyal po gzugs can snying po rgyal rigs kyi mngon pa'i nga rgyal can gyi kun du spyod pa ni de gang gi tshe bcom ldan 'das lta bar 'gro ba de'i tshe 'ga' zhig bdag mthong na ldang bar mi byed pa med grang zhes mi gnang chen gtong bar byed do/ /des mi gnang chen zhig mngags te/ kye nang rje song la bcom ldan 'das la su dag bsnyen bkur byed ltos shig /de song ba las ji tsam na khyim bdag gnyis shig mthong nas des bsams pa/ 'di gnyis ni lha'i yul na gnas pas/ ci'i phyir ldang bar mi byed snyam nas des rgyal po la smras pa/ lha khyim bdag gnyis shig mchis pa ni lha'i yul nyid na gnas pa lags so/ /rgyal po gzugs can snying pos bsams pa/ de gnyis kyis bdag mthong na ci'i phyir ldang bar mi byed kyis 'gro'o snyam nas de nas bcom ldan 'das gang na ba der song ba dang / klu'i rgyal po grog mkhar dang ri bos rgyal po gzugs can snying po mthong ngo / /mthong nas kyang bcom ldan 'das la 'di skad ces gsol to/ /bcom ldan 'das rgyal po gzugs can snying po mchi na ni re shig rgyal po la bsti stang bgyi 'am/ 'on te chos la bgyi/ bcom ldan 'das kyis bka' stsal pa/ klu'i dbang po dag chos la sti stang byos shig /dam pa'i chos la ni 'di ltar sangs rgyas bcom ldan 'das rnams kyang bla mar byed do/ /chos la ni dgra bcom pa rnams kyang bla mar byed do/ /tshigs su bcad de bka' stsal pa/ 'das pa'i sangs rgyas gang yin dang / /ma byon sangs rgyas gang yin dang / /da ltar sangs rgyas gang yin pa/ /mang po'i mya ngan 'joms mdzad pa/ /bzhud dang bzhugs dang byon 'gyur ba/ /thams cad dam chos bla mar byed/ /'di ni sangs rgyas chos nyid yin/ /de bas 'dir bdag phan 'dod pa/ /bdag nyid chen por 'dod pa yis/ /sangs rgyas bstan pa dran byas te/ /dam pa'i chos la bkur sti bya/ /de gnyis kyis ldang ba ma byas so/ /de nas rgyal po mi bzod pa skyes te/ des gsol pa bcom ldan 'das kyis chos bshad du gsol/ bcom ldan 'das kyis tshigs su bcad de bka' stsal pa/ zhe sdang dang ni 'khrugs pa dang / /ma dad pa yi sems kyis ni/ /rdzogs sangs rgyas kyis bshad pa yi/ /dam chos shes par mi nus so/ /gang gis khro dang bag med pa'i/ /sems ni dul bar byas pa dang / /'di la mnar sems spangs pa des/ /legs par gsungs pa shes par nus/ /rgyal pos bsams pa/ khyim bdag 'di gnyis 'ongs pas bcom ldan 'das kyis bdag gi chos nyan pa'i bar yang chad par gyur to snyam nas/ de stan las langs te bcom ldan 'das kyi zhabs gnyis la mgo bos phyag byas te song ngo / /de song nas blon po rnams la bsgo ba/ lha'i zhal nas khyed cag gnyis nga'i yul na ma 'dug shig ces gsung ngo / /de gnyis kyis smras pa/ bka' bzhin 'tshal mchi'o/ /bsams pa bdag cag gnyis kyis yun ring po zhig nas bsams pa gang yin pa de ni tshegs chung ngus grub bo snyam mo/ /de nas 'od pa'i chu chen po phyung nas grog po chung ngu'i nang du zhugs so/ /grog po chung ngu nas grog po chen por ro/ /grog po chen po nas chu bran du'o/ /chu bran nas chu chen por ro/ /chu chen po nas rgya mtsho chen por te/ gang gi tshe rgya mtsho chen por zhugs pa de'i tshe de gnyis phyir zhing lus dang longs spyod 'phel bar gyur to/ /ji tsam dus gzhan zhig na rgyal po'i khab kyi dka' thub kyi chu lnga brgya dang / chu mig dang mtsho dang / mtshe'u rnams kyang chung ba dang / yongs su zad pa dang / gtugs par gyur la thug /lhas kyang dus dus su char gyi rgyun legs par ma phab pas lo nyes par gyur te/ mu ge nyam nga ba dgon pa'i slongs mo pas zas rnyed par dka' ba byung bar gyur to/ /rgyal pos bsams pa/ rgyal po'i khab 'di na klu'i rgyal po ri bo dang / grog mkhar gnas te/ de gnyis kyi mthus dka' thub kyi chu lnga brgya yang 'bab/ chu mig dang / mtsho dang / mtshe'u rnams kyang chu che/ lhas kyang dus dus su char gyi rgyun legs par phab pa nyid kyis lo tog legs par gyur na/ da ni dka' thub kyi chu lnga brgya dang / chu mig dang mtsho dang / mtshe'u rnams kyang chung ba dang / yongs su zad pa dang / gtugs par gyur la thug /lhas kyang dus dus su char gyi rgyun legs par ma phab pas lo nyes par gyur te/ mu ge nyam nga ba dgon pa'i slongs mo bas zas rnyed par dka' ba byung bar gyur na/ klu'i rgyal po ri bo dang / grog mkhar shi 'am/ bya'i rgyal po nam mkha' lding gis khyer ba 'am/ sbrul khas sdigs kyis bzung ba 'am/ des 'jigs nas bros par ma gyur grang / de lta mod kyi sangs rgyas bcom ldan 'das ni thams cad mkhyen pa thams cad gzigs pa yin gyis/ ma la bdag gis bcom ldan 'das la zhu'o snyam du bsams nas/ bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te/ phyogs gcig tu 'dug nas/ rgyal po gzugs can snying pos bcom ldan 'das la don de rgyas par gsol to/ /bcom ldan 'das kyis bka' stsal pa/ rgyal po chen po de gnyis ni shi ba yang ma yin/ bya'i rgyal po nam mkha' lding gis kyang ma khyer/ sbrul khas sdigs kyis kyang ma bzung / des 'jigs pas kyang ma bros mod kyi rgyal po khyod nyid kyis yul nas bskrad do/ /bcom ldan 'das bdag gis de gnyis mthong bar yang mi dran na de gnyis yul nas bskrad pa lta smos kyang ci 'tshal/ rgyal po chen po ngas khyod dran par bya'o/ /rgyal po chen po khyod kyis khyim bdag gnyis shig yul nas bskrad pa dran nam/ bcom ldan 'das dran lags so/ /de gnyis ni klu'i rgyal po ri bo dang / grog mkhar yin no/ /btsun pa de gnyis gang du mchi/ rgya mtsho chen por dong ngo / /bdag gi yul ma rung bar gyur lags so/ / rgyal po chen po de gnyis la bzod pa byin cig dang ma rung bar mi 'gyur ro/ /de gnyis rgya mtsho chen po na mchis na ji ltar bzod pa stsal/ de gnyis tshes brgyad dang bcu bzhi la khyim bdag gi cha byad du byas nas/ nga'i zhabs la phyag 'tshal du 'ongs pa dang ngas rtags bstan gyis khyod kyis bzod pa byin cig /bcom ldan 'das ci bdag gis rkang pa gnyis la gtug par bgyi 'am/ rkang pa gnyis la gtug par mi bya ste/ 'on kyang lag pa rkyong la klu'i dbang po bzod par gsol lo zhes smros shig dang bzod par 'gyur ro/ /rgyal pos de gnyis 'ong ba la 'bad de sdod cing 'dug pa dang / ji tsam na de gnyis khyim bdag gi cha byad du byas nas bcom ldan 'das kyi spyan sngar 'ongs pa dang de ma thag tu rgyal po yang 'ongs nas bcom ldan 'das kyis rtags bstan pa dang rgyal pos lag pa mngon du brkyang nas smras pa/ klu'i dbang po gnyis bzod par gsol lo/ /rgyal po chen po bzod par bgyi'o/ /gal te bzod par gyur na ni 'dir spyon cig / rgyal po chen po gang gi tshe bcom ldan 'das las bdag cag gis skyabs su 'gro ba dang / bslab pa'i gzhi rnams blangs pas de nyid kyi tshe bdag cag gi lus dang longs spyod skyes te/ gal te da che bzhin du 'dir 'ongs na yul ma ga d+har yang mi shong bar 'gyur ro/ /'o na yul ma ga d+ha ma rung bar 'gyur mod/ ma rung bar mi 'gyur ro/ /ji ltar mi 'gyur/ khyod kyis kho bo cag gi khang bzangs gnyis rtsigs la zla ba drug cing dus mchod gyis shig dang / kho bo cag gi 'khor bzhag la dus mchod kyi tshe yang 'du bar bya'o/ /rgyal pos de bzhin du byas pa dang / de gnyis kyis 'khor dag kyang bzhag la dus mchod kyang rang nyid nyams su myong bar byed do/ /ji tsam dus gzhan zhig na de dag gi 'khor bag med par gnas pa na klu gdug pa dag gis glags rnyed nas/ de dag gis ser ba dbab par brtsams so/ /rgyal po'i khab na bram ze ser ba'i sngags la mkhas pa gzhan zhig yod de/ des de bab cing bab pa dag bcad pa dang / de la yul ma ga d+ha na gnas pa'i skye bo'i tshogs kyis dbang thang byin no/ /lho phyogs na bram ze mes byin zhes bya ba ser ba'i sngags la mkhas pa zhig yod pa des byang phyogs na yul nus pa can zhes bya ba zhig yod de/ de na rgyal po sde mchog ces bya ba rgyal srid byed du 'jug go/ / de'i yul na klu'i rgyal po rab mdzes kyi gnas yod de/ de na sman mthu che ba pha rol gnon pa yod par thos nas de'i ched du 'gro'o zhes de chas te rim gyis rgyal po'i khab tu phyin nas bram ze ser ba'i sngags 'chang ba de'i gnas su zhugs pa dang / ji tsam na ser ba chen po bab pa bram ze gnyug mar gnas pa des gcad par ma nus nas de phyir byung nang du zhugs byed pa dang bram ze mes byin gyis dris pa/ mkhan po ci'i slad du mkhan po 'di phyir byung nang du zhugs par mdzad/ des smras pa/ bu ser ba chen po bab pa gcad par ma nus par bas mod/ bdag gis dgum mo/ /bu legs so/ /des chu nyung zhig la bzlas te gtor bas tshal ba brgyar gyes so/ /rgyal po'i khab kyi bram ze dang khyim bdag rnams mchog tu ngo mtshar du gyur nas/ rngan pa thogs te bram ze de'i khyim du song nas smras pa/ mkhan po rgyal po'i khab kyi skye bo'i tshogs mngon par dga' bar gyur gyis rngan pa long shig /ci'i phyir/ khyod kyis ser ba chen po khums pa'i slad du'o/ /des smras pa/ kho bos ni ma bcad de/ 'on kyang bram ze 'dis bcad do/ de dag bram ze de'i drung du dong nas bram ze'i khye'u 'di nyid du 'dug shig dang dbang thang sbyin no/ /de bzhin du gnas par bya'o zhes de gnas so/ /des ser ba de dus tha gi tsam zhig gi bar du sngags kyis bgags te mi 'bab par gyur to/ /rgyal po'i khab kyi bram ze dang khyim bdag rnams kyis smras pa/ shes ldan dag bdag cag nyid kyi bsod nams kyis ser ba mi 'bab na ci'i phyir de la dbang thang sbyin zhes de rnams kyis bcad do/ /bram ze des sngags brtul nas yul nus pa can du song ba dang phyir yang ser ba bab par gyur to/ /de rnams bram ze de'i drung du song ste smras pa/ mkhan po bram ze'i khye'u de gar mchis/ des smras pa/ khyed cag gis de la bkur sti ma byas pas de song ngo / /mkhan po gal te mchis na bdag cag la sbron cig /de bzhin du bya'o/ /de yang rim gyis rgyal po sde mchog gang na ba der song ste phyin nas/ rgyal po sde mchog la rgyal ba dang tshe spel ba dag byas nas smras pa/ lha khyod kyi yul na klu'i rgyal po rab mdzes zhes bgyi ba mchis pa de'i gnas na mod la mthu skyed pa zhes bgyi ba'i sman mchis kyis lha de ston cig /lha'i skal ba yang dbul bar bgyi'o/ /rgyal pos smras pa/ kye bram ze klu'i rgyal po rab mdzes ni gtum po yin pas des khyod brlag par mi byed grang / lha re shig bdag la sngags kyi mthu dang sman gyi mthu mchis te/ gal te klu'i rgyal po rab mdzes dang 'dra ba'i klu rnams kyis 'dzam bu'i gling 'di lta ste/ bu ram shing gi tshal lam/ 'dam bu'i tshal bzhin gnang bar gyur kyang bdag gi ba spu gcig kyang bskyod par rngo mi thog na klu'i rgyal po rab mdzes kyis lta smos kyang ci 'tshal/ 'on kyang lha'i mi dgum pa la thug pa 'ga' mchis sam/ bram ze yod do/ /lha de skra shig dang des de'i gnas ston par 'gyur ro/ /de nas rgyal pos mi de la bos te bsgo ba/ kye nang rje bram ze 'di la klu'i rgyal po rab mdzes kyi gnas ston cig /lha bka' bzhin 'tshal zhes mi des rgyal po'i ltar mnyan nas bram ze de khrid de chas so/ /ji tsam na mi ring ba zhig tu bsdad nas de la smras pa/ bram ze tshal sngo zhing sngo ba dag bsgrengs pa pha bi mthong ngam mthong ngo / /de ni klu'i rgyal po rab mdzes kyi gnas yin no/ /de song ste des der mod la mthu skyed pa zhes bya ba'i sman las khur du grags nas/ des de thogs te yul nus pa can du song nas rgyal po sde mchog gi skal ba byin te/ rim gyis rgyal po'i khab tu phyin nas bram ze de nyid kyi khyim du zhugs so/ /de nas des rgyal po'i khab kyi bram ze dang khyim bdag rnams la sbran pa dang / de dag mchod yon thogs te lhags nas bram ze'i khye'u 'di nyid du 'dug shig dbang thang sbyin no/ /des smras pa/ khyed cag gis bkur sti ma byas pas kho bo mi 'dug go/ /de rnams kyis de gzhag par gal gyis gcu bar brtsams te gsol ba btab pa dang khas blangs nas de dag gis 'tsho ba'i ris bcad do/ /'jig rten ni phun sum tshogs pa 'dod kyi rgud pa dang mi mthun pas/ des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed dga' bar byed/ dga' mgur spyod par byed pa na khye'u zhig btsas te/ des de'i ming ri bo can zhes bya bar btags so/ /de yang rtse bar byed dga' bar byed/ dga' mgur spyod par byed pa na bu mo zhig btsas te/ de'i ming ni ser ba zhes bya bar btags so/ /bram ze mo ni 'khor bral zhes bya'o/ /mna' ma ni glog ces bya'o/ /des bsams pa/ yang dang yang du ser ba gcod cing ci las med/ yun ring rab tu sngags kyis dgag par bya'o zhes des yun ring por sngags kyis dgag pa byas te bzhag pas ser ba mi 'bab par gyur to/ /rgyal po'i khab kyi bram ze dang khyim bdag rnams kyis smras pa/ bdag cag kho na'i bsod nams kyi mthus ser ba mi 'bab na/ ci'i phyir dbang thang sbyin zhes de rnams kyis bcad do/ /bram ze de phrag dog gi zil gyis non pas bu yang sngags kyi tshig rnams 'dzin du ma bcug go/ /bde ba la chags pas kha ton yang ma byas la sman yang skam du ma bcug go/ /des sngags kyi tshig rnams ni bsams na brjed sman ni ma bskams pas rul bar gyur to/ /de rgyal po'i khab kyi bram ze dang khyim bdag rnams la snying na ches nas/ de rnams la klan ka btsal ba'i phyir mu stegs kyi gnas dang dka' thub kyi tshal de dang de dag tu song nas dris pa/ shes ldan dag gang gis gang bsams pa dang / gang don du gnyer ba de la thams cad 'grub par 'gyur ba'i thabs lta ci yod/ /de na kha cig gis smras pa/ mer zhugs shig /kha cig gis smras pa/ dug zo shig /kha cig gis smras pa/ g.yang sa nas bdag nyid mchongs shig /kha cig gis smras pa/ bdag rang gi ske la thag pa thogs te shing gi yal ga las 'phyang du chug shig ces thams cad kyis 'chi ba'i thabs bstan gyi/ nges par 'byung ba'i thabs ni ma yin pas de rim gyis 'od ma'i tshal du song ngo / /des dge slong zhig mthong nas dris pa/ 'phags pa gang gis gang bsams pa dang / gang don du gnyer ba de thams cad 'grub par 'gyur ba'i thabs lta 'ga' mchis sam/ des smras pa/ bcom ldan 'das las rab tu byung shig /der ci zhig bgyi/ der ji srid 'tsho'i bar du tshangs par spyod pa yang spyad par bya/ bsam gtan dang gdon pa dang ldan par yang gnas par bya ste/ gal te re shig mthong ba'i chos nyid la kun shes pa thob na/ de nas de nyid khyod kyi sdug bsngal gyi mthar phyin pa yin no/ /'on te sbyor ba'i lhag ma dang bcas bzhin dus byed na gang bsams pa dang / gang don du gnyer ba de thams cad 'grub par 'gyur ro/ /'phags pa de ni rngo mi thog na gzhan bstan du gsol/ bum pa bzang po lta bu'i nyan thos chen po bzhi spyan drongs la gdugs tshod gsol te smon lam thob shig dang gang bsams pa dang / gang don du gnyer ba de thams cad 'grub bo/ /'phags pa de ni rngo thog gis bgyi'o zhes des bum pa bzang po lta bu'i nyan thos chen po bzhi spyan drangs te/ gdugs tshod gsol nas smon lam btab pa/ dge ba'i rtsa ba 'dis rab mdzes klu'i gnas nas bsad la bdag der skye zhing de nas rgyal po'i khab kyi mi rnams la gnod pa byed par gyur cig ces smon lam btab bo/ /de la chung mas dris pa/ rje'i sras smon lam ji zhig btab/ dge ba'i rtsa ba 'dis rab mdzes klu'i gnas nas bsad la bdag der skye zhing de nas rgyal po'i khab kyi mi rnams la gnod pa byed par gyur cig ces smon lam btab bo/ /legs te bdag kyang khyod kyi chung mar gyur cig /bus smras pa bdag kyang khyod kyi bur gyur cig /de bzhin du bu mos smras pa/ bdag kyang khyod kyi bu mor gyur cig /de bzhin du mna' mas smras pa/ bdag kyang mna' mar gyur cig ces byas nas de rnams khyim rnying pa zhig tu zhugs te nyal ba dang sprin kha dog lnga pa las char pa bab ste/ rtsig pa 'gyel bas non te kha dag go/ /klu rab mdzes shi 'phos nas 'khor klu drug khri dang der skyes nas de yang rab mdzes zhes bya bar grags so/ /chung ma ni 'khor bral zhes bya'o/ /bu ni ri bo can zhes bya'o/ /bu mo ni ser ba zhes bya'o/ /mna' ma ni glog ces bya'o/ /chos nyid kyis klu 'am klu'i bu mo skyes na ring po ma lon par gsum dran par 'gyur te/ gang nas shi 'phos pa dang / gang du skyes pa dang / las gang gis yin pa'o/ /des bltas na mi las shi 'phos so/ /gang du skyes she na/ klu rnams su'o/ /las gang gis she na/ smon lam gyi dbang gis so/ /ci'i phyir snyam na/ rgyal po'i khab kyi mi rnams la gnod par bya ba'i phyir ro/ /des bsams pa/ ci lo tog ci lta ba bzhin du skyes pa la byas na mi rnams kyi sdug bsngal skye bar 'gyur ram/ 'on te ma skyes pa rnams la 'gyur snyam na/ des ji ltar skyes pa la byas pa ltar ma skyes pa la ni de lta ma yin par mthong nas/ des 'khor rnams la bsgo ba shes ldan dag tshur sheg /yul ma ga d+har deng la char pas lo tog thams cad bskrun pa dang / de nas drug stong gi 'khor dang gshol mda' tsam gyi char gyi rgyun gyis ji ltar yul ma ga d+har sog ma yang khyer ba de lta bu'i char gyi rgyun dbab par brtsams so/ /de nas de dag phan tshun du smras pa/ sog ma yang klu 'dis phrogs so zhes de'i ming sog ma med ces bya bar thogs so// // sdom la/ rgyal po'i khab dang na lan da/ /'od ma'i dbyug pa dmar bu'i grong / /chu bo gang gA sprin brtsegs dang / /sgra chen yangs pa tha ma yin/ /sangs rgyas bcom ldan 'das rgyal po'i khab 'od ma'i tshal bya ka lan ta ka gnas pa na bzhugs so/ /gang gi tshe gzhon nu ma skyes dgra lha sbyin gyis sbad nas pha chos kyi rgyal po chos dang ldan pa bsad de rang nyid kyis cod pan bcings nas rgyal por zhugs pa de'i tshe de bcom ldan 'das la bkur sti ma yin pa mang po bya bar brtsams te/ dgrongs pa man chad bya ba'i phyir glang po che nor skyong dang khyi gtum po za ba dag sbad pa dang / de'i ma lus 'phags mas smras pa/ bu bcom ldan 'das la bkur sti ma yin pa ma byed cig / sangs rgyas bcom ldan 'das rnams ni bkur sti ma yin pas bsnyengs pa yin gyis/ rgyal po'i khab nas bzhud de gnod par gyur ta re/ bcom ldan 'das kyi mthus yul ang ga dang / ma ga d+ha rnams 'byor cing nyams dga' ba yin no/ /snying rnyog pa can des smras pa/ ci gang na bcom ldan 'das med pa'i yul de dag zhig pa dang stongs par gyur tam/ de mas thams cad kyi thams cad du bzlog kyang ma btub nas bcom ldan 'das kyis dgongs pa/ gzhon nu ma skyes dgra 'di bsod nams ma yin pa mang du sogs kyis ngas 'di gzhi med pa'i dad pa la gzhag tu re shig de'i dus la ma bab pas mnyan yod du gshegs so snyam nas/ de nas bcom ldan 'das nyan thos kyi dge 'dun dang thabs gcig tu mnyan yod gang na ba der rgyu zhing gshegs te rim gyis rgyu zhing gshegs pa na mnyan yod du byon nas/ mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mtha'i rgyal phran dag gis bcom ldan 'das la ma skyes dgras bkur sti ma yin pa byas pas de bkur sti ma yin pas bsnyengs nas rgyal po'i khab nas gshegs te mnyan yod du byon to zhes thos nas/ de dag 'di snyam du sems te/ re shig rgyal po sdig can des pha chos kyi rgyal po chos dang ldan pa bsad na/ des kyang ma chog nas bcom ldan 'das lha dang lha ma yin dang / mi rnams kyis mchod pa de la yang bkur sti ma yin pa byas te/ sangs rgyas bcom ldan 'das rnams ni bkur sti ma yin pas bsnyengs pa yin pas/ des na bcom ldan 'das rgyal po'i khab nas gshegs te mnyan yod du byon par gyur pas de yong ye rgyal srid las dbyung bar bya'o snyam nas de dag gis phan tshun pho nyas bzlugs nas blo gros gcig tu byas te dpung gi tshogs yan lag bzhi pa go bskon pa glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs dang / rgyal po'i khab tu dong ste/ lo bcom nas phru mar bskor te 'khod do/ /klu'i rgyal po sog ma med kyis kyang ser ba'i rgyun phab pas lo tog lhag ma rnams ma rung bar byas so/ /dka' thub kyi chu lnga brgya dang / chu mig dang / mtsho dang / mtshe'u rnams skams la thug pas mu ge byung bar gyur to/ /chu lhag ma gzhan dag kyang mtha'i rgyal phran dag gis ma rung bar byas so/ /de nas ma skyes dgra sdug bsngal mi bzad pa nyam nga bar gyur pa la mi ma yin pa dag gis glags rnyed de/ rma la thal ba btab pa ltar mi ngas byung ste/ khyogs dang khyogs 'drud par gyur to/ /de nas rgyal po ma skyes dgra gnod pa brgya phrag du mas snying dkrugs pas lag pa 'gram pa la gtad de sems khongs su chud cing 'dug go/ /de nas lus 'phags mas smras pa/ bu ci'i phyir sems khongs su chud/ yum gnod pa brgya phrag du ma dag byung bar gyur to/ /bu kho mos sngar khyod la bcom ldan 'das la bkur sti ma yin pa ma byed cig / // 'dul ba gzhi/ bam po nyi shu drug pa/ sangs rgyas bcom ldan 'das rnams ni bkur sti ma yin pas bsnyengs pa yin gyis/ bcom ldan 'das rgyal po'i khab nas bzhud de gnod par gyur ta re zhes ma smras sam/ de ni 'di yin no/ / yum de la ji ltar bsgrub par bgyi/ bu bcom ldan 'das la bzod par gsol cig /yum bcom ldan 'das kyi spyan sngar mchis pa'i rngo mi thog lags so/ /bu khyod kyis sangs rgyas bcom ldan 'das rnams ni tsan dan dang ste'ur mnyam pa khong khro ba dang rjes su chags pa spangs pa yin no zhes ma thos sam/ gal te 'ga' zhig gis bcom ldan 'das kyi phyag dpung pa gcig la ste'u yis bzhog par byed la/ gcig shos la tsan dan sa mchog gis nyug par byed na/ de la bcom ldan 'das rjes su chags pa yang mi mnga'/ khong khro ba yang mi mnga'o/ /de nas lus 'phags ma'i bu rgyal po ma skyes dgras mi zhig la smras pa/ kye nang rje tshur shog /khyod bcom ldan 'das gang na ba der song la/ son nas kho bo'i tshig gis bcom ldan 'das kyi zhabs gnyis la spyi bos phyag byas te gnod pa chung ngam/ nyam nga ba nyung ngam/ bskyod pa yang ngam/ 'tsho 'am gnod pa mi mnga' 'am/ stobs dang bde ba la reg par bzhugs sam zhes snyun gsol la 'di skad ces kyang gsol cig /btsun pa lus 'phags ma'i bu yul ma ga d+ha'i rgyal po ma skyes dgra'i mchid nas btsun pa bu ngan pa ni mchis kyi pha ngan pa ni ma mchis pas bcom ldan 'das thugs brtse ba nye bar bzung ste rgyal po'i khab tu gshegs par gsol/ gal te bcom ldan 'das ma gshegs na ring po mi thogs pa kho nar rgyal po'i khab kyi grong khyer stongs te ming lus par 'gyur ro zhes gsol cig lha bka' bzhin 'tshal zhes mi des ma ga d+ha'i rgyal po ma skyes dgra'i ltar mnyan nas chas te rim gyis mnyan yod du phyin nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas mi des bcom ldan 'das la 'di skad ces gsol to/ /btsun pa lus 'phags ma'i bu yul ma ga d+ha'i rgyal po ma skyes dgra bcom ldan 'das kyi zhabs gnyis la mgo bos phyag 'tshal te/ gnod pa chung ngam/ nyam nga ba nyung ngam zhes bya ba nas reg par bzhugs sam zhes snyun gsol lags so zhes bya ba'i bar gong ma bzhin du'o/ /kye mi khyod dang lus 'phags ma'i bu yul ma ga d+ha'i rgyal po ma skyes dgra bde bar gyur cig /btsun pa lus 'phags ma'i bu yul ma ga d+ha'i rgyal po ma skyes dgra'i mchid nas btsun pa bu ngan pa ni mchis kyi pha ngan pa ni ma mchis pas bcom ldan 'das thugs brtse ba nye bar bzung ste rgyal po'i khab tu gshegs su gsol/ gal te bcom ldan 'das ma gshegs na zhes bya ba nas ming lus par 'gyur ro/ /zhes bya ba'i bar gong ma bzhin du'o/ /bcom ldan 'das cang mi gsung bas mi de la gnang ngo / /de nas mi des bcom ldan 'das cang mi gsung bas gnang bar rig nas bcom ldan 'das kyi spyan snga nas song ngo / /de nas bcom ldan 'das ji srid bzhed kyi bar du mnyan yod du bzhugs nas nyan thos kyi dge 'dun dang thabs cig tu rgyal po'i khab gang na ba der rgyu zhing gshegs te/ rim gyis rgyu zhing gshegs pa na yul ma ga d+har byon to/ /bcom ldan 'das kyi mthus rlung gtong ba'i lha'i bu rnams kyis ni dug gis ma rung bar byas pa'i chu de dag bskams so/ /char pa 'bebs pa'i lha'i bu rnams kyis ni yan lag brgyad dang ldan pa'i chus bkang ngo / /lha rnams ni char pa 'bebs pa la zhugs so/ /sangs rgyas la mngon par dad pa'i lha rnams kyis ni rgyal po'i khab nas mi ma yin pa rnams bskrad nas mi ngas zhi bar gyur to/ /mtha'i rgyal phran dag gis ni bcom ldan 'das gshegs pa mthong nas grong khyer bskor ba btang ste dong ngo / /tshong pa rnams kyis ni zong dag bkram mo/ /bzo phal pa gzhan dag gis ni rang rang byed par brtsams so/ /yul so so na gnas pa'i tshong pa rnams dang / ded dpon rnams ni zong dang 'jug par brtsams so/ /lo ni legs par gyur to/ /lam po che dang srang dang / sum mdo dang / bzhi mdo rnams su ni bcom ldan 'das kyi bdag nyid chen po sgrogs par gyur to/ /mu stegs pa rnams ni bag 'khums par gyur to/ /skye bo'i tshogs rnams ni rab tu dga' bar gyur to/ /lus 'phags ma'i bu yul ma ga d+ha'i rgyal po ma skyes dgras bcom ldan 'das yul ma ga d+har gshegs so zhes thos so/ /thos nas kyang snying dga' ba dang / mgu ba dang / rab tu dga' ba dang / dga' ba rgya chen po dang / yid bde ba skyes nas blon po rnams la smras pa/ shes ldan dag deng la bcom ldan 'das kyi phyir dpag tshad phyed dang gsum gyi lam bstar ba dang / grong khyer dag bzang por byos shig /rgyal po'i khab kyi grong khyer thams cad kyang rdo ba dang / gseg ma dang / gyo mo sol te tsan dan gyi chus chag chag thob la dar gyi chun 'phyang mang po spyongs shig /dri zhim po'i pog phor dag shoms la/ gdugs dang / rgyal mtshan dag tshugs shig /bar bar du me tog gi gzhal med khang mdzes pa dag byos shig /lha bka' bzhin 'tshal zhes blon po rnams kyis lus 'phags ma'i bu yul ma ga d+ha'i rgyal po ma skyes dgra'i ltar mnyan nas thams cad rgyas par byed du bcug go/ / de nas lus 'phags ma'i bu yul ma ga d+ha'i rgyal po ma skyes dgra rgyal po chen po'i 'byor ba dang / rgyal po chen po'i mthus bdag nyid dpung gi tshogs yan lag bzhi dang bsur song ngo / /de nas bcom ldan 'das dul ba 'khor dul ba/ zhi ba 'khor zhi ba grol ba 'khor grol ba/ dbugs phyin pa 'khor dbugs phyin pa/ rnam par dul ba 'khor rnam par dul ba/ dgra bcom pa 'khor dgra bcom pa/ 'dod chags dang bral ba 'khor 'dod chags dang bral ba/ mdzes pa 'khor mdzes pa/ khyu mchog ba glang gi tshogs kyis bskor ba lta bu/ glang po che glang po che'i phru gu'i tshogs kyis bskor ba lta bu/ seng ge mche ba can gyi tshogs kyis bskor ba lta bu/ ngang pa'i rgyal po ngang pa'i tshogs kyis bskor ba lta bu/ nam mkha' lding 'dab chags kyi tshogs kyis bskor ba lta bu/ bram ze slob ma'i tshogs kyis bskor ba lta bu/ sman pa mkhas pa nad pa'i tshogs kyis bskor ba lta bu/ dpa' bo dmag mi'i tshogs kyis bskor ba lta bu/ lam mkhan 'gron po'i tshogs kyis bskor ba lta bu/ ded dpon tshong pa'i tshogs kyis bskor ba lta bu/ tshong dpon rang gi skye bos bskor ba lta bu/ rgyal phran blon po'i tshogs kyis bskor ba lta bu/ 'khor los sgyur ba bu stong gis bskor ba lta bu/ zla ba rgyu skar gyis bskor ba lta bu/ nyi ma 'od zer stong gis bskor ba lta bu/ yul 'khor skyong dri za'i tshogs kyis bskor ba lta bu/ lus 'phags po grul bum gyi tshogs kyis bskor ba lta bu/ mig mi bzang klu'i tshogs kyis bskor ba lta bu/ nor sbyin gnod sbyin gyi tshogs kyis bskor ba lta bu/ thags zangs ris lha ma yin gyi tshogs kyis bskor ba lta bu/ brgya byin sum bcu rtsa gsum pa'i tshogs kyis bskor ba lta bu/ tshangs pa tshangs ris kyi tshogs kyis bskor ba lta bu/ rgya mtsho mi g.yo ba lta bu/ sprin chu dang bcas pa lta bu/ glang po che dam pa rgyags pa dang bral ba ltar dbang po rnams shin tu dul bas ma g.yengs pa'i spyod lam gyi spyod pa can/ sku skyes bu chen po'i mtshan sum bcu rtsa gnyis kyis kun nas brgyan pa/ dpe byad bzang po brgyad bcus mdzes par byas pa/ sku 'od mdom gang gis brgyan pa/ nyi ma stong gi 'od zer bas lhag pa/ rin po che'i ri bo 'gro ba ltar kun nas mdzes pa/ stobs bcu dang mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ dge slong gi dge 'dun rab tu mang po dang lus 'phags ma'i bu yul ma ga d+ha'i rgyal po ma skyes dgra dang / lha brgya stong phrag du mas zham ring byas te rgyal po'i khab kyi grong khyer du gshegs so/ /gang gi tshe bcom ldan 'das rgyal po'i khab tu zhugs te/ mngon par 'du byed pa dang bcas pas grong khyer gyi sgo'i them pa la zhabs g.yas pas mnan pa de'i tshe sa rnam pa drug tu g.yos par gyur te/ sa chen po 'di g.yos/ rab tu g.yos/ kun du rab tu g.yos/ ldeg rab tu ldeg /kun du rab tu ldeg cing / shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang phyogs dma'/ byang phyogs mtho na lho phyogs dma'/ mtha' mtho na dbus dma'/ dbus mtho na mtha' dma' bar gyur to/ /'jig rten 'di 'jig rten gyi bar dang bcas pa thams cad kyang snang ba rgya chen pos gsal bar gyur to/ /lhas kyang bar snang la rnga dag brdungs so/ /nam mkha' la gnas pa'i lha rnams kyis ni bcom ldan 'das kyi steng nas lha'i me tog ud pa la dang / pad ma dang / ku mu ta dang / pad ma dkar po dang / a ga ru'i phye ma dang / rgya spos kyi phye ma dang / gur kum gyi phye ma dang / ta ma la'i lo ma'i phye ma dang / lha'i me tog man d+hA ra ba dang / gos dag 'thor bar byed de/ bcom ldan 'das grong khyer du gshegs pa na de lta bu'i ya mtshan dag byung bar gyur to/ / gzhan yang dog pa dag ni yangs par gyur to/ /dma' ba dag ni mtho bar gyur to/ /mtho ba dag ni phya le bar gyur to/ /glang po che dag ni skad 'byin par gyur to/ /rta dag kyang skad 'byin par gyur to/ /khyu mchog dag kyang skad 'byin par gyur to/ /khyim gyi nang na bzhag pa'i snod sna tshogs dag ni ma brdungs par rang sgra 'byin par gyur to/ /long ba rnams kyis ni mig thob par gyur to/ /'on pa rnams ni rna bas thos/ lkug pa rnams ni smra nus par gyur to/ /dbang po lhag ma ma tshang ba rnams ni dbang po so sor thob par gyur to/ /chang gis myos pa rnams ni myos pa dang bral bar gyur to/ /dug 'thungs pa dag ni dug zhi bar gyur to/ /phan tshun khon byung ba rnams ni mdza' bar gyur to/ /sbrum pa dag ni bde bar btsas par gyur to/ /btson du bcings pa dag ni thar bar gyur to/ /nor med pa dag ni nor rnyed par gyur to/ /de lta bu'i 'byor ba de mthong nas dge bsnyen zhig gis tshigs su bcad de smras pa/ yul gang zhig tu 'jig rten gtso bo gshegs pa der/ /lo nyes mi ngas dang ni phyi dgra'i 'jigs pa med/ /lha rnams char 'bebs skye bo bsod nams rab tu byed/ /der ni ya mtshan brgya phrag gzhan yang 'byung bar 'gyur/ /de nas bcom ldan 'das rgyal po'i khab tu zhugs te/ skye bo'i tshogs dbugs phyung nas rgyal po'i khab nas byung ste 'od ma'i tshal du gshegs so/ /de nas lus 'phags ma'i bu yul ma ga d+ha'i rgyal po ma skyes dgra bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / bcom ldan 'das kyis lus 'phags ma'i bu yul ma ga d+ha'i rgyal po ma skyes dgra la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad ces bya ba nas yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas lus 'phags ma'i bu yul ma ga d+ha'i rgyal po ma skyes dgra bcom ldan 'das kyis bka' stsal pa la mngon par bstod de rjes su yi rang nas stan las langs te bla gos phrag pa gcig tu bzar nas/ bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig la bdag gis dgung zla gsum du na bza' chos gos dang / bsod snyoms dang / gzims cha dang / snyun dpyad kyi rkyen sman dang / yo byad rnams 'bul zhing mchis na gnang bar mdzad du gsol/ bcom ldan 'das kyis lus 'phags ma'i bu yul ma ga d+ha'i rgyal po ma skyes dgra la cang mi gsung bas gnang ngo / /de nas lus 'phags ma'i bu yul ma ga d+ha'i rgyal po ma skyes dgras bcom ldan 'das cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te stan las langs te song ngo / /bcom ldan 'das dge slong gi dge 'dun dang thabs gcig tu lus 'phags ma'i bu yul ma ga d+ha'i rgyal po ma skyes dgras zla ba gsum du na bza' chos gos dang / bsod snyoms dang / gzims cha dang / snyun dpyad kyi rkyen sman dang / yo byad rnams kyis bsnyen bkur byas so/ /de nas sangs rgyas la mngon par dga' ba'i lha rnams kyis mi ngas de bskrad nas rgyal po'i khab nas byung nas sgra sgrogs zhes bya ba'i nang du byung ste/ yangs pa can gyi skye bo'i tshogs la mi ngas byung bar gyur te/ khyogs dang khyogs 'drud par gyur to/ /yangs pa can na bram ze mdun na 'don mda' bo che zhes bya ba zhig gnas pa de'i rmi lam na yangs pa can na gnas pa'i lha zhig gis smras pa/ gal te mi 'dul kha lo sgyur ba'i mchog /shAkya'i rigs dag pa yi bcom ldan 'das/ /yangs pa can du gshegs par gyur na ni/ /gnod pa rnams ni rnam par 'jig par 'gyur/ /des nam nangs nas yangs pa can gyi lid tsa bi rnams la smras pa/ shes ldan dag bdag gis rmi lam 'di 'dra ba zhig mthong ngo / /de rnams kyis smras pa/ shes ldan dag de la ji ltar bsgrub par bya/ bcom ldan 'das kyi spyan sngar pho nya su zhig gtang zhes phan tshun bgro bar brtsams pa dang / mdun na 'don mda' bo che 'di nyid thams cad du nus pa yin la/ bdag cag la yang byams pa yin gyis gtang ngo / /de la de dag gis smras pa/ bcom ldan 'das gang na ba der song la phyin nas bdag cag gi tshig gis bcom ldan 'das kyi zhabs gnyis la mgo bos phyag byos la/ gnod pa chung ngam/ nyam nga ba nyung ngam zhes bya ba nas snyun gsol la zhes bya ba'i bar gong ma bzhin du'o/ /'di skad ces kyang gsol cig /btsun pa yangs pa can gyi tshogs kyi mchid nas bcom ldan 'das yangs pa can du gshegs su gsol/ gal te bcom ldan 'das yangs pa can du ma gshegs na ring por mi thogs pa kho nar yangs pa can stongs shing ming lus par 'gyur ro zhes gsol cig /des smras pa/ shes ldan dag lus 'phags ma'i bu yul ma ga d+ha'i rgyal po ma skyes dgra ni khyed la yun ring du gnod pa byed pa phyir rgol ba dgra bor gyur pa yin pas bdag la gnod pa byed par mi 'gyur grang / de dag gis tshigs su bcad de smras pa/ yul 'khor gzhan yang 'gyed par yang / /pho nya mi gsod ces grag na/ /khyod ni rgyal ba'i pho nya yin/ /kun gyis mi gsod smos ci dgos/ /de nas mdun na 'don mda' bo che dge mtshan dang bkra shis dang bde legs su 'gyur ba dag byas te/ rim gyis rgyal po'i khab tu phyin nas de lam gyis dub pa bsal te/ bcom ldan 'das gang na ba der song ste phyin nas/ bcom ldan 'das dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam rnam pa sna tshogs byas nas phyogs gcig tu 'dug go/ /phyogs gcig tu 'dug nas mdun na 'don mda' bo ches bcom ldan 'das la 'di skad ces gsol to/ /kye gau ta ma yangs pa can gyi tshogs bcom ldan 'das gau ta ma'i zhabs gnyis la mgo bos phyag 'tshal te/ gnod pa chung ngam/ nyam nga ba nyung ngam/ bskyod pa yang ngam/ 'tsho 'am/ gnod pa ma mchis sam/ stobs dang bde ba la reg par spyod dam zhes snyun gsol lags so/ /mda' bo che khyod dang yangs pa can gyi tshogs bde bar gyur cig /kye gau ta ma yangs pa can gyi tshogs kyi mchid nas bcom ldan 'das yangs pa can du gshegs su gsol/ gal te bcom ldan 'das yangs pa can du ma gshegs na ring po mi thogs pa kho nar yangs pa can stongs shing ming tsam lus par 'gyur ro zhes mchi'o/ /bcom ldan 'das kyis bka' stsal pa/ mda' bo che 'dir nga nyan thos kyi dge 'dun dang thabs gcig la lus 'phags ma'i bu yul ma ga d+ha'i rgyal po ma skyes dgras zla ba gsum du yo byad thams cad kyis bstabs pas rgyal po la rtogs shig /gal te rgyal pos gnang na nga de bzhin du gshegs par bya'o/ / des yangs pa can du bcom ldan 'das ni 'di skad ces gsung ngo zhes spring ngo / /de rnams kyis kyang spring ba de nyid kyi phyir khyod lus 'phags ma'i bu yul ma ga d+ha'i rgyal po ma skyes dgra la gnod pa chung ngam/ nyam nga ba nyung ngam/ bskyod pa yang ngam/ 'tsho 'am/ gnod pa ma mchis sam/ stobs dang bde ba la reg par gnas sam zhes kyang dris la 'di skad ces/ lha bcom ldan 'das yangs pa can du gshegs par bcom ldan 'das la rjes su gnang bar mdzad du gsol/ lhas gal te bcom ldan 'das la rjes su ma gnang na ring po mi thogs pa kho nar yangs pa can stongs shing ming lus par 'gyur ro zhes smros shig /de nas mdun na 'don mda' bo ches bsams pa/ ci re shig rgyal po la bsnyen par bya 'am/ 'on te blon po rnams la bya snyam du bsams pa dang / de 'di snyam du sems te/ 'ga' zhig gi dngags las bsnyen par mi bya ste/ 'on kyang bsnyen pa byed pa la bsnyen par bya'o zhes 'byung bas/ mdor na blon po rnams la bsnyen par bya'o snyam nas/ des blon po rnams la bsnyen par bya bar brtsams so/ /de nas blon po rnams kyis smras pa/ mdun na 'don dgos pa ci zhig la 'ongs des smras pa/ shes ldan dag kho bo ni bcom ldan 'das kyi phyir lha la gsol ba 'debs su mchis kyis khyed cag gis grogs mdzod cig /de rnams kyis smras pa/ de bzhin du byas kho bo cag gis ji tsam na bos pa de'i tshe khyod shog cig /de nas de dag gis skabs shes nas bos pa dang de nas mdun na 'don mda' bo che lus 'phags ma'i bu yul ma ga d+ha'i rgyal po ma skyes dgra gang na ba der song ste song nas lus 'phags ma'i bu yul ma ga d+ha'i rgyal po ma skyes dgra la rgyal ba dang tshe spel ba dag byas nas phyogs gcig tu 'dug go/ /phyogs gcig tu 'dug nas mdun na 'don mda' bo ches lus 'phags ma'i bu yul ma ga d+ha'i rgyal po ma skyes dgra la 'di skad ces smras so/ /lha yangs pa can gyi tshogs kyi mchid nas lha la gnod pa chung ngam/ reg par gnas sam zhes bya ba rgyas par snyun gsol lo/ /mda' bo che khyod dang / yangs pa can gyi tshogs bde bar gyur cig /lha yangs pa can gyi tshogs kyi mchid nas 'di skad ces/ lha bcom ldan 'das yangs pa can du gshegs par bcom ldan 'das la rjes su gnang bar mdzad du gsol/ lhas gal te bcom ldan 'das la rjes su ma gnang na ring po mi thogs pa kho nar yangs pa can stongs shing ming lus par 'gyur ro zhes mchi'o/ /rgyal pos smras pa/ mda' bo che kho bos yun ring mo zhig nas kye ma yangs pa can gyi gnas stongs kyang ci ma rung snyam du bsams pa de gal te yangs pa can gyi gnas stongs par gyur na kho bo yid la bsam pa tshegs chung dus rdzogs par ma gyur tam/ de skad ces smras pa dang / mda' bo che song ngo / /blon po rnams kyis smras pa/ lha bcom ldan 'das kyis sems can gcig kyang yongs su btang ba lta mchis sam/ shes ldan dag med do/ /de lta na lhas bcom ldan 'das la bkur sti ma lags pa bgyis so/ /lhas bcom ldan 'das la rjes su gnang yang rung / ma gnang yang rung ste/ bcom ldan 'das ni yangs pa can gyi sems can la thugs brtse ba'i phyir gshegs par 'gyur ba nyid do/ /rgyal pos smras pa/ shes ldan dag kho bos ma shes kyis gal te de lta na khug shig /de dag gis mda' bo che bkug nas rgyal pos smras pa/ mda' bo che kho bos dam bcas te bcom ldan 'das rjes su gnang bar bya'o/ /gal te kho bos bcom ldan 'das la mchod pa dang bsnyen bkur ci 'dra ba byas pa de kho na 'dra bar yangs pa can gyi tshogs kyis bya na/ de lta na kho bos rjes su gnang ngo / /des yangs pa can rnams la rgyal po 'di skad ces gsung ngo zhes spring ngo / /de rnams kyis smras pa/ rgyal po mi gcig pur gyur pas bcom ldan 'das la mchod pa dang bkur sti byed na/ bdag cag tshogs su gyur pas ci ste mi bya zhes de dag gis bcom ldan 'das gshegs su gsol cig dang / bdag cag gis bcom ldan 'das la de bas kyang ches khyad par du 'phags pa'i mchod pa dang bkur sti bgyi'o zhes spring ngo / /de nas mda' bo ches don de dag rgyal po la rig par byas so/ /de nas lus 'phags ma'i bu yul ma ga d+ha'i rgyal po ma skyes dgra bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te phyogs gcig tu 'dug go/ / phyogs gcig tu 'dug nas lus 'phags ma'i bu yul ma ga d+ha'i rgyal po ma skyes dgras bcom ldan 'das la 'di skad ces gsol to/ /btsun pa bcom ldan 'das dge slong gi dge 'dun dang thabs gcig la bdag ji srid 'tsho'i bar du na bza' chos gos dang / bsod snyoms dang / gzims cha dang / snyun dpyad kyi rkyen sman dang / yo byad rnams kyis bsnyen bkur bgyid par spro lags mod kyi/ bcom ldan 'das sems can rnams la thugs brtse bas gnang bar mi 'gyur lags na/ bcom ldan 'das bdag gi gdugs tshod gsol bar gnang bar mdzad du gsol/ bcom ldan 'das kyis lus 'phags ma'i bu yul ma ga d+ha'i rgyal po ma skyes dgra la cang mi gsung bas gnang ngo / /de nas lus 'phags ma'i bu yul ma ga d+ha'i rgyal po ma skyes dgras bcom ldan 'das cang mi gsung bas gnang bar rig nas stan las langs te/ bcom ldan 'das kyi zhabs gnyis la mgo bos phyag byas te song ngo / /de nas lus 'phags ma'i bu yul ma ga d+ha'i rgyal po ma skyes dgras de nyid kyi mtshan mo nas zhes bya ba nas/ bcom ldan 'das kyis gsol zin nas phyag bcabs te lhung bzed gyu bar rig nas zhes bya ba'i bar gong ma bzhin du'o/ / gser gyi bya ma bum blangs te bcom ldan 'das la gsol ba 'debs pa la zhugs pa/ btsun pa bcom ldan 'das kyis klu gdug pa dang / gnod sbyin gdug pa de dang de rnams ni btul lags na/ btsun pa klu'i rgyal po sog ma med 'di yun ring po zhig nas bdag cag la sha khon ma mchis par ni sha khon bgyid/ 'gran zla ma mchis par ni 'gran zlar gyur/ gnod pa ma mchis par ni gnod par bgyid par gyur te/ lo tog gang dag skyes shing skyes pa rnams chud gzon par bgyid lags na/ bcom ldan 'das thugs brtse ba nye bar bzung ste klu'i rgyal po sog ma med legs par gdul bar gsol/ /bcom ldan 'das kyis lus 'phags ma'i bu yul ma ga d+ha'i rgyal po ma skyes dgra la cang mi gsung bas gnang ngo / /de nas bcom ldan 'das kyis lus 'phags ma'i bu yul ma ga d+ha'i rgyal po ma skyes dgra la yon bsngo ba mdzad nas gshegs te/ gtsug lag khang du byon nas dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis tshe dang ldan pa kun dga' bo la bka' stsal pa/ kun dga' bo byang phyogs su klu'i rgyal po sog ma med 'dul du 'dong ngo / /byang phyogs na ni phan yon lnga yod de/ lnga gang zhe na/ me tog phun sum tshogs pa dang / 'bras bu phun sum tshogs pa dang / chu phun sum tshogs pa dang / bsod snyoms mod pa dang / skye bo'i tshogs drang po yod do zhes gsungs nas bcom ldan 'das nang du yang dag 'jog gi phyir gtsug lag khang du zhugs so/ / de nas lus 'phags ma'i bu yul ma ga d+ha'i rgyal po ma skyes dgras rgyal po'i khab nas chu bo gang gA'i bar gyi lam dang grong khyer dag che thang du stor du bcug ste lam rdo ba dang / gseg ma dang / gyo mo thams cad bsal nas tsan dan gyi chus chag chag btab dri zhim po sna tshogs kyi pog phor dag bshams/ dar gyi chun phyang mang po spyangs/ bar bar du me tog gi gzhal med khang dag byas so/ /yangs pa can gyi lid tsa bi rnams kyis ni chu bo gang gA nas yangs pa can gyi bar du de bas lhag par khyad par du 'phags par lam dang grong khyer dag stor du bcug go/ /de nas bcom ldan 'das dgongs ka nang du yang dag 'jog las bzhengs te tshe dang ldan pa kun dga' bo la bka' stsal pa/ kun dga' bo na lan da gang na ba der 'dong ngo / / btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ de nas bcom ldan 'das dang yul ma ga d+ha'i ljongs rgyu zhing gshegs pa na/ na lan dar byon nas na lan da na a mra'i tshal dgag dbye can zhes bya ba na bzhugs so/ /de'i tshe na lan da na kun du rgyu 'dam bu'i tshong pa zhes bya ba rgas pa/ 'khogs pa/ gtugs pa btsas nas lo brgya nyi shu lon pa zhig gnas pa la/ na lan da'i bram ze dang khyim bdag rnams bkur sti byed/ bla mar byed/ ri mor byed/ mchod par byed de/ dgra bcom par bkur ro/ /de nas kun du rgyu 'dam bu'i tshong pa'i sngon gyi grogs po dang / blon po dang / gnyen dang / gnag gi gnyen mtshams su gyur pa'i lha gang yin pa de 'di snyam du sems te/ gal te bdag gis kun du rgyu 'dam bu'i tshong pa la 'di skad ces/ drang srong khyod tshur shog /bcom ldan 'das kyi spyan sngar tshangs par spyad pa spyod cig ces smras na/ gang yang bdag gi tshig mi nyan pa de srid pas/ ma la bdag de'i drung du song ste yid kyi dri ba 'dzin du gzhug go snyam nas/ de nas lha de kun du rgyu 'dam bu'i tshong pa gang na ba der song ste phyin nas/ kun du rgyu 'dam bu'i tshong pa la 'di skad ces smras so/ /drang srong tshur shog /kho bo las yid kyi dri ba long la kun chub par gyis shig /ji ltar mdza' bo ma yin pa la mdza' bo ltar bcos pa yin par blta bar bya/ ji ltar bdag dang 'dra ba'i mdza' bo yin par rig par bya/ ci'i phyir spong / ji ltar nad med pa 'thob/ drang srong gang zhig khyod kyi yid kyi dri ba yid kyis mngon par 'dus byas pa 'di dag tshig gis lung bstan pas sems rangs par byed pa de'i thad du khyod tshangs par spyad pa spyod cig ces smras nas de nyid du mi snang bar gyur to/ /de nas kun du rgyu 'dam bu'i tshong pas lha de las yid kyi dri ba bzung ste kun chub par byas nas 'od srung rdzogs byed gang na ba der song ste phyin nas 'od srung rdzogs byed kyi drung du yid kyi dri ba yid kyis mngon par 'dus byas pa/ ji ltar mdza' bo ma yin pa la mdza' bo ltar bcos pa yin par blta bar bya zhes bya ba nas ji ltar nad med pa 'thob par 'gyur zhes bya ba'i bar gong ma bzhin du'o/ /'od srung rdzogs byed kyis de'i yid kyi dri ba yid kyis mngon par 'dus byas pa rnams kyang mi shes rnam par mi shes na lan glan pa lta smos kyang ci dgos/ de nas kun du rgyu 'dam bu'i tshong pa 'di snyam du sems te/ 'od srung rdzogs byed kyis bdag gi yid kyi dri ba yid kyis mngon par 'dus byas pa rnams kyang mi shes/ rnam par mi shes na lan glan pa lta smos kyang ci dgos snyam nas/ de kun du rgyu gnag lhas kyi bu dang / smra 'dod kyi bu mo'i bu yang dag rgyal ba can dang / mi pham skra'i la ba can dang / ka t+ya'i bu nog can dang / gcer bu pa gnyen gyi bu gang na ba der song ste phyin nas gcer bu pa gnyen gyi bu'i mdun du yid kyi dri ba yid kyis mngon par 'dus byas pa/ ji ltar mdza' bo ma yin pa la mdza' bo ltar bcos pa yin par blta bar bya zhes bya ba nas gcer bu pa gnyen gyi bu'i bar gyis kyang bdag gi yid kyi dri ba yid kyis mngon par 'dus byas pa rnams kyang mi shes/ rnam par mi shes na lan glan pa lta smos kyang ci dgos snyam mo zhes bya ba'i bar gong ma bzhin du'o/ /de nas kun du rgyu 'dam bu'i tshong pa 'di snyam du sems te/ gang la yid kyi dri ba yid kyis mngon par 'dus byas pa'i tshig gis lung bstan pa mi thob pa de 'dra ba'i rab tu byung bas bdag la ci zhig bya/ bdag gi nye du rnams la longs spyod rgya cher yod pas/ ma la bdag 'dug la 'dod pa yang longs spyad cing sbyin pa yang btang / bsod nams kyang bya'o snyam mo yang de'i blo skyes pa/ ma la bdag dge sbyong gau ta ma gang na ba der 'gro bar bya'o snyam nas de chas pa na yang bsams pa/ re shig dge sbyong dang bram ze rgan rabs gang dag yin pa 'di lta ste/ 'od srung rdzogs byed nas gcer bu pa gnyen gyi bu'i bar gong ma bzhin te/ de rnams kyis re shig yid kyi dri ba yid kyis mngon par 'dus byas pa rnams kyang mi shes rnam par mi shes na dge sbyong gau ta ma nas gzhon pa gsar du rab tu byung bas lta smos kyang ci dgos snyam du bsams te slar ldog par 'dod pa las/ yang de 'di snyam du sems te/ sngon gyi kun du rgyu rnying pa rgan po 'khogs pa spyod pa'i slob dpon dag las bdag gis dge slong gzhon nu la brnyas par mi bya/ dge slong gzhon nu la zil gyis mnan par mi bya ste/ dge slong gzhon yang de ni dbang che ba mthu che bar gyur pa yin no zhes thos so snyam du bsams nas bcom ldan 'das gang na ba der song ste phyin pa dang / bcom ldan 'das kyi spyan sngar yid kyi zhu ba yid kyis mngon par 'dus byas pa/ ji ltar mdza' bo ma yin pa la mdza' bo ltar bcos pa yin par blta bar bya zhes bya ba nas ji ltar nad med pa 'thob ces bya ba'i bar gong ma bzhin du'o/ /de nas bcom ldan 'das kyi thugs kyis kun du rgyu 'dam bu'i tshong pa'i bsam pa mkhyen nas de'i tshe tshigs su bcad de bka' stsal pa/ mdza' bo gzhan la rnam par smod byed cing / /de ni bdag tu zad do zhes smra la/ /las kyang sla dgu 'dam zhing byed pa de/ /bdag gi bshes ma yin par shes par bya/ /gang zhig bden pa ma yin tshig /mdza' bo dag la smra byed cing / /smra la las su mi byed pa'ang / /mkhas pa rnams kyis yongs shes te/ /de lta bu ni mdza' bo ma yin pa la mdza' bo ltar bcos pa yin par shes par bya'o/ /ji ltar bdag dang 'dra ba'i mdza' bo yin par bya zhe na/ gang zhig rtag tu bag med dbye ba yi/ /bsam pas glags lta de ni mdza' min gyi/ /gang zhig 'dir ni snying dang 'drar gyur par/ /gzhan gyis mi phyed de ni mdza' bo yin/ /de lta bu ni bdag dang 'dra ba'i mdza' bo yin par rig par bya'o/ /ci'i phyir spong zhe na/ skyes bu gces pa mthar 'byin cing / / 'bras bu lta bar byed pa ni/ /rab tu dga' ba skyed pa'i gnas/ /rab bsngags 'dren pa'i zhi ba sgom/ /de don du gnyer bar bsgom mo/ /ji ltar nad med pa 'thob ce na/ rab tu dben pa'i ro dang ni/ /nye bar zhi ba'i ro shes nas/ /chos la dga' ba'i ro 'thung ba/ /nad med sdig pa med par 'gyur/ /de ltar na nad med pa 'thob bo/ /de nas kun du rgyu 'dam bu'i tshong pa 'di snyam du sems te/ dge sbyong gau ta ma'i thugs kyis ni bdag gi bsam pa mkhyen no snyam du rig nas bcom ldan 'das la 'di skad ces gsol to/ /gau ta ma bdag legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po 'thob pa lta na/ bcom ldan 'das dge sbyong gau ta ma'i spyan sngar bdag gis tshangs par spyod pa spyad par bgyi'o/ /kun du rgyu 'dam bu'i tshong pa legs par gsungs pa'i chos 'dul ba la rab tu byung zhing bsnyen par rdzogs pa dge slong gi dngos po thob ste/ de ltar rab tu byung nas tshe dang ldan pa des shes bya ba nas de sems shin du rnam par grol ba'i dgra bcom par gyur to zhes bya ba'i bar gong ma bzhin du'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo dmar bu can gyi grong du 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das dge slong gi dge 'dun dang thabs gcig tu dmar bu can gyi grong khyer dang rgyal po'i khab kyi bar gyi dbus na rgyal po'i gnas 'od ma'i dbyug pa can du nub mo nye bar rten cing bzhugs so/ /de nas bcom ldan 'das kyis dge slong rnams la bka' stsal pa/ dge slong dag nga dang khyed cag kho nas 'phags pa'i bden pa bzhi po dag ma shes/ ma mthong / khong du ma chud/ so sor ma rtogs pas lam ring po 'dir rgyug cing 'khor bar gyur to/ /bzhi po de dag gang zhe na/ nga dang khyed cag kho nas zhes bya ba nas/ sdug bsngal 'phags pa'i bden pa ma shes ma mthong zhes bya ba'i bar gong ma bzhin du'o/ /nga dang khyed cag kho nas zhes pa nas/ sdug bsngal kun 'byung ba dang / sdug bsngal 'gog par 'gro ba'i lam ma shes ma mthong zhes bya ba'i bar gong ma bzhin du'o/ /ngas sdug bsngal 'phags pa'i bden pa rjes su rtogs shing so sor rtogs pas srid pa'i sred pa bcad pas 'khor ba'i skye ba zad do da ni srid pa gzhan med do/ /ngas sdug bsngal kun 'byung ba dang / sdug bsngal 'gog par 'gro ba'i lam 'phags pa'i bden pa rjes su rtogs shing so sor rtogs pas srid pa'i sred pa bcad pas 'khor ba'i skye ba zad do da ni srid pa gzhan med do/ /bcom ldan 'das kyis de skad ces bka' stsal te/ bde bar gshegs pas de skad gsungs nas ston pas gzhan yang 'di skad ces bka' stsal to/ /nga dang khyed cag kho na yis/ /'phags pa'i bden pa bzhi po dag /ji lta ba bzhin ma mthong bas/ /lam ni ring du 'khor bar gyur/ /bden pa de dag mthong nas ni/ /srid pa'i sred pa bcad nas su/ /'khor ba'i skye ba zad pas na/ /da ni srid pa gzhan med do/ /bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo dmar bu can gyi grong ga na ba der 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das dang yul ma ga d+ha'i ljongs rgyu zhing gshegs pa na dmar bu can gyi grong du byon to/ /dmar bu can gyi grong gi dmar bu can gyi mchod rten na bzhugs so/ /dmar bu can gyi grong gi bram ze dang khyim bdag rnams kyis bcom ldan 'das yul ma ga d+hA'i ljongs rgyu zhing gshegs nas dmar bu can gyi grong du byon te/ dmar bu can gyi mchod rten na bzhugs so zhes thos so/ /thos nas kyang tshogs nas tshogs dang / khyu nas khyur phrad cing 'dug nas dmar bu can gyi grong nas byung ste bcom ldan 'das gang na ba der dong ste lhags nas/ bcom ldan 'das kyi zhabs gnyis la mgo bos phyag byas nas phyogs gcig tu 'dug go/ /phyogs gcig tu 'dug nas bcom ldan 'das kyis dmar bu can gyi grong gi bram ze dang khyim bdag rnams la 'di skad ces bka' stsal to/ /bram ze dang khyim bdag dag lnga po 'di dag ni bag med pa'i nyes dmigs dag yin te/ lnga gang zhe na/ bram ze dang khyim bdag dag 'di la bag med pa bag med pa la gnas pa'i rgyus longs spyod chen po las nyams par 'gyur te/ bram ze dang khyim bdag dag bag med pa bag med pa la gnas pa'i rgyus longs spyod chen po las nyams par 'gyur ba gang yin pa 'di ni bag med pa'i nyes dmigs dang po yin no/ /bram ze dang khyim bdag dag gzhan yang bag med pa bag med pa la gnas pa'i rgyus phyogs dang phyogs mtshams su sdig pa dang / bsngags pa ma yin pa dang / grags pa ma yin pa'i sgra dang tshigs su bcad pa grags par 'gyur te/ bram ze dang khyim bdag dag bag med pa bag med pa la gnas pa'i rgyus phyogs dang phyogs mtshams su sdig pa dang / bsngags pa ma yin pa dang / grags pa ma yin pa'i sgra dang tshigs su bcad pa grags par 'gyur ba gang yin pa 'di ni/ bag med pa'i nyes dmigs gnyis pa yin no/ /bram ze dang khyim bdag dag gzhan yang bag med pa bag med pa la gnas pa'i rgyus rgyal rigs kyi 'khor du'ang rung / bram ze'i 'khor du'ang rung / khyim bdag gi 'khor du'ang rung / dge sbyong gi 'khor du'ang rung / 'khor gang dang gang du 'gro ba'i 'khor de dang der zhum zhum por gyur nas dga' ba med pa dang / bag tsha bas 'gro bar 'gyur te/ bram ze dang khyim bdag dag bag med pa bag med pa la gnas pa'i rgyus gang dang gang du zhes bya ba nas bag tsha bas zhes bya ba'i bar gong ma bzhin du'o/ /'di ni bag med pa'i nyes dmigs gsum pa yin no/ /bram ze dang khyim bdag dag gzhan yang bag med pa bag med pa la gnas pa'i rgyus gang dang gang du zhes bya ba nas bag med pa'i rgyus yid la gcags bzhin 'chi bar 'gyur te/ bram ze dang khyim bdag dag bag med pa bag med pa la gnas pa'i rgyus yid la gcags bzhin 'chi bar 'gyur ba gang yin pa 'di ni bag med pa'i nyes dmigs bzhi pa yin no/ / bram ze dang khyim bdag dag gzhan yang bag med pa bag med pa la gnas pa'i rgyus lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur te/ bram ze dang khyim bdag dag bag med pa bag med pa la gnas pa'i rgyus lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba gang yin pa 'di ni bag med pa'i nyes dmigs lnga pa yin no/ /bram ze dang khyim bdag dag lnga po 'di dag ni bag yod pa'i phan yon yin te/ lnga gang zhe na/ bram ze dang khyim bdag dag bag yod pa bag yod pa la gnas pa'i rgyus longs spyod chen po las nyams par mi 'gyur te/ bram ze dang khyim bdag dag bag yod pa bag yod pa la gnas pa'i rgyus longs spyod chen po las nyams par mi 'gyur ba gang yin pa 'di ni bag yod pa'i phan yon dang po yin no/ /bram ze dang khyim bdag dag gzhan yang bag yod pa bag yod pa la gnas pa'i rgyus phyogs dang phyogs mtshams su dge ba dang / grags pa dang / sgra dang / tshigs su bcad pa rgya chen po grags par 'gyur te/ bram ze dang khyim bdag dag bag yod pa bag yod pa la gnas pa'i rgyus phyogs dang phyogs mtshams su dge ba dang / grags pa dang / sgra dang / tshigs su bcad pa rgya chen po grags par 'gyur ba gang yin pa 'di ni bag yod pa'i phan yon gnyis pa yin no/ /bram ze dang khyim bdag dag gzhan yang bag yod pa bag yod pa la gnas pa'i rgyus rgyal rigs kyi 'khor du'ang rung / bram ze'i 'khor du'ang rung / khyim bdag gi 'khor du'ang rung / dge sbyong gi 'khor du'ang rung / 'khor gang dang gang du 'gro ba'i 'khor de dang der zhum zhum po ma yin pa dang / dga' ba dang bag tsha ba med pas 'gro bar 'gyur te/ /bram ze dang khyim bdag dag bag yod pa bag yod pa la gnas pa'i rgyus zhes bya ba nas/ bag tsha ba med pa zhes bya ba'i bar gong ma bzhin du gang yin pa 'di ni bag yod pa'i phan yon gsum pa yin no/ /bram ze dang khyim bdag dag gzhan yang bag yod pa bag yod pa la gnas pa'i rgyus yid la gcags pa med par 'chi bar 'gyur te/ bram ze dang khyim bdag dag bag yod pa bag yod pa la gnas pa'i rgyus yid la gcags pa med par 'chi bar 'gyur ba gang yin pa 'di ni bag yod pa'i phan yon bzhi pa yin no/ / bram ze dang khyim bdag dag gzhan yang bag yod pa bag yod pa la gnas pa'i rgyus lus zhig nas bde 'gro mtho ris kyi 'jig rten lha rnams su skye bar 'gyur te/ bram ze dang khyim bdag dag bag yod pa bag yod pa la gnas pa'i rgyus lus zhig nas bde 'gro mtho ris kyi 'jig rten lha rnams su skye bar 'gyur ba gang yin pa 'di ni bag yod pa'i phan yon lnga pa yin no/ /de nas dmar bu can gyi grong gi bram ze dang khyim bdag rnams stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag cag gi gnas su do mod bzhugs par gsol/ bcom ldan 'das kyis dmar bu can gyi grong gi bram ze dang khyim bdag rnams la cang mi gsung bas gnang ngo / / de nas dmar bu can gyi bram ze dang khyim bdag rnams kyis bcom ldan 'das cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas dong ngo / /ma ga d+ha'i sna chen po la gtogs pa bram ze dbyar byed kyis dge sbyong gau ta ma ma ga d+ha'i ljongs rgyu zhing gshegs pa na dmar bu can gyi grong du gshegs nas dmar bu can gyi grong gi dmar bu can gyi mchod rten na bzhugs te/ de la dmar bu can gyi grong gi bram ze dang khyim bdag rnams kyis bkur sti byas so zhes thos so/ /thos nas kyang rta rgod ma dang ldan pa'i shing rta thams cad nas dkar ba'i nang du zhugs nas gser gyi khar ba dang ril ba spyi blugs thogs te bram ze'i khye'u yi tshogs kyis yongs su bskor cing / bram ze'i khye'u yi tshogs kyis mdun gyis bltas nas dmar bu can gyi grong nas byung ste/ bcom ldan 'das la blta ba dang bsnyen bkur bya ba'i phyir song ngo / /de ji tsam bzhon pa'i sa'i bar du bzhon pas song nas bzhon pa las babs te rkang pas kun dga' ra bar zhugs nas bcom ldan 'das gang na ba der song ste phyin nas/ bcom ldan 'das dang lhan cig mngon du yang dag par dga' ba dang / yang dag par mgu bar 'gyur ba'i gtam rnam pa sna tshogs byas nas phyogs gcig tu 'dug go/ /phyogs gcig tu 'dug nas bcom ldan 'das kyis ma ga d+ha'i sna chen po la gtogs pa bram ze dbyar byed la chos dang ldan pa'i gtam gyis yang dag par ston par mdzad/ yang dag par gzeng bstod par mdzad/ yang dag par 'dzin du 'jug par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas ma ga d+ha'i sna chen po la gtogs pa bram ze dbyar byed stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das gau ta ma dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis ma ga d+ha'i sna chen po la gtogs pa bram ze dbyar byed la cang mi gsung bas gnang ngo / /de nas ma ga d+ha'i sna chen po la gtogs pa bram ze dbyar byed kyis bcom ldan 'das cang mi gsung bas gnang bar rig nas bcom ldan 'das kyi spyan snga nas song ngo / /de nas bcom ldan 'das kyis ma ga d+ha'i sna chen po la gtogs pa bram ze dbyar byed song nas ring po ma lon par thugs su chud nas 'dug gnas gang na ba der gshegs te byon nas/ 'dug gnas kyi phyi rol du zhabs gnyis bkrus te 'dug gnas su zhugs nas gdan bshams pa nyid la bzhugs te/ dkyil mo dkrung bcas nas sku drang por bsrang ste dgongs pa mngon du phyogs par bzhag go/ /bcom ldan 'das 'dug gnas na nyin par gyi gnas pas bzhugs pa na lha'i spyan rnam par dag pa mi'i las 'phags pas dmar bu can gyi grong na mthu che ba mthu che ba'i lha rnams gnas kyis 'bre ba gzigs so/ /gzigs nas kyang dgongs ka nang du yang dag 'jog las bzhengs te 'dug gnas nas byung nas/ 'dug gnas kyi grib ma la dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis dmar bu can gyi grong gi grong khyer rtsig par brtson pa su yin ci thos/ btsun pa bdag gis ma ga d+ha'i sna chen po la gtogs pa bram ze dbyar byed lags par thos so/ /kun dga' bo legs so/ /legs so/ /ma ga d+ha'i sna chen po la gtogs pa bram ze dbyar byed ni mkhas pa yin te/ 'di ltar sum bcu rtsa gsum pa'i lha rnams dang lhan cig bgros pa lta zhig /kun dga' bo 'di na nga 'dug gnas na nyin par gyi gnas pas bzhugs pa na lha'i spyan rnam par dag pa mi'i las 'das pas dmar bu can gyi grong na mthu che ba mthu che ba'i lha rnams gnas kyis 'bre ba gzigs so/ /kun dga' bo phyogs gang du mthu che ba mthu che ba'i lha rnams kyis gnas kyi sa bres pa'i phyogs der 'di lta ste/ gnas kyi phyir mthu che ba mthu che ba'i mi rnams kyi sems gzhol bar 'gyur ro/ /phyogs gang du lha bar ma dang phal pas gnas kyi sa bres pa'i phyogs der ni 'di lta ste/ gnas kyi phyir mi bar ma dang phal pa rnams kyi sems gzhol bar 'gyur ro/ kun dga' bo phyogs 'dir ni mthu che ba mthu che ba'i lha rnams kyis gnas kyi sa bres pas phyogs 'dir 'di lta ste/ gnas kyi phyir dbang che ba dbang che bar grags pa'i mi rnams kyi sems gzhol bar 'gyur te/ kun dga' bo ya rabs kyi gnas dang / ya rabs kyi tha snyad ji snyed pa dang / zong 'grems pa rnams kyi nang na yang 'di lta ste/ dmar bu can gyi grong khyer 'di mchog tu 'gyur ro/ /kun dga' bo 'di la bar chad gsum 'byung bar rig par bya ste/ me dang / chu dang / nang 'khrug gis so/ / de nas ma ga d+ha'i sna chen po la gtogs pa bram ze dbyar byed kyis de nyid kyi nub mo nas gtsang zhing bsod pa zhes bya ba nas/ phyag bcabs te lhung bzed gyu bar rig nas zhes bya ba'i bar gong ma bzhin te/ gser gyi bya ma bum thogs te gsol ba 'debs shing spyan sngar 'dug go/ /'di skad ces kyang gsol te/ kye gau ta ma sbyin pa 'di las bsod nams kyi rgyu 'thun pa dang / dge ba'i rgyu 'thun pa dang / bde ba'i gzhi ci mchis pa de dmar bu can na gnas pa'i lha rnams kyi yun ring po'i don dang / phan pa dang bde ba'i slad du yon bsngo ba mdzad du gsol/ de nas bcom ldan 'das kyis de'i tshe tshigs su bcad de bka' stsal pa/ skyes bu gang zag dad pa can/ /gang zhig lha rnams mchod byed pa/ /ston pa'i bka' bzhin byed pa ste/ /de ni sangs rgyas rnams kyis bsngags/ /mkhas shing yid ni gzhungs pa yis/ /gang gi phyogs su gnas 'cha' ba/ /tshul khrims ldan pa bshos gsol nas/ /de yi 'og tu yon bsngo bya/ /de rnams rjed pas rjed 'gyur zhing / /mchod pas kyang ni mchod par 'gyur/ /de nas lto nas byung ba yi/ /bu la ma bzhin 'di la brtse/ /lha rnams brtse ba'i skyes bus ni/ /bde ba bzang po mthong bar 'gyur/ / de nas bcom ldan 'das kyis ma ga d+ha'i sna chen po la gtogs pa bram ze dbyar byed la chos dang ldan pa'i gtam yang dag par bstan yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /de nas ma ga d+ha'i sna chen po la gtogs pa bram ze dbyar byed kyis der rgyu lhag gang yin pa de thams cad sbyin par btang nas bcom ldan 'das kyi rjes bzhin rjes bzhin du 'brang zhing / 'di snyam du sems kyis sems la mngon par 'du byed de/ bcom ldan 'das gau ta ma dmar bu can gyi grong gi sgo gang nas phyir gshegs pa de ni bdag gis gau ta ma'i sgo zhes gdags so/ /chu bo gang gA'i 'jug ngogs gang nas rgal ba de yang gau ta ma'i 'jug ngogs zhes gdags so snyam mo/ /de nas bcom ldan 'das kyi thugs kyis ma ga d+ha'i sna chen po la gtogs pa bram ze dbyar byed kyi bsam pa mkhyen nas/ dmar bu can gyi grong gi dbus thog thag / gshegs nas byang phyogs su rgyu ste/ chu bo gang gA gang na bar gshegs so/ /de nas lus 'phags ma'i bu ma ga d+hA'i rgyal po ma skyes dgra 'di snyam du sems te/ ma la bdag nyid kho nas bcom ldan 'das mchod pa bya ba la lhag par spro bar bya'o snyam du bsams nas/ rtsibs brgya dang ldan pa'i gdugs lnga brgya bcom ldan 'das kyi dbu'i gtsug gi steng du bzung ba dang / yangs pa can gyi lid tsa bi rnams kyis bsams pa/ lus 'phags ma'i bu ma ga d+ha'i rgyal po ma skyes dgra 'di bcom ldan 'das mchod pa la rang nyid lhag par spro bar gyur na/ ci'i phyir na bdag cag gis spro bar mi bya snyam nas de rnams kyis kyang rtsibs brgya dang ldan pa'i gdugs lnga brgya bcom ldan 'das kyi dbu'i gtsug gi steng du bzung ngo / /klu rnams kyis bsams pa/ re shig mi 'di rnams bcom ldan 'das mchod pa bya ba la lhag par spro bar gyur na/ bdag cag klu rnams ni rnam par lhung ba'i lus can yin na ci'i phyir bdag cag spro bar mi bya snyam nas/ de dag gis kyang rtsibs brgya dang ldan pa'i gdugs lnga brgya bcom ldan 'das kyi dbu'i gtsug gi steng du bzung ngo / /rgyal chen bzhi'i ris kyi lha rnams kyis bsams pa/ re shig mi bsod nams mngon sum du ma mthong ba 'di dag kyang bcom ldan 'das mchod pa bya ba la lhag par spro bar gyur na/ mngon sum du mthong ba bdag cag gis lta ci'i phyir spro bar mi bya snyam nas/ de rnams kyis kyang rtsibs brgya dang ldan pa'i lha'i gdugs lnga brgya bcom ldan 'das kyi dbu'i gtsug gi steng du bzung ngo / /sum bcu rtsa gsum pa'i lha rnams kyis bsams pa/ lha dang mi 'di rnams bcom ldan 'das mchod pa bya ba la spro bar gyur na/ bdag cag gis ci'i phyir spro bar mi bya snyam nas/ de dag gis kyang rtsibs brgya dang ldan pa'i gdugs lnga brgya bcom ldan 'das kyi dbu'i gtsug gi steng du bzung ngo / /bcom ldan 'das kyis dgongs pa/ ji ltar 'di dag phyir zhing dad pa mngon par 'phel bar 'gyur ba de ltar byin gyis brlab bo snyam nas de nas bcom ldan 'das kyis ji ltar re re'i yid la bcom ldan 'das kyi dbu'i gtsug gi steng na bdag gdugs 'dzin to snyam pa de ltar byin gyis brlabs te/ de nas bcom ldan 'das mngon par rdzogs par byang chub pa la gdugs nyis stong lnga brgya lha dang mi rnams kyis steng du bzung ngo / /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis 'phrin las ci zhig mdzad na/ des na bcom ldan 'das mngon par rdzogs par byang chub pa la gdugs nyis stong lnga brgya lha dang mi rnams kyis dbu'i gtsug gi steng du bzung bar gyur lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan na las byas shing bsags pa tshogs rnyed pa zhes bya ba nas/ lus can rnams la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba 'khor los bsgyur ba'i rgyal po mtha' bzhir rnam par rgyal ba chos dang ldan pa/ chos kyi rgyal po rin po che sna bdun dang ldan pa legs mthong chen po zhes bya ba byung ste/ rgyal po de la bu stong du gcig gis ma tshang ba zhig yod do/ /rgyal po de'i kun du spyod pa ni bu btsas shing btsas pa dag phyi bzhin khrid de 'khyam par byed do/ /btsun mo rnams kyis bsams pa/ rgyal po 'di'i kun du spyod pa ni sras btsas shing btsas pa dag phyi bzhin khrid nas 'khyam par mdzad pas bdag cag bu yod bzhin du bu med pa dang 'dras/ da ni nang khrims zhig bca' ste/ gal te bdag cag las 'ga' zhig sems can dang ldan par gyur na/ des rgyal po la gdas par mi bya'o zhes bcas so/ /ji tsam na btsun mo zhig sems can dang ldan par gyur nas/ de dag gis phyogs dben pa zhig tu bzhag ste/ de zla ba brgyad dam dgu 'das pa dang khye'u gzugs bzang ba/ blta na sdug pa/ mdzes pa/ lpags pa'i mdog gser 'dra ba mgo gdugs lta bu/ lag pa ring ba/ 'phral ba'i dbyes che ba/ smin ma 'jar ba sna'i gzangs mtho ba/ yan lag dang nying lag thams cad dang ldan pa zhig btsas so/ /ji tsam na chen por gyur pa dang btsun mo de dag thams cad khye'u de la bu'i sdug pa skyes so// // 'dul ba gzhi/ bam po nyi shu bdun pa/ de nas dus gzhan zhig na rgyal po legs mthong chen po shar gyi lus 'phags kyi gling nas rin po che sna bdun gyis sna drangs shing khams kyi rgyal phran stong gis yongs su bskor te bu stong du gcig gis ma tshang bas zla ba kham pa lta bur bskor nas/ gzi brjid nyi ma'i 'od zer stong bas lhag par spa zhing 'ong ba gzhon nu khang bzangs kyi steng na 'dug pa des mthong nas/ des ma la dris/ yum mchi ba pha bi su lags/ bu khyod kyi yab rgyal po legs mthong chen po yin no/ /yum de 'das na bdag rgyal por 'gyur ram/ bu rgyal po de'i sras stong du gcig gis ma tshang ba zhig yod pa de dag thams cad kyi phu bo gang yin pa de de 'das na rgyal por 'gyur na khyod ni thams cad kyi nu bo yin no/ / des smras pa/ yum gal te de 'das na bdag rgyal por mi 'gyur na gnang bar mdzod cig dang / bdag dad pa yang dag pa kho nas khyim nas khyim med par rab tu 'byung bar bgyi'o/ /btsun mo de dag thams cad kyis smras pa/ bu khyod la bdag cag gis bu'i sdug pa nyams su myong gis de ltar ma byed cig /yum gdon mi 'tshal bar rab tu 'byung bar bgyi'o/ /de dag gis de gdon mi za bar gal gyis 'chu bar shes nas smras pa/ bu gal te de lta na dam zhig bcas nas gnang bar bya ste/ gang yang khyod kyis yon tan gyi tshogs cung zad rtogs na de khyod kyis bdag cag la smros shig /de bzhin du bgyi'o/ /de de dag gis gnang nas des mtha' gcig tu song ste/ mkhan po dang slob dpon med par byang chub kyi phyogs sum bcu rtsa bdun gyi chos bskyed nas rang byang chub mngon sum du byas so/ /rang sangs rgyas des bsams pa/ bdag gis ma de rnams la khas blangs pa smra dgos pas song la sngon gyi dam bcas pa mthar dbyung ngo snyam nas/ bdag nyid chen po de dag ni ngag gis chos mi ston gyi lus kyis yin pas des de rnams kyi mdun du 'bar ba dang / gsal ba dang / char 'bebs pa dang / glog 'byin pa dag gi cho 'phrul dag bya bar brtsams so/ /so so'i skye bo ni rdzu 'phrul la myur du sems gtod pa yin pas de dag shing rtsa ba nas bcad pa bzhin rkang pa gnyis la gtugs nas smras pa/ 'phags pa khyod kyis yon tan gyi tshogs 'di lta bu rtogs sam/ rtogs so/ /'phags pa khyod ni bsod snyoms bzhed pa lags la/ bdag cag kyang bsod nams 'tshal ba lags na/ khyod 'di nyid du bskyed mos tshal du bzhugs shig /bdag cag gis rgyun du bsod snyoms dbul bar bgyi'o/ /rang sangs rgyas de khas blangs nas de dag gis rang sangs rgyas la bsod snyoms kyis bkur stir bya bar brtsams so/ /rang sangs rgyas des bsams pa/ bdag gi lus rnag can 'dis bya ba gang yin pa de ni byas kyis/ ma la bdag phung po lhag ma med pa'i mya ngan las 'das pa'i dbyings su 'jug go snyam nas/ de nas de ngang pa'i rgyal po 'dab ma brgyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag kyang bstan nas phung po lhag ma med pa'i mya ngan las 'das pa zhi ba'i dbyings su zhugs so/ /de nas de dag gis shing dri zhim po thams cad spungs te/ spungs nas bsregs te me'i phung po de 'o mas bsad nas rus pa de dag gser gyi bum pa'i nang du bcug ste/ bskyed mos tshal de nyid du rus pa'i mchod rten brtsigs te mgul gdub dang / gdu bu rgyan can dang / gzhan yang rgyan rnam pa sna tshogs kyis brgyan cing gdugs dang / rgyal mtshan dang / ba dan dag btsugs so/ /de nas dus gzhan zhig na rgyal po legs mthong chen po btsun mo'i 'khor gyis bskor nas so ka'i dus la bab pa na me tog gi shing rnams kha 'bus shing ngang pa dang / krung krung dang / rma bya dang / ne tso dang / ri skegs dang / bya ko ki la dang / shang shang de'u skad 'byin pa'i tshal gseb tu bskyed mos tshal gyis gzhir song nas/ de bskyed mos tshal na 'khyam pa las dgra bcom pa'i mchod rten de mthong ngo / /de nas bskyed mos tshal srung ba'i mi la smras pa/ kwa'i nang rje 'di ci yin/ des smras pa/ lha bdag gis ni ma 'tshal te/ 'on kyang 'di'i don ni btsun mos 'tshal to/ /de nas des btsun mo'i 'khor rnams la smras pa dang / de dag gis rkang pa gnyis la gtugs te smras pa/ lha mi 'jigs pa stsal du gsol/ des smras pa/ de bzhin du sbyin no/ / de dag gis skabs de rgyas par smras pa dang rgyal pos smras pa/ khyed cag gis bu rgyal srid la mngon par dga' na de kho bo la ma gsol ba bzang po ma yin pa zhig byas so/ /gal te gsol bar gyur pa dang kho bo de kho na la rgyal srid dbang bskur bar 'gyur ba zhig /'on kyang ngas bdag nyid chen po de mya ngan las 'das par gyur pa gdugs dang / cod pan dang / thor tshugs gdags so zhes de nas des bu la byams pas rang sangs rgyas kyi mchod rten de la gdugs dang / cod pan dang / thor tshugs rnams btags so/ /dge slong dag ji snyam du sems/ de'i tshe de'i dus kyi rgyal po chen po legs mthong gang yin pa de ni nga nyid yin no/ /gang yang ngas de na bu la byams pas rang sangs rgyas kyi mchod rten de la gdugs dang / cod pan dang / thor tshugs btags te/ las de'i rnam par smin pas ngas 'khor los bsgyur ba'i rgyal po nyis stong lnga brgya byas so/ /las de kho na'i lhag mas da ltar nga mngon par rdzogs par byang chub pa na lha dang mi rnams kyis rtsibs brgya dang ldan pa'i gdugs nyis stong lnga brgya dbu'i gtsug gi steng du bzung bar gyur to/ /gal te ngas yon tan gyi tshogs 'di lta bu rtogs par ma gyur na gzhan du yang ngas 'khor los bsgyur ba'i rgyal po nyis stong lnga brgya byed par 'gyur ro/ /de lta bas na nga'i bsod nams kyi rnam par smin pa can gang yin pa de ngas nyan thos rnams kyi longs spyod du rnam par smin par bsngos te/ gal te mu tig bre gang gis 'bras bre gang khugs kyang 'on kyang nga'i nyan thos rnams ni bsod snyoms kyis phongs par mi 'gyur ro/ / dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la zhes bya ba nas btsal bar bya ste/ dge slong dag khyed kyis de lta bu la bslab par bya'o zhes bya ba'i bar gong ma bzhin du'o/ / bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do/ /lus 'phags ma'i bu yul ma ga d+ha'i rgyal po ma skyes dgras gru zam 'jugs su bcug pa dang / yangs pa can gyi lid tsa bi rnams kyis kyang de bzhin du bcom ldan 'das kyi phyir gru zam btsugs so/ /klu rnams kyis bsams pa/ bdag cag klu rnams ni rnam par ltung ba'i lus can yin pas/ ma la bdag cag gis gdengs ka'i zam pas bcom ldan 'das chu bo gang gA bsgral bar bya'o snyam nas de rnams kyis gdengs ka'i zam pa btsugs so/ /de nas bcom ldan 'das kyis dge slong rnams la bka' stsal pa/ dge slong dag khyed cag las gang zhig lus 'phags ma'i bu yul ma ga d+ha'i rgyal po ma skyes dgra'i gru zam las chu bo gang gA rgal bar spro ba de ni de las rgol cig /gang zhig yangs pa can gyi lid tsa bi rnams kyis gru zam btsugs pa las spro ba gang yin pa de yang de las rgol cig /nga yang dge slong kun dga' bo dang thabs gcig klu rnams kyi gdengs ka'i zam pa las chu bo gang gA brgal bar bya'o/ /de na kha cig ni lus 'phags ma'i bu yul ma ga d+ha'i rgyal po ma skyes dgra'i gru zam las rgal to/ /kha cig ni yangs pa can gyi lid tsa bi rnams kyi gru zam las rgol to/ /bcom ldan 'das kyis kyang tshe dang ldan pa kun dga' bo dang thabs cig tu klu rnams kyi gdengs ka'i zam pa las rgal to/ /de nas dge bsnyen zhig gis de'i tshe tshigs su bcad de smras pa/ kha cig zam pa btsugs nas chu bran bor te rgya mtsho rgal/ /skye bo rnams ni gzings 'cha' mkhas pa'i skye bo rnams chu rgal/ /sangs rgyas bcom ldan 'das bram ze rgal bar gyur nas skam la bzhugs/ /dge slong dag 'dir khrus byed nyan thos rnams ni gzings 'cha'o/ /gal te kun na chu yod na/ /khron pa'i chus ni ci zhig bya/ /sred pa'i rtsa ba bcad nas ni/ / su zhig spyod pa tshol bar byed/ /bcom ldan 'das kyis sa phyogs gzhan zhig na mtho zhing mtho ba'i sa phyogs zhig gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo khyod rgyal po sgra chen 'dzin gyi lha'i mchod sdong srid du 'dom stong yod la sboms su 'dom drug bcu yod pa/ thams cad gser las byas pa/ rin po che sna tshogs kyis spras pa zhig yod de/ sbyin pa dag byin/ bsod nams dag byas nas chu bo gang gA'i nang du bor ba gang yin pa de lta bar 'dod dam/ bcom ldan 'das de lta ba'i dus la bab lags so/ /bde bar gshegs pa de'i tshod la bab lags te/ bcom ldan 'das kyis gang mchod sdong de bsgreng na dge slong rnams lta bar 'gyur lags so/ /de nas bcom ldan 'das kyis 'khor lo dang bkra shis dang / g.yung drung 'khyil pa dang / dra bas 'brel ba/ bsod nams brgya phrag du mas bskyed pa/ 'jigs pa rnams dbugs 'byin par mdzad pa'i phyag gis sa la reg par mdzad pa dang / klu rnams kyis bsams pa/ bcom ldan 'das ci'i phyir sa la reg par mdzad snyam na/ mchod sdong gzigs par bzhed par mthong ngo / /de nas de dag gis bsgreng ba dang / dge slong rnams kyis mchod sdong blta bar brtsams so/ /tshe dang ldan pa legs ldan ni 'dod pa chung ba yin pas mtha' gcig tu song nas phyag dar khrod pa dag 'tshem mo/ /de nas bcom ldan 'das kyis dge slong rnams la bka' stsal pa/ dge slong dag mchod sdong nub par 'gyur gyis rtags zung shig ces pa las de nub par gyur to/ /sangs rgyas bcom ldan 'das la dge slong rnams kyis zhus pa/ btsun pa dge slong rnams mchod sdong la lta bar bgyid na/ tshe dang ldan pa legs ldan ni 'dod pa chung bas mtha' gcig tu mchis nas phyag dar khrod pa 'tshem pa la gzigs/ ci lags re shig 'dod chags dang bral ba'i slad du 'am/ 'on te sngon bsten pa'i slad du lags/ gal te re shig 'dod chags dang bral ba'i slad du lags na ni gzhan yang 'dod chags dang bral ba mchis lags so/ /'on te sngon bsten pa'i slad du lags na ni/ 'dis gang du bsten lags/ bcom ldan 'das kyis bka' stsal pa/ dge slong dag 'dod chags dang bral ba'i phyir yang yin la sngon yang bsten pa'i phyir yang yin no/ /'dis sngon gang du bsten lags/ dge slong dag sngon byung ba rgyal po rab sgrogs zhes bya ba zhig byung ste/ de lha'i dbang po brgya byin dang grogs por gyur to/ /de bu 'dod kyang bu med nas lag pa la 'gram pa gtad de sems khongs su chud cing 'dug ste nor rdzas mang po zhig bsags na bdag la bu med pas bdag shi na rgyal po'i gdung rgyud chad par 'gyur ro snyam mo/ /de nas brgya byin gyis mthong nas dris pa/ grogs po khyod ci'i phyir lag pa la 'gram pa gtad nas sems khongs su chud cing 'dug /des smras pa/ kau sh-i ka nor rdzas 'di snyed cig bsags na bdag la bu med pas bdag shi nas rgyal po gdung rgyud chad par 'gyur bas so/ /brgya byin gyis smras pa/ grogs po khyod sems khongs su chud par ma byed cig /gal te lha'i bu 'ga' zhig 'chi 'pho'i chos byung bar gyur na/ de khyod kyi bur bsko bar bya'o/ /chos nyid kyis lha'i bu 'chi 'pho'i chos 'byung ba la ni snga ltas lnga 'byung bar 'gyur te gos ma rnyings pa rnams rnyings par 'gyur ba dang / me tog gi phreng ba ma rnyings pa rnams rnyings par 'gyur ba dang / lus las dri mi zhim pa 'byung ba dang / mchan khung nas rngul 'dzag pa dang / rang gi stan la mi dga' bar 'gyur ba'o/ /ji tsam na lha'i bu zhig la snga ltas lnga byung bar gyur nas de la lha'i dbang po brgya byin gyis smras pa/ grogs po rgyal po rab sgrogs kyi btsun mo dam pa'i mngal du nying mtshams sbyor cig /des smras pa/ kau shi ka de ni bag med pa'i gnas yin te/ kau shi ka rgyal po rnams ni nyes pa mang po byed pa yin pas chos ma yin pas rgyal srid byas nas sems can dmyal bar gzhol bar gyur na mi rung ngo / /brgya byin gyis smras pa/ grogs po khyod la ngas dran par bya'o/ /kau shi ka lha rnams ni dga' ba mang pos bag med pa yin no/ / grogs po de ni bden na 'on kyang kho bos khyod la dran par bya'o/ /des rgyal po rab sgrogs kyi btsun mo dam pa'i mngal du nying mtshams sbyar to/ /gang gi nyi ma kho na la nying mtshams blangs pa de'i nyi ma kho na la skye bo'i tshogs chen pos sgra phyung bar gyur to/ /de zla ba brgyad dam dgu 'das nas khye'u zhig btsas te zhes bya ba nas/ sna'i gzangs mtho ba zhes bya ba'i bar gong ma bzhin no/ /de'i nye du dag 'dus shing tshogs nas ming 'dogs par byed de/ khye'u yi ming cir gdags/ gnyen rnams kyis smras pa/ gang gi nyi ma kho na la khye'u 'di ma'i mngal du zhugs pa de'i nyi ma kho na la skye bo'i tshogs chen pos sgra phyung bar gyur pas/ de bas na khye'u yi ming sgra chen zhes bya bar gdags so zhes de'i ming sgra chen zhes bya bar btags te/ khye'u sgra chen ma ma brgyad la rjes su gtad nas zhes bya ba nas brtag pa brgyad dang / dbye ba dang / klog pa la mkhas shing bshes gnyen can du gyur to zhes bya ba'i bar gong ma bzhin du'o/ /de rgyal rigs spyi bo nas dbang bskur cing yul gyi dbang phyug dang mthu dang / brtson 'grus thob pa/ sa'i dkyil 'khor chen po mngon par zil gyis mnan nas gnas pa rnams kyi bzo'i gnas dang las kyi gnas tha dad pa gang yin pa 'di lta ste/ glang po che'i gnyar zhon pa dang / rta la zhon pa dang / shing rta'i thabs dang / ral gri'i thabs dang / mda' gzhu dang / phyir bsnur ba dang / mdun du bsnur ba dang / lcags kyus sgyur thabs dang / zhags pas gdab pa dang / mda' bo che 'phen pa dang / dbyug pas rdeg pa dang / 'dzin stangs dang / gom stangs dang / gcod pa dang / dral ba dang / dbug pa dang / rgyang nas phog pa dang / sgra grag par phog pa dang / gnad du phog pa dang / mi 'chor bar phog pa dang / tshabs che ba dag ste/ gnas lnga po de rnams la shin tu byang bar gyur to/ /chos nyid kyis re shig pha ji tsam gson gyi bar du bu'i ming mi grag pa yin no/ /dus gzhan zhig na rgyal po rab sgrogs shi nas sgra chen rgyal srid la bzhag pa dang / des tha gi tsam zhig chos bzhin gyis rgyal srid byed du bcug nas/ de nas chos bzhin ma yin pas rgyal srid byed du bcug par gyur to/ /de nas brgya byin gyis smras pa/ grogs po kho bos khyod rgyal po rab sgrogs kyi bur bskos te chos bzhin ma yin pas rgyal srid ma byed cig /sems can dmyal bar gzhol bar gyur ta re zhes ma bsgo 'am/ des tha gi tsam zhig chos bzhin gyis rgyal srid byed du bcug nas slar yang chos bzhin ma yin pas rgyal srid byed du bcug par gyur to/ /lan gnyis su yang brgya byin gyis smras pa/ grogs po kho bos khyod rgyal po rab sgrogs kyi bur bskos te chos bzhin ma yin pas rgyal srid ma byed cig /sems can dmyal bar gzhol bar gyur ta re zhes ma bsgo 'am/ des smras pa/ kau shi ka bdag cag rgyal po rnams ni dga' ba mang pos bag med pas skad cig tu brjed par 'gyur gyis/ bdag la khyod kyis mtshan ma zhig zhog shig dang / bdag gis mthong nas nges par sbyin pa dag sbyin/ bsod nams dag bgyi'o/ /de nas lha'i dbang po brgya byin gyis lha'i bu las thams cad pa la bsgo ba/ las thams cad pa song la khyod kyis rgyal po sgra chen gyi gnas su lha'i 'khor gyi khyams dang / lha'i mchod sdong srid du 'dom stong yod la/ sboms su 'dom drug bcu yod pa/ thams cad gser las byas shing rin po che sna tshogs kyis spras pa zhig sprul cig /de nas lha'i bu las thams cad pas rgyal po sgra chen gyi gnas su lha'i 'khor gyi khyams dang / lha'i mchod sdong srid du 'dom stong yod pa/ sboms su 'dom drug bcu yod pa/ thams cad gser las byas pa/ rin po che sna tshogs kyis spras pa zhig sprul to/ /de nas rgyal po sgra chen gyis mchod sbyin gyi khang pa rtsig tu bcug nas rang gi zhang po mya ngan med ces bya ba mchod sdong gi zhal ta bar bzhag go/ /de nas mchod sdong la 'dzam bu'i gling na gnas pa'i mi thams cad lta bar spro bas lhags nas zas zos shing mchod sdong lta bas rang gi las sgrub par mi byed do/ /de nas zhing las kyi mtha' rnams bar chad byas pas rgyal po'i dpya thang bzhin mi 'du bar gyur to/ /blon po rnams kyis dpya nyung ngu phul ba dang rgyal po sgra chen gyis smras pa/ shes ldan dag ci'i phyir dpya nyung zad gcig 'bul/ lha 'dzam bu'i gling na gnas pa'i skye bo'i tshogs mchis nas 'tshal ma 'tshal cing mchod sdong la lta zhing mchis te rang gi las sgrub par mi byed pas zhing las kyi mtha' rnams kyi bar chad bgyis pas dpya thang bzhin mi 'du lags so/ /rgyal pos smras pa/ mchod sbyin gyi khang pa drol cig /de rnams kyis de dral na yang de bzhin du skye bo'i tshogs de rang rang gi rgyags blangs nas za zhing mchod sdong la rtog cing 'dug ste/ rang rang gi las sgrub par mi byed pas zhing las kyi mtha' rnams kyi bar chad byas pas de bzhin rgyal po'i dpya thang bzhin mi 'du bar gyur to/ /rgyal pos dris pa/ shes ldan dag mchod sbyin gyi khang pa dral na ci'i phyir da dung dpya nyung bar gyur/ blon po rnams kyis smras pa/ lha skye bo'i tshogs rang rang gi rgyags blangs nas 'tshal zhing mchod sdong la rtog cing mchis te rang gi las sgrub par mi bgyid pas/ zhing las kyi mtha' rnams kyi bar chad bgyis pas des na dpya nyung bar gyur to/ /de nas rgyal po sgra chen gyis sbyin pa dag sbyin/ bsod nams dag byas nas mchod sdong chu bo gang gA'i nang du bor ro/ /dge slong dag ji snyam du sems/ rgyal po rab sgrogs kyi zhang po mya ngan med ces bya ba gang yin pa de ni dge slong legs ldan 'di nyid yin te/ 'dis sngon 'di bsten to/ /btsun pa mchod sdong 'di gang du zhig par 'gyur lags/ bcom ldan 'das kyis bka' stsal pa/ dge slong dag ma 'ongs pa na mi rnams kyis tshe lo brgyad khri thub par 'gyur te/ mi tshe lo brgyad khri pa rnams kyi rgyal po dung zhes bya ba yang dag par sdom pa/ 'khor los bsgyur ba mtha' bzhir rnam par rgyal ba/ chos dang ldan pa chos kyi rgyal po rin po che sna bdun dang ldan pa zhig 'byung bar 'gyur ro/ /de'i rin po che sna bdun ni 'di lta bu dag 'byung bar 'gyur te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa ni blon po rin po che nyid do/ /de la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms par byed pa stong yang tshang bar 'byung bar 'gyur te/ de rgya mtsho la thug pa'i sa chen po ma lus par gnod par sdo ba med cing 'tshe ba med pa 'di nyid chad pa med cing mtshon gyis bda' ba med la/ chos dang 'thun zhing snyoms pas legs par phab ste gnas par 'gyur ro/ /rgyal po dung gi mdun na 'don bram ze tshangs pa'i tshe zhes bya ba zhig 'byung ste/ de'i chung ma ni tshangs ldan ma zhes bya ba zhig 'byung ngo / /de byams pa tshad med pa'i yan lag gis rgyas par byas pas bu byams pa zhes bya ba zhig btsa' bar 'gyur ro/ /bram ze tshangs pa'i tshe bram ze'i khye'u brgyad khri la bram ze rnams kyi gsang tshig klog tu 'jug go/ /des bram ze'i khye'u de rnams byams pa la gtad nas bram ze'i khye'u byams pas bram ze'i khye'u brgyad khri po rnams bram ze rnams kyi gsang tshig klog tu 'jug go/ /de nas rgyal po chen po bzhi po rnams kyis gter chen po bzhi po/ ka ling ka nas dmar ser te/ /mi thi la nas skya bo yi/ /sa 'dzin nas ni e la'i 'dab/ /bA rA Na sI'i grong nas dung / /mchod sdong 'di yang khyer nas rgyal po dung la 'bul bar 'gyur ro/ / rgyal po dung gis kyang bram ze tshangs pa'i tshe la sbyin par 'gyur ro/ /bram ze tshangs pa'i tshes kyang bram ze'i khye'u byams pa la'o/ /bram ze'i khye'u byams pas kyang bram ze'i khye'u de rnams la'o/ /de nas bram ze'i khye'u de rnams kyis mchod sdong de dum bu dum bur bcad nas 'ged par 'gyur ro/ /de nas bram ze'i khye'u byams pas mchod sdong de'i mi rtag pa nyid mthong nas/ de nyid kyis skyo ba skyes nas nags su 'gro bar 'gyur ro/ /gang gi nyi ma kho na la nags su song ba de kho na'i nyi ma la byams pa tshad med pa'i yan lag gis rgyas par byas nas bla na med pa'i ye shes thob par 'gyur te/ de'i mtshan bla na med pa yang dag par rdzogs pa'i sangs rgyas byams pa/ bla na med pa yang dag par rdzogs pa'i sangs rgyas byams pa zhes bya bar 'gyur ro/ /gang gi nyi ma kho na la yang dag par rdzogs pa'i sangs rgyas byams pas bla na med pa'i ye shes thob par 'gyur ba de kho na'i nyi ma la rgyal po dung gi rin po che sna bdun nub par 'gyur ro/ /rgyal po dung yang khams kyi rgyal phran brgyad khri'i 'khor dang bla na med pa yang dag par rdzogs pa'i sangs rgyas byams pa rab tu 'byung ba'i rjes su rab tu 'byung bar 'gyur ro/ /de'i chung ma rin po che sa ga zhes bya ba yang bud med brgyad khri'i 'khor dang bla na med pa yang dag par rdzogs pa'i sangs rgyas byams pa rab tu 'byung ba'i rjes su rab tu 'byung bar 'gyur ro/ /bram ze tshangs pa'i tshe yang bram ze'i khye'u brgyad khri'i 'khor dang bla na med pa yang dag par rdzogs pa'i sangs rgyas byams pa rab tu 'byung ba'i rjes su rab tu 'byung bar 'gyur ro/ /de nas yang dag par rdzogs pa'i sangs rgyas byams pa 'khor dge slong 'bum phrag dgu bcu rtsa drug dang ri bya gag rkang gang na ba der gshegs par 'gyur ro/ / de na dge slong 'od srung gi rus pa'i tshogs ma zhig pa 'dug pas ri bya gag rkang bla na med pa yang dag par rdzogs pa'i sangs rgyas byams pa la kha dbye bar 'gyur ro/ /de nas bla na med pa yang dag par rdzogs pa'i sangs rgyas byams pas dge slong 'od srung gi rus pa'i tshogs ma zhig pa phyag g.yas pas blangs nas phyag g.yon par bzhag ste nyan thos rnams la 'di skad ces/ dge slong dag skye dgu rnams kyi tshe lo brgya thub pa na ston pa shAkya thub pa zhes bya ba 'jig rten du byung ba de'i nyan thos rnams las chog shes pa dang 'dod pa chung ba dang / sbyangs pa'i yon tan dang ldan pa rnams kyi mchog ni 'od srung yin no zhes bstan pa gang yin pa de ni 'di yin te/ shAkya thub pa yongs su mya ngan las 'das nas de'i bstan pa yang 'dis yang dag par bsdus so zhes chos ston par 'gyur ro/ /de rnams kyis mthong nas skyo ba skyes te/ 'di 'dra ba'i lus kyis ji ltar 'di lta bu'i yon tan gyi tshogs thob par gyur snyam nas de rnams skyo ba de nyid kyis dgra bcom pa mngon sum du byed par 'gyur te/ 'bum phrag dgu bcu rtsa drug dgra bcom pa nyid dang / sbyangs pa'i yon tan mngon du bya ba la brtson par 'gyur ro/ /mchod sdong de ni der zhig par 'gyur ro/ /btsun pa rgyu gang dang rkyen gang gis dkon mchog gnyis 'jig rten du 'byung bar 'gyur lags/ bcom ldan 'das kyis bka' stsal pa/ smon lam gyi dbang gis so/ /bcom ldan 'das gang du smon lam btab lags/ dge slong dag sngon byung ba yul dbus su rgyal po gos sbyin zhes bya ba 'byor pa dang / rgyas pa dang bde ba dang lo legs pa dang skye bo dang / mi mang pos rab tu gang ba na rgyal srid byed du 'jug go/ /de'i shing rnams me tog dang 'bras bu rtag pa dang / lhas dus dus su char gyi rgyun legs par phab pas lhag par lo tog rnams phun sum tshogs par gyur to/ /byang phyogs na rgyal po nor ldan zhes bya ba 'byor pa dang / rgyas pa dang bde ba dang lo legs pa dang / skye bo dang mi mang pos rab tu gang ba na rgyal srid byed du 'jug go/ /de'i shing rnams me tog dang 'bras bu rtag pa dang / lhas dus su char gyi rgyun legs par phab pas lhag par lo tog rnams phun sum tshogs par gyur to/ /de dus gzhan zhig na rgyal po gos sbyin gyi mdun na 'don las khye'u spyi gtsug rin po ches brgyan pa zhig btsas te/ de'i btsas ston rgya cher byas nas de'i ming rin chen gtsug tor can zhes btags so/ /de dus gzhan zhig na rga ba dang na ba dang 'chi ba yang dag par mthong nas skyo ba skyes te nags su song ngo / /gang gi nyi ma kho na la nags su song ba de kho na'i nyi ma la des bla na med pa'i ye shes thob nas de'i ming yang dag par rdzogs pa'i sangs rgyas rin chen gtsug tor can yang dag par rdzogs pa'i sangs rgyas rin chen gtsug tor can zhes bya bar gyur to/ /de nas dus gzhan zhig na rgyal po nor ldan steng gi khang bzangs kyi gzhir song ste blon po'i tshogs kyis bskor nas 'dug go/ /des blon po rnams la smras pa/ shes ldan dag nga'i ci 'dra ba de ltar rgyal po gzhan 'ga'i yul na 'byor pa dang / rgyas pa dang bde ba dang lo legs pa dang / skye bo dang mi mang pos rab tu gang ba dang / shing rnams me tog dang 'bras bu rtag pa dang / lhas dus dus su char gyi rgyun legs par phab pas lo tog rnams phun sum tshogs par 'gyur ba lta yod dam/ yul dbus nas tshong pa zong thogs te byang phyogs su 'ongs pa de rnams kyis smras pa/ lha yul dbus na rgyal po gos sbyin zhes bya ba zhig mchis so/ /rgyal po nor ldan gyis thos ma thag tu mi bzod pa chen po skyes te/ de mi bzod pa skyes nas blon po rnams la smras pa/ shes ldan dag dpung gi tshogs yan lag bzhi pa go skon cig dang yul 'khor gzhom par bya'o/ /de nas rgyal po nor ldan dpung gi tshogs yan lag bzhi pa glang po che'i tshogs dang rta pa'i tshogs dang shing rta pa'i tshogs dang / dpung bu chung gi tshogs go skon te/ yul dbus su dong nas chu bo gang gA'i lho phyogs kyi 'gram na 'khod do/ /rgyal po gos sbyin gyis rgyal po nor ldan dpung gi tshogs yan lag bzhi pa glang po che'i tshogs dang rta pa'i tshogs dang / shing rta pa'i tshogs dang dpung bu chung gi tshogs go bskon nas yul dbus su 'ongs te chu bo gang gA'i lho phyogs kyi 'gram na 'khod do zhes thos so/ /thos nas kyang des kyang dpung gi tshogs yan lag bzhi pa glang po che'i tshogs dang / rta pa'i tshogs dang shing rta pa'i tshogs dang dpung bu chung gi tshogs go bskon nas chu bo gang gA'i byang phyogs logs kyi 'gram na 'dug go/ /de nas yang dag par rdzogs pa'i sangs rgyas rin chen gtsug tor can gyis de gnyis kyi gdul ba'i dus mkhyen nas chu bo gang gA'i 'gram du nub mo nye bar rten cing bzhugs so/ /de nas yang dag par rdzogs pa'i sangs rgyas rin chen gtsug tor can gyis 'jig rten pa'i thugs bskyed do/ /chos nyid kyis gang gi tshe sangs rgyas bcom ldan 'das rnams kyis 'jig rten pa'i thugs bskyed pa de'i tshe brgya byin dang / tshangs pa la sogs pa'i lha rnams kyi sems kyis bcom ldan 'das kyi dgongs pa shes par 'gyur ro/ /de nas brgya byin dang tshangs pa la sogs pa lha rnams yang dag par rdzogs pa'i sangs rgyas rin chen gtsug tor can gang na ba der song ste phyin nas/ yang dag par rdzogs pa'i sangs rgyas rin chen gtsug tor can gyi zhabs gnyis la mgo bos phyag byas te phyogs gcig tu 'dug nas/ de rnams kyi kha dog gi mthus snang ba rgya chen po byung bar gyur pa rgyal po nor ldan gyis mthong ngo / /mthong nas kyang blon po rnams la dris pa/ shes ldan dag rgyal po gos sbyin gyi yul na snang ba rgya chen po byung ba 'di ci yin/ de rnams kyis smras pa/ lha rgyal po gos sbyin gyi yul du yang dag par rdzogs pa'i sangs rgyas rin chen gtsug tor can byung ste/ de la blta ba'i phyir brgya byin dang tshangs pa la sogs pa mchis pa des na snang ba chen po 'di byung ste/ de ni rdzu 'phrul che zhing mthu che ba lags pas 'di ni de'i mthu lags so/ /rgyal po nor ldan gyis smras pa/ shes ldan dag gang gi yul du gang la brgya byin dang tshangs pa la sogs pa yang blta ba'i phyir 'ong ba'i rkang gnyis bsod nams kyi zhing de lta bu byung ba de la bdag gis gnod pa ci 'dra ba zhig bya zhes/ des de la pho nya btang ste/ grogs po khyod de la bdag cung zad kyang mi byed kyis tshur spyon/ khyod ni bsod nams kyi mthu chen po can zhig pas khyod kyi yul na gang la brgya byin dang / tshangs pa la sogs pa yang blta ba'i phyir 'ong ba rkang gnyis bsod nams kyi zhing yang dag par rdzogs pa'i sangs rgyas rin chen gtsug tor can bzhugs so/ /'on kyang khyod kyi mgul nas 'khyud nas 'gro bar bya ste/ de lta na bdag cag phan tshun yid bde bar 'gyur ro zhes spring ngo / /rgyal po gos sbyin yid ma ches nas de yang dag par rdzogs pa'i sangs rgyas rin chen gtsug tor can gang na ba der song ste phyin nas/ yang dag par rdzogs pa'i sangs rgyas rin chen gtsug tor can gyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas rgyal po gos sbyin gyis yang dag par rdzogs pa'i sangs rgyas rin chen gtsug tor can la 'di skad ces gsol to/ /btsun pa bdag la rgyal po nor ldan gyis spring pa/ grogs po sdug pa khyod la bdag cag ci yang mi byed kyis tshur shog /khyod kyi mgul pa nas 'khyud nas 'gro bar bya ste/ de lta na bdag cag phan tshun yid bde bar 'gyur ro zhes mchi na de la bdag gis ji ltar bsgrub par bgyi/ yang dag par rdzogs pa'i sangs rgyas rin chen gtsug tor can gyis bka' stsal pa/ rgyal po chen po song shig dang khyod la legs par 'gyur ro/ /bcom ldan 'das ci bdag gis de'i rkang pa gnyis la gtug par bgyi 'am/ rgyal po chen po rgyal po dpung chen po rnams la ni gtug par bya dgos so/ /de nas rgyal po gos sbyin stan las langs te/ yang dag par rdzogs pa'i sangs rgyas rin chen gtsug tor can gyi zhabs gnyis la mgo bos phyag byas nas chas te rgyal po nor ldan gang na ba der song ste phyin nas rgyal po nor ldan gyi rkang pa gnyis la gtugs so/ /de nas rgyal po nor ldan gyis mgul nas 'khyud de yid gcugs par byas te btang ngo / /de nas rgyal po gos sbyin yang dag par rdzogs pa'i sangs rgyas rin chen gtsug tor can gang na ba der song ste phyin nas/ yang dag par rdzogs pa'i sangs rgyas rin chen gtsug tor can gyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas/ rgyal po gos sbyin gyis yang dag par rdzogs pa'i sangs rgyas rin chen gtsug tor can la 'di skad ces gsol to/ / btsun pa rgyal po thams cad kyis rkang pa gnyis la gtugs pa'i rgyal po gang lags/ rgyal po chen po 'khor los sgyur ba yin no/ /de nas rgyal po gos sbyin stan las langs te bla gos phrag pa gcig tu gzar nas yang dag par rdzogs pa'i sangs rgyas rin chen gtsug tor can gang na ba de logs su thal mo sbyar ba btud de/ yang dag par rdzogs pa'i sangs rgyas rin chen gtsug tor can la 'di skad ces gsol to/ /bcom ldan 'das dge slong gi dge 'dun dang thabs gcig sang bdag gi sdum par gdugs tshod sbyor zhing mchis na gnang bar mdzad du gsol/ yang dag par rdzogs pa'i sangs rgyas rin chen gtsug tor can gyis gos sbyin la cang mi gsung bas gnang ngo / /de nas rgyal po gos sbyin yang dag par rdzogs pa'i sangs rgyas rin chen gtsug tor can cang mi gsung bas gnang bar rig nas yang dag par rdzogs pa'i sangs rgyas rin chen gtsug tor can gyi spyan snga nas dong ngo de nas rgyal po gos sbyin gyis de nyid kyi nub mo nas gtsang zhing bsod pa'i bza' ba dang bca' ba dag sta gon byas te/ nang par sngar langs nas gdan bshams te nor bu'i chu snod bzhag nas/ yang dag par rdzogs pa'i sangs rgyas rin chen gtsug tor can la spyan 'dren gyis dus tshod gsol pa/ btsun pa gdugs tshod bshams lags shing mchis na/ bcom ldan 'das da de'i dus la bab par dgongs su gsol/ de nas yang dag par rdzogs pa'i sangs rgyas rin chen gtsug tor can snga dro sham thabs mnabs lhung bzed dang chos gos bsnams te/ dge slong gi tshogs kyis yongs su bskor cing dge slong gi dge 'dun gyis mdun gyis bltas nas/ rgyal po gos sbyin gyi bkad sa gang na ba der gshegs te byon nas dge slong gi dge 'dun gyi gung la gdan bshams pa nyid la bzhugs so/ /de nas rgyal po gos sbyin gyis yang dag par rdzogs pa'i sangs rgyas rin chen gtsug tor can la sogs pa dge slong gi dge 'dun bde bar bzhugs par rig nas gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ rnam pa du mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas so/ /yang dag par rdzogs pa'i sangs rgyas rin chen gtsug tor can gyis gsol nas phyag gnyis bcabs te lhung bzed gyu bar rig nas zhabs gnyis la gtugs te smon lam gdab par brtsams pa/ btsun pa sbyin pa'i dge ba'i rtsa ba 'dis bdag 'khor los sgyur ba'i rgyal por gyur cig ces smras nas de ma thag dung yang bus so/ /de nas yang dag par rdzogs pa'i sangs rgyas rin chen gtsug tor can gyis rgyal po gos sbyin la 'di skad ces bka' stsal to/ /rgyal po chen po khyod skye dgu'i tshe lo brgyad khri thub pa na 'khor los bsgyur ba'i rgyal po dung zhes bya bar 'gyur ro/ /de nas skad chen po'i sgra dag byung ngo / /rgyal po nor ldan gyis ca co'i sgra dag thos nas blon po rnams la smras pa/ shes ldan dag rgyal po gos sbyin gyi yul na ca co'i sgra grag pa de ci zhig yin/ de rnams kyis legs par brtags nas smras pa/ lha yang dag par rdzogs pa'i sangs rgyas rin chen gtsug tor can gyis rgyal po gos sbyin 'khor los bsgyur ba'i rgyal por lung bstan pas skye bo'i tshogs dga' ba dang / mgu ba dang rab tu dga' bas des na ca co'i sgra grag pa lags so/ /de nas rgyal po nor ldan yang dag par rdzogs pa'i sangs rgyas rin chen gtsug tor can gang na ba der song ste phyin nas/ yang dag par rdzogs pa'i sangs rgyas rin chen gtsug tor can gyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas rgyal po nor ldan gyis yang dag par rdzogs pa'i sangs rgyas rin chen gtsug tor can la 'di skad ces gsol to/ /btsun pa 'khor los bsgyur ba thams cad kyis rkang pa gnyis la gtug par bgyi ba gang lags/ rgyal po chen po de bzhin gshegs pa dgra bcom pa yang dag par rdzogs pa'i sangs rgyas yin no/ /de nas rgyal po nor ldan stan las langs te bla gos phrag pa gcig tu gzar nas/ yang dag par rdzogs pa'i sangs rgyas rin chen gtsug tor can gang na ba de logs su thal mo sbyar ba btud nas 'di skad ces gsol to/ /bcom ldan 'das dge slong gi dge 'dun dang thabs gcig sang bdag gi sdum par gdugs tshod sbyor zhing mchis na gnang bar mdzad du gsol/ yang dag par rdzogs pa'i sangs rgyas rin chen gtsug tor can gyis rgyal po nor ldan la cang mi gsung bas gnang ngo / /de nas rgyal po nor ldan yang dag par rdzogs pa'i sangs rgyas rin chen gtsug tor can cang mi gsung bas gnang bar rig nas/ yang dag par rdzogs pa'i sangs rgyas rin chen gtsug tor can gyi zhabs gnyis la mgo bos phyag byas te/ yang dag par rdzogs pa'i sangs rgyas rin chen gtsug tor can gyi spyan snga nas song ngo / /de nas rgyal po nor ldan gyis de nyid kyi nub mo nas gtsang zhing bsod pa'i bza' ba dang bca' ba dag sta gon byas nas nang par sngar langs te gdan bshams shing nor bu'i chu snod bzhag nas/ yang dag par rdzogs pa'i sangs rgyas rin chen gtsug tor can la spyan 'dren gyis dus tshod gsol pa/ btsun pa gdugs tshod bshams lags shing mchis na bcom ldan 'das da de'i dus la bab par dgongs su gsol/ /de nas yang dag par rdzogs pa'i sangs rgyas rin chen gtsug tor can snga dro sham thabs mnabs lhung bzed dang chos gos bsnams te/ dge slong gi tshogs kyis yongs su bskor cing dge slong gi dge 'dun gyis mdun gyis bltas te rgyal po nor ldan gyi bkad sa gang na ba der gshegs te byon nas/ dge slong gi dge 'dun gyi gung la gdan bshams pa nyid la bzhugs so/ /de nas rgyal po nor ldan gyis yang dag par rdzogs pa'i sangs rgyas rin chen gtsug tor can la sogs pa dge slong gi dge 'dun bde bar bzhugs par rig nas gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ rnam pa du mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas so/ /yang dag par rdzogs pa'i sangs rgyas rin chen gtsug tor can gyis gsol nas phyag bcabs te lhung bzed gyu bar rig nas zhabs gnyis la gtugs te 'jig rten 'di dag thams cad la byams pa tshad med pa'i yan lag gis rgyas par byas nas smon lam gdab par brtsams pa/ dge ba'i rtsa ba 'dis bdag 'jig rten gyi ston pa de bzhin gshegs pa dgra bcom pa yang dag par rdzogs pa'i sangs rgyas su gyur cig ces btab bo/ /yang dag par rdzogs pa'i sangs rgyas rin chen gtsug tor can gyis bka' stsal pa/ rgyal po chen po khyod skye dgu'i tshe lo brgyad khri thub pa na de bzhin gshegs pa dgra bcom pa yang dag par rdzogs pa'i sangs rgyas byams pa zhes bya bar 'gyur ro/ /dge slong dag de ltar na smon lam gyi dbang gis dkon mchog gnyis gcig car 'jig rten du 'byung bar 'gyur ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo grong spyil bu can zhes bya ba gang na ba der 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das 'das kyi ltar mnyan nas/ de nas bcom ldan 'das yul spong byed ces bya ba nas ljongs rgyu zhing gshegs pa dang / grong spyil bu can du byon to/ / grong spyil bu can gyi grong khyer gyi byang phyogs kyi shing sha pa'i tshal na bzhugs so/ /de nas bcom ldan 'das kyis dge slong rnams la bka' stsal pa/ dge slong dag 'di ni tshul khrims yin no/ /'di ni ting nge 'dzin yin no 'di ni shes rab yin no/ /dge slong dag tshul khrims goms par byas na ting nge 'dzin yun ring du gnas par 'gyur ro/ /ting nge 'dzin goms par byas na shes rab yun ring du gnas par 'gyur ro/ /shes rab goms par byas na 'di lta ste/ 'dod chags dang zhe sdang dang gti mug dag las sems yang dag pa kho nar rnam par grol bar 'gyur ro/ /de ltar sems yang dag pa kho nar rnam par grol ba'i 'phags pa'i nyan thos kyis ni bdag gi zag pa ni zad do/ /tshangs par spyod pa ni bsten to bya ba ni byas so/ /'di las srid pa gzhan mi shes so zhes yang dag pa kho nar shes par 'gyur ro/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo sgra can gang na bar 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das dang spong byed nas ljongs rgyu zhing gshegs pa dang / sgra can du byon nas sgra can gyi drang srong sgra sgrogs kyi gnas na bzhugs so/ /de'i tshe sgra can gyi skye bo'i tshogs la mi ngas byung nas de'i tshe dge bsnyen brtan pa yang shi nye ba dang lhag par brtson dang / brtson pa'i khyu mchog dang mdzes pa dang / nye mdzes dang yid 'ong dang nye bar yid 'ong dang bzang po dang shin tu bzang dang grags pa dang grags byin dang dge bsnyen grags mchog kyang shi'o/ /de nas dge slong rab tu mang po snga dro sham thabs bgos lhung bzed dang chos gos thogs te sgra can du bsod snyoms kyi phyir zhugs so/ /dge slong rab tu mang po sgra can du bsod snyoms kyi phyir rgyu bas sgra can gyi skye bo'i tshogs la mi ngas byung ste/ de'i tshe dge bsnyen brtan pa yang shi nye ba dang lhag par brtson dang / brtson pa'i khyu mchog dang mdzes pa dang nye mdzes dang / yid 'ong dang nye bar yid 'ong dang bzang po dang shin tu bzang dang grags pa dang grags byin dang dge bsnyen grags mchog kyang shi'o zhes thos so/ /thos nas kyang sgra can du bsod snyoms la rgyus te zas kyi bya ba byas nas zas phyi ma'i bsod snyoms spangs shing / lhung bzed dang chos gos mkhos su phab nas rkang pa gnyis bkrus te bcom ldan 'das gang na ba der dong nas lhags pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas dge slong rab tu mang pos bcom ldan 'das la 'di skad ces gsol to/ /btsun pa bcom ldan 'das bdag cag dge slong rab tu mang po 'dir snga dro sham thabs 'tshal lhung bzed dang chos gos thogs nas sgra can du bsod snyoms kyi phyir zhugs te/ btsun pa bdag cag dge slong rab tu mang po sgra can du bsod snyoms kyi phyir rgyu ba na sgra can 'dir skye bo'i tshogs la mi ngas byung nas/ de'i tshe dge bsnyen brtan pa yang gum/ nye ba dang lhag par brtson dang brtson pa'i khyu mchog dang / mdzes pa dang nye mdzes dang yid 'ong dang nye bar yid 'ong dang bzang po dang shin tu bzang dang / grags pa dang grags byin dang dge bsnyen grags mchog kyang gum mo zhes thos lags na/ btsun pa de rnams kyi 'gro ba ni gang skye ba ni gang / sngon du 'gro ba ni gang lags/ dge slong dag dge bsnyen brtan pa ni tha ma'i cha dang 'thun pa'i kun du sbyor ba lnga rnams spangs pas rdzus te skyes te der yongs su mya ngan las 'da' zhing 'jig rten 'dir yang phyir mi ldog pa'i chos can gyi phyir mi 'ong bar 'gyur ro/ /nye ba dang lhag par brtson dang brtson pa'i khyu mchog dang mdzes pa dang nye mdzes dang yid 'ong dang nye bar yid 'ong dang bzang po dang shin tu bzang dang grags pa dang grags byin dang / dge bsnyen grags mchog kyang tha ma'i cha dang 'thun pa'i kun du sbyor ba lnga spangs pas brdzus te skyes te der yongs su mya ngan las 'da' zhing 'jig rten 'dir yang phyir mi 'ong ba'i chos can gyi phyir mi 'ong bar 'gyur ro/ /dge slong dag sgra can 'di nyid du dge bsnyen nyis brgya lnga bcu lhag cig shi ba de dag kyang tha ma'i cha dang 'thun pa'i kun du sbyor ba lnga rnams spangs pas rdzus te skyes te der yongs su mya ngan las 'da' zhing 'jig rten 'dir yang phyir mi 'ong ba'i chos can gyi phyir mi 'ong bar 'gyur ro/ /dge slong dag sgra can 'di nyid du dge bsnyen sum brgya shi ba de dag ni kun du sbyor ba gsum yang spangs la 'dod chags dang zhe sdang dang / gti mug dag kyang bsrabs pa'i phyir lan cig phyir 'ong ba yin te/ 'jig rten 'dir lan cig phyir 'ongs nas sdug bsngal mthar byed par 'gyur ro/ /dge slong dag grong khyer sgra can 'di nyid du dge bsnyen lnga brgya lhag cig shi ba de dag ni kun du sbyor ba gsum spangs pas rgyun du zhugs pa rnam par mi ltung ba'i chos can rdzogs pa'i byang chub la nges par gzhol ba/ re ltar thogs na srid pa bdun pa yin te/ lha dang mi rnams kyi nang du lan bdun du nying mtshams sbyar zhing 'khor nas sdug bsngal gyi mthar byed par 'gyur ro/ /dge slong dag khyed dus las 'das shing shi bar gyur pa rnams de bzhin gshegs pa la zhu ba zhu bar byed pa ni de bzhin gshegs pa la tho 'tsham pa yin te/ des na de bzhin gshegs pa bde bar mi 'gyur ro/ /'on kyang skye ba yod na 'chi ba'i dus byed pa yin na ngo mtshar ci zhig yod/ /de bzhin gshegs pa rnams byung yang rung ma byung yang rung chos rnams kyi chos nyid dang chos gnas pa nyid dang / chos kyi dbyings 'di ni gnas pa ste/ de bzhin gshegs pa nyid kyi mngon par mkhyen pas mngon par byang chub nas gsungs te/ 'dogs par mdzad rab tu 'jog par mdzad rnam par 'byed par mdzad/ rnam par 'grel par mdzad gsal bar mdzad 'chad par mdzad/ yang dag par rab tu 'chad par mdzad pa yin te 'di lta ste/ 'di yod pas 'di 'byung 'di skyes pas 'di skye bar 'gyur te/ 'di lta ste/ ma rig pa'i rkyen gyis 'du byed rnams 'du byed kyi rkyen gyis rnam par shes pa rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa reg pa'i rkyen gyis tshor ba/ tshor ba'i rkyen gyis sred pa sred pa'i rkyen gyis len pa len pa'i rkyen gyis srid pa/ srid pa'i rkyen gyis skye ba skye ba'i rkyen gyis rga shi dang mya ngan dang / smre sngags 'don pa dang sdug bsngal ba dang / yid mi bde ba dang 'khrugs pa rnams rab tu 'byung bar 'gyur te/ de ltar na sdug bsngal gyi phung po chen po 'ba' zhig pa 'di 'byung bar 'gyur ro/ /'di lta ste 'di med na 'di mi 'byung la 'di 'gag na 'di 'gag par 'gyur te 'di lta ste ma rig pa 'gags pas 'du byed 'gag 'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag reg pa 'gags pas tshor ba 'gag tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang mya ngan dang smre sngags 'don pa dang sdug bsngal ba dang yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro/ /dge slong dag 'on kyang khyed la chos kyi me long gi chos kyi rnam grangs bshad kyis de legs par rab tu nyon la yid la zung shig dang bshad do/ /chos kyi me long gi chos kyi rnam grangs gang zhe na/ sangs rgyas dang chos dang dge 'dun la shes nas dad pa ni chos kyi me long gi chos kyi rnam grangs yin no/ /'phags pa dgyes pa'i tshul khrims ni chos kyi me long gi chos kyi rnam grangs yin te/ ngas khyed la chos kyi me long gi chos kyi rnam grangs bshad do zhes gang gsungs pa bshad pa ni de yin no/ /a mra skyong mas bcom ldan 'das spong byed nas ljongs rgyu zhing gshegs pa na sgra can du byon nas/ sgra can gyi drang srong sgra sgrogs kyi gnas na bzhugs so/ /zhes thos so thos nas kyang a mra skyong ma de la ne tso bzhin rgyas zhes bya ba mi skad shes pa zhig yod de/ ne tso bzhin rgyas la 'di skad ces smras so/ /bzhin rgyas tshur shog /khyod bcom ldan 'das gang na ba der song la phyin nas kho mo'i tshig gis bcom ldan 'das kyi zhabs gnyis la mgo bos phyag byos la/ gnod pa nyung ngam nyam nga ba chung ngam/ bskyod pa yang ngam 'tsho 'am gnod pa ma mchis sam/ stobs dang bde bar rig par spyod dam zhes snyun gsol la/ 'di skad ces a mra skyong ma'i mchid nas/ btsun pa bcom ldan 'das nam yangs pa can du gshegs pa de'i tshe thugs brtse bar dgongs te/ thog mar bdag gi a mra'i tshal du gshegs par gsol cig /de nas ne tso bzhin rgyas kyis a mra skyong ma'i ltar mnyan nas/ bcom ldan 'das gang na ba der song ba de yangs pa can gyi li tsa bi'i khye'u dag gis mthong nas de dag gis smras pa/ shes ldan dag ne tso 'gro ba 'di ni smad 'tshong ma'i yin no zhes de dag gis de la mda' 'phang bar brtsams pa na/ de yang de dag gi steng du babs so/ /de nas ne tso des tshigs su bcad de smras pa/ yul 'khor gzhan yang 'gyed par yang / pho nya mi gsod ces grag na/ /bdag lta rgyal ba'i pho nya bas/ /lus can kun gyis ga la sod/ /de rnams kyis kyang tshigs su bcad de smras pa/ khyod kyi tshig gis mda' 'phangs pa/ /ldog na bdag cag smos ci dgos/ /khyod ni rdzu 'phrul ches bskyabs pas/ /'jigs pa med par 'gro bar gyis/ /de nas ne tso bzhin rgyas bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te bcom ldan 'das la 'di skad ces gsol to/ /btsun pa bcom ldan 'das kyi zhabs gnyis la a mra skyong ma mgo bos phyag 'tshal nas gnod pa chung ngam/ nyam nga ba chung ngam bskyod pa yang ngam 'tsho 'am gnod pa ma mchis sam/ stobs dang bde ba la reg par gnas sam zhes snyun gsol lags so/ /bzhin rgyas khyod dang a mra skyong ma bde bar gyur cig /btsun pa a mra skyong ma'i mchid nas bcom ldan 'das nam yangs pa can du gshegs pa de'i tshe thugs brtse ba nye bar bzung ste/ thog mar bdag gi a mra'i tshal du gshegs su gsol zhes de skad mchi lags so/ /bcom ldan 'das kyis ne tso bzhin rgyas la cang mi gsung bas gnang ngo / / de nas ne tso bzhin rgyas kyis bcom ldan 'das cang mi gsung bas gnang bar rig nas/ bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / /de bcom ldan 'das la dang ba bskyed nas song ba las ring po ma lon pa kho nar 'ol bas srog dang phral te dus byas nas rgyal chen bzhi'i ris kyi lha rnams su skyes so/ /chos nyid kyis skyes nas ring po ma lon pa'i lha'i bu 'am lha'i bu mo ni sems gsum skye bar 'gyur te/ gang nas shi 'phos pa dang gang du skyes pa dang las gang gis yin pa'o/ /des bltas nas dud 'gro las shi 'phos pa dang / rgyal chen bzhi'i ris kyi lha rnams su skyes pa dang / bcom ldan 'das la sems mngon par dad pas so/ / de nas sngon ne tso byed pa'i lha'i bu 'di snyam du sems te/ bdag zhag lon nas bcom ldan 'das la blta ba'i phyir 'gro ba ni bdag la rigs pa ma yin gyis/ ci nas kyang bdag zhag ma lon pa kho nar bcom ldan 'das la blta ba'i phyir 'gro'o snyam nas/ de nas sngon ne tso byed pa'i lha'i bu rna cha gdub 'khor dri ma med pa g.yo ba thogs shing se mo do dang / do shal gyis lus brgyan nas/ de nyid kyi nub mo lha rnams kyi me tog ud pa la dang / pad ma dang / ku mu da dang / pad ma dkar po dang / man dA ra ba'i me tog gis/ thu ba bkang nas shin tu 'phags shing mngon par 'phags pa'i kha dog gis/ de'i nub mo bcom ldan 'das gang na ba der song ste phyin nas/ bcom ldan 'das la me tog gis gtor te/ bcom ldan 'das kyi spyan sngar 'dug go/ /de'i tshe sngon ne tso byed pa'i lha'i bu'i kha dog gi mthus snang ba rgya chen pos sgra sgrogs kyi 'dug gnas thams cad gsal bar gyur to// //'dul ba gzhi bam po nyi shu brgyad pa/ de nas bcom ldan 'das kyis sngon ne tso byed pa'i lha'i bu'i bsam pa dang / bag la nyal dang khams dang rang bzhin mkhyen nas de dang mthun pa'i 'phags pa'i bden pa bzhi so sor rtogs par 'gyur ba'i chos bshad pa mdzad de de thos pas sngon ne tso byed pa'i lha'i bus 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te bden pa mthong nas lan gsum du ched du brjod pas ched du brjod pa/ btsun pa 'di lta bu ni bdag la mas ma bgyis te/ phas ma lags sdug pas ma lags rang gi skye bo dang gnyen gyi tshogs kyis ma lags/ rgyal pos ma lags lha rnams kyis ma lags/ snga ma 'das pa rnams kyis ma lags/ dge sbyong dang bram ze rnams kyis ma lags pa gang lags pa de bcom ldan 'das kyis bdag la mdzad de/ sems can dmyal ba dang dud 'gro dang / yi dags rnams nas ni rkang pa drangs/ lha dang mi rnams la ni rab tu bzhag /'khor ba las ni ring du mdzad/ khrag dang / mchi ma'i rgya mtsho ni bskams/ rus pa'i ri bo las ni bsgral/ /ngan song gi sgo rnams ni bkum/ mtho ris dang thar pa'i sgo rnams ni phye/ thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du bgyis lags te/ btsun pa bdag ni 'phags so/ /mngon par 'phags so/ /bdag bcom ldan 'das dang chos dang dge slong gi dge 'dun la skyabs su mchi lags kyis bdag dge bsnyen du gzung du gsol/ deng slan chad ji srid 'tsho ba'i bar du srog dang yang bsdos te skyabs su mchi bar mngon par dad lags so/ /de nas sngon ne tso byed pa'i lha'i bu bcom ldan 'das kyis gsungs pa la mngon par dga' zhing rjes su yi rang nas tshong pa zong rnyed pa lta bu dang / zhing pa lo tog legs pa lta bu dang / dpa' bo g.yul ngor rgyal ba lta bu dang / nad pa nad thams cad las yongs su thar pa bzhin du 'byor pa gang gis bcom ldan 'das kyi spyan sngar 'ongs pa'i 'byor pa de nyid dang rang gi gnas su song ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo yangs pa can gang na ba der 'dong ngo / btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ de nas bcom ldan 'das spong byed nas ljongs rgyu zhing gshegs pa na yangs pa can du byon nas yangs pa can gyi a mra'i tshal na a mra skyong mas bcom ldan 'das spong byed nas ljongs rgyu zhing gshegs pa na yangs pa can du byon nas yangs pa can gyi bdag gi a mra'i tshal kho na na bzhugs so zhes thos so/ /thos nas kyang rgyan thams cad kyis rgyan nas bud med kyi 'khor gyis yongs su bskor te/ bzhon pa bzang po la zhon nas yangs pa can nas byung ste/ bcom ldan 'das la blta ba dang bsnyen bkur bya ba'i phyir bcom ldan 'das kyi spyan sngar song ste/ des ji tsam bzhon pa'i sa'i bar du bzhon pas song nas bzhon pa las babs te rkang pa kho nas kun dga' ra bar zhugs so/ /de'i tshe bcom ldan 'das dge slong gi 'khor brgya phrag du ma'i gung la chos 'chad cing bzhugs pa na/ bcom ldan 'das kyis a mra skyong ma rgyang ring po kho na nas gzigs so/ /gzigs nas kyang yang dge slong rnams la bka' stsal pa/ a mra skyong ma pha bi 'ong gis brtson 'grus dang shes bzhin dang dran pa dang ldan pas gnas par gyis shig /ngas rjes su bstan pa ni 'di yin no/ /ji ltar na dge slong brtson 'grus la gnas pa yin zhe na/ 'di la dge slong gis sdig pa mi dge ba'i chos skyes pa rnams spang ba'i phyir 'dun pa skyed do 'bad do brtson 'grus rtsom mo sems rab tu 'dzin to rab tu 'jog go sdig pa mi dge ba'i chos ma skyes pa rnams mi bskyed pa'i phyir 'dun pa skyed do 'bad do brtson 'grus rtsom mo sems rab tu 'dzin to rab tu 'jog go dge ba'i chos ma skyes pa rnams bskyed pa'i phyir 'dun pa skyed do/ 'bad do brtson 'grus rtsom mo sems rab tu 'dzin to rab tu 'jog go dge ba'i chos skyes pa rnams gnas pa dang nyams par mi 'gyur ba dang goms par yongs su rdzogs par bya ba dang phyir zhing 'byung bar bya ba dang / ye shes rgya chen po mngon sum du bya ba'i phyir 'dun pa skyed do 'bad do/ /brtson 'grus rtsom mo/ /sems rab tu 'dzin cing rab tu 'jog pa ste/ de ltar na dge slong brtson 'grus can yin no/ /ji ltar na dge slong shes bzhin can yin zhe na/ 'di la dge slong gis 'gro ba dang / ldog pa la shes bzhin gyis gnas shing lta ba dang / rnam par lta ba dang bskum pa dang brkyang ba dang snam sbyar dang / chos gos dang lhung bzed thogs pa dang 'gro ba dang / 'greng ba dang 'dug pa dang nyal ba dang / gnyid ma log pa dang smra ba dang mi smra ba dang / gnyid kyis snyom pas dub pa rnams la shes bzhin gyis gnas pa ste/ de ltar na dge slong shes bzhin can yin no/ /ji ltar na dge slong dran pa dang ldan pa yin zhe na/ 'di la dge slong nang gi lus la lus kyi rjes su lta zhing brtson 'grus dang / shes bzhin dang dran pa dang ldan pas 'jig rten la gnod sems dang yid mi bde ba spangs nas gnas so/ /phyi'i lus dang nang dang phyi'i lus dang / nang gi tshor ba rnams dang phyi'i tshor ba rnams dang nang dang phyi'i tshor ba rnams dang / nang gi sems dang phyi'i sems dang nang dang phyi'i sems dang / nang gi chos rnams dang phyi'i chos rnams dang nang dang phyi'i chos rnams la chos rjes su lta zhing brtson 'grus dang / shes bzhin dang dran pa dang ldan pas 'jig rten la gnod sems dang yid mi bde ba spangs nas gnas pa ste/ de ltar na dge slong dran pa dang ldan pa yin no/ /dge slong dag ngas a mra skyong ma pha bi 'ong gis btson 'grus dang / shes bzhin dang dran pa dang ldan pas gnas par gyis shig /ngas rjes su bstan pa ni 'di yin zhes ngas gang gsungs pa bshad pa ni de yin no/ /de nas a mra skyong ma bcom ldan 'das gang na ba der song ste phyin nas bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas bcom ldan 'das kyis a mra skyong ma la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas a mra skyong ma stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod/ sbyor zhing mchis na gnang bar mdzad du gsol/ bcom ldan 'das kyis a mra skyong ma la cang mi gsung bas gnang ngo / /de nas a mra skyong mas bcom ldan 'das cang mi gsung bas gnang bar rig nas bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / /yangs pa can gyi lid tsa bi rnams kyis bcom ldan 'das spong byed nas ljongs rgyu zhing gshegs pa dang yangs pa can du phyin te/ yangs pa can gyi a mra skyong ma'i tshal na bzhugs so zhes thos so thos nas kyang so so nas shing rta dang rta rnams la zhon te/ kha cig ni rta sngon po dang / shing rta sngon po dang / srab skyogs dang / lcag sngon po dang / thor tshugs dang / gdugs dang / ral gri shubs sngon po dang / rnga yab nor bu'i yu ba can dang / gos dang / rgyan dang / byug pa sngon po dang / 'khor sngon por/ kha cig ni rta ser po dang / shing rta ser po dang / srab skyogs dang / lcag ser po dang / thor tshugs dang / gdugs dang / ral gri shubs ser po dang / rnga yab nor bu'i yu ba can dang / gos dang / rgyan dang / byug pa ser po dang / 'khor ser por/ kha cig ni rta dmar po dang / shing rta dmar po dang / srab skyogs dang / lcag dmar po dang / thor tshugs dang gdugs dang / ral gri shubs dmar po dang / rnga yab nor bu'i yu ba can dang / gos dang rgyan dang / byug pa dmar po dang / 'khor dmar por/ kha cig ni rta dkar po dang / shing rta dkar po dang / srab skyogs dang / lcag dkar po dang / thor tshugs dang / gdugs dang / ral gri shubs dkar po dang / rnga yab nor bu'i yu ba can dang / gos dang / rgyan dang / byug pa dkar po dang / 'khor dkar por chas te skad mthon po dang / skad chen por slar khyer ces zer zhing yangs pa can nas byung ste/ bcom ldan 'das la blta ba dang bsnyen bkur bya ba'i phyir bcom ldan 'das kyi spyan sngar dong ngo / /bcom ldan 'das kyis yangs pa can gyi lid tsa bi rnams rgyang ring po kho na nas 'ong ba gzigs so/ /gzigs nas kyang dge slong rnams la bka' stsal pa/ dge slong dag khyed cag las sus sum bcu rtsa gsum pa'i lha rnams bskyed mos tshal gyi gnas su 'gro ba ma mthong ba de yangs pa can gyi lid tsa bi rnams la ltos shig /de ci'i phyir zhe na/ dge slong dag sum bcu rtsa gsum pa'i lha rnams kyang ji ltar da ltar gyi yangs pa can gyi lid tsa bi dag bzhin du rdzu 'phrul 'di dang / 'byor pa 'di dang / cha lugs 'dis bskyed mos tshal gyi gnas su 'gro'o/ /ji tsam bzhon pa'i sa'i bar du bzhon pas song nas bzhon pa las babs te rkang pa kho nas kun dga'i ra bar zhugs so/ /de nas yangs pa can gyi lid tsa bi rnams bcom ldan 'das gang na ba der dong ste lhags nas bcom ldan 'das kyi zhabs la mgo bos phyag byas te phyogs gcig tu 'khod do/ /phyogs gcig tu 'khod nas bcom ldan 'das kyis yangs pa can gyi lid tsa bi rnams la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ /yang dag par rab tu dga' bar mdzad nas cang mi gsung ngo / /de'i tshe bram ze'i khye'u ser skya'i bu 'khor 'dus pa de nyid du 'dug par gyur to/ /de nas bram ze'i khye'u ser skya'i bu stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag ni spobs lags so/ /bde bar gshegs pa bdag ni spobs lags so/ /bcom ldan 'das kyis ser skya'i bu khyod spobs par gyis shig ces bka' stsal pa dang / de nas bram ze'i khye'u ser skya'i bus de'i tshe tshigs su bcad de gsol pa/ ang ga'i rgyal po nor bu'i go 'chang ba/ /ma ga'i dbang pos rnyed pa rab rnyed de/ /de yi yul du byung ba'i sangs rgyas ni/ /grags pa'i sgra dag gangs kyi ri bo bzhin/ / ji ltar pad ma bzang po legs 'khrungs pa/ /rgongs ka kha 'bye dri zhim ldan pa bzhin/ /bar snang la ni nyi ma lhag ge bar/ /snang ba lta bur nyi ma'i rgyud la ltos/ /de bzhin gshegs pa rnams kyi shes rab stobs/ /ji ltar mtshan mo me 'bar lta bu ltos/ /de ni mig byed snang ba byed pa ste/ /lhags pa rnams kyi the tshom rnam par 'dul/ /lid tsa bi lnga brgyas bram ze'i khye'u ser skya'i bu legs par smras so/ /bram ze'i khye'u ser skya'i bu legs par smras so/ / zhes bla gos lnga brgya legs par smras pa'i phyir byin no/ /de nas yangs pa can gyi lid tsa bi rnams stan las langs te bla gos phrag pa gcig tu gzar nas bcom ldan 'das gang na ba der logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol/ /gnas 'jog dag nga sngar a mra skyong mas spyan drangs so/ /btsun pa a mra skyong ma dman pa shes rab dman pa des bdag cag bslus lags te/ des na bdag cag gis bcom ldan 'das thog ma nyid du blta ba dang / bsnyen bkur bgyid cing mchi ba'i rngo ma thog mod kyi da dung yang bdag cag bcom ldan 'das dang dge slong gi dge 'dun la bsnyen bkur 'tshal lo/ /bcom ldan 'das kyis de dag la gnas 'jog de ni legs par smras so zhes bka' stsal to/ /de nas yangs pa can gyi lid tsa bi rnams bcom ldan 'das kyis gsungs pa la mngon par dga' ste rjes su yi rang nas/ bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas dong ngo / /bram ze'i khye'u ser skya'i bu ni de nyid na 'dug go/ /de nas bram ze'i khye'u ser skya'i bus yangs pa can gyi lid tsa bi rnams dong nas ring po ma lon par shes nas stan las langs nas bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ / btsun pa 'dir bdag la lid tsa bi lnga brgyas bla gos lnga brgya legs par smras pa'i phyir stsal ba 'di dag bcom ldan 'das kyis thugs brtse ba nye bar bzung ste bzhes su gsol/ bcom ldan 'das kyis bram ze'i khye'u ser skya'i bu la thugs brtse ba nye bar bzung ste bla gos lnga brgya bzhes so/ /de nas bcom ldan 'das kyis bram ze'i khye'u ser skya'i bu la bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na ngo mtshar rmad du byung ba'i chos rnam pa lnga 'jig rten du 'byung bar 'gyur te/ lnga gang zhe na/ ser skya'i bu 'di la ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du 'byung zhing de chos thog mar dge ba/ bar du dge ba tha mar dge ba/ don bzang po/ tshig 'bru bzang po ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyod pa ston par 'gyur te/ ser skya'i bu 'di ni de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na ngo mtshar rmad du byung ba'i chos 'jig rten du 'byung ba dang po yin no/ /gang dag chos de zhe sa dang bcas pas nyan cing bla mar byed/ dam par byed/ yid la byed cing sems rtse gcig tu rna blags nas sems thams cad bsdus nas nyan par byed pa 'di ni ser skya'i bu de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na ngo mtshar rmad du byung ba'i chos 'jig rten du 'byung ba gnyis pa yin no/ /chos de gang dag gis thos nas de lta de ltar sgrub par byed pa 'di ni ser skya'i bu de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na ngo mtshar rmad du byung ba'i chos 'jig rten du 'byung ba gsum pa yin no/ /chos de gang dag gis thos nas dga' ba dang mgu ba dang / nges par 'byung ba dang ldan pa'i dge ba rgya chen po 'thob pa 'di ni ser skya'i bu de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na ngo mtshar rmad du byung ba'i chos 'jig rten du 'byung ba bzhi pa yin no/ /chos de gang dag gis thos nas don zab mo'i gzhi shes kyis so sor rtogs par byed pa 'di ni ser skya'i bu de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na ngo mtshar rmad du byung ba'i chos 'jig rten du 'byung ba lnga pa yin no/ /ser skya'i bu skyes bu dam pa dag ni byas pa gzo ba dang byas pa tshor ba can yin te/ de dag cung zad tsam byas na yang chud gzon par mi byed na mang po lta smos kyang ci dgos/ de lta bas na ser skya'i bu khyod kyis 'di ltar byas pa gzo ba dang byas pa tshor ba can du bslab par bya ste/ cung zad tsam byas na yang chud mi gzon na mang po lta smos kyang ci dgos te/ ser skya'i bu khyod kyis de lta bur bslab par bya'o/ /de nas bram ze'i khye'u ser skya'i bu bcom ldan 'das kyis gsungs pa la mngon par dga' ste yi rang nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas a mra skyong mas de nyid kyi mtshan mo nas gtsang zhing bsod pa'i bza' ba dang bca' ba dag sta gon byas te/ nang par sngar langs nas gdan bshams te nor bu'i chu snod dag bzhag nas bcom ldan 'das la spyan 'dren gyis dus tshod gsol pa/ btsun pa gdugs tshod bshams lags na bcom ldan 'das da de'i dus la bab par dgongs su gsol/ de nas bcom ldan 'das snga dro sham thabs mnabs/ lhung bzed dang na bza' chos gos bsnams te dge slong gi tshogs kyis yongs su bskor cing dge slong gi dge 'dun gyis mdun gyis bltas nas a mra skyong ma'i bkad sa gang na ba der gshegs te byon nas dge slong gi dge 'dun gyi gung la gdan bshams pa nyid la bzhugs so/ /de nas a mra skyong mas sangs rgyas la sogs pa dge slong gi dge 'dun bde bar bzhugs par rig nas gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ rnam grangs du mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas so/ /bcom ldan 'das kyis gsol zin nas phyag bcabs te lhung bzed gyu bar rig nas stan dma' ba zhig blangs nas/ bcom ldan 'das kyi spyan sngar chos mnyan pa'i phyir 'dug go/ /de nas bcom ldan 'das kyis a mra skyong mas sbyin pa phul ba de la rjes su yi rang bas rjes su yi rang bar mdzad de/ gang zhig sbyin la dga' 'gyur skye bo sten/ /snyan pa 'thob cing de yi grags pa 'phel/ /ser sna med cing tshogs par 'gro ba na/ /zhum par mi 'gyur 'jigs pa med par 'gyur/ /de lta bas na mkhas pa bde 'dod pas/ /ser sna'i dri ma spangs te sbyin pa gtong / /de dag yun ring sum bcu rtsa gsum gnas/ /lha rnams dang ni skal pa mnyam par dga'/ /sbyin gtong dge byed de ni shi 'phos nas/ /rang gi 'od kyi dga' ba'i tshal na rgyu/ /de na de gnyis rtsen cing dga' byed pa/ /'dod pa'i yon tan lnga po dag dang ldan/ /ma bcings skyob pa de yi gsung thos nas/ /bde bar gshegs pa'i nyan thos mtho ris dga'/ /de nas bcom ldan 'das kyis a mra skyong ma la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas stan las langs te song ngo / /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa yangs pa can gyi lid tsa bi rnams kyis las ci zhig bgyis na/ des gal te lha rnams su skyes na yang lha mthu che bar 'gyur la/ gal te mi rnams su skyes na yang mi mthu chen por gyur cing / da ltar sum bcu rtsa gsum pa'i lha rnams kyi dper yang bstan lags/ bcom ldan 'das kyis bka' stsal pa/ dge slong dag yangs pa can gyi lid tsa bi rnams kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las dag byas shing bsags pas/ 'di dag nyid kyis las byas shing bsags pa dag gzhan su zhig gis so sor myong bar 'gyur te/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar dge ba dang mi dge ba byas shing bsags pa dag ni zin pa'i phung po dang / khams dang / skye mched rnams la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba bskal pa bzang po 'di nyid la skye dgu rnams kyi tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung bar gyur te/ de 'khor dge slong nyi khri dang grong khyer bA rA Na sI drang srong smra ba ri dgas kyi nags na nye bar brten cing bzhugs so/ /de'i tshe bA rA Na sI na dge bsnyen lnga brgya gnas so/ /de rnams kyis rgya mtsho chen por 'dong ba'i zong sta gon byas te/ rgya mtsho chen po'i gru bo che bsgrubs nas rim gyis rgya mtsho chen por zhugs pa dang / rjes su 'thun pa'i rlung gis rin po che'i gling du phyin to/ /de nas rin po che rnams kyis gru bo che yongs su bkang nas chas pa dang de nas rlung gis bdas nas rgya mtsho chen po'i klong zhig tu phyin to/ /de rnams bred cing re ba med par gyur nas yang dag par rdzogs pa'i sangs rgyas 'od srung gi phyir bye ma las mchod rten byas nas rin po che sna tshogs kyis mchod pa byas so/ /de nas lha zhig gis smras pa/ khyed cag ma 'jigs par bag yod par byos shig dang / zhag bdun gyi nyin par dus rlabs 'ong bar 'gyur te/ des khyed cag bde legs su 'dzam bu'i gling du phyin par 'gyur ro/ /nam nangs nas de rnams phan tshun du smra zhing gros bya bar brtsams te/ shes ldan dag bdag cag la lhas mi 'jigs pa bstan pa gang yin pa de ni yang dag par rdzogs pa'i sangs rgyas 'od srung gi mthu yin pas yang dag par rdzogs pa'i sangs rgyas 'od srung gi mchod rten la bdag cag gis rin po che phul ba dag slar blangs te 'dong ba ni mi rigs so/ /zhes de rnams kyis gtugs te smon lam gdab par brtsams pa/ gang yang bdag cag gis yang dag par rdzogs pa'i sangs rgyas bcom ldan 'das 'od srung bsod nams kyi zhing bla na med pa la bya ba byas pa'i dge ba'i rtsa ba 'dis gal te bdag cag lha rnams su skyes par gyur na bdag cag mthu che ba kho nar gyur cig gal te mi'i nang du mi rnams su skyes par gyur na mthu che ba dang mi rnams su skyes na yang sum bcu rtsa gsum gyi lha rnams kyi dper rung bar gyur cig ces byas so/ /dge slong dag ji snyam du sems/ dge bsnyen lnga brgya po gang yin pa de dag ni lid tsa bi lnga brgya po 'di dag nyid yin te/ 'di dag gis yang dag par rdzogs pa'i sangs rgyas 'od srung gi phyir bye ma'i mchod rten byas shing rin po che dag gi mchod pa byas pas des na mi mthu chen po rnams su skyes par gyur te/ sum bcu rtsa gsum pa'i lha rnams kyi yang dper rung bar gyur to/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin/ 'dren ma rnams kyi ni 'dren ma yin/ gcig tu dkar ba rnams kyi ni gcig tu dkar ba yin no/ /dge slong dag de lta bas na gang yang las gcig tu gnag pa rnams dang 'dren ma rnams ni spongs la/ las gcig tu dkar ba rnams la brtsal bar bya ste/ dge slong dag khyed kyis de lta bu la bslab par bya'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo yangs pa can gyi grong khyer du song la sgo'i them pa la rkang pa zhog la gsang sngags kyi tshig 'di dang / tshigs su bcad pa 'di smros shig /bi sa ra ta/ bi sa ra ta/ bi sa ra ta/ bi sa ra ta/ sangs rgyas 'jig rten la thugs brtse ba can gyis bka' stsal to/ /sangs rgyas thams cad kyis dgongs pa/ rang sangs rgyas thams cad kyis dgongs pa/ dgra bcom pa thams cad kyis bsams pa/ slob pa thams cad kyis bsams pa nyan thos thams cad kyis bsams pa/ bden pa'i tshig smra ba thams cad kyis bsams pa/ chos rnams kyis bsams pa/ 'dod pa'i dbang phyug gis bsams pa/ tshangs pas bsams pa/ tshangs pa so sos bsams pa dbang pos bsams pa/ lhas bsams pa/ lha ma yin gyi dbang pos bsams pa/ lha ma yin thams cad kyis bsams pa lha ma yin gyi mngag gzhug pas bsams pa/ 'byung po thams cad kyis bsams pa/ bi sa ra ta/ bi sa ra ta/ bi sa ra ta/ bi sa ra ta sangs rgyas 'jig rten la thugs brtse ba can gyis bka' stsal to/ /mun tsa ta/ mun tsa ta/ ma 'dug shig yams kyi nad nye bar zhi bar 'dug par gyur cig /nir gad tsha ta/ nir gad tsha ta/ nir gad tsha ta/ nir gad tsha ta sangs rgyas lha chen po lha'i yang lha lha'i bla ma gshegs te/ dbang po dang bcas pa'i lha rnams dang / tshangs pa dang bcas pa rnams dang / dbang bdag dang bcas pa rnams dang / skye dgu'i bdag po dang bcas pa rnams dang / 'jig rten skyong ba bzhi po dag kyang 'jug par 'gyur ro/ /lha brgya stong phrag du ma dag dang / lha ma yin gyi dbang po rnams dang lha ma yin brgya stong phrag du ma dag kyang 'jug par 'gyur ro/ /bcom ldan 'das la mngon par dad pa'i 'byung po brgya stong phrag mang po dag kyang sems can thams cad kyi don gyi phyir 'jug ste/ de dag gis khyed rnams la gnod pa byed par 'gyur gyis/ nir gad tsha ta/ nir gad tsha ta/ nir gad tsha ta/ nir gad tsha ta/ myur du byer cig /khyed cag las gang dag sdang ba'i sems dang ldan pa de dag ni brlag par gyur cig /gang dag byams pa'i sems dang ldan zhing nyes par mi 'dod la srung bar byed par 'dod pa de dag ni 'khod cig /dgongs pa la yang 'jug par gyur cig /sangs rgyas 'jig rten la thugs brtse ba can gyis 'di skad ces bka' stsal to/ /su mu su mu/ su mu su mu/ su mu ru/ su mu ru/ su mu ru/ su mu ru/ mu ru mu ru/ mu ru mu ru/ mu ru mu ru/ mu ru mu ru/ mu ru mu ru/ mi ri mi ri/ mi ri mi ri mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri ti/ ri ri ri ri ri ri/ rI rI rI rI rI rI ti/ mi ri mi ri/ mi ri mi ri/ mi ri mi ri ti/ ha si/ mi ri mi rI hI/ mi rI mi rI sI sI mi/ kang ka ra/ kang ka ra ta kang ka ra/ kang ka ra ka tshA/ kang ka rA kang ka rA/ kang ka rA kang ka rA/ kang ka rA kang ka rA/ kang ka rA kang ka rA/ kang ka rA kang ka rA ti/ ku rI she/ kang ka rI she/ kang ka rI she/ ri ri ri ri ri ri/ re phA sA ri ri pu ri pu ri pu ri pu ri pu ri pu ri gA nA thA na thA thA/ ri pu ri pu nA thA thA nir gad tsha ta/ ri pu ri pu nir gad tsha ta/ pa la yA ta/ ri pu ri pu pa la yA ta/ sangs rgyas 'jig rten la thugs brtse ba can/ sems can thams cad la phan par lhag par dgongs pa/ byams pa la gnas pa/ thugs rje dang dga' ba la gnas pa/ btang snyoms la gnas pa gshegs te/ lha thams cad dang / 'byung po thams cad kyi bla ma sangs rgyas kyis chos nyid kyi ye shes kyi gsang sngags kyi tshig grub pa grub pa'i tshigs su bcad pa 'di dag gsungs so/ /gang gi srid pa 'chags pa dag / rnam par bcom nas bral mdzad pa/ /thugs zhi gnod pa mi mnga' de/ /khyed la bde legs mdzad par 'gyur/ /'dren pa gang zhig 'gro ba rnams/ /thar pa'i lam du 'dzud mdzad cing / /chos rnams thams cad ston pa de/ /khyed la bde legs mdzad par 'gyur/ /ston pa 'gro ba rnams kyi rten/ /sems can kun gyi don gyi phyir/ /gang gis bde ba mnga' mdzad de/ /khyed la bde legs mdzad par 'gyur/ /skyob pa gang zhig byams pa yi/ /thugs kyis 'gro ba 'di dag kun/ /bu gcig bzhin du rtag bskyangs de/ /khyed la bde legs mdzad par 'gyur/ /gang zhig 'khor bar 'khor ba yi/ /sems can kun gyi skyob gyur pa/ /gling dang dpung gnyen gyur pa de/ /khyed la bde legs mdzad par 'gyur/ /gang zhig chos kun mngon sum gyur/ /gtsang zhing slu ba mi mnga' ba/ /gsung gtsang gtsang bar mdzad pa de/ /khyed la bde legs mdzad par 'gyur/ /dpa' bo chen po gang skyes pas/ /phun sum tshogs don 'byor gyur cing / / don grub tshogs kyang grub pa de/ /khyed la bde legs mdzad par 'gyur/ /gang zhig skyes pas sa rnams dang / nags tshal bcas par rab g.yos nas/ /sems can thams cad rab dga' de/ /khyed la bde legs mdzad par 'gyur/ /byang chub snying por gang zhig gis/ /sa rnams rnam drug g.yos gyur cing / /bdud yid mi bder gyur pa de/ /khyed la bde legs mdzad par 'gyur/ /chos kyi 'khor lo bskor ba na/ /'phags pa'i bden pa gsung ba gang / /thub pa grags pa 'byung ba de/ /khyed la bde legs mdzad par 'gyur/ /gang gis chos kyi yid 'phrog pas/ /mu stegs byed rnams pham mdzad la/ /tshogs kun dbang du mdzad pa de/ /khyed la bde legs mdzad par 'gyur/ /sangs rgyas khyed la bde legs mdzad/ /brgya byin lhar bcas bde legs dang / /'byung po kun gyi bde legs ni/ /khyed la dus kun sbyin gyur cig /sangs rgyas bsod nams mthu dag dang / /lha rnams kyis ni bsams pa yis/ /khyed rnams don 'dod gang yin pa/ /don de de ring grub gyur cig /rkang gnyis khyed cag bde legs shog /khyed cag lam 'gro bde legs shog /phyir 'ong dag kyang bde legs shog /nyin mo bde legs mtshan bde legs/ / nyi ma gung la gnas par shog /khyed cag kun du bde legs shog /khyed cag sdig par ma gyur cig /sangs rgyas lha ni stong rnams kyis/ /yongs su bskor te gshegs mdzad kyis/ /sdang sems can rnams byer gyur cig / snying rje'i bdag nyid can rnams 'khod/ /sangs rgyas rang sangs rgyas rnams dang / /dgra bcom slob pa'i bden tshig gis/ /'jig rten mi phan byed pa rnams/ /grong khyer 'di ni gtong gyur cig /sems can kun dang srog chags kun/ /'byung po kun dang khyed cag kun/ /bde ba 'ba' shig ldan gyur cig /thams cad nad ni med gyur cig /kun gyis bzang po mthong gyur cig /gang yang sdig par ma gyur cig /'byung po gang dag 'dir ni lhags gyur cing / /sa 'am 'on te bar snang gnas pa rnams/ /skye dgu rnams la rtag tu byams byed cing / /nyin dang mtshan du chos kyang spyod gyur cig /ces brjod cig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas yangs pa can du song ste grong khyer gyi them pa la rkang pa bzhag nas gsang sngags kyi tshig 'di dag dang / tshigs su bcad pa 'di dag smras so/ /bi sa ra ta bi sa ra ta bi sa ra ta bi sa ra ta/ sangs rgyas 'jig rten la thugs brtse ba can gyis bka' stsal to/ /sangs rgyas thams cad kyis dgongs pa/ rang sangs rgyas thams cad kyis dgongs pa/ dgra bcom pa thams cad kyis bsams pa/ slob pa thams cad kyis bsams pa/ nyan thos thams cad kyis bsams pa/ bden pa'i tshig smra ba thams cad kyis bsams pa/ chos rnams kyis bsams pa/ 'dod pa'i dbang phyug gis bsams pa/ tshangs pas bsams pa/ tshangs pa so sos bsams pa/ dbang pos bsams pa/ lhas bsams pa/ lha ma yin gyi dbang pos bsams pa/ lha ma yin thams cad kyis bsams pa/ lha ma yin gyi mngag gzhug pas bsams pa/ 'byung po thams cad kyis bsams pa/ bi sa ra ta bi sa ra ta bi sa ra ta bi sa ra ta/ sangs rgyas 'jig rten la thugs brtse ba can gyis bka' stsal to/ /mun tsa ta mun tsa ta ma 'dug shig /yams kyi nad nye bar zhi bar 'dug par gyur cig /nir gad tsha ta/ nir gad tsha ta/ nir gad tsha ta/ nir gad tsha ta/ sangs rgyas lha chen po lha'i yang lha lha'i bla ma gshegs te dbang po dang bcas pa'i lha rnams dang / tshangs pa dang bcas pa'i lha rnams dang / dbang bdag dang bcas pa rnams dang / skye dgu'i bdag po dang bcas pa rnams dang / 'jig rten skyong ba bzhi po dag kyang 'jug par 'gyur ro/ /lha brgya stong phrag du ma dag dang / lha ma yin gyi dbang po rnams dang / lha ma yin brgya stong phrag du ma dag kyang 'jug par 'gyur ro/ /bcom ldan 'das la mngon par dad pa'i 'byung po brgya stong mang po dag kyang sems can thams cad kyi don gyi phyir 'jug ste/ de dag gis khyed rnams la gnod par byed par 'gyur gyis/ nir gad tsha ta/ nir gad tsha ta/ nir gad tsha ta/ nir gad tsha ta/ myur du byer cig /khyed cag las gang dag sdang ba'i sems dang ldan pa de dag ni brlag par gyur cig /gang dag byams pa'i sems dang ldan zhing nyes par mi 'dod la srung ba byed par 'dod pa de dag ni 'khod cig /dgongs pa la yang 'jug par gyur cig /sangs rgyas 'jig rten la thugs brtse ba can gyis 'di skad ces bka' stsal to/ /su mu su mu/ su mu/ su mu/ su mu ru/ su mu ru/ su mu ru/ mu ru mu ru/ mu ru mu ru/ mu ru mu ru/ mu ru mu ru/ mu ru mu ru/ mi ri mi ri/ mi ri mi ri/ mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri ti/ ri ri ri ri ri ri/ rI rI rI rI rI rI ti/ mi ri/ mi ri/ mi ri mi ri/ mi ri mi ri ti/ ha si/ mi ri mi ri ti/ mi ri mi ri/ si si mi/ kang ka ra kang ka ra ta/ kang ka ra kang ka ra ka tsA/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka rA/ kang ka rA ti/ ku rI she/ kang ka rI she/ kang ka rI she/ ri ri ri ri ri ri/ re phA sA ri/ ri pu ri pu/ ri pu ri pu/ ri pu ri pu ri pu/ na thA na thA thA/ ri pu ri pu na thA thA/ nir gad tsha ta/ nir gad tsha ta/ nir gad tsha ta/ nir gad tsha ta/ pa lA ya tha/ ri pu ri pu pa lA ya tha/ sangs rgyas 'jig rten la thugs brtse ba can/ sems can thams cad la phan par lhag par dgongs pa/ byams pa la gnas pa/ thugs rje dang dga' ba la gnas pa/ btang snyoms la gnas pa gshegs te/ lha thams cad dang / 'byung po thams cad kyi bla ma sangs rgyas kyi chos nyid kyi ye shes kyi gsang sngags kyi tshig grub pa grub pa'i tshigs su bcad pa 'di dag gsungs so/ /gang gi sred pa'i chags pa dag /rnam par bcom nas 'dul mdzad pa/ thugs zhi gnod pa mi mnga' de/ / khyed la bde legs mdzad par 'gyur/ /'dren pa gang zhig 'gro ba rnams/ /thar pa'i lam du 'dzud mdzad cing / /chos rnams thams cad ston pa de/ /khyed la bde legs mdzad par 'gyur/ /ston pa 'gro ba rnams kyi rten/ /sems can kun gyi don gyi phyir/ /gang gis bde ba mnga' mdzad de/ /khyed la bde legs mdzad par 'gyur/ /skyob pa gang zhig byams pa yi/ /thugs kyis 'gro ba 'di dag kun/ /bu gcig bzhin du rtag bskyangs de/ /khyed la bde legs mdzad par 'gyur/ / gang zhig 'khor bar 'khor ba yi/ /sems can kun gyi skyob gyur pa/ /gling dang dpung gnyen gyur pa de/ /khyed la bde legs mdzad par 'gyur/ /gang zhig chos kun mngon sum gyur/ /gtsang zhing slu ba mi mnga' ba/ /gsung gtsang gtsang bar mdzad pa de/ / khyed la bde legs mdzad par 'gyur/ /dpa' bo chen po gang skyes pas/ /phun sum tshogs don 'byor gyur cing / /don grub tshogs kyang grub pa de/ /khyed la bde legs mdzad par 'gyur/ /gang zhig skyes pas sa rnams dang / /nags tshal bcas par rab g.yos nas/ /sems can thams cad rab dga' de/ /khyed la bde legs mdzad par 'gyur/ /byang chub snying por gang zhig gis/ /sa rnams rnam drug g.yos gyur cing / /bdud yid mi bder gyur pa de/ /khyed la bde legs mdzad par 'gyur/ /chos kyi 'khor lo bskor ba na/ /'phags pa'i bden pa gsung ba gang / /thub pa grags pa 'byung ba de/ /khyed la bde legs mdzad par 'gyur/ /gang gis chos kyi yid 'phrog pas/ /mu stegs byed rnams pham mdzad la/ /tshogs kun dbang du mdzad pa de/ /khyed la bde legs mdzad par 'gyur/ /sangs rgyas khyed la bde legs mdzad/ /brgya byin lhar bcas bde legs dang / /'byung po kun gyi bde legs ni/ /khyed la dus kun sbyin gyur cig /sangs rgyas bsod nams mthu dag dang / /lha rnams kyis ni bsams pa yis/ /khyed rnams don 'dod gang yin pa/ /don de de ring grub gyur cig /rkang gnyis khyed cag bde legs shog /rkang bzhi khyed cag bde legs shog /khyed cag lam 'gro bde legs shog /phyir 'ong dag kyang bde legs shog /nyin mo bde legs mtshan bde legs/ /nyi ma'i gung la gnas par shog /khyed cag kun du bde legs shog /khyed cag sdig par ma gyur cig /sangs rgyas lha ni stong rnams kyis/ /yongs su bskor te gshegs mdzad kyis/ /sdang sems can rnams byer gyur cig /snying rje'i bdag nyid can rnams 'khod/ /sangs rgyas rang sangs rgyas rnams dang / / dgra bcom slob pa'i bden tshig gis/ /'jig rten mi phan byed pa rnams/ /grong khyer 'di ni gtong gyur cig /sems can kun dang srog chags kun/ /'byung po kun dang khyed cag kun/ /bde ba 'ba' shig ldan gyur cig /thams cad nad ni med gyur cig /kun gyis bzang po mthong gyur cig /gang yang sdig par ma gyur cig /'byung po gang dag 'dir ni lhags gyur cing / /sa 'am 'on te bar snang gnas pa rnams/ /skye dgu rnams la rtag tu byams byed cing / /nyin dang mtshan du chos kyang spyod gyur cig /ces brjod pa dang / der sangs rgyas bcom ldan 'das rnams kyi sangs rgyas kyi mthu dang / lha rnams kyi lha'i mthus mi ngas zhi bar gyur to/ / sdom la 'od ma dang ni dbus kyi grong / /mi thi la dang lus 'phags dang / /sA la khron pa ngan spong bu/ /ngur smrig gtsug phud bsngags ldan dang / /gnag lhas dang ni sdig can dang / /ku shi'i grong khyer tha ma yin/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo 'od ma can gyi grong gang na bar 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ de nas bcom ldan 'das spong byed nas ljongs rgyu zhing gshegs pa dang 'od ma can gyi grong du byon nas/ 'od ma can gyi grong gi byang phyogs kyi grong shing sha pa'i tshal na bzhugs so/ /de'i tshe mu ge nyam nga ba dgon pa slongs mo pas zas rnyed par dka' ba byung bar gyur to/ /de nas bcom ldan 'das kyis dge slong rnams la bka' stsal pa/ dge slong dag da ltar 'dir mu ge nyam nga ba dgon pa slongs mo pas zas rnyed par dka' ba byung gis/ dge slong dag tshur khyed las smos 'drin ji lta bu yod pa dang / gtam 'dres pa ji lta bu yod pa dang / grogs bshes ji lta bu yod pa de dag ni yangs pa can gyi nye 'khor gyi spong byed kyi grong du dbyar gnas par dam chos shig /nga yang bsnyen bkur ba dge slong kun dga' bo dang / 'od ma can gyi grong 'di nyid du dbyar bzhugs par dam bcas na thams cad bsod snyoms kyis phongs par mi 'gyur grang / btsun pa bka' bzhin 'tshal zhes dge slong de rnams kyis bcom ldan 'das kyi ltar mnyan nas smos 'drin ji lta bu yod pa dang / gtam 'dres pa ji lta bu yod pa dang / 'grogs bshes ji lta bu yod pa dag ni yangs pa can gyi nyen kor spong byed kyi grong du dbyar gnas par dam bcas so/ /bcom ldan 'das kyang bsnyen bkur ba dge slong kun dga' bo dang / 'od ma can gyi grong khyer de nyid du dbyar bzhugs par dam bcas so/ / dbyar gyi gnas der bcom ldan 'das snyun tshabs chen po mi bzad pa drag pa grongs la thug pa zhig gis thebs so/ /de nas bcom ldan 'das 'di snyam du dgongs te/ bdag nad tshabs chen po mi bzad pa drag pa shi la thug pas thebs la/ dge slong gi dge 'dun yang 'thor bar gyur na/ dge slong gi dge 'dun 'thor ba na/ bdag yongs su mya ngan las 'da' ba ni bdag gi cha ma yin gyis/ ma la bdag gis tshor ba gcig po de brtson 'grus kyis bcil la/ mtshan ma thams cad yid la mi bya bar sems kyi ting nge 'dzin mtshan ma med pa la lus kyis mngon sum du bsgrubs te gnas par bya'o/ /snyam du dgongs so/ /de nas bcom ldan 'das kyis tshor ba gcig po de brtson 'grus kyis slar bcil nas/ mtshan ma thams cad yid la mi mdzad pas sems kyi ting nge 'dzin mtshan ma med pa skus mngon sum du mdzad de bsgrubs nas bzhugs te/ de nas bcom ldan 'das lhag par spyod pa dang lhag par 'tsho bar gyur to/ /de nas tshe dang ldan pa kun dga' bo rgongs ka nang du yang dag 'jog las langs nas bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te/ phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa bcom ldan 'das snyun tshabs chen po mi bzad pa drag pa grongs la thug pas thebs par glo bar chud nas bdag gi/ lus dug 'tshal ba bzhin du phyogs kyang bslad/ bdag gis thos pa'i chos rnams kyang bskyud par gyur lags te/ de la bdag glo ba re bar na re shig bcom ldan 'das kyis dge slong gi dge 'dun gyi slad du zhal chems cung zad bka' ma stsal gyi bar du yongs su mya ngan las mi 'da'o snyam du bgyid do/ /kun dga' bo gang zhig 'di snyam du dge slong gi dge 'dun ni bdag yin te/ bdag gis dge slong gi dge 'dun bstan par bya'o/ /bdag gis dge slong gi dge 'dun drang ngo snyam du sems pa de ni dge slong gi dge 'dun gyi phyir kha chems cung zad smra bar 'gyur ba nyid na/ kun dga' bo nga la 'di snyam du dge slong gi dge 'dun ni nga'i yin te/ ngas dge slong gi dge 'dun bstan par bya'o/ / ngas dge slong gi dge 'dun drang ngo snyam du dgongs pa mi mnga' na/ ngas dge slong gi dge 'dun gyi phyir zhal chems kho na cung zad bstan du ci yod/ gzhan yang kun dga' bo nga la dge slong gi dge 'dun gyi rag lus pa ci zhig yod/ kun dga' bo ngas rtag tu goms par bya ba'i chos 'di lta ste/ dran pa nye bar gzhag pa bzhi pa dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ni bshad zin to// //'dul ba gzhi/ bam po nyi shu dgu pa/ kun dga' bo de bzhin gshegs pa la ni gang zhig gzhan dag gis shes na mi rung bas de bzhin gshegs pas bcab bo snyam du dgongs pa'i slob dpon gyi dpe mkhyud mi mnga'o/ /kun dga' bo 'on kyang gang gi tshe de bzhin gshegs pa snyun tshabs chen po mi bzad pa drag pos grongs la thug pas thebs pa de la nga 'di snyam du sems te/ bdag nad tshabs chen po mi bzad pa drag pa shi la thug pas thebs la/ dge slong gi dge 'dun yang 'thor bar gyur na dge slong gi dge 'dun 'thor ba na/ bdag yongs su mya ngan las 'da' ba ni bdag gi cha ma yin gyis/ ma la bdag gis tshor ba gcig po de brtson 'grus kyis slar bcil la/ mtshan ma thams cad yid la mi bya bar sems kyi ting nge 'dzin mtshan ma med pa la lus kyis mngon sum du bsgrubs te gnas par bya'o snyam nas ngas tshor ba gcig po de brtson 'grus kyis slar bcil nas mtshan ma thams cad yid la mi mdzad par sems kyi ting nge 'dzin mtshan ma med pa skus mngon sum du bsgrubs nas bzhugs te/ des na de bzhin gshegs pa lhag par spyod pa dang ldan zhing lhag par 'tsho bar gyur to/ /gzhan yang kun dga' bo da ni de bzhin gshegs pa na tshod lo brgyad bcu lon pas sku bsgres 'khogs gtugs par gyur te/ rnam pa gnyis la brten nas 'tsho'o/ /dper na shing rta rnying pa rnam pa gnyis la brten nas brtan pa de bzhin du/ de bzhin gshegs pa yang na tshod lo brgyad bcu lon pas sku bgres 'khogs gtugs par gyur te/ rnam pa gnyis la brten nas 'tsho'o/ /de lta bas na kun dga' bo khyod mya ngan ma byed cig /nyon mongs par ma byed cig /smre sngags ma 'don cig /skye ba dang / byung ba dang / byas pa dang / 'dus byas pa dang / bsags pa gang yin pa de rten cing 'brel bar 'byung ba rnam par 'gyes pa'i chos can de la mi 'jig pa de lta bu lta ga la rnyed de/ de ni gnas med do/ /kun dga' bo gang yang ngas khyod la sdug pa dang / phangs pa dang / dga' ba dang / yid du 'ong ba thams cad dang 'bral ba dang / 'jig pa dang / 'gyes pa dang / mi ldan par 'gyur bar snga nas bshad zin to/ /kun dga' bo de lta bas na da lta 'am/ nga 'das kyang rung / bdag nyid gling dang / bdag nyid skyabs dang / chos kyi gling dang chos kyi skyabs kyis gnas par bya'o gling gzhan dang skyabs gzhan gyis ni ma yin no/ /de ci'i phyir zhe na/ kun dga' bo da lta 'am/ nga 'das kyang rung gang su dag bdag nyid gling dang / bdag nyid skyabs dang / chos kyi gling dang chos kyi skyabs kyis gnas par byed kyi/ gling gzhan dang / skyabs gzhan gyis ni ma yin de dag ni 'di lta ste/ nga'i nyan thos bslab pa 'dod pa rnams kyi mchog yin no/ /kun dga' bo ji ltar na dge slong gis bdag nyid gling dang / bdag nyid skyabs dang / chos kyi gling dang / chos kyi skyabs kyis gnas par bya'i/ gling gzhan dang / skyabs gzhan gyis ni ma yin zhe na/ kun dga' bo 'di la dge slong nang gi lus la lus kyi rjes su lta zhing brtson 'grus dang / shes bzhin dang / dran pa dang ldan pas 'jig rten la gnod sems dang yid mi bde ba spangs nas gnas so/ /phyi'i lus dang / nang dang phyi'i lus dang / nang gi tshor ba rnams dang / phyi'i tshor ba rnams dang / nang dang phyi'i tshor ba rnams dang / nang gi sems dang / phyi'i sems dang / nang dang phyi'i sems dang / nang gi chos rnams dang / phyi'i chos rnams dang / nang dang phyi'i chos rnams la chos kyi rjes su lta zhing brtson 'grus dang / shes bzhin dang / dran pa dang ldan pas 'jig rten la gnod sems dang / yid mi bde ba spangs nas gnas pa ste/ kun dga' bo dge slong 'di lta bu ni bdag nyid gling dang bdag nyid skyabs dang / chos kyi gling dang / chos kyi skyabs kyis gnas kyi/ gling gzhan dang / skyabs gzhan gyis ni ma yin pa yin no/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo dbus kyi grong gang na bar 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das kyis phyogs gzhan zhig tu 'dzum pa mdzad do/ /chos nyid kyis gang gi tshe sangs rgyas bcom ldan 'das rnams 'dzum pa mdzad pa de'i tshe bcom ldan 'das kyi zhal nas 'od zer sngon po dang / ser po dang dmar po dang / dkar po dag 'byung zhing kha cig ni 'og tu 'gro'o/ /kha cig ni steng du 'gro'o/ / gang dag 'og tu song ba de dag ni yang sos dang / thig nag dang bsdud 'joms dang / ngu 'bod dang / ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol ba dang so thams thams dang / kyi hud zer ba dang a cu zer ba dang ud pa la ltar gas pa dang / pad+ma ltar gas pa dang pad+ma ltar gas pa chen po'i sems can dmyal ba rnams su song nas tsha ba'i sems can dmyal ba gang dag yin pa de dag la ni bsil bar 'bab bo/ /grang ba'i sems can dmyal ba gang dag yin pa de dag la ni dro bar 'bab bo/ /des sems can de rnams kyi gnod pa'i khyad par dag so sor bcil lo/ /de rnams 'di snyam du sems te/ shes ldan dag ci bdag cag 'di nas shi 'phos sam 'on te gzhan du skyes snyam pa dang / de rnams dad pa bskyed pa'i phyir bcom ldan 'das kyis sprul pa zhig btang ngo / /de rnams kyis sprul pa mthong nas 'di snyam du sems te/ shes ldan dag bdag cag ni 'di nas shi 'phos pa yang med la/ gzhan du skyes pa med mod kyi/ 'on kyang sngon ma mthong ba'i sems can 'di'i mthus bdag cag gi sdug bsngal gyi khyad par rnams so sor bcil lo/ /zhes de rnams sprul pa la sems mngon par dad par gyur pas dmyal ba myong bar 'gyur ba'i las de zad par byas nas gang du bden pa rnams kyi snod du rung bar 'gyur ba lha dang mi rnams kyi nang du nying mtshams sbyor ba bzung ngo / /gang dag steng du song ba de dag ni rgyal chen bzhi'i ris dang / sum bcu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs pa chen po dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / mi che ba dang / mi gdung ba dang / gya nom snang ba dang / shin tu mthong ba dang / 'og min gyi lha rnams kyi nang du song nas mi rtag pa dang / sdug bsngal ba dang / stong pa nyid dang / bdag med pa'i dbyangs sgrog cing tshigs su bcad pa gnyis kyis kyang bsgrags so/ /brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod pas/ /chos 'dul 'di la brtson gyur na/ /skye ba'i 'khor ba rab spangs nas/ / sdug bsngal tha mar byed par 'gyur/ /de nas 'od zer de dag gis stong gsum gyi stong chen po'i 'jig rten gyi khams byul nas bcom ldan 'das kyi rjes bzhin du 'gro'o/ /de la gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su nub par 'gyur ro/ /ma 'ongs pa lung ston par bzhed na ni mdun logs su nub par 'gyur ro/ /dmyal bar skye bar lung ston par bzhed na ni zhabs kyi mthil du nub par 'gyur ro/ /dud 'gror skye bar lung ston par bzhed na ni zhabs kyi rting par nub par 'gyur ro/ /yi dags su skye bar lung ston par bzhed na ni zhabs kyi mthe bor nub par 'gyur ro/ /mir skye bar lung ston par bzhed na ni zhabs kyi pus mor nub par 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du nub par 'gyur 'khor los sgyur ba'i rgyal por lung ston par bzhed na ni phyag g.yas pa'i mthil du nub par 'gyur/ lhar skye bar lung ston par bzhed na ni lte bar nub par 'gyur/ nyan thos kyi byang chub tu lung ston par bzhed na ni zhal gyi nang du nub par 'gyur/ rang sangs rgyas kyi byang chub tu lung ston par bzhed na ni mdzod spur nub par 'gyur/ bla na med pa yang dag par rdzogs pa'i byang chub tu lung ston par bzhed na ni dbu'i gtsug tu nub par 'gyur ro/ /de nas 'od zer de dag gis bcom ldan 'das la lan gsum bskor ba byas nas bcom ldan 'das kyi dbu'i gtsug tu nub bo/ /de nas bcom ldan 'das la tshe dang ldan pa kun dga' bos thal mo sbyar nas zhus pa/ kha dog sna tshogs stong gis bkra ba yi/ /tshogs rnams zhal gyi nang nas byung gyur pa/ /ji ltar gdugs ni shar bar gyur pa bzhin/ /de yis phyogs rnams kun du snang bar bgyis/ /yang tshigs su bcad pa dag gis gsol to/ /rgod bral zhum dang rgyags pa spangs pa yis/ /sangs rgyas 'gro nang mchog gi rgyur gyur pa/ /rgyal ba dgra thul byed rgyu ma mchis pa/ /rtsa lag dung ltar dkar 'dzum ston mi mdzad/ /de slad brtan pa nyid blos dus mkhyen nas/ /rgyal ba'i dbang po thub pa skyes kyi mchog /nyan par 'tshal ba'i nyan pa po rnams kyi/ /the tsom skyes pa gsung tshig brtan pa dang / /dam pa bzang po dag gis bsal du gsol/ /tshwa chu'i ri bo lta bur brtan pa'i mchog /rdzogs sangs rgyas rnams glo bur 'dzum mi ston/ /brtan pa ji slad 'dzum pa ston mdzad pa/ /skye bo phal chen 'di dag de nyan 'tshal/ /bcom ldan 'das kyis bka' stsal pa/ kun dga' bo de de bzhin no/ /de de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas ni rgyu med rkyen med par 'dzum pa mi mdzad do/ /kun dga' bo khyod kyis sa phyogs 'di mthong ngam/ btsun pa 'di mthong lags so/ /kun dga' bo phyogs 'dir yang dag par rdzogs pa'i sangs rgyas gsum bzhugs par gyur to/ /de nas tshe dang ldan pa kun dga' bos myur ba myur bar bla gos bzhi ltab tu byas te bting nas bcom ldan 'das la 'di skad ces gsol to/ /bcom ldan 'das gdan bshams pa kho na la bzhugs shig dang / sa phyogs 'di yang dag par rdzogs pa'i sangs rgyas bzhis yongs su longs spyad par 'gyur lags so/ /bcom ldan 'das gdan bshams pa nyid la bzhugs so/ /skad cig gcig bzhugs nas tshe dang ldan pa kun dga' bo la bka' stsal pa/ kun dga' bo grong khyer mi thi la gang na bar 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das lus 'phags kyi ljongs rgyu zhing gshegs pa na mi thi lar byon nas/ mi thi la'i lha chen po'i a mra'i tshal na bzhugs so/ /de nas bcom ldan 'das kyis sa phyogs gzhan zhig tu 'dzum pa mdzad do/ /tshe dang ldan pa kun dga' bos bcom ldan 'das 'dzum pa mdzad pa mthong ngo / /mthong nas kyang bcom ldan 'das la 'di skad ces gsol to/ /btsun pa de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa mi mdzad na btsun pa bcom ldan 'das 'dzum pa mdzad pa de'i rgyu gang lags rkyen gang lags/ kun dga' bo de de bzhin no/ /de de bzhin te/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo sngon byung ba mi rnams kyi tshe lo brgyad khri thub par gyur te/ mi tshe lo brgyad khri pa rnams kyi 'dzam bu'i gling 'di 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba/ grong dang / grong rdal dang / yul 'khor dang / rgyal po'i pho brang gi bar bya gag gi 'phur stabs kyis chod pa byung bar gyur to/ /mi tshe lo brgyad khri pa rnams la lus kyi gnod pa ni 'di lta bu dag 'byung ste/ 'di lta ste grang ba dang / tsha ba dang / bkres pa dang / skom pa dang / 'dod pa dang / yi ga 'chus pa dang / rga ba yin no/ /mi tshe lo brgyad khri pa rnams kyi bu mo ni btsas nas lo lnga brgya lon pa dang khyo la gtong bar byed de/ dper na da ltar gyi lo bcwa lnga 'am lo bcu drug lon pa bzhin no/ /kun dga' bo mi rnams kyi tshe lo brgyad khri thub pa na 'khor los sgyur ba'i rgyal po lha chen po zhes bya ba mtha' bzhir rnam par rgyal ba chos dang ldan pa chos kyi rgyal po rin po che sna bdun dang ldan pa zhig byung ngo / /de'i rin po che sna bdun ni 'di lta bu dag byung ste/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa ni blon po rin po che nyid yin no/ /de la yang bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong yang tshang bar byung ste/ de rgya mtsho la thug pa'i sa chen po ma lus pa gnod par sdo ba med cing 'tshe ba med pa 'di nyid chad pa med cing mtshon gyis bda' ba med la/ chos dang 'thun zhing snyoms pas legs par phab ste gnas so/ /de nas rgyal po lha chen po'i skra dang kha spu 'breg mkhan gyi mis skra dang kha spu 'chos pa na 'breg mkhan gyi mi la smras pa/ kye nang rje nga'i dbu la skra dkar po skyes pa khyod kyis mthong dang lha'i pho nya byung ba yin gyis de'i tshe nga'i snyan du gsol cig /lha bka' bzhin 'tshal zhes 'breg mkhan gyi mis rgyal po lha chen po'i ltar mnyan to/ /dus gzhan zhig na 'breg mkhan gyis rgyal po lha chen po'i skra dang kha spu 'chos pa na rgyal po lha chen po'i mgo la skra dkar po skyes pas lha'i pho nya byung bar mthong ngo / /mthong nas kyang rgyal po lha chen po la 'di skad ces smras so/ /lha mkhyen par mdzad du gsol/ khyod kyi dbu la dbu skra dkar po skyes pas lha'i pho nya byung lags so/ /des smras pa/ kye nang rje khyod kyis skra dkar po de dag mi breg par dal bu dal bus phyung la nga'i lag tu byin cig /lha bka' bzhin 'tshal zhes 'breg mkhan gyis rgyal po lha chen po'i ltar mnyan nas skra dkar po de gser gyi smang tsher gyis mi drag par dal gyis dal gyis phyung nas rgyal po lha chen po'i lag par bzhag go/ /de nas rgyal po lha chen pos skra dkar po de lag pa gnyis kyis drangs nas tshigs su bcad de smras pa/ da ni bdag gi mgo bo la/ /na tshod 'joms pa'i skra skyes te/ /lha yi pho nya byung gyur pas/ /bdag gi rab byung dus la bab/ /bdag gis mi rnams kyi 'dod pa ni spyad zin gyis bdag gis lha'i 'dod pa dag btsal ba'i dus la bab kyis/ ma la bdag gis gzhon nu thu bo rgyal srid kyi dbang phyug la dbang byed du bcug la rgyal po'i drang srong gi tshangs par spyad do snyam nas/ de nas rgyal po lha chen pos gzhon nu pho nyas bkug nas 'di skad ces smras so/ /bu gzhon nu shes par gyis shig /nga'i mgo la skra dkar po skyes pas lha'i pho nya byung bar gyur te/ ngas mi rnams kyi 'dod pa ni spyad zin pas ngas lha'i 'dod pa dag btsal ba'i dus la bab ste/ ngas bu gzhon nu khyod la rgya mtsho'i mthas klas pa'i sa chen po 'di gtad kyis de khyod kyis chos bzhin gyis rjes su bskyang bar bya'i chos ma yin pas ni ma yin no/ /'ga' zhig chos ma yin pa spyod dam 'dren mar spyod na khyod kyis yul 'khor du gnas su ma gzhug shig /bu gzhon nu gang gi tshe khyod kyang mgo la skra dkar po skyes pa mthong ba dang lha'i pho nya 'ongs pa yin gyis/ de'i tshe khyod kyis kyang gzhon nu thu bo rgyal srid kyi dbang phyug la dbang byed du chug la rgyal po'i drang srong gi tshangs par spyad pa spyod cig /'di ltar bu gzhon nu khyod kyi dge ba'i lam nges pa srol dod pa de lta bu'i rjes bsab par bya'i rgyun chad par ma byed cig /skyes bu tha shal du gyur ta re/ bu gzhon nu 'ga' zhig 'di lta bu'i skyes bu bzang po rgyud du byung ba'i dge ba'i lam nges pa srol dod pa de lta bu'i rjes mi 'tshob pa gang yin pa de de rnams kyi rgyun gcod pa yin zhing de de rnams kyi nang na skyes bu tha shal du gyur pa yin no/ /de lta bas na da khyod la 'di skad ces/ gang gi tshe khyod kyis 'di lta bu'i skyes bu bzang po rgyud du byung ba'i dge ba'i lam nges pa srol dod pa de lta bu'i rjes sobs la rgyun chad par ma byed cig /skyes bu thal shal du gyur par ma byed cig ces smra'o/ /de nas rgyal po lha chen pos gzhon nu thu bo rgyal srid kyi dbang phyug la dbang byed du bcug nas mi thi la'i lha chen po'i a mra'i tshal de nyid du rgyal po'i drang srong gi tshangs par spyod pa spyad do/ /kun dga' bo rgyal po lha chen pos gzhon nu thu bo gang yin pa de rgyal srid kyi dbang phyug la dbang byed du bcug pa de'i ming yang 'khor los sgyur ba'i rgyal po lha chen po zhes bya ba mtha' bzhir rnam par rgyal ba zhes bya ba nas gnas so zhes bya ba'i bar gong ma bzhin du'o/ /de nas rgyal po lha chen po'i skra dang kha spu 'breg mkhan gyi mis skra dang kha spu 'chos pa na zhes bya ba nas/ de de rnams kyi nang na skyes bu tha shal du gyur pa yin no zhes bya ba'i bar gong ma bzhin du'o/ /de nas rgyal po lha chen pos gzhon nu thu bo rgyal srid kyi dbang phyug la dbang byed du bcug nas rgyal po'i drang srong gi tshangs par spyod pa spyad do/ /kun dga' bo bu dang / tsha bo dang / yang tsha dang / sum tsha la sogs pa de ltar brgyud pas lha chen po brgyad khri bzhi stong mi thi la'i lha chen po'i a mra'i tshal 'di nyid du rgyal po'i drang srong gi tshangs par spyod pa spyad do/ /de rnams kyi tha ma rgyal po mu khyud ces bya ba chos kyi rgyal po chos dang ldan pa chos la gnas pa'i rgyal po chen po zhig byung ste/ de btsun mo dang / gzhon nu dang / blon po dang / khrom gyi ru pa dang / grong mi dang / yul mi dag dang chos spyod de sbyin pa dag gtong / bsod nams dag byed cing bsnyen gnas la gnas te tshul khrims yang dag par blangs nas 'dug go/ /de'i tshe lha'i dbang po brgya byin lha'i 'dun sa chos bzang du sum bcu rtsa gsum pa'i lha 'dus shing 'khod pa rnams kyi mdun du bsngags pa rjod par byed de/ grogs po dag lus 'phags kyi mi rnams kyis rnyed pa legs par rnyed de/ lus 'phags kyi mi de rnams kyi rgyal po mu khyud ni chos kyi rgyal po chos dang ldan pa chos la gnas pa'i rgyal po chen po de btsun mo dang zhes bya ba nas tshul khrims yang dag par blangs te 'dug go zhes bya ba'i bar gong ma bzhin du'o/ /grogs po dag khyed cag rgyal po mu khyud lta bar 'dod dam/ kau shi ka shin du 'tshal lo/ /grogs po dag de'i phyir khyed cag sdod cig dang kho bos re shig rgyal po mu khyud blta'o/ /de nas lha'i dbang po brgya byin dper na skyes bu stobs dang ldan pa'i lag pa bskum pa las brkyang ba 'am/ brkyang ba las bskum pa tsam gyis sum bcu rtsa gsum pa'i lha rnams kyi lha'i mdun sa chos bzang nas mi snang bar gyur te/ mi thi lar rgyal po mu khyud kyi khang bzangs su 'dug go/ /'di skad ces kyang smras te/ mu khyud khyod la lha'i mdun sa chos bzang du sum bcu rtsa gsum pa'i lha 'dus shing 'dug pa rnams bsngags pa rjod pa ni khyod kyis rnyed pa legs par rnyed do/ /grogs po lus 'phags kyi mi rnams kyis rnyed pa zhes bya ba nas tshul khrims yang dag par blangs te 'dug par byed do zhes bya ba'i bar gong ma bzhin du'o/ /mu khyud khyod sum bcu rtsa gsum pa'i lha rnams blta ba'i phyir 'gro 'dod dam/ kau shi ka bdag sum bcu rtsa gsum pa'i lha rnams blta ba'i phyir mchi bar 'tshal lo/ /mu khyud de'i phyir sdod cig dang re shig kho bos khyod la rta cang shes stong dang ldan pa'i shing rta bskur gyis de'i nang du khyod zhugs la ma g.yo bar shog shig /de bzhin du bgyi'o zhes rgyal po mu khyud kyis lha'i dbang po brgya byin gyi ltar mnyan to/ /de nas lha'i dbang po brgya byin sum bcu rtsa gsum pa'i lha rnams kyi nang du song nas kha lo sgyur ba ma la gdu la smras pa/ ma la gdu khyod song la myur ba kho nar rta cang shes stong dang ldan pa'i shing rta shoms te rgyal po mu khyud gang na ba der song la phyin nas 'di skad ces/ mu khyud khyod la lha'i dbang po brgya byin gyis rta cang shes stong dang ldan pa'i shing rta bskur ba 'di yin gyis/ 'dir khyod zhugs la ma g.yo bar shog shig ces smros shig /kau shi ka khyod kyis gsungs pa shin tu bzang ngo zhes kha lo sgyur ba ma la gdus lha'i dbang po brgya byin gyi ltar mnyan nas myur ba kho nar rta cang shes stong dang ldan pa'i shing rta bshams nas rgyal po mu khyud gang na ba der song ste phyin pa dang 'di skad ces smras so/ /mu khyud khyod la lha'i dbang po brgya byin gyis rta cang shes stong dang ldan pa'i shing rta bskur ba 'di yin gyis/ 'dir khyod zhugs la ma g.yo bar shog shig ces zer ro/ /kun dga' bo rgyal po mu khyud rta cang shes stong dang ldan pa'i shing rta'i nang du mi g.yo bar zhugs pa dang / de nas kha lo sgyur ba ma la gdus rgyal po mu khyud la 'di skad ces smras so/ /mu khyud khyod kyi shing rta gang logs su drang / gang na sems can sdig pa'i las can rnams sdig pa mi dge ba'i las kyi rnam par smin pa so sor nyams su myong ba logs su 'am/ gang na sems can dge ba'i las can rnams las dge ba'i rnam par smin pa so sor nyams su myong ba logs su drang / ma la gdu de'i phyir kho bos gang du gnyi ga mthong bar 'gyur ba gang na sems can sdig pa'i las can rnams sdig pa mi dge ba'i las kyi rnam par smin pa so sor nyams su myong ba dag yod pa dang / gang na sems can dge ba'i las can rnams las dge ba'i rnam par smin pa so sor nyams su myong ba dag yod pa der shing rta drongs shig /de nas kha lo sgyur ba ma la gdus rgyal po mu khyud kyi shing rta rgyal po mu khyud kyis gang na sems can sdig pa'i las can rnams sdig pa mi dge ba'i las kyi rnam par smin pa so sor nyams su myong ba dag yod pa dang / gang na sems can dge ba'i las can rnams las dge ba'i rnam par smin pa so sor nyams su myong ba dag yod pa gnyi ga rgyal po mu khyud kyis ji ltar mthong bar 'gyur ba de ltar drangs so/ /kun dga' bo rgyal po mu khyud sum bcu rtsa gsum pa'i lha rnams kyi nang du song nas rgyal po mu khyud lha'i 'dun sa chos bzang du zhugs pa dang / lha'i dbang po brgya byin gyis rgyal po mu khyud la stan phyed bstabs nas rgyal po mu khyud dang lha'i dbang po brgya byin stan phyed phyed la 'khod do/ /kun dga' bo rgyal po mu khyud dang lha'i dbang po brgya byin stan phyed phyed la 'khod pa na khyad par ram bsam pa 'am tha dad du bya ba med kyi/ gzhan du na lha'i dbang po brgya byin ni mig 'dzums par mi byed do/ /de nas lha'i dbang po brgya byin gyis rgyal po mu khyud la 'di skad ces smras so/ /mu khyud 'di nyid du 'dug la mu khyud khyod dga' bar spyod cig /'dod pa'i yon tan lnga 'byor cing ldan pa la rtsed mo byos shig / dga' bar spyod cig /dga' mgur spyod cig /de nas rgyal po mu khyud kyis de'i tshe tshigs su bcad de smras pa/ ji ltar snod dang shing rta dag /re shig dus kyi brnyan po ltar/ /gzhan dag dbang sgyur gang yin pa'i/ /gnas kyang de dang 'dra ba yin/ /'di nas mi thi lar song la/ /dge ba mang po rnams bya ste/ /bsod nams byas shing 'byor byas nas/ /mtho ris su ni 'gro bar bya/ /kun dga' bo de'i tshe de'i dus na rgyal po lha chen po zhes bya ba gang gis dge ba'i lam nges pa de la zhugs shing / gang dge ba'i lam nges pa la zhugs pa la brten nas lha chen po brgyad khri bzhi stong mi thi la'i lha chen po'i a mra'i tshal 'di nyid du rgyal po'i drang srong gi tshangs par spyod pa spyad par gyur pa byung ba gang yin pa de gzhan yin pa snyam du sems na khyod kyis de ltar mi blta'o/ /de ci'i phyir zhe na/ kun dga' bo nga nyid de'i tshe de'i dus na rgyal po lha chen po zhes bya bar gyur te/ nga nyid kyis dge ba'i lam nges pa de srol btod cing dge ba'i lam nges pa srol dod pa la brten nas lha chen po brgyad khri bzhi stong gis mi thi la 'di nyid na lha chen po'i a mra'i tshal 'di nyid du rgyal po'i drang srong gi tshangs par spyod pa spyad do/ /de ci'i phyir zhe na/ kun dga' bo de'i tshe nga 'dod chags dang bcas/ zhe sdang dang bcas/ gti mug dang bcas par gyur te/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su ma grol zhing sdug bsngal las yongs su ma grol lo zhes gsung ngo / /kun dga' bo da ni nga 'jig rten du ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das su byung nas 'dod chags dang bral/ zhe sdang dang bral/ gti mug dang bral bas skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su grol zhing sdug bsngal las yongs su grol lo zhes gsung ngo / /kun dga' bo da ltar na yang ngas dge ba'i lam nges pa srol btod pa de la brten nas sems can skye ba'i chos can rnams ni skye ba'i chos nyid las yongs su grol bar 'gyur/ sems can rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams ni 'khrug pa'i chos nyid las yongs su grol bar 'gyur/ ngas dge ba'i lam nges pa la zhugs shing dge ba'i lam nges pa la zhugs pa de la brten nas sems can skye ba'i chos can nas sems can 'khrug pa'i chos can gyi bar dag 'khrug pa'i chos nyid las yongs su grol bar 'gyur ba de gang yin zhe na 'di lta ste/ 'phags pa'i lam yan lag brgyad pa yin te/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ 'di ni ngas dge ba'i lam nges pa la zhugs/ dge ba'i lam nges pa la zhugs pa de la brten nas sems can skye ba'i chos can nas gong ma bzhin du 'khrug pa'i chos nyid las yongs su grol bar 'gyur ba'i bar yin no/ /kun dga' bo khyod kyis kyang de bzhin du dge ba'i lam nges pa srol dod pa de lta bu'i rjes bsab par bya'i rgyun chad par ma byed cig /skyes bu tha shal du gyur par ma byed cig /kun dga' bo gang la la de lta bu'i nyan thos bzang po rgyud du byung ba'i dge ba'i lam nges pa srol dod pa de lta bu'i rjes mi 'tshob pa de ni de rnams kyi rgyun gcod pa yin zhing / de de rnams kyi skyes bu tha shal du gyur pa yin no/ /de bas na nga khyod la 'di skad du ci nas kyang khyod kyis de lta bu'i nyan thos bzang po rgyud du byung ba'i lam nges pa srol dod pa de lta bu de'i rjes sobs shig /rgyun chad par ma byed cig /skyes bu tha shal du gyur par ma byed cig ces smra'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo lus 'phags gang na ba der 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das lus 'phags su byon nas lus 'phags kyi phyogs gzhan zhig tu 'dzum pa mdzad do/ /zhes bya ba nas sangs rgyas bzhi'i gdan yin no zhes bya ba dang / skad cig gcig bzhugs nas zhes bya ba rgyas par gong ma bzhin no/ /tshe dang ldan pa kun dga' bo la bka' stsal pa/ kun dga' bo sa la gang na bar 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas bcom ldan 'das spong byed nas ljongs rgyu zhing gshegs pa dang sa lar byon nas sa la'i bram ze'i grong na bzhugs so/ /de nas bcom ldan 'das snga dro na bza' sham thabs mnabs/ lhung bzed dang chos gos bsnams te sa lar bsod snyoms la zhugs so/ /de nas bdud sdig can 'di snyam du sems te/ dge sbyong gau ta ma 'dis sa la'i bram ze'i grong na 'dug ste/ de snga dro sham thabs bgos/ lhung bzed dang chos gos thogs te sa lar bsod snyoms la zhugs kyis/ ma la bdag gis sa la'i bram ze dang khyim bdag rnams ji ltar dge sbyong gau ta mas ji ltar lhung bzed bkrus te sa lar bsod snyoms la zhugs pa bkrus pa de kho na bzhin bsod snyoms kham 'ga' yang ma rnyed par phyir ldog pa de ltar de ltar byin gyis brlab bo snyam mo/ /de nas bdud sdig can gyis sa la'i bram ze dang khyim bdag rnams ji ltar bcom ldan 'das kyis ji ltar lhung bzed bkrus te sa lar bsod snyoms la zhugs pa bkrus pa de kho na bzhin du bsod snyoms kham 'ga' yang ma rnyed par slar byon pa de ltar de ltar byin gyis brlabs so/ /de nas bdud sdig can gyis bdag nyid bram ze'i khye'u'i cha byad du mngon par sprul nas bcom ldan 'das kyi rjes bzhin du 'brang zhing 'di skad ces kyang smras so/ /dge sbyong bsod snyoms kham 'ga' yang ma rnyed dam/ de nas bcom ldan 'das 'di snyam du dgongs te/ kye ma nye bar 'ongs pa 'di ni bdud sdig can yin te/ 'di lta ste rnam par dkrug pa'i las byed do snyam du thugs su chud nas tshigs su bcad de bka' stsal pa/ de bzhin gshegs la khyad bsad pas/ /khyod kyis bsod rnams min mang bsags/ /sangs rgyas rnams ni brgal dka' bar/ /sdig can ci ga mi shes sam/ /dge sbyong de'i phyir slar yang sa lar bsod snyoms la bzhud cig dang ci nas kyang bsod snyoms rnyed pa de ltar bgyi'o/ /de nas bcom ldan 'das kyis de'i tshe tshigs su bcad de bka' stsal pa/ nga la ci yang mi bdog pa/ /kye ma shin tu bder 'tsho ste/ /'od gsal lha rnams ji lta bar/ /dga' ba yi ni zas bza'o/ /nga la ci yang mi bdog pa/ /kye ma shin tu bder 'tsho ste/ /'jig tshogs lta la mi rten pas/ /dga' ba yi ni zas bza'o/ /de nas bdud sdig can 'di snyam du sems te/ dge sbyong gau ta ma'i sems kyis bdag gi bsam pa shes so snyam du rig nas sdug bsngal dang yid mi bde ba dang 'gyod pas de nyid du mi snang bar gyur to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khron pa can gang na bar 'dong ngo / / btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das khron pa can du byon to/ /khron pa can na bud med gzhan zhig phyang thag dang chu dang chu snod khyer te khron pa'i drung du song ba dang / skyes pa gzhan zhig de la chags pa'i kun nas dkris pa'i sems kyis rjes bzhin rjes bzhin du 'brang ba dang / de yang lhag par de la chags pas de gnyis phan tshun du 'tham zhing khron par dong ngo / /de'i bu khye'u chung ngu ma zhig de dang lhan cig phyi bzhin 'brang zhing song ngo / /de nas de skyes pa la rtog cing chu snod gtang ngo snyam ste/ khye'u chung ngu de'i mgul nas thag pas btags te btang ba las shi bar gyur to/ /des sngon ma thos pa'i tshigs su bcad pa thos pa/ 'dod pa khyod rtsa ngas shes te/ /rtog pa las ni 'dod pa skye/ /khyod la rtog pa ma byas dang / /de nas nga la mi 'byung ngo / /bcom ldan 'das kyang lam de nas gshegs te/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo tshigs su bcad pa 'di zung shig /tshigs su bcad pa 'di ni 'das pa'i yang dag par rdzogs pa'i sangs rgyas kyis gsungs pa yin te/ 'di ni so so'i skye bo'i lag tu 'ongs pas mi snang mi gsal/ rnam par mi gsal lo/ /bcom ldan 'das kyis bka' stsal pa/ ngas ji ltar sems 'di myur du 'gyur ba de lta bu'i chos ni gcig kyang ma mthong ngo / /de nas bud med de bu'i mya ngan gyis gdung nas bcom ldan 'das kyi zhabs gnyis la gtugs pa dang / bcom ldan 'das kyis de'i bsam pa dang / bag la nyal dang / khams dang / rang bzhin mkhyen nas de dang 'thun pa'i chos bshad pa mdzad de/ de thos pas bud med des 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ bden pa mthong nas lan gsum du ched du brjod pas ched du brjod pa/ btsun pa bdag la 'di lta bu ni mas ma bgyis te/ phas ma lags/ rgyal pos ma lags/ lha rnams kyis ma lags/ snga ma 'das pa rnams kyis ma lags/ dge sbyong dang bram ze rnams kyis ma lags/ sdug pas ma lags/ rang gi skye bo dang gnyen gyi tshogs kyis ma lags pa gang lags pa bcom ldan 'das kyis bdag la mdzad de/ bdag gis dge ba'i bshes gnyen bcom ldan 'das la brten nas ngan song rnams kyi sgo ni bkum/ mtho ris dang thar pa'i sgo rnams ni phye/ sems can dmyal ba dang / dud 'gro dang / yi dags nas ni rkang pa drangs/ lha dang mi rnams su ni rab tu bzhag /'khor ba las ni thag bsrings/ /khrag dang mchi ma'i rgya mtsho ni bskams/ rus pa'i ri bo las ni bsgral/ thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ni ye shes kyi rdo rjes bcom nas rgyun du zhugs pa'i 'bras bu mngon sum du bgyis te/ btsun pa bdag ni 'phags so/ /mngon par 'phags so/ /bdag bcom ldan 'das dang / chos dang / dge slong gi dge 'dun la skyabs su mchi lags kyis/ bdag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo nga byang chub sems dpar gyur pa na phyogs 'di nyid du drang srong ngan spong gi bus gdan dang rtsa ba dang 'bras bu la spyan drangs so/ /phyogs gzhan zhig tu yang bcom ldan 'das kyis bka' stsal pa/ kun dga' bo nga byang chub sems dpar gyur pa na rga ba la sogs pas yid byung ste/ phyogs 'di nyid du lha'i dbang po brgya byin rngon pa'i cha byad du byas pa la ka shi ka'i ras phran byin nas gos ngur smrig blangs pa yin te/ bram ze dang khyim bdag dad pa can rnams kyis ngur smrig blangs pa zhes bya ba'i mchod rten brtsigs te/ da dung du yang dge slong mchod rten la phyag 'tshal ba dag phyag byed do/ /lha'i dbang po brgya byin gyis kyang ka shi ka'i ras phran sum bcu rtsa gsum pa'i lha'i nang du khyer te bzhag nas ka shi ka'i dus mchod chen po btsugs te/ da dung du yang de la sum bcu rtsa gsum pa'i lha dag bya ba byed do/ /phyogs gzhan zhig tu yang bcom ldan 'das kyis bka' stsal pa/ kun dga' bo nga byang chub sems dpar gyur pa na phyogs 'dir ral gri ud pa la sngon po 'dra bas dbu skra bregs nas steng gi nam mkha' la 'phangs pa yin te/ bram ze dang khyim bdag dad pa can rnams kyis dbu skra blangs pa zhes bya ba'i mchod rten brtsigs te/ da dung du yang dge slong mchod rten la phyag 'tshal ba dag phyag byed do/ /lha'i dbang po brgya byin gyis kyang dbu skra sum bcu rtsa gsum pa'i lha'i nang du khyer te bzhag nas gtsug phud kyi dus mchod chen po btsugs te da dung du yang de la sum bcu rtsa gsum pa'i lha rnams bya ba byed do/ /phyogs gzhan zhig tu yang bcom ldan 'das kyis bka' stsal pa/ kun dga' bo phyogs 'dir rta'i rgyal po bsngags ldan 'dun pas bkri nas slar btang ba yin te/ bram ze dang khyim bdag dad pa can rnams kyis bsngags ldan slar btang ba zhes bya ba'i mchod rten brtsigs te/ da dung du yang dge slong mchod rten la phyag 'tshal ba dag phyag byed do/ /de nas bcom ldan 'das yul gnag lhas can du byon nas de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo gnag lhas can 'dir rigs kyi bu 'dun pa btsas nas 'di nyid du chen por gyur to/ /de nas bcom ldan 'das sdig can du byon te/ sdig can gyi gyad rnams kyis bcom ldan 'das sdig can du gshegs so zhes thos so/ /thos nas kyang rgan rabs rgan rabs rnams kyis smras pa/ gzhon nu gang yin pa de dag gis ni lam bzang por byos shig /bdag cag gis ni grong khyer bzang por bya'o/ /de nas gzhon nu rnams kyis lam bzang por bya bar brtsams pa na/ de rnams kyis pha bong zhig mthong nas de rnams kyis de dor bar brtsams pa las dor bar ma nus so/ /bcom ldan 'das kyang phyogs de nyid du gshegs nas bka' stsal pa/ gnas 'jog dag 'di ci bya/ bcom ldan 'das kyi slad du shul bzang por bgyi lags na pha bong 'di dor bar rngo ma thog go/ /bcom ldan 'das kyis bka' stsal pa/ gal te de lta na ngas dor ram/ bcom ldan 'das dor du gsol/ de nas bcom ldan 'das kyi zhabs g.yas pa'i mthe bos pha bong steng gi nam mkha' la 'phangs te mig rgyang gis kyang mi sod par bor ba dang de'i sgras gyad rnams sngangs par gyur to/ /bcom ldan 'das kyis bka' stsal pa/ gnas 'jog dag ma 'jigs shig / de nas bcom ldan 'das kyi rdzu 'phrul gyi stobs kyis pha bong de phye mar blags nas rdul 'bab par brtsams so/ /gyad rnams kyis gsol pa/ bcom ldan 'das rdul ga las 'bab lags/ bcom ldan 'das kyis bka' stsal pa/ de bzhin gshegs pas pha bong de phye mar blags pa yin no/ /bcom ldan 'das ma legs pa zhig bgyis so/ /ci slar mtshams sbyar ram/ bcom ldan 'das slar mtshams sbyar du gsol/ de nas bcom ldan 'das kyis mos pa'i stobs kyis slar sbyar nas gnas ji lta ba bzhin du bzhag ste/ bcom ldan 'das kyang de nyid na bzhugs so/ /gyad lnga brgya po de dag kyang de nyid du tshogs nas gsol pa/ bcom ldan 'das bcom ldan 'das kyis pha bong de stobs gang gis 'phangs lags/ bcom ldan 'das kyis bka' stsal pa/ gnas 'jog dag yab dang yum las byung ba'i stobs kyis so/ /de rnams kyis gsol pa/ stobs gang gis phye mar blags lags/ bcom ldan 'das kyis bka' stsal pa/ rdzu 'phrul gyi stobs kyis so/ /gang gis slar mtshams sbyar lags/ mos pa'i stobs kyis so/ /bcom ldan 'das kyi yab dang yum las byung ba'i stobs kyi tshad ji tsam lags/ gnas 'jog dag mi bcu'i stobs gang yin pa de ni glang phal pa gcig gi yin no/ /glang phal pa bcu'i stobs gang yin pa de ni ba men sngon po gcig gi yin no/ /ba men sngon po bcu'i stobs gang yin pa de ni glang po che phru gu gcig gi yin no/ /glang po che phru gu bcu'i gang yin pa de ni glang po che mo gcig gi yin no/ /glang po che mo bcu'i gang yin pa de ni glang po che phal gcig gi yin no/ /glang po che phal bcu'i gang yin pa de ni glang po che mche ba med gcig gi yin no/ /glang po che mche ba med bcu'i gang yin pa de ni sngon po gcig gi yin no/ /sngon po bcu'i gang yin pa de ni ser po gcig gi yin no/ /ser po bcu'i gang yin pa de ni dmar po gcig gi yin no/ /dmar po bcu'i gang yin pa de ni dkar po gcig gi yin no/ /dkar po bcu'i gang yin pa de ni 'bigs byed kyi glang po che gcig gi yin no/ /'bigs byed kyi glang po che bcu'i gang yin pa de ni spos kyi glang po che gcig gi yin no/ /spos kyi glang po che bcu'i gang yin pa de ni tshan po che gcig gi yin no/ /tshan po che bcu'i gang yin pa de ni tshan po che chen po gcig gi yin no/ /tshan po che chen po bcu'i gang yin pa de ni rab gnon gcig gi yin no/ rab gnon bcu'i gang yin pa de ni stobs mchog gcig gi yin no/ /stobs mchog bcu'i gang yin pa de ni sred med kyi bu'i stobs phyed do/ /sred med kyi bu'i stobs phyed gnyis gang yin pa de ni sred med kyi bu'i stobs yin te/ de de bzhin gshegs pa'i tshigs dang tshigs phran dag na yod pas gnas 'jog dag de bzhin gshegs pa dgra bcom pa yang dag par rdzogs pa'i sangs rgyas rnams ni sred med kyi bu'i stobs kyi tshogs can yin no/ /bar sdom la/ mi dang glang dang ba men dang ni de bzhin glang chen phru gu dang / /glang chen mo dang phal dang mche ba med dang de bzhin bzhi tshan dang / /'bigs byed glang chen spos kyi glang chen dang ni tshan po che gnyis dang / /rab gnon dang ni stobs mchog dag dang sred med bu yi stobs gnyis so/ / sred med kyi bu'i stobs gang lags pa 'di de bzhin gshegs pa'i yab dang yum las byung ba'i stobs lags na/ btsun pa yab dang yum las byung ba'i stobs dang ting nge 'dzin gyi stobs dang / mos pa'i stobs las stobs gzhan mchis lags sam/ gnas 'jog dag yod de/ 'di lta ste bsod nams kyi stobs zhes bya ba yin te/ gnas 'jog dag bsod nams kyi stobs dang ldan pas de bzhin gshegs pas byang chub kyi shing drung du bdud 'khor 'byung po bye ba sum bcu rtsa drug can bcom nas bla na med pa'i ye shes brnyes so/ /btsun pa yab dang yum las byung ba'i stobs dang / ting nge 'dzin gyi stobs dang / mos pa'i stobs dang / bsod nams kyi stobs 'di bas lhag pa'i stobs gzhan lta mchis lags sam/ gnas 'jog dag yod de/ 'di lta ste ye shes kyi stobs shes bya ba yin te/ ye shes kyi stobs dang ldan pas de bzhin gshegs pas thog ma med pa'i dus nas bsags pa'i nyon mongs pa'i tshogs bor spangs bsal te so sor spangs so/ /btsun pa yab dang yum las byung ba'i stobs dang ting nge 'dzin gyi stobs dang / mos pa'i stobs dang / bsod nams kyi stobs dang / ye shes kyi stobs 'di bas lhag pa'i stobs gzhan lta mchis lags sam/ gnas 'jog dag yod de/ 'di lta ste rdzu 'phrul gyi stobs shes bya ba yin te/ gnas 'jog dag rdzu 'phrul gyi stobs dang ldan pas de bzhin gshegs pas 'od srung rdzogs byed la sogs pa ston pa drug po thams cad mkhyen pa ma yin par thams cad mkhyen par mngon pa'i nga rgyal byed pa dag spobs pa med par byas so/ /btsun pa 'di ltar yab dang yum las byung ba'i stobs dang ting nge 'dzin gyi stobs dang / mos pa'i stobs dang / bsod nams kyi stobs dang / ye shes kyi stobs dang / rdzu 'phrul gyi stobs 'di bas lhag pa'i stobs gzhan lta mchis lags sam/ gnas 'jog dag yod de/ 'di lta ste mi rtag pa'i stobs shes bya ba yin te/ gnas 'jog dag mi rtag pa'i stobs dang ldan pas de bzhin gshegs pa'i yab dang yum las byung ba'i stobs gang yin pa dang / bsod nams kyi stobs gang yin pa dang / ting nge 'dzin gyi stobs gang yin pa dang / mos pa'i stobs gang yin pa dang / ye shes kyi stobs gang yin pa dang / rdzu 'phrul gyi stobs gang yin pa de dag thams cad shing sa la zung gi bar du gzi med par 'gyur ro/ tshigs su bcad de yang bka' stsal pa/ ye shes stobs dang bsod nams stobs dang ni/ /rdzu 'phrul stobs dang sku yi stobs pas kyang / /nga yi gzi brjid 'joms par byed pa yi/ /mi rtag nyid ni ches stobs ldan par 'dod/ /gang du gser gyi ri dbang rtse mo lta bur 'dug pa'i sku/ /'di 'dra mi rtag nyid kyi gzi yis bcom nas 'jig 'gyur ba/ /mi rtag shin tu stobs dang ldan par mkhas pas shes bya ste/ /gang du mi rtag nyid kyis rdzi ba med pa de thob bya// //'dul ba gzhi/ bam po sum bcu pa/ gnas 'jog dag da ltar gyi mi rnams tshe dang / kha dog dang / stobs dang / longs sbyod kyi bar dag nyams pa la ltos/ rdo 'di ni bskal pa dang po'i mi rnams kyi phang tshad kyi rdo yin te/ 'di la lag rjes kyang snang ngo / /de rnams shin tu ya mtshan skyes nas de rnams kyi stobs kyi dregs pa gang yin pa de med par gyur to/ /de nas bcom ldan 'das kyis gyad de rnams kyi bsam pa dang / bag la nyal dang / khams dang / rang bzhin mkhyen nas de dang 'thun pa'i 'phags pa'i bden pa bzhi rtogs par 'gyur ba'i chos bshad pa mdzad de/ de thos nas 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ de rnams kyis bden pa mthong nas lan gsum du ched du brjod pas ched du brjod pa/ btsun pa 'di lta bu ni bdag cag la mas ma bgyis te/ phas ma lags/ rgyal pos ma lags/ lha rnams kyis ma lags/ sngon gyi 'das pas ma lags/ dge sbyong dang bram zes ma lags/ sdug pas ma lags/ rang gi skye bo dang gnyen gyi tshogs kyis ma lags pa gang lags pa bdag cag la mdzad de/ bdag cag gis dge ba'i bshes gnyen bcom ldan 'das la brten nas sems can dmyal ba dang / dud 'gro dang / yi dags rnams kyi gnas nas ni rkang pa drangs/ lha dang mi rnams su ni rab tu bkod/ 'khor ba las ni ring du mdzad/ thog ma med pa nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du bgyis te/ btsun pa bdag cag ni 'phags so/ /mngon par 'phags so/ /de lta bas na bdag cag ni bcom ldan 'das dang / chos dang / dge slong gi dge 'dun la skyabs su mchi lags kyis/ bdag cag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo ku sha'i grong khyer gang na bar 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das grong khyer sdig can du ma bzhud par ku sha'i grong khyer gang na bar rgyu zhing gshegs te/ rim gyis rgyu zhing gshegs pa dang ku sha'i grong khyer du byon nas/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo ku sha'i grong khyer 'dir shing sA la zung gi bar du ring po mi thogs pa kho nar de bzhin gshegs pa yongs su mya ngan las 'da' bar 'gyur ro// // sdom la/ ste'u dang lhas bltas lum bi ni/ /ser skya dang ni shing 'da' dang / /gser thub zhing pa chos gos dang / /khrus dang bya can bcu tshogs yin/ /bcom ldan 'das sgra ngan na sgra ngan rnams kyi grong rdal khra bo 'dul na bzhugs so/ /de nas bcom ldan 'das kyis dge slong rnams la bka' stsal pa/ dge slong dag ngas zag pa zad pa shes shing mthong nas gsungs te/ rgyas par yang dag par ldan pa'i lung las phung po'i le'u las ste'u lta bu'i mdo 'byung ba yin no/ /lhas bltas su byon nas der tshe dang ldan pa kun dga' bo la 'di skad ces bka' stsal to/ /kun dga' bo lhas bltas 'dir shAkya shin tu blo gsal btsas te 'di nyid du chen por gyur to/ /lum bi nir gshegs nas de na tshe dang ldan pa kun dga' bo la bka' stsal pa/ kun dga' bo lum bi ni'i tshal 'di rang btsas nas ring po ma lon zhing sus kyang ma blangs par gom pa bdun bor nas ngas phyogs bzhir bltas te nga'i srid pa'i skye ba'i mtha' ni 'di yin no zhes tshig tu smras so/ /ser skya'i gnas su byon nas der tshe dang ldan pa kun dga' bo la bka' stsal pa/ kun dga' bo ser skya'i gnas 'dir rgyal po zas gtsang btsas te 'di nyid du chen por gyur to/ /shing bal gyi 'da' ba can du byon nas/ de nas bcom ldan 'das kyis dge slong rnams la bka' stsal pa/ dge slong dag chos ma yin pa dang / chos kyi 'khor bshad kyis de legs par rab tu nyon la yid la zung shig dang bshad do/ /chos ma yin pa'i 'khor gang zhe na/ 'khor gang zhig 'dun pas 'gro ba dang / zhe sdang dang / gti mug dang / 'jigs pas 'gro ba ste/ 'di ni chos ma yin pa'i 'khor zhes bya'o/ / chos kyi 'khor gang zhe na/ 'khor gang zhig 'dun pas 'gro ba ma yin/ zhe sdang gis ma yin/ gti mug gis ma yin/ 'jigs pas 'gro ba ma yin pa ste/ 'di ni chos kyi 'khor ces bya'o/ /dge slong dag ngas khyed la chos ma yin pa dang / chos kyi 'khor ngas bshad do zhes gang gsungs pa bshad pa ni de yin no/ /mtshams can gyi grong du byon nas/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo mtshams can gyi grong 'dir yang dag par rdzogs pa'i sangs rgyas gser thub bltams te/ 'di nyid du yongs su mya ngan las 'das so/ /zhing pa'i grong khyer du byon nas/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo nga byang chub sems dpar gyur pa na zhing pa'i grong 'dir yab zas gtsang gi las kyi mtha' rnams la bltas nas shing 'dzam bu'i grib ma la zag pa med pa dang 'dra ba bsam gtan dang po la snyoms par zhugs so/ /phyogs gzhan zhig na yang tshe dang ldan pa kun dga' bo la bka' stsal pa/ kun dga' bo phyogs 'dir yang dag par rdzogs pa'i sangs rgyas gser thub kyi na bza' chos gos brkyang ba yin no/ /khrus kyi grong du byon nas/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khrus kyi grong 'dir yang dag par rdzogs pa'i sangs rgyas gser thub kyis khrus mdzad pas de bas na 'di'i ming khrus kyi grong khrus kyi grong zhes bya bar grags so/ /bye ma can du byon nas bye ma can du shing 'dzeg gi shing lta bu'i mdo'i lam gyi tshogs rgyas par bsdus so// // sdom la/ 'dod pa 'thun dang shas che dang / /lo ma bdun dang 'char ka dang / /mnyan yod gdu bu sa can dang / /seng ge'i grong dang grong gsar dang / /grong khyer dang ni khre'u brtsegs/ /phyi ma n+ya gro d+ha grong ste/ /grong khyer de dag bcu gnyis gsungs/ /bcom ldan 'das 'dod pa 'thun pa na 'dod pa 'thun pa'i nags khrod na bzhugs so/ /de nas bcom ldan 'das kyis dge slong rnams la bka' stsal pa/ dge slong dag nga zla ba gsum po 'di la nang du yang dag 'jog par bzhed kyis/ nga la bsod snyoms stobs pa dang / bcwa lnga pa'i gso sbyong de nyid ma gtogs par dge slong su yang ma 'ong shig /bcom ldan 'das zla ba gsum po de la nang du yang dag 'jog la zhugs nas bsod snyoms stobs pa'i dge slong dang / bcwa lnga pa'i gso sbyong de nyid ma gtogs par dge slong su yang der mi 'gro'o/ / de nas bcom ldan 'das kyis zla ba gsum po de kho na 'das nas dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag khyed la gal te gzhan mu stegs can dang kun du rgyu rnams nye bar lhags nas 'di skad ces 'dri ste/ dge sbyong gau ta ma gnas pa gang zhig gis zla ba gsum po 'di la nang du yang dag bzhag par gyur ces 'dri na/ de skad ces dris pa la dbugs rngub pa dang 'byung bas bzhugs so zhes brjod par bya'o/ /de ci'i phyir zhe na/ dge slong dag nga ni zla ba gsum po 'di la dbugs rngub pa dang dbugs 'byung ba dran pa'i gnas pas nang du yang dag bzhag ste/ ngas dran bzhin du dbugs brngubs na yang dran bzhin du brngubs so snyam du yang dag pa ji lta ba bzhin du rab tu shes so/ /dran bzhin du dbugs phyung na yang dran bzhin du dbugs phyung ngo snyam du yang dag pa ji lta ba bzhin du rab tu shes so/ /ring po dang thung ngu dang / lus thams cad yang dag par myong nas dbugs brngubs na lus thams cad yang dag par myong nas dbugs brngubs so snyam du yang dag pa ji lta ba bzhin du rab tu shes so/ /lus thams cad yang dag par myong nas dbugs phyung na yang lus thams cad yang dag par myong nas dbugs phyung ngo snyam du yang dag pa ji lta ba bzhin du rab tu shes so/ /lus kyi 'du byed shin tu sbyangs nas dbugs brngubs pa dang / lus kyi 'du byed shin tu sbyangs nas dbugs phyung na yang dbugs phyung ngo dbugs brngubs so snyam du yang dag pa ji lta ba bzhin du rab tu shes so zhes bya ba nas/ 'gog par rjes su lta zhing dbugs phyung ngo snyam du yang dag pa ji lta ba bzhin du rab tu shes so zhes bya ba'i bar gong ma bzhin du'o/ /dge slong dag de la nga 'di snyam du sems te/ bdag gis gnas pa rags pa mngon par 'dus byas shing bsams kyis ma la bdag gis gnas pa de nyid las yang dag par 'das te bor nas ches phra ba 'dis lan mang du gnas par bya'o snyam nas/ ngas gnas pa de nyid las yang dag par 'da' bar bya ba'i phyir bor nas gnas pa ches phra ba 'dis lan mang du gnas so/ /de nas lha gsum zhig nga gang na ba der 'ongs te phyin nas lha gcig ni 'di skad ces/ dge sbyong gau ta ma nongs so zhes zer ro/ /gnyis pa ni 'di skad ces 'di nongs pa ni ma yin te/ 'on kyang nongs par mdzad pa yin no zhes zer ro/ /lha gsum pa ni 'di skad ces nongs pa yang ma yin nongs par mdzad pa yang ma yin te/ 'on kyang dgra bcom pa rnams kyi gnas pa ni 'di lta bur zhi ba kho na yin no zhes zer ro/ /dge slong dag gang yang dag par smra ba na 'phags pa'i gnas pa dang / lha'i gnas pa dang / tshangs pa'i gnas pa dang / mi slob pa'i gnas pa zhes bya bar smra bar 'gyur ba gang yin pa de ni de bzhin gshegs pa'i gnas pa yin te/ slob pa'i gang zag rnams ma thob pa thob par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba'i phyir zhugs pa yin/ mi slob pa'i gang zag rnams mthong ba'i chos kho na la bde bar gnas par bya ba'i phyir zhugs pa yin no/ /de yang dag par smra ba na dbugs rngub pa dang / dbugs 'byung ba'i dran pas gnas pa smra bar 'gyur ro/ /de ci'i phyir zhe na/ dge slong dag dbugs rngub pa dang / 'byung ba dran pas gnas pa ni 'phags pa'i gnas pa dang zhes bya ba nas/ mi slob pa rnams mthong ba'i chos la bde bar gnas pa'i phyir zhugs pa yin no zhes bya ba'i bar gong ma bzhin du'o/ /bcom ldan 'das ko sa la nas ljongs rgyu zhing gshegs pa na 'dod pa 'thun par byon nas/ 'dod pa 'thun pa na 'dod pa 'thun pa'i nags khrod na bzhugs so/ /de'i tshe bram ze pad ma'i snying po zhes bya ba la ko sa la'i rgyal po gsal rgyal gyis dpya rgyu rtswa dang / shing dang / chur bcas par bram ze'i sbyin gtong du byin nas shas chen po rgyas pa la longs spyod do/ / bram ze pad ma'i snying po'i slob ma bram ze'i khye'u ma sdug ces bya ba mang du thos pa/ tshig gsal ba/ thags thogs med par smra ba zhig yod de/ bram ze pad ma'i snying po'i bram ze'i khye'u lnga brgya la bram ze rnams kyi gsang tshig 'don du 'jug go/ /bram ze pad ma'i snying pos dge sbyong gau ta ma shAkya'i sras shAkya'i rigs las skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung ba de bla na med pa yang dag par rdzogs pa'i byang chub tu mngon par rdzogs par sangs rgyas nas shes ldan gau ta ma de'i dge ba dang / grags pa dang sgra dang / tshigs su bcad pa rgya chen po 'di lta bu 'di phyogs dang phyogs mtshams su grags te 'di ltar bcom ldan 'das gau ta ma de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das de ni 'jig rten lha dang bcas/ bdud dang bcas/ tshangs pa dang bcas dge sbyong dang bram ze'i skye dgu dang bcas/ lha dang mi'i skye dgu dang bcas pa 'di la mthong ba'i chos kho na la rang nyid kyis mngon par shes pas mngon sum du byas te bsgrubs nas ni nga'i zag pa zad do/ /tshangs par spyod pa la bsten to/ /bya ba byas so/ /'di las srid pa gzhan mi shes so/ /zhes go bar byed pa de gsang tshig las kyang 'byung ste/ skyes bu chen po'i mtshan sum bcu rtsa gnyis po de dag dang ldan pa'i skyes bu chen po'i 'gro ba ni gnyis las gzhan du mi 'gyur te/ gal te khyim na gnas na ni 'khor los sgyur ba'i rgyal po mtha' bzhir rnam par rgyal ba chos dang ldan pa chos kyi rgyal po rin po che sna bdun dang ldan par 'gyur te/ de'i rin po che sna bdun ni 'di lta bu dag yin te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa ni blon po rin po che nyid yin no/ /de la yang bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong yang tshang bar 'byung bar 'gyur zhing de rgya mtsho la thug pa'i sa chen po ma lus pa gnod par sdo ba med cing 'tshe ba med pa 'di nyid chad pa med cing mtshon gyis bda' ba med la chos dang 'thun zhing snyoms pas legs par phab ste gnas par 'gyur ro/ /gal te skra dang kha spu bregs nas gos ngur smrig bgos te/ dad pa yang dag pa kho nas khyim nas khyim med par rab tu byung na ni de bzhin gshegs pa dgra bcom pa yang dag par rdzogs pa'i sangs rgyas shes bya bar 'jig rten du sgra rnam par grags par 'gyur ba de ko sa lar ljongs rgyu zhing gshegs pa na 'dod pa 'thun par byon nas/ 'dod pa 'thun pa na 'dod pa 'thun pa'i nags khrod na bzhugs so zhes thos so/ /thos nas kyang bram ze'i khye'u ma sdug la smras pa/ ma sdug shes sam/ kho bos dge sbyong gau ta ma shAkya'i sras shAkya'i rigs las skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung nas zhes bya ba nas/ tshangs par spyod pa rab tu ston to zhes bya ba'i bar du ste/ kho bos de gsang tshig dag las bton pa skyes bu chen po'i mtshan sum bcu rtsa gnyis po de dag dang ldan pa'i skyes bu chen po'i 'gro ba ni gnyis las gzhan du mi 'gyur te/ gal te khyim na gnas na ni 'khor los sgyur ba'i rgyal po mtha' bzhir rnam par rgyal ba chos dang ldan pa chos kyi rgyal po zhes bya ba nas/ 'jig rten du sgra rnam par grags par 'gyur ro zhes bya ba'i bar du ste/ de ko sa la nas ljongs rgyu zhing gshegs pa na 'dod pa 'thun par byon nas/ 'dod pa 'thun pa na 'dod pa 'thun pa'i nags khrod na bzhugs so zhes thos kyis bram ze'i khye'u tshur/ khyod shes ldan gau ta ma gang na ba der song shig dang / phyin nas ji ga shes ldan gau ta ma de'i dge ba dang / grags pa dang / sgra dang / tshigs su bcad pa rgya chen po phyogs dang phyogs mtshams su ji ltar grags pa de kho na bzhin yin nam ma yin pa dang / de'i mtshan rnams grags pa yang dag pa yin nam ma yin pa rang nyid kyis rab tu shes par 'gyur grang bram ze'i khye'u ma sdug gis bram ze pad ma'i snying po'i ltar mnyan nas shas che ba'i bram ze rgan rabs rgan rabs mang po dang lhan cig tu shas che ba nas byung nas/ bcom ldan 'das gang na ba der dong ste lhags nas phyogs gcig tu 'dug go de nas shas che ba'i bram ze rgan rabs rgan rabs rnams bcom ldan 'das dang lhan cig mngon du yang dag par dga' bar 'gyur ba dang yang dag par mgu bar 'gyur ba'i gtam sna tshogs byas te phyogs gcig tu 'dug go/ /phyogs gcig tu 'dug nas bcom ldan 'das kyis shas che ba'i bram ze rgan rabs rgan rabs rnams la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng stod par mdzad/ yang dag par rab tu dga' bar mdzad de/ bcom ldan 'das shas che ba'i bram ze rgan rabs rgan rabs rnams la chos dang ldan pa'i gtam gsung ba na bram ze'i khye'u ma sdug mchil lham dang bcas pas 'chag cing glo bur du gtam dag gleng bar byed la/ gtam mthar phyin par mi sdod par ma gus pas snyems shing bzlogs par sems so/ /de nas bcom ldan 'das kyis bram ze'i khye'u ma sdug la 'di skad ces bka' stsal to/ /bram ze'i khye'u khyod bram ze gsum rig pa rnams dang lhan cig glo bur gyi gtam de lta bu smra 'am/ kye dge sbyong gau ta ma gtam ji lta bu zhig ji ltar de bzhin gshegs pa shas che ba'i bram ze rgan rabs rgan rabs rnams la chos dang ldan pa'i gtam gsung ba na khyod mchil lham dang bcas pas 'chag cing glo bur du gtam dag gleng bar byed la/ gtam mthar phyin par mi sdod par ma gus pas snyems shing slar bzlogs par sems pa lta bu'o/ /kye gau ta ma bram ze 'gro ba rnams ni bram ze 'gro ba rnams dang / 'greng ba rnams ni 'greng ba rnams dang / 'dug pa rnams ni 'dug pa rnams dang / nyal ba rnams ni nyal ba rnams dang phan tshun legs par smra'i dge sbyong mgo reg nag po'i rtsa lag pho reng gang dag yin pa de dag dang ni kho bo lhan cig tu 'di lta bu'i glo bur gyi gtam gleng du rung ste/ dper na da ltar shes ldan gau ta ma dang gleng ba bzhin no/ /bram ze'i khye'u khyod don du gnyer ba la zhugs nas 'dir 'ongs na de lta bu ni bsnyen bkur ma byas pa las gzhan la med par bram ze'i khye'u ma sdug ni bla ma'i tshogs dag la bsnyen bkur ma byas pa zhig yin blta/ de nas bcom ldan 'das kyis bram ze'i khye'u ma sdug la/ bkur sti med pa'i tshig gis spyos pa na khros 'khrugs nangs zhing yid ma rangs nas bcom ldan 'das la kha bya bar 'dod/ spobs par 'dod/ brtsad par 'dod de/ 'di tsam gyis dge sbyong gau ta ma la kha bya ba dang / spobs pa dang brtsad pa dang / dran par byas par 'gyur ro snyam du rig nas bcom ldan 'das la 'di skad ces gsol to/ /kye gau ta ma shAkya 'di dag ni da byung kho na yin te/ da byung gi rigs yin pas bram ze rnams la bla ma dang ri mo dang / mchod pa mi byed do/ /ci bram ze'i khye'u khyod la shAkya rnams kyis gnod pa cung zad byas sam kye gau ta ma dus gcig gcig na bdag nyid dang mkhan po'i bya ba zhig la grong khyer ser skya'i gzhir rkang pas phyin pa na de na bdag la shAkya rnams dang shAkya mo rnams khang bzangs kyi steng du song nas mdzub ker gyis ston par byed de/ e ma'o bram ze pad ma'i snying po'i slob ma bram ze'i khye'u ma sdug yin no/ /bram ze pad ma'i snying po'i slob ma bram ze'i khye'u ma sdug yin no/ /zhes de dag bdag la mdzub ker kho nas ston par byed kyi bdag la bkur sti dang / bla ma dang ri mo dang mchod pa ni mi byed do bram ze'i khye'u re shig bye'u khug sta yang rang gi tshang na 'dug nas ji skad 'dod par skad 'byin na shAkya rnams lta smos kyang ci dgos/ bram ze'i khye'u 'di lta ste grong khyer ser skya'i gzhi 'di na shAkya rnams kyi rang gi yin no/ /kye gau ta ma rigs ni 'di bzhi ste/ bram ze dang rgyal rigs dang rje'u rigs dang dmangs rigs so/ /kye gau ta ma rigs bzhi po 'di dag ni bram ze rnams la bkur sti byed/ bla mar byed/ ri mor byed mchod par byed do 'on kyang shAkya 'di dag ni da byung kho na yin te da byung gi rigs yin pas bram ze rnams la bkur sti dang bla mar mi byed/ ri mor mi byed/ mchod par mi byed do/ /de nas bcom ldan 'das 'di snyam du dgongs te/ kye ma bram ze'i khye'u ma sdug 'di shAkya rnams la e ma'o shAkya rnams ni da byung yin no/ /e ma'o shAkya rnams ni da byung gi rigs yin pas shes da byung yin par ha cang kha zer bas/ ma la ngas 'di'i sngon gyi rigs brgyud pa btsal lo snyam nas/ bcom ldan 'das kyis bram ze'i khye'u ma sdug gi sngon gyi rigs brgyud pa btsal ba dang / bram ze'i khye'u ma sdug ni shAkya rnams kyi bran mo'i bur gyur la/ shAkya rnams ni de'i jo bo'i bur gyur par gzigs so/ /de nas bcom ldan 'das kyis bram ze'i khye'u ma sdug la 'di skad ces bka' stsal to/ /bram ze'i khye'u khyod kyi rigs ci yin/ gau ta ma mig mi 'dzums kyi bu'o/ /bram ze'i khye'u 'di nas ngas khyod kyi sngon gyi rigs brgyud pa btsal na khyod ni shAkya rnams kyi bran mo'i bur gyur par mthong ngo / /de nas shas che ba'i bram ze rgan rabs rgan rabs rnams kyis bcom ldan 'das la 'di skad ces gsol to/ /kye gau ta ma khyod bram ze'i khye'u ma sdug la bran mo'i bu zhes tshig tu ma gsung shig /de ci'i slad du zhe na/ bram ze'i khye'u ma sdug ni mang du thos pa/ tshig gsal ba/ thags thogs med par smra ba ste/ bram ze'i khye'u ma sdug gis gzhi 'di la shes ldan gau ta ma la chos dang 'thun pas lan gdab par rngo thog go/ /bram ze dag gal te khyed cag 'di snyam du bram ze'i khye'u ma sdug nga la chos dang 'thun pas lan ldon nus so snyam du sems na/ khyed cag cang mi smra bar bram ze'i khye'u ma sdug gzhi 'di la nga la chos dang 'thun pas lan 'debs su chug shig /bram ze dag khyed cag gal te 'di snyam du bram ze'i khye'u ma sdug gzhi 'di la nga la chos dang 'thun pas lan 'debs mi nus so snyam du sems na/ bram ze'i khye'u ma sdug cang ma smra bar khyed kyis gzhi 'di la nga la chos dang 'thun pas lan thob shig /kye gau ta ma bram ze'i khye'u ma sdug nyid mang du thos pa/ tshig gsal ba/ thags thogs med par smra ba lags te/ bram ze'i khye'u ma sdug gis gzhi 'di la shes ldan gau ta ma la chos dang 'thun pas lan gdab par rngo thog gi gzhan gyis ni ma lags so/ /de nas bcom ldan 'das kyis bram ze'i khye'u ma sdug la 'di skad ces bka' stsal to/ /bram ze'i khye'u sngon byung ba rgyal po bu ram shing skyes zhes bya ba zhig byung ste/ rgyal po bu ram shing skyes la bu bzhi yod pa skar mda'i gdong dang / lag rna dang / glang po che'i thal gong dang / rkang rgyan ldan no/ /rgyal po bu ram shing skyes des nyes pa 'ga' zhig gi phyir spyugs nas de dag rang rang gi sring mo khrid de yul 'khor gzhan dang / yul gzhan du dong nas rim gyis gangs can gyi phyogs chu bo skal ldan shing rta'i 'gram na zhes bya ba nas/ khye'u dang bu mo dag btsas so zhes bya ba'i bar du'o/ /de nas rgyal po bu ram shing skyes kyis blon po rnams la smras pa/ kye grong pa dag gzhon nu rnams de ltar byed phod dam/ lha rngo thog lags so/ /de nas rgyal po bu ram shing skyes ro stod bstod nas lag pa g.yas pa brkyang ste ched du brjod pas ched du brjod pa/ kye ma'o gzhon nu rnams kyis phod do/ /zhes sems can dbang che bar grags pas gzhon nu rnams kyis phod do zhes tshig tu smras pas shAkya shAkya zhes bya bar grags so/ /bram ze'i khye'u khyod kyis shAkya rnams de las skyes pas mgo 'dzugs pa de yin pa dang / de dag gi rigs rgyud de yin par cung zad thos sam/ gau ta ma bdag gis shAkya rnams de las skyes pas mgo 'dzugs pa de yin pa dang / de dag gi rigs rgyud de yin par thos so/ /bram ze'i khye'u rgyal po bu ram shing skyes kyi bran mo sdo phod ma zhes bya ba gzugs bzang ba blta na sdug pa/ mdzes pa zhig yod pa dang / drang srong gdol pa'i rigs shig dang lhan cig 'dus nas de gnyis 'dus pa las khye'u zhig btsas so/ /gzhon nu btsas ma thag tu tshig tu yum re shig bdag dril phyi dang bkru ba gyis la mi gtsang ba las thar bar gyis shig ces smras so/ /de'i tshe na sha za rnams kyi ming mig 'dzums kyi bu zhes bya ba la gzhon nu btsas ma thag tu tshig tu yum bdag re shig dril phyi dang mi gtsang ba las thar bar gyis shig ces smras pa dang / kye ma'o mig 'dzums kyi bu zhig skyes so zhes mig 'dzums kyi bu mig 'dzums kyi bu zhes bya bar grags so/ /bram ze'i khye'u khyod kyis mig 'dzums kyi bu rnams de las skyes pas mgo 'dzugs pa de yin pa dang / de dag gi rigs rgyud de yin par cung zad thos sam/ de skad ces bka' stsal pa dang / bram ze'i khye'u ma sdug cang mi smra'o/ /lan gnyis lan gsum du yang bcom ldan 'das kyis bram ze'i khye'u ma sdug la 'di skad ces bka' stsal to/ /bram ze'i khye'u khyod kyis mig 'dzums kyi bu rnams de las skyes pas mgo 'dzugs pa de yin pa dang de dag gi rigs rgyud de yin par cung zad thos sam/ lan gnyis lan gsum du yang bram ze'i khye'u ma sdug cang mi smra'o/ /de nas gnod sbyin lag na rdo rje rdo rje 'bar ba/ rab tu 'bar ba/ kun du rab tu 'bar ba/ me lce gcig tu gyur cing 'bar ba bram ze'i khye'u ma sdug gi mgo bo'i steng na 'dzin cing / gal te bram ze'i khye'u ma sdug la bcom ldan 'das kyis lan gsum gyi bar du rma ba rmas pa las rna la gzon cing lan ma gsol bar gyur na/ rdo rje 'bar ba rab tu 'bar ba kun du rab tu 'bar ba me lce gcig tu gyur cing 'bar ba 'dis spyi bo tshal pa bdun du dgas par bya'o snyam pa dang / gnod sbyin lag na rdo rje de bcom ldan 'das kyis gzigs nas/ sangs rgyas kyi mthus bram ze ma sdug gis kyang mthong ngo / /de nas bram ze ma sdug sngangs skrag bred cing spu zing zhes byed nas bcom ldan 'das la 'di skad ces gsol to/ /kye gau ta ma mig 'dzums kyi bu rnams de las skyes pas mgo 'dzugs pa de lags pa dang / de dag gi rigs rgyud de lags par bdag gis thos lags so/ /de nas shas che ba'i bram ze rgan rabs rgan rabs rnams 'di snyam du sems te/ btsun pa gau ta mas 'di skad ces/ bram ze'i khye'u ma sdug ni shAkya rnams kyi bran mo'i bu nyid yin la shAkya rnams ni de'i jo bo'i bu yin no/ / zhes gsungs pa gang yin pa bden na bdag cag shes ldan gau ta mas gsungs pa la yid ma ches par zad do snyam mo/ /de nas bcom ldan 'das kyis shas che ba'i bram ze rgan rabs rgan rabs rnams la 'di skad ces bka' stsal to/ /khyed cag bram ze'i khye'u ma sdug la bran mo'i bu zhes ha cang tshig tu ma smra shig de ci'i phyir zhe na/ 'di de'i tshe drang srong rdzu 'phrul che ba mthu che ba zhig tu gyur pa las rgyal po bu ram shing skyes kyis nyes pa 'ga' kho na'i phyir bram ze'i chad pas bcad do/ /bram ze'i chad pas bcad pa dang / phyis rgyal po bu ram shing skyes 'jigs skrag bred spu zing zhes byed nas lag pa g.yon pas bu mo chen mo rgyan thams cad kyis brgyan pa bzung / lag pa g.yas pas gser gyi bya ma bum thogs te/ drang srong de la chung mar byin na drang srong gis de ma blangs so/ /de nas bcom ldan 'das kyis bram ze'i khye'u ma sdug la bran mo'i bu yin no zhes bka' stsal pas zhum zhum por gyur nas phrag pa bcum mgo smad de spobs pa med cing gtad khongs su chud nas cang mi smra bar gyur to/ /de nas bcom ldan 'das 'di snyam du dgongs te/ bram ze'i khye'u ma sdug 'di bran mo'i bu yin no zhes ngas tshig tu smras pas zhum zhum por gyur nas phrag pa bcum mgo smad de spobs pa med cing gtad khongs su chud nas cang mi smra bar gyur gyis ma la ngas 'di la phyi nas gtam 'dre bar bya'o snyam du dgongs nas bram ze'i khye'u ma sdug la 'di skad ces bka' stsal to/ /bram ze'i khye'u dper na rgyal rigs gzhon nu dang bram ze'i bu mo lhan cig 'dus par gyur te de gnyis lhan cig 'dus pa las khye'u zhig btsas na/ de bram ze rnams las stan nam chu 'am gsang tshig gam gdon pa 'thob 'am kye gau ta ma 'thob lags so de la rgyal rigs rnams kyis rgyal rigs kyi dbang bskur bas dbang skur ram/ kye gau ta ma dbang skur lags te/ de ci'i slad du zhe na/ spun gyi bu lags pas rgyal rigs rnams kyis tsha bo dbang skur lags so/ /bram ze'i khye'u dper na bram ze gzhon nu dang rgyal rigs kyi bu mo lhan cig 'dus par gyur la de gnyis lhan cig 'dus pa las khye'u zhig btsas na/ de bram ze rnams las stan nam chu 'am gsang tshig gam/ gdon pa 'thob 'am/ kye gau ta ma 'thob lags so/ /de la rgyal rigs kyis dbang bskur bas dbang skur ram/ kye gau ta ma dbang skur lags te/ de ci'i slad du zhe na/ tsha bo lags pa'i slad du rgyal rigs rnams kyis tsha bo dbang skur lags so/ /bram ze'i khye'u dper na rgyal rigs gzhon nu rgyal rigs dag gis nyes pa 'ga' kho na'i phyir spyugs par gyur na/ de bram ze rnams las stan nam chu 'am gsang tshig gam/ gdon pa 'thob bam kye gau ta ma 'thob lags so/ /de la rgyal rigs kyi dbang bskur bas dbang skur ram/ kye gau ta ma dbang skur te/ de ci'i slad du zhe na/ phu nu bo lags pa'i slad du rgyal rigs rnams kyis phu nu bo dbang skur lags so/ /bram ze'i khye'u dper na bram ze'i gzhon nu bram ze rnams kyis nyes pa 'ga' kho na'i phyir spyugs par gyur na/ des bram ze rnams las stan nam chu 'am gsang tshig gam gdon pa 'thob bam kye gau ta ma mi 'thob lags so/ /de rgyal rigs rnams kyis rgyal rigs kyi dbang bskur bas dbang skur ram/ kye gau ta ma dbang mi skur te/ de ci'i slad du zhe na/ bram ze gdol pa lags pa'i slad du rgyal rigs rnams bram ze gdol pa la dbang mi skur lags so/ /bram ze'i khye'u de ltar na rus dang rigs dang gnad kyis rgyal rigs kyi rigs mchog yin gyi/ bram ze ni ma yin no bram ze'i khye'u tshangs pa mi mjed kyi bdag pos tshigs su bcad de smras pa/ rus dang 'brel pa gang yin pa'i/ /rgyal rigs rkang gnyis nang na btsun/ /lha dang mi rnams nang na yang / /rig dang zhabs su ldan pa btsun/ /bram ze'i khye'u tshangs pa mi mjed kyi bdag po des tshigs su bcad de 'di skad ces/ rus dang 'brel pa gang yin pa'i/ /rgyal rigs rkang gnyis nang na btsun/ /lha dang mi rnams nang na yang / /rig dang zhabs su ldan pa btsun/ /zhes smras pa ni legs par smras pa yin gyi nyes par smras pa ma yin/ legs par bsnyad pa yin gyi nyes par bsnyad pa ma yin no/ /de ci'i phyir zhe na/ bram ze'i khye'u nga yang 'di skad ces/ rus dang 'brel pa gang yin pa'i/ /rgyal rigs rkang gnyis nang na btsun/ /lha dang mi rnams nang na yang / /rigs dang zhabs su ldan pa btsun/ /zhes gsung ngo / /bram ze'i khye'u ji snyam du sems/ gang na bag ma len pa dang / bag ma gtong ba yod pa de nas bram ze rnams kyis stan nam chu 'am gsang tshig gam/ gdon pa 'thob bam/ kye gau ta ma gang na bag ma len pa dang / bag ma gtong ba mchis pa de nas bram ze rnams kyis stan nam chab bam gsang tshig gam/ gdon pa 'thob lags so/ /bram ze'i khye'u gang na bag ma len pa dang bag ma gtong ba yod pa de na rigs kyis snyems pa yang yod rus kyis snyems pa yang yod bram ze'i bu'i snyems pa yang yod do/ /bram ze'i khye'u sems can rigs kyi snyems pas rnam par bcings pa dang / rus kyi snyems pas rnam par bcings pa dang / bram ze'i bu'i snyems pas rnam par bcings pa ji snyed pa de dag rig pa dang zhabs su ldan pa bla na med pa 'di nyid mngon sum du ma byas pa mngon sum du bya ba'i skal ba med kyi bram ze'i bu rigs kyi snyems pa spangs rus kyi snyems pa spangs/ bram ze'i bu'i snyems pa spangs na de ltar na rig pa dang zhabs su ldan pa bla na med pa 'di nyid mngon sum du ma byas pa mngon sum du byed par 'gyur ro/ /shes ldan gau ta ma la bdag gang sngon yang ma byung phyis kyang mi 'byung / da ltar na yang ma mchis pa de lta bur dad pa lags kyi shes ldan gau ta mas bdag la ji ltar rig pa dang zhabs 'tshal bar 'gyur ba de ltar chos bshad du gsol/ bram ze'i khye'u de'i phyir legs par rab tu nyon la yid la zung shig dang bshad do/ / bram ze'i khye'u 'di la ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa skyes bu 'dul ba'i kha lo sgyur ba bla na med pa lha dang mi rnams kyi ston pa/ sangs rgyas bcom ldan 'das 'jig rten du byung ste/ des chos bshad pa ni thog mar dge ba/ bar du dge ba tha mar dge ba don bzang po tshig 'bru bzang po ma 'dres pa yongs su rdzogs pa yongs su dag pa/ rnam par byang ba tshangs par spyod pa rab tu ston te/ chos de khyim bdag gam khyim bdag gi bus mnyan nas/ des chos de thos nas dad pa so sor rnyed do dad pa so sor rnyed pa de dag dang ldan pas 'di la so sor yang dag par slob par byed de khyim gyi gnas ni nyam nga ba rdul dag gi gnas yin no/ /rab tu byung ba ni bla gab med pa yin na/ khyim pa khyim na gnas pa rnams kyis ji srid 'tsho'i bar du tshangs par spyod pa gcig tu sal gyis dag pa/ yongs su rdzogs pa yongs su dag pa rnam par byang ba 'di spyad par dka'/ ma la bdag gis skra dang kha spu bregs la gos ngur smrig bgos te dad pa yang dag pa kho nas khyim nas khyim med par rab tu byung ngo snyam nas de de bzhin rab tu byung nas tshul khrims la gnas pa yin te/ so sor thar pa'i sdom pas bsdams pa yin/ spyod pa dang spyod yul phun sum tshogs pas tha na kha na ma tho ba phra mo tsam la yang 'jigs par lta ba yin/ bslab pa'i gzhi rnams blangs te slob pa yin no/ /de srog gcod pa spangs nas srog gcod pa las slar log pa yin te chad pa spangs pa yin/ mtshon cha spangs pa yin 'dzem pa dang snying rjer ldan pa yin/ sems can srog chags su gyur pa thams cad la chung ngu na srog chags grog sbur yan chad srog gcod pa las slar log pa yin no de ma byin par len pa spangs nas ma byin par len pa las slar log pa yin te/ byin pa len pa yin byin pa la dga' ba yin/ sbyin pa lhug par gtong ba la dga' ba yin te rkun ma ma yin 'dod chen can ma yin/ gtsang ba yin/ bdag nyid bsrungs pas ma byin par len pa las slar log pa yin no/ /de mi tshangs par spyod pa spangs nas mi tshangs par spyod pa las slar log pa yin te/ tshangs par spyod pa yin/ spyod pa ngan pa spangs pas dag pa yin/ gtsang ba yin/ dri nga ba med pa yin/ 'khrig pa dang bral ba yin/ smad rims kyi chos dang bral ba yin/ mi tshangs par spyod pa las slar log pa yin no/ /de brdzun du smra ba spangs nas brdzun du smra ba las slar log pa yin te/ bden pa smra ba yin/ bden pa la dga' ba yin/ mnyan par 'os pa yin/ yid ches pa yin brtan pa yin/ 'jig rten la mi slu ba yin/ brdzun du smra ba las slar log pa yin no/ /de phra ma spangs nas phra ma las slar log pa yin te/ de tshu bi dag las mnyan te de dag dbye ba'i phyir pha bi dag la smra ba ma yin/ pha bi dag las mnyan te de dag dang dbye ba'i phyir tshu bi dag la smra ba ma yin/ bye ba rnams sdums byed pa yin/ 'thun pa rnams la gzeng stod pa yin/ 'thun pa la dga' ba yin/ 'thun pa la mgu ba yin/ 'thun par byed pa'i tshig smra ba yin/ phra ma las phyir log pa yin no/ /de tshig rtsub po spangs nas tshig rtsub po las phyir log pa yin te/ de gang la yang tshig gdug pa dang / rtsub pa dang / pha rol la mi snyan pa dang / pha rol spa 'gong bar byed pa dang / skye bo mang po'i yid la mi 'thad pa dang / skye bo mang po'i snying du mi sdug pa dang / skye bo mang po mi dga' ba dang / skye bo mang po'i yid du mi 'ong ba dang mnyam par bzhag pa ma yin pa dang mnyam par 'jog par 'gyur ba ma yin pa de lta bu'i tshig spangs pa yin/ mi tshugs pa dang / rnar snyan pa dang snying tshim par byed pa dang / dga' bar byed pa dang / grong khyer ba dang / snyan cing 'jebs pa dang / rnam par gsal ba dang / rnam par rig par byed pa dang / mnyan par 'os pa dang / mi rten pa dang / 'gal ba ma yin pa dang / thug pa med pa dang / skye bo mang po la sdug pa dang skye bo mang po mgu ba dang / skye bo mang po dga' ba dang / skye bo mang po'i yid du 'ong ba dang / mnyam par bzhag pa dang mnyam par 'jog par 'gyur ba de lta bu'i tshig smra ba dang de tshig rtsub po spangs nas tshig rtsub po las slar log pa yin no/ /de tshig kyal pa spangs nas tshig kyal pa las slar log pa yin te/ de dus su smra ba yin/ yang dag par smra ba yin/ de kho na nyid smra ba yin/ don smra ba yin/ chos smra ba yin/ rtogs pa smra ba yin/ khong du chud par byed pa'i tshig smra ba yin te/ dus su dang 'dren ma ma yin pa dang gleng gzhi dang bcas pa dang / dan rtags dang bcas pa dang / chos dang don dang ldan pa yin te/ tshig kyal pa spangs nas tshig kyal pa las slar log pa yin no/ /de nyo tshong spangs nas nyo tshong las slar log pa yin te/ de gzhal glugs la g.yo byed pa dang / srang la g.yo byed pa dang / tshad la g.yo byed pa spangs nas gzhal glugs la g.yo byed pa dang srang la g.yo byed pa dang / tshad la g.yo byed pa las slar log pa yin no/ /de gsug len pa dang 'drid pa dang / bsdigs nas rang gir byed pa spangs nas gsug len pa dang / 'drid pa dang / bsdigs nas rang gir byed pa las slar log pa yin no/ /de gsad pa dang / bcing ba dang / bcad pa dang / dbug pa dang / brdeg pa'i bsam pa spangs nas gsod pa dang / 'ching ba dang / gcod pa dang / 'bigs pa dang rdeg pa nyams su myong bar byed pa las slar log pa yin no/ /de 'od dang bud med can dang lhan cig tu nyal ba spangs nas 'od dang / bud med can dang lhan cig tu nyal ba las slar log pa yin no/ /de zhing gi gzhi dang / khyim gyi gzhi dang / tshong khang gi gzhi len pa spangs nas/ de zhing gi gzhi dang / khyim gyi gzhi dang / tshong khang gi gzhi len pa las slar log pa yin no/ / de glang po che dang / rta dang / ba lang dang / lug dang / bya gag dang / phag len pa las slar log pa yin no/ /de bran pho dang / bran mo dang / zho shas 'tsho ba len pa las slar log pa yin no/ /de chung ma dang bu pho dang bu mo len pa spangs nas/ chung ma dang / bu pho dang / skyes pa dang / khye'u dang / bu mo len pa las slar log pa yin no/ /de gser dang dngul len pa spangs nas/ gser dang dngul len pa las slar log pa yin no/ /de 'bru ma nyams pa len pa spangs nas/ 'bru ma nyams pa len pa las slar log pa yin no/ /de za gcig pa yin te/ nub mo'i spangs shing dus ma yin pa'i kha zas spangs pa yin/ dus su rgyu zhing dus su spyod pas sbyor ba la brtson pa yin/ de lus kyi bgo ba ran pas chog shes shing tshod zin pa yin/ bsod snyoms lto 'drangs kyis chog shes shing tshod zin pa yin no/ /de lus kyi bgo ba ran pas chog shes shing tshod zin pa yin zhing / bsod snyoms lto 'drangs kyis chog shes shing tshod zin pa yin pas gang dang gang du 'gro ba na lhung bzed dang bcas/ chos gos dang bcas pas 'gro'o/ /dper na 'dab chags bya gang dang gang du lding ba der 'dab ma dang chas gshog pa dang chas te lding ba de bzhin du de lus kyi bgo ba ran pas chog shes shing tshod zin pa yin/ bsod snyoms lto 'drangs kyis chog shes shing tshod zin pa yin no/ /de lus kyi bgo ba ran pas chog shes shing tshod zin pa yin zhing bsod snyoms lto 'drangs kyis chog shes shing tshod zin pa yin te/ ma sdug 'di ltar yang dge sbyong dang bram ze kha cig dad pas byin pa dag spyad nas sa bon gyi tshogs dang / 'byung po'i tshogs dang / sna tshogs rtsom pa la sbyor bar brtson pas gnas pa 'di lta ste/ rtsa ba'i sa bon dang / sdong bu'i sa bon dang / thor to'i sa bon dang / bkas pa'i sa bon dang / lnga pa ni sa bon gyi sa bon nyid de/ dge sbyong dang / bram ze rnams kyi sa bon gyi tshogs dang / 'byung po'i tshogs sna tshogs rtsom pa la sbyor bar brtson pa de lta bu las slar log pa yin no/ /ma sdug 'di ltar yang dge sbyong ngam bram ze kha cig dad pas byin pa dag spyad nas sogs 'jog sna tshogs rtsom pa la sbyor bar brtson pas gnas pa 'di lta ste/ zas kyi sogs 'jog dang / skom gyi sogs 'jog dang / dri'i sogs 'jog dang / ro'i sogs 'jog dang / lo ma'i sogs 'jog dang / me tog gi sogs 'jog dang / 'bras bu'i sogs 'jog dang / dge sbyong dang bram ze rnams kyi sogs 'jog sna tshogs rtsom pa la sbyor bar brtson pa de lta bu las slar log pa yin no// //'dul ba gzhi/ bam po sum bcu rtsa gcig pa/ ma sdug 'di ltar yang dge sbyong dang bram ze kha cig dad pas byin pa dag spyad nas gnas mal mthon po dang / gnas mal chen po sna tshogs rtsom pa la sbyor bar brtson pas gnas par byed pa 'di lta ste/ stan dang / khri dang / khri snam bu can dang / ras kyi snam bu can dang / be'u ras kyis g.yogs pa dang / ras yug chen gyis g.yogs pa dang / ras khra bos g.yogs pa dang / pa le la'i ras kyis g.yogs pa dang / glang po che'i 'thab stan dang / rta'i 'thab stan dang / ngos gcig bal las byas pa dang / ngos gnyis ka bal las byas pa dang / stod bal las byas pa dang / rgyab bal las byas pa dang / bal las byas pa dang / ka ling ka'i gos kyi steng g.yogs pa dang / g.yogs dang bcas pa'i gos dang / phyogs gnyis su sngas dmar po las byas pa ste/ dge sbyong dang bram ze rnams kyi gnas mal mthon po dang / gnas mal chen po rtsom pa la sbyor ba de lta bu las slar log pa yin no/ /ma sdug 'di ltar yang dge sbyong ngam bram ze kha cig dad pas byin pa dag spyad nas 'chang ba dang / gzhag pa sna tshogs rtsom pa la sbyor bar brtson pas gnas pa 'di lta ste/ mnye ba dang / bkru ba dang / dril phyi dang me tog gi phreng ba dang / dri dang byug pa dang / kha dog 'chang ba dang / sen mo'i kha dog sgyur ba dang / khar phye ma 'debs pa dang / gdong gi byi dor dang / me long la lta ba dang lag ngar brgyan pa dang / gtsug tor 'ching ba dang / gdugs kyi rtsa ba sbu bu can dang / ral gri dang / rnga yab nor bu'i yu ba can dang / mchil lham khra bo dang / gos sar pa dang / ras sar pa kha tshar can 'chang ba'i rang bzhin can dag ste/ dge sbyong dang bram ze rnams kyi gzhag pa dang 'chang ba sna tshogs rtsom pa la sbyor bar brtson pa de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas ltad mo sna tshogs rtsom pa la sbyor bar brtson pas gnas pa 'di lta ste/ glang po ches 'gyed pa dang / shing rtas 'gyed pa dang / dpung bu chung gis 'gyed pa dang / dbyug pas 'gyed pa dang / khu tshur gyis 'gyed pa dang gru mos 'gyed pa dang / khyu mchog gis 'gyed pa dang ma hes 'gyed pa dang / ra 'gyed pa dang / lug 'gyed pa dang / bya gag 'thab pa dang / mchil ba 'thab pa dang / 'ur ba 'thab ba dang / bya gag dang / phug ron dang / mchil pa dang / bud med 'thab pa dang skyes pa 'thab pa dang / gzhon nu 'thab pa dang gzhon nu ma 'thab pa dang shing 'dzeg pa dang / bro gar gyi tshogs dang / phrag pa nas 'gong ba dang / rgyal mtshan gyi rtse mo dang / dpung gi tshogs dang / g.yul bshams pa dang / dmag tshogs la lta ba dang / 'dus pa chen po la lta bar 'dod pa ste/ dge sbyong dang bram ze rnams kyi ltad mo sna tshogs rtsom pa la sbyor bar brtson pa de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas nyan pa sna tshogs rtsom pa la sbyor bar brtson pas gnas pa 'di lta ste/ glang po che'i skad dang rta'i skad dang shing rta'i sgra dang / dpung bu chung gi sgra dang / rnga pa Ta ha'i sgra dang rnga bo che'i sgra dang rol mo'i tshogs pa'i sgra dang gar mkhan gyi glu sgra dang rol mo'i sgra dang / khar sil gyi sgra dang / se gol gyi sgra dang / thal mo'i sgra dang / bum pa'i sgra dang / rang bzo'i sgra dang / snyan dngags kyi sgra dang / yig 'bru sna tshogs dang tshig dang yi ge sna tshogs dang 'jig rten rgyang phan dang ldan pa dang grags pa'i gtam nyan 'dod pa dag ste dge sbyong dang bram ze rnams kyi sgra sna tshogs nyan pa rtsom pa la sbyor bar brtson pa de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas/ ug shud dang khras dang / cho lo rtsom pa la sbyor bar brtson pas gnas pa 'di lta ste/ mig brgyad pa dang / mig bcu pa dang / na ya'i mig dang / phyogs phyogs nas 'gyed pa dang bum pas rtse ba dang / ka le dang ka tsa le dang pheg gis rtse ba dang / ug shud dang / gul tshab dang / thur ma dang / lag rgyan 'am/ kha cig skugs ci lta bar 'gyed pa ste/ dge sbyong dang bram ze rnams kyi ug shud dang / khras dang / cho lo rtsom pa la sbyor ba de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas gtam sna tshogs rtsom pa la sbyor bar brtson pas gnas pa 'di lta ste/ rgyal po'i gtam dang / dmag gi gtam dang / zas kyi gtam dang / skom gyi gtam dang / gos kyi gtam dang / tshong 'dus kyi gtam dang / smad 'tshong gi gtam dang / lam ngan brjod pa'i gtam dang / rgya mtsho chen po rjod pa'i gtam dang / ljongs dang / sna chen po la gtogs pa rjod pa'i gtam ste/ dge sbyong dang bram ze rnams kyi gtam sna tshogs rtsom pa la sbyor ba de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas rtsod pa sna tshogs rtsom pa la sbyor bar brtson pas gnas pa 'di lta ste ji ltar kho bos chos 'dul ba 'di kun shes pa de bzhin du/ khyod kyis kyang chos 'dul ba 'di kun shes mod kyi khyod kyis ni rigs pa dang ldan pa dang 'brel ba ma yin te/ sngar smra bar bya ba ni phyis smras/ phyis smra bar bya ba ni sngar smras la khyod kyis ha cang myur bar smras pas mi gsal lo/ /brtsad pa mjug brtul gyis khyod kyis brtsad pa'i don du smras pa'i tshig de thong shig /tshar bcad par shes sam/ gal te lan thebs pa lta na dris dang smros shig ces bya ba dge sbyong dang bram ze rnams kyi rtsod pa sna tshogs rtsom pa la sbyor ba de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas pho nyar 'gro ba dang / gtong ba log pa'i 'tsho bas 'tsho bar byed pa 'di lta ste/ de dag rgyal po'i 'am/ blon po chen po rnams kyi 'am/ bram ze rnams kyi 'am/ khyim bdag rnams kyi 'am/ grong mi rnams kyi 'am/ yul mi rnams kyi 'am/ tshong dpon rnams kyi 'am/ ded dpon rnams kyi pho nya tshu bi nas khrid de pha bir sna 'dren par byed pa dang / pha bi nas pho nya khrid de tshu bir sna 'dren par byed pa ste/ dge sbyong dang bram ze rnams kyi pho nyar 'gro ba dang gtong ba log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas tshul 'chos pa dang / kha gsag dang / gzhog slongs dang / thob kyis 'jal ba dang / rnyed pas rnyed pa sgrub par byed de/ dge sbyong dang bram ze rnams kyi tshul 'chos pa dang / kha gsag dang / gzhog slongs dang / thob kyis 'jal ba dang / rnyed pas rnyed pa sgrub par byed pa de lta bu las slar log pa yin no/ /'di ltar yang ma sdug dge sbyong dang bram ze kha cig dad pas byin pa dag spyad nas yon po'i dpyad kyi log pa'i 'tsho bas 'tsho bar byed pa 'di lta ste/ gnam grum pa dang / rma mtshan dang / rmi lam gyi mtshan ma dang / mes tshig pa dang / chus reg pa dang / byi bas zos pa dang 'bebs pa dang / skad nyan pa dang / 'byung po thams cad kyi skad dang / lus kyi dpyad dang / khyim sa'i dpyad dang / ne tso'i dpyad dang / bya'i dpyad dang / mthe bo'i dpyad dang / kha cig skar ma'i sbyor ba byed de/ dge sbyong dang bram ze rnams kyi yon po'i dpyad kyi log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas yon po'i dpyad kyi log pa'i 'tsho bas 'tsho bar byed pa 'di lta ste/ yud tsam rnams kyi sbyor ba dang / rgyu skar shar ba dang / ro brtag pa dang / zhi ba'i las dang / rgyas pa'i las dang / drag po'i las dang / bsang gtor gyi las dang / yig 'bru dang / rtsis dang / grangs dang / lag rtsis dang / me long gi dpyad la sbyor bar byed do/ /dge sbyong dang bram ze rnams kyi yon po'i dpyad kyi 'tsho ba de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas yon po'i dpyad kyi log pa'i 'tsho bas 'tsho bar byed pa 'di lta ste/ gso ba'i dpyad dang / rtsa ba'i sman dang / mig sman sbyin pa dang / snum bag dang / ro sbyin pa dang / sman sbyin pa dang / bud med kyi dpyad dang / gzhon nu'i dpyad dang / gzhon nu ma'i dpyad dang / sman la sbyor bar byed pa ste/ dge sbyong dang bram ze rnams kyi yon po'i dpyad kyi log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas yon po'i dpyad kyi log pa'i 'tsho bas 'tsho bar byed pa 'di lta ste/ nor bu'i mtshan nyid dang / dbyug pa'i mtshan nyid dang / ral gri'i mtshan nyid dang / mda'i mtshan nyid dang / mtshon cha'i mtshan nyid dang / glang po che'i mtshan nyid dang / rta'i mtshan nyid dang / khyu mchog gi mtshan nyid dang / ma he'i mtshan nyid dang / ra'i mtshan nyid dang / lug gi mtshan nyid dang / bya gag gi mtshan nyid dang / 'ur ba'i mtshan nyid dang / mchil pa'i mtshan nyid dang / bud med kyi mtshan nyid dang / skyes pa'i mtshan nyid dang / gzhon nu'i mtshan nyid dang / gzhon nu ma'i mtshan nyid dang / tshe thung ba'i rtags dang / tshe ring ba'i rtags dang / skal ba chung ba'i rtags dang / skal ba che ba'i rtags dang / bsod nams chung ba'i rtags dang / bsod nams che ba'i rtags dang / mthu chung ba'i rtags dang / mthu che ba'i rtags dang / jo bo'i mtshan nyid dang bran gyi mtshan nyid de/ dge sbyong dang bram ze rnams kyi yon po'i dpyad kyi log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas yon po'i dpyad kyi log pa'i 'tsho bas 'tsho bar byed pa 'di lta ste/ sman mas gcig car gtong ba dang / sgrengs te gtong ba dang / skyug pa dang / 'khru ba dang / stod du 'khru ba dang / snar blugs pa dang / du ba rdub pa dang / dugs kyi las dang / bad kan gyi dpyad dang / pho ba'i dpyad dang / sme ba dang phol mig gi dpyad dang / ri dgas 'khyil pa dang / bya rog 'khyil pa dang / mkhur ba 'gul ba dang / lce sos chod pa dang / ro langs dang / ro langs phyed la sbyor bar byed de/ dge sbyong dang bram ze rnams kyi yon po'i dpyad kyi log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas yon po'i dpyad kyi log pa'i 'tsho bas 'tsho bar byed pa 'di lta ste/ dgug pa dang / kun du dgug pa dang / rnam par dgug pa dang / kun du rmongs pa dang / rnam par rmongs pa dang / rnam par 'thor ba dang / rnam par 'joms pa'i chos dang / bde bar byed pa dang / sdug bsngal bar byed pa dang / bu 'chags par byed pa dang / til gyi sbyin sreg dang / 'bras kyi sbyin sreg dang / tsher ma'i sbyin sreg dang / rdzas kyi sbyin sreg dang / sbyin sreg gi sbyin sreg dang / nyi ma la bkur sti bya ba dang / skar ma la bkur sti bya ba dang / lha la bkur sti bya ba dang / bkur sti'i gnas chen po la bkur sti byed pa ste/ dge sbyong dang bram ze rnams kyi yon po'i dpyad kyi log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas yon po'i dpyad sna tshogs kyi log pa'i 'tsho bas 'tsho bar byed pa 'di lta ste/ 'jigs par 'gyur ba dang / zhi bar 'gyur ba dang / lo nyes par 'gyur ba dang / lo legs par 'gyur ba dang / char mi 'babs par 'gyur ba dang / yams kyi nad 'byung bar 'gyur ba dang / yams kyi nad 'byung bar mi 'gyur ba ste/ dge sbyong dang bram ze rnams kyi yon po'i dpyad kyi log pa'i 'tsho ba de lta bu las slar log pa yin no/ /ma sdug 'di ltar yang dge sbyong ngam bram ze kha cig dad pas byin pa dag spyad nas yon po'i dpyad sna tshogs kyi log pa'i 'tsho bas 'tsho bar byed pa 'di lta ste/ zun rnams kyi rgyal po rgyal bar 'gyur zhing phyi rol pa rnams kyi rgyal po pham par 'gyur ba dang / phyi rol pa rnams kyi rgyal po rgyal bar 'gyur zhing zun rnams kyi rgyal po pham par 'gyur ba dang / zun rnams kyi rgyal po g.yul du 'jug par 'gyur zhing phyi rol pa rnams kyi rgyal po 'byung bar 'gyur ba dang / phyi rol pa rnams kyi rgyal po g.yul du 'jug par 'gyur zhing zun rnams kyi rgyal po 'byung bar 'gyur ba dag ste/ dge sbyong dang bram ze rnams kyi yon po'i dpyad kyi log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas yon po'i dpyad kyi log pa'i 'tsho bas 'tsho bar byed pa 'di lta ste/ nyi ma dang zla ba dag lam du 'gro ba dang / nyi ma dang zla ba dag lam gol bar 'gro ba dang / lam du nyi ma gzas zin pa dang / zla ba gzas zin pa dang / skar mda' ltung ba dang / phyogs dmar por gyur pa dang / bar snang las sgra byung ba dang / nyi ma dang zla ba 'di gnyis 'di ltar rdzu 'phrul che zhing mthu che ba 'char ba dang / nub pa dang / bsgribs pa dang ma bsgribs pa dang / 'di lta ste/ lam dang lam gol ba dag mngon pa ste/ dge sbyong dang bram ze rnams kyi yon po'i dpyad kyi log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas yon po'i dpyad kyi log pa'i 'tsho bas 'tsho bar byed pa 'di lta ste/ nyi ma dang zla ba dag lam du 'gro na 'bras bu 'di lta bur 'gyur ba dang / nyi ma dang zla ba dag lam gol bar 'gro na 'bras bu 'di lta bur 'gyur ba dang lam du nyi ma gzas zin pa dang / zla ba gzas zin pa dang / skar mda' ltung ba dang / phyogs dmar por gyur pa dang / bar snang las sgra byung na 'bras bu 'di lta bur 'gyur ba dang / nyi ma dang zla ba 'di gnyis 'di ltar rdzu 'phrul che zhing mthu che ba 'char ba dang / nub pa dang bsgribs pa dang / ma bsgribs pa dang / 'di lta ste/ lam dang lam gol ba mngon na 'bras bu 'di lta bur 'gyur bar ston pa ste/ dge sbyong dang bram ze rnams kyi yon po'i dpyad kyi log pa'i 'tsho ba de lta bu las slar log pa yin no/ /de 'phags pa'i tshul khrims kyi phung po de dang ldan pas nang gi bde ba kha na ma tho ba med pa nyams su myong bar byed cing / de dbang po rnams kyi sgo bsdams pa dang / kun du bsrungs pa'i dran pa dang / 'grus skyong gi dran pa dang yid dran pas bsrungs pas gnas skabs mnyam par spyod cing gnas pa yin no/ /de mig gis gzugs rnams mthong nas mtshan mar mi 'dzin/ mngon rtags su mi 'dzin to/ /gzhi gang gi phyir zhe na/ mig gi dbang po sdom pas ma bsdams par gnas pa ni 'jig rten la brnab sems dang / yid mi bde ba dag 'byung bas sdig pa mi dge ba'i chos rnams sems kyi rjes su 'brang bar 'gyur ro/ /de rnams bsdam pa'i phyir bsgrub cing bsrung bar mig gi dbang pos mig gi dbang po sdom par byed do/ /de bzhin du rna bas sgra dang snas dri dang / lces ro dang lus kyis reg bya dang / yid kyis chos rnams shes nas mtshan mar mi 'dzin/ mngon rtags su mi 'dzin to/ /gzhi gang gi phyir zhe na/ yid kyi dbang po sdom pas ma bsdams par gnas pa ni 'jig rten la brnab sems dang / yid mi bde ba dag 'byung bas sdig pa mi dge ba'i chos rnams sems kyi rjes su 'brang bar 'gyur ro/ /de rnams bsdam pa'i phyir yid kyi dbang pos yid kyi dbang po sdom par byed do/ /de 'phags pa'i tshul khrims kyi phung po de dang / dbang po rnams kyi sgo bsdams pa de dang ldan pas nang gi bde ba kha na ma tho ba med pa nyams su myong zhing / de 'gro ba dang ldog pa la shes bzhin du gnas pa yin/ lta ba dang / rnam par lta ba dang / bskum pa dang / brkyang ba dang / snam sbyar dang / chos gos dang / lhung bzed thogs pa dang / 'gro ba dang / 'greng ba dang / 'dug pa dang / nyal ba dang / mi nyal ba dang / smra ba dang / mi smra ba dang / gnyid kyis dub pa bsal ba la shes bzhin du gnas pa yin no/ / de 'phags pa'i tshul khrims kyi phung po de dang / dbang po rnams kyi sgo bsdams pa de dang / dran pa dang shes bzhin mchog de dang ldan pas nang gi bde ba kha na ma tho ba med pa nyams su myong zhing de gnas mal dben pa dgon pa dang / shing drung dang khang stong dag tu gnas pa yin te/ de dgon par son kyang rung / shing drung du son kyang rung / khang stong du son kyang rung 'dug ste/ skyil mo dkrung bcas nas lus drang por bsrang ste dran pa mngon par phyogs par bzhag nas de 'jig rten la brnab sems spangs te/ brnab sems dang bral ba'i sems kyis lan mang du gnas shing brnab sems las sems yongs su sbyong ba yin no/ /'jig rten la gnod sems dang / rmugs pa dang / gnyid dang / rgod pa dang / 'gyod pa dang / the tshom spangs te/ yid gnyis las rgal ba yin/ the tshom las rgal ba yin/ dge ba'i chos rnams la nges pa thob pa yin/ the tshom las sems yongs su sbyong ba yin no/ /ma sdug dper na mi zhig gis skyin po zhig blangs nas las kyi mtha' rnams la brtson par byas te/ de'i las kyi mtha' de rnams grub nas des de las bu lon de yang khyer la/ de la chung ma gso ba chog tsam zhig kyang yod nas de 'di snyam du sems te/ bdag gis skyin po blangs nas las kyi mtha' rnams la brtson par byas te/ bdag gi las kyi mtha' de rnams grub nas bdag gis de las bu lon yang gzhal/ bdag la chung ma gso ba chog tsam zhig kyang yod do snyam ste/ de gzhi de las bde bar gyur/ yid bde bar gyur pa dang / ma sdug dper na mi nad pa nad tshabs che ba sdug bsngal ba zhig yod la/ de zas zos pa ni lus la 'jur mi btub/ skom 'thungs ba ni khong du gnod par gyur pa las de dus gzhan zhig na nad med cing stobs dang ldan la bde bar gyur te/ des kha zas zos pa 'jur btub/ skom 'thungs pa ni khong du gnod par ma gyur nas de 'di snyam du sems te/ 'di ltar bdag sngon na ba nad tshabs che ba sdug bsngal bar gyur pa na bdag gis kha zas zos pa ni lus la 'jur mi btub/ skom 'thungs pa ni khong du gnod par gyur pa las/ da ni 'di ltar bdag nad med cing stobs dang ldan pas bde bar gyur te/ bdag gis zas zos pa ni lus la 'jur btub/ skom 'thungs pa ni khong du gnod par ma gyur to snyam ste/ de gzhi de las bde ba dang / yid bde bar gyur pa dang / ma sdug dper na mi zhig bran du gyur te/ mngag gzhug pa dang / go re long ba dang / lto gol dang / rang dbang med par gyur pa las/ de dus gzhan zhig na bran mi byed par gyur te/ mngag gzhug pa mi byed/ go re long mi byed/ lto gol mi byed de/ rang dbang yod nas/ de 'di snyam du sems te/ 'di ltar bdag sngon bran du gyur pa na mngag gzhug pa dang / go re long ba dang / lto gol dang / rang dbang med pa las da ni bran mi byed pas mngag gzhug pa mi byed/ go re long mi byed/ lto gol mi byed de/ rang dbang yod do snyam nas/ de gzhi de las bde bar gyur/ yid bde bar gyur pa dang / ma sdug dper na mi zhig btson du bzung ste/ lag pa phying ka log tu dam du bcings par gyur pa las/ de de las nor gzhal ba med par bde bar legs par thar nas/ de 'di snyam du sems te/ 'di ltar bdag sngon btson du bzung ste/ lag pa phying ka log tu dam du bcings par gyur pa las/ da ni de las bdag nor gzhal ba med par bde bar legs par thar to snyam ste/ de gzhi de las yid bde bar gyur pa dang / ma sdug dper na mi zhig 'jigs pa las bde ba dang / lo nyes pa las lo legs par gyur nas/ de 'di snyam du sems te/ 'di ltar bdag 'jigs pa las bde ba dang / lo nyes pa las lo legs par gyur to snyam ste/ de gzhi de las bde bar gyur/ dga' bar gyur pa de bzhin du des bdag nyid kyi sgrib pa lnga po skyin po ji lta ba dang / nad ji lta ba dang / bran ji lta ba dang / btson ji lta ba dang / 'jigs pa ji lta ba de dag spangs par yang dag par rjes su mthong ngo / /de sgrib pa lnga po sems nye ba'i nyon mongs par byed pa/ shes rab nyam chung bar byed pa/ gnod pa'i phyogs dang 'thun pa/ mya ngan las 'das pa dang mi 'thun pa dag spangs nas/ 'dod pa dag las dben sdig pa mi dge ba'i chos rnams las dben/ rtog pa dang bcas/ dpyod pa dang bcas/ dben pa las skyes pa'i dga' ba dang bde ba can bsam gtan dang po rdzogs par byas te gnas so/ /dper na khrus mkhan nam khrus mkhan gyi slob ma mkhas pa zhig khar phor ram/ gzhong bu 'am/ nya phyis kyi nang du 'dag chal gyi phye ma zhib mo chus yang btab yang btab ste sbangs na 'dag chal gyi gong bu de gsher gsher dang ldan/ gsher gyis zhen te/ gsher gyis phyi nang khyab pas 'bo bar mi 'gyur/ 'dzag par mi 'gyur ba de bzhin du/ dge slong de'i lus dben pa las skyes pa'i dga' ba'i bde bas mngon du rlan par byed/ yongs su rlan par byed/ yongs su tshim par byed/ yongs su khyab par byed de/ de'i lus thams cad la 'di lta ste/ dben pa las skyes pa'i dga' ba dang bde bas ma khyab pa'am/ khyab par ma gyur pa cung zad kyang med do/ /rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas so/ /de 'di snyam du lus 'di la ting nge 'dzin las skyes pa'i dga' ba dang bde bas mngon du rlan par byed/ yongs su rlan par byed/ yongs su tshim par byed/ yongs su khyab par byed de/ de'i lus thams cad la 'di lta ste/ ting nge 'dzin las skyes pa'i dga' ba dang bde bas ma khyab pa 'am/ khyab par ma gyur pa cung zad kyang med do/ /dper na ri'i rtse na bkod ma'i mtsho bran zhig yod par gyur la/ der ni shar phyogs nas kyang chu mi 'bab par gyur la/ lho phyogs nas ma yin/ nub phyogs nas ma yin/ byang phyogs nas kyang chu mi 'bab la/ der lhas kyang dus dus su char gyi rgyun mi 'bebs te/ gzhan du na bkod ma'i mtsho bran de nyid nas bkod ma'i chu 'am/ bkod ma'i chu chen po lud nas bkod ma'i mtsho bran de thams cad chu bsil bas gang bar byed/ yongs su gang bar byed/ shin tu gang bar byed/ yongs su khyab par byed de/ bkod ma'i mtsho bran de thams cad 'di lta ste/ chu bsil bas ma khyab pa 'am/ khyab par ma gyur pa cung zad kyang med do/ /de bzhin du lus la ting nge 'dzin las skyes pa'i dga' ba dang bde bas mngon du rlan par byed/ yongs su rlan par byed/ yongs su tshim par byed/ yongs su khyab par byed de/ de'i lus thams cad la 'di lta ste/ ting nge 'dzin las skyes pa'i dga' ba dang bde bas ma khyab pa 'am/ /khyab par ma gyur pa cung zad kyang med do/ /de dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis myong la 'phags pa rnams kyis gang de dran pa dang ldan pa bde ba la gnas pa/ btang snyoms pa'o zhes brjod pa ste/ dga' ba med pa'i bsam gtan gsum pa rdzogs par byas te gnas so/ /de 'di ltar lus 'di la dga' ba med pa'i bde bas mngon du rlan par byed/ yongs su rlan par byed/ yongs su tshim par byed/ yongs su khyab par byed de/ de'i lus thams cad la 'di lta ste/ dga' ba med pa'i bde bas ma khyab pa 'am/ khyab par ma gyur pa cung zad kyang med do/ /'di lta ste dper na ut+pa la 'am/ pad ma 'am/ ku mu da 'am/ pad ma dkar po chu las skyes shing chu nas chen por gyur pa rtses btags shing 'dug pa de dag gi rtsa ba nas rtse mo'i bar gyi gsab gseb ni 'di lta ste/ chu bsil bas ma khyab pa 'am/ khyab par ma gyur pa cung zad kyang med do/ /de bzhin du lus la dga' ba med pa'i bde bas mngon du rlan par byed/ yongs su rlan par byed/ yongs su tshim par byed/ yongs su khyab par byed de/ de'i lus thams cad la 'di lta ste/ dga' ba med pa'i bde bas ma khyab pa 'am/ khyab par ma gyur pa cung zad kyang med do/ /de bde ba yang spangs te snga nas sdug bsngal yang spangs shing yid bde ba dang / yid mi bde ba yang nub pas bde ba yang ma yin/ sdug bsngal yang ma yin pa btang snyoms dang dran pas yongs su dag pa bsam gtan bzhi pa rdzogs par byas te gnas so/ /de 'di ltar lus 'di la yongs su dag pa dang rnam par byang ba'i sems kyis mos te khyab par byas nas rdzogs par byas te gnas so/ /dper na khyim bdag gam khyim bdag gi bus ras khru brgyad pa 'am/ dgu pas de mgo dang / lag pa dang / rkang pa g.yogs na/ de'i mgo bo dang / lag pa nas rkang pa'i bar lus thams cad 'di lta ste/ ras gtsang ma yongs su dag pas ma yog pa 'am/ yog par ma gyur pa cung zad kyang med do/ /de bzhin du de 'di ltar lus 'di la yongs su dag pa dang rnam par byang ba'i sems kyis mos te/ khyab par byas nas rdzogs par byas te gnas pa de'i lus thams cad la 'di lta ste/ yongs su dag pa dang rnam par byang ba'i sems kyis ma khyab pa 'am/ khyab par ma gyur pa cung zad kyang med do/ /ma sdug gang gi tshe kho na 'phags pa'i nyan thos kyis bde ba yang spangs te/ snga nas sdug bsngal yang spangs shing yid bde ba dang yid mi bde ba yang nub pas bde ba yang ma yin/ sdug bsngal yang ma yin pa btang snyoms dang dran pas yongs su dag pa bsam gtan bzhi pa rdzogs par byas te gnas pa de kho na'i tshe de'i sems rgod pa ma yin/ zhum pa ma yin no/ /rgod pa med cing zhum pa med pas mi g.yo bar gnas pa thob bo/ /dper na khang pa rtseg ma 'am/ khang pa rtseg ma'i khyams su 'bru mar gyi me mar bus pa de'i me lce de rlung nas/ bya dang mi dang mi ma yin pa'i bar gyis ma bskyod cing ma bsgul ba de'i tshe rgod pa ma yin/ zhum pa ma yin no/ /rgod pa med cing zhum pa med par gnas pas mi g.yo bar 'bar ba de bzhin du/ ma sdug gang gi tshe 'phags pa'i nyan thos kyis bde ba yang spangs te/ snga nas sdug bsngal yang spangs shing yid bde ba dang yid mi bde ba yang nub pas bde ba yang ma yin sdug bsngal ba yang ma yin pa btang snyoms dang dran pas yongs su dag pa bsam gtan bzhi pa rdzogs par byas te gnas pa de'i tshe de'i sems rgod pa ma yin zhum pa ma yin no/ /rgod pa med cing zhum pa med pas mi g.yo bar gnas pa thob nas de 'di snyam du sems te/ bdag gi lus kyi gzugs 'di ni rags pa 'byung ba chen po bzhi'i rgyu las byung ba yin te/ 'di la bdag gi rnam par shes pa rten cing 'di la gnas te/ 'di la khyab par gnas kyis ma la bdag gis lus 'di las yid bskyod de/ /lus gzhan yid las byung ba'i gzugs dbang po ma tshang ba dang / dman pa ma yin pa zhig mngon par sprul lo snyam nas/ de lus de las yid bskyod de lus gzhan yid las byung ba'i gzugs dbang po ma tshang ba dang dman pa ma yin pa mngon par sprul par byed do/ /ma sdug dper na nor bu bai dUr+ya bzang po rigs dang ldan pa gsal ba/ dang ba dri ma med pa tshon skud sna lnga pa 'di lta ste/ sngon po dang / ser po dang / dmar po dang / dkar po dang / le brgan la brgyus pa de skyes bu mig dang ldan pas mthong na 'di ni skud pa yin no/ /'di ni nor bu yin no/ /'di ni skud pas nor bu brgyus pa yin no zhes shes pa de bzhin du de lus de las yid bskyod nas lus gzhan yid las byung ba'i gzugs dbang po ma tshang ba dang / dman pa ma yin pa mngon par sprul par byed do/ /ma sdug dper na mi zhig gis rtswa mun dza las thur ma phyung ba de skyes bu mig dang ldan pas mthong na 'di ni mun dza yin no/ /'di ni thur ma yin te/ mun dza las thur ma phyung ba yin no/ /zhes shes pa de bzhin du de lus de las yid bskyod nas lus gzhan yid las byung ba'i gzugs dbang po ma tshang ba dang / dman pa ma yin pa mngon par sprul par byed do/ /ma sdug dper na mi zhig gis za ma tog nas sbrul phyung ba na de skyes bu mig dang ldan pas mthong na 'di ni za ma tog yin no/ /'di ni sbrul yin te/ za ma tog nas sbrul phyung ba yin no zhes shes pa de bzhin du de lus de las yid bskyod nas lus gzhan yid las byung ba'i gzugs dbang po ma tshang ba dang / dman pa ma yin pa mngon par sprul par byed do/ /ma sdug dper na mi zhig gis ral gri shubs nas phyung ba na de skyes bu mig dang ldan pas mthong na 'di ni shubs yin no/ /'di ni ral gri yin te/ ral gri shubs nas phyung ba yin no zhes shes pa de bzhin du de lus de las yid bskyod nas lus gzhan yid las byung ba'i gzugs dbang po ma tshang ba dang / dman pa ma yin pa mngon par sprul par byed do/ /de de ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob pa/ rdzu 'phrul gyi yul shes pa mngon sum du bya ba'i mngon par shes pa la sems mngon par gtod par byed de/ de rdzu 'phrul gyi yul rnam par du ma nyams su myong bar byed de/ 'di lta ste gcig tu gyur nas mang por gyur pa dang / mang por gyur nas gcig tu gyur pa dang / snang bar gyur cing mi snang bar gyur pa'i ye shes mthong ba nyams su myong bar byed cing rtsig pa la yang thad kar 'gro/ ri la yang thad kar 'gro/ ra ba la yang thad kar 'gro 'o/ /lus kyis thogs pa med par 'gro ba ni dper na sa dang nam mkha' la bya ba bzhin no/ /sa la yang steng du 'gro ba dang / byi'u zul byed de/ dper na chu la bya ba bzhin no/ /chu la yang rgyun phyogs las bzlog par 'gro ste/ dper na sa la bya ba bzhin no/ /nam mkha' la yang dkyil mo dkrung gis 'gro ste/ dper na 'dab chags bya bzhin no/ /nyi ma dang zla ba 'di ltar rdzu 'phrul che zhing 'di ltar mthu che ba 'di gnyis la lag pas 'dzin cing nyug par byed do/ /tshangs pa'i 'jig rten gyi bar du lus kyis dbang sgyur ro/ /dper na gser mgar ram gser mgar gyi slob ma mkhas pa zhig gis gser shin tu las su rung bar byas par rig nas rdungs su bya ba'i rnam pa phor bu 'am/ mgul rgyan nam/ lag rgyan nam/ rkang rgyan nam/ sor gdub rgya'am/ gser gyi phreng ba gang dang gang byed 'dod pa de myur ba myur bar byed pa de bzhin du/ de 'di ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob pa/ rdzu 'phrul gyi yul shes pa mngon sum du bya ba'i mngon par shes pa la sems mngon du gtod par byed de/ 'di lta ste gcig tu gyur nas mang por gyur pa dang zhes bya ba nas tshangs pa'i 'jig rten gyi bar du lus kyis dbang sgyur ro zhes bya ba'i bar gong ma bzhin du 'o/ /dper na rdza mkhan gyi slob ma mkhas pa zhig gis 'jim pa'i gong bu shin tu las su rung bar byas par rig nas snod spyad kyi rnam grangs gang dang gang bsgrub par 'dod pa de dang de kho na myur ba myur bar sgrub pa de bzhin du/ de 'di ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba zhes bya ba nas tshangs pa'i 'jig rten gyi bar du lus kyis dbang sgyur ro zhes bya ba'i bar gong ma bzhin du 'o/ /dper na ba so mkhan nam ba so mkhan gyi slob ma mkhas pa zhig gis ba so shin tu las su rung bar byas par rig nas gzugs kyi rnam grangs gang dang gang bsgrub par 'dod pa de dang de kho na myur ba myur bar sgrub pa de bzhin du/ de 'di ltar mnyam par bzhag pa'i sems yongs su dag pa/ rnam par byang ba zhes bya ba nas tshangs pa'i 'jig rten gyi bar du lus kyis dbang sgyur ro zhes bya ba'i bar gong ma bzhin du 'o/ /de 'di ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob pa/ lha'i rna ba shes pa'i mngon par shes pa mngon sum du bya ba la sems mngon du gtod par byed de/ de lha'i rna ba rnam par dag pa mi'i las 'das pas mi rnams kyi 'am/ mi ma yin pa rnams kyi 'am/ gang dag ring po 'am/ gang dag nye ba'i sgra gnyi ga thos par byed do/ /dper na mi dung 'bud pa zhig ri brag chen po'i khar 'dzegs nas mtshan mo nam phyed kyi dus su dung bus na de'i sgra des sa'i phyogs thogs pa med par khyab par 'gyur ba de bzhin du/ de 'di ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob pa/ lha'i rna ba shes pa mngon sum du bya ba'i mngon par shes pa la sems mngon du gtod par byed de/ de lha'i rna ba rnam par dag pa mi'i las 'das pas mi rnams kyi 'am/ mi ma yin pa rnams kyi 'am/ gang dag ring po 'am/ gang dag nye ba'i sgra gnyi ga thos par byed do/ /de 'di ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob pa/ sems kyi rnam grangs shes pa mngon sum du bya ba'i mngon par shes pa la sems mngon par gtod par byed de/ des sems can gzhan rnams kyi dang / gang zag gzhan rnams kyi rnam par rtog pa dang rnam par dpyod pa'i yid yid kyis ji lta ba bzhin rab tu shes te/ 'dod chags dang bcas pa'i sems la 'dod chags dang bcas pa'i sems yin no zhes yang dag pa ji lta ba bzhin du rab tu shes so/ /'dod chags dang bral ba'i sems la 'dod chags dang bral ba'i sems yin no zhes yang dag pa ji lta ba bzhin du rab tu shes so/ /zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / bsdus pa dang / rnam par g.yengs pa dang / zhum pa dang / rab tu 'dzin pa dang / chung ngu dang / chen po dang / rgod pa dang / rgod pa ma yin pa dang / nye bar zhi ba dang / nye bar zhi ba ma yin pa dang / mnyam par bzhag pa dang / mnyam par bzhag pa ma yin pa dang / bsgoms pa dang / bsgoms pa ma yin pa dang / sems rnam par grol ba dang / sems rnam par grol ba ma yin pa yang dag pa ji lta ba bzhin du rab tu shes so/ /dper na skyes bu mig dang ldan pas me long gi dkyil 'khor yongs su dag par byas te/ rang gi bzhin gyi mtshan ma rtog par byed pa de bzhin du/ de 'di ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob pa/ sems kyi rnam grangs shes pa mngon sum du bya ba'i mngon par shes pa la sems mngon du gtod par byed de zhes bya ba nas/ sems shin tu rnam par grol ba la sems shin tu rnam par grol ba yin no zhes yang dag pa ji lta ba bzhin rab tu shes so zhes bya ba'i bar gong ma bzhin te/ 'di ni zhabs shes bya'o/ /rig pa gang zhe na/ de 'di ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob pa/ sngon gyi gnas rjes su dran pa shes pa mngon sum du bya'i mngon par shes pa la sems mngon du gtod par byed de/ de sngon gyi gnas rnam pa du ma rjes su dran te/ 'di lta ste skye ba gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum bcu dang / bzhi bcu dang / lnga bcu dang / skye ba brgya dang / skye ba stong dang / skye ba brgya stong dang / skye ba brgya phrag du ma dang / skye ba stong phrag du ma dang / skye ba brgya stong phrag du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa dang / 'chags pa'i bskal pa du ma dang / 'jig pa'i bskal pa du ma dang / 'chags pa dang 'jig pa'i bskal pa du ma rjes su dran te/ gang du bdag sems can 'di dag gi nang du skyes pa na ming ni 'di zhes bya/ rigs ni 'di zhes bya/ rus ni 'di zhes bya/ kha zas ni 'di lta bu zhig za za/ bde ba dang sdug bsngal ni 'di lta bu zhig myong ngo / / tshe ring khyad ni 'di tsam zhig /yun ni 'di srid cig gnas/ tshe ni 'di tsam zhig thub bo/ /de nas bdag shi 'phos nas che ge mo zhig tu skyes so/ /de nas kyang shi 'phos nas yang ga ge mo zhig tu skyes so/ /de nas kyang shi 'phos nas 'dir skyes so zhes rnam pa dang bcas/ yul phyogs dang bcas/ gzhi ci las gyur pa dang bcas par sngon gyi gnas rnam pa du ma rjes su dran no/ /dper na mi zhig grong nas grong du song la/ de nas kyang grong gzhan du song nas de 'di snyam du sems te/ bdag gis grong che ge mo nas ga ge mor son to/ /de nas kyang grong che ge mor ro/ /grong de nas ni grong 'dir 'ongs so snyam pa de bzhin du de 'di ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob pa/ sngon gyi gnas rjes su dran pa shes pa mngon sum du bya ba'i mngon par shes pa la sems mngon du gtod par byed de/ de sngon gyi gnas rnam par du ma rjes su dran te/ 'di lta ste/ skye ba gcig dang zhes bya ba nas rnam pa dang bcas/ yul phyogs dang bcas par sngon gyi gnas rnam pa du ma rjes su dran no zhes bya ba'i bar gong ma bzhin du'o// //'dul ba gzhi/ bam po sum bcu rtsa gnyis pa/ de 'di ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob pa/ 'chi 'pho dang skye ba shes pa mngon sum du bya ba'i mngon par shes pa la sems mngon du gtod par byed de/ de lha'i mig rnam par dag pa mi'i las 'das pas sems can rnams kyi 'chi 'pho rnams dang / skye ba rnams dang / kha dog bzang po rnams dang / kha dog ngan pa rnams dang / dman pa rnams dang / gya nom pa rnams dang / bde 'gro dang ngan 'gror 'gro ba rnams kyang mthong zhing sems can las ji lta ba bzhin nye bar 'gro ba rnams yang dag pa ji lta ba bzhin rab tu shes te/ sems can 'di dag ni lus kyi nyes par spyod pa dang ldan/ ngag dang yid kyi nyes par spyod pa dang ldan/ 'phags pa rnams la skur ba 'debs pa dang / log par lta ba dang log par lta ba'i chos kyi las blangs pa'i rgyus rgyu de dang rkyen des lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /sems can 'di dag ni lus kyi legs par spyod pa dang ldan/ ngag dang yid kyi legs par spyod pa dang ldan pa/ 'phags pa rnams la skur ba mi 'debs pa dang / yang dag par lta ba dang yang dag par lta ba'i chos kyi las blangs pa'i rgyus rgyu de dang rkyen des lus zhig nas bde 'gro mtho ris kyi lha rnams su skye bar 'gyur ro/ /dper na skyes bu mig dang ldan pa zhig lam po che'i bzhi mdor 'dug nas skye bo'i tshogs chen po 'ong ba dang / 'dug pa dang / nyal ba dang / tha dad par 'gro ba rnams kyang mthong ba de bzhin du lha'i mig rnam par dag pa mi'i las 'das pas zhes bya ba nas/ lha rnams su skye bar 'gyur ro zhes bya ba'i bar gong ma bzhin du'o/ /de mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob pa/ zag pa zad pa shes pa mngon sum du bya ba'i mngon par shes pa la sems mngon du gtod par byed de/ de 'di ni sdug bsngal 'phags pa'i bden pa yin no zhes yang dag pa ji lta ba bzhin rab tu shes so/ /'di ni sdug bsngal kun 'byung dang / 'di ni sdug bsngal 'gog pa dang / 'di ni sdug bsngal 'gog par 'gro ba'i lam 'phags pa'i bden pa yin no zhes yang dag pa ji lta ba bzhin rab tu shes so/ /de de ltar shes shing de ltar mthong nas 'dod pa'i zag pa las sems rnam par grol ba dang / srid pa'i zag pa dang / ma rig pa'i zag pa las sems rnam par grol bar 'gyur ro/ /rnam par grol nas bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes rnam par grol ba'i ye shes nyid mthong bar 'gyur ro/ /dper na grong ngam grong rdal dang ha cang yang thag mi ring ba zhig na mtsho bran gting zab pa/ chu gsal ba/ dang ba/ rnam par dang ba zhig yod la/ de la skyes bu mig dang ldan pa zhig 'gram du 'dug nas gseg ma 'am/ gyo mo 'am/ nya 'am/ rusbal lam/ nya phyis sam/ dung rnams mthong ba de bzhin du/ de 'di ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob pa zhes bya ba nas/ 'di las srid pa gzhan mi shes so zhes bya ba'i bar gong ma bzhin du'o/ /'di ni rig pa zhes bya ste/ gong ma'i zhabs dang 'di gnyis gcig tu bsdoms pa la rig pa dang zhabs zhes bya'o/ /bram ze'i khye'u bla na med pa'i rig pa dang zhabs su ldan pa de mngon sum du ma byas pa mngon sum du bya ba la thabs ma yin pa bzhir rig par bya ste/ bzhi gang zhe na/ 'di la dge sbyong dang bram ze kha cig bla na med pa'i rig pa dang zhabs su ldan pa 'di nyid mngon par ma rtogs par grong nas dgon par song nas yal ga dang lo ma'i spyil bu byas te gnas par byed de/ 'di na bdag cag rtsa ba dang 'bras bus 'tsho bar bya'o zhes de rnams de na rtsa ba dang 'bras bus 'tsho bar byed pa 'di ni bram ze'i khye'u bla na med pa'i rig pa dang zhabs su ldan pa 'di mngon sum du ma byas pa mngon sum du bya ba la thabs ma yin pa dang po yin par rig par bya'o/ /bram ze'i khye'u ji snyam du sems/ ngas gang bla na med pa'i rig pa dang zhabs su ldan pa de'i thabs ma yin pa dang po 'di bshad pa de la khyod slob dpon dang bcas par snang ngam/ kye gau ta ma ma lags so/ /bram ze'i khye'u gzhan yang dge sbyong ngam bram ze kha cig bla na med pa'i rig pa dang zhabs su ldan pa 'di nyid mngon par ma rtogs par rtsa ba dang 'bras bu'i zas de rnams spangs nas mtha' gcig tu song ste/ yal ga dang lo ma'i spyil bu byas nas gnas par byed de/ 'dir bdag cag lo ma'i zas kyis 'tsho bar bya'o zhes de rnams de na lo ma'i zas kyis 'tsho bar byed pa 'di ni bram ze'i khye'u bla na med pa'i rig pa dang zhabs su ldan pa de mngon sum du ma byas pa mngon sum du bya ba la thabs ma yin pa gnyis pa yin par rig par bya'o/ /bram ze'i khye'u gzhan yang dge sbyong ngam bram ze kha cig bla na med pa'i rig pa dang zhabs su ldan pa 'di nyid mngon par ma rtogs par rtsa ba dang 'bras bu'i zas de dag dang / lo ma'i zas de dag spangs nas mtha' gcig tu song ste/ yal ga dang lo ma'i spyil bu byas nas gnas par byed de/ 'di na bdag cag gsang tshig dag gzhung du bya zhing rig byed dag bsdeb bo zhes de rnams gsang tshig dag gzhung du byed cing rig byed dag sdeb pa ste/ 'di ni bram ze'i khye'u bla na med pa'i rig pa dang zhabs su ldan pa de mngon sum du ma byas pa mngon sum du bya ba la thabs ma yin pa gsum pa yin par rig par bya'o/ /bram ze'i khye'u gzhan yang dge sbyong ngam bram ze kha cig bla na med pa'i rig pa dang zhabs su ldan pa 'di nyid mngon par ma rtogs par rtsa ba dang 'bras bu'i zas de dag dang / lo ma'i zas de dag dang / gsang tshig gi gzhung dang / rig byed bsdeb pa mngon par ma rtogs par dgon pa nas grong mthar gnas nas khyim sgo bzhi pa brtsigs nas gnas par byed de/ 'dir bdag cag sbyin pa dag gtang / bsod nams dag bya ste/ dge sbyong dang bram ze 'ongs shing lhags pa dag la ci nus ci phod kyis bsod snyoms kyis so sor bstabs so snyam pa ste/ 'di ni bram ze'i khye'u bla na med pa'i rig pa dang zhabs su ldan pa de mngon sum du ma byas pa mngon sum du bya ba la thabs ma yin pa bzhi pa yin par rig par bya'o/ /bram ze'i khye'u ji snyam du sems/ ngas bla na med pa'i rig pa dang zhabs su ldan pa mngon sum du ma byas pa mngon sum du bya ba la thabs ma yin pa bzhi bstan pa gang dag yin pa de dag la khyod slob dpon dang bcas pa snang ngam/ kye gau ta ma ma lags so/ /bram ze'i khye'u de ltar khyod kyis re shig de'i thabs ma yin pa bzhi yongs su ma rdzogs par ci'i phyir khyod e ma'o shAkya rnams ni da byung yin no/ /e ma'o shAkya rnams ni da byung gi rigs yin no zhes shAkya rnams da byung yin pa'i tshig smra/ bram ze'i khye'u ji snyam du sems/ bram ze rnams kyi bram ze'i drang srong rnying pa gsang tshig dag byed pa/ rig byed dag 'jug par byed pa byung ba gang dag gi gsang tshig rnying pa bstod pa dbyangs su blangs pa bsdebs pa la da dung bram ze de dag dbyangs su len cing 'chad par byed pa 'di lta ste/ brgyad pa dang / g.yon phyogs dang / g.yon phyogs lha dang / sna tshogs bshes dang / me 'bar dang / nyi ma'i rigs dang / b+ha ra dwa dza dang / gnas 'jog dang / 'drob skyong gi bu dang / ngan spong ste/ de rnams 'di ltar grong khyer 'obs rtsang dang / tsher ma can dag brtsigs nas gnas par byed pa yang dper na da ltar khyod slob dpon dang bcas pa bzhin nam/ kye gau ta ma ma lags so/ /de rnams 'di ltar ched kar rgyal mtshan gyi rtse mo dang / dpung gi tshogs dang / dmag gi sde bkod pa la ltad mo'i rnam pa du ma dag nyams su myong bar byed pa yang dper na da ltar khyod slob dpon dang bcas pa bzhin nam/ kye gau ta ma ma lags so/ /de rnams 'di ltar rta rgod ma dang ldan pa'i shing rta thams cad nas dkar ba'i nang du zhugs te/ gser gyi dbyug pa dang ril ba spyi blugs thogs nas bram ze'i khye'u'i tshogs kyis yongs su bskor cing bram ze'i khye'u'i tshogs kyis mdun nas bltas te/ ljongs rgyu zhing phyir 'byung ba dang / ldog par byed pa yang dper na da ltar khyod slob dpon dang bcas pa bzhin nam/ kye gau ta ma ma lags so/ /de rnams 'di ltar bkur stir byed pa'i bud med cod pan can dpung pa'i spu sku ba lta bu nu ma pho long lta bu dag las mnye ba dang / khrus dang / dril phyis bdag gir byed pa yang dper na da ltar khyod slob dpon dang bcas pa bzhin nam/ kye gau ta ma ma lags so/ / de rnams 'di ltar bud med gser gyi dpung rgyan can/ gser gyi mgul rgyan thogs pa/ legs par brgyan pa rnams dang lhan cig rkang pa brkyang nas ji tsam nyi ma shar gyi bar du nyal bar byed pa yang dper na da ltar khyod slob dpon dang bcas pa bzhin nam/ kye gau ta ma ma lags so/ /bram ze'i khye'u ltos/ khyod kyi mkhan po la yang nyes pa yod de/ bram ze'i khye'u gang gi tshe bram ze pad ma'i snying po ko sa la'i rgyal po gsal rgyal ltar song ba de'i tshe rtsig pas chod pa dang / yol bas chod pa las gzhan du ma yin par ci ste skyes bu mkhas pa de lta bu gang kho na'i kha zas g.yo g.yo ba za ba de nyid la mngon sum du phrad mi nus/ bram ze'i khye'u ltos khyod nyid la yang nyes pa yod de/ bram ze'i khye'u sngon byung ba ko sa la'i rgyal po gsal rgyal rang gi rgyal po'i stan la 'dug nas mi zhig la smras pa/ kwa'i nang rje dgos pa 'di dang 'di lta bu dag cig byos shig /de dang de dag byas nas 'di dang 'di lta bu dag cig dpyod cig ces smras nas rgyal po stan las langs te song ngo / /de nas mi des rgyal po med pa'i stan la 'dug nas mi gzhan zhig la smras pa/ kwa'i nang rje dgos pa 'di dang 'di lta bu dag cig byos shig /de dang de dag byas nas 'di dang 'di lta bu dag cig dpyod cig ces smras na/ bram ze'i khye'u ji snyam du sems/ ji ga rgyal po med pa'i stan la 'dug nas rgyal po'i skad zlos shing rgyal po'i smra dgos su smra ba de rgyal po 'am/ rgyal por 'os pa yin nam/ kye gau ta ma ma lags so/ /bram ze'i khye'u de bzhin du khyod drang srong rnams kyi tshig zlos shing drang srong rnams kyi smra dgos su smra ba yang drang srong ngam/ drang srong du 'os pa yin nam/ kye gau ta ma ma lags so/ /bram ze'i khye'u de lta mod kyi/ don gang gi phyir 'ongs pa'i don de legs par rab tu yid la zung shig dang / de ni khyod la yun ring po'i don dang / phan pa dang bde bar 'gyur ro/ /de nas bram ze'i khye'u ma sdug gis bcom ldan 'das kyi sku la skyes bu chen po'i mtshan sum bcu rtsa gnyis brtags pa na/ sum bcu ni mthong na gnyis po mdoms kyi sba ba sbubs su nub pa dang / ljags shin tu ring zhing srab pa la som nyi dang the tsom za nas des tshigs su bcad de gsol pa/ bdag gis thub pa chen po'i mtshan/ /sum bcu rtsa gnyis thos pa gang / /de la gau tam khyod kyi ni/ /sku la gnyis shig ma mthong na/ /mi mchog mdoms kyi sba ba ni/ /ci lags sbubs kyis khebs gyur tam/ /ljags bzang zhes ni bgyi ba yang / /ji ga thung ba ma lags grang / / 'jig rten na ni rdzogs sangs rgyas/ /grags dang ldan rnams mthong dka' bas/ /zhal nas ljags srab brkyang mdzod de/ /bdag gi som nyi bsal bar gsol/ /de nas bcom ldan 'das 'di snyam du dgongs te/ bram ze'i khye'u ma sdug 'di nga'i sku la skyes bu chen po'i mtshan sum bcu rtsa gnyis rtog pa na sum bcu ni mthong na gnyis po mdoms kyi sba ba sbubs su nub pa dang / ljags shin tu ring zhing srab pa la som nyi dang the tshom za na/ ma la ngas ji ltar bram ze'i khye'u ma sdug gis bdag gi mdoms kyi sba ba sbubs su nub pa dang / ljags shin tu ring zhing srab pa mthong bar 'gyur ba de lta bu'i rtags shig bya'o snyam nas/ de nas bcom ldan 'das kyis de lta bu'i rtags mdzad nas/ bram ze'i khye'u ma sdug gis bcom ldan 'das kyi mdoms kyi sba ba sbubs su nub pa dang / zhal nas ljags brkyang bas zhal gyi dkyil 'khor dbu skra'i bar thams cad khebs par mthong ngo / /mthong nas kyang de 'di snyam du sems te/ dge sbyong gau ta ma ni skyes bu chen po'i mtshan sum bcu rtsa gnyis dang ldan pa yin te/ de dag dang ldan pa'i skyes bu chen po'i 'gro ba ni gnyis las gzhan du mi 'gyur te/ gal te khyim pa khyim na gnas na 'khor los sgyur ba'i rgyal po zhes bya ba nas 'jig rten du sgra rnam par grags par 'gyur ro zhes bya ba'i bar gong ma bzhin du'o/ /de nas bram ze'i khye'u ma sdug bcom ldan 'das kyis gsungs pa la mngon par dga' ste rjes su yi rangs nas bcom ldan 'das kyi spyan snga nas song ngo / /de'i tshe bram ze pad ma'i snying po khyim mchog gi sa mthon po zhig na shas che ba'i bram ze rgan rabs rgan rabs rnams dang lhan cig tu 'dus shing 'khod par gyur to/ /bram ze'i khye'u ma sdug kyang sdod cing 'dug pa las bram ze'i khye'u ma sdug gis bram ze pad ma'i snying po rgyang ring po nas mthong ngo / /mthong nas kyang bram ze pad ma'i snying po gang na ba der song ste phyin nas/ bram ze pad ma'i snying po'i rkang pa gnyis la mgo bos phyag byas te/ shas che ba'i bram ze gzhan rnams la yang phyag byas nas phyogs gcig tu 'dug go/ /phyogs gcig tu 'dug nas bram ze'i khye'u ma sdug la bram ze pad ma'i snying pos 'di skad ces smras so/ /bram ze'i khye'u cig shes ldan gau ta ma de'i dge ba dang / grags pa dang / sgra dang / tshigs su bcad pa phyogs dang phyogs mtshams su rgya cher grags pa ji lta ba de kho na bzhin du yin nam/ de'i mtshan rnams grag pa yang yang dag pa yin nam/ mkhan po mad lags te/ shes ldan gau ta ma de'i dge ba dang / grags pa dang / sgra dang / tshigs su bcad pa phyogs dang phyogs mtshams su rgya cher grags pa yang ji lta ba de kho na bzhin lags la/ de'i mtshan rnams grag pa yang yang dag pa lags so/ /bram ze'i khye'u khyod shes ldan gau ta ma de dang lhan cig bar skabs kyi gtam dag byas sam/ mkhan po bgyis lags so/ /kye ma bram ze'i khye'u de'i phyir thams cad kho bo la rgyas par smros shig /de nas bram ze'i khye'u ma sdug des bcom ldan 'das dang lhan cig bar skabs kyi gtam ci smras pa de thams cad bram ze pad ma'i snying po la rgyas par smras so/ /de skad ces smras pa dang / bram ze pad ma'i snying po khros rngams 'khrugs shing yid la ma bab par gyur nas mchil lham dang bcas pa'i rdog pas bram ze'i khye'u ma sdug gi mgo la bsnun nas 'di skad ces kyang smras so/ /e ma'o pho nya byed pa/ e ma'o phrin pa byed pa/ pho nya byed pa 'di 'dra ba dang / phrin pa byed pa 'di 'dra bas ni bdag ngan song du yang lhung bar 'gyur te/ bram ze'i khye'u khyod kyis shes ldan gau ta ma de la ji lta ji ltar khyad du bsad cing khyad du bsad de bzlog par sems pa de lta de ltar shes ldan gau ta ma des kho bo yang de dang de'i khong du brtsi bar dgongs so/ /shes ldan dag deng kho na kho bo shes ldan gau ta ma de la blta ba dang bsnyen bkur bya ba'i phyir 'gror rgongs thag pas ma nus par zad de/ 'on kyang sang shes ldan gau ta ma de la blta ba dang bsnyen bkur bya ba'i phyir 'gro'o/ /de nas bram ze pad ma'i snying pos de nyid kyi nub mo nas gtsang zhing bsod pa'i bza' ba dang bca' ba dag bsdogs nas nang par sngar langs te/ gtsang zhing bsod pa'i bza' ba dang bca' ba de dag gis shing rta bkang ste khyer nas bcom ldan 'das gang na ba der song ste phyin pa dang / bcom ldan 'das dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam rnam pa sna tshogs byas te phyogs gcig tu 'dug go/ /phyogs gcig tu 'dug nas bcom ldan 'das la 'di skad ces gsol to/ /shes ldan gau ta ma bdag gis gtsang zhing bsod pa'i bza' ba dang bca' bas shing rta bkang ste 'tshal te mchis pa 'di shes ldan gau ta mas thugs brtse ba nye bar bzung ste bzhes su gsol/ de'i tshe tshe dang ldan pa kun dga' bo bcom ldan 'das kyi snam logs na bsil yab thogs nas bcom ldan 'das la g.yob cing 'dug go/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la 'dod pa 'thun pa na dge slong ji snyed cig nye bar rten cing gnas pa de dag thams cad rim gro'i gnas su sdus shig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ 'dod pa 'thun pa na dge slong ji snyed cig nye bar rten cing gnas pa de dag thams cad rim gro'i gnas su bsdus nas/ bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa 'dod pa 'thun pa na dge slong ji snyed cig nye bar rten cing mchis pa de dag thams cad rim gro'i gnas su 'dus shing mchis lags te/ bcom ldan 'das da de'i dus la bab par dgongs su gsol/ /de nas bcom ldan 'das rim gro'i gnas gang na ba der gshegs te byon nas dge slong gi dge 'dun gyi gung la gdan bshams pa nyid la bzhugs so/ /de nas bram ze pad ma'i snying pos sangs rgyas la sogs pa dge slong gi dge 'dun gdan bshams pa la bde bar bzhugs zin par rig nas gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ rnam pa du mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas so/ /bcom ldan 'das kyis gsol zin nas phyag bcabs te lhung bzed gyu bar rig nas stan ches dma' ba zhig blangs te/ bcom ldan 'das kyi spyan snga na chos mnyan pa'i phyir 'dug go/ /de nas bcom ldan 'das kyis bram ze pad ma'i snying po'i sbyin pa de la rjes su yi rang ba 'dis rjes su yi rang bar mdzad de/ sbyin sreg mchod sbyin rnams kyi mchog /sdeb sbyor mchog ni nyi ma'i lha/ /mi yi mchog ni rgyal po ste/ /rgya mtsho chu bo rnams kyi mchog /zla ba rgyu skar rnams kyi gtso/ /nyi ma snang byed rnams kyi gtso/ /steng dang 'og dang thad kar yang / /'gro ba'i 'gro ba ji snyed pa/ /lha dang bcas pa'i 'jig rten na/ /smra ba'i mchog ni rdzogs sangs rgyas/ /de'i tshe bram ze pad ma'i snying po'i yon bsngo ba mdzad pa na rgan zhugs shig til gyi mar khu za bar byed do/ /bram ze pad ma'i snying pos yon bsngo ba mdzad pa na rgan zhugs til gyi mar khu za ba de mthong ngo / /mthong nas kyang bcom ldan 'das la 'di skad ces gsol to/ /ci lags nyan thos thams cad shes ldan gau ta ma'i thugs mnyes par bgyid pa lags sam/ bram ze 'di la nges pa med de/ kha cig ni mnyes par byed/ kha cig ni mnyes par mi byed do/ /kye gau ta ma 'di ltar kha cig ni chos 'tshal/ kha cig ni til gyi mar khu 'tshal ba gda' lags so/ /kye gau ta ma bdag gi slob ma bram ze'i khye'u ma sdug mchis lags sam/ bram ze 'ongs so/ /shes ldan gau ta ma de dang lhan cig tu bka' mchid dag bgyis lags sam/ bram ze byas so/ /gau ta ma de'i slad du/ de dang lhan cig bka' mchid ji snyed cig glengs pa de thams cad bdag la rgyas par bka' stsal du gsol/ de nas bcom ldan 'das kyis bram ze'i khye'u ma sdug dang lhan cig ji snyed gtam glengs pa de thams cad bram ze pad ma'i snying po la bka' stsal to/ /de nas bram ze pad ma'i snying pos bcom ldan 'das la 'di skad ces gsol to/ /kye gau ta ma bram ze'i khye'u ma sdug ni bus pa rang bzhin ma 'tshal ba lags so/ /kye gau ta ma khyod kyis bram ze'i khye'u ma sdug la bzod par mdzod cig /bram ze bzod do/ /shes ldan gau ta ma gang gi tshe bdag shing rta'i nang du zhugs pa 'am/ srab skyogs 'dzin pa 'am/ lcag sgreng ba 'am/ skad chen por mchi ba gzigs pa de'i tshe nga la bram ze pad ma'i snying po phyag 'tshal nas gnod pa chung ngam/ nyam nga ba nyung ngam/ 'tsho 'am/ bskyod pa yang ngam/ stobs dang bde ba la reg par spyod dam zhes snyun gsol lo zhes de ltar thugs su chud par mdzad du gsol/ kye shes ldan gau ta ma gang gi tshe bdag srang gi dbus nas mchis pa 'am/ mchil lham phud pa 'am/ shul bzur ba 'am/ sug pa brkyang ba gzigs pa de'i tshe shes ldan gau ta mas bdag phyag 'tshal bar gzung du gsol zhes bya ba nas/ reg par spyod dam zhes bya ba'i bar gong ma bzhin du'o/ /kye shes ldan gau ta ma gang gi tshe bdag 'khor gyi nang na mchis pa 'am/ rad pa 'am/ stan nam/ gtsug tor la nom pa gzigs pa de'i tshe shes ldan gau ta mas bdag phyag 'tshal bar gzung du gsol zhes bya ba nas/ reg par spyod dam zhes bya ba'i bar gong ma bzhin du'o/ /kye gau ta ma de ci'i slad du zhe na/ bram ze rnams ni grags pas longs spyod 'thob lags te/ de dag ni grags pa kho nas longs spyad 'tshal lo/ /de nas bcom ldan 'das 'di snyam du dgongs te/ kye ma'o bram ze pad ma'i snying po 'di ni nga rgyal shin tu che ba zhig pas ma la ngas 'di'i nga rgyal spang ba'i phyir chos bshad do snyam du dgongs nas/ de nas bcom ldan 'das kyis bram ze pad ma'i snying po la chos dang ldan pa'i gtam gyis yang dag par ston par mdzad/ yang dag par gzeng stod par mdzad/ yang dag par 'dzin du 'jug par mdzad/ yang dag par rab tu dga' bar mdzad de/ sangs rgyas bcom ldan 'das rnams kyi chos dang ldan pa'i gtam dus dang por bya ba gang yin pa 'di lta ste/ sbyin pa'i gtam dang / tshul khrims kyi gtam dang / mtho ris kyi gtam dang / 'dod pa rnams kyi mnog dang / nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i phan yon dang / rnam par byang ba'i phyogs kyi chos rnams rgya cher yang dag par rab tu ston par mdzad do/ /bcom ldan 'das kyis gang gi tshe de snying dga' ba dang / dge ba'i sems dang / mgu ba'i sems dang / sgrib pa dang bral ba'i sems dang / snod du rung ba dang / mthu dang ldan pa dang / yang dag phul gyi chos kun shes par nus par gzigs pa de'i tshe sangs rgyas bcom ldan 'das rnams kyi chos bshad pa yang dag phul gang yin pa 'di lta ste/ 'phags pa'i bden pa bzhi po sdug bsngal dang / kun 'byung dang / 'gog pa dang / lam rnams rgyas par rab tu bstan te/ dper na gos dkar po nag nog med cing gtsang ma kha bsgyur bar 'os pa tshon rtsi'i nang du bcug na legs par tshon rtsi 'jen du btub pa de bzhin du bram ze pad ma'i snying po stan de nyid la 'dug bzhin du 'phags pa'i bden pa bzhi po 'di lta ste/ sdug bsngal dang / kun 'byung dang / 'gog pa dang / lam mngon par rtogs so/ /de nas bram ze pad ma'i snying pos chos mthong ba dang / chos thob pa dang / chos rig pa dang / chos kyi gting slebs pa dang / som nyi las rgal ba dang / the tshom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag ni 'phags so/ /mngon par 'phags so/ /bcom ldan 'das dang / chos dang / dge slong gi dge 'dun la bdag skyabs su mchi lags kyis/ bdag dge bsnyen du gzung du gsol/ deng slan cad ji srid 'tsho'i bar du srog dang yang bsdos te skyabs su mchi bar mngon par dad lags so/ /de nas bram ze pad ma'i snying po bcom ldan 'das kyis gsungs pa la mngon par dga' nas rjes su yi rang ste/ bcom ldan 'das kyi zhabs gnyis la mgo bos phyag byas nas stan las langs te song ngo / /de nas bcom ldan 'das kyis dge slong rnams la bka' stsal pa/ dge slong dag skabs su bab par bram ze pad ma'i snying po 'phya bar byed kyis/ de lta bas na yon bsngo ba byed pa na dge slong gis bza' bar mi bya'o/ /za na 'gal tshabs can du 'gyur ro/ / bcom ldan 'das lo ma bdun par byon nas lo ma bdun par sangs rgyas bzhi rnams kyi gdan zhes bya ba gong ma bzhin du rgyas par sbyar ro/ /bcom ldan 'das ko sa la'i ljongs rgyu zhing gshegs pa na 'char kar byon nas 'char ka na gnas tsher ma can gyi nags na bzhugs so/ /ko sa la'i rgyal po gsal rgyal gyis dge sbyong gau ta ma ko sa la'i ljongs rgyu zhing gshegs pa na 'char kar byon nas/ 'char ka na gnas tsher ma can gyi nags na bzhugs so zhes thos so/ /thos nas kyang mi zhig la bsgo ba/ kwa'i nang rje tshur khyod dge sbyong gau ta ma gang na ba der song la nga'i tshig 'di dag gis dge sbyong gau ta ma'i zhabs gnyis la mgo bos phyag byos la gnod pa chung ngam/ nyam nga ba nyung ngam/ 'tsho 'am/ bskyod pa yang ngam/ stobs dang bde ba la reg par spyod dam zhes snyun gsol la 'di skad du kye shes ldan gau ta ma ko sa la'i rgyal po gsal rgyal sang bcom ldan 'das la blta bar mchi 'tshal na/ shes ldan gau ta mas 'di ltar snga nas thugs su chud par mdzad du gsol zhes kyang gsol cig /lha bka' bzhin 'tshal zhes mi des ko sa'i rgyal po gsal rgyal gyi ltar mnyan nas/ bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te/ phyogs gcig tu 'dug go/ /phyogs gcig tu 'dug nas mi des bcom ldan 'das la 'di skad ces gsol to/ /shes ldan gau ta ma'i zhabs gnyis la ko sa la'i rgyal po gsal rgyal mgo bos phyag 'tshal nas gnod pa chung ngam/ nyam nga ba nyung ngam/ 'tsho 'am/ bskyod pa yang ngam/ stobs dang bde ba la reg par spyod dam zhes snyun gsol lags so/ /kye skyes bu khyod dang ko sa'i rgyal po gsal rgyal bde bar gyur cig /kye shes ldan gau ta ma ko sa la'i rgyal po gsal rgyal sang bcom ldan 'das la blta ba'i phyir mchi bar 'tshal na/ shes ldan gau ta mas 'di ltar snga nas thugs su chud par mdzad du gsol/ kye nang rje nga nyid ko sa la'i rgyal po gsal rgyal gyis dus la bab par shes par gyis shig /de nas mi de bcom ldan 'das kyis gsungs pa la mngon par dga' nas/ yi rangs te bcom ldan 'das kyi spyan snga nas song ngo / / de nas bcom ldan 'das kyis mi de song nas ring po ma lon par tshe dang ldan pa kun dga' bo la 'di skad ces bka' stsal to/ /kun dga' bo khyod song la gtsug lag khang yangs pa zhig tu stan mang du shoms shig /nga 'dug la deng nyid nas ko sa la'i rgyal po gsal rgyal dang 'du bar bya'o/ /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ gtsug lag khang yangs pa zhig tu stan mang du bshams nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa gtsug lag khang yangs pa zhig tu gdan mang du bshams lags te/ bcom ldan 'das da de'i dus la bab par dgongs su gsol/ de nas bcom ldan 'das gtsug lag khang yangs pa gang na ba der gshegs te byon nas gdan bshams pa nyid la bzhugs so/ /de nas ko sa la'i rgyal po gsal rgyal la mi des rig par byas te song nas ring po ma lon par mi gzhan zhig la smras pa/ kwa'i nang rje tshur shog / khyod kyis bzhon pa bzang po myur du stod cig /de la kho bo zhon la de ring kho na dge sbyong gau ta ma la blta ba'i phyir 'gro'o/ /lha bka' bzhin 'tshal zhes mi des ko sa la'i rgyal po gsal rgyal gyi ltar mnyan te/ bzhon pa bzang po bstad nas ko sa la'i rgyal po gsal rgyal gang na ba der song ste phyin pa dang / ko sa la'i rgyal po gsal rgyal la 'di skad ces smras so/ /lha bcibs pa bzang po bstad lags te/ lha da de'i dus la bab par dgongs su gsol/ de'i tshe sring mo mdzes ldan dang / nyi ldan gnyis rgyal po gsal rgyal gyi bkad sar 'ongs par gyur te/ sring mo mdzes ldan dang / nyi ldan gnyis kyis lha deng nyid bcom ldan 'das la blta ba'i phyir bzhud do zhes thos so/ /thos nas kyang ko sa la'i rgyal po gsal rgyal la 'di skad ces smras so/ /lha gal te deng nyid bcom ldan 'das gzigs pa'i phyir gshegs na/ lha 'di ltar bdag cag gi tshig gis bcom ldan 'das kyi zhabs gnyis la dbus phyag mdzod la gnod pa chung ngam/ nyam nga ba nyung ngam/ 'tsho 'am/ bskyod pa yang ngam/ stobs dang bde ba la reg par spyod dam zhes snyun gsol bar gsol/ de bzhin du bya'o zhes ko sa la'i rgyal po gsal rgyal gyis mnyan nas/ de nas ko sa la'i rgyal po gsal rgyal bzhon pa bzang po la zhon te 'chag khang nas byung nas/ bcom ldan 'das la blta ba dang / bcom ldan 'das la bsnyen bkur bya ba'i phyir bcom ldan 'das kyi spyan sngar song ste/ des ji tsam bzhon pa'i sa'i bar du bzhon pas song nas bzhon pa las babs te/ rkang pa kho nas kun dga' ra bar zhugs so/ /de nas ko sa la'i rgyal po gsal rgyal bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas ko sa la'i rgyal po gsal rgyal gyis bcom ldan 'das la 'di skad ces gsol to/ /gau ta ma sring mo mdzes ldan dang nyi ldan gnyis bcom ldan 'das gau ta ma'i zhabs gnyis la mgo bos phyag 'tshal te gnod pa chung ngam/ nyam nga ba nyung ngam/ 'tsho 'am/ bskyod pa yang ngam/ stobs dang bde ba la reg par spyod dam zhes snyun gsol lags so/ /sring mo mdzes ldan dang nyi ldan gnyis kyis pho nya gzhan ma rnyed dam/ ci na rgyal po chen po nyid las gzhan ma yin/ kye gau ta ma sring mo mdzes ldan dang / nyi ldan gnyis bdag gi bkad sar mchis pa na/ deng nyid lha bcom ldan 'das la blta ba'i phyir mchi 'tshal lo zhes thos so/ /thos nas kyang bdag la 'di skad ces mchis te/ lha gal te deng nyid bcom ldan 'das gzigs pa'i phyir bzhud par bzhed na/ bdag cag gi tshig gis bcom ldan 'das kyi zhabs gnyis la dbus phyag mdzod la zhes bya ba nas reg par spyod dam zhes bya ba'i bar gong ma bzhin du'o/ /rgyal po chen po khyod dang sring mo mdzes ldan dang nyi ldan gnyis bde bar gyur cig /re shig gal te zhu ba lung bstan pa'i slad du skabs phye na shes ldan gau ta ma la bdag phyogs gzhan 'ga' zhig zhu lags so/ /rgyal po chen po ci dang ci 'dod pa zhus shig / kye gau ta ma bdag gis khyod 'di skad ces dge sbyong ngam bram ze gzhan gyis thams cad shes pa 'am/ mthong ba gang yin pa de ni gnas ma yin zhing go skabs med de gnas med do zhes gsung ngo zhes thos na/ gau ta ma khyod kyis de skad du bka' stsal par dgongs lags sam/ rgyal po chen po de skad du smras par mi dran no/ /de'i tshe sde dpon 'phags skyes po zhes bya ba 'khor de nyid du 'dus shing 'dug par gyur to/ /de nas ko sa la'i rgyal po gsal rgyal gyis sde dpon 'phags skyes po la 'di skad ces smras so/ /sde dpon nyi ma snga ma dang tshes snga ma'i nyi ma dag la rgyal po'i pho brang du rgyal po dang / blon po dang / rgyal po'i 'khor rnams 'dus te 'khod pa na gtam de lta bu sus glengs pa dran nam/ lha dran te/ 'di lta ste/ bkra shis ldan gyi bu bram ze'i khye'u yang dag rgyal ba lags so/ /de nas ko sa la'i rgyal po gsal rgyal gyis mi zhig la smras pa/ kwa'i nang rje khyod bkra shis ldan gyi bu bram ze'i khye'u yang dag rgyal ba gang na ba der song la phyin nas/ bkra shis ldan gyi bu bram ze'i khye'u yang dag rgyal ba la 'di skad ces ko sa la'i rgyal po gsal rgyal khyod 'bod do zhes smros shig /lha bka' bzhin 'tshal zhes mi des ko sa la'i rgyal po gsal rgyal gyi ltar mnyan nas/ bkra shis ldan gyi bu bram ze'i khye'u yang dag rgyal ba gang na ba der song ste phyin nas bkra shis ldan gyi bu bram ze'i khye'u yang dag rgyal ba la 'di skad ces smras so/ /ko sa la'i rgyal po gsal rgyal khyod 'bod do/ /de nas ko sa la'i rgyal po gsal rgyal gyis mi de song nas ring po ma lon par rig nas bcom ldan 'das la 'di skad ces gsol to/ /kye gau ta ma 'di la kha cig don dang tshig ngan par bzung ba 'dzin pa lta mchis lags sam/ rgyal po chen po yod de/ don de gzhan kho na yin pa las de gzhan dag la smra'o/ /shes ldan gau ta mas ji lta bu zhig tu bka' stsal par dgongs lags/ rgyal po chen po ngas ni 'di skad du dge sbyong ngam bram ze gzhan gyis thams cad shes pa 'am/ mthong ba gang yin pa de ni gnas ma yin go skabs med de gnas med do zhes bka' stsal par dran no/ /shes ldan gau ta ma de skad du gsungs pa ni rigs pa'i tshul lags so/ /shes ldan gau ta mas de skad du gsungs pa ni shin tu rigs pa'i tshul lags so/ /re shig gal te zhu ba lung bstan pa'i slad du skabs phye na shes ldan la bdag zhu ba gzhan yang phyogs 'ga' zhig zhu lags so/ /rgyal po chen po ci dang ci 'dod pa zhus shig / kye gau ta mas rigs ni bzhi po 'di dag ste/ bram ze dang / rgyal rigs dang / rje'u rigs dang / dmangs rigs lags na de dag la khyad par ram bsam pa 'am/ tha dad du bgyi ba cung zad mchis sam/ rgyal po chen po yod de/ de la bram ze'i rigs gang dag yin pa dang / rgyal rigs gang dag yin pa de dag ni 'jig rten gyis mthon por bkur ba yin no/ /rje'u rigs gang dag yin pa dang / dmangs rigs gang dag yin pa de dag ni 'jig rten gyis dma' bar brtsis pa yin no/ /shes ldan gau ta ma la bdag cag mthong ba'i chos kyi don las brtsams te zhu ba ni mi zhu lags so/ /'on kyang tshe slad ma'i don las brtsams te zhu ba zhu lags so/ /kye gau ta ma rigs ni bzhi po 'di dag ste/ bram ze dang / rgyal rigs dang / rje'u rigs dang / dmangs rigs lags na de dag la khyad par 'am/ bsam pa 'am/ tha dad du bgyi ba 'ga' mchis sam/ rgyal po chen po rigs ni bzhi po 'di dag ste/ rgyal rigs dang bram ze dang / rje'u rigs dang / dmangs rigs yin la/ de dag gis de bzhin gshegs pa 'am/ de bzhin gshegs pa'i nyan thos gdams ngag sbyin pa dang / rjes su ston pa dang / chos ston pa rnyed na/ de dag la 'di lta ste/ ma 'ongs pa tshe phyi ma la khyad par 'am/ bsam pa 'am/ tha dad du bya ba 'ga' yod dam/ kye gau ta ma rigs ni bzhi po 'di dag ste/ rgyal rigs dang / bram ze dang / rje'u rigs dang / dmangs rigs lags la/ de dag gis de bzhin gshegs pa 'am/ de bzhin gshegs pa'i nyan thos gdams ngag stsol ba 'am/ rjes su ston pa 'am/ chos ston pa rnyed na/ de dag la 'di lta ste spangs pa la khyad par ram/ bsam pa 'am/ tha dad du bgyi ba 'ga' mchis sam/ rgyal po chen po rigs bzhi po 'di dag ste/ rgyal rigs dang / bram ze dang / rje'u rigs dang / dmangs rigs yin la/ de dag gis de bzhin gshegs pa 'am/ de bzhin gshegs pa'i nyan thos gdams ngag sbyin pa 'am/ rjes su ston pa 'am/ chos ston pa rnyed na/ de dag la 'di lta ste/ spangs pa la khyad par 'am/ bsam pa 'am/ tha dad du bya ba 'ga' yod dam/ de'i phyir rgyal po chen po khyod nyid la dri yis/ khyod kyis ji ltar bzod pa de bzhin du lan thob shig /rgyal po chen po dper na 'di la gdul ba bzhi po glang po che gdul ba 'am/ rta gdul ba 'am/ glang gdul ba 'am/ skyes pa gdul ba zhig yod la/ de las gdul ba gnyis ni ma dul ba rnam par ma dul bar gyur la/ gnyis ni shin tu dul ba shin tu rnam par dul bar gyur na/ rgyal po chen po ji snyam du sems/ gdul ba gnyis po ma dul ba rnam par ma dul ba dag cig re shig ma dul ba bzhin dul ba'i sar 'gro ba 'am/ rnam par ma dul ba bzhin rnam par dul ba'i cha sta len par 'gyur ram/ kye gau ta ma ma lags so/ /gang yang gdul ba gnyis po shin tu dul ba dang / shin tu rnam par dul ba de dag shin tu dul bas dul ba'i gnas su 'gro ba 'am/ shin tu rnam par dul bas dul ba'i cha sta len par 'gyur ram/ kye gau ta ma de lta lags so/ /rgyal po chen po de bzhin dus gang zhig dad pa can gyis thob par bya ba de ma dad pas 'thob par 'gyur ba de ni gnas med la/ g.yo med pa dang / skyon med pa dang / brtson 'grus brtsams pa dang / shes rab can gyis thob par bya ba de shes rab 'chal bas thob pa de ni gnas med kyis gang zhig dad pa can gyis thob par bya ba de dad pa can gyis 'thob par 'gyur ba 'di ni gnas yod la/ g.yo med pa dang / skyon med pa dang / brtson 'grus brtsams pa dang / shes rab can gyis thob par bya ba de shes rab can gyis 'thob par 'gyur ba'i gnas de ni yod do/ /kye gau ta ma rigs ni bzhi po 'di dag ste/ rgyal rigs dang / bram ze dang / rje'u rigs dang / dmangs rigs lags la/ de dag gis de bzhin gshegs pa 'am/ de bzhin gshegs pa'i nyan thos gdams ngag stsol ba 'am/ rjes su ston pa 'am/ chos ston pa/ rnyed par gyur cing de dag gtso bo'i yan lag lnga dang ldan par gyur la/ de dag gis kyang mnyam mtshungs par spangs par gyur na de dag gis rnam par grol ba dang / rnam par grol ba la khyad par ram/ bsam pa 'am/ tha dad du bya ba 'ga' mchis sam/ de'i phyir rgyal po chen po khyod nyid la dri yis/ khyod kyis ji ltar bzod pa de bzhin du lan thob shig /rgyal po chen po dper na shar phyogs nas bram ze gzhon nu zhig 'ongs pa dang / de la 'ga' zhig gis 'di skad du gzhon nu tshur/ shing sA la skam po las gtsub stan byos la steng du gtsub shing zhog ste me dbyung ba'i phyir gtsubs la me phyung shig ces smras pa dang / des shing sA la skam po las gtsub stan byas nas steng du gtsub shing bzhag ste/ me de dbyung ba'i phyir gtsubs nas me phyung / nub phyogs nas rje'u rigs gzhon nu zhig 'ongs pa dang / de la 'ga' zhig gis 'di skad du rje'u rigs gzhon nu tshur/ shug pa skam po las gtsub stan byos la steng du gtsub shing zhog ste/ me dbyung ba'i phyir gtsubs la me phyung shig ces smras pa dang / des shug pa skam po las gtsub stan byas nas steng du gtsub shing bzhag ste/ me dbyung ba'i phyir gtsubs nas me phyung / byang phyogs nas dmangs rigs gzhon nu zhig 'ongs pa dang / de la 'ga' zhig gis 'di skad du kye dmangs rigs gzhon nu tshur tsan dan skam po las gtsub stan byos la steng du gtsub shing zhog ste me dbyung ba'i phyir gtsubs la me phyung shig ces smras pa dang / des tsan dan skam po las gtsub stan byas nas steng du gtsub shing bzhag ste me dbyung ba'i phyir gtsubs nas me phyung ba dang / de dag 'ga' zhig gis gcig tu bsdus nas 'dam bu bcer ba 'am/ sog ma'i phung por bcug na rgyal po chen po ji snyam du sems/ mi rigs tha dad pas shing sna tshogs las phyung ba'i me de las ji ga me 'di ni 'od dang ldan pa/ kha dog dang ldan pa/ gsal ba'o// //'dul ba gzhi/ bam po sum bcu rtsa gsum pa/ me 'di ni de lta ma yin no/ /me 'dis ni me'i bya ba byed nus so/ /me 'dis ni mi nus so zhes bya ba'i khyad par ram/ bsam pa 'am/ tha dad du bya ba 'ga' yod dam/ 'on te me de thams cad 'od dang ldan pa/ kha dog dang ldan pa/ gsal ba yin zhing me de thams cad kyis me'i bya ba byed nus/ kye gau ta ma zhugs de thams cad 'od dang ldan pa/ kha dog dang ldan pa/ gsal ba lags shing zhugs de thams cad kyis zhugs kyi bgyi ba bgyid rngo thog lags so/ /rgyal po chen po de bzhin du bag yod pas thob pa gtso bos gtsubs pa'i me de la ni 'di lta ste/ rnam par grol ba dang / rnam par grol ba la khyad par dang / bsam pa dang / tha dad du bya ba 'ga' yang med do/ /shes ldan gau ta mas de skad gsungs pa ni rigs pa'i tshul lags so/ /re zhig zhu ba lung bstan pa'i slad du skabs phye na shes ldan khyod la bdag gzhan yang phyogs 'ga' zhig zhu lags so/ /rgyal po chen po ci dang ci 'dod pa zhus shig /kye gau ta ma lha rnams mchis sam/ rgyal po chen po lha gang dag yin par shes/ lha gang dag sha khon dang bcas/ 'gran zla dang bcas/ gnod pa dang bcas shing 'di lta bur 'ong zhing 'ong bar 'gyur ba 'am/ lha gang dag sha khon med/ 'gran zla med/ gnod pa med cing 'di lta bur mi 'ong zhing 'ong bar mi 'gyur ba yin/ lha de dag ni re shig der bas/ lha gang dag sha khon dang bcas/ 'gran zla dang bcas/ gnod pa dang bcas shing / 'di lta bur mchi zhing mchi bar 'gyur ba'i lha de dag tshe bas/ sug las bas/ bsod nams bas nas gnas/ de nas 'chi 'pho bar 'gyur ba de na lha 'am lha'i bus/ lha 'am lha'i bu gnas de nas 'chi 'pho bar bgyi ba 'am/ spyug par rngo thog lags sam/ rgyal po chen po lha gang dag sha khon dang bcas/ 'gran zla dang bcas/ gnod pa dang bcas shing 'di lta bur 'ong zhing 'ong bar 'gyur ba de dag las zad/ tshe zad bsod nams zad nas gnas de nas 'chi 'pho bar 'gyur ba de na lha 'am lha'i bus/ lha 'am lha'i bu gnas de nas 'chi 'pho bar bya ba 'am/ spyug par mi nus so/ /kye gau ta ma de na lha gang dag sha khon dang bcas/ 'gran zla dang bcas/ gnod pa dang bcas shing 'di lta bur mchi zhing mchi bar 'gyur ba de dag gis lha gnod pa ma mchis pa de dag gnas de nas 'chi 'pho bar bgyi ba 'am/ spyug pa'i rngo thog lags sam/ de nas sde dpon 'phags skyes pos ko sa la'i rgyal po gsal rgyal la 'di skad ces smras so/ /dge sbyong gau ta ma ni 'di skad ces lha rnams ni tshe lhag par ring ba/ lhag par yun ring du gnas pa yin no zhes gsung bar 'gyur ba gang lags pa'i gnas de mchis so/ /de'i tshe tshe dang ldan pa kun dga' bo bcom ldan 'das kyi snam logs na rdul yab thogs nas bcom ldan 'das la g.yob cing 'dug par gyur to/ / de nas tshe dang ldan pa kun dga' bo 'di snyam du sems te/ sde dpon lus 'phags po 'di ni ko sa la'i rgyal po gsal rgyal gyi bu yin la/ bdag kyang bcom ldan 'das kyi chos nyid kyi sras yin pas sras dang bu ni lhan cig gtam byar rung ngo snyam du rig nas sde dpon lus 'phags po la 'di skad ces smras so/ /sde dpon ji snyam du sems/ ko sa la'i rgyal po'i rang gi yul yin la/ de na yang de'i tshig gis khrims su bca' ba la dbang sgyur na sems can dbang chung ngu kha cig gnas de nas 'chi 'pho bar bya ba 'am/ spyug par nus sam/ dge sbyong nus so/ /sde dpon ji snyam du sems/ ko sa la'i rgyal po gsal rgyal gyi rang gi yul ma yin la/ de na yang de'i tshig gis khrims su bca' ba la dbang mi sgyur na/ ko sa la'i rgyal po gsal rgyal gyis sems can dbang chung ba kha cig gnas de nas 'chi 'pho bar bya ba 'am/ spyug par nus sam/ dge sbyong ko sa la'i rgyal po gsal rgyal rang gi yul ma yin la/ de na yang de'i tshig gis khrims su bca' ba la dbang mi sgyur na/ ko sa la'i rgyal po gsal rgyal gyis sems can dbang chung ngu kha cig gnas de nas 'chi 'pho bar bya ba 'am/ spyug par mi nus so/ /sde dpon khyod kyis sum bcu rtsa gsum pa'i lha rnams yod skad thos sam/ dge sbyong ko sa la'i bdag po rgyal po 'di nyid las thos so/ /sde dpon ji snyam du sems/ ko sa la'i rgyal po gsal rgyal gyis sum bcu rtsa gsum pa'i lha rnams gnas de nas 'chi 'pho bar bya ba 'am/ spyug par nus sam/ dge sbyong re shig ko sa la'i rgyal po gsal rgyal gyis sum bcu rtsa gsum pa'i lha rnams mthong ba yang nyams su mi myong na gnas de nas 'chi 'pho bar bya ba 'am/ spyug pa lta smos kyang ci dgos/ sde dpon de bzhin du gnod pa dang bcas pa'i lha rnams kyis gnod pa med pa'i lha rnams mthong ba yang nyams su mi myong na gnas de nas 'chi 'pho bar bya ba 'am/ spyug pa lta smos kyang ci dgos te de ni gnas med do/ / de nas ko sa la'i rgyal po gsal rgyal gyis bcom ldan 'das la 'di skad ces gsol to/ /kye gau ta ma dge sbyong 'di'i ming ci lags/ rgyal po chen po kun dga' bo yin no/ /shes ldan kun dga' bos de skad du smras pa ni rigs pa'i tshul yin no/ /shes ldan kun dga' bos de skad du smras pa ni shin tu rigs pa'i tshul yin no/ /de nas ko sa la'i rgyal po gsal rgyal gyis bcom ldan 'das la 'di skad ces gsol to/ /re zhig gal te zhu ba lung bstan pa'i slad du/ shes ldan gau ta ma la bdag zhu ba gzhan yang phyogs 'ga' zhig zhu lags so/ /rgyal po chen po gang dang gang 'dod pa zhus shig /kye gau ta ma ci lags/ tshangs pa de mchis lags sam/ rgyal po chen po tshangs pa gang yin par shes tshangs pa gang zhig gnod pa dang bcas pas 'di lta bur 'ong bar 'gyur ba 'am/ tshangs pa gang zhig gnod pa med pas 'di lta bur mi 'ong zhing 'ong bar mi 'gyur ba yin/ kye gau ta ma bdag ni de la tshangs pa gang zhig gnod pa ma mchis pas 'di lta bur mi mchi zhing mchi bar mi 'gyur ba'i tshangs pa de lags par 'tshal lo/ /ko sa la'i rgyal po gsal rgyal gyis bcom ldan 'das dang lhan cig skabs kyi gtam de lta bu glengs so/ /de nas mi des bkra shis ldan gyi bu bram ze'i khye'u yang dag rgyal ba khrid nas ko sa la'i rgyal po gsal rgyal gang na ba der song ste phyin nas/ ko sa la'i rgyal po gsal rgyal la 'di skad ces smras so/ /lha de 'di lags so/ / de nas bkra shis ldan gyi bu bram ze'i khye'u yang dag rgyal bas ko sa la'i rgyal po gsal rgyal la rgyal ba dang tshe spel ba dag byas nas phyogs gcig tu 'dug go/ /phyogs gcig tu 'dug pa dang bkra shis ldan gyi bu bram ze'i khye'u yang dag rgyal ba can la ko sa la'i rgyal po gsal rgyal gyis 'di skad ces smras so/ /bram ze'i khye'u nyi ma snga ma dang / tshes snga ma la rgyal po'i pho brang du rgyal po dang blon po dang 'khor rnams 'dus shing 'dug pa na/ dge sbyong gau ta ma 'di skad ces dge sbyong dang bram ze gzhan gyis thams cad shes pa 'am/ mthong ba gang yin pa ni gnas ma yin zhing go skabs med de de ni gnas med do zhes gsung ngo zhes pa'i gtam de lta bu sus smras dran nam/ lha dran lags te 'di lta ste/ sde dpon 'phags skyes po de skad mchi'o/ /'di lta ste/ bkra shis ldan gyi bu bram ze'i khye'u yang dag rgyal ba'o zhes de dag phan tshun de ltar gtam khungs 'byin par byed do/ /de nas ko sa la'i rgyal po gsal rgyal gyi rim gro pa'i mis ko sa la'i rgyal po gsal rgyal la 'di skad ces smras so/ /lha gshegs pa'i dus la bab lags so/ /lha dus la bab lags so/ /de nas ko sa la'i rgyal po gsal rgyal gyis bcom ldan 'das la 'di skad ces gsol to/ /shes ldan gau ta ma bdag gis thams cad mkhyen pa nyid las brtsams te zhu ba zhus pa yang shes ldan gau ta mas bdag la thams cad mkhyen pa nyid zhu ba zhus pa lung bstan lags/ 'dir rigs rnam par dag pa dang / lhag pa'i lha dang / lhag pa'i tshangs pa las brtsams te/ shes ldan gau ta ma la bdag gis zhu ba zhus pa yang shes ldan gau ta mas bdag la lhag pa'i tshangs pa zhu ba zhus pa lung bstan lags te/ shes ldan gau ta ma la bdag gis zhu ba gang dang gang zhus pa de dang de kho na shes ldan gau ta mas bdag la zhu ba lung bstan lags pas/ shes ldan gau ta ma la bdag gis gzhan gsol du ci mchis/ shes ldan gau ta ma bdag ni bgyi ba dang bsgrub pa mang lags pas da mchi lags so/ /rgyal po chen po de'i dus la bab par shes par gyis shig /de nas ko sa la'i rgyal po gsal rgyal bcom ldan 'das kyis gsungs pa la mngon par dga' ste yi rangs nas/ bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / /de nas bcom ldan 'das ko sa la nas ljongs rgyu zhing gshegs pa dang mnyan yod du byon nas mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /khyim bdag mgon med zas sbyin gyis bcom ldan 'das ko sa la nas ljongs rgyu zhing gshegs pa dang mnyan yod du byon nas mnyan yod na bdag kho na'i kun dga' ra ba na bzhugs so zhes thos so/ /thos nas kyang bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te/ phyogs gcig tu 'dug go/ /phyogs gcig tu 'dug nas bcom ldan 'das kyis khyim bdag mgon med zas sbyin la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng stod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug yang dag par gzeng bstod yang dag par rab tu dga' bar mdzad nas cang mi gsung ngo / /de nas khyim bdag mgon med zas sbyin stan las langs te bla gos phrag pa gcig tu gzar nas/ bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol zhes bya ba nas/ stan ches dma' ba zhig blangs te bcom ldan 'das kyi spyan sngar chos nyan pa'i phyir 'dug go zhes bya ba'i bar gong ma bzhin du'o/ /de nas bcom ldan 'das kyis khyim bdag mgon med zas sbyin la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng stod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug yang dag par gzeng stod yang dag par rab tu dga' bar mdzad nas gdan las bzhengs te gshegs so/ /bram ze dang khyim bdag rnams kyis bcom ldan 'das nyan thos kyi dge 'dun dang bcas pa skabs skabs su gdugs tshod gsol bar byed pa na/ dge slong rnams kyis thog mar sprang po rnams la kha zas chung zad byin pa dang / bram ze dang khyim bdag rnams 'phya bar byed pa'i skabs de bcom ldan 'das la dge slong rnams kyis gsol ba dang / bcom ldan 'das kyis bka' stsal pa/ rang gis longs spyad nas lhung bzed kyi lhag ma la sbyin par bya'o/ de na sprang po gnyis po bram ze'i khye'u zhig dang / rgyal rigs kyi khye'u zhig yod pa las/ bram ze'i khye'us dus ma shes nas de dang por slong bar brtsams pa las/ de la dge slong 'gas kyang chung zad kyang ma byin no/ /rgyal rigs kyi khye'us phyi nas slong ba dang / des phal cher rnyed nas des bram ze'i khye'u la smras pa/ khyod kyis cung zad rnyed dam/ des khros nas smras pa/ gal te kho bo la dbang zhig yod na shAkya'i sras kyi dge sbyong thams cad mgo drung nas bcad de sa la dor ba zhig /rgyal rigs kyi khye'us smras pa/ gal te kho bo la 'byor pa zhig yod na kho bos nyi ma re re sangs rgyas la sogs pa dge slong gi dge 'dun la zhal zas ro brgya dang ldan pas bstabs pa zhig /de gnyis de ltar gcig la gcig smra zhing mnyan yod nas byung nas shing drung zhig tu nyal ba dang / shing rtas 'khyam pa zhig phyogs der 'ongs te/ des bram ze'i khye'u de'i mgo bcad do/ /de nas bcom ldan 'das kyis byung ba de la tshigs su bcad de bka' stsal pa/ chos rnams sngon du yid 'gro yid gtso yin/ /yid mgyogs rab tu sdang ba'i yid kyis ni/ /smras sam byas na de nas sdug bsngal de/ / 'thob 'gyur 'khor lo 'phyan pas mgo bo bcad/ /de nas tshe dang ldan pa kun dga' bos bcom ldan 'das la 'di skad ces gsol to/ /btsun pa bka' stsal pa de'i don ci lags/ kun dga' bo khyod kyis bram ze'i khye'u sangs rgyas la sogs pa dge slong gi dge 'dun la sems gdug pas tshig rtsub po phyung ba gang yin pa de mthong ngam/ bcom ldan 'das mthong lags so/ /de sangs rgyas la sogs pa dge slong gi dge 'dun la sems gdug pas tshig rtsub po phyung nas mnyan yod nas byung ste shing drung zhig tu nyal ba dang / shing rtas 'khyam pas de'i mgo bcad par gyur to/ /ngas de las dgongs nas/ chos rnams sngon du yid 'gro yid gtso yin/ zhes bya ba nas snga ma bzhin du/ 'thob 'gyur 'khor lo 'phyan pas mgo bo bcad/ /ces bya ba'i bar gsungs so/ /de'i tshe mnyan yod na tshong dpon zhig bu med par shi'o/ /mnyan yod kyi bram ze dang khyim bdag rnams 'dus nas smras pa/ su zhig tshong dpon du gzhug /kha cig gis smras pa/ su bsod nams kyi mthu chen po dang ldan pa'o/ /ji ltar shes par bya/ brtag mod ces de nas de rnams brtag par brtsams pa las/ de rnams kyis rgyal rigs kyi khye'u de shing gi grib ma la nyal ba na shing gzhan rnams kyi grib ma yol bar gzhol/ yol bar 'bab/ yol bar bab na/ shing de'i grib ma ni khye'u de'i lus las ma yol bar mthong nas/ de rnams kyis de bslang ste tshong dpon du dbang bskur ba dang de 'di snyam du sems te/ bdag la dpal gyi 'byor pa'i skal ba ci yod pa de dag thams cad ni sangs rgyas bcom ldan 'das la brten te yin gyis/ ma la bdag gis bcom ldan 'das nyan thos kyi dge 'dun dang thabs gcig tu gdugs tshod la spyan drang ngo snyam nas/ de bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas/ bcom ldan 'das kyis tshong dpon de la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng stod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas tshong dpon de stan las langs te bla gos phrag pa gcig tu gzar nas/ bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol zhes bya ba nas stan ches dma' ba zhig blangs te/ bcom ldan 'das kyi spyan sngar chos mnyan pa'i phyir 'dug go zhes bya ba'i bar gong ma bzhin du'o/ /de nas bcom ldan 'das kyis de'i bsam pa dang / bag la nyal dang / khams dang / rang bzhin mkhyen nas/ de dang 'thun pa'i 'phags pa'i bden pa bzhi so sor rtogs par 'gyur ba'i chos bshad pa mdzad de zhes bya ba nas/ thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ btsun pa bdag ni 'phags so/ /mngon par 'phags so zhes bya ba dang / bdag bcom ldan 'das dang / chos dang / dge slong gi dge 'dun la skyabs su mchi lags kyis/ bdag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so zhes bya ba'i bar gong ma bzhin du'o/ /de nas bcom ldan 'das kyis khye'u tshong dpon de la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /de nas bcom ldan 'das gtsug lag khang du gshegs nas dge slong gi dge 'dun gyi gung la gdan bshams pa la bzhugs te tshigs su bcad de bka' stsal pa/ chos rnams sngon du yid 'gro yid gtso yin/ /yid mgyogs rab tu dang ba'i yid kyis ni/ /smras sam byas na de nas bde ba de/ /'thob 'gyur grib ma yol bar mi 'gyur bzhin/ /de nas tshe dang ldan pa kun dga' bos bcom ldan 'das la 'di skad ces gsol to/ /btsun pas bka' stsal pa de'i don ci lags/ kun dga' bo khyod kyis rgyal rigs kyi khye'u sangs rgyas la sogs pa dge slong gi dge 'dun la sems dang ba bskyed pa gang yin pa de mthong ngam/ bcom ldan 'das mthong lags so/ /de sangs rgyas la sogs pa dge slong gi dge 'dun la sems dang ba bskyed nas mnyan yod nas byung ste shing drung zhig tu nyal ba las mnyan yod kyi bram ze dang khyim bdag dag gis tshong dpon du dbang bskur nas/ de mthong ba'i chos kho na la longs spyod mngon par 'phel bar gyur to/ /ngas de las dgongs nas/ chos rnams sngon du yid 'gro yid gtso yin/ /zhes bya ba nas snga ma bzhin du 'thob 'gyur grib ma yol bar mi 'gyur bzhin/ /zhes bya ba'i bar gsungs so/ /gdub bu can du byon nas gdub bu can du sangs rgyas bzhi'i gdan zhes bya ba rgyas par gong ma bzhin du'o/ /sa can du byon nas sa can du sangs rgyas bzhi'i gdan zhes bya ba gong ma bzhin du'o/ /seng ge can gyi grong du byon nas seng ge can gyi grong du sangs rgyas bzhi'i gdan zhes bya ba rgyas par gong ma bzhin du'o/ /grong gsar du byon nas grong gsar du sangs rgyas bzhi'i gdan zhes bya ba gong ma bzhin du'o/ /grong khyer can du byon nas grong khyer can du sangs rgyas bzhi'i gdan zhes bya ba gong ma bzhin du'o/ /rgyal po'i khab tu byon nas de'i tshe kun du rgyu khri'u brtsegs zhes bya ba ma ga d+ha bzang mo'i rdzing gi 'gram na gnas te/ de mtshan mo mchil pas nya bshor cing za bar byed do/ /de nam langs nas ni khri'u'i steng du khri'u bzhag pa la 'dug nas tshigs su bcad pas smra ste/ chos kyi chos mchog gis 'tsho srog chags dag /'ga' la yang 'tshe mi byed dge slong 'gyur/ /zhi ba'i yid kyis spong dang brtul zhugs spyad/ /dul ba de ni zhi ba'i rjes su 'thun/ /bcom ldan 'das kyis de'i gdul ba'i dus mkhyen nas de'i drung du gshegs te bka' stsal pa/ tshigs bcad de ni ji lta bar/ /gal te khyod kyang de 'dra na/ /khyod kyang dam par brtsir rung na/ /spong ba khyod ni de mi 'dra/ /re zhig nye bar zhi zhing dul ba dang / /srog chags 'ga' la'ang 'tshe bar ma byed par/ /zhi ba'i yid kyis spong dang brtul zhugs spyod/ /dul ba de ni zhi ba'i rjes su mthun/ /gang la lus dang ngag dang yid kyis ni/ /nyes par byas pa yod pa ma yin la/ /gang zhig gnas gsum dag gis bsdams gyur pa/ /dul ba de ni zhi ba'i rjes su mthun/ /de nas kun du rgyu khri'u brtsegs kyis bsams pa/ dge sbyong gau ta ma'i thugs kyis ni bdag gi sems mkhyen to snyam du rig nas mngon par dad par gyur to/ /de nas bcom ldan 'das kyis de'i bsam pa dang / bag la nyal dang / khams dang / rang bzhin mkhyen nas de dang mthun pa'i 'phags pa'i bden pa bzhi so sor rtogs par 'gyur ba'i chos bshad mdzad de/ thos pas kun du rgyu khri'u brtsegs zhes bya ba nas thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas so/ / dge slong dag gis de khri'u'i steng du khri'u bzhag pa la 'dug pa mthong nas/ dge slong zhig gis khri'u'i steng du khri'u bzhag ste chos mnyan na de bden pa'i snod du gyur kyang bden pa ma mthong nas/ bcom ldan 'das kyis dgongs pa/ ci'i phyir dge slong 'dis bden pa ma mthong snyam na ma gus pas yin par gzigs so/ /de nas bcom ldan 'das 'di snyam du dgongs te/ nyes dmigs gang ci byung ba de ni dge slong dag khri'u'i steng du khri'u bzhag nas 'dug pa yin no snyam nas de lta bas na dge slong gis khri'u'i steng du khri'u bzhag pa la 'dug par mi bya'o/ /'dug na 'gal tshabs can du 'gyur ro/ /de nas bcom ldan 'das rgyal po'i khab nas n+ya gro d+har byon nas de nas snga dro sham thabs mnabs/ na bza' chos gos dang lhung bzed bsnams te n+ya gro d+har bsod snyoms la zhugs pa dang / ser skya'i gzhi'i bram ze'i bu mo zhig n+ya gro d+har bag mar btang ba dang / bram ze'i bu mos bcom ldan 'das sku skyes bu chen po'i mtshan sum bcu rtsa gnyis kyis kun nas brgyan pa/ dpe byad bzang po brgyad bcus mdzes pa/ sku 'od 'dom gang gis brgyan pa/ 'od zer nyi ma stong bas lhag pa/ gshegs na rin po che'i ri bo 'gro ba ltar kun nas bzang ba mthong ngo / /mthong ma thag tu de 'di snyam du sems te/ bcom ldan 'das 'di ni shAkya'i rigs dga' ba las 'khor los sgyur ba'i rigs kyi rgyal srid kyang spangs/ btsun mo mang po dang / mdzod dang / bang mdzod kyi 'byor pa rnams kyang spangs nas rab tu byung ba de yin te/ de da ltar bsod snyoms la rgyus/ gal te bdag las bsod snyoms kyi zan bzhes na ni de la bdag gis dbul lo snyam mo/ /de nas bcom ldan 'das kyi thugs kyis de'i sems mkhyen nas lhung bzed bzed de/ sring mo gal te khyod kyis yongs su btang na lhung bzed 'dir phul cig /de nas de lhag par dad pa skyes te/ bcom ldan 'das kyi thugs kyis bdag gi sems mkhyen to snyam du rig nas dad pa drag pos bcom ldan 'das la bsod snyoms kyi zan phul ba dang / de nas bcom ldan 'das 'dzum pa mdzad do/ /chos nyid kyis gang gi tshe sangs rgyas bcom ldan 'das rnams 'dzum pa mdzad pa de'i tshe zhes bya ba nas/ mdzod spur nub par gyur to zhes bya ba'i bar gong ma bzhin du'o/ /de nas tshe dang ldan pa kun dga' bos thal mo sbyar te bcom ldan 'das la zhus pa/ rgyu ma mchis rkyen ma mchis par ni zhes bya ba nas/ 'dzum pa mdzad ces bya ba'i bar gong ma bzhin du'o/ /kun dga' bo khyod kyis bram ze'i bu mo gang zhig dad pa skyes nas nga la bsod snyoms kyi zan phul ba de mthong ngam/ btsun pa mthong lags so/ /kun dga' bo bram ze'i bu mo de dge ba'i rtsa ba 'dis bskal pa bcu gsum du log par 'gro bar mi 'gyur zhing lha dang mi rnams su nying mtshams sbyar cing 'khor nas srid pa phyi ma dang / skye gnas phyi ma dang / lus phyi ma dang / bdag gis ngo bo thob pa phyi ma la rang sangs rgyas shin tu legs smon zhes bya bar 'gyur ro/ /kun du bram ze'i bu mo che ge mo zhig dad pa skyes nas bcom ldan 'das la bsod snyoms zan zhig phul bas/ bcom ldan 'das kyis de rang byang chub tu lung bstan to zhes sgra grags so/ /de'i khyo me tog dang yam sreg shing gi phyir dgon par song ba des bdag gi chung mas dge sbyong gau ta ma la bsod snyoms zan zhig phul bas/ dge sbyong gau ta mas de rang byang chub tu lung bstan to zhes thos so/ /thos nas kyang mi bzod pa skyes te/ bcom ldan 'das gang na ba der song nas phyin pa dang / bcom ldan 'das la 'di skad ces gsol to/ /shes ldan gau ta ma bdag gi sdum par byon tam/ bram ze son to/ /shes ldan gau ta ma bdag gi mchis 'brang gis bsod snyoms bshos shig phul nas khyod kyis de rang byang chub tu lung bstan skad na mad dam/ bram ze bden no/ /kye gau ta ma khyod 'khor los sgyur ba'i rgyal srid spangs nas rab tu byung na/ da bsod snyoms bshos tsam gyi slad du ji ltar shes bzhin gyi brdzun gyi tshig gsung / sa bon 'di tsam gyi 'bras bu 'di'o zhes bgyi ba khyod la su zhig yid ches par 'gyur/ bram ze de'i phyir khyod nyid la dri yis/ khyod kyis ji ltar bzod pa de bzhin du lan thob shig /bram ze ji snyam du sems/ khyod kyis ngo mtshar rmad du byung ba'i chos mthong ba 'ga' yod dam/ kye gau ta ma re shig ngo mtshar rmad du byung ba'i chos gzhan lta zhog /n+ya gro d+ha 'di nyid du ngo mtshar rmad du byung ba'i chos shig mthong ba de re shig gson cig /kye gau ta ma n+ya gro d+ha 'di'i shar phyogs na n+ya gro d+ha'i shing chen po zhig mchis te/ de'i ming gis grong 'di n+ya gro d+ha zhes bgyi'o/ /de'i 'og na shing rta lnga brgya ma reg cing phan tshun ma thug par mchis lags so/ /bram ze n+ya gro d+ha de'i sa bon tshad ji tsam zhig yod/ ci re shig zhing rnang tsam 'am/ kye gau ta ma ma lags so/ /re lde tsam 'am/ til 'dru ba'i 'khor lo tsam 'am/ shing rta'i 'khor lo tsam 'am/ ba'i ko ba tsam 'am/ bil ba tsam 'am/ ka pid tha'i 'bras bu tsam 'am/ kye gau ta ma ma lags so/ /kye gau ta ma ye yungs kar gyi bzhi cha tsam mchis lags so/ /bram ze sa bon de tsam gyi 'bras bu shing chen po de tsam zhig skyes so zhes bya ba khyod la su zhig yid ches par 'gyur/ shes ldan gau ta ma yid ches kyang rung ma ches kyang rung bdag gi mngon sum du gyur lags so/ /kye gau ta ma re shig zhing snag che ba ser sme ba dog sa tshwa sgo ma mchis pa'i phyogs su sa bon sar pa grung po ma nyams par mchis pa la dus dus su lhas char phab na des na shing n+ya gro d+ha chen po 'dir 'khrungs lags so/ /de nas bcom ldan 'das kyis byung ba de la tshigs su bcad de bka' stsal pa/ bram ze khyod kyis ji lta bur/ /zhing dang sa bon mngon sum ltar/ /de bzhin las kyi rnam smin yang / / de bzhin gshegs pa'i mngon sum mo/ /ji ltar bram ze khyod kyi sa bon ni/ /chung dang shin tu shing chen de mthong ba/ /bram ze ngas kyang sa bon chung ngu dang / /phun sum chen po de yang de bzhin mthong / /de nas bcom ldan 'das kyis zhal nas ljags brkyang bas dbu skra la thug pa'i bar zhal gyi dkyil 'khor thams cad g.yogs nas bram ze de la bka' stsal pa/ bram ze de ji snyam du sems/ gang gi zhal nas ljags byung bas zhal gyi dkyil 'khor thams cad yog par byed pa de ci ga 'khor los sgyur ba'i rgyal srid stong gi phyir yang shes bzhin du brdzun gyi tshig gsung ngam/ kye gau ta ma ma lags so/ /bcom ldan 'das kyis tshigs su bcad de bka' stsal pa/ nga yi ljags ni sgyu med bden pas bskyed pa dag /ci ga mi bden pa ni gsung bar 'gyur srid dam/ /bram ze nga yis ji skad bshad pa de bzhin bas/ /de bzhin gshegs pa yin zhes rtogs par bya ba'i rigs/ /de nas bram ze de mngon par dad nas de nas bcom ldan 'das kyis de'i bsam pa dang / bag la nyal dang / khams dang / rang bzhin mkhyen nas zhes bya ba nas/ thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ btsun pa bdag ni 'phags so/ /mngon par 'phags so zhes bya ba'i bar gong ma bzhin du'o/ /bdag bcom ldan 'das dang / chos dang / dge slong gi dge 'dun la skyabs su mchi lags kyis bdag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /de nas bram ze de bcom ldan 'das kyis gsungs pa la mngon par dga' nas yi rangs te/ bcom ldan 'das kyi zhabs gnyis la mgo bos phyag byas nas bcom ldan 'das kyi spyan snga nas song ngo // // sdom la/ kim pi la dang sbrul gdugs dang / /ma thu la dang yul 'khor skyong / /glang chen grong dang grong khyer che/ /srug na dang ni bram ze'i grong / / grong khyer nag po ro hi ta/ /gsing ma can dang de bzhin du/ /dga' ba 'phel bas tshogs su ni/ /byas te yang dag brjod pa yin/ /bcom ldan 'das kim pi lar byon nas kim pi la'i nags khrod na bzhugs so/ /de nas bcom ldan 'das kyis tshe dang ldan pa kim pi la la bka' stsal pa/ kim pi la dran pa nye bar gzhag pa bzhi la brtsams te bsgom pa khyod la bshad kyis/ de legs par rab tu nyon la yid la zung shig dang bshad do zhes de skad bka' stsal pa na/ tshe dang ldan pa kim pi la cang mi smra'o/ /lan gnyis su yang de bzhin/ lan gsum du yang de bzhin brjod par bya'o/ /de nas tshe dang ldan pa kun dga' bos tshe dang ldan pa kim pi la la 'di skad ces smras so/ /tshe dang ldan pa kim pi la khyod la ston pa gsung ngo / /tshe dang ldan pa kun dga' bo 'tshal to/ /tshe dang ldan pa gau ta ma rab tu 'tshal to/ /de nas tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das de'i dus la bab lags so/ /bde bar gshegs pa de'i dus la bab lags te/ bcom ldan 'das kyis dge slong rnams la dran pa nye bar gzhag pa bzhi las brtsams te bsgom pa bshad na/ de'i slad du dge slong rnams kyis thos nas 'dzin par 'gyur lags so/ /kun dga' bo de'i phyir legs par nyon la yid la zung shig dang bshad do/ /'di la dge slong gang yang grong dang grong rdal zhes bya ba dang / dran bzhin du dbugs brngubs na dbugs brngubs so zhes slob ste zhes bya ba nas/ 'gog pa'i rjes su lta zhing dbugs phyung ba slob ste zhes bya ba'i bar gong ma bzhin du'o/ /gang gi tshe 'phags pa'i nyan thos dran bzhin du dbugs brngubs na/ dran bzhin du dbugs brngubs so zhes slob pa zhes bya ba nas/ lus kyi 'du byed shin tu sbyangs te lus la lus kyi rjes su lta zhing dbugs phyung ngo zhes slob ste zhes bya ba'i bar gong ma bzhin du'o/ /de'i tshe 'phags pa'i nyan thos lus la lus kyi rjes su lta zhing gnas so/ /de'i tshe 'phags pa'i nyan thos gnas pa na nang gi yid la byed pa yod par shes so/ /kun dga' bo dper na lam po che'i bzhi mdor rdul gyi mchod rten zhig brtsigs par 'gyur la de nas shar phyogs nas bzhon pa can nam/ khyogs sam/ shing rtas 'khyam pa zhig 'ongs na/ kun dga' bo ji snyam du sems/ rdul gyi mchod rten 'jig par 'gyur ram/ btsun pa 'gyur lags so/ /de bzhin du gang gi tshe 'phags pa'i nyan thos dran bzhin du dbugs brngubs so/ /zhes bya ba nas nang gi yid la byed pa yod par shes pa zhes bya ba'i bar gong ma bzhin du'o/ /gang gi tshe 'phags pa'i nyan thos dga' ba so sor myong ba zhes bya ba nas/ sems kyi 'du byed shin tu sbyangs te tshor ba rnams la tshor ba'i rjes su lta zhing dbugs phyung ngo zhes/ slob bo zhes bya ba'i bar gong ma bzhin du'o/ /de'i tshe 'phags pa'i nyan thos gnas pa na nang gi yid la byed pa yod par shes so/ /dper na kun dga' bo lam po che'i gzhi mdor rdul gyi mchod rten zhig brtsigs par gyur la/ de nas lho phyogs nas bzhon pa can nam/ khyogs sam/ shing rtas 'khyam pa zhig 'ongs na zhes bya ba nas/ tshor ba rnams la tshor ba'i rjes su lta'o zhes bya ba'i bar gong ma bzhin du'o/ /de'i tshe 'phags pa'i nyan thos gnas pa na nang gi yid la byed pa yod par shes so gang gi tshe 'phags pa'i nyan thos sems so sor myong ba dang / sems rab tu dga' ba dang / sems mnyam par 'jog pa dang sems rnam par grol bar byed cing dbugs brngubs na sems rnam par grol bar byed cing dbugs brngubs so zhes slob bo/ /sems rnam par grol bar byed cing dbugs phyung na sems rnam par grol bar byed cing dbugs phyung ngo zhes slob ste/ sems la sems kyi rjes su lta'o/ /gang gi tshe 'phags pa'i nyan thos gnas pa na nang gi yid la byed pa yod par shes te mchod rten de nyid la nub phyogs nas zhes dper bya'o/ /de lus de dang tshor ba de dang sems de la brnab sems yid mi bde ba gnyis ka nub pas chos rnams la chos kyi rjes su lta zhing btang snyoms su gnas so/ /de'i tshe 'phags pa'i nyan thos gnas pa na nang gi yid la byed pa yod par shes te dper na lam po che'i bzhi mdor rdul gyi mchod rten brtsigs par gyur la/ de nas byang phyogs nas bzhon pa can nam khyogs sam/ shing rtas 'khyam pa zhig 'ongs na/ kun dga' bo ji snyam du sems/ rdul gyi mchod rten 'jig par 'gyur ram/ btsun pa de ltar 'gyur lags so zhes bya ba nas de ltar chos la chos kyi rjes su lta ba zhes bya ba'i bar gong ma bzhin du'o/ /de'i tshe 'phags pa'i nyan thos gnas pa na nang gi yid la byed pa yod par shes te/ kun dga' bo de ltar na dran pa nye bar gzhag pa bzhi'i dbang du byas te/ bsgoms pa yin no/ /de nas bcom ldan 'das ri 'or zhig tu byon to/ /ri 'or de na tshe dang ldan pa maud gal gyi bu chen po'i zhang po drang srong rnams kyi nang du rab tu byung ba de tshe dang ldan pa maud gal gyi bu chen pos 'dul bar 'gyur bas/ de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu zhang po la soms shig /btsun pa bka' bzhin 'tshal zhes tshe dang ldan pa maud gal gyi bu chen pos bcom ldan 'das kyi ltar mnyan te/ de'i gdul ba'i dus shes nas drang srong rnams kyi bsti gnas su 'jug par brtsams so/ /de nas drang srong des smras pa/ dge sbyong 'dug shig /bram ze rnams kyi bsti gnas 'dir ma 'jug shig /des smras pa/ nga yang bram ze yin no/ /drang srong des tshigs su bcad de smras pa/ bram ze khyod la bsang byed med/ /glugs gzar yang ni yod ma yin/ /khyod ni mgo reg me mchod min/ /bram ze bdag ces ci ste smra/ /tshe dang ldan pa maud gal gyi bu chen pos kyang tshigs su bcad de smras pa/ bram ze nga yi ngo tsha shes/ bsang byed glugs gzar shes rab nyid/ /chu rgyun rtag 'bab dad pa ni/ /nga yi ril ba spyi blugs yin/ /nang du legs par mnyam bzhag pa'i/ /bden pa kho bo me mchod de/ /yang dag sdom dang dul ba yis/ /nyin mtshan du ni sbyin sreg byed/ /gal te de ltar gyur na yang dge sbyong mgo reg la ni 'dir skabs mi 'byed do/ /de nas tshe dang ldan pa maud gal gyi bu chen pos rlung dang char drag btang nas mtsho bran dang nye ba zhig tu song nas shing zhig gi drung du rten cing 'dug go/ /de nas klu'i rgyal po dga' bo dang nye dga' bo'i 'khor zhig gnas pa des bsams pa/ 'di ni 'phags pa maud gal gyi bu chen po yin te/ klu'i rgyal po dga' bo dang nye dga' bo gnyis kyis bla mar bya ba yin gyis/ ma la bdag gis 'di'i mchod pa bya ba la brtson par bya'o snyam ste/ klu de gnas nas byung nas tshe dang ldan pa maud gal gyi bu chen po'i lus la lan bdun du dkris te steng nas mgo'i gdengs ka chen po byas nas 'dug go/ /drang srong rnams kyi chos nyid kyis gal te sdug bsngal la ma bsams na drang srong gi chos las nyams par 'gyur bas de nas drang srong de 'di snyam du sems te/ rab tu byung ba de rlung dang char drag gis nyen nas shi bar gyur te/ bdag drang srong gi chos las nyams par gyur na mi rung ngo snyam nas/ de nas bsti gnas de nas phyir byung ste/ blta bar brtsams pa na des de mthong nas smras pa/ kye rab tu byung ba kho bo cag gi bsti gnas su zhugs shig /des smras pa/ drang srong chen po khyod drang srong gi chos de las nyams par gyur tam/ drang srong des de'i nga ro las ngo shes nas smras pa/ 'phags pa maud gal gyi bu chen po lags sam/ drang srong bdag skye bos de ltar shes so/ /'phags pa don ci zhig la byon/ khyod nyid kyi gdul ba'i dus shes nas 'ongs so tshur spyon bcom ldan 'das kyi drung du bzhud do/ /de nas tshe dang ldan pa maud gal gyi bu chen pos zhang po khrid nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug nas/ tshe dang ldan pa maud gal gyi bu chen pos bcom ldan 'das la 'di skad ces gsol to/ /bdag gi zhang po drang srong gi nang du rab tu byung ba 'di lags na/ bcom ldan 'das kyis 'di la chos bshad pa'i rigs so/ de nas bcom ldan 'das kyis drang srong de'i bsam pa dang / bag la nyal dang khams dang rang bzhin mkhyen nas de dang mthun pa'i chos bshad pa mdzad de/ de thos pas drang srong des phyir mi 'ong ba'i 'bras bu mngon sum du byas nas de nas stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'thob pa lta na/ bdag bcom ldan 'das kyi spyan sngar tshangs par spyod pa spyad par bgyi'o/ /bcom ldan 'das kyis de dge slong tshur shog zhes bya bas rab tu phyung ngo zhes bya ba nas/ de bzhin gshegs pas tshur shog bka' stsal pas/ skra byi snam sbyar gyon pa'i lus ldan zhing / /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /ces bya ba'i bar gong ma bzhin du'o/ /tshe dang ldan pa maud gal gyi bu chen po song ba dang klu gzhon nu de gnas de na gcig tu mi dga' bar gyur nas/ de nas ri 'or der yams kyi nad dag btang ste/ bdag nyid drang srong gi cha byad du mngon par sprul nas bsti gnas der song ste gnas so/ /de nas ri 'or na gnas pa'i skye bo'i tshogs de bsti gnas der lhags nas de rnams kyis smras pa/ drang srong chen po bdag cag la yams kyi nad byung na bdag cag gis ji ltar bgyi/ drang srong gis smras pa/ phyogs 'di nyid du shog la 'dug shig dang / zhi bar 'gyur ro/ /de nas ri 'or na gnas pa'i skye bo'i tshogs de phyogs der lhags nas gnas so/ /phyogs der sbrul gyis gdugs byas pas sbrul gdugs sbrul gdugs shes bya bar grags te/ dad pa can rnams kyis gtsug lag khang yo byad thams cad yod pa zhig brtsigs so/ /sangs rgyas bcom ldan 'das ma thul na 'bab chu rab tu bzang ldan zhes bya ba'i 'gram slob pa rnams kyi a mra'i tshal na bzhugs so/ /de nas bcom ldan 'das kyis dge slong rnams la bka' stsal pa/ dge slong dag bdag nyid gling dang / bdag nyid skyabs dang chos kyi gling dang / chos kyi skyabs la gnas par bya'i/ gling gzhan ma yin/ skyabs gzhan ma yin no/ / dge slong dag khyed kyis bdag nyid gling dang bdag nyid skyabs dang / chos kyi gling dang chos kyi skyabs kyis gnas par bya'i/ gling gzhan ma yin zhing skyabs gzhan ma yin pa 'di la so sor yang dag par bslab par bya'o/ / mya ngan dang smre sngags 'don pa dang sdug bsngal ba dang yid mi bde ba dang / 'khrug pa rnams ni ji lta bu zhig yin/ gang zhig yod na ci la brten nas ci la mngon par zhen te/ bdag ni ci yin zhes rjes su lta ba rnams la mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa gang dag ma skyes pa ni skye zhing skyes pa rnams ni phyir zhing 'phel zhing rgyas par 'gyur/ btsun pa bcom ldan 'das ni chos rnams kyi rtsa ba lags bcom ldan 'das ni 'dren pa lags bcom ldan 'das ni ston pa lags pas bcom ldan 'das kyis don 'di nyid dge slong rnams la bshad na/ bcom ldan 'das las dge slong rnams kyis thos nas 'dzin par 'gyur lags so/ /dge slong dag de'i phyir legs par rab tu nyon la yid la zung shig dang bshad do/ /dge slong dag gzugs yod na gzugs la brten nas gzugs la mngon par zhen te gzugs ni bdag yin no zhes rjes su lta ba rnams la mya ngan dang smre sngags 'don pa dang sdug bsngal ba dang yid mi bde ba dang 'khrug pa gang dag ma skyes pa ni skye zhing skyes pa rnams ni phyir zhing 'phel zhing rgyas par 'gyur/ dge slong dag tshor ba dang 'du shes dang 'du byed rnams dang / rnam par shes pa yod na/ rnam par shes pa la brten nas rnam par shes pa la mngon par zhen te rnam par shes pa ni bdag yin no zhes rjes su lta ba rnams la mya ngan dang / smre sngags 'don pa dang / sdug bsngal ba dang yid mi bde ba dang / 'khrug pa gang dag ma skyes pa ni skye zhing skyes pa rnams ni phyir zhing 'phel zhing rgyas par 'gyur ro/ /dge slong dag khyed kyis ltos shig ces bya ba nas/ dran bzhin du dbugs brngubs na brngubs so zhes slob ste/ tshor ba la tshor ba'i rjes su lta'o zhes bya ba'i bar gong ma bzhin du'o/ /de'i tshe 'phags pa'i nyan thos tshor ba la tshor ba'i rjes su lta zhing gnas so/ /de'i tshe 'phags pa'i nyan thos gnas pa na nang gi yid la byed pa yod par shes te/ dper na kun dga' bo lam po che'i bzhi mdor rdul gyi mchod rten zhig brtsigs par gyur la lho phyogs nas bzhon pa can nam khyogs sam shing rtas 'khyam pa 'ongs na zhes bya ba nas/ tshor ba la tshor ba'i rjes su lta'o zhes bya ba'i bar gong ma bzhin du'o/ /de'i tshe 'phags pa'i nyan thos gnas pa na nang gi yid la byed pa yod par shes so/ /gang gi tshe 'phags pa'i nyan thos sems so sor myong ba dang sems rab tu dga' ba dang sems mnyam par 'jog pa dang sems rnam par grol bar byed cing dbugs brngubs so zhes slob pa dang sems rnam par grol bar byed cing dbugs phyung na sems rnam par grol bar byed cing dbugs phyung ngo zhes slob ste sems la sems kyi rjes su lta ba de'i tshe 'phags pa'i nyan thos sems la sems kyi rjes su lta zhing gnas so/ /de'i tshe 'phags pa'i nyan thos gnas pa na nang gi yid la byed pa yod par shes so/ /dpe ni nub phyogs nas khyogs 'ong ba de nyid bya'o de lus de dang tshor ba de dang sems de la brnab sems dang / yid mi bde ba de dag nub pas chos la chos kyi rjes su lta zhing btang snyoms su gnas so/ /de'i tshe 'phags pa'i nyan thos chos la chos kyi rjes su lta zhing gnas so/ /de'i tshe 'phags pa'i nyan thos gnas pa na nang gi yid la byed pa yod par shes te/ 'di lta ste lam po che'i bzhi mdor rdul gyi mchod rten zhig brtsigs par gyur la/ de nas byang phyogs nas ni bzhon pa can nam khyogs sam/ shing rtas 'khyam pa 'ongs na/ kun dga' bo ji snyam du sems/ rdul gyi mchod rten 'jig par 'gyur ram/ btsun pa de ltar 'gyur lags so zhes bya ba nas de ltar chos rnams la chos kyi rjes su lta'o zhes bya ba'i bar gong ma bzhin du'o/ /de'i tshe 'phags pa'i nyan thos gnas pa na nang gi yid la byed pa yod par shes te kun dga' bo de ltar na dran pa nye bar gzhag pa bzhi la brten nas bsgoms pa yin no/ /bcom ldan 'das yul sgra ngan nas ljongs rgyu zhing gshegs pa na bang mdzod stug po can du byon nas/ bang mdzod stug po can na bang mdzod stug po can gyi tshal na bzhugs so/ /bang mdzod stug po can gyi bram ze dang khyim bdag rnams kyis bcom ldan 'das yul sgra ngan nas ljongs rgyu zhing gshegs pa na bang mdzod stug po can du byon nas/ bang mdzod stug po can na bang mdzod stug po'i tshal na bzhugs so zhes thos so/ /thos nas kyang tshogs nas tshogs dang / khyu nas khyur 'dus shing phrad nas bang mdzod stug po can nas byung ste/ bcom ldan 'das gang na ba der dong ste lhags pa dang / bcom ldan 'das kyi zhabs gnyis la mgo bos phyag byas te phyogs gcig tu 'khod do/ /phyogs gcig tu 'khod nas bcom ldan 'das kyis bang mdzod stug po can gyi bram ze dang khyim bdag rnams la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng stod par mdzad/ yang dag par rab tu dga' bar mdzad do// //'dul ba gzhi/ bam po sum bcu rtsa bzhi pa/ de'i tshe khyim bdag gi bu yul 'khor skyong 'khor de nyid du 'dus shing 'dug par gyur to/ /de nas khyim bdag gi bu yul 'khor skyong 'di snyam du sems te/ ji ltar bcom ldan 'das kyis gsungs pa'i don bdag gis shes pa ltar na khyim pa khyim na gnas pas ji srid 'tsho'i bar du tshangs par spyod pa gcig tu sal gyis dag pa/ ma 'dres pa/ yongs su rdzogs pa/ yongs su dag pa/ rnam par byang ba spyad pa 'di ni sla ba ma yin pas ma la bdag skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung ngo snyam mo/ /de nas bcom ldan 'das kyis rnam grangs du mar bang mdzod stug po can gyi bram ze dang khyim bdag rnams la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas bang mdzod stug po can gyi bram ze dang khyim bdag rnams bcom ldan 'das kyis gsungs pa la mngon par dga' ste yi rangs nas bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas dong ngo / /khyim bdag gi bu yul 'khor skyong gis bang mdzod stug po can gyi bram ze dang khyim bdag rnams dong nas ring po ma lon par rig nas stan las langs te bla gos phrag pa gcig tu gzar nas/ bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs pa dge slong gi dngos po 'thob pa lta na/ bdag bcom ldan 'das kyi spyan sngar tshangs par spyod pa spyad par bgyi'o/ / khyim bdag gi bu pha dang ma gnyis kyis gnang ngam/ btsun pa ma gnang ngo / /khyim bdag gi bu de bzhin gshegs pa 'am/ de bzhin gshegs pa'i nyan thos rnams ni pha dang ma gnyis kyis ma gnang ba rab tu 'byin pa dang / bsnyen par rdzogs par mi byed do/ /btsun pa bdag gis ci nas pha dang mas gnang ba de ltar bgyi lags so/ /de nas khyim bdag gi bu yul 'khor skyong bcom ldan 'das kyis gsungs pa la mngon par dga' ste yi rangs nas/ rang gi khyim gang na ba der song ste phyin pa dang / pha dang ma la 'di skad ces smras so/ /yab yum mkhyen par mdzod cig /bdag dad pa yang dag pa kho nas khyim nas khyim ma mchis par rab tu 'byung bar bgyi'o/ /bu yul 'khor skyong shes par gyis shig /khyod nged kyi bu gcig pa sdug pa yid du 'ong ba bzod pa mi mthun pa med pa yin pas khyod shi bar gyur na nged mi 'dod bzhin du 'bral grang / gson bzhin du ga la btang / yab yum gal te re shig gnang na legs/ gal te ma gnang na deng slan bcad 'tshal ma yang mi 'tshal/ phyag yang mi 'tshal lo/ /de nas khyim bdag gi bu yul 'khor skyong gis nyi ma gcig kyang zan bcad pa byas so/ /gnyis dang gsum nas bdun gyi bar du zan bcad pa byas so/ /de nas khyim bdag gi bu yul 'khor skyong gi pha dang mas khyim bdag gi bu yul 'khor skyong la 'di skad ces smras so/ /bu yul 'khor skyong shes par gyis shig /khyod ni shin tu gzhon pa bde ba 'dod pa yin pas khyod kyi sdug bsngal mi shes te/ tshangs par spyod pa spyad dka'o/ /rab tu dben pa bya dka'o/ /gcig pu nyid la mngon par dga' ba dka'o/ /gnas mal dgon pa dang / nags khrod dang / bas mthar gnas pa ni mnags dka'o/ /bu yul 'khor skyong tshur 'dug la 'dod pa dag la yang spyod cig /sbyin pa dag kyang byin cig /bsod nams dag kyang gyis shig /de skad smras na khyim bdag gi bu yul 'khor skyong cang mi smra'o/ /de nas khyim bdag gi bu yul 'khor skyong gi pha dang mas nye du rnams la bcol ba/ kye nye du dag re shig bu yul 'khor skyong slong shig /de nas khyim bdag gi bu yul 'khor skyong gi nye du rnams khyim bdag gi bu yul 'khor skyong gang na ba der dong ste phyin nas/ khyim bdag gi bu yul 'khor skyong la 'di skad ces smras so/ /bu yul 'khor skyong mkhyen par mdzod cig /khyod ni shin tu gzhon pas bde ba bzhed pa lags zhes bya ba nas bsod nams dag gyis shig ces bya ba'i bar gong ma bzhin du'o/ /de skad smras na khyim bdag gi bu yul 'khor skyong cang mi smra'o/ /de nas khyim bdag gi bu yul 'khor skyong gi pha dang mas yul 'khor skyong gi ne'u ldangs rnams la bcol ba/ kye gzhon nu dag re shig bu yul 'khor skyong slong shig /de nas khyim bdag gi bu yul 'khor skyong gi ne'u ldangs rnams kyis yul 'khor skyong la 'di skad ces smras so/ /kye sras des pa yul 'khor skyong mkhyen par mdzod cig /khyod ni shin du gzhon pas bde ba bzhed pa lags la zhes bya ba nas/ bsod nams dag mdzod cig ces bya ba'i bar snga ma bzhin du'o/ /des de skad smras na khyim bdag gi bu yul 'khor skyong cang mi smra'o/ /de nas gzhon nu dag gis yul 'khor skyong gi pha dang ma la 'di skad ces smras so/ /yab yum sras yul 'khor skyong 'di gum pas ci zhig bgyi/ rab tu 'byung du gnong dang / gal te dga' bar gyur na 'di gson po nyid du gzigs par 'gyur la/ gal te mngon par mi dga' bar gyur na yang bu'i gnas pha ma gnyis ma lags pa gzhan su zhig mchis/ gzhon nu dag bdag cag la gal te rab tu byung nas lta bar byed na de bzhin du gnang bar bya'o/ /de nas yul 'khor skyong gi ne'u ldangs dag gis khyim bdag gi bu yul 'khor skyong la 'di skad ces smras so/ /des pa yul 'khor skyong mkhyen par mdzod cig /pha dang mas gnang ste 'di skad ces gal te rab tu byung nas lta bar byed na'o zhes kyang zer ro/ /shes ldan dag blta bar bya'o/ / de nas khyim bdag gi bu yul 'khor skyong rim gyis lus kyi mthu dang stobs bskyed nas bcom ldan 'das gang na ba der song ste phyin pa dang bcom ldan 'das kyi zhabs gnyis la mgo bos phyag byas nas phyogs gcig tu 'dug go phyogs gcig tu 'dug nas bcom ldan 'das la khyim bdag gi bu yul 'khor skyong gis 'di skad ces gsol to/ /btsun pa bdag ni pha dang mas gnang lags kyis/ btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'thob pa lta na/ bdag bcom ldan 'das kyi spyan sngar tshangs par spyod pa spyad par bgyi'o/ /khyim bdag gi bu yul 'khor skyong gis legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po thob par gyur to/ /de nas bcom ldan 'das kyis khyim bdag gi bu yul 'khor skyong rab tu phyung bsnyen par rdzogs par mdzad nas bang mdzod stug po can du ji tsam bzhed kyi bar du bzhugs nas mnyan yod gang na ba der rgyu zhing gshegs te/ rim gyis rgyu zhing gshegs pa dang mnyan yod du byon nas mnyan yod na rgyal bu rgyal byed kyi tshal mgon mgon med zas sbyin gyi kun dga' ra ba na bzhugs so/ /de nas tshe dang ldan pa yul 'khor skyong bsnyen par rdzogs te lo bcu lon nas dgra bcom pa thob ste rnam par grol ba'i dga' ba dang bde ba nyams su myong nas 'di snyam du sems te/ sngon bdag khyim par gyur pa na pha dang ma la rab tu byung nas blta bar bya'o zhes khas blangs pa yod kyis/ ma la bdag gis khas blangs pa de mthar dbyung ngo snyam nas/ de nas tshe dang ldan pa yul 'khor skyong bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas nas phyogs gcig tu 'dug go/ /phyogs gcig tu 'dug nas bcom ldan 'das la tshe dang ldan pa yul 'khor skyong gis 'di skad ces gsol to/ /btsun pa sngon bdag khyim par gyur pa na pha dang ma la blta bar bgyi'o zhes g.yar gyis blangs pas bdag g.yar gyis blangs pa de mthar 'byin du mchi'o/ /de nas bcom ldan 'das kyi thugs kyis tshe dang ldan pa yul 'khor skyong gi sems khyab par mdzad cing khyab par mdzad nas thugs la mdzad cing / thugs la mdzad nas 'di snyam du dgongs te/ rigs kyi bu yul 'khor skyong ni slar yang khyim na gnas pa 'am/ sogs 'jog spyod pas 'dod pa dag la longs spyod pa'i 'os ma yin no snyam du mkhyen nas/ tshe dang ldan pa yul 'khor skyong la 'di skad ces bka' stsal to/ /yul 'khor skyong khyod song la sems can ma rgal ba rnams ni sgrol cig /ma grol ba rnams ni grol bar gyis shig dbugs ma phyin pa rnams ni dbugs phyung shig /yongs su mya ngan las ma 'das pa rnams ni yongs su mya ngan las zlos shig / de nas tshe dang ldan pa yul 'khor skyong bcom ldan 'das kyis gsungs pa la mngon par dga' ste yi rang nas bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / /de nas tshe dang ldan pa yul 'khor skyong de nyid kyi mtshan mo 'das nas snga dro sham thabs bgos lhung bzed dang chos gos thogs te mnyan yod du bsod snyoms la zhugs te/ mnyan yod du bsod snyoms spyad nas zas kyi bya ba byas te zas phyi ma'i bsod snyoms las slar log nas gnas mal ji ltar spyad pa mkhos su phab ste lhung bzed dang chos gos blangs nas bang mdzod stug po can gang na ba der song ste/ rim gyis spyad pa spyod cing rgyu ba na bang mdzod stug po can du phyin nas/ bang mdzod stug po can gyi bang mdzod stug po'i tshal du 'dug go/ /de nas tshe dang ldan pa yul 'khor skyong de nyid kyi mtshan mo 'das nas snga dro sham thabs bgos/ lhung bzed dang chos gos thogs te bang mdzod stug po can du bsod snyoms la zhugs nas/ de rim gyis bang mdzod stug po can nas bsod snyoms la rgyu ba na rang gi khyim gang na der song nas/ de'i tshe tshe dang ldan pa yul 'khor skyong gi pha bar sgo'i khyams na skyes pa skra mkhan gyis skra dang kha spu 'chos pa na/ tshe dang ldan pa yul 'khor skyong gi phas tshe dang ldan pa yul 'khor skyong sgo drung na 'dug pa mthong ngo / /mthong nas kyang kha zer bar byed de/ dge sbyong mgo reg 'o ni dag gis kho bo'i rigs kyi rgyun bcad de/ 'o ni dag gis kho bo'i bu gcig pa sdug pa yid du 'ong ba bzod pa mi mthun pa med pa yul 'khor skyong rab tu phyung bsnyen par rdzogs par byas na/ dge sbyong mgo reg 'o ni rnams la su zhig bsod snyoms sbyin par bya bar sems/ de nas tshe dang ldan pa yul 'khor skyong gis rang gi khyim nas rgya gag ma gtogs pa sbyin pa yang ma thob/ bskrad kyang ma bskrad pa dang myur ba myur bar phyir byung ngo / /de'i tshe tshe dang ldan pa yul 'khor skyong gi sngon gyi bran mo rgan mo zhig zan dron rul pa zhag lon pa zhig dor ba'i phyir thogs te sgor byung ba dang / tshe dang ldan pa yul 'khor skyong gis sngon gyi bran mo rgan mo de mthong ngo / /mthong nas kyang bran mo rgan mo de la 'di skad ces smras so/ /sring mo gal te zan dron rul pa zhag lon pa 'dor ba yin na kho bos bzas lhung bzed 'dir chug shig /'phags pa gsol cig /de nas sngon gyi bran mo rgan mo des zan dron rul pa zhig lon pa lhung bzed du 'jug pa na tshe dang ldan pa yul 'khor skyong gi lag pa dang / rkang pa dang / bzhin dang / sna dang / smre dngags dag gi mtshan ma shin tu legs par bzung nas 'di skad ces kyang smras so/ /rje'i sras yul 'khor skyong lags sam/ sring mo kho bo skye bo dag gis de ltar shes so/ /de nas sngon gyi bran mo rgan mo de rings pa rings par tshe dang ldan pa yul 'khor skyong gi pha gang na ba der song ste phyin nas tshe dang ldan pa yul 'khor skyong gi pha la 'di skad ces smras so/ /jo bo mkhyen par mdzod cig /sras yul 'khor skyong bang mdzod stug po can du byon nas ring mo zhig lags na nyid kyi khab tu ni byon mi bzhed do/ /de nas tshe dang ldan pa yul 'khor skyong gi phas lag pa g.yon pas skra bsdus nas ras yug gcig gi smad g.yogs bgos bzhin du tshe dang ldan pa yul 'khor skyong gang na ba der song ba dang / de'i tshe tshe dang ldan pa yul 'khor skyong rtsig drung zhig tu 'dug nas zan dron rul pa zhag lon pa za bar byed pa dang / de nas tshe dang ldan pa yul 'khor skyong gi phas tshe dang ldan pa yul 'khor skyong la 'di skad ces smras so/ /yul 'khor skyong khyod bang mdzod stug po can du phyin nas ring mo zhig lon na ci'i phyir rang gi khyim du 'jug par mi 'dod/ zan dron rul pa zhag lon pa khyod kyi gre bar yang ji ltar 'gror btub/ khyim bdag khyod kyi khyim du 'ongs na rgya gag ma gtogs pa sbyin pa yang ma thob/ bskrad kyang ma bskrad pa dang myur ba myur bar byung ngo / /bu yul 'khor skyong yin par kho bos mi shes mod/ gal te kho bos shes na de skad mi smra ba zhig /bu yul 'khor skyong bzod par gsol lo/ /khyim bdag bzod do/ /de nas tshe dang ldan pa yul 'khor skyong gi phas tshe dang ldan pa yul 'khor skyong la yan lag thams cad kyis 'khyud pa byas nas rang gi khyim du stan bshams pa nyid la 'dug tu bcug go/ /de nas tshe dang ldan pa yul 'khor skyong gi ma la 'di skad ces smras so/ / bu yul 'khor skyong yun ring zhig lon nas khyim du 'ongs kyis/ kye re shig khyod bdag nyid kyis snod du tshos la sta gon gyis shig dang de la bu yul 'khor skyong longs spyod par 'gyur ro/ /de nas tshe dang ldan pa yul 'khor skyong gi mas rang nyid kyis snod du btsos nas sta gon byas so/ /de nas mi zhig gis tshe dang ldan pa yul 'khor skyong gi mdun du gser gyi phung po chen po gal te mi gcig pha rol na 'greng na mi gcig tshu rol na 'dug pa mi mthong la/ mi gcig tshu rol na 'dug na gcig pha rol na 'greng ba mi mthong ba spungs so/ /tshe dang ldan pa yul 'khor skyong gi mas tshe dang ldan pa yul 'khor skyong la 'di skad ces smras so/ /bu yul 'khor skyong khyod kyi ma la bud med rnams kyi bud med kyi nor dang / bud med kyi bag rdzongs dang / bud med kyi khud pa zhes bya ba gang yin pa yang 'di snyed cig yod do/ /gzhan yang khyod kyi pha'i ni mtshan mas thebs pa'i gser dang sa le sbram yang brgya phrag du ma dang / stong phrag du ma dang / brgya stong phrag du ma yod na phal gzhan lta smos kyang ci dgos/ bu yul 'khor skyong tshur khyod 'dug la 'dod pa dag la yang yongs su spyod cig /sbyin pa dag kyang thong shig /bsod nams dag kyang gyis shig /khyim bdag gi chung ma khyod gal te kho bo'i tshig la dad pas mnyan par bya bar sems pa lta na/ bdag gis gdams shing rjes su bstan to/ /bu yul 'khor skyong gdams ngag stsol cig /bu yul 'khor skyong rjes su ston cig dang / khyod kyi tshig la bdag dad pas mnyan par bgyi'o snyam du sems so/ /khyim bdag gi chung ma tshur khyod kyis sha na'i ras sgye sar par byos la/ gser dang sa le sbram gyis khong ste shing rta'i nang du chug la chu bo gang gA'i rgyun shugs drag cing gting zab pa gang na yod pa der 'or cig /gzhi de las khyod kyi mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams skye bar gyur ta re/ de nas tshe dang ldan pa yul 'khor skyong gi ma 'di snyam du sems te/ bdag gis de lta bu'i bya bas kyang bu yul 'khor skyong bzlog par bya ba ma nus so snyam mo/ /de nas tshe dang ldan pa yul 'khor skyong gi mas mna' ma la bcol ba/ kye bag sar re shig ji lta bu'i mnye ba rnams kyis mnyes pa dang / khrus rnams kyis bkrus pa dang / dri rnams kyis byugs pa dang / gos rnams bskon pa dang / rgyan rnams kyis brgyan pa dang / bdug pa rnams kyis bdugs pa dang / phye ma rnams kyis gtor bas/ bu yul 'khor skyong de sngon khyim par gyur pa na dga' ba dang yid du 'ong bar 'gyur ba de lta bu'i mnye ba rnams kyis mnyes pa dang / khrus rnams kyis khrus dang / dri rnams kyis byugs pa dang / gos rnams bskon pa dang / rgyan rnams kyis brgyan pa dang / bdug pa rnams kyis bdugs pa dang / phye ma rnams kyis gtor ba gyis la bu yul 'khor skyong gi rkang pa gnyis la gtugs la 'di skad ces/ gang gi slad du rje'i sras bcom ldan 'das kyi spyan sngar tshangs par spyod pa lha'i bu mo ji lta bu zhig ces kyang smros shig /de nas tshe dang ldan pa yul 'khor skyong gi sngon gyi chung mas ji lta bu'i mnye ba rnams kyis mnyes pa dang / khrus rnams kyis bkrus pa dang / dri rnams kyis byugs pa dang / gos rnams bskon pa dang / rgyan rnams kyis brgyan pa dang / bdug pa rnams kyis bdugs pa dang / phye ma rnams kyis gtor bas tshe dang ldan pa yul 'khor skyong sngon khyim par gyur pa na dga' ba dang yid du 'ong bar 'gyur ba de lta bu'i mnye ba rnams kyis mnyes pa dang / khrus rnams kyis khrus dang / dri rnams kyis byugs pa dang / gos rnams bskon pa dang / rgyan rnams kyis brgyan pa dang / bdug pa rnams kyis bdugs pa dang / phye ma rnams kyis gtor ba byas nas tshe dang ldan pa yul 'khor skyong gi rkang pa gnyis la gtugs te 'di skad ces smras so/ /rje'i sras gang gi slad du bcom ldan 'das kyi spyan snga na tshangs par spyad pa spyod pa lha'i bu mo de ji lta bu zhig lags/ sring mo kho bo bcom ldan 'das kyi spyan sngar tshangs par spyod pa ni lha'i bu mo'i ched du ma yin no/ /de nas tshe dang ldan pa yul 'khor skyong gis sngon gyi chung ma la sring mo zhes tshig tu smras pas brgyal nas sa la 'gyel to/ /de nas tshe dang ldan pa yul 'khor skyong gis pha dang ma la smras pa de yab yum gal te kha zas btang ba lags na ci mi stsal tam/ btang snyoms su bzhag ste ci mtho btsam lags sam/ bu yul 'khor skyong longs spyod cig /de nas tshe dang ldan pa yul 'khor skyong gi pha dang mas tshe dang ldan pa yul 'khor skyong la gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ rnam grangs du mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas so/ /tshe dang ldan pa yul 'khor skyong gis zos nas lag pa bkrus te lhung bzed gyu bar rig nas stan ches dma' ba zhig blangs te chos mnyan pa'i phyir 'khod do/ /de nas tshe dang ldan pa yul 'khor skyong gis de'i tshe tshigs su bcad de smras pa/ ltos shig lus ni nor bu dang / /rna rgyan gyis ni bkra byas pa 'ang / /nad dang slu ba'i chos can te/ /brtan par gnas pa yod ma yin/ /skra yi lan bu brgyad lhas shing / /mig ni mig sman gyis bskus pa 'ang / / byis pa rmongs par byed nus kyi/ /pha rol tshol ba ma yin no/ /dri rnams kyis ni lus bskus la/ /rkang pa btsag gis byugs pa yang / /byis pa rmongs par byed nus kyi/ /pha rol tshol ba ma yin no/ /mig sman gser gyis bkra byas shing / /dul ba'i lus ni brgyan pa yang / /byis pa rmongs par byed nus kyi/ /pha rol tshol ba ma yin no/ /ri dgas 'chor bas rnyi btsugs nas/ /ri dgas gzung bar ma nus ltar/ /rngon pa 'o dod 'bod bcug la/ /zos nas gnas su 'gro bar bya/ /de nas tshe dang ldan pa yul 'khor skyong gis pha dang ma la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas de nyid nas steng gi nam mkha' la song ngo / /de nas tshe dang ldan pa yul 'khor skyong bang mdzod stug po can gang na ba der song ste phyin nas ba ru ra'i shing zhig gi drung du nyin par gnas par bya ba'i phyir 'dug go/ /de'i tshe rgyal po kau rab bya tshe dang ldan pa yul 'khor skyong gi snyan pa yang sgrogs shing gnas te/ nam zhig na bdag shes ldan yul 'khor skyong mngon sum du mthong bar 'gyur/ nam zhig na gal te zhu ba lung bstan pa'i phyir skabs phye na bdag phyogs 'ga' zhig zhu bar 'gyur snyam mo/ / de nas rgyal po kau rab byas tshal srung ba'i mi la bsgo ba/ kwa'i nang rje khyod song la myur du bang mdzod stug po can gyi tshal phyag dar byos shig /sang nga der bskyed mos tshal gyi sar 'gro'o/ /lha bka' bzhin 'tshal zhes skyes pa des rgyal po kau rab bya'i ltar mnyan nas bang mdzod stug po can gyi tshal thams cad phyag dar byed pa na/ mi des tshe dang ldan pa yul 'khor skyong ba ru ra'i shing zhig gi drung na nyin par gnas par bya ba'i phyir 'dug pa mthong ngo / /mthong nas kyang de 'di snyam du sems te/ rgyal po kau rab bya gang gi snyan pa yang dang yang du sgrogs shing gnas te/ nam zhig na bdag shes ldan yul 'khor skyong mngon sum du mthong bar 'gyur/ nam zhig na gal te zhu ba lung bstan pa'i phyir skabs phye na bdag phyogs 'ga' zhig zhu bar 'gyur snyam pa'i shes ldan yul 'khor skyong de ni 'di yin te/ bang mdzod stug po can gyi 'di lta bu zhig tu phyin gyis/ ma la bdag gis rgyal po kau rab bya la sbran par bya'o snyam nas/ de nas skyes pa des rgyal po kau rab bya gang na ba der song ste phyin nas rgyal po kau rab bya la 'di skad ces smras so/ /lha gang gi snyan pa yang dang yang du sgrogs shing bzhugs la nam zhig na bdag shes ldan yul 'khor skyong mngon sum du mthong bar 'gyur/ nam zhig na gal te zhu ba lung bstan pa'i phyir skabs phye na bdag phyogs 'ga' zhig zhu bar 'gyur snyam pa'i shes ldan yul 'khor skyong de ni de lags te/ bang mdzod stug po can gyi 'di lta bu zhig tu mchis lags te/ lha da de'i dus la bab par dgongs su gsol/ de nas rgyal po kau rab byas mi gzhan zhig la bsgo ba/ kwa'i nang rje tshur bzhon pa bzang po myur du sdogs shig /de la nga zhon nas deng kho na shes ldan yul 'khor skyong blta ba'i phyir 'gro'o/ /lha bka' bzhin 'tshal zhes mi des rgyal po kau rab bya'i ltar mnyan nas bzhon pa bzang po myur du bsdogs te/ rgyal po kau rab bya gang na ba der song nas phyin pa dang / rgyal po kau rab bya la 'di skad ces smras so/ /lha bcibs pa bzang po bsdogs lags te/ lha da de'i dus la bab par dgongs su gsol/ de nas rgyal po kau rab bya bzhon pa bzang po la zhon nas bang mdzod stug po can nas byung ste/ tshe dang ldan pa yul 'khor skyong la blta ba dang / bsnyen bkur bya ba'i phyir song nas/ de ji tsam bzhon pa'i bar du bzhon pas song ste/ bzhon pa las babs nas rkang pa kho nas kun dga' ra bar zhugs so/ /tshe dang ldan pa yul 'khor skyong gis rgyal po kau rab bya rgyang ring po kho na nas 'ongs pa mthong ngo / /mthong nas kyang 'di skad ces smras so/ /rgyal po chen po rgyal po chen po byon pa legs so tshur spyon/ rgyal po chen po khyod nyid kyi yul lags pas bzhed na bdag kyang stan la g.yar drongs shig /kye yul 'khor skyong bdag gi yul lags mod kyi/ 'on kyang yul 'khor skyong gis bdag stan la g.yar drang bar 'tshal lo/ /rgyal po chen po gdan mchis kyis gal te bzhed na bzhugs shig /de nas rgyal po kau rab bya tshe dang ldan pa yul 'khor skyong dang lhan cig mngon du yang dag par dga' bar 'gyur ba dang / mgu bar 'gyur ba'i gtam rnam pa sna tshogs byas te phyogs gcig tu 'dug go/ /phyogs gcig tu 'dug nas rgyal po kau rab byas tshe dang ldan pa yul 'khor skyong la 'di skad ces smras so/ /shes ldan yul 'khor skyong gal te rigs dman pa 'am/ longs spyod rnams yongs su zad pa 'am/ gtugs par gyur na skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung ba yod na/ bdag cag rigs ni kau rab bya yin la/ longs spyod ni rgya che ba yin gyis/ 'di ltar kho bos shes ldan yul 'khor skyong la longs spyod kyi skal ba dag las bgo bsha' byas/ shes ldan yul 'khor skyong tshur khyod 'dug la 'dod pa dag la yang yongs su spyod cig /sbyin pa dag thong shig /bsod nams dag gyis shig /rgyal po chen po cha ma lags pa'i mgron du 'bod pas bdag mgron du 'bod kyi 'tsham pas ni ma lags so/ /khyod lta bus bdag 'dra ba'i skyes bu mkhas pa 'di lta bu'i mgron du 'bod pas mgron du yang ma 'bod cig / bdag gis shes ldan yul 'khor skyong dang 'tsham pa'i mgron du 'bod pas mgron du 'bod pa ji lta bu zhig lags/ rgyal po chen po tshur spyon/ khyod kyis 'di skad ces kye yul 'khor skyong kho bo'i yul 'byor cing gnod pa med pa/ sdo ba med cing 'tshe ba med la slong ba po'i bsod snyoms rnyed sla ba yin gyis/ shes ldan yul 'khor skyong bang mdzod stug po can 'dir gnos shig dang / bdag gis shes ldan yul 'khor skyong chos bzhin gyis bsrung ba dang / bskyab pa dang / sba ba bya'o zhes bgyi ba lags na/ rgyal po chen po sems mngon par dad pa gang la gang lags pa de tsam gyis bgyis lags te 'tshal lo/ /gzhan yang gal te zhus pa lung bstan pa'i phyir skabs phye na shes ldan yul 'khor skyong la bdag zhu lags so/ /rgyal po chen po gsungs shig /thos nas khyod la rig par bgyi'o/ /kye yul 'khor skyong bzhi po 'di dag ni yongs su nyams pa lags te/ de dag gis yongs su nyams pa'i rigs kyi bu dag skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu 'byung bar 'gyur ro/ /bzhi gang zhe na/ 'di lta ste/ rga bas yongs su nyams pa dang / nad kyis yongs su nyams pa dang / nye dus yongs su nyams pa dang / longs spyod kyis yongs su nyams pa'o/ /kye yul 'khor skyong rga bas yongs su nyams pa gang zhe na/ 'di la rigs kyi bu rgas 'khogs gtugs par gyur nas de 'di snyam du sems te/ da ni bdag rgas 'khogs gtugs pas bdag gis re shig 'dod pa dag bdog kyang longs spyad par sla ba ma yin na mi bdog na lta smos kyang ci dgos/ ma la bdag skra dang kha spu bregs la gos ngur smrig bgos te dad pa yang dag pa kho nas khyim nas khyim med par rab tu 'byung ngo snyam nas/ de rga ba'i yongs su nyams pas yongs su nyams pas skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung ste/ 'di ni rga ba'i yongs su nyams pa zhes bya'o/ /shes ldan yul 'khor skyong rga ba'i yongs su nyams pas yongs su nyams pa ma yin na skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung / de ci'i phyir zhe na/ shes ldan yul 'khor skyong ni gzhon nu thor bu lang tsho la bab pa/ skra gnag pa/ na tshod dar la bab pa dang ldan pa yin te/ gang gi tshe rtsed mo dang / dga' ba dang / mgu ba dang / cha ba dang / rgyan pa'i gnas la brtson pa dang ldan pas gnas par bya ba de'i tshe nye du rnams mchi mas brnangs shing ngu bzhin dang bcas pas ma rangs bzhin skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung na/ shes ldan yul 'khor skyong gis ci zhig shes mthong thos rtogs nas skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung / de la ni kho bos rangs pa ma yin te mi bzod do/ /kye shes ldan yul 'khor skyong nad kyis yongs su nyams pa gang zhe na/ 'di la rigs kyi bu na ba sdug bsngal ba nad tshabs che bar gyur nas de 'di snyam du sems te/ bdag ni na ba sdug bsngal ba nad tshabs che bas bdag gis re shig 'dod pa dag bdog kyang longs spyad par sla ba ma yin na mi bdog na lta smos kyang ci dgos/ ma la bdag skra dang kha spu bregs nas gos ngur smrig bgos nas zhes bya ba nas rab tu 'byung ngo zhes bya ba'i bar gong ma bzhin du'o/ /de nad kyis yongs su nyams pas yongs su nyams pas skra dang kha spu bregs te gos ngur smrig bgos nas zhes bya ba nas rab tu 'byung zhes bya ba'i bar gong ma bzhin du'o/ /'di ni nad kyis yongs su nyams pa zhes bya'o/ /shes ldan yul 'khor skyong ni nad kyis yongs su nyams pas yongs su nyams pa ma yin no/ /skra dang kha spu bregs te gos ngur smrig bgos nas dad pa yang dag pa kho nas zhes bya ba nas rab tu byung zhes bya ba'i bar gong ma bzhin du'o/ /de ci'i phyir zhe na/ shes ldan yul 'khor skyong gnod pa med cing nad med pa'i rang bzhin can dang / ran par 'jug pa'i drod dang ldan pa ste/ ha cang bsil ba ma yin pa dang / ha cang tsha ba ma yin pa dang / khams snyoms pas gnod pa med pa dang ldan pas khyod kyis zos pa dang / 'thungs pa dang / 'chos pa dang / myangs pa rnams legs par bde bar 'ju bar 'gyur na/ shes ldan yul 'khor skyong de la ci zhig shes mthong zhes bya ba nas rab tu 'byung zhes bya ba'i bar gong ma bzhin du'o/ /de la ni kho bo rangs pa ma yin te mi bzod do/ /kye yul 'khor skyong nye dus yongs su nyams pa gang zhe na/ 'di la rigs kyi bu'i nye du rnams rabs chad nye du rnams kha dag nas de 'di snyam du sems te/ bdag gi nye du rnams rabs chad nye du rnams kha dag pas ma la bdag skra dang kha spu bregs nas zhes bya ba nas rab tu 'byung bar bya'o zhes bya ba'i bar gong ma bzhin du'o/ /de nye du'i yongs su nyams pas yongs su nyams pas skra dang kha spu bregs te zhes bya ba nas rab tu 'byung ngo zhes bya ba'i bar gong ma bzhin du'o/ /'di ni nye dus yongs su nyams pa zhes bya'o/ /shes ldan yul 'khor skyong ni nye dus yongs su nyams pas yongs su nyams pa ma yin na/ skra dang kha spu bregs nas gos dur smrig bgos te dad pa yang dag pa kho nas khyim nas khyim med par rab tu byung / de ci'i phyir zhe na/ yul 'khor skyong gi nye du ni kau rab bya'i rigs nas bzung ste brgyud pa bang mdzod stug po can 'di nyid na rgyas par yod na/ shes ldan yul 'khor skyong gis ci zhig shes mthong zhes bya ba nas rab tu byung zhes bya ba'i bar gong ma bzhin du'o/ /de la ni kho bos rangs pa ma yin te mi bzod do/ /kye yul 'khor skyong longs spyod kyis yongs su nyams pa gang zhe na/ 'di la rigs kyi bu'i longs spyod srabs pa dang / yongs su zad pa dang / gtugs par gyur nas de 'di snyam du sems te/ bdag gi longs spyod ni srabs pa dang / yongs su zad pa dang / gtugs par gyur gyis/ ma la bdag skra dang kha spu bregs nas zhes bya ba nas rab tu 'byung ngo zhes bya ba'i bar du'o/ /de longs spyod yongs su nyams pas yongs su nyams pas skra dang kha spu bregs nas zhes bya ba nas rab tu 'byung ngo / /zhes bya ba'i bar gong ma bzhin du'o/ /'di ni longs spyod kyis yongs su nyams pa zhes bya'o/ /shes ldan yul 'khor skyong ni longs spyod yongs su nyams pas yongs su nyams pa ma yin na/ zhes bya ba nas rab tu byung zhes bya ba'i bar gong ma bzhin du'o/ /shes ldan yul 'khor skyong ni bang mdzod stug po can 'di na rigs mchog dang rigs bzang po yin pas 'di lta ste longs spyod chen po dang ldan pa yin na/ 'di la shes ldan yul 'khor skyong gis ci zhig shes mthong thos rtogs nas skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung / de la ni kho bo rangs pa ma yin te mi bzod do/ /rgyal po chen po bzhi po 'di dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des yid 'byung ba'i lam du gsungs te/ yid 'byung ba de dag gis yid byung nas rigs kyi bu rnams skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung bar 'gyur te/ rgyal po chen po 'jig rten 'di thams cad ni rga bas nye bar khrid pa yin/ 'jig rten 'di ni rjes su 'gro ba med pas skyabs med pa yin/ 'jig rten 'di ni thams cad bor te 'gro bar 'gyur bas bdog pa med pa yin/ 'jig rten 'di ni ngoms mi shes te sred pas 'khol bas chog mi shes pa yin par bdag gis shes mthong thos rtogs nas skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ngo / /bdag gis mdor bsdus te gsungs shing rnam par ma phye ba 'di'i don rgyas par 'tshal bar mi 'gyur bas/ shes ldan yul 'khor skyong gis don de nyid ci nas bdag gi shes ldan yul 'khor skyong gis mdor bsdus te gsungs shing rnam par ma phye ba 'di'i don rgyas par 'tshal bar 'gyur bar rgyas par bshad du gsol/ shes ldan yul 'khor skyong gis 'di skad ces 'jig rten 'di thams cad ni rga bas nye bar khrid pa yin no/ /zhes gsungs pa gang lags pa de shes ldan yul 'khor skyong gis ci las dgongs te gsungs/ de'i phyir rgyal po chen po khyod nyid la dris khyod kyis ji ltar bzod pa de bzhin du lan thob shig /rgyal po chen po ji snyam du sems/ gang gi tshe khyod lo nyi shu 'am lo nyi shu rtsa lnga lon par gyur pa na na tshod kyis gzhon nu thor bu lang tsho la bab pa/ skra gnag pa/ nyam rtsal bdo ba dang ldan pa de dang da ltar gyi lus su 'di lta ste tshe 'am/ kha dog gam/ stobs sam/ shugs sam/ smra dngags sam/ srid du 'am/ sboms su mnyam zhing mtshungs par mthong ngam/ kye yul 'khor skyong gang gi tshe bdag lo nyi shu 'am lo nyi shu rtsa lnga lon par gyur pa na na tshod kyis gzhon nu thor bu lang tsho la bab pa/ skra gnag pa/ nyam rtsal bdo ba dang ldan pa de dang da ltar gyi lus su 'di lta ste tshe 'am/ kha dog gam stobs sam shugs sam srid du 'am/ sboms su 'am/ smra dngags su mnyam zhing mtshungs par ma mthong ste/ da ni bdag na tshod kyis lo brgyad bcu lon pas rgas 'khogs gtugs te bar 'ga' bdag 'dug pa dang langs pa yang gzhan gyis bya dgos so/ /rgyal po chen po bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des 'di las dgongs nas 'jig rten 'di thams cad ni rga bas nye bar khrid pa yin no/ / zhes gsungs pa de bdag gis shes mthong thos rtogs nas skra dang kha spu bregs nas gos ngur smrig bgos te dad pa yang dag pa kho nas khyim nas khyim med pa rab tu byung ste de la ni bdag rangs te bzod do/ shes ldan yul 'khor skyong gang la rangs te bzod pa de la bdag kyang rangs te bzod do/ /gang yang shes ldan yul 'khor skyong 'di skad ces 'jig rten 'di ni rjes su 'gro ba med pas skyabs med pa yin no zhes gsungs pa bdag la ni bu dang chung ma dang / bran dang / las bgyid pa dang / bzhad gad pa dang / skra mkhan dang / khrus mkhan dang / 'dul sbyong mkhan dang / glang po che la zhon pa dang / rta rkya dang / shing rta pa dang / bshan thogs dang / gzhu 'dzin pa dang / 'drol bu dang / go re long bgyid pa dang / bro gar len pa rnams dang / rgyal po'i bu dpa' ba rtul phod pa/ rab tu gnon tshan po che chen po dang ldan pa gang dag bdag gi gshed ma phyir rgol pa mi mdza' ba dag mchis pa slar 'joms par bgyid pa mchis na/ 'on kyang shes ldan yul 'khor skyong 'di skad ces 'jig rten 'di ni rjes su 'gro ba med pas skyabs med pa yin no/ /zhes gsungs pa de shes ldan yul 'khor skyong gis ci las dgongs te gsungs rgyal po chen po de'i phyir khyod nyid la dris khyod kyis ji ltar bzod pa de bzhin du lan thob shig rgyal po chen po da ltar khyod la lus kyis gnod pa 'ga' mchis sam/ kye yul 'khor skyong bdag la mchis te da ltar rlung gis rgyab tu gnod do/ /rgyal po chen po gang gi tshe rlung gis rgyab tu gnod par gyur pa de'i tshe bdag gi bu dang chung ma dang bran dang / las byed pa dang / bzhad gad pa dang / skra mkhan dang / khrus mkhan dang / 'dul sbyong mkhan dang / glang po che la zhon pa dang / rta rkya dang / shing rta pa dang / bshan thogs dang / gzhu 'dzin dang 'drol bu dang go re long byed pa dang bro gar len pa dang rgyal po'i bu dpa' ba rtul phod pa/ rab tu gnon tshan po che chen po dang ldan pa gang dag yin pa tshur/ bdag la skyes shing byung ba'i sdug bsngal drag po rtsub pa tsha ba mi bzod pa yid du mi 'ong ba'i tshor ba rnams choms shig ces bgyis na 'grub bam/ kye yul 'khor skyong ma lags so/ /gang gi tshe rlung gis bdag gi rgyab tu gnod par gyur pa de'i tshe bdag gi bu dang / chung ma dang bran dang las bgyid pa dang / bzhad gad pa dang / skra mkhan dang / khrus mkhan dang / 'dul sbyong mkhan dang / glang po che'i gnyar zhon pa dang / rta rkya dang / shing rta dang bshan thogs dang /　gzhu 'dzin dang / 'drol bu dang / go re long bgyid pa dang / bro gar len pa dang / rgyal po'i bu dpa' ba rtul phod pa/ rab tu gnon tshan po che chen po dang ldan pa gang dag yin pa tshur/ bdag la byung zhing skyes pa'i sdug bsngal drag po rtsub pa tsha ba mi bzad pa yid du mi 'ong ba'i tshor ba rnams choms shig ces bgyis kyang mi 'grub kyi/ de'i tshe bdag 'ba' zhig sdug bsngal drag po rtsub pa tsha ba mi bzod pa yid du mi 'ong ba'i tshor ba rnams myong ngo / /rgyal po chen po de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des 'di las dgongs nas 'jig rten 'di ni rjes su 'gro ba med de skyabs med pa yin no zhes gsungs pa de bdag gis shes mthong thos rtogs nas skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung ste/ de la ni bdag rangs te bzod do/ /shes ldan yul 'khor skyong gang la rangs te bzod pa de la bdag cag kyang rangs te bzod do/ /gang yang shes ldan yul 'khor skyong 'di skad ces 'jig rten 'di ni thams cad bor nas 'gro bar 'gyur bas bdog pa med pa yin no zhes gsungs pa/ kye yul 'khor skyong bdag cag la bu dang / chung ma dang / bran dang / las bgyid pa dang / zhes bya ba nas rgyal po'i bu rnams mchis te zhes bya ba'i bar gong ma bzhin du'o/ /gang dag bdag mchi na rjes bzhin 'brang la/ 'greng na 'greng ba dang / nyal na zhugs tshe bgyid pa dag mchis na/ 'on kyang shes ldan yul 'khor skyong 'di skad ces 'jig rten 'di ni thams cad bor te 'gro bar 'gyur bas bdog pa med pa yin no/ /zhes gsung ba de shes ldan yul 'khor skyong gis ci las dgongs te gsungs/ rgyal po chen po de'i phyir khyod nyid la dris khyod kyis ji ltar bzod pa de bzhin du lan thob shig /rgyal po chen po ji snyam du sems/ gang gi tshe skye bo mang po la mi sdug pa/ skye bo mang po mi 'dod pa/ skye bo mang po mi dga' ba/ skye bo mang po'i yid du mi 'ong ba 'jig rten thams cad kyi thun mong 'di lta ste/ 'chi ba zhes bya ba'i chos de 'ongs par gyur pa de'i tshe bdag gi bu dang / chung ma dang / bran dang / las byed pa zhes bya ba nas rgyal po'i bu dag tshur zhes bya ba'i bar du'o/ /gang dag 'jig rten 'di nas 'jig rten pha rol du 'gro ba'i phyi bzhin shog shig ces bgyis na 'grub bam/ kye yul 'khor skyong ma lags so/ /kye yul 'khor skyong gang gi tshe skye bo mang po la mi sdug pa/ skye bo mang po mi 'dod pa/ skye bo mang po mi dga' ba/ skye bo mang po'i yid du mi 'ong ba 'jig rten thams cad kyi thun mong 'di lta ste/ 'chi ba zhes bya ba'i chos de 'ongs par gyur pa de'i tshe bdag gi bu dang / chung ma dang / bran dang / las bgyid pa rnams dang zhes bya ba nas/ rgyal po'i bu'i bar gang dag yin pa tshur zhes bya ba'i bar du'o/ /bdag 'jig rten 'di nas 'jig rten pha rol du mchi ba'i phyi bzhin shog shig ces bgyis kyang mi 'grub ste/ bdag 'ba' zhig 'jig rten 'di nas 'jig rten pha rol du mchi bar 'gyur ro/ /rgyal po chen po bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des 'di las dgongs nas 'jig rten 'di ni thams cad bor te 'gro bar 'gyur bas bdog pa med pa yin no zhes gsungs pa de bdag gis shes mthong thos rtogs nas/ skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung ste/ de la ni bdag rangs te bzod do/ /shes ldan yul 'khor skyong gang la rangs te bzod pa de la bdag kyang rangs te bzod do/ /shes ldan yul 'khor skyong gang yang 'di skad ces 'jig rten 'di ni ngoms mi shes shing sred pas bkol bas chog mi shes pa yin no zhes gsungs pa/ kye yul 'khor skyong bdag sgra ngan rgyas pa 'di nyid la yongs su spyod cing btsun mo mang po dang / mdzod dang / bang mdzod rgyas pa la yongs su longs spyod na/ 'on kyang shes ldan yul khor skyong 'di skad ces 'jig rten 'di ni ngoms mi shes shing sred pas bkol bas chog mi shes pa yin no zhes gsungs pa de shes ldan yul 'khor skyong gis ci las dgongs te gsungs/ rgyal po chen po de'i phyir khyod nyid la dris khyod kyis ji ltar bzod pa de bzhin du lan thob shig /rgyal po chen po ji snyam du sems/ khyod 'di na sgra ngan rgyas pa la yongs su spyod cing btsun mo mang po dang / mdzod dang / bang mdzod rgyas pa la yongs su spyod pa las shar phyogs nas mi yid gcugs pa/ yid ches pa/ brtan po/ 'jig rten la mi slu ba zhig 'ongs nas de 'di skad ces lha bdag shar phyogs nas 'dir mchi ba na de na bdag gis ljongs 'byor pa dang / rgyas pa dang / bde ba dang / lo legs pa/ skye bo dang mi mang pos rab tu gang ba dag cig mthong ste/ lha ljongs de dag 'di lta bu'i dpung dang 'di lta bu'i dbyig dang / 'di lta bu'i bzhon pas dra ma drangs te gzhom pa dang / choms nas rnal du dgod par rung ngo / /zhes smra na/ rgyal po chen po ji snyam du sems/ khyod yul der dra ma drang zhing drangs nas bcom ste/ rnal du 'god dam/ khyod ljongs de dag 'dod dam/ kye yul 'khor skyong gal te bdag gis ljongs de dag 'di lta bu'i dbyig dang / 'di lta bu'i dpung dang / 'di lta bu'i bzhon pas dra ma drang ba dang / dra ma drangs nas choms pa dang bcom nas rnal du dgod du rung bar shes na/ ljongs de dag tu dra ma drang zhing dra ma drangs nas bcom la/ bcom nas rnal du dgod do/ /bdag ljongs de dag kyang 'tshal lo// //'dul ba gzhi/ bam po sum bcu rtsa lnga pa/ rgyal po chen po de bzhin gshegs pa dgra bcom pa yang dag par rdzogs pa'i sangs rgyas bcom ldan 'das mkhyen cing gzigs pa des de las dgongs nas 'jig rten 'di ni ngoms mi shes shing sred pas bkol bas chog mi shes pa yin no/ /zhes gsungs pa de bdag gis shes mthong thos rtogs nas skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung ste/ de la ni bdag rangs te bzod do/ /shes ldan yul 'khor skyong khyod gang la rangs te bzod pa de la bdag kyang rangs te bzod do/ /tshe dang ldan pa yul 'khor skyong gis de skad ces smras nas gnas brtan dgra bcom pas gzhan yang 'di skad ces smras so/ /'jig rten dag na nor dang ldan pa'i mi/ /de dag chags dang bcas pas sogs byed cing / /nor rnams rnyed nas gtong bar mi byed la/ /phyir zhing 'dod pa don du gnyer ba mthong / /mi dbang rgya mtsho mtha' yis gtugs pa'i sa/ /thag bcug bcom ste cham du phab nas ni/ /rgya mtsho tshun cad kyis kyang mi chog ste/ /chags pas pha rol don du gnyer bar 'bad/ /mi dbang de bzhin mi gzhan mang po dag /yongs su bzung la ngoms pa yod min pas/ /chog mi shes pas rang gi lus bor te/ / sred dang ma bral bar ni 'chi bar 'gyur/ /srog ni ther zug ma yin tshe thung ste/ /rga bas gzir ba la ni skyabs yod min/ /'chi ba la ni nor rjes 'brang mi 'gyur/ /nye du ma yin grogs min bu ma yin/ /spun dang sring mo de bzhin grogs kun dang / /snying du sdug pa'i tshogs ni 'dus nas ni/ /kye ma kyi hud 'di ni lhar gyur ces/ /skra bshig mchi ma can gyi gdong gis ngu / /de ni ras kyis dkris te phyung nas ni/ /me sbar nas ni de nas sreg par byed/ / rang gi las kyis sems can de khrid nas/ /de yi nor rnams bgo skal spyod pas phrogs/ /'di ni skye ba na yang gcig pu skye/ /'chi ba na yang gcig pu 'chi 'gyur zhing / /gcig pus sdug bsngal nyams su 'dir myong 'gyur/ /skye bo 'khor bar grogs yod ma yin no/ /phyug po 'am yang na bkres pa 'am brtan po 'am/ /bus pa de bzhin gnyis kas reg myong na/ /brtan po de yis nams kyang g.yos mi 'gyur/ /bus pa bus pa yin phyir rtag tu g.yo/ /blo chung mi mkhas rjes su slob byed cing / /de nas las rnams gsum po byed 'gyur zhing / /mngal dang 'jig rten pha rol 'gro bar 'gyur/ /khon dang rjes 'brel sdug bsngal las mi 'grol/ /shes rab nor rnams kun gyi mchog tu gsungs/ /de yis bdag nyid shes pas bdag nyid rig /srid dang srid min bdag nyid ma rtogs pas/ /blun po sdig pa'i las rnams byed pa yin/ /phran tshegs thabs sam yang na chos min pa 'am/ /mthu yis gzhan dag las ni gang 'phrog pa/ /nyes byas las byed 'khor ba la brten nas/ /nying tor brgyud pas grol bar 'gyur ma yin/ /ji ltar rkun po khyim 'bigs bzungs nas ni/ /sdig pa'i las can rang gi las kyis bcom/ /de bzhin skye dgu nyes byed 'di dang ni/ /'jig rten pha rol rang gi las kyis bcom/ /shing las shing tog bzhin du mi rnams ni/ /gzhon dang bar ma rgan po rnams kyang ltung / /'dod pa sna tshogs sdug cing yid 'ong ba/ /rang bzhin de lta bu yis sems rab 'joms/ /'dod pa rnams kyis 'di 'ching chags par 'gyur/ /'dod pa yod na khon dang 'jigs pa skye/ /de ltas rgyal po 'di nas rab byung ste/ /dge sbyong nyid ni nyams pa med mchog yin/ /de nas rgyal po kau rab bya tshe dang ldan pa yul 'khor skyong gis smras pa la mngon par dga' ste yi rang nas rkang pa gnyis la mgo bos phyag byas te stan las langs nas song ngo / bcom ldan 'das glang po che'i grong rdal du byon pa dang / bram ze zhig gis bcom ldan 'das sku skyes bu chen po'i mtshan sum bcu rtsa gnyis kyis kun nas brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ 'od zer nyi ma stong bas lhag pa/ rin po che'i ri bo 'gro ba ltar kun nas bzang ba de rgyang ring po kho na nas mthong ngo / /mthong nas kyang bcom ldan 'das kyi spyan sngar song nas tshigs su bcad pas bstod par brtsams pa/ gser gyi mdog can mig tu sdug pa dang / /dga' ba'i 'byung gnas yon tan kun dang ldan/ /mi 'dul kha lo sgyur ba lha yi lha/ /srid pa'i rgya mtsho'i pha rol byon pa lags/ / de nas bcom ldan 'das kyis 'dzum pa mdzad do/ /chos nyid kyis gang gi tshe sangs rgyas bcom ldan 'das rnams 'dzum pa mdzad pa na zhes bya ba nas/ mdzod spur nub par gyur to/ /zhes bya ba'i bar gong ma bzhin du'o/ /de nas bcom ldan 'das la tshe dang ldan pa kun dga' bos thal mo sbyar ba byas nas zhus pa/ kha dog sna tshogs stong gis bkra ba yi/ /zhes bya ba nas kun dga' bo de de bzhin te/ de de bzhin no zhes bya ba'i bar gong ma bzhin du'o/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo khyod kyis bram zes de bzhin gshegs pa la tshigs su bcad pas bstod pa gang yin pa mthong ngam/ bcom ldan 'das mthong lags so/ /'di dge ba'i rtsa ba 'dis bskal pa nyi shur log par ltung bar 'gro bar mi 'gyur te/ 'on kyang lha dang mi rnams su nying mtshams sbyar cing 'khor nas srid pa phyi ma skye gnas phyi ma dang / lus phyi ma dang / bdag gi ngo bo thob pa phyi ma la rang sangs rgyas bstod 'os zhes bya bar 'gyur ro/ /dge slong rnams the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa bram ze 'dis bcom ldan 'das la tshigs su bcad pa gcig gis bstod pa dang / bcom ldan 'das kyis rang byang chub tu lung bstan pa la gzigs/ bcom ldan 'das kyis bka' stsal pa/ dge slong dag da ltar 'ba' zhig tu ma zad kyi/ ji ltar 'dis 'das pa'i dus na yang nga la tshigs su bcad pa gcig gis bstod pas/ ngas grong mchog lnga byin pa de legs par rab tu nyon la yid la zung shig dang bshad do/ /dge slong dag sngon byung ba bA rA Na sI grong khyer du rgyal po tshangs sbyin zhes bya ba 'byor pa dang / rgyas pa dang / bde ba dang / lo legs pa skye bo dang mi mang pos rab tu gang ba la rgyal srid byed du 'jug ste/ de lhag par snyan dngags la dga' bar gyur to/ /bA rA Na sI na bram ze snyan dngags mkhan gzhan zhig yod pa de la bram ze mos smras pa/ bram ze grang ba'i dus la bab kyis rgyal po de'i spyan sngar song la rjes su mthun pa'i legs par smra ba 'ga' byas dang / gal te na grang ba'i skyabs cung zad 'thob par 'gyur ro/ /de song ba las ji tsam na rgyal po glang po che la zhon nas byung ngo / /bram ze des bsams pa/ ci bdag gis rgyal po la bstod dam/ 'on te glang po che dam pa la snyam pa las de 'di snyam du sems te/ glang po che dam pa 'di ni 'jig rten thams cad kyis sdug cing yid du 'ong ba yin la rgyal po la ni khyad par du yin pas/ re shig glang po che dam pa mngon par bstod par bya'o snyam nas des tshigs su bcad de smras pa/ sa srung bu yi lus kyi sha tshugs ltar/ /mtshan mchog ldan pa'i gzugs ni phun sum tshogs/ mdog dang tshad kyis lus kyi gzugs legs pa/ /glang chen dbang po bkra shis rab tu bsngags/ /de nas rgyal po mngon pa dga' nas tshigs su bcad de smras pa/ kho bo'i glang chen sdug cing yid 'ong ba/ /mi rnams mig 'phrog dga' ba skyed pa gang / /de la khyod kyis bstod pa'i tshig smras kyis/ /khyod la grong gi mchog ni lnga sbyin no/ /dge slong dag de'i tshe de'i dus kyi glang po che dam pa gang yin pa de ni nga nyid yin no/ /de'i tshe de'i dus kyi bram ze gang yin pa de ni bram ze 'di nyid yin te/ de na yang nga la 'dis tshigs su bcad pa gcig gis bstod pas ngas 'di la grong mchog lnga byin no/ /da ltar yang nga la 'dis tshigs su bcad pa gcig gis bstod pas ngas yang 'di rang byang chub tu lung bstan to/ /grong khyer chen por gshegs nas grong khyer chen por sangs rgyas bzhi'i gdan zhes bya ba'i bar rgyas par gong ma bzhin du'o/ /yul srug nar gshegs pa dang yul srug na na bram ze dbang po zhes bya ba gzugs dang lang tsho dang / thos pas rgyags par gyur nas bdag dang 'dra ba ni 'ga' yang yod pa ma yin no zhes sgrogs shing rnam par sgrogs so/ /bcom ldan 'das kyang phyogs gzhan zhig na dge slong gi dge 'dun gyi gung la gdan bshams pa nyid la bzhugs te chos 'chad do/ /bram ze dbang po zhes bya bas dge sbyong gau ta ma yul srug nar byon to zhes thos nas de 'di snyam du sems te/ dge sbyong gau ta ma gzugs bzang ba mdzes pa blta na sdug pa zhes thos kyis/ ci bdag las lhag par gzugs bzang ba yin nam/ 'on te ma yin ltar 'gro'o snyam nas de byung ba dang / ji tsam na bcom ldan 'das sku skyes bu chen po'i mtshan sum bcu rtsa gnyis kyis kun nas brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa 'od zer nyi ma stong bas lhag pa/ rin po che'i ri bo 'gro ba ltar kun nas bzang ba mthong ngo / /mthong nas kyang 'di snyam du sems te/ dge sbyong gau ta ma ni bdag bas gzugs lhag par bzang mod kyi/ tshad ni lhag par ring ba ni ma yin no snyam nas/ bcom ldan 'das de'i gtsug tor blta bar brtsams pa dang / ji tsam na ma mthong nas de phyogs shin tu mtho ba zhig la 'dzegs na 'on kyang ma mthong ngo / /de nas bcom ldan 'das kyis bram ze dbang po la bka' stsal pa/ bram ze nyon mongs kyis thong shig /gal te ri rab kyi rtse la 'dzegs te bltas kyang zhon kyang ches nyon mongs su zad kyi de bzhin gshegs pa'i gtsug tor ni mthong bar mi 'gyur ro/ /gzhan yang khyod kyis lha dang lha ma yin du bcas pa'i 'gro bas sangs rgyas bcom ldan 'das rnams kyi gtsug tor mi mthong ngo / /zhes ma thos sam/ 'on kyang gal te de bzhin gshegs pa'i sku'i tshad mthong bar 'dod na khyod kyi khyim na me'i sbyin sreg byed pa'i 'og na tsan dan sa mchog las byas pa'i mchod sdong nyid yod kyis de phyung la gzhol cig dang / de bzhin gshegs pa'i yab dang / yum las 'khrungs pa'i sku'i tshad ni de yin no/ /bram ze dbang pos bsams pa/ de yang ngo mtshar zhig ste bdag gis lan 'ga' yang ma thos na song ste blta'o snyam nas de rings pa rings par song nas me'i sbyin sreg byed pa'i thab kyi 'og tu brko bar brtsams pa las de thams cad du de bzhin du gyur to/ /de mngon par dad par gyur nas bsam pa/ dge sbyong gau ta ma ni gdon mi za bar thams cad mkhyen pa yin gyis song la bsnyen bkur bya'o snyam nas de dad pa skyes te bcom ldan 'das gang na ba der song nas phyin pa dang / bcom ldan 'das dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam rnam pa sna tshogs byas te phyogs gcig tu 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas zhes bya ba nas thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas smras pa/ bcom ldan 'das bdag ni 'phags so/ /mngon par 'phags so/ /bdag bcom ldan 'das dang / chos dang dge slong gi dge 'dun la skyabs su mchi lags kyis/ bdag dge bsnyen du gzung du gsol/ deng slan cad ji srid 'tsho'i bar du srog dang yang bsdos te skyabs su mchi bar mngon par dad lags so/ / de nas bram ze dbang po stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /gal te bcom ldan 'das kyis gnang na bdag gis tsan dan sa mchog gi mchod sdong gi dus mchod bshams lags so/ /bcom ldan 'das kyis bka' stsal pa/ bram ze gnang gis song la shoms shig /de nas des sa phyogs dben pa skabs yod pa zhig tu rim gro chen pos mchod sdong de bsgrengs nas dus mchod chen po bshams so/ /bram ze dang khyim bdag gzhan dag gis kyang rten dge bar gyur cig ces bya bar rig nas/ rtswa ku sha btags te bram ze dbang pos mchod sdong gi dus mchod bshams pas na dbang po'i dus mchod ces bya bar grags so/ /gang gi tshe bcom ldan 'das kyis mnyan yod du cho 'phrul chen po bstan pas mu stegs can rnams ni spa bkongs/ lha dang mi rnams ni dga' bar mdzad/ skye bo dam pa rnams ni yi rangs par mdzad pa de'i tshe mu stegs can rnams bros nas mtha' 'khob tu gnas shing kha cig ni bram ze'i grong zhes bya bar dong nas gnas so/ /de'i tshe bcom ldan 'das ko sa la'i ljongs rgyu zhing gshegs pa na bram ze'i grong du gshegs so/ / mu stegs can rnams kyis ni dge sbyong gau ta ma 'ong ngo zhes thos so/ /thos nas kyang rings pa rings par bram ze dang khyim bdag rnams kyi khyim du dong ste lhags nas smras pa/ chos thos par gyur cig /chos thob par gyur cig /de rnams kyis smras pa/ 'phags pa dag de ci zhig /kho bo cag gis khyed kyi phun sum tshogs pa ni mthong gis/ ji srid rgud pa ma mthong ba de'i bar du 'gro bar bya'o/ /de rnams kyis smras pa/ 'phags pa dag bdag cag gi rgud pa gang lags/ shes ldan dag dge sbyong gau ta ma 'khor stong nyis brgya lnga bcu dang spu gri'i ser ba 'bebs shing 'ong ste/ bu dang bcas pa dum bu med par byed par 'gyur ro/ /de rnams kyis smras pa/ 'phags pa dag gang gi tshe kho na bzhugs shing grogs bgyi ba la thug pa de kho na'i tshe bzhud pa ni bzang po ma lags te/ bdag cag rnam pa thams cad du ma rung ngo / /de rnams kyis smras pa/ dam zhig bca' ste/ gal te dge sbyong gau ta ma gsod na ni 'khod par bya'o/ /bzhugs shig gsad par bgyi'o zhes de rnams lag na dbyug pa dang gzhu thogs/ khu tshur bcangs/ go bgos te byung ba dang / lam gyi dbus na shAkya rgan po zhig 'dug pas mthong nas smras pa/ shes ldan dag gang du 'dong / de rnams kyis smras pa/ dgra bsad pa'i phyir ro/ /khyed cag gi dgra su yin/ dge spyong gau ta ma'o/ / shes ldan dag gal te bcom ldan 'das dgra yin na byams pa gzhan ci 'dra ba zhig yin/ shes ldan dag slar log shig /de rnams ldog tu ma btub pa dang / des bsams pa/ 'di dag ni chos bshad pa'i 'os su 'gyur ba ma yin gyis/ rnam pa thams cad du pha rol gnon pa zhig bya'o snyam nas/ des ri brags su zhugs nas me btang ba dang / ri brags kun tshig pas ca co dang ku co'i sgra chen po byung ba de rnams kyis thos nas sngangs te smras pa/ shes ldan dag bdag cag dang dge sbyong gau ta ma ni thag ring po kho na yin gyi/ ri brags 'dir ni phung ba chen po gzhan 'di byung ste ri brags bsregs kyis me bsad kyis slar ldog go zhes de rnams kyis bsad par brtsams pa dang / bsad par ma nus pa dang / bcom ldan 'das kyang de nyid du byon nas bka' stsal pa/ gnas 'jog dag 'di ci byed/ bcom ldan 'das ri brags rnams zhugs kyis tshig na dgum par rngo ma thog lags so/ /ngas bsad dam/ bcom ldan 'das dgum du gsol/ bcom ldan 'das kyis gsung phyung ma thag kho nar 'di ltar yang sangs rgyas rnams kyi sangs rgyas kyi mthu dang / lha rnams kyi lha'i mthus me de zhi bar gyur to/ /de rnams mngon par dad par gyur nas gsol pa/ bcom ldan 'das ci zhig gi slad du gshegs lags/ khyed cag kho na rjes su gzung ba'i phyir ro/ /de nas bcom ldan 'das kyis de rnams kyi bsam pa dang / bag la nyal dang / khams dang / rang bzhin mkhyen nas de dang 'dra ba'i 'phags pa'i bden pa bzhi so sor rtogs par 'gyur ba'i chos bshad pa mdzad de zhes bya ba nas/ thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas so zhes bya ba'i bar gong ma bzhin du'o/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa shAkya rgan po 'dis nye du la chags pas bsod nams ma lags pa mang du bsags te ri brags bsregs pa la gzigs/ bcom ldan 'das kyis bka' stsal pa/ dge slong dag da ltar 'ba' zhig tu ma zad de/ ji ltar 'dis 'das pa'i dus na yang gnyen la chags pas bsod nams ma yin pa mang du bsags te ri brags bsregs pa de legs par rab tu nyon la yid la zung shig dang bshad do/ /dge slong dag sngon byung ba ri brags zhig na spre'u lnga brgya'i tshogs gnas pas lo thog skyes shing skyes pa rnams chud gsan to/ /ri brags na gnas pa'i skye bo'i tshogs 'dus nas phan tshun du gros bya bar brtsams pa/ shes ldan dag spre'u rnams kyis lo thog la gnod pa byed na de la ji ltar bsgrub par bya/ gzhan dag gis smras pa spre'u rnams gsad mod/ de rnams ji ltar gsad par bya/ ri brags kyi nyen kor gyi shing thams cad bcad de shing tin tu ka gcig pu zhig bzhag la nyen kor rnams tsher mas bskor tang de la bza' ba'i phyir spre'u rnams 'dzeg par 'gyur te/ de ltar gyur tang der de rnams gsad par bya'o/ /de nas de rnams kyis brags kyi nyen kor gyi shing thams cad bcad de shing tin tu ka gcig pu bzhag nas nyen kor rnams tsher ma'i ra bas bskor te srung mi ba'i mi bzhag nas bsgo ba/ khyod kyis gang gi tshe spre'u rnams tshogs par gyur pa de'i tshe kho bo cag la sbron cig /de nas dus gzhan zhig na shing tin tu ka'i me tog dang 'bras bu chags te smin pa dang / spre'u rnams kyis sde dpon la smras pa/ sde dpon shing tin tu ka smin cing mchis kyis gsol du gshegs so/ /de nas sde dpon 'khor lnga brgya dang shing tin tu ka de la bza' bar brtsams so/ / de nas srung ma'i mis ri brags na gnas pa'i skye bo'i tshogs la smras pa/ shes ldan dag shing tin tu ka la spre'u thams cad 'dzegs nas za bar byed kyis khyed cag gi bya ba 'am byed pa gang yin pa de gyis shig /de nas ri brags na gnas pa'i skye bo'i tshogs lag na mda' gzhu dang dgra sta thogs/ khu tshur bcangs te rings par song nas shing tin tu ka bcad par brtsams pa dang / de nas spre'u de rnams bred de mchong rgal zhing shing ka phan tshun rgyu bar byed do/ / sde dpon ni sems las chung ngus za bar byed pa dang / spre'u de rnams kyis de la smras pa/ sde dpon bdag cag ni sdug bsngal mi bzad pa nyam nga ba thob cing mchis te phan tshun du rgyu lags na/ khyod ci'i slad du thugs khral chung ngus bzhugs/ des tshigs su bcad de smras pa/ bya ba mang po'i mi rnams la/ /bya ba min pa'ang de dang 'dra/ /shing gi 'phro ni mang yod pas/ /sems las bskyungs te bza' bar gyis/ /de nas yang sde dpon gyi phru gu zhig ri brags de na bcings te 'dug pa de lag pa 'gram pa la gtad nas sems khongs su chud cing 'dug pa dang / ji tsam na spre'u bzang po zhig phyogs der 'ongs pa dang / de sems khongs su chud pa mthong nas smras pa/ grogs po ci'i phyir lag pa 'gram pa la gtad nas sems khongs su chud/ des smras pa/ da ltar ri brags na gnas pa'i skye bo'i tshogs thams cad kho bo'i nye du gsod du dong na ci'i phyir sems khongs su chud par mi 'gyur/ ci'i phyir khyod kyis pha rol gnon pa ma byas/ bcings na ji ltar pha rol gnon pa bya/ kho bos khyod dgrol lo zhes des de bkrol ba dang / de nas des ri brags der me btang ste/ ri brags kun tshig pas ca co dang ku co'i sgra chen po byung ba de rnams kyis thos nas sngangs te smras pa/ shes ldan dag bdag cag dang spre'u rnams ni thag ring po kho na yin gyi/ phung ba chen po gzhan 'di byung ste ri brags bsregs kyis me gsad kyis slar ldog go zhes de rnams me gsad pa'i phyir brgyugs pa dang / spre'u rnams kyang shing tin du ka las babs nas bros so/ /dge slong dag ji snyam du sems/ spre 'u phru gu gang yin pa de ni shAkya rgan po 'di nyid yin te/ de na yang 'dis nye du la chags pas ri brags bsregs la da ltar yang 'dis nye du la chags pas ri brags bsregs so/ / nag po'i grong khyer du gshegs nas nag po'i grong khyer du sangs rgyas bzhi'i gdan zhes bya ba rgyas par gong ma bzhin du'o/ /ro hi ta kar byon nas ro hi ta ka na gnod sbyin glang chen stobs kyi gnas na bzhugs so/ /de'i tshe gnod sbyin glang chen stobs gnod sbyin rnams kyi gnod sbyin gyi 'dun sar song ba dang / gnod sbyin glang chen stobs kyis/ bcom ldan 'das bskyed par byon nas ro hi ta ka na bdag gi gnas kho na na bzhugs so zhes thos so/ /thos nas kyang bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / bcom ldan 'das kyis gnod sbyin glang chen stobs la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad ces bya ba nas/ yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas gnod sbyin glang chen stobs stan las langs nas bla gos phrag pa gcig tu gzar te bcom ldan 'das gang na ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das do mod bdag gi gnas su bzhugs par gnang bar mdzad du gsol/ bcom ldan 'das kyis gnod sbyin glang chen stobs la cang mi gsung bas gnang ngo / /de nas gnod sbyin glang chen stobs kyis bcom ldan 'das kyi phyir gtsug lag khang lnga brgya sprul te/ stan nang tshangs can dang / sngas nang tshangs can dang / gor bu lnga brgya dang / zhugs ling lnga brgya bshams so/ /de nas bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis gnod sbyin glang chen stobs la cang mi gsung bas gnang ngo / /de nas gnod sbyin glang chen stobs kyis bcos ldan 'das cang mi gsung bas gnang bar rig nas stan las langs te song nas de'i ne'u zla kha che yul gyi gnod sbyin sgra sgrogs zhes bya ba de la bsgo ba/ kho bos sangs rgyas la sogs pa dge slong gi dge 'dun gdugs tshod la spyan drangs kyis byang phyogs kyi 'bras bu rnams skur cig ces des de la pho nya btang nas de nyid kyi mtshan mo nas gtsang zhing bsod pa'i bza' ba dang bca' ba dag sta gon byas nas/ nang par sngar langs te gtsug lag khang chag chag dang phyag dar byas nas gdan bshams te nor bu'i chu snod bzhag nas/ khang skyong gis gaN DI brdungs pa dang / gnod sbyin sgra sgrogs kyis rgun 'brum gyis skon pa bkang ste gnod sbyin rnams kyi lag tu bskur te/ de dag gis gtsug lag khang gi dbus su phung por spungs te bzhag go/ / dge slong rnams kyis 'bras bu 'di dag ci'i yin pa dang / ji ltar brtag par bya ba mi shes nas/ de rnams kyis bcom ldan 'das la zhus pa dang / bcom ldan 'das kyis bka' stsal pa/ dge slong dag byang phyogs kyi nags kyi 'bras bu rgun 'brum zhes bya ste/ mes brtag pa byos la rim shig /dge slong rnams 'brum bu re re nas byed pa na shin tu yun ring du thogs par gyur nas bcom ldan 'das kyis bka' stsal pa/ phung po gnyis sam gsum du byos la mes reg par byos shig /de nas gnod sbyin glang chen stobs kyis sangs rgyas la sogs pa dge slong gi dge 'dun bde bar bzhugs par rig nas/ gtsang zhing bsod pa'i bza' ba dang bca' ba dag rang gi lag nas zhes bya ba nas/ stan ches dma' ba zhig blangs te/ bcom ldan 'das kyi spyan sngar chos mnyan pa'i phyir 'dug go zhes bya ba'i bar gong ma bzhin du'o/ /de nas bcom ldan 'das kyis gnod sbyin glang chen stobs la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs pa dang rgun 'brum mang du lhag par gyur nas/ bcom ldan 'das kyis bka' stsal pa/ rgun 'brum rnams mnyes la khu ba brim par bya'o/ /'on kyang lhag nas bcom ldan 'das kyis bka' stsal pa/ dro 'jar byas te bzhag pa dang dge 'dun gyi dus ma yin pa'i btung bar 'gyur ro/ /de nas bcom ldan 'das gtsug lag khang gi phyi rol du zhabs gnyis bkrus nas gtsug lag khang du nang du yang dag 'jog gi phyir zhugs so/ /de nas bcom ldan 'das 'di snyam du dgongs te/ nga ni tshe thung ngu'i dus la byung bas mya ngan las 'das pa'i dus la bab na gdul ba'i don bya ba ni rab tu mang bas gal te nga dge slong kun dga' bo dang thabs gcig tu byang phyogs su gshegs na ni gdul ba rnams kyi don bya dka' bar 'gyur gyis/ ma la nga gnod sbyin lag na rdo rje dang lhan cig /gshegs par bya'o snyam nas/ de nas bcom ldan 'das kyis gtsug lag khang gi phyi rol du tshigs su bcad pa gnyis kyis gnod sbyin lag na rdo rje bos pa/ dran dang ldan rnams bzang por shog /dran dang ldan rnams rtag tu bzang / /zhi ba thob pa'i sems kyis ni/ /dran dang ldan pa bde bar nyal/ / dran dang ldan rnams bzang por shog /dran dang ldan rnams rtag tu bzang / /rgyal dang pha rol rgyal spangs nas/ /dran dang ldan pa bde bar nyal/ /bar sdom la/ spungs pa can na sangs rgyas stobs/ /re tu ka na chos stobs te/ /sin du na ni phor chen zhabs/ /mgo reg spyi blugs sog ma med/ /hu lu klu dang de bzhin nags/ /gnyid 'grogs drang srong nyams pa dang / /kan tha 'bras kyi grong khyer du/ /mchog gi ma btul dbang ldan rdza/ /gsing ma'i gnod sbyin chen po dang / /de bzhin brtsegs skyong dga' 'phel dang / /srid pa'i lha dang gtum byed kyi/ /bu bdun rnams ni btul ba dang / /gnod sbyin phyugs skyong 'gro mgyogs dang / /nab so'i klu la gzugs brnyan btang / /sbu bu can dang sbubs can btul/ /mdung can gyi ni grong khyer na/ /mdung can zhes bya'i gdon sbyin mo/ /'bra go can dang rdul mchod rten/ /sog med tshogs su bsdus te brjod/ /de nas bcom ldan 'das kyis gnod sbyin lag na rdo rje la bka' stsal pa/ lag na rdo rje tshur byang phyogs su klu sog ma med 'dul du 'dong ngo / /btsun pa bka' bzhin 'tshal zhes gnod sbyin lag na rdo rjes bcom ldan 'das kyi ltar mnyan to/ /de nas bcom ldan 'das gnod sbyin lag na rdo rje dang thabs gcig tu de nyid nas rdzu 'phrul gyis nam mkha' la gshegs pa na/ bcom ldan 'das kyis rgyang ring po kho na zhig na tshal sngo zhing sngo ba bsgrengs pa dag gzigs so/ /gzigs nas kyang gnod sbyin lag na rdo rje la bka' stsal pa/ lag na rdo rje khyod kyis tshal sngo zhing sngo ba bsgrengs pa dag mthong ngam/ btsun pa mthong lags so/ /de ni u shi ra'i ri yin te/ nga yongs su mya ngan las 'das nas lo brgya lon pa na zhi gnas dang rjes su mthun pa rnams kyi gnas mal gyi mchog ta ma sa'i tshal zhes bya bar 'gyur ro/ /de nas bcom ldan 'das spungs pa can du gshegs so/ /de'i tshe spungs pa can na gnod sbyin sangs rgyas stobs zhes bya ba 'dug pa sdig pa'i bsam pa can zhig gnas pas spungs pa can na gnas pa'i skye bo'i tshogs kyis mgu bar byas kyang de dus dus su gnod pa byed do/ /spungs pa can na gnas pa'i skye bo'i tshogs kyis bcom ldan 'das spungs pa can du gshegs nas phyogs che ge mo na bzhugs so zhes thos so/ /thos nas kyang bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang spungs pa can na gnas pa'i skye bo'i tshogs la bcom ldan 'das kyis chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng stod par mdzad ces bya ba nas yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas spungs pa can na gnas pa'i skye bo'i tshogs stan las langs nas bla gos phrag pa gcig tu gzar te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /btsun pa gnod sbyin sangs rgyas stobs 'di bdag cag la yun ring mo zhig nas sha khon ma mchis par ni sha khon bgyid/ 'gran zla ma lags par ni 'gran zla bgyid/ glags ma btsal bar ni glags tshol bar bgyid lags na/ kye ma'o bcom ldan 'das kyis thugs brtse ba nye bar bzung ste gnod sbyin sangs rgyas stobs gdul bar gsol/ de'i tshe gnod sbyin sangs rgyas stobs 'khor de nyid du 'dus shing 'dug par gyur nas/ de nas bcom ldan 'das kyis gnod sbyin sangs rgyas stobs la bka' stsal pa/ sangs rgyas stobs khyod kyis thos sam/ bcom ldan 'das bdag gis thos lags so/ /sangs rgyas stobs khyod kyis thos sam/ bde bar gshegs pa bdag gis thos lags so/ /dam pa ma yin pa'i chos sdig pa de las log shig /bcom ldan 'das bdag ldog lags so/ /de nas bcom ldan 'das kyis gnod sbyin sangs rgyas stobs skyabs su 'gro ba dang bslab pa'i gzhi rnams la bzhag go/ /de nas des spungs pa can zhes bya ba'i gnas mal brtsigs so/ / bram ze dang khyim bdag dad pa can rnams kyis kyang yo byad thams cad dang ldan pa'i gtsug lag khang brtsigs so/ /bcom ldan 'das gshegs pa dang gnod sbyin sangs rgyas stobs zhabs 'bring du chas pa las bcom ldan 'das kyis slar bzlog nas bka' stsal pa/ skye bo'i tshogs 'di srungs shig /ngas kyang nga yongs su mya ngan las 'das nas kyang ci nas spyan ldings te 'bab par 'gyur ba de ltar byin gyis brlab par bya'o/ /gzhan dag gis kyang phyogs der mchod rten brtsigs pas mchod rten spungs pa can zhes bya bar grags so/ /re tu kar byon nas/ re tu kar gnod sbyin chos stobs zhes bya ba btul te/ des re tu ka zhes bya ba'i gnas mal brtsigs so/ /sin dur gshegs pa dang / sin du na mnyan pa gzhan zhig yod pa de bcom ldan 'das kyi rdzu 'phrul gyi cho 'phrul gyis dad pa bskyed de/ de nas dad pa skyes nas bden pa rnams la bzhag go/ /gnod sbyin phor chen btul nas zhabs kyis bcags pas phor chen zhabs kyis bcags pa zhes bya bar grags so/ /de nas bcom ldan 'das drang srong rnams kyi bsti gnas su gshegs nas der drang srong mgo reg dang ril ba spyi blugs can btul nas bram ze dang khyim bdag dad pa can rnams kyis gnas mal ril ba spyi blugs can zhes bya ba brtsigs so/ /de nas bcom ldan 'das kyis gnod sbyin lag na rdo rje la bka' stsal pa/ lag na rdo rje klu'i rgyal po sog ma med kyi gnas gang na ba der 'dong ngo / /btsun pa bka' bzhin 'tshal zhes gnod sbyin lag na rdo rjes bcom ldan 'das kyi ltar mnyan to/ /de nas bcom ldan 'das dang / klu'i rgyal po sog ma med kyi gnas su gshegs so/ /klu'i rgyal po sog ma med kyis bcom ldan 'das kyi gnas su gshegs so zhes thos so/ /thos nas kyang khros 'khrugs rngam yi ma rangs nas steng gi nam mkha' la mngon par 'phags te ser ba dang rdul gyi char dbab par brtsams pa dang / bcom ldan 'das kyis klu 'khrugs so zhes byams pa la snyoms par zhugs pa dang / char pa de dag a ga ru'i phye ma dang / ta ma la'i lo ma'i phye mar gyur nas 'bab par brtsams so/ /de nas 'khor lo dang / rdo rje rtse gcig pa dang mda' bo che dang / mdung thung la sogs te mtshon cha rnams dbab par brtsams pa de dag kyang lha'i ut+pa la dang / pad ma dang / ku mu da dang / pad ma dkar po dang / man dA ra bar gyur nas 'bab par brtsams so/ /de nas sog ma med kyis khro ba'i mes du ba dbyung bar brtsams pa dang / bcom ldan 'das kyis kyang rdzu 'phrul gyis dud pa dbyung bar brtsams so/ /de nas de spungs dang / rgyags pa dang / nga rgyal bcom par gyur nas gnas su zhugs te 'dug go/ /bcom ldan 'das kyis dgongs pa/ klu gdug pa rnams 'dul bar 'gyur ba ni rgyu rnam pa gnyis kyis te/ 'jigs pa dang / 'khrugs pas yin gyis/ ma la ngas 'di 'jigs su gzhug go snyam du thugs su chud nas gnod sbyin lag na rdo rje la bka' stsal pa/ lag na rdo rje klu'i rgyal po sog ma med 'jigs par gyis shig /de nas gnod sbyin lag na rdo rjes bcom ldan 'das kyi ltar mnyan te/ rdo rje ri'i rtse la 'phangs nas ri'i rtse mo bshig ste lhung ba des klu'i rgyal po sog ma med kyi gnas non par gyur to/ / de nas sog ma med sngangs skrag phongs nas 'bros par brtsams pa dang / de nas bcom ldan 'das kyis me'i khams la snyoms par zhugs nas phyogs thams cad 'bar rab tu 'bar/ kun du rab tu 'bar te me lce gcig tu gyur to/ / bcom ldan 'das kyi zhabs kyi drung na zhi zhing bsil bar gyur pa ma gtogs par de gang dang gang du song ba de dang de na mi mthong ngo / /de nas bcom ldan 'das gang na ba der song ste phyin pa dang / bcom ldan 'das kyi zhabs gnyis la gtugs nas gsol pa/ bcom ldan 'das ci bdag la tho brtsam lags sam/ bcom ldan 'das kyis bka' stsal pa/ rga ba'i chos can ci ngas tho brtsams sam/ gal te ngas yon tan gyi tshogs 'di lta bu dag ma thob na/ khyod kyis nga ming lus par byas par 'gyur ro/ /de nas bcom ldan 'das kyis phyag 'khor lo dang / bkra shis dang / g.yung drung 'khyil pa dang / dra bas 'brel ba/ bsod nams brgya phrag du mas bsgrubs pa/ 'jigs pa rnams dbugs 'byin par mdzad pas spyi bo la reg par mdzad nas bka' stsal pa/ bzhin bzangs khyod kyis bum pa bzang po lta bu'i nyan thos chen po bzhi la zan byin te/ sum bcu rtsa gsum gyi lha gya nom pa dag gi nang du skye bar 'gyur ba las khyod kyis smon lam log par btab pas dud 'gro rnams su skyes te/ rdeg pa dang gsod pa la zhen cing pha rol gyi srog 'phrog pa dang / pha rol gyi srog la gnod pa byed pas 'tsho bar byed na/ 'di nas shi 'phos nas sems can dmyal ba ma gtogs par khyod kyi 'gro ba ni gang zhig yin/ skye ba ni gang zhig yin/ tshe phyi ma ni gang zhig yin/ bcom ldan 'das bdag gis ci zhig bgyi ba bka' stsal du gsol/ bzhin bzangs tshur nga las skyabs su 'gro ba dang bslab pa'i gzhi rnams zung la/ yul ma ga d+ha na gnas pa'i skye bo'i tshogs la mi 'jigs pa byin cig /btsun pa bdag deng slan cad bcom ldan 'das kyi spyan sngar skyabs su mchi ba dang bslab pa'i gzhi rnams mnos nas yul ma ga d+ha na gnas pa'i skye bo'i tshogs la yang mi 'jigs pa stsal bar bgyi'o/ /de nas de'i chung ma dang / bu mo dang mna' ma rnams kyis gsol pa/ bcom ldan 'das dang chos dang dge slong gi dge 'dun la bdag cag kyang skyabs su mchi shing bslab pa'i gzhi rnams nod lags so/ /bcom ldan 'das kyis de rnams la skyabs su 'gro ba dang bslab pa'i gzhi rnams byin no/ /de'i bu ri bos gsol pa/ bcom ldan 'das bdag kyang skyabs su mchi ba dang bslab pa'i gzhi rnams nod lags so/ /sog ma med kyis gsol pa/ bcom ldan 'das bdag cag klu rnams ni mi mdza' ba mang ba lags kyis/ ri bo la skyabs su mchi ba stsal cing bslab pa'i gzhi rnams ni mi dpog par gsol/ 'dis bdag cag bsrungs par 'gyur lags so/ /bcom ldan 'das kyis de la skyabs su 'gro ba byin no/ /de nas gnod sbyin lag na rdo rjes sog ma med grogs po dang / gnyen 'dab dang / mdza' bshes rnams btul bar gyur pa mthong nas yid rab tu dga' bas gar byas te smras pa/ khros pas lce bskyod mgo mang bsgrul nas mtshon cha'i 'khor lo 'bebs/ /rang gnas skyes bu rang la phyogs pa ri mtho rtse lta bu/ /du ma'i tshogs lhags ngal chad dbugs brdzags bzur cing lta byed pa/ / sbrul bdag sog ma med de drang srong bka' btsan rnams kyis btul/ /de nas bcom ldan 'das kyis sog ma med 'khor drug khri dang btul nas gdan las bzhengs te gshegs pa dang / bcom ldan 'das kyis tshal sngo zhing sngo ba bsgrengs pa dag gzigs so/ /gzigs nas kyang gnod sbyin lag na rdo rje la bka' stsal pa/ lag na rdo rje khyod kyis tshal sngo zhing sngo ba bsgrengs pa dag mthong ngam/ btsun pa mthong lags so/ /lag na rdo rje de ni kha che'i yul yin te/ nga yongs su mya ngan las 'das nas lo brgya lon nas dge slong kun dga' bo'i lhan cig gnas pa dge slong nyi ma'i gung zhes bya ba 'byung bar 'gyur te/ /des klu gdug pa hu lu du btul nas thabs bshams te de las dkyil mo dkrung shong ba'i sa blangs nas kha che'i yul kun du bstan pa 'jog par 'gyur ro/ /nga'i lhag mthong dang rjes su 'thun pa'i gnas mal rnams kyi nang na 'di lta ste/ kha che'i yul mchog tu 'gyur te/ grong khyer dang grong rdal drug khri dang / grong rdal drug stong dang / grong rdal drug bcu rtsa gsum po 'di rnams ni kha che'i yul yin no/ /yul gnyid 'grogs su drang srong dang gnod sbyin nyams pa 'khor dang bcas pa btul lo/ /yul gan thar gnod sbyin mo 'khor dang bcas pa btul to/ /'bras kyi grong khyer du byon nas 'bras kyi grong khyer du rgyal po sde mchog gi ma bden pa rnams la rab tu bzhag go/ /yul dbang ldan du byon te/ dbang ldan na rdza mkhan gzhan zhig yod pa de bzos shin tu rgyags te snod rnams skams nas 'khor lo las 'gogs par byed do/ / bcom ldan 'das kyis de gdul ba'i dus mkhyen nas rdza mkhan gyi cha byad du nyid mngon par sprul te de dang lhan cig gtam bya bar brtsams pa/ khyod kyis snod ci 'dra ba dag cig 'khor lo las 'bebs par byed/ des gsol pa/ bskams nas 'bebs so dang yang bskams nas 'bebs so/ /khyod dang bdag mnyam lags so/ /'di kho nar zad dam ci/ nga ni so btang nas kyang 'bebs so/ /khyod lhag go/ /so gtong ba 'ba' zhig tu yang ma zad do/ /'o na ci zhe na/ gser dang / dngul dang / bai dUr+ya dang / shel gyi rang bzhin du yang byed do/ /de mngon par dad par gyur to/ /de nas bcom ldan 'das kyis rdza mkhan gyi cha byad mi snang bar mdzad de rang bzhin gyi cha byad du bzhugs nas de 'khor gyi skye bo dang bcas te bden pa rnams la rab tu bkod do/ /gsing ma can du gshegs nas gsing ma can du gnod sbyin chen po 'khor dang bcas pa skyabs su 'gro ba dang bslab pa'i gzhi rnams la rab tu bzhag go/ /brtsegs skyong du klu ba lang skyong dang / dgar ba gnyis so/ /dga' 'phel du gshegs nas dga' 'phel du rgyal po srid pa'i lha 'khor dang bcas pa dang / gtum byed kyi bu bdun dang / gnod sbyin sa 'tsho bden pa dag la rab tu bkod do/ /de na mtsho chen po yod pa gang yin pa de na 'gro 'gyogs dang / nab so gnyis klu'i skye gnas su skyes te lo bcu gnyis 'das shing steng du byung ste 'khrugs pas 'di skad ces bcom ldan 'das kyis bdag cag la chos ma bshad pas des na bdag cag rnam par ltung ba klu'i skye gnas su skyes kyis ci nas bdag cag gis de'i bstan pa gzhig par bya'o zhes smra'o/ /de nas bcom ldan 'das 'di snyam du dgongs te/ klu 'gro mgyogs dang nab so ni 'di ltar mthu che zhing rdzu 'phrul che ba yin pas nga yongs su mya ngan las 'das nas nga'i bstan pa thal bar rlags par 'gyur ba gang yin pa'i gnas 'di yod do snyam du mkhyen nas/ bcom ldan 'das klu 'gro mgyogs dang / nab so gnyis gang na ba der gshegs te byon nas 'gro mgyogs dang / nab so gnyis la bka' stsal pa/ 'gro mgyogs dang / nab so tshig bzhi pa'i chos kyi rnam grangs zhes bya ba yod pa bshad kyis shes par byos shig /btsun pa bdag cag dam pa'i chos 'tshal bar bgyid pa su zhig mchis snyam du rig nas/ de nyid du slar zhugs te/ de gnyis 'di snyam du sems so/ /bcom ldan 'das kyis ni bdag cag la chos bshad na bdag cag gis rnam par ma shes so snyam pa dang / bcom ldan 'das kyis phyogs der sku'i gzugs brnyan btang nas 'gro mgyogs dang / nab so gnyis kyis de la bltas shing bltas shing bcom ldan 'das da dung bzhugs pa lta zhes slar yang dang yang du zhugs so/ /phyogs de nyid du bcom ldan 'das kyis gnod sbyin mo sbu bu can dang / sbubs can gnyis btul to/ /mdung can gyi grong khyer du gshegs so/ /mdung can gyi grong khyer na gnod sbyin mo mdung can zhes bya ba khro zhing gtum la gzu lums can zhig gnas pas mdung can gyi grong khyer gyi bram ze dang khyim bdag rnams kyi bu btsas shing btsas pa dag za bar byed do/ /mdung can gyi grong khyer gyi bram ze dang khyim bdag rnams kyis bcom ldan 'das mdung can gyi grong khyer du gshegs nas phyogs che ge mo na bzhugs so zhes thos so/ /thos nas kyang tshogs nas tshogs dang khyu nas khyur phrad cing 'dus nas mdung can gyi grong khyer nas byung ste/ bcom ldan 'das gang na ba der dong ste lhags pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang bcom ldan 'das kyis mdung can gyi grong khyer gyi bram ze dang khyim bdag rnams la chos dang ldan pa'i gtam gyis zhes bya ba nas/ yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas mdung can gyi grong khyer gyi bram ze dang khyim bdag rnams stan las langs te bla gos phrag pa gcig tu gzar nas/ bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to// //'dul ba gzhi/ bam po sum bcu rtsa drug pa/ bcom ldan 'das dge slong gi dge 'dun dang thabs gcig sang bdag cag gdugs tshod sbyor zhing mchis na gnang bar mdzad du gsol zhes bya ba nas/ bcom ldan 'das kyis zhal zas gsol zin nas phyag bcabs te lhung bzed gyu bar rig nas zhes bya ba'i bar gong ma bzhin du'o/ /gser gyi bya ma bum blangs te bcom ldan 'das kyi spyan sngar gsol ba gdab pa'i phyir 'khod nas 'di skad ces gsol to/ /bcom ldan 'das kyis klu gdug pa dang / gnod sbyin gdug pa de dang de rnams ni btul lags na/ btsun pa gnod sbyin mo mdung can zhes bgyi ba 'di bdag cag la yun ring mo zhig nas sha khon ma mchis par ni sha khon du bgyid/ 'gran zla ma lags par ni 'gran zla ba bgyid/ glags ma btsal bar ni glags tshol bar bgyid de/ byis pa btsas shing btsas pa rnams 'phrog par bgyid lags na/ kye ma'o bcom ldan 'das thugs brtse ba nye bar bzung ste/ gnod sbyin mo mdung can gdul bar gsol/ de'i tshe gnod sbyin mdung can 'khor de nyid du 'dus shing 'dug par gyur to/ /de nas bcom ldan 'das kyis gnod sbyin mo mdung can la bka' stsal pa/ mdung can khyod kyis thos sam/ bcom ldan 'das bdag gi thos lags so/ /mdung can khyod kyis thos sam/ bde bar gshegs pa bdag gis thos lags so/ /dam pa ma yin pa'i chos sdig pa de las log shig /btsun pa dam zhig bca' ste/ gal te 'di dag bdag gi slad du gtsug lag khang rtsig par bgyid na bdag ldog par bgyi'o/ /de nas bcom ldan 'das kyis mdung can gyi grong khyer gyi bram ze dang khyim bdag rnams la bka' stsal pa/ bram ze dang khyim bdag khyed kyis thos sam/ bcom ldan 'das thos lags so/ /khyed cag gis ji ltar bsgrub par bya/ bcom ldan 'das brtsig lags so/ /bde bar gshegs pa brtsig lags so/ /de nas bcom ldan 'das kyis gnod sbyin mo mdung can 'khor dang bcas te btul nas gshegs so/ /'bra go can du gshegs pa dang 'bra go can na byis pa chung ngu dag cig rdul gyi mchod rten la rtse bar byed do/ /bcom ldan 'das kyis byis pa chung ngu dag rdul gyi mchod rten la rtse ba gzigs so/ /gzigs nas kyang yang gnod sbyin lag na rdo rje la bka' stsal pa/ lag na rdo rje khyod kyis byis pa chung ngu rdul gyi mchod rten la rtse ba dag mthong ngam/ btsun pa mthong lags so/ /lag na rdo rje nga yongs su mya ngan las 'das nas lo bzhi brgya lon pa na 'dir ku sha na'i rigs kyi rgyal po ka nis ka zhes bya ba 'byung bar 'gyur ba des phyogs 'dir mchod rten rtsig par 'gyur te/ de'i ming ka nis ka'i mchod rten zhes bya bar 'gyur zhing nga yongs su mya ngan las 'das na yang sangs rgyas kyi bya ba byed par 'gyur ro/ /de nas bcom ldan 'das kyis ro hi ta ka nas klu'i rgyal po sog ma med kyi gnas kyi bar du srog chags sa ya phrag bdun dang 'bum phrag bdun btul nas ro hi ta kar gshegs te gtsug lag khang du zhugs nas nang du yang dag bzhag go/ /bcom ldan 'das dgongs ka nang du yang dag 'jog las bzhengs nas tshe dang ldan pa kun dga' bo la bka' stsal pa/ kun dga' bo dang po'i rgyal srid gang na ba der 'dong ngo / /de nas bcom ldan 'das la tshe dang ldan pa kun dga' bos 'di skad ces gsol to/ /btsun pa bcom ldan 'das kyis sngar ni 'di skad ces kun dga' bo byang phyogs su klu'i rgyal po sog ma med 'dul du 'dong ngo / /byang phyogs na ni phan yon rnam pa lnga yod do zhes gsungs la/ da bcom ldan 'das kyis 'di skad du kun dga' bo dang po'i rgyal srid gang na ba der 'dong ngo zhes gsungs na de ji lta bu lags/ bcom ldan 'das kyis bka' stsal pa/ kun dga' bo nga gnod sbyin lag na rdo rje dang thabs gcig tu byang phyogs su gshegs nas ta ma sa'i tshal rnams lung bstan to zhes bya ba nas rdul gyi mchod rten lung bstan to zhes bya ba'i bar du'o/ /kun dga' bo ro hi ta ka nas klu'i rgyal po sog ma med kyi gnas kyi bar du de bzhin gshegs pas srog chags sa ya phrag bdun dang 'bum phrag bdun btul te/ byang phyogs na ni nyes dmigs lnga yod de/ mthon dman can dang / sdong dum dang / tsher mas gang ba dang / rdo ba dang / gseg ma dang / gyo mo mang ba dang / khyi za ba dang / bud med gnas ngan len kun du spyod pa'o// // sdom la/ dang po'i rgyal srid rta bzangs dang / /bcom brlag dang ni o ta la'i/ /kun dga' ra ba dgra mtha' dang / /tshugs par dka' dang gang gA'i chu/ /yi dags dus dpog phyi ma yin/ /de nas bcom ldan 'das yul dpa' sde nas ljongs rgyu zhing gshegs pa na dang po'i rgyal srid du gshegs nas/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo phyogs 'dir rgyal po mang pos bkur ba dang po rgyal srid kyi dbang bskur bas dbang bskur ba de ni dang po'i rgyal po yin no/ /de'i phyir 'di dang po'i rgyal srid ces bya bar grags so/ /rta bzangs su gshegs nas/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo phyogs 'dir rgyal po mang pos bkur ba'i rta bzang po'i rin po che byung ste/ de'i phyir 'di rta bzangs zhes bya bar grags so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo bcom brlag gang na ba der 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan te/ de nas bcom ldan 'das bcom brlag tu gshegs pa dang / bcom ldan 'das kyis rgyang ring po kho na zhig na tshal sngo zhing sngo ba bsgrengs pa dag gzigs so/ / gzigs nas kyang tshe dang ldan pa kun dga' bo la bka' stsal pa/ kun dga' bo khyod kyis tshal sngo zhing sngo ba bsgrengs pa pha bi mthong ngam/ btsun pa mthong lags so/ /kun dga' bo de ni ri bo rtse mthon zhes bya ste/ nga yongs su mya ngan las 'das nas lo brgya lon pa dang / bcom brlag nas gar mkhan dang dpa' bo zhes bya ba spun gnyis kyis de la gtsug lag khang rtsig par 'gyur te/ de'i ming gar mkhan dpa' bo zhes bya bar 'gyur zhing lhag mthong dang zhi gnas kyi rjes su mthun pa'i gnas mal rnams kyi mchog tu 'gyur ro/ /kun dga' bo bcom brlag 'dir spos 'tshong gi khye'u sbas pa zhes bya ba 'byung bar 'gyur te/ de'i bu nye sbas zhes bya ba sangs rgyas kyi mtshan med pa zhig 'byung ba de nga yongs su mya ngan las 'das nas lo brgya lon pa dang bstan pa la rab tu byung nas sangs rgyas kyi bya ba byed par 'gyur ro/ /dge slong kun dga' bo'i lhan cig gnas pa nyi ma'i gung zhes bya bas nye sbas de rab tu 'byin par 'gyur te/ gdams ngag ston pa rnams kyi phyi ma ni nye sbas yin par 'gyur ro/ /gar mkhan dpa' bo de la phug srid du khru bcwa brgyad pa/ zheng du khru bcu gnyis pa/ 'phang du khru bdun pa zhig yod par 'gyur te/ des gang dang gang dag la gdams ngag bstan nas dgra bcom pa mngon sum du byas pa de dang de rnams kyis thur ma sor bzhi tsam pa re re phug de'i nang du 'dor bar 'gyur ro/ /gang gi tshe phug de dgra bcom pa'i thur mas gang bar gyur pa de'i tshe nye sbas yongs su mya ngan las 'da' bar 'gyur te/ de yongs su mya ngan las 'das nas dgra bcom pa'i thur ma de dag nyid spungs nas de rnams kyis sreg par byed do/ /dge slong rnams the tsom skyes nas the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis ma 'ongs pa na skye bo mang po la snying brtse ba dang tshe dang ldan pa nye sbas lung bstan pa la gzigs/ bcom ldan 'das kyis bka' stsal pa/ dge slong dag de'i tsher ma zad ji ltar 'di 'das pa'i dus na skye bo mang po la phan pa'i phyir zhugs pa de legs par rab tu nyon la yid la zung shig dang bshad do/ /dge slong dag sngon byung ba ri bo rtse mthon 'di nyid kyi ngos gsum la rang sangs rgyas dang drang srong dang / spre'u rnams gnas te/ ngos gcig na ni rang sangs rgyas lnga brgya'o/ / gnyis pa la ni drang srong lnga brgya'o/ /gsum pa la ni spre'u lnga brgya'o/ /spre'u'i sde dpon gyi kun du spyod pa ni spre'u'i phru gu btsas shing btsas pa dag gsod par byed pa yin no/ /de nas spra mo de dag phru gu'i mya ngan gyis non pas phan tshun gros bya bar brtsams pa/ shes ldan spra mo dag nyon cig /bdag cag gi phru gu btsas shing btsas pa dag sde dpon 'dis gsod par byed kyis de la thabs shig bsham par bya ste/ bdag cag las spra mo gang zhig sbrum par gyur na des sde dpon la brjod par mi bya'o/ /ji tsam dus gzhan zhig na spra mo zhig sbrum par gyur nas de de rnams kyis dben pa'i phyogs shig tu sbas nas rtsa ba dang 'bras bus bsnyod de spre'u'i phru gu byung nas de yang de rnams kyis dben pa'i phyogs shig tu bsnun gsos bskyed de/ de gang gi tshe chen por gyur pa de'i tshe des sde dpon de rang gi khyu nas bskrad nas ri bo rtse mthon na phan tshun du 'khyam par brtsams so/ /de 'khyam pa na rang sangs rgyas rnams kyi sgra thos nas de de rnams kyi drung du song ste/ gang gi tshe bag phebs par gnas par gyur pa de'i tshe de rnams la rtsa ba dang / lo ma dang me tog dang 'bras bu dang so shing dag 'bul bar byed do/ /de rnams kyis kyang de la lhung bzed kyi lhag ma dag 'dor bar byed do/ /rang sangs rgyas de rnams kyi kun du spyod pa ni zos shing zos nas dkyil mo dkrung bcas te 'dug go/ /spre'u des kyang de rnams kyi spyod lam mthong nas dkyil mo dkrung bcas shing 'dug go/ /ji tsam dus gzhan zhig na rang sangs rgyas de rnams 'di snyam du sems te/ bdag cag gi lus rnag can 'dis thob par bya ba gang yin pa ni thob zin gyis/ bdag cag zhi ba mya ngan las 'das pa'i dbyings su 'jug go snyam nas/ de nas de rnams kyis 'bar ba dang gsal ba dang / char 'bebs pa dang glog 'byin pa'i cho 'phrul dag byas nas phung po lhag ma med pa'i mya ngan las 'das pa'i dbyings su yongs su mya ngan las 'das so/ /de rnams ldang ba'i dus gang yin pa de'i tshe mi ldang nas spre'u des de rnams ma mthong bas mi dga' bar gyur to/ /ji tsam na spre'u de phug tu zhugs nas rang sangs rgyas de rnams kyi chos gos rnams nas gsig par brtsams so/ /de nas phug de na gnas pa'i lha gang yin pa de 'di snyam du sems te/ spre'u 'dis rang sangs rgyas rnams kyi sku bshig na mi rung ngo snyam nas rdo leb chen pos sgo bcad nas 'dug go/ /de nas spre'u de mya ngan dang sdug bsngal ba dang / smre sngags bton te song nas ri bo rtse mthon la kun nas 'khyam pa na mi rnams 'dod pas mi dga' bar gyur te/ rna ba gtod cing mi'i sgra thos par 'dod pa las/ des drang srong de rnams smra ba'i sgra dag thos nas/ de 'dron pa lam stor ba bzhin du rings pa rings par de rnams kyi drung du song ngo / /drang srong de dag kyang dka' thub drag pos gdung bar byed de/ kha cig ni lag pa bsgreng nas 'dug go/ /kha cig ni rkang pa ya gcig gis so/ /kha cig ni gdung ba lngas gdung bar byed do/ /gang gi tshe spre'u de de rnams dang lhan cig bag phebs par gnas par gyur pa de'i tshe drang srong de rnams la rtsa ba dang lo ma dang me tog dang 'bras bu dang / so shing dag sbyin par byed do/ /de rnams kyang de la zas kyi lhag ma dag 'dor bar byed do/ /des de rnams kyi spyod lam dkrugs shing rang sangs rgyas kyi spyod lam ston par byed de/ /de na gang dag lag pa sgreng ba de rnams kyi lag pa dag phab nas se gol gyi sgra phyung ste/ sbran nas mdun du dkyil mo dkrung bcas te 'dug go/ /gang dag rkang pa ya gcig pa de rnams kyi rkang pa phab nas mdun du dkyil mo dkrung bcas te 'dug go/ /gang dag gdung ba lngas gdung bar byed pa de rnams kyi me gsad nas se gol gyi sgra phyung ste mdun du dkyil mo dkrung bcas nas 'dug go/ /de nas drang srong de rnams kyis gdams ngag 'bogs pa la smras pa/ mkhan po spre'u 'di bdag cag gi dka' thub la bar chad bgyid do zhes de rnams kyis de la rgyas par smras pa dang / des smras pa shes ldan dag spre'u de dag ni dran pa dang ldan pa yin te/ gdon mi za bar 'dis drang srong kha cig gi spyod lam de lta bu mthong gis khyed cag gis kyang dkyil mo dkrung chos la 'dug shig /de rnams kyis dkyil mo dkrung bcas te 'dug pa dang / de rnams kyi sngon gyi dge ba'i rtsa ba rnams mngon du gyur nas de rnams kyis mkhan po dang slob dpon med pa'i shes pas byang chub kyi phyogs sum bcu rtsa bdun dang 'thun pa'i chos bskyed nas rang byang chub mngon sum du byas so/ /de nas de rnams spre'u de la chos las byung ba'i dad pa skyes nas/ de rnams kyis ljongs nas bsod bsnyoms lo tog sar pa dang 'bras bu sar pa dang / dus gser gyi rnyed pa gang yin pa de rnams las de la thog mar byin nas bdag nyid longs spyod par byed do/ /ji tsam dus gzhan zhig na spre'u de dus las 'das so/ /de nas rang byang chub de rnams kyis yul khams dang phyogs sna tshogs na yod pa'i shing dri zhim po rnams blangs te/ shing dri zhim po thams cad kyis phung por spungs nas bsregs so/ /dge slong dag ji snyam du sems/ rang byang chub rnams dang lhan cig tu gnas pa'i spre'u gang yin pa de ni nye sbas 'di nyid yin te/ 'di de'i tshe yang skye bo mang po la phan pa'i phyir zhugs so/ /da ltar na yang ngas 'di skye bo mang po la phan pa dang snying rje bar lung bstan to/ /de nas bcom ldan 'das dpa' sde nas ljongs rgyu zhing gshegs pa na bcom brlag tu gshegs pa dang / bcom brlag gi bram ze rnams kyis dge sbyong gau ta ma bcom brlag tu phyin nas de shin tu rigs bzhi po rnam par dag par 'dod de 'chad par byed 'dogs par byed/ rab tu 'jog par byed rnam par 'byed par byed bye brag tu 'byed par byed gsal bar byed ston par byed/ yang dag par rab tu ston par byed do zhes thos nas/ gal te de bcom brlag tu 'dug na bdag cag gi rnyed pa dang bkur sti'i bar chad du 'gyur la de ni bkur sti ma yin pas skrag go zhes grag gis/ gal te de la 'ga' zhig gis bkur sti ma yin pa byas nas de lta na de bcom brlag tu 'dug par mi 'gyur ro/ /gal te de la mi smad rigs kyis bkur sti ma yin pa byas na ngo mtshar du mi 'dzin gyi gal te de la skyes bu gtso 'o 'ga' zhig gis bkur sti ma yin pa byas na des ni legs par 'gyur na/ bdag cag gi nang na skyes bu gtso bo su zhig yod snyam mo/ /de'i tshe bcom brlag na bram ze sngor gyur ces bya ba rig byed dang rig byed kyi yan lag gi pha rol tu phyin pa rang gi smra ba gsal bar byed pa/ pha rol gyi rgol ba tshar gcod par nus pa de'i tshig bden pa'i rjes su 'brang ba zhig yod do/ /de nas bcom brlag gi bram ze rnams 'dus shing tshogs te/ sngor gyur gyi drung du song nas mkhan po 'dir dge sbyong gau ta ma mchis nas/ der shin tu rigs bzhi po rnam par dag pa zhes bya ba nas yang dag par rab tu ston par byed do zhes thos shes bya ba'i bar gong ma bzhin du'o/ /de ni bkur sti ma yin pas skrag go zhes gda' na/ gal te de la 'ga' zhig gis bkur sti ma lags pa bgyis na/ de lta na de bcom brlag tu mchis par mi 'gyur ro/ /gal te de la mi smad rigs kyis bkur sti ma lags pa bgyis na ngo mtshar du mi 'dzin gyi gal te de la skyes bu gtso 'o 'ga' zhig gis bkur sti ma lags pa bgyis na legs par 'gyur na/ bdag cag gi skyes bu gtso bo mkhan po ma lags pa su zhig mchis/ khyod kyis de la bkur sti ma lags pa'i tshig gi rgya lcag gis spyo bar gsol/ sngor gyur gyis smras pa/ shes ldan dag bdag gi lce 'di ni bden pa'i rjes su 'brang ba yin te/ gal te spyo bar 'os pa zhig na spyo'o/ /'on te bstod par 'os pa zhig na bstod do/ /de nas bram ze sngor gyur bcom brlag na gnas pa'i bram ze rgan rabs rgan rabs rnams kyis mdun du bdar nas bcom ldan 'das gang na ba der song ba na/ bram ze sngor gyur gyis rgyang ring po kho na nas bcom ldan 'das sku skyes bu chen po'i mtshan sum bcu rtsa gnyis kyis kun nas brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ 'od zer nyi ma stong bas lhag pa/ rin po che'i ri bo 'gro ba ltar kun nas bzang ba shing drung zhig na rten cing zhi ba'i spyod lam gyis bzhugs pa mthong ngo / /mthong nas kyang ya mtshan skyes te mig bgrad de bltas nas bstod par brtsams pa/ lus dang ngag dang dbang por bcas pa yi/ /yid kyis tshul bzhin rtse gcig bgyis nas ni/ /yon tan rang bzhin yon tan rgya mtsho che/ /khyod kyi yon tan phyogs gcig brjod par bgyi/ /smra ba rnams kyi dam pa rab mchog lags/ /skyon med dbang po shin tu mnyam par bzhag /pha rol rgol ba brtson pa thams cad kyis/ /don dam thugs su chud la bskyod mi nus/ /khyod kyi spyod pa shin tu rdzogs pa nyid/ /brtul zhugs bsgrubs pas brtul zhugs shin tu rdzogs/ /stobs ldan khyod kyi ting 'dzin zad med pas/ /sred med bu dang ri yi rgyal po bzhin/ /skyes bu khyu mchog khyod la gnod mi mnga'/ /mi zhum bsnyengs pa mi mnga' dub mi mnga'/ /'byung po rnams la 'ang mi bzod 'ga' mi mnga'/ /khyod ni ma chags 'thab pa ga la mnga'/ brtabs pa med cing ha cang zhum mi mnga'/ /gdung ba med cing dgyes pa 'ang yong mi mnga'/ / ri yi bdag po lhun po rab brtan ltar/ /khyod kyi thugs ni rtag tu dge ba nyid/ /thub pa skyes mchog khams rnams thams cad nas/ /khyod kyi ye shes yangs pa sgrib mi mnga'/ skye mched rnam pa sna tshogs dag la ni/ /ma thogs nyams shing zad pa med par 'jug /thub pa khyod la gang la 'ang som nyi med/ /yid gnyis yod min the tshom yod ma yin/ /khyod nyid kyis ni mchog dang mchog min pa/ /rig pas thugs su chud nas thams cad mkhyen/ /mthong na dga' bar 'gyur la mthong na legs/ /mthong na legs pas mthong na mkhas pa dga'/ /khyod la dga' dang mi dga' mnyam pas na/ /rtag tu dga' ba'i spyod lam de bzhin mdzad/ /khyod ni snyan pa'i spobs par ldan pa lags/ 'dzum pa'i gsung dang dran ldan bsnyengs pa med/ /mkhas rnams 'dod pa rab tu 'chad pas na/ /'jig rten gsum du khyod kyi grags pa 'byung / /mi dang lha dang lha min gnod sbyin dang / /srin po mang dang 'jig rten 'dir mkhas dag /thub pa'i drung du yang dang yang lhags nas/ /khyod la yang dang yang zhu mi bzod med/ /khyod ni snyan pa'i gsung gis dga' mdzad pas/ /mi dang lha dang lha min gnod sbyin dang / /srin po yid gnyis bsal rnams thub pa che/ /khyod kyi zhabs la phyag 'tshal slar mchi'o/ /bzhengs dang bzhugs dang gshegs dang bzhud pa dang / /mnal dang mi gsung yang na gsung ba 'am/ /'on te lhung bzed chos gos bsnams pa dag /gau tam khyod kyi thams cad mdzes pa nyid/ /thogs pa med mnga' mi myur mnyam pas na/ /gsung ni snyan pa'i yon tan rnams dang ldan/ /mi yi mchog ni dus su gsung bas na/ /gsung gi zlos pa rnam par spangs pa lags/ /'jig rten na ni stobs dang ldan par grags/ /skyes bu mkhyen pa skyes bu khyu mchog gtso/ /'jig rten lhar bcas 'di ni mtha' dag la/ /nga rgyal mi mnga' khyad du gsod mi mdzad/ mdza' ba dang ni mdza' ba ma lags dang / /mthun pa dang ni mthun pa ma lags dang / /g.yo' dang mi g.yo rang bzhin gnas pa la/ /ngo mtshar 'drin pa nam yang mi mnga'o/ /smre sngags 'don cing snying brtser smra ba dang / /kha chu 'dzags pas nyam thag skad 'byin dang / /yongs su gdungs dang rnam par gdungs ldan dang / /'jigs dang rims nad mya ngan gyis nyen pa/ /sdug bsngal rnam pa brgya yis gtses pa dang / /yun ring nas ni mgon med bde ba med/ /srid pa'i sred par zhugs shing mun bsgribs pa'i/ /'gro ba 'khrugs pa la ni rab gzigs nas/ /bdag nyid rnam pa sna tshogs mthu dag gis/ /thub pa thugs rje chen po 'jug mdzad cing / /shAkya skyes kyi mchog ni khyod nyid kyis/ /phongs par gyur rnams dgrol phyir brtson par mdzad/ /srid pa'i sdug bsngal rgyu dang bcas 'di dang / /srid pa'i sdug bsngal zad pa gang yin dang / /srid pa'i sdug bsngal 'gog par 'gro ba yi/ /lam ni mtshungs pa med pa khyod kyis bshad/ /rnam par 'dren pa chen po brtson 'grus che/ /rab mchog pha rol smra ba rnams kyi mchog /'jig rten gsum na khyod mtshungs ma mchis na/ /khyod las lhag pa lta zhig ga la mchis/ /khyod la khong khro rjes su chags mi mnga'/ /thub pa khyod la yongs su zag mi mnga'/ /sdug dang 'gal dang rtsod pa brtul zhugs bzang / /khyod la mi mnga' rtag tu mi mnga' lags/ /thub pa sdug dang mi sdug bde ba dang / /sdug bsngal mnyam dang de bzhin mi mnyam spangs/ /dga' dang mi dga' ba dag bzod mdzad de/ /yang dag bsdams shing 'di na nyer zhi spyod/ /smad pa byas kyang gnod pa mi mnga' la/ /rab tu bsngags pas khengs par mi 'gyur bas/ /grags pa grags pa ma yin khyod la mnyam/ /glang chen mche bar ldan pa g.yul ngo ru/ / 'dor ba drag tu 'phangs pa'i mda' dag ltar/ /skye bo sdig can rnams kyis smras pa yi/ /tshig ngan tshig rtsub dag kyang bzod par mdzad/ /drang srong khyod snyan gsung zhing tshig kyang bzod/ /shin tu ngan du smras pa 'ang mi bzod med/ /smad par smras sam dge bar smras kyang rung / /thub pa mnyam pa nyid du gnas pa lags/ /mchod 'os rtag par mi dang lha dag dang / /lha min gnod sbyin srin po rnams dang ni/ /drang srong bdag nyid chen pos rtag mchod na/ /khyod ni thugs brtan gzhan du 'gyur mi mnga'/ /'di bas bdag mchog ces kyang rlom mi mnga'/ /'di bas bdag chung zhes kyang rlom mi mnga'/ /bdag ni 'di dang mnyam zhes mi rlom pas/ /khyod la nga rgyal rnam pa gsum mi mnga'/ /brtan dang ldan la bong ba gser dang mtshungs/ /bai dUr+ya dang gseg ma gyo mor mtshungs/ /thub pa chen po lha dang bcas pa yi/ /'gro ba 'di ni rtswa shing 'dra bar spyod/ /zla ba nyi ma'i 'od zer dang phrad nas/ /grang dang tsha ba'i rlung dag langs na yang / /ri yi dbang po lta bur bzod mdzad de/ /thugs brtan khyod la rab tu gnod mi mnga'/ /gzims cha dang ni stsang nas bshos dang ni/ /bla gos sham thabs rnam pa sna tshogs dag /thub pa zag med so sor brtags nas ni/ /de'i don du bsten par mdzad pa lags/ /mgon po bdag la med ces thugs ngan med/ /ma bcings legs gsung bdag gir 'dzin mi mnga'/ /gnod pa sna tshogs dag las yongs su grol/ /rnyed pa brnyes na'ang dgyes par mi 'gyur la/ /de ma brnyes pas kyang ni zhum mi 'gyur/ /khyad du gsod pa bzod pa mdzad cing 'dir/ /bkur sti dag la 'ang chags pa mi mnga' lags/ /lha gnas ri yi ngos las 'khrungs pa yi/ /khrag ltar dmar ba'i tsan dan mchog dag dang / /mda' dang ral gri rnon pos khyod kyi thugs/ /lan 'ga' yang ni 'gyur ba mi mnga' lags/ /don med gtam ni gsung bar mi mdzad gang / /skye bo ngan pas bsten pa'i gtam ma lags/ /rnyed pa'i gtam min zang zing bcas gtam min/ /bdag nyid che rnams mi 'dod ma lags kyi/ /gtam gang rab dben bde ba skyed byed cing / /rab tu zhi ba 'ba' zhig rab brjod pa/ /lha las 'das pa'i gtam ni gang dag cig /gsungs nas sdig pa rnam par 'dul ba gsungs/ /snyan pa rnams dang 'brel ba rnams dang ni/ /legs par bshad dang snying por ldan pa yi/ /rnam par nges pa'i gtam dag thub pa che/ /'gro ba'i don slad rab tu gsung bar mdzad/ /mi mkhas dag dang log par lta rnams dang / /gzu lums can dang dga' bar ldan rnams dang / / phra ma can dang tshig rtsub sgyu can gang / /de dang lhan cig bcom ldan khyod mi rkyen/ /mi ni gang dag drang zhing sgyu med la/ /bden la dga' zhing dbang po thul ba dang / /rtag tu legs par brtags nas byed pa ni/ /de dang lhan cig bcom ldan khyod mi rkyen/ /chos mkhyen lugs mkhyen gang zag mkhyen pa dang / /drug po mngon mkhyen khyod la rtag phyag 'tshal/ /thub pa zhing mkhyen mchog dang mchog min mkhyen/ /tshul dang tshul min mkhyen khyod mgos phyag 'tshal/ /khyod kyi yon tan rgya mtsho rgya chen legs mthong nas/ /bdag gis yon tan phyogs gcig yongs su brjod par bas/ /'phags pa khyod kyi yon tan rgya mtsho'i pha rol ni/ /rtogs par rngo thog 'gro ba'i nang na mi ma mchis/ /de lta bu la sogs pa bstod pa lnga brgyas bcom ldan 'das la bstod nas de ltar mngon par dad par gyur pa dang / bcom ldan 'das kyis sngor gyur ji ltar stan de nyid la 'dug bzhin du bden pa mthong bar 'gyur ba'i chos bshad pa mdzad do/ /de nas bram ze sngor gyur gyis bcom ldan 'das la bstod nas song ste de lam du zhugs pa na/ bcom brlag gi bram ze rnams kyis tshig gi rgya lcag gis pags pa las thal ba tsam du brgyad de/ mkhan po khyod la kho bo cag gis dge sbyong gau ta ma la bkur sti ma yin pa byos shig ces smras na/ khyod da gzod slar bstod de 'ong ngam/ shes ldan dag kho bos sngar kho bo'i lce ni bden pa'i rjes su 'brang ba yin te/ gal te smad par 'os pa zhig na smod la/ bstod par 'os pa zhig na bstod do zhes snga mar smras sam/ dge sbyong gau ta ma ni bstod par 'os pas kho bos bstod do/ /de nas bcom ldan 'das snga dro na bza' sham thabs mnabs lhung bzed dang chos gos bsnams nas bcom brlag tu bsod snyoms la zhugs pa dang / de'i tshe bcom brlag na rgyu skar gyi nub mo la bab bo/ /de nas bcom brlag na gnas pa'i lha mo gang yin pa de 'di snyam du sems te/ gal te dge sbyong gau ta ma bcom brlag tu 'ongs na bdag gi rgyu skar gyi nub mo la bar chad byed par 'gyur ro snyam du bsams nas/ bcom ldan 'das kyi spyan sngar sgren mor byed nas 'dug go/ /bcom ldan 'das kyi bka' stsal pa/ lha mo re shig bud med ni shin tu bkab kyang bzang ba ma yin na sgren mo lta smos kyang ci dgos/ de nas lha mo de skyengs nas phyogs gcig tu song ngo / /de nas bcom ldan 'das kyis lam las bzur te dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag bcom brlag na ni nyes dmigs lnga po 'di dag yod de/ lnga gang zhe na mthon dman dang sdong dum dang tsher mas gang ba dang rdo ba dang gseg ma dang gyo mo mang ba dang / dgongs ka za ba dang bud med mang ba yin no/ /de nas bcom ldan 'das ma gshegs par bcom brlag gi gnod sbyin bong bu'i gnas gang na ba de logs su gshegs te byon nas/ gnod sbyin bong bu'i gnas byul te shing drung zhig tu rten cing nyin mo'i gnas pa'i phyir bzhugs so/ /de'i tshe gnod sbyin bong bu bong bu'i gzugs su byas nas 'phyan pa dang de la khye'u dang bu mo dag zhon pa dang / des de dag rtser bcug /dga' bar byed du bcug nas nags thibs por song nas za bar byed pas/ de'i ming gnod sbyin bong bu gnod sbyin bong bu zhes bya bar grags so/ /bcom brlag gi bram ze dang khyim bdag dad pa can rnams kyis bcom ldan 'das bsod snyoms la gshegs pa las lha mo zhig gis tho btsams pas/ bcom brlag tu ma gshegs par gnod sbyin bong bu'i gnas su gshegs so zhes thos so/ /thos nas kyang gtsang zhing bsod pa'i bza' ba dang bca' ba dag so so nas snod du bcos shing bsdogs te shing rtar bcug nas bcom ldan 'das gang na ba der dong ste lhags pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / bcom ldan 'das kyis bcom brlag gi bram ze dang khyim bdag dad pa can rnams la chos dang ldan pa'i gtam gyis zhes bya ba nas/ yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas bram ze dang khyim bdag dad pa can rnams stan las langs te bla gos phrag pa gcig tu gzar nas/ bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag cag gis bcom ldan 'das kyi slad du 'dir gtsang zhing bsod pa'i bza' ba dang bca' ba dag gis shing rta bkang ste 'tshal te mchis na/ bcom ldan 'das thugs brtse ba nye bar bzung ste de bzhes su gsol/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la gnod sbyin bong bu'i gnas na dge slong ji snyed nye bar rten cing gnas pa de dag thams cad rim gro'i gnas su sdus shig /bsod snyoms yongs su longs spyod du gzhug go/ /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ gnod sbyin bong bu'i gnas na dge slong ji snyed nye bar rten cing gnas pa de dag thams cad rim gro'i gnas pa de dag thams cad rim gro'i gnas su bsogs nas/ bcom ldan 'das gang na ba de logs su song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas bcom ldan 'das la tshe dang ldan pa kun dga' bos 'di skad ces gsol to/ /btsun pa gnod sbyin bong bu'i gnas na dge slong ji snyed nye bar rten cing mchis pa de dag thams cad rim gro'i gnas su bsogs lags te/ bcom ldan 'das da de'i dus la bab par dgongs su gsol/ de nas bcom ldan 'das rim gro'i gnas ga la ba der gshegs te byon nas/ dge slong gi dge 'dun gyi gung la gdan bshams pa nyid la bzhugs so/ / de nas bcom brlag gi bram ze dang khyim bdag dad pa can rnams kyis sangs rgyas la sogs pa dge slong gi dge 'dun bde bar bzhugs par rig nas zhes bya ba nas/ phyag gnyis bcabs te lhung bzed gyu bar rig nas zhes bya ba'i bar gong ma bzhin du'o/ /bcom ldan 'das kyi spyan sngar gsol ba gdab pa'i phyir 'khod nas 'di skad ces gsol to/ /btsun pa bcom ldan 'das kyis klu gdug pa dang / gnod sbyin gdug pa de dang de rnams ni btul lags na/ btsun pa gnod sbyin bong bu 'di bdag cag la yun ring po zhig nas sha khon ma mchis par ni sha khon bgyid/ 'gran zla ma lags par ni 'gran zla bgyid/ glags ma btsal bar ni glags tshol bar bgyid de/ bus pa btsas shing btsas pa rnams 'phrog par bgyid lags na/ kye ma'o bcom ldan 'das thugs brtse ba nye bar bzung ste gnod sbyin bong bu gdul bar gsol/ de'i tshe gnod sbyin bong bu 'khor de nyid du 'dus shing 'dug par gyur to/ /de nas bcom ldan 'das kyis gnod sbyin bong bu la bka' stsal pa/ bong bu khyod kyis thos sam/ bcom ldan 'das bdag gis thos lags so/ /bong bu khyod kyis thos sam/ bde bar gshegs pa bdag gis thos lags so/ /dam pa ma yin pa'i chos sdig pa las log shig /bcom ldan 'das gal te bdag gi slad du phyogs bzhi'i dge slong gi dge 'dun gyi gtsug lag khang rtsig par dam 'cha' bar bgyid na bdag ldog go/ /de nas bcom ldan 'das kyis bcom brlag gi bram ze dang khyim bdag dad pa can rnams la bka' stsal pa/ bram ze dang khyim bdag khyed cag gis thos sam/ bcom ldan 'das thos lags te brtsig go/ /de nas bcom ldan 'das kyis gnod sbyin bong bu 'khor lnga brgya dang btul to/ /bram ze dang khyim bdag dad pa can rnams kyis de'i ched du gtsug lag khang lnga brgya brtsigs so/ /de bzhin du gnod sbyin mda' can dang gnod sbyin nags ldan dang gnod sbyin mo bslang rnyed ma dang mchu rnams btul to/ /de nas bcom ldan 'das rdzu 'phrul gyis bcom brlag tu zhugs so/ / zhugs nas gnod sbyin mo 'gran zla ma 'khor lnga brgya dang btul nas de'i don du gtsug lag khang lnga brgya brtsigs so/ /de nas bcom ldan 'das kyis bcom brlag gi nang dang phyi rol du gnod sbyin nyis stong lnga brgya btul nas de'i ched du bram ze dang khyim bdag dad pa can rnams kyis gtsug lag khang nyis stong lnga brgya brtsigs so/ /de nas bcom ldan 'das o ta lar gshegs te/ o ta lar o ta la'i nags khrod na bzhugs so/ /de na bram ze shing sa la chen po lta bu o ta la'i bu zhes bya ba phyug pa nor mang ba longs spyod che ba zhig gnas so zhes bya ba rgyas par sbyar ro/ /de nas bcom ldan 'das snga dro na bza' sham thabs mnabs lhung bzed dang chos gos bsnams te o ta lar bsod snyoms la zhugs pa dang / phyogs gzhan zhig na zhing pa lnga brgya tsam mgo bo rdul gyis yog cing sha na'i ras kyis smad g.yogs bgos nas zhing rmed pa las zhing pa de rnams kyi sangs rgyas bcom ldan 'das sku skyes bu chen po'i mtshan sum bcu rtsa gnyis kyis kun nas brgyan pa/ gzi brjid kyis mdzes par mthong ngo zhes bya ba rgyas par sbyar te/ bcom ldan 'das kyis de rnams la chos bshad pas zhes bya ba nas mchod par bya ba dang rjed par bya ba dang / mngon du smra bar bya bar gyur to zhes bya ba'i bar du'o/ /de nas rmon pa stong po de dag gnya' shing dang ru thag bcad nas bcom ldan 'das gang na ba de logs su dong ste lhags nas bcom ldan 'das yongs su bskor te 'dug go/ /bcom ldan 'das kyis de rnams la tshig gsum gyi chos bshad pa dang rgyal chen bzhi'i ris kyi lha rnams su skyes nas zhes bya ba nas bden pa mthong nas rang gi gnas su dong ngo zhes bya ba'i bar du'o/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa zhing pa lnga brgya po 'di rnams kyis las ci zhig bgyis na/ las de'i rnam par smin pas zhing pa rnams su gyur nas dbul po'i khyim rnams su skyes shing 'di rnams ni rmon par gyur lags/ dge slong dag 'di rnams kyis las byas shing bsags pa zhes bya ba rgyas par sbyar te/ 'di rnams yang dag par rdzogs pa'i sangs rgyas 'od srung gi bstan pa la rab tu byung ba yin te/ 'di rnams kyis de na le los dus 'das par byas pas las de'i rnam par smin pas zhing pa rnams su gyur to/ /rmon pa 'di rnams kyis kyang de nyid la rab tu byung nas bslab pa'i gzhi phra mo phra mo rnams la gus par ma byas pas las de'i rnam par smin pas dud 'gro rnams su skyes so/ /'di rnams kyis yang dag par rdzogs pa'i sangs rgyas 'od srung gi bstan pa la rab tu byung ba gang yin pa de'i las kyi rnam par smin pas nga las bden pa mthong bar byas so/ /dge slong dag de lta bas na gcig tu gnag pa rnams kyi zhes bya ba rgyas par sbyar ro/ /bram ze shing sA la chen po lta bu o ta la'i bus dge sbyong shAkya'i sras shAkya'i rigs las skra dang kha spu bregs te dad pa yang dag pa kho nas khyim nas khyim med par rab tu byung ba de bla na med pa yang dag par rdzogs pa'i byang chub mngon par rdzogs par sangs rgyas nas dpa' sde nas ljongs rgyu zhing gshegs pa dang o ta lar byon nas/ o ta la na o ta la'i nags khrod na bzhugs te/ shes ldan dag dge sbyong gau ta ma de'i dge ba dang / grags pa dang sgra dang tshigs su bcad pa rgya chen po 'di lta bu 'di dag phyogs dang phyogs mtshams su grags par gyur te/ 'di ltar bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa lha dang mi rnams kyi ston pa/ sangs rgyas bcom ldan 'das de 'jig rten lha dang bcas bdud dang bcas/ tshangs pa dang bcas pa skye dgu dge sbyong dang bram zer bcas lha dang mi dang lha ma yin du bcas pa rnams la rang gi mngon par shes pas mngon sum du byas te rdzogs par byas nas bdag gi zag pa zad do/ /tshangs par spyod pa bsten to/ /bya ba byas so 'di las srid pa gzhan mi shes so zhes go bar byed cing / des chos bshad pa ni thog mar dge ba bar du dge ba/ tha mar dge ba don bzang po tshig 'bru bzang po ma 'dres pa yongs su rdzogs pa/ yongs su dag pa rnam par byang ba 'ba' zhig ston to zhes thos nas/ dge sbyong dang bram ze de lta bu lta ba ni legs pa yin/ nye bar 'gro ba ni legs pa yin/ bsnyen bkur byed pa ni legs pa yin no snyam du bsams nas shing rta rta rgod ma dang ldan pa thams cad nas dkar ba'i nang du zhugs te bram ze'i khye'u'i tshogs kyis yongs su bskor cing bram ze'i khye'u'i tshogs kyis mdun gyis bltas nas gser gyi khar ba dang ril ba spyi blugs thogs te o ta la nas byung nas/ bcom ldan 'das la blta ba dang bsnyen bkur bya ba'i phyir bcom ldan 'das kyi spyan sngar song ste/ de ji tsam bzhon pa'i sa'i bar du bzhon pas song nas/ bzhon pa las babs ti rkang pa kho nas kun dga' ra ba'i nang du zhugs nas bram ze shing sA la chen po lta bu o ta la'i bu bcom ldan 'das gang na ba de logs su song ste phyin nas/ bcom ldan 'das dang lhan cig yang dag par dga' bar 'gyur ba dang / yang dag par mgu bar 'gyur ba'i gtam rnam pa sna tshogs byas nas phyogs gcig tu 'dug go/ /phyogs gcig tu 'dug nas bcom ldan 'das la bram ze shing sA la chen po lta bu o ta la'i bus 'di skad ces gsol to/ /kye gau ta ma dbang po lnga po spyod yul tha dad pa dang yul tha dad pa can rang rang gi spyod yul dang yul nyams su myong bar 'gyur gyi/ gzhan gyis spyod yul dang yul gzhan nyams su myong bar mi 'gyur ba 'di lta ste/ mig gi dbang po dang rna ba'i dbang po dang sna'i dbang po dang lce'i dbang po dang lus kyi dbang po gang dag lags pa de rnams kyi spyod yul dang yul nyams su myong bar bgyid pa ni gang lags/ de rnams kyi ston pa yang gang lags/ bram ze dbang po lnga po spyod yul tha dad pa dang / yul tha dad pa can 'di lta ste/ mig gi dbang po dang rna ba'i dbang po dang sna'i dbang po dang lce'i dbang po dang lus kyi dbang po gang dag yin pa de rnams kyi spyod yul dang yul nyams su myong ba ni yid yin no/ / de rnams kyi rton pa yang yid yin no/ /kye gau ta ma yid kyi rton pa gang lags/ bram ze yid kyi rton pa ni dran pa yin no/ /kye gau ta ma dran pa'i rton pa gang lags/ bram ze dran pa'i rton pa ni dran pa nye bar gzhag pa bzhi yin no/ /kye gau ta ma dran pa nye bar gzhag pa bzhi'i rton pa gang lags/ bram ze dran pa nye bar gzhag pa bzhi'i rton pa ni byang chub kyi yan lag bdun yin no/ /kye go'u ta ma byang chub kyi yan lag bdun gyi rton pa gang lags/ bram ze byang chub kyi yan lag bdun gyi rton pa ni rig pa dang rnam par grol ba yin no/ /kye gau ta ma rig pa dang rnam par grol ba'i rton pa gang lags/ bram ze rig pa dang rnam par grol ba'i rton pa ni mya ngan las 'das pa yin no/ /kye gau ta ma mya ngan las 'das pa'i rton pa gang lags/ bram ze ha cang thal ches so ha cang thal ches so dri ba rnams kyi mtha' gzung bar mi nus te/ nga'i drung du ni yang dag par sdug bsngal zad par bya ba dang / sdug bsngal gyi mthar bya ba'i phyir tshangs par spyod pa mya ngan las 'das par nye bar 'gro ba dang / mya ngan las 'das pa'i mthar thug pa can spyod par byed do/ /de nas bram ze o ta la'i bu 'di snyam du sems te/ 'di la gnod pa ci zhig bya snyam mo/ /des kyang sngon dge sbyong gau ta ma nyan thos kyi dge 'dun dang bcas pa gdugs tshod gsol nas smon lam btab na des ci bsam pa dang ci gsol pa de thams cad so sor 'thob par 'gyur ro zhes thos so/ /de nas bram ze o ta la'i bu stan las langs te bla gos phrag pa gcig tu gzar te bcom ldan 'das gang na ba der logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol zhes bya ba nas/ gsol zin nas phyag bcabs te lhung bzed gyu bar rig nas zhes bya ba'i bar gong ma bzhin du'o/ /stan ches dma' ba zhig blangs te bcom ldan 'das kyi spyan sngar 'dug nas smon lam log pa gdab par brtsams pa bdag gis shAkya'i sras kyi dge sbyong ji snyed cig bshos gsol ba 'di thams cad bdag gi glang du gyur cig snyam pa dang / de nas bcom ldan 'das kyi thugs kyis bram ze o ta la'i bu'i bsam pa mkhyen nas bram ze o ta la'i bu la 'di skad ces bka' stsal to/ /bram ze khyod kyis mi rung ba'i sems bskyed pa de ni 'grub par mi 'gyur te/ 'di ltar dge slong 'di thams cad ni yang srid pa zad pa yin gyis/ sems gzhan skyed cig ces bka' stsal nas/ bcom ldan 'das kyis yon bsngo ba mdzad de gshegs so/ /de nas bcom ldan 'das gtsug lag khang du gshegs nas dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag bram ze o ta la'i bus smon lam log pas bslang ba'i sems sdig pa can bskyed kyis/ khyod cag gis zan zos nas gtsug lag khang gi tshigs su bcad pa brjod cig dang log pa'i smon lam 'grub par mi 'gyur ro/ /de nas bcom ldan 'das de nyid kyi mtshan mo 'das nas phyi bzhin 'brang ba'i dge sbyong tshe dang ldan pa kun dga' bo dang yul o ta lar bsod snyoms la zhugs pa dang / o ta la na bran mo rgan mo ka tsang ga la zhes bya ba zhig gnas te/ de bum pa thogs nas chu chur khron pa'i drung du song ba dang bcom ldan 'das kyang phyogs der gshegs te/ bcom ldan 'das kyis de'i gdul ba'i dus mkhyen nas tshe dang ldan pa kun dga' bo la bka' stsal pa/ kun dga' bo song la rgan mo pha bi la bcom ldan 'das skyems kyis chu phul cig ces sgo shig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ rgan mo ka tsang ga la gang na ba der song ste phyin pa dang rgan mo ka tsang ga la la 'di skad ces smras so/ /ka tsang ga la bcom ldan 'das skyems kyis chu phul cig des smras pa 'phags pa bdag nyid 'tshal te mchi'o/ /de nas ka tsang ga las chus bum pa bkang nas rings pa rings par bcom ldan 'das gang na ba der song ba dang ka tsang ga las sangs rgyas bcom ldan 'das sku skyes bu chen po'i mtshan sum bcu rtsa gnyis kyis kun nas brgyan pa/ dpe byad bzang po brgyad bcus mdzes par byas pa 'od 'dom gang gis brgyan pa 'od zer nyi ma stong bas lhag pa rin po che'i ri bo 'gro ba ltar kun nas bzang ba mthong ngo / /mthong ma thag tu yang de la bu'i sdug pa skyes nas des lag pa bsgreng ste bu bu zhes bcom ldan 'das la 'khyud par brtsams pa dang / dge slong rnams kyis de bzlog go/ /bcom ldan 'das kyis bka' stsal pa/ dge slong dag khyed kyis rgan mo 'di ma zlog shig /de ci'i phyir zhe na/ 'di ni tshe rabs lnga brgyar yang / /rtag tu nga yi yum gyur pas/ /nga yi sku la reg pa las/ /gal te 'di ni bzlog byas na/ /de'u re mod la khrag dron dag /'di yi kha nas skyug par 'gyur/ /bu la gdung ba 'di mthong nas/ /byas pa gzo ba rjes dgongs te/ /thugs rje dang ni thugs brtse bas/ /sku la reg tu gnang bar bya/ /bcom ldan 'das kyis de la mgur nas 'khyud du gnang bas de bu la chags pa dang bral nas/ bcom ldan 'das kyi spyan sngar chos mnyan pa'i phyir 'dug go/ /de nas bcom ldan 'das kyis de'i bsam pa dang / bag la nyal ba dang khams dang rang bzhin mkhyen nas de dang mthun pa'i 'phags pa'i bden pa bzhi so sor rtogs par 'gyur ba'i chos bshad pa mdzad de/ de thos nas ka tsang ga las 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas lan gsum du ched du brjod pas ched du brjod pa btsun pa 'di lta bu ni bdag la phas ma bgyis te mas ma lags zhes bya ba nas thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du bgyis so zhes bya ba'i bar gong ma bzhin du'o/ /tshigs su bcad pa dag gis kyang gsol pa/ ma la lan du phan 'dogs pa'i/ /bu mchog gis ni bgyi ba gang / /thar la sems gzhol 'gyur ba de/ /khyod kyis de ring bdag la mdzod/ /khyod kyis bdag ni ngan 'gro las/ /drangs te mtho ris thar la bzhag /khyod ni brtsal ba chen po yis/ /dka' ba legs par mdzad pa lags/ /zhes gsol nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas dus gzhan zhig na ka tsang ga las jo bo la gsol ba btab nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'thob pa lta na/ bdag bcom ldan 'das kyi spyan sngar tshangs par spyod pa spyad par bgyi'o/ /bcom ldan 'das kyis de skye dgu'i bdag mo chen mo la gtad do/ /de nas des rab tu phyung bsnyen par rdzogs par byas te gdams ngag byin no/ /des brtson 'grus dang 'bad pa dang / brtsal ba byas nas nyon mongs pa thams cad spangs te dgra bcom pa nyid mngon sum du byas nas dgra bcom mar gyur te/ khams gsum gyi 'dod chags dang bral ba zhes bya ba nas rjed par bya bar gyur to zhes bya ba'i bar gong ma bzhin du'o// //'dul ba gzhi/ bam po sum bcu rtsa bdun pa/ gang gi tshe bcom ldan 'das kyis dge slong ma rnams la bsdus te mdor bka' stsal nas/ gtsug lag khang du nang du yang dag 'jog pa'i phyir 'jug par mdzad pa de'i tshe ka tsang ga las de rgyas par lung ston to/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos dge slong ma mdo sde rnam par 'byed par byed pa rnams kyi nang na 'di lta ste/ dge slong ma ka tsang ga la 'di mchog yin no/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa ka tsang ga las las ci zhig bgyis na des na rgas nas rab tu byung bar gyur/ las ci zhig bgyis na des na dbul ba dang bran mor gyur/ bcom ldan 'das kyis srid pa tha ma de'i mngal du ma bzung bar gyur/ rab tu byung nas kyang dgra bcom pa mngon sum du bgyis shing bcom ldan 'das kyis kyang mdo sde rnam par 'byed par bgyid pa rnams kyi mchog tu bstan lags/ bcom ldan 'das kyis bka' stsal pa/ dge slong dag dge slong ma ka tsang ga la nyid kyis las byas shing tshogs rnyed pa dag ces bya ba nas/ /lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba nga byang chub sems dpa'i spyod pa la gnas pa na 'di nga'i yum du gyur te/ gang gi tshe nga rab tu 'byung bar 'dod pa de'i tshe 'dis nga bzlog pas las de'i rnam par smin pas rgas nas rab tu byung ngo / /nga sbyin pa gtong ba na 'dis bar chad byas pas des na dbul bar gyur to/ /ji ltar sgyu 'phrul chen mo ltar 'dis bsod nams dang dbang che bar grags par 'gyur ba'i las ma byas te/ des na nga'i srid pa tha ma 'dis mngal du ma bzung ngo / /yang dag par rdzogs pa'i sangs rgyas 'od srung las rab tu byung nas dge slong ma slob pa dang mi slob pa rnams la bran mo zhes tshig tu brjod pas des na bran mor gyur to/ /des na 'dis gang dag blags shing bton pas phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / gnas dang gnas ma yin pa la mkhas par byas pas/ des na nga'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so/ /rab tu 'byin pa'i mkhan mo gang yin pa de yang dag par rdzogs pa'i sangs rgyas bcom ldan 'das 'od srung gis mdo sde rnam par 'byed par byed pa rnams kyi mchog tu bstan pa dang / de na 'dis kyang 'chi ba'i dus kyi tshe smon lam btab pa/ bdag gis yang dag par rdzogs pa'i sangs rgyas bcom ldan 'das 'od srung yon gnas bla na med pa la tshe ji srid cig tu tshangs par spyod pa la spyad na yon tan gyi tshogs 'ga' yang ma thob kyis/ dge ba'i rtsa ba 'dis bdag yang dag par rdzogs pa'i sangs rgyas bcom ldan 'das 'od srung gis bram ze'i khye'u bla ma zhes bya ba gang yin pa de la bram ze'i khye'u khyod skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa de'i bstan pa la bdag rab tu byung nas/ ji ltar bdag gi mkhan mo 'di yang dag par rdzogs pa'i sangs rgyas bcom ldan 'das 'od srung gis mdo sde rnam par 'byed par byed pa rnams kyi mchog tu bstan pa de bzhin du/ bdag kyang bcom ldan 'das shAkya thub pa des mdo sde rnam par 'byed par byed pa rnams kyi mchog tu bstan par gyur cig ces byas te/ de'i smon lam gyi dbang gis ngas da ltar mdo sde rnam par 'byed par byed pa rnams kyi mchog tu bstan to/ /dge slong dag de lta bas na gcig tu gnag pa'i las rnams kyi rnam par smin pa ni gcig tu gnag pa yin la zhes bya ba nas brtson par bya'o zhes bya ba'i bar gong ma bzhin du ste/ /dge slong dag khyed kyis de lta bu la bslab par bya'o zhes de skad ces bka' stsal to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo yul dgra mtha' gang na bar 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das gshegs pa dang / ji tsam na kun dga' ra ba zhig na bram ze zhig khron pa nas chu bcus shing kun dga' ra ba bcu bar brtsams so/ /bram ze des rgyang ring po kho na nas bcom ldan 'das mthong ngo / / mthong nas kyang bsams pa/ gal te dge sbyong gau ta ma kun dga' ra bar zhugs na kun dga' ra ba dang chu ma rung bar 'gyur ro snyam du bsams nas sgo bcad de spyang thag dang chu snod sbas nas 'dug go/ /de nas bcom ldan 'das kyis rdzu 'phrul gyis kun dga' ra bar zhugs pa dang / gnod sbyin gyi sde dpon chen po lnga len gyis khron pa de bzung nas kun dga' ra ba de thams cad chus yog par byas so/ /de nas bram ze de dag dge sbyong gau ta ma 'di ni rdzu 'phrul che zhing mthu che ba yin no/ / snyam du rig nas mngon par dad par gyur te gsol pa/ shes ldan gau ta ma tshur spyon/ dpyang thag ni 'di lags/ chab snod ni 'di lags kyis chab ci bder bzhes su gsol/ de nas bcom ldan 'das kyis de'i tshe tshigs su bcad de bka' stsal pa/ gal te kun na chu yod na/ /khron pa'i chus ko ci zhig bya/ /'dir ni sred pa'i rtsa bcad nas/ /gang zhig yongs su brtsal bar spyod/ /de nas bcom ldan 'das la bram ze des 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'thob pa lta na zhes bya ba nas/ dge slong tshur shog ces bya bas rab tu byung ngo zhes bya ba'i bar gong ma bzhin du'o/ /de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /des brtson 'grus dang / 'bad pa dang / brtsal bar byas nas nyon mongs pa thams cad spangs te dgra bcom pa nyid mngon sum du byas nas dgra bcom par gyur te khams gsum gyi 'dod chags dang bral ba zhes bya ba nas mngon du smra bar bya bar gyur to zhes bya ba'i bar gong ma bzhin du'o/ /de nas bcom ldan 'das dpa' sde nas ljongs rgyu zhing gshegs pa dang yul dgra mthar gshegs te/ dgra mtha' na sbu bu can gyi shing nim pa'i drung na bzhugs so/ /de'i tshe dgra mtha' na rgyal po bram ze mes sbyin zhes bya ba 'byor ba dang / rgyas pa dang / bde ba dang / lo legs pa/ skye bo dang mi mang pos rab tu gang ba na rgyal srid byed du 'jug go/ /rgyal po bram ze mes sbyin gyis dge sbyong gau ta ma dpa' sde nas ljongs rgyu zhing gshegs pa dang dgra mthar byon nas/ dgra mtha' na sbu bu can gyi shing nim pa'i drung na bzhugs so zhes thos so thos nas kyang 'di snyam du sems te/ dge sbyong gau ta ma ni mtha'i rgyal po thams cad kyis bkur sti byas/ bla mar byas/ rjed par byas/ mchod par byas te dgra bcom par bkur la/ gal te bdag gis dge sbyong gau ta ma la bkur sti ma byas na mtha'i rgyal phran rnams shes ldan dag kye ma rgyal po bram ze mes sbyin ni byis pa yin te/ de'i grong dang zhing na dge sbyong gau ta ma nye bar rten cing bzhugs na bsnyen bkur ma byas so zhes smod par 'gyur gyis/ ma la bdag gis dge sbyong gau ta ma nyan thos kyi dge 'dun dang bcas pa la yo byad thams cad kyis bstabs so snyam du bsams nas/ rgyal po chen po'i 'byor pa dang / rgyal po chen po'i mthus dgra mtha' nas byung nas bcom ldan 'das gang na ba der song ste phyin nas/ bcom ldan 'das dang lhan cig mngon du yang dag par dga' bar 'gyur ba dang yang dag par mgu bar 'gyur ba'i gtam rnam pa sna tshogs byas nas phyogs gcig tu 'dug go/ /phyogs gcig tu 'dug nas bcom ldan 'das kyis rgyal po bram ze mes sbyin la chos dang ldan pa'i gtam gyis zhes bya ba nas yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas rgyal po bram ze mes sbyin stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /shes ldan gau ta ma nyan thos kyi dge 'dun dang thabs gcig la dgung zla gsum du na bza' chos gos dang / bsod snyoms dang / gzims cha dang / snyun dpyad kyi rkyen sman gyi yo byad rnams 'bul zhing mchis na bdag la gnang bar mdzad du gsol/ bcom ldan 'das kyis rgyal po bram ze mes sbyin la cang mi gsung bas gnang ngo / /de nas rgyal po bram ze mes sbyin gyis bcom ldan 'das cang mi gsung bas gnang bar rig nas bcom ldan 'das kyis gsungs pa la mngon par dga' ste/ rjes su yi rang nas stan las langs te song ngo / /de rang gi khyim du song nas blon po rnams la bsgo ba/ nyi ma re re zhing lnga brgya'i bza' ba dang bca' ba sna bcwa brgyad dang / sran tshod sna tshogs dang / tshod ma ro dang ldan pa dang / 'bras chan rab tu mang por tshos shig /dgra mthar dril sgrogs su bcug pa/ dge sbyong gau ta ma zla ba gsum du gzhan gyis gdugs tshod ma gsol cig /gang zhig gis gdugs tshod gsol na de ni chad par gsad do zhes des de skad du dril bsgrags nas nub mo nyal ba dang rmi lam na bdag gi rgyu mas dgra mtha'i grong khyer thams cad bskor ba rmis so/ /rmis nas kyang sngangs skrag bred cing spu zing zhes byed nas myur ba myur bar mal chen po nas langs te/ lag pa la 'gram pa gtad nas gzhi 'di las bdag rgyal srid las nyams pa 'am/ srog gi bar chad du mi 'gyur grang snyam du sems khong du chud cing 'dug pa las de nam nangs nas bram ze mdun na 'don la smras pa/ mkhan po bdag gis 'di 'dra ba'i rmi lam zhig mthong na de la ji ltar bsgrub par bya/ bram ze mdun na 'don gyis bsams pa/ 'di ltar lhas rmang lam bzang po zhig rmis te gal te bdag gis de dang 'thun par bsnyad na 'di lhag par yang dge sbyong gau ta ma la dad pa skyed par 'gyur gyi ma la bdag gis 'di ngan par bsnyad do snyam du bsams nas smras pa/ lha rmang lam mi bzang lags so/ /mkhan po 'di'i 'bras bu cir 'gyur/ lha gdon ma 'tshal bar rgyal srid las nyams pa 'am srog gi bar chad du 'gyur lags so/ /rgyal pos bsams pa/ e ma'o kyi hud bdag rgyal srid las nyams pa 'am/ srog gi bar chad du mi 'gyur grang snyam du bsams nas bram ze mdun na 'don la 'di skad ces smras so/ /gang gis na kho bo rgyal srid las nyams par mi 'gyur ba dang / srog gi bar chad du mi 'gyur ba'i thabs bzang po ci yod/ des smras pa/ lha gal te mi gda' ba'i phyogs su zla ba gsum bzhugs na/ des na lha rgyal srid las mi nyams shing srog gi bar chad du mi 'gyur lags so/ /de nas rgyal po bram ze mes sbyin gyis bsams pa gal te de lta na de bya sla bas dril sgrogs su gzhug go snyam nas/ des yul thams cad du dril sgrogs su bcug pa/ nga la zla ba gsum du lta zhing nye bar su yang ma 'ong shig /gang zhig 'ongs na de ni chad par gsad do zhes dril sgrogs su bcug nas zla ba gsum du mi snang ba'i phyogs shig na 'dug go/ /tshe dang ldan pa kun dga' bo nang par sngar langs te/ rgyal po bram ze mes sbyin gyi khyim gang na ba der song ba las/ ji tsam na rgyal po bram ze mes sbyin gyi zho shas 'tsho ba rnams sems las chung ngus 'khod pa dag mthong ngo / /mthong nas kyang smras pa/ shes ldan dag ci sems las chung ngus 'khod dam/ de rnams kyis smras pa/ 'phags pa ci zhig bgyir mchis/ rgyal po bram ze mes sbyin gyis sangs rgyas la sogs pa dge slong gi dge 'dun zla ba gsum du yo byad thams cad kyis ma bstabs sam/ khyed cag sems las chung ngus 'khod nas gdugs tshod kyang sta gon mi byed/ gdan yang mi shom na ci sangs rgyas la sogs pa dge slong gi dge 'dun gdugs tshod gcod dam/ de dag gis smras pa/ 'phags pa kun dga' bo lhas lnga brgya rnams kyi ched du zhal zas bsod pa mang du sta gon byos shig ces ni bka' stsal gyi/ che ge mo zhig gi don du'o zhes bka' ma stsal lags so/ /shes ldan dag deng lha la zhus shig /'phags pa lhas dril sgrogs su stsal ba/ nga la zla ba gsum du lta zhing nye bar su yang ma 'ong shig /gang zhig 'ongs na de chad par gsad do zhes bsgrags na ci bdag cag la mgo bo gnyis mchis sam/ bdag cag ni mi zhu lags so/ /de nas tshe dang ldan pa kun dga' bo bcom ldan 'das gang na ba der song ste phyin nas bcom ldan 'das la skabs de rgyas par gsol to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la snam sbyar thogs te phyi bzhin 'brang ba'i dge sbyong gzhan zhig dang dgra mtha'i lam po che dang / tshong dus dang / bzhi mdo dang / sum mdo rnams su shes ldan dag khyed cag las gang dag sangs rgyas la sogs pa dge slong gi dge 'dun la zla ba gsum du zhal zas gsol bar spro ba des zhal zas gsol cig ces sbron cig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas snam sbyar thogs te phyi bzhin 'brang ba'i dge sbyong gzhan zhig dang dgra mtha'i lam po che dang / tshong dus dang / bzhi mdo dang / sum mdo rnams su bsgo ba/ shes ldan dag khyed cag las gang dag sangs rgyas la sogs pa dge slong gi dge 'dun la zla ba gsum du zhal zas gsol bar spro ba des zhal zas gsol cig /dgra mtha'i bram ze dang khyim bdag rnams kyis smras pa/ 'phags pa kun dga' bo bdag cag lta zhig re res kyang bcom ldan 'das nyan thos kyi dge 'dun dang bcas pa la zla ba gsum du zhal zas gsol bar spro lags mod kyi/ rgyal po sdig can 'dis dril sgrogs su stsal ba/ gzhan sus kyang sangs rgyas la sogs pa dge slong gi dge 'dun spyan drangs te zla ba gsum du zhal zas ma gsol cig /gang zhig gis zhal zas gsol na de ni chad par gsad do zhes bsgrags lags so/ /ji tsam na byang phyogs nas ded dpon zhig rta lnga brgya la khal bkal te dgra mthar phyin nas des bsams pa/ gal te mod la chas na rta rnams kyi rmig pa dub pas 'theng bar 'gyur zhing lom par yang mi 'gyur bas 'di nyid du gnas par bya'o snyam nas/ de de nyid du 'dug nas des rta cang shes la ni chas nas bre'u chung do/ rta lhag ma rnams la ni bre'u chung re rer thang bcad do/ /des rgyal pos rtsis mgo 'di dang 'di dag byas so zhes thos la tshe dang ldan pa kun dga' bos de skad du smras pa yang thos nas des bsams pa/ bdag ni rgyal po 'di'i yul na gnas pa ma yin pas bdag la rgyal pos ci byar yod snyam du rig nas tshe dang ldan pa kun dga' bo la 'di skad ces smras so/ /'phags pa kun dga' bo bdag gis rta cang shes la ni chas nas bre'u chung do/ rta lhag ma rnams la ni bre'u chung re re'i thang lags na/ gal te bcom ldan 'das nas gsol bar spro na/ bcom ldan 'das la ni bdag gis nas bre'u chung do do/ dge slong lhag ma rnams la ni bre'u chung re re dbul bar bgyi'o/ /de nas tshe dang ldan pa kun dga' bo bcom ldan 'das gang na ba der song ste phyin nas bcom ldan 'das la skabs de rgyas par gsol pa dang / de nas bcom ldan 'das 'di snyam du dgongs te/ nga nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las nga nyid kyis byas shing bsags pas nga nyid kyis las byas shing bsags pa dag gzhan su zhig gis so sor myong bar 'gyur te/ las byas shing bsags pa dag ni phyi rol gyi sa'i khams la rnam par smin par mi 'gyur zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /tshe dang ldan pa kun dga' bo la bka' stsal pa kun dga' bo song la dge slong rnams la tshul shing brims te/ khyed cag las gang de bzhin gshegs pa dang thabs gcig dgra mthar zla ba gsum du longs spyad par spro ba des tshul shing long shig ces sgo shig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas tshul shing brim par brtsams pa na/ gang yang bcom ldan 'das dge slong lnga brgyar dge slong gnyis kyis ma tshang bas tshul shing blangs so/ /tshe dang ldan pa shA ri'i bus gsol pa/ bcom ldan 'das bdag ni bser ma'i bro nad mchis pas dgung zla gsum du stsang nas kyis longs spyad par mi spro lags so/ /tshe dang ldan pa maud gal gyi bu chen pos gsol pa/ bdag ni 'di'i bro g.yog lags so/ /de nas bcom ldan 'das dge slong lnga brgyar dge slong gnyis kyis ma tshang ba dang thabs gcig tu dgra mthar dbyar bzhugs par zhal gyis bzhes so/ /tshe dang ldan pa shA ri'i bu dang / maud gal gyi bu ni ri bo rtse gsum gyi khar song ste dbyar gnas par khas blangs so/ /de nas lha rnams kyi dbang po brgya byin gyis lha'i bdud rtsis bstabs so de nas ded dpon gyis bcom ldan 'das la ni nas bre'u chung do do 'bul lo/ / dge slong gzhan rnams la bre'u chung re re'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la de bzhin gshegs pa'i ched du nas la ci legs su byos shig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ bcom ldan 'das kyi sku skal blangs te bud med rgan mo gzhan zhig gang na yod pa der song nas phyin pa dang / bud med de la 'di skad ces smras so/ / sring mo de bzhin gshegs pa'i ched du nas la ci legs su bya na khyod nus sam/ des smras pa/ 'phags pa bdag rgan mos rngo mi thog ste 'on kyang bu mo 'di gzhon lags kyis 'di la stsol cig dang / 'dis ni ci legs su bgyid par 'gyur ro/ /de nas tshe dang ldan pa kun dga' bo de'i drung du song ste phyin nas smras pa/ sring mo khyod kyis de bzhin gshegs pa'i ched du nas la ci legs su byed nus sam/ des smras pa/ 'phags pa bdag dang dam zhig bca' ste/ gal te bdag la tshig 'ga' gsung ba lta na ci legs su bgyi'o/ /des smras pa/ byi dor gyis shig dang smra'o/ /de nas 'dru zhing dris pa/ 'phags pa sangs rgyas zhes bgyi ba 'di ci lags/ tshe dang ldan pa kun dga' bos bsams pa/ gal te 'di la bdag gis sangs rgyas kyi bsngags pa brjod na/ sangs rgyas kyi chos rnams ni zab pa yin pas 'dis shes par mi 'gyur ba'i gnas gang yin pa de yod kyis/ ma la bdag gis 'di la 'khor los sgyur ba'i bsngags pa brjod par bya'o snyam du bsams nas smras pa/ sring mo 'khor los sgyur ba'i rgyal po 'jig rten du byung na rin po che sna bdun yang 'jig rten du 'byung bar 'gyur te/ bdun po de dag gang zhe na/ 'di lta ste/ 'khor lo rin po che dang / glang rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa ni blon po rin po che yin no/ /sring mo 'khor los sgyur ba'i rgyal po 'jig rten du byung na 'khor lo rin po che ji lta bu zhig 'jig rten du 'byung bar 'gyur zhe na/ sring mo 'di la rgyal po rgyal rigs spyi bo nas dbang bskur ba gso sbyong bcwa lnga pa de nyid la mgo khrus byas te smyung ba byas nas/ de steng gi khang bzangs kyi gzhi la blon po'i tshogs kyis bskor nas 'dug pa na shar phyogs nas 'khor lo rin po che lte ba dang bcas pa/ rtsibs stong dang ldan pa/ myu khyud dang bcas pa/ rnam pa thams cad yongs su rdzogs pa/ mdzes pa/ mkhan bzos ma byas pa/ bzang po thams cad gser las byas pa zhig 'byung bar 'gyur te/ rgyal po rgyal rigs spyi bo nas dbang bskur ba gang yin pa 'dis gso sbyong bcwa lnga pa de nyid kyi tshe zhes bya ba nas thams cad gser las byas zhes bya ba nas de ni 'khor los sgyur ba'i rgyal por 'gyur ro zhes thos so zhes bya ba'i bar gong ma bzhin du'o/ /bdag ni gdon mi za bar 'khor los sgyur ba'i rgyal por gyur to snyam nas/ de nas 'khor los sgyur ba'i rgyal pos 'khor lo rin po che de brtag par 'dod nas stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ 'khor lo rin po che de lag pa gnyis kyis blangs nas lag pa g.yon par bzhag ste lag pa g.yas pas spor cing / kye 'khor lo rin po che sngon gyi 'khor los sgyur ba 'phags pa'i lam srol gang yin par rnam par rgyal bar gyur cig /rnam par rgyal bar gyur cig ces smra'o/ /de nas 'khor lo rin po che de 'khor los sgyur ba'i rgyal pos spar ba dang / steng gi nam mkha' la 'phags nas shar phyogs su sngon gyi 'khor los sgyur ba 'phags pa'i lam srol gang yin pa nas 'gro bar 'gyur ro/ /'khor lo rin po che de'i rjes bzhin du 'khor los sgyur ba'i rgyal po dpung gi tshogs yan lag bzhi dang lhan cig tu 'gro bar 'gyur ro/ / phyogs gang du 'khor lo rin po che de sdod pa der 'khor los sgyur ba'i rgyal po dpung gi tshogs yan lag bzhi dang lhan cig gnas 'debs par 'gyur zhing / shar phyogs kyi khams kyi rgyal phran gang dag yin pa de dag 'khor los sgyur ba'i rgyal po gang na ba der dong ste lhags pa dang / 'khor los sgyur ba'i rgyal po la 'di skad ces lha tshur gshegs/ lha byon pa legs so/ /yul 'khor 'byor pa dang / rgyas pa dang / bde ba dang / lo legs pa/ skye bo dang mi mang pos gang ba gang lags pa 'di ni lha'i lags kyis/ lhas rjes su bskyang du gsol/ bdag cag ni lha'i bka' bzhin bgyid pa lags so zhes smras pa dang / de'i phyir sna bo dag khyed cag rang rang gi yul 'khor chos kyis rjes su bskyang bar bya'i chos ma yin pas ni ma yin no/ /'ga' zhig chos ma yin pa spyod dam 'dren mar spyod pa zhig yod na/ khyed kyis de yul 'khor du ma bzhag cig /de lta na khyed cag kho bo'i bka' bzhin byed pa yin no/ /de nas 'khor lo rin po che de shar phyogs mngon par phab nas shar phyogs kyi rgya mtsho chen po nas slar log ste/ lho dang / nub dang / byang phyogs su yang sngon gyi 'khor los sgyur ba 'phags pa'i lam srol gang yin par 'gro bar 'gyur bas/ de nas 'khor lo rin po che de 'khor los sgyur ba'i rgyal pos spar ba dang / steng gi nam mkha' la 'phags nas byang phyogs su sngon gyi 'khor los sgyur ba 'phags pa'i lam srol gang yin par 'gro bar 'gyur ro/ /'khor lo rin po che de'i rjes bzhin du 'khor los sgyur ba'i rgyal po dpung gi tshogs yan lag bzhi dang lhan cig 'gro bar 'gyur ro/ /phyogs gang du 'khor lo rin po che de sdod pa der 'khor los sgyur ba'i rgyal po yang dpung gi tshogs yan lag bzhi dang lhan cig gnas 'debs par 'gyur zhing / byang phyogs kyi khams kyi rgyal phran gang dag yin pa de dag 'khor los sgyur ba'i rgyal po gang na ba der dong ste lhags pa dang / 'khor los sgyur ba'i rgyal po la 'di skad ces lha tshur gshegs/ lha byon pa legs so/ / yul 'khor 'byor pa dang / rgyas pa dang / bde ba dang / lo legs pa/ skye bo dang mi mang pos gang ba gang lags pa 'di ni lha'i lags kyis/ lhas rjes su bskyang du gsol/ bdag cag ni lha'i bka' bzhin bgyid pa lags so zhes smras pa dang / de'i phyir sna bo dag khyed cag rang rang gi yul rnams chos kyis rjes su bskyang bar bya'i chos ma yin pas ni ma yin no/ /'ga' zhig chos ma yin pa spyod dam/ 'dren mar spyod na khyed kyis yul 'khor du ma bzhag shig /de lta na khyed cag kho bo'i bka' bzhin byed pa yin no/ /de nas 'khor lo rin po che des byang phyogs mngon par phab nas byang phyogs kyi rgya mtsho chen po nas slar log ste/ rgyal po'i pho brang de nyid du phyin nas dkor khang gi steng du srog shing btsugs pa bzhin du gnas so/ /sring mo 'khor los sgyur ba'i rgyal po 'jig rten du byung na 'khor lo rin po che de lta bu 'jig rten du 'byung bar 'gyur ro/ /sring mo 'khor los sgyur ba'i rgyal po 'jig rten du byung na glang po rin po che ji lta bu zhig 'jig rten du 'byung bar 'gyur zhe na/ sring mo 'di la 'khor los sgyur ba'i glang po ni thal kar me tog ku mu da'i mdog lta bu yan lag bdun legs par gnas pa/ gzugs bzang ba/ mdzes pa/ blta na sdug pa yin no/ /'khor los sgyur ba'i rgyal pos 'di mthong na sems mngon par dad par gyur nas/ kye ma'o glang po rin po che bzang po zhig yin gyis myur du dul bar 'gyur bar bya'o snyam nas/ de nas 'khor los sgyur ba'i rgyal pos glang po 'dul sbyong mkhan mkhas pa pho nyas bkug nas 'di skad ces smras so/ /des pa khyod kyis glang po rin po che 'di myur ba kho nar legs par dul bar byos la nga la phul cig /lha bka' bzhin 'tshal zhes glang po 'dul sbyong mkhan mkhas pas 'khor los sgyur ba'i rgyal po'i ltar mnyan nas/ glang po rin po che de la bslab pa thams cad nyin zhag gcig la slob par byed de/ de la nyin zhag gcig la bslab pa thams cad slob pa na nyin zhag gcig gis bslab pa thams cad lobs pa ni dper na glang po che gzhan rnams lo du ma dang / lo khyud skor du mar bslab pa thams cad bslabs nas bslab pa thams cad lobs pa de bzhin du/ glang po rin po che de la nyin zhag gcig la bslab pa thams cad bslabs pa na nyin zhag gcig gis bslab pa thams cad lobs so/ /de dul bar rig nas 'khor los sgyur ba'i rgyal po la 'bul bar byed de/ lha glang po rin po che bzang po ni dul lags te/ lha da de'i dus la bab par mkhyen par mdzad du gsol/ de nas 'khor los sgyur ba'i rgyal pos glang po rin po che de brtag par 'dod nas/ nyi ma 'char ka'i dus kyi tshe glang po rin po che de la zhon nas rgya mtsho'i mthas klas pa'i sa chen po bskor te/ rgyal po'i pho brang de nyid du phyin pa na zhal tshus la 'bab ste/ sring mo 'khor los sgyur ba'i rgyal po 'jig rten du byung na glang po rin po che de lta bu 'jig rten du 'byung bar 'gyur ro/ /sring mo 'khor los sgyur ba'i rgyal po 'jig rten du byung na rta rin po che ji lta bu zhig 'jig rten du 'byung bar 'gyur zhe na/ sring mo 'di la 'khor los sgyur ba'i rgyal po'i rta ni thams cad sngo ba mgo gnag cing rngog mjug sdug pa/ gzugs bzang ba/ mdzes pa/ blta na sdug pa yin te/ 'khor los sgyur ba'i rgyal pos de mthong nas sems mngon par dad par gyur nas kye ma rta rin po che bzang po zhig yin gyis myur du dul bar 'gyur bar bya'o snyam nas/ de nas 'khor los sgyur ba'i rgyal pos rta mkhan mkhas pa pho nyas bkug ste 'di skad ces smras so/ /des pa khyod kyis rta rin po che 'di myur ba kho nas legs par dul bar byos la nga la phul cig /lha bka' bzhin 'tshal zhes rta mkhan mkhas pas 'khor los sgyur ba'i rgyal po las mnyan nas/ rta rin po che de la bslab pa thams cad nyin zhag gcig la slob par byed de/ de la bslab pa thams cad nyin zhag gcig la slob pa na/ nyin zhag gcig gis bslab pa thams cad lobs pa ni dper na rta gzhan rnams lo du ma dang / lo khyud skor du mar bslab pa thams cad bslabs nas bslab pa thams cad lobs pa de bzhin du/ rta rin po che de la nyin zhag gcig la bslab pa thams cad slob pa na nyin zhag gcig gis bslab pa thams cad lobs so/ /de dul bar rig nas 'khor los sgyur ba'i rgyal po la 'bul bar byed de/ lha rta rin po che bzang po ni dul lags te/ lha da de'i dus la bab par mkhyen par mdzad du gsol/ de nas 'khor los sgyur ba'i rgyal pos rta rin po che brtag par 'dod nas nyi ma 'char ka'i dus kyi tshe rta rin po che la zhon nas rgya mtsho'i mthas klas pa'i sa chen po bskor te rgyal po'i pho brang de nyid du phyin pa na zhal tshus la 'bab ste/ sring mo 'khor los sgyur ba'i rgyal po 'jig rten du byung na rta rin po che de lta bu 'jig rten du 'byung bar 'gyur ro/ /sring mo 'khor los sgyur ba'i rgyal po 'jig rten du byung na nor bu rin po che ji lta bu zhig 'jig rten du 'byung bar 'gyur zhe na/ sring mo 'di la 'khor los sgyur ba'i rgyal po'i nor bu ni zur brgyad yod pa/ bai dUr+ya bzang po'i rigs can/ dang ba/ gsal ba/ rnam par dang ba yin te/ 'khor los sgyur ba'i rgyal po'i pho brang na me mar gyi bya ba thams cad nor bu de'i 'od kyis byed do/ / de nas 'khor los sgyur ba'i rgyal pos nor bu rin po che brtag par 'dod nas mun gnag smag tu gyur la/ lhas mtshan mo char gyi rgyun dal bu dal bus 'bebs shing / glog 'gyu ba'i dus su nor bu rin po che de rgyal mtshan gyi rtse mo la bzhag nas bskyed mos tshal gyi nang du dpung gi tshogs yan lag bzhi dang lhan cig dong ba na/ 'khor los sgyur ba'i rgyal po'i dpung gi tshogs yan lag bzhi po ji snyed pa thams cad dang / rgyang grags phyed kho ra khor yug tu nor bu'i 'od kyis gsal bar 'gyur te/ sring mo 'khor los sgyur ba'i rgyal po 'jig rten du byung na nor bu rin po che de lta bu 'jig rten du 'byung bar 'gyur ro/ /sring mo 'khor los sgyur ba'i rgyal po 'jig rten du byung na btsun mo rin po che ji lta bu zhig 'jig rten du 'byung bar 'gyur zhe na/ sring mo 'di la 'khor los sgyur ba'i rgyal po'i btsun mo ni gzugs bzang ba/ mdzes pa/ blta na sdug pa/ ha cang mi dkar ba/ ha cang mi sngo ba/ nya khar ba ltar lpags pa 'jam pa/ ha cang mi ring ba/ ha cang mi thung ba/ bong ran pa/ ha cang mi sbom pa/ ha cang mi skem pa/ ha cang mi tsho ba/ sha bri ran pa gang yin pa ste/ sring mo de ni grang ba'i tshe lus la reg na dro ba/ tsha ba'i tshe lus la reg na bsil ba/ yul ka ling ka'i gos ltar reg na 'jam pa'o/ /sring mo de'i ba spu'i bu ga thams cad nas ni tsan dan gyi dri 'byung ngo / /kha nas ni ut+pa la sngon po'i dri 'byung ngo / /ji srid kyis tshe dang ldan pa kun dga' bos btsun mo rin po che'i bar du bshad pa de srid kyis bu mo des kyang nas kyi bya ba zin nas/ des rkang pa gnyis la gtugs te smon lam gdab par brtsams pa/ 'phags pa dge ba'i rtsa ba 'dis bdag 'khor los sgyur ba'i btsun mo rin po cher gyur cig /de nas tshe dang ldan pa kun dga' bos nas byi dor byas pa khyer nas bcom ldan 'das gang na ba der song ste phyin nas bcom ldan 'das la phul lo/ /sangs rgyas bcom ldan 'das rnams ni mkhyen bzhin du rmed pa yin pas/ sangs rgyas bcom ldan 'das kyis tshe dang ldan pa kun dga' bo la bka' stsal pa kun dga' bo nas 'di su zhig gis byi dor byas/ btsun pa bram ze'i bu mo che ge mo zhig gis bgyis lags so/ /kun dga' bo khyod bram ze'i bu mo de dang lhan cig skabs kyi gtam dag byas sam/ bcom ldan 'das bgyis lags so/ /kun dga' bo des na khyod bram ze'i bu mo de dang lhan cig skabs kyi gtam ji snyed byas pa de dag thams cad nga la rgyas par gsol cig /de nas tshe dang ldan pa kun dga' bos bram ze'i bu mo dang lhan cig skabs kyi gtam ji snyed byas pa de dag thams cad bcom ldan 'das la rgyas par gsol to/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod kyis ci'i phyir bu mo de la sangs rgyas kyi bsngags pa ma brjod/ btsun pa bdag gis 'di snyam du sangs rgyas kyi chos ni zab pa lags pas bu mo 'dis rtogs par mi 'gyur ba gang lags pa'i gnas de mchis so snyam du bsams nas/ de'i slad du bdag gis de la 'khor los sgyur ba'i bsngags pa brjod lags so/ /kun dga' bo khyod kyis ma legs pa zhig byas te/ khyod kyis gal te de la sangs rgyas kyi bsngags pa brjod pa byas na/ des bla na med pa yang dag par rdzogs pa'i byang chub las phyir mi ldog pa'i sems bskyed par 'gyur ba gang yin pa'i gnas de yod pa zhig /kun dga' bo 'on kyang bu mo de 'khor los sgyur ba'i rgyal po'i btsun mo rin po cher 'gyur ro/ /bcom ldan 'das kyis dgongs pa/ nyes dmigs gang ci byung ba des ni dge slong rnams seng ras gyon nas khyim gyi nang du 'gro ba las gyur gyis/ de lta bas na dge slong gis seng ras gyon te khyim gyi nang du 'gro bar mi bya'o/ song na 'gal tshabs can du 'gyur ro/ kun du bram ze'i bu mo che ge mo zhig bcom ldan 'das kyi don du nas byi dor byas pas bcom ldan 'das kyis de 'khor los sgyur ba'i rgyal po'i btsun mo rin po cher lung bstan to zhes sgra grags pa dag bu mo lnga brgyar gnyis kyis ma tshang ba zhig gis thos nas/ dge slong lnga brgyar dge slong gnyis kyis ma tshang ba rnams kyi nas byi dor byas te/ de rnams kyis kyang smon lam btab pa/ bdag cag de'i 'khor du gyur cig /ji tsam na bcom ldan 'das kyis nas kyi bshos gsol bar brtsams pa dang / tshe dang ldan pa kun dga' bo yi mug nas/ bcom ldan 'das kyi sku tshe brgyud pa de dang de rnams su phyag dang / zhabs dang / dbu la sogs pa bcad cing sbyin pa btang nas bskal pa grangs med pa gsum gyis thams cad mkhyen pa nyid brnyes pa de da ni nas rul pa'i bshos gsol ba lta zhes mchi ma dbyung bar brtsams so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod ci'i phyir mi dga' zhing mchi ma glog /btsun pa bcom ldan 'das 'khor los sgyur ba'i rigs su 'khrungs na rgyal srid spangs nas rab tu byung ste/ phyag dang / zhabs dang / dbu la sogs pa bkum zhing sbyin pa btang nas bskal pa grangs med pa gsum gyis thams cad mkhyen pa brnyes pa de da ni stsang nas rul ba'i bshos gsol ba lta snyam bgyid lags mod/ bcom ldan 'das kyis bka' stsal pa/ kun dga' bo khyod de bzhin gshegs pa'i mche ba'i bar nas phyung ba'i nas kyi zan za bar 'dod dam/ bcom ldan 'das 'tshal lags so/ /de nas bcom ldan 'das kyis mche ba'i bar nas nas kyi zan phyung ste/ tshe dang ldan pa kun dga' bo la byin nas tshe dang ldan pa kun dga' bos bza' bar brtsams so/ /bcom ldan 'das kyis bka' stsal pa/ kun dga' bo khyod kyis sngon 'di lta bu'i ro myong bar dran nam/ btsun pa bdag 'khor los sgyur ba'i rigs su skyes shing 'khor los sgyur ba'i rigs las chen por gyur lags na/ da ltar bcom ldan 'das kyi mche ba'i bar nas phyung ba'i nas kyi bshos 'di lta bu'i ro ni sngon myong bar mi dran lags so/ /kun dga' bo de lta bas na de bzhin gshegs pa la ni ro bro ba'i mchog ces bya ba ro rnams 'phrog pa yongs su dag pa yod de/ gal te de bzhin gshegs pas kha zas phal pa la longs spyad na de yang de bzhin gshegs pa la ro brgya bar 'gyur ro/ /kun dga' bo rgyal po bram ze mes sbyin gyis sangs rgyas la sogs pa dge slong gi dge 'dun zla ba gsum du spyan drangs te mi snang ba'i phyogs su 'dug nas bcom ldan 'das ni dgra mtha' na nas gsol lo zhes sgra bsgrags so/ /mtha'i rgyal po rnams kyis kyang rgyal po bram ze mes sbyin gyis sangs rgyas la sogs pa dge slong gi dge 'dun zla ba gsum du spyan drangs te/ mi snang ba'i phyogs su 'dug go/ /bcom ldan 'das ni dgra mtha' na nas gsol lo zhes thos nas/ de rnams kyis rgyal po bram ze mes sbyin la pho nya btang ba las de rnams nang du ma chud de sgo na sdod do/ /khyim bdag mgon med zas sbyin gyis thos nas 'bras sa lu sog ma'i sbu bur smin pa shing rta lnga brgya tsam bkang ste bskur ro/ /de nas bdud sdig can de 'di snyam du sems te/ dge sbyong gau ta ma la bdag gis lan mang po zhig tho btsam par byas na lan 'ga' yang skabs ma rnyed gyis/ 'dir yang re shig 'di la brgal bar bya'o snyam du bsams nas/ tshe dang ldan pa kun dga' bor bdag nyid mngon par sprul te/ shing rta lnga brgya po de rnams kyi mdun du 'dug nas smras pa/ shes ldan dag gar 'dong / de rnams kyis smras pa 'phags pa kun dga' bo rgyal po bram ze mes sbyin gyis bcom ldan 'das nyan thos kyi dge 'dun dang bcas pa zla ba gsum du spyan drangs te mi snang ba'i phyogs su 'dug nas bcom ldan 'das ni dgra mtha' na nas gsol lo/ /de nas khyim bdag mgon med zas sbyin gyis thos nas/ bcom ldan 'das kyi don du 'bras sa lu sog ma'i sbu bur smin pa shing rta lnga brgya po 'di bskur ba lags so/ /des smras pa shes ldan dag bcom ldan 'das la ni lha dang klu dang / gnod sbyin rnams mngon par dad de/ gal te nam mkha' la bcom ldan 'das kyis lhung bzed bzed na der yang sum bcu rtsa gsum pa'i lha rnams kyis lha'i bdud rtsis 'gengs par byed na/ bcom ldan 'das ci'i phyir nas gsol/ slar log shig /de rnams kyis smras pa/ 'phags pa kun dga' bo bdag cag chas lags na da ci ste ldog mchi'o/ /bdud kyis bsams pa/ bdag gis 'di dag bzlog par ma nus kyis thabs shig bsham par bya'o zhes de steng gi nam mkha' la 'phags nas char pa shing rta'i srog shing tsam gyi rgyun dbab par brtsams te/ des re shig shing rta de dag gi lte ba man chad nub pa de tsam gyi bar du char phab bo/ /de nas shing rta de dag gi glang rnams bkrol te dong ngo / /de na bcom ldan 'das dge slong lnga brgyar gnyis kyis ma tshang ba dang thabs gcig tu dgra mtha' na nas gsol lo/ /tshe dang ldan pa shA ri'i bu dang / maud gal gyi bu gnyis ni ri rtse gsum pa la dbyar gnas par khas blangs nas lha'i bdud rtsi la longs spyod do/ /de nas ded dpon des zla ba gsum 'das nas bcom ldan 'das nyan thos kyi dge 'dun dang bcas pa bskyed mos tshal du gdugs tshod la spyan drangs pa dang / bcom ldan 'das kyis cang mi gsung bas gnang ngo / /tshe dang ldan pa shA ri'i bu dang / maud gal gyi bu gnyis ri bo rtse gsum pa la dbyar gnas pa yang 'ongs so/ /de nas ded dpon gyis de nyid kyi mtshan mo nas gtsang zhing bsod pa'i bza' ba dang bca' ba dag sta gon byas te zhes bya ba nas/ bcom ldan 'das kyis gsol zin nas phyag bcabs te lhung bzed gyu bar rig nas zhes bya ba'i bar gong ma bzhin du'o/ /bcom ldan 'das kyi zhabs gnyis la gtugs te smon lam gdab par brtsams pa/ dge ba'i rtsa ba 'dis bdag 'khor los sgyur ba'i rgyal por gyur cig /rta cang shes ni bu rgyal tshab tu gyur cig /rta lnga brgya po 'di dag kyang bu lnga brgyar gyur cig bcom ldan 'das kyis bu mo btsun mo rin po cher lung bstan pa gang lags pa de ni bdag gi btsun mo rin po cher gyur cig /bud med lnga brgyar gnyis kyis ma tshang ba gang lags pa de ni de'i 'khor du gyur cig /de nas bcom ldan 'das kyis ded dpon de'i bsam pa thugs su chud nas ded dpon la 'di skad ces bka' stsal to/ /ded dpon khyod ni 'khor los sgyur ba'i rgyal por 'gyur ro/ /rta cang shes ni khyod kyi bu rgyal tshab tu 'gyur ro/ /rta lnga brgya po de dag kyang bu lnga brgyar 'gyur ro/ /bu mo de ni btsun mo rin po cher 'gyur ro/ /bud med lnga brgyar gnyis kyis ma tshang ba de dag kyang de'i 'khor du 'gyur ro/ /de nas bcom ldan 'das kyis zla ba gsum po dag 'das nas chos gos byas pa dang ldan/ chos gos zin pa dang ldan nas tshe dang ldan pa kun dga' bo la bka' stsal pa/ kun dga' bo rgyal po bram ze mes sbyin gyi drung du song la nad med par gyur cig ces byos la 'di skad ces rgyal po chen po khyed kyi yul du kho bos zla ba gsum gnas zin te 'gros shes par gyis shig ces kyang smros shig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ rgyal po bram ze mes sbyin gyi khyim gang na ba der song ba dang / de'i tshe rgyal po bram ze mes sbyin bkra shis 'ong ba la sdod cing 'dug go/ / de nas tshe dang ldan pa kun dga' bos sgo ba'i skyes pa la smras pa/ kye nang rje tshur khyod rgyal po bram ze mes sbyin gang na ba der song la phyin nas rgyal po bram ze mes sbyin la 'di skad ces dge slong kun dga' bo lha mthong bar 'tshal nas sgo na sdod cing mchis so zhes smros shig /'phags pa bka' bzhin 'tshal zhes sgo ba'i skyes pas tshe dang ldan pa kun dga' bo'i ltar mnyan nas rgyal po bram ze mes sbyin gang na ba der song ste phyin nas/ rgyal po bram ze mes sbyin la 'di skad ces smras so/ /lha dge slong 'phags pa kun dga' bo lha'i zhal mthong bar 'tshal nas sgo na sdod cing mchis so/ /des smras pa/ kye skyes bu nga bkra shis 'ong ba sdod cing 'dug gis dge slong kun dga' bo ni bsod nams kyi mthu chen po dang ldan pa yin te/ de nyid nga'i bkra shis su gyur cig /de la ni bzang po lnga yod de/ ming bzang ba dang / gzugs bzang ba dang / kha dog bzang ba dang / spobs pa bzang ba dang / sgrub pa bzang ba yin gyis nang du spyon cig /shes ldan kun dga' bo la su zhig 'gog /sgo bas tshe dang ldan pa kun dga' bo la de bzhin du smras nas tshe dang ldan pa kun dga' bos nang du zhugs so/ /mtha'i rgyal phran gyi pho nya de rnams kyang de nyid dang lhan cig nang du zhugs so/ /de nas tshe dang ldan pa kun dga' bos rgyal po bram ze mes sbyin la nad med par gyur cig ces byas nas phyogs gcig tu 'dug go/ /phyogs gcig tu 'dug nas tshe dang ldan pa kun dga' bos rgyal po bram ze mes sbyin la 'di skad ces smras so/ / rgyal po chen po bcom ldan 'das kyi zhal nas khyod nad med par gyur cig /rgyal po chen po khyod kyi yul du ngas zla ba gsum du gnas zin te 'gros shes par gyis shig ces kyang bka' stsal to/ /'phags pa kun dga' bo sangs rgyas bcom ldan 'das la phyag 'tshal lo/ /'phags pa kun dga' bo bcom ldan 'das dang ji ga yul dgra mthar dbyar bde bar bzhugs sam/ bsod snyoms kyis 'o brgyal bar ma gyur grang / mtha'i rgyal phran gyi pho nya de dag gis smras pa/ lha khyod ni rgyal srid la mi rtog pa lags te/ 'di ltar bcom ldan 'das nyan thos kyi dge 'dun dang bcas pa zla ba gsum du spyan drangs te mi snang ba'i phyogs su bzhugs nas/ bcom ldan 'das ni zla ba gsum du nas rul pa'i bshos gsol lags so/ /des smras pa/ 'phags pa kun dga' bo bcom ldan 'das kyis zla ba gsum du nas rul pa'i bshos gsol ba mad dam/ rgyal po chen po mad lags so/ /de brgyal nas sa la 'gyel ba dang / chu mang po zhig gtor nas dbugs slar byung ba dang / blon po rnams bkug ste smras pa/ shes ldan dag ngas khyed cag rnams la nyin re zhing lnga brgya'i bza' ba dang bca' ba bsod pa rab tu mang po sta gon gyis shig par ma bsgo 'am/ de rnams kyis smras pa/ lha de kho na skad bka' stsal pa mchis kyis che ge mo zhig la stsol cig ces ni khyed kyis bka' ma stsal te/ 'on kyang da dung du zhal zas sta gon kho na bgyid do/ /de nas rgyal po bram ze mes sbyin bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas bcom ldan 'das kyis rgyal po bram ze mes sbyin la chos dang ldan pa'i gtam gyis yang dag par ston par mdzad ces bya ba nas/ yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas rgyal po bram ze mes sbyin gyis bcom ldan 'das kyi zhabs gnyis la gtugs nas bcom ldan 'das la 'di skad ces gsol to/ /bcom ldan 'das nongs lags so/ /bde bar gshegs pa nongs lags te/ ji ltar yang bus pa lags/ ji ltar yang rmongs pa lags/ ji ltar yang mi gsal ba lags/ ji ltar yang mi mkhas pa lags te/ 'di ltar bdag gis bcom ldan 'das nyan thos kyi dge 'dun dang bcas pa dgung zla gsum du spyan drangs nas mi gda' ba'i phyogs su mchis lags so// // 'dul ba gzhi/ bam po sum bcu rtsa brgyad pa/ bcom ldan 'das bdag gi nongs pa de glo bar chud cing nongs par mthong lags na thugs brtse ba nye bar gzung ste nongs pa la nongs par gzung du gsol/ /rgyal po chen po khyod kyis nyes pa la nyes par khas blangs na bden te/ ji ltar na yang bus pa yin/ ji ltar na yang rmongs pa yin/ ji ltar na yang mi gsal ba yin/ ji ltar na yang mi mkhas pa yin te/ gang yang khyod kyis de bzhin gshegs pa zla ba gsum du spyan drangs nas mi snang ba'i phyogs na 'dug gam/ rgyal po chen po gang gi phyir khyod kyis nyes pa shes shing mthong la de mthong nas 'chags par byed na/ khyod kyi dge ba'i chos rnams nyams par mi 'gyur gyi 'phel ba kho nar shes par bya'o/ / rgyal po chen po de ci'i phyir zhe na/ gang yang 'ga' zhig nyes pa shes shing mthong la de mthong nas 'chags shing phyir sdom par byed na/ dge ba'i chos rnams nyams par mi 'gyur gyi 'phel ba kho nar shes par bya'o/ /de nas bcom ldan 'das la rgyal po bram ze mes sbyin gyis 'di skad ces gsol to/ /bcom ldan 'das dge slong gi dge 'dun dang thabs gcig la bdag gis ji srid 'tsho'i bar du na bza' chos gos dang / bsod snyoms dang / gzims cha dang / snyun spyad kyi rkyen sman gyi yo byad rnams sbyor zhing mchis na gnang bar mdzad du gsol/ /bcom ldan 'das kyis bka' stsal pa/ rgyal po chen po de bzhin gshegs pa ni tshe thung ngu'i dus su byung zhing gdul ba'i don bya ba ni rab tu mang la mya ngan las 'da' ba'i dus la yang 'bab pas mi gnang ngo / /gal te de lta lags na bcom ldan 'das lo bdun nam/ zla ba bdun nam/ dgung bdun zhig gnang bar mdzad du gsol/ bcom ldan 'das kyis der yang ma gnang ba dang / bcom ldan 'das la rgyal po bram ze mes sbyin gyis 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol/ de nas bcom ldan 'das kyis dgongs pa/ ngas gal te 'di'i zas gcig kyang gsol bar ma gnang na rgyal po bram ze mes sbyin khrag dron du skyugs nas dus las 'da' bar 'gyur ba gang yin pa de'i gnas yod do snyam du dgongs nas/ bcom ldan 'das kyis cang mi gsung bas gnang ngo / /de nas rgyal po bram ze mes sbyin gyis bcom ldan 'das cang mi gsung bas gnang bar rig nas zhabs gnyis la mgo bos phyag 'tshal te/ bcom ldan 'das kyi spyan snga nas chas te rang gi gnas gang na ba der song nas phyin pa dang / blon po rnams la smras pa/ shes ldan dag gang gis na zhal zas 'di thams cad sangs rgyas la sogs pa dge slong gi dge 'dun gyis longs spyod par 'gyur ba'i thabs bzang po ci yod/ de rnams kyis smras pa/ lha zhal zas 'di thams cad dog sa la bkram la dge slong rnams kyi zhabs kyis bcags na de ltar na yongs su longs spyad par 'gyur lags so/ /des zho shas 'tsho ba rnams la bsgo ba/ shes ldan dag kha zas ji snyed yod pa 'di thams cad sa la kun du khrom shig /de rnams kyis thams cad kun du bkram mo/ /de nas rgyal po bram ze mes sbyin gyis de nyid kyi mtshan mo nas gtsang zhing bsod pa'i bza' ba dang bca' ba dag sta gon byas nas zhes bya ba nas/ bcom ldan 'das dge slong gi dge 'dun gyi gung la gdan bshams pa nyid la bzhugs so zhes bya ba'i bar gong ma bzhin du'o/ /ji tsam na rgan zhugs zhig mi bzod pa skyes te bdag cag zla ba gsum du nas rul ba zos nas da ni rgyal po sdig can 'di'i 'byor pa ston to snyam du bsams nas bza' ba dang bca' ba sa la bkram pa'i steng du rdog pas bsnun pa dang / bram ze dang khyim bdag rnams 'phags pa rnams ni bza' ba dang bca' ba khar gzhug pa'i zas la rkang pas rdzi bar byed do zhes smod par byed/ phyar kha gtong bar byed kha zer bar byed pa'i skabs de bcom ldan 'das la dge slong rnams kyis gsol pa dang bcom ldan 'das kyis dgongs pa/ nyes dmigs gang ci byung ba de ni dge slong dag bza' ba dang bca' ba khar gzhug pa'i zas la rkang pas reg par byed pa yin no snyam nas/ dge slong rnams la bka' stsal pa/ dge slong dag dge slong rgan zhugs che ge mo zhig mi bzod pa skyes nas bza' ba dang bca' ba khar gzhug pa'i zas sa la bkram pa'i steng du rdog pas bsnun pas bram ze dang khyim bdag rnams smod par byed/ phyar kha gtong bar byed/ kha zer bar byed do/ /de lta bas na dge slong gis bza' ba dang bca' ba khar gzhug pa'i zas la rkang pas bcag par mi bya'o/ /bcags na 'gal tshabs can du 'gyur ro/ /de nas rgyal po bram ze mes sbyin gyis sangs rgyas la sogs pa dge slong gi dge 'dun bde bar bzhugs par rig nas gtsang zhing bsod pa'i bza' ba dang bca' ba dag rang gi lag nas stobs shing tshim par byed de zhes bya ba nas/ phyag bcabs te lhung bzed gyu bar rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go zhes bya ba'i bar gong ma bzhin du'o/ /de nas bcom ldan 'das kyis rgyal po bram ze mes sbyin la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du 'jug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /de nas dge slong rab tu mang po dbyar zla ba gsum po dag 'das nas chos gos byas pa dang ldan/ chos gos zin pa dang ldan nas bcom ldan 'das gang na ba der dong ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas dge slong rab tu mang pos bcom ldan 'das la 'di skad ces gsol to/ /btsun pa bdag cag gis yul dgra mtha' rnams su dgung zla gsum mchis lags kyis/ btsun pa spyil bu gzhig lags so/ /dge slong dag khyed kyis spyil bu ma gzhig shig /spyil bu rnams ji srid du yun ring du gnas par gyur pa de srid du sbyin bdag gi bsod nams 'phel bar 'gyur ba nyid dang / bsod nams skyed par 'gyur ba nyid do/ /bzhi po 'di dag ni sbyin pa po dang sbyin bdag gi bsod nams kyi rgyu mthun pa dang / dge ba'i rgyu mthun pa dang / bde ba'i gzhi yin par rig par bya ste/ bzhi gang zhe na/ dge slong tshul khrims dang ldan zhing dge ba'i chos la gnas pa zhig gang gis gtsug lag khang na gnas shing sems kyi ting nge 'dzin tshad med pa lus kyis mngon sum du byas nas rdzogs par byas te gnas na gzhi de las sbyin pa po dang sbyin bdag gi bsod nams kyi rgyu mthun pa dang / dge ba'i rgyu mthun pa dang / bde ba'i gzhi dpag tu med par rig par bya'o/ /gtsug lag khang ji lta bar chos gos dang / bsod snyoms dang / gnas mal yang de dang 'dra ste/ bsod nams kyi rgyu mthun pa dang / dge ba'i rgyu mthun pa dang / bde ba'i gzhi bzhi po 'di dang ldan pa'i sbyin pa po dang sbyin bdag gi bsod nams kyi tshad re shig bsod nams sam/ bsod nams kyi 'bras bu 'am/ bsod nams kyi 'bras bu'i rnam par smin pa 'di tsam mo zhes gzung bar mi nus te/ 'on kyang bsod nams che ba'i phyir bsod nams kyi phung po chen po zhes bya ba'i grangs su 'gro'o/ /dper na chu bo chen po lnga po 'di lta lte/ gang gA dang / ya mu na dang / sar yu dang / gnas ldan dang / chen po zhes bya ba de dag 'bab cing 'dre bar 'gyur ba de la ni chu'i tshad chu 'am/ chu bum pa 'am/ chu bum pa brgya 'am/ chu bum pa stong ngam/ chu bum pa brgya stong 'di snyed ces gzung bar mi nus te/ 'on kyang chu mang ba'i phyir chu'i tshogs chen po zhes bya ba'i grangs su 'gro ba de bzhin du bsod nams kyi rgyu mthun pa dang / dge ba'i rgyu mthun pa dang / bde ba'i gzhi bzhi po 'di dag dang ldan pa'i sbyin pa po dang / sbyin bdag gi bsod nams kyi tshad bsod nams sam/ bsod nams kyi 'bras bu 'am/ bsod nams kyi 'bras bu rnam par smin pa 'di tsam mo zhes gzung bar mi nus te/ 'on kyang bsod nams che ba'i phyir bsod nams kyi phung po chen po zhes bya ba'i grangs su 'gro'o/ /ji ltar rgya mtsho bkra shis gtsang la dag /ngogs bde rin chen 'byung gnas mtsho mchog der/ /mi dang ri dgas tshogs kyis bsten pa yi/ /chu bo so so nas 'bab 'du ba ltar/ /de bzhin gos dang zas skom ster ba'i mi/ /mal cha stan dang gding ba sbyin byed la/ /bsod nams rgyun ni kun nas 'du 'gyur te/ /dper na rgya mtshor chu klung 'bab pa bzhin/ / dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis phrin las ci zhig mdzad na/ gang gis na phyag dang / zhabs dang / dbu la sogs pa bkum pa la sogs pa'i bsod nams kyi tshogs kyis slongs mo ba'i skye bo tshim par mdzad de/ bskal pa grangs ma mchis pa gsum du sems can gyi don gyi slad du bdag nyid 'o brgyal nas mdzad pa thams cad mdzad lags pa/ yul dgra mtha' na dge slong lnga brgyar gnyis kyis ma tshang ba dang thabs cig tu nas rul ba gsol la/ tshe dang ldan pa shA ri'i bu dang / maud gal gyi bu gnyis ni bdud rtsi 'tshal lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan rnams su las byas shing bsags pa zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba skye dgu'i tshe lo brgyad khri thub pa na 'jig rten du de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de 'khor dge slong brgyad khri dang rgyal po'i pho brang gnyen ldan zhes bya ba na nye bar rten cing bzhugs so/ /de'i tshe rgyal po'i pho brang gnyen ldan na tshogs rnams slob par byed pa'i bram ze zhig lnga brgya'i tshogs la bram ze'i gsang tshig 'don du 'jug ste/ 'jig rten thams cad kyis kyang lhag par bkur sti byas/ rim gror byas/ rjed par byas/ mchod par byas te dgra bcom par bkur ro/ /gang kho na nas yang dag par rdzogs pa'i sangs rgyas rnam par gzigs rgyal po'i pho brang gnyen ldan du gshegs pa de kho na nas bzung ste/ de la su yang bkur sti bya ba dang / rim gror bya ba dang / rjed par bya ba dang / mchod par bya ba mi byed pa dang / de yang dag par rdzogs pa'i sangs rgyas rnam par gzigs nyan thos kyi dge 'dun dang bcas pa la shin tu phrag dog skyes par gyur to/ /ji tsam na dge slong slob pa dang mi slob pa rab tu mang po snga dro sham thabs bgos lhung bzed dang chos gos thogs te/ rgyal po'i pho brang gnyen ldan du bsod snyoms la zhugs pa dang / de nas tshod ma ro sna tshogs dang ldan pa dang 'bras chan gyis lhung bzed bkang nas slar log pa bram ze des mthong nas dris pa/ kye dge slong dag ji 'dra ba'i bsod snyoms zhig rnyed blta'o/ /de dag drang po'i rang bzhin can yin pas bstan pa dang / de phrag dog gi rang bzhin can zhig mi bzod pa skyes nas bram ze'i khye'u rnams la bos te smras pa/ dge sbyong mgo reg 'di dag ni tshod ma ro sna tshogs dang ldan pa dang 'bras chan za bar 'os pa ma yin gyi nas rul pa za bar 'os pa yin no/ /de rnams kyis kyang rjes su yi rang nas mkhan po de de lta lags te/ dge sbyong mgo reg 'di dag ni tshod ma ro sna tshogs dang ldan pa dang 'bras chan 'tshal bar 'os pa ma lags kyi nas rul ba 'tshal bar 'os pa lags so/ /de na yang bram ze'i khye'u bzang po dad pa can dge ba'i bsam pa can gnyis shig 'dug pa de dag gis mkhan po de skad ma gsung shig /'di dag ni bdag nyid chen po ste/ lha'i bdud rtsi 'tshal bar 'os pa lags kyi/ nas rul ba ni 'os pa ma lags so zhes smras so/ /dge slong dag ji snyam du sems/ de'i tshe de'i dus na de bzhin gshegs pa rnam par gzigs kyi tshogs rnams la smod par byed pa gang yin pa de nga nyid yin no/ /bram ze'i khye'u lnga brgyar gnyis kyis ma tshang ba gang yin pa de dag ni dge slong lnga brgyar gnyis kyis ma tshang ba 'di dag yin no/ / bram ze'i khye'u bzang po dad pa can dge ba'i bsam pa can gnyis po gang yin pa de ni dge slong shA ri'i bu dang / maud gal gyi bu 'di gnyis yin te/ ngas yang dag par rdzogs pa'i sangs rgyas rnam par gzigs kyi nyan thos slob pa dang mi slob pa rnams la sems gdug pas ngag gi las rtsub mo phyung ba dang / bram ze'i khye'u lnga brgyar gnyis kyis ma tshang bas rjes su yi rang ba dang / gnyis kyis rjes su yi ma rang ba gang yin pa'i las de'i rnam par smin pas de'i bar yul dgra mthar de bzhin gshegs pa dge slong lnga brgyar gnyis kyis ma tshang ba dang thabs gcig nas rul gsol to/ /shA ri'i bu dang maud gal gyi bu gnyis ni lha'i bdud rtsi la longs spyod do/ /dge slong dag de lta bas na gcig tu gnag pa rnams kyi las kyi rnam par smin pa ni gcig tu gnag pa yin la zhes bya ba nas/ gcig tu dkar ba'i las rnams la brtsal bar bya ste/ dge slong dag khyed kyis de lta bu la bslab par bya'o zhes bya ba'i bar gong ma bzhin du'o/ / de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo tshugs dka' gang na ba der 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ de nas bcom ldan 'das lho phyogs lnga len nas ljongs rgyu zhing gshegs pa dang tshugs dkar gshegs nas/ tshugs dka'i chu bo gang gA'i 'gram na bzhugs so/ /de nas dge slong zhig bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas bcom ldan 'das la dge slong des 'di skad ces gsol to/ /bcom ldan 'das ji ltar bcom ldan 'das las bdag gis mdor bsdus pa'i chos thos nas gcig tu dben pa bag yod pa/ rtun pa dang ldan pa bdag nyid gtong bar gnas so/ /gcig tu dben pa bag yod pa/ rtun pa dang ldan pa/ bdag nyid gtong bar gnas pa na/ gang gi phyir rigs kyi bu rnams skra dang kha spu bregs nas gos ngur smrig bgos te/ dad pa yang dag pa kho nas khyim nas khyim med par rab tu 'byung bar bgyid pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du bgyis te bsgrubs nas bdag gi skye ba zad do/ /tshangs par spyod pa la bsten to/ /bya ba byas so 'di las srid pa gzhan mi shes so zhes go bar bgyid pa'i chos de lta bu mdor bsdus te legs par bshad du gsol zhes de skad ces gsol pa dang / bcom ldan 'das chu bo gang gA gang na ba de logs su gzigs pa las bcom ldan 'das kyis chu bo gang gA'i rgyun gyis shing sdong chen po zhig khyer ba gzigs so/ /gzigs nas kyang dge slong de la bka' stsal pa/ dge slong khyed kyis chu bo gang gA'i rgyun gyis shing sdong po chen po khyer ba mthong ngam/ btsun pa mthong lags so/ /gal te 'di tshu rol gyi 'gram du ma chags/ pha rol gyi 'gram dang dbus su ma chags/ skam la ma phyung / mi dang mi ma yin pas ma bzung / klong du ma nub/ khong rul bar ma gyur na dge slong shing sdong po chen po de ni rim gyis rgya mtshor gzhol bar 'gyur/ rgya mtshor 'bab par 'gyur/ /rgya mtshor bab par 'gyur ba de bzhin du/ gal te dge slong khyod kyis tshu rol la ma chags zhes bya ba nas khong rul bar ma gyur na/ de lta na dge slong khyod rim gyis mya ngan las 'das pa la gzhol bar 'gyur/ mya ngan las 'das pa la 'bab par 'gyur/ mya ngan las 'das pa la bab par 'gyur ro/ /btsun pa bdag gis ma 'tshal na tshu rol gyi 'gram ni ci lags/ pha rol gyi 'gram ni ci lags/ dbus su thogs pa ni ci lags/ skam la byung ba ni ci lags/ mis bzung ba ni ci lags/ mi ma lags pas bzung ba ni ci lags/ klong du nub pa ni ci lags khong rul ba ni ci lags/ bcom ldan 'das ji ltar bcom ldan 'das las bdag gis mdor bsdus pa'i chos thos nas zhes bya ba nas/ 'di las srid pa gzhan mi shes so zhes bgyi ba'i chos de lta bu mdor bsdus te legs par bdag la bshad du gsol zhes bya ba'i bar gong ma bzhin du'o/ /dge slong tshu rol gyi 'gram zhes bya ba de ni nang gi skye mched drug gi tshig bla dgas yin no/ /pha rol gyi 'gram zhes bya ba de ni phyi'i skye mched drug gi tshig bla dgas yin no/ /dbus su thogs pa zhes bya ba de ni dga' ba'i 'dod chags kyi tshig bla dgas yin no/ / skam la phyung ba zhes bya ba de ni nga'o snyam pa'i nga rgyal gyi tshig bla dgas yin no/ /mis bzung ba zhes bya ba ni 'di ltar 'di na la la rab tu byung ba dang khyim pa 'dres par gnas te/ dga' bar mtshungs pa dang bde bar mtshungs pa dag / bde na bde ba dang / sdug bsngal na sdug bsngal zhing 'phral gyi bya ba byung zhing byung ba rnams yang dag par blangs te mthar 'byin par byed pa lta bu yin no/ /mi ma yin pas zin pa zhes bya ba ni 'di ltar 'di na la la tshul khrims sam/ brtul zhugs sam/ dka' thub bam/ tshangs par spyod pa bsten pa 'dis bdag lha 'am/ lha gang yang rung ba zhig tu gyur cig ces smon lam btab nas tshangs par spyad pa spyod pa lta bu'o/ /klong du nub pa zhes bya ba ni ji ltar 'di ni la la bslab pa phul nas babs pa lta bu yin no/ /khong rul ba zhes bya ba ni ji ltar 'di na la la tshul khrims 'chal ba/ sdig pa'i chos can/ khong myags shing phyir 'dzag pa/ shing rul lta bur gyur pa/ lung bong ltar spyod pa/ dge sbyong ma yin par dge sbyong du khas 'che ba tshangs par spyod pa ma yin par tshangs par spyod par khas 'che ba yod pa lta bu yin te/ dge slong khyod kyis gal te de bzhin du tshu rol gyi 'gram du ma thogs zhes bya ba nas/ mya ngan las 'das pa la bab par 'gyur ro/ /zhes bya ba'i bar gong ma bzhin du'o/ /de nas dge slong des bcom ldan 'das kyis gsungs pa la mngon par dga' ste rjes su yi rang nas/ bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas dge slong de bcom ldan 'das kyis shing sdong po chen po'i dpe 'di'i gdams ngag gis gtams te gcig pu dben pa bag yod pa/ rtun pa dang ldan pa/ bdag nyid gtong bar gnas pa na/ gang gi phyir rigs kyi bu rnams skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung nas tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa la bsten to/ /bya ba byas so/ /'di las srid pa gzhan mi shes so zhes bya bar shes nas go bar byas te/ tshe dang ldan pa de dgra bcom pa sems shin du rnam par grol bar gyur to/ /de'i tshe bcom ldan 'das dang ha cang yang mi ring ba zhig na gnag rdzi dga' bo zhes bya ba 'dug par gyur pa khar ba la brten nas gnag skyong zhing 'dug pa las de'i khar bas sbal pa zhig brdzis so/ /de gnag rnams chad la thug /tshigs rnams bye la thug pa dang sems bskyed pa/ gal te bdag gis lus 'gul tam/ skad phyung na gzhi des gnag rdzi dga' bo'i gtam gyi bar chad du 'gyur ro snyam du rig nas/ bcom ldan 'das la mngon par dad par byas nas shi ba dang / rgyal chen bzhi'i ris kyi lha rnams su skyes so/ /de nas gnag rdzi dga' bos khar ba phyogs gcig tu bzhag nas bcom ldan 'das gang na ba der song ste phyin nas bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas bcom ldan 'das la gnag rdzi dga' bos 'di skad ces gsol to/ /btsun pa bdag ni tshu rol gyi 'gram du mi chags/ pha rol gyi 'gram du mi chags/ dbus su mi chags/ skam la mi 'byung / mis mi gzung mi ma lags pas mi gzung / klong du mi 'byin/ khong du mi 'drul bar bgyi lags na/ legs par gsungs pa'i chos 'dul ba la bdag rab tu 'byung ba dang bsnyen par rdzogs pa dge slong gi dngos po 'thob pa lta na/ bdag bcom ldan 'das kyi spyan sngar tshangs par spyod pa spyad par bgyi'o/ /dga' bo khyod kyis bdag po rnams la gnag gtad dam btsun pa mi 'tshal lags te/ de ci'i slad du zhe na/ btsun pa ba rnams kyang gzhon la be'u rnams kyang tshar lags te/ so so'i gnag ra 'tshal bas so so'i gnas su mchi lags pas/ bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'thob pa lta na/ bdag ni bcom ldan 'das kyi spyan sngar tshangs par spyod pa spyad par bgyi'o/ /dga' bo ba rnams kyang gzhon la be'u rnams kyang tshar te rang rang gi gnag ra shes pas rang rang gi gnas su 'gro bar 'gyur mod kyi/ 'on kyang gnag rdzi zas dang gos bdag gir byed pas ni 'di ltar bdag po rnams la de bya dgos so/ /de nas gnag rdzi dga' bos bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas 'jigs so/ /'jigs so zhes sgra chen po 'byin cing brgyug par brtsams pa dang / lam gyi bar nas gnag rdzi ngo shes lnga brgyas mthong ste de rnams kyis smras pa/ ci zhig gis 'jigs/ des smras pa/ skye bas 'jigs so/ /rga bas 'jigs so/ /'chi bas 'jigs so/ /de rnams kyang de'i phyi bzhin du brgyug par brtsams pa dang / gnag rdzi dang / phyugs rdzi dang rtswa thun dang shing thun dang / lam gyis 'tsho ba dang / lam gol bas 'tsho ba'i mi gzhan dag kyang de rnams mthong nas brgyug par brtsams so/ /lam gyi mdun nas 'ong ba rnams kyis de dag de ltar sgra 'byin pa mthong nas de rnams kyis dris pa/ shes ldan dag 'di ci zhig /de rnams kyis smras pa/ 'jigs so/ /ci zhig gis 'jigs/ skye bas 'jigs so/ /rga bas 'jigs so/ /'chi bas 'jigs so/ /de rnams kyis kyang thos nas slar log go/ / ji tsam na ri 'or dang nye ba zhig tu phyin pa dang / de nas ri 'or de na gnas pa'i skye bo'i tshogs des skye bo'i tshogs chen po mthong nas sngangs pas phan tshun du 'dong bar byed de/ kha cig ni bros so/ kha cig ni rdzas rnams sbed do/ /kha cig ni go bgos nas 'dug go/ /mi dpa' bo gzhan dag cig yod pa de dag gis bsu nas dris pa shes ldan dag 'di ci zhig /de rnams kyis smras pa/ 'jigs so/ /ci zhig gis 'jigs/ skye bas 'jigs so/ /rga bas 'jigs so/ / 'chi bas 'jigs so/ /de nas ri 'or na gnas pa'i skye bo'i tshogs de bag phebs so/ /de'i tshe tshe dang ldan pa shA ri'i bu 'khor de nyid du 'dus shing 'dug par gyur to/ /de nas tshe dang ldan pa shA ri'i bus gnag rdzi dga' bo song nas ring po ma lon par rig nas/ bcom ldan 'das la 'di skad ces gsol to/ /btsun pa bcom ldan 'das kyis ci'i slad du gnag rdzi dga' bo legs par gsungs pa'i chos 'dul ba la rab tu 'byung bar 'tshal ba bzlog ste sdum par btang lags/ shA ri'i bu gnag rdzi dga' bo slar khyim pa khyim na gnas pa gang yin pa de ni gnas ma yin zhing go skabs med de/ sogs 'jog yongs su spyod pas 'dod pa rnams la longs spyod par 'gyur ba de ni gnas med do/ / gnag rdzi dga' bo de'u re bdag po rnams la gnag gtad de 'ong bar 'gyur zhing / de gang gi phyir rigs kyi bu rnams skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung nas tshangs par spyod pa'i mtha' bla na med pa tshe de nyid la rang gi mngon par shes pas mngon sum du byas te rdzogs par byas nas skye ba zad do/ /tshangs par spyod pa la bsten to/ /bya ba byas so/ /'di las srid pa gzhan mi shes so zhes go bar byed par 'gyur ro/ /de nas dus gzhan zhig na gnag rdzi dga' bos bdag po rnams la gnag gtad nas 'khor lnga brgya dang bcom ldan 'das gang na ba der song nas phyin pa dang / bcom ldan 'das la 'di skad ces gsol to/ /btsun pa bdag gis bdag po rnams la gnag rnams gtad lags te/ btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'thob pa lta na bdag bcom ldan 'das kyi spyan sngar tshangs par spyod pa spyad par bgyi'o/ /legs par gsungs pa'i chos 'dul ba la gnag rdzi dga' bo 'khor lnga brgya dang rab tu byung ba dang bsnyen par rdzogs pa dge slong gi dngos po thob par gyur to/ /de ltar rab tu byung ba dang / tshe dang ldan pa de zhes bya ba nas sems shin tu rnam par grol bar gyur ces bya ba'i bar snga ma bzhin du'o/ /chos nyid kyis lha'i bu 'am lha'i bu mo skyes nas ring por ma lon par sems gsum skye bar 'gyur te/ gang nas shi 'phos pa dang / gang du skyes pa dang / las gang gis yin pa'o/ /sngon sbal pa byed byed pa'i lha'i bus bltas na dud 'gro dag nas shi 'phos pa dang / rgyal chen bzhi'i ris kyi lha rnams su skyes pa dang / bcom ldan 'das la sems mngon par dad pas yin nas de 'di snyam du sems te/ bdag gis gang yang zhag lon nas bcom ldan 'das la blta ba dang bsnyen bkur bya ba'i phyir 'gro ba ni bdag gi cha ma yin gyis/ ma la bdag gis zhag ma lon pa kho nar bcom ldan 'das la blta ba dang bsnyen bkur bya ba'i phyir 'gro'o snyam mo/ /de nas sngon sbal pa byed byed pa'i lha'i bus rna cha dri ma med pa g.yo ba thogs nas zhes bya ba nas gang gA'i 'gram thams cad snang ba rgya chen pos gsal bar byas te bcom ldan 'das la me tog gis gtor nas bcom ldan 'das kyi spyan sngar chos mnyan pa'i phyir 'dug go zhes bya ba'i bar gong ma bzhin du'o/ /de nas bcom ldan 'das kyis sngon sbal pa byed byed pa'i lha'i bu'i bsam pa dang / bag la nyal dang / khams dang / rang bzhin mkhyen nas de dang mthun pa 'phags pa'i bden pa bzhi so sor rtogs par 'gyur ba'i chos bshad pa mdzad de/ de thos pa zhes bya ba nas thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du bgyis te/ btsun pa bdag ni 'phags so/ /mngon par 'phags so zhes bya ba'i bar gong ma bzhin du'o/ /bdag bcom ldan 'das dang chos dang / dge slong gi dge 'dun la skyabs su mchi lags kyis/ bdag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /de nas sngon sbal pa byed byed pa'i lha'i bu tshong pa khe spogs rnyed pa lta bu dang / zhing pa lo tog legs pa lta bu dang / dpa' bo g.yul las rnam par rgyal ba lta bu dang / nad pa nad thams cad las thar ba lta bur 'byor pa gang gis bcom ldan 'das kyi spyan sngar 'ongs pa'i 'byor pa de nyid dang rang gi gnas su song ngo / / dge slong rnams nam gyi cha stod dang nam gyi cha smad la mi nyal bar sbyor ba la brtson zhing gnas pa de rnams kyis bcom ldan 'das kyi spyan snga na snang ba rgya chen po mthong ngo / /de mthong nas kyang the tshom du gyur nas bcom ldan 'das la zhus pa/ ci lags bcom ldan 'das mdang bcom ldan 'das la blta ba'i slad du mi mjed kyi bdag po tshangs pa 'am/ lha rnams kyi dbang po brgya byin nam/ 'jig rten skyong ba bzhi mchis sam/ dge slong dag nga blta ba'i phyir mi mjed kyi bdag po tshangs pa 'ongs pa yang ma yin/ lha rnams kyi dbang po brgya byin yang ma yin/ 'jig rten skyong ba bzhi yang ma yin gyi/ 'on kyang gnag rdzi dga' bo'i khar bas sbal pa brdzis te gnag rnams kyang chad la thug /tshigs rnams kyang bye la thug pa dang / gnag rdzi dga' bo'i gtam bar chad par 'gyur ro snyam nas/ mi g.yo zhing sgra ma phyung bar 'dug nas nga la sems mngon par dad par byas nas shi ba dang / rgyal chen bzhi'i ris kyi lha rnams su skyes pa de mdang nga la blta ba'i phyir 'ongs nas/ ngas de la chos bshad nas bden pa mthong ste rang gi gnas su song ba yin no/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa gnag rdzi dga' bo dang 'khor lnga brgyas las ci zhig bgyis na gnag rdzi dag gi nang du skyes shing / bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa'i 'bras bu mngon sum du bgyis pa lags/ sngon sbal pa byed byed pa'i lha'i bus las ci zhig bgyis na/ des na sbal par skyes par gyur cing bden pa mthong bar bgyis lags/ bcom ldan 'das kyis bka' stsal pa/ dge slong dag de nyid kyis las byas shing bsags la tshogs rnyed pa zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na ston pa 'od srung zhes bya ba 'jig rten du byung ste zhes bya ba nas/ de bA rA Na sI'i grong khyer na drang srong smra ba ri dgas kyi nags na nye bar rten cing bzhugs so zhes bya ba'i bar gong ma bzhin du'o/ /de'i gsung rab la gnag rdzi dga' bo rab tu byung ba sde snod gsum pa chos smra ba rigs pa dang grol ba'i spobs ba can 'khor lnga brgya pa rtsod pa'i chos la mkhas pa zhig ste/ de dge 'dun gyi rtsod pa byung zhing byung ba rnams zhi bar byed pa dang / de na dge slong khengs pa nga rgyal can gnyis shig lan 'ga' yang de'i drung du mi 'dong ngo / /dus gzhan zhig na de gnyis phan tshun du rtsod pa byung nas don de'i phyir de gnyis de'i drung du dong nas rkang pa la phyag byas te smras pa/ bdag cag gnyis la 'di dang 'di lta bu'i rtsod pa byung na zhi bar mdzad du gsol/ des bsams pa/ gal te bdag gis 'di gnyis kyi rtsod pa deng kho na zhi bar byas na rag ma las pas 'di gnyis phyis 'ong bar mi 'gyur ro snyam nas/ des dge 'dun thams cad bsogs nas rtsod pa de dge 'dun gyi nang du glengs nas chad par ni ma byas so/ /phyi de nyin yang de la ri 'or du dogs pa zhig byung nas de der song ba dang / de nas de gnyis kyis thogs so zhes dge 'dun gyi nang du rtsod pa de glengs nas de nas dge 'dun gyis zhi bar byas so/ /ji tsam na dge slong sde snod gsum pa de ri 'or de nas 'ongs te lam gyis dub pa bsal nas lhan cig gnas pa dang nye gnas rnams la dris pa re shig rtsod pa dang rtsod zla gnyis mi 'ong ngam/ de rnams kyis smras pa/ mkhan po de gnyis kyi rtsod pa de zhi bar bgyis lags so/ /su zhig gis zhi bar byas/ dge 'dun gyis so/ /ji ltar byas/ de rnams kyis rgyas par smras pa dang / des ngag rtsub po'i las byung ba/ tshe dang ldan pa dag mi shes te/ ji ltar gnag rdzi rnams kyi ltar rtsod pa de zhi bar byas so/ /de rnams kyis kyang mkhan po de de bzhin te/ ji ltar gnag rdzi rnams kyi ltar rtsod pa zhi bar bgyis so zhes mthun par smras so/ / dge slong dag ji snyam du sems/ de'i tshe de'i dus na dge slong sde snod gsum pa gang yin pa de ni gnag rdzi dga' bo 'di nyid yin no/ /de'i lhan cig gnas pa dang nye gnas lnga brgya po gang yin pa de dag ni gnag rdzi lnga brgya po 'di dag nyid yin no/ /gang yang 'dis yang dag par rdzogs pa'i sangs rgyas 'od srung gi nyan thos kyi dge 'dun la gnag rdzi zhes bya ba'i tshig smras shing / lhan cig gnas pa dang nye gnas rnams kyis kyang mthun par smras pas/ las de'i rnam par smin pas tshe rabs lnga brgyar 'khor lnga brgya dang gnag rdzi rnams su skyes par gyur to/ /gang 'dis blags shing bton pas phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / gnas dang gnas ma yin pa la mkhas par byas pas/ da ltar 'di 'khor lnga brgya dang nga'i bstan pa la rab tu byung nas nyon mongs pa thams cad spangs te dgra bcom pa mngon sum du byas so/ /dge slong dag sngon sbal pa byed byed pa'i lha'i bu yang yang dag par rdzogs pa'i sangs rgyas 'od srung kho na'i gsung rab la dge slong spong ba pa zhig tu gyur te/ ljongs rgyu zhing song ba dang ri 'or zhig na gtsug lag khang zhig yod pa der son to/ /de mtshan mo'i thun dang po la dkyil mo dkrung bcas te yid la bya ba goms par bya bar brtsams pa dang / ji tsam na 'don pa byed pa'i dge slong rnams kha ton byed pa dang / bsam gtan gyi tsher ma ni sgra yin pas de sgras sems rtse gcig pa nyid ma btub nas des bsams pa/ 'di dag kha ton zer du chug gung thun la 'dug par bya'o snyam nas gung thun la langs te 'dug pa dang / ji tsam na dge slong gzhan dag kha ton byed nas des bsams pa/ thun tha ma la 'dug par bya'o snyam nas/ de thun tha ma la langs te 'dug pa dang / ji tsam na gzhan dag kha ton byed nas de 'dod chags dang bral ba ma yin pas kun nas dkris pa drag po skyes nas des smras pa/ 'od srung gi dge sbyong 'di rnams ni sbal pa bzhin mtshan thog thag sgra 'byin to zhes byas so/ /dge slong dag ji snyam du sems/ dge slong spong ba pa gang yin pa de ni sngon sbal pa byed byed pa'i lha'i bu 'di nyid yin te/ gang yang 'dis yang dag par rdzogs pa'i sangs rgyas 'od srung gi nyan thos rnams la sbal pa zhes tshig tu smras pas las de'i rnam par smin pas tshe rabs lnga brgyar sbal par skyes par gyur te/ da lta'i bar du yang sbal par skyes pa yin no/ /gang yang nga la sems mngon par dad par byas pas des na rgyal chen bzhi'i ris kyi lha rnams su skyes par gyur to/ /gang yang dag par rdzogs pa'i sangs rgyas 'od srung las tshangs par spyod pa spyad pas des na da ltar bden pa mthong bar byas so/ /dge slong dag de lta bas na gcig tu gnag pa rnams kyi las kyi rnam par smin pa ni gcig tu gnag pa yin la zhes bya ba nas brtson par bya ste/ dge slong dag khyed kyis de lta bu la bslab par bya'o/ /zhes de skad ces bka' stsal to zhes bya ba'i bar gong ma bzhin du'o/ /de nas bcom ldan 'das chu bo gang gA rgal ba dang / de na ngang pa dang / nya dang ru sbal lnga brgyas bskor te bskor ba byas so/ /de rnams la bcom ldan 'das kyis tshig gsum gyi chos bshad pa mdzad de/ bzhin bzangs dag 'di ltar 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba yin pas nga la sems mngon par dad par gyis la/ ci nas kyang dud 'gro'i skye gnas la 'dod chags dang bral bar gyis shig /de rnams 'di snyam du sems te/ gang bdag cag gis bcom ldan 'das las tshig gsum gyi chos thos nas kha zas za bar byed pa ni bdag cag gi cha ma yin no snyam nas/ de rnams kyis bzas bcad pa dang / dud 'gro'i skye gnas su song ba rnams ni me'i shas che bas dus las 'das te shi 'phos pa dang / rgyal chen bzhi'i ris kyi lha rnams su skyes so/ /chos nyid kyis lha'i bu'am lha'i bu mo skyes nas ring po ma lon par sems gsum skye bar 'gyur te/ gang nas shi 'phos pa dang / gang du skyes pa dang / las gang gis yin pa'o/ /de rnams kyis bltas na dud 'gro dag las shi 'phos nas rgyal chen bzhi'i ris kyi lha rnams su skyes pa dang zhes bya ba nas/ me tog man dA ra bas thu ba bkang ste bcom ldan 'das kyi nye 'khor dang chu bo gang gA snang bas gsal bar byas nas bcom ldan 'das la me tog gis gtor te/ bcom ldan 'das la kun nas bskor te 'dug go/ /bcom ldan 'das kyis de rnams kyi bsam pa dang / bag la nyal dang / khams dang rang bzhin mkhyen nas de dang 'dra ba'i 'phags pa'i bden pa bzhi rtogs par 'gyur ba'i chos bshad pa mdzad pas zhes bya ba nas/ thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ de rnams kyis bden pa mthong ba dang / des lan gsum du ched du brjod pas ched du brjod do/ /btsun pa 'di lta bu ni bdag cag la phas ma bgyis te/ mas ma lags/ rang gi skye bo dang / gnyen gyi tshogs dang sdug pas ma lags/ rgyal pos ma lags/ lha rnams kyis ma lags/ sngon gyi 'das pas ma lags/ dge sbyong dang bram zes ma lags pa gang lags pa bcom ldan 'das kyis bdag cag la mdzad de/ sems can dmyal ba dang yi dags rnams nas ni rkang pa drangs/ lha dang mi rnams su ni rab tu bkod/ 'khor ba las ni ring du mdzad/ khrag dang mchi ma'i rgya mtsho ni bskams/ rus pa'i ri bo las ni bsgral/ ngan song gi sgo rnams ni bkum/ mtho ris dang thar pa'i sgo rnams ni phye/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du bgyis te/ btsun pa bdag cag ni 'phags so/ /mngon par 'phags so/ /bdag cag sangs rgyas bcom ldan 'das dang / chos dang / dge slong gi dge 'dun la skyabs su mchi lags kyis/ bdag cag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /de nas sngon nya dang / ngang pa dang / ru sbal byed byed pa'i lha'i bu de rnams tshong pa khe spogs rnyed pa lta bu dang zhes bya ba nas rang gi gnas su dong ngo zhes bya ba'i bar gong ma bzhin du'o/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa nya dang / ngang pa dang / ru sbal 'di rnams kyis las ci zhig bgyis na des na ngang pa dang / nya dang / ru sbal rnams su skyes lags/ las ci zhig bgyis na des na lha rnams su skyes nas bden pa mthong bar bgyis lags bcom ldan 'das kyis bka' stsal pa/ dge slong dag ngang pa dang / nya dang / ru sbal 'di dag nyid kyis las rnams byas shing bsags pa tshogs rnyed pa dag ni zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na ston pa 'od srung zhes bya ba 'jig rten du byung ste zhes bya ba nas/ de bA rA Na sI'i grong khyer na drang srong smra ba ri dgas kyi nags na nye bar rten cing bzhugs so zhes bya ba'i bar gong ma bzhin du'o/ /de'i bstan pa la de rnams rab tu byung bar gyur te/ de na dge slong de rnams kyis bslab pa'i gzhi phra mo phra mo rnams dral bas las de'i rnam par smin pas nya dang / ngang pa dang / ru sbal rnams su skyes par gyur to/ /gang yang nga la sems mngon par dad par byas pa des na lha rnams su skyes par gyur to/ /gang yang yang dag par rdzogs pa'i sangs rgyas 'od srung las tshangs par spyod pa spyad pa des na bden pa mthong bar byas so/ /dge slong dag de lta bas na/ gcig tu gnag pa'i las rnams kyi rnam par smin pa ni gcig tu gnag pa yin la zhes bya ba nas brtsal bar bya ste/ dge slong dag khyed cag gis de lta bu la bslab par bya'o/ /zhes de skad ces bka' stsal to/ /zhes bya ba'i bar gong ma bzhin du'o/ /de nas bcom ldan 'das chu bo gang gA rgal ba dang yi dags sdong dum tshig pa lta bu/ keng rus sgreng ba lta bu/ rang gi skras lus yog pa/ lto ri sul ltar 'dug pa/ kha khab kyi mig tsam yod pa 'bar rab tu 'bar/ kun du rab tu 'bar te me lce gcig tu gyur pa lnga brgya tsam gyis yongs su bskor nas/ de rnams kyis thal mo sbyar te/ bcom ldan 'das la gsol pa/ btsun pa bdag cag yi dags rnams ni rnam par ltung ba'i lus can rnams lags te/ sngon gyi las kyi nongs pas chab kyang mi rnyed lags na 'tshal ma mthong ba lta smos kyang ci 'tshal/ khyod ni thugs rje chen po mnga' ba lags na bdag cag la chab stsol cig /bcom ldan 'das kyis de rnams la chu bo gang gA bstan nas/ chu bsil skye bo kun gyis nye bar spyad bya ba/ /skal ldan shing rta klung chen 'di ni grong dag dang / /yul 'khor dag dang grong khyer tshim par byed cing 'bab/ /zhing rnams sa lu ku mu da dang ut+pal skrun/ /yi dags rnams kyis gsol pa/ chu bo skye bo kun gyis nye bar spyad bgyi ba/ /skal ldan shing rta 'bab 'di bdag cag rnams la skams/ /'di ni khrag gi dri mas gang zhing lag pa na/ /dbyug pa dgra star bcas pa thogs pas 'di bsrungs mthong / /bcom ldan 'das kyis gang gA'i lha la bka' stsal pa/ khyod ni grong dang yul 'khor grong khyer tshim byed cing / /zhing rnang sa lu ku mu da dang ut+pal skrun/ /ci phyir yi dags skom pas rab nyen tshim mi byed/ /khyod la byis pa'i skye bo sdug bsngal snying rje med/ /gang gA'i lhas gsol pa/ byis pa'i skye bo la bdag 'jigs pas ma lags shing / /tshig rtsub sgyus kyang mi mthun chab gtong mi bgyid de/ /nongs bgyis sgrib pa chen pos bsgribs pa 'di dag la/ /chu bo skams gyur 'di la bdag gis ci zhig nongs/ /de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu chen po yi dags rnams la chu lud cig /btsun pa bka' bzhin 'tshal zhes tshe dang ldan pa maud gal gyi bu chen pos bcom ldan 'das kyi ltar mnyan nas yi dags rnams la chu blud par brtsams pa dang / yi dags de rnams kyi kha khab kyi mig tsam po dag bskyed par ma nus so/ /de nas bcom ldan 'das kyi rdzu 'phrul gyis de rnams kyi kha bskyed nas tshe dang ldan pa maud gal gyi bu chen pos chu blud pa dang / de rnams skom pas nyen pas mang du 'thungs pas lto rgyas par gyur to/ /de nas bcom ldan 'das la sems dang ba bskyed nas shi'o zhes bya ba nas/ bden pa mthong nas rang gi gnas su song ngo / /zhes bya ba'i bar gong ma bzhin du'o/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa yi dags 'di rnams kyis las ci zhig bgyis na des na yi dags rnams su skyes lags/ las ci zhig bgyis na des na lha rnams su skyes nas bden pa mthong bar bgyis lags/ bcom ldan 'das kyis bka' stsal pa/ dge slong dag 'di dag nyid kyis las rnams byas shing bsags pa tshogs rnyed pa dag ni zhes bya ba nas/ lus can dag la 'bras bur 'gyur/ zhes bya ba'i bar gong ma bzhin du'o/ /dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na ston pa 'od srung zhes bya ba 'jig rten du byung ste/ zhes bya ba nas/ de bA rA Na sI'i grong khyer na drang srong smra ba ri dgas kyi nags na nye bar rten cing bzhugs so/ /zhes bya ba'i bar gong ma bzhin du'o/ /de'i nyan thos rnams kyis dad pa las bslangs nas sangs rgyas dang / chos dang / dge 'dun la bya ba byed do/ /gang gi tshe yang dag par rdzogs pa'i sangs rgyas bcom ldan 'das 'od srung gi bstan pa rgyas par ma gyur pa de'i tshe dad pa 'dri ba'i dge slong yang nyung bar gyur to/ /gang gi tshe rgyas par gyur pa de'i tshe dad pa 'dri ba'i dge slong yang mang bar gyur to/ /ji tsam na 'dun khang zhig na dge bsnyen lnga brgya bya ba 'ga' zhig gi phyir lhags shing 'dus par gyur pa dang / dad pa 'dri ba'i dge slong rab tu mang po dag de rnams kyi drung du song nas sbyin du gzhug par 'dod pa na/ de rnams kyis kun nas dkris pa drag pos ngag rtsub pa'i las phyung ba/ 'od srung gi dge sbyong 'di rnams ni yi dags rnams su skyes pa bzhin rtag tu lag bzed par byed do/ /zhes smras so/ /dge slong dag ji snyam du sems/ dge bsnyen lnga brgya po gang dag yin pa de dag ni yi dags lnga brgya po 'di dag nyid yin te gang yang 'di rnams kyis yang dag par rdzogs pa'i sangs rgyas 'od srung gi nyan thos rnams la yi dags kyi tshig smras pa'i las de'i rnam par smin pas tshe rabs lnga brgyar yi dags rnams su skyes par gyur te/ da lta'i bar du yang yi dags rnams su skyes pa yin no/ /gang yang nga la sems mngon par dad par byas pa des na lha rnams su skyes so/ /gang yang dag par rdzogs pa'i sangs rgyas 'od srung la skyabs su 'gro ba dang bslab pa'i gzhi blangs pa des na bden pa mthong bar byas so/ /dge slong dag de lta bas na gcig tu gnag pa rnams kyi las kyi rnam par smin pa ni gcig tu gnag pa yin la zhes bya ba nas brtsal bar bya ste/ dge slong dag khyed cag gis de lta bu la bslab par bya'o/ /zhes de skad ces bka' stsal to/ /zhes bya ba'i bar gong ma bzhin du'o/ /de nas bcom ldan 'das chu bo gang gA las rgal ba na glang po che'i lta stangs kyis g.yas phyogs nas chu bo gang gA la gzigs pa dang / dge slong rnams kyis bcom ldan 'das la zhus pa/ btsun pa bcom ldan 'das ci'i slad du g.yas phyogs nas chu bo gang gA la gzigs par mdzad/ bcom ldan 'das kyis bka' stsal pa/ dge slong dag khyed cag chu bo gang gA'i gleng gzhi nyan par 'dod dam/ bcom ldan 'das da de'i dus la bab lags so/ /bde bar gshegs pa da de'i dus la bab lags te/ bcom ldan 'das kyis chu bo gang gA'i gleng gzhi gang lags pa bshad na dge slong rnams nyan par 'gyur lags so// // 'dul ba gzhi/ bam po sum bcu rtsa dgu pa/ dge slong dag sngon byung ba rgyal po smyug sbams shes bya ba chos kyi rgyal po chos dang ldan pa zhig byung ste/ de'i yul 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba/ shing me tog dang 'bras bu rtag pa/ lha rnams dus dus su char 'bebs pas sa gzhi lo thog dang ldan zhing 'thab pa dang / thab mo dang / rtsod pa dang / 'khrug long dang / chom rkun dang / mu ge dang / nad rnams rab tu zhi bar gyur la/ mi rnams rtag tu chos la gzhol ba na chos kyis rgyal srid byed du 'jug go/ /ji tsam na rgyal po de so ka'i dus la bab nas shing rnams kyi me tog kha 'bus shing ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te 'u rnams skad 'byin pa'i nags khrod du btsun mo'i 'khor gyis yongs su bskor nas bskyed mos tshal gyi gnas su song ba dang / ji tsam na mi lus gnyer mas gang ba/ mgo skya ba/ lus kyi yan lag rnyis pa/ dbang po rgud pa/ sha skem pa/ zho sha chung ba zhig khar ba la brten nas gom pa dal bu dal bus 'gro ba zhig mthong ngo / /de nas rgyal pos blon po rnams la smras pa/ shes ldan dag mi lus gnyer mas gang ba mgo skya ba zhes bya ba nas/ khar ba la brten nas 'gro ba 'di ci zhig yin zhes bya ba'i bar gong ma bzhin du'o/ /de rnams kyis smras pa/ lha de ni 'du byed rnams dengs pas rgas 'khogs pa zhes bgyi'o/ / rgyal pos smras pa/ shes ldan dag nga la yang 'di lta bu'i chos 'byung bar 'gyur ram/ de rnams kyis smras pa/ lha chos de ni thun mong lags so/ /de nas rgyal po yid mi bde zhing chas pa dang yang mi skya bo rbab rbab bo/ lus gas shing hrud hrud po/ lto ri sul ltar 'dug pa/ rma rnag gis gang ba/ yan lag dang nying lag rnams las 'dzag pa/ lhan pa rnams kyis dkris pa zhig shugs ring po ring por 'byin cing khar ba la brten nas 'theng zhing / 'gro bar chas pa mthong ngo / /mthong nas kyang blon po rnams la smras pa/ shes ldan dag mi skya bo bseng bseng po zhes bya ba nas/ 'theng zhing 'gro bar chas pa 'di ci zhig yin zhes bya ba'i bar gong ma bzhin du'o/ /de rnams kyis smras pa/ lha 'di ni nad kyis thebs pa zhes bgyi'o/ /rgyal pos smras pa/ shes ldan dag nga la yang 'di lta bu'i chos 'byung bar 'gyur ram/ blon po rnams kyis smras pa/ lha chos 'di ni thun mong lags te/ nyes par spyod pa'i las bgyis pa rnams la sngon gyi las kyi nyes pas 'byung bar 'gyur ro/ /rgyal pos bsams pa/ rnam pa thams cad du sdig pa mi bya'o/ /snyam du bsams nas chas pa dang yang des ras sngon po dang / ser po dang / dmar po dang / dkar po rnams kyis khyogs brgyan nas gdugs dang / rgyal mtshan dang / 'phan dang / dud dang / rnga pa Ta ha dang / skyes pa dang / bud med dang / khye'u dang / bu mo dag bun long zhing / mi bzhis bteg nas mgyogs mis ni sna drangs/ skyes bu lag na shing thogs pa ni phyi bzhin 'brang zhing kyi hud pha/ kyi hud sdug pa/ kyi hud spun/ kyi hud jo bo zhes kun du ngud mo'i sgra 'don pa mthong ngo / /mthong nas kyang blon po rnams la smras pa/ shes ldan dag ras sngon po dang / ser po dang / dmar po dang / dkar po rnams kyis khyogs brgyan cing zhes bya ba nas/ ngud mo'i sgra 'don pa 'di ci zhig yin zhes bya ba'i bar gong ma bzhin du'o/ /blon po rnams kyis smras pa/ lha 'di ni gum pa zhes bgyi'o/ /rgyal pos smras pa/ shes ldan dag nga la yang 'di lta bu'i chos 'byung bar 'gyur ram/ de rnams kyis smras pa/ lha chos 'di ni thun mong lags so/ /de nas rgyal pos rgas pa dang / nad pa dang / shi ba yang dag par mthong nas yid byung ste/ bdag gis kyang 'di lta bu'i longs spyod rnams spang dgos so/ /snyam nas slar log ste/ mya ngan gyi khang par zhugs nas 'dug go/ /de'i yul na bram ze dus dpog ces bya ba phyug pa nor mang ba longs spyod che ba zhig yod de/ des ji ltar rgyal pos rgas pa dang / nad pa dang / shi ba mthong ste yid byung nas mya ngan gyi khang par zhugs nas 'dug pa thos so/ /thos nas kyang bram ze brgya stong du mas yongs su bskor cing shing rta rta rgod ma dang ldan pa thams cad nas dkar ba'i nang du zhugs te/ gser gyi khar ba dang ril ba sbyi blugs thogs nas rgyal po smyug sbams gang na ba der song ste phyin pa dang / rgyal po la blon po rnams kyis smras pa/ lha bram ze dus dpog chab sgo na mchis so/ /de nas rgyal po phyir byung nas dkor khang du 'dug pa dang / bram ze dus dpog gis rgyal ba dang tshe spel ba dag byas te 'dug nas smras pa/ lha ci'i slad du thugs ngan gyi khang par zhugs te bzhugs/ rgyal pos ji ltar gyur pa thams cad bram ze dus dpog la rgyas par smras pa dang / des smras pa lha 'jig rten ni rang gi las kyi 'bras bu la spyod pa lags pas 'di la thugs ngan bgyir ma mchis so/ /sems can legs pa'i las bgyid pa rnams kyang mchis/ nyes pa'i las bgyid pa rnams kyang mchis/ gnyi ga'i las bgyid pa yang mchis te/ 'khor los sgyur ba rnams ni rtag tu las legs pa bgyid de/ gum na yang lha rnams su skye bar 'gyur ro/ /lha yang 'khor los sgyur ba lags te/ mi'i bde ba khyad par du 'phags pa btar nas lha'i bde ba yang nyams su btar bar 'gyur mod kyi/ lha 'on kyang mtho ris kyi them skas su gyur pa mchod sbyin la brtson par mdzod cig /de nas rgyal pos blon po rnams la bsgo ba/ shes ldan dag yul thams cad du dril sgrogs su chug ste/ rgyal po gtan pa med pa'i mchod sbyin byed kyis khyed shog la longs spyod cig ces sgo shig /de nas rgyal pos sbyin pa'i khang pa rtsig tu bcug nas zas 'dod pa rnams la ni zas/ btung ba 'dod pa rnams la ni btung ba byin no/ /der 'bras khu dbo ba'i dong byas nas/ der dron po dag blugs pa dang bsil bar gyur pas ma dros pa ma dros pa zhes bya bar grags so/ de'i 'bras khu dang 'bras bkrus pa'i khu bas lo bcu gnyis tshang bar bkang bas lud par gyur pa'i kha de nas 'bab chur bab pas 'bras khu'i chu 'bras khu'i chu zhes bya bar grags so// // sdom la/ gzhon nu bskyed dang glang chen sgra/ /dpung rgyan ldan dang nor bu can/ /sa la stobs dang sa la'i stobs/ /gser bre dang ni gnas bcas dang / /thug pa dang ni mnyan yod dang / /ma dros grong khyer bin du dang / /yangs pa can ni tha ma yin/ /de nas bcom ldan 'das yul gzhon nu bskyed par gshegs nas gzhon nu bskyed par tshe dang ldan pa kun dga' bo la bka' stsal pa/ kun dga' bo phyogs 'dir rgyal po gso sbyong 'phags zhes bya ba btsas nas 'di nyid du chen por gyur to/ / des na grong khyer yang gzhon nu bskyed pa zhes grags so/ /krung krung sgra can du gshegs nas/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo krung krung sgra 'dir rgyal po gso sbyong 'phags kyi glang po che dam pas krung krung zhes bya ba'i skad phyung bas/ krung krung can krung krung can zhes bya bar grags so/ /dpung rgyan ldan du gshegs nas dpung rgyan ldan gyi phyogs zhig tu 'dzum pa mdzad do/ /zhes bya ba nas sangs rgyas bzhi'i gdan zhes bya ba rgyas par gong ma bzhin du'o/ /nor bu can du gshegs nas nor bu can du tshe dang ldan pa kun dga' bo la bka' stsal pa/ kun dga' bo nor bu can 'dir byang chub sems dpas nor bu mang po'i mchod sbyin byas pas nor bu can zhes bya bar grags so/ /sa la'i stobs su gshegs nas/ sa la'i stobs kyi phyogs zhig tu 'dzum pa mdzad nas zhes bya ba nas sangs rgyas bzhi'i/ gdan zhes bya ba rgyas par gong ma bzhin du'o/ /gser gyi brer gshegs nas kun dga' bo gser gyi bre 'dir byang chub sems dpas gser mang po mchod sbyin byas pas da dung yang / bram ze rnams gser bres 'jal zhing 'geng bas gser gyi bre gser gyi bre zhes bya bar grags so/ /gnas bcas su gshegs nas gnas bcas su tshe dang ldan pa kun dga' bo la bka' stsal pa/ kun dga' bo gnas bcas 'dir rgyal po gso sbyong 'phags zhes bya ba 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba na rgyal srid byed du 'jug go/ /de dus gzhan zhig na spyi bor sha rmen 'jam zhing shin tu 'jam pa zhig skyes te/ dper na shing bal gyi 'da' ba 'am ras bal gyi 'da' ba bzhin du cung zad kyang gnod pa skyed par mi byed do/ /de yongs su smin nas brtol ba las gzhon nu zhig byung na/ gzugs bzang ba mdzes pa blta na sdug pa/ lpags pa'i mdog gser 'dra ba zhes bya ba nas yan lag thams cad dang ldan pa zhes bya ba'i bar gong ma bzhin du ste/ /spyi bo skyes spyi bo skyes zhes bya bar grags so/ /rgyal po gso sbyong 'phags kyis gzhon nu byung ma thag tu btsun mo'i 'khor drug khri'i nang du bkri ba dang / mthong ma thag tu btsun mo de thams cad kyi nu ma las 'o ma zags nas so so nas smras pa/ nga las nu/ nga las nu zhes smras pas/ nga las nu nga las nu zhes bya bar grags so/ /de la kha cig gis ni spyi bos skyes/ kha cig gis ni nga las nu zhes bya bar shes so/ /gzhon nu nga las nu yul zhig tu song ba dang / rgyal po gso sbyong 'phags na bar gyur nas/ de rtsa ba dang / sdong bu dang / lo ma dang / me tog dang / 'bras bu'i sman gyis bkur sti byas kyang / de slar thu bar gyur nas/ des blon po rnams la bsgo ba/ shes ldan dag myur du gzhon nu la rgyal srid kyi dbang bskur bas dbang skur cig /lha bka' bzhin 'tshal zhes blon po rnams kyis pho nya btang nas rgyal po gso sbyong 'phags pa snyung bar gyur nas des bka' stsal pa/ gzhon nu spyan drongs la rgyal srid kyi dbang bskur ba nyams su myong bar gyis shig ces byung gis/ de bas na gzhon nu myur du gshegs pa'i rigs so zhes spring ngo / /de chas pa na rgyal po gso spyong 'phags shi'o/ /de nas yang blon po rnams kyis yang de la pho nya btang ste/ gzhon nu khyed kyi yab nongs kyis gshegs te rgyal srid bzhes su gsol zhes spring ba dang / gzhon nu nga las nus bsams pa/ bdag gi yab ni nongs na bdag der ji ste 'gro snyam du bsams nas de nyid na 'dug pa dang / yang blon po rnams 'dus nas blon po'i gtso bo pho nyar btang nas de song ste smras pa/ gzhon nu gshegs la rgyal srid bzhes su gsol/ des smras pa/ gal te bdag gis chos bzhin gyis rgyal srid 'thob na 'di nyid du rgyal srid kyi dbang bskur ba 'ong bar 'gyur ro/ /blon po rnams kyis spring ba/ lha rgyal srid kyi dbang bskur ba la ni mang du 'tshal te/ rin po che'i gcal dang / seng ge'i khri dang / gdugs dang / cod pan dang / dpung rgyan gyis pho brang gi nang du rgyal srid dbang bskur 'tshal lo/ /de bas na gzhon nu 'di nyid du gshegs pa'i rigs so/ /des smras pa/ gal te bdag gis chos bzhin gyis rgyal srid 'thob par 'gyur na thams cad 'di nyid du 'ong grang / gzhon nu nga las nu'i mdun nas 'gro ba gnod sbyin lha gnas zhes bya ba des rin po che'i gcal dang / seng ge'i khri de nyid du blangs so/ /pho brang na gnas pa rnams kyis kyang gdugs dang cod pan dang / dpung rgyan khyer te rang lhags te pho brang na gnas pa rang lhags shing rang lhags pas gnas bcas gnas bcas zhes bya bar grags so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo mnyan yod gang na ba der 'ong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ de nas bcom ldan 'das mnyan yod nas rgyu zhing gshegs pa dang / ji tsam nas phyogs shig na bram ze zhig zan ma zos par zhing rmed pa na/ de'i ched du bu mo zhig thug pa khyer te 'ongs so/ /bcom ldan 'das kyang phyogs de nyid du gshegs so/ / de nas bram zes sangs rgyas bcom ldan 'das kyi sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ 'od zer nyi ma stong bas lhag pa/ rin po che'i ri bo 'gro ba ltar kun nas bzang ba mthong ngo / /mthong ma thag tu yang de bcom ldan 'das la dad pa skyes te/ ji ltar dge ba'i rtsa ba bsags pa'i sems can la thog mar sangs rgyas mthong ba de ltar ni lo bcu gnyis su zhi gnas goms par byas pa la sems las su rung ba skye ba dang / bu med pa bu rnyed pa dang / dbul pos nor gyi gter mthong ba dang / rgyal srid la dga' ba rgyal srid kyi dbang bskur ba ni de lta ma yin no/ /des thug pa de khyer te myur ba myur bar bcom ldan 'das gang na ba der song ste phyin pa dang / bcom ldan 'das la 'di skad ces gsol to/ /kye gau ta ma 'di ni thug pa lags te/ gal te shes ldan gau ta ma bdag la thugs brtse na 'jams gsol cig /de nas bcom ldan 'das kyis bram ze de la khron pa rnying pa zhig bstan nas/ bram ze khyod kyis gal te yongs su btang na khron pa rnying pa 'dir lugs shig /des khron pa rnying pa der blugs so des khron pa rnying pa der blugs pa dang / 'di ltar yang sangs rgyas rnams kyi sangs rgyas kyi mthu dang / lha rnams kyi lha'i mthus khron pa rnying pa de thug pas gang nas rlangs pa 'thul zhing 'dug par gyur to/ /de nas bcom ldan 'das kyis bram ze de bos nas bram ze thug pa rims shig /des brim par brtsams pa na bcom ldan 'das kyis ji ltar dge 'dun thams cad kyis 'thungs kyang khron pa rnying pa de de bzhin du thug pas gang nas rlangs pa 'thul zhing 'dug par 'gyur ba de ltar byin gyis brlabs so/ /de nas bram ze de lhag par yang mngon par dad par gyur te/ bcom ldan 'das kyi zhabs la phyag byas te chos mnyan pa'i phyir spyan snga na 'dug pa dang / bcom ldan 'das kyis de'i bsam pa dang / bag la nyal dang / khams dang / rang bzhin mkhyen nas de dang 'dra bar 'phags pa'i bden pa bzhi so sor rtogs par 'gyur ba'i chos bshad pa mdzad pas zhes bya ba nas thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du bgyis te/ btsun pa bdag ni 'phags so/ /mngon par 'phags so/ / zhes bya ba'i bar gong ma bzhin du'o/ /bdag ni bcom ldan 'das dang chos dang dge slong gi dge 'dun la skyabs su mchi lags kyis/ bdag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /de nas bram ze de tshong pa khe spogs rnyed pa lta bu dang / zhing pa lo thog legs pa lta bu dang / dpa' bo g.yul ngor rgyal ba lta bu dang / nad pa nad thams cad las thar ba lta bur gyur nas bcom ldan 'das kyis gsungs pa la mngon par dga' ste rjes su yi rangs nas bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas song ngo / /ji tsam na zhing drung du phyin pa dang / zhing de la gser gyi nas she dag skyes par mthong ngo / /mthong nas kyang ya mtshan skyes nas mig bgrad de tshigs su bcad pas smras pa/ kye ma yon tan rang bzhin zhing / / nyes kun rnam par spangs pa la/ /bdag gis de ring sa bon btab/ /de ring nyid du 'bras bu thob/ /de nas bram ze de rings pa rings par rgyal po'i drung du song nas son pa dang / rgyal ba dang tshe spel ba dag byas nas rgyal po la smras pa/ lha bdag gis stsang nas stsal ba de rnams gser she dag tu gyur gyis de la spyan zhig bsko bar gsol/ rgyal pos spyan bskos te btang ba dang / bram zes phung por byas te/ bgos pa las rgyal po'i skal ba nas tha mal par gyur nas/ spyan gyis rgyal po la rig par byas pa dang / rgyal pos bsgo ba/ yang bgos shig /yang bgos pa dang / de bzhin du rgyal po'i skal ba ni nas tha mal par gyur nas/ de ltar lan bdun gyi bar du bgos na de kho na bzhin du nas su gyur pa dang / rgyal po ngo mtshar skyes nas de bdag nyid song ste bltas na de bzhin du gyur nas des bram ze de la smras pa/ bram ze 'di ni khyod kyi bsod nams las skyes pa yin gyis/ rgyal po'i skal ba/ thong la khyod kyis ci dpags pa de kho bo la byin cig /de nas bram ze de shin tu mgu bas ci byin pa de dag gser gyi nas she dag tu gyur to/ /de nas bcom ldan 'das gshegs pa dang / ji tsam na phyogs gzhan zhig na zhing pa skya bo rbab rbab po rkang pa dang lag pa ser ga byung ba/ sha na'i ras kyi smad g.yogs gyon pa lnga brgya zhing rmed do/ /rmon pa de dag kyang lcag gzer bu can gyis gzhus pas/ lus smas shing rma byung bas rnag 'dzag la sngam pa 'don bzhin du zhing rmod do/ /zhing pa de rnams kyis sangs rgyas bcom ldan 'das sku skyes bu chen po'i mtshan sum bcu rtsa gnyis kyis kun nas brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ 'od zer nyi ma stong bas lhag pa/ rin po che ri bo 'gro ba ltar kun nas bzang ba mthong ngo / /zhes bya ba nas/ dge ba'i rtsa ba bsags pa'i sems can rnams la thog mar sangs rgyas mthong ba ni zhes bya ba'i bar gong ma bzhin du'o/ /de nas bcom ldan 'das gang na ba der dong ba dang / bcom ldan 'das kyis rgyang ring po kho na nas zhing pa rnams 'ong ba gzigs so/ /gzigs nas kyang gdul ba'i don du lam la bzur nas dge slong gi dge 'dun gyi gung la gdan bshams pa nyid la bzhugs so/ / de nas zhing pa de rnams kyis bcom ldan 'das kyi zhabs gnyis la mgo bos phyag byas te phyogs gcig tu 'dug go/ /de nas bcom ldan 'das kyis zhing pa de rnams kyi bsam pa dang / bag la nyal dang / khams dang / rang bzhin mkhyen nas de dang mthun pa'i 'phags pa'i bden pa bzhi so sor rtogs par 'gyur ba'i chos bshad pa mdzad de zhes bya ba nas/ thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ de rnams kyis bden pa mthong nas zhes bya ba'i bar gong ma bzhin du'o/ /bcom ldan 'das ga la bde logs su thal mo sbyar ba btud nas bcom ldan 'das la 'di skad ces gsol to/ / btsun pa legs par gsungs pa'i chos 'dul ba la bdag cag rab tu 'byung ba dang / bsnyen par rdzogs pa dge slong gi dngos po 'thob pa lta na/ bdag cag bcom ldan 'das kyi spyan sngar tshangs par spyod pa spyad par bgyi'o/ /bcom ldan 'das kyis de rnams dge slong tshur shog ces bya bas rab tu phyung ngo zhes bya ba nas/ sangs rgyas dgongs pas lus gzugs bkab par gyur ces bya ba'i bar gong ma bzhin du'o/ /bcom ldan 'das kyis de rnams la gdams ngag byin nas de rnams kyis 'bad pa dang / brtsol ba drag po zhes bya ba nas mngon du smra bar bya bar gyur to/ /zhes bya ba'i bar gong ma bzhin du'o/ /glang de dag kyang gnya' shing dang / ru thag bcad nas bcom ldan 'das gang na ba der dong ste lhags nas bcom ldan 'das la kun nas bskor te 'dug pa dang / bcom ldan 'das kyis de rnams la tshig gsum gyi chos bshad pas zhes bya ba'i bar gong ma bzhin du'o/ /dper na chu bo gang gA rgal te gshegs pa na ngang pa dang / nya dang / ru sbal rnams kyis bden pa mthong nas rang gi gnas su song ba bzhin no/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa sngon zhing pa bgyid bgyid pa'i dge slong 'di dag gis las ci zhig bgyis na/ las des zhing par gyur nas bcom ldan 'das kyi bstan pa la rab tu byung ste/ nyon mongs pa thams cad spangs nas dgra bcom pa mngon sum du bgyis lags/ sngon glang bgyid bgyid pa'i lha'i bu 'di dag gis kyang las ci zhig bgyis na/ des na glang rnams su skyes shing bden pa mthong bar bgyis lags/ bcom ldan 'das kyis bka' stsal pa/ dge slong dag 'di dag nyid kyis las rnams byas shing bsags pa tshogs rnyed pa zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na ston pa 'od srung zhes bya ba 'jig rten du byung ste zhes bya ba nas/ de bA rA Na sI'i grong khyer na drang srong smra ba ri dgas kyi nags na nye bar rten cing bzhugs so zhes bya ba'i bar gong ma bzhin du'o/ / de'i bstan pa la zhing pa lnga brgya po 'di rnams rab tu byung bar gyur te/ de na 'di dag gis ma blags ma bton/ yid la bya ba goms par ma byas so/ /'on kyang dad pas byin pa zos shing zos nas 'du 'dzi la chags te le los dus 'das par byas so/ /dge slong dag ji snyam du sems/ dge slong lnga brgya po gang yin pa de ni zhing pa lnga brgya po 'di dag nyid yin no/ /gtsug lag khang gi bdag po gang yin pa de ni zhing pa 'di dag gang gi yin pa'i khyim bdag 'di nyid yin te/ gang yang 'di dag gis gtsug lag khang gi bdag po'i dad pas byin pa zos nas ma blags ma bton/ yid la bya ba goms par ma byas la/ 'du 'dzi la chags te/ le los dus 'das par byas pa'i las des na tshe rabs lnga brgyar gtsug lag khang gi bdag po de'i zhing pa rnams su gyur te/ da lta'i bar du yang zhing par skyes pa yin no/ /'di dag gis yang dag par rdzogs pa'i sangs rgyas 'od srung gi bstan pa la rab tu byung nas tshangs par spyod pa spyad pa des na da ltar nga'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so/ /sngon glang byed byed pa'i lha'i bu 'di rnams kyang yang dag par rdzogs pa'i sangs rgyas 'od srung gi bstan pa la rab tu byung bar gyur te/ 'di dag gis de na bslab pa'i gzhi phra mo phra mo rnams dral bas las des na glang rnams su skyes so/ /gang yang nga la sems mngon par dad par byas pa des na lha rnams su skyes so/ /gang yang dag par rdzogs pa'i sangs rgyas 'od srung las tshangs par spyod pa spyad cing bsrungs pas da ltar lha'i bur gyur nas bden pa mthong bar byas so/ /dge slong dag de lta bas na gcig tu gnag pa rnams kyi las kyi rnam par smin pa ni gcig tu gnag pa yin la zhes bya ba nas brtsal bar bya ste/ dge slong dag khyed cag gis de lta bu la bslab par bya'o/ /zhes de skad ces bka' stsal ces bya ba'i bar gong ma bzhin du'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo chu mangs gang na ba der 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ de nas bcom ldan 'das chu mangs su gshegs pa dang / phyogs gzhan zhig na bram ze zhig zhing rmed do/ /de nas bram ze des sangs rgyas bcom ldan 'das sku skyes bu chen po'i mtshan sum bcu rtsa gnyis kyis kun nas brgyan pa/ dpe byad bzang po brgyad bcus brgyan pa zhes bya ba nas kun nas bzang ba mthong ngo / /zhes bya ba'i bar gong ma bzhin du'o/ /des bsams pa/ gal te shes ldan gau ta ma'i drung du phyag 'tshal du song na ni bdag gi las 'chor la/ 'on te phyag 'tshal du ma song na ni bsod nams yongs su nyams par 'gyur na/ de la gang gis na las kyang mi 'chor la bsod nams kyang yongs su nyams par mi 'gyur ba'i thabs bzang po ci yod snyam pa las de blo skyes pa/ 'di nyid na 'dug bzhin du phyag byas na de lta na las kyang mi 'chor la/ bsod nams kyang yongs su nyams par mi 'gyur ro snyam nas/ des ji ltar lcag gzer bu can nyid thogs shing gnas de nyid du 'dug bzhin du sangs rgyas bcom ldan 'das la phyag 'tshal lo zhes phyag byas so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo bram ze 'dis nyes te/ gal te pha bi las phyogs 'di na yang dag par rdzogs pa'i sangs rgyas 'od srung gi ring bsrel gyi tshogs ma zhig par bzhugs so snyam pa de lta bu'i so so rang gis rigs pa'i ye shes shig yod par gyur na nga'i spyan sngar 'ongs te phyag byas pa zhig /de lta na pha bis yang dag par rdzogs pa'i sangs rgyas gnyis la phyag byas par 'gyur ba zhig /de ci'i phyir zhe na/ kun dga' bo phyogs 'di na yang dag par rdzogs pa'i sangs rgyas 'od srung gi ring bsrel gyi tshogs ma zhig pa bzhugs pa'i phyir ro/ /de nas tshe dang ldan pa kun dga' bos myur ba myur bar bla gos bzhi ltab tu byas te bting nas bcom ldan 'das la 'di skad ces gsol to/ /bcom ldan 'das gdan bshams pa nyid la bzhugs su gsol/ des na sa phyogs 'dir yang dag par rdzogs pa'i sangs rgyas gnyis kyis longs spyad par 'gyur lags te/ gang yang yang dag par rdzogs pa'i sangs rgyas 'od srung dang / gang yang da ltar bcom ldan 'das kyis so/ /bcom ldan 'das kyi gdan bshams pa nyid la bzhugs so/ /bzhugs nas dge slong rnams la bka' stsal pa/ dge slong dag khyed yang dag par rdzogs pa'i sangs rgyas 'od srung gi ring bsrel gyi tshogs ma zhig pa rnams lta bar 'dod dam/ bcom ldan 'das da de'i dus la bab lags so/ /bde bar gshegs pa da de'i dus la bab lags te/ bcom ldan 'das kyis yang dag par rdzogs pa'i sangs rgyas 'od srung gi ring bsrel gyi tshogs ma zhig pa gang dge slong rnams la bstan pa mthong lags na/ dge slong rnams sems mngon par dad par 'gyur lags so/ /bcom ldan 'das kyis 'jig rten pa'i thugs bskyed pa mdzad de/ chos nyid kyis gang gi tshe sangs rgyas bcom ldan 'das rnams kyis 'jig rten pa'i thugs bskyed pa de'i tshe srog chags grog sbur rnams kyi kyang bcom ldan 'das kyi dgongs pa sems kyis shes par 'gyur bas klu rnams kyis bsams pa/ bcom ldan 'das kyis ci zhig gi phyir 'jig rten pa'i thugs bskyed pa mdzad snyam na/ bcom ldan 'das yang dag par rdzogs pa'i sangs rgyas 'od srung gi ring bsrel gyi tshogs ma zhig pa gzigs par bzhed par mthong nas/ de nas de rnams kyis yang dag par rdzogs pa'i sangs rgyas 'od srung gi ring bsrel gyi tshogs ma zhig par phyung ba dang / de nas bcom ldan 'das kyis dge slong rnams la bka' stsal pa/ dge slong dag rtags zung shig /nub par 'gyur ro zhes pa dang nub bo/ /rgyal po gsal rgyal gyis bcom ldan 'das kyis yang dag par rdzogs pa'i sangs rgyas 'od srung gi ring bsrel gyi tshogs ma zhig pa/ nyan thos rnams la bstan to zhes thos so/ /thos nas kyang yang ngo mtshar skyes nas btsun mo dang / gzhon nu dang / blon po dang / khrom gyi ru pa dang / grong mi dang / yul mi rnams dang / lhan cig chas so/ /de bzhin du lus 'phags po dang / khyim bdag mgon med zas sbyin dang / drang srong sbyin dang / so phag mkhan rnying pa dag dang / ri dgas 'dzin gyi ma sa ga dang / srog chags brgya stong phrag du ma ngo mtshar skyes te chas so/ kha cig sngon gyi dge ba'i rtsa bas yang dag par bskul ba dang / ji tsam na de mi snang bar gyur to/ /de rnams kyis yang dag par rdzogs pa'i sangs rgyas bcom ldan 'das 'od srung gi ring bsrel gyi tshogs ma zhig pa nub par gyur to zhes thos so/ /thos nas kyang yang de rnams kyis bdag cag 'dir lhags pa dag ni don med par gyur to zhes sdug bsngal dang / yid mi bde ba skyes so/ dge bsnyen zhig gis sa phyogs der bskor ba byas nas sems la sems kyis 'di snyam du mngon par 'dus byas te/ bdag gis 'di la gom pa bor bas bsod nams ji snyed cig tu 'gyur snyam pa dang / de nas bcom ldan 'das kyis skye bo'i tshogs chen po de'i 'gyod pa skyes pa bsal ba'i phyir dang / dge bsnyen de'i bsam pa yang thugs su chud nas tshigs su bcad de gsungs pa/ mkhas pa gang zhig rab tu sems dang bas/ /sangs rgyas mchod rten la ni gom 'dor na/ /'dzam bu'i chu bo'i gser gyi srang tshad ni/ /stong phrag brgya yang de dang mnyam pa min/ /dge bsnyen gzhan zhig gis yang phyogs der 'jim pa'i gong bu gcig bzhag nas sems kyis 'di snyam du mngon par 'dus byas te/ re shig gom pa bor ba'i bsod nams kyang de snyed du bcom ldan 'das kyis gsungs na/ 'di la 'jim pa'i gong bu bzhag pa'i bsod nams ji snyed cig tu 'gyur snyam pa dang / de nas bcom ldan 'das kyis dge bsnyen de'i bsam pa thugs su chud nas tshigs su bcad de gsungs pa/ gang zhig rab dang sems kyis sangs rgyas kyi/ /mchod rten la ni 'jim gong 'jog byed na/ /'dzam bu'i chu bo'i gser gyi gong bu ni/ /stong phrag brgya yang de dang mnyam pa min/ /de thos nas srog chags brgya stong phrag du ma dag gis kyang 'jim pa'i gong bu bcer to/ /gzhan dag gis de la me tog sil mas gtor nas/ sems kyis 'di snyam du mngon par 'dus byas pa/ gom pa bor ba dang / 'jim pa'i gong bu'i bsod nams kyang de snyed du bcom ldan 'das kyis gsungs na/ bdag cag gi me tog sil ma rnams la bsod nams ji snyed cig tu 'gyur snyam pa dang / de nas bcom ldan 'das kyis de'i bsam pa thugs su chud nas tshigs su bcad de gsungs pa/ gang zhig rab dang sems kyis sangs rgyas kyi/ /mchod rten me tog sil ma spungs pas 'thor/ /'dzam bu'i chu bo'i gser gyi bre bo ni/ /stong phrag brgya yang de dang mnyam pa min/ /gzhan dag gis de la me tog gi phreng bas bskor ba byas nas sems kyis mngon par 'dus byas pa/ me tog sil ma rnams kyi bsod nams de snyed du bcom ldan 'das kyis gsungs na/ bdag cag gis me tog phreng bas bskor ba la bsod nams ji snyed cig tu 'gyur snyam pa dang / de nas bcom ldan 'das kyis de rnams kyi bsam pa thugs su chud nas tshigs su bcad de gsungs pa/ mkhas pa gang zhig rab tu sems dang bas/ /sangs rgyas mchod rten me tog phreng bskor ba/ /'dzam bu chu bo'i gser gyi sgrom dag ni/ /stong phrag brgya yang de dang mnyam pa min/ /gzhan dag gis de la mar me'i phreng ba phul nas/ sems kyis mngon par 'dus byas pa/ me tog phreng bas bskor ba'i bsod nams de snyed du bcom ldan 'das kyis gsungs na/ bdag cag gis me mar phul ba'i bsod nams ji snyed cig tu 'gyur snyam pa dang / de nas bcom ldan 'das kyis de dag gi bsam pa thugs su chud nas tshigs su bcad de gsungs pa/ mkhas pa gang zhig rab tu sems dang bas/ /sangs rgyas mchod rten mar me 'bul byed na/ /'dzam bu'i chu bo'i gser srang bye ba ni/ /stong phrag brgya yang de dang mnyam pa min/ /gzhan dag gis de la dri'i chus chag chag btab nas/ sems kyis mngon par 'dus byas pa/ mar me phul ba'i bsod nams de snyed du/ bcom ldan 'das kyis gsungs na/ bdag cag gis dri'i chus chag chag btab pa'i bsod nams ji snyed cig tu 'gyur snyam pa dang / de nas bcom ldan 'das kyis de rnams kyi bsam pa thugs su chud nas tshigs su bcad de gsungs pa/ mkhas pa gang zhig rab tu sems dang bas/ / sangs rgyas mchod rten dri chus 'thor byed na/ /'dzam bu'i chu bo'i gser gyi phung po ni/ /stong phrag brgya yang de dang mnyam pa min/ /gzhan dag gis de la gdugs dang / rgyal mtshan dang / 'phan btags nas sems kyis mngon par 'dus byas pa gom pa bor ba dang / 'jim gong bzhag pa dang / me tog sil mas gtor ba dang / me tog phreng bas bskor ba dang / me mar phul ba dang / dri'i chus gtor ba'i bsod nams de snyed du bcom ldan 'das kyis gsungs na/ bdag cag gis gdugs dang / rgyal mtshan dang / 'phan btags pa'i bsod nams ji snyed cig tu 'gyur snyam pa dang / de nas bcom ldan 'das kyis de rnams kyi bsam pa thugs su chud nas tshigs su bcad de gsungs pa/ rab dang sems kyis sangs rgyas mchod rten la/ /gdugs dang rgyal mtshan 'phan ni 'dogs byed na/ /gser ni ri bo lhun po dang mnyam pa/ /stong phrag brgya yang de dang mnyam pa yin/ /rgya mtsho lta bu'i rdzogs sangs rgyas/ /de bzhin gshegs pa tshad med pa/ /ded dpon bla na med pa la/ /yon du bshad pa de yin no/ /de rnams 'di snyam du de la re shig bcom ldan 'das yongs su mya ngan las 'das pa la bya ba byas pa'i bsod nams de snyed du bcom ldan 'das kyis gsungs na/ bzhugs pa la bsod nams ji snyed cig tu 'gyur snyam pa dang / de nas bcom ldan 'das kyis de rnams kyi bsam pa thugs su chud nas tshigs su bcad de gsungs pa/ 'di na sems rab dang byas nas/ /gang zhig bzhugs dang gang zhig ni/ /mya ngan 'das la mchod byed pa/ /bsod nams mnyam ste khyad par med/ /'di ltar sangs rgyas bsam mi khyab/ / sangs rgyas chos kyang bsam mi khyab/ /bsam mi khyab la dad rnams kyi/ /rnam par smin pa'ang bsam mi khyab/ /yang dag par rdzogs pa'i sangs rgyas chos kyi 'khor lo thogs pa med pa skor ba bsam gyis mi khyab pa de dag gi yon tan ni rtogs par mi nus so/ /de nas bcom ldan 'das kyis skye bo'i tshogs chen po de la gang thos na srog chags brgya stong phrag du mas khyad par chen po thob ste/ kha cig gis ni nyan thos kyi byang chub tu sems bskyed/ kha cig gis ni rang sangs rgyas kyi byang chub tu/ kha cig gis ni bla na med pa yang dag par rdzogs pa'i byang chub tu sems bskyed/ kha cig gis ni dro bar gyur pa thob/ kha cig gis ni rtse mo/ /kha cig gis ni bden pa dang mthun pa'i bzod pa dag /kha cig gis ni rgyun du zhugs pa'i 'bras bu mngon sum du byas so/ /kha cig gis ni lan gcig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni nyon mongs pa thams cad spangs nas dgra bcom pa nyid mngon sum du byas/ 'khor de las phal cher ni sangs rgyas la gzhol/ chos la 'bab/ dge 'dun la bab par bkod pa de lta bu'i chos bshad pa mdzad do/ /bram ze dang khyim bdag dad pa can rnams kyis phyogs de nyid du dus ston btsugs pa dang / de nas chu mangs dus ston can chu mangs dus ston can zhes bya bar grags so/ /de nas bcom ldan 'das yul ko sa la nas ljongs rgyu zhing gshegs pa dang mnyan yod du byon nas mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /khyim bdag mgon med zas sbyin gyis bcom ldan 'das ko sa la nas ljongs rgyu zhing gshegs pa dang mnyan yod du byon nas/ mnyan yod na rgyal bu rgyal byed kyi tshal gyi bdag gi kun dga' ra ba na bzhugs so zhes thos so/ /thos nas kyang bcom ldan 'das gang na ba der song ste phyin nas bcom ldan 'das kyi zhabs gnyis la mgo bos phyag byas nas phyogs gcig tu 'dug go/ phyogs gcig tu 'dug pa dang / bcom ldan 'das kyis khyim bdag mgon med zas sbyin la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad ces bya ba nas/ yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas khyim bdag mgon med zas sbyin stan las langs te zhes bya ba nas bcom ldan 'das gang na ba de logs su thal mo sbyar ba btud te/ bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol zhes bya ba nas/ gtsang zhing bsod pa'i bza' ba dang bca' ba dag sta gon byas nas/ nang par sngar langs te gdan bting nas nor bu'i chu snod sta gon byas nas zhes bya ba'i bar gong ma bzhin te/ bcom ldan 'das la spyan 'dren gyis dus tshod gsol pa/ btsun pa gdugs tshod lags shing mchis na bcom ldan 'das de'i dus la bab par dgongs su gsol/ /sgo srungs kyi mi la bsgo ba/ kye nang rje re shig sangs rgyas la sogs pa dge slong gi dge 'dun gdugs tshod ma gsol gyi bar du gzhan mu stegs pa dag nang du ma btang shig /de'i 'og tu mu stegs pa rnams la sbyin no/ /jo bo bka' bzhin 'tshal zhes sgo srungs kyi mis khyim bdag mgon med zas sbyin las mnyan to/ /de nas bcom ldan 'das snga dro sham thabs mnabs lhung bzed dang chos gos bsnams te dge slong gi tshogs kyis yongs su bskor cing / dge slong gi dge 'dun gyis mdun gyis bltas nas zhes bya ba nas phyag bcabs te lhung bzed gyu bar rig nas stan ches dma' ba zhig blangs te bcom ldan 'das kyis spyan sngar chos mnyan pa'i phyir 'dug go/ /de nas tshe dang ldan pa 'od srung chen po dgon pa'i gnas mal zhig nas skra dang kha spu ring zhing chos gos ngan pa zhig gyon te rgyal byed kyi tshal du 'ongs te/ des bltas na rgyal byed kyi tshal stong par 'dug nas des dge skos la dris pa/ sangs rgyas la sogs pa dge slong gi dge 'dun gang du bzhud/ des smras pa/ khyim bdag mgon med zas sbyin gyis spyan drangs so/ /des bsams pa/ de nyid du bsod snyoms bza' zhing sangs rgyas la sogs pa dge slong gi dge 'dun la bsnyen bkur bya'o snyam nas/ de khyim bdag mgon med zas sbyin gyi khyim du song ba dang / sgo srungs kyis smras pa/ 'phags pa nang du ma bzhud par gzhes shig /ci'i phyir khyim bdag mgon med zas sbyin gyi mchid nas re shig sangs rgyas la sogs pa dge slong gi dge 'dun gdugs tshod ma gsol gyi bar du gzhan mu stegs pa dag nang du ma btang shig /de'i 'og tu mu stegs pa rnams la sbyin no zhes bsgo lags so/ /tshe dang ldan pa 'od srung chen pos bsams pa/ bram ze dang khyim bdag dag gis bdag la dge sbyong shAkya'i sras kyi yin no zhes bya bar ma shes pa de ni bdag gis rnyed pa legs par rnyed kyis song la skye bo bkren pa rnams la snying rje bya'o snyam du bsams te bskyed mos tshal du song nas des bsam pa/ deng bdag gis su zhig rjes su gzung bar bya snyam pa dang / re shig cig na grong phyi nyug ma mdzes thebs pa lus zhigs shing lus las rnag khrag 'dzag pa zhig slongs mo la rgyu zhing 'dug nas de'i drung du de song ba dang des kyang bslangs na 'bras khu zhig rnyed nas/ des tshe dang ldan pa 'od srung chen po lus mdzes pa dang sems dang zhing spyod lam zhi bar mthong nas des bsams pa/ nges par bdag gis yon gnas 'di lta bu la bya ba ma byas pas des na bdag 'di lta bu'i gnas su gyur gyis/ gal te 'phags pa 'od srung chen pos bdag la thugs brtse ba'i phyir 'bras khu bzhes na bdag gis 'di dbul lo snyam pa dang / de nas tshe dang ldan pa 'od srung chen pos de'i bsam pa sems kyis shes nas lhung bzed bzed de/ sring mo gal te khyod kyis btang ba yin na lhung bzed 'dir lugs shig /de nas des sems mngon par dad par byas nas lhung bzed der blugs pa dang sbrang ma zhig lhung ngo / /des de dbyung bar brtsams pa dang / 'bras khu de'i nang du sor mo gcig chad de lhung ngo / /des bsams pa/ 'phags pas bdag gi sems bsrung ba'i phyir ma phor zad kyi 'on kyang gsol ni mi gsol lo snyam pa dang / tshe dang ldan pa 'od srung chen pos de'i bsam pa sems kyis shes nas de'i mngon sum kho nar 'bab pa'i rtsig drung zhig tu 'dug nas 'thungs pa dang / des bsams pa/ cung zad du na bdag gi sems bsrung ba'i phyir gsol gyi/ 'on kyang 'dis zas kyi go chod par ni ma byas so snyam pa dang / de nas tshe dang ldan pa 'od srung chen pos de'i bsam pa sems kyis shes nas grong phyi nyug ma de la 'di skad ces smras so/ /sring mo rab tu dga' ba skyed cig dang khyod kyis byin pa'i zas 'dis kho bo nyin zhag gcig 'da' bar bya'o/ /de lhag par dga' ba skyes nas bdag gis 'phags pa 'od srung chen po la bsod snyoms bstabs na bzhes so snyam nas/ tshe dang ldan pa 'od srung chen po la sems dang ba bskyed nas dga' ldan gyi lha'i ris su skyes so/ /lha rnams kyi dbang po brgya byin gyis des 'bras khu zhig phul nas sems mngon par dad par byas nas shi ba ni mthong na gang du skyes pa ma mthong nas/ des sems can dmyal bar brtag par brtsams na yang ma mthong / dud 'gro dang / yi dags dang / mi dang / rgyal chen bzhi'i ris dang / sum bcu rtsa gsum pa rnams su yang ma mthong ste/ 'di ltar lha rnams kyi shes pa mthong ba ni 'og tu 'jug gi gong du mi 'jug go// // 'dul ba gzhi/ bam po bzhi bcu pa/ de nas lha rnams kyi dbang po brgya byin bcom ldan 'das gang na ba der song ste phyin nas bcom ldan 'das la tshigs su bcad pa'i dbyangs kyis zhu ba zhus pa/ 'od srung bdag nyid chen po can/ /bsod snyoms phyir ni rgyu ba na/ /'ong srung 'bras khu phul ba yi/ /bud med de ni gar dga' lags/ /bcom ldan 'das kyis bka' stsal pa/ dga' ldan zhes bya'i lha de rnams/ /'dod pa thams cad 'byor pa ste/ /'od srung 'bras khu phul ba yi/ /bud med de ni de na dga'/ /de nas lha rnams kyi dbang po brgya byin 'di snyam du sems te/ re shig mi 'di dag ni bsod nams mngon sum du ma mthong na yang sbyin pa dag gtong / bsod nams dag byed na/ bdag bsod nams dag mngon sum du mthong zhing rang gi bsod nams kyi 'bras bu la gnas pa go ci'i phyir sbyin pa dag mi gtang bsod nams dag mi bya snyam nas/ 'phags pa 'od srung chen po 'di sdug pa dang / mgon med pa dang / bkren pa dang / phongs pa la thugs brtse ba yin gyis/ ma la bdag gis 'di la bsod snyoms bstab par bya'o snyam du bsams nas/ bkren pa'i srang du khyim shag shig tu 'dug pa/ lhang lhong rdol ba shin tu mi bzang ba zhig sprul nas/ bdag nyid thag pa skra yegs pa/ sha na'i ras kyi smad g.yogs gyon pa/ rkang lag ser ga byung ba zhig tu sprul nas ras 'thag par brtsams so/ /lha mo bde sogs kyang thag pa'i chung ma'i cha byad du byas nas ras skud 'ju bar brtsams so/ /de'i phyogs gcig tu ni lha'i zhal zas zhig sta gon byas te bzhag pa dang / de nas tshe dang ldan pa 'od srung chen po bkren pa dang / mgon med pa dang / phongs pa'i skye bo rnams la rjes su brtse ba'i phyir rim gyis khang pa der phyin nas 'di ni sdug bsngal ba zhig go zhes lhung bzed bzed nas sgor bsdad pa dang / lha rnams kyi dbang po brgya byin gyis lha'i zhal zas kyis bkang ngo / /de nas tshe dang ldan pa 'od srung chen po 'di snyam du 'di'i zas lha'i bdud rtsi la khyim gyi spungs ni 'di tsam pas shin tu 'gal lo zhes bsams te/ bdag gi snying la the tshom skyes pa/ 'di ni chos nyid yin te/ dgra bcom pa rnams ni ma bsams par ye shes mthong ba mi 'jug pas bsam pa la zhugs pa dang / ji tsam na lha rnams kyi dbang po brgya byin yin par mthong nas des smras pa/ kau shi ka 'di ltar de bzhin gshegs pa dgra bcom pa yang dag par rdzogs pa'i sangs rgyas kyis khyod kyi yun ring po nas rjes su 'brel ba'i the tshom dang som nyi'i zug rngu rtsa nas phyung zin na ci'i phyir skye bo sdug bsngal ba'i bar chad byed/ 'phags pa 'od srung chen po skye bo sdug bsngal ba'i bar chad ci ste bgyid/ re shig mi 'di rnams ni bsod nams dag mngon sum du ma mthong na yang sbyin pa dag gtong / bsod nams dag bgyid na/ bdag bsod nams dag mngon sum du mthong zhing rang gi bsod nams kyi 'bras bu la gnas pa go ci'i phyir sbyin pa dag mi gtang / bsod nams dag mi bgyid/ bcom ldan 'das kyis kyang bsod nams dag ni bya dgos te/ /bsod nams ma byas sdug bsngal 'gyur/ /bsod nams dag ni byas pa yis/ /'jig rten 'di dang pha rol dga'/ /zhes ma gsungs sam/ de phyin chad tshe dang ldan pa 'od srung chen po bsams nas khyim rnams su bsod snyoms la 'gro bar brtsams so/ / de nas lha rnams kyi dbang po brgya byin nam mkha' la 'dug bzhin du lha'i zhal zas kyis tshe dang ldan pa 'od srung gi lhung bzed 'gengs pa dang / tshe dang ldan pa 'od srung chen pos lhung bzed khas bub pas bza' ba dang btung ba bor bar gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de'i phyir rjes su gnang gis lhung bzed kyi kha g.yogs bcang bar bya'o/ /grong phyi nyug ma che ge mo zhes bya bas 'phags pa 'od srung chen po la 'bras khu gsol nas de dga' ldan gyi lha rnams kyi ris su skyes so zhes kun du sgra grags so/ /ko sa la'i rgyal po gsal rgyal gyis grong phyi nyug ma che ge mo zhes bya bas 'phags pa 'od srung chen po la 'bras khu gsol nas dga' ldan gyi lha'i ris su skyes so zhes thos so/ /thos nas kyang bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / bcom ldan 'das kyis ko sa la'i rgyal po gsal rgyal la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad ces bya ba nas/ yang dag par rab tu dga' bar mdzad nas cang mi gsung ngo zhes bya ba'i bar gong ma bzhin no/ /de nas ko sa la'i rgyal po gsal rgyal stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das 'phags pa 'od srung chen po'i slad du dgung bdun du bdag gdugs chod sbyor zhing mchis na gnang bar mdzad du gsol/ bcom ldan 'das kyis ko sa la'i rgyal po gsal rgyal la cang mi gsung bas gnang ngo / /de nas ko sa la'i rgyal po gsal rgyal gyis bcom ldan 'das cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas ko sa la'i rgyal po gsal rgyal gyis de nyid kyi nub mo nas gtsang zhing bsod pa'i bza' ba dang bca' ba dag sta gon byas nas nang par sngar langs te gdan bting nas nor bu'i chu snod bzhag nas/ bcom ldan 'das la spyan 'dren gyis dus tshod gsol ba zhes bya ba nas/ rang gi lag nas stobs shing tshim par byed de zhes bya ba'i bar gong ma bzhin no/ /mu lto ba zhig rgan gral logs na 'dug pa rgyal po 'di bsod nams dag mngon sum du mthong zhing rang gi bsod nams kyi 'bras bu la gnas pa yin pas bsod nams dag gis ngoms mi shes par sbyin pa dag gtong bsod nams dag byed do zhes sems mngon par dad par gyur to/ /de nas ko sa la'i rgyal po gsal rgyal gyis sangs rgyas la sogs pa dge slong gi dge 'dun la rnam grangs du mar gtsang zhing bsod pa'i bza' ba dang bca' ba rang gi lag nas bstabs shing tshim par byas te/ bcom ldan 'das kyis gsol zin nas phyag bcabs te lhung bzed gyu bar rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go/ / de nas bcom ldan 'das kyis bka' stsal pa/ rgyal po chen po su'i ming nas brjod de yon bsngo ba bya/ ci khyod kyi 'am/ 'on te khyod bas bsod nams ches mang du bskyed pa gang yin ba zhig gi rgyal pos bsams pa bdag gi bsod snyoms bcom ldan 'das kyis yongs su longs spyad pas bdag bas bsod nams ches mang du bskyed pa gzhan lta su yod snyam du bsams nas gsol pa/ bcom ldan 'das bdag bas bsod nams ches mang du bskyed pa gang lags pa de'i ming nas brjod cing bcom ldan 'das kyis yon bsngo ba mdzad du gsol/ de nas bcom ldan 'das kyi mu lto ba de'i ming nas brjod cing yon bsngo ba mdzad do/ /de bzhin du nyi ma drug gi bar du mdzad pa dang / nyi ma drug pa la rgyal po lag pa la 'gram pa gtad nas/ bcom ldan 'das ni bdag gi bsod snyoms longs spyad cing yon bsngo ba ni mu lto ba'i ming nas brjod nas mdzad do snyam ste sems khongs su chud cing 'dug pa de blon po rnams kyis mthong nas de rnams kyis smras pa/ lha ci'i slad du phyag la zhal gtad de thugs mi dgyes shing bzhugs/ rgyal pos smras pa/ shes ldan dag da ltar bcom ldan 'das ni nga'i bsod snyoms yongs su longs spyad na yon bshad pa ni mu lto ba'i ming nas brjod cing mdzad na/ ci ste sems khong du chud cing mi 'dug /de nas blon po rgan po zhig gis smras pa/ lha thugs khral chung ngur bzhugs shig dang bdag gis sang ci nas kyang bcom ldan 'das kyis lha kho na'i mtshan nas brjod de yon bsngo ba mdzad pa de ltar bgyi'o/ /des zho shas 'tsho ba rnams la bsgo ba/ khyed kyis sang kha zas ches bsod pa dang rab tu mang po sta gon gyis la brim pa yang 'di ltar ci nas kyang phyed ni dge slong rnams kyi lhung bzed kyi nang du 'gro la/ phyed ni sa la 'bo bar gyis shig /de dag gis phyi de nyin kha zas ches bsod pa dang / ches rab tu mang ba bshams te/ de nas sangs rgyas la sogs pa dge slong gi dge 'dun legs par bzhugs par rig nas brim par brtsams te/ phyed ni dge slong rnams kyi lhung bzed du blugs/ phyed ni sa la pho'o/ /de nas mu lto bas sa la pho ba rnams bsdu ba'i phyir brgyugs pa dang de phyag tshang 'drim pa dag gis slar bskrad do/ /de nas mu lto ba des smras pa/ gal te rgyal po 'di la nor rdzas rab tu mang po yod na bdag cag lta bu sdug bsngal ba slong ba gang yin pa de dag la ci'i phyir mi sbyin/ kha zas 'di bor ba ci phan zhes mu lto ba de sems 'khrugs pas sngon gyi ji lta ba de ltar sems dad par bya ma nus so/ /de nas rgyal pos sangs rgyas la sogs pa dge slong gi dge 'dun de rnams gdugs tshod gsol zin pa dang / bcom ldan 'das bdag gi ming nas smos te yon bsngo ba ni mi mdzad do snyam du bsams nas yon bsngo ba ma mnyan pa kho nar khyim du song ngo / /de nas bcom ldan 'das kyis ko sa la'i rgyal po gsal rgyal gyi ming nas smos te yon bsngos pa 'di skad du mdzad de/ glang po rta dang shing rta dpung bu chung / /zhon nas grong khyer yul bcas 'khol byed pa/ /zan dron lan tshwa dag gis ma btab cing / / snum bag med pa'i mthu ni yin par ltos/ /de nas bcom ldan 'das la tshe dang ldan pa kun dga' bos 'di skad ces gsol to/ /btsun pa bcom ldan 'das kyis ko sa la'i rgyal po gsal rgyal gyi pho brang du gdugs tshod lan mang du gsol nas ming nas brjod de yon bsngo ba mdzad na/ 'di lta bu'i yon bsngo ba mdzad pa ni bdag gis sngon chad ni lan 'ga' yang ma thos lags so/ /bcom ldan 'das kyis bka' stsal pa/ kun dga' bo ko sa la'i rgyal po gsal rgyal gyi nas kyi dar thug lan tshwas ma btab pa la brtsams te las kyi rgyu ba khyod nyan par 'dod dam/ bcom ldan 'das da de'i dus la bab lags so/ /bde bar gshegs pa da de'i dus la bab lags te/ bcom ldan 'das kyis ko sa la'i rgyal po gsal rgyal gyi nas kyi dar thug lan tshwas ma stsal ba las brtsams te las kyi rgyu ba bshad pa bcom ldan 'das las dge slong rnams kyis thos nas 'dzin par 'gyur lags so/ /de nas bcom ldan 'das kyis dge slong rnams la bka' stsal pa/ dge slong dag sngon byung ba ri 'or zhig na khyim bdag cig gnas pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las bu gzugs bzang ba mdzes pa blta na sdug pa zhes bya ba nas bskyed bsrings te de chen por gyur to zhes bya ba'i bar gong ma bzhin no/ /ji tsam na khyim bdag des chung ma la smras pa/ bzang mo bdag cag gi bu lon ded pa dang / nor 'phrog pa skyes kyis bdag zong thogs te yul gzhan du 'gro'o/ /des smras pa/ rje'i sras de bzhin mdzod cig /des zong thogs te yul gzhan zhig tu song ba las de de nyid du ma stes te shi bar gyur to/ /de ched po mi bdog pa zhig pas de'i khyim gyi nor rnams zad pas de'i bu yang sdug bsngal bar gyur pa dang / khyim bdag de'i sten grogs shig yod pa des de la smras pa/ khye'u kho bo'i zhing las dag byos shig dang ngas khyod kyi zan sbyar bar bya'o/ /des de'i zhing las dag bya bar brtsams nas des kyang de'i zan sbyar to/ /ji tsam dus gzhan zhig na dus ston la bab nas khye'u de'i mas bsams pa/ deng ni khyim bdag gi chung ma mdza' bshes dang gnyen dang nye du dang / dge sbyong dang / bram ze'i skye bo rnams zan sbyin pas brel bar 'gyur gyis/ snga 'tshogs su song la khye'u de'i zan bskyal lo snyam nas/ de snga 'tshogs su song nas khyim bdag gi chung ma la don de dag go bar byas pa dang de khros nas smras pa/ re shig dge sbyong dang / bram ze dang / nye du rnams kyang da dung ma byin par mngag gzhug pa khye'u la sbyin nam/ re shig de ring ni sdod cig /sang nyis 'gyur du sbyin no/ /de nas khye'u de'i mas bsams pa/ khye'u bkres par ma gyur grang snyam nas bdag nyid kyi nas kyi zan dron lan tshwas ma btab pa 'di bskyal lo snyam mo/ /des de khyer nas zhing thog tu song ba dang khye'u des de rgyang mi ring ba zhig nas mthong nas des smras pa/ yum zhim po cung zad ma mchis sam/ des smras pa/ bu de ring ni zan nar ma gang yin pa nyid kyang med do/ /yum ci ste lags/ des bu la khyim bdag gi chung ma ji skad du zer ba de dag thams cad rgyas par bsnyad nas zan dron lan tshwas ma btab pa 'di yang kho mo nyid kyis khyer te 'ongs kyis/ bu 'di zo shig ces smras pa dang / des smras pa/ zhog la bzhud cig /des bzhag ste song ngo / /sangs rgyas rnams 'byung ba med pa na 'jig rten du rang sangs rgyas dman zhing ngan pa la snying brtse ba can/ bas mtha'i gnas mal la dga' ba/ 'jig rten gyi yon gnas gcig pu dag 'byung bar 'gyur bas ji tsam na rang sangs rgyas shig phyogs der phyin pa dang / des de lus mdzes pa dang / sems dang ba dang / spyod lam zhi bar mthong nas des bsams pa/ gdon mi za bar bdag gis yon gnas yang dag pa 'di lta bu la bya ba ma byas pa des na bdag 'di 'dra ba'i gnas skabs su gyur gyis/ gal te bdag las zan dron lan tshwas ma btab pa 'di bzhes na bdag gis de la dbul bar bya'o snyam pa dang / de nas rang sangs rgyas des skyes bu bkren pa de'i bsam pa sems kyis shes nas lhung bzed bzed de/ bzhin bzangs gal te khyod kyis btang ba yin na lhung bzed 'dir chug shig /de nas des dad pa drag pos zan dron lan tshwas ma btab pa rang sangs rgyas de la phul lo/ /dge slong dag ji snyam du sems/ de'i tshe de'i dus kyi khye'u bkren pa gang yin pa de ni ko sa la'i rgyal po gsal rgyal 'di nyid yin te/ de'i tshe de'i dus na 'dis rang sangs rgyas la zan dron lan tshwas ma btab pa phul ba gang yin pa'i las des na lan drug sum bcu rtsa gsum pa'i lha rnams kyi rgyal srid kyi dbang phyug la dbang byas so/ /mnyan yod 'di nyid du yang lan drug rgyal po rgyal rigs spyi bo nas dbang bskur to/ /las kyi lhag ma de nyid kyis da ltar yang rgyal po rgyal rigs spyi bo nas dbang bskur bar gyur te/ ngas 'di'i zan dron gyi rnam par smin pa rdzogs pa de la dgongs nas/ glang po rta dang shing rta dpung bu chung / /zhon nas grong khyer yul bcas 'khol byed pa/ /zan dron lan tshwa dag gis ma btab cing / /snum bag med pa'i mthu ni yin par ltos/ /zhes gsungs so/ /bcom ldan 'das kyis ko sa la'i rgyal po gsal rgyal gyi zan dron lan tshwas ma btab pa las brtsams nas las kyi rgyu ba bshad do zhes kun du sgra grags pa ko sa la'i rgyal po gsal rgyal gyis thos nas/ de bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas bcom ldan 'das kyis rgyal po gsal rgyal la chos dang ldan pa'i gtam gyis zhes bya ba nas/ yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas ko sa la'i rgyal po gsal rgyal stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig la bdag dgung zla ba gsum du na bza' chos gos dang / bsod snyoms dang / snyun gsos kyi rkyen sman gyi yo byad rnams 'bul zhing mchis na gnang bar mdzad du gsol/ bcom ldan 'das kyis ko sa la'i rgyal po gsal rgyal la cang mi gsung bas gnang ngo / /de nas sangs rgyas la sogs pa dge slong gi dge 'dun la ko sa la'i rgyal po gsal rgyal gyis zla ba gsum du zhal zas ro brgya dang ldan pa gsol nas dge slong re re la yang 'bum ri ba'i gos re re bskon te/ 'bru mar gyi bum pa bye ba bsogs nas mar me'i phreng ba bltam par brtsams so/ /de na gdugs tshod kyi kha dang mchod pa'i tshe ca co'i sgra chen po grag pa dang / ci tsam na grong nyug ma shin tu sdug bsngal ba zhig rdza'i chag dum zhig thogs te slong ba la zhugs pa des sgra chen po dang sgra mthon po thos so/ /thos nas kyang dris pa/ shes ldan dag sgra mthon po dang sgra chen po 'di ci zhig yin/ gzhan dag gis smras pa/ ko sa la'i rgyal po gsal rgyal gyis sangs rgyas la sogs pa dge slong gi dge 'dun la zla ba gsum du gdugs tshod gsol nas dge slong re re la yang 'bum ri ba'i gos re re bskon te/ 'bru mar gyi bum pa bye ba bsogs te mar me'i phreng ba gtong bar rtsom pa yin no/ /de nas grong nyug ma de 'di snyam du sems te/ ko sa la'i rgyal po gsal rgyal 'di bsod nams kyis ngoms mi shes nas da dung yang sbyin pa dag gtong bsod nams dag byed na/ ma la bdag gis kyang 'ga' zhig las bslangs la bcom ldan 'das la me mar zhig bltam mo snyam nas/ des bslangs pa'i 'bru mar nyung zad snod gyo ral gyi nang du blugs te bcom ldan 'das kyi 'chag sa'i slad du mar me bltam nas/ zhabs gnyis la gtugs te smon lam btab pa/ dge ba'i rtsa ba 'dis ji ltar ston pa bcom ldan 'das shAkya thub pa 'di skye dgu'i tshe lo brgya thub pa na 'jig rten du byung ba de bzhin du/ bdag kyang skye dgu'i tshe lo brgya thub pa na ston pa shAkya thub pa zhes bya ba kho nar 'gyur zhing / yang ji ltar 'di'i zung mchog dang zung bzang po shA ri'i bu dang / maud gal gyi bu dang / nye gnas dge slong kun dga' bo dang / yab zas gtsang dang / yum lha mo sgyu 'phrul chen mo dang / sras gzhon nu sgra can zin bzang po dang / grong khyer ser skya'i gzhi lags pa de bzhin du/ bdag gi yang zung mchog dang zung bzang po shA ri'i bu dang / maud gal gyi bu dang / nye gnas dge slong kun dga' bo dang / yab zas gtsang dang / yum lha mo sgyu 'phrul chen mo dang / sras gzhon nu sgra can zin bzang po dang / grong khyer ser skya'i gzhir 'gyur zhing ji ltar yang bcom ldan 'das 'di sku gdung gses nas yongs su mya ngan las 'das pa de bzhin du/ bdag kyang sku gdung gses nas yongs su mya ngan las 'da' bar gyur cig ces byas so/ /ji tsam na mar me de dag thams cad ni shi'o/ /des btang ba'i mar me ni 'bar zhing 'dug go/ /chos nyid kyis sangs rgyas bcom ldan 'das rnams ji srid nang du yang dag ma bzhag pa de srid du sangs rgyas bcom ldan 'das rnams kyi nye gnas rnams nang du yang dag mi 'jog pas tshe dang ldan pa kun dga' bos bsams pa/ sangs rgyas bcom ldan 'das rnams 'od la mnal bar mdzad pa de ni gnas ma yin zhing go skabs med pas ma la bdag gis mar me de gsad par bya'o snyam nas des lag pas gsad par brtsams pa las ma nus so/ / de nas chos gos kyi grwa dang / de nas bsil yab kyis g.yabs na 'on kyang gsad par ma nus so/ /bcom ldan 'das kyis tshe dang ldan pa kun dga' bo la bka' stsal pa/ kun dga' bo 'di ci byed/ des gsol pa/ bcom ldan 'das bdag gi glo ba la bsams pa/ sangs rgyas bcom ldan 'das rnams 'od la mnal bar mdzad pa ni gnas ma mchis shing go skabs ma mchis kyis/ ma la bdag gis zhugs mar dgum mo snyam nas bdag gis de sug pas dgum par brtsams na rngo ma thog go/ /de nas chos gos kyi grwa dang / de nas bsil yab kyis g.yab na 'on kyang rngo ma thog lags so/ /bcom ldan 'das kyis bka' stsal pa/ kun dga' bo dub par ma byed cig /gal te rnam par 'thor rlung langs na des kyang gsad par mi nus na lag pa dang / chos gos kyi grwa dang / bsil yab kyis lta smos kyang ci dgos/ 'di ltar mar me 'di ni bu mo 'dis sems kyis mngon par 'du byed pa chen pos bus pa yin no/ /gzhan yang kun dga' bo bu mo 'di ni skye dgu rnams kyi tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur zhing de'i zung mchog dang zung bzang po shA ri'i bu dang / maud gal gyi bu dang / nye gnas dge slong kun dga' bo dang / yab zas gtsang dang / yum lha mo sgyu 'phrul chen mo dang / sras gzhon nu sgra can zin bzang po dang grong khyer ser skya'i gzhi zhes bya bar 'gyur la/ de sku gdung gses nas yongs su mya ngan las 'da' bar 'gyur ro/ /grong nyug ma che ge mo zhes bya bas bcom ldan 'das kyi 'chag sa'i slad du mar me btang bas de bcom ldan 'das kyis bla na med pa yang dag par rdzogs pa'i byang chub tu lung bstan to zhes kun du sgra grags pa bram ze dang khyim bdag dad pa can rnams kyis thos nas/ de'i ma 'ongs pa'i yon tan la bsams nas yo byad thams cad kyis bstabs so/ /de nas ko sa la'i rgyal po gsal rgyal gyis thos nas de nas ngo mtshar skyes te/ 'bru mar bum pa stong bsdogs nas mar me sna tshogs su sbrengs te rin po che sna bzhi'i mar me 'chag sa'i slad du bus so/ /de nas bcom ldan 'das kyi spyan sngar song ste bcom ldan 'das la 'di skad ces gsol to/ /btsun pa bdag gis 'phags pa 'od srung chen po mchod pa'i slad du bcom ldan 'das dgung bdun gyi bar du gdugs tshod la spyan drangs nas/ bcom ldan 'das kyis bdag gi sngon gyi 'tshal ma dron po lan tshwas ma stsal ba las brtsams te las kyi rgyu ba lung bstan nas/ yang bcom ldan 'das nyan thos kyi dge 'dun dang thabs gcig tu bdag gis dgung zla gsum du gdugs tshod gsol nas dge slong re re la yang 'bum ri ba'i gos phrugs re bskon te/ 'bru mar bum pa bye ba bsdogs te phreng bar sbrengs nas zhugs mar bltam lags na/ bcom ldan 'das kyis bdag bla na med pa yang dag par rdzogs pa'i byang chub tu lung ma bstan lags na/ bcom ldan 'das bdag kyang 'jig rten gyi gtso bo 'dren par 'gyur bar lta na/ bdag bla na med pa yang dag par rdzogs pa'i byang chub tu lung bstan na legs lags so/ /bcom ldan 'das kyis bka' stsal pa/ rgyal po chen po bla na med pa yang dag par rdzogs pa'i byang chub ni zab pa/ zab par snang ba/ mthong bar dka' ba/ rtags par dka' ba/ brtag par bya ba ma yin pa/ rtog ge'i spyod yul ma yin pa/ zhib mo brtags pa'i rtogs pa dang / mkhas pa dang 'dzangs pas rig par bya ba yin te/ de ni khyed kyi sbyin pa lan gcig byas pas thob par sla ba ma yin te/ sbyin pa lan brgyas ma yin/ sbyin pa lan stong gis ma yin/ sbyin pa lan brgya phrag stong gis ma yin no/ /'on kyang rgyal po chen po bla na med pa yang dag par rdzogs pa'i byang chub 'dod na sbyin pa dag kyang sbyin/ bsod nams dag kyang bya zhing dge ba'i bshes gnyen dag kyang bsten par bya/ bsnyen par bya/ bsnyen bkur bya'o/ /rgyal po chen po khyod kyis de bzhin du sbyin pa dag ni btang / bsod nams dag ni byas shing dge ba'i bshes gnyen dag kyang bsten/ bsnyen bsnyen bkur byas na de lta na khyod nam zhig na 'jig rten gyi gtso bo 'dren par 'gyur grang / de skad ces bka' stsal pa dang / ko sa la'i rgyal po gsal rgyal mchi ma blags te ngus so/ /de nas ko sa la'i rgyal po gsal rgyal gyis gos kyi mtha' mas mchi ma phyis nas bcom ldan 'das la 'di skad ces gsol to/ /btsun pa bcom ldan 'das kyis bla na med pa yang dag par rdzogs pa'i byang chub don du gnyer ba na sbyin pa ni ci snyed cig stsal/ bsod nams ni ji snyed cig bgyis lags/ bcom ldan 'das kyis bka' stsal pa/ rgyal po chen po re shig 'das pa'i bskal pa gzhan rnams lta zhog gi/ /bskal pa bzang po 'di nyid la nga bla na med pa yang dag par rdzogs pa'i byang chub don du gnyer bas rnam grangs du mar sbyin pa btang ba dang / bsod nams byas pa de dag legs par rab tu nyon la zung shig dang bshad do// // bar sdom la/ nga las nu dang legs mthong che/ /dus dpog ku sha gdol pa dang / /lha chen po dang mu khyud rgyal/ /me long gdong dang nor bzangs dang / /thams cad sgrol dang 'dum byed do/ /rgyal po chen po sngon byung ba skye dgu rnams kyi tshe lo dpag tu med pa na rgyal po gso sbyong 'phags zhes bya ba byung bar gyur te/ de'i spyi bor sha rmen 'jam zhing shin tu 'jam pa zhig skyes pa dper na shing bal gyi 'da' ba 'am/ ras bal gyi 'da' ba lta bur gnod pa cung zad kyang mi skyed do/ /de yongs su smin nas rdol ba las gzhon nu gzugs bzang po mdzes pa/ blta na sdug pa/ lpags pa'i mdog gser 'dra ba/ mgo gdugs ltar 'dug pa/ lag pa ring ba/ 'phral ba'i dbyes che ba/ smin ma 'jar ba/ sna'i gzangs mtho ba/ yan lag dang nying lag thams cad dang ldan pa/ skyes bu chen po'i mtshan sum bcu rtsa gnyis kyis kun nas brgyan pa'i lus dang ldan pa zhig byung ngo / /byung ma thag tu btsun mo'i 'khor gyi nang du bkri ba dang / rgyal po gso sbyong 'phags kyi btsun mo brgyad khris gzhon nu mthong nas nu ma rnams las 'o ma zags pa dang / bud med re res kyang nga las nu nga las nu zhes smras pas de'i ming nga las nu nga las nu zhes bya bar gyur to/ /gzhan dag na re 'di spyi bo las skyes pas de'i phyir gzhon nu'i ming spyi bo skyes zhes bya'o zhes zer to/ /de na kha cig gis ni nga las nu zhes bya bar shes so/ /kha cig gis ni spyi bo skyes shes bya bar shes so/ /gzhon nu nga las nu gzhon nu'i rtsed mos rtse ba la brgya byin drug shi 'phos pa lon no/ /rgyal tshab la gnas pa la brgya byin drug shi 'phos pa lon no/ /gzhon nu nga las nu yul zhig tu song ste/ de yul du phyin pa dang rgyal po gso sbyong 'phags na bar gyur nas de rtsa ba dang / sdong bu dang / lo ma dang / me tog dang / 'bras bu'i sman gyis bsnyen bkur byas na yang phyir thu ba kho nar gyur nas des blon po rnams la bsgo ba/ shes ldan dag myur du gzhon nu la rgyal srid kyi dbang bskur bas dbang bskur cig /lha bka' bzhin 'tshal zhes blon po rnams kyis pho nya bkug ste rgyal po gso sbyong 'phags bsnyung nas/ des gzhon nu spyan drongs la rgyal srid kyi dbang bskur ba nyams su myong bar gyis shig ces bka' stsal gyis/ gzhon nu myur du byon pa'i rigs so zhes spring ngo / /de chas pa dang rgyal po gso sbyong 'phags shi'o/ /de nas blon po dag gis yang pho nya gzhan zhig gtong ba la gzhon nu khyod kyi yab ni nongs kyis/ tshur spyon rgyal srid bzhes shig ces spring ngo / /gzhon nu nga las nus bsams pa/ gal te bdag gi yab nongs na der song yang ci phan snyam du bsams nas de nyid na 'dug go/ /blon po rnams yang 'dus nas blon po zhig pho nyar btang ba dang der song nas smras pa/ gzhon nu rgyal srid bzhes shig /des smras pa/ gal te kho bos chos dang mthun pas rgyal srid 'thob par 'gyur na rgyal srid kyi dbang bskur ba 'di nyid du 'ong bar 'gyur ro/ /blon po rnams kyis spring ba/ lha rgyal srid kyi dbang bskur ba la ni mang du 'tshal te/ rin po che'i gcal dang seng ge'i khri dang / gdugs dang / cod pan dang / dpung rgyan gyis pho brang gi nang du rgyal srid kyi dbang bskur bar bgyi 'tshal bas de lta bas na gzhon nu 'di nyid du byon pa'i rigs so/ /des smras pa/ ngas chos dang mthun par rgyal srid 'thob pa lta na thams cad 'di nyid du 'ong bar 'gyur ro/ /gzhon nu nga las nu'i mdun nas 'gro ba gnod sbyin lha gnas zhes bya ba des rin po che'i gcal dang / seng ge'i khri de nyid du blangs so/ /pho brang na gnas pa rnams kyis kyang gdugs dang / cod pan dang / dpung rgyan khyer nas rang de nyid du lhags te/ pho brang 'khor ba rang lhags pas gnas de'i ming gnas bcas gnas bcas zhes bya bar grags so/ /phyis blon po de rnams dang / khrom gyi ru pa dang / grong mi dang / yul mi rnams kyis ni dbang bskur ba khyer te dong nas de rnams kyis smras pa/ lha dbang bskur ba bzhes su gsol/ des smras pa/ nga mi rnams kyis cod pan bcing ngam/ gal te chos kyi rgyal srid 'thob na mi ma yin pa rnams kyis cod pan 'ching grang / ji tsam na de mi ma yin pa rnams kyis cod pan bcings pa dang / de'i rin po che sna bdun byung ba 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa blon po rin po che nyid do/ /de la bu dpa' ba rtul phod pa/ yan lag mchog gi gzugs dang ldan pa/ pha rol gyi sde rab tu 'joms par byed pa stong yang tshang bar byung ngo / /yangs pa can gyi nyen kor na nags tshal stug po dag dga' dga' ltar 'dug pa zhig yod pa de na drang srong mngon par shes pa lnga dang ldan pa lnga brgya bsam gtan byed do/ /nags tshal stug po de na yang bya gar rab tu mang po dag cig kyang gnas so/ /bsam gtan gyi tsher ma ni sgra yin pas bya gar rnams lding zhing skad 'byin par byed pa dang / de nas drang srong rang bzhin ngan zhes bya ba zhig yod pa de 'khrugs nas des bya gar rnams la 'dab gshog rnams lhags par shog shig ces dmod pa bor ro/ /de rnams drang srong 'khrugs pas 'dab gshog rnams lhags par gyur to/ /de nas de rnams rkang pas 'gro bar brtsams pa dang / rgyal po de yang ljongs rgyur song bas bya gar rnams rkang pas 'gro ba mthong ngo / /de nas des blon po rnams la dris pa ci'i phyir bya gar 'di rnams rkang pas 'gro bar 'gyur/ blon po rnams kyis smras pa/ lha bsam gtan gyi tsher ma ni sgra lags pas drang srong 'khrugs pa dag gis 'di rnams la dmod pa bor ba dang / de nas drang srong 'khrugs pas 'di rnams kyi 'dab gshog rnams lhags par gyur to/ /de nas rgyal pos smras pa/ gang dag sems can rnams la snying brtse ba med pa'i drang srong 'di lta bu yang yod pa lta zhes smras nas/ shes ldan dag deng la drang srong rnams la khyed cag nga'i yul na ma 'dug shig ces sgo shig ces smras so/ /de nas blon po rnams drang srong gi thad du dong nas bsgo ba/ rgyal po'i zhal nas khyed cag nga'i yul na ma 'dug shig ces bka' stsal to/ /drang srong rnams kyis bsams pa/ rgyal po 'di ni gling bzhi la dbang ba yin pas ri rab kyi bang rim du 'gro'o snyam nas/ de rnams der dong ste gnas so/ /rgyal po nga las nu'i mi rnams ni sems par byed pa dang / 'jal bar byed pa dang / nye bar rtog par byed pa yin te/ de dag gis bsams shing nye bar brtags nas bzo'i gnas dang las kyi gnas tha dad pa rnams bya bar brtson pas de rnams sems par byed pa dang / 'jal bar byed pa dang / nye bar rtog par byed pa yin pa'i phyir ming shed las skyes shed las skyes zhes bya bar grags so/ /de rnams kyis zhing las dag bya bar brtsams pa dang / rgyal po ljongs rgyur song bas mi de rnams zhing las dag byed par mthong nas/ des blon po rnams la smras pa/ mi 'di rnams ci zhig byed/ blon po rnams kyis smras pa/ lha sman du 'gyur bar bgyi ba'i slad du lo thog la sogs pa skrun pa lags so/ /rgyal pos smras pa/ ci bdag gi rgyal srid kyi mi rnams zhing las byed dam/ de nas des smras pa/ lhas sa bon gyi rigs nyi shu rtsa bdun gyi char phob shig ces byas pa dang / rgyal po nga las nus sems bskyed ma thag tu lhas sa bon gyi rigs nyi shu rtsa bdun gyi char phab bo/ /rgyal po nga las nus yul mi rnams la dris pa/ 'di dag su'i bsod nams kyis byung / de rnams kyis smras pa/ lha'i yang lags/ bdag cag gi yang lags so/ /yang mi de rnams ras bal gyi zhing rmo bar brtsams pa dang / yang rgyal po nga las nu ljongs rgyur song bas mthong nas/ des blon po rnams la smras pa/ mi 'di rnams ci zhig byed/ blon po rnams kyis smras pa/ lha mi 'di rnams ni ras bal gyi zhing rmed lags so/ /rgyal pos smras pa/ ci zhig tu dgos/ de rnams kyis smras pa/ lha gos bgyi ba'i slad du'o/ /de nas rgyal po nga las nus smras pa/ ci nga'i rgyal srid kyi mi rnams ras bal gyi zhing rmed dam/ lhas ras bal kho na'i char phob cig ces byas pa dang / rgyal po nga las nus sems bskyed ma thag tu lhas ras bal kho na'i char phab bo/ /rgyal pos yul mi rnams la dris pa/ 'di dag su'i bsod nams kyis byung / de rnams kyis smras pa/ lha'i yang lags/ bdag cag gi yang lags so/ /yang mi de rnams ras bal de rnams 'khal bar brtsams pa dang / rgyal pos smras pa/ mi 'di dag ci zhig byed/ blon po rnams kyis smras pa/ lha skud pa 'tshal ba'i slad du ras bal de 'khal lags so/ /rgyal pos smras pa/ ci nga'i rgyal srid kyi mi rnams ras skud 'khal lam/ lhas ras skud kyi char kho na phob shig ces byas pa dang / rgyal po nga las nus sems bskyed ma thag tu lhas ras skud kho na'i char phab bo/ /rgyal po des smras pa/ 'di dag su'i bsod nams kyis byung / de rnams kyis smras pa/ lha'i yang lags/ bdag cag gi yang lags so/ /de nas rim gyis ras 'thag par brtsams pa dang / rgyal pos smras pa/ 'di dag ci zhig byed/ de rnams kyis smras pa/ lha gos su bgyi ba'i slad du ras 'thag lags so/ / rgyal pos bsams pa/ de ci nga'i rgyal srid kyi mi rnams ras 'thag gam snyam nas/ lhas ras nyid kyi char phob shig ces byas pa dang / rgyal po nga las nus sems bskyed ma thag tu lhas ras nyid kyi char phab bo/ /rgyal pos dris pa 'di dag su'i bsod nams kyis byung / de rnams kyis smras pa/ lha'i yang lags/ bdag cag gi yang lags so/ /rgyal pos bsams pa/ mi 'di rnams ni bdag gi bsod nams dag gi mthu rab tu mi shes te/ bdag la 'dzam bu'i gling 'byor pa dang / rgyas pa dang / bde ba dang / lo legs pa/ skye bo dang mi mang pos gang ba yang yod/ bdag la rin po che sna bdun 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / btsun mo rin po che dang / khyim bdag rin po che dang / bdun pa blon po rin po che yang yod/ bdag la bu dpa' ba rtul phod pa/ yan lag mchog gi gzugs dang ldan pa/ pha rol gyi sde rab tu 'joms par byed pa stong yang tshang bar yod kyis/ kye ma bdag gi pho brang gi nang du rin po che'i char 'bab cing de las phyi rol du ni kar Sha pA Na 'ga' yang mi 'bab par gyur cig snyam pa dang / rgyal po nga las nus sems bskyed ma thag tu pho brang gi nang du zhag bdun du rin po che'i char bab la/ phyi rol du ni kar Sha pA Na 'ga' yang ma bab ste/ ji ltar mthu chen po/ rdzu 'phrul chen po bsod nams byas pa/ dge ba byas pa rang gi bsod nams kyi 'bras bu so sor nyams su myong ba bzhin no/ /rgyal pos smras pa 'di dag su'i bsod nams kyis byung / de rnams kyis smras pa/ lha'i lags so/ /rgyal pos smras pa/ shes ldan dag khyed kyis nyes te/ gal te khyed kyis lha'i bsod nams kyis lags so zhes smras pa dang / ngas 'dzam bu'i gling mtha' dag tu rin po che'i char phab par 'gyur ba zhig /'on kyang khyed las rin po che su 'dod pa des rin po che ci 'dod pa dag long shig /de nas rgyal po nga las nu de rgyal srid chen po'i dbang byed du 'jug pa la brgya byin drug shi 'phos pa lon no/ /nga las nu'i mdun nas 'gro ba gnod sbyin lha gnas zhes bya ba de la rgyal pos smras pa/ gang ngas bka' stsal dgos pa bka' 'og tu ma chud pa'i gling gzhan 'ga' lta yod dam/ lha gnas kyis smras pa/ lha shar gyi lus 'phags zhes bgyi ba'i gling 'byor pa dang / rgyas pa dang / bde ba dang / lo legs pa/ skye bo dang mi mang pos gang ba mchis kyis/ lha der gshegs te bka' stsal du gsol/ de nas rgyal po nga las nu 'di snyam du sems te/ bdag la 'dzam bu'i gling 'byor pa dang / rgyas pa dang / bde ba dang / lo legs pa/ skye bo dang mi mang pos gang ba yang yod/ bdag la rin po che sna bdun 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa blon po rin po che yang yod/ bdag la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong yang tshang / bdag gi pho brang gi nang du yang rin po che'i char zhag bdun du bab na/ shar gyi lus 'phags zhes bya ba'i gling zhig yod ces grag gis/ ma la bdag der yang song la rjes su bstan par bya'o snyam pa dang / sems bskyed ma thag tu rgyal po nga las nu dpung gi tshogs bye ba brgyad 'bum dang thabs gcig tu bu stong gis yongs su bskor nas mdun nas 'gro ba rin po che sna bdun dang nam mkha' la 'phags te/ rgyal po nga las nu shar gyi lus 'phags kyi gling du chas nas rgyal po nga las nu shar gyi lus 'phags kyi gling du gnas te/ rgyal po nga las nus ji ltar sems can bsod nams byas pa/ dge ba byas pa/ mthu chen po/ rdzu 'phrul chen pos rang gi bsod nams kyi 'bras bu nyams su myong ba ltar shar gyi lus 'phags kyi gling du lo mang po dang / lo brgya phrag mang po dang / lo stong phrag mang po dang / lo brgya stong phrag mang por rjes su bstan par byas so/ /de shar gyi lus 'phags gling na rjes su ston pa la brgya byin drug shi 'phos pa lon no/ /yang rgyal po nga las nus gnod sbyin lha gnas la smras pa/ bka' 'og tu ma chud pa'i gling gzhan 'ga' lta yod dam/ lha gnas kyis smras pa/ lha nub kyi ba lang spyod ces bya ba'i gling 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba mchis kyis lha der yang gshegs te rjes su bstan du gsol// // 'dul ba gzhi/ bam po bzhi bcu rtsa gcig pa/ de nas rgyal po nga las nu 'di snyam du sems te/ bdag la 'dzam bu'i gling 'byor pa dang / rgyas pa dang / bde ba dang / lo legs pa/ skye bo dang / mi mang pos gang ba yang yod/ bdag gi pho brang gi nang du yang rin po che'i char zhag bdun du bab/ bdag gis shar gyi lus 'phags kyi gling du yang phyin/ lo mang po dang / lo brgya phrag mang po dang / lo stong phrag mang po dang / lo brgya stong phrag mang por bdag gis shar gyi lus 'phags kyi gling du rjes su bstan na/ nub kyi ba lang spyod ces bya ba'i gling zhig yod ces grag gis/ ma la bdag der yang song la rjes su bstan par bya'o snyam pa dang / sems bskyed ma thag tu rgyal po nga las nu dpung gi tshogs bye ba brgyad 'bum dang thabs gcig tu bu stong gis yongs su bskor nas mdun nas 'gro ba rin po che sna bdun dang steng gi nam mkha' la 'phags te/ rgyal po nga las nu nub kyi ba lang spyod kyi gling du chas nas rgyal po nga las nu nub kyi ba lang spyod kyi gling du gnas te/ rgyal po nga las nus ji ltar sems can bsod nams byas pa/ dge ba byas pa/ mthu chen po/ rdzu 'phrul chen pos rang gi bsod nams kyi 'bras bu nyams su myong ba ltar nub kyi ba lang spyod kyi gling du lo mang po dang / lo brgya phrag mang po dang / lo stong phrag mang po dang / lo brgya stong phrag mang por rjes su bstan par byas so/ /de nub kyi ba lang spyod kyi gling na rjes su ston pa la brgya byin drug shi 'phos pa lon no/ /yang rgyal po nga las nus gnod sbyin lha gnas la smras pa/ bka' 'og tu ma chud pa'i gling gzhan 'ga' lta yod dam/ lha gnas kyis smras pa/ lha byang gi sgra mi snyan ces bgyi ba'i gling 'byor pa dang / rgyas pa dang / bde ba dang / lo legs pa dang / skye bo dang / mi mang pos gang la/ gzhan yang mi de dag ni bdag gir bgyi ba ma mchis pa/ yongs su 'dzin pa ma mchis pa zhig mchis kyis/ kye ma lha der yang gshegs te/ nyid kyi dpung gi tshogs rnams la rjes su bstan du gsol/ de nas rgyal po nga las nu 'di snyam du sems te/ bdag la 'dzam bu'i gling 'byor pa dang / rgyas pa dang / bde ba dang / lo legs pa/ skye bo dang / mi mang pos gang ba yang yod/ bdag gi pho brang gi nang du yang rin po che'i char zhag bdun du bab/ bdag shar kyi lus 'phags kyi gling du song ste yang lo mang po dang / lo brgya phrag mang po dang / lo stong phrag mang po dang / lo brgya stong phrag mang por bdag gis shar gyi lus 'phags kyi gling du rjes su bstan/ bdag nub kyi ba lang spyod kyi gling du yang song ste lo mang po dang / lo brgya phrag mang po dang / lo stong phrag mang po dang / lo brgya stong phrag mang por bdag gis nub kyi ba lang spyod kyi gling du rjes su bstan na/ byang gi sgra mi snyan ces bya ba'i gling 'byor pa dang / rgyas pa dang / bde ba dang / lo legs pa/ skye bo dang / mi mang pos rab tu gang la/ gzhan yang mi de dag ni bdag gir bya ba med pa/ yongs su 'dzin pa med pa zhig yod ces grag gis/ ma la bdag der yang song la rang gi dpung gi tshogs la rjes su bstan par bya'o snyam pa dang / sems bskyed ma thag tu rgyal po nga las nu dpung gi tshogs bye ba brgyad 'bum dang thabs gcig tu bu stong gis yongs su bskor nas mdun nas 'gro ba rin po che sna bdun dang nam mkha' la 'phags te chas pa dang / rgyal po nga las nus ri rab kyi ngos logs nas sa phyogs dkar zhing dkar ba dag mthong ngo / /mthong nas kyang gnod sbyin lha gnas la smras pa/ lha gnas sa phyogs dkar zhing dkar ba pha bi ci zhig yin/ lha de ni byang gi sgra mi snyan gyi mi rnams kyi ma rmos ma btab pa'i 'bras sa lu'i 'bru lags te/ 'di ltar byang gi sgra mi snyan pa'i mi rnams ni ma rmos ma btab pa'i 'bras sa lu'i 'bru la longs spyod pa lags pas lha yang der yang gshegs nas ma rmos ma btab pa'i 'bras sa lu'i 'bru la longs spyod par 'gyur lags so/ /rgyal po nga las nus thos nas kyang blon po rnams la smras pa/ sna bo dag khyed kyis sa phyogs dkar zhing dkar ba dag mthong ngam/ lha mthong lags so/ /sna bo dag de ni byang gi sgra mi snyan gyi mi rnams kyi ma rmos ma btab pa'i 'bras sa lu'i 'bru yin te/ 'di ltar byang gi sgra mi snyan pa'i mi rnams ni ma rmos ma btab pa'i 'bras sa lu'i 'bru la longs spyod pa yin pas/ khyed cag kyang der song nas ma rmos ma btab pa'i 'bras sa lu'i 'bru la longs spyod par 'gyur ro/ /rgyal po nga las nu chas pa na ri rab kyi ngos logs na bkra zhing bkra ba'i ljon pa phreng ba bkod pa bzhin du gyur pa dag rgyang ring po kho na nas mthong ngo / /mthong nas kyang yang gnod sbyin lha gnas la smras pa/ lha gnas bkra zhing bkra ba'i ljon pa phreng ba bkod pa bzhin du gyur pa pha bi ci zhig yin/ lha de rnams ni byang gi sgra mi snyan gyi mi rnams kyi dpag bsam gyi shing lags te/ 'di ltar byang gi sgra mi snyan gyi mi rnams ni dpag bsam gyi shing gi gos 'tshal lags so/ /rgyal po nga las nus thos nas kyang blon po rnams la smras pa/ sna bo dag khyed kyis bkra zhing bkra ba'i ljon pa phreng ba bkod pa bzhin du gyur pa dag mthong ngam/ lha mthong lags so/ /sna bo dag de rnams ni byang gi sgra mi snyan gyi mi rnams kyi dpag bsam gyi gos kyi shing yin te/ 'di ltar byang gi sgra mi snyan gyi mi rnams ni dpag bsam gyi shing gi gos gyon pa yin gyis/ khyed kyang der son nas dpag bsam gyi shing gi gos gyon par 'gyur ro/ /rgyal po nga las nu byang gi sgra mi snyan du song ste/ rgyal po nga las nu byang gi sgra mi snyan du 'dug nas/ rgyal po nga las nus ji ltar sems can bsod nams byas pa/ dge ba byas pa/ mthu chen po/ rdzu 'phrul chen pos rang gi bsod nams kyi 'bras bu myong ba ltar byang gi sgra mi snyan gyi gling du lo mang po dang / lo brgya phrag mang po dang / lo stong phrag mang po dang / lo brgya stong phrag mang por rang gi dpung gi tshogs rnams la rjes su bstan to/ /de de na rang gi dpung gi tshogs la rjes su ston pa la brgya byin drug shi 'phos pa lon no/ /yang rgyal po nga las nus gnod sbyin lha gnas la smras pa/ bka' 'og tu ma chud pa'i gling gzhan 'ga' lta yod dam/ lha ma mchis so/ /'on kyang lha sum bcu rtsa gsum pa'i lha tshe ring ba/ kha dog dang ldan pa/ bde ba mang zhing gzhal med khang mthon po na yun ring du gnas pa dag mchis kyis/ kye ma lha sum bcu rtsa gsum pa'i lha rnams la gzigs su bzhud cig /de nas rgyal po nga las nu 'di snyam du sems te/ bdag la 'dzam bu'i gling 'byor pa dang / rgyas pa dang / bde ba dang / lo legs pa/ skye bo dang / mi mang pos gang ba yang yod/ bdag la rin po che sna bdun 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa blon po rin po che yang yod/ bdag la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong yang tshang / bdag gi pho brang gi nang du yang rin po che'i char zhag bdun du bab/ bdag shar gyi lus 'phags kyi gling du yang song ste/ lo mang po dang / lo brgya phrag mang po dang / lo stong phrag mang po dang / lo brgya stong phrag mang por bdag gis shar gyi lus 'phags kyi gling du rjes su bstan/ bdag nub kyi ba lang spyod kyi gling du yang song ste lo mang po dang / lo brgya phrag mang po dang / lo stong phrag mang po dang / lo brgya stong phrag mang por bdag gis nub kyi ba lang spyod kyi gling du rjes su bstan/ bdag byang gi sgra mi snyan gyi gling du yang song ste lo mang po dang / lo brgya phrag mang po dang / lo stong phrag mang po dang / lo brgya stong phrag mang por bdag gis byang gi sgra mi snyan gyi gling du rang gi dpung gi tshogs la rjes su bstan na/ sum bcu rtsa gsum pa'i lha tshe ring ba/ kha dog dang ldan pa/ bde ba mang zhing gzhal med khang mthon po na yun ring du gnas pa dag cig yod ces grag gis/ ma la bdag sum bcu rtsa gsum pa'i lha rnams blta ba'i phyir 'gro'o snyam pa dang / sems bskyed ma thag tu rgyal po nga las nu dpung gi tshogs bye ba brgyad 'bum dang / thabs gcig tu bu stong gis yongs su bskor nas mdun nas 'gro ba rin po che sna bdun dang steng gi nam mkha' la 'phags te chas so/ / ri'i rgyal po ri rab ni gser gyi ri bo bdun gyis bskor ba yin pas/ de nas rgyal po nga las nu gser gyi ri bo mu khyud 'dzin la gnas te/ de de na rang gi dpung gi tshogs la rjes su ston pa la brgya byin drug shi 'phos pa lon no/ /ri bo mu khyud 'dzin nas gser gyi ri bo rnam par 'dud la 'dug ste/ de de na rang gi dpung gi tshogs la rjes su ston pa la brgya byin drug shi 'phos pa lon no/ /ri bo rnam par 'dud nas gser gyi ri bo rta rna la 'dug ste/ de de na rang gi dpung gi tshogs la rjes su ston pa la brgya byin drug shi 'phos pa lon no/ /ri bo rta rna nas gser gyi ri bo blta na sdug la 'dug ste/ de de na rang gi dpung gi tshogs la rjes su ston pa la brgya byin drug shi 'phos pa lon no/ /ri bo blta na sdug nas gser gyi ri bo seng ldeng can la 'dug ste/ de de na rang gi dpung gi tshogs la rjes su ston pa la brgya byin drug shi 'phos pa lon no/ /ri bo seng ldeng can nas gser gyi ri bo gshol mda' 'dzin la 'dug ste/ de de na rang gi dpung gi tshogs la rjes su ston pa la brgya byin drug shi 'phos pa lon no/ /ri bo gshol mda' 'dzin nas gser gyi ri bo gnya' shing 'dzin la 'dug ste/ de de na rang gi dpung gi tshogs la rjes su ston pa la brgya byin drug shi 'phos pa lon no// //bar sdom la/ mu khyud 'dzin dang rnam par 'dud/ /de bzhin ri bo rta rna dang / /blta na sdug dang seng ldeng can/ /gshol mda' 'dzin dang gnya' shing 'dzin/ / ri bo gnya' shing 'dzin nas steng gi nam mkha' la 'phags te chas pa na ri rab kyi bang rim de la drang srong lnga brgya po de rnams gnas te/ de rnams kyis rgyal po de 'ong ba mthong nas de rnams kyis smras pa/ shes ldan dag rgyal po 'thab krol can 'di 'ong ngo / /de na drang srong bzhin ngan zhes bya ba des skyor bar chu blugs te gtor bas dpung gi tshogs rnams thogs par gyur pa dang / de'i mdun nas blon po rin po che 'gro bas des drang srong de rnams la smras pa/ bram ze khro ba dor bar gyis/ /'di ni kun la 'grub pa yin/ /'di ni mi dbang nga las nu/ /bya gar de dag ma yin no/ /ji tsam na rgyal po nga las nu phyogs der phyin nas smras pa/ dpung gi tshogs 'di su zhig gis bkag / blon po rin po ches smras pa/ drang srong rnams kyis so/ /rgyal pos smras pa/ drang srong 'di rnams nang na ci zhig la dga'/ des smras pa/ lha ral pa la dga' lags so/ /rgyal pos smras pa/ 'di rnams ral pa byi nas bdag gi mdun nas 'gro bar gyur cig ces byas pa dang / de nas de rnams kyi ral pa byi nas lag na mda' gzhu thogs te mdun du brgyug par brtsams pa dang / bud med rin po ches rgyal po la gsol pa/ lha drang srong 'di rnams ni dka' thub can lags na 'di dag ci bgyi thong lags/ rgyal pos btang ba dang / de rnams kyis slar yang brtson 'grus la gnas nas mngon par shes pa lnga mngon sum du byas so/ /rgyal po nga las nu yang dpung gi tshogs dang nam mkha' la 'phags te chas so/ /ri rab ri'i rgyal po dpag tshad brgyad khri ni 'og tu gser gyi sa gzhi la thug par 'dug go/ /dpag tshad brgyad khri ni chu'i steng du byung ste/ de ltar dpag tshad 'bum drug khri yod do/ /de'i ngos re re la yang dpag tshad brgyad khri yod de/ de ni kho ra khor yug tu dpag tshad sum 'bum nyi khri yod do/ /rin po che sna bzhi'i rang bzhin bzang po mdzes pa/ blta na sdug pa yin no/ /de'i steng na lha sum bcu rtsa gsum pa rnams gnas te/ sum bcu rtsa gsum pa'i lha rnams kyi srung ma lnga po chu la gnas pa'i klu rnams dang / gnod sbyin lag na yol go thogs pa rnams dang / phreng thogs rnams dang / rtag tu myos rnams dang / rgyal po chen po bzhi rnams bkod pa la/ chu na gnas pa rnams kyis rgyal po nga las nu'i dpung gi tshogs rnams bkag pa dang / ji tsam na rgyal po nga las nu phyogs der phyin nas smras pa/ dpung gi tshogs 'di su zhig gis bkag /de rnams kyis smras pa/ lha chab na gnas pa'i klu rnams kyis so/ /rgyal pos smras pa/ bdag dud 'gro rnams dang g.yul 'gyed dam/ des smras pa/ chu la gnas pa'i klu 'di dag nyid bdag gi mdun nas 'gro bar gyur cig ces byas pa dang / de rnams rgyal po nga las nu'i mdun nas 'gro bar chas so/ /ji tsam na klu de rnams rgyal po nga las nu'i mdun nas rgyug cing / lha lag na yol go thogs kyi drung du phyin pa dang / de rnams kyis de dag la dris pa/ shes ldan dag ci ste rgyug / de rnams kyis smras pa/ 'dir mi'i rgyal po 'ong ngo / /de nas klu de rnams dang / lag na yol go thogs rnams log nas yang dpung gi tshogs de thogs par byas so/ /ji tsam na rgyal po nga las nu 'ongs nas des smras pa/ dpung gi tshogs 'di su zhig gis bkag / des smras pa/ lha lha lag na yol go thogs 'di rnams kyis dpung gi tshogs bkag lags so/ /rgyal po nga las nus smras pa/ lha lag na yol go thogs 'di dag nyid bdag gi mdun nas 'gro bar gyur cig de nas de rnams mdun nas rab tu rgyugs te/ ji tsam na klu de rnams dang lhan cig lha phreng thogs rnams kyi drung du phyin pa dang / de rnams kyis de dag la dris pa/ shes ldan dag ci ste rgyug de dag gis smras pa/ mi'i rgyal po 'dir 'ong ngo / /de nas lha dang / klu de rnams yang log nas dpung gi tshogs thogs par byas pa dang / rgyal po phyogs der phyin nas des smras pa/ dpung gi tshogs 'di su zhig gis bkag des smras pa/ lha lha phreng thogs rnams kyis so/ /rgyal pos smras pa/ lha phreng thogs 'di dag nyid bdag gi mdun nas 'gro bar gyur cig /de nas de rnams mdun nas brgyug par brtsams so/ /de rnams kyis brgyug nas lha rtag tu myos rnams kyi drung du phyin pa dang / de rnams kyis de dag la dris pa/ shes ldan dag ci ste rgyug /de rnams kyis smras pa/ mi'i rgyal po 'dir 'ong ngo / /de nas de rnams log nas yang dpung gi tshogs de thogs par byas pa dang / rgyal po phyogs der phyin nas des smras pa/ dpung gi tshogs 'di su zhig gis bkag des smras pa/ lha lha rtag tu myos rnams kyis so/ /rgyal pos smras pa/ lha rtag tu myos 'di dag nyid bdag gi mdun nas 'gro bar gyur cig /de nas de rnams mdun nas rgyugs so/ /de rnams kyis brgyugs nas rgyal chen bzhi'i ris kyi lha rnams kyi drung du phyin pa dang / de rnams kyis de dag la dris pa/ shes ldan dag ci ste rgyug mi'i rgyal po 'dir 'ong ngo / /rgyal chen bzhi'i rnams kyi bsams pa/ sems can 'di ni bsod nams kyi mthu chen po dang ldan pa yin te de dgag par mi nus so snyam nas/ de nas rgyal chen bzhi'i ris kyi lha de rnams kyis sum bcu rtsa gsum pa'i lha rnams la 'dir mi'i rgyal po nga las nu 'ong ngo zhes sbran to/ /sum bcu rtsa gsum pa'i lha rnams kyis bsam pa/ sems can 'di ni bsod nams kyi mthu chen po dang ldan pa yin pas de bzlog par mi bya'i mchod yon gyis bsu bar bya'o snyam nas/ de nas sum bcu rtsa gsum pa'i lha de rnams kyis mchod yon gyis bsu'o/ /rgyal po nga las nu ri rab kyi rtse la 'dzeg pa na tshal sngo zhing sngo ba'i phreng ba sprin spungs pa lta bu mthon po dag mthong ngo / /mthong nas kyang gnod sbyin lha gnas la smras pa/ lha gnas tshal sngo zhing sngo ba'i phreng ba sprin dpungs pa lta bu mthon po pha bi dag ci zhig yin/ lha de ni sum cu rtsa gsum pa'i lha rnams kyi shing yongs 'du sa brtol zhes bgyi ba lags te/ sum bcu rtsa gsum pa'i lha rnams dbyar zla ba bzhi lha'i 'dod pa'i yon tan lnga dang 'byor cing ldan par de na rtse bar bgyid/ dga' bar bgyid/ dga' mgur spyod pa bgyid do/ /lha yang der byon nas lha'i 'dod pa'i yon tan lnga dang 'byor cing ldan par rol par mdzad/ dgyes par mdzad/ dgyes mgur spyad par mdzod cig rgyal po nga las nus thos nas kyang blon po rnams la smras pa/ sna bo dag khyed cag gis tshal sngo zhing sngo ba'i phreng ba sprin spungs pa lta bu mthon po dag mthong ngam/ lha mthong lags so/ /sna bo dag de ni sum bcu rtsa gsum pa'i lha rnams kyi shing yongs 'du sa brtol ces bya ba yin te/ sum bcu rtsa gsum pa'i lha rnams dbyar zla ba bzhi lha'i 'dod pa'i yon tan lnga dang 'byor cing ldan par de na rtse bar byed/ dga' bar byed/ dga' mgur spyod par byed kyis/ sna bo dag khyed cag kyang der phyin nas 'dod pa'i yon tan lnga dang 'byor cing ldan par brtse bar gyis/ dga' bar gyis dga' mgur spyad pa gyis shig yang rgyal po nga las nus ri rab kyi rtse na dkar zhing dkar ba sprin spungs pa lta bu mthon po zhig mthong ngo / /mthong nas kyang gnod sbyin lha gnas la smras pa/ lha gnas dkar zhing dkar ba sprin spungs pa lta bu mthon po pha bi ci zhig yin/ /lha de ni sum bcu rtsa gsum pa'i lha rnams kyi mdun sa chos bzang lags te/ sum bcu rtsa gsum pa'i lha rnams dang / rgyal chen bzhi rnams der 'dus shing tshogs nas lha dang mi rnams kyi don sems par bgyid/ 'jal bar bgyid/ nye bar rtog par bgyid de/ lha yang der bzhud par gyur ro/ /rgyal po nga las nus thos nas blon po rnams la smras pa/ sna bo dag khyed cag gis dkar zhing dkar ba sprin spungs pa lta bu mthon po mthong ngam/ lha mthong lags so/ /sna bo dag de ni sum bcu rtsa gsum pa'i lha rnams kyi mdun sa chos bzang zhes bya ba yin te/ sum bcu rtsa gsum pa'i lha rnams dang / rgyal chen bzhi rnams der 'dus shing tshogs nas lha dang mi rnams kyi don sems par byed/ 'jal bar byed/ nye bar rtog par byed de/ sna bo dag khyed cag kyang der 'gro bar 'gyur ro/ / sum bcu rtsa gsum pa'i lha rnams kyi grong khyer blta na sdug ces bya ba ni chu dang zheng du dpag tshad nyis stong lnga brgya yod de/ kho ra khor yug tu dpag tshad khri yod pa/ gser gyi ra ba rim pa bdun gyis yongs su bskor ba ste/ ra ba de rnams kyi 'phang du ni dpag tshad phyed dang gsum yod do/ /ra ba de rnams la cog rnam pa bzhi po gser las byas pa dang / dngul las byas pa dang / bai dUr+ya las byas pa dang / shel las byas pa dag btags so/ / skar khung kha yar lta ba dang / mar blta ba dag kyang btod do/ /grong khyer blta na sdug gi nang gi sa'i phyogs ni bzang po/ mdzes pa/ blta na sdug pa/ bkra ba shin du bkra ba/ tshon brgya rtsa gcig gis bkra bar byas pa dper na ras bal gyi 'da' ba 'am shing bal gyi 'dab ba lta bur 'jam pa/ shin du 'jam pa/ rkang pas mnan na nems shes byed la/ rkang pa bteg na par zhes byed pa/ lha'i me tog man dA ra'i phung po pus mo nub tsam bkram pa ste/ rlung langs pas me tog rnying pa rnams khyer la me tog sar pa rnams 'bab par byed do/ /blta na sdug gi grong khyer la sgo dgu brgya dgu bcu rtsa dgu yod de/ sgo re re na gnod sbyin gos sngon po can go ca bgos pa/ mda' gzhu skye bskor thogs pa lnga brgya 'di ltar sum bcu rtsa gsum pa'i lha rnams bsrung ba dang / bskyab pa dang / mdzes par bya ba'i phyir gnas so/ /grong khyer blta na sdug gi srang gi srid du ni dpag tshad nyis stong lnga brgya yod la rgyar ni dpag tshad bcu gnyis yod de bzang po mdzes pa/ blta na sdug pa/ gser gyi bye mas bdal ba/ tsan dan gyi chus chag chag btab pa/ gser gyi dra ba bres pa/ /de'i phyogs kun na rdzing bu rnam pa sna tshogs yod de/ rdzing bu de rnams pha gu rnam pa bzhi po gser las byas pa dang / dngul las byas pa dang / bai dUr+ya las byas pa dang / shel las byas pas bskor to/ /rdzing bu de rnams kyi them skas rnam pa bzhi po gser las byas pa dang / dngul las byas pa dang / bai dUr+ya las byas pa dang / shel las byas pa yin no/ /rdzing bu de rnams lan kan rnam pa bzhi po gser las byas pa dang / dngul las byas pa dang / bai dUr+ya las byas pa dang / shel las byas pas bskor cing / gser las byas pa'i lan kan gyi gzungs gzer dang / gdang bu dang / lan kan gyi rten ma dngul las byas pa dang / dngul las byas pa'i lan kan gyi gzungs gzer dang / gdang bu dang / lan kan gyi rten ma gser las byas pa dang / bai dUr+ya las byas pa'i lan kan gyi gzungs gzer dang / gdang bu dang / lan kan gyi rten ma shel las byas pa dang / shel las byas pa'i lan kan gyi gzungs gzer dang / gdang bu dang / lan kan gyi rten ma bai dUr+ya las byas pa yin no/ /rdzing bu de rnams chu sbrang rtsi ltar mngar zhing bsil bas gang la/ ut+pa la dang / pad ma dang / ku mu da dang / pad ma dkar pos gang zhing chu la gnas pa'i bya rnam pa sna tshogs 'dod dgur sgyur ba'i gzugs can rnams kyis snyan cing 'jebs la yid tu 'ong ba'i sgra skad 'byin par byed do/ /de'i phyogs kun nas me tog gi shing dang / 'bras bu'i shing dang / dbu rgyan skye ba dag shin du dbyibs legs shing legs par skyes pa ni dper na phreng ba mkhan nam phreng ba mkhan gyi slob ma mkhas pa zhig gis rna rgyan du bya ba'i phyir me tog gi phreng ba legs par brgyus pa bzhin no/ /thang la gnas pa'i bya rnam pa sna tshogs 'dod dgur sgyur ba'i gzugs can rnams kyang snyan cing 'jebs pa'i sgra skad 'byin to/ /grong khyer blta na sdug na dpag bsam gyi gos kyi shing ljon pa rnam pa bzhi po sngon po dang / ser po dang dmar po dang / dkar po rnams las dpag bsam gyi shing ljon pa las byung ba'i gos rnam pa bzhi po sngon po dang / ser po dang / dmar po dang / dkar po rnams te/ lha 'am lha'i bu mo dag ji lta bu 'dod pa sems bskyed ma thag tu de lta bu lag tu 'thob par 'gyur ro/ /rgyan gyi shing rnam pa bzhi po rnams las rgyan rnam pa bzhi po lag pa'i rgyan dang / rkang pa'i rgyan dang / smad kyi rgyan dang / snang bar bya ba'i rgyan no/ /lha'i bu 'am lha'i bu mo dag ji lta bu 'dod pa'i sems bskyed ma thag tu de lta bu lag tu 'thob par 'gyur ro/ /rol mo'i cha spyad rnam pa bzhi po pi bang dang / gling bu dang / pi bang rgyud gsum pa dang / sgra snyan rnams las lha 'am lha'i bu mos ji lta bu 'dod pa sems bskyed ma thag tu de lta bu lag tu 'thob par 'gyur ro/ /lha'i kha zas rnam pa bzhi po sngon po dang / ser po dang / dmar po dang / dkar po rnams las lha 'am lha'i bu mos ji lta bu 'dod pa sems bskyed ma thag tu de lta bu lag tu 'thob par 'gyur ro/ /khang pa dang / khang pa rtseg ma dang / bsil khang dang / khyams dang / skar khung dang / mthongs khung can bud med kyi tshogs rnams dang / lha mo'i tshogs rnams 'du ba'i gnas dag yod de/ de na btung ba sbrang rtsi'i btung ba dang / ma d+ha ba'i btung ba dang / ka dam b+ha ra'i btung ba dang / rol mo'i sgra skad rnams kyis sum bcu rtsa gsum pa'i lha rnams rtse bar byed/ dga' ba byed/ dga' mgur spyod par byed de/ rang gi bsod nams kyi 'bras bu nyams su myong bar byed do/ /sum bcu rtsa gsum pa'i lha rnams kyi lha'i mdun sa chos bzang zhes bya ba srid du dpag tshad sum brgya/ rgyar dpag tshad sum brgya ste/ kho ra khor yug tu dpag tshad dgu brgya yod pa/ bzang po/ mdzes pa/ blta na sdug pa/ shel kyi rgyu las byung ba ste/ grong khyer de las dpag tshad phyed dang bzhi gyen du 'phags so/ /der sum bcu rtsa gsum pa'i lha rnams kyi stan bshams pa ni nye dbang po sum bcu rtsa gnyis dang / sum bcu rtsa gsum pa'i lha rnams kyi dbang po brgya byin gyi stan dag so sor bshams so/ /rgyal po nga las nu'i stan ni stan de dag thams cad kyi mjug kho nar bshams so/ /de nas sum bcu rtsa gsum pa'i lha rnams mchod yon thogs te rgyal po nga las nu bsu'o/ /de na sems can bsod nams kyi rnam par smin pas dbang che bar grags pa gang yin pa de dag ni rim gyis nang du zhugs so/ /lhag ma rnams ni phyi rol na 'khod pa dang / rgyal po nga las nus bsams pa/ stan bshams pa gang dag yin pa 'di rnams las stan tha ma gang yin pa 'di ni gdon mi za bar bdag gi stan yin no snyam nas/ de nas rgyal po nga las nu 'di snyam du kye ma'o lha rnams kyi dbang po brgya byin gyis stan phyed bdag la blta bas kyang ci ma rung snyam du bsams pa dang / sems bskyed ma thag tu/ rgyal po chen po lha rnams kyi dbang po brgya byin gyis rgyal po nga las nus bstan phyed bstabs nas/ rgyal po nga las nu lha rnams kyi dbang po brgya byin gyis stan phyed la 'dug go/ / rgyal po chen po rgyal po nga las nu dang lha rnams rnams kyi dbang po brgya byin stan gcig la 'dug pa na 'di lta ste srid du 'am/ zheng du 'am/ kha dog rgyal ba 'am/ smra dngags la khyad par 'am/ bsam pa 'am/ tha dad du bya ba cung zad kyang med de/ gzhan du na lha rnams kyi dbang po brgya byin ni mig mi 'dzums so/ /rgyal po chen po rgyal po nga las nu sum bcu rtsa gsum pa'i lha rnams kyi nang na 'dug pa la brgya byin sum bcu rtsa drug shi 'phos pa lon no/ /yang de na lha rnams la lha dang lha ma yin g.yul 'gyed pa 'byung ste/ de la gal te lha ma yin rnams pham par gyur na ni lha ma yin de rnams grong khyer gyi sgo bcad nas ra ba'i kha bskor nas 'dug go/ /'on te lha rnams pham par gyur na ni lha de rnams kyang khang pa'i sgo rnams bcad nas ra ba'i kha bskor nas 'dug go/ /ji tsam na lha ma yin rnams dpung gi tshogs yan lag bzhi pa go bskon nas gcan rim pa lnga dral te lha rnams kyi dbang por rgya byin gyi drung du g.yul 'gyed du 'ongs pa dang / gnod sbyin rnams kyis lha rnams kyi dbang po brgya byin la smras pa/ kau shi ka mkhyen par mdzod cig /lha ma yin rnams kyis gcan rim pa lnga dral te nye bar mchis kyis/ khyod kyi bgyi ba dang bshams pa gang lags pa de mdzod cig /de nas lha rnams kyi dbang po brgya byin dpung gi tshogs yan lag bzhi pa go bgos nas lha ma yin dang g.yul sprad pa'i phyir spags pa rgyal po nga las nus mthong nas smras pa/ bzhugs shig bdag nyid mchi'o/ / brgya byin gyis smras pa/ de bzhin mdzod cig /de nas rgyal po nga las nu dpung gi tshogs bye ba brgyad 'bum dang steng gi nam mkha' la 'phags nas gzhu rgyud kyi sgra sbrengs so/ /lha ma yin rnams kyis de thos nas smras pa/ 'di su'i gzhu rgyud gyi sgra yin/ de rnams kyis 'di ni rgyal po nga las nu'i gzhu rgyud kyi sgra yin no zhes thos so/ /thos nas ngo mtshar skyes par gyur to/ /ji tsam na rgyal po nga las nus spags pa dang / chos nyid kyis lha rnams dang lha ma yin de rnams g.yul 'gyed pa'i shing rta dag nam mkha' la thad kar 'dug ste/ gang gi yang mthon dman med pa yin pa las rgyal po nga las nu'i ni lha ma yin thams cad kyi ltag gi nam mkha' la 'phags nas 'dug go/ / lha ma yin de rnams kyis smras pa/ bdag cag gi ltag na nam mkha' la spags te 'dug pa 'di su zhig yin/ de rnams kyis 'di ni mi'i rgyal po nga las nu zhes bya ba yin no zhes thos so/ /thos nas de rnams kyis bsams pa/ gang gi shing rta bdag cag gi ltag tu nam mkha' las 'gro ba'i sems can 'di ni bsod nams kyi rnam par smin pas dbang che bar grags pa yin no snyam nas/ de rnams pham par gyur te 'jigs skrag cing bcom pas rgyab bstan nas lha ma yin rnams kyi gnas su zhugs so/ /rgyal po nga las nus smras pa/ gang rgyal blon po rnams kyis smras pa/ lha rgyal lags so/ /rgyal pos bsams pa/ sum bcu rtsa gsum pa'i lha rnams pas ni bdag lhag go snyam mo/ /de nas rgyal po nga las nu 'di snyam du sems te/ bdag la 'dzam bu'i gling 'byor pa dang / rgyas pa dang / bde ba dang / lo legs pa/ skye bo dang / mi mang pos rab tu gang ba yang yod/ bdag la shar gyi lus 'phags dang / nub kyi ba lang spyod dang / byang gi sgra mi snyan gyi gling yang yod/ bdag la rin po che sna bdun 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / btsun mo rin po che dang / khyim bdag rin po che dang / bdun pa blon po rin po che yang yod/ bdag la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms par byed pa stong yang tshang bar yod/ bdag gi pho brang gi nang du yang gser gyi char zhag bdun du bab/ bdag sum bcu rtsa gsum pa'i lha rnams kyi nang du yang phyin/ lha'i mdun sa chos bzang du yang zhugs/ lha rnams kyi dbang po brgya byin gyis kyang bdag la stan phyed bstabs kyis/ kye ma'o bdag gis lha rnams kyi dbang po brgya byin gnas 'di nas phyung la/ bdag kho nas lha dang mi rnams kyi rgyal srid kyi dbang phyug la dbang bya'o snyam pa dang / sems bskyed ma thag tu rgyal po chen po rgyal po nga las nu 'byor pa de las nyams te/ 'dzam bu'i gling du 'ongs nas nad tshabs po che zhig gis thebs te sdug bsngal mi bzad pa 'chi ba la thug pa myong ba dang / de nas rgyal po nga las nu'i blon po dang / rtsis pa dang / rgyal srid 'bul ba'i sna chen po la gtogs pa dang / gsang sngags kyis lhan cig 'tsho bar byed pa rnams rgyal po nga las nu gang na ba der song ste phyin pa dang / rgyal po nga las nu la 'di skad ces smras so/ /lha 'das nas yul 'khor gyi mi slad ma rnams shes ldan dag rgyal po nga las nus nongs pa'i dus kyi tshe ci zhig gsungs shes 'dri na/ de skad du 'dri ba de dag la bdag cag gis ji skad du lan gdab par bgyi/ sna bo dag nga 'das nas gal te khyed cag la skye bo phyi ma rnams nye bar 'ongs nas de skad du 'dri bar byed na/ 'dri ba de dag la khyed kyis lan 'di skad ces thob shig /shes ldan dag rgyal po nga las nu ni rin po che sna bdun dang yang ldan/ mi'i 'byor pa rnam bzhis gling bzhir rgyal srid kyi dbang phyug la yang dbang byed du bcug /sum bcu rtsa gsum pa'i lha rnams kyi nang du yang song nas 'dod pa'i yon tan rnam pa lnga po dag gis ma ngoms bzhin du nongs bzhin du/ nongs so zer ro zhes gyis shig /tshigs su bcad pa dag kyang smras pa/ kar Sha pA Na'i char bab kyang / /'dod pa dag la ngoms pa med/ /mkhas pas 'dod pa mnog chung zhing / /sdug bsngal mang por shes nas ni/ /lha yi 'dod pa rnams la yang / /dga' bar 'gyur ba med pa nyid/ /yang dag rdzogs pa'i sangs rgyas kyi/ /nyan thos sred pa zad la dga'/ /gang kyi ri dang mnyam pa yi/ /gser gyi ri bor gyur kyang ni/ /gcig gi nor du'ang des mi chog /mkhas pas de ltar shes par bya/ /gang zhig gzhi 'dis sdug bsngal rtog pa de/ /'dod pa dag la gzhar yang ji ltar dga'/ /'jig rten nor dag zug rngur rtogs nas ni/ /brtan pas de nyid gdul phyir bslab par bya/ /rgyal po chen po de lta bas na rnam grangs 'dis khyod kyis 'di ltar gang mi'i 'jig rten na 'dod pa'i yon tan lngas ngoms shing chog shes te 'chi bar 'gyur ba'i mi gang dag yin pa de dag ni nyung la/ mi'i 'jig rten na 'dod pa'i yon tan lngas mi ngoms shing chog mi shes te 'chi bar 'gyur ba ni ches mang bar rig par bya'o/ /de nas rgyal po nga las nus gtan pa med pa'i mchod sbyin btang nas tshigs su bcad de smras pa/ /'jig rten pha rol yang zhig pa/ /tshe thung bar ni shes byas nas/ /bsod nams dag ni bya ba ste/ /bsod nams ma byas sdug bsngal 'gyur/ /de bas bsod nams 'dod pa yis/ /sbyin pa tshul bzhin btang byas na/ /'jig rten 'di dang pha rol du/ /sbyin pa byas pa dga' bar 'gyur/ /ji tsam na grong mi dang yul mi rnams kyis rgyal po nga las nu na ste shi la thug cing 'dug go zhes thos so/ /thos nas kyang yang srog chags brgya stong phrag du ma dag rgyal po nga las nu blta ba'i phyir nye bar song ba dang / rgyal pos skye bo'i tshogs rnams la 'dod pa rnams kyi nyes dmigs kyi gtam yang byas khyim na gnas pa'i nyes dmigs dang / de bzhin du 'dod pa smad pa yang bshad de/ de thos nas srog chags brgya stong phrag du ma dag khyim gyi gnas spangs nas drang srong rnams kyi nang du rab tu byung ste/ nags tshal du 'dug nas tshangs pa'i gnas pa bzhi bsgoms pas 'dod pa rnams la 'dun pa spangs te/ de la mang du gnas pas tshangs pa'i 'jig rten du skal ba mnyam par skyes so/ /rgyal po chen po rgyal po nga las nus ji srid gzhon nu rtse ba'i sa na rtses pa dang / ji srid rgyal tshab byas pa dang / ji srid 'dzam bu'i gling du rgyal srid chen po byas pa dang / ji srid shar gyi lus 'phags dang / nub kyi ba lang spyod dang / byang gi sgra mi snyan dang / gser kyi ri bo bdun la gnas pa dang / /ji srid sum bcu rtsa gsum gyi lha rnams kyi gnas su song ste gnas pa de'i bar la brgya byin brgya rtsa bcu bzhi shi 'phos pa lon no/ /rgyal po chen po lha rnams kyi dbang po brgya byin gyi tshe'i tshad ni mi rnams kyi lo brgya gang yin pa de ni sum bcu rtsa gsum pa'i lha rnams kyi nyin zhag gcig yin no/ /nyin zhag de sum bcu la zla ba gcig /zla ba bcu gnyis la lo gcig tu brtsis pa'i lha rnams kyi lo stong ni sum bcu rtsa gsum pa'i lha rnams kyi tshe'i tshad yin te/ de la mi'i ltar bgrang na lo bye ba phrag gsum dang drug khri yod do/ /rgyal po chen po gang gi tshe rgyal po nga las nus sum bcu rtsa gsum pa'i lha rnams kyi nang du song ste 'di skad ces kye ma'o bdag la lha rnams gyi dbang po rgya byin gyis stan phyed bstabs kyang ci ma rung snyam du sems bskyed pa de'i tshe de'i dus kyi brgya byin ni dge slong 'od srung yin no/ /gang gi tshe rgyal po nga las nus 'di lta bu'i sems bskyed de/ ma la bdag gis lha rnams kyi dbang po brgya byin gnas 'di nas phyung la/ bdag nyid lha dang mi rnams kyi rgyal srid kyi dbang phyug la dbang bya'o/ /snyam pa de'i tshe de'i dus kyi lha rnams kyi dbang po brgya byin ni yang dag par rdzogs pa'i sangs rgyas 'od srung yin te/ sems can shin tu dbang che bar grags pa la ngan sems bskyed pa des na 'byor pa de las nyams nas 'dzam bu'i gling du 'ongs te nad tshabs chen pos thebs shing 'chi ba la thug pa'i tshor ba mi bzad pa myong bar gyur to/ /rgyal po chen po ji snyam du sems/ de'i tshe de'i dus kyi rgyal po nga las nu gang yin pa de ni nga nyid yin te/ gang yang ngas sems can de snyed cig la phan pa byas na/ des bla na med pa'i ye shes ma thob bo/ /'on kyang de dag ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no/ /rgyal po the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa rgyal po nga las nus las ci zhig bgyis na las de'i rnam par smin pas sems bskyed ma thag tu dgung bdun du pho brang nang du gser gyi char bab lags/ rgyal po chen po sngon byung ba 'das pa'i dus na 'jig rten du ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das thams cad zil gnon ces bya ba byung ste/ de'i tshe tshong dpon gyi bu khyim phub nas ring po ma lon pa zhig gnas so/ /yul de na chos lugs kyis bag mar btang nas/ ring po ma lon par bag rdzongs btab ste khyim thab la gtong ba'i bag ma gang yin pa de rin po che sna bzhi las byas pa'i me tog gis brgyan nas khyim thab la gtong la/ khyim thab des kyang de khrid nas rang gi khyim du 'gro bas tshong dpon gyi bu des rin po che sna bzhi las byas pa'i me tog thogs nas bzhon pa la zhon te rang gi khyim du chas so/ /de chas pa las re shig cig na lam na tshur yang dag par rdzogs pa'i sangs rgyas thams cad zil gnon ljongs rgyu zhing byon to/ /des de skyes bu chen po'i mtshan sum bcu rtsa gnyis kyis brgyan pa/ blta bas chog mi shes pa mthong nas shin du dad pa skyes so/ /de nas de dad pas brlan pa'i sems kyis bzhon pa las babs nas rin po che sna bzhi las byas pa'i me tog de rnams kyis yang dag par rdzogs pa'i sangs rgyas thams cad zil gnon la gtor to/ /yang dag par rdzogs pa'i sangs rgyas thams cad zil gnon gyis me tog de dag ji ltar shing rta'i 'phang lo tsam sha stag tu gyur nas/ gshegs na yang phyi bzhin 'ong zhing bzhugs na yang 'dug pa de lta bur byin gyis brlabs pa dang / de dad pa skyes nas tshigs su bcad de smras pa/ sbyin pa chen por gyur pa 'di yis ni/ /'gro ba'i nang du rang byung sangs rgyas shog /rgal nas sngon gyi rgyal bas ma bsgral ba'i/ / skye bo'i tshogs rnams bdag gis sgrol gyur cig /drang srong che kun zil gnon bcom ldan la/ /nga yis gser gyi me tog bzang gtor nas/ /go 'phang mchog 'di 'dod nas de yi tshe/ /nga yis smon lam rgya chen btab pa yi/ /bsod nams de nyid kyi ni rnam smin gyis/ /legs mthong chen po de yi grong khyer yang / /gser las byas pa dga' dga' ltar 'dug pa/ /pho brang rtswa can zhes ni bya bar gyur/ /rgyal po chen po ji snyam du sems/ de'i tshe de'i dus kyi tshong dpon gyi bu de ni nga nyid yin no/ /gang yang ngas yang dag par rdzogs pa'i sangs rgyas thams cad zil gnon la sems dad pa bskyed nas/ rin po che sna bzhi'i me tog gis gtor ba'i las de'i rnam par smin pas nga'i pho brang gi nang du zhag bdun du gser gyi char bab bo/ /btsun pa rgyal po nga las nus las ci zhig bgyis na las de'i rnam par smin pas/ gling bzhi pa rnams su rgyal srid kyi dbang phyug la dbang bgyis pa nas sum bcu rtsa gsum pa'i lha rnams kyi bar du mchis lags/ rgyal po chen po sngon byung ba 'das pa'i dus na 'jig rten du yang dag par rdzogs pa'i sangs rgyas rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur pa/ bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs zhes bya ba byung ste/ de ljongs rgyu zhing gshegs pa na rim gyis rgyal po'i pho brang gnyen ldan du byon to/ /de nas yang dag par rdzogs pa'i sangs rgyas rnam par gzigs snga dro sham thabs mnabs/ lhung bzed dang chos gos bsnams nas rgyal po'i pho brang gnyen ldan du bsod snyoms la zhugs so/ /de na 'bru 'tshong ba'i tshong pa zhig gis yang dag par rdzogs pa'i sangs rgyas rnam par gzigs de blta bas chog mi shes pa mthong nas lhag par dad pa skyes te/ de dad pa skyes nas sran mud ga la sbar bas bcus te lhung bzed du blugs pa dang / de las sran mud ga 'brum bu bzhi zhig lhung bzed du song ngo / /'brum bu gcig ni lhung bzed kyi khar phog nas sa la lhung ngo / /lhag ma rnams ni lhung bzed kyi nang du ma song ba nyid du sa la bo'o/ /de nas tshong pa de dad pa skyes nas smon lam btab pa/ sbyin pa chen por gyur pa 'di yis ni/ /'gro ba'i nang du rang byung sangs rgyas shog /rgal nas sngon gyi rgyal bas ma bsgral ba'i/ /skye bo'i tshogs rnams bdag gis sgrol gyur cig /ces btab bo// //'dul ba gzhi/ bam po bzhi bcu gnyis pa/ rgyal po chen po ji snyam du sems/ de'i tshe de'i dus kyi/ 'bru 'tshong ba'i tshong pa gang yin pa de ni nga nyid yin te/ ngas de na gang yang dag par rdzogs pa'i sangs rgyas rnam par gzigs la dad pa skyes te/ sran mud ga la sbar bas bcus nas lhung bzed du blugs pa dang / de las sran mud ga 'brum bu bzhi zhig lhung bzed du song ngo / /lhag ma rnams ni sa la bo'o/ /las de'i rnam par smin pas gling bzhi rnams su rgyal srid kyi dbang phyug la dbang byas so/ /gang yang de na sran mud ga 'brum bu gcig gis lhung bzed kyi khar phog nas sa la lhung ba'i las kyi rnam par smin pas sum bcu rtsa gsum pa'i lha rnams kyi bar du son to/ /rgyal po chen po gal te sran mud ga lhung bzed du blugs pa sa la ma lhung na las de'i rnam par smin pas lha dang mi rnams kyi bar la rgyal srid kyi dbang phyug la dbang byed par 'gyur ro/ /de'i tshe de'i dus kyi 'bru 'tshong ba'i tshong pa gang yin pa de ni nga las nu de nyid yin no/ /de ltar na rgyal po chen po sangs rgyas bcom ldan 'das thugs rje chen po can la bya ba byas pa ni 'bras bu dang phan yon shin du chen por 'gyur ro/ /rgyal po chen po de lta bas na 'di ltar sangs rgyas bcom ldan 'das la bya ba bya'o zhes bslab par bya'o// // rgyal po chen po gzhan yang ngas bla na med par yang dag par rdzogs pa'i byang chub don du gnyer ba'i phyir sems can rnams la phan pa byas pa gang yin pa de nyon cig /rgyal po chen po sngon byung ba rgyal po legs mthong chen po zhes bya ba 'khor los sgyur ba'i rgyal po mtha' bzhir rnam par rgyal ba chos kyi rgyal po chos dang ldan pa/ rin po che sna bdun dang / mi rnams kyi 'byor pa bzhi dang ldan pa zhig byung ngo / /rgyal po legs mthong chen po rin po che sna bdun po gang dag dang ldan zhe na/ 'di lta ste 'khor lo rin po che dang / glang po rin po che dang / rta rin po che dang / nor bu rin po che dang / btsun mo rin po che dang / khyim bdag rin po che dang / bdun pa ni blon po rin po che yin no/ /rgyal po legs mthong chen po mi rnams kyi 'byor pa/ bzhi po gang dag dang ldan zhe na/ tshe ring zhing yun ring du gnas pa yin te/ de gzhon nu'i rtsed mos rtse ba la lo brgyad khri bzhi stong lon no/ /rgyal tshab byed pa la lo brgyad khri bzhi stong lon no/ /rgyal srid chen po byed pa la lo brgyad khri bzhi stong lon no/ /rgyal po'i drang srong gi tshangs par spyod pa la lo brgyad khri bzhi stong lon no/ /rgyal po legs mthong chen po tshe ring zhing yun ring du gnas pa gang yin pa 'di ni rgyal po legs mthong chen po'i 'byor pa zhes bya'o/ /gzhan yang rgyal po legs mthong chen po ni gzugs bzang ba/ mdzes pa/ blta na sdug pa yin te/ mi'i kha dog las ni 'das la lha'i kha dog ni ma thob pa ste/ rgyal po legs mthong chen po gzugs bzang ba/ mdzes pa/ blta na sdug pa gang yin pa 'di ni rgyal po legs mthong chen po'i 'byor pa zhes bya'o/ /gzhan yang rgyal po legs mthong chen po ni gnod pa chung zhing nad med pa'i rang bzhin can yin te pho ba ha cang bsil ba ma yin zhing ha cang dro ba ma yin pa/ drod snyoms pa dang / dus kun du bde ba dang / gnod pa med pa dang ldan pas zos pa dang / 'thungs pa dang / 'chos pa dang / myangs pa rnams legs par bde bar 'ju bar 'gyur te/ rgyal po legs mthong chen po gnod pa chung zhing nad med pa'i rang bzhin can gang yin pa 'di ni rgyal po legs mthong chen po'i 'byor pa zhes bya'o/ /gzhan yang rgyal po legs mthong chen po ni grong mi dang yul mi rnams kyi snying du sdug cing yid du 'ong ba yin te/ dper na bu rnams la pha bzhin te/ rgyal po chen po dus gcig cig na rgyal po legs mthong chen po bskyed mos tshal gyi gnas su song ba na shing rta sgyur ba la smras pa/ shing rta sgyur ba re shig shing rta rim gyis dal bu dal bus sgyur cig /ngas grong mi dang / yul mi rnams la yun ring du blta'o/ /grong mi dang yul mi rnams kyis kyang shing rta sgyur ba la smras pa/ shing rta sgyur ba re shig shing rta rim gyis dal bu dal bus sgyur cig dang / bdag cag kyang lha la yun ring du blta'o/ /rgyal po legs mthong chen po grong mi dang yul mi ba rnams kyi snying du sdug cing yid du 'ong ba gang yin pa 'di ni rgyal po legs mthong chen po'i 'byor pa zhes bya'o/ /de nas dus gzhan zhig na grong mi dang yul mi rnams gser dang / dngul dang / nor bu rin po che dang / la ba rin po che mang po dag thogs nas rgyal po legs mthong chen po gang na ba der dong ste phyin pa dang / rgyal po legs mthong chen po la 'di skad ces smras so/ /lha'i slad du bdag cag gis gser dang / dngul dang / nor bu rin po che dang la ba rin po che mang po 'di dag 'tshal te mchis lags na/ lha thugs brtse ba'i slad du 'di dag bzhes su gsol/ sna bo dag nga'i yul na 'di 'dra ba'i nor gyi rigs yod pas mi 'dod do zhes smras nas len du ma btub bo/ /grong mi dang yul mi rnams kyis lan gnyis lan gsum du rgyal po legs mthong chen po la 'di skad ces smras so/ /lha'i slad du bdag cag gis gser dang / dngul dang / nor bu rin po che dang / la ba rin po che 'di dag 'tshal te mchis lags na/ lha thugs brtse ba'i slad du 'di dag bzhes su gsol/ rgyal po legs mthong chen pos kyang lan gnyis lan gsum du grong mi dang yul mi rnams la 'di skad ces smras so/ /sna bo dag nga'i yul na 'di 'dra ba'i nor gyi rigs yod pas mi 'dod do zhes smras nas len du ma btub bo/ /de nas grong mi dang yul mi rnams 'di snyam du sems te/ bdag cag gis lha'i phyir gser dang / dngul dang / nor bu rin po che dang / la ba rin po che rab tu mang po sta gon byas la/ de bdag cag gis blangs te slar so so'i gnas su 'dong ba ni bdag cag gi tshul ma yin pas/ ma la bdag cag gis rgyal po legs mthong chen po'i mdun du gser dang / dngul gyi phung po cher spungs la/ mtha' gcig tu nor bu rin po che dang / la ba rin po che bzhag nas/ 'di dag ni lha khyod kyi dkor gyi rigs lags so zhes smras te mi lta bar 'dong ngo snyam nas/ de nas grong mi dang yul mi rnams kyis rgyal po legs mthong chen po'i mdun du rin po che dang / gser phung po chen por spungs nas/ mtha' gcig tu nor bu rin po che dang / la ba rin po che bzhag ste/ 'di dag ni lha khyod kyi dkor gyi rigs lags so zhes smras nas mi lta bar dong ngo / /de nas rgyal po legs mthong chen po 'di snyam du sems te/ bdag gi nor gyi rigs ni chos bzhin gyis rnyed pa yin gyis chos ma yin pas ni ma yin pas ma la bdag gis chos dang 'thun pa'i khang bzangs brtsig go snyam pa dang / mtha'i rgyal phran brgyad khri bzhi stong gis rgyal po legs mthong chen po chos dang 'thun pa'i khang bzangs brtsig par spro'o zhes thos so/ /thos nas kyang rgyal po legs mthong chen po gang na ba der dong ste phyin pa dang / rgyal po legs mthong chen po la 'di skad ces smras so/ / lha chos dang 'thun pa'i khang bzangs rtsig pa la thugs kyi phrin las bskyung du gsol/ lha'i chos dang 'thun pa'i khang bzangs bdag cag gis brtsig par bgyi'o/ /sna bo dag kho bo'i yul na 'di 'dra ba'i nor gyi rigs yod pas mi dgos so zhes smras nas ma gnang ngo / /de nas khams kyi rgyal phran brgyad khri bzhi stong gis rgyal po legs mthong chen po'i rkang pa la gtugs nas kha cig gis ni gos kyi mtha' nas bzung / kha cig gis ni rgyal po legs mthong chen po ga la ba de logs su thal mo sbyar ba btud nas rgyal po legs mthong chen po la 'di skad ces smras so/ /lha chos dang 'thun pa'i khang bzangs rtsig pa la thugs kyi phrin las bskyung du gsol/ lha'i chos dang 'thun pa'i khang bzangs bdag cag gis brtsig par bgyi'o/ /rgyal po legs mthong chen pos khams kyi rgyal phran brgyad khri bzhi stong la cang mi smra bas gnang ngo / /de nas khams kyi rgyal phran brgyad khri bzhi stong gis rgyal po legs mthong chen po cang mi smra bas gnang bar rig nas rang rang gi gnas su dong ste gser dang / dngul mang po dang / rin po che'i ka ba re re khyer nas/ rgyal po legs mthong chen po gang na ba der dong ste phyin nas rgyal po legs mthong chen po la 'di skad ces smras so/ /lha'i chos dang 'thun pa'i khang bzangs bdag cag gis gang du ji tsam zhig brtsig lags/ grong pa dag khyed kyis de'i phyir rtswa can gyi shar phyogs su chos dang 'thun pa'i khang bzangs mchur dpag tshad gcig rgyar dpag tshad gcig pa zhig rtsigs shig /de nas khams kyi rgyal phran brgyad khri bzhi stong gis rtswa can gyi shar phyogs su chos dang 'thun pa'i khang bzangs rgyar dpag tshad gcig /mchur dpag tshad gcig pa zhig brtsigs te/ chos dang 'thun pa'i khang bzangs kyi ka rten gyi gzhi rnam pa bzhi po gser las byas pa dang / dngul las byas pa dang / bai dUr+ya las byas pa dang / shel las byas pa bres so/ /chos dang 'thun pa'i khang bzangs la ka ba rnam pa bzhi po gser las byas pa dang / zhes bya ba nas shel las byas pa'i bar dag btsugs so/ /gser las byas pa'i ka ba'i ka rten dang / ka zhu dang / bre phul dang / gdung ni dngul las byas so/ /dngul las byas pa'i ni gser las byas so/ /bai dUr+ya las byas pa'i ni shel las byas so/ /shel las byas pa'i ka ba'i ka rten dang / ka zhu dang / bre phul dang gdung ni bai dUr+ya las byas so/ /chos dang 'thun pa'i khang bzangs la phyi tshe rnam pa bzhi po gser las byas pa nas shel las byas pa'i bar dag bres so/ /chos dang 'thun pa'i khang bzangs la phyam rnam pa bzhi po gser las byas pa nas shel las byas pa'i bar bkye'o/ /chos dang 'thun pa'i khang bzangs la gdung rings rnam pa bzhi po gser las byas pa nas shel las byas pa'i bar bres so/ /chos dang 'thun pa'i khang bzangs la ba gam rnam pa bzhi po gser las byas pa nas shel las byas pa'i bar btags so/ /chos dang 'thun pa'i khang bzangs la spang leb rnam pa bzhi po gser las byas pa nas shel las byas pa'i bar gyis g.yogs so/ /chos dang 'thun pa'i khang bzangs la them skas rnam pa bzhi po gser las byas pa nas/ shel las byas pa'i bar brtsigs so/ /chos dang 'thun pa'i khang bzangs la lan kan rnam pa bzhi po gser las byas pa nas shel las byas pa'i bar gyis bskor to/ /gser las byas pa'i lan kan gyi gzungs gzer dang / gdang bu dang / lan kan gyi rten ma ni dngul las byas so/ / dngul las byas pa'i ni gzungs gzer dang / gdang bu dang / lan kan gyi rten ma gser las byas so/ /shel las byas pa'i ni gzungs gzer dang / gdang bu dang / lan kan gyi rten ma bai dUr+ya las byas so/ /yang chos dang 'thun pa'i khang bzangs la khang pa rtseg ma brgyad khri bzhi stong brtsigs te/ khang pa rtseg ma rnam pa bzhi po gser las byas pa nas shel las byas pa'i bar rnams la/ gser las byas pa'i khang pa rtseg mar ni dngul las byas pa'i khri lhas ma can 'gon ka'i ras kyi gding ba can dang / stan nang tshangs can gyi gding ba can dang / za bug gi gding ba can dang / ar mo nig gi gding ba can dang / ka ling ka'i ras phran gyi gding ba can steng g.yogs dang bcas pa phyogs gnyis su sngas dmar po bcug pa'i bar dag bshams so/ /dngul las byas pa la ni gser las byas pa'o/ /bai dUr+ya las byas pa la ni shel las byas pa'o/ /shel las byas pa la ni bai dUr+ya las byas pa'i khri lhas ma can nas phyogs gnyis su sngas dmar po btsugs pa'i bar dag bshams so/ /gser las byas pa'i khang pa rtseg ma'i mdun du ni dngul las byas pa'i shing ta la lo ma dang / me tog dang / 'bras bu gser las byas pa sbrengs so/ / dngul las byas pa'i mdun du ni gser las byas pa'o/ /bai dUr+ya las byas pa'i mdun du ni shel las byas pa'o/ /shel las byas pa'i mdun du ni bai dUr+ya las byas pa lo ma dang / me tog dang / 'bras bu shel las byas pa sbrengs so/ /shing ta la de rnams rlung gis bskyod pa na 'di lta bu'i sgra yid du 'ong ba 'byung ste/ dper na skyes bu mkhas pas sil snyan yan lag lnga dang ldan pa yang dag par legs par bsgrags pa bzhin no/ /chos dang 'thun pa'i khang bzangs la gser gyi bye ma bdal cing tsan dan gyi chus chag chag btab la/ gser gyi dra ba dang gser gyi dril bu g.yer ka brgyus pas btags so/ /de nas khams kyi rgyal phran brgyad khri bzhi stong gis chos dang 'thun pa'i khang bzangs kyi bya ba thams cad zin par rig nas/ chos dang 'thun pa'i khang bzangs kyi mdun du chos dang 'thun pa'i rdzing mchur dpag tshad gcig rgyar dpag tshad gcig pa zhig brkos te chos dang 'thun pa'i rdzing bu pha gu rnam pa bzhi po gser las byas pa dang / dngul las byas pa dang / bai dUr+ya las byas pa dang / shel las byas pas brtsigs so/ /chos dang 'thun pa'i rdzing la them skas rnam pa bzhi po gser las byas pa nas shel las byas pa'i bar gyis brtsigs so/ /chos dang 'thun pa'i rdzing la lan kan rnam pa bzhi po gser las byas pa'i nas shel las byas pa'i bar gyis bskor te/ gser las byas pa'i lan kan gyi gzungs gzer dang / gdang bu dang / lan kan gyi rten ma dngul las byas so/ /dngul las byas pa'i ni gser las byas so/ /bai dUr+ya las byas pa'i ni shel las byas so/ /shel las byas pa'i gzungs gzer dang / gdang bu dang / lan kan gyi rten ma bai dUr+ya las byas so/ /chos dang 'thun pa'i rdzing bu chu nas skyes pa'i me tog rnam pa sna tshogs 'di lta ste/ ut+pal dang / pad ma dang / ku mu da dang / pad ma dkar po dang / dri zhim pa dang / dri ngad 'jam pa dang / dus tshigs thams cad pa dang / dus thams cad pa'i me tog skye bo thams cad la dgag pa med pa bskyed do/ /chos dang 'thun pa'i rdzing gi 'gram gnyis su thang la skye ba'i me tog rnam pa sna tshogs 'di lta ste/ a ti mug ta ka dang / tsam pa ka dang / pa ta la dang / pa ri ka sha dang / ma li ka dang / na ba ma li ka dang / yid du 'ong dang / yu ti ka dang / d+ha nuska ri dang / dus tshigs thams cad pa dang / dus thams cad pa'i me tog skye bo thams cad la dgag pa med pa dag bskyed do/ /chos dang 'thun pa'i rdzing du gser gyi gcal bkram zhing tsan dan gyi chus bkang la gser gyi dra ba dang / gser gyi dril bu g.yer ka brgyus pas bres so/ /de nas khams kyi rgyal phran brgyad khri bzhi stong gis chos dang 'thun pa'i rdzing gi bya ba thams cad zin par rig nas chos dang 'thun pa'i rdzing du gser gyi gcal bkram zhing tsan dan gyi chus bkang la gser gyi dra ba dang gser gyi dril bu g.yer ka brgyus pas bres so/ /de nas khams kyi rgyal phran brgyad khri bzhi stong gis chos dang 'thun pa'i rdzing gi bya ba thams cad zin par rig nas chos dang 'thun pa'i rdzing gi mdun du chos dang 'thun pa'i shing ta la'i tshal mchur dpag tshad gcig rgyar dpag tshad gcig pa zhig btsugs te chos dang 'thun pa'i shing ta la'i tshal du ta la rnam pa bzhi po gser las byas pa nas shel las byas pa'i bar btsugs pa la/ gser las byas pa'i lo ma dang / me tog dang / 'bras bu dngul las byas pa btsugs so/ /dngul las byas pa'i ni gser las byas so/ /gser las byas pa'i ni bai dUr+ya las byas so/ /bai dUr+ya las byas pa'i lo ma dang / me tog dang / 'bras bu shel las byas pa btsugs so/ /yang shing ta la'i tshal de rnams rlung gis bskyod pa na 'di lta bu'i sgra yid du 'ong ba 'byung bar 'gyur te/ dper na skyes bu mkhas pas sil snyan yan lag lnga dang ldan pa yang dag par legs par bsgrags pa bzhin no/ /chos dang 'thun pa'i shing ta la'i tshal la lan kan rnam pa bzhi po gser las byas pa dang / dngul las byas pa dang / rin po che las byas pa dang / shel las byas pas bskor te/ gser las byas pa'i lan kan gyi gzungs gzer dang / gdang bu dang / lan kan gyi rten ma ni dngul las byas pas bskor to zhes bya ba'i bar gong ma bzhin no/ /chos dang 'thun pa'i shing ta la'i tshal na gser gyi gcal bkram zhing tsan dan gyi chus chag chag btab la/ gser gyi dra ba gser gyi dril bu g.yer ka brgyus pa bres so/ /de nas khams kyi rgyal phran brgyad khri bzhi stong gis chos dang 'thun pa'i khang bzangs dang / chos dang 'thun pa'i rdzing dang / chos dang 'thun pa'i shing ta la'i tshal gyi bya ba thams cad zin par rig nas rgyal po legs mthong chen po gang na ba der dong ste lhags pa dang / rgyal po legs mthong chen po la 'di skad ces smras so/ /lha'i chos dang 'thun pa'i khang bzangs dang / chos dang 'thun pa'i rdzing dang chos dang 'thun pa'i shing ta la'i tshal yang bgyis/ lags te lha da ni de'i dus la bab bar dgongs shig /de nas rgyal po legs mthong chen po 'di snyam du sems te/ 'di ltar khang bzangs 'di nyid du thog mar bdag kho na gnas pa ni bdag gi cha ma yin gyis/ ma la bdag gis bdag gi yul na dge sbyong dang / bram ze dang / tshul bzang por bkur ba gang dag gnas pa de dag chos dang 'thun pa'i khang bzangs su zan byin la/ re re la ras bcos bu sar pa zung re bskon no snyam nas de nas rgyal po legs mthong chen pos chos dang 'thun pa'i khang bzangs su rang sangs rgyas lnga brgya la zan byin te/ re re la yang ras bcos bu zung re bskon nas tshigs su bcad de smras pa/ mkhas pas nor ni mang po dag /rnyed nas bag med mi bya ste/ /tshul khrims ldan pa gang dag la/ /yon grub 'gyur ba rnams la sbyin/ /de ltar yid gzhungs dad pa can/ /ma chags sems kyis 'dir sbyin nas/ /mkhas pa 'jig rten gnod med pa/ /bde ba can du skye bar 'gyur/ /rgyal po chen po de'i tshe de'i dus kyi rgyal po legs mthong chen po zhes bya ba 'khor los sgyur ba'i rgyal po gling bzhi la dbang ba rin po che sna bdun dang / mi rnams kyi 'byor pa rnam pa bzhi dang ldan par gyur pa de gzhan yin snyam na khyod kyis de ltar mi blta ste/ nga nyid de'i tshe de'i dus na rgyal po legs mthong chen po zhes bya ba 'khor los sgyur ba'i rgyal po gling bzhi la dbang ba/ rin po che sna bdun dang ldan pa/ mi rnams kyi 'byor pa rnam pa bzhi dang ldan par gyur to/ /rgyal po chen po ngas sbyin pa 'am/ sbyin pa'i bgo bsha' des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i sbyin pa de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no// // rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sbyin pa dag btang / bsod nams dag byas pa gang yin pa de nyon cig /rgyal po chen po sngon byung ba bram ze shing sA la chen po lta bu dus dpog ces bya ba zhig byung bar gyur te/ des bram ze rnams la sbyin pa 'di lta bu byin te/ glang po che gser gyis brgyan pa/ gser gyis mdzes par byas pa/ gser gyi rgyal mtshan can/ gser gyi dra bas g.yogs pa brgyad khri bzhi stong bram ze rnams la sbyin par byin no/ /rta gser gyis brgyan pa/ gser gyis mdzes par byas pa/ gser gyi dra bas g.yogs pa/ brgyad khri bzhi stong bram ze rnams la sbyin par byin no/ /shing rta rnam pa bzhi po gser las byas pa dang / dngul las byas pa dang / bai dUr+ya las byas pa dang / shel las byas pa seng ge'i lpags pas g.yogs pa/ gung lpags kyis g.yogs pa/ ar mo nig gis g.yogs pa/ rnam par rgyal byed kyi ba dan can brgyad khri bzhi stong bram ze rnams la sbyin par byin no/ /gser gyi snod dngul sil mas bkang ba brgyad khri bzhi stong bram ze rnams la sbyin par phyin no/ /dngul gyi snod gser phyes bkang ba brgyad khri bzhi stong bram ze rnams la sbyin par byin no/ /khri rnam pa bzhi po gser las byas pa dang / dngul las byas pa dang / bai dUr+ya las byas pa dang / shel las byas pa lhas ma can 'go na ka'i ras bting ba/ stan nang tshangs can bting ba/ stan chen po bting ba/ ka ling ka'i gos kyis steng g.yogs pa/ steng g.yogs rtseg ma can/ phyogs gnyis su sngas dmar po bshams pa brgyad khri bzhi stong dang / ras zung rnam pa bzhi po ka shi ka'i ras phran dang / zar ma'i ras phran dang / du gu la'i ras phran dang / ko tam pa'i ras phran zung brgyad khri bzhi stong dang / ba gser gyi rwa can rmig pa dngul las byas pa/ be'u spu 'thun dang bcas pa/ khar ba'i zo ba can/ ras bcos bu 'phrugs kyis g.yogs pa brgyad khri bzhi stong dang / bu mo gser gyi dpung rgyan dang mgul rgyan thogs pa/ legs par brgyan pa brgyad khri bzhi stong bram ze rnams la sbyin par byin na zas dang / skom dang / bza' ba dang / bca' ba dang / bldag pa dang / gzhib pa lta smos kyang ci dgos/ rgyal po chen po bram ze shing sA la chen po lta bu dus dpog gis bram ze rnams la de lta bu'i sbyin pa byin pa 'di bas ni gang gis phyi rol pa'i drang srong 'dod pa rnams las 'dod chags dang bral ba brgya zan byin na sbyin pa de las sbyin pa 'di'i 'bras bu ches che'o/ /rgyal po chen po bram ze shing sA la chen po lta bu dus dpog gis bram ze rnams la sbyin pa de lta bu byin pa gang yin pa 'di dang gang gis phyi rol pa'i drang srong 'dod pa rnams las 'dod chags dang bral ba brgya zan byin pa bas/ gang gis so so'i skye bo 'dzam bu'i tshal na 'dug pa gcig la zan byin na/ sbyin pa de bas sbyin pa 'di'i 'bras bu ches che'o/ /bram ze shing sA la chen po lta bu dus dpog gis bram ze rnams la sbyin pa de lta bu byin pa gang yin pa 'di dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa bas/ gang gis rgyun du zhugs pa'i 'bras bu mngon sum du bya ba'i phyir zhugs pa gcig la zan byin na/ sbyin pa de bas sbyin pa 'di'i 'bras bu ches che'o/ /de la sogs pa rgyas par thams cad las brtsams nas thams cad brjod par byas te/ mjug kho na bri bar bya'o/ /gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa bas gang gis rgyun du zhugs pa gcig la zan byin na sbyin pa de bas sbyin pa 'di'i 'bras bu ches che'o/ /gang gis rgyun du zhugs pa brgya zan byin pa bas gang gis lan gcig phyir 'ong ba'i 'bras bu mngon sum du bya ba'i phyir zhugs pa gcig la byin na sbyin pa de bas sbyin pa 'di'i 'bras bu ches che'o/ /gang gis lan cig phyir 'ong ba'i 'bras bu mngon sum du bya ba'i phyir zhugs pa brgya zan byin pa bas gang gis lan cig phyir 'ong ba gcig la byin na sbyin pa de bas sbyin pa 'di'i 'bras bu ches che'o/ /gang gis lan cig phyir 'ong ba brgya zan byin pa bas gang gis phyir mi 'ong ba'i 'bras bu mngon sum du bya ba'i phyir zhugs pa gcig la byin na/ sbyin pa de bas sbyin pa 'di'i 'bras bu ches che'o/ /gang gis phyir mi 'ong ba'i 'bras bu mngon sum du bya ba'i phyir zhugs pa brgya zan byin pa bas/ gang gis phyir mi 'ong ba gcig la sbyin na de bas sbyin pa 'di'i 'bras bu ches che'o/ /gang gis phyir mi 'ong ba brgya bas gang gis dgra bcom pa'i 'bras bu mngon sum du bya ba'i phyir zhugs pa gcig la byin na/ sbyin pa de bas sbyin pa 'di'i 'bras bu ches che'o/ /gang gis dgra bcom pa'i 'bras bu mngon sum du bya ba'i phyir zhugs pa brgya bas ni gang gis dgra bcom pa gcig la byin na/ sbyin pa de bas sbyin pa 'di'i 'bras bu ches che'o/ /gang gis dgra bcom pa brgya zan byin pa bas gang gis phyogs bzhi'i dge slong gi dge 'dun la kun dga'i ra ba 'bul na/ sbyin pa de bas sbyin pa 'di'i 'bras bu ches che'o/ /gang gis kun dga' ra ba de nyid du gtsug lag khang rtsig tu bcug na de bas 'di'i 'bras bu ches che'o/ /gang gis gtsug lag khang de nyid du gnas mal 'di lta ste/ khri dang / khri'u dang / stan nang tshangs can dang / la ba dang / sngas dang / gor bu dag phul na de bas 'di'i 'bras bu ches che'o/ /gang gis gtsug lag khang de nyid du gtan gyi rkyen ris bcad de rjes su 'thun pa'i mchod sbyin btsugs na de bas 'di'i 'bras bu ches che'o/ /gang gis sangs rgyas la skyabs su song zhing chos dang dge 'dun la skyabs su song nas bslab pa'i gzhi rnams blangs na/ de bas 'di'i 'bras bu ches che'o/ /gang gis byams pa'i sems dang ldan pa zhes bya ba rgyas par sbyar te/ de bas 'di'i 'bras bu ches che'o/ /rgyal po chen po bram ze shing sA la chen po lta bu dus dpog gis bram ze rnams la sbyin pa de lta bu byin pa gang yin pa 'di dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa brgya dang / gang gis lan cig phyir 'ong ba'i 'bras bu mngon sum du bya ba'i phyir zhugs pa brgya dang / gang gis lan gcig phyir 'ong ba brgya dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya dang / gang gis phyir mi 'ong ba brgya dang / gang gis dgra bcom pa'i 'bras bu mngon sum du bya ba'i phyir zhugs pa brgya dang gang gis dgra bcom pa brgya dang / gang gis phyogs bzhi'i dge slong gi dge 'dun la kun dga' ra ba 'bul ba dang gang gis kun dga' ra ba de nyid du gtsug lag khang rtsig tu bcug pa dang / gang gis gtsug lag khang de nyid du gnas mal 'di lta ste/ khri dang / khri'u dang / stan nang tshangs can dang / la ba dang / sngas dang / gor bu dag 'bul ba dang / gang gis gtsug lag khang de nyid du gtan gyi rkyen ris bcad de rjes su 'thun pa'i mchod sbyin 'dzugs pa dang / gang gis sangs rgyas la skyabs su 'gro/ chos dang dge 'dun la skyabs su 'gro zhing bslab pa'i gzhi rnams blangs pa dang / gang gis byams pa'i sems dang ldan pa zhes bya ba rgyas pa bas/ gang zhig 'du byed thams cad la mi rtag par rjes su lta/ zad par rjes su lta/ 'dod chags dang bral bar rjes su lta/ 'gog par rjes su lta/ nges par 'byung bar rjes su lta zhing gnas na sbyin pa de bas 'di'i 'bras bu ches che'o/ /rgyal po chen po de lta bas na khyod kyis 'di ltar bslab par bya ste/ 'du byed thams cad la mi rtag par rjes su lta zhing gnas par bya'o/ /zad par rjes su lta ba dang / 'dod chags dang bral bar rjes su lta ba dang / 'gog par rjes su lta ba dang / nges par 'byung bar rjes su lta zhing gnas par bya'o/ /zhes rgyal po chen po khyod kyis de ltar bslab par bya'o/ /rgyal po chen po de ltar bram ze shing sA la chen po lta bu dus dpog des bram ze rnams la sbyin pa dag btang / bsod nams dag byas nas tshigs su bcad de smras pa/ sbyin pa byin pas bde bar 'gyur/ /sbyin pa byin pas 'jigs pa med/ /lha dang mi yi nang dag na/ /sbyin pa yis ni legs par mchod/ /de bas 'byor pa 'dod pa dang / /dbang phyug dang ni lha yul dang / /thar pa 'dod pas rtag tu ni/ /'jigs pa med par sbyin pa gtang / /rgyal po chen po de'i tshe de'i dus na bram ze shing sA la chen po lta bu dus dpog ces bya bar gyur pa de gzhan zhig yin snyam na khyod kyis de ltar mi blta ste/ de'i tshe de'i dus na nga nyid bram ze shing sA la chen po lta bu dus dpog ces bya bar gyur te/ des de na bram ze rnams la de lta bu'i sbyin pa byin no/ /rgyal po chen po ngas sbyin pa'am/ sbyin pa'i bgo bsha' des bla na med pa yang dag par rdzogs pa'i byang chub thob bo snyam na/ khyod kyis de ltar mi blta ste/ 'on kyang sbyin pa de bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no// // rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sbyin pa dag btang / bsod nams dag byas pa gang yin pa de nyon cig /rgyal po chen po sngon byung ba rgyal po la nye can zhes bya ba mthu dang ldan pa zhig byung ste/ lha rnams kyi dbang po brgya byin gyi snying du sdug pa'i grogs por gyur pa las de la bu pho yang med/ bu mo yang med nas de lag pa la 'gram pa gtad de bdag gi 'byor pa dang / dbang phyug 'di 'dra na/ bu pho yang med bu mo yang med pas bdag 'das na gdung rgyud 'chad par 'gyur ro/ /snyam nas sems khongs su chud cing 'dug pa lha rnams kyi dbang po brgya byin gyis mthong nas smras pa/ grogs po khyod ci'i phyir lag pa la 'gram pa gtad nas sems khongs su chud cing 'dug /des smras pa/ kau shi ka bdag gi 'byor pa dang dbang phyug 'di 'dra na bu pho yang med bu mo yang med pas bdag 'das na gdung rgyud 'chad par 'gyur ro/ /des smras pa/ grogs po kho bos khyod la sman zhig bskur gyis btsun mo rnams la lud cig dang des na khyod bu pho dang bu mo yod par 'gyur ro/ /lha rnams kyi dbang po brgya byin ri spos kyi ngad ldang la song nas sman blangs te rgyal po de la bskur ba dang / rgyal pos btsun mo rnams la sman 'di 'thung shig ces bskur ba las/ rgyal po de'i btsun mo dam pa gnyid kyis log pa dang / de dag gis de ma bslang bar sman 'thungs pas de dag thams cad sems can dang ldan par gyur to/ /de nas phyi zhig na btsun mo dam pa de langs nas des de rnams sems can dang ldan par mthong ste des smras pa/ khyed cag gis ci zhig byas na des na sems can dang ldan par gyur/ de rnams kyis smras pa/ lhas kho mo cag la sman zhig btung ba'i phyir byin no/ /khyed cag gis ci'i phyir kho mo mi bslang bar btung / de lta mod kyi sman snod ci zhig nas khyer te 'ongs/ ku sha'i thum por bcug nas so/ /rtswa de gang na 'dug /'o ni yin no/ /des kun sha bkrus nas 'thungs pa dang de yang sems can dang ldan par gyur te/ de rnams zla ba brgyad dam dgu 'das pa dang de dag thams cad las bus pa btsas so/ /de'i btsun mo dam pa las ni bu pho mtshan ngan pa bcwa brgyad dang ldan pa bzhin seng ge'i gdong lta bu tshan po che chen po'i tshan dang ldan pa zhig btsas nas/ de'i btsas ston rgya cher byas te ku sha zhes bya bar btags so/ /rgyal po de bu gzhan rnams mthong na ni dga' bar 'gyur la/ de ni mi sdug pas zhe sdang skye bar 'gyur ro/ /khams kyi rgyal phran dag gis smras pa/ shes ldan dag bdag cag thams cad rgyal po la nye can chen po 'dis thibs kyis mnan gyis/ de la rgyal srid las dbyung gis 'dong ngo zhes de rnams dpung gi tshogs yan lag bzhi dang 'ongs nas de'i grong khyer bskor te 'dug go/ /rgyal po la nye can chen po ni de rnams dang lhan cig g.yul sprad ma phod nas de sgo rnams bcad de ra ba'i kha nas sbrengs te 'dug go/ /ku sha ma'i drung du song nas smras pa/ yum ci'i slad du sgo rnams bkum/ khyod kyi yab khams kyi rgyal phran dag dang lhan cig g.yul sprod ma phod nas des sgo rnams bcad de 'dug pa yin no/ /yum bdag 'di dag dang lhan cig g.yul sprad kyis bdag la rgyal pos shing rta stsal du gsol/ bu khyod de'i snying du mi sdug cing zhe sdang skye bar 'gyur na/ de ji ga khyod la shing rta ster tam/ yum bzhud cig /bzhud nas gzhon nu ku sha 'di dag dang lhan cig g.yul sprod par 'gyur gyis shing rta stsol cig ces gsungs shig /de song nas rgyal po la smras pa/ lha gzhon nu'i mchid nas bdag 'di dag dang lhan cig g.yul sprad kyis shing rta stsol cig ces mchi'o/ /des de la shing rta byin pa dang / de dong pa gnyis thogs nas shing rtar zhugs te 'byung bar brtsams pa dang / lha rnams kyi dbang po brgya byin gyis bsams pa/ khams kyi rgyal phran 'di dag ni mthu dang ldan pa yin la gzhon nu ku sha bskal pa bzang po'i byang chub sems dpa' 'di nyon mongs par 'gyur gyis/ 'di'i grogs bya'o snyam nas des de la dung dang / 'khor lo dang / be con byin nas byang chub sems dpa' 'di dag gis khyod 'tsho bar gyis shig /de sgo phye nas byung ste de nam dung 'bud pa de'i tshe dung gi sgras dpung rnams skrag nas kha cig ni sgra des 'on par gyur to/ /kha cig ni rna ba bkag nas 'bros so/ /nam 'khor lo 'am be con 'phangs pa de'i tshe de dag sa la 'gyel bar gyur to/ /des dmag gi nang du song nas dung bus pa na de dag thams cad kyi rna ba rdol bar gyur nas de rnams kyis skyes bu 'di ni srin po yin no/ / zhes byas nas bros so/ /des ril phab nas pha'i drung du song ste/ lha bdag gis rgyal po thams cad pham par bgyis te/ yul bsgrubs lags so/ /rgyal po la nye can chen pos thos nas mgu ste des bsams pa/ gzhon nu ku sha mthu dang ldan pa brtson 'grus phun sum tshogs pa yin na ci'i phyir bdag gis 'di la mi dga' ba bskyed snyam nas/ de de la dga' ba bskyed par brtsams so/ /des bu de rnams khyim phub nas ku sha'i chung ma yang bslang bar brtsams pa dang / de dag thams cad kyis smras pa/ ku sha ma gtogs pa la bu mo sbyin no/ /rgyal po gzhan zhig gis rgyal po gzhan gyi bu mo zhig bslangs te/ bag mar ma blangs pa'i bar der rgyal po la nye can chen pos bu gzhan gyi ched yin pa'i thabs shig gis bslangs nas bu mo de ku sha la byin nas rgyu skar dang / nyi tshod dang / yud tsam dag bstun te gzhon nu ku sha'i khyim phub bo/ /rgyal pos smras pa/ shes ldan dag sus kyang gzhon nu ku sha la me long ma bstan cig chur 'jug pa'i khrus ma yin pa'i khrus kyis khrus byos shig /nyin par chung ma'i drung du ma gtong shig /gzhon nu ku sha spun rnams dang lhan cig rtse ba chung ma des mthong nas des smras pa/ gzhon nu rnams kyi dbus na rtsed mo byed pa'i sha za pha bi su zhig yin de ni khyod kyi khyim thab yin no/ /ci kho mo'i khyim thab 'di 'dra ba zhig gam/ phyi zhig na yang des gzhon nu rnams dang lhan cig chu na rtse ba'i bar dag mthong nas/ de bzhin du bdag gi khyim thab 'di 'dra ba zhig snyam ste des bsams pa/ mngon sum du bya'o snyam nas/ des me mar bus te phru bas bkab nas bzhag go/ /de yang chung ma'i drung du 'ongs pa dang / des kyang bstan pa las mtshan ngan pa bcwa brgyad dang ldan pa bzhin seng ge'i gdong 'dra ba zhig mthong nas des smras pa/ sha za sha za zhes byas nas bros so/ /rgyal po la nye can chen po la ri 'or ba gzhan zhig log nas des gzhon nu ku sha song la ri 'or ba rnams phob shig ces btang nas/ de der song ba dang ku sha'i chung mas pha dang ma la khyed cag sa'i steng na skyes pa med dam ci na/ khyed kyis bdag sha za la sbyin/ gal te bdag bkum na de lta na legs/ gal te ma bkum na ni kho mo rang 'chi'o/ /zhes spring ba dang / de dag gis de khrid do/ /gzhon nu ku shas kyang ri 'or de phab ste 'ongs nas des ma la dris pa/ yum bdag gi mchis brang de gar mchis/ des smras pa/ pha mas khrid do/ /ci'i slad du/ khyod sha za yin snyam nas so/ /yum mchis la de dgug par bgyi'o/ /de bzhin du gyis shig /de dung dang / 'khor lo dang / be con khyer te der song ba las/ ji tsam na ri 'or gzhan zhig na skye bo'i tshogs chen po/ seng ges/ 'jigs pas sgo rnams bcad de phyogs su lta zhing 'khod pa dang / gzhon nu ku shas smras pa/ ci'i phyir de ltar 'dug /seng ge'i 'jigs pas so/ /ci ste mi gsod mi nus mod/ gal te bdag gis bsad na/ bdag la ci sbyin/ dpung gi tshogs yan lag bzhi pa'i phyed do/ /gzhon nu ku shas seng ge'i drung du nye bar song nas dung bus pa dang de'i rna ba rdol te shi nas/ des de khyer te ri 'or du song nas shes ldan dag seng ge de ni 'di yin no/ / dpung gi tshogs yan lag bzhi pa'i phyed khyer cig /des smras pa/ khyed cag nyid kyi lag tu zhog la slar 'ongs na byin cig /de ri 'or gang na chung ma de yod pa'i ri 'or der song nas me tog phreng rgyud mkhan zhig gi drung du phyin pa dang / des smras pa/ khyod 'dra su zhig /des smras pa/ me tog phreng rgyud mkhan gyi bu yin no/ /khyod kyi ming ci yin/ spong byed do/ /byang chub sems dpa' rnams ni bzo'i gnas dang las kyi gnas de dang de rnams la mkhas pa yin pas des me tog phreng legs par brgyus pa dang / me tog phreng rgyud mkhan des bu mo de la me tog phreng ba de byin no/ /des smras pa/ 'di 'dra ba'i me tog phreng ba ni khyod kyis sngon lan 'ga' yang ma brgyus na 'di la rgyu ci yod/ bdag gi slob mas brgyus so/ /khyod kyi slob ma de blta'o/ /des de der khrid pa dang / des mthong nas des bsams pa/ sha za 'di gang nas 'ongs pa zhig snyam nas/ des sha za sha za zhes sgra phyung ste de bskrad pa las/ g.yos mkhan zhig gi drung du phyin pa dang / des smras pa/ khyod su zhig /kho bo g.yos mkhan gyi bu yin no/ /khyod kyi ming ci yin/ snod dri zhim zhes bya'o/ /des btso ba dang / bsreg pa legs par byas pa dang / g.yos mkhan des kyang bu mo de la btsos pa dang / bsregs pa de bstabs so/ /des smras pa/ kye nang rje btso ba dang / bsreg pa legs na sus g.yos/ bdag gi slob mas g.yos so/ /khyod kyi slob ma de blta'o zhes bya ba nas de nas kyang bskrad do zhes bya ba'i bar du ste/ sman pa zhig gi drung du phyin pa las des smras pa khyod su zhig /sman pa'i bu yin no/ /khyod kyi ming ci yin/ rgyun shes kyi bu zhes bya'o/ /bu mo de glad nad kyis thebs par gyur pa dang / sman pas gso ma nus nas sman pa sems khongs su chud cing 'dug go/ /des smras pa/ mkhan po ci'i phyir sems khongs su chud/ rgyal po'i bu mo glad nad kyis thebs na kho bos gso bar ma nus so/ /bdag mchis la gso lags so zhes de song ba dang / des mthong nas des smras pa/ sha za 'di gang nas 'ongs yang bsams pa gal te 'ga' zhig smras na/ sos par ma byas kyis/ gang gi tshe bdag sos par gyur pa de'i tshe smra'o snyam nas de sos par gyur nas/ sha za sha za zhes sgra phyung ste/ des de bskrad pa las blon po rnams kyi drung du phyin pa dang / khyod su zhig kho bo stong thub bo/ /de rnams kyis de drung du bzhag go/ /sngon dbang ba'i rgyal po'i bu gang yin pa des bdag gis sngon rgyal po'i bu mo thob pa gang yin pa de gzhon nu ku shas bor te rang gi khyim du song ngo zhes thos nas des rgyal po de la gal te re shig kho bo la bu mo byin na ni de lta na legs/ gal te ma byin na ni rgyal srid stor bar bya'o zhes spring ba dang / des smras pa/ kho bo'i bu mo 'di ni rgyal po la nye can chen po'i bu gzhon nu ku sha la byin zin pas ji ltar gzhan la sbyin/ de dpung gi tshogs yan lag bzhi dang 'ongs nas rgyal po'i pho brang bskor te 'dug go/ / rgyal po de ni de dang lhan cig g.yul sprod ma phod nas des sgo dag bcad nas 'dug pa dang / gzhon nu ku shas blon po rnams la smras pa/ shes ldan dag ci'i phyir sgo rnams bcad/ de rnams kyis de la rgyas par smras pa dang / gzhon nu ku shas smras pa/ gal te kho bo la rgyal po'i sras mo byin na kho bos de dang lhan cig g.yul sprad do/ /de rnams kyis rgyal po la smras pa dang / des smras pa/ bu mo 'di ngas la nye can chen po'i bu la byin zin na ngas ji ltar 'di la sbyin/ da ltar gyi khrag khrug 'di yang bu mo kho na'i phyir yin no/ /blon po rnams kyis smras pa/ lha su rgyal bar 'gyur gtol ma mchis kyis re shig 'di de rnams dang lhan cig g.yul sprod du stsol cig dang / de na skol gyis dus mkhyen par 'gyur ro/ /rgyal pos smras pa/ de bzhin du gyis shig /blon po rnams kyis smras pa/ stong thub ji skad smras pa de bzhin du bya'o/ /de nas gzhon nu ku shas mda' lnga brgya shong ba'i dong pa gnyis thogs nas dung dang / 'khor lo dang / be con khyer te byung nas des dung bus pa dang / de rnams kyi rna ba rdol nas bros so/ /rgyal po'i bu mo des bsams pa/ gzhon nu ku sha 'di ni brtson 'grus dang pha rol gnon pa chen po dang ldan pa yin na ci'i phyir bdag gis 'di la dga' bar mi bya snyam nas/ de de la dga' ba bskyed nas rgyal po la 'di skad ces smras so/ /ji skad zhal gyis bzhes pa de mdzod cig /bu ngas khyod ku sha la byin no/ /des smras pa/ yab gzhon nu ku sha de ni 'di nyid lags so/ /bu gal te de lta na song shig ces des de la yan lag bzhi pa'i dpung gi tshogs byin nas bkur sti cher byas te btang ngo / /de ri 'or der phyin nas de rnams la smras pa/ shes ldan dag kho bo'i dpung gi tshogs yan lag bzhi pa'i phyed byin cig /de rnams kyis smras pa/ gzhon nu dpung gi tshogs yan lag bzhi khyer ba'i chu brug pa gang yin pa de lta bu byung ngo / /de na ha cang yang mi ring ba zhig na lug dag cig rgyu nas gzhon nu ku shas tshigs su bcad de smras pa/ lo ni drug bcu lon pa'i glang / /glang chen gang du khyer gyur pa/ /der ni ba dang lug khyer bar/ /rjes su dpags nas shes par bya// // 'dul ba gzhi/ bam po bzhi bcu gsum pa/ gal te re shig byin na ni de lta na legs/ gal te ma byin na rngams la gtug go/ /de rnams kyis de la byin nas de 'bab chu dang nye ba zhig tu btab ste/ ngal bas khrus bya ba'i phyir zhugs pa dang / de na des rang gi bzhin gyi gzugs brnyan mthong nas des bsams pa/ mtshan ngan pa bcwa brgyad dang ldan zhing bzhin seng ge'i gdong dang 'dra ba yin te/ de nyid kyi phyir rgyal po'i bu mo 'di bdag la mi dga' ba yin gyis/ bdag 'dra ba ni gson na ci rung song la bdag 'chi'o snyam nas/ de nags thibs po zhig tu zhugs nas bdag nyid 'geg par brtsams pa dang / lha rnams kyi dbang po brgya byin gyis bsams pa/ 'di ni bskal pa bzang po'i byang chub sems dpa' yin na/ gzugs bzang po dang mi ldan pas bdag nyid gsod par byed kyis/ de'i yid la re ba rdzogs par bya'o snyam nas brgya byin gyis smras pa/ gzhon nu yi ma 'chad/ bdag nyid gsod par ma byed par gtsug gi nor bu 'di mgo la thogs shig dang yid la re ba rdzogs par 'gyur ro zhes smras nas song ngo / /gzhon nu ku sha khyim du 'jug par brtsams pa dang / sgo srungs kyi mis 'di ni gzhon nu ku sha'i pho brang yin gyis ma 'jug shig ces bzlog go/ /des smras pa/ ku sha de ni nga yin no/ /de ni yid ma ches nas des gtsug gi nor bu phrol ba dang / sngon gyi ji lta ba bzhin du gyur nas de yid ches so/ /gzhon nu ku shas bsams pa/ 'di nyid du 'dug go snyam nas des pha la yang mkhyen par mdzod cig /'di nyid du mchis so zhes spring ba dang / lha rnams kyi dbang po brgya byin gyis de la gter bzhi'i 'byung khung bstan nas/ des grong khyer de rin po che sna bzhi las byed du bcug go/ / gzhon nu ku sha gnas pas ku sha can zhes bya bar grags so/ /de ni stobs kyi 'khor los sgyur ba'i rgyal po ku sha zhes bya bar gyur te/ des grong khyer drug khrir mchod sbyin gyi gnas brtsigs te/ lo mang po dang lo brgya phrag mang po dang / lo stong phrag mang po dang lo brgya stong phrag mang por bram ze rnams la sbyin pa btang ste/ de bdag nyid kyi mchod sbyin phun sum tshogs pa mthong nas tshigs su bcad de smras pa/ lha dang mi yi nang dag tu/ /bdag gi 'byor pa mthong nas ni/ /gang gis phun sum 'thob pa yi/ /sbyin pa su zhig sbyin mi byed/ /gang gis skyes bu brgya phrag thibs mnan cing / /ser sna dgra bor gyur pa zil mnan nas/ /'jig rten pha rol 'jigs pas sbyin gtong de/ /bdag ni dpa' bo'i dpa' rab yin par sems/ /gang zhig lag na mtshon thogs g.yul ngor 'jug /de ni dpa' bo min zhes thub rnams gsung / /gang dag 'jigs pa med par sbyin gtong ba/ /de dag dpa' bo yin zhes kun mkhyen gsung / /rgyal po chen po de'i tshe de'i dus na stobs kyi 'khor los sgyur ba'i rgyal po ku sha zhes bya bar gyur pa gang gis grong khyer drug khrir sbyin pa dag btang / bsod nams dag byas pa de gzhan zhig yin snyam na/ khyod kyis de ltar mi blta ste/ 'on kyang nga nyid de'i tshe de'i dus na stobs kyi 'khor los sgyur ba'i rgyal po ku sha zhes bya ba der gyur te/ ngas de na grong khyer drug khrir mchod sbyin gyi gnas brtsigs nas sbyin pa dag btang / bsod nams dag byas so/ /rgyal po chen po nga'i sbyin pa 'am sbyin pa'i bgo bsha' des bla na med pa yang dag par rdzogs pa'i byang chub mngon par rdzogs par sangs rgyas par gyur to snyam na khyod kyis de ltar mi blta ste/ 'on kyang nga'i sbyin pa de bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa rgyal po ku shas las ci zhig bgyis na las de'i rnam par smin pas/ mtshan mi sdug pa rnam pa bcwa brgyad dang ldan zhing phyug pa nor mang ba/ longs spyod che ba'i rigs su skyes pa lags/ bcom ldan 'das kyis bka' stsal pa/ dge slong dag ku sha nyid kyis las tshogs rnyed pa rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas dge slong dag ku sha nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang / mi dge ba byas shing bsags pa dag ni zin pa'i phung po dang / khams dang / skye mched rnams la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba ri 'or gzhan zhig na khyim bdag gcig gnas te/ des bza' ba dang / bca' ba rab tu mang po khyer te bskyed mos tshal du song ngo / /sangs rgyas bcom ldan 'das rnams 'byung ba med pa na 'jig rten du rang sangs rgyas dman pa dang ngan pa la snying brtse ba can/ bas mtha'i gnas mal la dga' ba/ 'jig rten gyi yon gnas gcig pu dag 'byung bar 'gyur ro/ /de nas rang sangs rgyas shig ljongs rgyu zhing song ba na bskyed mos tshal der phyin pa khyim bdag des mthong nas des zho shas 'tsho ba rnams la bsgo ba/ shes ldan dag rab tu byung ba 'di skrod cig /de dag skrod ma phod pa dang / /khyim bdag de nyid langs te bzung nas bskrad de/ seng ge'i gdong can mtshan ngan pa bcwa brgyad dang ldan pa khyod gar 'gro zhes kyang smras so/ /rang sangs rgyas des bsams pa/ nyon mongs 'di gtan du smas shing nyams na mi rung ngo snyam du rig nas steng gi nam mkha' la zhes bya ba nas/ des bkur sti byas te zhes bya ba'i bar du rgyas par sbyar te/ ji tsam na rkang pa gnyis la gtugs nas smon lam btab pa/ bdag gis yon gnas dam pa 'di lta bu la ngag rtsub po'i las phyung ba gang yin pa de'i las de bdag gis myong bar ma gyur cig /gang yang bya ba byas pa'i dge ba'i rtsa ba 'dis bdag phyug cing nor mang ba dang longs spyod che ba'i rigs su skye bar gyur cig ces byas so/ / dge slong dag ji snyam du sems/ khyim bdag gang yin pa de ku sha gzhon nu 'di nyid yin te/ de na 'dis rang sangs rgyas la ngag rtsub po'i las phyung bas las de'i rnam par smin pas mtshan ngan pa bcwa brgyad dang ldan zhing bzhin seng ge'i gdong 'dra bar gyur to/ /gang yang bya ba byas pa de'i las kyi rnam par smin pas stobs kyi 'khor los sgyur ba'i rgyal por gyur to/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag par 'gyur zhing 'dren ma rnams kyi ni 'dren mar 'gyur/ gcig tu dkar ba rnams ni gcig tu dkar bar 'gyur ro/ /de lta bas na dge slong dag 'di ltar bslab par bya ste/ las gang dag gcig tu gnag pa rnams dang 'dren ma rnams ni spangs la/ gcig tu dkar ba'i las rnams kho na la brtsal bar bya'o zhes dge slong dag khyed kyis de ltar bslab par bya'o// // gzhan yang rgyal po chen po ngas bla na med pa yang dag par rdzogs pa'i byang chub don du gnyer ba'i phyir sbyin pa dag gtang bsod nams dag byas pa gang yin pa de nyon cig /rgyal po chen po sngon byung ba yul ka ling ka zhes bya bar gdol pa'i rgyal po phur bu gsum pa zhes bya ba 'khor gdol pa brgya phrag du ma dang / 'khor gdol pa stong phrag du ma dang / gdol pa brgya stong phrag du ma yod pa/ byams pa'i bdag nyid snying rje can/ sems can thams cad la phan pa dang snying brtse ba zhig byung ste/ de'i yul du nam lo nyes byung ba de'i tshe bden pa gsol bas lhas char pa 'bebs pas lan 'ga' yang lo nyes 'byung bar mi 'gyur ro/ /de drang srong gi nang du rab tu byung nas des mngon par shes pa lnga mngon sum du byas so/ /de'i tshe yul bA rA Na sI na rgyal po tshangs sbyin zhes bya ba 'byor pa dang / rgyas pa dang / bde ba dang / lo legs pa/ skye bo dang / mi phal po ches rab tu gang ba na rgyal srid byed du 'jug go/ /ji tsam dus gzhan zhig na ltas mkhan rnams kyis lo bcu gnyis su char mi 'bab bo zhes lung bstan to/ /de nas rgyal po tshangs sbyin gyis grong khyer bA rA Na sIr dril sgrog tu bcug pa/ bA rA Na sI na gnas pa'i shes ldan grong khyer pa dag nyon cig /ltas mkhan rnams kyis lo bcu gnyis su char mi 'bab bo zhes lung bstan gyis/ khyed cag las gang dag la dus de tsam gyi bza' ba yod pa de ni 'dug shig /gang dag med pa de ni deng shig /de nas skye bo'i tshogs chen po de dag mu ges dus ma yin par 'chi bas 'jigs skrag nas gros bya bar brtsams pa/ shes ldan dag rgyal pos yul rnams su 'di lta bu'i dril sgrog tu bcug na de ji ltar bsgrub par bya/ gang du dong / de rnams kyis gdol pa'i yul na gdol pa'i rigs las byung ba'i drang srong zhing zhig yod de/ de'i bden pa gsol bas lhas char 'bebs so zhes thos nas de nas lo bcu gnyis kyi bar gyi bza' ba med pa gang yin pa de rnams gdol pa'i yul du dong ba dang / gdol pa'i rigs las byung ba'i drang srong gi bu gdol pa'i rgyal po des skye bo'i tshogs de'i bza' ba dang btung ba lo bcu gnyis su sbyar na mu ge rgyun chags kho nar byung ba nas rgyal po tshangs sbyin gyis blon po rnams la dris pa/ skye bo'i tshogs de gang du dong / blon po rnams kyis smras pa/ lha yul ka ling ka na gdol pa'i rgyal po phur bu gsum pa zhes bgyi ba byams pa'i bdag nyid snying rje can sems can thams cad la phan pa bya'o byams pa zhig mchis te/ de'i bden pa gsol bas lhas char 'bebs pas der skye bo'i tshogs chen po mchis so/ /rgyal pos smras pa/ shes ldan dag mu ge chen po 'di ni mu ge'i bskal pa bar ma dang 'dra ba yin na de la ji ltar bsgrub par bya/ de rnams kyis smras pa/ lha gdol pa'i yul gyi rgyal po gang lags pa de drang srong gi nang du rab tu byung ngo zhes thos lags kyis/ de la gsol ba mdzod cig /de nas rgyal po tshangs sbyin gdol pa'i yul du song nas drang srong de la gsol ba gdab par brtsams pa/ drang srong chen po bdag gi yul du mu ge chen po mu ge'i bskal pa bar ma dang 'dra ba byung na de la bden pa gsol ba'i rigs so/ /des bden pa gsol bar brtsams pa/ khyi 'tshed rigs las skyes pa yi/ /zhe sdang med cing 'tshe med pa/ /gdol pa phur bu gsum pa zhes/ /lha dang mi la grags pa yis/ /sems can kun la byams pa'i sems/ /skyon med rab tu bsgoms bdag gi/ /bden tshig des ni skye dgu 'di/ /klus ni tshim par byed gyur cig /gang phyir skyes pa tshun chad nas/ /byams pa'i sems ni rab bsgoms pa/ /bden pa'i tshig des skye dgu dag /klus ni tshim par byed gyur cig /de nas bden pa gsol bas yul bA rA Na sIr lhas char phab nas mu ge rgyun chad cing lo legs par gyur to/ /de nas bA rA Na sI na gnas pa'i skye bo'i tshogs de gdol pa'i yul nas bA rA Na sIr lhags so/ /rgyal po chen po de'i tshe de'i dus na gdol pa'i rgyal po phur bu gsum pa zhes bya ba byams pa'i bdag nyid snying rje can/ sems can thams cad la phan pa/ snying brtse ba can zhig byung ba de'i bden pa gsol bas lhas char phab nas mu ge rgyun chad cing lo legs par gyur pa de gzhan zhig yin snyam na/ khyod kyis de ltar mi blta ste/ 'on kyang nga nyid de'i tshe de'i dus na gdol pa'i rgyal po phur bu gsum pa zhes bya ba byams pa'i bdag nyid snying rje can/ sems can thams cad la/ phan pa dang / snying ba rtse pa can de'i bden pa gsol bas lhas char bebs pa de yin bar gyur to/ /rgyal po chen po ngas sbyin pa'am/ sbyin pa'i bgo bsha' des blan med pa yang dag par rdzogs pa'i byang chub thob po snyam na/ khyod kyis de ltar mi blta ste/ 'on kyang nga'i sbyin pa de bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no// // rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sbyin pa dag btang bsod nams dag byas pa gang yin pa de nyon cig /rgyal po chen po sngon byung ba yul mi thi lar rgyal po lha chen po zhes bya ba 'khor los sgyur ba'i rgyal po mtha' bzhir rnam par rgyal ba chos dang ldan pa chos kyi rgyal po rin po che sna bdun dang ldan pa zhig byung ste/ de'i rin po che sna bdun ni 'di lta bu dag yin te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa blon po rin po che'o/ / de la bu dpa' ba rtul phod pa/ yan lag mchog gi gzugs dang ldan pa/ pha rol gyi sde rab tu 'jom pa stong yang tshang bar yod cing / de rgya mtsho la thug pa'i sa chen po ma lus par gnod par sdo ba med cing 'tshe ba med pa 'di nyid chad pa med cing mtshon gyis bda' ba med la chos dang 'thun zhing snyoms pas legs par phab ste gnas so/ /de nas rgyal po lha chen po'i skra mkhan gyi mi skra dang kha spu 'chos pa na skra mkhan gyi mi la smras pa/ /kye nang rje khyod kyis gang gi tshe nga'i mgo las gshin rje'i pho nya skra dkar skyes pa mthong ba de'i tshe nga la sbron cig /lha bka' bzhin 'tshal zhes skra mkhan gyi mis rgyal po lha chen po'i ltar mnyan to/ /dus gzhan zhig na skra mkhan gyi mis rgyal po lha chen po'i skra dang kha spu 'chos pa na rgyal po lha chen po'i mgo las gshin rje'i pho nya skra dkar skyes pa mthong ngo / /mthong nas kyang yang rgyal po lha chen po la 'di skad ces smras so/ /lha mkhyen par mdzod cig /dbu la gshin rje'i pho nya dbu skra dkar po skyes lags so/ /kye nang rje de'i phyir khyod kyis skra dkar de dag rim gyis dal bus dal bus phyung la nga'i lag par byin cig /lha bka' bzhin 'tshal zhes skra mkhan gyi mis rgyal po lha chen po'i ltar mnyan nas skra skya bo de dag gser gyi smang tser gyis rim gyis dal bus dal bus phyung nas rgyal po lha chen po'i lag tu bzhag go/ /de nas rgyal po lha chen pos skra skya bo de dag lag pa gnyis kyis brkyang nas tshigs su bcad de smras pa/ bdag gi mgo las glad kyi skra/ /lang tsho 'phrog pa skyes pa ni/ /gshin rje'i pho nya byung gyur gyis/ /bdag ni rab 'byung dus la bab/ /bdag gis mi rnams kyi 'dod pa ni spyad zin te/ lha rnams kyi 'dod pa btsal ba'i dus la bab kyis/ ma la bdag gis gzhon nu thu bo rgyal srid kyi dbang phyug la dbang byed du bcug la rgyal po'i drang srong gi tshangs par spyod pa spyad do snyam mo/ /de nas rgyal po lha chen pos gzhon nu thu bo shos pho nyas bkug nas 'di skad ces smras so/ /gzhon nu shes par gyis shig /nga'i mgo las gshin rje'i pho nya skra dkar skyes te/ ngas mi rnams kyi 'dod pa ni spyad zin pas lha rnams kyi 'dod pa btsal ba'i dus la bab ste/ bu gzhon nu khyod la ngas rgya mtsho la thug pa'i sa chen po 'di gtad kyis/ khyod kyis 'di la chos bzhin gyis bskyang bar bya'i chos ma yin pas ni ma yin no/ /'ga' zhig chos ma yin pa spyod dam 'dren par spyod na khyod kyis yul du gnas su ma gzhug shig /bu gzhon nu khyod kyis kyang gang gi tshe mgo la gshin rje'i pho nya skra dkar skyes par mthong ba de'i tshe khyod kyis kyang gzhon nu thu bo shos rgyal srid kyi dbang phyug la dbang byed du chug la rgyal po'i drang srong gi tshangs par spyad pa spyod cig /ci nas kyang khyod kyis dge ba'i lam nges pa 'di lta bu la zhugs pa'i rjes su 'jug par bya'i/ rgyun chad par mi bya zhing skyes bu tha shal du gyur par mi bya'o/ /bu gzhon nu 'ga' zhig skyes bu bzang po yod pa'i dus 'di lta bu la dge ba'i lam nges pa 'di lta bu la zhugs pa'i rjes su 'jug par byed pa gang yin pa de ni de rnams kyi rgyun chad par mi byed pa yin/ de ni de rnams kyi skyes bu tha shal ma yin par 'gyur ro/ /bu gzhon nu 'ga' zhig skyes bu bzang po yod pa'i dus 'di lta bu la dge ba'i lam nges pa 'di lta bu la zhugs pa'i rjes su 'jug par mi byed pa gang yin pa de ni de rnams kyi rgyun chad par byed pa yin/ de ni de rnams kyi skyes bu tha shal yin no/ /de lta bas na nga khyod la de skad du ci nas kyang khyod kyis dge ba'i lam nges pa 'di lta bu la zhugs pa'i rjes su 'jug par bya zhing / rgyun 'chad par mi bya zhing skyes bu tha shal du gyur par mi bya'o zhes smra'o/ /de nas rgyal po lha chen pos gzhon nu thu bo rgyal srid kyi dbang phyug la dbang byed du bcug nas yul bcom brlag 'di nyid kyi lha chen po'i a mra'i tshal 'di nyid du rgyal po'i drang srong gi tshangs par spyod pa spyad do/ /rgyal po lha chen po'i gzhon nu thu bo rgyal srid kyi dbang phyug la dbang byed du bcug pa gang yin pa de yang rgyal po lha chen po zhes bya ba 'khor los sgyur ba'i rgyal po mtha' bzhir rnam par rgyal ba zhes bya ba nas gnas so zhes bya ba'i bar gong ma bzhin no/ /de nas rgyal po lha chen po'i skra dang kha spu dag skra mkhan gyi mis 'chos pa na zhes bya ba nas/ skyes bu tha shal du gyur par mi bya'o zhes bya ba'i bar gong ma bzhin no/ /de nas rgyal po lha chen pos gzhon nu thu bo rgyal srid kyi dbang phyug la dbang byed du bcug nas rgyal po'i drang srong gi tshangs par spyod pa spyod do/ /de ltar bu dang tsha bo dang yang tsha brgyud pas lha chen po brgyad khri bzhi stong gis rgyal po'i drang srong gi tshangs par spyod pa spyad do/ /de nas rgyal po lha chen pos bdag nyid kyi mchod sbyin phun sum tshogs pa mthong nas tshigs su bcad de smras pa/ lha dang mi yi nang dag tu/ /dbang phyug don du gnyer ba dang / /dbul ba'i 'jigs pas skrag pa yis/ /ci nus kyis ni sbyin pa gtang / / 'jig rten na ni sbyin byed mchod/ /sbyin byed lha yi nang mchod de/ /bya yi 'bras ldan shing bzhin du/ /'byung po kun gyi skyabs 'os yin/ /rgyal po chen po de'i tshe de'i dus na rgyal po lha chen po zhes bya ba 'khor los sgyur ba'i rgyal po gang gis dge ba'i lam nges pa de srol btod cing dge ba'i lam nges pa srol btod pa de la brten nas lha chen po brgyad khri bzhi stong gis rgyal po'i drang srong gi tshangs par spyod pa spyad pa de gzhan zhig yin snyam na/ khyod kyis de ltar mi blta ste/ nga nyid de'i tshe de'i dus na 'khor los sgyur ba'i rgyal po lha chen po zhes bya bar gyur te/ nga nyid kyis dge ba'i lam nges pa de srol btod cing dge ba'i lam nges pa srol btod pa de la brten nas lha chen po brgyad khri bzhi stong gi rgyal po'i drang srong gi tshangs par spyod pa spyad do/ /rgyal po chen po ngas sbyin pa 'am sbyin pa'i bgo bsha' des bla na med pa yang dag par rdzogs pa'i byang chub thob bo snyam na/ khyod kyis de ltar mi blta ste/ 'on kyang nga'i sbyin pa de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no// // rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sbyin pa dag btang / bsod nams dag byas pa gang yin pa de nyon cig /rgyal po chen po sngon byung ba yul mi thi la 'di nyid du de rnams kyi tha ma shos rgyal po mu khyud ces bya ba chos kyi rgyal po chos dang ldan pa chos la gnas pa'i rgyal po zhig byung ste/ de btsun mo dang gzhon nu dang / blon po dang / khrom gyi ru pa dang / grong mi dang / yul mi rnams dang lhan cig tu chos spyod cing sbyin pa dag gtong / bsod nams dag byed pa/ bsnyen gnas la nye bar gnas pa/ tshul khrims yang dag par blangs te gnas so/ /de'i tshe lha rnams kyi dbang po brgya byin sum bcu rtsa gsum pa'i lha rnams kyi gung la lha rnams kyi mdun sa chos bzang du tshogs shing lhags pa rnams la bsngags pa rjod de/ grogs po dag lus 'phags kyi mi rnams kyi rnyed pa ni legs par rnyed de/ lus 'phags kyi mi de rnams kyi rgyal po mu khyud ni chos kyi rgyal po chos dang ldan pa chos la gnas pa'i rgyal po chen po yin te/ de btsun mo dang zhes bya ba nas lhan cig tu chos spyod cing tshul khrims yang dag par blangs te gnas so zhes bya ba'i bar gong ma bzhin no/ /grogs po dag khyed cag rgyal po mu khyud lta bar 'dod dam/ kau shi ka mchog tu 'tshal lo/ /grogs po dag de'i phyir khyed cag sdod cig dang kho bos ji rgyal po mu khyud brtag par bya'o/ /de nas lha rnams kyi dbang po brgya byin dper na skyes bu mthu dang ldan pa'i lag pa bskum pa las brkyang nas brkyang ba las bskum pa tsam gyis lha rnams kyi dbang po brgya byin sum bcu rtsa gsum pa'i lha rnams kyi nang nas mi snang bar gyur te/ mi thi lar rgyal po mu khyud ldan gyi khang bzangs su phyin nas 'di skad ces smras so/ /mu khyud ldan khyod kyi rnyed pa ni legs par rnyed de/ gang gi phyir sum bcu rtsa gsum pa'i lha rnams lha'i mdun sa chos bzangs su tshogs shing 'dus pa rnams khyod kyi bsngags pa rjod par byed cig /grogs po dag lus 'phags kyi mi rnams kyi rnyed pa zhes bya ba nas tshul khrims yang dag par blangs te gnas so zhes bya ba'i bar gong ma bzhin no/ /mu khyud khyod sum bcu rtsa gsum pa'i lha rnams lta zhing 'gro 'dod dam/ kau shi ka bdag sum bcu rtsa gsum pa'i lha rnams la lta zhing mchi 'tshal lo/ /mu khyud khyod de'i phyir sdod cig /kho bos je cang shes stong ldan gyi shing rta khyod la bskur gyis/ der khyod zhugs la ma g.yo bar shog shig /rgyal po mu khyud kyis de bzhin du 'tshal lo zhes lha rnams kyi dbang po brgya byin las mnyan to/ /de nas lha rnams kyi dbang po brgya byin sum bcu rtsa gsum pa'i lha rnams kyi nang du song nas kha lo sgyur ba ma la gdu la smras pa/ ma la gdu khyod song la cang shes stong ldan gyi shing rta myur du chos la rgyal po mu khyud gang na ba der song ste phyin nas 'di skad ces/ mu khyud khyod la lha rnams kyi dbang po brgya byin gyis cang shes stong ldan gyi shing rta bskur ba 'di yin gyis der khyod zhugs la ma g.yo bar shog shig ces byos shig /kau shi ka khyod kyis gsungs pas shin du ma nongs so zhes kha lo sgyur ba ma la gdus lha rnams kyi dbang po brgya byin las mnyan nas myur du cang shes stong ldan gyi shing rta bcas te/ rgyal po mu khyud gang na ba der song nas phyin pa dang 'di skad ces smras so/ /mu khyud khyod la lha rnams kyi dbang po brgya byin gyis cang shes stong ldan gyi shing rta bskur ba 'di yin gyis 'dir khyod zhugs la ma g.yo bar shog shig ces mchi'o/ /rgyal po chen po rgyal po mu khyud cang shes stong ldan gyi shing rtar zhugs pa dang / de nas kha lo sgyur ba ma la gdus rgyal po mu khyud la smras pa/ khyod kyi shing rta gang nas drang / gang na sems can sdig pa'i las can rnams sdig pa mi dge ba'i las kyi rnam par smin pa nyams su myong ba nas sam/ gang na sems can dge ba'i las can rnams las dge ba'i rnam par smin pa nyams su myong ba nas drang / ma la gdu de'i phyir gang na sems can sdig pa'i las can rnams sdig pa mi dge ba'i rnam par smin pa nyams su myong ba yod pa dang / gang na sems can dge ba'i las can rnams las dge ba'i rnam par smin pa nyams su myong ba dag yod pa gnyis ka bltas/ de dag gang na ba de logs su shing rta drongs shig /de nas kha lo sgyur ba ma la gdus rgyal po mu khyud kyis ci nas kyang gang na sems can sdig pa'i las can rnams sdig pa mi dge ba'i las kyi rnam par smin pa nyams su myong ba yod pa dang / gang na sems can dge ba'i las can rnams las dge ba'i rnam par smin pa nyams su myong ba yod pa gnyi ga mthong bar 'gyur ba de ltar rgyal po mu khyud ldan gyi shing rta drangs so/ /rgyal po mu khyud sum bcu rtsa gsum pa'i lha rnams kyi nang du phyin nas rgyal po mu khyud lha rnams kyi mdun sa chos bzang du zhugs pa dang / lha rnams kyi dbang po brgya byin gyis rgyal po mu khyud la stan phyed bstabs nas rgyal po mu khyud dang lha rnams kyi dbang po brgya byin stan phyed phyed la 'dug go/ /rgyal po chen po rgyal po mu khyud dang lha rnams kyi dbang po brgya byin stan phyed phyed la 'dug pa na khyad par ram/ bsam pa 'am/ tha dad du bya ba cung zad kyang med de/ gzhan du na lha rnams kyi dbang po brgya byin ni mig mi 'dzums par zad do/ /de nas rgyal po mu khyud kyis bdag nyid kyi mchod sbyin phun sum tshogs pa mthong nas de'i tshe tshigs su bcad de smras pa/ dge las byas dang de bzhin du/ /mi dge'i las byas mthong nas ni/ /mi gang bag med byed pa de/ /skyes bu tha shal snying re rje/ /de nas lha rnams kyi dbang po brgya byin gyis rgyal po mu khyud la 'di skad ces smras so/ /mu khyud khyod 'di nyid du 'dug la dga' bar spyod cig /'dod pa'i yon tan lnga 'byor cing ldan pas rtsed mo byos shig /dga' bar spyod cig /dga' mgur spyod cig /des tshigs su bcad de smras pa/ ji ltar snod dang shing rta dag /brnyas pa re shig dus yin ltar/ /de dang 'dra bar gnas 'di yang / /dbang ni gzhan dag sgyur bas bdag /'di nas mi thi lar song nas/ /dge ba mang po rnams bya zhing / /bsod nams phun sum tshogs byas nas/ /de nas mtho ris 'ong bar bya/ /de mi thi lar 'ongs nas sbyin pa dag btang / bsod nams dag byas nas tshigs su bcad de smras pa/ gang tshe rgyal rigs bram ze dang / /rje'u rigs dmangs rigs gdol pa dang / /kla klo phongs la byin pa yi/ /sbyin pa dam pa rnams kyis bsngags/ /mu ge'i tshe na sbyin byin zhing / /skye bo dam pa tshim byas nas/ /ngan song rnams spangs 'di dang ni/ /mtho ris su yang bkur ba yin/ /phan yon 'di ni shes nas kyang / /mkhas pa rnams kyis sbyin pa gtang / /sbyin pa yis ni thar pa dang / /dbang phyug lha gnas 'byor bar 'gyur/ /rgyal po chen po de'i tshe de'i dus na 'khor los sgyur ba'i rgyal po mu khyud ces bya ba gang gis sum bcu rtsa gsum pa'i lha rnams kyi nang du song nas lha rnams kyi dbang po brgya byin gyis stan phyed dang / lha rnams kyi 'dod pa'i yon tan lngas bstabs nas/ des mi thi lar 'ongs te grong khyer gyi sgo bzhir mchod sbyin gyi gnas brtsigs nas sbyin pa dag btang / bsod nams dag byas pa de gzhan zhig yin snyam na khyod kyis de ltar mi blta ste/ 'on kyang nga nyid de'i tshe de'i dus na 'khor los sgyur ba'i rgyal po mu khyud ces bya ba gang gis sum bcu rtsa gsum pa'i lha rnams kyi nang du song nas lha rnams kyi dbang po brgya byin gyis stan phyed dang lha rnams kyi 'dod pa'i yon tan lngas bstabs pa yin par gyur te/ nga nyid de nas mi thi lar song nas grong khyer gyi sgo bzhir mchod sbyin gyi gnas brtsigs te sbyin pa dag byin/ bsod nams dag byas so/ /rgyal po chen po ngas sbyin pa 'am sbyin pa'i bgo bsha' des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i sbyin pa de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no// // de'i 'og tu rgyal po kun dga' bo zhes bya ba mthu dang ldan pa zhes bya ba'i bar du rgyas par sbyar te/ de la bu gcig dang gnyis nas lnga'i bar dag btsas pa las de'i bu tha chungs gang yin pa de'i gdong me long 'dra bas de'i ming me long gdong zhes bya bar grags so/ /de dag thams cad bsrings bskyed de chen por gyur to/ / gzhon nu me long gdong ni des pa dang shin tu dul ba yin no/ /de dag gzhan ni gtum pa/ gzu lums can/ rtsub pa yin no/ /de dag thams cad pha'i dgos pa zhig gi phyir 'dus na shes rab kyis cung zad kyang so sor rtogs pa med do/ /gzhon nu me long gdong ni dri ba zab mo dag la rang gi shes rab kyis dpyod par byed do/ /rgyal po kun dga' bo nad kyis thebs nas des bsams pa/ gang rgyal srid byed du gzhug /gal te bdag gis bu pho gong ma bzhi las gang yang rung ba zhig rgyal po byed du bcug na de rnams gtum pa/ gzu lums can rtsub pa yin pas tshul ma yin pas yul mi rnams la gnod pa byed par 'gyur ro/ /gal te gzhon nu me long gdong rgyal srid byed tu bcug na ni nye du rnams kyis da rgyal po 'dis sras thu bo rnams bzhag nas sras tha chungs rgyal srid byed du 'jug pa ci'i tha tshig ces smod par 'gyur bas thabs shig bsham mo snyam nas/ des rin po che gsum dang / btsun mo'i 'khor zhes byed pa dang / shes rab kyis so sor brtag par bya ba drug bzhag nas des blon po rnams la smras pa/ kye sna bo dag nga 'das na khyed cag gis gzhon nu rnams re re nas brtag par bya ste/ sus nor bu'i lham zung du bgos na 'tsham par 'gyur ba dang / seng ge'i khri la 'dug na mi g.yo bar 'dug pa dang / dbu rgyan mgo la thogs na mi g.yo bar 'dug pa dang / btsun mo'i 'khor zhe sa byed pa dang / shes rab kyis so sor brtag par bya ba drug po nang gi gter dang / phyi'i gter dang / phyi nang gi gter dang / shing gi rtse mo'i gter dang / ri'i rtse mo'i gter dang / chu 'gram gyi gter te/ su 'di dag thams cad dang ldan par gyur pa de nga 'das nas khyod cag gis chug shig ces smras nas/ bsags pa kun gyi mtha' zad cing / /mthon po'i mtha' ni ltung bar 'gyur zhes bya ba yin pas shi'o/ /blon po de rnams kyis gzhon nu phu bo shos la nor bu'i lham zung du bskon na ji ltar yang de dang mi 'tsham mo/ /seng ge'i khri la bzhag na g.yos so/ /dbu rgyan btags na rab tu g.yos so/ /btsun mo'i 'khor gyis kyang zhe sa ma byas so/ /shes rab kyis so sor brtag par bya ba drug smras na ma shes te/ nu bo phyi ma rnams kyang de bzhin no/ / gzhon nu me long gdong la nor bu'i lham zung du bskon na shin tu 'tsham par 'dug go/ /seng ge'i khri la 'dug na mi g.yo bar 'dug go/ /dbu rgyan thogs na spyi gtsug rgyas par 'dug go/ /btsun mo'i 'khor gyis kyang zhe sa byas pa dang / blon po rnams kyis smras pa/ da dung shes rab kyis so sor brtag par bya ba drug po nang gi gter dang / phyi'i gter dang / phyi nang gi gter dang / shing gi rtse mo'i gter dang / ri'i rtse mo'i gter dang / chu 'gram gyi gter shes par bya dgos so/ /me long gdong gis bsams pa/ nang gi gter zhes bya ba nang gi gter ci zhe na/ them pa'i nang rol na yod pa'i gter yin no/ /phyi'i gter zhes bya ba phyi'i gter ci zhe na/ phyi'i gter zhes bya ba ni them pa'i phyi rol na yod pa'i gter yin no/ /phyi nang gi gter zhes bya ba ci yin zhe na/ them pa'i 'og na yod pa'i gter yin no/ /shing gi rtse mo'i gter zhes bya ba shing gi rtse mo'i gter ci zhe na/ rgyal po de bzhugs pa'i shing de'i grib mas nyi ma'i gung la gang du khyab pa de na yod pa'i gter yin no/ /ri'i rtse mo'i gter zhes bya ba ni rgyal po de rol pa'i rdzing de na khrus kyi rdo leb yod pa de'i 'og na yod pa'i gter yin no/ /chu 'gram gyi gter zhes bya ba ni khyim gyi chu gang du 'bab pa de'i stor khung gi mtha' na yod pa'i gter yin no/ /blon po de rnams kyis thams cad so sor brtags na de dag byung nas de rnams kyis de rgyal por dbang bskur te/ rgyal po me long gdong zhes bya ba mthu dang ldan par gyur to/ /ri 'or gzhan zhig na bram ze dbyug gu can zhes bya ba zhig gnas pa des khyim bdag cig las glang dag cig brnyas te zhing rmos nas glang de dag ded de khyim bdag de'i khyim du song ba dang / ji tsam na khyim bdag de dro la bab nas bram ze dbyug gu can gyis/ glang phug tu btang ba las sgo gzhan zhig nas byung ste song ngo / /khyim bdag de zan zos nas langs na gang na yang glang mi snang nas des dbyug gu can bzung nas glang ga re/ des smras pa khyim du ma bcug gam/ khyod kyis kho bo'i glang phrogs kyis kho bo la glang slar byin cig /des smras pa/ kho bos ma phrogs so/ /des smras pa/ rgyal po me long gdong 'di ni shes rab dang ldan pa yin gyis de'i drung du dong dang / des don 'di sbyangs dpyad de bdag cag la rigs mi rigs ston par 'gyur ro zhes de gnyis chas pa dang / mi zhig gis rta rgod ma zhig bros nas des dbyug gu can la smras pa/ rta rgod ma 'o ni khog shig /des smras pa/ ji ltar dgag / ci nus pas so/ /des rdo ba zhig blangs te mgor bsnun pas de shi bar gyur to/ /mi des smras pa/ kho bo'i rta rgod ma khyod kyis bsad kyis kho bo la rta rgod ma gcig byin cig /ci'i phyir rta rgod ma sbyin/ des smras pa tshur shog /rgyal po me long gdong gi gan du dong dang / des bdag cag gi zhal che gcod par 'gyur ro zhes de dag der dong ba dang / dbyug gu can de 'bros par brtsams te/ des rtsig pa zhig gi kha nas bdag nyid mchongs pa dang / de'i shod na tha ga pa zhig thags 'thag cing 'dug pa de'i steng du lhung bas tha ga pa shi nas dbyug gu can yang tha ga pa'i chung mas bzung nas/ kho mo'i khyim thab khyod kyis bsad kyis kho mo'i khyim thab byin cig /kho bos khyod kyi khyim thab ga las sbyin/ des smras pa/ tshur rgyal po me long gdong gi drung du dong dang / des bdag cag gi zhal che gcod par 'gyur ro zhes de rnams chas pa dang / lam gyi bar de na chu bo gting zab mo zhig yod pa de la shing mkhan zhig kha na ste'u thogs te phas tshur rgal ba de la dbyug gu can des smras pa/ chu che chung ji tsam/ ste'u btang ste smras pa/ chu gting zab bo/ /ste'u de chur lhung nas des dbyug gu can de bzung ste/ khyod kyis nga'i ste'u chur bskur ro/ /ngas ma bskur ro/ /tshur rgyal po me long gdong gi drung du dong dang / des bdag cag gi zhal che gcod par 'gyur ro/ /de rnams ngal bas dbyug gu can khrid de chang 'tshong zhig gi khyim du zhugs pa dang / chang 'tshong ma la khye'u zhig btsas pa des khye'u de gos kyis bkab ste bsnyal ba de la dbyug gu can 'dug go/ /des khye'u yod khye'u yod ces smras nas/ ji tsam na bltas na shi bar gyur nas des dbyug gu can de bzung nas/ khyod kyis kho mo'i bu bsad kyis kho mo'i bu byin cig /des smras pa/ kho bos ni ma bsad na ci'i phyir kho bos khyod la bu sbyin/ des smras pa/ tshur rgyal po me long gdong gi drung du 'dong ngo zhes de rnams chas pa dang / ji tsam na phyogs gzhan zhig na shing skam la khwa zhig 'dug pa des dbyug gu can mthong nas smras pa/ gang du 'gro/ kho bo ni mi 'gro na 'di dag gis kho bo khrid do/ /gang du me long gdong gi drung du'o/ /'o na kho bo'i phrin yang khyer la rgyal po me long gdong la phyogs ga ge mo zhig na shing lo ma skams pa zhig mchis pa de la khwa zhig mchis te/ de'i mchid nas shing lo ma sngo zhing snum pa gzhan dag mchis bzhin du de la bdag dga' bar mi 'gyur gyi/ 'di la bdag mchis na bde ba ci las gyur ces gyis shig /de rnams chas pa las ri dgas zhig gis dbyug gu can mthong nas des smras pa/ dbyug gu can gang du 'gro/ kho bo ni gang du yang mi 'gro na 'di dag gis kho bo khrid do/ /gang du/ me long gdong gi drung du'o/ /kho bo'i phrin yang khyer la gnas gzhan dag na gsing ma dang rtswa sngon po dag mchis bzhin du bdag de dag la ma dad pa la rgyu ci zhig mchis shes gyis shig /de rnams chas pa dang ji tsam na sreg pa zhig gis mthong nas smras pa/ gang du 'dong zhes bya ba nas/ 'o na kho bo'i phrin yang khyer cig ces bya ba'i bar gong ma bzhin du ste/ bdag phyogs gcig tu ni sreg pa'i skad 'byin la/ phyogs gzhan du ni skad gzhan 'byin pa 'di la rgyu ci zhig mchis shes kyis shig / // 'dul ba gzhi/ bam po bzhi bcu bzhi pa/ /phyogs gzhan zhig na sbrul zhig gis mthong nas zhes bya ba nas 'o na kho bo'i phrin yang khyer cig ces bya ba'i bar gong ma bzhin du ste/ bdag phug nas ni bde bar 'byung la slar ni sdug bsngal gyis 'jug pa 'di la rgyu ci zhig mchis shes gyis shig /sbrul zhig dang ne'u le gnyis phan tshun mi mthun zhing 'thab par byed pa zhes bya ba nas 'o na bdag cag gi phrin yang khyer cig ces bya ba'i bar gong ma bzhin du ste/ bdag cag nyin par gcig gis gcig mthong nas thab mo bgyid kyi dga' bar mi 'gyur ba 'di la rgyu ci zhig mchis zhes gyis shig /bag sar gzhon nu ma zhig gis zhes bya ba nas des smras pa/ 'o na bdag gi phrin yang khyer cig ces bya ba'i bar gong ma bzhin du ste/ gang gi tshe bdag pha'i khyim na mchis pa de'i tshe ni gyos po'i khyim 'tshal la/ gang gi tshe gyos po'i khyim na mchis pa de'i tshe na pha'i khyim 'tshal ba 'di la rgyu ci zhig mchis zhes gyis shig /de rnams chas nas rgyal po me long gdong gang na ba der dong ste phyin nas dbyug gu can gyis rgyal po la rgyal ba dang tshe spel ba dag byas nas phyogs gcig tu 'dug go/ /gzhan dag gis kyang rkang pa gnyis la mgo bos phyag byas te 'khod pa dang / rgyal pos dbyug gu can la dris pa khyod ci la 'ongs lha bdag ni khrid do ci zhig gi phyir/ dbyug gu can gyis khyim bdag dang ci zhig las rtsod pa de thams cad smras so/ /rgyal pos khyim bdag la dris pa/ khyod kyis glang mthong ngam mthong lags so/ /dbyug gu can khyod kyis glang phugs su bskrad dam/ lha bskrad lags so/ /rgyal pos smras pa/ gang gi phyir go bar ma byas pas dbyug gu can 'di'i lce chod cig /gang gi phyir 'di yang glang ma btags pas mig phyung shig /khyim bdag gis smras pa/ rnam pa gcig tu bdag gi glang stor/ rnam pa gnyis su bdag gi mig dbyung ba bas dbyug gu can rgyal mi bsdo'o/ /mi des smras pa lha dbyug gu can 'dis bdag gis rta rgod ma zhig bkum mo/ /ji ltar bsad de rgyas par smras pa dang / rgyal pos smras pa/ gang gi phyir ji ltar nus pa de bzhin du khog shig /ces smras pas mi 'di'i lce chod cig /gang gi phyir rdo bas mi snun par gzhan gyis dgag mi nus pa med pas dbyug gu can 'di yang lag pa chod cig /mi des smras pa rnam pa gcig tu bdag gi rta rgod ma bkum/ rnam pa gnyis su bdag gi lce bcad pa bas dbyug gu can rgyal mi bsdo'o/ /tha ga pa'i chung mas rgyas par smras pa dang rgyal pos smras pa/ 'di nyid khyod kyi khyim thab tu khyer cig /des smras pa rnam pa gcig tu ni 'dis bdag gi sdum thab bkum/ rnam pa gnyis su 'di sdum thab tu 'gyur ba bas dbyug gu can rgyal mi bsdo'o/ / shing mkhan gyis rgyas par smras pa dang / rgyal pos smras pa gang gi phyir ste'u chu'i dbus su bor nas tshig smras pas shing mkhan 'di lce chod cig /dbyug gu can 'di yang chu'i gting zab par mthong bzhin du shing mkhan la 'dri bas mig dbyung ngo / /shing mkhan gyis smras pa/ rnam pa gcig tu bdag gi ste'u stor/ rnam pa gnyis su bdag gi lce bcad pa bas dbyug gu can rgyal mi bsdo'o/ /chang 'tshong mas rgyas par smras pa dang rgyal pos smras pa/ gang gi phyir 'dis bu thams cad kyi thams cad du gos kyis g.yogs nas bsnyal bas chang 'tshong ma 'di lag pa chod cig /dbyug gu can yang ma brtags par gzhan gyi stan la 'dug pas 'di ni mig phyung shig des smras pa/ rnam pa gcig tu bdag gi bu bkum/ rnam pa gnyis su bdag gi sug pa bkum pa bas dbyug gu can rgyal mi bsdo'o/ /dbyug gu can gyis khwa'i than smras pa dang rgyal pos smras pa/ dbyug gu can khwa de la khyod phyogs de na ri 'or cig yod pa'i grong gi bdag por gyur pa na shing skam po de'i drung na gter yod kyis de 'ga' zhig la byin te song shig dang bde bar 'gyur ro zhes sgo shig /ri dgas kyi than smras pa dang / khyod kyis ri dgas la ri dgas khyod de na shing yod pa de'i kha nas sbrang rtsi'i thigs pa 'dzag ste/ de zags pas rtswa dang gsing ma mngar por gyur pa la khyod za za ba sbrang ma de song zin gyis ro la chags par ma byed cig /tshul ma yin pas sdug bsngal bar gyur ta re zhes smros shig /sreg pa'i than smras pa dang rgyal pos smras pa/ gang du sreg pa de sreg pa'i skad 'byin pa'i phyogs de na gter med kyi/ gang du skad gzhan 'byin pa de na gter yod pas khyod kyis gter 'ga' zhig la ston la tshul ma yin pas sdug bsngal bar gyur na mi rung gis gzhan du song shig ces sgo shig /des sbrul dang ne'u le'i than smras pa dang rgyal pos smras pa/ de gnyis la khyed cag mir gyur pa na spun gnyis zhig tu skyes te/ de na gcig gis smras pa/ nor bgo'o gcig shos ser snas zil gyis non bas ma bgos so/ /de la gcig ni lhag par chags par byas pas sbrul du skyes so/ /gcig shos kyang nor la then te lhag par chags par byas pas ne'u ler skyes so/ /de bas na khyed cag gis nor de dag dge sbyong ngam/ bram ze dag la byin la gnas de 'or cig dang bde bar 'gyur ro zhes sgo shig sbrul gyi than smras pa dang rgyal pos smras pa/ khyod kyis sbrul de la khyod ltogs shing nyam chung bar gyur pas ni phug nas bde bar phyir 'byung la/ kha zas phal mo che zos nas ni sdug bsngal bas phug tu 'jug pa yin gyis/ khyod kyis kha zas la ji tsam du spyad pa drod zin par byas na khyod bde bar gnas par 'gyur ro/ /zhes sgo shig bag sar gzhon nu ma'i than smras pa dang rgyal pos smras pa/ khyod kyis bag sar gzhon nu ma de la khyod kyi pha'i khyim na 'grogs bshes shig gnas te/ gang gi tshe khyod gyos po'i khyim na 'dug pa de'i tshe ni 'grogs bshes de 'dod do/ /gang gi tshe pha'i khyim na gnas pa de'i tshe ni khyim thab 'dod de/ khyod tshul ma yin pas sdug bsngal bar gyur na mi rung gis gnas gcig thong la gcig legs par gzung bar byos shig ces sgo shig bag sar gzhon nu ma de dang sbrul gyis ni ji skad bstan pa bzhin du byas so/ /sbrul dang ne'u le dag dang khwas ni nor dbyug gu can la byin no/ /lhag ma rnams kyis kyang ji skad bstan pa de bzhin mnyan to/ / blon po rnams kyis smras pa/ kye ma'o lha la 'di lta bu'i spobs pa yang mnga' ba lta/ rgyal po dga' ba dang mgu bas grong khyer gyi sgo bzhi rnams su sbyin gtong gi khang pa brtsigs nas sbyin pa'i zhal ta ba'i mi dag bzhag go/ /de'i tshe mu ge lo bcu gnyis su byung ste/ des mu ge lo bcu gnyis su byung ba na srog chags brgya stong phrag du ma dag gi kha zas sbyar to/ /des bdag nyid kyi mchod sbyin phun sum tshogs pa mthong nas tshigs su bcad de smras pa/ blo ldan chos dang mthun pa yin/ /nor rnyed bsags par mi bya ste/ /tshul khrims phun sum tshogs pa yi/ /yon gnas la ni yon du dbul/ /dge sbyong bram ze des pa dang / /phongs pa legs par tshim byas na/ /shes rab can de lus zhig nas/ /lha yi nang du skye bar 'gyur/ /mkhas pas de ltar shes byas nas/ /dad ldan chags pa med sems kyis/ /yon gnas rnams la byin pa ni/ /dpa' bo ser sna med pas bsngags/ /rgyal po chen po de'i tshe de'i dus na rgyal po me long gdong zhes bya ba mthu dang ldan pa gang gis mu ge lo bcu gnyis su byung ba na srog chags brgya stong phrag du ma'i kha zas sbyar ba de gzhan zhig yin snyam na/ khyod kyis de ltar mi blta ste/ 'on kyang nga nyid de'i tshe de'i dus na rgyal po me long gdong zhes bya ba mthu dang ldan pa der gyur te/ ngas mu ge lo bcu gnyis su byung ba na srog chags brgya stong phrag du ma dag gi kha zas sbyar to/ /rgyal po chen po ngas sbyin pa 'am sbyin pa'i bgo bsha' des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i sbyin pa de ni bla na med pa yang dag par rdzogs pa'i byang chub kyi rgyu tsam dang rkyen tsam dang / tshogs tsam yin no// // rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sbyin pa dag byin/ bsod nams dag byas pa gang yin pa de nyon cig /rgyal po chen po sngon byung ba 'khor los sgyur ba'i rgyal po nor bzangs zhes bya ba zhig byung ste/ des grong khyer brgyad khri bzhi stong du mchod sbyin gyi gnas brtsigs te lo mang po dang lo brgya phrag mang po dang / lo brgya stong phrag mang por sbyin pa dag byin bsod nams dag byas te/ des bdag nyid kyi mchod sbyin phun sum tshogs pa mthong nas tshigs su bcad de smras pa/ lha dang mi yi nang dag tu/ /bdag gi 'byor pa mthong nas ni/ /gang gis phun sum 'thob pa yi/ /sbyin pa su zhig sbyin mi byed/ /gang gis skyes bu brgya phrag thibs mnan cing / /ser sna dgra bor gyur pa zil mnan nas/ /'jig rten pha rol 'jigs pas sbyin gtong de/ / bdag ni dpa' bo'i dpa' rab yin par sems/ /gang zhig lag na mtshon thogs g.yul ngor 'jug /de ni dpa' bo min zhes thub rnams gsung / /gang dag 'jigs pa med par sbyin gtong ba/ /de dag dpa' bo yin zhes kun mkhyen gsung / /rgyal po chen po de'i tshe de'i dus na 'khor los sgyur ba'i rgyal po nor bzangs zhes bya ba gang gis grong khyer brgyad khri bzhi stong du mchod sbyin gyi gnas brtsigs te lo mang po dang lo brgya phrag mang po dang lo brgya stong phrag mang por sbyin pa dag byin/ /bsod nams dag byas pa de gzhan zhig yin snyam na khyod kyis de ltar mi blta ste/ 'on kyang nga nyid de'i tshe de'i dus na 'khor los sgyur ba'i rgyal po nor bzangs zhes bya ba der gyur te/ nga nyid kyis de na grong khyer brgyad khri bzhi stong du mchod sbyin gyi gnas brtsigs te lo mang po dang lo brgya phrag mang po dang lo stong phrag mang po dang / lo brgya stong phrag mang por sbyin pa dag byin/ bsod nams dag byas so/ /rgyal po chen po ngas sbyin pa 'am sbyin pa'i bgo bsha' des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i sbyin pa de ni bla na med pa yang dag par rdzogs pa'i byang chub kyi rgyu tsam dang rkyen tsam dang / tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sbyin pa dag byin/ bsod nams dag byas te/ brtson 'grus kyi pha rol tu phyin pa yongs su rdzogs par byas kyang bla na med pa yang dag par rdzogs pa'i byang chub ma thob pa gang yin pa de nyon cig /rgyal po chen po sngon byung ba yul lnga len par rgyal po gnyis byung ste/ byang phyogs kyi lnga len dang lho phyogs kyi lnga len pa'o/ /de la byang phyogs kyi lnga len pa nor can zhes bya ba grong khyer glang po'i khyim zhes bya ba na 'byor pa dang rgyas pa dang bde ba dang / lo legs pa skye bo dang mi mang pos gang ba 'thab pa dang / khrag khrug dang 'gyed pa dang chom rkun med pa nad rab tu zhi bar gyur pa 'bras sa lu dang / bu ram shing dang ba lang dang / ma he phun sum tshogs pa na chos kyi rgyal po chos dang ldan pa dang / chos bzhin gyis rgyal srid byed du 'jug go/ /grong khyer de na yang mtsho chen po ut+pa la dang pad ma dang ku mu da dang / pad ma dkar pos gang ba/ ngang pa dang ngur pa dang bya ka ran da bas mdzes par byas pa yid du 'ong ba yod do/ /mtsho de na klu'i bu skye ba sna tshogs pa zhes bya ba gnas te/ des dus dus su char gyi rgyun legs par phab pas sa gzhi lhag par lo thog phun sum tshogs par gyur to/ /yul yang bza' ba dang btung ba shin tu mod la/ 'jig rten yang sbyin pa dang / mchod pa dang bsnyen bkur dang ldan pas dge sbyong dang / bram ze dang bkren pa dang phongs pa rnams la kha zas sbyin par byed do/ /lho phyogs kyi lnga len pa'i rgyal po ni chos ma yin pa la lhag par gnas pa/ gtum pa/ gzu lums can/ spro thung ba zhig pas chos ma yin pas rgyal srid byed cing chad pa dang / rdeg pa dang / 'tshog pa dang / gsod pa dang / 'dzin pa dang / 'ching ba dang / su mi 'dod dang / khong sgril dang / gnod pa sna tshogs kyis yul na gnas pa'i skye bo rnams la rtag tu skrag par byed do/ / des chos ma yin pa la lhag par gnas pas des lha yang dus dus su char gyi rgyun legs par mi 'bebs so/ /des na skye bo'i tshogs de 'jigs pa dang / yi chad pas rang gi srog la yang mi lta bar yul yongs su spangs te byang phyogs kyi lnga len pa'i rgyal po'i yul du dong nas gnas so/ /ji tsam dus gzhan zhig na lho phyogs kyi lnga len pa'i rgyal po ri dgas 'chor ba'i tshul du byas nas yul rnams brtag pa'i phyir byung ba dang / grong rdal dang grong khyer gang yin pa dag ni stong par gyur cing / bskyed mos tshal dang lha khang rnams ni zhig ral du gyur par mthong ngo / /mthong nas kyang blon po rnams la smras pa/ shes ldan dag ci'i phyir grong rdal dang grong khyer 'di stongs par gyur cing / bskyed mos tshal dang lha khang rnams ni zhig ral du gyur/ skye bo'i tshogs de dag ni gang du dong / blon po rnams kyis smras pa/ lha byang phyogs kyi lnga len pa'i rgyal po nor can gyi yul du mchis so/ /ci'i phyir lha mi 'jigs pa stsal du gsol/ shes ldan sbyin gyis smros shig /de nas de rnams kyis smras pa/ lha byang phyogs kyi lnga len pa'i rgyal po chos bzhin gyis rgyal srid bgyid pas de'i yul 'byor pa dang rgyas pa dang / bde ba dang lo legs pa skye bo dang / mi mang pos gang zhing 'thab pa dang / rtsod pa dang / khrag khrug dang / 'gyed pa dang / chom rkun ma mchis la nad rab tu zhi bar gyur pa/ 'bras sa lu dang / bu ram shing dang / ba lang dang / ma he phun sum tshogs pa/ 'jig rten yang sbyin pa dang / mchod pa dang / bsnyen bkur dang ldan pas dge sbyong dang bram ze dang bkren pa dang / phongs pa rnams la kha zas stsol bar bgyid do/ /lha ni gtum pa gzu lums can/ spro thung bas chad pa dang / rdeg pa dang 'tshog pa dang / gsod pa dang 'dzin pa dang / 'ching ba dang su mi 'dod dang / khong sgril dang / gnod pa sna tshogs kyis yul mi rnams la rtag tu skrag par mdzad pas des na skye bo'i tshogs de 'jigs shing yi chad nas byang phyogs pa'i lnga len pa'i rgyal po'i yul du mchis lags so/ /lho phyogs kyi lnga len pa'i rgyal pos smras pa/ shes ldan dag gang gis na skye bo'i tshogs de slar 'ongs nas grong rdal dang grong khyer 'di dag tu gnas par 'gyur ba'i thabs bzang po ci yod/ blon po rnams kyis smras pa/ lha gal te byang phyogs kyi lnga len pa'i rgyal po bzhin du chos bzhin gyis rgyal srid mdzad de/ byams pa'i sems dang phan pa'i sems dang / thugs brtse ba'i sems kyis yul bskyangs na ring po mi thogs par skye bo'i tshogs de slar mchis nas grong rdal dang grong khyer 'di rnams su gnas par 'gyur lags so/ /lho phyogs kyi lnga len pa'i rgyal pos smras pa/ shes ldan dag gal te de lta na ngas kyang byang phyogs kyi lnga len pa'i rgyal po bzhin du chos bzhin gyis rgyal srid byas te/ byams pa'i sems dang phan pa'i sems dang / snying brtse ba'i sems kyis yul bskyang bar byas/ khyed kyis ci nas kyang skye bo'i tshogs de slar 'ongs nas grong rdal dang grong khyer 'di rnams su gnas par 'gyur ba de ltar gyis shig /lha yon tan gzhan yang 'di lta bu mchis te/ grong khyer de na mtsho chen po ut+pa la dang / pad ma dang ku mu da dang / pad ma dkar pos gang ba ngang pa dang / ngur pa dang / bya ka ran da bas mdzes par bgyis pa de na klu'i bu skye ba sna tshogs pa zhes bgyi ba zhig gnas te/ des dus dus su char gyi rgyun legs par phab pas lo tog lhag par phun sum tshogs par gyur to/ /des na sa gzhi lhag par lo tog dang ldan pas yul yang bza' ba dang btung ba shin tu mod lags so/ /rgyal pos smras pa/ shes ldan dag gang gis na klu'i bu de 'dir khugs par 'gyur ba'i thabs lta ci yod/ lha rig sngags dang gsang sngags 'chang dag gis de khugs par 'gyur gyis/ de dag btsal du gsol de nas rgyal pos gser gyi thum po rgyal mtshan gyi rtse mo la bcings nas yul thams cad du dril bsgrags te/ gang gis byang phyogs lnga len pa'i yul nas klu'i bu skye ba sna tshogs pa khugs na de la gser gyi thum po 'di sbyin no/ /bkur sti chen pos kyang bkur sti bya'o/ /ji tsam na sbrul khas sdigs pa zhig blon po rnams kyi drung du song nas smras pa/ bdag la gser gyi thum po 'di stsal na bdag gis klu'i bu skye ba sna tshogs pa phrogs te khrid de mchi'o/ /blon po rnams kyis smras pa/ 'di khyer cig des smras pa/ khyed cag gang la yid ches shing yid brtan pa de'i lag tu bzhag la klu'i bu skye ba sna tshogs pa khrid de mchis nas 'tshal lo/ /de bzhin du gyis shig de nas sbrul khas sdigs pa des mi yid brtan du rung ba'i lag tu gser gyi thum po gtad nas glang po'i khyim gyi grong khyer du song ngo / /de nas des mtsho de'i kho ra khor yug brtags na mtshan ma la mkhas pa zhig pas/ klu'i bu skye ba sna tshogs pa de ni phyogs 'di kho na nyid na 'dug go snyam nas/ de nas gtor ma dang yo byad kyi phyir slar song nas blon po rnams la smras pa/ bdag la gtor ma dang yo byad rnams stsol cig dang zhag bdun gyi nyin par klu'i bu de phrogs te/ khrid de mchi'o/ /sbrul khas sdigs pa de yang des mthong nas de ni bdag 'phrog tu 'ongs te zhag bdun gyi nyin par bdag phrogs nas pha ma dang bral ba las byung ba'i sdug bsngal chen po bdag gis myong bar 'gyur na ji ltar bya/ su la skyabs btsal snyam pa dang / yang mtsho de nas ha cang yang mi ring ba zhig na rngon pa sran can dang spang leb can gnyis gnas te/ de gnyis mtsho de'i drung na gnas bcas nas gang dag skam la yod pa'i srog chags ri bong dang ldang sko skad dang / phag la sogs pa mtsho de la 'thung du 'gro ba dang / gang yang chu na yod pa nya dang ru sbal dang sbal pa la sogs pa bsad cing 'tsho bar byed pa las de na yang sran can ni shi'o/ /spang leb can ni gson no/ /klu'i bu skye ba sna tshogs pas bsams pa rngon pa spang leb can ma gtogs pa skyabs gzhan med do snyam nas/ de nas mi'i cha byad du byas te rngon pa spang leb can gyi drung du song nas smras pa/ kye nang rje rgyal po nor can gyi yul 'byor pa dang rgyas pa dang bde ba dang lo legs pa/ skye bo dang mi mang pos gang ba zhes bya ba nas 'bras sa lu dang / bu ram shing dang ba lang dang ma he phun sum tshogs pa zhes bya ba'i bar gong ma bzhin du ste/ su'i mthu las gyur pa ji ga khyod kyis shes sam/ des smras pa shes te rgyal po de chos dang ldan pas chos bzhin gyis rgyal srid byed de byams pa'i sems dang / phan pa'i sems dang brtse ba'i sems kyis yul bskyangs pas so des smras pa/ ji de 'ba' zhig gam gzhan gyis kyang yin rngon pas smras pa/ gzhan gyi yon tan zhig kyang yod de/ mtsho 'di na klu'i bu skye ba sna tshogs pa zhes bya ba gnas te des dus dus su char gyi rgyun legs par phab nas lhag par lo tog phun sum tshogs par gyur to/ /des na sa gzhi lhag par lo tog dang ldan pas yul yang bza' ba dang btung ba mod par gyur to/ /skye ba sna tshogs pas smras pa gal te 'ga' zhig gis klu'i bu de yul 'di nas phrogs na klu'i bu de cir 'gyur/ rung bar mi 'gyur te/ de pha ma dang bral ba las byung ba'i sdug bsngal myong bar 'gyur ro/ /rgyal po dang yul mis phrogs na de la khyod kyis ji ltar bya/ srog dang dbral bar bya'o/ /khyod kyis klu'i bu de gang yin pa shes sam mi shes so de nga nyid yin na lho phyogs lnga len pa'i sbrul khas sdigs pa nga 'phrog par byed de/ de gtor ma dang yo byad kyi phyir slar song nas zhag bdun gyi nyin par 'ong bar 'gyur te/ 'ongs nas mtsho ngogs su seng lding gi phur pa grwa bzhir btsugs la tshon skud sna tshogs kyis bres te gsang sngags rdzod par byed kyis/ de nas ha cang yang mi ring ba zhig tu khyod mi mngon par 'dug la/ gang gi tshe des cho ga de lta bu byas par gyur pa de'i tshe mtsho'i nang gi chu khol zhing lud par 'gyur te nga yang 'byung gis de'i tshe khyod kyis sbrul khas sdigs de'i gnad du mdas snun la de ma thag tu drung du song ste gsang sngags slar sdus shig /ma bsdus na khyod kyi mgo drung nas bcad de sa la bor ra re zhes smros shig gal te des gsang sngags rnams ma bsdus par srog dang bral te shi na ni kho bo ji srid 'tsho'i bar du gsang sngags kyi zhags pas bcings par 'gyur ro/ /rngon pas smras pa/ gal te khyod gcig pu la phan thogs na yang de bzhin du kho bo kho nas bya na yul mtha' dag la phan na lta smos kyang ci dgos te/ kho bos skyabs byas song shig /de nas klu'i bu des de la dben pa'i phyogs shig bstan nas/ ji tsam na rngon pa de zhag bdun gyi nyin par phyogs dben par bdag nyid gab ste 'dug pa dang / sbrul khas sdigs pa de yang 'ongs nas gtor ma dang yo byad kyi cho ga bya bar rtsom ste/ de phyogs bzhir seng ldeng gi phur bu bzhi btsugs/ tshon skud sna tshogs kyis bres te gsang sngags brjod do/ /de nas chu de khol du cha ba dang rngon pas gnad du mdas snun nas ral gri shubs nas phyung ste smras pa/ khyod kyis nged kyi yul na gnas pa'i klu'i bu gsang sngags kyis dbrog gam/ gsang sngags slar sdus shig ma bsdus na khyod kyi mgo drung nas bcad de sa la bor ra re de nas sbrul khas sdigs pa sdug bsngal nyams su myong bas nyam thag cing 'chi ba'i 'jigs pas skrag nas gsang sngags brtul ba dang / rngon pas de ma thag tu de bsad do/ /de nas klu'i bu gsang sngags kyi zhags pas bcings pa las thar te mtsho nas byung nas rngon pa la 'khyud de 'di skad ces smras so/ /khyod ni kho bo'i ma yin la khyod ni kho bo'i pha yin te/ 'di ltar khyod la brten pas kho bo pha ma dang bral ba las byung ba'i sdug bsngal ma skyes so/ /tshur shog gnas su 'dong ngo zhes des de gnas su khrid de song nas bza' ba dang btung ba rnam pa sna tshogs kyis tshim par byas te/ rin po che dag bstabs nas ma dang pha la smras pa/ yab yum 'di ni bdag gi snying du sdug pa skyabs dang gnyen du gyur pa lags te/ 'di'i mthus bdag khyed dang lhan cig pa las bral bar ma gyur to/ /de dag gis kyang de la dam pa sbyin par byed de/ rin po che rnam pa sna tshogs byin nas des de rnams khyer te mtsho de nas byung ngo / /mtsho de dang ha cang mi ring ba zhig na bsti gnas me tog dang 'bras bu phun sum tshogs pa bya sna tshogs skad 'byin pa zhig yod de/ de na drang srong byams pa dang snying rje'i bdag nyid can/ sems can rnams la sdug par 'dzin pa zhig gnas so/ /de nas rngon pa de drang srong de'i drung du dus gsum du 'gro bar rtsom zhing / de la klu'i bu skye ba sna tshogs pa dang lhan cig ji ltar gyur pa de dag thams cad rgyas par smras so/ /de nas drang srong des smras pa/ khyod la rin po che dang gser ci dgos/ de'i gnas na don yod pa zhes bya ba'i zhags pa yod kyis de slongs shig /de nas rngon pa de don yod pa'i zhags pa la chags pa skyes nas drang srong gi tshig mnyan te slar klu'i gnas su song ba dang / de nas ji tsam na klu'i khang pa'i sgo na don yod pa'i zhags pa de mthong nas de 'di snyam du sems te/ bdag 'dod pa'i don yod pa'i zhags pa gang yin pa de ni 'di kho na yin no snyam nas klu'i gnas su zhugs so/ /de nas klu'i bu skye ba sna tshogs pa dang / klu gzhan rnams kyis yang dag par dga' ba dang / mgu ba dag byas nas rin po che dag bstabs pa dang / des smras pa kho bo la rin po che mi dgos kyi/ 'on kyang don yod pa'i zhags pa 'di kho bo la byin cig /skye ba sna tshogs pas smras pa/ khyod la 'di ci dgos kho bo cag la ni dgos rab ste/ gang gi tshe nam mkha' lding gis gnod pa byas pa de'i tshe 'dis kho bo cag bsrung bar 'gyur ro/ /rngon pas smras pa/ khyed cag la ni nam mkha' lding gi gnod pa lan 'ga' zhig 'byung ba na 'di dgos kyi/ kho bo la ni dus kun du dgos kyis gal te legs pa byas pa dang phan btags pa dran pa lta na byin cig /klu'i bu skye ba sna tshogs pa 'di snyam du sems te/ 'dis bdag la phan cher btags kyis pha ma la brtags te sbyin no/ /snyam nas des pha dang ma la brtags te zhags pa de byin no/ /de nas rngon pa des bdag thob pa bzhin du bde ba dang yid bde bas tshim nas/ don yod pa'i zhags pa khyer te klu'i gnas nas byung nas rang gi khyim du song ngo / /ji tsam dus gzhan zhig na rgyal po nor can btsun mo dang lhan cig rtse bar byed dga' bar byed/ dga' mgur spyod par byed do/ /de rtse bar byed dga' bar byed/ dga' mgur spyod par byed pa las bu pho yang med/ bu mo yang med nas lag pa la 'gram pa gtad de bdag gi khyim du nor rdzas 'di snyed cig bsags kyang bdag la bu pho yang med/ bu mo yang med pas bdag 'das na bdag gi gdung rgyud 'chad cing yul 'chor ba dang / bdog pa ril yang rgyal po gzhan gyis dbang byed par 'gyur ro snyam nas/ sems khongs su chud cing 'dug pa dang de la dge sbyong dang bram ze dang / grogs po dang mdza' bshes dang / nye du rnams kyis smras pa/ lha ci'i slad du thugs mi dgyes/ des skabs de de rnams la rgyas par smras pa dang / de rnams kyis smras pa/ lha rnams la gsol ba mdzod cig dang / khyod la sras mchis par 'gyur ro/ /de bu med de bu mngon par 'dod pas zhi ba dang chu lha dang / lus ngan dang nor lha la sogs pa la gsol ba 'debs shing / lha'i bye brag gzhan yang 'di lta ste/ kun dga' ra ba'i lha dag dang / nags tshal gyi lha dag dang bzhi mdo'i lha dag dang / sum mdo'i lha dag dang / gtor ma len pa'i lha dag dang / lhan cig skyes pa dang chos 'thun pa dag dang / rtag tu rjes su 'brang ba'i lha dag la yang gsol ba 'debs so/ /'jig rten na gang gsol ba 'debs pa'i rgyu las bu pho dang bu mo dag skye'o zhes bya ba'i gtam de lta bu yod de/ de ni de lta bu ma yin te/ gal te de ltar 'gyur du zin na re re la yang 'di lta ste dper na 'khor los sgyur ba'i rgyal po bzhin du bu stong stong yod par 'gyur ro/ /'on kyang gnas gsum po dag mngon du gyur pa las bu pho dang bu mo dag skye bar 'gyur te/ gsum po de dag gang zhe na pha dang ma dag chags par gyur cing 'dus pa dang / ma dus la bab cing zla mtshan dang ldan pa dang / dri za nye bar gnas shing 'jug 'dod pa ste/ gnas gsum po de dag mngon du gyur pa las bu pho dang bu mo dag skye bar 'gyur ro/ / de de ltar gsol ba 'debs pa lhur len cing 'dug pa na/ bskal pa bzang po'i byang chub sems dpa' zhig btsun mo dam pa de'i mngal du zhugs so/ /bud med mkhas pa'i rang bzhin can kha cig la ma 'dres pa'i chos lnga yod de lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal du zhugs pa shes pa dang / gang las mngal du zhugs pa de yang shes pa dang / khye'u shes shing bu mo shes pa ste gal te khye'u yin na dku g.yas par rten cing 'dug la gal te bu mo yin na/ dku g.yon par rten cing 'dug go/ /de yid dga' zhing yid dga' nas khyo la smras pa/ rje'i sras bdag la sems can zhugs par gyur pa ni 'di ltar bdag gi dku g.yas par rten cing mchis pa las na nges par khye'ur 'gyur gyis dgyes pa bskyed du gsol/ de yang yid dga' zhing dga' nas ro stod bsrang ste lag pa g.yas pa brkyang nas 'di skad ces/ kho bo yun ring po nas mngon par 'dod pa bu'i ngo mthong ba dang / kho bo dang 'thun par skye zhing mi mthun par mi skye ba dang / kho bo'i bya ba dag byed pa dang / gsos pas phyir gso ba dang / bgo skal la spyod pa dang / kho bo'i rigs rgyud yun ring du gnas par sgrub pa dang / bdag cag shi zhing dus la bab pa dag la nyung ngu 'am mang po yang rung ba'i sbyin pa dag sbyin/ bsod nams dag byas nas 'di de gnyis gang du skyes pa der 'gro zhing rjes su 'gro bar gyur cig ces ming gis yon bsngo ba byed par gyur cig ces ched du brjod pa ched du rjod par byed do/ /de la sems can zhugs par rig nas 'di lta ste mngal na gnas pa yongs su smin par bya ba'i phyir steng gi khang bzangs kyi gzhir grang ba na grang ba'i yo byad dag dang / dro ba na dro ba'i yo byad dag dang / sman pas bstan pa'i zas ha cang mi kha ba dang ha cang mi skyur ba dang ha cang lan tshwa mi che ba dang ha cang mi mngar ba dang ha cang mi tsha ba dang / ha cang mi bska ba dang / kha ba dang skyur ba dang / lan tshwa dang mngar ba dang tsha ba dang / bska ba spangs pa'i zas dag dang do shal dang se mo do dang / rgyan gyis klubs pa'i lus lha'i bu mo dga' ba'i tshal na rnam par spyod pa lta bu dang / khri nas khrir dang khri'u nas khri'ur dang / shod kyis gzhir mi 'bab pa dang / des sgra yid du mi 'ong ba cung zad kyang mi thos par nyam bag tu bzhag go/ /de zla ba brgyad dam dgu 'das pa dang khye'u gzugs bzang ba blta na sdug pa/ mdzes pa gsal ba gser gyi mdog 'dra ba/ mgo gdugs ltar 'dug pa lag pa ring ba dpral ba'i dbyes che ba smin ma 'jar pa/ sna'i gzangs mtho ba/ yan lag dang nying lag thams cad dang ldan pa zhig btsas so/ /de btsas pa na kun dga' bar 'gyur ba'i rnga brdungs pa rgyal pos thos nas smras pa/ de ci zhig yin/ btsun mo rnams kyis rgyal po la smras pa lha dgyes pa bskyed du gsol/ khyod kyi sras po zhig bltam mo/ /de nas rgyal pos grong khyer de thams cad rdo ba dang gseg ma dang gyo mo bsal te byi dor byas nas tsan dan gyi chus chag chag btab/ rgyal mtshan dang ba dan bsgreng / shin tu dri zhim po'i pog phor dag bshams/ me tog sil ma sna tshogs kyis dga' dga' ltar bkram ste/ bsgo ba dge sbyong dang bram ze dang bkren pa dang / phongs pa rnams la sbyin pa byin cig /btson thams cad khye shig /de'i phyir nyi ma bdun gsum nyi shu gcig tu btsas pa'i btsas ston rgya cher byas nas khye'u'i ming cir gdags zhes ming 'dogs par byed pa na/ blon po rnams kyis smras pa/ khye'u 'di rgyal po nor can gyi sras lags pas khye'u'i ming nor bzangs su gdags so zhes de'i ming nor bzangs zhes bya bar btags so/ /khye'u nor bzangs ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang dri ma 'phyi ba'i ma ma gnyis dang / rtsed grogs kyi ma ma gnyis la rjes su gtad de/ de ma ma brgyad po dag gis 'o ma dang zho dang mar dang zhun mar dang / mar gyi nying khu dang gzhan yang yo byad kyi bye brag gtso bo gtso bo dag gis sring bar byed skyed par byed cing rdzing na gnas pa'i pad ma bzhin du myur du skyed par byed do/ /gang gi tshe chen por gyur pa de'i tshe yi ge slob tu bcug ste zhes bya ba nas/ brtag pa brgyad dang dbye ba dang / klag pa la mkhas pa dang / spyod pa gsal bar gyur to zhes bya ba'i bar gong ma bzhin no/ /de rgyal po rgyal rigs spyi bo nas dbang bskur ba ljongs kyi dbang phyug dang mthu dang brtson 'grus thob pa/ sa chen po'i dkyil 'khor 'di mngon par rgyal bar byas te gnas pa rnams kyi bzo'i gnas dang / las kyi gnas zhes bya ba nas/ gnas lnga la byang bar gyur to/ /zhes bya ba'i bar gong ma bzhin te/ de'i phas chung ma gsum po chen ma dang 'bring ma dang / chun ma dag bzhag cing gnas pa'i khang pa rnam pa gsum po dgun gyi dang / dpyid kyi dang dbyar gyi rnams brtsigs nas/ bskyed mos tshal rnam pa gsum po dgun gyi dang / dpyid kyi dang dbyar gyi dag btsugs so/ /de nas gzhon nu nor bzangs steng gi khang bzangs kyi gzhi la skyes pa med par song nas sil snyan rnams kyis rtse bar byed/ dga' bar byed dga' mgur spyod par byed do/ /ji tsam dus gzhan zhig na rngon pa spang leb can ri dgas tshol zhing de dang de dag tu rgyu ba na ri bo gzhan zhig la phyin pa dang / des ri bo de'i shod na drang srong gi bsti gnas me tog dang 'bras bu phun sum tshogs pa/ bya sna tshogs rgyu ba de na mtsho chen po ut+pa la dang / ku mu da dang / pad ma dkar pos yog pa/ ngang pa dang / bya ka ran da ba dang / ngur bas mdzes pa de mthong nas de bsti gnas der 'khyam par brtsams pa las/ ji tsam na drang srong skra dang / kha spu dang / sen mo dang / spu rnams ring ba/ lus rlung dang tsha bas gdungs pa/ shing gos gyon pa zhig shing gi drung du gnas bcas te rtswa'i spyil bu na 'dug pa mthong ngo / /mthong nas kyang rkang pa la mgo bos phyag byas te thal mo sbyar nas dris pa/ legs ldan phyogs 'dir khyod bzhugs nas yun ji srid cig lags/ lo bzhi bcu lon no/ /khyod kyis yun de srid cig tu phyogs 'dir lon na ngo mtshar rmad du byung ba'i chos 'ga' lta gzigs pa 'am gsan pa lta mchis sam/ drang srong zhi ba'i bdag nyid des dal bu dal bus smras pa/ bzhin bzangs khyod kyis mtsho 'di mthong ngam/ legs ldan mthong lags so/ /'di ni tshangs pa 'du ba'i rdzing zhes bya ste/ ut+pa la dang / ku mu da dang / pad ma dkar pos gang ba/ bya sna tshogs kyis bsten pa/ kha ba dang dngul dang bu mo'i mdog lta bu'i chus shin tu gang ba/ shin tu dri zhim pa'i me tog gis bskor ba'i chu'i rdzing 'dir tshes bcwa lnga la mi 'am ci'i rgyal po ljon pa'i bu mo yid 'phrog ma zhes bya ba mi 'am ci mo lnga brgyas yongs su bskor nas mgo khrus dang bsku mnye sna tshogs dang 'ongs nas khrus byed do/ /de khrus byed pa'i tshe bro gar dang / glu dang rol mo'i sgra snyan pas bya dang ri dgas rnams kyang yid 'phrog par byed do/ /kho bo yang de'i sgra thos nas dga' ba dang / yid bde ba chen pos zhag bdun 'da' bar byed de/ bzhin bzangs kho bos ngo mtshar rmad du byung ba 'di mthong ngo / /de nas rngon pa spang leb can 'di snyam du sems te/ bdag gis klu las don yod pa'i zhags pa thob pa stes te/ de mi 'am ci'i bu mo yid 'phrog ma la gdab bo snyam nas/ des dus gzhan zhig na tshes bcwa lnga la don yod pa'i zhags pa khyer te mtsho 'gram dang nye bar me tog dang / 'bras bu dang / lo ma tshang tshing zhig tu 'khras nas gcig tu bsgrim pas bya ra byed cing 'dug go/ /ci tsam na yid 'phrog ma mi 'am ci mo lnga brgyas yongs su bskor te/ de 'dra ba'i 'byor ba nyid kyis tshangs pa 'du ba'i rdzing du khrus kyi phyir zhugs pa dang / rngon pa spang leb can gyis de ma thag tu don yod pa'i zhags pa btab pa las/ des mi 'am ci mo yid 'phrog ma zin to/ /don yod pa'i zhags pas zin nas mtsho'i nang na mchong rgal zhing 'jigs pa'i sgra yang phyung ba dang / mi 'am ci mo'i tshogs lhag mas de thos nas phan tshun brgyugs te mi 'am ci mo yid 'phrog ma la brtag par brtsams pa las bzung bar mthong ngo / /mthong nas kyang skrag nas bros so/ /rngon pa des mchog tu gzugs bzang mo blta na sdug pa de mthong ngo / /mthong nas kyang gzung ba'i phyir drung du gtugs pa dang / des smras pa/ ma rabs khyod ni nga la ma reg shig /khyod kyi 'di ni thog tu bab ma yin/ /nga ni gzugs bzang rgyal gyi 'os yin pas/ /'dzin pa legs par 'gyur ba ma yin no/ /rngon pas smras pa gal te khyod ma bzung na 'bros par 'gyur ro/ /des smras pa kho mo mi 'bros kyis gal te yid mi ches na 'di'i mthus kho mo steng gi nam mkha' la 'gros gtsug gi nor bu 'di zung shig /rngon pas smras pa su shes des de la gtsug gi nor bu byin nas smras pa/ gtsug gi nor bu 'di su'i lag pa na gnas pa de'i dbang du kho mo 'gyur ro/ /de nas rngon pas nor bu de blangs te zhags pas bcings bzhin du khrid de song ngo / /de'i tshe gzhon nu nor bzangs ri dgas 'chor du chas pa dang / rngon pa des gzhon nu nor bzangs gzugs bzang ba mdzes pa blta na sdug pa mthong ngo / /mthong nas kyang de 'di snyam du sems te/ 'di ni rgyal bu gzhon nu yin la/ 'di yang mchog tu gzugs bzang mo blta na sdug pa yin te/ gal te 'di mthong na btsan thabs su khyer bar 'gyur gyis/ ma la bdag gis 'di skyes kyi tshul du bdag nyid kyis dbul lo snyam nas/ de nas de zhags pas bcings bzhin rgyal bu gzhon nu nor bzangs gang na ba der khrid de song nas phyin pa dang rkang pa gnyis la gtugs te smras pa/ lha bdag gis bud med rin po che 'di skyes su 'tshal te mchis na bzhes su gsol/ rgyal bu gzhon nu nor bzangs kyis mi 'am ci mo yid 'phrog ma gzugs bzang mo blta na sdug pa mdzes pa/ kha dog rgyas pa mchog dang ldan pa/ yon tan thams cad 'dus pa/ bud med kyi mtshan bcwa brgyad kyis brgyan pa/ yul gyi mi bas bzang ba/ nu ma gser gyi bum pa dang ru sbal ltar rgyas zhing rlo ba dang / mkhrang zhing mkhregs pas shin du legs par zlum pa ldem pa/ mig mthon mthing la rtsa dmar zhing dkyus ring la pad ma gzhon nu 'dra ba/ sna'i gzangs ring zhing mtho ba/ ma mchu byi ru dang nor bu dang rin po che dang / bim pa'i 'bras bu'i dbyibs 'dra ba/ 'gram pa ma rnyongs shing yongs su rgyas pa/ mkhur tshos lhag par dga' bar byed pa'i ri mo'i thig le can/ smin ma rim gyis mdzes shing 'jar la bung ba'i tshogs ltar gnag pa/ dpung pa zla ba nya ba dri ma med pa ltar rgyas la ring ba/ lto gnyer ma zab mo gsum dang ldan zhing yid tsam rnyong ba/ nu ma'i g.yur gyis ro stod bags kyis 'dud la/ dku shing rta'i yan lag ltar dbyibs shin tu mdzes pa/ lag pa chu shing gi snying po 'dra ba brla byin gyis phra bar zlum pas mdzes pa/ rtsa shin du mi mngon zhing gya gyu med pas yan lag thams cad mdzes pa/ nor bu mang po'i mgo rgyan dang mgul gdub dang rkang gdub dang gdu bu dang do shal dang / se mo do'i sgras 'gying zhing 'gro ba/ skra gnag la 'jam pa/ bde sogs ltar rkang pa rkang gdub kyis brgyan cing gser gyi 'og pag can/ lto phyang nge ba do shal mang po dpyangs pa/ mdog gser btso ma ltar bzang ba mthong ngo / / mthong ma thag tu gzhon nu 'dod chags kyi zhags pa chu zla dri ma med cing gsal ba g.yo ba'i rang bzhin lta bur gzung dka' ba/ klung chu rlabs dang bcas pa'i chu srin lta bur rtogs par dga' ba/ nam mkha' lding dang rlung gi shugs dang 'dra bar 'gro ba/ shing bal gyi 'da' ba lta bur myur du 'gyur ba/ spre'u ltar sa gcig na mi 'dug pas g.yo zhing tsab yab can gyis ni dam du zin/ 'dod chags kyi mda' rtag tu nyon mongs pa bsten pa goms pa'i 'dod chags kyi bde ba ro myong ba la brkam pa nyon mongs pa thams cad kyi yul ngan 'gro'i g.yang sa las mi zlogs pa/ bzang mo la rjes su chags pa'i sems kyis shin tu dri ma can du byas pa/ phrad par 'dod pas shin tu dbyung mi bzod pa'i sgra 'byin pa/ tshul bzhin ma yin pa'i gzhus 'phangs pas ni snying po la phog ste/ me'i nang du phye ma leb bzhin du de nyid du 'gyel te smras pa/ dbyar gyi char sprin nang nas glog ni 'gyu ba ltar/ /bzhin ras zla ba 'dra de nor bzangs kyis mthong ste/ /de la chags pa'i 'dod pa steg tshol las byung ba'i/ /'dod chags mda' yis de yi sems la phog / //'dul ba gzhi/ bam po bzhi bcu rtsa lnga pa/ de nas rgyal bu nor bzangs kyis yid 'phrog ma khrid de glang po'i khyim gyi grong khyer du song nas rngon pa de la yang grong khyer mchog cig byin no/ /de nas gzhon nu nor bzangs yid 'phrog ma dang lhan cig steng gi khang bzangs kyi gzhir dong nas lhan cig tu rtse bar byed dga' bar byed dga' mgur spyod par byed de yid 'phrog ma'i gzugs dang na tshod dang bsnyen bkur brgya phrag du ma'i yon tan gyis gzhon nu nor bzangs kyi sems ji ltar de dang skad cig kyang 'bral mi phod pa de ltar phrogs so/ /ji tsam dus gzhan zhig na bram ze gnyis shig ljongs rgyu zhing 'ongs pa las de las gcig ni rgyal po la rten bcas so/ /gnyis pa ni gzhon nu nor bzangs la'o/ /rgyal po la rten bcas pa gang yin pa de ni rgyal pos mdun na 'don du bcug ste longs spyod kyi skal ba yang byin no/ /gzhon nu nor bzangs kyi gang yin pa de la ni des longs spyod kyi skal ba tsam zhig byin pa dang / smras pa/ gzhon nu gang gi tshe yab 'das nas khyod rgyal por bcug pa de'i tshe bdag la ci zhig bgyi/ gzhon nu nor bzangs kyis smras pa/ ji ltar khyod kyi grogs po bram ze nga'i yab kyi mdun na 'don du bcug pa de bzhin du khyod kyang nga'i mdun na 'don du gzhug go zhes byas pa'i gtam de gcig nas gcig tu brgyud de bram ze mdun na 'don des thos nas de 'di snyam du sems te/ ngas ci nas gzhon nu nyid kyis kyang rgyal srid mi 'thob pa de ltar bya na mdun na 'don du gzhug pa lta smos kyang ci dgos snyam mo/ /ji tsam dus gzhan zhig na rgyal po de'i yul du ri 'or ba zhig sdo bar gyur nas rgyal pos de 'bebs su dmag kha chen cig btang ba las de bcom/ rnam par bcom ste pham par byas nas slar log go/ /de bzhin du kha chen bdun gyi bar btang ba las de rnams kyang bcom/ rnam par bcom ste pham par byas nas slar lhags so/ /rgyal po la blon po rnams kyis gsol pa/ lha ci'i slad du rang gi dpung nyams shing gzhan gyi mthu skyed par mdzad/ gang yang lha'i yul na mtshon gyis 'tsho ba ji snyed mchis pa thams cad dgug tu gsol/ bram ze mdun na 'don gyis bsams pa/ gzhon nu bsad pa'i thabs bya ba'i dus ni 'di yin no snyam nas des rgyal po la gsol pa/ lha de lta bus ni dbab par rngo mi thog go/ /rgyal pos smras pa/ ji ltar bya nga nyid kho na 'gro 'am/ mdun na 'don gyis smras pa/ ci'i slad du lha nyid gshegs/ gzhon nu nor bzangs 'di ni dar la bab cing mthu rtsal snyems pa dang ldan pa lags pas dmag 'di rnams dang lhan cig dgyer gsol/ rgyal pos smras pa/ de bzhin du bya'o zhes de nas rgyal pos gzhon nu bkug nas bsgo ba/ gzhon nu dmag dang lhan cig tu deng la ri 'or ba rnams phob shig / lha bka' bzhin 'tshal zhes gzhon nu nor bzangs kyis rgyal po las mnyan nas/ btsun mo rnams kyi gan du song ste yid 'phrog ma mthong ba dang de thams cad brjed par gyur to/ /de nas yang rgyal pos bsgo ba dang yang mthong ma thag tu thams cad brjed par gyur to/ /de nas mdun na 'don gyis rgyal po la smras pa/ lha gzhon nu nor bzangs ni yid 'phrog ma la lhag par chags pas mchi rngo mi thog gis/ dmag sdogs la gzhon nu btsun mo rnams kyi nang nas byung ba dang ci nas kyang yid 'phrog ma'i drung du mi mchi bar thal byung gtang bar bgyi'o/ /rgyal pos blon po rnams la smras pa/ shes ldan dag dpung gi tshogs sta gon gyis shig /blon po rnams kyis rgyal po las mnyan nas dpung gi tshogs glang po che dang / rta dang / shing rta dang / dpung bu chung phun sum tshogs pa 'tshog chas go mtshon rnam pa du ma dang ldan pa dag sta gon byas so/ /de nas gzhon nu phyir byung ba dang bsgo ba/ gzhon nu dpung gi tshogs sta gon byas kyis song shig /des smras pa/ lha yid 'phrog ma la bltas te mchi bar bgyi'o/ /rgyal pos smras pa/ gzhon nu thogs par 'gyur gyis ma lta shig /yab gal te de lta na ma la bltas te mchi'o/ /gzhon nu ma la ni ltos shig /des yid 'phrog ma'i gtsug gi nor bu khyer nas ma'i drung du song ste rkang pa gnyis la gtugs te smras pa/ yum bdag ri 'or ba rnams 'bebs su mchi lags kyis/ gtsug gi nor bu 'di khyod kyis shin tu dben par sbos la yid 'phrog ma 'gum pa la thug pa ma lags pa ji ltar gyur kyang ma stsal cig ces des de skad ma la bsgo nas mchi phyag byas te dmag gi dpung gi tshogs dang rol mo'i sgra sna tshogs dang chas te rim gyis yul 'das nas ri 'or de dang ha cang yang mi ring ba zhig na shing ljon pa shig gi drung du btab ste 'dug go/ /de'i tshe rgyal po chen po rnam thos kyi bu 'khor gnod sbyin du ma dang / 'khor gnod sbyin brgya phrag du ma dang / 'khor gnod sbyin stong phrag du ma dang / 'khor gnod sbyin brgya stong phrag du ma dang lam de nas gnod sbyin rnams kyi gnod sbyin gyi 'dun sar chas so/ /de lam de nas chas pa na nam mkha'i lam la thogs par gyur nas de 'di snyam du sems te/ bdag gis lam 'di nas lan mang po zhig tu song na bdag gi bzhon pa lan 'ga' yang thogs par ma gyur na gang gis na da ltar thogs pa 'di la rgyu ci yod snyam pa las/ des gzhon nu nor bzangs mthong nas de 'di snyam du sems te 'di ni bskal pa bzang po'i byang chub sems dpa' yin te/ dmag la chas pas nyon mongs par 'gyur ro/ /'di'i grogs byas te ri 'or ba 'di rnams srog chags 'ga' yang gnod par mi 'gyur bar dbab bo snyam du bsams nas/ gnod sbyin gyi sde dpon chen po lnga len la smras pa/ lnga len tshur shog /khyod kyis gzhon nu nor bzangs ri 'or ba rnams dang g.yul ma bkye bar srog chags 'ga' la yang gnod par ma bya bar phob shig /gnod sbyin gyi sde dpon chen po lnga len gyis bka' bzhin 'tshal zhes rgyal po rnam thos kyi bu las mnyan nas lha'i dpung gi tshogs yan lag bzhi pa shing ta la'i tshad tsam gyi skyes pa dang / ri'i tshad tsam gyi glang po che dang / glang po che'i tshad tsam gyi rta dang / gzhal med khang gi tshad tsam gyi shing rta rnams sprul to/ /de nas ral gri dang / tho ba dang / mda' bo che dang / mdung dang / 'khor lo dang / mdung thung dang / mda' dang / dgra sta la sogs te mtshon cha'i khyad par rnam pa sna tshogs dang / sil dkrol gyi sgra rnam pa sna tshogs 'byin pas 'jigs pa chen po ston cing / lnga len mthu chen po'i tshogs rnams dang ri 'or du phyin pa dang / glang po che dang rta dang shing rta'i sgra dang / sil dkrol gyi sgra sna tshogs dang / gnod sbyin rnams kyi rang gi mthus ra ba dag ral bar gyur to/ /de nas ri 'or na gnas pa de rnams kyis dpung gi tshogs de dang ra ba dag ral ba mthong nas mchog tu ngo mtshar skyes te dris pa/ dpung gi tshogs 'di gang nas 'ongs/ de rnams kyis smras pa/ myur du sgo phye shig /gzhon nu nor bzangs 'di'i mjug nas 'ong ste dpung gi tshogs 'di ni de'i yin no/ /gal te myur du ma phye na thams cad rmeg med par 'gyur ro/ /de rnams kyis bdag cag rgyal la mi ldog ste/ /gzhon nu blo dang ldan la min/ /rgyal po zho shas 'tsho rnams kyis/ /bdag cag 'jigs shing skrag gyur mod/ /ces smras nas de rnams kyis sgo phye ste/ de nas rgyal mtshan dang ba dan bsgreng nas bum pa gang ba dang rol mo'i sgra sna tshogs kyis gzhon nu nor bzangs bsu'o/ /des kyang dbugs phyung nas de rnams 'drang ba las sna bo bskos te dpya thang bcad/ gte'u yang bzung ngo / / de nas ri 'or ba de rnams cham du phab nas gzhon nu nor bzangs slar log go/ /rgyal po nor can gyis de nyid kyi nub mo'i rmi lam na bya rgod cig 'ongs te rgyal po'i lto dral nas rgyu ma gzangs te grong khyer de thams cad kyi mtha' bskor ba dang rin po che sna bdun khyim du 'ongs par mthong ngo / /mthong nas de nas rgyal po 'jigs skrag mi dga' zhing spu zing zhes byed nas myur ba myur bar langs te mal chen po la 'dug nas lag pa 'gram pa la gtad de gzhi 'di las bdag rgyal srid las nyams pa 'am/ srog gi bar chad du mi 'gyur grang snyam nas sems khongs su chud cing 'dug pa las de nam nangs nas rmi lam de bram ze mdun na 'don la smras pa dang / des bsams pa/ lha rmi lam de lta bu mthong ba ni gdon mi za bar gzhon nus ri 'or pa rnams pham par byas kyis log pa zhig tu bstan par bya'o snyam nas smras pa/ lha khyod kyis rmi lam du gzigs pa ni bzang ba ma lags te/ gdon ma 'tshal bar gzhi 'di las lha'i rgyal srid las nyams pa 'am/ sku tshe'i bar chad du 'gyur lags so/ /'on kyang 'di bzlog pa'i thabs mchis te/ de yang bram ze rnams kyis gsang tshig las mthong ngo / /bzlog pa'i thabs de ci yin/ lha bskyed mos tshal du rdzing dbyibs legs pa tshad la bab pa bgyis la/ de nas rdo thal gyis byugs te/ legs par bstar la ri dgas phra mo rnams kyi khrag gis bkang la de nas lhas khrus la gshegs pa na rdzing de la them skas gcig las 'jug par bgyi'o/ /gcig las zhugs nas gnyis pa la 'dzeg par bgyi'o/ /gnyis pa las zhugs nas gsum pa la 'dzeg par bgyi'o/ /gsum pa las zhugs nas bzhi pa la 'dzeg par bgyi'o/ /de nas bram ze rig byed dang rig byed kyi yan lag gi pha rol tu phyin pa bzhis lha'i zhabs lces bldags la mi ma yin pa'i tshil gyi bdug pas bdug go/ /de ltar na lha'i dngos sdig 'byang zhing yun ring por rgyal srid skyong bar 'gyur ro/ /rgyal pos smras pa/ de dag thams cad ni nus na 'di ltar mi ma yin pa'i tshil 'di ni shin tu dkon no/ /mdun na 'don gyis smras pa/ lha mod pa gang lags pa de dkon lags sam/ rgyal pos smras pa/ de ji lta bu zhig yin/ mdun na 'don gyis smras pa/ lha yid 'phrog ma 'di mi ma lags pa ma lags sam/ rgyal pos smras pa/ mdun na 'don 'di la gzhon nu'i srog 'dug gis de skad ma smra shig / des smras pa/ lha khyim gyi phyir ni 'ga' gtang ste/ /grong rdal phyir ni khyim gtang ngo / /yul ljongs phyir ni grong rdal te/ /bdag gi phyir ni sa gtang ngo / /zhes bgyi ba ma gsan tam/ rgyal po bdag nyid brtan gyur nas/ /gzhon nu blo ldan de la ni/ / gzhan zhig stsal bar spyod grang gis/ /yid 'phrog 'di ni dgum par mdzod/ /bdag nyid la mngon par chags pa ni mi byed pa ci yang med pas des khas blangs so/ /de nas mdun na 'don gyis ji skad bstan pa bzhin du bya bar brtsams te/ rdzing brkos nas rdo thal gyis byugs shing legs par bstar nas ri dgas phra mo rnams kyi khrag sogs pa la zhugs so/ /sbyor ba de nor bzangs kyi btsun mo'i skye bos shes nas de rnams dga' ba dang yid bde skyes te/ bdag cag lang tsho la bab cing gzugs phun sum tshogs pa yin pas/ da ni bdag cag dang gzhon nu nor bzangs su yongs su dga' mgur spyod par 'gyur ro zhes de rnams rab tu dga' bar byed pa de dag yid 'phrog mas mthong nas dris pa/ khyed cag ci'i phyir lhag par dga'/ ji tsam na gzhan zhig gis yid 'phrog ma la ji ltar gyur pa rgyas par smras pa dang / yid 'phrog ma sdug bsngal ba dang yid mi bde ba skyes nas gzhon nu nor bzangs kyi ma gang na ba der song ste rkang pa gnyis la gtugs nas snying rje rje skad du sgra bcom chung ngus don de dal bus smras pa dang / des smras pa/ gal te de lta na legs par rtogs shig /bdag gis kyang brtag go/ /yid 'phrog mas brtags nas yang smras pa dang / des brtags na yang bden par mthong nas de nas des gtsug gi nor bu de dang gos shig yid 'phrog ma la byin nas smras pa/ bu khyod dus la ma bab par ma 'gro shig /de lta na kho mo la kha mchu 'byung bar mi 'gyur ro/ /de nas rgyal po ji skad bstan pa'i rim pa bzhin du khrus la chas te khrag gis gang ba'i rdzing bur zhugs nas byung ba dang / de nas de'i rkang pa gnyis la bram ze rnams kyi lces bldags so/ /ji tsam na mi 'am ci mo khrid de shog ces bsgo ba dang / de ma thag kho nar yid 'phrog ma nam mkha' la 'phags te tshigs su bcad de smras pa/ bdag ni reg dang phrad pa dang / /bdag ni bgad dang rtses pa las/ /ban glang mo btags thar pa ltar/ /de ni bdag mo 'gro bar bya/ /rgyal pos kyang nam mkha'i lam las 'gro ba mthong nas de skrag ste mdun na 'don la smras pa/ gang gi phyir 'bad par bya ba de ma grub par mi 'am ci yid 'phrog ma bros so/ /mdun na 'don gyis smras pa/ lha da ni don grub ste dngos sdig dang bral lags so/ /de nas yid 'phrog ma nam mkha'i lam las 'gro ba na 'di snyam du sems te/ gang yang bdag gnas skabs 'di thob pa de ni drang srong des bstan pa las gyur gyi/ gal te des ma bstan na ni bdag bzung zhing 'gro bar mi 'gyur ba zhig /de lta bas na re shig drang srong de'i drung du 'gro'o snyam nas/ de de'i bsti gnas su song ste rkang pa gnyis la phyag byas nas drang srong la smras pa/ drang srong chen po khyod kyis bstan pas bdag bzung ste mchis nas mi'i reg pa rnams thob cing srog gi bar chad du cung zhig gis ma gyur to/ /de bas gsol ba ni gal te brgya zhig la gzhon nu nor bzangs bdag tshol zhing mchis na de la bdag gi sor gdub stsol la 'di skad kyang gsung ba'i rigs so/ /gzhon nu lam yang bgrod par dka' ste nyon mongs par 'gyur gyis slar bzhud cig /gal te bzlog kyang mchis su ma btub na de la lam bstan pa'i rigs kyis/ gzhon nu yid 'phrog mas bstan pa byang phyogs logs na ri nag po gsum mchis so/ /de dag rgal ba'i pha rol na yang gsum mo/ /de dag rgal ba'i pha rol na yang gsum mchis so/ /de dag rgal ba dang ri'i rgyal po gangs can mchis so/ /de'i byang phyogs na ni ri bo phur pa'i rtse mchis so/ /de nas lam chu sgra can dang / seng ldeng can dang / rgyud gcig pa dang / rdo rje can dang / 'dod dgur sgyur ba'i gzugs can dang / phur pa'i dbyibs dang / sa srung bu'i dbyibs dang / mi g.yo ba dang / rab grol te/ ri bo de dag khyod kyis rgol cig /de la ri bo seng sdeng can dang / rgyud gcig pa dang / phur pa'i dbyibs la ni phug nas 'jug / rdo rje can la ni bya'i rgyal pos 'jug ste/ thabs 'di dag gis ri bo de rnams rgal bar bgyi'o/ /'khrul 'khor ra gdong can dang / lug lta bu dang / skyes bu srin po ser skya'i gzugs can dag kyang gzhom par bgyi'o/ / phug na sbrul kha chu'i rgyun chen po'i shugs kyis rgyug pa zhig mchis te/ de ni zho shas gzhom par bgyi'o/ /gang na sbrul ni nag po zhig /phug na phyed 'dug mthong nas ni/ /bdag gi slad du gzhu rdungs la/ / mda' yis bsnun te gsad par gyis/ /gang nas lug gnyis phan tshun nas/ /rdung bar byed pa mthong na ni/ /de gnyis rwa re bcag mdzod dang / /lam ni rnyed par 'gyur lags so/ /'jigs pa che bskyed mtshon thogs pa'i/ / lcags kyi skyes pa gnyis mthong na/ /de gnyis las ni gcig brdegs dang / /lam ni rnyed par 'gyur lags so/ /srin mo lcags kyi mchu can zhig /kha 'dzums gdangs par bgyid gzigs na/ /de tshe de yi 'phral ba la/ phur pa dag gis gdab par mdzod/ /de bzhin khron pa klong drag 'khyil/ /drug bcu'i khru can la khyod mchongs/ /skra mig seng ge'i ltar ser zhing / /mi bzad bsnyen par dka' ba yi/ /gnod sbyin dang ni srin po dag / gzhu bkang ste ni gsang mdzod la/ /chu srin 'dzin khris gang ba yi/ /chu bo mang po rgal mdzod cig /nang ga phye ma lab gdungs dang / /sna tshogs ngud mo dgod pa dang / /sbrul can 'od ma can gyi klung / /nang ga na ni srin mo khro/ /phye ma leb na mi ma yin/ /gdungs pa na ni 'dzin khri mang / sna tshogs can na 'dod sgyur gzugs/ /ngud mor mi 'am ci yi bran/ /dgod pa na ni mi 'am ci'o/ /mna' ma sbrul can sbrul mang na/ /'od ma can klung shal ma li/ /nang ga la ni brtan par bya/ /phye ma lab la rtul phod bya/ gdungs par 'dzin khri kha cing ngo / /sna tshogs can du klu sna tshogs/ /ngud mo can du yid bde bas/ /dgod byed du mi smra ba yi/ /sbyor bas kun du rgal bar mdzod/ /sbrul can du ni sbrul dug gi/ /sngags kyi sbyor dang 'od ma can/ /klung du mtshon rnon gdab pa yi/ /sbyor bas kun du rgal bar mdzod/ /chu bo rnams rgal nas gcan pa'i gnas na gnod sbyin lnga brgya yod pa de rnams la sran tshugs te gzhom par mdzod cig / de nas ni mi 'am ci'i rgyal po'i pho brang mchis so zhes gsungs shig /drang srong de la yid 'phrog mas de skad ces smras nas rkang pa gnyis la mgo bos gtugs te de nas song ngo / /ji tsam na gzhon nu nor bzangs kyis ri 'or de phab nas skyes khyer te glang po'i grong khyer du 'ongs so zhes rgyal pos thos nas mchog tu dga' ba skyes so/ /de nas gzhon nu ngal sos nas pha'i drung du song ste phyag byas nas mdun du 'dug pa dang / rgyal pos mchog tu dga' bar 'gyur ba'i gtam byas nas smras pa/ gzhon nu khyod bde bar 'ongs sam/ lha khyod kyi bka' drin gyis ri 'or ba phab ste gte'u bzung sna bo bskos lags te/ dpya dang skyes kyang 'di dag lags kyis phyag mdzod du gzhug tu gsol/ /rgyal pos smras pa/ bu legs par byas kyis bzhes so/ /de nas gzhon nus pha la phyag byas nas chas pa dang / rgyal pos smras pa/ gzhon nu skyes la lhan cig kho nar longs spyad kyis 'dug shig /lha bdag gis yid 'phrog ma ma mthong nas yun ring zhig lags pas mchi lags so/ /gzhon nu deng 'gro ba shol la sang song shig /de gal gyis 'chu zhing 'di skad ces smras so/ /yab nges par deng nyid bdag mchi lags so/ /rgyal po cang mi smra bar 'dug go/ / de nas gzhon nu rang gi khyim du song na btsun mo'i pho brang gi sgo dpal gyis stong par mthong nas de sems khongs su chud bzhin du zhugs na/ yid 'phrog ma ma mthong nas snying stor te phan tshun du rgyu zhing yid 'phrog ma yid 'phrog ma zhes sgra phyung ngo / /ji tsam na btsun mo rnams tshogs nas btsun mo de rnams kyis gtam rlung la bskur ba dang / de'i snying la zug rngus zug pas yang nas yang du dris pa las/ de rnams kyis ji ltar gyur pa smras so/ / de mya ngan gyis yid blong bar gyur to/ /bud med de rnams kyis smras pa/ lha btsun mo'i 'khor 'di na de bas bud med shin tu khyad par du 'phags pa dag mchis na ci'i slad du thugs ngan mdzad/ des pha snying rje med cing byas pa chud gson pa thos nas ma'i drung du song ste rkang pa la gtugs nas smras pa/ yum yid bzhin yon tan ldan gyur cing / /gzugs mdzes phun sum tshogs pa yi/ /yid 'phrog ma ni mi gda' na/ /bdag gi yid 'phrog gang du mchis/ / yid kyis rab tu brgyug snyam na 'ang / /bdag gi yid ni kun tu rmongs/ /de dang bral bar gyur pa yis/ /snying ni shin tu gdungs pa nyid/ /bdag gi yid du mchi zhing yid 'phrog la/ /yid du 'thad cing yid la dga' ba yi/ /yid 'phrog dang bral bdag lus gdungs pa yi/ /bdag gi sdug bsngal 'di ni gang nas mchis/ /des smras pa/ bu yid 'phrog ma sdug bsngal mi bzad pa nyam nga bar gyur nas kho mos btang ngo / /yum ji ltar gyur/ des ji ltar gyur pa thams cad rgyas par smras pa dang / des pha snying rje med cing byas pa mi gzo ba yin no zhes smras nas yang smras pa/ yum gang du mchis/ shul ni gang nas/ des smras pa/ gang du yid 'phrog song ba yi/ /lam de ri dang drang srong dang / /seng ge dag gis rtag bsten cing / /chos kyi rgyal po gnas pa yin/ /de yid 'phrog ma dang bral ba'i sdug bsngal gyis mi bzad par nyam thag cing snying rje rje skad du bla zhing smre sngags 'don pa/ yid bzhin yon tan ldan gyur pa'i/ /yid 'phrog ma ni mi gda' na/ /zhes bya ba nas bdag gi sdug bsngal 'di ni gang nas 'ongs zhes bya ba'i bar gong ma bzhin du'o/ /de nas mas smras pa/ bu btsun mo'i 'khor 'di na de bas ches khyad par du 'phags pa'i bud med dag yod na ci'i phyir mya ngan byed/ gzhon nus smras pa/ yum de ma rnyed par bdag dga' bar ga la 'gyur/ des de dbugs phyung yang 'on kyang mya ngan gyis gdungs nas de'i khungs tshol zhing phan tshun du btsal bar brtsams te de'i blo skyes pa/ gang kho na las thob pa de nyid la re shig dri'o snyam nas/ des rngon pa spang leb can gyi drung du song ste dris pa/ khyod kyis yid 'phrog ma gang nas rnyed/ des smras pa/ ri bo che ge mo'i ngos la drang srong zhig gnas te/ de'i bsti gnas na tshangs pa 'du ba zhes bgyi ba'i rdzing mchis te/ der khrus la zhugs pa las drang srong gis bstan nas rnyed do/ /des bsams pa/ da ni drang srong gi drung du song dang de las khungs phyin par 'gyur ro snyam mo/ /rgyal pos gzhon nu yid 'phrog ma dang bral bas shin tu yid blong ba'i gtam de thos so/ /de nas rgyal pos smras pa/ gzhon nu khyod yid blong du ci yod/ da ni de bas khyad par 'phags pa'i chung ma sbyin no/ /des smras pa/ yab bdag ni de ma lags pa'i mchis brang gi 'khor dang mchis par rngo mi thog lags so/ /rgyal pos de la lan du ma smras kyang ma zlogs so/ /de nas rgyal pos grong khyer gyi sgo dang ra ba'i khar ci nas kyang gzhon nu phyir mi 'chor bar bya ba'i phyir skyes bu srungs ma dag bkod do/ /de nas gzhon nu ni mtshan thog thag mi nyal bar gyur to/ /lnga po 'di dag ni mtshan mo cung zad nyal gyi phal cher mi nyal te/ lnga gang zhe na/ skyes pa bud med la chags pas sems bcings pa dang / bud med skyes pa la chags pa dang / srog chags ngur pa dang / chom rkun pa'i ra bgo dang / dge slong brtson 'grus brtsams pa yin no zhes gsungs so/ /de nas gzhon nu 'di snyam du sems te/ gal te bdag sgo nas song na rgyal po'i sgo srungs kyi srung ma gtum po dag yod de/ de rnams kyis bdag chad pas gcod pa 'am/ srog dang bral bar byed par 'gyur gyis/ ci nas kyang ma la bdag srung ma med pa'i lam nas 'gro'o snyam nas/ de mtshan mo langs te ut+pa la sngon po'i phreng bas mgo bo bcings pa'i phreng ba rgyal mtshan la btags nas gang na srungs ma'i mi med pa de nas babs pa na zla ba shar to/ /de nas des zla ba la bltas nas yid 'phrog ma dang bral ba'i smre sngags 'di lta bu dag 'don par byed de/ zla nya rgyu skar rgyal po mtshan mo gsal byed kye/ /khyod ni snar ma'i mig tu sdug pa ded dpon bzang / /ci ga bdag gi sdug pa ut+pal lta bu'i mig /yid 'phrog ces bgyi khyod kyis sa stengs gzigs lags sam/ /zhes smras nas/ sngon gyi dga' ba nyams su myong ba dran zhing song ba las ri dgas mo zhig mthong nas de la yang smras pa/ kye ma ri dgas mo khyod rtswa chu lo ma za/ /khyod ni legs gyur bder spyod bdag ni rngon pa min/ /ri dgas mo ltar mig dkyus ring bas gzugs bzang ba/ /bdag gi yid 'phrog ces bya khyod kyis mthong gyur tam/ /de nas song ste phyogs gzhan zhig tu phyin pa dang / tshal me tog dang 'bras bus mdzes par byas pa'i snying po la bung ba dag longs spyod pa mthong nas de nas bung ba zhig la smras pa/ sbrang rtsi'i bung ba ri bo mthon ting lta bu'i mchog /smyug ma'i sbubs dang pad ma dag la gnas 'cha' ba/ /skra yi tshogs ring kha dog bung ba ltar gnag pa/ /bdag gi yid 'phrog ces bya khyod kyis mthong gyur tam/ /phyogs de nas kyang song ba dang sbrul shig mthong ngo / /mthong nas kyang smras pa/ kye ma'o sbrul gnag shing lo lta bur lce g.yo zhing / /mig dang kha yi nang nas dud pa'i tshogs 'byin pa/ /khyod kyi gdug pa'i me dang 'dod chags mer mi mtshungs/ /bdag gi yid 'phrog ces bya khyod kyis mthong gyur tam/ /de nas kyang phyogs gzhan zhig tu son pa dang / tshal gzhan zhig na khu byug sgra 'byin pa zhig mthong ngo / /mthong nas kyang khu byug de la yang smras pa/ kye ma khu byug tshal mchog ljon shing la gnas pa/ /'dab chags tshogs kyi rgyal po bud med yid 'phrog pa/ /ut+pal sngon po lta bur dri med mdzes pa'i mig /bdag gi yid 'phrog ces bya khyod kyis mthong gyur tam/ /phyogs de nas kyang song ba dang / shing mya ngan 'tshang zhes bya ba me tog thams cad rgyas pa zhig mthong nas/ ming gi rnam grangs bkra shis zhes brjod pa/ /ljon pa rnams kyi rgyal po cher gyur la/ /yid 'phrog mya ngan gyis ni blong ba dag /thal mo sbyor na khyod kyis mya ngan songs/ /de de ltar yid blong bzhin rim gyis drang srong de'i bsti gnas su phyin nas des drang srong de la dul ba dang bcas pas phyag byas nas smras pa/ bzod 'phags gos su shing shun dang ni g.yang gzhi mnabs/ /rtswa ba myu gu skyu ru bil ba ka pid gsol/ /drang srong mgos btud phyag 'tshal bdag gi yid 'phrog ma/ /khyod kyis gzigs sam khyod ni bdag la myur du gsungs/ /de nas drang srong des gzhon nu nor bzangs la byon pa legs so zhes byas pa dang / stan bting ba bya ba la sogs pa sngar bya ba'i yang dag par dga' ba byas nas smras pa/ smin ma 'jam pa'i smin mtshungs mthon mthing bzhin legs mthong na dga' ba'i gzugs 'chang ba/ /bzhin ras zla ba nya 'dra ut+pal sngon po lta bu'i mig de bdag gis mthong / /dpon khyod bag rkyang bzhugs te rtsa ba 'bras bu sna tshogs gsol bar mdzod cig dang / /slad kyis bde blag byon 'gyur 'di la bdag gi yid la the tshom yong ma mchis/ /smin ma bzang mos 'di skad tshig smras te/ /gzhon nu khyod la sred pas bdag mi bde/ /nags khrod gnas pa'ang sdug bsngal chen po ste/ /gshegs par gyur na nges par bdag mthong ngo / /des sor gdub rgyan 'di byin nas smras pa/ lam ya nga la bgrod dka' bas nyon mongs par 'gyur gyis slar log shig /gal te bzlog kyang 'dug tu ma btub na de la lam bstan pa'i rigs so/ /des yang 'di skad ces bstan te/ byang phyogs logs na ri nag po gsum yod do/ /de dag rgal ba'i pha rol na yang gsum/ de dag rgal ba'i pha rol na yang gsum yod de/ de dag rgal ba dang ri'i rgyal po gangs can zhes bya ba yod de/ phyogs de nas sman 'di dag blang bar bya ste/ 'di lta ste shin tu 'o ma 'dzag ces bya ba'i sman yod de/ de mar las btsos nas btung bar bya'o/ /des na skom pa dang bkres pa med cing dran pa dang mthu stobs 'phel bar 'gyur ro/ /spre'u shig kyang bkri bar bya/ gsang sngags kyang bslab par bya/ gzhu mda' dang chas pa dang / nor bu 'od dang ldan pa dang / dug gsod pa sman dug sel dang / lcags kyi phur pa gsum dang / pi bang yang bcang bar bya'o/ /ri'i rgyal po gangs can gyi byang phyogs na ri bo phur pa'i rtse yod do/ /de nas lam chu sgra can dang / seng ldeng can dang / rgyud gcig pa dang / rdo rje can dang / 'dod dgur sgyur ba'i gzugs can dang / phur pa'i dbyibs dang / sa srung bu'i dbyibs dang / mi g.yo ba dang / rab grol lo/ /khyod kyis ri de dag rgal dgos te/ de la ri bo seng ldeng can la ni phug nas 'jug /rgyud gcig pa dang / phur pa'i dbyibs la yang phug nas 'jug rdo rje can la ni bya'i rgyal pos 'jug ste/ thabs 'di dag gis ri bo de rnams rgal bar bya'o/ /'khrul 'khor ra gdong can dang / lug lta bu dang / skyes bu srin po ser skya'i gzugs can dag gzhom par bya'o/ /phug na sbrul kha chu'i rgyun chen po'i shugs kyis rgyug pa zhig mchis te/ de ni zho shas gzhom par bya'o/ /gang na sbrul ni nag po zhig /phug na phyed 'dug mthong nas ni/ /bdag gi slad du gzhu bdungs la/ mda' yis bsnun te bsad par gyis/ /gang la lug gnyis phan tshun nas/ /rdung bar byed pa mthong na ni/ /de gnyis rwa re bcag mdzod dang / /lam ni rnyed par 'gyur lags so/ /'jigs pa che skyed mtshon thogs pa'i/ /lcags kyi skyes pa gnyis mthong na/ /de gnyis las ni gcig brdegs dang / /lam ni rnyed par 'gyur lags so/ /srin mo lcags kyi mchu can zhig /kha 'dzums gdangs par bgyid gzigs na/ /de tshe de yi 'phral ba la/ /phur pa dag gis gdab par mdzod/ /de bzhin khron pa klong drag 'khyil/ /drug bcu'i khru can la khyod mchongs/ /skra mig seng ge'i ltar ser zhing / /mi bzad bsnyen par dka' ba yi/ /gnod sbyin dang ni srin po dag /gzhu bkang ste ni gsang mdzod la/ /chu srin 'dzin khris gang ba yi/ /chu bo mang po rgal mdzod cig /nang ga phye ma lab gdungs dang / /sna tshogs ngud mo dgod pa dang / /sbrul can 'od ma can gyi klung / /nang ga na ni srin mo khro/ /phye ma lab na mi ma yin/ /gdungs pa na ni 'dzin khri mang / /sna tshogs can na 'dod sgyur gzugs/ /ngud mor mi 'am ci yi bran/ /dgod pa na ni mi 'am ci'i/ /mna' ma sbrul can sbrul mang na/ / 'od ma can klung shal ma li/ /nang ga na ni brtan par bya/ /phye ma leb la rtul phod bya/ /gdungs par 'dzin khri kha bcing ngo / /sna tshogs can du klu sna tshogs/ /ngud mo can du yid bde bas/ /dgod byed du ni mi smra ba'i/ /sbyor bas kun du rgal bar mdzod/ /sbrul can du ni sbrul dug gi/ /sngags kyi sbyor dang 'od ma can/ /klung du mtshon rnon gdab pa yi/ /sbyor bas kun tu rgal bar mdzod/ /chu bo rnams rgal nas gcan pa'i gnas na gnod sbyin lnga brgya yod pa de rnams la sran tshugs te gzhom par mdzod cig /de nas ni mi 'am ci'i rgyal po'i pho brang mchis so zhes gsungs shig /de nas gzhon nu nor bzangs kyis ji skad bstan pa'i sman dang / gsang sngags dang / sman dug sel gyi sbyor ba rnams btsal ba'i phyir drang srong de'i rkang pa la mgo bos phyag byas nas song ngo / /de nas des spre'u ma gtogs par ji skad bstan pa thams cad sta gon byas nas/ de nas de rnams khyer te yang drang srong de'i drung du song ba dang / des de la spre'u byin nas smras pa/ gzhon nu 'bad pa 'dis ci bya/ yid 'phrog ma ni ci dgos/ khyod gcig pu grogs med pa lus gdon mi za bar 'gyur gyis thong / gzhon nus smras pa/ drang srong chen po bdag ni gdon mi za bar mchi'o/ /ci'i slad du zhe na/ mkha' la zla ba rgyu ba grogs shig ga las mchis/ /mche ba'i mthu stobs ldan pa'i ri dgas gtso bo dang / /me yis nags sreg pa na grogs shig ga las mchis/ /bdag lta bu la grogs po mthu ldan ci zhig 'tshal/ /kye ci rgya mtsho che chur 'jug par mi bgyi 'am/ /ci lags sbrul gyis zin ces gso bar mi bgyi 'am/ /sems can spungs can gyis bsten brtson 'grus cher brtsams te/ /gal te 'bad de ma rung 'di la nyes pa med/ /de nas gzhon nu nor bzangs yid 'phrog mas bstan pa'i rnam pa sna tshogs dang chas te rim gyis ri dang / chu bo dang / phug dang g.yang sa la sogs par sman dang / gsang sngags dang / sman dug sel gyi sbyor bas rgyal bar byas nas mi 'am ci'i rgyal po ljon pa'i grong khyer dang nye ba zhig tu son pa dang / gzhon nus grong khyer dpal dang ldan pa bskyed mos tshal gyi tshal me tog dang 'bras bu sna tshogs dang ldan pas mdzes par byas pa/ bya sna tshogs kyis bsten pa/ rdzing bu dang / mtshe'u ring po dang / gru bzhi dang / mi 'am ci mo rnams kyis bskor ba de la mi'am ci mo rnams chu len du 'ongs pa mthong nas/ des gzhon nu nor bzangs kyis de rnams la smras pa/ chu mang po 'dis ci zhig bya/ de rnams kyis smras pa/ mi 'am ci'i rgyal po ljon pa'i sras mo yid 'phrog ma zhes bgyi ba zhig mchis/ de mi'i lag tu son par gyur pas de'i mi'i dri bshal ba lags so/ /gzhon nu nor bzangs kyis dris pa/ ci bum pa 'di dag thams cad kyis dus gcig tu de'i steng nas ldugs sam/ 'on te rim gyis/ de rnams kyis smras pa/ rim gyis so/ /des bsams pa/ thabs 'di bzang ste/ sor gdub kyi rgya 'di bum pa gcig gi nang du gzhug go snyam nas/ des mi'am ci mo gcig gi bum par ma tshor bar bcug nas mi'am ci mo de la smras pa/ khyod kyi bum pa 'dis thog mar yid 'phrog ma la khrus byos shig /des bsams pa/ gdon mi za bar 'di la dgos pa zhig yod par 'gyur ro snyam nas/ de nas des bum pa de thog mar yid 'phrog ma'i spyi bor blugs pa las ji tsam na sor gdub kyi rgya pang du lhung ba dang yid 'phrog mas de 'phrigs so/ /de nas mi'am ci mo la dris pa/ 'dir mi 'ga' zhig ma 'ongs sam/ des smras pa/ mchis so/ /song la de dben pa zhig tu zhog shig /des de nang du khrid nas dben pa zhig tu bzhag go/ /de nas yid 'phrog mas pha'i rkang pa gnyis la gtugs te smras pa/ yab gal te bdag gi khyim thab bgyid pa gzhon nu nor bzangs de mchis na de la khyod kyis ci zhig bgyi/ des smras pa/ de mi yin te cir yang mi mkho bas ngas de dum bu brgyar byas la phyogs bzhir gtor te gtang ngo / /yid 'phrog mas smras pa/ yab mir gyur pas 'dir ga la mchi/ bdag nyid de skad mchi bar bas so/ /de nas mi'am ci'i rgyal po ljon pa kun nas dkris pa dang bral te/ de nas kun nas dkris pa dang bral nas smras pa/ gal te gzhon nu de 'ongs na ngas khyod rgyan thams cad kyis brgyan la nor dang yo byad mang po dang / mi'am ci mo stong gis yongs su bskor te de la chung ma'i don du sbyin no/ / de nas yid 'phrog ma dga' ba dang / mgu ba dang / rab tu dga' bas gzhon nu nor bzangs lha'i rgyan gyis brgyan nas mi'am ci'i rgyal po ljon pa la bstan to/ /de nas mi'am ci'i rgyal po ljon pas gzhon nu nor bzangs gzugs bzang po mdzes pa/ blta na sdug pa/ kha dog rgyas pa mchog dang ldan pa mthong ngo / /mthong nas shin tu ngo mtshar du gyur te/ de nas de bgam par 'dod nas gser gyi sdong po bdun dang / shing ta la bdun dang / rnga bo che bdun dang / phag bdun btsugs so/ /gzhon nu nor bzangs ni byang chub sems dpa' yin la/ byang chub sems dpa' rnams ni bzo'i gnas dang las kyi gnas de dang de dag la mkhas pa yin no/ / lha rnams kyang de dag la bgegs med par bya ba'i phyir brtson par byed do/ /de nas byang chub sems dpa' gar dang / glu dang pi bang dang / kharnga dang / shin tu sgra snyan dang / pi bang rgyud gsum pa dang / rdza rnga la sogs pa lha rnams kyis bsgrubs pa'i sil snyan rnam pa sna tshogs kyi sgra'i khyad par ni kun nas 'bud cing mi 'am ci stong phrag du mas ni yongs su bskor nas/ ral gri ut+pa la sngon po'i 'dab ma 'dra ba thogs te/ mi 'am ci'i rgyal po ljon pa mthong bar gser gyi sdong po'i drung du song nas chu shing la gcod pa bzhin du sdong po de dum bu dum bur gcad par brtsams te/ de nas de til gyi 'bru tsam du brlags so/ /mdas ni shing rta la bdun dang / rnga bdun dang / phag bdun gtsang mar phyung ste/ ri rab bzhin du mi g.yo bar gnas so/ /de nas nam mkha' la gnas pa'i lha dang / mi 'am ci brgya stong phrag du mas a la la zhes ca co dang ga zha'i sgra chen po phyung ngo / /mi 'am ci'i rgyal po ljon pas mthong zhing thos nas shin tu ngo mtshar du gyur to/ /de nas mi 'am ci mo yid 'phrog ma 'dra ba sha stag stong gi dbus su yid 'phrog ma bzhag ste/ gzhon nu nor bzangs la smras pa/ gzhon nu tshur yid 'phrog ma ngo shes par gyis shig /de nas gzhon nu nor bzangs kyis ngo shes par bya ba'i phyir tshigs su bcad pa'i dbyangs kyis smras pa/ ji ltar khyod ni ljon pa'i bu yin la/ /kho bo'i sdug pa yid 'phrog yin zhe na/ /bden pa 'di yis myur ba kho nar ni/ /yid 'phrog gom pas myur du 'gro bar shog /de nas de ma thag tu gom pas song ba dang / mi 'am ci rnams kyis smras pa/ lha gzhon nu nor bzangs 'di stobs dang / brtson 'grus dang / pha rol gnon pa shin du tshogs pa lags te/ yid 'phrog ma dang thab rir bab lags na/ ci'i slad du 'di la tho btsam/ 'di la yid 'phrog ma stsol cig /de nas mi 'am ci'i rgyal po ljon pa mi 'am ci'i tshogs rnams kyis rjes su bsngags pa dang / mi 'am ci rnams kyi 'dun pas gzhon nu nor bzangs la rje bkur sti chen po byas nas yid 'phrog ma lha'i rgyan rnams kyis brgyan te lag pa g.yon pas bzung / gser gyi bya ma bum lag pa g.yas pas bzung nas gzhon nu nor bzangs kyi drung du song ste smras pa/ gzhon nu yid 'phrog ma 'di mi 'am ci mo stong gis yongs su bskor te/ kho bos khyod kyi chung ma'i phyir byin gyis/ mi rnams ni ngo mi rtag pa yin gyis/ ji ltar yang 'di ma dor cig /yab bka' bzhin 'tshal zhes gzhon nu nor bzangs kyis mi 'am ci'i rgyal po ljon pa las mnyan nas mi 'am ci'i gnas kyi khang pa na yid 'phrog ma dang lhan cig skyes pa med par sil snyan rnams kyis rtse bar byed/ dga' bar byed/ dga' mgur spyod par byed do/ /de dus gzhan zhig na rang gi yul dran nas pha ma dang bral ba las byung ba'i sdug bsngal gyi mya ngan gyis gdungs par gyur nas yid 'phrog ma la smras pa pha ma dang bral ba las byung ba'i sdug bsngal gyis non par gyur to/ /de nas yid 'phrog mas de ltar gyur pa dag pha la rgyas par smras so/ /des smras pa/ gzhon nu dang lhan cig song la mi rnams ni slu bar byed pa yin gyis/ khyod kyis bag yod par gyis shig de nas mi 'am ci'i rgyal po ljon pas nor bu dang / mu tig dang / gser la sogs pa mang du brdzangs te btang nas de yid 'phrog ma dang lhan cig tu steng gi nam mkha'i lam la mi 'am ci'i shugs kyis chas pa na rim gyis glang po'i khyim gyi grong khyer du phyin no/ /de nas glang po'i khyim gyi grong khyer rdo ba dang / gseg ma dang / gyo mo rnams bsal nas tsan dan gyi chus chag chag btab/ dar gyi chun 'phyang dpyangs rgyal mtshan dang / ba dan btsugs/ shin tu dri zhim po'i pog por dag bshams/ me tog rnam pa sna tshogs bkram ste/ dga' dga' ltar byas so/ /de nas gzhon nu mi'i gtso bo stong phrag du mas yongs su bskor cing yid 'phrog ma dang lhan cig tu glang po'i khyim gyi grong khyer du zhugs so/ /de nas lam gyis dub pa'i ngal bsos nas rin po che rnam pa sna tshogs pa dag khyer te pha'i drung du song nas rgyal po'i stan gyi glo zhig tu 'dug ste/ mi 'am ci'i grong khyer du song ba dang 'ongs pa rnams rgyas par smras so/ / de nas rgyal po nor can gyis 'di ni shin du stobs dang / brtson 'grus dang / pha rol gnon pa can no zhes bya bar rig nas rgyal po'i dbang bskur bas dbang bskur to/ /gzhon nu nor bzangs kyis bsams pa/ gang bdag yid 'phrog ma dang lhan cig tshogs pa dang / rgyal srid kyi dbang bskur ba thob par gyur pa 'di ni sngon byas pa'i rgyu'i khyad par yin gyis/ ma la de yang bdag gis sbyin pa dag ni btang / bsod nams dag ni bya'o snyam nas/ des glang po'i khyim gyi grong khyer du lo bcu gnyis su gtan pa med pa'i mchod sbyin byas so/ /rgyal po chen po de'i tshe de'i dus na gzhon nu nor bzangs zhes bya bar gyur pa de gzhan zhig yin snyam na khyod kyis de ltar mi blta ste/ nga nyid de'i tshe de'i dus na byang chub sems dpa'i spyad pa spyod pa na rgyal po nor bzangs zhes bya bar gyur to/ /ngas gang yid 'phrog ma'i phyir stobs dang / brtson 'grus dang / pha rol gnon pa bstan nas/ lo bcu gnyis su gtan pa med pa'i mchod sbyin byas pa des ngas bla na med pa'i byang chub ma thob mod kyi/ 'on kyang sbyin pa de dang / brtson 'grus de ni bla na med pa yang dag par rdzogs pa'i byang chub kyi rgyu tsam dang / rkyen tsam dang tshogs tsam yin no// // rgyal po chen po gzhan yang / ngas bla na med pa yang dag par rdzogs pa'i byang chub don du gnyer ba'i phyir sbyin pa dag btang / bsod nams dag byas pa gang yin pa de nyon cig /rgyal po chen po sngon byung ba thams cad ces bya ba'i grong rdal gyi grong khyer na rgyal po thams cad kyi bshes gnyen zhes bya ba zhig rgyal srid byed du 'jug ste/ 'byor pa dang / rgyas pa dang / bde ba dang / lo legs pa/ skye bo dang / mi mang pos rab tu gang ba dang / 'thab pa dang / thab mo dang / khrag khrug dang / 'gyed pa rnams rab tu zhi ba zhes bya ba nas/ chos bzhin gyis rgyal srid byed du 'jug go zhes bya ba'i bar gong ma bzhin du'o/ /dus gzhan zhig na btsun mo dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las dus gzhan zhig na btsun mo sems can dang ldan par gyur te/ de zla ba brgyad dam dgu 'das nas khye'u gzugs bzang po/ mdzes pa/ blta na sdug pa/ pags pa'i mdog gser 'dra ba/ mgo gdugs ltar 'dug pa/ dpung pa ring ba/ 'phral ba'i dbyes che ba/ smin ma 'jar ba/ sna'i gzangs mtho ba zhes bya ba nas/ gnas lnga la byang bar gyur to zhes bya ba'i bar gong ma bzhin no/ /gzhon nu thams cad sgrol dad pa bzang ba/ dge ba'i bsam pa can/ bdag la phan pa dang / gzhan la phan par zhugs pa/ snying rje can bdag nyid chen po chos 'dod pa/ skye dgu rnams la byams pa/ thams cad sbyin pa/ thams cad gtong ba/ chags pa med par gtong ba/ gtong ba chen po la zhugs pa yin no/ / de'i gtong ba rgya chen po thos nas dpag tshad brgya nas kyang don du gnyer ba'i skye bo 'ongs te thams cad kyang yid la re ba rdzogs par byas nas gtong ngo / /de nas re shig cig na byang chub sems dpas shing rta nor bu dang gser dang dngul dang / rdo rje dang / bai dUr+ya dang / spug dang / pad ma rA ga dang / in+d+ra nI las 'bar bar byas pa/ tsan dan mchog gi snying po las bsgrubs pa/ seng ge dang stag dang gung gi lpags pas g.yogs pa/ rta rlung gi shugs ltar mgyogs pa/ gser dang dngul gyi dril bu g.yer ka'i sgra 'khrol ba bzhi dang ldan pa mchog gi nang du zhugs nas grong khyer dam pa nas bskyed mos tshal du mngon du song ngo / /de nas bram ze rig byed dang rig byed kyi yan lag shes pa kha cig gis thams cad sgrol mngon du bsu nas smras pa/ rgyal rigs gzhon nu khyod rgyal bar gyur cig /yang smras pa/ khyod ni 'jig rten thams cad du/ /thams cad gtong zhes rnam par grags/ /bram ze rnams la shing rta 'di/ / khyod kyis sbyin pa gtang ba'i rigs/ /de skad ces smras pa dang / byang chub sems dpa' thams cad sgrol shing rta de las myur ba myur bar babs te snying dga' ba dang mgu ba dang / rab tu dga' bas bram ze de dag la shing rta byin nas smras pa/ bdag gis ji ltar bram ze la/ /mchog tu dga' bas shing rta btang / /de bzhin bdag gis srid pa gsum/ /btang nas byang chub mchog reg shog / //'dul ba gzhi/ bam po bzhi bcu rtsa drug pa/ de dus gzhan zhig na glang po che'i mchog rgyal srid 'phel zhes bya ba me tog kun da dang / ku mu da dang / kha ba dang / dngul dang / sprin dkar po lta bu'i mdog can bdun legs par gnas shing rkang lag legs par gnas pa/ glang po che sa srung gi bu ltar 'gying zhing 'gro ba/ rang bzhin gyi mtshan mchog gis brgyan pa/ mthong na bkra shis pa la zhon nas shin tu sdug pa'i bran dang / mdza' bshes dang / g.yog rnams phyi bzhin 'brang zhing zla ba rgyu skar gyi tshogs kyis yongs su bskor ba bzhin du sos ka'i dus la bab pas shing rnams me tog kha 'bus shing / ngang pa dang / khrung khrung dang / rma bya dang / ne tso dang / ri skyegs dang / khu byug dang / shang shang te'u sgra 'byin pa'i nags tshal gyi bskyed mos tshal gyi sar song ba dang / de nas phyir rgol bas sbad pa'i bram ze kha cig gzhon nu thams cad sgrol gyi drung du rings pa rings par 'ongs nas/ rgyal rigs gzhon nu khyod rgyal bar gyur cig ces smras nas yang smras pa/ lha min lhar bcas 'jig rten du/ /khyod ni thams cad gtong zhes grags/ /khyod kyi glang po'i mchog 'di ni/ /bdag cag rnams la stsal ba'i rigs/ /de skad ces smras pa dang / byang chub sems dpa' glang po'i mchog de las myur ba myur bar babs nas dga' ba dang / mgu ba dang / rab tu dga' ba'i yid kyis de dag la glang po'i mchog de byin nas smras pa/ bdag gis ji ltar bram ze la/ /mchog tu dga' bas glang chen btang / /de bzhin bdag gis srid pa gsum/ /btang nas byang chub mchog reg shog /rgyal po thams cad bshes gnyen gyis khyod kyi sras thams cad sgrol gyis glang po che'i mchog rgyal srid 'phel zhes bya ba phyir rgol bas sbad pa'i bram ze rnams la byin no zhes thos so/ /thos nas rgyal po thams cad bshes gnyen shin du khros 'khrugs nas gzhon nu thams cad sgrol bkug ste/ gzhon nu khyod nga'i yul na ma 'dug par song shig /de nas gzhon nu thams cad sgrol phas spangs pa dang / bsams pa/ bdag gis byang chub kyi phyir 'bad par byas pa dang / 'jig rten thams cad rjes su gzung ba'i phyir brtson 'grus kyi go cha bgos pas glang po che de yang btang ste/ de bas khyim na gnas pas ni/ /ci nus par ni sbyin pa btang / /dka' thub nags su brten nas ni/ /nges par mchog dag bya ba yin/ /bslangs na mi sbyin zhes bya ba/ /tshig ni smra bar mi phod kyis/ /de bas bdag ni khyim spangs te/ /dka' thub nags su rab tu 'gro/ / byang chub sems dpas de ltar snying la mna' mtho bcad nas chung ma rgyags sbyin ma'i drung du song ste de dag rgyas par smras so/ /de nas rgyags sbyin mas thos ma thag tu sdug pa dang bral bar dogs pa'i snying gis thal mo sbyar te/ byang chub sems dpa' la smras pa/ rje'i sras gal te de lta na bdag kyang dka' thub kyi nags gnas su mchi ste/ bdag ni rje'i sras dang bral na skad cig tsam yang 'tsho bar rngo mi thog lags so/ /de ci'i slad du zhe na/ nam mkha' zla bas stongs par gyur pa dang / /ji ltar sa ni lo tog gis stongs dang / /pad ma chu yis stongs par gyur pa dag /bud med khyim thab kyis stongs de bzhin no/ /byang chub sems dpas smras pa/ bdag cag mthar gdon mi za bar 'bral bar 'gyur te/ 'di ni 'jig rten gyi rang bzhin yin no/ /khyod ni bza' ba dang / btung ba dang / mal cha dang / bgo ba mchog la goms pas lus shin tu skyid pa yin dka' thub kyi nags na ni rtswa dang lo ma bting bar ni nyal rtsa ba dang / me tog dang / 'bras bu ni za/ rtswa dur ba dang / zug rdo dang / rtswa dang / tsher mas gang ba'i sa la ni rgyu/ yang dang yang du za gcig pa la ni brten/ bdag nyid skye bo thams cad la ni bsten dgos/ glo bur du 'ongs pa thams cad mchod pa la ni 'bad dgos la/ de na yang nga gdon mi za bar ci nus kyi sbyin pa gtong ste/ de la khyod kyis cung zad kyang mi 'gyod par bya dgos so/ /de bas na re shig da dung yang legs par soms shig /rgyags sbyin mas smras pa/ rje'i sras bdag rngo ci thog gis rje'i sras kyi rjes su sgrub lags so/ /byang chub sems dpas smras pa/ gal te de lta na dam bcas pa de khyod kyis dran par byos shig /de nas byang chub sems dpa' pha'i drung du song nas mgo bos phyag byas te/ yab cig bdag gis sbyin par glang chen stsal/ /nongs pa gang lags sa bdag bzod par gsol/ /bdag ni grong nas dgon par mchi lags kyis/ /mi yi dbang po'i phyag mdzod stongs mi 'gyur/ /de nas rgyal po bu dang bral ba'i sdug bsngal gyis dbugs kyis brnangs te skad 'dar 'dar por smras pa/ bu sbyin pa'i blo 'or la 'dug shig /byang chub sems dpas smras pa/ sa ni ri dang bcas par yang / /gal te ldog par 'gyur gda' yang / / sa bdag bdag ni sbyin pa las/ /sems ni ldog par mi bgyid do/ /zhes smras nas song ngo / /de nas bu dang / bu mo dang / chung ma dang lhan cig shing rta'i nang du zhugs te/ grong khyer dam pa de nas byung nas pho brang 'khor gyi mi dang yul mi mya ngan byed pa brgya stong rjes su 'brang bzhin song ngo / /de nas mi zhig gis ngu zhing smre sngags 'don pa'i sgra de yang thos/ skye bo'i tshogs chen po grong khyer gyi sgor byung ba yang mthong nas mi zhig la dris pa/ kye nang rje skye bo'i tshogs chen po cho nges 'debs pa 'di ci las gyur/ des smras pa/ shes ldan dag ci mi shes sam/ 'di ltar mi yi dbang pos nyid kyi sras po mche ba bzang / /brtan pa'i ngang tshul rab tu sbyin la dga' ba 'di ni spyugs/ /de ni bu dang chung mar bcas te nags mthar chas pa la/ /pho brang 'khor ba rnams 'dus shin tu snying rjes cho nges 'debs/ /de nas byang chub sems dpas grong khyer dam pa de nas byung ba'i pho brang 'khor gyi mi rnams la ci rigs par mngon du song nas smras pa/ shes ldan dag slar deng shig slar deng shig /'di ltar shin tu yun ring po nas sdug pa dang 'grogs pa yang mjug tu gdon mi za bar 'bral ba'i mtha' can du 'gyur te/ gnyen pa'i skye bo dang 'grogs pa ni lam ka'i ngal bso ba'i bsti gnas kyi shing dang 'dra bas gdon mi za bar sdug pa dang 'bral bar 'gyur ro/ /de ci'i phyir zhe na/ 'jig rten kun na skye bo dbang med de/ /mdza' ba rnams dang 'bral bar 'gyur bsams nas/ /khyod kyis sa steng 'bad pa thams cad kyis/ / zhi phyir blo gros mi g.yo brtan par gyis/ /de nas dpag tshad sum brgya 'das pa dang / byang chub sems dpa' mthong nas bram ze zhig mngon du 'ongs te smras pa/ kye rgyal rigs gzhon nu bdag ni khyod kyi yon tan thos nas 'di nas dpag tshad sum brgya tsam gyi yul nas 'dir mchis lags kyis/ khyod kyis shing rta mchog 'di bdag ngal ba 'bras bu mchis par bgyi ba'i rigs so/ /de nas rgyags sbyin ma mi bzod pa skyes nas tshig brlangs pos bram ze de la smras pa/ e ma'o nags na'ang mi dbang sras la slong ba gang / /bram ze 'di ni shin tu brtse ba med pa'i blo/ /mi dbang sras po mi dbang dpal las nyams gyur pa/ /'di la 'dir ni snying rje cig mi skye 'am/ byang chub sems dpas smras pa/ khyod kyis bram ze ma spyo shig /de ci'i phyir zhe na/ rgyags sbyin gal te nor 'dod len pa 'di dag med gyur na/ /kun sbyin med par mi gang zhig gis sa steng byang chub 'thob/ /sbyin stsogs pha rol phyin drug tshul gyis yon tan mchog can gyi/ /byang chub sems dpa' rnams kyis kun mkhyen nyid mchog rtag tu 'thob/ /de nas byang chub sems dpa' mchog tu dga' bas yang rta dang ldan pa'i shing rta de bram ze de la byin nas smras pa/ bram ze ser sna'i dri ma sel byed pa/ /shing rta rab tu byin pa 'di yis 'dir/ /bdag ni drang srong che mchog gis bskor ba'i/ /zag med chos kyi shing rta che skor shog /de nas thams cad sgrol gyis snying rab tu dga' bas shing rta'i mchog de yang bram ze la byin nas gzhon nu nag po phrag pa la khyer/ rgyags sbyin mas ni gzhon nu ma dra ba can khyer nas dka' thub kyi nags logs su chas pa dang rim gyis dka' thub kyi nags su phyin to/ /de nas thams cad sgrol dka' thub tshal der rang gi snying mgu bar byed pa'i brtul zhugs blangs te gnas so/ / ji tsam na rgyags sbyin ma rtsa ba dang 'bras bu'i phyir dka' thub kyi nags nas song ba dang / bram ze zhig thams cad sgrol gyi drung du 'ongs nas smras pa/ rgyal rigs gzhon nu khyod rgyal bar gyur cig /bdag cag bkol ba ma mchis pas/ /spa shug lhan cig 'khyam bgyid na/ /de yi don du bus pa gnyis/ /khyod kyis bdag la sbyin pa'i rigs/ /de skad ces smras pa dang / de nas byang chub sems dpa' thams cad sgrol bu sdug pa gtong ba la cung zhig sems shing 'dug pa dang / de nas bram ze des byang chub sems dpa' thams cad sgrol la smras pa/ kye rgyal rigs gzhon nu bdag gis khyod thams cad ster ba'o zhes thos na 'di ltar khyod la bdag gis bslangs pa de la ci zhig dpyad du yod/ khyed ni kun ster snying rje yi/ /bdag nyid can du sa stengs grags/ /ji ltar grags pa de bzhin du/ /khyod kyis rtag tu bya ba'i rigs/ /de skad ces smras pa dang / byang chub sems dpa' thams cad sgrol gyis bram ze de la smras pa/ kye bram ze chen po/ rang gi srog ni gtong ba la'ang / /lan 'ga' dpyod pa ma myong na/ /rang gi bu ni btang ba la/ /bdag blo gzhan du gyur ci smos/ /bram ze chen po de lta mod kyi/ bdag gis nags su bskyed bskyed pa'i/ /bus pa 'di gnyis yongs spangs nas/ /ma dang bral ba'i nyon mongs pa/ /'di dag ji ltar gnas snyam mod/ /gzhon nu shin tu brtse med pas/ /bus pa btang la bdag min zhes/ /kha cig bdag la phyar 'ong gis/ /bram ze bdag ni khrid na legs/ /de nas bram ze des thams cad sgrol la smras pa/ kye rgyal rigs gzhon nu rgyal po chen po'i rigs su skyes pa/ sa 'di thams cad du yon tan grags pa/ srog chags thams cad la snying brtse bas byams par zhugs pa/ sbyin pa dang / mchod pa dang / bkur stis spos kyi glang po che lta bu/ dge sbyong dang / bram ze dang / glo bur ba'i skye bo la mchod pa byed pa/ skye bo bkren pa dang / phongs pa dang / mgon med pa dang / ltogs pa yongs su sdud pa/ thams cad kyi re ba yongs su rdzogs par byed pa/ mthong na don yod pa khyod kyis bdag 'ongs pa nom pa med pa 'am/ lam gyis dub pa 'bras bu med pa 'am/ mthong ba don med pa 'am/ re ba dang yun ring po nas brnag brnag pa'i 'dod pa 'bras bu med par bya ba gang yin pa de ni cha ma yin te/ khyod kyi med do zhes bya ba'i tshig gis kho bo'i yid la re ba kun tu rtog pa'i rta btab na myur du ldog par 'gyur ro/ /de bas na khyod kyis bdag gi yid la re ba yongs su rdzogs par byas nas gtang ba'i rigs so/ /de ci'i phyir zhe na/ chu gter gos su gyon zhing gza' mig mtshungs med pa/ /ri bo mchog rgyas nu mar ldan pa'i ro stod can/ /grong khyer grong rdal bcas pa'i sa la bcal byas kyang / /mche bzang khyod dang mtshungs par gtong phod yod ma yin/ /de nas byang chub sems dpa' thams cad sgrol gyis bram ze'i tshig de thos nas bu la chags pa'i blong bas 'di dag sems par byed de gal te re shig bu gnyis po/ /bram zer byin na bu dang ni/ /bral ba las byung sdug bsngal dag /bdag dang rgyags byin gyis thob 'gyur/ /'on kyang 'di la ma byin na/ /brtul zhugs las kyang nyams 'gyur zhing / /bram ze 'di ni tshi bcad de/ /ji ltar 'ongs pa bzhin du 'gro/ / nyis na bu bral nyam thag pa'i/ /mya ngan sa steng bdag gis blang / /de bzhin ma byas dam bcas pa/ /zhig cing brtul zhugs nyams par 'gyur/ /de nas byang chub sems dpa' thams cad sgrol gyis sdug pa'i bu gnyis nges par gtang bar chad nas smras pa/ kye kho bos dka' spyad brgya yis 'jig rten sdug bsngal gyi/ /rgya mtsho chen po so sor 'jigs byed pa/ /gting mi dpogs par rab tu bying ba dag /pha rol rgal phyir lam gyi zam stegs bca'/ /zla ba dri med nya ba'i bzhin ras can/ /ma zhum kha nas de skad tshig smras nas/ /mchi ma rlan chus mig ni gang gyur pa'i/ /byis pa gnyis po bram ze de la byin/ /yang smras pa/ bu 'di byin pa'i 'bras bu ni/ / rgya chen bdag gis thob gyur nas/ /des ni 'khor ba'i rgya mtsho las/ /'jig rten rnams ni bsgral bar bya/ /bus pa gzhon nu dag byin ma thag tu sa 'di rnam pa drug tu g.yos so/ /de nas sa g.yos pa des tshal de na gnas pa'i dka' thub can rnams sngangs nas phan tshun smras pa/ sa ni mi bzad g.yos gyur pa/ /'di ni su yi mthu ltas yin/ /gang gi mthu ni 'di 'dra ba/ /shin tu gsal bar shes par bya/ /de na gnas 'jog dang rus gcig pa rgan po dka' thub can ltas shes pa la mkhas pa gzhan zhig yod pa des drang srong de rnams la don de go bar byas pa/ gdon mi za bar dka' thub kyi nags na 'dug pa'i bu byis pa 'bras bu dang chu 'thung ba yid du 'ong ba/ mig tu sdug par byed pa gnyis thams cad sgrol gyis skye bo sdug bsngal gyis nyam thag pa yongs su thar bar bya ba'i phyir spangs te/ des na sa g.yos par gyur to/ /de nas bus pa gzhon nu de gnyis kyis phas snying nas yongs su btang ba'i blo rig nas snying rje rje skad du ngu zhing thal mo gnyis sbyar nas thams cad sgrol gyi rkang pa gnyis la gtugs te smras pa/ yab cig yum ni ma mchis par/ /khyod ni bdag cag stsol bzhed pa/ /re shig de ni mthong gyur nas/ /de nas bdag cag stsal du gsol/ / de nas byang chub sems dpa' yid la gcags pa'i sdug bsngal gyis ngo zum gnag cing mchi ma 'dzag bzhin de gnyis la 'khyud nas smras pa/ bu dag /nga yi snying du mi sdug min/ /snying brtse snying rje med min te/ /'jig rten kun la phan pa'i phyir/ /yon tan mthong nas btang ba yin/ /ci nas nga yis byang chub mchog /zhi ba rang gis thob nas ni/ /sdug bsngal rgya mtsho la gnas pa'i/ /rten med 'jig rten rnams bsgral lo/ /de nas bus pa gzhon nu de dag gis phas snying nas yongs su btang ba'i blo rig nas pha'i rkang pa gnyis la phyag 'tshal te thal mo sbyar nas snying rje rje skad dang / sma bab pa'i tshig gis dal gyis smras pa/ gal te khyod kyis thag bkum na/ /ma la bdag cag gnyis kyi phrin/ / khyod kyis bzod pa mdzod cig ces/ /yab cig khyod kyis gsung du gsol/ yab gzhan yang byis par gyur pas bla ma khyod la nongs pa bgyis pa gang / /gal te la lar thugs la mi 'bab tshig 'ga' smras pa 'am/ /gus par mnyan nas yongs su mnyes pa nyid du ma bgyis pa/ /de ni byis pa'i nongs pa lags zhes bzod pa mdzad du gsol/ /de skad ces smras nas pha la phyag 'tshal te lan gsum du bskor ba byas nas mig mchi mas gang bzhin du bla ma la smra bar yid la chags pas yang dang yang phyir lta zhing bsti gnas de nas byung ste song ngo / /de nas byang chub sems dpa' byis pa gzhon nu'i tshig shin tu snying rjer rung ba de dag gis snying blong nas yid kyis byang chub tu smon lam btab ste dka' thub kyi tshal gyi lo ma'i spyil bur zhugs so/ /byis pa gzhon nu dag dong ma thag tu stong gsum gyi stong chen po'i 'jig rten gyi khams 'di yang rnam pa drug tu g.yos so/ /lha stong phrag du ma yang bar snang la ca co dang / ga zha'i sgra 'byin cing / e ma'o rab sbyin bdag nyid che/ /bus pa 'di gnyis btang nas kyang / /gang gi yid ni 'gyur med pa/ /de yi nges pa rmad cig go/ /de nas rgyags sbyin ma rtsa ba dang 'bras bu rnams khyer te bsti gnas logs su chas pa las sa che thang du g.yos pa des myur ba kho nar bsti gnas de nyid du song ba dang / lha gzhan zhig gis rgyags sbyin ma byang chub sems dpa' sems can thams cad thar bar bya bar brtson pa byas pa'i sbyin pa'i pha rol tu phyin pa'i bar chad byed par 'gyur du 'ong ngo snyam nas seng ge mo zhig gi gzugs su bsgyur te lam bkag nas 'dug pa dang / rgyags sbyin mas ri dgas kyi rgyal po'i chung ma de la smras pa/ ri dgas rgyal po'i chung ma sgeg sgeg ma/ /kho mo'i 'di bkag nas ni ci ste 'dug /ji ltar bdag ni mi 'phyo nges she na/ /lam las bzur ste myur du 'gro bar gyis/ /gzhan yang khyod kyang ri dgas rgyal po'i chung ma la/ /bdag kyang mi yi dbang po seng ge yi/ /btsun mo yin pas chos kyi spun gyur gyis/ /ri dgas rgyal mos bdag gi lam phye shig /de skad ces smras pa dang / lha seng ge'i gzugs su bsgyur ba de yang lam de nas logs shig tu song ngo / /de nas rgyags sbyin mas bkra mi shis pa'i ltas dag mthong nas yud tsam zhig bsams pa/ ji ltar bar snang la ngud mo'i sgra grag pa dang / ji ltar yang tshal na gnas pa'i lha rnams mya ngan byed pa'i sgra grag pa las na gdon mi za bar bsti gnas su ma legs pa zhig byung bar gyur to snyam nas smras pa/ ji ltar bdag mig 'gul ba dang / /ji ltar bya skad 'byin pa dang / /ji ltar bdag ni dogs pa las/ /bus pa de gnyis btang bar nges/ /ji ltar sa 'di g.yos pa las/ /bdag gi snying ni 'dar ba dang / /ji ltar lus kyang rmya ba las/ /bus pa de gnyis btang bar nges/ /zhes de lta bu'i mi legs pa brgya stong dag sems shing bsti gnas su song nas bsti gnas su zhugs te mi dga' bzhin bltas na bu gnyis ma mthong nas/ de nas rmongs shing snying 'dar nas bsti gnas kyi gzhi de'i rjes bzhin du sems te/ phyogs 'di na ni gzhon nu nag po sring mo dang lhan cig ri dgas kyi phru gu dang rtag tu rtse rtse/ 'di ni de gnyis kyi sa rdul las byas pa'i khyim yin/ 'di ni de gnyis kyi rtsed mo'i cha spyad yin na de gnyis mi snang na/ gal te zhig na bdag gis ma mthong gi/ lo ma'i spyil bur zhugs nas nyal lta srid dam snyam du de ltar snying la re zhing / bu mthong bar 'dod pas rtsa ba dang 'bras bu phyogs gcig tu bzhag nas mig mchi mas gang bzhin du khyim thab kyi rkang pa gnyis la gtugs te smras pa/ rje'i sras khye'u dang bu mo gnyis gang du mchis/ thams cad sgrol gyis smras pa/ kho bo'i drung du bram ze zhig /re bas yang dag 'ongs gyur nas/ /bus pa de gnyis de la byin/ /de dag rjes su yi rang rigs/ /de skad ces smras pa dang / rgyags sbyin ma ri dgas mo mda' dug can gyis phog pa bzhin du sa la sgyel nas nya chu'i gnas nas phyung ba bzhin du ni 'gre ldog par byed/ krung krung bu stor ba bzhin du ni snying rje rje skad du ngu / ba be'u shi ba bzhin du ni 'ba' sgra sna tshogs 'don cing smras pa/ pad ma gzhon nu lta bu'i byang bzhin can/ /lag pa pad ma'i 'dab ltar gzhon sha can/ /bdag gi bu gnyis sdug bsngal ma myong ba/ /'gro ba gang du song nas sdug bsngal 'gyur/ /ri dgas bu ltar drang zhing ri dgas mig /ri dgas lhan cig bsti gnas dga' dga' na/ /de ring bdag gi bu gnyis ji lta bur/ /gzhan gyi dbang gis dong zhing sdug bsngal gyur/ /mig ni mchi mas gang ba'i mig gis ni/ /snying rjes ngu ba shin tu sdug bsngal ba/ /de ring bdag gis legs par ma mthong bas/ /skye bo bkren pa'i nang na sdug pas 'tsho/ /de gnyis bdag gis pang nas bskyed bskyed pa/ /zas su rtsa ba me tog 'bras bu za/ /bzod dang gnam pas bla ma brtag dka' ba/ bdag gi bu gnyis shin tu sdug bsngal lo/ /de gnyis ma dang nye du bral ba dang / /rtsa lag rnams kyis gzu lums spangs pa las/ / skye bo sdig can ngan dang phrad gyur nas/ /bdag gi bu gnyis shin tu sdug bsngal lo/ /skom zhing bkres pas bdag nyid rtag gdungs nas/ /de gnyis su yi dbang gis 'gro bar 'gyur/ /bran du gyur pas gdon mi za bar ni/ /de gnyis nyam thag sdug bsngal yongs su gzir/ /bdag gis nges par tshe rabs gzhan dag tu/ /srog chags sdug pa brgya dang bral ba yi/ /sdig las shin tu mi bzad 'dir byas pa/ /des na ba be'u med bzhin cho nges 'debs/ /bden tshig gang gis bdag ni rtag tu yang / /sems can kun la yid ni mnyam gyur pa/ /bden tshig des ni bdag gi bu gnyis po/ /bran du gyur pa las ni thar bar shog /rgyags sbyin mas bus pa gzhon nu de dag gis bskyed cing bsrungs pa'i shing gang yin pa de dag lo ma thib be 'dug par mthong nas snying du sdug nas 'khyud de smras pa/ bus pas ril ba chung ngus chu bcus pa/ /lo ma rnams las chu thigs 'dzag pa yi/ /ljon shing rnams ni sems dang bcas pa bzhin/ /bus pa nu zho ma blud lta bur ngu / /yang bus pa gzhon nu de gnyis dang rtse rtse ba'i ri dgas kyi phru gu bsti gnas na 'dug pa rnams mthong nas mi dga' ste snying rje rje skad kyi tshig gis dal bus smras pa/ de yi ne'u zla mthong bar 'dod pa gang / /nags su sa tshugs mtshon cing tshol byed pa/ /ri dgas phru gu rgyu ba 'di dag kyang / /bdag gi sdug bsngal mi chung gzhan yin no/ /de nas bus pa gzhon nu de dag lam gang nas dong ba'i lam der rjes bcad pa dang / bus pa gzhon nu de gnyis kyi rjes drang por ma byung gi gya gyus gang bar mthong nas lhag par yang sdug bsngal gyis gdungs nas smras pa/ ji ltar 'then pa'i rjes byung dang / /la lar myur du song ba las/ /brdegs te khrid par gdon mi za/ /kye ma bram ze brtse med mchog /mgul ni dbugs kyis brdzangs shing skad kyang 'dzer/ /ma mchu mdzes pa 'dar zhing bdag gi bu/ /ri dgas bzhin du mig kyang rig rig ste/ /rkang pa 'jam pos ji ltar song zhig gu/ de nas byang chub sems dpas de de ltar smre sngags 'don pa'i bdag nyid de mthong nas mi rtag pa nyid dang ldan pa'i tshig de dang de dag gis rnam grangs mang por go bar byas nas smras pa/ kho bos bu gnyis grags pa yis/ / btang ba ma yin sdang bas min/ /sems can kun la phan don du/ /gtang bar dka' ba'i bu de btang / /mchog tu gtang dka' bdag nyid dang / /bu dang chung ma rnams btang nas/ /sems dpa' chen pos tshul bzhin du/ /byang chub mchog ni thob par 'gyur/ /rgyags sbyin bdag gis gtong ba la brten gtang dka' ba'i/ /bus pa de gnyis 'jig rten thar pa'i don du btang / /bdag dang chung ma bzhon dang nor yang btang byas te/ /kun la thams cad gtang ba'i blo gros nga la yod/ /de nas rgyags sbyin mas sems brtan te byang chub sems dpa' la smras pa/ khyod la bar chad mi bgyid kyis/ /khyod blo gzhan du ma gyur cig /gal te bdag kyang stsol bzhed na/ /dogs pa med par bdag stsol gcig /gzhan yang dpa' bo gang phyir nyid kyi phyir/ /sdug pas chags pa btang ba yi/ /don de myur du thob nas ni/ /srid las 'gro ba bsgral bar mdzod/ /de nas lha rnams kyi dbang po brgya byin gyis byang chub sems dpa' dang / rgyags sbyin ma brtson 'grus shin tu rmad du byung ba dang / shin tu bya dka' bar rig nas sum bcu rtsa gsum pa'i tshogs kyis yongs su bskor te steng gi nam mkha' las bsti gnas der lhags nas snang ba rgya chen pos nags de gsal bar byas te/ nam mkha' la 'dug bzhin du byang chub sems dpa' la smras pa/ 'di ltar 'jig rten rmongs pa blo ngan gzhung gis bcings pa'i blo gros can/ /longs spyod la chags snying gi zhags pa bu yis bcings pa'i nang na yang / /khyab bdag khyod gcig chags pa med pas dga' ba bskyed pa'i bu gtong bas/ /nges par go 'phang bde dang zhi ba dri med dka' ba med par 'thob/ /de skad ces byang chub sems dpa' spro ba bskyed nas lha rnams kyi dbang po brgya byin gyis bsam pa/ 'di gcig pu g.yog dang bral na nyon mongs par 'gyur gyis/ ma la bdag gis rgyags sbyin ma bslang ngo snyam nas/ de nas bram ze'i cha byad du bsgyur te byang chub sems dpa'i drung du song nas yang byang chub sems dpa' la smras pa/ yan lag kun bzang khyim thab las/ /'phyo ba med cing snying nye ba/ /rigs na bsngags pa'i sring mo 'di/ /bdag la bran mo'i don du stsol/ /de nas rgyags sbyin ma mi bzod pa skyes nas bram ze la smras pa/ ngo tsha med cing brkam pa khyod/ /'di na bram ze tha shal te/ /khyod lta 'phyon ma mi byed cing / /dam chos dga' ba nga 'dod dam/ /de nas byang chub sems dpa' thams cad sgrol snying rje dang ldan pa'i snying gis rgyags sbyin ma la brtag par brtsams pa dang / de nas rgyags sbyin mas byang chub sems dpa' la smras pa/ bdag ni bdag la g.yar ngan med/ /de bzhin bdag la lta ma lags/ /gcig pu ji ltar bzhugs 'gyur zhes/ /de ltar khyod slad g.yar ngan bgyid/ /de nas byang chub sems dpas rgyags sbyin ma la smras pa/ go 'phang mi zad mya ngan med pa tshol bdag la/ /sa steng 'dir ni rgyags sbyin mya ngan bya mi dgos/ /khyod ni mya ngan med par bram ze 'di rjes 'brongs/ /bdag ni ri dgas 'chi ba bzhin du bsti gnas 'theng / /de skad ces smras pa dang / dga' ba dang / mgu ba dang / yid rab tu dga' bas bsams pa dang / sbyin pa 'di ni nags tshal 'dir/ /bdag gi sbyin pa tha ma yin/ /rgyags sbyin 'di yang yongs btang nas/ /yongs su gzung ba med par 'gyur/ / snyam du rig nas rgyags sbyin ma lag pa nas bzung ste/ bram ze de la smras pa/ bdag gi mchis brang sdug pa 'di/ /snying nas snying nye bsgo ba nyan/ /ya rabs tshul can snyan par smra/ /bram ze'i mchog khyod bzhes su gsol/ / de nas mchi ba bzang po yi/ /chung ma byang chub 'dod phyir btang / /chu la gru ni ji lta bar/ /sa ni mtha' dag rnam drug g.yos/ /de nas rgyags sbyin ma bram ze'i dbang du gyur te/ khyo dang bu dang bu mo dang bral ba'i sdug bsngal gyis nyam thag nas dbugs brdzangs pas sgra ngar ngar por 'gags bzhin 'di skad ces smras so/ /bdag gis tshe rabs snga ma la/ /ci 'dra ba yi las ngan byas/ /de nas ba be'u shi ba bzhin/ /skye bo med pa'i nags na ngu / /de nas lha rnams kyi dbang po brgya byin gyis bram ze'i cha byad mi snang bar byas te/ rang bzhin gyi cha byad du gnas nas rgyags sbyin ma la smras pa/ skal bzangs bdag ni bram ze ma yin mi yang ma yin gyi/ /bdag ni lha yi dbang po brgya byin lha min 'joms byed de/ /khyod kyi 'dul ba mchog tu gyur pa 'di yis bdag mgu yis/ /bdag las dam pa gang zhig 'dod pa de 'dir smra bar gyis/ /de nas de'i tshig gis rgyags sbyin ma yid bde ba skyes nas brgya byin la phyag 'tshal nas smras pa/ spyan stong ldan pa bdag gi bu/ / bran gyur pa las thar mdzad cing / /mes bo'i drung du phyin par yang / /sum bcu rtsa gsum bdag pos mdzod/ /de skad ces smras nas yang dbang po chen po bsti gnas su zhugs nas byang chub sems dpa'i drung du song ste rgyags sbyin ma lag pa g.yon pa nas bzung nas byang chub sems dpa' la smras pa/ bdag gis khyod la rgyags sbyin 'di/ /g.yog gi phyir ni sbyin par byas/ /khyod kyis su la'ang ma sbyin cig /bzhag pa byin na smad par 'gyur/ / de nas lha rnams kyi dbang po brgya byin gyis bram ze khye'u dang bu mo khyer ba de ji ltar grong khyer gzhan zhig yin no snyam nas grong khyer de nyid du song ste bus pa gzhon nu de dag btsong bar brtsams pa de lta bur rmongs par byas so/ /ji tsam na blon po rnams kyis mthong nas rgyal po la smras pa/ lha khyod kyi dbon po nag po dang / /dra ba can dang de gnyis ni/ /bram ze shin tu ma rungs pas/ /grong khyer mchog 'dir 'tshong zhing mchis/ /de skad thos nas rgyal po de sems mi dga' nas smras pa/ gzhon nu gnyis myur du ston cig /blon po rnams kyis skad phyung ba dang grong khyer ba rnams myur du rgyal po'i mdun du nye bar lhags so/ /ji tsam na blon po gzhan zhig gis rgyal po'i drung du khrid pa dang / mi'i dbang po mngon phyogs khrid pa'i tsha bos gos med cing / /lus rbeg dri ma can gyi lus de de yis mthong nas ni/ /mod la seng ge'i khri las sa yi steng du lhung gyur te/ /pho brang 'khor mi blon tshogs bud med dag kyang ngu bar gyur/ /de nas rgyal pos blon po rnams la smras pa/ gang zhig nags na gnas na yang / /sbyin la mngon par dga' ba'i yid/ /mig bzangs de ni myur du 'dir/ /chung ma dang bcas dgug par gyis/ /de nas lha rnams kyi dbang po brgya byin gyi byang chub sems dpa' la phyag byas nas rang gi gnas su song ngo / /phyi zhig na rgyal po thams cad bshes gnyen shi ba dang / bram ze dang / blon po dang / grong mi dang / yul mi rnams lhan cig tu bsti gnas der song nas byang chub sems dpa' la gsol ba btab ste rang gi grong khyer du bos nas rgyal por bcug go/ /de nas rgyal po thams cad sgrol thams cad gtong zhes bya bar gyur to/ /des dge sbyong dang / bram ze dang / bkren pa dang / phongs pa dang / mdza' bo dang / nye du dang / gnyen bshes dang / zho shas 'tsho ba rnams la sbyin pa rnam pa du ma dag byin nas tshigs su bcad de smras pa/ byang chub don du gnyer ba yis/ /rgyal rigs bram ze rje'u rigs dang / /dmangs rigs gdol pa g.yung po la'ang / / 'jigs pa med par sbyin pa gtang / /gser dang dngul dang ba lang dang / /rta dang nor bu'i rna rgyan dang / /de bzhin las dag byed pa'i bran/ /tshul khrims phun sum tshogs la sbyin/ /chags pa med pa'i sems kyis ni/ / bu dang bu mo yongs btang bas/ /'jig rten 'di dang pha rol tu/ /mi yis dag pa thob par 'gyur/ /rgyal po chen po de'i tshe de'i dus kyi rgyal po thams cad sgrol zhes bya bar gyur pa gang gis dge sbyong dang / bram ze dang / bkren pa dang / phongs pa dang / mdza' bo dang / nye du dang / gnyen bshes dang / zho shas 'tsho ba rnams la sbyin pa rnam pa du ma dag byin nas bsod nams dag byas pa de gzhan zhig yin snyam na khyod kyis de ltar mi blta ste/ nga nyid de'i tshe de'i dus na rgyal po thams cad sgrol zhes bya ba der gyur te/ nga nyid kyis de na dge sbyong dang / bram ze dang / bkren pa dang / phongs pa dang / mdza' bo dang / nye du dang gnyen bshes dang / zho shas 'tsho ba rnams la sbyin pa rnam pa du ma dag byin/ bsod nams dag byas so/ / rgyal po chen po nga'i sbyin pa 'am sbyin pa'i bgo bsha' des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i sbyin pa de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sbyin pa dag btang / bsod nams dag byas pa gang yin pa de nyon cig / rgyal po chen po sngon byung ba thams cad ces bya ba'i grong rdal gyi grong khyer du rgyal po thams cad kyi bshes gnyen zhes bya ba zhig byung bar gyur te/ de 'byor pa dang / rgyas pa dang / bde ba dang / lo legs pa/ skye bo dang mi mang pos rab tu gang ba/ 'thab pa dang / thab mo dang / khrag khrug dang / 'gyed pa dang / chom rkun dang / nad rab tu zhi ba/ 'bras sA lu dang / bu ram shing dang / ba lang phun sum tshogs pa/ bu gcig pa la byams pa bzhin du rgyal srid byed du bcug ste/ chos bzhin gyis rgyal srid byed du 'jug go/ /des rigs mnyam pa las chung ma blangs nas de dang lhan cig rtse bar byed/ dga' bar byed/ dga' mgur spyod par byed de/ de rtse bar byed/ dga' bar byed/ dga' mgur spyod par byed pa las khye'u gzugs bzang ba mdzes pa/ blta na sdug pa/ lpags pa'i mdog gser 'dra ba/ mgo gdugs ltar 'dug pa/ dpung pa ring ba/ 'phral ba'i dbyes che ba zhig btsas te/ de'i nye du rnams 'dus nas khye'u'i ming cir gdags zhes ming 'dogs par byed do/ /shes ldan dag gzhon nu 'di ni rgyal po thams cad bshes gnyen gyi bu yin pas gzhon nu thams cad sgrol zhes bya bar gdags so/ /zhes gzhon nu thams cad sgrol du ming btags nas/ ma ma brgyad la gtad de zhes bya ba nas/ gnas lnga rnams la byang bar gyur to zhes bya ba'i bar gong ma bzhin no/ /de gang ci slong ba de thams cad slong ba po dag la sbyin par byed pas de'i ming thams cad gtong ba thams cad gtong ba zhes bya bar grags so/ /khams kyi rgyal phran gyi bu mo rgyags sbyin ma zhes bya ba zhig yod pa de de'i ched du bslangs nas dpal gyi 'byor pa chen pos bag mar blangs te/ de de dang lhan cig rtse bar byed/ dga' bar byed/ dga' mgur spyod par byed pa las ji tsam na khye'u zhig btsas pa dang / de'i ming nag po zhes bya bar btags so/ /yang de dang rtse bar byed/ dga' bar byed/ dga' mgur spyod par byed pa las bu mo zhig btsas te/ de'i ming dra ba can zhes bya bar btags so/ /rgyal po thams cad kyi bshes gnyen la glang po'i mchog bkra shis ldan zhes bya ba yod de/ de'i mthus khams kyi rgyal phran rnams spa 'gong bar byed do/ /des thams cad sgrol la smras pa/ bu bdag cag gis gang cung zad khams kyi rgyal phran rnams spa 'gong bar byed pa de dag thams cad kyang glang po'i mchog 'di'i mthu yin gyis khyod thams cad gtong na yang glang po'i mchog bkra shis ldan ni zhog shig /khams kyi rgyal phran rnams kyis smras pa/ gang gi mthus na bdag cag thams cad rgyal po thams cad kyi bshes gnyen 'dis zil gyis mnan/ kha cig gis smras pa/ rgyal po thams cad bshes gnyen la glang po'i mchog bkra shis ldan zhes bya ba zhig yod do/ /de'i mthus bdag cag 'dis zil gyis mnan to/ /de dag gis smras pa/ gang gis na glang po'i mchog de dgug pa'i thabs bzang po lta ci yod/ blon po rnams kyis smras pa/ lha rgyal po thams cad kyi bshes gnyen gyi bu thams cad sgrol zhes bgyi ba de mi sbyin pa 'am mi gtong ba ci yang ma mchis te/ de ci slong ba de thams cad sbyin pas de'i ming thams cad gtong ba thams cad gtong ba zhes bya bar grags kyis/ bram ze dag cig mngags dang de rnams kyis bslangs na khugs par 'gyur ro/ /de rnams kyis bram ze dag bkug nas smras pa/ bram ze dag deng la thams cad ces bya ba'i grong rdal na/ thams cad sgrol zhes bya ba las glang po'i mchog slongs shig /de dag mngags nas thams cad kyi grong rdal du dong ngo / /gzhon nu thams cad sgrol glang po'i mchog me tog kun da dang / ku mu da dang / kha ba dang / dngul dang / sprin dkar po'i mdog lta bu mche ba drug pa/ bdun legs par gnas pa/ glang po che sa srung gi bu ltar 'gying zhing 'gro ba/ rang bzhin gyi mtshan mchog gis brgyan pa/ mthong na bkra shis pa la zhon nas shin tu sdug pa'i bran dang / grogs po dang g.yog rnams phyi bzhin 'brang zhing zla ba rgyu skar gyi tshogs kyis yongs su bskor ba bzhin du grong khyer nas byung nas bskyed mos tshal logs su song ngo / /de nas mngags pa de dag gis gzhon nu thams cad sgrol mngon du bsu nas smras pa/ rgyal rigs gzhon nu khyod rgyal bar gyur cig / yang smras pa/ lha min lhar bcas 'jig rten du/ /khyod ni thams cad gtong zhes grags/ /khyod kyis glang po mchog 'di ni/ /bdag cag rnams la stsal ba'i rigs/ /de skad ces smras pa dang / byang chub sems dpa' glang po'i mchog de las babs nas dga' ba dang / mgu ba dang / rab tu dga' ba'i yid kyis bram ze de dag la glang po'i mchog de bstan nas smras pa/ ji ltar bdag rab dga' bas deng / /bram ze rnams la glang chen btang / /de bzhin bdag gis srid pa gsum/ /btang nas byang chub mchog reg shog /blon po rnams kyis rgyal po thams cad bshes gnyen la smras pa/ lha khyod kyi sras thams cad sgrol gyis glang po'i mchog bkra shis ldan zhes bgyi ba phyir rgol bas mngags pa la stsal to/ /rgyal pos thos nas shin tu khros 'khrugs te bsgo ba/ shes ldan dag deng la thams cad sgrol khrid de shog shig /de rnams kyis de khrid de 'ongs pa dang / rgyal po thams cad kyi bshes gnyen gyis thams cad sgrol la smras pa/ gzhon nu kho bos khyod la gang cung zad khams kyi rgyal phran rnams spa 'gong bar byed pa de thams cad ni glang po'i mchog 'di'i mthu yin gyis/ khyod thams cad gtong na yang glang po'i mchog 'di ni zhog shig /ces snga mo zhig tu ma bsgo 'am/ ci'i phyir khyod kyis glang po'i mchog yongs su btang / des mnyan nas smras pa/ yab bslangs na ji ltar mi stsal/ ci ji snyed bslangs pa de thams cad sbyin nam tshigs su bcad de smras pa/ khyim na gnas pa'i skyes bu yis/ /ci rigs par ni sbyin pa gtang / /'on te nags su song na ni/ /nges pa yi ni mchog bya'o/ /yab gal te sbyin pa dag btang / bsod nams dag bgyir ma mchis na dka' thub kyi nags su brten par bgyi'o/ /gzhon nu de bzhin du gyis shig /byang chub sems dpas rgyags sbyin ma'i drung du song ste smras pa/ rgyags sbyin ma bdag ni dka' thub kyi nags su gnas kyis/ khyod khyim na bag yod par gnos shig /des smras pa/ rje'i sras dang thabs gcig dka' thub kyi nags su gnas par bgyi'o/ /rgyags sbyin ma byang chub sems dpa' rnams ni sbyin pa la dga' bas gal te khyod 'ga' zhig slong na byin par 'gyur ro/ /rje'i sras gal te khyod kyis btang na stsal du gsol/ byang chub sems dpas smras pa/ khyod kyis dam bcas pa 'di dran par byos shig /de nas byang chub sems dpa' pha'i drung du song nas mgo bos phyag byas te smras pa/ yab gcig bdag gis sbyin slad glang chen btang / /nongs pa gang lags sa bdag bzod par gsol/ /bdag ni grong nas dgon par mchis lags kyis/ /mi dbang khyod kyi phyag mdzod stongs ma gyur/ /de nas rgyal po bu dang bral ba'i slong bas mchi mas brnangs nas smras pa/ bu sbyin pa dang dka' thub kyi nags kyi blo gros 'di zlog shig /byang chub sems dpas smras pa/ sa ni ri dang bcas par yang / /gal te ldog par 'gyur gda' yi/ /sa bdag bdag ni sbyin pa las/ /sems ni ldog par mi bgyid do zhes smras nas song ste/ byang chub sems dpa' bu dang bu mo dang / chung ma dang lhan cig shing rta mchog gi nang du zhugs nas dka' thub kyi nags su chas so/ /de nas bram ze rig byed dang rig byed kyi yan lag shes pa kha cig gis thams cad sgrol bsu nas smras pa/ rgyal rigs gzhon nu khyod rgyal bar gyur cig /khyod ni 'jig rten thams cad du/ /thams cad gtong zhes rnam par grags/ /bram ze dag la shing rta 'di/ /khyod kyis sbyin par gtang ba'i rigs/ /de skad ces smras pa dang / byang chub sems dpa' thams cad sgrol shing rta'i mchog de las babs nas dga' ba dang / mgu ba dang / rab tu dga' ba'i snying gis bram ze de dag la shing rta'i mchog de bstan nas smras pa/ ji ltar bdag rab dga' bas deng / /bram ze rnams la shing rta btang / /de bzhin bdag gis srid pa gsum/ /btang nas byang chub mchog reg shog /de nas byang chub sems dpa' rta la zhon nas rgyags sbyin ma dang lhan cig dong ba dang / de nas bram ze rig byed dang rig byed kyi yan lag shes pa kha cig gis thams cad sgrol bsu nas smras pa/ rgyal rigs gzhon nu khyod rgyal bar gyur cig /khyod ni 'jig rten thams cad du/ / thams cad gtong zhes rnam par grags/ /bram ze rnams la rta 'di ni/ /khyod kyis sbyin par gtang ba'i rigs/ /de skad ces smras pa dang / byang chub sems dpa' thams cad sgrol rta de las babs nas dga' ba dang mgu ba dang / rab tu dga' ba'i snying gis bram ze de rnams la rta de bstan nas smras pa/ ji ltar bdag rab dga' bas deng / /bram ze rnams la rta btang ba/ /de bzhin bdag gis srid pa gsum/ /btang nas byang chub mchog reg shog /de nas byang chub sems dpas ni nag po khrid/ rgyags sbyin mas ni dra ba can khrid de rkang pas dong nas byang chub sems dpas gangs ri'i sul me tog dang / 'bras bu dang / rgyu phun sum tshogs pa zhig tu song ste byang chub sems dpa' ni bsam gtan byed do/ / rgyags sbyin ma ni 'bras bus bsnyen bkur byed do/ /ri 'or gzhan zhig na bram ze zhig gnas pa des rigs mnyam pa las chung ma blangs te/ de de dang lhan cig rtse bar byed dga' bar byed/ dga' mgur spyod par byed de/ de rtse bar byed/ dga' bar byed/ dga' mgur spyod par byed pa las khye'u mtshan ngan pa bcwa brgyad dang ldan pa zhig btsas pa ngan to re zhes sgra 'byin pas de'i ming ngan to re ngan to re zhes bya bar gyur to/ /ri 'or gzhan zhig na bram ze rig byed bzhi shes pa zhig gnas pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed pa las ji tsam na bu mo gzugs bzang mo/ mdzes ma/ blta na sdug pa zhig btsas te bsrings bskyed nas chen mor gyur pa dang / bram ze des bdag gi bu mo 'di byad gzugs sam/ rigs sam/ bzo 'am/ nor gyi phyir ni su la yang mi sbyin no/ /'on kyang su zhig bdag las rig byed bzhi klog pa zhig yod na/ bdag gis de la 'di sbyin par bya'o zhes dam bcas so/ /de nas ngan to re gsang tshig don du gnyer zhing gsang tshig tshol ba bram ze de'i gan du song ste phyin pa dang smras pa/ mkhan po'i zhabs la bkur sti bgyid par 'tshal lags so/ /ci'i phyir rig byed klag pa'i slad du'o/ /de bzhin du gyis shig /de de las rig byed klag par brtsams pa las de yid gzhungs pa'i rang bzhin can zhig yin pas des ring po ma lon par rig byed rnam pa bzhi la byang bar gyur to/ /bram ze des bsams pa/ bdag gis dam bcas pa ni bdag gi bu mo 'di rigs sam zhes bya ba rgyas par sbyar te/ bram ze'i khye'u 'dis bdag las rig byed bzhi byang bar byas pa yin na mtshan ma ngan pa bcwa brgyad dang ldan pa ste/ gal te 'dis bu mo ma 'dod na ni legs so snyam nas des de la smras pa/ bram ze'i khye'u bdag gis bu mo 'di byad gzugs sam/ rigs sam/ bzo 'am/ nor gyi phyir su la yang mi sbyin te/ 'on kyang su zhig bdag las rig byed bzhi klog pa zhig yod na/ bdag gis de la 'di sbyin par bya'o zhes dam bcas pa las bdag las khyod kyis rig byed bzhi byang bar byas pa las khyod la bu mo 'di chung mar sbyin no/ /des smras pa/ bkra shis par gyur cig /blang bar bgyi'o zhes des de la dpal gyi 'byor pa chen pos bag mar btang nas smras pa/ bram ze'i khye'u bdag gi chung ma khrid la rang gi khyim du song shig /des chung ma de khrid de rang gi khyim du song ba dang / /des de la smras pa/ rje'i sras bdag ni shin tu gzhon pas las bgyid rngo mi thog gis bdag la bkol ba stsol cig /des de la smras pa/ bzang mo kho bo la bkol ba ga la mchis/ des smras pa/ rje'i sras thams cad ces bgyi ba'i grong rdal na rgyal po thams cad kyi bshes gnyen zhes bgyi ba de'i sras thams cad sgrol zhes bgyi ba de gang cung zad ci slong ba de thams cad stsol gyis/ de la bdag gi bkol bslongs shig /bzang mo gal te de lta na lhan cig tu 'dong ngo / /de nas ngan to re thams cad kyi grong rdal du phyin nas dris pa/ gzhon nu thams cad sgrol gang na/ de dag gis smras pa/ dka' thub kyi nags na gnas so// //'dul ba gzhi/ bam po bzhi bcu rtsa bdun pa/ de nas ngan to re chung ma dang lhan cig dka' thub kyi nags su song ba dang / de'i tshe rgyags sbyin ma me tog dang 'bras bu'i phyir song ngo / /de nas bram ze ngan to re rgyags sbyin ma me tog dang / 'bras bu'i phyir song ba dang / thams cad sgrol gyi drung du 'ongs nas smras pa/ chu gter gos su gyon zhing gza' mig mtshungs med pa/ /ri bo mchog rgyas nu mar ldan pa'i ro stod can/ / grong khyer grong rdal bcas pa'i sa la btsal byas kyang / /mche bzangs khyod dang mtshungs par gtong phod yod ma yin/ /bdag cag bkol ba ma mchis pas/ /spa shug lhan cig 'khyam bgyid na/ /khyod kyis rjes su brtse bgyis te/ /bdag la bkol ba stsal ba'i rigs/ /kho bo la bkol ba ga la yod/ de dang ha cang mi ring ba zhig na nag po dang dra ba can rtse zhing 'dug pa dang / des smras pa/ bus pa gzhon nu 'o ni dag byin cig /de skad ces smras pa dang / de nas byang chub sems dpa' bu sdug pa yongs su gtong ba la yud tsam zhig sems par gyur to/ /de nas bram ze des thams cad sgrol la smras pa/ kye rgyal rigs gzhon nu kho bos khyod thams cad gtong ba'o/ / zhes thos nas de'i phyir kho bo khyod la slong na/ 'di la khyod kyis dpyad du ci zhig yod/ /snying rje yi ni bdag nyid khyod/ /thams cad gtong bar sa steng grags/ /ji ltar grags pa de bzhin du/ /khyod kyis sa steng bya ba'i rigs/ /de skad ces smras pa dang / byang chub sems dpas bram ze de la 'di skad ces smras so/ /rang gi srog ni gtong ba la 'ang / /bdag gis res 'ga'ang ma dpyad na/ /rang gi bu ni gtong ba la/ / bdag blo gzhan 'gyur smos ci dgos/ /bram ze chen po de lta mod kyi/ bdag gis nags su bskyed bskyed pa'i/ /bus pa 'di gnyis yongs spangs na/ /ma dang bral ba'i nyon mongs pa/ /'di dag ji ltar gnas snyam mod/ /gzhon nu shin tu brtse med pas/ /bus pa btang la bdag min zhes/ /kha cig bdag la 'phyar 'ong gis/ /bram ze bdag ni khrid na legs/ /de nas bram ze des byang chub sems dpa' la 'di skad ces smras so/ / kye rgyal rigs gzhon nu rgyal po chen po'i rigs su skyes pa/ sa 'di thams cad du yon tan grags pa/ srog chags thams cad la snying brtse bas 'o byams par zhugs pa/ sbyin pa dang / mchod pa dang / bkur stis spos kyi glang po lta bu/ dge sbyong dang / bram ze dang / glo bur ba dang / skye bo bla ma la mchod pa/ bkren pa dang / mgon med pa dang / phongs pa rnams yongs su 'dzin pa/ thams cad kyi re ba yongs su rdzogs par byed pa/ mthong na don yod pa khyod kyis bdag 'ongs pa nom pa med pa 'am/ lam gyis dub pa 'bras bu med pa 'am/ mthong ba don med pa 'am/ re ba dang yun ring po nas brnag brnag pa'i 'dod pa 'bras bu med par bya ba gang yin pa de ni cha ma yin te/ khyod kyi med do zhes bya ba'i tshig gis kho bo yid la re ba kun du rtog pa'i rta btab na myur du ldog par 'gyur ro/ /de bas na khyod kyis bdag gi re ba yongs su rdzogs par byas te/ gtang ba'i rigs so/ / byang chub sems dpas smras pa/ bram ze gal te de lta na yongs su gtang ngo / /bus pa gzhon nu dag gtang ma thag tu stong gsum gyi stong chen po'i 'jig rten gyi khams 'di rnam pa drug tu g.yos so/ /de nas lha rnams kyi dbang po brgya byin gyis bsams pa/ rgyags sbyin ma byang chub sems dpa'i sbyin pa'i bar chad byed par 'gyur du 'ong ngo snyam nas/ seng ge mo zhig gi gzugs su bsgyur te lam bkag nas 'dug pa dang / de nas rgyags sbyin mas smras pa/ ri dgas rgyal po'i chung ma bsgeg bsgeg ma/ /khyod ni ci ste lam bkag 'dug par byed/ /gal te bdag ni mi 'phyo bden zhe na/ /lam las zur te myur du 'gro bar gyis/ /khyod kyang ri dgas rgyal po'i chung ma la/ /bdag kyang mi yi dbang po seng ge yi/ /btsun mo yin pas chos kyi spun gyur gyis/ /ri dgas rgyal po'i chung mas bdag lam phye/ /de skad ces smras pa dang / ri dgas kyi rgyal mo de lam de nas logs shig tu song ngo / /de nas rgyags sbyin ma bsti gnas gang na ba der song ba dang / nag po dang / dra ba can gang na yang ma mthong nas/ byang chub sems dpa'i drung du song ste smras pa/ rje'i sras bus pa gzhon nu gnyis gang na mchis/ byang chub sems dpas smras pa/ kho bo'i drung du bram ze zhig /re bas yang dag 'ongs gyur na/ /bus pa de gnyis de la byin/ /de dag rjes su yi rang rigs/ /de brgyal nas sa la 'gyel ba dang / de la chu mang pos btab nas rtas te smras pa/ rje'i sras bus pa gzhon nu dka' thub kyi nags nas bskrun pa bde ba'i bdag nyid can de dag khyod kyis ci'i slad du yongs su spang / de nas byang chub sems dpas rang gi lus las bla gos phud de rgyags sbyin ma la smras pa/ ci nga de gnyis la byams pa med snyam 'am/ nga'i ba spu'i khung thams cad nas gas te khrag byung ba la ltos/ lha rnams kyi dbang po brgya byin gyis bsams pa/ bskal pa bzang po'i byang chub sems dpa' sbyin pa la dga' bas gal te 'ga' zhig gis rgyags sbyin ma blangs te de la byin na g.yog byed pa med par 'gyur ro snyam du bsams nas/ bdag nyid bram ze'i khye'u zhig gi cha byad du sprul nas byang chub sems dpa'i mdun du 'dug ste smras pa/ grogs po g.yog byin cig /byang chub sems dpas smras pa/ bdag la g.yog ga la yod/ brgya byin gyis smras pa/ rgyags sbyin ma byin cig / byang chub sems dpas rgyags sbyin ma'i gdong du brtag par brtsams pa dang / rgyags sbyin mas byang chub sems dpa'i bsam pa shes nas smras pa/ rje'i sras gal te khyod kyis bdag btang na stsal du gsol/ byang chub sems dpas smras pa/ bram ze khyod la byin no/ /de nas lha rnams kyi dbang po brgya byin gyis bram ze'i khye'u'i cha byad mi snang bar byas te rang gi cha byad du 'dug nas smras pa/ drang srong bdag gi rgyags sbyin ma 'di khyod la bcol gyis/ khyod kyis su la yang ma sbyin cig /rgyags sbyin mas brgya byin gyi rkang pa gnyis la mgo bos gtugs te smras pa/ kau shi ka ci nas kyang bus pa gzhon nu de gnyis bran nyid du mi 'gyur ba de ltar mdzod cig / lha rnams kyi dbang po brgya byin gyis de bzhin du bya'o zhes smras nas de nyid du mi snang bar gyur to/ /de nas lha rnams kyi dbang po brgya byin gyis bus pa gzhon nu khyer ba'i bram ze ji ltar thams cad kyi grong rdal du 'tshong bar brtsams pa de ltar rmongs par byas so/ /de gnyis rgyal po'i zho shas 'tsho ba rnams kyis mthong nas de rnams rgyal po'i drung du dong ste smras pa/ bus pa nag po dang / dra ba can ni bram ze zhig tshong 'dus na 'tshong zhing mchis lags so/ / des bsgo ba/ shes ldan dag deng la khrid de shog shig /de gnyis khrid de 'ongs pa dang / rgyal pos srang la bcal te mnyam du gser gyis blus so/ /rgyal po des blon po rnams la bsgo ba/ shes ldan dag gang zhig khye'u dang bu mo yang yongs su gtong bar byed pa de la gzhan yongs su gtong bar mi bya ba ci yod/ gzhon nu de khug shig dang rgyal srid kyi dbang phyug la dbang byed du gzhug go/ /blon po rnams kyis de dka' thub kyi nags nas bkug ste/ de rgyal po'i rgyal srid kyi dbang phyug la bzhag nas des grong khyer gyi sgo bzhir mchod sbyin gyi gnas kyi khang pa brtsigs nas lo mang po dang / lo brgya phrag mang po dang / lo stong phrag mang po dang / lo brgya stong phrag mang por sbyin pa dag byin/ bsod nams dag byas te de bdag nyid kyi mchod sbyin gyi phun sum tshogs pa mthong nas tshigs su bcad de smras pa/ byang chub bsod nams don gnyer bas/ /dge sbyong rnams dang bram ze dang / /dmangs rigs gdol pa g.yung po la/ /'jigs pa med par sbyin pa byin/ /gser dang dngul dang ba lang dang / /rta dang nor bu rgyan rnams dang / /de bzhin las dag byed pa'i bran/ /tshul khrims ldan pa rnams la sbyin/ /chags pa med pa'i sems kyis ni/ /bu dang bu mo yongs btang bas/ /'jig rten 'di dang pha rol tu/ /mi yis dag pa 'thob par 'gyur/ /rgyal po chen po de'i tshe de'i dus na rgyal po thams cad sgrol zhes bya bar gyur pa gang gis bu dang chung ma yongs su btang ba de gzhan zhig yin snyam na/ khyod kyis de ltar mi blta ste/ 'on kyang nga nyid de'i tshe de'i dus na rgyal po thams cad sgrol zhes bya ba der gyur te/ ngas de na bu dang chung ma yongs su btang ngo / /rgyal po chen po ngas bu dang chung ma yongs su btang ba des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang sbyin pa de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no// // rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sbyin pa dag byin/ bsod nams dag byas pa gang yin pa de nyon cig /rgyal po chen po sngon byung ba bA rA Na sI zhes bya ba'i grong khyer du rgyal po tshangs sbyin zhes bya ba rgyal srid byed de/ 'byor pa dang / rgyas pa dang zhes bya ba nas chos bzhin gyis rgyal srid byed do zhes bya ba'i bar gong ma bzhin du'o/ /ji tsam na ltas mkhan dag gis bA rA Na sIr lo bcu gnyis su char pa mi 'bab bo zhes lung bstan to/ /de nas rgyal po tshangs sbyin gyis rang gi yul du dril sgrogs su bcug pa/ nga'i yul na gnas pa'i shes ldan grong khyer pa dag nyon cig / ltas mkhan dag gis lo bcu gnyis su char mi 'bab par lung bstan gyis/ khyod cag las gang dag la lo bcu gnyis su bza' ba dang btung ba yod pa de rnams ni 'dug shig /gzhan rnams ni bza' ba dang btung ba mod pa'i yul du dengs shig /lo legs par gyur pa dang slar yang shog shig /de'i tshe bA rA Na sI'i grong khyer na khyim bdag 'dum byed ces bya ba phyug pa nor mang ba longs spyod che ba/ yongs su gzung ba yangs shing rgya che ba rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas so/ /des mngan bkug ste smras pa/ kye nang rje bang ba na bdag 'khor gyi skye bo dang bcas pa lo bcu gnyis kyi rgyags thub pa yod dam/ 'on te med des smras pa/ jo bo mchis so/ /de nas khyim bdag 'dum byed 'khor dang bcas pa ni 'dug go/ /skye bo'i tshogs gzhan ni bza' ba dang btung ba mod pa'i yul du dong ngo / /sangs rgyas 'byung ba med pa na 'jig rten du rang sangs rgyas dman pa dang ngan pa la snying brtse ba can/ bas mtha'i gnas mal la dga' ba/ 'jig rten gyi yon gnas gcig pu dag 'byung bar 'gyur bas ji tsam na bA rA Na sI'i phyogs gcig tu rang sangs rgyas lnga brgya gnas so/ /phyogs gzhan zhig tu yang rang sangs rgyas lnga brgya'o/ /de nas rang sangs rgyas lnga brgya po dag snga dro sham thabs bgos lhung bzed dang chos gos thogs te/ khyim bdag 'dum byed gang na ba der dong ste lhags pa dang / khyim bdag 'dum byed la 'di skad ces smras so/ /khyim bdag khyod kyis rab tu byung ba lnga brgya la lo bcu gnyis su bsod snyoms 'bul nus sam/ des smras pa/ 'phags pa dag re shig mngan la rmas te bgyi'o/ /des mngan bkug ste smras pa/ kye nang rje bdag 'khor dang bcas pa dang / rab tu byung ba lnga brgya po 'di rnams kyi lo bcu gnyis kyi rgyags thub pa yod dam/ des smras pa/ jo bo mchis so/ /de nas rang sangs rgyas lnga brgya po de rnams la khas blangs so/ /ji tsam na phyi dro'i dus su rang sangs rgyas lnga brgya po gzhan yang lhags nas khyim bdag 'dum byed la khyim bdag rang sangs rgyas lnga brgya po 'di dag la khyod kyis lo bcu gnyis su bsod snyoms dbul bar nus sam zhes bslangs pa dang / des smras pa/ 'phags pa dag khyed cag la g.yar gyis blangs lags na yang bslang ci 'tshal/ de rnams kyis smras pa/ khyim bdag de dag kyang gzhan la/ bdag cag kyang gzhan yin no/ /des smras pa/ 'phags pa dag gal te de lta na re shig mngan la rmas te bgyi'o/ /des mngan bkug ste smras pa/ kye nang rje bdag 'khor dang bcas pa dang / rab tu byung ba stong gi lo bcu gnyis kyi rgyags thub pa yod dam/ des smras pa/ jo bo mchis so/ /de nas khyim bdag des rang sangs rgyas lnga brgya po de rnams la khas blangs nas zhus pa/ khyed cag gi dus gang lags/ de rnams kyis smras pa/ gung tshigs ma yol ba'o/ /de nas khyim bdag 'dum byed kyis sbyin pa'i khang pa brtsigs nas sbyin pa'i zhal ta pa'i mi dag kyang bskos/ dus tshod brjod pa dag kyang bskos te/ des nyi ma re re zhing rang sangs rgyas stong la bsod snyoms 'bul du bcug go/ /mu ge de yang bstud ma kho nar bar ye ma chad nas/ de nas khyim bdag des rang sangs rgyas rnams la zhus pa/ 'phags pa dag lhas char 'bebs par 'gyur ram/ char 'bebs par 'gyur ro/ /bdag gis sa bon stsal tam/ thob shig /de dag gis sa bon btab bo/ /lha rnams kyi dbang po brgya byin gyi shes pa mthong ba ni 'og tu 'jug pa yin pas des bsams pa 'jig rten na yon gnas gang ji snyed pa de rnams kyi mchog ni rang sangs rgyas rnams yin la/ sbyin bdag gang ji snyed pa de rnams kyi mchog ni khyim bdag 'dum byed yin gyis/ bdag gis 'di dag gi grogs bya'o snyam nas/ de nas lha rnams kyi dbang po brgya byin gyis dbang po chen po'i char phab pa dang / lo tog de rnams sku bar skyes so/ /de nas skye bo'i tshogs de rnams kyis rang sangs rgyas rnams la zhus pa/ 'phags pa dag bdag cag gi lo thog bskrun pa gang lags pa de dag sku bar skyes par gyur na de la ji ltar bsgrub par bgyi/ de rnams kyis smras pa/ ma bcad par skrun cig /de rnams kyis bskrun pa las me tog dang 'bras bu rdza ma'i tshad tsam chags so/ /de nas de rnams kyis rang sangs rgyas de dag la rgyas par smras pa dang / de rnams kyis smras pa/ ma gcad cig dang / rang nyid smin nas gas par 'gyur ro/ /ji tsam na de rnams smin nas gas pa dang / gang gis sa bon ji lta bu btab pa de'i de kho na lta bu sha stag gis gang bar gyur to/ /de nas mu ge rgyun chad de lo legs par gyur nas yul phyogs sna tshogs na gnas pa'i skye bo'i tshogs dang / srog chags gang dag mu ges 'jigs skrag nas dong ba rnams kyang yul bA rA Na sIr 'ongs so/ /de nas mu ge rgyun chad de lo legs par gyur nas khyim bdag 'dum byed kyis de na rang sangs rgyas stong la gtsang zhing bsod pa'i bza' ba dang bca' ba sna tshogs dang / tshod ma ro dang ldan pa rnams kyis tshim par byas te tshigs su bcad de smras pa/ blo ldan mkhas pas nor dang ni/ /dad pa shes rab rnyed nas ni/ /skyes bu de yis rtag par yang / /'dod chags bral la yon dbul lo/ /rdzu 'phrul ldan zhing 'od dang ldan/ /kha dog ldan zhing grags ldan pa'i/ /brtan rnams gang gis bshos gsol ba/ de 'i rigs ni bde bar 'phel/ /de ltas tshul khrims phun tshogs pa'i/ /yon gnas dag la yon phul na/ /'jig rten 'di dang pha rol du/ /bde ba dag tu 'gyur ba nyid/ /rgyal po chen po de'i tshe de'i dus na khyim bdag 'dum byed ces bya bar gyur pa gang gis mu ge lo bcu gnyis su byung ba na rang sangs rgyas stong la bsod snyoms sbyar cing de'i grogs lha rnams kyi dbang po brgya byin gyis byas pa de gzhan zhig yin snyam na khyod kyis de ltar mi blta ste 'on kyang nga nyid de'i tshe de'i dus na khyim bdag 'dum byed ces bya ba der gyur te/ nga nyid kyis de na mu ge lo bcu gnyis su byung ba na rang sangs rgyas stong la bsod snyoms sbyar bas nga'i grogs lha rnams kyi dbang po brgya byin gyis byas so/ /rgyal po chen po nga'i sbyin pa 'am/ sbyin pa'i bgo bsha' des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i sbyin pa de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no// // sdom la/ sprin shugs dbang po sbrul mgo gnyis/ /de bzhin chu sreg ne tso dang / /ston mo ru sbal sde bzangs dang / /ded dpon tshogs su bsdus pa yin/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sems can rnams rjes su gzung ba byas pa gang yin pa de nyon cig /rgyal po chen po sngon byung ba 'dzam bu'i gling gi don 'thun nor tshol ba rab tu mang po dag cig rgya mtsho'i gru bo che bsgrubs te/ rgya tsho chen por 'jug par 'dod nas de rnams 'di snyam du sems te/ shes ldan dag bdag cag rgya mtsho chen por zhugs pa rnams 'di lta ste/ gcig la gcig phan thogs par mngon pa med kyis/ ma la bdag cag nor tshol ba rnams so so nas phongs pa na dgos pa rkyal gyi cha spyad dag khyer te rgya mtsho chen por 'jug par bya'o zhes de ltar chas bcang nas nor tshol ba rnams so so nas phongs pa na dgos pa rkyal gyi cha spyad kha cig gis ni shing shal ma li'i spang leb/ kha cig gis ni ras sgye nang tshangs can/ kha cig gis ni sku ba brgyus pa/ kha cig gis ni ra rkyal khyer te rgya mtsho chen por zhugs so/ /de rnams rgya mtsho chen po'i dbus su phyin pa dang / chu srin nya'i rigs kyis rgya mtsho'i gru bo che bshig go/ /gru bo che bshig pa dang / de rnams rkyal pa re re la zhon te chu ji lta ba bzhin du khyer te dong ba las/ de rnams kyi las kyi rnam par smin pa las byung ba'i rlung byang phyogs nas langs te/ des lho phyogs kyi 'gram du khyer ba dang / de na bud med gzugs bzang mo/ mdzes ma blta na sdug pa dag yod de/ de dag gis 'di skad ces smras so/ /jo bo dag tshur spyon bzhin bzangs dag tshur spyon/ bdag cag jo bo ma mchis pa rnams kyi jo bo dang / khyim thab ma mchis pa rnams kyi khyim thab dang / gnas ma mchis pa rnams kyi gnas dang / gling ma mchis pa rnams kyi gling dang / mgon ma mchis pa rnams kyi mgon dang / skyabs ma mchis pa rnams kyi skyabs dang / rten ma mchis pa rnams kyi rten mdzod cig /'di dag ni khyod kyi zas kyi khang pa dang / skom gyi khang pa dang / gos kyi khang pa dang / gnas mal gyi khang pa dang / dga' bar 'gyur ba'i kun dga' ra ba dang / dga' bar 'gyur ba'i tshal dang / dga' bar 'gyur ba'i rdzing dang / 'dzam bu'i gling gi rin po che rab tu mang po 'di lta ste/ nor bu dang / mu tig dang / bai dUr+ya dang / dung dang / man shel dang / byi ru dang / dngul dang / gser dang / rdo'i snying po dang / spug dang / pad ma rA ga dang / dung dang / g.yas su 'khyil ba dag lags kyis khyed tshur spyon/ bdag cag dang lhan cig rtsed mo bgyi/ dga' bar bgyi/ dga' mgur spyad par bgyi'o/ /khyed cag las su yang smyos kyang lho phyogs kyi lam du ma bzhud cig /de dag bud med de rnams dang lhan cig rtse bar byed/ dga' bar byed/ dga' mgur spyod par byed de/ de dag de rnams dang lhan cig rtse bar byed/ dga' bar byed/ dga' mgur spyod par byed pa las bu pho dang / bu mo dag btsas so/ /de nas tshong pa mkhas pa'i rang bzhin can zhig 'di snyam du sems te/ ci'i phyir bud med de dag gis lho phyogs kyi lam lhag par bsrung bar sems/ ma la bdag gis bud med gang dang lhan cig nyal ba de mal du gnyid log par rig nas bags kyis dal bus dal bus mal nas babs la lho phyogs kyi lam du 'gro'o snyam nas/ de de ltar nges par byas nas bud med gang dang lhan cig nyal ba de gnyid kyis log par rig nas bags kyis dal bus dal bus mal nas babs te ral gri rnon po mchan du thogs nas lho phyogs kyi lam du song ba dang / des de na skye bo'i tshogs chen po smre sngags 'don pa'i sgra kyi hud ma/ kyi hud pha/ kyi hud sring mo/ kyi hud spun/ kyi hud 'dzam bu'i gling bkra bas spangs sam/ 'di ltar 'dzam bu'i gling na re skyid ces sgra 'byin pa dag thos so/ /thos nas kyang de 'jigs par gyur/ rmongs par gyur/ skyi bung zhes byed par gyur to/ /de nas tshong pa mkhas pa'i rang bzhin can des 'jigs pa dang / skyi bung zhes byed de shin tu legs par stsal nas lho phyogs kyi lam de kho na'i rjes su song ba dang / des de na lcags mkhar chen po mtho zhing rgya che ba zhig mthong nas/ des grong khyer de'i mtha' kho ra khor yug tu bskor na/ ci nas kyang sgo cung zad cig rnyed grang snyam nas/ des grong khyer de'i mtha' kho ra khor yug tu bskor ba dang / chung ngu na byi la 'am sbrul 'dzul ba'i sgo tsam yang ma rnyed do/ /de na shing shi ri sha zhes bya ba sbom la ring ba zhig mthong nas/ de nas tshong pa mkhas pa'i rang bzhin can gyis shing shi ri sha de la bags kyis dal bus dal bus 'dzegs nas skye bo'i tshogs chen po la 'di skad ces smras so/ shes ldan dag ci'i phyir kyi hud ma/ kyi hud pha/ kyi hud sring mo/ kyi hud spun/ kyi hud 'dzam bu'i gling bkra bas spangs sam/ 'di ltar 'dzam bu'i gling na re skyid ces shin du smre sngags 'don/ de rnams kyis smras pa/ kye nang rje bdag cag 'dzam bu'i gling gi don 'thun nor tshol ba rab tu mang po dag gcig rgya mtsho'i gru bo che bsgrubs te/ rgya mtsho chen por 'jug par 'dod pa las bdag cag 'di snyam du sems te/ shes ldan dag bdag cag rgya mtsho chen por zhugs pa rnams 'di lta ste/ gcig la gcig phan 'dogs par mngon pa med kyis/ ma la bdag cag nor tshol ba rnams so so nas phongs pa na dgos pa rkyal gyi cha spyad dag khyer te/ rgya mtsho chen por 'jug par bya'o zhes de nas chas bcang nas nor tshol ba rnams so so nas phongs pa na dgos pa rkyal gyi cha spyad kha cig gis ni shing shal ma li'i spang leb/ kha cig gis ni ras sgye nang tshangs can/ kha cig gis ni ku ba brgyus pa/ kha cig gis ni ra rkyal khyer te rgya mtsho chen por zhugs so/ /bdag cag rgya mtsho chen po'i dbus su phyin pa dang chu srin nya'i rigs kyis gru bo che bshig go/ /gru bo che bshig nas bdag cag rkyal pa re re la zhon te chu ji lta ba bzhin khyer te dong ba las/ bdag cag gi las kyi rnam par smin pa las byung ba'i rlung byang phyogs nas langs te/ des bdag cag lho phyogs kyi 'gram du khyer ba dang / de na bud med gzugs bzang mo/ mdzes ma/ blta na sdug pa dag yod de/ de dag gis 'di skad ces smras so/ /jo bo dag tshur spyon/ bzhin bzangs dag tshur spyon/ bdag cag jo bo ma mchis pa rnams kyi jo bo dang / khyim thab ma mchis pa rnams kyi khyim thabs dang / gnas ma mchis pa rnams kyi gnas dang / gling ma mchis pa rnams kyi gling dang / mgon ma mchis pa rnams kyi mgon dang / skyabs ma mchis pa rnams kyi skyabs dang / rten ma mchis pa rnams kyi rten mdzod cig /'di dag ni khyed kyi zas kyi khang pa dang / skom gyi khang pa dang / gos kyi khang pa dang gnas mal gyi khang pa dang / dga' bar 'gyur ba'i kun dga' ra ba dang / dga' bar 'gyur ba'i tshal dang / dga' bar 'gyur ba'i rdzing dang / 'dzam bu'i gling gi rin po che rab tu mang po 'di lta ste/ nor bu dang / mu tig dang / bai dUr+ya dang / dung dang / man shel dang / byi ru dang / dngul dang / gser dang / rdo'i snying po dang / spug dang / pad ma rA ga dang / dung g.yas su 'khyil pa dag lags kyis khyed tshur spyon/ bdag cag dang lhan cig rtsed mo bgyi/ dga' bar bgyi/ dga' mgur spyad par bgyi/ khyed cag las su yang smyos kyang lho phyogs kyi lam du ma bzhud cig bdag cag bud med de dag dang lhan cig rtse bar byed/ dga' bar byed/ dga' mgur spyod par byed de/ bdag cag de dag dang lhan cig rtse bar byed/ dga' bar byed/ dga' mgur spyod par byed pa las khye'u dang bu mo dag btsas te/ ji srid 'dzam bu'i gling gi don 'thun gzhan rnams kyi rgya mtsho'i gru bo che zhig go zhes ma thos pa de srid du bud med de dag dang bdag cag lhan cig rtse bar byed/ dga' bar byed/ dga' mgur spyod par byed pa las/ gang gi tshe bud med rnams kyis 'dzam bu'i gling gi don 'thun rab tu mang po gzhan dag kyang rgya mtsho chen po'i dbus su phyin pa dang chu srin nya'i rigs kyis rgya mtsho'i gru bo che bshig go/ /zhes thos nas/ de nas bdag cag gi drung du 'ongs te/ kha cig ni zos so/ /skyes pa za bar byed pa na lhag rol skra 'am/ spu 'am/ sen mo 'am/ so lus pa gang dag yin pa de dag kyang ma lus par za bar byed do/ /de rnams za bar byed pa na khrag dron po'i thigs pa sa la lhung ba gang dag yod na yang de dag kyang sor mo'i rtse mo rnams kyis brud de sa dang bcas par khar 'jug par byed do/ /bdag cag kha cig ni lcags kyi mkhar 'dir bcug go/ /kye nang rje 'di dag ni mi'i bud med ma yin te/ srin mo yin gyis 'di dag las bdag nyid srungs shig /de skad ces smras pa dang / tshong pa mkhas pa'i rang bzhin can gyis skye bo'i tshogs chen po de la 'di skad ces smras so/ /gang gis na khyed cag dang bdag cag legs pa dang / bde bar 'dzam bu'i gling du phyin par 'gyur ba'i thabs 'ga' ci yod/ de rnams kyis 'di skad ces smras so/ /kye nang rje re shig bdag cag gang gis na legs pa dang / bde bar 'dzam bu'i gling du phyin par 'gyur ba'i thabs ni cung zad kyang kho bo cag la med de/ de ci'i phyir zhe na/ gal te bdag cag gis 'di snyam du kye ma bdag cag gis lcags kyi mkhar 'di las rgal te 'bros so snyam du bsams na/ de'i nyis gyur ram de'i sum gyur gyis mthon por 'gyur ro/ /gal te bdag cag gis 'di snyam du kye ma bdag cag gis lcags kyi mkhar 'di'i glo phug ste 'bros so snyam du bsams na/ de'i nyis gyur ram/ de'i sum gyur gyis zhing du skye bar 'gyur te/ de ltar re shig bdag cag legs pa dang / bde bar 'dzam bu'i gling du phyin par 'gyur ba'i thabs bdag cag la med do/ /'on kyang gang gis na khyod cag ni slar legs pa dang / bde bar 'dzam bu'i gling du phyin par 'gyur ba'i thabs yod de/ 'di na bdag cag gi bar snang la rgyu ba'i lha rnams kye ma 'dzam bu'i gling gi don 'thun rnams gso sbyong bcwa lnga pa de nyid la byang phyogs kyi gseb lam gang na rta'i rgyal po sprin gyi shugs can ma rmos ma btab pa'i 'bras sa lu za ba bde ba dang / nad med pa dang / stobs dang ldan pas dbang po rnams tshim pa/ mgo 'phang bstod de pha rol du 'gro ba ni su yod/ su ni pha rol du bkri/ su ni 'dzam bu'i gling du legs pa dang / bde bar phyin par bya zhes ched du brjod pa ched du brjod pa yod par mi 'gro ba ni byis pa'o zhes sgra 'byin pa thabs kyis/ khyod de'i drung du deng la 'di skad ces bdag cag pha rol du mchi'o/ /bdag cag pha rol du mchi ste/ bdag cag pha rol du bkri zhing legs pa dang bde bar 'dzam bu'i gling du phyin par mdzad du gsol zhes smros shig /de nas tshong pa mkhas pa'i rang bzhin can gyis skye bo'i tshogs chen po des smras pa shin tu legs par bzung ste chub par byas nas/ bags kyis dal bus dal bus shing shi ri sha las babs nas g.yas phyogs kyi lam de nyid du song ste/ bud med gang dang lhan cig nyal ba de mal na gnyid kyis log par rig nas bags kyis dal bus dal bus nyal lo/ /de nas tshong pa mkhas pa'i rang bzhin can gyis de nyid kyi mtshan mo 'das pa dang nang par sngar langs nas 'dzam bu'i gling gi don 'thun rab tu mang po gang na ba der song ste phyin pa dang / 'dzam bu'i gling gi don 'thun rab tu mang po rnams la 'di skad ces smras so/ /shes ldan dag re shig gang na bskyed mos tshal dben pa yod pa zhig tu shog shig dang / kho bos khyod cag dang lhan cig gsang ste gleng dgos pa cung zhig yod kyis/ khyed su yang smyos kyang khye'u 'am bu mo ni khrid de ma 'ong shig /shes ldan dag de bzhin du bgyi'o zhes 'dzam bu'i gling gi don 'thun rab tu mang po rnams kyis mnyan to/ /de nas 'dzam bu'i gling gi don 'thun rab tu mang po rnams bskyed mos tshal rab tu dben pa gang na ba der dong ba dang / de nas tshong pa mkhas pa'i rang bzhin can gyis skye bo'i tshogs chen po de dang lhan cig skabs kyi gtam ji snyed glengs pa de dag 'dzam bu'i gling gi don 'thun rab tu mang po rnams la rgyas par smras nas 'di skad ces kyang smras te/ 'di dag ni bud med ma yin te/ 'di dag srin mo yin gyis/ shes ldan dag 'di las bdag nyid bsrung bar gyis shig /de nas 'dzam bu'i gling gi don 'thun rab tu mang po rnams de bzhin du gso sbyong bcwa lnga pa de nyid la byang phyogs kyi gseb lam gang na rta'i rgyal po sprin gyi shugs can ma rmos ma btab pa'i 'bras sa lu za ba bde ba dang / nad med pa dang / stobs dang ldan pas dbang po rnams tshim pa mgo 'phang bstod de pha rol du 'gro ba ni su zhig yod/ su ni pha rol du bkri/ su ni legs pa dang / bde bar 'dzam bu'i gling du phyin par bya zhes ched du brjod pa ched du brjod pa yod par song ba dang / tshong pa rta rdzi'i rigs shig gis rta'i rgyal po sprin gyi shugs can rgyang ring po kho na nas mthong ngo / /mthong nas kyang 'dzam bu'i gling gi don 'thun rab tu mang po la 'di skad ces smras so/ /shes ldan dag rta'i rgyal po sprin gyi shugs can ni pha bi yin te/ pha bi'i drung du dong la 'di skad ces bdag cag pha rol du mchi'o/ /bdag cag pha rol du mchi ste/ bdag cag pha rol du bkri zhing bdag cag legs pa dang / bde bar 'dzam bu'i gling du phyin par mdzad du gsol zhes smra'o/ /de nas tshong pa mkhas pa'i rang bzhin can gyis don 'thun rab tu mang po la 'di skad ces smras so/ /shes ldan dag bdag gis ji ltar skye bo'i tshogs chen po des smras pa'i don go ba ltar na 'di ni bdag cag gis rta'i rgyal po sprin gyi shugs can gyi drung du dong nas 'di skad ces/ bdag cag pha rol du mchi'o bdag cag pha rol du mchi ste/ bdag cag pha rol du bkri zhing bdag cag legs pa dang / bde bar 'dzam bu'i gling du phyin par mdzad du gsol zhes smra ba'i dus la bab pa ma yin no/ /'on kyang gang gi tshe rta'i rgyal po sprin gyi shugs can gyis ma rmos ma btab pa'i 'bras sa lu zos nas zhes bya ba nas/ su ni legs pa dang bde bar 'dzam bu'i gling du phyin par bya zhes bya ba'i bar gong ma bzhin du ste/ de ni bdag cag rta'i rgyal po sprin gyi shugs can gyi drung du dong la 'di skad ces bdag cag pha rol du mchi 'o/ /bdag cag pha rol du mchi ste/ bdag cag pha rol du bkri zhing bdag cag legs pa dang / bde bar 'dzam bu'i gling du phyin par mdzad du gsol zhes de skad du smra ba'i dus la bab pa yin no/ /de nas rta'i rgyal po sprin gyi shugs can gyis ma rmos ma btab pa'i 'bras sa lu zos nas zhes bya ba nas/ su ni legs pa dang / bde bar 'dzam bu'i gling du phyin par bya zhes bya ba'i bar gong ma bzhin du'o/ /de nas 'dzam bu'i gling gi don 'thun rab tu mang po bla gos phrag pa gcig tu gzar nas pus mo g.yas pa'i lha nga sa la btsugs te rta'i rgyal po sprin gyi shugs can gang na ba de logs su thal mo sbyar ba btud nas rta'i rgyal po sprin gyi shugs can la 'di skad ces smras so/ /bdag cag pha rol du mchi'o/ /bdag cag pha rol du mchi ste/ bdag cag pha rol du bkri zhing bdag cag legs pa dang / bde bar 'dzam bu'i gling du phyin par mdzad du gsol/ de nas rta'i rgyal po sprin gyi shugs can gyis 'dzam bu'i gling gi don 'thun rab tu mang po la legs par rab tu gtams shing rjes su bstan pa/ shes ldan dag bud med de dag lhag par gzugs bzang ba/ lhag par mdzes pa/ lhag par blta na sdug par byas nas khye'u dang bu mo rnams khrid de 'ong zhing / de rnams 'di skad ces/ jo bo dag tshur spyon/ bzhin bzangs dag tshur spyon zhes bya ba nas/ bdag cag dang lhan cig rtse bar bgyi/ dga' bar bgyi/ dga' mgur spyad par bgyi'o zhes bya ba'i bar gong ma bzhin no/ /'on te khyod cag la 'ga' zhig gis cung zad smras te bdag cag mi dgos na rang rang gi bu dag khrid de deng shig ces zer ba de la khyed cag las gang dag 'di snyam du bdag cag gi chung ma 'am/ bu pho 'am/ bu mo 'am/ bdag gi zas kyi khang pa 'am/ skom gyi khang pa 'am/ gos kyi khang pa 'am/ gnas mal gyi khang pa 'am/ dga' bar 'gyur ba'i kun dga' ra ba 'am/ dga' bar 'gyur ba'i rdzing dang / 'dzam bu'i gling gi rin po che rab tu mang po 'di lta ste/ nor bu dang / mu tig dang / bai dUr+ya dang zhes bya ba nas/ dung g.yas su 'khyil ba zhes bya ba'i bar gong ma bzhin du sems phan chad de dag kho bo'i ro stod dam rgyab la zhon yang shing tog gi 'bras bu smin pa rtsa ba chad pa bzhin du lhung bar 'gyur zhing / bud med de rnams 'ongs nas za bar 'gyur te/ de dag skyes pa za bar byed pa na khrag dron po'i thigs pa sa la lhung ba gang dag yin pa de dag kyang sor mo'i rtse mos sa dang bcas te brud nas khar 'jug go/ /khyed cag las gang dag 'di snyam du bdag gi chung ma 'am/ bu 'am/ bu mo 'am zhes bya ba nas dung g.yas su 'khyil ba zhes bya ba'i bar gong ma bzhin du mi sems na de rnams kho bo'i spu'i rtse mo'i bye ba'i cha la rten kyang ltung bar mi 'gyur te/ de dag legs pa dang / bde bar 'dzam bu'i gling du phyin par 'gyur ro/ /de nas rta'i rgyal po sprin gyi shugs can gyis 'dzam bu'i gling gi tshong pa rab tu mang po la legs par rab tu gtams shing rjes su bstan nas rgyab smad do/ /de nas 'dzam bu'i gling gi tshong pa rab tu mang pos rta'i rgyal po sprin gyi shugs can la kha cig ni ro stod du/ kha cig ni rgyab tu kha cig ni gnya' bar ro/ /kha cig ni mjug ma la 'jus so/ /de nas rta'i rgyal po sprin gyi shugs can gyis rim gyis lus kyi mthu dang / stobs dang / brtson 'grus yang dag par bskyed nas de nyid nas steng gi nam mkha' la song ba dang / de nas bud med lhag par gzugs bzang ba/ lhag par mdzes pa/ lhag par blta na sdug pa rnams kyis khye'u dang bu mo rnams khrid de lhags nas 'di skad ces jo bo dag tshur spyon/ bzhin bzangs dag tshur spyon zhes bya ba nas bdag cag dang lhan cig rtsed mo bgyi/ dga' bar bgyi/ dga' mgur spyad par bgyi'o zhes bya ba'i bar gong ma bzhin du'o/ /'on te khyed cag la 'ga' zhig cung zad smras te/ kho mo cag mi dgos na rang rang gi khye'u dang bu mo rnams khrid de deng shig ces smra ba de la gang dag 'di snyam du bdag gi chung ma 'am/ bu pho 'am/ bu mo 'am/ bdag gi zas kyi khang pa 'am zhes bya ba nas dung g.yas su 'khyil ba zhes bya ba'i bar gong ma bzhin du sems pa de dag ni rta'i rgyal po sprin gyi shugs can gyi ro stod dang rgyab tu zhon yang shing tog gi 'bras bu smin pa rtsa ba chad pa bzhin du de nas slar lhung bar gyur pa dang / bud med de rnams de dag gi drung du dong ste phyin nas za bar byed de/ skyes pa rnams za bar byed pa na lhag ma lus pa gang yin pa 'di lta ste skra 'am zhes bya ba nas/ sa dang 'dren mar brud de khar 'jug par byed do zhes bya ba'i bar gong ma bzhin du'o/ /gang dag 'di snyam du bdag gi chung ma 'am/ bdag gi bu pho 'am/ bdag gi bu mo zhes bya ba nas dung g.yas su 'khyil ba zhes bya ba'i bar du ste/ de ltar mi sems pa de rnams ni 'di ltar rta'i rgyal po sprin gyi shugs can gyi spu'i rtse mo'i cha shas la 'jus pa yang legs pa dang bde bar 'dzam bu'i gling du phyin par gyur to/ /rgyal po chen po de bzhin du gang dag 'di snyam du bdag ni mig yin no/ /mig ni bdag gi yin no/ /bdag ni rna ba dang / sna dang lce dang / lus dang / yid yin no/ /yid ni bdag gi yin no/ /bdag ni gzugs yin no/ /gzugs ni bdag gi yin no/ /bdag ni sgra dang / dri dang / ro dang / reg bya dang / bdag ni chos yin no/ /chos ni bdag gi yin no/ /bdag ni sa'i khams yin no/ /sa'i khams ni bdag gi yin no/ bdag ni chu'i khams dang / me'i khams dang / rlung gi khams dang / nam mkha'i khams dang / bdag ni rnam par shes pa'i khams yin no/ /rnam par shes pa'i khams ni bdag gi yin no/ /bdag ni gzugs kyi phung po yin no/ /gzugs kyi phung po ni bdag gi yin no/ /bdag ni tshor ba dang / 'du shes dang / 'du byed dang / bdag ni rnam par shes pa'i phung po yin no/ /rnam par shes pa ni bdag gi yin no snyam du sems na/ de rnams sdug bsngal 'thob 'gyur te/ /srin mo'i nang du tshong pa bzhin/ /rgyal po chen po gang dag 'di snyam du bdag ni mig yin no/ /mig ni bdag gi yin no zhes bya ba nas rnam par shes pa'i phung po ni bdag gi yin no zhes bya ba'i bar gong ma bzhin du ste/ de ltar mi sems na/ de rnams bde ba 'thob 'gyur te/ /sprin gyi shugs kyis tshong pa bzhin/ /sangs rgyas bstan la blun po'i mi/ /gang dag dad par mi byed pa/ /de rnams sdug bsngal 'thob 'gyur te/ /srin mo'i nang du tshong pa bzhin/ /shes rab can gyi mi gang dag /sangs rgyas bstan la dad byed pa/ /bde bar pha rol 'gro 'gyur te/ /sprin gyi shugs kyis tshong pa bzhin/ /rgyal po chen po ji snyam du sems/ /de'i tshe de'i dus na rta'i rgyal po sprin gyi shugs can du gyur pa de gzhan zhig yin snyam na khyod kyis de ltar mi blta ste/ 'on kyang nga nyid de'i tshe de'i dus na rta'i rgyal po sprin gyi shugs can zhes bya bar gyur to/ /rgyal po chen po de'i tshe ngas sems can rnams la phan pa byas pa des bla na med pa yang dag par rdzogs pa'i byang chub bo snyam na khyod kyis de ltar mi blta ste/ 'on kyang sems can rnams la phan pa byas pa de ni/ bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sems can rjes su gzung ba byas pa gang yin pa de nyon cig /rgyal po chen po sngon byung ba yul bA rA Na sI dang ha cang yang mi ring ba zhig na drang srong byams pa'i bdag nyid snying rje can sems can la 'o byams pa zhig gnas so/ /de'i bsti gnas dang ha cang yang mi ring ba zhig na khyim bdag zhing pa gnyis shig zhing rmed pa las de gnyis phan tshun rtsod pa byung bar gyur te/ de na gcig khros pa dang / gcig shos kyang slar khros so/ /gcig gis brgyab pa dang / gcig shos kyis kyang slar brgyab bo/ /de gnyis ka yang drang srong gi drung du dong nas drang srong de la gcig gis dpang btsugs pa dang / gcig shos kyis kyang btsugs so/ /de gnyis rgyal po'i drung du song ba dang / rgyal pos de gnyis la smras pa/ khyed gnyis la dpang su yod/ gcig gis smras pa/ lha bdag gi dpang drang srong lags so/ /gcig shos kyis smras pa/ bdag gi dpang yang de kho na lags so/ /de nas rgyal pos drang srong bos te dris pa/ drang srong chen po 'di gnyis sngar gang gi nyes/ drang srong gis smras pa/ lha gal te 'khor los sgyur ba'i bka' khrims kyis zhal che bcad na/ de lta na bdag gis dpang bgyi'i gzhan du ni ma lags so/ /rgyal pos smras pa de bzhin du bya'o/ /de nas drang srong gis smras pa/ lha gcig khros pa dang gcig shos kyang slar khros so/ /gcig gis brgyab pa dang gcig shos kyis kyang slar brgyab bo/ /rgyal pos smras pa/ 'o na gnyis ka chad pas gcad do/ /drang srong gis smras pa/ lha khyod la bdag gis slar lha gal te 'khor los sgyur ba'i bka' khrims kyis zhal che bcad na de lta na bdag gis dpang bgyi'i gzhan du na ma lags so zhes ma gsol tam/ rgyal pos smras pa/ drang srong chen po 'khor los sgyur ba'i zhal che ji ltar gcod/ drang srong gis smras pa/ lha 'khor los sgyur ba'i rgyal po ni gnod pa las zlog cing phan pa la sbyor bar bgyid do/ /de nas rgyal pos smras pa/ gnyis ka deng la da phyin chad de ltar ma byed cig /rgyal po chen po de'i tshe de'i dus na drang srong du gyur pa gang gi chos bzhin gyis dpang de byas pa de gzhan zhig yin snyam na khyod kyis de ltar mi blta ste/ 'on kyang nga nyid de'i tshe de'i dus na zhes bya ba nas nga nyid kyi chos bzhin gyis dpang de byas so zhes bya ba'i bar gong ma bzhin du'o/ /rgyal po chen po ngas chos bzhin gyi dpang byas pa des bla na med pa yang dag par rdzogs pa'i byang chub rtogs so snyam na khyod kyis de ltar mi blta ste/ 'on kyang chos bzhin gyis dpang byas pa de ni bla na med pa yang dag par rdzogs pa'i byang chub kyi zhes bya ba nas tshogs tsam yin no zhes bya ba'i bar gong ma bzhin no// // rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir ma nges pa'i phung po la gnas pa na rang gi srog yongs su btang nas sems can mang po rjes su gzung ba byas pa gang yin pa de nyon cig /rgyal po chen po sngon byung ba na nags tshang tshing zhig na seng ge ral pa can zhig gnas so/ /lam de nas don 'thun lnga brgya tsam dong nas/ de dag gi ca co'i sgras dus bskul bas sbrul chen po zhags pa lta bu zhes bya ba zhig glo bur du langs nas des don 'thun tshong dpon dang bcas pa bskor ba dang / de rnams skrag nas sgra 'byin cing zhi ba dang / chu lha dang lus ngan dang / dbang phyug la sogs pa lha rnams la gsol ba btab pa dang / de nas seng ges sgra de thos so/ /thos nas kyang phyogs der 'ongs pa dang / ji tsam na sbrul chen po zhags pa lta bu zhes bya bas don 'thun lnga brgya tsam bskor ba mthong ngo / /de dang ha cang yang mi ring ba zhig na glang po'i phru gu zhig kyang rgyu zhing 'dug pa dang / de de'i drung du song ste smras pa/ grogs po sbrul chen po zhags pa lta bu zhes bya bas don 'thun lnga brgya bskor na de rnams kyi don gyi phyir rang gi srog yongs su gtang bar khyod spro 'am/ ji lta bu zhig tu bya bdag gi rkang pa khyod kyi glad par bzhag la thal mos sbrul chen po la bsnun dang bdag gi rkang pa brten pa'i shugs kyis ni khyod 'chi bar 'gyur ro/ /thal lcag gis ni sbrul lo/ /sbrul chen po'i kha chus reg pas ni bdag kyang 'chi bar 'gyur ro/ /glang po che'i phru gus de bzhin du bya'o zhes khas blangs nas seng ges glang po che'i phru gu'i steng du rkang pa bzhag nas thal mos sbrul chen po la bsnun pa dang / seng ges rkang pa brten pa'i shugs kyis ni glang po che'i phru gu shi thal mos kyang sbrul chen po shi/ sbrul chen po'i kha chus kyang ri dgas kyi rgyal po seng ge shi steng 'gro ba gsum char yang ngo / /don 'thun gyi tshogs chas pa dang lha zhig gis smras pa/ bskal pa bzang po'i byang chub sems dpas khyod kyi phyir rang gi srog yongs su btang nas skyabs byas kyis re shig de'i lus la mchod par byos la phyir dengs shig /de nas de rnams kyis de'i rus pa bsregs te rus pa la mchod pa byas so/ /rgyal po chen po de'i tshe de'i dus na ri dgas kyi rgyal po seng ge zhes bya ba nas/ ngas don 'thun lnga brgya po de dag sbrul chen po las rang gi srog btang nas thar bar byas so/ /zhes bya ba'i bar snga ma bzhin no/ /rgyal po chen po ngas sems can rnams rjes su bzung ba des bla na med pa yang dag par rdzogs pa'i byang chub thob bo snyam na/ khyod kyis de ltar mi blta ste zhes bya ba nas/ ngas sems can rnams rjes su bzung ba ni bla na med pa yang dag par rdzogs pa'i byang chub kyi rgyu tsam dang / rkyen tsam dang tshogs tsam yin no zhes bya ba'i bar gong ma bzhin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir gsod pa la yang byams pa bsgrubs pa gang yin pa de nyon cig /rgyal po chen po sngon byung ba nags khrod cig na byang chub sems dpa' ma nges pa'i phung po la gnas pa na bya mgo gnyis la sems tha dad pa zhig tu gyur te/ de la gcig ni chos can zhes bya'o/ /gcig shos ni chos min zhes bya'o/ /ji tsam dus gzhan zhig na chos can gyis bdud rtsi'i 'bras bu zhig zos so/ /chos min gyis ni dug gi 'bras bu zhig zos pa las gnyis ka yang dug gi mthus kun du myos par gyur nas phan tshun rtsod par brtsams pa dang / gcig gis log par smon lam btab pa/ khyod kyi skye ba gang dang gang du skyes pa de dang der gsod pa dang / phyir rgol ba dang dgra bor gyur cig ces byas so/ /gcig shos kyis kyang smras pa/ bdag ni khyod la thams cad du byams pa'i sems dang phan pa'i sems dang snying brtse ba'i sems su gyur gcig ces byas so/ /rgyal po chen po ji snyam du sems/ de'i tshe de'i dus kyi chos can gang yin pa de ni nga nyid yin no/ /chos min ni lha sbyin yin no/ /rgyal po chen po nga'i byams pa'i sems des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i byams pa'i sems kyis bla na med pa yang dag par rdzogs pa'i byang chub kyi rgyu tsam dang rkyen tsam dang tshogs tsam yin no// //'dul ba gzhi/ bam po bzhi bcu rtsa brgyad pa/ rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sems can gyi skyabs byas pa gang yin pa de nyon cig /rgyal po chen po sngon byung ba chu gling zhig gi 'gram na byang chub sems dpa' ma nges pa'i phung po la gnas pa na chu sreg rnams kyi nang du skyes nas chu sreg lnga brgya'i dpon por gyur to/ /ji tsam na chu sreg rgan po zhig chu sreg de rnams kyi sgo nga dang phru gu rnams thabs kyis sngar zos nas dal bus dal bus 'chag cing res 'ga' bya ba med pa na rkang pa gcig bskum nas 'dug go/ /de nas chu sreg de rnams bu dang bral ba las byung ba'i sdug bsngal gyis gdungs nas dpon po'i drung du song ste ris mthun pa'i skad gnyug mas ngu bar brtsams pa dang / de nas dpon pos rang gi khyu rnams de ltar sdug bsngal bar mthong nas chu gling kun nas byul bar brtsams pa dang / chos nyid kyis byang chub sems dpa' rnams ni lus kyis rnam par ltung bar 'gyur gyi sems kyis ni ma yin pas/ des chu sreg rgan po de dal bus dal bus 'chag cing phyogs gcig tu song nas rkang pa gcig bteg ste gnas pa mthong nas/ byang chub sems dpas 'phrigs pa 'di ni rang gi rigs kyi phyir rgol ba rang bzhin ngan pa yin no snyam du rig nas tshigs su bcad de smras pa/ bdag gi sgo nga phru gu dang / /rus chags rnams kyang zos nas ni/ /rkang pa gcig btsugs 'dug pa de/ /kye ma khyod kyi brtul zhugs yin/ /kha cig smra ba yang bden te/ /gom pa dal bus 'dor byed cing / /dal bus dal bus smra ba dang / /gnya' ba gyur gyur byed pa ni/ /de ni ngan g.yo'i mtshan nyid yin/ /des bsams pa/ dpon po 'dis ni bdag gi rgyus shes so snyam du rig nas de nyid las skyabs su song ngo / /de nas dpon pos smras pa/ khu gu nam chu sreg gi tshogs rnams 'khrugs par ma gyur pa de'i bar du khyod kyi sems bde bar gyis shig /de nas chu sreg rgan po de bros nas chu sreg de rnams bde bar gyur to/ /rgyal po chen po de'i tshe de'i dus na chu sreg gi dpon por gyur pa de gzhan zhig yin snyam na khyod kyis de ltar mi blta ste/ 'on kyang nga nyid de'i tshe de'i dus na chu sreg gi dpon po der gyur te/ rgyal po chen po ngas sems can rjes su bzung ba des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang ngas sems can rjes su bzung ba ni bla na med pa yang dag par rdzogs pa'i byang chub kyi rgyu tsam dang rkyen tsam dang / tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sems can rjes su gzung ba byas pa gang yin pa de nyon cig /rgyal po chen po sngon byung ba na nags tshang tshing zhig na byang chub sems dpa' ma nges pa'i phung po la gnas pa na ne tso mi skad smra ba zhig tu gyur to/ /de'i tshe yul bA rA Na sIr rgyal po tshangs sbyin zhes bya bar gyur pa de chos ma yin pas rgyal srid byed du 'jug go/ /de nas ne tso des nyin re zhing rgyal po de'i khang pa'i pu shu'i steng na yib cing rgyal po chen po chos ma yin pas rgyal srid ma mdzad cig ces smra'o/ /rgyal po de dang lhan cig gcugs par gyur pa dang / de nas des rgyal po de dka' thub kyi gnas lnga la rab tu bzhag nas chos bzhin gyis rgyal srid byed pa la zhugs nas/ des ri dgas dang bya thams cad la mi 'jigs pa byin no/ /rgyal po chen po de'i tshe de'i dus na ne tsor gyur pa de gzhan zhig yin snyam na khyod kyis de ltar mi blta ste/ 'on kyang nga nyid de'i tshe de'i dus na ne tso mi skad smra ba de yin par gyur to/ /rgyal po chen po ngas sems can la phan pa byas pa des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang ngas sems can la phan pa byas pa de ni bla na med pa yang dag par rdzogs pa'i byang chub kyi rgyu tsam dang / rkyen tsam dang tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir gsod pa la byams pa'i sems bskyed pa gang yin pa de nyon cig /rgyal po chen po sngon byung ba yul ka shi zhes bya ba na rgyal po tshangs sbyin zhes bya ba zhig rgyal srid byed de/ de rtag tu lus 'phags kyi yul 'dod pa kho na'i phyir lus 'phags kyi rgyal po dang mi mthun par gyur to/ /lus 'phags kyi rgyal po ni de bas khyad zhugs pa'i mthu dang ldan yang yul de mi 'dod pas rtag tu de la byams pa'i sems dang phan pa'i sems dang / snying brtse bas gnas so/ /'on kyang de sred pas 'khol bas yul de kho na 'dod pa'i phyir de dpung gi tshogs yan lag bzhi pa go bskon nas lus 'phags kyi rgyal po dang g.yul sprad pa'i phyir chas so/ /de nas lus 'phags kyi rgyal pos thos nas dpag tshad phyed dang gsum gyi lam star du bcug ste/ grong khyer de thams cad rdo ba dang gseg ma dang / gyo mo bsal nas rgyal mtshan dang ba dan ni bsgreng / dar gyi chun 'phyang mang po ni dpyangs/ dri zhim po'i pog por ni bshams/ tsan dan gyi chu'i chag chag gis btab cing me tog sil ma sna tshogs kyis dga' dga' ltar byas nas gtsang zhing bsod pa'i bza' ba rab tu mang po dag sta gon byas te grong mi dang blon po rnams stsur bkye nas mgu bar 'gyur ba brgya phrag dag spring pa thos pa dang / rgyal po tshangs sbyin kun nas dkris pa dang bral te de nas bsams pa/ lus 'phags kyi rgyal po la so sor yang dag par dga' bar 'gyur ba zhig byas te slar ldog go snyam du bsams nas lus 'phags kyi rgyal po'i drung du song ba dang / lus 'phags kyi rgyal pos bkur sti chen pos bsu nas nang du khrid de/ kha zas bsod pa rnams kyis tshim par byas nas tshigs su bcad de smras pa/ rgyal dbang bdag la bzod par mdzod/ /khyod la bdag ni rtag tu 'dud/ /bdag ni grogs por gyur lags na/ /khyod kyis bdag la brtse bar mdzod/ /des kyang tshigs su bcad de smras pa/ bzod pa yi ni gzhu bdungs nas/ /khro dang nga rgyal 'joms pa'i/ /yon tan ldan pa'i mda' gcig gis/ /khyod kyis bdag cag ril bcom mo/ /de nas de gnyis phan tshun yid gcugs par gyur nas rgyal po tshangs sbyin yang rang gi yul du song ngo / /lus 'phags kyi yul mi rnams kyang 'jigs pa dang bral bar gyur to/ /rgyal po chen po de'i tshe de'i dus na lus 'phags kyi rgyal por gyur pa de gzhan zhig yin snyam na khyod kyis de ltar mi blta ste/ nga nyid de'i tshe de'i dus na lus 'phags kyi rgyal po de yin par gyur to/ /rgyal po chen po ngas yid kyi dregs pa bcom pa des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i yid kyi dregs pa bcom pa de ni bla na med pa yang dag par rdzogs pa'i byang chub kyi zhes bya ba nas tshogs tsam yin no zhes bya ba'i bar gong ma bzhin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sems can gyi don chen po byas pa gang yin pa de nyon cig /rgyal po chen po sngon byung ba byang chub sems dpa' ma nges pa'i phung po la gnas pa ni rgya mtsho'i ru sbal gyi dpon po zhig tu gyur to/ /ji tsam na ded dpon 'khor lnga brgya pa nor tshol ba zhig rgya mtsho'i gru bo che bsgrubs nas rgya mtsho chen por zhugs pa las ji tsam na gru de chu srin nya'i rigs kyis bshig nas tshul ma yin pas sdug bsngal bar gyur to/ /de nas ru sbal des tshong pa lnga brgya rgyab tu bskyon nas rgya mtsho chen po las bsgral to/ /rgyal po chen po de'i tshe de'i dus na rgya mtsho'i ru sbal gyi dpon por gyur pa de gzhan zhig yin snyam na khyod kyis de ltar mi blta ste/ 'on kyang nga nyid de'i tshe de'i dus na rgya mtsho'i ru sbal gyi dpon po der gyur to/ /rgyal po chen po ngas sems can rjes su bzung ba des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang ngas sems can rjes su bzung ba de ni bla na med pa yang dag par rdzogs pa'i byang chub kyi zhes bya ba nas tshogs tsam yin no zhes bya ba'i bar gong ma bzhin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sems can la phan pa byas pa gang yin pa de nyon cig /rgyal po chen po sngon byung ba lus 'phags kyi rgyal po'i blon po lnga brgya byung ba las de na sde can dang / sde bzangs shes bya ba spun gnyis shig blon po'i gtso bo byed pa las sde can gyis sde bzangs la rtag tu glan ka tshol zhing gnod pa bya ba la zhugs so/ /sde bzangs ni de la rtag tu phan par bya ba la zhugs so/ /rgyal po'i blon po dang grong mi rnams kyis kyang sde bzangs kyi ched du sde can dang sdums byas kyang gnas skabs thams cad du gnod pa byed pa las ldog tu ma btub bo/ /de nas lus 'phags kyi rgyal pos mang po zhig spyos nas yul nas bskrad do/ /de bA rA Na sIr song nas rgyal po tshangs sbyin gyis blon po'i gtso bor bcug go/ /de dus gzhan zhig na long bar gyur to zhes nu bo sde bzangs kyis thos nas rgyal po la gsol ba byas te bA rA Na sIr song nas mig phye ba dang / skye bo'i tshogs chen pos sde bzangs 'di lta bu gang gis na mthus phu bo long bar bya ba'i rigs na/ snying rje dang ldan pa 'dis de'i mig phye'o/ /zhes sde bzangs la sems dga' bar gyur to/ /rgyal po chen po de'i tshe de'i dus na blon po'i gtso bo sde bzangs shes bya bar gyur pa de gzhan zhig yin snyam na zhes bya ba nas/ 'on kyang ngas sems can rjes su bzung ba de ni bla na med pa yang dag par rdzogs pa'i byang chub kyi zhes bya ba nas tshogs tsam yin no zhes bya ba'i bar gong ma bzhin du'o/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sems can rjes su gzung ba byas pa gang yin pa de nyon cig /rgyal po chen po sngon byung ba tshong khang zhig na ded dpon gnyis shig gnas pa las de gnyis shing rta lnga brgya dang nyo tshong la dgon pa'i lam zhig tu zhugs pa dang de gnyis 'di snyam du sems te/ bdag cag dgon pa'i nang nas 'dong ba rnams 'di lta ste/ gcig la gcig phan thogs par mngon pa med kyis/ ma la bdag cag gis shing rta pa'i 'dron pa rabs gnyis su bcad la dgon pa'i lam du 'jug par bya'o snyam nas/ de gnyis kyis shing rta pa'i 'dron pa rabs gnyis su bcad nas dgon pa'i lam du zhugs so/ /de la ded dpon gcig ni shing rta pa lnga brgya dang dgon pa'i lam gyi mgo na 'dug go/ / ded dpon gcig shos ni shing rta pa lnga brgya dang dgon pa'i lam du zhugs so/ /ded dpon gyi mi tshong pa'i mdun nas 'gro bas skyes bu nag po mig che la dmar ba bong bu'i shing rtar zhugs pa/ 'khor lo rdzab kyis yog pa/ gos rlan pa skra gsher ba me tog ku mu da'i phreng bas mgo bo bcings pa/ mgo 'dren dang dkyus ma dag dbyangs su len pa mthong ngo / /mthong nas kyang 'di skad ces smras so/ /kye nang rje ci dgon pa'i lam du lhas char phab nas rtswa dang chu sar pa mang du skyes sam kye nang rje bden te/ dgon pa'i lam du lhas char phab nas rtswa dang chu sar pa mang du bskyed kyis/ shes ldan dag rtswa dang chu rnying pas khal rnams dub par ma byas par 'or cig /khyed cag rtswa dang chu sar pa la longs spyod dang bde ba dang legs par dgon pa'i lam ma rtol ba lhag ma yang rtol bar 'gyur ro/ /de nas ded dpon gyi mi 'dron pa gang na ba der song ste phyin pa dang / 'dron pa de dag la 'di skad ces smras so/ /shes ldan dag shes par gyis shig /kho bo tshong pa rnams kyi mdun nas 'gro ba na 'di na skyes bu nag po mig che la dmar ba bong bu'i shing rtar zhugs pa/ 'khor lo rdzab kyis yog pa gos rlan pa/ skra gsher ba me tog ku mu da'i phreng bas mgo bo bcings pa/ mgo 'dren dang dkyus ma dag dbyangs su len pa mthong ngo / /mthong nas kyang 'di skad ces kye nang rje ci dgon pa'i lam du lhas char phab nas rtswa dang chu sar pa mang du skyes sam zhes byas pa dang / de 'di skad ces kye nang rje bden te/ dgon pa'i lam du lhas char phab nas rtswa dang chu sar pa bskyed kyis/ shes ldan dag rtswa dang chu rnying pas khal rnams dub par ma byas par 'or cig /khyed cag rtswa dang chu sar pa la longs spyod dang bde ba dang legs par dgon pa'i lam ma rtol ba lhag ma yang rtol bar 'gyur ro zhes zer gyis/ bdag cag gi khal rnams ma dub par rtswa dang chu bor la bdag cag rtswa dang chu sar pa la longs spyad nas bde ba dang legs par dgon pa'i lam ma rtol ba lhag ma yang rtol bar bya'o zhes de rnams kyis rtsa dang chu rnying pa bor te dgon pa'i lam du zhugs pa las de rnams dong nas zhag gcig lon yang rtswa dang chu sar pa ma rnyed do/ /zhag gnyis dang gsum dang bdun gyi bar du song yang rtswa dang chu sar pa ma rnyed do/ /de nas 'dron pas zhag bdun lon pa dang gnod sbyin mi zan gyis tshul ma yin pas kha btag go/ /de nas ded dpon gcig shos 'di snyam du sems te/ tshong pa dag dong nas deng du zhag bdun lon no snyam du bsams nas dgon pa'i lam der zhugs pa las/ ded dpon gyi mi tshong pa'i mdun nas 'gro bas skyes bu nag po mig che la dmar ba/ bong bu'i shing rtar zhugs pa 'khor lo rdzab kyis yog pa gos rlon pa skra gsher ba/ me tog ku mu da'i phreng bas mgo bo bcings pa/ mgo 'dren dang dkyus ma dag dbyangs su len pa mthong ngo / /mthong nas kyang 'di skad ces smras so/ /kye nang rje ci dgon pa'i lam du lhas char phab nas rtswa dang chu sar pa mang du skyes sam/ kye nang rje bden te dgon pa'i lam du lhas char phab nas rtswa dang chu sar pa mang du bskyed kyis/ shes ldan dag rtswa dang chu rnying pas khal rnams dub par ma bya bar 'or cig /khyed cag rtswa dang chu sar pa la longs spyod dang bde ba dang legs par dgon pa'i lam ma rtol ba lhag ma yang rtol bar 'gyur ro/ /de nas ded dpon gyi mi de 'dron pa gang na ba der song ste phyin pa dang / 'dron pa la 'di skad ces smras so/ /shes ldan dag shes par gyis shig /kho bo tshong pa'i mdun nas 'gro ba na 'dir skyes bu nag po zhes bya ba nas/ mgo 'dren dang dkyus ma dag dbyangs su len pa mthong ngo / /mthong nas kyang zhes bya ba'i bar gong ma bzhin du ste/ 'di skad ces kye nang rje ci dgon pa'i lam du lhas char phab nas rtswa dang chu sar pa mang du skyes sam zhes byas pa dang / de 'di skad ces kye nang rje bden te/ dgon pa'i lam du lhas char phab nas zhes bya ba nas rtol bar 'gyur ro zhes zer zhes bya ba'i bar snga ma bzhin du'o/ /shes ldan dag re shig bdag cag gis ji srid rtswa dang chu sar pa ma rnyed kyi bar du rtswa dang chu rnying pa mi dor ro/ /de rnams dong nas zhag gcig lon na yang rtswa dang chu sar pa ma rnyed do/ /zhag gnyis dang / gsum dang / bdun gyi bar du song yang rtswa dang chu sar pa ma rnyed pa las/ ded dpon gyi mis mdun na 'dron pa gnod sbyin mi zan gyis tshul ma yin pas kha btag pa mthong ngo / /mthong nas kyang 'di skad ces kye ma'o ded dpon gyi mi ni bus pa ste/ des 'dron pa tshul ma yin pas kha btag gis med do zhes smras so/ / de ni bde ba dang legs par dgon pa'i lam rtol bar gyur te/ de'i tshe de'i dus kyi ded dpon phyi ma shos gang yin pa de ni nga nyid yin no/ /rgyal po chen po ngas sems can rjes su bzung ba des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang ngas sems can rjes su bzung ba ni bla na med pa yang dag par rdzogs pa'i byang chub kyi zhes bya ba nas tshogs tsam yin no/ /zhes bya ba'i bar gong ma bzhin du'o// // sdom la/ mche ba drug dang ri bong dang / /pha dang ma dang chu skyes dag /tshal tshig glang po klu dang ni/ /yul 'khor skyong la sogs pa'o/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sems can rnams la byams pa'i sems bskyed pa gang yin pa de nyon cig /rgyal po chen po sngon byung ba nags tshang tshing ri dang 'bab chu mang pos gang ba/ rtswa sngon po dang gel ba dang shing sA la dang ba la shas mdzes par byas pa'i phyogs shig na byang chub sems dpa' ma nges pa'i phung po la gnas pa na glang po che'i rgyal po mche ba drug pa zhig tu gyur to/ /de'i chung ma bal glang mo bzang mo zhes bya ba bal glang mo thams cad kyi nang na mchog tu byung ba de dang de lhan cig khyu las gar te phyogs gzhan zhig tu dga' mgur rgyu zhing gnas pa na/ ji tsam na bal glang mo mchog mchog tu yid 'phrog ma gzhan zhig yid la 'ang mi bsam pa las glang po che'i rgyal po mche ba drug pa'i drung du phyin to/ /de nas de yang mkhas pa'i yon tan dang ldan pa zhig pas glang po che de ji ltar de la chags pa'i sems dang 'brel bas de 'gro na yang phyi bzhin 'brang / 'dug na yang 'dug par 'gyur ba de lta de lta bur bsnyen bkur byas so/ /de nas bal glang mo bzang mo phrag dog gi skyon gyis mi bzod pa skyes nas bal glang mo de la yang klan ka tshol bar gyur/ glang po che mche ba drug pa la yang shin tu tshig pa za'o/ /gnas skabs thams cad du nam yang glags ma rnyed pa de'i tshe smon lam log par gdab par brtsams pa/ gang du glang po che byas pa chud gzon pa 'di'i srog gcod par 'gyur ba der skye bar gyur cig ces smon lam btab nas des ri kha nas bdag nyid mchongs te shi ba las lus 'phags kyi rgyal po'i btsun mo dam pa'i mngal du skyes nas zla ba dgu 'das nas bu mo zhig btsas te bskyed bsrings nas chen mor gyur to/ /gang gi tshe bag mar gtang ran pa de'i tshe yul ka shi'i rgyal po tshangs sbyin la byin te/ des btsun mo dam par byas so/ /des tshe rabs snga ma'i sha khon yod pas bya ra ba rnams kyis glang po che mche ba drug pa bya ras sod par byed du bcug ste/ de nas des rgyal po tshangs sbyin la smras pa/ lho phyogs che ge mo zhig na glang po che mche ba drug pa mchis shes mchi na de'i mche ba bdag la 'tshal ba zhig mchis kyi lhas grong mi rnams la bka' stsal du gsol/ de nas rgyal pos yul thams cad na gnas pa'i rngon pa rnams bkug ste bsgo ba/ shes ldan dag deng la phyogs che ge mo zhig na glang po che mche ba drug pa zhig 'dug pa de'i mche ba dgos kyis myur du khyer te shog shig /lha bka' bzhin du 'tshal zhes rngon pa de rnams kyis rgyal po tshangs sbyin las mnyan to/ /de nas rngon pa de rnams kyi sde dpon gang yin pa des rngon pa de rnams la smras pa/ shes ldan dag rang rang gi las la 'bod cing 'dug shig dang / kho bo kho na 'gro'o zhes des gtor ma'i cho ga byas go bgos mda' dug can lag na thogs bzhu bdungs te glang po che tshol zhing song ba las phyogs der phyin pa dang / des de khyu las gar te chung ma dang lhan cig dga' mgur rgyu zhing bag brkyang ste 'dug pa mthong ngo smras pa/ ut+pal pad mo mod pa'i chu ldan yul phyogs su/ /glang chen dam pa me tog kun da zla ba dang / / ba yi 'o ma dang ni ba mo'i mdog can de/ /gangs ri brtsegs pa 'gro ba lta bur de yis mthong / /glang chen mchog gi dbang po zla ba 'dra ba de'i/ /mche ba drug po zla ba'i 'od zer ltar spa ba/ /pad ma dkar po'i phung chen gyen du 'phags pa la/ / pad ma'i rtsa lag dri med sdug cig rten ko rta/ /de nas rngon pa de lus la gos ngur smrig bgos/ mda' gzhu mchan du bcug nas 'khri zhing tshang tshing gi nang nas 'jab cing gom pa brtan te dal bus nye bar song ba dang / de nas bal glang mo des rgyang ring po kho na nas mthong nas des khyim thab de la smras pa/ lha tshur spyon mi zhig mchi yis gzhan du bzhud do des smras pa/ mi ci 'dra ba zhig des smras pa/ gos ngur smrig can zhig go/ /byang chub sems dpa'as smras pa/ gal te de lta yin te ci te de la ngur smrig yod na bag ma tsha zhig /ngur smrig las ni mi dge ba mi 'byung ngo / /de ci'i phyir zhe na/ 'di ni snying rje'i bdag nyid byams pa'i yid ldan pa/ /gzhan gsod dga' ba spangs pa rnams kyi rgyal mtshan te/ /zla bas sim pa 'ba' zhig byed kyi gdung min ltar/ /'di las 'jigs pa mi 'byung 'di las zhi ba 'thob/ /de nas bal glang mo de dang byang chub sems dpa' de yang bag tsha ba med par rgyu bar brtsams pa las/ de nas rngon pa des tshang tshing gi nang du zhugs nas mda' dug can gyis gnad du bsnun to/ /de nas bal glang mo des byang chub sems dpa' la smras pa/ lha ci da chos gos can las bsnyengs pa byung ngam ma byung / byang chub sems dpas smras pa/ snying gi gdug pa ma byed ma byed cig /nyes 'di thub pa'i na bza' 'di'i min gyi/ /nyes 'di nyon mongs dbang du song ba'i/ /sems ldan snying rje rnam par spangs pa yin/ /skye bo ma rmongs sems can rtog pa can/ /su yis gser gyis g.yogs pa'i lcags la ni/ /mi rnams slu bar byed ces bsams nas su/ /gser de lcags dang 'dra ba nyid du lta/ /'di yi mda' dang gzhu dang yid gdug pa/ /gang yin de ni gdug pa nyid du shes/ /ngur smrig mchog tu zhi ba 'di yang ni/ /rtag tu zhi ba nyid du blo yis rtogs/ /de nas bal glang mo de mi bzod pa skyes nas khyim thab la smras pa/ bdag ni tshig 'di dag gis bde bar bskrun pa khyod gsod pa btang snyoms su bgyid rngo mi thog pas bdag gis 'di'i yan lag dang nying lag rnams sprug g.yeng dbug gsher gzhom par bgyi'o/ /de nas byang chub sems dpas 'dzum phyung nas smras pa/ e ma'o nyon mongs pa'i 'byung po gso ba'i byang chub sems dpa'i chung ma'i mngon par zhen pa rung ba ma yin no/ /ci 'di yang mi shes sam 'byung po'i gdon gyis thebs pa sems rmongs pa/ /nad med pa des sman pa mi bkur te/ /de la sman pa gnod par mi byed kyi/ /'byung po de nyid zil gyis mnan nas 'joms/ /de bzhin nyon mongs gdon gyis thebs pa'i/ /skye bo sems rmongs 'di ni sdig rab byed/ /de la bdag shes nyon mongs gnod byed kyi/ / nyon mongs pa yis pham byas rnams la min/ /lhan cig spyod ma bdag gis byang chub thob nas srid gsum 'di/ /grags pas kun bkang nyon mongs g.yon can dran 'dul brtan pa dang / dang po 'joms byed phyer klag bcad dang gtag cing bskam pa dang / /rab tu bskam pas ring por mi thogs shin du tshar gcod bya/ /de nas byang chub sems dpa'i tshig rnams kyis bal glang mo de snying rtsa bri bar byas pas cang mi smra bar 'dug go/ /de nas glang po che'i tshogs de byang chub sems dpa'i drung du 'ong ba dang / byang chub sems dpas bsams pa glang po che 'di dag gis 'di nyid du rngon pa 'di la gnod pa bskyed na mi rung ngo snyam mo/ /'di ni chos nyid yin te bcom ldan 'das byang chub sems dpa' rnams ni lus kyis log par ltung bar 'gyur gyi sems kyis ni ma yin pas de rngon pa de'i mdun du song nas mi'i skad kyis ma 'jigs shig ces smras te dbugs phyung nas brang 'og du sbas te 'dug go/ /glang po che de rnams kyang snyad gcig btags nas phyogs de nas gzhan du btang ngo / /glang po che rnams dong ba dang des rngon pa la smras pa/ kye nang rje shes par gyis shig /glang po che rnams dong gis da ni rang gi dgos pa byos shig /rngon pas bsams pa/ bdag 'dra ba'i mi ni tha shal yin te/ bdag la dud 'gro'i skye gnas su song ba 'dis kyang yon tan 'di lta bu dag gis dad pa bskyed do snyam nas des skad phyung ste ngus pa dang / de nas byang chub sems dpas smras pa/ kye nang rje ci'i phyir du rngon pas smras pa brgyab bo/ /byang chub sems dpa' mi dga' nas bsams pa/ ma la bdag gis 'di skyabs byas pa'i tshe gnod par gyur pa 'am/ bal glang mo 'dis bdag gsod pa la mi bzod pa skyes pas 'di la mi dga' ba cung zad cig byas par ma gyur tam snyam nas rngon pa de la smras pa/ kye nang rje khyod su zhig gis brgyab/ de nas rngon pa de mig mchi ma'i dba' rlabs kyis gang bzhin du smras pa/ glang chen dbang po khyod kyi ni/ /lus la bdag gi mda' yis brgyab/ /khyod kyi yon tan tshogs kyi mdas/ /bdag gi sems la brgyab par gyur/ /dug can mda' yis phog pa yi/ / lus rnams skye bar 'gyur ba ste/ /yon tan gyi ni mdas phog pa'i/ /mi mkhas rnams ni skye mi 'gyur/ /gshed ma la yang snying rje ba/ /'di 'dra gang la yod gyur pa/ /yon tan rgya mtsho khyod kyi ni/ /yon tan deng brjod su yis nus/ /mdor na bdag ni mi snyam pa'i/ /blo yang bdag la mi 'byung gi/ /bdag lus yon tan gyis stong pa/ /'di la tshig pa za ba skyes/ /mi yi sha tshugs ldan yang bdag /dud 'gro'i skye gnas song ba yin/ /glang chen mchog khyod dud 'gro'i/ /skye gnas sha tshugs 'chang yang mi/ /sha tshugs tsam gyis dud 'gro 'am/ /mir yang brtsi ba ma yin gyi/ /gang la yon tan nyer dmigs pa/ /de ni mi zhes bya bar dran/ /byang chub sems dpas smras pa/ yon tan gyis bstod par byed pa'i tshig gis gtam gyi bar chad byed pa thong la don ci zhig gi phyir khyod kyis nga la mdas bsnun pa myur du smros shig /des smras pa/ rgyal po'i nan tur gyis bdag gis bya ba ma yin pa 'di byas te/ khyod las dgos pa zhig yod do/ /byang chub sems dpas smras pa/ gal te de lta na dal bus thong la/ lag pa gnyis ni myur rkyong la/ /ci 'dod pa ni blang bar gyis/ /byang chub sems dpa' rnams la ni/ /mi gtong cung zad med pas long / /bdag gi sha 'di bcad nas khyer ba 'am/ /mche ba rnams kyang 'dod par byed la rag / 'di ni gzhan la brtse ba'i phyir bskyed pas/ /lus 'di la ni ji ltar dga' bar gyis/ /mya ngan 'das pa'i grong khyer 'jug nus kyang / /'khor ba bgrod dka' bdag ni zhugs pa gang / /thams cad mkhyen pa nyid kyi gzhir gyur pa/ / gzhan la brtse ba de yi rgyu yin no/ /de nas rngon pa de ngo tsha ba skyes kyang rgyal po'i nan tur la bsams nas smras pa/ khyod kyi mche ba rnams dgos lags so/ /byang chub sems dpas smras pa/ dal gyis phyung la khyer cig des smras pa/ khyod nyid kyis thugs bag mdzod cig /bdag ni khyod kyi mche ba 'byin mi phod do/ /de ci'i phyir zhe na/ gal te snying rje'i bdag nyid can/ /khyod kyi mche ba rnams phyung na/ /byams pa'i me yis nges bsregs nas/ /bdag gi lag gnyis mi ltung ngam/ /byang chub sems dpas smras pa/ gal te de lta na nga nyid kyis phyung la sbyin no zhes de nas des mche ba rtsa ba shin tu ring du zug pa dag phyung ba dang bdag nyid chen po de las khrag byung ste/ de mthong nas gzhan dag gi dper byas pa/ mche ba bton pa las byung khrag gis mthong ka kun nas gshos pa de/ /me tog ku mu da bkram mdog lta bu yi lus de dpal ldan rnam par mdzes/ /ri steng kha bas khebs pa'i ri bo 'od zer mdzes dang ldan gyur pa'i/ /rtse mo tshon rtsi btsag gis kha bsgyur chu yis gsab gseb gtor ba bzhin/ /de nas byang chub sems dpa' bdag nyid spro ba sring ba'i phyir smras pa/ snying khyod da ni brtan par gnos shig rmongs su ci zhig yod/ /phongs par gyur dang mgon med 'jig rten la yang blta bar gyis/ /khyod ni skye bo 'chi ba'i dbang du song ba rnams kyi mgon/ /de ltas 'dir ni de ring zhum par bya ba'i cha ma yin/ /bar skabs der nam mkha'i ngos kyang ya mtshan gyis yi rangs pa'i lha rnams kyis gang ya mtshan rnam pa sna tshogs kyang byung ngo / /de nas lha zhig gis byang chub sems dpa'i las shin tu dka' ba spyod pa de mthong nas smras pa/ grogs po bdag nyid chen po'i gnas gang yin pa 'di ni ya mtshan che ste/ mche ba rnams ni phyung ba yi/ /tshor bas nyam thag gyur kyang de/ /lhag pa'i bsam dang ldan pa'i sems/ /byang chub las kyang mi ldog go/ /de nas lha gzhan zhig gis de la smras pa/ mche ba phyung ba las byung ba'i/ /sdug bsngal rang gis myong yang de'i/ /snying rje dmyal ba la gnas pa'i/ /sems can rnams la mngon 'phel ba/ /gang yin pa de'i sems byang chub las ldog par ga la 'gyur/ de nas byang chub sems dpas mche ba de dag phyung nas rang nyid thogs te cang mi smra bar 'dug go/ /de nas rngon pa mi dga' ba skyes te/ ci 'dis rang gi mche ba de dag bzung nas sbyin par gtong mi 'dod dam snyam mo/ /de nas byang chub sems dpas de'i bsam pa shes nas me tog kun da lta bu'i sna mngon du brkyang nas grogs po bag ma tsha zhig ces smras te/ ku mu da dang zla ba dang / / pad ma'i rtsa 'dra mche ba'i mchog /drug po 'di dag khyod sbyin zhes/ /bdag gis bzung gis bde bar 'dug /skad cig tsam zhig sdod cig dang / /len pa po dang nye bar ni/ /de yi bar du sdug bsngal gyis/ /gdungs pa'i yid rab dang bar bya/ / gal te khyod ni ci ste bdag brtags nas/ /khyod kyis sems ni rab tu dang bar bya/ /bdag ni gsod 'khu g.yon can ngo tsha med/ /de la go bar gyis shig snyam sems na/ /khyod kyis nyes spyad gdug dang gzhu gdug pa/ /de dang mda' rnon khyad du bsad nas ni/ /ngur smrig 'phags pa'i rgyal mtshan gyur pa de/ /mthong nas yid ni rab tu dang bar bya/ /sbyin pa kha cig len pa las 'dag ste/ /de bzhin gzhan ni sbyin pa po las 'dag /de'i phyir ni 'dir ni rang sems las/ / yon gyi dag pa yang dag bskyed par 'bad/ /de nas byang chub sems dpas 'di ni 'dod chags dang bral ba'i rgyal mtshan yin no snyam nas ngur smrig de nyid la rtog cing sems rab tu dang bar byas te/ mche ba de rnams rang gi lag nas byin nas smras pa/ dug can mda' yis phog nas bdag gi snying la ni/ /mi dga' cung zad ma gyur bden pa gang yin pa'i/ /bden pa de yis yang dag byang chub mchog thob nas/ /'gro ba nyam thag sdug bsngal dag las yongs thar bya/ /rgyal po chen po ji snyam du sems/ de'i tshe de'i dus na glang po che'i rgyal po mche ba drug par gyur pa de gzhan zhig yin snyam na khyod kyis de ltar mi blta ste/ 'on kyang nga nyid de'i tshe de'i dus na glang po che'i rgyal po mche ba drug pa zhes bya bar gyur te/ rgyal po chen po de na ngas byams pa'i sems nye bar bsgrubs pa dang / bya dka' ba'i sbyin pa yongs su btang bas bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i byams pa'i sems dang gtang dka' ba'i sbyin pa ni bla na med pa yang dag par rdzogs pa'i byang chub kyi rgyu tsam dang rkyen tsam dang tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir ri bong du gyur pa na drang srong la bdag nyid kyi sha byin pa gang yin pa de nyon cig /rgyal po chen po sngon byung ba 'das pa na ri khrod chu mig dang / me tog dang / 'bras bu dang / rtsa ba phun sum tshogs pa zhig na drang srong dka' thub drag po can 'bras bu dang rtsa ba dang chu spyod pa/ g.yang gzhi dang shing shun gyon pa/ me'i sbyin sreg byed pa zhig gnas so/ /drang srong de'i grogs po ri bong mi'i skad du smra ba zhig yod de/ de nyin par drang srong gi drung du song nas son pa dang phyag byas te gtam rnam pa sna tshogs kyis yang dag par mgu bar byed pas de gnyis pha dang bu kho na bzhin du sdug pas gnas par gyur to/ /ji tsam dus 'das pa dang than chen byung ste/ des 'bab chu dang klung rnams chu chung bar gyur cing shing rnams me tog dang 'bras bur mi ldan par gyur to/ /de nas drang srong de bsti gnas de na kha zas dang bral bas lhag par dga' bar ma gyur nas/ des g.yang gzhi dang shing shun rnams bsdu bar brtsams so/ /de nas ri bong gis de de lta bu la zhugs pa mthong nas dris pa/ drang srong chen po gang du bzhud/ drang srong gis smras pa/ grong 'dab tu song la der bcos pa'i bsod snyoms kyis 'tsho bar bya'o/ /de nas des drang srong gi tshig thos nas gdung ba skyes te pha ma dang bral ba 'dra bar sems shing rkang pa gnyis la gtugs nas drang srong de la smras pa/ bdag ma dor cig /gzhan yang khyim na gnas pa ni nyes pa du mas dkrugs pa lags la/ dgon pa na gnas pa ni yon tan du ma phun sum tshogs pa lags so/ /des lan du ma smras na yang ldog tu ma btub nas de nas ri bong gis smras pa/ gal te des na 'on kyang khyod re shig deng la gzhes la ji ltar dgyes pa bzhin du sang bzhud cig /de nas drang srong de 'di snyam du sems te/ 'dis de ring nges par bdag kha zas la mgron du 'bod par 'dod de/ 'di ltar dud 'gro'i skye gnas su song ba'i srog chags 'di dag ni sogs pa la brtson pa yin no snyam nas des de la khas blangs so/ /de nas me'i spyad pa byas nas kha zas kyi dus la bab pa dang ri bong song nas/ drang srong de la bskor ba byas te bzod pa gsol bar brtsams pa/ drang srong chen po bdag dud 'gro'i skye gnas su skyes pas blang ba dang dor ba ma 'tshal nas khyod la nongs pa cung zad ci bgyis pa bdag la bzod par mdzod cig ces smras nas de ma thag tu me'i nang du mchongs so/ /de nas drang srong de mi dga' ba skyes te ngom zum gnag la mchi ma zag cing bu sdug pa gcig pu la bya ba bzhin du 'khyud nas smras pa/ bu 'di ci zhig byed par brtsams/ ri bong gis smras pa/ drang srong chen po dgon par dgyes par mdzod la bdag gi shas nyin zhag gcig gi 'tsho ba mdzod cig /gzhan yang nags su skyes pa'i ri bong la ni til dag dang / /mon sran sde'u dang 'bras thug chen po ci ma mchis/ /bdag gi lus ni zhugs su legs par bsgral ba 'di/ /'di ru gsol la deng la dka' thub nags su bzhugs par mdzod/ /de nas drang srong des ri bong gi tshig thos nas mi dga' ba skyes te smras pa/ gal te de lta na khyod dga' ba ltar ci byung ba byung 'di nyid du srog dor bar bya ste grong gi mthar mi 'gro'o/ /ri bong gis tshig de thos nas yid dga' bar gyur te mgo bstod nas nam mkha'i ngos logs su bltas te gsol ba 'debs par zhugs shing smras pa/ dgon pa la ni gnas bcas te/ / bdag nyid dben pa la dga' na/ /bden pa'i tshig ni de yis su/ /dbang chen lha yis char phob shig /ces smras pa'i mod la byang chub sems dpa'i mthus dbang po chen po'i gnas g.yos par gyur to/ /lha rnams kyi shes pa mthong ba ni 'og tu 'jug pa yin pas ci las gyur bltas na byang chub sems dpa'i mthu yin nas/ ji tsam na lha rnams kyi dbang po brgya byin gyis dbang phyug chen po'i char phab ste/ des bsti gnas de slar rtswa dang / shing gel ba dang sman dang me tog dang 'bras bu phun sum tshogs par gyur to/ /de nas drang srong des dge ba'i bshes gnyen ri bong la brten nas de na gnas te mngon par shes pa lnga mngon sum du byas so/ /de nas drang srong gis smras pa/ kye ri bong bya dka' ba'i brtson 'grus 'di dang / snying rje 'di lta bus ci zhig don du gnyer/ des smras pa/ 'jig rten long ba 'dren pa med pa yongs su 'dren pa med par sems can ma rgal ba rnams sgrol ba dang ma grol ba rnams dgrol ba dang dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zla ba'i sangs rgyas su 'gyur bar bya'o/ /de nas drang srong des tshig 'di thos nas ri bong la smras pa/ gang gi tshe khyed sangs rgyas su gyur pa de'i tshe bdag la yang dgongs shig /ri bong gis smras pa de bzhin du bgyi'o/ / bcom ldan 'das kyis bka' stsal pa/ rgyal po chen po ji snyam du sems/ de'i tshe de'i dus na ri bong du gyur pa gang yin pa de ni nga nyid de'i tshe de'i dus na ri bong der gyur te/ rgyal po chen po de na ngas bya dka' ba bdag nyid yongs su btang bas bla na med pa yang dag par rdzogs pa'i byang chub thob bo snyam na de ltar mi blta ste/ 'on kyang nga'i de ni bla na med pa yang dag par rdzogs pa'i byang chub kyi rgyu tsam dang rkyen tsam dang tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir pha dang ma long ba phrag pas khyer ba gang yin pa de nyon cig /rgyal po chen po sngon byung ba 'das pa'i dus na bA rA Na sI'i grong khyer du rgyal po tshangs sbyin zhes bya ba rgyal srid byed de 'byor pa dang rgyas pa dang bde ba dang lo legs pa skye bo dang / mi mang pos gang ba 'thab pa dang / thab mo dang / khrag khrug dang / 'gyed pa dang / chom rkun med cing nad rab tu zhi bar gyur pa/ 'bras dang / bu ram shing dang / ba lang dang / ma he phun sum tshogs pa la chos kyi rgyal po chos dang ldan pa chos bzhin gyis rgyal srid byed do/ /de'i mdun na 'don gyi bram ze de'i bu ljang gu zhes bya ba rig pa'i gnas bcwa brgyad kyi pha rol du phyin pa/ dad pa bzang ba/ dge ba'i bsam pa can/ bdag la phan pa dang gzhan la phan par zhugs pa/ snying rje can/ pha dang ma la sri zhu byed pa yod de bu ni gcig pu der zad la pha dang ma de dag kyang rgas nas mig nyams te mdongs la thug pa dang / de nas de'i pha mas rgyal po tshangs sbyin la gsol pa/ rgyal po chen po gzhon nu ljang gu 'di mdun na 'don du dbang bskur du gsol/ bdag cag dka' thub kyi nags su mchi lags so/ /de nas rgyal po tshangs sbyin gyis ljang gu khyod mdun na 'don gyis shig des smras pa/ rgyal po chen po bdag mdun na 'don pa mi 'tshal te/ bdag ni rgas pa/ nyam chung ba/ dbang po nyams pa rnams kyi rim gro 'tshal ba lags so/ /de nas ljang gus khyim na gnas pa dang / mdun na 'don mchil ma'i thal ba bzhin du spangs nas pha ma'i grogs su nags na gnas so/ /de nang par sngar langs nas pha dang ma gnyis la so shing dang chu gtsang mas bsnyen bkur byed do/ /de nas de'i 'og tu lha la me'i sbyin sreg gi mchod sbyin byas nas phyis 'bras bu dang rtsa ba'i phyir nags khrod du 'jug go/ de nas 'bras bu dang / rtsa ba dang / chu bsil ba khyer te pha ma la byin nas de'i 'og tu phyogs gcig tu song nas bsam gtan la brtson par gnas te rim pa de lta bus dus 'da' bar byed do/ /ji tsam nyi ma gzhan zhig la nang par sngar langs te pha dang ma'i rkang pa gnyis la phyag byas nas gsol te rmi lam du yang mthong ba rig par byed cing smras pa/ bdag gi g.yar lam sbrul nag pos/ /bdag lus shin tu zos pa dang / /bdag ni zhags pa nag po yis/ /bcings nas lho phyogs khrid pa rmis/ /g.yar lam 'jigs byed mthong bdag gi/ snying la dogs pa deng bdag la/ /bla ma dang bral shin tu ni/ /mi bzad 'byung bar 'gyur snyam bgyid/ /ji tsam na pha ma de gnyis kyi dbugs phyung nas nyi ma la kha bltas te 'dug nas bden pas gsol ba btab ste ril ba khyer nas chu len du song ngo / /de'i tshe rgyal po tshangs sbyin ri dgas 'chor du chas te dka' thub kyi nags der zhugs pa dang / rgyal po de sgra grags par phog pa zhig ste/ des ri dgas kyi sgra lta bu zhig thos nas gzhu rna drung du bkang ste mda' 'phangs pas ljang gu'i snying gar phog par gyur to/ /de nas mdas gnad du phog pas sa la 'gyel kyang de rang gi sdug bsngal khyad du bsad nas pha ma kho na'i mya ngan byed cing smras pa/ mda' gcig bsnun pas bdag dang ni/ /dbang po nyams par gyur pa yi/ /pha dang de bzhin ma dag dang / /bdag cag skye bo gsum bsad do/ /de nas rgyal pos de thos nas 'ongs te dris pa/ ci ste nga'i mda' gcig bsnun pas skye bo gsum bsad/ de nas ljang gu snying rje rje skad du ngus nas rgyal po la smras pa/ bdag pas ches ni nyam chung ba'i/ /pha ma yang ni ldongs par gyur/ /bdag kyang mda' yis bsnun pas na/ /skye bo gsum ni 'chi bar 'gyur/ /de nas rgyal po 'jigs shing skrag la sngangs nas ljang gu la 'di skad ces smras so/ /bram ze'i khye'u ngas nyes pa byas te ma shes nas mda' 'phangs kyis nga la dmod pa 'dor du mi gzhug par pha ma la gsol ba bya ba'i rigs so/ /de nas ljang gus gus pa dang bcas pas rgyal po dbugs 'byin par byed de/ rgyal po chen po bdag dang nye bar mchis pa rnams la dbang zhig mchis na snying rje can dang / skye bo la byams pa dang / 'jig rten pha rol la lta ba lags pas dmod pas ma bsnyengs shig /yang smras pa/ bdag gi bla ma gang na bar/ /ril ba 'di ni snoms mdzod cig /de dag gi ni rkang bkru ba/ /tha ma 'di ni lags par 'gyur/ /bdag gi tshig gis rkang pa la phyag mdzod la 'di skad ring por mi thogs par mthar ni gdon mi za bar 'bral bar 'gyur ro zhes kyang gsungs shig /de nas rgyal po rang kho nas ril ba khyer te nags khrod du chas pa dang / de'i tshe phyogs bzhir mi ma yin pa che thang du 'khrugs par gyur to/ /de nas long ba de gnyis gcig la gcig smras pa/ ljang gu 'di ni mtsho'i 'gram du ring mo zhig lon no/ /de nas de'i mas smras pa/ da ltar kho mo'i ljang gu de/ /pad ma ut+pal gang ba'i mtsho/ /ngang pa sgra snyan 'byin pa na/ /ri dgas lhan cig rtse bar byed/ /de nas rgyal pos drung du phyin pa dang / de'i rting sgra las drang srong de dag gis smras pa/ snying du sdug cing mthong dga' ba/ /ljang gu ci ste nang du 'jug /pha ma nyam chung bkres pa yis/ /nyam thag pa la ci zhig gtse/ /de yid mi dga' nas snying rje rje skad du smras pa/ kho bo ni ljang gu ma yin gyi kho bo rgyal po tshangs sbyin no/ /byon pa legs tshur khyod bde 'am/ /gdan 'di la ni bzhugs shig dang / /ljang gu chab dang 'bras bu dag /thogs nas de'u re 'dir mchi'o/ /mi dbang ljang gu zhes bgyi ba/ /yon tan rnams ldan rang bzhin byams/ /de yi byams pa'i stobs kyis 'dir/ /ri dgas dang ni bya rnams gnas/ /de nas rgyal pos drang srong gi rkang pa gnyis la gtugs nas mchi ma zag cing skad 'dar 'dar por smras pa/ ljang gu ni nags tshal 'di'i nang du snying la mdas phog ste srog gi lhag ma cung zad cig lus shing 'dug go/ /ril ba chus bkang ba 'di ni des bskur te/ 'dis khyed gnyis kyi rkang pa'i khrus tha ma mdzod cig /de gnyis kyis thos nas brgyal te sa'i steng du 'gyel to/ /de nas rgyal po tshangs sbyin gyis chus gtor nas bslang ba dang / de gnyis snying rje rje skad du smre sngags 'don pa/ rgyal po chen po de gum pas bdag cag kyang 'gum du bas so/ /de lta mod kyi de phyogs gang na mchis pa der bdag cag khrid cig dang ci nas bu de ma gum pa la reg par bgyi'o/ /de nas rgyal pos khyo shug gnyis ka khrid de phyogs der phyin pa dang / de yang srog gi lhag ma chung zhig lus nas de nas de'i pha mas ljang gu'i lus la kun du byugs nas smras pa/ sdug pa 'di ni su yis bsgyel/ /ljon shing dam pa su yis bcad/ /de nas rgyal pos rkang pa gnyis la gtugs nas smras pa/ kho bos sdig pa'i las kyis su/ /nags tshal nang nas rgyu ba na/ /khyed cag gi ni bu gcig pa/ /'di ni mda' yis bsnun par gyur/ /de nas de'i pha ma dag snying rje rje skad du smre zhing bden pas gsol ba byed pa/ bu khyod kyis ni pha ma la/ /bsnyen bkur lha la me yi ni/ / sbyin sreg byas pa'i bden pa gang / /des ni dug kyang zhi bar shog /de nas lha rnams kyi dbang po brgya byin gyi gnas g.yos par gyur nas des g.yos pa 'di ci las gyur ces brtags na/ bskal pa bzang po'i byang chub sems dpa' gnad du mdas phog ste dug gis grangs pas sdug bsngal bar gyur pa mthong ngo / /de nas gnas nas babs nas bdud rtsis btab ste pha ma'i bden pa'i tshig gang yin pa dang / lha rnams kyi dbang po'i mthu gang yin pa dang zug rngu phyung ba gang yin pa des rma yang rub dug gi shugs de yang zhi nas ljang gu sdug bsngal de las yongs su thar nas yun ring por pha dang ma gnyis la bsnyen bkur byas so/ /bcom ldan 'das kyis bka' stsal pa/ rgyal po chen po ji snyam du sems/ de'i tshe de'i dus na ljang gu zhes bya bar gyur pa gang yin pa de nga nyid yin te/ rgyal po chen po ngas pha ma gnyis la bsnyen bkur byas pa des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no// //'dul ba gzhi/ bam po bzhi bcu rtsa dgu pa/ rgyal po chen po gzhan yang ngas sems can la phan pa byas pa de nyon cig /'jig rten chos kyi 'du shes kyis pha ma dag smyung ba la 'jog par byed/ mer 'jug pa dang / chur 'jug par byed pa dam pa ma yin pa'i chos de ngas thams cad kyi thams cad du bcad do/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir nyan thos du ma mngon par shes pa lnga la bkod pa gang yin pa de nyon cig /rgyal po chen po sngon byung ba 'das pa'i dus na bA rA Na sI'i grong khyer du rgyal po tshangs sbyin zhes bya ba rgyal srid byed de/ 'byor pa dang / rgyas pa dang / bde ba dang / lo legs pa/ skye bo dang / mi mang pos gang ba/ 'thab pa dang / thab mo dang / khrag khrug dang / 'gyed pa dang / chom rkun med cing nad rab tu zhi ba/ 'bras dang / bu ram shing gi phreng dang / ba lang dang / ma he phun sum tshogs pa na bu gcig pa la bya ba bzhin du rgyal srid byed du 'jug go/ /rgyal po tshangs sbyin de'i chung ma ni tshangs ldan ma zhes bya'o/ /rdzing ni tshangs ldan zhes bya'o/ /rgyal po tshangs sbyin bu med cing bu mngon par 'dod pas zhi ba dang / chu lha dang / lus ngan dang / brgya byin dang / tshangs pa la sogs pa lha'i khyad par la gsol ba 'debs shing / 'di lta ste kun dga' ra ba'i lha dag dang / tshal gyi lha dag dang / bzhi mdo'i lha dag dang / sum mdo'i lha dag dang / gtor ma len pa'i lha dag dang / lhan cig skyes pa dang / chos 'thun pa dang / rtag tu rjes su 'brang ba'i lha dag la yang gsol ba 'debs so/ /'jig rten na gang dag gsol ba 'debs pa'i rgyu las bu pho dang bu mo dag skye'o zhes bya ba'i gtam de lta bu yod do/ /de ni de ltar ma yin te/ gal te de ltar 'gyur du zin na re re la yang 'di lta ste dper na 'khor los sgyur ba'i rgyal po bzhin du bu stong yod par 'gyur ro/ /'on kyang gnas gsum po dag mngon du gyur pa las ma'i mngal du bu 'chags par 'gyur te/ gsum po de dag gang zhe na/ pha dang ma gnyis chags par gyur cing 'dus pa dang / ma yang rung zhing zla mtshan dang ldan pa dang / dri za nye bar gnas pa ste/ gnas gsum po de dag mngon du gyur pa las bu pho dang bu mo dag skye bar 'gyur ro/ /de de ltar gsol ba 'debs pa lhur len cing 'dug pa na/ bla na med pa yang dag par rdzogs pa'i byang chub tu smon lam btab pa/ dam bcas pa la brtan pa'i sems can zhig sems can dmyal ba nas shi 'phos te btsun mo tshangs ldan ma'i mngal du zhugs so/ /bud med mkhas pa'i rang bzhin can la la la ma 'dres pa'i chos lnga yod de/ lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs pa shes pa dang / gang las mngal na gnas pa zhugs pa de shes pa dang / khye'u shes shing bu mo shes pa ste/ gal te khye'u yin na dku g.yas par rten cing 'dug la/ gal te bu mo yin na dku g.yon par rten cing 'dug pa'o de yid dga' zhing yid dga' nas khyim thab la smras pa/ rje'i sras bdag la sems can zhugs par gyur pa ni 'di ltar bdag gi dku g.yas par rten cing mchis pas nges par khye'ur 'gyur gyis dgyes pa bskyed du gsol/ de yang yid dga' zhing yid dga' nas kho bo yun ring po nas mngon par 'dod pa'i bu'i ngo mthong ba dang / kho bo dang 'thun par skye zhing mi mthun par mi skye ba dang / kho bo'i bya ba dag byed pa dang / gsos pas phyir gso ba dang / bgo skal la spyod pa dang / kho bo'i rigs rgyud yun ring du gnas par sgrub pa dang / bdag cag shi zhing dus la bab pa dag la nyung ngu 'am mang po yang rung ba'i sbyin pa dag byin zhing bsod nams dag byas nas 'di de gnyis gang du skyes pa der 'gro zhing rjes su 'gro bar gyur cig ces ming gis yon sngo ba byed par gyur cig ces ched du rjod par byed do/ /de la sems can zhugs par rig nas 'di lta ste mngal na gnas pa yongs su smin par bya ba'i phyir steng gi khang bzangs kyi gzhir grang ba na grang ba'i yo byad dag dang / dro ba na dro ba'i yo byad dag dang / sman pas bcas pa'i kha zas ha cang mi grang ba dang / ha cang mi dro ba dang / ha cang mi kha ba dang / ha cang mi skyur ba dang / ha cang lan tshwa mi che ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang / skyur ba dang / lan tshwa dang / mngar ba dang / tsha ba dang / bska ba rnam par spangs pa'i zas dag dang / do shal dang / se mo do dang / rgyan gyis klubs pa'i lus lha'i bu mo dga' ba'i tshal na rnam par spyod pa lta bu dang / khri nas khrir dang / khri'u nas khri'ur rgyu zhing shod kyis gzhir mi 'bab pa dang / des sgra yid du mi 'ong ba cung zad kyang mi thos par gnod pa med pa nyid du rim gro byed du bcug go/ /de nas btsun mo tshangs ldan ma dus gzhan zhig na 'di lta bu'i 'dod pa skyes te/ kye ma'o lhas grong khyer gyi shar sgor/ sbyin pa dag btang / bsod nams dag byas shing / lho phyogs dang / nub phyogs dang / byang phyogs dang / dbus dang / sum mdo rnams su yang sbyin pa dag btang / bsod nams dag byas la btson thams cad thar bar byas kyang ci ma rung snyam pa dang / de nas rgyal po tshangs sbyin gyis btsun mo tshangs ldan ma las mnyan nas/ grong khyer gyi shar sgor sbyin pa dag byin/ bsod nams dag byas so/ /lho phyogs dang nub phyogs dang / byang phyogs kyi sgo dang / grong khyer gyi dbus dang / sum mdo rnams su yang sbyin pa dag byin/ bsod nams dag byas nas btson thams cad thar bar byas so/ /gzhan yang btsun mo tshangs ldan ma 'di lta bu'i 'dod pa skyes te/ kye ma'o bdag lha dang thabs gcig gru bo che'i lding khang du zhugs te tshangs ldan gyi rdzing du rtse bar byed/ dga' bar byed/ dga' mgur spyod par byed kyang ci ma rung snyam pa dang / de nas rgyal po tshangs sbyin gyis btsun mo tshangs ldan ma las mnyan nas btsun mo tshangs ldan ma dang thabs gcig tu gru bo che'i lding khang du zhugs nas tshangs ldan gyi rdzing na rtse bar byed/ dga' bar byed/ dga' mgur spyod par byed pa las de gru de nyid du khye'u gzugs bzang po blta na sdug pa mdzes pa/ lpags pa'i mdog gser 'dra ba/ mgo gdugs lta bu dang ldan pa/ lag pa ring ba dpral ba'i dbyes che ba/ smin ma 'jar ba/ sna'i gzangs mtho ba skye ba dran pa zhig btsas so/ /de btsas pa na de'i nye du dag lhags shing 'dus nas nyi ma bdun gsum nyi shu gcig tu btsas pa'i btsas ston rgya cher byas nas/ khye'u'i ming cir gdags shes de'i ming 'dogs par byed de/ khye'u 'di ni chu'i nang du btsas pa yin pas khye'u chu skyes zhes bya bar btags so/ /gzhon nu chu skyes ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la rjes su gtad do/ /de ma ma brgyad po dag gis 'o ma dang zho dang mar dang / zhun mar dang / mar gyi nying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin du myur du skyed par byed do/ /de nas gzhon nu chu skyes 'di snyam du sems te/ gang nas shi 'phos snyam na sems can dmyal ba nas so/ /las ci zhig byas na des na sems can dmyal bar skyes snyam na/ rgyal tshab lo drug bcu byas pas so/ /da lta gang du skyes snyam na/ mi'i rgyal po'i rigs su skyes te/ gal te slar yang rgyal srid byas na slar yang sems can dmyal bar gzhol bar 'gyur bas ma la bdag gis ci nas kyang thabs shig bya'o snyam nas des 'phye bor rdzus te 'dug go/ /gang gi nyi ma la gzhon nu chu skyes btsas pa de nyid kyi nyin par blon po lnga brgya'i bu yang btsas so/ /de nas nyin re zhing gzhon nu rnams rgyal po tshangs sbyin blta ba'i phyir 'ong ngo / /de nas dus gzhan zhig na gzhon nu de rnams mchong ba dang rgyug nus par gyur to/ /de nas rgyal po tshangs sbyin 'di snyam du sems te/ gal te gzhon nu chu skyes 'phye bor ma gyur na de yang de tsam mchong ba dang rgyug nus par gyur pa zhig 'on kyang bdag gis 'di 'phye bor gyur pa bzhin rgyal srid kyi dbang phyug la gzhag go snyam mo/ /de nas gzhon nu chu skyes 'di snyam du sems te rgyal po 'di ni don med pa la gtsigs cher 'dzin pas ma la bdag lkug pa nyid du rdzu'o snyam nas des thabs bya bar lkug pa nyid du rdzus te 'dug go/ /de nas dus gzhan zhig na gzhon nu de rnams smra shes par gyur to/ /de nas rgyal po tshangs sbyin 'di snyam du sems te/ gal te gzhon nu chu skyes lkug par ma gyur dang / de yang da tsam smra shes par gyur pa zhig snyam mo de'i ming gzhon nu chu skyes bya ba de nub par gyur cing / gzhon nu lkug 'phye gzhon nu lkug 'phye zhes bya bar grags so/ /de nas dus gzhan zhig na rgyal po tshangs sbyin lag pa la 'gram pa gtad nas sems khongs su chud cing 'dug pa dang / blon po rnams kyis smras pa/ lha ci'i slad du phyag la zhal gtad nas thugs mi dgyes shing bzhugs/ rgyal pos smras pa/ da ltar rgyal srid kyi dbang phyug 'di 'dra ba thob na bu pho yang med/ bu mo yang med pas nga shi na gdung rgyud chad par 'gyur la/ bu gcig yod pa gang yin pa de yang lkug cing 'phye bor gyur na da nga nyid ci'i phyir sems khongs su chud par mi 'gyur/ blon po dag gis sman pa rnams bsdus te sman pa rnams kyis bltas nas smras pa/ lha gzhon nu 'di ni dbang po gsal zhing 'di la nad kyi rigs cung zad kyang ma mchis par mthong na/ 'on kyang skrag pa zhig mdzod cig / de nas rgyal po tshangs sbyin gyis gshed ma pa bkug nas gsang ste bsgo ba/ nga'i gzhon nu lkug 'phye skye bo'i tshogs chen po'i mngon sum du spong gis khyed cag gis ma gsad cig /lha bka' bzhin 'tshal zhes de nas gshed ma pa'i mi rnams kyis rgyal po tshangs sbyin las mnyan nas gzhon nu lkug 'phye shing rtar bcug ste/ bA rA Na sI'i dbus thog thag khrid pa dang / de nas gzhon nu lkug 'phyes bA rA Na sI 'byor cing rgyas pa mthong nas 'di skad ces smras so/ /ci bA rA Na sI 'di stong pa yin nam/ 'on te gnas pa zhig yod/ gshed ma pa'i mi rnams kyis gzhon nu lkug 'phye rgyal po la phul nas/ lha gzhon nu 'dis ni 'di skad kyi tshig smras so/ /de nas rgyal po tshangs sbyin gyis gzhon nu lkug 'phye pang du blangs nas 'di skad ces smras so/ /su zhig gsang / su zhig gtag /su zhig srog dang dbral/ su la ci zhig sbyin/ de skad ces smras na gzhon nu lkug 'phye cang mi smra'o/ /yang rgyal po tshangs sbyin gyis gshed ma pa rnams la smras pa/ ngas gzhon nu yongs su spangs so/ /lha bka' bzhin 'tshal zhes gshed ma pa'i mi rnams kyis slar yang gzhon nu lkug 'phye shing rtar bcug nas bA rA Na sI'i dbus thog thag khrid pa dang / gzhon nu lkug 'phyes mi ro zhig mi bzhis khyer ba mthong ngo / /mthong nas kyang 'di skad ces smras so/ /'di ci shi ba nyid shi 'am 'on te gson po shi/ gshed ma rnams kyis slar yang gzhon nu lkug 'phye rgyal po la phul nas lha gzhon nu 'dis ni 'di skad kyi tshig smras so/ /rgyal po tshangs sbyin gyis yang gzhon nu pang du blangs nas 'di skad ces smras so/ /su zhig gsad/ su zhig gtag /su zhig srog dang dbral/ su la ci zhig sbyin/ de skad ces smras na gzhon nu lkug 'phye cang mi smra'o/ /yang rgyal po tshangs sbyin gyis gshed ma pa rnams la smras pa/ ngas gzhon nu yongs su spangs so/ /lha bka' bzhin 'tshal zhes gshed ma pa'i mi rnams kyis slar yang gzhon nu zha bo lkug pa shing rtar bcug nas/ bA rA Na sI'i dbus thog thag drangs pa dang / gzhon nu lkug 'phyes 'bras kyi phung po chen po zhig mthong ngo / /mthong nas kyang 'di skad ces smras so/ / 'bras kyi phung po chen po 'di gal te dang po nyid nas ma zos dang drung zug par 'gyur ba zhig /gshed ma pa rnams kyis slar yang gzhon nu zha bo lkug pa rgyal po la phul nas lha gzhon nu 'dis ni 'di skad kyi tshig smras so/ /slar yang rgyal po tshangs sbyin gyis gzhon nu lkug 'phye pang du blangs nas 'di skad ces smras so/ /su zhig gsad/ su zhig gtag /su zhig srog dang dbral/ su la ci zhig sbyin/ de skad ces smras na gzhon nu lkug 'phye cang mi smra'o/ /yang rgyal po tshangs sbyin gyis gshed ma pa rnams la smras pa/ shes ldan dag ngas gzhon nu yongs su spangs kyis deng la myur du gzhon nu tshal gyi nang du dong rkos te chug shig /lha bka' bzhin 'tshal zhes gshed ma pa'i mi rnams kyis gzhon nu lkug 'phye shing rtar bcug nas ngur khrod chen po gang na ba der song ste phyin pa dang der brko bar brtsams so/ /de nas gzhon nu lkug 'phyes tshigs su bcad de smras pa/ kha lo sgyur khyod ci'i phyir/ /dong ni myur du rko byed pa'i/ /dong de ci bya zhes dri yis/ /myur du nga la smra bar gyis/ /kha lo sgyur bas smras pa/ /rgyal po'i sras po btsas pa ni/ /zha bo lkug pa smra mi shes/ /des 'di tshal khrod myur du ni/ /dong rkos chug ces bka' stsal to/ /de nas gzhon nu lkug 'phye 'di snyam du sems te/ 'di dag ni gdug pa/ lag dmar ba/ gsod pa dang / gcod pa la chags pa/ gzhan gyi srog 'phrog pa/ pha rol gyi srog gcod pas 'tsho bar byed pa yin no snyam nas/ de 'jigs shing rgya lam na 'di dag gis bdag gsad par 'gyur ro snyam du rig nas gshed ma pa rnams la smras pa/ lhas gal te bdag la mchog cig gnang na bdag rkang gis grong khyer du 'jug cing tshig kyang smra'o/ /gshed ma pa'i mi rnams kyis rgyal po'i drung du song nas rgyas par smras pa dang / rgyal pos smras pa/ gal te gzhon nu rgyal srid 'dod na yang ngas de yang gzhon nu la sbyin par bya'o/ /de nas rgyal po tshangs sbyin yid dga' zhing / yid dga' nas/ blon po rnams la bsgo ba/ shes ldan dag deng la grong khyer thams cad rdo ba dang gseg ma dang / gyo mo rnams myur du sol la spos kyi dud pa dang phye mas 'khrigs par byos te rgyal mtshan dang ba dan bsgreng la/ me tog sna tshogs kyi sil ma khrom shig ces bsgo'o/ /sa bdag rnams ni tshig gis 'grub la/ lha rnams dang / rnal 'byor pa rnams ni sems bskyed ma thag tu thams cad 'grub ces bya bas lha bka' bzhin 'tshal zhes blon po rnams kyis rgyal po las mnyan nas grong khyer thams cad rdo ba dang / gseg ma dang / gyo mo rnams bsal cing / spos kyi dud pa dang phye mas 'khrigs par byas nas rgyal mtshan dang ba dan bsgreng ste/ me tog sna tshogs kyi sil ma bkram mo/ /gzhon nu lkug 'phye rkang pas grong khyer du 'jug pa na ya mtshan skyes pa'i srog chags brgya stong phrag du ma dag kyang 'dus so/ / de nas gzhon nu lkug 'phyes rkang gis grong khyer du zhugs nas rgyal po tshangs sbyin gang na ba der song ste phyin pa dang / rgyal po tshangs sbyin gyi rkang pa gnyis la gtugs nas/ de'i tshe tshigs su bcad de smras pa/ mi dbang bdag ni lkug 'phye dang / / blun po blon mi ldan ma lags/ /rnam par gsal bar bgyid pa yi/ /tshig gis gsal bar bgyid pa lags/ /mi dbang bdag ni lkug 'phye dang / /blun po blon mi ldan ma lags/ /dbang po rnams ni tshang ba dang / /gsal ba dag dang ldan pa lags/ /rgyal bos smras pa/ bu ci'i phyir tshig mi 'byin cing rkang gis mi 'gro/ lha de'i slad nas gson cig /bdag gis sngon gyi tshe rabs dran/ /lo ni drug bcu'i bar dag tu/ /mi yi nang du rigs brgyud pa'i/ /rgyal tshab bdag gis bgyis pa gang / /lo ni drug khri'i bar dag tu/ /dmyal ba'i nang du mi bzad smin/ /dmyal ba'i sdug bsngal mi bzad pa/ /drag po 'jigs byed de dran nas/ /dmyal bar yang mchi mi rung bas/ /rgyal srid la ni mngon mi dga'/ / yab gcig gnang bar mdzod cig dang / /da ni rab tu 'byung bar bgyi/ /rgyal pos smras pa/ bu drang srong rnams kyis gang dka' thub cung zad ci byas pa dang / mchod sbyin dang sbyin sreg ci byas pa de dag thams cad ni rgyal srid kyi phyir yin na khyod ci'i phyir rgyal srid lag mthil du 'ongs pa spangs te rab tu 'byung / de nas gzhon nu lkug 'phyes de'i tshe tshigs su bcad de smras pa/ kim pa'i 'bras bu 'dra ba yi/ /'dod pa rnams la spyod mi 'tshal/ /bdud rtsi'i 'bras bu'i ro lta bu'i/ /tshangs par spyod pa spyad par bgyi/ /rgyal pos smras pa/ bu bde ba gang ci nyams su myong ba de thams cad rgyal srid kyi yin na/ ci'i phyir khyod rgyal srid kyi bde ba spangs te rab tu 'byung / gzhon nu lkug 'phyes de'i tshe tshigs su bcad de smras pa/ gang las sdug bsngal rab 'byung ba'i/ /bde de bde'o snyam mi bgyid/ /gang las bde ba rab skye ba'i/ /sdug bsngal sdug bsngal snyam mi bgyid/ /yab gcig bdag la gnang bar mdzod/ /dka' thub nags su mchi bar bgyi/ /rgyal pos smras pa bu re shig khang bzangs kyi gzhi spos kyi dud pa dang / phye mas 'khrigs pa dang / me tog sna tshogs bkram par mal 'jam po steng g.yogs can bshams la gang nas kyang 'jigs pa med par ni nyal/ rol mo'i sgra snyan pas ni sad/ gos 'jam po ni bgo/ zas zhim po ni za/ btung ba zhim po ni btung bar bya'o/ /dgon par ni rab tu byung bas rtag tu shing drung du rtswa'i gding ba dang / lo ma'i gding ba la 'jigs shing bag tsha ba'i sems kyis gcan gzan gdug pa rnams dang lhan cig nyal/ ce spyang gi sgras ni sad/ g.yang gzhi dang / shing shun gyi gos ni gyon/ rtsa ba dang / 'bras bu ni za/ chu dron po dang / chu rnyog pa can gyi btung ba ni btung dgos na khyod ci'i phyir rgyal srid spangs te rab tu 'byung / de nas gzhon nu lkug 'phyes de'i tshe tshigs su bcad de smras pa/ nags na shing shun g.yang gzhi gyon zhing 'bras bu za/ /gcan zan gdug pa rnams dang lhan cig 'dug pa bla'i/ /mkhas pa 'jig rten pha rol dag gis 'jigs pa yis/ /rgyal srid phyir ni gsod dang rdeg dang 'ching mi rung / / yab gcig bdag la gnang bar mdzod/ /dka' thub nags su mchi bar bgyi/ /rgyal pos smras pa/ bu re shig nga'i the tshom gsum po 'di dag chod cig dang de'i 'og tu khyod rab tu 'byung ba mi dka' bar 'gyur ro/ /gang khyod kyis bA rA Na sI'i 'byor cing rgyas pa mthong nas/ bA rA Na sI 'di ci stong pa yin nam/ 'on te gnas pa zhig yod ces smras pa/ de khyod kyis ci zhig las bsams te smras/ lha de'i slad du gson cig /lhas bdag nongs pa ma mchis par 'gum par bka' stsal pa/ 'gas kyang gzhon nu 'di ci'i phyir gsad ces chos kyi tshig ma smras pa de las bsams te bdag gis smras lags so/ /bzang ngo / /gang khyod kyis mi ro mthong nas ci 'di shi ba nyid shi 'am/ 'on te gson po shi zhes smras pa de ci las bsams te smras/ lha de'i slad du gson cig /gang zhig nyes par bgyid pa'i las bgyid bgyid nas gum pa de ni gum pa nyid gum pa lags la gang zhig legs par bgyid pa'i las bgyid bgyid pa de gum pa de ni gson pa gum pa lags pa de las bsams nas bdag gis smras lags so/ /bzang ngo / /gang khyod kyis 'bras kyi phung po chen po mthong nas/ 'bras kyi phung po chen po 'di dang po nyid nas ma zos dang drung zug par 'gyur ba zhig ces smras pa de ci las bsams te smras/ lha de'i slad du gson cig /zhing pa 'di rnams kyis 'bras bun blangs te 'tshal nas las bgyid cing / de dag lo thog smin nas 'bras kyi phung po chen po bcer nas bu lon pa rnams la 'jal te/ de ltar na de dag gi drung de ni snga nas 'tshal ba nyid lags so/ /de bzhin du dge ba bcu'i las kyi lam gyis mi nyid thob la de thob nas dge ba'i las kyi lam mi sogs na de lta na de'i sngon gyi dge ba de rgyun chad par 'gyur ro/ /dge ba'i rtsa ba de rgyun chad na bde 'gro las nyams shing ngan 'gror gnas par 'gyur ba de las bsams nas bdag gis smras lags so/ /de rgyal pos bu'i tshig thos nas mchi mas brnangs bzhin bu la 'khyud de smras pa/ brtul zhugs nges long rang gi chos spyod cig /bdag kyang khyod kyi slob mar khas blang ngo / /de nas rgyal po tshangs sbyin gyis blon po rnams la smras pa/ shes ldan dag gal te gzhon nu lkug 'phye rab tu ma byung na cir 'gyur/ lha rgyal por 'gyur ro/ /khyod cag gi bu rnams cir 'gyur/ lha de'i g.yog tu 'gyur ro/ /de rab tu 'byung na khyed cag gi bu rnams ci'i phyir rab tu mi 'byung / lha bka' ci stsal du bas so/ /de'i tshe bA rA Na sI dang ha cang yang mi ring ba'i bsti gnas zhig yod de/ de na drang srong byams pa'i bdag nyid snying rje can snying brtse ba/ sems can thams cad la'o byams pa zhig gnas so/ /de nas gzhon nu lkug 'phye 'khor lnga brgya dang 'byor pa chen pos drang srong de las rab tu byung nas des de la gdams ngag byin te/ des 'bad pa dang / brtsal ba dang / brtson 'grus drag pos mngon par shes pa lnga mngon sum du byas so/ /de nas dus gzhan zhig na drang srong de dus kyi chos dang ldan par gyur nas gzhon nu lkug 'phyes drang srong de'i ro dri sna tshogs kyi shing phung por spungs nas/ bsregs te mchod pa dang bkur sti cher byas so/ /gzhon nu lkug 'phyes bram ze'i khye'u lnga brgya po de rnams la gdams ngag byin nas/ de rnams kyis 'bad pa dang / brtsal ba dang / brtson 'grus drag pos mngon par shes pa lnga mngon sum du byas so/ /bcom ldan 'das kyis bka' stsal pa/ rgyal po chen po ji snyam du sems/ de'i tshe de'i dus kyi gzhon nu lkug 'phye rgyal srid lag mthil du 'ongs pa yongs su spangs te/ bram ze'i khye'u lnga brgya dang mngon par shes pa lnga mngon sum du byas pa gang yin pa de ni nga nyid yin no/ /rgyal po chen po ngas sems can thams cad la phan pa byas pa dang / rgyal srid spangs pa des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang ngas sems can la phan pa byas pa de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir ri dgas dang bya'i tshogs me'i 'jigs pa las thar bar byas pa gang yin pa de nyon cig /rgyal po chen po sngon byung ba 'das pa'i dus na nags tshal stug po ri dang chu dang / rtswa sngon po dang / gel pa dang / shing sA la dang pa la sha rnams kyis mdzes par byas pa zhig gi tshal gseb na bya'i tshogs chen po zhig gnas so/ /tshal stug po de na yang shing gnyis phan tshun 'drud pas me byung bar gyur to/ /de na bya'i tshogs gang dag 'phur nus pa de dag ni dong ngo / /'phur mi nus pa gang yin pa dang / sgo nga rnams ni de nyid du bor ro/ /de'i tshe byang chub sems dpa' sreg pa zhig tu skyes so/ /byang chub sems dpas me chen po sreg cing rgyang ring po kho na nas 'ong ba mthong ngo / /mthong nas kyang de sems can de rnams la snying brtse ba chen po skyes so/ /de nas byang chub sems dpa' 'di snyam du sems so/ /bdag gis sems can sdug bsngal bar gyur pa 'di rnams kyi don la brtson par ma byas na bdag gson te yang ci rung / bdag gis sems can rnams 'khor ba las ji ltar bsgral bar bya snyam du bsams nas/ byang chub sems dpa'i 'dab ma chus gsher bar byas nas me'i phung po'i steng gi nam mkha' la 'dug nas 'dab ma sprug cing tshigs su bcad de smras pa/ 'di dag 'dab ma yod mod kyi/ /'di dag 'phur bar mi nus so/ /'di dag rkang pa yod mod kyi/ /'di dag 'gro bar mi nus so/ /'di dag pha ma 'phur te dong / /me ni ma g.yo bar 'dug shig /byams pa shin tu bsgoms pa yi/ /bden pa'i tshig ni gang yin pa/ /bden pa'i tshig ni de yis su/ / me ni ma g.yo bar 'dug shig /lha rnams kyi dbang po brgya byin gyis byang chub sems dpa' sems can la phan par byed pa de mthong ngo / /mthong nas kyang mi dga' bar gyur te/ 'dis bdag nyid yongs su btang bas de rnams la phan pa ci zhig nus/ gzhan yang bskal pa bzang po'i byang chub sems dpa' 'di sems can rnams la phan pa byed pa la skyo bar 'gyur gyis/ ma la bdag gis 'di'i grogs bya'o snyam nas/ lha rnams kyi dbang po brgya byin gyis char chen po rab tu phab pas me de rab tu zhi bar gyur te/ des na sems can de thams cad me'i 'jigs pa las thar bar gyur to/ /rgyal po chen po ji snyam du sems/ de'i tshe de'i dus kyi sreg pa gang yin pa de ni nga nyid byang chub sems dpa'i spyad pa spyod pa de yin no/ /rgyal po chen po des na nga'i byang chub sems dpa'i spyod pas sems can la phan pa byas pa des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no/ /rgyal po chen po gzhan yang ngas sems can la phan pa byas te blon po lnga brgya rang gi sha dang khrag gis tshim par byas pa gang yin pa de nyon cig /rgyal po chen po sngon byung ba 'das pa'i dus na bA rA Na sI'i grong khyer du rgyal po tshangs sbyin zhes bya ba rgyal srid byed do/ /de'i blon po lnga brgya tsam yod pa las khams kyi rgyal phran rnams kyis blon po lnga brgya po de rnams kha phyung ba'i gleng gzhi de dag rgyal pos thos nas/ rgyal po de yang chos dang ldan pa snying brtse ba can/ chos 'dod pa/ skye bo la 'o byams pa/ bdag la phan pa dang / gzhan la phan par zhugs pa zhig pas des bsams pa/ 'di dag bsad de ci rung snyam nas des de rnams spyugs te/ de rnams smyags bcad de dong ba las bye gling zhig la phyin to/ /de na de rnams skom pas nyen nas phan tshun brtags na chu gang na yang ma mthong nas/ de rnams kyis mgrin gcig tu sgra phyung ba dang / de'i tshe byang chub sems dpa' glang po che rnams kyi nang du yan lag bdun legs par gnas pa glang po che sa srung gi bu'i sha tshugs lta bu zhig tu skyes pa de'i bsod nams kyi mthus ri sul dag me tog dang / 'bras bu phun sum tshogs shing rdzing dang / mtshe'u dang / chu 'bab pa dang ldan no/ /glang po che'i gtso bo des thag ring po na gnas bzhin du tshor nas des sna chus bkang nas brgyugs te/ des blon po de rnams kyi drung du phyin pa dang dbugs phyung nas chus de rnams kyi bshal te rgyab du zhon nas ri sul der btsud de/ 'bras bu dang / rtsa ba dang / chus tshim par byas shing lam gyis dub pa bsal nas/ de nas des de rnams la smras pa/ ri sul 'di'i pha rol ngos na glang po che'i gtso bo'i ro zhig yod kyis/ de'i rgyu lto khrus te chus khong la rtsa ba dang / 'bras bu dag bsdus te deng shig dang / de ltar na 'brog 'di rtol bar 'gyur ro/ / de skad ces bstan nas de nas glang po che'i gtso bo de ri de la 'dzegs nas sems bskyed smon lam btab pa/ ji ltar bdag gis sdug bsngal nyam nga ba 'di las yongs su bskyabs pa dang / 'brog 'di las rtol ba'i thabs bstan pa dang / 'di dag gi don du rang gi srog phangs pa yongs su btang ba de bzhin du bdag bla na med pa yang dag par rdzogs pa'i byang chub mngon par rdzogs par sangs rgyas nas bdag gis 'di dag nyid 'khor ba'i dgon pa las sgrol bar gyur cig ces smras nas glang po che des lag pa gnyis kyis sna brdzis nas bdag nyid ri de'i kha nas mchongs pa dang / glang po che'i gtso bo lus chen po lhung ma thag tu mod la shi bar gyur to/ /blon po de rnams kyis btsal ba na mthong ste de rnams gnas der song nas/ de rnams kyis glang po che gtso bo de mthong ba dang / gcig la gcig smras pa/ glang po che'i gtso bo gang gis bdag cag gi srog byin pa de ni 'di yin te/ gal te de'i steng du lag pa bzhag na ji ltar bdag cag gi lag pa sa la ltung bar mi 'gyur/ de nas gnas gtsang ma'i lha rnams kyis bdag nyid chen po 'dis gang gi don du srog yongs su btang ba'i yid la re ba yongs su rdzogs par gyis shig ces sgra phyung ngo / /de nas blon po de rnams kyis glang po che gtso bo de'i rgyu lto phyung nas bkrus te chus bkang nas rtsa ba dang 'bras bu rnams khyer nas glang po che gtso bo de'i ro la mchod pa byas te 'brog de rtol nas phyis smon lam btab pa/ ji ltar bdag nyid chen po 'dis/ bdag cag rnams rjes su gzung ba'i phyir rang gi srog yongs su btang ba dang / bdag cag 'brog 'di las yongs su bskyabs pa de bzhin du bdag nyid chen po de bla na med pa yang dag par rdzogs pa'i byang chub mngon par rdzogs par sangs rgyas nas bdag cag 'khor ba'i 'brog chen po las yongs su thar bar byed par gyur cig ces byas so/ /bcom ldan 'das kyis bka' stsal pa/ rgyal po chen po ji snyam du sems/ de'i tshe de'i dus kyi glang po che gtso bo gang yin pa de ni nga nyid yin no/ /rgyal po chen po ngas bdag nyid yongs su btang ba des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang ngas bdag nyid yongs su btang ba de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir srog chags stong phrag mang po la rang gi shas tshim par byas kyang nga'i sems nyams pa med pa gang yin pa de nyon cig /rgyal po chen po sngon byung ba 'das pa'i dus na klu gzhon nu tsam pa skyes shes bya ba dad pa bzang ba/ dge ba'i bsam pa can de tshes brgyad dang bcu bzhi la gnas nas byung nas yan lag brgyad dang ldan pa'i gso sbyong blangs te gnas gsal bar lus chen por byas nas btang ste gnas shing 'jig rten na 'gro ba dang gnas pa la cung zad kyang gnod pa mi byed do/ /lo nyes byung nas las la mi lta ba'i mi gnag rdzi dang / phyugs rdzi dang / shing thun dang / lam gyis 'tsho ba dang / lam gol bas 'tsho ba'i mi rnams kyis klu'i sha las bcad cing bcad cing bza' bar brtsams te/ de nas ngas dus mang por rang gi shas tshim par byas na yang nga'i sems ma nyams so/ /rgyal po chen po ji snyam du sems/ de'i tshe de'i dus kyi klu gzhon nu tsam pa skyes gang yin pa de ni nga nyid yin no/ /rgyal po chen po ngas rang gi sha yongs su btang ba des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sems can la phan par byas pa gang yin pa de nyon cig rgyal po chen po sngon byung ba mtsho chen po ma dros pa na ngang pa rnams kyi sde dpon yul 'khor skyong zhes bya ba zhig byung bar gyur to/ /de la bu gnyis yod de/ gang ba dang / bzhin rgyas zhes bya ste/ phu bo ni gang ba'o/ /nu bo ni bzhin rgyas so/ /gang ba ni gtum pa/ gzu lums can/ brlang ba zhig pas rgyun kho nar ngang pa rnams la sdigs par byed de/ kha cig la sgro 'byin/ kha cig la ni sder mos rma 'byin te/ de lta bu dang / gnod pa gzhan yang brgya phrag dag byas nas ngang pa rnams ngang pa'i sde dpon yul 'khor skyong gi drung du song nas nyi ma re re zhing yang go bar byed pa dang / des bsams pa/ gang ba ni gtum pa/ gzu lums can/ brlang ba yin te/ gal te 'di rgyal tshab tu bcug na bdag 'das pa dang 'dis ngang ba'i khyu bshig par 'gyur gyis de la thabs shig bsham par bya'o snyam nas/ des gang ba dang / bzhin rgyas gnyi ga bkug ste smras pa/ 'bab chu'i dngo dang / mtsho dang / mtshe 'u rnams bltas te nga'i drung du thog mar su 'ongs pa de ngas ngang pa rnams kyi sde dpon du gzhug go/ /de gnyis phan tshun 'gran pas 'khor lnga brgya lnga brgya dang dngo ba las de gnyis kyis 'bab chu'i dngo dang / mtsho dang / mtshe'u rnams phan tshun du bltas nas de gnyis rim gyis bA rA Na sI'i grong khyer du phyin to/ /de'i tshe bA rA Na sI'i grong khyer na rgyal po tshangs sbyin zhes bya ba rgyal srid byed de/ 'byor pa dang / rgyas pa dang zhes bya ba nas skye bo dang mi mang pos rab tu gang ba zhes bya ba'i bar du ste/ bA rA Na sI'i bskyed mos tshal na de'i rdzing tshangs ldan zhes bya ba mtsho bas khyad par du 'phags par zab pa zhig yod de/ de las chu las skyes pa'i me tog rnam pa sna tshogs bskyed cing phyogs bzhi 'khor bar yang me tog dang 'bras bu'i shing stong phrag du ma dag bskrun nas/ de ut+pa la dang / pad ma dang / ku mu da dang / pad ma dkar pos khebs la shing rnams pa du mas stug por brgyan nas bya rnam pa mang po dag skad 'byin to/ /de'i 'byor pa de mthong nas gang ba ngang pa lnga brgyas yongs su bskor te babs nas ci dgar rgyu zhing des rtse bar brtsams so/ /bzhin rgyas la yang rang gi khyus smras pa/ khyod kyang ba bos la rtsed mo mdzod/ des smras pa/ re shig rgyal srid je blangs la/ de nas phyis 'ongs te rtse bar bya'o/ / zhes des myur ba myur bar song nas rgyal srid blangs te/ de nas ngang pa lnga brgyas yongs su bskor nas bA rA Na sIr lhags te tshangs ldan gyi rdzing du babs nas rtse bar brtsams te/ de de lta bu'i bag yod pas gnas pa skye bo'i tshogs kyis mthong nas ya mtshan skyes te/ e ma 'o ngang pa'i sde dpon mchog tu blta na sdug pa'i gzugs can gang nas 'dir 'ongs/ tshangs ldan gyi rdzing gi rgyan du gyur cing chu na rgyu ba'i bya thams cad gzugs mdzes pas zil gyis mnan te 'jig rten dga' ba skyed cing ci dga' mgur gnas so/ /de bA rA Na sI na gnas pa'i skye bo'i tshogs thams cad kyis thos nas tshangs ldan gyi rdzing gi mtha' yongs su bskor te/ de bag skyong zhing gnas pa dang / gzugs mdzes pa la lta zhing gnas so/ /blon po rnams kyis rgyal po la rig par byas pa lha ngang pa'i sde dpon zhig ga zhig nas mchis nas/ de tshangs ldan gyi rdzing du 'khor brgya phrag du ma dang babs te chu na rgyu ba'i bya thams cad gzugs mdzes pas zil gyis mnan nas 'jig rten dga' ba skyed cing bag brkyang ste gnas shing mchis so/ /rgyal pos smras pa/ shes ldan dag gal te de ltar gyur na bya pa rnams khug shig /de rnams kyis bkug nas rgyal pos smras pa/ shes ldan dag tshangs ldan gyi mtsho na bya mchog tu gzugs mdzes pa blta na sdug pa ngang pa'i sde dpon zhig ga zhig cig nas 'ongs so zhes thos kyis/ khyed cag gis de gcig pu ma snad par rnyis zung la nga'i drung du khyer te shog shig /des de rnyi mchog tu 'jam pos rma ma byung bar bzung ba dang / des tshigs su bcad de smras/ bdag ni dam por rnyis bzung bas/ / mi yi dbang song byar med kyis/ /ci nas ngang pa'i khyu dag ni/ /myur du ma dros 'deng bar gyis/ /ngang pa lnga brgyar gcig gis ma tshang ba ni bros so/ /de nas gcig pu rnyis bzung bas mya ngan gyis non cing gnas pa de bya pa rnams kyis mthong nas ngo mtshar skyes te rgyal pos 'jigs nas/ ma snad pa dang / ma shi bar de dag gis ngang pa'i sde dpon de khyer nas rgyal po'i drung du song ngo / /gcig shos de yang ma bzung bzhin du chags pa'i rnyis bcings pas rang nyid song ngo / / ngang pa'i sde dpon rgyal po la phul ba dang / rgyal pos smras pa/ shes ldan dag gcig shos 'di ci ste khyer te 'ongs/ de rnams kyis smras pa/ lha bdag cag gis ni 'di ma bzung na 'on kyang rang nyid mchis lags so/ /rgyal po mchog tu ngo mtshar du gyur te dad pa chen po skyes so/ /de nas rgyal pos ngang pa'i sde dpon seng ge'i khri'i steng du bzhag go/ /de nas ngang pa'i sde dpon gyis mi'i skad kyis gang thos nas rgyal po 'khor dang bcas pa dge ba bcu'i las kyi lam la bkod pa de lta bu'i chos bshad par byas so/ /rgyal pos blon po rnams la bsgo ba/ shes ldan dag deng la bA rA Na sI'i grong khyer du dril sgrogs su chug la/ nga'i yul na chu na rgyu ba'i srog chags rnams sus kyang ma bsad cig /de rnams kyis dril sgrogs su bcug nas su yang chu na rgyu ba'i srog chags ma gsod cig /bcom ldan 'das kyis bka' stsal pa/ rgyal po chen po ji snyam du sems/ de'i tshe de'i dus kyi ngang pa'i sde dpon bzhin rgyas gang yin pa de ni nga nyid yin te/ de na ngas sems can de snyed la phan pa byas so/ /rgyal po chen po ngas sems can la phan pa byas pa des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang ngas sems can la phan pa byas pa de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sems can la phan pa byas te dge ba la btsud pa gang yin pa de nyon cig /rgyal po chen po sngon byung ba ston pa mig mdzes zhes bya ba phyi rol pa'i mu stegs rdzu 'phrul dang ldan pa 'dod pa rnams las 'dod chags dang bral ba zhig byung ste/ ston pa mig mdzes kyi nyan thos brgya phrag du ma dang / stong phrag du ma dang / brgya stong phrag du ma byung ngo / /ston pa mig mdzes nyan thos rnams la chos ston pa ni shin tu zad par 'gyur ba ma yin/ shin tu dri ma med par 'gyur ba ma yin/ shin du tshangs par spyod pa la gnas par 'gyur ba ma yin te/ tshangs pa'i 'jig rten dang skal ba mnyam pa'i bar yin no/ /ston pa mig mdzes kyi nyan thos thams cad kyi thams cad du bslab pa yongs su rdzogs pa gang yin pa de dag ni tshangs pa'i gnas pa bzhi bsgoms nas 'dod pa rnams la 'dod pa'i 'dun pa spangs te/ de la lan mang du gnas shing tshangs pa'i 'jig rten dang skal ba mnyam par skyes so/ /thams cad kyi thams cad du ma yin pa gang yin pa gang dag yin pa de las kha cig ni 'phrul dgar ro/ /kha cig ni dga' ldan du'o/ /kha cig ni sum bcu rtsa gsum pa dang / rgyal chen bzhi'i ris dang / rgyal rigs shing sA la chen po lta bu dang / bram ze'i rigs shing sA la chen po lta bu dang / khyim bdag gi rigs shing sA la chen po lta bu rnams dang skal ba mnyam par skyes so/ /de nas ston pa mig mdzes 'di snyam du sems te/ gal te bdag nyan thos rnams dang lhan cig 'gro mnyam pa dang / skye ba mnyam pa dang / tshe phyi ma mnyam pa ni 'os pa ma yin gyis/ ma la bdag gis gong du bsam gtan gnyis pa byams pas bsgom par bya'o snyam nas/ des bsam gtan gnyis pa bsgoms pas 'od gsal gyi lha rnams dang skal ba mnyam par skyes par gyur to/ /rgyal po chen po de'i tshe de'i dus na ston pa mig mdzes shes bya bar gyur pa de gzhan zhig yin snyam na khyod kyis de ltar mi blta ste/ nga nyid de'i tshe de'i dus na ston pa mig mdzes zhes bya ba phyi rol pa'i mu stegs rdzu 'phrul dang ldan pa 'dod pa rnams las 'dod chags dang bral ba de yin par gyur to/ /nga nyid kyi nyan thos brgya phrag du ma dang / stong phrag du ma dang / brgya stong phrag du ma byung bar gyur pa'i nyan thos rnams la nga nyid kyis shin tu zad par 'gyur ba ma yin/ shin tu dri ma med par 'gyur ba ma yin/ shin tu tshangs par spyod pa la gnas par 'gyur ba ma yin gyi tshangs pa'i 'jig rten dang skal ba mnyam pa'i bar gyi chos bshad do/ /rgyal po chen po ji snyam du sems/ ngas sems can la phan pa byas pa des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir sems can la phan pa byas pa gang yin pa de nyon cig /rgyal po chen po sngon byung ba ston pa lkug 'phye zhes bya ba phyi rol pa'i mu stegs rdzu 'phrul dang ldan pa/ 'dod pa rnams las 'dod chags dang bral ba zhig byung bar gyur te/ de bram ze'i khye'u lnga brgya slob par byed do/ /de nas dus gzhan zhig na ston pa lkug 'phye 'di snyam du sems te/ ci'i phyir bram ze'i khye'u 'di rnams kyis mngon par shes pa lnga mngon sum du ma byas snyam mo/ /de yang 'di snyam du sems te/ 'di rnams g.yang gzhi dang / shing shun dang / dbyug gu dang / ril ba spyi blugs dang / glugs gzar gyi snod lhag pa 'chang zhing / tshod rngad dang / ut+pa la'i rtsa ba sbyor ba la brtson par gnas pa las gyur to snyam mo/ /de nas ston pa lkug 'phye 'di snyam du sems te/ gal te bram ze'i khye'u rnams la nan thur zhig ma byas na dbral bar dka'o snyam mo/ /byang chub sems dpa' rnams kyi gdul ba la mkhas pa ni bla na med pa yin pas/ de nas ston pa lkug 'phyes bram ze'i khye'u rnams la smras pa/ bram ze'i khye'u dag zla ba gsum po 'di dag la kho bo nang du yang dag 'jog 'dod kyis/ kho bo la 'bras bu dang rtsa ba stobs pa'i bram ze'i khye'u gcig dang / gso sbyong bcwa lnga pa de nyid ma gtogs par bram ze'i khye'u su yang ma 'ong shig /bram ze'i khye'u de rnams kyis kyang khrims su bcas pa/ bdag cag las dbyar gyi nang logs su rtsa ba dang 'bras bu stobs pa'i bram ze'i khye'u gcig dang / gso sbyong bcwa lnga pa de nyid ma gtogs par bram ze'i khye'u su yang mkhan po lta zhing 'gro bar mi bya'o/ /bdag cag las dbyar gyi nang logs su rtsa ba dang 'bras bu stobs pa'i bram ze'i khye'u gcig dang / gso sbyong bcwa lnga pa de nyid ma gtogs par gang zhig mkhan po lta zhing song bar gyur na de ni bdag cag gis nyes pa can du brtsi'o zhes byas nas/ ston pa lkug 'phye zla ba gsum po de la nang du yang dag 'jog la zhugs pa dang / rtsa ba dang 'bras bu stobs pa'i bram ze'i khye'u gcig dang / gso sbyong bcwa lnga pa de nyid ma gtogs par bram ze'i khye'u su yang de'i drung du mi 'gro'o/ /ston pa lkug 'phyes rgyang ring po kho na nas ri dgas shig mthong ngo / /mthong nas kyang 'di skad ces smras so/ /ri dgas 'ongs pa legs so tshur/ ri dgas khyod dang kho bo ni mtshungs te/ khyod kyang zas lto 'grangs tsam gyis chog cing kun du chog la/ kho bo yang lto 'grangs tsam gyis chog cing kun du chog na/ 'di na kha cig ni de lta ma yin te/ ha cang tshod rngad dang / ut+pa la'i rtsa ba sbyor ba la brtson par gnas so/ /de nas bram ze'i khye'u de rnams 'di snyam du sems te gdon mi za bar mkhan po ni brtul zhugs rdzogs par gyur te/ 'di ltar mkhan po ri dgas dang lhan cig smra bar byed do snyam du bsams nas/ ston pa lkug 'phye gang na ba der dong ste lhags pa dang / ston pa'i rkang pa gnyis la mgo bos phyag 'tshal nas phyogs gcig tu 'dug go/ /de nas ston pa lkug 'phye cang mi smra'o/ /de nas bram ze'i khye'u de rnams 'di snyam du sems te/ gdon mi za bar mkhan po ni brtul zhugs rdzogs par gyur te/ 'di ltar mkhan po ri dgas dang lhan cig smra bar byed do snyam du bsams nas/ ston pa lkug 'phye ni gang gi phyir ri dgas dang lhan cig smra bar byed kyi/ mi rnams dang ni ma yin no/ /zhes smras nas stan las langs te dong ngo / de nas ri dgas gyi brtul zhugs can zhig ston pa lkug 'phye gang na ba der song ba dang / ston pa lkug 'phyes rgyang ring po kho na nas ri dgas kyi brtul zhugs can mthong ngo / /mthong nas kyang 'di skad ces smras so/ /ri dgas kyi brtul zhugs can khyod 'ongs pa legs so tshur khyod dang kho bo ni mtshungs te/ khyod kyang g.yang gzhi gcig thogs/ kho bo yang g.yang gcig thogs/ khyod kyang ril ba dang / dbyug gu dang / glugs gzar gyi snod re re thogs/ kho bo yang re re thogs/ khyod kyang bsod snyoms lto 'grangs tsam gyis chog cing kun du chog la/ kho bo yang bsod snyoms lto 'grangs tsam gyis chog cing kun du chog na/ 'di na kha cig ni de lta ma yin te/ g.yang gzhi dang / shing shun dang / dbyug gu dang / ril ba dang / glugs gzar gyi snod lhag pa 'chang zhing / ha cang tshod rngad dang / khre rgod dang / ut+pa la'i rtsa ba sbyor ba la brtson par gnas so/ /de nas bram ze'i khye'u de rnams 'di snyam du sems te/ ji ltar mkhan po 'dod chen che ba la ni rnam par smod la/ 'dod chen chung ba la bstod pas don gyis na mkhan pos bdag cag la nan thur byas kyis/ ma la bdag cag gi g.yang gzhi dang / shing shun dang / dbyug gu dang ril ba dang / glugs gzar gyi snod lhag pa chu bo rtag 'bab kyi nang du bor la mkhan po gang na ba der 'dong ngo zhes de rnams kyis g.yang gzhi dang / shing shun dang / dbyug gu dang / ril ba dang / glugs gzar gyi snod lhag ma rnams chu bo rtag 'bab kyi nang du bor nas rgyud gtsang ba dang / spyod pa gzhung bzhin du byas nas ston pa lkug 'phye gang na ba der dong ste lhags pa dang / ston pa lkug 'phye'i rkang pa gnyis la mgo bos phyag 'tshal te phyogs gcig tu 'dug go/ /ston pa lkug 'phyes bram ze'i khye'u de rnams kyi bsam pa dang / bag la nyal dang khams dang / rang bzhin shes nas/ ji ltar bram ze'i khye'u lnga brgya po de dag gis mngon par shes pa lnga mngon sum du byas pa de lta bu'i chos bshad pa byas so/ /rgyal po chen po ji snyam du sems/ de'i tshe de'i dus kyi ston pa lkug 'phye gang yin pa de ni nga nyid yin no/ /rgyal po chen po ngas sems can la phan pa byas pa des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no/ /rgyal po chen po gzhan yang ngas bla na med pa yang dag par rdzogs pa'i byang chub don du gnyer ba'i phyir byang chub sems dpa'i spyod pas sems can la phan pa byas pa gang yin pa de nyon cig / rgyal po chen po sngon byung ba'i mi rnams kyi tshe lo brgyad khri thub par gyur to/ /mi rnams kyi tshe lo brgyad khri thub pa na 'dzam bu'i gling 'di nyid 'byor par gyur cing zhes bya ba rgyas par ji skad chos ldan gyi mdo las 'byung ba lta bu'o/ / ji tsam na mi tshe lo brgyad khri thub pa rnams la lus kyi gnod pa 'di lta bu byung ste/ 'di lta ste grang ba dang / tsha ba dang / bkres pa dang / skom pa dang / 'dod pa dang / za ba dang rga ba'o/ /mi rnams kyi tshe lo brgyad khri thub pa na rgyal po byed ldan zhes bya ba byung ste/ rgyal po byed ldan gyi bskyed mos tshal gyi gnas na shing n+ya gro d+ha'i rgyal po shin tu rab gnas zhes bya ba zhig yod do/ /n+ya gro d+ha'i rgyal po shin tu rab gnas kyi drung na bram ze shing sA la chen po lta bu rtsibs kyi mu khyud ces bya ba bram ze'i khye'u lnga brgya tsam la bram ze rnams kyi gsang tshig klog tu 'jug go/ /de nas bram ze shing sA la chen po lta bu rtsibs kyi mu khyud gcig pu dben par song nas sems la sems kyi rtog pa 'di lta bu skyes te/ mi rnams ni tshe thung la tshe phyi mar 'gro dgos te/ skyes pa la mi 'chi ba med pas dge ba bya zhing tshangs par spyod pa spyad dgos na/ 'on kyang da ltar mi 'di dag ni 'di lta ste don spyad pa dang / bsod nams spyad pa dang dge ba spyad pa la sems las chung ngu sems las chung ngur gnas par byed kyis/ ma la bdag skra dang kha spu bregs la gos ngur smrig bgos te dad pa yang dag pa kho nas khyim nas khyim med par rab tu 'byung bar bya'o snyam mo/ /de nas bram ze shing sA la chen po lta bu rtsibs kyi mu khyud kyis bram ze'i khye'u rnams la smras pa/ bram ze'i khye'u dag shes par gyis shig /'di na kho bo gcig pu zhes bya ba nas rab tu 'byung ngo zhes bya ba'i bar rgyas par sbyar ro/ /bram ze'i khye'u dag bdag ni skra dang kha spu bregs te zhes bya ba nas rab tu 'byung na shes ldan dag ci byed/ kye mkhan po bdag cag gis gang cung zad ci 'tshal ba de thams cad ni shes ldan mkhan po la brten nas lags pas gal te shes ldan mkhan po skra dang kha spu bregs shes bya ba nas rab tu 'byung na bdag cag kyang shes ldan mkhan po rab tu byung ba'i rjes su rab tu 'byung bar bgyi'o/ /bram ze'i khye'u dag de'i dus la dbab par shes par gyis shig /de nas bram ze shing sA la chen po lta bu rtsibs kyi mu khyud skra dang kha spu bregs nas zhes bya ba nas rab tu byung zhes bya ba'i bar du ste/ bram ze'i khye'u lnga brgya po de rnams kyang skra dang kha spu bregs nas gos ngur smrig bgos te bram ze shing sA la chen po lta bu rtsibs kyi mu khyud rab tu byung ba'i rjes su rab tu byung ngo / /de nas bram ze shing sa la chen po lta bu rtsibs kyi mu khyud kyis mya ngan las 'da' bar mi 'gyur ba'i sgrib pa lnga spangs nas shes bya ba nas rgyas par byams pa dang ldan pa'i sems shes bya ba dang / rgyas par snying rje dang / dga' ba dang / btang snyoms kyi bar du brjod par bya ste/ /btang snyoms dang ldan pa'i sems khon med pa/ 'gran zla med pa/ gnod pa med pa/ yangs pa rgya chen por gyur pa/ tshad med pa shin tu bsgoms pas mos te khyab par byas nas rdzogs par byas te gnas so/ /de nas bram ze shing sA la chen po lta bu rtsibs kyi mu khyud kyi ming bram ze shing sA la chen po lta bu rtsibs kyi mu khyud bram ze shing sA la chen po lta bu rtsibs kyi mu khyud ces bya ba'i ming gang yin pa nub par gyur cig /ston pa rtsibs kyi mu khyud ces bya bar grags so/ /de nas ston pa rtsibs kyi mu khyud kyis bram ze'i khye'u rnams la smras pa/ bram ze'i khye'u dag mi rnams ni tshe thung ba/ nyon mongs pa/ ring po mi thogs pa yin la/ de yang sdug bsngal dang ldan no/ /dper na rtswa'i rtse mo la chags pa'i zil pa ni nyi ma shar ba'i tshe myur du lhung zhing ring por mi gnas so/ /bram ze'i khye'u dag de bzhin du mi rnams kyi tshe yang zil pa dang 'dra bar ring por mi thogs pa nyon mongs pa yin la de sdug bsngal dang ldan no/ /dper na chu la ri mo mkhan gyis ri mo bris pa ni myur du 'jig cing ring por mi gnas so/ /bram ze'i khye'u dag de bzhin du mi rnams kyi tshe yang chu'i ri mo bzhin du ring por mi gnas pa nyon mongs pa yin la de yang sdug bsngal dang ldan no/ /dper na chu la dbyug pas khram btab pa ni myur du 'jig cing ring por mi gnas so/ /de bzhin du tshe yang dbyug pas bris pa lta bu yin no/ /dper na khor yug chur bor ba ni myur du 'byin zhing ring por mi gnas so/ /de bzhin du tshe yang khor yug lta bu yin no/ /dper na rdo rje chur bor ba ni myur du 'byin zhing ring por mi gnas so/ /de bzhin du tshe yang rdo rje chur bor ba lta bu yin no/ /dper na dbyug pa gnam du 'phangs pa ni myur du ltung zhing ring por mi gnas so/ /de bzhin du tshe yang dbyug pa gnam du 'phangs pa lta bu yin no/ /dper na thags bcas pa ji tsam btags pa de tsam du btags par bya ba rting la thug par 'gyur ro/ /de bzhin du srog kyang btag par bya ba rting la thug pa lta bu yin no/ /dper na bsad par khrid pa'i phyugs ni gom re bor zhing bsad pa la nye ba yin no/ /de bzhin du tshe yang bsad pa'i phyugs lta bu yin no/ / dper na bsad par khrid pa'i mi ni gom re bor zhing bsad pa la nye ba yin no/ /de bzhin du tshe yang bsad pa'i mi lta bu yin no/ /dper na sha'i kham tshad cig zangs chu mang po'i nang du bcug ste 'og nas me sbar na myur du gor bar 'gyur zhing ring por mi gnas so/ /de bzhin du tshe yang sha'i kham tshad lta bu yin no// //'dul ba gzhi/ bam po lnga bcu pa/ dper na ri las 'bab pa'i chu bo gting zab pa/ shugs drag pa/ thag ring por 'bab pa shing rtsi ded par byed pa ni nyin zhag de dag 'das shing skad cig dang / thang cig dang / yud tsam de dag 'das na chu'i gnas pa dang 'jig pa mi mngon no/ /de bzhin du mi rnams kyi tshe yang chu bo'i rgyun lta bu ste/ ring por mi thogs pa/ nyom mongs pa yin la de yang sdug bsngal dang ldan no/ /bram ze'i khye'u dag bdag ni byams pa dang ldan pa zhes bya ba nas/ rgyas par snying rje dang / dga' ba dang / btang snyoms dang ldan pa'i sems zhes bya ba nas gnas so zhes bya ba'i bar du'o/ /bram ze'i khye'u dag tshur khyed kyis kyang byams pa dang ldan pa'i sems dang / snying rje dang / dga' ba dang / btang snyoms dang ldan pa'i sems kyi bar gyis gnas par gyis shig /rgyal po chen po ston pa rtsibs kyi mu khyud de de tsam du tshe ring / de tsam du ring du gnas/ de tsam gyis tshe'i mthar thug pa yang re shig dge slong dag la mi rnams ni tshe thung ba/ ring por mi thogs pa/ nyon mongs pa yin la/ de yang sdug bsngal dang ldan no zhes bya ba de lta bu'i chos ston to/ rgyal po chen po de ji snyam du sems/ de'i tshe de'i dus na ston pa rtsibs kyi mu khyud ces bya bar gyur pa de gzhan zhig yin snyam na khyod kyis de ltar mi blta ste/ 'on kyang nga nyid de'i tshe de'i dus na ston pa rtsibs kyi mu khyud ces bya bar gyur to/ /rgyal po chen po ngas sems can rnams la phan pa byas pa des bla na med pa yang dag par rdzogs pa'i byang chub thob bo snyam na khyod kyis de ltar mi lta ste/ 'on kyang nga'i de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no/ /ston pa mig mdzes ji lta ba bram ze'i bu 'joms byed dang / glang po skyong yang de dang 'dra'o/ / rgyal po chen po gzhan yang ngas bla na med pa yang dag par rdzogs pa'i byang chub don du gnyer ba na nga byang chub sems dpa'i spyod pa la shes rab chen po dang spobs pa chen por gyur nas sems can la phan pa byas pa gang yin pa de nyon cig /rgyal po chen po sngon byung ba rgyal po phyogs bdag ces bya ba zhig byung ste/ rgyal po phyogs bdag gi bu gzhon nu rdul phran zhes bya ba zhig byung ngo / /rgyal po phyogs bdag la bram ze shing sA la chen po lta bu gnag lhas skyes shes bya ba zhig yod de/ bram ze shing sA la chen po lta bu gnag lhas skyes kyi bu bram ze'i khye'u me gso zhes bya ba mkhas pa/ gsal ba/ yid gzhungs pa/ gzhung dang 'thun par dpyod pa'i shes rab dang ldan pa zhig yod de/ 'di ltar de'i pha bram ze gnag lhas skyes zhing las kyi mtha' gang yin pa de rnams bram ze'i khye'u me gso la 'dri zhing byed do/ /don du bya ba'i don nges par brtag pa gang yin pa de rnams kyang bram ze'i khye'u me gso la dris nas byed kyi ma dris par ni ma yin no/ /gzhon nu rdul phran dang / rgyal po'i 'khor rgyal rigs drug gi grogs po dang / snying du sdug pa dang / ne'u zla yang yin no/ /gang gi tshe rgyal po phyogs bdag rtse bar 'dod pa 'am/ dga' bar 'dod pa 'am/ dga' mgur spyod 'dod par gyur pa de'i tshe des dgos pa thams cad dang / las su bya ba thams cad bram ze gnag lhas skyes la slar btang nas steng gi khang bzangs kyi gzhi la skyes pa med par song ste rol mo rnams kyis rtse bar byed/ dga' bar byed/ dga' mgur spyod par byed do/ /de nas dus gzhan zhig na bram ze gnag lhas skyes shi'o/ /de shi ba na rgyal po phyogs bdag shin du sdug bsngal zhing yid mi bde ba'i tshor ba nyams su myong nas/ kyi hud bram ze gnag lhas skyes shi bas bdag che thang du dmas par gyur to/ /kyi hud bram ze gnag lhas skyes shi bas bdag shin du che thang du dmas par gyur to zhes zer ro/ /de nas gzhon nu rdul phran rgyal po phyogs bdag gang na ba der song ste phyin pa dang / rgyal po phyogs bdag la 'di skad ces smras so/ /lha ci'i slad du bram ze gnag lhas skyes gum pas shin du sdug bsngal zhing thugs la gcags par gyur te sdug bsngal zhing thugs la gcags pa'i tshor ba nyams su myong bar mdzad/ gzhon nu kho bo gang gi tshe rtse bar 'dod pa 'am/ dga' bar 'dod pa 'am/ dga' mgur spyod 'dod par gyur pa de'i tshe kho bo'i dgos pa thams cad dang las su bya ba thams cad bram ze gnag lhas skyes la slar gtang nas steng gi khang bzangs kyi gzhi na skyes pa med par song nas rol mo rnams kyis rtse bar byed/ dga' bar byed/ dga' mgur spyod par byed do/ / da ni kho bo 'di snyam du sems te/ kyi hud bram ze gnag lhas skyes shi bas bdag tshe thung du dmas par gyur to/ /kyi hud bram ze gnag lhas skyes shi bas bdag shin du tshe thung du dmas par gyur to snyam mo/ /lha bram ze gnag lhas skyes gum pas shin du sdug bsngal zhing thugs mi dgyes par gyur te/ sdug bsngal zhing thugs mi dgyes pa'i tshor ba nyams su myong bar ma mdzad cig /de ci'i slad du zhe na/ lha bram ze gnag lhas skyes kyi bu bram ze'i khye'u me gso zhes bgyi ba mkhas pa/ gsal ba/ yid gzhungs pa/ gzhung dang mthun par dpyod pa'i shes rab dang ldan pa zhig mchis te/ 'di ltar de'i pha bram ze gnag lhas skyes kyis las kyi mtha' bgyis pa gang lags pa de dag kyang bram ze'i khye'u me gso la dris nas bgyis kyi ma dris pas ni ma lags so/ /don du bgyi ba'i don nges par brtag pa gang lags pa de dag kyang bram ze'i khye'u me gso la dris nas bgyis kyi ma dris par ni ma lags so/ /lha de lta lags pas pha gnag lhas skyes kyi las thabs su dbang bskur du gsol/ /de nas rgyal po phyogs bdag gis bram ze'i khye'u me gso pho nyas bkug nas 'di skad ces smras so/ /bram ze'i khye'u khyod ngas deng phyin chad nas pha gnag lhas skyes kyi las thabs su bcug go/ /bka' bzhin 'tshal zhes bram ze'i khye'u me gsos mnyan to/ /de nas bram ze'i khye'u me gso de pha bram ze gnag lhas skyes byed byed pa'i zhing blas kyi mtha' gang yin pa de rnams kyang byed do/ /de'i pha bram ze gnag lhas skyes don du bya ba'i don nges par rtog rtog pa gang yin pa de dag kyang de nges par rtog go/ /de nas bram ze'i khye'u me gso'i ming bram ze'i khye'u me gso zhes bya ba gang yin pa de nub par gyur cing bram ze gnag lhas skyes bram ze gnag lhas skyes shes bya bar grags so/ /de nas bram ze gnag lhas skyes kyis rgyal po'i 'khor rgyal rigs drug pho nyas bkug nas 'di skad ces smras so/ /shes ldan dag tshur khyed gzhon nu rdul phran gang na ba der dong la phyin pa dang / gzhon nu rdul phran la rgyal ba dang / tshe spel ba dag byos la/ gzhon nu rdul phran la 'di skad ces ji ltar rdul phran khyod bde na de bzhin du bdag cag kyang bde zhing / ji ltar rdul phran khyod sdug bsngal na de bzhin du bdag cag sdug bsngal bar 'gyur la/ rgyal po'i 'khor rgyal rigs drug po ni rdul phran khyod kyi grogs po dang / snying du sdug pa dang / ne'u zla yin gyis/ rdul phran khyod gal te yab 'das nas yab kyi rgyal srid kyi dbang phyug la bzhag na/ ci nas kyang bdag cag la longs spyod dag las longs spyod kyi bgo bsha' mdzod ces gyis shig /mkhan po bka' bzhin 'tshal zhes rgyal po'i 'khor rgyal rigs drug gis bram ze gnag lhas skyes las mnyan nas gzhon nu rdul phran gang na ba der dong ste phyin pa dang / gzhon nu rdul phran la rgyal ba dang tshe spel ba dag byas nas gzhon nu rdul phran la 'di skad ces smras so/ /ji ltar rdul phran khyod bde na de bzhin du bdag cag bde zhing / ji ltar rdul phran khyod sdug bsngal na de bzhin du bdag cag sdug bsngal bar 'gyur la/ rgyal po'i 'khor rgyal rigs drug ni rdul phran khyod kyi grogs po dang / snying du sdug pa dang / ne'u zla lags kyis/ rdul phran khyod gal te yab 'das nas rgyal srid kyi dbang phyug la bzhag na ci nas kyang bdag cag la longs spyod dag las longs spyod kyi bgo bsha' mdzod cig /de bzhin du bya'o zhes gzhon nu rdul phran gyis mnyan to/ /de nas dus gzhan zhig na rgyal po phyogs bdag dus las 'das te shi bar gyur nas blon po'i tshogs rnams dang / sna chen po la gtogs pa rnams dang / rgyal khrims 'don pa rnams dang / gsang tshig gis lhan cig 'tsho ba rnams kyis gzhon nu rdul phran pha'i rgyal srid kyi dbang phyug la bzhag cing / de rgyal srid la dbang bskur ba'i phyir dbang bskur ro/ /de nas gzhon nu rdul phran gyi ming gzhon nu rdul phran zhes bya ba gang yin pa de nub cing / rgyal po rdul phran zhes bya bar grags so/ /de nas rgyal po rdul phran gyis bram ze gnag lhas skyes pho nyas bkug nas 'di skad ces smras so/ /mkhan pos nga'i yab la ji ltar rjes su bstan par bya bar soms shig /bka' bzhin 'tshal zhes bram ze gnag lhas skyes kyis mnyan to/ /de nas bram ze gnag lhas skyes kyis rgyal po'i 'khor rgyal rigs drug pho nyas bkug ste 'di skad ces smras so// shes ldan dag khyed cag rgyal po rdul phran gang na ba der dong la phyin pa dang / rgyal po rdul phran la rgyal ba dang tshe spel ba dag byos la 'di skad ces lha lha gzhon nur gyur pa na bdag cag spyan sngar mchis nas 'di skad ces ji ltar rdul phran khyod bde na de bzhin du bdag cag bde zhing / ji ltar rdul phran khyod sdug bsngal na de bzhin du bdag cag sdug bsngal bar 'gyur la/ rgyal po'i 'khor rgyal rigs drug po ni rdul phran khyod kyi grogs po dang / snying du sdug pa dang / ne'u zla lags kyis/ rdul phran khyod gal te yab 'das te yab kyi rgyal srid kyi dbang phyug la bzhag na ci nas kyang bdag cag la longs spyod dag las longs spyod kyi bgo bsha' mdzod cig ces gsol pa dgongs sam zhes smros shig /gal te 'di skad ces ngas dran no zer na/ lha da ni de'i dus la bab lags so zhes smros shig /'on te de 'di skad ces sa chen po nang yangs la phyi shing rta'i dbyibs ltar 'dug pa 'di cha bdun du 'god pa su zhig yod ces zer na/ lha gnag lhas skyes ma lags pa gzhan yang ma mchis so zhes smros shig /mkhan po bka' bzhin 'tshal zhes rgyal po'i 'khor rgyal rigs drug gis bram ze gnag lhas skyes las mnyan nas/ rgyal po rdul phran gang na ba der dong ste phyin pa dang / rgyal po rdul phran la rgyal ba dang tshe spel ba dag byas nas rgyal po rdul phran la 'di skad ces smras so/ /lha lha sngon gzhon nur gyur pa na bdag cag spyan sngar mchis nas 'di skad ces ji ltar rdul phran khyod bde na de bzhin du bdag cag bde zhing / ji ltar rdul phran khyod sdug bsngal na de bzhin du bdag cag sdug bsngal bar 'gyur la/ bdag cag rgyal po'i 'khor rgyal rigs drug po ni rdul phran khyod kyi grogs po dang / snying du sdug pa dang / ne'u zla lags kyis/ rdul phran khyod gal te yab 'das te yab kyi rgyal srid kyi dbang phyug la bzhag na ci nas kyang bdag cag la longs spyod dag las longs spyod kyi bgo bsha' mdzod cig ces gsol pa dgongs lags sam/ shes ldan dag ngas dran no/ /lha da ni de'i dus la bab lags so/ /'o na sa chen po nang yangs la phyi shing rta'i dbyibs ltar 'dug pa 'di cha bdun du 'god pa su zhig yod/ lha gnag lhas skyes ma lags pa gzhan ma mchis so/ /de nas rgyal po rdul phran gyis bram ze gnag lhas skyes pho nyas bkug nas 'di skad ces smras so/ /mkhan po khyod kyis sa chen po 'di nang yangs la phyi shing rta'i dbyibs ltar 'dug pa 'di cha bdun du 'god nus sam/ lha legs par rngo thog go/ /de nas bram ze gnag lhas skyes kyis rgyal po rdul phran las mnyan nas dkyil dang dkyil na yul 'khor bu chung dang 'khor bu chung yod pa gang yin pa de dag rgyal po rdul phran gyi ris su bcad pa dang / des rgyal po rdul phran yid rangs par gyur to/ /bram ze gnag lhas skyes kyis kho bo'i ris ji lta bu zhig tu bcad na/ da lha dper na mkhas pa gsal ba bye brag shes pas byas pa lta bur gyur te zhes yid rangs pa yang go bar byas so/ /yul 'khor bu chung gzhan gang dag yin pa de dag rgyal po'i 'khor rgyal rigs drug gi ris su bcad pa dang / des rgyal po'i 'khor rgyal rigs drug kyang yid rangs par gyur te/ bram ze gnag lhas skyes kyis ji lta bu zhig tu bgos na/ ji ltar mkhas pa gsal ba bye brag shes pas byas pa bzhin du kho bo cag gis yun ring po nas bsams bsams pa'i yul de dag da kho bo cag gi ris su bcad ces yid rangs pa yang go bar byas so/ /de nas rgyal po'i zham ring rgyal rigs drug gis bram ze gnag lhas skyes la 'di skad ces smras so/ /mkhan po rgyal po rdul phran la ji ltar rjes su ston pa de bzhin du deng slan chad bdag cag la yang khyod kyis rjes su bstan par dgongs su gsol/ de bzhin du bya'o zhes bram ze gnag lhas skyes kyis mnyan to/ /de nas bram ze gnag lhas skyes rgyal bo rdul phran dang / rgyal po'i 'khor rgyal rigs drug dang / rgyal rigs shing sA la chen po lta bu bdun dang / bram ze shing sA la chen po lta bu bdun dang / khyim bdag shing sa la chen po lta bu bdun dang / thabs rir bab pa'i chung ma bzhi bcu la rjes su ston to/ /bram ze'i khye'u lnga brgya tsam la bram ze'i gsang tshig klog tu 'jug go/ /'dul sbyong mkhan dang / glang po che la zhon pa dang / rta la zhon pa dang / ral gri 'dzin stangs mkhan dang / gzhu 'dzin pa dang / zha 'bring byed pa dang / go re long byed pa dang / bro ga len pa dang / rgyal po'i bu rtul phod pa dpa' ba rab gnon tshan po che dang ldan pa rnams dang / sems srung ba dang / skra mkhan dang / khrus byed pa du ma la yang rjes su ston par byed do/ /de nas bram ze gnag lhas skyes kyi ming bram ze gnag lhas skyes shes bya ba'i ming gang yin pa de nub par gyur cing / bram ze chen po gnag lhas skyes shes bya bar grags so/ /de nas bram ze chen po gnag lhas skyes bram ze rnams kyis ni tshangs par bkur ro/ /rgyal pos ni lhar bkur ro/ /grong mi dang yul mi rnams kyis ni rgyal por bkur ro/ /bram ze rnams kyis ni 'di snyam du shes te/ bram ze chen po gnag lhas skyes kyis tshangs pa'i lam mthong ste/ tshangs pa'i lam shes shing mthong nas mtha' dag rdzogs par byas te gnas so snyam mo/ /rgyal po dang / grong mi dang / yul mi rnams kyis kyang 'di snyam du shes te/ bram ze chen po gnag lhas skyes kyis tshangs pa'i lam shes shing / tshangs pa'i lam mthong ste/ tshangs pa'i lam shes shing mthong nas mtha' dag rdzogs par byas te gnas so snyam mo/ /de nas bram ze chen po gnag lhas skyes 'di snyam du sems te/ bdag da ltar bram ze rnams kyis ni tshangs par bkur/ rgyal pos ni lhar bkur/ grong mi dang yul mi rnas kyis ni rgyal po bkur/ bram ze rnams ni 'di snyam du shes te/ bram ze chen po gnag lhas skyes kyis tshangs pa'i lam mthong ste/ tshangs pa'i lam shes shing mthong nas mtha' dag rdzogs par byas te gnas so snyam mo/ /rgyal po dang / grong mi dang / yul mi rnams kyis kyang 'di snyam du shes te/ bram ze chen po gnag lhas skyes ni tshangs pa'i lam shes shing tshangs pa'i lam mthong ste/ tshangs pa'i lam shes shing mthong nas mtha' dag rdzogs par byas te gnas so snyam mo/ /bdag gis ni tshangs pa'i lam yang mi shes/ bdag ni tshangs pa'i lam shes shing mthong nas mtha' dag rdzogs par byas te gnas pa yang ma yin na/ bdag gis bdag gi pha bram ze gnag lhas skyes las bram ze gang zhig dbyar zla ba bzhi po dag la dben par snying rje'i bsam gtan gyis gnas na de'i drung du tshangs pa 'ong bar 'gyur ro zhes thos kyis/ ma la bdag gis dbyar zla ba bzhi dag la dben par snying rje'i bsam gtan gyis gnas par bya'o snyam mo/ /de nas bram ze chen po gnag lhas skyes kyis rgyal po rdul phran la 'di skad ces smras so/ /lha re shig rjes su ston pa gzhan zhig btsal du gsol/ bdag ni dbyar zla ba bzhi po dag la dben par snying rje'i bsam gtan gyis gnas par 'tshal lo/ /mkhan po dag de'i dus la bab par mkhyen par mdzod cig /rgyal po'i 'khor rgyal rigs drug dang / rgyal rigs shing sA la chen po lta bu bdun dang / bram ze shing sA la chen po lta bu bdun dang / khyim bdag shing sA la chen po lta bu bdun dang / thabs rir bab pa'i chung ma bzhi bcu la smras pa/ shes ldan dag re shig ma g.yeng bar bag yod par khyim na 'khod cig /bdag ni dbyar gyi zla ba bzhi po dag la dben par snying rje'i bsam gtan gyis gnas par 'dod do/ /rje'i sras da de'i dus la bab lags so/ /bram ze'i khye'u lnga brgya po dag la smras pa/ bram ze'i khye'u dag re shig ji skad thos pa dang / ji skad bstan pa dang / ji ltar kun chub par byas pa'i rig pa dag zung shig /lhogs shig /bdag ni dbyar zla ba bzhi po dag la dben par snying rje'i bsam gtan gyis gnas par 'dod do/ /mkhan po da de'i dus la bab lags so/ /'dul sbyong mkhan dang / glang po che la zhon pa dang / rta la zhon pa dang / shing rta pa dang / ral gri 'dzin stangs mkhan dang / gzhu 'dzin pa dang / zhabs 'bring byed pa dang / go re long byed pa dang / bro ga len pa dang / rgyal po'i bu rtul phod pa dpa' ba rab gnon tshan po che dang ldan pa rnams dang / sems srung ba dang / skra mkhan dang / khrus byed pa du ma la smras pa/ shes ldan dag re shig rjes su ston pa gzhan tshol cig /kho bo ni dbyar zla ba bzhi po dag la dben par snying rje'i bsam gtan gyis gnas par 'dod do/ /mkhan po da de'i dus la bab lags so/ /de nas bram ze chen po gnag lhas skyes kyis grong khyer gyi shar phyogs su khang bzangs shig brtsigs nas/ dbyar zla ba bzhi po dag la dben par snying rje'i bsam gtan gyis gnas pa las de'i drung du tshangs pa ma 'ongs so/ /de nas bram ze chen po gnag lhas skyes kyis dbyar gyi zla ba bzhir zhag gcig gis ma lon pa dang 'di snyam du sems te/ bdag gi pha bram ze gnag lhas skyes las dbyar zla ba bzhi po dag la dben par snying rje'i bsam gtan gyis gnas na/ de'i drung du tshangs pa 'ong bar 'gyur ro zhes thos na bdag gi drung du ni tshangs pa ma 'ongs so snyam mo/ /de nas tshangs pa mi mjed kyi bdag pos bram ze chen po gnag lhas skyes kyi bsam pa sems kyis shes nas/ dper na skyes bu stobs dang ldan pa'i lag pa bskum pa las brkyang ba 'am/ brkyang ba las bskum pa tsam gyis tshangs pa mi mjed kyi bdag po tshangs pa'i 'jig rten nas mi snang bar gyur cing / bram ze chen po gnag lhas skyes kyi khang bzangs su 'ongs so/ /de'i tshe tshangs pa mi mjed kyi bdag po'i kha dog gi mthus khang bzangs thams cad snang ba rgya chen pos khyab par gyur to/ /bram ze chen po gnag lhas skyes kyis nam gyi cha smad la bab pa dang / khang bzangs thams cad snang ba rgya chen pos khyab par gyur pa mthong ngo / /mthong nas kyang de'i tshe tshigs su bcad de smras pa/ 'di 'dra ba yi kha dog ni/ /bdag gis ma mthong ma thos na/ /gzugs bzang kha dog ldan pa yi/ /grogs po khyod ni su zhig yin/ /gang la lhar bcas tshangs ris dang / /de bzhin ris ni gzhan dag gis/ /gzhon nur rab shes de lta bur/ /gnag lhas skyes kyis nga shes byos/ /tshangs pa khyod la 'dud bgyid cing / /bkur sti yang ni bgyid lags kyis/ / bdag gi tshig rnams gsan mdzod la/ /myur du gnang bar mdzad du gsol/ /gnag lhas skyes pa khyod kyis ni/ /smras pa'i tshig de gzung bar byas/ /tshe 'di'i don ni gang yin dang / /phyi ma'i don ni gang yin pa/ / yid la bsams pa de dag ni/ /bram ze nga la dris shig dang / /dris pa de dang de dag ni/ /nga yis khyod la gtan la dbab/ /de nas bram ze chen po gnag lhas skyes 'di snyam du sems te/ re shig bdag gis mthong ba'i chos kyi don gyis thob par bya ba gang yin pa de ni bdag gis thob kyis/ ma la bdag gis tshe phyi ma'i don las brtsams te dri bar bya'o snyam nas de'i tshe tshigs su bcad de smras pa/ blo la bsdogs pa'i yid gnyis the tshom dag /tshangs pa kun bged gzhon nu la 'dri ba/ /gang du gnas shing gang la bslab byas na/ /tshangs pa'i 'jig rten mi 'chi 'thob par 'gyur/ /bram ze mi yi nang na nga'o snyam spangs shing / /gcig pur gyur pa snying rjer mos pa dang / /dri nga med cing 'khrig las chags bral ba/ /'di la gnas shing 'di nyid la bslabs nas/ /mi yis tshangs pa'i 'jig rten 'chi med 'thob/ /de nas bram ze chen po gnag lhas skyes 'di snyam du sems te/ tshangs pas bshad pa/ bram ze mi yi nang na nga'o snyam spangs shing / /zhes bya ba 'di'i don yang bdag gis kun shes/ tshangs pas bshad pa/ gcig pur gyur pa snying rjer mos pa dang / zhes bya ba 'di'i don yang bdag gis kun shes na/ tshangs pas bshad pa/ dri nga med cing 'khrig las chags bral ba/ /zhes bya ba 'di'i don bdag gis mi shes so snyam du bsams nas de'i tshe tshigs su bcad de smras pa/ tshangs pa mi'i nang dri nga gang zhig lags/ /'jig rten kun ni ngogs kyis 'bab chu ltar/ /gang gis bsgribs na ngan song sgrib pa can/ /tshangs pa 'thob 'gyur lam ni mi shes pa'o/ /khro dang brdzun dang khon dang rnam 'tshe dang / /'jungs dang mngon pa'i nga rgyal mi bzod dang / /chags dang zhe sdang de bzhin gti mug dang / /phrag dog ser sna dag dang 'tshig pa ste/ /de dag bram ze mi'i nang dri nga yin/ /'jig rten kun na ngogs kyis 'bab chu ltar/ /de yis bsgribs na ngan song sgrib pa can/ /tshangs pa 'thob 'gyur lam ni mi shes so/ /de nas bram ze chen po gnag lhas skyes 'di snyam du sems te/ ji skad du bdag gis tshangs pas smras pa'i don shes pa ltar na/ khyim pa khyim na gnas pas ji srid 'tsho ba'i bar du tshangs par spyod pa sal gyis dag pa/ ma 'dres pa yongs su rdzogs pa yongs su dag pa rnam par byung ba spyad pa 'di ni sla ba ma yin pas ma la bdag skra dang kha spu bregs te gos ngur smrig bgos nas dad pa yang dag pa kho nas khyim med par rab tu 'byung bar bya'o snyam mo/ /de nas tshangs pa mi mjed kyi bdag pos bram ze chen po gnag lhas skyes kyi bsam pa sems kyis shes nas tshigs su bcad de smras pa/ tshangs par skye bar bya ba'i phyir/ /'di la 'bad pa brtan par gyis/ /chos 'di dag pa g.yung drung yin/ /zhes smras nas tshangs pa mi mjed kyi bdag po de nyid du mi snang bar gyur to/ /de nas dbyar zla ba bzhi po dag 'das nas rgyal po rdul phran bram ze chen po gnag lhas skyes gang na ba der dong ste phyin pa dang / bram ze chen po gnag lhas skyes kyi rkang pa gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / rgyal po rdul phran la bram ze chen po gnag lhas skyes kyis 'di skad ces smras so/ /sa bdag rgyal chen rdul phran khyod/ /bdag gi tshig ni gsan par mdzod/ /gnag lhas skyes bdag mi spro yis/ /rgyal srid nyid kyis bskyang du gsol/ /de nas rgyal po rdul phran gyis tshigs su bcad de smras pa/ khyod kyi 'dod pa mi chog pa/ /gang yin de yang khyod la bskang / /khyod la 'tshe ba de bsad kyis/ /gnag lhas skyes kyis bdag ma spang / /rgyal po bdag 'dod mi chog min/ /bdag la 'tshe ba'ang ma mchis te/ /mi ma yin pa'i tshig thos nas/ /khyim gyi gzhi la mi spro'o/ /gang las thos nas bram ze khyod/ /'dir ni bdag dang 'dod spong ba/ /mi ma yin pa de ci 'dra/ /dri yis de ni bdag la smros/ /snying rje yi ni gnas pa yis/ /rab dben bsam gtan byed pa na/ /de nas tshangs pa mdun du 'ongs/ /tha dad phyogs ni snang bar byas/ /bdag gis de yi tshig thos nas/ /khyim gyi gzhi la mi spro'o/ /bram ze gang du 'gro ba der/ /kho bo yang ni 'gro bya zhing / /khyod kyi nyan thos 'gyur bar bgyis/ /gnag lhas skyes khyod ston pa mdzod/ /gang la so so'i skye bo rnams/ /chags pa'i 'dod pa de dag spongs/ /'dod pa rnams la mi lta zhing / /bden pa'i chos la gnas par mdzod/ /tshangs par skye bar bgyi slad du/ /nor bu dag pa bai dUr+ya/ /ji ltar ma bcos dri med lta'i/ /tshangs par spyod pa spyad bar bgyi/ /mkhan po da de'i dus la bab par mkhyen par mdzod cig /de nas bram ze chen po gnag lhas skyes kyis rgyal po'i 'khor rgyal rigs drug rnams la smras pa/ shes ldan dag bdag ni skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung na shes ldan dag ci byed/ mkhan po lo bdun du gzhes shig dang / lo bdun 'das nas bdag cag bu dang / spun dang / gzhan dag rgyal srid kyi dbang phyug la bkod nas mkhan po rab tu byung ba'i rjes su rab tu 'byung ngo / /shes ldan dag lo bdun lta ha cang yang thogs ches so/ /gzhan yang 'dod pa rnams ni chags par 'gyur ba/ longs spyod rnams ni myos par 'gyur ba/ srog 'chad pa ni shes par dka' ba yin pas lo bdun 'das na yang shes ldan dag rab tu 'byung ngam mi 'byung gtol med pas re shig kho bo rab tu 'byung ngo / /mkhan po lo drug gam/ lnga 'am/ bzhi 'am/ gsum 'am/ gnyis sam/ gcig gam/ zla ba bdun nam/ drug gam/ lnga 'am/ bzhi 'am/ gsum 'am/ gnyis sam/ gcig gam/ zhag bdun zhig gzhes shig dang / zhag bdun 'das nas bdag cag bu dang / spun dang / gzhan dag rgyal srid kyi dbang phyug la bkod nas mkhan po rab tu byung ba'i rjes su rab tu 'byung bar bgyi'o/ /shes ldan dag zhag bdun lta ring po yang mi thogs na/ 'on kyang 'dod pa rnams ni chags par 'gyur ba/ longs spyod rnams ni rgyags par 'gyur ba/ srog 'chad pa shes par dka' ba yin pas zhag bdun 'das na yang shes ldan dag rab tu 'byung ngam mi 'byung gtol med pas re shig bdag rab tu 'byung ngo / /mkhan po da de'i dus mkhyen par mdzod cig /de nas bram ze chen po gnag lhas skyes kyis rgyal rigs shing sA la chen po lta bu bdun dang / bram ze shing sA la chen po lta bu bdun dang / khyim bdag shing sA la chen po lta bu bdun dang / thabs rir bab pa'i chung ma bzhi bcu la smras pa/ shes ldan dag bdag ni skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung na shes ldan dag ci byed rje'i sras bdag cag btsun mo bgyi ba'i dus na ni btsun mo/ grogs bgyi ba'i dus na ni grogs lags pas rje'i sras gal te skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung na/ rje'i sras rab tu byung ba'i rjes su bdag cag kyang rab tu 'byung bar bgyi'o/ /shes ldan dag da de'i dus la bab par shes par gyis shig /de nas bram ze chen po gnag lhas skyes kyis bram ze'i khye'u lnga brgya tsam la smras pa/ shes ldan dag bdag ni skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung na shes ldan dag ci byed/ mkhan po bdag cag gang cung zad ci 'tshal ba de thams cad ni mkhan po las brten te lags kyis/ gal te mkhan po skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung na/ mkhan po rab tu byung ba'i rjes su bdag cag kyang rab tu 'byung bar bgyi'o/ /shes ldan dag da de'i dus la bab par shes par gyis shig /'dul sbyong mkhan dang / glang po che la zhon pa dang / rta la zhon pa dang / shing rta pa dang / ral gri'i 'dzin stangs mkhan dang / gzhu 'dzin pa dang / zha 'bring byed pa dang / go re long byed pa dang / bro ga len pa dang / rgyal po'i bu dpa' ba rtul phod pa rab gnon tshan po che dang ldan pa rnams dang / sems srung ba dang / skra mkhan dang / khrus byed pa du ma la smras pa/ shes ldan dag bdag ni zhes bya ba nas/ skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu 'byung na zhes bya ba'i bar gong ma bzhin du ste/ mkhan po rab tu 'byung ba'i rjes su bdag cag kyang rab tu 'byung bar bgyi'o/ /shes ldan dag de'i dus la dbab par shes par gyis shig /de nas bram ze chen po gnag lhas skyes skra dang / kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ngo / /rgyal po rdul phran yang 'khor brgya phrag du ma dang / 'khor stong phrag du ma dang / 'khor brgya stong phrag du ma dang skra dang kha spu bregs nas gos ngur smrig bgos te/ dad pa yang dag pa kho nas khyim nas khyim med par bram ze chen po gnag lhas skyes rab tu byung ba'i rjes su rab tu byung ngo / /rgyal po'i 'khor rgyal rigs drug dang / rgyal rigs shing sA la chen po lta bu bdun dang / bram ze shing sA la chen po lta bu bdun dang / khyim bdag shing sA la chen po lta bu bdun dang / thabs rir bab pa'i chung ma bzhi bcu yang skra dang kha spu bregs nas gos ngur smrig bgos te/ dad pa yang dag pa kho nas khyim nas khyim med par bram ze chen po gnag lhas skyes rab tu byung ba'i rjes su rab tu byung ngo / /bram ze'i khye'u lnga brgya tsam yang skra dang kha spu bregs nas gos ngur smrig bgos te bram ze chen po gnag lhas skyes rab tu byung ba'i rjes su rab tu byung ngo / /glang po che la zhon pa dang / rta la zhon pa dang / shing rta pa dang / ral gri 'dzin stangs pa dang / gzhu 'dzin pa dang / zha 'bring byed pa dang / go re long byed pa dang / bro ga len pa dang / rgyal po'i bu dpa' ba rtul phod pa rab gnon tshan po che dang ldan pa rnams dang / sems srung ba dang / skra mkhan dang / khrus byed pa rnams kyang skra dang kha spu bregs nas gos ngur smrig bgos te bram ze chen po gnag lhas skyes rab tu byung ba'i rjes su rab tu byung ngo / /bram ze chen po gnag lhas skyes de ltar rab tu byung nas nyon mongs pa'i sgrib pa lnga po sems nye bar nyon mongs par byed pa/ shes rab nyam chung bar byed pa/ gnod par byed pa'i phyogs dang 'thun pa/ mya ngan las mi 'da' bar byed pa rnams spangs nas byams pa dang ldan pa'i sems kho na med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa shin du bsgoms pas phyogs gcig tu mos te/ khyab par byas nas rdzogs par byas te gnas so/ /de bzhin du gnyis pa dang / de bzhin du gsum pa dang / de bzhin du bzhi pa dang / bla dang 'og dang / thad kar rnam pa thams cad du 'jig rten 'di thams cad byams pa dang ldan pa'i sems khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa shin tu bsgoms pas mos te khyab par byas nas rdzogs par byas te gnas so/ /de bzhin du snying rje dang / dga' ba dang / btang snyoms dang ldan pa'i sems khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa shin tu bsgoms pas phyogs gcig tu mos te khyab par byas nas rdzogs par byas te gnas so/ /de bzhin du gnyis pa dang / de bzhin du gsum pa dang / de bzhin du bzhi pa dang / bla dang 'og dang / thad kar rnam pa thams cad du 'jig rten 'di thams cad btang snyoms dang ldan pa'i sems khon med pa/ 'gran zla med pa/ gnod pa med pa/ yangs pa rgya chen por gyur pa/ tshad med pa shin tu bsgoms pas phyogs gcig tu mos te khyab par byas nas rdzogs par byas te gnas so/ /de nas bram ze chen po gnag lhas skyes kyi ming bram ze chen po gnag lhas skyes/ bram ze chen po gnag lhas skyes shes bya ba'i ming gang yin pa de nub par gyur cing / ston pa gnag lhas skyes shes bya bar grags so/ /de nas ston pa gnag lhas skyes 'khor brgya phrag du ma dang / 'khor stong phrag du ma dang / 'khor brgya stong phrag du ma dang / grong rdal nas grong rdal dang / grong khyer nas grong khyer du ljongs rgyu zhing dong ngo / /de'i tshe skyes pa 'am bud med dag las nyes pa 'ga' byung na ston pa gnag lhas skyes phyogs gang na 'dug pa'i phyogs de logs su thal mo sbyar ba btud nas ston pa gnag lhas skyes de la phyag 'tshal lo/ /phyag 'tshal lo/ /ston pa gnag lhas skyes de la phyag 'tshal lo/ /phyag 'tshal lo/ /ston pa gnag lhas skyes de la phyag 'tshal lo/ /phyag 'tshal lo/ /zhes ched du brjod pa/ lan gsum brjod do/ /mdun na 'don bdun byung ba gang yin pa ni/ ral gris 'tsho dang tshangs sbyin dang / /sna tshogs za dang de bzhin sa/ /rdul can yul 'khor skyong gnyis gnyis/ /de tshe skye bo de bdun byung / /ka ling ka na mche ba'i khyim/ /rdo mangs na ni skem byed de/ /srung byed na ni ma he ldan/ /ang gar tsam pa ris su bcad/ /lus 'phags na ni mi thi la/ /stang zil can na ma rungs pa/ /bA rA Na sIr ka shi ste/ /gnag lhas skyes kyis ris bcad de'o/ /rgyal po chen po ji snyam du sems/ de'i tshe de'i dus kyi ston pa gnag lhas skyes gang yin pa de ni nga nyid yin no/ /rgyal po chen po ngas sems can la phan pa byas pa des bla na med pa yang dag par rdzogs pa'i byang chub thob bo snyam na khyod kyis de ltar mi blta ste/ 'on kyang nga'i de ni bla na med pa yang dag par rdzogs pa'i byang chub kyi rgyu tsam dang / rkyen tsam dang / tshogs tsam yin no/ /btsun pa bcom ldan 'das kyis bla na med pa yang dag par rdzogs pa'i byang chub tu thog mar thugs gang du bskyed lags/ rgyal po chen po sngon byung ba rgyal po 'od ldan zhes bya ba byung ste/ de'i yul du glang po rin po che me tog kun mu ta'i mdog ltar dkar ba/ yan lag bdun shin tu gnas pa/ gzugs bzang ba/ mdzes pa/ blta na sdug pa zhig byung ngo / /de nas rgyal po 'dod ldan gyis glang po 'dul mkhan mkhas pa pho nyas bkug nas 'di skad ces smras so/ /mkhas pa des pa khyod kyis glang po che dam pa 'di myur du legs par dul bar byos la nga la phul cig /lha bka' bzhin 'tshal zhes glang po che 'dul mkhan mkhas pas rgyal po 'od ldan las mnyan nas glang po che dam pa de 'dul bar byed de/ de dul bar rig nas rgyal po 'od ldan la phul te/ lha'i glang po che dam pa ni dul lags pas lha da de'i dus la bab par mkhyen par mdzad du gsol/ de nas rgyal po 'od ldan glang po che dam pa de la zhon te glang po'i 'dul mkhan yang gong du zhon nas ri dgas 'chor du song ngo / / ji tsam na glang po che des nags kyi bal glang mo'i dri tshor nas des dri de'i rjes bzhin du brgyugs so/ /de nas rgyal po glang po che rlung ltar mgyogs pas khyer ba dang / glang po che'i 'dul mkhan la smras pa/ kye glang po 'dul mkhan nam mkha' 'gul ba 'dra zhing phyogs kun myur du 'du bar 'gro ba 'dra/ /sa ni mtha' dag 'khor lo bzhin 'khor shing rnams mkha' la 'khor ba 'dra/ /glang po'i dbang po gangs ri 'gro ba lta bu 'di rgyug mthong nas ni/ /ri bo 'di rgyug snyam nas ri rnams gya tsom myur du rgyug pa 'dra/ /kye glang po che 'dul mkhan glang po che'i dbang po thul cig thul cig /glang chen dbang po tshar gcad par/ /bzang po rab tu 'bad par gyis/ /glang chen gnye'u rengs khyer ba yis/ /kho bo cir 'gyur gtol med khyer/ /glang po che 'dul bas smras pa/ lha drang srong dam pas smras pa'i gsang sngags bzlas bgyi zhing / /'di la lcags kyus tshar bcad 'bad pa yang bgyi na/ /'chi bar nges pa rnams kyi tshe yis sman bzhin du/ /glang po 'di ni bdag stobs zil gyis mnan nas mchi/ /mi yi dbang po lcags kyu 'am/ /zhags pa 'am yang na lcag gis kyang / /'dod chags gnye'u rengs khyer ba'i sems/ /tshar gcad nus pa ma lags so/ /'dod chags sems kyi zug rngu ni/ /ji zhig ltar na skye 'gyur te/ /tshul 'ga' zhig gis rgyas 'gyur la/ /'ga' zhig gis kyang zhi bar 'gyur/ /gang gi tshe glang po'i 'dul mkhan des glang po che dam pa de gnas thams cad du bzlog par ma nus pa de'i tshe/ rgyal po la smras pa/ lha glang po che 'di ni 'khrul gyis shing gi yal ga la 'jus mdzod cig /de nas rgyal po dang 'dul mkhan shing gi yal ga la 'jus te 'dug go/ /de nas di'u shi ba las thar te bde bar gyur nas rgyal pos 'dul mkhan la smras pa/ khyod kyis glang po che dam pa ma dul bar nga la phul lo/ /des smras pa/ lha 'di bdag gis shin tu dul bar bgyis te/ 'on kyang nags kyi bal glang mo'i dri tshor nas nyan du ma btub lags so/ /lha de lta lags mod kyi dpyad dran nas ring po mi thogs par mchi bar 'gyur ro/ /de nas glang po che de myos pa dang bral bar gyur nas zhag bdun lon pa dang dpyad rjes su dran nas rang nyid gnas su 'ongs te 'dug go/ /de nas glang po che 'dul mkhan gyis rings pa rings par rgyal po la smras pa/ lha glang po che de ni mchis lags so/ /rgyal pos smras pa/ khyod kyis ni 'di ma thul to/ /lha thul lags so/ /ci mngon lha'i spyan sngar bab par bgyi'o zhes des lcags kyi thu lum so mal du tshos par bsregs pa zhig dpyad kyi sar khyer te len du gzhug par brtsams so/ /de nas des bag tsha ba med pas blang bar brtsams pa dang glang po 'dul mkhan gyis smras pa/ lha len du ni btub na 'on kyang 'gum par 'gyur ro/ /rgyal pos smras pa/ kye mkhas pa de ltar shin tu dul ba 'dis bdag cag g.yengs pa 'di la rgyu ci zhig yod/ lha bdag gis sngar lus thul gyi sems ni ma lags so zhes ma gsol tam/ bdag ni lus 'dul ba lags kyi/ sems 'dul ba ni ma lags so/ /rgyal pos smras pa/ sems 'dul ba 'ga' yod par khyod kyis mthong ngam/ thos sam/ de lhas bskul nas smras pa/ lha lus 'dul ba dang sems 'dul ba sangs rgyas bcom ldan 'das rnams mchis so/ /'dod pa'i rgyus byung nyes gzhom phyir/ /mang po brtson par byed mod kyi/ /mi nus par ni shes nas kyang / /brtson 'grus nyams nas ldog par byed/ /de dang der ni de lta bu'i/ /'bad pa rnam pa mang byas kyang / /'dod pa'i 'dod chags nags tshal gyi/ /rtsa nas phyin par mi 'gyur ro/ /'dod pa gzhom par 'dod pa ni/ /kha cig yul rnams spong bar byed/ /de gzhom 'dod pa gzhan dag ni/ /dga' bzhin dbang po tshim par byed/ /lha dang lha min mi dang seng ge stag dang sbrul dag dang / /srin bu bye ba phye ma leb dang 'jig rten 'di dag kun/ /'dod pa'i zhags pa shin tu phra mo rnams kyis yid bcings nas/ /srid 'gro thibs po 'dir ni 'khor lo bzhin du shin du 'khor/ /bdag ni sna tshogs thabs kyis 'di lta bu/ /gzugs bzang phun sum tshogs pa'i glang po 'dul/ /rgyal po gzugs can ma lags phra sems ni/ /drang srong chab klung 'tshal bas ma thul to/ /glang chen 'dul ba gzugs med phra ba'i sems/ /drang srong chu klung za bas ma thul na/ /gang gi dbang du gzugs med sems 'gyur te/ /mi yi 'jig rten dag na yod dam kye/ /gang gi dbang du gzugs med sems 'gyur te/ /lhan gcig mi yi 'jig rten na mchis te/ /rgyal po chen po sangs rgyas mthu bo che/ /nyon mongs spangs pa dpa' bo stobs ldan pa/ /de dang gang dag de 'drar rjes 'brang ba/ /de'i dbang 'dir ni gzugs med sems 'gyur ro/ /de nas rgyal po 'od ldan gyis sangs rgyas bcom ldan 'das rnams kyi brtson 'grus dang stobs thos nas sbyin pa dag byin/ bsod nams dag byas te bla na med pa yang dag par rdzogs pa'i byang chub tu smon lam btab pa/ sbyin pa rgya chen gyur pa 'di yis su/ / 'gro bar rang byung sangs rgyas gyur nas ni/ /sngon gyi rgyal dbang rnams kyis ma bsgral ba/ /skye bo'i tshogs dag bdag gis bsgral bar bya/ /bdag gis skye dgu legs bskyangs las byung ba 'am/ /btang ba las byung bsod nams yod pa gang / /des ni sangs rgyas nyid thob 'jig rten dag /'dod pa'i rims nad las rab thar bar bya/ /rgyal po chen po ji snyam du sems/ de'i tshe de'i dus kyi rgyal po 'od ldan du gyur pa gang yin pa de ni de'i tshe de'i dus na nga nyid de yin te/ ngas der thog mar bla na med pa yang dag par rdzogs pa'i byang chub tu sems bskyed do/ /btsun pa bcom ldan 'das kyis bla na med pa yang dag par rdzogs pa'i byang chub don du gnyer ba'i phyir yang dag par rdzogs pa'i sangs rgyas gang la thog mar bsod snyoms phul lags/ rgyal po chen po sngon byung ba yangs pa zhes bya ba'i grong khyer yod de/ yangs pa'i grong khyer du rdza mkhan yangs pa'i 'od ces bya ba zhig byung ngo / /de'i tshe ston pa shAkya thub pa zhes bya ba 'jig rten du byung ngo zhes bya ba nas sangs rgyas bcom ldan 'das shes bya ba'i bar gong ma bzhin no/ /de'i mchog zung dang bzang po zung ni shA ri'i bu dang maud gal gyi bu zhes bya'o/ /rim gro byed pa ni dge slong kun dga' bo zhes bya'o/ /de nas yang dag par rdzogs pa'i sangs rgyas shAkya thub pa dge slong gi tshogs kyis yongs su bskor nas ljongs rgyu zhing gshegs pa na yangs pa'i grong khyer du byon pa dang / de rlung shas che ba'i snyun gyis thebs nas des tshe dang ldan pa kun dga' bo la bka' stsal pa/ kun dga' bo song la rdza mkhan yangs pa'i 'od las mar dang / til mar dang / bu ram chu khyer te shog shig /btsun pa bka' bzhin 'tshal zhes tshe dang ldan pa kun dga' bos bcom ldan 'das las mnyan nas rdza mkhan yangs pa'i 'od gang na ba der song ste phyin pa dang / rdza mkhan yangs pa'i 'od la 'di skad ces smras so/ /yangs pa'i 'od shes par gyis shig bcom ldan 'das rlung shas che ba'i snyun gyis thebs te/ de la mar dang / til mar dang / bu ram chu dgos so/ /de nas rdza mkhan yangs pa'i 'od kyis tshe dang ldan pa kun dga' bo las mnyan nas mar dang / til mar dang / bu ram chu khyer te bu dang lhan cig yang dag par rdzogs pa'i sangs rgyas shAkya thub pa gang na ba der dong ste phyin pa dang / mar dang / til mar gyis bcom ldan 'das kyi sku byugs nas chu 'jam pos sku khrus byas te/ bu ram chu'i btung ba gsol to/ /des yang dag par rdzogs pa'i sangs rgyas shAkya thub pa bzod cing 'tsho bar gyur to/ /de nas rdza mkhan yangs pa'i 'od kyis de'i zhabs gnyis la gtugs nas smon lam gdab par brtsams pa/ bdag kyang rab tu sbyin pa 'di yis shAkya'i rigs skyes pa/ /yon tan rigs dang rus dag mnyam pa'i sangs rgyas nyid gyur cing / /bdag gis tshangs pa'i 'jig rten bar gyi nyam thag 'chi ba yi/ / pha rol zhi ba rgya chen 'jigs pa med pa sgrol bar shog /de'i bus kyang smon lam btab pa/ bdag kyang las 'dis na gzugs med pa'i chos rnams rtogs pa dang / bcom ldan 'das kyi rim gro byed par gyur cig / ces byas so/ /rgyal po chen po ji snyam du sems/ de'i tshe de'i dus kyi rdza mkhan yangs pa'i 'od gang yin pa de ni nga nyid yin te/ der ngas yang dag par rdzogs pa'i sangs rgyas shAkya thub pa la thog mar bsod snyoms phul lo/ /de'i tshe de'i dus kyi bu gang yin pa de ni kun dga' bo yin no// //'dul ba gzhi/ bam po lnga bcu rtsa gcig pa/ btsun pa bcom ldan 'das kyis bla na med pa yang dag par rdzogs pa'i byang chub don du gnyer ba'i slad du yang dag par rdzogs pa'i sangs rgyas ji snyed cig la bsnyen bkur bgyis lags/ rgyal po chen po re shig grangs med pa dang po la/ /sangs rgyas shAkya thub pa nas/ /'dren pa yul 'khor skyong gi bar/ /de'i bar bdun khri lnga stong gi/ /sangs rgyas rnams ni ngas mchod do/ /grangs med gcig ni 'das pa yi/ /rgyal ba ngas ni mchod byas te/ /sangs rgyas nyid ni 'dod pa'i phyir/ /nga la skyo ba'i sems med do/ /rgyal po chen po grangs med pa gnyis pa la ni/ sangs rgyas mar me mdzad nas ni/ /dbang po'i rgyal mtshan thub pa'i bar/ /bdun khri drug stong dag gi ni/ /sangs rgyas rnams ni nga yis mchod/ / grangs med gnyis po tshang bar ni/ /rgyal ba nga yis mchod byas te/ /skye ba de dang de dag tu/ /nga la skyo ba'i sems med do/ /grangs med pa gsum pa la yang / /sangs rgyas legs mdzad nas bzung ste/ /sangs rgyas 'od srung bar dag tu/ /bdun khri bdun stong nga yis mchod/ /grangs med gsum po de la ni/ /rgyal ba ngas ni mchod byas te/ /byang chub phyir ni spyod pa na/ /de tshe nga la skyo sems med/ /nga ni byang chub sems dpa' na/ /sangs rgyas mchog ni de dag mchod/ /'jig rten 'dren pa de kun gyis/ /nga ni sangs rgyas nyid du bstan/ /ngas ni sngon bsams gang yin pa/ /nga ni smon lam thams cad rdzogs/ /ngas ni sangs rgyas khur bor te/ /sems can rnams ni rjes su bzung / /de nas ko sa la'i rgyal po gsal rgyal bcom ldan 'das kyis gsungs pa la mngon par dga' ste rjes su yi rang nas bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas song ngo / / de nas sangs rgyas bcom ldan 'das la tshe dang ldan pa kun dga' bos zhus pa/ 'jig rten gtso bo rnam 'dren pa/ /thub pa khyod kyi byang chub thugs/ /thog mar gang du bskyed pa dag /skal ldan chen po bdag la gsungs/ / khyod sngon byang chub spyod pa na/ /sangs rgyas ji snyed dus gang du/ /ji lta bur ni bsnyen bkur mdzad/ /mi mchog de ni bdag la gsungs/ /kun dga' bo yi tshig gsan nas/ /rkang gnyis dam pa rdzogs sangs rgyas/ / 'gro la thugs rje mdzad nas su/ /thub pas byang chub spyod pa gsungs/ /sangs rgyas 'dod chags bral thos shing / /glang po dregs pa'i shas chen dang / /'jig rten sdug bsngal gyur mthong nas/ /ngas ni byang chub sems bskyed do/ /mi dbang 'od ldan gyur pa na/ /ngas ni byang chub 'dod pa'i phyir/ /ngas ni brtan por dam bcas te/ /skyon med pa yi sbyin pa btang / /nga ni rdza mkhan gyur pa na/ /sangs rgyas shAkya thub mthong nas/ /byang chub phyir ni thog mar ngas/ /mar dang til mar gyis mchod do/ /sngon gyi skye ba gzhan dag tu/ /tshong dpon bu mor gyur pa na/ /sangs rgyas kauN+Di n+ya mthong nas/ /ngas ni mar me'i sbyin pa byas/ /sangs rgyas gzhan gyis mi thul ba'i/ /nga sngon sde snod gsum pa las/ /dge slong dge 'dun rtsod pa la/ /dge 'dun la ni bud med smras/ /tshig gi nyes byas byung bas na/ /mod la bud med nyid du gyur/ /slar yang sems dang byas pas ni/ /skyes pa nyid ni thob par gyur/ /sngon gyi skye ba gzhan dag tu/ /nga ni rgyal po'i sras gyur tshe/ /gcen po rin chen gtsug tor la/ /mar me'i sbyin pas mchod byas shing / /ngas ni zla gsum drug bcu ru/ /bde mdzad kyi ni zham ring byas/ /ngas ni mya ngan 'das pa de'i/ /mchod rten la ni nor kun phul/ /nga ni tshong dpon gyur pa na/ / sgra snyan dbyangs la zla gsum mchod/ /de yi mchod rten mthon po ni/ /dgu bcu rtsa gcig rtsig tu bcug /nga ni bram zer gyur pa na/ /sangs rgyas dpal 'byung mthong nas dga'/ /legs par thal sbyar de nas yang / /mi mchog la ni mchod pa byas/ /nga sngon bram zer gyur pa na/ /bstan bcos du ma 'jigs med tshe/ /sangs rgyas phan par bzhed mdzad pa/ /nga yi stan la spyan drangs so/ /sngon ni dka' thub ldan pa yi/ /drang srong chos la gnas gyur tshe/ /sangs rgyas kauN+Di n+ya mthong nas/ /ngas ni ri bo'i kha nas mchongs/ /drang srong gyur na'ang yid dga' bas/ /sangs rgyas blta na sdug mthong nas/ /rtsa ba dang ni 'bras bu'i phyir/ /bsti gnas bzhugs pa ngas spyan drangs/ /'jig rten 'dren pa spyan mdzes la/ / drang srong gyur tshe bkur sti byas/ /shing shun yid du 'ong ba yis/ /ngas ni mi yi mchog bkab bo/ /nga ni rgyal por gyur pa na/ /yan lag bzhi pa'i dpung spangs nas/ /byang chub 'dod pa'i ched du ngas/ /yul 'khor skyong gi zham 'bring byas/ / sangs rgyas shAkya thub pa nas/ /'dren pa yul 'khor skyong gi bar/ /bdun khri dang ni lnga stong gi/ /sangs rgyas rnams la nga yis mchod/ /grangs med gcig ni 'das pa yi/ /rgyal ba ngas ni mchod byas te/ /byang chub phyir ni spyod pa na/ / de tshe nga la skyo sems med/ /grangs med pa dang po'o/ /bram ze khye'u gyur de yi tshe/ /'od dang grags par ldan pa yi/ /sangs rgyas mar me mdzad mthong nas/ /ut+pal sngon po bdun gyis mchod/ /nga ni rgyal por gyur pa na/ /dka' thub spyod ces bya ba yi/ /sangs rgyas mtshan mnga' mthong nas ni/ /mi mchog la ni bla res mchod/ /rgyal por gyur tshe mun 'joms pa'i/ /skal chen la ni rin po che/ /sna tshogs bkra ba'i rol mo yi/ /mchod pa dag gis bzhengs gsol to/ /kun dga' mi dbang nga gyur pas/ /seng ge seng ge'i rtsal mnga' la/ /rin chen yu ba can gdugs kyis/ /mi mchog la ni mchod pa byas/ /rgyal por gyur tshe grong khyer ni/ /stong phrag drug bcu rnams su yang / /mi yi nyi ma bde mdzad ni/ /spyan drangs nas ni mchod pa byas/ /'jig rten 'dren pa mi dbang la/ /bsro gang las dang de bzhin du/ /a gar nag po'i dri dag gis/ /bram zer gyur tshe zham 'bring byas/ /grong khyer rgyal srid 'phel bar ni/ /bram ze'i sangs rgyas sum bcu po/ / gtsug tor can zhes 'jig rten grags/ /rgyal por gyur tshe mchod pa byas/ /grong khyer 'bras 'phel dag tu ni/ /sangs rgyas nyi shu rtsa lnga la/ /nga ni tshong dpon gyur pa na/ /tshangs par spyad pas mchod pa byas/ /grong khyer dga' ba de nyid du/ / nga ni tshong dpon gyur pa'i tshe/ /sangs rgyas gtsug tor 'jig rten grags/ /gtsug lag khang gis mchod pa byas/ /tshong dpon gyur tshe rgyal ba drug /mchod phyir glang chen rta gser dang / /bud med rnams dang nor bu yi/ /rgyan gyis bskyed mos tshal byas so/ /rgyal por gyur tshe dad pa yis/ /grong khyer yid 'ong de nyid du/ /byang chub don du gnyer ba ngas/ /gtsug tor can la skra bregs so/ /kun dga' bram zer gyur pa na/ /thub chen ma 'gags de la ni/ / byang chub don du gnyer ba ngas/ /'bras bu mchog gis mchod pa byas/ /tshong dpon du ni gyur pa na/ /'jig rten 'dren pa spyan mdzes la/ /nor bu rin chen gyis mchod cing / /gtsug lag khang ni nyams dgas mchod/ /ded dpon du ni gyur pa na/ /byang chub shing gi drung na ni/ /sangs rgyas legs 'khrungs bzhugs mthong nas/ /thog mar bsod snyoms la spyan drangs/ /nga ni ded dpon gyur pa na/ /byang chub shing drung thub pa ni/ /'jig rten dga' mdzad blo bzang mthong / / 'khor ni stong dang rab tu byung / /nga ni ded dpon gyur pa na/ /sangs rgyas tsan dan 'od dpag med/ /chu 'jam dang ni til mar dang / /bu ram la ni spyan drangs so/ /kun dga' rgyal por gyur pa na/ /tshangs sbyin grags pa chen po pa/ /'dren pa la ni zhal zas dang / / thams cad sbyin pas mchod pa byas/ /bram zer yang ni gyur pa na/ /thugs rje chen po 'od zer can/ /thub pa rkang gnyis mchog mthong nas/ /smra ba'i rgyal mtshan gyis mchod do/ /rgyal por gyur nas sangs rgyas ni/ /don dam gzigs pa grong mchog tu/ /'jug pa de la ta la yi/ /lo ma'i bsil yab mchod pa byas/ /nga ni tshong dpon gyur pa na/ /'jig rten gsal mdzad sangs rgyas ni/ /shAkya thub la me tog gi/ /sil ma sna tshogs dri sbyar mchod/ /grong khyer mchog tu mthor 'phags pa'i/ /mi mchog 'jug par mthong nas ni/ /rol mo rnams kyi sgra dag dang / /me tog rnams kyis mchod pa byas/ /rgyal por gyur tshe dad pa yis/ /sangs rgyas dam pa zhes bya ba/ /srid pa'i mtsho las rgal ba la/ / thog mar shing rta dag gis bstabs/ /nga ni rgyal por gyur pa na/ /gtso bo'i ched du lam bstan cing / /dpag tshad brgya ni gang bar yang / /me tog khang brtsegs mchod pa byas/ /sangs rgyas dgra zhi mdzad pa ni/ /grong khyer gshegs shes ngas thos nas/ /lam ni rgyal mtshan yongs bkang ste/ /rgyal po'i 'byor pas bsu ba byas/ /nga ni mnyan par gyur pa na/ /shing rta'i yan lag chu 'gram du/ /byon pa ngas ni mthong nas ni/ /thub pa chu yi rgyun las bsgral/ / ded dpon gyur tshe dad pa yis/ /shing rta skal ldan chen po ni/ /ngas ni gru zam btags nas kyang / /mtsho chen las ni bsgral ba byas/ /nga ni rgyal por gyur pa na/ /rkang gnyis dam pa sangs rgyas ni/ /tshangs la tsan dan sa mchog gi/ / ka bar ldan pa'i khang pas mchod/ /rgyal por gyur tshe sangs rgyas ni/ /bcom ldan tshangs pa'i tshe mchod cing / /snam sbyar rgyal mtshan bsgreng nas ni/ /ngas ni yams kyi nad zhi byas/ /tsan dan ldan la char med tshe/ /rgyal po lta bu'i sku khrus byas/ /de tshe lhas ni char phab pas/ /skye bo rnams ni skyabs su dong / /nga ni rgyal por gyur pa na/ /sangs rgyas bcom ldan zla ba la/ /mchod nas ngas ni byams bsgoms pas/ /bdud kyis btang ba'i yams nad zhi/ /mi yi dbang por sngon gyur tshe/ /ngas ni byang chub 'dod pa'i phyir/ /sangs rgyas dbang po 'dul ba la/ /cho 'phrul phyir ni gsol ba btab/ /rgyal po dag tu gyur pa na/ /rin chen ri bo 'od chen ldan/ /'khor ni brgya stong phrag mang po/ /mthong nas lo lngar mchod pa byas/ /bram zer gyur tshe dad pa yis/ / sangs rgyas don kun sgrub pa ni/ /mtshan dang ldan pa mthong nas kyang / /ngas ni bstod pa lnga brgya byas/ /bram zer gyur tshe yid dga' bas/ /sangs rgyas dbang po rgyal mtshan mthong / /ngas ni thal mo legs sbyar te/ /dam pa stsol ba'i 'os zhes gsol/ /sangs rgyas mar me mdzad pa nas/ /thub pa dbang po'i rgyal mtshan bar/ /bdun khri dang ni drug stong gi/ /sangs rgyas rnams ni nga yis mchod/ /grangs med gnyis pa tshang bar ni/ /rgyal ba nga yis mchod byas te/ /byang chub phyir ni spyod pa na/ /de tshe nga la skyo sems med/ /grangs med pa gnyis pa'o/ /sangs rgyas bde mdzad dam pa la/ /rgyal por gyur tshe mchod byas te/ /mya ngan 'das nas mchod rten brtsigs/ /rgyal srid rab tu zhi bar byas/ /rgyal por gyur tshe dad pas ni/ /sangs rgyas gang po re skong la/ /tshul dang 'dra bar mchod byas te/ /chos kyi rgyal po zhes bsgrags so/ /sangs rgyas thams cad zil gnon la/ /tshong dpon gyur tshe legs par ni/ /rim gro byas shing mi mchog la/ /de bzhin gser gyi me tog gtor/ /nga ni tshong dpon gyur pa na/ /sangs rgyas rin chen gtsug tor can/ /thub chen grong mchog gshegs de la/ /gser gyi dra bas mchod pa byas/ /nga ni tshong dpon gyur pa na/ /pad ma dam pa dpa' chen po/ /rgyal por grags pa'i grong mchog tu/ /dngul gyi me tog sil mas gtor/ /nga ni bram zer gyur pa na/ /sangs rgyas grags mchog slob ma yi/ /dge 'dun gyis ni mdun bltas pa/ /mthong nas mi mchog gnas kyis mchod/ / nga ni rgyal por gyur pa na/ /legs gsung byang chub shing drung du/ /bzhugs pa ngas mthong glang po rta/ /shing rta dpung bu chung gis bsrungs/ /sangs rgyas dri med thub chen la/ /tshong dpon gyur tshe bsro khang dang / /mchod rten las dang mar mes ni/ /de yi tshe na rnam par mchod/ /sangs rgyas sad mdzad rdo leb steng / /snyoms par zhugs pa mthong nas ni/ /dad pas rol mo'i sgra kun dang / /rgyal po'i 'byor pas bzhengs gsol to/ /tshong dpon du ni gyur pa na/ /'jig rten dga' mdzad dgra thul ba/ /sangs rgyas spyod pas gshegs pa na/ /lam ni sna tshogs brgyan pas mchod/ /tshong dpon gyur tshe yid dga' bas/ /gnas 'jog gshegs pa thos nas ni/ /bskyed mos tshal ni brgyan byas nas/ /ngas ni gtsug lag khang brtsigs so/ /sangs rgyas bcom ldan skar 'od la/ /byang chub 'dod pas dad pas ngas/ /rgyal po'i mdzod ni thams cad nas/ /nor bu rin chen rnams kyis mchod/ /nga ni rgyal por gyur pa'i tshe/ /tog gis bdud rnams bcom nas ni/ /chos kyi rgyal srid bsgrags pa na/ /ngas ni rgyal mtshan kho na btsugs/ /b+ha ra d+h+wa dza blo ldan pa/ /bram ze mya ngan 'das pa la/ /rgyal po ngas ni ril ba dang / /dbyug gu gtsug lag khang chen byas/ /nga ni ded dpon gyur pa na/ /sangs rgyas 'dren pa don gzigs pa/ /gser dang nor bu mu tig dang / /dri yi snying po rnams kyis mchod/ /sangs rgyas don kun sgrub pa ni/ /sangs rgyas spyod pas gshegs pa na/ /rgyal por gyur tshe dpung dag gi/ /tshogs kun gyis ni mchod pa byas/ / sangs rgyas don dam gzigs pa ni/ /grong khyer dam par gshegs pa na/ /rgyal por gyur tshe rol mo dang / /me tog kun gyis mchod pa byas/ /nga ni ded dpon gyur pa na/ /sangs rgyas skar rgyal rkang gnyis mchog /dri yi snying po de bzhin du/ /rtsa ba'i dri rnams rab tu gtor/ /rin chen bkra ba'i phug na yang / /sangs rgyas skar rgyal la ni ngas/ /de tshe tshigs bcad gcig bstod pas/ /bskal pa dgu ni phyir bsnyil to/ /'bru 'tshong du ni gyur pa na/ /sangs rgyas bcom ldan rnam gzigs la/ /de tshe byang chub spyod pa'i phyir/ /mud ga spar gang phul bas mchod/ /tshong dpon gyur tshe ngas mchod pa/ /sangs rgyas mchog ni gtsug tor can/ /thub pa nyan thos tshogs bcas pa/ /zhal zas kyis ni zla gsum mchod/ /tshong dpon du ni gyur pa'i tshe/ /'jig rten 'dren pa thams cad skyob/ /skal chen nyan thos bcas pa la/ /zhal zas kyis ni gus par mchod/ /tshong dpon gyur tshe dad pa yis/ /sangs rgyas 'khor ba 'jig pa ni/ /bdog pa kun la spyan drangs nas/ /tshangs par spyod phyir blo gros bskyed/ /tshong dpon du ni gyur pa na/ /yang dag sangs rgyas gser thub la/ /gtsug lag khang brtsigs dad pa yis/ /khyim med par ni rab tu byung / /bram ze'i khye'u bla ma'i tshe/ / dga' skyong gi ni tshig thos nas/ /'od srung rkang gnyis mchog las ni/ /rab tu 'byung ba'i blo bskyed do/ /byams pa drang srong gyur pa na/ /rgyal por gyur nas rim gro byas/ /byas pa gzo ba rjes dran nas/ /des ni nga la slar mchod do/ / gang yang sangs rgyas bde mdzad nas/ /sangs rgyas 'od srung bar du ni/ /ngas ni bdun khri bdun stong gi/ /rgyal ba rnams ni mchod pa byas/ /grangs med gsum po tshang bar ni/ /rgyal ba ngas ni mchod byas te/ /sngon ni byang chub spyod pa na/ / nga la skyo ba'i sems med do/ /nga ni byang chub sems dpa'i tshe/ /sangs rgyas mchog ni de rnams mchod/ /nga ni de dag thams cad kyis/ /'jig rten mdun du lung bstan to/ /ngas ni sngon bsams gang yin pa/ /nga yi smon lam thams cad rdzogs/ /ngas ni sangs rgyas khur bor te/ /sems can rnams ni rjes su bzung / /shi bi'i rgyal por nga gyur tshe/ /sbyin pa dag ni thams cad btang / /nga ni dus dpog gyur pa'i tshe/ /sbyin pa'i pha rol phyin pa rdzogs/ /rgya mtsho'i tshong par gyur pa na/ /tshul khrims pha rol phyin don du/ /srog chags rnams ni ma btang zhing / /ngas ni rang gi srog btang ngo / /nga sngon drang srong gyur pa na/ /bzod pa'i pha rol rdzogs bya'i phyir/ /yan lag rnams ni gtubs pa yis/ /nga yi bzod pa yongs su rdzogs/ /mi ma yin mo'i skyes rabs dang / /de bzhin rgya mtsho bskams pa dang / /de bzhin bdag ni bden dga' ba'i/ /brtson 'grus pha rol phyin pa rdzogs/ /sman chen blon por gyur pa dang / /gnag lhas skyes su nga gyur tshe/ /shes rab pha rol phyin rdzogs nas/ /de bzhin rnga bo che yang bsgrags/ /bram ze rab 'bar gyur pa na/ /ral par 'dab chags tshang bcas kyang / /bsam gtan las ni ma langs par/ /bsam gtan pha rol phyin brtson byas/ /snying rje yongs su bsgoms byas shing / /pha rol phyin pa drug rdzogs pas/ /khur lci ba ni ngas bor te/ /dam bcas pa yang rdzogs par byas/ /nga dang sangs rgyas gang phrad nas/ /mchod pa byas pa'i mi mchog ni/ /de kun mya ngan 'das par gshegs/ /nga ni byang chub la bzhag go/ /rgyal po 'od ldan dbang po nas/ /thub pa dbang po'i rgyal mtshan bar/ /sems can bye ba phrag stong ni/ /srid pa'i mtsho las bsgral ba byas/ /'jig rten gtso bo rnam 'dren pa/ / rdzogs sangs rgyas te lha mir bcas/ /'jig rten 'di ni bsgral ba dang / /sgrol bar mdzad pa smos ci dgos/ /ngas ni 'jig rten don gyi phyir/ /mya ngan 'das na'ang chos kyi gru/ /brtan pa dag ni bca' byas te/ /brgya stong phrag ni bsgral bar bya/ / mi gang sangs rgyas skyabs song zhing / /mya ngan 'das kyang sangs rgyas la/ /bya ba byed pa'i skyes bu de/ /'jig rten dag ni skyid de ba/ /gang dag de bzhin gshegs rgyal la/ /bya ba cung zad byed na'ang de/ /mtho ris sna tshogs bgrod nas ni/ / bdud rtsi'i go 'phang 'thob par 'gyur/ /yang dag ji bzhin 'di thos nas/ /dge ba bungs ni bskyed de bya/ /nga ni mya ngan 'das 'og tu/ /srid pa'i rgya mtshor 'khyams sa re/ /sangs rgyas mang po'i skabs rdzogs so// // sangs rgyas 'od ldan dang / shAkya thub pa dang / kauN+Di n+ya dang / 'jig rten 'dren dang / gzhan gyis mi thub dang / rin chen gtsug tor dang / bde mdzad dang / sgra snyan dang / dpal 'byung dang / phan bzhed dang / kauN+Di n+ya dang / blta na sdug dang / spyan mdzes dang / yul 'khor skyong dang / mar me mdzad dang / dka' thub mdzad dang / mun sel dang / bde mdzad dang / dbang chen dang / gtsug tor can dang / ma 'gags pa dang / spyan mdzes dang / legs 'khrungs dang / yid bzangs dang / tsan dan dang / tshangs spyin dang / 'od zer can dang / don dam gzigs dang / shAkya thub pa dang / mthor 'phags dang / dam pa dang / gtso bo dang / dgra zhi mdzad dang / shing rta'i yan lag dang / skal ldan shing rta dang / tshangs pa dang / tshangs pa'i tshe dang / tsan dan dang / dbang po dang / dbang po dul dang / rin chen ri bo dang / don thams cad sgrub pa dang / tha ma dbang po'i rgyal mtshan dang / bzod pa mdzad dang / rdzogs ldan dang / thams cad zil gnon dang / rin chen gtsug phud dang / pad ma dam pa dang / grags pa dam pa dang / gsung snyan dang / dri ma med dang / sad mdzad dang / dgra thul dang / gnas 'jog dang / skar 'od dang / tog dang / drang srong dang / b+ha ra d+h+wa dza dang / don gzigs dang / don dam gzigs dang / don thams cad gzigs dang / rgyal dang / skar rgyal dang / rnam par gzigs dang / gtsug tor can dang / thams cad skyob dang / log par dad sel dang / gser thub dang / 'od srung dang / shAkya thub pa dang / tha ma byams pa'o/ /sangs rgyas kyi mtshan rnams rdzogs s+ho// // sangs rgyas bcom ldan 'das la bkur sti byas/ bla mar byas shes bya ba gong ma bzhin du ste/ de nyan thos kyi dge 'dun dang mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe gzhan mu stegs can kun du rgyu rab tu mang po rtog khang du lhags shing 'dus par gyur nas skabs kyi gtam 'di lta bu dag gleng bar byed de/ shes ldan dag shes par gyis shig /sngon ni bdag cag la rgyal po dang / blon po dang / bram ze dang / khyim bdag dang / grong mi dang / yul mi dang / tshong pa dang / tshong dpon dang / ded dpon rnams kyis bkur sti byas/ bla mar byas/ rjed par byas pas gos dang / bsod snyoms dang / gnas mal dang / nad kyi rkyen sman gyi yo byad rnams kyang rnyed pa las/ da ni dge sbyong gau ta ma 'jig rten du byung ba la bkur sti byed/ bla mar byed/ rjed par byed/ mchod par byed ces bya ba nas sman dang yo byad rnams zhes bya ba'i bar gong ma bzhin no/ /des na da ltar bdag cag gi rnyed pa dang bkur sti thams cad kyi thams cad du chad na/ de la da bdag cag gis ji ltar bya/ de nas kha cig gis smras pa/ tshangs par spyod pa la mi tshangs par spyod pa skyon yin pas de la skyon 'di gdags so/ /kha cig gis smras pa/ ji lta bu zhig bya/ de rnams kyis smras pa/ bdag cag gi nang na kun du rgyu gzugs bzang mo mdzes pa blta na sdug pa gang yin pa de la sring mo dag tshur dge sbyong gau ta ma la skur ba thob cig ces spro bar bya'o/ /bdag cag gi nang na kun tu rgyu gzugs bzang mo mdzes pa blta na sdug pa gang yin/ bram ze'i bu mo rtswa mi yin no/ /de la spro ba bskyed do zhes de rnams kyis de pho nyas bkug ste smras pa/ sring mo shes par gyis shig /sngon ni bdag cag gis bkur sti dang zhes bya ba nas nad kyi rkyen sman gyi yo byad rnams shes bya ba'i bar gong ma bzhin du'o/ /da ni dge sbyong gau ta ma 'jig rten du byung bas 'jig rten de la bkur sti byed pas bdag cag gi rnyed pa dang bkur sti thams cad kyi thams cad du chad par gyur na/ khyod kyis yal bar dor ram/ bram ze'i bu mo kun tu rgyu rtswa mis smras pa/ 'phags pa dag bdag gis de la ji ltar bgyi lags/ sring mo khyod kyis nye du rnams kyi ched du dge sbyong gau ta ma la kho mo dang lhan cig tu mi tshangs par spyad do zhes khyod skur ba 'debs par spro 'am de lta na bdag cag gi rnyed pa dang bkur sti sngon gyi bzhin du 'gyur ro/ /de skad ces smras pa dang / bram ze'i bu mo kun du rgyu rtswa mis gzhan mu stegs can dang / kun du rgyu rab tu mang po la 'di skad ces smras so/ /'phags pa dag dge sbyong gau ta ma la ni skur ba 'debs par bdag mi spro'o/ /sring mo khyod ji tsam du dge slong gau ta ma la skur ba 'debs par mi spro ba de tsam du bdag cag dang gtam 'dre bar mi bya/ phebs par smra bar mi bya/ blta bar mi bya/ rnam par blta bar mi bya zhing khyod gnas thams cad du 'dug tu mi gzhug ste/ 'gyod pa de nyid kyis dus byas nas sems can dmyal ba rnams su skye bar 'gyur ba gang yin pa'i gnas de yod do/ /bud med ni shes rab chung ba yin pas de skrag nas smras pa/ 'phags pa bdag gis ji lta bu zhig bgyi/ sring mo tshur khyod rgyal bu rgyal byed kyi tshal du rgyun du song la dus tha gi tsam lon nas dge sbyong gau ta ma la skur pa thob shig /de nyi ma re re zhing langs te rgyal bu rgyal byed kyi tshal du song ngo / / ji tsam na lto la snod cig bcings nas bcom ldan 'das gang na ba der song ngo / /de'i tshe bcom ldan 'das 'khor brgya phrag du ma'i gung la chos 'chad cing bzhugs so/ /bcom ldan 'das kyis bram ze'i bu mo kun du rgyu rtswa mi rgyang ring po kho na nas gzigs so/ /gzigs nas kyang 'di snyam du dgongs te/ nga nyid kyis las rnams byas shing bsags pa/ tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba rnams gzhan su zhig gis so sor myong bar 'gyur snyam mo/ /de nas bram ze'i bu mo kun tu rgyu rtswa mi bcom ldan 'das kyi spyan sngar 'dug nas gsol pa/ bdag ni 'di ru sbrum bgyis nas/ /chags par 'gyur zhing dga' 'gyur ba/ / snyan cing 'jebs pa'i gsung dbyangs kyis/ /da lta chos ni gsung mdzad dam/ /bcom ldan 'das kyis bka' stsal pa/ yang dag min pa smra ba dmyal bar 'gro/ /bram ze'i bu mo rtswa mis gsol pa/ gang gis byas nas ma byas zhes smra 'am/ bcom ldan 'das kyis bka' stsal pa/ dman pa'i chos can mi ni de gnyi ga /pha rol dag tu 'dra bar 'gro bar 'gyur/ /de nas lha rnams kyi dbang po brgya byin 'di snyam du sems te/ kye ma bram ze'i bu mo rtswa mi 'di ni bcom ldan 'das dang dge slong gi dge 'dun la yun ring mo nas tho 'tsham par byed do snyam du bsams nas rdzu 'phrul gyis snod de sa la lhung bar byas so/ /de nas bram ze'i bu mo rtswa mi skyengs nas rings pa rings par slar song ngo / / de nas dge slong gnas brtan gnas brtan rnams kyis bcom ldan 'das la 'di skad ces gsol to/ /btsun pa ko sa la'i rgyal po gsal rgyal la chos kyi dbang du bgyi ba'i bka' mchid kyang bka' stsal/ gang du thog mar bla na med pa yang dag par rdzogs pa'i byang chub tu thugs bskyed pa yang lung bstan/ yang dag par rdzogs pa'i sangs rgyas ji snyed cig la bsnyen bkur bgyis pa yang bka' stsal lags pas ci nas bdag cag mtsho chen po ma dros par mchis la/ bcom ldan 'das kyi spyan sngar rang rang gi las kyi rgyu ba lung bstan par bgyi'o/ /bcom ldan 'das kyis dge slong gnas brtan gnas brtan rnams la cang mi gsung bas gnang ngo / /chos nyid kyis sangs rgyas bcom ldan 'das 'tsho zhing gzhes pa rnams kyi gdon mi za bar mdzad pa ni bcu ste/ bcu gang zhe na/ ji srid sangs rgyas su lung bstan pa dang / sems can 'gas kyang bla na med pa yang dag par rdzogs pa'i byang chub tu phyir mi ldog pa'i sems bskyed pa dang / sangs rgyas kyis gdul bar bya ba thams cad btul ba dang / nyan thos kyi mchog zung gcig tu bstan pa dang / mtshams bcad pa dang / sku tshe'i lnga cha btang ba dang / mnyan yod du cho 'phrul chen po rnam par bstan pa dang / grong khyer gsal bar lha las gshegs pa bstan pa dang yab dang yum gnyis bden pa dag la bkod pa dang / mtsho chen po ma dros par nyan thos kyi dge 'dun dang thabs gcig tu sngon gyi las kyi rgyu ba bstan pa ma mdzad pa de srid du sangs rgyas bcom ldan 'das rnams yongs su mya ngan las mi 'da'o/ /don 'di la ni bcom ldan 'das nyan thos kyi dge 'dun dang thabs gcig mtsho chen po ma dros par sngon gyi las kyi rgyu ba lung bstan par bzhed nas dge slong rnams la bka' stsal pa/ dge slong dag mtsho chen po ma dros pa gang na bar 'dong / der rang rang gi sngon gyi las kyi rgyu ba lung bstan par bya'o/ /btsun pa bka' bzhin 'tshal zhes dge slong rnams kyis bcom ldan 'das kyi ltar mnyan to/ /de nas bcom ldan 'das dgra bcom pa lnga brgyar gcig gis ma tshang ba dang thabs gcig tu mnyan yod nas mi snang bar gyur te mtsho chen po ma dros par gshegs so/ /gnod sbyin gtum po mi bzad gnas pa yid 'ong zhing / /me tog sna tshogs shing gis rnam par mdzes byas pa/ / de las rgya mtsho dug can dag tu 'gro ba yi/ /chu bo chen po bzhi po 'di dag phyogs bzhir 'bab/ /gang gA sin d+hu de bzhin pak+Shu dang / /si ta de la rdzu 'phrul stobs thob pa/ /ma gtogs mi rnams kyis ni mi bgrod pa/ /der ni thub pa dge 'dun bcas par bzhugs/ /de nas bcom ldan 'das kyis 'jig rten pa'i thugs bskyed pa mdzad de/ chos nyid kyis gang gi tshe sangs rgyas bcom ldan 'das rnams kyis 'jig rten pa'i thugs bskyed pa mdzad pa de'i tshe srog chags grog sbur yan chad kyis bcom ldan 'das kyi dgongs pa shes par 'gyur bas/ de nas klu'i rgyal po dga' bo dang nye dga' bo gnyis kyis bsams pa/ ci'i phyir bcom ldan 'das kyis 'jig rten pa'i thugs bskyed pa mdzad snyam na/ mtsho chen po ma dros par las kyi rgyu ba lung bstan par bzhed par mthong ngo / /de nas de gnyis kyis mtsho chen po ma dros pa'i nang du pad ma 'dab ma stong dang ldan pa shing rta'i 'phang lo tsam bzang po thams cad gser las byas pa/ sdong po ni rin po che/ ge sar ni rdo rje las byas pa/ pad ma stong phrag du mas yongs su bskor ba zhig sprul pa dang / bcom ldan 'das dge slong gi dge 'dun gyi gung la pad ma'i snying po de la bzhugs so/ /dge slong gnas brtan gnas brtan rnams kyang pad ma gzhan rnams kyi snying po la 'khod do/ /de'i tshe tshe dang ldan pa shA ri'i bu bya rgod kyi phung po'i ri la snam sbyar 'grub bo/ /de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu song la rab tu byung ba'i zla bo khrid de shog shig /btsun pa bka' bzhin 'tshal zhes tshe dang ldan pa maud gal gyi bu chen po mtsho chen po ma dros pa nas mi snang bar gyur cing bya rgod kyi phung po'i ri la tshe dang ldan pa shA ri'i bu'i mdun du 'dug ste 'di skad ces smras so/ /tshe dang ldan pa shA ri'i bu ston pa dgra bcom pa lnga brgyar gcig gis ma tshang ba dang thabs gcig tu mtsho chen po ma dros pa na sngon gyi las kyi rgyu ba lung bstan par bzhed nas khyod la gzhes kyis tshur shog 'dong / des smras pa/ tshe dang ldan pa maud gal gyi bu chen po re shig snam sbyar drubs la de nas phyis 'gro'o/ /des smras pa/ grogs bya'o/ /de bzhin du gyis shig /de nas tshe dang ldan pa maud gal gyi bu chen pos rdzu 'phrul gyis sor mo lnga char gyis drub par brtsams pa dang / tshe dang ldan pa shA ri'i bus smras pa/ tshe dang ldan pa maud gal gyi bu chen po 'o na lta drub zin du zad mod/ des smras pa/ tshe dang ldan pa shA ri'i bu gal te khyod mi 'gro na mthus bkur bar bya'o/ /de nas tshe dang ldan pa shA ri'i bus ske rags rgya cang phrol nas smras pa/ tshe dang ldan pa maud gal gyi bu chen po khyod bcom ldan 'das kyis rdzu 'phrul gyi mthu can rnams kyi mchog tu bstan pa yin na/ re shig khyod kyis 'di khyer la de nas phyis kho bo khyer cig /de nas tshe dang ldan pa maud gal gyi bu chen pos de drangs pa dang / tshe dang ldan pa shA ri'i bus bsams pa/ 'di ni mthu che zhing rdzu 'phrul che ba yin pas gal te 'di khyer bar 'gyur ba'i gnas 'di yod do snyam nas des de bya rgod kyi phung po'i ri'i spyil btags so/ /tshe dang ldan pa maud gal gyi bu chen pos de drangs pa dang / bya rgod kyi phung po'i ri 'gul bar gyur to/ /tshe dang ldan pa shA ri'i bus bsams pa/ 'dis bya rgod kyi phung po'i ri yang khyer bar 'gyur gyis/ ma la bdag gis ri'i rgyal po ri rab la gdags so snyam nas/ des de ri'i rgyal po ri rab la btags pa las/ yang tshe dang ldan pa maud gal gyi bu chen pos de drangs pa dang / ri'i rgyal po ri rab dang / klu'i rgyal po dga' bo dang nye dga' bo dag kyang g.yos par gyur/ ma dros pa yang kun nas 'khrugs shing dge slong gnas brtan gnas brtan rnams kyang ldeg par gyur nas pad ma'i snying po la 'dug bzhin du de rnams kyis bcom ldan 'das la zhus pa/ btsun pa ci'i slad du klu'i rgyal po dga' bo dang nye dga' bo gnyis g.yos lags/ bcom ldan 'das kyis bka' stsal pa/ dge slong dag dga' bo dang nye dga' bo gnyis g.yos pa ma yin te/ 'on kyang nyan thos chen po gnyis rdzu 'phrul gyis rnam par 'phrul bar byed do/ /tshe dang ldan pa shA ri'i bus bsams pa/ ri'i rgyal po ri rab 'di yang khyer bar 'gyur gyis/ ma la bdag gis bcom ldan 'das kyi pad ma'i sdong po la gdags so snyam nas/ /des bcom ldan 'das kyi pad ma'i sdong po la btags pas ma 'gul bar 'dug go/ /gang gi tshe de'i rdzu 'phrul la rdzu 'phrul gyis rdugs pa de'i tshe tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu khyod kyis rdzu 'phrul gyis rnam par rtse ba byas zin gyis tshur shog 'dong / tshe dang ldan pa maud gal gyi bu chen po song shig dang kho bo 'ong ngo zhes byas nas ji srid tshe dang ldan pa maud gal gyi bu chen po ma phyin pa de'i bar du tshe dang ldan pa shA ri'i bu sngar phyin nas bcom ldan 'das kyi zhabs gnyis la mgo bos phyag byas te pad ma'i snying po la 'dug pa dang / de'i 'og tu tshe dang ldan pa maud gal gyi bu chen po phyin pas tshe dang ldan pa shA ri'i bu mthong nas des smras pa/ tshe dang ldan pa shA ri'i bu 'ongs sam/ tshe dang ldan pa kho bo 'ongs so/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis tshe dang ldan pa maud gal gyi bu chen po ni rdzu 'phrul dang ldan pa rnams kyi mchog tu bstan pa lags na/ 'on kyang tshe dang ldan pa shA ri'i bu'i rdzu 'phrul gyis pham par bgyis pa la gzigs/ bcom ldan 'das kyis bka' stsal pa/ dge slong dag da lta 'ba' zhig tu ma zad kyi/ ji ltar 'dis 'das pa'i dus na yang bzos pham par byas pa de nyon cig /dge slong dag sngon byung ba yul dbus su ri mo mkhan gyi slob dpon zhig byung ngo / /de dgos pa 'ga' zhig gi phyir yul dbus nas yul nas can zhes bya bar song ngo / /de de na 'khrul 'khor gyi sgyu rtsal gyi slob dpon zhig gi khyim du zhugs pa las/ des de ngal ba'i rim gro bar 'khrul 'khor las bu mo zhig byas nas btang ngo / /des de'i rkang pa gnyis bkrus nas 'dug go/ /de nas des song shig ces smras na/ de cang mi smra bar 'dug go/ /des bsams pa/ gdon ma zos par 'di bdag dang dga' mgur spyad pa'i phyir btang ngo snyam nas/ des de'i lag pa nas bzung ste drangs pa las ji tsam na zhig nas shing brul gyi phung por gyur to/ /de skyengs nas bsams pa/ bdag gcig pu zhig tu skyengs par byas kyis/ ma la bdag gis ni 'di rgyal po 'khor dang bcas pa'i nang du skyengs par bya'o snyam nas/ des sgo'i ngos logs la rang gi gzugs brnyan 'gegs pa zhig bris te/ sgo phag tu yib nas 'dug go/ de ldang ba'i dus gang yin pa de las thal ba dang / de nas 'khrul 'khor gyi rgyu rtsal gyi slob dpon gyis bsam pa/ ring zhig lon na ci'i phyir de sgor ma byung snyam du bsams nas der song ba las ji tsam na 'gegs te shi ba mthong ngo / /des bsams pa/ ci'i phyir 'dis bdag nyid srog dang bral bar byas snyam pa las des 'khrul 'khor zhig nas shing brul gyi phung por 'dug pa mthong nas de 'di snyam du sems te/ bdag nyid skyengs pas 'gegs so snyam mo/ /yul nas can gyi kun du spyod pa ni gang su'i khyim yang rung der mi glo bur ba shi na ji srid rgyal po la mi mthol ba de srid du des de la rim gro mi byed do/ /de nas de rgyal po'i drung du song ste mthol ba/ lha yul dbus nas ri mo mkhan gyi slob dpon zhig mchis te/ de bdag gi sdum par gnas pa las/ de la bkur sti bgyi ba'i slad du bdag gis 'khrul 'khor las bu mo zhig bgyis te btang ba dang / des de lag pa nas bzung ste drangs pas shing gi phung por mchis pa dang / de skyengs nas bdag nyid 'gegs na/ lha de la g.yar snga 'drim pa zhig gtang du gsol/ de nas bdag gis rim gro bgyi lags so/ /de nas rgyal pos zho shas 'tsho ba rnams la bsgo ba/ shes ldan dag deng la g.yar snga rims shig /de rnams dong nas de mthong ngo / /des bsams pa/ bdag gis ji ltar zung nga las dbab par bya snyam mo/ /gzhan dag gis smras pa/ 'geg thag chad/ sta ri khyer te thag pa gcod par brtsams pa las ji tsam na rtsig pa yin par mthong nas/ de nas 'khrul 'khor mkhan gyi slob dpon de skyengs par gyur to/ /de de ltar skyengs par gyur pa dang / ri mo mkhan gyi slob dpon de sgo lkog nas phyung ste smras pa/ kye nang rje khyod kyis ni kho bo gcig pu zhig tu skyengs par byas te/ khyod ni rgyal po 'khor dang bcas pa'i nang du skyengs par byas so/ /dge slong dag ji snyam du sems/ de'i tshe de'i dus kyi ri mo mkhan gyi slob dpon gang yin pa de ni dge slong shA ri'i bu 'di nyid yin te/ de na yang 'dis 'di bzos pham par byas so/ /da ltar yang 'dis 'di rdzu 'phrul gyis pham par byas so/ /gzhan yang ji ltar 'dis 'di bzos pham par byas pa de nyon cig /dge slong dag sngon byung ba ri 'or gzhan zhig na ri mo mkhan gyi slob dpon gnyis shig byung ba las rtsod par gyur te/ gcig gis smras pa/ nga ni bzo legs par shes so/ /gcig shos kyis smras pa/ nga ni de bas kyang lhag par legs par shes so/ /de gnyis phan tshun 'gran par gyur nas rgyal po'i drung du dong ste de'i rkang pa gnyis la gtugs te gcig gis smras pa/ lha bdag ni bzo legs par 'tshal to/ /gcig shos kyis kyang smras pa/ lha bdag ni de bas kyang lhag par legs par 'tshal to/ /rgyal pos de gnyis la sgo khang bstan nas khyed gnyis gang mkhas ni ngas mi shes mod kyi/ 'on kyang gcig gis ni rtsig ngos gcig la bris la/ gcig shos kyis kyang gcig la bris shig dang / de lta na khyed cag gnyis gang bzo legs par shes pa ngas legs par shes par 'gyur ro/ /de gnyis kyi bar yol bas bcad nas ri mo bri bar brtsams te/ de la gcig gis ni zla ba drug gis ri mo'i las zin to/ /gcig shos kyis ni zla ba drug tu rtsig ngos bstar to/ /ri mo'i las zin pa gang yin pa de rgyal po'i drung du song ste son pa dang / smras pa/ lha bdag gi ri mo'i las bgyis lags na spyang brim du gsol/ de nas rgyal po blon po dang lhan cig sgor byung nas mthong ba dang / ri mo'i las mkhas so zhes shin du mgu'o/ /gcig bshos kyis kyang rkang pa gnyis la gtugs te smras pa/ da bdag gi ri mo'i las la gzigs su gsol/ des bar chad kyi yol ba bshus dang / gcig gi gzugs brnyan de la shar ba rgyal pos mthong nas ri mo'i las la lhag par 'di mkhas so zhes shin du ya mtshan skyes so/ /de nas des slar yol bas bar bcad nas rkang pa gnyis la gtugs te smras pa/ lha 'di ni ri mo'i las ma lags te/ 'on kyang rtsig ngos bstar ba lags so/ / de nas rgyal po je ya mtshan skyes nas smras pa/ 'di ni bzo la lhag par mkhas pa yin no/ /dge slong dag ji snyam du sems/ gang gis zla ba drug tu rtsig ngos bstar ba de ni dge slong shA ri'i bu 'di nyid yin no/ /gang gis zla ba drug tu ri mo'i las byas pa de ni de'i tshe de'i dus na dge slong maud gal gyi bu 'di nyid de yin te/ de na yang 'dis 'di bzos pham par byas so/ /da ltar yang 'dis 'di rdzu 'phrul gyis pham par byas so/ /gzhan yang ji ltar 'dis 'di pham par byas pa de nyon cig /dge slong dag sngon byung ba bA rA Na sI'i grong khyer na drang srong dung dang / bris pa shes bya ba gnyis shig nye bar rten cing gnas so/ /ji tsam dus gzhan zhig na lhas char phab pas rdzab tu gyur te/ dung gred de rdzab du rdeg 'chos nas ril ba chag par gyur to/ /de nas des dmod pa bor ba/ rang bzhin ngan pa khyod kyis da phan chad lo bcu gnyis su char mi 'bebs par gyur cig ces byas so/ /rgyal po tshangs sbyin dang bA rA Na sI na gnas pa'i skye bo'i tshogs kyis thos nas/ de nas de rnams de'i drung du song ste gsol ba btab pa/ drang srong chen po de ltar ma mdzad cig /des smras pa/ bdag gis rang bzhin ngan pa bzod par mi nus te/ bdag gi dmod pas bcom pa des lo bcu gnyis su char mi 'bebs par 'gyur ro/ /de nas rgyal po tshangs sbyin dang / skye bo'i tshogs des bris pa la gsol ba btab nas des gsol ba byas te lhas char phab bo/ /dge slong dag ji snyam du sems de'i tshe de'i dus kyi drang srong dung gang yin pa de ni dge slong maud gal gyi bu 'di nyid yin no/ /de'i tshe de'i dus kyi bris pa gang yin pa de ni dge slong shA ri'i bu yin te/ de na yang 'dis 'di rdzu 'phrul gyis pham par byas so/ /gzhan yang ji ltar 'dis 'di rdzu 'phrul gyis pham par byas pa de nyon cig /bris pas dgos pa 'ga' zhig gi phyir dung gi rkang pa gnyis la gtugs pa las dung gi rkang pa gnyis kyis ral pa mnan pa dang bris pas smras pa/ nyi ma 'char ka'i dus kyi tshe khyod kyi spyi bo gas par gyur cig /dung gis smras pa/ de ltar na nyi ma 'char bar ma gyur cig ces byas pa dang / 'jig rten du nam sros par gyur to/ /de nas rgyal po dang / bram ze dang / khyim bdag gis dung la gsol ba btab pa/ drang srong chen po de lta bu ma mdzad cig /des smras pa/ nyi ma shar bar gyur na gdon mi za bar bdag gi mgo 'gas par 'gyur ro/ /bris pas de la smras pa/ gal te de lta na 'ji ba las byas pa'i mgo zhig byos shig /ji tsam na 'ji ba las dung gi mgo zhig byas pa las nyi ma shar ba dang gas par gyur to/ /dge slong dag ji snyam du sems/ dung gang yin pa de ni dge slong maud gal gyi bu 'di nyid de yin no/ /bris pa gang yin pa de ni dge slong shA ri'i bu 'di nyid de yin te/ de na yang 'dis pham par byas so/ /gzhan yang ji ltar pham par byas pa de nyon cig /yul dbus su ba so mkhan gyi slob dpon zhig byung nas ba so 'bras tsam bre'u chung gang khyer nas yul nas can du song ste/ de ri mo mkhan gyi slob dpon zhig gi khyim du zhugs na de yang stong par 'dug nas de'i chung ma la smras pa/ grogs po'i chung ma 'bras bre'u chung gang po 'di tshos la byin cig ces de bzhag ste song ngo / /des btso bar brtsams pa las shing zad par gyur kyang ma tshos so/ /de nas de'i khyim thab 'ongs nas smras pa/ bzang mo 'di ci zhig yin/ des rgyas par smras pa dang / des de brtags pa las ba so 'bras tsam she dag tu mthong nas des de la co dri bar smras pa/ bzang mo 'di tshwa chu yin gyis/ chu bzang po gzhan zhig khyer te 'ongs dang / des 'bras 'di tshos par 'gyur ro/ /des ba so mkhan gyi slob dpon la chu bzang po zhig khyer te shog shig ces smras so/ des de la smras nas/ des phyogs gzhan zhig tu rdzing bu zhig bris te/ der khyi ro bam pa zhig kyang bris so/ /de nas ba so mkhan gyi slob dpon de bum pa khyer nas rdzing bu yin no snyam nas phyogs der phyin te/ khyi ro bam pa mthong ba dang / des sna bkab nas brtag par brtsams pa las ji tsam na de'i chu snod de chag nas ba so mkhan gyi slob dpon de skyengs par gyur to/ /dge slong dag ji snyam du sems/ ba so mkhan gyi slob dpon gang yin pa de ni dge slong maud gal gyi bu 'di nyid de yin no/ /ri mo mkhan gyi slob dpon gang yin pa de ni dge slong shA ri'i bu 'di nyid de yin no/ /'on kyang de bzhin gshegs pas brnyes pa'i bsam gtan dang / ting nge 'dzin dang snyoms par 'jug pa gang dag yin pa de dag gi ming yang rang sangs rgyas rnams kyis mi shes so/ /rang sangs rgyas rnams kyis thob pa gang dag yin pa de dag gi ming yang dge slong shA ri'i bus mi shes so/ /dge slong shA ri'i bus thob pa gang dag yin pa de dag gi ming yang dge slong maud gal gyi bus mi shes so/ /dge slong maud gal gyi bus thob pa gang yin pa de dag gi ming yang nyan thos gzhan rnams kyis mi shes te/ /dge slong maud gal gyi bu bas dge slong shA ri'i bu rdzu 'phrul che zhing mthu che mod kyi/ des mang du gnas pa la dgongs nas ngas rdzu 'phrul can rnams kyi mchog tu bstan to/ /shA ri'i bu dang maud gal gyi bu'i le'u'o// // de nas tshe dang ldan pa 'od srung chen po rang gi las kyi rgyu ba lung ston par byed de/ smras pa/ de ni der song sngon nas spyad pa dang / /rjes mthun tshig dag shin tu sgrogs pa na/ /gang zhig byas pas 'bras bu che myong ba/ /chung ngu gcig pu de ni myur dran nas/ /ji ltar seng ge ri yi phug gnas pa/ /'jigs pa med par spyod yul 'gro ba ltar/ /mtshungs pa med pa'i nyan thos 'od srung de/ /sngon gyi gnas nas spyad pa grogs byed pa/ / zag med tha ba med pa rnam grol sems/ /nyon mongs med par gnas pa skyon med yid/ /de la chos mchog yod par yid ches nas/ /de yi chos la yid kyis smon byas te/ /rang sangs rgyas la bdag gis yon du ni/ /khre rgod bre'u gang zhig rab phul bas/ /de 'dra ba dang kun du phrad gyur ces/ /smon pas sgra mi snyan du skyes pa ni/ /las de gcig pu nyid kyi 'bras bu yis/ /lus can bdag gir 'dzin med tshe ring ba/ /khyad par 'gro zhing spyod pa mi dman pa/ /sgra mi snyan du lan stong skyes par gyur/ /las de gcig pu nyid kyi 'bras bu yis/ /lan stong sum bcu rtsa gsum par skyes te/ /me tog phreng rgyan byug pa sna tshogs dang / mthu chen lus mdzes pa dang ldan par gyur/ /de nas 'phos bdag sgra mi snyan du skyes/ /slar yang lha dga' bar byed pa dang / /sems kyi smon lam dbang gis slar yang bdag /mi ni dge ba rnams kyi nang du skyes/ /las de gcig pu nyid kyi 'bras bus bdag /bram ze sa la chen po'i rigs skyes te/ /nor mang skyes pa bud med rnams kyis bkur/ /'dod pa'i yon tan lnga don mi gnyer yang / /bdag gis ston pa lan 'ga'ang ma mthong zhing / /mtshungs med nyan thos bdag gis ma mthong nas/ /bdag gi seng ras chem gyon 'jig rten na/ /dgra bcom rnams la phyags 'tshal rab tu byung / /bdag ni de ltar rab tu byung ba dang / /rgyal ba bu mangs mchod rten nang bzhugs mthong / /thub zhabs phyag 'tshal bcom ldan bdag gi ston/ /bdag ni khyod kyi nyan thos gyur ces gsol/ /'od srung ji skad smras bzhin byas te 'dir/ /khyod ston nga yin nga yi nyan thos khyod/ /gal te sdug bsngal kun las thar 'dod na/ /khyod kyis snyan par bshad pa'i chos snyan nyon/ /gang yang bdag la skyes mchog skyob pa ni/ /thugs rje chen po yis ni chos bshad pa/ /bsam gtan bzhi stobs dbang po byang chub kyi/ /yan lag lam gyi yan lag rnam par thar/ /de dag bsgom pa bdag gis dga' mgur thob/ /zag pa zad cing lus kyi tha ma bzung / /lus kyi tha ma 'dzin pa rdul med pa/ /drang po 'di dag dang ni bdag gir phrad/ /de bzhin gshegs rgyal phun sum tshogs pa gsung / /tshul khrims ldan pa gang 'dod 'grub par 'gyur/ /bdag gi yid la ci dang ci bsams pa/ /thams cad grub ste srid pa'i tha ma 'di/ /bdag gi skye ba zad cing 'ching ba dang / /sred pa kun nas langs pa nyid bcad de/ / bdag ni chos rgyal thugs las skyes pa'i sras/ /nyon mongs tshogs rnams zad pas mya ngan 'da'/ /bdag ni thams cad gzigs pa yis/ /sbyangs la gnas pa mchog tu bstan/ /zag pa med cing nyes pa bsal/ /go 'phang mi g.yo bdag gis 'thob/ /gnas brtan 'od srung de lta bur/ /ma dros pa yi mtsho chen du/ /dge slong dge 'dun mdun 'dug nas/ /rang gi las ni lung bstan to/ /'od srung gi le'u ste dang po'o// // 'dul ba gzhi/ bam po lnga bcu rtsa gnyis pa/ de nas dge slong gnas brtan rnams kyis tshe dang ldan pa shA ri'i bu la 'di skad ces smras so/ tshe dang ldan pa shA ri'i bus las ci zhig byas na las de'i rnam par smin pas shes rab chen po dang spobs pa chen po dang ldan par gyur des smras pa/ bdag gis dgon par rang sangs rgyas/ /drang srong dge sbyong zhir gyur pa/ /skal dang ldan pa chos gos ni/ /de tshe rnying pa gyon pa mthong / /de la bdag gis sems dad pas/ /bang brgyugs nas kyang chos gos ni/ /drubs shing kha sgyur de bzhin du/ /de la yang dang yang du gtugs/ /de nas bdag la thugs brtse'i phyir/ /de ni bar snang la 'phags nas/ / rang gi gzi brjid kyis 'bar zhing / /de nas mkha' la gshegs par gyur/ /bdag gis thal mo sbyar byas nas/ /ji ltar bdag ni 'di 'dra bar/ /dbang rnon shes rab cher shog ces/ /de lta bur ni smon lam btab/ /bdag ni phyug po'i rigs su 'am/ /ma rabs dag tu mi skye bar/ /bar ma'i rigs su skye 'gyur zhing / /rtag tu rab 'byung mang bar shog /dge ba'i rtsa ba des na bdag /bdag ni tshe rabs lnga brgyar yang / /mi yi rnyed pa thob nas ni/ /khyim med par ni rab tu byung / /bdag gi skye ba tha ma ni/ /mi yi srid thob 'di yin te/ /rdzogs sangs bla na med pa yi/ /ded dpon 'di ni mnyes par byas/ /shAkya seng ge'i bstan pa la/ /bdag gis rab byung thob nas ni/ /mya ngan 'das pa bsil gyur pa'i/ /dgra bcom pa yang bdag gis thob/ /btsun pa bdag gis zla phyed kyis/ /'gro ba'i pha rol phyin pa thob/ /dge slong dge 'dun gung bzhugs nas/ /ston pas bdag ni mngon sum du/ /chos kyi 'khor lo rjes skor ba/ /shes rab can gyis gtso bor bstan/ /shes rab chen po shA ri'i bu/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ / shA ri'i bu'i le'u ste gnyis pa'o// // de nas dge slong gnas brtan gnas brtan rnams kyis tshe dang ldan pa maud gal gyi bu chen po la 'di skad ces smras so/ /tshe dang ldan pa maud gal gyi bu chen po tshe dang ldan pa shA ri'i bus ni rang gi las kyi rgyu ba lung bstan zin gyis/ da ni khyod kyis kyang rang gi las kyi rgyu ba lung ston cig /de skad ces smras pa dang / tshe dang ldan pa maud gal gyi bu chen pos dge slong gnas brtan gnas brtan rnams la 'di skad ces smras so/ /bdag sngon drang srong gyur pa'i tshe/ /nags mtha'i dgon par gnas pa na/ /der ni skyes pa zhig 'ongs nas/ /bdag la rab byung gsol ba 'debs/ /bdag gis brgyugs nas de yi skra/ /bregs nas kyang ni chos gos dag /kha dog bsgyur nas de la byin/ /de yid dga' gyur de yi tshe/ /phyogs gcig tu ni nyer song nas/ /skyil mo krung bcas 'dug nas des/ /rang byang chub ni reg gyur te/ /de nas mkha' la song bar gyur/ /bdag gis dad bskyed nyer song nas/ /de nas thal mo legs sbyar te/ /de na rdzu 'phrul mchog gsol zhing / /smon lam gdab pa byas pa ni/ /drang srong che 'di ci 'dra ba'i/ /bdag gi rdzu 'phrul de 'drar shog /dge ba'i rtsa ba de yis na/ /gang dang gang du skyes par ni/ /bsod nams byas pas mdzes pa yi/ /lha dang mi ni rnams su gyur/ /bdag gi srid pa tha ma ni/ /mi yi srid thob 'di yin te/ /rdzogs sangs bla na med pa yi/ / ded dpon 'di ni mnyes par byas/ /shAkya seng ge'i bstan pa la/ /bdag gis rab byung thob nas ni/ /mya ngan 'das pa bsil gyur pa'i/ /dgra bcom pa ni bdag gis thob/ /thams cad gzigs pas rdzu 'phrul can/ /rnams kyi mchog tu bdag bstan to/ /dge ba chung ngu byas pa ni/ /bde ba mang po nyams su myong / /mi dge ba yi las gang yin/ /bdag gis lung bstan mnyan par gyis/ /grong mchog rgyal po'i khab tu ni/ /bdag ni tshong dpon khye'u gyur nas/ /khyim gyi phyi rol rtse rtse nas/ /zan gyi phyir yang zhugs pa las/ /de na pha ma gnyis ka ni/ /dben par 'dug pa bdag gis mthong / /de gnyis mthong bas bdag brdegs shing / /skyengs pas kyang ni spyo ba byas/ / pha dang ma ni gnyis ka la/ /yid kyis nyes pa byas pa ni/ /gang tshe chen por gyur pa na/ /'dam bu bcom pa bzhin bsad snyam/ /bdag gi yid kyis nyes byas kyi/ /lus kyis byas pa ma yin na 'ang / /bdag ni dmyal ba thig nag tu/ / sdug bsngal mi bzad nyams su myong / /de yi las kyi lhag ma yis/ /bdag gi srid pa tha ma 'dir/ /mu stegs gzhan gyi dge sbyong gis/ /'dam bu bcom bzhin bdag gtog 'gyur/ /bdag ni sdug bsngal de nyid kyis/ / shi bar 'gyur te de nas ni/ /las rnams kyi ni lhag ma yang / /tha ma zad par 'gyur ba yin/ /de bas pha dang ma dag la/ /sems ni rab tu dad par bya/ /sems dad pa yi rgyu yis ni/ /sems can 'gro ba bzang por 'gro/ /de ltar gnas brtan pang nas skyes/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /pang nas skyes kyi le'u ste gsum pa'o// // de nas dge slong gnas brtan gnas brtan rnams kyis tshe dang ldan pa mdzes ldan la 'di skad ces smras so/ /tshe dang ldan pa mdzes ldan tshe dang ldan pa pang nas skyes kyis rang gi las kyi rgyu ba lung bstan zin gyis/ da ni tshe dang ldan pa mdzes ldan gyis kyang rang gi las kyi rgyu ba lung ston cig /de nas tshe dang ldan pa mdzes ldan gyis dge slong gi dge 'dun gyi mdun du rang gi las kyi rgyu ba lung bstan pa/ dge 'dun kun dgar bdag son na/ /khyams de'i phyag dar mthong nas ni/ /bdag gis phyags ma blangs nas su/ /de tshe dga' bas phyag dar byas/ /de nas bdag gis sems dad pas/ /khyams de gtsang mar mthong nas ni/ /ji ltar khyams de gtsang ba ltar/ /nyon mongs med par gyur cig smras/ /dge ba'i rtsa ba de yis ni/ /gang dang gang du skyes par yang / /bdag gi gzugs ni bzang ba dang / /blta na sdug cing mdzes par gyur/ /de yi las kyi lhag mas ni/ /bdag gi lus ni tha ma la/ /bdag gi pha dang ma gnyis kyis/ /bdag ming mdzes ldan kho nar btags/ /mdzes ldan bdag ni btsas gyur te/ /gang tshe gnyen tshogs mdun phyin pa/ /de tshe gnyen ni thams cad kyis/ /mgu zhing yid dga' bkur sti byas/ /rdzogs sangs bla na med pa yi/ /ded dpon 'di ni mnyes par byas/ /mya ngan 'das pa bsil gyur pa'i/ /dgra bcom pa yang bdag gis thob/ /bdag gi nyon mongs med gyur ces/ /smon lam btab pa gang yin pa/ /bya ba byas te nyon mongs med/ /dgra bcom zag pa med pa yin/ /'dzam bu'i gling ni thams cad kyang / /ka shi'i gos kyis phyags pa bas// gang gis 'dod chags bral ba yi/ /drang srong 'chags gcig phyags pa'o/ /'dzam bu'i gling na drang srong gi 'chag sa thams cad phyags pa bas/ /gang gis phyogs bzhi'i dge 'dun gyi/ /re lde tsam dag phyags pa'o/ /'dzam bu'i gling na dge 'dun gyi/ /kun dga' ra ba kun phyags pas/ /gang gis rgyal ba'i mchod rten ni/ /khru gang tsam zhig phyags pa'o/ / bdag nyid kyis ni gang rtogs pa'i/ /khyad par de dag shes byas nas/ /bder gshegs mchod rten phyags nas ni/ /sems kyang rab tu dang bar gyis/ /de ltas rdzogs pa'i sangs rgyas kyi/ /yon tan mang po shes pa yis/ /mchod rten rnams la bkur sti byos/ /'bras bu chen po dag tu 'gyur/ /btsun pa bdag gis dge ba ni/ /gang byas dran pa 'di lags te/ /de yi 'bras bu sdug pa dang / /'dod pa yid 'ong nyams su myong / /de bas rgyal ba'i mchod rten la/ /mchod pa dag ni bzang po gyis/ / btsun pa 'di ni bsod nams zhing / /dam pa bla na med pa yin/ /rdzogs sangs de bzhin gshegs pa 'am/ /sangs rgyas rnams kyi nyan thos la/ /sems ni rab tu dang byas pa'i/ /yon ni chung ngur 'gyur ma yin/ /de ltar gnas brtan mdzes ldan gyis/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /mdzes ldan gyi le'u ste bzhi pa'o// // de nas dge slong gnas brtan gnas brtan rnams kyis tshe dang ldan pa sna ma'i me tog la 'di skad ces smras so/ /tshe dang ldan pa sna ma'i me tog tshe dang ldan pa mdzes ldan gyis rang gi las kyi rgyu ba lung bstan zin gyis/ da ni tshe dang ldan pas kyang rang gi las kyi rgyu ba lung ston cig /sna ma'i me tog rna rgyan byas/ /mgo la me tog phreng bcings nas/ /ne'u zla rnams kyis yongs bskor te/ /bskyed mos tshal gyi gnas su byung / /de na thub pa chen po pa/ /rnam par gzigs kyi mchod rten la/ /skye bo'i tshogs chen thams cad nas/ /legs par mchod pa bdag gis mthong / /de nas ne'u zla rnams khrid nas/ /rang rang gi ni phreng ba kun/ /sems ni dad par byas nas su/ /mchod rten de la gdags pa byas/ /de na bdag gis de dag dang / /skye bo mang po gzhan mthong nas/ /sna ma rna ba las bkrol te/ /de tshe mchod rten gdags pa byas/ /dge ba'i rtsa ba des na bdag /gang dang gang du skyes par yang / /bsod nams byas pa mdzes pa yi/ /lha dang mi ni rnams su gyur/ /rdzogs sangs bla na med pa yi/ /ded dpon 'di ni mnyes par byas/ /mya ngan 'das pa bsil gyur pa'i/ /dgra bcom pa yang bdag gis thob/ /me tog gcig ni btang bas na/ / lo ni bye ba brgya phrag tu/ /bdag gis lha yi yongs spyad nas/ /de yi lhag mas mya ngan 'das/ /btsun pa gal te sangs rgyas kyi/ /yon tan phal cher 'tshal gyur na/ /sems ni shin tu dad pa yis/ /phyir zhing bsnyen bkur bgyis pa zhig /de ltas rdzogs pa'i sangs rgyas kyi/ /yon tan mang po shes pa yis/ /mchod rten rnams la bkur sti byos/ /'bras bu chen po dag tu 'gyur/ /rdzogs sangs de bzhin gshegs pa 'am/ /sangs rgyas rnams kyi nyan thos la/ /sems ni rab tu dang byas pa'i/ /yon ni chung bar 'gyur ma yin/ /btsun pa bdag gis dge ba ni/ /gang byas dran pa 'di lags te/ /de yi 'bras bu sdug pa dang / /'dod pa yid 'ong nyams su myong / / las kyi rnam par smin pa des/ /de srid skye ba zad pa dang / /nyon mongs bcom nas bsil gyur pa'i/ /bdag ni dgra bcom mya ngan 'das/ /bdag ni yang srid nyal ba dang / /'khor ba gang du'ang nyal ma yin/ /bdag gi skye ba tha ma ni/ / 'di yin len pa med par 'gyur/ /de nyid kyi ni rgyu yis bdag /sna ma'i me tog ming 'di btags/ /sdug bsngal kun las bdag grol zhing / /srid pa'i mtsho las rgal bar gyur/ /de ltar gnas brtan sna ma ni/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /sna ma'i me tog gi le'u ste lnga pa'o// // de nas dge slong gnas brtan gnas brtan rnams kyis tshe dang ldan pa bye ba nyi shu pa la 'di skad ces smras so/ / tshe dang ldan pa bye ba nyi shu pa tshe dang ldan pa sna ma'i me tog gis rang gi las kyi rgyu ba lung bstan zin gyis/ tshe dang ldan pas kyang da ni rang gi las kyi rgyu ba lung ston cig /tshe dang ldan pa bye ba nyi shu pas ci zhig byas na las des bcom ldan 'das kyis brtson 'grus rtsom pa rnams kyi mchog tu bstan/ des smras pa/ rnam par gzigs kyi gsung rab la/ /rgyal po'i pho brang bshes ldan du/ /bdag gis phyogs bzhi'i dge 'dun gyi/ /gnas khang gcig cig brtsigs nas ni/ /bdag gis gnas khang de yi gzhir/ /ras phran rnams kyis sa gzhi g.yogs/ /sems dga' ba dang yid bde bas/ /de tshe smon lam btab pa ni/ /rdzogs sangs rgyas ni mnyes byas te/ /bsnyen par rdzogs pa thob nas ni/ /mya ngan 'das pa mchog zhi ba/ /rga med go 'phang reg par shog /bdag gi bsod nams des ni bdag /bsod nams byas pas mdzes pa yi/ /bskal pa dgu bcur lha dang ni/ mi rnams su ni 'khor bar gyur/ /de nas las kyi lhag mas ni/ /bdag gi lus ni tha ma la/ /tsam par tshong dpon mchog gi yang / /bu gcig par ni bdag skyes so/ /bdag ni btsas ma thag tu yang / /pha yis thos nas 'dun gyur pa/ /gzhon nu la ni bdag gis nor/ /bye ba nyi shu sbyin par bya/ /bdag gi rkang mthil gnyi ga'i spu/ /shin tu phra zhing mnyen pa dang / /reg na bde zhing 'jam pa yi/ /shing bal 'dab lta'i sor bzhi skyes/ /'das pa'i bskal pa dgu bcu dang / /bskal pa gcig 'di lhag par ni/ /sa gzhi gding bas ma g.yogs par/ /rkang pa 'jog ni ma myong ngo / /rdzogs sangs bla na med pa yi/ /ded dpon 'di ni mnyes par byas/ /mya ngan 'das pa bsil gyur pa'i/ /dgra bcom pa yang bdag gis thob/ /thams cad gzigs pas brtson 'grus can/ / rnams kyi mchog tu bdag bstan to/ /zag med nyes pa spangs pa yi/ /go 'phang mi g.yo bdag gis thob/ /gnas brtan bye ba nyi shu pa/ /dge slong dge 'dun mdun 'dug nas/ /de ltar ma dros mtsho chen du/ /rang gi las ni lung bstan to/ / bye ba nyi shu pa'i le'u ste drug pa'o// // de nas dge slong gnas brtan gnas brtan rnams kyis tshe dang ldan pa ngag dbang la 'di skad ces smras so/ /tshe dang ldan pa ngag dbang tshe dang ldan pa bye ba nyi shu pas rang gi las kyi rgyu ba lung bstan zin gyis/ tshe dang ldan pas kyang nga rang gi las kyi rgyu ba lung ston cig /des smras pa/ 'das pa'i bskal pa dgu bcur ni/ /bsod nams byas pas mdzes pa yi/ /lha rnams dang ni mir skyes te/ /bdag gis ngan 'gro mi shes so/ / bdag gis dge ba mi shes te/ /phan tshun zla bltas 'ba' shig gis/ /rnam par gzigs kyi mchod rten ni/ /mthong nas de tshe bsnyen bkur byas/ /'gron bu drug bcu rnams kyis ni/ /dri dang phreng ba byug nyos te/ /mchod rten la ni gdags byas pas/ /bdag ni log par ltung ma gyur/ /dge ba chung ngu byas pa ni/ /bde ba mang po nyams su myong / /mya ngan 'das pa bsil gyur pa'i/ /dgra bcom pa yang bdag gis thob/ /gal te rdzogs sangs shes gyur la/ / mchod rten de la bdag gis su/ /bkur sti byas par gyur na ni/ /legs pa mang byed 'gyur ba zhig /de ltas rdzogs pa'i sangs rgyas kyi/ /yon tan mang po shes pa yis/ /mchod rten bkur sti byos shig dang / / 'bras bu chen po dag tu 'gyur/ /thams cad gzigs pas mang thos dang / /sna tshogs gtam dang dge ba yi/ /spobs ldan tshigs bcad byed pa ni/ /rnams kyi mchog tu bdag bstan to/ /de ltar gnas brtan ngag dbang ni/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /ngag dbang gi le'u ste bdun pa'o// // de nas dge slong gnas brtan gnas brtan rnams kyis tshe dang ldan pa b+ha ra dwA dza bsod snyoms len la 'di skad ces smras so/ /tshe dang ldan pa b+ha ra dwA dza bsod snyoms len tshe dang ldan pa ngag dbang gis rang gi las kyi rgyu ba lung bstan zin gyis/ tshe dang ldan pas kyang nga rang gi las kyi rgyu ba lung ston cig / de nas tshe dang ldan pa b+ha ra dwA dza bsod snyoms len gyis smras pa/ bdag ni tshong dpon bur gyur nas/ /pha yi khyim na dbang byed tshe/ /bdag gi pha ni yid bsrungs shing / /ma la log pa mi mthun byas/ /pha dang sring mo spun dang ni/ /bran dang las byed rnams la yang / /zas dang skom gyis tshim byas kyang / /ma la spyo ba byas nas su/ /bdag ni ser snas zil non pas/ /ma la zas ni ma byin par/ /khros pas tshig tu smras pa ni/ /zas su rdo ba zo zhig byas/ /las kyi rnam par smin pa des/ /rab tu tsha dang thig nag gi/ dmyal bar lan mang lhung nas ni/ /sdug bsngal mi nyung thob par gyur/ /dmyal ba de nas shi 'phos nas/ /mi yi srid pa thob pa na/ /las kyi rnam par smin pa des/ /bdag ni rdo ba za bar gyur/ / skye ba de dang de dag tu/ /bdag gis rdo ba mang zos shing / /de bzhin bkres skom sdug bsngal gyis/ /bdag ni 'chi ba'i dus byas so/ /bdag gi skye ba tha ma ni/ /mi srid thob pa 'di yin te/ /rdzogs sangs bla na med pa yi/ / ded dpon 'di ni mnyes par byas/ /shAkya seng ge'i bstan pa la/ /bdag gis rab byung thob nas ni/ /mya ngan 'das pa bsil gyur pa'i/ /dgra bcom pa yang bdag gis thob/ /thams cad gzigs pas seng ge yi/ / sgra sgrogs pa yi mchog tu bstan/ /bdag gis nyon mongs thams cad spangs/ /nyon mongs bral bas zag pa med/ /da dung du yang btsun pa dag /de ltar rdzu 'phrul thob gyur kyang / /phug na bdag gi zas mchis pa/ /rdo ba nyid du gyur lags so/ /btsun pa bdag gis sdig pa ni/ /gang bgyis dran pa 'di lags te/ /las rnams chud mi za bas na/ /de yi 'bras bu nyams su myong / /b+ha ra dwA dza bsod snyoms len/ /dge slong dge 'dun mdun 'dug nas/ / de ltar ma dros mtsho chen du/ /rang gi las ni lung bstan to/ /b+ha ra dwA dza bsod snyoms len gyi le'u ste brgyad pa'o// // de nas dge slong gnas brtan gnas brtan rnams kyis tshe dang ldan pa legs 'ongs la 'di skad ces smras so/ /tshe dang ldan pa legs 'ongs tshe dang ldan pa b+ha ra dwA dza bsod snyoms len gyis rang gi las kyi rgyu ba lung bstan zin gyis/ tshe dang ldan pa legs 'ongs kyis kyang da rang gi las kyi rgyu ba lung ston cig /de nas tshe dang ldan pa legs 'ongs kyis de'i tshe rang gi las kyi rgyu ba lung ston par byed de/ rgyal po'i pho brang bshes ldan du/ /tshong dpon bu phor gyur nas ni/ /bdag ni nor dang 'bru mang zhing / /skye bo'i tshogs kyis bkur ba dang / /rgyal po dang ni grong mi dang / /gsang tshig brjod pa rnams kyis bkur/ /blta na sdug cing mdzes pa dang / /dar la bab pa gzugs kyis rgyags/ de nas bdag ni shing rtar zhugs/ /skye bo'i tshogs kyis mdun byas nas/ 'dod pa kun dang ldan gyur cing / /bskyed mos tshal der dge sbyong ni/ /dbang po legs par bsdams pa dang / /dbang po zhi bas rgyu byed pa/ /chos gos rnying pa can zhig mthong / /dge sbyong de mthong bdag gis ni/ /yid mi bde ba skyes gyur te/ /de skyon med kyang mi sdug nas/ /smad cing spyo ba byas pa ni/ /kha dog ngan cing 'jigs par snang / /mdze can lus ni lus rma can/ /sha bri ngan cing rtsa 'thon pa/ /rab tu byung 'di su yi yin/ /ngag gi nyes pa spyad pa dang / /las kyi rnam par smin pa des/ /de nas 'chi 'pho'i dus byas nas/ /dmyal ba rnams su skyes par gyur/ dmyal ba nas ni shi 'phos bdag /kha dog ngan cing sdug bsngal ldan/ /mdze can lus ni lus rma can/ /sha bri ngan cing rtsa 'thon gyur/ /lag na gyo mo thogs shing rgyu/ /sha na'i ras kyi smad g.yogs gyon/ /phyag dar phung po'i steng na nyal/ /gnas med mgon med skyob pa med/ /zas kyi ched du sprang ba dang / /gang dang gang du song na yang / /dbyug pa can gyis phyir bzlog cing / / de dag bdag la smod par byed/ /de ltar tshe rabs lnga brgyar ni/ /gang dang gang du skyes pa der/ /bkres dang skom pa'i sdug bsngal gyis/ /bdag ni 'chi ba'i dus byas so/ /sems can kun gyis bdag gi ming / /nyes 'ongs pa zhes smad pa byas/ /kun gyi yid du mi 'ong bas/ /de tshe smad pa byed par 'gyur/ /bdag gis rdzogs pa'i sangs rgyas ni/ /dge slong dge 'dun mdun gyis byas/ /skye bo'i tshogs ni chen po la/ /dam pa'i gnas ni ston pa mthong / /skye bo'i tshogs de mthong nas ni/ /ji tsam 'dod pa'i zas dang skom/ /rnyed par gyur na stes snyam nas/ /myur du brgyugs te phyin pa dang / /skye bo'i tshogs ni chos kyi phyir/ /'dug pa de ni mthong nas kyang / /zas sbyin pa ni med do zhes/ /bdag ni re chad slar log go/ /de nas thub pa thugs rje can/ /mgon pos bdag la bka' stsal pa/ /'ongs pa legs tshur khyod bde 'am/ /stan 'di la ni khyod 'dug shig /bdag ni dga' ba thob gyur nas/ /thal mo legs sbyar de'i 'og tu/ /ston pa'i zhabs la phyag byas nas/ /phyogs gcig tu ni bdag 'dug go/ /de nas ston pa thugs rje can/ /gau tam rjes su thugs brtse bas/ /rim pa bzhin gyi gtam gsungs pas/ /bdag ni bden pa mthong bar bgyis/ /bden pa mthong nas thub chen la/ / de nas bdag gis rab 'byung gsol/ /gau tam thugs rje chen pos bdag /rjes su brtse bas rab tu phyung / /'jig rten gyi ni 'dren pa yis/ /bdag ming legs 'ong zhes btags shing / /me yi khams la snyoms 'jug pa/ /rnams kyi mchog tu bdag bstan to/ /de ltar gnas brtan legs 'ongs kyis/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /legs 'ongs kyi le'u ste dgu pa'o// // de nas dge slong gnas brtan gnas brtan rnams kyis tshe dang ldan pa dga' yod la 'di skad ces smras so/ /tshe dang ldan pa dga' yod tshe dang ldan pa legs 'ongs kyis rang gi las kyi rgyu ba lung bstan zin gyis/ tshe dang ldan pa dga' yod kyis kyang da rang gi las kyi rgyu ba lung ston cig /de nas tshe dang ldan pa dga' yod kyis de'i tshe rang gi las kyi rgyu ba lung ston par byed de/ grong mchog rgyal po'i khab tu ni/ /tshong dpon phyug por gyur pa na/ /de ni mu ge byung gyur nas/ /drang srong rnams ni gso skal dgos/ /de na bdag gi gso skal du/ /skal dang ldan pa'i rang sangs rgyas/ /zag pa med pa'i bsil gyur pa'i/ / drang srong mdzes pa gcig cig byon/ /sems ni ser sna'i skyon can gyis/ /bdag gis sdig pa bsams pa ni/ /da lta'i dus su dge sbyong 'di/ /lo bdun du ni su zhig gso/ /khyi yi gcin ni bskol ba yis/ / de nas 'bras kyi chan btsos te/ /de na drang srong za ru bcug /de tshe de ni 'chi dus byas/ /sdig pa'i las ni de byas pas/ /bsdus gzhom dang ni ngu 'bod dang / /de bzhin tsha ba rab tsha ba'i/ /dmyal ba rnams su yun ring btsos/ /dmyal ba nas ni shi 'phos bdag /mi yi srid pa thob na yang / /nad bu can la gzhan dbang dang / /sdug bsngal gyis ni bdag dus byas/ /de ltar tshe rabs lnga brgyar ni/ /gang dang gang du skyes pa na/ / mi sdug nad dang mi bzad pas/ /rtag tu bdag ni dus byas so/ /bdag gi skye ba'i tha ma ni/ /mi yi srid thob 'di yin te/ /rdzogs sangs bla na med pa yi/ /ded dpon 'di ni mnyes par byas/ /shAkya seng ge'i bstan pa la/ /bdag gis rab byung thob nas ni/ /mya ngan 'das pa bsil gyur pa/ /dgra bcom pa yang bdag gis thob/ /btsun pa da ltar na yang bdag /rdzu 'phrul ldan zhing zag med kyang / /nad bu can la 'gre ldog pa/ /de lta bus ni bdag 'tsho'o/ /de ltar gnas brtan dga' yod kyis/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /ma 'gags pa'i grogs po dga' yod kyi le'u ste bcu pa'o// // sdom ni/ 'od srung shA ri'i bu dang ni/ /maud gal bu dang mdzes ldan dang / /sna ma gro bzhin ngag dbang dang / /bsod snyoms legs 'ongs dga' yod do/ /de nas dge slong gnas brtan gnas brtan rnams kyis tshe dang ldan pa grags pa la 'di skad ces smras so/ /tshe dang ldan pa grags pa tshe dang ldan pa dga' yod kyis rang gi las kyi rgyu ba lung bstan zin gyis/ tshe dang ldan pa grags pas kyang da rang gi las kyi rgyu ba lung ston cig /de nas tshe dang ldan pa grags pas de'i tshe rang gi las kyi rgyu ba lung ston par byed de/ bdag sngon dgon pa'i drang srong gyur/ /grong du bsod snyoms phyir song na/ /rnam par sngos shing bam pa yis/ /bud med kyi ni ro zhig mthong / /bdag gis tshul bzhin brtag byas te/ / dkyil mo dkrung bcas 'dug nas ni/ /rtse gcig shin tu mnyam bzhag pas/ /der ni mi sdug bsgom pa byas/ /bdag 'dug pa las de yi lto/ /rdol nas 'jigs pa'i sgra byung ba/ /thos par gyur nas bdag kyang ni/ /ting nge 'dzin las langs par gyur/ /de yi lto na yod pa yi/ /ngan skyugs dang ni khrag dang ni/ /rul pa'i dri dang mi gtsang ba/ /kun nas rab tu 'dzag pa mthong / /rgyu ma gnye ma mkhal ma dang / /snying dang de bzhin glo ba la/ /srin bu brgya phrag za byed nas/ /slar yang sems ni mnyam par bzhag /de ci 'dra bar 'di de 'dra/ /'di ci 'dra bar de de 'drar/ /phyi yi ro ni mthong gyur nas/ /rang gi lus la gtod par byed/ /de nas ting 'dzin las langs nas/ /bsti gnas su ni slar log ste/ / de tshe bsod snyoms ma spyad de/ /zas kyang bza' ba ma byas so/ /gang tshe bdag kyang grong khyer du/ /zas kyi ched du zhugs pa na/ /yid 'phrog pa yi gzugs mthong nas/ /de la mi gtsang bsgom byas pa/ /de yi ro ni ci 'dra bar/ / gzugs gtogs de kun de 'dra ste/ /khong pa mi gtsang bas gang ba/ /thams cad smad pa yin no zhes/ /de ltar yang dang yang bsgoms pas/ /bdag gis 'dod chags bral ba thob/ /tshangs pa'i gnas pa tshad med pa/ /bzhi po legs par bsgoms byas pas/ /de nas 'chi ba'i dus byas te/ /tshangs pa yi ni 'jig rten skyes/ /tshangs pa'i 'jig rten shi 'phos bdag /bA rA Na sI'i grong du skyes/ /tshong dpon mchog gi bu gcig par/ / dpal ldan bdag nyid der skyes te/ /kun la sdug cing yid 'ong ba/ /mthar phyin gnas ni thob par gyur/ /bdag ni nyin mo yongs rgyu zhing / /mtshan mo dag ni nyal bar byed/ /myur bar de nas langs pa na/ /de na bud med mang po dag /rdza rnga dang ni rnga chen dang / /khar rnga pi bang sngas bcug nas/ /sgren mor bla rdol byed pa dang / /lag brkyang nas ni gnyid log mthong / /de nas bdag gi sngon gyi rgyu/ /mthu chen po ni skyes par gyur/ /bdag la de nas bud med la/ /dur khrod mi gtsang 'du shes byung / /de nas skyo bar gyur nas ni/ /bdag gis sngangs pa'i tshig smras pa/ /grogs po bdag ni gtses gyur te/ /kun nas 'tshe bas reg par gyur/ /de nas mal nas langs nas ni/ /khang bzangs nas ni shod du babs/ /lhas ni rjes su snying brtse bas/ /bdag gi sgo ni rnam par phye/ /grong khyer nas ni mngon byung nas/ /'bab chu'i ngogs su nye bar song / /bdag gis pha rol 'gram na ni/ /dge sbyong dbang po bsdams pa mthong / / bdag gis dge sbyong de mthong nas/ /sgra gsang stod de smras pa ni/ /dge sbyong bdag ni gtses gyur te/ /grogs po bdag la 'tshe bas reg /de nas ston pas bdag la yang / /de tshe bdud rtsi'i tshig gsungs pa/ /gzhon nu ma 'jigs khyod tshur shog /'dir ni khyod la 'tshe ba med/ /bdag gis nor bu'i lham phud de/ /'bab chu yi ni ngogs rgal nas/ /sangs rgyas gang zag bla med pa/ /thugs rje can gyi spyan sngar song / /de nas bdag skom thugs chud nas/ /gang zag zla med ston pa des/ /snyan pa'i chos ni bka' stsal pa/ /de ni so sor bdag gis rtogs/ /de nas bdag gis bden mthong nas/ /thub chen rab 'byung gsol ba btab/ /gau tam thugs rje chen po yis/ /thugs brtse ba yis rab tu phyung / /mtshan gcig lon nas de nas ni/ /nyi ma 'char ka tsam na ni/ /bdag gi zag pa kun zad cing / /bdag ni bsil gyur mya ngan 'das/ /de ltar gnas brtan grags pa ni/ /dge slong dge 'dun mdun 'dug nas/ /ma dros pa yi mtsho chen du/ / rang gi las ni lung bstan to/ /gnas brtan grags pa'i le'u ste/ bcu gcig pa'o// // de nas dge slong gnas brtan gnas brtan rnams kyis tshe dang ldan pa dpal skyed la 'di skad ces smras so/ /tshe dang ldan pa dpal skyed tshe dang ldan pa grags pas rang gi las kyi rgyu ba lung bstan zin gyis/ tshe dang ldan pa dpal skyed kyis kyang rang gi las kyi rgyu ba lung ston cig /de nas tshe dang ldan pa dpal skyed kyis de'i tshe rang gi las kyi rgyu ba lung ston par byed de/ bA rA Na sI'i grong khyer du/ /ston pa 'od srung mya ngan 'das/ /rgyal po kri kis rin chen las/ /byas pa'i mchod rten chen po brtsigs/ /rgyal po kri ki grags ldan bu/ /bdag ni thu bor gyur pa na/ /bdag gis thog mar gdugs kyis ni/ / rgyal ba'i mchod rten la gdags byas/ /dge ba'i las ni de byas pas/ /gang dang gang du skyes pa na/ /bsod nams byas pas mdzes pa yi/ /lha dang mi ni rnams su gyur/ /skye ba de dang de dag tu/ /phyug cing longs spyod che ba dang / / nor dang 'brur ni ldan pa yi/ /bdag ni yon bdag chen por gyur/ /bdag gis tshe rabs lnga brgyar ni/ /sbyin pa mi nyung btang byas te/ /slong ba pa dang dge sbyong dang / /bram ze so sor tshim par byas/ /shin du dang ba'i sems kyis ni/ /'dod chags bral zhing zag med pa/ /tha ba med pa'i rang sangs rgyas/ /lnga brgya po dag tshim par byas/ /dge ba'i las ni de byas pas/ /srid pa tha ma 'di la ni/ /shAkya phyug po'i rigs su skyes/ /btsas ma thag tu tshig smras pa/ / khyim 'di na ni nor 'bru dag /ji ga cung zad cig yod dam/ /'di ltar sbyin pa ngas btang ste/ /dbul po rnams ni tshim par bya/ /dbul po rnams la zas byin dang / /gtong bas ngoms par 'gyur ba med/ /ji ga nor lta yod dam khyed/ /bdag la myur du legs par smros/ /de dag bdag gi tshig thos nas/ /yid skyo bar ni gyur nas su/ /ma ma gtogs par phyogs dang ni/ /phyogs su rnam par rgyug par byed/ /ma ni bu la byams pa yis/ /de tshe bdag la 'di skad smras/ /lha 'am mi 'am gnod sbyin nam/ /khyod su bdag la myur du smros/ /ma gcig khyod kyi bu bdag ni/ /mi lags srin po ma lags te/ /sbyin bdag tshe rabs dran pas na/ /rtag tu sbyin pa gtong ba spro/ /bdag gi tshigs de mas thos nas/ /yid ni dga' bar gyur nas kyang / /dbugs 'byin byed cing smras pa ni/ /bu gcig ci dga' sbyin pa thong / /yo byad mang po rnams kyis kyang / /bdag la mas ni gso ba byas/ /kun la sdug cing yid 'ong ba/ / bdag ni blta bas ngoms mi myong / /bdag ni btsas ma thag tu yang / /khyim de nor dang 'bru rnams dang / /gser dang bran dang las byed pa/ /rnams kyang rtag tu 'phel bar gyur/ /dpal skyed khye'u zhig btsas gyur la/ / btsas ma thag tu smras pas na/ /bdag gi ming ni gnyen rnams kyis/ /dpal skyed ces ni bya bar btags/ /de nas bdag gis sbyin btang zhing / /dbul po rnams ni tshim byas te/ /rdzogs pa'i sangs rgyas mnyes byas nas/ /khyim med par ni rab tu byung / /bdag ni rnyed med 'jigs pa 'am/ /bu lon nyen pas rab byung min/ /de tshe dad pas rab byung nas/ /mngon shes drug po bdag gis thob/ /bdag ni rgyal po blon po dang / /de bzhin grong mi rnams kyis mchod/ /zas dang btung ba gos dang ni/ /gnas mal yang ni rnyed par gyur/ /de ltar gnas brtan dpal skyed kyis/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ / dpal skyed kyi le'u ste bcu gnyis pa'o// // de nas dge slong gnas brtan gnas brtan rab tu mang po rnams kyis/ tshe dang ldan pa bak+ku la la 'di skad ces smras so/ tshe dang ldan pa bak+ku la tshe dang ldan pa dpal skyed kyis rang gi las kyi rgyu ba lung bstan zin gyis/ tshe dang ldan pa bak+ku las kyang da rang gi las kyi rgyu ba lung ston cig /de nas tshe dang ldan pa bak+ku las de'i tshe rang gi las kyi rgyu ba lung ston par byed de/ rgyal po'i pho brang bshes ldan du/ /bdag sngon spos 'tshong gyur pa las/ /rnam par gzigs kyi gsung rab kyi/ /dge slong dge 'dun spyan drangs nas/ /khyed cag ji snyed bzhed pa yi/ /snyun sman bdag gis dbul bgyis te/ / shun pa rtsa ba 'bras bu'i sman/ /dge 'dun bdag gis tshim par bgyis/ /dge 'dun dbyar ni spyan drangs nas/ /bdag la dge slong gcig cig gis/ /a ru ra gcig ma gtogs par/ /de na 'ga' yang slong ba med/ / bskal pa dgu bcu rtsa gcig tu/ /bdag ni log par lhung ma gyur/ /sman sbyin pa'i rnam smin ni/ /mthu chen 'di ni blta bar gyis/ /dge ba chung ngu byas pas ni/ /bde ba mang po nyams su myong / /a ru ra ni gcig byin pas/ / yun ring mtho ris rnams su dga'/ /de nas las kyi lhag mas ni/ /bdag gis mi yi srid thob nas/ /yul 'khor bsod snyoms len pa dag /slob pa na yang ma myong ngo / /nub gsum kho na rig pa ni/ /gsum po bdag gis mngon sum byas/ /ngan ngon gyis ni 'tsho byas shing / /phyag dar khrod kyi chos gos 'chang / /khyim pa 'am rab tu byung ba dang / /bdag ni 'dres par mi gnas te/ /bdag gi tshe ni lo brgya dang / /drug bcu lhag cig lon na yang / /da tsam bar du 'ang bdag gis ni/ /na ba mngon par mi dran te/ /btsun pa bdag gis dge ba ni/ /chung ngu bgyis pa 'di dran te/ /de yi 'bras bu yid 'ong 'dod/ /bde ba 'byung ba nyams su myong / /de ltar gnas brtan bak+ku las/ /dge slong dge 'dun mdun 'dug nas/ /ma dros pa'i mtsho chen du/ /rang gi las ni lung bstan to/ /bak+ku la'i le'u ste bcu gsum pa'o// // de nas dge slong gnas brtan gnas brtan rnams kyis/ tshe dang ldan pa gnas brtan gnas brtan zhes bya ba la 'di skad ces smras so/ /tshe dang ldan pa gnas brtan gnas brtan tshe dang ldan pa bak+ku las rang gi las kyi rgyu ba lung bstan zin gyis/ tshe dang ldan pa gnas brtan gnas brtan gyis kyang da rang gi las kyi rgyu ba lung ston cig /de nas tshe dang ldan pa gnas brtan gnas brtan zhes bya bas de'i tshe rang gi las kyi rgyu ba lung ston par byed de/ sngon gyi tshe rabs gzhan rnams su/ /bdag ni lham mkhan gyur pa na/ /mu ge byung nas de nas bdag /ko ba'i ras ma rnams 'tshed do/ /bza' bar bya ba kho na'i phyir/ /ko ba'i ras ma 'tshed pa las/ /dge sbyong gzhan zhig zas kyi phyir/ /bsod snyoms la ni byon pa dang / /de la bdag gis sems dad pas/ / ko ras kyi ni thug pa byin/ /dge sbyong des ni longs spyad nas/ /de nas nam mkhar 'phags par gyur/ /bdag ni rab tu dga' gyur nas/ /thal mo legs par sbyar byas te/ /de nas gang dang gang du ni/ /song ba kun du 'breng byas so/ /dga' ba rgya chen thob nas kyang / /de tshe smon lam btab pa ni/ /gnas brtan 'di lta bu dang bdag /lhan cig 'dug par gyur par shog /dge slong 'di yi las kyis ni/ /dri med chos ni gang reg pa/ /bdag gis chos de rig gyur ces/ /de tshe smon lam btab par gyur/ /kha dog ldan pa ma yin zhing / /dri ni smad par gyur pa dang / /ro dang ldan pa ma yin pa'i/ /sbyin pa bdag gis de tshe btang / /dge ba chung ngu byas pas kyang / /bde ba mang po myong bar gyur/ /bsod nams byas pas mdzes pa yi/ /lha dang mi ni rnams su gyur/ /bdag gi skye ba tha ma ni/ mi'i srid thob pa 'di yin te/ rdzogs sangs bla na med pa yi/ /ded dpon 'di ni mnyes par byas/ /bdag gis smon lam gang btab pa'i/ /byang chub dam pa 'di reg ste/ /bdag gis da ltar bsil gyur pa'i/ /mya ngan 'das pa legs par thob/ /de nas gnas brtan chen po ni/ /gnas brtan zhes bya mthu chen gyis/ /ma dros pa yi mtsho chen du/ /rang gi las ni lung bstan to/ / gnas brtan gnas brtan zhes bya ba'i le'u ste bcu bzhi pa'o// // de nas dge slong gnas brtan gnas brtan rnams kyis tshe dang ldan pa lting rgyas 'od srung la sogs pa gnas brtan gsum la 'di skad ces smras so/ / tshe dang ldan pa dag gnas brtan gnas brtan zhes bya bas rang gi las kyi rgyu ba lung bstan zin gyis/ tshe dang ldan pa dag gis kyang da rang gi las kyi rgyu ba lung ston cig /de nas de rnams kyis kyang lung bstan par brtsams pa/ bdag cag gsum ni spun gyur nas/ /lhan cig tshong dpon gyur pa na/ /'od srung mchod rten ral ba dang / /shag shig 'dug pa mthong gyur nas/ /tshongs pa thams cad bsdus nas ni/ /des ni slar yang sar pa brtsigs/ /spun rnams dag ni lhan cig tu/ / gdugs gsum zhig ni gdugs pa byas/ /dge ba'i las ni de byas pas/ /mtho ris gnas su yun ring dga'/ /mi rnams su ni slar 'ongs nas/ /phyug po'i rigs chen dag tu skyes/ /rdzogs pa'i sangs rgyas ma mthong nas/ /mu stegs gzhan las rab tu byung / /nai rany+dza na'i chu ngogs su/ /cho 'phrul mdzad pa mthong nas ni/ /de nas de la rab 'byung phyir/ /bdag cag gis kyang gsol ba btab/ /de nas thugs rje can gyi ni/ /thugs brtses bdag cag rab tu phyung / / bdag cag ga yA mgor son nas/ /gau ta ma'i bstan pa thos/ /de nas brtson 'grus brtsams pas ni/ /mya ngan 'das pa dam pa thob/ /da ltar ston pa bkur byas shing / /de tshe mchod rten mngon btud pas/ /bdag cag kun ni rab byung nas/ / bsil bar gyur te mya ngan 'das/ /lting rgyas dang ni chu klung dang / /ga yA 'od srung gnas brtan gsum/ /ma dros pa yi mtsho chen du/ /rang gi las ni lung bstan to/ /lting rgyas dang / chu klung dang / ga yA 'od srung rnams kyi le'u ste bcwa lnga pa'o// // de nas dge slong gnas brtan gnas brtan rnams kyis tshe dang ldan pa grags pa la 'di skad ces smras so/ /tshe dang ldan pa grags pa tshe dang ldan pa lting rgyas dang / chu klung dang / /ga yA 'od srung rnams kyis rang gi las kyi rgyu ba lung bstan zin gyis/ tshe dang ldan pa grags pas kyang da rang gi las kyi rgyu ba lung ston cig /de nas tshe dang ldan pa grags pas kyang de'i tshe rang gi las kyi rgyu ba lung ston par byed de/ bdag sngon dri 'tshong gyur pa na/ /dri rnams 'tshong la mkhas gyur pas/ /der ni de tshe nyo ba'i phyir/ /bud med gzhon nu ma dag 'ongs/ /der ni bdag gis gzugs ldan ma'i/ /bud med 'ongs pa mthong nas ni/ /'dren brkyang gis ni tshig smras shing / /chags pa'i sems kyis reg par byas/ /'du zhing lhan cig 'khod pa 'am/ /mi tshangs spyod pa spro med kyang / /ma brtags gzhan gyi bud med la/ /lag pas reg par byas pas na/ /las kyi rnam par smin pa des/ /sems can dmyal ba rnams su skyes/ /slar yang mir ni 'ongs pa na/ /lag pa g.yas pa bskams par gyur/ /de ltar tshe rabs lnga brgyar ni/ /gang dang gang du skyes pa na/ /rtag tu bdag gi lag pa ni/ /g.yas pa zha zhing rnam par bskams/ /bdag gis sangs rgyas mnyes byas nas/ /khyim med par ni rab tu byung / /mya ngan 'das pa'i bder gyur pa'i/ /dgra bcom pa yang bdag gis thob/ / btsun pa bdag gis mi dge ba/ /gang bgyis dran pa 'di lags te/ /las rnams chud mi za bas na/ /de yi 'bras bu nyams su myong / /da dung du yang btsun pa dag /bdag ni rdzu 'phrul ldan gyur na 'ang / /lag pa g.yas 'di ji lta bar/ /g.yon pa de lta ma lags so/ /skyes pa 'am bud med gang yang rung / /byi bo byed pa gang yin pa/ /sems can dmyal bar skyes nas ni/ /de ni sdug bsngal tshor ba myong / /mkhas pa blo dang ldan pa'i mis/ /rab 'bar me ni ji lta bar/ /gzhan gyi bud med rnam spang zhing / /rang gi chung mas chog par gyis/ /gzhan gyi bud med mthong nas ni/ /skyes pa gang zhig de la chags/ /dmyal ba'i tshor bas nyen pa yi/ /sdug bsngal mang po myong bar 'gyur/ / bdag gis de ltar sdig byas pas/ /sngon gyi tshe rabs gzhan du na/ /yun ring dmyal bar de yi ni/ /'bras bu mi nyung nyams su myong / /bdag gi skye ba tha ma 'dir/ /bla na med pa'i gnas thob nas/ /sdug bsngal kun las bdag grol zhing / /bsil bar gyur cing mya ngan 'das/ /de lta bas na bde 'dod cing / /sdug bsngal nyid ni mi 'dod pas/ /gzhan gyi bud med 'gro mi bya/ /de ltar sdug bsngal mi 'gyur ro/ /de nas gnas brtan grags pas ni/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan no/ /gnas brtan grags pa'i le'u ste bcu drug pa'o// // de nas dge slong gnas brtan gnas brtan rnams kyis tshe dang ldan pa me skyes la 'di skad ces smras so/ /tshe dang ldan pa me skyes tshe dang ldan pa grags pas rang gi las kyi rgyu ba lung bstan zin gyis/ tshe dang ldan pa me skyes kyis kyang da rang gi las kyi rgyu ba lung ston cig /de nas tshe dang ldan pa me skyes kyis de'i tshe rang gi las kyi rgyu ba lung ston par byed de/ rgyal po'i pho brang bshes ldan du/ /rnam par gzigs kyi tshangs spyod tshe/ /nyon mongs med ces bya ba yi/ /tshong dpon nor mang zhig tu gyur/ /thub chen rnam par gzigs pa yi/ /'khor ni stong phrag brgya dag dang / /drug bcu rtsa gnyis yod par gyur/ /de tshe rgyal po bshes ldan dang / /bdag gis mi yi khyu mchog ni/ /zla ba gsum du spyan drangs nas/ /phyir zhing bshos thang bskyed pa yis/ /tshogs dang bcas te tshim par byas/ /bdag gis sangs rgyas zla gsum du/ /bshos gsol de nas bshes ldan gyis/ /de tshe rjes gcod ston mo ni/ /bza' bca' dang ni na bza' dang / /gnas mal dag dang ldan pa gsol/ /de nas bskyed mos tshal bstan pa/ /rgyal po des ni phul bar gyur/ /de bzhin dge slong re re la/ /gos kyis kun nas g.yogs pa'i stan/ /brgya stong dag dang de'i tshe/ /gser gyi dra bas g.yogs pa yi/ /glang po shin tu legs brgyan pa/ /mi nyung ba dag sbyin par btang / /dge slong re re'i spyi bor ni/ /de tshe gdugs kyang 'dzin par byed/ /de nas bud med legs brgyan lus/ /tsan dan a ga rus bskus pa/ /de dag dge slong re re la 'ang / /bsnyen bkur dag ni byed du bcug / rgyal po des ni de lta bu'i/ /rjes gcod pa la bkur sti byas/ /drang srong gtso bo rnam par 'dren/ /rgyal pos tshim par byas pa dang / /stan de phun sum tshogs mthong nas/ /de nas bdag gis bsams pa ni/ /bdag la bza' dang bca' yod kyang / /'di 'dra ba yi stan med de/ /phun sum tshogs pa 'di 'dra dang / /glang po bdag la ga la bdog /lha yi dbang po dbang sgyur ba/ /brgya byin bdag gi drung du 'ongs/ /de nas brgya byin bdag la smras/ /khyod kyi grogs po ngas bya zhes/ / des ni lha yi bskyed mo tshal/ /mdzes shing yid du 'ong ba sprul/ /lha'i gdan ni bshams nas ni/ /lha yi g.yogs pa rnams kyis g.yogs/ /de nas bdag gis bcom ldan 'das/ /rnams gzigs 'jig rten gyis bkur ba/ / mi mchog de ni nyan thos bcas/ /gdugs tshod la ni spyan drangs nas/ /sa srung la sogs glang po rnams/ /lha yi rgyan gyis legs brgyan pa/ /dge slong re re spyi bor ni/ /de tshe gdugs dag 'dzin par byed/ /de nas rnam par 'dren pa ni/ /lha'i zhal zas rnams kyis bstabs/ /thub pa nyan thos thabs gcig la/ /bdag gis lha yi gos kyis g.yogs/ /dge ba'i las ni de byas pas/ /bde ba mang po nyams su myong / /bsod nams byas pas lha dang ni/ /mi yi nang du mdzes gyur pas/ /bskal pa dgu bcu rtsa gcig tu/ /ngan 'gro bdag gis mi shes so/ /rnam par gzigs pa dpal ldan po/ /drang srong chen pos bsnyen bkur bas/ /bdag gi skye ba tha ma 'di/ /rgyal po'i khab tu bdag skyes so/ /gzugs can snying po'i grong khyer du/ /nor chen phyug po'i khyim du ni/ /rgyal po gzugs can snying pos ni/ /de tshe bdag rjed bkur sti byas/ /blon po rnams dang grong mi la/ /kun nas sdug cing yid du 'ong / /lha yi 'dod pas rtag tu ni/ /srid pa 'dir ni bdag tshim byas/ /mir gyur na yang lha rnams kyi/ /'dod pa yid 'ong nyams su myong / /de nas ded dpon bla na med/ /sangs rgyas rnam par 'dren pa po/ /thub pa chen po thugs brtse bas/ /rgyal po'i khab tu gshegs par gyur/ /sangs rgyas shes rab chen po ni/ /rgyal po'i khab byon bdag gis thos/ /bcom ldan thub de gang na bar/ /dga' ba'i yid kyis song ba dang / /'jig rten gsal ba 'od mdzad pa/ /sgron ma 'dzin pa mthong nas ni/ /de tshe babs te rkang pas ni/ /thub pa'i spyan sngar song nas kyang / /thub pa che la bdag mgu bas/ /zhabs gnyis la ni mgos phyag byas/ /skyes mchog la ni phyag byas nas/ /phyogs gcig tu ni 'dug nas su/ /'gro bas bsnyen bkur byas pa yi/ /dpa' chen bdud kyi 'ching ba bcad/ /ded dpon mi yi nyi ma ni/ /ring po ma thogs mnyes par byas/ /'jig rten ston pa bla med pa/ /des ni bdag la thugs brtse bas/ /'phags pa'i bden pa rnams bshad de/ / de tshe bdag gis so sor rtogs/ /de nas bdag gis thugs rje can/ /rdzogs sangs rgyas la 'di skad gsol/ /dpa' bo bdag ni rab 'byung zhing / /bsnyen par rdzogs par thob par 'tshal/ /de nas shes rab dam pa can/ /sangs rgyas gang zag zla med pas/ /dge slong tshur shog ces gsungs pas/ /bdag ni bsnyen par rdzogs par gyur/ /des na bdag ni bag yod cing / /brtson 'grus bsam gtan brtan po yis/ /bdud rtsi mya ngan 'das zhi ba'i/ /gnas kyi dam pa reg par gyur/ /rdzogs sangs bla na med pa yi/ /ded dpon 'di ni mnyes par byas/ /mya ngan 'das pa bsil gyur pa/ /dgra bcom pa yang bdag gis thob/ /srid par 'khor bar skye ba dang / /'chi ba rnams las bdag grol cing / /mya ngan smre sngags 'don pa las/ /thams cad du ni bdag grol to/ /de ltar gnas brtan me skyes kyis/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /me skyes kyi le'u ste bcu bdun pa'o// // de nas dge slong gnas brtan gnas brtan rnams kyis tshe dang ldan pa yul 'khor skyong la 'di skad ces smras so/ /tshe dang ldan pa yul 'khor skyong tshe dang ldan pa me skyes kyis rang gi las kyi rgyu ba lung bstan zin gyis/ tshe dang ldan pa yul 'khor skyong gis kyang da rang gi las kyi rgyu ba lung ston cig /de nas tshe dang ldan pa yul 'khor skyong gis de'i tshe rang gi las kyi rgyu ba lung ston par byed de/ ka shi'i yul 'khor dar byed pa/ /rgyal po kri ki zhes bya byung / /rgyal po kri ki bu tha chungs/ /de yi tshe na bdag gyur to/ /'od srung dpal dang ldan pa yi/ /mchod rten chen po brtsigs pa dang / /pha yi yid ni bsrung ba'i phyir/ / de la gdugs bu chung zhig phul/ /dga' ba'i yid kyis mchod rten la/ /gdugs ni gdags pa byas pa des/ /rab byung rdzogs pa'i sangs rgyas dang / /lhan cig 'grogs gyur smon lam btab/ /dge ba'i las ni de byas pas/ / gang dang gang du skyes par ni/ /bsod nams byas pas mdzes pa yi/ /lha dang mi ni rnams su gyur/ /bdag gi skye ba tha ma 'di/ /bang mdzod stug por bdag skyes te/ /der yang tshong dpon khyim du skyes/ /rigs kyi bu gcig par gyur te/ /mi dbang kau rab bya dang ni/ /de bzhin kun sdug yid du 'ong / /de bzhin yul mi rnams dang ni/ /bdag ni gnyen tshogs yid du 'ong / /mdzes shing blta na sdug pa dang / /gzugs bzang shin tu dbyibs legs shing / / mi yi 'byor pa rnams kyis ni/ /'dod pa thams cad phun sum tshogs/ /ston pa dga' zhing yid 'ong ba/ /bang mdzod stug por gshegs pa ni/ /bdag gis mthong nas sems dad pas/ /rab tu 'byung bar gsol ba btab/ / ston pa gang zag zla med de/ /bsam pa kun la mkhas gyur pas/ /bdag gi bsam pa des mkhyen nas/ /rab tu byung ba las bzlog pa/ /pha ma dag gis ma gnang ba'i/ /gang zag dge yang sangs rgyas rnams/ /rab tu 'byin par mi mdzad kyis/ /song la bdag nyid thar bar gyis/ /de nas khyim du bdag song nas/ /pha ma gnyis la smras pa ni/ /yab gcig gnang bar mdzod cing bdag /khyim ma mchis par rab 'byung ngo / /pha mas bdag las thos nas ni/ / de tshe yid mi bder gyur nas/ /bu gcig khyod ni bdag cag gnyis/ /shi bar gyur na 'ang mi gnang ngo / /de thos nas ni bdag gis su/ /gal te mi gnang 'di nyid du/ /zas mi 'tshal bar bdag 'gum zhes/ /sa la yang ni nyal ba byas/ / de tshe dkar po'i chos dag gis/ /bskul nas rab 'byung don gnyer zhing / /thar par 'dod pas zhag drug tu/ /zan ma zos par 'dug pa dang / /de nas bdag dang mdza' ba yi/ /ne'u zlas pha ma la smras pa/ /'di ni gnang bar gyur na legs/ /khyed la shi bas ci zhig bya/ /gal te 'di ni rab 'byung bar/ /dga' na phyis kyang khyed cag gis/ /gson po nyid du bltas so cog /shi bar gyur na ci zhig rung / /gal te rab tu byung ba la/ /'di ni dga' bar ma gyur na/ /khyed kyir zad mod pha ma las/ / gzhan na bu gnas ga la yod/ /bdag gi snyan smra ne'u zla la/ /pha ma gnyis kyis smras pa ni/ /gal te rab 'byung lta byed na/ /de lta na lta gzhan du min/ /de nas ne'u zla bdag gi drung / /nye bar 'ongs nas smras pa ni/ /mkhas pa khyod ni pha ma yis/ /rab tu 'byung bar gnang ba ni/ /khyod la pha ma gnyis na re/ /gal te rab tu byung nas khyod/ /phyis kyang lta bar byed na ni/ /bu gcig song la rab tu byung / /legs shes bdag gis mnyan byas te/ /de nas nyam ni brtas byas nas/ /ston pa'i spyan sngar song nas ni/ /'di skad ces ni tshig gsol to/ /btsun pa bdag ni gnang lags na/ /thub chen khyod kyi bstan pa la/ /bde gshegs rab 'byung gsol 'debs na/ /rgyal ba bdag ni rab tu phyung / /de nas bdag ni rab byung nas/ / ston pa'i bstan la 'di ltar gnas/ /bdag gi kun sbyor thams cad zad/ /zag pa rnams ni bcom par gyur/ /bdag gis gdugs gcig btang bas ni/ /bde ba mang po myong bar gyur/ /bsod nams byas pas mdzes pa yi/ /lha dang mi yi rnams su gyur/ / thams cad gzigs pas dgon pa ba/ /rnams kyi mchog tu bdag bstan to/ /mya ngan 'das pa bsil gyur pa'i/ /dgra bcom pa yang bdag gis thob/ /de ltar thugs rje che rgyal la/ /yid ni rab tu dad byas te/ /mchod rten la ni bkur sti byas/ /'jigs pa che las rnam thar gyis/ /gnas brtan phyag dar khrod pa ni/ /yul 'khor skyong zhes grags pa yis/ /ma dros pa yi mtsho chen du/ rang gi las ni lung bstan to/ /yul 'khor skyong gi le'u ste bcwa brgyad pa'o// //'dul ba gzhi/ bam po lnga bcu rtsa gsum pa/ de nas dge slong gnas brtan gnas brtan rnams kyis tshe dang ldan pa sa ga la 'di skad ces smras so/ /tshe dang ldan pa sa ga tshe dang ldan pa yul 'khor skyong gis rang gi las kyi rgyu ba lung bstan zin gyis/ tshe dang ldan pa sa gas kyang da rang gi las kyi rgyu ba lung ston cig /de nas tshe dang ldan pa sa gas de'i tshe rang gi las kyi rgyu ba lung ston par byed de/ rgyal po'i khab kyi tshong dpon gyi/ /gtso bo nor chen bdag gyur to/ /dbyar gyi dus su drang srong ni/ /lnga brgya dag ni nye bar byon/ /der ni tshong dpon lnga brgya yang / / thams cad 'dus par gyur nas ni/ /kun gyis drang srong re re zhig /khyim khyim du ni bgo bar bya/ /rang gi don du kha zas ni/ /ji lta bu dag g.yo byed pa/ /dka' thub can de re re la 'ang / /rtag tu de 'dra kho na sbyin/ /de'i nang drang srong rgan po gang / /de ni bdag gi skal bar 'ongs/ /tshong dpon mchog la de bzhin du/ /thub pa mchog ste 'tsham bar gyur/ /bdag la lnga brgya pa yi zas/ /snod gang nas ni 'dren byed pa/ /de 'dra ba yi kha zas nyid/ /bdag gis dge slong de la byin/ /de nas de la bdag la ni/ /ser sna shin du mi bzad skyes/ /'di lta bu'i kha zas ni/ /bdag gis chung ma byin ma myong / /sring mo ma yin de bzhin du/ /bu dang bu mo dag dang ni/ /phu mo nu la 'ang ma byin na/ /dge slong 'di la zla gsum du/ /sbyin pa lta zhig smos ci dgos/ /bdag ni lnga brgya po dag gis/ / gong tshogs chen por 'dir gyur gyis/ /ma la bdag gis dge sbyong 'di/ /bsad pa la ni brtson byas te/ /'di ni shi ba'i dus byas na/ /bdag la 'god pa mi 'byung zhes/ /de nas bdag gi sdig sems kyis/ /rta yi gcin ni bskol byas nas/ /nyes med pa ni bsad bya bar/ /kha zas rnams dang lhan cig byin/ /der ni zos ma thag tu yang / /mi bzad pa yi nad langs te/ /rgyu ma gnye ma mkhal ma dag /ro smad nas ni zags par gyur/ /thub pa chos kyi yon tan dga'/ /shes bzhin de nas dus las 'das/ /lha dang gnod sbyin gcig la gcig /sgra ni shin tu sgrogs byed pa/ /kye ma'o tshong dpon 'di re sdig /'di yis thub pa rang sangs rgyas/ /bsil bar gyur cing zag med pa/ /dbang ldan 'di ni bkrongs par gyur/ /nye du kun kyang 'khrugs nas ni/ /de nas bdag la smod byed pa/ /gang phyir thub pa 'di bsad pas/ /khyod kyis bsod nams min mang bskyed/ /nye du rnams kyi tshig thos nas/ /bdag kyang yid mi bde bar gyur/ / drang srong de dag bsags nas ni/ /de nas bdag gis nyes pa bshags/ /bzod pa gsol nas de nas yang / /nyes pa thams cad so sor bshags/ /lnga brgya la ni zhal zas kyis/ /gus dang bcas pas tshim par byas/ / bdag gis sdig pa de bshags nas/ /bzod gsol drang srong de dag ni/ /zas dang btung bas tshim byas nas/ /de tshe smon lam btab pa ni/ /gnas brtan 'di 'dra dag dang ni/ /bdag ni lhan cig 'grogs par shog /ji ltar 'di kun grol gyur pa/ /de bzhin 'ching las grol bar shog /bkren pa rnams kyi khyim du bdag /lan 'ga'ang skye bar ma gyur cig /bdag gi sems ni lan 'ga' yang / /ser sna skye bar ma gyur cig /bdag gis rang sangs rgyas bsad pa'i/ /shin tu mi bzad las byas pas/ /de nas 'chi 'pho dus byas nas/ /dmyal ba rnams su skyes nas ni/ /yun ring lo ni stong dag tu/ /sdug bsngal tshor ba nyams su myong / /slar yang mir ni 'ongs pa na/ /phyug cing nor chen gyur pa dang / /'jig rten rnams kyis mchod bkur na yang / /bdag ni myur du 'chi 'gyur zhing / / rtag tu bdag ni nang grol dag /'dzag pas 'chi ba'i dus byas so/ /khyim pa'i rtags rnams spangs nas ni/ /khyim med par ni rab tu byung / /bstan la brtson 'grus byas pas na/ /'dod chags thams cad yang dag bton/ /gang tshe len pa med pa yi/ /mya ngan 'das par bdag gyur na'ang / /rgyu ma gnye ma mkhal ma nang / /de dag kyang ni 'dzag par gyur/ /bdag gis sdig las byas pa dang / /dge ba'i las byas gang yin pa/ /dge dang sdig pa de dag gi/ 'bras bu de dag nyams su myong / /mnyan yod dbus na skyes pa yi/ /dge slong mthu chen sa gas ni/ /ma dros pa'i mtsho chen du/ /rang gi las ni lung bstan to/ /sa ga'i le'u ste bcu dgu pa'o// // de nas dge slong gnas brtan gnas brtan rnams kyis tshe dang ldan pa 'od srung byin pa can la 'di skad ces smras so/ /tshe dang ldan pa 'od srung byin pa can dge slong sa gas rang gi las kyi rgyu ba lung bstan zin gyis/ da tshe dang ldan pa 'od srung byin pa can gyis kyang rang gi las kyi rgyu ba lung ston cig /de nas tshe dang ldan pa 'od srung byin pa can gyis de'i tshe rang gi las kyi rgyu ba lung ston par byed de/ mu ge dag ni byung ba na/ /grong khyer pa ni mtha' dag gis/ /lo bdun tshang bar dge slong gi/ /dge 'dun dag ni spyan drangs so/ /de na bdag gi skal bar ni/ /rang sangs rgyas ni skal ldan pa/ /bsil bar gyur cing zag med pa'i/ /thub pa mdzes pa gcig cig 'ongs/ /bdag gis dam bcas byas pa ni/ / las mi byed na bu dang ni/ /nang mi yang rung su la yang / /bdag gis zas ni mi sbyin no/ /de ltar rnam par bsams nas ni/ /bdag gis sdig pa'i blo bsams pa/ /dge slong las mi byed pa 'di/ /bdag gis ci ste zas sbyin zhes/ /de nas drang srong bdag 'grogs nas/ /zhing las mtha' rnams blta ba'i phyir/ /mtha' dag tu ni bskor nas su/ /de yi 'og tu zas zar bcug /las kyi rnam par smin pa des/ /bsdus gzhom dang ni tsha ba yi/ / dmyal ba rnams su skyes nas ni/ /sdug bsngal kho na'i tshor ba thob/ /dmyal ba rnams nas shi 'phos bdag /gang dang gang du skyes par ni/ /de tshe brtson pa mang byas na 'ang / /sdug bsngal kho nas zas rnyed do/ /bdag gi skye ba tha ma ni/ / mi'i srid thob pa 'di yin te/ /rdzogs sangs bla na med pa yi/ /ded dpon 'di ni mnyes par byas/ /yang dag dad pas rab byung nas/ /bdag gis zag pa rnams bcom ste/ /bdag gis mngon shes drug reg nas/ /dgra bcom nyid kyang thob par gyur/ /da dung du yang btsun pa bdag /'di ltar rdzu 'phrul ldan lags na 'ang / /da lta lan mang song nas ni/ /sdug bsngal gyis ni zas sgrub po/ /lam ni ring por song nas kyang / /bdag ni zas dag bsgrub pa na/ /gang tshe bdag ni dub gyur nas/ / de'i 'og tu zas 'grub bo/ /rus ni 'od srung las kyi ming / /byin pa can ni mthu chen pos/ /ma dros pa yi mtsho chan du/ /rang gi las ni lung bstan to/ /'od srung byin pa can gyi le'u ste nyi shu pa'o// // sdom ni/ grags ldan dang ni dpal skyed dang / /bak+ku la gsum grags pa dang / /me skyes dang ni yul 'khor skyong / /sa ga 'od srung byin pa can/ /de nas dge slong gnas brtan gnas brtan rnams kyis tshe dang ldan pa lam phran bstan la 'di skad ces smras so/ /tshe dang ldan pa lam phran bstan tshe dang ldan pa 'od srung byin pa can gyis rang gi las kyi rgyu ba lung bstan zin gyis/ tshe dang ldan pas kyang da rang gi las kyi rgyu ba lung ston cig /de nas tshe dang ldan pa lam phran bstan gyis de'i tshe rang gi las kyi rgyu ba lung ston par byed de/ sngon gyi tshe rabs gzhan rnams su/ /bdag ni phag rdzir gyur pa na/ /phag rnams kha ni bcings nas su/ /'bab chu las ni sgrol bar byed/ /'bab chu las ni bsgral ba'i phyir/ /bdag gis chu dbus phyin pa dang / /bskyod par gyur pas dbugs subs nas/ /phag rnams thams cad shi bar gyur/ /skyob pa med cing mgon med pas/ /bdag kyang 'bab chus khyer ba las/ /drang srong rjes su brtse ba dag /'ongs nas bdag ni byung bar gyur/ /de dag gis bdag de las bsgral/ /de nas bdag gis rab tu byung / /bdag gis gdams ngag med par ni/ /'du shes med la snyoms par zhugs/ /de nas 'chi ba'i dus byas nas/ /lha rnams su ni bdag skyes so/ lha yi 'jig rten shi 'phos nas/ /bdag gis mi yi srid pa thob/ /rdzogs pa'i sangs rgyas mnyes byas nas/ /khyim med par ni rab tu byung / /rmongs shing g.yer bo ma yin pas/ /bshad pa bdag gis ma rtogs so/ /btsun pa bdag gis zla gsum du/ /tshigs bcad gcig la zhugs nas ni/ /tshig bzhi pa yi rkang pa gcig /rtogs pas 'dod chags kun bton to/ /btsun pa de ltar bdag gis ni/ / las gang bgyis pa dran lags te/ /bskal pa mi nyung yun ring du/ /'khor ba 'dir ni bdag gis brgyugs/ /'jig rten mgon gyi spyan sngar ni/ /lam phran bstan gyis dkar gnag las/ /ma dros pa yi mtsho chen du/ /lung ni bstan pa byas pa yin/ /lam phran bstan kyi le'u ste nyi shu gcig pa'o// // de nas dge slong gnas brtan gnas brtan rnams kyis tshe dang ldan pa sprul khol la 'di skad ces smras so/ / tshe dang ldan pa sprul khol tshe dang ldan pa lam phran bstan gyi rang gi las kyi rgyu ba lung bstan zin gyis/ /tshe dang ldan pas kyang da rang gi las kyi rgyu ba lung ston cig /de nas tshe dang ldan pa sprul khol gyis de'i tshe rang gi las kyi rgyu ba lung ston pa byed de/ sangs rgyas 'od srung mya ngan 'das/ /tha mar byung ba'i dge slong ni/ /sde snod gsum ldan mang du thos/ /chos kyi ser sna can du gyur/ /dge slong gzhan dag shes gyur na/ / bdag dang mtshungs par 'gyur 'ong zhes/ /bdag gis dge slong rnams la chos/ /ma ston cing ni ma bshad de/ /bdag gi drung du dge slong gang / /nye bar 'ongs nas 'dri byed na'ang / /thams cad gdams ngag ma byin par/ /thams cad du ni spyos shing bgyi/ /dge slong rnams ni nyer 'ongs nas/ /de tshe bdag la bkur sti byed/ /chos ni rab tu mi ston pa/ /khyod kyi da ni bza' min zer/ /de nas 'chi ba'i dus bab tshe/ /bdag gi chos ni gzhan dag la/ /ma bstan de ni legs min zhes/ / bdag ni yid la 'gyod par gyur/ /tshe yi lhag ma nyung ngu zhig /zhag bdun lus nas bdag gis ni/ /rab tu byung ba rnams bsogs te/ /de nas nyes pa bshags pa byas/ /bdag gis nyes pa bshags byas shing / /ser sna de na rnam bsal nas/ /de tshe bdag gis nub bdun du/ /don bzang ba yi chos bshad do/ /bdag gis blo la ci lcogs pas/ /legs par bshad pa'i chos thos nas/ /phan tshun 'doms shing gcig la gcig /smra bar yang ni byed du bcug / de tshe bdag gis nub bdun du/ /chos ni cung zad gcig bshad pas/ /'dod pa thams cad 'byor pa yi/ /lha yi 'jig rten dag tu dga'/ /lha yi 'jig rten shi 'phos te/ /bdag gis mi yi srid thob nas/ /grong khyer ser skya'i gzhi dag tu/ /shAkya'i rgyal po'i rigs su skyes/ /nor chen longs spyod chen po dang / gzugs bzang blta na sdug pa dang / /thams cad la sdug yid 'ong zhing / /phun sum tshogs pa'i mthar phyin to/ /khyim re nas ni skyes pa re/ /khyim med par ni rab 'byung las/ /'dod pa'i longs spyod 'byor pas na/ /bdag ni rab 'byung ma btub bo/ /rdzogs sangs gang zag zla med pa/ /bdag nyid la ni thugs brtse'i phyir/ /yang dang yang du rang 'byung ba/ /yang dag len pa skul ma mdzad/ /de nas ded dpon zla med pa/ /sangs rgyas la ni bdag gis gsol/ /re shig bdag gi lo bdun du/ /sbyin pa mi nyung btang bar bgyi/ /bdag gis sbyin pa dag btang nas/ /lo bdun lon par gyur pa dang / / shes rab mchog can khyod las ni/ /de nas bdag ni rab tu 'byung / /lo bdun dag ni thogs ches la/ /tshe ni cung zad tsam yin pas/ /sang nyid 'chi yang su shes kyis/ /de ring nyid du brtul te gyis/ /bdag gis gus pas sangs rgyas kyi/ /gsung ni slar bzlog ma byas par/ /btsun pa bdag ni dgung bdun na/ /thugs brtses rab tu dbyung ba mdzod/ /bdag gis zhag bdun sbyin btang ste/ /phongs pa rnams ni tshim byas nas/ /bdag gi phyir ni nye du dag /grong khyer du ni mel tse btsugs/ /snang ba chen po rnams kyis ni/ /grong khyer mchog ni gsal bar byas/ /skye bo dag gis ma tshor bar/ /rab 'byung phyir ni mngon du byung / /bdag ni dang bas rab byung nas/ /rgyal ba'i bstan la brtson byas te/ /lo ni nyi shu lnga lon yang / /sems mnyam pa yang ma thob bo/ /de nas bdag gi sdig pa'i sems/ /'dod la zhen pa skyes pa ni/ /bdud rtsi rtogs par ma gyur gyis/ /dman par slar ni bdag ldog snyam/ /de nas ngo tsha khrel yod pa/ /don chen dag ni skyes gyur pa/ /bdag la nye du'i tshogs smod cing / /skyon du yang ni 'grang 'gyur ba/ /de ni bdag dang 'tsham min zhing / /de ni bzang po ma yin gyis/ /bdag lta gson na'ang ci ru rung / /mtshon gyis gdab par bya'o snyam/ / mtshon rnon bdag gis blangs nas su/ /skyil mo dkrung ni bcas nas kyang / /mtshon ni ske la gtad pa las/ /de nas sems ni rnam par grol/ /bdag sems tha ba las grol nas/ /yang dang yang du brjod pa ni/ /e ma'o sangs rgyas chos dge 'dun/ /e ma'o chos nyid e re bzang / /sngon ni bdag gi 'du shes gang / /so so'i skye bo shi bla snyam/ /bdag gis srog la ma bltas pas/ /zhi ba dam pa thos par gyur/ sngon ni 'khums par gyur pa yis/ /dam chos ser sna byas pa gang / /btsun pa de yi 'bras bu ni/ /sdug bsngal ba yis rnam par grol/ /bdag gis 'chi ba'i dus na chos/ /dam pa rab bstan gang yin pa'i/ /las kyi rnam par smin pa des/ / phun sum tshogs pa'i pha rol phyin/ /shAkya'i bu pho dbang po brtul/ /sprul khol mthu chen ldan pas ni/ /ma dros pa yi mtsho chen du/ /rang gi las ni lung bstan to/ /sprul khol gyi le'u ste nyi shu rtsa gnyis pa'o// // de nas dge slong gnas brtan gnas brtan rnams kyis tshe dang ldan pa ma 'gags pa la 'di skad ces smras so/ /tshe dang ldan pa ma 'gags pa tshe dang ldan pa sprul khol gyis rang gi las kyi rgyu ba lung bstan zin gyis/ tshe dang ldan pa ma 'gags pas kyang da rang gi las kyi rgyu ba lung ston cig /de nas tshe dang ldan pa ma 'gags pas rang gi las kyi rgyu ba lung ston par byed de/ sngon ni phrag khur khyer ba yi/ /rtswa thun dbul por gyur pa na/ /bdag gis dge sbyong grags ldan pa/ /nyon mongs bcom la bsod snyoms phul/ /shAkya'i rigs la bdag skyes na'ang / /bdag ni ma 'gags yin par shes/ /rol mo glu la mkhas gyur pas/ /pheg sgra phyad pas bslang ba na/ /rdzogs sangs ga las bsnyengs med pa/ /ston pa bdag gis mthong bar gyur/ /mthong nas bdag ni sems dad pas/ /khyim med par yang rab tu byung / /bdag gis de yi gsung thos nas/ /bstan la dga' bas gnas gyur te/ /rtag tu pha rol gnon brtan zhing / /gzabs pa'i bdag nyid brtson 'grus brtsams/ /sangs rgyas bstan pa mthar phyung nas/ /rig pa gsum ni rjes su thob/ /bdag sngon gang na 'dug pa yi/ /sngon gyi gnas ni shes gyur te/ /sum bcu rtsa gsum lha rnams su/ /bdag gis lan bdun skye ba blangs/ /slar yang mi yi nang du ni/ mi yi dbang po lan bdun byas/ /de tshe 'dzam tshal dbang phyug gi/ /rgyal rigs spyi bor dbang bskur to/ /'dir ni bdun dang der bdun te/ /bdag gis lan ni bcu bzhir 'khor/ /bdag sngon gang na 'dug pa yi/ /gnas ni sngon du shes gyur te/ /las kyi 'bras bu de lta bu/ /bdag gis de tshe nyams su myong / /gang dang gang du skyes pa na/ /dga' ba dag gis rgyu bar byed/ /sems can rnams kyi 'chi 'pho dang / /'ong ba dang ni 'gro ba dang / /'di lta bu dang gzhan gyur shes/ /'phags pa'i yan lag lnga ldan dga'/ / yan lag lnga pa'i ting 'dzin la/ /zhi ba phyogs gcig goms byas shing / /shin du sbyangs thob lam gyis ni/ /lha yi spyan ni rnam par sbyangs/ /ston pa 'jig rten bla med kyis/ /bdag gi kun rtog mkhyen nas kyang / /yid las byung ba'i sku yis ni/ / bdag drung rdzu 'phrul gyis byon nas/ /ston pa spros med la dgyes pas/ /spros pa dang ni bral ba bshad/ /bdag gis de yi gsung thos nas/ /bstan la dga' bas gnas gyur te/ /rtag par pha rol gnon brtan zhing / /gzabs pa'i bdag nyid brtson 'grus brtsams/ / sangs rgyas bstan la mthar phyung nas/ /rig pa gsum ni rjes su thob/ /'chi ba 'ang mngon par mi dga' zhing / /'tsho ba 'ang mngon par mi dga' ste/ /shes bzhin dran dang ldan pa yis/ /dus la so sor rtog par byed/ /yangs pa'i 'od ma'i grong khyer gyi/ /'od ma'i tshang tshing de'i drung du/ /bdag gi srog ni zad nas kyang / /zag med mya ngan 'da' bar 'gyur/ /bdag gis bsod snyoms byin pas ni/ /'bras bu thob pa 'di yin te/ /rdzogs sangs gang zag zla med pa'i/ /ston pa bdag gis mnyes par byas/ /mya ngan 'das pa bsil gyur pa'i/ /dgra bcom pa yang bdag gis thob/ /thams cad gzigs pas bsod nams can/ /rnams kyi mchog tu bdag bstan to/ /de ltar gnas brtan ma 'gags pas/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /ma 'gags pa'i le'u ste nyi shu rtsa gsum pa'o// // de nas dge slong gnas brtan gnas brtan rnams kyis tshe dang ldan pa ri dgas 'dzin gyi bu nag po la 'di skad ces smras so/ /tshe dang ldan pa nag po tshe dang ldan pa ma 'gags pas rang gi las kyi rgyu ba lung bstan zin gyis/ /tshe dang ldan pas kyang da rang gi las kyi rgyu ba lung ston cig /de nas tshe dang ldan pa ri dgas 'dzin gyi bu nag pos de'i tshe rang gi las kyi rgyu ba lung ston par byed de/ bu ram sbyor ba'i khang pa na/ /bu ram shing rnams 'tshir ba las/ /rang sangs rgyas ni skal ldan pa/ /nad pa gsor rung zhig 'ongs nas/ /bdag gis thub pa nub bdun du/ /bu ram til mar bsnyen bkur byas/ /skal ldan zhag bdun 'das pa dang / /de nas de ni mkha' la 'phags/ /de nas bran de nyer 'ongs nas/ /bdag la smras par gyur pa ni/ /yon gnas rab tu byung gyur pa/ /de lta bu ni song bar gyur/ / drang srong mkha' la song ngo zhes/ /bdag gis de las tshig thos nas/ /sems mgu ba dang yid bde bas/ /de yi tshe na dad pa byas/ /sems rab dang ba de dang ni/ /bu ram sbyin par btang ba des/ /bsod nams byas pas mdzes pa yi/ /lha dang mi ni rnams su gyur/ /bdag gi skye ba tha ma ni/ /mi'i srid thob pa 'di yin te/ /rdzogs sangs bla na med pa yi/ /ded dpon 'di ni mnyes par byas/ /shAkya seng ge'i bstan pa la/ /bdag gis rab 'byung thob nas ni/ / mya ngan 'das pa bsil gyur pa'i/ /dgra bcom pa yang bdag gis thob/ /da dung du yang btsun pa dag /bdag gi chos gos bsod snyoms dang / /yo byad dang ni gnas mal gyi/ /rnyed pa mang po skye bar gyur/ /bdag ni chos gos 'drub pa na/ / bu ram btung ba glud pa'i phyir/ /bdag la bu ram snod bzhi zhig /dgos so snyam du bsams pa dang / /rgyal po gzugs can snying po la/ /de nas lha yis smras pa ni/ /ri dgas 'dzin bu nag po la/ /bu ram btung ba byin cig dang / / mi yi dbang po khyod kyis ni/ /bu ram btung ba don chen 'gyur/ /'tsho byad a mra'i tshal du ni/ /ri dgas bu la bu ram skyol/ /rgyal po'i mchog ni mthu chen po/ /gzugs can snying pos bdag la ni/ /snod chen bu ram gyis bkang ba/ /bzhi po dag ni bskur bar gyur/ /de nas des ni bu ram dag /ro dang ldan pa khyer 'ongs nas/ /stong ni nyis brgya lnga bcu yi/ /dge slong dge 'dun tshim par byas/ /ri dgas 'dzin bu dgra bcom pa/ /mngon shes drug ldan mthu chen po/ / ma dros pa yi mtsho chan du/ /rang gi las ni lung bstan to/ /ri dgas 'dzin gyi bu nag po'i le'u ste nyi shu rtsa bzhi pa'o// // de nas dge slong gnas brtan gnas brtan rnams kyis tshe dang ldan pa sgra gcan zin la 'di skad ces smras so/ /tshe dang ldan pa sgra gcan zin tshe dang ldan pa ri dgas 'dzin gyi bu nag pos rang gi las kyi rgyu ba lung bstan zin gyis/ tshe dang ldan pa sgra gcan zin gyis kyang da rang gi las kyi rgyu ba lung ston cig /de nas tshe dang ldan pa sgra gcan zin gyis de'i tshe rang gi las kyi rgyu ba lung ston par byed de/ bdag sngon lus 'phags mi thi la'i/ /bdag po rgyal por gyur pa na/ /dgos pa zhig gi phyir 'dug nas/ /skye bo rjes su bstan pa na/ /de nas drang srong dka' thub che/ /gzi brjid mchog 'jigs 'ongs gyur te/ /de ni nye bar 'ongs nas kyang / /bdag la 'di skad tshig smras so/ /sa bdag bdag ni rkun ma ste/ /bdag gis ma byin chab 'tshal gyis/ /rkun po'i chad pa ji lta bar/ /khyod kyis de bzhin bcad du gsol/ /drang srong chos kyi yon tan dga'/ /de la bdag gis der smras pa/ /khyod la chu ni gnang bar byas/ /khyod ni song la ci bder spyod/ /rgyal po bdag gi 'gyod pa ni/ /de ltas bsil ba'i rngo mi thog /bdag la chad pas gcod mdzod dang / /'gyod pa dag dang 'bral bar 'gyur/ /bdag gis de ni bskyed mos tshal/ /gzhir ni zhag drug spang ba byas/ /de ni zhag drug lon nas phyir/ /rang gi bsti gnas gnas su song / / zhe sdang med pa'i sems kyis ni/ /sdig pa bdag gis byas pas kyang / /rab tu tsha dang thig nag tu/ /lo ni drug bcu rnams su btsos/ /de nas las kyi lhag mas ni/ /bdag gi lus ni tha ma la/ /ma yi mngal du lo drug ni/ /tshang bar yang ni 'dug par gyur/ /bdag ni zhe sdang med bzhin du/ /lus dang ngag gi las byas pa/ /las rnams chud mi za bas na/ /de yi 'bras bu nyams su myong / /de ltar gnas brtan sgra gcan zin/ / dge slong dge 'dun mdun 'dug nas/ /ma dros pa'i mtsho chen du/ /rang gi las ni lung bstan to/ /sgra gcan zin gyi le'u ste nyi shu rtsa lnga pa'o// // de nas dge slong gnas brtan gnas brtan rnams kyis tshe dang ldan pa dga' bo la 'di skad ces smras so/ /tshe dang ldan pa dga' bo tshe dang ldan pa sgra gcan zin gyis rang gi las kyi rgyu ba lung bstan zin gyis/ tshe dang ldan pa dga' bos kyang da rang gi las kyi rgyu ba lung ston cig /de nas tshe dang ldan pa dga' bos kyang de'i tshe rang gi las kyi rgyu ba lung ston par byed de/ rnam par gzigs kyi gsung rab la/ /bdag gis lan cig khrus byas te/ /dge slong dge 'dun khrus byas nas/ /de tshe smon lam btab pa ni/ /gnas brtan 'di lta bu dag dang / /bdag ni lhan cig 'grogs par shog /dag cing dri ma med pa dang / /nyon mongs med cing zag bral shog /kha dog bzang po dag dang ni/ /gzugs bzang gyur ces smon lam btab/ /de nas 'chi 'pho'i dus byas nas/ /lha rnams su ni skyes par gyur/ /bdag ni gser gyi mdog 'dra ba'i/ /mi dang lha ni rnams su gyur/ /gang dang gang du skyes par ni/ /longs spyod chen pos shin tu gnas/ /rang sangs rgyas kyi mchod rten ni/ /shin tu dkar po bdag gis brtsigs/ /de nas byug pas thams cad ni/ /ser por gyur pa de ltar byugs/ /de nas mtshan rnams 'dod pa'i phyir/ /gser gyi mdog tu 'gyur ba dang / /gzugs bzang dbyibs ni legs 'gyur bar/ /smon lam du ni gdab pa byas/ /dge ba'i las ni de byas pas/ /grong khyer bA rA Na sIr ni/ /ka shi'i rgyal po kri ki yi/ /bu pho 'bring por bdag skyes so/ / 'od srung mchod rten mthong nas ni/ /de nas dad pa'i sems bskyed de/ /mchod rten de la bdag gis ni/ /gdugs 'bring zhig ni gdags pa byas/ /khrus de dang ni bsro khang dang / /yung gi byug pas byug pa dang / /gdugs ni gdags pa byas pa yis/ /bde ba mang po nyams su myong / /de nas las kyi lhag mas ni/ /bdag gi yang srid tha ma 'dir/ /shAkya'i rgyal po'i rigs skyes nas/ /sangs rgyas skyob pa'i mched du gyur/ / bdag gi lus ni 'di la yang / /skyes bu chen po'i mtshan yod pa/ /sum bcu lhag pa ma yin pa'i/ /sum bcu dman pa ma yin pa'o/ /shAkya seng ge'i bstan pa la/ /bdag gis rab 'byung thob nas ni/ /mya ngan 'das pa bsil gyur pa'i/ /dgra bcom pa yang bdag gis thob/ /thams cad gzigs pas mdzes pa yi/ /rnams kyi mchog tu bdag bstan to/ /nyes bsal zag pa zad nas ni/ /go 'phang dam pa thob par 'gyur/ / de ltar gnas brtan dga' bos ni/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /dga' bo'i le'u ste nyi shu rtsa drug pa'o// de nas dge slong gnas brtan gnas brtan rnams kyis tshe dang ldan pa gyad bu nor la 'di skad ces smras so/ /tshe dang ldan pa gyad bu nor tshe dang ldan pa dga' bos rang gi las kyi rgyu ba lung bstan zin gyis/ tshe dang ldan pa gyad bu nor gyis kyang da rang gi las kyi rgyu ba lung ston cig /de nas tshe dang ldan pa gyad bu nor gyis de'i tshe rang gi las kyi rgyu ba lung ston par byed de/ 'di ni bdag sngon tshong pa ni/ /nya pa zhes ni bya bar gyur/ /tshong pa'i lam du zhugs pa na/ /dbang du gyur cing zag med pa/ /nyon mongs med pa'i rang sangs rgyas/ /drang srong zhig ni 'gron par 'ongs/ /de yi bar du bdag gis ni/ /rtag par zas la 'gron du bos/ /gang du 'brang ni 'debs 'gyur ba/ /der ni gding ba dag kyang bshams/ /rkang pa'i chu dang til mar dang / /de yi mar me dag kyang bshams/ /ji srid lam yod de srid du/ /bdag gis de la bkur sti byas/ /tshong pa rnams kyis rim bzhin du/ /rgya mtsho'i 'gram du phyin pa dang / /dge slong gru drung nyer 'ongs nas/ /bdag gis de la smras pa ni/ /btsun pa rgya mtsho 'di la ni/ /nor gyi slad du bzhud dam ci/ /btsun pa bdag cag phongs pas na/ /'dod pa dag gi phyir yang ni/ /rgya mtsho chen po'i chu tshogs la/ /nyen can du ni 'jug par byed/ /bdag la dge slong des smras pa/ /bdag ni mya ngan 'das pa yin/ /khyed cag gnyen kun lhan cig tu/ /nor cher bsod nams che bder gyur/ /de tshe de la bdag gis ni/ /rab dgas chos gos bzang po phul/ /mgo bos phyag ni byas nas yang / /de la bskor ba dag byas so/ /de nas bdag la thugs brtse'i phyir/ /des ni chos gos blangs nas ni/ /de dag thams cad lta bzhin du/ /de yi 'og tu mkha' la 'phags/ /cho 'phrul byed pa de mthong nas/ /de tshe bdag ni skyo gyur nas/ /bdag gis thal mo sbyar byas te/ /de nas smon lam btab pa ni/ /gnas brtan 'di lta bu dag dang / /bdag ni lhan cig 'grogs par shog /'di yis chos ni gang dag thob/ /de dag bdag gis thob par shog /rdzogs sangs rgyas ni mnyes byed cing / /rab tu 'byung ba thob pa dang / / dge 'dun la yang rdzu 'phrul gyis/ /rnam 'phrul bkur sti byed par shog /dge ba'i rtsa ba de yis ni/ /lha yi 'jig rten rab tu dga'/ /mi yi 'thob pa thob nas kyang / /bde ba mang po nyams su myong / /skye ba de dang de dag tu/ /bdag ni nor chen phyug pa dang / / bsod nams byas pas mdzes pa yi/ /lha dang mi ni rnams su gyur/ /bskal pa tha ma 'di la ni/ /srid pa tha ma 'di la yang / /ku shi zhes bya'i gyad rnams kyi/ /gyad kyi bur ni bdag skyes te/ /blta na sdug cing mdzes pa dang / /gzugs bzang spyod pa mdzes pa dang / /thams cad la sdug yid 'ong zhing / /phun sum tshogs pa mthar phyin no/ /sangs rgyas shAkya seng ge ni/ /bla na med pa mnyes par byas/ /mthong nas bdag sems dad byas te/ /khyim med par ni rab tu byung / /ma ga d+ha yi ri brgyud nas/ /'od ma'i tshal du gnas byas na/ /dge slong dge 'dun tho 'tsham pa'i/ /nyan thos dag cig der lhags te/ /gnas mal dag ni bskos na yang / /dge slong rnams la spyo byed de/ /rnam par 'tshe zhing smod pa dang / /yang dang yang du gshe bar byed/ /tshangs mtshungs spyod pa rnams mthong nas/ /bdag ni snying rje bar gyur te/ /bdag ni zag pa zad gyur kyang / /nyid kyis dge slong bsnyen bkur bya/ /bdag gis brtson 'grus brtsams nas ni/ /bstan pa 'di la brtson byas pas/ /dgra bcom bdag gis thob nas ni/ /mngon shes drug la dbang byas so/ /ston pa'i spyan sngar song nas ni/ /thub la mgo bos phyag byas te/ /thal mo spyi bor sbyar nas su/ /skyes bu dam pa la gsol pa/ / 'dod chags gti mug gis ma lags/ /byams sems gus dang bcas pa yis/ /thub pa bdag ni dge slong gi/ /rim gro bgyid par gnang bar mdzod/ /pha rol sems la mkhas pa yi/ /ston pas bdag gsol mkhyen nas ni/ /nyid kyis dge slong dge 'dun mdun/ /gnyug ma'i rim gro byed du bcug /byams pa'i lus kyi las dang ni/ /de bzhin ngag dang yid kyis kyang / /bdag gis rtag tu sems smad nas/ /dge slong dge 'dun rim gro byas/ /spyod pa la ni zhugs pa dang / /lam nas 'ongs pa'i dge slong dag /bdag gis mthong nas dga' ba dang / /so sor yid ni bde gyur nas/ /til mar rab 'bar lta bu yi/ /bdag gi sor lnga'i sgron ma yi/ /rdzu 'phrul rnam par bstan byas nas/ /gnas mal dag ni 'cha' bar byed/ /dge slong gang dag bdag gi ni/ /cho 'phrul 'di ni lta 'dod na/ /nam ni sros par gyur pa dang / /mun khung bdag drung lhags nas ni/ /de rnams la ni ci rigs par/ /byams sems gus dang bcas pa yis/ /gnas mal dag ni 'cha' byed cing / /skye bo mang po skyo ba skyed/ /bdag gis bsams pa gang yin dang / /bdag gis smon lam gang btab pa/ /bdag gi bzang po de grub cing / /go 'phang mi g.yo bdag gis thob/ /de lta bur ni gyad bu nor/ /zag pa med cing dbang gyur pas/ /ma dros pa yi mtsho chen du/ /rang gi las ni lung bstan to/ /gyad bu nor gyi le'u ste nyi shu bdun pa'o// // de nas dge slong gnas brtan gnas brtan rnams kyis tshe dang ldan pa nye sde la 'di skad ces smras so/ /tshe dang ldan pa nye sde tshe dang ldan pa gyad bu nor gyis rang gi las kyi rgyu ba lung bstan zin gyis/ /tshe dang ldan pa nyes sdes kyang da rang gi las kyi rgyu ba lung ston cig /de nas tshe dang ldan pa nye sdes de'i tshe rang gi las kyi rgyu ba lung ston par byed de/ /'das pa dag gi dus na bdag /rngon pa dag tu gyur pa na/ /nags chen nyams dga' byul ba dang / /ri dgas rnam pa sna tshogs mthong / /dug gis bskus pa'i mda' rnams dang / /gzhu yi tshogs dag blangs nas ni/ /ri dgas mang po'i ri yi rdzong / /de yang der ni bdag gis brgyus/ /bdag gis ri dgas rnams mthong na/ /gdug pa'i sems ni nyer bzhag nas/ /dug gis bskus pa'i mda' rnams kyis/ /ri dgas mang po rab tu bsnun/ /bdag gi lag na gzhu dang ni/ /dug gis bskus pa'i mda' srel bzhin/ /rang sangs rgyas shig ljon shing gi/ /drung na bzhugs pa mthong bar gyur/ / bdag gis dge sbyong de mthong nas/ /de tshe yid ni mi bder gyur/ /de nas thub pa gnod med pa'i/ /lus la mdas ni bsnun par gyur/ /de yi 'og tu dge slong de/ /mda' yi zug rngu'i sdug bsngal ldan/ /shing de nyid kyi drung du ni/ / len pa med par mya ngan 'das/ /rtsub pa'i las de byas pas na/ /sems can dmyal bar skyes nas ni/ /de la lo ni stong phrag tu/ /bdag gis sdug bsngal tshor ba myong / /de nas dmyal las shi 'phos nas/ /dud 'gro'i skye gnas song nas ni/ /ri yi rdzong ni de nyid du/ /bdag ni ri dgas rnams su skyes/ /rtag tu 'jigs shing bag tsha zhing / /bkres shing skom pas nyen pas na/ /rid cing shin tu sdug bsngal bas/ /bdag ni de dang der rgyu'o/ /rdzong der rngon pa gdug pa ni/ /shin tu mi bzad pa rnams kyis/ /dug gis bskus pa'i mda' rnon gyis/ /bdag gi lus la bsnun par gyur/ /bdag 'gyel de dag gis mthong nas/ /bdag ni gson zhing 'gul bzhin du/ /mtshon gyis yan lag rnams kyi sha /bcad nas de rnams khyer zhing 'dong / /bdag ni sa phyogs de nyid du/ /sha yi ched du bsad byas te/ /de ltar tshe rabs lnga brgyar ni/ /sdug bsngal mang po bsgrubs pa yin/ /ri bo de nyid ngos na ni/ /dka' thub ldan la mthu che zhing / /rdzu 'phrul che gzi mi bzad pa'i/ /drang srong rab tu mang po mthong / /bdag gis drang srong de mthong nas/ /de nas byams pa'i sems bsgoms te/ /blo bzang byams dang ldan pa la/ /yang dang yang du blta byas so/ /dka' thub ldan pa de rnams la/ /bdag gis gus bcas mos dad byas/ /dge ba'i rtsa ba de yis ni/ /bdag gis mi yi srid pa thob/ / zas don gnyer ba'i slong ba ni/ /rang sangs rgyas shig mthong nas ni/ /gus pa yis ni rtag par de/ /bdag gis zas la spyan drangs so/ /btsun pa de tshim byas nas su/ /de tshe smon lam btab pa ni/ /drang srong 'di lta bu dag dang / /bdag ni lhan cig 'grogs par shog /rdzogs sangs rgyas ni mnyes byed cing / /bdag gis rab 'byung thob nas ni/ /'jigs shing skrag pa med pa yi/ /zag pa med la gnas par shog /dge ba'i las de byas pas na/ /lha yi 'jig rten rab tu dga'/ /mi nyid rnyed pa thob nas kyang / /phyug cing nor ni mang bar gyur/ /rdzogs sangs gang zag zla med pa/ /ston pa bdag gis mnyes par byas/ /bdag gis shAkya thub mthong nas/ /khyim med par ni rab tu byung / /dad pas rab tu byung nas kyang / /bstan la dga' bas gnas byas pas/ /bdag gis dgra bcom thob nas ni/ /mngon shes drug la dbang byas so/ /da dung du yang btsun pa dag /bdag ni thams cad dbang gyur na 'ang / / phug gi nang du zhugs nas su/ /'chi ba nye bar gyur pa na/ /sbrul gdug shin du mi bzad pa/ /bdag gi lus la 'bab par gyur/ /btsun pa bdag gis nyes spyad pa/ /gang bgyis dran pa 'di lags te/ /las ni chud mi za bas na/ /de yi 'bras bu nyams su myong / /de ltar gnas brtan nye sde yis/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /nye sde'i le'u ste nyi shu brgyad pa'o// // de nas dge slong gnas brtan gnas brtan rnams kyis tshe dang ldan pa bzang ldan la 'di skad ces smras so/ /tshe dang ldan pa bzang ldan tshe dang ldan pa nye sdes rang gi las kyi rgyu ba lung bstan zin gyis/ tshe dang ldan pa bzang ldan gyis kyang da rang gi las kyi rgyu ba lung ston cig /de nas tshe dang ldan pa shAkya'i rgyal po bzang ldan gyis de'i tshe rang gi las kyi rgyu ba lung ston par byed de/ dgon pa shin du 'jigs chen gyi/ /mu ge dag ni byung ba na/ /rang gi zas ni don gnyer ba/ /slong ba po ni lnga brgya yi/ /de rnams kun gyi dpon gyur cing / /de dag kun gyis gtsor bkur te/ /de rnams kun gyis bslangs pa yi/ /zas ni bdag la 'bul bar byed/ /de dag bzang ngam ngan pa'ang rung / /thob pa bdag la 'ged par byed/ /bdag gi tshig gis gnas pas na/ /de dag bdag la brnyas mi byed/ /mi zhig snum khur zhig khyer nas/ /tshong 'dus nang nas 'gro ba las/ /bdag gis de las mthus phrogs te/ /khyer nas de nas song ba dang / /de nas bdag gis brgyugs pa dang / /phyi bzhin du ni snyegs ma byung / /smyags bcad bros par gyur pa na/ /de dag gis ni gzung ma nus/ /'bab chu'i pha rol rgal nas ni/ /bdag ni phyogs gcig 'dug nas su/ /'ga' zhig 'ong bar 'gyur snyam nas/ /mtha' dag tu ni lta bar byed/ /snum la g.yos legs byas zin pa'i/ /snum khur bdag gis zos na ni/ /des na bdag ni lto 'grangs pas/ /nyin zhag gcig ni thub 'gyur snyam/ /de nas skal ldan rang sangs rgyas/ /yang srid skye ba zad gyur pa/ /rdzu 'phrul che gzi mi bzad pa/ /drang srong 'jigs pa zhig 'ongs so/ /bdag gi sems la bsams pa ni/ /sdug bsngal bkren par gyur pa ni/ /sngon chad bsod nams ma byas pas/ /des bdag 'di ltar bkren par gyur/ /ma la bdag gis dge sbyong 'di/ /snum khur gtsang ma 'di sbyin te/ /bdag ni ltogs par shi bla yi/ /'di lta bkren pa mi rung ngo / /de la bdag sems dad byas nas/ /yid mgu ba dang rangs pa yis/ /dge slong dam pa mchod 'os pa'i/ /yon gnas de la snum khur phul/ /skal ldan gyis ni de blangs nas/ /bdag nyid la ni snying brtse'i phyir/ /de nyid du ni longs spyad nas/ /de nas mkha' la 'phags par gyur/ / de nas smon lam btab pa ni/ /bdag ni bkren par mi 'gyur zhing / /kha dog bzang po rnams dang ni/ /rigs btsun pa yang don du gnyer/ /gnas brtan 'di lta bu dag dang / /bdag ni lhan cig 'grogs par shog /khyod nyid kyis ni gang rtogs pa/ /de 'dra'i chos kyang shes par shog /dge ba'i las de byas pas na/ /bde ba mang po nyams su myong / /bsod nams byas pas mdzes pa yi/ /lha dang mi ni rnams su gyur/ /lha dang mi yi rgyal srid kyang / / bdag gis mang po nyams su myong / /las de yis ni lan 'ga' yang / /bdag ni ngan 'gror ma song ngo / /de nas las kyi lhag mas ni/ /bdag gi yang srid tha ma 'dir/ /shAkya rnams kyi grong mchog tu/ /rigs btsun par ni bdag skyes so/ /bdag gi skye ba tha ma ni/ /mi'i srid thob pa 'di yin te/ /yang dag sangs rgyas bla med pa/ /shAkya seng ge 'di mnyes byas/ /gang tshe sangs rgyas bcom ldan 'das/ /nye du'i gnas su gshegs pa na/ /de tshe bdag ni nye du yi/ /mdun du bdar nas rab tu byung / /bdag gi smon pa gang yin pa/ /de ni bdag gis yongs rdzogs te/ /mya ngan 'das pa bsil gyur pa'i/ /dgra bcom pa yang bdag gis thob/ /rgyal po'i rgyud las rab byung ba/ /sangs rgyas nye du bzang ldan gyis/ /ma dros pa yi mtsho chan du/ /rang gi las ni lung bstan to/ /shAkya'i rgyal po bzang ldan gyi le'u ste nyi shu dgu pa'o// // de nas dge slong gnas brtan gnas brtan rnams kyis tshe dang ldan pa mdzes bzang la 'di skad ces smras so/ /tshe dang ldan pa mdzes bzang tshe dang ldan pa shAkya'i rgyal po bzang ldan gyis rang gi las kyi rgyu ba lung bstan zin gyis/ tshe dang ldan pa mdzes bzang gis kyang da rang gi las kyi rgyu ba lung ston cig /de nas tshe dang ldan pa mdzes bzang gis de'i tshe rang gi las kyi rgyu ba lung ston par byed de/ skyob pa log par dad sel gyi/ /mchod rten zhig ni rtsig pa na/ /de tshe bdag ni khar len pa/ /gla mir gyur te de nas ni/ /bdag gis mchod rten rtsig pa la/ /yang dang yang du dpyad pa ni/ / mchod rten 'di ni che ches pas/ /nam zhig na ni mthar phyin 'gyur/ /mchod rten 'di ni 'phang dma' zhing / /chung ngu zhig tu byas gyur na/ /'god pa chung zhing nyon mongs med/ /myur du mthar yang phyin par 'gyur/ /las kyi rnam smin de dang ni/ /ngag gi nyes par spyad pa des/ /de nas 'chi 'pho'i dus byas te/ /dmyal ba rnams su skyes par gyur/ /dmyal ba nas ni shi 'phos bdag /gang dang gang du skyes par ni/ /kha dog ngan cing bong chung la/ / bdag ni yongs kyis smad par gyur/ /'od srung gi ni gsung rab tshe/ /sngon ni khu byug phor gyur nas/ /bA rA Na sI'i lam gyi bar/ /tshal stug po yi nang na gnas/ /de na 'jig rten rab gsal mdzad/ /dge slong dge 'dun mdun byas la/ / bdag gis 'jam dbyangs skad phyung zhing / /nam mkha' las ni der bskor to/ /ji tsam yang dag sangs rgyas ni/ /bsod snyoms don phyir gshegs mthong na/ /'byung ba dang ni gshegs pa la/ /rtag tu yang ni bskor ba byas/ /dge ba'i rtsa ba de yis ni/ /bdag gis mi yi srid thob nas/ /rdzogs pa'i sangs rgyas bla med pa/ /ded dpon 'di ni mnyes par byas/ /shAkya seng ge'i bstan pa la/ /bdag gis rab byung thob nas ni/ /mya ngan 'das pa bsil gyur pa'i/ / dgra bcom pa yang bdag gis thob/ /bdag ni thams cad gzigs pa yis/ /'jam dbyangs rnams kyi mchog dang ni/ /mang du thos dang chos 'dzin dang / /dge ba'i spobs pa can du bstan/ /lha 'am yang na mi yang rung / / 'khor bzhi po dag bdag las ni/ /snyan cing 'jebs pa'i chos thos nas/ /thams cad rab tu dga' bar 'gyur/ /dge ba nyung ngu byas pa dang / /mi dge mang po byas pa yi/ /las rnams chud mi za bas na/ /de yi 'bras bu nyams su myong / /de ltar gnas brtan mdzes bzang gis/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /mdzes bzang gi le'u ste sum bcu pa'o// // sdom ni/ lam phran sprul khol ma 'gags dang / /nag po lnga pa sgra gcan dang / /dga' bo nor dang nye sde dang / /bzang ldan dang ni mdzes bzang ngo / /de nas dge slong gnas brtan gnas brtan rnams kyis tshe dang ldan pa gnas 'jog sbrang rtsi can la 'di skad ces smras so/ /tshe dang ldan pa gnas 'jog sbrang rtsi can tshe dang ldan pa mdzes bzang gis rang gi las kyi rgyu ba lung bstan zin gyis/ tshe dang ldan pa gnas 'jog sbrang rtsi can gyis kyang da rang gi las kyi rgyu ba lung ston cig /de nas tshe dang ldan pa gnas 'jog sbrang rtsi can gyis de'i tshe rang gi las kyi rgyu ba lung ston par byed de/ bdag ni sngon ni yangs pa yi/ spra chen spre'u dbang gyur pa na/ /lhung bzed mang po mthong nas ni/ / rgyal ba'i lhung bzed blangs pa las/ /dge slong rnams kyis bdag bkag nas/ /de nas bcom ldan bka' stsal pa/ /'di ni lhung bzed mi gcog gis/ /dge slong rnams kyis ma dgag zhig /ston pa'i lhung bzed khyer nas ni/ /shing gi khar ni 'dzegs nas su/ /sbrang rtsis yongs su bkang nas kyang / /dal bus rim gyis babs nas ni/ /lhung bzed sbrang rtsi can thogs te/ /ston pa la ni phul ba las/ /ston pa srog chags bcas par ni/ /mkhyen te bdag las ma bzhes nas/ /bdag gis phyogs gcig song nas ni/ /de la srog chags yod mthong nas/ /srog chags med par gtsang byas te/ /ston pa la ni phul ba dang / /'on kyang bcom ldan 'das kyis ni/ /bdag las sbrang rtsi ma bzhes par/ /ma brtags thugs su chud nas ni/ /bde bar gshegs pas ma bzhes snyam/ /de nas lhung bzed sbrang rtsi can/ /de tshe bdag gis chus btab nas/ /sems ni mgu dang dga' ba yis/ /rdzogs sangs rgyas la phul ba las/ /de nas gang zag zla med pa/ /ston pa'i phyag 'jam gnyis kyis su/ /bdag la lhung bzed bzhes nas ni/ /de ni nyan thos rnams la gtad/ /bdag ni rab tu dga' gyur nas/ /thal mo legs par sbyar byas te/ / de nas chos rgyal spyan snga nas/ /gar byed cing ni de nas song / /de nas smon lam btab pa ni/ /mi nyid dag ni thob nas su/ /ston pa 'di la brten nas ni/ /byang chub dam pa 'di reg shog /dge ba'i rtsa ba des na bdag /mi yi srid pa thob nas ni/ / rdzogs pa'i sangs rgyas bla med pa/ /ded dpon 'di ni mnyes par byas/ /shAkya seng ge'i bstan pa la/ /bdag gis byang chub thob nas kyang / /mya ngan 'das pa bsil gyur pa'i/ /dgra bcom pa yang bdag gis thob/ /bdag ni dgra bcom dbang gyur cing / /mngon shes drug ldan rdzu 'phrul che/ /dge slong rnams kyis bdag la ni/ /gnas 'jog sbrang rtsi can du shes/ /bsod nams byas pas grags ldan pa/ /bdag ni rtag tu bkur zhing mchod/ /dge slong dge 'dun yongs bskor nas/ / bdag ni rgyu zhing song ba na/ /de nas dgon pa'i lam du ni/ /dge slong dge 'dun skom gyur nas/ /de na sems la smon pa ni/ /de ring sbrang rtsi rnyed gyur cig /de nas mi ma yin rnams kyis/ /bdag smon shes te phyogs bzhi nas/ /sbrang rtsi khur gyis blangs nas ni/ /de dag tu ni 'bul bar byed/ /bdag gis sbrang rtsi ci dgos pa/ /bzang po dag las blangs nas ni/ /dge slong dge 'dun tshim byas te/ /de nas lhag par legs par gyur/ /'das ma thag pa'i skye ba la/ /spre'u yi rgyal po de byas pas/ /log par ltung nas bdag 'phos nas/ /'chi med go 'phang reg gyur te/ /ji skad bdag gis smon pa yi/ /thams cad 'byor pa nyid du gyur/ /ston pa bkur sti byas pas 'dir/ /rang gi don ni yongs su rdzogs/ /btsun pa bdag gis dge ba gang / /bgyis pa dran pa 'di lags te/ /de yi 'bras bu sdug pa dang / /bde 'byung 'dod pa nyams su myong / /de ltar gnas 'jog sbrang rtsi can/ /dge slong dge 'dun mdun 'dug nas/ /ma dros pa yi mtsho chen du/ / rang gi las ni lung bstan to/ /gnas 'jog sbrang rtsi can gyi le'u ste sum bcu rtsa gcig pa'o// //'dul ba gzhi/ / bam po lnga bcu rtsa bzhi pa/ de nas dge slong gnas brtan gnas brtan rnams kyis tshe dang ldan pa rgyu can la 'di skad ces smras so/ /tshe dang ldan pa rgyu can tshe dang ldan pa gnas 'jog sbrang rtsi can gyis rang gi las kyi rgyu ba lung bstan zin gyis/ /tshe dang ldan pa rgyu can gyis kyang da rang gi las kyi rgyu ba lung ston cig /de nas tshe dang ldan pa rgyu can gyis de'i tshe rang gi las kyi rgyu ba lung ston par byed de/ bshes ldan grong du bdag gis sngon/ /bskal pa dgu bcu rtsa gcig na/ /sangs rgyas rnam par gzigs pa ni/ /grong khyer dam par 'jug pa mthong / /thugs rje che ldan mthong nas ni/ /me tog sil mas gtor nas der/ /me tog rtsa bas yar brteg cing / /gyen du kha bltas khang bzangs gnas/ /de nas bdag ni rab dga' bas/ / thub pa'i zhabs la mgos gtugs nas/ /thal mo legs par sbyar nas ni/ /de la bskor ba byas par gyur/ /bdag gis chos ni ma thos shing / /bdag ni skyabs su ma song bar/ /sems dad nyid cig byas nas ni/ /bde gshegs drung nas bdag song ngo / /mthu chen rnam par gzigs pa la/ /dge ba'i las de byas pas na/ /bskal pa dgu bcu rtsa gcig tu/ /ngan 'gro mngon par mi shes so/ /bdag ni lha lus rab dga' zhing / /lha yi 'dod pa yang dag 'byor/ /mi nyid rnyed pa thob nas kyang / /bdag ni nor chen phyug por gyur/ /bdag gi skye ba tha ma ni/ /mi'i srid thob pa 'di yin te/ /nor che longs spyod che ba yi/ /bram ze rnams kyi rigs su gyur/ /sgra nges sbyor dang shes gsal bcas/ /skyes bu chen po mtshan dang ni/ /tshig gi don bcas ston pa yis/ /gsang tshig rnams kyi pha rol phyin/ /bram ze lnga brgya rnams la ni/ /tshal du gsang tshig brjod pa'i phyir/ /bram ze rnams kyis yongs bskor nas/ /bdag ni khyim nas byung ba las/ /bdag gis rdzogs pa'i sangs rgyas ni/ /dge slong dge 'dun mdun bdar nas/ /dpa' bo chen po ma ga d+ha'i/ /grong mchog tu ni 'jug pa mthong / /bdag gis thugs rje ldan mthong nas/ /yid dga' bar ni gyur pa dang / /sngon gyi rgyu ni de dag gis/ / mtshan rnams la ni brtags pa las/ /'jig rten mgon po'i mtshan rnams ni/ /sum bcu rtsa gnyis yongs rdzogs shing / /dpe byad rnams kyis mdzes pa yi/ /grags par ldan pa mthong bar gyur/ /mtshan dang ldan pa de mthong nas/ /mgo bo yis ni phyag byas te/ /phyogs gcig 'dug nas gus pas ni/ /'dren pa de la mngon bstod pa/ /ji ltar gsang tshigs la gda' ba/ /khyod la de bzhin de gda' bas/ /khyod sangs rgyas par the tshom med/ / 'jig rten gyi ni ston pa mchog /khyod ni tshangs pa brgya byin khyod/ /khyod las lhag pa ma mchis te/ /khyod ni nyi ma khyab 'jug lags/ /khyod ni 'jig rten bla na med/ /rgyal ba khyod 'dra 'ang ma mthong na/ /lhag pa lta zhig ga la zhig /lha dang bcas pa'i 'jig rten na/ /khyod ni rgyal ba bdud zil non/ /khyod ni mgon med rnams kyi gnas/ /rten med rnams kyi skyabs kyang lags/ /khyod kyi nyan thos nyid du mchis/ /khyod ni bdag gi skyabs mdzod cig /de nas gser gyi mchod sdong lta'i/ /phyag ni de yis brkyang mdzad de/ /rgyal ba'i phyag ni smad mdzad nas/ /bdag gi mgo la kun du byugs/ /yid ni rab tu dang byas pas/ /khyod kyis bsod nams mang po bskyed/ /sems ni rab tu dang rnams kyi/ /yon chung bar ni mi 'gyur ro/ /yon gnas bla na med pa yi/ /sangs rgyas la ni khyod kyis bsten/ /bram ze khye'u yis mchod sbyin byas/ /zhing rab la ni sa bon btab/ /ngan song gi ni lam bcad pas/ / khyod la ngan 'gro'i 'jigs pa med/ /bram ze khye'u yis bdud rtsi yis/ /sgo phye bar ni dogs med byos/ /khyod ni rab tu 'byung 'dod na/ /ral pa kun ni myur spongs te/ /nga yi spyan sngar rab byung la/ /bram ze tha ba med par gyis/ /bdag ni chos nyid la dga' nas/ /de na slob ma'i tshogs smra ba/ /khyod ni bram zer gyur zin na/ /ji ltar dge sbyong mgo reg 'gyur/ /dkar po'i rigs 'di spangs nas ni/ /nag po'i rigs 'di khas len nam/ /'jig rten na ni bram ze gtso/ /pha rol phyin cing tshangs pa yi/ /snying dang kha nas skyes pa yin/ /bram ze tshangs pas sprul pa yin/ /khyed cag kun ni mi mkhas pa/ /khyed cag kun ni mi shes pa/ /'di na bdag ci gsang tshig gi/ /de nyid rig cing pha rol phyin/ / bdag ni shes rab mtha' yas kyis/ /gsungs pa ji ltar shes pa bzhin/ /de bzhin du ni bdag byed kyis/ /gang dag der 'gro mi 'dod pa/ /ci sems ji ltar 'dod pa bzhin/ /gar dga' der ni 'deng la rag /bdag ni gsang tshig don mi gnyer/ /ltos par yang ni mi byed do/ /de nas bdag gi slob ma'i tshogs/ /mchi mas brnangs shing ngu bzhin gyis/ /snying ni rje rje skad smras nas/ /de nas de rnams phyogs phyogs dong / /de nas thugs rje che ldan pa'i/ /thub pas bdag la gsungs pa ni/ /dge slong tshur shog bka' stsal pas/ /bdag ni bsnyen par rdzogs par gyur/ /khyim rnams nas ni khyim med par/ /yang dag dad pas rab tu byung / /sangs rgyas bstan pa chub byas nas/ /mngon par shes kun reg gyur te/ /sngon gyi gnas ni rjes su dran/ /lha yi mig ni rnam par dag /bdag sngon gang na 'dug pa yi/ /'chi 'pho skye ba shes par gyur/ /zag pa zad pa thob pas na/ /bdag gis rdzu 'phrul mngon du byas/ /de ltar gnas brtan rgyu can gyis/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /gnas brtan rgyu can gyi le'u ste sum bcu rtsa gnyis pa'o// // de nas dge slong gnas brtan gnas brtan rnams kyis tshe dang ldan pa kauN+Di n+ya la 'di skad ces smras so/ /tshe dang ldan pa kauN+Di n+ya tshe dang ldan pa rgyu can gyis rang gi las kyi rgyu ba lung bstan zin gyis/ tshe dang ldan pa kauN+Di n+yas kyang da rang gi las kyi rgyu ba lung ston cig /de nas tshe dang ldan pa kauN+Di n+yas de'i tshe rang gi las kyi rgyu ba lung ston par byed de/ sngon ni thub chen 'od srung gi/ /dam pa'i chos ni nub pa na/ /nyan thos thams cad 'dus nas su/ /phan tshun dag tu smras pa ni/ /ston pa thugs rje 'od srung ni/ /mya ngan 'das pas nges par yang / / rab tu byung ba srab gyur cing / /dam chos kyang ni ston mi 'gyur/ /bdag cag ji skad thos pa'i chos/ /phan tshun yang dag gsal byas nas/ /sangs rgyas bstan las spro ba dang / /brtson 'grus brtsam pas gnas par bya/ /de dag ri la 'dzegs nas ni/ /zag pa zad pa ma thob par/ /re shig 'di nas mi ldang zhes/ /rtswa yi gding ba dag la 'khod/ /srog la yang ni mi lta bar/ /brtson 'grus brtsams te gnas pa na/ /bdun gyis mngon par shes la reg /dge slong dag ni mya ngan 'das/ /de yi bdun pa bdag yin te/ /dbang po brtul zhing bsod nams chung / /snyoms med sbyor la brtson pa yi/ /so so'i skye bo 'chi dus byas/ /bdag gis brtson 'grus ma btang zhing / /de bzhin rab tu brtson gnas pas/ / dga' ldan rnams dang skal mnyam pa'i/ /lha yi 'jig rten rnams su skyes/ /de na shAkya seng ge yi/ /thub chen byang chub sems dpa' mthong / /thub pa lha yi tshogs la ni/ /skyo bar 'gyur ba'i chos ston mdzad/ /bdag gis de yi chos bshad pa/ /thos nas rtse gcig yid gyur te/ /dam chos yid la byed pa ni/ /lan 'ga'ang rnam par ma spangs so/ /lha yi 'jig rten bdag son nas/ /grong khyer ser skya zhes bya ba'i/ /kauN+Di n+ya rus bram ze yi/ /rigs can du ni skyes par gyur/ /byang chub sems dpa'i grags chen ldan/ /zas gtsang sras por gyur nas ni/ /dad pas byung nas dka' spyod pa/ /spyad par gyur pa de yi tshe/ /rgyal po'i mchog ni zas gtsang gis/ /bdag bkug nas kyang smras pa ni/ /rab tu 'byung bar 'dod par gyis/ /der ni de yi nad g.yog byos/ /de tshe bdag gis yid dad pas/ /byang chub sems dpa'i rim gro byas/ /lam 'di'i rnam dag 'gyur min zhes/ /yid byung nas ni gshegs par gyur/ /gang tshe shAkya thub pas ni/ /chos kyi 'khor lo bskor ba na/ /kun gyi thog mar bdag gis ni/ /de yi dam chos rtogs par gyur/ /'od srung gi ni gsung rab la/ /tshangs par spyod la bdag gis gnas/ /sangs rgyas bdag gis mnyes byas shing / /zag pa zad pa thob par gyur/ /de ltar gnas brtan kauN+Di n+yas/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /kauN+Di n+ya'i le'u ste sum bcu rtsa gsum pa'o// // de nas dge slong gnas brtan gnas brtan rnams kyis tshe dang ldan pa nye bar 'khor la 'di skad ces smras so/ /tshe dang ldan pa nye bar 'khor tshe dang ldan pa kauN+Di n+yas rang gi las kyi rgyu ba lung bstan zin gyis/ /tshe dang ldan pa nye bar 'khor gyis kyang da rang gi las kyi rgyu ba lung ston cig /tshe dang ldan pa nye bar 'khor gyis kyang de'i tshe rang gi las kyi rgyu ba lung ston par byed de/ bdag ni sngon gyi tshe rabs na/ /bA rA Na sI'i rgyal khab tu/ /rgyal po tshangs sbyin zhes bya ba'i/ /'dreg mkhan du ni gyur pa na/ /de yi skra dang kha spu rnams/ /'dreg cing 'chos par byed pa na/ /de nas mngon par rangs gyur nas/ /bgo ba dag ni bdag la byin/ /gus dang bcas pa'i sdug sems kyis/ /rgyal po'i rim gro byed pa na/ /mnyes nas de nas de la ni/ / ma thos pa yi tshigs bcad bsgrags/ /'dod pa rnams ni mnog chung zhing / /sdig pa'i rtsa dang mya ngan rtsa/ /rnam par smin pa rtsub pa yin/ /bram ze'i khye'u ni gang zhig gis/ /'dod pa'i yon tan spangs nas ni/ /rab byung thob pa legs thob yin/ /ma thos tshigs bcad des thos nas/ /de nas skyo bar gyur pa dang / /rgyal po bdag ni gnang bar mdzod/ /khyim ma mchis par rab 'byung ngo / /de nas rgyal pos bdag la smras/ /gal te rab tu byung nas kyang / /phyir kyang bdag la lta ba yi/ /khas blang ba ni bya ba'i rigs/ /rgyal dbang khyod la bdag gis ni/ /de bzhin bgyi bar dam bca' yis/ /bdag rab byung nas slar yang ni/ /lta bar bdag la thugs ches mdzod/ /de nas rgyal pos gnang nas ni/ /bdag gis dgon pa'i nags song nas/ /gzhung can drung du nyer song ste/ /khyim med par ni rab tu byung / /ji ltar rigs par rab byung nas/ /tshangs pa'i gnas pa bzhi po yi/ /tshad med pa la rab bsgoms pas/ / bdag gis 'dod chags bral ba thob/ /rgyal po de yi tshe la ni/ /de tshe bdag ming gang gA skyong / /'byor pa che zhing mthu yang che/ /skye bo'i tshogs kyis mchod par gyur/ /gzhung can drung du song nas ni/ /mgo bo yis ni phyag byas te/ /bdag gis phyogs gcig 'dug nas ni/ /'di skad kyi ni tshig smras so/ /slob dpon bdag gi tshig gson cig /mi yi dbang po tshangs byin la/ /slar yang lta bar bgyi ba yi/ /dam bcas pa ni chung zhig mchis/ / gnang bar bya'o bram ze khyod/ /bA rA Na sI'i grong khyer song / /khyod ni brdzun du mi 'gyur bar/ /dam bcas pa yi mthar phyung shig /gnang bar bya yis khyod song la/ /kho bo yi ni tshig bzhin gyis/ /'di nas song la mi dbang po/ /tshangs sbyin dad pa skyed par gyis/ /gzhung can gyis ni bdag gnang nas/ /drang srong bskor ba byas nas ni/ /bA rA Na sI'i grong khyer du/ /rim bzhin du ni song ba las/ /de bzhin der ni bdag 'ongs zhes/ /tshangs sbyin nyid kyis thos nas ni/ /rgyal po'i 'byor pa chen pos ni/ /bdag gi drung du nye bar 'ongs/ /shing rta las babs bdag gi ni/ /rkang pa gnyis la phyag byas nas/ /phyogs gcig tu ni 'dug par gyur/ /'dod pa rnams las rgal 'gyur ba'i/ /de la chos ni bshad pa dang / /rgyal pos thos nas yid dga' bas/ /'dod pa don du mi gnyer gyur/ /rgya che'i sems dang yid dga' bas/ /tshangs sbyin gyis ni 'di skad smras/ /bdag 'dod don du gnyer min pas/ / bdag kyang rab tu 'byung bar bya/ /rgyal po tshur spyon dgon pa'i nags/ /dben pa dag tu bzhud par bgyi/ /bram ze drang srong gzhung can gyi/ /drung du nye bar bzhud par mdzod/ /rgyal po des ni bu thu bo/ /'jigs med rgyal srid la bzhag ste/ /rgyal mchog rgyal srid spangs nas ni/ /khyim med par yang rab tu byung / /nang mi dang ni blon chen dang / /grong khyer pa ni thams cad dang / /gnyen gyi tshogs kyis yongs bskor nas/ /rab tu 'byung phyir mngon du byung / /gzhung can drung du song nas ni/ /mgo bos phyag ni byas nas kyang / /rgyal pos thal mo sbyar nas ni/ /rab tu 'byung bar gsol ba btab/ /stong phrag dag ni du ma dang / /khyim med par ni rab byung ste/ / skra dang kha spu bregs nas kyang / /ngur smrig gos ni bgos par gyur/ /gzhung can shin tu mnyam bzhag pas/ /tshangs pa'i 'jig rten skye 'gyur ba'i/ /tshangs pa'i gnas pa bzhi po yi/ /chos ni kun la bshad par byas/ /gus dang bcas pa'i byams sems kyis/ /rgyal po de yi rim gro byas/ /de nas 'chi 'pho'i dus byas te/ /'od gsal rnams su song bar gyur/ /'od gsal nas ni shi 'phos nas/ /slar yang 'dir ni 'ongs pa na/ /gang dang gang du skyes par ni/ /nor che ba dang phyug por gyur/ /lha rnams dang ni mi rnams kyi/ /bde ba mang po nyams su myong / /dus kyi tha ma 'di la ni/ /bdag gi lus kyi tha ma la/ /shAkya rnams kyi yul du ni/ /grong khyer ser skya zhes byar skyes/ /spyod yul spyod pa phun tshogs pa'i/ / shAkya rnams kyi 'dreg mkhan gyur/ /shAka sras thugs brtse'i bdag nyid can/ /nyan thos bcas la rim gro byas/ /rgyal po chen po'i 'byor pas ni/ /rab tu 'byung bar mngon 'byung ba/ /de rnams bdag gis skra bregs nas/ /'di skad kyi ni tshig smras so/ /dpon po 'tsho ba ma stsal na/ /bdag ni ji ltar 'tsho bar 'gyur/ /de yi rgyan ni gang yin dang / /gos rnams gyon pa gang yin pa/ /'di ni khyod kyi 'tsho ba'o zhes/ /des ni kun dga' bdag la byin/ /rin chen mang po brtags nas ni/ /de la bdag ni skyo gyur nas/ /'di dag thams cad spangs nas ni/ /bdag ni rab 'byung gsol ba bya/ /bkren pa bdag la 'di lta bu'i/ /rin chen rnams kyis ci zhig bya/ /gzhan 'ga' zhig gis thos na ni/ /srog la gdon lto za bar 'gyur/ /bdag gis nyid kyi snod spyad na/ /gang yin shing la btags nas su/ /bor nas bdag ni khyim dag nas/ /byung ste nges par 'byung bar bya/ /bdag ni rin chen don gnyer min/ /bdag kyang rab tu 'byung bar bya/ /bdag gi tshig de shAkya yi/ /rgyal pos thos nas 'di skad smras/ /khyod ni thog mar rab byung dang / /rgan pa nyid du khyod 'gyur ro/ /rjes su thugs brtser dgongs nas ni/ /bdag la dge slong tshur shog gsungs/ /bdag ni thog mar rab tu byung / /de nas rgyal rigs rab byung nas/ /bdag gi rkang la phyag byas pas/ /shAkya de rnams nga rgyal bor/ /de ltar bdag ni rab byung bas/ /mngon par shes pa drug reg nas/ /dgra bcom mngon shes drug ldan zhing / /bdag ni 'dul ba'i pha rol phyin/ /ston pa nyid kyis 'dul ba 'dzin/ /rnams kyi mchog tu bsngags pa ste/ /ma dros pa yi mtsho chen du/ /nye ba 'khor gyis las lung bstan/ /nye ba 'khor gyi le'u ste sum bcu rtsa bzhi pa'o// // de nas 'jig rten mgon pos ni/ / gnas brtan 'od byed la gsungs pa/ /khyod kyis sngon byas gang yin pa'i/ /rang gi las ni lung ston cig /rgyal ba'i gsung dbyangs thos nas ni/ /sngon chad bdag gis gang bgyis pa'i/ /rang gi las ni dran pa gang / /de ni thub pa'i spyan sngar gsol/ /'jig rten gtso bo skyob pa po/ /sangs rgyas pad ma bla ma yi/ /mchod rten tshal stug bzhugs pa ni/ /ri dgas gdug pa rnams kyis bsten/ /mchod rten de la phyag bgyid pa/ /rngo thog pa ni 'ga' ma mchis/ /mi de rnams ni bsod nams dang / /sdig pa rab tu ma 'tshal to/ /bdag gis song nas shing rnams dang / /rtswa rnams bsal ba bgyis nas ni/ /phyags ma dag ni blangs nas kyang / /de nas thams cad phyag dar bgyis/ /bskor ba brgyad dang phyag bgyis te/ /mchod pa bgyis nas slar log lags/ /dge ba'i rtsa ba des na bdag /lha rnams su ni skyes pa na/ /'dod pa thams cad 'byor gyur cing / /sum bcu rtsa gsum rnams su dga'/ /lha yul lha yi rgyal srid ni/ / sum bcu rtsa drug bar du bgyis/ /de na bdag gi gnas mchis pa/ /gser gyi 'od ni shin tu gsal/ /rgyar ni dpag tshad sum bcu drug /khor yug dpag tshad drug bcu tham/ /rgyal ba'i mchod rten de phyags nas/ /ngo mtshar byung ba gzhan yang ni/ /mi yi nang du mi dbang ni/ /lan bdun bar du bgyis par gyur/ /rgyal ba'i mchod rten de phyags nas/ /ngo mtshar byung ba gzhan yang ni/ /bdag gi lus kyi gzi brjid ni/ /gser gyi kha dog lta bur gyur/ /rgyal ba'i mchod rten de phyags nas/ /ngo mtshar byung ba gzhan yang ni/ /bram ze dang ni rgyal rigs dang / /rigs gnyis su ni bdag skyes lags/ /rgyal ba'i mchod rten phyags nas ni/ /bdag la ngo mtshar gzhan byung ba/ /khyogs dang glang chen stong dang ni/ /bzhon pa mchog ni rnams kyis mchi/ /rgyal ba'i mchod rten phyags nas ni/ /bdag la ngo mtshar gzhan byung ba/ /bdag gi mdun na sdong dum dang / /tsher ma gyo mo rang nyid sel/ /rgyal ba'i mchod rten de phyags nas/ / ngo mtshar byung ba gzhan yang ni/ /skad cig tsam yang bdag gis su/ /bro 'tshal bar ni mi dran lags/ /rgyal ba'i mchod rten phyags nas ni/ /bdag la ngo mtshar gzhan byung ba/ /gang dang gang du bdag mchi bar/ /kun du bkra shis phun sum tshogs/ /rgyal ba'i mchod rten de phyags nas/ /ngo mtshar byung ba gzhan yang ni/ /rtag tu bkur zhing mchod pas na/ /lha yi spyod pa lta bu mchi/ /skyob pa'i mchod rten phyags nas ni/ /ngo mtshar byung ba gzhan yang ni/ / bdag gis lus la lan 'ga' yang / /gnod pa byung bar mi dran lags/ /de ltar sangs rgyas sangs rgyas chos/ /dri ma med pa bsam mi khyab/ /bsam mi khyab la mngon dad pa'i/ /rnam par smin pa'i 'bras bu che/ /de bas rga shi zad pa dang / / phun sum 'byor pa 'dod pas ni/ /rgyal ba yi ni mchod rten la/ /mchod pa bla na med pa gyis/ /btsun pa bdag gis dge ba gang / /bgyis pa dran pa 'di lags te/ /de yi 'bras bu yid 'ong zhing / /bde 'byung 'dod pa nyams su myong / / de ltar dge slong 'od byed kyis/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /'od byed kyi le'u ste sum bcu rtsa lnga pa'o// // de nas dge slong gnas brtan gnas brtan rnams kyis tshe dang ldan pa nam gru la 'di skad ces smras so/ /tshe dang ldan pa nam gru tshe dang ldan pa 'od byed kyis rang gi las kyi rgyu ba lung bstan zin gyis/ tshe dang ldan pa nam grus kyang da rang gi las kyi rgyu ba lung ston cig /de nas tshe dang ldan pa nam grus de'i tshe rang gi las kyi rgyu ba lung ston par byed de/ /'di nas bskal pa bye ba'i sngon/ /sangs rgyas kun zil gnon de la/ /bdag gis dge ba gang bgyis pa/ /btsun pa bdag gis dran lags te/ /brgya stong phrag ni du ma yi/ /nyan thos rnams kyis mdun bdar nas/ /rgyal po'i pho brang dpe med du/ /skyes bu dam pa gshegs pa na/ /bdag kyang dgos pa zhig gi phyir/ /grong khyer gzhan nas der phyin nas/ /de na rdzogs pa'i sangs rgyas ni/ /mtshan mchog sum bcu rtsa gnyis ldan/ /me dang nor bu glog 'od dang / /nyi ma zla ba'i 'od 'dra mthong / /'od kun zil gyis mnan nas ni/ /sangs rgyas gzi brjid khyad par 'phags/ /gzi brjid me phung lta bu ste/ /sngon ma mthong ba mthong nas ni/ /bdag gi mdun na 'dug pa yi/ /bram ze zhig la dris pa dang / /dris pas bdag la 'di skad smras/ /'di ni sangs rgyas rnam 'dren pa/ /lha dang mi mchog rdzogs sangs rgyas/ /zla med pa yi gang zag yin/ /bdag gis sangs rgyas sgra thos nas/ /de tshe bdag ni rab dgar gyur/ /dga' zhing mgu ba skyes pas na/ /lus ni thams cad bde bar gyur/ /mi ma yin rnams lha yul gyi/ /rol mo'i sgra rnams 'byin pa thos/ /lha yi tsan dan phye ma yang / /grong khyer dam pa de ru bab/ /kha cig ut+pal tsam pa gzhan/ /de bzhin pa ri sha ka dang / /gzhan dag tsan dan phye ma 'thor/ /bdag ni thal mo sbyar byas nas/ /yid ni mgu zhing rangs pa yis/ /nam mkha' la ni 'phags te gnas/ /dga' dang rab tu dga' ba yis/ / lus kun tu ni khyab par gyur/ /dri dang phreng ba la sogs phyir/ /mtha' dag tu ni brgyugs pa las/ /de yi tshe na bskor kyang ni/ /me tog gcig kyang ma rnyed do/ /de tshe de na bdag gis ni/ /ha cang ring ba ma yin par/ /gdugs byed pa yi tshong khang na/ /dung ltar dkar ba'i gdugs shig mthong / /gdugs phyir bdag gis de la ni/ /gsol btab nas ni gdugs blangs te/ /sems ni rab tu dang ba yis/ /sangs rgyas la ni gdugs bzung ngo / /bdag gi lag nas gdugs shor ba/ /bar snang dag la mngon 'phags nas/ /ston pa gshegs na gdugs 'gro zhing / /bzhugs pa na yang sdod par gyur/ /nam mkha'i ngos la sprin lta bur/ /sangs rgyas la ni grib ma byed/ /thub pa'i sku ni mi 'dor bar/ /bar snang la ni 'dug par gyur/ /de nas bdag dang skye bo gzhan/ /cho 'phrul rnams la brtags nas ni/ /thal mo legs par sbyar byas te/ /de bzhin gshegs la mgos phyag byas/ /de nas rdzogs pa'i sangs rgyas dang / /nyan thos mtshan ma bzung nas ni/ /rjes su dran pas yid dga' zhing / /khyim gyi las kyi mtha' byas so/ /kye ma'o thob pa legs thob ste/ /sangs rgyas mthong nas dran pa rnyed/ /yon tan bla na med pa ni/ /rdzogs sangs rgyas la bdag gis phul/ /yon gnas bla na med pa la/ /bdag gis gdugs phul gang yin pa'i/ /dge ba'i rtsa ba des na bdag /rin chen bdun dang ldan par gyur/ /de nas sum bcu rtsa gsum pa'i/ /lha yi nang du bdag skyes te/ /lha yi rgyal por bdag gyur nas/ /lha ni bye ba rnams kyis mchod/ /slar yang mir ni 'ongs pa na/ /stobs kyis sgyur ba'i rgyal gyur cing / /nor chen brtson 'grus che ba ste/ /rgyal po rnams kyis mdun gyis bltas/ /bdag gis las 'di byas pas ni/ /yang dang yang du 'khor ba na'ang / / bdag byed pa yi las de ni/ /lan 'ga'ang bar ni ma bcad do/ /de lta bu yi yon gnas la/ /bdag gis dad pas phul ba yi/ /dge ba'i las de byas pas na/ /ngan 'gror song ba mi dran no/ /bdag gi skye ba tha ma ni/ /mi srid thob pa 'di yin te/ /yang dag sangs rgyas bla med pa/ /ded dpon 'di ni mnyes par byas/ /shAkya seng ge'i bstan pa la/ /bdag gis rab byung thob nas ni/ /mya ngan 'das pa bsil gyur pa'i/ /dgra bcom pa yang bdag gis thob/ / bdud kyis lus ni lus chen po/ /ri bo lta bu dpag tshad tsam/ /nam mkha' la ni sprin lta bur/ /mdog mi sdug pa sprul pa dang / /de nas bdag ni g.yeng byed pa/ /'di ko su zhig snyam pa las/ /'di ni tho 'tsham byed pa yi/ / bdud yin par ni myur du shes/ /sdig can khyod 'dir ci dgar zad/ /lus ni khor yug gcig lta bu/ /mgo yang lhun po lta bur ni/ /byas te 'dir ni 'ong la rag /bdag ni dgra bcom dbang gyur pa/ /rig gsum ldan pa'i dge sbyong ste/ / sangs rgyas kyis gsungs gang yin pa'i/ /bde bar gnas pa rnams kyang thob/ /bsod snyoms byas pa lan cig gis/ /zhag bdun du yang 'dug nas ni/ /rnam par grol ba'i dga' myong ba/ /de lta bu dag bdag gis bsgoms/ / btsun pa bdag gis dge ba ni/ /gang bgyis dran pa 'di lags te/ /de yi 'bras bu yid 'ong zhing / /bde 'byung 'dod pa nyams su myong / /de ltar nam gru blo ldan gyis/ /dge slong dge 'dun mdun 'dug nas/ /ma dros pa yi mtsho chen du/ /rang gi las ni lung bstan to/ /nam gru'i le'u ste sum bcu rtsa drug pa'o// // de nas dge slong gnas brtan gnas brtan rnams kyis rang rang gi las kyi rgyu ba lung bstan zin nas/ bcom ldan 'das la 'di skad ces gsol to/ /btsun pa bdag cag gis rang rang gi las kyi rgyu ba lung bstan lags kyis/ bcom ldan 'das kyis kyang de nyid kyi phrin las kyi rgyu ba lung bstan pa'i rigs lags so/ /btsun pa bcom ldan 'das kyis phrin las ci zhig mdzad na/ des na byang chub mngon par rdzogs par sangs rgyas na yang gor ma'i dum bus zhabs kyi mthe bo rma byung bar gyur lags/ /bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan rnams su las rnams byas shing bsags pa tshogs rnyed pa zhes bya ba nas/ 'bras bu dag tu 'gyur ba nyid ces bya ba'i bar gong ma bzhin no/ /dge slong dag sngon byung ba ri 'or zhig na khyim bdag gcig gnas pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed ces bya ba nas/ /khye'u zhig btsas nas bskyed bsrings te chen por gyur to zhes bya ba'i bar gong ma bzhin no/ /de'i ma shi nas de nas khyim bdag des chung ma gzhan zhig blangs te/ de dang lhan cig rtse bar byed ces bya ba nas de las kyang khye'u zhig btsas so zhes bya ba'i bar du'o/ /de nas khyim bdag des khye'u phu bo shos chung ma blangs nas de rtse bar byed/ dga' bar byed/ dga' mgur spyod par byed pa las khye'u dang bu mo mang du btsas so/ /ji tsam dus phyi zhig na khyim bdag dang chung ma dang bcas te shi nas bu de phu bo nyid kyi drung du song ba dang / chung mas smras pa/ rje'i sras khye'u 'di khyod kyi cir mchi lags/ /des smras pa/ spun du 'ong ngo / /rje'i sras ci 'di yang khyim gyi bgo skal dbang ngam/ 'di la yang phyed la bdag cag la yang phyed yin no/ /rje'i sras 'di ni mi gcig pa lags na/ ji ltar 'di la yang phyed la bdag cag mang po la yang phyed lags/ bzang mo 'di ni 'jig rten gyi chos yin no/ /rje'i sras gal te de lta na 'di khum shig /bzang mo nor gyi phyir nu bo bsad du ga la rung / des de la yang dang yang du smras pa dang 'dod pa la bstan pas ni sdig pa'i las mi bya ba ci yang med pas des khas blangs so/ /des bsams pa/ gal te grong du bsad na ni skye bo mang pos tshor bar 'gyur gyis/ dgon par bsad par bya'o snyam nas des de bos te smras pa/ nu bo me tog dang yam sreg shing gi phyir dgon par 'dong ngo / /de de dang lhan cig dgon par dong ba las de nas des ri phug tu rdos bsnun te bsad do/ /dge slong dag ji snyam du sems/ de'i tshe de'i dus na gang gis khyim bdag gi bu yis khyim gyi nu bo de dgon par rdos gsod pa de ni nga nyid yin te/ nga yis khyim gyi nu bo nor gyi phyir dgon par rdos bsnun te bsad pa gang yin pa de'i las kyi rnam par smin pas nga lo mang po dang / lo brgya phrag mang po dang / lo stong phrag mang po dang / lo brgya stong phrag mang por sems can dmyal ba rnams su btsos so/ /las de kho na'i lhag mas de bzhin gshegs pa nga mngon par rdzogs par byang chub na yang zhabs kyi mthe bo rdo'i dum bus rma byung bar gyur to/ /btsun pa bcom ldan 'das kyis/ phrin las ci zhig mdzad na phrin las de'i rnam par smin pas/ bcom ldan 'das kyi zhabs la seng ldeng gi tshal pa zug par gyur lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan rnams su las rnams byas shing bsags pa tshogs rnyed pa zhes bya ba nas/ 'bras bu dag tu 'gyur ba nyid ces bya ba'i bar gong ma bzhin no/ /dge slong dag sngon byung ba gnas shig na ded dpon gnyis shig gnas pa las/ de gnyis kyis gru bo che legs par bsgrubs nas nor bsgrub pa'i phyir rgya mtsho chen por zhugs pa dang rjes su 'thun pa'i rlung gis rin po che'i gling du phyin to/ /de na gcig gis ni bag yod par rin po che rnams kyis gru bkang ngo / /gcig shos kyis ni bag med par ro/ /de gnyis chas pa las ji tsam na de'i gru bag med par bkang ba de bying bar gyur to/ /gru bying ba des smras pa/ bdag 'o nir chug shig /des de srang la bcal te rin po che las bor nas gru bo cher bcug go/ /de der zhugs nas bsams pa/ 'di ni don grub pas 'gro la bdag ni don med pa 'di lta mi srid kyis 'di'i gru dbug par bya'o snyam nas/ des dben par dal bus dbug par brtsams pa las ded dpon des rig nas smras pa/ ded dpon gru ma dbug zhig /thams cad tshul ma yin pas sdug bsngal bar gyur ta re/ phrag dog la mngon par zhen pa'i blo can de slar bzlog kyang ma btub nas/ de nas des mdung thung gis bsad do/ /dge slong dag ji snyam du sems/ de'i tshe de'i dus na ded dpon gang gis ded dpon gsod pa de ni nga nyid yin te/ ngas ded dpon mdung thung gis bsad pa gang yin pa de'i las kyi rnam par smin pas nga lo mang po dang / lo brgya phrag mang po dang / lo stong phrag mang po dang / lo brgya stong phrag mang por sems can dmyal ba rnams su btsos so/ /las de'i lhag ma kho nas de bzhin gshegs pa mngon par rdzogs par byang chub na yang zhabs la seng lding gi tshal pas zug par gyur to/ /btsun pa bcom ldan 'das kyis phrin las ci zhig mdzad na phrin las de'i rnam par smin pas yul sa lar ji ltar lhung bzed bkrus pas zhugs pa'i lhung bzed bkrus pa de kho na bzhin du phyir gshegs te bsod snyoms gcig kyang ma brnyes par gyur lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan rnams su las rnams byas shing bsags pa tshogs rnyed pa zhes bya ba nas 'bras bu dag tu 'gyur ba nyid ces bya ba'i bar gong ma bzhin no/ /dge slong dag sngon byung ba bA rA Na sI'i grong khyer na bram ze'i khye'u zhig gnas so/ /sangs rgyas rnams 'byung ba med pa na 'jig rten du rang sangs rgyas dman pa dang / ngan pa la snying brtse ba can/ bas mtha'i gnas mal la dga' ba/ 'jig rten gyi yon gnas gcig pu dag 'byung bar 'gyur ro/ /de'i tshe rang sangs rgyas nyon mongs 'joms zhes bya ba 'jig rten du byung nas/ de bA rA Na sI'i grong khyer na drang srong smra ba ri dgas kyi nags na nye bar rten cing gnas so/ /de snga dro sham thabs bgos lhung bzed dang chos gos thogs te bA rA Na sIr bsod snyoms la zhugs so/ / bram ze'i khye'u zhig kyang zas kyi phyir bsod snyoms la khyim zhig tu zhugs pa las des zas ma thob nas de phyir byung ngo / /rang sangs rgyas nyon mongs med kyis khyim der bsod snyoms la zhugs so/ /bram ze'i khye'u des de zhugs pa mthong nas des bsams pa/ rab tu byung ba de ci dag byed pa blta'o snyam nas de slar log ste de'i phyi bzhin du 'brang zhing sgo phag tu bsdad pa las/ ji tsam na khyim bdag gi chung mas rang sangs rgyas de lus mdzes shing sems dang ba mthong nas/ de nas de dad pa skyes te de'i lhung bzed gtsang zhing bsod pa'i bza' ba dang bca' bas bkang ngo / /des de thogs te phyir byung ba bram ze'i khye'u des mthong nas smras pa/ kye rab tu byung ba re shig khyod kyis bsod snyoms ci 'dra ba zhig grub pa lta'o/ /de ma bsams par ye shes mthong ba mi 'jug pas des bstan to/ /de nas phrag dog la mngon par zhen pa'i blo can des de'i lag par thal mos bsnun pa dang lhung bzed lhung bas kha zas rnams sa la bo ba dang bram ze'i khye'u des rdog pas brdzis so/ /rang sangs rgyas des de la smras pa/ bzhin bzangs khyod kyis ci'i phyir kha zas rnams chud gzan/ ci ste khyod slong bar gyur na ngas byin par 'gyur ba zhig / des rang sangs rgyas de la smad pa mang du byas nas/ slar log pa dang drang srong smra ba ri dgas kyi nags su song nas 'dug go/ /dge slong dag ji snyam du sems/ de'i tshe de'i dus kyi bram ze gang yin pa de ni nga nyid yin te/ phrag dog la mngon par zhen pa'i blo can ngas rang sangs rgyas kyi zas bcad pa byas pa gang yin pa de'i las kyi rnam par smin pas lo mang po zhes bya ba nas/ sems can dmyal ba rnams su btsos so zhes bya ba'i bar gong ma bzhin no/ / las kyi lhag ma de kho nas da ltar nga mngon par rdzogs par byang chub na yang yul sa lar zan gcad pa byas so/ /btsun pa bcom ldan 'das kyis phrin las ci zhig mdzad na/ phrin las de'i rnam par smin pas kun tu rgyu mo mdzes mas yang dag pa ma lags pas skur pa btab lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan rnams su las rnams byas shing bsags pa tshogs rnyed pa zhes bya ba nas/ 'bras bu dag tu 'gyur ba nyid ces bya ba'i bar gong ma bzhin no/ /dge slong dag sngon byung ba skye dgu rnams kyi tshe lo brgyad khri thub pa na yang dag par rdzogs pa'i sangs rgyas rnam par gzigs shes bya ba'i bar du ste/ sangs rgyas bcom ldan 'das de'i gsung rab la spun gnyis shig rab tu byung bar gyur te/ gnas 'jog dang / b+ha ra dwA dza zhes bya'o/ /de nas gnas 'jog gis ni brtson pa dang / 'bad pa dang / brtsal ba byas pas nyon mongs pa thams cad spangs te/ dgra bcom pa nyid mngon sum du byas so/ /b+ha ra dwA dzas kyang klags shing bton pas sde snod gsum la byang bar gyur te/ sde snod gsum gyi chos kyi gtam la rigs pa dang grol ba'i spobs pa dang ldan par gyur to/ / des ji tsam na khyim bdag gcig la bskul nas/ des de'i ched du gtsug lag khang yo byad thams cad dang ldan pa zhig rtsig tu bcug go/ /de nas des phu bo gnas 'jog la spring ba/ lhan cig 'khod kyis shog shig /des thos nas 'ongs so/ /de nas khyim bdag des spyod lam zhi ba/ lus mdzes pa/ sems dang ba de mthong ngo / /de mthong nas mngon par dad par gyur te/ de dad pa skyes nas kha zas bsod pas tshim par byas te chen po la 'os pa'i ras zung cig bskon to/ /de nas b+ha ra dwA dza phrag dog skyes nas bdag ni 'di'i thams cad la sngon du 'gro ba yin na/ bdag la ni 'dis lan 'ga' yang ras ma byin/ 'di ni 'ongs nas ring por ma lon pa kho nar ras zung bskon no snyam nas/ de phu bo gnas 'jog la nyes pa'i glags tshol bar gyur to/ /des de tshor nas bsams pa/ 'di ni phrag dog gi rang bzhin can yin pas gal te/ bdag gis 'di la ras zung 'di ma byin par gyur na lhag par yang mi dga' ba myong bar 'gyur ro snyam nas/ des de la byin na 'on kyang de nyes pa'i glags tshol ba lhur len cing 'dug go/ /khyim bdag de'i mngag gzhug ma bu mo zhig gtsug lag khang der song zhing byi dor gyi las byed do/ /b+har dwA dzas de la smras pa/ bu mo kho bos ras zung 'di khyod la sbyin gyis/ khyod kyis kho bo'i tshig bzhin byos shig /des smras pa/ 'phags pa bdag gis ci zhig bgyi/ khyod kho bo'i ras zung 'di gyon la khyim gyi byi dor gyi las byos shig /gal te khyim bdag gis khyod kyi ras zung 'di ga las 'ongs shes 'dri dang / 'phags pa gnas 'jog gis bdag la stsal to zhes smros shig /gal te ci'i phyir 'dri dang / dpon po skyes pa rnams kyis bud med rnams la ci'i slad du stsol ba de yang 'dri 'am zhes smros shig / de nas des ji skad bsgo ba bzhin du thams cad byas pa dang / de nas khyim bdag des gnas 'jog la ma dad pa bskyed pa dang bdag nyid chen po de dag ni bkur sti ma yin pas skrag pas de langs te song ngo / /dge slong dag ji snyam du sems/ de'i tshe de'i dus kyi b+ha ra dwA dza gang yin pa de ni nga nyid yin te/ ngas de na dgra bcom pa la yang dag pa ma yin pas skur pa btab pa gang yin pa de'i las kyi rnam par smin pas lo mang po dang zhes bya ba nas/ sems can dmyal ba rnams su btsos so zhes bya ba'i bar gong ma bzhin du'o/ /da ltar nga mngon par rdzogs par byang chub pa na yang kun tu rgyu mo mdzes mas yang dag pa ma yin par skur ba btab bo/ /btsun pa bcom ldan 'das kyis phrin las ci zhig mdzad na phrin las de'i rnam par smin pas bram ze'i bu mo rtswa mis yang dag pa ma lags pas skur pa btab lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan rnams su las rnams byas shing bsags pa thun mong dang / thun mong ma yin pa/ tshogs rnyed pa zhes bya ba nas/ 'bras bu dag tu 'gyur ba nyid ces bya ba'i bar gong ma bzhin no/ /thun mong gang zhe na/ dge slong dag sngon byung bA rA Na sI na bram ze rig byed dang / rig byed kyi yan lag gi pha rol tu phyin pa zhig bram ze'i khye'u lnga brgya la bram ze rnams kyi gsang tshig ston te/ de bA rA Na sI na gnas pa'i skye bo'i tshogs kyis lhag par bkur sti byas/ bla mar byas/ rjed cing mchod de dgra bcom par bkur ro/ /ji tsam na drang srong mngon par shes pa lnga dang ldan pa zhig ljongs rgyu zhing song ba las bA rA Na sIr phyin pa dang / bA rA Na sI na gnas pa'i skye bo'i tshogs kyis lus mdzes pa dang sems dang ba mthong ngo / /mthong nas kyang skye bo'i tshogs thams cad mngon par dad par gyur te/ gang gi sbyin pa 'am/ bya ba 'am/ 'jig rten pha rol gyi ched yod pa gang yin pa de de la byed do/ /de nas bram ze de'i rnyed pa dang bkur sti nub par gyur nas/ drang srong de la phrag dog skyes nas phrag dog la mngon par zhen pa'i blos bram ze'i khye'u rnams la smras pa/ bram ze'i khye'u dag 'di ni drang srong ma yin te/ 'on kyang 'di ni 'dod pa la longs spyod pa yin no/ /de rnams kyis smras pa/ mkhan po de de bzhin te/ 'di ni 'dod pa la longs spyod pa lags kyis 'di ni drang srong ma lags so/ /de nas de rnams kyis lam po che dang / tshong 'dus dang / bzhi mdo dang / sum mdo rnams su bram ze dang khyim bdag gi khyim rnams su smras pa/ 'di ni drang srong ma yin te/ 'on kyang 'dod pa la longs spyod pa yin no/ /skye bo'i tshogs chen pos thos nas ma dad pa bskyed pa dang / de bkur sti ma yin pas skrag nas bA rA Na sIr song ngo / /dge slong dag ji snyam du sems/ de'i tshe de'i dus kyi bram ze gang yin pa de ni nga nyid yin no/ / bram ze'i khye'u lnga brgya po gang yin pa de dag ni dge slong lnga brgya po 'di dag yin no/ /ngas drang srong la yang dag pa ma yin pas skur pa btab pa gang yin pa de'i las kyi rnam par smin pa zhes bya ba nas/ sems can dmyal ba rnams su btsos so zhes bya ba'i bar gong ma bzhin du'o/ /las kyi lhag ma de kho nas da ltar mngon par rdzogs par byang chub na yang dge slong lnga brgya dang / thabs gcig la bram ze'i bu mo rtswa mis yang dag pa ma yin pas skur ba btab ste/ de ni thun mong zhes bya'o// // zhwa dmar cod pan 'dzin pa bzhi pa spyan snga thams cad mkhyen pa'i spyan sngar gtugs te/ dge ba'i bshes gnyen stod lung pa chen po'i thugs dam dang bstun nas dag par byas pa'o/ / (ga) @#/ ! /'dul ba lung bzhugs so/ / (黃) 律師戒行經第三部 'dul ba gzhi/ bam po lnga bcu lnga pa/ thun mong ma yin pa gang zhe na/ dge slong dag sngon byung ba bA rA Na sI'i grong khyer du rgyal po tshangs sbyin zhes bya ba rgyal srid byed du 'jug ste 'byor pa dang zhes rgyas par bya ste/ de'i tshe smad 'tshong ma bzang mo zhes bya ba dang / skyes bu g.yon can pad ma'i rtsa lag ces bya ba zhig gnas so/ /des de la dga' mgur spyad pa'i phyir gos dang / rgyan rnams bskur ba dang / des gos dang rgyan rnams bgos nas song ba las/ skyes pa gzhan zhig kyang dong tshe lnga brgya thogs te 'ongs nas/ bzang mo dga' mgur spyad kyis tshur shog ces smras so/ /des bsams pa/ gal te song na ni dong tshe lnga brgya yang mi 'thob la/ khyim du 'ongs pa bor te gzhan du 'gro ba 'di ni gsol ka mi yang bar yang 'gyur ro snyam nas/ des bu mo mngag gzhug ma la smras pa/ song la pad ma'i rtsa lag la jo bo re shig bdag gis sta gon ma bgyis kyis slad kyis mchi'o zhes zer ro zhes smros shig /de de'i gan du song nas smras so/ /skyes pa de yang bya ba mang po zhig pas dga' mgur spyad nas srod nyid la phyir song ngo / /des bsams pa/ thun mongs du yod pas bdag gis de'i sems kyang bsrung nus so snyam nas/ des yang bu mo de la smras pa/ song la pad ma'i rtsa lag la jo bo sta gon bgyis lags na/ bskyed mos tshal gang du mchi shig ces mchi'o zhes smros shig /des de'i drung du song nas smras pa dang / des smras pa/ khyod kyi jo mo skad gcig gis ni sta gon byas/ skad gcig gis ni sta gon ma byas/ bu mo de yang de dang rigs mi 'phrod pa zhig pas des smras pa/ rje'i sras des sta gon ma bgyis te/ 'on kyang khyod kyi gos dang rgyan rnams kyis skyes pa gzhan dang lhan gcig dga' mgur spyad do/ /de 'dod chags kyi kun nas dkris pa gang yin pa de dang ni bral/ gnod sems kyis kun nas dkris pa ni skyes par gyur te/ de mi bzod pa skyes nas smras pa/ bu mo bzang mo'i drung du song la/ pad ma'i rtsa lag na re bskyed mos tshal ga ge mo zhig tu shog shig ces zer ro zhes smros shig /des song nas bzang mo la smras pa dang / de nas de bskyed mos tshal der song ba dang / skyes bu g.yon can pad ma'i rtsa lag gis smras pa/ khyod kho bo'i gos dang rgyan gyis gzhan dang lhan cig dga' mgur yongs su spyad pa ji ga rigs sam des smras pa/ rje'i sras 'di ni bdag gis nongs lags te/ 'on kyang bud med ni rtag par skyon can lags kyis bzod pa mdzod cig /de nas des mi bzod pa skyes nas/ ral gri shubs nas phyung ste srog dang phral lo/ /de nas bu mo des jo mo bsad do jo mo bsad do zhes ku co'i sgra chen po bton pa de skye bo'i tshogs chen pos thos nas brgyugs so/ /de tsam na bskyed mos tshal de na rang sangs rgyas legs smon zhes bya ba bsam gtan byed do/ /de nas skyes bu g.yon can pad ma'i rtsa lag de skrag pas ral gri khrag can rang sangs rgyas legs smon gyi mdun du bor nas skye bo'i tshogs chen po de nyid kyi nang du zhugs so/ /skye bo'i tshogs chen pos ral gri khrag can mthong nas rab tu byung ba 'dis ni bzang mo'i srog dang phral lo zhes de nas rang sangs rgyas de kun nas bskor nas mi bzod pa bskyed de smras pa/ kye rab tu byung ba drang srong gi rgyal mtshan bsrel nas 'di 'dra ba'i las byed dam/ des smras pa ci zhig byas/ de rnams kyis smras pa/ khyod kyis bzang mo dang lhan cig dga' mgur spyad nas de srog dang phral lo/ /des smras pa/ rnas mi bzod pa de nga ni las 'di mi byed do/ /des mi bzod pa'i tshig smras kyang / skye bo'i tshogs chen po des lag pa phying ka log tu dam du bcings nas rgyal po la phul te/ lha rab tu byung ba 'dis bzang mo dang lhan cig dga' mgur spyad nas des srog dang phral lags so/ /rgyal po dag ni mi rtog pa yin pas des smras pa/ gal te de lta na rab tu byung ba 'di ngas spangs kyis deng la sod cig /de nas de'i mgul par me tog ka ra bi ra'i phreng bas btags nas gshed ma gos sngon po gyon pa mtshon thogs pa rnams kyis yongs su bskor nas lam po che dang / tshong dus dang / bzhi mdo dang / sum mdo rnams su bsgrags te/ grong khyer nas bskyed mos tshal logs su khrid do/ /de nas skyes bu g.yon can pad ma'i rtsa lag gi blo skyes pa rab tu byung ba dka' thub can skyon med pa nyes pa mi byed pa 'di la yang dag pa ma yin pas bskur pa btab pas da 'di gsad pa la thug na/ bdag gis 'di yal bar dor ba ni bdag gi cha ma yin no snyam du bsams nas slar log ste rgyal po'i drung du song nas rkang pa gnyis la gtugs te smras pa/ lha rab tu byung ba 'dis ni las 'di ma bgyis te/ sdig pa'i las 'di ni bdag gis bgyis kyis rab tu byung ba 'di gtang bar gsol/ dge slong dag ji snyam du sems/ de'i tshe de'i dus kyi skyes bu g.yon can pad ma'i rtsa lag gang yin pa de ni nga nyid yin te/ ngas rang sangs rgyas la yang dag par ma yin pas skur pa btab pa gang yin pa de'i las kyi rnam par smin pas nga lo mang po dang zhes bya ba nas/ sems can dmyal ba rnams su btsos so zhes bya ba'i bar gong ma bzhin du'o/ /las kyi lhag ma de kho nas da ltar nga mngon par rdzogs par byang chub pa na yang bram ze'i bu mo rtswa mis yang dag pa ma yin pas skur pa btab ste 'di ni thun mong ma yin pa'o/ /btsun pa bcom ldan 'das kyis phrin las ci zhig mdzad na/ phrin las de'i rnam par smin pas yul dgra mthar dge slong gnyis kyis lnga brgyar ma tshang ba'i dge slong rnams dang thabs gcig nas rul gsol ba/ tshe dang ldan pa shA ri'i bu dang / maud gal gyi bu gnyis ni lha'i zhal zas la longs spyod lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan rnams su las rnams byas shing bsags pa zhes bya ba nas/ 'bras bu dag tu 'gyur ba nyid ces bya ba'i bar gong ma bzhin du'o/ /dge slong dag sngon byung ba skye dgu rnams kyi tshe lo brgyad khri thub pa na 'jig rten du ston pa rnam par gzigs zhes bya ba zhig byung nas zhes bya ba nas/ sangs rgyas bcom ldan 'das shes bya ba'i bar gong ma bzhin du'o/ /de 'khor drug khri dang ljongs rgyu zhing gshegs pa na/ rgyal po'i pho brang bshes ldan du byon to/ /bshes ldan de'i bram ze zhig bram ze'i khye 'u lnga brgya la bram ze rnams kyi gsang tshig klog tu 'jug go/ /des yang dag par rdzogs pa'i sangs rgyas rnam par gzigs 'khor lnga brgya dang mthong nas/ des bram ze'i khye'u rnams la smras pa/ shes ldan dag dge sbyong mgo reg 'di dag lha'i zhal zas la longs spyad pa'i 'os ma yin gyi/ nas rul pa za ba'i 'os yin no/ /de rnams kyis kyang rjes su yi rang ba byas te/ mkhan po de mad de/ dge sbyong mgo reg 'di dag ni lha'i zhal zas la longs spyad pa'i 'os ma lags kyi nas rul ba 'tshal ba'i 'os lags so/ /de na yang bram ze'i khye'u dkar po can gnyis shig gis smras pa/ mkhan pos ni ma legs pa zhig gsungs te/ bdag nyid chen po 'di dag ni lha'i zhal zas la longs spyod pa'i 'os lags so/ /dge slong dag ji snyam du sems/ de'i tshe de'i dus kyi bram ze lnga brgya can gang yin pa de ni nga nyid yin te/ ngas yang dag par rdzogs pa'i sangs rgyas rnam par gzigs nyan thos kyi dge 'dun dang bcas pa la ngag gi las rtsub mo phyung ba gang yin pa de'i las kyi rnam par smin pas nga lo mang po dang / lo brgya phrag mang po dang / lo stong phrag mang po dang / lo brgya stong phrag mang por nas rul ba zos so/ /las kyi lhag ma de kho nas da ltar mngon par rdzogs par byang chub pa na yang dgra mthar dge slong gnyis kyis lnga brgyar ma tshang ba'i dge slong rnams dang thabs gcig nas rul ba la longs spyad do/ /bram ze'i khye'u gnyis po gang yin pa de ni dge slong shA ri'i bu dang / maud gal gyi bu 'di dag nyid yin no/ /btsun pa bcom ldan 'das kyis phrin las ci zhig mdzad na phrin las de'i rnam par smin pas lo drug tu dka' ba spyad par gyur lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan rnams su las rnams byas shing bsags pa dag ni zhes bya ba nas/ /'bras bu dag tu 'gyur ba nyid ces bya ba'i bar gong ma bzhin du'o/ /dge slong dag sngon byung ba ljongs kyi grong rdal be'i b+hi Ting gi zhes bya ba 'byor pa dang rgyas pa/ bde ba dang / lo legs pa/ skye bo dang / mi mang pos rab tu gang ba zhig yod de/ dge slong dag ljongs kyi grong rdal be'i b+hi Ting gi na rdza mkhan dga' skyong zhes bya ba sangs rgyas la mngon par dad pa/ chos dang dge 'dun la mngon par dad pa/ sangs rgyas la skyabs su song ba/ chos dang dge 'dun la skyabs su song ba/ sangs rgyas la gcig tu byed pa/ chos dang dge 'dun la gcig tu byed pa/ sangs rgyas la yid gnyis dang the tshom med pa/ chos dang dge 'dun la yid gnyis dang the tshom med pa/ sdug bsngal dang kun 'byung dang / 'gog pa dang / lam la yid gnyis dang the tshom med pa/ bden pa mthong ba/ 'bras bu thob pa/ lo ma dang gtun spangs pa zhig byung ste/ de gang na chus brkos pa 'am/ byi brun ma gtogs pa rang gi lag gis sa mi rko zhing rkor mi 'jug go/ /de nas rang gis sa blangs nas srog chags med pa'i chus sbrus te snod rnams byas nas mtha' gcig tu bzhag ste/ 'di skad ces 'phags pa 'am/ bzhin bzangs dag 'dir til lam/ 'bras sam/ sran mud ga tshal tshol dag mtha' gcig tu zhog la/ khyed cag las gang zhig snod gang dgos pa de de long la deng shig ces smras nas/ de nas pha ma long ba gnyis gso zhing dus dus su yang dag par rdzogs pa'i sangs rgyas 'od srung la bsod snyoms 'bul lo/ /bram ze'i khye'u bla ma'i grogs po dang / snying du sdug pa dang / ne'u zla yang yin no/ / dge slong dag ljongs kyi grong khyer be'i b+hi Ting gi na bram ze shing sA la chen po lta bu n+ya gro d+ha zhes bya ba phyug cing nor mang la longs spyod che ba zhig byung ste/ be'i b+hi Ting gi rgyas pa/ 'du thang dang bcas rtswa shing dang 'bab chur bcas pa/ rgyal po kri kis bram ze'i sbyin par byin pa la yongs su longs spyod do/ /bram ze shing sA la chen po lta bu n+ya gro d+ha'i slob ma bram ze'i khye'u bla ma zhes bya ba pha dang ma'i rigs dang ldan pa/ mo phyogs nas dag pa/ mes po'i phyogs dang / phyi mo'i phyogs zung bdun rgyud kyi bar gyis bzung ste/ rigs la gtam gyis ma phog pa/ klog tu 'jug pa/ gsang tshig 'dzin pa/ rig byed gsum po sgra nges par sbyar ba dang / shes gsal dang bcas pa'i yi ge rab tu 'byed pa dang bcas pa dang / lnga pa de lta bu byung ba can rnams kyis pha rol tu phyin cing lung ston par byed pa/ gzugs bzang ba/ blta na sdug pa/ mdzes pa zhig yod de/ bram ze shing sA la chen po lta bu n+ya gro d+ha'i bram ze'i khye'u lnga brgya tsam la bram ze rnams kyi gsang tshig klog tu 'jug go/ / rdza mkhan dga' skyong gi grogs po dang / snying du sdug pa dang ne'u zla yang yin no/ /de nas rdza mkhan dga' skyong yang dag par rdzogs pa'i sangs rgyas 'od srung gang na ba der song ste phyin pa dang / yang dag par rdzogs pa'i sangs rgyas 'od srung gi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / yang dag par rdzogs pa'i sangs rgyas 'od srung gis rdza mkhan dga' skyong la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas rdza mkhan dga' skyong yang dag par rdzogs pa'i sangs rgyas 'od srung gis gsungs pa la mngon par dga' ste rjes su yi rang nas/ bcom ldan 'das kyi zhabs gnyis la mgo bos phyag byas te stan las langs nas song ngo / /de'i tshe bram ze'i khye'u bla ma rta rgod ma dang ldan pa'i shing rta thams cad nas dkar ba'i nang du zhugs te/ gser gyi ril ba dang / dbyug pa thogs nas bram ze'i khye'u yi tshogs kyis yongs su bskor cing / bram ze'i khye'u yi tshogs kyis mdun du bdar nas/ be'i b+hi Ting gi phyi rol du bram ze rnams klog tu 'jug par 'dod nas/ be'i b+hi Ting gi nas byung ba dang bram ze'i khye'u bla mas rdza mkhan dga' skyong thag ring po kho na nas mthong ngo / /mthong nas kyang 'di skad ces smras so/ /des pa dga' skyong khyod da gzod ga las 'ongs/ des pa bla ma kho bo ni 'o ni nas yang dag par rdzogs pa'i sangs rgyas 'od srung la bsnyen bkur byed du 'gros des pa bla ma tshur shog /bdag cag yang dag par rdzogs pa'i sangs rgyas 'od srung la bsnyen bkur byed du dong ngo / /des pa dga' skyong yang dag par rdzogs pa'i sangs rgyas 'od srung la bsnyen bkur byed pa thong shig /dge sbyong mgo reg de la byang chub ga la yod/ byang chub ni mchog tu dka' ba yin no/ / des pa bla ma dge sbyong mgo reg de la byang chub ga la yod/ byang chub ni mchog tu dka' ba'o zhes de skad ma smra shig /'on kyang bcom ldan 'das de nyid sangs rgyas yin te/ 'dis chos thams cad sangs rgyas so/ /des pa bla ma tshur bdag cag yang dag par rdzogs pa'i sangs rgyas 'od srung la bsnyen bkur byed du 'dong / bram ze'i khye'u bla mas lan gsum du yang rdza mkhan dga' skyong la 'di skad ces smras so/ /des pa dga' skyong thong shig /sangs rgyas 'od srung zhes bya ba nas/ byang chub ni mchog tu dka' ba'o zhes bya ba'i bar gong ma bzhin du'o/ /rdza mkhan dga' skyong gis kyang lan gnyis lan gsum du bram ze'i khye'u bla ma la 'di skad ces smras so/ /des pa bla ma khyod de skad ma smra bar zhes bya ba nas/ bsnyen bkur byed du zhes bya ba'i bar du'o/ /de nas rdza mkhan dga' skyong gis bram ze'i khye'u bla ma'i shing rta la 'dzegs nas bram ze'i khye'u bla ma'i co to nas bzung ste/ 'di skad ces smras so/ /des pa bla ma tshur yang dag par rdzogs pa'i sangs rgyas 'od srung la bsnyen bkur byed du 'dong / de nas bram ze'i khye'u bla ma 'di snyam du sems te/ e ma'o sangs rgyas ni mchog ma yin pa ma yin zhing chos bstan pa yang mchog ma yin pa ma yin pas da ltar rdza mkhan dga' skyong yun ring po nas gtum po ma yin/ gzu lums can ma yin/ brlang po ma yin bsri ba med pa ma yin pa des bdag gi skra rnams bzung bar gyur to/ /snyam du rig nas rdza mkhan dga' skyong la 'di skad ces smras so/ /des pa dga' skyong de tsam bya ba la thug gam/ des pa de tsam bya ba la thug ces so/ /des pa dga' skyong de lta na thong shig dang yang dag par rdzogs pa'i sangs rgyas 'od srung la bsnyen bkur byed du 'dong ngo / /de nas rdza mkhan dga' skyong dang bram ze'i khye'u bla ma shing rta gcig gi nang du zhugs nas yang dag par rdzogs pa'i sangs rgyas 'od srung gang na ba der dong ste/ de gnyis kyis ji tsam bzhon pa'i sa'i rab du bzhon pas song nas bzhon pa las babs te/ rkang pa kho nas kun dga' ra ba'i nang du zhugs te yang dag par rdzogs pa'i sangs rgyas 'od srung gang na ba der phyin pa dang / de nas rdza mkhan dga' skyong gis yang dag par rdzogs pa'i sangs rgyas 'ong srung gi zhabs gnyis la mgo bos phyag byas te phyogs gcig tu 'dug go/ /bram ze'i khye'u bla mas ni bcom ldan 'das dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam rnam pa sna tshogs byas te phyogs gcig tu 'dug go/ /de nas rdza mkhan dga' skyong gis thal mo sbyar ba btud de yang dag par rdzogs pa'i sangs rgyas 'od srung gang na ba de logs su 'di skad ces gsol to/ /btsun pa bram ze'i khye'u bla ma 'di sangs rgyas la mngon par ma dad cing chos dang dge 'dun la mngon par ma dad lags na/ bcom ldan 'das kyis ji ltar bram ze'i khye'u bla ma 'di sangs rgyas la mngon par dad cing chos dang dge 'dun la mngon par dad par 'gyur ba'i chos de lta bu legs par bshad du gsol/ de nas yang dag par rdzogs pa'i sangs rgyas 'od srung gis bram ze'i khye'u bla ma la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de rnam grangs du mar chos dang ldan pa'i gtam gyis yang dag par bstan yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas bram ze'i khye'u bla mas rdza mkhan dga' skyong la 'di skad ces smras so/ /des pa dga' skyong khyod chos 'dul ba 'di lta bu thos na ci'i phyir dad pa yang dag pa kho nas khyim nas khyim med par rab tu mi 'byung / des pa bla ma kho bo 'di ltar pha ma long ba gnyis gso ba dang / yang dag par rdzogs pa'i sangs rgyas 'od srung la dus dus su bsod snyoms 'bul ba khyod kyis mi shes sam/ des pa bla ma khyod rab tu byung shig /kho bo ni re shig rab tu mi 'byung ngo / /de nas yang dag par rdzogs pa'i sangs rgyas 'od srung la rdza mkhan dga' skyong gis 'di skad ces gsol to/ /btsun pa bram ze'i khye'u bla ma 'di legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'thob pa lta na/ bcom ldan 'das kyis thugs brtse ba nye bar bzung ste/ rab tu 'byung ba dang bsnyen par rdzogs par mdzad du gsol/ bram ze'i khye'u bla mas legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po thob par gyur to/ /de nas yang dag par rdzogs pa'i sangs rgyas 'od srung gis bram ze'i khye'u bla ma rab tu phyung zhing bsnyen par rdzogs par mdzad nas/ be'i b+hi Ting gir ji tsam bzhed kyi bar du bzhugs nas bA rA Na sI gang na ba der rgyu zhing gshegs te rim gyis rgyu zhing gshegs pa dang bA rA Na sIr byon to/ /rgyal po kri kis yang dag par rdzogs pa'i sangs rgyas 'od srung yul ka shi nas ljongs rgyu zhing gshegs pa dang bA rA Na sIr gshegs te/ bA rA Na sI'i drang srong smra ba ri dgas kyi nags na bzhugs so zhes thos so/ /thos nas kyang yang dag par rdzogs pa'i sangs rgyas 'od srung gang na ba der song ste/ phyin pa dang yang dag par rdzogs pa'i sangs rgyas 'od srung gi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang yang dag par rdzogs pa'i sangs rgyas 'od srung gis rgyal po kri ki la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas rgyal po kri ki stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ yang dag par rdzogs pa'i sangs rgyas 'od srung gang na ba de logs su thal mo sbyar ba btud nas yang dag par rdzogs pa'i sangs rgyas 'od srung la 'di skad ces gsol to/ /bcom ldan 'das dge slong gi dge 'dun dang thabs gcig la sang bdag gis gdugs tshod sbyor zhing mchis na gnang bar mdzad du gsol/ yang dag par rdzogs pa'i sangs rgyas 'od srung gis rgyal po kri ki la cang mi gsung bas gnang ngo / /de nas rgyal po kri kis yang dag par rdzogs pa'i sangs rgyas 'od srung cang mi gsung bas gnang bar rig nas/ yang dag par rdzogs pa'i sangs rgyas 'od srung gi zhabs gnyis la mgo bos phyag byas te stan las langs nas song ngo / /de nas rgyal po kri kis de nyid kyi nub mo nas gtsang zhing bsod pa'i bza' ba dang / bca' ba rnams sta gon byas nas nang par sngar langs te gdan bshams/ nor bu'i chu snod bzhag nas yang dag par rdzogs pa'i sangs rgyas 'od srung la dus tshod gsol pa/ btsun pa gdugs tshod lags shing mchis na bcom ldan 'das da de'i dus la bab par dgongs su gsol/ de nas yang dag par rdzogs pa'i sangs rgyas 'od srung snga dro na bza' sham thabs mnabs lhung bzed dang chos gos bsnams te/ dge slong gi tshogs kyis yongs su bskor cing / dge slong gi dge 'dun gyis mdun du bdar te rgyal po kri ki'i bkad sa gang na ba der gshegs te byon nas dge slong gi dge 'dun gyi gung la gdan bshams pa nyid la bzhugs so/ /de nas rgyal po kri kis sangs rgyas la sogs pa dge slong gi dge 'dun bde bar bzhugs zin par rig nas gtsang zhing bsod pa'i bza' ba dang / bca' ba rnams kyis rang gi lag nas stobs shing tshim par byed de/ gtsang zhing bsod pa'i bza' ba dang bca' ba rnams kyis rang gi lag nas bstabs shing tshim par byas te/ yang dag par rdzogs pa'i sangs rgyas 'od srung gis gsol zin nas phyag bcabs te lhung bzed gyu bar rig nas stan ches dma' ba zhig blangs te yang dag par rdzogs pa'i sangs rgyas 'od srung gi spyan sngar gsol ba btab pa bcom ldan 'das dge slong gi dge 'dun dang thabs gcig la bdag gis dgung zla gsum du na bza' chos gos dang bsod snyoms dang gzims cha dang snyun dpyad kyi rkyen sman gyi yo byad rnams 'bul zhing bdag gis bcom ldan 'das kyi slad du gtsug lag khang lnga brgya tsam brtsig cing khri dang khri'u dang / stan nang tshangs can dang / sngas nang tshangs can dang / gor bu lnga brgya tsam dbul zhing 'bras sbubs su smin pa de lta bu 'dis bcom ldan 'das dge slong gi dge 'dun la bsnyen bkur bgyid lags na gnang bar mdzad du gsol/ rgyal po chen po ji tsam sems mngon par dad par byas pa de tsam gyis byas zin gyis chog go/ /lan gnyis lan gsum du yang dag par rdzogs pa'i sangs rgyas 'od srung la rgyal po kri kis 'di skad ces gsol to/ /bcom ldan 'das dge slong gi dge 'dun dang thabs gcig la zhes bya ba nas/ bdag la gnang bar mdzad du gsol zhes bya ba'i bar gong ma bzhin du'o/ /lan gnyis lan gsum du yang yang dag par rdzogs pa'i sangs rgyas 'od srung gis rgyal po kri ki la 'di skad ces bka' stsal to/ /rgyal po chen po ji tsam sems mngon par dad par byas pa de tsam gyis byas zin gyis chog go/ /de nas yang dag par rdzogs pa'i sangs rgyas 'od srung la rgyal po kri kis 'di skad ces gsol to/ /btsun pa bcom ldan 'das la bsnyen bkur bgyid pa/ dper na da ltar gyi bdag 'dra ba gzhan 'ga' lta mchis lags sam/ rgyal po chen po khyod nyid kyi yul na be'i b+hi Ting gi zhes bya ba'i grong yod de de na rdza mkhan dga' skyong zhes bya ba sangs rgyas la mngon par dad pa zhes bya ba nas gnas so zhes bya ba'i bar gong ma bzhin du'o/ /des pha ma long ba gnyis gso zhing dus dus su nga la yang bsod snyoms kyis stobs par byed de/ rgyal po chen po dus gcig cig na nga be'i b+hi Ting gi'i ljongs kyi grong rdal na nye bar bsten cing bzhugs nas snga dro sham thabs mnabs te lhung bzed dang chos gos bsnams nas be'i b+hi Ting gi ljongs kyi grong rdal du bsod snyoms la zhugs te/ ngas be'i b+hi Ting gir bsod snyoms spyod cing rdza mkhan dga' skyong gi khyim gang na ba der gshegs pa dang / de'i tshe rdza mkhan dga' skyong dgos pa zhig la phyi logs su song nas/ ngas rdza mkhan dga' skyong gi sgo 'phar la rim gyis dal bu dal bus brdungs pa las rdza mkhan dga' skyong gi pha dang mas sgo 'phar la brdungs pa'i sgra thos so/ / thos nas kyang 'di skad ces smras so/ /'phags pa 'di su zhig bzhin bzangs 'di su zhig rdza mkhan dga' skyong gi sgo 'phar la rdung / de gnyis la ngas 'di skad ces smras te/ nga ni yang dag par rdzogs pa'i sangs rgyas 'od srung yin te bsod snyoms bzhed do/ /de gnyis kyis 'di skad ces smras so/ /'phags pa nang du spyon cig bzhin bzangs nang du spyon cig /khyod la rim gro bgyid pa ni slad rol du mchis kyis phru ba na zan dron dang rje'u na sran tshod mchis kyis nyid kyis bzhes te longs spyad du gsol/ rgyal po chen po ngas byang gi sgra mi snyan gyi dus byin gyis brlabs nas phru ba na zan dron dang / rje'u na sran tshod yod pa de nyid kyis blangs nas longs spyad do/ /de nas phyi zhig na rdza mkhan dga' skyong 'ongs nas phru ba na zan dron dang rje'u na sran tshod yod pa zos par mthong nas pha ma la 'di skad ces smras so/ /yab yum phru ba na zan dron dang rje'u yi sran tshod su zhig gis 'tshal lags/ de gnyis kyis 'di skad ces smras so/ /dga' skyong khyod 'di nas phyir byung ba na bdag cag gis sgo 'phar la rdung ba'i sgra zhig thos so/ /thos nas 'di skad ces smras so/ /'phags pa 'di su zhig bzhin bzangs 'di su zhig sgo 'phar la rdung / des 'di skad ces gsungs so/ /nga ni yang dag par rdzogs pa'i sangs rgyas 'od srung yin te bsod snyoms bzhed do/ /de la bdag cag gis 'di skad ces gsol to/ /'phags pa nang du spyon cig /bzhin bzangs nang du spyon cig /khyod la rim gro bgyid pa ni slad rol du mchis kyis phru ba na zan dron dang / rje'u na sran tshod mchis kyis nyid kyis bzhes la longs spyad du gsol/ des de dag longs spyad par gyur to/ /de nas rdza mkhan dga' skyong 'di snyam du sems te/ yang dag par rdzogs pa'i sangs rgyas 'od srung gis bdag gi khyim du shin tu bag phab cing 'dris par gyur pa ni bdag gis rnyed pa legs par rnyed do snyam nas dga' ba dang rab tu dga' bas skyil mo dkrung bcas te zhag bdun 'das par byas so/ /zla ba phyed kyi bar du yang de'i lhan cig ldan pa'i dga' ba lus mi 'dor zhing de rtag tu lus la bar chad med par 'dug go/ /'di ltar sangs rgyas rnams kyi sangs rgyas kyi mthu dang / lha rnams kyi lha'i mthus zhag bdun gyi bar du pha dang ma gnyis kyi phru ba'i zan dron dang rje'u yi sran tshod kyang de bzhin du 'dug go rgyal po chen po dus gcig na nga be'i b+hi Ting gi ljongs kyi grong rdal du nye bar brten te dbyar gnas par dam bzhes pa dang / nga'i gtsug lag khang du char 'bebs pa'i lhas thog mar char phab par gyur to/ /de'i tshe rdza mkhan dga' skyong gi las byed pa'i khang pa rtswa sar pas g.yogs so/ /nga'i zham 'bring byed pa dge slong rnams la bka' stsal pa/ dge slong dag khyed cag deng la rdza mkhan dga' skyong gi las byed pa'i khang pa'i g.yogs mas nga'i gtsug lag khang g.yogs shig / btsun pa bka' bzhin 'tshal zhes dge slong de rnams kyis nga las mnyan nas/ rdza mkhan dga' skyong gi las byed pa'i khang pa'i g.yogs ma 'chu bar byed pa na/ de'i tshe rdza mkhan dga' skyong dgos pa 'ga' zhig la phyi rol tu song ngo / /rdza mkhan dga' skyong gi pha dang ma gnyis kyis las byed pa'i khang pa'i g.yogs ma 'chu ba'i sgra thos so/ /thos nas kyang 'di skad ces smras so/ /'phags pa 'di su zhig bzhin bzangs 'di su zhig las byed pa'i khang pa'i g.yogs ma 'chu/ de rnams kyis 'di skad ces smras so/ /kho bo cag ni yang dag par rdzogs pa'i sangs rgyas 'od srung gi zhabs 'bring ba'i dge slong dag yin te/ yang dag par rdzogs pa'i sangs rgyas 'od srung gi gtsug lag khang du char 'bebs pa'i lhas thog mar char phab pas kho bo cag gis 'di bshus te de g.yog go/ /de gnyis kyis 'di skad ces smras so/ /khyed la rim gro bgyid pa ni slad rol du mchis kyis/ 'phags pa dag snoms shig /bzhin bzangs dag snoms shig /de nas dge slong de rnams kyis las byed pa'i khang pa bshus nas nga'i gtsug lag khang g.yogs so/ /de nas phyi zhig na rdza mkhan dga' skyong 'ongs nas rdza mkhan dga' skyong gis las byed pa'i khang pa'i g.yogs ma bshus pa mthong ngo / /mthong nas kyang pha dang ma la 'di skad ces smras so/ /yab yum las byed pa'i khang pa 'di su zhig gis bshus de gnyis kyis 'di skad ces smras so/ /'di nas khyod phyi logs su song ba na bdag cag gis las byed pa'i khang pa'i g.yogs ma 'chu ba'i sgra thos so/ /thos nas kyang 'di skad ces smras so/ /'phags pa 'di su zhig bzhin bzangs 'di su zhig las byed pa'i khang pa 'chu/ de rnams kyis 'di skad ces smras so/ /kho bo cag ni yang dag par rdzogs pa'i sangs rgyas 'od srung gi zhabs 'bring ba dge slong dag yin te/ yang dag par rdzogs pa'i sangs rgyas 'od srung gi gtsug lag khang du char 'bebs pa'i lhas thog mar char phab pas kho bo cag gis 'di bshus la de g.yog go/ /de rnams la bdag cag gis 'di skad ces smras so/ /khyed cag la rim gro bgyid pa ni slad rol du mchis kyis 'phags pa dag snoms shig /bzhin bzangs dag snoms shig /de rnams kyis las byed pa'i khang pa de bshus so/ /de nas rdza mkhan dga' skyong 'di snyam du sems te yang dag par rdzogs pa'i sangs rgyas 'od srung gis bdag gi khyim du shin tu bag phab cing 'dris par gyur pa ni bdag gis rnyed pa legs par rnyed do zhes bya ba nas zhag bdun du zhes bya ba'i bar gong ma bzhin du'o/ /'di ltar sangs rgyas rnams kyi sangs rgyas kyi mthu dang lha rnams kyi lha'i mthus rdza mkhan dga' skyong gi pha ma'i dbyar gyi gnas der las byed pa'i khang par char pa thigs pa gcig kyang ma bab bo/ /rgyal po chen po khyod ni yang dag par rdzogs pa'i sangs rgyas 'od srung zla ba gsum du na bza' chos gos dang / bsod snyoms dang / gzims cha dang / snyun dpyad kyi rkyen sman gyi yo byad rnams 'bul na ma gnang ngo / /zhes khyod kyi sems gzhan du 'gyur gyi/ dga' skyong ni las byed pa'i khang pa'i g.yogs ma bshus kyang sems gzhan du ma gyur to/ /btsun pa rdza mkhan dga' skyong gis ni thob pa legs par thob lags te/ bcom ldan 'das kyis de'i sdum par shin tu bag phab cing 'dris par gyur lags so/ / de nas yang dag par rdzogs pa'i sangs rgyas 'od srung gis rgyal po kri ki'i sbyin pa de la rjes su yi rang ba 'dis rjes su yi rang bar mdzad de/ sbyin sreg mchod sbyin rnams kyi mchog /bde sbyar mchog ni nyi ma'i lha/ /mi yi mchog ni rgyal po ste/ /rgya mtsho chu bo rnams kyi mchog /zla ba rgyu skar rnams kyi gtso/ /nyi ma snang byed rnams kyi gtso/ /steng dang 'og dang thad kar yang / /'gro ba'i 'gro ba ji snyed pa/ /lha dang bcas pa'i 'jig rten na/ /smra ba'i mchog ni rdzogs sangs rgyas/ /de nas yang dag par rdzogs pa'i sangs rgyas 'od srung gis rgyal po kri ki la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /de nas bcom ldan 'das gshegs nas ring po ma lon par rgyal po kri kis mi zhig la smras pa/ kwa'i nang rje khyod song la sbubs su smin pa'i 'bras kyis shing rta lnga brgya tsam khong la/ rdza mkhan dga' skyong gang na ba der song ste phyin pa dang / de la 'di skad ces des pa dga' skyong rgyal po kri kis khyod la sbubs su smin pa'i 'bras kyis bkang ba'i shing rta lnga brgya tsam po 'di dag bskur gyis 'dis khyod kyi pha ma long ba gnyis gso ba dang / yang dag par rdzogs pa'i sangs rgyas 'od srung la dus dus su bsod snyoms dbul ba dang / bdag nyid kyang legs par bde bas tshim par byos shig /lha bka' bzhin 'tshal zhes mi des rgyal po kri ki las mnyan nas sbubs su smin pa'i 'bras kyis shing rta lnga brgya tsam bkang ste/ rdza mkhan dga' skyong gang na ba der song nas phyin pa dang / rdza mkhan dga' skyong la 'di skad ces smras so/ /des pa dga' skyong rgyal po kri kis khyod la sbubs su smin pa'i 'bras kyis bkang ba'i shing rta lnga brgya tsam po 'di dag bskur gyis/ 'dis khyod kyi pha ma long ba gnyis gso ba dang / yang dag par rdzogs pa'i sangs rgyas 'od srung la bsod snyoms dbul ba dang / bdag nyid kyang legs par bde bas tshim par byos shig /ces gsung ngo / /kye nang rje rgyal po kri ki ni dgos pa mang zhing bya ba mang ba yin la/ bdag ni dgos pa nyung zhing bya ba nyung ba yin no zhes smras nas ma blangs so/ /dge slong dag ji snyam du sems/ de'i tshe de'i dus kyi bram ze'i khye'u bla ma gang yin pa de ni nga nyid yin te/ ngas gang zag la skur gyi byang chub la ma yin pa gang yin pa de'i las kyi rnam par smin pas byang chub kyi snying por dka' ba lo drug spyad do/ /gal te ngas byang chub la bskur bar gyur na/ ngas slar yang bskal pa grangs med pa gsum du byang chub kyi ched du bdag nyid shin du dub par 'gyur ro/ /btsun pa bcom ldan 'das kyis phrin las ci zhig mdzad na/ phrin las de'i rnam par smin pas mngon par rdzogs par byang chub pa na yang bcom ldan 'das la 'khru ba'i snyun gyis thebs lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan rnams su las 'di dag byas shing bsags pa zhes bya ba nas/ 'bras bu dag tu 'gyur ba nyid ces bya ba'i bar gong ma bzhin no/ /dge slong dag sngon byung ba ri 'or zhig na sman pa zhig yod pa las de na khyim bdag cig gi bu nad kyis thebs nas/ des sman pa de bkug ste dris nas des de la sman byin pas sos par gyur na/ khyim bdag des de la rngan pa ma byin no/ /khyim bdag gi bu de lan gsum gyi bar du nad kyis thebs te/ sman pa des lan gsum gyi bar du sos par byas kyang des de la rngan pa ma byin nas de nas sman pa de kun nas dkris pa drag pos mi bzod par gyur nas bsams pa/ khyim bdag gi bu 'di bdag gis lan gsum gyi bar du dpyad byas kyang 'dis cung zad kyang lan du phan ma btags kyis/ da ni brgya la nad kyis thebs par gyur dang / de la sman ma yin pa gang zhig gis de'i nang grol rnams dum bu dum bur 'dzag par 'gyur ba de lta bu sbyin no snyam pa las ji tsam na khyim bdag de'i bu ma bde ste slar na bar gyur pa dang / sman pa des mi bzod pa skyes pas/ de la sman ma yin pa byin nas des nang grol rnams dum bu dum bur zags so/ /dge slong dag ji snyam du sems/ de'i tshe de'i dus kyi sman pa gang yin pa de ni nga nyid yin te/ ngas ngan sems kyis khyim bdag gi bu la sman ma yin pa byin pas des nang grol rnams dum bu dum bur zags pa gang yin pa de'i las de'i rnam par smin pas lo mang po zhes bya ba nas/ sems can dmyal ba rnams su btsos so zhes bya ba'i bar gong ma bzhin du'o/ /las de'i lhag ma de kho nas da ltar mngon par rdzogs par byang chub pa na yang 'khru ba'i snyun gyis thebs so/ /btsun pa bcom ldan 'das kyis phrin las ci zhig mdzad na/ phrin las de'i rnam par smin pas shAkya rnams bkum pa na/ bcom ldan 'das kyi dbu snyun rab tu drag pos thebs par gyur lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan rnams su 'di dag byas shing bsags pa zhes bya ba nas/ 'bras bu dag du 'gyur ba nyid ces bya ba'i bar gong ma bzhin du'o/ /dge slong dag sngon byung ba chu bo gnyen ldan gyi 'gram na nya pa lnga brgya rten cing gnas te/ de rnams kyis nya shin tu che ba gnyis shig ji ltar gnyen ldan gyi nang du zhugs te nyal ba zin pa dang / de dag 'di snyam du sems te/ gal te 'di gnyis bsad na sha lom par mi 'gyur zhing rul bar 'gyur ro snyam nas de rnams kyis de gnyis phur pa la btags nas bzhag go/ /gang gi tshe lan 'ga' zhig nyo bar 'ongs pa de'i tshe bcad cing bcad cing sbyin par byed do/ /de gnyis kyi lus la gcod pa na sdug bsngal gyi tshor bas nyen pas rang gi ris 'thun pa'i skad 'byin pas 'bo sgra 'don par byed do/ /de na nya pa'i khye'u gcig cig de gnyis kyi sha gcod pa na yang dang yang du 'bo sgra 'don pa la dga' bar gyur to/ / dge slong dag ji snyam du sems/ de'i tshe de'i dus kyi nya pa'i khye'u gang yin pa de ni nga yin te/ ngas nya gsod par byed pa la dga' ba bskyed pa gang yin pa de'i las kyi rnam par smin pas nga lo mang po zhes bya ba nas/ glad pa na bar gyur to zhes bya ba'i bar gong ma bzhin du'o/ /las kyi lhag ma de kho nas da ltar mngon par rdzogs par byang chub pa na yang shAkya rnams bsad pa na glad nad rab tu drag pos thebs par gyur to/ /btsun pa bcom ldan 'das kyis phrin las ci zhig mdzad na/ phrin las de'i rnam par smin pas mngon par rdzogs par byang chub pa na yang bcom ldan 'das kyi sku rgyab bser ma'i snyun gyis thebs par gyur lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan rnams su las 'di dag byas shing bsags pas zhes bya ba nas/ 'bras bu dag tu 'gyur ba nyid ces bya ba'i bar gong ma bzhin du'o/ /dge slong dag sngon byung ba gyad gcig gis yul ljongs kyi gyad thams cad brdabs nas rgyal po'i pho brang du phyin pa dang / rgyal po'i pho brang de na rgyal po'i gyad stobs dang pha rol gnon pa thub rlag pa zhig yod de/ de de dang lhan cig rgyal mtshan gyi phyir stobs 'gyed pa la zhugs so/ /gyad de dag gi kun tu spyod pa ni lag pa nas bzung ba kho nas gyad kyis gyad shes pa yin pas/ de nas rgyal po'i gyad des yul ljongs kyi gyad 'di ni bdag pas stobs che'o zhes bya bar shes nas des smras pa/ ne'u zla bdag gi 'di ni rigs kyi rgyud kyis 'ongs pa yin gyis/ khyod bdag nyid 'gyel bar byos shig dang / bdag la ni grags par zad la ru mtshon ni khyod kyi yin par 'gyur ro/ /des khas blangs pa dang / des de mnan to/ /des ru mtshon blang bar brtsams pa dang / des smras pa/ ne'u zla rgyu 'am mthus rgyal ba don du gnyer ba yin pa las khyod ngas sgyus bslus na/ ci'i phyir ru mtshon sbyin bdag nyid chen po de nga rgyal bcom pa zhig pas lan gsum gyi bar du gyad de dang lhan cig 'gyed par zhugs pa na yang de la bslu bar brtsams pa na ne'u zla khyod la ru mtshon gyis ci zhig bya bdag gi sring mo phyugs chung ma khyim thab la ma song ba zhig yod pa de khyod la sbyin gyis bdag nyid 'gyel bar byos shig /bslus pa de de'i chung mas thos nas des smras pa/ rje'i sras snga ma'i gleng gzhi dag dgongs sam/ de nas de'i chung mas nga rgyal bskyed nas kun nas dkris pa drag pos de bteg ste/ brdabs pas de sgal tshigs chag nas shi 'o/ /dge slong dag ji snyam du sems/ de'i tshe de'i dus kyi yul ljongs kyi gyad gang yin pa de ni nga nyid yin te/ ngas ngan sems bskyed nas kun nas dkris pa drag pos rgyal po'i gyad sgal tshigs bcag pa gang yin pa de'i las kyi rnam par smin pas nga lo mang po dang / lo brgya phrag mang po dang / lo stong phrag mang po dang / lo brgya stong phrag mang po rnams sems can dmyal ba rnams su btsos so/ /las kyi lhag ma de kho nas da ltar mngon par rdzogs par byang chub pa na yang nga'i sgal tshigs rlung nad kyis thebs par gyur to/ /dge slong dag de lta bas na las gcig tu gnag pa rnams dang zhes bya ba nas brtsal bar bya ste dge slong dag khyed kyis de lta bu la bslab par bya'o zhes bya ba'i bar gong ma bzhin no// //'dul ba gzhi/ bam po lnga bcu drug pa/ thams cad zil gnon thams cad gzigs/ /thub pa 'jig rten kun la sman/ /sred pa thams cad zad pa brnyes/ /sbyor ba kun gyi mthar phyin mdzad/ /thams cad mkhyen cing thams cad rig / thub chen thams cad mngon par mkhyen/ /'khon dang 'jigs pa kun las 'das/ /chos kun gyi ni pha rol gshegs/ /bsam pa kun la mkhas pa po/ /sred pa thams cad rab tu bcom/ /sems can kun la phan dgongs pa/ / mdud pa thams cad rab tu grol/ /bag la nyal kun bcad nas ni/ /'ching ba thams cad yang dag bcad/ /sems can kun gyi mchog rab ste/ thub pa chos rnams ston par mdzad/ /sems can chen po shes rab che/ /brtson 'grus chen po grags pa che/ /chos chen 'od ni chen po pa/ /chos chen don gyi pha rol gshegs/ /klu chen seng ge chen po pa/ /dge slong chen po drang srong che/ /shes rab chen po ral gri mtshon/ /nyon mongs chen po rab tu bcom/ /stobs dang brtson 'grus rab tu che/ /brtan pa chen po pha rol gnon/ /byang chub chen po brnyes pa gang / /dgra chen rnams las rnam par rgyal/ /nad chen po yi dpyad mdzad pas/ /bcom ldan sman pa chen po lags/ /'dod chags chen po zil gnon la/ /sman chen po ni stsol ba po/ /'khor ba chen po'i btson ra na/ /'ching ba chen pos bcings rnams la/ /thugs rje chen po dang ldan pas/ /'ching ba kun las grol bar mdzad/ /skyes bu chen po lha chen po/ /tshogs rnams kyi ni tshogs chen ldan/ /sbyin pa'i mchog ni sbyin chen po/ /zhi ba chen po'i go 'phang reg /sems can mchog ste drang srong mchog /de bzhin rnam par 'dren mchog brnyes/ /nyan thos mchog ni phun sum tshogs/ / chos kyi mchog ni rab ston pa/ /shin tu mnyam par bzhag pa'i mchog /yon gnas rnams kyi mchog tu 'os/ /rnam par grol ba rnams kyi mchog /mtshan ni mchog rab kun dang ldan/ /bcom ldan srid las rab tu grol/ / srid pa'i dga' ba las 'phags pa/ /srid pa'i 'dod chags kun nas bcad/ /srid pa'i sred pa rab tu bcom/ /chos chen po ni bsgoms pas na/ /'jigs dang 'jigs su rung ba spangs/ /klu yi rgyal po rnams kyi gnas/ / ma dros pa'i mtsho chen du/ /thams cad bya ba byas pa yi/ /nyan thos rnams kyi mdun byas te/ /lnga brgya rnams dang thabs gcig tu/ /rdzu 'phrul gyis ni mkha' las gshegs/ /chu bo de'i 'gram dag tu/ /smra ba'i mchog ni bzhugs nas ni/ / rjes su brtse ba thugs rje can/ /lus can kun la phan mdzad pas/ /mtsho la gzigs nas dge slong la/ /'di skad ces ni bka' stsal to/ /ngas ni sdig pa gang byas dang / /nga yi tshig 'di mnyan par gyis/ / ngas ni sngon gyi tshe rabs su/ /g.yon can pad ma'i rtsa lag gyur/ /rang sangs rgyas ni legs smon te/ /skyon med la ni skur btab nas/ /skye bo'i tshogs chen lhags nas su/ /thub pa chos kyi yon tan dga'/ /bcing ba dam pos de bcings nas/ /grong khyer nas ni phyung ba dang / /dge sbyong bcing bas dam bcings pas/ /sdug bsngal gyur de nga yis mthong / /de la snying rje bskyed nas kyang / /nga nyid kyis ni thar bar byas/ /las kyi rnam par smin pa des/ / dmyal ba rnams su yun rings 'phangs/ /slar yang mir ni 'ongs pa na/ /ngas ni skur pa thob par gyur/ /de nas las kyi lhag mas kyang / /nga yi yang srid tha ma la/ /mu stegs rnams kyis mdzes ma'i phyir/ /yang dag ma yin skur pa btab/ /nga sngon bram zer gyur pa na/ /gsang tshig 'dzin cing mang thos pa/ /bram ze lnga brgya rnams la ni/ /tshal na gsang tshig brjod pa'i tshe/ /mngon shes lnga ldan rdzu 'phrul che/ /byin can drang srong der 'ongs pa/ /bkur sti byed pa ngas mthong nas/ /skyon med la ni skur pa btab/ /drang srong 'di ni 'dod spyod ces/ /ngas ni bram ze'i khye'u la smras/ /bram ze'i khye'u rnams nga'i tshig /thos nas rjes su yi rang zhing / /de nas bram ze'i khye'u rnams kyis/ /khyim dang khyim du slong ba na/ /drang srong 'di ni 'dod spyod ces/ /skye bo mang po dag la smras/ /las kyi rnam par smin pa des/ /dge slong lnga brgya dag dang yang / /mdzes ma kho na'i rgyu las ni/ /skur pa dag ni thob par gyur/ /sangs rgyas thams cad zil non gyis/ /nyan thos gyur pa gnas 'jog bu/ /de tshe dge sbyong de la ni/ /ngas ni mi bden skur pa btab/ /sdig pa'i las de byas pas na/ /mi bzad ngan 'gror song nas ni/ /sems can dmyal ba rnams su skyes/ /sdug bsngal tshor ba nyams su myong / /de nas las kyi lhag mas ni/ /nga la bram ze rtsa mis 'dir/ /skye bo'i tshogs ni 'dus pa na/ /yang dag ma yin skur pa btab/ /nor gyi phyir ni skyon med par/ /ngas ni g.yas khyim nu bo ni/ /ri yi gseb tu bcug nas su/ /ngas ni rdo ba dag gis bsnun/ /las kyi rnam par smin pa des/ /dmyal ba dag tu yun rings 'phangs/ / rab tu tsha dang thig nag gi/ /sdug bsngal tshor ba myong bar gyur/ /de nas las kyi lhag mas ni/ /lha sbyin gyis ni rdo 'phangs te/ /nga yi zhabs kyi mthe bo ni/ /rdo ba'i dum bus rma yang phyung / /rgya mtsho yi ni gru bo ches/ / rgya mtsho la ni 'gro ba na/ /gru na 'dug pa'i tshong pa ni/ /mdung thung rnon pos bsad par gyur/ /las kyi rnam par smin pa des/ /dmyal ba rnams su yun rings 'phangs/ /de yi las kyi lhag mas nga'i/ /zhabs la tshal pas zug par gyur/ /sngon ni nya pa'i grong khyer gyi/ /nya pa'i bur ni gyur pa na/ /nya rnams gsod par byed pa dang / /yid dga' ba ni skyes par gyur/ /las kyi rnam par smin pa des/ /nga ni dmyal bar yun rings 'phangs/ /rab tu tsha dang thig nag dang / /sdug bsngal mang po myong bar gyur/ /de nas las kyi lhag mas ni/ /gang gi tshe na 'phags skyes pos/ /shAkya rnams ni gsod pa na/ /glad pa mi bzad nad kyis thebs/ /rnam par gzigs kyi gsung rab kyi/ /nyan thos yongs su smad byas te/ /khyed ni nas dag za bar 'os/ /khyed la 'bras ni mi rigs shes/ /ngag gis nyes par spyad pa dang / /las kyi rnam par smin pa des/ /dmyal ba thig nag rnams su ni/ /sdug bsngal mang po nyams su myong / /de nas las kyi lhag mas ni/ /dgra mthar dbyar ni gnas bcas te/ /bram ze yis ni spyan drangs tshe/ /zla ba gsum du nas dag zos/ /nga ni sman par gyur pa na/ /tshong dpon bu pho 'khrur 'jug tshe/ /nad kyis sdug bsngal gyur pa la/ /sman ma yin pa ngas byin no/ /las kyi rnam par smin pa des/ /sdug bsngal mang po nyams su myong / /de nas las kyi lhag mas ni/ /de 'dra'i 'khru ba'i nad kyis thebs/ /sngon gyi tshe rabs gzhan rnams su/ /nga ni mthu can gyad gyur tshe/ /stobs dag 'gyed par byed pa na/ /ngas ni gyad kyi bu zhig bsad/ /las kyi rnam par smin pa des/ /sdug bsngal mang po nyams su myong / / de nas las kyi lhag mas ni/ /'di na nga yi rgyab bsnyung ngo / /sngon ni ngan spong bur gyur pa/ /dga' skyong la ni smras pa ni/ /mgo reg ngas mthong ci zhig bya/ /'di la byang chub yod ma yin/ /ngag gis nyes par spyod pa dang / /las kyi rnam par smin pa des/ /'dir yang mir ni 'ongs pa na/ /khyim med par ni rab byung nas/ /byang chub mchog ni 'dod pa'i phyir/ /lteng rgyas 'gram du lo drug tu/ /mchog tu dka' ba spyad pa ngas/ /sdug bsngal mang po nyams su myong / /sems can kun gyi rab mchog gis/ /chos kyi dam pa thugs chud nas/ /sdig pa'i las ni gang mdzad pa/ /tshogs kyi mchog la bka' stsal to/ /thams cad zil gnon stobs brnyes kyis/ /dge slong dge 'dun gung bzhugs nas/ /ma dros pa yi mtsho chen du/ /nyid kyi phrin las lung bstan to/ /de bzhin gshegs pa'i le'u'o// // sdom ni/ gnas 'jog sbrang rtsi can dang ni/ /rgyu can kauN+Di n+ya nye ba 'khor/ /'od byed dang ni nam gru ste/ /phyi ma bde bar gshegs pa yin/ /ma dros pa'i tshigs su bcad pa'o/ /de nas bcom ldan 'das dgra bcom pa lnga brgya dang thabs gcig tu mtsho chen po ma dros par phrin las kyi rgyu ba lung bstan nas ma dros pa nas mi snang bar mdzad de/ mnyan yod kyi ri dgas 'dzin gyi ma'i sngon gyi kun dga' ra ba'i khang bzangs na bzhugs so/ /ri dgas 'dzin gyi ma sa gas bcom ldan 'das mtsho chen po ma dros pa nas mi snang bar mdzad de/ mnyan yod du gshegs nas mnyan yod kyi bdag gi khang bzangs kho na na bzhugs so zhes thos so/ /thos nas kyang mnyan yod nas byung nas bcom ldan 'das gang na ba der song ste zhes bya ba nas rab tu dga' bar mdzad nas cang mi gsung ngo zhes bya ba'i bar gong ma bzhin no/ /de nas ri dgas 'dzin gyi ma sa ga stan las langs te bcom ldan 'das gang na ba der logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das mtsho chen po ma dros par rang rang gi las kyi rgyu ba lung bstan pa'i dgra bcom pa lnga brgya gang dag lags pa dang thabs gcig tu sang bdag gi sdum par gdugs tshod sbyor zhing mchis na/ bcom ldan 'das kyis gnang bar mdzad du gsol/ /ri dgas 'dzin gyi ma sa gas gnang bar rig nas zhes bya ba nas/ bcom ldan 'das gsol zin nas phyag bcabs te lhung bzed gyu bar rig nas zhes bya ba'i bar gong ma bzhin du ste/ stan ches dma' ba zhig blangs nas chos mnyan pa'i phyir bcom ldan 'das kyi spyan sngar 'dug go/ / de nas bcom ldan 'das kyis ri dgas 'dzin gyi ma sa ga la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs nas gtsug lag khang du byon pa dang dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag ri dgas 'dzin gyi ma sa ga la ma rdzogs pa yod de/ des dge slong gi dge 'dun spyan drangs te gdugs tshod gsol na/ 'on kyang dge 'dun gyi ched du yon ma phul lo/ /de nas bcom ldan 'das ko sa la'i ljongs rgyu zhing gshegs pa na/ grong khyer thigs pa can du byon nas/ grong khyer thigs pa can gyi byang phyogs kyi grong shing sha pa'i tshal na bzhugs so/ /grong khyer thigs pa can gyi bram ze dang khyim bdag rnams kyis bcom ldan 'das ko sa la nas zhes bya ba nas shing sha pa'i tshal na bzhugs so zhes thos so bya ba'i bar gong ma bzhin du'o/ /thos nas kyang tshogs nas tshogs dang khyu nas khyur phrad cing 'dus te grong khyer thigs pa can nas byung nas/ bcom ldan 'das gang na ba der dong ste lhags pa dang / bcom ldan 'das kyi zhabs gnyis la mgo bos phyag byas te zhes bya ba nas yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas grong khyer thigs pa can gyi bram ze dang khyim bdag rnams stan las langs te bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag cag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis grong khyer thigs pa can gyi bram ze dang khyim bdag rnams la cang mi gsung bas gnang ngo / /de nas grong khyer thigs pa can gyi bram ze dang khyim bdag rnams kyis bcom ldan 'das cang mi gsung pas gnang bar rig nas/ bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas dong ngo / /de nas yi dags rus gong sbrel ba bsgreng ba lta bu rang gi skras yog pa lto ri rab tsam/ kha khab kyi mig tsam 'bar rab tu 'bar/ kun tu rab tu 'bar te me lce gcig tu gyur pa lnga brgya bcom ldan 'das ga la ba der dong ste lhags pa dang / bcom ldan 'das la kun nas yongs su bskor te 'dug nas 'di skad ces gsol to/ /bcom ldan 'das grong khyer thigs pa can gyi bram ze dang khyim bdag 'di dag ni bdag cag gi nye dur gyur pa lags na/ kye ma bcom ldan 'das kyis thugs brtse ba nye bar bzung ste/ bdag cag kho na'i ming nas yon bsngo ba mdzad du gsol/ /bcom ldan 'das kyis bka' stsal pa/ ngas dam zhig bcas te/ gal te khyed cag cha byad 'di nyid kyis yon bsngo ba byed pa'i tshe 'ong na ni khyed cag gi ming nas yon bsngo bar bya'o/ /de rnams kyis gsol pa/ bcom ldan 'das g.yar tsha lags na ji ltar mchi lags/ de nas bcom ldan 'das kyis de'i tshe tshigs su bcad pas bka' stsal pa/ ngo tsha med la ngo tsha byed/ /ngo tsha ba la ngo mi tsha/ /'jigs pa med la 'jigs par lta/ /'jigs pa la ni mi 'jigs lta/ /log pa'i lta ba blangs pas na/ /sems can rnams ni ngan 'gror 'gro/ /ngo tsha ba la ngo tsha dang / /ngo tsha med la ngo mi tsha/ /mi 'jigs pa la mi 'jigs lta/ /'jigs pa la ni 'jigs lta ba'i/ /yang dag lta ba blangs pa yis/ /sems can rnams ni bde 'gror 'gro/ /de rnams kyis gsol pa/ bcom ldan 'das gal te de lta na mchi lags so/ /de nas grong khyer thigs pa can gyi bram ze dang khyim bdag rnams kyis de nyid kyi nub mo nas gtsang zhing bsod pa'i bza' ba dang bca' ba dag lta gon byas nas shes bya ba nas/ stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go zhes bya ba'i bar gong ma bzhin du'o/ /yi dags lnga brgya po de dag 'ongs pa dang / de nas grong khyer thigs pa can gyi bram ze dang / khyim bdag rnams kyis yi dags rnams mthong nas 'bros par brtsams pa dang / bcom ldan 'das kyis bka' stsal pa/ shes ldan dag ci'i phyir 'bros/ de rnams kyis gsol pa/ bcom ldan 'das yi dags 'o ni dag mchis lags so/ /bcom ldan 'das kyis bka' stsal pa/ tshur shog 'di dag ni khyed cag gi nye du yin no/ /gal te khyed cag gis gnang na ngas 'di rnams kyi ming gis yon bsngo'o/ /de rnams kyis gsol pa/ bcom ldan 'das rung lags so/ /de nas bcom ldan 'das kyis yan lag lnga dang ldan pa'i gsung dbyangs kyis de rnams kyi ming nas yon bsngo ba mdzad de/ sbyin pa 'di yi bsod nams gang / /de ni yi dags rjes 'gro zhing / /'di dag yi dags 'jig rten ni/ /mi bzad pa nas myur ldang shog /'di yis gos dang skom dang zas/ /gnas mal rnam pa sna tshogs pa/ /dus kun tu ni mi zad par/ /de rnams la ni grub par shog /de nas bcom ldan 'das kyis grong khyer thigs pa can gyi bram ze dang / khyim bdag rnams la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /de nas grong khyer thigs pa can gyi bram ze dang / khyim bdag rnams rtog khang du lhags shing tshogs nas 'di lta bu'i skabs kyi gtam dag gleng bar byed de/ kye dge sbyong gau ta ma ni 'dod zhen che zhing de'i nyan thos rnams kyang 'dod zhen che ba yin no/ /kha cig gis smras pa/ shes ldan dag dge sbyong gau ta ma ni 'dod zhen chung zhing de'i nyan thos rnams kyang 'dod zhen chung ste/ mu stegs can rnams ni de lta ma yin no/ /de'i tshe bram ze smra 'dod kyi seng ge zhes bya ba 'khor de nyid du 'dus shing 'dug par gyur to/ / de nas bram ze smra 'dod kyi seng ges grong khyer thigs pa can gyi bram ze dang / khyim bdag rnams la 'di skad ces smras so/ /dge sbyong gau ta ma 'dod zhen che 'am 'dod zhen chung ba dang / de'i nyan thos rnams 'dod zhen che 'am/ 'dod zhen chung ba ngas khyed cag yid ches par bya'o/ /de nas bram ze smra 'dod kyi seng ges bcom ldan 'das gang na ba der song ste phyin pa dang / bcom ldan 'das la 'di skad ces gsol to/ /shes ldan gau ta ma dge slong gi dge 'dun dang thabs gcig la bdag gis bca' ba bu ram zhig 'bul zhing mchis na gnang bar mdzad du gsol/ bcom ldan 'das kyis bram ze smra 'dod kyi seng ge la cang mi gsung bas gnang ngo / /de nas bram ze smra 'dod kyi seng ges bcom ldan 'das cang mi gsung bas gnang bar rig nas/ bcom ldan 'das kyi spyan snga nas song ngo / /de nas bcom ldan 'das kyis dge slong rnams la bka' stsal pa/ dge slong dag bram ze smra 'dod kyi seng ge glan ka tshol bas sangs rgyas la sogs pa dge slong gi dge 'dun rnams bca' ba bu ram la spyan drangs kyis/ khyed cag las gang gis ji tsam yog pa des de tsam zhig blang bar bya'o/ /bram ze smra 'dod kyi bu seng ge la bu ram 'tshong ba'i khang pa lnga brgya yod pa nas des bu ram gyi khang pa re re nas bu ram gyi snod blangs te/ bu ram gyi snod lnga brgya khyer nas bcom ldan 'das gang na ba der song ste phyin pa dang bcom ldan 'das la 'di skad ces gsol to/ /shes ldan gau ta ma bu ram bsdogs lags na/ nyan thos kyi dge 'dun dang thabs gcig tu bzhugs te/ longs spyad du gsol/ de nas bcom ldan 'das phyag dang lhung bzed bcabs nas dge slong gi dge 'dun gyi gung la gdan bshams pa nyid la bzhugs so/ /de nas bram ze smra 'dod kyi seng ges bu ram gyi snod cig blangs te brim par brtsams pa dang bcom ldan 'das kyis ji ltar dge slong gi dge 'dun gyi bar du brims kyang lhag pas thams cad de kho na bzhin du 'dug pa de ltar byin gyis brlabs so/ /de nas bram ze smra 'dod kyi seng ge mngon par dad par gyur to/ /de nas de dad pa skyes nas phyogs mtha' dag tu sgra bsgrags pa shes ldan dag dge sbyong gau ta ma ni 'dod zhen chung zhing de'i nyan thos rnams kyang 'dod zhen chung ba yin no/ /de nas des mu stegs can rnams bu ram la longs spyod du gzhug pa'i phyir 'gron du bos pa dang / de rnams kyis bu ram bag med par blangs nas kha cig gis ni longs spyod do/ kha cig gis ni snod bkang nas bor zhing khyer te dong ngo / /de nas bram ze smra 'dod kyi seng ges smras pa/ skyes bu blun po khyed cag kho na 'dod zhen che ba yin la dge sbyong gau ta ma ni 'dod zhen chung zhing de'i nyan thos rnams kyang 'dod zhen chung ba yin no zhes smras nas/ bcom ldan 'das la lhag par yang mngon par dad par gyur te/ bcom ldan 'das gang na ba der song ste phyin pa dang bcom ldan 'das dang lhan cig mngon du zhes bya ba'i bar gong ma bzhin du ste/ bcom ldan 'das la 'di skad ces gsol to/ /btsun pa legs par gsungs pa'i chos 'dul ba la bdag ces bya ba nas tshangs par spyad par bgyi'o zhes bya ba'i bar gong ma bzhin du 'o/ /de nas bcom ldan 'das kyis dge slong tshur shog ces bya ba nas dge slong tshur shog tshangs par spyad pa spyod cig ces gsungs pa zhes bya ba nas/ sangs rgyas dgongs pas lus gzugs bkab par gyur ces bya ba'i bar gong ma bzhin du'o/ /de nas bcom ldan 'das kyis dge slong rnams la bka' stsal pa/ de lta bas na rjes su gnang ste/ dus sam dus ma yin pa 'am/ na ba 'am mi na bas/ bu ram la longs spyad par bya ste/ 'di la 'gyod par ni mi bya'o/ /tshe dang ldan pa smra 'dod kyi seng ge ro myags pa'i dri mi zhim pas sems rtse gcig pa nyid ma thob nas bcom ldan 'das kyis dgongs pa/ dge slong smra 'dod kyi seng ge ni srid pa tha ma yin na ci'i phyir bden pa ma mthong snyam du dgongs na/ lus rul pa'i dri mi zhim pa las gyur par gzigs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong smra 'dod kyi seng ge'i gtsug lag khang dri dang me tog gi phreng ba dang / bdug pa dang / phye ma rnams kyis gtor la gnas mal la yang bdug pas bdug cing me tog dri zhim pos brgyan pa'i me tog gi gdugs bres shig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan to/ /ji tsam na de bsod snyoms la song ba de'i bar du de'i gtsug lag khang du song nas bcom ldan 'das kyis bka' stsal pa bzhin thams cad byas so/ /de nas tshe dang ldan pa smra 'dod kyi seng ge bsod snyoms la brgyus nas gtsug lag khang du 'ongs pa dang lha'i 'byor pa mthong nas/ de nas dga' ba'i yid kyis bsod snyoms la longs spyad de zas kyi bya ba byas nas gtsug lag khang gi phyi rol du rkang pa gnyis bkrus te gtsug lag khang du zhugs nas/ skyil mo dkrung bcas te lus drang por bsrang nas dran pa mngon du phyogs par der bzhag ste 'dug pa dang / dri zhim po mnam nas de'i sems mnyam par bzhag par skyes so/ /de nas des nyon mongs pa thams cad spangs te/ dgra bcom pa nyid mngon sum du byas nas zhes bya ba nas/ mngon du smra bar gyur to zhes bya ba'i bar gong ma bzhin du'o/ /de nas bcom ldan 'das kyis dge slong rnams la bka' stsal pa/ dge slong dag nga'i dge slong dang nga'i nyan thos sdug pas rnam par grol ba rnams kyi mchog ni 'di lta ste/ dge slong smra 'dod kyi seng ge 'di yin no/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa dge slong gzhan rnams ni mi sdug pas rnam par grol na/ tshe dang ldan pa smra 'dod kyi seng ge sdug pas rnam par grol ba la gzigs/ bcom ldan 'das kyis bka' stsal pa/ dge slong dag 'di ni tshe rabs lnga brgya btud mar sum bcu rtsa gsum gyi lha rnams nas shi 'phos shing de nyid du skyes te/ da ltar gyi srid pa tha ma mi rnams su skyes pa na lus rul ba'i dri mnam pas sems rtse gcig pa ma grub pa'o/ /dri zhim po'i dri mnam pa dang / sems mnyam pa thob nas sdug pas rnam par grol bar gyur to/ /gal te 'di la thabs 'di ma byas par gyur na/ dro bar gyur pa yang 'dis bskyed par mi 'gyur ro/ /de lta bas na rjes su gnang ste/ gzhan gang zhig sdug pa 'di lta bus rnam par grol bar 'gyur ba des rim pa de lta bu bya ste/ 'di la 'gyod par ni mi bya'o/ /de nas bcom ldan 'das yul spong byed nas ljongs rgyu zhing gshegs te yangs pa can du byon nas yangs pa can gyi spre'u rdzing gi 'gram na khang pa brtsegs pa'i gnas na bzhugs so/ /yangs pa can gyi bram ze dang khyim bdag rnams kyis bcom ldan 'das yul spong byed nas ljongs rgyu zhing gshegs te yangs pa can du byon nas yangs pa can gyi spre'u rdzing gi 'gram na khang pa brtsegs pa'i gnas na bzhugs so zhes thos so/ /thos nas kyang gcig tu 'dus nas smras pa shes ldan dag bcom ldan 'das yul spong byed nas ljongs rgyu zhing gshegs te yangs pa can du byon nas yangs pa can gyi spre'u rdzing gi 'gram na khang pa brtsegs pa'i gnas na bzhugs so zhes grag gis/ gal te bdag cag re re nas bcom ldan 'das spyan drangs te gdugs tshod gsol na ni bcom ldan 'das slar gshegs dang / gzhan gyi skabs mi rnyed par 'gyur bas de la khrims shig bcas te/ ci nas kyang tshogs shing 'dus pa kho nas bcom ldan 'das gdugs tshod gsol gyi mi gcig pus ni ma yin no zhes de rnams kyis khrims su bca' ba dag byas nas bzhag go/ /de'i tshe yangs pa can gyi bsod nams chen po dang ldan pa bzhi zhig gnas te/ nor can dang / nor can gyi chung ma dang / nor can gyi bu dang / nor can gyi mna' ma'o/ /de dag gi khyim du ni lha dang mi rnams kyi g.yang babs par gyur to/ /de rnams kyis khrims su bcas pa de ma thos par khyim bdag nor can gyis bcom ldan 'das yul spong byed nas ljongs rgyu zhing gshegs te yangs pa can du byon nas yangs pa can gyi spre'u rdzing gi 'gram na khang pa brtsegs pa'i gnas na bzhugs so zhes thos so/ /thos nas kyang yangs pa can nas byung nas bcom ldan 'das gang na ba der song ste zhes bya ba nas yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas khyim bdag nor can stan las langs te/ bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis cang mi gsung bas khyim bdag nor can la gnang ngo / /de nas khyim bdag nor can gyis bcom ldan 'das cang mi gsung bas gnang bar rig nas bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas song ngo / /de nas yangs pa can gyi bram ze dang khyim bdag rnams yangs pa can nas byung nas bcom ldan 'das gang na ba der song ste zhes bya ba nas bcom ldan 'das dge slong gi dge 'dun rnams dang thabs gcig tu sang bdag cag gi sdum par gdugs tshod sbyor zhing mchis na gnang bar mdzad du gsol zhes bya ba'i bar gong ma bzhin du'o/ /bcom ldan 'das kyis bka' stsal pa/ gnas 'jog gi bu dag nga sngar khyim bdag nor can gyis spyan drangs zin to/ /de rnams kyis smras pa/ shes ldan dag khyim bdag nor can gyis ni tshogs kyi khrims bcas pa las 'das par byas so/ /kha cig dag gis smras pa/ ci ste de 'das par byed/ gdon mi za bar des khrims bcas pa ma thos so/ /'on kyang bdag cag pas de ni skyes bu dam pa yin pas gdugs tshod gsol du chug bdag cag gis ni gnangs gdugs tshod gsol lo/ /de nas tshe dang ldan pa kun dga' bo nang par sngar langs te lhung bzed dang chos gos thogs nas khyim bdag nor can gyi khyim gang na ba der song ste phyin nas shar sgo nas zhugs pa dang / ji tsam na gdan ma bshams shing zhal zas rnams sta gon ma byas pa mthong nas/ de nas khyim bdag nor can la 'di skad ces smras so/ khyim bdag khyod kyis sangs rgyas la sogs pa dge slong gi dge 'dun rnams spyan drangs nas snying las chung ngus gnas sam/ des smras pa/ 'phags pa kun dga' bo ci ste de skad gsung / khyim bdag gdan ma bshams shing zhal zas rnams sta gon ma byas pa mthong ngo / /'phags pa khyod chab sgo gang nas zhugs khyim bdag shar nas so/ /'phags pa lho nas zhugs shig /des zhugs pa las ji tsam na lha'i gdan bshams shing lha'i zhal zas rnams sta gon byas pa yang mthong ngo / / mthong nas kyang shin tu ngo mtshar skyes par gyur to/ /de nas khyim bdag nor can gyi spyan 'dren gyis bcom ldan 'das la dus tshod gsol pa/ btsun pa gdugs tshod bshams lags shing mchis na/ bcom ldan 'das da de'i dus la bab par mkhyen par mdzad du gsol zhes bya ba nas bcom ldan 'das kyis gsol zin nas phyag bcabs te lhung bzed gyu bar rig nas/ stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go zhes bya ba'i bar gong ma bzhin du'o/ /de nas nor can gyi chung ma stan las langs te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun rnams dang thabs gcig tu sangs bdag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis cang mi gsung bas nor can gyi chung ma la gnang ngo / /gnang nas kyang khyim bdag nor can la chos bshad pa mdzad nas gdan las bzhengs te gshegs so/ /nor can gyi chung mas kyang zhal zas rnams sta gon byas so/ /de nas tshe dang ldan pa kun dga' bo nang par sngar langs te lhung bzed dang chos gos thogs nas khyim bdag nor can gyi khyim gang na ba der song ste phyin nas lho sgo nas zhugs na gdan ma bshams shing zhal zas rnams kyang sta gon ma byas par mthong ngo / /mthong nas kyang nor can gyi chung ma la 'di skad ces smras so/ /khyim bdag gi chung ma sangs rgyas la sogs pa dge slong gi dge 'dun spyan drangs nas ci snying las chung ngus gnas sam des smras pa/ 'phags pa ci ste de skad gsung gdan ma bshams shing zhal zas rnams kyang sta gon ma byas pa mthong ngo / /'phags pa khyod chab sgo gang nas zhugs lho nas so/ /'phags pa shar nas zhugs shig /ji tsam na gdan bzang po bshams shing zhal zas bsod pa sta gon byas pa yang mthong ngo / /mthong nas kyang shin tu ngo mtshar skyes par gyur to/ /de nas nor can gyi chung ma'i spyan 'dren gyis bcom ldan 'das la dus tshod gsol pa/ btsun pa bcom ldan 'das gdugs tshod bshams pa lags shing mchis na/ bcom ldan 'das da de'i dus la bab par mkhyen par mdzad du gsol zhes bya ba nas phyag bcabs te lhung bzed gyu bar rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go zhes bya ba'i bar gong ma bzhin du'o/ /de nas nor can gyi bu stan las langs te bla gos phrag pa gcig tu gzar nas/ bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis cang mi gsung bas nor can gyi bu la gnang ngo / /de nas bcom ldan 'das kyis nor can gyi chung ma la chos bshad pa mdzad nas gshegs so/ /nor can gyi bus kyang gtsang zhing bsod pa'i bza' ba dang bca' ba dag sta gon byas so/ /de nas tshe dang ldan pa kun dga' bo nang par sngar langs te lhung bzed dang chos gos thogs te nor can gyi khyim gang na ba der song ste phyin nas lho sgo nas zhugs na gdan ma bshams shing zhal zas sta gon ma byas pa mthong ngo / /mthong nas kyang nor can gyi bu la 'di skad ces smras so/ /khyim bdag gi bu sangs rgyas la sogs pa dge slong gi dge 'dun spyan drangs nas ci snying las chung ngus gnas sam/ des smras pa/ 'phags pa ji ste de skad gsung / gdan ma bshams shing zhal zas sta gon ma byas pa mthong ngo / /'phags pa khyod chab sgo gang nas zhugs lho nas so/ / 'phags pa nub nas zhugs shig /ji tsam na gdan bzang po bshams shing zhal zas bsod pa sta gon byas pa yang mthong ngo / /mthong nas kyang shin tu ngo mtshar skyes par gyur to/ /de nas nor can gyi bu'i spyan 'dren gyis bcom ldan 'das la dus tshod gsol pa/ btsun pa gdugs tshod bshams lags shing mchis na bcom ldan 'das da de'i dus la bab par mkhyen par mdzad du gsol zhes bya ba nas phyag bcabs te lhung bzed gyu bar rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go zhes bya ba'i bar gong ma bzhin du'o/ /de nas nor can gyi mna' ma stan las langs te bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis cang mi gsung bas nor can gyi mna' ma la gnang ngo / /de nas bcom ldan 'das kyis nor can gyi bu la chos bshad pa mdzad nas gshegs so/ /de nas yangs pa can gyi bram ze dang khyim bdag rnams bcom ldan 'das gang na ba der song ste lhags pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / bcom ldan 'das kyis yangs pa can gyi bram ze dang khyim bdag rnams la chos dang ldan pa'i gtam gyis zhes bya ba nas cang mi gsung ngo zhes bya ba'i bar gong ma bzhin du'o/ /de nas yangs pa can gyi bram ze dang khyim bdag rnams stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag cag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis bka' stsal pa/ gnas 'jog gi bu dag nga sngar nor can gyi mna' mas spyan drangs zin to/ /de nas yangs pa can gyi bram ze dang khyim bdag rnams rngam nas smras pa/ shes ldan dag nor can gcig pu la nor yod kyi bdag cag la med dam ci na/ des sangs rgyas la sogs pa dge slong gi dge 'dun nyi ma re re gdugs tshod sbyor zhing bdag cag kho nas skabs ma thob par gyur to/ /de la ji ltar bsgrub par bya/ gzhan dag gis smras pa/ gang gi tshe sangs rgyas la sogs pa dge slong gi dge 'dun gdugs tshod gsol zin nas gshegs par gyur pa de'i tshe de'i khyim rdo ba re re nas bkogs te gzhig go/ /de nas tshe dang ldan pa kun dga' bo nang par sngar langs te lhung bzed dang chos gos thogs nas khyim bdag nor can gyi khyim gang na ba der song ste phyin nas nub sgo nas zhugs na gdan ma bshams shing zhal zas kyang sta gon ma byas pa mthong ngo / /mthong nas kyang nor can gyi mna' ma la 'di skad ces smras so/ /nor can gyi mna' ma sangs rgyas la sogs pa dge slong gi dge 'dun rnams spyan drangs nas ci snying las chung ngus gnas sam/ des smras pa/ 'phags pa ci ste de skad gsung / gdan ma bshams shing zhal zas rnams kyang sta gon ma byas pa mthong ngo / /'phags pa chab sgo gang nas zhugs nub nas so/ /'phags pa byang nas zhugs shig / des byang nas zhugs nas ji tsam na lha'i gdan bshams shing lha'i zhal zas sta gon byas pa mthong ngo / /mthong nas kyang shin tu ngo mtshar skyes par gyur to/ /de nas nor can gyi mna' ma'i spyan 'dren gyis bcom ldan 'das la dus tshod gsol pa/ btsun pa gdugs tshod bshams lags shing mchis na bcom ldan 'das da de'i dus la bab par mkhyen par mdzad du gsol zhes bya ba nas dge slong gi dge 'dun gyi gung la gdan bshams pa nyid la bzhugs so zhes bya ba'i bar gong ma bzhin du'o/ /de nas yangs pa can gyi bram ze dang khyim bdag thams cad 'dus nas khyim bdag nor can gyi sgo na 'dug go/ /de nas bcom ldan 'das kyis khyim bdag nor can la 'di skad ces bka' stsal to/ khyim bdag yangs pa can gyi tshogs rngam nas sgo na 'dug ste de dag gis khyed cag la gnod pa byas par 'gyur du 'ong gis song la bzod par gsol cig /de phyir byung nas bzod par gsol bar brtsams pa dang de rnams kyis smras pa/ khyim bdag ci khyod gcig pu la nor yod dam/ gang gi phyir khyod kyis nyin re zhing sangs rgyas la sogs pa dge slong gi dge 'dun gdugs tshod gsol te kho bo cag gis skabs mi rnyed par byed/ des smras pa/ shes ldan dag bdag gis tshogs kyi khrims su bcas pa ma thos kyis/ de bas na tshogs kyis bzod par bya ba'i rigs so/ /gzhan dag gis smras pa/ shes ldan dag skyes bu 'di ni dam pa yin pas 'di la bzod par bya'o zhes de rnams bzod par gyur pa dang / des smras pa/ gal te de lta na nang du zhugs shig de rnams khyim du zhugs pa dang / gdan bzang po bshams shing zhal zas bsod pa sta gon byas pa yang mthong ngo / /mthong nas kyang shin tu ngo mtshar skyes par gyur nas smras pa/ khyim bdag khyod 'ba' shig sangs rgyas la sogs pa dge slong gi dge 'dun gdugs tshod gsol bar 'os kyi/ kho bo cag ni ma yin no/ /des de rnams la rin po che dag byin pa dang de rnams kyis ma blangs so/ /de nas bcom ldan 'das kyis bka' stsal pa dang / rin po che 'di dag ni rnyed par dka' ba yin gyis long shig /de rnams kyis blangs pa las gang gis ci 'dra ba blangs pa de'i kha dog de 'dra ba kho nar snang bar gyur to/ /de nas nor can gyi mna' mas sangs rgyas la sogs pa dge slong gi dge 'dun bde bar bzhugs par rig nas gtsang zhing bsod pa'i bza' ba dang bca' ba dag gis zhes bya ba nas phyag bcabs te lhung bzed gyu bar rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go zhes bya ba'i bar gong ma bzhin du'o/ /de nas bcom ldan 'das kyis nor can dang / nor can gyi chung ma dang / nor can gyi bu dang / nor can gyi mna' ma rnams kyi bsam pa dang / bag la nyal dang / khams dang / rang bzhin mkhyen nas gang thos na nor can dang / nor can gyi chung ma dang / nor can gyi bu dang / nor can gyi mna' ma rnams kyis 'jig tshogs la lta ba ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa rnams so sor rtogs par byed pa'i chos bshad pa mdzad de de rnams kyis bden pa mthong nas lan gsum du ched du brjod pas ched du brjod pa zhes bya ba nas/ bdag cag ni mngon par 'phags so zhes bya ba'i bar gong ma bzhin du'o/ /bdag cag bcom ldan 'das dang / chos dang dge slong gi dge 'dun la skyabs su mchi lags kyis/ bcom ldan 'das kyis bdag cag dge bsnyen du gzung du gsol/ ji srid 'tsho ba'i bar du srog dang yang bsdos te skyabs su mchi bar mngon par dad lags so/ /de nas bcom ldan 'das kyis nor can dang / nor can gyi chung ma dang / nor can gyi bu dang / nor can gyi mna' ma rnams la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so// //'dul ba gzhi/ bam po lnga bcu bdun pa/ dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa btsun pa nor can dang / nor can gyi mchis 'brang dang / nor can gyi bu dang / nor can gyi mna' ma rnams kyis las ci zhig bgyis na las de'i rnam par smin pas phyug cing nor mang la longs spyod che ba'i rigs su skyes shing lha dang mi rnams kyi dpal nyams su myong bar gyur lags/ bcom ldan 'das kyis bka' stsal pa/ dge slong dag 'di rnams kho nas las rnams byas shing bsags pa tshogs rnyed pa zhes bya ba nas/ 'bras bu dag tu 'gyur ba nyid ces bya ba'i bar gong ma bzhin no/ / dge slong dag sngon byung ba bA rA Na sI na me tog phreng rgyud mkhan zhig yod pa des rigs mnyam pa las chung ma blangs te/ de de dang lhan cig rtse bar byed dga' bar byed dga' mgur spyod par byed do/ / de dang lhan cig rtse bar byed/ dga' bar byed/ dga' mgur spyod par byed pa las khye'u zhig btsas so/ /des de yang rigs mnyam pa las chung ma blangs so/ /de dus phyi zhig na bkren zhing shin tu bkren par gyur te de dang / bu dang / chung ma dang / mna' mas brtson pa chen pos 'bad pas ras yug gcig cig grub nas/ de nas me tog phreng rgyud mkhan yang de bgos nas/ rgyal po la me tog 'bul me tog phreng rgyud mkhan gyi chung ma yang de nyid bgos nas btsun mo la 'bul/ me tog phreng rgyud mkhan gyi bu yang de nyid bgos nas gzhon nu rnams la 'bul/ me tog phreng rgyud mkhan gyi mna' ma yang de nyid bgos nas rgyal po'i mna' ma rnams la me tog phreng 'bul bar byed do/ /sangs rgyas rnams 'byung ba med pa na 'jig rten du rang sangs rgyas dman pa dang / ngan pa la snying brtse ba dang / gnas mal bas mtha' la brten pa/ 'jig rten gyi yon gnas gcig pu dag 'byung bar 'gyur bas ji tsam na rang sangs rgyas shig ljongs rgyu zhing 'gro ba na nyi ma nub ka'i dus su bA rA Na sIr phyin nas me tog phreng rgyud mkhan de'i khyim grong khyer gyi sgo na 'dug pa de'i ldum rar nub mo gnas btab ste me'i khams la snyoms par zhugs so/ /de nas me tog phreng rgyud mkhan des me'i phung po 'bar ba lta bur mthong nas de dad pa skyes te chung ma la smras pa dang de yang dad par gyur to/ /des bu la smras pa dang de yang dad par gyur to/ /des mna' ma la smras pa dang de yang dad par gyur to/ /de nas de rnams kyis gros bya bar brtsams pa/ bdag cag sang zan ma zos kyang bla 'dus la rab tu byung ba zhi ba'i bdag nyid can 'di bshos gsol lo/ /de nas nam nangs nas de rnams kyis de la bsod snyoms phul lo/ /me tog phreng rgyud mkhan gyis smras pa/ bzang mo kho bo'i ras kyi bgo bskal gang yin pa de ni rab tu byung ba 'di la 'bul lo/ /des smras pa rje'i sras bdag gi yang dbul lo/ /bus smras pa/ bdag gi yang dbul lo/ /mna' mas smras pa/ bdag gi yang dbul lo/ /de nas de rnams 'dus nas de la ras bskon to/ /bdag nyid chen po de dag ni lus kyis chos ston gyi tshig gis ma yin pas de nas bdag nyid chen po de de rnams la snying brtse ba'i phyir nam mkha' la 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo rnams ni rdzu 'phrul la myur du sems gtod pa yin pas shing rtsa ba nas bcad pa bzhin du rkang pa gnyis la gtugs te smon lam gdab par brtsams pa/ bdag cag gis yon gnas dam pa 'di lta bu la bya ba byas pa'i dge ba'i rtsa ba 'dis bdag cag phyug cing nor mang la longs spyod che ba'i rigs su skye zhing bdag cag gi khyim du lha dang myi'i g.yang 'bab par gyur cig /'di lta bu'i chos rnams kyang thob nas 'di bas khyad par du 'phags pa'i ston pa mnyes par byed kyi mi mnyes par byed par ma gyur cig ces byas so/ /de nas rang sangs rgyas kyis de rnams la snying brtse bar rdzu 'phrul byas nas rgyal po'i khab kyi steng nas phar chas te song ba dang de'i grib ma rgyal po'i steng du bab pa las de gdong bstod de blta bar brtsams pa dang / bdag nyid chen po de mthong nas des bsams pa/ bdag nyid chen po 'dis yang su zhig gi bkres pa'i rtsa ba phyung bar 'gyur snyam mo/ /me tog phreng rgyud mkhan de rgyal po la me tog 'bul ba'i dus gang yin pa de las theg gi tsam zhig yol lo/ /rgyal po yang me tog la sdod cing 'dug go/ /de nas me tog phreng rgyud mkhan de rgyal po'i zho shas 'tsho ba rnams kyis bkug pa dang rgyal pos de la smras pa/ ci'i phyir khyod kyis me tog de ring dus las yol des ji ltar gyur pa rgyas par smras pa dang / de nas rgyal pos ji snyed gyon pa byin no/ /de bzhin du me tog phreng rgyud mkhan gyi chung ma la ni btsun mo rnams kyis ji snyed gyon pa byin no/ /me tog phreng rgyud mkhan gyi bu la ni gzhon nu rnams kyis so/ /me tog phreng rgyud mkhan gyi mna' ma la ni rgyal po'i mna' ma rnams kyis te/ de mthong ba'i chos de nyid la nor gyi me tog mngon par grub par gyur te dbul ba med par gyur to/ /dge slong dag ji snyam du sems/ de'i tshe de'i dus kyi me tog phreng rgyud mkhan gang yin pa de ni nor can 'di nyid yin no/ /me tog phreng rgyud mkhan gyi chung ma ni nor can gyi chung ma yin no/ /me tog phreng rgyud mkhan gyi bu ni nor can gyi bu yin no/ /me tog phreng rgyud mkhan gyi mna' ma ni nor can gyi mna' ma yin te/ 'di dag gis rang sangs rgyas la bya ba byas shing smon lam btab pa gang yin pa de'i las kyi rnam par smin pas phyug cing nor mang la longs spyod che ba'i rigs su skyes nas/ khyim du lha dang mi'i g.yang babs par gyur to/ /nga'i spyan snga nas kyang bden pa mthong bar byas te/ nga rang sangs rgyas bye ba brgya stong bas khyad par du 'phags pa'i ston pa 'di dag gis mnyes par byas kyi mi mnyes par ma yin no/ /dge slong dag de lta bas na las gcig tu gnag pa rnams kyi ni zhes bya ba nas brtsal bar bya ste/ dge slong dag khyed kyis de lta bu la bslab par bya'o zhes bya ba'i bar gong ma bzhin du'o/ /de nas yangs pa can gyi bram ze dang khyim bdag rnams lhag par yang mngon par dad par gyur nas stan las langs te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig la bdag cag gis dgung zla gsum du na bza' chos gos dang bsod snyoms dang / gzims cha dang / snyun dpyad kyi rkyen sman dang / yo byad rnams 'bul zhing mchis na gnang bar mdzad du gsol/ bcom ldan 'das kyis cang mi gsung bas yangs pa can gyi bram ze dang khyim bdag rnams la gnang ngo / /de nas yangs pa can gyi bram ze dang khyim bdag rnams bcom ldan 'das cang mi gsung bas gnang bar rig nas/ bcom ldan 'das kyi zhabs gnyis la mgo bos phyag byas nas stan las langs te dong ngo / /de nas yangs pa can gyi bram ze dang khyim bdag rnams kyis de nyid kyi nub mo nas gtsang zhing bsod pa'i bza' ba dang bca' ba dag sta gon byas te zhes bya ba nas/ phyag bcabs te lhung bzed gyu bar rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go zhes bya ba'i bar gong ma bzhin du'o/ /de nas bcom ldan 'das kyis yangs pa can gyi bram ze dang khyim bdag rnams la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /de bzhin du nyi ma gnyis sam gsum gyi bar du 'das so/ /yangs pa can gyi bram ze dang khyim bdag rnams kyi 'khor rgya chen po mu ge dang bcas pa'i dus byung nas de rnams kyi nye du dag zas kyi phyir nyi ma re re zhing 'ong bas de dag gis gtses par gyur nas dge slong rnams la smras pa/ 'phags pa dag mu ge dang bcas pa'i dus byung bas bdag cag gi nye du dag skrur mchis te de rnams la bdag cag gdugs gcig bzhin du stsol bas khyed cag dang de rnams la khyad par rngo mi thog na/ kye 'phags pa dag bdag cag gis yo byad rnams dbul gyis zhal ta kho na mdzod cig /dge slong rnams kyis smras pa/ bcom ldan 'das la zhus te bya'o zhes dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste dge slong rnams kyis zhal ta bya'o/ /bcom ldan 'das kyis dge slong rnams kyis zas kyi zhal ta bya'o zhes gsungs pas de rnams kyis zhal ta bya bar brtsams te ji tsam na steng g.yogs med par thug pa 'tshed pa'i zhal ta byas pa las lhas char phab pas de ma rung bar gyur pa'i skabs de bcom ldan 'das la gsol pa dang / bcom ldan 'das kyis bka' stsal pa/ steng g.yogs med par btso bar mi bya'o/ /sgo khang dang khyams su 'tshed par byed pa dang bcom ldan 'das kyis bka' stsal pa/ sgo khang dang khyams su btso bar mi bya'o/ / dge slong dag de lta bas na rung ba'i gnas kyi gzhir mi rung ba ni bcu po 'di dag ste/ 'di rnams su zas kyi zhal ta mi bya'o/ /bcu gang zhe na/ steng g.yogs med pa dang / sgo khang dang / khyams dang / bsro khang dang / khrus khang dang / rgyal po'i gnas dang / mchod rten gyi gnas dang / mu stegs can gyi gnas dang / khyim bdag gi gnas dang / dge slong ma'i dbyar khang ngo / /gzhi bcu po 'di dag ni rung ba ma yin pa'i gnas kyi gzhi yin te/ de rnams su dge slong gis zas kyi zhal ta mi bya'o/ /zhal ta byed na 'gal tshabs can du 'gyur ro// // sdom ni/ nad bu can dang zas dag dang / /g.yar tshus lhag pa dag dang yang / / tshal gyi 'bras bu chu skyes dang / /pad ma'i rtsa dang lug dag go/ /gleng gzhi ni mnyan yod na'o/ /mnyan yod na dge slong nad bu can zhig yod pa des sman pa la dris pa/ bzhin bzangs kho bo la sman ston cig /des nad kyi gzhi dris nas smras pa/ 'phags pa thug pa gsol cig dang sos par 'gyur ro/ /des smras pa/ bzhin bzangs bcom ldan 'das kyis ma gnang ngo / /sman pas smras pa/ 'phags pa khyod kyi ston pa thugs rje can yin pas 'di nyid kyis rkyen byas nas gnang bar 'gyur ba'i gnas de yod do/ /des skabs de dge slong rnams la'o/ /dge slong rnams kyis ni bcom ldan 'das la gsol pa dang / bcom ldan 'das kyis bka' stsal pa/ gal te sman pas thug pa 'thung shig ces zer na sman pas bsgo ba bzhin thug pa btung bar bya ste de la 'gyod pa mi bya'o/ /bcom ldan 'das kyis sman pas bsgo ba bzhin thug pa btung bar bya'o zhes bka' stsal pa dang / de'i nad g.yog gis thug pa grang mo zhig khyer te byin no/ /de nas sman pas 'ongs nas dris pa 'phags pa khyod bde 'am/ des smras pa/ bzhin bzangs mi bde'o/ /ci khyod kyis thug pa ma gsol tam/ 'thungs so/ /ci 'dra ba zhig /grang mo'o/ /'phags pa ma legs pa zhig bgyis so/ / sang ni dron mo gsol cig /de nas nad g.yog gis blangs nas grang mo kho na rnyed nas des de la bsros te byin no/ /de nas sman pa 'ongs te de bzhin du dris pa dang des smras pa/ mi bde'o/ /ci thug pa ma gsol tam/ 'thungs so/ /ci 'dra ba zhig /grang mo zhig bsros nas so/ /'phags pa ma legs pa zhig bgyis so/ /de grangs te bsros pa lags kyis sang ni rang bzhin gyis dron por mdzod la gsol cig /de nas de'i nad g.yog gis 'bras dang snod sta gon byas nas gtsug lag khang gi phyi rol gyi shing drung zhig tu btso bar brtsams pa las de nas khwa'i rtug pas de ma rung bar byas pas dge slong de phongs par gyur pa'i skabs de dge slong rnams la'o/ /dge slong rnams kyis ni bcom ldan 'das la gsol pa dang / bcom ldan 'das kyis bka' stsal pa/ dge slong dag de lta bas na rung ba'i gnas bsko bar bya'o/ /bcom ldan 'das kyis rung ba'i gnas bsko bar bya'o zhes bka' stsal pa dang / dge slong rnams kyis ci 'dra ba dang ji tsam pa ma shes nas bcom ldan 'das kyis bka' stsal pa/ rung ba'i gnas lnga ste/ rtsom pa'i mtha' can dang / sems gtod pa'i mtha' can dang / ba nyal ba lta bu dang / stong pa'i gnas dang / bskos pa'o/ /de la rtsom pa'i mtha' can ni 'di lta ste/ dge slong lag gi blas gnas rtsom pa na der thog mar gzhi 'di ni dge 'dun gyi rung ba'i gnas su 'gyur ro zhes sems bskyed cing tshig tu smras pa ste/ 'di ni rung ba'i gnas rtsom pa'i mtha' can zhes bya'o/ /sems gtod pa'i mtha' can gang zhe na/ 'di lta ste/ dge slong lag gi blas der thog mar gzhi rdo ba 'drin pa na nye 'khor gyi dge slong rnams la smras pa/ tshe dang ldan pa dag gzhi 'di ni dge 'dun gyi rung ba'i gnas su 'gyur bar nges par zung shig nges par zung shig ces bya ste/ 'di ni sems gtod pa'i mtha' can zhes bya'o/ /ba nyal ba lta bu gang zhe na/ gang la sgo tha dad par gses pa ste/ 'di ni ba nyal ba lta bu zhes bya'o/ /gnas stong pa gang zhe na/ spangs pa'i gnas te 'di ni gnas stong pa zhes bya'o/ / bskos pa gang zhe na/ gsol ba dang gnyis kyi las kyis bskos pa'o/ /dge slong rnams kyis ji ltar bsko ba ma shes nas bcom ldan 'das kyis bka' stsal pa/ gnas gang zhig thams cad zin par byas pa nang mtshams dang phyi rol nye 'khor 'dom gang dang bcas pa la dge 'dun gyis 'dod na de bsko bar bya'o/ /bsko ba yang 'di ltar bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad 'dug cing 'thun par gyur pa dang / dge slong gcig gis gsol ba byas te las bya'o/ /dge 'dun btsun pa rnams gsan du gsol/ gnas thams cad lags pa nang mtshams dang phyi rol nye 'khor 'dom gang dang bcas pa 'di dge 'dun gyi rung ba'i gnas su bsko na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis gnas thams cad lags pa nang mtshams phyi rol nye 'khor 'dom gang dang bcas pa 'di dge 'dun gyi rung ba'i gnas su bsko'o/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ gnas thams cad lags pa nang mtshams dang phyi rol nye 'khor 'dom gang dang bcas pa 'di dge 'dun gyi rung ba'i gnas su bsko bar bzhed de/ de'i slad du dge 'dun gyis gnas thams cad lags pa nang mtshams dang phyi rol nye 'khor 'dom gang dang bcas pa 'di dge 'dun gyi rung ba'i gnas su bsko na/ tshe dang ldan pa rnams las gang dag gnas thams cad lags pa nang mtshams dang phyi rol nye 'khor 'dom gang dang bcas pa 'di dge 'dun gyi rung ba'i gnas su bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis gnas thams cad bgyis lags pa nang mtshams dang phyi rol nye 'khor 'dom gang dang bcas pa 'di dge 'dun gyi rung ba'i gnas su bskos lags te/ 'di ltar cang mi gsung bas de de bzhin du 'dzin to/ /gang du dge 'dun gyi rung ba'i gnas su bskos pa der gnyis skabs dbye ste/ mtshams kyi nang du btsos pa dang / mtshams kyi nang du zhag lon pa'o/ /sangs rgyas bcom ldan 'das yangs pa can gyi spre'u rdzing gi 'gram na khang pa brtsegs pa'i gnas na bzhugs so/ /yangs pa can na sde dpon seng ge zhes bya ba zhig gnas te/ de'i nye 'khor na gnas pa rnams kyis de'i ched du sha khyer te 'ongs nas de yang za bar byed do/ / gang gi tshe des bcom ldan 'das las bden pa mthong ba de'i tshe mi za bas khyer te 'ongs nas yang dge slong rnams la sbyin par byed do/ /dge slong rnams kyis kyang de dag zos pa dang mu stegs can rnams smod par byed/ gzhogs 'phyas byed/ kha zer bar byed de/ shes ldan dag sde dpon seng ge'i ched du byas te sha khyer te 'ongs na ni des de dag ma zos la/ shAkya'i sras kyi dge sbyong rnams la byin pa dang shAkya'i sras kyi dge sbyong rnams kyi ched du byas pa'i sha ni zos so zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ ngas gnas gsum gyis rung ba ma yin pa'i sha bza' bar mi bya'o zhes gsungs pa gsum gang zhe na/ bdag gi ched du byas par mngon du mthong ba rung ba ma yin pa'i sha bza' bar mi bya'o zhes gsungs pa dang / yid ches pa las khyod kyi ched du byas pa yin no zhes thos pa dang / rang nyid kyi blo la rnam par rtog pa skyes pa tshul las 'di ni bdag gi ched du byas pa yin no snyam du rung ba ma yin pa'i sha bza' bar mi bya'o zhes gsungs pa yin no/ /dge slong dag ngas gnas gsum gyis rung ba'i sha bza' bar bya'o zhes gsungs pa gsum gang zhe na/ 'dis bdag gi ched du byas par mngon sum du ma mthong ba rung ba'i sha bza' bar bya'o zhes gsungs pa dang / yid ches pa las 'dis khyod kyi ched du byas pa ma yin no zhes thos pa rung ba'i sha bza' bar bya'o zhes gsungs pa dang / bdag nyid kyi blo la rnam par rtog pa skyes pa tshul las 'di ni bdag gi ched du byas pa yin no snyam pa ma skyes pa rung ba'i sha bza' bar bya'o zhes gsungs pa yin no/ /gleng gzhi ni mnyan yod na'o/ / mu ge dang bcas pa'i dus byung nas dge slong dag ltogs par gyur pas de rnams glos phab ste 'dug pa dang bram ze dang khyim bdag rnams kyis smras pa/ 'phags pa dag gcig tu brtson par bya ba'i phyir bstan pa la ci'i slad du glos phab ste bzhugs shing dge ba'i phyogs la brtson par mi mdzad/ de rnams kyis smras pa/ mu ge dang bcas pa'i dus byung bas bsod snyoms lto 'grangs par mi rnyed pas kho bo cag ltogs te nyam chung bas des na glos phab ste 'dug go/ /de rnams kyis smras pa/ ci ste zhal tshus mi gsol/ bcom ldan 'das kyis ma gnang ngo / /khyod kyi ston pa ni thugs rje can yin pas gnang bar 'gyur ba gang yin pa'i gnas de yod do zhes bya ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de'i phyir rjes su gnang ste/ mu ge'i sdug bsngal dgon pa 'di lta bur dge slong rnams kyis g.yar tshus bza' bar bya ste/ 'di la 'gyod par mi bya'o/ /gleng gzhi ni mnyan yod na'o/ /mu ge dang bcas pa'i dus byung nas dge slong rnams la bram ze dang khyim bdag dad pa can rnams kyis smras pa/ 'phags pa dag 'di nyid du zas kyi bya ba mdzod cig /de rnams kyis zas kyi bya ba byas nas bsod snyoms sngar rnyed pa khyer nas gtsug lag khang du song ste/ de rnams kyis mu ge'i skyon gyis de yang bza' bar 'dod na 'on kyang 'gyod pas ma zos pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de'i phyir rjes su gnang ste/ mu ge'i sdug bsngal dgon pa 'di lta bur 'dod na sngar blangs zin to snyam du soms la sngar rnyed pa yang bza' bar bya ste/ 'di la 'gyod par mi bya'o/ /gleng gzhi ni mnyan yod na'o/ /mu ge dang bcas pa'i dus byung nas bram ze dang khyim bdag dad pa can rnams kyis dge slong rnams khyim gyi nang du zas la 'gron du bos nas de rnams kyis zos pa dang bca' ba las lhag ma zhig lus so/ /bram ze dang khyim bdag rnams kyis smras pa/ 'phags pa dag khyed kyi ched du sta gon bgyis pa lags kyis snoms te bzhud la phyis gsol cig /de rnams kyis khyer te dong ngo / /dong nas de yang za bar 'dod na 'gyod pas ma zos pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de'i phyir rjes su gnang ste/ mu ge'i sdug bsngal dgon pa 'di lta bur 'di dag ni byin pa yin no snyam du bsams nas bza' bar bya ste/ 'di la 'gyod par mi bya'o/ /gleng gzhi ni mnyan yod na'o/ /mu ge dang bcas pa'i dus byung ba na bram ze dang khyim bdag dad pa can rnams kyis dge slong rnams zas la 'gron du bos te de rnams kyis zos nas bca' ba la sogs pa cung zad cig lhag ste/ dge slong rnams dong ba dang bram ze dang khyim bdag rnams kyis smras pa/ 'di ni bdag cag gis 'phags pa dag kho na la yongs su btang ba lags te/ 'tshal te mchis la khyod kho na la dbul lo zhes de rnams kyis khyer te 'ongs pa dang / dge slong rnams de la za bar 'dod na 'gyod pas ma zos pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de'i phyir rjes su gnang ste/ mu ge'i dgon pa sdug bsngal 'di lta bur sngar yongs su btang ba'o snyam du bsams nas bza' bar bya ste/ 'di la 'gyod par mi bya'o/ /gleng gzhi ni mnyan yod na'o/ /bram ze dang khyim bdag dad pa can rnams kyis nub phyogs kyi tshal na yod pa'i 'bras bu rnams grub nas de rnams kyis bsams pa/ 'di dag ni rnyed dka' ba yin pas 'phags pa rnams la 'bul lo zhes de dag gis dge slong rnams zas zos nas spang ba byas pa rnams la de dag byin pa dang / dge slong rnams kyis spang ba byas zin no zhes 'gyod pas ma zos pa dang / bram ze dang khyim bdag dad pa can rnams kyis smras pa/ 'phags pa dag gang gi tshe bcom ldan 'das 'jig rten du ma byung ba de'i tshe mu stegs can rnams la yon gnas bgyid pa las/ da ni bcom ldan 'das 'jig rten du byung nas khyed rnams kyang da ni yon gnas su gyur pa lags na/ gal te khyed kyis ma bzhes na ci bdag cag gi dge ba'i shul rgyags dang bral te 'jig rten 'di nas 'jig rten pha rol du mchi bar bgyi 'am/ de lta bas na thugs brtse bas bzhes shig pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de'i phyir rjes su gnang ste/ rnyed par dka' ba yin no snyam nas bza' bar bya ste/ 'di la 'gyod par mi bya'o/ /de la tshal na yod pa'i 'bras bu ni 'di dag yin te/ rgun 'brum dang / bal po se'u dang / 'bra go dang / sta rga dang / yon tshe dang / shing tog u ra ma na dang / shing tog u ru ma yi ka dang / shing tog ni ko tsa dang / shing tog ba b+hu dang / shing tog sin tsi ka'o/ /gleng gzhi ni mnyan yod na'o/ /bram ze dang khyim bdag dad pa can rnams kyis dge slong rnams zas zos zin pa dang / chu nas skyes pa dag phul ba dang / dge slong rnams 'dod kyang spang ba byas zin to zhes 'gyod pas ma zos pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ rnyed par dka' ba yin no snyam du bsams nas bza' bar bya ste/ de la 'gyod par mi bya'o/ /de la chu nas skyes pa ni 'di dag yin te/ ud pa la'i rtsa ba dang / pad ma'i rtsa ba dang / ku mu da'i sa bon dang / pad ma'i sa bon no/ /gleng gzhi ni mnyan yod na'o/ /tshe dang ldan pa shA ri'i bu khams ma snyoms pas khrag dang bad kan 'khrugs par gyur to/ /de'i rim gro byed pa tshe dang ldan pa maud gal gyi bu chen pos bsams pa/ bdag rang gi blos ni tshe dang ldan pa shA ri'i bu la lan mang du rim gro byas kyi lan 'ga' yang sman pa la ma dris kyis/ ma la bdag gis dri'o snyam nas des sman pa la dris pa/ bzhin bzangs tshe dang ldan pa shA ri'i bu khrag dang bad kan 'khrugs par gyur na de'i sman ston cig /des smras pa 'phags pa pad ma'i rtsa ba'i 'o ma stsol cig dang sos par 'gyur ro/ /tshe dang ldan pa maud gal gyi bu chen pos bsams pa/ gal te bdag gis tshe dang ldan pa shA ri'i bu la pad ma'i rtsa ba phal pa'i 'o mas rim gro bya ba ni bdag gi cha ma yin no snyam du bsams nas ji ltar sems mnyam par bzhag pas mnyan yod nas mi snang bar gyur te/ dal gyis 'bab ces bya ba'i 'gram du phyin par 'gyur ba de lta bu'i ting nge 'dzin la snyoms par zhugs pa dang / klu'i rgyal po rab brtan gyi gnas dang nye bar gyur pa dang / de nas klu'i rgyal po rab brtan gyis mthong nas smras pa/ 'phags pa dgos pa ci zhig gi phyir byon/ des smras pa/ tshe dang ldan pa shA ri'i bu khrag dang bad kan 'khrugs nas de la sman pas pad ma'i rtsa ba'i 'o ma bstan to/ / klu'i rgyal po rab brtan gyis smras pa/ 'phags pa gal te de ltar na re shig gzhes shig /de dal gyis 'bab kyi nang du zhugs nas mi'i tshad tsam gyi pad ma'i rtsa ba dag bton cing pad ma'i rtsa ba'i 'o ma pad ma'i 'dab ma'i skyo rar gzar nas tshe dang ldan pa maud gal gyi bu chen po'i lhung bzed bkang ngo / /tshe dang ldan pa maud gal gyi bu chen pos pad ma'i rtsa ba gshegs pa la lta bar brtsams pa dang de nas klu'i rgyal po rab brtan gyis smras pa/ 'phags pa ci gzigs pad ma'i rtsa ba dag gsol bar bzhed dam/ de cang mi smra bar 'dug pa dang smras pa/ 'phags pa bzhud cig dang bskur ro/ /de nas tshe dang ldan pa maud gal gyi bu chen pos pad ma'i rtsa ba'i 'o mas lhung bzed bkang ba khyer nas dal gyis 'bab kyi 'gram nas mi snang bar byas te mnyan yod kyi rgyal bu rgyal byed kyi tshal mgon med zas sbyin gyi kun dga' ra bar phyin to/ /de nas tshe dang ldan pa shA ri'i bus sman pas bstan pa bzhin pad ma'i rtsa ba'i 'o ma 'thungs pas sos par gyur to/ /klu'i rgyal po rab brtan gyis kyang glang po che nag po'i cha byad 'chang la pad ma'i rtsa ba khur cig bkur nas mnyan yod kyi rgyal bu rgyal byed kyi tshal du song la gtsug lag khang gi khyams kyi mdun du zhog la shog shig /de rlung gi shugs ltar mgyogs pa'i mthus mnyan yod kyi rgyal bu rgyal byed kyi tshal gyi gtsug lag khang du 'ongs nas pad ma'i rtsa ba rnams khyams kyi mdun du bzhag nas slar log pa las lam gyi phyed na tshal gyi bal glang mo zhig yod pa dang lhan cig 'dus par gyur to/ /dus gzhan zhig na bal glang mo de las bal glang phrug gu gcig 'brangs te 'brangs pa'i mod la seng ge'i sgra 'byin to/ /de nas bal glang mo de skrag pas gcin rtug shor nas bal glang phrug gu bor te bros so/ /de nas rgyal po'i khab na gnas pa'i shing mkhan zhig shing gi ched du tshal du song ba las bal glang phrug gu de mthong nas khyim du blangs te bsnun gsos bskyed de/ nor gyis bskyangs pas ming nor skyong nor skyong zhes bya bar grags so/ /kha cig ni rgyal po gsal rgyal gyis rgyal po gzugs can snying po la nor skyong skyes su bskur ba la/ de mnyan yod kyi yul na gnas pa'i skye bos nor gyis bskyangs pas na nor skyong zhes 'don to/ /pad ma'i rtsa ba kha cig ni tshe dang ldan pa maud gal gyi bu chen pos zos/ kha cig ni tshe dang ldan pa shA ri'i bus/ kha cig ni dge 'dun la brims pa las 'on kyang lhag par gyur to/ /de nas dge slong rnams kyis spang bar byas nas kyang za bar 'dod na bdag cag gis spang bar byas so zhes ma zos pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag mi rnams kyis lha'i pad ma'i rtsa ba rnyed par dka' bas de'i phyir rjes su gnang ngo / /pad ma'i rtsa ba rnyed par dka' ba yin no snyam du bsams nas bza' bar bya ste/ de la 'gyod par mi bya'o/ /gleng gzhi ni mnyan yod na'o/ /de'i tshe grong khyer bzang byed na bsod nams chen por shes par bya ba drug gnas te/ khyim bdag lug ces bya ba dang / lug gi chung ma dang / lug gi bu dang / lug gi mna' ma dang / lug gi bran pho dang / lug gi bran mo'o/ /khyim bdag lug bsod nams che bar ji ltar shes she na/ gal te bang mdzod stong pa rnams la bltas na mthong ma thag kho nar dgang bar 'gyur te/ de ltar na khyim bdag lug bsod nams che bar shes so/ /lug gi chung ma ji lta bu zhe na/ des gcig gi don du snod du btsos pa ni brgya stong gi bza' ba 'byung ste/ lug gi chung ma ni de lta bu yin no/ /lug gi bu ji lta bu zhe na/ de'i rked pa las lnga brgya pa'i snod btags te 'dug la/ des gang gi tshe brgya 'am stong yongs su btang ba de'i tshe de bzhin du gang bar 'dug ste/ yongs su zad par mi 'gyur te/ lug gi bu ni de lta bu yin no/ /lug gi mna' ma ji lta bu zhe na/ des gcig gi don du dri sbyar na brgya stong khyed par 'gyur te/ lug gi mna' ma ni de lta bu yin no/ /lug gi bran pho ji lta bu zhe na/ des gang gi tshe zhing la rol gcig rmos pa de'i tshe zhing la rol bdun rmos par 'gyur te/ lug gi bran pho ni de lta bu yin no/ /lug gi bran mo ni ji ltar bsod nams che bar shes she na/ de gang gi tshe 'bras gtun gang tsam drus pa de'i tshe bdun tsam du skyes par 'gyur te/ de ltar na lug gi bran mo bsod nams che ba yin no/ /de nas bcom ldan 'das kyis khyim bdag lug gdul ba'i dus mkhyen nas/ tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag de bzhin gshegs pa ni ljongs rgyu zhing grong khyer bzang byed du gshegs kyis/ khyed cag las gang zhig de bzhin gshegs pa dang thabs gcig tu ljongs rgyu zhing grong khyer bzang byed du 'dong bar spro ba de ni chos gos rnams long shig ces sgo shig /btsun pa bka' bzhin 'tshal zhes nas tshe dang ldan pa kun dga' bos/ bcom ldan 'das kyi ltar mnyan nas dge slong rnams la smras pa/ tshe dang ldan pa dag bcom ldan 'das ljongs rgyu zhing grong khyer bzang byed du gshegs kyis/ khyed cag las gang zhig de bzhin gshegs pa dang thabs gcig tu ljongs rgyu zhing grong khyer bzang byed du 'dong bar spro ba de ni chos gos rnams long shig /tshe dang ldan pa bka' bzhin 'tshal zhes dge slong de rnams kyis tshe dang ldan pa kun dga' bo las mnyan to/ /de nas bcom ldan 'das dul ba/ 'khor dul ba/ zhi ba/ 'khor zhi ba/ dgra bcom pa/ 'khor dgra bcom pa dang ljongs rgyu zhing grong khyer bzang byed du gshegs so/ /gang gi tshe bcom ldan 'das kyis mnyan yod du cho 'phrul chen po bstan pa de'i tshe mu stegs can rnams mtha' 'khob tu dong ba las de nas kha cig grong khyer bzang byed du dong nas gnas pa de rnams kyis dge sbyong gau ta ma 'ong ngo zhes thos so/ /thos nas kyang rod rod por gyur nas bdag cag sngon ni dge sbyong gau ta mas yul dbus nas spyugs so/ /de gal te 'dir 'ongs na gdon mi za bar bdag cag 'di nas kyang spyugs par 'gyur gyis de la thabs shig bsham par bya'o snyam mo/ /de rnams rigs kyi khyim dag tu dong nas smras pa/ chos thob par gyur cig /chos thob par gyur cig /'phags pa dag de ci lags shes ldan dag bltas zin gyis 'gro'o/ /ci'i slad du re shig khyed cag gi 'byor pa phun sum tshogs pa ni kho bo cag gis mthong gis ji srid rgud pa ma mthong ba de'i bar du 'dong ngo / /'phags pa dag bdag cag la rgud pa ci zhig 'byung bar 'gyur lags/ shes ldan dag dge sbyong gau ta ma spu gri'i ser ba 'bebs shing du ma zhig bu med pa dang / khyim thab med par byed cing 'ong ngo / /'phags pa dag gal te de lta na gang gi dus kho nar gzhes par bgyi ba de kho na'i dus su bdag cag spang bar bgyi 'am/ bzhugs shig ma bzhud cig /de rnams kyis smras pa/ bdag cag ci ste 'dug khyed cag kho bo cag gi nyan du mi btub bo/ /'phags pa dag gsungs shig mnyan par bgyi'o/ /de rnams kyis smras pa/ shes ldan dag grong khyer bzang byed kyi nye 'khor gyi skye bo'i tshogs thams cad gnas nas phyung la grong khyer bzang byed kyi nang du tshud cig rtswa sngon po rnams rngos shig /'dug gnas rnams ni shig cig /me tog dang 'bras bu'i shing rnams ni chod cig /chu rnams ni dug lhugs shig /de rnams kyis smras pa/ 'phags pa dag bzhugs shig dang thams cad bgyi'o/ /de nas de rnams kyis grong khyer bzang byed kyi nye 'khor gyi skye bo'i tshogs thams cad gnas nas bton nas grong khyer bzang byed kyi nang du btsud de/ rtswa sngon po rnams ni brngas/ 'dug gnas rnams ni bshig /me tog dang 'bras bu'i shing ni bcad/ chu rnams ni dug blugs so/ /de nas lha rnams kyi dbang po brgya byin gyis bsams pa/ bcom ldan 'das la bkur sti ma yin pa byed pa yal bar dor ba ni bdag gi cha ma yin te/ 'di ltar bcom ldan 'das kyis bskal pa grangs med pa gsum du dka' ba brgya stong du mas pha rol tu phyin pa drug yongs su rdzogs par mdzad pas bla na med pa'i ye shes brnyes pa'i bcom ldan 'das de 'jig rten thams cad med pa'i yul stong rgyu zhing gshegs par bya 'am/ ma la bdag gis bcom ldan 'das nyan thos kyi dge 'dun dang thabs gcig tu bde ba la reg par bya ba'i phyir 'bad par bya'o snyam nas des rlung gtong ba'i lha'i bu la bsgo ba/ song la chu dug can rnams skoms shig /char 'bebs pa'i lha'i bu la bsgo ba/ 'di rnams kyis bskams pa dang / khyod kyis chu yan lag brgyad dang ldan pas khong shig /rgyal chen bzhi'i ris kyi lha rnams la yang bsko ba/ khyed kyis grong khyer bzang byed kyi nye 'khor du gnas thob shig /de nas rlung gtong ba'i lha'i bus ni chu dug can rnams bskams so/ /char 'bebs pa'i lha'i bus ni der yang chu yan lag brgyad dang ldan pas bkang ngo / /rgyal chen bzhi'i ris kyi lha rnams kyis kyang grong khyer bzang byed kyi nye 'khor du gnas btab nas ljongs rnams 'byor cing rgyas par gyur to/ /mu stegs can rnams kyis grong khyer na gnas pa'i skye bo'i tshogs rnams bsogs nas de rnams kyis rtog chen dag mngags te ljongs rnams ci 'dra ltos shig /de rnams dong ba las ljongs rnams lhag par yang 'byor cing rgyas par gyur pa mthong nas slar 'ongs te smras pa/ shes ldan dag ljongs rnams 'di lta bur 'byor cing rgyas pa ni sngon lan 'ga' yang bdag cag gis ma mthong ngo / /mu stegs can rnams kyis smras pa/ shes ldan dag khyed kyis mthong ngam/ re shig gang zhig sems med pa'i dngos po rnams kyang sgyur bar byed pa des/ khyed cag sgyur bar mi byed pa de lta srid re skan/ khyed cag rnam pa thams cad du bltas zin te/ blta ba'i tha ma byas nas 'gro'o/ /de rnams kyis smras pa/ 'phags pa dag bzhugs shig /khyed cag la dge sbyong gau ta mas ci zhig bgyir mchis/ de yang rab tu byung ba lags la/ khyed kyang rab tu byung ba slong zhing 'tsho ba lags na/ ci des khyed cag gi slong ba bkag par 'gyur snyam 'am/ mu stegs can rnams kyis smras pa/ dam zhig bcas te gal te khyed cag sus kyang dge sbyong gau ta ma la blta bar 'gro bar mi bya zhing gang zhig 'gro ba de la chad par kar Sha pA Na drug bcus gcad par khrims 'cha' na 'dug go/ /de rnams kyis kyang khas blangs nas khrims su bcas so/ /de nas bcom ldan 'das ljongs rgyu zhing gshegs te rim gyis grong khyer bzang byed du gshegs nas bzang byed kyi lho phyogs kyi gnas shig na bzhugs so/ /de'i tshe ser skya'i gzhi'i bram ze'i bu mo grong khyer bzang byed du bag mar btang ba de ra ba'i kha na 'dug pas bcom ldan 'das mun khung na bzhugs pa mthong nas des bsams pa/ bcom ldan 'das shAkya'i rigs dga' bar mdzad pa/ shAkya'i rigs kyi rgyal po spangs nas rab tu byung ba de ni 'di yin te/ gal te 'di la them skas shig yod par gyur na bdag mar me thogs la 'babs pa zhig /de nas bcom ldan 'das kyis de'i bsam pa thugs su chud nas them skas zhig sprul to/ /de nas de snying dga' ba dang mgu ba dang / rab tu dga' bas mar me thogs te them skas las babs nas bcom ldan 'das gang na ba der song ste phyin pa dang / bcom ldan 'das kyi spyan sngar mar me bzhag nas zhabs gnyis la mgo bos phyag byas te chos mnyan pa'i phyir 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin mkhyen nas de dang 'thun pa'i 'phags pa'i bden pa bzhi so sor rtogs par 'gyur ba'i chos bshad pa mdzad do zhes bya ba nas/ skyabs su mchi bar mngon par dad lags so zhes bya ba'i bar gong ma bzhin du'o/ /de nas bcom ldan 'das kyis bu mo de la 'di skad ces bka' stsal to/ /bu mo khyod tshur khyim bdag lug gang na ba der song la phyin pa dang de la nga na re nad med par gyur cig ces smros la 'di skad ces kyang smros shig /khyim bdag khyod kyi ched kho nar nga 'dir 'ongs na khyod sgo bcad nas 'dug pas glo bur ba la ji ltar khyod byed pa de lta bur bya ba de ci ga rigs sam/ gal te tshogs kyis khrims su bca' ba byas so zhes smras pa dang / khyod kyi bu'i rked pa la lnga brgya pa'i snod btags te 'dug pa des gal te brgya 'am stong 'ged par btang na yang gang ba nyid du 'dug cing yongs su zad par mi 'gyur na khyod kar Sha pA Na drug bcu byin nas 'ong mi nus sam zhes smros shig /btsun pa bka' bzhin 'tshal zhes bu mo des bcom ldan 'das kyi ltar mnyan nas chas pa dang / bcom ldan 'das kyis ji ltar sus kyang mi tshor ba de ltar byin gyis brlabs nas khyim bdag lug gi gan du song ste phyin pa dang smras pa/ khyim bdag bcom ldan 'das khyod la nad med par gyur cig ces gsung ngo / /des smras pa/ bu mo sangs rgyas bcom ldan 'das la phyag 'tshal lo/ /khyim bdag bcom ldan 'das kyis bka' stsal pa/ khyod kho na'i ched du nga 'dir gshegs na khyod sgo bcad nas 'dug pa glo bur ba la ji ltar khyod byed pa de lta bur bya ba ci ga rigs sam/ des smras pa/ bu mo tshogs kyis khrims su bca' ba sus kyang dge sbyong gau ta ma la blta bar bya ba'i phyir 'gro bar mi bya'o/ /gang zhig 'gro na de tshogs kyis kAr ShA pa Na drug bcu'i chad pas gcad do zhes dam bcas so/ /khyim bdag bcom ldan 'das kyis bka' stsal pa/ khyod kyi bu'i rked pa la lnga brgya pa'i snod btags te 'dug pa des gal te brgya 'am stong 'ged par btang na yang gang ba kho nar 'gyur zhing yongs su zad par mi 'gyur na kAr ShA pa Na drug bcu byin nas khyod 'ong bar mi nus sam zhes gsung ngo / /des bsams pa/ 'di ni sus kyang mi shes na bcom ldan 'das de ni thams cad mkhyen pa yin pas 'gro'o snyam nas/ des kAr ShA pa Na drug bcu sgor bzhag nas bram ze'i bu mos bstan pa'i them skas las babs te/ bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te/ bcom ldan 'das kyi spyan sngar chos mnyan pa'i phyir 'dug go/ /de nas bcom ldan 'das kyis khyim bdag lug gi bsam pa dang / bag la nyal dang / khams dang / rang bzhin mkhyen nas 'phags pa'i bden pa bzhi so sor rtogs par 'gyur ba de lta bu'i chos bshad pa mdzad de/ khyim bdag lug gis de thos nas zhes bya ba nas rgyun du zhugs pa'i 'bras bu mngon sum du byas so zhes bya ba'i bar gong ma bzhin no/ /des bden pa mthong nas gsol pa/ bcom ldan 'das bzang byed na gnas pa'i skye bo'i tshogs 'di dag gis kyang ci ga 'di lta bu'i chos rnam pa sna tshogs 'thob par 'gyur lags sam/ bcom ldan 'das kyis bka' stsal pa/ khyim bdag khyod las brten nas phal cher kun gyis 'thob pa kho nar 'gyur ro/ /de nas khyim bdag lug gis bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ste/ de khyim du phyin nas grong khyer gyi nang du kAr ShA pa Na'i phung po bcer te tshigs su bcad pas smras pa/ gang zhig rgyal ba 'dod chags skyon bcom rtsod med pa/ /mtshungs pa med pa gser gyi mdog can lta 'dod pa/ /de ni 'jigs med snying gis shin tu nges byos la/ /myur du dengs shig de yi nor ni kho bos gzhal/ /skye bo'i tshogs kyis smras pa/ khyim bdag dge sbyong gau ta ma mthong na dge bar 'gyur ram/ des smras pa/ dge bar 'gyur ro/ /de rnams kyis smras pa/ gal te de lta bas na tshogs kho nas khrims su bcas pa tshogs kho nas bshig tu zad mod/ 'di la 'gal ba ci zhig yod de rnams kyis khrims su bcas pa bshig nas 'byung bar brtsams so/ /de nas phan tshun sdos pas 'byung bar ma nus pa dang gnod sbyin lag na rdo rjes 'dul ba'i skye bo la snying brtse ba'i phyir rdo rje 'phangs pas ra ba dral nas srog chags brgya stong phrag du ma kha cig ni ya mtshan skyes/ kha cig ni sngon gyi dge ba'i rtsa bas yang dag par bskul nas byung ngo / /de nas skye bo'i tshogs chen po 'dus pas bcom ldan 'das kyi nye 'khor dpag tshad gcig tshun chad 'khor bar 'dug go/ / de nas bcom ldan 'das kyis 'khor de rnams zil gyis mnan te dge slong gi dge 'dun gyi gung la gdan bshams pa nyid la bzhugs nas sems can du ma dag gi rgyud la dge ba'i rtsa ba bskyed par byed pa'i chos bshad pa mdzad de/ de thos nas kha cig gis ni rgyun tu zhugs pa'i 'bras bu mngon du byas so zhes bya ba nas/ kha cig ni skyabs su 'gro ba dang bslab pa'i gzhi rnams blangs so zhes bya ba'i bar gong ma bzhin du'o// // 'dul ba gzhi/ bam po lnga bcu brgyad pa/ bcom ldan 'das kyis yun ring po zhig tu chos bshad pas gdugs tshod kyi dus las yol bar gyur to/ /khyim bdag lug gis gsol pa/ bcom ldan 'das zhal zas kyi mdzad pa mdzad du gsol/ bcom ldan 'das kyis bka' stsal pa/ khyim bdag zas kyi dus las yol bar gyur to/ /des gsol pa/ bcom ldan 'das dus ma lags par rung ba ci lags/ bcom ldan 'das kyis bka' stsal pa/ mar dang / bu ram dang / hwags dang / sha khar dang / btung ba dag go/ /de nas khyim bdag lug gis g.yos mkhan dag bkug ste smras pa/ shes ldan dag dus ma yin pa'i bca' ba rnams myur du sta gon gyis shig /de rnams kyis dus ma yin pa'i bca' ba rnams sta gon byas so/ /de nas khyim bdag lug gis sangs rgyas la sogs pa dge slong gi dge 'dun la dus ma yin pa'i bca' ba dang / dus ma yin pa'i btung ba rnams kyis tshim par byas so/ /de nas bcom ldan 'das kyis khyim bdag lug 'khor dang bcas pa yang bden pa rnams la so sor bkod/ ri 'or na gnas pa'i skye bo'i tshogs de yang skal ba ji lta ba bzhin du btul te gshegs pa na khyim bdag lug gis gsol pa/ bcom ldan 'das shul gyi snyun rgyags kyi zong kar Sha pA Na dag bzhes shig /bcom ldan 'das kyis bka' stsal pa/ blang bar bya'o/ /bcom ldan 'das kyis kar Sha pA Na blang bar bya'o zhes bka' stsal pa dang / dge slong rnams kyis su zhig gis blang bar bya ba ma shes nas bcom ldan 'das kyis bka' stsal pa/ rung ba byed pas so/ /rung ba byed pa med nas bcom ldan 'das kyis bka' stsal pa/ dge tshul gyis so/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa bcom ldan 'das kyis dge tshul gyi bslab pa'i gzhi bcu par gser dngul len par gsungs la/ bcom ldan 'das kyis dge tshul gyis blang bar bya'o zhes gsungs pa de ji lta bu lags/ bcom ldan 'das kyis bka' stsal pa/ nye ba 'khor ngas 'chang bar byed pa las dgongs te gsungs kyis mi blang ba ni ma yin te/ de bas na dge tshul gyis blang bar bya'i blangs nas bdag gir ni mi bya'o/ /khyim bdag lug gis gsol pa/ bcom ldan 'das bu ram dag bzhes shig /bcom ldan 'das kyis bka' stsal pa/ blang bar bya'o/ /dge slong rnams kyis su zhig gis ji ltar blang bar bya ba ma shes nas/ bcom ldan 'das kyis bka' stsal pa/ khyim pa 'am dge tshul med na/ dge slong gis zhag bdun par byin gyis brlabs nas rang nyid kyis bkur bar bya'o/ /dge slong dag gis ji ltar byin gyis brlab par bya ba ma shes nas/ bcom ldan 'das kyis bka' stsal pa/ lag pa gnyis bkrus nas byin len byas te lag pa g.yon pa'i steng du bzhag la lag pa g.yas pas bkab nas dge slong gi mdun du 'dug nas tshe dang ldan pa dgongs su gsol/ bdag ming 'di zhes bgyi ba'i sman 'di bdag dang tshangs pa mtshungs par spyod pa rnams kyi phyir zhag bdun par byin gyis brlab bo zhes de skad lan gnyis lan gsum du brjod par bya'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa bcom ldan 'das kyis bu ram zhag bdun par byin gyis brlab par bya'o zhes gang gsungs pa su zhig gis 'tshal bar bgyi lags/ nye ba 'khor gang zag lnga rnams kyis te/ lam du zhugs pa dang smyung ba byas pa dang / nad pa dang / dge skos dang / lag gi blas so/ /dge slong ljongs rgyur chas pa rnams kyis 'bras dang phye dag gi nang du bu ram bcug pa las lam gyis ngal nas bza' bar 'dod na 'gyod pas ma zos pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag zas de zas kyi bya ba byed mi nus pas 'bras dag gi nang du bcug pa gang yin pa de sprugs nas bza' bar bya'o/ /phye rnams kyi gang yin pa de ni chus bkrus nas bza' bar bya'o/ /kha cig zhu bar gyur pa de bkrur ma rung ste zas dang bcas pa nyid du gyur nas bcom ldan 'das kyis bka' stsal pa/ smyug ma'i tshal pas bzhar la chus bkru bar bya'o/ /'on kyang zas med par bya ma nus nas/ bcom ldan 'das kyis bka' stsal pa/ legs par bsal te/ chu'i nang du mnyes la btung bar byas nas de tshags kyis btsags la btung bar bya ste/ de la 'gyod par mi bya'o/ /dge slong rnams the tshom skyes nas the tshom thams cad gcod pa/ sangs rgyas bcom ldan 'das la zhus pa/ btsun pa khyim bdag lug dang / lug gi mchis 'brang dang / lug gi bu dang / lug gi mna' ma dang / lug gi bran pho dang / lug gi bran mos las ci zhig bgyis na/ des na de drug bsod nams chen por gyur cing / bcom ldan 'das kyi spyan sngar bden pa mthong nas 'di dag gis bcom ldan 'das mnyes par bgyis kyi ma mnyes par ni ma lags/ bcom ldan 'das kyis bka' stsal pa/ dge slong dag 'di dag nyid kyis las rnams byas shing bsags pa tshogs rnyed pa zhes bya ba nas 'bras bu dag tu 'gyur ba nyid ces bya ba'i bar gong ma bzhin du'o/ /dge slong dag sngon byung ba bA rA Na sI'i grong khyer du rgyal po tshangs pas byin zhes bya ba rgyal srid byed du 'jug go/ /de'i tshe bA rA Na sI'i grong khyer du ltas mkhan rnams kyis lo bcu gnyis su char mi 'bab pas thur mas 'tsho ba'i mu ge chen po 'byung bar 'gyur ro zhes lung bstan to/ /mu ge rnam pa gsum ni za ma tog dang / rus gong dkar po dang / thur mas 'tsho ba'o/ /de la za ma tog ces bya ba ni za ma tog de'i nang du mi rnams kyis 'bru dag blugs te ma 'ongs pa'i sems can rnams kyi ched du bzhag nas bdag cag shi nas 'bru 'dis mi de dag gi bya ba byed par 'gyur ro snyam pa ste/ 'di ni za ma tog dang 'brel bas za ma tog ces bya'o/ /rus gong dkar po gang zhe na/ dus de na mi rnams kyi rus pa dag bsdus nas re shig btsos te/ ji tsam na rus pa de dkar por gyur pa dang / de nas de'i khu ba 'thung ba ste/ 'di ni rus gong dkar po dang 'brel bas rus gong dkar po zhes bya'o/ /thur mas 'tsho ba gang zhe na/ dus de na mi rnams kyis g.yul gyi ser ga nas 'bru'i 'brum bu dag thur mas brus nas chu mang po'i snod du btsos nas 'thung ba ste/ 'di ni thur ma dang 'brel bas thur mas 'tsho ba zhes bya'o/ /de nas rgyal po tshangs pas byin gyis bA rA Na sIr dril sgrogs su bcug pa/ bA rA Na sI na gnas pa'i shes ldan grong khyer pa dag nyon cig /ltas mkhan rnams kyis lo bcu gnyis su char mi 'bab pas za ma tog dang / rus gong dkar po dang / thur mas 'tsho ba'i mu ge 'byung bar lung bstan gyis/ khyed las gang dag lo bcu gnyis kyi bza' ba yod pa de rnams ni 'khod cig /gang dag la med pa de dag ni gar dga' bar deng la mu ge med cing lo legs par gyur nas slar gshegs shig /de'i tshe na bA rA Na sI na khyim bdag phyug cing nor mang ba/ longs spyod che ba/ 'khor yangs shing rgya che ba zhig yod de/ des mngan bkug ste smras pa/ kye nang rje kho bo 'khor dang bcas pa'i lo bcu gnyis kyi bza' ba yod dam/ des smras pa/ dpon po mchis so/ / de de nyid na gnas pa las mu ge de brgyud ma kho nar byung bas de'i bang mdzod rnams yongs su zad pas 'khor gyi skye bo thams cad shi bar gyur te bdag nyid dang drug cig lus so/ /de nas khyim bdag des bang mdzod rnams phyags pa las/ 'bras bre'u chung gang zhig byung nas/ de'i chung mas snod du blugs te btsos so/ /sangs rgyas rnams 'byung ba med pa na rang sangs rgyas zhes bya ba nas/ 'jig rten gyi yon gnas gcig pu dag 'jig rten du 'byung bar 'gyur ba zhes bya ba'i bar gong ma bzhin du'o/ /ji tsam na rang sangs rgyas zhig ljongs rgyu zhing song ba dang bA rA Na sIr phyin nas snga dro sham thabs bgos lhung bzed dang chos gos thogs te bA rA Na sIr bsod snyoms la zhugs pa na khyim bdag des kyang bza' ba bsdogs pa dang / rang sangs rgyas de yang rim bzhin du bsod snyoms la brgyus nas de'i khyim du phyin to/ /khyim bdag des de lus mdzes shing sems dang ba mthong ngo / / mthong nas kyang bsams pa/ 'di bdag gis zos kyang gdon mi za bar srog dang 'bral bar 'gyur gyis/ ma la bdag gi skal ba rab tu byung ba 'di la sbyin no snyam nas des chung ma la smras pa/ bzang mo kho bo'i skal ba ni rab tu byung ba 'di la dbul lo/ /des bsams pa/ bdag gi khyim thab mi za na bdag gis ci ste bza' snyam nas des smras pa/ rje'i sras bdag gi skal ba yang 'di la dbul lo/ /de bzhin du bu dang / mna' ma dang / bran pho dang / bran mos kyang dpyad nas rang rang gi skal ba yongs su btang ste/ de nas de thams cad 'dus nas rang sangs rgyas la bsod snyoms phul lo/ /bdag nyid chen po de dag ni lus kyis chos ston gyi tshig gis ni ma yin pas des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ / so so'i skye bo dag ni rdzu 'phrul la myur du sems gtod pa yin pas shing rtsa ba nas bcad de 'gyel ba bzhin du rkang pa gnyis la gtugs nas smon lam ci 'dod pa gdab par rtsom ste/ khyim bdag gis smon lam btab pa/ bdag gis yon gnas dam pa 'di lta bu la bya ba byas pa'i dge ba'i rtsa ba gang yin pa 'dis bdag gis gal te bang ba dang mdzod stong pa dag la bltas na mthong ba de'i mod la gang bar gyur cig /'di lta bu'i chos rnams kyang thob nas 'di bas khyad par du 'phags pa'i ston pa rnams mnyes par bgyid cing mi mnyes par mi bgyid par gyur cig /chung mas smon lam btab pa/ bdag gis yon gnas dam pa 'di lta bu la bya ba byas pa'i dge ba'i rtsa ba gang yin pa 'dis bdag gis gal te gcig cig gi don du snod du btsos pa de brgya 'am stong gis zos kyang ji srid bdag gis sbyor ba ma btang ba'i bar du yongs su zad par mi 'gyur zhing 'di lta bu'i chos rnams kyang thob nas 'di bas khyad par du 'phags pa'i ston pa rnams mnyes par bgyid cing mi mnyes par mi bgyid par gyur cig /bus smon lam btab pa/ bdag gis yon gnas dam pa 'di lta bu la bya ba byas pa'i dge ba'i rtsa ba gang yin pa 'dis bdag gi rked pa la lnga brgya pa'i snod btags te 'dug pa gal te brgya 'am stong 'god par btang yang gang ba nyid du 'dug ste yongs su zad par mi 'gyur zhing / 'di lta bu'i chos rnams kyang thob nas 'di bas khyad par du 'phags pa'i ston pa rnams mnyes par bgyid cing mi mnyes par mi bgyid par gyur cig / mna' mas smon lam btab pa/ bdag gis yon gnas dam pa 'di lta bu la bya ba byas pa'i dge ba'i rtsa ba gang yin pa 'dis/ bdag gis gal te gcig gi phyir dri rnams sbyar na des brgya 'am stong byugs kyang ji srid sbyor ba ma btang gi bar du zad par mi 'gyur zhing / 'di lta bu'i chos rnams kyang thob nas 'di bas khyad par du 'phags pa'i ston pa rnams mnyes par bgyid cing mi mnyes par mi bgyid par gyur cig /bran phos smon lam btab pa/ bdag gis yon gnas dam pa 'di lta bu la bya ba byas pa'i dge ba'i rtsa ba gang yin pa 'dis bdag gis gal te zhing rol gcig rmos na rol bdun rmos par 'gyur zhing / 'di lta bu'i chos rnams kyang thob nas 'di bas khyad par du 'phags pa'i ston pa rnams mnyes par bgyid cing mi mnyes par mi bgyid par gyur cig /bran mos smon lam btab pa/ bdag gis yon gnas dam pa 'di lta bu la bya ba byas pa'i dge ba'i rtsa ba gang yin pa 'dis bdag gis gal te snod gang tsam drus pa gang yin pa des snod bdun tsam du 'phel bar 'gyur zhing / 'di lta bu'i chos rnams kyang thob nas 'di bas khyad par du 'phags pa'i ston pa rnams mnyes par bgyid cing mi mnyes par mi bgyid par gyur cig /de rnams kyis de lta bu'i smon lam btab nas rang sangs rgyas bdag nyid chen po de de rnams la snying brtse ba'i phyir rdzu 'phrul gyis chas pa dang ji tsam na rgyal po tshangs byin steng gi khang bzangs kyi gzhir song ste 'dug pa las/ rdzu 'phrul gyis song ba'i grib ma rgyal po tshangs sbyin gyi steng du babs nas/ des gyen du blta bar brtsams pa las rang sangs rgyas de mthong nas de 'di snyam du bdag nyid chen po 'di'i rdzu 'phrul gyi gshol chen pos yang su zhig gi bkren pa'i drungs phyung bar gyur snyam mo/ /de nas khyim bdag de re ba chen pos mdzod rnams la bltas pa dang / ji tsam na gang bar mthong ngo / /des chung ma la smras pa/ re shig kho bo'i smon lam ni rdzogs par gyur gyis da khyed cag gi blta'o/ /de nas bran mos 'bras snod gang tsam drus na bdun tsam du 'phel bar gyur to/ /chung mas gcig gi don du snod du btsos pa la de dag thams cad kyis zos kyang de kho na bzhin du 'dug /nye 'khor gyi srog chags stong phrag du mas zos kyang de kho na bzhin du 'dug go/ /de nas khyim bdag des bA rA Na sIr dril sgrogs su bcug pa/ shes ldan dag khyed cag las su zhig ci don du gnyer ba de shog shig /bA rA Na sIr sgra gsal ba dang sgra chen por byung ba rgyal pos thos nas des smras pa/ shes ldan dag sgra gsal ba dang / sgra chen po 'di ci zhig yin/ blon po rnams kyis smras pa/ lha khyim bdag che ge mo zhig ces bya bas mdzod dang bang ba rnams phye ba lags so/ /rgyal pos smras pa/ gang gi tshe 'jig rten thams cad shi zin pa de'i tshe khyim bdag des mdzod dang bang ba rnams phye 'am/ shes ldan dag khyim bdag de khug shig /de rnams kyis bkug pa dang / de nas rgyal pos smras pa/ khyim bdag gang gi tshe 'jig rten thams cad shi zin pa de'i tshe khyod kyis mdzod dang bang ba rnams phye 'am/ lha su'i mdzod dang bang ba rnams phye/ 'on kyang de ring kho nar sa bon stsal ba'i 'bras bu de nyid du grub lags so/ /rgyal pos smras pa/ de ji lta bu zhig /des skabs de rgyas par smras pa dang rgyal pos smras pa/ khyim bdag khyod kyis bdag nyid chen po de la bsod snyoms phul lam/ lha bdag gis phul lo/ /de yang lhag par dad par gyur nas/ tshigs su bcad pas smras pa/ kye ma'o yon tan las byung ba'i/ /skyon kun rnam par spangs pa'i zhing / /de la sa bon btab pa yi/ /'bras bu de nyid thob par gyur/ /dge slong dag ji snyam du sems/ khyim bdag dang / khyim bdag gi chung ma dang / khyim bdag gi bu dang / khyim bdag gi mna' ma dang / khyim bdag gi bran pho dang / khyim bdag gi bran mo gang yin pa de ni khyim bdag lug dang / lug gi chung ma dang / lug gi bu dang / lug gi mna' ma dang / lug gi bran pho dang / lug gi bran mo 'di dag nyid yin no/ /'di dag gis rang sangs rgyas la bya ba byas shing smon lam btab pa gang yin pa de'i las kyi rnam par smin pas drug char yang bsod nams chen por gyur cing nga'i spyan sngar bden pa mthong zhing / rang sangs rgyas bye ba brgya stong bas ches khyad par 'phags pa'i ston pa nga mnyes par byas kyi/ mi mnyes par ni ma yin no/ /dge slong dag de lta bas na/ las gcig tu gnag pa rnams kyi rnam par smin pa ni gcig tu gnag pa yin la/ gcig tu dkar ba rnams kyi ni gcig tu dkar ba yin pas zhes bya ba nas brtsal bar bya ste/ dge slong dag khyed kyis de lta bu la bslab par bya'o/ / zhes bya ba'i bar gong ma bzhin du'o// // sdom ni/ ke na'i bu yis btung ba blangs/ /ka shi'i tshong rdal nas thug dang / /sdig can du ni bca' ba dang / /'gyod dang sbyar ba'i zas dag go/ /bcom ldan 'das yul a du ma'i gnas na bzhugs so/ /de'i tshe drang srong ke na'i bu gnas ni yul a du ma na 'dug go/ /nyin par ni rdzing bu dal gyis 'bab kyi 'gram na gnas so/ /bcom ldan 'das kyis dgongs pa/ ngas gang du 'jig rten skyong ba bzhi rnams la chos bshad na der ngas tshegs chung ngus drang srong ke na'i bu thul bar 'gyur snyam pa dang / de nas bcom ldan 'das 'di snyam du dgongs te/ ma la ngas rdzing bu dal gyis 'bab kyi 'gram du bshad na der thul bar 'gyur ro snyam mo/ /de nas bcom ldan 'das kyis 'jig rten pa'i thugs bskyed de chos nyid kyis gang gi tshe sangs rgyas bcom ldan 'das rnams kyis 'jig rten pa'i thugs bskyed pa de'i tshe brgya byin dang tshangs pa la sogs te lha rnams kyis bcom ldan 'das kyi dgongs pa sems kyis shes par 'gyur bas rgyal po chen po rnam thos kyi bus bsams pa/ bcom ldan 'das kyis ci zhig gi phyir 'jig rten pa'i thugs bskyed pa mdzad pa bltas na/ bdag cag 'jig rten skyong ba bzhi rnams kho na la chos bshad par bzhed do snyam du rig nas/ gnod sbyin gyi sde dpon chen po lnga rtsen la bsgo ba lnga rtsen song la rdzing bu dal gyi 'bab kyi 'gram du bcom ldan 'das kyi gdan shoms te/ 'dus pa chen po 'dus pa na sus kyang de'i mdangs 'phrogs par mi 'gyur bar drang srong ke na'i bu'i srung ma gcig kyang skos shig /des rdzing bu dal gyis 'bab kyi 'gram du drang srong ke na'i bu'i srungs ma bzhag nas gnas shom par rtsom pa na de na skye bo'i tshogs chen po'i ca co'i sgra byung ba dang / de nas drang srong ke na'i bu ca co'i sgras langs nas srungs ma de la dris pa/ ca co'i sgra 'di ci zhig des smras pa/ gdan shom par byed pa'i 'o/ /ci kho bo'i phyir ram/ khyod kyi phyir ni ma yin mod kyi 'on kyang sangs rgyas bcom ldan 'das kyi phyir yin no/ khyod 'di na ci zhig la sdod/ khyod kho na srung ngo / /ci'i phyir 'byung po mang po 'du bar 'gyur bas so/ /des smras pa/ dge sbyong gau ta ma de su zhig gis srung bar byed par 'gyur des smras pa/ bcom ldan 'das de la su zhig srung / bcom ldan 'das de nyid ni 'jig rten lha dang bcas pa'i srung ma mdzad do zhes byas pa dang drang srong ke na'i bus thos nas cang mi smra'o/ /de nas bcom ldan 'das snga dro sham thabs mnabs lhung bzed dang chos gos bsnams nas a du mar bsod snyoms la zhugs te/ a du mar bsod snyoms spyad nas zas kyi bya ba mdzad de/ zas phyi ma'i bsod snyoms spangs nas ji ltar thugs mnyam par bzhag na dge slong gi dge 'dun dang thabs gcig tu a du ma nas mi snang bar gyur te/ rdzing bu dal gyis 'bab kyi 'gram du byon par 'gyur ba de lta bu'i ting nge 'dzin la snyoms par zhugs so/ / de nas bcom ldan 'das dge slong gi dge 'dun gyi gung la gdan bshams pa nyid la bzhugs so/ /de nas rgyal po chen po yul 'khor skyong dri za du ma'i 'khor dang / dri za brgya phrag du ma'i 'khor dang / dri za stong phrag du ma'i 'khor dang / dri za brgya stong phrag du ma'i 'khor dang / lha'i nor bus thu ba bkang ste/ bcom ldan 'das gang na ba der song nas phyin pa dang / bcom ldan 'das la lha'i nor bu rnams kyis gtor nas bcom ldan 'das kyi zhabs gnyis la mgo bos phyag byas te/ bcom ldan 'das dang dge slong gi dge 'dun la mdun gyis bltas nas shar phyogs su brten te 'dug go/ /rgyal bo chen po 'phags skyes po yang grul bum du ma'i 'khor dang / grul bum brgya phrag du ma'i 'khor dang / grul bum stong phrag du ma'i 'khor dang / grul bum brgya stong phrag du ma'i 'khor dang / lha'i mu tig gis thu ba bkang ste/ bcom ldan 'das gang na ba der song nas phyin pa dang / bcom ldan 'das la lha'i mu tig gis gtor nas/ bcom ldan 'das kyi zhabs gnyis la mgo bos phyag byas te/ bcom ldan 'das dang dge slong gi dge 'dun la mdun gyis bltas nas lho phyogs su brten te 'dug go/ / rgyal po chen po mig mi bzang yang klu du ma'i 'khor dang / klu brgya phrag du ma'i 'khor dang / klu stong phrag du ma'i 'khor dang / klu brgya stong phrag du ma'i 'khor dang lha'i me tog ut+pa la dang / pad ma dang / ku mu ta dang / pad ma dkar po dang / man dA ra ba rnams kyis thu ba bkang nas bcom ldan 'das gang na ba der song ste phyin pa dang / bcom ldan 'das la lha'i me tog ut+pa la dang / pad ma dang / ku mu da dang / pad ma dkar po dang / man dA ra ba rnams kyis gtor nas/ bcom ldan 'das kyi zhabs gnyis la mgo bos phyag byas te/ bcom ldan 'das dang dge slong gi dge 'dun la mdun gyis bltas nas nub phyogs su brten te 'dug go/ /rgyal po chen po rnam thos kyi bu yang gnod sbyin du ma'i 'khor dang / gnod sbyin brgya phrag du ma'i 'khor dang / gnod sbyin stong phrag du ma'i 'khor dang / gnod sbyin brgya stong phrag du ma'i 'khor dang / lha'i dbyig dang / gser gyis thu ba bkang ste/ bcom ldan 'das gang na ba der song nas phyin pa dang / bcom ldan 'das la lha'i dbyig dang / gser gyis gtor nas bcom ldan 'das kyi zhabs gnyis la mgo bos phyag byas te/ bcom ldan 'das dang dge slong gi dge 'dun la mdun gyis bltas nas byang phyogs su brten te 'dug go/ /de la dbus pa'i rigs ni gnyis te/ yul 'khor skyong dang / 'phags skyes po'o/ /mtha' 'khob pa'i rigs ni gnyis te/ mig mi bzang dang / rnam thos kyi bu'o/ /de nas bcom ldan 'das 'di snyam du dgongs te/ gal te ngas dbus pa'i tshig gis chos bshad na gnyis kho nas shes par 'gyur gyi gnyis kyis ni mi shes la/ gal te mtha' 'khob pa'i tshig gis bshad na gnyis kho nas shes par 'gyur gyi gnyis kyis ni mi shes pas ma la ngas gnyis la ni dbus pa'i tshig gis chos bshad do/ /gnyis la ni mtha' 'khob pa'i tshig gis chos bshad do snyam du dgongs nas rgyal po chen po yul 'khor skyong la bka' stsal pa/ rgyal po chen po 'di ltar lus zhig pa dang / tshor ba bsil bar gyur pa dang / 'du shes 'gags pa dang / 'du byed rnams nye bar zhi ba dang / rnam par shes pa nub par gyur pa de nyid sdug bsngal gyi mtha' yin no/ /chos kyi rnam grangs 'di bka' stsal pa na rgyal po chen po yul 'khor skyong dang / de dang skal ba mnyam pa'i dri za brgya stong phrag du ma chos rnams la chos kyi mig rdul med cing dri ma dang bral ba skyes so/ /de nas bcom ldan 'das kyis rgyal po chen po 'phags skyes po la bka' stsal pa/ rgyal po chen po de la khyod kyis mthong ba la mthong ba tsam dang / thos pa dang / rtogs pa dang / rnam par shes pa la rnam par shes pa tsam du gyis shig /chos kyi rnam grangs 'di bka' stsal pa na rgyal po chen po 'phags skyes po dang / de dang skal ba mnyam pa'i grul bum brgya stong phrag du ma chos rnams la chos kyi mig rdul med cing dri ma dang bral ba skyes so/ /de nas bcom ldan 'das kyis rgyal po chen po mig mi bzang la bka' stsal pa/ de ltar na rgyal po chen po e ne me ne/ dab be/ da Dab phe 'di nyid sdug bsngal gyi mtha' yin no/ /chos kyi rnam grangs 'di bka' stsal pa na rgyal po chen po mig mi bzang dang / de dang skal ba mnyam pa'i klu brgya stong phrag du ma chos rnams la chos kyi mig rdul med cing dri ma dang bral ba skyes so/ /de nas bcom ldan 'das kyis rgyal po chen po rnam thos kyi bu la bka' stsal pa/ de ltar na rgyal po chen po mA ShA/ tu ShA/ sang shA mA/ sarba tra bi rA DI 'di nyid sdug bsngal gyi mtha' yin no/ /chos kyi rnam grangs 'di bka' stsal pa na/ rgyal po chen po rnam thos kyi bu dang de dang skal ba mnyam pa'i gnod sbyin brgya stong phrag du ma chos rnams la chos kyi mig rdul med cing dri ma dang bral ba skyes so/ /bcom ldan 'das kyis dgongs pa/ da ni bdag yongs su mya ngan las 'da' ba'i dus la khad kyis nye na su la bstan pa gtad nas yongs su mya ngan 'da'/ gal te lha rnams la ni lha rnams bag med pa la dga' ba mang bas yun ring du gnas par mi 'gyur ro/ /'on te mi rnams la ni tshe thung ba yin pas de bzhin du yun ring du gnas par mi 'gyur gyi/ ma la ngas lha dang / mi rnams dang / dge slong 'od srung la gtad nas yongs su mya ngan las 'da'o snyam du dgongs nas rgyal po chen po yul 'khor skyong la bka' stsal pa/ rgyal po chen po khyod kyis nga yongs su mya ngan las 'das pa'i bstan pa shar phyogs nas bsrung ba byos shig /rgyal po chen po 'phags skyes po la bka' stsal pa/ rgyal po chen po khyod kyis kyang lho phyogs nas bsrung ba byos shig / rgyal po chen po mig mi bzang la bka' stsal pa/ rgyal po chen po khyod kyis kyang nub phyogs nas bsrung ba byos shig /rgyal po chen po rnam thos kyi bu la bka' stsal pa/ rgyal po chen po khyod kyis kyang byang phyogs nas bsrung bar byos shig /de nas rgyal po chen po bzhi rab tu dga' ba'i yid kyis bcom ldan 'das la 'di skad ces gsol to/ /bcom ldan 'das kyis bka' ji skad stsal pa de bzhin du bgyi'o/ /bcom ldan 'das bdag cag gis bsrung bar bgyi lags so zhes gsol nas/ bcom ldan 'das las bden pa mthong nas zhabs gnyis la mgo bos phyag byas te bcom ldan 'das kyi spyan snga nas dong ba dang / bcom ldan 'das kyis tshe dang ldan pa 'od srung chen po la bstan pa mtha' dag gi bya ba rnams gtad nas tshe dang ldan pa kun dga' po la yang bka' stsal pa/ kun dga' bo khyod kyis kyang bstan pa'i don gyi bya ba la brtson par gyis shig /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa rgyal po chen po bzhi rnams kyis las ci zhig bgyis na/ las de'i rnam par smin pas rgyal po chen po bzhir gyur cing / bcom ldan 'das kyi spyan sngar bden pa mthong bar bgyis lags/ bcom ldan 'das kyis bka' stsal pa/ dge slong dag 'di dag nyid kyis sngon gyi tshe rabs gzhan rnams su las rnams byas shing bsags pa tshogs rnyed pa zhes bya ba nas/ 'bras bu dag tu 'gyur ba nyid ces bya ba'i bar gong ma bzhin du'o/ /dge slong dag sngon byung ba bskal pa bzang po 'di nyid la skye dgu rnams kyi tshe lo nyi khri thub pa na ston pa zhes bya ba nas/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ngo / /zhes bya ba'i bar gong ma bzhin du'o/ /de'i tshe rgya mtsho chan po na klu gnyis shig gnas te dbugs 'byin dang / dbugs cher 'byin no/ /shing shal ma brtsegs pa na yang nam mkha' lding gnyis yod pa 'gro ba'i dbang phyug dang / gtsug gi dbang phyug go/ /gang gi tshe dbugs 'byin dang dbugs cher 'byin gnyis la de gnyis gnod pa byed pa de'i tshe de gnyis sa'i 'og tu 'gro bar byed do/ /ji tsam dus gzhan zhig na dbugs 'byin dang / dbugs cher 'byin gnyis yang dag par rdzogs pa'i sangs rgyas 'od srung gi spyan sngar skyabs su song zhing bslab pa'i gzhi rnams blangs pa dang / de gnyis la nam mkha' lding gis gnod pa bya bar brtsams pa las/ ri rab la rlung dang chu'i shugs bzhin du rdugs nas slar log pa dang / de gnyis kyis smras pa/ shes ldan dag sngon ni kho bo cag gis khyed cag gnod pa byas na sa'i 'og tu 'gro na/ da gang gis na kho bo cag khyed dang phrad nas ri rab la rlung dang chu bzhin du rdugs nas phyir ldog pa 'di la rgyu ci zhig yod/ dbugs 'byin dang dbugs cher 'byin gyis smras pa/ bdag cag gis yang dag par rdzogs pa'i sangs rgyas 'od srung gi spyan sngar skyabs su 'gro ba dang bslab pa'i gzhi rnams blangs so/ /de gnyis kyis smras pa/ gal te de lta na bdag cag gis kyang blang ngo zhes de gnyis de dag dang lhan cig 'grogs te yang dag par rdzogs pa'i sangs rgyas 'od srung gi spyan sngar dong nas de dag phyin pa dang / yang dag par rdzogs pa'i sangs rgyas 'od srung gi spyan snga nas 'jig rten skyong ba bzhi po dag gis chos thos nas dong ba de dag de gnyis kyis mthong nas/ nam mkha' lding de gnyis kyis klu dbugs 'byin dang / dbugs cher 'byin gnyis la dris pa/ 'gro ba pha bi dag su dag yin/ de gnyis kyis rgyas par smras pa dang / nam mkha' lding gnyis kyis smras pa/ gal te de ltar bdag cag gis kyang yang dag par rdzogs pa'i sangs rgyas 'od srung gi spyan sngar skyabs su 'gro ba dang bslab pa'i gzhi rnams blangs la smon lam gdab bo zhes de gnyis kyis yang dag par rdzogs pa'i sangs rgyas 'od srung las skyabs su 'gro ba dang bslab pa'i gzhi rnams blangs so/ /dbugs 'byin dang dbugs cher 'byin gnyis ni sngar blangs so/ /de nas lhan cig 'dus nas yang dag par rdzogs pa'i sangs rgyas 'od srung gi zhabs gnyis la gtugs nas smon lam btab pa/ ji ltar 'jig rten skyong ba bzhi po 'di dag gis yang dag par rdzogs pa'i sangs rgyas 'od srung gi spyan sngar chos mnyan nas bden pa mthong ste rang gi gnas su mchis pa de bzhin du bdag cag kyang dge ba'i rtsa ba 'dis 'jig rten skyong ba bzhir gyur cing / bcom ldan 'das yang dag par rdzogs pa'i sangs rgyas 'od srung gis bram ze'i khye'u bla ma zhes bgyi ba gang lags pa de la bram ze'i khye'u khyod skye dgu rnams kyi tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa'i bcom ldan 'das des kyang de bzhin du rdzing bu dal gyis 'bab kyi 'gram du bdag cag la chos bshad de bdag cag gis chos de thos nas bden pa mthong ste/ 'di bzhin du rang gi gnas su mchi bar gyur cig ces byas so/ /dge slong dag ji snyam du sems/ klu dang nam mkha' lding bzhi po gang dag yin pa de dag ni 'jig rten skyong ba bzhi po 'di dag nyid yin te/ de'i tshe de'i dus na dbugs 'byin gang yin pa de ni yul 'khor skyong 'di nyid yin no/ /dbugs cher 'byin gang yin pa de ni 'phags skyes po yin no/ /'gro ba'i dbang phyug ni mig mi bzang yin no/ /gtsug gi dbang phyug ni rnam thos kyi bu yin te/ de'i tshe de'i dus na 'di dag gis yang dag par rdzogs pa'i sangs rgyas 'od srung gi spyan sngar skyabs su 'gro ba dang bslab pa'i gzhi rnams blangs shing smon lam btab pa gang yin pa de'i las kyi rnam par smin pas 'jig rten skyong ba bzhir gyur cing nga'i spyan sngar bden pa mthong bar byas nas rang gi gnas su song ngo / /chos bshad pa de drang srong ke na'i bus thos nas mchog tu dga' ba skyes te/ bcom ldan 'das la mngon par dad par gyur to/ /de nas bcom ldan 'das kyis de'i bsam pa dang / bag la nyal dang / khams dang / rang bzhin mkhyen nas gang thos nas mod la drang srong ke na'i bus 'phags pa'i bden pa rnams mngon par rtogs nas phyir mi 'ong ba'i 'bras bu mngon sum du byas pa de lta bu'i chos bshad pa mdzad do/ /de nas de rtogs pa'i dad pa dang ldan par gyur nas/ btung ba brgyad po tso tsa'i btung ba dang / chu shing gi 'bras bu'i btung ba dang / rgya shug gi btung ba dang / a shwad tha'i btung ba dang / u dum ba ra'i btung ba dang / rtsub 'gyur gyi btung ba dang / 'bra go'i btung ba dang / rgun gyi btung ba khyer te bcom ldan 'das gang na ba der song ste phyin pa dang / bcom ldan 'das la 'di skad ces gsol to/ /btsun pa btung ba brgyad po 'di dag ni sngon gyi drang srong rnams kyis bstod cing bsngags pa lags kyis/ bcom ldan 'das thugs brtse ba nye bar bzung ste bzhes su gsol/ bcom ldan 'das kyis drang srong ke na'i bu la thugs brtse bar dgongs nas btung ba brgyad po dag bzhes so/ /bzhes nas dge slong rnams la bka' stsal pa/ dge slong dag btung ba brgyad po 'di dag dus su byin len byas/ dus su mnyes/ dus su btsags/ dus su byin gyis brlabs na dus su longs spyad par bya zhing dus ma yin par yang longs spyad par bya la/ nam gyi thun dang po thal nas ni longs spyad par mi bya'o/ /btung ba brgyad po 'di dag dus su byin len byas la dus ma yin par mnyes/ dus ma yin par btsags/ dus ma yin par byin gyis brlabs pa ni longs spyad par mi bya'o/ /btung ba brgyad po 'di dag dus su byin len byas/ dus su mnyes la/ dus ma yin par btsags dus ma yin par byin gyis brlabs pa ni longs spyad par mi bya'o/ /btung ba brgyad po 'di dag dus ma yin par byin len byas/ dus ma yin par mnyes/ dus ma yin par btsags pa ni zas kyi 'og tu yang longs spyad par mi bya la/ nam gyi cha stod 'das na yang longs spyad par mi bya'o/ /de nas drang srong ke na'i bu stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gis gdugs tshod sbyor zhing mchis na gnang bar mdzad du gsol/ bcom ldan 'das kyis drang srong ke na'i bu la cang mi gsung bas gnang ngo / /de nas drang srong ke na'i bu bcom ldan 'das cang mi gsung bas gnang bar rig nas stan las langs te song ngo / /bcom ldan 'das kyang rdzing bu dal gyis 'bab kyi 'gram nas mi snang bar mdzad de dge slong gi dge 'dun dang thabs gcig tu a du mar gshegs so/ /de nas drang srong ke na'i bu nam ma langs par langs nas nang mi rnams la smras pa/ 'phags pa dag bzhes shig /bzhin bzangs dag longs shig /shing dag gshegs shig /me bus shig /zhal zas dag brim par gyis shig /bkad sa dag byi dor gyis shig /de'i tshe drang srong ke na'i bu'i sring mo'i bu drang srong ri bo zhes bya ba gnas de nyid du nub mo gnas btab pa las/ drang srong ri bos drang srong ke na'i bu nam ma langs par langs nas nang mi rnams la smra ba thos so/ /thos nas kyang drang srong ke na'i bu la 'di skad ces smras so/ /drang srong ci khyod tshangs pa mtshungs par spyod pa rnams 'gron du bos sam/ yul ma ga d+ha'i rgyal po bzo sbyangs gzugs can snying po 'am/ pho brang 'khor na gnas pa'i skye bo'i tshogs sam/ drang srong gi chos ji ltar 'dod pa yongs su rdzogs pa 'am/ des smras pa/ ri bo kho bo ni tshangs pa mtshungs par spyod pa rnams 'gron du bos pa yang ma yin/ yul ma ga d+ha'i rgyal po bzo sbyangs gzugs can snying po yang ma yin/ pho brang 'khor na gnas pa'i skye bo'i tshogs kyang ma yin/ drang srong gi chos ji ltar 'dod pa yongs su rdzogs pa yang ma yin mod kyi/ 'on kyang kho bos sangs rgyas la sogs pa dge slong gi dge 'dun gdugs tshod la spyan drangs so/ /des sangs rgyas shes bya ba'i sgra sngon ma thos pa thos nas ba spu thams cad zing zhes byed nas gus pa dang bcas pas dris pa/ drang srong sangs rgyas zhes bya ba de ci zhig yin/ ri bo dge sbyong gau ta ma shAkya'i sras shAkya'i rigs las skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung nas de bla na med pa yang dag par rdzogs pa'i byang chub mngon par rdzogs par sangs rgyas pa zhig yod de/ ri bo sangs rgyas shes bya ba ni de yin no/ /ri bos smras pa/ drang srong dge 'dun zhes bya ba 'di ci zhig yin/ drang srong ke na'i bus smras pa/ ri bo rgyal rigs kyi rigs kyi bu rnams las kyang skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung ba yang yod/ bram ze'i rigs dang / rje'u yi rigs dang / dmangs rigs kyi rigs kyi bu rnams las kyang zhes bya ba nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rab tu byung ba de nyid kyi rjes su rab tu byung ba yod de zhes bya ba'i bar gong ma bzhin du ste/ ri bo 'di ni dge 'dun zhes bya'o/ /ri bo dge 'dun 'di dang sngar smos pa'i sangs rgyas te sangs rgyas la sogs pa'i dge slong gi dge 'dun 'di kho bos gdugs tshod la spyan drangs so/ /de nas drang srong ri bos sangs rgyas la dmigs pa'i dran pas sngar langs te 'khor lnga brgya dang bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas drang srong ri bos bcom ldan 'das la 'di skad ces gsol to/ /btsun pa legs par gsungs pa'i chos 'dul ba la bdag rab tu 'byung ba dang bsnyen par rdzogs pa dge slong gi dngos po thob pa lta na/ bdag bcom ldan 'das kyi spyan sngar tshangs par spyad par bgyi'o/ /drang srong ri bo dang 'khor lnga brgyas legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po thob par gyur to// //'dul ba gzhi/ bam po lnga bcu dgu pa/ de nas drang srong ke na'i bus de nyid kyi nub mo nas gtsang zhing bsod pa'i bza' ba dang bca' ba dag ces bya ba nas bstabs shing tshim par byas so zhes bya ba'i bar gong ma bzhin du'o/ /des sangs rgyas la sogs pa dge slong gi dge 'dun gdugs tshod gsol ba na ri bo rab tu byung ba mthong nas des smras pa/ ri bo khyod rab tu byung ngam/ rab tu byung ngo / /legs par byas so/ /shin tu legs par byas so/ /kho bo yang sangs rgyas la sogs pa dge slong gi dge 'dun gdugs tshod gsol zin nas rab tu 'byung ngo / /de nas drang srong ke na'i bus sangs rgyas la sogs pa dge slong gi dge 'dun la rnam grangs du mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas so/ /bcom ldan 'das kyis gsol zin nas phyag bcabs te/ lhung bzed gyu bar rig nas stan ches dma' ba zhig blangs te/ bcom ldan 'das kyi spyan sngar chos mnyan pa'i phyir 'dug go/ /de nas bcom ldan 'das kyis de la yon bsngo ba dang chos bshad pa mdzad nas gshegs so/ /de nas drang srong ke na'i bus rgyu lhag de dag thams cad btang ba'i chos byas nas 'khor lnga brgya dang bcom ldan 'das gang na ba der dong ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go phyogs gcig tu 'dug nas drang srong ke na'i bus bcom ldan 'das la 'di skad ces gsol to/ / btsun pa legs par gsungs pa'i chos 'dul ba la bdag rab tu 'byung ba dang bsnyen par rdzogs pa dge slong gi dngos po thob pa lta na/ bcom ldan 'das kyi spyan sngar tshangs par spyad par bgyi'o/ /drang srong ke na'i bu 'khor lnga brgya dang legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po thob par gyur to/ /de nas bcom ldan 'das rab tu byung zhing bsnyen par rdzogs pa'i dge slong stong po de dag dang / 'bab chu rab tu bzang po'i 'gram du a mra'i tshal gdugs lta bur dbyar gnas par zhal gyis bzhes so/ /de nas bcom ldan 'das kyis tshe dang ldan pa bram ze ka phi na la dge slong lnga brgya gtad do/ /tshe dang ldan pa maud gal gyi bu chen po la nyis brgya lnga bcu gtad do/ /tshe dang ldan pa shA ri'i bu la nyis brgya lnga bcu gtad do/ /de nas tshe dang ldan pa bram ze ka phi nas gdams ngag phog pa gang yin pa de dag ni nyon mongs pa thams cad spangs te/ dgra bcom pa'i 'bras bu mngon sum du byas so/ tshe dang ldan pa maud gal gyi bu chen po'i gang dag yin pa de dag ni lan cig phyir 'ong ba'i 'bras bu'o/ /tshe dang ldan pa shA ri'i bu'i gang dag yin pa de dag ni rgyun du zhugs pa'i 'bras bu'o/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ bcom ldan 'das kyis tshe dang ldan pa shA ri'i bu ni shes rab che ba rnams dang / tshe dang ldan pa maud gal gyi bu chen po ni mthu che ba dang / rdzu 'phrul che ba rnams kyi mchog tu bstan lags na/ 'on kyang tshe dang ldan pa bram ze ka phi nas gdams ngag phog pa gang dag lags pa de dag ni dgra bcom pa/ tshe dang ldan pa maud gal gyi bu chen po'i gang dag lags pa de dag ni lan cig phyir 'ong ba'i 'bras bu/ tshe dang ldan pa shA ri'i bu'i gang dag lags pa de dag ni rgyun du zhugs pa'i 'bras bu mngon sum du bgyis pa la gzigs/ bcom ldan 'das kyis bka' stsal pa/ dge slong dag da ltar du ma zad ji ltar 'das pa'i dus na yang ka pi na'i gdams ngag phog pa gang dag yin pa de dag ni gzugs med pa'i khams la rab tu bkod/ maud gal gyi bu'i gang dag yin pa de dag ni gzugs kyi khams dang / shA ri'i bu'i gang dag yin pa de dag ni mngon par shes pa lnga la rab tu bkod pa de nyon cig /dge slong dag sngon byung ba dgon pa'i gnas zhig na drang srong gnyis shig gnas te so sor 'khor lnga brgya lnga brgya yod do/ /ji tsam dus gzhan zhig na de gnyis las gcig shi nas de'i bram ze'i khye'u rnams bla ma dang bral ba'i sdug bsngal ba dang / yid mi bde bas gdungs nas phan tshun 'phyan 'phyan nas drang srong gcig shos de'i drung du 'ongs pa dang / des de rnams mig mchi mas gang ba mthong nas dris pa/ bram ze'i khye'u dag khyed kyi mkhan po de gar song / gum mo/ /des bsams pa/ bdag 'das na bram ze'i khye'u rnams 'di 'dra ba'i gnas skabs su 'gyur gyis/ ma la bdag gis 'di dag bsdu bar bya'o snyam nas des de rnams dbugs phyung ste bsdus so/ /ji tsam dus gzhan zhig na drang srong de yang nad kyis thebs par gyur nas/ de'i slob ma mchog gsum yod pa la des gcig la ni lnga brgya/ gnyis pa la ni nyis brgya lnga bcu/ gsum pa la ni nyis brgya lnga bcu gtad do/ /de ni 'chi ba'i chos dang ldan par gyur to/ /de la lnga brgya gtad pa gang yin pa des ni ji ltar gzugs med pa'i khams la bkod pa de ltar gdams ngag phog go/ /nyis brgya lnga bcu gtad pa gang yin pa des ni ji ltar gzugs kyi khams la bkod pa de ltar gdams ngag phog go/ / nyis brgya lnga bcu phog pa gcig shos kyis ni ji ltar mngon par shes pa lnga la bkod pa de ltar gdams ngag phog go/ /dge slong dag ji snyam du sems/ de'i tshe de'i dus kyi drang srong bram ze'i khye'u lnga brgya gzugs med pa'i khams la 'god pa gang yin pa de ni dge slong ka pi na 'di nyid yin no/ /nyis brgya lnga bcu gzugs kyi khams la rab tu 'god pa gang yin pa de ni dge slong maud gal gyi bu 'di nyid yin no/ /gcig shos kyis nyis brgya lnga bcu mngon par shes pa lnga la rab tu bkod pa gang yin pa de ni dge slong shA ri'i bu 'di nyid yin no/ /'on kyang dge slong ka phi nas gdams ngag phog pa gang yin pa de ni dbang po rnon po yin no/ / maud gal gyi bu'i gang yin pa de dag ni dbang po 'bring po yin no/ /shA ri'i bu'i gang yin pa de dag ni dbang po brtul po yin no/ /gal te shA ri'i bus gdams ngag phog par ma gyur na de dag gis dro bar gyur pa yang rtogs par mi 'gyur ro/ /ke na'i bu ni ral pa can/ /ji ltar sangs rgyas bsngags brjod pa/ /rab tu dang ba'i sems kyis ni/ /thams cad mthun par mnyan par gyis/ /ke na'i bu yi khyim du ni/ / dus gcig cig na ston pa po/ /dpa' chen nyan thos thabs gcig tu/ /gdugs tshod la ni spyan drangs so/ /ke na'i bu yi khyim du ni/ /zas kyi zhal ta byed pa dag /bram ze ri bos mthong gyur te/ /mthong nas ke na'i bu la dris/ /bag ma len tam 'on te ci/ /rgyal po yul 'khor mgron bos sam/ /khyod kyi mchod sbyin che dus sam/ /dris pa de ni bdag la smros/ /bdag ni bag ma mi len la/ /rgyal po 'am yul 'khor 'gron ma bos/ / bdag gis sangs rgyas sems dpa' mchog /gdugs tshod la ni spyan drangs so/ /ri bos sangs rgyas sgra thos nas/ /yid skyo ba ni skyes gyur te/ /sangs rgyas de ci ke na'i bu/ /dris pa de ni bdag la smros/ /shAkya'i rigs las skyes pa yi/ /ston pa gang zag zla med yod/ /de ni chos kun blo ldan pas/ /de bas sangs rgyas zhes bya'o/ /'dus byas 'jig par 'gyur ba'i chos/ /'das pa sangs rgyas kyis gzigs la/ /de bzhin ma 'ongs pa gzigs shing / / da ltar byung ba rnams kyang gzigs/ /mngon shes bya ba ji snyed pa/ /de kun rtogs pas thams cad rig /thams cad mkhyen cing thams cad gzigs/ /de bas sangs rgyas zhes bya'o/ /mngon par shes bya mngon shes byas/ / bsgom par bya ba rnams kyang bsgoms/ /spang bar bya ba spangs pas na/ /de bas sangs rgyas zhes bya'o/ /gang zhig bltam par gyur pa na/ /rgya mtsho ri bor bcas pa yi/ /sa 'di rab tu g.yos mdzad pa/ /de la thal sbyar phyag 'tshal lo/ /gang gis bdud dang nag po yi/ /rtsa lag bzhon bcas bcom nas ni/ /de bzhin gshegs kyi stobs thob pa/ /de la thal sbyar phyag 'tshal lo/ /bA rA Na sI'i grong bzhud nas/ /gang gis rnam pa bcu gnyis pa'i/ /chos kyi 'khor lo de bskor ba/ /de la thal sbyar phyag 'tshal lo/ /gang gis 'dod chags bcing bas bcings/ /'dod chags zhe sdang gis gdungs pa'i/ /sems can mang po grol mdzad pa'i/ /de la thal sbyar phyag 'tshal lo/ / sangs rgyas bcom ldan gang zhig na/ /rnam 'dren de ni ji srid na/ /shA kya'i sras po 'od mdzad la/ /de ring nyid nas skyabs su 'gro/ /tshal sdug yid du 'ong ba de/ /gang na ba ni bram ze'i chos/ /dri za'i rgyal po lta bu yi/ /sangs rgyas bla med mthong bar gyur/ /na bza' ngur smrig 'od ldan de/ /gser mdog nyi ma'i 'od zer can/ /de bzhin gser ni btso ma yi/ /gser las gzugs ni byas pa bzhin/ /sa la shing gi me tog dang / /kar ni ka ra'i me tog 'dra/ /rin chen sna tshogs spras pa yi/ / rin chen mchod sdong ji bzhin no/ /n+ya gro d+ha lta bur ni/ /mchu zheng gab par gyur pa dang / /khor yug 'dom gang 'od kyis ni/ /kun nas snang ba dag tu mdzad/ /rgyal srid rgyas dang nye dur bcas/ /'dod pa kun dga' spangs nas ni/ /rab tu byung bar mngon byung ba'i/ /thub pa dben pa rnams la dgyes/ /spos ngad ldang ba'i seng ge ni/ /nags su 'jigs pa med pa ltar/ /seng ge lta bur bsnyengs med gsung / /bram ze sangs rgyas mthong bar 'gyur/ /zhal 'dzum 'jam pa'i gsung dang ni/ /tshangs pa'i gsung dang snyan pa'i gsung / /rnga yi sgra yi gsung lta bu'i/ /sangs rgyas bram ze mthong bar 'gyur/ /zla ba dag pa nam mkha' la/ /rgyu skar rnams kyis yongs bskor ba'i/ /zla ba'i dkyil 'khor lta bu yi/ /sangs rgyas bram ze mthong bar 'gyur/ / nyi ma'i 'od zer dang ldan pa/ /nam mkha'i ngos la mdzes lta yi/ /sangs rgyas mun pa bral gyur cing / /mdzes pa bram ze mthong bar 'gyur/ /ji ltar khyu ba'i khyu mchog ni/ /nog dang ldan pa mi g.yo gnas/ /skyes bu khyu mchog stobs bcu ldan/ /sangs rgyas bram ze mthong bar 'gyur/ /rgya mtsho dag ni gting zab pa'i/ /chu chen tshad gzung med lta yi/ /sangs rgyas bsam gtan pa yi mchog /bsam gyis mi khyab bla med mthong / /nag po'i phyogs las nges byung ba'i/ / nyi ma mkha' la gsal ba dang / /me yi phung po 'bar ba lta'i/ /gau tam sangs rgyas mthong bar 'gyur/ /ji ltar 'khor los sgyur rgyal po/ /zhabs 'bring bye bas yongs bskor ltar/ /de bzhin rdzogs pa'i sangs rgyas ni/ /dgra bcom rnams kyis mdun byas mdzes/ /'dod pa rnams la dbang sgyur dang / /ji ltar tshangs chen dbang phyug ltar/ /stong gsum gyi ni 'jig rten khams/ /thub pa dbang ni sgyur bar mdzad/ /gang thos nye bar zhi 'gyur zhing / /sdug bsngal mtsho chan las sgrol ba/ /sdug bsngal rnam pa du ma dang / /sdug bsngal kun 'byung gang yin dang / /sdug bsngal nye bar zhi ba dang / /lam ni yan lag bzhi tshan gnyis/ /sbrang rtsi ma bskol ro lta bu'i/ /bden pa dag ni rab tu 'chad/ /nor med rnams la nor sbyin zhing / /nad pa rnams kyi dpyad kyang mdzad/ /gnod pa rnams kyi skyabs gyur pas/ /skye dgu sdug bsngal grol bar mdzad/ /mun par gyur pa'i sems can dang / /blun po lam gol rgyu ba dang / /bde ba mya ngan 'das 'gro ba'i/ / lam ni drang po rab tu ston/ /'dod chags zhe sdang kun 'bar zhing / /gti mug rab 'bar skye dgu rnams/ /ji ltar sprin chen char 'bebs ltar/ /thub pa chen pos zhi bar mdzad/ /gzugs dang kha dog stobs ldan pa/ /de dang 'dra ba yod ma yin/ /sku mkhregs stobs mchog ldan pa ni/ /ri bo bzhin du shin tu gnas/ /rnyed dang ma rnyed bde sdug dang / /smad pa dang ni bstod pa dang / /grags pa dang ni ma grags pas/ /chu yis pad ma bzhin ma gos/ /srog gcod pa ni rnam spangs te/ /ma byin pa la dga' mi byed/ /bden pa gsung zhing tshangs par spyod/ /de ni phra ma spangs pa yin/ /tshig rtsub dag ni mi gsung zhing / /dus su bab pa 'jam por gsung / /de ni 'dod la brnab sems med/ /skye bo rnams la de sems byams/ /yang dag lta ba phun sum tshogs/ /ting nge 'dzin stobs spyod yul ba/ /bsam gtan chen po mngon shes drug /rdzu 'phrul gyis ni mkha' la gshegs/ /lha dang mi yi sgra dag ni/ /gang yin rnam pa sna tshogs gsan/ / nyon mongs can nam dge yang rung / /pha rol gyi ni sems kyang mkhyen/ /gang dang gang du sngon gnas pa/ /sngon gyi gnas la mkhas pa dang / /sems can 'gro dang 'ong ba yi/ /'chi 'pho dang ni skye ba mkhyen/ /zag pa zad cing mi ldan pas/ / nyer zhi shin tu mya ngan 'das/ /dbang po zhi zhing thugs zhi ba/ /mtsho ni gang ba bzhin du gnas/ /pad ma'i rdzing na glang po che/ /dam pa drug bcu lon pa ltar/ /mthong na ngoms ni mi shes pas/ /bram ze dga' ba thob par 'gyur/ / ri bo bcom ldan 'di 'dra ste/ /de yi sku ni skyes chen gyi/ /sum bcu rtsa gnyis mtshan mnga' zhing / /gzi brjid me yi phung po bzhin/ /gang gis lo brgya tshang bar ni/ /skyob pa'i bsngags pa brjod byas kyang / /de bzhin gshegs pa tshad med pas/ /des ni mthar phyin mi 'gyur ro/ /bram ze gang gis de mthong ba/ /de yi rnyed pa bla na med/ /gang gis mthong bas skyabs song ba/ /de yi rnyed pa de bas 'phags/ /bram ze ri bos thub chen gyi/ /bsngags pa thos nas skyo bar gyur/ /dben pa'i sems kyi rtog pa yis/ /ke na'i bu la 'di skad smras/ /mir gyur pa la bdag gis ni/ /de 'dra'i bsngags pa thos ma myong / /ke na 'chad pa dang sbyar na/ /de ni 'jig rten kun gyi gtso/ /tshong pa nor dag don gnyer ltar/ /khyod kyis nga rgyal rgyal mtshan spongs/ /de la bkur sti gus byos dang / /bram ze dga' ba thob par 'gyur/ /bram ze khye'u ni lnga brgya yis/ /slob ma dag gis mdun bdar te/ /sangs rgyas bzhugs pa bzang po der/ /bram ze ri bo song bar gyur/ /lha rnams kyi ni dga' tshal ltar/ /me tog shing ni phun sum tshogs/ /rnam par dben zhing sgra med cing / /bya yi tshogs kyis bsten gyur pa/ /mi min gdug pa mi rgyu ba/ /shA kya'i sras kyis bsten pa yi/ /chos kyi rgyal po'i gnas su ni/ /de nas bram zes zhugs par gyur/ /ma dul 'dul ba kha lo sgyur/ /skyes bu dam pa mthong nas ni/ /ri bo yis ni tshig gsol pa/ /shes ldan cig snyun mi mnga' 'am/ / ka la ping ka'i sgra dbyangs can/ /sangs rgyas snyan cing gsal ba'i bkas/ /ri bo la ni slar gsungs pa/ /nga la nad ni yod min te/ /nyes pa med cing sdig pa med/ /the tshom thams cad rnam par chad/ /rnam par grol zhing mi ldan pa/ /nga ni zag med tha ba med/ /'jig rten na ni rdul med rgyu/ /gtsang zhing dag la dri nga med/ /des na bram ze nga gtsang ste/ /khon dang 'jigs pa kun las rgal/ /ri bo khyod kyang 'ongs pa legs/ /stan 'di la ni legs par 'dug /bram ze ci ga bde 'am khyod/ /lus ni ngal bar ma gyur mod/ /dpa' bo chen po khyod mthong bas/ /thub pa chen po da ltar bde/ /rgyan rnams kyis ni brgyan pa ltar/ /yid ni rab tu dga' ba yis/ /de dang rjes su 'tsham pa'i gtam/ /rim pa bzhin du byas nas ni/ /de nas bram ze 'dzem pa dang / /dman pa'i yid kyis 'dug par gyur/ /klog pa dang ni gsang tshig 'dzin/ / rig byed gsum gyi rig mthar phyin/ /bram ze ri bo 'dug nas ni/ /thub pa'i mtshan la rtog par byed/ /'jig rten gyi ni mgon po yi/ /sku la mtshan ni sum bcu mthong / /ljags srab 'doms sba sbubs nub pa/ / gnyis la ri bo the tshom za/ /thub pa chen po'i mtshan rnams la/ /the tshom yid gnyis gyur nas ni/ /rdzogs pa'i sangs rgyas nyi ma'i rigs/ /bden pa'i mtshan la yongs zhus pa/ /thub pa chen po'i mtshan rnams ni/ /sum bcu rtsa gnyis thob pa gang / /gau tam khyod kyis sku dag la/ /gnyis ni g.yar sngar ma bab bo/ /mi yi dam pa 'doms kyi ni/ /sba ba sbubs su nub lags sam/ /ljags bzang zhes ni bgyi ba yang / /ci ga thung ba ma lags grang / /thub chen bdag gis ci nas kyang / /ljags ring glo bar chud 'gyur ba/ /ljags srab myur du brkyang mdzad de/ /bdag gi the tshom bsal du gsol/ /rnam par 'dren rnams 'jig rten du/ /brgya lam na ni lan 'ga' 'byung / /u dum ba ra'i me tog bzhin/ /thub pa chen po dkon pa lags/ /sos ka skom pa chab dang ni/ /bkres pa la ni g.yar zas dang / /nad pa sman la ji lta bar/ /ston pa la ni bkur stir bgyid/ / ka la ping ka'i sgra dbyangs can/ /sangs rgyas snyan cing gsal ba'i bkas/ /ri bo la ni slar gsungs pa/ /bram ze the tshom spang bar gyis/ /ljags kyis spyan dang snyan dag ni/ /rab tu khebs par ljags ring gis/ / zhal gyi dkyil 'khor khebs par mdzad/ /rdzu 'phrul bzhi la mkhas pa yis/ /rdzu 'phrul gyis kyang bstan mdzad pas/ /thub pa'i 'doms sba sbubs nub pa/ /bram ze ri bos mthong bar gyur/ /thub pa chen pos mtshan rnams la/ /the tshom med cing zug rngu phyung / /sems kyi rtog pa rab dga' nas/ /ri bo yis ni tshig gsol pa/ /sum bcu gnyis dang dpe byad rnams/ /bdag gis gsang tshig las thos pa/ /de kun khyod kyi sku 'di la/ /yongs su rdzogs te ma tshang med/ /dge dang ldan pas spyod pa bzang / /legs par 'khrungs pas blta na sdug /nyan thos dge 'dun dbus na ni/ /gdugs bdal ba ni lta bur mdzes/ /dam par bsngags pa khyod la ni/ /dge sbyong dngos pos ci zhig bgyi/ /mi yi khyu mchog khyod lta bu/ /dpung gi yan lag bzhi dag dang / /rin chen bdun dang ldan pa yi/ /'khor los sgyur ba'i rgyal por 'os/ /sa bdag rgyal po mdzad nas ni/ /sa steng 'khor los sgyur bar mdzod/ /ri bo nga ni rgyal po ste/ /chos kyi rgyal chen bla na med/ /nga ni sa yi dkyil 'khor 'dir/ /chos kyi 'khor lo skor bar byed/ /nga yi rigs ni rgyal rigs te/ /nga ni dge ba'i rigs las 'khrungs/ /bdud dpung bcas par bcom nas ni/ /rdzogs pa'i byang chub dam pa thob/ /bram ze nga'i dran 'khor lo ste/ /nga yi shes rab blon po yin/ /brtson 'grus shugs mgyogs rta pho ni/ / btang na dang la 'byung ba yin/ /nga yi nor bu dam pa ni/ /ting 'dzin mun pa gsal byed yin/ /btang snyoms glang chen dam pa ste/ /bskul na dang la rgyug pa yin/ /chags bcas bud med 'dod pa ltar/ / bram ze nga'i dga' 'dod pa yin/ /bram ze nga yi khyim bdag ni/ /shin tu sbyangs nor dam pa yin/ /nga yi byang chub yan lag bdun/ /'jig rten kun 'das rin chen des/ /long bar gyur cing gnyid log pa'i/ /skye dgu 'di dag sad par bya/ /phyogs rnams kun nas nga rgyal bas/ /nga la sdo ba'i dgra yod min/ /nyon mongs tshogs rnams 'joms pa yi/ /'khor bzhi po dag nga yi sras/ /rdzu 'phrul kun dga' phun sum tshogs/ / lam gyi bzhi mdor sprul pa byas/ /mdo sde skyes pa'i rabs dag bkram/ /skyes bu chen po rnams kyis sten/ /rnam thar gsum gyi sgo mo can/ /dran pa'i srung ma rnams kyis bsrungs/ /ngo tsha khrel yod kyis g.yogs pa'i/ /grong khyer sngon gyi sangs rgyas kyis/ /bsten pa dag tu de bzhin gshegs/ /rgyal po nga ni bzhugs nas su/ /nga yi chos kyi g.yul sprad de/ /chos kyi rnga bo che brdungs nas/ /bdud rnams mtha' dag bcom byas te/ /nga ni byang chub phyir dbang bskur/ /tshad med pa dag rab bsgoms pa/ /nga yi rgyan du bdog pa yin/ /tshangs pa'i gnas pa bzhi po yis/ /nyon mongs pa dag rab tu bzlog /pha rol rab tu rgol bcom ste/ /rnam par bcom zhing rmeg med byas/ /srog chags rnams la 'jig rten 'dir/ /snang ba sbyin zhing yang dag spyad/ /nga ni bde bar gnas bcas nas/ /ye shes kyi ni mtshon gyis bcad/ /rdzu 'phrul rkang pa gnas yin te/ /zhi gnas dag ni 'dzin stangs yin/ /tshul khrims shing rta sgra snyan la/ /nga yi lhag mthong kha lo sgyur/ /bzod dang des pa'i go bgos nas/ /lam bsgoms pas na g.yul ngor ni/ /gang gis sgrib pa 'joms pa yi/ /dbang po lnga yi dong ba dang / /gang gi nyon mongs thag 'jud pa'i/ /yang dag spong ba bzhi po yis/ /ngas ni dpa' bo g.yul sprad de/ /chos kyi rnga bo che brdungs nas/ /bdud dpung bcas par bcom byas te/ /nga ni byang chub dbang bskur ro/ /rig pas ma rig bcom nas ni/ /phung po skye zhing 'jig pa can/ /g.yul gyi rtse mo rgal te nga / /skye dgu byang chub phyir sangs rgyas/ /gang gi skye dgu gnod byed pa/ / 'jig rten chom rkun chen po gsum/ /'dod chags zhe sdang gti mug rnams/ /de kun nga yis bcom pas na/ /mngon shes kun gyi stobs byung bas/ /nga ni dgra bcom yon gnas 'os/ /zhing gshin pa la zhugs pa yi/ /sbyin sreg rnams kyang len pa yin/ /brtson 'grus dam pa brtsams nas ni/ /ngas ni zag pa rnams bcom mo/ /chu bo che las rgal nas ni/ /bsgral ba'i phyir ni gnas pa yin/ /ji ltar seng ge mche ba'i stobs/ / nags su srog chags dang phrad nas/ /chung dang 'bring dang chen po 'ang rung / /de la mtshungs par snun pa ltar/ /mi yi seng ge rnam 'dren pa/ /rdzogs sangs de bzhin 'jig rten ni/ /byis pa 'am 'bring ngam chen po la/ / mnyam por chos ni ston par mdzad/ /gau tam khyod kyis 'di ru ni/ /nad pa bdag ni the tshom sol/ /zug rngu 'byin pa rnams dang ni/ /mig mkhan rnams kyi mchog khyod lags/ /khyod kyi the tshom bsal bar byas/ / bram ze khyod ni 'dun par gyis/ /grags ldan rdzogs pa'i sangs rgyas rnams/ /mthong ba rnyed par dka' ba ste/ /gang zhig 'di na rnyed dka' ba/ /brgya lam na ni lan 'ga' 'byung / /bram ze rdzogs pa'i sangs rgyas nga / /chos kyi rgyal po bla med yin/ /de bzhin gshegs la ris gsol ba/ /rdzogs sangs rgyas shes bka' stsal te/ /ma 'dres 'khor lo skor mdzad na/ /gau tam ji skad gsung ba bzhin/ /khyod kyis 'khor lo bskor ba gang / /rjes su mkhas par bskor bgyid pa/ /stong pa nyid 'khrungs nyan thos ni/ /sde dpon dag tu su 'gyur lags/ /bram ze nga la nyan thos ni/ /shes rab mtshungs pa'i sras yod pa/ /nye rgyal zhes ni grags pa po/ /mang du thos pa shA ri'i bu/ /mdud pa kun las rnam grol ba/ /nyer zhi zag pa med yod de/ /ngas ni 'khor lo gang bskor ba/ /mkhas pa rjes su skor bar byed/ /e ma'o sangs rgyas chos dang ni/ /e ma'o nyan thos phun sum tshogs/ /e ma'o rin chen dam pa gsum/ /'jig rten byung ba ngo mtshar che/ /bzang po khyod kyi nyan thos su/ /bdag gis g.yar gyis blang bgyis la/ /kye ma'o chos kyi bcud 'tshal nas/ /shin tu mya ngan 'das par bgyi/ / sems rtog rab tu dga' gyur nas/ /de nas bram ze skyo gyur te/ /dben pa 'dod pa'i sems kyis ni/ /'khor la 'di skad ces smras so/ /nags na seng ge sgra 'byin ltar/ /bsam gtan chen po'i zug rngu 'byin/ /spyan dang ldan pas ci gsungs pa/ / 'di ni shes ldan dag nyon cig /gang dag 'dod pa rjes su song / /gang dag mi 'dod de dag deng / /shes rab mchog gi bstan pa la/ /de ring kho na rab 'byung ngo / /tshangs spyod 'di la legs spyad cing / /lam nyid shin tu goms byas na/ /bag yod pa la gnas pa yi/ /rab byung 'bras bu bcas par 'gyur/ /gal te khyed cag rab 'byung zhing / /bsnyen par rdzogs par 'dod na ni/ /bram ze ral pa 'di bregs te/ /bdag cag rab tu 'byung bar bya/ /sems rtog rab tu mgu gyur pas/ /sor mo bcu yi thal sbyar te/ /bla gos phrag pa gcig gzar nas/ /bram ze ri bo des gsol pa/ /bram ze'i khye'u lnga brgya po/ /'di dag thal sbyar 'khod pa ni/ /thub chen rab tu 'byung ba dang / /bsnyen par rdzogs pa thob par 'tshal/ /de nas ston pa thugs rje can/ /drang srong chen po thugs brtse bas/ /dge slong tshur shog bka' stsal pas/ /de dag bsnyen par rdzogs par gyur/ /shes rab chen po shA ri'i bu/ /rdzu 'phrul ldan pa maud gal dang / /dga' yod gnas brtan ka phi na/ / spobs pa rtogs par khong du chud/ /chu bo bzang po'i 'gram du ni/ /yid du 'ong ba'i tshal khrod du/ /spobs pa byang ba'i gnas brtan gyis/ /de dag la ni gdams ngag phog /der ni de las chos kyi gtam/ /rjes su mthun pa de shes nas/ /ring po ma thogs rnam grol te/ /dam pa'i don la rab tu bkod/ /de dag mthong thob bde gyur pas/ /mthong ba'i chos la mya ngan 'das/ /sangs rgyas 'jig rten 'dren pa la/ /rab tu mgu bas phyag byas so/ /dam pa'i chos dang tshogs gtso dang / / rgyal bas bsngags pa'i bslab pa dang / /ting nge 'dzin dang bged pa dang / /bag yod pa la phyag byas so/ /de bas bdag la phan 'dod pa 'am/ /bdag nyid chen po mngon 'dod pas/ /sangs rgyas chos dang dge 'dun la/ / bkur bsti byas la skyabs su deng / /'di ni de nyid gzigs pa yis/ /'jig rten na ni skyabs su bsngags/ /gnod pa rnams kyis skrag pa la/ /bde ba kun ni rab sbyin mdzad/ /chos kyi rgyal po nyi ma'i gnyen/ /sangs rgyas bstan pa chos kyi ni/ /bdag nyid chen por mchog gyur la/ /thar pa 'dod pas rtag tu bsten/ /ke na'i bu'i tshigs su bcad pa rdzogs s+ho// // de nas bcom ldan 'das yul ka shi nas ljongs rgyu zhing gshegs te/ ka shi'i tshong rdal du byon to/ /ka shi'i tshong rdal de na sngon 'dreg mkhan byed byed pa rab tu byung ba pha spad gnyis yod pa las bus smras pa/ pha bcom ldan 'das nyan thos kyi dge 'dun dang thabs gcig tu yul ka shi'i ljongs rgyu zhing gshegs nas gtsug lag khang du byon pa bcom ldan 'das dang dge slong gi dge 'dun sku mnyel gyis/ ma la bdag cag gis bcom ldan 'das nyan thos kyi dge 'dun dang bcas pa nas thug la spyan drang na/ de la ci khyod thug pa sta gon byed dam/ 'on te dge slong gi dge 'dun spyan 'dren/ des smras pa/ khyod song la dge slong gi dge 'dun spyan drongs shig /nga ni thug pa sta gon byed do/ /des dge slong gi dge 'dun spyan drangs so/ /de yang me long zhig thogs nas tshong dus su song ba las/ des de na tshong dpon zhig skra dang kha spu ring ba mthong nas/ des de la me long bstan pa dang / des smras pa/ 'phags pa 'di lta bu'i mkhyen pa yang mnga' 'am/ des smras pa yod do/ /gal te mnga' na bregs shig /des breg par brtsams pa dang khyim bdag gnyid log nas bregs zin pa dang sad do/ /des smras pa/ 'phags pa bregs lags sam/ khyim bdag bregs zin to/ /de mgu nas smras pa/ 'phags pa bdag lhag par glo ba dga' bas khyod mchog ci bzhed pa don to/ /des smras pa/ kho bos sangs rgyas la sogs pa dge slong gi dge 'dun nas thug la spyan drangs kyis nas thug byin cig /des smras pa/ 'phags pa nas thug lta khyod ci rung bza' ba dang bca' ba bsod pa dag 'bul gyis bzhud la spyan drongs shig /nad med par gyur cig ces smras nas de song ngo / /de nas khyim bdag des gtsang zhing bsod pa zhes bya ba nas/ dge slong gi dge 'dun gyi gung la gdan bshams pa nyid la bzhugs so zhes bya ba'i bar gong ma bzhin du'o/ /de nas bza' ba dang bca' ba bsod pa dag brims pa na/ dge slong rnams kyis bsams pa/ bdag cag ngan pa la mgron du bos na kha zas bsod pa 'di bdag cag gis ji ltar blang zhes de rnams kyis ma blangs pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gal te ngan pa la mgron du bos la kha zas bsod pa rnyed na longs spyad par bya ste/ de la 'gyod par mi bya'o/ /bcom ldan 'das kyis dgongs pa/ nyes pa gang byung ba de ni dge slong dag rigs dang 'thun pa'i snod thogs pa las gyur gyis/ de lta bas na dge slong gis rang gi bzo bstan par mi bya/ rigs dang 'thun pa'i snod kyang bsrel bar mi bya'o/ /srel na 'gal tshabs can du 'gyur ro/ /sngon sman pa yin na gtsa' khab kyi snod srel ba dang / sngon yi ge pa yin na ram phyis srel ba dang / bzo mkhan rab tu byung na khab ral srel ba ni ma gtogs so/ /bcom ldan 'das gyad yul nas ljongs rgyu zhing gshegs te sdig can du byon nas sdig can na srin bu pad pa'i tshal stug po na bzhugs so/ /sdig can na tshe dang ldan pa kun dga' bo'i zhang po gyad sna chen po la gtogs pa 'od ldan zhes bya ba zhig gnas pa de shin tu ma dad pa zhig ste/ bcom ldan 'das sdig can gyi gyad yul nas ljongs rgyu zhing gshegs te/ sdig can du byon nas sdig can na srin bu pad pa'i tshal sdug po na bzhugs so/ /zhes thos so/ /thos nas kyang gros bya bar brtsams pa/ shes ldan dag bcom ldan 'das gyad yul nas ljongs rgyu zhing gshegs pa na sdig can du byon nas/ sdig can na srin bu pad pa'i tshal stug po na bzhugs so/ / zhes thos kyis/ gal te bdag cag re res sangs rgyas la sogs pa dge slong gi dge 'dun gdugs tshod gsol na gzhan gyis skabs mi rnyed par 'gyur bas ye khrims zhig bca' bar bya ste/ bdag cag sus kyang gcig pus sangs rgyas la sogs pa dge slong gi dge 'dun gdugs tshod gsol bar mi bya zhing bdag cag 'dus pa kho nas gdugs tshod gsol bar bya'o/ /bdag cag las gang zhig gcig pu kho nas gdugs tshod gsol na/ de la tshogs kyis kar Sha pA Na drug bcu'i chad pa gcad do/ /de nas sdig can gyi gyad thams cad 'dus nas/ bcom ldan 'das gang na bder dong ste lhags pa dang bcom ldan 'das kyi zhabs gnyis la mgo bos phyag byas te phyogs gcig tu 'dug go/ / phyogs gcig tu 'dug pa dang / bcom ldan 'das kyis chos dang ldan pa'i gtam gyis sdig can gyi gyad rnams la zhes bya ba nas/ yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ / de nas sdig can gyi gyad rnams stan las langs te bla gos phrag pa gcig tu gzar nas bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag cag gi sdum par gdugs tshod sbyor zhing mchis na gnang bar mdzad du gsol/ /bcom ldan 'das kyis sdig can gyi gyad rnams la cang mi gsung bas gnang ngo / /de nas sdig can gyi gyad rnams kyis/ bcom ldan 'das cang mi gsung bas gnang bar rig nas/ bcom ldan 'das kyis gsungs pa la mngon par dga' ste/ rjes su yi rang nas/ bcom ldan 'das kyi zhabs gnyis la mgo bos phyag byas te stan las langs te song ngo / /gyad sna chen po la gtogs pa 'od ldan ni de nyid na 'dug pa dang / de la tshe dang ldan pa kun dga' bos smras pa/ 'od ldan ci khyod dad par gyur tam/ des smras pa/ bdag dad par ni ma gyur mod kyi 'on kyang tshogs kyi khrims su bcas pa zhes bya ba nas/ kar Sha pA Na drug bcu'i chad pas gcad do zhes bya ba'i bar gong ma bzhin du'o/ /khyod chad pas 'jigs nas bcom ldan 'das la blta ba'i phyir 'ongs pa lta zhig /btsun pa de lta lags so/ /de nas tshe dang ldan pa kun dga' bos gyad sna chen po la gtogs pa 'od ldan khrid de bcom ldan 'das gang na ba der song nas phyin pa dang / bcom ldan 'das la 'di skad ces gsol to/ /btsun pa gyad sna chen po la gtogs pa 'od ldan 'di ni sangs rgyas la mngon par ma dad/ chos la ma lags/ dge 'dun la ma lags na bcom ldan 'das kyis ji ltar 'di sangs rgyas la mngon par dad cing chos dang dge 'dun la mngon par dad par 'gyur ba de ltar chos legs par bshad du gsol/ bcom ldan 'das kyis tshe dang ldan pa kun dga' po la cang mi gsung bas gnang ngo / /de nas bcom ldan 'das kyis gyad sna chen po la gtogs pa 'od ldan gang thos pas gyad sna chen po la gtogs pa 'od ldan sangs rgyas la mngon par dad/ chos dang dge 'dun la mngon par dad par 'gyur ba de lta bu'i chos bshad pa mdzad do/ /de nas gyad sna chen po la gtogs pa 'od ldan stan las langs te bla gos phrag pa gcig tu gzar nas bcom ldan 'das gang na ba der logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol/ 'od ldan nga sngar sdig can gyi gyad rnams kyis spyan drangs zin to/ /bcom ldan 'das gnang bar mdzod cig dang / ji ltar sdig can gyi gyad rnams btub pa de ltar bdag bgyid do/ /'od ldan gal te sdig can gyi gyad rnams btub na de bzhin du ngas khyod la gnang ngo / /de nas gyad sna chen po la gtogs pa 'od ldan gyis bcom ldan 'das kyi zhabs gnyis la mgo bos phyag byas nas stan las langs te chas nas sdig can gyi gyad rnams gang na ba der song ste phyin pa dang / sdig can gyi gyad rnams la 'di skad ces smras so/ /shes ldan dag re shig sdod cig bdag gis thog mar bcom ldan 'das dang dge slong gi dge 'dun gdugs tshod gsol nas/ de'i 'og tu khyed cag gis kyang bcom ldan 'das dang / dge slong gi dge 'dun gdugs tshod gsol na dka' bar mi 'gyur ro/ /de rnams kyis smras pa/ kho bo cag gis sngar sangs rgyas la sogs pa dge slong gi dge 'dun spyan drangs zin pas kho bo cag mi nyan to/ / des smras pa/ ji ste mi btub na bca' ba dang btung ba re re zhing brim mo/ /de na ma dad pa gang yin pa de dag gis smras pa/ mi gnang ngo / /dad pa can gang yin pa de dag gis smras pa/ shes ldan dag 'di dad pa med pa zhig las/ 'dis dge 'dun mnga' ba'i yon dag 'bul bar 'gyur bas gnang ngo zhes de rnams kyis de la gnang ngo / /de nas des g.yos mkhan dag bkug ste bsgo ba/ shes ldan dag kho bos yo byad thams cad sbyar gyis bca' ba gcig pu gang kho nas 'drangs par 'gyur ba de lta bur sta gon gyis shig /des dri zhim po sna tshogs kyi rdzas la sogs pa dang ldan pa'i yo byad rnams phog pa dang / de rnams kyis dri zhim po sna tshogs kyis yongs su rgyas pa re res re re 'drangs par 'gyur ba'i bca' ba gang yin pa dag byas so/ /de nas sdig can gyi gyad rnams kyis de nyid kyi nub mo nas gtsang zhing bsod pa'i zhes bya ba nas/ dge slong gi dge 'dun gyi gung la gdan bshams pa nyid la bzhugs so zhes bya ba'i bar gong ma bzhin du'o/ /de nas gyad sna chen po la gtogs pa 'od ldan gyis bca' ba dang btung ba brim par brtsams pa dang / dge slong rnams 'gyod pas longs ma spyad do/ / bcom ldan 'das kyis bka' stsal pa/ yon bdag la blta bar bya'o/ /dge slong rnams kyis sdig can gyi gyad rnams la bltas pa dang de rnams kyis smras pa/ 'phags pa dag gyad sna chen po la gtogs pa 'od ldan gyis bdag cag bslus lags kyis bzhes shig /de nas gyad sna chen po la gtogs pa 'do ldan gyis bca' ba brims pa dang de kho nas dge slong rnams 'drangs te/ bcom ldan 'das kyis yon bsngo ba mdzad de gshegs pas sdig can gyi gyad rnams kyi zas de dag longs ma spyad par gyur to/ /nyi ma gzhan zhig la dge slong rnams bsod snyoms la zhugs pa dang bram ze dang khyim bdag rnams kyis smras pa/ sangs rgyas tshur spyon/ chos tshur spyon/ dge 'dun tshur spyon 'di dag snoms shig /dge slong rnams 'gyod pas ma blangs so/ /bcom ldan 'das kyis bka' stsal pa/ ci kho bo la sbyin nam/ 'on te bcom ldan 'das rkang gnyis rnams kyi mchog gang yin pa de la dbul zhes dri bar bya'o/ /gal te bcom ldan 'das rkang gnyis rnams kyi mchog gang yin pa de la'o zhes smra na bdag gir mi bya'o/ /'on te bdag cag gi sangs rgyas ni khyod nyid lags so zhes smra na blang bar bya ste/ 'di la 'gyod par mi bya'o/ /de bzhin du chos 'dod chags dang bral ba rnams kyi mchog gang yin pa de la 'am zhes brjod par bya zhing / dge 'dun tshogs rnams kyi mchog gang yin pa de la 'am zhes rgyas par sbyar bar bya'o/ /gleng gzhi ni mnyan yod na'o/ /khyim bdag gcig gis sangs rgyas la sogs pa dge slong gi dge 'dun bsro khang la spyan drangs so/ /de'i tshe tshe dang ldan pa sa ri zhes bya ba gzhon nu thor bu lang tsho la bab pa rab tu byung nas ring po ma lon pa/ bsnyen par rdzogs nas ring po ma lon pa/ chos 'dul ba 'dir 'ongs nas ring po ma lon pa/ des bsams pa/ bcom ldan 'das kyis gang gis nyung ngu byin pa dang gang gis mang du byin pa dang / gang gis bzang po byin pa dang / gang gis yid dga' bas las byas pa dang / gang gis rab tu dang ba'i sems kyis rjes su yi rang ba de dag thams cad ni bsod nams kyi skal ba can du 'gyur ro zhes gsungs kyis/ ma la bdag gis kyang las shig bya'o snyam nas des shing gshag par brtsams pa las ji tsam na shing rul pa zhig gi ser ka nas sbrul gdug pa zhig byung nas rkang pa g.yas pa'i mthe bo la zin pa dang / de dug gi shugs kyis brgyal nas sa la 'gyel te dbu bar skyug cing bzhin yang gyur/ mig kyang gyur te/ de de ltar sdug bsngal ba bram ze dang khyim bdag rnams kyis mthong nas smras pa/ shes ldan dag 'di khyim bdag su zhig gi bu yin/ gzhan dag gis smras pa/ che ge mo zhig gi 'o/ /de dag gis smras pa/ dge sbyong shAkya'i sras mgon med pa rnams kyi nang du rab tu byung gi gal te rab tu ma byung bar gyur na nye du rnams kyis 'di la dpyad byas pa zhig ces bya ba'i skabs de dge slong rnams kyis bcom ldan la gsol pa dang / bcom ldan 'das kyis bka' stsal pa/ sman pa la dris la dpyad byos shig /dge slong dag gis sman pa la dris pa dang / des smras pa/ 'phags pa sbyar ba'i zas gsol cig pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ sman pas bstan na sbyin par bya'o/ /dge slong dag gis zas sbyar ba ji lta bu yin pa ma shes nas/ de rnams kyis sman pa la dris pa dang / des smras pa/ 'phags pa dag khyed nyid kyi ston pa bcom ldan 'das ni thams cad mkhyen pa thams cad gzigs pa kho na nyid yin te/ de nyid mkhyen to zhes pa dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag zas sbyar ba ni lci ba dang / gcin dang / thal ba dang / sa'o/ /de la lci ba ni byung nas ring po ma lon pa'i be'u rnams kyi'o/ /gcin yang de dag kho na'o/ /thal ba ni shing lnga po kan tsa na'i dang / ka pa d+hi ka'i dang / a shwa tha'i dang / u dum ba ra'i dang / n+ya gro d+ha'i 'o/ /sa ni sa las sor bzhi'i 'og nas phyung ba'o/ /'di ni sbyar ba'i zas yin no/ /de nas dge slong rnams kyis tshe dang ldan pas ril zas sbyar ba byin na/ 'on kyang sos par ma gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ kun dga' bo khyod kyis nga las rma bya chen mo'i rig sngags bzung nas kun chub par byas te/ dge slong sa ri la bsrung ba dang / yongs su bskyab pa dang / yongs su gzung ba dang / dug gzhil ba dang / chad pa spang ba dang / dug gsad pa dang / mtshams gcad pa dang / sa bcing bar nus sam/ bcom ldan 'das kyis bka' stsal du gsol mnyan te bgyi'o// //'dul ba gzhi/ bam po drug bcu pa/ de nas bcom ldan 'das kyis de'i tshe rma bya chen mo'i rig sngags 'di bka' stsal to/ /sangs rgyas la phyag 'tshal lo/ chos la phyag 'tshal lo/ /dge 'dun la phyag 'tshal lo/ /'di lta ste/ a ma le/ bi ma le/ nir ma le/ mang+ga l+ye/ hi ra N+ye/ hi ra N+ye/ gar+b+he/ b+ha dre/ su b+ha dre/ sa man+ta/ b+ha dre/ shrI b+ha dre/ sarba ar+tha sA d+ha ni/ pa ra mA ra tha sA d+ha ni/ sarba a na ra tha pra sha ma ni/ sarba mang ga la pA d+ha ni/ ma na si/ mA na si/ ma hA mA na si/ a ts+yute/ ad b+hu te/ ad d+yan b+hu te/ mu ga te/ mo tsa ni/ mo k+Sha ni/ a ra dze/ bi ra dze/ a ma re/ a mr-i te/ a mar Ni/ brah+me/ brah+me swa re/ sU ra Ni/ sU ra na ma no ra the/ mu ga te/ dzI ban te/ sa ri'i gnod pa dang / 'jigs pa dang / nad thams cad las srungs shig swA hA/ btsun pa bka' bzhin 'tshal zhes tshe dang ldan pa kun dga' bos bcom ldan 'das kyi spyan snga nas rma bya chen mo'i rig sngags blangs nas/ dge slong sa ri la bde legs su 'gyur ba byas pas dug med nas sngon gyi ji lta ba bzhin du gyur to/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ bcom ldan 'das ji tsam du bcom ldan 'das kyis rma bya chen mo'i rigs sngags sman pa dang / gces spras bgyid pa ngo mtshar che lags so/ /dge slong dag da ltar 'ba' zhig tu ma yin te/ ji ltar 'das pa'i dus na yang nga log par ltung ba'i lus mi khom par gyur pa na rig sngags kyi rgyal mo rma bya chen mos phan pa dang gces spras byas pa de nyon cig /dge slong dag sngon byung ba ri'i rgyal po gangs ri'i lho phyogs kyi ngos la rma bya'i rgyal po gser du snang ba zhes bya ba zhig gnas te/ de nang par rma bya chen mo'i rig sngags 'dis bde legs su 'gyur ba byas te nyin mo bde legs su gnas/ nub kar bde legs su 'gyur ba byas te mtshan mo bde legs su gnas so/ /de dus gzhan zhig na 'dod pa'i 'dod chags la lhag par chags/ 'dod pa rnams la zhen/ 'chums/ brgyal/ myos/ rab tu rmongs/ rab tu brgyal te/ bag med pas nags kyi rma bya chen mo rab tu mang po rnams dang lhan cig tu kun dga'i ra ba nas kun dga'i ra ba dang / bskyed mos tshal nas bskyed mos tshal dang / ri'i ngos nas ri'i ngos su rgyu ba las ji tsam na ri'i ser ga zhig tu zhugs pa dang / de der yun ring du phyir rgol ba/ dgrar gyur pa/ 'tshe bar gyur pa/ glags lta ba rnams kyis rma bya'i rnyis bzung ste/ de mi mdza' ba'i nang du son pa dang / rab tu rmongs pa las dran pa rnyed nas rma bya chen mo'i rig sngags 'di kho na yid la byas so/ /a ma le/ bi ma le/ nir ma le/ mang ga l+ye/ hi ra N+ye/ hi ra N+ye/ gar+b+he/ b+ha dre/ su b+ha dre/ sa man ta b+ha dre/ shrIr b+ha dre/ sarba ar+tha sA d+ha ni/ pa ra mA ra tha sA d+ha ni/ sarba a na ra tha pra sha ma ni/ sarba mang ga la sA d+ha ni/ ma na si/ mA na si/ ma hA mA na si/ a ts+yu te/ ad b+hu te/ ad d+yan b+hu te/ mu ga te/ mo tsa ni/ mo k+Sha ni/ a ra dze/ bi ra dze/ a ma re/ a mr-i te/ a ma ra Ni/ brah+me/ brah+mA+e swa re/ sU ra Ni/ sU ra Na ma no ra the/ mu ga te/ dzI ban te/ bdag gnod pa thams cad las srungs shig swA hA/ des rma bya'i rnyi chad nas bros so/ / dge slong dag ji snyam du sems/ de'i tshe de'i dus kyi rma bya'i rgyal po gser du snang ba zhes bya ba gang yin pa de ni nga yin te/ de na yang nga la rma bya chen mo'i rig sngags kyis phan pa dang gces spras byas so/ /da ltar na yang nga'i rma bya chen mo'i rig sngags kyis phan pa dang gces spras byas so/ /btsun pa bcom ldan 'das kyi rig sngags kyis dge slong sa ri la ji tsam pa bde legs su byas par gyur pa la gzigs/ dge slong dag da ltar 'ba' zhig ma yin gyi ji ltar 'das pa'i de yang nyon cig /dge slong dag sngon byung ba bA rA Na sI'i grong khyer na sbrul sngags mkhan zhig yod do/ /rgyal rigs kyi khye'u zhig sbrul gyis zin nas de shi ba dang / sbrul sngags mkhan gyis rig sngags kyis de sos par byas so/ /dge slong dag ji snyam du sems/ de'i tshe de'i dus kyi sbrul sngags mkhan gang yin pa de ni nga nyid yin no/ /de'i tshe de'i dus kyi khye'u gang yin pa de ni dge slong sa ri yin no/ / sman gyi gzhi rdzogs so// // gos kyi gzhi'i bsdus pa'i sdom ni/ /'tsho byed dang ni gso ras dang / /de bzhin kha tshar ring po dang / /dbyar ral bar ni rig bya dang / /shi ba'i dus dang nye dga' dang / /tha ma dag ni nad pa yin/ / sdus pa'i sdom ni/ 'tsho byed dang ni gsum 'dral dang / /dbyar gyi ras chen gding ba dang / /g.yan pa bde gshegs mon dar dang / /bal dang sha na zar ma'i ras/ /sdom la/ dum bu sa skyong seng ge dang / de bzhin yangs par song ba dang / /sems 'phrog drang srong sa 'tsho dang / /a mra skyong dang 'jigs med dang / /tshong dpon chung ma rigs skyes dang / /sman pa yi ni lung dang ni/ /rdo 'jog dang ni bzang byed dang / /u dum ba ra gzhal ba dang / / bskyed dang rgyal rigs bskyed mos tshal/ /bcom brlag gyad dang bud med sprul/ /ya mu na dang dur khrod dang / /yangs pa mig dang srin gyi med/ /rgyal po'i khab bdun bzhi lnga dang / /'tsho byed sde tshan bsdus pa yin/ / lus 'phags na rgyal po 'phags skyes po zhes bya ba 'byor pa dang / rgyas pa dang / bde ba dang / lo legs pa/ skye bo dang mi mang pos gang ba na rgyal srid byed du 'jug go/ /de'i blon po dum bu la sogs pa lnga brgya yod pa las blon po'i mchog dum bus chos dang mthun par rgyal srid byed du 'jug ste/ tha snyad du bya ba yang rigs pas lta bar byed do/ /des na skye bo'i tshogs thams cad de'i ngor bltas shing 'dug go/ /des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed de de rtse bar byed/ dga' bar byed/ dga' mgur spyod par byed pa las khye'u zhig btsas te/ de'i btsas ston nyi ma bdun gsum nyi shu gcig tu zhes bya ba nas sa skyong zhes bya bar btags so zhes bya ba'i bar gong ma bzhin du'o/ /de yang rtse bar byed/ dga' bar byed/ dga' mgur spyod par byed pa las khye'u zhig btsas te gong ma bzhin du rgyas par sbyar te/ de ni seng ge zhes bya bar btags so/ /sa skyong dang seng ge rim gyis gzhon nur gyur na yang blon po'i mchog tu dum bu ni thog ma nyid nas dpa' zhing pha rol gnon pa gnas lnga la byang ba yin te/ des na blon po rnams kyi mchog tu gyur to/ /gang gi tshe bu'i mthu skyes pa de'i tshe/ lhag par yang blon po thams cad zil gyis mnan te 'dug go/ /de nas blon po de rnams zil gyis non pas mi bzod pa skyes nas phan tshun du gros byas te rgyal po'i drung du dong ngo / /de nas skabs la bab par rig nas rgyal po la smras pa/ lha rgyal po su lags/ des smras pa/ shes ldan dag gis brtag tu ci yod rgyal po lta nga yin mod/ gzhan su zhig yin/ de rnams kyis smras pa/ lha rgyal po ni dum bu lags kyis lha ma lags so/ /gal te de 'tshal bar gyur na lha rgyal srid las phyung nas rang nyid cod pan bcings te/ rgyal srid kyi dbang phyug la dbang bgyid par 'gyur ro/ /rgyal pos bsams pa/ des 'di dag thams cad zil gyis mnan pas des na dbyen byed do snyam mo/ /re shig dus gzhan zhig na rgyal po blon po'i tshogs kyis yongs su bskor te 'dug pa dang / blon po'i mchog dum bu rgol ba dang phyir rgol ba brgyad stong gis yongs su bskor nas rgyal po'i pho brang du zhugs te/ rgyal po'i pho brang de gang bar byas nas gang gi tshe rgyal srid kyi bya ba byas nas phyir byung ba de'i tshe yang rgyal po'i pho brang de stong par 'dug go/ /rgyal pos smras pa/ shes ldan dag skye bo'i tshogs thams cad phyir byung bar gyur tam/ blon po rnams kyis glags rnyed nas de rnams kyis smras pa/ lha gang gi slad du snyan du gsol ba spyan sngar bab lags mod/ gal te dum bu 'tshal bar gyur na lha rgyal srid las phyung nas rang nyid cod pan bcings te rgyal srid kyi dbang phyug la dbang bgyid par 'gyur ro/ /rgyal po rnams khwa ltar khum phrig za ba yin pas des bsams pa/ 'di rnams kyis ji skad smras pa de bzhin du gdon mi za'o snyam nas de de la glan ka tshol bar gyur to/ /'jig rten na mdza' ba dang / mi mdza' ba dang / bar ma yod pas ji tsam na gzhan dag gis dum bu la smras pa/ khyod la rgyal po klan ka tshol zhing 'dug gis thabs legs par soms shig /de rtog pa skyes shing de dpyod pa la zhugs pa gang du 'gro/ gal te mnyan yod du song na ni mnyan yod de yang rgyal po'i mnga' ris yin pas nyen 'di nyid yod do/ /de bzhin du bA rA Na sI dang / rgyal po'i khab dang / tsam pa yang gcig gi dbang du gyur pas nyen 'di nyid yod do/ /yangs pa can ni tshogs kyi dbang yin te/ bcu dga' ba gang yin pa de la ni nyi shu mi dga' bar 'gyur ba yin pas ye yangs pa can du 'gro'o snyam nas des yangs pa can gyi li tsa bi rnams la bdag ni khyed cag gi dpung gi phag na 'dug par 'dod do zhes pho nya btang ngo / /de rnams kyis gus pa'i tshul gyis lan spring ba/ yangs pa can 'dir byon pa legs kyis spyon cig /de nas blon po'i mchog dum bus nye du rnams bos te smras pa/ shes ldan dag bdag ni yangs pa can du chas kyis khyed cag las gang dag 'dir dga' ba de dag ni 'dug shig /gang dag mi 'dod pa de dag ni sta gon gyis shig dang 'dong ngo / /ba lang rdzi dang phyugs rdzi rnams la bsgo ba/ khyed cag gis ba lang dang ma he yangs pa can gang na ba der skyongs shig /zho shas 'tsho ba rnams la bsgo ba yangs pa can du 'dong gis go gyon cig /de nas skye bo'i tshogs de ltar sta gon byed du bcug nas/ rgyal po'i drung du song ste rkang pa gnyis la gtugs te smras pa/ lha bgyi ba cung zhig mchis te/ bskyed mos tshal du mchi na gzigs su gsol/ /rgyal pos smras pa/ de bzhin byas song shig /des bskyed mos tshal byi dor byas nas nor gces pas shing rta bkang ste/ steng bza' ba dang bca' bas g.yogs nas song ngo / /blon po rnams kyis dum bu bros so zhes thos nas/ de rnams rings pa rings par rgyal po'i drung du song nas smras pa/ lha dum bu ni bros so/ /rgyal pos smras pa/ deng la slar khug shig /de rnams kyis dpung gi tshogs yan lag bzhi pa go bskon nas bsnyags te smras pa/ dum bu lhas bka' stsal gyis slar log shig /des smras pa/ shes ldan dag khyed cag gis yun ring mo zhig nas kye ma'o dum bu shi 'am bros par gyur kyang ci ma rung snyam du bsams pa de tshegs chung ngus grub kyis deng shig /kho bo ni bros pa yin no/ /de rnams kyis rgyal po'i sems bsrung ba'i phyir mda' dang mda' dag 'dres par byas nas log ste rgyal po la smras pa/ lha blon po'i mchog dum bu ni bros so/ /rgyal pos ma legs so snyam du bsams nas cang mi smra bar 'dug go/ /dum bu yang rim gyis yangs pa can du phyin to/ /de'i tshe yangs pa can na ris gsum du gnas te/ ris dang po na ni khang pa rtseg ma bdun stong ba gam gser las byas pa'o/ /ris bar ma na ni khang pa rtseg ma khri bzhi stong ba gam dngul las byas pa'o/ /ris tha ma na ni khang pa rtseg ma nyi khri chig stong ba gam zangs las byas pa ste/ de rnams na mi dam pa dang / bar ma dang / phal pa rnams ci rigs par gnas so/ /yangs pa can gyi tshogs kyis khrims su bcas te bzhag pa ni ris dang por bu mo btsas pa gang yin pa de ni ris dang po nyid du gtong bar byed kyi bar mar ma yin/ tha mar ma yin no/ /bar ma'i gang yin pa de ni ris dang po dang bar ma la gtong bar byed do/ /tha ma'i gang yin pa de ni ris gsum char du gtong bar byed do/ /bud med rnams ni yangs pa can ma gtogs par gzhan du mi gtong zhing mi 'byin to/ /bud med rin po che ni su la yang mi gtong bar tshogs spyi'i yongs su longs spyad pa kho nar byed do/ /dum bu ni skyes bu dam pa yin no zhes te ris dang por khang pa byin nas/ de na gnas par brtsams pa las gang gi tshe tshogs 'dus pa de'i tshe de bos kyang 'dur ma btub nas/ de la yangs pa can gyi li tsa bi rnams kyis smras pa/ dum bu khyod ci'i phyir mi 'du/ des smras pa/ 'du ba kho na las bdag la nyes dmigs byung bas bdag mi 'du'o/ /yangs pa can pa rnams kyis smras pa/ dum bu 'dus shig /'dir nyes dmigs ci zhig 'byung des 'du bar brtsams nas blo gros ma byin no/ /de rnams kyis smras pa/ dum bu blo gros byin cig /des smras pa/ gang gi phyir blo gros kho nas bdag la nyes dmigs byung bas na blo gros ni mi sbyin no/ /de rnams kyis smras pa/ blo gros byin cig 'dir nyes dmigs ci zhig 'byung / de tshogs dang lhan cig 'dus nas blo gros kyang byin no/ /sngon yangs pa can gyi li tsa bi rnams gang su la yang rung yi ge spring bar byed na rtsub po dang bcas par yi ge spring bar byed do/ /gang gi tshe dum bus blo gros byin pa de'i tshe 'jam po dang bcas par yi ge spring bar byed do/ /gang dag la 'jam po dang bcas par yi ge 'ongs par gyur pa de rnams phan tshun du gros byas pa/ shes ldan dag gang gis na yangs pa can gyi tshogs sngon rtsub pa dang bcas par spring bar byed pa las/ da 'jam po dang bcas par gyur pa la rgyu ci zhig yod/ gzhan dag gis smras pa/ khyad par yod de lus 'phags kyi rgyal po'i blon po'i mchog dum bu der 'ongs nas/ de dag de'i blo gros bzhin byed de/ des na da ltar 'jam po dang bcas par spring bar byed do/ /dum bus sa skyong dang seng ge khyim phub nas seng ge rtse bar byed/ dga' bar byed/ dga' mgur spyod par byed pa las bu mo zhig btsas te/ de'i btsas ston rgya cher byas nas gos can zhes bya bar btags so/ /de ltas mkhan rnams kyis mthong nas khye'u zhig btsa' bar 'gyur te/ des pha srog dang phral nas rang nyid cod pan bcings te rgyal srid byed par 'gyur ro zhes lung bstan to/ /de yang rtse bar byed/ dga' bar byed/ dga' mgur spyod par byed pa las bu mo zhig btsas te/ de'i btsas ston yang rgya cher byas nas nye gos can zhes bya bar btags so/ /de yang ltas mkhan rnams kyis mthong nas bu mtshan rdzogs pa zhig btsa' bar 'gyur ro zhes lung bstan to/ /sa skyong gdug pa rtsal che ba zhig pas yangs pa can gyi li rtsa bi rnams kyi bskyed mos tshal rnams ma rung bar byas pa dang / bskyed mos tshal srung ba rnams kyis smras pa/ yangs pa can gyi li rtsa bi rnams ni gdug pa rtsal po che yin gyis de dag gi bskyed mos tshal rnams ma rung bar ma bya shig ces des slar bzlog kyang ma btub nas bskyed mos tshal srung ba rnams kyis dum bu la smras pa/ khyod kyi bus yangs pa can gyi li rtsa bi rnams kyi bskyed mos tshal rnams ma rung bar byas te/ li rtsa bi 'di dag rnams gdug pa rtsal po che yin pas 'di la gnod pa byas su 'ong gis 'di slar zlog shig /des de bkug nas smras pa/ bu yangs pa can gyi li tsa bi rnams ni gdug pa rtsal po che yin gyis 'di dag gi bskyed mos tshal ma rung bar ma bya shig /de dag gis gnod par byas sa re/ des smras pa/ yab 'di dag la ni bskyed mos tshal mchis na bdag cag la ni ma mchis so/ /des smras pa/ bu bskyed mos tshal gyi don du tshogs la gsol ba gdab bo/ /des tshogs la gsol ba btab pa/ shes ldan dag bdag gi bu gnyis la bskyed mos tshal ma mchis kyis bdag la bskyed mos tshal shig thugs dpag mdzad pa'i rigs so/ /de rnams kyis de dag la bskyed mos tshal rnying pa zhig byin pa las/ de na shing sA la chen po zhig yod de/ de la gcig gis bcom ldan 'das kyi sku'i gzugs brnyan byed du bcug go/ /gcig shos kyis ni zhal sros byas so/ /de bzhin du gnas brtan rnams kyis kyang mdo sde'i nang du sangs rgyas bcom ldan 'das yangs pa can na sa skyong dang seng ge'i shing sa la'i tshal na bzhugs so zhes brjod do/ /sa skyong gis bya ba ma yin pa stong phrag dag byas pas li tsa bi rnams smod par byed/ gzhogs 'phyas byed/ kha zer bar byed do/ /de nas dum bus bkug ste bsgo ba/ bu khyod tshogs 'khrug par ma byed par ri 'or che ge mo zhig tu song la der rang gi zhing las kyi mtha' rnams la zhal ta byed cing 'dug shig /de der song nas rang gi zhing las kyi mtha' rnams la zhal ta byed par brtsams so/ /ji tsam dus gzhan zhig na yangs pa can gyi sde dpon shi nas de rnams kyis blon po'i mchog dum bu sde dpon du bcug pa las des kyang dus thung ngu zhig tu chos dang 'thun pas sde dpon byas nas shi'o/ /yangs pa can gyi tshogs 'dus nas su zhig sde dpon du gzhug ces byas pa dang / de nas kha cig gis smras pa/ blon po'i mchog dum bus tshogs yongs su bskyangs pas na de nyid kyi bu gzhug go/ /kha cig gis smras pa/ de'i bu sa skyong ni gdug pa rtsal po che zhig ste/ gal te de sde dpon du bcug na gdon mi za bar tshogs phye bar 'gyur ro/ /de'i nu bo seng ge gang yin pa de ni des pa 'grogs na bde ba tshogs kyi sems mgu bar byed nus pa zhig pas/ gal te tshogs 'dod na de sde dpon du gzhug go/ /thams cad dga' bas de rnams 'dus nas seng ge'i gan du song ste/ seng ge khyod la sde dpon sbyin no/ /des smras pa/ sa skyong ni bdag gi phu bo yin pas de sde dpon du chug shig /de rnams kyis smras pa/ seng ge sde dpon khyod kyi rigs brgyud kyis rim pas 'ongs pa yin nam ci tshogs gang la 'drang ba des sde dpon bya bar zad mod/ gal te khyod mi 'dod na kho bo cag gis gzhan zhig sde dpon du gzhug go/ /des bsams pa/ gal te bdag gi khyim nas sde dpon gzhan du shor na de ni ma 'os pas ye bkur ro snyam nas des khas blangs pa dang / de rnams kyis bkur sti chen pos sde dpon du bcug go/ /yangs pa can pa rnams sngon gang la yi ge spring ba de la dum bu la sogs pa tshogs kyis bka' stsal pa zhes 'dri bar byed pa las/ gang gi tshe seng ge sde dpon du gyur pa de'i tshe seng ge la sogs pa tshogs kyis bka' stsal pa zhes 'dri bar byed do/ /ji tsam dus gzhan zhig na ri 'or na sa skyong rang gi zhing blas kyi mtha' rnams la zhal ta byed pa'i ri 'or ba gang yin pa der spring ba 'ongs pa dang / sa skyong gis phye ste blags nas des smras pa/ shes ldan dag sngon ni yangs pa can gyi tshogs dum bu la sogs pa'i tshogs kyis bka' stsal pa zhes 'bri na/ da ni seng ge la sogs pa tshogs kyis bka' stsal pa zhes 'bri na/ ci kho bo'i pha shi 'am/ de rnams kyis smras pa shi'o/ /de mi bzod pa skyes nas yangs pa can du song ste smras pa/ phu bo nga 'dug bzhin du khyod kyis sde dpon bya ba ci ga rigs sam/ seng ges ji ltar gyur pa de la smras pa dang / de yangs pa can gyi li tsa bi rnams la mi bzod pa skyes nas bsams pa/ bdag la yangs pa can pa rnams kyis bkur sti ma yin pa byas kyis rgyal po'i khab tu 'gro'o snyam nas/ des rgyal po gzugs can snying po la bdag lha'i btsan phag na mchis par 'tshal lo zhes pho nya btang ngo / /des de la spring ba 'ong ba legs kyis shog shig ces spring ngo / /de rgyal po'i khab tu 'ongs pa dang / de nas rgyal po gzugs can snying pos blon po'i mchog tu bcug go/ /ji tsam dus gzhan zhig na rgyal po gzugs can snying po'i btsun mo dam pa shi nas de 'gram pa la lag pa gtad de sems khong du chud cing 'dug pa de sa skyong gis mthong nas smras pa/ lha ci'i slad du zhal la phyag gtad de thugs mi dgyes shing bzhugs/ des smras pa/ nga'i btsun mo dam pa shi na ci'i phyir sems khongs su chud cing mi 'dug /lha thugs ngan ma mdzad cig /bdag gi nu bo la bu mo gzugs dang lang tsho phun sum tshogs pa lha kho na la 'os pa gnyis mchis na/ de la gcig la ni pha 'gums pa'i bu zhig btsa' bar 'gyur/ gcig shos la ni mtshan phun sum tshogs pa zhig btsa' bar 'gyur ro zhes lung bstan na lha'i ched du de gang khrid de mchi/ bu mtshan phun sum tshogs pa btsa' bar 'gyur ba zhes lung bstan pa gang yin pa de'o/ /de nas sa skyong gis seng ge la spring ba rgyal po gzugs can snying po'i btsun mo dam pa shi nas khyod kyi nye gos can tshur skri shig dang btsun mo dam par 'gyur ro/ /des de la yi ge lan spring ba/ gar bskor kyang khyod kho na la bdag 'dri bar zad de/ khyod kyis byas pa gang yin pa de ni tshad ma'i mchog yin pas khyod nyid shes so/ /ji ltar tshogs kyis khrims su bcas pa yangs pa can las gzhan du bu mo mi gtong ngo zhes bcas mod kyi/ 'on kyang khyod nyid 'ongs te bskyed mos tshal du sdod cig dang / kho bos de bskyed mos tshal du phyung ba dang khyod kyis khrid de song shig /de nas sa skyong gis rgyal po la mchi phyag byas nas shing rtar zhugs te yangs pa can du song ba las rim gyis phyin nas bskyed mos tshal du bsdad do/ /de'i tshe yangs pa can gyi sgo srungs shig shi nas mi ma yin pa rnams su skyes pa des yangs pa can pa rnams la bstan pa/ bdag ni mi ma yin pa rnams su skyes kyis bdag gi gnod sbyin gyi gnas byos la mgul pa la dril sbyongs shig dang gal te yangs pa can rnams la phyir rgol ba 'ga' zhig 'ongs na bdag gis ji tsam du zin pa 'am/ 'bros par gyur pa de srid du dril gyi sgra bsgrags par bya'o/ /de rnams kyis gnod sbyin gyi gzugs brnyan byas nas mgul pa la dril btags te/ gar dang / glu dang / rol mo'i sgra dang / gtor ma dang / me tog phreng gi yo byad kyis sgo khang du bzhag go/ /sa skyong gis seng ge la spring ba/ kho bo bskyed mos tshal na sdod kyis byung shig /des yangs pa can gyi tshogs la brtags nas khyim du song ste nye gos can la smras pa/ khyod rgyal po gzugs can snying po la byin gyis rgyan rnams thogs la bskyed mos tshal du byung shig /des rgyan rnams thogs par brtsams pa dang / gos can gyis mthong nas des smras pa/ ci zhig gi phyir rgyan thogs/ kho mo bag mar btang ngo / /su zhig la/ rgyal po gzugs can snying po la'o/ /des smras pa/ kho mo phu mo yin na khyod ci ste bag mar gtang / gal te de lta na khyod rgyan thogs shig /de yang smra ba las dril gyi sgra byung ngo / /yangs pa can gyi tshogs rod rod por gyur te/ bdag cag gi mi mdza' ba zhig yangs pa can du zhugs so/ /seng ge sngangs pas nye gos can yin no snyam nas gos can khrid de myur ba myur bar phyir byung ba dang / sa skyong yang sngangs pas gos can shing rtar bcug ste song ngo / /yangs pa can gyi tshogs kyis phyi bzhin bsnyags nas/ de dang de rnams su lhan cig 'thab par brtsams pa dang / de gnas lnga rnams la byang ba yin pas des li tsa bi lnga brgya'i gnad du bsnun nas des smras pa/ shes ldan dag ngas khyed cag las lnga brgya gnad du bsnun zin gyis lhag ma rnams srog bskyab kyis slar deng shig /de rnams kyis smras pa/ nged cag las sems can gcig kyang bsad pa med do/ /go phud cig de rnams kyis go phud pa dang lnga brgya sa la 'gyel nas srog dang bral bar gyur to/ /de nas de rnams kyis mi 'di ni srin po yin no snyam nas skrag ste bros so/ /yangs pa can du lhags nas gros bya bar brtsams pa/ shes ldan dag bdag cag gi dgra 'di la gzugs can snying po'i bu rnams lan glon du gzhug gis glegs bu la yi ger bris te sgrom bur bcug nas rgya skyags la rgyas btab nas gzhag go zhes de rnams kyis de bzhin du byas nas bzhag go/ / sa skyong yang rim gyis rgyal po'i khab tu phyin nas smras pa/ nye gos can bobs shig /des smras pa/ khu gu bdag ni nye gos can ma lags te/ bdag ni gos can lags so/ /khyod kyis ci'i phyir bdag la ma smras/ de cang mi smra bar 'dug go/ /de nas de sdug bsngal zhing yid mi bde bas rgyal po'i drung du song ba rgyal pos mthong nas smras pa/ sa skyong 'ongs sam 'ongs pa legs so/ /lha bdag mchis lags so/ /nye gos can khrid de 'ongs sam/ lha khrid de mchis kyang mchis la khrid de ma mchis kyang ma mchis so/ /ci zhig zer/ nye gos can lags snyam nas gos can khrid de mchis so/ /bltas khrid de shog shig /de nang du khrid pa dang rgyal pos lhag par gzugs dang lang tsho phun sum tshogs pa mthong nas bud med kyi yul gyis phrogs pas mthong ma thag kho nar rgyal po chags par gyur nas smras pa/ shes ldan dag bu pha gsod pa gang yin pa de ni rgyal srid kyi phyir yin pas gal te nga la bu yod par gyur na de btsas ma thag tu ngas cod pan gyis bcing bar bya'o/ /de nas de dpal gyi 'byor pa chen pos bag mar blangs te/ yul lus 'phags nas 'ongs pas na lus 'phags ma zhes bya bar grags so/ /de de dang lhan cig rtse bar byed/ dga' bar byed/ dga' mgur spyod par byed do/ /re shig dus gzhan zhig na rgyal po gzugs can snying po ri dgas kyi phyir byung ba na bsti gnas shig na drang srong mngon par shes pa lnga dang ldan pa zhig gnas so/ /ji tsam na ri dgas mda'i long btags pas skrag pa zhig drang srong de'i bsti gnas su zhugs shing byung ba rgyal po'i mdas gnad du bsnun to/ / de nas drang srong de khros nas smras pa/ 'thab krol can gyi rgyal po bdag gi bsti gnas gcan gzan gdug pas kyang gzem par bya bar ri dgas skyabs su 'ongs pa khyod kyis gsod dam zhes drang srong de rgyal po la de skad du kha zer ba dang / dpung gi tshogs 'ongs nas smras pa/ lha 'di su la g.yar mchi/ rgyal pos smras pa/ nga la yin na/ shes ldan dag rgyal po la kha tshas zer ba gang yin pa de la chad pa ci yod/ lha de'i chad pa dgum pa lags so/ /gal te de lta na ngas drang srong 'di yongs su spangs so/ /de gsad par brtsams te de gsod pa na smon lam log par btab pa/ rgyal po 'thab krol can 'dis bdag nyes pa med cing gnod pa mi byed pa gsad par bskris/ gang du skyes pa der 'di srog dang bral bar byed par gyur cig /yang bsams pa/ rgyal po 'di dag ni shin tu sbas pa/ shin tu bsrungs pa/ shin tu btsas pa yin pas gal te gzhan du skye ba blangs na lan 'ga' yang skabs rnyed par mi 'gyur gyis/ rnam pa thams cad du bdag 'di'i btsun mo dam pa'i mngal du skye bar gyur cig ces byas so/ /de smon lam log par btab pas gos can gyi mngal du skyes so/ /gang gi tshe nyi ma kho na la nying mtshams sbyor ba blangs pa de nyid kyi nyi ma la khrag gi char bab bo/ /gos can 'dod pa skyes pa/ e ma'o bdag gis lha'i rgyab kyi sha bcad cing bcad cing zos kyang ci ma rung snyam mo/ /de ltar gyur pa rgyal po la smras pa dang / rgyal pos ltas mkhan rnams bkug nas smras pa las/ de rnams kyis smras pa/ lha 'di ni btsun mo'i rum du sems can zhig zhugs pa gang lags pa de'i mthu lags so/ /rgyal po sems khongs su chud cing 'dug nas/ 'di'i 'dod pa ci zhig gis sel bar 'gyur snyam mo/ /mkhas pa'i rang bzhin can gzhan dag gis smras pa/ lha ras kyi bar stsang shas bltam par bgyis te gsol la nyid btsun mo la stobs mdzod cig /de nas rgyal pos ras kyi bar shas gang bar byas pa bgos nas bdag nyid gos can la btabs pa dang / des rgyab kyi sha yin no snyam nas zos so/ / de nas de'i 'dod pa gang yin pa de dang bral bar gyur to/ /yang de'i 'dod pa skyes pa/ kye ma'o bdag gis lha'i khrag kho na 'thungs kyang ci ma rung snyam pa de yang rgyal po la smras pa dang / de nas rgyal pos yan lag lnga'i rtsa gtar nas khrag blud pas de 'dod pa de dang bral bar gyur to/ /ji tsam na zla ba dgu tshang ba dang / khye'u gzugs bzang ba/ mdzes pa blta na sdug pa zhig btsas so/ /btsas te gang gi nyi ma la btsas pa de nyid kyi nyi ma la yang khrag gi char bab bo/ /rgyal pos yang ltas mkhan rnams bkug nas smras pa dang / de rnams kyis smras pa/ lha bstan bcos las ji ltar gda' ba ltar na gdon mi 'tshal bar khye'u 'dis lha sku tshe dang phral nas rang nyid cod pan bcings te rgyal srid bgyid par 'gyur ro/ /rgyal pos bsams pa/ rnam pa thams cad du rgyal srid kyi ched du 'dis srog dang bral bar byed kyis 'di la bdag nyid kyis rgyal srid byin na ci'i phyir bdag srog dang bral bar byed snyam mo de'i tshe yangs pa can na li tsa bi ming chen zhes bya ba zhig gnas te/ de'i bskyed mos tshal na a mra'i tshal yod pa las der glo bur du chu shing gi sdong po zhig skyes pa kun dga'i ra ba srung bas mthong ngo / /de ma thag kho nar me tog chags pa dang / de ngo mtshar skyes nas ming chen la smras pa dang / des ltas mkhan rnams bkug nas dris pa dang de rnams kyis smras pa/ lha de srung du gsol cig dang dgung bdun gyi nyin par gas par 'gyur te/ de'i nang nas bu mo zhig 'byung bar 'gyur ro/ /khyim bdag ming chen gyis thos nas lhag par yang ngo mtshar skyes par gyur te/ bskyed mos tshal der kun nas srungs ma'i mi rnams bkod nas nyi ma bgrang ba la zhugs so/ /ji tsam na zhag bdun lon pa dang bskyed mos tshal de rdo ba dang / gseg ma dang / gyo mo rnams bsal nas tsan dan gyi chus chag chag btab/ shin tu dri zhim po'i pog por dag bshams/ dar gyi chun 'phyang mang po bres/ me tog sil mas bkram/ glu dang rol mo'i sgra rnam pa du ma dag dang / mdza' bo dang / gnyen bshes kyi skye bos yongs su bskor nas dpal gyi 'byor pa chen pos chung ma dang lhan cig byung nas bskyed mos tshal de na de rtse bar byed/ dga' bar byed dga' mgur spyod par byed pa las chu shing gi sdong po gas nas bu mo gzugs bzang ba/ mdzes pa blta na sdug pa yan lag thams cad dang ldan pa zhig byung ngo / /de nas ming chen gyis chung ma dam pa la gtad pa dang / des smras pa/ lha 'di'i ming gdags su gsol/ ming chen gyis smras pa/ bu mo 'di ni a mra'i tshal nas rnyed pa yin pas 'di'i ming a mra skyong ma zhes bya'o/ /ji tsam na khyim bdag ming chen bskyed mos tshal nas rang gi khyim du song ste bu mo a mra skyong ma bskyed bsrings te zhes bya ba nas chen mor gyur to zhes bya bar gong ma bzhin du'o/ /de slong ba'i phyir yul krung krung pa rnams dang / shAkya rnams dang / gzhan yang yul sna tshogs na gnas pa'i rgyal po'i bu dang / blon po'i bu dang / tshong pa dang / tshong dpon dang / ded dpon du ma dag 'ongs pa dang / khyim bdag ming chen gyis bsams pa gang kho na la ma byin pa de dag kho na sdang bar 'gyur na 'on kyang tshogs kyis khrims su bcas pas re shig tshogs la brtag go snyam nas/ des yangs pa can gyi tshogs bsdus te/ shes ldan bram ze dang khyim bdag rnams nyon cig /bdag gis bskyed mos tshal nas bu mo zhig rnyed pa de bdag gis bsnun bsnyod de bskyed nas/ de bdag gis rang gi rigs rgyud dang 'tsham par 'ga' zhig la chung mar byin na tshogs kyis ltos shig /de rnams kyis smras pa/ khyim bdag sngon tshogs kho nas khrims su bcas pa/ bud med rin po che ni mi gtang ste tshogs kyis spyad do/ / zhes bcas pa yin gyis re shig bu mo de ci 'dra ba zhig bltas khrid de shog shig /des de tshogs kyi nang du khrid de 'ongs pa dang / gzugs dang lang tsho phun sum tshogs pa mthong nas tshogs thams cad ngo mtshar du gyur pa'i mig bgrad de kun tu brtags par brtsams nas smras pa/ khyim bdag 'di ni bud med rin po che yin pas tshogs kyis spyad kyis su la yang mi sbyin no/ /de nas khyim bdag ming chen yid mi bde zhing rang gi khyim du song nas de 'gram pa la lag pa gtad nas sems khong du chud cing 'dug pa a mra skyong mas mthong nas dris pa/ yab ci'i slad du thugs mi dgyes/ bu mo khyod bud med rin po che yin no zhes tshogs kyis spyad par gyur te/ bdag gi yid la re ba ma rdzogs so/ /yab ci khyod gzhan gyi dbang du gyur tam/ bu mo sngon tshogs kyis khrims su bcas pa bud med rin po che ni tshogs kyis spyad do zhes bcas la/ khyod kyang bud med rin po che yin pas de'i phyir bdag la dbang med do/ /des smras pa/ dam zhig bca' ste gal te bdag la tshogs kyi dam pa lnga zhig stsal na/ bdag tshogs kyis spyad par bgyi ste/ ris dang po'i khang pa stsal ba dang / skyes pa gcig nang du zhugs pa na gcig shos nang du mi 'jug pa dang / nang du 'jug pa gang yin pa de yang kar Sha pA Na lnga brgya 'tshal te mchi ba dang / gang gi tshe khyim nyul ba de'i tshe bdag gi khyim zhag bdun na byul ba dang / bdag gi khyim du mchi ba rnams kyi phyir 'byung ba dang / nang du 'jug pa la mi brtag pa'o/ /ming chen gyis a mra skyong ma'i spring pa bzlas pa dang tshogs kyis smras pa/ de bzhin du byas te/ ris dang po'i khang pa zhes gang smras pa la ris dang po'i khang pa ni bud med rin po che 'di kho na la 'os so/ /gcig nang du zhugs pa na gcig shos nang du mi 'jug par bya'o zhes gang smra ba de yang bden te sha khon rnams las ni 'di lta ste/ bud med kyi sha khon tha chad yin pas gal te gcig nang du zhugs pa na gcig shos kyang nang du zhugs na gdon ma zos par gcig la gcig gsod par 'gyur ro/ /nang du 'jug pa des kar Sha pA Na lnga brgya thogs te nang du 'jug par bya'o zhes gang smras pa de yang bden te/ gdon mi za bar de'i gos dang rgyan du dgos so/ /zhag bdun lon pa na khang pa byul bar bya'o zhes gang smras pa de yang bden te/ sngar ram phyis byas kyang rung de la 'gal ba ci zhig yod/ skyes pa rnams kyi phyir 'byung ba dang nang du 'jug pa la mi brtag go zhes gang smras pa de yang bden te/ 'di smad 'tshong ma yin pas gal te mi rnams kyi phyir 'byung ba dang nang du 'jug pa brtags na su zhig de'i khyim du 'jug /de nas tshogs kyis de la mchog lnga byin nas tshogs kyis spyad par gyur to/ /yangs pa can gyi li tsa bi rnams kyis dga' mgur spyad pa'i phyir de'i khyim du 'jug par brtsams pa las/ de na kha cig ni yul la chags ches pa'i phyir mthong ma thag kho nar 'dod chags dang bral bar gyur to/ /kha cig gis ni reg pa kho nas te/ de la 'gas kyang skyes pa'i bya ba ma byas so/ /des bsams pa/ 'di dag ni skyes pa ma yin gyis thabs shig bshams par bya'o snyam nas/ des yul sna tshogs na gnas pa'i ri mo mkhan rnams bkug nas smras pa/ shes ldan dag gang na rgyal po 'am blon po'am phyug po 'am/ tshong dpon nam/ tshong pa 'am/ ded dpon ci 'dra ba mthong ba de 'dra ba dag rtsig pa la bris shig /de rnams kyis ji ltar mthong ba bzhin bris pa dang / de nas a mra skyong ma rgyan sna tshogs kyis brgyan nas ri mo'i las rnams la so sor brtags te dris pa/ shes ldan dag 'di gang zhig 'di ni rgyal po rab snang ngo / /gzhan 'di gang zhig /ko sa la'i rgyal po gsal rgyal lo/ / gzhan 'di gang zhig bad sa la'i rgyal po 'char byed do/ /gzhan 'di gang zhig /ma ga d+ha'i rgyal po bzo sbyangs gzugs can snying po'o/ /des de bzhin du dris pa dang de rnams kyis kyang thams cad smras so/ /de nas des thams cad la brtags pa dang gzugs can snying po la mig chags nas des bsams pa/ skyes bu 'di ltar chu zheng gab pas ni bdag dang lhan cig dga' mgur spyad par nus so snyam mo/ /ji tsam dus gzhan zhig na ma ga d+hA'i rgyal po bzo sbyangs gzugs can snying po steng gi khang bzangs kyi gzhir song nas blon po'i tshogs kyis yongs su bskor te 'dug nas tshul ma yin pa'i gtam smras pa/ shes ldan dag sus smad 'tshong ma ji lta bu mthong / sa skyong gis smras pa/ lha re zhig gzhan lta zhog /yangs pa can na smad 'tshong ma a mra skyong ma zhes bgyi ba shin tu gzugs dang lang tsho phun sum tshogs pa sgyu rtsal drug bcu rtsa bzhi 'tshal ba lha kho nas spyad du rung ba zhig mchis so/ /des smras pa/ sa skyong gal te de lta na yangs pa can du 'dong / de dang lhan cig dga' mgur spyad do/ /des smras pa/ yangs pa can gyi li tsa bi rnams ni yun ring po nas gnod pa bgyid pa slar rgol ba dgra bo lags pas khyod la gnod pa bgyid du mchi 'o/ /rgyal pos smras pa/ shes ldan dag mi rnams ni skyes bu'i dpa' snying can yin pas 'dong ngo / /des smras pa/ lha gal te don ma mchis pa la gtsigs che bar mdzad na gshegs mod/ de shing rtar zhugs nas sa skyong dang lhan cig yangs pa can du chas te/ rim gyis yangs pa can du phyin nas sa skyong ni bskyed mos tshal na sdod do/ /rgyal po ni a mra skyong ma'i khyim du zhugs pa dang / ji tsam na dril gyi sgra byung ngo / /yangs pa can gyi li tsa bi rnams rod rod por gyur nas shes ldan dag bdag cag gi mi mdza' ba zhig nang du zhugs pas dril 'khrol lo zhes sgra gsal ba dang / sgra chen po byung ba dang / rgyal po gzugs can snying pos a mra skyong ma la dris pa/ bzang mo 'di ci zhig yin/ lha sdum pa nyul bar bgyid do/ /ci zhig gi phyir/ lha'i slad du'o/ /ji ltar bya/ ci 'bros sam/ lha mi dgyes pa ma mdzad cig /lha dgung bdun lon pa dang bdag gi sdum pa nyul bar bgyid pas re shig dgung bdun du rol pas dgyes par mdzod/ dgyes dgur mdzod la dgung bdun lags dang dus mkhyen par bgyi'o/ /de dang lhan cig rtse bar byed/ dga' bar byed/ dga' mgur spyod par byed pa las ji tsam na a mra skyong ma sems can dang ldan par gyur nas des rgyal po gzugs can snying po la smras pa/ lha bdag la sems can zhugs so/ /des de la seng ras shig dang sor gdub rgya byin nas smras pa/ gal te bu mo zhig yin na khyod nyid kyi yin no/ /'on te khye'u yin na seng ras 'di skon la sor gdub gyi rgya mgul tu thogs te nga'i drung du skri shig /de byung ste shing rtar zhugs te sa skyong dang lhan cig chas pa dang dril bu 'khrol bar 'dug go/ /de rnams kyis smras pa/ shes ldan dag dgra bo byung gis rjes bzhin du btsal lo zhes li tsa bi skyin 'khor gyi mda' rtsibs can lnga brgyas rgyal po gzugs can snying po'i phyi bzhin bsnyags pa dang sa skyong gis mthong nas des smras pa/ lha yangs pa can gyi li tsa bi rnams mchi na/ lha ci 'di dag dang lhan cig 'thab mo bgyi 'am/ 'on te shing rta brda'/ des smras pa/ nga ni dub pas shing rta ded kyis khyod kho nas 'di dag dang lhan cig 'thab mo khye shig /des de rnams dang lhan cig 'thab mo 'gyed par brtsams pa las yangs pa can rnams kyis ngo shes nas de rnams kyis smras pa/ shes ldan dag mi'i srin po de nyid 'di yin gyis slar ldog go/ /de rnams slar log nas yangs pa can du 'ongs te 'dus nas yang khrims su bcas pa/ shes ldan dag bdag cag gi dgra 'di la yang gzugs can snying po'i bu rnams sha glon du gzhug go zhes bcas so/ /ji tsam na zla ba dgu 'das pa dang a mra skyong ma la khye'u gzugs bzang la mdzes pa blta na sdug pa zhig btsas so/ /btsas nas zhes bya ba nas bsrings bskyed de chen por gyur to zhes bya ba'i bar du'o/ / de yangs pa can pa'i li tsa bi khye'u rnams dang lhan cig rtse bar byed pa las/ de rnams kyis mi dga' ba'i tshig gis smras pa/ bran mo'i bu khyod brgya stong phrag du ma zhig las ni skyes na pha su yin/ de ngus nas ma'i drung du song ba dang des smras pa/ bu ci'i phyir du ngu / des thams cad rgyas par smras pa dang / des smras pa/ bu gal te yang 'dri dang nga'i pha lta bu ni khyed cag gcig la yang med do zhes smros shig /gal te su yin zhes smra dang / rgyal po gzugs can snying po yin no zhes smros shig /ji tsam na de de rnams dang lhan cig yang rtse bar byed pa las de rnams kyis de la de bzhin du smras pa dang / des smras pa/ nga'i pha lta bu ni khyed cag gcig la yang med do/ /su yin/ rgyal po gzugs can snying po yin no/ /de rnams kyis shes ldan dag bdag cag gi dgra gang yin pa de ni 'di'i pha yin no zhes lhag par yang brdegs so/ /des ngus nas ji ltar gyur pa rnams ma la smras pa dang / des bsams pa/ yangs pa can gyi li tsa bi rnams ni gdug pa rtsal po che yin te/ gal te 'di bsad par 'gyur ba'i gnas de yod do snyam mo/ /de de lta bu sems shing 'dug pa dang tshong pa rab tu mang po zong thogs nas rgyal po'i khab tu 'dong ba de dag des mthong nas smras pa/ sor gdub kyi rgya 'dis snod rgyas thob la deng shig dang sho gam mi gcod par 'gyur ro/ /khye'u 'di yang rgyal po'i pho brang du khrid la sor gdub kyi rgya 'di 'di'i mgul du thogs te rgyal po'i khab tu zhog shig /de rnams kyis kyang de bzhin du bya'o zhes khas blangs so/ /bu la yang mu tig gi do shal cig byin nas smras pa/ bu rgyal po dgos pa'i ched du 'dus dang mu tig gi do shal rkang pa'i steng du zhog la 'dzegs te pang du 'dug shig /gal te 'ga' zhig khye'u 'di 'jigs mi shes pa zhig go zhes smra dang de la yang bu phas 'jigs pa 'ga' yod dam zhes smros shig /de tshong pa rnams dang lhan cig tu rim gyis rgyal po'i khab tu phyin nas/ de rnams kyis khrus byas te sor gdub kyi rgya btags nas rgyal po'i pho brang gi sgor bzhag pa dang / de rgyal po gang na ba der song ste phyin nas mu tig gi do shal rkang pa la bzhag nas 'dzegs te pang du 'dug go/ /rgyal pos smras pa/ shes ldan dag khye'u 'di ni 'jigs mi shes pa zhig go/ /des smras pa/ yab bu phas 'jigs pa 'ga' mchis lags sam/ de nas rgyal pos 'jigs pa med pa'i sgra kun tu smras pas rgyal bu gzhon nu 'jigs med rgyal bu gzhon nu 'jigs med ces bya bar grags so// //'dul ba gzhi/ bam po drug bcu gcig pa/ rgyal po gzugs can snying po gzhan gyi bud med la lhag par chags pas glang po che la zhon nas grong khyer gyi srang rnams su song nas mig phan tshun du lta zhing 'khyam par byed do/ /de'i tshe rgyal po'i khab na tshong dpon phyug pa nor mang ba longs spyod che ba zhig yod pa des rigs mnyam pa las chung ma blangs nas shes bya ba nas dga' mgur spyod par byed do zhes bya ba'i bar gong ma bzhin du'o/ /de dus gzhan zhig na chung ma la smras pa/ bzang mo zong thogs nas yul gzhan du 'gro'o/ /des smras pa/ rje'i sras de bzhin du mdzod cig /de zong thogs te yul gyi mthar song ngo / /de yang kha zas zhim po dang gos kyis nyon mongs pas gdungs par gyur pa las/ rgyal po gzugs can snying po glang po che la zhon nas de'i khyim drung nas song ba dang / des kyang skar khung du 'dug nas rgyal po la me tog gi phreng ba bor ro/ /de nas rgyal pos mthong nas smras pa/ mar shog /des smras pa/ lha g.yar cha lags kyis khyod nyid nang du gshegs shig /de nas rgyal po nang du zhugs nas de de dang lhan cig dga' mgur spyod par byed pa las/ de yang de'i tshe rung zhing zla mtshan dang ldan pas sems can chags par gyur nas des rgyal po la smras pa/ lha bdag ni sems can dang ldan par gyur to/ /de nas rgyal pos de la yang sor gdub kyi rgya dang seng ras khra bo byin nas smras pa/ gal te re zhig khye'ur gyur na seng ras 'di skon la sor gdub kyi rgya yang mgul du thogs te nga'i drung du skri shig /'on te bu mo yin na ni khyod nyid kyi yin no zhes smras nas rgyal po song ngo / /ji tsam na ded dpon de don rnams grub ste rgyal po'i khab dang nye ba zhig tu phyin nas/ des chung ma la bzang mo dga' ba skyed cig / kho bo don grub nas bde bar 'ongs te/ zhag 'di tsam kho na na phyin par 'ong ngo / /spring ba des thos nas bdag gis ni bya ba ma yin pa 'di lta bu byas la/ de yang 'ong na de la ji ltar bsgrub par bya snyam du phongs par gyur nas/ des de ltar gyur pa rnams rgyal po la rig par byas pa dang / de nas rgyal pos slar spring ba/ bag ma tsha bar 'dug shig ci nas kyang myur du mi 'ong ba de ltar ngas bya'o/ /rgyal pos de la pho nya btang ba/ ded dpon nga la rin po che che ge mo dang che ge mo dag cig dgos kyis de med par khyod 'dir ma 'ongs shig /de rin po che de rnams kyi phyir lam ring por song ngo / /de yang zla ba dgu 'das nas btsas pa dang khye'u gzugs bzang ba mdzes pa/ blta na sdug pa zhig btsas so/ /ma bslabs kyang bud med la shes nyen yod pas des mar dang sbrang rtsis de 'grangs par bsnyod nas sor gdub kyi rgya mgul du btags te seng ras kyis bkris nas sgrom bu'i nang du bcug ste bu mo mngag gzhug ma la bsgo ba/ song la sgrom bu 'di khyer te rgyal po'i pho brang gi sgor khyod kyi dkyil 'khor byos la me mar bus te phyogs gcig tu ji srid 'ga' zhig gis blangs kyi bar du sdod cig /des de bzhin byas pa dang ji tsam na rgyal po steng gi khang bzangs kyi gzhir song nas rgyal po gzhon nu 'jigs med dang lhan cig 'dug pa las/ des rgyal po'i pho brang gi sgo na mar me mthong ngo / /de nas zho shas 'tsho ba rnams la bsgo ba/ shes ldan dag rgyal po'i pho brang gi sgo na mar me 'bar ba 'o ni ci yin ltos shig /de dag gis bltas nas smras pa/ lha sgrom bu zhig mchis so/ /des smras pa/ long shig /rgyal bu gzhon nu 'jigs med kyis smras pa/ lha sgrom bu de na ci mchis pa de bdag la stsal bar ci gnang / rgyal pos de bzhin bya'o zhes khas blangs so/ /ji tsam na sgrom bu blangs nas rgyal po la phul ba dang rgyal pos smras pa/ kha phye shig /kha phye ba las khye'u zhig byung ngo / /rgyal pos smras pa/ 'di ci gson nam/ 'on te shi ba zhig /de rnams kyis smras pa/ lha gson lags so/ /de nas rgyal pos sor gdub kyi rgya dang seng ras ngo shes nas rgyal bu gzhon nu 'jigs med la byin pa dang / des de bsnun bsnyod bskyed de rgyal pos gson nam zhes tshig tu byung ba dang / rgyal bu gzhon nu 'jigs med kyis gsos pas/ 'tsho byed gzhon nus gsos zhes bya bar grags so/ /ji tsam dus gzhan zhig na 'tsho byed gzhon nus gsos chen por gyur to/ /de 'jigs med dang lhan cig bre mo gtam zer zhing 'khod pa/ 'jigs med gzhon nu ma skyes sgra ni ma btsas pa kho na nas rgyal po nyid du lung bstan gyis bdag cag gis bzo cung zad bslabs te/ des na bdag cag gi phyi dus kyis 'tsho bar 'gyur ro/ /de gnyis kyis de ltar gros byas pa las/ shing rta mkhan gos dkar po gon pa mi gos dkar po gon pa rnams kyis yongs su bskor nas rgyal po'i pho brang du zhugs pa dang / de rgyal bu 'jigs med gzhon nus mthong nas/ des rgyal po'i mi gzhan dag la dris pa/ 'di su zhig yin/ de rnams kyis smras pa/ shing rta mkhan lags so/ /'dis ci 'thob/ 'tsho 'o/ / des bsams pa/ bdag gis kyang lha la brtags nas shing rta mkhan bslab bo snyam nas/ de rgyal po'i drung du song nas smras pa/ lha bdag kyang shing rta mkhan bslab bo/ /rgyal pos smras pa/ bu khyod ci 'dis 'tsho bar 'gyur ram/ yab rgyal po'i bus ni bzo thams cad la bslab par bgyi ba lags so/ /bu gal te de lta na khyod shing rta mkhan slobs shig /des bslab par brtsams so/ /'tsho byed kyis kyang sman pa gos dkar po gon pa mi gos dkar po gon pa rnams kyis yongs su bskor nas rgyal po'i pho brang du zhugs pa mthong nas/ des gzhan dag la dris pa/ 'di su zhig yin/ de dag gis smras pa/ sman pa lags so/ /'di ci zhig byed/ dpyad bgyid do/ /ci thob/ gal te nad pa zhig sos na rngan pa thob bo/ /'on te gum na mi 'tshol mi 'dri'o/ /des bsams pa/ sman dpyad bslab bo snyam nas/ de pha'i gan du song ste smras pa/ lha gnang ba mdzod cig /sman dpyad bslab lags so/ /bu khyod rgyal po'i sras yin no/ /khyod la sman dpyad kyis ci bya/ lha rgyal po'i bus ni bzo thams cad la bslab par bgyi ba lags so/ /bu gal te de lta na slobs shig /des sman dpyad bslab par brtsams pa dang / des sman dpyad ni lobs na des glad pa'i thod pa dbye ba'i dpyad ma shes nas/ des rdo 'jog na sman pa'i rgyal po rgyun shes kyi bu zhes bya ba yod de/ de glad pa'i thod pa 'byed pa'i dpyad shes so zhes thos nas/ de rgyal po'i drung du song ste smras pa/ lha rdo 'jog tu mchi'o/ /ci zhig gi phyir de na sman pa'i rgyal po rgyun shes kyi bu zhes bgyi ba mchis te/ de glad pa'i thod pa 'byed pa'i dpyad 'tshal bas de slob tu mchi'o/ /bu khyod 'dis 'tsho 'am/ lha yang na ni dpyad mi bslab/ yang na ni legs par bslab par bgyi'o/ /bu gal te de lta na song shig /des rgyal po pad ma'i snying po la spring ba/ bdag gi bu 'di sman dpyad slob tu rgyun shes kyi bu'i drung du 'ong gis/ 'di'i dgos pa thams cad khyod kyis sbyor cig /de rim gyis rdo 'jog tu phyin pa dang / pad ma'i snying pos kyang spring yig blags te rgyun shes kyi bu la gtad nas rgyal po'i bu 'di khyod kyi drung du ched du 'ongs kyis 'di la sman dpyad slobs shig /rgyun shes kyi bus de la ston par byed pa na/ des nyung zad bstan pa dang 'tsho byed kyis khyad par dang bcas pa lobs so/ /rgyun shes kyi bu'i kun tu spyod pa ni gang gi tshe nad pa la ltar 'gro ba'i tshe bram ze'i khye'u zhig khrid de 'gro ba yin pas de dus gzhan zhig na 'tsho byed khrid de song nas des nad pa'i sman bstan pa 'di dang 'di dag ni byin cig ces smras nas byung ngo / /'tsho byed kyis bsams pa/ 'di ni mkhan pos nyes te/ gal te 'dis sman 'di zos na 'di deng nyid 'chi bar 'gyur te/ mkhan pos bstan pa ni legs pa ma yin gyis thabs shig bya'o snyam nas de rgyun shes kyi bu dang lhan cig tu byung nas slar nang du zhugs te smras pa/ mkhan po 'di skad ces gsung ngo / /kho bos sman bstan pa gang yin pa de ma sbyin par 'di dang 'di dag byin cig ces zer ro/ /des de bzhin du byas pas sos par gyur to/ /ji tsam nyi ma gzhan zhig la rgyun shes kyi bu yang de'i drung du song nas dris pa/ na ba ji lta sos par gyur to/ /sang yang de nyid byin cig /ci snga ma lags sam/ 'on te slad kyis bstan pa lags/ ci bdag gis sngar bstan tam/ 'on te phyis bstan/ de dag gis smras pa/ 'di dag ni khyod kyis mngon sum du bstan to/ /'di ni 'tsho byed la phrin du spring ba yin no/ /des bsams pa/ bdag gis nyes kyis 'tsho byed ni shes rab can yin no snyam bsams nas smras pa/ 'tsho byed kyis bstan pa gang yin pa de byin cig /rgyun shes kyi bu 'tsho byed la dga' ba skyes pas de gang du 'gro bar der 'tsho byed 'khrid do/ /bram ze'i khye'u gzhan rnams kyis smras pa/ mkhan po khyod rgyal po'i bu'o snyam nas 'di la ni spro bas ston par mdzad kyi/ bdag cag la ni mi mdzad do/ /des smras pa/ 'tsho byed ni shes rab can yin pas ngas bstan pa gang yin pa de rang gis rnam par 'byed nus kyi khyed kyis ni de lta ma yin no/ / de rnams kyis smras pa/ mkhan pos ji ltar mkhyen/ gal te de lta na ngas khyed cag gi mngon sum du bya'o/ /des bram ze'i khye'u rnams la khyod kyis ni rdzas che ge mo zhig gi rin dris shig /khyod kyis kyang che ge mo zhig gi'o zhes thams cad tshong dus su btang ngo / /'tsho byed kyang khyod kyis kyang che ge mo zhig gi'o zhes bsgo'o/ /bram ze'i khye'u rnams kyis ji skad bstan pa kho na bzhin byas so/ /'tsho byed kyis kyang ji skad bstan pa bzhin byas nas bsams pa/ gal te mkhan po rdzas gzhan gyi rin 'dri bar byed na bdag gis ji skad brjod par byas/ thams cad du rdzas thams cad kyi rin dri'o snyam mo/ /de dag thams cad mkhan po'i drung du song nas ji skad bstan pa de bzhin smras so/ / rgyun shes kyi bus ma bstan pa'i rdzas kyi rin dri bar brtsams te/ bram ze'i khye'u rdzas che ge mo zhig gi rin ji tsam/ des smras pa/ ma 'tshal to/ /gzhan dag la dris pa dang / smras pa/ ma 'tshal lags so/ /'tsho byed la dris pa dang des rdzas thams cad kyi rin smras so/ /rgyun shes kyi bus smras pa/ bram ze'i khye'u dag khyed kyis thos sam/ thos lags so/ /ngas 'tsho byed ni shes rab can yin te/ cung zad bstan na yang de la rang gis rnam par 'byed nus so zhes smras pa ni don de yin no/ /gzhan yang mngon sum du bya'o zhes de rnams la smras pa/ thang shing can gyi ri la deng la sman ma yin pa dag khyer te shog shig /de dag dong nas de dag las gang zhig gis gang sman ma yin par shes pa de de dag gis blangs so/ /'tsho byed kyis bsams pa/ sman ma yin pa ni cung zad kyang med do snyam nas/ des 'dam bu mda' rgyu'i rtsa ba dang / rdo ba'i dum bu zhig blangs so/ / ji tsam na 'tsho byed kyis lam gyi phyed na phyugs rdzi mo zhig zho'i bum pa dang phrum tshud khyer nas rgyun shes kyi bu'i drung du song ba las de shin tu mig na ba des mthong nas des dris pa gang du 'gro/ des smras pa/ des de la gnas de nyid kyi drung na yod pa'i sman zhig bstan pa las des byas pa dang mod la sos par gyur to/ /de dga' ba skyes nas smras pa/ zho'i bum pa dang phrum tshud 'di khyod snoms shig /des phrum tshud blangs te/ zho'i bum pa ni de nyid la byin nas de phrum tshud khyer te song ba las/ ji tsam na bram ze'i khye'u rnams kyis lam gyi dbus na glang po che'i rjes zhig mthong nas/ de rnams kyis de la brtag par brtsams pa dang 'tsho byed kyang 'ongs nas des smras pa/ 'di ci yin/ glang po che'i rjes so/ /'di ni glang po che'i rjes ma yin gyi/ 'di ni bal glang mo'i rjes yin te/ de yang mig g.yas pa zhar ba de ring kho nar glang po che'i phrug gu 'byung bar 'gyur ba zhig yin la/ de la zhon pa ni bud med yin la/ de yang mig g.yas pa zhar ba sbrum pa de ring nyid du bu pho btsa' bar 'gyur ba zhig yin no/ /ji tsam na rgyun shes kyi bu'i drung du 'ongs nas gang gis gang khyer te 'ongs pa des de bstan to/ /rgyun shes kyi bus smras pa/ bram ze'i khye'u dag 'di thams cad ni sman yin te/ re shig 'di ni che ge mo zhig gis nad che ge mo zhig yin la de bzhin du gzhan yang gzhan dag kyang yin no/ /'tsho byed la dris pa khyod kyis ci khyer te 'ongs/ des smras pa/ mkhan po thams cad sman lags te/ sman ma lags pa ni ci yang ma mchis so/ /'on kyang bdag gis 'dam bu mda' rgyu'i rtsa ba dang / rdo'i dum bu dang / phrum tshud gcig 'tshal te mchis so/ /'di dag ci dgos sdig pas zin pa las 'dam bu mda' rgyu'i rtsa ba'i dud pas bdug go/ /phrum tshud kyis ni glan par bgyi'o/ /rdo'i dum bus ni ston ka'i dus na zho'i bum pa 'chag par 'gyur ro/ /rgyun shes kyi bus 'dzum phyung ba dang / bram ze'i khye'u rnams kyis bsams pa/ mkhan po ni 'di la khros so snyam nas de rnams kyis smras pa/ mkhan po 'di gcig pur bas snyam 'am/ bdag cag mchi ba na lam gyi dbus su glang po che'i rjes shig mthong ba na 'di'i mchid nas 'di ni ban glang mo'i rjes yin te/ de yang mig g.yas pa zhar ba sbrum pa de ring kho nar glang po che phrug gu 'byung bar 'gyur ba zhig yin la/ de la zhon pa ni bud med yin la de yang mig g.yas pa zhar ba sbrum pa de ring nyid du bu pho btsa' bar 'gyur ro zhes mchi 'o/ /rgyun shes kyi bus dris pa/ 'tsho byed bden nam/ mkhan po mad do/ de glang po che'i rjes sam/ ba lang mo'i rjes yin pa ji ltar shes/ des smras pa/ mkhan po bdag ni rgyal po'i rigs las chen por gyur pa lags na ci ste ma 'tshal/ glang po che'i rjes ni zlum mo/ /bal glang mo'i rjes ni chur ring ngo / /mig g.yas pa zhar bar ji ltar shes/ g.yon phyogs su ran 'tshal zhing mchis pa las so/ /sbrum par ji ltar shes/ rkang pa gnyis gnon cing mchi ba las so/ /deng kho nar 'brang bar 'gyur bar ji ltar shes/ gcin be'u snabs dang bcas par 'byung bas so/ /glang po che'i phrug gu phor 'brang bar 'gyur bar ji ltar shes/ rkang pa g.yas pa lhag par gnon cing mchi bas so/ /de la bud med zhon par ji ltar shes/ babs nas rkang pa'i bar du gcis pa las so/ /de yang mig g.yas pa zhar bar ji ltar shes/ g.yon phyogs su me tog thu zhing mchi bas so/ /de yang sbrum par ji ltar shes/ de'i rkang pa'i rting pa phal cher gnon cing mchis pas so/ /deng kho nar btsa' bar 'gyur bar ji ltar shes/ gcin ljan ljin dang bcas te 'byung ba las so/ /de lta lags kyis kyang gal te mkhan po thugs mi ches na 'dron pa gnas pa'i phyogs der bram ze'i khye'u 'ga' zhig mngag tu gsol/ des bram ze'i khye'u zhig btang ba dang / 'tsho byed kyis ji skad smras pa de thams cad de bzhin du gyur to/ /rgyun shes kyi bus bram ze'i khye'u rnams la smras pa/ bram ze'i khye'u dag khyed kyis thos sam/ 'tsho byed ni de 'dra bar shes rab can no/ /'tsho byed kyis glad pa'i thod pa 'byed pa'i dpyad ma gtogs pa thams cad bslabs so/ /ji tsam na mi zhig glad nad kyis thebs nas rgyun shes kyi bu'i drung du song ste smras pa/ rgyun shes kyi bu bdag la dpyad mdzod cig /des smras pa/ kye nang rje re shig de ring dong rkos la lci ba dag sta gon gyis shig dang sang bdag gis khyod kyi dpyad bya'o/ / 'tsho byed kyis thos nas de de'i phyi bzhin song ste/ kye nang rje bdag gis cung zad bslabs pa gang yin pa de thams cad ni sems can la phan pa'i phyir yin na/ bdag gis glad pa'i thod pa dbye ba ma bslabs kyis/ khyod kyis bdag dben par zhog shig dang / khyed kyi las ji ltar byed pa blta'o/ /des smras pa/ de bzhin du bgyi'o/ /des de phyogs dben pa zhig tu bzhag go/ /de nas rgyun shes kyi bu 'ongs nas mi de dong du bcug ste thod pa dbye ba'i dpyad kyis thod pa phye nas de skam pas srog chags de blang par brtsams pa dang 'tsho byed kyis smras pa/ mkhan po gzu lums su ma blangs shig /rigs kyi bu 'di deng nyid 'gum par 'gyur ro/ /des smras pa/ 'tsho byed 'ongs sam/ smras pa/ mkhan po bdag mchis so/ /kho bos srog chags 'di ji ltar blang bar bya/ mkhan po skam pa tsha bar mdzod de rgyab tu reg nas rkang lag 'khums par gyur pa dang de nas 'or cig /des de bzhin du byas nas sos par gyur to/ /rgyun shes kyi bus smras pa/ 'tsho byed kho bo shin tu mgu bar gyur gyis khyod khrus byos la shog shig dang glad pa'i thod pa 'byed pa'i dpyad sbyin no/ /des khrus byas nas/ 'ongs pa dang des de la glad pa'i thod pa dbye ba'i dpyad byin nas smras pa/ 'tsho byed bdag cag ni 'dis 'tsho ba yin gyis/ yul 'dir khyod kyis ma bya shig /mkhan po de bzhin bgyi'o zhes 'tsho byed kyis rgyun shes kyi bu la phyag byas nas rgyal po pad ma'i snying po'i drung du song ste phyag byas nas/ bdag gis sman dpyad bslabs lags kyis mchi'o/ /de'i tshe rgyal po pad ma'i snying po dang mi mthun pa mtha' 'khob pa skya bseng zhes bya ba dag cig yod de/ des smras pa/ 'tsho byed bdag dang mi mthun pa mtha' 'khob pa skya bseng zhes bya ba dag cig yod kyis 'di ltar khyod ni shes rab can nus pa yin pas re shig de phob la phyis song shig dang / de lta na bdag cag gis 'jig rten gyi tshul byas par 'gyur ro/ /des de la khas blangs pa dang de nas des dpung gi tshogs yan lag bzhi pa bsdus te btang ba las des mtha' 'khob pa skya bseng de rnams phab nas gte'u bzung dpya blangs te slar bde bar 'ongs nas khyer te 'ongs pa de bzhin du rgyal po la phul ba dang / de shin tu dga' nas de nyid la rjes su yi rang des kyang rgyun shes kyi bu la byin no/ /de nas 'tsho byed rim gyis grong khyer bzang byed du phyin nas de nyid du dbyar gnas te/ de nas des 'byung po thams cad kyi skad ces bya ba'i bstan bcos bslabs nas grong khyer bzang byed nas chas pa dang mi zhig shing khur khyer nas grong khyer du 'jug pa/ rus pa dang lpags pa'i lhag ma lus pa/ lus kun nas 'dzag pa 'tsho byed kyis mthong nas de la smras pa/ kye nang rje ci zhig gis gnas skabs 'di lta bur gyur/ des smras pa/ bdag gis kyang mi shes na 'on kyang bdag gis shing khur 'di khyer nas bdag kyang 'di 'dra ba'i gnas skabs su gyur to/ /de shing brtag pa la byang ba yin pas smras pa/ kye nang rje ci shing khur 'di 'tshong ngam/ 'tshong ngo / /rin ji tsam/ kAr ShA pa Na lnga brgya'o/ /des de nyos nas de nas bltas na 'byung po thams cad dad par byed pa zhes bya ba'i nor bu mthong nas de'i mthu ni 'di 'dra ste/ gang gi tshe nad pa'i mdun du bzhag pa de'i tshe mar mes khyim na yod pa'i rdzas bzhin du nad ji lta ba bzhin du snang ngo / /de rim gyis yul u dum 'ba' rar phyin pa dang / de na mi bres 'jal ba zhig yod pa des bre bos gzhal nas bre mgo la snun pa 'tsho byed kyis mthong nas smras pa/ kye nang rje ci'i phyir de ltar byed/ bdag gi glad pa lhag par g.ya'o/ /tshur shog blta'o zhes des de bsnyal nas glad pa bltas te/ de nas 'tsho byed kyis 'byung po thams cad dad par byed pa'i nor bu de'i glad pa'i steng du gzhag pa dang / ji tsam na srin gyi med cig snang ngo / /de nas des smras pa/ kye nang rje khyod kyi glad pa la srin gyi med yod do/ /des rkang pa gnyis la gtugs te smras pa/ bdag la dpyad mdzod cig /des khas blangs so/ /'tsho byed kyis bsams pa/ mkhan pos ji skad bstan pa de bzhin du 'di'i dpyad bya'o snyam nas/ des de la smras pa/ kye nang rje re shig de ring dong rkos la lci ba dag sta gon byos shig dang sang dpyad bya'o/ /des rkang pa gnyis la gtugs nas song ngo / / 'tsho byed kyis de'i phyi de nyin 'ongs nas de dong du bcug ste glad pa'i thod pa 'byed pa'i dpyad kyis glad pa'i thod pa phye nas skam pa tsha bas srin gyi med kyi rgyab la reg pa byas te des rkang lag 'khums pa dang / de nas des skam pas blangs te bor bas sos par gyur to/ /des de la kar Sha pA Na lnga brgya byin pa dang des kyang rgyun shes kyi bu la bskur ro/ /de nas 'tsho byed yul ro hi ta ka zhes bya bar phyin pa dang / yul ro hi ta ka na khyim bdag cig la skyed mos tshal me tog dang / 'bras bu dang / chu phun sum tshogs pa zhig yod de/ de la lhag par chags pa las shi nas de nyid du mi ma yin rnams su skyes so/ /de'i bu ni khyim gyi dpon por gyur nas des skyed mos tshal der srungs ma'i mi bzhag pa dang / de mi ma yin pa des bsad do/ /gnyis pa bzhag pa dang / de yang bsad nas khyim bdag gi bu des skyed mos tshal de bor ro/ /ji tsam na mi dmu chus gang ba sman pa thams cad kyis spangs pa zhig skyed mos tshal der song nas nub mo 'brang btab ste 'dug nas/ kye ma'o bdag ni mi ma yin pas bsad kyang ci ma rung snyam mo/ /de nyid du 'tsho byed kyang nub mo 'brang btab ste 'dug go/ /ji tsam na mi ma yin pa des dmu chu can de bsdigs par brtsams pa dang / dmu chu'i nad de byung nas smras pa/ 'di bdag gis sngar bzung na ci'i phyir 'di bsdigs/ khyod la ra spu'i dud pas bdug pa 'ga' yang med pa lta/ des ni khyod dpag tshad bcu gnyis su 'bros par 'gyur ro/ /des kyang smras pa/ khyod la yang la phug gi sa bon mar phyung ba'i dar ba dang btags te sbyin pa 'ga' yang med pa lta/ des ni khyod dum bu dum bur 'dzag par 'gyur ro/ /thams cad 'tsho byed kyis thos nas de nang par sngar langs te khyim bdag de'i drung du song nas des smras pa khyim bdag skyed mos tshal me tog dang / 'bras bu dang / chu phun sum tshogs pa ci'i phyir dor/ khyim bdag gis de la ji ltar gyur pa rnams smras pa dang / des smras pa/ khyim bdag ra spu'i dud pas bdugs shig /mi ma yin pa dpag tshad bcu gnyis su 'bros par 'gyur ro/ /khyim bdag gis ra spu'i dud pas bdugs pa dang mi ma yin pa de dpag tshad bcu gnyis su bros par gyur to/ /khyim bdag des kyang 'tsho byed la kAr ShA pa Na lnga brgya byin pa dang / des de yang rgyun shes kyi bu la bskur ro/ /de nas 'tsho byed kyis dmu chu can la dris pa/ nang rje khyod ci'i phyir mi ma yin pas gnas btab pa'i skyed mos tshal du 'dug /des de la ji ltar gyur pa dag smras pa dang / 'tsho byed kyis smras pa/ la phug gi sa bon mar phyung ba'i dar ba dang btags pa 'thung shig dang sos par 'gyur ro/ / des 'thungs nas sos par gyur te/ mi des kyang 'tsho byed la kAr Sha pa Na lnga brgya byin pa dang / des kyang rgyun shes kyi bu la bskur ro/ /de nas 'tsho byed rim gyis bcom brlag tu phyin nas bcom brlag gi phyi rol na shing zhig gi drung du ngal so zhing 'dug go/ /ji tsam na gyad kyis gyad gcig brdabs pas de'i nang grol rnams 'khrugs nas de shi'o zhes phyi rol tu phyung ngo / /shing de la yang bya rgod mo phrug gu dang bcas pa zhig 'dug pa las de la phrug gu de rnams kyis smras pa/ ma sha byin cig /des smras pa/ bu sha ga la yod/ de rnams kyis smras pa/ ma gyad kyis gyad 'di brdabs te shi nas phyung ba yin no/ /bu 'dir sman pa'i rgyal po 'tsho byad 'ongs nas des 'di sos par byed pa'i gnas de yod do/ /ma 'di ci zhig gis sos par 'gyur/ gal te de'i nang grol rnams phye mas reg par byas na'o/ /de thams cad 'tsho byed kyis thos so/ /de nas de langs te ro'i drung du song nas dris pa shes ldan dag 'di ci zhig /de rnams kyis smras pa/ gyad kyis gyad brdabs pas shi ba yin no/ /'tsho byed kyis smras pa/ zhog zhig dang blta'o/ /de rnams kyis bzhag pa dang de nas 'tsho byed kyis 'byung po thams cad dang bar byed pa'i nor bu glad par bzhag nas brtags na/ ji tsam na nang grol rnams 'khrugs par byas pa mthong nas des smyug ma'i sbubs su phye ma blugs te khas bus pa dang phye mas nang grol rnams la reg nas sos par gyur to/ /des kyang 'tsho byed la kAr ShA pa Na lnga brgya byin pa dang / des kyang de rgyun shes kyi bu la bskur ro/ /bcom brlag na khyim bdag cig yod pa de'i chung ma gzugs dang lang tsho phun sum tshogs pa yin pas de de la lhag par chags shing 'dug pa las shi nas de nyid kyi mo mtshan gyi srin bur skyes par gyur te/ de gang dang lhan cig dga' mgur spyod pa de shi bar byed do/ /de nas de dang 'ga' yang lhan cig dga' mgur spyod par mi byed do/ /des sman pa 'tsho byed der 'ongs so zhes thos nas de de'i drung du song ste smras pa/ 'tsho byed bdag la bro nad mchis kyis dpyad mdzod cig /'tsho byed kyis de mthong zhing smra ba'i tshig thos nas chags pas smras pa/ dam zhig bca' ste/ gal te bdag dang lhan cig dga' mgur spyad pa lta na dpyad bya'o/ /des smras pa/ g.yar tsha lags so/ /des smras pa/ khyod kyis dpyad gzhan ni med do/ / bdag las phangs pa gzhan med pas des khas blangs so/ /de nas des sgren mor phyung ste bzo bcos byas nas mo mtshan gyi sgor sha'i dum bu zhig bzhag pa las/ de nas srin bu de de la chags pa dang des de blangs nas bor te sos par gyur to/ /de 'dod pa'i 'dod chags la lhag par zhen pas brda zhig byas pa dang des rna ba gnyis bkag ste smras pa/ khyod kho bo'i sring mo dang 'dra ste khyod kyi dpyad de yin pas kho bos de ltar byas par zad do/ /des kyang de la kAr ShA pa Na lnga brgya byin pa dang / des de yang rgyun shes kyi bu la bskur ro/ /de nas 'tsho byed rim gyis chu bo ya mu na'i 'gram du phyin pa dang / des de na mi ro zhig yod pa de'i bting pa'i phyogs na rgyus pa'i breng yod pa nya rnams kyis drangs pa las de'i mig 'byed pa dang 'dzums pa mthong nas/ 'tsho byed kyis de thams cad brtags te/ ji ltar rgyus pa dang long mo la sogs pa'i tshigs kyi 'brel thabs ni de kho na ltar 'dug go snyam nas/ de rim gyis yangs pa can du phyin pa dang / ji tsam na gyad kyis gyad gcig thal mos bsnun pas mig gi 'bras bu 'phags pa dang / 'tsho byed de'i drung du song nas/ des rting pa'i rgyus pa'i breng nas drangs pa dang slar chud par gyur to/ /des de la kAr ShA pa Na lnga brgya byin pa dang / des 'jigs med kyi ma la byin no/ /yangs pa can na mi zhig yod pa de'i rna bar srin gyi med zhugs te/ der de las phrug gu bdun brgya byung bas de rna ba'i nad kyis nyen par gyur nas 'tsho byed kyi drung du song ste smras pa/ dpyad mdzod cig /'tsho byed kyis bsams pa/ sngar ni bdag gis mkhan pos bstan pas las byas kyis da ni rang gi blos las bya'o snyam nas/ des mi de la bsgo ba/ kye nang rje song la lo ma'i spyil po byos te ras sngon pos g.yogs la de'i 'og tu rnga zhig zhog ste sa yang dron por gyis shig /des ji skad bstan pa bzhin du thams cad byas so/ / de nas 'tsho byed kyis mi de sa la bsnyal nas sa de chus chag chag btab nas de nas rnga brdungs pa dang srin gyi med kyis dbyar gyi dus la bab bo snyam nas phyir byung ngo / /de nas 'tsho byed kyis rna ba'i drung du sha'i dum bu cig bzhag pa dang / de yang slar zhugs te phru gu rnams khrid de byung nas phru gu rnams dang lhan cig sha'i dum bu la chags pa dang / de nas 'tsho byed kyis de'i mod la sha'i bum bu bor ba dang mi de sos par gyur to/ /des kAr ShA pa Na lnga brgya byin pa dang des 'jigs med kyi ma la byin no/ /de rim gyis rgyal po'i khab tu phyin pa dang / rgyal po gzugs can snying pos 'tsho byed ji ltar 'ongs pa thos nas/ des gzhon nu ma skyes dgra la bsgo ba/ bu khyod kyi phu bo 'ongs kyis bsur song shig /de bsur song ba dang 'tsho byed kyis gzhon nu ma skyes dgra ji ltar bsur 'ong ba thos nas des bsams pa/ gal te bdag gis des bsu ba rang gir byas pa ni nam rgyal por gyur pa de'i tshe bdag la gnod pa byed par 'gyur ro snyam nas/ de slar log ste sgo gzhan zhig nas zhugs so/ /dus gzhan zhig na 'tsho byed skye bo'i tshogs chen pos yongs su bskor te sems g.yeng zhing song ba dang / ji tsam na bram ze zhig mig nad kyis thebs nas 'tsho byed kyi drung du song ste bdag la sman ston cig /tshig pa zos nas smras pa/ thal bas thob shig /de drang po zhig pas thal bas btab pa dang sos par gyur to/ /mig nad kyis thebs pa gzhan zhig yod pa de yang 'tsho byed kyi drung du song ba de bram ze des mthong nas dris pa/ kye nang rje gang du 'gro/ /des ji ltar gyur pa smras pa dang des smras pa/ khyod la 'tsho byed ci dgos/ des kho bo la gang bstan pa de byos shig /de yid ches par gyur nas des thal bas btab pa dang long bar gyur to/ /dus gzhan zhig na rgyal po gzugs can snying po'i spyi bor phol mig byung ngo / / des blon po rnams la bsgo ba/ shes ldan dag sman pa rnams khug shig /blon po rnams kyis sman pa rnams bkug pa dang / rgyal pos smras pa/ shes ldan dag nga'i spyi bor phol mig byung gis dpyad byos shig / de rnams kyis smras pa/ lha sman pa chen po 'tsho byed mchis na bdag cag gis bgyi ba ci 'tshal/ rgyal pos smras pa/ shes ldan dag 'tsho byed khug shig /de rnams kyis bkug pa dang / rgyal pos smras pa/ 'tsho byed dpyad byos shig /'tsho byed kyis smras pa/ lha dam zhig bca' ste/ gal te lha la bdag nyid kyis khrus bgyid du gnang na bgyi'o/ /de bzhin gyis shig /de nas 'tsho byed kyis skyu ru ras bskus shing smin par 'gyur ba'i rdzas dag btab nas smin par 'gyur ba'i rdzas rnams dang bsres pa'i chu bum pa lnga brgya blugs pa dang / gang gi tshe smin pa de'i tshe na ma tshor bar spu gris reg par byas pa dang rdol to/ /de nas 'tsho bar 'gyur ba'i rdzas dag btab ste 'tsho bar 'gyur ba'i rdzas rnams dang bsres pa'i chu bum pa lnga brgya blugs pa dang / rma de sos shing lpags pa dang 'dra ba dang skra yang mnyam par gyur to/ /rgyal pos khrus byas ma thag tu smras pa/ 'tsho byed dpyad byos shig /des smras pa/ lha re shig bshos gsol cig /rgyal pos zan zos nas 'tsho byed dpyad byos shig lha bgyis lags so/ /de yid ma ches nas lag pas byugs na phyogs gang na rma yod par ma shes so/ /me long blangs te bltas na 'on kyang ma mthong ngo / /btsun mo la dris na des kyang phyogs gang na rma yod par ma shes so/ /rgyal po mchog tu ngo mtshar skyes nas blon po rnams la smras pa/ shes ldan dag 'tsho byed sman pa'i rgyal por dbang skur cig /mi long ba des smras pa/ lha ci sras la byams pas sam/ 'on te sman mkhas pas dbang bskur bar mdzad/ rgyal pos smras pa/ sman mkhas pas so/ /des smras pa/ gal te de lta lags na 'dis bdag ni sos par ma bgyis so/ /'tsho byed kyis smras pa/ kye nang rje bdag gis khyod mthong yang ma mthong na sos par lta ga la byas/ des smras pa/ de ni mad na 'on kyang khyod kyis gang la bstan pa des bdag la bstan to/ /ci zhig bstan/ che ge mo zhig go/ /'tsho byed kyis smras pa/ de'i khams kyang gzhan la khyod kyi khams kyang gzhan yin gyis/ da 'di dang 'di dag byos shig dang sos par 'gyur ro/ /des byas nas sos par gyur pa dang smras pa/ lha 'di sman pa'i rgyal por dbang bskur bar mdzad du gsol/ de glang po che la bskyon nas dpal gyi 'byor pa chen pos sman pa'i rgyal por dbang bskur to/ / rgyal po'i khab na khyim bdag cig yod pa skran nad kyis thebs nas/ sman pa thams cad kyis spangs pa dang / des bsams pa/ 'tsho byed kyi drung du 'gro'o/ /gal te dpyad cig byas na ni de lta na legs/ gal te ma byas na bdag nyid 'chi bar bya'o snyam nas/ de 'tsho byed kyi drung du song nas 'tsho byed bdag gi dpyad mdzod cig /des smras pa/ kye nang rje khyod kyi sman 'di ni rnyed par dka'o/ /des bsams pa/ 'tsho byed kyis kyang bdag spangs na 'di la ci byar yod/ dus la bab kyis bdag ni 'chi'o snyam nas de dur khrod du song ngo / /de na ro sreg pa'i me 'bar bar ne'u le gdug pa zhig dang srog chags go d+hA tsan dan zhes bya ba 'thabs te lhung ba dang de bkres pas nyen pas de gnyis ka zos te/ lhas dur khrod du char phab pa'i 'od pa'i chu de la 'thungs nas dur khrod dang ha cang yang mi ring ba zhig na gnag lhas yod pa der song ste/ ko dra'i chan dang mar phyung ba'i zho 'thungs pas skran rdol te yar slon mar 'khrus nas sngon ji lta ba bzhin du gyur to/ /dus gzhan zhig na lus 'phags mo'i 'doms kyi phyogs su phol mig byung ngo / /des rgyal po la smras pa dang rgyal pos 'tsho byed la bsgo ba/ ma yar mo'i dpyad byos shig /des khas blangs so/ /de nas zan byas te ma ma la byin nas khyod kyis 'di'i steng du 'dug tu chug shig /des de 'dug tu bcug pa'i zan 'tsho byed kyis mthong nas bsams pa/ phyogs che ge mo zhig na'o snyam mo/ /de nas smin par 'gyur ba'i rdzas dag btab ste/ smin par shes nas zan gyi nang du gtsags bu sbas te ma ma la bsgo ba/ khyod kyis de 'di la 'dug tu chug la btsun mo 'dug nas slar slong shig /des de bzhin byas pa las gtsags bus reg ma thag tu phol mig rdol bar gyur to/ /de nas 'tsho bar 'gyur ba'i rdzas dang bsres pa bska ba'i chus bkrus te 'tsho bar 'gyur ba'i rdzas rnams btab pas sos par gyur to/ /'tsho byed rgyal po'i drung du song ba dang rgyal pos smras pa/ 'tsho byed khyod kyis ma yar mo'i dpyad byas sam/ lha bgyis so/ /khyod kyis sgren mor phud de ma bltas grang / lha ma bltas so/ /ji ltar byas/ des ji ltar gyur pa rnams smras pa dang rgyal po mchog tu ngo mtshar skyes nas/ des blon po rnams la smras pa/ 'tsho byed la lan gnyis su sman pa'i rgyal por dbang skur cig /mi skran can la 'tsho byed kyis sman rnyed par dka'o zhes smras pa gang yin pa des smras pa/ lha ci sras la sdug pas sam/ 'on te sman mkhas pas dbang bskur bar mdzad/ rgyal pos smras pa/ sman mkhas pas so/ /gal te de lta lags na 'dis bdag ni sos par ma bgyis so/ /'tsho byed kyis smras pa/ kye nang rje ngas khyod la dpyad ni ma byas kyi/ 'on kyang ngas khyod kyi sman ni rnyed par dka'o zhes smras so/ /des smras pa/ bdag gi sman ji lta bu dag yin/ 'tsho byed kyis smras pa/ gal te zla ba mar gyi ngo tshes bcu bzhi la mi ser skya cig shi nas de dur khrod du sreg pa na ne'u le gdug pa dang srog chags go d+hA tsan dan 'thabs nas mer lhung ba dang de gnyis khyod kyis zos la/ dbang phyug chen po'i lhas dur khrod du char phab pa'i 'od pa'i chu de la 'thungs la/ ko dra'i chan zos shing mar phyung ba'i zho 'thungs na de lta na khyod sos par 'gyur te/ bdag gis de las bsams nas sman rnyed par dka'o zhes smras pa yin no/ /des smras pa/ shin tu legs par shes te/ de bzhin du bdag gis zos so/ /de nas dga' bar gyur nas smras pa/ lha 'dis sman pa'i rgyal po'i rngo thog gi dbang bskur bas dbang bskur du gsol/ lan gnyis su yang sman pa'i rgyal por dbang bskur to/ /gang gi tshe mi dge ba'i grogs po lhas byin gyis ma skyes dgra bslus nas pha chos kyi rgyal po chos dang ldan pa srog dang phral ba de'i tshe de la skran gyi nad kyis thebs par gyur to/ /des sman pa rnams la smras pa/ nga la dpyad gyis shig /de rnams kyis smras pa/ lha lha'i gcen sman pa'i rgyal po bla na med pa 'tsho byed 'di na mchis bzhin du bdag cag gis dpyad bgyid rngo ga la thog /des blon po rnams la smras pa/ shes ldan dag 'tsho byed khug shig /de rnams kyis bkug pa dang / 'tsho byed nga la skran nad byung gis dpyad byos shig / lha bgyi'o/ /des bsams pa/ rgyu gnyis kyis skran rdol bar 'gyur te/ lhag par dga' ba 'am/ lhag par khros pas yin na sems can sdig pa byed pa 'di lhag par dga' bar ga la 'gyur gyis/ rnam pa thams cad du khros par bya'o snyam du bsams nas smras pa/ lha dam zhig bca' ste/ gal te gzhon nu 'char byed bzang po'i sha gsol ba lta na dpyad bgyi'o/ /rgyal pos thos nas khros te smras pa/ legs so ngas ni pha srog dang phral/ khyod kyis kyang 'char byed bzang po srog dang phrol/ nga yang rang nyid nad kyis shi nas khyod ni rgyal por 'gyur mod des smras pa/ lha dpyad ni 'di lags te/ gzhan gyis sos par rngo mi thog lags so/ / bdag dang 'dra ba'i phangs pa med pas des khas blangs so/ /de nas 'tsho byed kyis gzhon nu 'char byed bzang po rgyan thams cad kyis brgyan nas rgyal po la phul te/ lha gzhon nu 'char byed bzang po la legs par gzigs pa de ltar mdzad du gsol/ /phyis gzigs par mi 'gyur ro/ /de nas des bstan nas khyim du khrid nas bzhag go/ /de nas 'tsho byed sha'i don du bsil ba'i tshal gyi dur khrod du song ba las bsil ba'i tshal gyi dur khrod ni shi ba'i ros stong pa ma yin pas de nas ro'i sha blangs te yo byad kyi khyad par dag dang g.yos byas nas rgyal po'i dro la bab pa'i dus su bstabs so/ /de nas rgyal po ma skyes dgras sha khu'i phor ba blangs nas za bar gzas pa dang 'tsho byed kyis phrogs nas glad du bsnun te sdig pa byed pa khyod kyis pha chos dang ldan pa chos kyi rgyal po srog dang phral la bu'i sha yang za bar byed dam/ des rngams nas smras pa/ gal te de lta na ci'i phyir gsad ces mi bzod pa skyes pas de'i skran rdol nas yar slon mar 'khrus te/ kha nas khrag dang bcas par byung ba de mthong nas brgyal te sa la 'gyel to/ /de nas chu gtor nas dbugs slar byung ba dang khrus byas te 'phrod pa'i zas byin pas sngon gyi ji lta ba bzhin gyur to/ /de nas 'tsho byed kyis gzhon nu 'char byed bzang po rgyan thams cad kyis brgyan nas khrid de rgyal po'i drung du song nas rkang pa gnyis la gtugs te smras pa/ lha gzhon nu 'char byed bzang po 'di lags te/ bdag srog chags grog sbur yang srog dang 'bral bar bgyid mi phod na gzhon nu lta smos kyang ci 'tshal/ 'on kyang thabs 'dis lha 'tsho bar 'gyur bas bdag gis thabs bsham par bgyis par bas so/ /rgyal po mchog tu ngo mtshar skyes nas des blon po rnams la bsgo ba/ 'tsho byed sman pa'i rgyal por dbang skur cig /blon po rnams kyis glang po che la bskyon nas dpal gyi 'byor pa chen pos lan gsum du yang sman pa'i rgyal por dbang bskur bas dbang bskur to/ /de nas 'tsho byed dregs pa skyes nas bdag dang mnyam pa'i sman pa 'ga' yang yod pa ma yin te/ bdag ni lus kyi dpyad byed pa rnams kyi mchog yin la/ bcom ldan 'das ni sems kyi dpyad mdzad pa rnams kyi mchog yin no snyam mo/ /des dus gzhan zhig na bcom ldan 'das kyi spyan sngar song ba las de dregs pa'i snyems pas bden pa rnams ma mthong ngo / /bcom ldan 'das kyis dgongs pa/ sman pa'i rgyal po 'tsho byed kyis dge ba'i rtsa ba bskyed na ci'i phyir bden pa rnams ma mthong bar gyur snyam na/ dregs pa'i snyems pa las gyur par gzigs nas de'i dregs pa spang bar bya'o snyam nas/ de nas bcom ldan 'das kyis sman pa'i rgyal po 'tsho byed la bka' stsal pa/ 'tsho byed khyod kyis ri'i rgyal po gangs can mthong ngam/ btsun pa ma mthong lags so/ /de bzhin gshegs pa'i na bza' chos gos kyi mtha' nas zung shig /des bzung ba dang de nas bcom ldan 'das kyis sman pa'i rgyal po 'tsho byed khrid nas ri'i rgyal po gangs can gang na ba der gshegs pa dang de na sman rnam pa sna tshogs sgron ma bzhin 'bar ro/ /bcom ldan 'das kyis sman pa'i rgyal po 'tsho byed la 'di skad ces bka' stsal to/ /'tsho byed sman ji tsam 'dod pa long shig /bcom ldan 'das 'jigs lags so/ /de nas bcom ldan 'das kyis gnod sbyin lag na rdo rje la bka' stsal pa/ lag na rdo rje song la 'tsho byed la bsrung ba byos shig /de dang song nas sman rnam pa sna tshogs dag blangs nas bcom ldan 'das kyis bka' stsal pa 'tsho byed sman 'di'i ming ci yin/ des gsol pa/ bcom ldan 'das che ge mo lags te/ cho ga 'dis nad che ge mo zhig zhi bar 'gyur ro/ /'di ni che ge mo zhig lags te nad che ge mo zhig rab tu zhi bar 'gyur ro/ /gzhan rnams kyi ni ming yang mi shes so/ /ma shes pa gang yin pa de dag bcom ldan 'das kyis bka' stsal pa/ 'tsho byed 'di ni che ge mo ste cho ga che ge mos nad che ge mo zhig rab tu zhi bar 'gyur ro/ /'di yang che ge mo zhig ces bya'o/ /'tsho byed kyis gsol pa/ bcom ldan 'das kyis dpyad kyang mkhyen pa lta/ de nas bcom ldan 'das kyis sman pa'i rgyal po 'tsho byed la bka' stsal pa/ 'tsho byed sman pa zug rngu 'byin pa yan lag bzhi dang ldan pa ni rgyal po la 'os pa/ rgyal po la mkho ba/ rgyal po'i yan lag gi grangs su 'gro'o// //'dul ba gzhi/ bam po drug bcu gnyis pa/ bzhi gang dag ce na/ 'di la sman pa zug rngu 'byin pa nad la mkhas pa yin/ nad kun nas slong ba la mkhas pa yin/ nad byung ba spong ba la mkhas pa yin/ spangs pa phyis mi 'byung ba la mkhas pa yin te/ nad la mkhas pa ji lta bu zhe na/ 'di la sman pa zug rngu 'byin pa nad shes shing nad 'di ni 'di lta bu dang 'di lta bu yin no zhes de ltar nad la mkhas pa yin no/ /nad kun nas slong ba la mkhas pa ji lta bu zhe na/ 'di la sman pa zug rngu 'byin pa nad shes shing nad 'di ni rlung gis kun nas bslang ba 'am/ mkhris pas kun nas bslang ba 'am/ bad kan gyis kun nas bslang ba 'am/ bdag las gyur pa 'am/ gzhan las gyur pa 'am/ 'dus pa las gyur pa'o zhes de ltar nad kun nas slong ba la mkhas pa yin no/ /nad byung ba spong ba la mkhas pa ji lta bu zhe na/ 'di la sman pa zug rngu 'byin pa nad shes shing nad 'di ni mig sman nam/ sku mnye 'am/ skyug sman nam/ bkru sman nam/ snar blugs pa 'am/ du bas bdug pa 'am/ nan rtsi'i las kyis spang bar 'gyur ro zhes de ltar nad byung ba spong ba la mkhas pa yin no/ /nad spangs pa phyis mi 'byung ba la mkhas pa ji lta bu zhe na/ 'di la sman pa zug rngu 'byin pa nad shes shing nad 'di ni 'phrod pa'i cho ga 'di lta bu dang 'di lta bu dag byas te spangs na phyis mi 'byung ngo zhes de ltar nad spangs pa phyis mi 'byung ba la mkhas pa yin te/ de ltar na sman pa zug rngu 'byin pa yan lag bzhi dang ldan pa rgyal po la 'os pa yin/ rgyal po la mkho ba yin/ rgyal po'i yan lag gi grangs su 'gro ba yin no/ /de bzhin du de bzhin gshegs pa dgra bcom pa yang dag par rdzogs pa'i sangs rgyas yan lag bzhi dang ldan pa yang sman pa zug rngu 'byin pa bla na med pa zhes bya'o/ /'tsho byed bzhi gang dag ce na/ 'di la de bzhin gshegs pa dgra bcom pa yang dag par rdzogs pa'i sangs rgyas ni 'di ni sdug bsngal 'phags pa'i bden pa'o zhes yang dag pa ji lta ba bzhin du rab tu mkhyen to/ /'di ni sdug bsngal kun 'byung ba'o/ /'di ni sdug bsngal 'gog pa'o/ / 'di ni sdug bsngal 'gog par 'gro ba'i lam 'phags pa'i bden pa'o zhes yang dag pa ji lta ba bzhin du rab tu mkhyen to/ /'tsho byed sman pa zug rngu 'byin pas ni skye ba'i rtsa ba can gyi sdug bsngal rnams spang ba'i sman mi shes so/ /rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i rtsa ba can gyi sdug bsngal rnams spang ba'i sman mi shes so/ /'tsho byed de bzhin gshegs pas ni skye ba'i rtsa ba can gyi sdug bsngal rnams spang ba'i sman mkhyen to/ /rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i rtsa ba can gyi sdug bsngal rnams spang ba'i sman mkhyen to/ /de lta bas na de bzhin gshegs pa dgra bcom pa yang dag par rdzogs pa'i sangs rgyas ni sman pa zug rngu 'byin pa bla na med pa zhes bya'o/ /chos kyi rnam grangs 'di bshad pa na 'tsho byed gzhon nus bskyed chos rnams la chos kyi mig rdul med cing dri ma dang bral ba skyes so/ /de nas 'tsho byed gzhon nus bskyed kyis chos mthong ba dang / chos thob pa dang / chos rig pa dang / chos kyi gting slebs pa dang / som nyi las rgal ba dang / the tshom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas stan las langs nas bla gos phrag pa gcig tu gzar nas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag ni 'phags so/ /mngon par 'phags so/ /bcom ldan 'das dang / chos dang / dge slong gi dge 'dun la skyabs su mchi na/ bdag dge bsnyen du gzung du gsol/ deng slan chad ji srid 'tsho ba'i bar du srog dang bsdos te skyabs su mchi bar mngon par dad lags so/ /de nas sman pa'i rgyal po 'tsho byed kyis zhabs gnyis la mgo bos phyag byas te/ bcom ldan 'das kyi spyan snga nas song ngo / /ri'i rgyal po gangs can kha bas yog ste rtag tu lhags pa che bas bcom ldan 'das grang nad kyi snyun gyis thebs pa dang sman pa'i rgyal po 'tsho byed kyis bsams pa/ dper na 'khor los sgyur ba'i rgyal po la bya ba bzhin bdag nyid kho nas bcom ldan 'das la rim gro bya'o snyam mo/ /de nas 'tsho byed kyis me tog ut+pa la sum bcu rtsa gnyis dang bkrus sman gyi rdzas dang sbyar nas/ bcom ldan 'das la phul te/ bcom ldan 'das 'di rnams shangs kyis bsnam du gsol/ bcom ldan 'das kyis bsnams pa las thang sum bcu rtsa gnyis kho na 'khrus par gyur to/ / de nas bcom ldan 'das la zhus pa/ bcom ldan 'das cig legs par 'khrus lags sam/ bcom ldan 'das kyis bka' stsal pa/ 'tsho byed skyon gang dag g.yos la ma 'khrus pa de dag kyang yod/ 'khrus la ma g.yos pa yang yod/ 'khrus la g.yos pa yang yod/ ma 'khrus la ma g.yos pa yang yod do/ /'tsho byed kyis gsol pa/ bcom ldan 'das gal te de lta na bu ram dang a ru ra gsol la khu ba'i rim pa yang mdzod cig / bcom ldan 'das kyis de bzhin du mdzad nas snyun gdangs par gyur to/ /'tsho byed kyi kun tu spyod pa ni rgyal po 'am/ blon po gang su'i dpyad byas kyang rung ste/ des de la grong ngam/ grong mchog sbyin par byed pa yin no/ / ji tsam dus gzhan zhig na 'tsho byed kyis lus 'phags kyi rgyal po la dpyad byas pa las des de la brgya stong ri ba'i gos be'u ras yug po che zhig byin pa dang / des de blangs nas bcom ldan 'das gang na der song ste phyin pa dang bcom ldan 'das kyi zhabs gnyis la mgo bos phyag byas te phyogs cig tu 'dug go/ /phyogs cig tu 'dug nas 'tsho byed gzhon nus bskyed kyis bcom ldan 'das la 'di skad ces gsol to/ /btsun pa bdag gi kun tu spyod pa ni rgyal po 'am/ blon po gang su'i dpyad bgyis kyang rung ste/ des bdag la grong ngam/ grong mchog stsol ba lags pas bdag gis lus 'phags kyi rgyal po la dpyad bgyis pa dang des bdag la brgya stong ri ba'i rangs zhig stsal ba 'di bcom ldan 'das la bdag 'bul zhing mchis na/ bcom ldan 'das kyis thugs brtse ba nye bar bzung ste 'di bzhes su gsol/ bcom ldan 'das kyis 'tsho byed gzhon nus bskyed las brgya stong ri ba'i gos be'u ras yug po che bzhes so/ /de'i tshe tshe dang ldan pa kun dga' bo bcom ldan 'das kyi snam logs na bsil yab thogs te bcom ldan 'das la g.yob cing 'dug go/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo brgya stong ri ba'i gos be'u ras yug po che long la nga'i ched du gris dros shig /de nas tshe dang ldan pa kun dga' bos blangs te sa phyogs gsal la yangs par song nas gzhal bar brtsams pa las chos gos mang du ldang bar mthong ngo / /de nas des bcom ldan 'das kyi na bza' chos gos gsum dang bdag nyid kyi bla gos mthang gos dang bcas pa dang / tshe dang ldan pa sgra gcan zin gyi ral chung dpung chad cig byas so/ /bcom ldan 'das kyis dbyar gyi gnas der ras lnga brgya brnyes shing dge slong gi dge 'dun gyis kyang du ma zhig rnyed na dge slong rnams kyis ji ltar bsgrub par bya ba ma shes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de'i phyir rjes su gnang ste/ dge slong rnams kyis khyim pa'i gos gris dras te kha dog ngan par byas pa bcang bar bya'o/ /rgyal po gzugs can snying po'i kun tu spyod pa ni dge slong ngam dge slong ma mthong na glang po che las babs nas rkang pa la phyag byed pa yin no/ /de dus gzhan zhig na glang po che la zhon nas bcom ldan 'das kyi zhabs gnyis la mgo bos phyag byas te/ phyogs gcig tu song ba las/ ji tsam na lam gyi dbus nas 'tsho ba pa zhig mthong nas de de la gus pa bskyed de glang po che la babs nas rkang pa gnyis la gtugs so/ /de na ma dad pa gang yin pa de dag gis bsams pa/ lha ni dge slong 'ba' zhig la mngon par dad pa ma yin no/ /dad pa can gang yin pa de dag gis bsams pa ni gdon mi za bar lhas dge slong yin snyam ste/ de gus pas glang po che las babs nas rkang pa gnyis la gtugs so snyam nas de rnams yid gnyis su gyur te rgyal po la smras pa/ lha su la phyag bgyis/ bcom ldan 'das kyi nyan thos la'o/ /lha de ni bcom ldan 'das kyi nyan thos ma lags te/ 'tsho ba pa lags so/ /de nas rgyal po gzugs can snying pos 'di snyam du sems te/ bdag gi don 'di kho na gsol lo snyam nas/ bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs gcig tu 'dug nas ma ga d+hA'i rgyal po bzo sbyangs gzugs can snying pos bcom ldan 'das la 'di skad ces gsol to/ /btsun pa bdag gi kun tu spyod pa ni dge slong ngam dge slong ma mthong na glang po che la babs nas de'i rkang pa la phyag bgyid pa lags pas/ de ring bdag gus pa skyes nas glang po che las babs te dge slong lags snyam nas 'tsho ba pa'i rkang pa la gtugs lags kyis/ kye ma'o bcom ldan 'das kyis thugs brtse ba nye bar bzung ste/ 'phags pa rnams kyi chos gos rnams la mtshan ma cung zad gcig gdab tu gsol/ bcom ldan 'das kyis rgyal po gzugs can snying po la cang mi gsung bas gnang ngo / /de nas rgyal po gzugs can snying pos bcom ldan 'das cang mi gsung bas gnang bar rig nas bcom ldan 'das kyi zhabs gnyis la mgo bos phyag byas te song ngo / /de na bcom ldan 'das kyis dge slong rnams la bka' stsal pa/ dge slong dag 'tsho ba pa gang gis bden pa mthong ba las phyag bdag gir byas pa ni nyams te ma rung ngo / /de'i tshe tshe dang ldan pa kun dga' bo bcom ldan 'das kyi snam logs na bsil yab thogs te/ bcom ldan 'das la g.yob cing 'dug go/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis lus 'phags kyi ri bo mthong ngam/ btsun pa ma mthong lags so/ /de bzhin gshegs pa'i na bza' chos gos kyi mtha' nas zung shig /des bzung ba dang / de nas bcom ldan 'das kyis rgyal po'i khab nas mi snang bar mdzad pas de nyid nas rdzu 'phrul gyis steng gi nam mkha' las gshegs nas lus 'phags kyi ri bo la bzhugs so/ /de'i tshe ma ga d+hA'i mi rnams kyi zhing mnyam zhing nye 'khor mnyam pa rnang gi khyad par sna tshogs dag rnang sgal gyis 'brel cing mdzes pa dag gzigs nas tshe dang ldan pa kun dga' bo la bka' stsal pa/ kun dga' bo khyod kyis zhing mnyam zhing nye 'khor mnyam la rnang gi khyad par sna tshogs pa dag rnang sgal gyis 'brel bar mdzes pa de dag mthong ngam/ btsun pa mthong lags so/ /kun dga' bo de lta bas na dge slong rnams kyis 'di lta bur chos gos dag dras te drub par bya'o/ /gnas brtan kun dga' bos dge slong rnams la smras pa/ khyed kyis 'di lta bur chos gos rnams dros la drubs shig /dge slong rnams kyis chos gos dag dras te drub par brtsams pa na snam bu rnams kha phyogs cig tu bstan pas mi mdzes nas tshe dang ldan pa kun dga' bos bsams pa/ bcom ldan 'das kyis bka' ma stsal mod kyi/ 'di kho nas rkyen byas nas gnang bar 'gyur ba'i gnas de yod do snyam nas des snam bu rnams kha phyogs gnyis kar bstan na 'on kyang mtha' skor med pas mdzes par ma gyur nas mtha' skor byas so/ /de nas byas shing zin pa dang bcom ldan 'das la phul lo/ /bcom ldan 'das kyis bka' stsal pa/ kun dga' bo legs so legs so/ /ngas gang gi phyir bka' stsal pa/ de khyod kyis shes te/ de lta bas na dge slong rnams kyis 'di lta bur chos gos rnams dras la drub par bya'o/ /dge slong rnams kyis chos gos dras shing drubs pa re re bcangs nas lhag ma ni ma dras so/ /de nas bcom ldan 'das yul ma ga d+hA'i ljongs rgyu zhing gshegs te/ 'brog gnas su byon nas 'brog gnas na 'grog gnas kyi tshal na bzhugs so/ /'brog gnas 'bab chu dang nye bar grang zhing rlung ldang bar gyur nas/ bcom ldan 'das kyis thun dang po la mthang gos gsol to/ /thun bar pa la bla gos gsol to/ /thun tha ma la tshe dang ldan pa kun dga' bo la bka' stsal pa/ kun dga' bo nga la snam sbyar gyis g.yogs shig /de nas tshe dang ldan pa kun dga' bos lag pa gnyis bkrus nas snam sbyar gyis bcom ldan 'das kyi steng du g.yogs te/ bcom ldan 'das kyis na bza' chos gos gsum gyis mtshan mo de 'das par mdzad do/ /de nas nam nangs nas dgongs pa 'jig rten na shin tu skyid pa bde ba 'dod pa gang yin pa su yang rung de rnams kyi mchog ni nga yin te/ nga yang chos gos gsum gyis 'tsho bar spyad na nga'i nyan thos rnams lta smos kyang ci dgos snyam du dgongs nas dge slong rnams la bka' stsal pa/ dge slong dag de lta bas na dge slong rnams kyis dras pa'i chos gos gsum bcang bar bya'o/ /bcom ldan 'das kyis dras pa'i chos gos gsum bcang bar bya'o zhes bka' stsal na/ dge slong zhig la chos gos gsum pa med nas des phying ba zhig rnyed nas des de dra bar brtsams so/ /bcom ldan 'das kyang phyogs der gshegs nas smras pa/ dge slong 'di ci yin/ btsun pa bcom ldan 'das kyis dge slong rnams kyis dras pa'i chos gos gsum bcang bar bya'o zhes bka' stsal na/ bdag la chos gos gsum pa ma mchis nas btsal ba las/ bdag gis phying ba 'di rnyed de dras nas chos gos bgyi'o/ / dge slong 'di ni dra ba'i 'os ma yin no/ /'on kyang lhan thabs kyis glan pa'i 'os yin pas lhan thabs kyis glan nas bcang bar bya'o zhes bka' stsal nas gshegs te/ dge slong gi dge 'dun bsdus nas dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag dge slong che ge mo zhes bya ba la chos gos med nas phying ba la 'dra bar byed kyis/ dge slong dag de lta bas na mi dra ba ni lnga ste/ phying ba thams cad dang / snam bu thams cad dang / be'u ras thams cad dang / seng ras thams cad dang / klam thams cad de/ lhan thabs kyis glan nas bcang bar bya'o/ / gleng gzhi ni mnyan yod na'o/ /ko sa la'i rgyal po gsal rgyal gyi blon po'i mchog ri dgas 'dzin ces bya ba des rigs mnyam pa las chung ma blangs te de de dang lhan cig rtse bar byed/ dga' bar byed/ dga' mgur spyod par byed de/ de rtse bar byed dga' bar byed dga' mgur spyod par byed pa las khye'u zhig btsas so zhes bya ba nas de bzhin du khye'u bdun btsas te/ de la drug gi ming ni ci dga' bar btags so/ /tha chungs gang yin pa de'i ming ni sa ga zhes bya bar btags so/ /ji tsam na ri dgas 'dzin gyi chung ma shi nas/ des bu drug gi khyim phub pa dang de rnams rang rang gi chung ma rnams dang lhan cig byi dor lhur len cing khyim gyi 'tsho nam mi sems par 'dug go/ /khyim bdag ri dgas 'dzin 'gram pa la lag pa gtad nas sems khongs su chud cing 'dug go/ /de'i grogs bshes bram ze zhig yod pa de 'ongs nas des de sems khongs su chud pa mthong nas smras pa/ khyim bdag ci'i phyir sems khongs su chud/ bdag gi bu 'di dag rang rang gi chung ma dang lhan cig byi dor lhur len cing khyim gyi 'tsho nam mi sems par 'dug pas khyim zhig par 'gyur ro/ /des smras pa/ ci'i phyir sa ga la khyim mi dbub/ gal te na yang lhag par phung krol byed kyang sus shes/ gal te na 'di lhag par legs par byed kyang sus shes/ gal te khyod dad na bu mo zhig btsal lo/ /de bzhin du gyis shig /de tshol zhing rim gyis yul tsam par phyin to/ /tsam pa na khyim bdag stobs kyi bshes gnyen zhes bya ba yod de/ de'i bu mo sa ga ma zhes bya ba gzugs bzang ba/ dar la bab pa/ tshul dang dul ba dang ldan pa/ mkhas pa/ g.yer ba zhig yod pa de bu mo yid 'phrog ma gang 'dod pa rnams dang lhan cig tu skyed mos tshal gyi gzhir chas pa dang bram ze de yang phyogs der phyin te/ des bu mo rnams mthong nas des bsams pa/ 'di rnams kho na la re shig brtag par bya'o snyam nas de brtag pa lhur len cing dal bus 'jab cing de rnams kyi phyi bzhin du song ngo / /bud med ni phal cher yang ba'i rang bzhin can yin pas de rnams las kha cig ni bang rgyug /kha cig ni mchongs pa byed/ kha cig ni 'gre/ kha cig ni dgod/ kha cig ni lus sgyur bar byed/ kha cig ni glu len par byed/ 'di dag dang gzhan yang spyod tshul ngan pa dag byed do/ /dul ba phun sum tshogs pa de ni gom pa dal gyis de dag dang lhan cig 'gro'o/ /ji tsam na skyed mos tshal du phyin pa dang bu mo de rnams ni rdzing gi 'gram du gos rnams bzhag nas mod la zhugs te rtse bar brtsams so/ /de ni ji tsam ji tsam chur nub pa de tsam de tsam du gos dag rdze zhing 'jug la/ ji tsam ji tsam ldang ba de tsam de tsam du gos dag 'bebs shing ldang ste/ de lta bur spyod lam zhi ba yin no/ /de nas khrus kyi brtson pa byas nas gnas gcig tu 'dug pa dang / bu mo de rnams ni thog mar rang zas zos nas de'i 'og tu 'khor gyi skye bo la sbyin par rtsom mo/ / de ni 'khor gyi skye bo la sngar byin nas de'i 'og tu rang za bar rtsom mo/ /de nas zos shing 'thungs nas skyed mos tshal gyi bde ba nyams su myong bar byas nas dong ngo / /ji tsam na lam gar chu rgal bar byed pa na bu mo de rnams ni mchil lham phud nas rgal lo/ /de ni mchil lham dang bcas pas dong ngo / /yang dong ste/ de dag kun dga'i ra bar zhugs pa dang des ni gdugs thogs te a mra'i tshal nas byung ngo / /gzhan dag gis gdugs rnams bor ro/ / de nas rlung dang char pa bab nas de'i tshe bu mo rnams lha khang du zhugs nas 'dug go/ /de ni bla gab med pa na'o/ /bram ze de yang de'i rjes bzhin du song ba las des de'i mtshan nyid dang spyod tshul de lta bu mthong nas/ de nas ngo mtshar skyes te bu mo de la dri bar brtsams pa/ bu mo khyod su'i stobs kyi bshes gnyen gyi bu mo'o/ /bu mo khyod la cung zad cig dris ma khro zhig /des 'dzum pa sngon du btang nas smras pa/ khu gu 'di la khror ci mchis dris shig /bu mo 'di dag thams cad ni rgyug pa dang / mchong ba dang / 'gro ba dang / lus sgyur bar byed pa dang / glu len par byed cing 'di dag dang gzhan yang spyod tshul ngan pa byed cing 'gro na/ khyod ni tshul dang dul ba phun sum tshogs pas dal bus rgyu zhing de rnams dang lhan cig skyed mos tshal du 'gro bar byed do/ /des smras pa bu mo thams cad ni pha dang mas btsong ba'i rdzas yin na/ gal te bdag gis mchongs sam 'gres nas rkang pa 'am lag pa chag par gyur na/ bdag la su zhig slong bar 'gyur te/ nges par bdag ji srid 'tsho ba'i bar du pha dang ma kho na'i gson mar 'gyur ro/ /bu mo legs te/ de ni khong du chud do/ /gzhan yang 'di dri ste/ bu mo 'di dag ni gos rnams mtha' gcig tu bzhag nas gos gcig kyang med par mod la zhugs nas rtse bar rtsom la/ /khyod ni ji tsam ji tsam du chur nub pa de tsam de tsam du gos rdze bar byed do/ /khu gu bud med ni ngo tsha shes pa dang khrel yod pa dang ldan par bya dgos pas gal te bdag gi gos phud pa 'ga' zhig gis mthong na/ mi rigs par 'gyur ro/ /bu mo khyod la de na su zhig lta/ khu gu re shig khyod kho nas kyang bdag mthong bar 'gyur ro/ /bu mo legs te/ de yang khong du chud do/ /gzhan yang 'di dri ste/ bu mo 'di dag ni rang sngar zos nas de'i 'og tu 'khor gyi skye bo la zan sbyin par byed la/ khyod ni 'khor gyi skye bo la sngar zan byin nas de'i 'og tu rang za bar byed do/ /khu gu bdag cag ni bsod nams kyi 'bras bus 'tsho bas bdag cag la rtag tu dus ston mchis la/ 'di dag ni tshegs 'byung ba'i 'bras bus 'tsho ba lags/ brgya lam na lan 'ga' rgya chen por 'thob pa'i phyir ro/ /bu mo legs te de yang khong du chud do/ /gzhan yang 'di dri ste/ 'jig rten thams cad ni skam la mchil lham gyon la khyod ni chu la gyon pa de ci/ khu gu 'jig rten blun mod/ chu kho na la mchil lham bgo 'tshal te/ ci'i slad du zhe na/ thang la ni sdong dum dang / tsher ma dang / rdo ba dang / zug rdo dang / nya phyis kyi dum bu dang / srin kog gi dum bu rnams mngon la/ chu la ni de dag mi mngon pas des na chu kho na la mchil lham bgo bar bgyi'i thang la ni ma lags so/ /bu mo legs te de yang khong du chud do/ /gzhan yang 'di dri ste/ bu mo de dag ni nyi ma la gdugs thogs na/ khyod ni kun dga'i ra ba'i shing gi grib ma la thogs par byed na/ 'di la rigs pa ci zhig yod/ khu gu 'jig rten blun mod kun dga' ra ba kho nar gdugs bcang 'tshal te/ de ci'i slad du zhe na/ kun dga' ra ba ni rtag tu spre'u dang bya rnams kyis gang bas bya rnams ni gcin rtug 'thor zhing rus pa'i dum bu dag 'thor ro/ /spre'u rnams kyang bshang ba dang gci ba byed cing 'bras bu'i za 'phro dag 'thor bar byed la/ rang bzhin gyis rgod bag can yin pas phan tshun yal ga gzhan du 'gro bar byed pa na shing dum dag lhung bar byed do/ /bla gab ma mchis pa la ni de dag ma mchis so/ /rgya la mchis na yang de res 'ga' zhig 'bab par bas te/ des na kun dga' ra ba kho nar gdugs bcang bar bgyi'i/ bla gab ma mchis par ni ma lags so/ /bu mo legs te de yang khong du chud do/ /gzhan yang 'di dri ste bu mo 'di dag ni rlung dang char pa byung na lha khang du 'jug na khyod ni bla gab med par 'dug go/ / khu gu bla gab ma mchis pa kho nar gnas par bgyi'i/ lha khang du 'jug par ni ma lags so/ /bu mo 'di la rigs pa ci yod/ khu gu lha khang stong pa 'di dag ni rtag tu dwa dang / nal phrug dang / g.yon can rnams kyis mi stong lags te/ gal te bdag zhugs pa'i yan lag dang nying lag dag la 'ga' zhig gis reg na/ de lta na bdag gi pha ma dag la mi snyan par mi 'gyur ram/ nyis na bla gab med par srog dang phral ba ni bla'i/ lha khang stong par ni mi 'jug go/ /de nas bram ze de de'i spyod tshul gyis rangs shing yid bde ba skyes nas khyim bdag stobs kyi bshes gnyen gyi khyim du zhugs te bu mo thob par 'dod pa'i spro ba dang bcas pas bde legs su gyur cig /bde legs su gyur cig ces smras pa dang / khyim 'khor gyi skye bos smras pa/ bram ze re shig bslang ba'i dus ni ma yin na/ ci zhig slong / bu mo slong ngo / /su zhig gi ched du/ mnyan yod na blon po'i mchog ri dgas 'dzin ces bya ba de'i bu sa ga zhes bya ba'i 'o/ /de rnams kyis smras pa/ de dang bdag cag ni rigs mnyam pa yin na/ 'on kyang yul ha cang yang thag ring ches so/ / des smras pa/ ring po kho na la bu mo sbyin par bya'o/ /ci'i phyir zhe na/ nye na re shig gal te bde bar gyur pa thos na dga' ba skyed par zad/ nye na sdug bsngal bar gyur na sbyin pa dang mchod pa dang bkur stir bya bas dub par 'gyur zhing nor 'god par yang 'gyur ro/ /de rnams kyi smras pa/ gal te de lta na sbyin no/ /de nas bram ze de bde legs su gyur cig ces smras nas song ste rim gyis mnyan yod du phyin nas lam gyis dub pa bsal te blon po'i mchog ri dgas 'dzin gyi drung du song nas/ de nas bu mo'i za ba dang / gnas pa'i spyod tshul dang / gzugs bzang zhing dar la bab pa dang / mdzes pa dang mkhas pa dag ji lta ba bzhin du bsnyad nas smras pa/ bdag gi nyon mongs pa chen pos yul dang tshong rdal sna tshogs su brgyus pas sdug bsngal gyis de rnyed kyis da ni song la long shig /de nas blon po'i mchog ri dgas 'dzin gyis nyi ma dang tshes grangs dang / yud tsam dang rgyu skar dag bstun nas tsam par 'ongs te/ dpal gyi 'byor pa chen pos sa ga'i chung ma blangs so/ /de mi yul du 'gro ba'i tshe mas bslabs pa/ bu mo khyod kyis nyi ma dang zla ba gnyis la rtag tu phyag bya/ me la bsnyen bkur bya/ me long dri ma phyi bar bya/ gos dkar po bgo bar bya/ blang bar bya'i sbyin par mi bya/ tshig bsrung bar bya/ langs nas su la yang stan bstab par mi bya/ zhim po bza' bar bya/ bde bar nyal bar bya/ them skas gzugs par bya'o/ /de nas ri dgas 'dzin gyis thos nas des bsams pa/ bu mo 'di lta ba log par 'dzin du bcug ste/ bdag gis 'di lta ba log pa dang phral la yang dag pa'i lta ba 'dzin du gzhug go snyam du bsams nas de blangs te chas so/ /de nas de'i ma sdug pas snying dkrugs shing mig mchi mas gang bas mgul nas 'khyud nas ngu bzhin gyi nga ros smras pa/ bu mo khyod mthong ba'i tha ma ni 'di yin no/ /des de la shes par bya ba'i phyir smras pa/ yum re shig khyod 'dir 'khrungs sam/ 'on te nye du'i khyim du bu mo nye du'i khyim du'o/ /khyod kyis khang pa de yin nam/ 'on te 'di yin 'di yin no/ /bdag kyang 'dir skyes la der bdag gnas par bsal 'du ba mchis na gdon mi za bar mthar 'bral bar 'gyur na/ bshums su ci mchis cang ma gsungs shig / de nas ri dgas 'dzin ni thang la song ngo / /sa ga ma ni khyim thab dang / rang gi khyim nas thob pa'i 'khor gyi skye bo dang lhan cig tu grur dong ba las de na rta rgod ma rte'u smad byung nas ring po ma lon pa zhig grur gzhug par byas pa dang / rte'u thang la mi dga'o snyam nas bsgrims kyang 'jug tu ma btub pa dang ku co byung bas sa ga mas thos nas des smras pa/ ci'i phyir ku co 'di byung de rnams kyis ji ltar gyur pa rnams smras pa dang / sa ga mas smras pa rte'u sngar chug shig dang rang nyid 'jug par 'gyur ro/ /de rnams kyis de bzhin byas pa dang zhugs so/ /de nas ri dgas 'dzin gyis de rnams la dris pa/ ci'i phyir khyed cag ring zhig lon nas 'ongs/ rta rgod ma grur mchong du ma btub lags so/ /'o na ji ltar mchongs/ tsam pa mos thabs bshams pa zhig bstan te/ rte'u sngar bcug pas so/ /tsam pa mo ni mkhas pa yin no/ /ji tsam na 'dron pa rnams lam gar nub mo 'brang btab ste gnas pa las ri dgas 'dzin gyi mal bya skyibs shig tu bcas pa sa ga mas mthong nas dris pa/ 'di su'i mal/ ri dgas 'dzin gyi'o/ /spos shig /ci'i phyir gal te gnyid kyis log pa la bya skyibs steng du rdib na gdon mi za bar non pas 'chi bar 'gyur te/ bdag la gang zhig blangs na gyos po khyim du ma phyin par lam kar shi ba 'di lta bu'i bu mo bag mar blangs zhes ji srid 'tsho ba'i bar du mi snyan pa 'byung bar 'gyur ro/ / mal de yang spos pa las gad pa zhig pa dang / skye bo'i tshogs chen pos khyim bdag non to zhes kun brgyugs pa dang khyim bdag gis smras pa/ shes ldan dag bdag 'di na 'dug gis ma skrag par mal rtogs shig /mal spos so/ /sus/ sa ga mas so/ /tsam pa mo ni mkhas pa yin no/ /yang skyed mos tshal rnying pa zhig tu nub mo 'brang btab ste 'khod pa las ri dgas 'dzin gyi mal lha khang stong pa zhig tu bcas pa dang sa ga mas mthong nas dris pa/ 'di su'i mal/ dpon po'i 'o/ /spos shig /ci'i phyir gal te lha khang rdib ste/ des non na shi bar 'gyur te/ bdag la zhes bya ba nas mi snyan pa 'byung bar 'gyur ro zhes bya ba'i bar gong ma bzhin du'o/ /mal de yang spos pa las lha khang zhig pa dang skye bo'i tshogs chen pos brgyugs pa dang zhes bya ba nas tsam pa mo ni mkhas pa yin no zhes bya ba'i bar gong ma bzhin du'o/ /ji tsam na rim gyis mnyan yod du phyin nas lam gyis dub pa bsal te mdza' bshes dang / nye du dang gnyen gyi skye bo spras nas sa ga ma rang gi rigs dang 'tsham pa'i khyim gyi las dag byed do/ /ri dgas 'dzin gyi mna' ma drug gis re mo re mos khyim mi'i zan sbyor ba las sa ga ma la yang de bzhin du bsgo ste/ khyod kyis res kyang zhag bdun pa la sbyor cig /de'i res la bab tu nye ba dang / gyos po dang / sgyug mo dang / khyim bdag rnams kyi dri'i lhag ma gang yin pa de dag ril bur byas nas nyi ma re re zhing skems so/ /nyi ma re re zhing nod pa'i phye gang yin pa de las kyang bre kha phri ste bzhag la/ lhag ma mar dang bsres pas de dang tshad mnyam par gyur to/ /sang lta bu res bab pa na chang btung la rag par bya ba dang / khyim thab dang rang gi me tog gi phreng ba rnying pa gang yin pa de dag bsil bar bzhag nas/ ji tsam na nam nangs pa dang / las byed pa rnams la skyur rtsi dang / dri dang / me tog dang / zas dang / chang dag byin no/ /de rnams shin tu mgu nas bdag cag ring zhig lon nas khyim bdag gi chung ma rnying pas bzhin bltas so zhes de rnams kyis de'i nyin par las nyis 'gyur du byas so/ / ji tsam na ri dgas 'dzin gyis phyi dro'i dus su las kyi mtha' la bltas pa na las mang du zin pa mthong nas des dris pa/ ci khyed cag gis gla mi gzhan dag cig bkug gam/ sus kyang ma bkug go/ /gang gis na las nyis 'gyur du byas pa 'di la rgyu ci zhig yod/ de rnams kyis smras pa/ dpon po zas ci 'dra ba de 'dra ba'i las bgyid do/ /de ji lta bu yin/ de rnams kyis ji ltar gyur pa rgya cher smras pa dang / ri dgas 'dzin gyi bu rnams kyis rang rang gi chung ma la smras pa las de rnams kyis smras pa/ sa ga mas ji ltar bgyis pa bzhin du gal te bdag cag gis kyang khyim nas brkus la gla mi rnams dga' bar bgyis pa dang / bdag la yang jo bo dang khyed gla mi rnams dga' bar 'gyur ro/ /de nas ri dgas 'dzin gyis sa ga ma la dris pa/ bu mo khyod kyis kha zas rnams ji ltar bshams/ des rgyas par smras pa dang ri dgas 'dzin mgu nas des de kho na khyim gyi bya ba rnams byed du bcug ste/ nang mi thams cad la smras pa/ khyed cag las gang zhig sa ga mas byin pas mgu ba ni des gnas par bgyis la de dang rjes su 'thun par yang gyis shig / ji tsam na de khyim gyi dpon mor gyur nas spyod tshul dang / gnas pa dang / des pas nang mi thams cad dga' bar gyur to/ /ji tsam dus gzhan zhig na sa ga ma'i khyim steng nas ngang pa rnams kyis byang gi sgra mi snyan gyi gling nas ma rmos ma btab pa'i 'bras sa lu dag khyer nas dong ba las rgyal po'i khab na 'dug pa'i ngang pa des de dag mthong nas skad phyung ba dang de rnams kyis kyang skye gnas mthun pa'i gcugs pas mnags ma thub ste skad phyung ba dang rgyal po'i khab kyi khang thog tu 'bras kyi snye ma rnams lhung bar gyur to/ /de nas rgyal pos blon po rnams la re re byin pa dang ri dgas 'dzin gyis rang gi skal ba sa ga ma la byin no/ / des za ma tog gi nang du bcug ste zhing pa rnams la bsgo ba dang / de rnams kyang shin tu mgu ste/ de rnams kyis zhing chung ngu zhig legs par bstan nas dus shes par byas te btab pa las lhas dus bzhin du char phab pas sa bon dang 'thun par phun sum tshogs par skyes so/ /phyi de lo la ni rab tu mang por skyes par gyur to/ /yang phyi de lo la ni de bas kyang mang por gyur te/ de bzhin du ji tsam na bang ba thams cad ngang pas khyer te 'ongs pa'i 'bras sA lus gang bar gyur to/ /ji tsam na ko sa la'i rgyal po gsal rgyal nad kyis thebs nas des sman pa rnams bkug ste dris pa dang / de rnams kyis smras pa/ lha gal te ngang pas 'tshal te mchis pa'i sA lu brnyes na de la/ 'jams bsgral nas gsol cig dang / sos par 'gyur lags so/ /rgyal pos blon po rnams bkug nas smras pa/ shes ldan dag khyed la ngas ngang pas khyer te 'ongs pa'i sA lu'i snye ma byin pa de dag khyed kyis cir byas/ de nas kha cig gis smras pa/ lha bdag cag gis ni lha khang du phul lo/ /gzhan dag gis smras pa/ bdag cag gis me'i nang du stsal to/ /gzhan dag gis smras pa/ bdag gis sgo khang du btags so/ /ri dgas 'dzin gyis smras pa/ lha bdag gis sa ga ma la stsal na re shig des cir bgyis rma bar 'tshal lo/ / des sa ga ma la dris pa dang / des smras pa/ jo bo ci ngang pas 'tshal te mchis pa'i sA lu 'tshal ba zhig mchis sam/ rgyal po snyun gyis thebs pa la sman pa rnams kyis ngang pas khyer te 'ongs pa'i sA lu bstan to/ /de nas sa ga mas gser snod kyi nang du ngang pas khyer te 'ongs pa'i 'bras kyis bkang nas rgyal po la bkur ba las rgyal pos zos nas sos par gyur to/ /dus gzhan zhig na rgyal po la ljongs kyi mi rnams kyis rta rgod ma smad gnyis shig phul ba las de la ma ni gang yin/ rte'u ni gang yin pa 'gas kyang ma shes nas rgyal pos blon po rnams la bsgo ba/ shes ldan dag legs par rtogs la nga la gsol cig /blon po rnams kyis nyin thog thag tu dpyad na dub ste gtan la ma phebs so/ /ri dgas 'dzin phyi dro khyim du song ba dang sa ga mas rkang pa gnyis la gtugs nas smras pa/ jo bo ji ste de ring ring zhig lon nas gshegs/ des ji ltar gyur pa rnams rgyas par smras pa dang sa ga mas smras pa/ jo bo 'di la dpyad du ci zhig mchis/ de gnyis chas mnyam par stsal dang bu gang lags pa de ni myur du 'tshal nas ma'i skal ba la 'tshal lo/ /ma gang lags pa de ni mi 'tshal bar mgo steg ge mchis te/ rtags ni de lags so/ /ri dgas 'dzin gyis blon po rnams la smras nas de rnams kyis kyang ji skad bstan pa bzhin brtags nas de nas nam nangs pa dang rgyal po la smras pa/ lha 'di ni ma lags so/ / 'di ni bu lags so/ /rgyal pos smras pa/ khyed cag gis ji ltar shes/ lha 'di lta bu dang 'di lta bu lags so/ /khar tsang ci ste ma shes/ lha bdag cag gis 'tshal bar rngo ga la thog /sa ga mas de skad bstan lags mod/ rgyal pos smras pa/ tsam pa mo ni mkhas pa yin no/ /mi zhig chu 'gram du lham bzhag nas khrus byed pa dang / mi gzhan zhig 'ongs nas des lham des mgo la dkris nas de nyid na khrus bya bar brtsams so/ / mi de khrus byas nas langs nas lham de ma mthong ngo / /mi des smras pa/ kye nang rje ci tshol lham mo/ /khyod kyi lham ga la yod/ gal te khyod la lham yod par gyur na/ ji ltar ngas mgo la dkris nas zhugs pa de bzhin du khyod kyis kyang lham gyis mgo la dkris nas zhugs par 'gyur ro/ /des smras pa/ 'o ni nyid kho bo'i lham yin no/ /de gnyis khyod kyi nga'i zhes rtsod par gyur nas/ de gnyis rgyal po'i drung du song ngo / /rgyal pos blon po rnams la bsgo ba/ shes ldan dag legs par rtogs la gang gi yin pa de la byin cig /de rnams kyis brtag par brtsams nas gcig la dris pa dang / des smras pa/ bdag gi lags so/ /gcig shos la yang dris pa dang / des smras pa/ bdag gi lags so/ /zhes khyod kyi dang nga'i zhes pa la nyi ma 'das te blon po rnams dub nas rgongs ka gtan la ma phebs pa bzhin du khyim du dong ngo / /sa ga mas ri dgas 'dzin gyi zhes bya ba nas dris te zhes bya ba'i bar gong ma bzhin du ste/ des ji ltar gyur pa rnams smras pa dang / sa ga mas smras pa/ jo bo 'di la dpyad du ci zhig mchis/ de gnyis la cig kyang phyed khyer cig /gcig shos kyang phyed khyer cig ces gsung shig dang / gang gi lags pa de'i mchid nas ni ci'i phyir bdag gi lham dral zhes mchi'o/ /gang ma lags pa de'i glo ba ni re shig bdag gis phyed thob na yang der zad 'dir bdag la ci zhig 'god snyam ste de ltar brtag par bgyi'o/ /ri dgas 'dzin song nas blon po rnams la smras nas zhes bya ba nas rgyal pos smras pa/ tsam pa mo ni mkhas pa yin no zhes bya ba'i bar gong ma bzhin du'o/ /rgyal po la tshong pa gru pas tsan dan gyi sdong dum zhig skyes su phul ba dang / de'i mgo gang yin mjug gang yin pa ma shes nas rgyal pos blon po rnams la bsgo ba ji lta bu yin rtogs shig /de rnams kyis nyin thog thag dpyad na ma shes nas rgongs ka khyim du dong ngo / /sa ga mas zhes bya ba nas ri dgas 'dzin gyis dris pa zhes bya ba'i bar gong ma bzhin du'o/ /des ji ltar gyur pa rnams rgya cher smras pa dang / sa ga mas smras pa/ jo bo 'di la dpyad du ci mchis chab tu 'or cig dang rtsa ba gang yin pa de ni 'bying bar 'gyur ro/ / thor to gang lags pa ni steng du 'byung bar 'gyur ro/ /de la brtag pa ni de lags so/ /ri dgas 'dzin gyis blon po rnams la smras nas zhes bya ba nas rgyal pos smras pa/ tsam pa mo ni mkhas pa yin no zhes bya ba'i bar gong ma bzhin du'o/ /ri 'or na khyim bdag cig yod pa des de dang rigs mnyam pa las chung ma blangs pa las de la bu pho yang med/ bu mo yang med/ de bu mngon par 'dod pas chun ma zhig blangs pa dang / de la chung ma chen mo shos rang bzhin gyis phrag dog can zhig pas de'i mngal ma rung bar bya ba'i sbyor ba zhig byas pa las de'i mngal shin tu rnam par dag pas sems can dang ldan par gyur nas ji tsam na zla ba dgu 'das pa dang / khye'u zhig btsas so/ /des bsams pa/ sha khon rnams la ni 'di lta ste/ chen chun 'di tha chad yin pas gdon mi za bar ma yar mos thabs gang yang rung ba zhig gis gsod par 'gyur na/ bdag gi khyim thab 'am/ bdag gis ci byar yod/ bdag gis nam du ni srung ye de kho na la sbyin par bya'o snyam nas de dang khyim thab lhan cig gros byas te rung nas chen ma shos la smras pa/ che zhe bdag gi bu 'di khyod la byin gyis gsos shig /des bsams pa khyim ni gang la bu yod pa de kho na'i yin par zad pas khyim gyi bdag mor gyur pas gso'o snyam nas/ des de gsos pa las de'i pha yang shi bar gyur to/ /de gnyis khyim gyi phyir rtsod par gyur nas gcig gis smras pa/ 'di kho mo'i bu yin no/ /gcig shos kyis smras pa/ 'di ni kho mo'i bu yin no/ /rgyal po'i drung du song ba dang / rgyal pos blon po rnams la bsgo ba shes ldan dag deng la gang yin pa rtogs shig /de rnams kyis dpyad pa las nyi ma 'das kyang gtan la ma phebs nas/ rgongs ka khyim du dong ba dang / sa ga mas ri dgas 'dzin la dris te zhes bya ba nas 'di la dpyad du ci mchis zhes bya ba'i bar gong ma bzhin du ste/ de gnyis la kho bo cag gis gang gi bu yin pa mi shes kyis/ khyed cag gnyis las gang stobs che ba de khyer la song shig ces gsungs shig dang / lag pa gnyis nas bzung nas 'dren par bgyid de/ de sdug bsngal gyis ngu bar gyur pa dang de'i ma gang lags pa de ni brtse ba mchis pas 'di gson na nam zhig na mthong bar 'gyur grang snyam nas gtong bar bgyid do/ /gcig shos ni brtse ba ma mchis pas gang gi tshe mi gtong ba de'i tshe de la lcag gis gzhus shig dang ji ltar gyur pa smra bar 'gyur te/ 'di la brtag pa ni 'di lags so/ /ri dgas 'dzin gyis blon po rnams la smras pa dang zhes bya ba nas rgyal pos smras pa/ tsam pa mo ni mkhas pa yin no zhes bya ba'i bar gong ma bzhin du'o/ / dus gzhan zhig na ri dgas 'dzin nad kyis thebs nas de la sman pas nyi ma gcig sman byin pa las theg gi bar gyur to/ /phyi de nyin par sman ma yin pa byin pas nad la bab par gyur to/ /sa ga mas bsams pa/ jo bo ji'i slad du nyin gcig ni theg gi bar gyur la/ nyin gcig ni na bar gyur snyam nas des sman gang dag gis theg gi bar gyur pa'i rtags de dag bzung nas/ de nas des sman pa rnams sgo nas slar bzlog nas rang nyid kyis dpyad pa las sos par gyur to/ /ri dgas 'dzin gyis bsams pa/ gang gis na bdag nyin gcig ni theg gi nyin gcig ni na ba las gang gi tshe sman pa mi 'ong ba de'i theg gi ba 'di la rgyu ci zhig yod snyam ste/ des sa ga ma la dris pa zhes bya ba nas tsam pa mo ni mkhas pa yin no zhes bya ba'i bar gong ma bzhin du'o/ /ko sa la'i rgyal po gsal rgyal gyi glang po che'i bla dpal skyed ces bya ba de la dus gzhan zhig na rgyal po gshe bar gyur to/ /zhes sa ga mas thos nas des ri dgas 'dzin la smras pa/ jo bo blon po thams cad la mthar gyis bka' bab par 'gyur gyis/ dpal bskyed la lha bzod pa mdzad du stsal ba'i rigs so/ /des smras pa/ bu mo bzod pa byed du gzhug go/ /de nas des rgyal po la smras pa/ lha dpal skyed ni lha la glo ba nye ba lags na de la bzod pa mdzad du gsol/ rgyal pos smras pa/ bzod par bya'o/ / lha gal te bzod par mdzad na de'i dbang thang de dag stsal du gsol/ /de bzhin du sbyin no/ /dpal skyed kyis ji ltar sa ga mas bdag la rgyal po bzod pa byed du bcug pa shes nas de de la lan glan pa'i bsam pas gnas so/ /dus gzhan zhig na ri dgas 'dzin pho mtshan la nad byung ste/ de'i rim gro sa ga ma byed pa las de 'dzem par gyur to/ /des smras pa/ jo bo 'di la 'dzem du ci mchis/ ci pha'i rim gro bu mo mi bgyid dam/ 'on kyang de 'dzem par gyur to/ /des bsams pa 'di bdag gis rim gro byar ni mi btub pas de'i chung ma zhig blang ngo snyam pa nas de dpal skyed kyi khyim du song ba dang / des 'ongs pa legs so zhes bya ba'i tshig smras nas stan bstabs te 'dug go/ / dpal skyed la bu mo zhig yod pa de des de la smras pa/ bu mo sa ga ma'i rkang pa gnyis la zung shig /sa ga mas smras pa/ bdag gis 'di'i rkang pa la gzung bar 'gyur ba'i gnas gang lags pa de ni mchis so zhes smras nas yang smras pa/ bkra shis par gyur cig /bkra shis par gyur cig /dpal skyed kyis smras pa/ ci zhig slong / bu mo slong ngo / /su zhig gi ched du/ des smras pa/ gyos po'i ched du'o/ /de cang mi smra bar 'dug go/ /dpal skyed kyi chung mas smras pa/ dgog cig na de la ci ste sbyin/ sa ga mas smras pa/ mi rnams kyi lang tsho ni nor yin pas dpyad du ci yod byin cig /dpal skyed kyis smras pa/ bzang mo bdag cag la sa ga mas phan btags kyis byin cig /gal te de lta na sbyin par bya'o/ /de nas ri dgas 'dzin gyis dpal gyi 'byor pa chen pos bag mar blangs nas/ de de'i rim gro byed par gyur te sa ga ma ni de ltar mi byed do/ /ri dgas 'dzin gyis smras pa/ bu mo bdag la tshig byin cig /des smras pa/ jo bo cung zad nyams par ma gyur tam/ bu mo khyod la mas bslabs pa gang yin pa de cung zad blangs te mi gnas sam/ jo bo thams cad blangs lags te/ nyi ma dang zla ba gnyis la phyag byos shig ces mchi ba gang lags pa ni mna' ma'i nyi ma dang zla ba lta bu ni gyos sgyug lags pas re shig bdag gis phyag bgyis lags so/ /me la bkur sti bya'o zhes mchi ba gang lags pa ni bud med kyi khyim thab ni me lta bu lags te/ khyim thab la ha cang bsnyen par mi bgyi/ ha cang bsring bar yang mi bgyi ste bdag ni khyim thab la me lta bur bsnyen bkur bgyid do/ /me long phyi bar bya'o zhes mchi ba gang lags pa ni sdum pa ni me long lta bu lags pas rtag tu zhal zhal bgyi zhing phyag dar bgyi ba lags te/ sdum pa de la bdag gdugs gcig bzhin du byi dor bgyid lags so/ /gos dkar po bgo bar bya'o zhes mchi ba gang lags pa ni khyim gyi las bgyid pa na gos gzhan dag kho nas so/ /lha mchod pa dang khyim thab kyi drung du mchi ba na ni gos dkar po rnams bgo bar bgyi ba ste/ de yang bdag bgyid lags so/ /blang bar bya'i sbyin par mi bya'o zhes mchi ba gang lags pa la ci zhig blang bar bgyi zhe na/ 'jig rten las tshig ngan pa smras pa'o/ /tshig ngan pa ni su la yang smra bar mi bgyi ba ste/ de yang bdag gis yang dag par blangs te gnas lags so/ /tshig bsrung bar bya'o zhes mchi ba gang lags pa ni gsang ba'i tshig mi 'phel bar bgyi ste/ bdag la ngag bsdam pa mchis lags so/ /langs nas su la yang stan bstab par mi bya'o zhes mchi ba gang lags pa ni de 'di skad ces khyod rigs kyi mna' ma yin pas khyod gnas dben pa na 'dug par bya'o zhes mchi ba lags te/ bdag dben pa kho na na mchis lags so/ /zhim po bza' bar bya'o zhes mchi ba gang lags pa ni shin tu bkres nas bza' bar bgyi ba ste/ bdag ni rtag tu khyim gyi skye bo zas 'tshal ba'i 'og tu 'tshal lo/ /bde bar nyal bar bya zhes mchi ba gang lags pa ni mtshan mo khyim gyi dgos pa thams cad bgyis nas snod brtul te ci nas kyang ldang mi dgos par khyod nyal bar bya'o zhes bgyi ba lags te/ 'di ni legs par bzhag pa'o/ /'di ni nyes par bzhag pa'o zhes bdag de kho na bzhin du bgyid do/ /them skas bca' bar bya'o zhes mchi ba gang lags pa ni 'di skad ces khyod sngon dge ba bcu'i las kyi lam dang ldan pa des lha'i 'gro ba thob nas 'dir mi'i 'jig rten du skyes pa 'di ni las kyis yin pas 'dir yang khyod kyis sbyin pa dag byin/ bsod nams dag byas te sdig pa mi bya'o/ /'di ni dbyig gi ya gad mtho ris kyi them skas lta bu yin no zhes bgyi ba lags te de yang bdag rngo ci thog gis bgyid do/ /sa ga ma legs so legs so/ /khyod kyi ma mkhas pa yin na/ gang gi phyir mas ldem por smras pa rtogs pas na/ khyod ni lhag par yang mkhas pa yin no// //'dul ba gzhi/ bam po drug bcu gsum pa/ de nas ri dgas 'dzin 'di snyam du sems te/ gal te bcom ldan 'das kyis gnang na sa ga ma la bdag gis ma zhes bod do snyam nas/ bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas nas bcom ldan 'das la 'di skad ces gsol to/ /btsun pa mna' ma la ma zhes bod du rung lags sam/ bcom ldan 'das kyis bka' stsal pa/ gal te chos lnga dang ldan na ste/ lnga gang zhe na nad g.yog byed pa dang / thab rir bab pa'i chung ma len pa dang / srog gi skyabs byed pa dang / nor srung ba dang / shes rab kyi bgo bsha' byed pa'o/ /bar sdom la/ nad g.yog dang ni chung ma dang / /srog dang nor ni sbyin pa dang / /shes rab sgrub par byed pa dang / /lnga po 'di dag mar bshad do/ /de nas ri dgas 'dzin ko sa la'i rgyal po gsal rgyal gang na ba der song ste phyin pa dang / rgyal po gsal rgyal la 'di skad ces smras so/ /lha bdag ni sa ga ma la ma zhes bod par 'tshal lo/ /rgyal pos smras pa/ sa ga mas nga la yang rim gro byas pas/ phyi mo la dris la ngas kyang de la sring mo zhes bod do/ /des phyi mo la dris pa dang / des smras pa/ khyod kyis bos kyang rung ma bos kyang rung / de ni khyod kyi sring mo kho na yin no/ /ring du 'phur tshangs sbyin mngag gzhug ma'i bu mo dang 'dus pa las de las bu pho zhig btsas te de'i ming stobs kyi bshes gnyen du btags pa las de rgyal po mes kyis nyes pa 'ga' zhig gi phyir spyugs pa las tsam par song nas gnas pa de'i bu mo ni 'di yin pas des na khyod kyi sring mor 'ong ngo / /de nas rgyal pos glang po che la zhon nas dril sgrogs su bcug pa/ sa ga ma 'di ri dgas 'dzin gyi ni ma rgyal po gsal rgyal gyi ni sring mo yin no/ /des sngon gyi kun dga' ra bar gtsug lag khang brtsigs nas phyogs bzhi'i dge slong gi dge 'dun la phul ba dang / de bzhin du gnas brtan rnams kyis kyang mdo sde'i nang du sangs rgyas bcom ldan 'das mnyan yod na ri dgas 'dzin gyi ma sa ga ma'i sngon gyi kun dga' ra ba'i khang bzangs na bzhugs so zhes gdags pa byas so/ /dus gzhan zhig na sa ga ma las sgo nga sum bcu rtsa gnyis byung ngo / /zhes ri dgas 'dzin gyis thos nas lag pa 'gram pa la gtad nas sems khongs su chud cing 'dug ste/ yul gyi bzang mo la phung ba ci 'dra ba dag byung bar gyur snyam nas ri dgas 'dzin gyis dor bar brtsams pa dang / sa ga mas smras pa/ jo bo ma dor bar bcom ldan 'das la zhus shig /de nas bcom ldan 'das la gsol pa dang / bcom ldan 'das kyis bka' stsal pa/ ma dor bar gzeb sum bcu rtsa gnyis gyis la shing bal gyis khong ste/ gzeb bu rnams kyi nang du sgo nga re re zhog la sa ga mas dus gsum du lag pas byugs shig ces sgo shig dang / de nas nyi ma bdun pa lags nas gzhon nu sum bcu rtsa gnyis 'byung bar 'gyur ro/ /des de bzhin du byas pa las nyi ma bdun pa lags pa dang / gzhon nu sum bcu rtsa gnyis byung nas bsrings bskyed de nar son pa dang rtsal po che thub rlag pa sha stag tu gyur to/ /dus gzhan zhig na de rnams shing rtar zhugs te phyir byung nas slar 'jug pa dang / mdun na 'don gyi bu shing rtar zhugs nas phyir 'byung ba dang ji tsam na phan tshun shing rta'i mda' gnyis thug pa dang / mdun na 'don gyi bus smras pa/ zur cig /de rnams kyis smras pa/ khyod nyid zur cig /mdun na 'don gyi bus mjal to zhes byas nas tshig rtsub po smra bar brtsams pa dang / de nas sa ga ma'i bu rnams kyis shing rta'i mda' nas bzung ste 'phangs pas phyag dar gyi phung po'i steng du brdab bsnun to/ /de de nas gos kyis mgo bsgyur te pha'i drung du song nas mig mchi mas gang bas smras pa/ yab sa ga ma'i bu rnams kyis bdag 'di 'dra ba'i gnas skabs su bgyis so/ /bu ci'i phyir/ des rgyas par smras pa dang / des smras pa/ bu gal te de lta na thabs shig bsham par byas la de rnams mthar gyis kha gdag gis mya ngan ma byed cig /de de rnams la glan ka tshol ba lhur len cing gnas so/ /dus gzhan zhig na ko sa la'i rgyal po gsal rgyal la ri 'or ba log par gyur nas/ rgyal pos de la dmag kha chen cig bkye ba las rdugs rab tu rdugs nas slar log go/ /de bzhin du lan bdun gyi bar du dmag kha chen po bkye ba las rdugs rab tu rdugs te slar log nas rgyal po rang nyid dpung gi tshogs yan lag bzhi dang byung ba dang sa ga ma'i bu nang du 'jug pa de rnams kyis de mthong nas smras pa/ lha gang du gshegs ri 'or ba rnams 'bebs su'o/ /lha bzhugs shig bdag cag mchi'o/ /de bzhin du gyis shig /des de rnams la dpung gi tshogs yan lag bzhi pa gtad nas de rnams dong ste ri 'or ba rnams phab nas gte'u bzung dpya blangs te/ slar 'ongs pa dang mdun na 'don gyis smras pa/ lha 'di dag ni 'phags par rtsal po che dag cig ste/ re zhig lha'i dka' bas bsgrub pa gang lags pa de ni 'di dag gis 'bring gis bsgrubs kyis lhas 'di la dgongs shig /rgyal po rnams ni khu 'phrig can yin pas snying la bzhag ste slar mdun na 'don la dris pa de la ji ltar bsgrub par bya/ des smras pa/ lha de la ji ltar bsgrub par bgyi/ gal te de dag 'tshal bar gyur na/ lha rgyal srid nas phyung nas rang nyid rgyal srid bgyid par 'gyur ro/ /rgyal po ji mi dga' nas bsams pa/ de ltar 'gyur srid kyis ji ltar gsad par bya zhe na/ thabs bsham pa sems shing gsang 'phel du dogs pas su la yang mi 'dri bar de bdag nyid kyis dpyad pa las blo skyes pa 'di kho nar mgron du bos la btungs te gtang ngo snyam nas des sa ga ma la spring ba/ che zhe'i bu rnams sang 'dir zan zo shig /des bsams pa/ sang ni bu rnams zhang po'i der za bar 'gyur gyis/ bdag gis kyang sangs rgyas la sogs pa dge slong gi dge 'dun gdugs tshod gsol lo snyam du bsams nas/ bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas nas phyogs gcig tu 'dug go/ /phyogs gcig tu 'dug pa dang bcom ldan 'das kyis ri dgas 'dzin gyi ma sa ga ma la chos dang ldan pa'i gtam gyis zhes bya ba nas yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas ri dgas 'dzin gyi ma sa ga ma stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ / bcom ldan 'das dge slong gi dge 'dun dang thabs cig tu sang bdag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis cang mi gsung bas ri dgas 'dzin gyi ma sa ga ma la gnang ngo zhes bya ba nas dge slong gi dge 'dun gyi gung la gdan bshams pa nyid la bzhugs so zhes bya ba'i bar gong ma bzhin du'o/ /rgyal po'i pho nya de rnams kyis drung du 'ongs nas khye'u shog shig ces bos so/ /de nas rgyal pos dug ha la ha la dang zas su sbyar bas rmongs par byas nas mgo rnams bcad de/ de nas gzeb bkang nas steng du phu bo shos kyi mgo bzhag ste rgya skyegs la rgyas btab nas sa ga ma la bskur ba dang sa ga mas bsams pa/ gdon mi za bar lhas sring mo'i bu rnams la bgo ba zhig bskur ba yin gyis/ bdag gis kyang sangs rgyas la sogs pa dge slong gi dge 'dun la bgo bar dbul lo snyam nas de nas sangs rgyas la sogs pa dge slong gi dge 'dun rnams bde bar bzhugs par rig nas gtsang zhing bsod pa'i bza' ba dang bca' ba rnams kyis zhes bya ba nas/ bcom ldan 'das kyis gsol zin nas phyag bcabs te lhung bzed gyu bar rig nas zhes bya ba'i bar gong ma bzhin du'o/ /gzeb kha dbye bar brtsams pa dang bcom ldan 'das kyis dgongs pa/ gal te sa ga mas bden pa ma mthong bar bu bsad pa mthong na bden pa rnams kyi snod du mi 'gyur ba'i gnas gang yin pa de yod do snyam du dgongs nas sa ga ma la bka' stsal pa/ re shig 'dug la chos nyon la phyis ci dga' ba gyis shig /des bcom ldan 'das kyi zhabs gnyis la mgo bos phyag byas nas chos mnyan pa'i phyir spyan sngar 'dug go/ /de nas bcom ldan 'das kyis de'i bsam pa dang / bag la nyal ba dang khams dang rang bzhin mkhyen nas zhes bya ba nas bden pa mthong bar mdzad do zhes bya ba'i bar gong ma bzhin du'o/ /de nas bden pa mthong nas gzeb kha phye ba dang bu'i mgo rnams mthong nas de nas gsol pa/ bcom ldan 'das 'du byed thams cad ni 'di ltar mi rtag pa lags so/ /de nas bcom ldan 'das kyis dge slong rnams la bka' stsal pa/ dge slong dag ko sa la'i rgyal po gsal rgyal gyis sa ga ma'i bu rnams btungs pa ni nyes so/ /gal te ma btungs par gyur na 'di rnams kho nas grogs byas pas de'i lag mthil du sa mtha' dag 'jog par 'gyur ba zhig /de nas ko sa la'i rgyal po gsal rgyal lus rdul gyis yog cing bcom ldan 'das gang na ba der song ste phyin pa dang bcom ldan 'das kyi zhabs gnyis la mgo bos phyag byas nas phyogs gcig tu 'dug go/ /phyogs gcig tu 'dug pa dang bcom ldan 'das kyis ko sa la'i rgyal po gsal rgyal la 'di skad ces bka' stsal to/ /rgyal po chen po khyod lus rdul gyis yog cing gang nas 'dir 'ongs/ btsun pa rgyal po rgyal rigs spyi bo nas dbang bskur ba yul gyi dbang phyug dang mthu dang / brtson 'grus thob pa/ sa'i dkyil 'khor chen po legs par phab ste gnas pa rnams kyis rgyal po'i bgyi ba dang / rgyal po'i sgrub pa tha dad pa gang dag lags pa de dag bdag gis bgyis te/ yongs su rdzogs nas lus rdul gyis yog cing nga mchis pa lags so/ /rgyal po chen po de'i phyir khyod nyid la dri bar byas/ khyod kyis ji ltar bzod pa de lan thob cig /rgyal po chen po dper na khyod la 'dir shar phyogs nas mi yid ches pa yid brtan du rung ba/ brtan pa/ 'jig rten la mi slu ba zhig 'ongs nas/ de 'di skad ces lha bdag da gzod 'di nas shar phyogs su mchi mchi na/ de nas bdag gis ri brag chen po ma chag pa/ ser ka ma mchis pa/ phrag ma mchis pa/ shin tu mkhregs pa/ gcig tu sdug pa zhig sa'i bar dang nam mkha'i bar gyi sems can thams cad dang / srog chags thams cad dang / 'byung po thams cad dang / rtswa dang / shing dang / yal ga dang / lo ma dang / 'dab ma ji snyed pa thams cad phye mar rlog cing mchi ba mthong gis lha khyod kyi bgyi ba 'am/ bsgrub pa gang lags pa de mdzod cig ces zer la de bzhin du lho phyogs dang / nub phyogs dang / byang phyogs nas mi zhig 'ongs te zhes bya ba nas bgyi ba 'am bsgrub pa de mdzod cig ces zer te/ rgyal po chen po 'jigs pa chen po'i yang chen po mi bzad par byed pa mi bzad pa de lta bu nye bar gnas na mi nyid thob pa ni rnyed par dka' na/ khyod kyis ci zhig bya/ btsun pa 'jigs pa chen po'i yang chen po mi bas par bgyid pa mi bzad pa de lta bu nye bar gnas na mi nyid thob pa rnyed par dka' ba lags pas don spyod pa dang / chos spyad pa dang / bsod nams spyad pa dang / dge ba spyad pa dang / bzang po spyad pa dang / sangs rgyas rnams kyi bstan pa la brtson par bgyi ba ma lags par gzhan ci zhig bgyir mchis/ rgyal po chen po khyod ci'i phyir 'di skad ces btsun pa 'jigs pa chen po'i yang chen po de lta bu zhes bya ba nas sangs rgyas rnams kyi bstan pa la brtson par bgyi zhes bya ba'i bar gong ma bzhin du'o/ /btsun pa rgyal po rgyal rigs spyi bo nas dbang bskur ba zhes bya ba'i bar gong ma bzhin du ste/ sa'i dkyil 'khor chen po legs par phab ste gnas pa de rnams kyis glang po che rnams dang glang po cher 'gyed pa dang / rta pa rnams dang rta par 'gyed pa dang / shing rta pa rnams dang shing rta par 'gyed pa dang / dpung bu chung rnams dang dpung bu chung du 'gyed pa dang / gsang tshig mkhan rnams dang gsang tshig mkhan du 'gyed pa dang / nor rnams kyis nor du rgyal ba tha dad pa gang dag lags pa de dag thams cad de'i tshe 'gyed pa'i mthu ma mchis pa dang stobs ma mchis pa dang / pha rol gnon pa ma mchis pa lags pas de'i slad du bdag 'di skad ces btsun pa 'jigs pa chen po'i yang chen po de lta bu nye bar gnas na zhes bya ba nas sangs rgyas rnams kyi bstan pa la brtson par bgyi ba ma lags par gzhan ci zhig bgyir mchis zhes bya ba'i bar gong ma bzhin du'o/ /rgyal po chen po de bzhin du srog chags 'di dag kyang rtag tu rgyun mi 'chad par rga ba dang / 'chi bas 'joms pa yin no/ /rgyal po chen po de ltar rga ba dang 'chi bas 'joms pa na skyes pa gang dag gis don spyad pa dang zhes bya ba nas/ sangs rgyas rnams kyi bstan pa la brtson par bya ba ma yin par gzhan ci zhig byar yod ces bya ba'i bar gong ma bzhin du'o/ /de nas bcom ldan 'das kyis de'i tshe tshigs su bcad pas bka' stsal pa/ ji ltar che zhing rgya che ba'i/ / ri bo nam mkha' las 'ong ba/ /kun nas yang dag 'ong ba yis/ /sa ni phye mar rlog pa na/ /de la glang po ches mi rdzi/ /dpung bu chung dang shing rta dang / /rtas min gsang tshig mkhan dang ni/ /nor gyis 'gyed pas rgyal mi 'thob/ /de bzhin rga dang 'chi ba yis/ /mi rnams 'joms par byed pa na/ /rgyal rigs bram ze rje rigs dang / /dmangs rigs gdol pa g.yung po dang / /tshul khrims 'chal dang tshul khrims ldan/ /khyim pa de bzhin brtul zhugs can/ /lang tsho nyid dang rgan po dang / /de bzhin bar ma'i mi rnams la/ /cung zad kyang ni bzem med par/ /thams cad mngon du 'joms par byed/ /de lta bas na mkhas pa'i mi/ /bdag gi don la blta ba yis/ /sangs rgyas chos dang dge 'dun ni/ /bla med dag la dad bya zhing / /lus dang ngag dang yid dag gis/ /dam pa'i chos ni spyad byas na/ /'di na smad par mi 'gyur zhing / /mtho ris song nas dga' bar 'gyur/ /de nas ko sa la'i rgyal po gsal rgyal bcom ldan 'das kyis bka' stsal pa la mngon par dga' ste rjes su yi rang nas/ bcom ldan 'das kyi zhabs gnyis la mgo bos phyag byas te stan las langs nas song ngo / /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa ri dgas 'dzin gyi ma sa ga mas las ci zhig bgyis na/ las de'i rnam par smin pas sgo nga sum bcu rtsa gnyis byung ba de rnams las kyang bu pho sum bcu rtsa gnyis byung ste rtsal po che thub rlag pa sha stag tu gyur lags/ bcom ldan 'das kyis bka' stsal pa/ smon lam gyi dbang gis so/ /gang du smon lam btab lags/ dge slong dag sngon byung ba bA rA Na sI'i grong khyer du khyim bdag gcig gi bu sh-i nas de'i chung ma de rtag tu bu mngon par 'dod par gyur to/ / gang gi tshe yang dag par rdzogs pa'i sangs rgyas 'od srung gis sangs rgyas kyi mdzad pa mtha' dag mdzad nas shing zad pa'i me bzhin du phung po lhag ma med pa'i mya ngan las 'das pa'i dbyings su yongs su mya ngan las 'das pa de'i tshe bA rA Na sIr rgyal po kri ki zhes bya ba byung ste/ des yang dag par rdzogs pa'i sangs rgyas 'od srung gi mchod rten rin po che sna bzhi las brtsigs so/ /de nas bud med bu med pa bu mngon par 'dod pa gang yin pa de yang rgas par gyur nas mchod rten de la byi dor byas nas 'dug go/ /des 'dun pa'i slongs mo byas nas mchod rten de la mchod par byas te smon lam btab pa/ bdag gis yang dag par rdzogs pa'i sangs rgyas 'od srung gi mchod rten la bya ba byas pa gang yin pa'i dge ba'i rtsa ba des bdag bu mang por gyur cig ces byas te song nas grong khyer du zhugs so/ /de na bud med cig bu nad kyi sdug bsngal gyi tshor bas nyen nas ngu ba dang des gzhan zhig la dris pa/ ci'i phyir 'di ngu bar gyur des ji ltar gyur pa rnams smras pa dang des bsams pa/ gal te bdag kyang bu byung bar gyur na/ bdag kyang sdug bsngal 'di lta bu nyams su myong bar 'gyur ro snyam pa las/ ci tsam na sum bcu rtsa gnyis kyi dge 'dun gyis mchod rten de la mchod pa byed pa na bud med de yang de dang ha cang mi ring ba zhig na 'dug go/ /de rnams kyis mchod pa byas nas smon lam btab pa/ dge ba'i rtsa ba 'dis bdag cag tshan po che chen po'i stobs dang ldan par gyur cig ces byas so/ /des de rnams la dris pa bu dag khyed kyis smon lam ci zhig btab/ de rnams kyis smras pa/ yum 'di dang 'di dag go/ /des smras pa/ bu dag gal te de ltar na khyed cag gi mar bdag kho na gyur cig /yum de bzhin du gyur cig ces smras nas de rnams dong ngo / /des bsams pa/ re shig bud med de lan gcig btsa' na yang sdug bsngal gyi tshor bas nyen nas de ltar ngu na/ bdag la lan sum bcu rtsa gnyis btsa' na ji ltar bya zhes de de ltar rnam par rtog pa na/ mchod rten dang nye ba na bya gag mo zhig yod pa sgo nga 'byung bar de de thang cig tsam gyis sgo nga sum bcu rtsa gnyis byung la smre sngags kyang mi 'don to/ /des bsams pa/ 'byung ba'i thabs 'di ni rung ba yin no snyam du rig nas mchod rten de la dad pa drag pos smon lam gdab par brtsams pa/ ji ltar bya gag mo 'di thang cig tsam gyis sgo nga sum bcu rtsa gnyis byung ba de bzhin du bdag gi bu sum bcu rtsa gnyis kyang gcig car sgo ngar 'byung bar gyur cig ces byas so/ /dge slong dag ji snyam du sems/ de'i tshe de'i dus kyi bud med rgan mo gang yin pa de ni sa ga ma 'di nyid yin no/ /sum bcu rtsa gnyis kyi dgA 'dun gang yin pa de ni sa ga ma'i bu 'di rnams kho na yin te/ 'dis de na smon lam btab pa gang yin pa de'i las kyi rnam par smin pas sgo nga sum bcu rtsa gnyis byung ngo / /btsun pa sa ga ma'i bu rnams kyis las ci zhig bgyis na las de'i rnam par smin pas nongs pa ma bgyis shing skyon ma mchis par rgyal po gsal rgyal gyis bkum nas de rnams kyi mgos gzeb bkang ste sa ga ma la bskur lags/ bcom ldan 'das kyis bka' stsal pa/ dge slong dag 'di dag kho nas las rnams byas shing bsags pa dag ni zhes bya ba nas lus can rnams la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba ri 'or zhig na chang 'tshong zhig gnas so/ /chom rkun pa rab tu mang po chang tshol zhing de'i drung du 'ongs nas dris pa/ chang yod dam/ chang 'tshong gi chung mas smras pa/ yod do zhes de rnams la chang blud na 'dzar ba med nas/ des glang zhig bstan de 'di sod cig /de rnams kyis smras pa/ mtshon cha med do/ /des gta' blangs nas mtshon cha byin pa dang / de rnams kyis de bsad par brtsams so/ /de gsod pa na sems la bdag gsod pa gang yin pa 'di dag thams cad ni chang 'tshong gi chung ma 'di yin gyis/ bdag gang du 'di rnams kyi mgo bcad nas gzeb bkang ste 'di la bskur bar 'gyur ba der skye bar gyur cig ces bsams so/ /dge slong dag ji snyam du sems/ de'i tshe de'i dus kyi glang gang yin pa de ni ko sa la'i rgyal po gsal rgyal 'di nyid yin no/ /chom rkun pa gang yin pa de rnams ni sa ga ma'i bu 'di dag nyid yin no/ /de'i tshe de'i dus kyi chang 'tshong gi chung ma gang yin pa de ni sa ga ma 'di nyid yin no zhes rgyas par bya'o/ /sangs rgyas bcom ldan 'das rgyal po'i khab na 'od ma'i tshal bya ka lan da ka'i gnas na bzhugs so/ /de'i tshe drang srong mngon par shes pa lnga dang ldan pa'i bsti gnas shig yod de/ de de na 'chag pa las bsti gnas dang ha cang yang mi ring ba'i sa rdzab can gyi phyogs shig tu gcin khu chu dang bcas pa zhig gcis so/ /glo bur du ri dgas mo skom pas nyen pa zhig phyogs der 'ongs te/ de skom pas nyen pas de 'thungs nas mo'i dbang po la bsnams so/ /sems can rnams kyi las kyi rnam par smin pa ni bsam gyis mi khyab pas sems can dang ldan par gyur to/ /ji tsam na dus gzhan zhig na phyogs de nyid du 'ongs nas khye'u zhig byung ba dang / des de bsnams na skal ba mi mthun pa'i sems can yin nas bor te song ngo / ji tsam na drang srong de bsti gnas de na 'chag pa las khye'u de mthong nas/ 'di su'i bu yin zhes de bsam pa la zhugs pa las/ ji tsam na bdag gi yin par mthong nas des de bsti gnas su bzhag ste bsnun bsnyod bskyed nas de'i mgo ri dgas kyi 'dra bas ri dgas mgo ri dgas mgo zhes bya bar grags so/ /dus gzhan zhig na drang srong shi nas ri dgas mgos glad pa'i thod pa rdob pa'i rig pa bslabs te/ des thod pa brdabs nas thams cad lung ston par byed do/ /gal te re shig sgra drag por gyur na gyen du 'gro ba lhar skye bar 'gyur bar lung ston par byed do/ / 'on te 'bring du gyur na gyen du 'gro ba mir skye bar 'gyur bar lung ston par byed de/ de ni bde 'gro'i rtags so/ /ngan 'gro'i rtags ni gal te re shig sgra mi gsal bar gyur na 'og tu 'gro ba sems can dmyal bar skye bar 'gyur bar lung ston par byed do/ /'on te sgra 'bring du gyur na 'og tu 'gro ba dud 'gror skye bar 'gyur bar lung ston par byed do/ /'on te sgra chung bar gyur na 'og tu 'gro ba yi dags su skye bar lung ston par byed do/ /de nas bcom ldan 'das kyis de'i 'dul ba'i dus mkhyen nas tshe dang ldan pa kun dga' bo la bka' stsal pa/ kun dga' bo song la rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa'i mgo bzhi khyer cig /btsun pa bka' bzhin 'tshal zhes tshe dang ldan pa kun dga' bos bcom ldan 'das las mnyan nas mgo bzhi khyer te drang srong de'i drung du song nas khyod kyis lung ston cig /des rgyun tu zhugs pa'i thod pa la brdabs nas smras pa/ 'di ni lha rnams su skyes so/ / lan cig phyir 'ong ba yang de bzhin no/ /phyir mi 'ong ba'i yang de bzhin no/ /dgra bcom pa'i thod pa la brdabs na ma shes rnam par ma shes nas ngo tsha bas de 'di snyam du sems te/ gang phyir 'di yi 'gro ba ma shes pa/ / bdag ci bstan pa de las nyams gyur tam/ /'on te slob dpon rigs las ma skyes sam/ /'on te rtags rnams de 'dra ma yin nam/ /tshe dang ldan pa kun dga' bos smras pa/ gang phyir 'di yi 'gro ba ma shes pa/ / khyod kyis rig pa kun legs goms ma byas/ /re shig rig pa mtha' dag rtogs byos la/ /khyod kyis phyi nas 'jig rten lung ston cig /ri dgas mgos smras pa/ khyod kyis rig pa thams cad la byang ba 'ga' mthong ngam mthong ba yod dam/ des smras pa/ de bzhin gshegs pa dgra bcom pa yang dag par rdzogs pa'i sangs rgyas rig pa thams cad kyi pha rol tu phyin pa yod do/ /de nas ri dgas mgo bcom ldan 'das gang na ba der song nas phyin pa dang bcom ldan 'das la 'di skad ces gsol to/ /dud 'gro yi dags dmyal ba lha mi skye bo'i 'gro 'tshal na/ /rig pa'i skyon gyis sems can spyod pa drug pa ma 'tshal gyis/ /gtso bo srid pa gsum gyi mtsho chen pha rol byon pa po/ /pha rol smra kun las rgyal drug pa ma 'tshal de ci gsungs/ /bcom ldan 'das kyis bka' stsal pa/ mer bsregs pa yi lcags kyi me/ /lcags kyi tho bas brdungs byas nas/ /rim gyis nye bar zhi ba yi/ / 'gro ba ji ltar mi mngon pa/ /de bzhin 'dod pa'i 'dam tshogs las/ /gal te yang dag rnam grol ba/ /mi g.yo go 'phang thob rnams kyi/ /'gro ba gdags su yod ma yin/ /de skad ces bka' stsal pa dang / bcom ldan 'das la ri dgas mgos 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po thob pa lta na/ bdag bcom ldan 'das kyi spyan sngar tshangs par spyod pa spyad par bgyi'o/ /de nas bcom ldan 'das kyis rab tu phyung bsnyen par rdzogs par mdzad de/ de rab tu phyung zhing bsnyen par rdzogs par mdzad nas rgyal po'i khab tu ji tsam bzhed kyi bar du bzhugs nas mnyan yod gang na ba der rgyu zhing gshegs te/ rim gyis rgyu zhing gshegs pa dang mnyan yod du byon nas mnyan yod kyi ri dgas 'dzin gyi ma'i sngon gyi kun dga' ra ba'i khang bzangs na bzhugs so/ /de nas bcom ldan 'das bla gab med pa na 'chag cing rgyu skar rnams gyur pa gzigs so/ /gzigs nas tshe dang ldan pa ri dgas mgo la bka' stsal pa/ ri dgas mgo ji srid cig na lhas char 'bebs par 'gyur soms shig /des bsams nas btsun pa 'jig rten 'di ma rung 'di rab tu ma rung lags te/ rgyu skar rnams ji ltar gnas pa dang sbyar na lo bcu gnyis su char mi 'bab lags so/ /bcom ldan 'das kyis rgyu skar rnams 'thun par byin gyis brlabs nas bka' stsal pa/ yang shes par gyis shig /des gsol pa/ lo drug tu lags so/ /de bzhin du bcom ldan 'das kyis yang smras pa dang / gsol pa/ lo lngar lags so/ /de bzhin du zhag bdun gyi bar du'o/ / de nas bcom ldan 'das kyis dge slong rnams la bka' stsal pa/ dge slong dag gnas mal rnams skyabs yod par spos shig /de ring kho nar lhas phye ma'i tshogs lta bu'i char 'bebs par 'gyur te/ de la khrus byed pa gang yin pa de rnams la 'bras dang phol mig 'byung bar mi 'gyur ro/ /ri dgas mgo de ltar na rgyu skar rnams ni 'gyur ba g.yo ba mi brtan pa yin te/ srog kyang g.yo ba mi brtan pa yin no/ /bcom ldan 'das kyis de skad ces bka' stsal pa dang / ri dgas mgo mngon par dad par gyur to/ /de ltar mngon par dad par gyur pas dgra bcom pa mngon sum du byas so/ /de nas rnam par grol ba'i dga' ba rab tu myong nas tshigs su bcad pas smras pa/ ri dgas rnams ni nags khrod rten/ /'dab chags rnams ni mkha' la rten/ /rnam par sgom pa chos la rten/ /dgra bcom mya ngan 'das la rten/ /ri dgas 'dzin gyi ma sa ga mas/ bcom ldan 'das ko sa la'i ljongs rgyu zhing gshegs te mnyan yod du byon nas mnyan yod na bdag kho na'i kun dga' ra ba na bzhugs so zhes thos so/ /thos nas kyang bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / bcom ldan 'das kyis ri dgas 'dzin gyi ma sa ga ma la chos dang ldan pa'i gtam gyis yang dag par bstan ces bya ba nas yang dag par rab tu dga' bar mdzad nas cang mi gsung ngo zhes bya ba'i bar gong ma bzhin du'o/ /de nas ri dgas 'dzin gyi ma sa ga ma stan las langs te bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis sa ga ma la cang mi gsung bas gnang ngo zhes bya ba nas nor bu'i chu snod bzhag ste/ bcom ldan 'das la bu mo mngag gzhug ma dus tshod gsol ba dus tshod gsol du bcug go/ /ji tsam na bu mo mngag gzhug ma de sngon gyi kun dga' ra bar song nas sgo gseb nas bltas na dge slong rnams sgren mor khrus byed pa mthong ngo / /mthong nas kyang bsams pa/ gdon mi za bar 'phags pa rnams ni bzhud la/ 'tsho ba pa nal phrug 'di dag gis gtsug lag khang 'dir btab bo snyam nas/ de rings pa rings pas 'ongs te smras pa/ jo mo mkhyen par mdzod cig /'phags pa rnams ni bzhud la 'tsho ba pa nal phrug rnams kyis gtsug lag khang 'dir btab lags so/ /sa ga mas bsams pa/ bcom ldan 'das kyis gnang nas gdugs tshod ma gsol bar bzhud par gyur pa gang yin pa de ni gnas ma yin zhing skabs med de/ gdon mi za bar 'dis dge slong sgren mo rnams mthong ngo snyam nas/ des dus tshod gsol ba'i skyes pa gzhan zhig btang ste/ des btsun pa gdugs tshod lags shing mchis na/ bcom ldan 'das da de'i dus la bab par mkhyen par mdzad du gsol zhes bya ba nas/ bcom ldan 'das kyis gsol zin nas phyag bcabs te lhung bzed gyu bar rig nas zhes bya ba'i bar gong ma bzhin du ste/ rgan pa'i mthar 'dug nas bcom ldan 'das la 'di skad ces gsol to/ /btsun pa bdag ni sbyin pa chen po brgyad bca' bar 'tshal te/ glo bur pa la stsal ba dang / 'chi bar chas pa la stsal ba dang / bro 'tshal ba la stsal ba dang / bro g.yog la stsal ba dang / stsang nas kyi 'jams nar ma dang / sman nar ma dang / dge slong rnams la dbyar gyi gos ras chen dang / dge slong ma rnams la khrus ras so/ /bcom ldan 'das kyis bka' stsal pa/ sa ga ma khyod kyis yon tan ci zhig mthong na glo bur du 'ongs pa la sbyin pa sbyin/ btsun pa glo bur du mchis pa'i dge slong ni spyod yul mi mkhas pa dang / lam srang mi mkhas pa lags pas des bdag gi bsod snyoms la longs spyad na lam srang la mkhas par 'gyur lags so/ /sa ga ma de thugs su chud de legs so legs so/ /don gyi dbang ci zhig mthong na 'gro bar chas pa la sbyin pa sbyin/ btsun pa dge slong mchi bar chas pa bsod snyoms tshol du mchis na 'dron pa rnams dang bral bar 'gyur zhing tshogs dang bral na phongs par 'gyur bas des bdag gi bsod snyoms la longs spyad na tshogs dang 'bral bar mi 'gyur lags so/ /sa ga ma de yang thugs su chud de legs so legs so/ /don gyi dbang ci zhig mthong na nad pa la sbyin pa sbyin/ btsun pa dge slong bro 'tshal ba bsod snyoms tshol du mchis na nyon mongs pa 'am 'gum par 'gyur bas des bdag gi bsod snyoms la longs spyod na bro nad las ldang ba dang bde ba la reg par gnas par 'gyur lags so/ /sa ga ma de yang thugs su chud de legs so legs so/ /don gyi dbang ci zhig mthong na nad g.yog la sbyin pa sbyin/ btsun pa dge slong bro g.yog bgyid pa rang gi ched du bsod snyoms tshol du mchis na bro 'tshal ba'i bgyi ba nyams par 'gyur bas des bdag gi bsod snyoms la longs spyad na 'grub par 'gyur lags so/ /sa ga ma de yang thugs su chud de legs so legs so/ /don gyi dbang ci zhig mthong na dge 'dun la nas thug nar ma sbyin/ btsun pa bcom ldan 'das kyi nyan thos rnams la drod chung ba yang mchis/ drod che ba yang mchis te/ de la re shig drod chung ba gang lags pa de rnams ni nas thug 'tshal na drod skye bar 'gyur la/ drod che ba gang lags pa de rnams ni nyam skye bar 'gyur lags so/ /sa ga ma de yang thugs su chud de legs so legs so/ /don gyi dbang ci zhig mthong na dge 'dun la sman nar ma sbyin/ btsun pa bcom ldan 'das kyi nyan thos rnams las bro nad mang ba dang bro nad nyung ba mchis te/ de la bro nad mang po gang lags pa de rnams la ni re zhig 'tshal ches/ bro nad nyung ba gang lags pa de rnams kyis longs spyad na lhag par yang bde ba la reg par gnas par 'gyur lags so/ /sa ga ma de yang thugs su chud de legs so legs so/ /don gyi dbang ci zhig mthong na/ dge slong rnams la dbyar gyi gos ras chen sbyin/ btsun pa de ring kho na bdag gis bu mo mngag gzhug bgyid pa dus tshod gsol bar btang ba las/ des dge slong rnams sgren mor khrus byas pa mthong nas/ de slar mchis te bdag la 'phags pa rnams ni bzhud la 'tsho ba pa nal phrug rnams kyis gtsug lag khang du btab bo zhes mchi bas de rnams dbyar gyi gos ras chen gyis bkab par 'gyur lags so/ /sa ga ma de yang thugs su chud de legs so legs so/ /don gyi dbang ci zhig mthong na dge slong ma rnams la khrus ras sbyin/ btsun pa dus 'di gcig na khyim pa mo rab tu mang po dag dge slong ma rab tu mang po rnams chu bo gnas ldan la sgren mor khrus bgyid pa las khyim pa mo de rnams kyis bgad cing bgad nas mdzub ker gyis dge slong ma rnams kyi 'doms nye bar ston te/ de dag gis nye bar bstan pa rnams bag 'khums par gyur pas de rnams bdag gi khrus ras kyis bkab nas khrus bgyid par 'gyur lags so/ /sa ga ma legs so legs so/ /khyod kyis bsod nams bya ba'i dngos po brgyad smras pa gang yin pa de dag ni rdzas las byung ba'i bsod nams bya ba'i dngos po bdun rnams la yang dag par snang zhing 'di dag ni rdzas las byung ba'i bsod nams bya ba'i dngos po bdun po gang dag la bsod nams sam/ bsod nams kyi 'bras bu 'am/ bsod nams kyi 'bras bu rnam par smin pa 'di tsam mo zhes tshad gzung bar mi nus kyi 'on kyang bsod nams mang ba'i phyir bsod nams kyi phung po chen po zhes bya ba'i grangs su 'gro ba rnams kyi nang du 'dus so/ /btsun pa bdag gis 'di skad ces bcom ldan 'das kyis dge slong che ge mo de snga nas dge slong 'di yang kun tu sbyor ba gsum spangs nas rgyun du zhugs pa rnam par mi ltung ba'i chos can rdzogs pa'i byang chub tu nges par gzhol ba/ re ltar thogs na srid pa lan bdun par 'gyur te/ lha dang mi rnams kyi nang du lan bdun du nying mtshams sbyor zhing 'khor nas sdug bsngal gyi mthar byed par 'gyur ro zhes lung bstan pa thos te/ de mnyan yod du res 'ga' mchi zhing slar yang mchi bar 'gyur la/ des bdag gi glo bur du mchi ba'i zas zhes bya ba nas/ dbyar gyi gos ras chen dang / dge slong mas khrus ras longs spyod par 'gyur lags so zhes bya ba'i bar de thos nas kyang dga' ba dang rab tu dga' ba rgya chen po dge ba nges par 'byung ba dang ldan pa thob par 'gyur lags so/ /bcom ldan 'das kyis dge slong che ge mo de dge slong 'di ni kun tu sbyor ba gsum spangs nas 'dod chags dang / zhe sdang dang / gti mug bsrabs pa'i phyir lan cig phyir 'ong bar 'gyur te/ 'jig rten 'dir lan cig 'ongs nas sdug bsngal gyi mthar byed par 'gyur ro zhes lung bstan pa de yang mnyan yod du res 'ga' mchi zhing slar mchi la/ des bdag gi glo bur ba'i zas zhes bya ba nas dbyar gyi gos ras chen dang / dge slong mas khrus ras zhes bya ba'i bar gong ma bzhin te/ thos nas kyang dga' ba dang rab tu dga' ba rgya chen po dge ba nges par 'byung ba dang ldan pa thob par 'gyur lags so/ /bcom ldan 'das kyis dge slong che ge mo de dge slong 'di ni tha ma'i cha dang mthun pa'i kun tu sbyor ba lnga spangs pas phyir mi 'ong bar 'gyur te/ 'jig rten 'dir phyir mi 'ong bar 'gyur ro zhes lung bstan pa de yang res 'ga' mnyan yod du mchi zhing slar mchi la/ des bdag gi glo bur ba'i zas zhes bya ba nas dbyar gyi gos ras chen dang / dge slong mas khrus ras zhes bya ba'i bar gong ma bzhin du ste/ thos nas kyang dga' ba dang rab tu dga' ba rgya chen po dge ba nges par 'byung ba dang ldan pa thob par 'gyur lags so/ /bcom ldan 'das kyis dge slong che ge mo de dge slong 'di ni nyon mongs pa thams cad spangs te dgra bcom pa mngon sum du byas nas phung po lhag ma med pa'i mya ngan las 'das pa'i dbyings su 'jug par 'gyur ro zhes lung bstan pa de yang res 'ga' mnyan yod du mchi zhing slar yang mchi la/ des bdag gi glo bur ba'i zas zhes bya ba nas dbyar gyi gos ras chen dang / dge slong mas khrus ras zhes bya ba'i bar gong ma bzhin du ste/ thos nas kyang dga' ba dang rab tu dga' ba rgya chen po dge ba nges par 'byung ba dang ldan pa thob par 'gyur lags so/ /de nas bcom ldan 'das kyis ri dgas 'dzin gyi ma sa ga ma la chos dang ldan pa'i gtam gyis yang dag par bstan yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /de nas bcom ldan 'das mnyan yod du ji tsam bzhed kyi bar du bzhugs nas yangs pa can gang na ba der rgyu zhing gshegs te/ rim gyis rgyu zhing gshegs pa na yangs pa can du byon nas yangs pa can gyi spre'u rdzing gi 'gram gyi khang pa brtsegs pa na bzhugs so/ /de nas com ldan 'das snga dro na bza' sham thabs mnabs chos gos dang lhung bzed bsnams nas yangs pa can du bsod snyoms la zhugs so/ /de'i tshe dge slong rab tu mang po kun dga' ra ba'i sgo na gnas mal mi gtsang bas gos pa rnams 'khru ba dang / skems pa dang / 'dings par byed do/ /bcom ldan 'das kyis dge slong rab tu mang po kun dga' ra ba'i sgo na gnas mal mi gtsang bas gos pa rnams 'khru ba dang / skems pa dang / 'dings par byed pa gzigs so/ /gzigs nas kyang yang 'di snyam du dgongs te/ bram ze dang khyim bdag dad pa can dag lpags pa dang / sha dang / khrag zad zad du sbyin pa btang zhing bsod nams byas pa gang yin pa de la dge slong rnams bag med cing ma brtags par spyod par byed do snyam du dgongs nas yangs pa can du bsod snyoms spyad de/ zhal zas kyi bya ba mdzad nas zas phyi ma'i bsod snyoms spangs shing lhung bzed dang na bza' chos gos mkhos su phab nas zhabs bsil te nang du yang dag 'jog la gtsug lag khang du zhugs so/ /de nas bcom ldan 'das rgongs ka nang du yang dag 'jog las bzhengs nas dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag 'dir nga snga dro sham thabs bgos lhung bzed dang chos gos thogs te yangs pa can du bsod snyoms la zhugs pa las ngas dge slong rab tu mang po dag kun dga' ra ba'i sgo na gnas mal mi gtsang bas gos pa rnams 'khru ba dang / skems pa dang / 'dings par byed pa mthong ngo / /mthong nas kyang 'di snyam du dgongs te/ bram ze dang khyim bdag dad pa can dag lpags pa dang / sha dang khrag zad zad du sbyin pa btang zhing bsod nams byas pa gang yin pa de la dge slong rnams bag med cing ma brtags par spyod par byed do/ /dge slong dag dad pas byin pa la bag yod pas spyod pa dang / dus su spyod pa dang / skabs skabs su spyod pa dang / brtags te spyod pa dang / cung zad spyod pa ni legs so legs so/ /de nas bcom ldan 'das kyis dad pas byin pa la bag yod pas spyad par bya ba'i bsngags pa gsungs nas dge slong rnams la bka' stsal pa/ dge slong dag de lta bas na dge 'dun gyi gnas mal la gding ba med par longs spyad par mi bya'o/ /gnas mal mi gtsang bas gos na de'i mod kho na la bkru bar bya ste/ gzhan du na 'gal tshabs can du 'gyur ro/ /de nas bcom ldan 'das snga dro na bza' sham thabs mnabs lhung bzed dang chos gos bsnams nas zhabs 'bring byed pa'i dge slong tshe dang ldan pa kun dga' bo dang / yangs pa can du bsod snyoms la zhugs pa las/ bcom ldan 'das kyis mi rgyab nag por gyur pa zhig rgyang ring po kho na nas gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo khyod kyis mi rgyab nag po pha bi mthong ngam/ btsun pa mthong lags so/ /kun dga' bo mi pha bi ni yang dag par rdzogs pa'i sangs rgyas 'od srung gi gsung rab la rab tu byung bar gyur te/ de nas 'dis dge 'dun gyi gnas mal la ming tsam gyi gding ba dang / dri ma can gyi gding ba dang / shur bu dang / rgya chang dang / lcug gu'i gding bas bting nas longs spyad pa de'i las kyi rnam par smin pas tshe rabs lnga brgyar rgyab nag por gyur to/ /da dung yang rgyab nag por gyur to zhes rig par mdzad nas yangs pa can du bsod snyoms mdzad do zhes bya ba nas nang du yang dag 'jog las bzhengs nas zhes bya ba'i bar gong ma bzhin du'o/ /dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag de ring nga snga dro sham thabs bgos lhung bzed dang chos gos thogs te yangs pa can du bsod snyoms la zhugs pa las/ de na ngas mi rgyab nag por 'dug pa zhig mthong ste/ de ni yang dag par rdzogs pa'i sangs rgyas 'od srung gi gsung rab la dge slong du gyur pa las de na des dge 'dun gyi gnas mal la ming tsam gyi gding ba dang zhes bya ba nas tshe rabs lnga brgya'i bar du rgyab nag por gyur to zhes bya ba'i bar gong ma bzhin du'o/ /dge slong dag de lta bas na dge slong rnams kyis deng phyin chad ming tsam gyi gding ba dang / dri ma can gyi gding bas dge 'dun gyi gnas mal la longs spyad par mi bya'o/ /longs spyad na 'gal tshabs can du 'gyur ro/ /'on kyang gding ba gnyis kyis longs spyad par bya ste/ stug na ni rim gcig gis so/ /seng ba zhig na rim gnyis kyis so/ /dge slong rnams gding ba bkra zhing bkra ba kha tshar ma bcad pa dag 'chang bar byed pa bram ze dang khyim bdag rnams kyis mthong nas smod par byed/ gzhogs 'phyas byed/ kha zer bar byed nas bcom ldan 'das kyis bka' stsal pa/ sngon po 'am/ 'dam ka 'am/ kha bsgyur ba'i gding ba gris dras pa bcang bar bya ste/ gzhan du na 'gal tshabs can du 'gyur ro/ /dge slong zhig g.yan pa'i nad kyis nyen pas de'i chos gos rnams rnag dang khrag gis reg nas dri mi zhim la sbrang ma rnams 'du zhing de bsod snyoms la zhugs pa de bram ze dang khyim bdag rnams kyis mthong nas smod par byed gzhogs 'phyas byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste g.yan pa dgab pa bcang bar bya ste/ zhag lnga 'am/ drug lon nas bkru bar bya'o/ /gzhan du na 'gal tshabs can du 'gyur ro/ /dge slong mdze'i nad kyis nyen pa dag dge 'dun gyi gnas mal dang / khyams dang / rdzing dang / sgo khang dang / bang rim dang / 'chag sa rnams dang / shing drung gi gnas rnams na dri mi zhim pa dang / sbrang ma rnams 'khor bas gnas shing longs spyad par byed pa de dag bram ze dang khyim bdag rnams kyis mthong nas smod par byed/ gzhogs 'phyas byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong mdze nad kyis thebs pa rnams kyi phyir ngas kun tu spyod pa'i chos dag bca' bar bya ste/ dge slong mdze nad kyis thebs pas dge 'dun gyi gnas mal dang / gnas khang la longs spyad par mi bya/ khyams rnams dang / ji skad du bsgrags pa'i khyams la sogs par gnas par mi bya/ dge 'dun gyi chab khungs dang / snam phyi sar 'jug par mi bya ste/ dge 'dun gyis de la gnas dben pa byin nas rim gro bya'o/ / dge slong mdze nad kyis thebs pas kun tu spyod pa'i chos ji ltar bcas pa bzhin yang dag par blangs te 'jug par mi byed na 'gal tshabs can du 'gyur ro// //'dul ba gzhi/ bam po drug bcu bzhi pa/ sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa bde bar gshegs pa'i na bza' chos gos lhag par bcang du rung lags sam/ nye ba 'khor mi rung ngo / /btsun pa mon dar gyi chos gos la chos gos gsum du byin gyis brlabs nas chos gos lhag par byin gyis brlabs te bcang du rung lags sam/ nye ba 'khor ci dgar zad de/ de bzhin du 'dod pa bzhin du bal dang sha na'i ras la yang rung ngo // // sdom la/ gso ma skra'i chos gos dang / /gcer bu skra 'bal lo ma'i gos/ / mthang gos can dang g.yang gzhi dang / /gso ras seng ba pa char sngo/ /gleng gzhi ni mnyan yod na'o/ /dge slong zhig bcom ldan 'das gang na ba der song ste phyin pa dang bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas bcom ldan 'das la dge slong des 'di skad ces gsol to/ /btsun pa bdag gso ma'i chos gos 'chang bar 'tshal lo/ /bcom ldan 'das kyis bka' stsal pa/ skyes bu gti mug 'di lta ste/ gso ma'i chos gos 'di ni mu stegs pa'i rtags yin no/ /de lta bas na dge slong gis gso ma'i chos gos bcang bar mi bya'o/ /bcangs na 'gal tshabs can du 'gyur ro/ /yang dge slong zhig 'ongs nas bcom ldan 'das la 'di skad ces gsol to/ /bcom ldan 'das bdag skra'i chos gos bcang bar 'tshal lo/ /bcom ldan 'das kyis bka' stsal pa/ skyes bu gti mug 'di ni mu stegs pa'i rtags so zhes bya ba nas 'gal tshabs du 'gyur ro zhes bya ba'i bar gong ma bzhin du'o/ /yang dge slong zhig gis bcom ldan 'das la 'di skad ces gsol to/ /btsun pa bdag gcer bu bgyid par 'tshal lo/ /bcom ldan 'das kyis bka' stsal pa/ skyes bu gti mug 'di lta ste/ gcer bu 'di ni mu stegs pa'i rtags yin no/ /gzhan yang ngas chos gos gsum rjes su gnang na ci'i phyir khyod gcer bu byed/ de lta bas na dge slong gis gcer bu mi bya'o/ /byas na nyes pa sbom por 'gyur ro/ /de nas dge slong de gcer bu ma gnang ba dang bslab pa rnams spangs te nyams par gyur to/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa dge slong 'di gcer bu ma gnang ba dang bslab pa rnams spangs te nyams par gyur pa la gzigs/ bcom ldan 'das kyis bka' stsal pa/ dge slong dag da ltar 'ba' zhig tu ma zad de/ ji ltar 'das pa'i dus na yang 'di nyid ngo tsha med pa'i skyon gyis chung ma ma thob pa de nyon cig /dge slong dag sngon byung ba ngang pa'i rgyal po yul 'khor skyong zhes bya ba byung ste/ de'i bu mo rang khyim thab tshol lo zhes yul phyogs sna tshogs na gnas pa'i bya rnams kyis thos nas 'dus par gyur te so so nas bsams pa/ de'i khyim thab tu bdag 'gyur ro snyam mo/ / des rma bya zhig mthong nas des smras pa/ 'di ni bdag gi khyim thab tu 'gyur ro/ /de la bzhan dag gis 'dis khyod khyim thab tu bdams so zhes smras pa dang / des mjug ma bsgrengs nas gar byed par brtsams pa de yul 'khor skyong gis mthong nas smras pa/ 'di ci zhig gi phyir gar byed/ gzhan dag gis smras pa/ khyod kyi bu mo'i khyim thab tu gyur pas so/ /des smras pa/ ngo tsha dang khrel dang mi ldan pas 'di la bdag gi bu mo mi sbyin no zhes pa rma bya des thos nas yul 'khor skyong gi drung du song ste tshigs su bcad pas smras pa/ dbyangs snyan yid 'ong kha dog mdzes pa dang / /'dab ma 'dom gang tshad ldan mgrin pa ni/ /nor bu bai dUr+ya dang 'dra gyur na/ /ci slad khyod kyi sras mo bdag mi stsal/ / yul 'khor skyong gis smras pa/ dbyangs snyan yid 'ong kha dog mdzes pa dang / /'dab ma 'dom gang tshad ldan mgrin pa ni/ /nor bu bai dUr+ya dang 'dra gyur kyang / /'dzem med skyon gyis khyod la mi sbyin no/ /dge slong dag ji snyam du sems/ de'i tshe de'i dus kyi rma bya gang yin pa de ni dge slong 'di nyid de/ de na yang 'di ngo tsha med pa'i skyon gyis chung ma ma thob nas sdug bsngal zhing yid mi bde nas bya'i tshogs kyi nang nas byung ngo / /da ltar yang 'dis gcer bu ma gnang nas sdug bsngal zhing yid mi bde bas dge slong gi tshogs kyi nang nas byung ngo / /yang dge slong zhig gis bcom ldan 'das la 'di skad ces gsol to/ /btsun pa bdag skra 'bal bar 'tshal lo/ /bcom ldan 'das kyis bka' stsal pa/ ngas 'dreg par rjes su gnang na ci'i phyir khyod skra 'bal/ skyes bu gti mug 'di lta ste/ skra 'bal ba 'di ni mu stegs pa'i brtul zhugs yin no/ /de lta bas na dge slong gis skra 'bal bar mi bya'o/ /'bal na 'gal tshabs can du 'gyur ro/ /yang dge slong zhig gis bcom ldan 'das la 'di skad ces gsol to/ /btsun pa bdag lo ma'i bgo ba 'chang bar 'tshal lo/ /bcom ldan 'das kyis bka' stsal pa/ skyes bu gti mug 'di ni mu stegs pa'i brtul zhugs yin no zhes bya ba nas 'gal tshabs can du 'gyur ro zhes bya ba'i bar gong ma bzhin du'o/ /yang dge slong zhig gis bcom ldan 'das la 'di skad ces gsol to/ /btsun pa bdag bla gos mthang gos dang bcas pas 'tsho bar 'tshal lo/ /bcom ldan 'das kyis bka' stsal pa/ skyes bu gti mug ngas chos gos gsum rjes su gnang na ci'i phyir khyod bla gos mthang gos dang bcas pas 'tsho bar byed/ de lta bas na dge slong gis bla gos mthang gos dang bcas pa'i chos gos kyis 'tsho bar mi bya'o/ /'tsho bar byed na 'gal tshabs can du 'gyur ro/ /yang dge slong zhig gis bcom ldan 'das la 'di skad ces gsol to/ /btsun pa bdag g.yang gzhi 'chang bar 'tshal lo/ / bcom ldan 'das kyis bka' stsal pa/ gti mug 'di ni mu stegs pa'i rgyal mtshan yin no zhes bya ba nas 'gal tshabs can du 'gyur ro zhes bya ba'i bar gong ma bzhin du'o/ /yang dge slong zhig gis bcom ldan 'das la 'di skad ces gsol to/ /btsun pa bdag gso ma'i seng ras kyi chos gos 'chang bar 'tshal lo/ /bcom ldan 'das kyis bka' stsal pa/ 'di ni mu stegs kyi rgyal mtshan yin no zhes bya ba nas 'gal tshabs can du 'gyur ro zhes bya ba'i bar gong ma bzhin du'o/ / yang dge slong zhig gis bcom ldan 'das la 'di skad ces gsol to/ /btsun pa bdag pa char 'chang bar 'tshal lo/ /bcom ldan 'das kyis bka' stsal pa/ skyes bu gti mug 'di lta ste/ pa char 'di ni khyim pa'i chos yin te zhes bya ba nas 'gal tshabs can du 'gyur ro/ /zhes bya ba'i bar gong ma bzhin du'o/ /yang dge slong zhig gis bcom ldan 'das la 'di skad ces gsol to/ /btsun pa bdag chos gos thams cad sngon por 'chang bar 'tshal lo/ /bcom ldan 'das kyis bka' stsal pa/ 'di ni khyim pa 'chang bar byed do/ /de lta bas na dge slong gis chos gos thams cad sngon por bcang bar mi bya'o zhes bya ba nas 'gal tshabs can du 'gyur ro zhes bya ba'i bar gong ma bzhin du'o/ /de bzhin du thams cad ser ba 'am/ thams cad dmar ba 'am/ dkar ba ni rung ba ma yin pa nyid do// // sdom la/ kha tshar ring dang gdengs ka dang / /ral ka gtsug tor thod dang ni/ /ra bal gos dang rnga bal klam/ /mchin nad kun dga' mthang gos bcas/ /yang dge slong zhig gis bcom ldan 'das la 'di skad ces gsol to/ /btsun pa bdag kha tshar ring po'i chos gos 'chang bar 'tshal lo/ /bcom ldan 'das kyis bka' stsal pa/ 'di ni mu stegs pa'i rtags yin no/ / zhes bya ba nas 'gal tshabs can du 'gyur ro zhes bya ba'i bar gong ma bzhin du'o/ /yang dge slong zhig gis bcom ldan 'das la 'di skad ces gsol to/ /btsun pa bdag kha tshar gdengs ka lta bu'i chos gos 'chang bar 'tshal lo/ /bcom ldan 'das kyis bka' stsal pa/ skyes bu gti mug 'di ni mu stegs pa'i rtags yin no zhes bya ba nas 'gal tshabs can du 'gyur ro zhes bya ba'i bar gong ma bzhin du'o/ /yang dge slong zhig gis bcom ldan 'das la 'di skad ces gsol to/ /btsun pa bdag ral ka 'chang bar 'tshal lo/ /bcom ldan 'das kyis bka' stsal pa/ skyes bu gti mug 'di ni khyim pa'i rtags yin no zhes bya ba nas 'gal tshabs can du 'gyur ro zhes bya ba'i bar gong ma bzhin du'o/ /yang dge slong zhig gis bcom ldan 'das la 'di skad ces gsol to/ /btsun pa bdag gtsug tor bgyid par 'tshal lo/ /bcom ldan 'das kyis bka' stsal pa/ skyes bu gti mug 'di ni khyim pa'i rtags yin no zhes bya ba nas 'gal tshabs can du 'gyur ro zhes bya ba'i bar gong ma bzhin du'o/ /yang dge slong zhig gis bcom ldan 'das la 'di skad ces gsol to/ /btsun pa bdag thod 'ching bar 'tshal lo/ /bcom ldan 'das kyis bka' stsal pa/ skyes bu gti mug 'di ni khyim pa'i rtags yin no zhes bya ba nas 'gal tshabs can du 'gyur ro zhes bya ba'i bar gong ma bzhin du'o/ /yang dge slong zhig gis bcom ldan 'das la 'di skad ces gsol to/ / btsun pa bdag ra bal gyi gos bcang bar 'tshal lo/ /bcom ldan 'das kyis bka' stsal pa/ skyes bu gti mug 'di ni khyim pa'i rtags yin no/ /zhes bya ba nas 'gal tshabs can du 'gyur ro zhes bya ba'i bar gong ma bzhin du'o/ /yang dge slong zhig gis bcom ldan 'das la 'di skad ces gsol to/ /btsun pa bdag rnga bal gyi klam 'chang bar 'tshal lo/ /bcom ldan 'das kyis bka' stsal pa/ skyes bu gti mug 'di ni khyim pa'i rtags yin no zhes bya ba nas 'gal tshabs can du 'gyur ro zhes bya ba'i bar gong ma bzhin du'o/ /tshe dang ldan pa kun dga' mchin nad can dge slong med pa'i gnas sgo 'phar med pa zhig tu dbyar gnas par dam bcas te snam sbyar med par de phyi rol du byung ba dang / de'i snam sbyar rkun pos khyer ro zhes bya ba'i bar du ste/ de'i phyir bcom ldan 'das kyis bka' stsal pa/ dge slong gis dge slong med pa'i gnas sgo 'phar med par dbyar gnas par dam mi bca' zhing snam sbyar med par gang du yang 'gro bar mi bya'o/ /song na 'gal tshabs can du 'gyur ro/ /tshe dang ldan pa kun dga' bo mchin nad can na ba de'i nad g.yog tshe dang ldan pa kun dga' bo byed pa las char bab pa dang de snam sbyar gyon te 'gro ba'i spro ba med nas/ bcom ldan 'das kyis bka' stsal pa/ mthang gos dang bla gos su bcas pas 'gro bar bya'o/ /gzhan yang snam sbyar gzhag tu rung ba ni lnga ste/ dge slong dang bcas pa'i gnas sgo 'phar dang bcas pa dang / char bab pa dang / char 'bab tu dogs pa dang / 'bab chu'i pha rol tu 'gro bar 'dod pa dang / sra brkyang bting ba'i gnas dang / dge 'dun gyis gnang ba byin par gyur pa'o/ /bar sdom gyi tshigs su bcad pa/ dbyar dang dge tshul nyid dag gi/ / byung ba gnyis po dag dang ni/ /rnyed pa chung dang 'gyod pa dang / /dge 'dun rnyed dang de de'i yin/ /bcom ldan 'das kyis dge slong rnams kyi chos gos kyi rnyed pa sbyin par bya'o zhes gsungs na/ dge slong rnams kyis dgag dbye byas pa'i mod kho na la ljongs rgyur dong ba dang de rnams kyi rnyed pa sus kyang ma blangs nas/ bcom ldan 'das kyis bka' stsal pa/ de'i rnyed pa len du gzhug pa'i phyir dge slong la bcol nas 'gro bar bya'o/ /ma bcol ba'i dge slong gzhan dag gis blangs pa dang / dge slong rnams phan tshun rtsod par gyur nas/ bcom ldan 'das kyis bka' stsal pa/ ma bcol ba'i dge slong gis rnyed pa blang bar mi bya'o/ /blangs na 'gal tshabs can du 'gyur ro/ / bcol ba'i dge slong gzhan dag gis ma blangs nas/ bcom ldan 'das kyis bka' stsal pa/ de rnams kyis thams cad mnod par bya'o/ /dge tshul rnams dong nas sus kyang rnyed pa ma blangs so/ /bcom ldan 'das kyis bka' stsal pa/ de rnams kyi mkhan po dang slob dpon dag gis blang bar bya'o/ /dge slong dag rnyed pa chung ngu dag 'gyed par byed pa na rnyed pa chung ngu yin no snyam nas/ dong ba rnams kyi ma byin pa dang / bcom ldan 'das kyis bka' stsal pa/ gang la bcol ba de rnams kyis blang bar bya'o/ /gzhan dag gis ma bcol bar dong ba dang de rnams kyi sus kyang ma blangs la/ dge slong rnams kyis kyang 'gyod pas ma blangs pa dang / bcom ldan 'das kyis bka' stsal pa/ blang bar bya ste/ de la 'gyod par mi bya'o/ /rnyed pa chung ngu gzhan dag bgor ma chog nas/ bcom ldan 'das kyis bka' stsal pa/ gzhan dag dang bsres la gtsug lag khang na gnas pa rnams kyis bgo bar bya ste/ de la 'gyod par mi bya'o/ /bcol bas rnyed pa chung ngu ma blangs na ma sha ka lnga'i rin yan chad ni nges par bda' bar bya'o/ /ri 'or zhig na khyim bdag cig yod pa des gtsug lag khang zhig brtsigs nas/ de na gal te dge slong brgya gnas na ras yug brgya 'bul lo/ /de bzhin du dge slong gcig gnas na yang ras yug brgya kho na 'bul lo zhes bya ba'i bar du'o/ /ji tsam dus gzhan zhig na gtsug lag khang de nyid du rgan zhugs gnyis zhig dbyar gnas pa las khyim bdag des ras yug brgya bskur ba de gnyis kyis blangs nas phan tshun dpyad nas gcig gis smras pa/ rnyed pa 'di ni dge 'dun gyir 'gyur ro/ /gcig shos kyis smras pa/ bdag cag kho na yir 'gyur ro/ /gal te de lta na long shig /des smras pa/ phan tshun rtsod par mi 'gyur grang / ji tsam na gcig gis kyang ma blangs nas de gnyis kyis yang dpyad pa/ de la ji ltar bsgrub par bya/ gcig gis smras pa/ dge slong rnams bos la de rnams dang lhan cig bgo'o/ /gcig shos kyis smras pa/ de bzhin du bya na su 'gro/ gang gzhon pa'o/ /gos rnams sus bsrung gang gzhon pas so/ /de ltar mi nus kyis gang gzhon pa ni 'gro'o/ /gang rgan pa des ni gos rnams bsrung ngo / /de bzhin du bya'o zhes gzhon pa shos dge slong rnams bod pa'i phyir mnyan yod du song ngo / /drug sde rnams kyi kun tu spyod pa ni drug sde rnams kyis rgyal bu rgyal byed kyi tshal gyi sgo re mos re mos mi stongs par byed pa yin pas nye dga' rgyal bu rgyal byed kyi sgo na 'dug pa des rgyang ring po kho na nas mgo spra ba'i me tog ltar skya ba smin ma 'phyang ba zhig mthong nas bsams pa/ dge slong gnas brtan 'di 'ga' zhig 'ong gis de bsur 'gro'o snyam nas gnas brtan byon pa legs so byon pa legs so/ /slob dpon phyag 'tshal lo/ /des bsams pa/ 'di ni slob dpon yang mi shes/ mkhan po yang mi shes te/ 'di ni rgan zhugs zhig yin no snyam du rig nas smras pa/ rgan zhugs khyod gang nas 'ongs/ ri 'or che ge mo zhig nas so/ /ci de na gtsug lag khang yod dam/ gtsug lag khang yod do/ /ci de gtsug lag khang yin nam/ 'on te phongs pa yin/ des ji ltar gyur pa rgyas par smras pa dang / khyod don ci zhig la 'ongs/ dge slong rnams dang bgo ba'i phyir ro/ /gal te de lta na nga kho nas khyod la snying brtse ba'i phyir 'gro bar bya'o/ /slob dpon legs so/ /nye dgas bsams pa/ gal te 'di bdag gi thad nas gzhan du song na skye bo'i tshogs chen pos shes par 'gyur gyis/ legs par bdag gis bsrung bar bya'o snyam nas/ des de ngal sor bcug ste/ dus ma yin pa'i btung ba dag blud nas ci nas kyang bre mo gtam gyis nam sros kyi bar du brongs nas mal bzang po bshams te rkang pa bkru ba dang / rkang pa bsku ba byin nas ji tsam gnyid log par gyur pa de srid du bsdad do/ /de nas nye dga' gsang 'phel bar mi 'gyur grang snyam pa'i 'tsher bas mtshan mo de 'das par byas so/ /de nas de nang par sngar langs te/ rgan zhugs de khrid nas rings pa rings par song ste/ rim gyis ri 'or du phyin pa dang / de nas gtsug lag khang na gnas pa'i rgan zhugs gcig shos des 'ongs pa legs so zhes kun dga' bar gyur pa'i tshig smras nas de gnyis ngal sos pa dang khong gsum char yang gnas gcig tu 'tshogs nas/ nye dgas smras pa/ rnyed pa bgos shig /gnas brtan bgo'o/ /nye dgas rgan zhugs gcig la smras pa/ rgan zhugs khyod kyis bgos shig /gnas brtan bdag ni mi 'gyed de/ de ci'i phyir zhe na/ bdag la nyes pa byung na mi rung ngo / /gcig shos la yang smras pa/ rgan zhugs khyod kyis bgos shig /des kyang de bzhin du smras pa/ nye dgas smras pa/ khyed ni nyes pa byung bas 'jigs kyi/ nye dga' ni spyi'u tshugs su sems can dmyal bar 'gro bar 'gyur bar 'dod dam ci/ nye dgas bsams pa/ rgan zhugs 'di gnyis sdong gis dbyen bya'o snyam nas de nas de gnyis kyi rgyun du rung ba'i las byed pa'i g.yog po mthong nas gcig gi drung du song ste dris pa/ rgan zhugs khyod kyis 'dir ci dag byas/ gnas brtan bdag gis gtsug lag khang du rtag par chag chag dang / phyag dar dang / ba'i lci ba 'jam pos byug pa byas so/ /rgan zhugs gal te chag chag dang phyag dar byas pa kho nas rnyed pa thob pa na lta nye dgas gtsug lag khang thams cad chag chag dang phyag dar bya'o/ /'on kyang 'dir rnyed pa byung ba gang yin pa de ni rgan zhugs gcig shos de'i mthu yin te/ de gtsug lag khang du dus dus su chos 'don pa'i sbyin pa byed pas chos 'don pa don du gnyer ba'i lha spro ba dang ldan par gyur te/ des na rnyed pa rnyed par gyur gyis/ 'dis ci byin pa de blang bar bya ste 'khang bar mi bya'o/ /des de gnad la phab pas skyengs nas cang mi smra bar 'dug go/ /de nas gcig shos kyi drung du song nas smras pa/ rgan zhugs khyod kyis 'dir ci dag byas/ gnas brtan bdag gis 'dir dus dus su chos bsgrags pa'i sbyin pa byas so/ /rgan zhugs gal te chos bsgrags pas rnyed pa thob na lta nye dgas 'greng ba dang / 'gro ba dang / 'dug pa dang / nyal bas dus thams cad du chos bshad do/ /rnyed pa gang chung zad grub pa de thams cad ni rgan zhugs gcig shos de'i mthus yin te/ des gtsug lag khang 'dir chag chag dang / phyag dar dang / ba'i lci ba 'jam pos byug pa byas pas so/ /bcom ldan 'das kyis phyag dar byed pa la yon tan lnga yod de/ lnga gang zhe na/ bdag nyid kyi sems dang bar 'gyur ba dang / gzhan gyi sems dang bar 'gyur ba dang / lha rnams yid dga' bar 'gyur ba dang / mdzes par 'gyur ba'i dge ba'i rtsa ba sogs par 'gyur ba dang / lus zhig nas bde 'gro mtho ris kyi 'jig rten gyi lha rnams su skye bar 'gyur ro zhes bka' stsal to/ /de lta bas na gtsug lag khang phyag dar byas pas yon bdag mngon par dad par gyur la/ lha yid dga' bar gyur te/ des na der rnyed pa byung bar gyur to/ /de bas na de'i mthus 'dir rnyed pa byung bas des ci byin pa de blang bar bya ste 'khang bar mi bya'o/ /de yang gnad la phab pas skyengs nas cang mi smra bar 'dug go/ /de gnyis spobs ba med par byas nas smras pa/ rgan zhugs dag bcom ldan 'das kyis gsol ba'i las mi 'khrugs pa gsungs pa'i thabs gzhan yod pas gsol ba byas la bgo'o/ /de gnyis kyis sngar sma phab pas smras pa gnas brtan ci dgyes pa de bzhin du mdzod cig /de nas nye dgas cha gsum du byas te/ cha gnyis kyi bar du ni rang nyid 'dug go/ /de gnyis kyi bar du ni cha gcig bzhag nas gsol bar bya bar brtsams pa/ rgan zhugs khyed nyon cig /khyed gnyis dang 'di gcig /'di gnyis dang kho bo gcig ste/ de ltar na gsum gsum mo/ /'di ni gsol ba 'o/ /de nas cha gnyis ni bdag nyid kyis blangs so/ /cha gcig ni de gnyis la byin pa dang de gnyis kyis smras pa/ gnas brtan 'di kho na las bdag cag gnyis rtsod par 'gyur gyis/ khyod kho nas bdag cag la bgos shig /des bgo bar brtsams nas de nas ras yug gcig kha khyer du 'dug pa de yang blangs nas ras rnams bam por bcings te song ngo / /de nas rim gyis mnyan yod du phyin pa dang de dge slong rnams kyis mthong nas smras pa/ btsun pa nye dga' khyod kyis su zhig shi ba mthong / des ji ltar gyur pa rgyas par smras pa dang de rnams kyis smras pa/ khyod de ltar byed pa brtags pa yin nam/ mi mdza' ba rnams kyi mgrin pa rdog pas mnan nas so/ /skabs de dge slong rnams kyis bcom ldan 'das la gsol pa dang bcom ldan 'das kyis dgongs pa/ nyes dmigs gang ci byung ba ni dge slong rnams gzhan gyi rnyed pa la thob rgyal byed pa las gyur gyis/ de lta bas na dge slong gis gzhan gyi rnyed pa la thob rgyal mi bya'o/ /thob rgyal byed na 'gal tshabs can du 'gyur ro/ /dge slong rnams the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa nye dgas rgan zhugs de gnyis chos kyi sgo nas bslus pa la gzigs/ bcom ldan 'das kyis bka' stsal pa/ dge slong dag da ltar 'ba' zhig tu ma zad de/ 'das pa'i dus na ji ltar 'dis rgan zhugs gnyis bslus pa de nyid nyon gcig /dge slong dag sngon byung ba 'bab chu'i ngogs shig na sram gnyis shig gnas pa las de gnyis gang gi tshe chu'i nang du zhugs pa na nya skam la thon par 'gyur zhing gang gi tshe skam la dong ba de'i tshe chu'i nang du dong nas cung zad kyang ma rnyed do/ /de nas de gnyis kyis gros byas pa/ bdag cag las gcig ni chu'i nang du 'gro'o/ /gcig shos kyis ni skam la ste/ rnyed pa gang yin pa de ni spyir bya'o/ / de na gcig ni chur song ngo / /gcig shos kyis ni skam la ste/ de la chur zhugs pa gang yin pas nya rnams bsgrogs te skam la bton nas de rnams skam la gnas pas bsad do/ /chu la gnas pa ni chu la gnas pa nyid kyis so/ /ji tsam na nya'i phung po chen por gyur pa dang gcig gis smras pa/ khyod kyis bgos shig /gcig shos kyis smras pa/ bdag mi bgod do/ /ci'i phyir bdag la nyes pa byung na mi rung ngo / /des kyang smras pa/ gal te de lta na bdag la yang nyes pa 'di nyid yin no/ /de gnyis sems khongs su chud cing 'dug pa las/ dzi tsam na wa bzhin rgyas zhes bya ba de gnyis kyi drung du 'ongs nas des smras pa tsha bo dag ci ste sems khongs su chud cing 'dug /zhang po bdag cag ni nya rnyed pas so/ /ci ste mi 'gyed/ zhang po nyes pas 'jigs so/ /khyod ni nyes pas 'jigs pa bzhin rgyas ni rkang pa spyi tshugs su sems can dmyal bar 'gro bar 'gyur bar 'dod dam ci/ bzhin rgyas kyis bsams pa/ 'di gnyis sdong gis dbye bar bya'o snyam nas/ de nas de gnyis kyi rtag tu g.yog byed pa ru sbal zhig mthong nas gcig gi drung du song ste dris pa/ tsha bo khyod kyis 'dir ci dag byas/ zhang po bdag chur zhugs te/ bdag chur zhugs nas nya rnams bsrogs te skam la 'thon pa dang 'dis bsad do/ /tsha bo gal te chur zhugs pas cung zad thob na lta bzhin rgyas rtag tu chu'i nang du 'gro'o/ /skam la 'gro ba de ni sdong dum gyis 'jigs pa dang / tsher mas 'jigs pa dang / gcan gzan gyis 'jigs pa dang / me'i 'jigs pa dang / ngam grog gi 'jigs pa yod do/ /gzhan yang gal te des ma bsad na/ khyod kyis bsrogs kyang ci phan/ mdor na 'dis nya rnyed pa gang yin pa de rnams ni de'i mthu yin pas 'dis ci byin pa de blang bar bya ste 'khang bar mi bya'o/ /de des gnad la phab pas skyengs nas cang mi smra bar 'dug go/ /de nas gcig shos kyi drung du song nas smras pa/ tsha bo khyod kyis 'dir ci dag byas/ zhang po bdag gis skam la song ste bdag gis skam la thon pa'i nya rnams bsad do/ /tsha bo gal te skam la song bas cung zad thob na lta bzhin rgyas rtag tu skam la 'gro'o/ /chur 'gro ba de ni dba' glong gis 'jigs pa dang / ru sbal gyis 'jigs pa dang / chu srin byis pa gsod kyis 'jigs pa dang / chu srin kum bi ra'i 'jigs pa dang / chu'i 'jigs pa yod do/ /gzhan yang gal te des ma bsrogs na khyod kyis ji ltar gsad/ mdor na 'dir nya rnyed pa gang yin pa de rnams ni de'i mthu yin pas des ci byin pa de blang bar bya ste 'khang bar mi bya'o/ /de des gnad la phab pas skyengs nas cang mi smra bar 'dug go/ /bzhin rgyas kyis smras pa/ tsha bo dag 'di la tshigs su bcad pa'i dbyangs kyis mi g.yo bar bgo ba'i thabs yod do/ /de sngar sma phab pas smras pa/ zhang po ci dgyes pa bzhin du mdzod cig /bzhin rgyas kyis cha gsum du bgos te/ nya'i mjug ma rnams gcig tu byas/ mgo bo rnams gcig tu byas/ bar gyi cha rnams gcig tu byas nas tshigs su bcad de smras pa/ thang la rgyu bas mjug ma ste/ gting du rgyu bas mgo bo'o/ /bar gyi lus ni gang yin pa/ /de ni chos la gnas pas bkur/ /bzhin rgyas kyis bsams pa/ 'di gnyis bslus pas bdag rnyed pa dang ldan no snyam nas/ des nya chen po zhig gi rked pa khyer te ma'i drung du song ba dang / de nas de'i ma mgu nas tshigs su bcad pa'i dbyangs kyis dris pa/ bzhin rgyas khyod ni gang nas 'ongs/ /mgo yang med cing mjug med pa'i/ /nya bo che zhig thogs nas ni/ /shin tu don grub ga las 'ongs/ / des smras pa/ gang phyir blun po rtsod gyur cing / /chos dang chos min mi shes pa'i/ /rgyal po'i mdzod ni 'phel ba ltar/ /des ni chog shes 'tsho bar 'gyur/ /des kyang tshigs su bcad pas smras pa/ rgyas pa blta na sdug pa khyod/ / pha rol mnan pa shin tu legs/ /de gnyis kyang ni mgu gyur la/ /khyod kyang rnyed pa phun sum tshogs/ /dge slong dag ji snyam du sems de'i tshe de'i dus kyi wa bzhin rgyas gang yin pa de ni nye dga' 'di nyid yin no/ /sram gnyis po gang yin pa de ni rgan zhugs 'di gnyis yin te/ de na yang de gnyis 'dis bslus la da ltar yang de gnyis bslus so/ /gleng gzhi ni mnyan yod na'o/ /ri 'or zhig na khyim bdag cig yod pa des gtsug lag khang zhig brtsigs nas der dge slong brgya dbyar gnas par dam bcas so/ /khyim bdag de'i blo skyes pa/ ras yug brgya bsgrubs te dge slong gi dge 'dun gdugs tshod gsol nas/ dge slong re re la yang ras yug re re bskon no snyam mo/ /ji tsam na nye dgas khyim bdag che ge mo zhig gis dge slong gi dge 'dun gdugs tshod gsol te/ re re la yang ras yug re re bskon no zhes thos so/ /thos nas kyang bsams pa/ gal te de las ras yug gcig ma grub na bdag nye dga' ma yin no snyam nas de mgron du ma bos bzhin du song ngo / /khyim bdag gis dge slong gi dge 'dun gdugs tshod gsol nas ras rnams 'brim pa na/ nye dgas ras yug cig blangs nas myur ba myur bar song ngo / /ji tsam na dge slong gcig gi ras chad do/ /khyim bdag gis smras pa/ 'phags pa bdag gis ras brgya legs par bgrangs te 'tshal te mchis na 'phags pa 'ga' zhig gis ras yug gnyis bsnams par ma gyur grang / dge slong rnams kyis smras pa/ khyim bdag de lta su zhig byed/ 'on kyang btsun pa nye dga' khyod kyis spyan drangs sam/ 'phags pa dag bdag gis spyan ma drangs so/ /des ras de khyer nas song ngo / /de nas khyim bdag de smod par brtsams pa'i skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang ci byung ba ni dge slong dag 'gron du ma bos par gzhan gyi rnyed pa la thob rgyal byed pa las gyur gyis/ de lta bas na dge slong gis mgron du ma bos par gzhan gyi rnyed pa la thob rgyal mi bya'o/ /thob rgyal byed na 'gal tshabs can du 'gyur ro/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa nye dga' g.yar ma drangs par gzhan gyi rnyed pa la thob rgyal bgyid pa la gzigs/ bcom ldan 'das kyis bka' stsal pa/ dge slong dag da ltar 'ba' zhig tu ma zad de/ ji ltar 'das pa'i dus na yang nye dgas mgron du ma bos par gzhan gyi rnyed pa la thob rgyal byas pa de nyon cig /dge slong dag sngon byung ba ri 'or zhig na bram ze 'khor la dbang sgyur ba zhig yod de/ des bram ze'i khye'u brgya zla ba gsum mgron du bos te zan byin nas de'i blo skyes pa/ bram ze'i khye'u re re la yang ras yug re re bskon no snyam mo/ /de dang ha cang yang mi ring ba zhig na bram ze rgan po zhig yod pa des thos nas de rgan pa'i mthar 'dug ste/ thog mar zos nas ras yug gcig khyer nas song ngo / /bram zes ras rnams 'brim par byed pa na/ ji tsam na bram ze'i khye'u gcig gi ras chad nas des dris pa/ shes ldan dag bdag gis ras yug brgya legs par bgrangs te 'ongs na bram ze'i khye'u 'ga' zhig gis ras yug gnyis blangs par ma gyur grang / de rnams kyis smras pa/ de ltar su shig bgyid/ 'on kyang khyod kyis bram ze rgan po mgron du bos sam/ bdag gis 'gron du ma bos so/ /des ras yug de thog mar blangs nas song ngo / bram ze des smad par brtsams so/ /dge slong dag ji snyam du sems/ de'i tshe de'i dus na bram ze rgan po gang yin pa de ni nye dga' 'di nyid yin te/ de na yang de mgron du ma bos so/ /da lta na yang ngo / /gleng gzhi ni mnyan yod na'o/ /ri 'or zhig na khyim bdag gcig yod pa des gtsug lag khang zhig brtsigs nas der dge slong gcig dbyar gnas par dam bcas pa las de ldang ba phun sum tshogs pa zhig pas/ des nyi ma re re zhing gtsug lag khang byug pa dang phyag dar byed do/ /gtsug lag khang de ni sa phyogs dben zhing bzang ba'i phyogs su brtsigs la/ shing sna tshogs kyis mdzes par byas pa/ ngang pa dang / khrung khrung dang / rma bya dang / ne tso dang / ri skegs dang / khu byug rnams skad 'byin pa/ me tog dang 'bras bu sna tshogs kyis mdzes par byas pa yin no/ /ji tsam na ded dpon 'byor pa rgya chen po dang ldan pa zhig gtsug lag khang der dgongs btab pa las/ des gtsug lag khang de mdzes pa dang / nye ba'i tshal mdzes pa dag mthong nas mngon par dad par gyur te/ dge slong gi dge 'dun ma mthong yang de'i ched du rnyed pa phal mo che zhig bskur nas de nang par sngar langs te song ngo / /dge slong de 'dzem bag can zhig pas rnyed pa 'di ni dge 'dun gyi yin no zhes 'gyod pas ma blangs par bgo ba'i phyir dge slong rnams tshol bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gal te dge slong gis ba'i lci ba'i khang par dbyar gnas par dam bcas par gyur kyang / der gal te bram ze dang khyim bdag rnams kyis dge 'dun gyi ched du rnyed pa nyung ngu 'am phal mo cher phul na/ de na gnas pa gcig gam/ gnyis sam/ rab tu mang po gang yin pa de rnams kho na'i ste de la 'gyod par mi bya'o// // sdom la/ bye ba rnams la skal ba ni/ /sbyin dang drang srong rgyu ba las/ /dge 'dun gyi ni chos gos kyi/ /rnyed pa brgyad du bya ba'o// //gleng gzhi ni mnyan yod na'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa dbyar gyi nang logs su dge 'dun bye bar gyur na rnyed pa stsal bar bgyi 'am mi stsal bar bgyi/ bcom ldan 'das kyis bka' stsal pa/ nye ba 'khor kha cig la ni sbyin no/ /kha cig la ni mi sbyin no/ /gang la stsal bar bgyi/ chos dang 'thun pa'i phyogs la'o/ /btsun pa dbyar gyi nang logs su dge slong gis bslab pa phul te nyams par gyur na rnyed pa stsal bar bgyi 'am/ mi stsal bar bgyi/ nye ba 'khor kha cig la ni sbyin no/ /kha cig la ni mi sbyin no/ /gang la stsal bar bgyi/ gang yun ring du gnas pa la'o/ /btsun pa dbyar gyi nang logs su dge slong gum par gyur na rnyed pa stsal bar bgyi 'am/ rnyed pa stsal bar mi bgyi/ nye ba 'khor kha cig la ni sbyin no/ /kha cig la ni mi sbyin no/ /gang la stsal bar bgyi/ gang yun ring du gnas pa la'o/ /ri 'or zhig na khyim bdag cig yod pa des yo byad thams cad dang ldan pa'i gtsug lag khang zhig brtsigs so/ /tshe dang ldan pa shA ri'i bu ljongs rgyu zhing song ba las gtsug lag khang der phyin pa dang khyim bdag des zas byin nas ras yug lnga brgya byin pa dang / des ras yug lnga brgya po de rnams gtsug lag khang de nyid du phul nas song ngo / /ji tsam na de'i lhan cig gnas pa drang srong len dang / drang srong byin gnyis ljongs rgyu zhing song ba las ri 'or de nyid du phyin nas khyim bdag des de gnyis kyang zan byin nas ras yug lnga brgya byin no/ /dge slong rnams kyis smras pa/ tshe dang ldan pa dag khyed kyi mkhan pos khyim bdag de las ras yug lnga brgya thob pa de rnams bdag cag kho na la bgos kyis de ring gi rnyed pa 'di rnams bdag cag kho nas thob par 'gyur ro/ /de gnyis kyis smras pa/ mkhan po ni bsod nams che ba shes rab dang ldan pa yin te/ des lan 'ga' khyed cag la byin par zad do/ /de rnams kyis slar lan glan par brtsams pa'i skabs de dge slong rnams kyis/ bcom ldan 'das la gsol pa dang / bcom ldan 'das kyis bka' stsal pa/ dge slong dag rnyed pa brgyad po 'di dag ste/ brgyad gang zhe na/ mtshams kyis thob pa'i rnyed pa dang / khrims kyis thob pa'i rnyed pa dang / rten gyis thob pa dang / dge 'dun gyir brtags pa dang / dge slong gir brtags pa dang / dbyar gyi dang / mngon sum dang / so sor bstan pa'o/ /mtshams kyis thob pa'i rnyed pa gang zhe na/ 'di lta ste/ gnas gnyis la gso sbyong gcig pa ste/ gtsug lag khang de gnyis kyi rnyed pa gang yin pa de ni gtsug lag khang de gnyis ka'i gnyug mar gnas pa'i dge slong rnams kyi yin no/ /de la gnyug mar gnas pa'i dge slong rnams kyis rgya la gso sbyong tha dad par dbyar gnas par dam bcas na de la rnyed pa grub pa gang yin pa de ni gtsug lag khang de nyid du sbyin no/ /gso sbyong tha dad pa nyid kyis de'i gnyug mar gnas pa'i dge slong rnams kyis longs spyad par bya ste/ 'di ni mtshams kyis thob pa'i rnyed pa zhes bya'o/ /khrims kyis thob pa'i rnyed pa gang zhe na/ 'di lta ste/ dge slong rnams kyis 'di lta bu'i khrims su bca' ba khyed kyi ni khyim che ge mo zhig go/ /kho bo cag gi ni khyim che ge mo zhig go/ /lam chen po dang / tshong dus dang / bzhi mdo dang / sum mdo ni spyi'i yin no/ /zhes bya ba nas dbyar gnas par dam bcas pa las gal te bram ze dang khyim bdag de rnams kyis dam bcas pa rnams kyi gnas su dam bcas pa dang / dam ma bcas pa'i dge slong rnams zan byin nas dam bcas pa rnams la rnyed pa phul la dam ma bcas pa rnams la chu drangs na/ rnyed pa gang dbang bar 'gyur zhe na dam bcas pa rnams kho na'o/ /dam bcas pa rnams kyi gnas su dam bcas pa dang / dam ma bcas pa'i dge slong rnams zan byin nas dam bcas pa rnams la chu drangs la/ dam ma bcas pa rnams la rnyed pa phul na rnyed pa gang dbang bar 'gyur zhe na/ dam bcas pa rnams kho na'o// //'dul ba gzhi/ bam po drug bcu lnga pa/ dam bcas pa rnams kyi gnas su dam bcas pa dang / dam ma bcas pa'i dge slong rnams zan byin nas dam bcas pa rnams la rnyed pa phul la/ dam ma bcas pa nyid la chu drangs na rnyed pa gang dbang bar 'gyur zhe na/ dam bcas pa rnams kho na'o/ /dam bcas pa rnams kyi gnas su dam bcas pa dang / dam ma bcas pa'i dge slong rnams zan byin nas rgan pa'i mthar rnyed pa phul la/ dam bcas pa rnams la chu drangs na rnyed pa gang dbang bar 'gyur zhe na/ dam bcas pa rnams kho na'o/ /dam bcas pa rnams kyi gnas su dam bcas pa dang / dam ma bcas pa'i dge slong rnams zan byin nas dam bcas pa rnams la rnyed pa phul la/ rgan pa'i mthar chu drangs na rnyed pa gang dbang bar 'gyur zhe na/ dam bcas pa rnams kho na 'o/ /dam bcas pa rnams kyi gnas su dam bcas pa dang / dam ma bcas pa'i dge slong rnams zan byin nas rgan pa'i mthar rnyed pa phul la/ dam ma bcas pa rnams la chu drangs na rnyed pa gang dbang bar 'gyur zhe na/ dam bcas pa rnams kho na'o/ /dam bcas pa rnams kyi gnas su dam bcas pa dang / dam ma bcas pa'i dge slong rnams zan byin nas rgan pa'i mthar rnyed pa phul la/ dam ma bcas pa rnams la chu drangs na rnyed pa gang dbang bar 'gyur zhe na/ dam bcas pa rnams kho na'o/ /dam bcas pa rnams kyi gnas su dam bcas pa dang / dam ma bcas pa'i dge slong rnams zan byin nas dam ma bcas pa rnams la rnyed pa phul la rgan pa'i mthar chu drangs na rnyed pa gang dbang bar 'gyur zhe na/ dam bcas pa rnams kho na'o/ /dam bcas pa rnams kyi gnas su dam bcas pa dang / dam ma bcas pa'i dge slong rnams zan byin nas rgan pa'i mthar rnyed pa phul la/ rgan pa'i mthar chu drangs na rnyed pa gang dbang bar 'gyur zhe na/ dam bcas pa rnams kho na'o/ /ji ltar dam bcas pa rnams kyi gnas su dam bcas pa dang / dam ma bcas pa'i dge slong rnams zan byin nas shes bya ba rnam grangs dgu yin pa de bzhin du dam ma bcas pa rnams kyi gnas su dam bcas pa'i dge slong rnams zan byin nas zhes bya ba rnam grangs dgu'o/ /gal te bram ze dang khyim bdag de rnams kyis lam po che dang / tshong dus dang / bzhi mdo dang / sum mdo rnams su dam bcas pa dang / dam ma bcas pa'i dge slong rnams zan byin nas dam bcas pa rnams la rnyed pa phul la/ dam bcas pa rnams kho na la chu drangs na rnyed pa gang dbang bar 'gyur zhe na/ gnyi ga'o/ /lam po che dang / tshong dus dang / bzhi mdo dang / sum mdo rnams su dam bcas pa dang / dam ma bcas pa'i dge slong rnams zan byin nas dam bcas pa rnams la rnyed pa phul la/ dam ma bcas pa rnams la chu drangs na rnyed pa gang dbang bar 'gyur zhe na/ gnyis ka'o/ /lam po che dang / tshong dus dang / bzhi mdo dang / sum mdo rnams su dam bcas pa dang / dam ma bcas pa'i dge slong rnams zan byin nas dam ma bcas pa rnams la rnyed pa phul la/ dam bcas pa rnams la chu drangs na rnyed pa gang dbang bar 'gyur zhe na/ gnyis ka'o/ /lam po che dang / tshong dus dang / bzhi mdo dang / sum mdo rnams su dam bcas pa dang / dam ma bcas pa'i dge slong rnams zan byin nas dam ma bcas pa rnams la rnyed pa phul la/ dam bcas pa rnams kho na la chu drangs na rnyed pa gang dbang bar 'gyur zhe na/ gnyi ga'o/ /lam po che dang / tshong dus dang / bzhi mdo dang / sum mdo rnams su dam bcas pa dang / dam ma bcas pa'i dge slong rnams zan byin nas rgan pa'i mthar rnyed pa phul la/ dam bcas pa rnams la chu drangs na rnyed pa gang dbang bar 'gyur zhe na/ gnyi ga'o/ /lam po che dang / tshong dus dang / bzhi mdo dang / sum mdo rnams su dam bcas pa dang / dam ma bcas pa'i dge slong rnams zan byin nas dam bcas pa rnams la rnyed pa phul la/ rgan pa'i mthar chu drangs na rnyed pa gang dbang bar 'gyur zhe na/ gnyi ga'o/ /lam po che dang / tshong dus dang / bzhi mdo dang / sum mdo rnams su dam bcas pa dang / dam ma bcas pa'i dge slong rnams zan byin nas rgan pa'i mtha' logs su rnyed pa phul la/ dam ma bcas pa rnams la chu drangs na rnyed pa gang dbang bar 'gyur zhe na/ gnyi ga'o/ /lam po che dang / tshong dus dang / bzhi mdo dang / sum mdo rnams su dam bcas pa dang / dam ma bcas pa'i dge slong rnams zan byin nas/ dam ma bcas pa rnams la rnyed pa phul la/ rgan pa'i mthar chu drangs na rnyed pa gang dbang bar 'gyur zhe na/ gnyi ga'o/ /lam po che dang / tshong dus dang / bzhi mdo dang / sum mdo rnams su khas dam bcas pa dang / dam ma bcas pa'i dge slong rnams zan byin nas rgan pa'i mthar rnyed pa phul la/ rgan pa'i mtha' nyid du chu drangs na rnyed pa gang dbang bar 'gyur zhe na/ gnyi ga'o/ /ji ltar dam bcas pa rnams la rnam pa dgu yin pa de bzhin du dam ma bcas pa rnams la yang brjod par bya ste/ 'di ni khrims kyis thob pa'i rnyed pa zhes bya'o/ /rten gyis rnyed pa gang zhe na/ dge slong skyes pa 'am/ bud med dam/ ma ning gang la brten te dbyar gnas par dam bcas pa des rnyed pa byin pa gang yin pa de ni de kho na'i yin te/ 'di ni rten gyis thob pa'i rnyed pa zhes bya'o/ /dge 'dun gyir brtags pa'i rnyed pa gang zhe na/ rnyed pa gang zhig nges la dmigs kyis phye ba ste/ 'di ni dge 'dun gyir brtags pa'i rnyed pa zhes bya'o/ /dge slong gir brtags pa'i rnyed pa gang zhe na/ rnyed pa gang zhig nges la dmigs kyis phye nas gnas khang pa'i 'o/ /yang thog pa'i 'o/ /khang pa brtsegs pa'i 'o zhes brtags pa ni de na dge slong gnas pa gang yin pa de kho na'i ste/ 'di ni dge slong gir brtags pa'i rnyed pa zhes bya'o/ /dbyar gyi rnyed pa gang zhe na/ rnyed pa gang zhig dbyar gnas pa'i dge slong gi dge 'dun la sbyin bdag rnams kyis bcas pa ste/ 'di ni dbyar gyi rnyed pa zhes bya'o/ /mngon sum gyi rnyed pa gang zhe na/ rnyed pa gang zhig ma nges la dmigs kyis ma phye ba ste/ 'di ni mngon sum gyi rnyed pa zhes bya'o/ / so sor bstan pa'i rnyed pa gang zhe na/ rnyed pa gang zhig bltams pa dang / byang chub pa dang / chos kyi 'khor lo dang / yongs su mya ngan las 'das pa la phul ba ste/ gal te mchod rten chen po bzhir 'khyer mi nus na mchod rten gcig kho na la dbul gyi gzhan la n-i ma yin pa ste/ 'di ni so sor bstan pa'i rnyed pa zhes bya'o// // sdom la/ gnas nas phyung dang shi ba dang / /bgo ba dang ni bsre ba dang / /gnas nas phyung dang dge tshul dang / /dbyung ba gsol dang shi ba'o/ /gleng gzhi ni mnyan yod na'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa 'di ltar gnas gcig na gnas nas phyung ba rab tu mang po dang / rang bzhin du gnas pa rab tu mang po mchis pa la/ de rnams las gnas nas phyung ba zhig gum pa de'i yo byad gang dbang bar 'gyur lags/ nye ba 'khor rang bzhin du gnas pa rnams so/ /btsun pa gnas nas phyung ba ni gnyis mchis la rang bzhin du gnas pa ni rab tu mang po lags na/ gnas nas phyung ba zhig gum na rnyed pa gang dbang bar 'gyur lags/ rang bzhin du gnas pa rnams kho na'o/ /gnas nas phyung ba ni rab tu mang po zhig mchis la/ rang bzhin du gnas pa ni nyung ba las gnas nas phyung ba zhig gum lags na rnyed pa gang dbang bar 'gyur lags/ rang bzhin du gnas pa rnams kho na'o/ /btsun pa 'di ltar gnas gcig na gnas nas phyung ba rab tu mang po dang rang bzhin du gnas pa rab tu mang po mchis pa la/ de rnams las rang bzhin du gnas pa zhig gum lags na rnyed pa gang dbang bar 'gyur lags/ rang bzhin du gnas pa rnams so/ /gnas nas phyung ba rab tu mang po zhig mchis la rang bzhin du gnas pa gnyis mchis pa las/ rang bzhin du gnas pa zhig gum lags na gum pa de'i yo byad gang dbang bar 'gyur lags/ rang bzhin du gnas pa gcig shos so/ /gnas nas phyung ba ni rab tu mang la rang bzhin du gnas pa ni gcig mchis pa gum na rnyed pa gang dbang bar 'gyur lags/ gnas nas phyung ba rnams las thog mar sdig pa'i lta bar song ba spangs pa gang yin pa'o/ /dam bcas pa rnams kyi gnas su dam ma bcas pa'i dge tshul 'ongs nas shi na dam bcas pa rnams kyis dam ma bcas pa rnams la khyed kyi dge tshul shi yis de'i chos gos dang lhung bzed long cig ces pho nya gtang bar bya'o/ /dam bcas pa rnams 'ged par byed na ma bgos pa nyes par bgos pa yin no/ /dam ma bcas pa rnams 'gyed par byed na bgos pa legs par bgos pa yin no/ /bsres nas 'ged par byed na ma bgos pa nyes par bgos pa yin no/ /phyogs bzhi'i dge slong gi dge 'dun la bsngo ba byed na legs par bsngos pa yin no/ /dam bcas pa rnams kyi gnas su dam ma bcas pa'i dge tshul 'ongs nas 'di skad ces tshe dang ldan pa dag bdag drang du gsol/ dam bca' bar bgyi'o zhes smra ba las de yang ma phyung bar shi nas dam bcas pa rnams kyis dam ma bcas pa rnams la khyed kyi dge tshul shi yis de'i chos gos dang lhung bzed long shig ces pho nya gtang bar bya'o/ /dam bcas pa rnams 'ged par byed na ma bgos pa nyes par bgos pa yin no/ / dam ma bcas pa rnams 'ged par byed na bgos pa legs par bgos pa yin no/ /bsres te 'god par byed na ma bgos pa nyes par bgos pa yin no/ /phyogs bzhi'i dge slong gi dge 'dun la bsngo bar byed na legs par bsngos pa yin no/ /dam bcas pa rnams kyi gnas su dam ma bcas pa'i dge slong zhig 'ongs nas shi na dam bcas pa rnams kyis dam ma bcas pa rnams la khyed kyi tshangs pa mtshungs par spyod pa shi yis de'i lhung bzed dang chos gos long shig ces pho nya gtang bar bya'o/ /khas blangs pa rnams 'ged par byed na ma bgos pa nyes par bgos pa yin no/ /dam ma bcas pa rnams 'ged par byed na bgos pa legs par bgos pa yin no/ /bsres te 'ged par byed na ma bgos pa nyes par bgos pa yin no/ /phyogs bzhi'i dge slong gi dge 'dun la bsngo bar byed na legs par bsngos pa yin no/ /dam bcas pa rnams kyi gnas su dam ma bcas pa'i dge slong 'ongs nas 'di skad ces tshe dang ldan pa dag bdag drang du gsol/ dam bca' bar bgyi'o zhes zer ba las de yang ma byung ba nyid du shi na dam bcas pa rnams kyis dam ma bcas pa rnams la khyed kyi tshangs pa mtshungs par spyod pa shi yis de'i lhung bzed dang chos gos long shig ces pho nya gtang bar bya'o/ /khas blangs pa rnams 'ged par byed na ma bgos pa nyes par bgos pa yin no/ /dam ma bcas pa rnams 'ged par byed na bgos pa legs par bgos pa yin no/ /bsres nas 'ged par byed na ma bgos pa nyes par bgos pa yin no/ /phyogs bzhi'i dge slong gi dge 'dun la bsngo bar byed na legs par bsngos pa yin no/ /dam ma bcas pa rnams kyi gnas su dam bcas pa'i dge tshul 'ongs nas shi na dam ma bcas pa rnams kyis dam bcas pa rnams la khyed kyi dge tshul shi yis de'i lhung bzed dang chos gos long shig ces pho nya gtang bar bya'o/ /dam ma bcas pa rnams 'ged par byed na ma bgos pa nyes par bgos pa yin no/ /dam bcas pa rnams 'ged par byed na bgos pa legs par bgos pa yin no/ / bsres te 'ged par byed na ma bgos pa nyes par bgos pa yin no/ /phyogs bzhi'i dge slong gi dge 'dun la bsngo bar byed na legs par bsngos pa yin no/ /dam ma bcas pa rnams kyi gnas su dam bcas pa'i dge tshul 'ongs nas 'di skad ces tshe dang ldan pa dag bdag drang du gsol/ dam ma bcas par bgyi'o zhes zer ba las de yang ma phyung bar shi na dam ma bcas pa rnams kyis dam bcas pa rnams la khyed kyi dge tshul shi yis de'i lhung bzed dang chos gos long shig ces pho nya gtang bar bya'o/ /dam ma bcas pa rnams 'ged par byed na ma bgos pa nyes par bgos pa yin no/ /dam bcas pa rnams 'ged par byed na bgos pa legs par bgos pa yin no/ /bsres te 'ged par byed na ma bgos pa nyes par bgos pa yin no/ /phyogs bzhi'i dge slong gi dge 'dun la bsngo bar byed na legs par bsngos pa yin no/ /dam ma bcas pa rnams kyi gnas su dam bcas pa'i dge slong 'ongs nas shi na dam ma bcas pa rnams kyis dam bcas pa rnams la khyed kyi tshangs pa mtshungs par spyod pa shi yis de'i lhung bzed dang chos gos long shig ces pho nya gtang bar bya'o/ /dam ma bcas pa rnams 'ged par byed na ma bgos pa nyes par bgos pa yin no/ /dam bcas pa rnams 'ged par byed na bgos pa legs par bgos pa yin no/ /bsres te 'ged par byed na ma bgos pa nyes par bgos pa yin no/ /phyogs bzhi'i dge slong gi dge 'dun la bsngo bar byed na legs par bsngos pa yin no/ /dam ma bcas pa rnams kyi gnas su dam bcas pa'i dge slong 'ongs na 'di skad ces tshe dang ldan pa dag bdag drang du gsol/ dam ma bcas par bgyi'o zhes smra ba las de yang ma phyung bar shi na dam ma bcas pa rnams kyis dam bcas pa rnams la khyed kyi tshangs pa mtshungs par spyod pa shi yis de'i lhung bzed dang chos gos long shig ces pho nya gtang bar bya'o/ /dam ma bcas pa rnams 'ged par byed na ma bgos pa nyes par bgos pa yin no/ /dam bcas pa rnams 'ged par byed na bgos pa legs par bgos pa yin no/ /bsres te 'ged par byed na ma bgos pa nyes par bgos pa yin no/ /phyogs bzhi'i dge slong gi dge 'dun la bsngo bar byed na/ legs par bsngos pa yin no// // sdom ni/ /nye dga' dang ni byin gyis brlab/ /bar ma sbyin dang blang bya dang / /bdag shi sbyin pa med pa dang / /spang ba dang ni mi gsum mo/ /gleng gzhi ni mnyan yod na'o/ /nye dga'i spyi bor phol mig cig byung nas de sman pa'i gan du song nas bzhin bzangs kho bo la sman ston cig /des smras pa/ 'phags pa mar khu gsol cig dang sos par 'gyur ro/ /nye dgas bsams pa/ gal te de ring kho na 'thungs na de ring nyid du sos par 'gyur na/ sang mar dang gos bslang bar ji ltar rung bar 'gyur gyis/ re shig bslangs la phyi nas btung bar bya'o snyam du shes nas/ bsod nams chen po dang ldan pa des lhan cig gnas pa dang nye gnas rnams kun tu mngags pa dang / de rnams kyis mar gyi bum pa dang rma g.yog pa'i gos phal mo che bslangs so/ /phyi de nyin par sman pas dris pa/ 'phags pa khyod snyun gdangs sam/ khyod kyis mar gsol tam/ bzhin bzangs ma 'thungs so/ /'phags pa ma legs pa zhig bgyis kyis deng nyis gyur tu gsol cig /des lhan cig gnas pa dang nye gnas rnams la smras pa/ sman pas ji skad smras pa thos sam/ mkhan po thos lags so/ /kho bo'i nad 'di ni cher skyes par gyur te/ mar dang rma g.yog pa'i gos mang du dgos kyis slongs shig /de rnams kyis mar dang gos phal mo che bslangs so/ /de sang gi thabs la chags par gyur pas nyi ma de la yang ma 'thungs pas de'i nad rab tu skyes par gyur to/ /ji tsam na yang sman pa 'ongs nas dris pa/ 'phags pa mar gsol tam/ bzhin bzangs ma 'thungs so/ /'phags pa ma legs pa shig bgyis so/ /des smras pa/ bzhin bzangs de ring ni sum gyur tu btung ngo / /sman pas smras pa/ 'phags pa gal te mar gyi sgrom gyi nang du nub par gyur kyang da ni khyod la srog ma mchis so/ /des smras pa/ gshin rje'i g.yog 'dra ba khyod kyi mgul pa rdog pas mnan la mar 'thungs dang sos par 'gyur ro/ /sman pa des mjal to zhes byas nas khros te song ngo / /de nas nye dgas mar khus lhung bzed bkang ste 'thungs pa las ma zhu nas shi'o/ /de la gser mang du yod de/ cha gcig ni chos gos las so/ /cha gnyis pa ni nad kyi rkyen sman las so/ /cha gsum pa ni rdungs su byas pa dang ma byas pa las te/ gser srang sum khri byung ngo zhes blon po rnams kyis thos nas rgyal po la smras pa/ lha 'phags pa nye dga' gum pa las de la gser mang du byung ste/ gser srang sum khri mchis kyis de la bka' stsal pa'i rigs so/ /rgyal pos smras pa/ gal te de lta na deng la de'i gnas khang rgyas thob shig /dge slong rnams de khyer te sreg tu dong ngo / / de rnams kyang lhags nas gnas khang rgyas btab bo/ /dge slong rnams kyis de dur khrod du bsregs nas gtsug lag khang du 'ongs pa na gnas khang rgyal po'i rgyas btab pa mthong nas/ skabs de dge slong rnams kyis bcom ldan 'das la gsol pa dang / de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la nga'i tshig gis rgyal po gsal rgyal la nad med par gyur cig ces byos la/ 'di skad ces rgyal po chen po gang gi tshe khyod rgyal po'i bya ba byed pa de'i tshe khyod kyis dge slong nye dga' la bltas sam/ 'on te gang gi tshe khyod bag ma gtong ba 'am bag ma len pa de'i tshe nye dga' la lan 'ga' khyod kyis ji srid 'tsho ba'i chos gos dang bsod snyoms dang gnas mal dang / na ba'i rkyen rtsi dang / yo byad rnams kyis bstabs sam/ 'on te na ba la rim gro byas sam zhes gyis shig gal te ma bgyis so zhes smra na/ de la rgyal po chen po khyim pa rnams kyi khyim gyi bya ba dang / rab tu byung ba rnams kyi tha dad pas sems las chung ngus gnas par gyis shig /rnyed pa 'di ni tshangs pa mtshungs par spyod pa rnams dbang bar 'gyur bas gtogs 'dod thong shig ces smros shig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas ko sa la'i rgyal po gsal rgyal gang na ba der song ste phyin nas/ ji skad bka' stsal pa bzhin smras pa dang / rgyal pos smras pa/ btsun pa kun dga' bo bcom ldan 'das kyis bka' ji skad stsal pa de bzhin du bgyi ste/ bdag gtogs 'dod mi bgyid do/ /de nas tshe dang ldan pa kun dga' bos rgyal pos lan gsol pa bcom ldan 'das la gsol to/ /de nas bcom ldan 'das kyis dge slong rnams la bka' stsal pa/ dge slong dag khyed kyis dge slong nye dga' shi ba'i yo byad bgos shig /dge slong rnams kyis dge 'dun gyi dbus su phyung ste bsgyur nas bgos so/ /gnas bcas kyi dge slong rnams kyis nye dga' shi nas de la gser mang du byung ste/ gser srang sum khri dge slong rnams kyis bgos so zhes thos nas de rnams myur bar mnyan yod du lhags nas smras pa/ bdag cag kyang btsun pa nye dga'i tshangs pa mtshungs par spyod pa yin pas bdag cag kyang de'i rnyed pa la dbang bar 'gyur ro/ /dge slong rnams kyis bsdus te de dag dang lhan cig yang bgos so/ /yangs pa can pa dang / bA rA Na sI ba dang / rgyal po'i khab pa dang / tsam pa pa'i dge slong rnams kyis kyang yang dang yang bsdus nas bgos te/ de ltar grong khyer chen po drug na gnas pa'i dge slong rnams 'dus so/ /dge slong rnams sdud cing 'ged pa na lung nod pa dang / klog pa dang / 'don pa dang / yid la byed pa bor ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ rnyed pa bgo ba'i rgyu ni lnga ste/ lnga gang zhe na/ gaN DI dang / rgyud chags gsum dang / mchod rten dang / tshul shing dang / lnga pa ni gsol ba'o/ /shi ba'i gaN DI rdung ba na 'ongs pa gang yin pa de la rnyed pa sbyin te/ rgyud chags gsum 'don pa dang / mchod rten la phyag byed pa dang / tshul shing 'brim pa dang / gsol ba byed pa na yang de bzhin no/ /dge slong dag de lta bas na shi ba'i yo byad thams cad gsol bar byas te bgos na mi 'khrug par 'gyur ro/ /'di ltar yang bya ste/ gnas mal bshams la zhes bya ba nas dge 'dun thams cad tshogs shing 'thun par gyur pa dang zhes bya ba'i bar gong ma bzhin no/ /shi ba'i yo byad rgan pa'i mthar bzhag ste/ dge slong gcig gis rgan pa'i mthar 'dug la gsol ba bya'o/ /dge 'dun btsun pa rnams gsan du gsol/ gnas 'dir dge slong nye dga' gum ste/ gum pa de'i yo byad gda' ba dang mi gda' ba mchis pa 'di lags te/ gal te dge 'dun gyi dus la bab cing bzod na dge 'dun gyis gnang bar mdzod cig dang / 'di ltar dge 'dun gyis dge slong nye dga' gum pa'i yo byad kyi rdzas gda' ba dang mi gda' ba la gum pa'i yo byad du byin gyis brlab bo/ /'di ni gsol ba'o/ /dge slong dag 'di ni shi ba'i yo byad bgos zin pa ste/ 'di lta ste gsol ba'o/ /gsol ba byas nas dge slong 'ongs pa gang yin pa de la ni rnyed pa mi sbyin no/ /tshe dang ldan pa nye ba 'khor gyis sangs rgyas bcom ldan 'das la zhus pa/ btsun pa gang na dge 'dun mi mthun pas gsol ba bgyid pa ma mchis pa der gum pa'i yo byad bgo bar bgyi 'am/ bgo bar mi bgyi lags/ nye ba 'khor thog ma dang tha ma byas nas bgo bar bya'o/ /dge slong rnams kyis thog ma dang tha ma ma shes nas bcom ldan 'das kyis bka' stsal pa/ yo byad gcig bsgyur te de las cung zhig dge 'dun gyi rgan pa dang / dge 'dun gyi gzhon pa la byin nas ci dga' bar bgo bar bya ste/ de la 'gyod par mi bya'o/ /gsol ba 'am thog ma dang tha ma ma byas pa'i shi ba'i yo byad kyi rnyed pa ni sangs rgyas kyi slob ma thams cad dbang bar 'gyur ro/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa nye dga' ma 'os pa'i chags pas gum par gyur pa la gzigs/ bcom ldan 'das kyis bka' stsal pa/ dge slong dag da ltar 'ba' zhig tu ma zad de/ ji ltar 'das pa'i dus na yang ma 'os par chags pas shi ba de nyon cig /dge slong dag sngon byung ba rngon pa zhig gis mda' dug can gyis glang po che'i gnad du bsnun pa dang / de nas de gnad la bab pa'i tshor bas nyen cing mda'i phyi rjes bzhin du song nas rngon pas de srog dang phral lo/ /ji tsam na ma stes te chom rkun pa lnga brgya ri 'or zhig bcom nas phyogs der phyin pa dang / de rnams kyis glang po che de mthong ngo / /mu ge dang bcas pa'i dus byung bas de rnams kyis smras pa/ shes ldan dag sha 'di rnyed kyis nyis brgya lnga bcus ni glang po che'i sha bcad la btso'o/ /nyis brgya lnga bcus ni chu blang ngo / /de na glang po che'i sha gcod cing 'tshed pa gang yin pa de rnams 'di snyam du sems te/ shes ldan dag bdag cag 'di 'dra ba'i las byas pas rkun rdzas rab tu mang po 'di grub kyis de dag la ci'i phyir sbyin/ sha las ci yog pa zos la lhag ma dug gi sung gdab bo/ /de dag gis sha dug can zos pa dang 'chi bas rkun rdzas bdag gir 'gyur ro zhes de rnams kyis ci yog pa'i sha zos nas lhag ma dug gis btab bo/ /gang dag chu la dong ba de rnams kyis kyang de bzhin du dpyad nas chu ci yog pa 'thungs nas lhag ma dug blugs te 'ongs nas gang dag gis ni sha zos pa de rnams kyis kyang chu 'thungs la/ gang dag chu 'thungs pa de dag gis kyang sha zos nas thams cad shi bar gyur to/ /ji tsam na wa zhig dus kyi zhags pas bcings nas phyogs der 'ongs nas des ro de dag thams cad mthong ngo / /de nas chags pas bskyed pa'i yid bde bas bsams pa/ bdag la rnyed pa phal mo che yod kyis rim bzhin du bya'o snyam nas/ des gzhu mchog khar bcug ste gzhu rgyud kyi rtod pa rgyus pa bca' bar brtsams te/ de nas rgyus pa chod pa dang mchog mas rkan la zug nas shi bar gyur to/ /lhas tshigs su bcad pas smras pa/ bsags par yang ni bya ba ste/ /lhag par bsags par mi bya'o/ /sogs la chags pa'i wa long ba/ /gzhu yis bsad par gyur la ltos/ /dge slong dag ji snyam du sems/ de'i tshe de'i dus kyi wa gang yin pa de ni nye dga' 'di nyid yin te/ de na yang 'di lhag par chags pas shi'o/ /da ltar yang 'di lhag par chags pas shi bar gyur to// //gleng gzhi ni mnyan yod na'o/ /de'i tshe dge slong nad kyis thebs pa sdug bsngal ba nad tshabs che ba zhig yod pa de dge slong gis rim gro byas na 'on kyang shi bar gyur nas de'i lhung bzed dang chos gos rgan pa'i mthar khyer ba dang / de nas chos gos gcig bshang gci dag gis 'bags shing sbrang ma rnams 'du bar gyur to/ /de nas gos 'ged pas rim gro byed pa de la smras pa/ tshe dang ldan pa khyod kyis rgyud ngan pa byas te chos gos ma bkrus kyis khrus shig /des smras pa/ yo byad ni khyod 'ged na kho bo 'khru 'am/ khyod nyid kyis khrus shig /skabs de dge slong rnams kyis bcom ldan 'das la gsol pa dang bcom ldan 'das kyis bka' stsal pa/ nad g.yog la yo byad drug byin la lhag ma dge slong gis bgo bar bya'o/ /gal te nad g.yog mang bar gyur na thams cad kyi spyir yo byad drug bgo bar bya'o/ /dge slong shes nyen dang bsod nams chen po dang ldan pa gzhan dag cig shi nas de rnams kyi yo byad dang / dge tshul gyi yo byad dang 'tsho ba'i yo byad mang po rgan pa'i mthar spungs pa dang / bcom ldan 'das kyis nad g.yog gis yo byad drug bkur bar bya'o zhes bka' stsal to zhes des bdams shing bdams shing bzang po rnams blangs so/ /bcom ldan 'das kyis bka' stsal pa/ bzang po rnams las sbyin par mi bya'o/ /dge slong rnams kyis ngan pa las byin nas bcom ldan 'das kyis bka' stsal pa/ ngan pa rnams las sbyin par mi bya ste/ 'on kyang bar ma rnams las sbyin par bya'o/ /nad pa ma tshor bar dge 'dun gyi gnas mal kho na la shi bar gyur nas bcom ldan 'das kyis bka' stsal pa/ nad g.yog gis nad pa'i rtags la mkhas par bya ste/ myur ba myur bar brtag par bya'o/ /de'i bya ba nyams par mi bya ste/ lus kyi gnas skabs shes nas gang zag gi gnas mal la bsnyal bar bya'o/ /gleng gzhi ni mnyan yod na'o/ /dge slong nad pa zhig yod pa des lus kyi gnas skabs la brtags nas dge slong zhig la smras pa/ re shig kho bo ji tsam 'tsho'i bar du rim gro gyis shig /kho bo'i lhung bzed dang chos gos ni kho bo shi nas khyod ci bder gyis shig /des de'i rim gro bya bar brtsams pa las ji tsam na dge slong de shi'o/ /de nas gos 'ged pas de la smras pa/ dge slong de'i lhung bzed dang chos gos bgo dgos kyis phul cig /des smras pa/ des kho bo la ci bder byed du bcug go zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de gson pa'i tshe nyid na ma byin na shi nas sbyin pa lta smos kyang ci dgos/ bdag shi nas 'di'i yin no zhes bya ba'i sbyin pa 'di ni med pa yin pas blangs te bgos la dge slong de'i rang gi skal ba sbyin par bya'o/ /de'i tshe dge slong nad kyis thebs pa sdug bsngal ba nad tshabs che ba zhig yod pa de shes pa chung bas de'i sman med nas des lus kyi gnas la brtags te rim gro byed pa la smras pa/ bdag la ci yang med kyis bdag gi ched du mchod pa gyis shig /des khas blangs pa las de shi nas ngan song rnams su skyes so/ /de nas bcom ldan 'das kyis dge slong rnams la bka' stsal pa/ dge slong dag dge slong shi ba gang yin pa des rim gro byed pa la ji skad smras/ de rnams kyis ji ltar gyur pa gsol pa dang / dge slong dag dge slong de log par lhung ngo / /gal te tshangs pa mtshungs par spyod pa rnams kyis de'i ched du dkon mchog gsum la mchod par byas par gyur dang dad pa skyes pas log par lhung bar mi 'gyur ba zhig /de lta bas na dge slong gis tshangs pa mtshungs par spyod pa na na yal bar mi bzhag ste/ nad g.yog sbyin par bya'o/ /des de la dris te/ gal te de la sman med na yon bdag la bslang bar bya'o/ /gal te grub na de lta na legs/ ji ste ma grub na dge 'dun gyi las sbyin no/ /ji ste de yang ma grub na de bzhin gshegs pa'i mchod rten nam/ dri gtsang khang gi gdugs sam/ rgyal mtshan nam/ rgyan gang yin pa de dge 'dun gyis phog la sbyin par bya zhing rim gro byed pas bsgyur nas rim gro dang ston pa mchod par bya'o/ /sos par gyur na de la 'di ni sangs rgyas kyi yin te khyod kyi yo byad du spyad do zhes brjod par bya'o/ /gal te de la 'byor pa yod na des 'bad de bsab par bya'o/ /gal te med na de ni spyad pa legs par spyad pa yin te/ pha'i la bu bzhin du rigs pa yin pas de la 'gyod par mi bya'o/ /gleng gzhi ni mnyan yod na'o/ /dge slong nad kyis thebs pa sdug bsngal ba nad tshabs che ba tshor bas nyen pa zhig yod pa de la lhung bzed bzang po zhig yod de/ de de la lhag par chags nas rim gro byed pa la smras pa/ kho bo'i lhung bzed 'on cig /des ma byin pa dang de de la ngan sems skyes shing lhung bzed la lhag par chags pas shi nas de lhung bzed de nyid du sbrul zhig tu skyes so/ /dge slong rnams kyis de sreg tu khyer nas bsregs te gtsug lag khang du lhags nas dge slong gi dge 'dun 'dus so/ /gos 'ged pas shi ba'i yo byad rgan pa'i mthar spungs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la dge slong sus kyang de'i lhung bzed gzhag pa'i snod ma dbye shig /de bzhin gshegs pa nyid kyis 'byed par 'gyur ro zhes sgo zhig /tshe dang ldan pa kun dga' bos dge slong rnams la bsgo'o/ /de nas bcom ldan 'das nyid kyis phye ba dang sbrul zhig mgo'i gdengs ka cher byas nas 'dug go/ /de nas bcom ldan 'das kyis se gol gyi sgras bslang nas bka' stsal pa/ mi gti mug can lhung bzed 'di spongs la song shig /dge slong rnams kyis 'ged par 'gyur ro/ /de 'khrugs nas ci dga' ba'i spyod lam gyis song ste nags stug po zhig tu zhugs nas/ des der khros pa'i me sbar pas nags de rab tu 'bar te de nyid du tshig nas dge slong rnams la ngan sems skyes pas dmyal ba rnams su skyes so/ /de nas bcom ldan 'das kyis dge slong rnams la bka' stsal pa/ dge slong dag srid pa thams cad la skrag par gyis shig /srid pa'i yo byad gang gi phyir sems can gcig gi lus de gnas gsum po nags stug por bros pa'i me dang / dmyal bar sems can dmyal ba'i dang / dur khrod du me phal pas sreg par 'gyur ba thams cad las yid byung bar bya'o/ /de lta bas na dge slong gis yo byad la lhag par chags pa bskyed par mi bya zhing gang la skye ba de yongs su spang par bya'o/ /ma spangs na 'gal tshabs can du 'gyur ro/ /gzhan yang gal te nad pa rang gi yo byad slong na rim gro byed pas myur ba myur bar sbyin par bya'o/ /ma byin na 'gal tshabs can du 'gyur ro/ /gleng gzhi ni mnyan yod na'o/ /de'i tshe dge slong nad pa zhig gnas khang du shi nas mi ma yin pa rnams kyi nang du skyes so/ /gos 'ged pas lhung bzed dang chos gos bgo'o zhes dge slong de'i gnas khang du 'jug par brtsams pa las/ de kun nas dkris pa drag pos dbyug pa blangs te langs nas des smras pa/ re shig kho bo dur khrod du yang ma phyung bar lhung bzed dang chos gos 'ged par byed dam/ de sngangs nas bros pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ re shig thog mar dge slong gi ro phyung nas phyi nas de'i lhung bzed dang chos gos bgo bar bya'o// //gleng gzhi ni mnyan yod na'o/ /de'i tshe dge slong zhig shi nas dge slong rnams kyis de phyung ste/ dur khrod du de bzhin du bor nas gtsug lag khang du lhags te/ gos 'ged pas chos gos dang lhung bzed bgo'o zhes de'i gnas khang du zhugs pa dang de mi ma yin pa rnams su skyes pas dbyug pa blangs te langs nas/ des smras pa/ re shig kho bo'i ro la mchod pa yang ma byas par chos gos dang lhung bzed 'ged par byed dam zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong rnams kyis sngar de'i ro la mchod pa byas la de'i 'og tu lhung bzed dang chos gos bgos dang nyes dmigs 'dir mi 'gyur ro// //gleng gzhi ni mnyan yod na'o/ /de'i tshe dge slong nad pa zhig gnas khang du shi nas de dge slong rnams kyis dur khrod du khyer te ro la mchod pa byas bsregs nas de nas gtsug lag khang du lhags pa dang / gos 'ged pas de'i gnas khang du zhugs pa las des dbyug pa blang te langs nas re shig bdag gi ched du chos bsgrags pa ma byas par chos gos rnams 'ged par byed dam zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de'i ched du chos bsgrags pa dang / de'i ched du yon bsngo ba byas nas chos gos rnams bgo bar bya'o// // sdom la/ /nad pa dang ni tshong dpon dang / /dngos po'i skyin pa lag gi bla/ / mtshams bzhi dag tu bya ba dang / /pho nya brgyad du bya ba'o// //gleng gzhi ni mnyan yod na'o/ /de'i tshe khyim bdag gcig gis sangs rgyas la sogs pa dge slong gi dge 'dun khyim du gdugs tshod la spyan drangs pa las dge slong gi dge 'dun lhags so/ /bcom ldan 'das ni rdzas kyis bsgrubs pa na bzhugs nas bsod snyoms kyi sku skal bzhes so/ /sangs rgyas bcom ldan 'das rnams ni rgyu lngas rdzas kyis bsgrubs pa na bzhugs nas bsod snyoms kyi sku skal bzhes te lnga po gang gis zhe na/ nang du yang dag 'jog par bzhed pa dang / lha rnams la chos 'chad par bzhed pa dang gnas mal la gzigs par bzhed pa dang / nad pa la gzigs par bzhed pa dang / nyan thos rnams 'dul ba la bslab pa'i gzhi bca' bar bzhed pa ste/ skabs 'dir ni nad pa la gzigs pa dang / bslab pa'i gzhi bca' bar bzhed nas/ sangs rgyas bcom ldan 'das rdzas kyis bsgrubs pa na bzhugs nas bsod snyoms kyi sku skal bzhes so/ /de nas bcom ldan 'das kyis dge slong gi dge 'dun dong nas ring po ma lon par mkhyen nas lde mig bsnams te kun dga' ra ba nas kun dga' ra ba dang / gtsug lag khang nas gtsug lag khang dang / spyil bo nas spyil bo dang 'chag sa nas 'chag sa rnams su 'chag cing gshegs pa na gtsug lag khang chen po gang na ba der byon pa dang / de na dge slong nad tshabs che ba shes pa chung ba rang gi gcin dang ngan skyugs kyi nang du nub pa zhig gis bcom ldan 'das mthong nas bcom ldan 'das bdag la mgon ma mchis so/ /bde bar gshegs pa bdag la mgon ma mchis so/ /zhes skad ngan bton pa dang / bcom ldan 'das kyis bka' stsal pa/ dge slong nga khams gsum gyi mgon po'i rjes su khyod rab tu byung na ci'i phyir de skad du bcom ldan 'das bdag la mgon ma mchis so/ /bde bar gshegs pa bdag la mgon ma mchis so zhes ngu skad 'don/ btsun pa bdag la tshangs pa mtshungs par spyod pa 'ga' yang rim gro bgyid pa 'am lta ba ma mchis so/ /dge slong khyod kyis tshangs pa mtshungs par spyod pa 'ga' la rim gro dang lta ba byas pa yod dam/ btsun pa ma mchis lags so/ /de bas na khyod gnas skabs 'di lta bur gyur to/ /bcom ldan 'das kyis kye ma'o lha rnams kyi dbang po brgya byin gyis mtsho chen po ma dros pa nas chu khyer te 'ong zhing ri spos kyi ngad ldang las sa khyer te 'ong bar gyur cig ces 'jig rten pa'i thugs bskyed pa mdzad do/ /chos nyid kyis gang gi tshe bcom ldan 'das kyis 'jig rten pa'i thugs bskyed par mdzad pa de'i tshe brgya byin dang tshangs pa la sogs te lha rnams kyis kyang bcom ldan 'das kyi thugs sems kyis shes so/ /de nas lha rnams kyi dbang po brgya byin gyis mtsho chen po ma dros pa nas yan lag brgyad dang ldan pa'i chus gser gyi ril ba bkang ste ri spos kyi ngad ldang las sa blangs nas myur ba myur bar bcom ldan 'das kyi spyan sngar 'ongs te 'dug nas 'di skad ces gsol to/ /bcom ldan 'das bzhugs shig dang de'i rim gro bdag gis bgyi'o/ / bcom ldan 'das kyis bka' stsal pa/ kau shi ka 'di khyod kyi phyir rab tu byung ba ma yin gyi/ 'on kyang nga'i phyir yin no/ /gzhan yang khyod kyis 'di sngon ma mthong la lha rnams ni gtsang sbra la dga' ba yin pas 'dug shig /ngas ni 'di'i rim gro bya'o/ /de nas bcom ldan 'das kyis na bza' chos gos brdzes nas phyag 'khor lo dang / bkra shis dang / g.yung drung 'khyil pa can bsod nams brgya phrag du mas bsgrubs pa/ skrag pa rnams la dbugs 'byin par mdzad pas dge slong de bzung ste gcin dang ngan skyugs nas phyung nas mtha' gcig tu bzhag ste/ smyug gi tshal pas bzhar nas sa dkar pos dril phyis byas te bkrus so/ /de nas skyil mo dkrung 'char bcug ste/ de'i chos gos rnams bkrus te/ phyogs de yang ba'i lci ba 'jam pos byug pa mdzad do/ /de nas phyag dang zhabs bsil nas lha rnams kyi dbang po brgya byin la nang pa la rim gro bya ba sngon du 'gro ba'i chos bshad pas yang dag par bstan/ yang dag par 'dzin du bcug nas/ gtsug lag khang du zhugs so/ /tshe dang ldan pa kun dga' bos bsod snyoms kyi sku skal gyi bsod snyoms khyer te bcom ldan 'das kyi spyan sngar song ngo / /chos nyid kyis sangs rgyas bcom ldan 'das rnams ni bsod snyoms bsnoms nas khyer te 'ong ba'i dge slong la so so yang dag par dga' bar mdzad pa 'dis so so yang dag par dga' bar mdzad de/ dge slong cig dge slong gi dge 'dun kha zas bsod pas legs par tshim par byas sam zhes yang dag par rab tu dga' bar mdzad pa yin pas bcom ldan 'das kyis tshe dang ldan pa kun dga' bo la bka' stsal pa/ kun dga' bo cig dge slong gi dge 'dun kha zas bsod pas legs par tshim par byas sam/ btsun pa de bzhin du zhal zas bsod pas dge slong gi dge 'dun legs par tshim par bgyis lags so/ /de nas bcom ldan 'das kyis bsod snyoms kyi phyed bzhes te tshe dang ldan pa kun dga' bo la bka' stsal pa/ kun dga' bo song la gtsug lag khang che ge mo zhig na dge slong nad tshabs che ba zhig yod pa de la bsod snyoms phyed po 'di khyer la zos nas 'di skad ces tshe dang ldan pa khyod kyi rim gro ston pa nyid kyis mdzad de/ bsod snyoms phyed kyi bgo bsha' yang mdzad do zhes gyis shig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas bsod snyoms kyi phyed khyer te/ de la bsod snyoms byin nas ji skad bka' stsal pa yang smras so// //'dul ba gzhi/ bam po drug bcu drug pa/ de nas dge slong de 'di snyam du sems te/ bdag ni khams gsum gyi bla ma nyid kyis rim gro mdzad de/ bsod snyoms kyi phyed kyang gnang gis bdag dad pas byin pa longs spyad nas le los dus 'das par byed pa ni bdag la rigs pa ma yin pas/ ma la bdag nam gyi cha stod dang cha smad la mi nyal bar sbyor ba la brtson par gnas par bya'o snyam nas/ des nam gyi cha stod dang cha smad la mi nyal bar sbyor ba la brtson par gnas pa na 'khor ba'i 'khor lo cha lnga pa g.yo ba dang mi g.yo ba 'di nyid rig ste/ 'du byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid du zil gyis mnan nas nyon mongs pa thams cad spangs te dgra bcom par gyur to/ /dgra bcom par gyur nas khams gsum gyi 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems tsan dan dang ste'ur mnyam pa/ ma rig pa'i sgo nga'i sbubs dral bar gyur cing rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang bkur sti la rgyab kyis phyogs pa dang / dbang po dang nye ba'i dbang po dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas bcom ldan 'das kyis dge slong rnams la bka' stsal pa/ dge slong dag nad pa 'di dag la ni tshangs pa mtshungs par spyod pa khyed cag kho na ma gtogs par ma med/ pha med/ rtsa lag gzhan med do/ /de lta bas na tshangs pa mtshungs par spyod pa rnams kyis phan tshun du rim gro bya ste/ mkhan pos ni lhan cig gnas pa'i 'o/ /lhan cig gnas pas ni mkhan po'i 'o/ /slob dpon gyis ni nye gnas kyi'o/ /nye gnas kyis ni slob dpon gyi'o/ /mkhan po gcig pas ni mkhan po gcig pa'i 'o/ / slob dpon gcig pas ni slob dpon gcig pa'i 'o/ /gtam 'dres pas ni gtam 'dres pa'i 'o/ /phebs par smra bas ni phebs par smra ba'i 'o/ /smos 'drin gyis ni smos 'drin gyi'o/ /'khor dang bral ba shes pa chung ba gang yin pa de ni dge 'dun gyis nad kyi gnas skabs la brtags nas rim gro ba gcig gam/ gnyis sam/ mang po sbyin te mthar na dge 'dun kun gyis kyang rim gro bya'o/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das nyid kyis dge slong de'i lus kyi rim gro mdzad nas des dgra bcom pa mngon sum du bgyis pa la gzigs bcom ldan 'das kyis bka' stsal pa/ dge slong dag da ltar 'ba' zhig tu ma zad de/ ji ltar 'das pa'i dus na yang ngas 'di'i rim gro byas nas des mngon par shes pa lnga mngon sum du byas pa de nyon cig /dge slong dag sngon byung ba bsti gnas me tog dang / 'bras bu dang / chu phun sum tshogs pa/ shing sna tshogs kyis mdzes par byas pa zhig na drang srong mngon par shes pa lnga dang ldan pa zhig gnas so/ /des slob ma'i rim gro byas nas sos pa dang / de nas des mngon par shes pa lnga mngon sum du byas so/ /dge slong dag ji snyam du sems/ de'i tshe de'i dus kyi drang srong gang yin pa de ni nga nyid yin no/ /drang srong de'i slob ma gang yin pa de ni dge slong 'di nyid yin te/ de na yang ngas de'i rim gro byas so/ /da ltar yang byas so/ /gzhan yang dge slong rnams kyis bcom ldan 'das la zhus pa/ btsun pa bcom ldan 'das lhag par yang nad pa rnams la byams par mdzad pa la gzigs/ bcom ldan 'das kyis bka' stsal pa/ dge slong dag da ltar 'ba' zhig tu ma zad de/ ji ltar 'das pa'i dus na yang nga lhag par nad pa rnams la byams par byed pa de nyon cig /dge slong dag sngon byung ba yul shi bi'i dbyangs kyi rgyal po'i pho brang na rgyal po shi bi zhes bya ba 'byor pa dang / rgyas pa dang / bde ba dang / lo legs pa/ skye bo dang mi mang pos rab tu gang ba na rgyal srid byed du 'jug ste/ de slong ba pa rnams la mi gtong ba cung zad kyang med de/ nad pa rnams la ni khyad par du byed do/ /ji tsam na khyim bdag nad pa sman pa thams cad kyis spangs pa zhig rgyal po'i drung du song nas lha bdag la dpyad mdzod cig /rgyal pos sman pa rnams la bsgo ba/ shes ldan dag dpyad byos shig /de rnams kyis smras pa/ lha 'di'i sman ni dkon lags so/ /rgyal pos smras pa/ dkon pa de dag ci 'dra ba zhig yin/ lha gang zhig btsas tshun chad sngon lan 'ga' yang su la yang khro ma myong ba de'i khrag las nas thug bgyis te zla ba drug tu stsal na de lta na 'di sos par 'gyur lags kyi gzhan gyis ma lags so/ /rgyal pos smras pa/ de'i sman dkon pa ni bden no/ /de nas bdag nyid kyi spyod pa la brtag par brtsams na bdag nyid kyi spyod pa la brtag par dka' bar gyur nas des ma ma la dri bar brtsams pa/ ma ma nga dus 'di srid kyi bar du sngon lan 'ga' yang khros pa yod dam gzhon nu khyod gang gi tshe bdag gi pang du byon pa de nas bdag kyang sngon su la yang lan 'ga' yang khro ma myong na/ khyod lta smos kyang ci 'tshal/ de nas ma'i drung du song nas smras pa/ yum bdag dus 'di srid kyi bar du sngon su la yang 'ga' la khros pa mchis sam/ gzhon nu khyod gang gi tshe bdag gi rum du zhugs pa de nas bdag kyang su la yang khro ma myong na khyod lta smos kyang ci dgos/ des bsams pa/ sman rnyed do snyam du rig nas des sman pa rnams la bsgo ba/ shes ldan dag ngas rang la brtags na nga sngon su la yang khro ma myong bas nga'i yan lag lnga'i rtsa gtor cig /lha bdag cag ni mi phal pa zhig gi don du lha'i sku la mtshon mi 'debs so/ /byang chub sems dpa' rnams ni bzo'i gnas dang las kyi gnas de dang de rnams la mkhas pa yin pas rgyal po rang nyid kyis rtsa gtar te/ khrag des zla ba drug tu nyi ma re re zhing de la nas thug blud pas sos par gyur to/ /dge slong dag ji snyam du sems/ de'i tshe de'i dus na rgyal po gang yin pa de ni nga nyid yin te/ de na yang nga nad pa rnams la byams par byed na/ da lta lta zhig smos kyang ci dgos/ gzhan yang shi bi'i bu gzhog phyed skams par gyur nas rgyal pos sman pa rnams la bsgo ba/ shes ldan dag gzhon nu'i dpyad gyis shig / de rnams kyis smras pa/ lha bcud thams cad mar dang sgrol cig /lo bcu gnyis su bcud thams cad bsogs na 'di'i yang shang shang te'u yi sha ma rnyed do/ /sman pa rnams kyis bya ba rnams la bsgo ba/ shes ldan dag me long dang bya gag khyer te rgya mtsho'i 'gram du deng la der rnyi tshugs te bya gag gi mdun du me long zhog shig dang / bya gag rang gi gzugs brnyan mthong nas 'di bya gag yin no snyam ste/ skad phyung ba dang / shang shang te'u yis bya gag gi skad thos nas ngo mtshar che bas bya gag gi drung du 'ong bar 'gyur te/ de bzung ba'i thabs ni 'di yin no/ /de rnams kyis de bzhin du byas pa las ji tsam na las kyi zhags pas zin pa'i srog chags shang shang te'u thogs nas de rnams kyis de khyer te dong ngo / /'di ni chos nyid yin te/ 'jig rten gnas pa chags nas ring po ma lon pa'i tshe dud 'gro rnams kyang smra shes pas srog chags shang shang te'u yis smras pa/ bdag gar bkri/ de rnams kyis ji ltar gyur pa smras pa dang / des smras pa/ thong shig /thong shig /sha'i mthu yod par byed pa zhes bya ba'i sman dang rin po che rnams smra'o/ /de rnams kyis smras pa/ re shig khyod kyis sman de dag ci 'dra ba bltas ston cig /des smras pa/ bdag gi khrus byas pa'i chu ni sha'i mthu yod pa yin gyis de khyer la dengs shig rin po che 'di dag yin no/ /de dag rgyal pos 'jigs pas rin po che rnams bor te shang shang te'u de nyid khyer te dong ba las rim gyis yul shi bi'i dbyangs kyi rgyal po'i pho brang du phyin nas de rnams kyis srog chags shang shang te'u rgyal po la phul te/ des bstan pa'i sman gang yin pa de yang smras so/ /de nas rgyal pos shang shang te'u la dris pa dang smras pa/ lha bdag bkrus pa'i chab sha stobs can du bgyid pa lags so/ /rgyal pos chu snod bdun chu bzang pos bkang bar bzhag go/ /ji tsam na de de dag tu ji srid legs par ngal sos pas de srid du khrus byas nas/ de nas lus kyi stobs shes pa dang mod la 'phur te khang pa'i steng du 'dug nas 'jigs pa dang bag tsha ba dang / bral nas tshigs su bcad pas smras pa/ re shig thog ma bdag blun te/ /phyi nas bya ba 'di dag go/ /de nas rgyal po blun pa ste/ /blun po'i dkyil 'khor legs par rdzogs/ /zhes smras nas song ngo / /de nas rgyal pos sman pa rnams bkug ste dris pa/ shes ldan dag shang shang te'u yi khrus byas pa'i chu de sha'i mthu yod par byed pa bden nam/ de rnams kyis smras pa/ lha mad lags kyis mar dang sgrol cig /de rnams kyis bcud thams cad mar dang btsos te rgyal po'i bu la blud par zhugs so/ /ji tsam na gangs ri'i sul zhig na rang sangs rgyas lnga brgya gnas pa las de na gcig gzhogs phyed skams par gyur te/ de la rang sangs rgyas de rnams kyis smras pa/ tshe dang ldan pa ljongs su song la sman pa la smos te sman sten cig dang sos par 'gyur ro/ /des smras pa/ tshe dang ldan pa dag skye bo mang po la mi sdug pa/ skye bo mang po mi 'dod pa/ skye bo mang po mi dga' ba skye bo mang po'i yid du mi 'ong ba sems can thams cad kyi thung mong gi chos 'di lta ste/ 'chi ba zhes bya ba gang yin pa de 'ong ste/ bdag nad dang bcas te khyer bar gyur na ci'i phyir grong khyer gyi mthar 'gro de rnams kyis smras pa/ tshe dang ldan pa de lta mod kyi 'on kyang ji tsam du skyes bu gang zag tshul khrims dang ldan pa yun ring du 'tsho ba de tsam du bsod nams mang po sogs so/ /ji tsam du bsod nams mang po bsags pa de tsam du mtho ris su yun ring du dga' bar 'gyur ro zhes de de rnams kyis skul ma btab nas ljongs su babs te/ rim gyis yul shi bi'i dbyangs kyi rgyal po'i pho brang du phyin to/ /de nas lam gyis dub pa ngal sos nas sman pa'i drung du song ste/ bzhin bzangs kho bo 'di 'dra ba'i nad kyis thebs kyis sman ston cig /des smras pa/ 'phags pa khyod kyi snyun nad 'di ci 'dra ba kho na rgyal po'i sras kyi yang de kho na 'dra nas lo bcu gnyis kyis bcud thams cad mar dang btsos pa mchis kyis bzhud la slongs shig dang / gal te skal ba'i khyad par can gyis bcud de thob na des na khyod 'tsho bar 'gyur ro/ /de rgyal po'i pho brang du song nas sgo kar bsdad de/ rgyal po de'i kun tu spyod pa ni slong ba po'i skye bo sbron du gzhug pa'i phyir sgor rgyun du dril 'dogs te/ gang gi tshe slong ba po sgo na 'dug pa de'i tshe de dkrol bar byed do/ /ci tsam na rang sangs rgyas 'ongs nas dril te dkrol to/ /de nas rgyal po'i bus pha dang ma la smras pa/ yab yum slong ba po zhig mchis kyis ci zhig slong smros shig /de gnyis kyis smras pa/ bu bdag cag gis lo bcu gnyis su rdzas rnams bsogs te btsos nas byas pa'i bcud 'di re shig 'thung shig dang / phyi nas slong ba po nang du bkug la ci slong ba smra'o/ /de ngo mtshar dang bkra shis dang bde legs su gyur pa dag byas nas mar 'thung bar 'dod na slong ba po'i skye bo'i re bas lus kyi gnad du phog nas mar de ma 'thungs par smras pa/ yab yum re shig slong ba po nang du ma bkug gi bar du mi 'tshal lo/ /rgyal pos sgo ba la bsgo ba/ slong ba po nang du thong shig /de nang du zhugs pa dang rgyal po'i bus lus mdzes pa dang / sems dad pa dang / spyod lam zhi bas zhugs pa mthong nas des smras pa/ 'phags pa ci zhig bzhed/ des rgyas par smras pa dang / des smras pa/ 'phags pa bcud ni khyod kho na la 'os kyi bdag la ma lags kyi dbul gyis bzhes shig /des lhung bzed bzed pa dang / rgyal po'i bu bsam pa drag pos lhung bzed der bcud blugs so/ /bdag nyid chen po des kyang rgyal po'i bu la sems can thams cad la phan pa dang ldan pa'i sems bskyed pa dang / tshul khrims dang ldan pa'i smon lam ni 'grub par 'gyur la/ de yang tshul khrims rnams rnam par dag pa'i phyir gnyis ka yang sos par gyur to/ /dge slong dag ji snyam du sems/ de'i tshe de'i dus kyi rgyal bu gzhon nu gang yin pa de ni nga nyid yin te/ de na yang nga nad pa rnams la byams par byed na da lta lta smos kyang ci dgos/ btsun pa rgyal bu dang rang sangs rgyas des las ci zhig bgyis na/ des na gnyis ka mnyam du bros thebs la mnyam du sos par gyur lags/ bcom ldan 'das kyis bka' stsal pa/ dge slong dag 'di gnyis kho nas sngon gyi tshe rabs gzhan rnams su las tshogs rnyed pa/ rkyen yongs su bsgyur ba/ 'od pa bzhin du nye bar gnas pa gdon mi za bar gnas pa 'byung bar 'gyur ba'i las dag byas shing bsags pas 'di gnyis nyid kyis las byas shing bsags pa gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched rnams la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba bA rA Na sI'i grong khyer du rgyal po tshangs byin zhes bya ba byung ste/ de la bu gnyis yod pa las nu bo shos gang yin pa de rgyal srid la dga' bar gyur to/ /mdun na 'don la yang bu gnyis yod pa las nu bo shos gang yin pa de mdun na 'don 'dod par gyur te/ sems can rnams ni khams kyi sgo nas shed 'phrod pa yin pas de gnyis phan tshun du yid gcugs par gyur nas rgyal bus smras pa/ thabs ci zhig byas na des na nga rgyal por 'gyur/ des smras pa/ khyod kyis gal te bdag mdun na 'don du gzhug na ni thabs mchis kyis snyan du gsol bar bgyi'o/ / des smras pa/ de ltar bya ste gzhug gis smros shig /des smras pa/ bdag gis khyod kyi gcen zha bor bgyis dang khyod rgyal por 'gyur ro/ /des rjes su yi rang ngo / /de nas des rgyal bu phu bo shos de sman ma yin pa byin nas zha bor gyur to/ / dus gzhan zhig na rgyal po shi nas blon po rnams kyis de ni zha bor gyur to snyam nas nu bo shos rgyal por dbang bskur to/ /des kyang mdun na 'don gyi nu bo shos gang yin pa de mdun na 'don du bcug go/ /ji tsam dus gzhan zhig na rgyal po mdun na 'don dang lhan cig tu bre mo gtam smra zhing 'dug pa las rgyal pos phu bo zha ba de mthong ngo / /des de mthong nas 'gyod par gyur te/ bdag gis rgyal po'i srid kyi phyir phu bo zha bar byas pa gang yin pa de ni ma legs pa zhig byas so/ / lha bdag kyang 'gyod par gyur gyis/ gal te lha dgyes na 'di phyir sngon gyi ji lta ba bzhin du bgyi'o/ /des smras pa/ gnang gis byos shig /des de la sman byin nas sos par gyur to/ /de nas de gnyis kyis rang sangs rgyas shig la bya ba byas nas smon lam gdab bar brtsams pa/ gang yang bdag cag gis yon gnas dam pa 'di lta bu la bya ba byas pa'i las 'di'i rnam par smin pas phyug cing nor mang la longs spyod che ba'i rigs su skye zhing zha bor byas pa'i sdig pa'i las 'di'i rnam par smin pa nyams su mi myong bar gyur cig byas so/ /dge slong dag ji snyam du sems/ de'i tshe de'i dus kyi rgyal po'i bu gang yin pa de ni nga nyid yin no/ /mdun na 'don gyi bu gang yin pa de ni rang sangs rgyas de nyid yin no/ / de gnyis kyis gros byas nas rgyal bu gzhon nu la sman ma yin pa byin pa gang yin pa des na mnyam du zha bor gyur to/ /yang 'gyod par gyur pas de gnyis kyis gros byas te slar sman byin pa gang yin pa des na mnyam du sos par gyur to/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la/ gcig tu dkar ba rnams kyi ni gcig tu dkar ba dang 'dren ma rnams kyi ni 'dren ma ste/ dge slong dag de lta bas na las gcig tu gnag pa rnams dang / 'dren ma rnams ni spangs la/ las gcig tu dkar ba rnams la brtsam par bya ste/ dge slong dag khyed kyis de lta bu la bslab par bya'o/ /gleng gzhi ni mnyan yod na'o/ /de'i tshe mnyan yod na khyim bdag tshong dpon zhes bya ba phyug cing nor mang ba longs spyod che ba yongs su bzung ba yangs shing rgya che ba rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas so/ /des rigs mnyam pa las chung ma blangs nas de bu med cing bu mngon par 'dod pas zhi ba dang chu lha dang / lus ngan dang / brgya byin dang / tshangs pa la sogs pa la gsol ba 'debs shing lha'i bye brag gzhan yang 'di lta ste/ kun dga' ra ba'i lha dag dang / tshal gyi lha dag dang / bzhi mdo'i lha dag dang / sum mdo'i lha dag dang / gtor ma len pa'i lha dag dang / lhan cig skyes pa dang / chos 'thun pa'i lha dag dang / rtag tu rjes su 'brang ba'i lha dag la yang gsol ba 'debs so/ /'jig rten na gang dag gsol ba 'debs pa'i rgyu las bu pho dang bu mo dag skye'o zhes bya ba'i gtam de lta bu yod de/ de ni de lta ma yin te/ gal te de ltar gyur du zin na re re la yang 'di lta ste/ dper na 'khor los sgyur ba'i rgyal po bzhin du bu stong yod par 'gyur ro/ /'on kyang gnas gsum po dag mngon sum du gyur pa las bu pho dang bu mo dag skye bar 'gyur te/ gsum po de dag gang zhe na/ pha dang ma gnyis chags par gyur cing 'dus pa dang / ma dus la bab cing zla mtshan dang ldan pa dang / dri za nye bar gnas par gyur pa ste/ gnas gsum po de dag mngon sum du gyur pa las bu pho dang bu mo dag skye bar 'gyur ro/ /des gang gi tshe lha rnams la gsol ba byas kyang bu pho dang bu mo med pa de'i tshe lha thams cad spangs te bcom ldan 'das la mngon par dad par gyur to/ /ji tsam na dge slong zhig gi drung du song ste/ 'phags pa legs par gsungs pa'i chos 'dul ba la bdag rab tu 'byung bar 'tshal lo/ /bzhin bzangs de bzhin du gyis shig ces des de rim gyis skra bregs nas bslab pa'i gzhi rnams sbyin par brtsams pa las rims chen pos thebs nas rab tu 'byung ba'i bar chad du gyur pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ re shig sos kyi bar du bslab pa'i gzhi rnams mi sbyin zhing de'i rim gro bya'o/ /bcom ldan 'das kyis de'i rim gro bya'o zhes bka' stsal na/ dge slong rnams kyis sus bya ba ma shes nas/ bcom ldan 'das kyis bka' stsal pa/ dge slong rnams dang sman pas so/ /sman pa rnams kyis nyin par sman byas na mtshan mo nad la phan par gyur to/ /de rnams kyis smras pa/ 'phags pa 'di'i dpyad bdag gis gdugs la bgyis na mtshan mo bro la phan par gyur gyis/ gal te 'di khyim du bskyal na bdag cag gis nyin mtshan du 'di'i dpyad bgyi'o zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ khyim du skyol la der yang de'i rim gro byed pa sbyin par bya'o/ /de'i nad de yun ring por gyur nas de'i skra ring po ring por skyes pas khyim bdag de khyim bdag mgo reg ces par grags so/ /de gang gi tshe rtsa ba dang / sdong bu dang / 'dab ma dang / me tog dang 'bras bu'i sman gyis bsnyen bkur byas pa las/ slar lan par gyur pa de'i tshe des bdag ni 'chi'o zhes bya bar rang gi cha chod nas/ de na des 'chi ka'i tshe rang gi nor thams cad glegs bu la bris te rgyal bu rgyal byed kyi tshal du bskur ro/ /de ni shi'o/ / blon po rnams kyis ko sa la'i rgyal po gsal rgyal la smras pa/ lha khyim bdag mgo reg bu ma mchis par gum ste/ de la dbyig dang / gser dang / glang po che dang / rta dang / ba lang dang / ma he dang / go cha la sogs te phal mo che zhig mchis pa de thams cad glegs bu la bris nas rgyal bu rgyal byed kyi tshal du 'phags pa'i dge 'dun la phul lo/ /rgyal pos smras pa/ 'phags pa nye dga' dbang ba glegs bu la ma bris pa yang ngas ma thob na glegs bu la bris pa lta smos kyang ci dgos/ 'on kyang bcom ldan 'das kyis gnang ba gang yin pa de long shig pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de la ci dag yod// //bar sdom la/ gzhi dang gnas mal gos dang ni/ /lcags nag lcags dang lham mkhan dang / /rdza mkhan 'dreg mkhan shing mkhan sogs/ /tshon rtsi mdung shing bar bur dang / /rkang gnyis rnams dang rkang bzhi dang / /zas dang btung ba sman dang ni/ /bran dang gding ba dpang rgya dag /ci rigs par ni bgo bar bya/ /dbyig rnams dang ni gser rnams dang / /gzhan yang rdungs byas rdungs ma byas/ /dge 'dun 'dus nas bgo 'o zhes/ / drang srong chen pos bka' stsal to/ /dge slong rnams kyis gsol pa dang / bcom ldan 'das kyis bka' stsal pa/ ci rigs par bgo bar bya ste/ de la zhing gi gzhi dang / khyim gyi gzhi dang / tshong khang gi gzhi dang / gnas mal dang / lcags nag gi mkhar ba'i lag spyad dang / lcags mgar gyi lag spyad dang / rdza mkhan gyi lag spyad dang / shing mkhan gyi lag spyad dang / smyug ma mkhan gyi lag spyad dang / bran pho dang / bran mo dang / las byed pa dang / zho shas 'tsho ba dang / kha zas dang / btung ba dang / 'bru rnams ni mi bgo bar phyogs bzhi'i dge slong gi dge 'dun gyi phyir spyir gzhag par bya'o/ /ras yug dang / ras yug chen dang / ko sgro dang / mchil lham dang / 'bru mar gyi snod dang / ril ba dang / bya ma bum rnams ni dge 'dun tshogs pas bgo bar bya'o/ /mdung shing ring po gang yin pa de dag ni 'dzam bu lta bu'i sku'i gzugs brnyan gyi rgyal mtshan gyi shing bya'o/ /thung ngu gang yin pa de dag ni khar sil gyi yu bar byas la dge slong rnams la sbyin par bya'o/ /khye'u dang bu mo ni dge 'dun gyis mi bsgyur te ci rigs pa zhig blangs nas ci bde bar gtang bar bya'o/ /rkang bzhi pa rnams las glang po che dang / rta dang / rnga mo dang / bong bu dang / dre'u rnams ni rgyal po la dbul bar bya'o/ /ba lang dang / ma he dang / ra dang / lug rnams ni phyogs bzhi'i dge slong gi dge 'dun gyi phyir spyir gzhag ste mi bgo'o/ /'thab stan dang / go cha dang / gzhan yang rgyal po la 'os pa gang yin pa thams cad ni rgyal po la dbul bar bya'o/ /mtshon cha rnams bzhag la de rnams gre'u dang / khab dang / khar sil du brdungs te dge 'dun la brim par bya'o/ /tshon rnams las tshon rtsi chen po gang kus dang / mtshal dang / mthing shing la sogs pa gang yin pa de dag ni sku'i gzugs brnyan gyi phyir dri gtsang khang du gzhag par bya'o/ /thod lo kor dang / btsag dang / rams ni dge 'dun gyis bgo bar bya'o/ /chang ni yongs blugs las dong du gzhug par bya ste/ tshwar gyur na longs spyad par bya'o/ /tshwar ma gyur na dor bar bya'o/ / dge slong dag nga ston pa yin par khas len pa rnams kyis chang mi sbyin zhing tha na rtswa mchog gis kyang mi btung ngo / /sman rnams ni nad khang rung bar gzhag par bya zhing de nas dge slong nad pa rnams kyis longs spyad par bya'o/ /rin po che rnams las mu tig ma gtogs par nor bu dang / bai dUr+ya dang / dung g.yas su 'khyil ba la sogs pa ni cha gnyis su byas te/ gcig ni chos la'o/ /gcig shos ni dge 'dun la'o/ /chos kyi gang yin pa des ni sangs rgyas kyi gsung bri bar bya'o/ /seng ge'i khri brgyan par bya'o/ /dge 'dun gyi gang yin pa de ni dge slong rnams kyis bgo bar bya'o/ /glegs bam rnams las sangs rgyas kyi gsung rab kyi glegs bam rnams ni mi bgo bar phyogs bzhi'i dge slong gi dge 'dun gyi ched du spyir mdzod du zhugs par bya'o/ /phyi rol pa'i bstan bcos kyi glegs bam rnams ni btsongs la bgo bar bya'o/ /chags rgya ni myur du 'grub par nus pa gang yin pa de ni rdzas 'ged pa'i tshe dge slong rnams kyis bgo bar bya'o/ /mi nus pa gang yin pa de ni phyogs bzhi'i dge slong gi dge 'dun gyi ched du spyir mdzod du gzhug par bya'o/ /gser dang / dbyig dang / gzhan yang rdungs su byas pa dang / rdungs su ma byas pa gang yin pa de ni cha gsum du byas te/ gcig ni sangs rgyas la'o/ /gnyis pa ni chos la'o/ /gsum pa ni dge 'dun la'o/ /sangs rgyas kyi gang yin pa des ni dri gtsang khang dang dbu skra dang sen mo'i mchod rten gyi ral ba dang 'drums pa slar bcos par bya'o/ /chos kyi gang yin pa des ni sangs rgyas kyi gsung bri bar bya'o/ / seng ge'i khri brgyan par bya'o/ /dge 'dun gyi gang yin pa de ni dge slong rnams kyis bgo bar bya'o/ /gleng gzhi ni mnyan yod na'o/ /gang gi tshe ko sa la'i rgyal po gsal rgyal gyis chu bzangs kyi dus ston btsugs pa de'i tshe de na/ dge slong dang / dge slong ma dang / dge bsnyen dang / dge bsnyen ma rnams mang du tshogs par gyur to/ /de'i tshe dge slong khrums stod dge slong mas bkur ba yin pas chu bzangs kyi dus ston btsugs pa'i dge slong ma rab tu mang pos tshe dang ldan pa khrums stod la 'di skad ces smras so/ /'phags pa chu bzangs kyi dus ston la spyan 'dren gyis gshegs so/ /des smras pa/ bdag gi chos gos dang lhung bzed phyir su la bcol/ dge slong ma bcu gnyis sde rnams kyis smras pa/ 'phags pa thugs las chung ngur mdzod cig dang / bdag cag gis gzhag par bgyi'o/ /des de rnams la gzhag pa dang de rnams kyis skye dgu'i bdag mo chen mo la gtad do/ /skye dgu'i bdag mo chen mos kyang tshe dang ldan pa kun dga' bo la'o/ /tshe dang ldan pa kun dga' bos kyang gtsug lag khang zhig tu gzhag go/ /de nas tshe dang ldan pa khrums stod chu bzangs kyi dus ston la 'ongs pa dang / de na de dge slong ma rnams kyis mgron du bos pa yin pas gcig gis smras pa/ 'phags pa deng bdag gis zhal tshus bgyi'o/ /gzhan dang gzhan dag gis kyang g.yar tshus la bos so/ /gzhan dag gis smras pa/ 'phags pa bdag gi gdugs tshod gsol cig /de bzhin du gzhan dang gzhan dag gis kyang smras so/ /gzhan zhig gis smras pa/ 'phags pa bdag gis dus ma lags pa'i btung ba gsol cig /de bzhin du gzhan dang gzhan dag gis kyang smras nas des de rnams kyi sems bsrung ba'i phyir g.yar tshus rnams las cung zad cung zad blangs de bzhin du dro yang zos/ dus ma yin pa'i btung ba blud pa yang 'thungs pa dang de tseg tseg pa yor langs nas/ de yang lam gyis dub pa des mang por zos pa des ma zhu bar gyur te gsud de shi'o/ / de dge slong rnams kyis dur khrod du bsregs nas chos bsgrags pa byas nas rim gyis gtsug lag khang du lhags so/ /gos 'ged pas nad g.yog la smras pa/ de'i lhung bzed dang chos gos 'on cig /des smras pa/ des bcu gnyis sde rnams kyi lag tu bzhag go/ /de rnams la dris pa dang / smras pa bdag cag gis skye dgu'i bdag mo chen mo'i lag tu bzhag go/ /de nas skye dgu'i bdag mo chen mos smras pa/ bdag gis 'phags pa kun dga' bo la gtad do/ /tshe dang ldan pa kun dga' bos smras pa/ bdag gis gtsug lag khang che ge mo zhig tu bzhag go zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ shi ba'i yo byad kyi skyin par dge slong kun dga' bo byin gyis brlab par bya'o/ /byin gyis brlab pa yang 'di ltar bya ste/ gaN DI brdungs la dge 'dun thams cad tshogs shing 'thun par gyur pa dang / dge slong gcig gis gsol bar bya'o/ /'di ltar bya ste/ gnas mal bsham par byas la gaN DI brdungs te dris pa'i tshig gis dge slong rnams la yang dag par bgo la/ dge 'dun thams cad tshogs shing 'thun par gyur pa dang dge slong gcig gis gsol ba byas te las bya'o/ /dge 'dun gtsun pa rnams gsan du gsol/ gnas 'dir dge slong khrums stod gum na de'i lhung bzed dang chos gos/ gos dang gos kyi rin dang bcas pa kun dga' bo'i sug pa na mchis kyis gal te dge 'dun gyi dus la bab cing bzod na dge 'dun gyis gnang bar mdzod cig dang / 'di ltar dge 'dun gyis dge slong khrums stod gum pa'i yo byad lhung bzed dang chos gos dang gos kyi rin du bcas pa'i dngos po'i skyin par dge slong kun dga' bo byin gyis brlab par bgyi'o/ /'di ni gsol ba'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa dge slong yang gzhan du gum/ lhung bzed dang chos gos kyang gzhan na mchis/ dngos po'i skyin pa yang gzhan na mchis na de'i chos gos dang lhung bzed gang dbang bar 'gyur lags/ nye ba 'khor dngos po'i skyin pa'i dge slong ngam khyim gang na yod pa'o/ /gleng gzhi ni mnyan yod na'o/ /de'i tshe dge slong lag gi bla zhig shi'o/ / dge slong rnams de'i lhung bzed dang chos gos la 'gyod pas ma bgos pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge 'dun thams cad bsogs la ci 'dres sam ma 'dres par gyur pa de brtag par bya'o/ /gal te 'dres te dge 'dun gyi ni mchod rten gyir byas la/ mchod rten gyi ni dge 'dun gyir gyur na/ de lta bu chos dang mi mthun pa yin pas de'i lhung bzed dang chos gos dang gos kyi rin dang bcas pa la cha gsum du byas te/ sangs rgyas dang chos dang dge 'dun no/ /dge 'dun gyi ni dge slong rnams kyis bgo bar bya'o/ /sangs rgyas kyi ni sangs rgyas la mchod pa dang / dri gtsang khang dang mchod rten gyi lag gi sar spyad par bya'o/ /dam pa'i chos kyi ni sangs rgyas kyi gsung bri bar bya'o/ /seng ge'i khri rgyan par bya'o/ /gal te 'dres par ma gyur na thams cad dge slong rnams kho nas bgo bar bya ste/ de la 'gyod par mi bya'o/ / gleng gzhi ni mnyan yod na'o/ /de'i tshe dge slong rab tu mang po dag ljongs rgyu zhing dong ba las rim gyis mnyan yod kyi grong khyer dang nye ba zhig tu phyin pa dang de rnams kyi nang nas dge slong cig shi'o/ /de rnams kyis bsams pa/ gtsug lag khang na 'dug pa'i tshangs pa mtshungs par spyod pa rnams kyang skal ba 'dod par 'gyur du 'ong gis/ /gtsug lag khang gi phyi rol tu bgo bar bya'o snyam pa las/ mnyan yod de na gnas pa'i ba lang rdzi dang / phyugs rdzi dang / rtswa thun dang / shing thun dang / lam gyis 'tsho ba dang / lam gol bas 'tsho ba'i mi rnams kyis kun nas gang zhing de rnams gang dang gang du 'dug nas 'ged par byed pa de dang der skye bo'i tshogs chen pos yongs su bskor bar gyur nas de rnams kyis bsams pa/ gtsug lag khang dang nye ba zhig tu bgo'o snyam nas/ de rnams kyis gtsug lag khang dang nye ba zhig tu bgo bar brtsams pa dang dge skos kyis mthong nas smras pa/ tshe dang ldan pa dag ci zhig byed/ de rnams kyis ji ltar gyur pa bzhin smras pa dang / des smras pa/ bdag kyang mtshams su 'ongs pa yin na zhes des 'khangs kyang de rnams kyis ma byin pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ mtshams kyi nang la mtshams kyi nang du 'du shes te shi ba'i yo byad 'ged par byed na ma bgos pa nyes par bgos pa yin te/ slar yang mtshams na 'dug pa rnams dang lhan cig bgo bar bya ste/ gzhan du na 'gal tshabs can du 'gyur ro/ /de bzhin du mtshams kyi nang la yid gnyis kyis 'ged par byed na ma bgos pa nyes par bgos pa yin te/ slar yang mtshams na 'dug pa rnams dang lhan cig bgo bar bya ste/ gzhan du na 'gal tshabs can du 'gyur ro/ /mtshams kyi phyi rol la mtshams kyi nang gi 'du shes kyis 'ged par byed na ma bgos pa nyes par bgos pa yin te/ slar yang mtshams na 'dug pa rnams dang lhan cig bgo bar bya ste/ gzhan du na 'gal tshabs can du 'gyur ro/ /mtshams kyi phyi rol la yid gnyis kyis 'ged par byed na ma bgos pa nyes par bgos pa yin te/ slar yang mtshams na 'dug pa rnams dang lhan cig bgo bar bya ste/ gzhan du na 'gal tshabs can du 'gyur ro/ /gleng gzhi ni mnyan yod na'o/ /de'i tshe dge slong gis dge slong la dge slong gis lag nas chos gos dag bskur ba na dge slong des gang gis bskur ba de la yid gcugs pas spyad pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong dag dge slong des yid bcugs par bya ba ma yin pa la yid gcugs par bskyed de/ 'di ltar gang gis bskur ba de la yid gcugs pas spyad do/ /'on kyang dge slong gis dge slong la dge slong gis lag nas chos gos dag bskur ba na gsang la bskur ba de la yid gcugs pas spyad na legs par spyad pa yin no/ /gang gis bskur ba de la yid gcugs pas spyad na nyes par spyad pa yin no/ /dge slong gis dge slong la chos gos dag skur bar byed na gang la bskur ba de ni shi la gang gis bskur ba de la yid gcugs pas spyad na nyes par spyad pa yin no/ / gang la bskur ba de'i shi ba'i yo byad du rung bar byin gyis rlob par byed na legs par byin gyis brlabs pa yin no/ /dge slong gis dge slong la chos gos dag skur bar byed pa na gang gis bskur ba de ni shi la gang gis bskur ba de'i shi ba'i yo byad du rung bar byin gyis rlob par byed na nyes par byin gyis brlabs pa yin no/ /dge slong gis dge slong la chos gos dag bskur bar byed pa na/ gang la bskur ba des slar bzlog la/ gang gis bskur ba de la yid gcugs pas spyad na legs par spyad pa yin no/ /gang la bskur ba de la yid gcugs pas spyad na nyes par spyad pa yin no/ /dge slong gis dge slong la chos gos dag skur ba na gang la bskur ba de ni shi la gang la bskur ba de'i shi ba'i yo byad du rung bar byin gyis rlob par byed na legs par byin gyis brlabs pa yin no/ /gang gis bskur ba de'i shi ba'i yo byad du byin gyis rlob par byed na nyes par byin gyis brlabs pa yin no/ /dge slong gis dge slong la chos gos dag skur bar byed pa na gang la bskur ba des slar bzlog la gang gis bskur ba de yang shi nas gang la bskur ba de la yid gcugs pas spyad na nyes par spyad pa yin no/ /gang la bskur ba de'i shi ba'i yo byad du rung bar byin gyis rlob par byed na legs par byin gyis brlabs pa yin no/ /dge slong gis dge slong la chos gos dag bskur bar byed pa na gang la bskur ba des slar bzlog nas de shi la/ gang gis skur bar byed pa de yang shi na/ de shi ba'i yo byad du rung bar byin gyis rlob par byed na nyes par byin gyis brlabs pa yin no/ /gang gis bskur ba de'i shi ba'i yo byad du rung bar byin gyis rlob par byed na legs par byin gyis brlabs pa yin no/ /gos kyi gzhi rdzogs so// // sra brkyang gi gzhi'i sdom ni/ gnas bcas pa dang kha cig dang / / rdol ba dang ni blings pa dang / /dus dang gang zag ma mo'i gzhi/ /nyi shu dag tu byas pa dang / /dgos pa dag ni bcu gnyis te/ / gnas bcas dbyar gnas dam bcas pa/ /ston pa lta bar 'dod pa na/ /'dam rdzab kyis ni ngal gyur pa/ / de la der ni chos gos gnang / /sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra bar dbyar bzhugs par zhal gyis bzhes so/ /de'i tshe dge slong rab tu mang po dag gnas bcas su dbyar gnas par dam bcas te dbyar gyi zla ba gsum po dag 'das nas chos gos byas pa dang ldan chos gos zin pa dang ldan nas lhung bzed dang chos gos thogs te/ rtswa stug po dang rdzab chen por tsha bas ngal bar gyur cing rngul gyis lus yog bzhin mnyan yod gang na ba der rgyu zhing song ste/ rim gyis rgyu zhing song ba dang mnyan yod du phyin to/ /de nas dge slong rab tu mang po dag gis chos gos dang lhung bzed mkhos su phab nas rkang pa bkrus te/ bcom ldan 'das gang na ba der dong nas lhags pa dang / bcom ldan 'das kyi zhabs gnyis la mgo bos phyag 'tshal te phyogs cig tu 'dug go/ /chos nyid kyis sangs rgyas bcom ldan 'das rnams ni glo bur du lhags pa'i dge slong rnams la so so yang dag par dga' bar mdzad pa 'dis so so yang dag par dga' bar mdzad de/ dge slong dag khyed da gzod ga nas 'ongs/ gnas gang du dbyar gnas gnas/ btsun pa bdag cag ni gnas bcas nas da gzod mchis lags te/ bdag cag gnas bcas na dbyar mchis lags so/ /dge slong dag khyed cag gnas bcas su ci ga bde ba la reg par dbyar gnas sam/ bsod snyoms kyis brel bar ma gyur mod/ btsun pa mad par gsol te/ bdag cag gnas bcas su bde ba la reg par dbyar gnas shing bdag cag bsod snyoms kyis kyang brel ba ma mchis lags so/ /'on kyang bdag cag lhung bzed dang chos gos thogs te/ rtswa stug po dang rdzab chen bor tsha bas ngal bar gyur cing rngul gyis lus yog pas ljongs rgyu zhing mchis te/ rim gyis rgyu zhing mchi ba na tshegs chen pos 'dir mchis pa lags so// //'dul ba gzhi/ bam po drug bcu bdun pa/ bcom ldan 'das kyis dgongs pa/ kye ma nga'i nyan thos rnams lhung bzed dang chos gos thogs te rtswa stug po dang rdzab chen por tsha bas ngal bar gyur cing / lus rngul gyis yog pas ljongs rgyu zhing 'gro ba ni nyon mongs kyis/ ma la ngas dge slong rnams reg par gnas par bya ba'i phyir dang / sbyin pa po rnams kyi sbyin pa'i chos longs spyad par bya ba'i phyir dge slong rnams la sra brkyang gnang bar bya'o/ /'di ltar sra brkyang bting na phan yon lnga yod de zhag bcu las thal na ma yin pa dang / zla ba las thal na ma yin pa dang / nub mo bral na ma yin pa dang / bla gos mthang gos dang bcas pa'i chos gos kyis ljongs rgyur 'gro ba dang / chos gos rung ba ma yin pa ji tsam 'dod pa 'chang ba na ma yin pa'o/ /gzhan yang phan yon lnga yod de/ tshogs shing za na ma yin pa dang / yang yang za na ma yin pa dang / khyim rnams su mgron du ma bos par 'gro na ma yin pa dang / ji tsam 'dod pa'i chos gos btsal ba dang / ston zla 'bring po nas dpyid zla ra ba'i bar gyi nang der sra brkyang bting ba rnams kyi rnyed pa yin no snyam du dgongs nas/ dge slong rnams la bka' stsal pa/ dge slong dag de lta bas na ngas rjes su gnang ste/ dge slong rnams bde ba la reg par gnas par bya ba'i phyir dang / sbyin pa po rnams kyi sbyin pa'i chos longs spyad par bya ba'i phyir dbyar gnas pa'i dge slong rnams kyis sra brkyang gding bar bya'o/ /'di ltar sra brkyang la phan yon lnga yod de/ zhag bcu thal na ma yin pa dang zhes bya ba nas sra brkyang bting ba rnams kyi rnyed pa yin no zhes bya ba'i bar gong ma bzhin du'o/ /bcom ldan 'das kyis sra brkyang gding bar bya'o zhes bka' stsal na/ dge slong rnams kyis sra brkyang ji ltar gding ba ma shes nas/ bcom ldan 'das kyis bka' stsal pa/ dbyar gnas pa'i dge 'dun gyi chos gos kyi rnyed pa yod pa gang yin pa de las gding bar bya'o/ /gding ba ni 'di ltar bya ste/ re shig thog mar 'thun pa'i go bar bya ste/ chos gos 'di ni dbyar gnas pa'i dge 'dun gyi chos gos gyi rnyed pa byung ba lags te/ gal te dge 'dun bzhed na chos gos 'dis dge 'dun gyi sra brkyang gding bar bgyi'o/ /de nas phyi de nyin gnas mal bshams nas gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang / dge slong gcig gis gsol ba byas te las bya'o/ /dge 'dun btsun pa rnams gsan du gsol/ chos gos 'di ni dbyar gnas pa'i dge 'dun gyi chos gos kyi rnyed pa byung ba lags te/ dge 'dun gyi chos gos 'dis sra brkyang bgyis nas sra brkyang gding bar bzhed na/ des na sra brkyang bting ba'i gnas nas chas pa la chos gos rnying pa rnams dang 'bral ba yang mi 'byung na/ gsar pa rnams dang lta smos kyang ci 'tshal bar gal te dge 'dun gyi dus la bab cing bzod na dge 'dun gyis gnang bar mdzod cig dang / 'di ltar dge 'dun gyis chos gos 'di sra brkyang du mdzad de/ chos gos 'dis dge 'dun gyi sra brkyang 'dings so/ /des na sra brkyang bting ba'i gnas nas chas pa la chos gos rnying pa rnams dang 'bral ba yang mi 'byung na/ gsar pa rnams dang lta smos kyang ci 'tshal/ 'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ chos gos 'di ni dbyar gnas pa'i dge 'dun gyi rnyed pa byung ba lags la/ dge 'dun yang sra brkyang bgyi bar bzhed de/ dge 'dun gyis chos gos 'di sra brkyang du mdzad pas chos gos 'dis dge 'dun gyi sra brkyang 'dings so/ /des na sra brkyang bting ba'i gnas nas chas pa la chos gos rnying pa rnams dang 'bral ba yang mi 'byung na/ gsar pa rnams dang lta smos kyang ci 'tshal/ tshe dang ldan pa rnams las gang dag chos gos 'di sra brkyang du bgyi zhing chos gos 'dis dge 'dun gyi sra brkyang bting ste/ des na sra brkyang bting ba'i gnas nas chas pa las chos gos rnying pa rnams dang 'bral ba yang mi 'byung na/ gsar pa rnams dang lta smos kyang ci 'tshal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis chos gos 'di sra brkyang du mdzad nas chos gos 'dis dge 'dun gyi sra brkyang 'dings te/ des na sra brkyang bting ba'i gnas nas chas pa la chos gos rnying pa rnams dang 'bral ba yang mi 'byung na/ gsar pa rnams dang lta smos kyang ci 'tshal bar dge 'dun gyis bzod cing gnang nas 'di ltar cang mi gsung bas de de bzhin du 'dzin to/ / de'i 'og tu sra brkyang 'dings pa'i dge slong bsko bar bya ste/ chos lnga dang ldan pa'i dge slong ni sra brkyang 'dings par ma bskos pa ni bsko bar mi bya zhing bskos ba ni dbyung bar bya'o/ /lnga gang zhe na/ dbyar gyi ma yin pa dang / dbyar ral ba dang / dbyar phyi mar gnas par dam bcas pa dang / dbyar tha dad par gnas pa dang / bslab pa byin pa'o/ /gzhan yang chos lnga dang ldan na bsko bar mi bya ste/ spo ba pa dang / gzhi nas spo ba pa dang / mgu bar bya ba spyod pa dang / gzhi nas mgu bar bya ba spyod pa dang / gnas nas phyung ba'o/ /gzhan yang chos lnga dang ldan na bsko bar mi bya ste/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / sra brkyang bting ba dang ma bting ba mi shes pa'o/ /yang chos lnga dang ldan pa'i dge slong ni sra brkyang 'dings par ma bskos pa ni bsko bar bya zhing bskos pa ni dbyung bar mi bya'o/ /lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / sra brkyang bting ba dang ma bting ba shes pa'o/ /bsko ba ni 'di ltar bya ste/ gnas mal bshams te zhes bya ba nas/ dge 'dun thams cad tshogs shing mthun par gyur pa dang zhes bya ba'i bar gong ma bzhin du ste/ re shig thog mar spro bar bya ste/ ming 'di zhes bya ba khyod dge 'dun gyi sra brkyang 'dings par spro'am/ gal te spro na des spro'o zhes brjod par bya'o/ /de'i 'og tu dge slong gcig gis gsol bar byas te las bya'o/ /dge 'dun btsun pa rnams gsan du gsol/ sra brkyang 'dings pa'i dge slong ming 'di zhes bgyi ba 'di dge 'dun gyi sra brkyang 'dings par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / 'di ltar dge 'dun gyis dge slong ming 'di zhes bgyi ba sra brkyang 'dings par bskos te/ sra brkyang 'dings pa ming 'di zhes bgyi ba dge 'dun gyi sra brkyang 'dings par 'gyur ro/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ sra brkyang 'dings pa ming 'di zhes bgyi ba 'di dge 'dun gyi sra brkyang 'dings par spro na/ de'i slad du dge 'dun gyis ming 'di zhes bgyi ba sra brkyang 'dings par bskos te/ sra brkyang 'dings pa ming 'di zhes bgyi bas dge 'dun gyi sra brkyang 'dings par 'gyur na/ tshe dang ldan pa rnams las gang dag ming 'di zhes bgyi ba sra brkyang 'dings par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis sra brkyang 'dings pa ming 'di zhes bgyi ba dge 'dun gyi sra brkyang 'dings par bskos te/ 'di ltar cang mi gsung bas de de bzhin du 'dzin to/ /de nas gsol bas sra brkyang 'dings pa'i dge slong la sra brkyang sbyin par bya'o/ /dge 'dun btsun pa rnams gsan du gsol/ dge 'dun gyis chos gos 'di ni sra brkyang du mdzad la/ dge slong ming 'di zhes bgyi ba 'di yang sra brkyang 'dings par bskos lags te/ gal te dge 'dun gyi dus la bab cing bzod na dge 'dun gyis gnang bar mdzod cig dang / 'di ltar dge 'dun gyis dge slong ming 'di zhes bgyi ba la chos gos 'di sra brkyang gi slad du stsal to/ /'di ni gsol ba'o/ /ngas dge slong sra brkyang 'dings pa'i kun tu spyod pa'i chos dag bca' bar bya ste/ dge slong sra brkyang 'dings pas sra brkyang la thams cad du thog mar 'gro bar bya ste/ bkru'o/ /brkyang ngo / /dra'o/ /drub bo/ /kha bsgyur ro/ /chung ngu na khab kyis srubs gnyis sam/ gsum yang btsem par bya'o/ / lan gnyis sam gsum du sems bskyed par bya'o/ /de nas ston zla 'bring po zla ba yar gyi ngo'i tshes bcwa lnga la go bar bya ste/ tshe dang ldan pa dag sang kho bo sra brkyang 'dings kyis khyed cag so so'i chos gos sngags phyung shig /de nas sra brkyang 'dings pa'i dge slong gis sra brkyang dri dang me tog gis gtor zhing dri zhim po'i bdug pas bdugs nas gnas mal bshams te gaN DI brdungs nas dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang rgan pa'i mthar gzhag par bya'o/ /de nas rgan pa'i mthar 'dug nas sra brkyang blangs te/ dge 'dun btsun pa rnams gsan du gsol/ dge 'dun gyis chos gos 'di ni sra brkyang du mdzad la/ bdag dge slong ming 'di zhes bgyi ba yang sra brkyang 'dings par bskos te/ sra brkyang 'dings pa bdag ming 'di zhes bgyi bas chos gos 'dis dge 'dun gyi sra brkyang 'dings par 'gyur ro/ /gding ngo / /bting ngo / /de skad lan gnyis lan gsum du brjod par bya'o/ /de nas bting nas dge 'dun gyi gnas brtan gyi mdun du 'dug ste 'di skad ces gnas brtan dgongs su gsol/ chos gos 'di ni dge 'dun gyis sra brkyang du mdzad la/ bdag ming 'di zhes bgyi ba yang sra brkyang 'dings par bskos pa lags te/ bdag cag gis chos gos 'dis dge 'dun gyi sra brkyang bting lags so zhes brjod par bya'o/ /des legs par bting ngo / /shin tu bting ste/ 'di la rnyed pa dang phan yon yod pa gang yin pa de ni bdag cag gi yin no zhes brjod par bya zhing de bzhin du lan gnyis lan gsum du dge 'dun gsar bu'i bar du thams cad kyis legs par bting ngo / /shin tu bting ste/ 'di la rnyed pa dang phan yon yod pa gang yin pa de ni bdag cag gi yin no zhes brjod par bya'o/ /sra brkyang 'dings pa'i dge slong gis sra brkyang thogs te chab khung sar ma yin/ snabs phyi sar ma yin te/ tshang bar du 'jug par mi bya'o/ / mtshams kyi phyi rol tu 'gro bar mi bya'o/ /gal te song na der gnas par mi bya'o/ /sra brkyang 'dings pa'i dge slong gis kun tu spyod pa'i chos ji ltar bcas pa bzhin yang dag par blangs te 'jug par mi byed na 'gal tshabs can du 'gyur ro/ /de nas sra brkyang 'dings pa'i dge slong gis dpyid zla ra ba yar gyi ngo'i tshes bcwa lnga la yang go bar bya ste/ tshe dang ldan pa dag sang kho bo sra brkyang 'byin gyis khyed cag so so'i chos gos rnams byin gyis rlobs shig /de la rnyed pa byung ba gang yin pa de ni dge 'dun gyis bgo bar bya'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa du zhig gi sra brkyang ma bting lags/ nye ba 'khor lnga'i ste/ dbyar gyi ma yin pa dang / dbyar ral ba dang / dbyar phyi mar gnas par dam bcas pa dang / dbyar tha dad par gnas par dam bcas pa dang / sra brkyang de 'dings pa na mngon sum du ma gyur pa'i 'o/ /gzhan yang 'di lnga'i ma bting ba yin te/ spo ba pa dang / spo ba spyad zin pa dang / mgu bar bya ba spyod pa dang / mgu bar bya ba spyad zin pa dang / bslab pa byin pa'i 'o/ /btsun pa du zhig gi rnyed pa mchis la phan yon ma mchis lags/ nye ba 'khor lnga'i ste/ dbyar gyi ma yin pa dang / dbyar ral ba dang / dbyar phyi mar gnas par dam bcas pa dang / dbyar tha dad par gnas par dam bcas pa dang / sra brkyang de 'dings pa na mngon sum du ma gyur pa'i 'o/ /gzhan yang lnga po 'di dag gi ste/ spo ba pa dang / spo ba spyad zin pa dang / mgu bar bya ba spyod pa dang / mgu bar bya ba spyad zin pa dang / bslab pa byin pa'i 'o/ /btsun pa du zhig gi rnyed pa yang ma mchis la phan yon yang ma mchis lags/ nye ba 'khor lnga'i ste/ ma mthong bas gnas nas phyung ba dang / phyir mi byed pas gnas nas phyung ba dang / sdig pa'i lta bar song ba ma bor bas gnas nas phyung ba dang / dbyar tha dad par gnas pa dang / dge 'dun bye na chos ma yin pa'i phyogs pa'i 'o/ /dge slong rab tu mang po dag ljongs rgyu zhing dong ba na chom rkun pa rnams kyis bcom nas de dag rim gyis mnyan yod du phyin pa dang / dge slong rnams kyis mthong nas tshe dang ldan pa dag 'ongs pa legs so/ /'ongs pa legs so/ /ji ga bde bar spyad dam/ tshe dang ldan pa dag bde bar spyad pa ni ci 'dra ba zhig /bdag cag ni chom rkun pa rnams kyis bcom mo/ /tshe dang ldan pa dag bdag cag la rnyed pa mang du byung ste/ gal te sra brkyang phyung na khyed la chos gos kyi bgo bsha' bya ba zhig ces pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de lta bas na ngas rjes su gnang ste/ chom rkun pa dag gis bcom pa'i dge slong rnams kyi phyir sra brkyang dbyung bar bya'o/ /dbyung ba ni 'di ltar bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang / dge slong gcig gis gsol ba byas te las bya'o/ /dge 'dun btsun pa rnams gsan du gsol/ gnas 'dir dge 'dun 'thun pas 'di srid du sra brkyang bting ba las/ dge slong rab tu mang po chom rkun pa dag gis bcom nas lhags na/ gal te dge 'dun gyi dus la bab cing bzod na dge 'dun gyis gnang bar mdzod cig dang / 'di ltar dge 'dun gyis dge slong chom rkun gyis bcom pa rnams kyi slad du sra brkyang 'byin par mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ /gnas 'dir dge 'dun 'thun pas 'di srid du sra brkyang bting ba las/ dge slong rab tu mang po chom rkun pa dag gis bcom nas lhags te/ dge 'dun gyis dge slong chom rkun pa dag gis bcom pa rnams kyi slad du sra brkyang 'byin par mdzad na/ tshe dang ldan pa dag las gang dag dge slong chom rkun pa dag gis bcom pa rnams kyi phyir sra brkyang 'byin par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong chom rkun pa dag gis bcom pa rnams kyi slad du sra brkyang 'byin par mdzad de/ gang gi slad du mi gsung pas de de bzhin du 'dzin to/ /de nas rnyed pa byung ba gang yin pa de bgo bar bya ste/ bgos nas gang 'dod pa des rang gi skal ba las chom rkun pa dag gis bcom pa'i dge slong rnams la bgo bsha' bya'o// // sdom la/ rdol ba dang ni sril zos dang / /mtha' skor lhan rlo lhan rings dang / /gso ma'i seng ras zegs pa dang / /rnyings dang spangs dang dengs pa'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa chos gos rdol bas sra brkyang gding du rung lags sam/ nye ba 'khor mi rung ngo / /btsun pa chos gos srog chags kyis 'tshal ba dang / chos gos cha ga btab pa dang / chos gos lhan pa rlo bos btab pa dang / chos gos lhan rings can dang / gso ma'i seng ras kyi chos gos dang / chos gos zegs pa dang / chos gos rnyings pa dang / chos gos spangs pa dang / chos gos dengs pas sra brkyang gding du rung lags sam/ nye ba 'khor mi rung ngo // // sdom la/ blings dang dus ma yin pa dang / /gang zag gi ni chos gos gsum/ /mi rung ba dang ma dras dang / /khru lngar ma chog mi bya dang / /blo 'thun min dang mi gding dang / /mtshams kyi phyi rol mi skye 'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa blings pa'i chos gos kyis sra brkyang gding du rung lags sam/ nye ba 'khor mi rung ngo / /btsun pa dus ma lags pa'i chos gos dang / gang zag gi snam sbyar dang / bla gos dang mthang gos dang / mi rung ba'i chos gos dang / ma dras pa dang / khru lngar ma mchis pa dang / blo 'thun par ma bgyis pa'i chos gos dang / sra brkyang 'ding ba ma bskos pa dang / mtshams kyi slad rol tu blo 'thun par bgyis pa'i chos gos kyi sra brkyang dang / mtshams kyi slad rol tu bskos pa'i sra brkyang 'dings pas sra brkyang gding du rung lags sam/ nye ba 'khor mi rung ngo // // sdom la/ dus kyi nang ni zla ba gsum/ /gsar pa dang ni brtags pa nyid/ /phongs pa dang ni gso ma'i ras/ /gang zag gi ni chos gos gsum/ /btsun pa dus kyi chos gos kyis dge 'dun gyi sra brkyang gding du rung lags sam/ nye ba 'khor rung ngo / /btsun pa dgung zla gsum 'das nas dge 'dun gyi chos gos kyi rnyed pa gang lags pa des sra brkyang gding du rung lags sam/ nye ba 'khor rung ngo / /chos gos sar pa rung ngo / /sar pa brtags pa rung ngo / /phongs pa'i chos gos rung ngo / /gso ma'i seng ras snam sbyar mi rung ngo / /btsun pa gang zag gi snam sbyar gyis sra brkyang gding du rung lags sam/ nye ba 'khor gal te dge 'dun la phul bar gyur na rung ngo / /bla gos dang mthang gos kyang de bzhin no// // sdom la/ gang zag gi dang khyim pa'i dang / /khru lnga pa dang khru lnga'i lhag /blo 'thun byas pa'i gding ba dang / /mtshams kyi nang nyid skye ba'o/ /btsun pa gang zag gi chos gos kyis sra brkyang gding du rung lags sam/ mi rung ngo / /gal te dge 'dun la phul bar gyur na'o/ /khyim pa'i gos kyis mi rung ngo / /gal te dge 'dun la phul bar gyur na rung ngo / /khru lnga pas rung ngo / /khru lnga las lhag pa rung ngo / /blo 'thun par byas pa'i sra brkyang gi chos gos dang / sra brkyang 'dings pas rung ngo / /mtshams kyi nang du blo 'thun par byas pa'i sra brkyang gi chos gos kyis rung ngo / /mtshams kyi nang du sra brkyang 'dings pa bskos pas rung ngo / /ma mo brgyad kyi gzhis sra brkyang phyung bar gyur te/ brgyad gang zhe na/ song ba dang / rdzogs pa dang / nges pa dang / nyams pa dang / thos pa dang / mtshams 'das pa dang / re thag chad pa dang / brgyad pa ni sra brkyang phyung ba nyid de/ song ba'i mtha' can gyis sra brkyang phyung ba dang / rdzogs pa'i mtha' can dang / nges pa'i mtha' can dang / nyams pa'i mtha' can dang / thos pa'i mtha' can dang / mtshams 'das pa dang / re thag chad pa dang / brgyad pa ni sra brkyang phyung zin pa nyid yin no/ /song ba'i mtha' can gyi sra brkyang phyung ba gang zhe na/ 'di lta ste dge slong sra brkyang bting ba'i gnas nas chos gos ma byas chos gos ma zin par chos gos dang lhung bzed blangs te/ phyir mi 'ong bar mtshams kyi phyi rol du song ba de'i ni song ba'i mtha' can gyi sra brkyang phyung ba yin no/ /rdzogs pa'i mtha' can gyi sra brkyang phyung ba gang zhe na/ 'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas phyir 'ong zhing chos gos bya'o snyam pa las de 'di snyam du sems te/ bdag slar mi 'ong ste 'on kyang chos gos bya'o snyam pa de'i ni rdzogs pa'i mtha' can gyi sra brkyang phyung ba yin no/ /nges pa'i mtha' can gyi sra brkyang phyung ba gang zhe na/ 'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o snyam pa las de 'di snyam du sems te/ slar mi 'ong zhing chos gos kyang mi bya'o snyam pa de'i ni nges pa'i mtha' can gyi sra brkyang phyung ba yin no/ / nyams pa'i mtha' can gyi sra brkyang phyung ba gang zhe na/ 'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o snyam pa las de 'di snyam du sems te slar yang mi 'ong la chos gos kyang mi bya'o snyam nas/ des de rtsom zhing brtsams pa dang / nyams pa de'i ni nyams pa'i mtha' can gyi sra brkyang phyung ba yin no/ /thos pa'i mtha' can gyi sra brkyang phyung ba gang zhe na/ 'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ongs te chos gos bya'o snyam pa las/ dge 'dun 'thun pas sra brkyang phyung la des dge 'dun 'thun pas sra brkyang phyung ngo zhes thos so/ /thos nas kyang legs par phyung ngo / /shin tu phyung ngo zhes rjes su yi rang ba byas pa de'i ni thos pa'i mtha' can gyi sra brkyang phyung ba yin no/ /mtshams 'das pa pa'i sra brkyang phyung ba gang zhe na/ 'di lta ste dge slong sra brkyang bting ba'i gnas nas chos gos ma byas chos gos ma zin par phyir 'ong sam mi 'ong snyam pa las/ mtshams kyi phyi rol tu song ba de'i ni mtshams 'das pa pa'i sra brkyang phyung ba yin no/ /re thag chad pa pa'i sra brkyang phyung ba gang zhe na/ 'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o snyam pa las/ de'i chos gos re ba gang yin pa de thams cad du chad pa de'i ni re thag chad pa pa'i sra brkyang phyung ba yin no/ /brgyad pa sra brkyang phyung ba nyid gang zhe na/ 'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song ba las de yang slar 'ongs shing sra brkyang phyung ba nyams su myong ba de'i ni brgyad pa sra brkyang phyung ba nyid yin no// // sdom la/ ma byas pa ni nyi shu dang / /brtsams pa dag ni nyi shu dang / /re ba yod pa nyi shu dang / /re ba med pa nyi shu gcig /'di lta ste/ dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o snyam pa las de 'di snyam du sems te/ slar mi 'ong mod kyi 'on kyang chos gos bya'o snyam pa de'i ni rdzogs pa'i mtha' can gyi sra brkyang phyung ba yin no/ /'di lta ste/ dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o snyam pa las de 'di snyam du sems te/ slar mi 'ong zhing chos gos kyang mi bya'o snyam pa de'i ni nges pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o snyam pa las des de rtsom zhing de'i brtsams pa nyams pa de'i ni nyams pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o snyam pa las dge 'dun 'thun pas sra brkyang phyung la/ des dge 'dun 'thun pas sra brkyang phyung ngo zhes thos so/ /thos nas kyang legs par phyung ngo / /shin tu phyung ngo zhes rjes su yi rang ba byas pa de'i ni thos pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o snyam pa las/ de der song nas 'di snyam du sems te/ slar mi 'ong zhing 'on kyang chos gos ni bya'o snyam pa de'i ni rdzogs pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o snyam pa las de der song nas de 'di snyam du sems te/ slar mi 'ong zhing chos gos kyang mi bya'o snyam pa de'i ni nges pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o snyam pa las/ de der song nas rtsom zhing de'i brtsams pa nyams pa de'i ni nyams pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o snyam pa las/ dge 'dun 'thun pas sra brkyang phyung la des dge 'dun 'thun pas sra brkyang phyung ngo zhes thos so/ /thos nas kyang legs par phyung ngo / /shin du phyung ngo zhes rjes su yi rang ba byas pa de'i ni thos pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o zhes sems la bzhag pa las de 'di snyam du sems te/ slar mi 'ong zhing 'on kyang chos gos bya'o snyam pa de'i ni rdzogs pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o zhes sems la bzhag pa las/ de der song nas 'di snyam du sems te/ slar mi 'ong zhing chos gos kyang mi bya'o snyam pa de'i ni nges pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin bar mtshams kyi phyi rol du song nas slar 'ong zhing chos gos bya'o zhes sems la bzhag pa las des de rtsom zhing de'i brtsams pa nyams pa de'i ni nyams pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o zhes sems la bzhag pa las/ dge 'dun 'thun pas sra brkyang phyung la des dge 'dun 'thun pas sra brkyang phyung ngo zhes thos so/ /thos nas kyang legs par phyung ngo / /shin tu phyung ngo zhes rjes su yi rang bar byas pa de'i ni thos pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o zhes sems la bzhag pa las/ de der song nas 'di snyam du sems te/ slar mi 'ong ste 'on kyang chos gos bya'o snyam pa de'i ni rdzogs pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o zhes sems la bzhag pa las/ de der song nas 'di snyam du sems te/ slar mi 'ong zhing chos gos kyang mi bya'o snyam pa de'i ni nges pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol tu song nas slar 'ong zhing chos gos bya'o zhes sems la bzhag pa las/ de der song nas rtsom zhing de'i brtsams pa nyams pa de'i ni nyams pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o zhes sems la bzhag pa las/ dge 'dun 'thun pas sra brkyang phyung la des dge 'dun 'thun pas sra brkyang phyung ngo / /zhes thos so/ /thos nas kyang legs par phyung ngo / /shin tu phyung ngo zhes rjes su yi rang ba byas pa de'i ni thos pa'i mtha' can gyi sra brkyang phyung ba yin no/ /'di lta ste/ dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o/ /zhes sems la bzhag pa las/ de der song nas 'di snyam du sems te/ slar mi 'ong ste 'on kyang chos gos bya'o snyam pa de'i ni rdzogs pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o/ /zhes sems la bzhag pa las/ de der song nas 'di snyam du sems te/ slar mi 'ong zhing chos gos kyang mi bya'o/ /snyam pa de'i ni nges pa'i mtha' can gyi sra brkyang phyung ba yin no/ /'di lta ste/ dge slong sra brkyang bting ba'i gnas nas chos gos ma zin chos gos ma byas par mtshams kyi phyi rol du song nas slar 'ong zhing chos gos bya'o/ /zhes sems la bzhag pa las/ de der song nas rtsom zhing de'i brtsams pa nyams pa de'i ni/ nyams pa'i mtha' can gyi sra brkyang phyung ba yin no/ /'di lta ste/ dge slong sra brkyang bting ba'i gnas nas chos gos ma byas/ /chos gos ma zin par mtshams kyi phyi rol du song nas slar 'ong zhing chos gos bya'o/ /zhes sems la bzhag pa las/ dge 'dun 'thun pas sra brkyang phyung la des dge 'dun 'thun pas sra brkyang phyung ngo zhes thos so/ /thos nas kyang legs par phyung ngo / /shin du phyung ngo zhes rjes su yi rang ba byas pa de'i ni/ thos pa'i mtha' can gyi sra brkyang byung ba yin no/ /'di lta ste/ dge slong sra brkyang bting ba'i gnas nas chos gos ma byas chos gos ma zin par ci slar 'ong ngam 'on te slar mi 'ong zhes sems la the tshom za bzhin mtshams kyi phyi rol du song ba las/ /de 'di snyam du sems te/ slar phyir mi 'ong ste 'on kyang chos gos ni bya'o/ /snyam pa de'i ni rdzogs pa'i mtha' can gyi sra brkyang phyung ba yin no/ /'di lta ste/ dge slong sra brkyang bting ba'i gnas nas chos gos ma byas chos gos ma zin par ci slar 'ong ngam 'on te slar mi 'ong zhes sems la the tshom za bzhin mtshams kyi phyi rol du song ba las/ de 'di snyam du sems te/ slar mi 'ong zhing chos gos kyang mi bya'o snyam pa de'i ni nges pa'i mtha' can gyi sra brkyang phyung ba yin no/ /'di lta ste/ dge slong sra brkyang bting ba'i gnas nas chos gos ma byas chos gos ma zin par ci slar 'ong ngam 'on te slar mi 'ong zhes sems la the tshom za bzhin mtshams kyi phyi rol du song ba las/ des de rtsom zhing de'i brtsams pa nyams pa de'i ni nyams pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par ci slar 'ong ngam 'on te slar mi 'ong zhes sems la the tshom za bzhin mtshams kyi phyi rol du song ba las/ dge 'dun 'thun pas sra brkyang phyung la des dge 'dun 'thun pas sra brkyang phyung ngo / /zhes thos so/ /thos nas kyang legs par phyung ngo / /shin du phyung ngo zhes rjes su yi rang ba byas pa de'i ni thos pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas zhes bya ba thams cad brjod par bya'o/ /'on kyang snga ma'i nyi shu la ni chos gos ma byas chos gos ma zin par zhes bya'o/ /'dir ni chos gos ma zin pa zhes bya ba bor te/ chos gos brtsams pa zhes bya ba bcug ste rnam pa 'dis nyi shu pa gzhan bya'o/ /'di lta ste dge slong sra brkyang bting ba'i gnas nas chos gos ma byas chos gos ma zin par mtshams kyi phyi rol du song nas slar 'ong zhing chos gos bya'o snyam pa'i re ba yod pa las de 'di snyam du sems te slar mi 'ong ste 'on kyang chos gos ni bya'o snyam pa de'i ni rdzogs pa'i mtha' can gyi sra brkyang phyung ba yin te/ re ba yod pa zhes bya ba'i khyad par 'dis snga ma bzhin du nyi shu pa gzhan bya'o/ / 'di lta ste dge slong sra brkyang bting ba'i gnas nas chos gos ma byas chos gos ma zin par slar 'ong zhing chos gos bya'o snyam pa'i re ba med par mtshams kyi phyi rol du song ba las de 'di snyam du sems te/ slar mi 'ong zhing 'on kyang chos gos ni bya'o/ /snyam pa de'i ni rdzogs pa'i mtha' can gyi sra brkyang phyung ba yin te/ re ba med pa zhes bya ba'i khyad par 'dis snga ma bzhin du nyi shu pa gzhan bya'o// // sdom la/ bya ba dag ni bcu gnyis dang / /btsal ba dang ni de bzhin gzhan/ /yul la lngar ni bya ba ste/ /gnas la yang ni lnga yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par bya ba zhig la mtshams kyi phyi rol du song nas slar 'ong zhing chos gos bya'o snyam pa las de 'di snyam du sems te/ slar mi 'ong ste 'on kyang chos gos ni bya'o snyam pa de'i ni rdzogs pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par bya ba zhig la mtshams kyi phyi rol du song nas slar 'ong zhing chos gos bya'o snyam pa las de 'di snyam du sems te/ slar mi 'ong zhing chos gos kyang mi bya'o snyam pa de'i ni nges pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par bya ba zhig la mtshams kyi phyi rol du song nas slar 'ong zhing chos gos bya'o snyam pa las/ des de rtsom zhing de brtsams pa las nyams pa de'i ni nyams pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par bya ba zhig la mtshams kyi phyi rol du song nas slar 'ong zhing chos gos bya'o snyam pa las dge 'dun 'thun pas sra brkyang phyung la des dge 'dun 'thun pas sra brkyang phyung ngo zhes thos so/ /thos nas kyang legs par phyung ngo / /shin du phyung ngo zhes rjes su yi rang ba byas pa de'i ni thos pa'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par bya ba zhig la mtshams kyi phyi rol du song nas slar 'ong zhing chos gos bya'o snyam pa las/ de der song nas 'di snyam du sems te/ slar mi 'ong te 'on kyang chos gos ni bya'o snyam pa de'i ni rdzogs pa'i mtha' can gyi sra brkyang phyung ba yin no/ /der song nas zhes bya ba'i khyad par 'dis rdzogs pa'i mtha' can gsungs pa ji lta ba bzhin nges pa'i mtha' can dang / nyams pa'i mtha' can dang / thos pa'i mtha' can yang de bzhin no/ /'di lta ste dge slong sra brkyang bting ba'i gnas nas chos gos ma byas chos gos ma zin par bya ba zhig gi ched la mtshams kyi phyi rol du song nas ci slar 'ong ngam 'on te slar mi 'ong zhes sems la the tshom za ba las/ de 'di snyam du sems te slar mi 'ong ste 'on kyang chos gos bya'o snyam pa de'i ni rdzogs pa'i mtha' can gyi sra brkyang phyung ba yin no/ / sems la the tshom za bas rdzogs pa'i mtha' can gsungs pa ji lta bar nges pa'i mtha' can dang / nyams pa'i mtha' can dang / thos pa'i mtha' can yang de bzhin no/ /'di lta ste dge slong sra brkyang bting ba'i gnas nas chos gos ma byas chos gos ma zin par btsal ba zhig la mtshams kyi phyi rol du song nas slar 'ong zhing chos gos bya'o snyam pa las de 'di snyam du sems te/ slar mi 'ong ste 'on kyang chos gos ni bya'o snyam pa de'i ni rdzogs pa'i mtha' can gyi sra brkyang phyung ba yin no/ /btsal ba zhes bya ba'i khyad par 'dis snga ma bzhin du bcu gnyis pa gzhan no/ /'di lta ste dge slong sra brkyang bting ba'i gnas nas chos gos ma byas chos gos ma zin par slar mi 'ong bar yul ltar mtshams kyi phyi rol du song ba de'i ni song ba'i mtha' can gyi sra brkyang phyung ba yin no/ /'di lta ste dge slong sra brkyang bting ba'i gnas nas chos gos ma byas chos gos ma zin par yul ltar mtshams kyi phyi rol du song nas ci slar 'ong ngam 'on te slar mi 'ong zhes sems la the tshom za ba las de 'di snyam du sems te slar mi 'ong ste 'on kyang chos gos mi bya'o/ /snyam pa de'i ni rdzogs pa'i mtha' can gyi sra brkyang phyung ba yin te/ nges pa'i mtha' can dang / nyams pa'i mtha' can dang / thos pa'i mtha' can yang de bzhin no/ /yul lta ba'i lnga ji lta bar gnas lta ba'i lnga yang de bzhin no/ / sra brkyang gi gzhi rdzogs so// //'dul ba gzhi/ bam po drug bcu brgyad pa/ kau sham+bI'i gzhi'i sdom ni/ kau sham+bIr ni 'thab krol gyi/ /dge slong rtsod pa sna tshogs dang / /khre'u ni dang rtsod par byed pa dang / / ring po len gyi spyod pa dang / /ngan spong lan tshwa kha ba dang / /srung dang tshal stug glang chen dang / /ma 'gags pas ni nges byas dang / /mnyan yod du ni zhi bar byas/ /sangs rgyas bcom ldan 'das kau sham+bI'i dbyangs ldan gyi kun dga' ra ba na bzhugs so/ /de'i tshe kau sham+bI'i dge slong gdug pa rnam par gnon pa/ mdo sde 'dzin pa/ 'dul ba 'dzin pa/ ma mo 'dzin pa zhig yod de/ de'i grogs byed pa'i dge slong mang po yang gdug pa rnam par gnon pa/ mdo sde 'dzin pa/ 'dul ba 'dzin pa/ ma mo 'dzin pa yin no/ /yangs pa can na yangs pa can gyi dge slong 'dug pa rnam par gnon pa/ mdo sde 'dzin pa/ 'dul ba 'dzin pa/ ma mo 'dzin pa zhig yod de/ de'i grogs byed pa'i dge slong mang po yang gdug pa rnam par gnon pa/ mdo sde 'dzin pa/ 'dul ba 'dzin pa/ ma mo 'dzin pa yin no/ /de nas yangs pa can gyi dge slong dus gzhan zhig na ljongs rgyu zhing song ba dang kau sham+bIr phyin te/ de lam gyis dub pa ngal ba sos nas kau sham+bI'i dge slong gi drung du song ste phyin pa dang / phan tshun so so yang dag par dga' bar byas nas mdo sde dang / 'dul ba dang / chos mngon pa rnams gtan la dbab par brtsams te/ de nas gcig gis smras pa/ mdo sde 'di ni 'di skad du gdon par bya ste/ mdo sde 'di'i don ni 'di yin no/ /gcig shos kyis smras pa/ mdo sde 'di ni de skad du gdon par mi bya ste/ mdo sde 'di'i don ni 'di'i ma yin no/ kho bo'i ni rigs so/ khyod kyi ni mi rigs so/ kho bo'i ni 'brel ba yin no/ khyod kyi ni 'brel ba ma yin no zhes de gnyis phan tshun du ma mthun par gyur nas kau sham+bI'i dge slong gis yangs pa can gyi dge slong la glan ka btsal ba lhur len cing 'dug go/ /dge 'dun gyis kyang 'di lta bu'i khrims su bca' ba byas te/ gang gi khrus kyi bum pa chu 'gribs pa dang / nyung ba dang / chu med par mthong ba des chus bkang ste gnas ji lta ba bzhin du gzhag par bya ba 'am/ dge bskos la khrus kyi bum pa stong par 'dug go zhes bsgo bar bya'o/ /gal te bdag nyid kyis ma bkang ngam dge bskos la ma bsgos par gyur na de ni ma gus pa yin te/ ma gus pa'i phyir de bdag cag gis ltung byed kyi ltung ba 'chags su gzhug go zhes byas so/ /ji tsam na khyim bdag cig gis sangs rgyas la sogs pa dge slong gi dge 'dun khyim du gdugs tshod la spyan drangs so/ /de na dge slong kha cig ni zas la dong ngo / /kha cig ni 'gro bar chas so/ /yangs pa can gyi dge slong khrus kyi bum pa blangs nas snams phyi sar zhugs pa dang / de'i lhan cig gnas pas rings rings ltar 'ongs nas sgra phyung ba/ mkhan po dge slong kha cig ni zas la dong lags so/ /kha cig ni 'dong par chas kyis tshur spyon bzhud do/ /de de dang lhan cig khrus kyi bum pa gnas gcig tu bzhag ste chas so/ /kau sham+bI'i dge slong de yang phyogs de nyid du phyin pa dang / de nas yangs pa can gyi dge slong des khrus kyi bum pa blangs te gtsug lag khang du 'jug par bsams pa dang lhan cig gnas pas smras pa/ mkhan po gar bzhud/ des smras pa/ bu kho bo la kau sham+bI'i dge slong 'di glan ka tshol bas khrus kyi bum pa 'gengs su 'gro'o/ /ci 'di thams cad kyi thams cad du stong ngam/ thams cad kyi thams cad du stong pa ma yin mod kyi/ 'on kyang chu 'dis chu'i bya ba byed mi nus so/ /mkhan po thams cad kyi thams cad du stong par ma gyur pas 'tshal te/ bdag cag ni mkhan po'i phyogs dang / dpung dang / grogs bgyid pa lags kyis tshur spyon bzhud do/ /des de nyid du bzhag nas de dang lhan cig tu dong ngo / /kau sham+bI'i dge slong gis mthong nas khrus kyi bum pa de la mnams so/ /de nas mi bzod pa skyes te mjal to zhes byas nas khrus kyi bum pa bkang te chu'i bya ba byas nas song ngo / /de nas zan zos nas dge slong gi dge 'dun gtsug lag khang du lhags pa dang / dge slong rnams la bsgrags pa/ tshe dang ldan pa dag yangs pa can gyi dge slong des dge 'dun gyi nang khrims dral to/ /de nas rgan rims ji lta ba bzhin du gdud pa byas nas rim gyis de'i drung du son pa dang / smras pa/ tshe dang ldan pa skabs phye shig /ltung ba rigs lnga la skabs phye'o/ /khyod la de ring ltung ba byung gis ltung ba yang slar chos bzhin du gyis shig /ltung ba ma mthong ngo / /dge 'dun gyis khrims su bca' ba gang gis khrus kyi bum pa chu 'gribs pa dang / chu nyung ba dang / chu med pa mthong na bdag nyid kyis chus bkang ste/ gnas ji lta ba bzhin du gzhag par bya ba 'am/ dge bskos la tshe dang ldan pa khrus kyi bum pa stong par 'dug go zhes bsgo bar bya'o/ /bdag nyid kyis kyang ma bkang la dge bskos la yang ma bsgo na de ni ma gus pa yin te/ ma gus pa'i phyir de bdag cag gis ltung byed kyi ltung ba 'chags su gzhug go zhes bcas pa ma yin nam/ des smras pa/ de ha cang stong pa ma yin no/ /stong par ma gyur kyang rung ste/ chu des chu'i bya ba byed mi nus so/ /des cang mi smra bar 'dug go/ /kau sham+bI'i dge slong ni kau sham+bI na gnyug ma ba dang 'khor mang po yin pas des de la nan gyis gnas nas dbyung ba'i las byas pa dang / yangs pa can gyi dge slong rnams 'khrugs par gyur nas/ de na kau sham+bI'i dge slong rnams dang 'thab krol dang / mtshang 'dru ba dang / rtsod pa dang / 'gyed pa byung bar gyur te/ 'di lta ste ltung ba byung ngo zhe 'am/ ltung ba ma byung ngo zhe 'am/ gnas nas phyung ba yin no zhe 'am/ gnas nas phyung ba ma yin no zhes/ gang yang ltung ba byung ba dang / ltung ba med pa dang / gnas nas dbyung ba dang / gnas nas dbyung ba ma yin pa la gnas nas phyung ba gang yin pa de ni chos ma yin pa las 'khrugs pa gzhag par 'os pas phyung ngo zhes pa'i skabs de dge slong rnams kyis bcom ldan 'das la gsol pa dang / de nas bcom ldan 'das kyis gnas nas phyung ba'i dge slong dang / gnas nas phyung ba'i rjes su phyogs pa'i dge slong rnams dang / gnas nas phyung ba'i rjes su phyogs pa'i yang rjes su phyogs pa rnams pho nyas bkug ste 'di skad ces bka' stsal to/ /dge slong dag khyed 'thab krol dang mtshang 'bru ba dang / rtsod pa dang / 'gyed pa byung nas/ 'di lta ste ltung ba byung ngo zhe 'am zhes bya ba nas 'khrugs pa gzhag par 'os pas zhes bya ba'i bar gong ma bzhin du ste bden nam/ btsun pa mad lags so/ /dge slong dag 'thab krol ma byed cig /mtshang ma 'dru zhig /ma rtsod cig / ma 'gyed cig /gzhan yang ngas gnas nas phyung ba'i dge slong gi kun du spyod pa'i chos bca' bar bya ste/ dge slong gnas nas phyung bas 'di snyam du sems bskyed par bya'o/ /gnas nas 'byin pa'i dge slong 'di ni gdug pa rnam par gnon pa/ mdo sde 'dzin pa/ 'dul ba 'dzin pa/ ma mo 'dzin pa yin la/ de'i grogs byed pa'i dge slong mang po yang gdug pa pha rol gnon pa/ mdo sde 'dzin pa/ 'dul ba 'dzin pa/ ma mo 'dzin pa yin te/ gal te bdag gis ltung ba chos bzhin du slar ma byas na des na dge 'dun 'thab krol dang / mtshang 'dru ba dang / rtsod pa dang / 'gyed pa byung bas gnas par 'gyur gyis/ ma la bdag gis ltung ba phyir chos bzhin bya'o/ /gnas nas phyung ba'i dge slong gis kun tu spyod pa'i chos ji ltar bcas pa bzhin yang dag par blangs te 'jug par mi byed na 'gal tshabs can du 'gyur ro/ /de nas bcom ldan 'das kyis gnas nas phyung ba'i dge slong dang / gnas nas byung ba'i rjes su phyogs pa'i dge slong rnams dang / gnas nas phyung ba'i rjes su phyogs pa'i yang rjes su phyogs pa rnams gzeng bstod nas gnas nas 'byin pa'i dge slong dang / gnas nas 'byin pa'i rjes su phyogs pa'i dge slong rnams dang / gnas nas 'byin pa'i rjes su phyogs pa'i yang rjes su phyogs pa'i dge slong rnams pho nyas bkug ste 'di skad ces bka' stsal to/ /dge slong dag khyed 'thab krol dang / mtshang 'dru ba dang / rtsod pa dang / 'gyed pa byung nas/ 'di lta ste ltung ba byung ngo zhe 'am zhes bya ba nas 'khrugs pa gzhag par 'os pas zhes bya ba'i bar gong ma bzhin du ste bden nam btsun pa mad lags so/ /dge slong dag 'thab krol ma byed cig /mtshang ma 'dru shig /ma rtsod cig /ma 'gyed cig /gzhan yang ngas gnas nas 'byin pa'i dge slong gi kun du spyod pa'i chos bca' bar bya ste/ dge slong gnas nas 'byin pa 'di snyam du sems bskyed par bya'o/ /gnas nas phyung ba'i dge slong 'di ni gdug pa rnam par gnon pa/ mdo sde 'dzin pa/ 'dul ba 'dzin pa/ ma mo 'dzin pa yin la 'di'i grogs byed pa'i dge slong mang po yang gdug pa rnam par gnon pa/ mdo sde 'dzin pa/ 'dul ba 'dzin pa/ ma mo 'dzin pa yin te/ gal te bdag gis de la mi 'dod pa glengs sam/ dran par byas na des na dge 'dun 'thab krol dang / rtsod pa dang / mtshang 'dru ba dang / 'gyed pa byung bas gnas par 'gyur gyis/ ma la bdag gis 'di la mi 'dod pa gleng bar mi bya dran par mi bya'o/ /gnas nas 'byin pa'i dge slong gis kun du spyod pa'i chos ji ltar bcas pa bzhin yang dag par blangs te 'jug par mi byed na 'gal tshabs can du 'gyur ro/ / bcom ldan 'das kyis de skad ces bka' stsal na/ 'on kyang dge slong de rnams 'thab krol dang / mtshang 'dru ba dang / rtsod pa dang / 'gyed pa byung bas gnas shing da dung gso sbyong la yang gso sbyong ma yin par byed pa'i skabs de dge slong rnams kyis bcom ldan 'das la gsol pa dang / de nas bcom ldan 'das kyis gnas nas phyung ba'i dge slong dang / gnas nas phyung ba'i rjes su phyogs pa'i dge slong rnams dang / gnas nas phyung ba'i rjes su phyogs pa'i yang rjes su phyogs pa rnams pho nyas bkug te 'di skad ces bka' stsal to/ /dge slong dag khyed la ngas de skad ces bka' stsal kyang 'thab krol dang / mtshang 'dru ba dang / rtsod pa dang / 'gyed pa byung bas gnas shing / da dung gso sbyong la yang gso sbyong ma yin par byed pa bden nam/ btsun pa mad lags so/ /dge slong dag 'thab krol ma byed cig /mtshang ma 'dru shig /ma rtsod cig /ma 'gyed cig /dge slong dag khyed cag 'thab krol dang / mtshang 'dru ba dang / rtsod pa dang / 'gyed pa 'byung zhing gnas nas las su bya ba gang dag yin pa gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las byas pa rnams ma byas pa dang 'khrugs par 'gyur zhing / dge slong dag khyed dang dge slong de rnams su de rnams dang khyed du tha dad du gnas par 'gyur ro/ /de ci'i phyir zhe na/ dge slong dag gnyis po 'di dag ni tha dad par gnas pa yin te/ gang zhig bdag nyid kyis bdag nyid tha dad pa'i gnas su bzhag pa dang / gang zhig dge 'dun gyis chos kyis bzhag pa'o/ /bdag nyid kyis bdag nyid tha dad pa'i gnas su bzhag pa gang zhe na/ 'di lta ste dge slong dge slong rnams 'thab krol dang / mtshang 'dru ba dang / rtsod pa dang / 'gyed pa byung zhing phyogs dang phyogs gzhan du gnas pa na ched du bsams te chos kyi phyogs nas chos ma yin pa'i phyogs su 'gro ba ste/ de lta bu ni bdag nyid kyis bdag nyid tha dad pa'i gnas su bzhag pa yin no/ /dge 'dun gyis chos kyis bzhag pa gang zhe na/ 'di lta ste dge 'dun gyis ma mthong bas gnas nas phyung ba dang / phyir mi byed pa dang / sdig pa can gyi lta bar song ba mi 'dor ba gnas nas phyung ba ste/ 'di ni dge 'dun gyis chos kyis yin no/ /dge slong dag gnyis po 'di dag ni 'thun par gnas pa yin te/ gnyis gang zhe na/ gang zhig bdag nyid kyis bdag nyid 'thun pa'i gnas su bzhag pa dang / gang zhig dge 'dun gyis chos kyis bzhag pa'o/ /bdag nyid kyis bdag nyid 'thun pa'i gnas su bzhag pa gang zhe na/ dge slong dge slong rnams 'thab krol dang / mtshang 'dru ba dang / rtsod pa dang / 'gyed pa byung zhing phyogs dang phyogs gzhan du gnas pa na ched du bsams te/ chos ma yin pa'i phyogs nas chos kyi phyogs su 'gro ba ste/ 'di ni bdag nyid kyis bdag nyid 'thun pa'i gnas su bzhag pa yin no/ /dge 'dun gyis chos kyis bzhag pa gang zhe na/ 'di lta ste dge 'dun gyis ma mthong bas gnas nas phyung ba 'byin pa dang / phyir mi byed pa dang / sdig pa can gyi lta bar song ba mi 'dor ba gnas nas phyung ba 'byin pa ni dge 'dun gyis chos kyis bzhag pa yin no/ /de nas bcom ldan 'das kyis gnas nas phyung ba'i dge slong dang / gnas nas phyung ba'i rjes su phyogs pa'i dge slong rnams dang / gnas nas phyung ba'i rjes su phyogs pa'i yang rjes su phyogs pa rnams gzeng bstod nas/ gnas nas 'byin pa'i dge slong dang / gnas nas 'byin pa'i rjes su phyogs pa'i dge slong rnams dang / gnas nas 'byin pa'i rjes su phyogs pa'i yang rjes su phyogs pa rnams pho nyas bkug nas 'di skad ces bka' stsal to/ /dge slong dag ngas de skad ces bka' stsal na/ 'on kyang khyed 'thab krol dang / mtshang 'dru ba dang / rtsod pa dang 'gyed pa byung bas gnas shing / da dung gso sbyong la yang gso sbyong ma yin par byed pa bden nam/ btsun pa mad lags so zhes bya ba nas/ bcom ldan 'das kyis de skad ces gsungs kyang dge slong de rnams 'thab krol dang / mtshang 'dru ba dang / rtsod pa dang / 'gyed pa byung bas gnas so zhes bya ba'i bar gong ma bzhin du'o/ /khyim bdag gcig gis sangs rgyas la sogs pa'i dge slong gi dge 'dun khyim du gdugs tshod la spyan drangs pa las dge slong gi dge 'dun ni dong ngo / /bcom ldan 'das ni rdzas kyis bsgrubs pa na bzhugs te bsod snyoms kyi sku skal nod par mdzad do/ /bcom ldan 'das rnams ni rgyu lngas rdzas kyis bsgrubs pa na bzhugs shing bsod snyoms kyi sku skal nod par mdzad pa yin zhes bya ba nas/ skabs 'dir ni bcom ldan 'das nyan thos rnams 'dul ba la bslab pa'i gzhi bca' bar bzhed nas rdzas kyis bsgrubs pa na bzhugs shing bsod snyoms kyi sku skal la nod par mdzad do zhes bya ba'i bar gong ma bzhin no/ / de na rgol ba dang phyir rgol ba'i dge slong rnams zas kyi phyir khyim gyi nang du zhugs pa dang 'thab krol dang / mtshang 'dru ba dang / rtsod pa dang / 'gyed pa byung bas gnas par gyur te/ 'di lta ste ltung ba byung ngo zhes bya ba nas gzhag par 'os pa'o zhes bya ba'i bar gong ma bzhin du ste/ de ni phan tshun rdeg pa la zhugs so/ /de nas dge slong bsod snyoms nod pas bsod snyoms khyer nas bcom ldan 'das gang na ba der song ste phyin pa dang bsod snyoms mtha' gcig tu bzhag nas/ bcom ldan 'das kyi zhabs gnyis la mgo bos phyag 'tshal te spyan sngar 'dug go/ /chos nyid kyis sangs rgyas bcom ldan 'das rnams ni bsod snyoms nod pa'i dge slong la so so yang dag par dga' bar mdzad de/ dge slong cig dge slong gi dge 'dun la bsod pa'i kha zas kyis tshim par byas sam zhes gsung ba yin pas/ bcom ldan 'das kyis bsod snyoms nod pa'i dge slong la so so yang dag par dga' bar mdzad pa 'dis so so yang dag par dga' bar mdzad de/ dge slong ji ga dge slong gi dge 'dun la kha zas bsod pas tshim par byas sam/ btsun pa mad par dge slong gi dge 'dun la zhal zas bsod pas tshim par bgyis na/ 'on kyang rgol ba dang phyir rgol ba'i dge slong rnam sdum pa'i nang du 'thab krol dang / mtshang 'dru ba dang / rtsod pa dang / 'gyed pa byung nas 'di lta ste/ ltung ba byung ngo zhes 'am zhes bya ba nas gzhag par 'os pa zhes bya ba'i bar gong ma bzhin du'o/ /de ni phan tshun du rdeg pa la zhugs lags so/ / de nas bcom ldan 'das kyis zhal zas kyi bya ba mdzad nas gtsug lag khang gi phyi rol du zhabs gnyis bkrus te nang du yang dag 'jog gi phyir gtsug lag khang du zhugs so/ /de nas bcom ldan 'das rgongs ka nang du yang dag 'jog las bzhengs nas dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag khyed kha zas la khyim du zhugs pa na/ 'thab krol dang / mtshang 'dru ba dang / rtsod pa dang / 'gyed pa byung bar gyur nas 'di lta ste ltung ba byung ngo zhes 'am zhes bya ba nas da ni phan tshun du rdeg pa la zhugs so/ / zhes bya ba'i bar du bden nam/ btsun pa mad lags so/ /dge slong dag 'thab krol ma byed cig /mtshang ma 'dru shig /ma rtsod cig /ma 'gyed cig /gzhan yang ngas rgol ba dang phyir rgol ba'i dge slong rnams khang pa'i nang du 'jug pa'i kun du spyod pa'i chos bca' bar bya ste/ rgol ba dang phyir rgol ba'i dge slong rnams kyis khang pa'i nang du zhugs nas gang du lus kyi kun du spyod pa rung ba ma yin pa de lta bu'i skabs mi 'byung bar bstan bar chad yod par 'dug par bya'o/ /rgol ba dang phyir rgol ba'i dge slong rnams kyis khang pa'i nang du zhugs nas kun tu spyod pa'i chos ji ltar bcas pa bzhin yang dag par blangs te 'jug par mi byed na 'gal tshabs can du 'gyur ro/ /bcom ldan 'das kyis de skad ces gsungs na/ 'on kyang dge slong rnams 'thab krol dang / mtshang 'dru ba dang / rtsod pa dang / 'gyed pa byung bas gnas pa'i skabs de bcom ldan 'das la dge slong rnams kyis gsol pa dang / de nas bcom ldan 'das kyis dge slong rnams la bka' stsal pa/ dge slong dag 'thab krol ma byed cig /mtshang ma 'dru shig / ma rtsod cig /ma 'gyed cig /dge slong dag khyed cag 'thab krol dang / mtshang 'dru ba dang / rtsod pa dang / 'gyed pa byung bas gnas na rtsod pa byung zhing byung ba ston pa'i bstan pa chos 'dul bas dul bar bya ba dang / zhi bar bya ba dang / nye bar zhi bar bya ba'i gnas 'di med do/ /dge slong dag khyed cag 'thab krol med pa dang / mtshang 'dru ba med pa dang / rtsod pa med pa dang / 'gyed pa med par gyur cing gnas na rtsod pa byung zhing byung ba ston pa'i bstan pa chos 'dul bas dul bar bya ba dang / zhi bar bya ba dang / nye bar zhi bar bya ba'i gnas 'di yod do/ /dge slong dag sngon byung ba yul ka shi'i rgyal po tshangs byin zhes bya ba dang / yul ko sa la'i rgyal po ring po len gnyis phan tshun du rtsod par gyur te/ rgyas par ni lung bar ma'i ting nge 'dzin dang ldan pa'i le'u las ring po len gyi mdo 'byung ba bzhin no/ /de rnams kyis 'di skad ces smras te/ bcom ldan 'das kyis 'di skad ces/ /tshangs byin rga ba sdug bsngal te/ /nor rnams yongs su gtugs pa dang / /gnyen rnams kyang ni ma mthong dang / /yul gzhan shi ba sdug bsngal lo/ /zhes bka' stsal pa zhig kyang mchis so/ /de nas bcom ldan 'das kyis de'i tshe tshigs su bcad de bka' stsal pa/ tshig mi mthun la phyogs nyams yang / /'di gtso min zhes sems byed pa/ /dge 'dun dbye bar 'gyur na go/ /mthu chung cung zad cis mi bsam/ /srog chags rus pa gcog pa dang / /rta dang ba lang nor phrogs dang / /yul 'khor phung bar byas rnams kyang / /'dum par 'gyur ba nyid yod na/ /chos 'di rnam par shes gyur pa/ /khyed cag ci yi phyir mi 'gyur/ /spyod yul ston par byed pa'i gsung / /chags las zlog pa lhur len pa/ /brtags nas mkhas par snang ba ni/ /gang la rtsod pa des mi shes/ /gzhan yang bdag cag 'di la ni/ /brtson zhes bya bar mi shes kyi/ /gang dag gis ni 'di shes pa/ /de la gzu bo mi dgos so/ / bdag spyos bdag la kha byas dang / /bdag rgyal bdag ni pham gyur pa/ /de la gang dag khon 'dzin pa/ /de dag sha khon zhi mi 'gyur/ /bdag spyos bdag la kha byas dang / /bdag rgyal bdag ni pham gyur pa/ / de la gang dag khon mi 'dzin/ /de dag sha khon rab zhir 'gyur/ /'khon du 'dzin pas sha khon dag /'dir ni gzhar yang zhi mi 'gyur/ /bzod pas sha khon zhi 'gyur ba/ /'di ni g.yung drung chos yin no/ /'khon du 'dzin pas sha 'khon nam yang zhi mi 'gyur/ /'khon du 'dzin med rnams kyis sha khon zhi bar 'gyur/ /'khon la chags pa lus can rnams la phan mi 'gyur/ /de lta bas na mkhas pa khon du 'dzin mi byed/ / gal te grogs po 'grus skyong lhan cig spyod pa dang / /legs par gnas pa brtan pa rnyed par gyur na ni/ /zag par 'gyur ba thams cad zil gyis mnan byas nas/ /de dang yid dga' dran dang ldan bzhin spyad par bya/ /gal te grogs po 'grus skyong lhan cig spyod pa dang / /legs par gnas pa brtan pa rnyed par ma gyur na/ /rgyal pos yul 'khor rgya chen spangs par gyur pa bzhin/ /gcig pu 'dug par bya zhing sdig pa rnams mi bya/ /gal te btsal te bdag 'dra ba 'am/ /lhag par rnyed par ma gyur na/ /byis pa stongs mor 'gyur med pas/ /gcig pur spyad pa brtan par spyad/ /gcig pur spyod pa legs 'gyur gyi/ /byis pa bstangs pa legs min pas/ /ma tang dgon pa'i glang chen ltar/ /sems las bsnyungs te gcig pus spyad/ /de skad ces bka' stsal pa dang / kau sham+bI'i dge slong gis bcom ldan 'das la 'di skad ces gsol to/ /bcom ldan 'das ni chos kyi rje lags/ bde bar gshegs pa ni chos kyi rje lags na/ 'di rnams bdag cag la tshig ngan pa dang mi snyan pa mchi na/ bdag cag gis de rnams la ci'i slad du bzod par bgyi lags/ de nas bcom ldan 'das kyis dge slong de rnams kyi spyod tshul dang / log par sgrub pa des thugs mi dgyes shing thugs la ma bab pas de nyid nas rdzu 'phrul gyis nam mkha' las gshegs te/ mnyan yod gang na ba der rgyu zhing gshegs so/ /rim gyis rgyu zhing gshegs pa dang mnyan yod du byon nas mnyan yod kyi rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / bcom ldan 'das der gshegs pa dang / kau sham+bI'i dge slong rnams dang / yangs pa can gyi dge slong rnams 'di lta bu'i spyod lam du gyur te/ snga dro ni zas kyi phyir bsod snyoms la 'jug /zas kyi 'og tu ni sgo bcad nas 'thab mo 'gyed par gyur to/ /de rnams tshul dang spyod pa dang log par sgrub pa des lo bcu gnyis 'das so/ /kau sham+bI'i bram ze dang khyim bdag rnams 'dun khang du 'dus nas phan tshun gros bya bar brtsams pa/ shes ldan dag bdag cag ni bcom ldan 'das la na bza' chos gos dang / bsod snyoms dang / gzims cha dang / snyun spyad kyi rkyen sman dang / yo byad rnams dbul bar shin tu dad na/ 'on kyang bcom ldan 'das kyis spyod yul 'di lo bcu gnyis kyi bar du spangs te da dung yang ma byon no/ /kha gcig gis smras pa/ shes ldan dag bcom ldan 'das 'dir gshegs par ga la 'gyur/ 'di na da ltar ko sham+bI'i dge slong rnams kyi tshul dang / spyod pa dang / log par sgrub pa 'di lta bur byed de/ snga dro zas kyi phyir bsod snyoms la zhugs la zas kyi 'og tu sgo bcad nas 'thab mo 'gyed do/ /kha cig gis smras pa/ shes ldan dag de rnams la nyes pa yod pa ma yin gyi/ 'on kyang bdag cag gis lan te bdag cag gis de rnams la bsod snyoms byin pa 'am tshig smras pas so/ /tshur bdag cag gis khrims bcas la bzhag ste/ sus kyang de rnams la bsod snyoms mi sbyin zhing tshig kyang mi smra'o zhes de rnams kyis khrims su bcas nas bzhag go/ /de nas phyi de nyin kau sham+bI'i dge slong rnams bsod snyoms la zhugs pa dang / sus kyang ma smras la bsod snyoms kyang ma byin te/ de rnams ji ltar lhung bzed bkrus pa nyid kyis bsod snyoms la zhugs pa de ltar bkrus pa nyid kyis sgor byung ste bsod snyoms gcig kyang ma rnyed do/ /de nas de rnams 'dus nas ko sham+bI'i bram ze dang khyim bdag rnams la smras pa/ shes ldan dag re shig nor zad par gyur pas bsod snyoms mi ster ba ni rigs na/ bdag cag gis ni nyes pa ci byas na tshig kyang mi ster/ de rnams kyis smras pa/ gang dag gis tshul dang spyod pa dang log par sgrub pas ston pa thugs mi dgyes shing thugs la ma bab nas/ steng gi nam mkha' la gshegs te/ lo bcu gnyis 'das nas da dung yang slar ma gshegs par khyed cag kyang shAkya'i sras kyi dge sbyong yin par bdag nyid khas 'che 'am/ de rnams cang mi smra bar 'khod nas/ de rnams kyi drung nas dong ste smras pa/ tshe dang ldan pa dag de rnams kyis bdag cag brgyad pa ni thog tu bab ste/ gang zhig sa la 'gyel ba de nyid las brten te ldang bas mdor na mnyan yod du dong la/ bcom ldan 'das dang dge slong gi dge 'dun la bzod pa gsol lo/ /de nas kau sham+bI'i dge slong rnams de nyid kyi nub mo 'das nas lhung bzed dang chos gos khyer te/ kau sham+bIr ma zhugs par mnyan yod gang na ba der rgyu zhing dong ngo / /tshe dang ldan pa kun dga' bos kau sham+bI'i dge slong 'thab krol byed pa/ mtshang 'dru bar byed pa/ rtsod par byed pa/ 'gyed par byed pa/ rtsod pa'i gzhi byed pa rnams 'ong ngo zhes thos nas gang dag gis bcom ldan 'das thugs phyung bar bgyis te/ 'dir gshegs pa de dag ngo tsha med pas tho brtsam pa'i phyir bdag cag la gleng bar 'gyur gyis/ ma la bdag cag gis bcom ldan 'das la gsol lo snyam du bsams nas/ bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa bdag gis kau sham+bI'i dge slong 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa rnams 'dir mchi 'o zhes thos lags te/ gang dag gis bcom ldan 'das kyi thugs phyung bar bgyis te/ 'dir byon pa de dag ngo tsha ma mchis pas tho brtsam pa nyid du bdag cag la gleng bar bgyid/ dran par bgyid na/ de rnams la bdag cag gis ji ltar bsgrub par bgyi/ kun dga' bo de dag la dge slong rnams kyis lag brdas gnas mal tha ma zhig bstan pa ma gtogs par gtam 'dre bar mi bya/ phebs par smra bar mi bya/ blta bar mi bya/ rnam par blta bar mi bya'o/ /gal te bdag cag ni rgan na/ ci'i phyir na gnas mal gyi tha ma sbyin zhes smra na/ gang dag gi tshul dang spyod pa dang / log par sgrub pas ston pa thugs mi dgyes shing thugs la ma bab nas 'dir gshegs pa khyed cag kyang shAkya'i sras kyi dge sbyong yin par bdag nyid khas 'che 'am/ ston pa thugs rje can des 'di gnang ba nyid kyang khyed dbang bar mi 'gyur ro zhes smros shig /skye dgu'i bdag mo chen mo gau ta mIs kau sham+bI'i dge slong 'thab krol byed pa/ mtshang 'dru bar byed pa/ rtsod par byed pa/ 'gyed par byed pa/ rtsod pa'i gzhi byed pa rnams 'ong ngo zhes thos so/ /thos nas kyang de 'di snyam du sems te/ song la de rnams la bdag gis ji ltar bsgrub par bya bcom ldan 'das la zhu'o snyam nas/ bcom ldan 'das gang na ba der song ste phyin pa dang bcom ldan 'das kyi zhabs gnyis la mgo bos phyag 'tshal te phyogs cig tu 'dug go/ / phyogs cig tu 'dug nas bcom ldan 'das la skye dgu'i bdag mo chen mo gau ta mIs 'di skad ces gsol to/ /btsun pa bdag gis kau sham+bI'i dge slong 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa rnams mchi 'o zhes thos lags na/ bdag gis de rnams la ji ltar bsgrub par bgyi/ gau ta mI khyod kyis kau sham+bI'i dge slong rnams la 'khor gyi gtso bo yin pas mthong ma thag stan dor ba ma gtogs par gtam 'dre bar mi bya/ phebs par smra bar mi bya/ blta bar mi bya/ rnam par blta bar mi bya'o/ /khyim bdag mgon med zas sbyin gyis kau sham+bI'i dge slong 'thab krol byed pa/ mtshang 'dru bar byed pa/ rtsod par byed pa/ 'gyed par byed pa/ rtsod pa'i gzhi byed pa rnams 'ong ngo zhes thos so/ /thos nas kyang 'di snyam du sems te/ song la de rnams la bdag gis ji ltar bsgrub par bya bcom ldan 'das la zhu'o snyam du bsams nas/ bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag 'tshal te phyogs cig tu 'dug go/ /phyogs cig tu 'dug nas khyim bdag mgon med zas sbyin gyis bcom ldan 'das la 'di skad ces gsol to/ /btsun pa bdag gis kau sham+bI'i dge slong 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa rnams mchi'o zhes thos lags na/ bdag gis de rnams la ji ltar bsgrub par bgyi/ khyim bdag khyod kyis kau sham+bI'i dge slong rnams la sbyin pa dang mi mthun pa med pas bsod snyoms ni sbyin gyi/ gtam 'dre bar mi bya/ phebs par smra bar mi bya/ blta bar mi bya/ rnam par blta bar mi bya'o/ /de nas kau sham+bI'i dge slong rnams rim gyis mnyan yod du phyin nas/ der lhung bzed dang chos gos mkhos su phab ste rkang pa bkrus nas dris pa/ gnas mal 'ged pa su yin/ phyag tshang dag gis smras pa/ 'phags pa kun dga' bo lags so/ /tshe dang ldan pa kun dga' bo gang na ba der song ste phyin nas/ tshe dang ldan pa kun dga' bo la 'di skad ces smras so/ /tshe dang ldan pa kun dga' bo bdag cag la gnas mal byin cig /tshe dang ldan pa kun dga' bos de rnams la lag brdas gnas mal tha ma zhig bstan par brtsams pa dang de rnams kyis smras pa/ tshe dang ldan pa kun dga' bo bdag cag rgan pa yin na ci'i phyir bdag cag la gnas mal tha ma dag sbyin/ des smras pa/ khyed cag kyang shAkya'i sras kyi dge sbyong yin par zhes bya ba nas de yang khyed dbang bar mi 'gyur ro zhes bya ba'i bar gong ma bzhin du'o/ /de rnams yi chad cing sdug bsngal bas mtshan mo 'da' bar byed do/ /de nas gnas nas phyung ba'i dge slong gis nam gyi cha smad kyi dus su rang gi rgyud la brtags na de 'di snyam du sems te/ bdag cag 'thab krol dang / mtshang 'dru ba dang / rtsod pa dang / 'gyed pa byung nas 'di lta ste ltung ba byung ngo zhe 'am/ ltung ba ma byung ngo zhe 'am/ gnas nas dbyung ba yin no zhe 'am/ gnas nas dbyung ba ma yin no zhes bya ba bdag ni ltung ba ma byung ba ma yin te ltung ba byung ba yin zhing / gnas nas mi dbyung ba ma yin te gnas nas dbyung ba yin la/ gnas nas phyung ba gang yin pa yang chos dang 'thun pa'i las mi 'khrugs pa gzhag par mi 'os pas phyung gis/ ma la bdag gis 'thun pa'i sdums bya'o snyam du bsams nas/ nang par sngar langs te gnas nas phyung ba'i rjes su phyogs pa'i dge slong rnams dang / gnas nas phyung ba'i rjes su phyogs pa'i yang rjes su phyogs pa rnams gang na ba der song ste/ song nas gnas nas phyung ba'i rjes su phyogs pa'i dge slong rnams dang gnas nas phyung ba'i rjes su phyogs pa'i yang rjes su phyogs pa rnams la 'di skad ces smras so/ /tshe dang ldan pa dag 'dir mdang sum nam gyi cha smad kyi dus su bdag gis rang gi rgyud la brtags nas 'di snyam du sems te/ gleng gzhi gang las 'thab krol dang / mtshang 'dru ba dang / rtsod pa dang / 'gyed pa byung nas 'di lta ste ltung ba byung ngo zhe 'am/ ltung ba ma byung ngo zhe 'am/ gnas nas dbyung ba yin no zhe 'am/ gnas nas dbyung ba ma yin no zhes bya ba bdag ni ltung ba ma byung ba ma yin te ltung ba byung ba yin zhing gnas nas mi dbyung ba ma yin te gnas nas dbyung ba yin la/ gnas nas phyung ba gang yin pa yang chos dang 'thun pa'i las mi 'khrugs pa gzhag par mi 'os pas phyung gis/ ma la bdag gis 'thun par sdums bya'o snyam na khyed cag ci smra/ de rnams kyis smras pa/ legs kyis de bzhin du bgyi 'o/ /de nas gnas nas phyung ba'i dge slong dang / gnas nas phyung ba'i rjes su phyogs pa'i dge slong rnams dang / gnas nas phyung ba'i rjes su phyogs pa'i yang rjes su phyogs pa'i dge slong rnams gnas nas 'byin ba'i dge slong dang / gnas nas 'byin pa'i rjes su phyogs pa'i dge slong rnams dang / gnas nas 'byin pa'i rjes su phyogs pa'i yang rjes su phyogs pa rnams gang na ba der dong ste phyin nas/ gnas nas 'byin pa'i dge slong dang / gnas nas 'byin pa'i rjes su phyogs pa'i dge slong rnams dang / gnas nas 'byin ba'i rjes su phyogs pa'i yang rjes su phyogs pa'i dge slong rnams la 'di skad ces smras so/ /tshe dang ldan pa dag 'dir mdang sum nam gyi cha smad kyi dus su bdag gis rang gi rgyud la brtags na 'di snyam du sems te/ gleng gzhi gang las 'thab krol dang / mtshang 'dru ba byung nas zhes bya ba nas/ 'thun par sdums bya bar sems na zhes bya ba'i bar gong ma bzhin du ste/ khyed cag ci smra/ de rnams kyis smras pa/ legs kyis de bzhin du bya'o/ /gnas nas phyung ba'i dge slong dang / gnas nas phyung ba'i rjes su phyogs pa'i dge slong rnams dang / gnas nas phyung ba'i rjes su phyogs pa'i yang rjes su phyogs pa rnams dang / gnas nas 'byin pa'i dge slong dang / gnas nas 'byin pa'i rjes su phyogs pa'i dge slong rnams dang / gnas nas 'byin pa'i rjes su phyogs pa'i yang rjes su phyogs pa rnams bcom ldan 'das gang na ba der dong ste phyin pa dang / bcom ldan 'das kyi zhabs gnyis la mgo bos phyag 'tshal te phyogs gcig tu 'khod do/ /phyogs gcig tu 'khod nas gnas nas phyung ba'i dge slong gis bcom ldan 'das la 'di skad ces gsol to/ /btsun pa 'dir mdang sum nam gyi cha smad kyi dus su bdag gis rang gi rgyud la brtags na 'di snyam du sems te zhes bya ba nas mthun par sdums bgyi bar zhes bya ba'i bar gong ma bzhin du ste/ bdag gis dge slong 'di dag thams cad la 'thun par bgyi bar spro bar bgyis lags so/ /bcom ldan 'das kyis bka' stsal pa/ dge slong dag legs so legs so/ /gang zhig dge slong rnams 'thab krol dang / mtshang 'dru ba dang / rtsod pa dang / 'gyed pa byung bas gnas shing / phyogs dang phyogs gzhan la gnas pa rnams kyi sdums byed pa de ni bsod nams mang po tshad med pa grangs med pa gzhal du med pa bskyed par 'gyur ro/ /gang 'ga' zhig gis skra dum bu brgyar gtubs pa thog ma dang tha mar sbyor bar byed pa de bzhin du/ gang zhig dge slong rnams 'thab krol dang zhes bya ba nas 'thun par sdum byed pa de ni bsod nams mang po tshad med pa grangs med pa gzhal du med pa skyed par 'gyur ro zhes bya ba'i bar gong ma bzhin du'o/ /dge slong dag 'on kyang ngas gnas nas phyung ba'i dge slong gi kun du spyod pa'i chos bca' bar bya ste/ gnas nas phyung ba'i dge slong gis dge 'dun la dbyung ba gsol bar bya'o/ /gsol ba ni 'di ltar bya ste/ gnas mal bshams la gaN DI brdungs nas dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang rgan rims ji lta ba bzhin du gus pa dang bcas pas gdud par byas la/ rgan rims kyi mdun du thal mo sbyar te tsog tsog por 'dug la 'di skad ces/ dge 'dun btsun pa rnams gsan du gsol/ bdag gi gleng gzhi gang las 'thab krol dang / mtshang 'dru ba dang / rtsod pa dang / 'gyed pa byung nas 'di lta ste/ ltung ba byung ngo zhe 'am/ ltung ba ma byung ngo zhes bgyi ba 'am/ gnas nas dbyung ba lags so zhe 'am/ gnas nas dbyung ba ma lags so zhes bgyi ba bdag ni ltung ba ma byung ba ma lags te ltung ba byung ba lags shing / gnas nas mi dbyung ba ma lags te/ gnas nas dbyung ba lags la gnas nas phyung ba gang lags pa yang chos dang 'thun pa'i las mi 'khrugs pa gzhag par mi 'os pas phyung ste/ gnas nas phyung ba'i dge slong bdag ming 'di zhes bgyi ba dge 'dun las dbyung bar gsol na/ dge 'dun btsun pa thugs brtse ba can thugs brtse ba nye bar bzung ste bdag dbyung du gsol/ chos ji lta ba bzhin dang 'dul ba ji lta ba bzhin phyir bgyi'o zhes de skad lan gnyis lan gsum du brjod par bya'o/ /de nas dge slong gcig gis gsol ba byas te las bya'o/ /dge 'dun btsun pa rnams gsan du gsol/ tshe dang ldan pa 'di'i gleng gzhi gang las 'thab krol dang / mtshang 'dru ba dang / rtsod pa dang / 'gyed pa byung nas 'di lta ste/ ltung ba byung ngo zhe 'am/ ltung ba ma byung ngo zhe 'am/ gnas nas dbyung ba lags so zhe 'am/ gnas nas dbyung ba ma lags so zhes bgyi ba 'di ni ltung ba ma byung ba ma lags te ltung ba byung ba lags shing / gnas nas mi dbyung ba ma lags te gnas nas dbyung ba lags la/ gnas nas phyung ba gang lags pa yang chos dang 'thun pa'i las mi 'khrugs pa gzhag par mi 'os pas phyung ste/ gnas nas phyung ba'i dge slong ming 'di zhes bgyi ba 'di dge 'dun las dbyung ba gsol na/ gal te dge 'dun gyi dus la bab cing bzod na/ dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'byin par mdzad do/ /'di ni gsol ba'o/ /las bya ba ni/ dge 'dun btsun pa rnams gsan du gsol/ tshe dang ldan pa 'di'i gleng gzhi gang las 'thab krol byung ba zhes bya ba nas/ dge slong gnas nas phyung ba ming 'di zhes bgyi ba 'di dge 'dun las dbyung ba gsol te/ de'i slad du dge 'dun gyis dge slong ming 'di zhes bgyi ba 'byin par mdzad na/ tshe dang ldan pa rnams las gang dag gnas nas phyung ba'i dge slong ming 'di zhes bgyi ba 'byin par bzod pa de dag ni cang ma gsung cig /gang dag mi bzod pa de dag ni gsungs shig dge 'dun gyis bzod cing gnang nas dge 'dun gyis gnas nas phyung ba'i dge slong ming 'di zhes bgyi ba phyung lags te/ 'di ltar cang mi gsung bas de de bzhin du 'dzin to/ /dge slong dag ngas dge slong dbyung ba'i las byas pa'i kun tu spyod pa'i chos bca' bar bya ste/ dbyung ba'i las byas pa'i dge slong gis dge 'dun las 'thun pa gsol ba bya'o/ /gsol ba ni 'di ltar bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang zhes bya ba nas thugs brtse ba can zhes bya ba'i bar gong ma bzhin du ste/ de skad lan gnyis lan gsum du bzlas so/ /de nas dge slong gcig gis gsol ba byas te las bya'o/ /dge 'dun btsun pa rnams gsan du gsol/ tshe dang ldan pa 'di'i gleng gzhi gang las 'thab krol dang / mtshang 'dru ba dang / rtsod pa dang / 'gyed pa byung nas 'di lta ste/ ltung ba byung ngo zhe 'am/ ltung ba ma byung ngo zhe 'am/ gnas nas dbyung ba lags so zhe 'am/ gnas nas dbyung ba ma lags so zhes bgyi ba 'di ni ltung ba ma byung ba ma lags te ltung ba byung ba lags shing / gnas nas mi dbyung ba ma lags te gnas nas dbyung ba lags la/ gnas nas phyung ba gang lags pa de yang chos dang 'thun pa'i las mi 'khrugs pa gzhag par mi 'os pas phyung ste/ gnas nas phyung ba'i dge slong ming 'di zhes bgyi ba 'di dge 'dun las dbyung ba gsol nas dge 'dun gyis 'di dbyung ba'i phrin las mdzad lags te dbyung ba'i phrin las mdzad lags pa'i dge slong ming 'di zhes bgyi ba dge 'dun las 'thun pa gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dbyung ba'i phrin las mdzad lags pa'i dge slong ming 'di zhes bgyi ba la 'thun pa stsol bar mdzad do/ /'di ni gsol ba'o/ /las bya ba ni/ dge 'dun btsun pa rnams gsan du gsol/ tshe dang ldan pa 'di'i gleng gzhi gang las 'thab krol dang / mtshang 'dru ba dang / rtsod pa dang / 'gyed pa byung nas 'di lta ste/ ltung ba byung ngo zhe 'am zhes bya ba nas/ dge 'dun gyis bzod cing gnang nas dge 'dun gyis dbyung ba'i phrin las mdzad lags pa'i dge slong ming 'di zhes bgyi ba la 'thun pa stsal lags te/ 'di ltar cang mi gsung bas de de bzhin du 'dzin to zhes bya ba'i bar gong ma bzhin du'o/ /dge 'dun gyis dbyung ba'i las byas zin pa gang yin pa de la dge 'dun gyis 'thun pa sbyin par bya ste/ de la 'gyod par mi bya'o/ /ngas dge 'dun gyis 'thun pa byin pa'i dge slong gi kun tu spyod pa'i chos bca' bar bya ste/ dge 'dun gyis 'thun pa byin pa'i dge slong gis gso sbyong gsol ba bya'o/ /gsol ba ni 'di ltar bya ste/ gnas mal bshams la zhes bya ba nas dge 'dun gyis 'thun pa stsal ba bdag ming 'di zhes bgyi ba dge 'dun las 'thun pa'i gso sbyong gsol na/ dge 'dun btsun pa thugs brtse ba can thugs brtse ba nye bar bzung ste 'thun pa stsal ba'i dge slong bdag ming 'di zhes bgyi ba la 'thun pa'i gso sbyong stsal du gsol/ de skad lan gnyis lan gsum du bzlas zhes bya ba'i bar gong ma bzhin du'o/ /de nas dge slong gcig gis gsol ba byas te las bya'o/ /dge 'dun btsun pa rnams gsan du gsol/ tshe dang ldan pa 'di'i gleng gzhi gang las 'thab krol dang / mtshang 'dru ba dang / rtsod pa dang / 'gyed pa byung nas 'di lta ste/ ltung ba byung ngo zhe 'am zhes bya ba nas dge 'dun gyis 'thun pa stsal ba ming 'di zhes bgyi ba zhes bya ba'i bar gong ma bzhin du ste/ dge 'dun las 'thun pa'i gso sbyong gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis 'thun pa stsal ba'i dge slong ming 'di zhes bgyi ba la dge 'dun gyis 'thun pa'i gso sbyong stsol bar mdzad do/ /'di ni gsol ba'o/ /las bya ba ni/ dge 'dun btsun pa rnams gsan du gsol/ tshe dang ldan pa 'di'i gleng gzhi gang las 'thab krol dang / mtshang 'dru ba dang / rtsod pa dang / 'gyed pa byung nas 'di lta ste/ ltung ba byung ngo zhe 'am/ ltung ba ma byung ngo zhe 'am zhes bya ba nas/ 'thun pa stsal ba ming 'di zhes bgyi ba 'di dge 'dun las 'thun pa'i gso sbyong gsol te/ de'i slad du dge 'dun gyis 'thun pa stsal ba'i dge slong ming 'di zhes bgyi ba la 'thun ba'i gso sbyong stsol bar mdzad na/ tshe dang ldan pa dag las gang dag 'thun pa stsal ba'i dge slong ming 'di zhes bgyi ba la 'thun ba'i gso sbyong stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis 'thun pa stsal ba'i dge slong ming 'di zhes bgyi ba la 'thun pa'i gso sbyong stsal lags te/ 'di ltar cang mi gsung bas de de bzhin du 'dzin to/ /dge 'dun gyis 'thun pa byin pa'i dge slong gang la 'thun pa'i gso sbyong byin pa de dang / /dge 'dun lhan cig gcig tu 'dug la gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las byas te/ de la 'gyod par mi bya'o/ /mi mthun par byed na 'gal tshabs can du 'gyur ro/ /dge slong gis bkra shis kyi gso sbyong dang / 'thun pa'i gso sbyong dang / mi bde ba la gso sbyong bya ba ma gtogs par gso sbyong ma yin par gso sbyong mi bya'o/ /byed na 'gal tshabs can du 'gyur ro/ /kau sham+bI'i gzhi rdzogs so// //'dul ba gzhi/ bam po drug bcu dgu pa/ las kyi gzhi'i sdom ni/ /ka shi'i gnas pa'i grong khyer na/ /sde 'joms kyis ni dngos po dang / /tsam par sangs rgyas bcom ldan 'das/ /las ma yin dang slar log pa'o/ /yul ka shi'i gnas pa zhes bya ba'i grong khyer na dge slong sde 'joms zhes bya ba gnas te/ de la brten nas gnas pa'i grong khyer gyi bram ze dang khyim bdag rnams sangs rgyas dang / chos dang / dge 'dun la bya ba byed de/ /dge slong glo bur ba gang dag gnas pa'i grong khyer du lhags na de rnams des ngal sor bcug ste/ yo byad thams cad kyis bstabs nas lam gyis dub pa ngal sos pa dang dge slong rnams la bsod snyoms sbyor ba'i khyim gang yin pa de rnams su zas la gtong bar byed do/ /ji tsam na rgan zhugs shig gnas pa'i grong khyer du dbyar gnas nas dbyar gyi zla ba gsum po dag 'das pa dang chos gos byas pa dang ldan/ chos gos zin pa dang ldan nas de lhung bzed dang chos gos khyer te mnyan yod gang na ba der rgyu zhing dong ste/ rim gyis rgyu zhing dong ba dang mnyan yod du phyin to/ /drug sde rnams kyi kun tu spyod pa ni rgyal bu rgyal byed kyi tshal gyi sgo drug sde gang yang rung bas stong par mi 'jog pa yin pas rgyal bu rgyal byed kyi tshal gyi sgo na nye dga' 'dug pa des rgyang ring po kho na nas mgo spra ba'i me tog ltar skya ba smin ma 'phyang ba zhig mthong nas des bsams pa/ 'di ni dge slong gnas brtan zhig yin te 'ong gis bsur 'gro'o zhes des bsu nas gnas brtan byon pa legs so/ /byon pa legs so/ /des smras pa/ slob dpon phyag 'tshal lo/ /des bsams pa/ kye ma 'di ni rgan zhugs shig yin te/ slob dpon yang mi shes mkhan po yang mi shes so snyam nas rgan zhugs ji srid cig nas 'ongs/ gnas pa'i grong khyer nas so/ /ci de na gtsug lag khang yod dam/ gtsug lag khang yod do/ /de ci gtsug lag khang yin nam 'on te phongs pa zhig yin/ gtsug lag khang ni ji lta bu/ phongs pa ni ji lta bu/ gang na yo byad thams cad phun sum tshogs pa de ni gtsug lag khang yin no/ /gang na yo byad med pa de ni phongs pa yin no/ /gal te de lta na de ni gtsug lag khang yin te/ de na dge slong sde 'joms zhes bya ba zhig gnas so/ /de la brten nas gnas pa'i grong khyer gyi bram ze dang khyim bdag rnams sangs rgyas dang / chos dang / dge 'dun la bya ba byed de/ dge slong glo bur ba gang dag der lhags pa de rnams des ngal sor bcug ste/ yo byad thams cad kyis bstabs nas lam gyis dub pa ngal sos pa dang dge slong rnams la bsod snyoms sbyor ba'i khyim gang yin pa de rnams su zas la gtong bar byed do/ /drug sde rnams kyi kun tu spyod pa ni nyin par cung zad ci thos pa de dag rgongs ka 'dus nas phan tshun du smra bar byed pa yin pas dga' bo nye dga' bdag cag gis ji srid du sdug bsngal phog snya bya/ khyed las 'ga' zhig gis gang na rgya che ba snang ba yod pa lta cung zad ci thos/ nye dgas smras pa/ yul ka shi'i gnas pa'i grong khyer na dge slong sde 'joms zhes bya ba gnas te/ de la brten nas gnas pa'i grong khyer gyi bram ze dang khyim bdag rnams zhes bya ba nas/ zas la gtong bar byed do zhes bya ba'i bar gong ma bzhin du'o/ /gal te 'dod na der 'dong ngo zhes de rnams lhung bzed dang chos gos blangs nas gnas pa'i grong khyer gang na ba der rgyu zhing dong ste/ rim gyis rgyu zhing dong ba las gnas pa'i grong khyer du phyin pa dang / de rnams rgyang ring po kho na nas sde 'joms kyis mthong nas des bsams pa/ gnas ngan len kun tu spyod pa 'di dag 'ong gis ngal sor bcug ste/ mkho ba'i yo byad thams cad kyis bstabs par bya'i khyim rnams su zas la ni gtang bar mi bya'o snyam nas/ des de rnams ngal sor bcug nas yo byad thams cad kyis bstabs kyi khyim rnams su zas la ni ma btang ngo / /de rnams las kha cig gis smras pa/ dga' bo nye dga' bdag cag la rgan zhugs 'dis yo byad thams cad kyis ni bstabs kyis/ khyim rnams su zas la ni ma btang ngo / /gzhan dag gis smras pa/ re zhig gcig grub zin pas khyim rnams su yang gtong bar byed grang / ji tsam na dge slong gsar bu shig 'ongs pa dang des de ngal sor bcug ste/ yo byad thams cad kyis bstabs nas lam gyis dub pa ngal sos pa dang khyim rnams su zas la btang ngo / /drug sde rnams khros nas smras pa/ dga' bo nye dga' rgan zhugs 'di'i 'dun pa dang zhe sdang ci 'dra ba ltos/ re shig gal te sngar 'ongs pa zhig yin na yang bdag cag yin la/ yang na rgan pa yin na yang bdag cag yin la/ 'on te mang du thos pa zhig yin na yang bdag cag yin na/ dge slong 'di ni 'ongs nas ring po ma lon par gsar bu shes pa dang mi ldan pa yin na/ 'dis de la yo byad thams cad kyis bstabs nas khyim rnams su zas la btang la bdag cag la ni ma yin no zhes de rnams kyis de la spyos pa/ rgan zhugs khyod kyi 'dun pa dang zhe sdang ni de 'dra'o/ /re shig gal te sngar 'ongs pa zhig yin na yang bdag cag yin la zhes bya ba nas khyod kyis de la yo byad thams cad kyis bstabs nas khyim rnams su zas la btang la/ kho bo cag la ni ma yin no zhes bya ba'i bar gong ma bzhin du'o/ /gnas brtan dag cung zad nyams par ma gyur tam/ drug sde rnams kyis mi bzod pa skyes nas smras pa/ cang mi smra bar 'dug par bya ba gang yin pa des slar smra 'am zhes de rnams kyis de thag bcug nas cang mi smra bar 'dug go/ /de rnams kyis de la gleng ba ma byas/ dran par ma byas shing khas blangs pa med par nan gyis gzhi med pa'i gnas nas dbyung ba'i las byas so/ /des bsams pa/ bram ze dang khyim bdag rnams dad par bya ba ni dka' la/ ma dad par 'gyur ba ni sla la/ gal te 'dug na gnas pa'i grong khyer gyi bram ze dang khyim bdag rnams dad pa ma yin pa skye bar 'gyur bas bdag ni rnam pa thams cad du 'gro bar bya'o snyam nas/ des lhung bzed dang chos gos khyer te mnyan yod gang na ba der rgyu zhing song ste/ rim gyis rgyu zhing song ba las mnyan yod du phyin pa dang de dge slong rnams kyis mthong nas smras pa/ tshe dang ldan pa sde 'joms 'ongs pa legs so 'ongs pa legs so/ /khyod ngo mthong ba ni bdag cag dga' na 'ongs pa ni ma yin no/ /ci'i phyir khyod la brten nas gnas pa'i grong khyer gyi bram ze dang khyim bdag rnams sangs rgyas dang / chos dang / dge 'dun la bya ba byed la/ dge slong glo bur ba gang dag lhags pa de rnams kyang gnas pa'i grong khyer du rten to/ / de ni bden na bdag la drug sde rnams kyis gleng ba ma byas/ dran par ma byas shing khas blangs pa med par nan gyis gzhi med pa'i gnas nas dbyung ba'i las byas so/ /ci'i phyir des ji ltar gyur pa rnams smras pa dang de rnams smod par byed/ gzhogs 'phyas byed/ kha zer bar byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong dag de lta bas na deng phyin chad dge slong gis gleng ba ma byas/ /dran par ma byas shing khas blangs pa med par nan gyis gzhi med pa'i gnas nas dbyung ba'i las mi bya'o/ /byed na 'gal tshabs can du 'gyur ro/ /sangs rgyas bcom ldan 'das tsam pa'i drang srong gar dga'i rdzing gi 'gram na bzhugs so/ /de'i tshe dge slong drug sde rnams chos ma yin pa'i las 'di lta bu dag byed de/ 'di lta ste chos ma yin pas mi mthun par byed pa dang / chos ma yin pas 'thun par byed pa dang / chos kyis mi mthun par byed pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ de lta bas na dge slong rnams kyis chos ma yin pa'i las 'di lta bu byed pa 'di lta ste/ chos ma yin pas 'thun pa dang / chos ma yin pas mi mthun pa dang / chos kyis mi mthun pa mi bya'o/ /byed na 'gal tshabs can du 'gyur ro/ /sdom la/ gcig gis gcig min gnyis min te/ /mang po rnams kyi bya ba min/ /tshogs kyis tshogs kyi las min te/ /dge 'dun lnga ni las la dbang / /sangs rgyas bcom ldan 'das tsam pa'i drang srong gar dga'i rdzing 'gram na bzhugs so/ /de'i tshe dge slong drug sde rnams chos ma yin pa'i las 'di lta bu dag byed de/ 'di lta ste/ gcig gis gcig gi dang / gcig gis gnyis kyi dang / gcig gis mang po'i dang / gnyis kyis gnyis kyi dang / gnyis kyis gcig gi dang / gnyis kyis mang po'i dang / mang pos gcig gi dang / mang pos gnyis kyi dang / tshogs kyis tshogs kyi byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gcig gis gcig gi las mi bya ste/ gcig gis gnyis kyi ma yin/ gcig gis mang po'i ma yin/ gnyis kyis gnyis kyi ma yin/ gnyis kyis gcig gi ma yin/ gnyis kyis mang po'i ma yin/ mang pos mang po'i ma yin/ mang pos gcig gi ma yin/ mang pos gnyis kyi ma yin te/ tshogs kyis tshogs kyi mi bya'o/ /byed na 'gal tshabs can du 'gyur ro/ / dge slong dag 'on kyang las la dbang pa'i dge 'dun lnga yod de/ lnga gang zhe na/ dge slong bzhi'i dge 'dun dang / dge slong lnga'i dge 'dun dang / dge slong bcu'i dge 'dun dang / dge slong nyi shu'i dge 'dun dang / lhag pa'i dge 'dun no/ /gang na dge slong bzhi gnas pa de na dge 'dun gyis chos kyi las bya ba thams cad rung ste/ lnga'i dgag dbye dang / bcu'i bsnyen par rdzogs pa dang / nyi shu'i dbyung ba ni ma gtogs so/ /gang na dge slong lnga gnas pa de na dge 'dun gyis las bya ba thams cad rung ste/ bcu'i bsnyen par rdzogs pa dang / nyi shu'i dbyung ba ni ma gtogs so/ / gang na dge slong bcu gnas pa de na dge 'dun gyi las bya ba thams cad rung ste/ nyi shu'i dbyung ba ni ma gtogs so/ /gang na dge slong nyi shu 'am lhag par gnas pa de na dge 'dun gyis chos kyi las bya ba thams cad rung ngo / /sdom la/ bzhi yi tshogs kyi bya ba la/ /gang zag so sos byed pa dang / /spo ba dag dang bzhi yis ni/ /las bzhi rnam gnyis dran par bya/ /bzhi'i tshogs kyi bya ba dge slong so so nas byed na/ de ni chos ma yin pa'i las dang 'dul ba ma yin pa'i las yin no/ /de ni de lta bur mi bya ste/ des ni dge 'dun yang 'gal tshabs can du 'gyur ro/ /bzhi'i tshogs kyis bya ba bzhi pa khyim pa dang byed na/ de ni chos ma yin pa'i las dang 'dul ba ma yin pa'i las yin no/ /de ni de lta bur mi bya ste/ des ni dge 'dun yang 'gal tshabs can du 'gyur ro/ /de bzhin du bzhi pa dge tshul dang / za ma dang / ma ning dang / dge slong ma sun phyung ba dang / ma gsod pa dang / pha gsod pa dang / dgra bcom pa gsod pa dang / dge 'dun gyi dbyen byed pa dang / de bzhin gshegs pa la ngan sems kyis khrag 'byin pa dang / mu stegs can dang / mu stegs can zhugs pa dang / rku thabs su gnas pa dang / tha dad du gnas pa dang / gnas par mi bya ba dang / spo ba dang las byed na de ni chos ma yin pa'i las dang 'dul ba ma yin pa'i las yin no/ /de ni de lta bur mi bya ste/ des ni dge 'dun yang 'gal tshabs can du 'gyur ro/ /bzhi'i tshogs kyis bya ba bzhi tshang bas chos kyi las byed na/ de ni chos kyi las dang 'dul ba'i las yin no/ /de ni de lta bur bya ste/ des ni dge 'dun yang 'gal tshabs can du mi 'gyur ro/ /bzhi'i tshogs kyis bya ba'i las bzhi pa khyim pa ma yin/ dge tshul ma yin zhes bya ba nas bzhi pa gnas par mi bya ba ma yin pa dang / spo ba ma yin pas byed na zhes bya ba'i bar gong ma bzhin du ste/ de ni chos kyi las dang 'dul ba'i las yin no/ /de ni de lta bur bya ste/ des ni dge 'dun yang 'gal tshabs can du mi 'gyur ro/ /lnga'i tshogs kyis bya ba lngar ma tshang bas las byed na de ni chos ma yin pa'i las dang 'dul ba ma yin pa'i las yin no/ /de ni de lta bur mi bya ste/ des ni dge 'dun yang 'gal tshabs can du 'gyur ro/ /lnga'i tshogs kyis bya ba'i las lnga pa khyim pa dang zhes bya ba nas lnga pa spo bas byed na zhes bya ba'i bar gong ma bzhin du ste/ de ni chos ma yin pa'i las dang / 'dul ba ma yin pa'i las yin no/ /de ni de lta bur mi bya ste/ des ni dge 'dun yang 'gal tshabs can du 'gyur ro/ /lnga'i tshogs kyis bya ba'i las lngar tshang bar byed na de ni chos kyi las dang / 'dul ba'i las ni yin no/ /de ni de lta bur bya ste/ des na dge 'dun yang 'gal tshabs can du mi 'gyur ro/ /lnga'i tshogs kyis bya ba'i las lnga pa khyim pa ma yin pa dang / dge tshul ma yin pa dang zhes bya ba nas/ lnga pa spo ba ma yin pas byed na zhes bya ba'i bar gong ma bzhin du ste/ chos kyis byed na de ni chos kyi las dang 'dul ba'i las yin no/ /de ni de lta bur bya ste/ des na dge 'dun yang 'gal tshabs can du mi 'gyur ro/ /bcu'i tshogs kyis bya ba'i las bcur ma tshang bas byed na de ni chos ma yin pa'i las dang 'dul ba ma yin pa'i las yin te/ de ni de lta bur mi bya ste/ des ni dge 'dun yang 'gal tshabs can du 'gyur ro/ /bcu'i tshogs kyis bya ba'i las bcu pa khyim pa dang zhes bya ba nas/ bcu pa spo bas byed na zhes bya ba'i bar gong ma bzhin du ste/ de ni chos ma yin pa'i las dang 'dul ba ma yin pa'i las yin no/ /de ni de lta bur mi bya ste/ des ni dge 'dun yang 'gal tshabs can du 'gyur ro/ /bcu'i tshogs kyis bya ba'i las tshogs bcur tshang bas las byed na de ni chos kyi las dang 'dul ba'i las yin no/ /de ni de lta bur bya ste/ des na dge 'dun yang 'gal tshabs can du mi 'gyur ro/ /bcu'i tshogs kyis bya ba'i las bcu pa khyim pa ma yin pa dang zhes bya ba nas bcu pa spo ba ma yin pas chos kyi las byed na zhes bya ba'i bar gong ma bzhin du ste/ de ni chos kyi las dang 'dul ba'i las yin no/ /de ni de ltar bya ste/ des na dge 'dun yang 'gal tshabs can du mi 'gyur ro/ /nyi shu'i tshogs kyis bya ba'i las nyi shur ma tshang bas byed na de ni chos ma yin pa dang / 'dul ba ma yin pa'i las yin no/ /de ni de lta bur mi bya ste/ des ni dge 'dun yang 'gal tshabs can du 'gyur ro/ /nyi shu'i tshogs kyis bya ba'i las nyi shu pa khyim pa dang dge tshul dang zhes bya ba nas/ /nyi shu pa spo bas byed na zhes bya ba'i bar gong ma bzhin du ste/ de ni chos ma yin pa'i las dang 'dul ba ma yin pa'i las yin no/ /de ni de lta bur mi bya ste/ des ni dge 'dun yang 'gal tshabs can du 'gyur ro/ /nyi shu'i tshogs kyis bya ba nyi shur tshang bas tshogs kyi las byed na/ de ni chos kyi las dang 'dul ba'i las yin no/ /de ni de lta bur bya ste/ /des na dge 'dun yang 'gal tshabs can du mi 'gyur ro/ /nyi shu'i tshogs kyis bya ba'i las nyi shu pa khyim pa ma yin pa dang dge tshul ma yin pa dang zhes bya ba nas/ nyi shu pa spo ba ma yin pas byed na zhes bya ba'i bar gong ma bzhin du ste/ de ni chos kyi las dang 'dul ba'i las yin no/ /de ni de lta bur bya ste/ des na dge 'dun yang 'gal tshabs can du mi 'gyur ro/ /sdom la/ chos dang chos min las gang dang / /gsol ba gang yin des byas dang / /mngon sum dang ni khas blangs dang / /'khor lo lta bur bsgre bas 'brel/ /chos ma yin pa'i las dang chos kyi las te/ chos ma yin pa'i las gang zhe na/ mi 'os pa la bslang ba la ma thug par slong zhing bslang bar bya ba la ji ltar rjes su bsgrags pa yin pa de bzhin du mi slong ba ni chos ma yin pa'i las so/ /'os pa la bslang ba la thug pa'i tshe slong zhing bslang bar bya ba la ji ltar bsgrags pa yin pa de bzhin du slong ba ni chos kyi las so/ /mi 'os pa bslang ba la ma thug par slong zhing bslang bar bya ba la ji ltar bsgrags pa yin pa de bzhin du mi slong ba ni chos ma yin pa'i las so/ /'os pa la bslang ba la thug pa'i tshe slong zhing bslang bar bya ba la ji ltar rjes su bsgrags pa yin pa de bzhin du bslang ba ni chos kyi las so/ /gsol ba ma byas par byed pa ni chos ma yin pa'i las so/ /gsol ba byas nas byed pa ni chos kyi las so/ gsol ba dang gnyis kyi las la gsol ba ma byas par lan cig rjes su sgrogs par byed pa ni chos ma yin pa'i las so/ /gsol ba dang gnyis kyi las la gsol ba byas nas lan cig rjes su sgrogs par byed pa ni chos kyi las so/ / gsol ba dang bzhi'i las la gsol ba ma byas par lan gsum du rjes su sgrogs par byed pa ni chos ma yin pa'i las so/ /gsol ba dang bzhi'i las la gsol ba byas nas lan gsum du rjes su sgrogs par byed pa ni chos kyi las so/ /las gzhan gyis gsol ba byas la gzhan gyis rdzogs par byed pa ni chos ma yin pa'i las so/ /las de nyid kyis gsol ba byas nas rdzogs par byed pa ni chos kyi las so/ /mngon sum du bya ba'i las mngon sum pa ma yin pa la byed pa ni chos ma yin pa'i las so/ /mngon sum du bya ba'i las mngon sum pa la byed pa ni chos kyi las so/ /khas blang bar bya ba'i las khas mi len par byed pa ni chos ma yin pa'i las so/ /khas blang bar bya ba'i las khas len par byed pa ni chos kyi las so/ /mngon sum gyis 'dul bar 'os pa la dran pas 'dul ba sbyin pa ni chos ma yin pa'i las so/ /ma myos pas 'dul ba dang / de'i ngo bo nyid tshol du gzhug pa dang / gang tshul shing mang po brim pa dang / khas blang bar 'os pa dang / rtswa bkram pa lta bu dang / bsdigs pa dang / smad pa dang / bskrad pa dang / spang ba dang / ma mthong bas gnas nas dbyung ba dang / phyir mi byed pas gnas nas dbyung ba dang / sdig pa'i lta bar song ba ma spangs pas gnas nas dbyung ba'i las dang / spo ba dang / gzhi nas spo ba dang / yang gzhi nas bslang ste spo ba dang / mgu bar bya ba dang / gzhi nas mgu bar bya ba dang / yang gzhi nas bslang ste mgu bar bya ba dang 'byin par byed pa ni chos ma yin pa'i las so/ /mngon sum gyis 'dul bar 'os pa la mngon sum gyis 'dul ba nyid sbyin gyi dran pas 'dul ba ma yin pa dang zhes bya ba nas/ 'byin par byed pa ma yin pa zhes bya ba'i bar du chos kyi las so/ /dran pas 'dul bar 'os pa la ma myos pas 'dul ba sbyin pa ni chos ma yin pa'i las so/ /de'i ngo bo nyid tshol du gzhug pa dang zhes bya ba nas 'byin par byed pa zhes bya ba'i bar gong ma bzhin du ste/ mngon sum gyis 'dul ba sbyin pa ni chos ma yin pa'i las so/ /dran pas 'dul bar 'os pa la dran pas 'dul ba nyid sbyin gyi ma myos pas 'dul ba ma yin/ de'i ngo bo nyid tshol du gzhug pa ma yin zhes bya ba nas/ mngon sum gyis 'dul ba ma yin pa zhes bya ba'i bar ni chos kyi las so/ /ma myos pas 'dul bar 'os pa la de'i ngo bo nyid tshol du gzhug pa sbyin pa ni chos ma yin pa'i las so/ /de bzhin du gang tshul shing mang po sbyin pa zhes bya ba nas/ mngon sum gyis 'dul ba dang dran pas 'dul ba'i bar sbyin pa ni chos ma yin pa'i las so/ /ma myos pas 'dul bar 'os pa la ma myos pas 'dul ba nyid sbyin gyi de'i ngo bo nyid tshol du gzhug pa ma yin zhes bya ba nas/ dran pas 'dul ba ma yin zhes bya ba'i bar chos kyi las so/ /de'i ngo bo nyid tshol du gzhug par 'os pa la gang tshul shing mang po sbyin pa ni chos ma yin pa'i las so/ /bsdigs pa zhes bya ba nas ma myos pas 'dul ba sbyin pa ni zhes bya ba'i bar gong ma bzhin du ste/ chos ma yin pa'i las so/ /de'i ngo bo nyid tshol du gzhug par 'os pa la de'i ngo bo nyid tshol du gzhug pa nyid sbyin gyi gang tshul shing mang po sbyin pa ma yin zhes bya ba nas/ ma myos pas 'dul ba ma yin pa zhes bya ba'i bar ni chos kyi las so/ /gang tshul shing mang po sbyin par 'os pa la bsdigs pa'i las byed pa ni chos ma yin pa'i las so/ /smad pa zhes bya ba nas de'i ngo bo nyid tshol du gzhug pa ni zhes bya ba'i bar gong ma bzhin du ste/ chos ma yin pa'i las so/ /gang tshul shing mang po sbyin par 'os pa la gang tshul shing mang po nyid sbyin gyi bsdigs pa ma yin zhes bya ba nas/ de'i ngo bo nyid tshol du gzhug pa ma yin zhes bya ba'i bar ni chos kyi las so/ /bsdigs par 'os pa'i las la smad pa'i las byed pa dang spang ba'i las song zhes bya ba nas/ gang tshul shing mang po sbyin par byed pa ni zhes bya ba'i bar gong ma bzhin du ste/ chos ma yin pa'i las so/ /bsdigs par 'os pa'i las la bsdigs pa nyid kyi las byed kyi lhag ma gzhan ma yin pa ste/ bsgre ba 'dis 'khor lo bzhin du bsgre ba ni chos kyi las so/ /smad par 'os pa'i las la spang ba'i las byed pa ni chos ma yin pa'i las so zhes bya ba gong ma bzhin no/ / smad par 'os pa'i las la smad pa'i las nyid byed pa ni chos kyi las te gong ma bzh-in no/ /bskrad par 'os pa'i las la spang ba'i las byed pa ni chos ma yin pa'i las te gong ma bzhin no/ / bskrad par 'os pa'i las la bskrad pa'i las nyid byed pa ni chos kyi las te gong ma bzhin no/ /spang bar 'os pa'i las la ma mthong bas gnas nas dbyung ba'-i las byed pa ni chos ma yin pa'i las te gong ma bzhin no/ /spang bar 'os pa'i las la spang ba nyid kyi las byed pa ni chos kyi las te gong ma bzhin no/ /ma mthong bas gnas nas dbyung bar 'os pa'i las la phyir mi byed pas gnas nas dbyung ba'i las byed pa ni chos ma yin pa'i las te gong ma bzhin no/ /ma mthong bas gnas nas dbyung bar 'os pa'i las la ma mthong bas gnas nas dbyung ba nyid kyi las byed pa ni chos kyi las te gong ma bzhin no/ /phyir mi byed pas gnas nas dbyung bar 'os pa'i las la sdig pa can gyi lta bar song ba ma spangs pas gnas nas dbyung ba'i las byed pa ni chos ma yin pa'i las te gong ma bzhin no/ /phyir mi byed pas gnas nas dbyung bar 'os pa'i las la phyir mi byed pas gnas nas dbyung ba nyid kyi las byed pa ni chos kyi las te gong ma bzhin no/ / sdig pa'i lta bar song ba ma spangs pas gnas nas dbyung bar 'os pa'i las la spo ba sbyin pa ni chos ma yin pa'i las te gong ma bzhin no/ /sdig pa'i lta bar song ba ma spangs pas gnas nas dbyung bar 'os pa'i las la sdig pa'i lta bar song ba ma spangs pas gnas nas dbyung ba nyid kyi las byed pa ni chos kyi las te gong ma bzhin no/ /spo bar 'os pa'i las la gzhi nas spo ba sbyin pa ni chos ma yin pa'i las te gong ma bzhin no/ /spo bar 'os pa'i las la spo ba nyid sbyin pa ni chos kyi las te gong ma bzhin no/ /gzhi nas spo bar 'os pa'i las gzhi nas bslang ste spo ba sbyin pa ni chos ma yin pa'i las te gong ma bzhin no/ /gzhi nas spo bar 'os pa'i las la gzhi nas spo ba nyid sbyin pa ni chos kyi las te gong ma bzhin no/ /spo ba ma byas pa la mgu bar bya ba sbyin pa ni chos ma yin pa'i las te gong ma bzhin no/ /spo ba spyad pa la mgu bar bya ba sbyin pa ni chos kyi las te gong ma bzhin no/ /mgu bar bya ba ma spyad pa la 'byin pa ni chos ma yin pa'i las te gong ma bzhin no/ / mgu bar bya ba spyad pa la 'byin pa ni chos kyi las te gong ma bzhin no/ /dbyung bar 'os pa la mngon sum gyis 'dul ba sbyin pa ni zhes bya ba nas/ mgu bar bya ba dang mi 'byin pa zhes bya ba'i bar ni chos ma yin pa'i las te gong ma bzhin no/ /dbyung bar 'os pa la dbyung ba nyid byed kyi mngon sum gyis 'dul ba sbyin pa ma yin zhes bya ba nas/ mgu bar bya ba ma yin zhes bya ba'i bar ni chos kyi las te gong ma bzhin no/ /de bzhin du re res mgo bzung nas 'khor lo bzhin du bsgre ba rgyas par khong du chud par bya'o// //sdom la/ mi mthun 'thun dang 'os pa dang / /chos dang chos min gnas nas 'byin/ /bslang ba nyid de 'di dag ni/ /las kyi gzhir ni bsdus pa yin/ /mi mthun pa'i las dang 'thun pa'i las so/ /mi mthun pa'i las gang zhe na/ mtshams na gnas pa'i dge slong bya bar 'os pa ji snyed pa thams cad ma 'dus shing mngon sum du ma gyur pa dang / 'dun pa blang bar 'os pa rnams las 'dun pa ma blangs par gyur pa dang / dge slong rnams 'dus shing mngon sum du gyur kyang mi btub cing phyir 'dong ba gang dag gi gshe ba 'os pa rnams mi btub cing phyir dong ba las dag byed na 'di ni mi mthun pa'i las zhes bya'o/ /'thun pa'i las gang zhe na/ mtshams na gnas pa'i dge slong bya bar 'os pa ji snyed pa thams cad 'dus shing mngon sum du gyur pa dang / 'dun pa blang bar 'os pa rnams las 'dun pa blang bar gyur pa dang / dge slong rnams 'dus shing mngon sum du gyur kyang mi btub cing phyir 'dong ba gang dag gshe ba 'os pa rnams btub cing mi gshe ba las dag byed pa 'di ni 'thun pa'i las zhes bya'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa du zhig gi gshe ba mi 'os pa lags/ nye ba 'khor bcu ste/ ngo tsha med pa dang / klan ka tshol ba dang / bus pa dang / blun po dang / mi gsal ba dang / mi mkhas pa dang / mtshams kyi phyi rol na gnas pa dang / bar snang la gnas pa dang / spyod lam las ldang ba dang / tshig ma bsdams pa'i 'o/ /btsun pa du zhig gi gshe ba 'os pa lags/ nye ba 'khor bzhi ste/ rang bzhin du gnas pa dang / mtshams kyi nang na gnas pa dang / spyod lam las ma langs pa dang / tshig bsdams pa'i 'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa gnas nas dbyung ba'i las du zhig mchis lags/ nye ba 'khor bzhi ste/ mi mthun pa dag gis chos ma yin pas gnas nas 'byin pa dang / 'thun pa dag gis chos ma yin pas dang / mi mthun pa dag gis chos kyis dang / 'thun pa dag gis chos kyis 'byin pa'o/ /de la gnas nas 'byin pa'i las ni gcig yin te/ 'di lta ste/ 'thun pa dag gis chos kyis gnas nas 'byin pa'o/ /btsun pa bslang ba'i las du mchis lags nye ba 'khor bzhi ste/ mi mthun pa dag gis chos ma yin pas slong ba dang / 'thun pa dag gis chos ma yin pas dang / mi mthun pa dag gis chos kyis dang / 'thun pa dag gis chos kyis slong ba'o/ /de la slong ba'i las ni gcig yin te/ 'di lta ste/ 'thun pa dag gis chos kyis slong bar byed pa'o/ /las kyi gzhi rdzogs s+ho// // phyir bcos pa'i gzhi'i sdom ni/ /dmar ser can gyi gzhi dang ni/ /de bzhin gang zag dag dang ni/ /de nas spo ba bya ba dang / /gso sbyong gzhag par bya ba dang / /gnas mal dang ni rtsod pa dang / /dge 'dun 'byed pa phyi ma yin/ / dmar ser can gyi gzhi'i sdom ni/ dmar ser can dag bsdigs pa dang / /legs ldan smad par bya ba dang / /'gro mgyogs dang ni nab so gnyis/ /bskrad dang chu stod phyir 'gyed dang / /'dun pa yi ni ma mthong dang / / de bzhin slar ni mi 'chos dang / /'chi ltas sdig pa'i lta ba can/ /'char ka dang ni las lnga'o/ /sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe mnyan yod na dge slong dmar ser can 'thab krol byed pa mtshang 'dru bar byed pa/ rtsod par byed pa/ 'gyed par byed pa/ rtsod pa'i gzhi byed pa rnams gnas te/ de rnams dge 'dun la yang dang yang du rtsod pa'i gzhi skyed pas des na dge 'dun 'thab krol dang / mtshang 'dru ba dang / rtsod pa dang / 'gyed pa byung zhing gnas so/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dmar ser can gyi dge slong 'thab krol byed pa/ mtshang 'dru bar byed pa/ rtsod par byed pa/ 'gyed par byed pa/ rtsod pa'i gzhi byed pa rnams dang / gzhan yang de lta bu dang 'thun pa su yang rung ba la bsdigs pa'i las byos shig /rgyu lngas bsdigs pa'i las byas na de ni chos ma yin pa'i las dang / 'dul ba ma yin pa'i las yin te/ des ni dge 'dun yang 'gal tshabs can du 'gyur ro/ /lnga gang zhe na/ gleng ba ma byas pa dang / dran par ma byas pa dang / gzhi med pa dang / khas ma blangs pa dang / mngon sum du ma gyur par byed pa'o/ /yang rgyu lngas bsdigs pa'i las byas na de ni chos kyi las dang 'dul ba'i las yin te/ des na dge 'dun yang 'gal tshabs can du mi 'gyur ro/ /lnga gang gis zhe na/ gleng ba byas pa dang / dran par byas pa dang / gzhi dang bcas pa dang / khas blangs pa dang / mngon sum du gyur par byed pa'o/ /'di ltar yang bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang / dge slong gcig gis gsol ba byas te las bya'o/ / dge 'dun btsun pa rnams gsan du gsol/ /dge slong dmar ser can 'di dag ni 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa lags te/ 'di dag gis dge 'dun la yang dang yang du rtsod pa'i gzhi bskyed par bgyid de/ des na dge 'dun 'thab krol dang / mtshang 'dru ba dang / rtsod pa dang / 'gyed pa byung zhing gnas na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong dmar ser can 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa rnams la bsdigs pa'i phrin las mdzad do/ /'di ni gsol ba'o/ /de nas las bya ste/ dge 'dun btsun pa rnams gsan du gsol/ dge slong dmar ser can 'di dag ni 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa lags te/ 'di dag gis dge 'dun la yang dang yang du rtsod pa'i gzhi skyed par bgyid de des na dge 'dun 'thab krol dang / mtshang 'dru ba dang / rtsod pa dang / 'gyed pa byung zhing gnas pas/ de'i slad du dge 'dun gyis dge slong dmar ser can 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa rnams la bsdigs pa'i phrin las mdzad na/ tshe dang ldan pa gang dag dge slong dmar ser can rnams la zhes bya ba nas/ bsdigs pa'i phrin las mdzad par zhes bya ba'i bar gong ma bzhin du ste/ bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po yin te/ de bzhin du las brjod pa gnyis pa dang / gsum pa'i bar du brjod par bya'o/ /dge 'dun gyis bzod cing gnang nas dge 'dun gyis dge slong dmar ser can zhes bya ba nas bsdigs pa'i phrin las mdzad lags te/ 'di ltar cang mi gsung bas de de bzhin du 'dzin to zhes bya ba'i bar gong ma bzhin no/ /dge slong dag ngas bsdigs pa'i las byas pa'i dge slong gi kun tu spyod pa'i chos bca' bar bya ste/ bsdigs pa'i las byas pa'i dge slong gis rab tu dbyung bar mi bya/ bsnyen par rdzogs par mi bya/ gnas mi sbyin dge tshul gzhag par mi bya/ dge slong ma rnams la gdams par mi bya/ dge slong ma rnams kyi gdams ngag 'bog par bsko bar mi bya/ sngar bskos na yang dge slong ma rnams la gdams par mi bya'o/ /dge slong la tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pas gleng ba dang / dran par mi bya/ gdams ngag sbyin par mi bya ste/ gso sbyong ma yin/ dgag dbye ma yin/ gsol ba dang gnyis pa ma yin/ gsol ba dang bzhi'i las ma yin no/ /bsdigs pa'i las byas pa'i dge slong gis kun tu spyod pa'i chos ji ltar bcas pa bzhin yang dag par blangs nas 'jug par mi byed na 'gal tshabs can du 'gyur ro/ /de ltar bsdigs pa'i las byas pa de rnams skra gyen du 'greng ba lta bu dang skra zhig pa lta bu dge 'dun la spu sa la ltung ba lta bur byed/ 'byung bar bskyod mtshungs par nye bar ston la mtshams kyi nang du 'dug nas bslang ba gsol te/ 'thab krol byed pa nyid spong ngo zhes pa'i skabs de bcom ldan 'das la dge slong rnams kyis gsol pa dang / bcom ldan 'das kyis bka' stsal pa/ dge slong dag khyed kyis dge slong dmar ser can 'thab krol byed pa bsdigs pa'i las byas pa rnams dang gzhan yang de lta bu dang 'thun pa su yang rung ba la bslang bar gyis shig /bsdigs pa'i las byas pa chos lnga dang ldan pa ni bslang bar mi bya'o/ /lnga gang zhe na/ skra gyen du 'greng ba lta bu dang / skra zhig pa lta bu dang / dge 'dun la spu sa la ltung ba lta bur mi byed pa dang / 'byung bar mi skyod pa dang / mtshungs par nye bar mi ston pa dang / mtshams kyi nang du 'dug ste bslang ba mi gsol ba/ 'thab krol byed pa de mi spong ba ste/ chos 'di lnga dang ldan pa ni zhes bya ba gong ma bzhin du'o/ /gzhan yang bsdigs pa'i las byas pa chos lnga dang ldan pa ni bslang bar mi bya ste/ lnga gang zhe na/ pho brang 'khor du rton pa dang / bskos pa 'dus pa'i sar rton pa dang / mu stegs can la rton pa dang / gang zag la rton pa dang / dge 'dun la mi rton pa ste/ chos 'di lnga dang ldan pa ni zhes bya ba gong ma bzhin no/ /gzhan yang bsdigs pa'i las byas pa chos lnga dang ldan pa ni bslang bar mi bya ste/ lnga gang zhe na/ khyim pa'i rtags 'chang ba dang / mu stegs can gyi rtags 'chang ba dang / mu stegs can la sten cing bsnyen la bsnyen bkur byed pa dang / spyod par bya ba ma yin pa spyod pa dang / dge slong gi bslab pa la mi slob pa ste/ chos 'di lnga zhes bya ba gong ma bzhin du'o/ /gzhan yang bsdigs pa'i las byas pa chos lnga dang ldan pa ni bslang bar mi bya ste/ lnga gang zhe na/ dge slong rnams la gshe bar byed pa dang / khro bar byed pa dang / kha zer bar byed pa dang / dge 'dun gyi rnyed pa med par byed pa dang / gnas med par brtson par byed pa ste/ chos 'di lnga dang zhes bya ba'i bar gong ma bzhin du'o/ /yang bsdigs pa'i las byas pa chos lnga dang ldan pa ni bslang bar bya ste/ lnga gang zhe na/ skra gyen du 'greng ba lta bu dang / skra zhig pa lta bu dang / dge 'dun la spu sa la ltung ba lta bur byed pa dang / 'byung bar bskyod pa dang / mtshungs par nye bar ston pa dang / mtshams kyi nang du 'dug ste bslang ba gsol ba dang / 'thab krol byed pa nyid spong ba ste chos 'di lnga dang zhes bya ba gong ma bzhin du'o/ /gzhan yang bsdigs pa'i las byas pa chos lnga dang ldan pa ni bslang bar bya ste/ lnga gang zhe na pho brang 'khor du mi rton pa dang / bskos pa 'dus pa'i sar mi rton pa dang / mu stegs can la mi rton pa dang / gang zag la m-i rton pa dang / dge 'dun la rton pa ste/ chos 'di lnga dang ldan pa ni zhes bya ba gong ma bzhin du'o/ /gzhan yang bsdigs pa'i las byas pa chos lnga dang ldan pa ni bslang bar bya ste/ lnga gang zhe na/ khyim pa'i rtags mi 'chang ba dang / mu stegs can gyi rtags mi 'chang ba dang / mu stegs can la mi sten cing mi snyen la bsnyen bkur mi byed pa dang / spyad par bya ba spyod pa dang / dge slong gi bslab pa la slob pa ste/ chos 'di lnga dang zhes bya ba gong ma bzhin du'o/ /gzhan yang bsdigs pa'i las byas pa chos lnga dang ldan pa ni bslang bar bya ste/ lnga gang zhe na/ dge slong rnams la mi gshe ba dang / mi khro ba dang / kha mi zer ba dang / dge 'dun gyi rnyed pa'i phyir dang / gnas kyi phyir brtson pa ste/ chos 'di lnga dang zhes bya ba gong ma bzhin du'o/ /bslang ba ni 'di ltar bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang dge slong dmar ser can rnams kyis rgan rims ji lta ba bzhin du gdud pa byas la/ rgan rims kyi mdun du tsog tsog por 'dug ste thal mo sbyar ba btud nas tshig 'di skad ces/ dge 'dun btsun pa rnams gsan du gsol/ bdag cag dge slong dmar ser can 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa lags pas/ bdag cag gis dge 'dun la yang dang yang du rtsod pa'i gzhi bskyed de/ des na dge 'dun 'thab krol dang / mtshang 'dru ba dang / rtsod pa dang / 'gyed pa byung zhing gnas pas/ dge 'dun gyis bdag cag dge slong dmar ser can 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa rnams la bsdigs pa'i phrin las mdzad lags te/ bdag cag bsdigs pa'i phrin las mdzad lags pa rnams skra gyen du 'greng ba lta bu dang / skra zhig pa lta bur dge 'dun la spu sa la ltung bar lta bur bgyid/ 'byung bar bskyod/ mtshungs par nye bar ston/ mtshams gyi nang du mchis nas bslang ba gsol te/ 'thab krol bgyid pa nyid kyang spong na dge 'dun btsun pa thugs brtse ba can thugs brtse ba nye bar bzung nas/ bdag cag dge slong dmar ser can 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa bsdigs pa'i phrin las mdzad pa lags pa bslang bar gsol/ de skad lan gnyis lan gsum du bzlas so/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong dmar ser can 'di dag ni 'thab krol bgyid pa nas rtsod pa'i gzhi bgyid pa'i bar du ste/ de dag gis dge 'dun la yang dang yang du rtsod pa'i gzhi bskyed de/ des na dge 'dun 'thab krol dang / mtshang 'dru ba dang / rtsod pa dang / 'gyed pa byung zhing gnas pas/ dge 'dun gyis 'thab krol bgyid pa 'di rnams la bsdigs pa'i phrin las mdzad lags te/ bsdigs pa'i phrin las mdzad lags pa 'di rnams skra gyen du 'greng ba lta bu dang / skra zhig pa lta bur dge 'dun la spu sa la ltung ba lta bur bgyid/ 'byung bar bskyod/ mtshungs par nye bar ston/ mtshams kyi nang du mchis nas bslang ba gsol te/ 'thab krol bgyid pa nyid kyang spong ngo zhes mchi na/ gal te dge 'dun gyi dus la bab cing bzod na dge 'dun gyis dge slong dmar ser can rnams bslang bar mdzad do/ /'di ni gsol ba'o/ /las bya ba ni dge 'dun btsun pa rnams gsan du gsol/ /dge slong dmar ser can 'di dag ni 'thab krol bgyid pa zhes bya ba nas rtsod pa'i gzhi bgyid pa'i bar du ste/ de dag gis dge 'dun la rtsod pa'i gzhi bskyed de/ des na dge 'dun 'thab krol dang / mtshang 'dru ba dang / rtsod pa dang / 'gyed pa byung zhing gnas pas/ dge 'dun gyis 'thab krol bgyid pa 'di rnams la bsdigs pa'i phrin las mdzad lags te/ bsdigs pa'i phrin las mdzad lags pa 'di rnams skra gyen du 'greng ba lta bu dang / skra zhig pa lta bur dge 'dun la spu sa la ltung ba lta bur bgyid/ 'byung bar bskyod/ mtshungs par nye bar ston/ mtshams kyi nang du mchis nas bslang ba gsol te/ 'thab krol bgyid pa nyid kyang spong ngo zhes mchi nas/ de'i slad du dge 'dun gyis dge slong dmar ser can 'thab krol bgyid pa bsdigs pa'i phrin las mdzad lags pa rnams bslang bar mdzad na tshe dang ldan pa gang dag dge slong dmar ser can 'thab krol bgyid pa bsdigs pa'i phrin las mdzad lags pa rnams bslang bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong dmar ser can 'thab krol bgyid pa bsdigs pa'i phrin las mdzad lags pa rnams bslang bar mdzad lags te/ 'di ltar cang mi gsung bas de de bzhin du 'dzin to// //'dul ba gzhi/ bam po bdun bcu pa/ / sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong legs ldan yang dang yang du ltung ba 'byin pa zhig ste/ dge 'dun lhag ma'i ltung ba 'byin pas de la dge slong rnams kyis spo ba dang / gzhi nas spo ba dang / mgu bar bya ba sbyin pa dang / 'byin pas bya ba mang zhing byed pa mang por gyur pas lung nod pa dang / klog pa dang / 'don pa dang / rnal 'byor dang / yid la bya ba dang / nang gi sems zhi gnas su bya ba shor bar gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong legs ldan yang dang yang du ltung ba 'byin pa dang / gzhan yang de lta bu dang 'thun pa su yang rung ba la smad pa'i las byos shig /rgyu lngas smad pa'i las byas na de ni chos ma yin pa'i las dang 'dul ba ma yin pa'i las yin te/ des na dge 'dun yang 'gal tshabs can du 'gyur ro/ /lnga gang gis zhe na/ gleng ba ma byas pa dang / dran par ma byas pa dang / gzhi med pa dang / khas ma blangs pa dang / mngon sum du ma gyur par byed pa'o/ /yang rgyu lngas smad pa'i las byas na de ni chos kyi las dang 'dul ba'i las yin te/ des na dge 'dun yang 'gal tshabs can du mi 'gyur ro/ /lnga gang gis zhe na/ gleng ba byas pa dang / dran par byas pa dang / gzhi dang bcas pa dang / khas blangs pa dang / mngon sum du gyur pa'i 'o/ /'di ltar yang bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang / dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong legs ldan 'di ltung ba yang dang yang du bgyid de/ yang dang yang du dge 'dun lhag ma'i ltung ba 'byin pas dge slong rnams 'di la spo ba dang / gzhi nas spo ba dang / mgu ba stsol ba dang / 'byin pa mdzad pas bgyi ba mang zhing bgyid pa mangs pas lung nod pa dang / klog pa dang / 'don pa dang / rnal 'byor dang / yid la bgyi ba dang / nang du sems zhi gnas su bgyi ba shor bar gyur lags na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong legs ldan yang dang yang du ltung ba 'byin pa la smad pa'i phrin las mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong legs ldan 'di yang dang yang du ltung ba bgyid de/ yang dang yang du dge 'dun lhag ma'i ltung ba 'byin nas dge slong rnams 'di la spo ba dang / gzhi nas spo ba dang / mgu bar bgyi ba stsal ba dang / 'byin par mdzad pas bgyi ba mang zhing bgyid pa mangs pas lung nod pa dang / klog pa dang / 'don pa dang / rnal 'byor dang / yid la bgyi ba dang / nang du sems zhi gnas su bgyi ba shor nas/ de'i slad du dge 'dun gyis dge slong legs ldan yang dang yang du ltung ba bgyid pa la smad pa'i phrin las mdzad na tshe dang ldan pa gang dag dge slong legs ldan yang dang yang du ltung ba 'byin pa la smad pa'i phrin las mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po yin te/ de bzhin du las brjod pa gnyis pa dang / gsum gyi bar du brjod par bya'o/ /dge 'dun gyis bzod cing gnang nas dge 'dun gyis dge slong legs ldan yang dang yang du ltung ba 'byin pa la smad pa'i phrin las mdzad lags te/ 'di ltar cang mi gsung bas de de bzhin du 'dzin to/ /dge slong dag ngas dge slong smad pa'i las byas pa'i kun tu spyod pa'i chos bca' bar bya ste/ dge slong smad pa'i las byas pas rab tu dbyung bar mi bya/ bsnyen par rdzogs par mi bya/ gnas sbyin par mi bya/ dge tshul gzhag par mi bya zhes bya ba'i bar gong ma bzhin du bsdigs pa'i las byas pa la gsungs pa de bzhin du brjod par bya'o/ / smad pa'i las byas pa'i dge slong gis kun tu spyod pa'i chos ji ltar bcas pa bzhin yang dag par blangs te 'jug par mi byed na 'gal tshabs can du 'gyur ro/ /de ltar smad pa'i las byas pa de skra gyen du 'greng ba lta bu dang / skra zhig pa lta bu dang / dge 'dun la spu sa la ltung ba lta bur byed ces bya ba nas/ mtshams kyi nang du 'dug nas bslang bar gsol te/ yang dang yang du ltung ba byed pa nyid kyang spong ngo zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong legs ldan smad pa'i las byas pa dang / gzhan yang de lta bu dang 'thun pa su yang rung ba la bslang ba'i las byos shig smad pa'i las byas pa chos lnga dang ldan pa bslang bar bya ste/ lnga gang zhe na/ skra gyen du 'greng ba lta bu dang / skra zhig pa lta bur dge 'dun la spu sa la ltung ba lta bur byed pa dang / 'byung bar bskyod pa dang / mtshungs par nye bar ston pa dang / mtshams kyi nang du 'dug nas bslang ba gsol pa dang / yang dang yang du ltung ba 'byin pa yang spong ba'o/ /bslang ba ni 'di ltar bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang / dge slong legs ldan gyis rgan rims kyi mdun du tsog tsog por 'dug la thal mo sbyar ba btud la 'di skad ces brjod par bya'o/ /dge 'dun btsun pa rnams gsan du gsol/ bdag dge slong legs ldan yang dang yang du ltung ba bgyid de/ yang dang yang du dge 'dun lhag ma'i ltung ba 'byin pas/ de'i slad du bdag la dge slong rnams kyis spo ba dang / gzhi nas spo ba dang / mgu bar bgyi bar stsol ba dang / 'byin pas bgyi ba mang zhing bgyid pa mangs pas lung nod pa dang / klog pa dang / 'don pa dang / rnal 'byor dang / yid la bgyi ba dang / nang du sems zhi gnas su bgyi ba shor nas dge 'dun gyis bdag la smad pa'i phrin las mdzad lags te/ smad pa'i phrin las mdzad lags pa bdag skra gyen du 'greng ba lta bu dang / skra zhig pa lta bur dge 'dun la spu sa la ltung ba lta bur bgyid/ 'byung bar bskyod/ mtshungs par nye bar ston/ mtshams kyi nang du mchis nas bslang ba gsol te/ yang dang yang du ltung ba 'byin pa yang spong bar bgyid na/ dge 'dun btsun pa thugs brtse ba can thugs brtse ba nye bar bzung ste/ bdag dge slong legs ldan yang dang yang du ltung ba 'byin pa smad pa'i phrin las mdzad lags pa bslang bar gsol/ de skad ces lan gnyis lan gsum du brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong legs ldan 'di yang dang yang du ltung ba 'byin te zhes bya ba nas nang du sems zhi gnas su bgyi bar zhes bya ba'i bar gong ma bzhin du ste/ dge 'dun gyis 'di yang dang yang du ltung ba bgyid pas smad pa'i phrin las mdzad de/ smad pa'i phrin las mdzad lags pa 'di skra gyen du 'greng ba lta bu dang / skra zhig pa lta bur dge 'dun la spu sa la ltung ba lta bur bgyid ces bya ba nas/ yang dang yang du ltung ba 'byin pa nyid kyang spong ngo zhes mchis na zhes bya ba'i bar gong ma bzhin du ste/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong legs ldan yang dang yang du ltung ba 'byin pa smad pa'i phrin las mdzad lags pa slong bar mdzad do/ /'di ni gsol ba'o/ /las bya ba ni/ dge 'dun btsun pa rnams gsan du gsol/ dge slong legs ldan yang dang yang du ltung ba 'byin pa smad pa'i phrin las mdzad lags pa 'di skra gyen du 'greng ba lta bu dang / skra zhig pa lta bur dge 'dun la spu sa la ltung ba lta bur bgyid/ 'byung bar bskyod/ mtshungs par nye bar ston/ mtshams kyi nang du mchis nas bslang ba gsol te/ yang dang yang du ltung ba bgyid pa nyid kyang spong ngo zhes mchi nas de'i slad du dge 'dun gyis dge slong legs ldan yang dang yang du ltung ba bgyid pa smad pa'i phrin las mdzad lags pa slong bar mdzad na/ tshe dang ldan pa gang dag dge slong legs ldan yang dang yang du ltung ba bgyid pa smad pa'i phrin las mdzad lags pa bslang bar bzod pa de dag ni cang ma gsung shig / gang dag mi bzod pa de dag n-i gsungs shig /'di ni las brjod pa dang po ste/ de bzhin du las brjod pa gnyis dang gsum gyi bar du brjod par bya'o/ /dge 'dun gyis bzod cing gnang nas dge 'dun gyis dge slong legs ldan yang dang yang du ltung ba bgyid pa smad pa'i phrin las mdzad lags pa bslang ste/ 'di ltar cang mi gsung bas de de bzhin du 'dzin to// // sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe ri nag po la dge slong 'gro mgyogs dang nab so khyim sun 'byin pa sdig pa'i chos kun du spyod pa gnas so/ /de gnyis dge sbyong gi las ma yin pa 'di lta bu dag byed cing byed du 'jug ste/ 'di lta ste bud med dang lhan cig kha dpya zer/ rtse bar byed/ ze slong bar byed/ mig zur gyis lta bar byed/ 'phyar bar byed/ lus kyis snyogs par byed stan cig la yang lhan cig 'dug par byed/ snod gcig tu longs spyod par byed/ phor bu gcig tu chang rnam pa sna tshogs 'thung bar byed/ me tog 'thog par byed/ 'thog tu 'jug /me tog phreng rgyud par byed/ rgyud du 'jug /me tog gi thum bu'i rna rgyan byed/ byed du 'jug /gar byed/ byed du 'jug /glu len par byed/ glu len du 'jug /rol mo'i cha byad 'bud par byed/ 'bud du 'jug /gar mkhas pa dang / glu snyan pa dang / rol mo'i cha byad 'bud pa mkhas pa la gla sbyin par byed/ gos rnams brdzes nas rgyug par byed/ mchong bar byed/ rgal bar byed/ rkang pa gcig bskums te skor bar yang byed/ lag 'gros kyis kyang bskor bar byed/ nya tshar gyis kyang bskor bar byed/ chu bgags shing gtong bar byed/ chu la sbal pa'i skad 'byin/ chu la rnga'i sgra yang 'byin/ glang po che'i skad kyang 'byin/ rta'i skad kyang 'byin/ khyu mchog 'gying ba'i skad kyang 'byin/ khas rdza rnga'i skad kyang 'byin/ khas dung dang / khas rnga dang / rma bya'i skad kyang 'byin/ khu byug gi skad kyang 'byin/ glang po che'i 'thab mo yang byed/ rta'i 'thab mo dang / khyu mchog gi 'thab mo dang / ma he'i 'thab mo dang / ra'i 'thab mo dang / lug gi 'thab mo dang / bud med kyi 'thab mo dang / skyes pa'i 'thab mo dang / gzhon nu'i 'thab mo dang / gzhon nu ma'i 'thab mo dang / bya gag gi 'thab mo dang / sreg pa'i 'thab mo dang / byi khra'i 'thab mo yang byed cing byed du 'jug ste/ de rnams dang gzhan yang dge sbyong gi las ma yin pa byed cing byed du 'jug go/ /de gnyis kyi tshul dang / spyod pa dang / log par sgrub pa des ri nag po la dge slong ma 'ongs pa rnams mi 'ong zhing 'ongs pa rnams kyang mi 'dod pas ri nag po'i gnas 'dor bar byed do/ /ri nag po na gnas pa'i bram ze dang khyim bdag rnams kyang yid ma rangs shing ma mgu bas 'ongs nas ring du lon pa gnyug mar gnas pa rnams la yang bka' 'khor du bsod snyoms sbyin par bya bar mi sems na glo bur ba rnams la lta smos kyang ci 'tshal/ ji tsam dus gzhan zhig na tshe dang ldan pa kun dga' bo yul ka shi nas ljongs rgyu zhing song ba dang ri nag por phyin nas ri nag po'i tshal na 'dug go/ / tshe dang ldan pa kun dga' bo snga dro sham thabs bgos chos gos dang lhung bzed thogs nas ri nag por bsod snyoms kyi phyir zhugs pa las/ de ji ltar lhung bzed bkrus pas ri nag por bsod snyoms kyi phyir zhugs pa lhung bzed bkrus pa de bzhin du slar log ste sbyin pa yang ma rnyed/ tshig kyang ma ster te chung ngu na bsod snyoms gcig kyang ma rnyed do/ /de nas tshe dang ldan pa kun dga' bo 'di snyam du sems te/ ri nag po 'di sngon yang 'byor cing rgyas pa/ lo legs pa/ skye bo dang mi mang pos gang bar gyur cing bsod snyoms pa dang slongs mo pas rnyed sla bar gyur la/ da dung yang ri nag po 'di 'byor cing rgyas pa/ bde ba dang lo legs pa dang / skye bo dang mi mang pos gang bar gyur na/ 'on kyang bdag ni ji ltar lhung bzed bkrus pas ri nag por bsod snyoms kyi phyir zhugs pa lhung bzed bkrus pa de bzhin du slar log ste sbyin pa yang ma rnyed do/ /tshig kyang ma ster te chung ngu na bsod snyoms gcig tsam yang ma rnyed na/ 'dir bcom ldan 'das kyi nyan thos byis pa/ blun pa mi gsal ba/ mi mkhas pa 'ga' zhig gis nyon mongs pa'i dbang gis rigs kyi bud med dam/ rigs kyi na chung la smras sam/ reg gam/ kha ngan smras par ma gyur grang snyam mo/ /de'i tshe ri nag po'i bram ze dang khyim bdag rnams kyi 'dun khang du dge bsnyen lnga brgya tsam dgos pa 'ga' zhig gi phyir 'dus shing 'khod par gyur to/ /de nas tshe dang ldan pa kun dga' bo ri nag po'i bram ze dang khyim bdag rnams kyi 'dun khang ga la ba der song ste phyin pa dang / ri nag po'i bram ze dang khyim bdag rnams la 'di skad ces smras so/ /shes ldan dag sngon ni ri nag po 'di zhes bya ba nas bsod snyoms gcig kyang ma rnyed do/ /zhes bya ba'i bar gong ma bzhin du'o/ /de skad ces smras pa dang ri nag po'i bram ze dang khyim bdag rnams mig gnam du bltas nas 'dug go/ /de'i tshe dge bsnyen chu la rtse zhes bya ba 'khor de nyid du 'dus shing 'dug par gyur to/ /de nas dge bsnyen chu la rtses tshe dang ldan pa kun dga' bo'i lag nas bzung ste mtha' gcig tu dong nas/ tshe dang ldan pa kun dga' bo la 'di skad ces smras so/ /btsun pa mkhyen par mdzod cig /ri nag po 'di na dge slong 'gro mgyogs dang nab so khyim sun 'byin pa sdig pa'i chos kun tu spyod pa dag cig gnas te de gnyis kyis bud med rnams dang lhan cig kha dpya zer zhes bya ba nas tshe dang ldan pa kun dga' bo zhes bya ba nas/ ji ltar gong du khyim sun 'byin pa'i dge 'dun lhag ma'i bslab pa la bstan pa bzhin du ste/ dge slong 'gro mgyogs dang nab so gnyis bskrad pa'i las byos shig 'di ltar yang bya ste/ dge slong gnas brtan rnams dang lhan cig tu lam kar 'dug la gleng bar byed pa'i dge slong bsko bar bya ste/ chos lnga dang ldan pa'i dge slong ni zhes bya ba nas las bya ba ni zhes bya ba'i bar gong ma bzhin du'o/ /dge 'dun btsun pa rnams gsan du gsol/ dge slong 'gro mgyogs dang nab so 'di gnyis khyim sun 'byin pa sdig pa'i chos kun tu spyod pa lags te/ 'di gnyis kyis khyim sun phyung bar yang snang zhing thos la 'tshal/ 'di gnyis sdig pa'i chos kun tu spyod par yang snang zhing thos la 'tshal na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'gro mgyogs dang nab so khyim sun 'byin pa sdig pa'i chos kun tu spyod pa la bskrad pa'i phrin las mdzad do/ /'di ni gsol ba'o/ /las ni 'di ltar bya ste zhes bya ba nas de bzhin du las brjod pa gnyis dang gsum gyi bar du brjod par bya'o zhes bya ba'i bar gong ma bzhin du'o// // sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mnyan yod na tshong dpon phyug cing nor mang la longs spyod che ba zhig yod pa des rigs mnyam pa las chung ma blangs te/ de de dang lhan cig tu rtse bar byed/ dga' bar byed/ dga' mgur spyod par byed de/ de rtse bar byed/ dga' bar byed/ dga' mgur spyod par byed pa las chung ma sems can dang ldan par gyur te/ de zla ba brgyad dam dgu 'das nas rgyu skar chu stod la khye'u zhig btsas te/ de'i nye du rnams tshogs shing 'dus nas nyi ma bdun gsum nyi shu gcig tu btsas pa'i btsas ston rgya cher byas nas ming 'dogs par byed de/ khye'u yi ming cir gdags/ de dag 'di snyam du sems te/ khye'u 'di ni rgyu skar chu stod la btsas pas de bas na khye'u'i ming chu stod ces bya bar gdags so/ /zhes de'i ming chu stod ces bya bar btags so/ /de 'o ma dang / zho dang / mar dkar dang / zhun mar dang / mar gyi snying po dang gzhan yang yo byad kyi khyad par gtso bo gtso bo dag gis skyed par byed/ sring bar byed cing rdzing na gnas pa'i pad ma bzhin myur du skyed par byed do/ /de gang gi tshe chen por gyur pa de'i tshe yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa la nye bar zhugs nas/ de yi ge mthar phyin cing 'byed pa dang / klog pa dang / mkhas pa dang / spyod pa gsal ba dang / brtag pa brgyad po la mkhas par gyur te/ 'di lta ste rin po che brtag pa dang / gos brtag pa dang / gzhi brtag pa dang / shing brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /ji tsam na de'i pha shi nas chu stod khyim gyi dpon por gyur nas des tshong khang du nyo tshong gi zong bkram ste/ nyo tshong gis 'tsho bar byed do/ /de dus gzhan zhig na bcom ldan 'das kyi spyan sngar song ba dang / des bcom ldan 'das mthong zhing dam pa'i chos thos pas bcom ldan 'das kyi bstan pa la dad pa skyes te/ dad pa skyes pas rab tu 'byung ba mngon par 'dod par gyur nas de ma'i drung du song ste smras pa/ yum mkhyen par mdzod cig /bdag ni legs par gsungs pa'i chos 'dul ba la rab tu 'byung bar bgyi'o/ /des smras pa/ khyod ni kho mo'i bu gcig pa yin pas ji tsam kho mo gson gyi bar du rab tu ma 'byung shig /kho mo shi nas ci dga' ba gyis shig /des smras pa/ yum gal te dam zhig bcas na bdag rab tu mi 'byung ste/ khyod kyis nyi ma re re zhing dge 'dun gyis bskos pa'i dge slong rnams la gdugs tshod gsol lam des smras pa/ bu de bzhin du bya'o/ /chu stod des kyang cung zad ci bsags pa de thams cad ma la gtad nas yum 'dis dge sbyong dang bram ze rnams la stobs shig /de'i ma de ser sna can spar 'chums pa shig ste/ yo byad la zhen pas khwa la gtor ma sbyin pa'i spro ba yang med na/ dge sbyong dang bram ze rnams la sbyin pa lta smos kyang ci dgos te/ dge sbyong dang bram ze gang dag bsod snyoms kyi phyir de'i khyim du zhugs pa de rnams la khyed ni yi dgas dang mtshungs te rtag par gzhan gyi khyim du skrur 'ong ngo zhes kha yang zer ro/ /bu de la slu bar byed de/ kho mos deng dge slong 'di snyed cig la ni gdugs tshod gsol to/ /dge sbyong dang bram ze 'di snyed cig la ni bsod snyoms phul lo zer ro/ /de ser sna bsten cing goms pa dang lan mang du byas pas des na shi nas yi dags rnams su skyes so/ /chu stod kyang ma dang bral nas sbyin pa dag byin bsod nams dag byas nas legs par gsungs pa'i chos 'dul ba la rab tu byung ngo / /de dus gzhan zhig na shing mrag sha'i tshal na gnas pa dang de la brten nas shing mrag sha'i tshal na gnas pa'i khyim bdag nag pa bcom ldan 'das kyi bstan pa la dad pa skyes te de sangs rgyas dang / chos dang / dge 'dun la lhag par bya ba byed cing / shing mrag sha'i tshal du yul sna tshogs nas 'ongs pa'i dge slong rnams kyi rten du gyur to/ /ji tsam dus gzhan zhig na tshe dang ldan pa chu stod ri 'or gzhan zhig tu bya ba cung zad cig byung ste de der song ngo / /tshe dang ldan pa gar mkhan ma'i bu nye sde 'khor lnga brgya dang ljongs rgyu zhing song ba dang shing mrag sha'i tshal du phyin to/ /khyim bdag nag pas 'phags pa gar mkhan ma'i bu nye sde 'khor lnga brgya dang ljongs rgyu zhing song song ba dang 'dir phyin to zhes thos so/ /thos nas kyang tshe dang ldan pa nye sde gang na ba der song ste phyin pa dang / nye sde'i rkang pa gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang tshe dang ldan pa nye sdes khyim bdag nag pa la chos dang ldan pa'i gtam gyis yang dag par ston par byed/ yang dag par 'dzin du 'jug par byed/ yang dag par gzeng stod par byed/ yang dag par rab tu dga' bar byed de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ /yang dag par rab tu dga' bar byas nas cang mi smra'o/ /de nas khyim bdag nag pa stan las langs te/ bla gos phrag pa gcig tu gzar nas tshe dang ldan pa nye sde gang na ba de logs su thal mo sbyar ba btud de/ tshe dang ldan pa nye sde la 'di skad ces smras so/ /'phags pa nye sde sang bdag gi sdum par dge slong gi dge 'dun dang thabs gcig tu gdugs tshod sbyor zhing mchis na gnang bar mdzad du gsol/ tshe dang ldan pa nye sdes khyim bdag nag pa la cang mi smra bas khas blangs so/ /de nas khyim bdag nag pas tshe dang ldan pa nye sdes cang mi smra bas khas blangs par rig nas/ tshe dang ldan pa nye sde'i rkang pa gnyis la mgo bos phyag byas nas stan las langs nas song ngo / /de nas khyim bdag nag pas de nyid kyi nub mo nas gtsang zhing bsod pa'i bza' ba dang bca' ba dag sta gon byas nas nang par sngar langs te stan bshams so/ /tshe dang ldan pa chu stod kyang ri 'or de nas 'ongs nas/ ji tsam na stan yang ma bshams kha zas kyang mi g.yo bar mthong nas kun dga'i ra ba pa rnams la smras pa/ shes ldan dag ci ste stan yang mi 'dings kha zas kyang mi g.yo bar sems las chung ngur 'dug /ci dge slong gi dge 'dun rnams gdugs tshod bcad dam smras pa/ khyim bdag nag pas dge slong gi dge 'dun zhal zas la khyim du spyan drangs so/ /ci kho bo las brten te 'am khyod las brten te ni ma yin te/ 'on kyang 'phags pa gar mkhan ma'i bu nye sde 'khor lnga brgya dang ljongs rgyu zhing gshegs pa na 'dir byon to/ /des thos nas mi bzod pa skyes te smras pa/ kho bo ni de'i bya ba thams cad kyi sngon du 'gro ba yin na ci'i phyir des kho bo spangs la tshe dang ldan pa gar mkhan ma'i bu nye sde las brten te/ dge slong gi dge 'dun spyan 'dren re shig song la blta'o zhes de khyim bdag nag pa gang na ba der son pa dang / ji tsam na khyim bdag nag pa stan 'dings par byed pa mthong ba dang de lhag par yang kun nas dkris par gyur to/ /khyim bdag nag pas smras pa/ 'phags pa gdan legs par bting ngo / / gdugs tshod bzang por bgyis so/ /khyim bdag nag pa til gyi khur ba 'tshong ba'i tshong pa yin pas chu stod kyis smras pa/ stan yang legs par bting gdugs tshod kyang bzang por byas na 'on kyang til gyi khur ba med do/ /des smras pa/ btsun pa chu stod glo bar chud de 'di na skyes bu mkhas pa kha cig dpes smras pa'i don go bar 'gyur bas re shig de'i slad du dpe gson cig / btsun pa chu stod sngon byung ba 'dzam bu'i gling gi tshong pa rab tu mang po dag cig rgya mtsho'i gru bo che bsgrubs nas nor bsgrub pa'i phyir khwa zhig dang bya gag mo zhig thogs te rgya mtsho chen por zhugs pa las/ ci tsam na bya gag mo de de pho ma rnyed nas bya khwa dang lhan cig gcugs par gyur to/ /de gnyis bcugs pa las phrug gu byung ba de khwa'i skad dang bya gag gi skad gnyis ka 'byin pas khwa yang ma yin bya gag kyang ma yin pa de bzhin du khyod thar pa'i ched du rab tu byung na thar pa'i lam ni ma thob/ byung rgyal ni smra'o/ /de skad ces smras pa dang / tshe dang ldan pa chu stod kyis lde mig dang lde mig kyog po dag de'i mdun du bor nas chas pa dang des smras pa/ btsun pa chu stod gar bzhud/ mnyan yod du'o/ /phyi lang thong la ma bzhud par 'dir bzhugs shig /gang khyod slar byon nas bdag kho na la bzod pa gsol bar gyur pa'i gnas 'di mchis so/ /des de'i tshig tshig tu ma brtsis te lhung bzed dang chos gos blangs nas mnyan yod gang na ba der rgyu zhing song ste/ rim gyis rgyu zhing song ba na mnyan yod du phyin pa dang de dge slong rnams kyis mthong nas smras pa/ tshe dang ldan pa chu stod byon pa legs so/ /byon pa legs so/ /khyod mthong ba ni bdag cag dga' na byon pa ni ma yin no/ /ci'i phyir khyod la brten nas khyim bdag nag pa shing mrag sha'i tshal na sangs rgyas dang chos dang dge 'dun la bya ba byed cing glo bur ba mrag sha'i tshal du lhags pa dang / chas pa rnams kyi yang rten yin no/ /de ni mad na bdag gis khyim bdag nag pa la brnyas thabs bgyis so/ /ji lta bu dag byas/ des ji ltar gyur pa smras pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong chu stod brnyas thabs byed pa dang / gzhan yang de lta bu dang / 'thun pa su yang rung ba la phyir 'gyed pa'i las byos shig /rgyu lngas phyir 'gyed pa'i las byas na chos ma yin pa'i las yin te zhes bya ba nas/ mngon sum du ma gyur par byed pa'i 'o zhes bya ba'i bar gong ma bzhin du'o/ /'di ltar yang bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong chu stod 'dis mrag sha'i tshal gyi khyim bdag nag pa la brnyas thabs bgyis na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong chu stod khyim bdag nag pa la brnyas thabs bgyid pa la phyir 'gyed pa'i phrin las mdzad do/ / 'di ni gsol ba'o/ /las bya ba ni dge 'dun btsun pa rnams gsan du gsol/ dge slong chu stod 'dis mrag sha'i tshal gyi khyim bdag nag pa la brnyas thabs bgyis te/ de'i slad du dge 'dun gyis dge slong chu stod khyim bdag nag pa la brnyas thabs bgyid pa la phyir 'gyed pa'i phrin las mdzad na/ tshe dang ldan pa gang dag dge slong chu stod khyim bdag la brnyas thabs bgyid pa la phyir 'gyed pa'i phrin las mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po yin te/ de bzhin du las brjod pa gnyis pa dang / gsum gyi bar du brjod par bya'o/ /dge 'dun gyis bzod cing gnang nas dge 'dun gyis dge slong chu stod khyim bdag la brnyas thabs bgyid pa la phyir 'gyed pa'i phrin las mdzad lags te 'di ltar cang mi gsung bas de de bzhin du 'dzin to/ /ngas dge slong phyir 'gyed pa'i las byas pa'i kun tu spyod pa'i chos bca' bar bya ste/ phyir 'gyed pa'i las byas pa'i dge slong gis rab tu dbyung bar mi bya zhes bya ba'i bar gong ma bzhin du'o/ /de ltar phyir 'gyed pa'i las byas pa de/ skra gyen du 'greng ba lta bu dang / skra zhig pa lta bur dge 'dun la spu sa la ltung ba lta bur byed/ 'byung bar bskyod/ / mtshungs par nye bar ston/ mtshams kyi nang du 'dug nas bslang ba gsol bar byed de/ khyim bdag la brnyas thabs bgyid pa nyid kyang spong ngo zhes pa'i skabs te dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong chu stod phyir 'gyed pa'i las byas pa dang / gzhan yang de lta bu dang 'thun pa su yang rung ba la bslang bar byos shig /rgyu lngas phyir 'gyed pa'i las byas pa bslang bar bya ste/ lnga gang zhe na/ skra gyen du 'greng ba lta bu dang / skra zhig pa lta bur zhes bya ba nas khyim bdag la brnyas thabs byed pa nyid kyang spong ngo zhes smra na zhes bya ba'i bar gong ma bzhin du'o/ /bslang ba ni 'di ltar bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong chu stod 'dis mrag sha'i tshal gyi khyim bdag nag pa la brnyas thabs bgyis nas dge 'dun gyis de khyim bdag la brnyas thabs bgyid do zhes phyir 'gyed pa'i phrin las mdzad lags te/ dge slong chu stod phyir 'gyed pa'i phrin las mdzad lags pa 'di skra gyen du 'greng ba lta bu dang / skra zhig pa lta bur zhes bya ba nas khyim bdag la brnyas thabs bgyid pa nyid kyang 'dor ro zhes mchi na zhes bya ba'i bar gong ma bzhin du ste/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong chu stod phyir 'gyed pa'i phrin las mdzad lags pa bslang bar mdzad do/ /'di ni gsol ba'o/ / de nas khyim bdag de'i drung du song la bzod pa gsol cig dang bslang bar 'gyur ro zhes brjod par bya'o/ /dge slong rnams kyis de la de skad smras pa dang de mrag sha'i tshal gang na ba der rgyu zhing song ste/ rim gyis rgyu zhing song ba dang mrag sha'i tshal du phyin to/ /de nas lam gyis dub pa ngal sos nas khyim bdag nag pa gang na ba der song ste phyin pa dang / lag pa g.yas pa brkyang nas smras pa/ khyim bdag bzod par mdzod cig /btsun pa chu stod bzod par bgyis/ gal te de lta na 'di nyid du bzhugs shig /re shig gang gis bdag la nyes pa byung ba de tshar gcod du 'gro'o/ /gang gis bdag la nyes pa byung ba zhes bya ba ci bdag la mi zer ram snyam mo/ /de nas tshe dang ldan pa chu stod chu bo gang gA'i 'gram du song nas shing ta la'i lo ma gsum las spyil po byas te dbyar gnas par dam bcas nas des mi ro'i glad pa 'dra ba'i lhung bzed bcangs te/ de dang ha cang yang mi ring ba na lam zhig yod pa de nas rdzi'u mo rgyun du 'gro ba de dag la des lhung bzed bzed pa dang / de dag gis der 'o ma 'am/ zho 'am/ dar ba byin pa des de longs spyod nas bsam gtan dang / ting nge 'dzin dang / snyoms par 'jug pa'i bde bas dus 'da' bar byed do/ /ji tsam dus gzhan zhig na rdzi'u mo ma smad gnyis dong ba dang bu mos ma la smras pa/ ma 'phags pa 'di ni lkug pa zhig yin no/ /des smras pa/ bu 'di ni lkug pa ma yin te/ gdon mi za bar 'dis 'ga' zhig la tshig gis nyes pa byas pa de nyid tshar gcod par byed pa yin no/ /ma ci de de lta bu lags sam/ bu sang ngas khyod kyi mngon sum du bya'o/ /ji tsam phyi de nyin par de zho'i bum pa thogs te bu mo dang ma smad gnyis phyogs der phyin pa dang tshe dang ldan pa chu stod kyis lhung bzed bzed pas des de'i lhung bzed du zhos dgang bar brtsams so/ /tshe dang ldan pa chu stod kyis lhung bzed bsgul kyang des ma bzhag par blugs pa dang tshe dang ldan pa chu stod kyis smras pa/ sring mo chog don med par pho ba 'di cir rung / kho bo lta bu'i len pa po gzhan yang yod mod/ des smras pa/ bu mo khyod la ngas sngar 'di lkug pa ma yin gyi/ gdon mi za bar 'dis 'ga' zhig la tshig gis nyes pa byas pa de kho na tshar gcod par byed pa yin no zhes ma smras sam/ ma khyod kyis smras so/ /de nas tshe dang ldan pa chu stod kyis lo gnyis kyi nang logs su tshig gcig smras nas lo gsum pa la 'di ltar 'khor ba'i 'khor lo cha lnga po g.yo ba dang mi g.yo ba 'di nyid rig ste/ 'du byed kyi rnam pa thams cad nyams pa dang / ltung ba dang rnam par 'thor ba dang / rnam par 'jig pa'i chos nyid du zil gyis mnan nas mun pa'i phung po bcom ste dgra bcom par gyur nas zhes bya ba nas mchod par bya ba dang / rjed par bya ba dang / mngon du smra bar bya bar gyur to zhes bya ba'i bar gong ma bzhin no/ /de nas tshe dang ldan pa chu stod kyis dgra bcom pa thob ste/ rnam par grol ba'i dga' ba dang bde ba nyams su myong nas de'i tshe tshigs su bcad nas smras pa/ bdag gis ta la'i shing gsum las/ /gang gA'i 'gram du spyil po byas/ /mi ro glad 'dra'i lhung bzed dang / /phyag dar khrod pa'i chos gos bcangs/ /lo gnyis kyi ni nang logs su/ /bdag gis tshig gcig smras nas ni/ /lo gsum pa yi nang logs su/ /mun pa yi ni phung po bcom/ /chu bo gang gA'i 'gram gnas pa'i/ /dgra bcom sems ni rnam grol ba/ /dbang ldan gnas brtan chu stod kyis/ /tshigs su bcad pa 'di smras so// // sangs rgyas bcom ldan 'das kau sham bi'i gdangs can gyi kun dga' ra ba na bzhugs so/ /de'i tshe tshe dang ldan pa 'dun pa ltung ba byung ba ma mthong ngo zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'dun pa dang gzhan yang de lta bu dang 'thun pa su yang rung ba la ltung ba mthong bar bya ba'i phyir gnas nas dbyung ba'i las byos shig /rgyu lngas ltung ba mthong bar bya ba'i phyir gnas nas dbyung ba'i las byas na de ni chos ma yin pa'i las dang / 'dul ba ma yin pa'i las yin te/ des na dge 'dun yang 'gal tshabs can du 'gyur ro/ /lnga gang zhe na/ gleng ba ma byas pa dang zhes bya ba'i bar gong ma bzhin du'o/ /dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'dun pa 'di ltung ba byung ba la ltung ba ma mthong ba de'i slad du dge 'dun gyis dge slong 'dun pa ltung ba mthong bar bgyi ba'i slad du gnas nas dbyung ba'i phrin las mdzad do/ /'di ni gsol ba'o/ /las bya ba ni dge 'dun btsun pa rnams gsan du gsol/ dge slong 'dun pa 'di ltung ba byung ba la ltung ba ma mthong ba de'i slad du dge 'dun gyis dge slong 'dun pa 'di ltung ba mthong bar bgyi ba'i slad du gnas nas dbyung ba'i phrin las mdzad na/ tshe dang ldan pa gang dag dge slong 'dun pa ltung ba mthong bar bgyi ba'i slad du gnas nas dbyung ba'i phrin las mdzad par bzod pa de dag ni cang ma gsung shig / gang dag mi bzod pa de dag ni gsungs shig /'di ni las brjod pa dang po yin te zhes bya ba'i bar gong ma bzhin du ste/ ji ltar dmar ser can rnams kyi bzhin no// //gleng gzhi ni de nyid na ste/ tshe dang ldan pa 'dun pa ltung ba byung ba chos bzhin du phyir mi byed pa de la tshangs pa mtshungs par spyod pa phan par 'dod pa rnams kyis zhes bya ba'i bar gong ma bzhin du ste/ ji ltar rnam par 'byed pa las 'byung ba lta bu'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'dun pa ltung ba byung ba slar mi byed pa dang gzhan yang de lta bu dang 'thun pa su yang rung ba la gnas nas dbyung ba'i las byos shig /rgyu lngas ltung ba byung ba slar mi 'chos pa gnas nas dbyung ba'i las byas na de ni chos ma yin pa'i las dang 'dul ba ma yin pa'i las yin te/ des na dge 'dun yang 'gal tshabs can du 'gyur ro/ /lnga gang zhe na/ gleng ba ma byas pa dang zhes bya ba'i bar gong ma bzhin du ste/ dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'dun pa 'di ltung ba byung ba chos bzhin du slar mi bgyid kyis/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'dun pa ltung ba byung ba phyir mi bgyid pa gnas nas dbyung ba'i phrin las mdzad do/ /'di ni gsol ba'o/ /las bya ba ni dge 'dun btsun pa rnams gsan du gsol/ dge slong 'dun pa 'di ltung ba byung ba chos bzhin du phyir mi bgyid pas de'i slad du dge 'dun gyis dge slong 'dun pa ltung ba byung ba phyir mi bgyid pa gnas nas dbyung ba'i phrin las mdzad na/ tshe dang ldan pa gang dag dge slong 'dun pa ltung ba byung ba phyir mi bgyid pa gnas nas dbyung ba'i phrin las mdzad par bzod pa de dag ni cang ma gsung shig /gang dag mi bzod pa de dag ni gsungs shig / 'di ni las brjod pa dang po yin te zhes bya ba'i bar gong ma bzhin du ste/ dmar ser can rnams kyi bzhin no// // sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong 'chi ltas la 'di lta bu'i sdig pa'i lta bar song ba skyes te/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur ba de ltar bcom ldan 'das kyi chos bstan pa bdag gis shes so zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'chi ltas sdig pa'i lta bar song ba mi 'dor ba dang / gzhan yang de lta bu dang 'thun pa su yang rung ba la gnas nas dbyung ba'i las byos shig /rgyu lngas sdig pa'i lta bar song ba mi 'dor ba gnas nas dbyung ba'i las byas na de ni chos ma yin pa'i las dang / 'dul ba ma yin pa'i las yin te/ des na dge 'dun yang 'gal tshabs can du 'gyur ro/ /lnga gang zhe na/ gleng ba ma byas pa dang zhes bya ba'i bar gong ma bzhin du ste/ dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'chi ltas 'di la 'di lta bu'i sdig pa'i lta bar song ba skyes te/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur ba de ltar bcom ldan 'das kyis chos bstan pa bdag gis shes te zhes bya ba'i bar gong ma bzhin du ste gal te dge 'dun gyi dus la bab cing bzod na dge 'dun gyis gnang bar mdzod cig dang dge 'dun gyis dge slong 'chi ltas sdig pa'i lta bar song ba mi 'dor ba la gnas nas dbyung ba'i phrin las mdzad do/ /'di ni gsol ba'o/ /las bya ba ni/ dge 'dun btsun pa rnams gsan du gsol/ dge slong 'chi ltas 'di la 'di lta bu'i sdig pa'i lta bar song ba skyes te zhes bya ba nas de ltar bcom ldan kyis chos bstan pa bdag gis shes te zhes bya ba'i bar gong ma bzhin du ste/ dge 'dun gyis dge slong 'chi ltas sdig pa'i lta bar song ba mi 'dor ba la gnas nas dbyung ba'i phrin las mdzad na/ tshe dang ldan pa gang dag dge slong 'chi ltas sdig pa'i lta bar song ba mi 'dor ba la gnas nas dbyung ba'i phrin las mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po yin te zhes bya ba'i bar gong ma bzhin du ste/ dmar ser can rnams kyi bzhin no/ /de sdig pa'i lta bar song ba phyir mi 'dor ba gnas nas dbyung ba'-i las byas pas skra gyen du 'greng ba lta bu dang / skra zhig pa lta bur dge 'dun la spu sa la ltung ba lta bur byed ces bya ba nas/ sdig pa'i lta bar song ba 'dor ro zhes smra'o zhes bya ba'i bar gong ma bzhin du ste/ skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'chi ltas sdig pa'i lta bar song ba mi 'dor ba gnas nas phyung ba'i las byas pa dang / gzhan yang de lta bu dang 'thun pa su yang rung ba la bslang ba'i las byos shig /rgyu lngas sdig pa'i lta bar song ba mi 'dor ba de gnas nas dbyung ba'i las byas pa bslang bar bya ste/ lnga gang zhe na/ skra gyen du 'greng ba lta bu dang / skra zhig pa lta bur dge 'dun la spu sa la ltung ba lta bur byed ces bya ba'i bar gong ma bzhin du ste/ dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'chi ltas 'di la 'di lta bu'i sdig pa'i lta bar song ba skyes te/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur ba de ltar bcom ldan 'das kyis chos bstan pa bdag gis shes so zhes sdig pa'i lta bar song ba mi 'dor ba de gnas nas dbyung ba'i phrin las mdzad lags te/ dge slong 'chi ltas sdig pa'i lta bar song ba mi 'dor ba gnas nas dbyung ba'i phrin las mdzad lags pa 'di skra gyen du 'greng ba lta bu dang / skra zhig pa lta bur zhes bya ba nas sdig pa'i lta ba yang 'dor ro zhes mchi na zhes bya ba'i bar gong ma bzhin du ste/ gal te dge 'dun gyi dus la bab cing bzod na dge 'dun gyis gnang bar mdzod cig dang dge 'dun gyis dge slong 'chi ltas sdig pa'i lta bar song ba mi 'dor ba gnas nas dbyung ba'i phrin las mdzad lags pa slong bar mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'chi ltas 'di la 'di lta bu'i sdig pa'i lta bar song ba skyes te zhes bya ba'i bar gong ma bzhin du ste/ dge 'dun gyis dge slong 'chi ltas sdig ba'i lta bar song ba mi 'dor ba gnas nas dbyung ba'i phrin las mdzad lags pa 'di slong bar mdzad na/ tshe dang ldan pa gang dag dge slong 'chi ltas sdig pa'i lta bar song ba gnas nas dbyung ba'i phrin las mdzad lags pa bslang bar bzod pa de dag ni cang ma gsung shig /gang dag mi bzod pa de dag ni gsungs sh-ig /'di ni las brjod pa dang po yin te/ de bzhin du las brjod pa gnyis pa dang / gsum pa zhes bya ba nas cang mi gsung bas de de bzhin du 'dzin to zhes bya ba'i bar gong ma bzhin du'o// // sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe tshe dang ldan pa 'char ka ched du bsams te khu ba phyung ba las gyur pa'i dge 'dun lhag ma'i ltung ba phyung ba zla ba phyed bcabs pa des skabs de dge slong rnams la smras pa/ tshe dang ldan pa dag bdag la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs na bdag gis ci dag bgyi zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba phyung ba zla ba phyed bcabs pa dang / gzhan yang de lta bu dang 'thun pa su yang rung ba la zla ba phyed kyi spo ba byin cig sbyin pa ni 'di ltar bya ste/ dge slong 'char kas gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang rgan pa'i mthar tsog tsog por 'dug ste thal mo sbyar ba btud nas spo ba gsol bar bya'o/ /gsol ba ni 'di ltar bya ste/ dge 'dun btsun pa rnams gsan du gsol/ bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa de'i slad du dge 'dun las zla ba phyed kyi spo ba gsol na/ dge 'dun btsun pa thugs brtse ba can thugs brtse ba nye bar bzung ste/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la zla ba phyed kyi spo ba stsal du gsol/ de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'char ka 'di la ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs te/ dge slong 'char ka 'dis ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa de'i slad du dge 'dun las zla ba phyed kyis spo ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa 'di la zla ba phyed kyi spo ba stsal bar mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'char ka 'di la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la dge 'dun las zla ba phyed kyi spo ba gsol te/ de'i slad du dge 'dun gyis dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la zla ba phyed kyi spo ba stsol bar mdzad na tshe dang ldan pa gang dag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la zla ba phyed kyi spo ba stsol bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po yin te/ de bzhin du las brjod pa gnyis pa dang gsum pa'i bar du brjod par bya'o/ /dge 'dun gyis bzod cing gnang nas dge 'dun gyis dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la zla ba phyed kyi spo ba stsal lags te 'di ltar cang mi gsung bas de de bzhin du 'dzin to// //'dul ba gzhi/ / bam po bdun bcu gcig pa/ de spo ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa'i skabs de des dge slong rnams la smras pa/ tshe dang ldan pa dag bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa las zla ba phyed kyi spo ba stsal te/ bdag spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs na bdag gis ji ltar bgyi zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyi dge slong 'char kas dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dang / gzhan yang de lta bu dang 'thun pa su yang rung ba la gzhi nas spo ba byin cig /sbyin pa ni 'di ltar bya ste/ gnas mal bshams la gaN DI brdungs te/ dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang dge slong 'char kas rgan pa'i mtha' nas tsog tsog por 'dug la thal mo sbyar ba btud de tshig 'di skad ces/ dge 'dun btsun pa rnams gsan du gsol/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa la zla ba phyed kyi spo ba stsal te/ bdag spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ bdag dge slong 'char kas dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la dge 'dun las gzhi nas spo ba gsol na/ dge 'dun btsun pa thugs brtse ba can thugs brtse bas nye bar bzung ste/ bdag dge slong 'char kas dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal du gsol zhes de skad lan gnyis lan gsum du brjod par bya'o/ /de'i 'og tu dge slong gcig gis gsol ba byas te las bya'o/ / dge 'dun btsun pa rnams gsan du gsol/ dge slong 'char ka 'dis ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te dge slong 'char ka 'dis ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa la zla ba phyed kyi spo ba stsal te/ 'di spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ dge slong 'char ka 'di dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la dge 'dun las gzhi nas spo ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'char kas dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsol bar mdzad do/ /'di ni gsol ba'o/ /las bya ba ni/ dge 'dun btsun pa rnams gsan du gsol/ dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ dge slong 'char ka 'dis ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs ba la zla ba phyed kyi spo ba stsal te/ 'di spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ dge slong 'char ka 'di dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dge 'dun las gzhi nas spo ba gsol te/ dge 'dun gyis dge slong 'char ka la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsol bar mdzad na/ tshe dang ldan pa gang dag dge slong 'char kas dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsol bar mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po yin te/ de bzhin du las brjod pa gnyis pa dang / gsum gyi bar du brjod par bya'o/ /dge 'dun gyis bzod cing gnang nas dge 'dun gyis dge slong 'char ka 'di dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal lags te/ 'di ltar cang mi gsung bas de de bzhin du 'dzin to/ /de gzhi nas spo ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba yang bzlas te byung ba'i skabs de des dge slong rnams la smras pa/ tshe dang ldan pa dag bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la zla ba phyed kyi spo ba stsal te/ bdag spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ bdag dge slong 'char ka la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dge 'dun las gzhi nas spo ba gsol te/ dge 'dun gyis bdag dge slong 'char ka la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal te/ bdag gzhi nas spo ba bgyid bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs na bdag gis ci dag bgyi zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'char ka dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa dang / gzhan yang de lta bu dang 'thun pa su yang rung ba la gzhi nas bslang ba byin cig dang / sbyin pa ni 'di ltar bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang / dge slong 'char kas rgan pa'i mtha' nas tsog tsog por 'dug ste thal mo sbyar ba btud nas tshig 'di skad ces/ dge 'dun btsun pa rnams gsan du gsol/ bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la zla ba phyed kyi spo ba stsal te/ bdag spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ bdag dge slong 'char kas dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dge 'dun la gzhi nas spo ba gsol te/ dge 'dun gyis bdag dge slong 'char ka la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal te/ bdag gzhi nas spo ba bgyid bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs nas/ bdag la dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa la dge 'dun las gzhi nas bslang ba gsol na/ dge 'dun btsun pa thugs brtse ba can thugs brtse ba nye bar bzung ste/ bdag dge slong 'char ka la dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa las gzhi nas bslang ba stsal du gsol/ de bzhin du lan gnyis lan gsum du brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis dge slong 'char ka 'di la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la zla ba phyed kyi spo ba stsal te/ 'di spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ dge slong 'char kas dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dge 'dun las gzhi nas spo ba gsol te/ dge 'dun gyis dge slong 'char ka la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal te/ de spo ba gzhi nas bgyid bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs nas/ 'di dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa dge 'dun las gzhi nas bslang ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'char ka 'di la dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa la gzhi nas bslang ba stsol bar mdzad do/ / 'di ni gsol ba'o/ /las bya ba ni dge 'dun btsun pa rnams gsan du gsol/ dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ dge slong 'char ka 'dis ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis dge slong 'char ka 'di la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la zla ba phyed kyi spo ba stsal te/ 'di spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ dge slong 'char ka 'dis dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dge 'dun las gzhi nas spo ba gsol te/ dge 'dun gyis dge slong 'char ka la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal te/ de gzhi nas spo ba bgyid bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs nas/ dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa dge 'dun las gzhi nas bslang ba gsol te/ dge 'dun gyis dge slong 'char ka la dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa gzhi nas spo ba stsol bar mdzad na/ tshe dang ldan pa gang dag dge slong 'char ka la dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa la gzhi nas bslang ba stsol bar mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po yin te/ de bzhin du las brjod pa gnyis pa dang / gsum gyi bar du brjod par bya'o/ /dge 'dun gyis bzod cing gnang nas dge 'dun gyis dge slong 'char ka la dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa la gzhi nas bslang ba stsal lags te/ 'di ltar cang mi gsung bas de de bzhin du 'dzin to/ /de dus gzhan zhig na ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba spyad/ ltung ba bar ma'i gzhi nas spo ba spyad/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad nas dge slong rnams la smras pa/ tshe dang ldan pa dag bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa la zla ba phyed kyi spo ba stsal te/ bdag spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ bdag dge slong 'char kas dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dge 'dun las gzhi nas spo ba gsol te/ dge 'dun gyis bdag dge slong 'char ka la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal te/ bdag gzhi nas spo ba bgyid bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs nas/ bdag dge slong 'char kas dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa dge 'dun las gzhi nas bslang ba gsol te/ dge 'dun gyis bdag dge slong 'char ka la dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa la gzhi nas bslang ba stsal te/ bdag gis ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba yang spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba yang spyad lags/ ltung ba bar ma dang 'dra ba yang bzlas pa'i ltung ba byung ba gzhi nas bslang ba yang spyad lags na/ bdag gis ci dag bgyi zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i zla ba phyed kyi spo ba spyad zin pa dang / ltung ba bar ma'i gzhi nas spo ba spyad zin pa dang / ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad zin pa dang / gzhan yang de lta bu dang 'thun pa su yang rung ba la zhag drug gi mgu bar bya ba byin cig /sbyin pa ni 'di ltar bya ste/ gnas mal bshams la gaN DI brdungs te/ dris pa'i tshig gis dge slong rnams la yang dag par bsgo ba/ dge 'dun thams cad tshogs shing 'thun par gyur pa dang / dge slong 'char kas rgan pa'i mtha' nas tsog tsog por 'dug ste thal mo sbyar ba btud la 'di skad ces/ dge 'dun btsun pa rnams gsan du gsol/ bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la zla ba phyed kyi spo ba stsal te/ bdag spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ bdag dge slong 'char kas dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dge 'dun las gzhi nas spo ba gsol te/ dge 'dun gyis bdag dge slong 'char ka la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa las gzhi nas spo ba stsal te/ bdag gzhi nas spo ba bgyid bzhin pa las dge 'dun lhag ma'i ltung ba ltung ba bar ma dang 'dra ba yang bzlas te/ byung ba bcabs nas/ bdag dge slong 'char kas dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa dge 'dun las gzhi nas bslang ba'i spo ba gsol te/ dge 'dun gyis bdag dge slong 'char ka la dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa la gzhi nas bslang ba stsal te/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba yang spyad lags/ ltung ba bar ma'i gzhi nas spo ba yang spyad lags/ yang bzlas pa'i ltung ba'i gzhi nas bslang ba yang spyad lags te/ dge 'dun las zhag drug gi mgu bar bgyi ba gsol na/ dge 'dun btsun pa thugs brtse ba can thugs brtse ba nye bar bzung ste/ bdag dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba spyad lags/ ltung ba bar ma'i gzhi nas spo ba spyad lags/ yang bzlas pa'i ltung ba'i gzhi nas bslang ba spyad lags pa la/ zhag drug gi mgu bar bgyi ba stsal du gsol/ de skad lan gnyis lan gsum du brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ dge slong 'char ka 'dis ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa la zla ba phyed kyi spo ba stsal te/ 'di spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ dge slong 'char ka 'dis dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dge 'dun las gzhi nas spo ba gsol te/ dge 'dun gyis dge slong 'char ka 'di dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal te/ 'di gzhi nas spo ba bgyid bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs nas/ dge slong 'char ka 'dis dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa dge 'dun las gzhi nas bslang ste spo ba gsol te/ dge 'dun gyis dge slong 'char ka 'di dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa la gzhi nas bslang ba stsal te/ dge slong 'char ka 'dis ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags te/ zhag drug gi mgu bar bgyi ba gsol na/ gal te dge 'dun gyi dus la bab cing bzod na/ dge 'dun gyis gnang bar mdzod cig dang / dge 'dun gyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags pa la/ zhag drug gi mgu bar bgyi bar stsol bar mdzad do/ /'di ni gsol ba'o/ /las bya ba ni/ dge 'dun btsun pa rnams gsan du gsol/ dge 'dun gyis dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ dge slong 'char ka 'dis ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis dge slong 'char ka 'di la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la zla ba phyed kyi spo ba stsal te/ 'di spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ dge slong 'char ka 'dis dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dge 'dun las gzhi nas spo ba gsol te/ dge 'dun gyis dge slong 'char ka la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal te/ 'di gzhi nas spo ba bgyid bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs nas/ dge slong 'char ka 'dis dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa dge 'dun las gzhi nas bslang ste spo ba gsol nas/ dge 'dun gyis dge slong 'char ka la dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa la gzhi nas bslang ba stsal te/ dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags na/ zhag drug gi mgu bar bgyi ba gsol te/ de'i slad du dge 'dun gyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags pa la/ zhag drug gi mgu bar bgyi bar stsol bar mdzad na/ tshe dang ldan pa gang dag dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags pa la/ zhag drug gi mgu bar bgyi ba stsol bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po yin te/ de bzhin du las brjod pa gnyis pa dang / gsum gyi bar du brjod par bya'o/ /dge 'dun gyis bzod cing gnang nas dge 'dun gyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags pa la/ zhag drug gi mgu bar bgyi ba stsal lags te/ 'di ltar cang mi gsung bas de de bzhin du 'dzin to/ /de dus gzhan zhig na ched du bsams te khu ba phyung ba las gyur ba'i dge 'dun lhag ma'i ltung ba zla ba phyed bcabs pa'i spo ba spyad/ ltung ba bar ma ltung ba snga ma dang 'dra ba bcabs pa'i gzhi nas spo ba spyad/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad/ zhag drug gi mgu bar bya ba spyad zin nas dge slong rnams la smras pa/ tshe dang ldan pa dag bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa la zla ba phyed kyi spo ba stsal te/ bdag spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ bdag dge slong 'char kas dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dge 'dun las gzhi nas spo ba gsol te/ dge 'dun gyis bdag dge slong 'char ka la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal te/ bdag gzhi nas spo ba bgyid bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs nas/ bdag dge slong 'char kas dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa dge 'dun las gzhi nas bslang ste spo ba gsol nas/ dge 'dun gyis bdag dge slong 'char ka la dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa la gzhi nas bslang ba bstsal te/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags te/ dge 'dun las zhag drug gi mgu bar bgyi ba gsol nas/ dge 'dun gyis bdag dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba gzhi nas bslang ba spyad lags pa la/ zhag drug gi mgu bar bgyi ba stsal te/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba gzhi nas spo ba sbyad lags/ zhag drug gi mgu bar bgyi ba spyad lags na/ bdag gis ci dag bgyi zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba sbyad pa dang / ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad pa dang / ltung ba bar ma dang 'dra ba yang bzlas pa'i ltung ba'i gzhi nas bslang ba spyad pa dang / zhag drug gi mgu bar bya ba spyad zin pa dang / gzhan yang de lta bu dang 'thun pa su yang rung ba la dbyung ba byos shig /dbyung ba ni 'di ltar bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang / dge slong 'char kas rgan pa'i mthar tsog tsog por 'dug ste thal mo sbyar ba btud nas 'di skad ces/ dge 'dun btsun pa rnams gsan du gsol/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa dge 'dun las spo ba gsol te/ dge 'dun gyis bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la zla ba phyed kyi spo ba stsal te/ bdag spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ bdag dge slong 'char kas dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dge 'dun las gzhi nas spo ba gsol te/ dge 'dun gyis bdag dge slong 'char ka la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal te/ bdag gzhi nas spo ba bgyid bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs nas/ bdag dge slong 'char kas dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa dge 'dun las gzhi nas bslang ste spo ba gsol nas/ dge 'dun gyis bdag dge slong 'char ka la dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa la gzhi nas bslang ba stsal te/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba gzhi nas bslang ba spyad lags nas/ zhag drug gi mgu bar bgyi ba gsol te/ dge 'dun gyis bdag dge slong 'char ka la ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags pa la/ zhag drug gi mgu bar bgyi ba stsal te/ bdag dge slong 'char kas ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba gzhi nas bslang ba'i spo ba spyad lags/ zhag drug gi mgu bar bgyi ba spyad lags te/ dge 'dun las dbyung ba gsol na/ dge 'dun btsun pa thugs brtse ba can thugs brtse ba nye bar bzung ste/ bdag dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba gzhi nas bslang ba'i spo ba spyad lags/ zhag drug gi mgu bar bgyi ba spyad lags na dbyung bar gsol/ de skad lan gnyis lan gsum du brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ /dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te/ dge slong 'char ka 'dis ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa zla ba phyed kyi spo ba stsal te/ 'di spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ dge slong 'char ka 'dis dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa dge 'dun las gzhi nas spo ba gsol te/ dge 'dun gyis dge slong 'char ka 'di dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal te/ 'di gzhi nas spo ba bgyid bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs nas/ dge slong 'char ka 'dis dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa dge 'dun las gzhi nas bslang ba gsol te/ dge 'dun gyis dge slong 'char ka 'di dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa la gzhi nas bslang ba stsal te/ dge slong 'char ka 'dis dge 'dun lhag ma'i ltung ba gzhi nas bslang ba spyad lags nas/ dge 'dun las zhag drug gi mgu bar bgyi ba gsol te/ dge 'dun gyis dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags pa la zhag drug gi mgu bar bgyi ba stsal te/ dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags/ zhag drug gi mgu bar bgyi bar spyad lags nas dge 'dun las dbyung ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags/ zhag drug gi mgu bar bgyi ba spyad lags pa dbyung bar mdzad do/ / 'di ni gsol ba'o/ /de'i 'og tu sma dbab par bya ste/ 'char ka khyod da ci ste de lta bur byed/ legs par ma byas so/ /shin du ma byas so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i chos ni 'di ltar 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston cing / zhe sdang dang bral bar bya ba dang / gti mug dang bral bar bya ba'i phyir sems rnam bar grol ba dang / shes rab rnam par grol ba'i chos ston bzhin du 'di lta bu'i mi mdzes pa byas so/ / mi blun po khyod kyis sbrul nag po dug rnon po can la lag pa gnyis kyis bzung ba ni bla'i/ khyod 'di lta bu'i mi mdzes pa byed pa ni de lta ma yin no/ /'char ka gnyis po 'di dag ni chos kyi sgron ma dang / chos kyi snang ba dang / chos kyi 'od dang / chos kyi gsal ba dang / chos kyi snang gsal dang / chos kyi mar me dang / chos kyi rab gsal med par byed pa yin te/ gnyis gang zhe na/ gang zhig ltung ba 'byin pa dang / gang zhig ltung ba byung nas phyir chos bzhin mi 'chos pa'o/ /gnyis ni sdig pa rtsa nas mi rko/ rgyun nas bzlog pa la mi 'bad/ 'bab chu dang / 'khri shing mi skems/ bdud dang g.yul mi 'gyed/ bdud kyi rgyal mtshan mi snyol/ chos kyi rgyal mtshan mi sgreng / de bzhin gshegs pa'i chos dang 'thun pa'i chos kyi 'khor lo bskor ba'i rjes su mi skor ba yin te/ gnyis gang zhe na/ gang zhig ltung ba 'byin pa dang / gang zhig ltung ba byung nas phyir chos bzhin mi 'chos pa'o/ /'char ka ltung ba ma bshags shing so sor ma bshags pa 'dis khyod mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi gtsang ba'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rus gong gi 'du shes dang / rnam par 'thor ba'i 'du shes dang / stong pa nyid du so sor rtog pa'i 'du shes kyi snod du mi 'gyur zhing / bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems kyi rnam grangs dang / sngon gyi gnas dang / 'chi 'pho dang / skye ba dang / zag pa zad pa dag gi snod du mi 'gyur ro/ /'char ka ltung ba mi 'chags pa dang / so sor mi 'chags pa 'dis ni khyod 'gro ba gnyis las gang yang rung ba zhig 'dod par bya ste/ dmyal ba 'am dud 'gro 'o/ / bcom ldan 'das kyis 'chab pa'i las kyi mtha' ni 'gro ba gnyis po dmyal ba 'am/ dud 'gro yin te/ gang dag ngas gsungs pa la yid mi ches pa de dag ni 'chab par sems so/ /las bya ba ni dge 'dun btsun pa rnams gsan du gsol/ dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs te dge slong 'char ka 'dis ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa dge 'dun las zla ba phyed kyi spo ba gsol te/ dge 'dun gyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa la zla ba phyed kyi spo ba stsal te/ 'di spo ba bgyid bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ dge slong 'char ka 'dis dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa las gzhi nas spo ba gsol te/ dge 'dun gyis dge slong 'char ka la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa la gzhi nas spo ba stsal te/ /'di gzhi nas spo ba bgyid bzhin pa las dge 'dun lhag ma'i ltung ba ltung bar bar ma dang 'dra ba yang bzlas te byung ba bcabs nas dge slong 'char ka 'dis dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa dge 'dun las gzhi nas bslang ba gsol te/ dge 'dun gyis dge slong 'char ka la dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa la gzhi nas bslang ba stsal te/ dge slong 'char ka 'dis ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags te/ dge 'dun las zhag drug gi mgu bar bgyi bar gsol nas/ dge 'dun gyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags pa la zhag drug gi mgu bar bgyi ba stsal te/ dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags/ zhag drug gi mgu bar bgyi ba spyad lags nas/ dge 'dun las dbyung ba gsol te/ de'i slad du dge 'dun gyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags/ zhag drug gi mgu bar bgyi ba spyad lags pa dbyung ba mdzad na/ tshe dang ldan pa gang dag dge slong 'char ka 'di ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags/ zhag drug gi mgu bar bgyi ba spyad lags pa dbyung bar mdzad par bzod pa de dag ni cang ma gsung shig /gang dag mi bzod pa de dag ni gsungs shig / 'di ni las brjod pa dang po yin te/ de bzhin du las brjod pa gnyis dang / gsum gyi bar du brjod par bya'o/ /dge 'dun gyis bzod cing gnang nas dge 'dun gyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa'i spo ba spyad lags/ ltung ba bar ma ltung ba snga ma dang 'dra ba byung ba bcabs pa'i gzhi nas spo ba spyad lags/ ltung ba bar ma dang 'dra ba yang bzlas pa'i ltung ba byung ba'i gzhi nas bslang ba spyad lags/ zhag drug gi mgu bar bgyi ba spyad lags pa dbyung bar mdzad lags te/ 'di ltar cang mi gsung bas de de bzhin du 'dzin to/ /de'i 'og tu spo ba bskyed par bya ste/ 'char ka legs par byas so/ /shin tu byas so/ /skyes bu dam pa gnyis ni mkhas pa/ gnyis ni gsal ba ste/ gang zhig ltung ba mi 'byin pa dang / gang zhig ltung ba byung ba na phyir chos bzhin byed pa'o/ /gnyis po 'di dag ni chos kyi sgron ma dang / chos kyi snang ba dang / chos kyi 'od dang / chos kyi gsal ba dang / chos kyi mar me dang / chos kyi rab gsal 'bar bar byed pa yin te/ gnyis gang zhe na/ gang zhig ltung ba mi 'byin pa dang / gang zhig ltung ba byung ba phyir chos bzhin byed pa'o/ /gnyis ni sdig pa rtsa ba nas rko ba rgyun nas bzlog pa la 'bad pa/ 'bab chu dang 'khri shing skems pa/ bdud dang g.yul 'gyed pa/ bdud kyi rgyal mtshan snyol ba/ chos kyi rgyal mtshan sgreng ba/ sdig pa'i rgyun gcod pa/ de bzhin gshegs pa'i chos dang 'thun pa'i chos kyi 'khor lo bskor ba'i rjes su skor ba yin te/ gnyis gang zhe na/ gang zhig ltung ba mi 'byin pa dang / gang zhig ltung ba byung na phyir chos bzhin byed pa'o/ /'char ka ltung ba bshags pa dang / so sor bshags pa 'dis khyod mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi gtsang ba'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par 'bus gzhigs pa'i 'du shes dang / rnam par bam pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / stong pa nyid du so sor rtog pa'i 'du shes dang / bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems kyi rnam grangs dang / sngon gyi gnas dang / 'chi 'pho ba dang / skye ba dang / zag pa zad pa rnams kyi snod du 'gyur ro/ / 'char ka ltung ba bshags pa dang / so sor bshags pa 'dis khyod 'gro ba gnyis po lha dang mi gang yang rung ba'i 'gro ba 'dod par bya'o/ /bcom ldan 'das kyis las kyi mtha' mi 'chab pa'i 'gro ba ni gnyis te/ lha dang mi'o/ /gang dag ngas bshad pa la yid ches pa de dag ni bcab par mi sems so/ /yang bka' stsal pa/ bcabs pa char pa bzhin du 'bab/ /ma bcabs char bzhin de mi 'bab/ /de bas bcabs pa bshags bya ste/ /de lta na ni de mi 'bab/ /'char ka khyod dge 'dun gyis phyung zin gyis bag yod par sgrubs shig /dmar ser can gyi gzhi rdzogs s+ho// // gang zag gi gzhi'i spyi'i sdom ni/ 'char ka dang ni btus pa dang / / mtha' dang de bzhin gzhan gyis dang / phyi ma dag tu gyur pa'o/ /sdom la/ 'char ka gzhan gyis dran pa dang / /'dzem dang da gdod shes pa dang / /gnyis dang gnyis dang byas pa'o/ /legs par byin dang nyes par byin/ /mu bzhir smra dang brjed pa dang / /mu bzhi dag tu dbye ba'o/ /sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe 'char ka la ched du bsams te khu ba phyung ba las gyur pa'i dge 'dun lhag ma'i ltung ba byung ba zla ba phyed bcabs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'char ka ched du bsams te khu ba phyung ba las gyur pa'i dge 'dun lhag ma'i ltung ba zla ba phyed bcabs pa dang / gzhan yang de lta bu dang 'thun pa su yang rung ba la zla ba phyed kyi spo ba byin cig /yang gang zag gzhan zhig dge 'dun lhag ma'i ltung ba byung ba ma bcabs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis gang zag de'i ltung ba de ma bcabs pa dang / gzhan yang de lta bu dang 'thun pa su yang rung ba la zhag drug gi mgu bar bya ba byin cig /yang gang zag gzhan zhig dge 'dun lhag ma'i ltung ba gnyis byung ba de gnyis su ma shes te zla ba gnyis lon nas shes pa dang / zla ba gnyis su bcabs nas gcig ni dge slong rnams la smras/ gcig ni ma smras pa dang / dge 'dun gyis de la zla ba gnyis kyi spo ba byin te/ de spo ba bgyid bzhin pa las des dge 'dun gyi nang du ma smras pa'i ltung ba gang yin pa de yang shes nas skabs de dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang gzhan yang de lta bu dang 'thun pa su yang rung ba la zla ba gnyis po de nyid kyi spo ba byin te/ ji ltar shes pa de bzhin du dran par 'gyur ro/ /yang gang zag gzhan zhig dge 'dun lhag ma'i ltung ba gnyis byung ba des ltung ba de gnyis zla ba gnyis su ma shes te zla ba gnyis lon nas shes pa dang / zla ba gnyis bcabs te/ gcig ni dge slong rnams la smras/ gcig ni ma smras pa dang / dge 'dun gyis de la zla ba gnyis kyi spo ba byin te/ de spo ba byed pa na ngo tsha ba'i chos su gyur pa'i skabs de dge slong rnams la smras pa/ tshe dang ldan pa dag bdag la dge 'dun lhag ma'i ltung ba gnyis byung ste/ bdag gis ltung ba de gnyis zla ba gnyis su ma shes te/ zla ba gnyis lon nas shes pa dang zla ba gnyis bcabs te gcig ni dge slong rnams la smras/ gcig ni ma smras pa dang / dge 'dun gyis bdag la zla ba gnyis kyi spo ba stsal te/ bdag spo ba bgyid pa na ngo tsha ba'i chos su gyur to zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis gang zag de'i ltung ba ji ltar bcabs pa de dang / gzhan yang de lta bu dang 'thun pa su yang rung ba la spo ba byin te/ ji ltar shes pa de bzhin du dran par 'gyur ro/ /yang gang zag gzhan zhig dge 'dun lhag ma'i ltung ba byung ba la de zla ba phyed cing so sor thar pa'i mdo gdon pa 'don pa na 'di skad ces/ tshe dang ldan pa dag bdag gis chos 'di ji ltar mdo las 'byung zhing mdo'i khongs su gtogs par da gzod shes so zhes smra na/ gal te dge slong dag gis tshe dang ldan pa 'di sngar gso sbyong gi las gnyis sam gsum la ni 'dus na/ lan mang du yang re snyam zhes bya bar de'i rgyus shes na/ tshe dang ldan pa de'i mi shes pas thar pa med pa nyid pas de ltung ba byung ba gang yin pa de phyir chos bzhin du byed du gzhug cing phyis kyang 'gyod pa bskyed par bya ste/ ji ltar shes pa de bzhin du dran par 'gyur ro/ /yang gang zag gzhan zhig dge 'dun lhag ma'i ltung ba byung ba la de so sor thar pa'i mdo gdon pa 'don pa na 'di skad ces/ tshe dang ldan pa dag bdag gis chos 'di ji ltar mdo las 'byung zhing mdo'i khongs su gtogs par da gzod shes so zhes smra na/ gal te dge slong dag gis tshe dang ldan pa 'di sngar gso sbyong gi las gnyis sam gsum la ni 'dus na/ lan mang du yang re snyam zhes bya bar de'i rgyus mi shes na/ tshe dang ldan pa de'i mi shes pas thar pa med pa nyid pas de ltung ba byung ba gang yin pa de phyir chos bzhin du byed du gzhug cing phyis 'gyod pa bskyed par ni mi bya ste/ ji ltar shes pa de bzhin du dran par 'gyur ro/ /yang gang zag gzhan zhig dge 'dun lhag ma'i ltung ba byung ba de des zla ba gcig tu ma shes te/ zla ba gcig lon nas shes pa dang / zla ba gcig bcabs te dge slong rnams la smras pa dang / dge 'dun gyis de la zla ba gnyis kyi spo ba byin te/ de spo ba byed pa na lhags shing lhags pa'i dge slong rnams la smras pa/ tshe dang ldan pa dag bdag la dge 'dun lhag ma'i ltung ba byung ba ltung ba de bdag gis zla ba gcig tu ma shes te/ zla ba gcig lon nas shes pa dang / zla ba gcig tu bcabs te dge slong rnams la smras pa la/ dge 'dun gyis bdag la zla ba gnyis kyi spo ba byin te/ tshe dang ldan pa zla ba gcig ni legs par byin no/ /zla ba gcig ni nyes par byin te/ de ci'i phyir zhe na/ chos ma yin pa'i las 'khrugs pa yin te ji ltar shes pa de bzhin du dran par 'gyur ro// //'dul ba gzhi/ bam po bdun bcu gnyis pa/ yang gang zag gzhan zhig dge 'dun lhag ma'i ltung ba byung ba des ltung ba de zla ba gcig ma shes te/ zla ba gcig lon nas shes pa dang ma bcabs par dge slong rnams la smras pa dang / dge 'dun gyis de la zla ba gcig gi spo ba byin te/ de spo ba byed pa na lhags shing lhags pa'i dge slong rnams la smras pa/ tshe dang ldan pa dag bdag la dge 'dun lhag ma'i ltung ba byung ba bdag gis zla ba gcig tu ma shes te/ zla ba gcig lon nas shes pa dang ma bcabs par dge slong rnams la smras pa dang / dge 'dun gyis bdag la zla ba gcig gi spo ba byin te/ tshe dang ldan pa dag legs par byin pa ma yin gyis nyes par byin pa yin te/ de ci'i phyir zhe na/ tshe dang ldan pa mgu bar bya bar 'os pa ste/ ji ltar shes pa de bzhin du dran par 'gyur ro/ /yang gang zag gzhan zhig dge 'dun lhag ma'i ltung ba byung ba bshags par bya'o zhes ma bcabs pa las brjed do/ /des ltung ba de dran nas ni bcabs te dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la snga ma dang phyi ma'i rgyud gnyis nas bzung ste spo ba byin cig /yang gang zag gzhan zhig dge 'dun lhag ma'i ltung ba byung ba bcabs pa bshags par bya'o snyam pa las brjed do/ /des de dran nas ni ma bcabs par dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la snga ma'i rgyud nas bzung ste spo ba byin cig /yang gang zag gzhan zhig dge 'dun lhag ma'i ltung ba byung ba bcabs pa bshags par bya'o snyam pa las brjed do/ / des de dran nas ni ma bcabs te dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la spo ba byin cig /yang gang zag gzhan zhig dge 'dun lhag ma'i ltung ba byung ba bshags par bya'o zhes ma bcabs pa las brjed do/ /des de dran nas ma bcabs par dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la zhag drug gi mgu bar bya ba byin cig / // sdom la/ btus pa bcu drug gnyis dang ni/ /lnga dang brgyad dang nyi shu dang / /gsum dang gsum brgyad gsum dang ni/ / bzhi dang bzhi tshan brgyad dag dang / /gnas nas dbyung brgyad gsum dang ni/ /sgo lnga dag ni bstan pa yin/ /yang gang zag gzhan zhig dge 'dun lhag ma'i ltung ba byung ba bcabs nas babs te/ de 'ongs nas slar bsnyen par rdzogs te/ des ltung ba de bcabs bzhin du dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la gnyis ka'i rgyud nas bzung ste spo ba byin cig /yang gang zag gzhan zhig dge 'dun lhag ma'i ltung ba byung ba bcabs nas babs te/ de 'ongs nas slar bsnyen par rdzogs te/ des ltung ba de ma bcabs par dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la snga ma'i rgyud nas bzung ste spo ba byin cig /yang gang zag gzhan zhig dge 'dun lhag ma'i ltung ba byung ba ma bcabs par babs nas/ de 'ongs nas slar bsnyen par rdzogs te/ de ltung ba de bcabs nas dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la phyi ma'i rgyud nas bzung ste spo ba byin cig /yang gang zag gzhan zhig dge 'dun lhag ma'i ltung ba byung ba ma bcabs par babs nas/ de 'ongs nas slar bsnyen par rdzogs nas des ltung ba ma bcabs pa nyid du dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la zhag drug gi mgu bar bya ba byin cig /ji ltar khyad par med pas bzhi yin pa ji lta ba bzhin du shes pas bzhi dang / dran pas bzhi dang / yid gnyis kyi bzhi yang de bzhin no/ /rnam grangs 'dis bzhi tshan gzhan dag ste/ 'on kyang bsgre ba'i khyad par yod do/ /ji ltar gang zag gzhan zhes bya ba de bzhin du spo ba zhes brjod par bya'o/ /spo ba bzhin du spo ba spyad pa dang / mgu bar bya ba dang / mgu bar bya ba spyod pa dang / bslab pa byin pa'i bzhi tshan du sbyar bar bya'o/ /babs pa ji lta ba bzhin du dge tshul nyid du khas blangs pa dang / smyos pa nyid dang / sems 'khrugs pa nyid dang / tshor bas nyen pa nyid dang / ma mthong bas gnas nas dbyung ba nyid dang / phyir mi byed pas gnas nas dbyung ba nyid dang / sdig pa can gyi lta ba log par song ba mi 'dor bas gnas nas dbyung ba nyid la yang de bzhin du rgyas par sbyar bar bya'o/ /yang gang zag gzhan zhig dge 'dun lhag ma'i ltung ba gnyis byung ba bcabs pa dang / ma bcabs par babs te/ de 'ongs nas slar bsnyen par rdzogs te/ de bcabs nas babs pa gang yin pa de bcabs bzhin du dge slong rnams la smras/ ma bcabs pa gang yin pa de yang ma bcabs par dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la gcig gis snga ma dang phyi ma gnyis ka'i rgyud nas bzung ste spo ba byin cig /yang gang zag gzhan zhig dge 'dun lhag ma'i ltung ba gnyis byung ba bcabs pa dang / ma bcabs par babs te 'ongs nas slar bsnyen par rdzogs te/ des bcabs nas babs pa gang yin pa de ma bcabs par dge slong rnams la smras/ ma bcabs par gang yin pa de ma bcabs par smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la gcig ni snga ma'i rgyud nas bzung ste spo ba byin cig /gcig ni zhag drug gi mgu bar bya ba byin cig /yang gang zag gzhan zhig dge 'dun lhag ma'i ltung ba gnyis byung ba bcabs pa dang / ma bcabs par babs te/ de 'ongs nas slar bsnyen par rdzogs te/ des bcabs pa gang yin pa de ma bcabs par dge slong rnams la smras/ ma bcabs pa gang yin pa de bcabs par dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la gcig ni sngon gyi rgyud nas bzung ste spo ba byin cig /gcig ni phyi ma'i rgyud nas bzung ste spo ba byin cig /yang gang zag gzhan zhig gis dge 'dun lhag ma'i ltung ba gnyis byung ba bcabs pa dang / ma bcabs par babs te/ de 'ongs nas slar bsnyen par rdzogs te/ des bcabs pa gang yin pa de ma bcabs par dge slong rnams la smras/ ma bcabs pa gang yin pa de ma bcabs pa kho nas dge slong rnams la smras pa dang / dge slong rnams kyis bcom ldan 'das la'o/ / bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la gcig gi ni sngon gyi rgyud nas bzung ste spo ba byin cig /gcig gi ni zhag drug gi mgu bar bya ba byin cig /babs pa ji lta ba bzhin du spo ba dang / spo ba spyad pa dang / mgu bar bya ba dang / mgu bar bya ba spyod ba dang / bslab pa byin pa la yang de bzhin du brjod par bya'o/ /babs pa ji lta ba bzhin du dge tshul nyid du khas blangs pa dang / smyos pa nyid dang / sems 'khrugs pa nyid dang / tshor bas nyen pa nyid dang / ma mthong bas gnas nas dbyung ba nyid dang / phyir mi byed pas gnas nas dbyung ba nyid dang / sdig pa can gyi lta bar song ba mi 'dor bas gnas nas dbyung ba nyid la yang de bzhin du rgyas par brjod par bya'o/ /yang gang zag gzhan zhig dge 'dun lhag ma'i ltung ba tshad dang ldan pa byung ba bcabs pa de dge 'dun gyis ma mthong bas gnas nas dbyung ba byas te bslang zin pa des ltung ba rnams bcabs nas dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de dang / gzhan yang de lta bu dang 'thun pa su yang rung ba la ltung ba de rnams tshad dang ldan pa'o zhes byos la snga ma dang phyi ma gnyis ka'i rgyud nas bzung ste spo ba byin cig yang gang zag gzhan zhig dge 'dun lhag ma'i ltung ba tshad dang ldan pa byung ba bcabs pa de dge 'dun gyis ma mthong bas gnas nas dbyung ba byas te bslang zin pa des ltung ba de rnams ma bcabs par dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de dang / gzhan yang de lta bu dang 'thun pa su yang rung ba la ltung ba de rnams tshad dang ldan pa'o zhes byos la sngon gyi rgyud nas bzung ste spo ba byin cig /yang gang zag gzhan zhig dge 'dun lhag ma'i ltung ba tshad dang ldan pa byung ba ma bcabs pa de dge 'dun gyis ma mthong bas gnas nas dbyung ba byas te bslang zin pa des ltung ba de rnams bcabs te dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de dang / gzhan yang de lta bu dang 'thun pa su yang rung ba la ltung ba de rnams tshad dang ldan pa'o zhes byos la phyi ma'i rgyud nas bzung ste spo ba byin cig /yang gang zag gzhan zhig dge 'dun lhag ma'i ltung ba tshad dang ldan pa byung ba ma bcabs pa de dge 'dun gyis ma mthong bas gnas nas dbyung ba byas te/ bslang zin pa des ltung ba de rnams ma bcabs par dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de dang / gzhan yang de lta bu dang 'thun pa su yang rung ba la ltung ba de rnams tshad dang ldan pa'o zhes byos la zhag drug gi mgu bar bya ba byin cig /tshad dang ldan pa ji lta ba bzhin du tshad dang mi ldan pa yang de bzhin no/ /ma mthong bas gnas nas dbyung ba brgyad yin pa ji lta ba bzhin du phyir mi byed pas gnas nas dbyung ba brgyad dang / sdig pa can gyi lta bar song ba mi 'dor bas gnas nas dbyung ba brgyad kyang de bzhin no/ /spo ba po'i gang zag dge 'dun lhag ma'i ltung ba byung nas babs te/ de 'ongs nas slar bsnyen par rdzogs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ ma spyad pa spyod du chug shig dang spo ba spyad par 'gyur ro/ / babs pa ji lta ba bzhin du dge tshul nyid du khas blangs pa dang / smyos pa nyid dang / sems 'khrugs pa nyid dang / tshor bas nyen pa nyid dang / ma mthong bas gnas nas phyung ba nyid dang / slar mi byed pas gnas nas dbyung ba nyid kyang de bzhin no/ /gang zag gzhan spo ba spyad zin pa dge 'dun lhag ma'i ltung ba byung nas babs te/ de 'ongs nas slar bsnyen par rdzogs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gang zag des spo ba spyad zin pa nyid pas de dang / de lta bu dang 'thun pa su yang rung ba la mgu bar bya ba byin cig /babs pa ji lta ba bzhin du dge tshul nyid du khas blangs pa dang zhes bya ba dang / sdig pa can gyi lta bar song ba mi 'dor bas gnas nas dbyung ba nyid kyi bar du bsgre ba yang gong ma lta bu de nyid yin no/ /gang zag mgu bar bya ba spyod pa dge 'dun lhag ma'i ltung ba byung nas babs te/ de 'ongs nas slar bsnyen par rdzogs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ ma spyad pa spyod du chug shig dang mgu bar bya ba spyad par 'gyur ro/ / babs pa ji lta ba bzhin du bsgre ba gong ma lta bu de nyid yin no/ /gang zag mgu ba spyad zin pa dge 'dun lhag ma'i ltung ba byung nas babs te/ de 'ongs nas slar bsnyen par rdzogs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de mgu bar bya ba spyad zin pa nyid pas 'di phyung shig /babs pa ji lta ba bzhin du bsgre ba gong ma lta bu de nyid yin no/ /ma mthong bas gnas nas phyung ba'i gang zag dge 'dun lhag ma'i ltung ba byung ba ma bcabs pa de dge 'dun gyi gnas nas phyung ste bslang zin pa des ltung ba de bcabs nas dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de'i ltung ba de dang / gzhan yang de lta bu dang 'thun pa su yang rung ba la phyi ma'i rgyud nas bzung ste spo ba byin cig /ma mthong bas gnas nas phyung ba'i gang zag dge 'dun lhag ma'i ltung ba byung ba ma bcabs pa de dge 'dun gyis ma mthong bas gnas nas phyung ste bslang zin pa des ltung ba de ma bcabs par dge slong rnams la smras pa dang / dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag khyed kyis gang zag de dang / gzhan yang de lta bu dang 'thun pa su yang rung ba la zhag drug gi mgu bar bya ba byin cig /khyad par med pas gnyis yin pa de bzhin du shes pas gnyis dang / dran pas gnyis dang / yid gnyis kyis gnyis kyang de bzhin no/ /ma mthong bas gnas nas phyung ba brgyad yin pa ji lta ba bzhin du slar mi byed pas gnas nas phyung ba brgyad dang / sdig pa can gyi lta bar song ba mi 'dor ba gnas nas phyung ba brgyad kyang de bzhin no// // sdom la/ brtsams pa bcu gnyis dag dang ni/ /dgu ba thams cad nag po dang / /zung dgu dag tu byas pa dang / /tshig bcu dang ni lnga pa'o/ /yang gang zag gzhan zhig dge 'dun lhag ma'i ltung ba tshad med pa dang ldan pa byung ba bcabs te/ des ltung ba de rnams kyi brtsams pa ni shes kyi/ zhag gi mtha' ni mi shes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis gang zag de dang / gzhan yang de lta bu dang 'thun pa su yang rung ba la ltung ba de rnams tshad dang mi ldan pa'o zhes byos la dag pa'i mtha' can gyi spo ba byin cig /yang gang zag gzhan zhig dge 'dun lhag ma'i ltung ba tshad med pa dang ldan pa byung ba bcabs nas des ltung ba de rnams kyi zhag gi mtha' ni shes kyi/ ltung ba brtsams pa mi shes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis gang zag de dang / gzhan yang de lta bu dang 'thun pa su yang rung ba la ltung ba de rnams tshad med pa dang ldan pa'o zhes byos la ji ltar shes pa rnams kyi spo ba byin cig /yang gang zag gzhan zhig dge 'dun lhag ma'i ltung ba tshad med pa dang ldan pa byung ba bcabs nas/ des ltung ba de rnams kyi brtsams pa yang mi shes/ zhag gi mtha' yang mi shes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis gang zag de dang / gzhan yang de lta bu dang 'thun pa su yang rung ba la ltung ba de rnams tshad med pa dang ldan pa'o zhes byos la dag pa'i mtha' can gyi spo ba byin cig /yang gang zag gzhan zhig dge 'dun lhag ma'i ltung ba tshad med pa dang ldan pa byung ba bcabs nas/ des ltung ba de rnams kyi brtsams pa yang shes/ zhag gi mtha' yang shes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis gang zag de dang / gzhan yang de lta bu dang 'thun pa su yang rung ba la ltung ba de rnams tshad med pa dang ldan pa'o zhes byos la ji ltar bcabs pa rnams kyi spo ba byin cig /shes pa bzhi yin pa ji lta ba bzhin du dran pa bzhi dang / yid gnyis bzhi yang de bzhin no/ /yang gang zag gzhan zhig dge 'dun lhag ma'i ltung ba byung ba bcabs pa de la dge 'dun gyis chos ma yin pa'i las 'khrugs pa gzhag par 'os pas spo ba byin te/ de spo ba byed bzhin pa las de dge 'dun lhag ma'i ltung ba bar ma snga ma dang 'dra ba byung ba bcabs pa de la dge 'dun gyis chos ma yin pa'i las 'khrugs pa gzhag par 'os pas gzhi nas spo ba byin te/ de bzhi nas spo ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa de la dge 'dun gyis chos ma yin pa'i las 'khrugs pa gzhag par 'os pas gzhi nas bslang ba dang / mgu bar bya ba yang chos ma yin pas byin la/ phyung ba yang chos ma yin pas byas na gang zag 'di ni thams cad nag po zhes bya ste/ ma dag pa ma bslang ba ste/ ltung ba de las yongs su ma grol lo/ /yang gang zag gzhan zhig dge 'dun lhag ma'i ltung ba byung ba bcabs pa de la dge 'dun gyis chos kyi las mi 'khrugs pas gzhag par mi 'os pas spo ba byin te/ de spo ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa de la dge 'dun gyis chos ma yin pa'i las 'khrugs pa gzhag par 'os pas gzhi nas spo ba byin te/ gzhi nas spo ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa de la dge 'dun gyis chos ma yin pa'i las 'khrugs pa gzhag par 'os pas gzhi nas bslang ba dang mgu bar bya ba yang chos ma yin pas byin la/ phyung ba yang chos ma yin pas byas na gang zag 'di ni phal cher gnag pa zhes bya ste/ ma dag pa ma bslang ba ste/ ltung ba de las yongs su ma grol lo/ /yang gang zag gzhan zhig dge 'dun lhag ma'i ltung ba byung ba bcabs pa de la dge 'dun gyis chos kyi las mi 'khrugs pa gzhag par mi 'os pas spo ba byin te/ de spo ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa de la dge 'dun gyis chos kyi las mi 'khrugs pa gzhag par mi 'os pas gzhi nas spo ba byin te/ de gzhi nas spo ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa de la dge 'dun gyis chos ma yin pa'i las 'khrugs pa gzhag par 'os pas gzhi nas bslang ba dang / mgu bar bya ba yang chos ma yin pas byin la/ phyung ba yang chos ma yin pas byas na gang zag de ni phyed gnag pa zhes bya ste/ ma dag pa ma bslang ba ste/ ltung ba de las yongs su ma grol lo/ /yang gang zag gzhan zhig dge 'dun lhag ma'i ltung ba byung ba bcabs pa de la dge 'dun gyis chos kyi las mi 'khrugs pa gzhag par mi 'os pas spo ba byin te/ spo ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa de la dge 'dun gyis chos kyi las mi 'khrugs pa gzhag par mi 'os pas gzhi nas spo ba byin te/ de gzhi nas spo ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa de la dge 'dun gyis chos kyi las mi 'khrugs pa gzhag par mi 'os pas gzhi nas bslang ba byin te/ mgu bar bya ba yang chos kyis byas la/ phyung ba ni chos ma yin pas byas na gang zag 'di ni phyogs gcig nag po zhes bya ste/ ma dag pa ma bslang ba ste/ ltung ba de las yongs su ma grol lo/ /yang gang zag gzhan zhig dge 'dun lhag ma'i ltung ba byung ba bcabs pa de la dge 'dun gyis chos kyi las mi 'khrugs pa gzhag par mi 'os pas spo ba byin te/ de spo ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa de la dge 'dun gyis chos kyi las mi 'khrugs pa gzhag par mi 'os pas gzhi nas spo ba byin te/ de gzhi nas spo ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs pa de la dge 'dun gyis chos kyi las mi 'khrugs pa gzhag par mi 'os pas gzhi nas bslang ba dang mgu bar bya ba yang chos kyis byin/ phyung ba yang chos kyis byin na gang zag 'di ni nag po dang bral ba zhes bya ste/ dag pa bslang ba ste/ ltung ba de las yongs su grol lo/ /yang gang zag gzhan zhig dge 'dun lhag ma'i ltung ba byung ba ma bcabs pa de la dge 'dun gyis chos ma yin pa'i las 'khrugs pa gzhag par 'os pas mgu bar bya ba byin te/ de mgu bar bya ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba ma bcabs pa la dge 'dun gyis chos ma yin pa'i las 'khrugs pa gzhag par 'os pas gzhi nas mgu bar bya ba byin te de gzhi nas mgu bar bya ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba ma bcabs pa de la dge 'dun gyis chos ma yin pa'i las 'khrugs pa gzhag par 'os pas gzhi nas bslang ste mgu bar bya ba chos ma yin pas byin la/ phyung ba yang chos ma yin pas byas na gang zag 'di ni thams cad nag po zhes bya ste/ ma dag pa ma bslang ba ste/ ltung ba de las yongs su ma grol lo/ /yang gang zag gzhan zhig dge 'dun lhag ma'i ltung ba byung ba ma bcabs pa de la dge 'dun gyis chos kyi las mi 'khrugs pa gzhag par mi 'os pas mgu bar bya ba byin te/ de mgu bar bya ba byed bzhin pa las dge 'dun lhag ma'i ltung ba ltung ba bar ma snga ma dang 'dra ba byung ba ma bcabs pa de la dge 'dun gyis chos ma yin pa'i las 'khrugs pa gzhag par 'os pas gzhi nas mgu bar bya ba byin te/ gzhi nas mgu bar bya ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba ma bcabs pa de la dge 'dun gyis chos ma yin pa'i las 'khrugs pa gzhag par 'os pas gzhi nas bslang nas mgu bar bya ba byin la/ phyung yang chos ma yin pas byas na gang zag 'di ni phal cher nag po zhes bya ste/ ma dag pa ma bslang ba ste/ ltung ba de las yongs su ma grol lo/ /yang gang zag gzhan zhig dge 'dun lhag ma'i ltung ba byung ba ma bcabs pa de la dge 'dun gyis chos kyi las mi 'khrugs pa gzhag par mi 'os pas mgu bar bya ba byin te/ de mgu bar bya ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba ma bcabs pa de la dge 'dun gyis chos kyi las mi 'khrugs pa gzhag par mi 'os pas gzhi nas mgu bar bya ba byin te/ de gzhi nas mgu bar bya ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba ma bcabs pa de la dge 'dun gyis chos kyi las mi 'khrugs pa gzhag par mi 'os pas gzhi nas bslang ste mgu bar bya ba byin la/ phyung ba ni chos ma yin pas byas na/ gang zag 'di ni phyogs cig nag po zhes bya ste/ ma dag pa ma bslang ba ste/ ltung ba de las yongs su ma grol lo/ /yang gang zag gzhan zhig dge 'dun lhag ma'i ltung ba byung ba ma bcabs pa de la dge 'dun gyis chos kyi las mi 'khrugs pa gzhag par mi 'os pas mgu bar bya ba byin te/ de mgu bar bya ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba ma bcabs pa de la dge 'dun gyis chos kyi las mi 'khrugs pa gzhag par mi 'os pas gzhi nas mgu bar bya ba byin te/ de gzhi nas mgu bar bya ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba ma bcabs pa de la/ dge 'dun gyis chos kyi las mi 'khrugs pa gzhag par mi 'os pas gzhi nas bslang nas mgu bar bya ba byin la/ phyung ba yang chos kyis byas na gang zag 'di ni nag po dang bral ba zhes bya ste/ dag pa bslang ba ste/ ltung ba de las yongs su grol lo/ /gang zag gnyis shig dge 'dun lhag ma'i ltung ba byung nas bshags par bya'o/ /bshags par bya'o snyam pa las/ de na gcig gis ni bshags/ cig shos kyis ni ma bshags na/ de la ma bshags pa gang yin pa de 'dul ba las 'gal ba'i nyes byas rab tu mang po'i ltung ba 'chags su bcug la de'i 'og tu spo ba dang / gzhi nas spo ba dang / mgu bar bya ba byin te dbyung bar bya'o/ /yang gang zag gnyis shig dge 'dun lhag ma'i ltung ba byung nas de gnyis gnas de nyid du gang zag gi mdun du bshags par bya'o/ /bshags par bya'o snyam pa las/ de na gcig gis ni bshags la/ cig shos kyis ni ma bshags na/ de la ma bshags pa gang yin pa de 'dul ba las 'gal ba'i nyes byas rab tu mang po'i ltung ba 'chags su bcug la de'i 'og tu spo ba dang / gzhi nas spo ba dang / mgu bar bya ba byin te dbyung bar bya'o/ /gang zag gcig gi drung du ji lta ba bzhin du gnyis kyi 'am/ mang po 'am/ dge 'dun gyi yang de bzhin no/ /gnas de nyid du ji lta bar gnas gzhan du yang de bzhin no/ /yang gang zag gzhan zhig dge 'dun lhag ma'i ltung ba byung ba bcabs pa de la dge 'dun gyis chos ma yin pa'i las 'khrugs pa gzhag par 'os pas spo ba byin te/ de spo ba byed bzhin pa las ltung ba gzhan shes te/ des dge 'dun gyi nang du ma smras pa'i ltung ba gang yin pa de yang shes/ des dge 'dun gyi nang du smras pa'i ltung ba gang yin pa de yang shes nas des dge slong rnams la smras pa/ tshe dang ldan pa dag bdag la dge 'dun lhag ma'i ltung ba byung ba bcabs pa dang / bdag la dge 'dun gyis chos ma yin pa'i las 'khrugs pa gzhag par 'os pas spo ba byin te/ bdag spo ba byed bzhin pa las ltung ba gzhan shes te bdag gis dge 'dun gyi nang du ma smras pa gang yin pa dang / bdag gi ltung ba gang la dge 'dun gyis chos ma yin pa'i las 'khrugs pa gzhag par 'os pas spo ba byin pa gang yin pa'i ltung ba de yang bdag gis shes kyis/ tshe dang ldan pa dag bdag gi ltung ba snga ma de dang phyi ma 'di la chos kyi las mi 'khrugs pa gzhag par mi 'os pas spo ba legs par stsal du gsol/ dge slong de rnams kyis de'i ltung ba snga ma la ni chos kyi las mi 'khrugs pa gzhag par mi 'os pas spo ba byin/ phyi ma de la ni chos ma yin pa'i las 'khrugs pa gzhag par 'os pas spo ba byin te/ de spo ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs nas/ des de'i ltung ba gang la dge 'dun gyis chos ma yin pa'i las 'khrugs pa gzhag par 'os pas spo ba byin pa de shes nas des dge slong rnams la smras pa/ tshe dang ldan pa dag bdag la dge 'dun lhag ma'i ltung ba byung ba bcabs pa dang / bdag la dge 'dun gyis chos ma yin pa'i las 'khrugs pa gzhag par 'os pas spo ba byin te/ bdag spo ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ bdag gi ltung ba bar ma de dang / bdag gi gang la dge 'dun gyis chos ma yin pa'i las 'khrugs pa gzhag par 'os pas spo ba byin pa yang shes kyis/ tshe dang ldan pa dag bdag gi ltung ba snga ma de spo ba dang / ltung ba bar ma de gzhi nas spo ba chos kyi las mi 'khrugs pa gzhag par mi 'os pas legs par stsal du gsol/ dge slong de rnams kyis de'i ltung ba snga ma la ni chos kyi las mi 'khrugs pa gzhag par mi 'os pas spo ba byin/ ltung ba bar ma de la ni chos ma yin pa'i las 'khrugs pa gzhag par 'os pas gzhi nas spo ba byin te/ de gzhi nas spo ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs te/ des yang bzlas te byung ba'i ltung ba de yang shes/ ltung ba bar ma gang la dge 'dun gyis chos ma yin pa'i las 'khrugs pa gzhag par 'os pas gzhi nas spo ba byin pa yang shes nas des dge slong rnams la smras pa/ tshe dang ldan pa dag bdag gis dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs pa shes te/ bdag gi de la dge 'dun gyis chos ma yin pa'i las 'khrugs pa gzhag par 'os pas gzhi nas spo ba byin nas/ bdag gzhi nas spo ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs te/ bdag gis yang bzlas pa'i ltung ba de yang shes ltung ba bar ma ltung ba snga ma dang 'dra ba byung ba bcabs pas bdag gi de la dge 'dun gyis chos ma yin pa'i las 'khrugs pa gzhag par 'os pas gzhi nas spo ba byin pa de yang shes kyis/ tshe dang ldan pa dag bdag gis ltung ba bar ma de la gzhi nas spo ba dang / yang bzlas te byung ba 'di la gzhi nas spo ba dang / yang bzlas te byung ba 'di la gzhi nas bslang ba de la chos kyi las mi 'khrugs pa gzhag par mi 'os pas legs par stsal du gsol/ /dge slong de rnams kyis de'i ltung ba snga ma la ni chos kyi las mi 'khrugs pa gzhag par mi 'os pas gzhi nas spo ba byin/ yang bzlas pa'i ltung ba de la ni chos ma yin pa'i las 'khrugs pa gzhag par 'os pas gzhi nas bslang ba byin no/ /yang gang zag gzhan zhig dge 'dun lhag ma'i ltung ba byung ba de la dge 'dun gyis chos ma yin pa'i las 'khrugs par gzhag par 'os pas mgu bar bya ba byin te/ de mgu bar bya ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba dang / des ltung ba bar ma de dang / gang la dge 'dun gyis chos ma yin pa'i las 'khrugs pa gzhag par 'os pas mgu bar bya ba byin pa yang shes nas des dge slong rnams la smras pa/ tshe dang ldan pa dag bdag la dge 'dun lhag ma'i ltung ba byung ba ma bcabs te/ bdag gis de la dge 'dun gyis chos ma yin pa'i las 'khrugs pa gzhag par 'os pas mgu bar bya ba byin te/ bdag mgu bar bya ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba ma bcabs te/ bdag gi ltung ba bar ma dang / bdag gi ltung ba gang la dge 'dun gyis chos ma yin pa'i las 'khrugs pa gzhag par 'os pas mgu bar bya ba byin pa de yang shes kyis/ tshe dang ldan pa dag bdag gi ltung ba snga ma de la mgu bar bya ba dang / ltung ba bar ma 'di la gzhi nas mgu bar bya ba chos kyi las mi 'khrugs pa gzhag par mi 'os pas legs par stsal du gsol/ /dge slong rnams kyis de'i ltung ba snga ma la ni chos kyi las mi 'khrugs pa gzhag par mi 'os pas mgu bar bya ba byin/ ltung ba bar ma 'di la ni chos ma yin pa'i las 'khrugs pa gzhag par 'os pas gzhi nas mgu bar bya ba byin te/ de gzhi nas mgu bar bya ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba ma bcabs te/ des yang bzlas te byung ba'i ltung ba de dang / de'i ltung ba bar ma gang la dge 'dun gyis chos ma yin pa'i las 'khrugs pa gzhag par 'os pas gzhi nas mgu bar bya ba byin pa de yang shes nas/ des dge slong rnams la smras pa/ tshe dang ldan pa dag bdag la dge 'dun lhag ma'i ltung ba ltung ba bar ma ltung ba snga ma dang 'dra ba byung ba ma bcabs te/ bdag gi de la dge 'dun gyis chos ma yin pa'i las 'khrugs pa gzhag par 'os pas gzhi nas mgu bar bya ba byin te/ bdag gzhi nas mgu bar bya ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba ma bcabs te/ bdag gis yang bzlas pa'i ltung ba dang / bdag gi ltung ba bar ma gang la dge 'dun gyis chos ma yin pa'i las 'khrugs pa gzhag par 'os pas gzhi nas mgu bar bya ba byin pa de yang shes kyis/ tshe dang ldan pa dag bdag gi ltung ba bar ma de la gzhi nas mgu bar bya ba de dang / yang bzlas pa'i ltung ba 'di la gzhi nas bslang ste mgu bar bya ba'i chos kyi las mi 'khrugs pa gzhag par mi 'os pas legs par stsal du gsol/ dge slong de rnams kyis de'i ltung ba bar ma de la gzhi nas mgu bar bya ba dang / yang bzlas pa'i ltung ba 'di la gzhi nas bslang ste mgu bar bya bar chos kyi las mi 'khrugs pa gzhag par mi 'os pas byin no/ /shes pas lnga yin pa ji lta bar dran pas lnga dang / yid gnyis kyis lnga yang de bzhin no// // sdom la/ yang gzhan dag gis bcu gnyis dang / /gzhi dag pa ni drug dang ni/ /sa chen po ni dag bya dag /gang zag bzhir ni bstan pa yin/ /yang gang zag gzhan zhig dge 'dun lhag ma'i ltung ba byung ba bcabs pa de la dge 'dun gyis chos ma yin pa'i las 'khrugs pa gzhag par 'os pas spo ba byin te/ de spo ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs nas/ des ltung ba bar ma de dang / de'i ltung ba gang la dge 'dun gyis chos ma yin pa'i las 'khrugs pa gzhag par 'os pas spo ba byin pa de yang shes nas/ des dge slong rnams la smras pa/ tshe dang ldan pa dag bdag la dge 'dun lhag ma'i ltung ba byung ba bcabs nas bdag gi de la dge 'dun gyis chos ma yin pa'i las 'khrugs pa gzhag par 'os pas spo ba byin te/ bdag spo ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ bdag gis ltung ba bar ma de dang / bdag gi ltung ba gang la dge 'dun gyis chos ma yin pa'i las 'khrugs pa gzhag par 'os pas spo ba byin pa de yang shes kyis/ tshe dang ldan pa dag bdag gi ltung ba snga ma de la spo ba dang / ltung ba bar ma 'di la gzhi nas spo ba chos kyi las mi 'khrugs pa gzhag par mi 'os pas legs par stsal du gsol/ dge slong de rnams kyis de'i ltung ba snga ma de la ni chos kyi las mi 'khrugs pa gzhag par mi 'os pas spo ba byin/ ltung ba bar ma de la ni chos ma yin pa'i las 'khrugs pa gzhag par 'os pas gzhi nas spo ba byin te/ de gzhi nas spo ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs nas des yang bzlas pa'i ltung ba de yang shes/ de'i ltung ba bar ma gang la dge 'dun gyis chos ma yin pa'i las 'khrugs pa gzhag par 'os pas gzhi nas spo ba byin pa de yang shes nas des dge slong rnams la smras pa/ tshe dang ldan pa dag bdag la dge 'dun lhag ma'i ltung ba ltung ba bar ma ltung ba snga ma dang 'dra ba byung ba bcabs te/ bdag gi de la dge 'dun gyis chos ma yin pa'i las 'khrugs pa gzhag par 'os pas gzhi nas spo ba byin te/ bdag gzhi nas spo ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba bcabs nas bdag gis yang bzlas pa'i ltung ba de yang shes/ bdag gi ltung ba bar ma gang la dge 'dun gyis chos ma yin pa'i las 'khrugs pa gzhag par 'os pas gzhi nas spo ba byin pa de yang shes kyis/ tshe dang ldan pa dag bdag gi ltung ba snga ma bar ma de gzhi nas spo ba dang / yang bzlas pa'i ltung ba 'di la gzhi nas bslang ba chos kyi las mi 'khrugs pa gzhag par mi 'os pas legs par stsal du gsol/ /dge slong de rnams kyis de'i ltung ba snga ma la ni chos kyi las mi 'khrugs pa gzhag par mi 'os pas gzhi nas spo ba byin/ yang bzlas pa'i ltung ba de la ni chos ma yin pa'i las 'khrugs pa gzhag par 'os pas gzhi nas bslang ba byin no/ /yang gang zag gzhan zhig dge 'dun lhag ma'i ltung ba byung ba ma bcabs pa de la dge 'dun gyis chos ma yin pa'i las 'khrugs pa gzhag par 'os pas zhag drug gi mgu bar bya ba byin te/ de mgu bar bya ba byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba ma bcabs te/ des ltung ba bar ma de yang shes/ de'i ltung ba gang la dge 'dun gyis chos ma yin pa'i las 'khrugs pa gzhag par 'os pas mgu bar bya ba byin pa de yang shes nas des dge slong rnams la smras pa/ tshe dang ldan pa dag bdag la dge 'dun lhag ma'i ltung ba byung ba ma bcabs te/ bdag gi de la dge 'dun gyis chos ma yin pa'i las 'khrugs par gzhag par 'os pas zhag drug gi mgu bar bya ba byin nas/ mgu bar byed bzhin pa las dge 'dun lhag ma'i ltung ba ltung ba bar ma ltung ba snga ma dang 'dra ba byung ba ma bcabs te/ bdag gis ltung ba bar ma de yang shes/ bdag gis ltung ba gang la dge 'dun gyis chos ma yin pa las 'khrugs pa gzhag par 'os pas zhag drug gi mgu bar bya ba byin pa de yang shes kyis/ tshe dang ldan pa dag bdag gi ltung ba snga ma de la mgu bar bya ba dang / ltung ba bar ma 'di la gzhi nas mgu bar bya ba'i chos kyi las mi 'khrugs pa gzhag par mi 'os pas legs par stsal du gsol/ dge slong de rnams kyis de'i ltung ba snga ma la ni chos kyi las mi 'khrugs pa gzhag par mi 'os pas mgu bar bya ba byin/ ltung ba bar ma 'di la ni chos ma yin pa'i las 'khrugs pa gzhag par 'os pas gzhi nas mgu bar bya ba byin te/ de gzhi nas mgu bar bya ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba ma bcabs te/ des yang bzlas pa'i ltung ba de yang shes/ de'i ltung ba bar ma gang la dge 'dun gyis chos ma yin pa'i las 'khrugs pa gzhag par 'os pa gzhi nas mgu bar bya ba byin pa de yang shes nas des dge slong rnams la smras pa/ tshe dang ldan pa dag bdag la dge 'dun lhag ma'i ltung ba ltung ba bar ma ltung ba snga ma dang 'dra ba byung ba ma bcabs te/ bdag gi de la dge 'dun gyis chos ma yin pa'i las 'khrugs pa gzhag par 'os pas gzhi nas mgu bar bya ba byin te/ bdag gzhi nas mgu bar bya ba byed bzhin pa las dge 'dun lhag ma'i ltung ba ltung ba bar ma dang 'dra ba yang bzlas te byung ba ma bcabs te/ bdag gis yang bzlas pa'i ltung ba de yang shes/ bdag gi ltung ba bar ma gang la dge 'dun gyis chos ma yin pa'i las 'khrugs pa gzhag par 'os pas gzhi nas mgu bar bya ba byin pa de yang shes kyis/ tshe dang ldan pa dag bdag gi ltung ba snga ma bar ma de la gzhi nas mgu bar bya ba dang / yang bzlas pa'i ltung ba 'di la gzhi nas bslang ste/ mgu bar bya ba chos kyi las mi 'khrugs pa gzhag par mi 'os pas legs par stsal du gsol/ dge slong de rnams kyis de'i ltung ba snga ma la ni gzhi nas mgu bar bya ba dang / yang bzlas pa'i ltung ba 'di las gzhi nas bslang ste mgu bar bya ba chos kyi las mi 'khrugs pa gzhag par mi 'os pa byin no/ /shes pas bzhi yin pa ji lta bar dran pas bzhi dang / yid gnyis kyis bzhi yang de bzhin no/ /spo ba po'i gang zag dge 'dun lhag ma'i ltung ba byung ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gzhi nas dag par byas te 'dul ba dang / 'gal ba'i nyes byas kyi ltung ba bshags na de spo ba spyod pa kho na yin no/ /spo ba phyed spyad pa'i gang zag dge 'dun lhag ma'i ltung ba byung ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gzhi dag par byas te 'dul ba dang 'gal ba'i nyes byas kyi ltung ba bshags na de spo ba phyed spyad pa kho na yin no/ /spo ba phal cher spyad pa'i gang zag dge 'dun lhag ma'i ltung ba byung ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gzhi dag par byas te 'dul ba dang 'gal ba'i nyes byas kyi ltung ba bshags na de spo ba phal cher spyad pa kho na yin no/ /mgu bar bya ba spyod pa'i gang zag dge 'dun lhag ma'i ltung ba byung ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gzhi dag par byas te 'dul ba dang 'gal ba'i nyes byas kyi ltung ba bshags na de mgu bar bya ba spyad pa kho na yin no/ /mgu bar bya ba phyed spyad pa'i gang zag dge 'dun lhag ma'i ltung ba byung ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gzhi dag par byas te 'dul ba dang 'gal ba'i nyes byas kyi ltung ba bshags na de mgu bar bya ba phyed spyad pa kho na yin no/ /mgu bar bya ba phal cher spyad pa'i gang zag dge 'dun lhag ma'i ltung ba byung ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gzhi dag par byas te 'dul ba dang 'gal ba'i nyes byas kyi ltung ba bshags na de mgu bar bya ba phal cher spyad pa kho na yin no/ /yang gang zag gzhan zhig dge 'dun lhag ma'i ltung ba byung bar gyur te/ ched du bsams te khu ba phyung ba las gyur pa zhag gcig bcabs/ lus kyi reg pa las gyur pa zhag gnyis bcabs/ 'khrig pa dang ldan pa'i smra ba las gyur pa zhag gsum bcabs/ bsnyen bkur bsngags pa las gyur pa zhag bzhi bcabs/ smyan byed pa las gyur pa zhag lnga bcabs/ khang pa las gyur pa zhag drug bcabs/ khang chen las gyur pa zhag bdun bcabs/ rtsa ba med pa las gyur pa zhag brgyad bcabs/ bag tsam las gyur pa zhag dgu bcabs/ dge 'dun gyi dbyen byed pa las gyur pa zhag bcu bcabs/ de'i rjes su phyogs pa las gyur pa zhag bcu gcig bcabs/ khyim sun 'byin pa las gyur pa zhag bcu gnyis bcabs/ bka' blo mi bde ba las gyur pa zhag bcu gsum bcabs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ ltung ba de rnams las lhag par mi bzad pa/ lhag par lci ba/ mngon par zhen pa drag pos byas pa gang yin pa de'i dbang du byas te spo ba dang / gzhi nas spo ba dang / gzhi nas bslang ba dang / mgu bar bya ba byin te dbyung bar bya'o/ /gang zag gi gzhi rdzogs s+ho// //'dul ba gzhi/ bam po bdun bcu gsum pa/ /gzhi gsum gyis bsdus pa'i sdom la/ /mngon du smra dang drug dang ni/ /ma dag pa dang gleng ba dang / /chos ma yin dang shAkya dang / /nad pa dang ni rtsod pa'o/ /spo ba'i gzhi'i sdom la/ mngon du smra dang 'chag pa dang / /stan rnams dang ni khang pa dang / /thog gcig g.yogs par mi gnas dang / /rab tu mi dbyung mi 'gro zhing / /dge slong med pa'i gnas pa dang / /kun gyi 'og tu sbyin bya ba'o/ /sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / dge slong rnams 'dod chags dang bral ba ma yin pas dge 'dun lhag ma'i ltung ba byung ste 'gyod pa skyes nas bsams pa/ da ltar bdag cag ltung ba dang bcas/ 'gyod pa dang bcas/ 'tsher ba dang bcas/ yid la gcags pa dang bcas/ bya ba dang bcas pa ste/ 'dral bar byed pa/ rma 'byin par byed pa/ 'dren mar byed pa/ nag nog can du byed pa/ ltung ba'i gzhi nas ma langs pa rnams kyis ji ltar rang bzhin du gnas pa'i dge slong rnams las mngon du smra ba dang / phyag dang / ldang ba dang / thal mo sbyar ba dang / 'dud pa'i las kyang bdag gir bya/ bram ze dang khyim bdag dad pa can rnams las kyang / stan gyi thog ma dang / btung ba'i thog ma dang / bsod snyoms kyi thog ma yongs su longs spyad pa/ bde ba yun thung ba'i phyir dmyal ba dang / dud 'gro dang / yi dags rnams su sdug bsngal ba yun ring por nyams su myong zhing 'khyams par 'gyur gyis/ ma la bdag cag gis bslab pa phul la 'babs so snyam nas de dag gis bslab pa phul nas babs te rab tu 'byung bar 'dod pa'i skye bo la yang shes ldan dag tshangs par spyod pa ni spyad dkas khyod rab tu 'byung ba thong shig ces slu bar byed pas de rnams rab tu ma byung ngo / /rab tu ma byung bas dge slong rnams nyung bar gyur/ 'gribs par gyur te/ dge slong gi dge 'dun nyams par gyur/ srabs par gyur to/ /sangs rgyas bcom ldan 'das rnams ni mkhyen bzhin du rmed pa yin pas sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo rgyu gang dang rkyen gang gis na da ltar dge slong nyung bar gyur/ 'gribs par gyur te/ dge slong gi dge 'dun dag nyams par gyur/ srabs par gyur/ des skabs de bcom ldan 'das la rgyas par gsol pa dang / de nas bcom ldan 'das 'di snyam du dgongs te/ ma la ngas dge slong gi dge 'dun lhag ma'i ltung ba byung ba rnams rjes su bzung ba bca' bas lag nas drang ba dang 'dra ba sbyin par bya'o snyam du dgongs nas dge slong gi dge 'dun gyi gung la gdan bshams pa nyid la bzhugs so/ / bzhugs nas bcom ldan 'das kyis dge slong rnams la bka' stsal pa/ dge slong dag ngas dge 'dun lhag ma'i ltung ba byung ba rnams 'gyod pa skyes te bslab pa phul nas babs so zhes thos kyis/ de'i phyir khyed kyis bstan pa gnas par bya ba'i phyir dang / dge slong gi dge 'dun lhag ma'i ltung ba byung ba'i ltung ba byung ba de rnams la snying brtse ba'i phyir spo ba dang / gzhi nas spo ba dang / gzhi nas bslang ba dang / mgu bar bya ba dang gzhi nas bslang ste mgu bar bya ba byin la dbyung bar bya'o/ /sbyin pa yang 'di ltar bya ste/ gnas mal bshams la gaN DI brdungs la dris pa'i tshig gis dge slong rnams la yang dag par bsgo la/ dge 'dun thams cad dam tha ma med pa dge slong bzhi'i tshogs kyis dkyil 'khor bar tshogs shing 'dus par gyur pa dang / dge 'dun lhag ma'i ltung ba byung ba'i dge slong des rgan rims ji lta ba bzhin du gdud pa byas la rgan rims kyi mthar tsog tsog por 'dug ste thal mo sbyar ba btud la spo ba gsol bar bya'o/ /gsol ba ni 'di ltar bya ste/ dge 'dun btsun pa rnams gsan du gsol/ bdag dge slong ming 'di zhes bgyi ba la ched du bsams te khu ba phyung ba las gyur pa'i dge 'dun lhag ma'i ltung ba mang po 'di rnams byung ba zla ba phyed bcabs te/ bdag dge slong ming 'di zhes bgyi ba la ched du bsams te khu ba phyung ba las gyur pa'i dge 'dun lhag ma'i ltung ba mang po 'di rnams byung ba zla ba phyed bcabs pa dge 'dun las zla ba phyed kyi spo ba gsol na/ dge 'dun btsun pa thugs brtse ba can thugs brtse ba nye bar bzung ste/ bdag dge slong ming 'di zhes bgyi ba la ched du bsams te khu ba phyung ba las gyur pa'i dge 'dun lhag ma'i ltung ba mang po 'di rnams byung ba zla ba phyed bcabs pa la zla ba phyed kyi spo ba stsal du gsol/ de skad lan gnyis lan gsum du brjod par bya'o/ /de nas dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong ming 'di zhes bgyi ba la ched du bsams te khu ba phyung ba las gyur pa'i dge 'dun lhag ma'i ltung ba mang po byung ba zla ba phyed bcabs nas/ dge slong ming 'di zhes bgyi ba la ched du bsams te khu ba phyung ba las gyur pa'i dge 'dun lhag ma'i ltung ba mang po 'di rnams byung ba zla ba phyed bcabs pa la dge 'dun las zla ba phyed kyi spo ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba la ched du bsams te khu ba phyung ba las gyur pa'i dge 'dun lhag ma'i ltung ba mang po 'di rnams byung ba zla ba phyed bcabs pa la zla ba phyed kyi spo ba stsol bar mdzad do/ /'di ni gsol ba'o/ /las bya ba ni dge 'dun btsun pa rnams gsan du gsol/ dge slong ming 'di zhes bgyi ba 'di la ched du bsams te khu ba phyung ba las gyur pa'i dge 'dun lhag ma'i ltung ba mang po byung ba zla ba phyed bcabs nas/ dge slong ming 'di zhes bgyi ba 'di la ched du bsams te khu ba phyung ba las gyur pa'i dge 'dun lhag ma'i ltung ba mang po 'di rnams byung ba zla ba phyed kyi spo ba gsol te/ de'i slad du dge 'dun gyis dge slong ming 'di zhes bgyi ba la ched du bsams te khu ba phyung ba las gyur pa'i dge 'dun lhag ma'i ltung ba mang po 'di rnams byung ba zla ba phyed bcabs pa la zla ba phyed kyi spo ba stsol bar mdzad na/ tshe dang ldan pa gang dag dge slong ming 'di zhes bgyi ba la ched du bsams te khu ba phyung ba las gyur pa'i dge 'dun lhag ma'i ltung ba mang po 'di rnams byung ba zla ba phyed bcabs pa la zla ba phyed kyi spo ba stsol bar mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po yin te/ de bzhin du las brjod pa gnyis pa dang / gsum gyi bar du brjod par bya'o/ /dge 'dun gyis bzod cing gnang nas dge 'dun gyis dge slong ming 'di zhes bgyi ba la ched du bsams te khu ba phyung ba las gyur ba'i dge 'dun lhag ma'i ltung ba mang po 'di rnams byung ba zla ba phyed bcabs pa la zla ba phyed kyi spo ba stsal lags te/ 'di ltar cang mi gsung bas de de bzhin du 'dzin to/ /bcom ldan 'das kyis spo ba dang / gzhi nas spo ba sbyin par bya'o zhes rgyas par bka' stsal pa dang / drug sde'i dge slong spo ba dang / mgu bar bya ba spyod pa rnams kyis rang bzhin du gnas pa'i dge slong rnams las mngon du smra ba dang / phyag dang / ldang ba dang / thal mo sbyar ba dang / 'dud ba'i las bdag gir byed pa la don nyung ba'i dge slong rnams smod par byed/ gzhogs 'phyas byed kha zer bar byed de/ de ltar spo ba dang mgu bar bya ba spyod pa rnams kyis rang bzhin du gnas su gnas pa'i dge slong rnams las mngon du smra ba dang / phyag dang / ldang ba dang / thal mo sbyar ba dang / 'dud pa'i las bdag gir byed pa ni bzang po ma yin zhing 'tsham pa ma yin no zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag ngas spo ba dang mgu bar bya ba spyod pa'i dge slong rnams kyi kun du spyod pa'i chos bca' bar bya ste/ spo ba dang mgu bar bya ba spyod pa'i dge slong rnams kyis rang bzhin du gnas pa'i dge slong rnams las mngon du smra ba dang / phyag dang / ldang ba dang / thal mo sbyar ba dang / 'dud pa'i las bdag gir mi bya'o/ /stan gcig la ma yin/ stan mnyam par ma yin te/ stan ches dma' ba blangs te 'dug par bya'o/ /'chags sar lhan cig bcag par mi bya mdun du ma yin te/ gal te 'chag sar 'chag na gom pa bsri'o/ /bram ze dang khyim bdag gi khyim du 'gro bar mi bya'o/ /gal te 'gro na phyi bzhin 'brang ba'i dge sbyong gi tshul du bya'o/ /steng g.yogs gcig tu gnas par mi bya'o/ /rab tu dbyung bar mi bya/ bsnyen par rdzogs par mi bya/ gnas mi sbyin/ dge tshul mi gzhag /las mi bya/ las byed par bsko bar mi bya/ dge slong ma rnams la gdam ngag dbog par mi bya/ sngon bskos pa zhig yin na yang dge slong ma rnams la gdams ngag dbog par mi bya/ dge slong la tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pas gleng bar mi bya/ dran par mi bya ste/ 'dis gdam ngag dbog par mi bya/ gso sbyong ma yin/ dgag dbye ma yin/ gsol ba ma yin/ gsol ba dang gnyis ma yin te/ gsol ba dang bzhi'i las mi bya'o/ /nang par sngar langs la sgo dbye bar bya'o/ /mar me'i sdong bu bsal la gtsug lag khang chag chag gdab par bya/ phyag dar bya/ ba'i lci ba 'jam pos byug par bya'o/ / chab kung sa dang / snam phyis phyag dar byas la sa dang lo ma 'am dus dang 'thun pa'i chu bsil ba gzhag par bya'o/ /wa kha dag bsal bar bya'o/ /dus shes par bya ste stan gding bar bya'o/ /bdug pa dang pog por gzhag par bya'o/ /gal te ston pa'i yon tan bsgrags par bya bar nus na bdag nyid kyis bya'o/ /gal te mi nus na 'chad pa po la gsol ba gdab par bya'o/ kha zas kyi g.yos la brtags te g.yos zin na khang pa'i steng du 'dzegs te gaN DI brdung bar bya'o/ /so ka tsha ba'i dus su bsil yab blangs te dge slong rnams la g.yab par bya'o/ /de'i 'og tu bsnyen par rdzogs pa thams cad kyi ni tha ma/ bsnyen par ma rdzogs pa rnams kyi gong du spyod lam zhi bas 'dug ste/ dge slong ma yin pa'i 'du shes gzhag la zas bza' bar bya'o/ /zas kyi bya ba byas nas/ gnas mal rnams skyabs yod par brtul bar bya'o/ /lhung bzed kyi gzhi yang dor bar bya'o/ /dus shes par byas la de bzhin gshegs pa'i dbu skra dang / sen mo'i mchod rten rnams byi dor bya'o/ /ba'i lci ba 'jam pos byug par bya'o/ /dgongs ka'i dus su yang gnas mal bsham par bya'o/ /pog por nye bar gzhag par bya'o/ /ston pa'i yon tan yang dag par bsgrags pa zhes bya ba'i bar gong ma bzhin du'o/ /dge bskos rnams ji skad brjod pa bzhin du dge 'dun btsun pa rnams gsan du gsol/ deng du zla ba phyed kyi tshes bcu yang 'das lags so/ /zhes bya ba de lta bu la sogs pa nyi ma brjod par bya'o/ /de nas spo ba brjod par bya ste/ dge 'dun btsun pa rnams gsan du gsol/ bdag dge slong ming 'di zhes bgyi ba la dge 'dun lhag ma'i ltung ba 'di lta bu dang 'di lta bu byung ba dus 'di tsam zhig bcabs pa dang / bdag la dge 'dun gyis dus 'di tsam gyi spo ba stsal ba de las 'di tsam zhig ni bdag gis spyad lags te lhag ma yang spyad par bgyi na/ dge 'dun btsun pa rnams kyis bdag la spo ba po dang mgu bar bgyi ba spyod pa lags par bzung du gsol/ bcom ldan 'das kyis spo ba brjod par bya'o zhes gsung na glo bur du 'ongs pa rnams la ni mi brjod pas/ bcom ldan 'das kyis bka' stsal pa/ glo bur du 'ongs pa rnams la brjod par bya'o/ /bcom ldan 'das kyis glo bur du 'ongs pa rnams la spo ba brjod par bya'o zhes gsungs pa dang dge slong glo bur ba zhig 'ongs nas des re shig lhung bzed dang / chos gos kyang mkhos su ma phab par de'i mdun du spo ba po 'dug nas smras pa/ tshe dang ldan pa dgongs su gsol/ bdag dge slong ming 'di zhes bgyi ba la dge 'dun lhag ma'i ltung ba byung ba zhes bya ba nas tshe dang ldan pa bdag la spo ba por gzung du gsol zhes bya ba'i bar gong ma bzhin du'o/ /des de la kun nas dkris pas smras pa/ mi gti mug can spo ba yang mi dgos khyod kyang mi dgos kyis nga'i mdun du ma 'dug par song / de ngo tsha ba snying la phog pas ngo smad nas spyod lam dal gyis dge slong de'i drung nas song ngo / /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ glo bur du 'ongs pa'i dge slong gis lhung bzed dang / chos gos mkhos su ma phab par brjod par mi bya'o/ /gzhan yang re re la yang brjod par mi bya'i 'on kyang dge 'dun thams cad tshogs shing 'thun par gyur pa la'o/ /dge 'dun thams cad ma tshogs nas bcom ldan 'das kyis bka' stsal pa/ gaN DI brdungs pa na ji snyed tshogs pa la brjod par bya'o/ 'dis dge slong med pa'i gtsug lag khang du 'gro bar mi bya'o/ /gal te song na der gnas par mi bya'o/ /dgongs kar dus ji lta ba bzhin du chu dron po'am bsil bas dge slong rnams kyi rkang pa bkru bar bya'o/ /gal te mi 'dod na snum gyis byug par bya'o/ /de nas dran pa nye bar bzhag ste ldang ba'i 'du shes kyis nyal bar bya'o/ /spo ba dang mgu bar bya ba spyod pa'i dge slong rnams kyis kun du spyod pa'i chos ji ltar bcas pa bzhin yang dag par blangs te 'jug par mi byed na 'gal tshabs can du 'gyur ro/ /dge slong rnams kyis de la gnas khang ma bskos rnyed pa ma byin pa dang bcom ldan 'das kyis bka' stsal pa/ thams cad kyi 'og tu de'i gnas khang bsko bar bya thams cad kyi 'og tu rnyed pa sbyin par bya'o/ /sdom la/ drug bcu dang ni brgya dag dang / /nyi shur gang zag bya ba dang / /dge 'dun la ni mgu spyad dang / /sha khon can dag 'ong ba'o/ /drug sde'i dge slong spo ba dang mgu bar bya ba spyod pa rnams la spo ba byin pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ spos pa'i dge slong bzhis spo ba sbyin par mi bya ste/ spos pa gsum dang rang bzhin du gnas pa gcig gis ma yin/ spos pa gnyis dang rang bzhin du gnas pa gnyis kyis ma yin/ spos pa gcig dang rang bzhin du gnas pa gsum gyis ma yin/ 'on kyang thams cad yongs su dag pa lta ba mtshungs pa rnams kyis dge slong la spo ba sbyin par bya'o/ /spos pa rnams kyis ji lta ba bzhin du gzhi nas spo ba dang mgu bar bya ba spyod pa dang / mgu bar bya ba spyad pa dang bslab pa byin pa rnams kyis kyang de bzhin no/ /spo ba ji lta ba bzhin du gzhi nas spo ba dang / gzhi nas bslang ste spo ba dang / mgu bar bya ba dang / gzhi nas mgu bar bya ba dang / gzhi nas bslang ste mgu bar bya ba yang de bzhin no/ / drug sde'i dge slong spo ba dang mgu bar bya ba spyod pa rnams kyis dge slong rnams 'byin par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ spos pa nyi shus dge slong dbyung bar mi bya ste/ spos pa bcu dgu dang rang bzhin du gnas pa gcig gis ma yin/ spos pa bcwa brgyad dang rang bzhin du gnas pa gnyis kyis ma yin pa nas/ de bzhin du rang bzhin du gnas pa bcu dgu dang spos pa gcig gis ma yin zhes bya ba'i bar du'o/ /spos pa rnams kyis ji lta ba bzhin du spo ba spyod pa dang / mgu bar bya ba spyod pa dang / mgu bar bya ba spyad pa dang / bslab pa byin pa rnams kyis kyang de bzhin no/ /drug sde'i dge slong spo ba dang mgu bar bya ba spyod pa rnams kyis dge slong spos pa rnams kyi drung du spo ba spyod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis spos pa bzhi'i drung du spo ba spyad par mi bya ste/ spos pa gsum dang rang bzhin du gnas pa gcig la ma yin/ spos pa gnyis dang rang bzhin du gnas pa gnyis la ma yin/ spos pa gcig dang rang bzhin du gnas pa gsum la ma yin te/ 'on kyang thams cad yongs su dag pa lta ba mtshungs pa rnams kyi drung du spo ba spyad par bya'o/ /spos pa rnams la ji lta ba bzhin du spo ba spyad pa dang / mgu bar bya ba spyod pa dang / mgu bar bya ba spyad pa dang / bslab pa byin pa rnams la yang de bzhin no/ /spo ba ji lta ba bzhin du gzhi nas spo ba dang / gzhi nas bslang ste spo ba dang / mgu bar bya ba dang / gzhi nas mgu bar bya ba dang / gzhi nas bslang ste mgu bar bya ba yang de bzhin no/ /drug sde'i dge slong spo ba dang mgu bar bya ba yang spyod pa rnams gtsug lag khang stong pa zhig tu dong nas spo ba spyod pa de rnams dge slong dag gis mthong nas smras pa/ tshe dang ldan pa dag gtsug lag khang 'dir ci khyed cag gnas sam/ de rnams kyis smras pa/ 'dir bdag cag mi gnas te 'on kyang spo ba spyod do/ /de rnams kyis smras pa/ khyed cag ni spo ba spyod pa ma yin te 'on kyang 'chab pa yin no/ /de rnams kyis gnad la phab pas cang mi smra bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khang stong du spo ba spyod par mi bya ste/ gang na dge slong gcig gam/ gnyis sam/ gsum yod par yang ma yin te/ 'on kyang gang na yongs su dag pa lta ba mtshungs pa'i dge slong bzhi gnas pa der spo ba spyad par bya'o/ /spo ba ji lta ba bzhin du gzhi nas spo ba dang / gzhi nas bslang ba dang / mgu bar bya ba dang / gzhi nas mgu bar bya ba dang / gzhi nas bslang ste mgu bar bya ba yang de bzhin no/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa 'di ltar dge slong spo ba dang / mgu bar bgyi ba spyod pa rnams kyis dge slong 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa rnams mchi zhing de rnams ngo tsha ma mchis pas/ tho btsam pa'i slad du bdag cag la gleng bar bgyid/ dran par bgyid do/ /zhes thos na de rnams kyis de dag la ji ltar bsgrub par bgyi/ bcom ldan 'das kyis bka' stsal pa/ nye ba 'khor dge slong spo ba dang mgu bar bya ba spyod pa rnams kyis 'thab krol byed pa'i dge slong rnams 'ong ba thos na dge slong gi dge mdun du spo ba phyir dbul bar bya'o/ /dbul ba ni 'di ltar bya ste/ 'dud pa byas la tsog tsog por 'dug ste thal mo sbyar ba btud la tshig 'di skad ces/ tshe dang ldan pa dgongs su gsol/ bdag ming 'di zhes bgyi ba la dge 'dun lhag ma'i ltung ba 'di lta bu dang 'di lta bu byung ba dus 'di srid gcig bcabs pa dang bdag la dge 'dun gyis dus 'di tsam gyi spo ba stsal te bdag spo ba bgyid pa las dge slong 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa de dag mchi zhing de rnams ngo tsha med pas tho btsam pa'i phyir bdag la gleng bar bgyid/ dran par bgyid do zhes thos na/ spos pa'i dge slong bdag ming 'di zhes bgyi ba'i spo ba de tshe dang ldan pa'i mdun du phyir dbul bar bgyi'o/ /dus 'di tsam ni bdag gis spyad lags so/ /dus 'di tsam ni bdag gis spyad par bgyi ste/ tshe dang ldan pas bdag rang bzhin du gnas par gzung du gsol/ de nas yang phas kyi rgol ba song zhing 'jigs pa dang bag tsha ba med nas de bzhin du rang bzhin du gnas pa'i dge slong gi mdun du des spo ba blang bar bya'o/ /blang ba ni 'di ltar bya ste/ gdud pa byas la tsog tsog por 'dug ste thal mo sbyar ba btud nas tshig 'di skad ces/ tshe dang ldan pa dgongs su gsol/ bdag dge slong ming 'di zhes bgyi ba la dge 'dun lhag ma'i ltung ba 'di lta bu dang / 'di lta bu byung ba la dus 'di srid cig bcabs pa dang bdag la dge 'dun gyis dus 'di tsam gyi spo ba stsal te/ bdag spo ba bgyid pa las dge slong 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa dag mchi zhing de rnams ngo tsha med pas/ tho btsam pa'i phyir bdag la gleng bar bgyid/ dran par bgyid do zhes thos nas bdag gi spo ba spyad pa de dge slong gi mdun du phyir phul ba bdag dge slong ming 'di zhes bgyi ba'i spo ba de tshe dang ldan pa'i mdun du blang bar bgyi ste/ dus 'di tsam ni bdag gis spyad lags so/ /dus 'di tsam ni bdag gis spyad par bgyi lags kyis/ tshe dang ldan pas bdag spo ba lags par bzung du gsol/ spo ba ji lta ba bzhin du gzhi nas spo ba dang / gzhi nas bslang ste spo ba dang / mgu bar bya ba dang / gzhi nas mgu bar bya ba dang / gzhi nas bslang ste mgu bar bya ba yang de bzhin no/ /spo ba'i gzhi rdzogs s+ho// // gso sbyong gzhag pa'i gzhi'i sdom ni/ ma dag gso sbyong dge slong dang / /maud gal gyis ni nyams pa dang / /de nas ston pas smad pa dang / /dge 'dun gyis bor gso sbyong ngo / /sdom gyi tshigs su bcad pa 'di ni yul tsam par gso sbyong gi mdo rgyas par gsungs te/ gso sbyong gi mdo de yang lung bar ma yang dag par 'gro ba'i le'u las 'byung ngo / /sdom ni/ gleng dang dran pa nyid dang ni/ / skabs dang smrar ni mi gzhug dang / /gdams pa rab tu gzhag pa dang / /gso sbyong dang ni dgag dbye'o/ /bcom ldan 'das kyis dge 'dun gyi gnas brtan gyis zla ba phyed kyi so sor thar pa'i mdo gdon pa gdon par bya'o zhes gsungs pas dge bskos kyis dge 'dun gyi gnas brtan gyi mdun du 'dug ste smras pa/ gnas brtan so sor thar pa'i mdo gdon pa thon cig /des smras pa/ tshe dang ldan pa re shig dge slong gi 'khor ma dag go/ /'di na gnas brtan gyis su zhig ma dag par gzigs/ re shig khyod nyid yin no/ /gnas brtan gyis bdag la ji ltar gzigs/ lha'i mig gis so/ /da 'dir dge slong rnams kyis lha'i mig gis mthong nas gleng bar byed/ dran par byed pa ni kyi hud bdag ma rung ngo snyam pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag lha'i mig ni tha snyad du bya ba ma yin te/ de lta bas na dge slong gis lha'i mig gis bltas te dge slong la gleng ba dang dran par mi bya'o/ /dge slong gis lha'i mig gis bltas te dge slong la gleng ba dang dran par byed na 'gal tshabs can du 'gyur ro/ /lha'i mig gis ji lta bar lha'i rna bas kyang de bzhin no/ /yang dge slong des dge 'dun gyi gnas brtan gyi mdun du 'dug nas smras pa/ gnas brtan so sor thar pa'i mdo gdon pa thon cig /des smras pa/ tshe dang ldan pa re shig dge slong gi 'khor ma dag go/ /gnas brtan 'di na ma dag pa su zhig lags/ re shig khyod nyid yin no/ /gnas brtan khyod kyis dge 'dun gyi dbus su bdag gi mgor gtun shing gis brdeg pa ji ga srid lags sam/ e ma'o kyi hud khyod kyis bdag la lkog tu glengs so chog /de cang mi smra bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ lkog tu gleng bar bya ste dge 'dun gyi dbus su ni ma yin no/ /gal te lkog tu glengs pa na mi dran na dran par bya'o/ /dran par byas pa las gal te khro bar byed na skabs 'byed du gzhug go/ /skabs 'byed du bcug pa las gzhan nas gzhan du sgyur bar byed nas bcom ldan 'das kyis bka' stsal pa/ smrar mi gzhug go/ /smrar ma bcug kyang de bzhin du gzhan nas gzhan du bsgyur nas bcom ldan 'das kyis bka' stsal pa/ 'di gdam ngag dang / gso sbyong dang / dgag dbye gzhag par bya'o/ /chos ma yin pa gcig dang chos kyi gcig gi gso sbyong gzhag pa dang / chos ma yin pa'i gnyis dang chos kyi gnyis dang chos ma yin pa'i gsum dang chos kyi gsum dang / chos ma yin pa'i bzhi dang chos kyi bzhi dang / chos ma yin pa'i lnga dang chos kyi lnga dang / chos ma yin pa'i drug dang chos kyi drug dang / chos ma yin pa'i bdun dang chos kyi bdun dang / chos ma yin pa'i brgyad dang chos kyi brgyad dang / chos ma yin pa'i dgu dang chos kyi dgu dang / chos ma yin pa'i bcu dang chos kyi bcu'i gso sbyong gzhag pa'o/ /chos ma yin pa'i gcig dang chos kyi gcig gi gso sbyong gzhag pa gang zhe na/ gzhi med pa'i byas pas gso sbyong gzhag pa ni chos ma yin pa'i gso sbyong gzhag pa yin no/ /gzhi dang bcas pa'i byas pas gso sbyong gzhag pa ni chos kyi gso sbyong gzhag pa yin te/ 'di ni chos ma yin pa'i gso sbyong gcig dang chos kyi gso sbyong gzhag pa gcig yin no/ /chos ma yin pa'i gnyis dang chos kyi gnyis kyi gso sbyong gzhag pa gang zhe na/ gzhi med pa'i byas pa dang gzhi med pa'i ma byas pas gso sbyong gzhag pa ni chos ma yin pa'i gso sbyong gzhag pa yin no/ /gzhi dang bcas pa'i byas pa dang gzhi dang bcas pa'i ma byas pas gso sbyong gzhag pa ni chos kyi gso sbyong gzhag pa yin te/ 'di ni chos ma yin pa'i gnyis dang chos kyi gnyis kyi gso sbyong gzhag pa yin no/ / chos ma yin pa'i gsum dang chos kyi gsum gyi gso sbyong gzhag pa gang zhe na/ gzhi med pa'i byas pa dang / gzhi med pa'i ma byas pa dang / gzhi med pa'i byas pa dang / ma byas pas gso sbyong gzhag pa ni chos ma yin pa'i gso sbyong gzhag pa yin no/ /gzhi dang bcas pa'i byas pa dang / gzhi dang bcas pa'i ma byas pa dang / gzhi dang bcas pa'i byas pa dang ma byas pas gso sbyong gzhag pa ni chos kyi gso sbyong gzhag pa yin te/ 'di ni chos ma yin pa gsum dang chos kyi gsum gyi gso sbyong gzhag pa yin no/ /chos ma yin pa'i bzhi dang chos kyi bzhi'i gso sbyong gzhag pa gang zhe na/ gzhi med pa'i tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pas gso sbyong gzhag pa ni chos ma yin pa'i gso sbyong gzhag pa yin no/ /gzhi dang bcas pa'i tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pas gso sbyong gzhag pa ni chos kyi gso sbyong gzhag pa yin te/ 'di ni chos ma yin pa bzhi dang / chos kyi bzhi'i gso sbyong gzhag pa yin no/ /chos ma yin pa lnga dang chos kyi lnga'i gso sbyong gzhag pa gang zhe na/ gzhi med pa'i phas pham pa dang / dge 'dun lhag ma dang / ltung byed dang / so sor bshags pa dang / nyes byas kyis gso sbyong gzhag pa ni chos ma yin pa'i gso sbyong gzhag pa yin no/ /gzhi dang bcas pa'i phas pham pa dang / dge 'dun lhag ma dang / ltung byed dang / so sor bshags pa dang / nyes byas kyis gso sbyong gzhag pa ni chos kyis gso sbyong gzhag pa yin te/ 'di ni chos ma yin pa'i lnga dang chos kyi lnga'i gso sbyong gzhag pa yin no/ /chos ma yin pa'i drug dang chos kyi drug gi gso sbyong gzhag pa gang zhe na/ gzhi med pa'i byas pa dang / gzhi med pa'i ma byas pa dang / gzhi med pa'i byas pa dang / ma byas pa dang / gzhi med pa'i lhag ma dang bcas pa byas pa dang / gzhi med pa'i lhag ma dang bcas pa ma byas pa dang / gzhi med pa'i lhag ma dang bcas pa byas pa dang ma byas pa'i gso sbyong gzhag pa ni chos ma yin pa'i gso sbyong gzhag pa yin no/ /gzhi dang bcas pa'i byas pa dang / gzhi dang bcas pa'i ma byas pa dang / gzhi dang bcas pa'i byas pa dang / ma byas pa dang / gzhi dang bcas pa'i lhag ma dang bcas pa byas pa dang / gzhi dang bcas pa'i lhag ma dang bcas pa ma byas pa dang / gzhi dang bcas pa'i lhag ma dang bcas pa byas pa dang / ma byas pas gso sbyong gzhag pa ni chos kyi gso sbyong gzhag pa ste/ 'di dag ni chos ma yin pa'i drug dang chos kyi drug gi gso sbyong gzhag pa yin no/ /chos ma yin pa'i bdun dang chos kyi bdun gyi gso sbyong gzhag pa gang zhe na/ gzhi med pa'i tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa dang / gzhi med pa'i mthong ba dang / thos pa dang / dogs pas gso sbyong gzhag pa ni chos ma yin pa'i gso sbyong gzhag pa yin no/ /gzhi dang bcas ba'i tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa dang / gzhi dang bcas pa'i mthong ba dang / thos pa dang / dogs pas gso sbyong gzhag pa ni chos kyi gso sbyong gzhag pa yin te/ 'di dag ni chos ma yin pa'i bdun dang chos kyi bdun gyi gso sbyong gzhag pa yin no/ / chos ma yin pa'i brgyad dang / chos kyi brgyad kyi gso sbyong gzhag pa gang zhe na/ gzhi med pa'i phas pham pa dang / dge 'dun lhag ma dang / ltung byed dang / so sor bshags pa dang / nyes byas dang / gzhi med pa'i mthong ba dang / thos pa dang / dogs pas gso sbyong gzhag pa ni chos ma yin pa'i gso sbyong gzhag pa yin no/ /gzhi dang bcas pa'i phas pham pa dang / dge 'dun lhag ma dang / ltung byed dang / so sor bshags pa dang / nyes byas dang / gzhi dang bcas pa'i mthong ba dang / thos pa dang / dogs pas gso sbyong gzhag pa yin te/ 'di dag ni chos ma yin pa'i brgyad dang / chos kyi brgyad kyi gso sbyong gzhag pa yin no/ /chos ma yin pa'i dgu dang chos kyi dgu'i gso sbyong gzhag pa gang zhe na/ gzhi med pa'i byas pa dang / gzhi med pa'i ma byas pa dang / gzhi med pa'i byas pa dang ma byas pa dang / gzhi med pa'i lhag ma dang bcas pa byas pa dang / gzhi med pa'i lhag ma dang bcas pa ma byas pa dang gzhi med pa'i lhag ma dang bcas pa byas pa dang ma byas pa dang / gzhi med pa'i lhag ma med pa byas pa dang / gzhi med pa'i lhag ma med pa ma byas pa dang / gzhi med pa'i lhag ma med pa byas pa dang ma byas pas gso sbyong gzhag pa ni chos ma yin pa'i gso sbyong gzhag pa yin no/ /gzhi dang bcas pa'i byas pa dang / gzhi dang bcas pa'i ma byas pa dang / gzhi dang bcas pa'i byas pa dang ma byas pa dang / gzhi dang bcas pa'i lhag ma dang bcas pa byas pa dang / gzhi dang bcas pa'i lhag ma dang bcas pa ma byas pa dang / gzhi dang bcas pa'i lhag ma dang bcas pa byas pa dang ma byas pa dang / gzhi dang bcas pa'i lhag ma med pa byas pa dang / gzhi dang bcas pa'i lhag ma med pa ma byas pa dang / gzhi dang bcas pa'i lhag ma med pa byas pa dang ma byas pas gso sbyong gzhag pa ni chos kyi gso sbyong gzhag pa yin te/ 'di dag ni chos ma yin pa'i dgu dang chos kyi dgu'i gso sbyong gzhag pa yin no/ /chos ma yin pa'i bcu dang chos kyi bcu'i gso sbyong gzhag pa gang zhe na phas pham pa ma yin phas pham pa'i gtam gyi gleng gzhi ma yin bslab pa spong ba ma yin/ bslab pa spong ba'i gtam gyi gleng gzhi ma yin/ dge 'dun spong pa ma yin/ dge 'dun spong ba'i gtam gyi gleng gzhi ma yin/ tshul khrims nyams pa ma yin/ lta ba nyams pa ma yin/ spyod pa nyams pa ma yin/ 'tsho ba nyams pa ma yin no/ /phas pham pa ma yin pa ji lta bu zhe na/ dge slong gis rnam pa gang dag dang / rtags gang dag dang / mtshan ma gang dag gis phas pham pa'i ltung ba 'byung bar 'gyur ba'i rnam pa de dag gis de la phas pham pa'i ltung ba byung bar ma mthong zhing / rtags de dag gis ma yin/ mtshan ma de dag gis ma yin la/ des ma mthong ba dang / ma thos pa dang / mi dogs pas gso sbyong gzhag pa ni chos ma yin pa'i gso sbyong gzhag pa yin te/ de lta bu ni phas pham pa ma yin pa'o/ /phas pham pa'i gtam gyi gleng gzhi ma yin pa ji lta bu zhe na/ 'di lta ste dge slong rab tu mang po tshogs shing 'dus la gtam smra ba de yang de las byung ba ma yin/ de gleng ba'i skabs la bab pa ma yin zhing dge slong de rnams kyang stan las langs nas so sor dong ba dang / des ma mthong ba dang / ma thos pa dang / mi dogs pas gso sbyong gzhag pa ni chos ma yin pa'i gso sbyong gzhag pa yin te/ de lta bu ni phas pham pa'i gtam gyi gleng gzhi ma yin pa'o/ /bslab pa spong ba ma yin pa ji lta bu zhe na/ dge slong gis rnam pa gang dag dang / rtags gang dag dang / mtshan ma gang dag gis bslab pa spong bar byed pa'i rnam pa de dag gis de bslab pa spong bar ma mthong zhing rtags de dag gis ma yin/ mtshan ma de dag gis ma yin la/ des ma mthong ba dang / ma thos pa dang / mi dogs pas gso sbyong gzhag pa ni chos ma yin pa'i gso sbyong gzhag pa yin te/ de lta bu ni bslab pa spong ba ma yin pa'o/ /bslab pa spong ba'i gtam gyi gleng gzhi ma yin pa ji lta bu zhe na/ 'di lta ste dge slong rab tu mang po tshogs shing 'dus la gtam smra ba de yang de las byung ba ma yin/ de gleng ba'i skabs la bab pa ma yin zhing dge slong de rnams kyang stan las langs nas so sor dong ba dang / des ma mthong ba dang / ma thos pa dang / mi dogs par gso sbyong gzhag pa ni chos ma yin pa'i gso sbyong gzhag pa yin te/ de lta bu ni bslab pa spong ba'i gtam gyi gleng gzhi ma yin pa'o/ /dge 'dun spong ba ma yin pa ji lta bu zhe na/ dge slong gis rnam pa gang dag dang / rtags gang dag dang / mtshan ma gang dag gis dge 'dun spong bar byed pa'i rnam pa de dag gis dge 'dun spong bar byed par ma mthong zhing rtags de dag gis ma yin/ mtshan ma de dag gis ma yin la/ des ma mthong ba dang / ma thos pa dang / mi dogs pas gso sbyong gzhag pa ni chos ma yin pa'i gso sbyong gzhag pa yin te/ de lta bu ni dge 'dun spong ba ma yin pa'o/ /dge 'dun spong ba'i gtam gyi gleng gzhi ma yin pa ji lta bu zhe na/ 'di lta ste dge slong rab tu mang po tshogs shing 'dus la gtam smra ba de yang de las byung ba ma yin te/ de gleng ba'i skabs la bab pa ma yin zhing dge slong de rnams kyang stan las langs nas so sor dong ba dang / des ma mthong ba dang / ma thos pa dang / mi dogs pas gso sbyong gzhag pa ni chos ma yin pa'i gso sbyong gzhag pa yin te/ de lta bu ni dge 'dun spong ba'i gtam gyi gleng gzhi ma yin pa'o/ /tshul khrims nyams pa ma yin pa ji lta bu zhe na/ phas pham pa bzhi rnams las gang yang rung ba'i ltung ba ma byung bar dge slong de la ma mthong ba dang / ma thos pa dang / mi dogs par gso sbyong gzhag pa ni chos ma yin pa'i gso sbyong gzhag pa yin te/ de lta bu ni tshul khrims nyams pa ma yin pa'o/ /lta ba nyams pa ma yin pa ji lta bu zhe na/ lta ba'i rnam pa drug bcu rtsa gnyis las gang yang rung ba'i lta bas mngon par ma zhen par dge slong de la ma mthong ba dang / ma thos pa dang / mi dogs par gso sbyong gzhag pa ni chos ma yin pa'i gso sbyong gzhag pa yin te/ de lta bu ni lta ba nyams pa ma yin pa'o/ /spyod pa nyams pa ma yin pa ji lta bu zhe na/ bslab pa'i gzhi rjes su 'thun zhing 'tsham pa'i tshig gi lam dag gis smras na yang dag par sgrub pa de la dge slong gis ma mthong ba dang / ma thos pa dang / mi dogs par gso sbyong gzhag pa ni chos ma yin pa'i gso sbyong gzhag pa yin te/ de lta bu ni spyod pa nyams pa ma yin pa'o/ /'tsho ba nyams pa ma yin pa ji lta bu zhe na/ de'i 'tsho ba yongs su dag pa yin na/ de la dge slong gis ma mthong ba dang / ma thos pa dang / mi dogs par gso sbyong gzhag pa ni chos ma yin pa'i gso sbyong gzhag pa yin te/ de lta bu ni 'tsho ba nyams pa ma yin pa'o/ /dkar po'i phyogs la phas pham pa yin pa dang / phas pham pa'i gtam gyi gleng gzhi yin pa dang / bslab pa spong ba yin pa dang / bslab pa spong ba'i gtam gyi gleng gzhi yin pa dang / dge 'dun spong ba yin pa dang / dge 'dun spong ba'i gtam gyi gleng gzhi yin pa dang / tshul khrims nyams pa yin pa dang / lta ba nyams pa yin pa dang / spyod pa nyams pa yin pa dang / 'tsho ba nyams pa yin no/ / phas pham pa yin pa ji lta bu zhe na/ dge slong gis rnam pa gang dag dang / rtags gang dag dang / mtshan ma gang dag gis phas pham pa'i ltung ba byung ba'i rnam pa de dag dang / rtags de dag dang / mtshan ma de dag gis de phas pham pa'i ltung ba byung bar mthong la/ des mthong ba dang / thos pa dang / dogs pas gso sbyong gzhag pa ni chos kyi gso sbyong gzhag pa yin te/ de lta bu ni phas pham pa yin no/ phas pham pa'i gtam gyi gleng gzhi yin pa ji lta bu zhe na/ 'di lta ste dge slong rab tu mang po tshogs shing 'dus la gtam smra ba de yang de las byung ba yin/ de gleng ba'i skabs la bab pa yin zhing dge slong de rnams kyang de bzhin du 'dug bzhin la/ des mthong ba dang / thos pa dang / dogs pas gso sbyong gzhag pa ni chos kyi gso sbyong gzhag pa yin te/ de lta bu ni phas pham pa'i gtam gyi gleng gzhi yin no/ /bslab pa spong ba yin pa ji lta bu zhe na/ dge slong gis rnam pa gang dag dang / rtags gang dag dang / mtshan ma gang dag gis bslab pa spong bar byed pa'i rnam pa de dag dang / rtags de dag dang / mtshan ma de dag gis de bslab pa spong bar byed par mthong la/ des mthong ba dang / thos pa dang / dogs pas gso sbyong gzhag pa ni chos kyi gso sbyong gzhag pa yin te/ de lta bu ni bslab pa spong ba yin no/ /bslab pa spong ba'i gtam gyi gleng gzhi yin pa ji lta bu zhe na/ 'di lta ste dge slong rab tu mang po tshogs shing 'dus la gtam smra ba de yang de las byung ba yin te/ de gleng ba'i skabs yin zhing / dge slong de rnams kyang de bzhin du 'dug bzhin la/ des mthong ba dang / thos pa dang / dogs pas gso sbyong gzhag pa ni chos kyi gso sbyong gzhag pa yin te/ de lta bu ni bslab pa spong ba'i gtam gyi gleng gzhi yin no/ /dge 'dun spong ba yin pa ji lta bu zhe na/ dge slong gis rnam pa gang dag dang / rtags gang dag dang / mtshan ma gang dag gi dge 'dun spong bar byed pa'i rnam pa de dag dang / rtags de dag dang / mtshan ma de dag gis dge 'dun spong bar byed par mthong la/ des mthong ba dang / thos pa dang / dogs pas gso sbyong gzhag pa ni chos kyi gso sbyong gzhag pa yin te/ de lta bu ni dge 'dun spong ba yin no/ /dge 'dun spong ba'i gtam gyi gleng gzhi yin pa ji lta bu zhe na/ 'di lta ste dge slong rab tu mang po tshogs shing 'dus la gtam smra ba de yang de las byung ba yin/ de gleng ba'i skabs la bab pa yin zhing / dge slong de rnams kyang de bzhin du 'dug bzhin la/ des mthong ba dang / thos pa dang / dogs pas gso sbyong gzhag pa ni chos kyi gso sbyong gzhag pa yin te/ de lta bu ni dge 'dun spong ba'i gtam gyi gleng gzhi yin no/ /tshul khrims nyams pa yin pa ji lta bu zhe na/ phas pham pa bzhi las gang yang rung ba'i ltung ba byung bar gyur la/ de la dge slong gis mthong ba dang / thos pa dang / dogs pas gso sbyong gzhag pa ni chos kyi gso sbyong gzhag pa yin te/ de lta bu ni tshul khrims nyams pa yin no/ /lta ba nyams pa yin pa ji lta bu zhe na/ lta ba'i rnam pa drug bcu rtsa gnyis las gang yang rung ba'i lta bar mngon par zhen par gyur la/ de la dge slong gis mthong ba dang / thos pa dang / dogs pas gso sbyong gzhag pa ni chos kyi gso sbyong gzhag pa yin te/ de lta bu ni lta ba nyams pa yin no/ /spyod pa nyams pa yin pa ji lta bu yin zhe na/ bslab pa'i rjes su 'thun zhing 'tsham pa'i tshig gi lam dag gis smras na yang dag pa mi sgrub pa de la dge slong gis mthong ba dang / thos pa dang / dogs pas gso sbyong gzhag pa ni chos kyi gso sbyong gzhag pa yin te/ de lta bu ni spyod pa nyams pa yin no/ /'tsho ba nyams pa yin pa ji lta bu zhe na/ de'i 'tsho ba ma dag par gyur la/ de la dge slong gis mthong ba dang / thos pa dang / dogs pas gso sbyong gzhag pa ni chos kyi gso sbyong gzhag pa yin te/ de lta bu ni 'tsho ba nyams pa yin te/ 'di dag ni chos ma yin pa'i bcu dang chos kyi bcu'i gso sbyong gzhag pa yin no/ /gso sbyong gzhag pa ji lta ba bzhin du dgag dbye gzhag pa yang de bzhin no/ /dge slong dag dge 'dun ni lnga po 'di dag yin te/ lnga gang zhe na/ ngo tsha med pa'i dge 'dun dang / lug ltar lkug pa'i dge 'dun dang / tshogs kyi dge 'dun dang / kun rdzob kyi dge 'dun dang / don dam pa'i dge 'dun no/ /ngo tsha med pa'i dge 'dun gang zhe na/ gang na dge slong thams cad tshul khrims 'chal zhing sdig pa'i chos dang ldan pa'o/ /lug ltar lkug pa'i dge 'dun gang zhe na/ gang na mdo sde 'dzin pa ma yin/ 'dul ba 'dzin pa ma yin/ ma mo 'dzin pa ma yin pa'o/ /tshogs kyi dge 'dun gang zhe na/ gang na tshogs dang 'brel bas las rnams byed pa'o/ /kun rdzob kyi dge 'dun gang zhe na/ so so'i skye bo dge ba dang ldan pa thams cad do/ /don dam pa'i dge 'dun gang zhe na/ slob pa dang mi slob pa'i skyes bu gang zag brgyad do/ /de la dge 'dun gong ma gsum po ngo tsha med pa'i dge 'dun dang / lug ltar lkug pa'i dge 'dun dang / tshogs kyi dge 'dun gang dag yin pa 'di dag gis ni chos ma yin pa'i las byed pa thob bo/ /kun rdzob kyi dge 'dun gang yin pa 'dis ni chos kyi las dang chos ma yin pa'i las byed pa 'thob bo/ /don dam pa'i dge 'dun gang yin pa 'dis ni chos ma yin pa'i las byed pa mi 'thob bo/ /gso sbyong gzhag pa'i gzhi rdzogs s+ho// //'dul ba gzhi/ / bam po bdun bcu bzhi pa/ /gnas mal gyi gzhi'i sdom la/ shAkya min pa'i lnga sde dang / mgon med dge 'dun gang zag gi/ /dngos po bcom pa'i phyir dang ni/ /gshibs pa yi ni sa dang ni/ /dgon pa chos gos snum pa dang / dgon pa gnas brtan rnyed pa dang / /brgyad po dag ni phyi ma yin/ /sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong rab tu mang po dag bsnyen bkur gyi gnas su tshogs shing 'dus nas 'di lta bu'i skabs kyi gtam dag gleng bar byed de/ tshe dang ldan pa dag bdag cag gis su zhig la bsnyen bkur bya/ bla mar bya/ rjed par bya/ mchod par bya/ bdag cag gis su zhig la mngon du smra ba dang / phyag dang / ldang ba dang / thal mo sbyar ba dang / gdud pa bya/ bdag cag gi nang na su zhig stan gyi thog ma dang / btung ba'i thog ma dang / bsod snyoms kyi thog ma longs spyad par 'os/ de na kha cig gis 'di skad ces smras so/ /shAkya las rab tu byung ba gang yin pa'o/ kha cig gis 'di skad ces so/ / bram ze las rab tu byung ba gang yin pa'o/ /gzhan dag na re rgyal rigs las rab tu byung ba gang yin pa'o/ /gzhan dag na re rje'u rigs las rab tu byung ba gang yin pa'o/ /gzhan dag na re dmangs rigs las rab tu byung ba gang yin pa'o/ / gzhan dag na re rigs ngan pa ma yin pa mthon po las rab tu byung ba dang / bkren pa ma yin pa phyug po'i rigs las rab tu byung ba gang yin pa'o/ /gzhan dag na re gzugs bzang po blta na sdug pa mdzes pa dang / tshig bzang po tshig la mkhas pa dang ldan pa dang / shes gnyen can bsod nams che ba dang / mdo sde 'dzin pa/ 'dul ba 'dzin pa/ ma mo 'dzin pa/ thos pa mang ba/ chos smra ba/ gnas brtan rgyal por 'os pa dang / dgon pa ba dang / chos gos gsum pa dang / phying ba can dang / phyag dar khrod pa dang / bsod snyoms pa dang / bsod snyoms mi 'dam pa dang / stan gcig pa dang / zas phyis mi len pa dang / shing drung ba dang / dur khrod pa dang / bla gab med pa dang / cog pu pa dang / gzhi ji bzhin pa gang yin pa dang / mi rtag pa'i 'du shes thob pa gang yin pa zhes bya ba nas rnam par thar pa brgyad la bsam gtan pa'i dgra bcom pa gang yin pa zhes bya ba'i bar gong ma bzhin du'o/ /gzhan dag gis 'di skad ces smras so/ /tshe dang ldan pa dag bdag cag thams cad ni 'di lta ste/ so sor brtags pas mi mthun pa yin gyis tshur bdag cag bcom ldan 'das gang na ba der dong ste phyin pa dang bcom ldan 'das la don 'di zhus la/ bcom ldan 'das kyis ji skad lung bstan pa de bzhin du 'di bdag cag gis gzung bar bya'o/ /de nas dge slong rab tu mang po bcom ldan 'das ga la ba der dong ste phyin pa dang / bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la dge slong rab tu mang pos 'di skad ces gsol to/ /btsun pa bsnyen bkur gyi gnas 'dir bdag cag dge slong rab tu mang po tshogs shing 'dus nas 'di lta bu'i skabs gyi gtam dag glengs te zhes bya ba nas/ bcom ldan 'das kyis ji skad lung bstan pa de bzhin du 'di dag bdag cag gis gzung bar bgyi'o zhes bya ba'i bar gong ma bzhin du'o/ /btsun pa bcom ldan 'das la bdag cag don 'di zhu lags te/ bdag cag gis gang la bsnyen bkur bgyi/ bla mar bgyi/ rjed par bgyi/ mchod par bgyi zhes bya ba nas/ thog mar bsod snyoms longs spyad par bgyi zhes bya ba'i bar gong ma bzhin du'o/ /bcom ldan 'das kyis bka' stsal pa/ dge slong dag khyed kyis ches rgan pa la bsnyen bkur bya/ bla mar bya/ rjed par bya/ mchod par bya/ mngon du smra ba dang / phyag dang / ldang ba dang / thal mo sbyar ba dang / gdud pa'i las bya'o/ /de ni khyed cag gi stan gyi thog ma dang / btung ba'i thog ma dang / bsod snyoms kyi thog ma longs spyad par 'os pa yin no/ /bcom ldan 'das kyis dge slong dag khyed kyis ches rgan pa la bsnyen bkur bya zhes bya ba nas bsod snyoms kyi thog ma longs spyad par bya'o zhes bya ba'i bar gong ma bzhin du gsungs pa dang / dge slong rnams kyis khyim pa rgan pa dag la bsnyen bkur byed/ bla mar byed/ rjed par byed/ mchod par byed pa na bram ze dang khyim bdag dad pa can rnams smod par byed/ gzhog 'phyas byed/ kha zer bar byed de/ 'phags pa dag bdag cag ni 'dod pa la spyod pa lags/ 'dod pa'i 'dam du bying ba lags na ci'i slad du khyed bdag cag la bsnyen bkur bgyid ces pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag ngas rab tu byung ba rnams la dgongs te gsungs pa yin gyi/ khyim pa rnams la ni ma yin no/ /dge slong rnams kyis gzhan mu stegs can rgan pa dag mthong nas bsnyen bkur byed/ bla mar byed/ rjed par byed/ mchod par byed nas bcom ldan 'das kyis bka' stsal pa/ dge slong dag ngas chos 'di pa rnams la dgongs te gsungs pa yin gyi phyi rol pa rnams la ni ma yin no/ /de rnams kyis rab tu byung ba'i dge tshul rgan po dag mthong nas bsnyen bkur byed/ bla mar byed/ rjed par byed/ mchod par byed nas bcom ldan 'das kyis bka' stsal pa/ dge slong dag ngas bsnyen par rdzogs pa rnams la dgongs nas gsungs pa yin gyi/ dge tshul rnams la ni ma yin no/ /de rnams kyis rgan po gsar du bsnyen par rdzogs pa dag la bsnyen bkur byed/ bla mar byed/ rjed par byed/ mchod par byed nas bcom ldan 'das kyis bka' stsal pa/ phan tshun lo'i dang po dris nas phyag bya'o/ /de rnams kyis dris pa las na tshod kyis lo smras pa dang bcom ldan 'das kyis bka' stsal pa/ bsnyen par rdzogs pa'i lo'i dang po dri bar bya'o/ /dge slong rnams kyis ji ltar dri ba ma shes nas bcom ldan 'das kyis bka' stsal pa/ re shig dang por dus tshigs dri bar bya'o/ /dge slong rnams kyis dus tshigs du yin pa mi shes nas bcom ldan 'das kyis bka' stsal pa/ dge slong dag dus tshigs ni lnga po 'di dag yin te/ dgun dang / so ka dang / dbyar dang / dbyar thung ngu dang / dbyar ring po'o/ /de la zla ba bzhi ni dgun no/ /zla ba bzhi ni so ka yin no/ /zla ba gcig ni dbyar yin no/ /nyin zhag gcig ni dbyar thung ngu yin no/ /zla ba gsum du zhag gcig gis ma tshang ba ni dbyar ring po yin te/ de ltar dus tshigs de brjod nas sngar bsnyen par rdzogs pa gang yin pa de la phyag bya'o/ /dge slong dag gzhan yang phyag bya ba ni bzhi ste/ gang zhe na/ re shig 'jig rten lha dang bcas pa/ bdud dang bcas pa/ tshangs pa dang bcas pa dang / dge sbyong dang bram ze dang bcas pa'i skye dgu dang / lha dang mir bcas pas phyag bya ba de bzhin gshegs pa dgra bcom pa yang dag par rdzogs pa'i sangs rgyas dang / khyim pa thams cad kyis phyag bya ba rab tu byung ba dang / bsnyen par rdzogs pa thams cad kyis phyag bya ba ni sngar bsnyen par rdzogs pa yin no/ /dge slong ma ma gtogs te/ de ni bsnyen par rdzogs nas lo brgya lon kyang de ring bsnyen par rdzogs pa'i dge slong la phyag bya ba yin no/ /bsnyen par ma rdzogs pa thams cad kyis phyag bya ba bsnyen par rdzogs pa'o/ /phyag mi bya ba bcu ste/ bcu gang zhe na/ spo ba dang / gzhi nas spo ba dang / spo ba spyad pa dang / mgu bar bya ba spyod pa dang / mgu bar bya ba spyad pa dang / ma mthong bas gnas nas phyung ba dang / phyir mi byed pas gnas nas phyung ba dang / sdig pa'i lta bar song ba mi 'dor ba gnas nas phyung ba dang / khyim pa thams cad dang / bsnyen par rdzogs pa ma yin pa thams cad do/ /gang gi tshe bcom ldan 'das kyis ji ltar rgan pa'i bca' ba mdzad pa de'i tshe dge slong rnams gcig la gcig bsnyen bkur byed/ bla mar byed/ rjed par byed/ mchod par byed do/ /de rnams gcig la gcig bsnyen bkur byed/ bla mar byed/ rjed par byed/ mchod par byed pa na chu'i nang gi ut+pal ji lta ba bzhin du dge ba'i chos kyis 'phel bar gyur to/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa gang gi tshe ji ltar rgan pa'i bca' ba mdzad pa de'i tshe dge slong gcig la gcig gis bsnyen bkur bgyid/ bla mar bgyid/ rjed par bgyid/ mchod par bgyid do/ /de rnams gcig la gcig bsnyen bkur bgyid/ bla mar bgyid/ rjed par bgyid/ mchod par bgyid pa na chab kyi nang gi ut+pa la ji lta ba bzhin dge ba'i chos kyis 'phel bar gyur pa la gzigs/ bcom ldan 'das kyis bka' stsal pa/ dge slong dag da ltar nga 'dod chags dang bral/ zhe sdang dang bral/ gti mug dang bral/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa las grol te thams cad mkhyen pa/ rnam pa thams cad mkhyen pa/ thams cad mkhyen pa/ shes bya thams cad la mnga' brnyes pas ji ltar rgan pa'i bca' ba mdzad de/ ji ltar rgan pa de la brten nas dge slong rnams gcig la gcig bsnyen bkur byed/ bla mar byed ces bya ba nas chu'i nang gi ut+pal ji lta ba bzhin du zhes bya ba'i bar gang yin pa 'di la ngo mtshar ci zhig che/ gang gi tshe nga 'dod chags dang bcas/ zhe sdang dang bcas/ gti mug dang bcas/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa las ma grol zhing rnam par ltung ba'i lus kyis ji ltar rgan pa'i bca' ba mdzad de/ ji ltar rgan pa de la brten nas 'dzam bu'i gling na gnas pa'i skye bo'i tshogs phal cher sum bcu rtsa gsum pa'i lha'i ris gya nom par skyes pa gang yin pa de nyon cig /dge slong dag sngon byung ba yul ka sh-i'i nags stug po zhig na srog chags bzhi gnas pa gong ma sreg dang / ri bong dang / spre'u dang / glang po che'o/ /de dag kyang phan tshun yid gcugs pas lhan cig gnas shing 'thun pa dang / yang dag par dga' ba dang / rtsod pa med pa dang / dogs pa med cing dga' ba'i spyod lam gyis gnas pas dus 'da' bar byed do/ / ji tsam dus gzhan zhig na de rnams kyi blo skyes pa/ shes ldan dag bdag cag la phan tshun yid gcugs pa lhan cig gnas shing 'thun pa dang / yang dag par dga' ba dang / rtsod pa med pa ni yod na 'on kyang bdag cag gis gang la bsnyen bkur bya/ bla mar bya/ rjed par bya/ mchod par bya ba mi shes kyis/ ma la bdag cag gis rgan pa ji lta ba'i bca' ba bya'o/ /de rnams phan tshun du gros bya bar brtsams pa/ bdag cag gi nang na su rgan/ de nas gong ma sreg gis shing n+ya gro d+ha zhig bstan nas/ shes ldan dag sus shing n+ya gro d+ha 'di'i tshad ji tsam pa mthong / glang po ches smras pa/ kho bo khyu dang lhan cig lam 'di nas 'gro ba na 'di'i srid kho bo'i lus dang mnyam pa kho na mthong ngo / /spre'u yis smras pa/ kho bo khyu dang lhan cig lam 'di nas 'gro ba na 'di'i srid kho bo dang mnyam pa kho na mthong ngo / /de dag gis smras pa/ de bas khyod rgan no/ /ri bong gis smras pa/ kho bos 'di'i lo ma gnyis skyes pa na lo ma'i zil pa'i thigs pa lces bldags so/ /de dag gis smras pa/ 'di dag pas kyang khyod rgan no/ /gong ma sreg gis smras pa/ khyed cag gis shing n+ya gro d+ha'i tshad chen po'i rnam pa 'di mthong ngam/ de rnams kyis smras pa/ 'di mthong ngo / kho bos sa bon rnams zos nas phyogs 'dir rtug pa bor ba de las skyes pa ni 'di yin no/ /de rnams kyis smras pa/ gal te de lta na bdag cag thams cad kyi nang na khyod rgan no/ /de nas glang po ches thams cad la bsnyen bkur bya bar brtsams so/ / spre'u yis ri bong dang gong ma sreg la'o/ /ri bong gis ni gang ma sreg kho na la ste/ de rnams de ltar rgan rims ji lta ba bzhin du bsnyen bkur byed cing nags stug po de na phan tshun du rgyu zhing gang gi tshe ya nga ba dang gzar bo'i phyogs su 'gro dgos pa de'i tshe glang po che la spre'u/ spre'u la ri bong / ri bong la gong ma sreg zhon no/ /sdug pa 'phel zhing zhe sa dang bcas pa de rnams yang 'di lta bu'i blo skyes te/ shes ldan dag bdag cag la sdug pa 'phel zhing zhe sa dang bcas pa ni yod kyis re shig dge ba gzhan yang cung zad gcig blangs te 'jug par bya'o/ /ci ltar bya/ gong ma sreg gis smras pa/ srog gcod pa las slar ldog par bya'o/ /bdag cag gi srog gcod pa ci 'dra ba zhig yin/ gong ma sreg gis smras pa/ lo ma dang / me tog dang / 'bras bu srog chags dang bcas pa yang yod/ srog chags med pa yang yod pas de bas bdag cag gis deng phyin chad srog chags dang bcas pa ni spangs la srog chags med pa ni longs spyad par bya'o zhes de rnams kyis srog chags dang bcas pa ni spangs shing srog chags med pa longs spyad par brtsams so/ /de rnams 'di snyams du sems te/ bdag cag la srog gcod pa las slar log pa ni yod na/ ma byin par len pa las ma yin pas/ ma la bdag cag gis ma byin par len pa las slar log par bya'o/ /bdag cag gi ma byin par len pa ci 'dra ba zhig yin/ gong ma sreg gis smras pa/ yongs su 'dzin pa dang bcas pa'i rtsa ba dang / lo ma dang / me tog dang / 'bras bu yang yod/ 'dzin pa med pa yang yod pas de bas na bdag cag gis deng phyin chad yongs su 'dzin pa dang / bcas pa ni spangs la 'dzin pa med pa ni longs spyad par bya'o zhes de rnams kyis yongs su 'dzin pa dang bcas pa ni spangs te 'dzin pa med pa ni longs spyad par brtsams so/ /de rnams 'di snyam du sems te/ bdag cag la ma byin par len pa las slar log pa ni yod na/ 'dod pas log par g.yem pa las ma yin pas ma la bdag cag gis 'dod pas log par g.yem pa las slar ldog par bya'o/ /bdag cag gi 'dod pas log par g.yem pa ci 'dra ba zhig yin/ gong ma sreg gis smras pa/ bdag cag bgrod par bya bar yang 'gro/ bgrod par bya ba ma yin par yang 'gro bas/ de bas na bdag cag gis deng phyin chad bgrod par bya ba kho na bgrod par bya'i/ bgrod par bya ba ma yin pa ni ma yin no zhes de rnams bgrod par bya ba bgrod kyi/ bgrod par bya ba ma yin pa ni ma yin no/ /de rnams 'di snyam du sems te/ bdag cag la 'dod pas log par spyod pa las slar log pa ni yod na/ brdzun du smra ba las ma yin gyis/ ma la bdag cag gis brdzun du smra ba las slar ldog par bya'o/ /bdag cag gi brdzun du smra ba ci 'dra ba zhig yin/ gong ma sreg gis smras pa/ bdag cag ci yang rung ba smra bas de bas na bdag cag gis deng phyin chad ci yang rung ba smra bar mi bya zhing brtags shing brtags pa'i tshig gis dus su smra bar bya'o zhes de rnams kyis ci yang rung ba mi smra zhing ci yang brtags shing brtags pa'i tshig dus su smra'o/ /de rnams 'di snyam du sems te/ bdag cag la brdzun du smra ba las slar log pa ni yod na/ 'bru'i chang dang sbyar ba'i chang myos par 'gyur ba bag med pa'i gnas las ma yin pas ma la bdag cag gis 'bru'i chang dang sbyar ba'i chang myos par 'gyur ba bag med pa'i gnas las slar ldog par bya'o/ /bdag cag gi 'bru'i chang dang sbyar pa'i chang myos par 'gyur ba bag med pa ci 'dra ba zhig yin/ gong ma sreg gis smras pa/ myos par 'gyur ba'i 'bras bu gang yin pa dag kyang yod/ myos par mi 'gyur ba gang yin pa dag kyang yod pas de bas na bdag cag gis deng phyin chad myos par 'gyur ba'i 'bras bu gang dag yin pa spangs la myos par mi 'gyur ba'i 'bras bu gang dag yin pa ni longs spyad par bya'o zhes de rnams kyis myos par 'gyur ba'i 'bras bu gang dag yin pa ni spangs te/ myos par mi 'gyur ba'i 'bras bu gang dag yin pa longs spyad par brtsams so/ /gang gi tshe de rnams brtul zhugs kyi gzhi lnga la rab tu gnas pa de'i tshe gong ma sreg gis smras pa/ shes ldan dag bdag cag la brtul zhugs kyi gzhi lnga la rab tu gnas pa ni yod kyis/ ma la bdag cag gis gzhan dag kyang brtul zhugs kyi gzhi lnga la rab tu 'god par bya'o/ /de rnams kyis smras pa/ de bzhin du bya'o/ /bdag cag gi nang nas sus su dag rab tu dgod par bya/ spre'u yis smras pa/ kho bos ni spre'u thams cad rab tu dgod par bya'o/ /de nas ri bong gis smras pa/ kho bos ni ri bong dang spu can thams cad rab tu dgod par bya'o/ /glang po ches smras pa/ gal te de lta na kho bos ni/ glang po che dang / seng ge dang / stag dang / gung thams cad rab tu dgod par bya'o/ /gong ma sreg gis smras pa/ gal te de lta na mdor na khyed kyis 'dul ba ma yin pa rkang pa med pa dang / rkang pa gnyis pa dang / rkang pa bzhi pa dang / 'dab chags gang yin pa de thams cad kho bos brtul zhugs kyi gzhi lnga la rab tu dgod par bya'o/ /de nas de rnams kyis yul ka shi na dud 'gro'i skyes gnas su song ba'i srog chags ji snyed pa de dag thams cad brtul zhugs kyi gzhi lnga la rab tu bkod do/ /de rnams gcig la gcig gnod pa mi byed cing nags stug po de na shes bzhin gyi gnas pas ci dga' bar gnas pa de rnams kyi mthus lhas dus su char phab pas rtag tu me tog dang 'bras bu'i shing dang lo tog dang ldan par gyur to/ /mi rnams kyis de dag gcig la gcig gnod pa mi byed par gnas pas rtag tu me tog dang 'bras bu'i shing dang lo tog dang ldan par mthong ba dang rgyal pos smras pa/ ngas chos bzhin gyis rgyal srid byas te/ 'di ni nga'i mthu yin no/ /btsun mo dang / gzhon nu rnams dang / blon po rnams dang / khrom gyi ru pa rnams dang / grong mi dang / yul mi rnams kyis smras pa/ 'di ni bdag cag gi mthu yin no/ /rgyal pos bsams pa/ 'di dag thams cad 'di ni bdag gi mthu yin no/ /'di ni bdag gi mthu yin no zhes smra na/ 'di su'i mthu yin pa mi shes so snyam nas de ngo mtshar skyes te/ des ltas mkhan rnams bkug nas smras pa dang / de rnams kyis kyang ma shes so/ /ji tsam na bA rA Na sI dang ha cang yang mi ring ba'i skyed mos tshal zhig yod de/ de na drang srong mngon par shes pa lnga dang ldan pa zhig gnas te/ bA rA Na sI na gnas pa'i skye bo'i tshogs mtha' dag gis mchod cing rjed cing mngon du smra bar bya ba zhig yod do/ /de nas rgyal po drang srong de'i drung du song nas rkang pa gnyis la gtugs te smras pa/ drang srong chen po bdag gi yul na dud 'gro'i skye gnas su song ba'i srog chags ji snyed pa de dag thams cad gcig la gcig gnod pa mi byed cing shes bzhin gyi gnas pas ci dga' bar gnas pas lhas dus su char phab pas sa rtag tu me tog dang 'bras bu'i shing dang / lo tog dang ldan par gyur pa dang bdag ni 'di snyam du sems te/ bdag gis chos bzhin gyis rgyal srid byas pas 'di ni bdag gi mthu yin no snyam du sems so/ /btsun mo dang / gzhon nu rnams dang / blon po rnams dang / khrom gyi ru pa dang / yul mi dang / grong gi mi rnams kyis kyang 'di ni bdag cag gi mthu yin no snyam du sems te bdag kyang ngo mtshar chen po skyes na/ de'i phyir 'di su'i mthu lags pa the tshom gcad pa'i rigs so/ /des smras pa/ rgyal po chen po 'di ni khyod kyi mthu ma lags te/ btsun mo'i ma lags/ gzhon nu rnams kyi ma lags/ blon po rnams kyi ma lags/ khrom gyi ru pa'i ma lags grong mi'i ma lags/ yul gyi mi'i ma lags te/ 'on kyang khyod kyi yul na srog chags bzhi gnas te/ 'di ni de dag gi mthu yin no/ /rgyal pos smras pa/ gal te de lta na re shig bltas mchi'o/ /drang srong gis smras pa/ rgyal po chen po khyod kyis de rnams blta ci 'tshal/ 'on kyang de rnams kyis yang dag par blangs te spyad pa gang lags pa de yang dag par blangs te spyad mdzod cig /de rnams kyis ci zhig yang dag par blangs te spyad/ brtul zhugs kyi gzhi lnga'o/ /drang srong chen po brtul zhugs kyi gzhi lnga ci 'dra ba zhig lags/ rgyal po chen po de rnams ni srog chags rnams kyi srog mi gcod/ gzhan gyi bdog pa mi 'phrog /bgrod par bya ba ma yin pa bgrod par mi byed/ /brdzun gyi tshig mi smra/ myos par 'gyur ba'i btung ba mi mthung ngo / /rgyal pos smras pa/ drang srong chen po gal te de lta na bdag gis kyang brtul zhugs kyi gzhi lnga po 'di dag yang dag par blangs te spyad par bya'o/ /de nas rgyal po des brtul zhugs kyi gzhi lnga yang dag par blangs te spyad par brtsams so/ /rgyal pos brtul zhugs kyi gzhi lnga yang dag par blangs te spyad pa dang / btsun mo rnams kyis kyang brtul zhugs kyi gzhi lnga yang dag par blangs te spyad par brtsams so/ /gzhon nu rnams dang / blon po rnams dang / khrom gyi ru pa dang / grong mi dang / yul mi rnams kyis kyang brtul zhugs kyi gzhi lnga yang dag par blangs te spyad par brtsams so/ /khams kyi rgyal phran rnams kyis rgyal po tshangs byin btsun mo dang / gzhon nu rnams dang / blon po rnams dang / khrom gyi ru pa rnams dang / grong mi dang / yul mir bcas pa'i brtul zhugs kyi gzhi lnga yang dag par blangs te spyod do zhes thos so/ /thos nas de rnams kyang btsun mo rnams dang / gzhon nu rnams dang / blon po rnams dang / khrom gyi ru pa rnams dang / grong mi rnams dang / yul mi rnams dang / lhan cig tu brtul zhugs kyi gzhi lnga yang dag par blangs te spyad par brtsams so/ /'dzam bu'i gling gi skye bo'i tshogs thams cad las phal cher brtul zhugs kyi gzhi lnga yang dag par blangs te spyad par brtsams so/ /de'i tshe 'dzam bu'i gling pa 'chi ba'i dus byed na/ de lus zhig nas sum bcu rtsa gsum pa'i lha gya nom pa rnams su skyes so/ / de nas lha rnams kyi dbang po brgya byin gyis lha'i 'khor rgyas par mthong nas tshigs su bcad de smras pa/ gus bcas zhe sar bcas pa dag /dka' thub tshal na gnas pa yi/ /gong ma sreg gi tshangs spyod dag / 'jig rten so sor rab tu bstan/ /bcom ldan 'das kyis bka' stsal pa/ dge slong dag 'di ji snyam du sems/ de'i tshe de'i dus kyi gong ma sreg gang yin pa de ni nga nyid yin no/ /ri bong ni dge slong shA ri'i bu yin no/ /spre'u ni mod gal gyi bu yin no/ /glang po che ni kun dga' bo yin no/ /de'i tshe yang ngas rgan pa ji lta bu'i bca' ba mdzad de/ rgan pa ji lta ba de la brten nas 'dzam bu'i gling na gnas pa'i skye bo'i tshogs phal cher sum bcu rtsa gsum pa'i lha'i ris rnams su skyes so/ da ltar yang ngas rgan pa ji lta ba'i bca' ba mdzad de/ rgan pa ji lta ba de la brten nas dge slong rnams gcig la gcig bsnyen bkur byed/ bla mar byed/ rjed par byed/ mchod par byed pas chu'i nang gi ut+pa la ji lta ba bzhin du dge ba'i chos kyis 'phel bar gyur to/ /dge slong dag de lta bas na tshangs pa mtshungs par spyod pa'i gnas brtan dang / bar ma dang / gsar bu rnams la bkur sti dang bcas/ zhe sa dang bcas/ 'jigs pa'i dbang du 'gro ba dang bcas pas gnas par bya'o/ /dge slong dag de ci'i phyir zhe na/ re shig dge slong de gnas brtan dang / bar ma dang / gsar bu rnams la bkur sti med/ zhe sa med cing 'jigs pa'i dbang du mi 'gro bas gnas na kun du spyod pa'i chos yongs su rgyas par 'gyur ba'i gnas 'di med do/ /kun du spyod pa'i chos yongs su ma rgyas par slob pa'i chos rnams yongs su rgyas par 'gyur ba'i gnas 'di med do/ /slob pa'i chos rnams yongs su ma rgyas par tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po yongs su rgyas par 'gyur ba'i gnas 'di med do/ /rnam par grol ba'i ye shes mthong ba'i phung po yongs su ma rgyas par len pa med par yongs su mya ngan las 'da' bar 'gyur ba'i gnas 'di med do/ /dge slong dag re shig dge slong de tshangs pa mtshungs par spyod pa'i gnas brtan dang / bar ma dang / gsar bu rnams la bkur sti dang bcas/ zhe sa dang bcas/ 'jigs pa'i dbang du 'gro ba dang bcas pas gnas na kun du spyod pa'i chos yongs su rgyas par 'gyur ba'i gnas 'di yod do/ /kun du spyod pa'i chos yongs su rgyas na slob pa'i chos rnams yongs su rgyas par 'gyur ba'i gnas 'di yod do/ /slob pa'i chos rnams yongs su rgyas na tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po yongs su rgyas par 'gyur ba'i gnas 'di yod do/ /rnam par grol ba'i ye shes mthong ba'i phung po yongs su rgyas na len pa med par yongs su mya ngan las 'das par 'gyur ba'i gnas 'di yod do/ /dge slong dag de lta bas na 'di ltar bslab par bya ste/ gnas brtan dang / bar ma dang / gsar bu rnams la bkur sti dang bcas/ zhe sa dang bcas/ 'jigs pa'i dbang du 'gro ba dang bcas pas gnas par bya ste/ dge slong dag khyed kyis de lta bu la bslab par bya'o/ /gang gi tshe bcom ldan 'das kyis lnga sde btul ba de rnams dgon pa na gnas te/ de rnams dgon pa na gnas pa na seng ge dang / stag dang / gung dang / chom rkun pa rnams kyi bgrod par gyur to/ bcom ldan 'das kyis dgongs pa/ gang du sngon gyi yang dag par rdzogs pa'i sangs rgyas rnams kyi nyan thos rnams kyis gnas rung bar gyur snyam na/ gtsug lag khang yin par gzigs so/ /lha rnams kyis kyang de bzhin du bcom ldan 'das la gsol to/ /de'i tshe bA rA Na sI na khyim bdag dge bzang zhes bya ba zhig gnas pa de dge ba'i rtsa bas sems kyi rgyud bskul nas 'di snyam du sems te/ kye ma'o bdag gis bcom ldan 'das kyi nyan thos rnams kyi gtsug lag khang brtsig go snyam nas/ de nang par sngar langs te bcom ldan 'das ga la ba der song nas phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ / phyogs gcig tu 'dug pa dang bcom ldan 'das kyis khyim bdag dge bzang la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / / de nas khyim bdag dge bzang stan las langs te bla gos phrag pa gcig tu gzar nas bcom ldan 'das ga la ba de logs su thal mo sbyar te bcom ldan 'das la 'di skad ces gsol to/ /bcom ldan 'das kyis gal te gnang na/ 'di ltar bdag gis bcom ldan 'das kyi nyan thos rnams kyi gtsug lag khang brtsig lags so/ /bcom ldan 'das kyis bka' stsal pa/ khyim bdag de lta bas na rjes su gnang gis rtsigs shig /des ci 'dra ba rtsig pa ma shes nas/ bcom ldan 'das kyis bka' stsal pa/ gal te gnas khang gsum brtsig na dbus su dri gtsang khang brtsig par bya zhing / g.yas g.yon du gnas khang gnyis te/ de ltar na ngos gsum pa la ni gnas khang dgu'o/ /ngos bzhi pa la ni dri gtsang khang gi thad ka dbus su sgo gsum gdod par bya zhing g.yas g.yon du gnas khang gnyis so/ /du rtseg tu bya ba ma shes nas bcom ldan 'das kyis bka' stsal pa/ dge slong rnams kyi gtsug lag khang ni lnga rtseg tu bya'o/ / dri gtsang khang ni bdun rtseg tu bya'o/ /sgo khang steng gi bsil khang yang bdun rtseg tu bya'o/ /dge slong ma rnams kyi gtsug lag khang ni sum rtseg tu bya'o/ /dri gtsang khang ni lnga rtseg tu bya'o/ /sgo khang steng gi bsil khang yang lnga rtseg tu bya'o/ /de'i tshe mnyan yod na khyim bdag sbyin pa zhes bya ba phyug pa nor mang ba longs spyod che ba/ yongs su gzung ba rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas pa des rigs mnyam ba las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed de/ de rtse bar byed/ dga' bar byed/ dga' mgur spyod par byed pa las dus gzhan zhig na chung ma sems can dang ldan par gyur nas/ de zla ba brgyad dam dgu 'das nas khye'u zhig btsas te/ de'i btsas ston nyi ma bdun gsum nyi shu gcig tu rgya cher byas nas ming 'dogs par byed de/ khye'u ming cir gdags/ nye du dag gis smras pa/ khye'u 'di khyim bdag sbyin pa'i bu yin pas/ de'i phyir khye'u'i ming ni bzang sbyin du gdags so zhes de'i ming ni bzang sbyin zhes bya bar btags te/ khye'u bzang sbyin ma ma brgyad po pang na thogs pa'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs byed pa'i ma ma gnyis la rjes su gtad nas/ de ma ma brgyad po dag gis 'o ma dang / zho dang / mar dang / zhun mar dang / mar gyi snying po dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin du myur du skyed par byed do/ /de dus gzhan zhig na rgyan thams cad kyis brgyan nas ma ma'i pang na 'dug ste phyir byung ba dang / slong bas rgyan bslangs pa/ gzhon nu bdag la rgyan dgos kyis bdag la rgyan byin cig /de dga' ba dang mgu bas de la rgyan byin no/ /de khyim du zhugs pa dang de'i phas ma ma la dris pa/ gzhon nu'i rgyan ga re/ des smras pa/ gzhon nus slong ba po la stsal to/ /de rgyan gzhan dag gis brgyan na de yang byin no/ /de yang brgyan na de yang des byin nas khyim bdag des chung ma la smras pa/ bzang mo bdag cag gi bu ni bzang po zhig btsas te rtag tu sbyin pa la mngon par dga'o/ /des smras pa/ rje'i sras gal te de lta na slan chad rgyan de lta bu ni mi bgyid do/ /des smras pa/ bzang mo bdag cag la gser dang rin po che tshad med pa yod mod kyi/ rgyan brdung ba med pas 'di mdor na phyi rol du btang bar mi bya'o zhes de nang kho na na rtsen du 'jug go/ /ji tsam na dus gzhan zhig na khyim bdag sbyin pa gla mi'i skye bos yongs su bskor nas 'bab chu a dzi ra ba ti la khrus byed du chas pa dang khye'u bzang byin gyis smras pa/ yab bdag kyang mchi'o/ /des de la brid par brtsams te bu 'di nyid na chu bzang po yod do/ /'bab chu ni chu srin 'dzin khris gang ba yin pas khyod 'dir ma mas khrus byos shig /des ngus so/ /de'i mas smras pa/ rje'i sras khye'u 'di ci'i slad du ngu / des ji ltar gyur pa rnams smras pa dang / des smras pa/ rje'i sras khyod kyis lhag par bsrungs par gyur na lhan cig bzhud pa la nongs pa ci mchis/ des de khrid de 'bab chu'i ngogs su song nas khrus byas te chu 'gram du bzhag go/ /des smras pa/ yab ci'i slad du bdag bsrung bar mdzad/ bu khyod la nyes pa yod do/ /yab bdag la nongs pa ci 'dra ba zhig mchis/ rgyan byin zhing byin pa dag slong ba rnams la byin pas so/ /yab ci nor don du gnyer ba lags sam/ bu su zhig don du mi gnyer/ yab gal te de lta na bdag cag chab tu 'jug tu stsol cig /des de chur bcug pa dang / de nas de'i lag pa gnyis chu nang du bcug nas/ lcags kyi bum pa gser gyis gang ba zhig phyung nas smras pa/ yab 'di las khyod ji tsam bzhed pa'i nor gyis nor gyi bya ba mdzod la lhag ma 'di nyid du chug shig /bu khyod kyis ci chu nang na yod pa'i gter mthong ngam/ yab chu na mchis pa 'ba' zhig tu ma bas kyi/ thang la mchis pa dang / bdag po mchis pa dang / bdag po ma mchis pa dang / gang dag ring po na mchis pa dang / gang dag nye ba na mchis pa yang mthong ngo / /khyim bdag sbyin pa ngo mtshar skyes pa'i mig bgrad de bsams pa/ nor gyi bdag po 'di lta bus ni sbyin ba btang bar nus so snyam du rig nas smras pa/ bu gal te de lta na ci dga' bar sbyin pa byin cig /'di ni chos nyid yin te/ ji tsam pha gson pa de'i bar du bu'i grags pa mi 'byung ba yin no/ /ji tsam dus gzhan zhig na khyim bdag sbyin pa shi nas bzang sbyin khyim gyi rje bor gyur nas/ de rtag tu mgon med pa rnams la zas sbyin pas kun du khyim bdag sbyin pa'i bu bzang sbyin khyim gyi rje bor gyur te/ de mgon med pa rnams la zas sbyin no zhes sgra grags pas de'i ming khyim bdag mgon med zas sbyin khyim bdag mgon med zas sbyin zhes bya bar grags so/ /de nas des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed de/ de rtse bar byed/ dga' bar byed/ dga' mgur spyod par byed pa las khye'u zhig btsas so zhes bya ba nas khye'u bdun btsas so zhes bya ba'i bar du ste/ des drug la khyim phub bo/ /bdun pa legs skyes zhes bya ba de'i chung ma rigs mnyam pa las chung ma btsal na ma rnyed nas de 'gram pa la lag pa gtad de sems khongs su chud cing 'dug go/ /de'i ne'u zla bram ze'i khye'u sbrang rtsi'i phung po zhes bya ba des de de ltar sems khongs su chud pa mthong nas des smras pa/ khyim bdag khyod ci'i phyir lag pa 'gram pa la gtad de sems khongs su chud cing 'dug /des smras pa/ bdag gis bu drug ni khyim phubs na bdun pa legs skyes kyi chung ma rigs mnyam pa gang las 'di khyim dbub pa gang yin pa de sems mod/ des smras pa/ sems las chung ngur 'dug shig dang / 'di'i chung ma kho bos rigs mnyam pa las btsal lo/ /yul gang du/ des smras pa/ re shig yul ma ga d+har 'gro'o/ /de bzhin du byos shig /de rgyal po'i khab tu phyin pa dang rgyal po'i khab na khyim bdag phyug pa nor mang ba longs spyod che ba khyim bdag mgon med zas sbyin dang mtshungs pa gzhan zhig gnas pa de'i khyim du zhugs nas sgo khang du 'dug ste smras pa/ bkra shis par gyur cig /khyim de'i skye bos smras pa/ bram ze ci zhig slong / bu mo slong ngo / / su'i phyir/ mnyan yod na khyim bdag mgon med zas sbyin gyi bu legs skyes zhes bya ba de'i'o/ /de rnams kyis smras pa/ bdag cag rigs ni mnyam na/ 'on kyang kho bo cag la gnyod mang du dgos so/ /mang khyad ji snyed/ gangs can ri'i glang po che brgya/ rta brgya/ gser gyi rgyan brgya/ dre'u yi shing rta brgya/ tho gar yul gyi bu mo brgya/ bram ze'i khye'u sbrang rtsi'i phung pos khyim bdag mgon med zas sbyin la don de'i phyir yi ge spring ba dang / des kyang blags nas thams cad sbyar gyis longs shig ces yi ge'i lan spring ngo / /des nyin zhag dang / tshes grangs dang / yud tsam dag bstun nas blangs pa dang / de nas des gtsang zhing bsod pa'i kha zas mang pos tshim par byas nas bram ze'i khye'u zhig gi khyim du song ste gnas btab ba dang / 'khru bas thebs nas bram ze rnams dang ngo shes pa ma yin pas de rnams mi gtsang bas skrag pas phyir phyung ste bor ba dang stes te tshe dang ldan pa shA ri'i bu dang / maud gal gyi bu gnyis phyogs der phyin pa de gnyis kyis de mthong ngo / /de nas de gnyis kyis smyug ma'i tshal pas bzhar nas sa dkar pos bskus te bkrus nas de la chos bshad nas dong ngo / /de 'khru ba 'chad tu ma btub nas des de gnyis la sems dad pa skyed nas shi ba dang rgyal chen bzhi'i ris kyi lha rnams kyi nang du skyes nas/ de rgyal po chen po rnam thos kyi bu'i drung du song ste gnas bslangs pa dang des smras pa/ khyod song la de nyid du lho sgor gnas thob shig /des der song ste gnyug mar gnas par gyur to/ / lus 'phags kyi rgyal pos rgyal po gzugs can snying po la gangs can ri'i glang po che brgya skyes su bskur ba dang / des ko sa la'i rgyal po gsal rgyal la kho bo la lus 'phags kyi rgyal pos gangs can gyi ri'i glang po che brgya skyes su bskur gyis/ gal te dgongs par gyur na len pa thong shig ces spring ngo / /de nas khyim bdag mgon med zas sbyin ko sa la'i rgyal po gsal rgyal gang na ba der song ste phyin pa dang ko sa la'i rgyal po gsal rgyal la 'di skad ces smras so/ /lha bdag rgyal po'i khab tu bgyi ba cung zad gcig la der mchi ste slar mchi'o/ /rgyal pos smras pa/ legs kyis song la de nas nga'i glang po che brgya zhig blang dgos pa de dag kyang ded de shog shig /des smras pa/ lha gal te der bdag la 'tshal ba ma mchis na blangs la 'dir mchis nas lha'i thugs mnyes par bgyi'o/ /rgyal pos smras pa/ legs kyis de bzhin du byos shig /de nas khyim bdag mgon med zas sbyin gnyod mang du khyer nas rgyal po'i khab tu phyin to/ /de khyim bdag gang gi khyim du gnas btab pa'i khyim bdag de de nyid kyi mtshan mo langs te nang mi rnams la bsgo ba/ nang rje dag longs shig /bzhin bzangs dag longs shig /shing rnams gshegs shig /me dag bus shig /'bras chan tshos shig /tshod ma tshos shig /bca' ba dag bzang du gyis shig /ka tsha'i zhal ta dag gyis shig /de nas khyim bdag mgon med zas sbyin 'di snyam du sems te/ ci khyim bdag 'di bag ma len tam/ bag ma gtong ngam/ yul mi rnams 'dis zas la mgron du bos sam/ tshong pa 'am/ tshogs sam/ 'khor tam/ 'dis ma ga d+ha'i rgyal po gzo sbyangs gzugs can snying po zas la spyan drangs sam snyam du bsams nas/ khyim bdag de la 'di skad ces smras so/ /khyim bdag ci khyod bag ma len tam/ bag ma gtong ngam/ yul mi rnams khyod kyis zas la mgron du bos sam/ tshong pa 'am/ tshogs sam/ 'khor tam/ khyod kyis ma ga d+ha'i rgyal po gzo sbyangs gzugs can snying po zas la spyan drangs sam/ des smras pa/ khyim bdag kho bo bag ma len pa 'am/ bag ma gtong ba yang med/ kho bos yul mi yang zas la ma bos/ tshong pa ma yin/ tshogs ma yin/ 'khor ma yin/ ma ga d+ha'i rgyal po gzo sbyangs gzugs can snying po yang zas la spyan drangs pa ma yin te/ 'on kyang sangs rgyas la sogs pa dge slong gi dge 'dun gdugs tshod la spyan drangs so/ /khyim bdag mgon med zas sbyin gyis sangs rgyas zhes bya ba'i sgra sngon ma thos pa thos pa dang ba spu'i khung bu thams cad nas spu zing zhes byed nas/ ba spu zing zhes byed pas khyim bdag de la 'di skad ces smras so/ /khyim bdag sangs rgyas zhes bya ba 'di su yin/ khyim bdag dge sbyong gau ta ma shAkya'i sras shAkya'i rigs las skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung nas/ de bla na med pa yang dag par rdzogs pa'i byang chub mngon par rdzogs par sangs rgyas pa zhig yod de/ khyim bdag de ni sangs rgyas shes bya'o/ /khyim bdag dge 'dun zhes bya ba 'di su yin/ khyim bdag rgyal rigs las kyang rigs kyi bu skra dang kha spu bregs te gos ngur smrig bgos nas dad pa yang dag pa kho nas khyim nas khyim med par bcom ldan 'das de kho na rab tu byung ba'i rjes su rab tu byung ba dag yod/ bram ze'i rigs dang / rje'u rigs dang / dmangs rigs las kyang rigs kyi bu skra dang kha spu bregs te gos ngur smrig bgos nas dad pa yang dag pa kho nas khyim nas khyim med par bcom ldan 'das de kho na rab tu byung ba'i rjes su rab tu byung ba dag yod de/ khyim bdag 'di ni dge 'dun zhes bya ba yin te/ sang kho bo'i khyim du sangs rgyas la sogs pa dge slong gi dge 'dun de gdugs tshod la spyan drangs so/ /khyim bdag bcom ldan 'das de da lta gang na bzhugs/ rgyal po'i khab 'di nyid kyi dur khrod kyi bsil ba'i tshal na bzhugs so/ /khyim bdag bcom ldan 'das de bdag cag gis bltar rung ngam/ des 'di skad ces smras so/ /khyim bdag khyod re shig sdod cig dang / gal te 'di nyid du gshegs nas sang mthong bar 'gyur ba'i gnas de yod do/ /de nas khyim bdag mgon med zas sbyin de'i nub mo sangs rgyas la dmigs pa'i dran pas gnyid log ste/ de nam ma langs par nam langs pa'i 'du shes kyis lho sgo gang na ba der song ba dang / de'i tshe pho nya glo bur du 'ong ba dang 'gro ba rnams kyis mi thogs par bya ba'i phyir mtshan mo'i thun dang po dang tha ma gnyis la lho sgo phye ste 'jog go/ /ji tsam na lho sgo phye ba dang snang bas gsal bar gyur pa mthong nas de 'di snyam du sems te/ 'di ltar lho sgo phye ste 'dug pas gdon mi za bar nam langs so snyam du rig nas snang ba de nyid du grong khyer nas byung ba dang / de byung ma thag tu snang ba gang yin pa de med nas slar nam sros par gyur to/ /de yang 'jigs par gyur bag tsha bar gyur zhing spu zing zhes byed par gyur nas bdag mi 'am mi ma yin pa 'am/ g.yon can 'ga' zhig gis gtses te gnyod mang po yang ma son par phrogs par mi 'gyur grang snyam du bsams te slar ldog par 'dod pas lha'i bu sbrang rtsi'i phung po'i 'dug gnas la bskor ba byed cing phyag 'tshal lo/ /de nas lha'i bu sbrang rtsi phung po 'di snyam du sems te/ deng nyid du khyim bdag mgon med zas sbyin gyis bden pa mthong bar 'gyur na/ deng nyid 'di sangs rgyas bcom ldan 'das spangs te lha gzhan la phyag 'tshal bar 'gyur ba snyam du bsams nas/ gang yang lho sgo nas bsil ba'i tshal gyi dur khrod kyi bar snang ba rgya chen pos gsal bar byas nas khyim bdag mgon med zas sbyin la 'di skad ces smras so/ /khyim bdag spyan sngar song shig /slar ma ldog shig /khyod spyan sngar song na legs par 'gyur gyi slar log na ni ma yin no/ /de ci'i phyir zhe na/ /rta brgya dang ni gser rgyan brgya/ /dre'u'i shing rta brgya dang ni/ /sna tshogs nor gyis sbyar ba yi/ /rta rgod ma yi shing rta brgya/ /gom pa gcig cig bor ba yi/ /bcu drug char yang mi phod do/ /khyim bdag spyan sngar song shig /slar ma ldog shig /khyod spyan sngar song na legs par 'gyur gyi slar log na ni ma yin no/ /de ci'i phyir zhe na/ gangs can ri yi glang chen brgya/ /gser dang nor bus brgyan byas la/ /lus che gshol mda'i mche bar ldan/ /ma tang gar skyes stobs po che/ /gom pa gcig cig bor ba yi/ /bcu drug char yang mi phod do/ khyim bdag spyan sngar song shig /slar ma ldog shig khyod spyan sngar song na legs par 'gyur gyis slar log na ni ma yin no/ /de ci'i phyir zhe na/ tho gar yul gyi bu mo brgya/ /nor bu'i rna cha gdub 'khor thogs/ /gser gyi dpung rgyan thogs pa yi/ /mgrin pa rgyan gyis legs brgyan pa/ /gom pa gcig cig bor ba yi/ /bcu drug char yang mi phod do/ khyim bdag spyan sngar song shig /slar ma ldog cig khyod spyan sngar song na legs par 'gyur gyi slar log na ni ma yin no/ /de nas khyim bdag mgon med zas sbyin gyis lha'i bu de la 'di skad ces smras so/ /bzhin bzangs khyod su zhig /khyim bdag kho bo ni khyod kyi grogs po rnying pa bram ze'i khye'u sbrang rtsi'i phung po yin te/ kho bos dge slong shA ri'i bu dang / maud gal gyi bu gnyis la sems dad pa bskyed nas shi ba dang rgyal chen bzhi'i ris kyi lha rnams su skyes te/ lho sgo 'di nyid na gnyug mar gnas so/ /de'i phyir kho bo ni khyod nyid la 'di skad ces/ khyim bdag spyan sngar song shig /slar ma ldog cig khyod spyan sngar song na legs par 'gyur gyi slar log na ni ma yin no zhes smra'o// //'dul ba gzhi/ bam po bdun bcu lnga pa/ de nas khyim bdag mgon med zas sbyin 'di snyam du sems te/ kye ma'o sangs rgyas bcom ldan 'das ni mchog ma yin pa ma yin zhing chos bstan pa yang mchog ma yin pa ma yin te/ de la da ltar lha yang brtson par byed kyis/ bcom ldan 'das de lta bar bya'o snyam du bsams nas bsil ba'i tshal gyi dur khrod gang na ba der song ba dang / de'i tshe bcom ldan 'das gtsug lag khang gi phyi rol bla gab med pa na 'chag cing lhag par yang khyim bdag mgon med zas sbyin 'ong ba la gzhes pa khyim bdag mgon med zas sbyin gyis bcom ldan 'das rgyang ring po kho na nas mthong ngo / /mthong nas kyang bcom ldan 'das gang na ba der song ste phyin pa dang / bcom ldan 'das la khyim bdag gis yang dag par dgyes par 'gyur bas yang dag par dgyes par byed de/ /bcom ldan 'das ji ga bde bar mnal tam/ de nas bcom ldan 'das kyis de'i tshe tshigs su bcad de bka' stsal pa/ gang zhig 'dod pas ma gos la/ /zag med rab tu rnam grol ba/ /mya ngan yongs 'das bram ze ni/ /thams cad du ni bde bar mnal/ /'dir ni re ba kun bcad nas/ /thugs kyi rims nad rnams bsal zhing / /zhi ba thob pa'i thugs kyis ni/ /nye bar zhi ba bde bar mnal/ / de nas bcom ldan 'das kyis khyim bdag mgon med zas sbyin khrid nas gtsug lag khang du zhugs te gdan bshams pa nyid la bzhugs pa dang / khyim bdag mgon med zas sbyin gyis bcom ldan 'das kyi zhabs gnyis la mgo bos phyag byas te phyogs cig tu 'dug go phyogs cig tu 'dug pa dang bcom ldan 'das kyis khyim bdag mgon med zas sbyin la chos dang ldan ba'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ sangs rgyas bcom ldan 'das rnams kyi thog ma'i dus su chos kyi gtam mdzad pa gang yin ba 'di lta ste sbyin pa'i gtam dang / tshul khrims kyi gtam dang / mtho ris kyi gtam 'dod pa rnams ni mnog chung ba dang / nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i phan yon gyi phyogs dang 'thun pa'i chos kyi gtam rgyas par yang dag par bstan to/ /gang gi tshe bcom ldan 'das kyis de dga' ba'i sems dang / dge ba'i sems dang / mgu ba'i sems dang / sgrib pa dang bral ba'i sems dang / skal ba dang ldan zhing yang dag phul gyi chos bshad pa kun shes par nus par gzigs pa de'i tshe sangs rgyas bcom ldan 'das rnams kyis yang dag phul gyi chos bshad pa 'phags pa'i bden pa bzhi po gang yin pa 'di lta ste/ sdug bsngal ba dang / kun 'byung ba dang / 'gog pa dang / lam rgyas par rab tu bstan to/ /de nas khyim bdag mgon med zas sbyin gyis stan de nyid la 'dug bzhin du 'phags pa'i bden pa bzhi po 'di lta ste/ sdug bsngal ba dang / kun 'byung ba dang / 'gog pa dang / lam mngon par rtogs te/ dper na gos gtsang ma nag nog med pa tshon du gzhug par 'os pa tshon gyi nang du bcug na legs par tshon rtsi 'jen du btub pa de bzhin du/ khyim bdag mgon med zas sbyin gyis stan de nyid la 'dug bzhin du 'phags pa'i bden pa bzhi po 'di lta ste/ sdug bsngal ba dang / kun 'byung ba dang / 'gog pa dang / lam mngon par rtogs so/ /de nas khyim bdag mgon med zas sbyin gyis chos mthong ba dang / chos thob pa dang / chos rig pa dang / chos gyi gting slebs pa dang / som nyi las rgal ba dang / the tshom las rgal ba dang / ston pa'i bstan pa la gzhan gyi dring mi 'jog pa dang / gzhan gyis mi bkri ba dang / chos rnams la mi 'jigs pa thob nas stan las langs te bla gos phrag pa gcig tu gzar nas/ bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ btsun pa bdag ni 'phags so/ /mngon par 'phags so/ /bcom ldan 'das dang / chos dang / dge slong gi dge 'dun la bdag skyabs su mchi lags kyi dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /de nas bcom ldan 'das kyis khyim bdag mgon med zas sbyin la 'di skad ces bka' stsal to/ /khyim bdag khyod kyi ming ci/ btsun pa bdag gi ming bzang sbyin lags mod kyi/ mgon ma mchis pa rnams la 'tshal ma stsol bas des na bdag la skye bo rnams kyis mgon med zas sbyin zhes bgyi bar 'tshal to/ /khyim bdag khyod kyi gnas gang yin/ btsun pa yul phra tsi na zhes bgyi ba na ko sa la rnams kyi grong rdal mnyan yod ces bgyi ba de na bdag mchis lags so/ /bcom ldan 'das mnyan yod du gshegs shig dang / bcom ldan 'das dge slong gi dge 'dun dang thabs gcig la bdag ji srid 'tsho'i bar du na bza' chos gos dang / bsod snyoms dang / gzims cha dang / snyun spyad kyi rkyen sman gyi yo byad rnams kyis bsnyen bkur bgyi lags so/ khyim bdag mnyan yod na gtsug lag khang yod dam/ btsun pa ma mchis lags so/ khyim bdag gang na gtsug lag khang yod pa der dge slong rnams 'ong ba dang / 'gro ba dang / gnas par sems so/ /bcom ldan 'das gshegs shig dang / bdag gis ci nas kyang mnyan yod du dge slong rnams mchi ba dang gzhan du mchis pa dang / mchis par sems par 'gyur ba de ltar gtsug lag khang brtsig lags so/ /bcom ldan 'das kyis cang mi gsung bas khyim bdag mgon med zas sbyin la gnang ngo / /de nas khyim bdag mgon med zas sbyin gyis bcom ldan 'das cang mi gsung bas gnang bar rig nas bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / /de nas des rgyal po'i khab tu bsgrub pa dang / bya ba gang yin pa de thams cad byas te grub nas slar bcom ldan 'das gang na ba der song ste phyin pa dang bcom ldan 'das kyi zhabs gnyis la mgo bos phyag 'tshal te bcom ldan 'das la 'di skad ces gsol to/ /bcom ldan 'das bdag gi grogs dge slong gcig stsal du gsol/ bdag de dang lhan cig mnyan yod du bcom ldan 'das kyi slad du gtsug lag khang brtsig lags so/ /bcom ldan 'das kyis dgongs pa dge slong su zhig gis khyim bdag mgon med zas sbyin 'khor dang bcas pa dang mnyan yod na gnas pa'i skye bo'i tshogs 'dul bar 'gyur snyam na/ dge slong shA ri'i bus 'dul bar gzigs nas/ de nas bcom ldan 'das kyis tshe dang ldan pa shA r-i'i bu la bka' stsal pa/ shA r-i'i bu khyim bdag mgon med zas sbyin 'khor dang bcas pa dang mnyan yod na gnas pa'i skye bo'i tshogs la soms shig /tshe dang ldan pa shA r-i'i bus bcom ldan 'das la cang mi smra bas bcom ldan 'das kyi bka' mnyan to/ /de nas khyim bdag mgon med zas sbyin gyis tshe dang ldan pa shA r-i'i bu cang mi smra bas khas blangs par rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas tshe dang ldan pa shA ri'i bu de nyid kyi nub mo 'das nas snga dro sham thabs bgos chos gos dang lhung bzed thogs te rgyal po'i khab tu bsod snyoms la zhugs nas rgyal po'i khab tu bsod snyoms spyad de zas kyi bya ba byas nas/ zas phyi ma'i bsod snyoms spangs te gnas mal ji ltar longs spyad pa mkhos su phab nas lhung bzed dang chos gos blangs te mnyan yod gang na ba der rgyu zhing song ngo / /de nas khyim bdag mgon med zas sbyin lam rgyags mang po khyer nas nub mo nub mo zhing mnyan yod du song ste phyin pa dang / de mnyan yod du ma zhugs pa nyid du kun dga' ra ba nas kun dga' ra ba dang / nags tshal nas nags tshal dang / skyed mos tshal nas skyed mos tshal dang / 'chag sa nas 'chag sa na dpyod cing 'di skad ces smras so/ /mnyan yod dang ha cang yang mi ring la ha cang yang mi nye ba dang / nyin par lang long nyung zhing ku co nyung ba dang / mtshan mo bcom chung ba dang / sgra chung ba dang / sbrang bu dang / sha sbrang dang / rlung dang / nyi ma dang / sdig sbrul gyi reg pa chung ba'i sa phyogs de gang na yod pa der bdag gis bcom ldan 'das kyi phyir gtsug lag khang brtsig go zhes pa las/ khyim bdag mgon med zas sbyin gyis gzhon nu rgyal byed kyi kun dga' ra ba ni mnyan yod dang ha cang yang mi ring ha cang yang mi nye la nyin par lang long nyung zhing ku co nyung ba dang / mtshan mo bcom chung ba dang / sgra chung ba dang / sbrang bu dang / sha sbrang dang / rlung dang / nyi ma dang / sdig sbrul gyi reg pa nyung bar mthong ngo / /mthong nas kyang 'di snyam du sems te/ 'dir bdag gis bcom ldan 'das kyi phyir gtsug lag khang brtsig go snyam nas/ de rang gi khyim du ma song ba nyid du gzhon nu rgyal byed gang na ba der song ste phyin pa dang gzhon nu rgyal byed la 'di skad ces smras so/ /gzhon nu bdag la kun dga' ra ba stsol cig /der bdag gis bcom ldan 'das kyi phyir gtsug lag khang brtsig lags so/ /des smras pa/ khyim bdag de ni nga'i kun dga' ra ba ma yin te/ bskyed mos tshal yin mod kyi de nga'i yin no/ /lan gnyis lan gsum du yang khyim bdag mgon med zas sbyin gyis gzhon nu rgyal byed la 'di skad ces smras so/ /gzhon nu bdag la bskyed mos tshal stsol cig /bdag gis der bcom ldan 'das kyi phyir gtsug lag khang brtsig lags so/ /khyim bdag kun dga' ra ba de gser bye ba gshibs kyang mi gtong ngo / /yang khyim bdag mgon med zas sbyin gyis gzhon nu rgyal byed la 'di skad ces smras so/ /gzhon nus kun dga' ra ba'i rin bcad zin gyis gser dang dbyig long shig /kun dga' ra ba ni bdag gi lags so/ /sus rin bcad/ khyod kyis rin bcad mod/ de gnyis rin bcad do/ /ma bcad do zhes rtsod par gyur nas zhal che gcod pa'i sna chen po la gtogs pa'i mi gang na ba der dong ba dang / de'i bar du 'jig rten skyong ba bzhi 'di snyam du sems te/ khyim bdag mgon med zas sbyin 'di ni bcom ldan 'das kyi phyir gtsug lag khang brtsig par rtsom gyis de'i grogs bya'o snyam nas/ de nas zhal che gcod pa sna chen po la gtogs pa'i cha byad du bdag nyid mngon par sprul nas dgos pa'i phyir 'dus so/ /de nas khyim bdag mgon med zas sbyin dang / gzhon nu rgyal byed gnyis zhal che gcod pa sna chen po la gtogs pa'i mi'i drung du song nas/ khyim bdag mgon med zas sbyin gyis zhal che gcod pa'i sna chen po la gtogs pa rnams la don de rgyas par smras pa dang / de rnams kyis smras pa/ gzhon nus kun dga'i ra ba rin bcad zin gyis gser dang dbyig long shig /kun dga' ra ba ni khyim bdag gi yin no/ /de cang mi smra bar 'dug go/ /khyim bdag mgon med zas sbyin gyis shing rta dang / khur dang / sgye dang / gzeb dang / rnga mo dang / glang dang / bong bu rnams la gser mang po bkal te 'ongs nas rgyal bu rgyal byed kyi tshal thams cad bye bas gshib par brtsams pa dang / sa phyogs 'ga' zhig ma yog pas ma bkram pa nyid du 'dug go/ /de nas khyim bdag mgon med zas sbyin don de sems shing yud tsam cang mi smra bar 'dug ste/ gang gis ma bkram pa'i sa phyogs 'di bkram nas slar yang sba bar bya mi dgos pa'i gter ha cang nyung ba yang ma yin/ ha cang mang po yang ma yin pa de gang yin snyam pa dang / gzhon nu rgyal byed kyis bsams pa/ gdon mi za bar khyim bdag mgon med zas sbyin ni ci'i phyir kun dga' ra ba'i ched du 'di snyed kyi nor gyi phung po yongs su btang zhes 'gyod pa skyes so snyam du bsams nas khyim bdag mgon med zas sbyin la 'di skad ces smras so/ /khyim bdag khyod gal te 'gyod pa skyes na gser dang dbyig khyer cig /kun dga' ra ba ni nga nyid kyi yin no/ /gzhon nu bdag ni 'gyod pa ma skyes te/ 'on kyang don 'di sems shing yud tsam zhig cang mi smra bar 'dug pa ni gang gis ma bkram pa'i sa phyogs 'dir bkram nas slar yang sba bar bya mi dgos pa'i gter ha cang nyung ba yang ma yin/ ha cang mang po yang ma yin pa de gang yin snyam mo/ /de nas gzhon nu rgyal byed 'di snyam du sems te/ kye ma'o sangs rgyas bcom ldan 'das ni mchog ma yin pa ma yin la/ chos bstan pa yang mchog ma yin pa ma yin te/ de la da ltar khyim bdag 'di kun dga' ra ba'i ched du 'di snyed kyi nor gyi phung po chen po yongs su gtong ngo snyam du bsams nas/ khyim bdag mgon med zas sbyin la 'di skad ces smras so/ /khyim bdag ma bkram pa'i sa phyogs 'di kho bo la byin cig /der kho bos bcom ldan 'das kyi phyir sgo khang brtsig par bya'o/ /khyim bdag mgon med zas sbyin gyis gzhon nu rgyal byed la ma bkram pa'i sa phyogs byin nas der gzhon nu rgyal byed kyis bcom ldan 'das kyi phyir sgo khang rtsig tu bcug go/ /de nas khyim bdag mgon med zas sbyin gyis bcom ldan 'das kyi phyir gtsug lag khang brtsig par brtsams pa dang / mu stegs can zhe sdang drag pos kun nas glongs pa'i yid can rnams 'dus nas/ khyim bdag mgon med zas sbyin gang na ba der dong ste lhags pa dang smras pa/ khyim bdag khyod kyis dge sbyong gau ta ma'i phyir gtsug lag khang ma rtsig shig /ci'i phyir kho bo cag gis grong khyer rnams bgos te dge slong gau ta ma'i ni rgyal po'i khab yin no/ /kho bo cag gi ni mnyan yod yin no/ /des smras pa/ khyed cag gis grong khyer rnams bgos kyi/ bdag gi nor ma bgos pas bdag gang la mngon par dga' ba de'i chos kyi phung po brtsig go/ /de rnams rgyal po'i drung du dong ba dang / de yang khyim bdag mgon med zas sbyin gyis pham par byas pa dang / mu stegs spyi rdol can mu cor smra ba rnams kyis smras pa/ khyim bdag khyod 'dod dgur byed du mi gzhug ste/ dge sbyong gau ta ma'i nyan thos kyi mchog 'ongs nas/ gal te de'i shags kyis kho bo cag pham par gyur na gtsug lag khang rtsigs shig /des smras pa/ rung gis re shig 'phags pa shA ri'i bu kho na la brtag go/ /de nas khyim bdag mgon med zas sbyin tshe dang ldan pa shA ri'i bu gang na ba der song ste phyin pa dang tshe dang ldan pa shA ri'i bu'i rkang pa gnyis la mgo bos phyag byas te phyogs cig tu 'dug go/ /phyogs cig tu 'dug nas khyim bdag mgon med zas sbyin gyis tshe dang ldan pa shA ri'i bu la 'di skad ces smras so/ /btsun pa shA ri'i bu mu stegs can rnams 'di skad ces/ khyim bdag khyod 'dod dgur byed du mi gzhug ste/ dge sbyong gau ta ma'i nyan thos kyi mchog 'ongs nas gal te de'i shags kyis kho bo cag pham par gyur na gtsug lag khang rtsigs shig ces mchi na/ de la ji ltar bsgrub par bgyi/ tshe dang ldan pa shA ri'i bus bsams pa/ ci 'di rnams la dge ba'i rtsa ba cung zad yod dam 'on te med ces bsams pa las yod par mthong ngo / /su zhig la rag las par 'gyur snyam na/ bdag kho na la rag las par mthong ngo / /yang bsams pa/ ci 'di snyed cig kho na bdag la rag las pa'i tshig gis 'dul bar 'gyur ram/ 'on te gzhan yang tshig gis 'dul ba yod snyam pa las yod par mthong ngo / /dus ji srid cig na tshogs par 'gyur snyam na/ zhag bdun lon nas so snyam du bsams nas smras pa/ khyim bdag de bzhin du bya ste/ 'on kyang zhag bdun pa'i nyin par bya'o/ /de nas khyim bdag mgon med zas sbyin dga' ba dang mgu ba skyes te/ mu stegs can rnams gang na ba der song nas phyin pa dang mu stegs can rnams la 'di skad ces smras so/ /shes ldan dag shA ri'i bu na re rung gis de bzhin du bya'o/ /'on kyang zhag bdun pa'i nyin par bya'o zhes zer ro/ /de rnams kyis bsams pa/ 'di la ni rgyu gnyis yod par gyur te/ yang na de ni 'bros 'dod do/ /yang na ni de phyogs tshol 'dod do/ /de ma yin na dus der gdab ci dgos bdag cag kyang phyogs btsal lo zhes de rnams kyis phyogs btsal bar brtsams te/ de rnams kyis phyogs btsal ba dang kun du rgyu mig dmar mthong nas de rnams kyis de la smras pa/ khyod dang bdag cag ni tshangs pa mtshungs par spyod pa yin gyis/ dge sbyong gau ta ma'i nyan thos kyi mchog bdag cag gis brtsad pa'i phyir bkug na de phyogs tshol gyis khyod kyang bdag cag gi grogs gyis shig /dus ji tsam zhig na 'di nas zhag bdun pa'i nyin par ro/ /rung gis de bzhin du bya ste/ gang gi tshe khyed cag 'dus par gyur pa de'i tshe kho bo la sbron cig /mu stegs can rnams bag tsha ba dang sems khral skyes nas nyin re zhing phyogs tshol ba dang nyi ma bgrang bar byed do/ /ji tsam na zhag bdun lon pa dang / khyim bdag mgon med zas sbyin gyis bla gab med pa'i sa phyogs yangs par stan shom du bcug go/ /tshe dang ldan pa shA ri'i bu'i ched du yang seng ge'i khri bshams so/ /yul sna tshogs na gnas pa'i mu stegs can rnams kyang 'dus so/ /mnyan yod na gnas pa'i skye bo'i tshogs dang de'i nye 'khor na gnas pa'i srog chags brgya stong phrag du ma dag kyang kha cig ni ngo mtshar skyes so/ kha cig ni sngon gyi dge ba'i rtsa bas bskul nas 'dus par gyur to/ /de nas tshe dang ldan pa shA ri'i bu khyim bdag mgon med zas sbyin 'khor dang bcas pas mdun du bdar nas rtsod pa'i dkyil 'khor du zhugs te 'dul ba'i skye bo rnams la bltas nas dran pa sngon du btang ste/ spyod lam zhi bas seng ge'i khri la 'dzegs nas 'dug pa dang / 'khor thams cad sems mi g.yeng bar tshe dang ldan pa shA ri'i bu la rtog cing 'dug go/ /de nas tshe dang ldan pa shA ri'i bus mu stegs can rnams la smras pa/ shes ldan dag re shig byed dam/ 'on te 'jig /de rnams kyis smras pa/ kho bo cag gis byas khyod kyis shig shig /tshe dang ldan pa shA ri'i bus bsams pa/ gal te bdag gis byas na lha dang bcas pa'i 'jig rten gyis kyang 'jig mi nus na kun du rgyu mig dmar gyis lta smos kyang ci dgos snyam du bsams nas/ kun du rgyu mig dmar la 'di skad ces smras so/ khyod kyis byos shig ngas bshig go/ /de mig 'phrul la byang ba yin pas/ des shing sa ha ka ra shin du me tog gis rgyas pa zhig sprul pa dang / tshe dang ldan pa shA ri'i bus rlung dang char drag po phab ste/ des de rtsa ba nas phyung nas phan tshun du rnam par gtor te rnal 'byor pa rnams kyi yul du yang ma gyur to/ /de nas des pad ma'i rdzing zhig sprul pa dang / tshe dang ldan pa shA ri'i bus glang po che bzang po zhig sprul nas/ des de kun du brnal nas ming gi lhag ma zhig bzhag go/ /des sbrul mgo bdun pa zhig sprul pa dang / tshe dang ldan pa shA ri'i bus nam mkha' lding zhig sprul te/ des de blangs so/ /des ro langs shig sprul pa dang / tshe dang ldan pa shA ri'i bus sngags kyi phur pa btab pa las nyes par spyad pa'i ro langs ni bdag nyid la gsod par byed pas des de nyid la bsnyags pa dang / de nas de 'jigs skrag phongs shing ba spu zing zhes byed nas tshe dang ldan pa shA ri'i bu'i rkang pa gnyis la mgo bos gtugs nas 'phags pa skyabs su mchi lags kyis/ yongs su bskyab tu gsol/ de nas tshe dang ldan pa shA ri'i bus sngags kyi phur pa phyung ba dang ro langs de zhi bar gyur to/ /tshe dang ldan pa shA ri'i bus de la chos bshad de/ de dad pa skyes nas smras pa/ 'phags pa shA ri'i bu legs par gsungs pa'i chos 'dul ba la bdag rab tu 'byung ba dang bsnyen par rdzogs pa dge slong gi dngos po 'thob pa lta na/ bdag 'phags pa shA ri'i bu'i spyan sngar tshangs par spyod pa spyad par bgyi'o/ /de nas tshe dang ldan pa shA ri'i bus rab tu phyung bsnyen par rdzogs par byas nas gdams ngag byin pa dang des brtson pa dang / 'bad pa dang / brtsal ba byas pas nyon mongs pa thams cad spangs te dgra bcom pa mngon du byas nas dgra bcom par gyur te/ khams gsum gyi 'dod chags dang bral ba/ bong ba dang gser du mnyam pa/ nam mkha' dang lag mthil du mnyam pa'i sems dang ldan pa/ tsan dan dang ste 'ur mnyam pa/ rig pas ma rig pa'i sgo nga'i sbubs dral zhing rig pa dang / mngon par shes pa dang / so so yang dag par rig pa thob pa/ srid pa dang / rnyed pa la chags pa dang / bkur sti la rgyab kyis phyogs pa/ dbang po dang nye dbang po'i lha dang bcas pa rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas de'i 'khor rnams ngo mtshar gyi mig bgrad nas tshe dang ldan pa shA ri'i bu la mngon par dad par gyur te smras pa/ 'phags pa shA ri'i bus ni smra ba'i khyu mchog chen po tshar bcad do snyam du rig nas tshe dang ldan pa shA ri'i bu'i gdong du blta bar gyur to/ /de nas tshe dang ldan pa shA ri'i bus 'khor de'i bsam pa dang / bag la nyal dang khams dang / rang bzhin shes nas 'phags pa'i bden pa bzhi so sor rtogs par 'gyur ba de lta bu'i chos bshad pa byas so/ /de thos nas sems can brgya phrag du mas khyad par chen po thob ste/ kha cig gis ni nyan thos kyi byang chub tu sems bskyed do/ /kha cig gis ni rang sangs rgyas kyi byang chub tu'o/ /kha cig gis ni bla na med pa yang dag par rdzogs pa'i byang chub tu'o/ /kha cig gis ni skyabs su 'gro ba dang bslab pa'i gzhi rnams blangs so/ /kha cig gis ni rgyun du zhugs pa'i 'bras bu mngon sum du byas so/ /kha cig gis ni lan cig phyir 'ong ba'i 'bras bu'o/ /kha cig gis ni phyir mi 'ong ba'i 'bras bu'o/ /kha cig gis ni rab tu byung nas nyon mongs pa thams cad spangs te dgra bcom pa mngon sum du byas so/ /'khor de phal cher yang sangs rgyas la gzhol/ chos la 'bab/ dge 'dun la bab par bkod do/ /mu stegs can rnams kyis bsams pa/ 'di bdag cag gis shags kyis tshar gcad par mi nus kyis/ thabs shig bsham par bya ste/ gtsug lag khang 'di nyid du gla mi'i las byas la/ de nas glags rnyed nas 'di bgags te gsad par bya'o snyam nas thams cad 'dus te khyim bdag mgon med zas sbyin gyi drung du song nas son pa dang smras pa/ khyim bdag khyod kyis bdag cag gi 'tsho ba'i gzhi thams cad bcad de/ de bas na snying brtse bar gyis shig dang / khyod kyi gtsug lag khang du gla mi'i las bya'o/ kho bo cag 'di na ring zhig tu gnas pas yul bor na mi rung ngo / /de nas khyim bdag mgon med zas sbyin gyis smras pa/ re shig 'phags pa shA ri'i bu la brtag par bya'o zhes de tshe dang ldan pa shA ri'i bu gang na ba der song ste phyin pa dang tshe dang ldan pa shA ri'i bu la 'di skad ces smras so/ /'phags pa mu stegs can rnams kyi mchid nas/ bdag cag gi 'tsho ba'i gzhi thams cad bcad de/ de bas na snying brtse bar gyis shig dang / khyod kyi gtsug lag khang du gla mi'i las bya'o/ kho bo cag 'di na ring zhig tu gnas gnas pas yul bor na mi rung ngo zhes mchi'o/ /tshe dang ldan pa shA ri'i bus ji 'di rnams la dge ba'i rtsa ba cung zad yod dam 'on te med ces bsams pa la zhugs na yod par mthong ngo / /su zhig la rag las snyam na/ bdag kho na la'o snyam nas des bsams te smras pa/ khyim bdag de la 'gal ba ci yod kyis de bzhin du gyis shig /de rnams gtsug lag khang der gla mi'i las bya bar brtsams pa na tshe dang ldan pa shA ri'i bus lcag thogs kyi mi gtum po zhig sprul nas des de rnams las byed du gzhug par brtsams so/ /tshe dang ldan pa shA ri'i bus de rnams kyi gdul ba'i dus shes nas de dang nye ba'i shing drung zhig na 'chag cing 'dug pa las de rnams kyis de mthong nas de rnams kyis bsams pa/ dben pa na 'dug pas 'di gsad pa'i dus ni 'di yin no snyam nas/ de rnams kyis de'i drung du dong nas bskor te 'dug go/ /tshe dang ldan pa shA ri'i bus bsams pa/ 'di rnams sems ci 'dra ba zhig gis bdag gi drung du lhags snyam na/ ji tsam na gsad pa'i sems kyis yin par mthong nas de lcag thogs te sbad nas des de rnams las byos deng zhes lcag bcug pa dang / de rnams kyis smras pa/ 'phags pa shA ri'i bu bskyab tu gsol/ des smras pa/ tshe dang ldan pa re shig song la ngal sor chug cig /de rnams kyis bsams pa/ 'di ni 'di lta bur bdag nyid che ba yin te/ bdag cag gis ni 'di bsad par bsams na/ 'di ni bdag cag la byams par sems so snyam du rig nas dad par gyur to/ /de nas tshe dang ldan pa shA ri'i bus de rnams kyi bsam pa dang / bag la nyal ba dang / khams dang / rang bzhin shes nas 'phags pa'i bden pa bzhi so sor rtogs par 'gyur ba de lta bu'i chos bshad pa byas te/ de thos nas de rnams kyis 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ de rnams kyis bden pa mthong ste smras pa/ btsun pa shA ri'i bu'i spyan sngar bdag cag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'thob pa lta na/ bdag cag btsun pa shA ri'i bu'i spyan sngar tshangs par spyod pa spyad par bgyi'o/ /de rnams tshe dang ldan pa shA ri'i bus rab tu phyung zhing bsnyen par rdzogs par byas nas gdam ngag byin te/ de rnams kyis brtson pa dang / 'bad pa dang / brtsal bar byas pas 'khor ba'i 'khor lo cha lnga pa g.yo ba dang / mi g.yo ba 'di nyid rig ste/ 'du byed kyi rnam pa thams cad nyams pa dang / ltung ba dang rnam par 'thor ba dang / rnam par 'jig pa'i chos nyid kyis zil gyis mnan te/ nyon mongs pa thams cad spangs nas dgra bcom pa mngon sum du byas te/ dgra bcom par gyur nas khams gsum gyi 'dod chags dang bral ba/ bong ba dang gser du mnyam pa/ nam mkha' dang lag 'thil du mtshungs pa'i sems dang ldan pa/ tsan dan dang ste'ur mnyam pa/ rig pas ma rig pa'i sgo nga'i sbubs dral zhing rig pa dang / mngon par shes pa dang / so so yang dag par rig pa thob pa/ srid pa dang / rnyed pa la chags pa dang / bkur sti la rgyab kyis phyogs pa/ dbang po dang nye dbang po'i lha dang bcas pa rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas tshe dang ldan pa shA ri'i bus gtsug lag khang gi thig skud kyi mtha' gcig nas bzung / mtha' gcig nas khyim bdag mgon med zas sbyin gyis bzung ba dang / tshe dang ldan pa shA ri'i bus 'dzum par brtsams so/ /khyim bdag mgon med zas sbyin gyis smras pa/ 'phags pa shA ri'i bu de bzhin gshegs pa rnams sam/ de bzhin gshegs pa'i nyan thos rnams ni rgyu med rkyen med par 'dzum pa mi mdzad na/ 'phags pa shA ri'i bus ci'i rgyu ci'i rkyen gyis 'dzum pa mdzad/ khyim bdag de de bzhin no/ /de de bzhin te/ de bzhin gshegs pa rnams sam/ de bzhin gshegs pa'i nyan thos rnams ni rgyu med rkyen med par 'dzum pa mi mdzad de/ khyod kyis 'dir thig skud bzung ba na dga' ldan gyi lha'i ris su yang gser gyi khang pa grub par gyur to/ /de nas khyim bdag mgon med zas sbyin ngo mtshar skyes pa'i mig bgrad de smras pa/ 'phags pa shA ri'i bu gal te de lta na de'i slad du yang thig skud brkyang ba dang lhag par sems mngon par dad par bgyi'o/ / tshe dang ldan pa shA ri'i bus yang thig skud de bzung ba dang khyim bdag mgon med zas sbyin gyis lhag par dad pa drag po'i shugs kyis sems mngon par dad par byas te/ dad pa de'i mjug thogs kho nar gser gyi khang pa de rin po che sna bzhi las byas par gyur nas tshe dang ldan pa shA ri'i bus kyang de la go bar byas so/ /de nas khyim bdag mgon med zas sbyin gong nas gong du bsod nams rab tu 'phel ba'i rgyud kyis gtsug lag khang chen po bcu drug dang / khang phran drug cu rtsig tu bcug ste/ des gtsug lag khang chen po bcu drug dang / khang phran drug bcu brtsigs nas yo byad thams cad kyis rgyas par byas te tshe dang ldan pa shA ri'i bu gang na ba der song nas phyin pa dang / tshe dang ldan pa shA ri'i bu la 'di skad ces smras so/ /'phags pa shA ri'i bu bcom ldan 'das gshegs pa na shul tshad ji tsam du byon par 'gyur/ khyim bdag dper na 'khor los sgyur ba'i rgyal po'i tshad tsam mo/ /'khor los sgyur ba'i rgyal po mchi ba'i tshad ji tsam/ khyim bdag 'khor los sgyur ba'i rgyal po ni nyi ma gcig gis rgyang grags bcu'i lam du 'gro'o/ /de nas khyim bdag mgon med zas sbyin gyis gang yang mnyan yod nas rgyal po'i khab de'i bar gyi gshegs dgongs brtsis nas gzhes sa dag byed du bcug /sbyin gtong gi khang pa dag rtsig tu bcug /dus tshod gsol ba'i mi dag bkod/ gdugs dang / rgyal mtshan dang / ba dan dag gis brgyan/ tsan dan gyi chus chag chag btab/ shin du dri zhim po'i pog por dag nye bar bkod/ rta babs dag byed du bcug /dus kyi dang thun tshod kyi sman dag kyang 'jog tu bcug go/ /de ltar tshogs bsags nas mi zhig la bsgo ba/ kye nang rje tshur khyod bcom ldan 'das gang na ba der song la phyin pa dang / kho bo'i tshig gis bcom ldan 'das kyi zhabs gnyis la mgo bos phyag byos la/ gnod pa chung ngam/ nyam nga ba nyung ngam/ bskyod pa yang ngam/ 'tsho'am/ stobs dang bde ba la reg par gnas sam zhes zhus la 'di skad ces/ bcom ldan 'das mnyan yod du gshegs su gsol/ bcom ldan 'das dge slong gi dge 'dun dang thabs gcig la bdag ji srid 'tsho'i bar du na bza' chos gos dang / bsod snyoms dang / snyun dpyad kyi rkyen sman gyis bkur sti bgyid do zhes kyang stsol cig /jo bo bka' bzhin 'tshal zhes mi des khyim bdag mgon med zas sbyin gyi ltar mnyan nas rgyal po'i khab gang na ba der chas te/ rim gyis rgyal po'i khab tu phyin pa dang / de nas lam gyis dub pa ngal sos nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag 'tshal te phyogs cig tu 'dug nas/ mi des bcom ldan 'das la 'di skad ces gsol to/ /btsun pa bcom ldan 'das kyi zhabs gnyis la khyim bdag mgon med zas sbyin gyis mgo bos phyag 'tshal nas zhes bya ba nas/ reg par gnas sam zhes bya ba'i bar gong ma bzhin du'o/ /kye mi khyod dang khyim bdag mgon med zas sbyin bde bar gyur cig /btsun pa khyim bdag mgon med zas sbyin gyi mchid nas/ bcom ldan 'das mnyan yod du gshegs su gsol/ bcom ldan 'das dge slong gi dge 'dun dang thabs cig la zhes bya ba nas bkur sti bgyid do zhes bya ba'i bar gong ma bzhin no/ /bcom ldan 'das kyis mi de la cang mi gsung bas gnang ngo / /de nas mi des bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /de nas bcom ldan 'das dul ba 'khor dul ba zhi ba 'khor zhi ba/ dbugs phyin pa/ 'khor dbugs phyin pa/ rnam par dul ba/ 'khor rnam par dul ba dgra bcom pa 'khor dgra bcom pa/ 'dod chags dang bral ba 'khor 'dod chags dang bral ba/ dang ba 'khor dang ba/ khyu mchog ba lang gi tshogs kyis bskor ba lta bu dang / glang po che glang po che'i phrug gu'i tshogs kyis bskor ba lta bu dang / seng ge mche ba can gyi tshogs kyis bskor ba lta bu dang / ngang pa'i rgyal po ngang pa'i tshogs kyis bskor ba lta bu dang / nam mkha' lding bya'i tshogs kyis bskor ba lta bu dang / bram ze slob ma'i tshogs kyis bskor ba lta bu dang / sman pa mkhas pa nad pa'i tshogs kyis bskor ba lta bu dang / dpa' bo dmag gi tshogs kyis bskor ba lta bu dang / lam mkhan mgron po'i tshogs kyis bskor ba lta bu dang / ded dpon tshong pa'i tshogs kyis bskor ba lta bu dang / tshong dpon skye bo'i tshogs kyis bskor ba lta bu dang / khams kyi rgyal phran blon po'i tshogs kyis bskor ba lta bu dang / 'khor los sgyur ba bu stong gis bskor ba lta bu dang / zla ba rgyu skar gyi tshogs kyis bskor ba lta bu dang / nyi ma 'od zer stong gis bskor ba lta bu dang / yul 'khor skyong dri za'i tshogs kyis bskor ba lta bu dang / 'phags skyes po grul bum gyi tshogs kyis bskor ba lta bu dang / mig mi bzang klu'i tshogs kyis bskor ba lta bu dang / rnam thos kyi bu gnod sbyin gyi tshogs kyis bskor ba lta bu dang / thag bzangs ris lha ma yin gyi tshogs kyis bskor ba lta bu dang / brgya byin sum bcu rtsa gsum pa'i tshogs kyis bskor ba lta bu dang / tshangs pa tshangs ris kyi tshogs kyis bskor ba lta bu dang / rgya mtsho g.yo ba med pa lta bu dang / sprin chu dang bcas pa lta bu dang / glang po che dam pa dregs pa dang bral ba ltar dbang po rnams shin du dul bas spyod lam gyi tshul ma 'khrugs pa/ sku skyes bu chen po'i mtshan sum bcu rtsa gnyis kyis kun nas brgyan zhing / dpe byad brgyad bcus rnam par mdzes par byas pa/ 'od 'dom gang gis brgyan pa'i sku/ nyi ma'i 'od zer stong bas lhag pa'i 'od can/ rin po che'i ri bo 'gro ba ltar kun nas mdzes pa/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ dge slong gi dge 'dun chen po dang / khyim bdag mgon med zas sbyin 'khor dang bcas pa dang / mnyan yod na gnas pa'i skye bo'i tshogs dang / lha brgya stong phrag du mas zham 'bring byas nas mnyan yod kyi grong khyer du gshegs so/ /gang gi tshe bcom ldan 'das kyis mnyan yod kyi grong khyer du gshegs nas mngon par 'du mdzad pas/ grong khyer gyi sgo'i them pa la zhabs g.yas pas mnan pa de'i tshe sa rnams pa drug tu g.yos te/ sa chen po 'di g.yos/ kun du g.yos/ kun du rab tu g.yos/ ldeg rab tu ldeg /kun du rab tu ldeg ste/ shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang phyogs dma'/ byang phyogs mtho na lho phyogs dma'/ mtha' mtho na dbus dma'/ dbus mtho na mtha' dma' bar gyur nas/ 'jig rten 'di thams cad 'jig rten gyi bar dang bcas te snang ba rgya chen pos khyab par gyur to/ /bar snang la yang lha'i rnga brdung zhing nam mkha'i dkyil na gnas pa'i lhas ni steng nas lha'i me tog ut+pal dang / pad ma dang / ku mu ta dang / pad ma dkar po dang / a ka ru'i phye ma dang / rgya spos kyi phye ma dang / tsan dan gyi phye ma dang / gur gum gyi phye ma dang / ta ma la'i lo ma dang / lha'i me tog man dA ra ba dag 'thor zhing lha'i gos rnams kyang 'thor ro/ /bcom ldan 'das grong khyer du gshegs pa na 'di dag dang gzhan yang ya mtshan 'di lta bu dag byung bar gyur to/ /gzhan yang dog pa rnams ni yangs par gyur to/ / dma' ba rnams ni mthon por gyur to/ /mthon po rnams ni mnyam par gyur to/ /glang po che yang skad 'byin/ rta yang skad 'byin to/ khyu mchog rnams kyang skad 'byin to/ /khang pa na yod pa'i rol mo'i cha byad sna tshogs pa rnams kyang rang sgra 'byin to/ /long ba rnams kyis ni mig thob bo/ /'on pa rnams kyis rna bas thos so/ /lkugs pa rnams kyis ni smra nus par gyur to/ /dbang po ma tshang ba rnams ni dbang po rnams tshang bar gyur to/ /chang gis myos pa rnams ni myos pa dang bral bar gyur to/ /dug 'thungs pa rnams ni dug zhi bar gyur to/ /phan tshun khon byung ba rnams ni byams pa thob par gyur to/ /sbrum ma rnams ni bde bar btsas par gyur to/ /btson du bcings pa rnams ni bcings pa las thar to/ /nor med pa rnams ni nor rnyed de/ 'di dag dang gzhan yang bcom ldan 'das grong khyer du gshegs pa na ngo mtshar brgya stong dag byung bar gyur to/ /de nas bcom ldan 'das bkur sti chen po de lta bus mnyan yod du gshegs so/ /gshegs nas dge slong gi dge 'dun gyi gung la gdan bshams pa nyid la bzhugs so/ /de nas khyim bdag mgon med zas sbyin mdza' bshes dang / nye du dang gnyen gyi skye bos yongs su bskor nas gser gyi bya ma bum blangs te chu sbreng bar brtsams pa las/ de 'dzag tu ma btub nas khyim bdag mgon med zas sbyin yid mi bde ste bsams pa/ bdag gi las nyes pa dang bcas pa cung zad byas par ma gyur grang snyam pa dang / bcom ldan 'das kyis bka' stsal pa/ khyim bdag khyod kyis las nyes pa dang bcas pa cung zad kyang byas pa med de/ 'on kyang khyod kyis phyogs 'dir 'dug nas sngon gyi yang dag par rdzogs pa'i sangs rgyas rnams la phyogs 'di phul ba yin gyis/ phyogs gzhan zhig tu 'dug la sbrengs shig / des phyogs gzhan zhig tu 'dug ste sbrengs pa dang / bcom ldan 'das nyid kyi yan lag lnga dang ldan pa'i gsung dbyangs kyis rgyal byed kyi tshal brjod par mdzad de/ rgyal byed kyi tshal brjod pa mdzad pa na gzhon nu rgyal byed kyis bsams pa/ kye ma bcom ldan 'das kyis der bdag gis ming thog mar smos kyang ci ma rung snyam pa dang / bcom ldan 'das kyis gzhon nu rgyal byed kyi bsam pa thugs su chud nas/ dge slong dag 'di ni rgyal bu rgyal byed kyi tshal mgon med zas sbyin gyi kun dga' ra ba yin no zhes der ming thog mar smos par mdzad do/ /gzhon nu rgyal byed kyis bcom ldan 'das kyis der bdag gi ming thog mar smos pa mdzad pa thos nas shin du dga' bar gyur te/ dga' ba dang rab tu dga' ba skyes pa des nor gyi rigs thams cad kyis bcom ldan 'das kyi phyir rin po che sna bzhi'i sgo khang byed du bcug go/ /de bzhin du sdud pa byed pa rnams kyis kyang mdo sde'i nang du sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so zhes gdags par byas so/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa khyim bdag mgon med zas sbyin gyis sngon yang dag par rdzogs pa'i sangs rgyas rnams las phyogs 'di sngon nam phul lags/ bcom ldan 'das kyis bka' stsal pa/ dge slong dag sngon byung ba bskal pa dgu bcu rtsa gcig la yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung nas/ de 'khor dge slong drug khri nyis stong dang phyogs 'dir gshegs so/ /de'i tshe mnyan yod 'dir khyim bdag rgyal zhes bya ba byung ste/ des sa phyogs 'di rgyang grags drug gser dang dbyig gshibs pas rgyal bu gzhon nu las nyos nas yang dag par rdzogs pa'i sangs rgyas rnam par gzigs la phul te/ de nyid kyi spyan sngar rab tu byung nas nyon mongs pa thams cad spangs te dgra bcom pa mngon sum du byas so/ /khyim bdag rgyal gyi tsha bo zhig des bsten pas de bzhin gshegs pa rnam par gzigs la shin du dad pa skyes nas des yang dag par rdzogs pa'i sangs rgyas rnam par gzigs kyi dbu skra dang sen mo'i mchod rten rtsig tu bcug ste des bsams pa/ gang gis na bdag gis 'di nyin mtshan du sgrib pa med par mthong bar 'gyur ba'i thabs de ci yod snyam pa dang / de la rten pa rgya mtsho'i 'gram na 'dug pa zhig gis nor bu rin po che 'bar ba zhig skyes su bkur nas/ des de mchod rten la btags pa dang de'i mthus des dbu skra dang sen mo'i mchod rten de nyin mtshan du sgrib pa med par mthong ngo / /de nas dad pa skyes te smon lam btab pa/ ji ltar sa phyogs 'di bdag gi zhang pos rgyal bu gzhon nu las gser dang dbyig gshibs pas nyos nas yang dag par rdzogs pa'i sangs rgyas rnam par gzigs nyan thos kyi dge 'dun dang bcas pa la phul ba de bzhin du bdag gis kyang sa phyogs 'di gser dang dbyig gshibs pas rgyal bu gzhon nu las nyos nas yang dag par rdzogs pa'i sangs rgyas bdun la 'bul bar 'gyur zhing de rnams kyi phyi ma shos gang yin pa de'i spyan sngar bdag rab tu byung nas nyon mongs pa thams cad spangs te dgra bcom pa mngon sum du byas par gyur cig ces btab bo/ /dge slong dag ji snyam du sems/ de'i tshe de'i dus kyi khyim bdag rgyal gyi tsha bo gang yin pa de ni khyim bdag mgon med zas sbyin 'di nyid yin no/ /de tshun chad bskal pa sum bcu rtsa gcig pa la ston pa gtsug tor can zhes bya ba nas sangs rgyas bcom ldan 'das 'jig rten du byung ngo zhes bya ba'i bar gong ma bzhin du ste/ de 'khor dge slong drug khri dang sa phyogs 'dir gshegs so/ /de'i tshe khyim bdag rgyas pa zhes bya ba byung ste/ des phyogs 'di dpag tshad phyed dang gsum nor bu gshibs pas rgyal bu gzhon nu las nyos nas yang dag par rdzogs pa'i sangs rgyas gtsug tor can nyan thos kyi 'khor dang bcas pa la phul lo/ /dge slong dag de'i tshe de'i dus kyi khyim bdag rgyas pa zhes bya bar gyur pa de gzhan zhig yin snyam na khyed kyis de ltar mi blta ste/ 'on kyang de'i tshe de'i dus na khyim bdag mgon med zas sbyin 'di nyid yin no/ /de'i 'og tu bskal pa sum bcu rtsa gcig pa de nyid la ston pa thams cad skyob ces bya ba nas/ sangs rgyas bcom ldan 'das 'jig rten du byung ngo zhes bya ba'i bar gong ma bzhin du ste/ de 'khor dge slong drug khri dang sa phyogs 'dir gshegs so/ /de'i tshe khyim bdag mchu zhes bya ba byung ste/ des phyogs 'di rgyang grags gnyis mu tig gshibs pas gzhon nu las nyos nas yang dag par rdzogs pa'i sangs rgyas thams cad skyob nyan thos kyi dge 'dun dang bcas pa la phul lo/ /dge slong dag de'i tshe de'i dus kyi khyim bdag mchu zhes bya ba de gzhan zhig yin snyam na khyed kyis de ltar mi blta ste/ 'on kyang de'i tshe de'i dus na khyim bdag mgon med zas sbyin 'di nyid yin no/ /de'i 'og tu bskal pa bzang po 'di nyid la ston pa 'khor ba 'jig ces bya ba nas/ sangs rgyas bcom ldan 'das 'jig rten du byung ngo zhes bya ba'i bar gong ma bzhin du ste/ de 'khor dge slong bzhi khri dang lhan cig phyogs 'dir gshegs so/ /de'i tshe khyim bdag srid sbyin zhes bya ba byung ste/ des phyogs 'dir ba lang gis bkang bas gzhon nu las nyos te/ yang dag par rdzogs pa'i sangs rgyas 'khor ba 'jig nyan thos kyi dge 'dun dang bcas pa la phul lo/ dge slong dag de'i tshe de'i dus kyi khyim bdag srid sbyin zhes bya bar gyur pa de gzhan zhig yin snyam na khyed kyis de ltar mi blta ste/ 'on kyang de'i tshe de'i dus na khyim bdag mgon med zas sbyin 'di nyid yin no/ /de'i 'og tu bskal pa bzang po 'di nyid la skye dgu rnams kyi tshe lo sum khri thub pa na ston pa gser thub ces bya ba nas/ sangs rgyas bcom ldan 'das 'jig rten du byung ngo zhes bya ba'i bar gong ma bzhin du ste/ de 'khor dge slong sum khri dang phyogs 'dir gshegs so/ /de'i tshe khyim bdag phur bu zhes bya ba byung ste/ des phyogs 'di gos bting bas gzhon nu las nyos nas yang dag par rdzogs pa'i sangs rgyas gser thub nyan thos kyi dge 'dun dang bcas pa la phul lo/ /dge slong dag de'i tshe de'i dus kyi khyim bdag phur bu zhes bya bar gyur pa de gzhan zhig yin snyam na khyed kyis de ltar mi blta ste/ 'on kyang de'i tshe de'i dus na khyim bdag mgon med zas sbyin 'di nyid yin no/ /de'i 'og tu bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas 'od srung zhes bya ba nas sangs rgyas bcom ldan 'das 'jig rten du byung ngo zhes bya ba'i bar gong ma bzhin du'o/ /de 'khor dge slong nyi khri dang phyogs 'dir gshegs so/ /de'i tshe khyim bdag chu stod ces bya ba byung ste/ des sa phyogs 'di rgyang grags phyed gser gyi nas bkram pas gzhon nu las nyos te yang dag par rdzogs pa'i sangs rgyas 'od srung nyan thos kyi dge 'dun dang bcas pa la phul lo/ /dge slong dag de'i tshe de'i dus kyi khyim bdag chu stod ces bya bar gyur pa de gzhan zhig yin snyam na khyed kyis de ltar mi blta ste/ 'on kyang de'i tshe de'i dus na khyim bdag mgon med zas sbyin 'di nyid yin no/ /dge slong dag da ltar gyi de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba kha lo bsgyur ba bla na med pa/ lha dang mi rnams kyi ston pa nga yang 'jig rten du byung nas nga 'khor stong nyis brgya lnga bcu dang phyogs 'dir gshegs pa na/ da ltar yang khyim bdag mgon med zas sbyin gyis rmon pa dor bcu drug gis rmos pa'i khyon bye ba gshib pas gshibs nas gzhon nu rgyal byed las nyos te nga nyan thos kyi dge 'dun dang bcas pa la phul lo/ /dge slong dag ma 'ongs pa'i dus na skye dgu rnams kyi tshe lo brgyad khri thub pa na ston pa byams pa zhes bya ba 'khor dgra bcom pa khrag khrig phrag dgu dang ther 'bum chen po phrag drug phyogs 'dir gshegs par 'gyur ro/ /de'i tshe khyim bdag nor bzangs zhes bya ba 'byung bar 'gyur te/ des phyogs 'di dpag tshad gsum gser dang dbyig gshibs pas gzhon nu las nyos nas byams pa nyan thos kyi dge 'dun dang bcas pa la dbul bar 'gyur zhing / de nyid kyi bstan pa la rab tu byung ste/ nyon mongs pa thams cad spangs nas dgra bcom pa mngon sum du byed par 'gyur ro/ /dge slong dag de'i tshe de'i dus kyi khyim bdag nor bzangs zhes bya ba 'byung bar 'gyur ba de gzhan zhig yin snyam na khyed kyis de ltar mi blta ste/ 'on kyang khyim bdag mgon med zas sbyin 'di nyid khyim bdag nor bzangs shes bya ba yin par 'gyur ro/ /khyim bdag mgon med zas sbyin gyis gter bdag po dang bcas pa dang / bdag po med pa dang / thang la yod pa dang / chu na yod pa dang / gang dag rgyang ring po na yod pa dang / gang dag thag nye ba na yod pa yang mthong bas kun tu khyim bdag mgon med zas sbyin gyis gter bdag po dang bcas pa dang / bdag po med pa dang / thang la yod pa dang / chu na yod pa dang / gang dag rgyang ring po na yod pa dang / gang dag thag nye ba na yod pa yang mthong ngo / /zhes grags so/ /de'i tshe mu stegs can gyi dge sbyong dang / bram ze dang / spyod pa pa dang / kun du rgyu sna tshogs rtog khang du 'dus te 'khod pa rnams 'di lta bu'i skabs kyi gtam dag gleng bar byed de/ shes ldan dag khyim bdag mgon med zas sbyin mtshan gang dag dang ldan na gter bdag po dang bcas pa dang / bdag po med pa dang / thang la yod pa dang / chu na yod pa dang / gang dag rgyang ring po na yod pa dang / gang dag thag nye ba na yod pa mthong bar gyur/ de'i tshe bram ze'i khye'u phyugs sten zhes bya ba 'khor de nyid du tshogs shing 'dug par gyur nas des smras pa/ shes ldan dag khyed cag sems las chung ngus 'khod cig dang / kho bos khyim bdag mgon med zas sbyin mtshan gang dag dang ldan na gter bdag po dang bcas pa dang / bdag po med pa dang / thang la yod pa dang / chu na yod pa dang / gang dag rgyang ring po na yod pa dang / gang dag thag nye ba na yod pa mthong bar 'gyur ba brtags la khyed la smra bar bya'o zhes de khyim bdag mgon med zas sbyin 'gro ba dang / 'dug pa la brtag pa lhur len cing rjes bzhin 'brang ngo / /ci tsam dus gzhan zhig na khyim bdag mgon med zas sbyin chu bo a dzi ra ba tir khrus byas nas byung ba la des de'i rgyab tu thal mo brgyab pa dang / khyim bdag mgon med zas sbyin gyis mthong bzhin du cang mi smra bar 'dug go/ /des smras pa/ khyim bdag khyod ni mkhas pa yin zhing bzod pa dang des pa dang ldan pa yin pas des na gter bdag po dang bcas pa dang / bdag po med pa dang / thang la yod pa dang / chu na yod pa dang / gang dag rgyang ring po na yod pa dang / gang dag thag nye ba na yod pa mthong ngo / /des mu stegs can rnams la go bar byas pa dang / mu stegs can kha ngom can rnams kyis kyang kun du smras pas/ khyim bdag mgon med zas sbyin ni bzod pa dang des pa dang ldan pas des na gter bdag po dang bcas pa dang / bdag po med pa dang / thang la yod pa dang / chu na yod pa dang / gang dag rgyang ring po na yod pa dang / gang dag thag nye ba na yod pa mthong ngo zhes kun du sgra grags pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag mu stegs can brgya stong phrag bye bas kyang khyim bdag mgon med zas sbyin mtshan gang dang ldan na gter mthong bar 'gyur ba shes par sla ba ma yin no/ /'on kyang khyim bdag mgon med zas sbyin gyi mig gi 'bras bu rin po che ltar bkra ba dang / dbyig gi skad yod de/ des na gter bdag po dang bcas pa dang / bdag po med pa dang / thang la yod pa dang / chu na yod pa dang / gang dag rgyang ring po na yod pa dang / gang dag thag nye ba na yod pa mthong ngo // //'dul ba gzhi/ bam po bdun cu drug pa/ dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa khyim bdag mgon med zas sbyin gyis las ci zhig bgyis na/ las de'i rnam par smin pas mig gi 'bras bu rin po che ltar bkra zhing dbyig gi skad dang ldan par gyur/ bcom ldan 'das kyis bka' stsal pa/ dge slong dag khyim bdag mgon med zas sbyin 'di nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa gdon mi za bar 'byung bar 'gyur ba'i las dag byas shing bsags pas khyim bdag mgon med zas sbyin nyid kyis las byas shing bsags pa dag gzhan su zhig gis myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched rnams kho na la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba ri 'or zhig na khyim bdag phyug cing nor mang la longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas te/ de so ka'i dus la bab pa'i tshe me tog gi shing rnams kha 'bus shing ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u rnams skad 'byin pa'i nags tshal gyi gzhir nang mi dang lhan cig dong ngo / /sangs rgyas rnams byung ba med pa na rang sangs rgyas dman pa dang ngan pa la snying brtse ba/ bas mtha'i gnas mal la dga' ba/ 'jig rten gyi yon gnas gcig pu dag 'jig rten du 'byung bar 'gyur bas ji tsam na rang sangs rgyas zhig ljongs rgyu zhing song ba na ri 'or der phyin nas de bskyed mos tshal de'i phyogs zhig na 'dug go/ /bskyed mos tshal bsrung ba'i mis khyim bdag de la smras pa/ dpon po phyogs 'di na rab tu byung ba zhi ba'i bdag nyid can zhig bzhugs so/ /des thos nas de yid dga' bar gyur zhing dad pa skyes te/ gang gi bskyed mos tshal na 'di 'dra ba'i rab tu byung ba gnas pa ni bdag skal ba can yin no snyam mo/ /bdag nyid chen po de yang phung po'i lhag ma med pa'i mya ngan las 'das pa'i dbyings su zhugs te yongs su mya ngan las 'das so/ /de nas khyim bdag des mdza' bshes dang / nye du dang / gnyen dang / nang mi rnams dang lhan cig tu bkur sti chen po byas nas bsregs te/ me de 'o mas bsad nas rus pa de rnams shel las byas pa'i bum pa'i nang du rin po che dang bsres te blugs pa dang rus pa de rnams 'od dang ldan zhing sgra 'byin par gyur to/ /de nas des drung du gtugs nas smon lam btab pa/ ji ltar rus pa 'di rnams rin po che dang bsres nas shin du 'od dang ldan zhing sgra 'byin pa de bzhin du/ dge ba'i rtsa ba 'dis bdag gi mig gi 'bras bu rin po che ltar bkra zhing dbyig gi skad dang ldan par gyur cig ces byas so/ /dge slong dag ji snyam du sems/ de'i tshe de'i dus kyi khyim bdag gang yin pa de khyim bdag mgon med zas sbyin 'di nyid yin te/ 'dis rang sangs rgyas la bya ba byas nas smon lam btab pa gang yin pa dang / khyim bdag rgyal gyi tsha bor gyur pa na des yang dag par rdzogs pa'i sangs rgyas rnam par gzigs kyi dbu skra dang sen mo'i mchod rten la nor bu 'bar ba btags pa gang yin pa de'i las kyi rnam par smin pas mig gi 'bras bu rin po che ltar bkra zhing dbyig gi skad dang ldan par gyur to/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la/ gcig tu dkar ba rnams kyi ni gcig tu dkar ba dang / 'dren ma rnams kyi ni 'dren ma yin te/ de lta bas na dge slong dag 'di ltar bslab par bya ste/ las gnag pa dang 'dren ma gang yin pa rnams ni spangs la/ las gcig tu dkar ba rnams la brtsal bar bya ste/ dge slong dag khyed kyis de lta bu la bslab par bya'o// //bar sdom ni/ rgyal dang rgyas pa mchu dang ni/ /srid sbyin dang ni phur bu dang / /chu stod dang ni zas sbyin dang / /phyi ma pa ni nor bzangs yin/ /dbyig rnams dang ni gser dang ni/ /gsum pa nor bu mu tig yin/ /ba dang nas dang gos dang ni/ /bye ba dbyig gis bsdus pa yin/ /gang gi tshe khyim bdag mgon med zas sbyin gyis bye ba'i gshibs pas gshibs nas gzhon nu rgyal byed las nyos te sangs rgyas la sogs pa'i dge slong gi dge 'dun la phul ba de'i tshe yul sna tshogs na gnas pa'i dad pa can mchod rten la phyag 'tshal ba dag mnyan yod du lhags nas/ de rnams las kha cig mngon par dad par gyur nas smras pa/ 'phags pa bdag cag gis kyang 'phags pa'i dge 'dun gyi slad du rgyal bu rgyal byed kyi tshal du gzhi cung zad brtsig go/ /dge slong rnams kyis smras pa/ rin gyis sa nyos la rtsigs shig /'phags pa rin ci/ ji tsam stsal lags/ dbyig 'di snyed do/ /'phags pa re shig 'di snyed kyi 'byor pa lta bdag cag la lta ga la mchis/ de lta mod kyi gal te phyogs 'di thob na brtsig go zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ khyim bdag la rtogs la gal te byin na rtsigs shig /dge slong rnams kyis khyim bdag mgon med zas sbyin la brtags pa dang des smras pa/ gal te bdag la brten te bram ze dang khyim bdag dad pa can rnams dge 'dun gyi phyir bsod nams bgyi ba'i dngos po bgyid na stsal to/ /gang zag gi phyir bgyid na mi stsal to zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste/ dge 'dun gyi phyir ni brtsig par bya'o/ /gang zag gi phyir ni yon bdag la brtags te gal te byin na brtsig par bya'o/ /ma byin na brtsig par mi bya'o/ /glo bur pa'i dge slong mchod rten la phyag 'tshal ba dag mnyan yod du lhags pa na de rnams smros 'drin ji lta ba bzhin dge slong rnams kyi drung du song ba dang / gzhan dag la smos 'drin med pa de dag phongs par gyur nas byung ba 'di la bcom ldan 'das kyis bka' stsal pa/ glo bur pa rnams kyi phyir ma bgos pa'i gnas gzhag par bya'o/ /ri 'or zhig na gtsug lag khang zhig yod pa der dge slong rnams dbyar gnas par dam bcas pa las/ ji tsam na ri 'or der dbyar gyi nang logs su 'jigs pa byung nas/ de na gnas pa'i dge slong rnams skrag nas dgag dbye ma byas par mnyan yod du lhags pa dang / de nas dge slong rnams kyis lam gyis dub pa ngal sor bcug ste/ lam gyis dub pa ngal sos nas de rnams kyis smras pa/ tshe dang ldan pa dag bdag cag la gnas mal skos shig /de rnams kyis dbyar gyi nang logs yin no snyam nas ma bskos pa dang / blo bur pa'i dge slong rnams smod par byed/ gzhogs 'phyas byed/ kha zer bar byed de/ tshe dang ldan pa dag khyed da ltar ston pa nyid bzhugs bzhin du bstan pa nub par byed dam ci/ gal te khyed la 'gyod pa yod na rgan rims ji lta ba bzhin du gnas mal byin cig /de rnams 'on kyang ma bskos pa'i skabs de dge slong rnams kyis bcom ldan 'das la gsol pa dang / byung ba 'di la bcom ldan 'das kyis bka' stsal pa/ de lta bas na rjes su gnang ste/ 'jigs pas ral ba'i dge slong rnams kyi phyir dbyar gnyis par gnas par dam bca' bar bya'o/ /dge slong rnams kyis ma shes nas/ bcom ldan 'das kyis bka' stsal pa/ zla ba gsum pa'i dgag dbye bya zhing dbyar zla tha chungs la dbyar phyi mar gnas par dam bca' bar bya'o/ /bcom ldan 'das kyis 'jigs pas ral ba'i dge slong rnams kyi phyir dbyar gnyis par gnas par dam bca' bar bya'o zhes gsungs pa dang / ci tsam na 'jigs pas ral ba'i dge slong gzhan dag kyang mnyan yod du lhags pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag ngas 'jigs pas ral ba'i dge slong rnams la brten nas dbyar gnyis par gnas par dam bca' bar bcas kyi gsum pa ni ma yin no/ /'jigs pas ral ba'i dge slong rnams kyang smos 'drin ji lta ba bzhin du ngal sor gzhug par bya'o/ /dge slong rnams kyis de rnams las su sko bar byed nas bcom ldan 'das kyis bka' stsal pa/ de rnams las su bsko bar mi bya'o/ /dge slong rnams kyis de rnams la rnyed pa byin pa dang bcom ldan 'das kyis bka' stsal pa/ de rnams la rnyed pa mi sbyin no/ /dge slong rnams kyis kha zas kyi rnyed pa yang ma byin pa dang bcom ldan 'das kyis bka' stsal pa/ de rnams la kha zas kyi rnyed pa ni sbyin gyi gos kyi rnyed pa ni ma yin no/ /dad pa can rnams kyis gtsug lag khang mang du brtsigs pa las mnyan yod na dge slong nyung ngu zhig dbyar gnas par dam bcas te/ de rnams stong par 'dug pas sbyin bdag rnams kyi longs spyod las byung ba'i bsod nams med cing nal phrug rnams kyi gnas su gyur nas bcom ldan 'das kyis bka' stsal pa/ thams cad bgo bar bya ste/ re res kyang so sor gnyis sam/ gsum 'am/ bzhi ci ran pa thams cad la longs spyad par bya ste/ la lar ni snga dro 'dug par bya'o/ /la lar ni nyi ma'i gung la'o/ /la lar ni phyi dro'o/ /la lar ni nub mo gnas par bya'o/ /dge slong rnams kyis lag gi las ma byas pas de rnams 'drums par gyur nas bcom ldan 'das kyis bka' stsal pa/ yon bdag la spro ba bskyed par bya'o/ /gal te grub na de lta na legs/ gal te ma grub par gyur na dge 'dun gyis phyir bcos par bya'o/ /gal te mi nus par gyur na ji tsam nus pa de tsam bcos par bya ste/ gzhan ni btang snyoms su gzhag par bya'o/ /gang gi tshe bcom ldan 'das kyi bstan pa rgyas par gyur pa de'i tshe dge slong mang po mnyan yod du lhags pa dang / de rnams gnas khang gis phongs par gyur nas/ bcom ldan 'das kyis bka' stsal pa/ gnyis dang gsum gyis bgo bar bya ste/ chu snod gzhag pa dang / 'dag chal dang / sman dang / so shing gzhag pa dang / phan tshun gyi them skas ma gtogs par chung ngu na 'dug pa'i tshad tsam yang thams cad kyis bgo bar bya ste/ nye 'khor ni spyi'i yin pa nyid pas bgo bar mi bya'o/ /bcom ldan 'das kyis dge slong dag dgon pa dang / shing drung dang / khang stong dang / ri sul dang / brag phug dang / rtswa'i stan dang / bla gab med pa dang / dur khrod dang / nags mtha' dang / bas mtha'i gnas mal 'di rnams su bsam gtan gyis shig /phyis yid la gcags par mi 'gyur bar bag yod par gyis shig ces dgon pa'i bsngags pa mang du gsungs pa de'i tshe dge slong kha cig dgon pa par dam bcas nas dgon pa na gnas pa las/ de rnams de na chom rkun pa rnams kyis gtogs par gyur to/ /gtogs nas bram ze dang khyim bdag gi khyim rnams su chos gos tshol ba'i phyir brtson par gyur pas lung mnod pa dang / klag pa dang / gdon pa dang / rnal 'byor dang / yid la bya ba nyams par gyur pa'i skabs de dge slong rnam kyis bcom ldan 'das la gsol pa dang / byung ba 'di la bcom ldan 'das kyis bka' stsal pa/ dge slong dgon pa pa rnams kyi phyir gnas gzhag par bya'o/ / bcom ldan 'das kyis dge slong dgon pa pa rnams kyi phyir gnas gzhag par bya'o zhes gsungs pa dang / dge slong rnams kyis mi gsal ba zhig tu bzhag pa dang / dge slong dgon pa pa zhig gis lhung bzed dang chos gos bzhag nas sgo bcad de lde mig blangs nas song ba dang / dge slong dgon pa pa gzhan dag /phongs par gyur nas bcom ldan 'das kyis bka' stsal pa/ gnas gsal bar dge slong dgon pa pa rnams kyi gnas gzhag par bya'o/ /nye dgas khyim bdag cig gtsug lag khang rtsig tu bcug nas/ de ni de na mi gnas par dge slong glo bur pa gang zhig 'ongs pa de la gnas byin nas rnyed pa ni bdag nyid kyis khyer ro/ /ji tsam na dge slong chos gos gsum pa zhig 'ongs pa dang des gtsug lag khang stong par mthong nas des dris pa/ 'di su'i gtsug lag khang yin/ dge slong rnams kyis smras pa/ dge slong nye dga'i yin no/ /de de'i drung du song nas brnyas pa dang des smras pa/ gtsug lag khang 'dir 'dug la rnyed pa gang yin pa de ni kho bo'i yin no/ /de der gnas te des gtsug lag khang de lan 'ga' yang phyag dar ma byas/ ba'i lci ba gsar pa'i byug pas ma byugs so/ /de ji tsam zhig na gtsug lag khang de nas song ngo / /dge slong gzhan zhig 'ongs te des kyang nye dga' las brnyas nas gtsug lag khang der gnas pa dang / gtsug lag khang de phyag dar gyi phung pos gang bar mthong nas der phyag dar byas nas phyag dar bor te phyags ma zin bzhin du phyag dar gyi phung po'i drung na 'greng ba dang / ji tsam na dge slong gzhan zhig gis de mthong nas smras pa/ tshe dang ldan pa khyod phyags ma lag na thogs bzhin du de nyid na 'greng ngam ci/ phyags ma de mi bzhag gam/ des smras pa/ 'di na lag pa srung ba 'ga' zhig gnas pa lta ste/ des na phyags ma'i rjes kyang med do/ /des smras pa/ 'di na dge slong chos gos gsum pa che ge mo zhig gnas so/ /ji tsam na des de bsod snyoms la rgyu ba mthong nas ma nongs so/ /des smras pa/ rnyed pa ni nye dgas khyer la de'i gtsug lag khang kho bos phyag dar bya 'am zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ rnyed pa su 'khyer ba des gtsug lag khang phyag dar bya'o/ /bcom ldan 'das kyis sbyin bdag shi ba rnams kyi ming gis yon bsngo bar bya'o zhes gsungs pa dang / dge 'dun gyi gnas brtan gyis shi ba rnams kyi phyir tshigs su bcad pa 'don pa na/ khyim bdag gcig gtsug lag khang du 'ongs na/ des de yon bsngo ba thos te de'i drung du song ste smras pa/ 'phags pa gal te bdag gis kyang gtsug lag khang brtsig na/ bdag gi ming gis kyang yon bshad pa mdzad dam/ des smras pa/ rtsigs shig dang / legs par bsngo'o/ / ji tsam na khyim bdag des gtsug lag khang zhig rtsig tu bcug nas des der ci yang ma bzhag go/ /de stong pa nyid du 'dug pa ji tsam na khyim bdag des mthong nas des gtsug lag khang du 'ongs nas smras pa/ 'phags pa bdag gi gtsug lag khang stong par mchis na de na su yang mi bzhugs sam/ dge 'dun gyi gnas brtan gyis smras pa/ bzhin bzangs mi snum pas so/ /khyim bdag des smras pa/ 'phags pa tshwa sgo can dgon dung la brtsigs pa la ga la snum par 'gyur/ khyim bdag de la bsams nas kho bo smra ba ma yin te/ 'on kyang de na rnyed pa med do/ /des smras pa/ 'phags pa da ni bdag gi gtsug lag khang du su bzhugs pa la ras yug chen po bskon no/ / nye dgas rnyed pa thob bo snyam nas gral rim gyis bab pa na rang gi skal ba blangs nas de ni gzhan nyid na gnas te/ de ni stong par 'dug go/ /ji tsam na bsod snyoms pa mchod rten la phyag 'tshal ba zhig mnyan yod du 'ongs pa des gtsug lag khang stong pa de mthong nas/ des dge slong dag la dris pa/ gtsug lag khang 'di su'i yin/ de dag gis smras pa/ dge 'dun gyi gtsug lag khang yin mod kyi/ dge slong nye dga'i skal bar dbang ngo / /de nye dga'i drung du song nas khyod kyi skal ba'i gtsug lag khang 'dir 'dug go/ /des smras pa/ de bzhin du byos shig /de de na gnas pa na bsod snyoms pa de mkhas pa snyom las mi byed pa zhig yin pas des de nyi ma re rer byug pa dang / phyag dar byas so/ /phyag dar byed pa la ni phan yon lnga yod de/ 'di lta ste/ bdag nyid sems dang bar 'gyur ba dang / gzhan sems dang bar 'gyur ba dang / lha rnams yid dga' bar 'gyur ba dang / mdzes par 'gyur ba'i dge ba'i rtsa ba sogs pa dang / lus zhig nas bde 'gro mtho ris kyi 'jig rten lha rnams su skye bar 'gyur ro/ /gang dag gis gtsug lag khang de byug pa dang phyag dar byas pa mthong ba de dag gis khyim bdag de'i drung du song ste smras pa des thos nas mchog tu dga' ba skyes so/ /ji tsam dus gzhan zhig na rang nyid der song na gtsug lag khang de de bzhin du byug pa dang / phyag dar byed pa mthong nas de dad pa skyes te/ des bsod snyoms pa la ras yug chen bskon pa nye dgas thos nas de rings pa rings par song ste smras pa/ bsod snyoms pa gtsug lag khang 'di kho bo'i skal ba yin gyis/ ras yug chen po kho bo la byin cig /bsod snyoms pas bsams pa/ chags pa'i bdag nyid can 'di la gal te bdag gis ma byin yang 'on kyang 'dis mthus khyer nas bdag kyang gtsug lag khang nas bskrad par 'gyur ro snyam nas des de la byin pa'i skabs de dge slong rnams kyis bcom ldan 'das la gsol pa dang / byung ba 'di la bcom ldan 'das kyis bka' stsal pa/ gang la dad pa skyes nas dad pa'i lhag par bya ba byas pa ni de kho na'i yin no/ /dbyar gyi rnyed pa ni nye dga'i yin no/ /'jig rten ni yon tan la dga' ba yin pas bdag nyid dang bu dang chung ma sdug bsngal bar gyur kyang yon tan dang ldan pa la sbyin pa sbyin par byed de/ bram ze dang khyim bdag dad pa can rnams dge slong dgon pa pa rnams zas la mgron du 'bod par byed do/ /dge slong dgon pa pa rnams zas la khyim rnams su dong ba dang ma byin par len pa rnams kyis gtsug lag khang nas brkus par gyur nas bcom ldan 'das kyis bka' stsal pa/ sgo bcad la lde mig blangs la dong bar bya'o/ /ma byin par len pa rnams kyis kyang lde mig byas te brkus nas bcom ldan 'das kyis bka' stsal pa/ srung ma'i dge slong bzhag la dong bar bya ste/ de la bsod snyoms kyis brel ba med par bya'o/ /ma byin par len pa rnams kyis dge slong gzhan khrid de 'ongs nas/ des sgo phye zhes smras nas bcom ldan 'das kyis bka' stsal pa/ rims dang bcas sam/ rims med ces brda bya'o/ /gal te rims dang bcas so zhes zer na mi dbye'o/ /'on te rims med ces smra na dbye bar bya'o/ /gzhan yang dge slong dgon pa pas lo ma ltar mnyen pa gzhag par bya'o/ /bcom ldan 'das kyis dge slong dgon pa pas lo ma ltar mnyen pa gzhag par bya'o zhes gsungs pa dang / dge slong rnams kyis lo ma ltar mnyen pa ci 'dra ba ma shes nas bcom ldan 'das kyis bka' stsal pa/ dge slong dag lo ma ltar mnyen pa ni khyi yin te/ de la lhung bzed kyi lhag ma sbyin par bya'o/ /dge slong dgon pa pa rnams kyis khyi bcangs pa las mchod rten gyi 'khor sa dang / gtsug lag khang sder mos brud cing bshang ba dang lci bas ma rung bar byas nas bcom ldan 'das kyis bka' stsal pa/ dge slong dag ngas dge slong khyi srel ba'i kun du spyod pa'i chos bca' bar bya ste/ dge slong khyi srel bas nang par sngar langs la mchod rten gyi 'khor sa dang gtsug lag khang byul bar bya ste/ sder mos brud pa gang yin pa de snyam par bya'o/ /bshangs pa dang gcis pa yang phyag par bya'o/ /dge slong khyi srel bas kun du spyod pa'i chos ji ltar bcas pa bzhin yang dag par blangs te 'jug par mi byed na 'gal tshabs can du 'gyur ro/ /de'i tshe tshe dang ldan pa nye dga' gtsug lag khang zhig gi dge 'dun gyi gnas brtan du gyur pa dang / ji tsam na der dge 'dun gyi gnas brtan gzhan zhig 'ongs nas nye dgas bsams pa/ bdag gtsug lag khang 'di'i dge 'dun gyi gnas brtan byed byed pa las gnas brtan gnyis par bya ba 'am/ bdag gtsug lag khang gzhan du 'gro'o snyam pa las/ gtsug lag khang de nas byung ste/ de gtsug lag khang gzhan zhig tu song ba dang / dge 'dun de'i gnas brtan gnyis pa'i rnyed pa gang yin pa de de'i dge 'dun gyi gnas brtan gyi yin nas des bsams pa/ bdag gi rnyed pa 'di na yang der zad la bdag gi rnyed pa de na yang der zad na spogs med par dge 'dun gyi gnas brtan gyis ci zhig bya zhes de slar rings pa rings pas gtsug lag khang de nyid du song ba dang / gnas mal phyed bskos tsam na gtsug lag khang du phyin nas des smras pa/ rgan rims ji lta ba bzhin du gtsug lag khang skos shig /dge slong rnams kyis 'das zin to zhes te ma bskos pa dang nye dgas smras pa/ tshe dang ldan pa dag ston pa bzhugs bzhin du bstan pa nub par byed dam ci/ rgan rims ji lta ba bzhin du gtsug lag khang skos shig ces pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gang zhig dge 'dun gyi'am mchod rten gyi bya ba la song ba zhig yin na de'i gnas mal rgan rims ji lta ba bzhin du bsko bar bya'o/ /gzhan gyi ni gar bab pa bzhin du'o/ /nye dga' lhag par chags pas gtsug lag khang gnyis kyi rnyed pa thob par 'gyur ro snyam nas/ gtsug lag khang gnyis su dbyar gnas par dam bcas te/ des dbyar 'das nas rnyed pa mnos pa dang / gcig nas kyang ma thob cig shos nas kyang ma thob nas/ gnas mal 'gyed pa'i dge slong rnams la kha zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ des dbyar gnas par khas blangs pas de la rnyed pa byin cig /dge slong rnams kyis gtsug lag khang gnyis ka nas kyang byin pa dang bcom ldan 'das kyis bka' stsal pa/ gtsug lag khang gnyis ka nas sbyin par mi bya'o/ /gcig nas byin pa dang dge slong gzhan rnams smod par byed/ gzhogs 'phyas byed/ kha zer bar byed de gtsug lag khang gnyis kar dbyar gnas na ci'i phyir gcig nas sbyin/ bcom ldan 'das kyis bka' stsal pa/ gtsug lag khang gnyis ka nas phyed phyed sbyin par bya ste/ dge slong gis gtsug lag khang gnyis su gnas par dam mi bca'o/ /dam 'cha' bar byed na 'gal tshabs can du 'gyur ro/ /khyim bdag gcig gis gtsug lag khang gnyis rtsig tu bcug ste/ gcig ni dgon pa pa rnams kyi yin no/ /gcig shos ni grong mtha' pa rnams kyi yin no/ /khyim bdag de'i kun du spyod pa ni dbyar gnas pa'i dge slong gi dge 'dun gyi dge slong re re la ras yug chen re re bskon pa yin pas de ras yug chen rnams khyer te dgon pa pa rnams kyi gtsug lag khang du song ba dang / nye dgas dgon pa pa rnams kyi gtsug lag khang du rnyed pa 'bul lo zhes thos nas des dga' bo la spring ba/ gal te 'di rnyed pa 'bul na skal ba nos shig ces smras nas/ de rings pa rings par dgon pa pa rnams kyi gtsug lag khang du song ba dang / khyim bdag des mthong nas des bsams pa/ 'o ni gom stangs dang sbyar na dgon pa pa'i gtsug lag khang der song gis/ da ji ltar byas na rung snyam pa las re shig /grong mtha' pa'i gtsug lag khang du phul la phyis 'dir dbul lo snyam nas/ de phyir log nas ras yug po che brim par brtsams pa na dga' bos lag pa bzed pa dang khyim bdag des ras yug po che cig byin no/ /yang bzed pa dang khyim bdag gis smras pa/ 'phags pa khyod la ras yug po che phul lags na ci yang bzhed dam/ des smras pa/ khyim bdag khyod kyi gtsug lag khang du nye dgas dbyar gnas pas de'i skal ba nod do/ /khyim bdag gis smras pa/ 'phags pa bcom ldan 'das kyis rang gi lag nas sbyin pa la bsngags pa mdzad pas rang gi lag kho na nas 'bul lo/ /de skyengs nas cang mi smra bar 'dug go/ /nye dgas bsams pa/ khyim bdag de ring zhig thogs na grong gi mthar ma song grang snyam du bsams nas/ grong mtha' pa'i gtsug lag khang du song nas dga' bo la dris pa/ tshe dang ldan pa bdag gi ras yug po che rnams mnos sam/ des ji ltar gyur pa smras so/ /khyim bdag gis lam gzhan nas dgon pa pa'i gtsug lag khang du song ste ras yug po che brims nas song ngo / / nye dgas yang slar dgon pa pa'i gtsug lag khang du brgyugs na ji tsam ras yug po che rnams brims zin pa dang / de gtsug lag khang gnyis kyi rnyed pa la lhag par chags pa las rnyed pa las nyams nas mya ngan byed cing yi mug nas smre sngags 'don to/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa nye dga' lhag par chags pas ras yug po che las nyams pa la gzigs/ bcom ldan 'das kyis bka' stsal pa/ dge slong dag da ltar 'ba' zhig tu ma zad kyi ji ltar 'dis 'das pa'i dus na yang lhag par chags pas zas chad par byas pa de nyon cig /dge slong dag sngon byung ba 'bab chu'i ngos gnyis na gtsug lag khang gnyis shig yod de/ / gcig na ni dge 'dun gyi rnyed pa'o/ /gcig shos na ni bsod snyoms pa rnams kyi'o/ /ji tsam na khyi gaN DI'i sgra shes pa zhig yod de/ de gaN DI'i sgra thos nas dge 'dun gyi rnyed pa yod pa'i gtsug lag khang du song na/ de la dge slong kha cig gis lhung bzed kyi lhag ma byin pa dang des de zos nas bsod snyoms pa rnams kyi gtsug lag khang du song ste/ de yang lhung bzed kyi lhag ma zos na dga' mgur 'gro'o/ /ji tsam dus gzhan zhig na bsod snyoms pa rnams la blo bur gyi rnyed pa zhig byung nas de rnams kyis sngar gaN DI brdungs pa dang / khyi des gaN DI'i sgra thos nas chu rgal bar brtsams te de dbus su phyin pa dang / dge 'dun gyi rnyed pa can gyi gtsug lag khang gi gaN DI yang brdungs nas de spro ba med nas slar log par brtsams pa las de chu'i rgyun gyis ring du khyer nas gnyis ka las nyams par gyur to/ /dge slong dag 'di ji snyam du sems/ de'i tshe de'i dus kyi khyi gaN DI'i sgra shes pa gang yin pa de ni nye dga' 'di nyid yin te/ de na yang 'di lhag par chags pas gnyis ka las nyams par gyur to/ /da ltar yang lhag par chags pas gnyis ka las nyams par gyur to/ /dge slong dag de lta bas na dge slong gis lhag par chags par mi bya'o/ /byed na 'gal tshabs can du 'gyur ro// //sdom la/ 'thab dang nad pa rdzogs pa dang / /nub mo'i dus dang ka shi dang / /shing dang gsing ma 'dug gnas dang / /cha rnams dang ni bsgo ba'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ 'di ltar dge slong rnams kyis dge slong 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa rnams mchi zhing / de dag ngo tsha ma mchis pas tho btsam pa'i slad du bdag cag la gleng bar bgyid dran par bgyid do zhes thos na/ de rnams kyis de dag la ji ltar bsgrub par bgyi/ nye ba 'khor dge slong gnyug mar gnas pa rnams kyis dge slong 'thab krol byed pa rnams 'ong ngo zhes thos na/ gnas mal bsko ba gsum dang / gnas mal gzung ba drug bya'o/ /gnas mal bsko ba gsum gang zhe na/ dgun gyi dang / dpyid kyi dang / dbyar gyi'o/ /gnas mal gzung ba drug gang zhe na/ gtsug lag khang thams cad dang / gtsug lag khang gi nye 'khor thams cad dang / khang phran thams cad dang / khang phran gyi nye 'khor thams cad dang / kun dga'i ra ba thams cad dang / kun dga'i ra ba'i nye 'khor thams cad bsko bar bya'o/ /gal te gtsug lag khang bskos shig ces zer na 'di bskos zin no zhes brjod par bya zhing / gtsug lag khang gi nye 'khor bskos shig zhe na/ 'di yang bskos zin no/ /khang phran skos shig ce na/ 'di yang bskos zin no/ /khang phran gyi nye 'khor skos shig ce na/ 'di yang bskos zin no/ /kun dga'i ra ba bskos shig ce na/ 'di yang bskos zin no/ /kun dga'i ra ba'i nye 'khor skos shig ce na/ 'di yang bskos zin no zhes brjod par bya'o/ /de rnams gnas med de mi gnas na gang la nyes pa skyed par 'gyur/ de nas sngo ba rnams med/ phyir rgol ba rnams med/ mi mdza' ba rnams med nas de'i 'og tu rgan rims ji lta ba bzhin du gnas mal bsko bar bya'o/ /bcom ldan 'das kyis rgan rims ji lta ba bzhin du gnas mal bsko bar bya'o zhes gsungs pa dang / ji tsam na dge slong nad pa gcig cig yod pa de bas ches rgan pa'i dge slong zhig 'ongs nas rgan rims ji lta ba bzhin du de'i gnas khang bskos te/ de ni thams cad pas gzhon pas de'i gnas khang gzhan ni ma thob bo/ /dge slong des de la smras pa/ tshe dang ldan pa gnas khang 'di kho bo'i yin par bskos kyis byung shig /des smras pa/ bdag bro 'tshal bas na ma sos pa na'o/ /dge slong de gtum po zhig pas des phyung nas gang dgar bzhag go/ /ji tsam na bram ze dang khyim bdag gtsug lag khang lta bar 'dod pa lhags pa de rnams kyis dge slong de mthong nas de rnams kyis smras pa/ 'phags pa dag ci dge slong 'di gum lags sam/ bzhin bzangs dag 'di shi ba ni ma yin no/ /'o na ci'i phyir 'dir bzhag /'di bas ches rgan pa'i dge slong shig 'ongs nas/ 'di'i gnas khang de de'i yin par bskos pa dang des 'di phyung nas 'dir bzhag go/ /'phags pa bdag cag khyim pa lags kyang nad pa rjes su bsrung ba'i phyir khyim nas mi 'byin na khyed cag rab tu byung la ston pa yang thugs rje can yin na/ de ji ltar nad pa phyir 'byin par byed ces de rnams smod par byed/ gzhogs 'phyas byed/ kha zer bar byed pa'i skabs de dge slong rnams kyis bcom ldan 'das la gsol pa dang / byung ba 'di la bcom ldan 'das kyis bka' stsal pa/ dge slong dag de lta bas na dge slong nad pa la gzhi spang ba sbyin par bya'o/ /bcom ldan 'das kyis dge slong nad pa la gzhi spang ba sbyin par bya'o zhes gsungs pa dang / tshe dang ldan pa nye dgas mjal to zhes byas nas cang mi smra bar 'dug go/ /ji tsam na zhag drug gam bdun na gnas mal 'gyed par gyur pa na rkang pa rma byung ba ltar byas te gos kyis dkris nas 'dug pa dang / gnas khang 'gyed pa'i dge slong rnams kyis nad pa yin no snyam nas de'i gnas mal bskos so/ /de gnas mal bskos zin nas rma'i g.yogs ma bor te 'dug go/ /nad pa lta ba'i dge slong rnams kyis de la dris pa/ ci gnas brtan zhabs bsnyung ba sos sam/ des smras pa/ bcom ldan 'das kyis 'du byed thams cad ni mi rtag pa'o zhes bka' ma stsal tam/ ci kho bo'i nad rtag par 'gyur ram/ de rnams kyis smras pa/ gnas brtan myur du sos par gyur pa na bar sgyu ni ma btab grang / des smras pa/ kho bo gnas khang sgo drung du gzhag par 'dod dam ci/ dge slong don nyung ba rnams smod par byed/ gzhogs 'phyas byed/ kha zer bar byed de/ de ltar dge slong dag mi na bzhin du gnas khang spang ba rang gir byed pa ci'i tha tshig ces pa'i skabs de dge slong rnams kyis bcom ldan 'das la gsol pa dang / byung ba 'di la bcom ldan 'das kyis bka' stsal pa/ dge slong dag de lta bas na sgyu 'debs pa'i nad pa la gzhi spang ba sbyin par mi bya zhing des rang gir yang mi bya'o/ /rang gir byed na 'gal tshabs can du 'gyur ro/ /lnga tshan rnams kyi bsdus pa'i sdom ni/ mdun du bdar dang rang khrims dang / /ma chags pa dang de bzhin du/ /snang ba skyes dang byung ba dang / /bar du gcod dang de bzhin du/ /phyi mar byas pa ltung ba ste/ /bsdus pa'i sdom du bsdus pa yin/ /bar sdom ni/ mdun du bya dang gzhan dang yang / /nang dang gzhan rnams dag dang ni/ /sems can mang po phan bya ba/ /lnga tshan dag ni dang po yin/ /bcom ldan 'das kyis lha dang mi rnams la mdo sde dang ma mo bzhag go/ /klu rnams la ni mdo sde'o/ /'dul ba ni zab pa zab par snang ba/ mthong bar dka' ba/ khong du chud par dka' ba/ dgongs pa mang ba/ 'jig rten gyi spyod pa dang 'thun pa yin na/ dge slong rnams kyis 'dul ba zab pa nyid dang / dgongs pa mang ba nyid dang / 'jig rten gyi spyod pa dang 'thun pa nyid yin pas 'don par mi spro'o/ /'di ni chos nyid yin te/ sangs rgyas bcom ldan 'das rnams ni bstan pa'i yan lag gang zhig yongs su nyams pa de'i bsngags pa lhag par brjod par mdzad pa yin pas/ de nas bcom ldan 'das kyis dge slong rnams la bka' stsal pa/ dge slong dag nga'i 'dul ba 'dzin pa'i gang zag la phan yon lnga yod de/ lnga gang zhe na/ 'khor bzhis mdun du bdar ba yin/ gdam ngag dang rjes su bstan pa gzhan la rag ma las pa yin/ 'das pa dang ma 'ongs pa dang / da ltar byung ba'i yang dag par rdzogs pa'i sangs rgyas rnams kyi nang gi mdzod bsrung ba yin/ dge sbyong dang bram ze gzhan rnams kyi spyi bo na 'dug pa yin/ dam pa'i chos gnas par bya ba'i phyir dang / bslab pa'i ched kyi phyir skye bo mang po la phan pa dang / skye bo mang po la bde bar zhugs pa yin no/ /bar sdom ni/ bdag nyid khrims ldan mngon par bsu/ /'gyod pa dang ni bag tsha med/ /chos dang 'thun pas byed pa ste/ /lnga tshan gnyis pa yin par bshad/ /gzhan yang 'dul ba 'dzin pa'i gang zag la phan yon lnga yod de/ lnga gang zhe na/ 'di'i rang gi tshul khrims kyi phung pos legs par bsrung zhing legs par sbas pa yin/ 'khor bzhis mngon sum du bsu bar bya ba yin/ gang zag 'gyod pa skyes pa rnams kyi ston par gyur pa yin/ dge 'dun gyi nang na bag tsha ba med pas gnas pa yin/ chos dang 'thun pas phyir rgol ba tshar gcod pa yin no/ /bar sdom ni/ ma 'dres don dang nges pa dang / /bslab pa yi ni gzhi dag dang / /snang ba dag ni gnyis po nyid/ /lnga tshan dag ni gsum pa yin/ /gzhan yang gang zag 'dul ba 'dzin pa la phan yon lnga yod de/ lnga gang zhe na/ don ma 'dres par sel ba yin/ don rnam par gtan la dbab par bya ba la shin du nges pa yin/ de'i bslab pa'i gzhi rnams legs par bzung ba yin/ sems kyi snang ba skyes pas mang du gnas pa yin/ skye bo phyi ma rnams kyi snang ba byed pa yin no/ /sdom ni/ snang ba gsal ba 'od dang ni/ sems las chung dang mi stong pa'o/ /gzhan yang gang zag 'dul ba 'dzin pa la phan yon lnga yod de/ lnga gang zhe na/ phyogs gang na gang zag 'dul ba 'dzin pa gnas pa'i phyogs de ngas snang ba skyes pa dang / gsal ba skyes pa dang / 'od skyes par mthong / phyogs der nga thugs khral chung ngur gnas/ phyogs de ngas bstod pa ma yin par mthong ngo / /sdom ni/ byung dang de nas bcas pa dang / /rjes su bcas dang de bzhin du/ /bkag dang rjes su gnang ba ni/ /lnga tshan lnga par byas pa'o/ /gzhan yang gang zag 'dul ba 'dzin pa la phan yon lnga yod de/ lnga gang zhe na/ byung ba shes/ bcas pa shes/ rjes su bcas pa shes/ bkag pa shes/ rjes su gnang ba shes pa yin no/ /sdom ni/ bar chad bar chad ma yin dang / /gdams ngag dang ni rjes bstan dang / / slob ma'i mthu ni yod pa ste/ lnga tshan drug pa dag tu bshad/ gzhan yang gang zag 'dul ba 'dzin pa la phan yon lnga yod de/ lnga gang zhe na/ bar du gcod pa rnams shes/ bar du gcod pa ma yin pa rnams shes/ 'doms par byed/ rjes su ston par byed/ lhan cig gnas pa dang nye gnas rnams gnas 'char 'jug nus so/ /sdom ni/ ltung ba dang ni ltung ba min/ /lci dang yang dang de bzhin du/ /so sor thar pa rgyas par yang / /gdon pa dag ni lnga tshan yin/ /gzhan yang gang zag 'dul ba 'dzin pa la phan yon lnga yod de/ lnga gang zhe na/ ltung ba byung ba shes/ ltung ba ma byung ba shes/ lci ba shes/ yang ba shes shing / de so sor thar pa'i mdo gdon pa la rgyas par zhugs pa yin no/ /bcom ldan 'das kyis 'dul ba'i bsngags pa gsungs pa dang / dge slong gnas brtan gnas brtan rnams spro ba dang bcas pas 'dul ba gdon par brtsams so/ /de'i tshe tshe dang ldan pa nye bar 'khor 'dul ba'i gleng gzhi dang byung ba la mkhas pa rnams kyi mchog tu gyur nas dge slong gnas brtan gnas brtan rnams 'dul ba kun chub par byed par 'gyur ro snyam ste/ gus pas bstan par brtsams pas de lus skya bo bseng bseng por gyur zhing rid pa dang / nyam chung ba dang / na bas nyam dmas par gyur to/ / sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed kyi mi mkhyen par mi rmed/ dus su rmed kyi dus las yol bar mi rmed/ don dang ldan pa rmed kyi don dang mi ldan par mi rmed pa ste/ sangs rgyas bcom ldan 'das rnams ni don dang ldan pa ma yin pa rmed pa la chu lon gyis zlog par mdzad pa yin no/ /de la sangs rgyas bcom ldan 'das rnams don dang ldan pa rmed pa la dus mkhyen pas sangs rgyas bcom ldan 'das kyis tshe dang ldan pa kun dga' bo la bka' stsal pa/ kun dga' bo ci'i phyir dge slong nye bar 'khor lus skya bo bseng bseng por gyur zhing rid pa dang / nyam chung ba dang / na bas nyam dmas par gyur/ des gsol pa/ bcom ldan 'das kyis 'dul ba'i bsngags pa gsungs pa dge slong gnas brtan gnas brtan rnams kyis de thos nas spro ba dang bcas pas 'dul ba gdon par brtsams pa dang / tshe dang ldan pa nye bar 'khor gyis dge slong gnas brtan gnas brtan rnams 'dul ba kun chub par bgyid par 'gyur ro zhes gus pas bstan par brtsams te/ des na de lus skya bo bseng bseng por gyur zhing rid pa dang / nyam chung ba dang / bro 'tshal bas nyam dmas par gyur lags so/ /byung ba 'di la bcom ldan 'das kyis bka' stsal pa/ dge slong dag ngas lung 'bogs pa'i dge slong gi kun du spyod pa'i chos bca' bar bya ste/ lung 'bogs pa'i dge slong gis spyod lam rnam bzhir lung 'bog par bya ste/ 'chag pa dang / 'greng ba dang / 'dug pa dang / nyal ba na'o/ /lung nod pa'i dge slong gi spyod lam rnam pa gsum gyis lung nod bar bya ste/ gal te lung 'bogs pa'i dge slong 'chag sar lung nod pa'i dge slong 'ongs la gsar bu zhig yin na des phyag byas la/ khams snyoms sam zhes dris nas lus btud de sems drang pos gus pa dang bcas pas gom pa bsri zhing lung mnod par bya'o/ /ji ste ches rgan pa zhig yin na des khams snyoms sam zhes dris nas lus btud de sems drang por gus pa dang / bcas pas gom pa bsri zhing lung mnod par bya'o/ /ji ste 'greng ba na 'ongs pa la gsar bu zhig yin na des phyag byas la khams snyoms sam zhes dris nas stan ches dma' ba la tsog tsog por 'dug la sems drang pos gus pa dang bcas pas lung mnod par bya'o/ /ji ste rgan pa zhig yin na des khams snyoms sam zhes dris la lus btud nas sems drang pos gus pa dang bcas pas lung mnod par bya'o/ /'greng ba la ji lta ba bzhin du 'dug pa dang / nyal ba la yang sbyar bar bya'o/ / lung 'bog pa'i dge slong gis shin du goms pa dang / legs par byang ba dang / the tshom med par byas nas lung 'bog par bya'o/ /lung nod pas kyang shin du byang ba dang / shin du zin pa dang / the tshom med par byas nas lung mnod par bya'o/ /lung 'bogs pa'i dge slong dang / lung nod pa'i dge slong gis kun du spyod pa'i chos ji ltar bcas pa bzhin yang dag par blangs te/ 'jug par mi byed na 'gal tshabs can du 'gyur ro/ /drug sde'i dge slong rnams ljongs rgyu zhing dong ba na/ gtsug lag khang zhig tu nub mo phyin nas de rnams 'grogs bshes ji lta ba bzhin du dge slong rnams kyis ngal sor bcug pa dang / de rnams kyis smras pa/ tshe dang ldan pa dag 'dug ste ci byed gnas mal sko ba bos shig /de dag gis smras pa ci dgos/ gnas mal bskor gzhug mod/ de rnams kyis smras pa/ gnas mal yod kyis bde bar nyol cig dang / nam nangs nas bsko'o/ /de rnams kyis kun nas dkris pas smras pa/ ci khyed cag ston pa bzhugs bzhin du bstan pa nub par byed dam/ gal te khyed la 'gyed pa yod na rgan rims ji lta ba bzhin du gnas mal skos shig /de rnams kha stobs can yin pas gnas mal sko ba bred nas gnas mal bskos pa dang / drug sde de rnams kyis rgan rims bzhin du gnas mal mnos te nyal lo/ /ji tsam gzhon rims kyis bar du sko ba de'i bar du nam nangs so/ /drug sde rnams myur ba myur bar langs te smras pa/ tshe dang ldan pa dag gnas mal sdus shig 'dong ngo / /dge slong de rnams kyis smras pa/ tshe dang ldan pa dag khyed kyi nub cig gi phyir dge slong gi dge 'dun mtha' dag nub mo tho btsam 'am/ kye ma'o khyed cag 'di nyid du 'dug shig /de rnams kyis smras pa/ dga' bo nye dga' mnyan yod du dong ngo / /'di dag ni rlung nad can yin no zhes byas nas dong ba'i skabs de dge slong rnams kyis bcom ldan 'das la gsol pa dang / byung ba 'di la bcom ldan 'das kyis bka' stsal pa/ dge slong dag de lta bas na nub mo gnas mal bsko bar mi bya'o/ / gal te nub mo lhags na 'grogs bshes ci lta ba bzhin du so sor ngal sor gzhug par bya'o/ /yul zhig nas dge slong mchod rten la phyag byed pa zhig mnyan yod du 'ongs na de de'i spyod yul la mi mkhas pas nang par sngar langs te bcom ldan 'das kyi spyan sngar song ste/ bcom ldan 'das dang dge slong gnas brtan gnas brtan rnams kyi rkang pa gnyis la phyag byas nas mnyan yod du bsod snyoms la zhugs so/ /de bsod snyoms spyod pa na dro bab tu nye nas de nyid du ra ba zhig gi drung du 'dug nas zas kyi bya ba byed par brtsams so/ /khyim bdag mgon med zas sbyin yang mchod rten la phyag 'tshal zhing lam de nas song ba las des de mthong nas smras pa/ 'phags pa kun nas mdzes pa'i bstan pa la rab tu byung ba yin na mi rigs pa mdzad dam ci/ des smras pa/ tshe dang ldan pa dro la bab tu nye ba ma mthong ngam/ 'di la mi rigs pa ci zhig yod/ des smras pa/ khyod ci'i slad du bdag gi khyim du mi byon/ khyod kyi ming ci/ mgon med zas sbyin no/ /kho bos mdo sde de dang de rnams las khyim bdag mgon med zas sbyin zhes thos pa zhig yod kyi/ khyod kyang mi shes la/ khyim yang mi shes so/ /khyim bdag mgon med zas sbyin gyis bsams pa/ dge slong 'di ni lam ring po nas 'ongs na rgyus mi shes pa zhig yin te/ gdon mi za bar bdag kyang mi shes la/ bdag gi khyim yang mi shes kyis/ 'di lta bu la ji ltar byas na rung ba bcom ldan 'das la zhus la/ gang yang mnyan yod nas rgyal bu rgyal byed kyi tshal gyi bar gyi bar du bsti gnas brtsig par bya'o snyam nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag byas te phyogs cig tu 'dug go/ /phyogs cig tu 'dug nas khyim bdag mgon med zas sbyin gyis bcom ldan 'das la 'di skad ces gsol to/ /dge slong glo bur ba spyod yul ba zhig bsod snyoms spyod pa na dro yol du nye nas ra ba zhig gi drung du g.yar zas kyi bgyi ba bgyid de/ ma dad pa rnams yan lag 'dis 'phags pa rnams la smod par 'gyur ro/ /gal te bcom ldan 'das kyis gnang na bdag gis gang yang mnyan yod nas rgyal bu rgyal byed kyi tshal gyi bar gyi bar du bsti gnas brtsig par bgyi ste/ gang zhig gang du dro la bab pa de der bsod snyoms longs spyod par 'gyur ro/ / bcom ldan 'das kyis bka' stsal pa/ khyim bdag de lta bas na rjes su gnang gis rtsigs shig /des gang yang mnyan yod nas rgyal byed kyi tshal gyi bar gyi bar du bsti gnas dag brtsigs nas dge slong gang zhig gang du dro bab pa de der zas kyi bya ba byed do/ /dge slong gzhan dag chus phongs par gyur nas khyim bdag mgon med zas sbyin gyis der khron pa brkos nas tsha ba gsum dang 'bras bu gsum gyis shing rta bkang ste btab pas chu de ro phun sum tshogs par gyur to zhes 'jig rten thams cad du grags pa skye bo'i tshogs kyis thos nas lhags pa/ dge slong rnams kyis bgags pa dang / mnyan yod na gnas pa rnams kyis smras pa/ 'phags pa khyed cag la bdag cag gis yo byad thams cad kyis bsnyen bkur bgyis na/ chab 'jig rten thams cad kyi thun mong khyed 'gog par mdzad dam zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ bgag par mi bya'o/ /bud med dge slong rnams la chu slong ba na dge slong rnams kyis ma byin nas bcom ldan 'das kyis bka' stsal pa/ sbyin par bya'o/ /bcom ldan 'das kyis bud med ni kun nas zhags pa ste/ bdud kyi 'ching ba yin no zhes gsungs pas dge slong rnams bud med la chu sbyin par byed pa na chags par gyur to/ /ji tsam na bud med byad bzhin dang lang tshos rgyags pa zhig dge slong gzhon nu zhig la shin du chags pas de la chu blangs pa dang / de yang de la chags pas bcings pa'i sems kyis slar log kyang rgyun ma bcad par blugs te/ de yang de la rtog bzhin 'thungs pa la chu de glor song nas shi'o/ /don nyung ba'i dge slong rnams smod par byed/ gzhogs 'phyas byed/ kha zer bar byed pa'i skabs de dge slong rnams kyis bcom ldan 'das la gsol pa dang / byung ba 'di la bcom ldan 'das kyis bka' stsal pa/ bud med gang zhig chags pas bcings ba'i sems gyis dge slong la chu slong ba de la rang gis sbyin par mi bya'o/ /bud med la chu rgyun ma chad par sbyin par mi bya zhing snyim pa khong la 'thung shig ces bsgo la/ skabs skabs su bcad cing blugs par bya'o/ /gzhan du na 'gal tshabs can du 'gyur ro// //'dul ba gzhi/ bam po bdun bcu bdun pa/ de'i tshe gang dag bsod snyoms kyi thog ma rgyal bu rgyal byed kyi tshal du dbul ba de rnams kyis de nyid du dbul bar brtsams pa drug sde rnams kyis thos nas de rnams bsti gnas su dong ste 'dug nas bsod snyoms kyi thog ma khyer te 'ong ba gang yin pa de la smras te/ gal te 'o thug yin na ni lhung bzed bzed par byed de/ ci ste chu thug yin na ni rdzu 'phrul chen po'i dge 'dun dang / mthu chen po'i dge 'dun la phul cig ces smra'o/ /de bzhin du hwags kyi bca' ba la sogs pa la sbyar bar bya ste/ don nyung ba'i dge slong rnams smod par phyed/ gzhogs 'phyas byed/ kha zer bar byed pa'i skabs de dge slong rnams kyis bcom ldan 'das la gsol pa dang / byung ba 'di la bcom ldan 'das kyis bka' stsal pa/ dge slong gis gzhan gyi rnyed pa la kha brngam mi bya'o/ /kha brngam byed na 'gal tshabs can du 'gyur ro/ /bcom ldan 'das kyis dge slong gis gzhan gyi rnyed pa la kha brngam mi bya'o zhes gsungs pa dang / dge slong kha cig dgos pa zhig la gtsug lag khang gzhan du dong ste/ de rnams der phyin pa na dro la bab kyang 'gyod pas longs ma spyad pa'i skabs de dge slong rnams kyis bcom ldan 'das la gsol pa dang / byung ba 'di la bcom ldan 'das kyis bka' stsal pa/ ched du bsams te 'gro bar mi bya'o/ /ma bsams par 'ong ba las gal te dro la bab par gyur na longs spyad par bya ste/ 'di la 'gyod par mi bya'o/ /phongs pa dang bcas pa'i dus byung ba na dge slong dag gtsug lag khang gzhan du dong ba las de na dge slong de rnams longs spyod pa mthong nas yang bza' bar 'dod pa las 'gyod pas longs ma spyad pa'i skabs de dge slong rnams kyis bcom ldan 'das la gsol pa dang / byung ba 'di la bcom ldan 'das kyis bka' stsal pa/ gtsug lag khang snga mar de ma blangs la de yang gal te tshad med pa zhig tu 'drim na blang bar bya'o/ /ji ste dge slong tshad yod par byas pa zhig yin na blang bar mi bya'o/ /len na 'gal tshabs can du 'gyur ro/ /de nas bcom ldan 'das yul ka shi'i ljongs rgyu zhing gshegs pa na ri nag po la gshegs so/ /de'i tshe ri nag po la dge slong 'gro mgyogs dang / nab so gnyis gnas te/ de gnyis kyis bcom ldan 'das dge slong gi dge 'dun dang thabs gcig tu yul ka shi nas ljongs rgyu zhing gshegs shing 'dir gshegs par 'gyur ro zhes thos so/ / thos nas kyang bsams pa/ ston pa'i spyan sngar dge slong ngo tsha med pa/ 'dzem pa med pa rnams kyis bdag cag la gleng bar byed/ dran par byed par 'gyur gyis/ ma la bdag cag gis bcom ldan 'das kyi phyir gtsug lag khang chen po gcig ma gtogs pa dge slong rnams las brtsams te/ gnas mal bsko ba gsum dang / gnas mal gzung ba yang drug bya'o/ /gnas mal bsko ba gsum gang zhe na/ dgun gyi dang / dpyid kyi dang / dbyar gyi'o/ /gnas mal gzung ba drug gang zhe na/ gtsug lag khang thams cad dang / gtsug lag khang gi nye 'khor thams cad dang / khang phran thams cad dang / khang phran gyi nye 'khor thams cad dang / kun dga' ra ba thams cad dang / kun dga' ra ba'i nye 'khor thams cad bsko bar bya'o/ /gal te gtsug lag khang skos shig ces smras pa dang 'di bskos zin no zhes brjod par bya zhing khang phran skos shig ce na/ 'di yang bskos zin no/ /gtsug lag khang gi nye 'khor skos shig ce na/ 'di yang bskos zin no/ /khang phran gyi nye 'khor skos shig ce na/ 'di yang bskos zin no/ /kun dga' ra ba skos shig ce na/ 'di yang bskos zin no/ /kun dga' ra ba'i nye 'khor skos shig ce na/ 'di yang bskos zin no zhes brjod par bya ste/ de rnams gnas med de mi gnas na ngo tsha med pa/ 'dzem pa med pas bdag cag la gleng bar mi 'gyur ro snyam nas/ de gnyis kyis gnas mal bsko ba gsum dang / gnas mal gzung ba drug byas so/ /ji tsam na bcom ldan 'das ri nag po la gshegs pa na de gnyis kyis bcom ldan 'das kyi gtsug lag khang ni snga nas bsdogs zin to/ /dge slong rnams kyis smras pa/ tshe dang ldan pa dag gnas mal dang gtsug lag khang skos shig /de gnyis kyis smras pa/ gtsug lag khang sngar bskos zin no/ /khang phran skos shig /de yang bskos zin no/ /gtsug lag khang gi nye 'khor skos shig /de yang bskos zin no/ /khang phran gyi nye 'khor skos shig /de yang bskos zin no/ /kun dga' ra ba skos shig /de yang bskos zin no/ /kun dga' ra ba'i nye 'khor skos shig /de yang bskos zin no/ /gang gi phyir de gnyis kyis gnas thams cad ma bskos pa dang de nas kun dga' ra ba'i nang du sgra mthon po dang sgra chen po byung ngo / /sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed kyi mi mkhyen par mi rmed/ dus su rmed kyi dus las yol bar mi rmed/ don dang ldan par rmed kyi don dang mi ldan par mi rmed pas/ sangs rgyas bcom ldan 'das rnams don dang ldan pa ma yin pa rmed pa la chu lon gyis zlog par mdzad pa yin no/ /sangs rgyas bcom ldan 'das rnams don dang ldan pa rmed pa de la dus mkhyen pa yin pas sangs rgyas bcom ldan 'das kyis tshe dang ldan pa kun dga' bo la smras pa/ kun dga' bo kun dga' ra ba'i nang na skye bo'i tshogs chen po'i sgra mthon po dang sgra chen por grag pa 'di ci zhig yin/ des gsol pa/ dge slong 'gro mgyogs dang nab so gnyis kyis gnas mal bsko ba gsum dang gnas mal gzung ba drug bgyis nas dge slong rnams kyis gnas mal ma thob par gyur te/ des na kun dga' ra ba'i nang na skye bo'i tshogs chen po'i sgra mthon po dang sgra chen po 'di grag lags so/ /bcom ldan 'das kyis bka' stsal pa/ kun dga' bo ngas 'thab bkrol byed pa'i dge slong rnams la dgongs nas gnas mal bsko ba gsum dang / gnas mal gzung ba drug mdzad kyis rang bzhin du gnas pa la ni ma yin pas/ de lta bas na dge slong rnams kyis rang bzhin du gnas pa'i dge slong rnams las brtsams te gnas mal bsko ba gsum dang / gnas mal gzung ba drug mi bya'o/ /byed na 'gal tshabs can du 'gyur ro/ /sangs rgyas bcom ldan 'das dge slong gi dge 'dun dang thabs gcig tu yul ko sa la'i ljongs rgyu zhing gshegs pa na grong med pa'i dgon pa zhig tu nub mo dgongs btab bo/ /drug sde rnams kyis bcom ldan 'das kyi phyir shing bzang po zhig bzhag nas shing bzang po gzhan ni rang rang gis bzung ngo / /dge slong gnas brtan gnas brtan rnams kyis ni shing khong stong dag thob bo/ /ko sa la'i rgyal po gsal rgyal gyis thos nas dpung gi tshogs yan lag bzhi dang bcas te bsu nas bcom ldan 'das kyi zhabs gnyis la mgo bos phyag byas nas dge slong gnas brtan gnas brtan rnams la brtags na/ ji tsam na drug sde rnams ni shing bzang po dag gi drung na gnas la/ gnas brtan gnas brtan rnams kyi ni shing khong stong rnams mthong nas/ des mjal to zhes byas nas bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs gcig tu 'dug nas ko sa la'i rgyal po gsal rgyal gyis bcom ldan 'das la 'di skad ces gsol to/ /btsun pa bdag rgyal po rgyal rigs spyi bo nas dbang bskur ba gtso bo lags te/ yul mtha' dag nas 'byung ba'i rin po che rnams las thams cad kyi mchog gi dngos po gang lags pa de ni bdag gi lags na/ lhag ma rnams las ji ltar 'tshal ba bzhin du mchis brang dang / gzhon nu dang / blon po dang / khrom gyi ru pa rnams kyi lags so/ /bcom ldan 'das kyang bla na ma mchis pa'i chos kyi rgyal po lags/ 'phags pa kauN+Di n+ya dang / shA ri'i bu dang / maud gal gyi bu dang / 'od srung dang / kun dga' bo dang / nam gru la sogs pa nyan thos chen po rnams ni zhugs shing khong stong rnams kyi drung na mchis la/ drug sde rnams kyi ni zhugs shing bzang ches lags kyis/ kye ma'o bcom ldan 'das thugs brtse ba nye bar bzung ste zhugs shing la yang rgan rims ji lta ba bzhin gyi bca' ba mdzad du gsol/ bcom ldan 'das kyis ko sa la'i rgyal po gsal rgyal la cang mi gsung bas gnang ngo / /de nas ko sa la'i rgyal po gsal rgyal gyis bcom ldan 'das cang mi gsung bas gnang bar rig nas/ bcom ldan 'das kyi zhabs gnyis la mgo bos phyag byas te stan las langs nas song ngo / /byung ba 'di la bcom ldan 'das kyis bka' stsal pa/ dge slong dag de lta bas na shing rnams dang / sgang bu dang / gsing ma rnams kyang rgan rims ji lta ba bzhin du bsko bar bya'o/ /bcom ldan 'das kyis shing dang / sgang bu dang / gsing ma rnams kyang rgan rims ji lta ba bzhin bsko bar bya'o zhes gsungs pa dang / dge slong rnams rang nyid sko bar byed nas bcom ldan 'das kyis bka' stsal pa/ gnas khang sko ba'i dge slong bsko bar bya'o/ /dge slong rnams kyis phal pa las bskos nas/ bcom ldan 'das kyis bka' stsal pa/ chos lnga dang ldan pa'i dge slong gtsug lag khang 'ged par ma bskos pa ni bsko bar mi bya'o/ /bskos pa ni dbyung bar bya'o/ /lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / gtsug lag khang bskos pa dang ma bskos pa mi shes pa ste/ chos 'di lnga dang ldan pa ni gtsug lag khang sko bar ma bskos pa ni bsko bar mi bya'o/ /bskos pa ni dbyung bar bya'o/ /yang chos lnga dang ldan pa ni gtsug lag khang sko bar ma bskos pa ni bsko bar bya'o/ /bskos pa ni dbyung bar mi bya'o/ /lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / gtsug lag khang bskos pa dang ma bskos pa shes pa ste/ chos 'di lnga dang ldan pa ni gtsug lag khang sko bar ma bskos pa ni bsko bar bya'o/ /bskos pa ni dbyung bar mi bya'o/ /bsko ba ni 'di ltar bya ste/ gnas mal bshams la gaN DI brdungs la dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang re shig thog mar spro bar bya ste/ ming 'di zhes bya ba khyod dge 'dun gyi gtsug lag khang sko bar spro'am/ de gal te spro bar gyur na des spro'o zhes brjod par bya'o/ /de nas dge slong gcig gis gsol ba byas te las bya'o/ /dge 'dun btsun pa rnams gsan du gsol/ gtsug lag khang sko ba dge slong ming 'di zhes bgyi ba 'di dge 'dun gyi gtsug lag khang sko bar spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / 'di ltar dge 'dun gyis ming 'di zhes bgyi ba 'di gtsug lag khang sko bar bsko ba mdzad do/ /'di ni gsol ba'o/ /las bya ba ni/ dge 'dun btsun pa rnams gsan du gsol/ gtsug lag khang bsko ba dge slong ming 'di zhes bgyi ba 'di dge 'dun gyis gtsug lag khang sko bar spro nas 'di ltar dge 'dun gyis dge slong ming 'di zhes bgyi ba 'di gtsug lag khang sko bar bskos na/ tshe dang ldan pa gang dag dge slong ming 'di zhes bgyi ba 'di gtsug lag khang sko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di gtsug lag khang sko bar bskos te/ 'di ltar cang mi gsung bas de de bzhin du 'dzin to/ /gtsug lag khang 'ged pa ji lta ba bzhin du zas la bsko ba dang / thug pa 'drim pa dang / bag chos 'drim pa dang / phran tshegs 'drim pa dang / snod spyad 'drub pa dang / gos sbed pa dang / gos 'ged pa dang / dbyar gyi ras chen sbed pa dang / dbyar gyi ras chen 'ged pa dang / mngag gzhug pa dang / mdzes 'chos pa yang de bzhin te/ chos lnga dang ldan pa'i dge slong ma bskos pa ni bsko bar mi bya'o/ /bskos pa ni dbyung bar bya'o/ /lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / mdzes pa dang mi mdzes pa mi shes pa ste/ chos 'di lnga dang ldan pa'i dge slong mdzes 'chos par ma bskos pa ni bsko bar mi bya'o/ /bskos pa ni dbyung bar bya'o/ /yang chos lnga dang ldan pa'i dge slong mdzes 'chos par ma bskos pa ni bsko bar bya'o/ /bskos pa ni dbyung bar mi bya'o/ /lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / mdzes pa dang mi mdzes pa shes pa ste/ chos 'di lnga dang ldan pa'i dge slong mdzes 'chos pa ma bskos pa ni bsko bar bya'o/ /bskos pa ni dbyung bar mi bya'o/ /gtsug lag khang dang zas 'ged dang / /thug pa 'drim dang bag chos dang / /phran tshegs snod spyad sbed pa dang / /chos gos gnyis dang de bzhin du/ /dbyar gyi ras chen sbed pa dang / /'ged pa dang ni mngag gzhug dang / /de bzhin du ni mdzes 'chos te/ /gang zag bcu gnyis yin par bshad/ / gnas mal gyi gzhi rdzogs s+ho// // rtsod pa zhi bar byed pa'i gzhi'i sdom la/ 'thab dang 'gyed pa'i rtsod pa dang / /rtsa ba gang dang dge ba gang / /'gyed pa yin la rtsod min dang / /'gyed pa dus ni zhi ba dang / /'gyed pa mngon sum zhi ba dang / /tshul shing dag ni blang ba yis/ /gdams ngag med pa mngon sum dang / /dran dang ma myos 'dul 'os dang / /de yi ngo bo tshol gzhug dang / rtswa bkram lta bur 'os pa yis/ /dge 'dun dag ni 'thun pa yis/ /de bzhin bya ba'i rtsod pa ni/ /nye bar zhi bar bya'o zhes/ /drang srong chen pos rab tu gsungs/ /sangs rgyas bcom ldan 'das yul ser skya'i gzhi n+ya gro d+ha'i kun dga' ra ba na bzhugs so/ /gang gi tshe bcom ldan 'das kyis shAkya rnams bden pa la bkod pa de'i tshe de rnams bcom ldan 'das la blta ba'i phyir dus gsum du 'dong bar byed do/ /bcom ldan 'das kyis kyang de rnams la yang dang yang du chos 'chad par mdzad do/ /rgyal po zas gtsang gi kun du spyod pa ni shAkya'i tshogs kyis bskor nas bcom ldan 'das la blta ba'i phyir dus gsum du 'gro bar byed do/ /ji tsam na dus gzhan zhig na bcom ldan 'das 'khor brgya phrag du ma'i gung la bzhugs nas sbrang ma'i sbrang rtsi dngas ma lta bu'i chos bshad pa na 'khor brgya phrag du ma dbang po rnams mi g.yo bas bcom ldan 'das las snyan pa snyan pa'i chos nyan par byed do/ /rgyal po zas gtsang yang chos mnyan pa'i phyir rgyal po'i 'byor pa chen po dang / rgyal po'i mthu chen pos shAkya'i tshogs kyis bskor nas bcom ldan 'das kyi spyan sngar song ste/ des chos mnyan nas song ngo / /de nas shAkya ming chen gyis bcom ldan 'das kyi spyan snga nas chos mnyan te dad pa skyes nas rang gi khyim du song ste smras pa/ kye ma'o sangs rgyas/ kye ma'o chos/ kye ma'o dge 'dun/ sangs rgyas byung ba ni bdag 'bras bu dang bcas pa yin no/ /ming chen gyi chung ma dam pas smras pa/ rje'i sras de ci lags/ des smras pa/ deng bcom ldan 'das kyis 'khor brgya phrag du ma'i mdun du 'di 'dra ba'i chos bshad pa mdzad de/ de thos pas srog chags brgya stong phrag du mas khyad par chen po rtogs so/ /des smras pa/ rje'i sras sangs rgyas byung ba ni bdag 'bras bu dang bcas pa yin no zhes gsungs pa gang lags pa de mad de/ sangs rgyas byung ba ni khyed cag kho na la 'bras bu dang bcas pa lags kyi bdag cag la ni ma lags so/ /ci'i phyir 'di ltar bcom ldan 'das 'jig rten du byung ba ni skyes pa rnams kyi phyir lags kyi bud med rnams kyi phyir ni ma lags so/ / des smras pa/ bzang mo de skad ma smra shig /bcom ldan 'das ni sems can thams cad la phan pa dang / thugs brtse ba yin gyis song shig dang / khyod kyis kyang bcom ldan 'das kyi spyan snga nas chos thos par 'gyur ro/ / des smras pa/ lha shAkya'i tshogs kyis bskor nas bcom ldan 'das la blta ba'i phyir dus gsum du bzhud la/ lha'i mdun du mngon sum du bdag gis chos mnyan pa g.yar tsha lags so/ /'di ltar gal te lha snga dro bzhud na bdag gis kyang slad dro bcom ldan 'das las chos mnyan par bgyi'o/ /shAkya ming chen gyis bsams pa/ lha la gsol gyis 'gro'o snyam pa las yang bsams pa/ rang gi chung ma'i ched la lha la gsol ba byed mi phod kyis/ lha ni skye dgu'i bdag mo chen mo la bkur sti mang du byed de/ de'i tshig nyan par 'gyur bas de la don 'di rig par bya'o snyam nas/ de skye dgu'i bdag mo chen mo gau ta mI gang na ba der song ste phyin nas/ skye dgu'i bdag mo chen mo gau ta mI la don de smras pa dang / des smras pa/ bka' bzhin 'tshal/ lha la gsol bar bgyi'o/ /de nas shAkya ming chen khyim du song nas shAkya rnams kyi chung ma rnams la smras pa dang / de nas shAkya rnams kyi chung ma dang / gzhan dag gi chung ma rnams skye dgu'i bdag mo chen mo gang na ba der song ste phyin nas/ skye dgu'i bdag mo chen mo gau ta mI la 'di skad ces smras so/ /gau ta mI mkhyen par mdzod cig bdag cag gis bcom ldan 'das 'khor brgya phrag du ma'i mdun du snyan pa snyan pa'i chos sbrang ma'i sbrang rtsi dngas ma lta bu bshad pa na 'khor brgya phrag du ma'i dbang po rnams mi g.yo bas bcom ldan 'das las snyan pa snyan pa'i chos nyan to zhes thos nas bdag cag kyang bcom ldan 'das las chos de thos par 'tshal gyis bdag cag gi phyir lha la ci nas kyang lha ni snga dro bcom ldan 'das kyi spyan sngar bzhud la/ bdag cag kyang slad dro mchi bar gsol cig /des smras pa/ phu nu mo dag khyed kyis sems bskyed pa legs te/ rgyal po zas gtsang la brtag gis skad cig sdod cig /de nas skye dgu'i bdag mo chen mo gau ta mI rgyal po zas gtsang gang na ba der song ste phyin nas/ rgyal po zas gtsang la 'di skad ces smras so/ /lha mkhyen par mdzod cig /bdag gis bcom ldan 'das 'khor brgya phrag du ma'i gung la bzhugs nas snyan pa snyan pa'i chos sbrang ma'i sbrang rtsi dngas ma lta bu bshad pa na 'khor brgya phrag du ma dbang po rnams mi g.yo bas bcom ldan 'das las snyan pa snyan pa'i chos nyan to zhes thos so/ /shAkya'i mchis brang rnams kyis kyang de skad thos nas de rnams chos nyan par 'tshal na lha ni snga dro bcom ldan 'das kyi spyan sngar gshegs pa'i rigs so/ /bdag gis kyang shAkya'i mchis brang rnams ded de bcom ldan 'das kyi spyan sngar slad dro mchi bar bgyi'o/ /de ci'i phyir zhe na/ snga dro ni de rnams bsdum pa'i bgyi ba dag bgyid pas bcom ldan 'das kyi spyan sngar mchi ba'i skabs ma mchis so/ /rgyal po zas gtsang ma'i kun du spyod pa ni gang gi tshe skye dgu'i bdag mo chen mo gau ta mIs tshig smras pa de'i tshe lus kyi ba spu zing zhes byed nas langs te/ re shig skye dgu'i bdag mo chen mo'i tshig gi lan ma byin pa de'i bar du mi 'dug pa yin pas des mgo bos btud de smras pa/ gau ta mI bka' bzhin 'tshal/ de nas skye dgu'i bdag mo chen mo gau ta mI shAkya'i chung ma lnga brgyas yongs su bskor te/ bcom ldan 'das kyi spyan sngar chos mnyan pa'i phyir n+ya gro d+ha'i kun dga' ra bar song ngo / /ji tsam na shAkya ming chen gyi chung ma yang rgyan thams cad kyis brgyan nas de dang lhan cig song ste gzugs dang lang tsho dang ldan zhing rgyan thams cad kyis brgyan pas 'dod chags dang ma bral ba dag chags pa skye bar zhugs pa de tshe dang ldan pa kun dga' bos mthong nas smras pa/ sring mo re shig khyod kyi rang bzhin gyi gzugs nyid kyang bzang mo blta na sdug pa mdzes pa yin na rgyan thams cad kyis brgyan pa lta smos kyang ci dgos/ khyod rgyan gyis brgyan pa 'dir 'ongs pa gang yin pa de ni ma legs pa zhig byas te/ bdag nyid chen po 'di dag ni thams cad 'dod chags dang bral ba kho na yang ma yin no zhes de la de skad smras pa dang / ngo tsha ba snying la phog pas spyi po smad nas mtha' gcig tu song ste/ rgyan rnams bkrol nas sems khongs su chud cing 'dug pa las/ de'i mngag gzhug ma bu mo bskyed ma zhes bya ba dang / de lhan cig chos mnyan pa'i phyir 'ongs pas des de la bos te smras pa/ bskyed ma song la rgyan 'di dag khyim du zhog la shog shig /de rings par song nas des khyim du bzhag ste slar 'ongs so/ /de nas skye dgu'i bdag mo chen mo gau ta mI 'khor lnga brgya dang bcom ldan 'das kyi zhabs gnyis la mgo bos phyag 'tshal nas phyogs cig tu 'dug ste/ bcom ldan 'das kyis kyang chos bshad pa mdzad do/ /chos bshad pa de mdzad pa de'i tshe ji tsam na shAkya'i bu mo zhig mgul pa na mu tig gi do shal btags pa la myur ba myur bar lta zhing lag pas nom par byed do/ /de nas bcom ldan 'das kyis mi rtag pa dang ldan pa'i chos bshad par brtsams so/ / 'on kyang de chos la mi gtod kyi mu tig gi do shal kho na la rtog par byed do/ /ming chen gyi chung ma dam pas shAkya'i bu mo mgul pa na mu tig gi do shal btags pa la myur ba myur bar rtog par byed pa mthong ngo / /mthong nas kyang 'di snyam du sems te/ nyon mongs 'di 'du byed rnams 'di ltar mi rtag par bshad na mu tig gi do shal 'di la lhag par chags te myur ba myur bar brtag tu ci yod/ gal te bdag gi mu tig gi phreng ba mthong na 'di'i rgyags pa thams cad dang bral bar 'gyur ro snyam du bsams nas mngag gzhug ma'i bu mo bskyed ma la smras pa/ bskyed ma song la kho mo'i mu tig gi do shal myur du khyer te shog shig /de chos nyan pa de la sems bsdus pas de 'di snyam du sems te/ kyi hud 'di 'dra ba'i chos 'chad na bdag jo mos mngags pas chos kyi bar chad byung bar gyur te/ mdor na bran gyi rang bzhin du gyur pa ni re sdug snyam du bsams nas sdug bsngal dang yid mi bde bas gdungs pas tshigs su bcad pas smras pa/ gang yang sdig pas de ring rgyal zhal blta ba dang / /bde gshegs zhal nas dri med chos mnyan mi 'thob pa/ /bran dngos gzhan dbang sdug bsngal mang po tha chad de/ /bdag gi 'tsho ba sngon byas las kyis thob pa ngan/ /de nas bcom ldan 'das 'di snyam du dgongs te/ bu mo bskyed ma 'di ni sngon gyi sangs rgyas rnams la lhag par bya ba byas pa yin mod kyi/ tshe chung zhig yod pas 'di 'khor ba'i btson ra nas dbyung bar bya'o snyam du dgongs nas/ rdzu 'phrul gyis gro ga la/ dge ma skye ba byung na ni/ /'jig pa yin par bsams nas su/ /ngas gsungs pa yi dge ba la/ /brtson 'grus bskyed nas mnyan par bya/ /zhes bris nas byin no/ /de nas bu mo bskyed ma dga' ba dang / mgu ba dang rangs pa dang / yid bde ba skyes nas tshigs su bcad pa smras bzhin sangs rgyas la dmigs pa'i sems kho nas song ba dang / las rnams bskal pa brgyar yang ni/ /chud mi za'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /ces bya ba yin pas tshe chung zhig yod pa'i las tshogs pa rnyed pa de ba drus ma zhig gis bsad do/ /de sangs rgyas la sems mngon par dad par byas te shi bas sing ga la'i gling du sing ga la'i rgyal po'i btsun mo dam pa'i mngal du skyes par gyur te/ gang gi nyi ma la nying mtshams sbyar ba de kho na'i nyin par mu tig gi char pa bab bo/ /rgyal pos ltas mkhan rnams bkug ste smras pa dang / de rnams kyis smras pa/ lha 'di ni sems can zhig btsun mo'i lhums su zhugs pa de'i mthu lags so/ /ji tsam na mngal gyi smin par bya ba'i phyir de sgra yid du mi 'ong ba cung zad kyang mi grag cing grang ba na grang ba'i yo byad dang / dro ba na dro ba'i yo byad dang / sman pas bstan pa'i kha zas ha cang kha ba ma yin pa dang / ha cang skyur ba ma yin pa dang / ha cang lan tshwa can ma yin pa dang / ha cang mngar ba ma yin pa dang / ha cang rtsub pa ma yin pa dang / ha cang bska ba ma yin pa dang / kha ba dang / skyur ba dang / lan tshwa dang / mngar ba dang / rtsub pa dang / bska ba rnams spangs pa'i kha zas kyis bsnyen bkur byed cing do shal dang se mo dos lus brgyan nas lha'i bu mo dga' tshal na rgyu ba bzhin du khri nas khri dang / khri'u nas khri'ur 'gro zhing 'og gi sa la 'babs par mi byed do/ /de zla ba brgyad dam dgu 'das nas bu mo gzugs bzang ba mdzes pa blta na sdug pa zhig btsas te/ gang gi nyi ma la btsas pa de nyid kyi nyin par yang mu tig gi char bab nas rgyal pos bsams pa/ 'di ltar bu mo'i mthus mu tig gi char 'bab pa ni de nyid kyi mu tig tu 'gyur ro zhes des de nyid la byin no/ /de nas nyi ma bdun gsum nyi shu rtsa gcig tu de'i btsas ston rgya cher byas nas bu mo'i ming cir gdags shes ming 'dogs par byed do/ /blon po rnams kyis smras pa/ gang gi phyir 'di'i mthus mu tig gi char bab pas de bas na bu mo 'di'i ming mu tig can zhes gdags so zhes de'i ming mu tig can zhes bya bar btags te/ /bu mo mu tig can ma ma brgyad la gtad de/ pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis te/ de ma ma brgyad po dag gis 'o ma dang / zho dang / mar dang / zhun mar dang / mar gyi snying po dang / gzhan yang yo byad kyi bye brag gtso bo gtso bo dag gis sring bar byed skyed par byed cing rdzing na gnas pa'i pad ma bzhin myur du skyed par byed do/ /de gang gi tshe chen mor gyur pa de'i tshe rang gi rigs dang 'thun pa'i spyod pa dang / gnas pas rgyal po nang mi dang bcas pas lhag par bkur sti byed do/ /ji tsam dus gzhan zhig na mnyan yod kyi tshong pa rnams kyis nor bsgrub pa'i phyir rgya mtsho'i gru bo che bsgrubs te/ rgya mtsho chen por zhugs pa dang de rnams gru bo che phan phun med par rlung gi shugs kyis sing ga la'i gling du phyin to/ /de nas snod rnams mkhos su phab ste/ rgyal po'i pho brang dang ha cang yang mi ring ba zhig tu 'brang btab po/ /de rnams kyis mtshan mo'i thun tha ma la ched du brjod pa dang / pha rol 'gro byed dang / bden pa mthong ba dang / gnas brtan gyi tshigs su bcad pa dang / gnas brtan ma'i tshigs su bcad pa dang / ri gnas kyi tshigs su bcad pa dang / don gyi tshoms kyi mdo sde rnams rgyas par 'don pa la zhugs pa mu tig can khyim gyi nang na 'dug pas skar khung nas thos nas/ de nas des rgyal po la smras pa/ lha yul dbus kyi tshong pa rnams mchis nas mchid snyan par len to/ /rgyal pos blon po dag la bsgo ba/ shes ldan dag glu mkhan rnams khug shig /de rnams bkug pa dang mu tig can gyis smras pa/ shes ldan dag yul dbus kyi rol mo ci 'dra ba kho mos mnyan gyis long shig /de rnams kyis smras pa/ lha mo bdag cag ni rol mo mkhan ma lags te/ bdag cag ni mnyan yod kyi tshong pa rlung gi shugs kyis 'dir mchis pa lags te/ bdag cag gis mtshan mo'i thun tha ma la sangs rgyas kyi gsung bton to/ /mu tig can gyis sangs rgyas zhes bya ba'i sgra sngon ma thos pa de thos nas snying dga' bas ba spu thams cad zing zhes byed de/ de ngo mtshar skyes nas dris pa/ sangs rgyas zhes bya ba 'di ci yin/ de rnams kyis sangs rgyas kyi che ba'i bdag nyid rgyas par smra bar brtsams te/ lha mo shAkya rnams kyi gzhon nu gangs ri'i ngos dang nye ba/ chu bo skal ldan shing rta'i 'gram drang srong ser skya'i bsti gnas dang ha cang yang mi ring ba zhig tu byung ste/ de bram ze mtshan mkhan rnams dang / ltas mkhan rnams kyis gal te khyim pa khyim na gnas par gyur na 'khor los sgyur ba'i rgyal po mtha' bzhir rnam par rgyal ba/ chos kyi rgyal po chos dang ldan pa/ rin po che sna bdun dang ldan par 'gyur te/ de'i rin po che sna bdun 'di lta bu dag 'byung bar 'gyur ba 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa blon po rin po che 'o/ /de la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong yang tshang bar 'gyur zhing / de rgya mtsho la thug pa'i sa chen po ma lus pa gnod par sdo ba med cing 'tshe ba med pa 'di nyid chad pa med cing mtshon gyis bda' ba med la/ chos dang 'thun zhing snyoms pas legs par phab ste gnas par 'gyur ro/ /gal te skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung bar gyur na/ de bzhin gshegs pa dgra bcom pa yang dag par rdzogs pa'i sangs rgyas shes bya ba 'jig rten du sgra rnam par grags par 'gyur ro zhes lung bstan te/ de lta bu de ni sangs rgyas zhes bgyi ba lags so/ /mu tig can gyis smras pa/ gang gi tshe khyed cag yul du 'dong ba de'i tshe kho mo la sbron cig /de rnams kyis smras pa/ lha mo bka' bzhin 'tshal/ sbran par bgyi'o/ /ji tsam na de rnams yul du 'dong ba'i dus la bab nas de rnams kyis mu tig can la sbran pa dang / des bcom ldan 'das la yi ge gsol pa/ lha dang lha min mi yis phyag bgyis pa/ /skye dang snyun dang bsnyengs las nges byung zhing / /gtso bo grags pa rgya chen rab grags pa/ /drang srong bdud rtsi'i cha las thugs rjes gnong / /zhes gsol to/ / de nas yi ge de tshong pa de rnams kyis khyer nas rim gyis mnyan yod du phyin pa dang / lam gyis dub pa ngal sos nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag 'tshal te phyogs cig tu 'dug go/ /phyogs cig tu 'dug nas mnyan yod kyi tshong pa rnams kyis bcom ldan 'das la 'di skad ces gsol to/ /btsun pa sing ga la'i gling na sing ga la'i rgyal po'i bu mo des mchid yi ge gsol ba 'di lags so/ /bcom ldan 'das kyis mu tig can gyi 'dul ba'i dus mkhyen nas nyid kyis blangs te blags so/ /blags nas bka' stsal pa/ gang gi tshe khyed cag slar 'dong bar gyur pa de'i tshe nga'i snyan du gsol cig / btsun pa bka' bzhin 'tshal zhes tshong pa rnams kyis bcom ldan 'das kyi zhabs gnyis la mgo bos phyag byas te dong ngo / /de nas zong bsgyur te bsgyur ba'i zong thogs nas bcom ldan 'das kyi spyan sngar song ste gsol pa/ bcom ldan 'das bdag cag mchi na bdag cag gis mu tig can la ji skad bgyi bka' stsal par gsol/ bcom ldan 'das kyis bka' stsal pa/ shin du legs par byi dor byas pa'i ras dang ri mo mkhan dag khug shig /de rnams kyis ras dang ri mo mkhan dag bkug nas phul ba dang / bcom ldan 'das kyis bka' stsal pa/ ras la de bzhin gshegs pa'i sku'i gzugs brnyan bris shig /ri mo mkhan rnams kyis sangs rgyas kyi sku'i gzugs brnyan bri bar brtsams pa las de bzhin gshegs pa ni bsod nams brgya phrag du mas bsgrubs pa yin pas ri mo mkhan rnams kyis bcom ldan 'das kyi sku'i gzugs brnyan bri bar ma nus nas/ bcom ldan 'das kyis bka' stsal pa/ ras ston cig dang 'od gtang ngo / /de rnams kyis ras bstan pa dang bcom ldan 'das kyis 'od btang ba la ri mo mkhan rnams kyis tshon rtsi sna tshogs kyis rgyas par byas so/ /de nas bcom ldan 'das kyis sku'i gzugs brnyan gyi 'og tu gsum la skyabs su 'gro ba dang / bslab pa'i gzhi lnga rnams dang / rten cing 'brel bar 'byung ba'i yan lag bcu gnyis po lugs dang 'thun pa dang / lugs dang mi mthun pa dang / 'phags pa'i lam yan lag brgyad pa bris so/ /gong du ni tshigs su bcad pa gnyis po/ brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom bar bya/ /gang zhig rab tu bag yod pas/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bris nas sing ga la'i rgyal po la bka' yig spring ba/ ras la ri mor bris pa ngas mu tig can la skyes su bskur ba yin gyis/ khyod kyis de las phyogs yangs shing rgya che bar sing ga la'i gling na gnas ba'i skye bo'i tshogs bsdus la/ bkur sti chen pos ras 'di khrom shig /tshong pa de rnams la bka' stsal pa/ gal te mu tig can 'di ci yin zhes 'dri na/ 'di ni bcom ldan 'das de'i sku'i gzugs brnyan yin no zhes brjod par bya'o/ /gal te 'og ma 'di ci yin zhes 'dri na de dag ni gsum la skyabs su 'gro ba dang / bslab pa'i gzhi lnga rnams dang / lugs dang 'thun pa dang lugs dang mi 'thun pa'i rten cing 'brel bar 'byung bar 'gro bar 'jug pa dang ldog pa'o/ /'di ni bdud rtsi rtogs pa'i 'phags pa'i lam yan lag brgyad pa yin no zhes brjod par bya'o/ / gal te gong ma 'di ci yin zhes 'dri na spro bar bya ba yin te/ gang zhig skyabs su 'gro ba dang bslab pa'i gzhi rnams blangs te/ lugs dang 'thun pa dang lugs dang mi mthun pa'i rten cing 'brel bar 'byung ba 'di la rtog cing brtson 'grus rtsom pa de bdud rtsi rtogs pa'i 'phags pa'i lam thob nas sdug bsngal thams cad las grol bar 'gyur ba yin no zhes brjod par bya'o/ /btsun pa bka' bzhin 'tshal zhes tshong pa de rnams kyis bcom ldan 'das las mnyan nas bcom ldan 'das kyi spyan snga nas song ngo / /de nas dge mtshan dang / bkra shis dang / bde legs su 'gyur ba dag byas te/ zong khyer nas sing ga la'i gling du song ste/ rim gyis sing ga la'i gling du phyin nas lam gyis dub pa ngal sos te/ rgyal po'i drung du song nas rkang pa gnyis la gtugs te yi ge byin no/ /rgyal pos yi ge blags te blags nas grong khyer de rdo ba dang / gseg ma dang / gyo mo bsal nas tsan dan gyi chus chag chag btab/ rgyal mtshan dang ba dan bsgreng / dar gyi chun 'phyang mang po btags/ shin du dri zhim po'i pog por nye bar bzhag /me tog sna tshogs bkram ste/ sing ga la'i gling na gnas pa'i skye bo'i tshogs bsogs nas/ de nas bkur sti chen po byas te grong khyer gyi dbus su rin po che sna bzhi las byas pa'i seng ge'i khri bshams te/ ras phye ba dang skye bo'i tshogs chen pos sangs rgyas la phyag 'tshal lo/ /sangs rgyas la phyag 'tshal lo zhes gsang bstod de smras so/ /de nas rgyal po'i bu mo mu tig can dad pa drag pos gtad pa'i snying gis ba spu zing zhes byed cing mig mchi mas gang bas zhabs gnyis la gtugs te tshong pa rnams la dris pa/ shes ldan dag 'di ci yin/ de rnams kyis smra bar brtsams pa/ 'di ni bcom ldan 'das de'i sku'i gzugs brnyan lags so/ /'og ma 'di dag ci yin/ 'di ni gsum la skyabs su 'gro ba dang bslab pa'i gzhi lnga rnams dang / lugs dang 'thun pa dang lugs dang mi mthun pa'i rten cing 'brel bar 'byung ba 'gro bar 'jug pa dang ldog pa'o/ /'di ni bdud rtsi rtogs pa'i 'phags pa'i lam yan lag brgyad pa lags so/ /gong ma 'di ci yin/ spro bar bgyi ba lags te/ gang zhig skyabs su song nas bslab pa'i gzhi rnams blangs te lugs dang 'thun pa dang lugs dang mi mthun pa'i rten cing 'brel bar 'byung ba yan lag bcu gnyis pa 'di la rtog cing brtson 'grus rtsom pa de bdud rtsi rtogs pa'i lam thob nas sdug bsngal thams cad las grol bar 'gyur ba lags so/ /de nas mu tig can gyis rten cing 'brel bar 'byung ba yan lag bcu gnyis pa lugs dang 'thun pa dang lugs dang mi mthun pa bsam par brtsams te/ ji srid lan gsum du ma bzlas pa de'i bar du des 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas tshigs su bcad pas smras pa/ ring na bzhugs pa'i sangs rgyas kyis/ /shes rab mig ni rnam sbyangs pas/ /gang la 'di 'dra'i gsos mnga' ba/ /sman mkhas de la phyag 'tshal lo/ /ring na bzhugs pa'i sangs rgyas kyis/ /lta ba'i ri bo drungs phyung ste/ /lta ba'i zug rngu sel mdzad pa/ /sman mkhas de la phyag 'tshal lo/ /zhes tshigs su bcad pas smras nas tshong pa rnams la 'di skad ces smras so/ /shes ldan dag khyed cag nam 'dong ba de'i tshe kho mo la sbron cig /de nas tshong pa rnams kyis zong rnams bsgyur te bsgyur ba'i zong rnams khyer nas mu tig can gyi drung du song ste/ lha mo bdag cag mchi na bdag cag gis ci zhig bgyi bar bka' stsal par gsol/ /des smras pa/ kho mo'i tshig gis bcom ldan 'das kyi zhabs gnyis la mgo bos phyag 'tshol la gnod pa chung ngam/ nyam nga ba nyung ngam/ 'tsho'am/ bskyod pa yang ngam/ stobs dang bde ba dang / sku nyams dang ldan nam reg par gnas sam zhes zhus la 'di skad ces/ btsun pa dge ba'i bshes gnyen gyis bgyi ba gang lags pa de bcom ldan 'das kyis mdzad de/ bdag gis dge ba'i bshes gnyen bcom ldan 'das la brten nas sems can dmyal ba dang / dud 'gro dang / yi dags rnams las ni rkang pa phyung / lha dang mi rnams su ni bzhag /'khor ba las ni rgyang bsrings/ khrag dang mchi ma'i rgya mtsho ni bskams/ rus pa'i ri bo las ni bsgral/ ngan song gi sgo ni bskum/ mtho ris thar pa'i sgo ni phye/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du bgyis te/ btsun pa bdag ni 'phags so/ /mngon par 'phags so/ /bdag bcom ldan 'das dang chos dang dge slong gi dge 'dun la skyabs su mchi yis/ dge bsnyen du gzung du gsol/ deng slan chad ji srid 'tsho ba'i bar du srog dang yang bsdos de skyabs su mchi bar mngon par dad lags so zhes gsol la/ mu tig bre gsum po 'di khyer la cha gcig ni sangs rgyas la/ cha gcig ni chos la/ cha gcig ni dge 'dun la phul cig /de nas tshong pa de rnams kyis zong dang bskur ba yang khyer de dong nas rim gyis mnyan yod du phyin pa dang / lam gyis dub pa ngal sos nas bcom ldan 'das gang na ba der song ste zhabs gnyis la gtugs nas ji skad spring ba bzhin bcom ldan 'das la gsol nas 'di skad ces kyang gsol to/ /btsun pa skyes su phul ba'i mu tig bre gsum po 'di lags te/ mu tig cha gcig ni sangs rgyas la/ cha gcig ni chos la/ cha gcig ni dge 'dun la phul lags so/ /tshe dang ldan pa kun dga' bos bcom ldan 'das la zhus pa/ btsun pa skyes 'di gang nas mchis/ bcom ldan 'das kyis bka' stsal pa/ kun dga' bo khyod kyis shAkya ming chen gyi mngag gzhug ma bskyed ma zhes bya ba nga las chos mnyan nas song ba las/ lam kar ba drus mas bsad pa mthong ngam/ btsun pa mthong lags so/ /des nga la sems dang ba bskyed de shi bas sing ga la'i rgyal po'i bu mo mu tig can zhes bya bar gyur te/ bden pa mthong nas des skyes bskur ba 'di yin no/ / 'di las sangs rgyas kyi skal ba gang yin pa des dri gtsang khang gi zhal zhal byos shig /chos kyi gang yin pa de ni chos 'dzin pa'i gang zag rnams la'o/ /dge 'dun gyi gang yin pa de ni dge 'dun gyis mnyam par bgos shig / dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa mu tig can gyis las ci zhig bgyis na des na bran mor gyur lags/ las ci zhig bgyis na des rgyal po phyug po'i rigs su skyes shing bden pa mthong bar bgyis lags/ bcom ldan 'das kyis bka' stsal pa/ dge slong dag mu tig can 'di nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa gdon mi za bar 'byung bar 'gyur ba'i las dag byas shing bsags pas mu tig can 'di nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba dag byas shing bsags pa dag ni zin pa'i phung po dang / khams dang / skye mched rnams la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ / dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na 'jig rten du ston pa rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung nas/ des sangs rgyas kyi mdzad pa mtha' dag mdzad nas bud shing zad pa'i me bzhin du bA rA Na sIr phung po lhag ma med pa'i mya ngan las 'das pa'i dbyings su yongs su mya ngan las 'das pa dang / rgyal po kr-i kis de'i sku dri zhim po'i shing thams cad kyis spungs te/ spungs nas bkur sti chen pos bsregs te me de 'o mas bsad nas sku gdung de rnams gser gyi bum par blugs te/ lam po che'i bzhi mdor rin po che sna bzhi las byung ba'i mchod rten kho ra khor yug tu dpag tshad gcig yod la/ 'phang du dpag tshad phyed pa zhig brtsigs nas dus mchod chen po btsugs so/ /bA rA Na sI na tshong dpon phyug pa nor mang ba/ longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig yod pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed de/ de rtse bar byed/ dga' bar byed/ dga' mgur spyod par byed kyang de la bu pho yang med bu mo yang med nas/ de lag pa 'gram pa la gtad nas bdag gi khyim du nor phal po che bsags kyang bdag la bu pho yang med bu mo yang med pas bdag shi nas bdog pa thams cad bu med do zhes byas te rgyal pos dbang byas par 'gyur ro snyam nas sems khongs su chud cing 'dug pa de la dge slong dang bram ze dang / grogs po dang mdza' bshes dang / nye du dang / bltas mkhan rnams kyis smras pa/ lha mnyes par byos shig dang khyod la bu yod par 'gyur ro/ /de bu med de bu mngon par 'dod pas zhi ba dang / chu lha dang / lus ngan dang / brgya byin dang / tshangs pa la sogs pa gzhan yang lha khyad par can rnams la gsol ba 'debs pa 'di lta ste/ kun dga' ra ba'i lha dang / nags tshal gyi lha dang / bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa'i lha dang / chos 'thun pa pa dang / rtag tu rjes su 'brang ba'i lha la yang gsol ba 'debs so/ /'di ltar gsol ba 'debs pa'i rgyus bu pho dang bu mo skye bar 'gyur ro zhes 'jig rten na de skad du grags pa yod de/ de yang de lta ma yin te/ gal te de ltar 'gyur na ni re re yang dper na 'khor los sgyur ba'i rgyal po bzhin du bu stong yod par 'gyur ro/ /'on kyang gnas gsum mngon du gyur pa las bu pho dang bu mo skye bar 'gyur te/ gnas gsum gang zhe na pha dang ma gnyis chags par gyur cing lhan cig 'dus pa dang / ma mngal rung bar gyur cing zla mtshan dang ldan pa dang / dri za nye bar gnas par gyur pa ste/ gnas de gsum mngon du gyur pa las bu pho dang bu mo skye bar 'gyur ba yin na des bu yod pa'i las ma byas pas des na de la bu pho dang bu mo med do/ /ji tsam na de nad kyis thebs nas de rtsa ba dang / sdong bu dang / lo ma dang / me tog dang / 'bras bu'i sman rnams kyis bsnyen bkur byas kyang de'i nad zhi bar ma gyur to/ / de nas de'i chung mas bsams pa/ bdag gi khyim na nor phal mo che bsags pa ni bdag la bu pho yang med bu mo yang med la/ bdag gi khyim thab 'di ni 'chi bar 'gyur gyis/ da ni gal te 'jig rten pha rol gyi lam rgyags ma blangs na nor zas 'di thams cad bdag la bu med do zhes byas nas rgyal pos dbang byas par 'gyur ro snyam nas/ de'i mu tig gi do shal brgya stong ri ba mgul na thogs pa des yang dag par rdzogs pa'i sangs rgyas 'od srung gi mchod rten de la dri dang byug pas byugs nas mchod pa byas te btags nas dad pa drag pos drung du gtugs te smon lam btab pa/ sbyin pa'i chos yongs su btang ba dang sems bskyed pa'i dge ba'i rtsa ba 'dis bdag phyug po'i rigs su skyes shing yon tan 'di lta bu yang thob cing ston pa 'di lta bu mnyes par byed kyi/ mi mnyes par ma gyur cig ces byas so/ /dge slong dag ji snyam du sems/ de'i tshe de'i dus kyi tshong dpon gyi chung ma gang yin pa de ni mu tig can 'di nyid yin te/ 'dis yang dag par rdzogs pa'i sangs rgyas 'od srung gi mchod rten la bya ba byas nas/ smon lam btab pa gang yin pa de'i las kyi rnam par smin pas phyug po'i rigs su skyes shing btsas pa na mu tig gi char bab bo/ /nga'i bstan pa la yang dad pa bskyed pas 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas so/ /gzhan yang tshong dpon nor mang du bsags pa de'i chung mar gyur pa na de na 'dis dbang phyug gi grags pas rgyags nas spyod yul na gnas pa'i 'jig rten thams cad la tshig tu bran mo'i bu zhes smras pas/ de'i las kyi rnam par smin pas tshe rabs mang por bran mor gyur to/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin zhing / gcig tu dkar ba rnams kyi ni gcig tu dkar la/ 'dren ma rnams kyi ni 'dren ma yin no/ /de bas na dge slong dag gcig tu gnag pa'i las rnams dang / 'dren ma rnams ni spangs la/ gcig tu dkar ba'i las kho na la brtsal bar bya ste/ dge slong dag khyed kyis de lta bu la bslab par bya'o/ /bcom ldan 'das kyis chos kyi cha gang yin pa de ni chos smra ba'i gang zag rnams kyi yin no zhes gsungs pa dang / de nas mdo sde 'dzin pa rnams kyis smras pa/ kho bo cag ni bcom ldan 'das kyi mdo sde mtha' dag 'dzin pas/ kho bo cag chos 'dzin pa yin pas rnyed pa 'di ni kho bo cag dbang ngo / /'dul ba 'dzin pa rnams kyis smras pa/ kho bo cag ni bcom ldan 'das kyi nang gi mdzod srung zhing kho bo cag 'dul ba mtha' dag 'dzin pas/ kho bo cag chos 'dzin pa yin pas rnyed pa 'di ni kho bo cag dbang ngo / /ma mo 'dzin pa rnams kyis smras pa/ kho bo cag ni mdo sde dang 'dul ba'i rang gi mtshan nyid dang spyi'i mtshan nyid 'dzin pas/ kho bo cag chos 'dzin pa yin pas rnyed pa 'di ni kho bo cag dbang ngo zhes de na mdo sde 'dzin pa dang / 'dul ba 'dzin pa dang / ma mo 'dzin pa rnams 'thab pa dang / mtshang 'dru ba dang / 'thab mo dang / 'gyed pa byung bar gyur to/ /de nas bcom ldan 'das kyis dge slong rnams la bka' stsal pa/ dge slong dag ma 'thab shig /mtshang ma 'dru shig /'thab mo ma byed cig /ma 'gyed cig /dge slong dag bzhi po 'di dag ni rtsod pa yin te/ bzhi gang zhe na/ 'gyed pa'i rtsod pa dang / gdam ngag med pa'i rtsod pa dang / ltung ba'i rtsod pa dang / bya ba'i rtsod pa'o/ /'gyed pa'i rtsod pa gang zhe na/ dge 'dun sna tshogs su smra pa/ 'gal bar smra ba/ rigs mi 'phrod par smra ba/ mi mthun pa kun tu mi dga' ba/ rgyud gcig tu ma gyur pa gang yin pa de las brten te 'thab pa dang / mtshang 'dru ba dang / 'thab mo dang / 'gyed pa gang yin pa 'di ni 'gyed pa'i rtsod pa zhes bya'o/ /gdam ngag med pa'i rtsod pa gang zhe na/ dge 'dun gyi gdams ngag mi len pa dang / gdams ngag mi sbyin pa dang / gdams ngag gzhag pa gang yin pa de las brten nas 'thab pa dang / mtshang 'dru ba dang / 'thab mo dang / 'gyed pa gang yin pa 'di ni gdams ngag med pa'i rtsod pa zhes bya'o/ /ltung ba'i rtsod pa gang zhe na/ ltung ba lnga ni ltung ba'i phung po lnga zhes bya ste/ lnga gang zhe na/ phas pham pa dang / dge 'dun lhag ma dang / ltung byed dang / so sor bshags par bya ba dang / nyes byas gang yin pa de las brten nas 'thab pa dang / mtshang 'dru ba dang / 'thab mo dang / 'gyed pa gang yin pa 'di ni ltung ba'i rtsod pa zhes bya'o/ /bya ba'i rtsod pa gang zhe na/ dge 'dun gyi bya ba gsol ba dang / gsol ba dang gnyis dang / gsol ba dang bzhi'i las gang yin pa de las brten nas 'thab pa dang / mtshang 'dru ba dang / 'thab mo dang / 'gyed pa gang yin pa 'di ni bya ba'i rtsod pa zhes bya'o/ /dge slong dag 'gyed pa'i rtsod pa ni ci zhig gi rtsa ba can yin zhing 'gyed pa'i rtsod pa'i rtsa ba ni ci yin zhe na/ 'gyed pa'i rtsa ba drug dang / 'gyed par byed pa'i gzhi bcu bzhi ste/ 'gyed pa'i rtsa ba drug gang zhe na/ 'di ltar 'di na la la khro ba yin zhing khon du 'dzin pa yin te khro zhing khon du 'dzin pa gang yin pa de ni ston pa la bkur sti mi byed/ bla mar mi byed/ ri mor mi byed/ mchod par mi byed do/ /ston pa la bkur sti ma byas/ bla mar ma byas/ ri mor ma byas/ mchod par ma byas pas chos mi mthong ngo / /chos ma mthong bas dge sbyong gi tshul la mi lta'o/ /dge sbyong gi tshul la mi lta na dge 'dun la 'di lta bu'i 'thab pa dang / mtshang 'dru ba dang / 'thab mo dang / 'gyed pa 'byin par byed do/ /'thab pa dang / mtshang 'dru ba dang / 'thab mo dang / 'gyed pa gang yin pa de ni skye bo mang po la phan pa ma yin pa dang / skye bo mang po la gnod pa dang / skye bo mang po sdug bsngal ba dang / lha dang mi rnams la mi phan pa dang / gnod pa dang / sdug bsngal bar byed pa yin no/ /dge slong dag gal te khyed kyis 'gyed pa'i rtsa ba de lta bu nang gi 'am phyi rol gyi yang rung ma spangs par yang dag par mthong na/ de la khyed cag lhan cig 'thun zhing kun du dga' ba dang / 'gyed pa med pas 'dun pa drag po dang / brtson 'grus dang / 'bad pa dang / spro ba dang / sgrims pa dang / mi bzlog pa'i dran pa dang / shes bzhin gyis ji tsam 'gyed pa'i rtsa ba byung ba de nyid spangs kyi bar du brtson par bya'o/ /de ltar na khyed kyis 'gyed pa'i rtsa ba de yang spongs par 'gyur ro/ /dge slong dag gal te khyed kyis 'gyed pa'i rtsa ba de lta bu nang gi yang rung / phyi'i yang rung legs par spangs par yang dag par mthong na/ de la khyed cag lhan cig 'thun zhing kun du dga' ba dang / 'gyed pa med pas 'dun pa drag po dang / brtson 'grus dang / 'bad pa dang / spro ba dang / sgrim pa dang / mi bzlog pa'i dran pa dang / shes bzhin gyis ji nas kyang rtsod pa'i rtsa ba spangs pa de nyid phyis kyang mi 'byung bar brtson par bya ste/ de ltar na khyed kyis 'gyed pa'i rtsa ba de dag yang dag par legs par bsal bas phyis skye bar mi 'gyur ro/ /'dul ba gzhi/ bam po bdun bcu brgyad pa/ khro zhing khon du 'dzin pa ji lta ba bzhin du 'chab cing 'tshig pa dang / phrag dog byed cing ser sna can dang / g.yo byed cing sgyu can dang / ngo tsha med cing khrel med pa yang de dang 'dra'o/ /gzhan yang 'di na la la rang gi lta ba mchog tu 'dzin pa yin zhing 'chal ba 'dzin pa dang / smras pa la dngan then byed pa yin te/ rang gi lta ba mchog tu 'dzin pa/ 'chal ba 'dzin pa/ smras pa la dngan then byed pa gang yin pa de ni ston pa la bkur sti mi byed/ bla mar mi byed/ ri mor mi byed/ mchod par mi byed do/ /de ston pa la bkur sti ma byas/ bla mar ma byas/ ri mor ma byas/ mchod par ma byas pas chos mi mthong ngo / /chos ma mthong bas dge sbyong gi tshul la mi lta'o/ /dge sbyong gi tshul la mi lta na dge 'dun la de lta bu'i 'thab pa dang / mtshang 'dru ba dang / 'thab mo dang / 'gyed pa dag 'byin par 'gyur ro/ 'thab pa dang / mtshang 'dru ba dang / 'thab mo dang / 'gyed pa gang yin pa de ni skye bo mang po la phan pa ma yin pa dang / skye bo mang po la gnod pa dang / skye bo mang po la sdug bsngal ba dang / lha dang mi rnams la mi phan pa dang / gnod pa dang / sdug bsngal bar byed pa yin no/ /dge slong dag gal te khyed kyis 'gyed pa'i rtsa ba de lta bu nang gi yang rung phyi'i yang rung ma spangs par yang dag par mthong na/ de la khyed cag lhan cig 'thun zhing kun du dga' ba dang / 'gyed pa med pas 'dun pa drag po dang / brtson 'grus dang / 'bad pa dang / spro ba dang / sgrim pa dang / mi bzlog pa'i dran pa dang / shes bzhin gyis ji tsam 'gyed pa'i rtsa ba byung ba de nyid spongs pa'i bar du brtson par bya ste/ de ltar na khyed kyis 'gyed pa'i rtsa ba de spongs par 'gyur ro/ /dge slong dag gal te khyed kyis 'gyed pa'i rtsa ba de lta bu nang gi yang rung / phyi'i yang rung / legs par spangs par yang dag par mthong na/ de la khyed cag lhan cig 'thun zhing kun du dga' ba dang 'gyed pa med pas 'dun pa drag po dang / brtson 'grus dang / 'bad pa dang / spro ba dang / sgrim pa dang / mi bzlog pa'i dran pa dang / shes bzhin gyis ci nas kyang 'gyed pa'i rtsa ba spangs pa de nyid phyis kyang mi 'byung bar brtson par bya ste/ de ltar na khyed kyis 'gyed pa'i rtsa ba de yang dag par legs par bsal bas/ phyis skye bar mi 'gyur ro/ /'di dag ni 'gyed pa'i rtsa ba drug ces bya'o/ /'gyed par byed pa'i gzhi bcu bzhi gang zhe na/ 'di lta ste/ chos so zhe'am/ chos ma yin no zhe 'am/ 'dul ba'o zhe 'am/ 'dul ba ma yin no zhe 'am/ ltung ba'o zhe 'am ltung ba ma yin no zhe 'am/ lci ba 'am/ yang ba 'am/ lhag ma dang bcas pa 'am/ lhag ma med pa 'am/ bshags par bya ba 'am/ bsdam par bya ba 'am/ nyes par bshad par gtogs pa 'am/ legs par bshad par gtogs pa ste/ 'di dag ni 'gyed par byed pa'i gzhi bcu bzhi zhes bya'o/ /dge slong dag 'gyed pa'i rtsod pa ni de'i rtsa ba yin zhing 'gyed pa'i rtsod pa'i rtsa ba ni de yin no/ /dge slong dag gdam ngag med pa'i rtsod pa ni ci zhig gi rtsa ba can yin zhing gdams ngag med pa'i rtsod pa'i rtsa ba ni ci yin zhe na/ dge 'dun gdams ngag mi len pa dang / gdams ngag mi sbyin pa dang / gdams ngag gzhag pa gang yin pa de la brten nas 'thab pa dang / mtshang 'dru ba dang / 'thab mo dang / 'gyed pa gang yin pa ste/ dge slong dag gdams ngag med pa'i rtsod pa ni de'i rtsa ba can yin zhing gdams ngag med pa'i rtsod pa'i rtsa ba ni de yin no/ /dge slong dag ltung ba'i rtsod pa ni ci zhig gi rtsa ba can yin zhing ltung ba'i rtsod pa'i rtsa ba ni ci yin zhe na/ ltung ba'i ris lnga ni ltung ba'i ris dang ltung ba'i phung po zhes bya ste/ lnga gang zhe na/ phas pham pa dang / dge 'dun lhag ma dang / ltung byed dang / so sor bshags par bya ba dang / nyes byas so/ /gzhan yang lus kyi ltung ba yin gyi ngag gi ma yin sems kyi ma yin pa yang yod/ ngag gi yin gyi lus kyi ma yin sems kyi ma yin pa yang yod/ lus kyi dang sems kyi yin gyi ngag gi ma yin pa yang yod/ lus dang ngag dang sems kyi yin pa yang yod do/ / lus kyi ltung ba yin gyi ngag gi ma yin sems kyi ma yin pa gang zhe na/ 'di lta ste/ dge slong khyim pa'am/ bsnyen par ma rdzogs pa phyir ma byung bar khyim pa'am bsnyen par ma rdzogs pa phyir byung ngo snyam nas nyal bar byed pa na/ de gnyid log pa dang bud med nyal ba'am/ gnyid log nas khri stan chen po'i steng du bzhag pa ste/ 'di ni lus kyi ltung ba yin gyi ngag gi ma yin sems kyi ma yin no/ /ngag gi ltung ba yin gyi lus kyi ma yin sems kyi ma yin pa gang zhe na/ 'di lta ste dge slong bud med la chos tshig lnga 'chad pa las ched du ma bsams par tshig drug tu thal ba 'am/ tshig drug 'chad pa na tshig bdun du thal ba ste/ 'di ni ngag gi ltung ba yin gyi lus kyi ma yin sems ma yin no/ /lus dang sems kyi ltung ba yin gyi ngag gi ma yin pa gang zhe na/ 'di lta ste dge slong gis ched du bsams te dud 'gro'i skye gnas su song ba'i srog chags srog dang phral nas 'di skad ces ji ltar bdag gis bsad pa de bzhin du srog chags srog dang dbral bar bya ste/ de ltar bsad pa ni legs par bsad pa yin no zhes mi smra zhing ma byin par len pa dang / 'dod pas log par g.yem pa dang / myos par 'gyur ba 'thung la 'di skad ces ji ltar bdag gis 'thungs pa de bzhin du myos par 'gyur ba btung bar bya ste/ de ltar 'thungs pa ni legs par 'thungs pa yin no zhes mi smra ba ste/ 'di ni lus dang sems kyi ltung ba yin gyi ngag gi ma yin no/ /lus dang ngag dang sems kyi ltung ba yin pa gang zhe na/ 'di lta ste dge slong gis ched du bsams te dud 'gro'i skye gnas su song ba'i srog chags srog dang phral la 'di skad ces ji ltar bdag gis bsad pa de bzhin du srog chags srog dang dbral bar bya ste/ de ltar bsad pa ni legs par bsad pa yin no zhes smra zhing ma byin par len pa dang / 'dod pas log par g.yem pa dang / myos par 'gyur ba'i chang 'thung la 'di skad ces ji ltar bdag gis 'thungs pa de bzhin du myos par 'gyur ba btung bar bya ste/ de ltar myos par 'gyur ba 'thungs pa ni legs par 'thungs pa yin no zhes smra ba ste/ 'di ni lus dang ngag dang sems kyi ltung ba yin te/ dge slong dag ltung ba'i rtsod pa ni de'i rtsa ba can yin zhing ltung ba'i rtsod pa'i rtsa ba ni de yin no/ /dge slong dag bya ba'i rtsod pa ni ci zhig gi rtsa ba can yin zhing bya ba'i rtsod pa'i rtsa ba ni ci yin zhe na/ dge 'dun gyi bya ba gang yin pa gsol ba dang gsol ba dang gnyis dang / gsol ba dang bzhi'i las gang yin pa ste/ dge slong dag bya ba'i rtsod pa ni de'i rtsa ba can yin zhing bya ba'i rtsod pa'i rtsa ba ni de yin no/ /dge slong dag 'gyed pa'i rtsod pa ni dge ba zhes brjod par bya/ mi dge ba zhes brjod par bya/ lung du ma bstan pa zhes brjod par bya ste/ dge ba gang zhe na/ dge 'dun don sgrub cing don sems la/ dge ba'i don sgrub cing dge ba sems pa'i don sna tshogs su smra ba/ 'gal bar smra ba/ rigs mi mthun par smra ba gang yin pa de las brten te 'thab pa dang / mtshang 'dru ba dang / 'thab mo dang / 'gyed pa gang yin pa 'di ni dge ba yin no/ /mi dge ba gang zhe na/ dge 'dun don mi sgrub cing don mi sems la/ dge ba'i don mi sgrub cing dge ba mi sems pa'i don sna tshogs su smra ba/ 'gal bar smra ba/ rigs mi 'thun par smra ba gang yin pa de las brten nas 'thab pa dang / mtshang 'dru ba dang / 'thab mo dang / 'gyed pa gang yin pa de ni mi dge ba yin no/ /lung du ma bstan pa gang zhe na/ dge 'dun don sgrub pa yang ma yin/ don ma yin pa sgrub pa yang ma yin zhing don sems pa yang ma yin/ don ma yin pa sems pa yang ma yin la/ dge ba'i don sgrub pa yang ma yin/ mi dge ba'i don sgrub pa yang ma yin zhing dge ba sems pa yang ma yin/ mi dge ba sems pa yang ma yin pa'i sna tshogs su smra ba/ 'gal bar smra ba/ rigs mi 'thun par smra ba gang yin pa de las brten nas 'thab pa dang / mtshang 'dru ba dang / 'thab mo dang / 'gyed pa gang yin pa 'di ni lung du ma bstan pa yin no/ /gdams ngag med pa'i rtsod pa ni dge ba zhes brjod par bya/ mi dge ba zhes brjod par bya/ lung du ma bstan pa zhes brjod par bya ste/ dge ba gang zhe na/ dge 'dun don sgrub cing don sems la/ dge ba'i don sgrub cing dge ba'i don sems pa'i gdams ngag mi len pa dang / gdams ngag mi sbyin pa dang / gdams ngag 'jog pa gang yin pa de las brten te 'thab pa dang / mtshang 'dru ba dang / 'thab mo dang / 'gyed pa gang yin pa 'di ni dge ba yin no/ /mi dge ba gang zhe na/ dge 'dun don mi sgrub cing don mi sems la/ dge ba'i don mi sgrub cing dge ba mi sems pa'i gdams ngag mi len pa dang / gdams ngag mi sbyin pa dang / gdams ngag 'jog pa gang yin pa de las brten te 'thab pa dang / mtshang 'dru ba dang / 'thab mo dang / 'gyed pa gang yin pa 'di ni mi dge ba yin no/ /lung du ma bstan pa gang zhe na/ dge 'dun don sgrub pa yang ma yin/ don ma yin pa bsgrub pa yang ma yin zhing don sems pa yang ma yin/ don ma yin pa sems pa yang ma yin la/ dge ba'i don sgrub pa yang ma yin/ mi dge ba'i don sgrub pa yang ma yin zhing / dge ba sems pa yang ma yin/ mi dge ba sems pa yang ma yin pa'i gdams ngag mi len pa dang / gdams ngag mi sbyin pa dang / gdams ngag 'jog pa gang yin pa de las brten nas 'thab pa dang / mtshang 'dru ba dang / 'thab mo dang / 'gyed pa gang yin pa 'di ni lung du ma bstan pa yin no/ /ltung ba'i rtsod pa ni mi dge ba zhes brjod par bya/ lung du ma bstan pa zhes brjod par bya ste/ mi dge ba gang zhe na/ sangs rgyas kyis bslab pa bcas pa dang / dge 'dun gyis khrims su bcas pa las ched du bsams te 'das pa gang yin pa 'di ni mi dge ba yin no/ /lung du ma bstan pa gang zhe na/ sangs rgyas kyis bslab pa bcas pa dang / dge 'dun gyis khrims su bcas pa las ched du ma bsams par 'das pa gang yin pa 'di ni lung du ma bstan pa yin no/ /bya ba'i rtsod pa ni dge ba zhes brjod par bya/ mi dge ba zhes brjod par bya/ lung du ma bstan pa zhes brjod par bya ste/ dge ba gang zhe na/ dge 'dun don sgrub cing don sems la/ dge ba'i don sgrub cing dge ba sems pa'i gsol ba dang / gsol ba dang gnyis dang / gsol ba dang bzhi'i las gang yin pa de las brten te 'thab pa dang / mtshang 'dru ba dang / 'thab mo dang / 'gyed pa gang yin pa 'di ni dge ba yin no/ /mi dge ba gang zhe na/ dge 'dun don mi sgrub cing don mi sems la/ dge ba'i don mi sgrub cing dge ba mi sems pa'i gsol ba dang gsol ba dang gnyis dang / gsol ba dang bzhi'i las gang yin pa de las brten te 'thab pa dang / mtshang 'dru ba dang / 'thab mo dang / 'gyed pa gang yin pa 'di ni mi dge ba yin no/ /lung du ma bstan pa gang zhe na/ dge 'dun don sgrub pa yang ma yin/ don ma yin pa sgrub pa yang ma yin zhing / don sems pa yang ma yin/ don ma yin pa sems pa yang ma yin la/ dge ba'i don sgrub pa yang ma yin/ mi dge ba'i don sgrub pa yang ma yin zhing dge ba sems pa yang ma yin la/ mi dge ba sems pa yang ma yin pa'i 'thab pa dang / mtshang 'dru ba dang / 'thab mo dang / 'gyed pa gang yin pa 'di ni lung du ma bstan pa yin no/ /'gyed pa gang yin pa de rtsod pa lags la rtsod pa gang lags pa de 'gyed pa lags sam/ bka' stsal pa/ 'gyed pa yin la rtsod pa ma yin pa yang yod/ /rtsod pa yin la 'gyed pa ma yin pa yang yod/ 'gyed pa yang yin rtsod pa yang yin pa yang yod/ 'gyed pa yang ma yin rtsod pa yang ma yin pa yang yod do/ /re shig 'gyed pa yin la rtsod pa ma yin pa ni/ dge 'dun sna tshogs su smra ba/ 'gal bar smra ba/ rigs mi 'thun par smra ba gang yin pa'o/ /rtsod pa yin la 'gyed pa ma yin pa ni rtsod pa gsum po gdams ngag med pa'i rtsod pa dang / bya ba'i rtsod pa dang / ltung ba'i rtsod pa'o/ /rtsod pa yang yin la 'gyed pa yang yin pa ni dge 'dun sna tshogs su smra ba/ 'gal bar smra ba/ rigs mi 'phrod par smra ba/ mi mthun pa kun du mi dga' ba/ rgyud gcig tu ma gyur pa gang yin pa de las brten te 'thab pa dang / mtshang 'dru ba dang / 'thab mo dang 'gyed pa gang yin pa'o/ /'gyed pa yang ma yin rtsod pa yang ma yin pa ni rnam pa de dag ma gtogs pa'o/ /gdams ngag ma mchis pa gang lags pa de rtsod pa lags la/ rtsod pa gang lags pa de gdams ngag ma mchis pa lags sam/ bka' stsal pa/ gdams ngag med pa yin la rtsod pa ma yin pa yang yod/ rtsod pa yin la gdams ngag med pa ma yin pa yang yod/ gdams ngag med pa yang yin la rtsod pa yang yin pa yang yod/ gdams ngag med pa yang ma yin la rtsod pa yang ma yin pa yang yod do/ /re shig gdams ngag med pa yin la rtsod pa ma yin pa ni dge 'dun gdams ngag mi len pa dang / gdams ngag mi sbyin pa dang / gdams ngag 'jog pa gang yin pa'o/ /rtsod pa yin la gdams ngag med pa ma yin pa ni rtsod pa gsum po 'gyed pa'i rtsod pa dang ltung ba'i rtsod pa dang / bya ba'i rtsod pa'o/ /gdams ngag med pa yang yin la rtsod pa yang yin pa ni dge 'dun gdams ngag mi len pa dang / gdams ngag mi sbyin pa dang / gdams ngag 'jog pa gang yin pa de las brten te 'thab pa dang / mtshang 'dru ba dang / 'thab mo dang / 'gyed pa gang yin pa'o/ /gdams ngag med pa yang ma yin la rtsod pa yang ma yin pa ni rnam pa de dag ma gtogs pa'o/ /ltung ba gang lags pa de rtsod pa lags la/ rtsod pa gang lags pa de ltung ba lags sam/ bka' stsal pa/ ltung ba yin la rtsod pa ma yin pa yang yod/ rtsod pa yin la ltung ba ma yin pa yang yod/ ltung ba yang yin la rtsod pa yang yin pa yang yod/ ltung ba yang ma yin la rtsod pa yang ma yin pa yang yod do/ /re shig ltung ba yin la rtsod pa ma yin pa ni ltung ba ris lnga ni ltung ba'i ris dang / ltung ba'i phung po zhes bya ste/ phas pham pa dang / dge 'dun lhag ma dang / ltung byed dang / so sor bshags par bya ba dang / nyes byas yin no/ /rtsod pa yin la ltung ba ma yin pa ni rtsod pa gsum po 'gyed pa'i rtsod pa dang gdams ngag med pa'i rtsod pa dang / bya ba'i rtsod pa'o/ /ltung ba yang yin la rtsod pa yang yin pa ni ltung ba'i ris lnga po ni ltung ba'i ris dang / ltung ba'i phung po zhes bya ste/ phas pham pa dang / dge 'dun lhag ma dang / ltung byed dang / so sor bshags par bya ba dang / nyes byas gang yin pa de las brten te 'thab pa dang / mtshang 'dru ba dang / 'thab mo dang / 'gyed pa gang yin pa'o/ /ltung ba yang ma yin la rtsod pa yang ma yin pa ni rnam pa de dag ma gtogs pa'o/ /bya ba gang lags pa de rtsod pa lags la/ rtsod pa gang lags pa de yang bya ba lags sam/ bka' stsal pa/ bya ba yin la rtsod pa ma yin pa yang yod/ rtsod pa yin la bya ba ma yin pa yang yod/ bya ba yang yin la rtsod pa yang yin pa yang yod/ bya ba yang ma yin la rtsod pa yang ma yin pa yang yod do/ /re shig bya ba yin la rtsod pa ma yin pa ni dge 'dun gyi gsol ba dang / gsol ba dang gnyis dang / gsol ba dang bzhi'i las gang yin pa'o/ /rtsod pa yin la bya ba ma yin pa ni rtsod pa gsum po 'gyed pa'i rtsod pa dang / gdams ngag med pa'i rtsod pa dang / ltung ba'i rtsod pa'o/ /bya ba yang yin la rtsod pa yang yin pa ni dge 'dun gyi bya ba gsol ba dang / gsol ba dang gnyis dang / gsol ba dang bzhi'i las gang yin pa de las brten te 'thab pa dang / mtshang 'dru ba dang / 'thab mo dang / 'gyed pa gang yin pa'o/ /bya ba yang ma yin la rtsod pa yang ma yin pa ni rnam pa de dag ma gtogs pa'o/ /dge slong dag 'gyed pa'i rtsod pa la rtsod pa zhi bar byed pa'i chos du zhig gis 'dul bar bya/ zhi bar bya/ nye bar zhi bar bya zhe na/ bka' stsal pa/ gnyis kyis te/ mngon sum du 'dul bar 'os pa dang / gang yang tshul shing mang po blang bas so/ /mngon sum du 'dul ba ni ji ltar rtsod pa zhi bar byed pa yin/ ji ltar na 'di na kha cig gi rtsod pa rnams 'di lta ste mngon sum du 'dul bar 'os pa'i rtsod pa zhi bar byed pas 'dul ba dang / zhi ba dang / nye bar zhi bar byed pa yin zhe na/ sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra bar dbyar bzhugs par zhal gyis bzhes so/ /de'i tshe dge slong rab tu mang po dag ljongs shig tu dbyar gnas par dam bcas pa las de rnams dbyar gyi nang logs su 'thab pa dang / mtshang 'dru ba dang / 'thab mo dang / 'gyed pa byung nas/ de rnams kyis rtsod pa de tshe dang ldan pa shA ri'i bu dang / maud gal gyi bu la gtad pa dang / de gnyis kyis ston pa'i bstan pa'i chos 'dul bas rtsod pa zhi bar byas so/ /de nas dge slong rab tu mang po ljongs su dbyar gnas pa'i dbyar gyi zla ba gsum po dag 'das pa dang / chos gos byas pa dang ldan/ chos gos zin pa dang ldan nas lhung bzed dang chos gos blangs te mnyan yod gang na ba der rgyu zhing dong nas/ rim gyis rgyu zhing dong ba dang mnyan yod du phyin to/ /de nas dge slong rab tu mang pos lhung bzed dang chos gos mkhos su phab nas rkang pa bkrus te/ bcom ldan 'das gang na ba der dong nas lhags pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /chos nyid kyis sangs rgyas bcom ldan 'das rnams ni blo bur pa'i dge slong rnams la so sor yang dag par dga' bar mdzad pa 'dis so sor yang dag par dga' bar mdzad pa yin pas/ bcom ldan 'das kyis so sor yang dag par dga' bar mdzad pas dge slong rab tu mang po la kye dge slong dag khyed cag gang nas 'dir 'ongs/ gang du khyed cag dbyar gnas/ btsun pa bdag cag ni ljongs shig nas 'dir mchis te/ ljongs shig na bdag cag dbyar gnas lags so/ /dge slong dag khyed cag ji ga ljongs su bde ba la reg par dbyar gnas sam/ khyed bsod snyoms kyis phongs par ma gyur tam/ btsun pa mad par bdag cag ljongs su bde ba la reg par gnas pas dbyar gnas shing bdag cag bsod snyoms kyis kyang phongs par ma gyur to/ /de lta lags mod kyi bdag cag dbyar gyi nang logs su 'thab pa dang / mtshang 'dru ba dang / 'thab mo dang / 'gyed pa byung nas bdag cag gis rtsod pa de tshe dang ldan pa shA ri'i bu dang / maud gal gyi bu la gtad pa dang / de gnyis kyis ston pa'i bstan pa chos 'dul bas rtsod pa de zhi bar bgyis lags so/ /bcom ldan 'das kyis dgongs pa/ kye ma'o nga'i nyan thos skam la gnas pa dag gis ni ston pa'i bstan pa chos 'dul bas rtsod pa skyes shing byung ba zhi bar nus so snyam nas/ dge slong dag de lta bas na skam la gnas pa'i dge slong rnams kyis ston pa'i bstan pa chos 'dul bas rtsod pa skyes shing byung ba zhi bar bya'o/ /dge slong rnams kyis skam la gnas pa dang du yin pa ma shes nas bcom ldan 'das kyis bka' stsal pa/ gang dag dge 'dun la mi ltos par rtsod pa skyes shing byung ba zhi bar nus pa'o/ / de yang gsum ste/ skam la gnas pa lus kyis bsdams pa ma yin zhing ngag gis kyang ma yin pa yang yod/ lus kyis bsdams la ngag gis ma yin pa yang yod/ lus dang ngag gis bsdams pa yang yod do/ / lus kyis bsdams pa ma yin zhing ngag gis kyang ma yin pa gang zhe na/ 'di lta ste/ skam la gnas pa dge slong 'thab par gyur/ mtshang 'dru bar gyur/ 'thab mo byung / 'gyed par gyur nas phyogs dang phyogs gzhan du gnas pa rnams kyi drung du bdag nyid song nas 'di skad ces tshe dang ldan pa dag legs so/ /rtsod pa 'di ni legs par bzung ba yin gyi nyes par bzung ba ma yin/ legs par sbyar ba yin gyi nyes par sbyar ba ma yin/ legs par brtags pa yin gyi nyes par brtags pa ma yin pas 'di dang 'di ni smros shig /'di dang 'di ni ma smra shig /tshe dang ldan pa dag pha rol po dag chom shig / pha rol po dag gis choms sa re/ bdag ni tshe dang ldan pa dag gi phyogs dang dpung dang grogs byed pa yin no zhes smra zhing / phyogs gcig shos kyi drung du yang bdag nyid song nas 'di skad ces/ tshe dang ldan pa dag legs so/ /rtsod pa 'di ni legs par bzung ba yin gyi nyes par bzung ba ma yin/ legs par sbyar ba yin gyi nyes par sbyar ba ma yin/ legs par brtags pa yin gyi nyes par brtags pa ma yin pas 'di dang 'di ni smros shig /'di dang 'di ni ma smra shig /tshe dang ldan pa dag gis pha rol po dag chom shig /pha rol po dag gis choms sa re/ bdag ni tshe dang ldan pa dag gi phyogs dang / dpung dang / grogs yin no zhes smra ba ste/ 'di ni skam la gnas pa lus kyis bsdams pa ma yin zhing ngag gis kyang ma yin pa'o/ /skam la gnas pa lus kyis bsdams la ngag gis ma yin pa gang zhe na/ 'di lta ste/ skam la gnas pa'i dge slong 'thabs par gyur/ mtshang 'dru bar gyur/ 'thab mo byung / 'gyed par gyur nas gnas shing phyogs dang phyogs gzhan du gnas pa rnams kyis phyogs gcig tu bdag nyid mi 'gro mod kyi pho nya btang nas tshe dang ldan pa dag legs so/ /rtsod pa 'di ni legs par bzung ba yin gyi nyes par bzung ba ma yin/ legs par sbyar ba yin gyi nyes par sbyar ba ma yin/ legs par brtags pa yin gyi nyes par brtags pa ni ma yin pas 'di dang 'di ni smros shig /'di dang 'di ni ma smra shig /tshe dang ldan bdag gis pha rol po dag chom shig /pha rol po dag gis choms sa re/ bdag ni tshe dang ldan pa dag gi phyogs dang dpung dang / grogs yin no/ /phyogs gcig shos su yang bdag nyid mi 'gro mod kyi pho nya btang nas tshe dang ldan pa dag legs so/ /rtsod pa ni legs par bzung ba yin gyi nyes par bzung ba ma yin/ legs par sbyar ba yin gyi nyes par sbyar ba ma yin/ legs par brtags pa yin gyi nyes par brtags pa ma yin pas 'di dang 'di ni smros shig /'di dang 'di ni ma smra shig /tshe dang ldan pa dag gis pha rol po dag chom shig /pha rol po dag gis choms sa re/ bdag ni tshe dang ldan pa dag gi phyogs dang / dpung dang / grogs yin no zhes zer ba ste/ 'di ni skam la gnas pa lus kyis bsdams pa ngag gis ma yin pa yin no/ /skam la gnas pa lus dang ngag gis bsdams pa gang zhe na/ 'di lta ste/ skam la gnas pa dge slong 'thab par gyur/ mtshang 'dru bar gyur 'thab mo byung / 'gyed par gyur nas gnas shing phyogs gzhan dang gzhan la gnas pa rnams kyis phyogs gcig tu bdag nyid mi 'gro zhing pho nya yang gtong bar mi byed la/ phyogs gcig shos su yang bdag nyid mi 'gro zhing tshig gis pho nya yang gtong bar mi byed pa'o/ /de la skam la gnas pa lus kyis bsdams pa ma yin zhing ngag gis kyang ma yin pa gang yin pa de lta bu'i skam la gnas pa yang ma bskos pa ni bsko bar mi bya'o/ / bskos pa ni dbyung bar bya'o/ /de ci'i phyir zhe na/ de lta bu skam la gnas pa la brten nas dge 'dun la rtsod pa ma byung ba rnams ni 'byung la/ byung ba rnams ni ston pa'i bstan pa chos 'dul bas myur du zhi bar mi 'gyur ro/ / de la skam la gnas pa lus kyis bsdams la ngag gis ma yin pa gang yin pa de lta bu'i skam la gnas pa yang ma bskos pa ni bsko bar mi bya'o/ /bskos pa ni dbyung bar bya'o/ /de ci'i phyir zhe na/ de lta bu'i skam la gnas pa la brten nas kyang dge 'dun la rtsod pa ma byung ba rnams ni 'byung la/ byung ba rnams ni ston pa'i bstan pa chos 'dul bas myur du zhi bar mi 'gyur ro/ /de la skam la gnas pa lus dang ngag gis bsdams pa gang yin pa de lta bu'i skam la gnas pa ma bskos pa ni bsko bar bya'o/ /bskos pa ni dbyung bar mi bya'o/ /de ci'i phyir zhe na/ de lta bu'i skam la gnas pa la brten nas dge 'dun la rtsod pa ma byung ba rnams ni mi 'byung la/ byung ba rnams ni ston pa'i bstan pa chos 'dul bas myur du zhi bar 'gyur ro/ /dge slong dag de lta bu'i skom la gnas pa ni rtsod pa zhi bar byed pa yin gyi/ gzhan dag ni ma yin no/ /de lta bu skam la gnas pa rnams kyis rtsod pa skyes shing byung ba zhi bar bya ste/ de lta bu'i skam la gnas pa rnams kyis rtsod pa zhi bar byas pa ni mngon sum dag pa yin no/ /de la mngon sum ji lta bu zhe na/ mngon sum ni gnyis te/ gang zag mngon sum dang / chos mngon sum mo/ /gang zag mngon sum gang zhe na/ gang dag gis rtsod pa de zhi bar byed pa dang / gang dag gis rtsod pa de zhi bar bya ba de dag thams cad 'dus par gyur cing mngon sum du gyur pa ste/ 'di ni gang zag mngon sum zhes bya'o/ /chos mngon sum gang zhe na/ ston pa'i bstan pa gang dang / chos gang dang / 'dul ba gang dang gang gis rtsod pa de zhi bar 'gyur ba ston pa'i bstan pa de dang / chos de dang / 'dul ba des rtsod pa de zhi bar byed pa 'di ni chos mngon sum zhes bya'o/ /gal te dge slong skam la gnas pa dag gis rtsod pa de zhi bar byed mi nus na de rnams kyis rtsod pa de dge 'dun la gtad par bya zhing / dge 'dun gyis ston pa'i bstan pa chos 'dul bas rtsod pa de zhi bar bya'o/ /dge 'dun gyis ston pa'i bstan pa chos 'dul bas rtsod pa de zhi bar byas na legs par zhi bar byas pa'o zhes brjod par bya ste/ mngon sum dag pa yin no/ /de la mngon sum ji lta bu yin zhe na/ mngon sum ni gsum ste/ dge 'dun mngon sum dang / gang zag mngon sum dang / chos mngon sum mo/ /dge 'dun mngon sum gang zhe na/ mtshams na gnas pa'i dge slong bya bar 'os pa ji snyed ba de dag thams cad 'dus shing mngon sum du gyur pa dang / 'dun pa blang bar 'os pa rnams las 'dun pa blangs pa dang / dge slong rnams 'dus shing mngon sum du gyur kyang mi btub cing gshe ba gang dag gis gshe bar 'os pa rnams mi btub pa med cing mi gshe la las dag byed pa 'di ni dge 'dun mngon sum zhes bya'o/ /gang zag mngon sum gang zhe na/ gang dag gis rtsod pa de zhi bar byed pa dang / gang dag gi rtsod pa de zhi bar bya ba de thams cad 'dus shing mngon sum du gyur pa ste/ 'di ni gang zag mngon sum zhes bya'o/ /chos mngon sum gang zhe na/ ston pa'i bstan pa gang dang / chos gang dang / 'dul ba gang gis rtsod pa de nye bar zhi bar 'gyur ba'i ston pa'i bstan pa de dang / chos de dang / 'dul ba des rtsod pa de zhi bar byed pa 'di ni chos mngon sum zhes bya'o/ /gal te dge 'dun gyis rtsod pa de zhi bar bya mi nus na de'i 'og tu dge 'dun gyis dge slong gsal ba bcu 'am bcu gnyis bsko bar bya'o/ /bsko ba ni 'di ltar bya ste/ gnas mal bshams nas gaN DI brdungs la dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang / re shig thog mar spro bar bya ste/ sangs rgyas skyong dang / chos sbyin dang / dge 'dun sde khyod gsal ba yin na mtshams kyi phyi logs su dong nas dge 'dun gyi rtsod pa zhi bar spro 'am/ gal te spro bar gyur na de rnams kyis spro'o zhes brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ sangs rgyas skyong dang / chos sbyin dang / dge 'dun sde 'di rnams gsal ba lags te mtshams kyi slad rol du mchis nas dge 'dun gyi rtsod pa zhi bar bgyi bar spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / 'di ltar dge 'dun gyis sangs rgyas skyong dang / chos sbyin dang / dge 'dun sde gsal ba rnams bskos te/ sangs rgyas skyong dang / chos sbyin dang / dge 'dun sde gsal ba mtshams kyi slad rol du mchis nas dge 'dun gyi rtsod pa zhi bar bgyid par 'gyur ro/ /'di ni gsol ba'o/ /las bya ba ni/ dge 'dun btsun pa rnams gsan du gsol/ sangs rgyas skyong dang / chos sbyin dang / dge 'dun sde 'di rnams gsal ba lags te mtshams kyi slad rol du mchis nas dge 'dun gyi rtsod pa zhi bar bgyi bar spro nas/ de'i slad du dge 'dun gyis sangs rgyas skyong dang / chos sbyin dang / dge 'dun sde gsal ba rnams bskos te/ sangs rgyas skyong dang / chos sbyin dang / dge 'dun sde gsal ba rnams mtshams kyi slad rol du mchis nas dge 'dun gyi rtsod pa zhi bar bgyid na/ tshe dang ldan pa gang dag sangs rgyas skyong dang / chos sbyin dang / dge 'dun sde gsal ba rnams bskos te/ sangs rgyas skyong dang / chos sbyin dang / dge 'dun sde gsal ba mtshams kyi slad rol du mchis nas dge 'dun gyi rtsod pa zhi bar bgyi bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis sangs rgyas skyong dang / chos sbyin dang / dge 'dun sde gsal ba de rnams mtshams gyi slad rol du mchis nas dge 'dun gyi rtsod pa zhi bar bgyi bar bskos lags te/ 'di ltar cang mi gsung bas de de bzhin du 'dzin to/ /gsal ba rnams kyis ston pa'i bstan pa chos 'dul bas rtsod pa de zhi bar bya'o/ /gsal ba rnams kyis ston pa'i bstan pa chos 'dul bas rtsod pa de zhi bar byas na legs par zhi bar byas par brjod par bya ste/ mngon sum dag pa yin no/ /de la mngon sum dag pa ji lta bu zhe na/ mngon sum ni gnyis te/ gang zag mngon sum dang / chos mngon sum mo/ /gang zag mngon sum gang zhe na/ gang dag gis rtsod pa de zhi bar byed pa dang / gang dag gi rtsod pa de dag zhi bar bya ba de thams cad 'dus shing mngon sum du gyur pa ste/ 'di ni gang zag mngon sum zhes bya'o/ /chos mngon sum gang zhe na/ ston pa'i bstan pa gang dang / chos gang dang / 'dul ba gang gis rtsod pa de zhi bar 'gyur ba'i ston pa'i bstan pa de dang / chos de dang / 'dul ba des rtsod pa de zhi bar byed pa 'di ni chos mngon sum zhes bya'o/ /gal te dge slong gsal ba rnams kyis rtsod pa de zhi bar mi nus na de rnams kyis dge slong gsal ba bas kyang gsal ba brgyad dam dgu bsko bar bya ste/ gsal ba bas kyang gsal ba rnams kyang ston pa'i bstan pa chos 'dul bas rtsod pa de zhi bar bya'o/ /gsal ba bas kyang gsal ba rnams kyis rtsod pa de zhi bar byas na legs par zhi bar byas par brjod par bya'o/ /gal te dge slong gsal ba bas kyang gsal ba rnams kyis rtsod pa de zhi bar bya mi nus na de rnams kyis rtsod pa de dge 'dun la gtad par bya'o/ /de nas dge 'dun gyis dge slong rtsod pa de sbed pa bsko bar bya'o/ /chos lnga dang ldan pa'i dge slong rtsod pa sbed pa ma bskos pa ni bsko bar mi bya'o/ /bskos pa ni dbyung bar bya'o/ /lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / rtsod pa sbos pa dang ma sbos pa mi shes pa ste/ chos 'di lnga dang ldan pa'i dge slong rtsod pa sbed pa ma bskos pa ni bsko bar mi bya'o/ /bskos pa ni dbyung bar bya'o/ /chos lnga dang ldan pa'i dge slong rtsod pa sbed pa ma bskos pa ni bsko bar bya'o/ /bskos pa ni dbyung bar mi bya'o/ /lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / rtsod pa sbos pa dang ma sbos pa shes pa ste/ chos 'di lnga dang ldan pa'i dge slong rtsod pa sbed pa ma bskos pa ni bsko bar bya'o/ /bskos pa ni dbyung bar mi bya'o/ /bskos pa ni 'di ltar bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang / re shig thog mar spro bar bya ste/ tshe dang ldan pa khyod dge 'dun gyi rtsod pa sbed pa spro 'am/ gal te spro na des spro'o zhes brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ rtsod pa sbed pa'i dge slong ming 'di zhes bgyi ba 'di dge 'dun gyi rtsod pa sbed par spro na/ gal te dge 'dun gyi dus la bab cing / bzod na dge 'dun gyis gnang bar mdzod cig dang / 'di ltar dge 'dun gyis dge slong ming 'di zhes bgyi ba 'di rtsod pa sbed par bskos te/ rtsod pa sbed pa'i dge slong ming 'di zhes bgyi ba 'di dge 'dun gyi rtsod pa sbed par 'gyur ro/ /'di ni gsol ba'o/ /las bya ba ni/ dge 'dun btsun pa rnams gsan du gsol/ rtsod pa sbed pa'i dge slong ming 'di zhes bgyi ba 'di dge 'dun gyi rtsod pa sbed par spro nas/ de'i slad du dge 'dun gyis dge slong ming 'di zhes bgyi ba rtsod pa sbed par bskos te/ rtsod pa sbed pa'i dge slong ming 'di zhes bgyi ba dge 'dun gyi rtsod pa sbed par bgyi na/ tshe dang ldan pa gang dag dge slong ming 'di zhes bgyi ba rtsod pa sbed par bskos te/ rtsod pa sbed pa'i dge slong ming 'di zhes bgyi ba dge 'dun gyi rtsod pa sbed par bgyi bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong rtsod pa sbed pa ming 'di zhes bgyi ba dge 'dun gyi rtsod pa sbed par bskos lags te/ 'di ltar cang mi gsung bas de de bzhin du 'dzin to/ /ngas rtsod pa sbed pa'i dge slong gi kun du spyod pa'i chos bca' bar bya ste/ rtsod pa sbed pa'i dge slong gis rtsod pa de gnas brtan dang bcas/ so sor thar pa dang bcas pa'i dge 'dun la gtad par bya zhing rgan rabs ji lta ba bzhin du brjod par bya ste/ dge 'dun btsun pa rnams gsan du gsol/ rtsod pa 'di gnas ga ge mo zhig tu gzhi 'di las byung nas dus 'di srid cig lon te/ rtsod pa de skam la gnas pa'i dge slong rnams kyis zhi bar bgyi bar rngo ma thog nas/ de rnams kyis dge 'dun la gtad pa las dge 'dun gyis kyang ma spyod nas/ des gsal ba'i dge slong rnams bskos pa las dge slong gsal ba rnams kyis rngo ma thog nas/ de rnams kyis kyang dge slong gsal ba bas kyang gsal ba rnams bskos pa las dge slong gsal ba bas kyang gsal ba de rnams kyis kyang rngo ma thog nas/ de rnams kyis kyang dge 'dun la gtad pa dang / dge 'dun gyis kyang bdag dge slong ming 'di zhes bgyi ba rtsod pa sbed par bskos nas/ bdag dge slong rtsod pa sbed pa ming 'di zhes bgyi bas rtsod pa 'di gnas brtan dang bcas/ so sor thar pa dang bcas pa'i dge 'dun la dbul gyis/ dge 'dun btsun pa rnams kyis 'di nas bzung ste rtsod pa 'di zla ba drug gi mtha'i bar gyis zhi bar mdzad du gsol/ gnas brtan dang bcas so sor thar pa dang bcas pa'i dge 'dun gyis ston pa'i bstan pa chos 'dul bas rtsod pa de zhi bar bya'o/ /gnas brtan dang bcas/ so sor thar pa dang bcas pa'i dge 'dun gyis ston pa'i bstan pa chos 'dul bas rtsod pa de zhi bar byas na legs par zhi bar byas par brjod par bya ste/ mngon sum dag pa yin no/ /de la mngon sum ji lta bu zhe na/ mngon sum ni gsum ste/ dge 'dun mngon sum dang / gang zag mngon sum dang / chos mngon sum mo/ /dge 'dun mngon sum gang zhe na/ mtshams na gnas pa'i dge slong bya bar 'os pa ji snyed pa de dag thams cad 'dus shing mngon sum du gyur pa dang / 'dun pa blang bar 'os pa rnams la 'dun pa blangs pa dang / dge slong rnams 'dus shing mngon sum du gyur kyang mi btub cing gshe ba gang dag gi gshe ba 'os pa rnams mi btub pa med cing mi gshe la/ las dag byed pa 'di ni dge 'dun mngon sum zhes bya'o/ /gang zag mngon sum gang zhe na/ gang dag gis rtsod pa de zhi bar byed pa dang / gang dag gi rtsod pa de zhi bar bya ba de dag thams cad 'dus shing mngon sum du gyur pa 'di ni gang zag mngon sum zhes bya'o/ /chos mngon sum gang zhe na/ ston pa'i bstan pa gang dang / chos gang dang / 'dul ba gang gis rtsod pa de zhi bar gyur pa'i ston pa'i bstan pa de dang / chos de dang / 'dul ba des rtsod pa de zhi bar byed pa 'di ni chos mngon sum zhes bya'o/ /gal te gnas brtan dang bcas/ so sor thar pa dang bcas pa'i dge 'dun gyis rtsod pa de zhi bar byed mi nus na des rtsod pa de rtsod pa sbed pa'i dge slong nyid la gtad par bya'o/ /rtsod pa sbed pa'i dge slong gis mdo sde dang / 'dul ba dang / ma mo 'dzin pa'i dge slong rnams la gtad par bya zhing rgan rims ji lta ba bzhin la brjod par bya ste/ shes ldan mdo sde dang / 'dul ba dang / ma mo 'dzin pa'i dge slong rnams gsan du gsol/ rtsod pa 'di ni gnas ga ge mo zhig tu gzhi 'di las byung nas dus 'di srid cig lon te/ rtsod pa de skam la gnas pa'i dge slong rnams kyis zhi bar byed ma nus nas/ de rnams kyis dge 'dun la gtad pa las dge 'dun gyis kyang ma spyod nas/ des kyang dge slong gsal ba rnams bskos pa las dge slong gsal ba rnams kyis kyang ma nus nas/ de rnams kyis kyang dge slong gsal ba bas kyang gsal ba rnams bskos pa las dge slong gsal ba bas kyang gsal ba rnams kyis kyang ma nus nas/ de rnams kyis kyang dge 'dun la gtad pa dang / dge 'dun gyis bdag dge slong ming 'di zhes bgyi ba rtsod pa sbed par bskos te/ bdag dge slong rtsod pa sbed pa ming 'di zhes bgyi bas rtsod pa 'di gnas brtan dang bcas/ so sor thar pa dang bcas pa'i dge 'dun la gtad pa las/ gnas brtan dang bcas/ so sor thar pa dang bcas pa'i dge 'dun gyis ma spyod nas/ bdag dge slong rtsod pa sbed pa ming 'di zhes bgyi ba la gtad de/ bdag dge slong rtsod pa sbed pa ming 'di zhes bgyi bas rtsod pa 'di mdo sde dang / 'dul ba dang / ma mo 'dzin pa'i dge slong rnams la gtad kyis/ shes ldan mdo sde dang / 'dul ba dang / ma mo 'dzin pa'i dge slong rnams kyis 'di nas bzung ste/ rtsod pa 'di lo gcig gi mtha'i bar gyis zhi bar mdzod cig /mdo sde dang / 'dul ba dang / ma mo 'dzin pa'i dge slong rnams kyis ston pa'i bstan pa chos 'dul bas rtsod pa de zhi bar bya'o/ /mdo sde dang / 'dul ba dang / ma mo 'dzin pa'i dge slong rnams kyis rtsod pa de zhi bar byas na legs par zhi bar byas par brjod par bya ste/ mngon sum dag pa yin no/ /de la mngon sum ji lta bu zhe na/ mngon sum ni gnyis te/ gang zag mngon sum dang / chos mngon sum mo/ /gang zag mngon sum gang zhe na/ gang dag gis rtsod pa de zhi bar byed pa dang / gang dag gi rtsod pa zhi bar bya ba de thams cad 'dus shing mngon sum du gyur pa 'di ni gang zag mngon sum zhes bya'o/ /chos mngon sum gang zhe na/ ston pa'i bstan pa gang dang / chos gang dang / 'dul ba gang gis rtsod pa de zhi bar 'gyur ba'i ston pa'i bstan pa de dang chos de dang / 'dul ba des rtsod pa de zhi bar byed pa 'di ni chos mngon sum zhes bya'o/ /gal te mdo sde dang / 'dul ba dang / ma mo 'dzin pa'i dge slong rnams kyis rtsod pa de zhi bar byed mi nus na de rnams kyis rtsod pa sbed pa'i dge slong nyid la gtad par bya'o/ /rtsod pa sbed pa'i dge slong gis gnas gang na dge slong gnas brtan gnas brtan gang yang rung ba 'am/ shes nyen can shes nyen can gang yang rung ba 'am/ gtso bo gtso bo gang yang rung ba yod pa de la gtad par bya zhing rgan rims ji lta ba bzhin la brjod par bya ste/ gnas brtan dag gson cig /rtsod pa 'di ni gnas ga ge mo zhig tu gzhi 'di las byung nas dus 'di srid gcig lon te/ rtsod pa de skam la gnas pa'i dge slong rnams kyis zhi bar byed ma nus nas/ de rnams kyis dge 'dun la gtad pa dang / dge 'dun gyis kyang ma spyod nas/ des kyang dge slong gsal ba rnams bskos pa las dge slong gsal ba rnams kyis kyang ma nus nas/ de rnams kyis kyang dge slong gsal ba bas kyang gsal ba bskos pa las dge slong gsal ba bas kyang gsal ba rnams kyis kyang ma nus nas/ de rnams kyis kyang dge 'dun la gtad pa las dge 'dun gyis bdag dge slong ming 'di zhes bgyi ba rtsod pa sbed par bskos nas/ bdag dge slong rtsod pa sbed pa ming 'di zhes bgyi bas rtsod pa 'di gnas brtan dang bcas/ so sor thar pa dang bcas pa'i dge 'dun la gtad pa las/ gnas brtan dang bcas/ so sor thar pa dang bcas pa'i dge 'dun gyis zhi bar ma spyod nas/ des kyang bdag dge slong rtsod pa sbed pa ming 'di zhes bgyi ba la gtad nas/ bdag dge slong rtsod pa sbed pa ming 'di zhes bgyi bas rtsod pa 'di mdo sde dang / 'dul ba dang / ma mo 'dzin pa'i dge slong rnams la gtad pa dang / mdo sde dang / 'dul ba dang / ma mo 'dzin pa rnams kyis kyang ma nus nas/ de rnams kyis kyang bdag dge slong rtsod pa sbed pa ming 'di zhes bgyi ba la gtad nas/ bdag dge slong rtsod pa sbed pa ming 'di zhes bgyi bas rtsod pa 'di gnas brtan la 'bul na/ gnas brtan gyis 'di nas bzung ste/ rtsod pa 'di ji tsam gyis mthar phyin gyi bar du zhi bar mdzad du gsol zhes brjod par bya'o/ /ngas dge slong gnas brtan gyi kun du spyod pa'i chos bca' bar bya ste/ dge slong gnas brtan gyis rgol ba dang phyir rgol ba'i dge slong rnams so shing stobs na bdag gir mi bya ste/ ba'i lci ba stobs na ma yin/ 'dag 'chal stobs na ma yin zhing / gdon pa dang 'dri ba yang byed du mi gzhug ste/ gzhan du na mdun nam rgyab tu 'dug nas tshig 'di skad ces/ tshe dang ldan pa dag ma 'thab shig /mtshang ma 'dru shig /'thab mo ma byed cig /ma 'gyed cig /de ci'i phyir zhe na/ tshe dang ldan pa dag rtsod pa la gnyis ka rgyal ba med kyi/ 'on kyang gcig rgyal gcig pham par 'gyur ro/ /'gyed pa la gnyis ka rgyal ba med kyi/ 'on kyang gcig rgyal gcig pham par 'gyur ro zhes bya zhing / dge slong gnas brtan gyis ston pa'i bstan pa chos 'dul bas rtsod pa de zhi bar bya'o/ /dge slong gnas brtan gyis rtsod pa de zhi bar byas na legs par zhi bar byas par brjod par bya'o/ /dge slong dag de ltar na mngon sum du 'dul bar 'os pa ni rtsod pa zhi bar byed pa yin zhing / de ltar kha cig gi rtsod pa rnams 'di lta ste/ mngon sum du 'dul bar 'os pa'i rtsod pa zhi bar byed pas 'dul ba dang / zhi ba dang / nye bar zhi ba yin no/ /dge slong dag gang tshul shing mang po blang ba'i rtsod pa zhi bar byed pa yin/ ji ltar na 'di na kha cig gi rtsod pa rnams 'di lta ste/ gang tshul shing mang po blang ba'i rtsod pa zhi bar byed pas 'dul ba dang / zhi ba dang / nye bar zhi ba yin zhe na/ skam la gnas pa nas bzung ste gnas brtan gyi bar gong ma bzhin du ste/ gal te dge slong gnas brtan gyis rtsod pa de zhi bar byed mi nus na rtsod pa de rtsod pa sbed pa'i dge slong de nyid la gtad par bya'o/ /des kyang rtsod pa de dge 'dun la gtad par bya'o/ /dge 'dun gyis rtsod pa de gang tshul shing mang po blang ba'i rtsod pa zhi bas zhi bar bya'o/ /rgyu lngas gang tshul shing mang po len pa'i rtsod pa zhi ba ni rtsub pa dang / gdug pa dang / dam po dang / dbye ba'i bsam pa dang / sbyor ba gzhan du mi 'gyur ba can yin no/ /rtsub pa ji lta bu zhe na/ rgol ba dang phyir rgol ba'i dge slong rnams kyis rtsub po rab tu bzung ba yin te/ de ltar na rtsub po can yin no/ /gdug pa ji lta bu zhe na/ rgol ba dang phyir rgol ba'i dge slong rnams gdug pa dang / rnam par gnon pa yin te/ de ltar na gdug pa can no/ /dam po ji lta bu zhe na/ rgol ba dang phyir rgol ba'i dge slong rnams kyis dam por rab tu bzung ba yin te/ de ltar na dam po can yin no/ /dbye ba'i bsam pa ji lta bu zhe na/ dbye bar byed pa'i gzhi bcu bzhi las 'byed par byed pa'i gzhi gang yang rung ba zhig legs par shin du rab tu bzung ba yin te/ de ltar na dbye ba'i bsam pa can yin no/ /sbyor ba gzhan du mi 'gyur ba can ji lta bu zhe na/ skam la gnas pa nas bzung nas gnas brtan gyi bar gyis te/ de ltar na sbyor ba gzhan du mi 'gyur ba can yin te/ chos 'di lnga dang ldan pas na gang tshul shing mang po blang ba'i zhi ba ni rtsub pa dang / gdug pa dang / dam po dang / dbye ba'i bsam pa dang / sbyor ba gzhan du mi 'gyur ba can yin no/ /des na tshul shing 'drim pa'i dge slong bsko bar bya ste/ chos lnga dang ldan pa'i dge slong tshul shing 'brim par ma bskos pa ni bsko bar mi bya'o/ /bskos pa ni dbyung bar bya'o/ /lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / tshul shing brims pa dang ma brims pa mi shes pa ste/ chos 'di lnga dang ldan pa'i dge slong tshul shing 'drim par ma bskos pa ni bsko bar mi bya'o/ /bskos pa ni dbyung bar bya'o/ /chos lnga dang ldan pa'i dge slong tshul shing 'drim par ma bskos pa ni bsko bar bya'o/ /bskos pa ni dbyung bar mi bya'o/ /lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / tshul shing brims pa dang ma brims pa shes pa ste/ chos 'di lnga dang ldan pa'i dge slong tshul shing 'brim par ma bskos pa ni bsko bar bya'o/ /bskos pa ni dbyung bar mi bya'o/ /tshul shing brim pa ni bzhi ste/ bzhi gang zhe na/ sra ba dang / mngon pa dang / rna drung du gshub pa dang bcas pa dang / dge 'dun thams cad pa'o/ /sba ba'i tshul shing brim pa gang zhe na/ 'di lta ste tshul shing 'brim pa'i dge slong 'di snyam du sems te/ gnas 'di na dge slong gnas brtan gnas brtan rab tu mang po dag ni chos ma yin pa smra la/ dge slong gsar bu nyung zad cig ni chos smra bas/ gal te bdag gis tshul shing mngon par brims na dge slong gsar bu dge slong gnas brtan rnams kyi rjes su byed pa rnams chos ma yin pa'i tshul shing rab tu mang po len par 'gyur ba'i gnas gang yin pa de yod kyis/ ma la bdag gis tshul shing sbas te brim mo snyam nas/ de tshul shing sbas nas 'brim pa ste/ 'di ni sba ba'i tshul shing 'brim pa zhes bya'o/ /mngon pa'i tshul shing 'brim pa gang zhe na/ 'di lta ste/ tshul shing 'brim pa'i dge slong 'di snyam du sems te/ gnas 'di na dge slong gnas brtan rab tu mang po dag ni chos smra la/ dge slong gsar bu nyung zad gcig ni chos ma yin pa smra bas/ gal te bdag gis tshul shing sbas te brims na dge slong gsar bu rnams chos ma yin pa'i tshul shing len par 'gyur ba gang yin pa'i gnas de yod kyis/ ma la bdag gis tshul shing mngon par brim mo/ /bdag gis tshul shing gsal bar brims na dge slong gsar bu dge slong gnas brtan rnams kyi rjes su byed pa rnams chos kyi tshul shing rab tu mang po len par 'gyur ba gang yin pa'i gnas de yod do snyam nas de tshul shing mngon par 'brim pa ste/ 'di ni mngon pa'i tshul shing 'brim pa zhes bya'o/ /rna drung du gshub pa dang bcas pa'i tshul shing 'brim pa gang zhe na/ 'di lta ste tshul shing 'brim pa'i dge slong gis rna drung du gtugs te gshubs la tshe dang ldan pa khyod kyi mkhan pos chos kyi tshul shing blangs kyis khyod kyis kyang chos kyi tshul shing long shig /khyod kyi slob dpon dang / mkhan po gcig pa dang / slob dpon gcig pa dang / gtam 'dres pa dang phebs par smra ba dang / smos 'drin dang / 'grogs bshes kyis chos kyi tshul shing blangs kyis/ khyod kyis kyang chos kyi tshul shing long shig ces smra ba ste/ 'di ni rna drung du gshub pa dang bcas pa'i tshul shing 'brim pa zhes bya'o/ /dge 'dun thams cad pa'i tshul shing 'brim pa gang zhe na/ 'di lta ste tshul shing 'brim pa'i dge slong 'di snyam du sems te/ gnas 'di na dge slong nad pa rab tu mang bas/ gal te bdag gis dge 'dun ma tshogs shing ma 'dus par tshul shing brims na dge slong rab tu mang pos chos ma yin pa'i tshul shing len par 'gyur ba gang yin pa'i gnas de yod kyis/ ma la bdag gis dge 'dun thams cad tshogs shing 'dus pa dang tshul shing brim par bya'o snyam nas/ dge 'dun thams cad tshogs shing 'dus pa dang tshul shing 'brim pa de/ 'di ni dge 'dun thams cad pa'i tshul shing 'brim pa zhes bya'o/ /chos ma yin pa'i tshul shing len pa bcu dang / chos kyi bcu'o/ /chos ma yin pa'i tshul shing len pa bcu gang zhe na/ chos ma yin pas tshul shing len pa dang / mi mthun pas tshul shing len pa dang / chung ba bas kyang chung bas tshul shing len pa dang / dbye ba'i bsam pas tshul shing len pa dang / sbyor ba gzhan du ma gyur pas tshul shing len pa dang / rten kha lo bsgyur ba dang mi stun pas tshul shing len pa dang / tshul shing blangs pas dge 'dun bye yang ci ma rung snyam du bsams pas tshul shing len pa dang / tshul shing blangs pas dge slong rab tu mang po chos ma yin pa smra bar gyur kyang ci ma rung snyam nas tshul shing len pa dang / tshul shing blangs pas dge 'dun 'bye bar 'gyur bar shes bzhin du tshul shing len pa dang / tshul shing blangs pas dge slong rab tu mang po dag chos ma yin pa smra bar 'gyur bar shes bzhin du tshul shing len pa'o// //'dul ba gzhi/ bam po bdun bcu dgu pa/ chos ma yin pas tshul shing len pa ji lta bu zhe na/ 'dul ba dang 'thun pa ma yin pas tshul shing len pa ste/ de lta bu ni chos ma yin pas tshul shing len pa yin no/ /mi mthun pas tshul shing len pa ji lta bu zhe na/ dge 'dun mi mthun pas tshul shing len pa ste/ de lta bu ni mi mthun pas tshul shing len pa yin no/ /chung ba bas kyang chung bas tshul shing len pa ji lta bu zhe na/ bsdam par bya bar dang bshags par bya ba yin no snyam nas tshul shing len pa ste/ de lta bu ni chung ba bas kyang chung bas tshul shing len pa yin no/ /dbye ba'i bsam pas tshul shing len pa ji lta bu zhe na/ dbye bar byed pa'i gzhi bcu bzhi las dbye bar byed pa'i gzhi gang yang rung ba zhig legs par shin du rab tu bzung ba de lta bu ni dge 'dun dbye ba'i bsam pas tshul shing len pa yin no/ /sbyor ba gzhan du ma gyur pas tshul shing len pa ji lta bu zhe na/ skam la gnas pa ma yin pa nas bzung nas gnas brtan gyis ma yin pa zhes bya ba'i bar du ste/ de lta bu ni sbyor ba gzhan du ma gyur pas tshul shing len pa yin no/ /rten kha lo bsgyur ba dang mi stun pas tshul shing len pa ji lta bu zhe na/ dge slong mdo sde 'dzin pa dang / 'dul ba 'dzin pa dang / ma mo 'dzin par gyur pa gang dag yin pa de dag ni chos 'dul ba 'di la rten dang kha lo bsgyur ba zhes bya ste/ de rnams la ma brtags par tshul shing len pa ste/ 'di lta bu ni rten kha lo bsgyur ba dang mi stun pas tshul shing len pa yin no/ /tshul shing blangs pas dge 'dun bye bar gyur kyang ci ma rung snyam pas tshul shing len pa ji lta bu yin zhe na/ tshul shing blangs pas dge 'dun bye bar gyur kyang ci ma rung zhes de snyam du bsams nas tshul shing len pa ste/ de lta bu ni tshul shing blangs pas dge 'dun bye bar gyur kyang ci ma rung snyam pas tshul shing len pa yin no/ /tshul shing blangs pas dge slong rab tu mang po chos ma yin par gyur kyang ci ma rung snyam pas tshul shing len pa ji lta bu zhe na/ tshul shing blangs pas dge slong rab tu mang po chos ma yin pa blangs nas 'jug par 'gyur yang ci ma rung snyam pas tshul shing len pa ste/ de lta bu ni tshul shing blangs pas dge slong rab tu mang po chos ma yin pa smra bar gyur kyang ci ma rung snyam pas tshul shing len pa yin no/ /tshul shing blangs pas dge 'dun 'bye bar 'gyur bar shes bzhin du tshul shing len pa ji lta bu zhe na/ tshul shing blangs pas dge 'dun 'bye bar 'gyur bar shes shing de ltar bsams nas tshul shing len pa ste/ de lta bu ni tshul shing blangs pas dge 'dun 'bye bar 'gyur bar shes bzhin du tshul shing len pa yin no/ / tshul shing blangs pas dge slong rab tu mang po chos ma yin pa smra bar 'gyur bar shes bzhin du tshul shing len pa ji lta bu zhe na/ tshul shing blangs pas dge slong rab tu mang po chos ma yin pa blangs nas 'jug par 'gyur bar shes shing de ltar bsams nas tshul shing len pa ste/ de lta bu ni tshul shing blangs pas dge slong rab tu mang po chos ma yin pa smra bar 'gyur bar shes bzhin du tshul shing len pa ste/ 'di dag ni chos ma yin pa'i tshul shing len pa bcu yin no/ /chos kyi tshul shing len pa bcu gang zhe na/ chos kyis tshul shing len pa dang / 'thun pas tshul shing len pa dang / chung ba bas kyang chung ba ma yin pas tshul shing len pa dang / mi 'bye ba'i bsam pas tshul shing len pa dang / sbyor ba gzhan du 'gyur bas tshul shing len pa dang / rten kha lo bsgyur ba dang stun pas tshul shing len pa dang / tshul shing blangs pas dge 'dun bye bar ma gyur kyang ci ma rung snyam pas tshul shing len pa dang / tshul shing blangs pas dge slong rab tu mang po chos ma yin pa smra bar ma gyur kyang ci ma rung snyam pas tshul shing len pa dang / tshul shing blangs pas dge 'dun 'bye bar mi shes pas tshul shing len pa dang / tshul shing blangs pas dge slong rab tu mang po chos ma yin pa smra bar 'gyur bar mi shes pas tshul shing len pa yin no/ /chos kyi tshul shing len pa ji lta bu zhe na/ 'dul ba dang 'thun pas tshul shing len pa ste/ de lta bu ni chos kyi tshul shing len pa yin no/ /'thun pas tshul shing len pa ji lta bu zhe na/ dge 'dun 'thun pas tshul shing len pa ste/ de lta bu ni 'thun pas tshul shing len pa yin no/ /chung ba bas kyang chung ba ma yin pas tshul shing len pa ji lta bu zhe na/ bsdam par bya ba ma yin pa dang / bshags par bya ba ma yin no snyam du bsams nas tshul shing len pa ste/ de lta bu ni chung ba bas kyang chung ba ma yin pas tshul shing len pa yin no/ / mi 'bye ba'i bsam pas tshul shing len pa ji lta bu zhe na/ 'bye bar byed ba'i gzhi bcu bzhi las 'bye bar byed pa'i gzhi gang yang rung ba legs par shin du rab tu ma bzung ba ste/ de lta bu ni mi 'bye ba'i bsam pas tshul shing len pa yin no/ /sbyor ba gzhan du gyur pas tshul shing len pa ji lta bu zhe na/ skam la gnas pa nas bzung nas gnas brtan gyi bar gyis te/ de lta bu ni sbyor ba gzhan du gyur pas tshul shing len pa yin no/ / rten kha lo bsgyur ba dang stun pas tshul shing len pa ji lta bu zhe na/ dge slong mdo sde 'dzin pa dang / 'dul ba 'dzin pa dang / ma mo 'dzin pa gang dag yin pa de dag ni chos 'dul ba 'di la rten dang kha lo bsgyur ba zhes bya ste/ de rnams la brtags nas tshul shing len pa de lta bu ni rten kha lo bsgyur ba dang stun pas tshul shing len pa yin no/ tshul shing blangs pas dge 'dun bye bar ma gyur kyang ci ma rung snyam pas tshul shing len pa ji lta bu zhe na/ tshul shing blangs pas dge 'dun bye bar gyur kyang ci ma rung zhes de ltar mi sems pas tshul shing len pa ste/ de lta bu ni tshul shing blangs pas dge 'dun bye bar ma gyur kyang ci ma rung snyam pas tshul shing len pa yin no/ /tshul shing blangs pas dge slong rab tu mang po chos ma yin pa smra bar ma gyur kyang ci ma rung snyam pas tshul shing len pa ji lta bu zhe na/ tshul shing blangs pas dge slong rab tu mang po chos ma yin pa blangs te 'jug par ma gyur kyang ci ma rung snyam pas tshul shing len pa ste/ de lta bu ni tshul shing blangs pas dge slong rab tu mang po chos ma yin pa smra bar ma gyur kyang ci ma rung snyam pas tshul shing len pa yin no/ / tshul shing blangs pas dge 'dun 'bye bar 'gyur bar mi shes pas tshul shing len pa ji lta bu zhe na/ tshul shing blangs pas dge 'dun 'bye bar 'gyur bar mi shes shing de ltar mi sems pas tshul shing len pa ste/ de lta bu ni tshul shing blangs pas dge 'dun 'bye bar 'gyur bar mi shes pas tshul shing len pa yin no/ /tshul shing blangs pas dge slong rab tu mang po chos ma yin pa smra bar 'gyur bar mi shes pas tshul shing len pa ji lta bu zhe na/ tshul shing blangs pas dge slong rab tu mang po chos ma yin pa blangs nas spyod par mi shes shing de ltar mi sems pas tshul shing len pa ste/ de lta bu ni tshul shing blangs pas dge slong rab tu mang po chos ma yin pa smra bar 'gyur bar mi shes pas tshul shing len pa ste/ 'di ni chos kyi tshul shing len pa bcu yin no/ /ngas dge slong tshul shing 'drim pa'i kun du spyod pa'i chos bca' bar bya ste/ dge slong tshul shing 'drim pas tshul shing rnam pa gnyis bsham par bya ste/ chos kyi tshul shing dang / chos ma yin pa'i tshul shing ngo / /chos kyi tshul shing rnams ni ya yo med pa/ kyag kyog med pa/ kyar kyor med pa/ kha dog bzang ba/ reg na bde bar bya'o/ / chos ma yin pa'i tshul shing rnams ni ya yo dang / kyag kyog dang / kyar kyor dang / kha dog ngan pa dang / reg na mi bde bar bya'o/ /de nas dge slong tshul shing 'drim pas lag pa g.yas pas chos kyi tshul shing rnams blangs la g.yon pas chos ma yin pa'i tshul shing rnams blangs nas dge 'dun gyis gnas brtan gyi mdun du 'dug ste/ chos kyi tshul shing rnams kyi bsngags pa dang / chos ma yin pa'i tshul shing rnams kyi bsngags pa ma yin pa brjod par bya ste/ gnas brtan 'di dag ni chos kyi tshul shing lags te/ ya yo ma mchis pa/ kyag kyog ma mchis pa/ kyar kyor ma mchis pa/ kha dog bzang ba/ reg na bde ba lags kyis bzhes shig /'di dag ni chos ma yin pa'i tshul shing lags te/ ya yo dang kyag kyog dang / kyar kyor dang / kha dog ngan la reg na mi bde ba lags na bzhes shig /gal te chos ma yin pa'i tshul shing gang na ba de logs su lag pa zed na tshig dang po la yang sbyin par mi bya/ gnyis pa la yang sbyin par mi bya/ gsum pa la sbyin par bya ste/ dge 'dun gyi gnas brtan gyis 'dul ba dang 'gal ba'i nyes byas kyi ltung ba bshags par bya'o/ /de bzhin du dge 'dun gsar bu'i bar gyi mdun du 'dug nas chos kyi tshul shing rnams kyi bsngags pa dang / chos ma yin pa'i tshul shing rnams kyi bsngags pa ma yin pa brjod par bya ste/ 'di dag ni chos kyi tshul shing lags te/ ya yo ma mchis pa/ kyag kyog ma mchis pa/ kyar kyor ma mchis pa/ kha dog bzang ba/ reg na bde ba lags kyis bzhes shig /'di dag ni chos ma yin pa'i tshul shing lags te/ ya yo dang / kyag kyog dang / kyar kyor dang / kha dog ngan pa/ reg na mi bde ba lags na bzhes shig /gal te chos ma yin pa'i tshul shing gang na ba de logs su lag pa zed na tshig dang po la sbyin par mi bya/ gnyis pa la sbyin par mi bya/ gsum pa la sbyin par bya ste/ de bzhin du dge 'dun gsar bus 'dul ba dang 'gal ba'i nyes byas kyi ltung ba bshags par bya'o/ /gal te chos kyi tshul shing nyung bar gyur na kun shes kauN+Di n+ya'i tshul shing blang bar bya'o/ /gal te chos kyi tshul shing gcig gis lhag par gyur na yang de lta na 'di lta ste chos kyis rtsod pa de nye bar zhi ba yin no/ /de ltar rtsod pa de zhi bar byas pa la gal te 'ga' zhig skyo sngogs byed na ltung byed du 'gyur ro/ /de bzhin du gal te chos ma yin pa'i tshul shing gcig gis lhag par gyur na yang de lta na 'di lta ste chos ma yin pas rtsod pa de zhi bar byas pa yin no/ /de ltar rtsod pa de zhi bar byas pa la 'ga' zhig skyo sngogs byed na nyes byas su 'gyur ro/ /de ltar na gang tshul shing mang po blangs pas rtsod pa zhi bar byed pa yin zhing / de ltar na 'di na kha cig gi rtsod pa rnams 'di lta ste/ gang tshul shing mang po blang ba'i rtsod pa zhi bar byed pas dul ba dang / zhi ba dang / nye bar zhi ba yin no/ /dge slong dag 'gyed pa'i rtsod pa la rtsod ba zhi bar byed pa gnyis kyis dul bar bya/ zhi bar bya/ nye bar zhi bar bya ba ni 'di lta ste/ mngon sum du 'dul bar 'os pa dang / gang tshul shing mang po blang bas so/ /dge slong dag gdams ngag med pa'i rtsod pa la rtsod pa zhi bar byed pa'i chos gsum gyis dul bar bya/ zhi bar bya/ nye bar zhi bar bya'o/ /gsum gang zhe na/ mngon sum du 'dul ba dang / dran pas 'dul ba dang / ma myos pas 'dul ba'o/ /dge slong dag ji ltar na mngon sum gyis 'dul ba ni rtsod pa zhi bar byed pa yin/ ji ltar na 'di na kha cig gi rtsod pa rnams 'di lta ste/ mngon sum du 'dul ba'i rtsod pa zhi bar byed pas dul ba dang / zhi ba dang / nye bar zhi ba yin zhe na/ skam la gnas pa nas bzung nas gnas brtan gyi bar gyis gong ma bzhin du ste/ dge slong dag de ltar na mngon sum du 'dul ba ni rtsod pa zhi bar byed pa yin zhing / de ltar na 'di na kha cig gi rtsod pa rnams 'di lta ste/ mngon sum du 'dul ba'i rtsod pa zhi bar byed pas dul ba dang / zhi ba dang / nye bar zhi ba yin no/ /dge slong dag ji ltar na dran pas 'dul ba ni rtsod pa zhi bar byed pa yin/ ji ltar na 'di na kha cig rtsod pa rnams 'di lta ste/ dran pas 'dul ba'i rtsod pa zhi bar byed pas dul ba dang / zhi ba dang / nye bar zhi ba yin zhe na/ dper na tshe dang ldan pa gyad bu nor la dge slong ma mdza' mos mi bden pas skur pa btab pa de la dge slong rnams gleng bar byed de/ gzhi des gleng ba na ngo tsha'o zhes bya ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis gyad bu nor dang / gzhan yang de lta bu dang 'thun pa su yang rung ba la dran pas 'dul bar 'os pa byin cig /sbyin pa ni 'di ltar sbyin par bya ste/ gnas mal bshams la gaN DI brdungs nas dris pa'i tshig gis dge slong rnams la yang dag par bsgo la dge 'dun thams cad tshogs shing 'thun par gyur pa dang gyad bu nor gyis bla gos phrag pa gcig tu gzar te/ rgan rims ji lta ba bzhin du 'dud pa byas la rgan pa'i mthar tsog tsog por 'dug nas thal mo sbyar te tshig 'di skad ces/ dge 'dun btsun pa rnams gsan du gsol/ bdag gyad bu nor la dge slong ma mdza' mos mi bden pas skur pa btab pas bdag la dge slong rnams gzhi des gleng bar bgyid de/ bdag la gzhi des gleng bar bgyid pa dge 'dun la dran pas 'dul ba gsol na/ dge 'dun btsun pa thugs brtse ba can thugs brtse bas nye bar bzung ste/ bdag gyad bu nor la dran pas 'dul ba stsal du gsol/ de skad lan gnyis lan gsum du brjod par bya'o/ /de nas dge slong gcig gis gsol ba byas te las bya'o/ /dge 'dun btsun pa rnams gsan du gsol/ gyad bu nor 'di la dge slong ma mdza' mos mi bden pas skur pa btab pas 'di la dge slong rnams gzhi des gleng bar bgyid de/ 'di la gzhi des gleng bar bgyid pa dge 'dun las dran pas 'dul ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / 'di ltar dge 'dun gyis gyad bu nor la dran pas 'dul ba stsol bar mdzad do/ /'di ni gsol ba'o/ /las bya ba ni/ dge 'dun btsun pa rnams gsan du gsol/ gyad bu nor 'di la dge slong ma mdza' mos mi bden pas skur pa btab pas 'di la dge slong rnams gzhi des gleng bar bgyid de/ 'di la gzhi des gleng bar bgyid pa na dge 'dun las dran pas 'dul ba gsol te/ de'i slad du dge 'dun gyis gyad bu nor la dran pas 'dul ba stsol bar mdzad na/ tshe dang ldan pa gang dag gyad bu nor la dran pas 'dul ba stsol bar bzod pa de dag ni cang ma gsung shig /gang dag mi bzod pa de dag ni gsungs shig / dge 'dun gyis bzod cing gnang nas dge 'dun gyis gyad bu nor la dran pas 'dul ba stsal lags te/ 'di ltar cang mi gsung bas de de bzhin du 'dzin no/ /chos ma yin pa'i dran pas 'dul ba sbyin pa gsum dang / chos kyi gsum mo/ /chos ma yin pa'i dran pas 'dul ba sbyin pa gsum gang zhe na/ 'di lta ste dge slong phas pham pa'i ltung ba byung ba de la dge slong rnams gzhi des gleng bar byed cing / de la gzhi des gleng bar byed pa na dge 'dun las dran pas 'dul ba gsol te/ de la dge 'dun gyis dran pas 'dul ba sbyin pa ni chos ma yin pa'i dran pas 'dul ba sbyin pa yin te/ de ci'i phyir zhe na/ de ni bsnyil bar 'os pa'i phyir ro/ /'di lta ste dge slong dge 'dun lhag ma dang / ltung byed dang / so sor bshags pa dang / nyes byas kyi ltung ba byung ba de la dge slong rnams gzhi des gleng bar byed cing / de la gzhi des gleng bar byed pa na dge 'dun las dran pas 'dul ba gsol te/ dge 'dun gyis de la dran pas 'dul ba sbyin pa ni chos ma yin pa'i dran pas 'dul ba sbyin pa yin te/ de ci'i phyir zhe na/ de ni bshags par 'os pa'i phyir ro/ /'di lta ste dge slong bye ma skyes smyos/ sems 'khrugs/ tshor bas nyen te sgren mor byung nas dge sbyong gi tshul ma yin pa/ rjes su mthun pa ma yin pa mang du spyad/ smras brtsal nas kha chu zags/ mig dgrad/ bzhin gyur te gnyid kyis ma log par gnyid kyis log go snyam du shes/ pha rol gyis ma smras par smras so snyam du shes so/ /dus gzhan zhig na des rang gi sems slar sor chud pa dang / de la gzhi des dge slong rnams gleng bar byed cing / de la gzhi des gleng bar byed pa na dge 'dun las dran pas 'dul ba gsol te/ dge 'dun gyis de la dran pas 'dul ba sbyin pa ni chos ma yin pa'i dran pas 'dul ba sbyin pa yin te/ de ci'i phyir zhe na/ de ni ma myos pas 'dul bar 'os pa'i phyir ro/ /'di lta ste dge slong gzhi ldan dge 'dun gyi nang du ltung ba nyid shes pa las brjed nas phyis dran te shes pa las kyang brjed pa dang / dge 'dun gyis de la dran pas 'dul ba sbyin pa ni chos ma yin pa'i dran pas 'dul ba sbyin pa yin te/ de ci'i phyir zhe na/ de ni de'i ngo bo nyid tshol du gzhug par 'os pa'i phyir te/ 'di dag ni chos ma yin pa'i dran pas 'dul ba sbyin pa gsum yin no/ /chos kyi dran pas 'dul ba sbyin pa gsum gang zhe na/ 'di lta ste/ gyad bu nor la dge slong ma mdza' mos mi bden pas skur ba btab pa de la dge slong rnams gzhi des gleng bar byed cing / de la gzhi des gleng bar byed pa na dge 'dun la dran pas 'dul ba gsol te/ dge 'dun gyis de la dran pas 'dul ba sbyin pa ni chos kyi dran pas 'dul ba sbyin pa yin no/ /'di lta ste dge slong zhig la ltung ba gzhan kho na zhig byung bar gyur pa de la dge slong rnams kyis gzhi gzhan gyis gleng bar byed cing / de la gzhi des gleng bar byed pa na dge 'dun las dran pas 'dul ba gsol te/ dge 'dun gyis de la dran pas 'dul ba sbyin pa ni chos kyi dran pas 'dul ba sbyin pa yin no/ /'di lta ste dge slong zhig ltung ba byung bar gyur la des de dge slong gi mdun du bshags pa byin gyis brlabs par gyur pa de la dge slong rnams gzhi des gleng bar byed cing / de la gzhi des gleng bar byed pa na/ dge 'dun las dran pas 'dul ba gsol te/ dge 'dun gyis de la dran pas 'dul ba sbyin pa ni chos kyi dran pas 'dul ba sbyin pa yin te/ gsum po 'di dag ni chos kyi dran pas 'dul ba sbyin pa yin no/ /dge slong dag de ltar na dran pas 'dul bar 'os pa ni rtsod pa zhi bar byed pa yin zhing / de ltar na 'di na kha cig gi rtsod pa rnams 'di lta ste/ dran pas 'dul bar 'os pa'i rtsod pa zhi bar byed pas dul ba dang zhi ba dang / nye bar zhi ba yin no/ /dge slong dag ji ltar na ma myos pas 'dul bar 'os pa/ rtsod pa zhi bar byed pa yin/ ji ltar na 'di na kha cig gi rtsod pa rnams 'di lta ste/ ma myos pas 'dul bar 'os ba'i rtsod pa zhi bar byed pas dul ba dang / zhi ba dang / nye bar zhi ba yin zhe na/ 'di lta ste/ dge slong bye ma skyes smyos/ sems 'khrugs/ tshor bas nyen nas sgren mor byung ste dge sbyong gi tshul ma yin pa/ rjes su 'thun pa ma yin pa mang du spyad smras/ brtsal nas kha chu zag /mig gyur/ bzhin gyur te gnyid kyis ma log par gnyid kyis log go snyam du shes/ pha rol gyis ma smras par smras so snyam du shes so/ /dus gzhan zhig na des rang gi sems sor chud pa dang / de la dge slong rnams gzhi des gleng bar byed de/ de la gzhi des gleng bar byed pa na dge 'dun la ma myos pas 'dul ba gsol ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong bye ma skyes dang / gzhan yang de lta bu dang 'thun pa su yang rung ba la ma myos pas 'dul ba byin cig /sbyin pa ni 'di ltar bya ste/ gnas mal bshams la gaN DI brdungs te/ dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang / dge slong bye ma skyes kyis bla gos phrag pa gcig tu gzar te/ rgan pa ji lta ba bzhin du 'dud pa byas la rgan pa'i mthar tsog tsog por 'dug ste thal mo sbyar la tshig 'di skad ces/ dge 'dun btsun pa rnams gsan du gsol/ bdag dge slong bye ma skyes smyos/ sems 'khrugs/ tshor bas nyen nas sgren mor byung ste dge sbyong gi tshul ma yin pa/ rjes su 'thun pa ma yin pa mang du spyad/ smras/ brtsal nas kha chu zags/ mig gyur/ bzhin gyur te/ gnyid kyis ma log par gnyid kyis log go snyam du 'tshal/ pha rol gyis ma smras par smras so snyam du 'tshal ba las dus gzhan zhig na bdag sems sor chud pa dang bdag la dge slong rnams gzhi des gleng bar bgyid cing / bdag la gzhi des gleng bar bgyid pa dge 'dun la ma myos pas 'dul ba gsol na/ dge 'dun btsun pa rnams thugs brtse ba can thugs brtse ba nye bar bzung ste/ bdag dge slong bye ma skyes la ma myos pas 'dul ba stsal du gsol/ de skad lan gnyis lan gsum du brjod par bya'o/ /de nas dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong bye ma skyes 'di myos/ sems 'khrugs/ tshor bas nyen nas sgren mor byung ste dge sbyong gi tshul ma lags pa/ rjes su mthun pa ma lags pa mang du spyad/ smras/ brtsal nas kha chu zags/ mig gyur/ bzhin gyur te gnyid kyis ma log par gnyid kyis log go snyam du 'tshal/ pha rol kyis ma smras par smras so snyam du 'tshal ba las dus gzhan zhig na 'dis rang gi sems sor chud pa dang 'di la dge slong rnams gleng bar bgyid cing / 'di la gzhi des gleng bar bgyid pa dge 'dun la ma myos pas 'dul ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / de'i slad du dge 'dun gyis dge slong bye ma skyes la ma smyos pa'i 'dul ba stsol bar mdzad do/ /'di ni gsol ba'o/ /las bya ba ni/ dge 'dun btsun pa rnams gsan du gsol dge slong bye ma skyes 'di myos/ sems 'khrugs/ tshor bas nyen nas sgren mor byung ste dge sbyong gi tshul ma lags pa/ rjes su 'thun pa ma lags pa mang du spyad/ smras/ brtsal nas kha chu zags/ mig gyur/ bzhin gyur te gnyid kyis ma log par gnyid kyis log go snyam du 'tshal/ pha rol gyis ma smras par smras so snyam du 'tshal ba las dus gzhan zhig na 'dis rang gi sems sor chud pa dang 'di la dge slong rnams gzhi des gleng bar bgyid cing / 'di la gzhi des gleng bar bgyid pa dge 'dun las ma myos pas 'dul ba gsol te/ de'i slad du dge 'dun gyis dge slong bye ma skyes la ma myos pas 'dul ba stsal bar mdzad na/ tshe dang ldan pa gang dag dge slong bye ma skyes la ma myos pas 'dul ba stsol bar mdzad par bzod pa de dag ni cang ma gsung shig /gang dag mi bzod pa de dag ni gsungs shig / dge 'dun gyis bzod cing gnang nas dge 'dun gyis/ dge slong bye ma skyes la ma myos pas 'dul ba stsal lags te/ 'di ltar cang mi gsung bas de de bzhin du 'dzin to/ /chos ma yin pa'i ma myos pas 'dul bar 'os pa sbyin pa gcig de la chos kyi gcig go/ /chos ma yin pa'i gcig gang zhe na/ 'di lta ste/ dge slong ma smyos par bdag ni smyos so/ /sems ma 'khrugs par sems 'khrugs so snyam du shes pa dang / dge 'dun gyis de la ma myos par 'dul bar 'os pa sbyin pa ni chos ma yin pa'i ma myos pas 'dul bar 'os pa sbyin pa yin te/ 'di ni chos ma yin pa'i gcig yin no/ /chos kyi gcig gang zhe na/ 'di lta ste dge slong bye ma skyes smyos/ sems 'khrugs/ tshor bas nyen nas sgren mor byung ste dge sbyong gi tshul ma yin pa/ rjes su 'thun pa ma yin pa mang du spyad/ smras/ brtsal nas kha chu zags/ mig gyur/ bzhin gyur te de gnyid kyis ma log par gnyid kyis log go snyam du shes/ pha rol gyis ma smras par smras so snyam du shes pa las dus gzhan zhig na des rang gi sems sor chud pa dang / de la dge slong rnams gzhi des gleng bar byed cing / de la gzhi des gleng bar byed pa na dge 'dun la ma myos pas 'dul bar 'os pa gsol te/ dge 'dun gyis de la ma myos pas 'dul bar 'os pa sbyin pa ni chos kyi ma myos pas 'dul bar 'os pa sbyin pa ste/ 'di ni chos kyi gcig yin no/ /dge slong dag de ltar na ma myos pas 'dul bar 'os pa ni rtsod pa zhi bar byed pa yin zhing / de ltar na 'di na kha gcig gi rtsod pa rnams dul ba dang / zhi ba dang / nye bar zhi ba yin no/ /dge slong dag gdams ngag med pa'i rtsod pa la rtsod pa zhi bar bya ba'i chos 'di gsum gyis dul bar bya/ zhi bar bya/ nye bar zhi bar bya ba ni 'di lta ste/ mngon sum du 'dul bar 'os pa dang / dran pas 'dul bar 'os pa dang / ma myos pas 'dul bar 'os pas so/ /dge slong dag ltung ba'i rtsod pa la rtsod pa zhi bar byed pa'i chos bzhis dul bar bya/ zhi bar bya/ nye bar zhi bar bya'o/ /bzhi gang zhe na/ khas blang bar 'os pa dang / mngon sum du 'dul bar 'os pa dang / de'i ngo bo nyid tshol du gzhug par 'os pa dang / rtswa bkram pa lta bur 'os pas so/ /dge slong dag ji ltar na khas blang bar 'os pa ni rtsod pa zhi bar byed pa yin/ ji ltar na 'di na kha cig gi rtsod pa rnams 'di lta ste/ khas blang bar 'os pa'i rtsod pa zhi bar byed pas dul ba dang / zhi ba dang / nye bar zhi ba yin zhe na/ 'di lta ste dge slong ltung ba byung bar gyur pa de la gzhi des glengs kyang rung ma glengs kyang rung / dran par byas kyang rung dran par ma byas kyang rung / dge slong zhig gi mdun du 'dug nas 'di skad ces tshe dang ldan pa dgongs su gsol/ bdag ming 'di zhes bgyi ba la ltung ba 'di lta bu zhig byung ba de bdag gis tshe dang ldan pa'i mdun du mthol zhing bshags par bgyi'o/ /bdag gis mthol zhing bshags na reg par 'gyur gyi/ ma mthol ma bshags na ni ma lags so/ /des ltung ba mthong ngam zhes brjod par bya'o/ /des kyang ltung ba mthong ngo zhes brjod par bya'o/ /snga ma shos kyis phyis sdom par byed dam zhes brjod par bya'o/ / phyi ma shos kyis bgyid do zhes brjod par bya ste/ 'di ni khas blang ba'o/ /chos ma yin pa'i khas blang ba sbyin pa bcu dang / chos kyi bcu'o/ /chos ma yin pa'i khas blang ba sbyin pa bcu gang zhe na/ 'di lta ste/ dge slong phas pham pa'i ltung ba byung la bdag la ma byung ngo snyam du shes pa de la dge 'dun gyis khas len du 'jug pa ni chos ma yin pa'i khas len pa sbyin pa yin no/ /dge 'dun lhag ma dang / ltung byed dang / so sor bshags pa dang / nyes byas kyi ltung ba byung ba la bdag la ma byung ngo snyam du shes pa de la dge 'dun gyis khas len du 'jug pa ni chos ma yin pa'i khas len du sbyin pa yin no/ /'di lta ste dge slong phas pham pa'i ltung ba ma byung ba la bdag la byung ngo snyam du shes pa de la dge 'dun gyis khas len du 'jug pa ni chos ma yin pa'i khas len pa sbyin pa yin no/ /dge 'dun lhag ma dang / ltung byed dang / so sor bshags pa dang / nyes byas kyi ltung ba ma byung ba la bdag la byung ngo snyam du shes pa de la dge 'dun gyis khas len du 'jug pa ni chos ma yin pa'i khas len pa sbyin pa ste/ 'di dag ni chos ma yin pa'i khas len pa sbyin pa bcu yin no/ /chos kyi khas len pa sbyin pa bcu gang zhe na/ 'di lta ste dge slong phas pham pa'i ltung ba byung la bdag la byung ngo snyam du shes pa de la dge 'dun gyis khas len du 'jug pa ni chos kyi khas len pa sbyin pa yin no/ /dge 'dun lhag ma dang / ltung byed dang / so sor bshags pa dang / nyes byas kyi ltung ba byung ba la bdag la byung ngo snyam du shes pa de la dge 'dun gyis khas len du 'jug pa ni chos kyi khas len pa sbyin pa yin no/ /'di lta ste dge slong phas pham pa'i ltung ba ma byung ba la bdag la ma byung ngo snyam du shes pa de la dge 'dun gyis khas len du 'jug pa ni chos kyi khas len pa sbyin pa yin no/ /dge 'dun lhag ma dang / ltung byed dang / so sor bshags pa dang / nyes byas kyi ltung ba ma byung la bdag la ma byung ngo snyam du shes pa de la dge 'dun gyis khas len du 'jug pa ni chos kyi khas len pa sbyin pa ste/ 'di dag ni chos kyi khas len pa sbyin pa bcu yin no/ /dge slong dag de ltar na khas blang bar 'os pa ni rtsod pa zhi bar byed pa yin zhing / de ltar na 'di na kha cig gi rtsod pa rnams 'di lta ste/ khas blang bar 'os pa'i rtsod pa zhi bar byed pas dul ba dang / zhi ba dang / nye bar zhi ba yin no/ / sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe tshe dang ldan pa ri dgas 'dzin gyi bu nag po yangs pa can gyi spre'u rdzing gi 'gram na khang pa brtsegs pa'i gnas na 'dug go/ /de la brten nas yangs pa can gyi lid tsa bi rnams sangs rgyas dang / chos dang / dge 'dun la lhag par bya ba byed pa dang / yangs pa can gyi dge slong rnams kyis bsams pa/ tshe dang ldan pa ri dgas 'dzin gyi bu nag po 'di gzhan nyid du btsas la gzhan du chen por gyur pa ste/ mnyan yod du skyes pa de la yangs pa can gyi lid tsa byi rnams lhag par dad par byed kyis/ de la gnas nas dbyung ba'i las bya ste/ des na de la yangs pa can gyi lid tsa bi rnams ma dad pa skyes par 'gyur ro snyam du bsams nas de la glan ka tshol bar gyur to/ /ji tsam na khyim bdag gcig gis sangs rgyas la sogs pa dge slong gi dge 'dun bsro khang gi khrus la spyan drangs pa dang / dge slong rnams kyis gzar thag la chos gos rnams bkal te khrus bya bar brtsams so/ /tshe dang ldan pa ri dgas 'dzin gyi bu nag pos kyang shes bzhin gyis mtha' gcig tu chos gos bzhag nas khrus bya bar brtsams so/ /dge slong gzhan zhig gis kyang phyogs de nyid du chos gos bzhag go/ /de nas tshe dang ldan pa ri dgas 'dzin gyi bu nag pos khrus byas nas 'di nyid bdag nyid kyi chos gos yin no snyam nas dge slong de'i chos gos bgos te song ngo / /ji tsam na dge slong de langs na rang gi chos gos mi snang nas des dge slong rnams la dris pa/ tshe dang ldan pa dag kho bo'i chos gos sus brkus/ ji tsam na phyogs de na tshe dang ldan pa ri dgas 'dzin gyi bu nag po'i lhan cig gnas pa 'dug pa des thos nas des smras pa/ tshe dang ldan pa mkhan pos phyogs 'dir chos gos bzhag na des nor te khyer bar ma gyur grang / re shig kho bos song la mkhan po la dri'o zhes des mkhan po'i drung du song ste smras pa/ mkhan po khyod kyis su zhig gi chos gos blangs/ des smras pa/ bu kho bo'i 'o/ /mkhan po dge slong che ge mo zhig gi chos gos phyogs de nyid du bzhag pa de kha mchis lags so/ /bu gal te de lta na chos gos de dag khyer te shog shig blta'o/ /des khyer te 'ongs nas mkhan po chos gos 'di ngo mkhyen par mdzod cig /des ngo shes nas bu ngas nor bar khyer te 'ongs kyis/ dge slong de'i 'di dag yin gyis skyol cig /des khyer te dge slong de'i drung du song nas smras pa/ tshe dang ldan pa chos gos 'di dag mkhan pos nor te khyer ro/ /des smras pa/ des brkus sems kyis blangs pas phas pham pa'i ltung ba byung ngo / /de nas glags tshol ba'i dge slong rnams kyis de la gleng ba ma byas dran par ma byas par mthus gnas nas dbyung ba'i las byas so/ /tshe dang ldan pa ri dgas 'dzin gyi bu nag pos bsams pa/ bram ze dang khyim bdag rnams dad pa skye bar ni dka' la ma dad pa skye bar ni sla bas gal te 'dug par gyur na gdon mi za bar yangs pa can gyi lid tsa bi rnams ma dad pa skye bar 'gyur gyis/ mdor na mnyan yod kho nar 'gro'o snyam nas/ des yangs pa can gyi lid tsa bi rnams la ma bltas par des lhung bzed dang chos gos blangs nas mnyan yod gang na ba der rgyu zhing song ste/ rim gyis rgyu zhing song ba na mnyan yod du phyin pa dang / de dge slong rnams kyis mthong nas smras pa/ tshe dang ldan pa nag po 'ongs pa legs so/ /'ongs pa legs so/ /khyod mthong ba ni kho bo cag dga' na 'ongs pa ma yin no/ /ci'i phyir 'di ltar khyod la brten nas yangs pa can gyi lid tsa bi rnams sangs rgyas la mngon par dad/ chos dang / dge 'dun la mngon par dad pas sangs rgyas dang / chos dang / dge 'dun la lhag par bya ba byed do/ /des smras pa/ de ni mang mod kyi yangs pa can gyi dge slong rnams kyis bdag la gleng ba ma byas dran par ma byas par mthus gnas nas dbyung ba'i las byas so zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong 'dug shig /khyod ngas chos kyis bslang bar bya'o/ /de nas bcom ldan 'das kyis chos kyis bslang ngo / /yangs pa can gyi dge slong rnams bdag cag gis dge slong nag po skyon med pa gnod pa ma byas pa la mthus gnas nas dbyung ba'i las byas pa gang yin pa ni ma legs pa zhig byas so zhes 'gyod pa skyes nas/ de rnams lhung bzed dang chos gos blangs te mnyan yod gang na ba der rgyu zhing song ba las/ de rnams kyis lam kar dge slong zhig mthong nas smras pa/ tshe dang ldan pa khyod gang nas 'ongs/ mnyan yod nas so/ /khyod kyis ri dgas 'dzin gyi bu nag po mthong ngam/ mthong ngo / /de ci bya/ kho bo cag gis de skyon med pa gnod pa ma byas pa la gleng ba ma byas/ dran par ma byas par mthus gnas nas dbyung ba'i las byas so/ /bslang zin no/ /sus/ bcom ldan 'das kyis so/ /de na kha cig gis ni 'di skad ces smras so/ /bslang ba ni ma yin gyi thag bsring bar bslang ba yin te/ 'di ltar de bdag cag gis gnas nas dbyung ba'i las byas la/ bdag cag gis mngon sum du ma gyur par de bslang ba ni rigs pa ma yin no/ kha cig gis smras pa/ gal te bcom ldan 'das chos kyi rje/ bde bar gshegs pa chos kyi rjes bslang na legs par bslang ba yin no/ /de rnams rim gyis mnyan yod du phyin pa dang lhung bzed dang / chos gos mkhos su phab nas rkang pa gnyis bkrus te/ bcom ldan 'das gang na ba der song nas phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas bcom ldan 'das la yangs pa can gyi dge slong rnams kyis 'di skad ces gsol to/ /btsun pa bdag cag byis pa/ blun pa/ mi gsal pa/ mi mkhas pa rnams kyis ri dgas 'dzin gyi bu nag po skyon ma mchis pa gnod pa ma bgyis pa la gleng ba ma bgyis/ dran par ma bgyis par mthus gnas nas dbyung ba'i las bgyis pa bdag cag 'gyod pa skyes nas ri dgas 'dzin gyi bu nag po la bzod pa gsol du 'dir mchis lags so/ /bcom ldan 'das kyis bka' stsal pa/ dge slong dag rtsod pa de de bzhin gshegs pas 'di lta ste chos kyis bslang zin no/ /btsun pa bdag cag gis shul kar dge slong zhig las bcom ldan 'das kyis rtsod pa de 'di lta ste/ chos kyis bslang lags so zhes thos te/ de lta lags mod kyi bdag cag gi nang na kha cig gi mchid nas 'di skad ces/ bslang ba ma lags kyi thag bsring bar bslang ba lags te/ 'di ltar der bdag cag mngon sum du ma gyur to zhes mchi'o/ /gzhan dag ni gal te bcom ldan 'das chos kyi rje/ bde bar gshegs pa chos kyi rjes bslang ba ni legs par bslang ba lags so zhes mchi'o/ /bcom ldan 'das kyis dgongs pa/ kye ma'o nga'i nyan thos rnams ni 'di lta ste/ ston pa'i bstan pa chos 'dul bas rtsod pa skyes shing byung ba zhi bar bya bar 'dod do snyam du dgongs nas/ dge slong rnams la bka' stsal pa/ dge slong dag ji ltar na mngon sum du 'dul bar 'os pa ni rtsod pa zhi bar byed pa yin/ ji ltar na 'di na kha cig gi rtsod pa rnams 'di lta ste/ mngon sum du 'dul bar 'os pa'i rtsod pa zhi bar byed pas dul ba dang / zhi ba dang / nye bar zhi ba yin zhe na/ dge slong dag 'di la chos 'dul bas gang zag gis gang zag la mig bzhi mngon sum du gleng ba dang / chos 'dul bas gnyis kyis mang po dang / dge 'dun la mig bzhi mngon sum du gleng ba dang / chos 'dul bas gang zag gnyis kyis gang zag la mig bzhi mngon sum du gleng ba dang / chos 'dul bas gang zag gnyis kyis gnyis dang mang po dang / dge 'dun la chos 'dul bas gang zag mang pos gang zag la mig bzhi mngon sum du gleng ba dang / chos 'dul bas gang zag mang pos gnyis dang / mang po dang / dge 'dun la mig bzhi mngon sum du gleng ba dang / chos 'dul bas dge 'dun gyis gang zag la mig bzhi mngon sum du gleng ba dang / chos 'dul bas dge 'dun gyis gnyis dang mang po dang / dge 'dun la mig bzhi mngon sum du gleng ba'o/ /chos ma yin pa'i mngon sum du 'dul bar 'os pa sbyin pa bcu drug dang / chos kyi bcu drug go/ /chos ma yin pa'i bcu drug gang zhe na/ gang zag chos dang mi mthun pas gang zag chos dang 'thun pa dang / gang zag chos dang mi mthun pa gnyis kyis gang zag chos dang 'thun pa dang / gang zag chos dang mi mthun pa mang pos gang zag chos dang 'thun pa dang / dge 'dun chos dang mi mthun pas gang zag chos dang 'thun pa dang / gang zag chos dang mi mthun pa gnyis kyis gang zag chos dang 'thun pa dang / gang zag chos dang mi mthun pa gnyis kyis gang zag chos dang 'thun pa gnyis dang / gang zag chos dang mi mthun pa gnyis kyis gang zag chos dang 'thun pa mang po dang / gang zag chos dang mi mthun pa gnyis kyis dge 'dun chos dang 'thun pa dang / gang zag chos dang mi mthun pa mang pos gang zag chos dang 'thun pa dang / gang zag chos dang mi mthun pa mang pos gang zag chos dang 'thun pa gnyis dang / gang zag chos dang mi mthun pa mang pos gang zag chos dang 'thun pa mang po dang / gang zag chos dang mi mthun pa mang pos dge 'dun chos dang 'thun pa dang / dge 'dun chos dang mi mthun pas gang zag chos dang 'thun pa dang / dge 'dun chos dang mi mthun pas gang zag chos dang 'thun pa gnyis dang / dge 'dun chos dang mi mthun pas gang zag chos dang 'thun pa mang po dang / dge 'dun chos dang mi mthun pas dge 'dun chos dang 'thun pa ste/ 'di dag ni chos ma yin pa'i mngon sum du 'dul bar 'os pa sbyin pa bcu drug yin no/ /chos kyis mngon sum du 'dul bar 'os pa sbyin pa bcu drug gang zhe na/ gang zag chos dang 'thun pas gang zag chos dang mi mthun pa dang / gang zag chos dang 'thun pas gang zag chos dang mi 'thun pa gnyis dang / gang zag chos dang 'thun pas gang zag chos dang mi mthun pa mang po dang / gang zag chos dang 'thun pas dge 'dun chos dang mi mthun pa dang / gang zag chos dang mthun pa gnyis kyis gang zag chos dang mi mthun pa dang / gang zag chos dang mthun pa gnyis kyis gang zag chos dang mi mthun pa gnyis dang / gang zag chos dang 'thun pa gnyis kyis gang zag chos dang mi mthun pa mang po dang / gang zag chos dang mthun pa gnyis kyis dge 'dun chos dang mi mthun pa dang / gang zag chos dang 'thun pa mang pos gang zag chos dang mi mthun pa dang / gang zag chos dang 'thun pa mang pos gang zag chos dang mi mthun pa gnyis dang / gang zag chos dang 'thun pa mang pos gang zag chos dang mi mthun pa mang po dang / gang zag chos dang 'thun pa mang pos dge 'dun chos dang mi mthun pa dang / dge 'dun chos dang 'thun pas gang zag chos dang mi mthun pa dang / dge 'dun chos dang 'thun pas gang zag chos dang mi mthun pa gnyis dang / dge 'dun chos dang mthun pas gang zag chos dang mi mthun pa mang po dang / dge 'dun chos dang 'thun pas dge 'dun chos dang mi mthun pa ste/ 'di dag ni chos kyi mngon sum du 'dul bar 'os pa sbyin pa bcu drug yin no/ /dge slong dag de ltar na mngon sum du 'dul bar 'os pa ni rtsod pa zhi bar byed pa yin zhing / de ltar na 'di na kha cig gi rtsod pa rnams 'di lta ste/ mngon sum du 'dul bar 'os pa'i rtsod pa zhi bar byed pas dul ba dang / zhi ba dang / nye bar zhi ba yin no/ /dge slong dag ji ltar na de'i ngo bo nyid tshol du gzhug par 'os pa ni rtsod pa zhi bar byed pa yin/ ji ltar na 'di na kha cig gi rtsod pa rnams 'di lta ste/ de'i ngo bo nyid tshol du gzhug par 'os pa'i rtsod pa zhi bar byed pas dul ba dang / zhi ba dang / nye bar zhi ba yin zhe na/ 'di lta ste/ dge slong me bzhi dge 'dun gyi nang du ltung ba brjed pa las/ brjed pa slar dran te shes pa las yang brjed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong me bzhi dang / gzhan yang de lta bu dang 'thun pa su yang rung ba la de'i ngo bo nyid tshol du gzhug par 'os pa byin cig /sbyin pa ni 'di ltar bya ste/ gnas mal bshams la gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing 'thun par gyur pa dang / dge slong me bzhis bla gos phrag pa gcig tu gzar nas rgan pa'i mthar tsog tsog por 'dug la thal mo sbyar te de'i ngo bo nyid tshol du gzhug par 'os pa gsol ba bya ste/ dge 'dun btsun pa rnams gsan du gsol/ bdag dge slong me bzhi dge 'dun gyi nang du ltung ba bskyud pa las/ bskyud pa slar dran te 'tshal ba las yang bskyud nas dge 'dun la bdag de'i ngo bo nyid tshol du gzhug par 'os pa gsol na/ dge 'dun btsun pa thugs brtse ba can thugs brtse ba nye bar bzung ste/ bdag dge slong me bzhi la de'i ngo bo nyid tshol du gzhug par 'os pa stsal du gsol/ de skad lan gnyis lan gsum du brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong me bzhi 'di dge 'dun gyi nang du ltung ba bskyud pa las bskyud pa slar dran te 'tshal ba dang / yang bskyud nas dge slong me bzhi 'di dge 'dun la de'i ngo bo nyid tshol du gzhug par 'os pa gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / 'di ltar dge 'dun gyis dge slong me bzhi la de'i ngo bo nyid tshol du gzhug par 'os pa stsol bar mdzad do/ /'di ni gsol ba'o/ / las ni 'di ltar bya ste/ dge 'dun btsun pa rnams gsan du gsol/ dge slong me bzhi 'di dge 'dun gyi nang du ltung ba bskyud pa las/ bskyud pa slar dran te 'tshal ba dang yang bskyud nas 'di ltar dge 'dun gyis dge slong me bzhi la de'i ngo bo nyid tshol du gzhug par 'os pa stsol bar mdzad na/ tshe dang ldan pa gang dag dge slong me bzhi la de'i ngo bo nyid tshol du gzhug par 'os pa stsol bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du las brjod pa gnyis pa dang / gsum gyi bar du brjod par bya'o/ /dge 'dun gyis bzod cing gnang nas dge 'dun gyis dge slong me bzhi la de'i ngo bo nyid tshol du gzhug par 'os pa stsal lags te/ 'di ltar cang mi gsung bas de de bzhin du 'dzin to/ /ngas de'i ngo bo nyid tshol du gzhug par 'os pa byin pa'i dge slong gi kun du spyod pa'i chos bca' bar bya ste/ de'i ngo bo nyid tshol du gzhug par 'os pa byin pa'i dge slong gis rab tu dbyung bar mi bya/ bsnyen par rdzogs par mi bya/ gnas mi sbyin/ dge tshul gzhag par mi bya/ 'dis las mi bya/ las byed par bsko bar mi bya/ 'dis dge slong ma la gdam ngag sbyin par mi bya/ dge slong ma'i gdam ngag ston par bsko bar mi bya/ sngon bskos na yang dge slong ma la gdam ngag sbyin par mi bya/ 'dis dge slong la tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pas gleng bar mi bya/ dran par mi bya ste/ 'dis gdam ngag dbog par mi bya/ gso sbyong la ma yin/ dgag dbye la ma yin/ gsol ba la ma yin/ gsol ba dang gnyis la ma yin/ gsol ba dang bzhi'i las la ma yin zhing / gang dag 'dul ba 'dzin pa gzhan yod na dge 'dun gyi nang du 'dul ba gdon par yang mi bya'o/ /de'i ngo bo nyid tshol du gzhug par 'os pa byin pa'i dge slong gis kun du spyod pa'i chos ji ltar bcas pa bzhin yang dag par blangs te 'jug par mi byed na 'gal tshabs can du 'gyur ro/ /chos ma yin pa'i de'i ngo bo nyid tshol du gzhug par 'os pa sbyin pa chos ma yin pa gcig dang chos kyi gcig go/ /chos ma yin pa'i gcig gang zhe na/ 'di lta ste dge slong gzhi can dge 'dun gyi nang du ltung ba dran te shes pa las brjed pa de brjed na yang dran pa de la dge 'dun gyis de'i ngo bo nyid tshol du gzhug par 'os pa sbyin pa ni chos ma yin pa'i de'i ngo bo nyid tshol du gzhug par 'os pa sbyin pa ste/ 'di ni chos ma yin pa'i gcig yin no/ /chos kyi gcig gang zhe na/ 'di lta ste/ dge slong gzhi can dge 'dun gyi nang du ltung ba brjed pa las brjed pa slar dran te shes pa dang yang brjed pa de la dge 'dun gyis de'i ngo bo nyid tshol du gzhug par 'os pa sbyin pa ni chos kyis de'i ngo bo nyid tshol du gzhug par 'os pa sbyin pa ste/ 'di ni chos kyi gcig yin no/ /dge slong dag de ltar na de'i ngo bo nyid tshol du gzhug par 'os pa ni rtsod pa zhi bar byed pa yin zhing / de ltar na 'di na kha cig gi rtsod pa rnams 'di lta ste/ de'i ngo bo nyid tshol du gzhug par 'os pa'i rtsod pa zhi bar byed pas dul ba dang / zhi ba dang / nye bar zhi ba yin no/ /dge slong dag ji ltar na rtswa bkram pa lta bur 'os pa ni rtsod pa zhi bar byed pa yin/ ji ltar na 'di na kha cig gi rtsod pa rnams 'di lta ste/ rtswa bkram pa lta bur 'os pa'i rtsod pa zhi bar byed pas dul ba dang / zhi ba dang / nye bar zhi ba yin zhe na/ 'di lta ste dge slong rnams 'thabs par gyur cing mtshang 'dru ba dang / 'thab mo dang / 'gyed par gyur nas gnas shing phyogs dang phyogs gzhan du rnam par gnas na/ phyogs cig na dge slong gnas brtan gnas brtan gang yang rung ba/ shes nyen can shes nyen can gang yang rung ba/ gtso bo gtso bo gang yang rung ba yod pa gang yin pa des rang gi phyogs kyi drung du song ste tshig 'di skad ces tshe dang ldan pa dag bdag cag legs par gsungs pa'i chos 'dul ba la rab tu byung nas 'thabs par gyur cing mtshang 'dru ba dang / 'thab mo dang / 'gyed par gyur pa ni bdag cag gis rnyed pa rnyed pa ma yin te/ nyes pa rnyed kyi legs pa ma rnyed pas tshe dang ldan pa dag gzhi 'di la kho bo dang khyod kyi ltung ba byung ba gang yin pa las kha na ma tho ba sbom po 'am/ khyim na gnas pa las brten pa ma gtogs par kho bos bdag dang khyod kyi ched du tshe dang ldan pa de dag gi drung du mi bcab par mthol zhing bshags par spro'o zhes smra bar bya'o/ /gal te dge slong de la rang gi phyogs nas dge slong gcig gis kyang smras pa ma bzlog cing mi gshe na/ de nas dge slong des phyogs cig shos kyi drung du song nas bla gos phrag pa gcig tu gzar te rgan rims ji lta ba bzhin du 'dud pa byas la tsog tsog por 'dug ste tshig 'di skad ces/ tshe dang ldan pa dag kho bo cag legs par gsungs pa'i chos 'dul ba la rab tu byung nas 'thabs par gyur cing mtshang 'dru ba dang / 'thab mo dang / 'gyed par gyur pa ni kho bo cag gis rnyed pa rnyed pa ma yin te/ nyes pa rnyed kyi legs pa ma rnyed pas gzhi 'di la kho bo dang tshe dang ldan pa de dag gi ltung ba byung ba gang yin pa las kha na ma tho ba sbom po 'am/ khyim na gnas pa las brten pa ma gtogs par kho bos bdag dang tshe dang ldan pa de dag gi ched du khyed kyi drung du mi bcab par mthol zhing bshags par spro 'o zhes smra bar bya'o/ /phyogs cig shos na dge slong gnas brtan gnas brtan gang yang rung ba/ shes nyen can shes nyen can gang yang rung ba/ gtso bo gtso bo gang yang rung ba yod pa gang yin pa des kyang rang gi phyogs kyi drung du song ste tshig 'di skad ces/ tshe dang ldan pa dag bdag cag legs par gsungs pa'i chos 'dul ba la rab tu byung nas 'thabs par gyur cing mtshang 'dru ba dang / 'thab mo dang / 'gyed par gyur pa ni bdag cag gis rnyed pa rnyed pa ma yin te/ nyes pa rnyed kyis legs pa ma rnyed pas/ tshe dang ldan pa dag gzhi 'di la kho bo dang khyed kyi ltung ba byung ba gang yin pa las kha na ma tho ba sbom po 'am/ khyim na gnas pa las brten pa ma gtogs par kho bos bdag dang khyed kyi ched du tshe dang ldan pa de dag gi drung du mi bcab par mthol zhing bshags par spro 'o zhes smra bar bya'o/ / gal te dge slong de la rang gi phyogs nas dge slong gcig gis kyang smras pa ma bzlog cing mi gshe na/ de nas dge slong des phyogs cig shos kyi drung du song nas bla gos phrag pa gcig tu gzar te rgan rims ji lta ba bzhin 'dud pa byas la tsog tsog por 'dug ste tshig 'di skad ces/ tshe dang ldan pa dag kho bo cag legs par gsungs pa'i chos 'dul ba la rab tu byung nas 'thabs par gyur cing mtshang 'dru ba dang / 'thab mo dang / 'gyed par gyur pa ni kho bo cag gis rnyed pa rnyed pa ma yin te/ nyes pa rnyed kyis legs pa ma rnyed pas gzhi 'di la kho bo dang tshe dang ldan pa de dag gi ltung ba byung ba gang yin pa las kha na ma tho ba sbom po 'am/ khyim na gnas pa la brten pa ma gtogs par kho bos bdag dang tshe dang ldan pa de dag gi ched du khyed kyi drung du mi 'chab par mthol zhing bshags par spro'o zhes smra bar bya'o/ /gang gi tshe phyogs gcig shos kyis gcig shos la 'am/ gcig shos kyis gcig shos la spu sa la ltung ba lta bur byed/ 'byung bar skyong / mtshungs par nye bar ston par byed kyi phan tshun du ltung ba sgrogs par gleng bar mi byed na de ltar na rtsod pa de 'di lta ste/ rtswa bkram pa lta bur 'os pas zhi ba yin te/ dge slong dag de ltar na rtswa bkram pa lta bur 'os pa ni rtsod pa zhi bar byed pa yin zhing / de ltar na 'di na kha cig gi rtsod pa rnams 'di lta ste/ rtswa bkram pa lta bur 'os pa'i rtsod pa zhi bar byed pas dul ba dang / zhi ba dang nye bar zhi ba yin no/ /dge slong dag ltung ba'i rtsod pa ni zhi bar byed pa'i chos bzhi po 'dis dul bar bya/ zhi bar bya/ nye bar zhi bar bya ba ni 'di lta ste/ khas blang bar 'os pa dang / mngon sum du 'dul bar 'os pa dang / de'i ngo bo nyid tshol du gzhug par 'os pa dang / rtswa bkram pa lta bur 'os pas so/ /dge slong dag bya ba'i rtsod pa ni dge 'dun 'thun pas zhi bar bya'o/ / dge slong dag gnas gang na dge slong zhig gnas pa de na 'thab pa med/ mtshang 'dru ba med/ 'thab mo med/ 'gyed pa med do/ /gang na gnyis yod pa de na yang 'thab pa med/ mtshang 'dru ba med/ 'thab mo med/ 'gyed pa med do/ /gang na gsum yod pa de na yang 'thab pa med/ mtshang 'dru ba med/ 'thab mo med/ 'gyed pa med do/ /gang na dge slong bzhi 'am lhag pa gnas pa de na ni 'thab pa dang / mtshang 'dru ba dang / 'thab mo dang / 'gyed pa yod do/ /dge slong dag /tshangs pa ji bzhin gcig de bzhin/ /brgya byin ji bzhin gnyis de bzhin/ /rgyal po ji bzhin gsum de bzhin/ /de las lhag pa 'khrug par 'gyur/ /dge slong dag de lta bas na rjes su gnang ste/ tshig bzhi pa'i tshigs su bcad pa gcig 'dzin pa gang yin pa de la yang chos kyi rnyed pa sbyin par bya zhing / des kyang longs spyad par bya ste/ 'di la ni 'gyod par ni mi bya'o/ /rtsod pa'i gzhi rdzogs so// //'dul ba gzhi/ bam po brgyad bcu pa/ dge 'dun dbyen gyi bsdus pa'i sdom ni/ mang pos bkur dang lha g.yos dang / /ba gam rnyings dang bzang po dang / /'khor dang kauN+Din rdzu 'phrul dang / /kau shi ka zos ngang pa dang / /mnar med lhag gyur phyi ma'o// // sdom ni/ mang pos bkur dang seng ge'i 'gram/ /legs par rab sad de bzhin du/ /dga' ldan 'dod pa'i ris dang ni/ /'dun pas 'dug dang gzhong pa dang / srin bu go cha bzang len dang / /lhar bcas pa dang de bcu 'o/ /yangs pa can du bstan pa dang / /rab sbyin dang ni grags 'dzin dang / /dang ba dang ni mkhas pa dang / /sa 'tsho ma ni bstan pa dang / 'dzam bu ri dgas nang skyes dang / /rigs bdun ngan spong bu dang ni/ /rgyal po'i khab dang dka' thub dang / /ring 'phur dka' spyod dga' bo dang / /nag po bkra shis de bzhin du/ /bdud gzhom pa ni byas pa dang / /'khor ni mdo ru bsdus pa'o/ /gru 'dzin du dgra 'dul dang brgya tham pa'o/ /dmag gis mi tshugs su ma rgyal ba las rgyal dang lnga khri bzhi stong ngo / /bA rA Na sIr bzod dka' dang drug khri sum stong ngo / /kim pi lar tshangs sbyin dang brgyad khri bzhi stong ngo / /glang po che'i grong du glang pos sbyin dang sum khri nyis stong ngo / /rdo 'jog tu bal bu can dang lnga stong ngo / /brang gis nyal du tshan po che 'dul dang sum khri nyis stong ngo / /ma rgyal ba las rgyal du rgyal byin dang sum khri nyis stong ngo / /ka n+ya ku ba dzar rgyal sde dang sum khri nyis stong ngo / /tsam par klu'i lha dang khri brgyad stong ngo / /ta la'i phreng du mi'i lha dang nyi khri lnga stong ngo / /ta ma lir rgya mtsho'i lha dang khri nyis stong ngo / /ba so'i grong du blo gros bzang po dang khri brgyad stong ngo / /rgyal po'i khab tu mun sel dang nyi khri lnga stong ngo / /bA rA Na sIr dbang phyug chen po'i sde dang brgya tham pa'o/ /rtswa can du rgya mtsho'i sde dang brgyad khri bzhi stong ngo / /gru 'dzin du dka' thub spyod dang stong ngo / /rtswa can du sa'i gdong dang brgyad khri bzhi stong ngo / /bA rA Na sIr sa'i bdag po dang 'bum mo/ /dmag gis mi tshugs par sa 'dzin dang 'bum mo/ /mi thi lar lha chen po dang brgyad khri bzhi stong ngo / /yang mi thi lar lha chen po nas bzung ste mu khyud nas shing rta sra ba'i bar brgyad khri bzhi stong ngo / /kun du snang bar nam mkha'i bdag po dang / klu mnyam skyong dang bdun khri bdun stong ngo / /bA rA Na sIr kri ki dang legs skyes dang brgya tham pa'o/ /gru 'dzin du rna ba can dang bu ram shing pa dang brgya tham pa'o/ /gru 'dzin du 'phags skyes po dang bu ram shing pa la sogs pas khyim gyi bar brgya tham pa'o/ /ser skya'i gzhir shing rta bcu pa nas bzung ste lnga khri lnga stong byung ba la seng ge'i 'gram las bzhi ste/ bzhi po de rnams las gnyis gnyis so/ /sangs rgyas bcom ldan 'das yul ser skya'i gzhi n+ya gro d+ha'i kun dga' ra ba na bzhugs so/ /de nas ser skya'i gzhi na gnas pa'i shAkya rab tu mang po 'dun khang du tshogs shing 'dus nas bar skabs kyi gtam 'di lta bu dag gleng bar byed de/ shes ldan dag shAkya rnams ni gang las skyes/ thog ma ni gang yin/ rgyu ni ci zhig yin/ shAkya rnams kyi sngon gyi rigs rgyud ni gang yin/ gal te bdag cag gi drung du 'ga' zhig 'ongs nas 'di skad 'dri ste/ shes ldan dag shAkya rnams ni gang las skyes/ thog ma ni gang yin/ rgyu ni ci zhig yin/ shAkya rnams kyi sngon gyi rigs rgyud ni gang yin zhes de skad du 'dri na bdag cag gis ni shAkya rnams gang las skyes pa dang / thog ma gang yin pa dang / rgyu ni ci zhig yin pa dang / shAkya rnams kyi sngon gyi rigs rgyud gang yin pa yang mi shes na ji skad du lung bstan/ tshur bdag cag bcom ldan 'das gang na ba der dong la lhags pa dang / bcom ldan 'das la don 'di nyid zhus nas bcom ldan 'das kyis bdag cag la ji skad du lung bstan pa de bzhin du bzung bar bya'o/ /de nas ser skya'i gzhi na gnas pa'i shAkya rab tu mang po bcom ldan 'das gang na ba der dong ste lhags nas/ bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas bcom ldan 'das la ser skya'i gzhi'i shAkya rnams kyis 'di skad ces gsol to/ /btsun pa 'dir bdag cag ser skya'i gzhi'i shAkya rab tu mang po 'dun khang du tshogs shing 'dus nas bar skabs kyi bka' mchid 'di lta bu dag gleng ste/ shAkya rnams ni gang las skyes/ thog ma ni gang yin/ rgyu ni ci zhig yin/ shAkya rnams kyi sngon gyi rigs rgyud ni gang yin/ gal te bdag cag gi drung du 'ga' zhig 'ongs nas 'di skad ces 'dri ste/ shes ldan dag shAkya rnams ni gang las skyes/ thog ma ni gang yin/ rgyu ni ci zhig yin/ shAkya rnams kyi sngon gyi rigs rgyud ni gang yin zhes de skad 'dri na/ bdag cag gis ni shAkya rnams ni gang las skyes/ thog ma ni gang yin/ rgyu ni ci zhig yin/ shAkya rnams kyi sngon gyi rigs rgyud ni gang yin pa yang mi shes na ji skad du lung bstan/ tshur bdag cag bcom ldan 'das gang na ba der dong la lhags pa dang / bcom ldan 'das la don de nyid zhus te/ bcom ldan 'das kyis bdag cag la ji skad du lung bstan pa de bzhin du bzung bar bgyi'o snyam nas de'i slad du bcom ldan 'das la bdag cag don 'di nyid zhu lags na/ bcom ldan 'das shAkya rnams ni gang las skyes lags/ thog ma ni gang lags/ rgyu ni ci zhig lags/ shAkya rnams kyi sngon gyi rigs rgyud ni gang lags/ de nas bcom ldan 'das 'di snyam du dgongs te/ gal te ngas shAkya rnams kyi sngon gyi rigs rgyud las brtsams te chos kyi gtam glengs na mu stegs can dang kun du rgyu gzhan dag 'di skad ces dge sbyong gau ta ma ni ci 'dod pa de lta bu ston pas bdag nyid la bstod par byed do zhes smra ba gang yin pa'i gnas 'di yod pas nga'i nyan thos las shAkya rnams kyi sngon gyi rigs rgyud las brtsams nas chos kyi gtam gleng bar nus pa su yod snyam mo/ /de'i tshe tshe dang ldan pa maud gal gyi bu chen po 'khor de nyid du 'dus shing 'dug par gyur to/ /de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu nga rgyab bsnyung bas re shig de bsal gyis/ khyod kyis shAkya rnams kyi sngon gyi rigs rgyud las brtsams nas dge slong rnams la chos kyi gtam bya bar spobs par gyis shig /tshe dang ldan pa maud gal gyi bu chen pos bcom ldan 'das la cang mi smra bas khas blangs so/ /de nas bcom ldan 'das kyis tshe dang ldan pa maud gal gyi bu chen pos cang mi smra bas khas blangs par thugs su chud nas/ snam sbyar bltab ste sngas phangs su bcug nas glo g.yas pa phab ste/ zhabs kyi steng du zhabs bzhag nas snang ba'i 'du shes dang / dran pa dang / shes bzhin dang ldang ba'i 'du shes kho na yid la mdzad pas mnal to/ /de nas tshe dang ldan pa maud gal gyi bu chen po 'di snyam du sems te/ ma la bdag gis sems ji ltar mnyam par gzhag na shAkya rnams kyi sngon gyi rigs rgyud shAkya rnams gang las skyes pa dang / thog ma gang yin pa dang / rgyu ni ci zhig yin pa dang / shAkya rnams kyi sngon gyi rigs rgyud gang yin pa mthong bar 'gyur ba de lta bu'i ting nge 'dzin la snyoms par 'jug par bya'o/ /snyam nas/ de nas tshe dang ldan pa maud gal gyi bu chen pos sems ji ltar mnyam par gzhag na shAkya rnams kyi sngon gyi rigs rgyud mthong bar 'gyur ba de lta bu'i ting nge 'dzin la snyoms par zhugs pa dang / tshe dang ldan pa maud gal gyi bu chen pos shAkya rnams kyi sngon gyi rigs rgyud shAkya rnams gang las skyes pa dang / thog ma gang yin pa dang / rgyu ni ci zhig yin pa dang / shAkya rnams kyi sngon gyi rigs rgyud ni gang yin pa mthong ngo / /mthong nas ting nge 'dzin de las langs te/ dge slong gi dge 'dun gyi gung la stan bshams pa nyid la 'dug go/ /'dug nas tshe dang ldan pa maud gal gyi bu chen pos ser skya'i gzhi'i shAkya rnams la smras pa/ gau ta ma dag 'jig rten 'di 'jig cing 'jig rten zhig na sems can phal cher 'od gsal gyi lha'i ris su skye bar 'gyur te/ de rnams de na yid las byung ba'i gzugs phun sum tshogs pa dbang po ma nyams shing ma tshang ba med pa/ yan lag dang nying lag thams cad dang ldan pa/ kha dog bzang pos gnas pa/ rang gi 'od can/ nam mkha' la 'gro ba/ dga' ba za zhing dga' ba'i zas kyis tshe ring zhing yun ring du gnas so/ /de'i tshe sa chen po 'di chu 'ba' zhig tu 'gyur zhing mtsho gcig tu 'gyur ro/ /sa chen po 'di chu 'ba' zhig gi mtsho gcig tu gyur pa'i steng du rlung gis pris ma chags pa dang / mkhregs pa dang / khebs par byed do/ / dper na 'o ma bskol ba grangs par gyur pa'i steng du rlung gis pris ma chags pa dang / mkhregs pa dang / khebs pa de bzhin du/ sa chen po 'di chu 'ba' zhig gi mtsho gcig tu gyur pa'i steng du rlung gis pris ma chags pa dang / mkhregs pa dang / khebs par byed do/ /sa'i bcud de ni kha dog phun sum tshogs pa/ dri phun sum tshogs pa dang / ro phun sum tshogs pa yin zhing kha dog phun sum tshogs pa ni 'di lta bu yin te/ dper na mar sar lta bu'o/ /ro ni 'di lta bu yin te/ dper na sbrang ma'i sbrang rtsi btsir ba lta bu'i dus gang yin pa de yod do/ /gau ta ma dag 'jig rten gang yin pa de 'chags shing 'jig rten chags na de na sems can kha cig tshe zad/ las zad/ bsod nams zad nas 'od gsal gyi lha'i ris nas shi 'phos nas 'di lta bur mi rnams dang / skal ba mnyam par 'ong zhing de rnams 'di na yid las byung ba'i gzugs phun sum tshogs pa dbang po ma nyams shing ma tshang ba med pa/ yan lag dang nying lag thams cad dang ldan zhing kha dog bzang pos gnas pa/ rang gi 'od can/ nam mkha' la 'gro ba/ dga' ba za zhing dga' ba'i zas kyis tshe ring zhing yun ring du gnas par 'gyur ro/ /de'i tshe nyi ma dang zla ba yang 'jig rten du mi 'byung ste/ rgyu skar rnams kyang med/ skad cig dang / thang cig dang / yud tsam yang med/ mtshan mo dang nyin mo yang med/ zla ba dang / zla ba phyed dang / dus tshigs dang / lo rnams kyang 'jig rten du 'byung ba med do/ /skyes pa dang bud med du mngon pa yang med kyi/ gzhan du na sems can sems can zhes bya ba'i grangs su 'gro'o/ /de nas sems can skam chags kyi rang bzhin can zhig gis mdzub mo'i rtse mos sa'i bcud myang bar byed do/ /ji lta ji ltar myangs pa de lta de ltar sred do/ /ji lta ji ltar sred pa de lta de ltar kham gyi zas rim gyis za'o/ /sems can gzhan dag gis kyang sems can de mdzub mo'i rtse mos sa'i bcud myang bar byed de/ ji lta ji ltar myangs pa de lta de ltar sred la/ ji lta ji ltar sred pa de lta de ltar kham gyi zas rim gyis za ba mthong ngo / /mthong nas de rnams kyis kyang mdzub mo'i rtse mos sa'i bcud myang bar rtsom ste/ ji lta ji ltar myangs pa de lta de ltar sred do/ /ji lta ji ltar sred pa de lta de ltar kham gyi zas rim gyis za'o/ /gang gi tshe sems can de rnams kyis sa'i bcud la kham gyi zas rim gyis zos pa de'i tshe de rnams kyi lus la mkhrang ba dang lci ba zhugs par gyur to/ /de rnams kyi kha dog bzang po gsal ba gang yin pa de yang nub par gyur pas 'jig rten du mun pa byung bar gyur to/ /gau ta ma dag chos nyid kyis 'jig rten du mun pa byung na nyi ma dang zla ba gnyis 'jig rten du 'byung bar 'gyur ro/ /rgyu skar dang / skad cig dang / thang cig dang / yud tsam dang / mtshan mo dang / nyin mo dang / zla ba dang / zla ba phyed dang / dus tshigs dang / lo 'jig rten du 'byung bar 'gyur ro/ /de rnams de za zhing zas su za ba la tshe ring zhing yun ring du gnas so/ /de rnams las kha zas la ches nyung zad du za ba gang yin pa de ni kha dog dang ldan par 'gyur ro/ kha zas la ches mang du za ba gang yin pa de ni kha dog ngan par 'gyur te/ kha zas kyi tshad gnyis la brten nas kha dog rnam pa gnyis mngon te/ kha dog rnam pa gnyis yod pas/ kye sems can kho bo ni kha dog dang ldan no/ khyod ni kha dog ngan pa can yin no zhes sems can gyis sems can la khyad du gsod par byed do/ kha dog gi mngon pa'i nga rgyal can de rnams sdig pa mi dge ba'i chos de dag nyid blangs pa'i rgyus sa'i bcud de nub par gyur to/ /gau ta ma dag sa'i bcud de nub pa na sems can de rnams tshogs shing 'dus nas 'di skad ces kyi hud bro ba kyi hud bro ba zhes smra zhing smre sngags 'don la mya ngan dang sdug bsngal bar gyur to/ /dper na da ltar gyi mi rnams kyis zas zhim po cung zad gcig zos nas sngon gyi yi ge dang / tshig dang / tshig 'bru de nyid rjes su dran nas 'di skad ces kyi hud bro ba kyi hud bro ba zhes smra ba de bzhin du sems can de rnams sa'i bcud de nub pa na tshogs shing 'dus nas 'di skad ces kyi hud bro ba kyi hud bro ba zhes smra zhing smre sngags 'don la mya ngan dang sdug bsngal bar gyur kyang smras pa 'di'i don ni 'di yin/ smras pa 'di'i don ni 'di yin no zhes de'i don ni mi shes so/ /gau ta ma dag sems can de rnams kyi sa'i bcud de nub pa nas zhag kha dog phun sum tshogs pa/ dri phun sum tshogs pa/ ro phun sum tshogs pa 'byung bar 'gyur te/ kha dog ni 'di lta bu yin te/ dper na dong ka'i me tog lta bu'o/ /ro ni 'di lta bu yin te/ dper na sbrang ma'i sbrang rtsi btsir ba lta bu'o/ /de rnams de za zhing zas su za ba la tshe ring zhing yun ring du gnas so/ /de rnams las kha zas la ches nyung du za ba gang yin pa de ni kha dog dang ldan par gyur to/ / kha zas la ches mang du za ba gang yin pa de ni kha dog ngan par gyur to/ /zas kyi tshad gnyis la brten nas kha dog rnam pa gnyis mngon te/ kha dog rnam pa gnyis yod pas kye sems can kho bo ni kha dog dang ldan la/ khyod ni kha dog ngan pa yin no zhes sems can gyis sems can la khyad du gsod par byed do/ kha dog gi mngon pa'i nga rgyal can de rnams sdig pa mi dge ba'i chos de dag nyid blangs pa'i rgyus sa zhag nub par gyur to/ /gau ta ma dag sa zhag de nub par gyur pa na sems can de rnams tshogs shing 'dus nas 'di skad ces/ kyi hud bro ba kyi hud bro ba zhes smra zhing smre sngags 'don la mya ngan gyis sdug bsngal bar byed do/ /dper na da ltar mi rnams sdug bsngal ba dang / yid mi bde ba 'ga' zhig gis reg pa na sngon gyi yi ge dang / tshig dang / tshig 'bru de nyid rjes su dran nas 'di skad ces/ e ma'o kyi hud e ma'o kyi hud ces smra ba de bzhin du/ sems can de rnams sa zhag de nub pa na tshogs shing 'dus nas 'di skad ces kyi hud bro ba kyi hud bro ba zhes smra zhing smre sngags 'don la mya ngan dang sdug bsngal bar gyur kyang smras pa'i 'di'i don 'di yin/ smras pa 'di'i don ni 'di yin no zhes bya bar de'i don ni mi shes so/ /gau ta ma dag sems can de rnams kyi sa zhag de nub pa na myu gu'i tshal kha dog phun sum tshogs pa/ dri phun sum tshogs pa/ ro phun sum tshogs pa 'byung bar 'gyur zhing / kha dog ni 'di lta bu yin te/ dper na shing ka dam pa ka'i me tog lta bu'o/ /ro ni 'di lta bu yin te/ dper na sbrang ma'i sbrang rtsi btsir ba lta bu'o/ / de rnams de za zhing de zas su za ba las tshe ring zhing yun ring du gnas so/ /de rnams las kha zas la ches nyung bar za ba gang yin pa de ni kha dog dang ldan par gyur to/ /kha zas la ches mang du za ba gang yin pa de ni kha dog ngan par gyur to/ /zas kyi tshad gnyis la brten nas kha dog rnam pa gnyis yin no/ /kha dog rnam pa gnyis yod pas kye sems can kho bo ni kha dog dang ldan la/ khyod ni kha dog ngan pa yin no zhes sems can gyis sems can la khyad du gsod par byed do/ kha dog gi mngon pa'i nga rgyal can de rnams sdig pa mi dge ba'i chos de dag nyid blangs pa'i rgyus myu gu'i tshal de nub par gyur to/ /gau ta ma dag myu gu'i tshal de nub par gyur pa na sems can de rnams tshogs shing 'dus nas 'di skad ces/ mdun nas phar song mdun nas phar song zhes smra zhing smre sngags 'don la mya ngan dang sdug bsngal bar gyur to/ /dper na da ltar mi rnams 'ga' zhig la tshig drag po'i tshar gcad pas tshar gcad par 'dod pa na sngon gyi yi ge dang / tshig dang / tshig 'bru de dag nyid rjes su bzlas shing 'di skad ces/ mdun nas phar song mdun nas phar song zhes smra ba de bzhin du sems can de rnams myu gu'i tshal nub pa dang tshogs shing 'dus nas 'di skad ces/ mdun nas phar song mdun nas phar song zhes smra zhing smre sngags 'don la mya ngan dang sdug bsngal bar gyur kyang smras pa'i 'di'i don ni 'di yin/ smras pa 'di'i don ni 'di yin no zhes bya bar de'i don ni mi shes so/ /gau ta ma dag sems can de rnams kyi myu gu'i tshal nub nas ma rmos ma btab pa'i 'bras sA lu'i 'bras bu tshon bzhi pa phub ma med pa sbun ma med pa shun pa med pa dag pa gtsang ma skyes te/ de nub brngas na nang skye zhing smin par 'gyur/ nang brngas na nub skye zhing smin par 'gyur bas brngas shing brngas kyang slar skyes pas brngas par yang mi mngon no/ /de rnams de za zhing de zas su za ba la tshe ring zhing yun ring du gnas so/ /gang nas sems can de dag rnams kyis ma rmos ma btab pa'i 'bras sA lu'i 'bras bu la kham gyi zas su rim gyis zos pa de nas de rnams kyis dbang po tha dad pa byung bar gyur to/ kha cig la ni skyes pa'i dbang po'o/ kha cig la ni bud med kyi dbang po'o/ /de na bud med kyi dbang po can gang yin pa rnams dang / skyes pa'i dbang po can gang yin pa rnams gcig la gcig mig gis mig tshugs su lta'o/ /ji lta ji ltar gcig la gcig mig gis mig tshugs su lta ba de lta de ltar kun du chags so/ /ji lta ji ltar kun du chags pa de lta de ltar zhen to/ /ji lta ji ltar zhen pa de lta de ltar log par zhugs so/ /sems can gzhan dag gis kyang sems can gyis sems can la log par zhugs pa mthong ngo / /mthong nas kyang sa dang / bong ba dang / gseg ma dang / gyo mos gtor nas 'di skad ces sems can ngan pa tha cad rnams ni bya ba ma yin pa byed do/ /sems can ngan pa tha cad rnams ni bya ba ma yin pa byed pa yin gyis/ kwa'i sems can khyod kyis da ji ltar sems can sun dbyung zhes smra'o/ /dper na da ltar mi rnams bag ma blangs pa na phye ma dang / dri dang / phreng ba dang / gos dang / 'bras yos kyis gtor nas 'di skad ces bag ma bde bar gyur cig ces zer ba de bzhin du sems can rnams kyis sems can gyis sems can la log par zhugs pa mthong nas sas gtor zhing bong ba dang / gseg ma dang / gyo mo rnams kyis kyang gtor nas 'di skad ces sems can ngan pa tha cad rnams ni bya ba ma yin pa byed do/ /sems can ngan pa tha cad rnams ni bya ba ma yin pa byed pa yin gyis/ kwa'i sems can khyod kyis da ji ltar sems can sun dbyung zhes smra ba'i dus gang yin pa de yod do/ /gau ta ma dag de ltar na sngon chos ma yin par 'dod pa gang yin pa dang / sngon gyi 'dul ba ma yin par 'dod pa gang yin pa de ni da ltar chos su 'dod/ 'dul bar 'dod do/ /sngon smad par bya bar 'dod pa gang yin pa de ni da ltar bsngags par bya bar 'dod do/ /de rnams kyis de zhag gcig spangs pa nas zhag gnyis dang / gsum dang / bdun du yang spangs so/ /gang nas sems can de rnams sdig pa can dam pa ma yin pa'i chos de la lhag par sdig pa can gyi brtul zhugs spyod pa de nas de rnams khang pa rtsig pa la brtson par byed de/ 'dir bdag cag bya ba ma yin pa spyad do/ /'dir bdag cag bya ba ma yin pa spyad do zhes zer bas khyim khyim zhes bya bar grags te/ gau ta ma dag 'di ni 'jig rten du khang pa'i las kyi mtha' rnams byung ba'i rtsom pa dang po yin no/ /de yang chos kyis yin gyi chos ma yin pas ma yin te/ de la rgyal ba'i dbang po'i chos la 'di ni gtso bo yin no/ /de rnams nub bza' ba don du gnyer ba yang rgongs ka sA lu'i ched du 'dong bar byed do/ /nang bza' ba don du gnyer ba yang nang par sA lu'i ched du 'dong bar byed do/ /de nas sems can snyom las kyi rang bzhin can zhig gis nang par gyi sA lu nub mo blangs so/ /de nas sems can zhig gis sems can de la 'di skad ces smras so/ /kye sems can khyod tshur sA lu'i phyir 'dong / de nas sems can des sems can de la 'di skad ces smras so/ /kye sems can khyod rang gi sA lu la soms shig kho bos ni nang par gyi sA lu do nub blangs so/ /de nas sems can de 'di snyam du sems te/ kye ma de ni legs so/ /kye ma de ni legs so/ /kye ma de ni shin du legs kyis/ ma la bdag gis zhag gnyis kyi dang / zhag gsum gyi dang / zhag bdun gyi bar gyi sA lu blang ngo snyam du sems nas/ des zhag gnyis kyi dang / zhag gsum gyi dang / zhag bdun gyi bar gyi sA lu blangs so/ /de nas sems can zhig gis sems can de la 'di skad ces smras so/ /kye sems can khyod tshur sA lu'i phyir 'dong / de nas sems can des sems can de la 'di skad ces smras so/ /kye sems can khyod rang gi sA lu la soms shig /kho bos ni zhag gnyis kyi dang / gsum gyi dang / zhag bdun gyi bar gyi sA lu blangs zin no/ /de nas sems can de 'di snyam du sems te/ kye ma de ni legs so/ /kye ma de ni shin du legs kyis/ ma la bdag gis zla ba phyed dang / zla ba gcig gi sA lu blang ngo snyam nas/ des zla ba phyed dang / zla ba gcig gi sA lu blangs so/ /gang nas sems can de rnams kyis ma rmos ma btab pa'i 'bras sA lu'i 'bru sogs 'jog gi yongs su longs spyad pas zos pa de nas sA lu de'i 'bras bu phub ma dang / sbun pa dang / shun pas yog par gyur to/ /brngas shing brngas na yang phyir mi skye bas brngas par yang mngon la/ sA lu yang sbubs sam yal ga'i sbubs la yod par gyur to/ /de nas sems can de rnams tshogs shing 'dus nas shes ldan dag bdag cag sngon yid las byung ba'i gzugs phun sum tshogs pa/ dbang po ma nyams shing ma tshang ba med pa/ yan lag dang nying lag thams cad dang ldan pa/ kha dog bzang pos gnas pa/ rang gi 'od dang ldan pa/ nam mkha' la 'gro zhing dga' ba za zhing dga' ba'i zas kyis tshe ring zhing yun ring du gnas la/ bdag cag sa'i bcud kha dog phun sum tshogs pa/ dri phun sum tshogs pa/ ro phun sum tshogs pa byung bar gyur to/ /bdag cag sa'i bcud la kham gyi zas kyi rim gyis zos te/ gang gi tshe bdag gis sa'i bcud la kham gyi zas kyi rim gyis zos pa de'i tshe bdag cag gi lus la rtsub pa nyid dang lci ba nyid dag zhugs par gyur te/ kha dog bzang po'i gsal ba gang yin pa de nub par gyur pas 'jig rten du mun pa byung bar gyur to/ /bdag cag de za zhing zas su za ba la tshe ring zhing yun ring du gnas par gyur ro/ / bdag cag las kha zas ches nyung du za ba gang yin pa de ni kha dog bzang por gyur/ kha zas ches mang du za ba gang yin pa de ni kha dog ngan par gyur te/ kha zas kyi tshad gnyis la brten nas kha dog rnam pa gnyis mngon te/ kha dog rnam pa gnyis yod pas kwa'i sems can kho bo ni kha dog dang ldan la/ khyod ni kha dog ngan pa yin no zhes sems can gyis sems can la khyad du gsod par byed do/ /bdag cag kha dog gi mngon pa'i nga rgyal can rnams sdig pa mi dge ba'i chos de dag nyid blangs pa'i rgyus sa'i bcud de nub par gyur to/ /sa'i bcud de nub pa nas zhag kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ bdag cag de za zhing de zas su za ba la tshe ring zhing yun ring du gnas so/ /bdag cag las kha zas ches nyung du za ba gang yin pa de ni kha dog dang ldan par gyur/ kha zas ches mang du za ba gang yin pa de ni kha dog ngan par gyur te/ zas kyi tshad gnyis la brten nas kha dog gi rnam pa gnyis mngon no/ /kha dog rnam pa gnyis yod pas kwa'i sems can kho bo ni kha dog dang ldan la/ khyod ni kha dog ngan pa yin no zhes sems can gyis sems can la khyad du gsod par byed do/ /bdag cag kha dog gi mngon pa'i nga rgyal can rnams sdig pa mi dge ba'i chos de dag nyid blangs pa'i rgyus sa zhag de nub par gyur to/ /sa zhag de nub pa na myu gu'i tshal kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ bdag cag de za zhing de zas su za ba la tshe ring zhing yun ring du gnas so/ /bdag cag rnams las kha zas ches nyung du za ba gang yin pa de ni kha dog dang ldan par gyur/ kha zas ches mang du za ba gang yin pa de ni kha dog ngan par gyur te/ zas kyi tshad gnyis la brten nas kha dog rnam pa gnyis mngon no/ kha dog rnam pa gnyis yod pas kwa'i sems can kho bo ni kha dog dang ldan la/ khyod ni kha dog ngan pa yin no zhes sems can gyis sems can la khyad du gsod par byed do/ /bdag cag kha dog gi mngon pa'i nga rgyal can rnams sdig pa mi dge ba'i chos de dag nyid blangs pa'i rgyus myu gu'i tshal de nub par gyur to/ /myu gu'i tshal de nub pa na ma rmos ma btab pa'i 'bras sA lu'i 'bru tshon bzhi pa phub ma med pa/ sbun pa med pa/ shun pa med pa/ dag pa/ gtsang ma skyes te/ de nub brngas na nang skye zhing smin par 'gyur/ nang brngas na nub skye zhing smin par 'gyur bas brngas shing brngas kyang slar yang skye bas brngas par yang mi mngon te/ bdag cag de za zhing zas su za ba la tshe ring zhing yun ring du gnas so/ /gang nas bdag cag gis ma rmos ma btab pa'i 'bras sA lu'i 'bru sog 'jog gis yongs su longs spyad pas zos pa de nas sA lu de'i 'bras bu phub ma dang / sbun pa dang / shun pas yog par gyur to/ /brngas shing brngas pa yang slar mi skye bas brngas par yang mngon la/ sA lu yang sbubs sam yal ga'i sbubs la yod par gyur pas ma la bdag cag tshogs shing 'dus la zhing gzhal te mtshams bcad la 'di ni khyed kyi'o/ /'di ni nga'i 'o zhes mu thug bre bar bya'o zhes de rnams tshogs shing 'dus nas zhing dgod de mtshams bcad mu thug bres so/ /gau ta ma dag 'di ni 'jig rten du mu thug bre ba'i las kyi mtha' rnams byung ba'i rtsom pa dang po yin no/ /de yang chos kyis yin gyi chos ma yin pas ma yin te/ de la rgyal ba'i dbang po'i chos la 'di ni chos kyi gtso bo yin no/ /de nas sems can zhig gis rang gi sA lu yod bzhin du gzhan gyi sA lu ma byin par blangs so/ /sems can gzhan zhig gis sems can des rang gi sA lu yod bzhin du gzhan gyi sA lu la ma byin par blangs pa mthong ngo // mthong nas sems can de la 'di skad ces smras so/ /kwa'i sems can khyod rang gi sA lu yod bzhin du gzhan gyi sA lu la ma byin par ci'i phyir blang / kwa'i sems can song la khyod phyin cad de ltar ma byed cig /sems can des lan gnyis lan gsum du yang rang gi sA lu yod bzhin du gzhan gyi sA lu la ma byin par blangs so/ /sems can des sems can de lan gnyis lan gsum du yang rang gi sA lu yod bzhin du gzhan gyi sA lu la ma byin par len pa mthong ngo / / mthong nas sems can de la 'di skad ces smras so/ /kwa'i sems can khyod rang gi sA lu yod bzhin du gzhan gyi sA lu la ma byin par ci'i phyir blang zhes des de phar drangs tshur drangs nas/ ci tsam na 'khor gyi nang du yang khrid de/ shes ldan dag sems can 'di rang gi sA lu yod bzhin du lan gnyis sam gsum gyi bar du gzhan gyi sA lu la ma byin par len to zhes spyos so/ /de nas sems can de rnams kyis sems can de la 'di skad ces smras so/ /kwa'i sems can khyod rang gi sA lu yod bzhin du gzhan gyi sA lu la ma byin par ci'i phyir blang / kwa'i sems can song la khyod phyin cad de ltar ma byed cig /de nas sems can des sems can de rnams la 'di skad ces smras so/ /shes ldan dag sems can 'dis bdag la sA lu'i phyir phar drangs tshur drangs te/ ji tsam na 'khor gyi nang du yang byung nas spyos so/ /de nas sems can de rnams kyis sems can de la 'di skad ces smras so/ /kwa'i sems can khyod kyis sems can la sA lu'i phyir phar drangs tshur drangs nas/ ji tsam na 'khor gyi nang du yang byung nas ci'i phyir spyo/ kwa'i sems can khyod song la phyin chad de ltar ma byed cig /de nas sems can de rnams 'di snyam du sems te/ shes ldan dag sA lu'i phyir phar 'dren tshur 'dren zhing ji tsam na 'khor gyi nang du spyo ba yang snang bas/ ma la bdag cag tshogs shing 'dus la bdag cag gi nang na sems can lhag par gzugs bzang ba/ lhag par blta na sdug pa/ lhag par mdzes pa/ lhag par bsod nams che bar grags pa gang yin pa de bdag cag gi zhing rnams kyi bdag por bskos dang / des bdag cag chad pas gcad par bya ba rnams la ni chad pas gcod par 'gyur/ phan gdags par bya ba rnams la ni phan 'dogs par 'gyur te/ bdag cag gi zhing dag las 'khrungs pa gang yin pa de la chos bzhin du thog shas sbyin par bya'o snyam nas/ de rnams tshogs shing 'dus te de rnams kyi nang nas sems can lhag par gzugs bzang ba/ lhag par blta na sdug pa/ lhag par mdzes pa/ lhag par bsod nams che bar grags pa gang yin pa de zhing rnams kyi bdag por bskos te 'di skad ces kye sems can khyod tshur shog kho bo cag la chad pas gcad par bya ba rnams la ni chad pas chod cig /phan gdags par bya ba rnams la ni phan thogs shig kho bo cag gi zhing dag las 'khrungs pa gang yin pa de las khyod la kho bo cag gis chos bzhin du thog shas sbyin no/ /de de rnams la chad pas gcad par bya ba rnams la ni chad pas gcod/ phan gdags par bya ba rnams la phan 'dogs par byed cing / de la de rnams kyi zhing dag las 'khrungs pa gang yin pa de las chos bzhin du thog shas 'bul te/ skye bo'i tshogs chen pos bkur cing mang pos bkur bas mang pos bkur ba mang pos bkur ba zhes grags so/ /zhing rnams kyi bdag por gyur pa na nyams pa las skyob par byed pas rgyal rigs rgyal rigs bya bar grags so/ /chos kyis skye dgu mgu bar byed cing tshul khrims nyams su blangs te gnas/ shes rab nyams su blangs te gnas pas rgyal po rgyal po zhes bya bar grags so/ /gau ta ma dag rgyal po mang pos bkur gyi tshe mi rnams kyi ming sems can sems can zhes bya bar gyur to/ /gau ta ma dag rgyal po mang pos bkur ba'i bu 'od mdzes zhes bya ste/ gau ta ma dag rgyal po 'od mdzes kyi tshe mi rnams kyi ming tshur shog tshur shog ces bya bar gyur to/ /'od mdzes kyi bu dge ba zhes bya ste/ gau ta ma dag rgyal po dge ba'i tshe mi rnams kyi ming sme ba can sme ba can zhes bya bar gyur to/ /gau ta ma dag rgyal po dge ba'i bu dge mchog ces bya ste/ gau ta ma dag rgyal po dge mchog gi tshe mi rnams kyi ming sprin mgrin sprin mgrin zhes bya bar gyur to/ /dge mchog gi bu gso sbyong 'phags zhes bya ste/ gau ta ma dag rgyal po gso sbyong 'phags kyi tshe mi rnams kyi ming ta la'i rkang ta la'i rkang zhes bya bar gyur to/ /rgyal po gso sbyong 'phags kyi spyi bor sha rmen zhig skyes pa 'jam zhing shin du mnyen te/ dper na shing bal gyi 'dab ma 'am/ ras bal gyi 'dab ma bzhin du cung zad kyang gnod pa mi skyed do/ /de smin nas brtol ba dang khye'u gzugs bzang ba/ blta na sdug pa/ mdzes pa/ skyes bu chen po'i mtshan sum bcu rtsa gnyis kyis kun nas brgyan pa zhig byung ste/ spyi bo las skyes pas spyi bo skyes spyi bo skyes zhes bya bar gyur to/ /gzhon nu byung ma thag tu rgyal po gso sbyong 'phags kyi btsun mo drug khri'i nang du bkri ba dang / de thams cad kyi nu ma las 'o ma zags nas re res nga las nu nga las nu zhes smras pas nga las nu nga las nu zhes bya bar grags so/ /gau ta ma dag rgyal po nga las nu gang gi tshe rgyal srid byed pa de'i tshe mi rnams sems par byed/ 'jal bar byed/ nye bar rtog par byed do/ /de rnams bsams/ gzhal nye bar brtags nas bzo'i gnas dang las kyi gnas tha dad pa dag byed du 'jug pas des na/ de rnams yid las skyes yid las skyes zhes bya bar grags so/ /gau ta ma dag rgyal po drug po 'di dag ni tshe tshad med cing tshe dpag tu med pa yin no/ /bar sdom la/ sems can tshur shog sme ba can/ /sprin mgrin dang ni de bzhin du/ /ta la'i rkang dang yid las skyes/ /sngon gyi de drug bsdus pa yin/ /gau ta ma dag rgyal po nga las nu'i brla g.yas par sha rmen zhig skyes pa 'jam zhing shin du mnyen te/ dper na shing bal gyi 'dab ma'am/ ras bal gyi 'dab ma bzhin du cung zad kyang gnod pa mi skyed do/ /de smin nas brtol ba dang khye'u gzugs bzang zhing blta na sdug pa mdzes pa/ skyes bu chen po'i mtshan sum bcu rtsa gnyis kyis kun du brgyan pa zhig byung ste/ brla g.yas pa las skyes pas ming mdzes pa mdzes pa zhes bya bar gyur to/ /gzhon nu de rdzu 'phrul che zhing mthu che ba yin pas da dung yang gling bzhi la rgyal srid kyi dbang phyug la dbang byed du 'jug go/ /gau ta ma dag rgyal po mdzes pa'i brla g.yon par sha rmen cig skyes pa 'jam zhing shin du mnyen te/ dper na shing bal gyi 'dab ma'am/ ras bal gyi 'dab ma bzhin du cung zad kyang gnod pa mi skyed do/ /de smin nas brtol ba dang khye'u gzugs bzang zhing blta na sdug pa mdzes pa/ skyes bu chen po'i mtshan sum bcu rtsa gnyis kyis kun nas brgyan pa zhig byung ste/ brla g.yon pa las skyes pas ming nye mdzes nye mdzes zhes bya bar gyur to/ /gzhon nu de rdzu 'phrul che zhing mthu che ba yin pas da dung yang gling gsum la rgyal srid kyi dbang phyug la dbang byed du 'jug go/ /gau ta ma dag rgyal po nye mdzes kyi rkang pa g.yas par sha rmen zhig skyes pa 'jam zhing shin du mnyen te/ dper na shing bal gyi 'dab ma'am/ ras bal gyi 'dab ma bzhin du cung zad kyang gnod pa mi skyed do/ /de smin nas brtol ba dang khye'u gzugs bzang ba/ blta na sdug pa/ mdzes pa/ skyes bu chen po'i mtshan sum bcu rtsa gnyis kyis kun nas brgyan pa zhig byung ste/ rkang pa g.yas pa las skyes pas ming mdzes ldan mdzes ldan zhes bya bar gyur to/ /gzhon nu de rdzu 'phrul che zhing mthu che ba yin pas da dung yang gling gnyis la rgyal srid kyi dbang phyug la dbang byed du 'jug go/ /gau ta ma dag rgyal po mdzes ldan gyi rkang pa g.yon par sha rmen zhig skyes pa 'jam zhing shin du mnyen te/ dper na shing bal gyi 'dab ma'am/ ras bal gyi 'dab ma bzhin du cung zad kyang gnod pa mi skyed do/ / de smin nas brtol ba dang / khye'u gzugs bzang ba/ blta na sdug pa/ mdzes pa/ skyes bu chen po'i mtshan sum bcu rtsa gnyis kyis kun nas brgyan pa zhig byung ste/ rkang pa g.yon pa las skyes pas ming nye mdzes ldan nye mdzes ldan zhes bya bar gyur to/ /gzhon nu de rdzu 'phrul che zhing mthu che ba yin pas da dung yang gling gcig la rgyal srid kyi dbang phyug la dbang byed du 'jug go/ /gau ta ma dag de ltar na rgyal po mang pos bkur ba'i bu 'od mdzes so/ /'od mdzes kyi dge ba'o/ / dge ba'i dge mchog go/ /dge mchog gi gso sbyong 'phags so/ /gso sbyong 'phags kyi nga las nu'o/ /nga las nu'i mdzes pa'o/ /mdzes pa'i nye mdzes so/ /nye mdzes kyi mdzes ldan dang / mdzes ldan kyi nye mdzes ldan dang / bzang po dang / legs bzang dang / btang ba dang / yan lag dang / yan lag shing rta dang / ngan spong dang / skal ldan shing rta dang rgya mtsho dang / rgya mtsho'i bu dang / rgya mtsho chen po dang / ka shu ni dang / ka shu ni chen po dang / ku sha dang / nye ba'i ku sha dang / ku sha chen po dang / legs mthong dang / legs mthong chen po dang / rab thob dang / rab thob chen po dang / rab tu sgra bsgrags dang / rab tu sgra bsgrags chen po dang / 'od byed pa dang / rtul phod dang / lhun po ldan dang / lhun po yod dang / 'od zer dang / 'od zer ldan dang / 'od zer yod dang / kun nas 'od zer ro/ /gau ta ma dag kun nas 'od zer gyi bu dang / tsha bo dang / yang tsha dang / sum tsha'i rgyud rgyal po brgya tham pa yul gru 'dzin du byung ste/ de rnams kyi tha ma ni rgyal po dgra 'dul zhes bya ba byung ste/ dgra 'dul bar byed pas dgra 'dul dgra 'dul zhes bya bar gyur to/ /gau ta ma dag rgyal po dgra 'dul gyi bu dang / tsha bo dang / yang tsha dang / sum tsha'i rgyud rgyal po lnga khri bzhi stong yul dmag gis mi tshugs par byung ngo / /de rnams kyi tha ma ni rgyal po ma rgyal ba las rgyal ba zhes bya ba byung ste/ ma rgyal ba las rgyal bar byed pas na ma rgyal ba las rgyal ba zhes bya bar grags so/ /gau ta ma dag rgyal po ma rgyal ba las rgyal ba'i bu dang / tsha bo dang / yang tsha dang / sum tsha'i rgyud rgyal po drug khri sum stong yul bA rA Na sIr byung ste/ de rnams kyi tha ma ni rgyal po bzod dka' zhes bya ba byung ngo / /gau ta ma dag rgyal po bzod dka'i bu dang / tsha bo dang / yang tsha dang / sum tsha'i rgyud rgyal po brgyad khri bzhi stong kim pi la'i grong khyer du byung ste/ de rnams kyi tha ma ni rgyal po tshangs byin zhes bya ba byung ngo / /gau ta ma dag rgyal po tshangs byin gyi bu dang / tsha bo dang / yang tsha dang / sum tsha'i rgyud rgyal po sum khri nyis stong glang po che'i grong khyer du byung ste/ de rnams kyi tha ma ni rgyal po glang pos sbyin zhes bya ba byung ngo / /gau ta ma dag rgyal po glang pos sbyin gyi bu dang / tsha bo dang / yang tsha dang / sum tsha'i rgyud rgyal po lnga stong yul rdo 'jog tu byung ste/ de rnams kyi tha ma ni rgyal po bal bu can zhes bya ba byung ngo / / gau ta ma dag rgyal po bal bu can gyi bu dang / tsha bo dang / yang tsha dang / sum tsha'i rgyud rgyal po sum khri nyis stong grong khyer brang gis nyal du byung ste/ de rnams kyi tha ma ni rgyal po tshan po che 'dul zhes bya ba byung ngo / /gau ta ma dag rgyal po tshan po che 'dul gyi bu dang / tsha bo dang / yang tsha dang / sum tsha'i rgyud rgyal po sum khri nyis stong grong khyer ma rgyal ba las rgyal bar byung ste/ de rnams kyi tha ma ni rgyal po rgyal byin zhes bya ba byung ngo / /gau ta ma dag rgyal po rgyal byin gyi bu dang / tsha bo dang / yang tsha dang / sum tsha'i rgyud rgyal po sum khri nyis stong grong khyer ku n+ya ku ba dzar byung ste/ de rnams kyi tha ma ni rgyal po rgyal sde zhes bya ba byung ngo / /gau ta ma dag rgyal po rgyal sde'i bu dang / tsha bo dang / yang tsha dang / sum tsha'i rgyud rgyal po khri brgyad stong grong khyer tsam par byung ste/ de rnams kyi tha ma ni rgyal po klu'i lha zhes bya ba byung ngo / /gau ta ma dag rgyal po klu'i lha'i bu dang / tsha bo dang / yang tsha dang / sum tsha'i rgyud rgyal po nyi khri lnga stong grong khyer ta la'i phreng du byung ste/ de rnams kyi tha ma ni rgyal po mi'i lha zhes bya ba byung ngo / /gau ta ma dag rgyal po mi'i lha'i bu dang / tsha bo dang / yang tsha dang / sum tsha'i rgyud rgyal po khri nyis stong grong khyer ta ma lir byung ste/ de rnams kyi tha ma ni rgyal po rgya mtsho'i lha zhes bya ba byung ngo / /gau ta ma dag rgyal po rgya mtsho'i lha'i bu dang / tsha bo dang / yang tsha dang / sum tsha'i rgyud rgyal po khri brgyad stong grong khyer ba so'i grong du byung ste/ de rnams kyi tha ma ni rgyal po blo gros bzang po zhes bya ba byung ngo / /gau ta ma dag rgyal po blo gros bzang po'i bu dang / tsha bo dang / yang tsha dang / sum tsha'i rgyud rgyal po nyi khri lnga stong grong khyer rgyal po'i khab tu byung ste/ de rnams kyi tha ma ni rgyal po mun sel zhes bya ba byung ngo / gau ta ma dag rgyal po mun sel gyi bu dang / tsha bo dang / yang tsha dang / sum tsha'i rgyud rgyal po brgya tham pa yang grong khyer bA rA Na sIr byung ste/ de rnams kyi tha ma ni rgyal po dbang phyug chen po'i sde zhes bya ba byung ngo / /gau ta ma dag rgyal po dbang phyug chen po'i sde'i bu dang / tsha bo dang / yang tsha dang / sum tsha'i rgyud rgyal po brgyad khri bzhi stong grong khyer rtswa can du byung ste/ de rnams kyi tha ma ni rgyal po rgya mtsho'i sde zhes bya ba byung ngo / /gau ta ma dag rgyal po rgya mtsho'i sde'i bu dang / tsha bo dang / yang tsha dang / sum tsha'i rgyud rgyal po stong yang grong khyer gru 'dzin du byung ste/ de rnams kyi tha ma ni rgyal po dka' thub spyod ces bya ba byung ngo / /gau ta ma dag rgyal po dka' thub spyod kyi bu dang / tsha bo dang / yang tsha dang / sum tsha'i rgyud rgyal po brgyad khri bzhi stong yang grong khyer rtswa can du byung ste/ de rnams kyi tha ma ni rgyal po sa'i gdong zhes bya ba byung ngo / /gau ta ma dag rgyal po sa'i gdong gi bu dang / tsha bo dang / yang tsha dang / sum tsha'i rgyud rgyal po 'bum yang grong khyer bA rA Na sIr byung ste/ de rnams kyi tha ma ni rgyal po sa'i bdag po zhes bya ba byung ngo / / gau ta ma dag rgyal po sa'i bdag po'i bu dang / tsha bo dang / yang tsha dang / sum tsha'i rgyud rgyal po 'bum yang grong khyer dmag gis mi tshugs par byung ste/ de rnams kyi tha ma ni rgyal po sa 'dzin zhes bya ba byung ngo / /gau ta ma dag rgyal po sa 'dzin gyi bu dang / tsha bo dang / yang tsha dang / sum tsha'i rgyud rgyal po brgyad khri bzhi stong grong khyer mi thi lar byung ste/ de rnams kyi tha ma ni rgyal po lha chen po zhes bya ba byung ngo / /gau ta ma dag rgyal po lha chen po'i bu dang / tsha bo dang / yang tsha dang / sum tsha'i rgyud rgyal po brgyad khri bzhi stong yang grong khyer mi thi lar drang srong gi tshangs par spyod pa la spyad de/ de rnams kyi tha ma ni rgyal po mu khyud ces bya ba byung ngo / /mu khyud las 'bying ba dang / sra ba'i mu khyud dang / rko ba dang / nye bar rko ba dang / rko ba yod pa dang / kun nas rko dang / gya nom snang dang / mnyam snang dang / thos pa'i sde dang / chos kyi sde dang / rtogs pa dang / rtogs pa chen po dang / rtogs pa'i sde dang / mya ngan med dang / mya ngan bral dang / brtan pa'i sde dang / dga' bas sbyar dang / glen gsal dang / skya reng dang / phyogs kyi bdag po dang / rdul can dang / bde byed dang / kun dga' dang / me long gdong dang / skyed pa dang / kun nas skyed pa dang / skye bo'i khyu mchog dang / bza' btung can dang / bza' btung mang po can dang / mi thub pa dang / gzhan gyis mi thub pa dang / gnas pa dang / shin du gnas pa dang / stobs chen dang / stobs chen zhon dang / legs pa'i blo gros dang / brtan pa zhon dang / gzhu bcu pa dang / gzhu brgya pa dang / gzhu dgu bcu pa dang / gzhu rgyal dang / gzhu bkra dang / gzhu sra dang / shing rta bcu pa dang / shing rta brgya pa dang / shing rta dgu bcu pa dang / shing rta khra bo dang / shing rta rgyal dang / shing rta sra ba'o/ /gau ta ma dag rgyal po shing rta sra ba'i bu dang / tsha bo dang / yang tsha dang / sum tsha'i rgyud rgyal po bdun khri bdun stong grong khyer kun du snang bar byung ste/ de rnams kyi tha ma ni rgyal po nam mkha'i bdag po zhes bya ba byung ngo / /gau ta ma dag rgyal po nam mkha'i bdag po'i bu klu mnyam skyong ngo / /gau ta ma dag rgyal po klu mnyam skyong gi bu dang / tsha bo dang / yang tsha dang / sum tsha'i rgyud rgyal po brgya tham pa yang grong khyer bA rA Na sIr byung ste/ de rnams kyi tha ma ni rgyal po kri ki zhes bya ba byung ngo / /de'i tshe ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i spyan sngar bcom ldan 'das byang chub sems dpas ma 'ongs pa na byang chub par bya ba'i phyir sngon smon lam btab nas tshangs par spyod pa spyad de/ dga' ldan gyi lha'i ris su skyes so/ /gau ta ma dag rgyal po kri ki'i bu legs skyes so/ /gau ta ma dag rgyal po legs skyes kyi bu dang / tsha bo dang / yang tsha dang / sum tsha'i rgyud rgyal po brgya tham pa yang grong khyer gru 'dzin du byung ste/ de rnams kyi tha ma ni rgyal po rna ba can zhes bya ba byung ngo / /gau ta ma dag rgyal po rna ba can la bu gnyis te/ gau ta ma dang / ba ra dwa dza'o/ /de gnyis las gau ta ma ni mngon par 'byung bar dga'o/ /ba ra dwa dza ni rgyal srid la mngon par dga'o/ /des pa chos dang chos ma yin pas rgyal srid byed pa mthong nas/ des bsams pa/ bdag yab 'das nas rgyal por gyur te/ bdag gis kyang chos dang chos ma yin pas rgyal srid byas nas sems can dmyal bar gzhol bar 'gyur bas 'dir ci'i dus la bab ce na/ khyim nas khyim med par rab tu 'byung bar bya'o snyam du bsams nas/ rgyal po rna ba can gang na ba der song ste phyin pa dang rkang pa gnyis la gtugs te gsol ba btab pa/ yab mkhyen par mdzod cig /bdag ni dad pas khyim nas khyim ma mchis par rab tu 'byung ngo / /des smras pa/ bu gang gi phyir mchod sbyin mchod par byed pa dang / sbyin sreg sreg par byed pa dang / dka' thub spyod pa de dag ni 'di'i ched yin te/ nga 'das na rgyal srid lag mthil du 'ongs te rgyal po byed par 'gyur na ci'i phyir rab tu 'byung / des smras pa/ yab bdag gis chos dang chos ma yin pas rgyal srid bgyid rngo mi thog go/ /de lta bas na mkhyen par mdzod cig rab tu 'byung ngo / /de nas rgyal pos gal gyis gcu bar shes nas gnang ngo / /de'i tshe bsti gnas zhig na drang srong mdog gnag ces bya ba gnas so/ /de nas gzhon nu gau ta ma rgyal pos gnang nas dga' zhing mgu la dga' ba rgya chen po dang yid bde ba skyes nas drang srong mdog gnag gang na ba der song ste phyin pa dang spyod lam dul bas rkang pa gnyis la phyag byas nas smras pa/ drang srong chen po bdag rab tu 'byung bar 'dod kyis bdag rab tu phyung shig /des de rab tu phyung ngo / /drang srong mdog gnag ni 'bras bu dang / rtsa ba dang / chu 'thung bas de yang drang srong gau ta ma drang srong gau ta ma zhes bya bar gyur to/ /ji tsam dus gzhan zhig na rgyal po rna ba can shi nas/ gzhon nu ba ra dwa dza pha'i rgyal srid kyi dbang phyug la dbang byed du bcug go/ /ji tsam dus gzhan zhig na drang srong gau ta mas mkhan po la smras pa/ mkhan po dgon pa'i zas kyis 'tsho bar rngo mi thog gis grong 'dab tu gnas par bgyi'o/ /des smras pa/ bu rung gis grong ngam dgon pa na gnas pa'i drang srong gis ni mdor na dbang po bsrung ba yin gyis/ khyod song la gru 'dzin gyi nye 'khor du lo ma'i spyil po byos la 'dug shig /mkhan po bka' bzhin 'tshal zhes smras nas/ drang srong gau ta ma gru 'dzin gyi nye 'khor du lo ma'i spyil bu byas te gnas so/ /de'i tshe grong khyer gru 'dzin na smad 'tshong ma bzang mo zhes bya ba dang / skyes bu g.yon can pad ma'i rtsa lag ces bya ba zhig gnas te/ des de la dga' mgur spyad pa'i phyir gos dang rgyan dag bskur ro/ /des gos dang rgyan dag thogs nas chas pa las/ yang mi gzhan zhig kAr Sha pA Na lnga brgya thogs pa zhig 'ongs nas bzang mo dga' mgur spyod kyis tshur shog /des bsams pa/ gal te bdag song na kAr Sha pA Na lnga brgya yang mi 'thob la khyim du 'ongs pa spangs te gzhan du 'gro ba 'di ni legs pa ma yin no snyam nas des bu mo mngag gzhug ma la smras pa/ song la pad ma'i rtsa lag la jo mo'i mchid nas re shig bdag la skabs ma mchis te slad kyis mchi'o zhes smros shig /des de'i gan du song nas smras so/ /mi de yang bya ba mang po zhig yin pas de dang de dga' mgur spyad nas thun dang po nyid la song ngo / /des bsams pa/ nam tshod ring du yod pas de'i sems kyang bdag gis bsrung bar nus so snyam nas des yang bu mo de la bsgo ba/ pad ma'i rtsa lag gi gan du song la jo mo'i mchid nas sta gon bgyis lags na/ bskyed mos tshal gang du mchi zhes smros shig /des de'i gan du song nas smras pa dang / des smras pa/ khyod kyi jo mo skad cig la skabs med skad cig la skabs yod ce 'am/ bu mo de de dang rigs mi 'phrod pa zhig pas des smras pa/ rje'i sras skabs ma mchis pa ni ma lags mod kyis de khyod kyi gos dang rgyan dag gis skyes pa gzhan dang lhan cig dga' mgur spyad do/ /de'i 'dod chags kyi kun nas dkris pa gang yin pa de dang bral bar gyur cing gnod sems kyi kun nas dkris pa skyes te/ de mi bzod pa skyes nas smras pa/ bu mo song la bzang mo pad ma'i rtsa lag na re bskyed mos tshal ga ge mo zhig tu shog ces byos shig /des song nas bzang mo la smras pa dang / de nas de bskyed mos tshal du song ba dang skyes bu g.yon can pad ma'i rtsa lag gis smras pa/ khyod kho bo'i gos dang rgyan gyis skyes pa gzhan dang lhan cig dga' mgur spyad par rigs sam/ des smras pa/ rje'i sras de ni bdag gis nongs te/ 'on kyang bud med ni rtag tu skyon can lags pas bzod par mdzod cig /de nas de mi bzod pa skyes nas ral gri shubs nas phyung ste bsad do/ /de nas bu mo mngag gzhug mas jo mo bsad do/ /jo mo bsad do zhes ku co'i sgra chen po bton pa skye bo'i tshogs kun gyis thos nas brgyugs pa dang / de ji tsam na bsti gnas de nyid na drang srong gau ta ma gnas so/ /de nas skyes bu g.yon can pad ma'i rtsa lag de skrag nas ral gri khrag can drang srong gau ta ma'i mdun du bor nas skye bo'i tshogs chen po de nyid kyi nang du zhugs so/ /skye bo'i tshogs chen pos de ral gri khrag can mthong nas rab tu byung ba 'dis bzang mo bsad do zhes de nas drang srong gau ta ma de bskor te mi bzod pa skyes nas smras pa/ kwa'i rab tu byung ba drang srong gi rgyal mtshan thogs nas 'di 'dra ba'i las byed dam/ des smras pa/ ci byas/ de rnams kyis smras pa/ bzang mo dang khyod lhan cig dga' mgur spyad nas de bsad do/ /des smras pa/ kho bo'i sdig pa zhi bas las de mi byed do zhes des zhi ba smras kyang skye bo'i tshogs chen po des lag pa phying ka log tu dam du bcings nas rgyal po la phul te/ lha rab tu byung ba 'dis bzang mo dang lhan cig dga' mgur spyad nas de bkum lags so/ /rgyal po rnams ni mi rtog pa yin pas des smras pa/ gal te de ltar gyur na rab tu byung ba 'di ngas spangs kyis gsal shing la shon cig /de nas rab tu byung ba de me tog ka ra bi ra'i phreng ba mgul du btags shing skyes pa gos sngon po gyon pa/ lag na mtshon thogs pa rnams kyis yongs su bskor nas lam po che dang / tshong dus dang / bzhi mdo dang / sum mdo rnams su bsgrags pa'i sgor bsgrags te/ grong khyer gyi lho phyogs kyi sgor phyung nas gson po nyid du gsal shing la gshon no/ /de'i mkhan po mdog nag de dus dus su de'i bsti gnas su 'gro ba yin pas/ ji tsam du dus gzhan zhig na song ba las ma mthong nas des phan tshun du btsal bar brtsams pa dang / ji tsam na de gsal shing la gshon par mthong nas de skad mi gsal zhing mig mchi mas gang la snying rje ba'i tshig gis dal bu dal bus smras pa/ kyi hud bu 'di ci zhig /des kyang skad mi gsal zhing yi chad la gnad du bab pa'i gnod pa'i tshor ba skyes shing gdungs pas smras pa/ mkhan po gzhan ci lags/ las lags mod/ des smras pa/ bu rma phyung ba'am/ gnod pa zhig ma byas grang mkhan po bdag gi lus kyis rma phyung gi sems kyis ni ma yin no/ /bu ji ltar shes/ mkhan po bden pa gsol gyis gson cig /bden pa dang bden pa'i tshig gang gis bdag gi lus kyis rma phyung gi sems kyis ma yin na/ bden pa dang bden pa'i tshig des mkhan po'i lpags pa'i mdog nag po gang yin pa 'di gser gyi kha dog tu gyur cig /bdag nyid chen po de lhag pa'i bsam pa goms pa yin pas tshig smras ma thag tu drang srong mdog gnag gi lpags pa nag po mi snang zhing gser gyi kha dog tu gyur to/ /kun du drang srong mdog nag gser gyi kha dog tu gyur to zhes sgra grags pas de'i ming gser mdog ces bya bar gyur to/ /de ngo mtshar mchog tu gyur to/ /de nas drang srong gau ta mas smras pa/ mkhan po bdag ni 'di nas shi 'phos nas 'gro ba ni gang / tshe phyi ma ni gang zhig lags/ des smras pa/ bram ze rnams na re bu med pa rnams la 'gro ba med do zhes zer na khyod kyis bu 'ga' bskyed pa lta yod dam/ mkhan po yab kyis rgyal srid kyi slad du spro ba bskyed pa na bdag gzhon nu nyid du rab tu byung bas bud med kyi rgyus kyang ma 'tshal na/ bdag gis bu bskyed pa lta ga la mchis/ bu gal te de lta na sngon yul la spyad pa rjes su dran par gyis shig /mkhan po tshor ba drag pos nyen pas da ni bdag gi gnad rnams chad cing tshigs rnams bye ste/ 'gum pa gcig pu dran par bas na/ ji ltar sngon gyi yul la spyad pa rjes su dran par 'gyur/ de'i mkhan po mngon par shes pa thob pa yin pas des rdzu 'phrul gyis rdzi char chen po sprul nas char pa'i thigs pas de'i lus la phog pa dang / de nas char pa dang rlung grang mos reg pas sdug bsngal rnam par mnan nas/ des sngon gyi yul la spyad pas rjes su dran par bya bar brtsams so/ /gang gi tshe des 'khrig pa'i 'dod chags rjes su dran par byas pa las khu ba'i thigs pa gnyis khrag dang lhan cig lhung ngo / /bsam gyis mi khyab pa'i gnas ni bzhi ste/ bdag sems pa dang / 'jig rten sems pa dang / sems can rnams kyi las kyi rnam par smin pa sems pa dang / sangs rgyas rnams kyi sangs rgyas kyi yul sems pa'o/ /khu ba'i thigs pa de gnyis sgong nga gnyis su gyur nas nyi ma shar ba'i dus kyi tshe nyi ma'i 'od zer gyis smin nas rdol ba dang khye'u gnyis shig byung nas/ de dang ha cang yang mi ring ba'i bu ram shing gi tshal gseb der de gnyis zhugs so// //'dul ba gzhi/ bam po brgyad bcu gcig pa/ de nas nyi ma'i 'od zer shin du tsha ba byung ste/ nyi ma'i 'od zer gyis drang srong gau ta ma gdungs nas shi'o/ /de nas drang srong gser mdog 'ongs nas shi ba mthong nas des gsal shing gi nye 'khor du bltas na sgong nga rdol ba'i khog pa gnyis shig 'dug nas de phan tshun rjes gcod cing bu ram shing gi tshal gseb tu zhugs pa las/ ji tsam na khye'u gnyis shig mthong ngo / /des 'di gnyis su'i bu yin zhes bsam pa la zhugs pa dang / drang srong gau ta ma'i yin par gyur nas/ de nas de lhag par sdug pa skyes te/ des de gnyis bsti gnas su khrid nas bsnun bsnyod de/ de gnyis kyi ming btags pa/ nyi ma shar ba'i tshe nyi ma'i 'od zer gyis smin par byas pa las 'di gnyis skyes par gyur pas de bas na nyi ma'i rigs yin pas nyi ma'i rigs nyi ma'i rigs zhes bya bar gyur to/ /drang srong gau ta ma'i bu yin pas ming gnyis pa gau ta ma gau ta ma zhes bya bar gyur to/ /rang gi yan lag las skyes pas ming gsum pa yan lag skyes yan lag skyes zhes bya bar gyur to/ /bu ram shing gi tshal gseb nas rnyed pas ming bzhi pa bur ram shing pa bu ram shing pa zhes bya bar gyur to/ /ji tsam dus gzhan zhig na rgyal po ba ra dwa dza bu med par shi nas blon po rnams 'dus nas gros bya bar brtsams pa/ shes ldan dag da su zhig rgyal por dbang bskur bar bya/ gzhan dag gis smras pa/ de'i gcen gau ta ma drang srong rnams kyi nang du rab tu byung ste/ rgyal srid 'di ni de'i rigs rgyud du 'os pa yin pas de dbang bskur ro/ /de nas de rnams kyis gros byas nas drang srong gser mdog gi drung du song ste son pa dang / rkang pa gnyis la gtugs nas smras pa/ drang srong chen po gau ta ma gang du mchis/ des smras pa/ khyed cag kho nas bsad do/ /de rnams kyis smras pa/ drang srong chen po bdag cag gis de mthong bar yang mi dran na ji ltar bsad/ kho bos khyed cag dran par bya'o/ /ma nongs so/ /des de rnams dran par byas pa dang / smras pa/ drang srong chen po gal te de lta na sdig pa spyod pa de ming tsam smos pa yang bsgrags pa ma yin gyis zhog shig / des sdig pa'i las ci byas/ 'di dang 'di'o/ /skyon med pa gnod pa mi byed pa des sdig ba'i las ma byas par khyed cag gis bsad do/ /de ltar ci mngon/ des ji ltar gyur pa rgyas par smras pa dang / de rnams yid mi bde ba skyes nas smras pa/ drang srong chen po gal te de lta na des ma lags kyi bdag cag gis sdig pa'i las bgyis so zhes de rnams de skad du gtam smra bar byed pa na/ khye'u de gnyis kyang drang srong gi drung du 'ongs so/ /blon po rnams kyis smras pa/ drang srong chen po khye'u 'di gnyis su'i lags/ des smras pa/ de kho na'i bu'o/ /de rnams kyis smras pa/ 'di gnyis ji ltar skyes/ 'di gnyis kyi ming ci lags/ des byung ba dang bcas pa rgyas par smras pa/ blon po rnams kyis thos te mchog tu ngo mtshar skyes nas de rnams kyis drang srong de la gsol ba btab nas de gnyis las gzhon nu phu bo shos rgyal srid kyi dbang bskur bas dbang bskur ba las de yang bu med par shi'o/ /de nas gcig shos nu bo dbang bskur nas/ de'i ming rgyal po bu ram shing pa zhes bya bar gyur to/ /gau ta ma dag rgyal po bu ram shing pa'i bu dang / tsha bo dang / yang tsha dang / sum tsha'i rgyud rgyal po bu ram shing pa brgya yang grong khyer gru 'dzin du byung ste/ de rnams kyi tha ma ni rgyal po bu ram shing pa 'phags skyes po zhes bya ba byung ngo / /gau ta ma dag rgyal po bu ram shing pa 'phags skyes po la bu bzhi ste/ skar mda' gdong dang / lag rna dang / glang po che 'dul dang / rkang gdub can no/ /dus gzhan zhig na de'i btsun mo dam pa shi nas de lag pa 'gram pa la gtad de sems khong du chud cing 'dug go/ /blon po rnams kyis smras pa/ ci'i slad du phyag la zhal gtad nas thugs mi dgyes shing bzhugs/ des smras pa/ nga'i btsun mo dam pa shi na ci'i phyir sems khong du chud cing mi 'dug /lha gal te de lta na nyi 'og gi rgyal po rnams la bu mo mchis na/ ci'i slad du rje'i btsun mo dam pa mi btsal/ rgyal pos smras pa/ gzhon nu 'di dag ni rgyal srid mngon par 'dod pas phyir rgol ba 'di dag yod na nga la su zhig bu mo ster bar 'gyur lha dgongs shig dang / bdag cag gis btsal lo/ /ji tsam na rgyal po gzhan zhig gi bu mo gzugs bzang ba/ blta na sdug pa/ mdzes pa btsun mo dam par 'tsham pa yod pa de de rnams kyis brtags te rgyal po de'i drung du dong nas de rnams kyis gcig nas gcig tu rgyud de rgyal po la rig par byas pa dang / rgyal pos bsgo ba khug shig /de nas de rnams rgyal po'i spyan sngar dong nas rkang pa gnyis la gtugs te thog mar gtam byas nas 'dug go/ /gtam gyi skabs rnyed cing rgyal po'i zhal mthong nas smras pa/ lha bkra shis par gyur cig /bkra shis par gyur cig /rgyal pos smras pa/ shes ldan dag khyed ci gsol/ rgyal po bu ram shing pa 'phags skyes po'i btsun mo dam pa gum nas de'i ched du sras mo slong ngo / /rgyal pos smras pa/ 'thab rir bab pa'i mchog yin pas rung na 'on kyang dam zhig bca' ste/ gal te nga'i bu mo la khye'u zhig yod par gyur na de gal te rgyal srid kyi dbang phyug la gzhag pa lta na sbyin no/ /lha bka' bzhin 'tshal/ mchis la lha la snyan du gdags par gsol lo zhes de rnams dong nas rgyal po bu ram shing pa 'phags skyes po la ji ltar gyur pa smras pa dang rgyal pos smras pa/ shes ldan dag gzhon nu ches phu bor gyur pa rgyal srid la mngon par dga' ba rnams spangs te/ nu bo rgyal srid la 'jog pa de ni 'os pa ma yin no/ /lha don de la nges pa ma mchis te/ re shig btsun mo blangs la lha de dang lhan cig rtsed mo dang / dgyes pa dang dgyes dgur spyod par mdzod cig dang / de la khye'u btsa' bar 'gyur ram/ 'on te bu mor 'gyur ram/ ci ma mchis par 'gyur sus 'tshal/ rgyal pos smras pa/ shes ldan dag gal te de lta na deng la long shig /de rnams dong nas bsu ste/ ji tsam na rgyal po'i dpal gyi 'byor pa chen pos blangs nas de yang rgyal pos mngon par 'dod par gyur te/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las dus gzhan zhig na btsun mo sems can dang ldan par gyur to/ /de zla ba brgyad dam dgu 'das pa dang / khye'u gzugs bzang ba/ blta na sdug pa/ mdzes pa zhig btsas so/ /btsas nas de'i btsas pa'i btsas ston rgya cher byas te/ khye'u 'di'i ming cir gdags shes ming 'dogs par byed de/ blon po rnams kyis smras pa/ lha 'di ltar ma skyes pa nyid nas rgyal srid la mngon par dga' bas de'i slad du khye'u'i ming rgyal srid dga' zhes bya bar btags so/ /khye'u rgyal srid dga' ma ma brgyad la rjes su gtad de zhes bya ba nas rdzing na gnas pa'i pad ma bzhin du myur du skyed par byed do zhes bya ba'i bar gong ma bzhin du'o/ /de rgyal tshab kyi rgyal srid la ma bzhag pa de de'i zhang po rgyal pos thos nas/ des de la pho nya btang ste/ tshig rtsub mo dang bcas pa'i spring yig spring ba khyod kyis sngon khas blangs shing dam bcas pa bzhin gal te byed na de lta na legs/ gal te de ltar ma byas na khyod kyi mthu dang brtson 'grus kyi pha rol gnon pa gang yin pa des sdod cig /kho bo der 'ongs nas yul 'khor bur mar brlag go/ /rgyal po de mthu chen po dang ldan pa des thos nas skrag ste blon po rnams bsogs nas smras pa/ shes ldan dag nga la rgyal po des 'di skad ces spring na de la ji ltar bsgrub par bya/ de rnams kyis smras pa/ lha rgyal srid dga' rgyal tshab tu dbang bskur lags mod/ des smras pa/ shes ldan dag gzhon nu ches phu bor gyur pa rgyal srid la mngon par dga' ba rnams spangs te nu bo rgyal srid kyi dbang bskur ba 'di ni 'os pa ma yin no/ /de rnams kyis smras pa/ lha rgyal po de ni stobs dang bzhon pa rgya che bas gal te 'dir mchis na gdon mi 'tshal bar yul bur mar rlog pa gang lags pa'i gnas de mchis pas rgyal srid dga' rgyal tshab kyi dbang phyug la dbang bskur la gzhon nu de rnams ni spyug tu gsol/ rgyal pos smras pa/ shes ldan dag skyon med cing gnod pa ma byas pa'i gzhon nu rnams ji ltar spyug /lha bdag cag ni blon po lags te/ lha la sman par bgyi ba lhur len pa lags pas skyon ma mchis pa dang / nongs pa ma bgyis pa yang spyug la/ skyon mchis pa dang nongs pa bgyis pa ni bzhag go/ /rgyal pos btang snyoms su bzhag nas cang mi smra bar 'dug go/ /blon po rnams tshogs nas phan tshun du gros bya bar brtsams pa/ shes ldan dag thabs shig bsham par bya ste/ des na rgyal po gzhon nu rnams la thugs byung bar gyur pa zhig bya'o zhes de nas de rnams kyis skyed mos tshal byi dor byas pa/ ri mo sna tshogs bris par shin du dri zhim po'i pog por nye bar bzhag /dar gyi chun phyang mang po btags/ me tog sna tshogs kyis dga' dga' ltar byas pa zhig byed du bcug go/ /de nas de rnams kyis blon po rnams kyis bskyed mos tshal de byi dor byed pa rgyang ring po nas mthong nas gzhon nu rgod bag can de rnams bskyed mos tshal gyi phyogs su dong ngo / /blon po rnams bskyed mos tshal byi dor byas nas sgor byung ba dang / gzhon nu rnams kyis dris pa/ 'di su'i bskyed mos tshal/ de rnams kyis smras pa/ lha'i lags so/ /de rnams slar log par brtsams pa dang / blon po rnams kyis smras pa/ gzhon nu rnams nang du zhugs shig /ci'i phyir slar ldog /de rnams kyis smras pa/ lha'i bskyed mos tshal yin na 'dir 'jug tu ga la rung / blon po rnams kyis smras pa/ lha 'am gzhon nu rnams rol pa 'di 'gal ba ci mchis de rnams nang du zhugs te rtse bar brtsams so/ /blon po rnams kyis rgyal po la smras pa/ lha bskyed mos tshal legs par byi dor bgyis lags kyis/ lha gzigs pa'i dus la bab lags so/ /rgyal po chas pa dang bskyed mos tshal na ku co'i sgra thos so/ /thos nas kyang blon po rnams la smras pa/ shes ldan dag bskyed mos tshal na ku co'i sgra grag na 'di na su zhig 'dug /blon po rnams kyis smras pa/ lha gzhon nu rnams so/ /gal te de lta na ngas gzhon nu rnams spangs so/ /blon po rnams kyis rkang pa gnyis la gtugs te smras pa/ lha bzod par mdzad cing gzhon nu rnams mi spang bar gsol/ rgyal pos smras pa/ de bzhin du bya'o zhes gzhon nu de rnams spyug par chas pa dang / rgyal po'i rkang pa gnyis la gtugs nas smras pa/ lha gal te de lta na bdag cag 'khor gyi skye bo mang po dang lhan cig mchi na de ci nas kyang mi dgag pa de ltar bka' stsal ba'i rigs so/ / rgyal pos bsgo nas de rnams chas pa na/ de rnams la dga' ba'i pho brang 'khor gyi mi skye bo'i tshogs chen po dang de rnams lhan cig chas te zhag bdun grong khyer gru 'dzin gyi sgo phye nas skye bo'i tshogs rgyus so/ /blon po rnams kyis rgyal po la smras pa/ lha gal te grong khyer gyi sgo ma bkum na ring po mi thogs par gru 'dzin stongs par 'gyur ro/ /gal te de lta na sgo chod cig /de nas gzhon nu de rnams rang rang gi sring mo khrid nas mthar gyis ri bo gangs ri dang nye ba chu bo skal ldan shing rta'i 'gram/ drang srong ser skya'i bsti gnas dang ha cang yang mi ring ba zhig tu phyin nas/ de rnams kyis der lo ma'i spyil po dag byas te gnas btab ste ri dgas bsad cing bsad nas 'tsho bar byed cing dus gsum du drang srong ser skya'i bsti gnas su dong bar byed do/ /lang tsho dang dar la bab pa'i dregs pas zin pas 'dod chags kyis shin du nyen te sha bri ngan pa skya bo bseng bseng por gyur to/ /ji tsam dus gzhan zhig na drang srong ser skyas de lta bu mthong nas dris pa/ khyed cag ci'i phyir skya bo bseng bseng por gyur/ de rnams kyis smras pa/ drang srong chen po bdag cag 'dod pa'i 'dod chags kyis shin du nyen pas so/ /des smras pa/ rang rang gi sring mo spongs la/ mas dben gyi sring mo rnams dang lhan cig 'dug shig /drang srong chen po bdag cag gis de lta bu bgyir rung ngam/ shes ldan dag 'di ltar rgyal rigs rgyal srid stor ba rnams kyis rung ngo / /de na de rnams drang srong gi tshig ni tshad ma yin no snyam nas 'dod pa'i 'dod chags kyis nyen pas dga' ba dang mgu ba skyes te mas dben gyi sring mo rnams dang lhan cig rtse bar byed/ dga' bar byed/ dga' mgur spyod par byed do/ /de rnams dang de dag lhan cig rtse bar byed/ dga' bar byed/ dga' mgur spyod par byed pa na bu pho dang bu mo dag btsas te de rnams chen por gyur pa dang / bsam gtan gyi tsher ma ni sgra yin pas drang srong ser skya'i sems rtse gcig pa nyid du ma btub nas des smras pa/ shes ldan dag mthong zin gyis kho bo gzhan du 'gro'o/ / drang srong chen po ci'i phyir/ bsam gtan gyi tsher ma ni sgra yin pas sems rtse gcig pa nyid du mi btub pas so/ /drang srong chen po khyod 'di nyid na bzhugs shig /bdag cag gzhan du mchi na 'on kyang sa'i phyogs shig bdag la phog shig /shes ldan dag rung ngo / /drang srong bdag nyid chen po de rnams ni 'dod pa bzhin yid la re ba 'grub pa yin pas des gser gyi bya ma bum blangs te chu'i rgyun gyis grong khyer gyi rnam pa dag bris nas de rnams kyis grong khyer brtsigs so/ /drang srong ser skyas de rnams kyi gnas kyi phyir gzhi yongs su btang bas ser skya'i gzhi ser skya'i gzhi zhes bya bar gyur to/ /de rnams der 'phel bar gyur pas skye bo'i tshogs chen por gyur te dog pas 'phel che bar ma gyur to/ /lha rnams kyi sems kyis de rnams kyi sems shes nas phyogs gzhan zhig bstan pa dang / de rnams der song ste grong khyer gcig shos brtsigs nas lhas bstan lhas bstan zhes bya bar gyur to/ /de nas de rnams tshogs shing 'dus nas phan tshun gros bya bar brtsams pa/ shes ldan dag gang gi phyir bdag cag spyugs pa ni rigs mnyam pa las chun ma blangs pa de las gyur gyis/ de lta bas na bdag cag las sus kyang rigs mnyam pa las chun ma blang bar mi bya ste gcig kho nas chog shes par bya'o/ /de rnams rigs mnyam pa gcig kho na las chung ma gcig len gyi rigs mnyam pa las chung ma gnyis pa ni mi len to/ /de nas dus gzhan zhig na rgyal po 'phags skyes po bu sdug pa rnams rjes su dran te blon po rnams la smras pa/ kye grong pa dag gzhon nu de rnams da lta gang na 'dug /de rnams kyis rgyal po la smras pa/ lhas nongs pa 'ga' zhig las spyugs pa las de rnams rang rang gi sring mo khrid de 'di nas mchis pa na gangs ri dang nye ba chu bo skal ldan shing rta'i 'gram/ drang srong ser skya'i bsti gnas dang ha cang yang mi ring ba zhig tu gnas btab ste/ rang rang gi sring mo spangs te mas dben gyi sring mo rnams dang lhan cig rtse bar bgyid/ dga' bar bgyid/ dga' mgur spyod par bgyid pa na bu pho dang bu mo dag btsas so/ /grong pa dag gzhon nu rnams kyis de ltar byed phod dam/ lha rngo thog lags so/ /de nas rgyal po bu ram shing pa 'phags skyes pos ro stod bsrang nas lag pa g.yas pa brgyang ste ched du brjod pas ched du brjod pa/ kye ma gzhon nu rnams ni phod pa yin no/ /kye ma gzhon nu rnams ni shin du phod pa yin no zhes sems can dbang chen pos tshig tu phyung ste/ kye ma gzhon nu rnams ni phod pa yin no/ /kye ma gzhon nu rnams ni shin du phod pa yin no zhes byas pas de rnams shAkya shAkya zhes bya bar gyur to/ /de nas dus gzhan zhig na rgyal po bu ram shing pa 'phags skyes po shi nas rgyal srid dga' rgyal srid la dbang bskur to/ /de yang bu med par shi nas skar mda' gdong rgyal srid kyi dbang phyug la dbang byed du bcug go/ /de yang bu med par shi nas lag rna rgyal por gyur to/ /de yang bu med par shi nas glang po che 'dul rgyal por gyur to/ /de yang bu med par shi nas rkang gdub can rgyal por gyur te/ de'i bu gnas 'jog go/ /gau ta ma dag gnas 'jog gi bu sa khyim mo/ /gau ta ma dag rgyal po sa khyim gyi bu dang / tsha bo dang / yang tsha dang / sum tsha'i rgyud rgyal po lnga khri lnga stong grong khyer ser skya'i gzhir byung ste/ de rnams kyi tha ma ni shing rta bcu pa dang / shing rta brgya pa dang / shing rta dgu bcu pa dang / shing rta khra bo dang / shing rta rgyal dang / brtan pa'i shing rta dang / gzhu bcu pa dang / gzhu brgya pa dang / gzhu dgu bcu pa dang / gzhu rgyal dang / gzhu bkra dang / gzhu brtan no/ /gau ta ma dag gzhu brtan la bu gnyis te/ seng ge'i 'gram dang / seng ge'i sgra'o/ /gau ta ma dag 'dzam bu'i gling gi gzhu thogs ji snyed yod pa de rnams kyi nang na ni seng ge'i 'gram mchog tu grags so/ /gau ta ma dag seng ge'i 'gram la bu bzhi ste/ zas gtsang dang / zas dkar dang / bre bo zas dang / tshad med zas so/ /bu mo gtsang ma dang / dkar mo dang / bre bo ma dang / tshad med ma'o/ /zas gtsang la bu gnyis te/ bcom ldan 'das dang / tshe dang ldan pa dga' bo'o/ /zas dkar la bu gnyis te/ tshe dang ldan pa rgyal dang / shAkya'i rgyal po bzang ldan no/ /bre bo zas la bu gnyis te/ ming chen dang / tshe dang ldan pa ma 'gags pa'o/ /tshad med zas la bu gnyis te/ tshe dang ldan pa kun dga' bo dang / lha sbyin no/ /gtsang ma'i bu ni legs par rab sad do/ /dkar mo'i bu ni phreng ba can no/ /bre mo ma'i bu ni bzang len no/ /tshad med ma'i bu dge 'phel lo/ /bcom ldan 'das kyi sras ni sgra gcan zin yin te/ gau ta ma dag mang pos bkur ba'i rgyud tshe dang ldan pa sgra gcan zin du rdzogs/ srid pa'i breng rgyun chad/ skye ba'i 'khor ba zad de/ da ni yang srid pa med do/ /de nas bcom ldan 'das kyis tshe dang ldan pa maud gal gyi bu chen po'i gtam rdzogs par mkhyen nas bzhengs te bzhugs so/ /bzhugs nas tshe dang ldan pa maud gal gyi bu chen po la bka' stsal pa/ maud gal gyi bu legs so/ /legs so/ /maud gal gyi bu khyod kyis dge slong rnams kyi mdun du shAkya rnams kyi sngon gyi rigs rgyud las brtsams nas chos kyi gtam smras pa yang khyod legs so/ /maud gal gyi bu yang khyod kyis shAkya rnams kyi sngon gyi rigs rgyud las brtsams te chos kyi gtam rtag tu smros shig dang / des na de rnams la yun ring po'i don dang / phan pa dang / bde bar 'gyur ro/ /de nas bcom ldan 'das kyis dge slong rnams la bka' stsal pa/ dge slong dag khyed kyis sngon gyi shAkya rnams kyi rigs rgyud las brtsams pa'i chos kyi gtam chongs shig /zung shig /lhogs shig /de ci'i phyir zhe na/ dge slong dag /shAkya rnams kyi sngon gyi rigs rgyud las brtsams pa'i chos kyi gtam ni don dang ldan/ chos dang ldan pa nas/ tshangs par spyod pa'i bar dang ldan pa yin te/ dge slong dag rigs kyi bu dad pas rab tu byung bas shAkya rnams kyi sngon gyi rigs rgyud las brtsams pa'i chos kyi gtam gzung zhing klag pa'i rigs so/ /de nas ser skya'i gzhi'i shAkya rnams bcom ldan 'das kyis gsungs pa la mngon par dga' ste rjes su yid rang nas/ bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas dong ngo / /de'i tshe grong khyer ser skya'i gzhi na rgyal po seng ge'i 'gram zhes bya ba rgyal srid byed du 'jug ste/ 'byor pa dang / rgyas pa dang / bde ba dang / lo legs pa/ skye bo dang / mi mang pos gang ba/ 'thab pa dang / 'thab mo dang / rtsod pa dang / 'gyed pa dang / chom rkun med cing nad rab tu zhi bar gyur pa/ 'bras dang bu ram shing gi phreng ba dang ba lang dang / ma he phun sum tshogs pa na bu gcig pa la sdug pa bzhin du rgyal srid skyong bar byed do/ /grong khyer lhas bstan du rgyal po legs par rab sad ces bya ba rgyal srid byed du 'jug ste/ 'byor pa dang rgyas pa dang / bde ba dang / lo legs pa/ skye bo dang / mi mang pos gang ba/ 'thab pa dang / 'thab mo dang / rtsod pa dang / 'gyed pa dang / chom rkun med cing nad rab tu zhi bar gyur pa/ 'bras dang / bu ram shing gi phreng ba dang / ba lang dang / ma he phun sum tshogs pa na bu gcig pa la sdug pa bzhin du rgyal srid skyong bar byed do/ /rgyal po legs par rab sad kyi btsun mo dam pa gzugs bzang ba/ blta na sdug pa/ mdzes pa yul gyi bzang mo lum bi ni zhes bya ba yod do/ /lhas bstan na khyim bdag phyug cing nor mang ba longs spyod che ba yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas pa de'i kun dga' ra ba me tog phun sum tshogs pa dang / 'bras bu phun sum tshogs pa dang / chu phun sum tshogs pa dang / bya sna tshogs skad 'byin pas de'i kun dga' ra ba dga' dga' ltar 'dug pa der rgyal po dus dus su btsun mo'i 'khor dang lhan cig lhags nas de na dga' ba'i rtsed mo nyams su myong bar byed do/ /lum bi nis de mthong nas 'dod pa skyes te/ des smras pa/ lha kun dga' ra ba 'di bdag la stsal du gsol/ rgyal pos smras pa/ kun dga' ra ba 'di khyim bdag gi yin na ji ltar sbyin/ gal te khyod la kun dga' ra ba dgos na khyod kyi phyir de bas lhag par bzang ba gzhan zhig bya'o/ /de nas rgyal po legs par rab sad kyis lum bi ni'i ched du de bas khyad par du 'phags pa'i kun dga' ra ba zhig byed du bcug nas de'i ming lum bi ni'i tshal zhes bya bar gyur to/ / rgyal po seng ge'i 'gram la yun ring po nas kye ma'o bdag gi rgyud la 'khor los sgyur ba skye bar gyur kyang ci ma rung snyam pa'i bsam pa 'di yod do/ /rgyal po legs par rab sad la yang yun ring po nas kye ma'o bdag ni seng ge'i 'gram dang lhan cig gnyen du gyur kyang ci ma rung snyam pa'i bsam pa 'di yod do/ /ji tsam dus gzhan zhig na de btsun mo dang lhan cig rtse bar byed/ dga' bar byed/ dga' mgur spyod par byed pa las dus gzhan zhig na btsun mo sems can dang ldan par gyur nas de zla ba brgyad dam dgu 'das pa na bu mo gzugs bzang zhing blta na sdug pa/ / mdzes pa/ yan lag dang nying lag thams cad dang ldan pa zhig btsas so/ /btsas pa de'i gzugs bzang pos rgyal po legs par rab sad btsun mo 'khor dang bcas pa dang / lhas bstan na gnas pa'i skye bo'i tshogs rnams mchog tu ngo mtshar skyes te/ the tshom du gyur nas ci 'di bu mo yin nam/ 'on te las sna tshogs sprul pa'i sgyu 'phrul yin snyam mo/ /de'i btsas pa'i btsas ston nyi ma bdun gsum nyi shu gcig tu rgya cher byas nas bu mo 'di'i ming cir gdags shes ming 'dogs par byed do/ /blon po rnams kyis smras pa/ lha lhas bstan na gnas pa'i skye bo'i tshogs lam po che dang / tshong dus dang / bzhi mdo dang / sum mdo rnams su gleng ba kha cig gi mchid nas ni 'di bu mo kho na lags te sngon gyi las kyi rnam par smin pas gzugs bzang zhing kha dog phun sum tshogs par gyur to zhes mchi'o/ /gzhan dag gi mchid nas ni 'di bu mo ma lags kyi/ 'o na ci zhe na/ las sna tshogs pas sprul pa'i sgyu 'phrul lags so zhes mchi lags pas de bas na bu mo'i ming sgyu 'phrul zhes gdags so zhes de'i ming sgyu 'phrul zhes btags so/ /bu mo sgyu 'phrul ma ma brgyad la rjes su gtad de zhes bya ba nas chen mor gyur to zhes bya ba'i bar gong ma bzhin du'o/ /de la mtshan mkhan rnams kyis lung bstan pa mtshan phun sum tshogs pa du ma dang ldan pa'i bu zhig btsa' bar 'gyur zhing stobs kyi 'khor los sgyur ba'i rgyal por 'gyur ro zhes bstan to/ /yang de rtse bar byed/ dga' bar byed/ dga' mgur spyod par byed pa las bu mo gzugs bzang ba/ blta na sdug pa/ mdzes pa/ kha dog bzang mo rgyas pa mchog dang ldan pa zhig btsas so/ /de btsas pa na grong khyer de dag thams cad snang ba rgya chen pos snang bar byas te/ sgyu 'phrul la ji lta ba bzhin du de'i gzugs bzang ba rnam pa thams cad du dpyad par mi nus so/ /de'i btsas pa'i btsas ston yang rgya cher byas nas bu mo 'di'i ming cir gdags shes ming 'dogs par byed de/ /blon po rnams kyis smras pa/ sgyu 'phrul bas 'di lhag par gzugs bzang bas de bas na sgyu 'phrul chen mo zhes bgyi bar gdags so zhes btags so/ /de yang bskyed bsrings nas chen mor gyur pa dang de la mtshan mkhan rnams kyis lung bstan pa/ skyes bu chen po'i mtshan sum bcu rtsa gnyis dang ldan pa zhig btsa' bar 'gyur te/ de ni 'khor los sgyur ba'i rgyal por 'gyur ro zhes bstan to/ /rgyal po legs par rab sad kyis rgyal po seng ge'i 'gram la pho nya btang ste/ bdag la bu mo gnyis shig btsa' ba ni sgyu 'phrul dang / sgyu 'phrul chen mo lags te/ de la gcig la ni mtshan thams cad phun sum tshogs pa'i bu zhig btsa' bar 'gyur zhing de ni stobs kyi 'khor los sgyur ba'i rgyal por 'gyur ro zhes lung bstan to/ /gcig shos la ni skyes bu chen po'i mtshan sum bcu rtsa gnyis kyis brgyan pa'i bu zhig btsa' bar 'gyur zhing de ni 'khor los sgyur ba'i rgyal por 'gyur ro zhes lung bstan gyis/ 'di gnyis las gang bzhed pa gzhon nu zas gtsang gi chung mar snoms shig seng ge 'gram gyis slar spring ba/ gnyis ka yang gzhon nu la dgos mod kyi/ 'on kyang chung ma 'dra ba gnyis gcig la gzhag par mi bya bas gang la skyes bu chen po'i mtshan sum bcu rtsa gnyis kyis brgyan pa'i bu btsa' bar 'gyur zhing de yang 'khor los sgyur ba'i rgyal por 'gyur ro zhes lung bstan pa re shig 'dod do/ /cig shos kyang tshogs la brtag par bya'o/ /des de 'khor lnga brgya dang bskri'o/ /de'i tshe shAkya rnams kyi phyir rgol ba skya bseng zhes bya ba ri khrod pa dag cig yod nas shAkya rnams 'dus te rgyal po seng ge 'gram gyi drung du song nas lha skya bseng ri khrod pa bdag cag la gnod pa bgyid kyis grogs mdzad du gsol/ des smras pa/ shes ldan dag kho bo rgas pas de rnams dang lhan cig g.yul sprad par mi nus so/ /lha gzhon nu zas gtsang gtang du gsol/ dam zhig bca' ste/ gal te gzhon nu ji lta bu 'dod pa'i dam pa gcig bslangs pa de sbyin pa lta na gtong ngo / / de rnams kyis smras pa/ lha bka' bzhin 'tshal stsal bar bgyi'o/ /rgyal pos dpung gi tshogs yan lag bzhi pa gzhon nu zas gtsang la gtad nas/ des ri khrod pa de rnams bcom rab tu bcom ste rmeg bta'o/ /de nas shAkya rnams mgu nas rgyal po seng ge 'gram gyi drung du dong ste/ lha gzhon nus ri khrod pa rnams bcom rab tu bcom ste rmeg bta' lags pas bdag cag glo ba dga' na gzhon nu mchog ci bzhed gsungs shig dbul lo/ /shes ldan dag shAkya rnams kyi khrims su bca' ba sus kyang mnyam pa las chun ma gzhag par mi bya'o zhes bcas so/ /lha ci khrims dral lam/ des smras pa/ lhag par shin du bsdam gyi dral bar mi bya na/ 'on kyang gzhon nu'i dam pa gcig slong ba ni mnyam pa las chun ma blang ba yin no/ /lha rung gis de bzhin du mdzod cig /de nas seng ge 'gram gyis legs par rab sad la pho nya btang nas kho bos tshogs la brtags zin gyis/ bu mo cig shos kyang dkri shig /des de yang 'khor lnga brgya dang dkri ste gzhon nu zas gtsang gis gnyis ka blangs so/ /ji tsam na dus gzhan zhig na rgyal po seng ge 'gram shi nas ser skya'i gzhi na rgyal po zas gtsang rgyal srid byed du 'jug ste/ 'byor pa dang / rgyas pa dang / bde ba dang / lo legs pa/ skye bo dang / mi mang pos gang ba/ 'thab pa dang / rtsod pa dang / 'gyed pa dang / chom rkun med cing nad rab tu zhi bar gyur pa/ 'bras dang / bu ram shing gi phreng ba dang / ba lang dang / ma he phun sum tshogs pa na bu gcig pa la sdug pa bzhin rgyal srid skyong bar byed do/ /des dus gzhan zhig na btsun mo sgyu 'phrul chen mo dang / lhan cig steng gi khang bzangs kyi gzhi skyes pa med par dong nas rol mos rtse bar byed/ dga' bar byed/ dga' mgur spyod par byed do/ /'di ni chos nyid yin te/ byang chub sems dpa' dga' ldan gyi gnas na bzhugs pa na 'jig rten la gzigs pa lngas gzigs par mdzad de/ rigs la gzigs pa dang / yul la gzigs pa dang / dus la gzigs pa dang / rgyud la gzigs pa dang / bud med la gzigs pa'o/ /byang chub sems dpa' rnams rgyu gang gis rigs la gzigs par mdzad ce na/ byang chub sems dpa' dga' ldan gyi gnas na bzhugs pa ni 'di snyam du dgongs te/ byang chub sems dpa' rnams rigs ji lta bu zhig tu nying mtshams sbyor ba len snyam na/ bram ze'i rigs sam/ rgyal rigs kyi rigs su yin la/ de la res 'ga' ni bram ze'i rigs btsun par bkur/ res 'ga' ni rgyal rigs te/ da lta ni rgyal rigs btsun par bkur bar gzigs nas/ ma la bdag la gzhan dag byang chub sems dpas rigs ngan par nying mtshams sbyor ba blangs so zhes gzhi 'dis kha zer bar mi 'gyur bar bdag gis rgyal rigs su nying mtshams sbyor ba blang bar bya'o snyam mo/ /'di ltar byang chub sems dpas thogs ma med pa'i dus nas smad par mi 'gyur ba'i las byas shing bsags pa dang / sangs rgyas bcom ldan 'das rnams ni chos bshad pa 'bras bu med pa ma yin pas rgyu 'dis na byang chub sems dpa' rnams rigs la gzigs par mdzad do/ /byang chub sems dpa' rnams rgyu gang gis yul la gzigs par mdzad ce na/ byang chub sems dpa' dga' ldan gyi gnas na bzhugs pa ni 'di snyam du dgongs te/ byang chub sems dpa' rnams yul ji lta bu zhig tu nying mtshams sbyor ba len snyam na/ 'bras dang / bu ram shing dang / ba lang dang / ma he phun sum tshogs pa/ slongs mo pa brgya 'du ba/ mtha' 'khob kyi skye bo med pa/ dbus pa'i skye bo gnas pa'i yul yin par gzigs nas 'di snyam du dgongs te/ yul dbus 'di ni bu ram shing gi phreng ba dang / 'bras dang / bu ram shing dang / ba lang dang / ma he phun sum tshogs pa/ slongs mo pa brgya 'du ba/ mtha' 'khob kyi skye bo med pa/ dbus pa'i skye bo gnas pa yin gyis ma la bdag la gzhan dag byang chub sems dpa' yul 'tha' 'khob rnams su nying mtshams sbyor ba blangs so zhes gzhi 'dis kha zer bar mi 'gyur bar bdag gis yul dbus su nying mtshams sbyor ba blang bar bya snyam mo/ /'di ltar byang chub sems dpas thog ma med pa'i dus nas smad par mi 'gyur ba'i las byas shing bsags pa dang / sangs rgyas bcom ldan 'das rnams ni chos bshad pa 'bras bu med pa ma yin pas rgyu 'dis na byang chub sems dpa' rnams yul la gzigs par mdzad do/ /byang chub sems dpa' rnams rgyu gang gis dus la gzigs par mdzad ce na/ byang chub sems dpa' dga' ldan gyi gnas na bzhugs pa ni 'di snyam du dgongs te/ byang chub sems dpa' rnams dus ji lta bu zhig du 'dzam bu'i gling du nying mtshams sbyor ba len snyam na/ skye dgu'i tshe lo yar skye ba na brgyad khri thub pa yan chad nying mtshams sbyor ba mi len la mi rnams kyi tshe lo mar 'grib pa na brgya thub pa man chad nying mtshams sbyor ba mi len no/ /byang chub sems dpa' rgyu gang gis mi rnams kyi tshe lo brgyad khri thub pa yan chad nying mtshams sbyor ba len par mi mdzad ce na/ mi rnams tshe lo brgyad khri thub pa na yid 'byung bar dka' zhing skyo bar bya bar dka' la/ blun zhing dbang po rtul ba dang / bag med cing bde ba mang bas bden pa rnams kyi snod du mi 'gyur ba'i phyir ro/ /mar 'grib pa lo brgya man chad du yang snyigs ma lnga po 'di lta ste/ tshe'i snyigs ma dang / nyon mongs pa'i snyigs ma dang / sems can gyi snyigs ma dang / lta ba'i snyigs ma dang / dus kyi snyigs ma shas che ba yin pas bdag la gzhan dag byang chub sems dpas snyigs ma lnga shas che ba'i dus su nying mtshams sbyor ba blangs so zhes gzhi 'dis kha zer bar mi 'gyur ro snyam mo/ /'di ltar byang chub sems dpas thog ma med pa'i dus nas smad par mi 'gyur ba'i las byas shing bsags pa dang / sangs rgyas bcom ldan 'das rnams ni chos bshad pa 'bras bu med pa ma yin pas rgyu 'dis na byang chub sems dpa' rnams dus la gzigs pa yin no/ /byang chub sems dpa' rgyu gang gis rgyud la gzigs par mdzad ce na/ byang chub sems dpa' dga' ldan gyi gnas na bzhugs pa ni 'di snyam du dgongs te/ byang chub sems dpa' rnams rgyud ci 'dra ba zhig tu nying mtshams sbyor ba len snyam na/ rigs gang zhig btsun par bkur zhing ma mes dang pha mes zung bdun gyi bar spyod pa la skyon med pa yin par gzigs nas de 'di snyam du dgongs te/ shAkya'i rigs brgyud 'di ni btsun par bkur zhing mang pos bkur ba nas bzung ste spyod pa skyon med pa yin gyis ma la bdag la gzhan dag byang chub sems dpas rgyud ngan pa las nying mtshams sbyor ba blangs so zhes gzhi 'dis kha zer bar mi 'gyur bar bdag gis rgyal po zas gtsang gi rgyud du nying mtshams sbyor ba blang ngo snyam mo/ /'di ltar byang chub sems dpas thog ma med pa'i dus nas smad par mi 'gyur ba'i las byas shing bsags pa dang / sangs rgyas bcom ldan 'das rnams ni chos bshad pa 'bras bu med pa ma yin pas rgyu 'dis na byang chub sems dpa' rnams rgyud la gzigs par mdzad do/ /byang chub sems dpa' rnams rgyu gang gis bud med la gzigs par mdzad ce na/ byang chub sems dpa' dga' ldan gyi gnas na bzhugs pa na 'di snyam du dgongs te/ byang chub sems dpa' rnams bud med ci 'dra ba zhig gi rum du nying mtshams sbyor ba len snyam na/ bud med gang zhig gzugs bzang mo dang ldan pa/ tshul dang ldan pa/ rigs dang ldan pa/ rgod bag can ma yin la rigs 'phel bar 'gyur zhing sngon gyi sangs rgyas rnams la kye ma bdag sangs rgyas kyi yum du gyur cig ces smon lam btab pa dang / byang chub sems dpa' rum du zla ba bcur 'dzin nus pa dang / rang gi don yang nyams par mi byed pa yin par gzigs nas 'di snyam du dgongs te/ sgyu 'phrul chen mo 'di ni ma mes dang / pha mes zung bdun gyi bar spyod pa la skyon med cing gzugs dang ldan pa dang / tshul dang ldan pa dang / rgod bag can ma yin pa dang / rigs 'phel bar 'gyur ba dang / byang chub sems dpa' rum du zla ba bcur 'dzin nus pa dang / rang gi don yang mi nyams pa yin la/ 'di ltar sgyu 'phrul chen mos sngon sangs rgyas rnams la kye ma bdag sangs rgyas kyi yum du gyur cig ces smon lam btab pa yang yin pas bdag la gzhan dag byang chub sems dpa' mtshan ngan pa dang ldan pa'i bud med kyi rum du nying mtshams sbyor ba blangs so zhes gzhi 'dis kha zer bar mi 'gyur ro snyam mo/ /'di ltar byang chub sems dpas smad par mi 'gyur ba'i las byas shing bsags pa dang / sangs rgyas bcom ldan 'das rnams ni chos bshad pa 'bras bu med pa ma yin pas rgyu 'dis na byang chub sems dpa' rnams bud med la gzigs par mdzad do/ / de nas byang chub sems dpas gzigs pa lnga gzigs nas 'dod pa na spyod pa'i lha'i ris drug la lan gsum du bsgrags pa/ grogs po dag dga' ldan gyi lha'i ris 'di nas nga shi 'phos te mi rnams kyi nang du rgyal po zas gtsang gi chung ma dam pa'i rum du nying mtshams sbyor ba blangs la de'i bur gyur te bdud rtsi rtogs par byas/ khyod cag las gang dag bdud rtsi don du gnyer ba de phal cher yul dbus kyi mi rnams su nying mtshams sbyor ba long shig /de skad ces bka' stsal pa dang / dga' ldan gyi ris kyi lha rnams kyis byang chub sems dpa' la 'di skad ces gsol to/ /byang chub sems dpa' mkhyen par mdzod cig /da ltar 'jig rten ni sdig pas gos pa/ skye dgu ni ma rungs pa'i bsam pa can/ 'dzam bu'i gling rtog ge pa drug dang / rjes su sgrogs pa drug dang / snyoms par 'jug pa drug gis dkrugs pa lags so/ /de la rtog ge pa drug gang zhe na/ 'di lta ste/ 'od srung rdzogs byed dang / kun du rgyu gnag lhas kyi bu dang / smra 'dod kyi bu mo'i bu yang dag rgyal ba can dang / mi 'pham skra'i la ba can dang / kA t+yA'i bu nog can dang / gcer bu pa gnyen gyi bu'o/ /rjes su sgrogs pa drug gang zhe na/ 'di lta ste/ bram ze rgyus rgyal dang / bram ze gnas rdeg dang / bram ze bzang ldan dang / bram ze tshangs pa'i tshe dang / bram ze pad ma'i snying po dang / bram ze dmar po'o/ /snyoms par 'jug pa drug gang zhe na/ 'di lta ste/ rangs byed kyi bu lhag spyod dang / sgyu rtsal shes kyi bu ring du 'phur dang / kun du rgyu legs bzang dang / bram ze'i khye'u kun rgyal dang / drang srong ma bcings pa dang / lteng rgyas 'od srung ral pa can no/ /'dir ni chos mnyan pa'i slad du byang chub sems dpa'i gdan dpag tshad bcu gnyis pa bsham par bgyi zhing bdag cag 'di snyam du bdag cag la dga' ldan gyi gnas na byang chub sems dpa' bzhugs pas chos bshad de/ chos de bdag cag gis thos nas ci nas kyang bdag cag gi yun ring po'i don dang / sman pa dang / bde bar 'gyur ba de lta de ltar bsgrub par bgyi bar sems lags so/ /de skad ces smras pa dang / byang chub sems dpas dga' ldan gyi ris kyi lha rnams la 'di skad ces smras so/ /grogs po dag de'i phyir rol mo'i cha byad thams cad rdungs shig /dga' ldan gyi ris kyi lha rnams kyis rol mo'i cha byad thams cad brdungs pa dang byang chub sems dpas kyang dung bus te smras pa/ grogs po dag 'di la sgra lhag par gang che/ bcom ldan 'das dung gi sgra lags so/ /grogs po dag ji ltar dung gi sgras rol mo'i cha byad thams cad zil gyis mnan te/ gnas pa de bzhin du ngas kyang 'dzam bu'i gling du song la rtog ge ba drug dang / rjes su sgrogs pa drug dang / snyoms par 'jug pa drug zil gyis mnan nas bdud rtsi rtogs par byas te bdud rtsis 'gro ba tshim par bya'o/ /mi rtag pa'i dung 'bud par bya'o/ /stong pa nyid kyi rnga brdung bar bya'o/ /bdag med pa'i seng ge'i sgra bsgrags par bya'o zhes smras nas tshigs su bcad de smras pa/ seng ge gcig gis gcan gzan tshogs ni du ma 'joms/ /rdo rje gcig gis brag gi rtse mo du ma 'jig /brgya byin gcig gis lha ma yin dbang du ma 'joms/ /nyi ma gcig gis mun pa du ma rnam par sel/ /grogs po dag khyed cag las gang bdud rtsi don du gnyer ba de yul dbus kyi grong khyer chen po drug tu nying mtshams sbyor ba long shig /de nas lha rnams kyi dbang po brgya byin 'di snyam du sems te/ byang chub sems dpa' bcom ldan 'das 'di ni btsun mo sgyu 'phrul chen mo'i lhums su nying mtshams sbyor ba len par bzhed kyis/ ma la bdag gis de la gzi brjid bsgrub par bya/ lhums kyang sbyang bar bya'o snyam nas/ lha rnams kyi dbang po brgya byin gyis btsun mo sgyu 'phrul chen mo la gzi brjid bsgrubs shing lhums kyang gtsang mar byas so/ /de nas byang chub sems dpa' dga' ldan gyi gnas na bzhugs pa gzigs pa lngas gzigs te/ 'dod pa na spyod pa'i lha drug la lan gsum du bsgrags nas nam gyi gung thun la glang po cher bstan te/ btsun mo sgyu 'phrul chen mo'i lhums su zhugs so/ /smras pa/ 'gro ba yongs su bskyab phyir dam bzhes nas/ /lha rnams la bsgo de nas shi 'phos te/ /nang par sprin rum nyi ma gsar 'char ltar/ /de ni bu ram shing pa'i lhums su zhugs/ /'di ltar sgyu 'phrul chen mo'i rmi lam bzhi rmis pa/ glang po che dam pa dkar po mche ba drug pa zhig bdag gi rum dral nas zhugs pa dang / steng gi nam mkha' la 'gro ba dang / ri brag chen po la 'dzeg pa dang / bdag la skye bo'i tshogs chen po phyag byed pa'o/ /des rgyal po zas gtsang la smras pa dang / rgyal pos blon po rnams la bsgo ba/ shes ldan dag rmi lam ston mkhan dang / mtshan mkhan gyi bram ze rnams khug shig /de dag gis rmi lam ston mkhan dang / mtshan mkhan gyi bram ze rnams bkug pa dang / de nas rgyal pos de rnams la rmi lam bsnyad pa las/ de rnams kyis smras pa/ lha bstan bcos las ji ltar g.yar sngar bab pa dang sbyar na sras skyes bu chen po'i mtshan sum bcu rtsa gnyis kyis brgyan pa zhig bltam par 'gyur te/ gal te khyim pa khyim na gnas par gyur na 'khor los sgyur ba'i rgyal por 'gyur ro/ /gal te skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung bar gyur na/ de bzhin gshegs pa dgra bcom pa yang dag par rdzogs pa'i sangs rgyas shes bya bar 'jig rten du sgra rnam par grags par 'gyur ro/ / bar sdom la/ 'chi 'pho lha dang rin po che/ /zur brgyad dub dang brtul zhugs brtan/ /chos nyid kyis gang gi tshe byang chub sems dpa' dga' ldan gyi lha'i ris nas shi 'phos te yum gyi lhums su zhugs pa de'i tshe sa chen po 'di shin du g.yos par gyur/ 'jig rten 'di thams cad snang ba rgya chen pos gsal bar gyur cing 'jig rten na 'jig rten gyi bar gyi mun pa mun gnag smag tu gyur pa gang du nyi ma dang zla ba 'di ltar rdzu 'phrul che ba/ 'di ltar mthu che ba dag gis kyang 'od kyis snang bar mi nus pa de dag kyang de'i tshe snang ba rgya chen pos gsal bar gyur to/ /der sems can gang dag skyes pa de dag rang gi lag pa brkyang ba yang mi mthong ba las de rnams snang ba des sems can gcig gis gcig mthong nas shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so shes bya bar shes so/ /chos nyid kyis gang gi tshe byang chub sems dpa' bcom ldan 'das yum gyi lhums su zhugs pa de'i tshe lha rnams kyi dbang po brgya byin gyis de la mi 'am mi ma yin pa sus kyang 'tshe bar mi 'gyur bar lha'i bu bzhi yum gyi srungs mar 'jog pa ni lag na ral gri dang / lag na mdung dang / lag na mdung thung dang / lag na mda' bo che'o/ /chos nyid kyis gang gi tshe byang chub sems dpa' yum gyi lhums na zhugs pa ni mdzod kyi nang du rdzas bzhag pa bzhin du mngal gyi dri ma dang / sha ma'i dri ma dang / khrag gi dri ma dang / mi gtsang ba gang yang rung ba sna tshogs kyis ma sbags so/ /dper na nor bu rin po che ka shi'i ras kyis mi gos pa dang / ka shi'i ras kyang nor bu rin po ches mi gos pa de bzhin du/ gang gi tshe byang chub sems dpa' yum gyi lhums na bzhugs pa na mdzod kyi nang du rdzas bzhag pa bzhin du mngal gyi dri ma dang / sha ma'i dri ma dang / khrag gi dri ma dang / mi gtsang ba gang yang rung ba sna tshogs pas ma sbags so/ /chos nyid kyis gang gi tshe byang chub sems dpa' bcom ldan 'das yum gyi lhums su zhugs pa de'i tshe yum gyi lhums na de dag thams cad yongs su rdzogs pas bzhugs pa mthong ngo / /dper na nor bu rin po che ni bai dUr+ya zur brgyad pa bzang po'i rigs dang ldan pa/ dang ba/ gsal ba/ dri ma med pa tshon skud sna lnga sngon po dang / ser po dang / dmar po dang / dkar po dang / le brgan la brgyus pa de skyes bu mig dang ldan pas mthong na 'di ni skud pa'o/ /'di ni nor bu'o/ /skud pa 'di la nor bu brgyus pa yin no zhes shes pa de bzhin du/ byang chub sems dpa' bcom ldan 'das gang gi tshe yum gyi lhums na bzhugs pa de'i tshe yum gyi lhums na de thams cad yongs su rdzogs pas bzhugs pa mthong ngo / /chos nyid kyis gang gi tshe byang chub sems dpa' bcom ldan 'das yum gyi lhums na bzhugs pa de'i tshe de'i yum 'di lta ste/ byang chub sems dpa' 'dzin pas ngal ba 'am lus dub par 'gyur ba med do/ / chos nyid kyis gang gi tshe byang chub sems dpa' bcom ldan 'das yum gyi lhums na bzhugs pa de'i tshe yum deng phan chad ji srid 'tsho'i bar du brtul zhugs lnga'i gzhi blangs par gyur te/ ji srid 'tsho'i bar du srog gcod pa spangs te/ srog gcod pa las slar ldog go/ /ma byin par len pa dang / mi tshangs par spyod pa dang / brdzun du smra ba dang / sbyar ba'i chang dang / 'bru'i chang myos par 'gyur ba bag med pa'i gnas spangs te/ sbyar ba'i chang dang 'bru'i chang myos par 'gyur ba bag med pa'i gnas las slar ldog par byed do/ /srog mi gcod dang ma byin mi len dang / /brdzun du mi smra chang la mi brkam dang / /'khrig pa'i mi tshangs spyod pa spong ba 'di/ /'di ni don grub yum gyi chos nyid yin/ chos nyid kyis gang gi tshe byang chub sems dpa' bcom ldan 'das yum gyi lhums su bzhugs pa de'i tshe de'i yum 'di lta ste/ skyes pa rnams la 'dod pa dang ldan pa'i yid gtod pa med do/ /nyon mongs rnams la chags par mi 'gyur zhing / / de ni 'dod rgyus sems gdungs mi 'gyur la/ /de yum 'dod pa'i yon tan ldan pa yi/ /skyes pa rnams la sems ni gtod pa med/ /sgyu 'phrul chen mo 'dod pa skyes pa/ kye ma bdag gis rgya mtsho chen po bzhi'i chu btung ngo snyam nas des rgyal po zas gtsang la smras pa dang / rgyal po zas gtsang gis mtshan mkhan rnams la smras pa/ ci'i phyir btsun mo 'di 'di lta bu'i 'dod pa skye/ mtshan mkhan rnams kyis smras pa/ lha btsun mo la sras skyes bu chen po'i mtshan sum bcu rtsa gnyis kyis sku brgyan pa zhig bltam par 'gyur te/ de rab tu byung nas shes bya'i mtsho mtha' dag 'thung bar 'gyur ro zhes lung bstan to/ /rgyal pos smras pa/ gal te 'di la mtsho chen po'i chu ma blud na cir 'gyur/ sras yan lag ma tshang ba zhig btsas par 'gyur ro/ /rgyal pos smras pa/ nga ming zas gtsang ma zhes bya ba'i bu yan lag ma tshang bar bya 'am/ de'i tshe grong khyer ser skya'i gzhi na kun du rgyu mig dmar zhes bya ba mig 'phrul la byang ba zhig 'dug pa de rgyal pos bkug nas bsgo ba dang / des de steng gi khang bzangs kyi gzhi na 'dug pa la rgya mtsho chen po bzhi bstan te chu blud pa dang / de'i 'dod pa skyes pa gang yin pa de dang bral bar gyur to/ /gzhan yang de'i 'dod pa skyes pa/ kye ma btson thams cad thar bar bya'o snyam pa dang / rgyal pos btson thams cad thar bar byas nas/ de'i 'dod pa skyes pa gang yin pa de dang bral bar gyur to/ /gzhan yang de'i 'dod pa skyes pa/ kye ma sbyin pa dag sbyin/ bsod nams dag bya'o snyam pa dang / rgyal pos sbyin pa dag byin/ bsod nams dag byas nas de'i 'dod pa skyes pa gang yin pa de dang bral bar gyur to/ /gzhan yang de'i 'dod pa skyes pa/ kye ma bdag gis bskyed mos tshal blta'o snyam pa dang / rgyal pos bskyed mos tshal bstan nas de'i 'dod pa skyes pa gang yin pa de dang bral bar gyur to/ /gzhan yang de'i 'dod pa skyes pa/ kye ma bdag bskyed mos tshal du 'dug par bya'o snyam pa dang / rgyal po legs par rab sad la lum bi ni'i tshal zhes bya ba'i bskyed mos tshal yod nas de la rgyal po zas gtsang gis spring ba/ khyod kyi bu mo bskyed mos tshal du 'gro bar 'dod kyis bskyed mos tshal byi dor byos shig /des zho shas 'tsho ba dag la bsgo ba/ shes ldan dag bskyed mos tshal byi dor byos shig /de rnams kyis bskyed mos tshal byi dor byas so/ /de nas de 'khor rnams dang lhan cig dong ngo / /de nas des lum bi ni'i tshal du 'chag pa na shing mya ngan 'tshang me tog shin du rgyas pa zhig mthong ste/ de bltam par 'dod nas de la bzung ste 'dug pa dang / lha rnams kyi dbang po brgya byin gyis bsams pa/ byang chub sems dpa'i yum ni ngo tsha shes pa dang ldan pas skye bo'i tshogs chen pos bskor na bltam mi phod kyis thabs shig bsham par bya'o snyam nas des rlung dang char drag po cig sprul nas des skye bo'i tshogs de kun du bros so/ /de nas lha rnams kyi dbang po brgya byin gyis bdag nyid ma ma rgan mo'i cha byad du mngon par sprul nas btsun mo sgyu 'phrul chen mo'i mdun du bsdad pa dang / des bltam par brtsams so/ / byang chub sems dpa' bltam pa dang / brgya byin gyis lpags pa'i gleb mos bzung ngo / /de nas byang chub sems dpa' 'di snyam du dgongs te/ brgya byin 'di bdag gis byang chub sems dpa' blangs so zhes dregs par 'gyur bar mkhyen nas bdag nyid rdo rje'i skur byin gyis brlabs pa dang / lha rnams kyi dbang po brgya byin 'dar bar gyur to/ /byang chub sems dpas bka' stsal pa/ kau shi ka nga thong shig /thong shig /phar thong shig /chos nyid kyis gang gi tshe byang chub sems dpa' bcom ldan 'das bltam pa de'i tshe yang sa chen po 'di yang g.yos par gyur zhes bya ba nas shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so zhes bya ba'i bar gong ma bzhin du'o// // // 'dul ba gzhi　/ bam po brgyad bcu gnyis pa/ chos nyid kyis gang gi tshe byang chub sems dpa' bcom ldan 'das yum gyi lhums nas bltam pa na ral gri shubs nas phyung ba bzhin du mngal gyi dri ma dang / sha ma'i dri ma dang / khrag gi dri ma dang / mi gtsang ba gzhan dang gzhan sna tshogs kyis ma gos so/ /chos nyid kyis gang gi tshe byang chub sems dpa' bcom ldan 'das yum gyi lhums nas bltam pa de'i tshe de'i yum mi 'dug mi nyal 'greng bzhin du rgyal rigs ma des rgyal rigs bltam par byed do/ /chos nyid kyis byang chub sems dpa' bltam pa'i mod la sus kyang ma bzung bar phyogs bzhir gzigs nas gom pa bdun bdun 'dor zhing tshig tu yang gsungs pa/ 'di ni shar phyogs yin te/ mya ngan las 'das pa'i thog mar 'gro bar bya'o/ /'di ni lho phyogs yin te/ 'gro ba mtha' dag gi yon gnas su gyur par bya'o/ /'di ni nub phyogs yin te/ nga'i skye ba tha ma ni 'di yin par 'gyur ro/ /'di ni byang phyogs yin te/ srid pa'i mtsho las brgal bar bya'o/ /de'i dbu'i steng nas lha rnams gdugs dkar po dang / rnga yab nor bu'i yu ba can dag 'dzin to/ /chos nyid kyis byang chub sems dpa' bltam pa'i mod la bar snang las chu bsil ba gcig dang / chu dron po gcig ste chu gnyis kyi rgyun spyi gtsug gi steng du 'bab cing des byang chub sems dpa' khrus mdzad do/ /chos nyid kyis byang chub sems dpa' bltam pa'i mod la bskrun pa'i yum gyi mdun du chu mig chen po byung nas 'bab par gyur te/ de la de'i yum chus chu'i bya ba byed do/ /chos nyid kyis byang chub sems dpa' bltam pa'i mod la lhas bar snang las lha'i ut+pa la dang / pad ma dang / ku mu ta dang / pad ma dkar po dang / a ga ru'i phye ma dang / rgya spos kyi phye ma dang / tsan dan gyi phye ma dang ta ma la'i 'dab mas 'thor ro/ /lha'i me tog man dA ra bas kyang 'thor ro/ /lha'i sil snyan rnams kyis kyang sgra 'byin to/ /gos dag kyang 'thor bar byed do/ /bar sdom la/ bltam dang bzhengs dang gom pa bdun/ /chu rgyun gnyis dang chu mig lha/ /gang gi tshe byang chub sems dpa' bcom ldan 'das shAkya thub pa bltam pa de nyid kyi tshe rgyal po bzhi yang bu btsas te/ mnyan yod du rtsibs kyis 'phur tshangs sbyin gyi bu btsas pa na de 'di snyam du sems te/ bdag gi bu btsas pa na yul gsal ba gsal ba bzhin du snang bas de bas na 'di'i ming gsal rgyal zhes bya bar gdags so zhes btags so/ /rgyal po'i khab kyi grong khyer na rgyal po pad ma chen po'i bu btsas pa na de 'di snyam du sems te/ bdag gi bu btsas pa na 'jig rten nyi ma'i gzugs shar ba ltar snang zhing gzugs can ma'i bu yin pas 'di'i ming gzugs can snying po zhes bya bar gdags so zhes btags so/ /kau sham bi na rgyal po dmag brgya pa'i bu btsas pa na de 'di snyam du sems te/ bdag gi bu btsas pa na 'jig rten nyi ma shar ba ltar snang bar gyur pas 'di'i ming shar ba zhes bya bar gdags so zhes btags so/ /grong khyer 'phags rgyal du rgyal po mu khyud mtha' yas kyi bu btsas pa na de 'di snyam du sems te/ bdag gi bu btsas pa na 'jig rten sgron ma ltar snang bar gyur pas 'di'i ming rab snang zhes bya bar gdags so zhes btags te de ni de lta ma yin no/ /'on kyang de thams cad ni byang chub sems dpa'i mthu yin no/ /ri bo kun 'dzin la drang srong nyon mongs med ces bya ba 'jig pa la mkhas 'chags pa la mkhas pa zhig gnas te/ de'i tsha bo ni mes byin zhes bya'o/ /des de la dus dus su 'jig pa'i gtam dang 'chags pa'i gtam smras pas de de las rab tu byung ngo / /byang chub sems dpa' bcom ldan 'das bltam pa na 'jig rten thams cad snang ba rgya chen pos gsal bar gyur to/ /de'i tshe mes byin phug tu zhugs te bsam gtan byed pa na des snang ba de mthong nas nyon mongs med la smras pa/ mkhan po/ 'dir ni nyi ma thams cad dag /gcig char byung bar gyur tam ci/ /'di ltar ri ni phug bcas pa/ /'di ni 'od kyis gsal bar gyur/ /nyon mongs med kyis de la smras pa/ nyi ma'i 'od ni rgyun du rno/ /bu gcig snang ba 'di dag ni/ / yan lag reg na 'od bsil bas/ /nges par thub pa de yi 'od/ /byang chub sems dpa' 'od chen yin/ /nges par lhums nas bltam gyur la/ /bltam nas sems dpa' chen po de'i/ /'od zer gser dang 'dra ba ni/ /dri ma med pa 'di dag gis/ /'jig rten gsum ni snang bar byas/ /mes byin gyis smras pa/ mkhan po bdag byang chub sems dpa' ltar mchi'o/ /des smras pa/ bu da ltar byang chub sems dpa' dbang che ba dang / dbang che ba'i lha rnams kyis bskor zhing bzhugs pas gang yang bdag cag gis skabs mi rnyed pa'i gnas 'di yod do/ /gang gi tshe byang chub sems dpa' bcom ldan 'das ser skya'i gzhir byon nas de'i ming 'dogs pa de'i tshe bdag cag blta ba'i phyir 'dong ngo / /gang gi nyi ma kho na la byang chub sems dpa' bcom ldan 'das bltam pa de nyid kyi nyi ma kho na la rgyal po zas gtsang gi rim gro ba rnams las 'dun pa la sogs te lnga brgya dang / rim gro ma rnams las 'dun ma la sogs te lnga brgya btsas so/ /ba glang mo lnga brgya dang / rta rgod ma lnga brgya la yang 'brangs so/ /gter lnga brgya'i kha yang nye bar snang ngo / /khams kyi rgyal phran rnams kyis kyang dpya phul te/ blon po rnams kyis rgyal po zas gtsang la ji ltar gyur pa smras pa dang / rgyal pos bsams pa/ bdag gi bu btsas pa na don thams cad dang / las kyi mtha' thams cad yongs su rdzogs par gyur pas gzhon nu'i ming don thams cad grub pa zhes gdags so zhes de na byang chub sems dpa' la ming 'di thog mar btags te/ 'di lta ste don thams cad grub pa zhes bya'o/ /grong khyer ser skya'i gzhi na gnod sbyin shAkya 'phel zhes bya ba zhig gnyug mar gnas so/ /shAkya rnams kyi kun du spyod pa ni shAkya su yang rung ba la khye'u 'am bu mo btsas pa gang yin pa de gnod sbyin shAkya 'phel gyi rkang pa la phyag 'tshal du gzhug pa'i phyir khrid pa yin pas rgyal pos blon po rnams la bsgo ba/ shes ldan dag deng la gzhon nu gnod sbyin shAkya 'phel gyi rkang pa la phyag 'tshal du chug shig /lha bka' bzhin 'tshal zhes blon po rnams kyis rgyal po zas gtsang la mnyan nas rin po che sna bzhi las byas pa'i khyogs kyi steng du byang chub sems dpa' bzhag nas grong khyer ser skya'i gzhir 'jug par brtsams pa na/ ser skya'i gzhi'i shAkya gtum po gzu lums can/ rtsub pa/ btsam pa med pa de rnams byang chub sems dpa' nang du zhugs pa na thub pa bzhin du gnas pa blon po rnams kyis rgyal po la smras pa dang / rgyal po zas gtsang gis bsams pa/ ser skya'i gzhi'i shAkya 'di rnams ni gtum po gzu lums can btsam pa med pa yin na gzhon nu nang du zhugs pa na thub pa bzhin du gnas pas gzhon nu'i ming shAkya thub pa zhes gdags so zhes de na byang chub sems dpa'i ming gnyis pa btags pa 'di lta ste shAkya thub pa zhes bya'o/ /byang chub sems dpa' gnod sbyin shAkya 'phel gyi gnas dang nye ba zhig tu byon pa dang / gnod sbyin shAkya 'phel gyis byang chub sems dpa' gnas dang nye bar phyin pa mthong ngo / /mthong nas kyang phyir byung nas lus thams cad kyis byang chub sems dpa'i rkang pa gnyis la gtugs pa skye bo'i tshogs kyis rgyal po zas gtsang la smras pa/ lha gnod sbyin shAkya 'phel gyis byang chub sems dpa'i zhabs gnyis la gtugs lags so/ /rgyal pos thos nas smras pa/ shes ldan dag lhas kyang gzhon nu'i rkang pa gnyis la gtugs pas 'di ni lha'i yang lha yin pas/ de bas na gzhon nu'i ming lha'i yang lha zhes gdags so zhes de na byang chub sems dpa'i ming gsum pa btags pa 'di lta ste lha'i yang lha zhes bya'o/ /byang chub sems dpa' bltam pa'i mod la yab dang yum gyis ma ma rnams la gtad nas ma ma khyod kyis gzhon nu la dus dus su bsku mnye byos shig /dus dus su khrus byos shig /dus dus su zas byin cig /dus dus su yang dag pa'i bde bas bsnyen bkur byos shig / ma ma dga' ba'i lag pa gnyis kyis de blangs nas dus dus su bsku mnye byed/ dus dus su khrus byed/ dus dus su zas byin/ dus dus su yang dag pa'i bde bas bsnyen bkur byed do/ /yang de'i tshe dri shin du yid du 'ong ba'i ngo bo nyid gang yin pa de rnams kyis byugs shing / rgyan thams cad kyis brgyan nas yab zas gtsang la phul ba dang / rgyal po zas gtsang gis de blangs te pang du bzhag nas yang dang yang du rtog cing dga' ba skyed do/ /chos nyid kyis byang chub sems dpa' bltam pa'i mod la yab dang yum gyis mtshan mkhan dang ltas mkhan gyi bram ze rnams la nye bar ston pa yin pas shes ldan dag ji ga gzhon nu gang dag dang ldan pa'i skyes bu chen po'i 'gro ba gnyis su 'gyur gyi gzhan du ni ma yin te/ gal te khyim pa khyim na gnas par gyur na 'khor los sgyur ba'i rgyal po mtha' bzhir rnam par rgyal ba chos kyi rgyal po chos dang ldan pa rin po che sna bdun dang ldan par 'gyur te/ de'i rin po che sna bdun ni 'di lta bu dag 'byung ste 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa ni blon po rin po che'o/ /bu dpa' ba rtul phod pa yan lag mchog gi gzugs dang ldan pa/ pha rol gyi sde rab tu 'joms pa/ de rgya mtsho la thug pa'i sa chen po ma lus par gnod par sdo ba med cing 'tshe ba med pa 'di nyid chad pa med cing mtshon gyis bda' ba med la/ chos dang 'thun pas legs par phab te gnas par 'gyur ro/ / gal te skra dang kha spu bregs nas gos ngur smrig bgos te/ dad pa yang dag pa kho nas khyim nas khyim med par rab tu byung na/ de bzhin gshegs pa dgra bcom pa yang dag par rdzogs pa'i sangs rgyas zhes bya bar 'jig rten du sgra rnam par grags par 'gyur ba skyes bu chen po'i mtshan sum bcu rtsa gnyis dang ldan nam/ shes ldan dag gang dag dang ldan pa'i skyes bu chen po'i 'gro ba gnyis su 'gyur gyi gzhan du ni ma yin zhes bya ba nas snga ma bzhin du 'jig rten du sgra rnam par grags par 'gyur ro zhes bya ba'i bar gyi skyes bu chen po'i mtshan sum bcu rtsa gnyis po gang dag yin/ lha gzhon nu'i zhabs shin du gnas pa lags so/ /zhabs gnyis shin du gnas pa nyid kyis sa la mnyam par 'bab ste/ lha 'di ni gzhon nu'i skyes bu chen po'i mtshan lags so/ /de'i zhabs kyi mthil gyi ngos gnyis las 'khor lo rtsibs stong pa lte ba dang mu khyud du bcas pa rnam pa thams cad yongs su rdzogs pa mchis te/ lha 'di ni gzhon nu'i skyes bu chen po'i mtshan lags so/ /lha gzhon nu ni sor mo ring ba dang / zhabs kyi rting pa yangs pa dang / de'i phyag dang zhabs 'jam zhing gzhon sha chags pa lags te/ phyag dang zhabs 'jam zhing gzhon sha chags pa ni dper na shing bal gyi 'dab ma 'am ras bal gyi 'dab ma bzhin no/ /lha 'di ni gzhon nu'i skyes bu chen po'i mtshan lags so/ /lha gzhon nu ni phyag dang zhabs dra bas 'brel pa lags te/ de'i phyag dang zhabs dra bas 'brel ba ni dper na ngang pa'i rgyal po gzhon nu'i bzhin no/ /lha 'di ni skyes bu chen po'i mtshan lags so/ /lha gzhon nu ni zhabs long mo'i tshigs mi mngon pa dang / byin pa ri dgas e na ya'i lta bu dang / sku mdud pa dang / sku bzhengs bzhin du ma btud par phyag pus mo'i lha nga gnyis slebs shing reg pa ste/ lha 'di ni gzhon nu'i skyes bu chen po'i mtshan lags so/ /lha gzhon nu ni 'doms kyi sba ba sbubs su nub pa lags te/ de'i 'doms kyi sba ba sbubs su nub pa ni dper na glang po cang shes kyi 'am rta cang shes byung ba dag gi bzhin no/ /lha 'di ni skyes bu chen po'i skyes bu chen po'i mtshan lags so/ /lha gzhon nu ni sku ji srid par 'dom yang de srid la 'dom ji srid par sku yang de srid pas shing n+ya gro d+ha ltar chu zheng gab pa lags te/ lha 'di ni gzhon nu'i skyes bu chen po'i skyes bu chen po'i mtshan lags so/ /lha gzhon nu ni sku ro stod spu re re nas skye zhing de'i sku la spu re re nas skye ba yang mthing ka la g.yas phyogs su 'khyil par skye lags te/ lha 'di ni gzhon nu'i skyes bu chen po'i mtshan lags so/ /lha gzhon nu ni mdog gser dang 'dra ba dang / 'od 'dom gang ba dang / lpags pa srab cing mdog gser 'dra ba lags te/ lpags pa srab pa nyid kyis rdul dang dri mas sku la mi gos pa ste/ lha 'di ni gzhon nu'i skyes bu chen po'i mtshan lags so/ /lha gzhon nu'i sku ni bdun mtho ba ste/ sku bdun mtho bar 'khrungs pa ni phyag gnyis dang / zhabs gnyis dang / dpung mgo gnyis dang / ltag pa lags te/ lha 'di ni gzhon nu'i skyes bu chen po'i skyes bu chen po'i mtshan lags so/ /lha gzhon nu ni thal gong rgyas pa dang / sku ro stod seng ge'i 'dra ba dang / sku drang zhing kho lag che ba dang / dpung mgo shin du zlum pa dang / tshems bzhi bcu mnga' ba dang / tshems mnyam pa dang / tshems thags bzang ba dang / mche ba shin du dkar ba dang / 'gram pa seng ge'i 'dra ba dang / ro bro ba'i mchog dang ldan pa lags te/ lha 'di ni gzhon nu'i skyes bu chen po'i mtshan lags so/ /lha gzhon nu ni ljags shin du ring zhing srab pa lags te/ ljags shin du ring ba nyid dang srab pa nyid kyi phyir ljags zhal nas phyung bas skra mtshams nas bzung ste/ zhal gyi dkyil 'khor thams cad kyi bar du yog par mdzad pa ste/ lha 'di ni gzhon nu'i skyes bu chen po'i mtshan lags so/ /lha gzhon nu'i gsung ni tshangs pa'i dbyangs dang / ka la ping ka'i skad ltar yid du 'ong ba dang / rnga'i dbyangs can lags te/ lha 'di ni gzhon nu'i skyes bu chen po'i mtshan lags so/ /lha gzhon nu ni spyan mthon mthing la ba'i rdzi ma lta bu dang / dbu gtsug tor dang ldan pa dang / smin mtshams kyi mdzod pu dung ltar dkar zhing g.yas su 'khyil ba lags te/ lha 'di ni gzhon nu'i skyes bu chen po'i mtshan lags so/ /lha 'di dag ni gang dag dang ldan pa'i 'gro ba gnyis su 'gyur gyi gzhan du ni ma lags pa zhes bya ba nas snga ma bzhin du 'jig rten du sgra rnam par grags par 'gyur ro zhes bya ba'i bar gyi skyes bu chen po'i mtshan sum bcu rtsa gnyis lags so/ /gal te gzhon nu rab tu ma byung bar gyur na 'khor los sgyur ba'i rgyal por 'gyur ro zhes bya ba'i bar gong ma bzhin du'o/ /chos nyid kyis byang chub sems dpa' shAkya thub pa bltam nas zhag bdun lon pa dang / de bskrun pa'i yum nongs par 'gyur te/ nongs ma thag tu sum bcu rtsa gsum pa'i lha'i ris gya nom par skye bar 'gyur ro/ /chos nyid kyis byang chub sems dpa' shAkya thub pa ni gzugs bzang ba/ mdzes pa/ blta na sdug pa/ mi'i kha dog las 'das la lha'i kha dog ma thob pa skyes pa dang bud med rnams kyis bltas pa na ngoms mi shes shing dga' ba 'thob ste/ dper na 'dzam bu chu bo'i gser las mgar ba mkhas pas rgyan brdungs pa la ba dkar po sar pa'i steng du bzhag na shin du gsal zhing 'bar la rnam par 'tsher ba de bzhin du byang chub sems dpa' shAkya thub pa gzugs bzang ba/ mdzes pa/ blta na sdug pa/ mi'i kha dog las 'das shing lha'i kha dog ni ma thob pa yin no/ /chos nyid kyis byang chub sems dpa' shAkya thub pa skye bo'i tshogs chen po'i snying du sdug pa dang / yid du 'ong bar 'gyur te/ skye bo'i tshogs chen pos de phrag pa nas phrag par sbed pa ni dper na ston ka'i pad ma ni skye bo'i tshogs chen po'i snying du sdug cing yid du 'ong bas skye bo'i tshogs chen pos de lag pa nas lag par brgyud par byed pa bzhin te snga ma bzhin no/ /bar sdom la/ mig mi 'dzums dang rnam smin dang / / gsung snyan 'jebs pa mkhas pa bsdus/ /chos nyid kyis byang chub sems dpa' bltams pa'i mod nas spyan mi 'dzums par gzugs rnams la blta ste/ de spyan mi 'dzums pa ni dper na sum bcu rtsa gsum gyi lha rnams bzhin no/ /chos nyid kyis byang chub sems dpa' bltam pa'i mod nas sngon gyi las kyi rnam par smin pa las skyes pa'i lha'i spyan dang ldan pas des na de nyin dang mtshan du dpag tshad gcig kho ra khor yug tu gzigs so/ /chos nyid kyis byang chub sems dpa' bltam pa'i mod nas gsung snyan zhing 'jebs pa dang / gsung snyan pa dang / gsung yid du 'ong ba yin te/ dper na gangs can gyi bya skad snyan zhing 'jebs pa dang / skad snyan pa dang / yid du 'ong ba de bzhin du byang chub sems dpa' bltam pa'i mod nas gsung snyan zhing 'jebs pa dang / gsung snyan pa dang / gsung yid du 'ong ba yin no/ /chos nyid kyis byang chub sems dpa' bltam pa'i mod nas mkhas pa gsal ba yid gzhungs pa rgyud las 'byung ba'i shes rab dpyod pa dang ldan pa yin te/ de'i tshe rgyal po zas gtsang gi dgos pa'i ched la 'dug nas don zab mo'i tshig dang yi ge dang shes rab kyis so sor 'byed par byed do/ /de nas mes byin gyis smras pa/ mkhan po byang chub sems dpa' ser skya'i gzhir byon nas de'i mtshan yang gsum btags kyis/ da ni byang chub sems dpa' blta ba'i phyir bzhud do/ /des smras pa/ de bzhin bya'o/ /de gnyis chas pa dang / byang chub sems dpa'i mthus rdzu 'phrul nyams nas rkang pa kho nas grong khyer ser skya'i gzhir zhugs nas rgyal po zas gtsang gi khyim gyi sgor son pa dang / drang srong nyon mongs med kyis sgo srungs kyi mi la smras pa/ kye nang rje song la rgyal po zas gtsang la drang srong nyon mongs med lha zhal mthong bar 'tshal nas sgo na sdod cing mchis so zhes gsol cig /de song nas rgyal po la rig par byas pa dang / rgyal pos smras pa/ shes ldan nyon mongs med la su zhig 'gog nang du zhugs shig /de zhugs pa dang / rgyal po zas gtsang gis bkur sti sngon du 'gro ba'i mchod yon sbreng bas mchod nas stan bstabs te 'dug pa dang / rgyal po zas gtsang gis bshes pa'i gtam gyis kun du dga' bar byas nas smras pa/ drang srong chen po dgos pa ci zhig la 'ongs/ des smras pa/ rgyal chen bdag cag 'dir mchis pa/ /khyod kyi sras ni mthong bar 'tshal/ /'jig rten gtso bo rnam 'dren pa/ /thub pa de ni mthong bar 'tshal/ /rgyal pos smras pa/ gal te de lta na gzhon nu nyal gyis ma sad kyi bar du re shig skad cig sdod cig /des smras pa/ lha mnal log pa nyid blta'o/ /de bzhin gyis shig /des ji tsam na byang chub sems dpa' mig ma btsums par gzugs rnams la blta ba mthong nas des tshigs su bcad de smras pa/ rigs dang ldan pa'i rta rnams ni/ /mtshan mo'i bzhi cha nyal ba ltar/ /dgos pa don gnyer rnams kyi gnyid/ /mig la yun ring mi gnas so/ /de nas byang chub sems dpa' bltams pa'i mod kyi ma mas pang du blangs nas drang srong la byin pa dang / drang srong nyon mongs med kyis lag pa gnyis gyis blangs nas yud tsam zhig brtags te smras pa/ lha gzhon nu mtshan mkhan dang ltas mkhan gyi bram ze rnams la bstan lags sam/ rgyal pos smras pa/ bstan to/ /de rnams kyis ji skad du lung bstan/ 'khor los sgyur ba'i rgyal por 'gyur ro zhes bya ba nas 'jig rten du sgra rnam par grags par 'gyur ro zhes bya ba'i bar gong ma bzhin du'o/ /de nas drang srong nyon mongs med kyis byang chub sems dpa' mthong nas tshigs su bcad de smras pa/ sa bdag rtog pa po rnams blo 'khrul te/ /rtsod pa'i dus na 'khor los sgyur mi 'byung / /bsod nams mchog gi chos kyi mdzod 'di ni/ /nyes las rnam par rgyal nas sangs rgyas 'gyur/ /mtshan mi gsal dang ldan na mi dbang po/ /gling bzhi rnams kyi bdag po dbang phyug 'gyur/ /thub dbang mtshan ni shin du gsal bas na/ /mi mchog sangs rgyas chos kyi 'khor lo 'gyur/ /zhes smras nas bdag nyid kyi tshe'i mtha' dang / byang chub sems dpa'i mngon par byang chub pa la brtag pa la zhugs pa dang / byang chub sems dpa' lo nyi shu rtsa dgu bzhes nas khab nas byung nas lo drug tu dka' ba spyod par 'gyur te/ de nas bdud rtsi thob par 'gyur bar mthong ngo / /bdag ni bar skabs der shi ba'i dus byed par 'gyur bar mthong nas de mig mchi mas gang ste 'dug pa rgyal po zas gtsang gis mthong nas tshigs su bcad de smras pa/ skyes pa bud med rnams kyis gang mthong na/ /ngoms par mi 'gyur dga' ba thob 'gyur ba/ /lus bzang dge byed de ni 'dir mthong nas/ /drang srong chen po ci slad ngu bzhin gyur/ /ga las bdag gi gzhon nu 'jigs pa 'am/ /tshe zad 'gyur ba nye bar mi gnas grang / /de ni myur du legs par bdag la smros/ /khyod kyi mchi mas bdag ni 'dar bar 'gyur/ /drang srong nyon mongs med kyis kyang tshigs su bcad de smras pa/ gal te 'di yi steng du nam mkha' las/ /rdo rje ser drag 'phangs pa bab gyur kyang / /thub pa chen po'i sku las ba spu ni/ /nyag ma gcig kyang g.yo bar mi nus so/ /me chen rlung gi shugs kyis bdas pa dang / /mtshon cha rnon po shin du mi bzad dang / /drag po'i dug dang sbrul gyi dug rnon dag /gzhon nu la bab skad cig 'jig par 'gyur/ /thugs rje nyid la gnas gyur gang lags pa/ /'jigs pas nyen pa rnams la mi 'jigs stsol/ /de ni 'jig rten kun gyi 'jigs 'joms na/ /mi dbang 'di la 'jigs pa ga la 'byung / /'jig rten na ni bdag nyid che rnams kyi/ /gtsor gyur bdag nyid chen po gang zhig la/ /tshangs bcas lha yang rtag tu srung byed pa/ /mi dbang de la 'jigs pa ga la 'byung / /mi dbang bdag gi rgud pa mthong nas ni/ /gang phyir zhi ba mi 'thob bdag sdug mod/ /chos kyi mchog mdzod 'di dang phrad nas ni/ /don ma thob par bdag ni 'chi bar 'gyur/ /gang dag smra ba'i dam pa mtshungs med pa/ /'di yi chos thos 'gyur zhing thos nas kyang / /rab tu zhi ba'i pha rol 'gro de dag /skyid cing bsod nams ldan la rims nad bral/ /drang srong nyon mongs med rgyud nyon mongs pa can gyis bsams pa/ byang chub sems dpa'i mthus bdag gi rdzu 'phrul nyams te gal te bdag gi rkang gis song na skye bo'i tshogs chen po dang rgyal pos 'phya bar 'gyur ro snyam du rig nas smras pa/ lha khyod yun ring po nas kye ma'o drang srong nyon mongs med rkang kho nas ser skya'i gzhir zhugs par gyur kyang ci ma rung snyam pa'i dgongs pa bskyed pa/ bdag gis rkang gis ser skya'i gzhir zhugs te da ni rkang kho nas phyir 'byung gis khyod kyis lam bstar ba dang / grong khyer byi dor bgyid du stsol cig /rgyal po zas gtsang gis blon po rnams la bsgo ba/ shes ldan dag deng la grong khyer gyi byi dor dang lam stor du chug la lam po che dang / tshong dus dang / bzhi mdo dang / sum mdo rnams su drang srong nyon mongs med rkang gis grong khyer ser skya'i gzhi nas phyir 'byung gis/ khyed cag gis bya ba dang byed pa gang yin pa de byos shig ces dril sgrogs shig /lha bka' bzhin 'tshal zhes blon po rnams kyis rgyal po las mnyan nas grong khyer ser skya'i gzhi rdo ba dang / gseg ma dang gyo mo rnams bsal nas tsan dan gyi chus chag chag btab/ shin du zhim po'i pog phor nye bar bzhag /dar gyi chun 'phyang mang po dpyangs rgyal mtshan dang ba dan bsgreng nas lam po che dang / tshong dus dang / bzhi mdo dang / sum mdo rnams su dril sgrogs su bcug pa/ ser skya'i gzhi'i shAkya shes ldan dag nyon cig /drang srong nyon mongs med grong khyer ser skya'i gzhi nas phyir 'byung gis/ khyed cag gis bya ba dang byed pa gang yin pa de byos shig /de nas de nyon mongs pa'i blo dang ngan g.yo'i spyod pas rgyal po zas gtsang blon po'i tshogs kyis yongs su bskor ba dang / ser skya na gnas pa'i bram ze dang khyim bdag du ma rjes bzhin du 'brang zhing 'byor pa mchog gis grong khyer gyi dbus nas dbus su byung ste/ grong khyer ser skya'i sgor byung nas rgyal po slar bzlog ste ji ltar dga' ba'i spyod lam gyis song ste/ rim gyis ri bo kun 'dzin gyi drung du phyin pa dang / de de la 'dzegs nas phan tshun nyul zhing ji ltar 'dod pa'i gnas shig btsal nas phyogs zhig tu 'dug go/ /de nas de lam gyis dub pa ngal bso ste/ bsam gtan bskyed nas rdzu 'phrul yang bskyed do/ /ji tsam dus gzhan zhig na drang srong nyon mongs med nad kyis thebs nas de rtsa ba dang / sdong bu dang / lo ma dang / me tog dang / 'bras bu'i sman gyis bsnyen bkur byas na 'on kyang phyir thu bar gyur to/ /de nas mes byin gyis de'i lus kyi gnas rnams brtags nas smras pa/ mkhan po bdag cag rab tu byung ba de thams cad ni bdud rtsi'i ched dang / bdud rtsi btsal ba'i phyir lags na/ gal te mkhan pos bdud rtsi rtogs par gyur na bdud rtsi de las bdag cag la yang bgos shig /des smras pa/ bram ze'i khye'u kho bo yang cung zad rab tu byung ba de thams cad bdud rtsi'i ched dang / bdud rtsi btsal ba'i phyir yin na/ kho bos kyang bdud rtsi ma rtogs so/ /de lta mod kyi shAkya rnams kyi nang du byung ba'i gzhon nu gang yin pa des bdud rtsi rtogs par 'gyur zhing / bdud rtsis kyang 'gro ba tshim par byed par 'gyur gyis de'i drung du rab tu byung shig /khyod rab tu byung nas kyang rigs brjod par mi bya/ rus brjod par mi bya/ bram ze'i khye'u brjod par mi bya ste/ rab tu byung nas kyang tshangs par spyod pa 'ba' zhig spyad par bya zhing / bdud rtsi rtogs par bya ba'i phyir brtson par bya'o/ /de nas khyed kyis bdud rtsi rtogs par 'gyur ro zhes smras nas tshigs su bcad de smras pa/ de bzhin gshegs pa tshol 'dod na/ /shar gyi phyogs su khyod 'dug dang / /yang dag sangs rgyas grags ldan pa/ /rnyed par dka' ba mthong bar 'gyur/ /zhes bya ba smras nas/ /bsags pa kun gyi mtha' 'dzad cing / /mthon po rnams kyi mtha' ltung 'gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ / zhes smras te/ dus kyi chos dang ldan par gyur to/ /de nas mes byin gyis de'i lus la lus kyi mchod pa byas nas bA rA Na sIr song ste gnas so/ /de de na bram ze'i khye'u lnga brgya la bram ze'i gsang tshig klog tu 'jug go/ / mes byin gyi rus kA t+yA ya na yin pas de'i ming kA t+yA'i bu kA t+yA'i bu zhes bya bar gyur to/ /de sangs rgyas bcom ldan 'das mngon par byang chub pa na spyan sngar 'gro bar 'gyur te/ bcom ldan 'das kyis kA t+yA'i bu de la gdam ngag phog nas 'khor ba'i dgon pa las bsgral te/ shin du mthar phyin pa'i grub pa dang bde ba mya ngan las 'das pa las 'jog par 'gyur te/ de'i ming ni kA t+yA'i bu chen po kA t+yA'i bu chen po zhes bya bar 'gyur ro/ /de nas dus gzhan zhig na byang chub sems dpa' 'khrungs nas ring po ma lon par ma ma'i pang du bzhugs nas gser gyi gzhong par 'bras dang shar bsres pa'i chan gsol ba na/ de ma mas bkag kyang ma thub par mang por gsol nas dbrog par brtsams pa dang / dbrog par ma nus nas des rgyal po zas gtsang la sbran pa dang / rgyal pos btsun mo dang lhan cig gis dbrog par brtsams pa dang des kyang ma nus so/ /de nas rgyal pos blon po rnams dang ser skya na gnas pa'i skye bo'i tshogs rnams la bsgo ba na de rnams kyis kyang dbrog par ma nus so/ /de nas glang po che lnga brgya la btags pa dang / byang chub sems dpas bsams pa/ 'di rnams kyis bdag gi stobs nyams na mi rung gis/ ma la bdag gi mdzub mo bkug pas gser gyi gzhong pa nas bzung ngo snyam nas des mdzub mo bkug pas gser gyi gzhong pa bzung nas drangs pa dang / glang po che lnga brgya po de dag kha phyir bsgyur te drangs nas de dag gis kyang gser gyi gzhong pa dbrog par ma nus so/ /rgyal po zas gtsang gis bsams pa/ ji ltar byang chub sems dpa'i lag pa g.yon pas glang po che lnga brgya drangs pa dang sbyar na/ gdon mi za bar lag pa gnyis kyis ni glang po che stong thub kyis de bas na gzhon nu'i ming glang po che stong gi stobs can zhes gdags so zhes btags so// //bar sdom la/ khye'u dang rtsed mo dag dang ni/ /rig pa khang bzangs nyid dang ni/ /ngang pa mtshon cha dge ba'i snying / / dmag dang btsun mo rnams yin no/ /chos nyid kyis byang chub sems dpa' shAkya thub pa 'khor lnga brgya dang yi ge'i slob dpon srin bu go cha la yi ge slob par gtad nas/ yi ge'i slob dpon srin bu go chas byang chub sems dpa' la yi ge bris nas phog pa dang / byang chub sems dpas smras pa/ 'di ni ngas shes so/ /de nas de yi ge gnyis dang / gsum nas de bzhin du lnga brgya'i bar bris nas phog pa dang / byang chub sems dpas smras pa/ 'di dag kyang ngas shes kyis gzhan dag smros shig /srin bu go chas smras pa/ 'jig rten na ni yi ge 'di tsam spyod kyi gzhan ni bdag gis ma 'tshal to/ /de nas byang chub sems dpa' nyid kyis yi ge bris te srin bu go cha la byin nas gsungs pa/ yi ge 'di'i ming ci yin smros shig /des smras pa/ ma 'tshal to/ /byang chub sems dpas gsungs pa/ 'jig rten du gnyis shig byung na yi ge 'di mngon par 'gyur te/ byang chub sems dpa' 'am 'khor los sgyur ba'o/ / nam mkha'i ngos la gnas pa'i tshangs pas smras pa/ srin bu go cha byang chub sems dpas ji skad gsungs pa de de bzhin te/ yi ge 'di shes pa ni 'jig rten du gnyis shig byung na mngon par 'gyur te/ byang chub sems dpa' 'am 'khor los sgyur ba'i rgyal po'o/ /byang chub sems dpas yi ge de tshangs pa'i dbyangs kyis blags pa la nam mkha'i ngos la gnas pa'i tshangs pas dbang byas pas tshangs pa'i yi ge tshangs pa'i yi ge zhes bya bar gyur to/ /gang gi tshe byang chub sems dpa' yi ge'i mthar phyin pa de'i tshe byang chub sems dpa'i zhang po bzang len zhes bya ba des glang po che'i gnya' bar zhon pa bslabs nas 'phong gi slob dpon lhar bcas zhes bya ba des 'khor lnga brgya dang spyod pa slob pa la zhugs pa na bzang len gyis lhar bcas la smras pa/ byang chub sems dpa' dang de bzhin du gzhon nu gzhan dag ni snying rje can yin pas bslab par bya ba thams cad slobs shig /lha sbyin 'di ni gdug pa'i las byed pa yin gyis 'jig rten thams cad la gnod par gyur na mi rung gis 'di la gnad du snun pa ma bstan cig /gang gi tshe byang chub sems dpa' bslab pa thams cad la legs par bslabs pas gnas lnga po 'di lta ste/ rgyang nas phog pa dang / sgra grag par phog pa dang / gnad du phog pa dang / mi 'chor bar phog pa dang / tshabs che ba dag la yang byang bar gyur pa de'i tshe phyogs kun du sgra grags pa shAkya rnams kyi nang du byung ba'i gzhon nu zhes bya ba nas 'jig rten du sgra rnam par grags par 'gyur ro zhes bya ba'i bar gong ma bzhin du'o/ /de'i tshe yangs pa can gyi lid tsa byi rnams kyis glang po che'i mtshan dang ldan pa zhig rnyed nas de rnams kyis bsams pa/ rgyal po zas gtsang gi sras mtshan mkhan rnams kyis 'khor los sgyur ba'i rgyal por 'gyur ro zhes lung bstan pa de'i mthus glang po rin po che 'di byung gis dong la de kho na la dbul lo snyam nas/ de rnams kyis glang po rin po che de rgyan thams cad kyis brgyan nas khrid de dong ba las rim gyis ser skya'i gzhir phyin nas rgyal po'i pho brang gi sgor glang po che dam pa bzhag nas sdod pa dang / ma stes te gdug pa'i las can lha sbyin phyir byung ba des glang po che dam pa de de ltar rgyan gyis brgyan pa mthong nas de des phrag dog chen po skyes te/ de phrag dog dang mi bzod pa skyes pas dris pa/ glang po dam pa 'di su'i yin/ de rnams kyis smras pa/ gzhon nu shAkya thub pa mtshan mkhan rnams kyis 'khor los sgyur ba'i rgyal por lung bstan pa de la yangs pa can gyi tshogs rnams kyis glang po rin po che 'di skyes su phul lo/ /lha sbyin lhag par mi bzod pa skyes nas smras pa/ re shig de 'khor los sgyur bar ma gyur par rje khyed cag de la glang po rin po che 'bul lam zhes smras nas thal lcag gis glang po che bsad do/ / ji tsam na phyogs der dga' bo 'ongs pa des de mthong nas dris pa/ shes ldan dag glang po che bzang po 'di sus bsad/ de rnams kyis smras pa/ lhas sbyin gyis so/ /des bsams pa/ gdon mi za bar 'di la lha sbyin gyi mthu sad kyis ma la bdag gis kyang 'di la mthu sad par bya'o snyam nas mjug ma nas bzung ste dri mi zhim par mi 'gyur bar bya bar mtha' gcig tu bor ro/ /ji tsam na byang chub sems dpa' shAkya thub pa phyir byung ba des de gzigs nas dris pa/ glang po che 'di gang nas 'ongs/ de rnams kyis ji ltar gyur pa smras so/ /sus bsad/ lhas byin gyis so/ /'gron rnams la 'gron gyi mchod pa bya ba yin na ma legs pa zhig byas so/ /phyogs gang du bsad/ 'o nir ro/ /'di sus 'dir khyer te 'ongs/ dga' bos so/ /des dgongs pa/ gdon mi za bar de gnyis kyis 'di la mthu sad kyis/ ma la ngas kyang 'di la mthu sad par bya'o snyam du dgongs nas/ mjug ma nas bzung ste ra ba'i khar 'phangs pa las ra ba rim pa bdun dang / 'obs rim pa bdun las bzlas te bor ro/ /de lhung bas gshong btod pa glang po che'i gshong glang po che'i gshong zhes bya bar gyur to/ /der bram ze dang khyim bdag dad pa can rnams kyis mchod rten brtsigs pas deng sang du yang dge slong mchod rten la phyag byed pa dag phyag byed do/ /'dir smras pa/ lha sbyin gyis ni glang chen dbang po bsad/ /dga' bos de ni gom pa bdun du khyer/ /byang chub sems dpas phyag gis bar snang la/ /rdo ba bzhin du phyi rol rgyang rings 'phangs/ /gzhon nu rnams kyis smras pa/ gcod pa byed du 'dong ngo zhes de rnams phyir byung ba byang chub sems dpa' shAkya thub pas kyang gsan nas 'khor lnga brgya dang gcod pa byed du phyir 'byung ngo / /gzhon nu rnams 'bras rnga ba bzhin du gcod par byed de/ de rnams kyis shing bcad cing bcad pa rnams 'gyel to/ /byang chub sems dpa' ni bre'i kha gcod pa bzhin du gcod par mdzad do/ /des shing bcad cing bcad pa rnams ma 'gyel te/ de bzhin du 'dug pa dang / gzhon nu rnams kyis smras pa/ shes ldan dag byang chub sems dpa' shAkya thub pa stobs dang ldan zhing gnas lnga la byang ngo zhes thos na 'di gcod par byed pa yang mi shes pa las na/ 'di bdag cag bas stobs dang ldan pa ni ma yin te/ 'di ltar bdag cag gis shing gang dag bcad pa de thams cad ni 'gyel la/ 'dis gang dag bcad pa de dag ni de bzhin du 'dug go/ /de nas byang chub sems dpa' shAkya thub pa la mngon par dad pa'i lha gang yin pa de 'di snyam du sems te/ shAkya 'di dag ni byang chub sems dpa'i mthu dang bzo la byang ba ma shes pas byang chub sems dpa' la brnyas shing mthu la yang smod par 'gyur gyis de la thabs shig bsham par bya'o snyam nas/ des de dang 'thun pa'i rlung zhig btang bas des shing de dag thams cad chem chem zer nas 'gyel te/ shAkya rnams kyis mthong nas mchog tu ngo mtshar skyes so/ /de rnams tshabs byed pa la zhugs te/ de rnams kyis de na 'ben du lcags kyi ta la bdun dang / rnga dang / phag btsugs so/ /lha sbyin gyis rkang thabs byas te lcags mda' 'phangs pa dang / lcags kyi shing ta la gcig phigs so/ /dga' bos gnyis la 'o/ / byang chub sems dpas lcags mda' 'phangs pa dang shing ta la bdun dang / rnga dang / phag las thal nas lcags kyi mda' de sa la zug pa klus phyung ba dang chu ro phun sum tshogs pa zhig byung nas de la skye bo'i tshogs chen pos 'thung bar brtsams so/ /bram ze dang khyim bdag dad pa can rnams kyis der mchod rten brtsigs te/ deng sang du yang dge slong dag mchod rten la phyag 'tshal ba dag phyag byed do/ /gzhon nu rnams shing rtar zhugs nas ser skya'i gzhir zhugs pa dang mtshan mkhan grong khyer nas phyir byung ba de rnams kyis gzhon nu shAkya thub pa shing rtar zhugs pa nas nang du zhugs pa la lung bstan pa/ gal te 'di lo bcu gnyis su rab tu ma byung bar gyur na gdon mi za bar 'khor los sgyur ba'i rgyal por 'gyur ro/ /rgyal po zas gtsang gis gzhon nu mtshan mkhan rnams kyis lung bstan to zhes bya ba thos so/ /thos nas kyang dga' ba dang mgu ba skyes te shAkya rnams bsogs nas smras pa/ shes ldan dag mtshan mkhan rnams kyis gal te gzhon nu lo bcu gnyis su rab tu ma byung bar gyur na 'khor los sgyur ba'i rgyal por 'gyur ro zhes lung bstan pa kho bos thos so/ /gzhon nu 'di gal te lo bcu gnyis su rab tu ma byung ste 'khor los sgyur ba'i rgyal por gyur na/ bdag cag nam mkha'i ngos la rgyu zhing gling bzhir phyi bzhin 'dong gis 'di khyim phub cig /blon po rnams kyis smras pa/ lha gzhon nu 'dod pa rnams don du mi gnyer ro/ /rgyal po zas gtsang gis smras pa/ gzhon nu la bud med thams cad bstan la 'di gang la dga' bar gyur pa de chung mar blang bar bya'o/ /de nas kha cig gis smras pa/ lha gzhon nu ni sbyin pa la dga' bas rgyan rnams bud med la stsol du stsal la/ de gang la mgu bar skyed par gyur pa de btsun mor blang bar bgyi'o/ /rgyal po zas gtsang gis smras pa/ de bzhin du gyis shig /blon po rnams kyis rgyan rnam pa sna tshogs rin po ches spras pa'i phung po spungs so/ /de nas rgyal po zas gtsang gis khyim dang grong khyer phyag dar dang byi dor byed du bcug nas rgyu skar dang / tshes grangs dang / yud tsam dag bstun te gdan seng ge'i khri bshams pa la gzhon nu shAkya thub pa bzhag nas seng ge'i khri dang nye bar rgyan sna tshogs kyi phung po spungs te blon po rnams dang / gzhan yang ser skya'i gzhi'i skye bo'i tshogs gtso bor bkur ba rnams nang du zhugs so/ /de nas bud med thams cad rang gi khyim gyi 'byor pa dang 'thun pa'i cha byad dang / rgyan dang gos gyon nas zhugs pa dang / byang chub sems dpa' sbyin pa la dga' bas rgyan de dag de rnams la byin no/ /shAkya lag na dbyug pa can gyi bu mo grags 'dzin ma zhes bya ba gzugs bzang ba dang / lang tso la bab pa/ de ma song nas shAkya lag na dbyug pa can gyis smras pa/ bu mo byang chub sems dpa' rgyan sbyin gyis song shig /des smras pa/ yab ci 'o skol cag la rgyan ma mchis sam/ bu rgyan med pa ni ma yin mod kyi/ byang chub sems dpa' bud med gang bzhed pa de 'dam par mdzad do/ /yab 'dam yang rung mi 'dam yang rung / de kho na bdag gi sdum thab lags so/ /bu gal te de lta na shin du 'gro dgos pas song shig /de nas grags 'dzin ma na tshod gzhon zhing cha lugs bzang ba/ skye bo'i tshogs chen po'i yid dang mig 'phrog pa/ bud med thams cad kyi nang na lha'i bu mo bzhin du gzi brjid dang ldan pas nang du zhugs nas spyod lam dul bas byang chub sems dpa'i spyan sngar 'dug go/ /byang chub sems dpas rgyan thams cad byin nas sor gdub brgya kho na lus pa byang chub sems dpas de la bstan pa dang / des thog ma med pa'i dus nas mchog tu mnyes pa byas pa des seng ge'i khri'i skas la 'dzegs nas byang chub sems dpa'i phyag nas rang gis phyung ngo / /blon po rnams dang ser skya'i gzhi'i skye bo'i tshogs gtso bor bkur ba rnams kyis smras pa/ shes ldan dag 'di ni bud med thams cad las khyad par du 'phags pa yin te/ 'dis gzhon nu'i thugs dang bstun par nus pas 'di blang bar bya'o/ /de nas rgyal po zas gtsang gis grags 'dzin ma bud med kyi 'khor nyi khri dang gzhon nu shAkya thub pa'i btsun mor blangs so/ /chos nyid kyis gang gi tshe sangs rgyas bcom ldan 'das rnams 'jig rten du byung ba de'i tshe shing dge ba'i snying po zhes bya ba skye bar 'gyur te/ de nyi ma gcig cing khru brgyar skye bar 'gyur la/ ji tsam nyi ma ma shar ba de srid du ni sen mos kyang gcad du rung la/ nyi ma shar nas ni mtshon gyis kyang mi chod cing mes kyang mi tshig pa zhig ser skya'i gzhi dang lhas bstan gyi bar na 'bab chu ro hi ka zhes bya ba'i 'gram na skyes te/ dus dus su chu brug pas de'i rtsa ba brus nas rlung gi shugs kyis 'gyel te gags bzhin du chu bcad de 'dug go/ /de nas chus rgyal po legs par rab sad kyi yul ni chu med pas ma rung la/ zas gtsang gi yang chus ma rung ste/ rgyal po legs par rab sad kyis rgyal po zas gtsang la spring ba/ shing dge ba'i snying po 'gyel nas 'bab chu ro hi ka'i gags su gyur te mchis na gzhon nu mthu dang ldan zhes thos kyis de btang ba'i rigs so/ /rgyal po zas gtsang gis smras pa/ kho bo gzhon nu la bka' mi stsol lo/ /'dun pas smras pa/ lha bdag la gnang ba 'ba' zhig stsol cig /ci nas kyang gzhon nu la yang bka' ma stsal bzhin du rang nyid gshegs par 'gyur ba de ltar bgyi'o/ /rgyal po zas gtsang gis khas blangs so/ /'dun pas 'bab chu ro hi ka'i 'gram du gzhon nu rnams kyi bskyed mos tshal re re brtsigs nas smras pa/ gzhon nu dag bskyed mos tshal du 'dong / de rnams so so'i shing rtar zhugs nas bskyed mos tshal du dong ba las lha byin gyi bskyed mos tshal gyi steng nas ngang pa zhig 'phur ba de lha sbyin gyis mdas bsnun nas byang chub sems dpa'i bskyed mos tshal du lhung ba dang / byang chub sems dpas bzung nas mda' phyung ste sman gyis glan nas sos so/ /lha sbyin gyis byang chub sems dpa' la spring ba/ ngang pa'o ni sngar ngas bzung ba yin gyis skur cig /byang chub sems dpas slar spring ba/ ngas gang gi tshe kho na sems can thams cad la phan pa'i lhag pa'i bsam pas byang chub tu sems bskyed pa de kho na'i tshe ngas sems can thams cad bzung ba yin no/ /der byang chub sems dpa' dang lha sbyin lhan cig srid pa tha ma la thog mar sha khon de byung ste/ srid pa gzhan rnams su ni phal mo che zhig kyang byung ngo / /legs par rab sad kyis gzhon nu rnams shing dge ba'i snying po dbyung ba'i phyir lhags so zhes thos nas des skye bo'i tshogs chen po mngags te/ skye bo'i tshogs chen po'i sgra chen po dang sgra mthon po grag nas byang chub sems dpas smras pa/ shes ldan dag skye bo'i tshogs chen po'i sgra chen po dang / sgra mthon po grag pa 'di ci zhig /'dun pas ji ltar gyur pa gsol pa dang / byang chub sems dpas gsungs pa/ gal te de lta na 'byin du 'dong ngo zhes byang chub sems dpa' gzhon nu rnams dang lhan cig dong ba dang / ji tsam na khung nas sbrul gdug pa zhig byang chub sems dpa'i mdun du byung ba dang 'char kas byang chub sems dpa' thal bar glags su 'gyur du 'ong zhes mtshon rnon pos rked du bcad pa las de'i dbugs kyis 'char ka la phog pas 'char ka nag por gyur nas/ de'i ming 'char ka nag po 'char ka nag po zhes bya bar gyur to/ /de nas gzhon nu rnams kyis shing dge ba'i snying po 'byin pa la zhugs pa na lha sbyin gyis 'bad pa dang cung zad cig g.yos so/ /dga' bos ni cung zad cig bteg go/ /byang chub sems dpas ni thams cad kyi thams cad du steng gi nam mkha' la 'phangs te dum bu gnyis su chag nas 'bab chu ro hi ka'i tshu rol gyi 'gram du dum bu gcig /pha rol gyi 'gram du dum bu gcig lhung bar gyur to/ /byang chub sems dpas skye bo'i tshogs la gsungs pa/ shes ldan dag shing dge ba'i snying po 'di ni bsil ba'i rang bzhin can yin pas 'khris pa'i nad dang / shu ba dang / phol mig byung ba la byugs na zhi bar 'gyur gyis/ dum bu dum bur byos la khyer cig /gzhon nu rnams rang rang gi shing rtar zhugs te bskyed mos tshal gyis nas ser skya'i gzhir dong nas grong khyer du zhugs pa na byang chub sems dpa' shing rtar zhugs pa la mtshan mkhan rnams kyis gal te 'di lo bdun rab tu ma byung bar gyur na 'khor los sgyur ba'i rgyal por 'gyur ro zhes lung bstan no/ /shAkya dril bu sgra'i bu mo sa 'tsho ma zhes bya ba steng gi khang bzangs kyi gzhi la 'dug pa byang chub sems dpas gzigs so/ /gzigs ma thag tu zhabs kyi mthe bos shing rta mnan nas mi g.yo bar gyur pa dang / byang chub sems dpas sa 'tsho ma la brtag par brtsams so/ /sa 'tsho mas kyang byang chub sems dpa' la'o/ /byang chub sems dpa' sa 'tsho ma la rtog pa na phyag na lcags kyi mda' bsnams pa de phyer brlags so/ /sa 'tsho ma yang byang chub sems dpa' la rtog pa na rkang pa'i mthe bos khang bzangs kyi gzhi brtol to/ /skye bo'i tshogs chen pos byang chub sems dpa' dang sa 'tsho ma la phan tshun du rtog par byed cing lhag pa'i bsam pa skyes par gyur pa mthong ngo / /mthong nas kyang smras pa/ bud med 'di 'dra ba 'dis ni byang chub sems dpa'i thugs dang bstun par nus so/ /gtam de rgyal po zas gtsang gis thos nas de 'khor nyi khri dang byang chub sems dpa'i btsun mor blangs so/ /chos nyid kyis gang gi tshe byang chub sems dpa' bskyed mos tshal gyi gzhir gshegs par bzhed par gyur pa de'i tshe kha lo sgyur ba la kye kha lo sgyur ba re shig bzhon pa bzang po myur du shoms shig dang / der nga zhugs nas bskyed mos tshal gyi gzhir 'gro'o zhes gsung bar 'gyur bas/ de nas byang chub sems dpas kha lo sgyur ba la bsgo ba/ kye kha lo sgyur ba re shig bzhon pa bzang po myur du shoms shig dang / der nga zhugs nas bskyed mos tshal gyi gzhir 'gro'o/ /lha bka' bzhin 'tshal zhes kha lo sgyur bas byang chub sems dpa' shAkya thub pa'i ltar mnyan nas bzhon pa bzang po myur du bshams te/ byang chub sems dpa' shAkya thub pa gang na ba der song nas phyin pa dang / byang chub sems dpa' shAkya thub pa la 'di skad ces smras so/ /lha bcibs pa bzang po bshams lags kyis lha da de'i dus la bab par dgongs su gsol/ de nas byang chub sems dpa' shAkya thub pa bzhon pa bzang por zhugs nas bskyed mos tshal gyi gzhir byung ba dang / byang chub sems dpa' shAkya thub pas mi rgas 'khogs gtugs pa sgur po phyam dgu bo ltar kyar kyor can/ mdun nas 'khar ba la rten cing 'dar zhing 'gro ba/ de'i skra se ba/ ji ltar yang mi gzhan dag dang mi 'dra ba gcig gzigs so/ /gzigs nas kyang kha lo sgyur ba la gsungs pa/ kha lo sgyur ba mi rgas 'khogs gtugs pa/ sgur po phyam dgu bo ltar kyar kyor can/ mdun nas 'khar ba la rten zhing lus 'dar zhing 'gro la de'i skra se ba/ ji ltar yang mi gzhan dang mi 'dra ba 'di ci yin/ lha mi 'di ni rgas pa zhes bya'o/ /kha lo sgyur ba rgas pa zhes bya ba 'di ci yin/ lha mi 'di ring po mi thogs pa kho nar 'gum par 'gyur bas de rgas pa zhes bgyi'o/ /kha lo sgyur ba nga yang rgas pa'i chos dang rgas pa'i chos nyid las ma 'das sam/ lha yang rgas pa'i chos dang rgas pa'i chos nyid las ma 'das so/ /kha lo sgyur ba de'i phyir shing rta phyir sgyur cig pho brang nyid du 'dong ngo / /'di ltar nga pho brang nyid du phyin nas nga rgas pa las ma 'das zhes grags pa'i don de nyid bsam par bya'o/ /kha lo sgyur bas shing rta phyir bsgyur nas pho brang nyid du chas te/ der byang chub sems dpa' shAkya thub pa pho brang gi nang du byon nas nga yang rgas pa las ma 'das pa lta zhig ces mi dgyes shing thugs ngan dgongs so/ /'dir smras pa/ dar yol rgas shing sgur la mgo skya ba/ /lag na 'khar ba thogs pa'i mi gzigs nas/ /'di bdag rgas las ma 'das zhes grag ces/ /de nas mi dgyes thugs ngan dgongs par mdzad de nas rgyal po zas gtsang gis kha lo sgyur ba la smras pa/ kha lo sgyur ba ci gzhon nu yid dga' ba dang mgu bas bskyed mos tshal gyi gzhir byung 'am/ bskyed mos tshal la mngon par dga' 'am lha ma lags so/ /de ci'i slad du zhe na/ lha gzhon nu bskyed mos tshal gyi gzhir gshegs pa na mi rgas 'khogs gtugs pa/ sgur po phyam dgu bo ltar kyar kyor can/ mdun nas 'khar ba la rten zhing lus 'dar zhing mchis la de'i skra se ba/ ji ltar yang mi gzhan dag dang mi 'dra ba zhig gzigs so/ /gzigs nas kyang bdag la 'di skad ces bka' stsal to/ /kha lo sgyur ba mi rgas 'khogs gtugs pa/ sgur po phyam dgu bo ltar kyar kyor can/ mdun na 'khar ba la rten cing lus 'dar zhing 'gro la de'i skra se ba/ ji ltar yang mi gzhan dag dang mi 'dra ba 'di ci yin/ de la bdag gis 'di skad ces bgyis so/ /lha 'di ni rgas pa zhes bgyi'o/ /de 'di skad ces gsung ste/ kha lo sgyur ba rgas pa zhes bya ba 'di ci yin/ de la bdag gis 'di skad ces gsol to/ /lha mi 'di ring po mi thogs pa kho nar 'gum par 'gyur bas lha de ni rgas pa zhes bya'o/ /de 'di skad ces gsung ste/ kha lo sgyur ba nga yang rgas pa'i chos dang rgas pa'i chos nyid las ma 'das sam/ de la bdag gis 'di skad ces gsol to/ /lha yang rgas pa'i chos dang rgas pa'i chos nyid las ma 'das so/ /de 'di skad ces gsung ste/ kha lo sgyur ba de'i phyir shing rta phyir sgyur cig pho brang nyid du 'dong ngo / /'di ltar pho brang du phyin nas nga rgas pa las ma 'das shes grag pa'i don de nyid bsam par bya'o/ /lha gzhon nu de pho brang gi nang du gshegs te/ de nas nga yang rgas pa las ma 'das pa lta zhig ces mi dgyes shing thugs ngan dgongs so/ /de nas rgyal po zas gtsang 'di snyam du sems te/ mtshan mkhan dang ltas mkhan gyi bram ze de rnams kyi tshig yang dag par bden par mi 'gyur grang / gzhon nu skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung bar 'gyur du 'ong gis/ ma la bdag gis gzhon nu la 'dod pa'i yon tan lnga las phal mo che zhig byin la ci nas kyang 'di la dga' zhing rab tu 'byung bar mi 'gyur bar bya'o snyam mo/ /de nas rgyal po zas gtsang gis byang chub sems dpa' shAkya thub pa la 'dod pa'i yon tan lnga las phal mo zhig byin te/ ci nas kyang 'di la dga' zhing rab tu 'byung bar mi 'gyur bar byas so/ /'dir smras pa/ shAkya thub pa'i yab ste zas gtsang des/ /kha lo sgyur las tshig de thos nas ni/ /de tshe dga' nas bdag 'dor mi gzhug phyir/ /'dod pa'i yon tan lnga las yang byin no/ /chos nyid kyis byang chub sems dpa' bskyed mos tshal gyi gzhir gshegs par bzhed par gyur pa de'i tshe kha lo sgyur ba la/ kye kha lo sgyur ba re shig bzhon pa bzang po myur du shoms shig dang / de la nga zhon nas bskyed mos tshal gyi gzhir 'gro'o zhes gsung bar 'gyur bas/ de nas byang chub sems dpas kha lo sgyur ba la gsungs pa/ kye kha lo sgyur ba re shig bzhon pa bzang po myur du shoms shig /de la nga zhon nas skyed mos tshal gyi gzhir gshegs so/ /lha bka' bzhin 'tshal zhes kha lo sgyur bas/ byang chub sems dpa' shAkya thub pa'i ltar mnyan nas bzhon pa bzang po bshams te/ byang chub sems dpa' shAkya thub pa gang na ba der song nas phyin pa dang / byang chub sems dpa' shAkya thub pa la 'di skad ces gsol to/ /lha bcibs pa bzang po bshams lags na lha da de'i dus la bab par dgongs su gsol/ de nas byang chub sems dpa' shAkya thub pa bzhon pa bzang por zhugs nas bskyed mos tshal gyi gzhir byung ba dang / byang chub sems dpa' shAkya thub pas/ mi skya bo rbab rbab po/ /rid pa/ nyam chung ba/ dbang po nyams pa/ skye bo mang po'i mig gis lta mi phod pa zhig gzigs so// //gcig zhus kun dga'o dang gnyis/ gnyis zhus sngags dpal ldan/ gsum zhus snar thang dpon slob pas/ dri tshogs spangs nas dag par byas te/ dge'o/ / // // // // // // // // (nga) @#/ ! /'dul ba lung bzhugs so/ / (黃) 律師戒行經第四部 'dul ba gzhi/ bam po brgyad bcu gsum pa/ gzigs nas kyang kha lo sgyur ba la gsungs pa/ kha lo sgyur ba mi skya bo rbab rbab po rid pa nyam chung ba dbang po nyams pa/ skye bo mang po'i mig gis kyang lta mi phod pa 'di ci yin/ lha 'di ni bro 'tshal ba zhes bgyi'o/ kha lo sgyur ba nad kyis thebs pa zhes bya ba 'di ci yin/ lha mi 'di gang 'dis 'gum par 'gyur ba'i gnas de mchis te/ lha 'di ni bros thebs pa zhes bgyi'o/ kha lo sgyur ba nga yang nad kyi chos dang nad kyi chos nyid las ma 'das sam/ lha yang snyun gyi chos dang snyun gyi chos nyid las ma 'das so/ kha lo sgyur ba de'i phyir shing rta phyir sgyur cig pho brang nyid du 'dong ngo / /'di ltar nga pho brang nyid du phyin nas nga nad las ma 'das shes grags pa'i don de nyid bsam par bya'o/ /kha lo sgyur bas shing rta phyir bsgyur nas pho brang nyid du chas te/ der byang chub sems dpa' shAkya thub pa pho brang gi nang du gshegs nas bdag kyang nad las ma 'das pa lta zhig ces de nas mi dgyes shing thugs ngan dgongs so/ /'dir smras pa/ mi ni lus rid skya bo rbab rbab po/ /rang dbang med pa'i nad thebs 'dir gzigs nas/ /nad las bdag ma 'das pa lta zhig ces/ /de nas mi dgyes thugs ngan dgongs par mdzad/ /de nas rgyal po zas gtsang gis kha lo sgyur ba la smras pa/ kha lo sgyur ba ci gzhon nu yid dga' ba dang mgu bas bskyed mos tshal gyi gzhir byung ngam/ bskyed mos tshal la mngon par dga' bar gyur tam/ lha ma lags so/ /de ci'i slad du zhe na/ lha gzhon nu bskyed mos tshal gyi gzhir byung ba na mi skya bo rbab rbab po rid pa/ nyam chung ba/ dbang po nyams pa/ skye bo mang po'i mig gis lta mi phod pa zhig gzigs so/ /gzigs nas kyang bdag la bka' stsal pa/ kha lo sgyur ba mi skya bo rbab rbab po rid pa/ nyam chung ba/ dbang po nyams pa/ skye bo mang po'i mig gis lta mi phod pa 'di ci yin/ de la bdag gis 'di skad ces gsol to/ /lha 'di ni bros thebs pa zhes bgyi'o/ /de 'di skad ces gsungs te/ kha lo sgyur ba nad kyis thebs pa zhes bya ba 'di ci yin/ de la bdag gis 'di skad ces gsol to/ /mi 'di gang gnod pa 'dis 'gum par 'gyur pa'i gnas de mchis te/ lha de ni bros thebs pa zhes bgyi'o/ /de 'di skad ces gsungs te/ kha lo sgyur ba nga yang nad kyi chos dang nad kyi chos nyid las ma 'das sam/ de la bdag gis 'di skad ces gsol to/ /lha yang snyun gyi chos dang snyun gyi chos nyid las ma 'das so/ /de 'di skad ces gsungs te/ kha lo sgyur ba de'i phyir shing rta phyir bsgyur cig pho brang nyid du 'dong ngo / /'di ltar nga pho brang nyid du phyin nas nga nad las ma 'das shes grags pa'i don de nyid bsam par bya'o/ /lha gzhon nu de pho brang gi nang du gshegs nas nga yang nad las ma 'das pa lta zhig ces mi dgyes shing thugs ngan dgongs so/ /de nas rgyal po zas gtsang 'di snyam du sems te/ mtshan mkhan dang ltas mkhan gyi bram ze de rnams kyi tshig yang dag par bden par mi 'gyur grang / gzhon nu skra dang kha spu bregs te/ gos ngur smrig bgos nas dad pa yang dag pa kho nas khyim nas khyim med par rab tu 'byung bar 'gyur du 'ong gis/ ma la bdag gis gzhon nu la 'dod pa'i yon tan lnga las phal mo che zhig byin la ci nas kyang 'di la dga' zhing rab tu 'byung bar mi 'gyur bar bya'o snyam mo/ /de nas rgyal po zas gtsang gis byang chub sems dpa' shAkya thub pa la 'dod pa'i yon tan lnga las phal mo che zhig byin te ci nas kyang 'di la dga' zhing rab tu 'byung bar mi 'gyur bar byas so/ /'dir smras pa/ de tshe dga' nas bdag 'dor mi gzhug phyir/ /gzugs dang sgra dang dri dang ro rnams dang / /reg bya yid du 'ong ba gtso rnams kyi/ /'dod pa'i yon tan lnga po yang byin no/ /chos nyid kyis byang chub sems dpa' bskyed mos tshal gyi gzhir gshegs par bzhed par gyur pa de'i tshe kha lo sgyur ba la/ kye kha lo sgyur ba re shig bzhon pa bzang po myur du shoms shig dang / der nga zhugs nas bskyed mos tshal gyi gzhir 'gro 'o zhes gsung bar 'gyur bas de nas byang chub sems dpas kha lo sgyur ba la gsungs pa/ kye kha lo sgyur ba re shig bzhon pa bzang po myur du shoms shig /der nga zhugs nas bskyed mos tshal gyi gzhir 'gro'o/ /lha bka' bzhin 'tshal zhes kha lo sgyur bas byang chub sems dpa' shAkya thub pa'i ltar mnyan nas bzhon pa bzang po bshams te byang chub sems dpa' shAkya thub pa gang na ba der song nas phyin pa dang / byang chub sems dpa' shAkya thub pa la 'di skad ces smras so/ / lha bcibs pa bzang po bshams lags kyis/ lha da de'i dus la bab par dgongs su gsol/ de nas byang chub sems dpa' shAkya thub pa bzhon pa bzang por zhugs te bskyed mos tshal gyi gzhir byung ba dang / byang chub sems dpa' shAkya thub pas ras kha dog sna tshogs las byas pa'i bla re bres pa dang / khyogs khyer ba dang / mdun na me sgron thogs pa dang / skye bo'i tshogs chen po mdun nas 'gro ba dang / bud med skra bshig pa rnams ngu zhing rjes bzhin 'brang ba zhig gzigs so/ /gzigs nas kyang kha lo sgyur ba la gsungs pa/ kha lo sgyur ba ras kha dog sna tshogs las byas pa'i bla re bres pa dang / khyogs khyer ba dang / mdun na me sgron thogs pa dang / skye bo'i tshogs chen po mdun nas 'gro ba dang / bud med skra bshig pa rnams ngu zhing rjes bzhin du 'brang ba 'di ci yin/ lha 'di ni gum pa zhes bgyi'o/ kha lo sgyur ba shi ba zhes bya ba 'di ci yin/ lha mi 'dis slan chad sdug pa'i pha ma mi mthong zhing bu pho dang / bu mo dang / bran po dang / bran mo dang / las bgyid pa dang / zho shas 'tsho ba'i mi rnams kyang ma lags la/ de dag gis kyang slan chad 'di mi mthong bas lha 'di ni gum pa zhes bgyi 'o/ /kha lo sgyur ba nga yang 'chi ba'i chos dang 'chi ba'i chos nyid las ma 'das sam/ lha yang 'chi ba'i chos dang 'chi ba'i chos nyid las ma 'das so/ /kha lo sgyur ba de'i phyir shing rta phyir bsgyur cig pho brang nyid du 'dong ngo / /'di ltar nga pho brang nyid du phyin nas nga 'chi ba las ma 'das zhes grags pa'i don de nyid bsam par bya 'o/ kha lo sgyur bas shing rta phyir bsgyur nas pho brang nyid du chas te/ der byang chub sems dpa' shAkya thub pa pho brang gi nang du gshegs nas bdag kyang 'chi ba las ma 'das pa lta zhig ces mi dgyes shing thugs ngan dgongs so/ /'dir smras pa/ tshe zad pa yis 'du shes bral gyur cing / /sems med mi yi ro zhig gzigs nas ni/ /'chi las bdag ma 'das pa lta zhig ces/ /de nas mi dgyes thugs ngan dgongs par mdzad/ /de nas rgyal po zas gtsang gis kha lo sgyur ba la smras pa/ kha lo sgyur ba ci gzhon nu yid dga' ba dang mgu bas bskyed mos tshal gyi gzhir byung ngam/ bskyed mos tshal la mngon par dga' bar gyur tam/ lha ma lags so/ /de ci'i slad du zhe na/ lha gzhon nu bskyed mos tshal gyi gzhir byung ba na ras kha dog sna tshogs las bgyis pa'i bla re bres pa dang / khyogs khyer ba dang / mdun na me sgron thogs pa dang / skye bo'i tshogs chen po mdun nas mchi ba dang / bud med skra bshig pa rnams ngu zhing rjes bzhin rjes bzhin du 'brang ba zhig gzigs so/ /gzigs nas kyang bdag la gsungs pa/ kha lo sgyur ba ras kha dog sna tshogs las byas pa'i bla re bres pa dang / khyogs khyer ba dang / mdun na me sgron thogs pa dang / skye bo'i tshogs chen po mdun nas 'gro ba dang / bud med skra bshig pa rnams ngu zhing rjes bzhin rjes bzhin du 'brang ba 'di ci yin de la bdag gis 'di skad ces gsol to/ /lha 'di ni gum pa zhes bgyi 'o/ /des 'di skad ces gsungs te/ kha lo sgyur ba shi ba zhes bya ba 'di ci yin/ de la bdag gis 'di skad ces gsol to/ /lha mi 'dis slan chad sdug pa'i pha ma mi mthong zhing / bu pho dang / bu mo dang / bran pho dang / bran mo dang / las bgyid pa dang / zho shas 'tsho ba rnams kyang ma lags la/ de rnams kyis kyang slan chad 'di mi mthong bas lha 'di ni gum pa zhes bgyi 'o/ /de 'di skad ces gsungs te/ kha lo sgyur ba nga yang 'chi ba'i chos dang 'chi ba'i chos nyid las ma 'das sam/ de la bdag gis 'di skad ces gsol to/ /lha yang 'chi ba'i chos dang 'chi ba'i chos nyid las ma 'das so/ /des 'di skad ces gsungs te/ kha lo sgyur ba de'i phyir shing rta phyir bsgyur cig pho brang nyid du 'dong ngo / /'di ltar nga pho brang du phyin nas 'chi ba las ma 'das shes grags pa'i don de nyid bsam par bya 'o/ /lha gzhon nu de pho brang gi nang du gshegs te bdag kyang 'chi ba las ma 'das pa lta zhig ces mi dgyes shing thugs ngan dgongs so/ /de nas rgyal po zas gtsang 'di snyam du sems te/ mtshan mkhan dang ltas mkhan gyi bram ze de rnams kyi tshig yang dag par bden par mi 'gyur grang / gzhon nu skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung bar 'gyur du 'ong gis/ ma la bdag gis gzhon nu la 'dod pa'i yon tan lnga las phal mo che zhig byin la ci nas kyang 'di la dga' zhing rab tu 'byung bar mi 'gyur bar bya 'o snyam mo/ /de nas rgyal po zas gtsang gis byang chub sems dpa' shAkya thub pa la 'dod pa'i yon tan lnga las phal mo che zhig byin nas ci nas kyang 'di la dga' zhing rab tu 'byung bar mi 'gyur bar byas so/ /'dir smras pa/ grong khyer dam pa dpal ldan yid 'ong der/ /lha yi lhar gyur sgron ma dang mtshungs pa/ /'dod pa'i yon tan lnga pos kun dgyes pa/ /mig stong dga' ba'i tshal na gnas pa bzhin/ /de nas gnas gtsang ma'i ris kyi lha rnams 'di snyam du sems te/ byang chub sems dpa' rnams ni rgyu'i stobs can yin mod kyi 'on kyang rkyen bsgrub par bya dgos te/ 'di ltar rgyu'i stobs chen po yang rkyen gyi stobs la ltos so snyam nas de rnams kyis mi skra bregs shing gos ngur smrig gyon pa lag pa na lhung bzed thogs pa zhig khyim nas khyim dang khang pa nas khang par rgyu zhing 'gro ba zhig sprul to/ /chos nyid kyis byang chub sems dpa' bskyed mos tshal gyi gzhir gshegs par bzhed par gyur pa de'i tshe kha lo sgyur ba la kha lo sgyur ba re shig bzhon pa bzang po myur du shoms shig dang der nga zhugs nas bskyed mos tshal gyi gzhir gshegs so zhes gsung bar 'gyur bas/ de nas byang chub sems dpas kha lo sgyur ba la gsungs pa/ kha lo sgyur ba re shig bzhon pa bzang po myur du shoms shig /der nga zhugs nas bskyed mos tshal gyi gzhir gshegs so/ /lha bka' bzhin 'tshal zhes kha lo sgyur bas byang chub sems dpa' shAkya thub pa'i ltar mnyan nas bzhon pa bzang po bshams nas byang chub sems dpa' shAkya thub pa gang na ba der song nas phyin pa dang / byang chub sems dpa' shAkya thub pa la 'di skad ces gsol to/ /lha bcibs pa bzang po bshams lags kyis/ lha da de'i dus la bab par dgongs su gsol/ de nas byang chub sems dpa' shAkya thub pa bzhon pa bzang por zhugs nas bskyed mos tshal gyi gzhir byung ba dang / byang chub sems dpa' shAkya thub pas mi skra bregs shing gos ngur smrig gyon pa lag pa na lhung bzed thogs pa zhig khyim nas khyim dang / khang pa nas khang par rgyu zhing 'gro ba zhig gzigs so/ /gzigs nas kyang kha lo sgyur ba la gsungs pa/ kha lo sgyur ba mi skra bregs shing lag na lhung bzed thogs nas khyim nas khyim dang / khang pa nas khang par rgyu zhing 'gro la 'di'i gos kyang kha dog mi mtshungs te/ ji ltar yang mi gzhan dag gi dang mi 'dra ba 'di ci yin/ lha de ni rab tu byung ba zhes bgyi 'o/ /kha lo sgyur ba rab tu byung ba zhes bya ba 'di ci yin/ lha rab tu byung ba de ni dul ba legs pa dang / yang dag par sdom pa legs pa dang / don spyod pa legs pa dang / chos spyod pa legs pa dang / dge ba spyod pa legs pa dang / dge legs spyod pa legs par rigs nas skra dang kha spu bregs te/ gos ngur smrig bgos nas dad pa yang dag pa kho nas khyim nas khyim med par rab tu byung ba ste/ lha 'di ni rab tu byung ba zhes bgyi 'o/ /kha lo sgyur ba de'i phyir shing rta 'di rab tu byung ba gang na ba de logs su bsgyur cig /lha bka' bzhin 'tshal zhes kha lo sgyur bas byang chub sems dpa' shAkya thub pa'i ltar mnyan nas shing rta de rab tu byung ba gang na ba der bsgyur to/ / de nas byang chub sems dpa' shAkya thub pas rab tu byung ba de la 'di skad ces bka' stsal to/ /kye mi khyod ci'i phyir skra bregs shing lag pa na lhung bzed thogs nas khyim nas khyim dang / khang pa nas khang par rgyu zhing 'gro la khyod kyi gos kyang kha dog mi mtshungs te/ ci ltar yang mi gzhan dag gi dang mi 'dra ba yin/ des 'di skad ces smras so/ /gzhon nu bdag ni rab tu byung ba zhes bgyi 'o/ /kye mi khyod ji ltar na rab tu byung ba zhes bya/ gzhon nu bdag gis dul ba legs pa dang / yang dag par sdom pa legs pa dang / don spyod pa legs pa dang / chos spyod pa legs pa dang / dge ba spyod pa legs pa dang / dge legs spyod pa legs par rig nas skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ste/ de ltar na bdag rab tu byung ba zhes bya 'o/ /kye mi khyod kyis dul ba legs pa dang / yang dag par sdom pa legs pa dang / don spyod pa legs pa dang / chos spyod pa legs pa dang / dge ba spyod pa legs pa dang / dge legs spyod pa legs par rig nas skra dang kha spu bregs te gos ngur smrig bgos nas/ dad pa yang dag pa kho nas khyim nas khyim med par rab tu byung ba legs so/ /de nas byang chub sems dpa' shAkya thub pas kha lo sgyur ba la gsungs pa/ kha lo sgyur ba de'i phyir shing rta phyir bsgyur cig pho brang nyid du 'dong ngo / /'di ltar nga pho brang du phyin nas don 'di kho na bsam par bya'o/ kha lo sgyur bas shing rta phyir bsgyur nas pho brang nyid du chas te/ der pho brang du gshegs pa dang byang chub sems dpa' shAkya thub pa kye ma 'o bdag ni skra dang kha spu bregs te/ gos ngur smrig bgos nas dad pa yang dag pa kho nas khyim nas khyim med par rab tu 'byung bar bya 'o snyam pa'i don de nyid dgongs so/ /de nas rgyal po zas gtsang gis kha lo sgyur ba la smras pa/ kha lo sgyur ba ci gzhon nu yid dga' ba dang mgu bas bskyed mos tshal gyi gzhir byung ngam/ bskyed mos tshal la mngon par dga' bar gyur tam/ lha ma lags so/ /de ci'i slad du zhe na/ lha gzhon nu bskyed mos tshal gyi gzhir byung ba na mi skra bregs shing gos ngur smrig 'tshal ba sug pa na lhung bzed thogs nas khyim nas khyim dang / khang pa nas khang par rgyu zhing mchi ba zhig gzigs so/ /gzigs nas kyang bdag la 'di skad ces gsungs te/ kha lo sgyur ba mi skra bregs pa lag pa na lhung bzed thogs nas khyim nas khyim dang khang pa nas khang par rgyu zhing 'gro la 'di'i gos kyang kha dog mi mtshungs te/ ji ltar yang mi gzhan dag gi dang mi 'dra ba 'di ci yin/ de la bdag gis 'di skad ces gsol to/ /lha de ni rab tu byung ba zhes bgyi 'o/ /de 'di skad ces gsungs te/ kha lo sgyur ba rab tu byung ba zhes bya ba 'di ci yin/ de la bdag gis 'di skad ces gsol to/ /lha rab tu byung ba de ni dul ba legs pa dang / yang dag par sdom pa legs pa dang / don spyod pa legs pa dang / chos spyod pa legs pa dang / dge ba spyod pa legs pa dang / dge legs spyod pa legs par rig nas skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ba ste/ lha 'di ni rab tu byung ba zhes bgyi 'o/ /de 'di skad ces gsungs te/ kha lo sgyur ba de'i phyir shing rta 'di rab tu byung ba gang na ba de logs su bsgyur cig /lha bka' bzhin 'tshal zhes byang chub sems dpa' shAkya thub pa'i ltar mnyan nas shing rta de rab tu byung ba gang na ba de logs su bsgyur ba dang / byang chub sems dpa' shAkya thub pas rab tu byung ba de la 'di skad ces gsungs te/ kye mi khyod ci'i phyir skra bregs la lag pa na lhung bzed thogs nas khyim nas khyim dang / khang pa nas khang par rgyu zhing 'gro la khyod kyi gos kyang kha dog mi mtshungs te/ ji ltar yang mi gzhan dag dang mi 'dra ba yin/ des 'di skad ces gsol to/ /gzhon nu bdag ni rab tu byung ba zhes bya 'o/ /byang chub sems dpas gsungs pa/ kye mi khyod ji ltar rab tu byung ba zhes bya/ des 'di skad ces gsol to/ /gzhon nu bdag gis dul ba legs pa dang / yang dag par sdom pa legs pa dang / don spyod pa legs pa dang / chos spyod pa legs pa dang / dge ba spyod pa legs pa dang / dge legs spyod pa legs par rig nas skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ste/ de ltar na bdag rab tu byung ba zhes bya 'o/ /byang chub sems dpas gsungs pa kye mi khyod kyis dul ba legs pa dang / yang dag par sdom pa legs pa dang / don spyod pa legs pa dang / chos spyod pa legs pa dang / dge ba spyod pa legs pa dang / dge legs spyod pa legs par rig nas skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ba legs so/ /lha de nas gzhon nus gsungs pa/ kha lo sgyur ba de'i phyir shing rta phyir bsgyur cig pho brang nyid du 'dong ngo // 'di ltar nga pho brang du phyin nas don 'di bsam par bya 'o/ /bdag gis de nas shing rta bsgyur nas gzhon nu pho brang du zhugs so/ /rgyal pos bsams pa/ mtshan mkhan dang ltas mkhan gyi bram ze de rnams kyi tshig yang dag par bden par mi 'gyur grang / gzhon nu skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu 'byung bar 'gyur du 'ong gis/ ma la bdag gis gzhon nu zhing pa'i grong du btang la ci nas kyang de la sems g.yengs par 'gyur bar bya 'o snyam nas/ gzhon nu shAkya thub pa la 'di skad ces smras so/ /gzhon nu tshur shog /khyod zhing pa'i grong du song la las kyi mtha' la ltos shig / de nas byang chub sems dpa' rgas pa dang / nad pa dang / shi ba mthong nas ni yid byung ngo / /rab tu byung ba la ni mngon par zhen pa'i blos yab shAkya zas gtsang gi tshig gsan nas shing rtar zhugs te zhing pa'i grong du skus gshegs kyi thugs kyis ni ma yin no/ /de la lam kar gter lnga brgyas kha nye bar bstan te sgra phyung ba/ gzhon nu bdag cag ni khyod kyi nye du'i gter lags kyis bdag cag bzhes shig /byang chub sems dpas gsungs pa/ re shig de rnams kyis blun po'i yongs su gzung ba byas nas ci zhig byas/ khyed nga la dgos pa med kyis song shig /tshigs su bcad pas kyang gsungs pa/ gang gis nga la 'chi ba'i gtam smras pa/ / de dag kyang shi gtam du gyur pa yin/ /bdag kyang shi nas ring po mi thogs par/ /gzhan dag gi yang gtam du 'gyur bar 'ong / /de rnams kyis yang sgra phyung ba/ /gzhon nus gal te mi bzhes na/ /bdag cag rgya mtsho chen por 'jug go/ /byang chub sems dpas ci bde bar zhugs shig ces gsungs pa dang de rnams rgya mtsho chan po'i nang du zhugs so/ /byang chub sems dpa' gshegs pa dang / ji tsam na zhing pa skra gyen du 'greng ba/ lag pa dang rkang pa ser ga byung ba/ lus rdul gyis yog pa dag cig dang / rmon pa lcag gzer bu rnon po can gyis lus dral bas rgyab dang mjug do'i phyogs khrag gis yog pa/ ltogs pa dang skom pas dbugs brdzags shing snying ga'i phyogs nas dbugs brdzags pa ring du 'dren la gnya' shing gis mnan pa'i rma las rnag khrag 'dzag pa la sbrang bu dang 'bu'i tshogs za ba/ thong lcags kyis rkang pa rma byung zhing / kha dang sna nas kha chu sna chu 'dzag la sbal pa dang / sha sbrang dang / sbrang bu mchu rings kyis yog pa rnams gzigs so/ /gzigs nas kyang thog ma med pa'i dus nas bsod nams bskyed cing bsags pa'i thugs rjes kun nas bskyod pa'i thugs kyis zhing pa rnams la 'di skad ces gsungs so/ /shes ldan dag khyod su'i yin/ de rnams kyis gsol pa/ lha'i lags so/ /des gsungs pa/ shes ldan dag ding phan chad bran du mi bya/ mngag gzhug par mi bya/ rang dbang can gang dga' bar 'gro bar byas/ bde ba la reg par gnos shig /rmon pa rnams kyang bkrol nas gsungs pa/ khyed cag kyang deng phyin chad rtswa mchog ma nyams pa la za zhing chu ma rdul ma brnyogs shing dang ba dag la 'thungs shig /khyod la phyogs bzhi nas kyang rlung bsil ba ldang bar gyur cig /de nas byang chub sems dpa' yid byung ba de nyid kyis yab shAkya zas gtsang gi zhing blas kyi mtha' la gzigs nas shing 'dzam bu'i grib ma gang na ba der gshegs te byon nas/ shing 'dzam bu'i grib ma la bzhugs te/ 'dod pa las dben pa/ sdig pa mi dge ba'i chos las dben pa/ rtog pa dang bcas/ dpyod pa dang bcas shing dben pa las skyes pa'i dga' ba dang bde ba can zag pa med pa dang 'dra ba'i bsam gtan dang po la snyoms par zhugs so/ /skye bo'i tshogs chen po yang byang chub sems dpa' spangs te mi 'gro bar shing gzhan rnams kyi drung na sdod do/ /rgyal po zas gtsang gis bsams pa byang chub sems dpa' ring zhig thogs te 'di ltar dro'i dus las yol gyis ltar 'gro'o zhes de shing rtar zhugs nas zhing pa'i grong du song ste phan tshun du byang chub sems dpa' tshol zhing shing 'dzam bu'i drung du phyin to/ /de'i tshe nyi ma'i gung yol nas shing rnams kyi grib ma shar phyogs su gzhol/ shar phyogs su 'bab/ shar phyogs su bab par gyur to/ /byang chub sems dpa'i mthus shing 'dzam bu'i grib ma ni byang chub sems dpa'i sku mi gtong ngo / /rgyal po zas gtsang gis nyi ma'i gung yol nas shing gzhan rnams kyi grib ma shar phyogs su gzhol/ shar phyogs su 'bab/ shar phyogs su bab par gyur na shing 'dzam bu'i grib ma ni byang chub sems dpa'i sku mi gtong ba mthong ngo / /mthong nas kyang de 'di snyam du sems te/ gzhon nu ni rdzu 'phrul che zhing mthu che ba yin te/ 'di ltar da lta nyi ma'i gung yol nas shing gzhan rnams kyi grib ma shar phyogs su gzhol/ shar phyogs su 'bab/ shar phyogs su bab par gyur na shing 'dzam bu'i grib ma ni byang chub sems dpa'i sku mi gtong ba ngo mtshar che 'o snyam mo/ /de nas dga' ba'i sti stang byas te byang chub sems dpa'i zhabs gnyis la gtugs nas tshigs su bcad pas smras pa/ ji ltar bltams tshe sa ni g.yos pa ltar/ /'dzam bu'i grib mas khyod sku mi gtong ba/ /blo chen khyod kyi ya mtshan gnyis 'di ste/ /kun gzigs khyod kyi zhabs la phyag 'tshal lo/ /de nas rgyal po zas gtsang gis byang chub sems dpa' skyil mo dkrung bcas pa las bslang nas shing rtar zhugs te/ dur khrod kyi nang nas ser skya'i gzhir gshegs pa na byang chub sems dpas dur khrod kyi nang na mi ro rnam par sngos pa dang / rnam par 'bus gzhigs pa dang / rnam par bam pa dag gzigs nas de shin du skyo ba skyes te/ shing rtar zhugs bzhin du skyil mo dkrung bcas nas bzhugs so/ /de nas yang rgyal po zas gtsang gis skyil mo dkrung bcas pa las bslang nas/ ser skya'i gzhir gshegs te/ grong khyer gyi nang du 'jug pa na mtshan mkhan rnams kyis gal te gzhon nu zhag bdun gyi bar du rab tu ma byung na 'khor los sgyur ba'i rgyal por 'gyur bar lung bstan par rig nas de rnams kyis rgyal po zas gtsang la 'di skad ces smras so/ /gal te de yi bzang po gzigs bzhed na/ /de'i slad dgung bdun bar du srungs shig dang / /mi dbang gdugs ni bdal bar gyur pa na/ /rin chen sna bdun 'byung bar the tshom med/ /khyod sras rin chen bdun po yi/ /dbang phyug gi ni rgyal por 'gyur/ /rgya mtsho la ni thug pa'i sa/ /chad pa med pas skyong bar 'gyur/ /'on te sa ni spangs nas su/ /bsnyengs med nags su bzhud na ni/ /thams cad mkhyen pa thob gyur nas/ /'gro ba sgrol bar mdzad par 'gyur/ /shAkya dus legs kyi bu mo ri dgas skyes zhes bya ba de skar khung na 'dug pas byang chub sems dpa' mthong nas tshigs su bcad de smras pa/ kye ma 'di yi yum bde zhing / /yab de yang ni bde ba yin/ /kye ma gang gi khyim thab 'gyur/ /bud med de yang mya ngan 'das/ /skyes mchog bsam gtan pa de yis/ /mya ngan 'das pa'i sgra thos nas/ /mya ngan 'das pa zhi nyid du/ /mkhyen nas de la thugs dgyes gyur/ /de nas byang chub sems dpas legs par smras pa'i phyir mu tig gi phreng ba 'phangs pa dang / byang chub sems dpa'i mthus skar khung nas song ste de'i mgul du 'khris par gyur to/ /skye bo'i tshogs kyis nang du song ba de mthong nas/ de rnams kyis rgyal po zas gtsang la rgyas par smras nas rgyal po zas gtsang gis ri dgas skyes 'khor nyi khri dang byang chub sems dpa'i btsun mor blangs so/ /de nas byang chub sems dpa'i btsun mo sa 'tsho ma dang / ri dgas skyes la sogs pa'i 'khor bud med drug khri yod do/ /de nas rgyal po zas gtsang gcung bre bo zas dang / zas dkar dang / tshad med zas gsum dang lhan cig gcig tu tshogs nas gros bya bar brtsams pa/ shes ldan dag mtshan mkhan dang ltas mkhan gyi bram ze rnams kyis byang chub sems dpa' shAkya thub pa la gal te zhag bdun gyi bar du rab tu ma byung na 'khor los sgyur ba'i rgyal por 'gyur ro zhes lung bstan gyis/ de lta bas na bdag cag gis byang chub sems dpa' zhag bdun gyi bar du bsgrims te bsrung bar bya zhing grong khyer yang legs par bsrung bar bya'o/ /de nas de rnams kyis ser skya'i gzhi'i grong khyer ra ba rim pa bdun dang 'obs rim pa bdun gyis bskor nas grong khyer gyi sgo 'phar lcags las byas shing / sgo 'phar rnams la dril bu shin tu sgra gsal ba btags te sgo phye na de'i sgras dpag tshad gcig kho ra khor yug tu grag par 'gyur ro/ /byang chub sems dpa' ni khang bzangs kyi gzhi na bud med yid 'phrog pa gzugs bzang ba rnams dang / gar dang glu dang / rol mo rnams kyi spyod pas bsnyen bkur byed du bcug go/ /blon po rnams ni dpung gi tshogs yan lag bzhi dang lhan cig ra ba'i phyi rol kho ra khor yug tu gcan pa byed du bcug go/ /skas spor rung ba mi lnga brgyas tshugs pa yang byas so/ /btsun mo'i 'khor gyi sgor yang sgo phye na de'i sgras rgyal po zas gtsang gi pho brang du grag cing de thos nas btsun mo'i 'khor gyi mi dang / grong khyer gyi sgo srungs rnams dang / pho brang 'khor gyi mi grong khyer gyi phyi rol nas srung du bcug pa rnams bag dang chas te 'dug par 'gyur ba de lta bu btags so/ /byang chub sems dpa' ni steng gi khang bzangs gi gzhi skyes pa med par zhugs nas pi bang dang / gling bu dang / 'khar rnga dang / sgra snyan la sogs pa rol mo'i cha spyad dag nye bar len cing 'byor pa chen pos bzhugs so/ /mtshan mo ni rgyal po zas gtsang yang dpung gi tshogs yan lag bzhi dang shar sgo'i phyi rol na 'dug go/ /lho phyogs na ni bre bo zas so/ /nub phyogs na ni zas dkar ro/ /byang phyogs na ni tshad med zas so/ /grong khyer gyi dbus kyi 'gram po byed pa ni shAkya ming chen no/ /de shar sgor song nas smras pa/ su zhig mel tshe byed/ su zhig mel tshe byed rgyal po zas gtsang gis smras pa/ kho bo mel tshe byed do/ /lha mel tshe mdzod cig / mel tshe mdzad dang khyod la legs par 'gyur ro zhes smras te/ tshigs su bcad de smras pa/ 'jig rten gnyid log ro dang mtshungs/ /gnyid log bdud kyi dbang du song / /'di na mi nyal rtag tu mkhas/ / de bas ma nyal mel tshe byos/ /lho sgor song nas smras pa/ su zhig mel tshe byed/ su zhig mel tshe byed/ bre bo zas kyis smras pa/ kho bo mel tshe byed do/ /lha mel tshe mdzod cig /mel tshe mdzad dang khyod la legs par 'gyur ro zhes smras nas tshigs su bcad de smras pa/ 'jig rten gnyid log ro dang mtshungs/ /gnyid log bdud kyi dbang du song / /gnyid log 'chi bdag dbang du song / /de bas ma nyal mel tshe byos/ / nub sgor song nas smras pa/ su zhig mel tshe byed/ su zhig mel tshe byed/ zas dkar gyis smras pa/ kho bo mel tshe byed do/ /lha mel tshe mdzod cig /mel tshe mdzad dang khyod la legs par 'gyur ro zhes smras nas tshigs su bcad de smras pa/ gnyid log pa ni rtag tu myos/ /myos 'gyur bre bos 'thungs pa nyal/ /dgon pa'i nags su nyal ba 'dra/ /de bas ma nyal mel tshe byos/ /byang sgor song nas smras pa/ su zhig mel tshe byed/ su zhig mel tshe byed/ tshad med zas kyis smras pa/ kho bo mel tshe byed do/ /lha mel tshe mdzod cig /mel tshe mdzad dang khyod la legs par 'gyur ro zhes smras nas tshigs su bcad de smras pa/ ri nyal ri sul nyal ba bzhin/ /rgya mtsho'i chur ni nyal ba dang / /ljon shing rtse la nyal ba bzhin/ /de bas ma nyal mel tshe byos/ /dbus kyi bzhi mdo dang sum mdo dag tu song nas smras pa/ su zhig mel tshe byed/ su zhig mel tshe byed/ srungs ma rnams kyis smras pa/ bdag cag mel tshe bgyid do/ /mel tshe byos shig /mel tshe byos dang legs par 'gyur ro/ /zhes smras nas tshigs su bcad de smras pa/ chos spyod chos ma yin ma spyod/ /bden pa smros shig brdzun ma smra/ /mun pa chen por 'jug par 'gyur/ /de bas ma nyal mel tshe byos/ /de nas nam nangs nas shAkya ming chen gyis rgyal po zas gtsang la smras pa/ lha dgung sangs lags te dgung bdun la dgung gcig ni thal/ dgung drug ni lus so/ /rgyal po zas gtsang gis smras pa/ legs kyis zhag drug 'das na gzhon nu 'khor los sgyur bar gyur na bdag cag nam mkha'i ngos la rgyu zhing gling bzhir phyi bzhin dong ngo / /de bzhin du dgung gcig lus so zhes bya ba'i bar du ste/ lha rnams kyi dbang po brgya byin gyi shes pa mthong ba ni 'og tu 'jug pa yin pas tshigs su bcad de smras pa/ mi dbang shAkya'i sras po thub pa 'di/ /bdag nyid chen po pha rol phyin drug rdzogs/ /thub rnams dgyes par mdzad pa dka' thub tshal/ /'phags pa dgyes pa'i nags su gshegs par bzhed/ /de nas byang chub sems dpa' btsun mo dang lhan cig skyes pa med pa na rol mos rtse bar byed/ dga' bar byed/ dga' mgur spyod par byed pa na 'di snyam du dgongs te/ bdag la gzhan dag gzhon nu shAkya thub pa ni skyes pa ma yin te/ gang gi phyir grags 'dzin ma dang / sa 'tsho ma dang / ri dgas skyes dang / bud med drug khri spangs nas rab tu byung ngo zhes gzhi des kha zer bar 'gyur du 'ong gis/ ma la bdag gis grags 'dzin ma dang lhan cig dga' mgur spyad par bya'o snyam nas des grags 'dzin ma dang lhan cig dga' mgur spyod pa dang grags 'dzin ma sems can dang ldan par gyur nas/ de 'di snyam du sems te/ nam nangs nas byang chub sems dpa'i snyan du gsol lo snyam mo/ /de nas byang chub sems dpas de'i tshe rten cing 'brel bar 'byung ba dang ldan pas tshigs su bcad de gsungs pa/ bud med dang bdag khyim nyal ba'i/ /tha ma deng gi 'di yin te/ /phyin cad khyim du bud med dang / /nga ni lhan cig mi gnas so/ /de nas bud med de rnams gar dang glu dang rol mos dub nas kha nas kha chu 'dzag cing skra zhig la gos dang lag pa dag lhug par btang nas bsla ba'i tshig byung rgyal du brdol zhing gnyid log go/ /byang chub sems dpas bud med de dag thams cad kha nas kha chu 'dzag cing skra zhig la gos dang lag pa dag lhug par btang nas bsla ba'i tshig byung rgyal du brdol zhing gnyid log pa gzigs so/ /gzigs nas kyang btsun mo'i 'khor la dur khrod kyi 'du shes skyes nas des tshigs su bcad de gsungs pa/ rlung gi shugs kyis pad ma'i tshal ltar sa gzhi 'dir/ /lag pa dag dang rkang pa brkyang nas 'gyel gyur te/ /skra rnams zhig cing 'doms dang rkub kyi phyogs snang ba/ /shAkya'i sras kyis gzigs nas rang bzhin skyo bar gyur/ /tshul dang bral ba'i bud med na chung tshogs 'di dag /dur khrod 'jigs su rung ba'i rang bzhin 'drar mthong nas/ /sems can byis pa'i spyod pa'i yul la deng dga' na/ /sems dang blo gros dran dang bral ba yin nam ci/ / 'dod pa thams cad 'dam dang mda' mdung dug me 'dra/ /rmi lam lta bu yin te tshwa chu'i ro dang mtshungs/ /'dod pa phung byed rtsod dang sdig pa'i rgyur gyur pa/ /mtha' ngan sbrul gyi dbang po lta bu bdag gis spang / /bar skabs der skye dgu'i bdag mo chen mo'i rmi lam du bzhi rmis pa/ zla ba sgra gcan gyis zin pa dang / nyi ma shar phyogs nas shar nas de nyid du nub pa dang / skye bo'i tshogs chen pos bdag la phyag byas pa dang / bdag nyid dgod cing ngu ba 'o/ /grags 'dzin ma'i rmi lam du brgyad rmis pa/ bdag nyid kyi khyim gyi gdung chag pa dang / bkra shis kyi mal khri chag pa dang / lag pa'i gdub bu chag pa dang / so'i phreng ba lhags pa dang / skra'i lan bu zhig pa dang / dpal khyim nas byung ba dang / zla ba sgra gcan gyis zin pa dang / nyi ma shar phyogs nas shar nas de nyid du nub pa'o/ /byang chub sems dpas kyang rmi lam lnga rmis pa/ sa chen po nyid kyi gzim mal du byas shing / ri rab ri'i rgyal po dbu rten du bcug /phyag g.yon pa shar phyogs kyi rgya mtsho chen por 'jug /phyag g.yas pa nub phyogs kyi rgya mtsho chen por 'jug /zhabs gnyis rgya mtsho chen por 'jug pa dang / 'gring ba zhes bya ba'i rtsa'i rigs lte ba nas byung nas nam mkha'i bar du 'phags te 'dug pa dang / bya kun nas dkar la mgo gnag pa rnams kyis zhabs gnyis la gtugs nas pus mo'i lha nga la thug gi bar du ldag pa dang bya sna tshogs phyogs bzhi nas 'ongs nas mdun du kha dog gcig tu 'dug pa dang / mi gtsang ba'i ri'i steng nas bdag nyid mi gtsang bas ma gos par 'chag pa'o/ /rmis nas kyang thugs dgyes te dgongs pa/ nga'i rmi lam 'di 'dra ba rmis pas ring po mi thogs pa kho nar bla na med pa'i ye shes thob par 'gyur ro snyam mo/ /de nas grags 'dzin mas byang chub sems dpa' la rmi lam gsol pa/ lha da gzod bdag gis g.yar lam du brgyad rmis pa/ bdag gi sdum pa'i gdung chag pa dang / bkra shis kyi mal khri chag pa dang / sug pa'i gdub bu chag pa dang / so'i phreng ba lhags pa dang / skra'i lan bu zhig pa dang / dpal sdum pa nas byung ba dang / zla ba sgra gcan gyis zin pa dang / gdugs shar phyogs nas bdal nas de nyid du nub pa rmis lags so/ /byang chub sems dpas grags 'dzin ma'i yid mi bde ba bsal ba'i phyir rmi lam rnams bshad pa/ bdag gi khyim gyi gdung chag go zhes smras pa gang yin pa de mi 'dug gam/ bdag gi bkra shis kyi mal khri chag go zhes smras pa gang yin pa de yang ma chag ste 'dug pa 'o ni yin mod/ lag pa'i gdub bu chag go zhes smras pa gang yin pa ci chag gam ma chag rang nyid rtogs shig /so'i phreng ba lhags so zhes smras pa gang yin pa de yang so so rang gis rig par bya ba yin pas ci lhags sam ma lhags rtogs shig /bdag gi lan bu zhig go zhes gang smras pa de yang khyod kyis so so rang gis rig par bya ba yin pas ci zhig gam ma zhig rtogs shig /khyim nas dpal byung ngo zhes smras pa gang yin pa de ni bud med rnams kyi dpal ni khyo yin la nga ni 'dug pa nyid do/ /zla ba sgra gcan gyis zin ces smras pa gang yin pa de ni zla ba 'di mngon sum du 'dug pa ma yin nam/ nyi ma shar phyogs nas shar nas de nyid du nub bo zhes smras pa gang yin pa de ni da dung yang nam phyed yod de/ re shig shar kyang ma shar na nub par lta ga la gyur ces de ltar brda sprad nas btsun mo grags 'dzin cang mi smra bar 'dug go/ /byang chub sems dpas dgongs pa grags 'dzin ma'i rmi lam de 'dra ba rmis pas gdon mi za bar da kho na bdag 'gro bar byas 'di la tshig zur gyis bstan no snyam nas des de la tshig zur gyis bstan pa dang / grags 'dzin mas gsol pa/ lha khyod gang du bzhud pa der bdag khrid cig /byang chub sems dpas mya ngan las 'das pa las dgongs nas bka' stsal pa/ de bzhin du bya ste/ gang du 'gro ba de dang der khyod bkri'o/ / de nas brgya byin dang tshangs pa la sogs te lha rnams kyi sems kyis byang chub sems dpa'i dgongs pa shes nas byang chub sems dpa' gang na ba der song ste phyin pa dang / byang chub sems dpa' la 'di skad ces gsol to/ /nags kyi spre'u ni spyod yul rgyu 'dra zhing / /yan par 'dug pa'i rte'u dang 'dra ba'i thugs/ /gal te 'dod pa'i yon tan las bzlog na/ /de nas shin tu gsal ba'i snang ba gzigs/ /blo gros bzang po bzhengs shig bzhengs/ /sa ni spangs te bzhud mdzod la/ /thams cad mkhyen nyid brnyes nas ni/ /'gro ba dag ni bsgral bar mdzod/ /byang chub sems dpas gsungs pa/ kau shi ka ma mthong ngam/ nga ni ri dgas bdag po rgyas bskor ltar/ /mi ni mthu ldan gzhu mtshon ral gri thogs/ /rta glang shing rta dpung tshogs mang po yis/ /grong khyer ser skya kun nas yongs su bskor/ /zas gtsang la sogs shAkya'i tshogs 'di dag /glang chen rta zhon legs par go bgos lus/ /mi sdug sna tshogs lag na mtshon thogs te/ /khyams dang rta babs khang bzangs gzhi nang gnas/ /pho brang dang ni khyim sgo dang / /de bzhin grong khyer sgo dag kyang / /bcad nas gtan pa dam bcug ste/ /de bzhin kun nas bsrungs par gyur/ /rwa dung pa ta ha sgra rnga sgra yis/ /khyams dang rta babs khang bzangs nang gnas shing / /glang chen rta dmag 'bad pa'i skye bo'i tshogs/ /rgyun du nga mi btang phyir srung bar byed/ /brgya byin gyis gsol pa/ des pa mar me mdzad kyis lung bstan dang / /sdug bsngal gyis gdungs 'jig rten 'di dang yang / /khyod kyi sngon gyi dam bcas dgongs mdzod la/ /khab dag spongs te nges par 'byung bar mdzod/ /ji ltar khyod ni bgegs med par/ /deng nyid nags su gshegs 'gyur ba/ /bdag cag tshangs sogs bcas pa yi/ / lha rnams kyis ni de bzhin bgyi/ /byang chub sems dpas legs so zhes gsungs nas thugs dgyes par gyur to/ /de nas lha rnams kyi dbang po brgya byin gyis gnyid kyis myos par byas nas/ gnod sbyin gyi sde dpon chen po lngas rtsen la bsgo ba/ grogs po byang chub sems dpa' steng gi khang bzangs nas 'babs kyis skas long shig /des skas blangs pa la byang chub sems dpa' 'babs pa dang / de nas brgya byin gyis brda byas ma thag tu zha 'bring ba 'dun pa gang na ba der gshegs nas/ ji tsam na 'dun pa gnyid stug pos non par gzigs nas byang chub sems dpas bsgrims te bslang nas tshigs su bcad pa'i dbyangs kyis gsungs pa/ 'dun pa longs kye khyim nas myur du ni/ /nga yi rta po rin chen bsngags ldan long / /sngon gyi rgyal bas longs spyod dka' thub tshal/ /thub rnams dgyes par mdzad par nga gshegs so/ /'dun pa gnyid log pa'i mig phye nas smras pa/ lha khyod bskyed mos tshal gyi dus ma bab/ /des pa khyod dang 'ga' yang khon ma mchis/ /khyod la dgra bo su yang ma mchis na/ /dgung phyed khyod la bcibs pas ci zhig bgyid/ /byang chub sems dpas bka' stsal pa/ 'dun pa khyod kyis lan 'ga' yang / /nga yi tshig ni ma bcag na/ /nga yi deng dus tha ma la/ /nga yi tshig 'di ma gcag shig / 'dun pas gsol pa/ gzhon nu mtshan mo 'di ni 'jigs pa dang 'jigs su rung ba mchis pas bdag bcibs pa mi len no/ /byang chub sems dpas dgongs pa/ lan dang yang lan gyis gdon mi za bar skye bo sad par 'gyur gyis bdag nyid song la rta'i rgyal po bsngags ldan sta gon bya 'o snyam nas/ de nas nyid kyis pho brang gi sgo phye nas rta'i rgyal po bsngags ldan bzung bar brtsams pa na de khros pa'i me rab tu 'bar bas rkang pa 'phra/ 'jing kyog byed la phar bros tshur bros shing 'dug tu mi btub bo/ /de nas byang chub sems dpa'i phyag bsod nams brgya phrag du mas bskyed pa/ 'khor lo dang bkra shis dang / g.yung drung khyil pa mnga' ba/ skrag pa rnams la dbugs 'byin par mdzad pas mgo la byugs nas gsungs pa/ bsngags ldan tha ma yi ni khur long ste/ /dka' thub nags su ma thogs nga skyol cig /byang chub thob nas myur du 'gro ba kun/ /bsam gtan rnam thar char gyis tshim par bya/ /chos nyid kyis dud 'gro yang gdams na phyi lang mi byed pas rta'i rgyal po bsngags ldan mi g.yo bar 'dug go/ /de nas byang chub sems dpa' thugs dgyes pa skyes te rta'i rgyal po bsngags ldan bstad nas bzhes so/ /brgya byin dang tshangs pa la sogs pa lha rnams kyis byang chub sems dpa' phyir gshegs pa'i phyir lha'i bu bzhi po bsgo ste bzhag pa/ 'gram dang / nye 'gram dang / lo ma dang / lo ma gyon pa'o/ /byang chub sems dpas de rnams la gsungs pa/ shes ldan dag nga sus bkur/ de rnams kyis gsol pa/ bdag cag gis bkur lags so/ /khyed cag la stobs ji tsam yod/ gcig gis gsol pa/ gzhon nu bdag gis ni sa'i rdul ji snyed mchis pa khur du thogs te mchi 'o/ /gnyis pas gsol pa/ bdag gis ni rgya mtsho chan po bzhi dang / mtsho dang mtshe'u dang lteng ka dang / chu mig rnams kyi chab ji snyed mchis pa de thams cad khur du thogs te mchi 'o/ /gsum pas gsol pa/ bdag gis ni sa la ri ji snyed mchis pa de thams cad khur du thogs te mchi 'o/ /bzhi pas gsol pa/ bdag gis ni sa la rtswa dang shing dang yal ga dang lo ma ji snyed mchis pa de thams cad khur du thogs te mchi 'o/ /de nas byang chub sems dpas zhabs sa la bzhag pa na de rnams kyis bsgul bar yang ma nus nas ngo mtshar skyes te gsol pa/ gzhon nu bdag cag gis ni byang chub sems dpa' rnams la stobs 'di 'dra ba mnga' bar ma 'tshal to/ /gal te 'tshal na bdag cag mi mchis pa lags pa zhig /gtam de 'dun pa sngar sad pas thos nas byang chub sems dpa'i spyan sngar song ba dang / de nas byang chub sems dpa' rta'i rgyal po bsngags ldan la bcibs/ 'dun pa yang 'phongs la zhon nas 'di ltar byang chub sems dpa' rnams kyi byang chub sems dpa'i mthu dang / lha rnams kyis lha'i mthus rta rin po che bsngags ldan steng gi nam mkha' las mngon par 'phags pa dang pho brang na gnas pa'i lha rnams byang chub sems dpa' dang bral bas ngu bar brtsams so/ /de rnams ngu ba'i mchi ma'i thigs pa rnams lus dang sa la bab bo/ /'dun pas gsol pa/ gzhon nu char gyi thigs pa dag 'bab na ci lhas dgung char phab bam/ byang chub sems dpas gsungs pa/ lhas char phab pa ma yin te/ 'on kyang pho brang na gnas pa'i lha rnams/ nga dang bral bas ngu bar brtsams te/ de rnams kyi mchi ma'i thigs pa rnams lus la bab pa yin no/ / de nas 'dun pa mig mchi mas gang zhing dbugs ring po'i shugs nar gyis phyung nas cang mi smra bar 'dug go/ /byang chub sems dpa' sku thams cad kyis glang po che'i gzigs stangs kyis g.yas phyogs su gzigs te dgongs pa/ nga bud med dang lhan cig khyim na nyal ba'i tha ma ni 'di yin no snyam mo/ /yang dgongs pa gal te nga shar sgo spangs te sgo gzhan nas byung na gzhon nus ni bdag la tha ma'i dus na yang ma bltas so snyam du rgyal po mi dga' bar 'gyur ro snyam mo/ /ji tsam na rgyal po zas gtsang gnyid stug pos non pa gzigs nas des de la bskor ba mdzad de gsungs pa/ yab gus pa ma mchis pa dang / zhes ma mchis pas skrag nas mchi ba ni ma lags te/ gzhan du na 'jig rten rga ba dang 'chi bas bcom pa rga ba dang 'chi ba'i sdug bsngal gyis 'jigs pa las yongs su dgrol ba'i slad du lags so/ /ji tsam na shAkya ming chen 'gram po byed pa skye bo nyul zhing phyogs der phyin pa dang byang chub sems dpa' gshegs par chas pa mthong ngo / /de nas skad 'dzer cing mig mchi mas gang bas smras pa/ gzhon nu 'di ci mdzad/ ming chen 'gro 'o/ /gzhon nu 'di ni rigs pa ma lags so/ /ming chen gang gi phyir ngas bskal pa grangs med pa gsum du dka' ba brgya stong du mas sems can rnams kyis don du byang chub yang dag par bsgrubs pa des na da nga ci khyim na 'dug phod dam/ 'di ni nges te dka' thub kyi tshal du 'gro 'o/ /de nas gsung tshig drag pos shAkya ming chen spyos pa dang / cho nges btab ste kyi hud/ deng du rgyal po zas gtsang dang / /shAkya dag ni thams cad kyis/ /yang dang yang du bsams pa yi/ /re ba 'bras bu med par gyur/ /deng du rgyal po zas gtsang ni/ /sras kyi mya ngan gyis gdungs pas/ /lag bsgreng shin tu sdug bsngal zhing / /mi bzad sgra ni 'byin par gyur/ /sa 'tsho grags 'dzin ri dgas skyes/ /de bzhin btsun mo'i 'khor rgyas pa 'ang / /don grub dang ni bral ba yis/ /shin tu sdug bsngal myong bar gyur/ /zhes smras nas/ de sngangs pas grags 'dzin ma bslang te smras pa/ don grub 'di ni gshegs gyur gyis/ /khyim thab sdug bsngal gyis gdungs nas/ /sdug bsngal nyam thag ngur 'ong gis/ /khyim thab sdug pa de zlog shig /khyod kyis khyim thab gshegs 'gyur 'di ni mthong dka' ste/ /khyod kyis 'di ltos khyim thab mthong ba'i tha ma yin/ /kyi hud phongs pas bdag gis mtshan mo kus btab kyang / /sus kyang lan ma ster bas bdag gis ma nyes so/ /des ni de ltar khus btab kyang / /'di ltar lha rnams byin rlabs kyis/ /dgon par 'o dod bos pa bzhin/ /'ga' yang sad par ma gyur to/ /de nas shAkya ming chen sdug bsngal zhing yid mi bde bas gdungs nas de rings par rgyal po zas gtsang gi drung du song nas rgyal po zas gtsang bslang ste smras pa/ don grub 'di ni bzhud lags kyis/ /sa bdag de ni bzlog par mdzod/ /sras kyi mya ngan gyis thebs nas/ /sdug bsngal gyis gdungs bshums 'gyur mchis/ /ma stes te de yang gnyid ma sad do/ /de nas brgya byin dang / tshangs pa la sogs pa lha rnams kyang lha brgya stong phrag du mas yongs su bskor nas byang chub sems dpa' gang na ba der song ste byin pa dang / byang chub sems dpa' bskor cing dong ste g.yas phyogs nas gzugs na spyod pa'i lha rnams spyod lam zhi ba dang / g.yon phyogs nas 'dod pa na spyod pa'i lha rnams kyis rgyal mtshan dang ba dan bsgreng nas lha'i rol mo'i khyad par sna tshogs dang / mdun nas brgya byin dang tshangs pa la sogs pa rang rang gi spyod lam gyis dong ngo / /nam mkha'i ngos la gnas pa'i lha brgya stong phrag du mas ni byang chub sems dpa'i steng nas lha'i me tog ut+pa la dang / pad ma dang / ku mu da dang / pad ma dkar po rnams kyis gtor ro/ /a ga ru'i phye ma dang / tsan dan gyi phye ma dang / ta ma la'i 'dab ma'i phye ma dang / lha'i me tog man dA ra bas kyang gtor to/ /lha'i rol mo'i cha byad sna tshogs kyang brdungs so/ /gos rnams kyang gtor ro/ /'dir smras pa/ mkha' la lha rnams ga zha'i sgra chen 'byin byed la/ /dga' ba'i yid kyis gos kyi g.yab mos 'debs byed cing / /kha cig byang chub sems dpa' la ni bstod byed de/ /nam mkha' la ni sor mo brgya phrag sgyur bar byed/ /kha cig dag ni sgo rnams 'byed byed cing / /me tog man dA ra bas 'thor bar byed/ /kha cig dag ni bcibs pa'i rkang 'dzin cing / /bde bar gshegs pa rtog cing rjes bzhin 'brang / /kha cig dag kyang g.yas nas rjes bzhin 'brang / /g.yon nas 'gro ba dag kyang rjes bzhin 'brang / /brgya byin de bzhin tshangs par bcas pa dang / /lus ngan bdag nyid shul ni mtshon par byed/ /zla ba nya ba rgyu skar tshogs kyis ltar/ /bdag nyid chen po lha tshogs mdun bdar nas/ /dka' thub nags ni thub rnams dgyes byed pa/ /'phags pa dgyes pa'i nags su thugs dgyes gshegs/ / de nas byang chub sems dpa' grong khyer ser skya'i gzhi nas phyir byung ba dang brgya byin dang tshangs pa la sogs pa lha rnams yid dga' bas spro ba bskyed pa/ grogs po khyod yun ring po nas nam zhig na nga bgegs las thar te dka' thub kyi nags su 'gro bar 'gyur snyam du dgongs pa skyed pa gang lags pa de deng du yongs su rdzogs pa lags kyis/ nam khyod kyis bla na med pa yang dag par rdzogs pa'i byang chub tu mngon par rdzogs par sangs rgyas pa de'i tshe/ bdag cag la yang dgongs shig /byang chub sems dpas de bzhin du bya 'o zhes dam bcas nas sku thams cad kyis g.yas phyogs su glang po che'i lta stangs kyis gzigs nas/ sangs rgyas rnams kyis bstan pa yi/ /lam gyi mchog ni ma thob bar/ /grong khyer ser skya'i gzhir ni slar/ /nga ni 'jug par mi bya'o/ /zhes gsungs so/ /de nas byang chub sems dpa' thun gnyis kyi dpag tshad bcu gnyis su byon nas bcibs pa las babs te rgyan bkrol nas 'dun pa la bka' stsal pa/ 'dun pa rgyan dang rta khyer la slar song shig /'dir smras pa/ kha lo sgyur khyod nga yi rta 'di dang / /rgyan 'di rnams kyang gnyen pa dag la byin/ /nga ni 'dod pa rgya chen spangs nas su/ /da ltar 'di nyid du ni rab byung bya/ /de nas 'dun pa gdong la mchi ma char bzhin 'bab pas byang chub sems dpa' la gsol pa/ seng ge stag gis bltam pa dang / /phyug rjes bltam pa'i nags tshal du/ /'ba' zhig sku gnyen dang bral nas/ /'phags pa ji ltar spyod par 'gyur/ /byang chub sems dpas gsungs pa/ skye dgu 'di ni skye na'ang gcig pu ste/ /de bzhin 'chi na'ang gcig pu 'chi bar 'gyur/ /'di ni gcig pus sdug bsngal myong 'gyur gyi/ /'khor ba la ni grogs yod ma yin no/ / 'dun pas gsol pa/ kye hud gzhon nus sdug bsngal ma gzigs te/ /zhabs 'jam glang chen rta la bcibs goms pa/ /sa gzhi rtswa dang rdo bas bltam rtsub par/ /ji ltar zhabs kyis gshegs shing nags su rgyu/ /byang chub sems dpas gsungs pa/ 'chi bdag 'jigs pa de ni lan 'ga' yang / /skyid la brtsams med bde bar goms la min/ /mgon bcas la min rigs btsun la ma yin/ /dpa' dang brtson min skye bo dga' la min/ / dga' bas 'chi bdag 'jigs pa dag bskyed nas 'ongs par 'gyur zhes grags/ /don ma byas shing ma brtsams par/ /'chi bar yang ni 'gro bar 'gyur/ /'dun pas gsol pa/ lha rgyal po bgres po ni sras kyi mya ngan gyis 'grongs par 'gyur ro/ /'on kyang byang chub sems dpa' byang chub kyi tshogs bsags pa'i phyir 'dun pa'i tshig thugs la ma bab bo/ /de nas byang chub sems dpas ut+pa la sngon po 'dra ba'i ral gri shubs nas phyung nas gtsug pud bregs te steng gi nam mkha' la bor ba dang lha rnams kyi dbang po brgya byin gyis blangs nas bkur sti chen po byas te sum bcu rtsa gsum gyi lha rnams kyi nang du khyer nas gtsug pud kyi mchod pa chen po btsugs so/ /bram ze dang khyim bdag dad pa can rnams kyis phyogs der dbu skra blangs pa'i mchod rten brtsigs te da dung yang mchod rten la phyag byed pa'i dge slong dag phyag byed do// //'dul ba gzhi bam po brgyad bcu bzhi pa/ byang chub sems dpas gsungs pa/ 'dun pa ji snyam du sems/ gang la 'di lta bu'i brtul ba yod pa de ci ga yang khyim na gnas par 'gyur ram/ lha ma lags so/ /'dun pas bsams pa/ gzhon nu ni rgyal rigs kyi nga rgyal can yin pas 'di phyir bzlog par mi nus so snyam mo/ /de nas rta'i rgyal po bsngags ldan gyis byang chub sems dpa'i zhabs gnyis la lces bldags pa dang / byang chub sems dpa'i phyag 'khor lo dang / bkra shis dang / g.yung drung 'khyil ba mnga' bas byugs nas gsungs pa/ bsngags ldan song shig dang / mngon par rdzogs par byang chub nas khyod kyi byas pa gzo bar 'gyur ro/ /'dun pa la yang gsungs pa/ khyod kyis bsngags ldan pho brang du ma bkri shig /de skad ces gsungs pa dang / 'dun pa skad 'dzer cing mig mchi mas gang nas rta'i rgyal po bsngags ldan khrid de yang dang yang du byang chub sems dpa' la blta zhing song ngo / /de gnyis kyis thun gnyis kyis son pa'i sa gang yin pa de nas zhag bdun gyis phyir 'khor to/ /'dun pas bsams pa/ gal te lhan cig tu dong na smre sngags chen pos bdag shi bar 'gyur ro snyam nas des bskyed mos tshal du 'dug nas bsngags ldan btang ngo / /des skad phyung ba dang pho brang gi skye bo dang skye bo'i tshogs gzhan gyis kyang skad de shes nas re ste phyir byung ba las byang chub sems dpa' ma mthong nas bsngags ldan de'i mgul du 'dus te ngu bar brtsams so/ /'di ni chos nyid yin te/ dud 'gro'i skye gnas su song ba'i srog chags phal pa gzhan la yang kun rdzob kyi shes pa yod na rta'i rgyal po bsngags ldan la lta smos kyang ci dgos pas des skye bo'i tshogs chen po smre sngags 'don pa'i sgra thos te dbugs khong du song ba nyid kyis brnangs te shi nas de sgra can gyi bram ze las drug la brtson pa zhig gi rigs su nying mtshams sbyor ba blangs so/ / gang gi tshe byang chub sems dpa' bla na med pa yang dag par rdzogs par byang chub pa de'i tshe de la dmu rgod kyi gdams pas gtams nas 'khor ba'i dgon pa las bsgral te shin tu mthar phyin pa'i grub pa dang bde ba mya ngan 'das pa la 'jog par 'gyur ro/ /byang chub sems dpa' la ngur smrig gis dgos pa byung nas grong khyer dpe med du khyim bdag phyug po nor mang ba/ longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa na khye'u zhig btsas so zhes bya ba nas de bzhin du khye'u bcu btsas so zhes bya ba'i bar du ste/ de dag thams cad rab tu byung nas rang sangs rgyas kyi byang chub mngon sum du byas so/ /de dag gi ma rgan mo des de dag la sha na'i gos dag cig byin pa dang / de rnams kyis smras pa/ yum bdag cag yongs su mya ngan las 'da' bas 'di dag bdag cag la mi dgos te 'on kyang rgyal po zas gtsang gi sras gzhon nu shAkya thub pa zhes bya ba bla na med pa yang dag par rdzogs pa'i byang chub mngon par 'tshang rgya bar 'gyur ba zhig yod kyis 'di dag de la phul cig /des na khyod kyis 'bras bu chen po thob par 'gyur ro zhes smras nas 'bar ba dang / gsal ba dang / char 'bebs pa dang / glog 'byin pa'i cho 'phrul dag byas nas phung po lhag ma med pa'i mya ngan las 'das pa'i dbyings su yongs su mya ngan las 'das so/ /rgan mo des kyang 'chi khar gos de dag bu mo la gtad nas ji ltar gyur pa rnams smras so/ /de'i bu mo de yang nad kyis thebs te 'chi bar shes nas des kyang shing drung zhig tu bzhag nas shing de la gnas pa'i lha gang yin pa de la khyod kyis 'di dag rgyal po zas gtsang gi sras la phul cig ces gsol ba btab bo/ /lha rnams kyi dbang po brgya byin gyi shes pa mthong ba ni 'og tu 'jug pa yin pas des de dag shes nas blangs te/ de nas rngon pa rgas 'khogs pa lta bu zhig tu bdag nyid mngon par sprul nas de dag bgos te lag na mda' gzhu thogs nas byang chub sems dpa' gshegs pa'i lam kar bsdad pa dang / byang chub sems dpa' yang rim gyis lam der byon nas rngon pa lag na mda' gzhu thogs shing gos ngur smrig gyon pa zhig gzigs so/ /gzigs nas kyang mi de la gsungs pa/ kwa'i nang rje sha na'i gos 'o ni dag ni rab tu byung ba la 'tsham pa yin gyis/ ka shi ka'i ras phran 'di dag khyer la 'o ni dag nga la byin cig des gsol pa/ gzhon nu bdag la gzhan dag khyod kyis rgyal bu gzhon nu bkrongs nas ka shi ka'i ras phran gyi gos 'di dag blangs so zhes gzhi des g.yar mchi bar 'gyur lags pas bdag 'di dag mi 'bul lo/ /byang chub sems dpas gsungs pa/ kye nang rje nga ni mthu ji lta bu dang ldan pa 'jig rten thams cad kyis shes te su zhig gis nga dgrongs par nus/ khyod kyis nga dgrongs par su zhig yid ches kyis bag tsha ba med par byin cig /de nas lha rnams kyi dbang po brgya byin gyis byang chub sems dpa'i zhabs gnyis la gtugs nas sha na'i gos dag phul te ka shi ka'i ras phran rnams blangs so/ /byang chub sems dpa'i sku dang sha na'i gos de dag 'tsham par ma gyur pa dang de 'di snyam du dgongs te/ kye ma'o sha na'i gos rnams bdag gi sku dang 'tsham par gyur cig snyam nas tshig tu smras ma thag tu sha na'i gos de dag 'di ltar byang chub sems dpa' rnams kyi byang chub sems dpa'i mthu dang / lha rnams kyi lha'i mthus byang chub sems dpa'i sku dang 'tsham par gyur to/ /byang chub sems dpas dgongs pa/ da ni bdag rab tu byung zin gyis/ 'gro ba rnams rjes su gzung bar bya'o snyam mo/ /de nas byang chub sems dpa'i ka shi ka'i ras phran gyi gos de dag lha rnams kyi dbang po brgya byin gyis blangs nas sum bcu rtsa gsum gyi lha rnams kyi nang du ka shi ka'i mchod pa chen po btsugs so/ /bram ze dang khyim bdag dad pa can rnams kyis kyang phyogs der ngur smrig blangs pa zhes bya ba'i mchod rten brtsigs te da dung du yang mchod rten la phyag 'tshal ba'i dge slong dag phyag byed do/ /de nas byang chub sems dpa' dbu skra bregs shing na bza' ngur smrig mnabs te dka' thub kyi nags su phan tshun rgyu zhing drang srong ngan spong gi bu'i bsti gnas su gshegs pa dang / de'i tshe drang srong ngan spong gi bu lag pa la 'gram pa gtad nas sems khongs su chud cing 'dug pa de lta bu de byang chub sems dpas gzigs nas gsungs pa drang srong chen po ci'i phyir lag pa la 'gram pa gtad nas sems khongs su chud cing 'dug /des gsol pa/ bdag gi bsti gnas 'di na shing ta la rnams gser gyi lo ma dang / me tog dang / 'bras bu chags pa las de rnams snga mkho bzhin du ma gyur to/ /byang chub sems dpas gsungs pa/ drang srong chen po gang gi mthus bsti gnas 'di ni shing ta la rnams gser gyi lo ma dang / me tog dang / 'bras bur ldan pa de rga ba dang / na ba dang / 'chi ba yang dag par mthong nas yid byung ste dka' thub kyi nags su gnas pas so/ /gal te des rga ba dang / na ba dang / 'chi ba yang dag par mthong nas yid byung ste dka' thub kyi nags su gnas par ma gyur na/ bskyed mos tshal 'di de'i yin par 'gyur ba zhig /de skad ces gsungs pa dang / drang srong chen po ngan spong gi bus byang chub sems dpa' la brtag par brtsams so/ /de nas gzugs bzang zhing zhi ba'i cha byad du mthong nas yun ring du brtags te ngo mtshar skyes nas gsol pa/ kye rab tu byung ba de khyod kho na ma lags grang / byang chub sems dpas gsungs pa/ drang srong chen po de ltar nges so/ /de nas ngan spong gi bu ya mtshan skyes pa'i mig bgrad de bltas nas/ byang chub sems dpa' thog mar gdan la spyan drangs te me tog dang / 'bras bu bstabs so/ /de ltar kun du dgyes par byas pa dang byang chub sems dpas skad cig gcig bzhes nas gsungs pa/ drang srong chen po 'di nas grong khyer ser skya'i gzhir ji srid yod/ des gsol pa/ dpag tshad bcu gnyis mchis so/ /byang chub sems dpas dgongs pa/ grong khyer ser skya'i gzhi nye 'o/ /'dir gnas pa ni rung ba ma yin te/ shAkya rnams kyis grong gi 'khrug pa byed par 'gyur gyis/ ma la bdag gang gA rgal lo snyam nas de gang gA rgal nas mthar gyis rgyu zhing gshegs pa dang rgyal po'i khab tu byon to/ /byang chub sems dpa' ni bzo'i gnas dang / las kyi gnas de dang / de rnams la mkhas pa yin pas des shing ka ra bI ra'i lo ma las lhung bzed byas nas spyod lam zhi bas rgyal po'i khab tu bsod snyoms kyi phyir zhugs so/ /de'i tshe rgyal po gzugs can snying po steng gi khang bzangs kyi gzhi na 'dug pa des de 'gro ba dang / ldog pa dang / lta ba dang / rnam par lta ba dang / bskum pa dang / brkyang ba dang / chos gos snam sbyar dang / lhung bzed thogs pa mdzes pas bsod snyoms spyod pa mthong ngo / /mthong nas kyang 'di snyam du sems te/ rgyal po'i khab na rab tu byung ba ji snyed cig gnas pa la ji ltar rab tu byung ba 'di'i spyod lam de lta bu ni 'ga' yang med do snyam nas 'dir smras pa/ ji ltar mig can 'gro ba ltar/ /rab tu byung ba bsgrags par bya/ /'di ni brtag par mdzad nas su/ /rab tu byung ba yang dag bzhed/ /khyim gnas 'di ni sdug bsngal te/ 'di ni rdul gyi gnas yin zhing / /rab tu byung ba bar snang ltar/ /mkhyen nas de tshe rab tu byung / /rab tu byung nas sku yi ni/ /sdig pa'i las ni spangs pa dang / /gsung gi sdig pa spangs nas ni/ /'tsho ba kun nas dag par mdzad/ /de nas ma ga d+hA yi ni/ /grong mchog rgyal po'i khab gshegs nas/ /mgon po shes bzhin dran ldan pas/ /bsod snyoms phyir ni gshegs pa de/ / bzo sbyangs ma ga d+hA'i bdag /khang bzangs na ni 'dug pas mthong / /mthong nas sems dad de nas ni/ /blon po rnams la 'di skad smras/ /mtshan mchog gis ni rgyas gyur cing / /kho lag phun sum tshogs pa dang / /gnya' shing gang du lta ba yi/ /'di la shes ldan dag ltos shig /spyan mi 'deg la yid gzhungs shing / /dman pa'i rigs las ma 'khrungs 'di/ /gang du gnas par gshegs gyur pa/ /rgyal pos pho nya rjes bzhin btang / /de nas pho nya la bsgo ba/ /dge slong de ni gar 'gro zhing / / gang du gnas ni btab pa yi/ /rjes bzhin du ni 'brang bar gyis/ /de ni bsod snyoms gshegs pa na/ /sgo drug legs par bsdams nas ni/ /shes bzhin dran dang ldan pa yis/ /lhung bzed myur du gang bar mdzad/ / bsod snyoms spyad pa byas nas kyang / /thub pa grong khyer phyir byung nas/ /skya bseng las ni mngon gshegs te/ /de la gnas ni btab par gyur/ /gnas btab pa ni shes nas kyang / /pho nya gcig gis bsdad byas nas/ / gzhan ni myur du slar log ste/ /rgyal po la ni tshig smras pa/ /rgyal po chen po dge slong de/ /seng ge'am stag gi phru gu dang / /ri sul dag na gnas pa ltar/ /skya bseng gi ni steng na gnas/ /pho nya rnams kyi tshig thos nas/ / sa bdag shing drung zhugs nas ni/ /de ni blon pos yongs bskor nas/ /myur du kho nar dong bar gyur/ /bzhon pas bgrod pa'i sar zhon te/ /de ni bzhon pa las bab nas/ /rkang gis nye bar song nas ni/ /de nas de bzhin gshegs pa mthong / / rgyal pos 'dug nas dgyes pa dang / /mgu bar 'gyur ba'i gtam gsol nas/ /de ni ma khengs mi brlang bar/ /don 'di dag ni rab smras so/ /dge slong lang tsho dang po la/ /bab par yang dag gnas gyur cing / /'di 'dra gzi brjid ldan pa la/ /bsod snyoms spyod pa mdzes ma lags/ /khang pa nyams dga' dag dang ni/ /bud med rgyan gyis brgyan pa dang / /longs spyod mchog ni khyod gsol na/ /nyid kyi gdung ni zhu yis gsungs/ /rgyal po gangs ri nye ba na/ / yul gyi ljongs ni nor dag dang / /'bru dag gis ni gang gyur pa/ /ko sa la zhes grags pa yod/ /bu ram shing pa nyi ma'i rus/ /shAkya dag ni de na gnas/ /rgyal po nga'i rigs rgyal rigs te/ /nga ni 'dod pa don mi gnyer/ /sa 'di ri dang bcas shing rgya mtshor bcas/ /rin chen kun dang ldan pa bskyangs gyur kyang / /mi ni nam yang ngoms par mi 'gyur te/ /so ga tsha dus shing gi me bzhin no/ /'dod pa rnams ni sha khon 'brel ces gsungs/ /mi dbang rgal bar dka' zhing 'dam rdzab 'dra/ / sdug bsngal dang ni mya ngan 'jigs pa yi/ /rtsa ba'i gtso sta blo ngan rnams kyis bstan/ /rgyal po ngas ni byung ma thag tu yang / /'dod pa rnams la mi dga'i blo bskyed na/ /'jigs byed chos kyi dgra bor gyur pa dag /bor ba de kho slar yang ji ltar blang / /rtse mo sna tshogs yang bar gyur pa yi/ /lhun po gangs can rlung gis bskyod srid kyi/ /nga yi blo ni thar pa la brten pa/ /'dod pa'i shugs kyis bskyod par mi nus so/ /'jig rten 'di ni 'dod par bying gyur nas/ / 'khor ba'i 'khor los yongs su 'khyams pa la/ /mi dbang nga skyabs yin te gzhan med pas/ /'jigs pa che las de ni thar bar bya/ /'dod pa rnams kyi nyes dmigs mkhyen/ /mya ngan 'das pa zhi ba gzigs/ /spang phyir gang du nga yi yid/ /dga' ba dag tu 'gro bar bya/ /rgyal po gzugs can snying pos gsol ba/ kye rab tu byung ba brtul zhugs 'dis/ ci zhig don du gnyer/ des gsungs pa/ bla na med pa yang dag par rdzogs pa'i byang chub bo/ /rgyal pos gsol pa/ kye rab tu byung ba gang gi tshe khyod bla na med pa yang dag par rdzogs pa'i byang chub mngon par sangs rgyas par gyur pa de'i tshe bdag la yang dgongs shig /byang chub sems dpas gsungs pa/ de bzhin du bsam par bya'o zhes gsungs nas/ rgyal po'i khab nas byung ste bya rgod kyi phung po'i ri dang ha cang yang mi ring bar drang srong rnams kyi bsti gnas der gshegs so/ /de rnams spyod pa dang gnas pas bsam gtan la brtson par gnas te/ de rnams gang gi tshe rkang pa gcig gis nyin thun gcig 'greng ba de'i tshe byang chub sems dpa' thun gnyis su bzhengs so/ /gal te de rnams gdung ba lnga'i sbyor bas nyin thun gcig 'dug pa de'i tshe byang chub sems dpas kyang sbyor ba des thun gnyis su bzhugs so/ / de nas de rnams ya mtshan skyes nas dge sbyong 'di ni chen po zhig go zhes smras pas dge sbyong chen po dge sbyong chen po zhes bya bar gyur to/ /byang chub sems dpas de rnams la smras pa/ shes ldan dag khyed brtul zhugs 'dis ci zhig don du gnyer/ /de na kha cig gis gsol pa/ brgya byin nyid do/ kha cig gis gsol pa/ bdag cag ni tshangs pa nyid do/ kha cig gis gsol pa/ bdud nyid do/ /byang chub sems dpas dgongs pa/ drang srong 'di dag ni slar ltung ba lam log par zhugs pa ste/ lam de ni nus pa ma yin no snyam nas des sgyu rtsal shes kyi bu ring du 'phur gang na ba der gshegs te byon pa dang / sgyu rtsal shes kyi bu ring du 'phur la 'di skad ces gsungs so/ /ring du 'phur gal te khyod la mi bde ba med na khyod kyi drung du kho bo tshangs par spyod pa spyad do/ /des smras pa/ tshe dang ldan pa gau ta ma bdag la mi bde ba med kyis/ khyod ci bde ba kho nar bzhugs shig /byang chub sems dpas gsungs pa/ ring du 'phur khyod kyis chos ji snyed cig rtogs par gyur/ des gsol pa/ tshe dang ldan pa gau ta ma ci yang med pa'i skye mched kyi bar du'o/ /de nas byang chub sems dpa' 'di snyam du dgongs te/ sgyu rtsal shes kyi bu ring du 'phur dad pa de la ni nga yang dad la/ sgyu rtsal shes kyi bu ring du 'phur la brtson 'grus dang / dran pa dang / ting nge 'dzin dang / shes rab yod pa ltar bdag la yang brtson 'grus dang / dran pa dang / ting nge 'dzin dang / shes rab yod pas sgyu rtsal shes kyi bu ring du 'phur gyis ci yang med pa'i skye mched kyi bar du chos de snyed mngon sum du byas na/ ci'i phyir bdag gis kyang chos 'di dag mngon sum du mi bya snyam nas/ de nas byang chub sems dpas chos de rnams kho na ma thob pa thob par bya ba'i phyir dang / ma rtogs pa rtogs par bya ba'i phyir dang / mngon sum du ma byas pa mngon sum du bya ba'i phyir gcig pu dben pa bag yod pa/ rtun pa dang ldan pa/ bdag nyid gtod par gnas te gcig pu dben pa bag yod pa rtun pa dang ldan pa/ bdag nyid gtod par gnas pa na ring po ma thogs pa kho nar chos de dag mngon sum du mdzad par gyur to/ /chos de dag mngon sum du mdzad nas yang sgyu rtsal shes kyi bu ring du 'phur gang na ba der gshegs te byon nas/ sgyu rtsal shes kyi bu ring du 'phur la 'di skad ces gsungs so/ /ring du 'phur khyod kyis ci yang med pa'i skye mched kyi bar gyi chos 'di dag rang gi mngon par shes pas mngon sum du byas sam/ des 'di skad ces smras so/ /tshe dang ldan pa gau ta ma mad de/ bdag gis ci yang med pa'i skye mched kyi bar gyi chos de dag mngon sum du byas so/ /byang chub sems dpas gsungs pa/ tshe dang ldan pa ring du 'phur bdag gis kyang ci yang med pa'i skye mched kyi bar gyi chos de dag rang gi mngon par shes pas mngon sum du byas so/ /tshe dang ldan pa gau ta ma de blta na khyod kyi ji tsam pa bdag gi yang de tsam la/ bdag gi ji tsam pa khyod kyi yang de tsam pas don 'di la 'o skol mtshungs shing mnyam ste 'dra bar thob kyis tshur spyon 'o skol gnyi gas 'khor 'di yongs su drang bar bgyi 'o/ /de nas sgyu rtsal shes kyi bu ring du 'phur byang chub sems dpa'i thog ma'i slob dpon nyid kyis byang chub sems dpa' la rjed pa'i dam pas rjed cing mchod pa'i dam pas mchod do/ /de'i rtogs pa dag la yang dga' ba dang mgu bar gyur to/ /de nas byang chub sems dpa' 'di snyam du dgongs te/ lam 'di ni shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin no snyam mo/ /de nas byang chub sems dpas lam de nus pa med par rig nas rangs byed kyi bu lhag spyod gang na ba der gshegs te byon nas rangs byed kyi bu lhag spyod la 'di skad ces gsungs so/ /lhag spyod gal te khyod la mi bde ba med na khyod kyi drung du nga tshangs par spyod pa spyad do/ /des gsol pa tshe dang ldan pa gau ta ma bdag la mi bde ba med kyis khyod ci bde ba kho nar bzhugs shig /khyod kyis chos ji snyed cig mngon sum du byas/ tshe dang ldan pa gau ta ma 'du shes med 'du shes med min gyi skye mched kyi bar du'o/ /de nas byang chub sems dpa' 'di snyam du dgongs te/ rangs byed kyi bu lhag spyod dad pa la ni bdag kyang dad la rangs byed kyi bu lhag spyod la brtson 'grus dang / dran pa dang / ting nge 'dzin dang / shes rab yod pa lta bu'i brtson 'grus dang / dran pa dang / ting nge 'dzin dang / shes rab ni bdag la yod na rangs byed kyi bu lhag spyod kyis 'du shes med 'du shes med min gyi skye mched kyi bar gyi chos 'di snyed cig mngon sum du byas na bdag gis kyang ci'i phyir chos 'di dag mngon sum du mi bya snyam mo/ /de nas byang chub sems dpas chos de rnams kho na ma thob pa thob par bya ba'i phyir dang / ma rtogs pa rtogs par bya ba'i phyir dang / mngon sum du ma byas pa mngon sum du bya ba'i phyir gcig pu dben pa bag yod pa rtun pa dang ldan pa/ bdag nyid gtod par gnas te/ gcig pu dben pa bag yod pa rtun pa dang ldan pa/ bdag nyid gtod par gnas pa na ring po ma thogs pa kho nar chos de mngon sum du mdzad par gyur to/ /chos de mngon sum du mdzad nas rangs byed kyi bu lhag spyod gang na ba der gshegs te byon pa dang / rangs byed kyi bu lhag spyod la 'di skad ces gsungs so/ /lhag spyod khyod kyis 'du shes med 'du shes med min gyi skye mched kyi bar du chos 'di dag rang gis mngon sum du byas sam/ tshe dang ldan pa gau ta ma mad lags te bdag gis 'du shes med 'du shes med min gyi skye mched kyi bar gyi chos 'di dag mngon sum du bgyis so/ /byang chub sems dpas gsungs pa/ tshe dang ldan pa lhag spyod bdag gis kyang 'du shes med 'du shes med min gyi skye mched kyi bar gyi chos 'di dag rang gis mngon sum du byas so/ /tshe dang ldan pa gau ta ma de lta na khyod kyi ji tsam pa bdag gi yang de tsam la/ bdag gi ji tsam pa khyod kyi yang de tsam pas don 'di la 'o skol mtshungs shing mnyam ste 'dra ba thob kyis tshur spyon/ 'o skol gnyi gas tshogs 'di yongs su drang bar bgyi 'o/ /de nas rangs byed kyi bu lhag spyod byang chub sems dpa'i thog ma'i slob dpon gyis byang chub sems dpa' la rjed pa dam pas rjed cing mchod pa'i dam pas mchod do/ /de'i shes pa rnams la yang dga' ba dang mgu bar gyur to/ /de nas byang chub sems dpa' 'di snyam du dgongs te/ lam 'di ni shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin no snyam mo/ /de nas byang chub sems dpa' lam de yang nus pa med par rig nas gshegs so/ /rgyal po zas gtsang bu'i mya ngan gyis rtag tu gdungs nas byang chub sems dpa' btsal ba'i phyir pho nya btang ba las/ des ji ltar gzhon nu don thams cad grub pa rangs byed kyi bu lhag spyod dang lhan cig bzhugs pa las rgyal po'i khab nas phyir byung ste rim gro ba med par 'khyam mo zhes thos so/ /thos nas rim gro byed pa sum brgya btang ngo / / grong khyer lhas bstan du shAkya legs par rab sad kyis kyang de bzhin du thos nas des kyang rim gro byed pa nyis brgya btang ngo / /de nas byang chub sems dpa' rim gro ba lnga brgyas yongs su bskor nas dka' thub kyi nags su rgyu ba na des dgongs pa/ dka' thub kyi nags gang bar spyod cing gnas pas ni bdud rtsi thob par mi nus kyis/ ma la bdag gis rim gro byed pa lnga zhig blangs la lhag ma ni dgye 'o snyam nas des yum gyi phyogs las gnyis/ yab kyi phyogs nas gsum khrid de/ de rnams kyis de'i rim gro byed do/ /de nas byang chub sems dpa' rim gro pa lngas yongs su bskor te ga yi lho phyogs na lteng rgyas 'od srung gi sde'i grong rdal gang na ba der rgyu zhing gshegs te byon nas de phan tshun du 'chag pa na phyogs dga' dga' ltar 'dug pa/ nags tshang tshing mdzes pa/ chu klung nai rany+dza na bsil bar 'bab pa/ gse gu can 'jug ngogs bde zhing mtha' rgya che la gsing ma sngon po dang shing sna tshogs kyis brgyan pa dga' dga' ltar 'dug pa zhig gzigs so/ /gzigs nas kyang 'di snyam du dgongs te/ kye ma 'o sa phyogs 'di ni dga' dga' ltar 'dug pa/ nags tshang tshing mdzes pa/ chu klung nai rany+dza na bsil bar 'bab pa/ gse gu can 'jug ngogs bde zhing mtha' rgya che la gsing ma sngon po dang / shing sna tshogs kyis brgyan pa dga' dga' ltar 'dug pa zhig ste/ kye ma spong ba don du gnyer ba'i rigs kyi bus nags khrod 'dir brten na spong ba bya bar nus so/ / bdag spong ba don du gnyer ba yin pas ma la bdag gis kyang nags khrod 'dir brten la spong ba bya'o snyam mo/ /de nas byang chub sems dpa' nags khrod du zhugs te shing zhig gi drung du bzhugs tshems la tshems gtad/ ljags rkan la bcar nas thugs kyis thugs mngon du bzung / mngon du bsdams/ shin du mngon du bsdams so/ /de thugs kyis thugs mngon du bzung / mngon du bsdams/ shin du mngon du bsdams pas ba spu'i khung bu thams cad nas rdul byung bar gyur te/ dper na mi stobs dang ldan pas mi stobs shin du chung ba zhig phying ka log tu bzung mngon du bsdams/ shin du mngon du bsdams na de'i ba spu'i khung bu thams cad nas rdul 'byung ba de bzhin du de'i tshe byang chub sems dpa' tshems la tshems gtad/ ljags rkan la bcar te thugs kyis thugs mngon du bzung / mngon du bsdams/ shin du mngon du bsdams pa na ba spu'i khung bu thams cad nas rdul byung bar gyur kyang de zhum pa ma yin gyi brtson 'grus brtsams pa yin/ sku ma sbyangs pa ma yin gyi sbyangs pa yin/ rmugs pa ma yin gyi dran pa nye bar gzhag pa yin te/ sems rtse gcig tu mnyam par bzhag pa yin no/ /byang chub sems dpas sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong yang 'di ltar sku bsgom pa yin pa'i phyir thugs yongs su gtugs te mi gnas so/ /de nas byang chub sems dpa' 'di snyam du dgongs te/ ma la bdag gis rnam par bam pa'i bsam gtan dag la snyoms par 'jug par bya'o snyam mo/ /des rnam par bam pa'i bsam gtan dag la snyoms par 'jug par brtsams te/ de rnam par bam pa'i bsam gtan dag la snyoms par zhugs pa na zhal dang shangs nas dbugs rngub pa dang 'byung ba bgags so/ /de'i zhal dang shangs nas dbugs rngub pa dang 'byung ba bgags pa dang rlung thams cad spyi bo'i nang du song nas/ de de'i dbu la dbu'i tshor ba shin du mi bzad pa skyes so/ /dper na mi stobs dang ldan pas mi stobs shin du chung ba'i spyi bor lcags kyi phur pa rnon pos btab na de'i mgo la mgo'i tshor ba shin du mi bzad pa skye ba de bzhin du byang chub sems dpa' rnam par bam pa'i bsam gtan dag la snyoms par zhugs pa na dbu la dbu'i tshor ba shin du mi bzad pa skyes kyang de zhum pa ma yin gyi brtson 'grus brtsams pa yin/ sku ma sbyangs pa ma yin gyi sbyangs pa yin/ rmugs pa ma yin gyi dran pa nye bar gzhag pa yin te/ sems rtse gcig tu mnyam par bzhag pa yin no/ /byang chub sems dpas sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong yang 'di ltar sku bsgoms pa yin pa'i phyir thugs yongs su gtugs te mi gnas so/ /de 'di snyam du dgongs te/ ma la bdag gis lhag par rnam par bam pa'i bsam gtan dag la snyoms par 'jug par bya 'o snyam mo/ /des lhag par rnam par bam pa'i bsam gtan dag la snyoms par 'jug par brtsams te/ de rnam par bam pa'i bsam gtan dag la snyoms par zhugs pa na zhal dang shangs nas dbugs rngub pa dang 'byung ba bgags so/ / de'i zhal dang shangs nas dbugs rngub pa dang 'byung ba bgags pas rlung thams cad snyan gnyis kyi bu ga nas rgyus par gyur to/ /dper na mgar bas sbud pa bus na rlung thams cad kyi rgyun grwa gnyis kyi bu ga nas rgyu ba de bzhin du/ byang chub sems dpa' rnam par bam pa'i bsam gtan dag la snyoms par zhugs pa na rlung thams cad kyi rgyun snyan gnyis kyi bu ga nas rgyus par gyur kyang de zhum pa ma yin gyi brtson 'grus brtsams pa yin/ sku ma sbyangs pa ma yin gyi sbyangs pa yin/ rmugs pa ma yin gyi dran pa nye bar gzhag pa yin te/ sems rtse gcig tu mnyam par bzhag pa yin no/ /byang chub sems dpas sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong yang 'di ltar sku bsgoms pa yin pa'i phyir thugs yongs su gtugs te mi gnas so/ /de 'di snyam du dgongs te/ ma la bdag gis lhag par yang rnam par bam pa'i bsam gtan dag la snyoms par 'jug par bya'o snyam mo/ /des lhag par rnam par bam pa'i bsam gtan dag la snyoms par 'jug par brtsams te/ de rnam par bam pa'i bsam gtan dag la snyoms par zhugs pa na zhal dang shangs nas dbugs rngub pa dang 'byung ba bgags so/ /de'i zhal dang shangs nas dbugs rngub pa dang 'byung ba bgags pas phyal gyi nang thams cad rgyas par gyur/ shin du rgyas par gyur to/ /dper na mgar ba'i sbud pa bus na gang bar gyur/ shin du gang bar gyur pa de bzhin du de'i tshe byang chub sems dpa' rnam par bam pa'i bsam gtan dag la snyoms par zhugs pa na phyal gyi nang thams cad rgyas par gyur/ shin tu rgyas par gyur kyang de zhum pa ma yin gyi brtson 'grus brtsams pa yin/ lus ma sbyangs pa ma yin gyi sbyangs pa yin/ rmugs pa ma yin gyi dran pa nye bar gzhag pa yin te/ sems rtse gcig tu mnyam par bzhag pa yin no/ /byang chub sems dpas sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong yang 'di ltar sku bsgoms pa yin pa'i phyir thugs yongs su gtugs te mi gnas so/ /de 'di snyam du dgongs te/ ma la bdag gis rnam par bam pa'i bsam gtan dag la snyoms par 'jug par bya'o snyam mo/ /des lhag par rnam par bam pa'i bsam gtan dag la snyoms par 'jug par brtsams te/ de rnam par bam pa'i bsam gtan dag la snyoms par zhugs pa na zhal dang shangs nas dbugs rngub pa dang 'byung ba bgags so/ /de'i zhal dang shangs nas dbugs rngub pa dang 'byung ba bgags pa dang de'i tshe dbu la dbu'i tshor ba shin du mi bzad pa skyes so/ /dper na mi stobs dang ldan pas mi stobs shin du chung ba'i mgo 'breng bas yang nas yang du dam du bcings na de'i mgo la mgo'i tshor ba shin du mi bzad pa skye ba de bzhin du de'i tshe byang chub sems dpa' rnam par bam pa'i bsam gtan dag la snyoms par zhugs pa na dbu la dbu'i tshor ba shin du mi bzad pa skyes kyang de zhum pa ma yin gyi brtson 'grus brtsams pa yin/ lus ma sbyangs pa ma yin gyi sbyangs pa yin/ rmugs pa ma yin gyi dran pa nye bar gzhag pa yin te/ sems rtse gcig tu mnyam par bzhag pa yin no/ /byang chub sems dpas sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong yang sku bsgoms pa yin pa'i phyir thugs yongs su gtugs te mi gnas so/ /de 'di snyam du dgongs te/ ma la bdag gis rnam par bam pa'i bsam gtan dag la snyoms par 'jug par bya'o snyam mo/ /der lhag par rnam par bam pa'i bsam gtan dag la snyoms par 'jug par brtsams te/ des rnam par bam pa'i bsam gtan dag la snyoms par zhugs pa na zhal dang shangs nas dbugs rngub pa dang 'byung ba bgags so/ /de'i zhal dang shangs nas dbugs rngub pa dang 'byung ba bgags pa dang de'i tshe khong du khong gi tshor ba mi bzad pa skyes so/ /dper na ba lang gi shen pa mkhas pa 'am/ ba lang gi shen pa'i slob ma mkhas pas ba lang gsod pa'i gri rnon pos ba lang gi lto dral na de'i khong du khong gi tshor ba shin du mi bzad pa skye ba de bzhin du de'i tshe byang chub sems dpa' rnam par bam pa'i bsam gtan dag la snyoms par zhugs pa na khong du khong gi tshor ba shin du mi bzad pa skyes kyang de zhum pa ma yin gyi brtson 'grus brtsams pa yin/ lus ma sbyangs pa ma yin gyi sbyangs pa yin/ rmugs pa ma yin gyi dran pa nye bar gzhag pa yin te/ sems rtse gcig tu mnyam par bzhag pa yin no/ /byang chub sems dpas sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong yang 'di ltar sku bsgoms pa yin pa'i phyir thugs yongs su gtugs te mi gnas so/ /de 'di snyam du dgongs te/ ma la bdag gis lhag par rnam par bam pa'i bsam gtan dag la snyoms par 'jug par bya'o snyam mo/ /des lhag par rnam par bam pa'i bsam gtan dag la snyoms par 'jug par brtsams te/ des rnam par bam pa'i bsam gtan dag la snyoms par zhugs pa dang / zhal dang shangs nas dbugs rngub pa dang 'byung ba bgags so/ / de'i zhal dang shangs nas dbugs rngub pa dang 'byung ba bgags pa dang / de'i tshe sku la sku'i gdung ba shin du mi bzad pa skyes so/ /dper na mi shin du stobs dang ldan pa gnyis kyis mi stobs shin du chung ba zhig phying ka log tu bzung ste me dong gi nang du sbyangs na de'i lus la lus kyi gdung ba shin du mi bzad pa skye ba de bzhin du de'i tshe byang chub sems dpa' rnam par bam pa'i bsam gtan dag la snyoms par zhugs pa na/ sku la sku'i gdung ba shin du mi bzad pa skyes kyang / de zhum pa ma yin gyi brtson 'grus brtsams pa yin/ lus ma sbyangs pa ma yin gyi sbyangs pa yin/ rmugs pa ma yin gyi dran pa nye bar gzhag pa yin te/ sems rtse gcig tu mnyam par bzhag pa yin no/ /byang chub sems dpas sdug bsngal mi bzad pa rtsub pa tsha ba yid du mi 'ong ba de lta bu'i tshor ba nyams su myong yang 'di ltar sku bsgoms pa yin pa'i phyir thugs yongs su gtugs te mi gnas so/ /de 'di snyam du dgongs te/ ma la bdag gis thams cad kyi thams cad du zas mi za ba bsgrub par bya'o snyam mo/ /de nas lha rab tu mang po'i sems kyis byang chub sems dpa'i thugs shes nas byang chub sems dpa' gang na ba der dong ste phyin nas/ byang chub sems dpa' la 'di skad ces smras so/ /grogs po gal te khyod mi'i kha zas kyis 'dzem par mdzad/ /ngo tsha bar mdzad/ smod par mdzad/ rnam par smod par mdzad na/ bdag cag gis khyod kyi ba spu'i khung bu thams cad nas lha'i mdangs bsgrub par bgyis te/ khyod kyis gtor cig /de nas byang chub sems dpa' 'di snyam du dgongs te/ gal te bdag gis mi'i zas mi bza' bar dam bcas la bdag gi ba spu'i khung bu thams cad du lha rnams kyis lha'i mdangs bsgrubs nas de bdag gir byed pa ni bdag gi brdzun yin la/ bdag gi brdzun gang yin pa de ni bdag gi log pa yin no/ /bdag gi log pa gang yin pa de'i rkyen gyis ni 'di na sems can kha cig lus zhig ste shi nas ngan song ngan 'gro log par ltung ba sems can dmyal ba rnams su skye bar 'gyur gyis/ ma la bdag gis lha rnams kyi tshig ni thams cad kyi thams cad du spangs la kha zas nyung ba dang / chung ba dang / chung zad dang / chang chung bza' ba 'am/ yang na mon sran sde'u'i khu ba 'am/ 'on te rgya sran gyi khu ba 'am/ yang na ha re nu ka'i 'bras bu'i khu ba btung ngo snyam mo/ /de nas byang chub sems dpas de'i tshe lha rnams kyi tshig thams cad kyi thams cad du spangs nas zhal zas nyung ba dang / chung ba dang / chung zad dang / chang chung gsol ba 'am/ yang na mon sran sde'u'i khu ba 'am/ 'on te rgya sran gyi khu ba 'am/ yang na ha re nu ka'i 'bras bu'i khu ba gsol lo/ /de nas byang chub sems dpa' zhal zas nyung ba dang / chung ba dang / chung zad dang / chang chung gsol ba na yan lag dang nying lag thams cad zhum kun du zhum ste/ skem zhing bal chung bar gyur to/ /dper na ldum bu a si ta'i sdong bu dang / ka li ka'i sdong bu 'jum kun du 'jum pas sha chung zhing skams par gyur pa de bzhin du de'i tshe byang chub sems dpa' zhal zas nyung ba dang / chung ba dang / chung zad dang / chang chung gsol ba na yan lag dang nying lag thams cad zhum kun du zhum ste skem zhing bal chung bar gyur to/ /de nas byang chub sems dpa' de'i tshe zhal zas nyung ba dang / chung ba dang / chung zad dang / chang chung gsol ba na dbu la dbu'i lpags pa brnyis kun du brnyis te 'khums shing 'bar 'bur du gyur to/ /dper na sku ba rtsa ba nas bcad na brnyis kun du brnyis pas 'khums la 'bar 'bur du gyur pa de bzhin du de'i tshe byang chub sems dpa' zhal zas nyung ba dang / chung zad dang / chang chung gsol ba na dbu la dbu'i lpags pa rnyis kun du rnyis te 'khums shing 'bar 'bur du gyur kyang de zhum pa ma yin gyi brtson 'grus brtsams pa yin/ lus ma sbyangs pa ma yin gyi sbyangs pa yin/ rmugs pa ma yin gyi dran pa nye bar gzhag pa yin te/ sems rtse gcig tu mnyam par bzhag pa yin no/ /byang chub sems dpa' de'i tshe bdag nyid gnod pa'i sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong yang 'di ltar sku bsgoms pa yin pa'i phyir thugs yongs su gtugs te mi gnas so/ /de zhal zas nyung ba dang / chung ba dang / chung zad dang / chang chung gsol ba na spyan gnyis kyi spyan gyi 'bras bu phug tu song shin du phug tu song ste/ zab pa shin du zab par ring du song bas phyung ba lta bur snang ngo / / dper na khron pa zab mo'i chur skar ma'i gzugs brnyan phug tu song shin du phug tu song ste/ zab pa shin du zab par ring du song bar gtam du bya ba de bzhin du de'i tshe byang chub sems dpas zhal zas nyung ba dang / chung ba dang / chung zad dang / chang chung gsol ba na spyan gnyis kyi spyan gyi 'bras bu phug tu song shin du phug tu song ste/ zab pa shin du zab par ring du song bas phyung ba lta bur snang yang de zhum pa ma yin gyi brtson 'grus brtsams pa yin/ lus ma sbyangs pa ma yin gyi sbyangs pa yin/ rmugs pa ma yin gyi dran pa nye bar gzhag pa yin te/ sems rtse gcig tu mnyam par bzhag pa yin no/ /de'i tshe byang chub sems dpa' bdag nyid gnod pa'i sdug bsngal mi bzad pa rtsub pa tsha ba yid du mi 'ong ba'i tshor ba de lta bu myong yang 'di ltar sku bsgoms pa yin pa'i phyir thugs yongs su gtugs te mi gnas so/ /de nas byang chub sems dpa' zhal zas nyung ba dang / chung ba dang / chung zad dang / chang chung gsol ba na de'i tshe rtsib ma'i bar mthon dman can du gyur te/ dper na rtswa khang lo gnyis sam gsum lon pa'i phyam dgu po mthon dman du gyur pa de bzhin du de'i tshe byang chub sems dpa' zhal zas nyung ba dang / chung ba dang / chung zad dang / chang chung gsol ba na rtsib ma'i bar mthon dman du gyur kyang de zhum pa ma yin gyi brtson 'grus brtsams pa yin/ lus ma sbyangs pa ma yin gyi sbyangs pa yin/ rmugs pa ma yin gyi dran pa nye bar gzhag pa yin te/ sems rtse gcig tu mnyam par bzhag pa yin no/ / byang chub sems dpa' de'i tshe bdag nyid gnon pa'i sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong yang 'di ltar sku bsgoms pa yin pa'i phyir thugs yongs su gtugs te mi gnas so/ /de nas byang chub sems dpa' zhal zas nyung ba dang / chung ba dang / chung zad dang / chang chung gsol ba na sgal pa'i tshigs 'di lta ste/ skra'i lan bu lta bur gyur to/ /mjug do ni 'di lta ste rnga mo'i rkang pa lta bur gyur to/ /de lan 'ga' ldang bar 'dod na kha sbub tu 'gyel la/ lan 'ga' 'dug par 'dod na gan rkyal du 'gyel lo/ /de ro stod la brten nas ro smad 'jog par byed/ ro smad la brten nas ro stod 'jog par byed do/ /de phyag gnyis kyis sku la byugs yongs su byugs te/ de'i phyag gnyis kyis sku la byugs yongs su byugs pa de'i tshe ba spu rnams drung rul bas sa la lhags par gyur to/ /de 'di snyam du dgongs te/ lam 'di yang shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin no snyam mo/ /de nas lha gsum zhig byang chub sems dpa' gang na ba der lhags te/ de nas gcig gis 'di skad ces smras so/ /dge sbyong gau ta ma ni nag po zhig go/ / gnyis pas 'di skad ces smras so/ /'di nag po ni ma yin gyi 'on kyang sngo bsangs zhig go/ /gsum pas 'di skad ces smras so/ /'di nag po yang ma yin/ sngo bsangs kyang ma yin gyi mdog dmar smug cig go/ /byang chub sems dpa'i sku mdog bzang por snang ba ni thams cad kyi thams cad du nub par gyur to/ /de nas de'i tshe byang chub sems dpa' la sngon ma gsan pa'i dpe gsum zhig snang ba 'di lta ste/ shing rlon pa chu can zhig chu nas phyung ste nye bar skam la bzhag pa dang / de nas mi me don du gnyer ba me tshol ba zhig der 'ongs nas des de la gtsub stan byas te gtsub shing bzhag nas gtsubs na 'di ltar shing de rlon pa chu can yin pa'i phyir me 'byung ba dang / 'bar du mi btub pa de bzhin du dge sbyong ngam bram ze kha cig 'dod pa rnams la lus dang sems kyis thag sring bar mi gnas kyi/ de rnams kyi 'dod pa rnams la 'dun pa dang / 'dod pa la chags pa dang / 'dod pa la dga' ba dang / 'dod pa la zhen pa dang / 'dod pa la 'chums pa dang / 'dod pa la lhag par zhen pa gang yin pa de ni de rnams kyi sems yongs su gtugs te/ gnas pa yin pas lus dang sems kyis thag sring bar mi gnas pa rnams kyi ni de dang 'dra 'o/ /de rnams bdag nyid gnon pa'i sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong mod kyi/ 'on kyang de rnams kyis shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin te/ de la 'di ni de'i tshe byang chub sems dpa' la sngon ma gsan pa'i dpe snang ba dang po yin no/ /dper na shing rlon pa chu can zhig chu nas phyung ste/ nye bar skam la bzhag pa dang / de nas mi me don du gnyer ba me tshol ba zhig 'ongs nas des de la gtsub stan byas te/ gtsub shing bzhag nas gtsubs na 'di ltar shing de rlon pa chu can yin pa'i phyir me 'byung ba dang 'bar du mi btub pa de bzhin du dge sbyong ngam bram ze kha cig 'dod pa rnams la lus kyis spong bar gnas kyi sems kyis ma yin pa de rnams kyi 'dod pa rnams la 'dod pa la 'dun pa dang / 'dod pa la chags pa dang / 'dod pa la dga' ba dang / 'dod pa la zhen pa dang / 'dod pa la 'chums pa dang / 'dod pa la lhag par zhen pa gang yin pa de ni de rnams kyi sems yongs su gtugs te gnas pa yin no/ /de rnams bdag nyid gnon pa'i sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong mod kyi/ 'on kyang de rnams kyis shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin te/ de la 'di ni de'i tshe byang chub sems dpa' la sngon ma gsan pa'i dpe snang ba gnyis pa yin no/ /'di lta ste shing skam khong stong chu med pa zhig chu dang thag ring por skam la bzhag pa dang / de nas mi me don du gnyer ba me tshol ba zhig 'ongs nas des de la gtsub stan byas te/ btsub shing bzhag nas gtsubs na 'di ltar shing de skam zhing khong stong yin pa'i phyir me 'byung ba dang 'bar du btub pa de bzhin du dge sbyong ngam bram ze kha cig 'dod pa rnams la lus dang sems kyis thag sring bar gnas pa de rnams kyi 'dod pa rnams la 'dod pa la 'dun pa dang / 'dod pa la chags pa dang / 'dod pa la dga' ba dang / 'dod pa la zhen pa dang / 'dod pa la 'chums pa dang / 'dod pa la lhag par zhen pa gang yin pa de ni de rnams kyi sems yongs su gtugs te mi gnas pa yin no/ /de rnams bdag nyid gnon pa'i sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong mod kyi/ 'on kyang de rnams kyis shes par nus/ mthong bar nus bla na med pa yang dag par rdzogs par byang chub par nus te/ de la 'di ni de'i tshe byang chub sems dpa' la sngon ma gsan pa'i dpe snang ba gsum pa yin no/ /'di ltar de'i tshe byang chub sems dpa' la dpe gsum pa snang nas ma la bdag gis til 'bru gcig gi zas bza' bar bya'o zhes de til 'bru gcig gi zas gsol te/ ji srid de'i mdangs de sku las yal bar ma gyur gyi bar du til 'bru gnyis pa'i zas mi gsol te/ yal nas til 'bru gnyis pa'i zas de gsol bar mdzad do/ /de til 'bru gcig gi zas gsol bas yan lag dang nying lag rnams shin du skams par gyur to/ /til 'bru gcig ji lta bar 'bras 'bru gcig dang / sran ko la 'bru gcig dang / rgya sran 'bru gcig dang / mon sran gre'u 'bru gcig dang / mon sran sde'u 'bru gcig dang / rtswa'i gding ba la mnal bar mdzad do/ /rgyal po zas gtsang gis dka' ba spyod pa'i gnas skabs de thos nas nyi ma re re zhing rtog pa nyis brgya lnga bcu gtong bar byed do/ /rgyal po legs par rab sad kyis kyang nyis brgya lnga bcu'o/ / de dag nyi ma re re zhing de gnyis la myur ba myur bar gtam skyel bar byed de/ byang chub sems dpa' ni 'di 'dra ba'i dka' ba spyod de/ til 'bru gcig dang / 'bras 'bru gcig dang / sran ko la 'bru gcig dang / rgya sran 'bru gcig dang / mon sran gre'u 'bru gcig dang / mon sran sde'u 'bru gcig gi zas gsol zhing rtswa'i gding ba la mnal to zhes smra'o/ /de rgyal po zas gtsang gis thos nas bu'i mya ngan gyis non pas lhag par dang khar na zhing mig mchi mas brnangs te gdungs nas btsun mo'i 'khor dang bcas par rtswa'i gding ba la nyal bar byed do/ /btsun mo grags 'dzin yang khyim thab kyi gnas skabs de thos nas khyim thab kyi mya ngan gyis non te gdong mchi mas rlan cing me tog phreng dang / rgyan dang spud pa rnams bor nas dka' ba spyod par byed de/ til 'bru gcig dang / 'bras 'bru gcig dang / sran ko la 'bru gcig dang / rgya sran 'bru gcig dang / mon sran gre'u 'bru gcig dang / mon sran sde'u 'bru gcig gi zas za zhing rtswa'i gding ba la nyal bar byed do/ /de'i rum mi bde'o zhes rgyal po zas gtsang gis thos nas des bsams pa/ gal te grags 'dzin mas byang chub sems dpa'i gtam nyi ma re re zhing thos na khyim thab kyi mya ngan gyis non te dka' ba spyad pa 'dis mngal mi 'chags pa 'am/ srog 'chad par 'gyur ba'i gnas 'di yod pas des na grags 'dzin ma la byang chub sems dpa'i gtam su yang glengs par mi 'gyur ro snyam nas/ rgyal po zas gtsang gis btsun mo'i 'khor gyi skye bo thams cad la khrims su bcas pa/ sus kyang byang chub sems dpa'i gtam grags 'dzin ma la brjod par mi bya'o/ /gtam skyel ba la yang bsgo ba/ nga ma gtogs par su la yang byang chub sems dpa'i gtam brjod par mi bya'o/ /rang gis thos na yang grags 'dzin ma la bsams nas mya ngan mnags te gang thos na btsun mo grags 'dzin ma mi 'chi bar 'gyur ba'i gtam gzhan gyis btsun mo'i 'khor la 'drid par byed do/ /de nas byang chub sems dpa' 'di snyam du dgongs te/ lam 'di yang shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin no snyam mo/ /de 'di snyam du dgongs te/ ma la bdag gis kha zas shin du ngan pa bza' bar bya'o snyam ste/ des kha zas shin du ngan pa gsol bar mdzad do/ /de la zas phal pa ni 'di yin te/ be'u byung nas ring po ma lon par ma'i 'o ma 'thung ba gang yin pa de rnams kyi gcin dang lci ba yin no/ /ji ltar de'i sku las mdangs de yal bar ma gyur pa de srid du zas gnyis pa mi gsol te/ yal nas kha zas phyi ma gsol bar mdzad do/ /dur khrod chen por gshegs nas kyang mi ro dbu rten du bcug /zhabs la zhabs bzhag ste snang ba'i 'du shes dang / dran pa dang shes bzhin dang / ldang ba'i 'du shes yid la mdzad pas glo g.yas pas mnal bar mdzad do/ /de'i tshe grong khyer gyi gzhon nu rnams dang / grong khyer gyi gzhon nu ma rnams lhags nas shing bus de'i snyan gnyis kyi bu gar 'dzugs par byed/ rna ba gnyis nas 'dren par byed cing 'di skad ces kye phyag dar khrod kyi sha za la ltos/ kye phyag dar khrod kyi sha za la ltos shes smra bar yang byed do/ /de'i tshe phyag dar dang bong rdog dang / gseg mas kyang 'thor bar byed do/ /'on kyang byang chub sems dpa' ni grong khyer gyi gzhon nu rnams sam/ grong khyer gyi gzhon nu ma de rnams la ngan sems skyed pa'am/ sdig pa'i tshig dbyung bar mi dgongs so/ /byang chub sems dpa' de lta bu'i dka' ba spyod pa na 'di snyam du dgongs te/ gang su dag sdug bsngal spang bar brtson par gnas pa de thams cad ni 'di tsam du zad de/ de las lhag pa yang med/ de'i gong na yang med na/ lam 'di yang shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin no snyam nas/ de zhum pa ma yin gyi brtson 'grus brtsams pa yin/ lus ma sbyangs pa ma yin gyi sbyangs pa yin/ rmongs pa ma yin gyi dran pa nye bar gzhag pa yin te/ sems rtse gcig tu mnyam par bzhag pa yin no/ /de 'di snyam du dgongs te/ shes par nus pa dang / mthong bar nus pa dang / bla na med pa yang dag par rdzogs par byang chub par nus pa'i lam de gang yin snyam na/ de 'di snyam du dgongs te/ bdag yab shAkya zas gtsang gi khyim na gnas pa'i tshe zhing las kyi mtha'i drung du song nas shing 'dzam bu'i grib ma la 'dug ste/ 'dod pa las dben pa/ sdig pa mi dge ba'i chos las dben pa/ rtog pa dang bcas shing dpyod pa dang bcas pa/ dben pa las skyes pa'i dga' ba dang / bde ba can bsam gtan dang po nye bar bsgrubs te gnas pa de mngon par dran te/ de ni lam yin/ de ni sgrub pa yin/ shes par nus pa yin/ mthong bar nus pa yin/ bla na med pa yang dag par rdzogs par byang chub par nus pa yin na/ de bdag gis bskyed du yang 'di ltar rid cing nyam chung la zhan pas sla ba ma yin te/ ma la bdag gis ci bder dbugs rngub pa dang / ci bder dbugs 'byung ba dang / ci bder 'bras chan dang zan dron gyi kha zas rags pa bza' zhing lus mar sar dang til mar gyis byugs la chu 'jam pos lus bkru bar bya'o snyam ste/ de ci bder dbugs rngub pa dang / ci bder dbugs 'byung ba dang / ci bder 'bras chan dang zan dron gyi zhal zas rags pa gsol zhing sku til mar dang mar sar gyis byugs nas chu 'jam pos sku 'khru bar mdzad do// // 'dul ba gzhi/ bam po brgyad bcu lnga pa/ de nas rim gro ba lnga po de rnams 'di snyam du sems te/ shes ldan dag dge sbyong gau ta ma 'di ni sdom pa lhod pa/ bya ba mang ba/ mang pos 'tsho ba/ spong ba nyams par gyur pa yin te/ 'di da lta 'bras chan dang zan dron gyi kha zas mang du za la lus zhun mar dang til mar gyis byugs nas chu 'jam pos lus khrus byed de/ 'dis da ni cung zad kyang thob par mi nus so snyam du bsams nas byang chub sems dpa' bor te dong ba las/ rim gyis bA rA Na sir phyin nas 'jig rten pa'i dgra bcom pa gang yin pa de la brten nas rab tu byung ste/ lnga po de rnams blo 'thun zhing lhan cig 'grogs la kun du dga' bas rtsod pa med par drang srong smra ba ri dgas kyi nags na gnas pas lnga sde lnga sde zhes bya bar gyur to/ /byang chub sems dpas rim gyis lus kyi stobs dang / mthu dang brtson 'grus yang dag par bskyed nas rim gyis sde can gyi grong khyer du gshegs so/ /de na grong khyer gyi dpon po sde can zhes bya ba de la bu mo gnyis yod de/ dga' mo dang / dga' stobs ma'o/ /de gnyis kyis shAkya rnams kyi gzhon nu gangs ri'i ngos chu bo skal ldan shing rta'i 'gram/ drang srong ser skya'i bsti gnas dang ha cang yang mi ring bar byung ba de/ mtshan mkhan dang ltas mkhan gyi bram ze rnams kyis 'khor los sgyur ba'i rgyal por 'gyur ro zhes lung bstan pa de yang gzugs bzang ba/ blta na sdug pa/ mdzes pa/ mtshan thams cad dang ldan pa/ skye bo thams cad kyi yid 'phrog pa yin pas bud med gang gis lo bcu gnyis su 'di lta bu'i brtul zhugs yang dag par blangs te spyod pa de'i khyim thab tu 'gyur ro zhes thos so/ /thos nas kyang bud med ni skyes pa la mngon par dga' ba yin pas de gnyis kyis lo bcu gnyis su dka' thub blangs te de rdzogs par byas nas de rdzogs pa dang / lan bcu drug tu nying khur byas pa'i 'o thug sbrang rtsi ltar mngar bas drang srong dka' thub kyis yongs su dub pa glo bur du 'ongs pa la 'bul bar byed do/ /de gnyis kyis ba stong bzhos nas ba stong po de nyid la blud do/ /de nas ba stong po de dag nyid bzhos nas lnga brgya la blud do/ /de nas lnga brgya po de dag bzhos nas lnga brgya po de dag nyid la blud do/ /de nas lnga brgya po de dag bzhos nas nyis brgya lnga bcu la blud do/ /de nas nyis brgya lnga bcu po de dag nyid bzhos nas nyis brgya lnga bcu po de dag la blud do/ /de nas nyis brgya lnga bcu po de dag nyid bzhos nas brgya nyi shu rtsa lnga la blud do/ /de nas brgya nyi shu rtsa lnga po de dag bzhos nas brgya nyi shu rtsa lnga po de dag nyid la blud do/ /de nas brgya nyi shu rtsa lnga po de dag bzhos nas drug bcu rtsa gsum la blud do/ /de nas drug bcu rtsa gsum po de dag bzhos nas drug bcu rtsa gsum po de dag nyid la blud do/ /de nas drug bcu rtsa gsum po de dag bzhos nas sum bcu rtsa gnyis la blud do/ /de nas sum bcu rtsa gnyis po de dag bzhos te/ sum bcu rtsa gnyis po de dag nyid la blud do/ /de nas sum bcu rtsa gnyis po de dag bzhos nas bcu drug la blud do/ / de nas bcu drug po de dag bzhos nas bcu drug po de dag nyid la blud do/ /de nas bcu drug po de dag nyid bzhos nas brgyad la blud do/ /de nas brgyad po de dag nyid bzhos nas brgyad po de dag nyid la blud do/ /de nas brgyad po de dag nyid lan bcu drug tu nying khur byas pa bzhos te/ shel las byas pa'i snod kyi nang du blugs nas bskol te 'o thug sbrang rtsi ltar mngar bar byed pa na gnas gtsang ma'i ris kyi lha rnams kyis bsams pa/ 'o ma'i thug pa 'di byang chub sems dpas gsol na deng nyid du bla na med pa'i ye shes thob par 'gyur gyis de lta bas na 'di la mthu zhig bstabs bar bya'o snyam nas/ de rnams kyis mod la mthu skyed pa zhes bya ba'i sman blugs so/ /'o ma khol ba de la 'khor lo dang / bkra shis dang / g.yung drung 'khyil pa'i mtshan ma dag snang ngo / /der yang kun tu 'tsho nyer 'gro zhes bya ba 'khyam zhing phyogs der phyin nas des 'o ma'i thug pa de mthong nas/ des bsams pa/ 'o ma'i thug pa 'di sus 'thungs pa des deng nyid du bla na med pa'i ye shes thob par 'gyur gyis/ ma la bdag gis 'di bslang ngo snyam nas re shig ma phyung gi bar du de yud tsam zhig mtha' cig tu song ste bsdad nas des smras pa/ kho bo bkres pa dang skom pas dub cing nyen gyis 'di kho bo la lud cig /de gnyis kyis smras pa/ mi sbyin no/ /de cang mi smra bar song ngo / /de nas de gnyis kyis shel las byas pa'i snod kyi nang nas rin po che'i yol go'i nang du blugs so/ /lha rnams kyi dbang po brgya byin gyi shes pa mthong ba ni 'og tu 'jug pa yin pas des de'i bram ze'i cha byad du mngon par sprul nas de gnyis kyi mdun du 'dug go/ /tshangs pa yang 'ongs nas de dang nye ba zhig tu 'dug go/ /de gnyis kyis brgya byin la sbyin pa sbyin par brtsams pa dang / des smras pa/ ci bdag la sbyin nam/ 'on te bdag pas ches khyad par du 'phags pa gang yin pa de la sbyin de gnyis kyis smras pa/ khyod bas ches khyad par 'phags pa gang yin pa de la dbul lo/ /des smras pa/ tshangs pa 'di ni bdag bas ches khyad par du 'phags pa yin gyis de la phul cig /de gnyis kyis de la sbyin par brtsams pa dang / des smras pa/ ci bdag la sbyin nam/ 'on te bdag bas ches khyad par du 'phags pa gang yin pa de la/ de gnyis kyis smras pa/ khyod bas ches khyad par du 'phags pa gang yin pa de la dbul lo/ /des smras pa/ gnas gtsang ma'i ris kyi lha 'di dag ni bdag bas ches khyad par du 'phags pa yin gyis de dag la phul cig /de gnyis kyis de dag la sbyin par brtsams pa dang / de dag gis kyang smras pa/ ci bdag cag la sbyin nam/ 'on te bdag cag bas ches khyad par du 'phags pa gang yin pa de la/ de gnyis kyis smras pa/ khyed bas ches khyad par du 'phags pa gang yin pa de la'o/ /de dag gis smras pa/ byang chub sems dpa' bcom ldan 'das 'di chu klung nai rany+dza nar zhugs nas sku khrus mdzad de nyam chung ba nyid kyis bzhengs mi spyod pa zhig yod de/ de bdag cag bas ches khyad par du 'phags pa yin gyis de la phul cig /de gnyis de'i drung du chas pa dang / de'i tshe lha rnams kyis shing ardzu na'i yal ga btud nas btud pa la byang chub sems dpa' 'jus te chu klung nai rany+dza na nas byung nas chos gos bgos te chu klung nai rany+dza na'i 'gram na bzhugs so/ /de nas de gnyis kyis gus pa dang bsam pa drag pos de la 'o thug sbrang rtsi ltar mngar ba de phul lo/ /byang chub sems dpas kyang de gnyis rjes su gzung ba'i phyir bzhes so/ /bzhes nas gsungs pa/ ci yol go 'di yang yongs su gtang ngam/ de gnyis kyis gsol pa/ bcom ldan 'das 'di yang yongs su gtang lags so/ /de nas byang chub sems dpas 'o thug sbrang rtsi ltar mngar ba gsol nas yol go de bkrus te chu klung nai rany+dza nar bor ba klu rnams kyis blangs so/ /'di ni chos nyid yin te/ lha rnams kyi shes pa mthong ba ni 'og tu 'jug pa yin pas lha rnams kyi dbang po brgya byin gyis nam mkha' lding gi cha byad du sprul te/ chu klung nai rany+dza na dkrugs nas klu skrag par byas te yol go de phrogs nas sum bcu rtsa gsum gyi lha rnams kyi nang du khyer te yol go'i mchod pa chen po btsugs so/ /de nas byang chub sems dpas dga' mo dang / dga' stobs la gsungs pa/ sbyin pa 'dis ci zhig don du gnyer/ de gnyis kyis gsol pa/ bcom ldan 'das shAkya rnams kyi gzhon nu gangs ri'i ngos/ chu bo skal ldan shing rta'i 'gram/ drang srong ser skya'i bsti gnas dang ha cang yang mi ring bar byung ba de mtshan mkhan dang ltas mkhan gyi bram ze rnams kyis 'khor los sgyur ba'i rgyal por lung bstan pa zhig mchis pa de sems bskyed pa dang zhal zas phul ba'i dge ba'i rtsa bas bdag cag gi khyim thab tu gyur cig /byang chub sems dpas gsungs pa/ de 'dod pa rnams la don du mi gnyer bas rab tu byung zin no/ /de gnyis kyis gsol pa/ bcom ldan 'das gal te 'dod pa rnams don du mi gnyer na/ bsod pa phul ba'i bsod nams ci mchis pas/ /grags dang ldan pa don rnams kun grub pa/ /mi'i mchog gyur blo mchog ldan pa de'i/ /don kun myur du shin tu grub gyur cig /byang chub sems dpas de bzhin du gyur cig ces gsungs nas 'o thug sbrang rtsi ltar mngar ba gsol te/ dbang po drug tshim zhing stobs dang mthu thob nas chu klung nai rany+dza na'i 'gram na phan tshun du bzhugs pa'i sa btsal ba dang / ji tsam na ri brags chen po me tog dang 'bras bu sna tshogs dang ldan pa zhig gzigs nas/ de de la 'dzegs te phyogs dben zhing gsal ba'i sa phyogs su skyil mo dkrung bcas te bzhugs so/ /bzhugs ma thag tu ri de nyid rnyil to/ / byang chub sems dpas dgongs pa/ nges par bdag gis las skyon can zhig byas te des na ri 'di rnyil to snyam mo/ /lha rnams kyi sems kyis byang chub sems dpa'i thugs shes nas gsol pa/ bcom ldan 'das khyod kyis skyon can gyi phrin las ma mdzad do/ /'on kyang 'di ni chos nyid lags te/ sa thams cad kyis gzung bar rngo mi thog pa ni gnyis te/ dge ba'i rtsa ba chad pa gang lags pa dang / dge ba'i rtsa ba sbyangs pa gang lags pa'o/ / khyod ni dge ba'i rtsa ba sbyangs pa lags so/ /bcom ldan 'das 'di ni byang chub sems dpa' rnams kyi gnas ma lags te/ 'on kyang chu klung nai rany+dza na rgol la phyogs che ge mo zhig na rdo rje'i gdan mchis kyis/ bzhud cig /der ni 'das pa dang / ma byon pa dang / da ltar byung ba'i byang chub sems dpa' thams cad bzhugs nas bla na med pa'i ye shes thob par gyur cing thob par 'gyur ro/ /de nas byang chub sems dpa' lhas lam bstan pa bzhin gshegs pa na de'i zhabs bzhag par pad ma dag byung bar gyur to/ /rgya mtsho chen po bzhi las kyang chu bab nas pad ma'i rdzing dag byung bar gyur to/ /gom pa bor nas mnan pa na sa chen po 'di khar ba'i snod bzhin du sgra 'byin par brtsams so/ /bya tsa sha dang ri dgas dag gis kyang byang chub sems dpa' la skor ba byed do/ /rlung gtong ba'i lha'i bu rnams kyis kyang dal bu dal bus rlung gtong bar byed do/ /char pa 'bebs pa'i lha'i bu rnams kyis kyang char pa chung zad 'bebs par byed do/ /byang chub sems dpas dgongs pa/ nga la 'di 'dra ba'i mtshan ma byung bar gyur pas deng nyid bdag gis bla na med pa'i ye shes thob par 'gyur ro snyam mo/ /chu klung nai rany+dza nar klu'i rgyal po dus can sngon gyi las kyi rnam par smin pa las skyes pa'i gnas shig byung bar gyur te/ de sangs rgyas byung zhing sangs rgyas 'byung ba na mig thob par 'gyur ba yin pas de sa'i sgra grags pas gnas nas byung ba na rgyang ring po kho na nas byang chub sems dpa' sku skyes bu chen po'i mtshan sum bcu rtsa gnyis kyis kun nas brgyan pa/ dpe byad bzang po brgyad cus spras pa/ 'od 'dom gang gis brgyan pa/ nyi ma stong bas lhag pa'i 'od zer dang / rin po che'i ri bo 'gro ba ltar kun nas mdzes pa mthong ngo / /mthong ma thag tu byang chub sems dpa' la tshigs su bcad pa'i dbyangs kyis bstod par brtsams pa/ dga' ba'i dbyangs kyis kun gang ba'i/ /sa yi sgra ni thos nas kyang / /klu ni gnas nas byung nas su/ /phyogs kun du yang lta bar byed/ /brang gis 'gro ba'i gtso bo ste/ /klu yi rgyal po mthu chen gyis/ /nai rany+dza na'i ngos su ni/ /'jig rten 'dren pa gshegs pa mthong / /sangs rgyas byung ba'i mthu yis ni/ /klu yis mig ni thob gyur te/ /sems dga' zhing ni yid mgu nas/ /des ni 'di skad tshig gsol to/ /bdag gis sngon ni mthong ba yi/ /sangs rgyas mthu chen de rnams dang / /thub pa khyod ni mthong gyur na/ /de dang tha dad dbyer ma mchis/ /thub pa ji ltar thog mar ni/ /g.yas pa'i zhabs ni bteg pa las/ /khyod ni sangs rgyas deng gyur nas/ /'jig rten gyi ni yon gnas 'gyur/ /ji ltar chos gos mnabs pa dang / /nai rany+dza na'i chu bsil la/ /ji lta bur ni 'jug pa las/ /de ring khyod ni sangs rgyas 'gyur/ /ji ltar rab brtan 'gros su gshegs pa dang / /ba lang khyu mchog 'gying ba ltar gshegs pas/ /skyes bu khyu mchog chos 'dzin rnams kyi mchog /deng 'dir khyod ni sangs rgyas mchog 'gyur ro/ /da ltar mkha' la tsa sha brgya phrag gis/ /khyod sku rgya chen rgya chen mdzad de la/ /lding zhing bskor ba bgyid par gyur pa las/ /mi mchog deng ni sangs rgyas mchog 'gyur ro/ /ji ltar dri zhim rlung ni ldang ba dang / /ri dgas bya yi tshogs kyang mi skrag la/ /ljon shing rlung gis g.yos par ma gyur pas/ /mi mchog deng ni sangs rgyas mchog 'gyur ro/ /ji ltar btsun pa khyod kyi zhal gyi 'od/ /dri med gser 'od 'bar ba 'dra ba de/ /rnam par mdzes shing kha dog ldan pas na/ /mi mchog deng ni sangs rgyas mchog 'gyur ro/ /bar sdom la/ sgra dang mthong dang sangs rgyas dang / /rdzogs dang zhabs dang chos gos dang / /brten dang rtswa sha de bzhin rlung / /khyod gtogs pa dang de bcu'o/ /de nas byang chub sems dpa' klu'i rgyal po dus can gyis yang dag par bstod nas rdo rje'i gdan logs su gshegs te des dgongs pa/ rtswa'i gding ba la 'dug par bya'o snyam pa dang / de la rtswa'i dgos pa byung bar lha rnams kyi dbang po brgya byin gyi sems kyis byang chub sems dpa'i dgongs pa shes nas/ ri spos kyi ngad ldang las shing bal gyi 'dab ma ltar reg na bde ba'i rtswa khur gcig blangs nas rtswa 'tshong bkra shis kyi kha dog tu bdag nyid mngon par sprul te byang chub sems dpa'i spyan sngar bsdad do/ /byang chub sems dpas gsungs pa/ bzhin bzang rtswa 'o ni dag nga la phul cig /lha rnams kyi dbang po brgya byin gyis byang chub sems dpa'i zhabs gnyis la gtugs nas gus pa dang bcas pas phul lo/ /de nas byang chub sems dpas bkra shis kyi rtswa 'tshong las rtswa bzhes te lha rnams kyis bstan pa'i lam nas byang chub kyi snying po gang na ba der gshegs te byon nas rtswa rnams ma 'khrugs pa dang / stug srab med pa dgram par brtsams so/ /de nas rtswa de rnams bskor thabs su lhung nas byang chub sems dpas dgongs pa/ ji ltar rtswa 'di rnams bskor thabs su lhung ba las bdag gis gdon mi za bar deng bla na med pa'i ye shes rtogs par 'gyur ro snyam du dgongs nas rdo rje'i gdan la 'dzegs te brang gis 'gro'i rgyal po gnyid log pa'i lus bskyil ba ltar skyil mo dkrung bcas sku drang por bsrang dran pa mngon du phyogs par bzhag ste bzhugs nas sems bskyed cing tshig tu yang gsungs pa/ ji srid zag pa zad pa ma thob kyi bar du skyil mo dkrung gzhig par mi bya'o zhes des re shig zag pa zad pa ma thob kyi bar du skyil mo dkrung ma bshig go/ /bdud sdig can gyi rgyal mtshan gnyis po dga' ba'i gnas dang / dogs pa'i gnas gnyis yod pa las/ dogs pa'i gnas kyi rgyal mtshan g.yo bar brtsams so/ /sdig can gyis bsams pa/ ji ltar rgyal mtshan 'di g.yo ba las gdon mi za bar gnod pa byed pa zhig byung ngo snyam ste/ de bsam pa la zhugs pa dang / ji tsam na byang chub sems dpa' rdo rje'i gdan la bzhugs pa mthong ngo / /de 'di snyam du sems te/ shAkya zas gtsang gi bu 'di rdo rje'i gdan la 'dug gis/ ci tsam bdag gi yul las ma 'das kyi bar du de la bgegs bya'o snyam du bsams nas phrin yig skyel ba skra gyen du 'greng ba/ sha na'i smad g.yogs bgos pa zhig gi kha dog tu mngon par sprul nas/ byang chub sems dpa' gang na ba der song ste phyin nas rtabs par smras pa/ grong khyer ser skya'i gzhi ni lhas byin gyis mnan pho brang ni bcom/ shAkya rnams ni kha btag na khyod ci'i phyir gnas btab ste 'dug /de na byang chub sems dpa' la sdig pa mi dge ba'i rnam par rtog pa gsum skyes pa 'di lta ste/ 'dod pa'i rnam par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa'o/ /de la 'dod pa'i rnam par rtog pa ni grags 'dzin ma dang / ri dwags skyes dang / sa 'tsho ma la 'o/ /gnod sems kyi rnam par rtog pa ni lhas byin la'o/ /rnam par 'tshe ba'i rnam par rtog pa ni de'i rjes su 'tsho ba'i shAkya rnams la'o/ /byang chub sems dpa' 'di snyam du dgongs te/ ci'i phyir bdag la sdig pa mi dge ba'i rnam par rtog pa gsum skyes snyam na/ ji tsam na bdud sdig can 'di lta ste/ dkrug pa'i las kyi phyir nye bar 'ongs pa gzigs so/ /de nas byang chub sems dpa' la dge ba'i rnam par rtog pa gsum skyes te/ 'di lta ste/ nges par 'byung ba'i rnam par rtog pa dang / gnod sems med pa'i rnam par rtog pa dang / rnam par mi 'tshe ba'i rnam par rtog pa'o/ /yang bdud kyis smras pa/ khyod ci'i phyir byang chub kyi snying po la 'dug /byang chub sems dpas bka' stsal pa/ bla na med pa'i ye shes thob par bya ba'i phyir ro/ /bdud kyis smras pa/ khyod kyis bla na med pa'i ye shes ga la thob/ byang chub sems dpas bka' stsal pa/ sdig can khyod kyis re shig mchod sbyin gcig byas pas kyang 'dod pa'i khams kyi dbang phyug phun sum tshogs par gyur na/ ngas bskal pa grangs med pa gsum du mchod sbyin bye ba khrag khrig brgya stong phrag du ma byas shing sems can rnams kyi phyir mgo dang / lag pa dang rkang pa dang / mig dang / sha dang / khrag dang / bu dang / chung ma dang / dbyig dang / gser la sogs pa yongs su btang bas bla na med pa'i ye shes thob par 'gyur ba lta smos kyang ci dgos te/ ngas bla na med pa'i ye shes thob par mi 'gyur ba de srid re skan/ de skad ces bka' stsal pa dang / bdud kyis smras pa/ re shig ji ltar bdag gi mchod sbyin gcig gis 'dod pa'i khams kyi dbang phyug thob par gyur pa'i bdag gi dpang ni khyod nyid yin na/ ji ltar khyod kyi bla na med pa'i ye shes thob par bya ba'i phyir bskal pa grangs med pa gsum du mchod sbyin bye ba khrag khrig brgya stong phrag du ma byas shing sems can rnams kyi phyir mgo dang / lag pa dang / rkang pa dang / mig dang / sha dang / khrag dang / bu dang / chung ma dang / dbyig dang / gser la sogs pa yongs su btang bar khyod la dpang du su yod/ de nas byang chub sems dpa' bcom ldan 'das kyi phyag 'khor lo dang / bkra shis dang / g.yung drung 'khyil ba dang / dra bas 'brel ba bsod nams brgya phrag du mas bskyed pa skrag pa rnams la dbugs 'byin par mdzad pas sa la reg par mdzad nas ngas bskal pa grangs med pa gsum du mchod sbyin bye ba khrag khrig brgya stong phrag du ma byas shing sems can rnams kyi phyir mgo dang / lag pa dang / rkang pa dang / mig dang / sha dang / khrag dang / bu dang / chung ma dang / dbyig dang / gser la sogs pa yongs su btang ba'i nga'i dpang ni sa 'di yin no/ /de nas sa'i lhas sa brtol nas thal mo sbyar te skad phyung ba/ sdig can bcom ldan 'das kyis bka' stsal pa de bzhin yin no zhes de skad smras pa dang / bdud sdig can mi smra bar gyur te/ zhum zhum por gyur/ bag 'khums par gyur/ spyi bo smad nas spobs pa med la sems khongs su chud cing 'dug par gyur te/ de sdug bsngal zhing yid mi bde bas bsams pa/ bdag gis shAkya zas gtsang gi bu la de ltar byas kyang glags kyang ma rnyed kyis/ ma la 'di la bdag gis yang bgegs shig bya'o zhes smras nas song ngo / /de nas des bu mo gsum po sred ma dang / dga' byed ma dang / dga' spyod ma mngags te de rnams gzugs dang / lang tsho'i rgyags pas dregs shing lha'i gos dang rgyan gyis bklubs nas byang chub sems dpa'i mdun du bud med kyi g.yo rnams bstan par brtsams so/ /de nas byang chub sems dpa' thabs la mkhas pas ji ltar rgan mor gyur pa de ltar byin gyis brlabs nas bdud gang na ba der dong ba dang / bdud kyis de rnams de lta bu'i rnam par mthong nas yi chad nas lag pa la 'gram pa gtad de gang gis na shAkya zas gtsang gi bu'i dka' thub la bgegs byed par 'gyur ba'i thabs legs pa ci yod snyam nas sems khongs su chud cing 'dug go/ /des 'byung po'i dpung tshogs dang ldan pa glang po che dang / rta dang / rnga mo dang / ra dang / ri dgas dang / ma he dang / phag dang / khyi dang / 'ug pa dang / ne'u le dang / spre'u dang / wa la sogs pa 'dra ba ral gri dang / mda' bo che dang / mtshon rtse gcig pa dang / 'khor lo dang / mdung thung dang / gzhu dang / zhags pa dang / dgra sta dang / lcags kyi berga la sogs te mtshon cha can bye ba phrag sum bcu rtsa drug ded nas rang nyid gzhu rna drung du brkang ste byang chub sems dpa' yongs su bskor nas 'dug go/ /de nas byang chub sems dpas gzugs rnam pa du ma can mtshon cha rnam pa sna tshogs mang po dang bcas pa de rnams gzigs nas dgongs pa/ re shig pho phal pa zhig dang lhan cig 'thab par rtsom na yang de'i gnyen po'i phyogs la sbyor ba byed na 'dod pa'i khams kyi dbang phyug 'di la lta smos kyang ci dgos kyis/ ma la bdag gis gnyen po'i phyogs la sbyar bar bya'o snyam du dgongs nas de zhi bar 'gyur ba'i thabs la dgongs par brtsams so/ /bdud kyis 'byung po bye ba phrag sum bcu rtsa drug dang lhan cig tu byang chub sems dpa'i steng nas 'khor lo dang / mdung dang / mda' bo che dang / mtshon rtse gcig pa dang / mda' la sogs pa'i mtshon cha rnams dbab par brtsams so/ /de nas byang chub sems dpa' byams pa la snyoms par zhugs pa na de'i mtshon cha de rnams lha'i me tog ut+pa la dang / pad ma dang / ku mu da dang / pad ma dkar por gyur nas byang chub sems dpa'i nye 'khor du 'bab par brtsams so/ /de nas bdud steng gi bar snang la mngon par 'phags te phyag dar gyi char dbab par brtsams na/ de yang lha'i me tog man dA ra ba rnams su gyur nas byang chub sems dpa'i steng nas 'bab par brtsams so/ /de nas bdud kyis gdug pa'i rlung dang / rdo'i char phab pa dang / gnas gtsang ma'i ris kyi lha rnams kyis byang chub sems dpa'i steng du lo ma las ma yin pa'i spyil po mngon par sprul pas rdo'i char dang gdug pa'i rlung du bcas pa des byang chub sems dpa' la chung zad kyang gnod par ma gyur to/ /bdud kyis bsams pa/ bdag gis nam du yongs su bskor te 'dug /bsam gtan gyi tsher ma ni sgra yin gyi/ byang chub kyi shing shel las byas par mngon par sprul la song ba dang / de'i lo ma rnams rtag par sgra 'byin pas de'i sems rtse gcig par mi 'gyur ro snyam du bsams nas byang chub kyi shing shel las byas par mngon par sprul te/ rna ba gtad nas bsgrims te bsdad pa na byang chub kyi shing gi lo ma shel las byas pa rnams myur ba myur bar sgra 'byin par brtsams pas bsam gtan gyi tsher ma ni sgra yin pas/ byang chub sems dpas sems rtse gcig pa ma thob bo/ /gnas gtsang ma'i ris kyi lha rnams kyis bsams pa/ shel las byas pa'i byang chub kyi shing gi lo ma shel las byas pa rnams kyi sgras byang chub sems dpa' sems rtse gcig pa ma thob kyis thabs shig bsham par bya'o snyam ste/ de nas de rnams kyis lo ma re re bzung na/ 'on kyang bdud kyi dpung de bzhin du gnas nas gnas gtsang ma'i ris kyi lha rnams kyis bsams pa/ bdud sdig can 'di ni ring mo zhig tu byang chub sems dpa' la rnam par 'tshe bar 'gyur ro snyam du bsams nas bdud kyi dpung de khor yug gi pha rol du 'phangs so/ /de nas byang chub sems dpa' bcom ldan 'das lteng rgyas nas 'bab chu nai rany+dza na'i 'gram byang chub kyi shing drung du bzhugs te rtag tu bya ba dang / 'grus skyong dang ldan zhing byang chub kyi phyogs dang 'thun pa'i chos rnams la bsgom pa'i rnal 'byor gyi rjes su brtson pas bzhugs so/ /de nam gyi thun dang po la rdzu 'phrul gyi yul shes pa mngon sum du bya ba'i mngon par shes pa la dgongs pa mngon du bzhag pa na/ de rdzu 'phrul gyi yul rnam pa du ma nyams su myong bar mdzad de/ 'di lta ste gcig tu gyur cing mang por gyur pa dang / mang por gyur cing gcig tu gyur pa dang / snang bar gyur cing mi snang bar gyur pa ye shes gzigs pas nyams su myong bar mdzad do/ /skus rtsig pa dang / ri dang / ra ba la yang thad kar gshegs par mdzad de/ dper na nam mkha' la bya ba bzhin no/ /sa la yang steng du 'byung ba dang / byi'u zul mdzad de/ dper na chu la bya ba bzhin no/ /chu'i rgyun la yang mi nyams par gshegs te/ dper na sa la bya ba bzhin no/ /nam mkha' la yang skyil mo dkrung gis gshegs par mdzad de/ dper na 'dab chags bya bzhin no/ /nyi ma dang zla ba 'di gnyis 'di ltar rdzu 'phrul che ba/ 'di ltar gzi brjid che ba la phyag gis nom zhing nyug par mdzad cing tshangs pa'i 'jig rten gyi bar du skus dbang sgyur bar mdzad do/ /yang bdud kyis bsams pa/ bsam gtan gyi tsher ma sgra yin pas ma la bdag gis rgyang ring po kho nar 'dug la sgra dbyung bar bya'o snyam nas des 'byung po bye ba phrag sum cu rtsa drug dang / 'jigs pa chen po 'jigs su rung ba'i sgra phyung ngo / / byang chub sems dpas kyang de bsgrib pa'i phyir dpag tshad bcu gnyis kyi bar du shing ka dam pa'i tshal sprul pas des na sgra de rdugs pas mi grag go/ /byang chub sems dpas dgongs pa/ ma la bdag gis lha'i rna ba shes pa mngon sum du bya ba'i mngon par shes pa la sems mngon du bzhag nas/ des na lha dang mi rnams kyi sgra gang dang gang dag thos par 'dod pa de dag mnyan par bya'o snyam du dgongs nas lha'i rna ba shes pa mngon sum du bya ba'i mngon par shes pa la dgongs pa bzhag pa na/ de lha'i snyan rnam par dag pa mi rnams kyi las 'das pas sgra gnyis po mi rnams dang / mi ma yin pa rnams kyi dang / gang dag ring ba dang / gang dag nye ba yang gsan to/ /de nas byang chub sems dpas dgongs pa/ bdud kyi 'khor 'byung po bye ba phrag sum cu rtsa drug las bdag la su dag ni gnod par sems/ su dag ni ma yin zhes de dag ji ltar shes par bya snyam pa dang de 'di snyam du dgongs te/ sems kyi rnam grangs shes pa mngon sum du bya ba'i mngon par shes pa yin no snyam nas/ de nam gyi gung thun la sems kyi rnam grangs shes pa mngon sum du bya ba'i mngon par shes pa la dgongs pa mngon du bzhag pa na/ de'i thugs kyis sems can gzhan dag dang gang zag gzhan gyi rnam par rtog pa dang / rnam par dpyod pa'i yid ji lta ba bzhin du rab tu mkhyen te/ 'dod chags dang bcas pa'i sems la 'dod chags dang bcas pa'i sems so zhes ji lta ba bzhin du rab tu mkhyen to/ /'dod chags dang bral ba'i sems la 'dod chags dang bral ba'i sems so zhes ji lta ba bzhin du rab tu mkhyen to/ /zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / bsdus pa dang / rnam par g.yengs pa dang / zhum pa dang / rab tu 'dzin pa dang / rgod pa dang / mi rgod pa dang / nye bar ma zhi ba dang / nye bar zhi ba dang / mnyam par ma bzhag pa dang / mnyam par bzhag pa dang / ma bsgoms pa dang / bsgoms pa dang / sems rnam par ma grol ba dang / rnam par grol ba zhes ji lta ba bzhin du rab tu mkhyen to/ /shin du rnam par grol ba'i sems la shin du rnam par grol ba'i sems so zhes ji lta ba bzhin du rab tu mkhyen to/ /de 'di snyam du dgongs te/ bdud kyi mngag gzhug pa 'di rnams las su dag bdag dang tshe rabs gzhan na mar 'brel ba 'am/ phar 'brel ba 'am/ su dag gshed ma 'am/ phyir rgol ba 'am/ dgrar gyur pa de dag ji ltar shes par bya snyam mo/ /de 'di snyam du dgongs te/ sngon gyi gnas rjes su dran pa'i shes pa mngon sum du bya ba'i mngon par shes pa yin no snyam nas/ de nam gyi gung thun la sngon gyi gnas rjes su dran pa'i shes pa mngon sum du bya ba'i mngon par shes pa la dgongs pa mngon du bzhag pa na/ des sngon gyi gnas rnam pa du ma rjes su dgongs te/ 'di lta ste/ des skye ba gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum bcu dang / bzhi bcu dang / lnga bcu dang / skye ba brgya dang / skye ba stong dang / skye ba brgya stong dang / skye ba brgya phrag du ma dang / skye ba stong phrag du ma dang / skye ba brgya stong phrag du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa dang / 'jig pa'i bskal pa du ma dang / 'chags pa'i bskal pa du ma dang / 'jig pa dang 'chags pa'i bskal pa du ma rjes su dgongs te/ bdag sngon sems can 'di dag gi nang na gnas pa na ming ni 'di zhes bya/ rigs ni 'di zhes bya/ rus ni 'di zhes bya/ zas ni 'di lta bu zhig za za/ bde ba dang sdug bsngal ni 'di lta bu zhig nyams su myong / tshe ni 'di srid cig lon/ yun ni 'di srid cig 'dug 'dug /tshe ni 'di srid cig lon te gnas de nas bdag shi 'phos te che ge mo zhig tu skyes so/ /de nas kyang shi 'phos nas che ge mo zhig tu skyes so/ /de nas kyang shi 'phos nas 'dir skyes so zhes bya ba rnam pa dang bcas te yul phyogs dang bcas par sngon gyi gnas rnam pa du ma rjes su dgongs so/ /de 'di snyam du dgongs te/ bdud kyi mngag gzhug 'di rnams las su dag ni ngan song du 'gro/ su dag ni mi 'gro ba de dag ji ltar shes par bya snyam mo/ /de 'di snyam du dgongs te/ 'chi 'pho dang skye ba shes pa mngon sum du bya ba'i mngon par shes pa yin no snyam ste/ de nam gyi thun tha ma la 'chi 'pho dang skye ba shes pa mngon sum du bya ba'i mngon par shes pa la dgongs pa mngon du bzhag pa na/ de'i lha'i spyan rnam par dag pa mi rnams kyi las 'das pas gzigs na sems can rnams kyi 'chi 'pho dang / skye ba dang / kha dog bzang po dang / kha dog ngan pa dang / dman pa dang / gya nom pa dang / bde 'gro dang / ngan 'gro dang / ngan 'gror 'gro ba'i sems can rnams las ji lta ba bzhin gyi rjes su 'gro ba ji lta ba bzhin du rab tu mkhyen te/ shes ldan sems can 'di zhes bya ba 'di dag ni lus kyi nyes par spyod pa dang ldan/ ngag dang yid kyi nyes par spyod pa dang ldan te/ 'phags pa rnams la skur ba 'debs pa log par lta ba ste/ log par lta ba'i chos dang las yang dag par blangs pa'i rgyus rgyu de dang rkyen des lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /shes ldan sems can 'di dag ni lus kyi legs par spyod pa dang ldan/ ngag dang yid kyi legs par spyod pa dang ldan te/ 'phags pa rnams la skur ba mi 'debs shing yang dag par lta ba ste/ yang dag par lta ba'i chos dang las yang dag par blangs pa'i rgyus rgyu de dang rkyen des lus zhig nas shi ba'i 'og tu bde 'gro mtho ris kyi 'jig rten du lha dang mi rnams su skye bar 'gyur ro/ /de 'di snyam du dgongs te/ shes ldan sems can 'di dag ni 'dod pa'i zag pa dang / srid pa'i zag pa dang / ma rig pa'i zag pas 'khor ba na 'khor ro/ / 'di rnams kyi 'dod pa'i zag pa dang / srid pa'i zag pa dang / ma rig pa'i zag pa de ji ltar spang ba de ji ltar shes par bya snyam mo/ /de 'di snyam du dgongs te zag pa zad pa shes pa mngon sum du bya ba'i mngon par shes pa yin no snyam ste/ de rtag tu byed pa dang / 'grus skyong dang ldan zhing byang chub kyi phyogs dang 'thun pa'i chos rnams la bsgom pa'i rnal 'byor gyi rjes su brtson pas gnas nas zag pa med pa'i shes pa mngon sum du bya ba'i mngon par shes pa la dgongs pa mngon du bzhag pa na/ des 'di ni sdug bsngal 'phags pa'i bden pa'o zhes ji lta ba bzhin du rab tu mkhyen to/ /'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam 'phags pa'i bden pa'o zhes ji lta ba bzhin du rab tu mkhyen to/ /de de ltar shes shing de ltar mthong na 'dod pa'i zag pa las sems rnam par grol bar 'gyur zhing srid pa'i zag pa dang / ma rig pa'i zag pa las sems rnam par grol bar 'gyur ro/ /rnam par grol nas bdag gi skye ba zad do/ /tshangs par spyod pa la bsten to/ /bya ba byas so/ /'di las srid pa gzhan mi shes so zhes rnam par grol ba'i ye shes nyid mthong bar 'gyur ro/ /de ltar de na bcom ldan 'das byang chub mngon par rdzogs par sangs rgyas te/ bya ba byas/ byed pa byas nas me'i khams la snyoms par zhugs so/ / gang gi tshe byang chub sems dpas bdud kyi 'khor 'byung po bye ba phrag sum cu rtsa drug byams pa'i mtshon gyis mngon du bcom nas bla na med pa'i ye shes brnyes pa'i tshe bdud sdig can gyis gnas gzhu lhung / rgyal mtshan 'gyel/ gnas kyang g.yos so/ /de nas bdud sdig can 'byung po'i 'khor bye ba phrag sum cu rtsa drug sdug bsngal zhing yid mi bde ba yid la bcags te de nyid du mi snang bar gyur to/ /bdud kyi ris kyi lha rnams kyis grong khyer ser skya'i gzhir byang chub sems dpa' shAkya thub pa ni dka' ba lo drug spyad nas rdo rje'i gdan las 'dzegs te rtswa'i gding ba la grongs so zhes bsgrags pa gang yin pa de rgyal po zas gtsang btsun mo dang / gzhon nu dang / blon po'i tshogs dang / grong khyer ser skya na gnas pa'i skye bo'i tshogs dang bcas pas thos nas sdug bsngal chen po dang yid mi bde bas gdungs par gyur to/ /sa 'tsho ma dang / ri dgas skyes dang / grags 'dzin ma yang byang chub sems dpa'i yon tan rjes su dran nas brgyal te sa la 'gyel nas chus gtor ba las slar dbugs byung ngo / /btsun mo'i spro ba sring ba'i skye bo dag ni mig mchi mas gang la myur ba myur bar dbugs brdzags shing dal bus dal bus smre sngags 'don cing 'dug go/ /de dag sdug bsngal ba sangs rgyas la mngon par dad pa'i lha dga' ba skyes pa rnams kyis mthong nas byang chub sems dpa' shAkya thub pa ma nongs te/ 'di ltar des bla na med pa'i ye shes brnyes so zhes smras pa gang yin pa rgyal po zas gtsang 'khor dang bcas pa dang / ser skya'i skye bo'i tshogs kyis thos nas mchog tu dga' ba skyes so/ /bcom ldan 'das kyis bla na med pa'i ye shes brnyes pa na grags 'dzin ma la yang khye'u zhig btsas so/ /bdud rtsi zas kyi yang khye'u zhig btsas so/ /zla ba yang sgra gcan gyis zin to/ /de nas rgyal po zas gtsang gis phun sum tshogs pa de mthong nas/ dga' ba dang / mgu ba dang / rab tu dga' ba dang / rangs pa rgya chen po dang / yid bde ba skyes par gyur to/ /des grong khyer ser skya'i gzhi rdo ba dang / gseg ma dang / gyo mo rnams bsal nas tsan dan gyi chus chag chag btab/ shin du dri zhim po'i pog por nye bar bshams/ dar gyi chun phyang mang po dpyangs/ rgyal mtshan dang / ba dan bsgreng / me tog sna tshogs kyis dga' dga' ltar bkram nas grong khyer gyi sgo bzhi dang sum mdo rnams su sbyin gtong gi khang pa brtsigs so/ /de nas grong khyer gyi shar sgor dge sbyong dang / bram ze dang / spyod pa ba dang / kun tu rgyu dang / ngan pa dang / mgon med pa dang / bkren pa dang / phongs pa dang / slong mo ba rnams la sbyin pa dag gtong ngo / /lho dang / nub dang / byang dang / dbus kyi sum mdo rnams su yang sbyin pa dag gtong / bsod nams dag byed do/ /grags 'dzin ma'i bu'i ming 'dogs par byed de/ btsun mo'i 'khor gyi skye bos smras pa/ 'di btsas pa na zla ba sgra gcan gyis zin pa de bas na khye'u'i ming sgra gcan zin zhes gdags so zhes btags so/ /bdud rtsi zas kyi kyang de bzhin du sbyin pa dag btang / bsod nams dag byas nas khye'u'i ming cir btags zhes bu'i ming 'dogs par byed do/ /nye du dag gis smras pa/ gang gi tshe 'di btsas pa na grong khyer thams cad dga' bar gyur pas de'i phyir khye'u'i ming kun dga' bor gdags so zhes btags so/ /rgyal po zas gtsang gis smras pa/ grags 'dzin ma'i bu gang yin pa 'di ni shAkya thub pa'i bu ma yin no zhes smras pa/ grags 'dzin mas thos nas yi chad par gyur to/ /de nas des byang chub sems dpa'i pang tshad kyi pha bong la zhon nas rol pa'i rdzing 'gram du 'dug ste bden pa gsol ba btab pa/ gal te 'di byang chub sems dpa' las skyes pa yin na de bzhin du rdzing 'dir pha bong dang lhan cig 'phyo bar gyur cig /ci ste ma yin na bying bar gyur cig ces smras nas chur bor ba dang de shing bal gyi 'dab ma bzhin du pha bong dang lhan cig 'phyo bar brtsams so/ /rgyal po zas gtsang gis ya mtshan du gyur pa de thos nas skye bo'i tshogs chen pos yongs su bskor te byang chub sems dpa' rol pa'i rdzing 'gram du song nas/ ji tsam na sgra gcan zin bzang po byang chub sems dpa'i pang tshad kyi pha bong la zhon nas shing bal gyi 'dab ma bzhin du chu na 'phyo ba mthong ngo / /mthong nas kyang dga' ba dang / mgu ba dang / rab tu dga' ba dang / rangs pa rgya chen po dang / yid bde ba skyes te de ma thag tu rdzing der zhugs nas gzhon nu sgra gcan zin bzang po pang du blangs nas langs so/ /gang gi tshe bcom ldan 'das kyis bdud kyi 'khor 'byung po bye ba phrag sum cu rtsa drug byams pa'i mtshon gyis mngon du btul nas bla na med pa'i ye shes brnyes pa de'i tshe sa chen po 'di shin tu g.yos par gyur to/ /'jig rten 'di thams cad kyang snang ba rgya chen pos gsal bar gyur te/ 'di ltar 'jig rten dang 'jig rten gyi bar gyi mun pa mun nag smag tu gyur pa nyi ma dang zla ba 'di gnyis 'di ltar rdzu 'phrul che zhing 'di ltar mthu che ba'i snang bas snang ba nyams su ma myong ba gang yin pa de dag kyang de'i tshe snang ba rgya chen pos gsal bar gyur nas der sems can gang dag skyes pa de rnams kyis snang ba des sems can gcig gis gcig mthong nas/ shes ldan dag sems can gzhan dag kyang 'dir skyes pa lta zhig / shes ldan dag sems can gzhan zhig kyang 'dir skyes pa lta zhig ces ngo shes par gyur to// // sdom la/ 'khor bzhi dang ni lang tsho dang / /yab dang sras ni mjal ba dang / /shAkya de bzhin rang byung dang / /dung skyong khyod la phyag 'tshal ba'o/ /de nas tshangs ris kyi lha gnyis shig tshangs pa'i 'jig rten na 'dug pa 'di snyam du sems te/ sangs rgyas bcom ldan 'das lteng rgyas na chu klung nai rany+dza na'i 'gram byang chub kyi shing drung na bzhugs te mngon par rdzogs par sangs rgyas nas ring po ma lon par me'i khams la snyoms par zhugs te skyil mo dkrung gcig gis zhag bdun 'das par mdzad nas/ de la sus kyang bsod snyoms ma phul gyis/ ma la bdag cag der song la tshigs su bcad pa re res mngon par bstod do snyam mo/ /de nas tshangs ris kyi lha de gnyis kyis 'di lta ste/ skyes bu stobs dang ldan pa'i dpung pa bskums te brkyang ba 'am/ brkyang ste bskums pa tsam gyis tshangs ris kyi lha gnyis tshangs ris kyi 'jig rten nas mi snang bar gyur te/ bcom ldan 'das kyi spyan sngar phyin nas phyogs gcig tu 'dug ste/ tshangs ris kyi lha gnyis las gcig gis tshigs su bcad de gsol pa/ ded dpon g.yul las rnam par rgyal ba po/ /sdig pa mi mnga' bzhengs shig 'jig rten gzigs/ /rin chen chos ni 'tshal bar 'gyur mchis kyis/ /bde gshegs chos kyi mchog ni bshad du gsol/ /cig shos kyis kyang tshigs su bcad de gsol pa/ nga rgyal bcom zhing g.yul las rnam rgyal ba/ /sdig pa mi mnga' bzhengs shig 'jig rten gzigs/ /bco lnga lon pa'i dgung zla nya ba ltar/ / khyod kyi thugs ni shin du rnam dag lags/ /zhes gsol nas de nyid du mi snang bar gyur to/ /de nas bcom ldan 'das ting nge 'dzin de las bzhengs nas de'i tshe tshigs su bcad de bka' stsal pa/ 'jig rten 'dod pa'i bde gang dang / /lha yul byung bde gang yin pa/ /srid pa zad pa'i bde de la/ /bcu drug char yang mi phod do/ /khur khyer ba ni sdug bsngal te/ /khur bor ba ni bde ba yin/ /khur ni lci ba rnams bor nas/ /gzhan dag blang bar mi bya'o/ / sred pa thams cad rnam spangs shing / /'dus byas thams cad zad nas ni/ /dngos po thams cad yongs shes nas/ /slar yang srid par mi 'ong ngo / /sangs rgyas bcom ldan 'das rnam par grol ba'i dga' ba dang bde ba sku nyams su btar nas/ skyil mo dkrung gcig gis zhag bdun 'das par mdzad pa na/ /de la sus kyang bsod snyoms ma phul lo/ /de'i tshe tshong pa ga gon dang bzang po gnyis shing rta lnga brgya tsam dang lhan cig dong ba na lam de nyid du zhugs par gyur to/ /de nas tshong pa ga gon dang / bzang po'i sngon gyi grogs po dang / blon po dang / nye du dang / mdza' bshes su gyur pa'i lha zhig yod pa 'di snyam du sems te/ sangs rgyas bcom ldan 'das 'di lteng rgyas na chu klung nai rany+dza na'i 'gram byang chub kyi shing drung na bzhugs te mngon par rdzogs par sangs rgyas nas ring po ma lon par rnam par grol ba'i dga' ba dang bde ba sku nyams su btar nas/ skyil mo dkrung cig gis zhag bdun 'das par mdzad pa na/ de la sus kyang bsod snyoms ma phul gyis/ de la tshong pa ga gon dang / bzang po gnyis kyis der thog mar bsod snyoms 'bul du bcug na/ de ni tshong pa ga gon dang / bzang po de gnyis kyi yun ring po'i don dang phan pa dang bde bar 'gyur gyis/ ma la bdag rang gis 'di gnyis 'di lta ste/ bcom ldan 'das la bsod snyoms 'bul du gzhug pa'i phyir brtson par bya'o snyam nas/ de nas lha des shing rta dang tshong pa thams cad snang ba rgya chen pos gsal bar byas nas tshong pa ga gon dang / bzang po la 'di skad ces smras so/ /tshong pa tshong pa dag sangs rgyas bcom ldan 'das 'di lteng rgyas na chu klung nai rany+dza na'i 'gram byang chub kyi shing drung na bzhugs te mngon par rdzogs par sangs rgyas nas ring po ma lon par rnam par grol ba'i dga' ba dang / bde ba sku nyams su btar ba na skyil mo dkrung gcig gis zhag bdun 'das par mdzad de/ de la sus kyang bsod snyoms ma phul gyis/ de la khyed kyis der thog mar bsod snyoms phul na de ni khyed kyi yun ring mo'i don dang phan pa dang bde bar 'gyur ro zhes smras nas lha de de nyid du mi snang bar gyur to/ / de nas tshong pa ga gon dang bzang po gnyis 'di snyam du sems te/ sangs rgyas ni mchog ma yin pa ma yin la/ chos bshad pa yang mchog ma yin pa ma yin te/ gang gi phyir 'di ltar lhas kyang 'di lta ste/ bcom ldan 'das de la bsod snyoms dbul ba'i phyir brtson par byed do snyam du bsams nas sbrang rtsi dang 'dag gu mang du khyer nas bcom ldan 'das gang na ba der song nas phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas tshong pa ga gon dang / bzang pos bcom ldan 'das la 'di skad ces gsol to/ /btsun pa bcom ldan 'das kyi ched du 'dir bdag cag gis sbrang rtsi dang 'dag gu mang du 'tshal te mchis kyis/ bcom ldan 'das thugs brtse ba nye bar bzung ste 'di bzhes su gsol/ de nas bcom ldan 'das 'di snyam du dgongs/ gal te bdag gis bsod snyoms bzhes na dper na mu stegs can bzhin du 'gyur bas de ni bdag gi cha ma yin gyis/ ma la bdag gis sngon gyi yang dag par rdzogs pa'i sangs rgyas rnams kyis srog chags rnams la phan pa'i phyir bsod snyoms gang du bzhes pa bsam par bya'o snyam pa na bcom ldan 'das la lha rnams kyis gsol pa/ btsun pa sngon gyi yang dag par rdzogs pa'i sangs rgyas rnams kyis srog chags rnams la phan par bgyi ba'i slad du lhung bzed du bsod snyoms bzhes lags so/ /bcom ldan 'das kyis kyang dgongs shing ye shes gzigs pa bskyed na sngon gyi sangs rgyas bcom ldan 'das rnams kyis srog chags rnams la phan pa'i phyir bsod snyoms lhung bzed du bzhes par gyur nas de nas bcom ldan 'das la lhung bzed kyis lhung bzed kyi dgos pa byung ngo / /de nas rgyal po chen po bzhis bcom ldan 'das la lhung bzed kyis lhung bzed kyi dgos pa byung bar rig nas ri brag can zhig la rdo las byas pa'i lhung bzed mi ma yin pas byas shing mi ma yin pas zin par byas la gsal ba/ gtsang ma/ dri mi zhim pa med pa bzhi khyer te bcom ldan 'das gang na ba der dong nas phyin pa dang / bcom ldan 'das kyi zhabs gnyis la mgo bos phyag byas nas phyogs gcig tu 'dug go/ /phyogs gcig tu 'dug nas rgyal po chen po bzhis bcom ldan 'das la 'di skad ces gsol to/ /btsun pa bcom ldan 'das la lhung bzed kyis lhung bzed kyi mkho ba byung bar bdag cag gis 'tshal nas ri brag can zhig las rdo'i lhung bzed mi ma lags pas bgyis shing mi ma lags pas legs par bgyis pa gsal ba/ gtsang ma dri nga ba ma mchis pa bzhi 'dir 'tshal te mchis na/ bcom ldan 'das thugs brtse ba nye bar bzung ste 'di bzhes su gsol/ de nas bcom ldan 'das 'di snyam du dgongs te/ gal te bdag gis rgyal po chen po gcig las lhung bzed gcig bzhes na gsum gyi sems mi dga' bar 'gyur ro/ /gal te gnyis las na ni gnyis kyi sems mi dga' bar 'gyur ro/ /gal te gsum las na ni gcig gi sems mi dga' bar 'gyur gyi/ ma la bdag gis rgyal po chen po bzhi las lhung bzed bzhi bzhes la lhung bzed gcig tu byin gyis brlab par bya'o snyam nas/ de nas bcom ldan 'das kyis rgyal po chen po bzhi las lhung bzed bzhi bzhes te lhung bzed gcig tu byin gyis brlabs so// //'dul ba gzhi/ bam po brgyad bcu rtsa drug pa/ de nas bcom ldan 'das kyis tshong pa ga gon dang bzang po las srog chags rnams la phan pa'i phyir bsod snyoms bzhes so/ /de nas bcom ldan 'das kyis tshong pa ga gon dang bzang po la 'di skad ces bka' stsal to/ /tshong pa dag khyed tshur sangs rgyas la skyabs su deng shig /chos la skyabs su deng shig /ma 'ongs pa'i dus na 'byung bar 'gyur ba'i dge 'dun zhes bya ba gang yin pa de la yang skyabs su deng shig /btsun pa bdag cag sangs rgyas la skyabs su mchi'o/ /chos la skyabs su mchi'o/ /ma 'ongs pa'i dus na 'byung bar 'gyur ba'i dge 'dun gang lags pa de la yang skyabs su mchi'o/ /de nas bcom ldan 'das kyis tshong pa ga gon dang bzang po'i sbyin pa de la rjes su yi rang bas rjes su yi rang bar mdzad de/ gang gi don du sbyin pa btang / /de yi don du 'gyur ba ste/ /bde ba'i don du sbyin btang na/ /de ni bde bar 'gyur ba yin/ /bsod nams rnam smin bde ba dang / /bsam pa yang ni 'grub par 'gyur/ / myur du zhi ba dam pa yi/ /mya ngan 'das pa rtogs par 'gyur/ /pha rol las byung gnod pa ni/ /lha dang bdud kyi rigs dag gis/ /bsod nams kho na byed pa na/ /bar chad bya bar mi nus so/ /gal te 'phags pa'i shes rab phyir/ /gtong ldan de ni 'bad byed na/ /sdug bsngal tha mar byed pa dag /rnam par mthong zhing reg par 'gyur/ /de nas tshong pa ga gon dang / bzang po bcom ldan 'das kyis bka' stsal pa la mngon par dga' ste rjes su yi rang nas bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas dong ngo / /de nas bcom ldan 'das kyis tshong pa ga gon dang / bzang po la bsod snyoms bzhes nas chu klung nai rany+dza na gang na ba der gshegs te byon nas chu klung nai rany+dza na'i 'gram du bzhugs te zhal zas kyi bya ba mdzad do/ /de nas sbrang rtsi yang rlung slong la 'de gu yang rlung slong bas des bcom ldan 'das rlung nad kyi snyun gyis thebs so/ /de nas bdud sdig can gyis bcom ldan 'das rlung nad kyi snyun gyis thebs par rig nas bcom ldan 'das gang na ba der song ste phyin pa dang / bcom ldan 'das la 'di skad ces gsol to/ /bcom ldan 'das yongs su mya ngan las 'da' ba'i dus la bab lags so/ /bde bar gshegs pa yongs su mya ngan las 'da' ba'i dus la bab lags so/ /de nas bcom ldan 'das 'di snyam du dgongs te/ 'di lta ste dkrug pa'i las kyi phyir bdud sdig can 'di nye bar 'ongs so snyam du dgongs nas bdud sdig can la 'di skad ces bka' stsal to/ /sdig can ji srid nga'i nyan thos mkhas pa/ gsal ba/ yid gzhungs pa/ pha rol gyi rgol ba byung zhing byung ba rnams chos bzhin gyis tshar gcod nus pa/ rang gi smra ba gsal bar byed nus pa'i dge slong dang / dge slong ma dang / dge bsnyen dang / dge bsnyen ma rnams byung bar ma gyur pa dang / nga'i tshangs par spyod pa rgya chen po skye bo mang po dang lha dang mi'i bar la rgya cher yang dag par legs par rab tu ma bstan gyi bar du nga yongs su mya ngan las mi 'da'o/ /de nas bdud sdig can 'di snyam du sems te/ kye ma'o dge sbyong gau ta ma ni yongs su mya ngan las mi 'da'o/ /snyam du bsams nas sdug bsngal zhing yid mi bde la 'gyod pas de nyid du mi snang bar gyur to/ /de nas lha rnams kyi dbang po brgya byin gyis bcom ldan 'das rlung nad kyi snyun gyis thebs par rig nas shing 'dzam bu zhes bya bas 'dzam bu'i gling du btags pa gang yin pa de dang ha cang yang mi ring ba zhig na a ru ra chen po'i tshal yod de/ de nas kha dog dang / dri dang / ro dang ldan pa'i a ru ra blangs nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas lha rnams kyi dbang po brgya byin gyis bcom ldan 'das la 'di skad ces gsol to/ /btsun pa bcom ldan 'das bser ma'i snyun nad kyis thebs par bdag gis 'tshal nas shing 'dzam bu zhes bgyi bas 'dzam bu'i gling du btags pa gang lags pa de dang ha cang mi ring ba na a ru ra chen po'i tshal mchis te/ de nas bdag gis kha dog dang / dri dang / ror ldan pa'i a ru ra 'dir 'tshal te mchis kyis/ de bcom ldan 'das kyis gsol cig /bcom ldan 'das kyis de gsol dang / bser ma dang 'thun par 'gyur zhing bser ma'i snyun nye bar zhi bar 'gyur ro/ /bcom ldan 'das kyis de gsol ba dang rlung dang 'thun par gyur nas/ rlung nad kyi snyun nye bar zhi bar gyur to/ /des na bcom ldan 'das shin du bzod cing lhag par 'tsho bar gyur to/ /de nas bcom ldan 'das ji tsam dgyes kyi bar du byang chub kyi shing drung du bzhugs nas klu'i rgyal po btang zung gi gnas gang na ba der gshegs te byon nas shing zhig gi drung du brten te skyil mo dkrung bcas nas sku drang por bsrang ste dran pa mngon du phyogs par bzhag nas bzhugs so/ /de'i tshe klu'i rgyal po btang zung gi gnas su zhag bdun du dus ma yin pa'i sprin chags par gyur to/ /de nas klu'i rgyal po btang zung gis zhag bdun du dus ma yin pa'i sprin chags par rig nas gnas nas mngon par 'phags te/ bcom ldan 'das zhag bdun po 'di la bser bar 'gyur du 'ong / tsha ba dang / sbrang ma dang / sha sbrang dang / rlung dang / nyi ma dang / sdig sbrul gyi reg pas sku la gnod par 'gyur du 'ong zhes lus kyis bcom ldan 'das la lan bdun du dkris te steng du mgo'i gdengs ka chen po byas nas 'dug go/ /de nas klu'i rgyal po btang zung gis zhag bdun gyi dus ma yin pa'i sprin chags pa med par rig nas bcom ldan 'das kyi sku lus las lus bkrol te dpung rgyan dang / rna rgyan dang / phreng ba dang / rgyan sna tshogs dang / byug pas byugs nas bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dgung bdun po 'di la bser bar ma gyur tam/ tsha ba dang / sbrang ma dang / sha sbrang dang / bser ma dang / gdugs dang / sdig sbrul gyi gnod pas sku la reg par ma gyur tam/ de nas bcom ldan 'das kyis de'i tshe tshigs su bcad de bka' stsal pa/ dben pa'i dga' ba bde ba yin/ /chos thos pa la lta ba dang / /srog chags rnams la sdom pa yis/ /'jig rten 'tshe ba med pa bde/ /'jig rten 'dod chags bral ba dang / /'dod chags rnams las rgal ba bde/ /nga'o nga rgyal thul ba gang / /de nyid bde ba'i dam pa yin/ /de nas bcom ldan 'das ji tsam bzhed kyi bar du klu'i rgyal po btang zung gi gnas na bzhugs nas byang chub kyi snying po gang na ba der gshegs te byon pa dang rtswa'i gding ba bshams pa nyid la skyil mo dkrung bcas/ sku drang por bsrang nas dran pa mngon du phyogs par bzhag nas bzhugs te/ skyil mo dkrung gcig gis zhag bdun 'das par mdzad cing rten cing 'brel bar 'byung ba'i yan lag bcu gnyis po lugs dang 'thun pa dang / lugs dang mi mthun pa 'di nyid la gzigs par mdzad de/ 'di lta ste 'di yod pas 'di yod/ 'di skyes pas 'di skye ba 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar sdug bsngal gyi phung po chen po 'ba' zhig po 'di 'byung bar 'gyur ro/ /'di lta ste 'di med na 'di med la/ 'di 'gags pas 'di 'gag par 'gyur te/ 'di lta ste ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag / skye mched drug 'gags pas reg pa 'gag / reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag / skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar sdug bsngal gyi phung po chen po 'ba' zhig po 'di 'gag par 'gyur ro/ /de nas bcom ldan 'das kyis zhag bdun po de nyid 'das par mdzad nas ting nge 'dzin de las bzhengs te de'i tshe tshigs su bcad de bka' stsal pa/ gang tshe chos 'di dag ni skyed byed pa'i/ /brtson 'grus ldan pa'i bsam gtan tshangs pa yin/ /gang tshe chos rnams rgyu dang bcas shes pa/ /de nas de yi som nyi thams cad 'bral/ /gang tshe chos 'di dag ni skyed byed pa'i/ /brtson 'grus ldan pa'i bsam gtan tshangs pa yin/ / gang tshe sdug bsngal rgyu dang bcas shes pa/ /de nas de yi som nyi thams cad 'bral/ /gang tshe chos 'di dag ni skye byed pa'i/ /brtson 'grus ldan pa'i bsam gtan tshangs pa yin/ /gang tshe tshor ba zad pa thob 'gyur ba/ /de nas de yi som nyi thams cad 'bral/ /gang tshe chos 'di dag ni skyed byed pa'i/ /brtson 'grus ldan pa'i bsam gtan tshangs pa yin/ /gang tshe rkyen rnams zad pa thob nas ni/ /de nas de yi som nyi thams cad 'bral/ /gang tshe chos 'di dag ni skyed byed pa'i/ /brtson 'grus ldan pa'i bsam gtan tshangs pa yin/ /gang tshe zag pa zad pa thob gyur nas/ /de nas de yi som nyi thams cad 'bral/ /gang tshe chos 'di dag ni skyed byed pa'i/ /brtson 'grus ldan pa'i bsam gtan tshangs pa yin/ /'jig rten kun du snang bar 'dug pa ni/ /ji ltar nyi ma bar snang shar ba bzhin/ /gang tshe chos 'di dag ni skyed byed pa'i/ /brtson 'grus ldan pa'i bsam gtan tshangs pa yin/ / bdud kyi sde rnams rnam par bcom gnas te/ /sangs rgyas kun du sbyor las rnam par grol/ /de nas bcom ldan 'das 'di snyam du dgongs te/ bdag gis chos zab mo zab par snang ba mthong bar dka' zhing khong du chud par dka' ba rtog ge pa rnams kyi rtog ge'i spyod yul ma yin pa zhib mo mdzangs pa'i mkhas pa dang / rig pas rnam par shes par bya ba rtogs te/ de bdag gis gzhan la smras kyang gzhan gyis de mi shes pas/ des bdag dub par 'gyur/ ngal bar 'gyur/ sems la spro ba med pa kho nar 'gyur bar zad pas ma la bdag gcig pu dgon pa'i nags stug por mthong ba'i chos la bde bar gnas pa'i rnal 'byor la rjes su brtson par bya'o snyam ste/ de nas bcom ldan 'das thugs las chung ngus bzhugs pa la thugs gzhol bar mdzad cing chos 'chad pa la ma yin no/ /de nas tshangs pa mi mjed kyi bdag po 'di snyam du sems te/ kye ma'o 'jig rten 'di ma rung ba'o/ / kye ma'o 'jig rten 'di ma rung ba ste/ gang gi phyir de ltar brgya lam na lan 'ga' de bzhin gshegs pa dgra bcom pa yang dag par rdzogs pa'i sangs rgyas 'jig rten du byung ba ni dper na u dum bA ra'i me tog bzhin no/ bcom ldan 'das de da ltar thugs las chung ngus bzhugs pa la thugs gzhol bar mdzad cing chos 'chad pa la ni ma yin pas ma la bdag der song la gsol ba gdab bo snyam mo/ /de nas tshangs pa mi mjed kyi bdag pos dper na skyes bu stobs dang ldan pa'i dpung pa bskums nas brkyang ba 'am/ brkyangs nas bskums pa tsam gyis tshangs pa mi mjed kyi bdag po tshangs pa'i 'jig rten nas mi snang bar byas te/ bcom ldan 'das kyi spyan sngar 'dug go/ / de nas tshangs pa mi mjed kyi bdag pos de'i tshe tshigs su bcad de gsol pa/ ma ga d+har ni sngon chad chos byung ba/ /dag pa ma lags dri mar bcas pas rtogs/ /bdud rtsi chos kyi sgo ni phye mdzod la/ /dri ma med pas rtogs pas bshad par mdzod/ /bcom ldan 'das kyis bka' stsal pa/ /tshangs pa ngas ni tshegs chen gyis/ /skyon rnams bcom nas rtogs gyur pa/ /srid dang chags pas dkris rnams kyis/ /chos 'di legs par rtogs mi 'gyur/ /rgyun las bzlog phyogs 'gro ba'i lam/ /zab cing shin du mthong dka' ba/ /mun pa'i phung pos bsgribs pa yi/ /'dod chags zhen pas mthong mi 'gyur/ /btsun pa 'jig rten du skyes shing 'jig rten du rgas pa'i sems can rnams la dbang po rnon po dang / dbang po 'bring po dang / dbang po rtul po dang / drang sla ba dang / gdul sla ba dang / nyon mongs pa chung ba dang / rdul chung ba'i rigs mchis te/ de dag gis dam pa'i chos ma thos na yongs su nyams par 'gyur lags so/ /btsun pa dper na ut+pa la 'am/ pad ma 'am/ ku mu da 'am/ pad+ma dkar po dag chab nas skyes shing chab nas chen por gyur te chab nas 'phags te mchis pa las kha cig ni chab dang mnyam/ kha cig ni chab kyi nang du nub cing mchis pa de bzhin du btsun pa 'jig rten du skyes shing 'jig rten du rgas pa'i sems can rnams la yang dbang po rnon po dang / dbang po 'bring po dang / dbang po rtul po dang / drang sla ba dang / gdul sla ba dang / nyon mongs pa chung ba dang / rdul chung ba'i rigs mchis te de dag gis dam pa'i chos ma thos na yongs su nyams par 'gyur bas chos rin po che 'tshal bar 'gyur ba mchis kyis/ bcom ldan 'das chos bshad du gsol/ bde bar gshegs pa chos bshad du gsol/ de nas bcom ldan 'das 'di snyam du dgongs te/ ma la 'di nyid kyi sangs rgyas kyi spyan gyis 'jig rten la blta bar bya'o snyam nas/ de nas bcom ldan 'das nyid kyi sangs rgyas kyi spyan gyis 'jig rten la gzigs te/ bcom ldan 'das nyid kyi sangs rgyas kyi spyan gyis 'jig rten la gzigs pa dang / 'jig rten du skyes shing 'jig rten du rgas pa'i sems can rnams la dbang po rnon po dang / dbang po 'bring po dang / dbang po rtul po dang / drang sla ba dang / gdul sla ba dang / nyon mongs pa chung ba dang / rdul chung ba'i rang bzhin yod de de dag dam pa'i chos ma thos na yongs su nyams par 'gyur bar gzigs so/ /gzigs nas kyang sems can rnams la thugs rje chen po gzhol bar gyur to/ /de nas bcom ldan 'das kyis de'i tshe tshigs su bcad de bka' stsal pa/ bdud rtsi'i sgo mo dag ni dbye bar byas/ /nyan par su 'dod som nyi sol cig dang / /tshangs pa mi rnams la ni gya nom chos/ /glan ka mi btsal mdo tsam bshad par bya/ /de nas tshangs pa mi mjed kyi bdag po 'di snyam du sems te/ kye bcom ldan 'das kyis chos bshad par 'gyur ro/ /kye bde bar gshegs pas chos bshad par 'gyur ro snyam du rig nas dga' ba dang / mgu ba dang / mchog tu dga' ba dang / dga' ba rgya chen po dang / yid bde ba skyes nas bcom ldan 'das kyi zhabs gnyis la mgo bos phyag byas te/ bcom ldan 'das la lan gsum bskor ba byas nas de nyid du mi snang bar gyur to/ /de nas bcom ldan 'das 'di snyam du dgongs te/ ngas su la thog mar chos bshad snyam mo/ /de nas bcom ldan 'das 'di snyam du dgongs te/ ma la ngas sgyu rtsal shes kyi bu ring du 'phur de la thog mar chos bshad par bya ste/ de ni nga'i thog ma'i slob dpon kho na yin bzhin du rjed pa'i dam pas rjed cing mchod pa'i dam pas mchod la rtogs pa dam pa dag la yang yid rangs shing dad par gyur pa yin no snyam mo/ /bcom ldan 'das la lha rnams kyis gsol pa/ btsun pa sgyu rtsal shes kyi bu ring du 'phur gum nas dgung bdun lon lags so/ /bcom ldan 'das kyis kyang dgongs pa la zhugs te/ ye shes gzigs pa bskyed na sgyu rtsal shes kyi bu ring du 'phur shi nas zhag bdun lon no/ /de nas bcom ldan 'das 'di snyam du dgongs te/ e ma'o sgyu rtsal shes kyi bu ring du 'phur shi ba de ni te por ma stes so/ /e ma'o sgyu rtsal shes kyi bu ring du 'phur shi ba de ni shin du te por ma stes te chos 'dul ba 'di ma thos so/ /gal te des chos 'dul ba 'di thos na shes par 'gyur ba zhig snyam mo/ /de nas bcom ldan 'das 'di snyam du dgongs te/ ma la ngas thog mar su zhig la chos bshad snyam mo/ /de nas bcom ldan 'das 'di snyam du dgongs te/ ma la ngas rangs byed kyi bu lhag spyod de la thog mar chos bshad par bya ste/ de ni nga'i thog ma'i slob dpon kho na yin bzhin du rjed pa'i dam pas rjed cing mchod pa'i dam pas mchod la rtogs pa dam pa dag la yang yid rangs shing dad par gyur to snyam mo/ /bcom ldan 'das la lha rnams kyis gsol pa/ btsun pa rangs byed kyi bu lhag spyod mdang sum srod la gum lags so/ /bcom ldan 'das kyis kyang dgongs pa la zhugs te ye shes gzigs pa bskyed na rangs byed kyi bu lhag spyod srod la shi bar gyur to/ /de nas bcom ldan 'das 'di snyam du dgongs te/ e ma'o rangs byed kyi bu lhag spyod shi ba de ni te por ma stes so/ /e ma'o rangs byed kyi bu lhag spyod shi ba de ni shin du te por ma stes te chos 'dul ba 'di ma thos so/ /gal te des chos 'dul ba 'di thos na shes par 'gyur ba zhig snyam mo/ /de nas bcom ldan 'das 'di snyam du dgongs te/ ma la ngas thog mar su zhig la chos bshad snyam mo/ /de nas 'di snyam du dgongs te/ ma la ngas lnga sde'i dge slong de rnams la thog mar chos bshad par bya ste/ de dag gis nga sngon sdug bsngal spong ba'i rnal 'byor gyis rjes su brtson par gnas pa na bla ma dang / gus pa dang / sdug pa dang bcas pas gnas pa yin no snyam mo/ /de nas bcom ldan 'das 'di snyam du dgongs te/ lnga sde'i dge slong rnams da ltar gang na 'dug snyam nas bcom ldan 'das kyis lha'i spyan rnam par dag pa mi rnams kyi las 'das pas lnga sde'i dge slong rnams bA rA Na sI na drang srong smra ba ri dgas kyi nags na 'khod pa gzigs so/ /gzigs nas kyang ji tsam bzhed kyi bar du byang chub kyi shing drung du bzhugs nas bA rA Na sI'i ka shi'i grong khyer gang na ba der rgyu zhing gshegs so/ /de'i tshe kun tu rgyu nyer 'gro lam de nyid du zhugs par gyur te/ kun tu rgyu nyer 'gros bcom ldan 'das lam nas gshegs pa mthong ngo / /mthong nas kyang 'di skad ces gsol to/ /dge sbyong gau ta ma khyod kyi dbang po rnams ni dngas/ bzhin gyi mdog ni yongs su dag /lpags pa'i mdog ni gsal na/ tshe dang ldan pa gau ta ma khyod kyi ston pa ni gang / khyod su las brten te rab tu byung / khyod su'i chos la dga'/ bcom ldan 'das kyis de'i tshe tshigs su bcad de bka' stsal pa/ nga dang 'dra ba yod min pas/ /nga la slob dpon 'ga' med do/ / 'jig rten sangs rgyas nga gcig pu/ /yang dag byang chub dam pa thob/ /thams cad zil mnan 'jig rten kun mkhyen la/ /'di ni chos kun gyis ni nga ma gos/ /thams cad spangs shing sred bral rnam grol te/ /rang gis mngon par shes na su la brten/ /de bzhin gshegs pa lha mi'i ston pa po/ /thams cad mkhyen pa'i stobs ni kun ldan pas/ /nyid kyis byang chub rtogs nas rab gsung ba/ /mi mnyam mtshungs pa med na su la brten/ /nga ni 'jig rten dgra bcom ste/ /'jig rten bla med nga yin pas/ /lha dang bcas pa'i 'jig rten na/ /nga ni rgyal ba bdud zil gnon/ /tshe dang ldan pa gau ta ma rgyal ba zhes gsung ngam/ /gang gis zag pa zad thob pa/ /rgyal ba nga 'dra shes par bya/ /sdig pa'i chos ni ngas bcom pas/ /de bas nyer 'gro nga rgyal ba'o/ /tshe dang ldan pa gau ta ma gang du bzhud/ /bA rA Na sIr gshegs nas ni/ /ngas ni chos kyi rnga brdung zhing / /'jig rten ma skor gang yin pa'i/ /chos kyi 'khor lo rab tu skor/ /'jig rten chags las rgal ba yi/ /kun mkhyen sangs rgyas zhi gyur pa/ /'jig rten bsgral ba ma byas par/ /skyes bu dam pa grags mi srid/ /tshe dang ldan pa gau ta ma rgyal ba legs so/ /zhes gsol nas kun du rgyu nyer 'gro lam nas song ngo / /de nas bcom ldan 'das yul ka shi'i ljongs rgyu zhing gshegs pa na bA rA Na sIr byon to/ /de'i tshe lnga sde'i dge sbyong rnams bA rA Na sI na drang srong smra ba ri dgas kyi nags na 'khod do/ /lnga sde'i dge slong rnams kyis bcom ldan 'das rgyang ring po kho na nas mthong ngo / /mthong nas kyang phan tshun nas ched du bsams te legs par 'dug nas khrims su bcas pa/ shes ldan dag dge sbyong gau ta ma mi brtan pa/ bya ba mang ba/ mang pos 'tsho zhing / spong ba nyams pa de da 'bras chan dang / zan dron gyi kha zas mang du za zhing lus mar sar dang til mar gyis byugs nas chu 'jam pos lus khrus byed cing 'ong gis de bdag cag gi drung du 'ongs pa dang de la smra bar mi bya/ phyag mi bya/ ldang ba mi bya/ langs te stan bstab par mi bya'o/ /gzhan du na stan nar ma kho na bting la tshig 'di skad ces tshe dang ldan pa gau ta ma stan yod kyis ji ste 'dod na 'dug shig ces brjod par bya'o zhes khrims bcas so/ /bcom ldan 'das kyis ji lta ji ltar lnga sde'i dge slong rnams la gzigs pa'i phyir nye bar gshegs pa de lta de ltar lnga sde'i dge slong rnams bcom ldan 'das kyi gzi brjid dang / dpal dang / bkur sti ma bzod nas stan las langs te kha cig ni bcom ldan 'das kyi ched du gdan shom mo/ /kha cig ni zhabs bkru ba'i chu dang zhabs kyi rten dag mtha' gcig tu 'jog par byed do/ kha cig ni bsu ste na bza' chos gos dag blangs nas 'di skad ces shes ldan gau ta ma tshur spyon/ shes ldan gau ta ma byon pa legs so/ /shes ldan gau ta ma gdan bshams pa nyid la bzhugs shig ces zer ro/ /de nas bcom ldan 'das 'di snyam du dgongs te/ kye ma skyes bu blun po 'di rnams kyis khrims bcas nas rang gis bshig go snyam du mkhyen nas gdan bshams pa nyid la bzhugs so/ /de nas lnga sde'i dge slong rnams lhag par yang bcom ldan 'das kyi mtshan nas brjod/ gdung nas brjod/ tshe dang ldan pas brjod pa kun du rjod par byed do/ /de nas bcom ldan 'das kyis lnga sde'i dge slong rnams la bka' stsal pa/ dge slong dag khyed lhag par yang de bzhin gshegs pa'i mtshan nas brjod pa dang / gdung nas brjod pa dang / tshe dang ldan pas rjod pa'i kun du ma brjod cig /khyed la yun ring por gnod pa dang / phan pa ma yin pa dang / sdug bsngal bar 'gyur ro/ /de ci'i phyir zhe na/ dge slong dag gang la la lhag par yang de bzhin gshegs pa'i mtshan nas brjod pa dang / gdung nas brjod pa dang / tshe dang ldan pas rjod pa'i kun du brjod pa de ni skyes bu blun po de la yun ring por gnod pa dang / phan pa ma yin pa dang / sdug bsngal bar 'gyur ro/ /de dag gis 'di skad ces gsol to/ /tshe dang ldan pa gau ta ma khyod kyis re shig sngon gyi tshul dang / spyod pa dang / dka' ba spyad pa des mi'i chos bla ma 'phags pa'i khyad par thob par nus pa 'am/ shes pa 'am/ mthong ba 'am/ reg par gnas pa cung zad kyang ma thob na/ da ltar khyod mi brtan zhing bya ba mang la mang pos 'tsho zhing spong ba nyams pas da khyod 'bras chan dang / zan dron dang / kha zas la mang du za zhing lus mar sar dang til mar gyis byugs nas chu 'jam pos lus khrus byed pa lta smos kyang ci dgos/ dge slong dag khyod kyis de bzhin gshegs pa'i zhal mdog dang dbang po rnams gsal ba sngon las tha dad du bya ba gzhan lta mthong ngam/ de rnams kyis 'di skad ces gsol to/ /tshe dang ldan pa gau ta ma de de bzhin no/ /de nas bcom ldan 'das kyis lnga sde'i dge slong rnams la bka' stsal pa/ dge slong dag rab tu byung bas ni mtha' 'di gnyis la brten par mi bya/ bsnyen par mi bya/ bsnyen bkur mi bya ste/ gnyis gang zhe na/ 'dod pa rnams la 'dod pa'i bsod snyoms kyi rjes su brtson pa/ dman pa/ ngan pa/ tha chad ma rabs gang yin pa dang / bdag nyid dub pa la rjes su brtson pa/ sdug bsngal ba/ 'phags pa ma yin pa/ gnod pa dang ldan pa gang yin pa'o/ /khyed kyis mtha' 'di gnyis la mi brten par dbu ma'i lam mig byed pa/ ye shes byed pa/ nye bar zhi bar 'gyur ba/ mngon par shes pa dang / rdzogs par byang chub pa dang / mya ngan las 'das par 'gyur ba yod de/ dbu ma'i lam gang zhe na/ 'phags pa'i lam yan lag brgyad pa 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin yin no/ /bcom ldan 'das kyis lnga sde'i dge slong rnams la shes par bya ba 'dis shes par mdzad spyod pas bcom ldan 'das lnga sde'i dge slong rnams las gnyis la snga dro gdams ngag 'bogs pa na/ gsum grong du bsod snyoms la 'jug ste/ gsum gyis bsgrubs pa gang yin pa des drug char 'tsho bar byed do/ /bcom ldan 'das lnga sde rnams kyi dge slong gsum la phyi dro gdams ngag 'bog pa na gnyis grong du bsod snyoms 'jug ste/ gnyis kyis bsgrubs pa gang yin pa des lnga sde 'tsho bar byed de/ de bzhin gshegs pa ni snga dro'i dus kho nar gsol ba yin no/ /de nas bcom ldan 'das kyis lnga sde'i dge slong rnams la bka' stsal pa/ dge slong dag nga sngon ma thos pa'i chos rnams la 'di ni sdug bsngal 'phags pa'i bden pa'o zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag nga sngon ma thos pa'i chos rnams la 'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam mo zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag nga sngon ma thos pa'i chos rnams la sdug bsngal 'phags pa'i bden pa de ngas mngon par shes pas yongs su shes par bya'o zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag ngas sngon ma thos pa'i chos rnams la sdug bsngal kun 'byung ba 'phags pa'i bden pa de ngas mngon par shes pas spang bar bya'o zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag nga sngon ma thos pa'i chos rnams la sdug bsngal 'gog par 'gro ba'i lam 'phags pa'i bden pa de ngas mngon par shes pas mngon sum du bya'o zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag nga sngon ma thos pa'i chos rnams la sdug bsngal 'gog par 'gro ba'i lam 'phags pa'i bden pa de ngas mngon par shes pas bsgom par bya'o zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag nga sngon ma thos pa'i chos rnams la sdug bsngal 'phags pa'i bden pa de ngas mngon par shes pas yongs su shes so zhes tshul bzhin yid la byed pa na mig skyes so/ / shes pa dang / rig pa dang / blo dang / rtogs pa skyes so/ /dge slong dag nga sngon ma thos pa'i chos rnams la sdug bsngal kun 'byung ba 'phags pa'i bden pa de ngas mngon par shes pas spangs so zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag nga sngon ma thos pa'i chos rnams la sdug bsngal 'gog pa 'phags pa'i bden pa de ngas mngon par shes pas mngon sum du byas so zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag nga sngon ma thos pa'i chos rnams la sdug bsngal 'gog par 'gro ba'i lam 'phags pa'i bden pa de ngas mngon par shes pas bsgoms so zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag nga ji srid du 'phags pa'i bden pa bzhi po 'di rnams la de ltar lan gsum du bzlas te rnam pa bcu gnyis su bskor ba'i mig ma skyes/ shes pa ma yin/ rig pa ma yin/ blo ma yin/ rtogs pa ma skyes pa de srid du nga lha dang bcas pa'i 'jig rten bdud dang bcas/ tshangs pa dang bcas/ dge sbyong dang bram zer bcas pa'i skye dgu dang / lha dang mir bcas pa 'di las grol ba dang / nges par 'byung ba dang / mi ldan pa dang / rab tu grol ba dang / phyin ci log dang bral ba'i sems kyis mang du gnas par ma gyur cing / dge slong dag ngas bla na med pa yang dag par rdzogs pa'i byang chub mngon par rdzogs par sangs rgyas so zhes bya bar ma shes so/ /dge slong dag ngas gang nas 'phags pa'i bden pa bzhi po 'di rnams la de ltar lan gsum du bzlas te rnam pa bcu gnyis su bskor ba'i mig skyes shing shes pa dang / rig pa dang / blo dang / rtogs pa skyes pa de nas nga lha dang bcas pa'i 'jig rten/ bdud dang bcas/ tshangs pa dang bcas/ dge sbyong dang bram zer bcas pa'i skye dgu dang / lha dang mir bcas pa 'di las grol ba dang / nges par 'byung ba dang / mi ldan pa dang / rab tu grol ba dang / phyin ci log dang bral ba'i sems kyis mang du gnas par gyur cing / dge slong dag ngas de nas bla na med pa yang dag par rdzogs pa'i byang chub mngon par rdzogs par sangs rgyas so zhes bya bar shes so chos kyi rnam grangs de bka' stsal pa na tshe dang ldan pa kauN+Di n+ya dang / lha brgyad khri la chos rnams la chos kyi mig rdul med cing dri ma dang bral ba skyes so/ /de nas bcom ldan 'das kyis tshe dang ldan pa kauN+Di n+ya la bka' stsal pa/ kauN+Di n+ya khyod kyis chos kun shes sam/ bcom ldan 'das kun 'tshal lags so/ /kauN+Di n+ya khyod kyis chos kun shes sam/ kun shes sam/ bde bar gshegs pa kun 'tshal lags so/ /kun 'tshal lags so/ /tshe dang ldan pa kauN+Di n+yas chos kun shes pas de'i phyir tshe dang ldan pa kauN+Di n+ya kun shes kauN+Di n+ya zhes tshig bla dgas su btags so/ /tshe dang ldan pa kauN+Di n+yas chos kun shes so/ /zhes sa bla'i gnod sbyin rnams sgra sgrog par byed do/ /grogs po dag bcom ldan 'das kyi bA rA Na sIr drang srong smra ba'i ri dgas kyi nags su lan gsum du bzlas te rnam pa bcu gnyis su chos kyi 'khor lo chos dang ldan pa/ dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang 'jig rten du chos dang ldan par ma bskor ba skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba'i phyir bskor bas lha'i ris mngon par 'phel zhing lha ma yin gyi ris yongs su nyams so zhes dbyangs bsgrags so/ /sa bla'i gnod sbyin rnams kyi sgra thos nas nam mkha' la rgyu ba'i gnod sbyin dang / rgyal chen bzhi'i ris dang / sum bcu rtsa gsum pa'i lha dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams nas skad cig de dang / thang cig de dang / yud tsam de dang / skad cig dang / thang cig dang / yud tsam de la tshangs pa'i 'jig rten gyi bar du sgra bsgrags so/ /tshangs ris kyi lha rnams kyis kyang sgra sgrog par byed do/ /grog po dag bcom ldan 'das kyis bA rA Na sIr drang srong smra ba'i ri dgas kyi nags su lan gsum du bzlas te rnam pa bcu gnyis kyi chos kyi 'khor lo chos dang ldan pa dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang 'jig rten du chos dang 'thun par 'ga' yang ma bskor ba skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba'i phyir bskor bas lha'i ris mngon par 'phel zhing lha ma yin gyi ris yongs su nyams so zhes dbyangs bsgrags so/ /bcom ldan 'das kyis bA rA Na sIr drang srong smra ba ri dgas kyi nags su lan gsum bzlas te rnam pa bcu gnyis su chos kyi 'khor lo chos dang ldan pa bskor bas de'i phyir chos kyi rnam grangs 'di la chos kyi 'khor lo bskor ba zhes tshig bla dgas su btags so/ /de nas bcom ldan 'das kyis lan gnyis su yang lnga sde'i dge slong rnams la bka' stsal pa/ dge slong dag 'phags pa'i bden pa bzhi ni 'di dag yin te/ bzhi gang zhe na/ sdug bsngal 'phags pa'i bden pa dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa'o/ /sdug bsngal 'phags pa'i bden pa gang zhe na/ skye ba sdug bsngal ba dang / rga ba sdug bsngal ba dang / na ba sdug bsngal ba dang / 'chi ba sdug bsngal ba dang / sdug pa dang bral ba sdug bsngal ba dang / mi sdug pa dang phrad pa sdug bsngal ba dang / gang 'dod pa btsal te ma rnyed pa de yang sdug bsngal ba dang / mdor na nye bar len pa'i phung po lnga sdug bsngal ba ste/ de yongs su shes par bya ba'i phyir 'phags pa'i lam yan lag brgyad pa bsgom par bya'o/ /sdug bsngal kun 'byung ba 'phags pa'i bden pa gang zhe na/ yang srid pa'i sred pa dga' ba'i 'dod chags dang ldan pa de dang de la mngon par 'dod pa ste/ de spang ba'i phyir 'phags pa'i lam yan lag brgyad pa bsgom par bya'o/ /sdug bsngal 'gog pa 'phags pa'i bden pa gang zhe na/ yang srid pa'i sred pa dga' ba'i 'dod chags dang ldan pa de dang de la mngon par dga' ba gang yin pa de nyid ma lus par spangs pa dang / bor ba dang / bsal ba dang / zad pa dang / 'dod chags dang bral ba dang / 'gags pa dang / nye bar zhi ba dang / nub pa ste/ de mngon sum du bya ba'i phyir 'phags pa'i lam yan lag brgyad pa bsgom par bya'o/ /sdug bsngal 'gog par 'gro ba'i lam 'phags pa'i bden pa gang zhe na/ 'phags pa'i lam yan lag brgyad pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ de yang bsgom par bya'o/ /chos kyi rnam grangs 'di bshad pa na tshe dang ldan pa kun shes kauN+Di n+ya len pa med par zag pa rnams las sems rnam par grol lo/ /lnga sde'i dge slong lhag ma rnams la ni chos rnams la chos kyi mig rdul med cing dri ma dang bral ba skyes so/ /de'i tshe 'jig rten na dgra bcom pa gcig dang / gnyis pa ni bcom ldan 'das so/ /de nas bcom ldan 'das kyis yang dge slong lnga sde lhag ma rnams la bka' stsal pa/ dge slong dag gzugs ni bdag ma yin no/ /dge slong dag gal te gzugs bdag yin na gzugs la gnod pa dang / sdug bsngal bar mi 'gyur zhing gzugs la bdag gi gzugs 'di lta bur gyur cig /'di lta bur ma gyur cig snyam du yang 'thob par yang 'gyur ro/ /dge slong dag gang gi phyir gzugs bdag ma yin pa de'i phyir gzugs la gnod pa dang / sdug bsngal bar 'gyur zhing gzugs la bdag gi gzugs 'di lta bur gyur cig / 'di lta bur ma gyur cig snyam du yang 'thob par mi 'gyur ro/ /dge slong dag tshor ba dang / 'du shes dang / 'du byed dang / rnam par shes pa la rnam par shes pa ni bdag ma yin no/ /dge slong dag gal te rnam par shes pa bdag yin na rnam par shes pa la gnod pa dang / sdug bsngal bar mi 'gyur zhing rnam par shes pa la bdag gi rnam par shes pa 'di lta bur gyur cig /'di lta bur ma gyur cig snyam du yang 'thob par 'gyur ro/ / dge slong dag gang gi phyir rnam par shes pa bdag ma yin pa de'i phyir rnam par shes pa la gnod pa dang / sdug bsngal bar 'gyur zhing rnam par shes pa la bdag gi rnam par shes pa 'di lta bur gyur cig / 'di lta bur ma gyur cig snyam yang thob par mi 'gyur ro/ /dge slong dag ji snyam du sems/ gzugs rtag gam mi rtag btsun pa mi rtag lags so/ /mi rtag pa gang yin pa de sdug bsngal yin nam/ sdug bsngal ma yin/ btsun pa sdug bsngal lags so/ /mi rtag pa sdug bsngal ba rnam par 'gyur ba'i chos gang yin pa de la cig 'phags pa'i nyan thos thos pa dang ldan pa 'di ni bdag go/ /bdag ni 'di yin no/ /'di ni bdag gi bdag go zhes bdag tu khas len tam/ btsun pa ma lags so/ /dge slong dag ji snyam du sems/ tshor ba dang / 'du shes dang / 'du byed dang / rnam par shes pa rtag gam mi rtag /btsun pa mi rtag lags so/ /mi rtag pa gang yin pa de sdug bsngal yin nam sdug bsngal ma yin/ btsun pa sdug bsngal lags so/ /mi rtag pa sdug bsngal ba rnam par 'gyur ba'i chos gang yin pa de la cig 'phags pa'i nyan thos thos pa dang ldan pa 'di ni bdag go/ /bdag ni 'di yin no/ /'di ni bdag gi bdag go zhes bdag tu khas len tam/ btsun pa ma lags so/ /dge slong dag de lta bas na gzugs gang yin pa ci yang rung 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ ngan pa 'am/ gya nom pa 'am/ gang dag thag ring ba 'am/ gang dag thag nye ba de dag thams cad ni bdag ma yin/ bdag ni de ma yin/ de ni bdag gi bdag ma yin no zhes ji lta ba de bzhin du yang dag pa'i shes rab kyis blta bar bya'o/ /dge slong dag de lta bas na tshor ba dang / 'du shes dang / 'du byed dang / rnam par shes pa ji snyed pa gang ci yang rung 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ ngan pa 'am/ gya nom pa 'am/ gang dag thag ring ba 'am/ gang dag thag nye ba de dag thams cad ni bdag ma yin/ bdag ni de ma yin/ de ni bdag gi bdag ma yin no zhes ji lta ba de bzhin du yang dag pa'i shes rab kyis blta bar bya'o/ /dge slong dag 'di ltar 'phags pa'i nyan thos thos pa dang ldan pa ni nye bar len pa'i phung po lnga po 'di bdag ma yin/ bdag gi ma yin par lta ba ste/ de de ltar blta ba na 'jig rten ci yang len pa med do/ /len pa med na yongs su gdung ba med do/ /yongs su gdung ba med na bdag nyid yongs su mya ngan las 'das te bdag gi skye ba zad do/ /tshangs par spyod pa la bsten to/ /bya ba byas so/ /srid pa 'di dag las gzhan mi shes so zhes bya bar 'gyur ro/ /chos kyi rnam grangs 'di bshad pa na/ lnga sde'i dge slong lhag ma rnams kyis len pa med par zag pa rnams las sems rnam par grol lo/ /de'i tshe dgra bcom pa lnga dang drug pa ni bcom ldan 'das so/ /de nas bcom ldan 'das bA rA Na sI'i 'bab chu gnod pa can gyi 'gram na bzhugs so/ /de'i tshe bA rA Na sI na rigs kyi gtso bo zhes bya ba'i bu grags pa zhes bya ba zhig gnas te/ de nyi ma re re zhing bud med kyis byas pa'i rol mos rtse bar byed/ dga' bar byed/ dga' mgur spyod par byed pas lus snyom/ lus dub/ lus dgu bas myur du gnyid kyis log par gyur to/ /bud med de rnams kyang lus snyom/ lus dub/ lus dgu bas myur du gnyid kyis log par gyur to/ /rigs kyi gtso bo'i bu grags pa mtshan mo gnyid sad pa na bud med de dag thams cad rdol zhing sgren mor byung la skra zhig lag pa brkyang ste byung rgyal du bla ba mthong ngo / /mthong nas kyang de rang gi chung ma la dur khrod kyi 'du shes skyes par gyur to/ /de nas rigs kyi gtso bo'i bu grags pa mal chen po las babs te/ rin po che'i lham brgya stong ri ba zung cig gon nas nyal khang gi sgo gang na ba der song ste phyin nas grogs po bdag ni gtses so/ /grogs po bdag ni nyams so zhes skad ngan phyung ba dang / de'i sgo mi ma yin pa rnams kyis phye nas skad kyang mi grag par byas so/ /de nas rigs kyi gtso bo'i bu grags pa khyim gyi sgo gang na ba der song ste phyin nas grogs po bdag ni gtses so/ /grogs po bdag ni nyams so zhes skad ngan phyung ba dang / de'i sgo mi ma yin pa rnams kyis phye nas skad kyang mi grag par byas so/ /de nas rigs kyi gtso bo'i bu grags pa grong khyer gyi sgo gang na ba der song ste phyin nas grogs po bdag ni gtses so/ /grogs po bdag ni nyams so zhes skad ngan phyung ba dang / de'i sgo mi ma yin pa rnams kyis phye nas skad kyang mi grag par byas so/ /de nas rigs kyi gtso bo'i bu grags pa 'bab chu gnod pa can gang na ba der song ba dang / de'i tshe bcom ldan 'das 'bab chu gnod pa can gyi 'gram na gtsug lag khang gi phyi rol bla gab med pa na rigs kyi gtso bo'i bu grags pa 'ong ba la yang dang yang du gzhes shing 'chag pas 'chag go/ /rigs kyi gtso bo'i bu grags pas bcom ldan 'das 'bab chu gnod pa can gyi 'gram na 'chag pa rgyang ring po nas mthong ngo / /mthong nas kyang dge sbyong bdag ni gtses so/ /dge sbyong bdag ni nyams so zhes skad ngan phyung ngo / /de nas bcom ldan 'das kyis rigs kyi gtso bo'i bu grags pa la 'di skad ces bka' stsal to/ /gzhon nu tshur shog gnas 'di ni khyod la 'tshe ba med pa yin/ 'di ni nyams pa med pa yin no/ / de nas rigs kyi gtso bo'i bu grags pa rin po che'i lham brgya stong ri ba zung gcig po 'bab chu gnod pa can gyi 'gram du phud nas 'bab chu gnod pa can rgal te/ bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te phyogs gcig tu 'dug go/ /de nas bcom ldan 'das kyis rigs kyi gtso bo'i bu grags pa khrid de nyid kyi gtsug lag khang gang na ba de logs su gshegs nas byon pa dang gdan bshams pa nyid la bzhugs so/ /bzhugs nas bcom ldan 'das kyis rigs kyi gtso bo'i bu grags pa la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad de/ sangs rgyas bcom ldan 'das rnams kyis thog ma'i dus su chos kyi gtam gleng ba gang yin pa de ni 'di lta ste/ sbyin pa'i gtam dang / tshul khrims kyi gtam dang / mtho ris kyi gtam dang / 'dod pa rnams la mnog chung zhing nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa rjes su bsngags pa dang / rnam par byang ba'i phyogs kyi chos rnams rgya cher bshad do/ / gang gi tshe de bcom ldan 'das kyis dga' ba'i sems dang / dge ba'i sems dang / mgu ba'i sems dang / sgrib pa dang bral ba'i sems dang / skal ba dang ldan pa dang / yang dag phul gyi chos bshad na shes par nus par gzigs pa de'i tshe sangs rgyas bcom ldan 'das rnams kyi yang dag phul gyi chos bshad pa gang yin pa 'di lta ste/ 'phags pa'i bden pa bzhi po sdug bsngal dang / kun 'byung ba dang / 'gog pa dang / lam de rgya cher bshad do/ / dper na gos gtsang ma nag nog med pa tshon rtsi 'os pa'i nang du bcug na tshon rtsi legs par 'jen du btub pa de bzhin du rigs kyi gtso bo'i bu grags pa stan de nyid la 'dug bzhin du 'phags pa'i bden pa bzhi po 'di lta ste/ sdug bsngal dang / kun 'byung ba dang 'gog pa dang / lam rtogs so/ /de nas rigs kyi gtso bo'i bu grags pa chos mthong ba dang / chos thob pa dang / chos rig pa dang / chos kyi gting slebs pa dang / som nyi las rgal ba dang / the tshom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas stan las langs te bla gos phrag pa gcig tu gzar nas/ bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag ni 'phags so/ /mngon par 'phags so bdag bcom ldan 'das dang / chos dang / dge 'dun la skyabs su mchi lags kyis/ bdag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so// //'dul ba gzhi/ bam po brgyad bcu rtsa bdun pa/ bran mo zhig de nyid kyi mtshan mo gnyid log pa las sad na gzhon nu grags pa mal chen po na mi snang bar mthong ngo / /mthong nas kyang khyim bdag gi gtso bo gang na ba der song ste phyin nas khyim bdag rigs kyi gtso bo la 'di skad ces smras so/ /jo bo mkhyen par mdzod cig /gzhon nu grags pa ni rang gi mal chen po na mi gda' lags so/ /de nas khyim bdag rigs kyi gtso bo 'di snyam du sems te/ gzhon nu nor gyi phyir chom rkun nam/ g.yon can rnams kyis phyi rol du khrid par ma gyur grang snyam du sems shing phyogs bzhir pho nya rta pa dag bkye nas rang nyid mi lag na sgron ma thogs pa rnams dang lhan cig tu 'bab chu gnod pa can gang na ba de logs su song ba dang / khyim bdag rigs kyi gtso bos 'bab chu gnod pa can gyi 'gram na rin po che'i lham brgya stong ri ba zung gcig phud pa mthong ngo / /mthong nas kyang de 'di snyam du sems te/ gzhon nu ni nor gyi phyir chom rkun nam g.yon can rnams kyis phyi rol du ma khrid kyi/ 'di ltar 'bab chu gnod pa can gyi 'gram na rin po che'i lham brgya stong ri ba zung gcig phud pa las na gzhon nu 'bab chu gnod pa can gyi ngogs su 'di nyid nas rgal bar ma gyur grang / 'di ltar 'bab chu gnod pa can gyi 'gram na rin po che'i lham brgya stong ri ba zung gcig bor ro snyam du bsams nas/ 'bab chu gnod pa can gyi ngogs de nyid nas rgal te bcom ldan 'das gang na ba der song ngo / /bcom ldan 'das kyis khyim bdag rigs kyi gtso bo rgyang ring po nas gzigs so/ /gzigs nas kyang 'di snyam du dgongs te/ ci nas kyang ngas rdzu 'phrul mngon par 'du bya ba ji lta bus mngon par 'du bya bas khyim bdag rigs kyi gtso bos gzhon nu grags pa stan 'di nyid la 'dug bzhin du mi mthong ba de lta bu zhig bya'o snyam nas/ de nas bcom ldan 'das kyis rdzu 'phrul 'du bya ba ji lta bu mngon par 'du mdzad pas khyim bdag rigs kyi gtso bos gzhon nu grags pa stan de nyid la 'dug bzhin du mi mthong ba de lta bu mdzad do/ /de nas khyim bdag rigs kyi gtso bo bcom ldan 'das gang na ba der song ste phyin nas bcom ldan 'das la 'di skad ces gsol to/ /bcom ldan 'das ci ga gzhon nu grags pa gzigs sam/ khyim bdag de'i phyir 'dug shig dang / stan 'di kho na la gzhon nu grags pa 'dug pa mthong bar 'gyur ba'i gnas gang yin pa de yod do/ /de nas khyim bdag rigs kyi gtso bo 'di snyam du sems te/ gdon mi za bar bcom ldan 'das kyis gzhon nu grags pa gzigs par gyur to/ /'di ltar bcom ldan 'das kyis 'di skad ces khyim bdag de'i phyir 'dug shig dang / stan 'di kho na la gzhon nu grags pa 'dug pa mthong bar 'gyur ba'i gnas gang yin pa de yod do zhes bka' stsal to snyam du rig nas dga' ba dang / mgu ba dang / mchog tu dga' ba dang / dga' ba rgya chen po dang / yid bde ba skyes nas bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / khyim bdag rigs kyi gtso bo la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod yang dag par rab tu dga' bar mdzad de/ sangs rgyas bcom ldan 'das rnams kyi thog ma'i dus su chos kyi gtam gleng ba gang yin pa 'di lta ste/ sbyin pa'i gtam dang / tshul khrims kyi gtam dang / mtho ris kyi gtam dang / 'dod pa rnams la mnog chung zhing nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i rjes su bsngags pa dang / rnam par byang ba'i phyogs kyi chos rgya cher bshad do/ /gang gi tshe de bcom ldan 'das kyis dga' ba'i sems dang / mgu ba'i sems dang / sgrib pa dang bral ba'i sems dang / skal ba dang ldan pa dang / yang dag phul gyi chos bshad na shes par nus par gzigs pa de'i tshe sangs rgyas bcom ldan 'das rnams kyi yang dag phul gyi chos bshad pa gang yin pa 'di lta ste/ 'phags pa'i bden pa bzhi po sdug bsngal dang / kun 'byung ba dang / 'gog pa dang / lam rgya cher bshad do/ /dper na gos gtsang ma nag nog med pa tshon rtsi 'os pa'i nang du bcug na tshon rtsi legs par 'jen du btub pa de bzhin du khyim bdag rigs kyi gtso bo stan de nyid la 'dug bzhin du 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang / lam rtogs te/ chos kyi rnam grangs de bshad pa na khyim bdag rigs kyi gtso bo chos rnams la chos kyi mig rdul med cing dri ma dang bral ba skyes so/ /tshe dang ldan pa grags pa yang rgyan thams cad kyis brgyan bzhin du len pa med par zag pa rnams las sems rnam par grol bar gyur to/ /de nas bcom ldan 'das kyis rdzu 'phrul mngon par 'du mdzad pa de slar bsdus nas de'i tshe tshigs su bcad pas bka' stsal pa/ rgyan gyis brgyan bzhin du ni chos spyad de/ /dul zhing yang dag sdom pa tshangs spyod la/ /'byung po kun la chad pa spangs pa ni/ /de ni bram ze dge sbyong dge slong yin/ /de'i tshe 'jig rten na dgra bcom pa drug dang bdun pa ni bcom ldan 'das so/ /khyim bdag rigs kyi gtso bos gzhon nu grags pa stan de nyid la 'dug pa mthong ngo / /mthong nas kyang gzhon nu grags pa la 'di skad ces smras so/ /gzhon nu tshur shog / khyod kyi ma lus ngal zhing lus dub pas smre sngags 'don gyis khyim du 'dong / de nas bcom ldan 'das kyis khyim bdag rigs kyi gtso bo la 'di skad ces bka' stsal to/ /khyim bdag ji snyam du sems/ gang gis mi slob pa'i shes pa dang / mi slob pa'i lta bas 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang / lam mngon par rtogs pa de ci ga khyim pa khyim na gnas pa 'am/ sog 'jog gi longs spyod kyis 'dod pa la spyod par 'gyur ram/ btsun pa ma lags so/ /khyim bdag ji ltar khyod kyis slob pa'i shes pa dang / slob pa'i lta bas 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang / lam mngon par rtogs pa de bzhin du gzhon nu grags pas mi slob pa'i shes pa dang / mi slob pa'i lta bas 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang / lam mngon par rtogs so/ /btsun pa gzhon nu grags pas gang gis na mi slob pa'i shes pa dang / mi slob pa'i lta bas 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang / lam mngon par rtogs pa ni rnyed pa legs par rnyed lags so/ /bcom ldan 'das slad bzhin 'brang ba'i dge sbyong grags pa dang thugs brtse ba nye bar bzung ste rigs kyi gtso bo'i khyim gang na ba der gshegs na legs so/ / bcom ldan 'das kyis khyim bdag rigs kyi gtso bo la cang mi gsung bas gnang ngo de nas khyim bdag rigs kyi gtso bos bcom ldan 'das cang mi gsung bas gnang bar rig nas bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas song ngo / /de nas bcom ldan 'das kyis de nyid kyi mtshan mo 'das nas snga dro na bza' shams thabs mnabs/ lhung bzed dang chos gos bsnams te/ phyi bzhin 'brang ba'i dge sbyong tshe dang ldan pa grags pa dang / khyim bdag rigs kyi gtso bo'i khyim gang na ba der gshegs so/ /de'i tshe tshe dang ldan pa grags pa'i ma dang / chung ma gnyis bcom ldan 'das la yang dang yang du bsu ba'i phyir bar sgo na sdod do/ / tshe dang ldan pa grags pa'i ma dang / chung ma gnyis kyis bcom ldan 'das rgyang ring po nas mthong ngo / /mthong nas kyang bcom ldan 'das kyi phyir gdan bshams nas 'di skad ces kyang gsol to/ /bcom ldan 'das tshur spyon/ bcom ldan 'das byon pa legs so/ /bcom ldan 'das gdan bshams pa nyid la bzhugs su gsol zhes gsol nas bcom ldan 'das gdan bshams pa nyid la bzhugs so/ /de nas tshe dang ldan pa grags pa'i ma dang chung ma gnyis kyis bcom ldan 'das kyi zhabs gnyis la mgo bos phyag byas te phyogs gcig tu 'khod do/ /phyogs gcig tu 'khod nas bcom ldan 'das kyis tshe dang ldan pa grags pa'i ma dang / chung ma gnyis la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad de/ sangs rgyas bcom ldan 'das rnams kyi thog ma'i dus su chos kyi gtam gleng ba gang yin pa 'di lta ste/ sbyin pa'i gtam dang / tshul khrims kyi gtam dang / mtho ris kyi gtam dang / 'dod pa rnams la mnog chung zhing nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i rjes su bsngags pa dang / rnam par byang ba'i phyogs kyi chos rnams rgya cher bshad do/ /gang gi tshe de gnyis bcom ldan 'das kyis dga' ba'i sems dang / dge ba'i sems dang / mgu ba'i sems dang / sgrib pa dang bral ba'i sems dang / skal ba dang ldan pa dang / yang dag phul gyi chos bshad na shes par nus pa gzigs pa de'i tshe/ sangs rgyas bcom ldan 'das rnams kyi yang dag phul gyi chos bshad pa gang yin pa 'di lta ste/ 'phags pa'i bden pa bzhi po sdug bsngal dang / kun 'byung ba dang / 'gog pa dang / lam de rgya cher bshad do/ /dper na gos gtsang ma nag nog med pa tshon rtsi 'os pa'i nang du bcug na mtshon rtsi legs par 'jen du btub pa de bzhin du tshe dang ldan pa grags pa'i ma dang / chung ma gnyis kyis stan de nyid la 'khod bzhin du 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang / lam mngon par rtogs so/ /de nas tshe dang ldan pa grags pa'i ma dang / chung ma gnyis kyis chos mthong ba dang / chos thob pa dang / chos rig pa dang / chos kyi gting slebs pa dang / som nyi las rgal ba dang / the tshom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas stan las langs te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ / btsun pa bdag cag ni 'phags so/ /bdag cag ni mngon par 'phags lags te/ bdag cag bcom ldan 'das dang chos dang dge slong gi dge 'dun la skyabs su mchi lags kyis/ bdag cag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /btsun pa de'i slad du 'dir zhal zas kyi mdzad pa mdzad du gsol/ bcom ldan 'das kyis tshe dang ldan pa grags pa'i ma dang / chung ma gnyis la cang mi gsung bas gnang ngo / /de nas tshe dang ldan pa grags pa'i ma dang / chung ma gnyis kyis bcom ldan 'das kyis cang mi gsung bas gnang bar rig nas bcom ldan 'das gdan la bde bar bzhugs pa dang / gtsang zhing bsod pa'i bza' ba dang bca' ba dag rang gi lag nas stobs shing tshim par byed do/ /rnam grangs du mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas nas bcom ldan 'das kyis gsol zin cing phyag bcabs te lhung bzed gyu bar rig nas stan ches dma' ba zhig blangs te/ bcom ldan 'das kyi spyan sngar chos mnyan pa'i phyir 'khod do/ /de nas bcom ldan 'das kyis tshe dang ldan pa grags pa'i ma dang / chung ma gnyis la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ / dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa grags pas las ci zhig bgyis na las de'i rnam par smin pas mchis brang gi 'khor na mchis na/ rang gi mchis brang la dur khrod kyi 'du shes skyes shing rgyan thams cad kyis brgyan bzhin du bcom ldan 'das kyi spyan sngar dgra bcom pa mngon sum du bgyis lags/ bcom ldan 'das kyis bka' stsal pa/ dge slong dag grags pa 'di nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las dag byas shing bsags te/ 'di nyid kyis las byas shing bsags pa dag gzhan su zhig gis myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur/ 'di ltar las dge ba dang mi dge ba byas shing bsags pa dag ni zin pa'i phung po dang khams dang / skye mched la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ dge slong dag sngon byung ba bA rA Na sI'i grong khyer dang ha cang yang mi ring ba zhig na drang srong byams pa'i bdag nyid snying rje can sems can thams cad la phan par sems pa zhig gnas pa de bsod snyoms la zhugs pa na mi ro zhig mthong nas/ de de la zhen pa'i sems kyis bsod snyoms la zhugs te/ bsod snyoms spyad nas slar log pa dang / ji tsam na mi ro de rnam par sngos shing rnam par bam par 'gyur ba bltas pa dang / de nyid kyi mdun du zhigs nas/ des de nyid du 'dod chags dang bral ba bskyed do/ /dge slong dag ji snyam du sems/ de'i tshe de'i dus kyi drang srong gang yin pa de ni gzhon nu grags pa 'di nyid yin te/ 'dis de na 'dod chags dang bral ba bskyed de/ des na da ltar chung ma'i nang na 'dug pa na rkyen rnyed pa yin no/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la/ gcig tu dkar ba rnams kyi ni gcig tu dkar ba dang / 'dren ma rnams kyi ni 'dren ma yin pas dge slong dag de lta bas na las gcig tu gnag pa dang 'dren ma rnams ni spangs la las gcig tu dkar ba rnams la brtsal bar bya ste/ dge slong dag khyed kyis de lta bu la bslab par bya'o/ /bcom ldan 'das kyis de skad ces bka' stsal pa dang / dge slong de dag yid rangs te/ bcom ldan 'das kyis gsungs pa la mngon par bstod do/ /bA rA Na sI na khyim bdag rigs kyi gtso bos bu gnyis pa dang / gsum pa dang / bzhi pa dang / lnga pa gang po dang / dri med dang / ba lang bdag dang / lag bzangs te/ rigs kyi gtso bo'i bu dag gis rigs kyi gtso bo'i bu grags pa skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ngo zhes thos so/ /thos nas kyang de dag 'di snyam du sems te/ kye ma'o sangs rgyas ni mchog ma yin pa ma yin zhing / chos bstan pa yang mchog ma yin pa ma yin te/ gang gi phyir da ltar rigs kyi gtso bo'i bu grags pa re shig shin du gzhon pa shin tu bde ba 'dod pa yang skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung gis/ ma la bdag cag gis kyang skra dang kha spu bregs te/ gos ngur smrig bgos nas dad pa yang dag pa kho nas khyim nas khyim med par rab tu 'byung bar bya'o snyam mo/ /de nas rigs kyi gtso bo'i bu gnyis pa dang / gsum pa dang / bzhi pa dang / lnga pa gang po dang / dri med dang / ba lang bdag dang / lag bzangs te/ rigs kyi gtso bo'i bu rnams bA rA Na sI nas byung nas bcom ldan 'das gang na ba der dong ste lhags nas bcom ldan 'das kyi zhabs gnyis la mgo bos phyag 'tshal te phyogs gcig tu 'khod do/ /phyogs gcig tu 'khod nas rigs kyi gtso bo'i bu gnyis pa dang / gsum pa dang / bzhi pa dang / lnga pa gang po dang / dri med dang / ba lang bdag dang / lag bzangs te/ rigs kyi gtso bo'i bu rnams kyis bcom ldan 'das la 'di skad ces gsol to/ /btsun pa legs par gsungs pa'i chos 'dul ba la bdag cag rab tu 'byung ba dang bsnyen par rdzogs pa dge slong gi dngos po gnang na/ bdag cag bcom ldan 'das kyi spyan sngar tshangs par spyod pa spyad par bgyi'o/ /tshe dang ldan pa de dag gis legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po thob ste/ de ltar rab tu byung nas tshe dang ldan pa de dag gcig pu dben pa bag yod pa rtun pa dang ldan pa/ bdag nyid gtong bar gnas so/ /gcig pu dben pa bag yod pa rtun pa dang ldan pa/ bdag nyid gtong bar gnas pa na gang gi phyir rigs kyi bu dag skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung bar byed pa tshangs par spyod pa'i mtha' bla na med pa tshe de nyid la rang gi mngon par shes pas mngon sum du byas te/ bsgrubs nas bdag cag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes go bar byed cing tshe dang ldan pa de dag sems shin du rnam par grol ba kun shes pa dang ldan pa'i dgra bcom par gyur to/ /de'i tshe 'jig rten na dgra bcom pa bcu dang bcu gcig pa ni bcom ldan 'das so/ /bA rA Na sI'i grong mi gtso bo gtso bo rnams kyi khye'u lnga bcus rigs kyi gtso bo'i bu dang po dang / gnyis pa dang / gsum pa dang / bzhi pa dang / lnga pa ste/ grags pa dang / gang po dang / dri med dang / ba lang bdag dang / lag bzangs te/ rigs kyi gtso bo'i bu rnams skra dang kha spu bregs te gos ngur smrig bgos te dad pa yang dag pa kho nas khyim nas khyim med par rab tu byung ngo zhes thos so/ /thos nas kyang de dag 'di snyam du sems te/ kye ma sangs rgyas ni mchog ma yin pa ma yin zhing chos bstan pa yang mchog ma yin pa ma yin te/ gang gi phyir da ltar rigs kyi gtso bo'i bu dang po dang / gnyis pa dang / gsum pa dang / bzhi pa dang / lnga pa ste/ grags pa dang / gang po dang / dri med dang / ba lang bdag dang / lag bzangs te/ rigs kyi gtso bo'i bu rnams ni re shig shin du gzhon pa shin du bde ba 'dod pa yang skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung gis/ ma la bdag cag kyang skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung ba bya'o snyam mo/ /de nas grong gi mi gtso bo gtso bo rnams kyi khye'u lnga bcu po dag bA rA Na sI nas bcom ldan 'das gang na ba der song ste lhags pa dang / bcom ldan 'das kyi zhabs la mgo bos phyag byas te phyogs gcig tu 'khod do/ /phyogs gcig tu 'khod nas grong mi gtso bo gtso bo rnams kyi khye'u lnga bcu po dag gis bcom ldan 'das la 'di skad ces gsol to/ /btsun pa bdag cag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po gnang na/ bdag cag bcom ldan 'das kyi spyan sngar tshangs par spyod pa spyad par bgyi'o/ /tshe dang ldan pa de dag legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po thob ste/ de ltar rab tu byung nas tshe dang ldan pa de dag gcig pu dben pa bag yod pa rtun pa dang ldan pa/ bdag nyid gtod par gnas so/ /gcig pu dben pa bag yod pa rtun pa dang ldan pa/ bdag nyid gtod par gnas pa na gang gi phyir rigs kyi bu dag skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag cag gi skye ba zad do/ /tshangs par spyod pa bsten to/ /bya ba byas so/ / srid pa 'di las gzhan mi shes so zhes go bar byed cing tshe dang ldan pa de dag sems shin tu rnam par grol ba kun shes pa dang ldan pa'i dgra bcom par gyur to/ /de'i tshe 'jig rten na dgra bcom pa drug cu dang drug cu rtsa gcig pa ni bcom ldan 'das so/ /de nas bcom ldan 'das bA rA Na sI'i drang srong smra ba'i ri dgas kyi nags na bzhugs so/ /de nas bcom ldan 'das kyis dge slong rnams la bka' stsal pa/ dge slong dag nga ni lha dang mi'i 'ching ba gang yin pa thams cad las grol ba yin no/ /dge slong dag khyed kyang lha dang mi rnams kyi 'ching ba gang yin pa thams cad las grol ba yin gyis/ dge slong dag skye bo mang po la phan pa dang / skye bo mang po la yang bde ba dang / 'jig rten la snying brtse ba dang / lha dang mi rnams la phan pa dang bde ba'i ched du rgyu zhing deng la khyed gnyis shing ni gcig tu ma 'gro shig /nga yang lteng rgyas kyi grong khyer sde can gang na ba der rgyu zhing gshegs so/ /de nas bdud sdig can 'di snyam du sems te/ dge sbyong gau ta ma 'di bA rA Na sI'i drang srong smra ba'i ri dgas kyi nags na 'dug nas de nyan thos rnams la 'di skad du chos ston to/ /dge slong dag nga ni lha dang mi'i 'ching ba gang yin pa thams cad las grol ba yin no/ /dge slong dag khyed kyang lha dang mi'i 'ching ba gang yin pa thams cad las grol ba yin gyis/ dge slong dag skye bo mang po la phan pa dang zhes bya ba nas rgyu zhing deng shig ces bya ba'i bar du ste/ nga yang lteng rgyas kyi grong khyer sde can gang na bar rgyu zhing 'gro'o zhes zer gyis/ ma la bdag gis de la 'di lta ste/ dkrug pa'i las shig bya ba'i phyir nye bar 'gro'o snyam mo/ /de nas bdud sdig can bram ze'i khye'u'i kha dog tu bdag nyid sprul te bcom ldan 'das gang na ba der song ste phyin nas/ bcom ldan 'das kyi spyan sngar 'dug ste tshigs su bcad pas gsol pa/ ma grol grol bar 'du shes na/ /ji ltar bdag nyid grol bar sems/ /bdag gis dge sbyong ma bkrol bas/ / 'ching ba chen pos bcings pa yin/ /de nas bcom ldan 'das 'di snyam du dgongs te/ e ma'o 'di ni bdud sdig can yin te/ 'di lta ste dkrug pa'i las kyi phyir nye bar 'ongs so snyam du thugs su chud nas tshigs su bcad de bka' stsal pa/ nga ni lha dang mi rnams kyi/ /'ching ba gang yin kun las grol/ /bar chad byed pa khyod bcom par/ /sdig can de ltar shes par gyis/ /de nas bdud sdig can 'di snyam du sems te/ dge sbyong gau ta ma'i sems kyis bdag gi sems shes so snyam du rig nas sdug bsngal zhing yid mi bde ba yid la gcags nas de nyid du mi snang bar gyur to/ /de nas bcom ldan 'das kyis lan gnyis su yang dge slong rnams la bka' stsal pa/ dge slong dag nga ni lha dang mi rnams kyi 'ching ba gang yin pa thams cad las grol ba yin no/ /dge slong dag khyed kyang lha dang mi rnams kyi 'ching ba gang yin pa thams cad las grol ba yin gyis/ dge slong dag skye bo mang po la phan pa dang zhes bya ba nas rgyu zhing deng shig ces bya ba'i bar gong ma bzhin du'o/ /nga yang lteng rgyas kyi grong khyer sde can gang na ba der gshegs so/ /btsun pa bka' bzhin 'tshal zhes dge slong rnams kyis bcom ldan 'das las mnyan nas ljongs rgyu zhing dong ngo / /de nas bcom ldan 'das kyis bA rA Na sIr ji tsam bzhed kyi bar du bzhugs nas lteng rgyas kyi grong khyer sde can gang na ba der rgyu zhing gshegs te rim gyis rgyu zhing gshegs pa dang / grong khyer sde can du byon to/ /de nas bcom ldan 'das ras bal can gyi nags tshang tshing gang na ba der gshegs te byon nas shing zhig gi drung du brten te nyin par gyi gnas pas bzhugs so/ /de'i tshe drug bcu sde bzang po'i tshogs grong khyer sde can gyi phyi rol du nyi ma re re zhing bud med kyis byas pa'i rol mos rtse bar byed/ dga' bar byed/ dga' mgur spyod par byed pa na/ de rnams las bud med cig dam bcas pa dral te bros so/ /de nas drug bcu sde bzang po'i tshogs bud med de tshol zhing ras bal can gyi nags tshang tshing gang na ba der dong ba dang / drug bcu sde bzang po'i tshogs kyis bcom ldan 'das mdzes pa/ dad par 'os pa/ bzang po zhi ba/ thugs zhi ba/ thugs mchog tu dul ba/ zhi ba dang dul ba dang ldan pa/ gser gyi mchod sdong lta bur gyur pa/ dpal gyis 'bar zhing shing gi drung na brten te bzhugs pa mthong ngo / /mthong nas kyang bcom ldan 'das gang na ba der song ste lhags nas bcom ldan 'das la 'di skad ces gsol to/ /bcom ldan 'das ci ga bud med cig gzigs sam/ gzhon nu dag bud med de khyed cag gi cir 'ong / btsun pa 'di ni bdag cag drug bcu sde bzang po'i tshogs grong khyer sde can gyi slad rol du bud med kyis bgyis pa'i rol mos rtse bar bgyid/ dga' bar bgyid/ dga' mgur spyod par bgyid de/ de rnams dang bdag cag rtse bar bgyid/ dga' bar bgyid/ dga' mgur spyod par bgyid pa na bud med cig dam bcas pa dral te bros nas bdag cag tshol lags so/ /gzhon nu dag ji snyam du sems/ bud med tshol ba gang yin pa dang / bdag nyid tshol ba gang yin pa gang bdam/ btsun pa bdag cag la bud med kyis ci bgyi/ bdag cag ni bdag nyid tshol ba gang lags pa de 'dam lags so/ /gzhon nu dag de'i phyir 'dug shig dang khyed la chos bshad do/ /de nas drug bcu sde bzang po'i tshogs kyis bcom ldan 'das kyi zhabs gnyis la mgo bos phyag byas te phyogs gcig tu 'khod do/ /phyogs gcig tu 'khod nas bcom ldan 'das kyis drug bcu sde bzang po'i tshogs la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad de/ sangs rgyas bcom ldan 'das rnams kyi thog ma'i dus su chos kyi gtam gleng ba gang yin pa 'di lta ste/ sbyin pa'i gtam dang / tshul khrims kyi gtam dang / mtho ris kyi gtam dang / 'dod pa rnams la mnog chung zhing nyes dmigs dang / nges par 'byung ba dang / rab tu dben pa'i rjes su bsngags pa dang / rnam par byang ba'i phyogs kyi chos rnams rgya cher bshad do/ /gang gi tshe de dag bcom ldan 'das kyis dga' ba'i sems dang / dge ba'i sems dang / mgu ba'i sems dang sgrib pa dang bral ba'i sems dang / skal ba dang ldan pa dang / yang dag phul gyi chos bshad pa shes par nus par gzigs pa de'i tshe sangs rgyas bcom ldan 'das kyi yang dag phul gyi chos bshad pa gang yin pa 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang / lam de rgya cher bshad do/ /dper na gos gtsang ma nag nog med pa tshon rtsi 'os pa'i nang du bcug na tshon rtsi legs par 'jen du btub pa de bzhin du drug bcu sde bzang po'i tshogs kyis stan de nyid la 'dug bzhin du 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang / lam mngon par rtogs so/ /de nas drug bcu sde bzang po'i tshogs kyis chos mthong ba dang / chos thob pa dang / chos rig pa dang / chos kyi gting slebs pa dang / som nyi las rgal ba dang / the tshom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas stan las langs te/ bla gos phrag pa gcig tu gzar nas bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bdag cag 'phags so/ /mngon par 'phags so/ /bdag cag bcom ldan 'das dang chos dang dge slong gi dge 'dun la skyabs su mchi lags kyis/ bdag cag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /de nas drug bcu sde bzang po'i tshogs bcom ldan 'das kyis bka' stsal pa la mngon par dga' ste rjes su yi rang nas/ bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas dong ngo / /de'i tshe ser skya'i gzhi na bram ze lha zhes bya ba phyug pa nor mang ba/ longs spyod che ba/ bcom ldan 'das kyi sngon gyi thugs rag por gyur pa zhig gnas pa de dus gzhan zhig na gnyen zad/ nor zad/ 'byor pa zad par gyur to/ /gang gi tshe bcom ldan 'das kyis bdud kyi 'khor 'byung po bye ba phrag sum bcu drug bcom nas bla na med pa'i ye shes brnyes pa de'i tshe bram ze lha chung ma dang lhan cig grong khyer sde can du 'ongs so/ /bram ze lhas bcom ldan 'das kyis bla na med pa'i ye shes brnyes so zhes thos nas des chung ma la smras pa/ bzang mo bcom ldan 'das bla na med pa'i ye shes brnyes te/ 'khor los sgyur ba'i rigs su 'khrungs pa'i bcom ldan 'das de ni grong khyer sde can du bsod snyoms la gshegs na bdag cag gis bcom ldan 'das de la bsod snyoms dbul du gang gi phyir bdag gi khyim na nyi ma gcig gi kha zas kyang med kyis/ ngas khyod gtar bcug ste kar sha pa na lnga shig skyin por blang ngo / /des smras pa/ rje'i sras de bzhin du mdzod cig /bram ze lhas chung ma bram ze zhig la gtar bcug nas kar Sha pa Na lnga bcom ldan 'das bshos gsol ba'i phyir skyin po'i tshul du blangs so/ /de'i chung mas smras pa/ rje'i sras bdag ni byang chub sems dpas lan 'ga' yang dri ma can dang gos ngan pa gyon pa ma gzigs so/ /bram ze lhas khyim bdag cig las rgyan rnams brnyas nas chung ma la bskon no/ /de nas bram ze lha chung ma dang lhan cig gtsang zhing bsod pa'i bza' ba dang bca' ba dag sta gon byas nas bcom ldan 'das gang na ba der song ste phyin nas bcom ldan 'das la 'di skad ces gsol to/ /bcom ldan 'das bdag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis bram ze lha la cang mi gsung bas gnang ngo / /de nas bcom ldan 'das bram ze lha'i bkad sa gang na ba der gshegs te byon nas gdan bshams pa nyid la bzhugs so/ /de nas bram ze lhas bcom ldan 'das bde bar bzhugs par rig nas chung ma dang lhan cig tu gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ rnam grangs du mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas so/ / bcom ldan 'das kyis gsol zin nas phyag bcabs te lhung bzed gyu bar rig nas stan ches dma' ba zhig blangs te/ bcom ldan 'das kyi spyan sngar chos mnyan pa'i phyir 'dug go/ /de nas bcom ldan 'das kyis bram ze lha la yon bsngo ba mdzad nas gshegs so/ /de'i chung mas rgyan rnams bkrol te bzhag pa de ma byin par len pas brkus so zhes bram ze lhas thos nas sdug bsngal zhing yid mi bde bar gyur te/ 'brog dgon pa zhig tu song nas nga la rgyan sbyin du ga la yong gzhan byar med kyis bdag 'chi 'o snyam pa dang / ji tsam na mi zhig gis dong brkos nas song ngo / /bram ze lha ngo mtshar skyes nas de na ci yod re shig blta'o snyam pa las/ ji tsam na rgyan de mthong nas des rgyan blangs te khyim du 'ongs so/ /lha'i chung ma yang sdug bsngal zhing yid mi bde bas gdungs nas khyim phyag dar byed pa na 'di ltar sangs rgyas rnams kyi sangs rgyas kyi mthu dang lha rnams kyi lha'i mthus ji tsam na gser gyi bum pa 'tsher bag can zhig mthong ngo / /lhas de la dris pa/ bzang mo 'o ni ci yin/ des smras pa/ rje'i sras bdag gis gser gyi bum pa zhig mthong ngo / /des kyang smras pa/ bzang mo kho bos kyang rgyan de mthong ngo / /de gnyis kyis lhag par yang bcom ldan 'das la dad pa bskyed do/ /de ltar mngon par dad pa dang bcom ldan 'das kyis de gnyis ji ltar 'phags pa'i bden pa bzhi rtogs par 'gyur ba de lta bu'i chos bshad pa mdzad pas bram ze lha chung ma dang bcas te 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas so/ /de nas bcom ldan 'das de'i nub mo 'das nas snga dro na bza' sham thabs mnabs/ lhung bzed dang chos gos bsnams te grong khyer sde can du bsod snyoms la zhugs so/ /de nas bcom ldan 'das grong khyer sde can du bsod snyoms la zhugs pa na 'di snyam du dgongs te/ ma la ngas grong khyer sde can der thog mar su zhig la chos bshad snyam pa las/ de nas bcom ldan 'das 'di snyam du dgongs te/ ngas grong pa'i bu mo dga' mo dang / dga' stobs ma la thog mar chos bshad par bya ste/ de dag gis nga sngon gyi sdug bsngal spong ba'i rnal 'byor la rjes su brtson pas gnas pa na 'dis mar sar dang 'o thug sbrang rtsi ltar mngar bas bsnyen bkur byas so snyam mo/ /de nas bcom ldan 'das grong pa'i bu mo dga' mo dang / dga' stobs ma'i khyim gang na ba der gshegs so/ /grong pa'i bu mo dga' mo dang / dga' stobs mas bcom ldan 'das rgyang ring po nas mthong ngo / /mthong nas kyang bcom ldan 'das kyi ched du gdan bshams nas 'di skad ces gsol to/ /bcom ldan 'das tshur spyon/ bcom ldan 'das byon pa legs so/ /bcom ldan 'das gdan bshams pa 'di nyid la bzhugs zhes gsol nas bcom ldan 'das gdan bshams pa de nyid la bzhugs so/ /de nas grong pa'i bu mo dga' mo dang / dga' stobs mas bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas bcom ldan 'das kyis grong pa'i bu mo dga' mo dang / dga' stobs ma la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad de/ sangs rgyas bcom ldan 'das rnams kyi thog ma'i dus su chos kyi gtam gleng ba gang yin pa 'di lta ste/ sbyin pa'i gtam dang / tshul khrims kyi gtam dang / mtho ris kyi gtam dang / 'dod pa rnams la mnog chung zhing nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i rjes su bsngags pa dang / rnam par byang ba'i phyogs kyi chos rgya cher bshad do/ /gang gi tshe bcom ldan 'das kyis de dag dga' ba'i sems dang / dge ba'i sems dang / mgu ba'i sems dang / /sgrib pa dang bral ba'i sems dang / skal ba dang ldan pa dang / yang dag phul gyi chos bshad na shes par nus par gzigs pa de'i tshe sangs rgyas bcom ldan 'das kyi yang dag phul gyi chos bshad pa gang yin pa 'phags pa'i bden pa bzhi po 'di lta ste sdug bsngal dang / kun 'byung ba dang / 'gog pa dang / lam de rgya cher bshad do/ /dper na gos gtsang ma nag nog med pa tshon rtsi 'os pa'i nang du bcug na tshon rtsi legs par 'jen du btub pa de bzhin du grong pa'i bu mo dga' mo dang / dga' stobs ma stan de nyid la 'khod bzhin du 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang / lam mngon par rtogs so/ /de nas grong pa'i bu mo dga' mo dang / dga' stobs mas chos mthong ba dang / chos thob pa dang / chos rig pa dang / chos kyi gting slebs pa dang / the tshom las rgal ba dang / som nyi las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas stan las langs te bcom ldan 'das gang na ba de logs su thal mo sbyar ba btud nas/ bcom ldan 'das la 'di skad ces gsol to/ / btsun pa bdag cag 'phags so/ /mngon par 'phags so/ /bdag cag bcom ldan 'das dang chos dang dge slong gi dge 'dun la skyabs su mchi lags kyis bdag cag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /de nas grong pa'i bu mo dga' mo dang / dga' stobs mas bcom ldan 'das la 'di skad ces gsol to/ /btsun pa de'i slad du 'dir zhal zas kyi mdzad pa mdzad du gsol bcom ldan 'das kyis grong pa'i bu mo dga' mo dang / dga' stobs ma la cang mi gsung bas gnang ngo / /de nas grong pa'i bu mo dga' mo dang / dga' stobs mas bcom ldan 'das cang mi gsung bas gnang bar rig cing / bcom ldan 'das bde bar bzhugs par rig nas gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ rnam grangs du mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas so/ /bcom ldan 'das kyis gsol zin te phyag bcabs shing lhung bzed gyu bar rig nas stan ches dma' ba zhig blangs te bcom ldan 'das kyi spyan sngar chos mnyan pa'i phyir 'khod do/ /de nas bcom ldan 'das kyis grong pa'i bu mo dga' mo dang / dga' stobs ma la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /de nas bcom ldan 'das grong khyer sde can nas gshegs pa na 'di snyam du dgongs te/ ngas yul ma ga d+ha 'dir ngang tshul bzang por bkur ba'i dge sbyong ngam bram ze gang zhig dbang du byas na de dbang du gyur pas tshegs chung ngus skye bo'i tshogs chen po dbang du 'gyur ba su zhig yod snyam mo/ /de'i tshe lteng rgyas 'od srung ral pa can btsas nas lo brgya nyi shu lon pa rgas 'khogs gtugs pa zhig yod pa de ma ga d+ha'i mi rnams kyis bkur sti bya ba dang / bla mar bya ba dang / rjed par bya ba dang / mchod par bya bas dgra bcom par gyur cing 'khor lnga brgya dang nai rany+dza na'i klung gi 'gram gyi bsti gnas na dka' thub spyod do/ /de nas bcom ldan 'das 'di snyam du dgongs te/ lteng rgyas 'od srung ral pa can btsas nas lo brgya nyi shu lon pa rgas 'khogs gtugs pa 'di ma ga d+ha'i mi rnams kyis zhes bya ba nas dka' thub spyod do zhes bya ba'i bar gong ma bzhin du ste/ ma la ngas lteng rgyas 'od srung ral pa can dbang du byas te/ 'di dbang du gyur na tshegs chung ngus skye bo'i tshogs chen po dbang du 'gyur ro snyam mo/ /de nas bcom ldan 'das lteng rgyas 'od srung ral pa can gyi bsti gnas gang na ba der gshegs so/ /lteng rgyas 'od srung ral pa can gyis bcom ldan 'das rgyang ring po nas mthong ngo / /mthong nas kyang bcom ldan 'das kyi ched du gdan bshams nas 'di skad ces kyang gsol to/ /dge sbyong chen po tshur spyon/ dge sbyong chen po byon pa legs so/ /dge sbyong chen po yun ring po zhig lags na gang nas 'khor te 'dir byon/ dge sbyong chen po gdan bshams pa nyid la bzhugs shig ces gsol to/ /bcom ldan 'das kyis gdan bshams pa nyid la bzhugs so/ /de nas lteng rgyas 'od srung ral pa can dang / bcom ldan 'das lhan cig mngon du yang dag par dga' bar 'gyur ba dang / mgu bar 'gyur ba'i gtam rnam pa sna tshogs mdzad nas phyogs gcig tu 'dug go/ /phyogs gcig tu 'dug pa dang bcom ldan 'das kyis lteng rgyas 'od srung ral pa can la 'di skad ces bka' stsal to/ /'od srung gal te khyod la mi bde ba med na/ khyod kyi me khang du bdag zhag gcig 'dug go/ / dge sbyong chen po bdag la ni mi bde ba ma mchis na/ 'on kyang de na klu gdug pa zhig gnas te/ des khyod tho btsams par 'gyur du mchi 'o/ /'od srung khyod kyis re shig gnang bar gyis shig dang tho btsams par mi 'gyur ro/ /dge sbyong chen po gal te khyod la tho mi 'tsham na dge sbyong chen po ci bde ba kho nar bzhugs shig /de nas bcom ldan 'das lteng rgyas 'od srung ral pa can gyi me khang gang na ba der gshegs te byon nas me khang gi phyi rol du zhabs bsil nas me khang gi nang du zhugs te/ nyid kyis rtswa gding ba bshams nas sku drang por bsrang ste/ skyil mo dkrung bcas nas dran pa mngon du phyogs par bzhag ste bzhugs so/ /klu gdug pas bcom ldan 'das rgyang ring po nas mthong ngo / / mthong nas kyang khros pa'i mthus dud pa phyung ngo / /bcom ldan 'das kyis kyang rdzu 'phrul gyi mthus dud pa phyung ngo / /klu gdug pas khros pa'i mthus 'bar bar byas so/ /bcom ldan 'das kyis kyang me'i khams la snyoms par zhugs so/ /de na klu gdug pa khros pa'i mthu dang / bcom ldan 'das kyi rdzu 'phrul gyi mthus me khang thams cad 'bar/ rab tu 'bar/ kun tu rab tu 'bar te me lce gcig tu gyur pas sreg par byed do/ /lteng rgyas 'od srung ral pa can mtshan mo rgyu skar la lta ba na me khang thams cad 'bar/ rab tu 'bar/ kun tu rab tu 'bar te me lce gcig tu gyur nas sreg pa mthong ngo / /mthong nas kyang 'di snyam du sems te/ dge sbyong gau ta ma chen po 'di ltar mdzes pa/ klu gdug pas thal bar byas par ma gyur grang / kyi hud nyon mongs bdag gi tshig ma nyan to snyam mo/ /de nas bcom ldan 'das 'di snyam du dgongs te/ nga lteng rgyas 'od srung ral pa can 'khor dang bcas pa chas bcad kyis/ ma la ngas rdzu 'phrul ji lta bu mngon par 'du bya ba la sems mnyam par bzhag na/ mes klu gdug pa'i me zil gyis mnan la des kyang de'i lus la gnod par mi byed cing de dul bar mkhyen nas lhung bzed du bcug ste lteng rgyas 'od srung ral pa can de la sbyin pa de lta bu zhig bya'o snyam nas/ de nas bcom ldan 'das kyis rdzu 'phrul ji lta bu mngon par 'du mdzad pa la thugs mnyam par bzhag na mes klu gdug pa'i me zil gyis mnan la des kyang de'i lus la gnod pa mi byed pa de lta bu mngon par 'du mdzad de/ dul bar mkhyen nas lhung bzed du bcug ste lteng rgyas 'od srung ral pa can gang na ba der bsnams nas gshegs so/ /lteng rgyas 'od srung ral pa can gyis bcom ldan 'das rgyang ring po nas mthong ngo / /mthong nas kyang bcom ldan 'das la 'di skad ces gsol to/ /dge sbyong chen po gson pa lta zhig /'od srung gson no/ / dge sbyong chen po khyod kyis lhung bzed na bsnams te byon pa ci/ 'od srung klu gdug pa gang gi mthus khyod kyi me khang du mir gyur pa rdzu 'phrul dang mi ldan pa gnas su mi ster ba de ngas btul nas lhung bzed du bcug nas khyer te 'ongs so/ / de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das lteng rgyas na lteng rgyas 'od srung ral pa can gyi bsti gnas kyi nags tshang tshing na bzhugs so/ /de'i tshe lteng rgyas 'od srung ral pa can gyi bsti gnas na bram ze'i khye'u lnga brgya tsam me la yongs su spyod pa re re'i me thab gsum gsum ste me thab stong lnga brgya yod do/ /de nas bram ze'i khye'u de rnams me la yongs su spyod par 'dod na me de sbar bar ma nus so/ /de nas bram ze'i khye'u de rnams lteng rgyas 'od srung ral pa can gang na ba der song ste phyin nas lteng rgyas 'od srung ral pa can la 'di skad ces smras so/ /mkhan po mkhyen par mdzod cig /'dir bdag cag zhugs la yongs su spyod par 'tshal na zhugs de sbar bar rngo ma thog lags so/ /de nas lteng rgyas 'od srung ral pa can 'di snyam du sems te/ dge sbyong chen po bdag gi nye 'khor na gnas pa de'i mthu zhig ma byung grang snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas/ bcom ldan 'das la 'di skad ces gsol to/ / dge sbyong chen po mkhyen par mdzod cig / 'dir bdag gi bram ze'i khye'u lnga brgya tsam me la yongs su spyod par 'tshal na me de sbar bar rngo ma thog nas bdag 'di snyam du sems te/ bdag gi nye 'khor na dge sbyong chen po bzhugs na de'i mthu zhig ma byung grang snyam bgyid do/ /'od srung me de sbar bar 'dod dam/ dge sbyong chen po sbar du gsol/ de nas 'di ltar sangs rgyas bcom ldan 'das rnams kyi sangs rgyas kyi mthu dang / lha rnams kyi lha'i mthus me de rang nyid 'bar bar gyur to/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ / de nas bcom ldan 'das lteng rgyas na lteng rgyas 'od srung ral pa can gyi bsti gnas kyi nags tshang tshing na bzhugs so/ /de nas bram ze'i khye'u de rnams me la yongs su spyad nas me bsad par 'dod na me bsad par ma nus so/ /bram ze'i khye'u de rnams lteng rgyas 'od srung ral pa can gang na ba der song ste lhags nas lteng rgyas 'od srung ral pa can la 'di skad ces smras so/ /mkhan po mkhyen par mdzod cig /'dir bdag cag zhugs la yongs su spyad nas/ zhugs dgum par 'tshal na dgum pa'i rngo ma thogs lags so/ /de nas lteng rgyas 'od srung ral pa can 'di snyam du sems te/ dge sbyong chen po bdag gi nye 'khor na gnas pa de'i mthu zhig ma byung grang snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas/ bcom ldan 'das la 'di skad ces gsol to/ /dge sbyong chen po mkhyen par mdzad du gsol/ 'dir bdag gi bram ze'i khye'u rnams zhugs la yongs su spyad nas zhugs dgum par 'tshal na dgum par rngo ma thog nas bdag 'di snyam du sems te/ bdag gi nye 'khor na dge sbyong chen po bzhugs na de'i mthu zhig ma byung grang snyam bgyid do/ /'od srung me de bsad dam/ dge sbyong chen po dgum du gsol/ de nas 'di ltar sangs rgyas rnams kyi sangs rgyas kyi mthu dang / lha rnams kyi lha'i mthus me de rang nyid shi'o/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das lteng rgyas na lteng rgyas 'od srung ral pa can gyi bsti gnas kyi nags tshang tshing na bzhugs so/ / de nas dus gzhan zhig na lteng rgyas 'od srung ral pa can rang nyid me la yongs su spyod par 'dod na sbar bar ma nus so/ /de nas lteng rgyas 'od srung ral pa can 'di snyam du sems te/ bdag gi nye 'khor na dge sbyong chen po gnas na de'i mthu zhig byung bar ma gyur grang snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas/ bcom ldan 'das la 'di skad ces gsol to/ /dge sbyong chen po mkhyen par mdzad du gsol/ 'dir bdag nyid zhugs la yongs su spyod par 'tshal na sbar bar rngo mi thog nas bdag 'di snyam du sems te/ bdag gi nye 'khor na dge sbyong chen po bzhugs na de'i mthu zhig byung bar ma gyur grang snyam bgyid do/ /'od srung me de sbar bar 'dod dam/ dge sbyong chen po sbar du gsol/ de nas 'di ltar sangs rgyas rnams kyi sangs rgyas kyi mthu dang / lha rnams kyi lha'i mthus me de rang nyid 'bar bar gyur to/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das lteng rgyas na lteng rgyas 'od srung ral pa can gyi bsti gnas kyi nags tshang tshing na bzhugs so/ /de nas dus gzhan zhig na lteng rgyas 'od srung ral pa can rang nyid me la yongs su spyad nas me bsad par 'dod na bsad par ma nus so/ / de nas lteng rgyas 'od srung ral pa can 'di snyam du sems te/ bdag gi nye 'khor na dge sbyong chen po gnas na de'i mthu zhig byung bar ma gyur grang snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas bcom ldan 'das la 'di skad ces gsol to/ /dge sbyong chen po mkhyen par mdzad du gsol/ 'dir bdag nyid zhugs la yongs su spyad nas zhugs dgum par 'tshal na dgum pa'i rngo ma thog nas bdag 'di snyam du sems te/ bdag gi nye 'khor na dge sbyong chen po bzhugs na de'i mthu zhig byung bar ma gyur grang snyam bgyid do/ /drang srong me de bsad dam/ dge sbyong chen po dgum du gsol/ de nas 'di ltar sangs rgyas rnams kyi sangs rgyas kyi mthu dang / lha rnams kyi lha'i mthus me de rang nyid shi'o/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das lteng rgyas na lteng rgyas 'od srung ral pa can gyi bsti gnas kyi nags tshang tshing na bzhugs so/ /de nas dus gzhan zhig na lteng rgyas 'od srung ral pa can gyi me khang thams cad 'bar rab tu 'bar/ kun tu rab tu 'bar te me lce gcig tu gyur nas sreg par byed pa de la lteng rgyas 'od srung ral pa can 'khor dang bcas pa dang / gzhan yang skye bo'i tshogs chen po rnams kyis bsgrims kyang bsad ma nus so/ /de nas lteng rgyas 'od srung ral pa can 'di snyam du sems te/ bdag gi nye 'khor na dge sbyong chen po gnas na de'i mthu zhig byung bar ma gyur grang snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas bcom ldan 'das la 'di skad ces gsol to/ /dge sbyong chen po mkhyen par mdzad du gsol/ dge sbyong chen po 'dir bdag gi me khang thams cad 'bar rab tu 'bar/ kun du rab tu 'bar te me lce gcig tu gyur nas sreg par bgyid pa de la bdag 'khor dang bcas pa dang / gzhan yang skye bo'i tshogs chen pos bsgrims na zhugs dgum pa'i rngo ma thog nas bdag 'di snyam du sems te/ bdag gi nye 'khor na dge sbyong chen po bzhugs na de'i mthu zhig byung bar ma gyur grang snyam bgyid do/ /'od srung me khang de zhi bar bya 'am dge sbyong chen po zhi bar mdzad du gsol/ de nas 'di ltar sangs rgyas rnams kyi sangs rgyas kyi mthu dang / lha rnams kyi lha'i mthus me khang de rang nyid zhi bar gyur to/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo// //'dul ba gzhi/ bam po brgyad bcu rtsa brgyad pa/ de nas bcom ldan 'das lteng rgyas 'od srung ral pa can gyi bsti gnas nags tshang tshing na bzhugs so/ /de nas rgyal po chen po bzhi po dag kha dog 'phags pas mtshan mo la bab pa na/ bcom ldan 'das gang na ba der dong ste lhags nas bcom ldan 'das kyi zhabs la mgo bos phyag byas te/ de rnams dper na me'i phung po 'bar rab tu 'bar/ kun du rab tu 'bar te me lce gcig tu gyur nas sreg par byed pa bzhi lta bu'i lus kyis phyogs gcig tu 'dug go/ /lteng rgyas 'od srung ral pa can de nyid kyi mtshan mo rgyu skar rnams la blta ba na/ bcom ldan 'das kyi spyan snga na me'i phung po 'bar rab tu 'bar/ kun du rab tu 'bar te me lce gcig tu gyur nas sreg par byed pa bzhi mthong ngo / /mthong nas kyang 'di snyam du sems te/ dge sbyong chen po yang me la yongs su spyod de/ 'di ltar de'i spyan snga na me'i phung po 'bar rab tu 'bar/ kun du rab tu 'bar te me lce gcig tu gyur nas sreg par byed pa bzhi yod do snyam mo/ /de nas lteng rgyas 'od srung ral pa can nang par sngar langs te bcom ldan 'das gang na ba der song nas phyin pa dang / bcom ldan 'das la 'di skad ces gsol to/ /dge sbyong chen po mkhyen par mdzad du gsol/ 'dir mdang sum bdag rgyu skar rnams la lta ba na dge sbyong chen po'i spyan snga na zhugs kyi phung po 'bar rab tu 'bar/ kun du rab tu 'bar te me lce gcig tu gyur te sreg par byed pa bzhi mthong ngo / /mthong nas kyang bdag nyid 'di snyam du sems te/ /dge sbyong chen po yang me la yongs su spyod de/ 'di ltar de'i spyan snga na me'i phung po 'bar rab tu 'bar/ kun du rab tu 'bar te/ me lce gcig tu gyur nas sreg par bgyid pa bzhi mchis so snyam mo/ /'od srung ci nga me la yongs su spyod dam/ nga me la yongs su mi spyod de/ de lta mod kyi 'dir mdang sum rgyal po chen po bzhi po dag kha dog 'phags pas mtshan mo la bab pa na nga gang na ba der 'ongs te lhags nas/ nga'i zhabs gnyis la mgo bos phyag byas te de rnams dper na me'i phung po 'bar rab tu 'bar/ kun du rab tu 'bar te me lce gcig tu gyur nas sreg par byed pa bzhi lta bu'i lus kyis phyogs gcig tu 'dug pa yin no/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das lteng rgyas na lteng rgyas 'od srung ral pa can gyi bsti gnas kyi nags tshang tshing na bzhugs so/ /de nas lha rnams kyi dbang po brgya byin kha dog 'phags pas mtshan mo la bab pa na bcom ldan 'das gang na ba der song ste phyin nas/ bcom ldan 'das kyi zhabs la phyag 'tshal te/ de dper na me'i phung po 'bar rab tu 'bar/ kun du rab tu 'bar te me lce gcig tu gyur pa bzhi po de dag bas kyang ches lhag cing ches 'phags la ches bzang ba lta bu'i lus kyis phyogs gcig tu 'dug go/ /lteng rgyas 'od srung ral pa can de nyid kyi mtshan mo rgyu skar rnams la blta ba na bcom ldan 'das kyi spyan sngar me'i phung po chen po 'bar rab tu 'bar/ kun du rab tu 'bar te me lce gcig tu gyur nas sreg par byed pa zhig mthong ngo / /mthong nas kyang 'di snyam du sems te/ dge sbyong chen po yang me la yongs su spyod de/ 'di ltar de'i mdun na me'i phung po chen po 'bar rab tu 'bar/ kun du rab tu 'bar te me lce gcig tu gyur nas sreg par byed pa zhig yod do snyam mo/ /de nas lteng rgyas 'od srung ral pa can nang par sngar langs nas bcom ldan 'das gang na ba der song ste phyin nas/ bcom ldan 'das la 'di skad ces gsol to/ /dge sbyong chen po mkhyen par mdzad du gsol/ 'dir bdag mdang sum rgyu skar rnams la lta ba na dge sbyong chen po'i spyan snga na zhugs kyi phung po chen po 'bar rab tu 'bar/ kun du rab tu 'bar te me lce gcig tu gyur nas sreg par bgyid pa zhig mthong ngo / /mthong nas kyang bdag 'di snyam du sems te/ dge sbyong chen po yang me la yongs su spyod de/ 'di ltar de'i spyan snga na me'i phung po chen po 'bar rab tu 'bar/ kun du rab tu 'bar te me lce gcig tu gyur nas sreg par bgyid pa zhig mchis so snyam mo/ /'od srung ci nga me la yongs su spyod dam/ nga me la yongs su mi spyod de/ de lta mod kyi 'dir mdang sum lha rnams kyi dbang po brgya byin kha dog 'phags pas mtshan mo la bab pa na nga gang na ba der 'ongs te phyin nas nga'i zhabs la mgo bos phyag byas te/ de dper na me'i phung po 'bar rab tu 'bar/ kun du rab tu 'bar te me lce gcig tu gyur nas sreg pa bzhi po de dag bas kyang ches lhag cing ches 'phags la ches bzang ba lta bu'i lus kyis phyogs gcig tu 'dug pa yin no/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das lteng rgyas na lteng rgyas 'od srung ral pa can gyi bsti gnas kyi nags tshang tshing na bzhugs so/ /de nas mi mjed kyi bdag po tshangs pa kha dog 'phags pas mtshan mo la bab pa na bcom ldan 'das gang na ba der song ste phyin nas/ bcom ldan 'das kyi zhabs la mgo bos phyag byas te/ de dper na me'i phung po bzhi po de dag nyid snga ma bzhin du sreg pa zhes bya ba nas me'i phung po lnga pa de me lce gcig tu gyur nas sreg par byed do zhes bya ba'i bar de dag bas kyang ches lhag cing ches 'phags la ches bzang ba lta bu'i lus kyis phyogs gcig tu 'dug go/ /lteng rgyas 'od srung ral pa can de nyid kyi mtshan mo rgyu skar rnams la blta ba na bcom ldan 'das kyi spyan snga na me'i phung po chen po 'bar rab tu 'bar ba zhes bya ba nas sreg par byed pa zhes bya ba'i bar zhig mthong ngo / /mthong nas kyang de 'di snyam du sems te/ /dge sbyong chen po yang me la yongs su spyod de/ 'di ltar de'i mdun du me'i phung po chen po zhes bya ba nas sreg par byed pa'i bar zhig yod do snyam mo/ /de nas lteng rgyas 'od srung ral pa can nang par sngar langs nas bcom ldan 'das gang na ba der song ste phyin nas/ bcom ldan 'das la 'di skad ces gsol to/ /dge sbyong chen po mkhyen par mdzad du gsol/ 'dir bdag mdang sum rgyu skar rnams la blta ba na dge sbyong chen po'i spyan snga na zhugs kyi phung po chen po 'bar ba zhes bya ba nas sreg par byed pa zhes bya ba'i bar zhig mthong ngo / /mthong nas kyang bdag 'di snyam du sems te/ dge sbyong chen po yang me la yongs su spyod de/ 'di ltar de'i spyan lnga na me'i phung po chen po 'bar rab tu 'bar/ kun du rab tu 'bar te me lce gcig tu gyur nas sreg par bgyid pa zhig mchis so snyam mo/ /'od srung ci nga me la yongs su spyod dam/ nga me la yongs su mi spyod de/ de lta mod kyi 'dir mdang sum mi mjed kyi bdag po tshangs pa kha dog 'phags pas mtshan mo la bab pa na nga gang na ba der 'ongs te phyin nas/ nga'i zhabs la mgo bos phyag byas te/ de dper na me'i phung po 'bar rab tu 'bar ba bzhi po de dag nas snga ma bzhin du me'i phung po chen po lnga pa de 'bar ba nas me lce gcig tu gyur pa nas sreg par byed zhes bya pa'i bar gong ma bzhin du ste/ de dag bas kyang ches lhag cing ches 'phags la ches bzang ba lta bu'i lus kyis phyogs gcig tu 'dug pa yin no/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po gau ta ma ni rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das lteng rgyas na lteng rgyas 'od srung ral pa can gyi bsti gnas gyi nags tshang tshing na bzhugs so/ /de'i tshe lteng rgyas 'od srung ral pa can gyi 'dug gnas na mchod sbyin zhag bdun pa byed pa la bab bo/ /de nas lteng rgyas 'od srung ral pa can 'di snyam du sems te/ gal te ma ga d+ha'i mi rnams kyis dge sbyong chen po 'di ltar rdzu 'phrul che zhing 'di ltar mthu che ba yin par shes na de nyid la bya ba byed par sems kyi/ bdag la ni de ltar ma yin pa'i gnas 'di yod kyis/ kye ma dge sbyong chen po zhag bdun zhig 'di nas gzhan du song yang ci ma rung snyam mo/ /de nas bcom ldan 'das kyi thugs kyis lteng rgyas 'od srung ral pa can gyi sems mkhyen nas zhag bdun gzhan du bzhud do/ de'i tshe zhag bdun du lteng rgyas 'od srung ral pa can la rnyed pa dang bkur sti chen po byung nas/ bza' ba dang bca' ba rab tu mang po dang ldan/ skye bo'i tshogs chen po yang dbang du gyur to/ /de nas lteng rgyas 'od srung ral pa can gyi 'dug gnas na mchod sbyin de zhag bdun du byas zin nas 'di snyam du sems te/ 'dir bdag la zhag bdun du rnyed pa dang bkur sti chen po byung zhing bza' ba dang bca' ba rab tu mang po dang yang ldan/ skye bo'i tshogs chen po yang dbang du gyur gyis/ kye ma da ni dge sbyong chen po 'ongs kyang ci ma rung / bdag gis de yang de la longs spyod du gzhug go snyam mo/ /de nas bcom ldan 'das kyi thugs kyis lteng rgyas 'od srung ral pa can gyi sems mkhyen nas lteng rgyas 'od srung ral pa can gang na ba der gshegs so/ /lteng rgyas 'od srung ral pa can gyis bcom ldan 'das rgyang ring po nas mthong ngo / /mthong nas kyang bcom ldan 'das la 'di skad ces gsol to/ /dge sbyong chen po byon tam/ 'od srung 'ongs so/ /dge sbyong chen po khyod ci'i slad du zhag bdun 'di nas gzhan du bzhud lags/ 'od srung khyod kyi 'dug gnas na mchod sbyin zhag bdun du byed pa la bab nas 'di snyam du/ gal te ma ga d+hA'i mi rnams kyis dge sbyong chen po ni 'di ltar rdzu 'phrul che ba 'di ltar mthu che ba yin par shes na de kho na la bya ba byed par sems kyi/ bdag la ni de lta ma yin pa'i gnas 'di yod par 'gyur gyis/ kye ma dge sbyong chen po zhag bdun zhig 'di nas gzhan du song yang ci ma rung snyam du sems pa ma yin nam/ nga'i thugs kyis khyod kyi sems shes nas zhag bdun 'di nas gzhan du song ngo / /'o na ci'i slad du 'dir byon lags/ 'od srung khyod kyis mchod sbyin zhag bdun du byas zin nas 'di snyam du bdag la zhag bdun du rnyed pa dang bkur sti chen po byung zhing bza' ba dang bca' ba rab tu mang po dang yang ldan/ skye bo'i tshogs chen po yang dbang du gyur gyis/ kye ma dge sbyong chen po 'ongs kyang ci ma rung / bdag gis de yang de la yongs su longs spyod du gzhug go snyam du sems pa ma yin nam/ dge sbyong chen po de lta lags so/ /nga'i thugs kyis khyod kyi sems shes nas nga 'ongs pa yin no/ /dge sbyong chen po ci bde kho nar longs spyad du gsol/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das lteng rgyas na lteng rgyas 'od srung ral pa can gyi bsti gnas kyi nags tshang tshing na bzhugs so/ /de nas lteng rgyas 'od srung ral pa can gyis bcom ldan 'das la 'di skad ces gsol to/ /dge sbyong chen po de'i slad du bdag gi nye 'khor du bzhugs shig dang bdag gis khyod la chos dang 'thun pa'i 'tsho ba sbyar ro/ /bcom ldan 'das kyis lteng rgyas 'od srung ral pa can la cang mi gsung bas gnang ngo / /de nas lteng rgyas 'od srung ral pa can gyis bcom ldan 'das kyi ched du rang kho nas g.yos byas nas bcom ldan 'das gang na ba der song ste phyin nas/ bcom ldan 'das la 'di skad ces gsol to/ /dge sbyong chen po gdugs tshod lags shing mchis na/ dge sbyong chen po da de'i dus la bab par dgongs su gsol/ 'od srung de'i phyir song shig nga yang 'ong ngo / /de nas bcom ldan 'das kyis lteng rgyas 'od srung ral pa can song nas ring po ma lon par mkhyen nas ji ltar thugs mnyam par bzhag na shing 'dzam bu zhes bya ba gang gis 'dzam bu'i gling du gdags pa de las kha dog dang dri dang ro dang ldan pa'i 'dzam bu'i snye ma rnams kyis lhung bzed bkang nas bsnams te/ lteng rgyas 'od srung ral pa can gyi bsti gnas gang na ba der gshegs pa de lta bu'i ting nge 'dzin la snyoms par zhugs te byon nas gdan bshams pa nyid la bzhugs so/ / de nas de'i 'og tu lteng rgyas 'od srung ral pa can 'ongs nas lteng rgyas 'od srung ral pa can gyis bcom ldan 'das bsti gnas kyi gdan bshams pa nyid la bzhugs pa mthong ngo / /mthong nas kyang 'di skad ces gsol to/ / dge sbyong chen po byon tam/ 'od srung 'ongs so/ /dge sbyong chen po khyod kyi lhung bzed na ci mchis/ 'dir ngas 'od srung khyod song nas ring po ma lon par mkhyen nas ji ltar thugs mnyam par bzhag na shing 'dzam bu zhes bya ba gang gis 'dzam bu'i gling du gdags pa de las kha dog dang / dri dang / ro dang ldan pa'i 'dzam bu'i snye ma rnams kyis lhung bzed bkang nas 'dir phyin pa de lta bu'i ting nge 'dzin la snyoms par zhugs kyis/ gal te 'dod na longs spyod cig /dge sbyong chen po ci bde kho nar 'tshal lags so/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ / 'dzam bu'i snye ma ji lta bar skyu ru ra'i snye ma rnams kyang de bzhin no/ /byang gi sgra mi snyan gyi gling du gshegs nas ma rmos ma btab pa'i 'bras sa lu'i 'brus lhung bzed bkang ste bsnams nas/ lteng rgyas 'od srung ral pa can gyi bsti gnas gang na ba der gshegs te byon nas gdan bshams pa nyid la bzhugs so/ /de nas de'i 'og tu lteng rgyas 'od srung ral pa can 'ongs nas lteng rgyas 'od srung ral pa can gyis bcom ldan 'das bsti gnas kyi gdan bshams pa nyid la bzhugs pa mthong ngo / /mthong nas kyang 'di skad ces gsol to/ /dge sbyong chen po byon tam/ 'od srung 'ongs so/ /dge sbyong chen po khyod kyi lhung bzed na ci mchis/ 'dir ngas 'od srung khyod song nas ring po ma lon par mkhyen nas ji ltar thugs mnyam par bzhag na byang gi sgra mi snyan gyi gling du gshegs nas ma rmos ma btab pa'i 'bras sa lu'i 'brus lhung bzed bkang nas 'dir phyin pa de lta bu'i ting nge 'dzin la snyoms par zhugs kyis/ gal te 'dod na longs spyod cig /dge sbyong chen po ci bde kho nar 'tshal lags so/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de bzhin du rgyal po chen po bzhi dang / sum bcu rtsa gsum pa'i gnas su gshegs nas lha'i bdud rtsis lhung bzed bkang nas bsnams te zhes brjod par bya'o/ /de nas bcom ldan 'das lteng rgyas na lteng rgyas 'od srung ral pa can gyi bsti gnas kyi nags tshang tshing na bzhugs so/ /de nas lteng rgyas 'od srung ral pa can gyis bcom ldan 'das kyi ched du rang nyid kyis g.yos byas nas/ bcom ldan 'das gang na ba der song ste phyin nas/ bcom ldan 'das la 'di skad ces gsol to/ /dge sbyong chen po gdugs tshod lags shing mchis na/ dge sbyong chen po da de'i dus la bab par dgongs su gsol/ de nas bcom ldan 'das snga dro na bza' sham thabs mnabs lhung bzed dang chos gos bsnams te lteng rgyas 'od srung ral pa can gyi bsti gnas gang na ba der gshegs te byon nas gdan bshams pa nyid la bzhugs so/ /de nas lteng rgyas 'od srung ral pa can gyis bcom ldan 'das bde bar bzhugs par rig nas gtsang zhing bsod pa'i bza' ba dang bca' bas lhung bzed bkang nas phul lo/ /de nas bcom ldan 'das kyis lteng rgyas 'od srung ral pa can las bsod snyoms bzhes nas phyogs gzhan zhig tu bzhugs nas zhal zas kyi bya ba mdzad do/ /de nas bcom ldan 'das la chus chu'i dgos pa zhig byung ngo / /de nas lha rnams kyi dbang bo brgya byin gyis bcom ldan 'das la chus chu'i dgos pa byung bar shes nas bcom ldan 'das gang na ba der song ste phyin nas/ bcom ldan 'das kyi spyan sngar lag pas sa la bsnun pa dang / de nas bkod ma chen po zhig byung ste/ chu bab pa de la bcom ldan 'das kyis chus chu'i bya ba mdzad do/ /lteng rgyas 'od srung ral pa can bsti gnas na 'chag pa na bkod ma chen po byung ste chu bab pa mthong ngo / /mthong nas kyang 'di snyam du sems te/ chu 'di sngon ni med na chu 'di da ltar gang nas bab snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas bcom ldan 'das la 'di skad ces gsol to/ /dge sbyong chen po mkhyen par mdzad du gsol/ bdag 'dir bsti gnas na 'chag pa na bkod ma chen po'i chab cig mthong ngo / /mthong nas kyang bdag 'di snyam du sems te/ chu 'di sngon ni ma mchis na da ltar chu 'di gang nas bab snyam bgyid do/ /'od srung ral pa can 'dir khyod las ngas bsod snyoms bzhes nas phyogs 'dir zhugs te zhal zas kyi bya ba mdzad pa na/ nga la chus chu'i dgos pa zhig byung ngo / /de nas lha rnams kyi dbang po brgya byin gyis nga la chus chu'i dgos pa byung bar shes nas phyogs 'dir lag pa sa la bsnun pa las/ de nas bkod ma chen po byung ba de la ngas chus chu'i bya ba mdzad do/ /'od srung rdzing 'di ni lag pas brkos pa zhes bya'o/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das lteng rgyas 'od srung ral pa can gyi bsti gnas kyi nags tshang tshing na bzhugs so/ /de nas bcom ldan 'das phyem 'phred nang du yang dag 'jog las bzhengs nas rdzing lag pas brkos pa gang na ba der gshegs nas byon nas/ rdzing lag pas brkos pa'i 'gram gyi mtha' cig tu na bza' chos gos rnams bzhag ste/ rdzing lag pas brkos par zhugs nas sku khrus mdzad nas rdzing lag pas brkos pa nas 'byung bar bzhed pa na shing ardzu na gang na ba de logs su phyag brkyang ngo / /de nas ardzu na'i yal ga chen po 'dud par gyur te/ de la bcom ldan 'das kyis bzung nas rdzing lag pas brkos pa nas byung ngo / /lteng rgyas 'od srung ral pa can bsti gnas na 'chag pa na rdzing lag pas brkos pa'i 'gram na ardzu na'i yal ga chen po 'dud pa zhig mthong ngo / /mthong nas kyang 'di snyam du sems te/ ardzu na'i yal ga 'di sngon ni 'dud par ma gyur na/ ardzu na'i yal ga chen po 'di da su zhig gis btud snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas/ bcom ldan 'das la 'di skad ces gsol to/ /dge sbyong chen po mkhyen par mdzad du gsol/ bdag 'dir bsti gnas na 'chag pa na rdzing lag pas brkos pa'i 'gram na ardzu na'i yal ga chen po 'dud pa mthong ngo / /mthong nas kyang bdag 'di snyam du sems te/ ardzu na'i yal ga chen po 'di sngon ni 'dud par ma gyur na/ da 'di su zhig gis btud snyam bgyid do/ /'od srung nga 'dir phyem 'phred nang du yang dag 'jog las bzhengs nas rdzing lag pas brkos pa gang na ba der gshegs te byon nas/ rdzing lag pas brkos pa'i 'gram gyi mtha' gcig na na bza' chos gos rnams bzhag ste rdzing lag pas brkos par zhugs te/ lus khrus byas nas rdzing lag pas brkos pa nas 'byung bar 'dod nas shing ardzu na 'di gang na ba de logs su lag pa brkyang ba dang / de nas ardzu na'i yal ga chen po 'di 'dud par gyur te/ de la nga 'jus nas rdzing lag pas brkos pa nas byung ngo / /'od srung shing 'di ni ardzu na lag pas bzung ba zhes bya'o/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das lteng rgyas na lteng rgyas 'od srung ral pa can gyi bsti gnas kyi nags tshang tshing na bzhugs so/ /de'i tshe bcom ldan 'das kyis phyag dar khrod pa sha na'i ras dag brnyes nas/ de nas bcom ldan 'das 'di snyam du dgongs te/ nga'i phyag dar khrod pa'i sha na'i ras dag gang du bkru snyam mo/ /de nas lha rnams kyi dbang po brgya byin gyi sems kyis bcom ldan 'das kyi dgongs pa shes nas brag cig las rdo leb che la ring ba zhig blangs nas bcom ldan 'das gang na ba der song ste phyin nas/ bcom ldan 'das la 'di skad ces gsol to/ /bcom ldan 'das phyag dar khrod pa'i sha na'i ras dag 'di la bkru bar gsol/ de la bcom ldan 'das kyis phyag dar khrod pa'i sha na'i ras rnams bkrus so/ / de nas bcom ldan 'das 'di snyam du dgongs te/ nga'i phyag dar khrod pa'i sha na'i ras rnams gang du dgram snyam pa dang / de nas lha rnams kyi dbang po brgya byin gyi sems kyis bcom ldan 'das kyi dgongs pa shes nas/ brag cig las rdo leb che la ring ba zhig khyer nas bcom ldan 'das gang na ba der song ste phyin nas/ bcom ldan 'das la 'di skad ces gsol to/ /bcom ldan 'das 'di la phyag dar khrod pa'i sha na'i ras rnams dgram du gsol/ de la bcom ldan 'das kyis phyag dar khrod pa'i sha na'i ras dag bkram mo/ /lteng rgyas 'od srung ral pa can bsti gnas na 'chag pa na rdo leb che la ring ba dag mthong ngo / /mthong nas kyang 'di snyam du sems te/ rdo leb che la ring ba 'di dag sngon ni med na rdo leb che la ring ba 'di dag da su zhig gis khyer te 'ongs snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas/ bcom ldan 'das la 'di skad ces gsol to/ /dge sbyong chen po mkhyen par mdzad du gsol/ 'dir bdag bsti gnas na 'chag pa na rdo leb che la ring ba dag cig mthong ngo / /mthong nas kyang bdag 'di snyam du sems te/ rdo leb che la ring ba 'di dag sngon ni ma mchis na rdo leb che la ring ba 'di dag da su zhig gis 'tshal te mchis snyam bgyid do/ /'od srung 'dir ngas phyag dar khrod pa'i sha na'i ras dag cig brnyes so/ /de nas nga 'di snyam du dgongs te/ phyag dar khrod pa'i sha na'i ras gang du bkru snyam pa dang / de nas lha rnams kyi dbang po brgya byin gyi sems kyis nga'i dgongs pa shes nas brag cig las rdo leb che la ring ba zhig blangs te/ nga gang na ba der 'ongs te/ phyin nas nga la 'di skad ces gsol to/ /bcom ldan 'das 'di la phyag dar khrod pa'i sha na'i ras rnams bkru bar gsol/ ngas de la phyag dar khrod pa'i sha na'i ras rnams bkrus so/ /nga 'di snyam du dgongs te/ ngas phyag dar khrod pa'i sha na'i ras rnams gang du dgram snyam pa dang / de nas lha rnams kyi dbang po brgya byin gyi sems kyis nga'i dgongs pa shes nas brag cig las rdo leb che la ring ba gzhan zhig blangs te/ nga gang na ba der 'ongs te phyin nas nga la 'di skad ces gsol to/ /bcom ldan 'das 'di la phyag dar khrod pa'i sha na'i ras rnams dgram du gsol/ ngas de la phyag dar khrod pa'i sha na'i ras rnams bkram mo/ /'od srung rdo leb che zhing ring ba 'di dag ni gnod sbyin gyis blangs pa zhes bya'o/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das lteng rgyas na lteng rgyas 'od srung ral pa can gyi bsti gnas kyi nags tshang tshing na bzhugs so/ /de'i tshe nai rany+dza na'i chu cher brub nas bab bo/ / de nas bcom ldan 'das chu klung mi gang bas lhag pas khebs pa'i steng nas sa rdul gyis yog pa bla gab med pa la 'chag pas 'chag par mdzad do/ /de nas lteng rgyas 'od srung ral pa can 'di snyam du sems te/ dge sbyong chen po de ltar mdzes pa chu chen po brub pas khyer bar ma gyur grang / ma la bdag gis dge sbyong chen po btsal lo snyam du bsams nas shing gcig pa'i gru'i nang du zhugs te bcom ldan 'das btsal ba na/ lteng rgyas 'od srung ral pa can gyis bcom ldan 'das chu klung mi gang bas lhag pas khebs pa'i steng na sa rdul gyis yog pa bla gab med pa na 'chag pas 'chag pa mthong ngo / /mthong nas kyang bcom ldan 'das la 'di skad ces gsol to/ /dge sbyong chen po gson nam/ 'od srung gson no/ /dge sbyong chen po zhugs shing gcig pa'i grur 'jug gam/ 'od srung 'jug go/ /de nas bcom ldan 'das 'di snyam du dgongs te/ ma la ngas ji ltar thugs mnyam par bzhag na shing gcig pa'i gru ji lta bar chu la 'jug pa de lta bu'i rdzu 'phrul mngon par 'du bya ba 'du bya'o snyam nas/ de nas bcom ldan 'das kyis ji ltar thugs mnyam par bzhag na shing gcig pa'i gru ji lta bar chu la 'jug pa de lta bu'i rdzu 'phrul mngon par 'du mdzad do/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das kyi thugs kyis lteng rgyas 'od srung ral pa can gyi sems mkhyen nas lteng rgyas 'od srung ral pa can la 'di skad ces bka' stsal to/ /'od srung khyod ni dgra bcom pa ma yin/ dgra bcom pa'i 'bras bu mngon sum du bya ba'i phyir zhugs pa ma yin te/ dgra bcom pa'i lam gang yin pa de yang mi shes so/ /de nas lteng rgyas 'od srung ral pa can 'di snyam du sems te/ dge sbyong chen po gau ta ma'i thugs kyis bdag gi sems mkhyen to snyam du rig nas bcom ldan 'das la 'di skad ces gsol to/ /dge sbyong chen po bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po thob pa lta na/ dge sbyong chen po'i spyan sngar bdag tshangs par spyod pa spyad par bgyi'o/ /'od srung khyod kyis 'khor la bltas sam/ dge sbyong chen po ma bltas lags so/ / 'od srung de'i phyir re shig 'khor la ltos shig /'di ltar khyod lta bu'i mi grags pa dang ldan pa shes nyen can rnams kyis ni 'khor la blta ba legs pa yin no/ /de nas lteng rgyas 'od srung ral pa can rang gi bsti gnas gang yin pa der song ste phyin nas bram ze'i khye'u rnams la smras pa/ bram ze'i khye'u dag shes par gyis shig / bram ze'i khye'u dag kho bo ni dge sbyong chen po'i spyan sngar tshangs par spyod pa spyad na shes ldan dag ci byed/ mkhan po bdag cag gis chung zad ci 'tshal ba de thams cad ni mkhan po la brten nas lags pas gal te mkhan po dge sbyong chen po'i spyan sngar tshangs par spyod pa spyad na/ bdag cag kyang mkhan po rab tu byung ba'i rjes su rab tu 'byung ngo / /bram ze'i khye'u dag khyed kyis de'i phyir g.yang gzhi dang / shing shun dang / khar ba dang / ril ba spyi blugs dang / blugs gzar 'di dag chu klung nai rany+dza na'i nang du 'or cig /mkhan po bka' bzhin 'tshal zhes bram ze'i khye'u de rnams kyis g.yang gzhi dang / shing shun dang / khar ba dang / ril ba spyi blugs dang / blugs gzar rnams chu klung nai rany+dza na'i nang du bor nas lteng rgyas 'od srung ral pa can gang na ba der song ste phyin nas lteng rgyas 'od srung ral pa can la 'di skad ces smras so/ /mkhan po 'di ltar bdag cag gis bgyi ba gang lags pa de bgyis lags so/ /de nas lteng rgyas 'od srung ral pa can 'khor lnga brgya dang bcom ldan 'das gang na ba der song ste phyin nas bcom ldan 'das la 'di skad ces gsol to/ /dge sbyong chen po bdag gis 'khor la bltas lags te/ bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'thob pa lta na/ bdag dge sbyong chen po'i spyan sngar tshangs par spyod pa spyad par bgyi'o/ /'od srung tshur shog /tshangs par spyad pa spyod cig /de nyid kyis tshe dang ldan pa de dag rab tu byung ba dang / des bsnyen par rdzogs pa dang / des dge slong gi dngos por gyur to/ /de'i tshe lteng rgyas 'od srung ral pa can gyi spun chu klung 'od srung dang / ga ya 'od srung gnyis 'khor nyis brgya lnga bcu lnga bcu dag chu klung nai rany+dza na'i 'jug ngogs kyi 'gram gyi bsti gnas na dka' thub spyod do/ /chu klung 'od srung dang / ga ya 'od srung spun gyis g.yang gzhi dang / shing shun dang / khar ba dang / ril ba spyi blugs dang / blugs gzar de dag chu klung nai rany+dza nas khyer ba mthong ngo / /mthong nas kyang de dag 'di snyam du sems te/ bdag cag gi tshangs pa mtshungs par spyod pa rnams rgyal po 'am/ chom rkun nam/ me 'am/ chus nyes dmigs 'ga' zhig byung bar ma gyur grang / ma la bdag cag gis tshangs pa mtshungs par spyod pa rnams btsal lo snyam mo/ /de nas chu klung 'od srung dang / ga ya 'od srung spun dag lteng rgyas 'od srung ral pa can tshol zhing lteng rgyas 'od srung ral pa can gyi bsti gnas gang na ba der dong ba dang de'i tshe tshe dang ldan pa lteng rgyas 'od srung ral pa can skra byi snam sbyar bgos nas 'khor lnga brgya dang bcom ldan 'das kyi spyan snga na chos nyan pa'i phyir 'khod do/ /chu klung 'od srung dang / ga ya 'od srung spun gyis lteng rgyas 'od srung ral pa can skra byi snam sbyar bgos nas/ bcom ldan 'das kyi spyan snga na chos nyan pa'i phyir 'dug pa mthong ngo / /mthong nas kyang tshe dang ldan pa 'od srung ral pa can la 'di skad ces smras so/ /'od srung 'di ni mchog yin la/ de mchog ma yin nam/ 'od srung dag 'di ni mchog yin te/ de ni ma yin no/ /de nas chu klung 'od srung dang / ga ya 'od srung spun dag 'di snyam du sems te/ sangs rgyas bcom ldan 'das ni mchog ma yin pa ma yin zhing chos bshad pa yang mchog ma yin pa ma yin te/ gang gi phyir da ltar lteng rgyas 'od srung ral pa can btsas nas lo brgya nyi shu lhag lon pa rgas 'khogs gtugs pa/ ma ga d+hA'i mi rnams kyis bkur sti byas/ bla mar byas/ rjed par byas/ mchod par byas shing dgra bcom par bkur ba de yang lan gnyis kyi bar du dge sbyong chen po'i spyan sngar rab tu 'byung bar khas blangs kyis/ ma la bdag cag kyang dge sbyong chen po'i spyan sngar tshangs par spyod pa spyad par bya'o snyam du bsams nas bcom ldan 'das la 'di skad ces gsol to/ /dge sbyong chen po bdag cag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po thob pa lta na/ bdag cag dge sbyong chen po'i spyan sngar tshangs par spyod pa spyad par bgyi'o/ /khyed kyis 'khor la bltas sam/ dge sbyong chen po ma bltas lags so/ /'od srung dag de'i phyir re shig 'khor la ltos shig /'di lta bu'i mi grags pa dang ldan pa shes nyen can dag gis ni 'khor la blta ba legs pa yin no/ /de nas chu klung 'od srung dang / ga ya 'od srung spun rang gi bsti gnas gang na ba der song ste phyin nas/ bram ze'i khye'u rnams la 'di skad ces smras so/ /bram ze'i khye'u dag shes par gyis shig /kho bo cag ni dge sbyong chen po'i spyan sngar tshangs par spyod pa spyod na shes ldan dag ci byed/ mkhan po dag bdag cag chung zad ci 'tshal ba de thams cad ni mkhan po dag la brten nas lags kyis/ gal te mkhan po dag dge sbyong chen po'i spyan sngar tshangs par spyod pa spyod na bdag cag kyang mkhan po dag rab tu byung ba'i rjes su rab tu 'byung ngo / /bram ze'i khye'u dag de'i dus da yin par shes par gyis shig /de nas chu klung 'od srung dang / ga ya 'od srung spun 'khor nyis brgya lnga bcu lnga bcu dag bcom ldan 'das gang na ba der song ste lhags nas bcom ldan 'das la 'di skad ces gsol to/ /dge sbyong chen po bdag cag gis 'khor la bltas lags te/ dge sbyong chen po bdag cag legs par gsungs pa'i chos 'dul ba la rab tu 'byung ba dang / bsnyen par rdzogs pa dge slong gi dngos po 'thob pa lta na/ bdag cag dge sbyong chen po'i spyan sngar tshangs par spyod pa spyad par bgyi'o/ /'od srung dag tshur sheg tshangs par spyod pa spyod cig /de nyid kyis tshe dang ldan pa de rnams rab tu byung ba dang / des bsnyen par rdzogs pa dang / des dge slong gi dngos por gyur to/ /de nas bcom ldan 'das kyis ral pa can stong po de rab tu phyung bsnyen par rdzogs par mdzad nas lteng rgyas su ji tsam bzhed kyi bar du bzhugs nas ga ya gang na ba der rgyu zhing gshegs te/ rim gyis rgyu zhing gshegs pa na ga yar byon nas ga ya na ga ya mgo'i mchod rten la sngon gyi ral pa can thams cad rab tu byung ba'i dge slong stong dang thabs gcig tu bzhugs so/ /de nas bcom ldan 'das kyis dge slong stong po de la cho 'phrul rnam pa gsum gyis 'doms par mdzad de/ rdzu 'phrul gyi cho 'phrul dang / kun brjod pa'i cho 'phrul dang / rjes su bstan pa'i cho 'phrul lo/ /de la bcom ldan 'das kyi rdzu 'phrul gyi cho 'phrul ni 'di yin te/ de nas bcom ldan 'das kyis ji ltar thugs mnyam par bzhag na/ nyid kyi gdan gyi nang du mi snang bar gyur cing shar phyogs kyi steng gi bar snang la mngon par 'phags nas spyod lam rnam pa bzhi mdzad de/ 'di lta ste 'chag pa dang / bzhengs pa dang / bzhugs pa dang / mnal ba mdzad do/ /me'i ting nge 'dzin la yang snyoms par 'jug par mdzad de/ me'i ting nge 'dzin la snyoms par zhugs pa na sangs rgyas bcom ldan 'das kyi sku las 'od zer rnam pa sna tshogs dag 'byin par mdzad de/ 'di lta ste sngon po dang / ser po dang / dmar po dang / dkar po dang / leb rgan dang / shel gyi kha dog go/ /cho 'phrul zung du yang ston par mdzad de/ sku'i smad nas 'bar bar mdzad la/ sku'i stod nas chu grang mo'i rgyun 'bebs par mdzad do/ /sku'i stod nas 'bar bar mdzad la sku'i smad nas chu grang mo'i rgyun 'bebs par mdzad pa de lta bu'i ting nge 'dzin la snyoms par zhugs so/ /shar phyogs la ji lta ba bzhin du lho dang / nub dang / byang phyogs su yang de bzhin no/ /phyogs bzhir rdzu 'phrul gyi cho 'phrul rnam pa bzhi bstan nas rdzu 'phrul mngon par 'du mdzad pa rnams bsdus te/ dge slong gi dge 'dun gyi gung la gdan bshams pa nyid la bzhugs te/ de la 'di ni bcom ldan 'das kyi rdzu 'phrul gyi cho 'phrul yin no/ /de la bcom ldan 'das kyi kun rjod pa'i cho 'phrul ni 'di yin te/ dge slong dag khyed kyi sems ni 'di lta bu'o/ /khyod kyi yid ni 'di lta bu'o/ /rnam par shes pa ni 'di lta bu'o/ /'di ni rtogs shig /'di ni ma rtogs shig /'di ni yid la byos shig / 'di ni yid la ma byed cig /'di ni spongs shig /'di ni ma spongs shig /'di ni lus kyis mngon sum du byas la rdzogs par byas te nos shig /'di ni bcom ldan 'das kyi kun rjod pa'i cho 'phrul yin no/ / de la bcom ldan 'das kyi rjes su bstan pa'i cho 'phrul ni 'di yin te/ dge slong dag 'di thams cad ni kun du 'bar ba yin no/ /dge slong dag thams cad kun du 'bar ba de ci yin zhe na/ dge slong dag mig dang / gzugs dang / mig gi rnam par shes pa dang / mig gi 'dus te reg pa kun du 'bar ba yin zhing mig gi 'dus te reg pa'i rkyen gyis nang gi tshor ba bde ba 'am/ sdug bsngal ba 'am/ bde ba yang ma yin sdug bsngal ba yang ma yin pa 'byung ba gang yin pa de yang kun du 'bar ba yin no/ /dge slong dag rna ba dang / sna dang / lce dang / lus dang / yid dang / chos dang / yid kyi rnam par shes pa dang / yid kyi 'dus te reg pa ni kun du 'bar ba yin zhing yid kyi 'dus te reg pa'i rkyen gyis nang gi tshor ba bde ba 'am/ sdug bsngal ba 'am/ bde ba yang ma yin sdug bsngal ba yang ma yin pa 'byung ba gang yin pa de yang kun du 'bar ba yin no/ /gang gis kun du 'bar zhe na/ 'dod chags kyi me dang / zhe sdang gi me dang / gti mug gi mes kun du 'bar/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang 'khrug pa ste/ sdug bsngal gyis kun du 'bar ba'o zhes smra 'o/ /de la 'di ni bcom ldan 'das kyi rjes su bstan pa'i cho 'phrul yin no/ /chos kyi rnam grangs 'di bshad pa na sngon thams cad ral pa can du gyur pa'i dge slong de dag len pa med par zag pa rnams las sems rnam par grol lo/ /de nas bcom ldan 'das ga ya na ga ya mgo'i mchod rten la sngon thams cad ral pa can du gyur pa'i dge sbyong thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ rang gi don rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam par grol ba sha stag dang thabs gcig tu bzhugs so/ /rgyal po gzugs can snying po'i zho shas 'tsho ba'i mi rnams ljongs rgyu ba na shAkya rnams kyi gzhon nu gangs ri'i ngos/ chu bo skal ldan shing rta'i 'gram/ drang srong ser skya'i bsti gnas dang ha cang yang mi ring ba zhig tu byung ba de bram ze mtshan mkhan dang ltas mkhan rnams kyis/ gal te khyim par gyur te khyim na gnas na ni 'khor los sgyur ba'i rgyal po chos dang ldan pa'i chos kyi rgyal po mtha' bzhir rnam par rgyal ba/ rin po che sna bdun dang ldan par 'gyur te/ de'i rin po che sna bdun ni 'di lta bu dag yin par 'gyur ro/ /'di lta ste 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa blon po rin po che yin no/ /de la bu stong yang tshang bar 'byung bar 'gyur te/ dpa' ba rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa/ de rgya mtsho la thug pa'i sa chen po ma lus par gnod par sdo ba med cing 'tshe ba med pa 'di nyid chad pa med cing mtshon gyis bda' ba med la/ chos dang 'thun zhing snyoms par legs par phab ste gnas par 'gyur ro/ /gal te skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung bar gyur na/ de bzhin gshegs pa dgra bcom pa yang dag par rdzogs pa'i sangs rgyas su 'jig rten du sgra rnam par grags par 'gyur bar lung bstan to zhes thos so/ /thos nas kyang ma ga d+ha'i rgyal po bzo sbyangs gzugs can snying po gang na ba der song ste phyin nas/ ma ga d+ha'i rgyal po bzo sbyangs gzugs can snying po la 'di skad ces smras so/ /lha mkhyen par mdzad du gsol/ bdag cag 'dir lha'i yul na rgyu ba na shAkya rnams kyi gzhon nu gangs ri'i ngos/ chu bo skal ldan shing rta'i 'gram/ drang srong ser skya'i bsti gnas dang ha cang yang mi ring ba zhig tu byung ba de bram ze mtshan mkhan dang ltas mkhan rnams kyis/ gal te khyim par gyur te khyim na gnas na 'khor los sgyur ba'i rgyal po mtha' bzhir rnam par rgyal ba zhes bya ba nas/ bdun pa blon po rin po cher 'gyur ro zhes bya ba'i bar du'o/ /de la bu stong yang tshang bar 'byung bar 'gyur ro zhes bya ba nas chos dang 'thun zhing snyoms par legs par phab ste gnas par 'gyur ro zhes bya ba'i bar gong ma bzhin du'o/ /gal te skra dang kha spu bregs te gos ngur smrig bgos nas zhes bya ba nas/ 'jig rten du sgra rnam par grags par 'gyur bar lung bstan pa zhig thos so zhes bya ba'i bar gong ma bzhin du'o/ /lha de khum shig /lha bas gtso bo bas ches gtso bor 'gyur du mchi 'o/ /grong pa dag shAkya rnams kyi gzhon nu gangs ri'i ngos/ chu bo skal ldan shing rta'i 'gram/ drang srong ser skya'i bsti gnas dang ha cang yang mi ring ba zhig tu byung ba zhes bya ba'i bar gong ma bzhin du ste/ gal te khyim par gyur te khyim na gnas na 'khor los sgyur ba'i rgyal po zhes bya ba nas chos dang 'thun zhing snyoms par legs par phab ste gnas par 'gyur ro zhes bya ba'i bar gong ma bzhin du'o/ /gal te skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung bar gyur na/ de bzhin gshegs pa dgra bcom pa yang dag par rdzogs pa'i sangs rgyas su 'jig rten du sgra rnam par grags par 'gyur ba de lha khum shig /lha bas gtso bo bas ches gtso bor 'gyur du mchi'o zhes khyed cag de skad ma smra shig /de ci'i phyir zhe na/ grong pa dag shAkya rnams kyi gzhon nu zhes bya ba nas byung ba zhes bya ba'i bar gong ma bzhin du ste/ gal te 'khor los sgyur ba'i rgyal por gyur na de'i g.yog bya'o/ /gal te skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung bar gyur te/ de bzhin gshegs pa dgra bcom pa yang dag rdzogs pa'i sangs rgyas su 'jig rten du sgra rnam par grags par gyur na de'i nyan thos su khas blang bar bya'o/ /de nas ma ga d+ha'i rgyal po bzo sbyangs gzugs can snying po steng gi khang bzangs kyi gzhi la 'dug nas smon pa'i gzhi lnga smon par byed de/ kye ma bdag gi yul du 'jig rten gyi ston pa de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'byung ba dang / de la yang blta ba'i phyir bdag nye bar 'gro ba dang / nye bar song ba na des kyang bdag la chos bshad pa dang / bdag gis chos bshad pa de shes pa dang / bdag gis chos shes nas bslab pa bcas shing bslab pa de yang bdag gis blangs te gnas kyang ci ma rung snyam mo/ /de nas bcom ldan 'das kyis dge slong rnams la bka' stsal pa/ dge slong dag ma ga d+ha'i rgyal po bzo sbyangs gzugs can snying po de steng gi khang bzangs kyi gzhi la 'dug nas smon pa'i gzhi lnga smon par byed de/ kye ma'o bdag gi yul du 'jig rten gyi ston pa de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'byung ba dang / de la yang blta ba'i phyir bdag nye bar 'gro ba dang / nye bar song ba na des kyang bdag la chos bshad pa dang / bdag gis kyang chos bshad pa de shes pa dang / bdag gis chos shes nas bslab pa bcas shing bslab pa de yang bdag gis blangs te gnas kyang ci ma rung snyam mo/ /ma ga d+ha'i rgyal po bzo sbyangs gzugs can snying po'i zho shas 'tsho ba dag cig ljongs rgyu ba na shAkya rnams kyi gzhon nu gangs ri'i ngos/ chu bo skal ldan shing rta'i 'gram/ drang srong ser skya'i bsti gnas dang ha cang yang mi ring ba zhig tu byung ba gang yin pa de bram ze mtshan mkhan dang ltas mkhan zhes bya ba nas 'jig rten du sgra rnam par grags par 'gyur ro zhes lung bstan pa zhes bya ba'i bar gong ma bzhin du'o/ /de skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ba de bla na med pa yang dag par rdzogs pa'i byang chub mngon par rdzogs par sangs rgyas nas/ de ga ya na ga ya mgo'i mchod rten la sngon thams cad ral pa can du gyur pa'i dge slong stong thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam par grol ba sha stag dang thabs gcig tu bzhugs so zhes thos so/ /thos nas kyang ma ga d+ha'i rgyal po bzo sbyangs gzugs can snying po gang na ba der dong ste lhags nas/ ma ga d+ha'i rgyal po bzo sbyangs gzugs can snying po la 'di skad ces smras so/ / lha mkhyen par mdzad du gsol/ bdag cag 'di na lha'i yul na rgyu ba na shAkya rnams kyi gzhon nu gang lags pa de zhes bya ba nas 'jig rten du sgra rnam par grags par 'gyur ro zhes bya ba'i bar gong ma bzhin du ste/ de skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ba de bla na med pa yang dag par rdzogs par byang chub mngon par rdzogs par sangs rgyas nas/ de ga ya na ga ya'i mgo'i mchod rten la sngon thams cad ral pa can du gyur pa'i dge slong thams cad kyang dgra bcom pa/ zag pa zad pa zhes bya ba nas yang dag pa'i shes pas sems shin du rnam par grol pa sha stag dang thabs gcig tu bzhugs so zhes bya ba'i bar du ste/ lha de la bkur sti mdzod cig dang / de lta na lha gtso bo bas ches gtso bor 'gyur ro/ /de nas ma ga d+ha'i rgyal po bzo sbyangs gzugs can snying pos mi zhig la bsgo ba/ kwa'e nang rje tshur khyod bcom ldan 'das gang na ba der song nas kho bo'i tshig 'di dag gis bcom ldan 'das kyi zhabs gnyis la mgo bos phyag byos la/ gnod pa chung ngam/ nyam nga ba nyung ngam/ 'tsho 'am/ bskyod pa yang ngam/ stobs dang / bde ba dang / sku nyams dang ldan nam/ reg par spyod dam zhes zhus la 'di skad ces kyang gsol cig /bdag bcom ldan 'das dge slong gi dge 'dun dang thabs gcig la ji srid 'tsho'i bar du na bza' chos gos dang / bsod snyoms dang / gzims cha dang / snyun dpyad kyi rkyen sman dang / yo byad rnams kyis bsnyen bkur bgyid na/ bcom ldan 'das rgyal po'i khab tu gshegs su gsol zhes gsol cig /lha bka' bzhin 'tshal zhes mi des ma ga d+hA'i rgyal po bzo sbyangs gzugs can snying po las mnyan nas/ bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te/ phyogs gcig tu 'dug ste/ bcom ldan la mi des 'di skad ces gsol to/ /btsun pa bcom ldan 'das kyi zhabs gnyis la ma ga d+hA'i rgyal po bzo sbyangs gzugs can snying po mgo bos phyag 'tshal nas gnod pa chung ngam/ nyam nga ba nyung ngam zhes bya ba nas reg par spyod dam zhes bya ba'i bar gong ma bzhin te/ snyun gsol lags so/ /kye mi khyod dang ma ga d+ha'i rgyal po bzo sbyangs gzugs can snying po bde bar gyur cig /btsun pa ma ga d+hA'i rgyal po bzo sbyangs gzugs can snying po'i mchod nas 'di skad ces/ bdag bcom ldan 'das dge slong gi dge 'dun dang thabs gcig la ji srid 'tsho'i bar du na bza' chos gos dang / bsod snyoms dang / gzims cha dang / snyun dpyad kyi rkyen sman dang / yo byad rnams kyis bsnyen bkur bgyid na/ bcom ldan 'das rgyal po'i khab tu gshegs su gsol zhes mchi lags so/ /bcom ldan 'das kyis mi de la cang mi gsung bas gnang ngo / /de nas mi des bcom ldan 'das cang mi gsung bas gnang bar rig nas/ bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas song ngo / /de nas bcom ldan 'das sngon thams cad ral pa can du gyur pa'i dge slong gi dge 'dun chen po thams cad kyang dgra bcom pa/ zag pa zad pa zhes bya ba nas yang dag pa'i shes pas sems shin du rnam par grol ba zhes bya ba'i bar sha stag dang thabs gcig tu ma ga d+hA'i ljongs rgyu zhing gshegs pa na yul ma ga d+hA pa rnams kyi mchod rten legs par rab gnas ltang brang gi tshal na yod pa gang na ba der gshegs so/ /de nas bcom ldan 'das legs par rab gnas su byon nas ma ga d+hA pa rnams kyi mchod rten legs par rab gnas ltang brang gi tshal na yod pa na bzhugs so/ /ma ga d+hA'i rgyal po bzo sbyangs gzugs can snying pos bcom ldan 'das sngon thams cad ral pa can du gyur pa'i dge slong stong gi dge 'dun chen po zhes bya ba nas/ sems shin du rnam par grol ba zhes bya ba'i bar du ste/ ma ga d+hA'i ljongs rgyu shing gshegs pa na/ ma ga d+hA pa rnams kyi mchod rten legs par rab gnas ltang brang gi tshal na yod pa gang na ba der gshegs te/ ma ga d+hA pa rnams kyi mchod rten legs par rab gnas ltang brang gi tshal na yod pa na bzhugs so zhes thos so/ /thos nas kyang shing rta bzang po'i nang du zhugs te 'khor brgya phrag du ma dang rgyal po'i khab nas byung nas bcom ldan 'das la blta ba dang / brnyen bkur bya ba'i phyir bcom ldan 'das kyi spyan sngar song ba na/ de'i shing rta'i 'khor lo sa'i nang du bying bar gyur to/ /des bsams pa bdag gis las skyon can chung zad byas par ma gyur grang snyam mo / /lha rnams kyis de la smras pa/ rgyal po chen po khyod kyis las skyon can ma byas mod kyi/ khyod dang lhan cig las mtshungs par spyod pa gang yin pa de dag btson ra na 'dug gis de dag thon cig /rgyal pos smras pa/ gal te de lta na gdon no zhes rgyal pos btson rnams 'don du bcug go/ /yang rgyal po phyir 'byung bar brtsams pa na de'i dbu rgyan sgo la thug go/ /des yang bsams pa/ bdag gis ni gdon mi za bar las skyon can zhig byas te/ des na bdag la ltas ngan pa gzhan sgo la dbu rgyan thug pa 'di byung ngo snyam mo/ /lha de rnams kyis yang smras pa/ rgyal po chen po khyod kyis las skyon can ma byas mod kyi/ khyod dang lhan cig las mtshungs par spyod pa gang yin pa de dag kha cig ni 'dus/ kha cig ni yul phyogs gzhan ga ge mo zhes bya ba dag na las kyi mtha' byed cing 'dug pa de dag sbron cig /rgyal pos yul de na gnas pa'i skye bo'i tshogs thams cad bkug go/ /de nas rgyal po gzugs can snying po shing rta khri nyis stong dang / zhabs 'bring ba rta pa'i tshogs khri brgya stong dang / ma ga d+ha'i bram ze dang / khyim bdag brgya stong phrag du ma dang lhan cig rgyal po'i khab nas byung ste/ bcom ldan 'das la blta ba dang / bsnyen bkur bya ba'i phyir bcom ldan 'das kyi spyan sngar song ngo / /de ji tsam bzhon pa'i sa'i bar du bzhon pas song ste/ /bzhon pa las babs nas rkang pa kho nas kun dga' ra bar zhugs so/ /ma ga d+ha'i rgyal po bzo sbyangs gzugs can snying pos thog ci tsam nas bcom ldan 'das mthong ba'i bar de nas rgyal po'i mtshan ma lnga po ze'u kha dang / gdugs dang / ral gri dang nor bu'i rnga yab dang / lham khra bo rnams phud do// //'dul ba gzhi/ bam po brgyad bcu rtsa dgu pa/ de nas ma ga d+hA'i rgyal po bzo sbyangs gzugs can snying pos rgyal po'i mtshan ma lnga bzhag nas bcom ldan 'das gang na ba der song ste phyin pa dang / bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de rang gi ming nas phyung ste/ lan gsum du gsol pa/ btsun pa bdag ni ma ga d+hA'i rgyal po bzo sbyangs gzugs can snying po lags so/ /btsun pa bdag ni ma ga d+hA'i rgyal po bzo sbyangs gzugs can snying po lags so/ /rgyal po lags so/ /rgyal po chen po de de bzhin te/ de de bzhin no/ /rgyal po chen po khyod ma ga d+hA'i rgyal po bzo sbyangs gzugs can snying po yin no/ /rgyal po chen po khyod ma ga d+hA'i rgyal po bzo sbyangs gzugs can snying po yin no/ /rgyal po yin no/ /rgyal po chen po khyod rang gi stan ji lta ba la 'dug shig /de nas ma ga d+hA'i rgyal po bzo sbyangs gzugs can snying pos bcom ldan 'das kyi zhabs gnyis la mgo bos phyag byas te phyogs gcig tu 'dug go/ /ma ga d+hA'i bram ze dang khyim bdag kha cig gis ni/ bcom ldan 'das kyi zhabs gnyis la mgo bos phyag byas te phyogs gcig tu 'khod do/ /kha cig ni bcom ldan 'das dang lhan cig mngon du yang dag par dga' ba dang / yang dag par mgu bar 'gyur ba'i gtam rnam pa sna tshogs byas te phyogs gcig tu 'khod do/ /kha cig ni bcom ldan 'das gang na ba de logs su thal mo sbyar te 'khod do/ /kha cig ni bcom ldan 'das rgyang ring po nas mthong nas cang mi smra bar phyogs gcig tu 'khod do/ /de'i tshe tshe dang ldan pa lteng rgyas 'od srung 'khor de nyid du 'dus shing 'dug par gyur to/ /de nas ma ga d+hA'i bram ze dang khyim bdag rnams 'di snyam du sems te/ ci dge sbyong chen po lteng rgyas 'od srung ral pa can gyi tshangs par spyod pa la spyod dam/ /'on te lteng rgyas 'od srung ral pa can dge sbyong chen po'i tshangs par spyod pa la spyod snyam mo/ / de nas bcom ldan 'das kyi thugs kyis ma ga d+hA'i bram ze dang / khyim bdag rnams kyi sems mkhyen nas tshe dang ldan pa lteng rgyas 'od srung la tshigs su bcad pa'i dbyangs kyis dri ba smras pa/ lteng rgyas gnas pa khyod 'dir ci mthong na/ /me spangs nas ni brtul zhugs 'di dag spyod/ /khyod kyis ci ltar me yi mchod spangs pa/ /don de 'od srung nga la smra bar gyis/ /lteng rgyas 'od srung gis gsol pa/ 'di ni kha cig zas skom de bzhin ro/ /'dod pa dag dang bud med kho na smra/ /de dag thabs kyi dri ma rab mthong ste/ /des bdag mchod sbyin mi dga' sreg blugs min/ /khyod ni 'dod dang bza' dang btung ba dang / de bzhin ro la yid ni mi dga' na/ /lha mi 'jig rten la ci khyod kyi yid/ /dga' ba yin nam 'od srung dri yis smros/ /phung po ma mchis zhi ba ci ma mchis/ /'dod sred ma chags gzhan du 'gyur ma mchis/ /gzhan gyis mi bkri'i go 'phang mchog mthong ste/ /des bdag mchod sbyin mi dga' sreg blugs min/ /go 'phang mi nyams mchog ni ma mthong bas/ /mchod sbyin brtul zhugs dang ni zhugs dag gis/ /grol snyam bdag gi yid ni rmongs gyur te/ /dmus long gyur nas skye shi rjes bzhin 'thom/ /skyob pa gtso bo mchog gis legs bshad pa/ /go 'phang 'dus ma byas te gzod mthong na/ /thub pa gau tam rnam par 'dren khyod ni/ /skye bo phal chen don brtson bden la bzhugs/ /bcom ldan 'das kyis bka' stsal pa/ khyod kyi rtogs pa legs rtogs te/ /khyod kyis nyes par bsams ma yin/ /rab tu phye ba'i chos rnams la/ /gtso bo gang yin de blangs so/ /'od srung 'khor skyo ba skyed cig /de nas tshe dang ldan pa lteng rgyas 'od srung bcom ldan 'das kyis skabs phye nas ji ltar sems mnyam par bzhag na rang gi stan gyi nang du mi snang bar gyur cing / shar phyogs kyi steng gi bar snang la mngon par 'phags nas spyod lam rnam pa bzhi byed de/ /'di lta ste/ 'chag pa dang / 'greng ba dang / 'dug pa dang / nyal ba byed do/ /me'i ting nge 'dzin la yang snyoms par 'jug par byed de/ /me'i ting nge 'dzin la snyoms par zhugs pa na tshe dang ldan pa lteng rgyas 'od srung gi lus las 'od zer rnam pa sna tshogs 'byin par byed de/ 'di lta ste sngon po dang / ser po dang / dmar po dang / dkar po dang / le brgan dang / shel gyi kha dog dag go/ /cho 'phrul zung du yang ston par byed de/ lus kyi smad nas 'bar bar byed la lus kyi stod nas chu grang mo'i rgyun 'bebs par byed do/ /lus kyi stod nas 'bar bar byed la lus kyi smad nas chu grang mo'i rgyun 'bebs par byed pa de lta bu'i ting nge 'dzin la snyoms par zhugs so/ /shar phyogs la ji lta ba bzhin du lho dang / /nub dang / byang phyogs su yang de bzhin no/ /phyogs bzhir rdzu 'phrul gyi cho 'phrul rnam pa bzhi bstan nas rdzu 'phrul mngon par 'du bya ba dag bsdus te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das ni bdag gi ston pa lags so/ /bdag ni bcom ldan 'das kyi nyan thos lags so/ /bcom ldan 'das ni bdag gi ston pa lags so/ /ston pa lags so/ /bdag ni bcom ldan 'das kyi nyan thos lags so/ /nyan thos lags so/ /'od srung de de bzhin no/ /de de bzhin te/ 'od srung nga ni khyod kyi ston pa yin no/ /khyod ni nga'i nyan thos yin no/ /'od srung nga ni khyod kyi ston pa yin no/ /khyod ni nga'i nyan thos yin no/ /'od srung khyod rang gi stan ji lta ba la 'dug shig /de nas tshe dang ldan pa lteng rgyas 'od srung gis bcom ldan 'das kyi zhabs gnyis la mgo bos phyag byas te phyogs gcig tu 'dug go/ /de nas ma ga d+hA'i bram ze dang khyim bdag rnams 'di snyam du sems te/ dge sbyong chen po ni lteng rgyas 'od srung ral pa can gyi tshangs par spyod pa la mi spyod kyi/ lteng rgyas 'od srung ral pa can nyid dge sbyong chen po'i tshangs par spyod pa la spyod do snyam mo/ /de nas bcom ldan 'das kyis ma ga d+ha'i rgyal po bzo sbyangs gzugs can snying po la bka' stsal pa/ rgyal po chen po gzugs la skye ba yang yod/ 'jig pa yang yod de/ de'i skye ba dang 'jig pa yang rig par bya'o/ /rgyal po chen po tshor ba dang / 'du shes dang / 'du byed dang / rnam par shes pa la skye ba yang yod/ 'jig pa yang yod de/ de'i skye ba dang 'jig pa yang rig par bya'o/ /rgyal po chen po rigs kyi bus gzugs kyi skye ba dang 'jig pa'i chos nyid rig nas gzugs de yongs su shes so/ /rgyal po chen po rigs kyi bus tshor ba dang / 'du shes dang / 'du byed dang / rnam par shes pa'i skye ba dang 'jig pa'i chos nyid rig nas rnam par shes pa de yongs su shes so/ /rgyal po chen po rigs kyi bus gzugs yongs su shes na gzugs la bdag gam bdag gir khas mi len/ mi 'dzin lhag par mi gnas/ mngon par zhen par mi byed do/ /rgyal po chen po rigs kyi bus tshor ba dang / 'du shes dang / 'du byed dang / rnam par shes pa yongs su shes na bdag gam bdag gir khas mi len/ mi 'dzin/ lhag par mi gnas/ mngon par zhen par mi byed do/ /rgyal po chen po rigs kyi bus gzugs la bdag gam/ bdag gir khas mi len/ mi 'dzin/ lhag par mi gnas/ mngon par zhen par mi byed na tshad med cing grangs med pa'i mya ngan las 'das pa yin no zhes smra 'o/ /rgyal po chen po rigs kyi bus tshor ba dang / 'du shes dang / 'du byed dang / rnam par shes pa la bdag gam/ bdag gir khas mi len/ mi 'dzin/ lhag par mi gnas/ mngon par zhen par mi byed na tshad med cing grangs med pa'i mya ngan las 'das pa yin no zhes smra'o/ /de nas ma ga d+hA'i bram ze dang khyim bdag rnams 'di snyam du sems te/ gal te gzugs bdag ma yin/ tshor ba dang / 'du shes dang / 'du byed dang / rnam par shes pa bdag ma yin na/ 'o na bdag gam/ sems can nam/ srog gam/ skye ba po 'am/ gso ba po 'am/ gang zag gam/ shed las skyes sam/ shed bu 'am/ byed pa po 'am/ byed du 'jug pa po 'am/ shes pa po 'am/ kun nas shes pa po 'am/ slong ba po 'am/ kun nas slong ba po 'am/ smra ba po 'am/ tshor ba po 'am/ kun nas tshor ba po gang yin pa nam yang ma byung 'byung bar mi 'gyur zhing da lta yang yod pa ma yin na/ gang gis de dang der dge ba dang sdig pa'i las byas pa rnams kyi rnam par smin pa so sor nyams su myong zhing gang gis phung po 'di bor te phung po gzhan dang nying mtshams sbyor ba de su zhig yin par 'gyur snyam mo/ /de nas bcom ldan 'das kyi thugs kyis ma ga d+hA'i bram ze dang khyim bdag rnams kyi sems mkhyen nas/ dge slong rnams la bka' stsal pa/ dge slong dag bdag ces bya ba ni byis pa so so'i skye bo thos pa dang mi ldan pas btags pa'i rjes su lhung ba yin te/ 'di la bdag ce 'am bdag gi med kyi/ dge slong dag skye ba na sdug bsngal 'di skye zhing 'gag pa na yang sdug bsngal 'gag go/ /skye ba na 'du byed rnams skye zhing 'gag pa na 'du byed rnams 'gag par 'gyur te/ rgyu dang rkyen de la brten nas sems can rnams kyi 'du byed kyi rgyud 'jug go/ /dge slong dag de bzhin gshegs pas 'du byed kyi rgyud nying mtshams sbyor ba thugs su chud nas sems can rnams kyi 'chi 'pho dang skye ba 'dogs par mdzad de/ dge slong dag ngas lha'i spyan rnam par dag pa mi'i las 'das pas sems can rnams kyi 'chi 'pho dang / skye ba dang kha dog bzang po dang / kha dog ngan pa dang / dman pa dang / gya nom pa dang / bde 'gro dang / ngan 'gror 'gro ba yang gzigs so/ /las ji lta ba bzhin nye bar 'gro ba'i sems can rnams yang dag pa ji lta ba bzhin du rab tu mkhyen te/ sems can 'di dag ni lus kyi nyes par spyod pa dang ldan/ ngag dang yid kyi nyes par spyod pa dang ldan/ 'phags pa rnams la skur pa 'debs pa dang / log par lta ba yin te/ log par lta ba'i las dang chos blangs pa'i rgyus rgyu de dang rkyen des lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /sems can 'di dag ni lus kyi legs par spyod pa dang ldan/ ngag dang yid kyi legs par spyod pa dang ldan/ 'phags pa rnams la skur pa mi 'debs pa dang / yang dag par lta ba yin te/ yang dag par lta ba'i las dang chos blangs pa'i rgyus rgyu de dang rkyen des lus zhig nas bde 'gro mtho ris kyi 'jig rten gyi lha rnams su skye bar 'gyur ro zhes bya bar mkhyen to/ /dge slong dag ngas de ltar mkhyen cing de ltar gzigs pas nga 'di skad ces bdag gam/ sems can nam/ srog gam/ skye ba po 'am/ gso ba po 'am/ gang zag gam/ shed las skyes sam/ shed bu 'am/ byed pa po 'am/ byed du 'jug pa po 'am/ shes pa po 'am/ kun nas shes pa po 'am/ slong pa po 'am/ kun nas slong ba po 'am/ smra ba po 'am/ tshor ba po 'am/ kun nas tshor ba po gang yin pa ni nam yang ma byung 'byung bar mi 'gyur zhing da ltar yang yod pa ma yin pas gang gis de dang der dge ba dang / sdig pa'i las byas pa'i las kyi rnam par smin pa so sor nyams su myong zhing gang gis phung po 'di bor te phung po gzhan dang nying mtshams sbyor ba de chos su brdar btags pa ma gtogs pa 'di yin no zhes mi gsung ngo / /de la chos kyi brdar btags pa ni 'di yin te/ 'di lta ste 'di yod pas 'di yod/ 'di skyes pas 'di skye ba ste/ 'di lta ste ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar na sdug bsngal gyi phung po chen po 'ba' shig po 'di 'byung bar 'gyur ro/ /'di lta ste 'di med pas 'di med la/ 'di 'gags pas 'di 'gag par 'gyur te/ 'di lta ste ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar na sdug bsngal gyi phung po chen po 'ba' shig po 'di 'gag par 'gyur ro/ /dge slong dag 'du byed rnams ni sdug bsngal lo/ /mya ngan las 'das pa ni zhi ba'o/ /rgyu kun 'byung bas sdug bsngal kun 'byung zhing rgyu 'gags pas sdug bsngal 'gag ste/ rgyun bcad pas mi 'byung zhing nying mtshams sbyor ba med par 'gags pa 'di nyid ni sdug bsngal gyi mtha' yin no/ /dge slong dag de la yongs su mya ngan las 'das pa gang zhe na/ gzhan med kyi sdug bsngal 'gags pa gang yin pa de ni nye bar zhi ba/ de ni bsil bar gyur pa de ni nub pa ste/ dge slong dag zhi ba'i gnas 'di yin te/ 'di lta ste phung po thams cad spangs pa/ sred pa zad pa/ 'dod chags dang bral ba/ 'gags pa/ mya ngan las 'das pa yin no/ /de nas bcom ldan 'das kyis yang ma ga d+hA'i rgyal po bzo sbyangs gzugs can snying po la lan gnyis su bka' stsal pa/ rgyal po chen po ji snyam du sems/ gzugs rtag gam mi rtag /btsun pa 'di mi rtag lags so/ /mi rtag pa gang yin pa de sdug bsngal yin nam/ sdug bsngal ma yin/ btsun pa 'di ni sdug bsngal lags so/ /mi rtag pa sdug bsngal 'gyur ba'i chos can gang yin pa de la ci ga 'phags pa nyan thos thos pa dang ldan pa 'di ni bdag yin no/ /bdag ni 'di yin no/ /'di ni bdag gi bdag go zhes bdag tu khas len par byed dam/ btsun pa ma lags so/ /rgyal po chen po ji snyam du sems/ tshor ba dang / 'du shes dang / 'du byed dang / rnam par shes pa rtag gam mi rtag /btsun pa 'di ni mi rtag lags so/ /mi rtag pa gang yin pa de sdug bsngal yin nam/ sdug bsngal ma yin/ btsun pa 'di ni sdug bsngal lags so/ /mi rtag pa sdug bsngal ba 'gyur ba'i chos can gang yin pa de la ci ga 'phags pa nyan thos thos pa dang ldan pa 'di ni bdag yin no/ /bdag ni 'di yin no/ /'di ni bdag gi bdag go zhes bdag tu khas len par byed dam/ btsun pa ma lags so/ /rgyal po chen po de lta bas na khyod kyis gzugs gang yin pa ci yang rung / 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ ngan pa 'am/ gya nom pa 'am/ gang dag thag ring ba 'am/ gang dag thag nye ba yang rung ste/ de thams cad la 'di ni bdag ma yin no/ /bdag ni 'di ma yin no/ /'di ni bdag gi bdag ma yin no zhes de bzhin du yang dag pa'i shes rab kyis ji lta ba bzhin du blta bar bya'o/ /rgyal po chen po de lta bas na khyod kyis tshor ba dang / 'du shes dang / 'du byed dang / rnam par shes pa gang ci yang rung 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ ngan pa 'am/ gya nom pa 'am/ gang dag thag ring ba 'am/ gang dag thag nye ba yang rung ste/ de thams cad la 'di ni bdag ma yin no/ /bdag ni 'di ma yin no/ /'di ni bdag gi bdag ma yin no zhes de bzhin du yang dag pa'i shes rab kyis ji lta ba bzhin du blta bar bya 'o/ /rgyal po chen po 'phags pa nyan thos thos pa dang ldan pa de ltar mthong ba ni gzugs la yang yid 'byung bar 'gyur ro/ /tshor ba dang / 'du shes dang / 'du byed dang / rnam par shes pa la yang yid 'byung bar 'gyur ro/ /yid byung na 'dod chags dang 'bral lo/ / 'dod chags dang bral na rnam par grol bar 'gyur ro/ /bdag gi skye ba zad do/ tshangs par spyod pa bsten to/ /bya ba byas so/ /srid pa 'di las gzhan mi shes so zhes rnam par grol ba'i ye shes mthong bar 'gyur ro/ /chos kyi rnam grangs 'di bshad pa na ma ga d+hA'i rgyal po bzo sbyangs gzugs can snying po dang / lha brgyad khri dang / ma ga d+hA'i bram ze dang / khyim bdag 'bum phrag du ma la chos rnams la chos kyi mig rdul med cing dri ma dang bral ba skyes so/ / de nas ma ga d+hA'i rgyal po bzo sbyangs gzugs can snying pos chos mthong ba dang / chos thob pa dang / chos rig pa dang / chos kyi gting slebs pa dang / som nyi las rgal ba dang / the tshom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas stan las langs te bla gos phrag pa gcig tu gzar nas/ bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag ni 'phags so/ /mngon par 'phags so/ /bdag btsun pa bcom ldan 'das dang / chos dang / dge slong gi dge 'dun la skyabs su mchi lags kyis/ dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /bcom ldan 'das bdag bcom ldan 'das dang / chos dang / dge slong gi dge 'dun du bcas pa la ji srid 'tsho'i bar du na bza' chos gos dang / bsod snyoms dang / gzims cha dang / snyun dpyad kyi rkyen sman gyi yo byad rnams kyis bsnyen bkur bgyid lags na/ bcom ldan 'das rgyal po'i khab tu gshegs su gsol/ bcom ldan 'das kyis ma ga d+hA'i rgyal po bzo sbyangs gzugs can snying po la cang mi gsung bas gnang ngo / /de nas ma ga d+hA'i rgyal po bzo sbyangs gzugs can snying pos bcom ldan 'das cang mi gsung bas gnang bar rig nas/ bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa ma ga d+hA'i rgyal po bzo sbyangs gzugs can snying po 'khor dang bcas pas las ci zhig bgyis na/ las de'i rnam par smin pas bcom ldan 'das kyi spyan sngar bden pa mthong bar bgyis lags/ bcom ldan 'das kyis bka' stsal pa/ dge slong dag rgyal po gzugs can snying po 'khor dang bcas pas las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las dag byas shing bsags pa ni rgyal po gzugs can snying po 'khor dang bcas pas las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyis khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba dag byas shing bsags pa dag ni zin pa'i phung po dang / khams dang / skye mched rnams la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa na 'jig rten du ston pa rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das rtsibs kyi lte ba zhes bya ba byung nas des sangs rgyas kyi mdzad pa mtha' dag mdzad de/ phung po lhag ma med pa'i mya ngan las 'das pa'i dbyings su yongs su mya ngan las 'das so/ /skye bo'i tshogs chen pos de'i sku gdung la sku gdung gi mchod pa byas nas sa phyogs dben zhing yangs pa zhig tu mchod rten chen po brtsigs so/ /de'i tshe 'khor los sgyur ba'i rgyal po kri ki zhes bya ba khrom gyi ru pa bye ba phrag bcwa brgya dang steng gi nam mkha' las yul rgyu ba na mchod rten de dang nye ba zhig tu phyin pa dang / sangs rgyas la mngon par dad pa'i lha rnams kyis de'i 'khor lo rin po che thogs par byas so/ /rgyal po kri kis bsams pa/ 'di ltar 'khor lo rin po che 'di thogs pa las na bdag gi bsod nams zad par ma gyur grang snyam mo/ /de la lha rnams kyis smras pa/ rgyal po khyod kyi bsod nams ma zad mod kyi phyogs 'di na yang dag par rdzogs pa'i sangs rgyas rtsibs kyi lte ba'i mchod rten bzhugs pas/ des na 'khor lo rin po che 'di de'i steng du mi 'gro zhing thogs par gyur to/ /de nas rgyal po kri ki khrom gyi ru pa bye ba phrag bcwa brgyad dang lhan cig babs na ji tsam na mchod rten byi dor ma byas pa de mthong nas 'khor dang bcas pa des byi dor byas te dri dang / byug pa dang / bdug pa dang / phye ma dang / rol mo rnams kyis mchod pa byas nas 'khor dang bcas pas drung du btud de smon lam btab pa/ bdag gis yon gnas dam pa 'di lta bu la bya ba byas pa gang yin pa'i dge ba'i rtsa ba 'dis bdag gis yon tan 'di lta bu dag thob par 'gyur ba dang / ston pa 'di lta bu mnyes par byed cing mi mnyes par mi byed par gyur cig ces btab bo/ / dge slong dag ji snyam du sems/ de'i tshe de'i dus kyi 'khor los sgyur ba'i rgyal po kri ki zhes bya ba 'khor dang bcas pa gang yin pa de ni de'i tshe de'i dus na rgyal po gzugs can snying po 'di nyid yin te/ 'khor dang bcas pa des yang dag par rdzogs pa'i sangs rgyas rtsibs kyi lte ba'i mchod rten la mchod pa byas pa gang yin pa de'i las kyi rnam par smin pas 'dis bskal pa bye ba brgya stong phrag mang por lha dang mi rnams kyi bde ba khyad par du 'phags pa nyams su myong bar gyur to/ /'di lta bu'i yon tan dag thob par cig ces smon lam btab pa gang yin pa des ni nga'i spyan sngar 'khor dang bcas pa bden pa mthong bar byas so/ /ston pa 'di lta bu mnyes par byed cing mi mnyes par mi byed par gyur cig ces smon lam btab pa gang yin pas ni nga nyid dang yang dag par rdzogs pa'i sangs rgyas rtsibs kyi lte bar lhan cig mnyam par mnyam ste/ stobs mnyam pa dang / shugs mnyam pa dang / brtson 'grus mnyam pa dang / thob pa mnyam pa yin te/ 'dis ston pa nga mnyes par byas kyi/ mi mnyes par ma byas pa yin no/ /dge slong dag de lta bas na las cig tu gnag pa rnams kyi ni rnam par smin pa ni gcig tu gnag pa yin la/ gcig tu dkar ba rnams kyi ni dkar ba yin/ 'dren ma rnams kyi ni 'dren ma yin no/ /dge slong dag de lta bas na las cig tu gnag pa dang / 'dren ma rnams ni spangs la/ las gcig tu dkar ba la brtsal bar bya ste/ dge slong dag khyed kyis de lta bu la bslab par bya 'o/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa lteng rgyas 'od srung gis las ci zhig bgyis na/ des na cho 'phrul lnga brgyas btul bar gyur lags/ chu klung 'od srung dang / ga yA 'od srung dag ni tshegs chung ngus btul bar gyur lags/ bcom ldan 'das kyis bka' stsal pa/ dge slong dag 'di dag nyid kyis las tshogs rnyed pa/ rkyen yongs su bsgyur ba zhes bya ba nas/ lus can dag la 'bras bur 'gyur zhes bya ba'i bar gong ma bzhin du 'o/ /dge slong dag sngon byung ba bskal pa bzang po 'di nyid la skyed dgu'i tshe lo nyi khri thub pa na 'jig rten du ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba byung nas/ de bA rA Na sI'i grong khyer dang nye ba zhig tu brten te drang srong smra ba ri dgas kyi nags na bzhugs so/ /des sangs rgyas kyi mdzad pa mtha' dag mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de'i sku gdung rgyal po kri kis spos kyi shing thams cad spungs te spungs pas bsregs nas me 'o mas bsad de/ sku gdung de dag ni rin po che sna bzhi las byas pa'i bum pa'i nang du blugs nas sa phyogs dben zhing yangs par sku gdung gi mchod rten 'phang du dpag tshad gcig la rgyar dpag tshad phyed pa zhig rtsig tu bcug go/ /de'i tshe bA rA Na sI na khyim bdag phyug pa nor mang ba/ longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa na rim gyis khye'u gsum btsas so/ /ji tsam na khyim bdag de nad kyis thebs nas de rtsa ba dang / sdong bu dang / lo ma dang / 'dab ma dang / 'bras bu'i sman rnams kyis bsnyen bkur byas kyang de'i nad zhi bar ma gyur nas de 'chi ba'i chos dang ldan par gyur to/ /de nas de'i bu rnams kyis ras sngon po dang / ser po dang / dmar po dang / dkar pos khyogs brgyan nas dur khrod du khyer te bsregs so/ /de nas pha la pha'i bya ba byas nas mya ngan sangs te/ nor so sor bgo bar gros bya bar brtsams nas phu bo shos kyis smras pa/ nor bgo'o/ / nu bo spun gnyis ma dad do/ /des gal gyis gcus pa dang de gnyis kyis smras pa/ gal te de lta na re shig 'jig rten pha rol gyi lam rgyags blangs la phyis bgo bar bya'o/ /des smras pa/ ci dag bya/ de gnyis kyis smras pa/ yang dag par rdzogs pa'i sangs rgyas 'od srung 'di la mchod do/ /de dad pa chung ba zhig pas des bka' 'khor du khas blangs so/ de nas de rnams kyis yang dag par rdzogs pa'i sangs rgyas 'od srung la mchod nas smon lam gdab par brtsams te/ gnyis kyis 'di skad ces smras so/ /dge ba'i rtsa ba 'dis bdag cag gnyis yang dag par rdzogs pa'i sangs rgyas bcom ldan 'das 'od srung gis bram ze'i khye'u bla ma zhes bya ba la bram ze'i khye'u khyod skye dgu rnams kyi tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa gang yin pa de'i bstan pa la bdag cag rab tu byung nas khyad par thob par gyur cig ces btab bo/ /de gnyis kyis smon lam btab pa phu bo des thos nas drung du btud de/ smon lam gdab par brtsams pa/ bdag ni dad pa chung la dmu rgod yin pas dge ba'i rtsa ba 'dis na bdag kyang bcom ldan 'das shAkya thub pa des cho 'phrul lnga brgyas btul nas rab tu phyung ste/ rab tu byung nas kyang khyad par rtogs par gyur cig ces byas so/ /dge slong dag ji snyam du sems/ phu bo shos dmu rgod dad pa chung ba gang yin pa de ni lteng rgyas 'od srung 'di nyid yin no/ /nu bo gnyis po gang dag yin pa de dag ni chu klung 'od srung dang / ga yA 'od srung 'di dag nyid yin no/ /smon lam gyi dbang des na lteng rgyas 'od srung cho 'phrul lnga brgyas btul ba yin no/ /chu klung 'od srung dang / ga yA 'od srung ni tshegs chung ngus btul ba yin no/ /gang gi tshe rgyal po gzugs can snying po gzhon nur gyur pa de'i tshe rgyal po'i khab na khyim bdag cig yod pa de la kun dga'i ra ba me tog dang / 'bras bu dang / chu phun sum tshogs pa zhig yod de/ de de la lhag par chags par gyur to/ /ji tsam na gzugs can snying po phyi rol du byung bas bskyed mos tshal de mthong ba dang / de yang lhag par chags par gyur nas smras pa/ khyim bdag bskyed mos tshal 'di nga la byin cig /des ma byin no/ /lan gnyis lan gsum du yang smras na yang ma byin nas/ yang smras pa/ rin sbyin no/ /des smras pa/ gzhon nu nyis na kho bo yul nas spyugs kyang bla'i bskyed mo tshal ni mi 'bul lo/ /gzhon nu gzugs can snying pos smras pa/ khyim bdag khyod kyis smras pa dran par byos shig /nga nam rgyal por gyur pa de'i tshe nga nyid kyis bkur ro/ /des smras pa/ nam khyod rgyal por gyur pa de'i tshe kho bor yang rgyal po'i khab tu 'gro'o/ gzhon nu gzugs can snying pos mjal to zhes byas nas song ngo / / ji tsam dus gzhan zhig na rgyal po pad ma chen po shi nas/ gzhon nu gzugs can snying po rgyal srid la bzhag pa dang / des bskyed mos tshal de mthus phrogs so/ /khyim bdag de snying na zhing bskyed mos tshal de la lhag par chags pas shi nas de nyid sbrul gdug pa zhig tu skyes te/ de rgyal po la rgyun du glags tshol ba lhur len cing gnas so/ /ji tsam na rgyal po gzugs can snying po so ga'i dus la bab ste/ me tog gi shing rnams kha 'bus pa na btsun mo dang lhan cig bskyed mos tshal der zhugs nas de de na skyes pa med par rol mos btsun mo'i bud med dang lhan cig dga' ba'i rtsed mo nyams su myong bar byas nas gnyid log go/ /bud med ni me tog dang 'bras bu la dga' ba yin pas kun du 'khyam du dong ngo / /bud med gcig gis ral gri bskur te rgyal po srung du bcug go/ /de nas sbrul gdug pa des rgyal po'i drung na sgra mi grag par rig nas rgyal po la gzung ba'i phyir tshang nas byung ste chas so/ /rgyal po'i bsod nams kyi mthus bya ka lan da ka zhes bya ba de rnams kyis sbrul gdug pa de kun nas bskor nas tsi tsi'i sgra phyung ngo / /bud med ral gri thogs pas thos nas dngangs te sgra chen po byung nas ral gris bsad do/ /de nas rgyal po yang dngangs te sad nas smras pa/ 'di ci byung / bud med des smras pa/ lha sbrul gdug pa 'di lha la gzung ba'i phyir chas pa na bya ka lan da ka rnams kyis tsi tsi'i sgra phyung nas bdag gis bkum lags so/ /rgyal po'i gnas skabs de gzhon nu dang / blon po dang / khrom gyi ru pa dang / rgyal po'i khab na gnas pa'i skye bo'i tshogs rnams kyis thos nas bskyed mos tshal de'i phyi nang du ku co'i sgra chen pos gang bar gyur te/ rgyal po de skye dgu la byams pa zhig pas phyir zhing btsun mo skye bo'i tshogs dang bcas te mig mchi mas gang zhing 'khod do/ /de nas rgyal pos smras pa/ shes ldan dag rgyal po rgyal rigs spyi bo nas dbang bskur ba la srog skyob pa de la mchog ci zhig sbyin/ skye bo'i tshogs kyis smras pa/ lha rgyal srid kyi phyed do/ /rgyal pos smras pa/ shes ldan dag bya ka lan da ka rnams kyis nga'i srog byin pas rgyal srid phyed 'di dag la sbyin no/ /blon po rnams kyis smras pa/ lha bya 'di dag ni dud 'gro'i skye gnas su song ba lags pas rgyal srid phyed kyis 'di dag la ci bgyi/ 'di dag 'od ma'i tshal gang du gnas pa der 'di dag gi gnas bca'o/ /rgyal pos smras pa/ de bzhin du gyis shig /bskyed mos tshal de 'od ma'i tshal gyis yongs su bskor te/ blon po rnams kyis de rnams kyi gnas 'od ma'i tshal gyi nye 'khor du bcas pas/ de 'od ma'i tshal bya ka lan da ka gnas pa zhes bya bar gyur to/ / rgyal po gzugs can snying po'i zhang po kun du 'tsho rnams kyi nang du rab tu byung nas des bskyed mos tshal de de'i gnas kyi phyir byin no/ /ji tsam na bcom ldan 'das ma ga d+hA nas ljongs rgyu zhing gshegs pa dang rgyal po'i khab tu byon nas shing zhig gi drung na bzhugs so/ /ma ga d+hA'i rgyal po bzo sbyangs gzugs can snying pos bcom ldan 'das ma ga d+hA nas ljongs rgyu zhing gshegs pa na rgyal po'i khab tu byon nas shing zhig gi drung du bzhugs so zhes thos so/ /thos nas kyang rgyal po'i 'byor pa chen po dang rgyal po'i mthu chen pos rgyal po'i khab nas byung ste/ bcom ldan 'das gang na ba der song ste phyin pa dang bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / bcom ldan 'das kyis ma ga d+hA'i rgyal po bzo sbyangs gzugs can snying po la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug / yang dag par gzeng bstod par mdzad/ yang dag par rab tu dga' bar mdzad nas cang mi gsung ngo / /de nas ma ga d+hA'i rgyal po bzo sbyangs gzugs can snying po stan las langs te bla gos phrag pa gcig tu gzar nas/ bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das sang bdag gi sdum par dge slong gi dge 'dun dang thabs gcig tu gdugs tshod sbyor zhing mchis na/ gnang bar mdzad du gsol/ bcom ldan 'das kyis ma ga d+hA'i rgyal po bzo sbyangs gzugs can snying po la cang mi gsung bas gnang ngo / de nas ma ga d+hA'i rgyal po bzo sbyangs gzugs can snying pos bcom ldan 'das cang mi gsung bas gnang bar rig nas/ bcom ldan 'das kyi zhabs gnyis la mgo bos phyag byas nas stan las langs te song ngo / /de nas ma ga d+hA'i rgyal po bzo sbyangs gzugs can snying pos de nyid kyi mtshan mo nas gtsang zhing bsod pa'i bza' ba dang bca' ba dag sta gon byas nas nang par sngar langs te/ gdan bshams nor bu'i chu snod bzhag nas bcom ldan 'das la spyan 'dren gyis dus tshod gsol pa/ btsun pa gdugs tshod lags na da de'i dus la bab par dgongs su gsol/ de nas bcom ldan 'das snga dro na bza' sham thabs mnabs/ lhung bzed dang chos gos bsnams te/ dge slong gi tshogs kyis yongs su bskor cing dge slong gi dge 'dun gyis mdun du bdar te/ ma ga d+hA'i rgyal po bzo sbyangs gzugs can snying po'i bkad sa gang na ba der gshegs te byon nas dge slong gi dge 'dun gyi gung la gdan bshams pa nyid la bzhugs so/ /de nas ma ga d+hA'i rgyal po bzo sbyangs gzugs can snying pos sangs rgyas la sogs pa dge slong gi dge 'dun bde bar bzhugs par rig nas gtsang zhing bsod pa'i bza' ba dang bca' ba dag rang gi lag nas stobs shing tshim par byed de rnam grangs du mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas te/ bcom ldan 'das kyis gsol zin nas phyag bcabs te lhung bzed gyu bar rig nas/ gser gyi bya ma bum blangs te btsun pa 'od ma'i tshal bya ka lan da ka gnas pa 'dir bcom ldan 'das ci bder bzhugs shig ces bcom ldan 'das la bskyed mos tshal de phul lo/ /de bzhin du gnas brtan rnams kyis kyang mdo sde rnams kyi nang du bcom ldan 'das rgyal po'i khab 'od ma'i tshal bya ka lan da ka gnas pa na bzhugs so zhes gdags par byas so/ /de'i tshe bcom ldan 'das rgyal po'i khab 'od ma'i tshal bya ka lan da ka'i gnas na bzhugs so/ /rgyal po'i khab na khyim bdag cig gnas pa des bcom ldan 'das dge slong gi dge 'dun dang thabs gcig tu rang gi khyim du spyan drangs so/ / yang de'i tshe khyim bdag mgon med zas sbyin gyis dgos pa 'ga' zhig gi phyir rgyal po'i khab tu phyin nas de khyim bdag de'i khyim du nub mo 'brang btab bo/ /de nas khyim bdag de de nyid kyi mtshan mo langs te nang mi rnams la bsgo ba/ nang rje dag longs shig /bzhin bzang dag longs shig /shing rnams gshegs shig /me dag bus shig /'bras chan tshos shig /sran tshod tshos shig /bca' ba dag bzang du gyis shig / bkad sa'i zhal ta dag gyis shig /de nas khyim bdag mgon med zas sbyin 'di snyam du sems te/ ci khyim bdag 'di bag ma len tam/ bag ma gtong ngam/ yul mi 'am/ tshong pa 'am/ tshogs sam 'khor tam/ 'dis ma ga d+hA'i rgyal po bzo sbyangs gzugs can snying po sang khyim du gdugs tshod la spyan drangs sam snyam du bsams nas khyim bdag de la 'di skad ces smras so/ /khyim bdag khyod ci bag ma len tam/ bag ma gtong ngam/ yul mi 'am/ tshong pa 'am/ tshogs sam/ 'khor tam/ khyod kyis ma ga d+hA'i rgyal po bzo sbyangs gzugs can snying po sang khyim du gdugs tshod la spyan drangs sam/ khyim bdag kho bo bag ma len pa 'am/ bag ma gtong ba yang med yul mi ma yin/ tshong pa ma yin/ tshogs ma yin/ 'khor ma yin/ ma ga d+hA'i rgyal po bzo sbyangs gzugs can snying po yang gdugs tshod la spyan drangs pa ma yin te/ 'on kyang kho bos sangs rgyas la sogs pa dge slong gi dge 'dun gdugs tshod la spyan drangs so/ /khyim bdag mgon med zas sbyin gyis sangs rgyas zhes bya ba'i sgra sngon ma thos pa thos pa dang ba spu'i khung bu thams cad nas spu zing zhes byed nas de spu zing zhes byed pas khyim bdag de la 'di skad ces smras so/ /khyim bdag sangs rgyas zhes bya ba 'di su yin/ khyim bdag dge sbyong gau ta ma shAkya'i sras shAkya'i rigs las skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung nas de bla na med pa yang dag par rdzogs pa'i byang chub mngon pa rdzogs par sangs rgyas pa zhig yod de/ khyim bdag de ni sangs rgyas zhes bya'o/ /khyim bdag dge 'dun zhes bya ba 'di su yin/ khyim bdag rgyal rigs las kyang rigs kyi bu skra dang kha spu bregs te gos ngur smrig bgos nas dad pa yang dag pa kho nas khyim nas khyim med par bcom ldan 'das de kho na rab tu byung ba'i rjes su rab tu byung ba dag yod/ bram ze'i rigs dang rje'u rigs dang / dmang rigs las kyang rigs kyi bu dag skra dang kha spu bregs te gos ngur smrig bgos nas dad pa yang dag pa kho nas khyim nas khyim med par bcom ldan 'das de kho na rab tu byung ba'i rjes su rab tu byung ba dag yod de/ khyim bdag de ni dge 'dun zhes bya ba yin te sang kho bo'i khyim du sangs rgyas la sogs pa dge slong gi dge 'dun de rnams gdugs tshod la spyan drangs so/ /khyim bdag bcom ldan 'das de da ltar gang na bzhugs/ rgyal po'i khab 'di nyid kyi dur khrod bsil ba'i tshal na bzhugs so/ /khyim bdag bcom ldan 'das de bdag cag gis bltar rung ngam/ khyim bdag de'i phyir re shig sdod cig dang / gal te bcom ldan 'das 'di nyid du gshegs pa dang sang khyod kyis mthong bar 'gyur ba'i gnas gang yin pa de yod do/ /de nas khyim bdag mgon med zas sbyin sangs rgyas la dmigs pa'i dran pas nyal lo/ /de nam ma nangs par nam nangs pa'i 'du shes kyis lho sgo gang na ba der song ba dang / de'i tshe lho sgo thun gnyis la sgo phye nas 'jog ste/ thun dang po la ni pho nya blo bur du 'ongs pa rnams mi thogs par bya ba'i phyir phye ste 'jog go/ /thun tha ma la ni pho nya 'gro bar chas pa rnams mi thogs par bya ba'i phyir phye ste 'jog go/ /de nas khyim bdag mgon med zas sbyin 'di snyam du sems te/ 'di ltar lho sgo phye ste 'dug pas gdon mi za bar nam nangs so snyam du rig nas snang ba de nyid du grong khyer nas byung ba dang / de byung ma thag tu snang ba gang yin pa med nas slar mun nag por gyur to/ /de 'jigs par gyur/ bag tsha bar gyur cing / spu zing zhes byed par gyur nas bdag mi 'am/ mi ma yin pa 'am/ g.yon can 'ga' zhig gis gtses par mi 'gyur grang snyam du bsams nas slar ldog par 'dod pa dang / de nas lho phyogs kyi sgo na gnas pa'i lha gang yin pa des ci tsam lho phyogs kyi sgo nas bsil ba'i tshal gyi dur khrod kyi bar thams cad snang ba rgya chen pos gsal bar byas nas khyim bdag mgon med zas sbyin la 'di skad ces smras so/ /khyim bdag spyan sngar song shig /slar ma ldog shig /khyod spyan sngar song na legs par 'gyur gyi slar log na ni ma yin no/ /de ci'i phyir zhe na/ rta brgya dang ni gser rgyan brgya/ /dre 'u'i shing rta brgya dang ni/ /sna tshogs nor kyis spud pa ni/ /rta rgod ma yi shing rta brgya/ /gom pa gcig cig bor ba yi/ /bcu drug char yang mi phod do/ /khyim bdag spyan sngar song shig /slar ma ldog shig /khyod spyan sngar song na legs par 'gyur gyi slar log na ni ma yin no/ /de ci'i phyir zhe na/ gangs can ri yi glang chen brgya/ /gser dang nor bus brgyan byas la/ /lus che gshol mda'i mche bar ldan/ /ma tang gang skyes stod po che/ /gom pa gcig cig bor ba yi/ /bcu drug char yang mi phod do/ /khyim bdag spyan sngar song shig /slar ma ldog shig / khyod spyan sngar song na legs par 'gyur gyi/ slar log na ni ma yin no/ /de ci'i phyir zhe na/ tho gar yul gyi bu mo brgya/ /rna cha dang ni gdub kor thogs/ /gser gyi dpung rgyan thogs pa yi/ /mgrin pa rgyan gyis legs brgyan pa/ /gom pa gcig cig bor ba yi/ /bcu drug char yang mi phod do/ /khyim bdag spyan sngar song shig /slar ma ldog shig /khyod spyan sngar song na legs par 'gyur gyi slar log na ni ma yin no/ / de nas khyim bdag mgon med zas sbyin gyis lha'i bu de la 'di skad ces smras so/ /bzhin bzangs khyod su zhig /khyim bdag kho bo ni khyod nyid kyi grogs po rnying pa bram ze'i khye'u sbrang rtsi'i phung po yin te/ kho bos dge slong shA ri'i bu dang / maud gal gyi bu gnyis la sems dad pa bskyed nas shi ba dang / rgyal chen bzhi'i ris kyi lha rnams su skyes te lho sgo 'di nyid la gnyug mar gnas so/ /de'i phyir khyod la kho bos 'di skad ces khyim bdag spyan snga song shig /slar ma ldog shig /khyod spyan sngar song na legs par 'gyur gyi/ slar log na ni ma yin no zhes smra 'o/ /de nas khyim bdag mgon med zas sbyin 'di snyam du sems te/ kye ma 'o sangs rgyas bcom ldan 'das ni mchog ma yin pa ma yin zhing chos bshad pa yang mchog ma yin pa ma yin te/ da ltar bcom ldan 'das de la blta bar lha yang brtson par byed do snyam du bsams nas/ bsil ba'i tshal gyi dur khrod du song ba dang / de'i tshe bcom ldan 'das gtsug lag khang gi phyi rol bla gab med pa na 'chag cing lhag par yang khyim bdag mgon med zas sbyin 'ong ba la gzhes so/ /de nas khyim bdag mgon med zas byin bcom ldan 'das gang na ba der song ste phyin nas bcom ldan 'das la khyim bdag gis yang dag par dgyes par 'gyur pas yang dag par dgyes par byed do/ /bcom ldan 'das ci ga bde bar mnal tam/ de nas bcom ldan 'das kyis de'i tshe tshigs su bcad de bka' stsal pa/ gang zhig 'dod pas ma gos la/ /zag med rab tu rnam grol ba/ /mya ngan yongs 'das bram ze ni/ /thams cad du ni bde bar mnal/ /'dir ni re ba kun bcad nas/ /thugs kyi rims nad rnams bsal cing / /zhi ba thob pa'i thugs kyis na/ /nye bar zhi ba bde bar mnal/ /de nas bcom ldan 'das kyis khyim bdag mgon med zas sbyin khrid nas gtsug lag khang du zhugs te gdan bshams pa nyid la bzhugs pa dang / khyim bdag mgon med zas sbyin gyis bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / bcom ldan 'das kyis khyim bdag mgon med zas sbyin la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad de/ sangs rgyas bcom ldan 'das rnams kyi thog ma'i dus su chos kyi gtam gleng ba gang yin pa 'di lta ste sbyin pa'i gtam dang / tshul khrims kyi gtam dang / mtho ris kyi gtam dang / 'dod pa rnams mnog chung ba dang / nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i phan yon gyi rjes su bsngags pa dang / rnam par byang ba'i phyogs dang 'thun pa'i chos kyi gtam rgyas par yang dag par bstan to/ /gang gi tshe bcom ldan 'das kyis de dga' ba'i sems dang / dge ba'i sems dang mgu ba'i sems dang / sgrib pa dang bral ba'i sems dang / skal ba dang ldan zhing yang dag phul gyi chos bshad pa kun shes par nus par gzigs pa de'i tshe/ sangs rgyas bcom ldan 'das rnams kyi yang dag phul gyi chos bshad pa 'phags pa'i bden pa bzhi po gang yin pa 'di lta ste/ sdug bsngal dang kun 'byung dang / 'gog pa dang / lam rgyas par rab tu bstan to/ /dper na gos gtsang ma nag nog med pa tshon rtsi 'os pa'i nang du bcug na tshon rtsi legs par 'jen du btub pa de bzhin du khyim bdag mgon med zas sbyin stan de nyid la 'dug bzhin du 'phags pa'i bden pa bzhi po 'di lta ste/ sdug bsngal dang / kun 'byung dang / 'gog pa dang / lam mngon par rtogs so/ /khyim bdag mgon med zas sbyin gyis chos mthong ba dang / chos thob pa dang / chos rig pa dang / chos kyi gting slebs pa dang / som nyi las rgal ba dang / the tshom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag ni 'phags so/ /mngon par 'phags so/ /bdag bcom ldan 'das dang / chos dang / dge slong gi dge 'dun la skyabs su mchi lags kyis bdag dge bsnyen du gzung du gsol/ deng slan chad ji srid 'tsho'i bar du srog dang bsdos te skyabs su mchi bar mngon par dad lags so/ /de nas bcom ldan 'das kyis khyim bdag mgon med zas sbyin la 'di skad ces bka' stsal to/ /khyim bdag khyod kyi ming ci/ btsun pa bdag gi ming bzang sbyin lags mod kyi bdag gis mgon ma mchis pa rnams la 'tshal ma stsol bas des na bdag mgon med zas sbyin zhes bgyi bar skye bos 'tshal to/ /khyim bdag khyod kyi gnas gang yin/ btsun pa yul bra tsi na zhes bgyi ba na ko sa la pa rnams kyi grong rdal mnyan yod ces bgyi ba mchis te/ de na bdag mchis lags so/ /bcom ldan 'das mnyan yod du gshegs shig dang / bcom ldan 'das dge 'dun dang thabs gcig la bdag ji srid 'tsho'i bar du na bza' chos gos dang / bsod snyoms dang / gzims cha dang / snyun dpyad kyi rkyen sman dang yo byad rnams kyis bsnyen bkur bgyi lags so/ /khyim bdag mnyan yod na gtsug lag khang yod dam/ btsun pa ma mchis lags so/ /khyim bdag gang na gtsug lag khang yod pa der dge slong rnams 'ong ba dang / 'gro ba dang gnas par sems so/ /bcom ldan 'das gshegs shig dang / bdag gis ci nas kyang mnyan yod du dge slong rnams mchis pa dang / gzhan du mchi ba dang / mchi bar sems par 'gyur ba de ltar gtsug lag khang brtsig lags so/ /bcom ldan 'das kyis khyim bdag mgon med zas sbyin la cang mi gsung bas gnang ngo / de nas khyim bdag mgon med zas sbyin gyis bcom ldan 'das kyis cang mi gsung bas gnang bar rigs nas bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / de nas rgyal po'i khab tu bya ba dang bsgrub pa gang yin pa de thams cad byas shing bsgrubs nas bcom ldan 'das gang na ba der song ste phyin nas bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas khyim bdag mgon med zas sbyin gyis bcom ldan 'das la 'di skad ces gsol to/ /bcom ldan 'das bdag gi grogs dge slong cig stsal du gsol/ de dang lhan cig bcom ldan 'das kyi slad du gtsug lag khang rtsig lags so/ /bcom ldan 'das kyis dgongs pa/ dge slong su zhig gis khyim bdag mgon med zas sbyin 'khor dang bcas pa dang / mnyan yod na gnas pa'i skye bo'i tshogs 'dul bar 'gyur snyam na dge slong shA ri'i bus 'dul bar gzigs nas/ de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu khyim bdag mgon med zas sbyin 'khor dang bcas pa dang / mnyan yod na gnas pa'i skye bo'i tshogs la soms shig /tshe dang ldan pa shA ri'i bu cang mi smra bas bcom ldan 'das kyi bka' mnyan to/ /de nas tshe dang ldan pa shA ri'i bus bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas song ngo / /tshe dang ldan pa shA ri'i bus de nyid kyi mtshan mo 'das nas snga dro sham thabs bgos lhung bzed dang chos gos thogs te/ rgyal po'i khab tu bsod snyoms la zhugs nas rgyal po'i khab tu bsod snyoms spyad de zas kyi bya ba byas nas zas phyi ma'i bsod snyoms spangs te/ gnas mal ji ltar spyad pa mkhos su phab nas de lhung bzed dang chos gos blangs te mnyan yod gang na ba der rgyu zhing song ngo / /de nas khyim bdag mgon med zas sbyin lam rgyags mang po khyer nas nub mo nub mo zhing mnyan yod du song ste phyin nas de mnyan yod du ma zhugs pa nyid du kun dga' ra ba nas kun dga' ra ba dang / bskyed mos tshal nas bskyed mos tshal dang / nags tshal nas nags tshal du 'chag pas 'chag pa na dpyod cing 'di skad ces smras so/ /mnyan yod dang ha cang yang mi ring la ha cang yang mi nye ba dang nyin par lang long nyung zhing ku co nyung ba dang / mtshan mo gcom chung ba dang / sgra chung ba dang / sbrang bu dang / sha sbrang dang / rlung dang nyi ma dang / sdig sbrul gyi reg pa chung ba'i sa phyogs gang na yod pa der bdag gis bcom ldan 'das kyi phyir gtsug lag khang brtsig na phyogs de gang na yod snyam pa las/ khyim bdag mgon med zas sbyin gyis gzhon nu rgyal byed kyi kun dga' ra ba ni mnyan yod dang ha cang yang mi ring la ha cang yang mi nye ba dang / nyin par lang long nyung zhing ku cho nyung ba dang / mtshan mo gcom chung ba dang / sgra chung ba dang / sbrang bu dang / sha sbrang dang / rlung dang / nyi ma dang / sdig sbrul gyi reg pa nyung bar mthong ngo / /mthong nas kyang 'di snyam du sems te/ 'dir bdag gis bcom ldan 'das kyi phyir gtsug lag khang brtsig go snyam nas/ de rang gi khyim du ma song ba nyid du gzhon nu rgyal byed gang na ba der song ste phyin nas gzhon nu rgyal byed la 'di skad ces smras so/ /gzhon nu kun dga' ra ba bdag la stsol cig der bdag gis bcom ldan 'das kyi phyir gtsug lag khang brtsig lags so/ /des smras pa/ khyim bdag de ni nga'i kun dga' ra ba ni ma yin te/ bskyed mos tshal yin mod kyi de nga'i yin no/ /khyim bdag mgon med zas sbyin gyis lan gnyis lan gsum du yang gzhon nu rgyal byed la 'di skad ces smras so/ /gzhon nu bdag la kun dga' ra ba stsol cig / bdag gis der bcom ldan 'das kyi phyir gtsug lag khang brtsig lags so/ /khyim bdag kun dga' ra ba de gser bye ba gshibs kyang nga mi gtod do// //'dul ba gzhi/ bam po dgu bcu pa/ yang khyim bdag mgon med zas sbyin gyis gzhon nu rgyal byed la 'di skad ces smras so/ /gzhon nus kun dga' ra ba'i rin thang bkum lags kyis dbyig dang / gser bzhes shig /kun dga' ra ba ni bdag gi lags so/ /rin thang sus bcad/ khyod kyis rin thang bkum mod/ /de gnyis rin thang bcad do/ /rin thang bcad do zhes rtsod par gyur nas zhal ce gcod pa'i mi gang na ba der dong ba dang / bar skabs der 'jig rten skyong ba bzhi 'di snyam du sems te/ khyim bdag mgon med zas sbyin 'di ni bcom ldan 'das kyi phyir gtsug lag khang rtsig par brtson gyis de'i grogs bya'o snyam nas de nas zhal lce gcod pa'i mir bdag nyid mngon par sprul nas dgos pa'i phyir 'dus so/ /khyim bdag mgon med zas sbyin dang gzhon nu rgyal byed gnyis zhal ce gcod pa sna chen po la gtogs pa'i drung du song nas/ de nas khyim bdag mgon med zas sbyin gyis zhal che gcod pa sna chen po la gtogs pa rnams la don de rgyas par smras pa dang / de rnams kyis smras pa/ gzhon nu kun dga' ra ba'i rin thang bcad zin gyis gser long shig /kun dga' ra ba ni khyim bdag gi yin no/ /de cang mi smra bar 'dug go/ /de nas khyim bdag mgon med zas sbyin gyis shing rta dang / rgya dang / gzeb dang / rnga mo dang / glang dang / bong bu rnams la gser mang po bkal nas 'ongs nas rgyal bu rgyal byed kyi tshal thams cad gshib par brtsams pa dang / sa phyogs 'ga' zhig ma yog pas ma bkram pa nyid du 'dug go/ /de nas khyim bdag mgon med zas sbyin don de sems shing yud tsam zhig cang mi smra bar 'dug ste/ gang gis ma bkram pa'i sa phyogs 'di bkram nas slar yang sba bar bya mi dgos pa'i gter ha cang nyung ngu yang ma yin ha cang mang po yang ma yin pa de gang yin snyam pa dang / gzhon nu rgyal byed kyis bsams pa/ khyim bdag mgon med zas sbyin ni gdon mi za bar ci'i phyir kun dga' ra ba'i ched du nor gyi phung po chen po chen po 'di snyed yongs su btang zhes 'gyod pa skyes so snyam du bsams nas khyim bdag mgon med zas sbyin la 'di skad ces smras so/ /khyim bdag gal te khyod 'gyod pa skyes na gser slar long shig /kun dga' ra ba ni nga nyid kyi yin no/ /gzhon nu bdag ni 'gyod pa ma skyes te 'on kyang don 'di sems shing yud tsam zhig cang mi smra bar 'dug pa ni bdag gis ma bkram pa'i sa phyogs 'di bkab nas slar yang sba bar bya mi dgos pa'i gter ha cang nyung ba yang ma yin/ ha cang mang po yang ma yin pa de gang yin snyam mo/ /de nas gzhon nu rgyal byed 'di snyam du sems te/ kye ma sangs rgyas bcom ldan 'das mchog ma yin pa ma zhing chos bshad pa yang mchog ma yin pa ma yin te/ de la da ltar khyim bdag 'di kun dga' ra ba'i ched du nor gyi phung po 'di snyed yongs su gtong ngo snyam du bsams nas khyim bdag mgon med zas sbyin la 'di skad ces smras so/ /khyim bdag ma bkram pa'i sa phyogs kho bo la byin cig /der kho bos bcom ldan 'das kyi phyir sgo khang brtsig par bya'o/ de nas khyim bdag mgon med zas sbyin gyis gzhon nu rgyal bu rgyal byed la ma bkram pa'i sa phyogs byin nas der gzhon nu rgyal byed kyis bcom ldan 'das kyi phyir sgo khang rtsig tu bcug go/ /de nas khyim bdag mgon med zas sbyin gyis bcom ldan 'das kyi phyir gtsug lag khang brtsig par brtsams pa dang / mu stegs can zhe sdang drag pos kun nas klongs pa'i yid can rnams 'dus nas khyim bdag mgon med zas sbyin gang na ba der song ste lhags pa dang / smras pa/ khyim bdag khyod dge sbyong gau ta ma'i phyir gtsug lag khang ma rtsig shig /ci'i phyir kho bo cag gis grong khyer bgos te dge sbyong gau ta ma'i rgyal po'i khab yin no/ / kho bo cag gi ni mnyan yod yin no/ /des smras pa/ khyed cag gis grong khyer rnams bgos kyi/ bdag gi nor ma bgos pas gang la mngon par dga' ba de'i chos kyi phung po brtsig go/ /de rnams rgyal po'i drung du dong ba dang / der yang khyim bdag mgon med zas sbyin gyis pham par byas pa dang / mu stegs spyi brtol can mu cor smra ba rnams kyis smras pa/ khyim bdag khyod dga' mgur byed du mi gzhug ste/ dge sbyong gau ta ma'i nyan thos kyi mchog cig 'ongs nas/ gal te de'i shags kyis kho bo cag pham par gyur na gtsug lag khang rtsigs shig /des smras pa/ rung gis re shig 'phags pa shA ri'i bu la brtag go/ /de nas khyim bdag mgon med zas sbyin tshe dang ldan pa shA ri'i bu gang na ba der song ste phyin nas tshe dang ldan pa shA ri'i bu'i rkang pa gnyis la mgo bos phyag byas te phyogs gcig tu 'dug go/ /phyogs gcig tu 'dug nas khyim bdag mgon med zas sbyin gyis tshe dang ldan pa shA ri'i bu la 'di skad ces smras so/ /btsun pa shA ri'i bu mu stegs can rnams 'di skad ces khyim bdag khyod dga' mgur byed du mi gzhug ste/ dge sbyong gau ta ma'i nyan thos kyi mchog 'ongs nas/ gal te de'i shags kyis kho bo cag pham par gyur na gtsug lag khang rtsigs shig ces mchi na/ de la ji ltar bsgrub par bgyi/ tshe dang ldan pa shA ri'i bus bsams pa/ ji 'di rnams la dge ba'i rtsa ba chung zad yod dam 'on te med ces bsams pa las yod par mthong ngo / /su zhig la rag las par 'gyur snyam na bdag kho na la'o/ /yang bsams pa ji 'di snyed cig kho na bdag la rag las pa'i tshig gis 'dul bar 'gyur ram/ 'on te gzhan yang tshig gis 'dul ba yod snyam pa las yod par mthong ngo / /dus ji srid kyis tshogs par 'gyur snyam na zhag bdun lon nas so/ /bsams nas smras pa/ khyim bdag de bzhin du bya ste/ 'on kyang zhag bdun pa'i nyin par bya'o/ /de nas khyim bdag mgon med zas sbyin dga' ba dang mgu ba skyes nas mu stegs can rnams gang na ba der song ste phyin nas mu stegs can rnams la 'di skad ces smras so/ /shes ldan dag 'phags pa shA ri'i bu na re de bzhin du bya ste/ 'on kyang zhag bdun pa'i nyin par bya'o zhes zer ro/ /de rnams kyis bsams pa 'di la rgyu gnyis yod par 'gyur te/ yang na ni de 'bros 'dod do/ /yang na ni de phyogs tshol lo/ /de ma yin na dus der gdab ci dgos/ bdag cag kyang phyogs btsal lo zhes de rnams phyogs btsal bar brtsams te de rnams kyis phyogs btsal ba dang / kun du rgyu mig dmar mthong nas de la de rnams kyis smras pa/ khyod dang bdag cag ni tshangs pa mtshungs par spyod pa yin gyis/ dge sbyong gau ta ma'i nyan thos kyi mchog bdag cag gis brtsad pa'i phyir bkug na de phyogs tshol gyis/ khyod kyang bdag cag gi grogs gyis shig /dus ji tsam zhig na/ 'di nas zhag bdun gyi nyin par ro/ /rung gis de bzhin du bya ste/ gang gi tshe khyed cag 'dus par gyur pa de'i tshe kho bo la sbron cig /mu stegs can rnams bag tsha ba dang sems khral skyes nas nyin re zhing phyogs tshol ba dang / nyi ma bgrang bar byed do/ /ji tsam na zhag bdun lon pa dang / khyim bdag mgon med zas sbyin gyis bla gab med pa'i sa phyogs yangs par stan shom du bcug go/ /tshe dang ldan pa shA ri'i bu'i ched du yang seng ge'i khri bshams so/ /yul sna tshogs na gnas pa'i mu stegs can rnams dang / mnyan yod na gnas pa'i skye bo'i tshogs dang / de'i nye 'khor na gnas pa'i srog chags brgya stong phrag du ma dag kyang kha cig ni ngo mtshar skyes/ kha cig ni sngon gyi dge ba'i rtsa bas bskul nas 'dus so/ /de nas tshe dang ldan pa shA ri'i bu khyim bdag mgon med zas sbyin 'khor dang bcas pas mdun du bdar te rtsod pa'i dkyil 'khor du zhugs nas gdul ba'i skye bo rnams la bltas te 'dzum pa sngon du btang nas spyod lam zhi bas seng ge'i khri la 'dzegs nas 'dug go/ /'khor thams cad sems mi g.yeng bar tshe dang ldan pa shA ri'i bu la rtog cing 'dug go/ /de nas tshe dang ldan pa shA ri'i bus mu stegs can rnams la smras pa/ shes ldan dag ci re shig byed dam/ 'on te 'jig /de rnams kyis smras pa/ kho bo cag gis byas/ khyod kyis shig cig tshe dang ldan pa shA ri'i bus bsams pa/ gal te bdag gis byas na 'jig rten lha dang bcas pas kyang 'jig par mi nus na kun du rgyu mig dmar gyis lta smos kyang ci dgos snyam du rig nas kun du rgyu mig dmar la 'di skad ces smras so/ /khyod kyis byos shig ngas gzhig go/ /de mig 'phrul byed pa yin pas des shing sa ha ka ra shin du me tog gis rgyas pa zhig sprul pa dang / tshe dang ldan pa shA ri'i bus rlung dang char drag po phab ste/ des de rtsa ba nas phyung nas phan tshun du rnam par gtor te rnal 'byor pa rnams kyi yul du yang ma gyur to/ /de nas des pad ma'i rdzing zhig sprul pa dang / tshe dang ldan pa shA ri'i bus glang po che bzang po zhig sprul nas des kun du brnal nas ming gi lhag ma tsam zhig bzhag go/ /des sbrul mgo bdun pa zhig sprul pa dang / tshe dang ldan pa shA ri'i bus nam mkha' lding zhig sprul te des blangs so/ /des ro langs shig sprul pa dang / tshe dang ldan pa shA ri'i bus sngags kyi phur pas btab pa las nyes par spyod pa'i ro langs ni bdag nyid la gsod par byed pas des de nyid la bsnyags pa dang / de nas de 'jigs skrag phongs shing ba spu zing zhes byed nas/ tshe dang ldan pa shA ri'i bu'i rkang pa gnyis la gtugs te/ 'phags pa shA ri'i bu skyabs su mchi lags kyis yongs su bskyab tu gsol/ de nas tshe dang ldan pa shA ri'i bus sngags kyi phur pa phyung ba dang ro langs de zhi bar gyur to/ /tshe dang ldan pa shA ri'i bus de la chos bshad de/ de dad pa skyes nas smras pa/ 'phags pa shA ri'i bu bdag legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po gnang na bdag 'phags pa shA ri'i bu'i spyan sngar tshangs par spyod pa spyad par bgyi 'o/ /tshe dang ldan pa shA ri'i bus de rab tu phyung bsnyen par rdzogs par byas nas gdams ngag byin te/ des brtson pa dang 'bad pa dang / brtsal ba byas pas nyon mongs pa thams cad spangs nas dgra bcom pa mngon sum du byas te dgra bcom par gyur nas/ khams gsum gyi 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan dang ste 'ur mnyam pa/ rig pas ma rig pa'i sgo nga'i sbubs dral cing rig pa dang / mngon par shes pa dang / so sor yang dag par rig pa thob pa/ srid pa dang 'dod pa'i rnyed pa la chags pa dang / bkur sti la rgyab kyis phyogs pa dbang po dang nye ba'i dbang po dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas de'i 'khor rnams ngo mtshar gyi mig bgrad nas tshe dang ldan pa shA ri'i bu la mngon par dad par gyur te/ smras pa/ 'phags pa shA ri'i bus ni smra ba'i khyu mchog chen po tshar bcad do snyam du rig nas/ tshe dang ldan pa shA ri'i bu'i gdong du lta bar gyur to/ /de nas tshe dang ldan pa shA ri'i bus 'khor de'i bsam pa dang bag la nyal dang / khams dang / rang bzhin shes nas 'phags pa'i bden pa bzhi so sor yang dag par rtogs par 'gyur ba de lta bu'i chos bshad par byas so/ /de thos pas sems can brgya phrag du mas khyad par chen po thob ste/ kha cig gis ni nyan thos kyi byang chub tu sems bskyed/ kha cig gis ni rang sangs rgyas kyi byang chub tu/ kha cig gis ni bla na med pa yang dag par rdzogs pa'i byang chub tu/ kha cig gis ni skyabs su 'gro ba dang bslab pa'i gzhi rnams blangs/ kha cig gis ni rgyun du zhugs pa'i 'bras bu mngon sum du byas kha cig gis ni lan cig phyir 'ong ba'i 'bras bu dang / kha cig gis ni phyir mi 'ong ba'i 'bras bu/ kha cig gis ni rab tu byung nas nyon mongs pa thams cad spangs te/ dgra bcom pa mngon sum du byas so/ /'khor de phal cher yang sangs rgyas la gzhol/ chos la 'bab/ dge 'dun la bab pa la bkod do/ /mu stegs can rnams kyis bsams pa/ bdag cag gis 'di shags kyis tshar bcad mi nus kyis thabs shig bsham par byas la/ de nas klags rnyed nas 'di bgags te gsad par bya'o snyam nas thams cad 'dus te khyim bdag mgon med zas sbyin gyi drung du dong ste smras pa/ khyim bdag khyod kyis kho bo cag gi 'tsho ba'i gzhi thams cad ni bcad pas de bas snying brtse bar gyis shig dang / khyod kyi gtsug lag khang du gla mi'i las bya'o/ /kho bo cag 'di na ring zhig tu gnas gnas pas yul bor na mi rung ngo / /khyim bdag mgon med zas sbyin gyis smras pa/ re shig 'phags pa shA ri'i bu la brtag go zhes de tshe dang ldan pa shA ri'i bu gang na ba der song ste phyin nas tshe dang ldan pa shA ri'i bu la 'di skad ces smras so/ /'phags pa mu stegs can rnams kyi mchid nas khyod kyis kho bo cag gi 'tsho ba'i gzhi thams cad bcad pas de bas na snying brtse bar gyis shig /khyod kyi gtsug lag khang du gla mi'i las bya'o/ /kho bo cag 'di na ring zhig tu gnas gnas pas yul bor na mi rung ngo zhes mchi 'o/ /tshe dang ldan pa shA ri'i bu bsam pa la zhugs te/ ci 'di dag la dge ba'i rtsa ba cung zad yod dam 'on te med snyam na des yod par mthong ngo / /su zhig la rag lus snyam na/ bdag kho na la 'o snyam nas des bsams te smras pa/ khyim bdag de la 'gal ba ci yod kyis de bzhin du gyis shig /de rnams gtsug lag khang der gla mi'i las byed par brtsams pa na tshe dang ldan pa shA ri'i bus lcag thogs kyi mi gtum po zhig sprul nas des de rnams las byed du gzhug par brtsams so/ /tshe dang ldan pa shA ri'i bus de rnams kyi gdul ba'i dus shes nas/ de dang nye ba'i drung zhig na 'chag cing 'dug pa dang / de rnams kyis mthong nas de rnams kyis bsams pa/ dben pa na 'dug pas 'di bsad pa'i dus ni 'di yin no snyam nas/ de rnams kyis de'i drung du dong ste bskor nas 'dug go/ /tshe dang ldan pa shA ri'i bus bsams pa/ 'di rnams bsam pa ci 'dra bas bdag gi drung du 'ongs snyam na/ ci tsam na bsad pa'i sems kyis yin par shes nas des lcag thogs sprul pa de sbad nas/ des de rnams las byos deng zhes thag bcug pa dang / de rnams kyis smras pa/ 'phags pa shA ri'i bu yongs su bskyab tu gsol/ des smras pa tshe dang ldan pa re shig song la ngal sor chug shig /de rnams kyis smras pa/ 'di ni 'di lta bur bdag nyid che ba yin te/ bdag cag gis ni gsad par bsams na 'di ni bdag cag la byams par sems so snyam du rig nas dad par gyur to/ /de nas tshe dang ldan pa shA ri'i bus de rnams kyi bsam pa dang bag la nyal dang / khams dang / rang bzhin shes nas 'phags pa'i bden pa bzhi po so sor rtogs par 'gyur ba de lta bu'i chos bshad par byas te/ de thos nas de rnams kyis 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te de rnams kyis bden pa mthong nas smras pa/ btsun pa bdag cag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po gnang na bdag cag btsun pa shA ri'i bu'i spyan sngar tshangs par spyod pa spyad par bgyi 'o/ /tshe dang ldan pa shA ri'i bus de rnams rab tu phyung bsnyen par rdzogs par byas nas gdams ngag byin te/ de rnams kyis brtson pa dang / 'bad pa dang brtsal bar byas pas 'khor ba'i 'khor lo cha lnga pa g.yo ba dang mi g.yo ba 'di nyid rig ste/ 'du byed kyi rnam pa thams cad nyams pa dang / lhung ba dang / rnam par 'thor ba dang / rnam par 'jig pa'i chos nyid kyis zil gyis mnan nas nyon mongs pa thams cad spangs te/ dgra bcom pa mngon sum du byas te/ dgra bcom par gyur nas khams gsum gyi 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan dang ste 'ur mnyam pa/ rig pas ma rig pa'i sgo nga'i sbubs dral zhing rig pa dang mngon par shes pa dang / so so yang dag par rig pa thob pa/ srid pa dang 'dod pa'i rnyed pa la chags pa dang / bkur sti la rgyab kyis phyogs pa/ dbang po dang nye dbang po dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas tshe dang ldan pa shA ri'i bus gtsug lag khang gi thig skud kyi mtha' gcig nas bzung / mtha' gcig nas khyim bdag mgon med zas sbyin gyis bzung ba dang / tshe dang ldan pa shA ri'i bus 'dzum dbyung bar brtsams so/ /khyim bdag mgon med zas sbyin gyis smras pa/ 'phags pa shA ri'i bu de bzhin gshegs pa rnams sam/ de bzhin gshegs pa'i nyan thos rnams ni rgyu med rkyen med par 'dzum pa mi mdzad na/ 'phags pa shA ri'i bu ci'i rgyu ci'i rkyen gyis 'dzum pa mdzad/ khyim bdag de de bzhin no/ /de de bzhin te/ de bzhin gshegs pa rnams sam/ de bzhin gshegs pa'i nyan thos rnams ni rgyu med rkyen med par 'dzum pa mi mdzad de/ khyod kyis 'dir thig skud bzung ba dang / dga' ldan gyi lha'i ris su yang gser gyi khang pa grub par gyur to/ /de nas khyim bdag mgon med zas sbyin ngo mtshar skyes pa'i mig bgrad de smras pa/ 'phags pa shA ri'i bu gal te de lta na de'i slad du yang thig skud brkyang dang lhag par sems mngon par dad par bgyi'o/ /tshe dang ldan pa shA ri'i bus yang thig skud de bzung ba dang / khyim bdag mgon med zas sbyin gyis lhag par dang ba drag po'i shugs kyis sems mngon par dad par byas te/ dad pa de'i mjug thogs kho nar gser gyi khang pa rin po che sna bzhi las byas par gyur nas tshe dang ldan pa shA ri'i bus kyang de la go bar byas so/ /de nas khyim bdag mgon med zas sbyin gong nas gong du bsod nams rab tu 'phel ba'i rgyud kyis gtsug lag khang chen po bcu drug dang / khang phran drug bcu rtsig tu bcug ste/ des gtsug lag khang chen po bcu drug dang / khang phran drug bcu brtsigs nas yo byad thams cad kyis rgyas par byas te/ tshe dang ldan pa shA ri'i bu gang na ba der song ste phyin pa dang / tshe dang ldan pa shA ri'i bu la 'di skad ces smras so/ /'phags pa shA ri'i bu bcom ldan 'das gshegs na shul so ji tsam du byon par 'gyur/ khyim bdag dper na 'khor los sgyur ba'i rgyal po'i tsam mo/ /'khor los sgyur ba'i rgyal po mchi ba'i tshad ji tsam/ khyim bdag 'khor los sgyur ba'i rgyal po ni nyi ma gcig gis rgyang grags bcu'i lam du 'gro'o/ /de nas khyim bdag mgon med zas sbyin gyis gang yang mnyan yod nas rgyal po'i khab de'i bar gyi gshegs rgongs brtsis nas gzhes sa dag byed du bcug /sbyin gtong gi khang pa dag byed du bcug /dus tshod gsol ba'i mi dag bkod/ gdugs dang rgyal mtshan dang / ba dan gyis brgyan/ tsan dan gyi chus chag chag btab/ shin du dri zhim po'i pog por dag nye bar bkod/ rta babs dag byed du bcug /sbyin gtong gi khang pa dag byed du bcug /dus kyi dang thun tshod kyi sman dag kyang 'jog tu bcug go/ / de ltar tshogs bsogs nas mi zhig la bsgo ba/ kye nang rje tshur spyon/ khyod bcom ldan 'das gang na ba der song la son pa dang / kho bo'i tshig gis bcom ldan 'das kyi zhabs gnyis la mgo bos phyag 'tshol la/ gnod pa nyung ngam/ nyam nga ba chung ngam/ 'tsho 'am bskyod pa yang ngam/ stobs dang bde ba la reg par gnas sam zhes zhus la 'di skad ces bcom ldan 'das mnyan yod du gshegs su gsol/ bcom ldan 'das dge slong gi dge 'dun dang thabs gcig la bdag ji srid 'tsho'i bar du na bza' chos gos dang / bsod snyoms dang / gzims cha dang / snyun spyad kyi rkyen sman gyi yo byad rnams kyis bsnyen bkur bgyid do zhes kyang gsol cig jo bo bka' bzhin 'tshal zhes mi des khyim bdag mgon med zas sbyin gyi ltar mnyan nas rgyal po'i khab gang na ba der chas te rim gyis rgyal po'i khab tu phyin to/ /de nas lam gyis dub pa ngal sos nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te/ phyogs gcig tu 'dug go/ /phyogs gcig tu 'dug nas mi des bcom ldan 'das la 'di skad ces gsol to/ /btsun pa bcom ldan 'das kyi zhabs gnyis la khyim bdag mgon med zas sbyin mgo bos phyag 'tshal nas zhes bya ba nas/ reg par gnas sam zhes bya ba'i bar gong ma bzhin du 'o/ /kye mi khyod dang khyim bdag mgon med zas sbyin bde bar gyur cig /btsun pa khyim bdag mgon med zas sbyin gyi mchid nas bcom ldan 'das mnyan yod du gshegs su gsol/ bcom ldan 'das dge slong gi dge 'dun dang thabs gcig la bdag ji srid 'tsho'i bar du na bza' chos gos dang / bsod snyoms dang / gzims cha dang / snyun spyad kyi rkyen sman gyi yo byad rnams kyis bkur stir bgyid do/ /zhes mchi 'o/ /bcom ldan 'das kyis mi de la cang mi gsung bas gnang ngo / /de nas mi de bcom ldan 'das cang mi gsung bas gnang bar rig nas/ bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / /de nas bcom ldan 'das dul ba 'khor dul ba/ zhi ba 'khor zhi ba grol ba 'khor grol ba/ dbugs phyin pa 'khor dbugs phyin pa/ rnam par dul ba 'khor rnam par dul ba/ dgra bcom pa 'khor dgra bcom pa/ 'dod chags dang bral ba 'khor 'dod chags dang bral ba/ mdzes pa 'khor mdzes pa/ khyu mchog ba lang gi tshogs kyis bskor ba lta bu/ glang po che'i mchog glang po che'i phru gu'i tshogs kyis bskor ba lta bu/ seng ge mche ba can gyi tshogs kyis bskor ba lta bu/ ngang pa'i rgyal po ngang pa'i tshogs kyis bskor ba lta bu/ nam mkha' lding bya'i tshogs kyis bskor ba lta bu/ bram ze slob ma'i tshogs kyis bskor ba lta bu/ 'khor los sgyur ba bu stong gis bskor ba lta bu/ zla ba rgyu skar gyi tshogs kyis bskor ba lta bu/ nyi ma 'od zer stong gis bskor ba lta bu/ yul 'khor srung dri za'i tshogs kyis bskor ba lta bu/ 'phags skyes po grul bum gyi tshogs kyis bskor ba lta bu/ mig mi bzang klu'i tshogs kyis bskor ba lta bu/ rnam thos kyi bu gnod sbyin gyi tshogs kyis bskor ba lta bu/ thag zangs ris lha ma yin gyi tshogs kyis bskor ba lta bu/ brgya byin sum bcu rtsa gsum gyi tshogs kyis bskor ba lta bu/ tshangs pa tshangs ris kyi tshogs kyis bskor ba lta bu/ rgya mtsho g.yo ba med pa lta bu/ sprin chu dang bcas pa lta bu/ glang po che dam pa dregs pa dang bral ba ltar dbang po rnams shin du dul bas spyod lam gyi tshul ma 'khrugs pa/ sku skyes bu chen po'i mtshan sum bcu rtsa gnyis kyis kun nas brgyan pa dpe byad bzang po brgyad bcus rnam par mdzes par byas pa/ 'od 'dom gang gis brgyan pa'i sku nyi ma'i 'od zer stong bas lhag pa'i 'od can/ rin po che'i ri bo 'gro ba ltar kun nas mdzes pa/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa dge slong gi dge 'dun chen po dang / khyim bdag mgon med zas sbyin 'khor dang bcas pa dang / mnyan yod na gnas pa'i skye bo'i tshogs dang lha brgya stong phrag du mas zhabs 'bring byas nas mnyan yod kyi grong khyer du gshegs so/ /gang gi tshe bcom ldan 'das mnyan yod kyi grong khyer du gshegs nas/ mngon par 'du mdzad pa dang bcas pas grong khyer gyi sgo'i them pa la zhabs g.yas pas mnan pa de'i tshe sa rnam pa drug tu g.yos par gyur te/ sa chen po 'di g.yos/ rab tu g.yos/ kun du rab tu g.yos/ ldeg /rab tu ldeg /kun du rab tu ldeg ste/ shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang phyogs dma'/ byang phyogs mtho na lho phyogs dma'/ mtha' mtho na dbus dma'/ dbus mtho na mtha' dma' bar gyur cing / 'jig rten 'di thams cad 'jig rten gyi bar dang bcas te snang ba rgya chen pos khyab par gyur to/ /bar snang la yang lha'i rnga brdung zhing nam mkha'i dkyil na gnas pa'i lhas bcom ldan 'das kyi steng nas lha'i me tog ut+pa la dang / pad ma dang / ku mu da dang / pad ma dkar po dang / a ga ru'i phye ma dang / rgya spos kyi phye ma dang / tsan dan gyi phye ma dang / gur gum gyi phye ma dang / ta ma la'i lo ma'i phye ma dang / lha'i me tog man dA ra ba rnams 'thor zhing lha'i gos rnams kyang 'thor ro/ /bcom ldan 'das grong khyer du gshegs pa na 'di dag dang / gzhan yang ngo mtshar de lta bu dag byung bar gyur to/ /gzhan yang dog pa rnams ni yangs par gyur to/ /dma' ba rnams ni mthon por gyur to/ /mthon po rnams ni mnyam par gyur to/ /glang po che yang skad 'byin to/ /rta yang skad 'byin/ khyu mchog rnams kyang skad 'byin to/ /khyim na yod pa'i rol mo'i cha byad sna tshogs pa rnams kyang rang sgra 'byin to/ /long ba rnams kyis ni mig thob bo/ /'on pa rnams kyis ni rna bas thos so/ /lkug pa rnams kyis ni smra nus par gyur to/ /dbang po ma tshang ba rnams kyis ni dbang po rnams yongs su tshang ba thob bo/ chang gis myos pa rnams ni myos pa dang bral bar gyur to/ /dug 'thungs pa rnams ni dug zhi bar gyur to/ /phan tshun khon byung ba rnams ni byang bar gyur to/ /sbrum ma rnams ni bde bar btsas par gyur to/ /btson du bcings pa rnams ni bcings pa las thar to/ /nor med pa rnams ni nor rnyed par gyur to/ /de dag dang gzhan yang bcom ldan 'das grong khyer du gshegs pa na ngo mtshar brgya stong dag byung bar gyur to/ /de nas bcom ldan 'das bkur sti chen po de lta bus mnyan yod du gshegs so/ /gshegs nas dge slong gi dge 'dun gyi gung la gdan bshams pa nyid la bzhugs so/ /de nas khyim bdag mgon med zas sbyin mdza' bshes dang nye du dang gnyen gyi skye bos yongs su bskor nas gser gyi bya ma bum blangs te chu'i rgyun sbreng bar brtsams pa las/ de 'dzag tu ma btub pas khyim bdag mgon med zas sbyin yid mi bde ste bsams pa/ bdag gis las nyes pa dang bcas pa chung zad byas par ma gyur grang snyam pa dang / bcom ldan 'das kyis bka' stsal pa/ khyim bdag khyod kyis las nyes pa dang bcas pa chung zad kyang byas pa med do/ /'on kyang khyod kyis phyogs 'dir 'dug nas sngon gyi yang dag par rdzogs pa'i sangs rgyas rnams la phyogs 'di nyid phul ba yin gyis phyogs gzhan zhig tu 'dug la sbrengs shig /des phyogs gzhan zhig tu 'dug nas sbrengs pa dang / bcom ldan 'das nyid kyis yan lag lnga dang ldan pa'i gsung dbyangs kyis rgyal byed kyi tshal brjod par mdzad de/ rgyal byed kyi tshal brjod par mdzad pa na/ gzhon nu rgyal byed kyis bsams pa/ kye ma bcom ldan 'das kyis der bdag gi ming thog mar smos kyang ci ma rung snyam pa dang / bcom ldan 'das kyi thugs kyis gzhon nu rgyal byed kyi sems mkhyen nas dge slong dag 'di ni rgyal bu rgyal byed kyi tshal mgon med zas sbyin gyi kun dga' ra ba yin no zhes der ming thog mar smos par mdzad do/ /gzhon nu rgyal byed kyis bcom ldan 'das kyis deng bdag gi ming thog mar smos pa mdzad pa thos nas shin du dga' bar gyur te/ dga' ba dang mgu ba skyes pa des nor gyi rigs las bcom ldan 'das kyi phyir rin po che sna bzhi'i sgo khang byed du bcug go/ / de bzhin du gnas brtan sdud pa byed pa rnams kyis kyang mdo sde'i nang du bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so zhes gdags pa byas so/ /ko sa la'i rgyal po gsal rgyal gyis dge sbyong gau ta ma ko sa la'i ljongs rgyu zhing gshegs pa na mnyan yod du byon nas/ mnyan yod du rgyal bu rgyal byed kyi tshal mgon med zas sbyin gyi kun dga' ra ba na bzhugs te/ shes ldan gau ta ma de bla na med pa yang dag par rdzogs pa'i byang chub mngon par sangs rgyas par bdag nyid zhal gyis 'che 'o zhes thos so/ /thos nas kyang bcom ldan 'das gang na ba der song ste phyin nas/ bcom ldan 'das dang lhan cig mngon du yang dag par dga' ba dang / yang dag par mgu bar 'gyur ba'i gtam rnam pa sna tshogs byas te/ phyogs gcig tu 'dug go/ /phyogs gcig tu 'dug nas ko sa la'i rgyal po gsal rgyal gyis bcom ldan 'das la 'di skad ces gsol to/ /kye gau ta ma bdag gis shes ldan gau ta ma bla na med pa yang dag par rdzogs pa'i byang chub mngon par sangs rgyas par bdag nyid zhal gyis 'che 'o zhes thos lags na/ gau ta ma gang dag de skad ces lung ston pa de dag ci ga dge sbyong gau ta ma la skur pa 'debs pa ma lags sam/ thal bar smra ba ma lags sam/ shes ldan gau ta mas gsungs pa bzhin smra ba lags sam/ chos smra ba lags sam/ chos dang 'thun pa'i chos lung ston pa lags sam/ ci ga de dag gi drung du pha rol po chos dang 'thun pa'i rtsod pa'i rjes su rtsod pa mchis na smod pa'i chos kyi gnas su mi 'gyur lags sam/ rgyal po chen po gang dag de skad du smra ba de dag ni de skad du lung ston pa bden pa de nga la skur ba 'debs pa ma yin/ thal bar smra ba ma yin/ de ni gsungs pa bzhin smra ba yin/ chos smra ba yin/ chos dang 'thun pa'i chos lung ston pa yin te/ de dag gi drung du pha rol po chos dang 'thun pa'i rtsod pa'i rjes su rtsod pa 'ongs na smod pa'i chos kyi gnas su mi 'gyur ro/ /rgyal po chen po de ci'i phyir zhe na/ ngas bla na med pa yang dag par rdzogs pa'i byang chub mngon par sangs rgyas so/ /shes ldan gau ta ma de skad gsungs mod kyi/ shes ldan gau ta ma la bdag yid mi ches lags so/ /de ci'i slad du zhe na/ kye gau ta ma re shig rgan zhing rgan pa'i dge sbyong dang bram ze ni 'di dag lags te/ 'di lta ste 'od srung rdzogs byed dang / kun du rgyu gnag lhas kyi bu dang / smra 'dod kyi bu mo'i bu yang dag rgyal ba can dang / mi pham skra'i la ba can dang / ka t+ya'i bu nog can dang / gcer bu pa gnyen gyi bu gang lags pa de dag kyang da dung bla na med pa yang dag par rdzogs pa'i byang chub mngon par rdzogs par sangs rgyas par bdag nyid g.yar gyis mi 'che ba lags na/ shes ldan gau ta ma 'khrungs nas ring po ma lags pa gsar du rab tu byung bas lta smos kyang ci 'tshal/ rgyal po chen po gzhon nu bzhi po 'di dag la khyad du gsad par mi bya gzhon nu la zil gyis mnan par mi bya ste/ bzhi gang zhe na/ rgyal po chen po rgyal rigs gzhon nu la khyad du gsad par mi bya gzhon nu la zil gyis mnan par mi bya'o/ /rgyal po chen po sbrul gzhon nu la khyad du gsad par mi bya/ gzhon nu la zil gyis mnan par mi bya'o/ /rgyal po chen po me chung ngu khyad du gsad par mi bya/ chung ngu la zil gyis mnan par mi bya'o/ /rgyal po chen po dge slong gzhon nu la khyad du gsad par mi bya gzhon nu la zil gyis mnan par mi bya'o/ / de ci'i phyir zhe na/ dge slong gzhon nur gyur kyang de rdzu 'phrul che zhing mthu che ba'i dgra bcom par 'gyur ro/ /bcom ldan 'das kyis de skad ces/ /bka' stsal nas ni bde gshegs kyi/ /de skad ces ni bka' stsal nas/ /ston pas gzhan yang 'di skad gsungs/ /rgyal rigs dpe byad ldan pa dang / /rigs btsun grags par ldan pa la/ /blo dang ldan pas de gzhon zhes/ /khyad du mi gsad zil mi mnan/ /rgyal po rgyal rigs mkhas pa yis/ /rgyal srid dag ni thob gyur nas/ /chad pas gcod pa'i gnas de yod/ /de bas de la shin du gdung / /de ltas rang gi srog bsrung zhing / /rang gi don la lta bas ni/ /de ni khyad du mi gsad cing / /de la legs par bag kyang bya/ /gal te grong ngam dgon pa 'ang rung / gang du sbrul ni mthong gyur na/ /blo dang ldan pas de gzhon zhes/ /khyad du mi gsad zil mi mnan/ /'di ltar sbrul ni rgyu ba na/ /rigs ni rnam pa sna tshogs la/ /glags rnyed nas ni gzhon nus kyang / / skyes pa bud med du ma zin/ /de ltas rang gi srog bsrung zhing / /rang gi don la lta bas ni/ /de ni khyad du mi gsad cing / /de la legs par bag kyang bya/ /mang po sreg cing 'bar byed pa/ /lam gnag bsreg bya za ba'i me/ / blo dang ldan pas de chung zhes/ /khyad du mi gsad zil mi mnan/ /me ni chung ngur gyur pa yang / /rkyen las chen por 'gyur ba yin/ /mes ni ring por mi thogs par/ /grong rdal dang ni grong khyer sreg /de ltas rang gi srog bsrung zhing / /rang gi don la lta bas ni/ /de ni khyad du mi gsad cing / /de la legs par bag kyang bya/ /lam gnag bsreg bya za ba'i me/ /nags tshal sreg pa gang yin de/ /zhag 'das nas ni 'ga' zhig tu/ / 'dab ma rnams ni skye 'gyur gyi/ /dge slong tshul khrims ldan pa la/ /brten nas gang zhig tshig gyur pa/ /de la bu tsha yod min pas/ /bgo skal spyod pa 'thob mi 'gyur/ /ta la'i mgo ni bcad pa bzhin/ /ring por mi thogs rabs kyang 'chad/ /de bas rang gi srog bsrung zhing / /rang gi don la lta bas ni/ /de ni khyad du mi gsad cing / /de la legs par bag kyang bya/ /rgyal rigs dpe byad ldan pa dang / /de bzhin brang 'gro me dang ni/ /dge slong tshul khrims ldan de la/ /blo dang ldan pas brnyas mi bya/ /de bas rang gi srog bsrung zhing / /rang gi don la lta bas ni/ /de la khyad du mi gsad cing / /de la legs par bag kyang bya/ /de nas go sa la'i rgyal po gsal rgyal bcom ldan 'das gyis gsungs pa la mngon par dga' ste rjes su yi rang nas bcom ldan 'das kyi zhabs gnyis la mgo bos phyag byas te/ bcom ldan 'das gyi spyan snga nas song ngo / /de nas sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /ko sa la'i rgyal po gsal rgyal gyis rgyal po zas gtsang la spring yig bskur ba/ lha dgyes pa bskyed du gsol/ /khyod kyi sras gyis bdud rtsi thob nas bdud rtsis 'gro ba tshim par byed do zhes spring ba rgyal po zas gtsang gis thos nas pho nya btang ba las de de nyid du rab tu byung ngo / gnyis pa btang ba dang / de yang de nyid du rab tu phyung ste/ pho nya gang dang gang btang ba de dang de dag de nyid du legs par gsungs pa'i chos 'dul ba nyid la rab tu byung bar gyur to/ /rgyal po zas gtsang lag pa la 'gram pa gtad nas pho nya gang dang gang btang ba de dang de dag de nyid du legs par gsungs pa'i chos 'dul ba nyid la rab tu byung ngo snyam mo/ /sems khongs su chud cing 'dug pa 'char kas mthong nas smras pa/ lha ci'i slad du khyod phyag la zhal gtad nas thugs mi dgyes shing bzhugs/ des smras pa/ 'char ka gang gi tshe gzhon nu don thams cad grub pa dka' ba spyod pa de'i tshe kho bos phrin yig skyel ba'i mi btang ba las de dag kho bo'i gan du 'ongs nas gzhon nu don thams cad grub pa bzhugs pa 'di dang 'dis bzhugs so zhes smra'o/ / da ni kho bos phrin yig skyel ba'i mi btang na 'ga' yang phrin yig khyer te mi 'ong na ji ltar sems khongs su chud par mi 'gyur/ 'char kas smras pa/ lha bdag mchi ste bka' mchid 'tshal la slar mchi'o/ /rgyal po zas gtsang gis smras pa/ 'char ka gang dang gang song ba de dang de de'i bstan pa phun sum tshogs pa mthong nas de nyid du 'dug pas khyod kyang song na de nyid du 'dug pa 'gyur ba'i gnas gang yin pa de yod do/ /'char kas smras pa/ lha slar mchi lags so/ /de nas rgyal po zas gtsang rang nyid kyis spring yig bris pa/ lhums su zhugs pa bzung nas su/ /khyod ni bdag gis cher bskrun te/ /nyon mongs me rab 'bar bzhin du/ /rgyal ba ljon shing la bsdad na/ / da ni khyod kyi slob ma yi/ /yal ga lcug ma 'phel 'gyur bas/ /gzhan ni bde bas dga' bar gyur/ /bdag ni sdug bsngal skal bar ldan/ /gzhan yang gang gis khyod ni ljon shing lcug phran mtshungs tsam na/ /bdag gi bu ni 'di yin snyam nas chung nas bskrun bskrun te/ /bu gcig yul mi 'bras bus yongs su spyad thob na/ /de la yon tan 'bras bu mi ster khyod la snying rje med/ /gang tshe thog ma bltam pa na/ /nyid don bsgrubs nas gnyen rnams ni/ /shin du che dang phan gdags zhes/ /khyod kyis dam bcas mdzad nas ni/ /khyod kyis zhi gnas de brnyes na/ /bdag dang gnyen gyi tshogs rnams la/ /thugs brtses rjes su zung mdzod de/ /gshegs par dgongs pa mdzad du gsol/ /zhes spring ba'i yi ge 'char kas khyer nas chas te rim gyis gnyan yod du phyin pa dang / lam gyis dub pa ngal sos nas bcom ldan 'das gang na ba der song ste phyin nas bcom ldan 'das rgyal po zas gtsang gis gsol ba'i yi ge lags so zhes bcom ldan 'das la yi ge phul ba dang / bcom ldan 'das nyid kyis bzhes nas klags so/ /klags nas yi ge mtha' gcig tu bzhag pa dang 'char kas gsol pa/ bcom ldan 'das ci lags/ ser skya'i gzhir mi bzhud dam/ bcom ldan 'das kyis bka' stsal pa/ 'char ka 'dod do/ /'char ka sngon bcom ldan 'das dang lhag par 'dris pa yin pas de sngon gyi 'dris pa kho nas gsol pa/ bcom ldan 'das gal te mi bzhud dang / bdag gis mthus bkri bar bgyi lags so/ /de nas bcom ldan 'das gyis byung ba 'di la tshigs su bcad de bka' stsal pa/ gang zhig yul gyi rgya mor ma chags shing / /sred 'gags bkri ba yong ba ma yin pa'i/ /sangs rgyas spyod yul mtha' yas mnga' ba de/ /gzhi med na ni gang gi gzhi yis bkri/ /gang zhig yul gyi rgya mor ma chags shing / /sred 'gags bkri ba yod pa ma yin pa'i/ /sangs rgyas mtha' yas pa yi rtsal mnga' de/ /gzhi med na ni gang gi gzhi yis bkri/ /gang zhig bcom nas brtsegs pa med gyur cing / /'jig rten ma bcom cung zad yod min pa/ /sangs rgyas spyod yul mtha' yas mnga' ba de/ /gzhi med na ni gang gi gzhi yis bkri/ /gang zhig bcom nas brtsegs pa med gyur cing / /'jig rten ma bcom cung zad yod min pa/ /sangs rgyas mtha' yas pa yi rtsal mnga' de/ /gzhi med na ni gang gi gzhi yis bkri/ /lan la spobs pa med nas gsol pa/ bcom ldan 'das mchi ste/ rgyal po zas gtsang la rig par bgyi'o/ /'char ka sangs rgyas kyi pho nya ni 'di lta bu ma yin no/ /'char kas gsol pa/ bcom ldan 'das ci 'dra ba zhig lags/ rab tu byung ba yin gyis khyod kyang rab tu byung shig /bcom ldan 'das bdag gis rgyal po zas gtsang la slar mchi bar dam bcas lags so/ /bcom ldan 'das kyi bka' stsal pa/ 'char ka rab tu byung la ji ltar dam bcas pa bzhin du gyis shig /'di ltar bcom ldan 'das sngon byang chub sems dpar gyur pa na yab dang / yum dang / mkhan po dang / slob dpon dang / bla ma dang / bla ma'i gnas lta bu rnams kyi chos dang mthun pa'i tshig lan 'ga' yang slar ma bzlog go/ / 'char kas gsol pa/ bcom ldan 'das gal te de lta na rab tu 'byung lags so/ /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu 'char ka 'di ni yun ring po'i don dang phan pa dang bde ba'i phyir rab tu phyung shig /btsun pa bka' bzhin 'tshal zhes tshe dang ldan pa shA ri'i bus bcom ldan 'das las mnyan nas 'char ka rab tu phyung bsnyen par rdzogs par byas te kun du spyod pa'i chos dag de la rgyas par smras nas/ 'char ka 'di ni khyod kyi bya ba yin te/ deng phan chad bud med dang lhan cig khang pa gcig tu nyal bar mi bya'o zhes bya ba la sogs pa dag go/ /btsun pa bka' bzhin 'tshal zhes 'char kas tshe dang ldan pa shA ri'i bu'i rkang pa gnyis la mgo bos phyag byas te song nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te/ bcom ldan 'das la 'di skad ces gsol to/ /bcom ldan 'das ser skya'i gzhir mchi lags so/ / bcom ldan 'das kyis bka' stsal pa/ 'char ka song la khyod mod kho nas rgyal po'i khab tu ma 'jug par sgo na sdod la shAkya'i dge slong 'ongs so zhes brjod par bya'o/ /zhugs nas gal te nang du spyon cig ces gleng na 'jug par bya'o/ /zhugs nas gal te shAkya'i dge slong gzhan yang yod dam zhes zer na yod do zhes brjod par bya'o/ /gal te gzhon nu don thams cad grub pa yang 'di 'dra zhing cha byad 'di 'dra 'am zhes 'dri na/ 'di 'dra zhing cha byed 'di 'dra 'o zhes brjod par bya'o/ /khyod kyis rgyal po'i khab du yang gnas par mi bya'o/ /gal te gzhon nu don thams cad grub pa yang rgyal po'i khab tu gnas par mi byed dam zhes gleng na/ mi bzhugs so zhes brjod par bya'o/ /gal te gang du gnas par byed ces 'dri na dgon pa 'am gtsug lag khang du 'o zhes brjod par bya'o/ /gal te gtsug lag khang ci 'dra zhes 'dri na/ rgyal bu rgyal byed kyi tshal gyi rnam pa bris te bstan par bya'o/ /gal te gzhon nu don thams cad grub pa byon nam zhes 'dri na/ byon no zhes brjod par bya'o/ /ji srid cig na byon zhes 'dri na zhag bdun lon na'o zhes brjod par bya'o/ /des gsol pa/ bcom ldan 'das mchi lags so/ /bcom ldan 'das kyis bka' stsal pa/ song shig /sa bdag rnams ni tshig gis te/ /lha rnams bsams pas 'grub 'gyur zhing / /de bzhin bsam gtan pa rnams kyis/ /sems bskyed pas ni thams cad 'grub/ /bcom ldan 'das gyis 'char ka de ji ltar skad cig de nyid la grong khyer ser skya'i gzhir son pa de ltar byin gyis brlabs pa dang / tshe dang ldan pa 'char ka bcom ldan 'das la dad pa mi bzod pa skyes pa de rgyal po'i khab kyi sgor bsrung nas smras pa/ shes ldan dag rgyal po la shAkya'i dge slong mchis so zhes gsol cig /de rnams kyis smras pa/ ci shAkya'i dge slong gzhan dag kyang yod dam/ shes ldan dag yod do/ /de rnams kyis rgyal po la smras pa/ shAkya'i dge slong mchis so/ /rgyal pos smras pa/ nang du thong shig /de nang du zhugs pa rgyal po zas gtsang gis mthong nas smras pa/ 'char ka rab tu byung ngam/ des smras pa/ lha rab tu byung ngo / /khyod slar 'ong ngo zhes smras pa ma yin nam/ 'di ci yin/ 'char kas smras pa/ lha bcom ldan 'das kyis sangs rgyas kyi pho nya ni 'di lta bu ma yin no zhes bka' stsal nas chos 'dul ba legs par gsungs pa'i phyir bdag rab tu byung mod kyi bdag rang gi dad pas kyang rab tu byung ngo / /rgyal pos yan lag thams cad kyi 'khyud nas stan bshams pa nyid la 'dug tu bcug ste/ de bzhin du chu btsags rtsa ba dang 'bras bu brtags pa gtsang sbra byas te zar bcug go/ /tshe dang ldan pa 'char ka mchog tu nye bar zhi ba dang / dul bar gnas pa dang ldan zhing ji skad rjes su bstan pa'i cho ga bzhin yongs su longs spyad do/ /rgyal pos de la brtags nas ngo mtshar skyes te smras pa/ 'char ka ci gzhon nu don thams cad grub pa yang 'di 'dra ba nye bar zhi ba yin nam/ 'char kas smras pa/ lha bdag gi dul ba dang nye bar zhi ba ni cung zad tsam lags so/ /dper ji lta bu ri rab dang yungs 'bru bzhin no/ /rgyal mtsho dang rmig rjes bzhin no/ /nyi ma dang srin bu me khyer bzhin no/ /nam mkha' dang pad ma'i rtsa ba'i bu ga bzhin no/ /rgyal po zas gtsang gis smras pa/ 'char ka gzhon nu don thams cad grub pa yang 'di 'dra zhing cha byad 'di 'dra 'am/ lha 'di 'dra zhing cha byad 'di 'dra 'o/ /rgyal po zas gtsang brgyal nas sa la 'gyel ba dang / chu mang du btab nas dbugs slar byung ste smras pa/ 'char ka gzhon nu don thams cad grub pa byon nam/ 'char kas smras pa byon no/ /dus ji srid na dgung bdun lon na'o/ rgyal po zas gtsang gis blon po rnams la bsgo ba shes ldan dag gzhon nu don thams cad grub pa byon par 'gyur gyis rgyal po'i khab dang pho brang byi dor byos shig /'char kas smras pa/ lha bcom ldan 'das ni pho brang du bzhugs par mi mdzad do/ /rgyal pos smras pa gang du bzhugs/ 'char kas smras pa/ dgon pa 'am gtsug lag khang du'o/ /rgyal po zas gtsang gis smras pa/ 'char ka gtsug lag khang ci 'dra ba yin tshe dang ldan pa 'char kas rgyal bu rgyal byed kyi tshal gyi rnam pa ri mor bris te bstan to/ /de nas rgyal pos blon po rnams la smras pa/ shes ldan dag n+ya gro d+ha'i kun dga' ra bar rgyal bu rgyal byed kyi tshal gyi rnam pa gtsug lag khang chen po bcu drug dang / khang phran drug bcu rtsig tu chug shig /lha bka' bzhin 'tshal zhes blon po rnams kyis rgyal po zas gtsang las mnyan nas n+ya gro d+ha'i kun dga' ra bar rgyal bu rgyal byed kyi tshal gyi rnam pa gtsug lag khang chen po bcu drug dang / khang phran drug bcu rtsig tu bcug go/ /de nas bcom ldan 'das kyi tshe dang ldan pa maud gal gyi bu chen po la 'di skad ces bka' stsal to/ /maud gal gyi bu song la dge slong rnams la bcom ldan 'das ser skya'i gzhir gshegs te yab sras gdan 'dzom na khyod cag las su zhig lta bar spro ba de chos gos dag long shig ces sgo shig /btsun pa bka' bzhin 'tshal zhes tshe dang ldan pa maud gal gyi bu chen pos bcom ldan 'das las mnyan nas dge slong rnams la smras pa/ tshe dang ldan pa dag bcom ldan 'das ser skya'i gzhir gshegs te yab sras gdan 'dzom na khyed cag las su lta bar spro ba de chos gos dag long shig ces bka' stsal to/ /de nas bcom ldan 'das dul ba 'khor dul ba/ zhi ba 'khor zhi ba/ grol ba 'khor grol ba/ dbugs phyin pa 'khor dbugs phyin pa/ rnam par dul ba 'khor rnam par dul ba/ dgra bcom la 'khor dgra bcom pa/ 'dod chags dang bral ba 'khor 'dod chags dang bral ba/ mdzes pa 'khor mdzes pa/ khyu mchog ba lang gi tshogs gyis bskor ba lta bu/ glang po che glang po phrug gu'i tshogs kyis bskor ba lta bu/ seng ge mche ba can gyi tshogs kyis bskor ba lta bu/ ngang pa'i rgyal po ngang pa'i tshogs kyis bskor ba lta bu/ nam mkha' lding bya'i tshogs kyis bskor ba lta bu/ bram ze slob ma'i tshogs kyis bskor ba lta bu/ sman pa mkhas pa nad pa'i tshogs kyis bskor ba lta bu/ dpa' bo ru pa'i tshogs kyis bskor ba lta bu/ lam mkhan mgron po'i tshogs kyis bskor ba lta bu/ ded dpon tshong pa'i tshogs kyis bskor ba lta bu/ khams kyi rgyal phran blon po'i tshogs kyis bskor ba lta bu/ 'khor lo sgyur ba bu stong gis bskor ba lta bu/ zla ba rgyu skar gyi tshogs kyis bskor ba lta bu/ nyi ma 'od zer stong gis bskor ba lta bu/ yul 'khor skyong dri za'i tshogs kyis bskor ba lta bu/ 'phags skyes po grul bum gyi tshogs kyis bskor ba lta bu/ mig mi bzang klu'i tshogs kyis bskor ba lta bu/ rnam thos sras gnod sbyin gyi tshogs kyis bskor ba lta bu/ thags zangs ris lha ma yin gyi tshogs kyis bskor ba lta bu/ brgya byin sum bcu rtsa gsum gyi tshogs kyis bskor ba lta bu/ tshangs pa tshangs ris kyi tshogs kyis bskor ba lta bu/ rgya mtsho g.yo ba med pa lta bu/ sprin chu dang bcas pa lta bu/ glang po dam pa dregs pa dang bral ba ltar dbang po rnams shin du dul bas spyod lam gyi tshul ma 'khrugs pa/ sku skyes bu chen po'i mtshan sum bcu rtsa gnyis gyis kun nas brgyan pa/ dpe byad bzang po brgyad bcus rnam par mdzes par byas pa/ 'od 'dom gang gis brgyan pa'i sku nyi ma'i 'od zer stong bas lhag pa'i 'od can/ rin po che'i ri bo 'gro ba ltar kun nas mdzes pa/ stobs bcu dang mi 'jigs pa bzhi dang ma 'dres pa'i dran pa nye bar gzhag pa gsum dang / thugs rje chen po dang ldan pa dge slong gi dge 'dun chen po dang thabs gcig tu 'bab chu ro hi kar byon te/ rgyal po zas gtsang gis gzhon nu don thams cad grub pa 'bab chu ro hi kar byon to zhes thos so/ /thos nas kyang rgyal po zas gtsang gis grong khyer ser skya'i gzhi rdo ba dang gyo mo dang gseg ma rnams bsal nas tsan dan gyi chus chag chag btab/ dri shin tu zhim po'i pog por nye bar bshams/ dar gyi chun phyang mang bo dpyangs te/ gang yang 'bab chu ro hi ka nas gang yang n+ya gro d+ha'i kun dga' ra ba de'i bar lam shin tu mdzes par byas te/ sa phyogs yangs shing rgya che bar gdan rnam par bkra ba dag shom du bcug go/ /de na 'bab chu ro hi ka la dge slong kha cig ni lag pa 'khru bar byed do/ /kha cig ni so shing 'dor bar byed do/ /kha cig ni khrus byed do/ /ser skya'i gzhi na gnas pa'i shAkya rnams kyis gzhon nu don thams cad grub pa gshegs so zhes thos so/ /thos nas kyang kha cig ni sngon kyi dge ba'i rtsa bas bskul/ kha cig ni ya mtshan skyes nas thams cad n+ya gro d+ha'i kun dga' ra ba nas byung ste ci yab sras kyi zhabs la phyag byed dam/ 'on te sras yab kyi zhabs la phyag byed pa blta'o snyam mo// //'dul ba gzhi/ bam po dgu bcu rtsa gcig pa/ de nas bcom ldan 'das 'di snyam du dgongs te/ gal te nga zhabs kyis ser skya'i gzhir gshegs na/ shAkya nga rgyal can rnams kye ma'o gzhon nu don thams cad grub pas bka' thub kyi nags su gshegs nas ltogs po zhig grub pa lta zhig ste/ de lha brgya stong phrag du mas zham 'bring byas nas steng gi nam mkha' las gshegs te dus de srid du dka' ba brgya stong spyad pas bdud rtsi thob nas da zhabs kyis gshegs pa lta zhes ma dad pa skyed par 'gyur ro snyam nas/ de nas bcom ldan 'das kyis ji ltar thugs mnyam par bzhag na shar phyogs kyi steng gi bar snang la mngon par 'phags nas spyod lam rnam pa bzhi mdzad de/ 'di lta ste 'chag pa dang bzhengs pa dang bzhugs pa dang mnal ba mdzad do/ /me'i ting nge 'dzin la yang snyoms par 'jug pa mdzad do/ /me'i ting nge 'dzin la snyoms par zhugs pa na sangs rgyas bcom ldan 'das kyi sku las 'od zer rnam pa sna tshogs dag 'byin par mdzad de/ 'di lta ste sngon po dang ser po dang dmar po dang dkar po dang le brgan dang shel gyi kha dog go/ /cho 'phrul zung du yang ston pa mdzad de/ sku'i smad nas me 'bar bar mdzad de sku'i stod nas chu grang mo'i rgyun 'bebs par mdzad do/ /sku'i stod nas me 'bar bar mdzad la/ sku'i smad nas chu grang mo'i rgyun 'bebs par mdzad pa'i ting nge 'dzin la snyoms par zhugs so/ /shar phyogs la ji lta bar lho dang nub dang byang phyogs su yang de bzhin no/ /phyogs bzhir rdzu 'phrul gyi cho 'phrul rnam pa bzhi bstan nas rdzu 'phrul mngon par 'du mdzad pa bsdus te ta la bdun gyi srid tsam na bzhugs so/ /dge slong rnams ni ta la drug gi srid tsam na 'o/ /bcom ldan 'das drug gi srid tsam na ni dge slong rnams lnga'i srid tsam na 'o/ /bcom ldan 'das lnga'i srid tsam na ni dge slong rnams bzhi'i srid tsam na'o/ / bcom ldan 'das bzhi'i srid tsam na ni dge slong rnams gsum gyi srid tsam na 'o/ /bcom ldan 'das gsum gyi srid tsam na ni dge slong rnams gnyis kyi srid tsam na 'o/ /bcom ldan 'das gnyis kyi srid tsam na dge slong rnams ta la gcig gi srid tsam na 'o/ /bcom ldan 'das mi bdun gyi srid tsam na bzhugs na ni dge slong rnams mi drug gi srid tsam na'o/ /bcom ldan 'das drug srid tsam na ni dge slong rnams lnga'i srid tsam na bcom ldan 'das lnga'i srid tsam na ni dge slong rnams bzhi'i srid tsam na 'o/ /bcom ldan 'das bzhi'i srid tsam na ni dge slong rnams gsum gyi srid tsam na 'o/ /bcom ldan 'das gsum gyi srid tsam na ni dge slong rnams gnyis kyi srid tsam na 'o/ /bcom ldan 'das gnyis kyi srid tsam na ni dge slong rnams mi gang lhag tsam na 'o/ /bcom ldan 'das mi gang lhag tsam na ni dge slong rnams sa la 'o/ /rgyal po zas gtsang gis cho 'phrul de lta bu de dang / dge slong mang po mthong nas de la bcom ldan 'das gang yin pa ma shes te rmongs par gyur to/ /de nas tshe dang ldan pa 'char ka la smras pa/ 'char ka 'di na ngur smrig gyon pa'i rab tu byung ba mang po zhig yod na de la gzhon nu gang yin/ tshe dang ldan pa 'char kas bcom ldan 'das bstan nas smras pa/ 'di ni bcom ldan 'das lags srid pa'i mthar byed sems kyi dbang phyug 'dren pa lags/ /'di ni nyon mongs sel mdzad nyin byed de nyid don ni kun du ston mdzad lags/ /'di ni dgongs pa bzhin brnyes stobs bcu mnga' bas kun gyi pha rol gshegs pa lags/ /dri med gsal ba chos kyi dbang phyug khyod kyi sras lags mi dbang da gzigs shig /de nas rgyal po zas gtsang gis lus btud nas zhabs la phyag byas te tshigs su bcad pas gsol pa/ blo gros yangs pa khyod la 'di dang ni/ /kun spyan zhabs la lan gsum phyag bgyis te/ /bltams pa'i tshe na sa ni g.yos pa dang / /'dzam bu'i grib ma sku las ma 'das pa'o/ /de nas shAkya dang shAkya mo rnams kyis rgyal po zas gtsang bcom ldan 'das kyi zhabs la 'thug pa mthong nas da ltar yab sras kyi zhabs la phyag byed pa ci tha tshig ces ma dad pa bskyed do/ /rgyal po zas gtsang gis shAkya dang shAkya mo rnams la go bar bya ba'i phyir 'di skad ces smras so/ /shes ldan dag da gdod kho bos gzhon nu don thams cad grub pa'i zhabs la phyag byas pa ma yin te/ gang gi tshe gzhon nu don thams cad grub pa bltam pa na sa chen po g.yos pa gyur cing 'jig rten 'di thams cad snang ba rgya chen pos gsal bar gyur te/ 'jig rten na 'jig rten gyi bar gyi mun gnag smag tu gyur pa nyi ma dang zla ba 'di gnyis 'di ltar rdzu 'phrul che ba/ 'di ltar mthu che ba'i 'od kyi snang ba nyams su ma myong ba gang yin pa de yang de'i tshe snang ba rgya chen pos gsal bar gyur nas/ der sems can gang dag skyes pa de dag snang ba des sems can dag gcig gis gcig mthong ba dang / shes ldan dag 'dir sems can gzhan dag kyang skyes pa lta/ shes ldan 'dir sems can gzhan dag kyang skyes pa lta zhes ngo shes par gyur pa de'i tshe yang kho bos byang chub sems dpa'i zhabs la mgo bos phyag byas so/ /gang gis tshe gzhon nu don thams cad grub pa/ zhing blas kyi mtha' la gzigs pa na shing 'dzam bu'i grib ma la bzhugs nas 'dod pa rnams las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba zag pa med pa dang mtshungs pa'i bsam gtan dang po nye bar bsgrubs te bzhugs pa na shing gzhan rnams kyi grib ma ni shar phyogs su gzhol/ shar phyogs su 'bab/ shar phyogs su bab kyang shing 'dzam bu'i grib ma ni byang chub sems dpa'i sku las ma 'das par gyur pa de'i tshe yang ngo mtshar rmad du byung ba'i chos des kho bo'i yid bsdus pas bcom ldan 'das gyi zhabs la yang phyag byas te/ 'di dang bcom ldan 'das kyi zhabs la lan gsum phyag byas so/ /de bas na 'di skad ces/ blo gros yangs pa khyod la 'di dang ni/ /kun spyan zhabs la lan gsum phyag bgyis te/ /bltam pa'i tshe na sa ni g.yos pa dang / /'dzam bu'i grib ma sku las ma 'das pa'o zhes smra 'o/ /de nas bcom ldan 'das kyis rdzu 'phrul mngon par 'du mdzad pa de brtul nas 'khor brgya stong phrag du ma zil gyis mnan nas dge slong gi dge 'dun gyi gung la gdan bshams pa nyid la bzhugs so/ /de nas rgyal po zas gtsang skad 'dzer cing snying dang mig mchi mas gang bas bcom ldan 'das la tshigs su bcad pa'i dbyangs kyis zhu ba zhus pa/ gzhal med khang gi gnas rnams las/ /yab gyi khab na bzhugs pa las/ /dgon pa'i 'jigs dang bcas rnams su/ /ji lta bur ni 'ba' zhig bzhugs/ /bcom ldan 'das kyis bka' stsal pa/ mi yi bdag po gang du ni/ / khyim gyi 'ching ba las grol ba/ /'phags pa yi ni gnas pa bcus/ /thub pa rnams ni gnas par mdzad/ /rgyal pos gsol pa/ ba so gser gyi rtsa ba can/ /shin du bde ba bting ba yi/ /khri la mnal bar mdzad pa las/ /gding ba la ni ji ltar mnal/ /bcom ldan 'das kyis bka' stsal pa/ rgyal po rnam grol gnas mal ni/ /dga' ba byang chub yan lag ni/ /me tog bkram par chags med cing / /yongs su gdung ba rnam spangs mnal/ /rgyal po zas gtsang gis gsol pa/ dpa' bo nyid kyi khab na ni/ gser dngul bum pas khrus mdzad na/ /rnyog pa can la dro ba yi/ /chab gyis ji ltar khrus mdzad lags/ /bcom ldan 'das kyis bka' stsal pa/ gau tam dad pa'i 'bab chu rnyog pa med/ /bsod nams 'jug ngogs dam pas bsngags pa ste/ /de la rig pa'i yon tan mi bkrus nas/ /lus mi gsher bar pha rol rab tu rgal/ /rgyal po zas gtsang gis gsol ba/ dpa' bo khyod sngon ser skya yi/ /tsan dan gyis ni sku bkrus shing / /ka shi'i mchog gnas mdzes pa las/ /de dang bral na mdzes ma lags/ /bcom ldan 'das kyis bka' stsal pa/ tshul khrims nga yi rgyan yin te/ /tshul khrims nyid ni byug pa yin/ /gser dang nor bu rna cha dag /rmongs skyed nga la ci zhig bya/ /rgyal pos gsol pa/ dpa' bo nyid kyi pho brang na/ /glang po shing rta rtas bzhud pa/ /tsher mar bcas pa'i sa gzhi la/ /zhabs kyis ji ltar gshegs par mdzad/ /bcom ldan 'das kyis bka' stsal pa/ nga yi shing rta rdzu 'phrul rkang / /yang dag rtsol ba'i bzhon pa yis/ /sa kun rnam par rgyu na yang / /nyon mongs tsher mas gnod pa med/ /rgyal po zas gtsang gis gsol pa/ dpa' bo sngon ni ka shi ka'i/ /na bza' mnabs na mdzes pa las/ /ngur smrig rtsub po'i gos mnabs pa/ /ji ltar khyod kyi sku yis bzod/ /bcom ldan 'das kyis bka' stsal pa/ rgyal po nga yi gos ni ngo tsha shes/ /nga yi bgo ba snam sbyar te/ /de bgos thub pa zhi ba rnams/ /nags khrod na ni mdzes par 'gyur/ /rgyal po zas gtsang gis gsol pa/ 'di ltar khyod sngon gser gyi gzhong pa las/ /du ma'i ro ldan 'bras chan gsol ba las/ /'di ltar gtso bo da lta'i bsod snyoms ni/ /phal ba gsol ba ji ltar mgur du mchi/ /bcom ldan 'das kyis bka' stsal pa/ zas kyi sred pa thams cad spangs nas ni/ /nges par byung dang mnyam par bzhag ldan pa'i/ /nga ni chos kyi ro mchog gsol mod kyi/ /'jig rten kun la brtse phyir nga spyod do/ /rgyal po zas gtsang gis gsol pa/ mgur du bde ba mang bgyid pa'i/ /dgun skyems kha ra'i chab gsol na/ /rnyog pa can la dro ba yi/ /chab ni ji lta zhig tu gsol/ /bcom ldan 'das kyis bka' stsal pa/ mi yi bdag po gang 'thungs na/ /bdag la btung ba thams cad ni/ /dug dang 'dra bar snang gyur pa/ /chos kyi ro mchog nga btung ngo / /rgyal po zas gtsang gis gsol pa/ 'di ltar khyod sngon bsil khang gzhal med khang / /khang bzangs steng na ji lta'i dus bzhin bzhugs/ /da lta gcig pu nags khrod khyod bzhugs pa/ /blo bzangs ji ltar bsnyengs pa med par bzhugs/ /bcom ldan 'das kyis bka' stsal pa/ gau tam 'jigs pa'i rtsa ba gang yin te/ /dri ma bag chag bcas par ngas spangs pas/ /nga ni myang ngan 'jigs pa med gnas te/ /nga la 'di na 'jig pa cung zad med/ /rgyal po zas gtsang gis gsol pa/ khyod sngon khrus khang shin tu yid 'ong bar/ /khrus mchog khyad par 'phags pas rtag bsil na/ /gcig po khyod ni nags khrod gnas ldan par/ /thub dbang da ltar su yis khrus mdzad 'gyur/ /bcom ldan 'das kyis bka' rtsal pa/ gau tam chos kyi mtsho bran dri med pa/ /tshul khrims 'jug ngogs dam pas bsngags pa ste/ /de la rig pa'i yon tan mi bkrus nas/ /lus mi gsher bar pha rol rab tu rgal/ /rgyal po zas gtsang gis gsol pa/ gang gis khyod ni khyad du gsod/ /gang las 'jigs su rung ba skye/ /yid 'byung ba yang gang las skye/ /zhus pa de dag bdag la gsungs/ /bcom ldan 'das kyis bka' stsal pa/ gang gis nga yi khyad gsod dang / /gang zhig las ni 'jigs pa dang / /gang las yid 'byung skyes pa dag /nyon cig khyod la bshad pa bya/ /rga dang na dang 'chi ba ste/ /gal te 'di gsum yod min na/ /nga yang shin tu yid 'ong ba'i/ /yul rnams la ni dga' bar 'gyur/ /rgyal po zas gtsang gis gsol pa/ shAkya rnams kyi rigs dga' ba/ /legs par 'khrungs pa'i dpa' bo legs/ /khyod ni 'jig rten chos brgyad kyis/ /ji lta bur yang ma gos so/ /de nas rab dga' dad pa rgyas byas nas/ /drang srong dge 'dun bskor ba byas nas ni/ /thub pa'i zhabs la mgo bos phyag byas te/ /bde bar gshegs la kun nas rtog cing 'dug /de nas rgyal po zas gtsang 'di snyam du sems te/ gang bdag gi bus yon tan gyi tshogs 'di lta bu thob pa ni bdag gi rnyed pa legs par rnyed do snyam mo/ /de nas bcom ldan 'das kyis n+ya gro d+ha'i kun dga' ra bar 'khor de'i bsam pa dang / bag la nyal dang / khams dang / rang bzhin mkhyen nas de dang 'thun pa'i chos bshad pa mdzad do/ /de thos pas zas dkar la sogs pa shAkya bdun khri bdun stong gis rgyun tu zhugs pa'i 'bras bu mngon sum du byas te rgyal po zas gtsang ni ma gtogs so/ /lha sbyin nga rgyal las kyang nga rgyal can/ sdig pa 'dod pa des bden pa mthong bar ma byas pas khro ba'i kun nas dkris pa dang bcas pas smras pa/ /gal te bdag gis 'di 'dra ba'i sgyu mas dbang du byed pa shes na bdag gis kyang 'jig rten thams cad dbang du bya ba zhig /de la shAkya rnams kyis bshes pa'i tshig gis smras pa/ lha sbyin bcom ldan 'das ni rdzu 'phrul che ba mthu che ba yin gyis de skad ma smra shig ces bzlog nas cang mi smra bar 'dug go/ /tshangs pas bskor ba'i bskyed mos tshal du 'di lta bu'i chos bshad pa mdzad de/ de thos pas rgyal po zas gtsang ma gtogs pa bre bo zas la sogs pa shAkya drug khri drug stong gis rgyun du zhugs pa'i 'bras bu mngon sum du byas pa na yang lha sbyin de kho na bzhin du kha zer ro/ /ro hi ta ka'i bskyed mos tshal du 'di lta bu'i chos bshad pa mdzad de/ de thos pas rgyal po zas gtsang ma gtogs par bdud rtsi zas la sogs pa shAkya bdun khri lnga stong gis rgyun du zhugs pa'i 'bras bu mngon sum du byas pa na yang lha sbyin de kho na bzhin du kha zer ro/ /'khor lhag ma rnams las kha cig gi ni nyan thos kyi byang chub tu sems bskyed do/ / kha cig gis ni rang sangs rgyas kyi byang chub tu sems bskyed do/ /kha cig gis ni bla na med pa yang dag par rdzogs pa'i byang chub tu sems bskyed do/ /kha cig gis ni rgyun du zhugs pa'i 'bras bu mngon sum du byas/ kha cig gis ni lan cig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni rab tu byung nas nyon mongs pa thams cad spangs te dgra bcom par gyur/ kha cig gis ni sangs rgyas la skyabs su song / kha cig gis ni chos la/ kha cig gis ni dge 'dun la ste/ 'khor de dag kyang phal cher kyang sangs rgyas la gzhol/ chos la 'bab/ dge 'dun la bab par bkod do/ /de nas rgyal po zas gtsang 'di snyam du sems te/ sngon ni bcom ldan 'das lha dang lha ma yin gyi 'gro bar bcas pas mchod pa dang / rjed pa dang mngon du smra bar bya bar gyur na/ da lta ni mis mchod kyi lhas ni ma yin no snyam mo/ /de nas shAkya gzhon nu zhig gis tshigs su bcad de gsol pa/ drang srong chen po smra mchog dam chos kyi/ /char pas 'gro ba 'di ni tshim mdzad do/ /mi bzad lam du lhung ba'i 'jig rten 'di/ /drongs te thar pa'i lam la sbyar bar mdzod/ /rgyal po zas gtsang ni 'di snyam du bdag gi bu 'ba' zhig 'di ltar rdzu 'phrul che zhing 'di ltar mthu che ba yin no snyam ste/ lhag par dga' bas bden pa ma mthong ngo / /bcom ldan 'das kyi dgongs pa/ rgyal po zas gtsang gis ci'i phyir bden pa ma mthong snyam pa las de 'di snyam du bdag gi bu 'ba' zhig 'di ltar rdzu 'phrul che zhing mthu che ba yin no snyam ste lhag par dga' bar gyur gyis mdor na de'i dregs pa spong du gzhug go/ /rgyu gnyis kyis bden pa rnams mthong bar mi 'gyur te/ ha cang zhum pa dang / shin tu dga' ba 'o/ /de la zhum pa'i sems dang shin du dga' ba yod kyis/ ma la ngas de'i zhum pa dang / shin du dga' ba gnyis spong du gzhug go snyam nas/ de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu rgyal po zas gtsang la soms shig /btsun pa bka' bzhin 'tshal zhes tshe dang ldan pa maud gal gyi bu chen pos bcom ldan 'das las mnyan nas rgyal po zas gtsang gang na ba der song ba dang / rgyal po zas gtsang gis tshe dang ldan pa maud gal gyi bu chen po rgyang ring po nas 'ong ba mthong ngo / /mthong nas kyang tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen po tshur spyon/ maud gal gyi bu chen po khyod byon pa legs so/ /btsun pa maud gal gyi bu chen po gang na bsams pa nyid la bzhugs shig /tshe dang ldan pa maud gal gyi bu chen pos stan bshams pa nyid la 'dug go/ /de nas tshe dang ldan pa maud gal gyi bu chen pos sems ji ltar mnyam par bzhag na rang gi stan las mi snang bar gyur te/ shar phyogs kyi steng gi bar snang la mngon par 'phags nas spyod lam rnam pa bzhi byed de/ 'di lta ste 'chag pa dang / 'greng ba dang / 'dug pa dang / nyal bar byed do/ /me'i ting nge 'dzin la yang snyoms par 'jug par byed do/ /me'i ting nge 'dzin la snyoms par zhugs pa dang / tshe dang ldan pa maud gal gyi bu chen po'i lus las 'od zer rnam pa sna tshogs dag 'byin par byed de/ 'di lta ste/ sngon po dang / ser po dang / dmar po dang / dkar po dang / leb rgan dang / shel gyi kha dog dag go/ /cho 'phrul zung du yang ston par byed de/ lus kyi stod nas 'bar bar byed la/ lus kyi smad nas chu grang mo'i rgyun 'bebs par byed do/ /lus kyi smad nas me 'bar bar byed la lus gyi stod nas chu grang mo'i rgyun 'bebs par byed pa de lta bu'i ting nge 'dzin la snyoms par zhugs so/ /shar phyogs la ji lta ba bzhin du lho dang / nub dang / byang phyogs su yang de bzhin no/ /phyogs bzhir rdzu 'phrul gyi cho 'phrul rnam pa bzhi bstan nas/ rdzu 'phrul mngon par 'du bya ba bsdus te stan bshams pa nyid la 'dug go/ /de nas rgyal po zas gtsang gis tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen po bcom ldan 'das kyi nyan thos 'di ltar rdzu 'phrul che zhing mthu che ba gzhan yang mchis lags sam/ rgyal po chen po mchis so zhes tshigs su bcad de smras pa/ mthu che ba dang gsum rig dang / /sems kyi rnam grangs shes pa dang / /zag zad dgra bcom gang yin pa/ /thub pa'i nyan thos mang du mchis/ /de nas rgyal po zas gtsang 'di snyam du sems te/ bdag gi bu 'ba' zhig 'di ltar rdzu 'phrul che zhing mthu che bar ma zad de 'di ltar rdzu 'phrul che zhing mthu che ba'i rab tu byung ba gzhan yang yod do snyam nas de shin du dga' ba gang yin pa de dang bral bar gyur to/ /skabs der bcom ldan 'das kyis 'jig rten pa'i thugs bskyed pa mdzad de/ kye ma brgya byin dang tshangs pa la sogs pa lha rnams 'ongs na lha'i 'khor dag pa la chos bshad do snyam pa dang / chos nyid kyis gang gi tshe sangs rgyas bcom ldan 'das rnams kyis 'jig rten pa'i thugs bskyed pa mdzad pa de'i tshe srog chags grog sbur rnams kyi sems kyis kyang bcom ldan 'das kyis dgongs pa shes par 'gyur na/ brgya byin dang tshangs pa la sogs te lha rnams kyis lta smos kyang ci dgos/ gang gi tshe 'jig rten las 'das pa'i thugs bskyed pa de'i tshe/ nyan thos chen po rnams kyis sems kyis kyang bcom ldan 'das kyi dgongs pa mi shes na/ brgya byin dang tshangs pa la sogs te lha rnams kyis lta ci smos/ srog chags grog sbur rnams kyis lta ga la shes/ de nas lha rnams kyi dbang po brgya byin 'di snyam du sems te/ bcom ldan 'das ci'i phyir 'jig rten pa'i thugs bskyed pa mdzad do snyam pa las de 'di snyam du sems te/ lha'i 'khor dag pa rnams la chos 'chad par bzhed do snyam nas/ des lha'i bu bzo thams cad pa la bsgo ba/ bzo thams cad pa bcom ldan 'das lha'i 'khor dag pa la chos 'chad par bzhed kyis n+ya gro d+ha'i kun dga' ra bar rin po che sna bzhi'i khang pa rtsegs ma gdan sna tshogs bshams pa zhig sprul cig /kau shi ka khyod kyi mchog tu bzang ngo zhes lha'i bu bzo thams cad pas lha'i dbang po brgya byin las mnyan te n+ya gro d+ha'i kun dga' ra bar rin po che sna bzhi'i khang pa rtseg ma gdan sna tshogs bshams pa zhig sprul to/ /de nas rgyal po chen po bzhi sgo bzhi na 'khod pa'i yul 'khor skyong dang / 'phags skyes po dang / mig mi bzang dang / lus ngan po ste/ shar phyogs na ni yul 'khor skyong dpung rgyan dang / rna cha gdub khor dang / phreng ba dang / rgyan sna tshogs kyis brgyan pa'o/ /lho phyogs na ni 'phags skyes po lha'i rgyan thams cad kyis brgyan pa'o/ /nub phyogs na ni mig mi bzang rin po che sna tshogs kyis brgyan pa'o/ / byang phyogs na ni lus ngan po rgyan thams cad kyis brgyan pa'o/ /de nas lha rnams kyi dbang po brgya sbyin gyis n+ya gro d+ha'i kun dga' ra ba che thang du brgyan du bcug ste/ bcom ldan 'das gang na ba der song ste phyin nas bcom ldan 'das la don de rgyas par gsol to/ /de nas bcom ldan 'das brgya byin dang tshangs pa la sogs lha brgya stong phrag du mas yongs su bskor nas khang pa brtsegs par zhugs te/ lha'i 'khor phal po che'i gung la rin po che sna tshogs kyis brgyan pa'i seng ge'i khri la bzhugs so/ /de nas tshe dang ldan pa maud gal gyi bu chen pos rgyal po zas gtsang khrid de/ bcom ldan 'das gang na ba der song ste phyin nas tshe ldan pa maud gal gyi bu chen po dang nang du zhugs pa dang / rgyal po zas gtsang la rgyal po chen po yul 'khor skyong gis rgyal po chen po nang du ma 'gro bar sdod cig ces bzlog go/ /ci'i phyir/ bcom ldan 'das lha'i 'khor dag pa la chos 'chad de/ der mir gyur pa 'jug tu mi dbang ngo / /rgyal po zas gtsang gis smras pa/ bzhin bzangs khyod su zhig /yul 'khor skyong gis smras pa/ rgyal po bdag ni yul 'khor skyong ngo / /de nas rgyal po zas gtsang lho sgor song ba dang / rgyal po chen po 'phags skyes pos mthong nas smras pa/ rgyal po chen po nang du ma 'jug par sdod cig /rgyal po zas gtsang gis smras pa/ bzhin bzangs khyod su zhig /'phags skyes pos smras pa/ rgyal po chen po bdag ni 'phags skyes po'o/ /ci'i phyir/ bcom ldan 'das lha'i 'khor dag pa la chos 'chad de/ der mir gyur pa 'jug tu mi dbang ngo / /de nas rgyal po zas gtsang nub sgor song ba dang / rgyal po chen po mig mi bzang gis mthong nas smras pa/ rgyal po chen po nang du ma 'jug par sdod cig /rgyal po zas gtsang gis smras pa/ bzhin bzangs khyod su zhig /mig mi bzangs gis smras pa/ rgyal po chen po bdag ni mig mi bzang ngo / /ci'i phyir/ bcom ldan 'das lha'i 'khor dag pa la chos 'chad de/ der mir gyur pa 'jug tu mi dbang ngo / /de nas rgyal po zas gtsang byang sgor song ba dang / rgyal po chen po rnam thos kyi bus mthong nas smras pa/ rgyal po chen po nang du ma 'jug pa sdod cig /rgyal po zas gtsang gis smras pa/ bzhin bzangs khyod su zhig /rnam thos kyi bus smras pa/ rgyal po chen po bdag ni rnam thos kyi bu'o/ /ci'i phyir/ bcom ldan 'das lha'i 'khor dag pa la chos 'chad de/ der mir gyur pa 'jug tu mi dbang ngo / /de nas rgyal po zas gtsang kye ma'o bcom ldan 'das lha'i 'khor dag pa la chos 'chad pa de bdag gis blta 'o snyam pa'i 'dod pa skyes so/ /de nas rgyal po zas gtsang zhum pa'i rgyud gang yin pa de dang bral bar gyur to/ /bcom ldan 'das kyi dgongs pa/ rgyal po zas gtsang gis gal te nga ma mthong na khrag dron mo skyugs nas 'chi bar 'gyur ba'i gnas skabs gang yin pa de yod pas de la thabs shig bsham par bya 'o snyam nas/ bcom ldan 'das kyis rin po che sna bzhi'i khang pa brtsegs pa gang yin pa de shel las byas par sprul pa dang / des na rgyal po zas gtsang gis sangs rgyas kyi sku sgrib pa med par mthong ngo / /mthong nas kyang dga' ba dang mgu ba skyes nas bcom ldan 'das kyi zhabs gnyis la mgo bos phyag byas te phyogs gcig tu 'dug go/ /de nas bcom ldan 'das kyis rgyal po zas gtsang gi bsam pa dang / bag la nyal dang / khams dang / rang bzhin mkhyen nas 'phags pa'i bden pa bzhi so sor rtogs par 'gyur ba de lta bu'i chos bshad pa mdzad de/ de thos pas rgyal po zas gtsang gis 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ de bden pa mthong nas lan gsum du ched du brjod pa ched du brjod pa/ btsun pa bcom ldan 'das bdag la phas ma bgyis/ mas ma lags rgyal pos ma lags/ lha rnams kyis ma lags sngon gyi 'das pa rnams kyi ma lags/ dge sbyong dang bram ze rnams kyis ma lags sdug pa dang / rang gi skye bo dang / gnyen gyi tshogs kyis ma lags pa gang lags pa de ni bcom ldan 'das kyis bdag la mdzad de/ khrag dang mchi ma'i rgya mtsho ni bskams/ rus pa'i ri bo dag las ni bsgral/ ngan song gi sgo rnams ni bkum/ mtho ris dang thar pa'i sgo rnams ni phye/ bdag lha dang mi rnams su ni bzhag go/ /yang gsol pa/ pha la lan du phan gdags pa/ /dam pa'i bus ni bgyi ba gang / /khyod kyis bdag la mdzad lags te/ /sems ni grol bar gzhol bar bgyis/ /khyod kyis bdag ni ngan 'gro las/ /drangs te mtho ris thar pa la/ /bsgrib mi 'tshal bar bzhag lags te/ /khyod kyis dka' ba mdzad pa legs/ /mgon po byams pa khyod kyis ni/ / bdag ni tshong pa rnyed ldan ltar/ /mtho ris rnyed pas srid pa yi/ /longs spyod dag ni rnyed par mdzad/ /de nas rgyal po zas gtsang stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis rgyal po zas gtsang la cang mi gsung bas gnang ngo / /de nas rgyal po zas gtsang bcom ldan 'das cang mi gsung bas gnang bar rig nas/ bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas chas te/ zas dkar gang na ba der song ste phyin nas zas dkar la 'di skad ces smras so/ /gzhon nu khyod rgyal srid thob kyis rgyal srid khyer cig /ci'i slad du ngas bcom ldan 'das kyi spyan sngar bden pa mthong bas so/ /gang gi gdugs la lags/ de ring kho na 'o/ / bdag gis kyang bcom ldan 'das kyis gang gi nyi ma la n+ya gro ng+ha'i kun dga' ra bar chos bshad pa de'i nyi ma la shAkya bdun khri bdun stong dang / lhan cig bden pa mthong lags so/ /de bzhin du bre bo zas la rgyal srid khyer cig ces smras pa dang / des smras pa/ bdag gis kyang bcom ldan 'das kyis gang gi tshe tshangs pas bskor ba'i bskyed mos tshal du chos bshad pa de'i tshe shAkya bdun khri drug stong dang lhan cig bden pa mthong lags so/ /de bzhin du bdud rtsi zas la rgyal srid khyer cig ces smras pa dang / des smras pa/ bdag gis kyang gang gi tshe bcom ldan 'das kyis ro hi ta ka'i bskyed mos tshal du chos bshad pa de'i tshe shAkya bdun khri lnga stong dang lhan cig bden pa mthong lags so/ /gal te de ltar gyur na da su zhig rgyal srid la gzhag / de rnams kyis smras pa/ shAkya'i rgyal po bzang ldan gyis bgyi'o zhes de rnams 'dus nas shAkya'i rgyal po bzang ldan rgyal srid kyi dbang phyug la dbang bskur ro/ /de nas rgyal po zas gtsang gis de nyid kyi mtshan mo nas gtsang zhing bsod pa'i bza' ba dang bca' ba dag sta gon byas nas nang par sngar langs te/ gdan bshams shing nor bu'i chu snod bzhag nas bcom ldan 'das la spyan 'dren gyis gdugs tshod gsol pa/ btsun pa bcom ldan 'das gdugs tshod lags na/ da de'i dus la bab par dgongs su gsol/ de nas bcom ldan 'das snga dro na bza' sham thabs mnabs lhung bzed dang chos gos bsnams te/ dge slong gi tshogs kyis yongs su bskor cing dge slong gi dge 'dun gyis mdun du bdar nas rgyal po zas gtsang gi bkad sa gang na ba der gshegs te byon nas dge slong gi dge 'dun gyi gung la gdan bshams pa nyid la bzhugs so/ /de nas rgyal po zas gtsang gis sangs rgyas la sogs pa dge slong gi dge 'dun bde bar bzhugs par rig nas gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ /rnam grangs du mar gtsang zhing bsod pa'i bza' ba dang bca' ba rang gi lag nas bstabs shing tshim par byas te/ bcom ldan 'das kyis gsol zin nas phyag bcabs te lhung bzed gyu bar rig nas gser gyi bya ma bum blangs te/ bcom ldan 'das la n+ya gro ng+ha'i kun dga' ra ba phul lo/ /bcom ldan 'das kyis yan lag lnga dang ldan pa'i gsung dbyangs kyis yon bsngo ba mdzad pa/ sbyin pa'i bsod nams gang yin 'dis/ /shAkya rnams kyis bsams pa yi/ /yid la re ba rdzogs nas ni/ /rtag pa'i gnas ni thob par shog /de nas bcom ldan 'das ser skya'i gzhi shing n+ya gro ng+ha'i kun dga' ra ba na bzhugs so/ / de bzhin du gnas brtan rnams kyis kyang mdo sde la bcom ldan 'das ser skya'i gzhi shing n+ya gro ng+ha'i kun dga' ra ba na bzhugs so zhes gdags par byas so/ /bcom ldan 'das ser skya'i gzhi de nyid na bzhugs nas nyi ma gcig ni rgyal po'i pho brang du gdugs tshod gsol/ nyi ma gcig ni btsun mo'i nang du gsol lo/ /rgyal po zas gtsang gis ral pa can las rab tu byung ba'i dge slong rnams spyod lam zhi zhing sems dang ba yin na dka' thub drag po'i brtul zhugs kyi khyad par dag gis lus gdungs pas lus mi mdzes par mthong ngo / /mthong nas kyang 'di snyam du sems te/ 'di ltar ral pa can 'di dag spyod lam zhi zhing sems dang ba yin mod kyi/ lus mdzes pa ma yin na 'khor ci 'dra ba zhig gis bcom ldan 'das mdzes par 'gyur snyam pa las/ des bsams pa/ shAkya'i 'khor gyis yin no snyam nas/ de nas shAkya thams cad bsogs te smras pa/ shes ldan dag gal te gzhon nu don thams cad grub pa rab tu ma byung bar gyur na cir 'gyur/ 'khor los sgyur ba'i rgyal por 'gyur ro/ /khyed cag ci zhig byed par 'gyur/ g.yog bgyid par 'gyur ro/ /da ltar gzhon nu don thams cad grub pa bla na med pa'i chos kyi rgyal por gyur na/ khyed cag ci'i phyir g.yog mi byed/ lha ci rab tu 'byung ngam/ rab tu byung shig /ci thams cad dam/ khyim re nas re re 'o/ /bka' bzhin 'tshal zhes rgyal po zas gtsang gis grong khyer ser skya'i gzhir dril sgrogs su bcug pa/ rgyal po'i zhal nas nga'i yul na gnas pa'i shAkya rnams kyis khyim re nas re re rab tu byung shig ces de skad bka' stsal to/ /bre bo zas la bu gnyis yod pa ma 'gags pa dang / ming chen no/ /ming chen ni zhing blas kyi mtha' la lhag par brtson no/ /ma 'gags pa ni steng gi khang bzangs kyi gzhi la 'dug nas skyes pa med pa'i rol mos rtse bar byed/ dga' bar byed/ dga' mgur spyod par byed do/ /ming chen la mas smras pa/ /bu rgyal pos dril sgrogs su bcug pa/ shAkya rnams las khyim re nas re re rab tu byung shig ces bsgos khyod rab tu byung shig /des smras pa/ bdag ni rab tu mi 'byung gis khyod kyi bu sdug pa bde ba dang ldan par gnas pa gang yin pa de rab tu phyung shig /bu bsod nams kyi dbang thang chen po can gyi sems can de la khyod 'gran ma tshol cig /yum khyod gang la dgyes pa de bsod nams kyi dbang thang chen po can lags mod/ de ring de la chung zad kyang ma bskur dang / ci bsod nams kyi dbang thang chen po legs sam ma lags mngon par 'gyur ro/ /bu de bzhin du byas te yid ches par bya'o/ / des gzeb stong pa rdze'u yis bkang nas kha ras dkar pos dkris te rgya skyegs la rgyas btab nas bu mo mngag gzhug ma'i lag tu bskur nas bsgo ba/ gal te de na ci yod ces 'dri dang ci yang ma mchis so zhes smros shig /des de la khyer nas song ba dang / lha rnams kyi dbang po brgya byin gyi shes pa mthong ba 'og tu 'jug pa yin pas des bsams pa/ rang sangs rgyas kun shes pa la bsod snyoms phul ba gang yin pa de deng ci'i phyir zas kyis phongs par bya/ de'i zan sbyar bar bya 'o zhes des rdze'u de rnams su sran tshod dang / tshod ma sna tshogs ro dang ldan pa dang zas kyis bkang ngo / /ji tsam na mngag gzhug ma des khyer nas ma 'gags pa'i drung du phyin pa dang / des smras pa/ bu mo 'o na ni ci yod/ des smras pa/ gzhon nu ci yang ma mchis so/ /ma 'gags pas bsams pa/ bdag la ma byams na 'di stong par ci ste bskur/ gdon mi za bar 'di ni ci yang ma yin pa zhes bya ba'i zas shig bskur gyis re shig blta'o zhes ci tsam na kha phye ba dang / bskyed mos tshal de thams cad zas kyi dri zhim pos gang bar gyur te/ de bsnams nas ma 'gags pa mchog tu ya mtshan skyes so/ /de ma la gus pa yin pas des ma la zas kyi phud bskur nas spring ba/ yum gdugs re re zhing zas ci yang ma yin pa zhes bgyi ba 'di lta bu sha stag bskur ba'i rigs so/ /des kyang mthong nas mchog tu ya mtshan skyes te/ des ming chen la bstan nas/ bu mthong ngam/ yum mthong lags so/ /khyod la kho mos sngar bsod nams kyi dbang thang chen po'i sems can mi skal ba bzang po dang ldan pa la khyod 'gran ma tshol cig ces ma smras sam/ des smras pa/ yum bsod nams kyi dbang thang chen po dang ldan yang rung mi ldan yang rung bdag ni rab tu mi 'byung ngo zhes ji ltar ming chen gnas skabs thams cad du rab tu byung bas khas len du ma btub bo/ /de nas des ma 'gags pa la smras pa/ bu rgyal pos dril sgrogs su bcug pa shAkya rnams las khyim re nas re re rab tu byung shig ces bsgo na khyod ci rab tu 'byung ngam/ 'on te khyim par 'dug /des smras pa/ yum rab tu byung ba la phan yon ci mchis/ nyes dmigs ci mchis/ khyim par mchis pa la phan yon ci mchis/ nyes dmigs ci mchis/ bu rab tu byung bas legs par bsgrubs na/ mya ngan las 'das pa thob par 'gyur ro/ /legs par ma bsgrubs na lha dang mi thob par 'gyur ro/ /khyim par 'dug ste legs par bskyangs na lha dang mi thob bo/ /ma bskyangs na sems can dmyal ba dang / dud 'gro dang / yi dags 'thob bo/ /yum rab tu byung ba'i nyes dmigs gang lags pa de ni khyim na gnas pa'i phan yon lags pas de bas na khyim na gnas pa mi 'tshal gyis gnang bar mdzod cig dang rab tu 'byung ngo / /des smras pa/ bu legs kyis de bzhin du gyis shig /ma 'gags pa'i ne'u zla shAkya'i rgyal po bzang ldan yin pas de de'i drung du song ngo / /de'i tshe shAkya'i rgyal po bzang ldan pi bang len te/ de pi bang len pa na rgyud chad nas sgra gzhan du gyur to/ /ma 'gags pa pi bang len pa la byang ba yin pas des sgra ci 'dra bar gyur pa'i rtags bzung nas de sgor bsdad de sgo srungs kyi mi la smras pa/ kye nang rje song la rgyal po bzang ldan la ma 'gags pa lha'i zhal mthong bar 'tshal nas sgo na sdod cing mchis so zhes gsol cig / sgo srung song nas shAkya'i rgyal po bzang ldan la smras pa/ lha ma 'gags pa lha'i zhal mthong bar 'tshal nas chab sgo na sdod cing mchis so/ /des smras pa/ shes ldan ma 'gags pa la su 'gog /shes ldan ma 'gags pa nang du thong shig / de nang du zhugs pa dang / rgyal po la byung nas 'dug tu bcug ste smras pa/ khyod 'ongs nas ji srid lon/ des smras pa/ gang gi tshe khyod pi bang len pa na rgyud chad nas sgra gzhan du gyur pa na'o/ /de mchog tu ya mtshan skyes nas des smras pa/ khyed pi bang len pa la byang ba yin no/ /shAkya'i rgyal po bzang ldan gyis smras pa/ gzhon nu don ci zhig la 'ongs/ ma 'gags pas smras pa/ lha rgyal po zas gtsang gis dril sgrogs su bcug pa shAkya rnams la khyim re nas re re rab tu byung shig par bsgo bas de khyod kyis mkhyen par mdzod cig rab tu 'byung ngo / /rgyal pos smras pa/ gal te de lta na kho bo yang rab tu 'byung ste/ gros bya ba yod kyis khyod de ring 'di nyid tu gnas thob shig /de de nyid du gnas btab bo/ /mal 'cha' bas rims bag gi dri can gos kyis bting zhing me tog gi sil mas bkram pa'i mal du ma 'gags pa nyal ba dang / de'i 'og na me tog gi rtsa ba yod pa'i reg pa de'i nyams su tshor nas smras pa/ ci 'di'i 'og na rdo phre'u yod dam/ de rnams kyis brtag par brtsams pa na me tog gi rtsa ba zhig mthong nas de rnams mchog tu ngo mtshar skyes so/ /ma 'gags pa mtshan mo mi bde bzhin nyal nas nam nangs so/ /rgyal pos smras pa/ ma 'gags pa ci ga bde bde bar gnyid log gam/ des smras pa/ lha bde bar gnyid ma log go/ /rgyal pos smras pa/ ci'i phyir/ ma 'gags pas smras pa/ lha rims bag gi dri can gyi gos bting bar me tog gi sil ma bkram pa'i me tog gi rtsa bas lus gnad lags so/ / rgyal pos mal 'cha' ba bkug nas khyod kyis rims bag gi dri can gyi gos bting ste ci bya/ mal 'cha' bas smras pa/ lha bdag la dkor bas gtad pa lags so/ /rgyal pos dkor ba bkug nas smras pa/ khyod kyis rims bag gi dri can gyi gos phog ste ci bya/ des smras pa/ lha bdag la tha ga pas gtad pa lags so/ /rgyal pos thag pa bkug nas smras pa/ khyod kyis ci'i phyir rims bag gi dri can gyi gos dbul/ tha ga pas smras pa/ lha snam bu 'thag pa'i 'phro cung zhig lus pa na bdag rims kyis thebs bzhin bgyis pa lags so/ /rgyal pos smras pa/ gzhon nu khyod kyis ji ltar shes/ des smras pa/ tsha ba'i reg pa nyams su myong bas rims bag gi dri lags so/ /rgyal po mchog tu ya mtshan skyes te smras pa/ shes ldan ma 'gags pa ni shAkya skal ba bzang po dang ldan pa yin no/ /de nas shAkya'i rgyal po bzang ldan gyis smras pa/ gzhon nu gal te kho bo rab tu byung na lha sbyin shAkya rnams kyi rgyal por gyur te/ de shAkya rnams la gnod par byed par 'gyur gyis/ ma la bdag cag thams cad 'dus la lha sbyin spro ba bskyed par bya'o zhes shAkya'i rgyal po bzang ldan gyis de bkug ste/ de nas thams cad 'dus nas smras pa/ lha sbyin kho bo cag thams cad rab tu 'byung na khyod ci byed/ lha sbyin gyis bsams pa gal te rab tu mi 'byung ngo zhes smras pa dang / shAkya'i rgyal po bzang ldan rab tu 'byung bar mi 'gyur gyis/ de la thabs cig bsham par bya ste bslu'o/ /gzhan yang bcom ldan 'das kyis gang gi nyi ma la n+ya gro ng+ha'i kun dga' ra bar sgyu ma'i cho 'phrul bstan pa de'i tshe bdag blo skyes pa/ ji ltar 'di'i sgyu mas skye bo'i tshogs chen po dbang du byed pa de bzhin du bdag gis kyang dbang bya'o zhes bsams so snyam nas smras pa/ khyed cag rab tu 'byung na bdag ci ste 'dug /shAkya'i rgyal po bzang ldan gyis bsams pa/ 'di ni brdzun du smra ba yin gyis dam 'char bcug la 'gro ba mang pos so sor rig par bya'o snyam mo/ /de nas rgyal pos tshig de glegs bu la bris nas grong khyer ser skya'i gzhir dril sgrogs su bcug pa/ grong khyer ser skya'i gzhi na gnas pa'i shes ldan dag nyon cig /bzang ldan dang / nam gru dang / ma 'gags pa dang / lha sbyin la sogs te shAkya lnga brgya rab tu 'byung bar 'gyur gyis/ thos par gyis la rab tu dga' ba skyed cig ces bsgo 'o/ /lha sbyin gyis de thos nas sdug bsngal chen po dang yid mi bde ba skyes nas/ gal te bdag gis shAkya'i rgyal po bzang ldan nges par rab tu 'byung ba shes par gyur dang bdag khas len par mi 'gyur ba zhig na/ nga ni gal te rab tu ma byung na brdzun du smra ba yin no zhes rgyal srid kyang thob par mi 'gyur bas thams cad kyi thams cad du dus 'dir zad dam cis rab tu byung la bdag rab tu byung bzhin du rgyal srid bya'o snyam mo/ /de nas rgyal po zas gtsang 'di snyam du sems te/ shAkya rnams kyi tha ma'i 'byor pa la blta'o snyam nas des grong khyer gseg ma dang gyo mo bsal/ tsan dan gyi chus chag chag btab/ gdugs dang / rgyal mtshan bsgreng / dar gyi chun 'phyang mang po dpyangs/ shin du dri zhim po'i pog por nye bar bzhag /me tog sna tshogs kyi sil mas dga' dga' ltar byed du bcug go/ /de nas shAkya brgya stong phrag du mas yongs su bskor nas grong khyer gyi sgo na seng ge'i khri la 'dug go/ /shAkya mo dang shAkya gzhon nu ma ngo mtshar skyes pa rnams kyang skar khung khol ma can dang / skar khung dang / stegs bu dag la 'dug go/ /shAkya rnams kyi 'byor pa la blta bar 'dod pa'i skye bo'i tshogs yul sna tshogs nas lhags pa dag kyang lam po che 'am/ tshong 'dus dang / bzhi mdo dang / sum mdo rnams su 'dug go/ /shAkya las su dag gis ni mnyes par 'gyur/ su dag gis ni thugs byung bar 'gyur ba brtag pa'i phyir bram ze dang / mtshan mkhan dang / ltas mkhan dag bkug go/ /shAkya rnams do shal dang / gdub bu dang / dpung rgyan dang / rgyan gyis brgyan pa rnams kyis pha dang ma dag la bltas nas so so'i shing rtar zhugs te phyir 'byung bar brtsams pa na/ shAkya'i rgyal po bzang ldan sna la byung ba mtshan mkhan rnams kyis mthong nas de dag gis smras pa/ re shig 'dis ni mnyes par byed par 'gyur ro/ /de bzhin du nam gru dang / ma 'gags pa la sogs pa phyir byung ba na de rnams kyang mtshan mkhan rnams kyis lung bstan to/ /de nas lha sbyin phyir byung ste/ de phyir byung ba na bya khras gtsug gi nor bu phrogs pa mtshan mkhan rnams kyis mthong nas de rnams kyis smras pa/ 'di'i rtags dang sbyar na gdon mi za bar ston pa la 'khus nas dmyal ba la gzhol bar 'gyur ro/ /ko ka li ka dang / khaN+Da s+dzas kyi dum du dra bya dang / ka Ta mo ra ka ti sh+ya dang / rgya mtshos byin rnams phyir byung ba dang bong bu'i skad grag nas de dag kyang mtshan mkhan rnams kyis bstan pa/ 'di dag gis kyang nyan thos chen po rnams la tshig ngan pa smras nas dmyal bar gzhol bar 'gyur ro/ /nye dga' glang po che la zhon nas phan tshun du lta bar byed pa na mu tig gi do shal lhung ba dang / de glang po che las babs te/ blangs so/ /de yang de rnams kyis lung bstan pa/ 'di ha cang 'dod chen ches pas sems can dmyal ba rnams su skye bar 'gyur ro/ /de nas bzang ldan dang / nam gru dang / ma 'gags pa dang / lha sbyin la sogs pa shAkya lnga brgya po de rnams bskyed mos tshal du dus ston la 'gro ba bzhin du bzang pos 'gran cing bcom ldan 'das gang na ba der dong ngo / /bcom ldan 'das kyis dgongs pa/ gal te ngas shAkya rnams la dge slong tshur shog ces bya bas rab tu phyung na kha cig gis ni mnyes par byed par 'gyur/ kha cig gis ni mnyes par byed par mi 'gyur te/ mnyes par byed par mi 'gyur ba gang yin pa de dag gzhan du sems la/ dge slong tshur shog ces bya ba ni thams cad srid pa tha ma yin pas ma la ngas thams cad dge slong rnams kyis gsol ba dang bzhi'i las kyis rab tu byung ba dang bsnyen par rdzogs su gzhug go snyam du dgongs nas dge slong rnams la bka' stsal pa/ dge slong dag ser skya'i gzhi'i shAkya rnams gsol ba dang bzhi'i las kyis rab tu 'byung ba dang bsnyen par rdzogs par gyis shig /btsun pa bka' bzhin 'tshal zhes dge slong de rnams kyis bcom ldan 'das las mnyan to/ /rgyal po zas gtsang gis shAkya rnams kyi 'breg mkhan nye bar 'khor zhes bya ba de rnams rab tu 'byin pa na skra 'dreg par btang nas shAkya'i rgyal po bzang ldan gyi skra 'breg pa na de ngom zung gnag cing mchi ma 'dzag la skad 'dzer cing dbugs brdzags par skra 'breg par byed do/ /shAkya'i rgyal po bzang ldan gyis smras pa/ nye bar 'khor ci'i phyir du/ de snying rje rje skad du bcom chung ngu dal bus tshig re nas smras pa/ lha bdag 'dzam bu'i gling gi skyes bu gtso bo rnams la bsnyen bkur bgyid pa mi phal pa rnams la yang bsnyen bkur bgyid par 'gyur ba lta zhig / khyed kyis spangs te gson pa bas ni 'gum mi bsdo'o/ /shAkya'i rgyal po bzang ldan gyis smras pa/ nye bar 'khor khyod kyis jo bo la snying nye ba'i mnyes par bya ba bstan zin te/ chog gis mya ngan ma byed cig /ngas ji ltar mi phal pa rnams la bsnyen bkur byed par mi 'gyur ba de ltar bya'o zhes smras nas des phyogs gcig tu ras shig bting nas shAkya gzhon nu rnams la smras pa/ shes ldan gzhon nu dag nyon cig /'breg mkhan nye bar 'khor 'dis bdag cag la bkur sti byas la bdag cag kyang slar khyim du mi gnas kyis rgyan rnams de'i 'tsho ba'i rkyen du ras kyi steng du zhog shig /de rnams kyis se mo do dang / do shal dang / mgul rgyan dang / gdu bu dang / dpung rgyan dang / rna rgyan la sogs pa rin po che sna tshogs kyis brgyan pa'i rgyan khyad par can rnams kyis ras kyi steng du phung po chen por spungs so/ /nye bar 'khor gyis de rnams mthar gyis skra bregs te de rnams khrus la dong ba dang / des bsams pa/ re shig gzhon nu 'di dag rigs dang / 'byor pa dang / lang tsho la bab cing chung ma dang ldan la/ mdzod dang bang mdzod kyis rgyas pa yang spangs nas rab tu 'byung na/ bdag rgyan 'di tsam la chags pa ni tshul ma yin pas sdug bsngal bar 'gyur ro/ /gal te bdag rigs ngan du ma skyes na bdag kyang legs par gsungs pa'i chos 'dul ba la rab tu 'byung zhing chu bo las rgal ba dang / sbyor ba las yang dag par 'da' bar bya ba'i phyir brtsal ba dang 'bad pa la brtson par bya ba zhig snyam mo/ /'di ni chos nyid yin te/ ji ltar sangs rgyas bcom ldan 'das rnams nyin lan gsum mtshan lan gsum sangs rgyas kyi spyan gyis 'jig rten la gzigs pa de bzhin du nyan thos chen po rnams kyang byed pas tshe dang ldan pa shA ri'i bus 'breg mkhan nye bar 'khor lhag par skyo ba skyes par mthong ngo / /mthong nas kyang 'breg mkhan nye bar 'khor gang na ba der song ste phyin nas 'breg mkhan nye bar 'khor la 'di skad ces smras so/ /nye bar 'khor khyod ci'i phyir shin du mi dga' bas lag pa 'gram pa la gtad nas sems khongs su chud cing 'dug nye bar 'khor gyis smras pa/ btsun pa shA ri'i bu gang gi phyir da ltar gzhon nu 'di dag rigs dang / 'byor pa dang / lang tsho la bab cing chung ma dang ldan la/ mdzod dang bang mdzod kyis rgyas pa yang spangs nas rab tu 'byung na/ bdag rgyan 'di tsam la chags pa ni tshul ma yin pas sdug bsngal bar 'gyur ro/ /gal te bdag rigs ngan du ma skyes na bdag kyang legs par gsungs pa'i chos 'dul ba la rab tu 'byung zhing chu bo las rgal ba dang / sbyor ba las yang dag par 'da' bar bya ba'i phyir brtsal ba dang 'bad pa la brtson par bgyi ba zhig na/ bdag ci'i phyir sems khongs su chud par mi 'gyur/ tshe dang ldan pa shA ri'i bus smras pa/ bzhin bzangs thub pa'i dbang po'i gsung rab 'di la ni rigs snying por byed pa ma yin/ rus snying por byed pa ma yin/ rgyud snying por byed pa ma yin/ thos pa snying por byed pa ma yin te/ 'di ltar thub pa'i dbang po'i gsung rab 'di la ni sgrub pa snying por byed pa yin no/ /de bzhin gshegs rnams rigs dang ni/ /rgyud dang rus la rtog mi mdzad/ /'das nas yun rings lon pa yi/ /las rnams la ni rtog par mdzad/ /gal te legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'dod na tshur bcom ldan 'das kyi spyan sngar 'dong dang / khyod bcom ldan 'das kyis rab tu 'byin par 'gyur ro// //'dul ba gzhi/ bam po dgu bcu rtsa gnyis pa/ des khas blangs so/ /de nas tshe dang ldan pa shA ri'i bus 'breg mkhan nye bar 'khor khrid de bcom ldan 'das gang na ba der dong nas phyin pa dang / bcom ldan 'das kyi zhabs gnyis la mgo bos phyag byas te bcom ldan 'das la 'di skad ces gsol to/ /btsun pa nye bar 'khor 'di legs par gsungs pa'i chos 'dul ba la rab tu 'byung ba dang / bsnyen par rdzogs pa dge slong gi dngos po 'tshal lags na thugs brtse ba nye bar bzung ste/ bcom ldan 'das kyis 'di rab tu 'byung ba dang bsnyen par rdzogs par mdzad du gsol/ bcom ldan 'das kyis de la bka' stsal pa/ dge slong tshur shog tshangs par spyad pa spyod cig ces bcom ldan 'das kyis bka' stsal pa'i mod kho nar skra byi ba dang / snam sbyar gyon pa dang / lag par lhung bzed dang bya ma bum gyis 'brel ba dang / skra dang kha spu skyes nas zhag bdun lon pa tsam dang / dge slong bsnyen par rdzogs nas lo brgya lon pa'i spyod lam lta bur gnas par gyur to/ /smras pa/ de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / /mod la dbang po rab zhir gnas gyur te/ / sangs rgyas dgongs pas lus gzugs bkab par gyur/ /shAkya rab tu byung ba rnams ni rgan rabs ji lta bu bzhin du 'dud par byed pas shAkya'i rgyal po bzang ldan 'dud par byed pa na/ nye bar 'khor gyi rkang pa yin par shes so/ / de nas des gdong bteg ste gsol pa/ bcom ldan 'das 'di ni nye bar 'khor lags na/ ci bdag gis 'di'i rkang pa gnyis la yang 'dud par bgyi 'am/ bcom ldan 'das kyis bka' stsal pa/ bu nga rgyal spang ba'i phyir rab tu byung ba yin te/ 'di rgan gyis khyod kyis nga rgyal gyi dregs pa chog la thud cig /des de'i rkang pa la gtugs pa na sa chen po lan drug tu g.yos par gyur te/ sa chen po 'di g.yos/ rab tu g.yos/ kun du rab tu g.yos/ ldeg rab tu ldeg /kun du rab tu ldeg ste/ shar phyogs mtho na ni nub phyogs dma'/ nub phyogs mtho na ni shar phyogs dma'/ lho phyogs mtho na ni byang phyogs dma'/ byang phyogs mtho na ni lho phyogs dma'/ dbus mtho na mtha' dma'/ mtha' mtho na dbu dma' bar gyur te/ de ltar thams cad kyis rim bzhin du gtugs so/ /lha sbyin gyis ma btud pa dang / bcom ldan 'das kyis bka' stsal pa/ bu nga rgyal spang ba'i phyir rab tu byung ba yin gyis thud cig /des gsol pa/ bdag gis de'i rkang pa la ma gtugs na khyod la gnod pa ci mchis shes de 'dud du ma btub ste/ der thog mar bcom ldan 'das kyi bka' lha sbyin gyis bcag go/ /dge slong rnams the tsom skyes nas/ the tsom thams cad gcod pa sangs rgyas bcom ldan 'das la zhus pa/ btsun pa shAkya'i rgyal po bzang ldan gyis nye bar 'khor la phyag bgyis pa dang sa chen po 'di rnam pa drug tu g.yos par gyur pa la gzigs/ bcom ldan 'das kyis bka' stsal pa/ 'di ni chos nyid yin te/ dge slong dag da ltar gyi 'di 'ba' zhig tu ma zad/ 'di ltar 'das pa'i dus na yang 'dis de'i rkang pa la gtugs pa na sa chen po rnam pa drug tu g.yos pa de nyon cig /dge slong dag sngon byung ba grong khyer bA rA Na sI na rgyal po tshangs sbyin zhes bya ba 'byor pa dang / rgyas pa dang / bde ba dang / lo legs pa/ skye bo dang / mi mang pos rab tu gang ba na rgyal srid byed du bcug go/ /de'i tshe bA rA Na sI'i grong khyer na smad 'tshong ma bzang mo zhes bya ba zhig gnas pa de'i drung du bram ze'i khye'u mdzes dga' zhes bya ba song nas smras pa/ bzang mo dga' mgur spyad kyis tshur shog /des smras pa/ khyod la kAr Sha pA Na lnga brgya yod dam/ des smras pa med do/ /song la kAr Sha pA Na lnga brgya khyer te shog shig /de la 'byor pa med kyang de de la lhag par chags pas dus dus su me tog dang 'bras bu rnam pa sna tshogs skyel bar byed pa dang / de de la sdug pa skyes so/ /ji tsam dus gzhan zhig na bA rA Na sIr dus ston byung nas bud med thams cad gos dang / phreng ba dang / rgyan rnams kyis klubs nas rang gi khyim na rtse zhing dga' ba mang pos gnas pa de bram ze'i khye'u mdzes dgas mthong nas yi chad par gyur te/ smad 'tshong ma bzang mos bsams pa/ de ring bA rA Na sI'i mi rnams gos dang / phreng ba dang / rgyan rnams kyis klubs nas rang rang gi chung ma rnams dang lhan cig dga' dgur spyod par 'gyur na/ bram ze'i khye'u mdzes dga' su zhig dang dga' mgur spyod par 'gyur zhes de de snyam du sems shing bram ze'i khye'u mdzes dga' gang na yod pa'i phyogs der 'ongs nas/ des de mthong ba dang / sngon gyi byas pa drin du gzo ba yid la bskyed nas smras pa/ bram ze'i khye'u song la shin du dri zhim pa'i me tog dag khyer te shog shig /bdag cag lhan cig dga' mgur spyad par bya'o/ /de shi ba las sos pa bzhin du dga' bas sems kyi rgyud ngo mtshar gyis bsdus nas song ngo / /de'i gzugs dang / lang tsho dang / g.yer ba'i yon tan brtags nas mos shing zhen pas mtshan thog thag gnyid ma log pas nam nangs pa dang mtshan mo gnyid kyis shin du lci bar gyur nas/ ji tsam nyi ma shar gyi bar du gnyid log nas gang gi tshe 'jig rten gyi dus ston gyi ched du me tog thams cad btus zin pa de'i tshe sad nas me tog gi ched du phan tshun song ba na ma rnyed nas/ des shing shiR+Sha zhes bya ba'i me tog cig khyer nas de'i drung du song ste tshigs su bcad de smras pa/ g.yang gzhi thogs pa bu pho mdzes dga' ni/ / ma sha phyed med rgyud gzhan snyom las kyis/ /de ring shing rnams me tog rgyas dus na/ /sbyin pa'i me tog shi R+Shad 'di yin no/ /des smras pa/ song la me tog gzhan dag khyer la shog shig /'dod pa rnams la so sor rten par byed pa ni kun du sbyor ba la sogs te/ de'i 'dod chags rab tu 'phel bas so ka'i zla ba'i tha ma'i nyin par sprin med cing rlung mi ldang bar 'dug pa'i nyi ma phyed kyi dus na grong khyer nas shin du thag ring ba'i yul dgon pa dag tu mgo 'dren pa dang dkyus ma dag dbyangs su len cing me tog thu'o/ /rgyal po tshangs sbyin yang ri dgas 'chor du chas pa na de nyi ma'i gzer rnon pos gdungs nas grib ma'i ched du phyogs der son pa dang / de'i glu'i sgra thos nas tshigs su bcad nas smras pa/ steng nas nyi ma gdung byed cing / /'og nas bye mas gdungs pa la/ /glu len khyod kyi lus la ni/ /ci phyir nyi ma'i gdung ba med/ mdzes dga'as kyang tshigs su bcad de smras pa/ bdag ni nyi mas ma gdungs te/ /rtog pa yis ni bdag gdungs lags/ /bya ba bya ba ma yin pas/ /'jig rten 'di gdungs nyi ma min/ /rgyal pos bsams pa/ bram ze'i khye'u 'di ni gdon mi za bar bsil bar byed pa'i gtam la mkhas pa zhig yin te/ des na nyi ma phyed kyi tshe 'dug nas me tog thu'o snyam nas/ des bkug ste smras pa/ bram ze'i khye'u re shig bsil bar byed pa'i gtam dag byos shig mnyan to/ /des bsams pa/ rgyal po de ni gdon mi za bar lus gdungs pa yin te/ des na 'di skad smra'o snyam nas/ des bsil bar byed pa'i gtam rnam pa sna tshogs de la smras pa thos nas rgyal po lus gdung ba dang bral bar gyur to/ /rgyal po mngon par dga' bar gyur nas blon po rnams la smras pa/ shes ldan dag rgyal po rgyal rigs spyi bo nas dbang bskur ba'i srog sbyin pa gang yin pa de la lan du phan ci gdags/ lha rgyal srid phyed kyis so/ /de nas rgyal po des smras pa/ bram ze'i khye'u de ring rgyal po'i pho brang du gnas thob cig dang / sang rgyal srid kyi phyed sbyin no/ /de rgyal po'i pho brang du mal bzang po byin nas de de la nyal ba na bzang mo rjes su dran par sems shing rgyal srid phyed po de yang smad 'tshong bzang mo'i phyir blang ngo snyam mo/ /yang bsams pa/ rgyal srid phyed po de la longs spyod pa'i rgyal po de ci 'dra ba zhig /ma la bdag gis de srog dang dbral bar bya'o snyam mo/ /yang bsams pa/ rgyal po bsad pa'i rgyal srid gang yin pa des ci zhig bya snyam nas tshigs su bcad de smras pa/ don ma grub na 'dod 'gyur la/ /don grub 'dod pa ldog mi 'gyur/ /ma grub na ni phongs gyur pas/ /de bas don ni don ma yin/ /ji tsam nam nangs su nye ba na de 'gyod pa skyes nas mal nas babs te g.yang gzhi sa la bting nas nyal lo/ /nam nangs pa na rgyal pos smras pa/ shes ldan dag bram ze'i khye'u de khug shig /de la rgyal srid phyed sbyin no/ / rgyal po'i pho nya dag 'ongs pa na mal chen po nas babs te g.yang gzhi sa la bting nas nyal ba mthong ngo / /mthong nas kyang ma dad pa bskyed de rgyal po'i gan du song nas smras pa/ lha 'di ni rgyal srid kyi 'os ma lags so/ /rgyal pos smras pa/ ci'i phyir/ de rnams kyis smras pa/ lha nyon mongs mal chen po gya nom pa spangs te g.yang gzhi la bting nas mchis nyal ba'i dman pa la mos pa gang lags pa de rgyal srid stsal te ci rung / /rgyal pos smras pa/ shes ldan dag shes rab can de de la rgyu zhig yod par 'gyur gyis khug shig /de rnams kyis de bkug pa dang rgyal pos smras pa/ kye bram ze'i khye'u khyod ci'i phyir mal chen po nas babs te g.yang gzhi sa la bting nas nyal/ des ji ltar gyur pa rnams rgyal po la rig par byas nas de nas smras pa/ lha gnang bar mdzod cig rab tu 'byung ngo / /rgyal pos smras pa/ dam zhig bcas te gal te khyod rab tu byung na khyod kyis yon tan gyi tshogs chung zad rtogs pa nga la brjod pa lta na gnang ngo / /des de bzhin du bgyi'o zhes khas blangs so/ /de nas des zhi ba'i phyogs su song nas mkhan po dang slob dpon med par rang byang chub rtogs par byas nas rang sangs rgyas des bsams pa/ bdag gis rgyal po de la sngon khas blangs pas song la/ khas blangs pa de rig par bya'o zhes de rgyal po'i drung du song nas steng gi nam mkha' la mngon par 'phags te 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /rgyal pos de'i rkang pa gnyis la gtugs te tshigs su bcad pas smras pa/ dge ba ci zhes btsal phyir rab byung ba'i/ /bram ze'i khye'u yis rnyed pa legs rnyed de/ /chung zad las kyi rnam smin bskyed pa yi/ /nyer 'gros khyad par chen po 'dir rtogs ltos/ /rgyal po tshangs sbyin gyi skra mkhan gang ga skyong zhes bya ba zhig yong ba de des mdzes dgas tshigs su bcad pas smras pa 'dzin du bcug nas smras pa/ gang ga skyong nga la tshigs su bcad pa de yang dang yang du dran par gyis shig /skra mkhan gang ga skyong rang gi bzo la shin du byang ba yin pas de gang gi tshe rgyal po tshangs sbyin gi kha spu 'chos pa de'i tshe de gnyid log par 'gyur zhing se gol gyis sad par byas te/ sad nas kyang gang ga skyong la mchog gang 'dod pa gsol cig ces mchog sbyin par byed pa na des smras pa/ lha gsol ba zhig mchis so/ /gang gi tshe gang ga skyong gis rgyal po la tshigs su bcad pa dran par byed pa de'i tshe rgyal po 'dod pa'i gtam la sems kyang mi 'gro na 'dod pa la zhen cing spyod pa lta smos kyang ci dgos te/ btsun mo la blta bar yang mi byed do/ /btsun mo rnams nyon mongs pas myos shing zhen nas gang ga skyong la smras pa/ zhang po gang gi tshe rgyal po khyod la lhas mchog sbyin par mdzad pa de'i tshe lha gal te bdag la dgyes na tshigs su bcad pa 'di'i don rgyas par bshad du gsol cig /rgyal pos tshigs su bcad pa de'i don rgyas par rnam par bkrol ba dang / de skyo ba skyes nas rkang pa la gtugs te smras pa/ lha bdag gis bsnyen bkur bgyis lags kyis khyim nas khyim ma mchis par rab tu 'byung ngo / /rgyal pos smras pa/ gal te rab tu byung nas yon tan gyi tshogs chung zad rnyed na nga la rig par byos shig /des smras pa/ lha bka' bzhin 'tshal snyan du gsol bar bgyi'o/ / de drang srong rnams kyi nang du song ste rab tu byung nas des mngon par shes pa lnga mngon sum du byas so/ /de 'di snyam du sems te/ bdag gis rgyal po tshangs sbyin la sngon khas blangs kyis song la khas blangs pa de rig par bya'o/ /snyam nas/ des rgyal po tshangs sbyin gang na ba der song ste phyin nas steng gi nam mkha' la mngon par 'phags te 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod pa yin pas des rkang pa la gtugs te smras pa/ 'phags pa khyod kyis yon tan gyi tshogs 'di lta bu rtogs sam/ rtogs so/ /rgyal po tshangs sbyin gyis drang srong gang ga skyong gi rkang pa la gtugs pas sa rnam pa drug tu g.yos par gyur to/ /yang de'i tshe tshigs su bcad de smras pa/ tshangs sbyin blo dang ldan pa po/ /'di ru 'breg mkhan lag cha dag /bzhag nas rab tu byung 'di la/ /lha khyod 'dud pa'i tshul ma yin/ /rgyal po tshangs sbyin gyi mas khong du chud par bya ba'i phyir tshigs su bcad pa smras pa/ 'di ltar thub pas bslab pa'i gzhi rnams la/ /des ni dka' spyad 'di dag spyad lags te/ /blo rgya chen por gyur pa gang lags pa/ /gang ga skyong la chung zad ma gsung shig / dka' thub zil gyis sdig pa thams cad mnan/ /dka' thub zil gyis 'jig rten thams cad mnan/ /dka' thub zil gyis 'breg mkhan snod bcom ste/ /dka' thub 'bar la chung zad ma gsung shig /dge slong dag ji snyam du sems/ de'i tshe de'i dus kyi rgyal po tshangs sbyin zhes bya bar gyur pa gang yin pa de bzang ldan 'di nyid yin no/ /drang srong gang ga skyong zhes bya ba gang yin pa de ni nye bar 'khor 'di nyid yin te/ de na yang shAkya'i rgyal po bzang ldan tshangs sbyin du gyur pa na nye bar 'khor drang srong gang ga skyong zhes bya bar gyur pa la phyag byas pa na sa rnam pa drug tu g.yos par gyur to/ /da ltar yang bzang ldan gyis nye bar 'khor rab tu byung ba la phyag byas pa na sa rnam pa drug tu g.yos par gyur to// // sdom la kau Di n+ya dang ril ba'i dbyibs/ /thams cad skyob nor shing rta dang / /gdums dang srin bu ki ta ka /byams pa'i dril sgrogs bcug pa dang / /dga' skyong la tu btung ba dang / /snum khur gnas 'jog sbrang rtsi can/ / 'dul ba 'dzin mchog bgrangs pa'o/ /gang gi tshe tshe dang ldan pa kun shes kau Di n+yas nyon mongs pa thams cad spangs te dgra bcom pa mngon sum du byas nas bcom ldan 'das kyis kyang snam sbyar gyi rgyal mtshan thogs pa rnams kyi mchog tu bstan pa de'i tshe dge slong rnams the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa tshe dang ldan pa kun shes kau Di n+yas las ci zhig bgyis na des na bcom ldan 'das kyis snam sbyar gyi rgyal mtshan thogs pa rnams kyi mchog tu bstan lags/ bcom ldan 'das kyis bka' stsal pa/ dge slong dag dge slong kun shes kau Di n+ya 'di nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las dag byas shing bsags pas dge slong kau Di n+ya 'di nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam pa smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ / 'bras bu dag tu 'gyur ba nyid/ /dge slong dag sngon byung ba bskal pa bzang po 'di nyid la skye dgu rnams kyi tshe lo nyi khri thub pa na 'jig rten du yang dag pa rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba byung ste/ de grong khyer bA rA Na sIr nye bar brten nas ri bo ril ba'i dbyibs zhes bya ba la bzhugs so/ /ji tsam dus gzhan zhig na yang dag par rdzogs pa'i sangs rgyas 'od srung snga dro na bza' sham thabs mnabs chos gos dang lhung bzed bsnams te/ bA rA Na sIr bsod snyoms la zhugs pa dang / dge 'dun lnga brgya tsam dong ba'i dge 'dun de rnams kyis sangs rgyas bcom ldan 'das 'das skyes bu chen po'i mtshan sum bcu rtsa gnyis kyis kun nas brgyan pa/ sku dpe byad bzang po brgyad bcus mdzes par byas pa/ 'od 'dom gang gis brgyan pa 'od zer nyi ma stong bas lhag pa'i 'od can/ rin po che'i ri bo 'gro ba ltar kun nas mdzes par mthong ngo / /mthong ma thag tu dad pa bskyed nas gros bya bar brtsams pa/ shes ldan dag bdag cag 'di las rab tu 'byung bar bya'o zhes de rnams kyis de ltar gros byas pa las kha cig ni rgya mtsho chan por zhugs so/ /kha cig ni yul gyi mthar dong ngo / /kha cig ni shi ba'i chos dang ldan par gyur te/ skye bo bcu drug zhig lus pa de rnams ri bo ril ba'i dbyibs la dong nas yang dag par rdzogs pa'i sangs rgyas 'od srung las rab tu byung ste/ de rnams de na bsam gtan dang / klog pa dang / rnal 'byor gyis gnas so/ /ji tsam dus gzhan zhig na yang dag par rdzogs pa'i sangs rgyas 'od srung gis sangs rgyas kyi mdzad pa mtha' dag mdzad nas shing zad pa'i me bzhin du drang srong smra ba ri dgas kyi nags su phung po lhag ma med pa'i mya ngan las 'das pa'i dbyings su yongs su mya ngan las 'das so/ /de rnams la lha rnams kyis smras pa/ shes ldan dag yang dag par rdzogs pa'i sangs rgyas 'od srung yongs su mya ngan las 'das te/ de yongs su mya ngan las 'das nas de ring du zhag bdun lon te/ de'i bstan pa yang nub na khyed cag 'bras bu med pa'i sbun pa 'bru zhing 'dug ste/ ci rung zhes byas pa thos nas bya ba ma byas pa'i sdug bsngal chen pos gdungs so/ /de nas lnga ni thos ma thag tu ri bo ril ba'i dbyibs las babs nas bA rA Na sIr zhugs so/ /drug gis ni de nyid du yid byung bas brtson 'grus brtsams nas rang byang chub mngon sum du byas so/ /phyi nas lnga yang babs nas bA rA Na sI nyid du 'jug par brtsams pa na ji tsam na shing rtas 'tsho ba'i tshong pa dag 'gro ba na shing rtas 'tsho ba cig gi glang dag nyam chung bzhin du de dag la des lcag gzer bu can gyis yang nas yang du gzhus te/ de rnams nyam chung bas shi la thug cing 'gro mi nus bzhin du shing rtas 'tsho ba'i sna la 'gro ba dang / de la dge slong de rnams kyis smras pa/ kye shing rtas 'tsho ba khyod kyi glang nyam chung ba 'di rnams la lcag gzer bu can gyis yang nas yang du gzhus te ci rung / gal te 'gro mi nus na dal bus 'gror chug la phyi nas song ngo cog /des smras pa/ bdag sna la shing rtas 'tsho ba'i tshong pa dang lhan cig mchi mi nus shes gal te bdag phyi nas chas na gdon mi za bar shing rtas 'tsho ba'i tshong pa 'dis bdag bor nas dong bar 'gyur ro/ /de rnams kyis shing rtas 'tsho ba de las bzur bzur nas mi dga' ste/ gcig la gcig smras pa/ shes ldan dag yang dag par rdzogs pa'i sangs rgyas 'od srung yongs su mya ngan las 'das te bdag cag lus na 'dis kyang bdag cag la skul ma btab kyis/ ma la bdag cag gis brtson 'grus brtsam par bya'o zhes smras nas tshigs su bcad de smras pa/ thub pa chen po 'od srung gi/ /gal te chos ni nub gyur kyang / /yang dag (par )sangs rgyas kyis bshad pa'i/ /brtson 'grus 'dor bar mi bya'o/ /bdag cag gi ni zag pa yang / /gal te zad par ma gyur na/ /shAkya seng ge skyob pa yi/ /nyan thos mchog tu 'gyur bar bya/ /de rnams bA rA Na sIr zhugs nas bsod snyoms spyad de slar yang ri bo ril ba'i dbyibs la dong nas bsam gtan dang / klog pa dang / rnal 'byor gyis gnas pa na de rnams las bzhi shi'o/ /gcig cig lus pa de mi dga' ba skyes shing yid byung bas ched du brjod pa ched du brjod pa/ ri bo ril ba'i dbyibs gang yin pa 'di nyid la bdag gis yang dag par rdzogs pa'i sangs rgyas 'od srung la bsnyen bkur byas la de'i dge slong nyi khri yang mthong na/ bdag 'ba' zhig 'dzam bu'i gling mtha' dag na snam sbyar gyi rgyal mtshan 'dzin pa lta zhig snyam nas/ des smon lam gdab par brtsams pa/ 'di ltar bdag gis yang dag par rdzogs pa'i sangs rgyas 'od srung las 'di srid du tshangs par spyod pa spyad na yon tan gyi tshogs chung zad kyang ma rtogs kyis/ dge ba'i rtsa ba 'dis bdag yang dag par rdzogs pa'i sangs rgyas 'od srung gis bra ze'i khye'u bla ma zhes bya ba gang yin pa de la bram ze'i khye'u khyod skye dgu rnams kyi tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub par 'gyur ro zhes lung bstan pa de'i bstan pa las bdag rab tu byung nas/ der thog mar nyon mongs pa thams cad spangs te dgra bcom pa mngon sum du byas nas/ bcom ldan 'das shAkya thub pa des bdag snam sbyar gyis rgyal mtshan 'dzin pa rnams kyi mchog tu bstan par gyur cig ces btab bo/ /dge slong dag ji snyam du sems/ de'i tshe de'i dus kyi yang dag par rdzogs pa'i sangs rgyas bcom ldan 'das 'od srung yongs su mya ngan las 'das pa'i dge slong nyi khri yod pa las dge slong gcig lus pas 'dzam bu'i gling mtha' dag na snam sbyar gyi rgyal mtshan bzung ste/ ri bo ril ba'i dbyibs gang na ba der song nas smon lam btab pa gang yin pa de ni dge slong kun shes kau Di n+ya 'di nyid yin te/ de'i smon lam gyi dbang gis da ltar yang bcom ldan 'das kyis snam sbyar gyi rgyal mtshan 'dzin pa rnams kyi mchog tu bstan to/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la/ gcig tu dkar ba rnams kyi rnam par smin pa ni gcig tu dkar ba yin/ 'dren ma rnams kyi ni 'dren ma yin pas dge slong dag de lta bas na las gcig tu gnag pa dang 'dren ma rnams ni spangs la/ las gcig tu dkar ba rnams la brtsal bar bya ste/ dge slong dag khyed kyis de lta bu la bslab par bya'o/ /gang gi tshe bcom ldan 'das kyis tshe dang ldan pa kau Di n+ya la chos bshad nas yang dang yang du rmed par mdzad de/ kau Di n+ya khyod kyis chos kun shes sam/ bcom ldan 'das kun 'tshal lags so/ /kau Di n+ya khyod kyis chos kun shes sam/ bde bar gshegs pa kun 'tshal lags so zhes gsol pa de'i tshe dge slong rnams the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa tshe dang ldan pa kun shes kau Di n+yas las ci zhig bgyis na/ des na bcom ldan 'das kyis chos bshad nas yang dang yang du rmed pa mdzad de/ kau Di n+ya khyod kyis chos kun shes sam/ bcom ldan 'das kun 'tshal lags so/ /kau Di n+ya khyod kyis chos kun shes sam/ bde bar gshegs pa kun 'tshal lags so zhes gsol lags/ bcom ldan 'das kyis bka' stsal pa/ dge slong dag dge slong kau Di n+ya 'di nyid kyis las byas shing bsags pa/ tshogs rnyed pa zhes bya ba nas lus can dag la 'bras bur 'gyur zhes bya ba'i bar gong ma bzhin du 'o/ /dge slong dag sngon byung ba grong khyer bA rA Na sIr rgyal po tshangs sbyin zhes bya ba 'byor pa dang / rgyas pa dang / bde ba dang / lo legs pa skye bo dang / mi mang pos rab tu gang ba na rgyal srid byed du 'jug go/ /de dus gzhan zhig na btsun mo dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa na btsun mo sems can dang ldan par gyur to/ /de zla ba brgyad dam dgu lon pa na khye'u gzugs bzang zhing mdzes pa/ blta na sdug pa/ yan lag gi mchog thams cad dang ldan pa zhig btsas so/ /btsas nas de'i btsas ston rgya cher byas nas khye'u yi ming cir gdags shes ming 'dogs par byed do/ /blon po rnams kyis smras pa/ lha yul dbus kyi yul chos kyis ni gzugs bzang zhing mdzes pa blta na sdug pa lags na de mdzes dga' zhes 'dogs lags la/ khye'u 'di yang gzugs bzang zhing mdzes pa blta na sdug cing yul ka shi'i rgyal po'i sras kyang lags pas khye'u 'i ming ka shi mdzes dga' zhes bgyi bar gdags so zhes de'i ming ka shi mdzes dga' zhes bya bar btags so/ /khye'u ka shi mdzes dga' ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsed grogs kyi ma ma gnyis te ma ma brgyad la rjes su gtad nas de ma ma brgyad kyis 'o ma dang / zho dang / mar dang / zhun mar dang / mar gyi snying po dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin du myur du skyed par byed do/ /yang rgyal po rtse bar byed/ dga' bar byed/ dga' mgur spyod par byed pa na btsun mo sems can dang ldan par gyur te/ de zla ba brgyad dam dgu lon pa na khye'u zhig btsas te/ gang gi nyi ma la btsas pa de nyid kyi nyi ma la bA rA Na sIr yul mi dang grong mi 'thab mo chen po byung ngo / /de btsas pa'i btsas ston rgya cher byas nas khye'u yi ming cir gdags shes ming 'dogs par byed do/ /btsun mo'i tshogs kyis smras pa/ lha 'di btsas pa na bA rA Na sIr grong mi dang yul mi rnams 'thab mo chen po byung bas de'i slad du khye'u yi ming 'thab mo skyes su gdags so zhes btags so/ /rgyal po tshangs sbyin ni chos dang chos ma yin pas rgyal srid byed du 'jug ste/ gzhon nu ka shi mdzes dgas pha chos dang chos ma yin pas rgyal srid byed du 'jug pa mthong ngo / /mthong nas kyang de 'di snyam du sems te/ bdag kyang yab 'das na rgyal por 'gyur zhing bdag gis kyang chos dang chos ma yin pas rgyal srid byed du bcug nas dmyal bar gzhol bar 'gyur gyis/ ma la bdag khyim nas khyim med par rab tu 'byung bar bya'o snyam nas de pha'i drung du song ste rkang pa la gtugs te smras pa/ yab gnang bar mdzad du gsol/ bdag khyim nas khyim ma mchis par rab tu 'byung lags so/ / des smras pa/ bu gang gi don du mchod sbyin mchod par byed/ sbyin sreg sreg par byed/ dka' thub kyis gdung bar byed pa'i rgyal srid khyod kyi lag tu 'ongs na ci'i phyir rgyal srid spangs te rab tu 'byung / des tshigs su bcad pas smras pa/ nags na shing shun rtswa gyon zhing / /rtsa ba 'bras bu 'cha' ba dang / /ri dgas gdug pa rnams dang ni/ /lhan cig gnas pa mchog lags kyi/ /'jig rten pha rol 'jig byed pa'i/ /mkhas pas rgyal srid slad du ni/ / gsod dang bcing dang rdeg pa dag /bgyid pa de lta ma lags so/ /rgyal pos smras pa/ gzhon nu shes par gyis shig /khyod ni nga'i bu gcig pa sdug pa/ yid du 'ong ba/ bzod pa/ mi mthun pa med pa yin te/ nga shi bar gyur na mi 'dod bzhin du khyod dang 'bral grang / gson bzhin du lta ga la btang / gzhon nu ka shi mdzes dgas smras pa/ yab gal te gnang na de lta na legs/ gal te mi gnang na 'tshal ma yang mi 'tshal/ phyag yang mi 'tshal lo/ /de na gzhon nu ka shi mdzes dgas nyi ma gcig kyang zan gcad pa byas pa nas/ gnyis dang / gsum pa dang / drug gi bar du zan gcad pa byas so/ /de nas rgyal po tshangs sbyin gyis gzhon nu ka shi mdzes dga' la 'di skad ces smras so/ /bu gzhon nu shes par gyis shig /tshangs par spyod pa spyad dka'o/ /rab tu dben par bya dka'o/ /gcig pu nyid la mngon par dga' bar bya dka'o/ /gnas mal dgon pa nags khrod ri drung dang bas mtha' dag tu gnas pas mnags dka'o/ / gcig pu dgon par gnas pa yang sdug bsngal lo/ /khyod kyis ji srid 'tsho'i bar du ri dgas gdug pa rnams dang lhan cig gnas par bya dgos so/ /khyod kyis ji srid 'tsho'i bar du gzhan gyis byin pas 'tsho bar bya dgos so/ / khyod kyis ji srid 'tsho'i bar du mi'i 'dod pa dag las dben par bya dgos so/ /khyod kyis ji srid 'tsho'i bar du mi'i dga' ba dang / rtsed mo dag las dben par bya dgos so/ /bu gzhon nu khyod tshur shog /'di nyid du 'dug la rgyal tshab byos te 'dod pa dag la yang spyod cig /sbyin bdag kyang byin cig /bsod nams dag kyang byos shig /de skad ces smras kyang gzhon nu ka shi mdzes dga' cang mi smra'o/ /de nas rgyal po tshangs sbyin gyis btsun mo dang / blon po dang / mdun na 'don la bsgo ba/ shes ldan dag re shig gzhon nu slong shig /lha bka' bzhin 'tshal zhes btsun mo dang / blon po dang / mdun na 'don rnams gzhon nu ka shi mdzes dga' gang na ba der dong ste lhags nas gzhon nu ka shi mdzes dga' la 'di skad ces smras so/ /sras gzhon nu mkhyen par mdzod cig /khyod ni shin du gzhon pa bde ba bzhed pas sdug bsngal mi mkhyen te/ tshangs par spyod pa spyad dka'o/ /rab tu dben par bgyi dka'o/ /gcig pu nyid la mngon pa dga' bar bgyi dka'o/ /gnas mal dgon pa nags khrod ri drung dang / bas mtha' dag tu gnas pas mnags dka'o/ /gcig pu dgon par gnas pa yang sdug bsngal lo/ /khyod kyis ji srid 'tsho'i bar du ri dgas gdug pa dag dang lhan cig gnas par bgyi 'tshal lo/ /khyod kyis ji srid 'tsho'i bar du gzhan gyis byin pas 'tsho bar bgyi 'tshal lo/ /khyod kyis ji srid 'tsho'i bar du mi'i 'dod pa dag las dben par bgyi 'tshal lo/ /khyod kyis ji srid 'tsho'i bar du mi'i dga' ba'i rtsed mo rnams las dben par bgyi 'tshal lo/ /sras gzhon nu khyod tshur spyon/ 'di nyid du bzhugs la rgyal tshab mdzod de/ 'dod pa rnams la yang yongs su spyod cig /sbyin pa dag kyang stsol cig /bsod nams dag kyang gyis shig ces de skad smras pa na/ gzhon nu ka shi mdzes dga' cang mi smra bar 'dug go/ /de nas rgyal po tshangs sbyin gyis gzhon nu ka shi mdzes dga' dang lhan cig rdul khrod na rtse rtse ba'i blon po'i bu rnams dang / mdun na 'don gyi bu rnams dang / gzhan yang gzhon nu rnams la bsgo ba/ gzhon nu dag tshur re shig gzhon nu ka shi mdzes dga' slong shig /de nas blon po'i bu rnams dang / mdun na 'don gyi bu rnams dang / gzhon nu rnams kyis rgyal po tshangs sbyin las mnyan na/ gzhon nu ka shi mdzes dga' gang na ba der dong ste lhags nas gzhon nu ka shi mdzes dga' la 'di skad ces smras so/ /gzhon nu des pa mkhyen par mdzod cig /khyod ni shin du gzhon pa bde ba bzhed pas sdug bsngal mi mkhyen te/ tshangs par spyod pa spyad dka'o/ /rab tu dben par bgyi dka'o/ /gcig pu nyid la mngon par dga' bar dka'o/ /gnas mal dgon pa nags khrod ri drung dang / bas mtha' dag tu gnas pas mnags dka'o/ /gcig pu dgon par gnas pa yang sdug bsngal lo/ /khyod kyis ji srid 'tsho'i bar du ri dgas gdug pa dag dang lhan cig gnas par bgyi 'tshal lo/ khyod kyis ji srid 'tsho'i bar du gzhan gyis byin pas 'tsho bar bgyi 'tshal lo/ /khyod kyis ji srid 'tsho'i bar du mi'i 'dod pa dag las dben par bgyi 'tshal lo/ /khyod kyis ji srid 'tsho'i bar du mi'i dga' ba'i rtsed mo dag las dben par bgyi 'tshal lo/ /sras gzhon nu khyod tshur spyon/ 'di nyid du bzhugs la rgyal tshab mdzod de/ 'dod pa dag la yang yongs su spyod cig /sbyin pa dag kyang stsol cig /bsod nams dag kyang gyis shig ces smras pa na/ gzhon nu ka shi mdzes dga' cang mi smra bar 'dug go/ /de nas blon po'i bu rnams dang / mdun na 'don gyi bu rnams dang / gzhon nu rnams rgyal po tshangs sbyin gang na ba der song ste phyin nas rgyal po tshangs sbyin la 'di skad ces smras so/ /lha mkhyen par mdzod cig /gzhon nu des pa ka shi mdzes dga' gum na ci rung / 'di ltar rab tu byung ba ni mkhas pa rnams kyis bsngags pa lags te/ gal te de la mngon par dga' bar gyur na gson por de la gzigs par 'gyur ro/ /gal te mngon par dga' bar ma gyur te/ slar yang drang srong rnams las log par gyur na bu'i gnas ni pha dang ma ma lags pa gzhan gang du mchi bar 'gyur/ rgyal po tshangs sbyin gyis smras pa/ gzhon nu dag gal te de lta na gnang ba bya'o/ /de nas blon po'i bu rnams dang / mdun na 'don gyi bu rnams dang / gzhon nu ka shi mdzes dga' gang na ba der song ste phyin nas/ gzhon nu ka shi mdzes dga' la 'di skad smras so/ /gzhon nu des pa mkhyen par mdzod cig /rab tu 'byung bar gnang ste gzhon nu da ni de'i dus mkhyen par mdzod cig /de nas gzhon nu ka shi mdzes dga' bcud kyi khu ba'i rim gyis lus kyi mthu dang / stobs dang / /brtson 'grus bskyed de bA rA Na sI nas byung nas drang srong rnams kyi nang du rab tu byung ngo / /des brtson pa dang / 'bad pa dang / brtsal ba byas pas 'dod pa rnams las 'dod chags dang bral bar byas nas byams pa'i ting nge 'dzin thob ste/ de shin du sems can rnams la brtse ba dang ldan par gyur nas/ de'i byams pa des ni ri dgas gdug pa rnams kyang bsti gnas su 'dris par gyur te/ gnod pa mi bya bas de'i ming bzod pa smra ba bzod pa smra ba zhes bya bar gyur to/ /ji tsam dus gzhan zhig na rgyal po tshangs sbyin shi nas 'thab mo skyes rgyal srid la bzhag ste/ de chos dang chos ma yin pas rgyal srid byed du 'jug go/ /drang srong bzod pa smra bas smras pa/ mkhan po bdag gi lus ni kha zas dang btung bas bskyed pas dgon pa'i sman gyis 'tsho bar rngo mi thog gis grong mthar gnas su mchi lags so/ /des smras pa/ bu grong ngam dgon par gnas kyang rung ste/ drang srong rnams ni dbang po rnams srung bar byed kyis/ song la bA rA Na sI'i nye 'khor du song nas lo ma dang 'dab ma'i spyil bu byos la gnas par gyis shig /de mkhan po las lung thob nas bA rA Na sIr song ste/ zhi ba'i gnas btsal ba'i phyir phan tshun du rgyu zhing rim gyis pha'i bskyed mos tshal du song ste/ des der btsal ba las zhi ba'i phyogs shig mthong nas de de na gnas so/ /ji tsam dus gzhan zhig na rgyal po 'thab mo skyes so ga'i dus la bab pa na nags tshang tshing me tog gi shing rnams kha 'bus shing ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u rnams kyang skad 'byin pa'i bskyed mos tshal gyi sa gzhir btsun mo dang lhan cig dong nas des bskyed mos tshal der bde ba nyams su myong bas dub par gyur te gnyid log pa dang / bud med ni me tog dang 'bras bu la dga' ba yin pas bskyed mos tshal de nyid nas phan tshun du rgyu bar brtsams pa las/ ci tsam na drang srong bzod pa smra ba spyod lam zhi bas mtha' gcig na 'dug pa mthong ngo / /mthong nas kyang bla mar bya ba'i sems bskyed nas drang srong de la phyag byas te bskor nas 'khod do/ /drang srong bzod pa smra bas bud med rnams mthong nas lhag par spyod lam zhi bas chos bshad par brtsams so/ /ji tsam na rgyal po 'thab mo skyes gnyid kyi snyoms pas dub pa las sangs pa na/ btsun mo'i 'khor gyi bud med ma mthong nas/ des ral gri blangs te btsun mo'i 'khor gyi bud med btsal bar brtsams pa dang / ji tsam na drang srong bzod pa smra ba bskor nas 'khod pa mthong ngo / /mthong nas kyang phrag dog bskyed de/ bdag nyid khros pa'i kun nas dkris pa'i rang bzhin gyis drang srong de'i drung du song ba dang / btsun mo'i tshogs kyis de khros pa'i gnas skabs mthong nas skrag ste byer ro/ /rgyal po snyems pa can gyis bzod pa smra ba la smras pa/ kye nang rje khyod su zhig des smras pa/ bzod pa smra ba 'o/ /rgyal po 'thab mo skyes kyis smras pa/ kho bo 'khrugs pa la yang bzod pa smra bar bdag nyid khas 'che ba yin nam/ da ni khyod bzod pa smra ba yin nam ma yin shes par bya'o zhes des de'i lag pa gnyis bcad nas yang dris pa/ khyod su yin/ des smras pa/ bzod pa smra ba 'o/ /des de'i rkang pa bcad cing yan lag dang nying lag rnams kyang bcad pa dang / des tshigs su bcad pa smras pa/ gal te bdag gi lus la ni/ /til 'bru tsam du gtub pa yi/ /lus ni phye ma brgyar gtubs nas/ /sa la gtor kyang bzod mi spong / / gang phyir bdag gis byams dge ba'i/ /sems ni rtag tu goms byas pas/ /bu sdug lta bu'i skye bo la/ /bzod pa de gtong spro ba med/ /ces tshigs su bcad pa'i dbyangs de lta bus tshor ba bsal nas smon lam gdab par brtsams pa/ ji ltar rgyal po 'di nyon mongs pa la zhen pa'i blos bdag la yang dang yang du rmas nas yan lag dang nying lag rnams gtubs pa de bzhin du bdag bzod pa dang des pa dang lhan cig par gyur pa'i dge ba'i rtsa ba 'dis bdag nyid kyi nyon mongs pa'i tshogs rnams bcom nas bla na med pa yang dag par rdzogs pa'i byang chub mngon par rdzogs par sangs rgyas pa na/ de la shes rab kyi ral gris yang dang yang du rmed cing thog mar de'i nyon mongs pa gcod par gyur cig ces btab bo/ /de nas bzod pa smra ba la mngon par dad pa'i lha gang yin pas bsams pa/ rgyal po sdig can 'dis drang srong 'di nyes pa med cing gnod pa ma byas par rkang pa dang lag pa dang phral te bor gyis/ ci nas kyang bdag gis 'di la gnod par bya 'o snyam du rig nas khro ba drag po'i kun nas dkris pas bzod pa smra ba'i mdun du 'dug ste tshigs su bcad pas smras pa/ 'thab skyes bu dang bu mor bcas/ /gnyen gyi tshogs bcas grong khyer dang / /ljongs bcas 'jig rten 'tsho ba kun/ /thal bar bgyi yis bka' stsol cig /des slar tshigs su bcad de smras pa/ gang gis bdag lus lag pa rkang pa dang / /sna dang phral nas ma rung byas gyur pa/ /de la 'ang sdig pa cung zad mi 'dod na/ /nyes med 'gro ba rnams la smos ci dgos/ /de nas bA rA Na sI'i lha gang yin pa des yams kyi nad dang / byi ba dang / bye ba dang / ne tso rnams btang zhing lhas char ma phab pas skye bo'i tshogs rnams shi bar gyur to/ /rgyal pos ltas mkhan rnams bkug nas smras pa/ shes ldan dag ci'i phyir lha char mi 'bebs shing byi ba dang / bye ba dang / ne tso rnams rab tu mang por gyur la skye bo'i tshogs rnams kyang shi bar gyur/ de rnams kyis smras pa/ lha dang drang srong bzod pa smra ba la mngon par dad pa'i lha gang lags pa'i lha de rab tu 'khrugs te/ de 'khrugs pas des yams kyi nad 'di btang lags so/ /rgyal pos smras pa/ shes ldan dag de la ji ltar bsgrub par bya/ ltas mkhan rnams kyis smras pa/ lha gtor ma dang / me tog phreng dang / yo byad rnams kyis lha rab tu 'khrugs pa mnyes par 'gyur bas gtor ma dang / me tog phreng dang / yo byad rnams sbyar la lha dang drang srong de la yang bzod pa gsol bar bgyi 'o/ / de nas rgyal pos bA rA Na sIr dril sgrogs su bcug pa/ grong khyer bA rA Na sI na gnas pa'i shes ldan dag nyon cig /bskyed mos tshal na gnas pa'i lha drang srong bzod pa smra ba la mngon par dad pa des yams kyi nad btang zhing des char mi 'bebs pa dang / byi ba dang / bye ba dang / ne tso rnams rab tu mang por byas te skye bo'i tshogs kyang shi bar gyur gyis/ yams kyi nad de nye bar zhi bar bya ba'i phyir khyed cag sang gtor ma dang / me tog phreng dang / yo byad rnams dang chas te bskyed mos tshal der deng la mchod pa byos shig /skye bo'i tshogs kyis de nyid kyi nub mo nas gtor ma dang / me tog phreng dang / yo byad rnams sta gon byas te bskyed mos tshal der rgyal po dang / btsun mo dang lhan cig tu dong ngo / /de nas skye bo'i tshogs chen pos lha de la brten nas dge sbyong dang / bram ze dang / bkren pa dang / phongs pa rnams la sbyin pa dag byin nas lha'i gnas su mchod pa chen po byas te lha de la yang bzod par gsol to/ /de nas rgyal po drang srong bzod pa smra ba'i drung du song nas rkang pa la gtugs te bzod pa gsol bar brtsams pa/ drang srong chen po bdag gis yul zhig la lhag par zhen pas khro ba'i kun nas dkris pa'i blo gros kyis khyod la gnod pa bgyis pa bzod par gsol lo/ /bzod pa smra bas smras pa/ rgyal po chen po bzod do/ /sus 'tshal/ /des tshigs su bcad pas smras pa/ lus la mtshon gyis 'debs pa na 'ang / /bdag ni sems can kun la byams/ /gal te khyod yid mi ches na/ / bdag gi khrag 'dzag pa la ltos/ /de'i khrag 'o ma'i thigs par 'dzag pa'i cho 'phrul rgyal po sdig pa'i las byed pa de la bstan na/ 'on kyang yid ches par ma gyur nas des yang smras pa/ drang srong chen po bzod par gsol lo/ /rgyal po chen po bzod do/ /sus 'tshal/ des nas byang chub sems dpas yan lag dang nying lag gtubs pa'i gnas rnams ji lta ba bzhin du bzhag nas bden pa gsol ba'i phyir tshigs su bcad de smras pa/ rgyal po khyod kyis bdag gi lus/ /gtubs kyang shin du phra ba yi/ /zhe sdang 'di ltar yod min na/ /bdag lus ji ltar sngon bzhin shog /des bden pa'i tshig gsol bas lus sngon gyi ji lta ba bzhin du gyur to/ /de nas rgyal po ya mtshan gyis mig phye nas tshigs su bcad pas smras pa/ kye ma'o chos la legs gnas pas/ /kye ma brtul zhugs 'di grub ste/ /lus la gtub par byed pa na/ /khyod la mi dga' ci yang med/ /rgyal po 'thab mo skyes btsun mo dang / blon po dang / grong mi dang / yul mi dang bcas pas drang srong de'i rkang pa la mgo bos phyag byas te dong ngo / /dge slong dag ji snyam du sems/ de'i tshe de'i dus kyi drang srong bzod pa smra ba gang yin pa de ni nga nyid yin no/ /rgyal po 'thab mo skyes gang yin pa de ni dge slong kau di n+ya 'di nyid yin te/ ngas de la byams pa'i sems bskyed cing smon lam du dge ba'i rtsa ba 'dis bdag gis de la yang nas yang du rmed cing nyon mongs pa gcod par gyur cig ces btab pa'i smon lam gang yin pa de'i dbang gis/ da ltar yang de bzhin gshegs pa de la chos bshad nas yang nas yang su smras so/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la zhes bya ba nas dge slong dag khyed kyis de lta bu la bslab par bya'o zhes bya ba'i bar du'o/ /gang gi tshe bcom ldan 'das kyis lha brgyad khri chos kyi ros yang dag par bsdus bden pa rnams la rab tu bkod pa de'i tshe dge slong rnams the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis lha brgyad khri chos kyi ros yang dag par bsdus te bden pa rnams la rab tu bkod pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'das pa'i dus na yang ngas 'di rnams tshong pa brgyad khrir gyur pa na zang zing gis yang dag par bsdus nas brtul zhugs lnga'i gzhi rnams la rab tu bkod pa de nyon cig /dge slong dag sngon byung ba ded dpon gnyis shig byung ste/ thams cad skyob dang / legs grub ces bya ste/ re re la yang tshong pa'i 'khor bzhi khri bzhi khri yod do/ /de la legs grub nges par 'byung ba la mngon par dga' nas de drang srong rnams kyi nang du rab tu byung ste/ des mtha' gcig tu brtson 'grus la gnas nas mkhan po dang slob dpon med par rang byang chub mngon sum du byas so/ /de'i tshong pa de rnams ded dpon ma mthong nas phan tshun du btsal bar brtsams pa na/ gang gi tshe rnam pa thams cad du ma rnyed pa de'i tshe ded dpon thams cad skyob kyi drung du dong nas smras pa/ ded dpon ded dpon des ni bdag cag la ma bltas par mchis te/ bdag cag gis btsal na yang ma rnyed na de la ji ltar bsgrub par bgyi/ des smras pa/ yi slong bar ma byed par 'khod cig ded dpon de btsal lo/ /de nas ded dpon thams cad skyob tshong pa brgyad khris yongs su bskor nas/ ded dpon legs grub bskyed mos tshal dang / 'dug gnas dang / dka' thub kyi nags su btsal bar brtsams pa na des de mthong nas dris pa/ khyod kyis ci'i phyir tshong pa rnams spangs te rab tu byung / bdag nyid chen po de dag ni lus kyis chos 'chad kyis/ ngag gis ma yin pas ded dpon 'khor dang bcas pa de la 'bar ba dang / gsal ba dang / char 'bab pa dang / glog 'byin pa'i cho 'phrul gyis dad par byas so/ /des tshong pa brgyad khri po de zang zing gis bsdu bas bsdus nas smras pa/ 'di'i phyir bya ba byos shig /'di la bya ba byas na gdon mi za bar 'bras bu smin par 'gyur ro/ /de rnams kyis de la bya ba rnam pa du ma byas so/ /dge slong dag ji snyam du sems/ de'i tshe de'i dus kyi ded dpon thams cad skyob gang yin pa de ni nga nyid yin no/ /tshong pa brgyad khri po gang yin pa de dag ni lha brgyad khri po 'di dag nyid yin te/ de na yang ngas zang zing gis nye bar bsdus nas brtul zhugs lnga'i gzhi rnams la rab tu bkod do/ / 'di dag da ltar yang ngas chos kyi ros yang dag par bsdus nas bden pa rnams la rab tu bkod do/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la/ gcig tu dkar ba rnams kyi rnam par smin pa na gcig tu dkar ba yin la/ 'dren ma rnams kyi ni 'dren ma yin pas zhes bya ba nas dge slong khyod kyis de lta bu la bslab par bya'o zhes bya ba'i bar du'o/ /gang gi tshe bcom ldan 'das kyis lnga sde'i dge slong rnams 'khor ba'i 'brog dgon pa nas bton te dbang po dang / stobs dang / byang chub kyi yan lag rin po che rnams bgo bsha' mdzad nas/ dam pa'i chos kyi ros tshim par mdzad pa de'i tshe dge slong rnams the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis lnga sde'i dge slong rnams 'khor ba'i 'brog dgon pa nas bton te dam pa'i chos kyi ros tshim par mdzad pa la gzigs/ bcom ldan 'das kyis bka' stsal pa/ dge slong dag 'di ltar da ltar nga 'dod chags dang bral/ zhe sdang dang bral/ gti mug dang bral zhing / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol nas thams cad mkhyen cing rnam pa thams cad mkhyen te/ ye shes dang shes bya thams cad la dbang brnyes nas lnga sde'i dge slong rnams 'khor ba'i 'brog dgon pa nas bton te dam pa'i chos kyi ros tshim par mdzad pa de la ngo mtshar ci zhig che/ 'das pa'i dus na nga 'dod chags dang bcas/ zhe sdang dang bcas/ gti mug dang bcas shing / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma grol te/ ded dpon du gyur pa na lnga po dag 'brog dgon pa'i lam du chu med pas srog dang bral ba'i sdug bsngal dog pa nyam nga ba thob pa na lha rnams la bden pa gsol nas dbang phyug chen pos char phab pa'i chus tshim par byas pa gang yin pa de nyon cig /dge slong dag sngon byung ba ded dpon thams cad skyob ces bya ba tshong pa lnga brgya dang lhan cig tu tshong byed cing 'brog dgon pa'i lam chu chung ba zhig tu zhugs nas rim gyis 'bigs byed ces bya ba'i dgon par phyin pa dang / tshong pa de rnams der chu thams cad kyi thams cad du zad nas chu dang bral yang mnags te dong ba las/ tshong pa lnga tsam chu ma rnyed pas lhag par yi slong bar gyur pa'i rnam pa de lta bu de dag ded dpon thams cad skyob kyis mthong nas snying rjes sems bskyod pas kha gyen du bltas te lha rnams la gsol ba bya bar brtsams pa/ zhi ba dang / chu lha dang / lus ngan dang / khyab 'jug la sogs pa lha shes ldan dag gson cig /bdag sems can rnams la mnyam par sems pa'i bden pa dang bden pa'i tshig gang yin pa'i bden pa dang bden pa'i tshig 'dis dbang phyug chen po'i lhas char 'bebs par gyur cig /byang chub sems dpa'i mthus dbang phyug chen po'i gnas g.yos pa dang / lha rnams kyi dbang po brgya byin gyi shes pa mthong ba ni 'og tu 'jug pa yin pas des bsams pa/ su zhig gis dbang phyug chen po'i gnas g.yos par byas snyam na/ byang chub sems dpa'i mthu yin par mthong nas des dbang phyug chen po'i char gyi rnam pa de lta bu dag bab ste/ des tshong pa de rnams tshim par byas nas 'brog dgon pa'i lam nas bsgral to/ /dge slong de ci snyam du sems/ de'i tshe de'i dus kyi ded dpon thams cad skyob gang yin pa de ni nga nyid yin no/ /tshong pa lnga po chu dang bral bas lhag par yi blong bar gyur pa de dag ni lnga sde'i dge slong 'di dag yin te/ de na yang ngas 'di dag chus tshim par byas nas 'brog dgon pa nas bsgral to/ /da ltar yang ngas 'di dag dam pa'i chos kyi ros tshim par byas nas 'khor ba'i 'brog dgon pa nas bsgral to/ /gang gi tshe bcom ldan 'das kyis lnga sde'i dge slong rnams 'khor ba'i 'brog dgon pa nas bton nas dbang po dang / stobs dang / byang chub kyi yan lag gi rin po che rnams kyi bgo bsha' mdzad pa de'i tshe dge slong rnams the tsom skyes nas the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis lnga sde'i dge slong rnams 'khor ba'i 'brog dgon pa nas bton nas dbang po dang / stobs dang / byang chub kyi yan lag gi rin po che rnams kyi bgo bsha' mdzad pa la gzigs/ bcom ldan 'das kyis bka' stsal pa/ dge slong dag 'di ltar da ltar nga 'dod chags dang bral/ zhe sdang dang bral/ gti mug dang bral zhing / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol nas thams cad mkhyen cing rnam pa thams cad mkhyen te/ ye shes dang shes bya thams cad la dbang brnyes nas lnga sde'i dge slong rnams 'khor ba'i 'brog dgon pa nas bton te/ dbang po dang / stobs dang / byang chub kyi yan lag rnams kyi bgo bsha' mdzad pa de la ngo mtshar ci zhig che/ 'das pa'i dus na nga 'dod chags dang bcas/ zhe sdang dang bcas/ gti mug dang bcas shing / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma grol te/ ded dpon du gyur pa na rang gi srog yongs su btang nas 'di dag rgya mtsho chen po nas bton te rin po che rnams kyi bgo bsha' byas pa gang yin pa de nyon cig /dge slong dag sngon byung ba na ded dpon nor gyi shing rta zhes bya ba zhig byung ste/ de tshong pa lnga zhig dang lhan cig rgya mtsho chen por dong ba na de rnams dang ded dpon des phan tshun bshes pa'i gtam smra bar byed pas mdza' bar gyur to/ /ji tsam na mthar gyis rgya mtsho'i 'gram du phyin nas gru so so sta gon byas nas 'jug pa'i tshe de rnams kyis ded dpon nor gyi shing rta la smras pa/ ded dpon bdag cag ni khyod dang bral na dga' bar mi 'gyur lags so/ /des smras pa/ gal te de lta na 'dir zhugs shig dang gru dor ro/ /de rnams der zhugs pa dang rlung langs nas skrag par gyur to/ /nor gyi shing rtas smras pa/ shes ldan dag ma 'jigs shig /gang gi tshe gru zhig par gyur pa de'i tshe bdag gi mgul du 'jus shig dang / bdag gis khyed cag gdon to/ /byang chub sems dpa' rnams ni bzo'i gnas dang las kyi gnas de dang de dag la mkhas pa yin pas des ni rin po che chen po la 'os pa dag mchan khung du btags nas gru zhig pa na de rnams ded dpon de'i mgul du 'jus nas/ des de rnams lus dub cing srog gi lhag ma cung zad cig lus te rgya mtsho'i 'gram du phyin par byas so/ /de rnams skam la phyin te de btang ba dang / de dbugs gtan chad nas shi'o/ /de rnams kyis de chu nas skam la phyung ba dang / ji tsam na mchan khung na rin po che chen po la 'os pa dag mthong nas de rnams kyis de khyer te dong ngo / /dge slong dag ji snyam du sems/ de'i tshe de'i dus kyi ded dpon nor gyi shing rta gang yin pa de ni nga nyid yin no/ /tshong pa de rnams ni dge slong lnga po 'di dag nyid yin te/ de na yang ngas 'di dag rgya mtsho chen po nas bton te rin po che rnams kyi bgo bsha' byas so/ /da ltar ngas 'di dag 'khor ba'i 'brog dgon pa nas bton nas dbang po dang / stobs dang / byang chub kyi yan lag gi rin po che rnams kyi bgo bsha' byas so// //'dul ba gzhi/ bam po dgu bcu rtsa gsum pa/ yang gang gi tshe tshe dang ldan pa kun shes kau Di n+ya rgan pa'i dang la 'dug pa de'i tshe 'khor la gdugs lta bur byas te 'dug go/ /dge slong rnams the tsom skyes nas the tsom thams cad gcod pa sangs rgyas bcom ldan 'das la zhus pa/ btsun pa tshe dang ldan pa kun shes kau Di n+yas las ci zhig bgyis na/ las de'i rnam par smin pas 'khor la gdugs lta bur bgyis te mchis lags/ /bcom ldan 'das kyis bka' stsal pa/ dge slong kun shes kau Di n+ya 'di nyid kyis las byas shing bsags pa tshogs rnyed pa dag ni zhes bya ba nas lus can dag la 'bras bur 'gyur zhes bya ba'i bar gong ma bzhin no/ /dge slong dag sngon byung ba grong khyer bA rA Na sI na khyim bdag sdums byed ces bya ba phyug pa nor mang ba/ longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas so/ /de'i tshe grong khyer bA rA Na sI na rgyal po tshangs sbyin zhes bya ba 'byor pa dang / rgyas pa dang / bde ba dang / lo legs pa/ skye bo dang / mi mang pos rab tu gang ba na rgyal srid byed du 'jug pa las ji tsam na ltas mkhan rnams kyis lo bcu gnyis su char mi 'bab bo zhes bstan to/ /rgyal po tshangs sbyin gyis rang gi yul du dril sgrogs su bcug pa/ nga'i yul na gnas pa'i shes ldan grong mi dag nyon cig /ltas mkhan rnams kyis lo bcu gnyis su char mi 'bab bo zhes bstan gyis/ de la khyed cag las lo bcu gnyis kyi bza' ba dang btung ba yod pa de dag ni nga'i yul na gnas par gyis shig /gzhan ni phyogs sna tshogs su deng la lo bcu gnyis 'das nas slar shog shig /de nas khyim bdag sdums byed kyis mngan la smras pa/ kye nang rje bang mdzod na bdag 'khor dang bcas pa'i lo bcu gnyis kyi bza' ba dang btung ba dag yod dam/ des smras pa/ dpon po mchis so/ /de nas khyim bdag sdums byed 'khor dang bcas pa ni 'dug go/ /skye bo'i tshogs ni kun du dong ngo / /mu ge chen po nyam nga ba/ dgon pa slongs mo pas zas rnyed par dka' ba byung ba la sangs rgyas bcom ldan 'das rnams 'byung ba med pa na rang sangs rgyas dman pa dang ngan pa la snying brtse ba can/ bas mtha'i gnas mal brten pa/ 'jig rten gyi yon gnas gcig pu dag 'jig rten du 'byung bar 'gyur bas de'i tshe bA rA Na sI dang ha cang yang mi ring ba'i bsti gnas zhig tu rang sangs rgyas lnga brgya gnas so/ /gang gi tshe mu ge'i dus kyi 'chi ba'i 'jigs su rung bas skye bo'i tshogs skrag nas kun du dong ba de'i tshe de rnams kyi bsod snyoms chad nas de dag thams cad 'dus te khyim bdag sdums byed gang na ba der dong nas smras pa/ khyim bdag kho bo cag rab tu byung ba lnga brgya la bsod snyoms rgyun du sbyor ram/ des smras pa/ mngan la rmas te bgyi'o zhes des mngan byed pa'i mi la smras pa/ kye nang rje bdag cag gi bang mdzod na bdag cag dang rab tu byung ba lnga brgya po gang yin pa 'di rnams kyi lo bcu gnyis kyi bza' ba dang btung ba yod dam/ des smras pa/ dpon po mchis so/ /de nas rang sangs rgyas lnga brgya po de rnams la khas blangs so/ /khyim bdag sdums byed kyis rab tu byung ba lnga brgya'i bsod snyoms sbyar to zhes rang sangs rgyas lnga brgya gzhan dag gis thos nas khyim bdag sdums byed kyi drung du dong ste phyin nas khyim bdag sdums byed la 'di skad ces smras so/ /khyim bdag kho bo cag rab tu byung ba lnga brgya la bsod snyoms kun du sbyor ram/ des smras pa/ 'phags pa dag phul lags bzhin du yang bslang ci 'tshal/ khyim bdag de rnams kyang gzhan yin la bdag cag kyang gzhan yin no/ /des smras pa/ 'phags pa gal te de lta na mngan la smras te bgyi'o zhes des mngan byed pa'i mi la smras pa/ kye nang rje bdag cag gi bang mdzod na bdag cag dang rab tu byung ba stong po gang yin pa 'di rnams kyi lo bcu gnyis kyi bza' ba dang / btung ba yod dam/ des smras pa/ dpon po mchis so/ / der rang sangs rgyas de rnams la smras pa/ 'phags pa rnams bzhugs shig khyed kyi gdugs tshod kyi dus gang lags/ de rnams kyis smras pa/ khyim bdag nyi ma phyed ma yol bar ro/ /de nas khyim bdag sdums byed kyis sbyin gtong gi khang pa rtsig tu bcug nas sbyin gtong gi zhal ta byed pa'i mi dang dus tshod sbron pa yang bzhag nas de rnams nyi ma re re zhing lhags nas zas kyi bya ba byed do/ /dgra bcom pa stong po de'i dge 'dun gyi gnas brtan gang yin pa de lhag par mdzes pa mgo gdugs ltar 'dug pas 'khor de la gdugs ltar byas te gnas so/ /khyim bdag sdums byed kyi bu mos dge 'dun gyi gnas brtan de'i mgo gdugs ltar 'dug cing kha dog rgyas pa mchog dang ldan par mthong nas kyang lhag par dad pa skyes so/ /ji tsam dus gzhan zhig na dro la bab pa dang lhas char dbab par brtsams so/ /de nas bu mo des dge 'dun gyi gnas brtan gyi spyi bor gdugs bzung nas zan zos zin pa dang / rkang pa gnyis la gtugs te smon lam btab pa/ dge ba'i rtsa ba 'dis ji ltar 'phags pa 'di yon tan gyi tshogs ci 'dra ba'i rnam pa 'di lta bu dag thob pas 'di 'khor la gdugs lta bur byas te gnas pa de bzhin du bdag kyang 'khor la gdugs lta bur byas te gnas par gyur cig ces btab bo/ /dge slong dag ji snyam du sems/ khyim bdag sdums byed kyi bu mo gang yin pa de dge slong kun shes kau Di n+ya 'di nyid yin te/ de na 'di gzhon nu mar gyur pa na rang sangs rgyas kyi dge 'dun gyi gnas brtan gyi gdugs bzung nas smon lam du yon tan gyi tshogs 'di lta bu thob nas 'khor la gdugs lta bur byas te gnas par gyur ces btab bo/ /des na da ltar nyon mongs pa thams cad spangs te dgra bcom pa mngon sum du byas nas kyang 'khor la gdugs lta bur byas te gnas so/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la zhes bya ba nas dge slong dag de lta bu la khyed kyis bslab par bya'o zhes bya ba'i bar gong ma bzhin du'o/ /gang gi tshe bcom ldan 'das kyis tshe dang ldan pa kun shes kau Di n+ya la brten nas lha brgyad khri dam pa'i chos kyi ros tshim par mdzad pa de'i tshe dge slong rnams the tsom skyes nas/ the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis tshe dang ldan pa kun shes kau Di n+ya las brten nas lha brgyad khri dam pa'i chos kyi ros tshim par mdzad pa la gzigs/ bcom ldan 'das kyis bka' stsal pa/ dge slong dag gang gi phyir da ltar nga 'dod chags dang bral/ zhe sdang dang bral/ gti mug dang bral zhing / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol nas thams cad mkhyen cing rnam pa thams cad mkhyen te ye shes dang shes bya thams cad la dbang brnyes nas kun shes kau Di n+ya la brten te lha brgyad khri dam pa'i chos kyi ros tshim par mdzad pa de la ngo mtshar ci zhig che/ 'das pa'i dus na nga 'dod chags dang bcas/ zhe sdang dang bcas/ gti mug dang bcas shing / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su ma grol te/ dud 'gro byol song gi lus su skyes pa na/ kau Di n+ya srin bu ki ta kar gyur pa la brten nas srin bu ki ta ka brgyad khri rang gi shas tshim par byas pa gang yin pa de nyon cig /dge slong dag sngon byung ba byang chub sems dpa' ma nges pa'i phung po la gnas te rgya mtsho chan po'i rus sbal rnams kyi nang du skyes nas de rnams kyi gtso bo gyur to/ /ji tsam na tshong pa lnga brgya rgya mtsho chen po'i gru bo che bsgrubs nas rgya mtsho chen por zhugs te/ de nas rin po che sna tshogs blangs nas slar log pa las 'di ltar gru bo che chu srin nya'i rigs kyi tshan gyis phug ste/ de na ku co chen po byung ba'i sgra de rus sbal gyis thos nas rgya mtsho chen po nas langs te/ de de rnams kyi drung du song nas smras pa/ shes ldan dag bag tsha ba bor la kho bo'i rgyab tu zhon cig dang kho bos bsgral bar bya'o/ /de nas tshong pa de rnams shi ba las sos pa bzhin du thams cad rus sbal gyi rgyab tu zhon te/ des de rnams khyer nas rgya mtsho'i 'gram du phyogs te chas pa na khur gyis shin du btsir kyang brtson 'grus la gnas shing snyom pa ma bskyed de/ de lus dub pas de rnams legs par bsgral te mgrin pa brkyang nas gnyid log go/ /de dang ha cang yang mi ring ba zhig na srin bu ki ta ka rnams kyi tshang yod pas de nas ki ta ka gcig rgyu zhing song ba na dri tshor te de'i drung du song ba dang / de nas lus chen po de gnyid log par mthong nas rings pa'i 'gros kyis srin bu ki ta ka'i tshang du son te/ rang rang gi brdas ki ta ka rnams la go bar byas nas srin bu ki ta ka brgyad khri ded de rus sbal gyi drung du dong ngo / /de nas de gnyid log ste shi ba bzhin du sems med pa la bza' bar brtsams te/ gang gi tshe de'i sha chen po rnams las zos nas ngal bas dub ste gnyid stug pos non pas ma tshor ro/ /ji tsam gnad rnams kyi sha rnams za ba de'i tshe sad na srin bu ki ta ka thams cad kyis lus yog par mthong nas des bsams pa/ gal te lus bsgul lam bsgyur na gdon mi za bar 'di rnams 'chi bar 'gyur te/ srog chags gzhan la gnod par byed pa bas ni srog dang bral yang bla'o snyam du bsams nas/ gnad rnams su phug cing tshigs rnams phral ba na smon lam gdab par brtsams pa/ ji ltar srin bu ki ta ka brgyad khri po 'di rnams la sha dang khrag gis tshim par byas pa de bzhin du bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa na yang de rnams chos kyi ros tshim par byed par gyur cig ces btab bo/ /dge slong dag ji snyam du sems/ de'i tshe de'i dus kyi rus sbal gyi gtso bo gang yin pa de ni nga nyid yin no/ /srin bu ki ta ka de rnams la lam ston pa gang yin pa de ni dge slong kau Di n+ya 'di nyid yin no/ /de la brten nas sha dang khrag gis tshim par byas pa'i srin bu ki ta ka brgyad khri po gang dag yin pa de dag ni lha brgyad khri po 'di dag nyid yin te/ de na yang ngas rang gi khrag gis tshim par byas so/ /da ltar yang ngas de rnams dam pa'i chos kyi ros tshim par mdzad do/ /dge slong dag de lta bas na gcig tu gnag pa rnams kyi las kyi rnam par smin pa ni zhes bya ba nas dge slong dag khyed kyis de lta bu la bslab par bya'o zhes bya ba'i bar du 'o/ /gang gi tshe bcom ldan 'das kyis lnga sde'i dge slong rnams dam pa'i chos kyi ros tshim par mdzad nas 'khor ba'i 'brog dgon pa nas bton te shin du mthar thug pa'i grub pa dang bde ba'i mya ngan las 'das pa la bkod pa de'i tshe dge slong rnams the tsom skyes nas the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis lnga sde'i dge slong rnams dam pa'i chos kyi ros tshim par mdzad nas 'khor ba'i 'brog dgon pa nas bton te shin du mthar thug pa'i grub pa dang bde ba'i mya ngan las 'das pa la bkod pa la gzigs/ bcom ldan 'das kyis bka' stsal pa/ dge slong dag 'di ltar da ltar nga 'dod chags dang bral/ zhe sdang dang bral/ gti mug dang bral zhing / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol nas thams cad mkhyen cing rnam pa thams cad mkhyen te ye shes dang shes bya thams cad la dbang brnyes nas lnga sde'i dge slong rnams dam pa'i chos kyi ros tshim par mdzad nas 'khor ba'i 'brog dgon pa nas bton te/ shin du mthar thug pa'i grub pa dang bde ba'i mya ngan las 'das pa la bkod pa de la ngo mtshar ci zhig che/ 'das pa'i dus na nga 'dod chags dang bcas/ zhe sdang dang bcas/ gti mug dang bcas shing / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su ma grol ba na/ 'di dag la rang gi khrag gis tshim par byas nas brtul zhugs lnga'i gzhi rnams la bkod pa gang yin pa de nyon cig /dge slong dag sngon byung ba grong khyer bA rA Na sI na rgyal po rdo rje'i dpung pa zhes bya ba 'byor pa dang zhes bya ba nas skye bo dang mi mang pos gang ba na rgyal srid byed du 'jug ste zhes bya ba'i bar du ste/ rgyal po de yang dad pa bzang ba/ dge ba'i rtsa ba can/ bdag la phan pa dang gzhan la phan par zhugs pa/ snying rje'i bdag nyid chen po/ chos 'dod pa skye dgu la byams pa/ thams cad sbyin pa/ thams cad yongs su gtong ba/ chags pa med par yongs su gtong ba/ gtong ba chen po la gnas pa ste/ de lhag par byams pa la shin du goms pas de nyin gcig la lan gsum byams pa la snyoms par 'jug par byed de/ de byams pa la snyoms par zhugs pa na/ slong ba'i skye bos phongs par gyur nas des blon po rnams la bsgo ba/ shes ldan dag grong khyer bA rA Na sI'i grong khyer gyi sgo bzhi rnams su sbyin gtong gi khang pa rtsig tu bcug la dge sbyong dang / bram ze dang / bkren pa dang / phongs pa dang / lam du 'jug pa'i slongs mo pa gang dag ci don du gnyer ba de dag byin cig /lha bka' bzhin 'tshal zas dang / skom dang / gos dang / gnas mal dang / dbyig dang / gser dang / nor bu dang / mu tig dang / bai dUr+ya dang / man shel dang / byi ru dang / sa le sbram dang / dngul dang / rdo'i snying po dang / spug dang / pad ma rA ga dang / g.yas su 'khyil ba la sogs te nor mang pos slongs mo pa'i skye bo tshim par bya ba'i phyir phung por spungs so/ /ji tsam dus gzhan zhig na rgyal po rnam thos kyi bus rgyal po'i pho brang lcang lo can nas mdangs 'phrog pa'i gnod sbyin lnga spyugs te/ phan tshun 'phyan pa las bA rA Na sIr phyin nas de rnams kyis ba lang rdzi dang / lug rdzi dang / rtswa thun dang / shing thun dang / lam gyis 'tsho ba dang / lam gol bas 'tsho ba'i mi rnams mthong nas smras pa/ shes ldan dag khyed cag kho bo cag gis mi 'jigs sam/ shes ldan dag gang gi phyir kho bo cag gi rgyal po byams pa dang snying rje'i bdag nyid can sems can la phan pa'i bsam pas nyin gcig la lan gsum du byams pa la snyoms par zhugs pa yod na ci'i phyir 'jigs/ de nas de rnams bram ze'i cha byad du mngon par sprul nas grong khyer bA rA Na sI'i sgo bzhi rnams su sbyin gtong gi khang pa rnams la brtags te rgyal po rdo rje'i dpung pa byams pa las langs par shes nas dul ba'i cha byad kyis rgyal po'i drung du song ngo / /song nas rgyal ba dang tshe spel ba dag rgyal po la byas nas smras pa/ lha bdag cag bkres lags na g.yar zas kyis rjes su gzung du gsol/ rgyal pos blon po rnams bkug ste smras pa/ shes ldan dag bram ze 'di rnams kha zas bsod pas tshim par byos shig /de rnams kyis smras pa/ bdag cag ni sha dang khrag 'tshal lags so/ /rgyal pos blon po rnams la smras pa/ shes ldan dag gal te sha dang khrag gi 'byor pa med na tshong 'dus nas chos bzhin gyis rnyed pa'i khrag byin cig /de rnams kyis smras pa/ lha bdag cag ni mod la bkum pa'i sha dang khrag 'tshal na/ mod la bkum pa'i sha dang khrag gis rjes su gzung bar mdzod cig /rgyal pos bsams pa/ gzhan la gnod pa ma byas par mod la bsad pa'i sha dang khrag ga la rnyed kyis ci nas kyang 'di rnams la bdag gis rang gi khrag sbyin par bya'o snyam ste/ de nas dpyad mkhan rnams bkug ste smras pa/ shes ldan dag nga'i yan lag gi rtsa thams cad chod cig dang / slongs mo pa'i skye bo tshim par bya'o/ /dpyad mkhan rnams kyis smras pa/ lha mi phal pa rnams kyi phyir bdag cag lha'i sku la mtshon gyis mi 'debs so/ /byang chub sems dpa' ni bzo'i gnas dang las kyi gnas de dang de dag la mkhas pa yin pas des rang nyid kyis lus kyi yan lag lnga mtshon gyis gtar te/ de nas rang gi khrag gis tshim par byas nas de rnams la de lta bu'i chos bshad de/ de thos pas gnod sbyin de rnams brtul zhugs lnga'i gzhi rnams la bkod do/ /dge slong dag ji snyam du sems/ de'i tshe de'i dus kyi rgyal po rdo rje'i dpung pa zhes bya bar gyur pa de ni nga nyid yin no/ /mdangs 'phrog pa'i gnod sbyin lnga po gang dag yin pa de dag ni lnga sde'i dge slong 'di dag nyid yin te/ de na yang ngas 'di rnams rang gi khrag gis tshim par byas nas brtul zhugs lnga'i gzhi rnams la bkod do/ /da ltar yang ngas 'di rnams dam pa'i chos kyi ros tshim par byas nas 'khor ba'i 'brog dgon pa nas bton te/ shin du mthar thug pa'i grub pa dang bde ba'i mya ngan las 'das pa la bkod do/ /gang gi tshe bcom ldan 'das kyis lnga sde'i dge slong rnams dam pa'i chos kyi ros tshim par mdzad nas 'khor ba'i 'brog dgon pa nas bton te shin du mthar thug pa'i grub pa dang bde ba'i mya ngan las 'das pa la bkod pa de'i tshe dge slong rnams the tsom skyes te/ the tsom thams cad gcod pa/ sangs rgyas bcom ldan 'das la zhus pa/ btsun pa bcom ldan 'das kyis lnga sde'i dge slong rnams dam pa'i chos kyi ros tshim par mdzad nas 'khor ba'i 'brog dgon pa nas bton te shin du mthar thug pa'i grub pa dang bde ba'i mya ngan las 'das pa la bkod pa la gzigs/ bcom ldan 'das kyis bka' stsal pa/ 'di ltar da ltar nga 'dod chags dang bral/ zhe sdang dang bral/ gti mug dang bral zhing zhes bya ba nas ye shes dang shes bya thams cad la dbang brnyes nas zhes bya ba'i bar du ste/ lnga sde'i dge slong rnams dam pa'i chos kyi ros tshim par mdzad nas 'khor ba'i 'brog dgon pa nas bton te shin du mthar thug pa'i grub pa dang bde ba'i mya ngan las 'das pa la bkod pa de la ngo mtshar ci zhig che/ nga 'das pa'i dus na 'dod chags dang bcas zhes bya ba nas sdug bsngal ba dang / yid mi bde ba dang / 'khrug pa rnams las yongs su ma grol ba na zhes bya ba'i bar gong ma bzhin du ste/ 'di rnams rang gi shas tshim par byas nas brtul zhugs lnga'i gzhi rnams la bkod pa gang yin pa de nyon cig /dge slong dag sngon byung ba grong khyer bA rA Na sI na rgyal po byams pa'i stobs shes bya ba 'byor pa dang zhes bya ba nas skye bo dang mi mang po yod pa rgyal srid byed du 'jug ste zhes bya ba'i bar du ste/ byams pa'i bdag nyid snying rje can bdag nyid chen po sems can thams cad la byams pa dang ldan pa zhig yod de/ ji tsam dus gzhan zhig na rgyal po rnam thos kyi bus rgyal po'i pho brang lcang lo can nas mdangs 'phrog pa'i gnod sbyin lnga nyes pa 'ga' zhig gi phyir spyugs nas/ de rnams ljongs de nas rgyu zhing bA rA Na sIr phyin nas de rnams la sus kyang gtor ma 'am/ me tog phreng dang / yo byad dag ma byin nas/ de rnams khros pas yams kyi nad btang ste bA rA Na sI'i skye bo'i tshogs shi bar gyur to/ /blon po rnams kyis rgyal po byams pa'i stobs la smras pa/ lha bA rA Na sI'i skye bo'i tshogs te por 'gum lags so/ /rgyal pos de rnams la bsgo ba/ deng la bA rA Na sI kho nar dril sgrogs su bcug la/ shes ldan dag rgyal po byams pa'i stobs kyis bka' stsal pa/ nga sems can thams cad la phan pa'i bsam pa la lhag par rtsom pa'i yid kyis nyin mtshan 'da' bar byed kyis/ de la khyed cag gis kyang sems can thams cad kyi rjes su song ba'i byams pa yid la byos shig dang / de lta na zhi bar 'gyur ro/ /de rnams sems can thams cad kyi rjes su song ba'i byams pa yid la byed pa la zhugs pa na mdangs 'phrog pa'i gnod sbyin rnams kyis bA rA Na sI'i nye 'khor du rgyu bar brtsams na 'jug ma nus so/ /de rnams kyis 'jug ma nus pas glags ma rnyed do/ /glags ma rnyed pas ba lang rdzi dang / lug rdzi dang / rtswa thun dang / shing thun dang / lam gyis 'tsho ba dang / lam gol bas 'tsho ba'i mi rnams mthong nas dris pa/ shes ldan dag khyed cag kho bo cag gis mi 'jigs sam/ de rnams kyis smras pa/ mi 'jigs so/ /ci'i phyir/ 'di ltar bdag cag gi rgyal po byams pa'i stobs dgongs pa gang yin pa de sems pas so/ /rgyal po byams pa'i stobs ci dgongs/ sems can thams cad kyi rjes su song ba'i byams pa'o/ / de rnams kyis bsams pa/ 'dir rgyu 'dis na da ltar bdag cag gis glags ma rnyed do snyam nas de rnams bA rA Na sI'i sgo nas sgor rgyu zhing rgyal po byams pa'i stobs nam zhig mthong snyam mo/ /ji tsam dus gzhan zhig na rgyal po byams pa'i stobs phyi rol du bskyed mos tshal du chas pa dang / de nas de rnams bram ze'i cha byad du bdag nyid mngon par sprul nas spyod lam zhi bas rgyal po'i drung du nye bar dong ste rgyal ba dang tshe spel ba dag byas nas smras pa/ lha bdag cag bkres lags na g.yar zas kyis rjes su gzung du gsol/ rgyal pos blon po rnams bkug ste bsgo ba/ shes ldan dag bram ze 'di rnams kha zas bsod pas tshim par byos shig /de rnams kyis smras pa/ lha bdag cag ni sha dang khrag 'tshal lags so/ /rgyal pos blon po rnams la smras pa/ shes ldan dag gal te sha dang khrag 'byor pa med na tshong 'dus nas chos bzhin gyis rnyed pa'i sha dang khrag byin cig /lha bdag cag ni mod la bkum pa'i sha dang khrag 'tshal na mod la bkum pa'i sha dang khrag gis rjes su gzung du gsol/ rgyal pos bsams pa/ sems can gzhan la gnod pa ma byas par ni mod la bsad pa'i sha dang khrag ga la rnyed kyis/ ci nas kyang 'di rnams la bdag gis rang gi khrag sbyin par bya'o snyam ste/ de nas dpyad mkhan rnams bkug nas smras pa/ shes ldan dag nga'i yan lag gi rtsa thams cad chod cig dang slong mo ba'i skye bo tshim par bya'o/ /dpyad mkhan gyis smras pa/ lha mi phal pa rnams kyi phyir bdag cag lha'i sku la mtshon gyis mi 'debs so/ /byang chub sems dpa' ni bzo'i gnas dang las kyi gnas de dang de dag la mkhas pa yin pas des rang nyid kyi yan lag lnga mtshon gyis gtar te/ de nas rang gi khrag gis tshim par byas nas de rnams la de lta bu'i chos bshad de/ gang thos pas gnod sbyin de rnams brtul zhugs lnga'i gzhi rnams la bkod do/ /dge slong dag ji snyam du sems/ de'i tshe de'i dus kyi rgyal po byams pa'i stobs gang yin pa de ni nga nyid yin no/ /mdangs 'phrog pa'i gnod sbyin lnga po gang dag yin pa de dag ni lnga sde'i dge slong 'di nyid yin te/ de na yang ngas 'di rnams rang gi khrag gis tshim par byas te brtul zhugs lnga'i gzhi rnams la bkod do/ /da ltar kyang ngas 'di rnams dam pa'i chos kyi ros tshim par byas nas 'khor ba'i 'brog dgon pa nas bton te shin du mthar thug pa'i grub pa dang bde ba'i mya ngan las 'das pa la bkod do/ /gang gi tshe bcom ldan 'das kyis lo drug tu dka' ba spyad de bla na med pa yang dag par rdzogs pa'i byang chub rtogs nas bA rA Na sIr gshegs te/ chos kyi 'khor lo bskor nas lnga sde dang / nye lnga'i sde dang / drug bcu'i tshogs bzang po rnams btul bas dge slong mang du gyur pa de'i tshe dge slong rnams the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis phrin las ci zhig mdzad na phrin las de'i rnam par smin pas bcom ldan 'das kyis dgung lo drug tu dka' ba spyad lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi sku tshe gzhan rnams su phrin las byas shing bsags pa dang / tshogs rnyed pa ni zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba be'i b+hi ding ga'i grong khyer gyi grong rdal 'byor pa dang zhes bya ba nas skye bo dang mi mang po yod pa zhes bya ba'i bar du ste/ dge slong dag be'i b+hi ding ga'i grong khyer gyi grong rdal na bram ze'i shing sA la chen po lta bu n+ya gro d+ha zhes bya ba phyug pa/ nor mang ba/ longs spyod che ba zhig byung ste/ be'i b+hi ding ga'i 'du tang dang bcas/ sa dang / shing dang / chur bcas par rgyal po kri kis bram ze'i sbyin par byin nas 'byor pa na yongs su longs spyod do/ /dge slong dag bram ze shing sA la chen po lta bu n+ya gro ng+ha'i slob ma bram ze'i khye'u bla ma zhes bya ba pha dang ma'i rigs dang ldan pa/ mo phyogs nas dag pa/ mes po'i phyogs dang / phyi mo'i phyogs zung bdun rgyud kyis bzung ste rigs la gtam gyis ma phog pa/ klog tu 'jug pa/ gsang tshig 'dzin pa/ rig byed gsum po sgra nges par sbyor ba dang / shes gsal dang bcas pa dang / yi ge rab tu 'byed pa dang bcas pa dang lnga po de lta bu byung ba can rnams kyi pha rol du phyin cing lung ston par byed pa/ gzugs bzang po blta na sdug pa mdzes pa zhig yod de/ /bram ze shing sA la chen po lta bu n+ya gro ng+ha'i bram ze'i khye'u lnga brgya tsam la bram ze rnams kyi gsang tshig klog tu 'jug go/ /dge slong dag be'i b+hi ding ga'i grong khyer gyi grong rdal na rdza mkhan dga' skyong zhes bya ba sangs rgyas la mngon par dad pa/ chos dang dge 'dun la mngon pa dad pa/ sangs rgyas la skyabs su song ba/ chos dang dge 'dun la skyabs su song ba/ sangs rgyas la gcig tu byed pa/ chos dang dge 'dun la gcig tu byed pa/ sangs rgyas la yid gnyis dang the tsom med pa/ chos dang dge 'dun dang / sdug bsngal ba dang / kun 'byung ba dang / 'gog pa dang / lam la yid gnyis dang the tsom med pa/ bden pa mthong ba/ 'bras bu thob cing rtogs pa/ lo ma dang gtun spangs pa zhig gnas te/ gzhan du na de gang na chus brkos pa 'am/ bye brun ma gtogs pa rang gi lag gis sa mi rko zhing brkor mi 'jug go/ /de nas sa lus kyis blangs nas srog chags med pa'i chus sbrus te/ snod rnams byas shing mtha' gcig tu bzhag nas 'di skad ces 'phags pa dag tshur/ bzhin bzangs dag tshur/ til lam/ 'bras sam/ mon sran sde'u la sogs pa 'am/ mon sran gre'u la sogs pa mtha' gcig tu zhog la khyed cag las gang zhig snod gang don du gnyer ba de long la deng shig ces smras shing des de las pha ma long ba gnyis gso ba dang / yang dag par rdzogs pa'i sangs rgyas 'od srung la dus dus su bsod snyoms 'bul lo/ /bram ze'i khye'u bla ma'i grogs po dang / snying du sdug pa dang / ne'u zla yang yin no/ /de nas rdza mkhan dga' skyong yang dag par rdzogs pa'i sangs rgyas 'od srung gang na ba der song ste phyin nas yang dag par rdzogs pa'i sangs rgyas bcom ldan 'das 'od srung gi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / yang dag par rdzogs pa'i sangs rgyas 'od srung gis rdza mkhan dga' skyong la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ / rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas rdza mkhan dga' skyong yang dag par rdzogs pa'i sangs rgyas 'od srung gis gsungs pa la mngon par dga' ste rjes su yi rang nas zhabs gnyis la mgo bos phyag 'tshal te stan las langs nas song ngo / /de'i tshe bram ze'i khye'u bla ma shing rta thams cad nas dkar ba rta rgod ma dang ldan pa'i nang du zhugs/ gser gyi khar ba dang ril ba thogs te/ bram ze'i khye'u'i tshogs kyis yongs su bskor cing bram ze'i khye'u'i tshogs kyis mdun gyis bltas te/ be'i b+hi ding ga'i phyi rol du bram ze'i khye'u rnams gsang tshig klog tu gzhug par 'dod nas be'i b+hi ding ga nas byung ba dang bram ze'i khye'u bla mas rdza mkhan dga' skyong rgyang ring po kho na nas mthong ngo / /mthong nas kyang 'di skad ces smras so/ /des pa dga' skyong khyod gang nas 'dir 'ongs/ des pa bla ma bdag ni yang dag par rdzogs pa'i sangs rgyas 'od srung la bsnyen bkur byas nas da gzod 'dir 'ongs kyis/ des pa bla ma tshur/ bdag cag yang dag par rdzogs pa'i sangs rgyas 'od srung la bsnyen bkur byed du 'dong ngo / /des pa dga' skyong yang dag par rdzogs pa'i sangs rgyas 'od srung la lta ba thong shig /bsnyen bkur bya ba thong shig /de ci'i phyir zhe na/ dge sbyong mgo reg de la byang chub ga la yod/ byang chub ni mchog tu dka' ba yin no/ /des pa bla ma khyod 'di skad ces dge sbyong mgo reg de la byang chub ga la yod/ byang chub ni mchog tu dka' ba yin no zhes ma smra shig /'di ltar bcom ldan 'das de nyid sangs rgyas yin te/ des chos thams cad sangs rgyas so/ /rdza mkhan dga' skyong gis lan gnyis lan gsum du yang bram ze'i khye'u bla ma la 'di skad ces smras so/ /des pa bla ma tshur/ bdag cag yang dag par rdzogs pa'i sangs rgyas 'od srung la bsnyen bkur byed du 'dong ngo / /bram ze'i khye'u bla mas lan gnyis lan gsum du yang rdza mkhan dga' skyong la 'di skad ces smras so/ /des pa dga' skyong yang dag par rdzogs pa'i sangs rgyas 'od srung la lta ba thong shig /bsnyen bkur bya ba mthong shig /de ci'i phyir zhe na/ dge sbyong mgo reg la byang chub ga la yod/ /byang chub ni mchog tu dka' ba yin no/ /des pa bla ma khyod 'di skad ces dge sbyong mgo reg de la byang chub ga la yod/ byang chub ni mchog tu dka' ba yin no zhes ma smra zhig /'di ltar bcom ldan 'das de nyid sangs rgyas yin te/ des chos thams cad sangs rgyas so/ /de nas rdza mkhan dga' skyong gi bram ze'i khye'u bla ma'i shing rta'i nang du 'dzegs nas bram ze'i khye'u bla ma'i skra las bzung ste/ bram ze'i khye'u bla ma la 'di skad ces smras so/ /des pa bla ma tshur/ bdag cag yang dag par rdzogs pa'i sangs rgyas 'od srung la bsnyen bkur byed du 'dong ngo / /de nas bram ze'i khye'u bla ma 'di snyam du sems te/ kye ma sangs rgyas mchog ma yin pa yang ma yin zhing chos bshad pa yang mchog ma yin pa ma yin te/ des na da ltar rdza mkhan dga' skyong yun ring po nas khro ba ma yin/ gtum pa ma yin/ brlang ba ma yin/ gzu lums can ma yin pa des kyang skra las bzung ba yan chad byas so snyam du bsams nas rdza mkhan dga' skyong la 'di skad ces smras so/ /des pa dga' skyong de tsam bya ba la thug gam/ des pa bla ma de tsam bya ba la thug ces so/ /des pa dga' skyong ci de tsam bya ba la thug gam/ des pa bla ma de tsam bya ba la ha cang thug ces so/ /des pa dga' skyong de'i phyir thong shig dang / bdag cag yang dag par rdzogs pa'i sangs rgyas 'od srung la bsnyen bkur byed du 'dong ngo / /de nas bram ze'i khye'u bla ma dang rdza mkhan dga' skyong shing rta gcig gi nang du zhugs nas yang dag par rdzogs pa'i sangs rgyas 'od srung gang na ba der dong ste/ de gnyis kyis ji tsam bzhon pa'i sa'i bar du bzhon pas song nas bzhon pa las babs te yang dag par rdzogs pa'i sangs rgyas 'od srung gang na ba der dong ste phyin nas yang dag par rdzogs pa'i sangs rgyas 'od srung gi zhabs gnyis mgo bos phyag byas te phyogs gcig tu 'dug go/ /phyogs gcig tu 'dug nas rdza mkhan dga' skyong gis yang dag par rdzogs pa'i sangs rgyas 'od srung la 'di skad ces gsol to/ /btsun pa bram ze'i khye'u bla ma 'di ni sangs rgyas la mngon par ma dad/ chos dang dge 'dun la mngon par ma dad lags kyis/ bcom ldan 'das ji ltar bram ze'i khye'u bla ma 'di sangs rgyas la mngon par dad pa dang / chos dang dge 'dun la mngon par dad par 'gyur ba de lta bu'i chos legs par bshad du gsol/ yang dag par rdzogs pa'i sangs rgyas 'od srung gis rdza mkhan dga' skyong la cang mi gsung bas gnang ngo / /de nas yang dag par rdzogs pa'i sangs rgyas 'od srung gis bram ze'i khye'u bla ma la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas bram ze'i khye'u bla mas rdza mkhan dga' skyong la 'di skad ces smras so/ /des pa dga' skyong legs par gsungs pa'i chos 'dul ba gya nom pa 'di lta bu thos na khyod dad pa yang dag pa kho nas khyim nas khyim med par ci'i phyir rab tu ma byung / des pa bla ma ji ltar kho bo pha ma long ba gnyis gso ba dang / yang dag par rdzogs pa'i sangs rgyas 'od srung la dus dus su bsod snyoms 'bul bar khyod mi shes sam/ des pa dga' skyong khyod rab tu byung yang rung ma byung yang rung / re shig kho bo ni rab tu 'byung ngo / /de nas yang dag par rdzogs pa'i sangs rgyas 'od srung la rdza mkhan dga' skyong gis 'di skad ces gsol to/ /btsun pa bram ze'i khye'u bla ma 'di legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'tshal na/ bcom ldan 'das kyis thugs brtse ba nye bar bzung ste/ de rab tu dbyung ba dang bsnyen par rdzogs par mdzad du gsol/ yang dag par rdzogs pa'i sangs rgyas 'od srung gis rdza mkhan dga' skyong la cang mi gsung bas gnang ngo / /de nas rdza mkhan dga' skyong gis yang dag par rdzogs pa'i sangs rgyas 'od srung cang mi gsung bas gnang bar rig nas yang dag par rdzogs pa'i sangs rgyas 'od srung gi zhabs gnyis la mgo bos phyag byas te stan las langs nas song ngo / /de nas yang dag par rdzogs pa'i sangs rgyas 'od srung gis rdza mkhan dga' skyong song nas ring po ma lon par thugs su chud nas bram ze'i khye'u bla ma rab tu phyung bsnyen par rdzogs par mdzad de/ be'i b+hi ding gir ji tsam bzhed kyi bar du bzhugs nas bA rA Na sI ka shi gang na ba der rgyu zhing gshegs te/ rim gyis rgyu zhing gshegs pa dang bA rA Na sIr byon nas bA rA Na sI'i drang srong smra ba'i ri dgas kyi nags na bzhugs so/ /rgyal po kri kis yang dag par rdzogs pa'i sangs rgyas 'od srung ka shi nas ljongs rgyu zhing gshegs pa dang / bA rA Na sIr byon nas/ bA rA Na sI'i drang srong smra ba'i ri dgas kyi nags na bzhugs so zhes thos so/ /thos nas kyang bA rA Na sI nas byung ste/ yang dag par rdzogs pa'i sangs rgyas 'od srung gang na ba der song nas phyin pa dang / yang dag par rdzogs pa'i sangs rgyas 'od srung gi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / yang dag par rdzogs pa'i sangs rgyas 'od srung gis rgyal po kri ki la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas rgyal po kri ki stan las langs te bla gos phrag pa gcig tu gzar nas yang dag par rdzogs pa'i sangs rgyas 'od srung gang na ba de logs su thal mo sbyar ba btud de/ /yang dag par rdzogs pa'i sangs rgyas 'od srung la 'di skad ces gsol to/ /bcom ldan 'das sang bdag gi sdum par dge slong gi dge 'dun dang thabs gcig tu gdugs tshod sbyor zhing mchis na gnang bar mdzad du gsol/ yang dag par rdzogs pa'i sangs rgyas bcom ldan 'das 'od srung gis rgyal po kri ki la cang mi gsung bas gnang ngo / / de nas rgyal po kri kis yang dag par rdzogs pa'i sangs rgyas 'od srung cang mi gsung bas gnang bar rig nas yang dag par rdzogs pa'i sangs rgyas 'od srung gi zhabs gnyis la mgo bos phyag byas nas stan las langs te song ngo / / de nas rgyal po kri kis de nyid kyi nub mo nas gtsang zhing bsod pa'i bza' ba dang bca' ba dag sta gon byas nas nang par sngar langs te gdan bshams nor bu'i chu snod bzhag nas/ yang dag par rdzogs pa'i sangs rgyas 'od srung la spyan 'dren gyis dus tshod gsol pa/ btsun pa gdugs tshod lags te/ bcom ldan 'das da de'i dus la bab par dgongs su gsol/ /de nas yang dag par rdzogs pa'i sangs rgyas 'od srung snga dro na bza' sham thabs mnabs lhung bzed dang chos gos bsnams te dge slong gi tshogs kyis yongs su bskor cing dge slong gi tshogs kyis mdun du bdar nas/ rgyal po kri ki'i bkad sa gang na ba der gshegs te byon nas dge slong gi dge 'dun gyi gung la gdan bshams pa nyid la bzhugs so/ /de nas rgyal po kri kis sangs rgyas la sogs pa dge slong gi dge 'dun bde bar bzhugs par rig nas gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ rnam grangs du mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas so/ /yang dag par rdzogs pa'i sangs rgyas 'od srung gis zhal zas gsol zin te/ phyag bcabs lhung bzed gyu bar rig nas gser gyi bya ma bum blangs te yang dag par rdzogs pa'i sangs rgyas 'od srung gi spyan sngar gsol ba btab pa/ bcom ldan 'das dge slong gi dge 'dun dang thabs gcig la dgung zla gsum du bdag gis na bza' chos gos dang / bsod snyoms dang / gzims cha dang / snyun dpyad kyi rkyen sman gyi yo byad rnams dang / bcom ldan 'das kyi slad du gtsug lag khang lnga brgya rtsig tu stsal cing khri dang / khri'u dang / la ba dang / stan nang tshangs can dang / dbu rten dang / gor bu lnga brgya 'jog tu stsal cing / 'bras sog ma'i sbubs su smin pa de lta bus bcom ldan 'das dang dge slong gi dge 'dun la bsnyen bkur bgyid lags na gnang bar mdzad du gsol/ rgyal po chen po sems mngon par dad pa de nyid kyis byas pa yin gyis chog go/ /yang dag par rdzogs pa'i sangs rgyas 'od srung la rgyal po kri kis lan gnyis lan gsum du yang 'di skad ces gsol to/ /bcom ldan 'das dge slong gi dge 'dun dang thabs gcig la dgung zla gsum du bdag gis na bza' chos gos dang / bsod snyoms dang / gzims cha dang / snyun dpyad kyi rkyen sman gyi yo byad rnams dang / bcom ldan 'das kyi slad du gtsug lag khang lnga brgya rtsig tu stsal cing / khri dang / khri'u dang / la ba dang / stan nang tshangs can dang / dbu rten dang / gor bu lnga brgya lnga brgya 'jog tu stsal cing 'bras sog ma'i sbubs su smin pa de lta bus bcom ldan 'das dang dge slong gi dge 'dun la bsnyen bkur bgyid lags na gnang bar mdzad du gsol/ yang dag par rdzogs pa'i sangs rgyas 'od srung gis lan gnyis lan gsum du yang rgyal po kri ki la 'di skad ces bka' stsal to/ /rgyal po chen po sems mngon par dad par byas pa gang yin pa de nyid kyis byas zin pas chog go/ /de nas yang dag par rdzogs pa'i sangs rgyas 'od srung la rgyal po kri kis 'di skad ces gsol to/ /bcom ldan 'das la rim gro bgyid pa dper na da ltar gyi bdag 'dra ba gzhan zhig mchis lags sam/ rgyal po chen po yod de/ /khyod kyis yul be'i b+hi ding ga'i grong khyer gyi grong rdal de na rdza mkhan dga' skyong zhes bya ba sangs rgyas la mngon par dad pa/ chos dang dge 'dun la mngon par dad pa/ sangs rgyas la skyabs su song ba/ chos dang dge 'dun la skyabs su song ba/ sangs rgyas la gcig tu byed pa/ chos dang dge 'dun la gcig tu byed pa/ sangs rgyas la yid gnyis dang the tshom med pa/ chos dang / dge 'dun dang / sdug bsngal dang / kun 'byung dang / 'gog pa dang / lam la yid gnyis dang the tshom med pa/ bden pa mthong ba/ 'bras bu thob cing rtogs pa/ lo ma dang gtun spangs pa zhig gnas te/ de gzhan du na chus brkos pa 'am/ byi brun ma gtogs par rang gis mi rko zhing brkor mi 'jug go/ /de nas sa lus kyis blangs nas srog chags med pa'i chus sbrus te/ snod rnams byas shing mtha' gcig tu bzhag nas 'di skad ces/ 'phags pa dag tshur/ bzhin bzangs dag tshur/ til lam/ 'bras sam/ mon sran sde'u la sogs pa 'am/ mon sran gre'u la sogs pa mtha' gcig tu zhog la/ khyed gang zhig snod gang don du gnyer ba de des long la dong shig ces smra zhing / des de las pha ma long ba gnyis gso ba dang / nga la yang dus dus su bsod snyoms 'bul bar byed do/ /rgyal po chen po nga dus gcig gcig na be'i b+hi ding ga'i grong khyer gyi grong rdal na nye bar rten cing bzhugs pa na snga dro na bza' sham thabs mnabs lhung bzed dang chos gos bsnams te be'i b+hi ding ga'i grong khyer gyi grong rdal du bsod snyoms la zhugs te/ rim gyis bsod snyoms la rgyu ba na rdza mkhan dga' skyong gi khyim gang na ba der gshegs te byon nas sgo 'phar la mi drag par dal bu dal bus brdabs pa dang / de'i tshe rdza mkhan dga' skyong ni dgos pa 'ga' zhig gi phyir phyi rol du song bar gyur nas/ rdza mkhan dga' skyong gi pha mas sgo 'phar brdabs pa'i sgra thos so/ /thos nas kyang 'di skad ces sgo 'phar la mi drag pa dal bu dal bus rdebs pa'i 'phags pa de su zhig /bzhin bzangs de su zhig ces smras so/ /ngas de gnyis la 'di skad ces bka' stsal to/ /nga ni yang dag par rdzogs pa'i sangs rgyas 'od srung yin te bsod snyoms bzhed do/ /de gnyis kyis 'di skad ces smras so/ /'phags pa nang du spyon cig /bzhin bzangs dag nang du spyon cig /phru ba 'di rnams na bshos dron po dang / rdze'u na sran tshod mchis mod kyi khyod la bsnyen bkur bgyid pa ni slad rol du mchis lags kyis/ gal te bzhed na nyid kyis bzhes te yongs su longs spyad du gsol/ /rgyal po chen po ngas byang gi sgra mi snyan gyi dus byin gyis brlabs nas nyid kho nas phru ba'i nang nas zan dron dang / rdze'u na sran tshod yod pa blangs nas yongs su longs spyad do/ /de nas phyi zhig nas rdza mkhan dga' skyong 'ongs nas rdza mkhan dga' skyong gis phru ba'i nang na zan dron dang / rdze'u na sran tshod yod pa zos par mthong ngo / /mthong nas kyang pha ma long ba gnyis la 'di skad ces smras so/ /yab yum phru ba'i nang na zan dron dang / rdze'u na sran tshod mchis pa 'di su zhig gis gsol/ de gnyis kyis 'di skad ces smras so/ /des pa dga' skyong khyod song nas ring po ma lon par 'dir sgo 'phar la rdebs pa'i sgra zhig thos so/ /thos nas kyang 'di skad ces smras so/ /sgo 'phar la mi drag par dal bu dal bus rdebs pa'i 'phags pa de su zhig /bzhin bzangs de su zhig /des 'di skad ces/ nga ni yang dag par rdzogs pa'i sangs rgyas 'od srung yin te bsod snyoms bzhed do zhes gsungs nas de la 'di skad ces/ 'phags pa nang du spyon cig / bzhin bzangs nang du spyon cig /phru ba 'di'i nang na bshos dron po dang / rdze'u na sran tshod mchis mod kyi/ khyod la bsnyen bkur bgyid pa ni slad rol du mchis lags kyis gal te bzhed na nyid kyis bzhes te yongs su longs spyad du gsol zhes gsol ba dang / des phru ba'i nang na zan dron yod pa dang / rdze'u na sran tshod yod pa de dag gsol ba lta zhig /de nas rdza mkhan dga' skyong 'di snyam du sems te/ yang dag par rdzogs pa'i sangs rgyas 'od srung gis legs par bag phab cing 'dris par gyur pa ni bdag gis rnyed pa legs par rnyed do snyam du rig nas dga' ba dang bde ba de nyid kyis skyil mo dkrung gcig gis zhag bdun 'das par byas so/ /zla ba phyed kyi bar du yang de'i lhan cig ldan pa'i dran pa lus mi 'dor zhing de rtag tu lus la bar chad med par gnas so/ /zhag bdun gyi bar du pha ma'i phru ba na zan dron po yod pa dang / rdze'u na sran tshod yod pa ji lta ba de bzhin du phru ba na yang zan dron yod la/ rdze'u na yang sran tshod yod do/ /rgyal po chen po nga dus gcig gcig na be'i b+hi ding ga'i grong khyer gyi grong rdal du nye bar brten te dbyar bzhugs par zhal gyis bzhes pa las nga la der thog mar lhas char phab pas gtsug lag khang zags par gyur to/ /de'i tshe rdza mkhan dga' skyong gi las byed pa'i khang pa rtswa sar pas g.yogs so/ /ngas dge slong zhabs 'bring byed pa rnams la bka' stsal pa/ dge slong dag khyed cag deng la rdza mkhan dga' skyong gi las byed pa'i khang pa g.yogs pa'i rtswa sar pa shus la nga'i gtsug lag khang g.yogs shig /de rnams kyis bka' bzhin 'tshal zhes nga las mnyan nas rdza mkhan dga' skyong gi las byed pa'i khang pa rtswa sar pas g.yogs pa 'chu bar byed do/ /de'i tshe rdza mkhan dga' skyong dgos pa 'ga' zhig gi phyir phyi rol du song bar gyur to/ /rdza mkhan dga' skyong gi pha ma long bas las kyi khang pa thog 'chu ba'i sgra thos so/ /thos nas kyang 'di skad ces smras so/ /rdza mkhan dga' skyong gi las kyi khang pa rtswa sar pas g.yogs pa 'chu ba'i 'phags pa de su zhig /bzhin bzangs de su zhig /de rnams kyis 'di skad ces smras so/ /kho bo cag ni yang dag par rdzogs pa'i sangs rgyas 'od srung gi zhabs 'bring ba dge slong rnams yin te/ yang dag par rdzogs pa'i sangs rgyas 'od srung gi gtsug lag khang der thog mar lhas char phab pas zags par gyur nas/ kho bo cag rdza mkhan dga' skyong gi las byed pa'i khang pa g.yogs pa rtswa sar pa bshus nas yang dag par rdzogs pa'i sangs rgyas 'od srung gi gtsug lag khang g.yog go/ /de rnams la 'di skad ces smras so/ /khyed la bsnyen bkur bgyid pa ni slad rol du mchis lags kyis/ 'phags pa dag snoms shig /bzhin bzangs dag snoms shig /de rnams kyis de bshus te nga'i gtsug lag khang g.yogs so// //'dul ba gzhi/ bam po dgu bcu rtsa bzhi pa/ de nas phyi nas rdza mkhan dga' skyong 'ongs nas rdza mkhan dga' skyong gis las kyi khang pa g.yogs pa'i rtswa sar pa bshus par mthong ngo / /mthong nas kyang pha ma long ba gnyis la 'di skad ces smras so/ /yab yum las kyi khang pa g.yogs pa'i rtswa sar pa de rnams su zhig gis bshus lags/ de gnyis kyis 'di skad ces smras so/ /des pa dga' skyong khyod song nas ring po ma lon pa 'dir las kyi khang pa g.yogs pa'i rtswa sar pa 'chu ba thos so/ /thos nas kyang 'di skad ces las kyi khang pa g.yogs pa'i rtswa sar pa 'chu ba'i 'phags pa de su zhig /bzhin bzangs de su zhig ces smras pa dang / de dag gis 'di skad ces/ kho bo cag ni yang dag par rdzogs pa'i sangs rgyas 'od srung gi zhabs 'bring ba dge slong rnams yin te/ yang dag par rdzogs pa'i sangs rgyas 'od srung gi gtsug lag khang der thog mar lhas char phab pas zags par gyur nas kho bo cag rdza mkhan dga' skyong gi las kyi khang pa g.yogs pa'i rtswa sar pa bshus te/ yang dag par rdzogs pa'i sangs rgyas 'od srung gi gtsug lag khang g.yog go zhes smras nas de dag la 'di skad ces/ khyed la bsnyen bkur bgyid pa ni slad rol du mchis lags kyi 'phags pa dag snoms shig /bzhin bzangs dag snoms shig ces smras pas de rnams kyis las kyi khang pa'i rtswa de dag bshus par gyur grang / de nas rdza mkhan dga' skyong 'di snyam du sems te/ yang dag par rdzogs pa'i sangs rgyas 'od srung gis shin du bag phab cing 'dris par gyur pa ni bdag gis rnyed pa legs par rnyed do snyam du rig nas dga' ba dang bde ba de nyid kyis skyil mo dkrung gcig gis zhag bdun 'das par byas so/ /zla ba phyed kyi bar du yang de'i lhan cig ldan pa'i dran pa rtag tu lus las ma 'dor zhing / zhag bdun du pha dang ma'i lus la yang de bar chad med par 'dug go/ /dbyar gyi gnas der rdza mkhan dga' skyong gi las byed pa'i khang pa 'di ltar sangs rgyas rnams kyi sangs rgyas kyi mthu dang / lha rnams kyi lha'i mthus char thigs pa gcig kyang ma bab bo/ /rgyal po chen po khyod ni yang dag par rdzogs pa'i sangs rgyas 'od srung gis zla ba gsum du bdag gis na bza' chos gos dang / bsod snyoms dang / gzims cha dang / snyun dpyad kyi rkyen sman gyi yo byad rnams 'bul na gnang ngo zhes sems gzhan du 'gyur gyi/ rdza mkhan dga' skyong ni las byed pa'i khang pa g.yogs pa'i rtswa sar pa bshus kyang sems gzhan du ma gyur to/ /btsun pa rdza mkhan dga' skyong gis ni rnyed pa legs par rnyed de/ bcom ldan 'das kyis de'i sdum par shin du bag phab cing 'dris par mdzad lags so/ /de nas yang dag par rdzogs pa'i sangs rgyas 'od srung gis rgyal po kri ki'i sbyin pa de la rjes su yi rang ba 'dis rjes su yi rang bar mdzad de/ sbyin sreg mchod sbyin rnams kyi mchog /sdeb sbyor mchog ni nyi ma'i lha/ /mi yi mchog ni rgyal po ste/ /rgya mtsho chu bo rnams kyi mchog /zla ba rgyu skar rnams kyi gtso/ /nyi ma snang byed rnams kyi gtso/ /steng dang 'og dang thad kar yang / /'gro ba'i 'gro ba ji snyed pa/ /lha dang bcas pa'i 'jig rten na/ /smra ba'i mchog ni rdzogs sangs rgyas/ /de nas yang dag par rdzogs pa'i sangs rgyas 'od srung gis rgyal po kri ki la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ / de nas rgyal po kri kis yang dag par rdzogs pa'i sangs rgyas 'od srung gshegs nas ring po ma lon par shes nas mi zhig la smras pa/ /kye nang rje tshur shog /khyod kyis 'bras sog ma'i sbubs su smin pa shing rta lnga brgya tsam khong la rdza mkhan dga' skyong gang na ba der song ste phyin nas rdza mkhan dga' skyong la 'di skad ces/ des pa dga' skyong khyod la rgyal po kri kis 'bras sog ma'i sbubs su smin pa shing rta lnga brgya tsam po bskur ba 'di dag yin gyis/ de las khyod bdag nyid dang khyod nyid kyi pha ma yang dag pa'i bde bas tshim par bya ba dang / yang dag par rdzogs pa'i sangs rgyas 'od srung la yang dus dus su bsod snyoms phul cig ces gsung ngo zhes smros shig /lha bka' bzhin 'tshal lo zhes mi des rgyal po kri ki las mnyan nas 'bras sog ma'i sbubs su smin pas shing rta lnga brgya tsam bkang ste/ rdza mkhan dga' skyong gang na ba der song nas phyin pa dang / rdza mkhan dga' skyong la 'di skad ces smras so/ /des pa dga' skyong khyod la rgyal po kri kis 'bras sog ma'i sbubs su smin pa shing rta lnga brgya tsam po bskur ba 'di dag yin gyis/ de las khyod bdag nyid dang khyod kyi pha ma yang dag pa'i bde bas tshim par bya ba dang / yang dag par rdzogs pa'i sangs rgyas 'od srung la yang dus dus su bsod snyoms phul cig ces gsung ngo / /kye nang rje rgyal po rnams ni bya ba sgrub pa mang ngo zhes smras nas len du ma btub bo/ /dge slong dag 'di ji snyam du sems/ de'i tshe de'i dus kyi bram ze'i khye'u bla ma gang yin pa de ni nga yin te/ ngas dge sbyong mgo reg de la byang chub ga la yod/ byang chub ni mchog tu dka' ba yin no zhes yang dag par rdzogs pa'i sangs rgyas 'od srung la ngag rtsub po phyung ba gang yin pa de'i las kyi rnam par smin pas da ltar ngas dka' ba lo drug spyad do/ /gal te ngas byang chub la skur pa btab par gyur na slar yang ngas byang chub kyi ched du bskal pa grangs med pa gsum du bdag nyid dub par byas par 'gyur ro/ /dge slong dag khyed de lta bas na las gcig tu gnag pa rnams kyi rnam par smin pa ni gcig tu gnag pa yin la zhes bya ba nas las gcig tu dkar ba rnams la brtsal bar bya ste/ dge slong dag khyed kyis de lta bu la bslab par bya'o zhes bya ba'i bar gong ma bzhin du'o/ / gang gi nyi ma la byang chub sems dpa' phyir byung ba de nyid kyi nyi ma la grags 'dzin ma sems can dang ldan par gyur to/ /gang gi tshe byang chub sems dpa' dka' ba spyad pa de'i tshe btsun mo yang dka' ba spyad pa la zhugs pas grags 'dzin ma mngal zhum par gyur to/ /gang gi tshe bcom ldan 'das kyis dka' ba spyad pa don med par thugs su chud nas ci bder dbugs 'byin pa dang / ci bder dbugs rngub pa dang / 'bras chan dang / zan dron gyi zhal zas mang po gsol zhing / mar dang til mar gyis sku byugs nas chu 'jam pos sku 'khru bar mdzad pa de'i tshe btsun mo yang ci bder dbugs 'byin pa dang / ci bder dbugs rngub pa dang / 'bras chan dang zan dron gyi kha zas mang po za zhing / mar dang til mar gyis lus byugs nas chu 'jam pos lus 'khru bar byed pa de'i tshe mngal de yang slar rgyas par gyur to/ /de'i mngal gyi mtshan ma skyes par gyur pa dang / shAkya rnams kyis spyo dri ba dang bcas par smras pa/ byang chub sems dpa' dka' thub kyi nags su bzhud nas khyod kyis byi phyin to/ /des smras pa/ kho mo'i sdig pa zhi bas byi ma phyin to/ /ji mngon khyod yid ches par bya'o/ /ji tsam zhig na de khye'u zhig btsas te/ de nyi ma gang la btsas pa'i nyi ma de nyid la zla ba sgra gcan gyis zin to/ / de btsas pa'i btsas ston byas nas khye'u'i ming cir gdags shes ming 'dogs par byed do/ /de'i nye du rnams kyis smras pa/ 'di btsas pa na zla ba sgra gcan gyis zin pas de bas na khye'u'i ming ni sgra gcan zin du gdags so zhes btags so/ /gzhon nu btsas pa na shAkya rnams yang dang yang du gleng ba kho nar byed nas/ des bden pa gsol ba byas te/ sgra gcan zin bzang po byang chub sems dpa'i pang tshad kyi rdo la gshon nas rol pa rdzing gi nang du bcug ste/ gal te 'di byang chub sems dpa' las skyes pa yin na 'phyo bar gyur cig ces de bcug pa dang / de pha rol du byung ngo / /des pha rol nas tshu rol du 'ong bar gyur cig ces smras pa dang / de pha rol nas tshu rol du 'ongs nas de rnams ngo mtshar skyes par gyur to/ /grags 'dzin mas smras pa/ shes ldan dag ji ltar byang chub sems dpa' las skyes pa yin zhing kho mos byi ma phyin par yang yid ches par bya'o/ /gang gi tshe bcom ldan 'das kyis lo drug gis mngon par rdzogs par sangs rgyas te lo bcu gnyis 'das pa na ser skya'i gzhir byon nas nyi ma gcig ni rgyal po'i pho brang du gdugs tshod gsol/ nyi ma gcig ni btsun mo'i nang du gsol ba de'i tshe grags 'dzin ma 'di snyam du sems te/ gang gis na bcom ldan 'das bdag gis dbang du 'gyur ba'i thabs legs pa ci zhig yod snyam mo/ /ser skya'i gzhi na kun du rgyu mo dbang du bya ba la sogs pa las rnams la shin du mkhas pa zhig yod de/ grags 'dzin mas de la kar Sha pA Na lnga brgya byin nas che zhe kar Sha pA Na 'di rnams las dbang du bya ba byos la skur cig /des dbang du bya ba'i la tu zhig grags 'dzin ma la bskur ba dang / grags 'dzin mas sgra gcan zin gyi lag tu byin nas smras pa/ bu khyod kyi yab gang yin pa de la phul cig / sangs rgyas bcom ldan 'das rnams kyis de lta bu mi mkhyen pa dang / mi gzigs pa dang / thugs su mi chud pa dang / rnam par mi rig pa ci yang mi mnga' bas bcom ldan 'das kyis dgongs pa/ grags 'dzin ma la mi snyan pa grag gis de spang bar bya'o snyam nas bcom ldan 'das kyis sangs rgyas lnga brgya sprul pa dang / sgra gcan zin gyis sangs rgyas thams cad la brtags nas bcom ldan 'das rgan pa'i dang la bzhugs pa la phul lo/ /bcom ldan 'das kyis bzhes nas slar yang de la byin te sgra gcan zin gyis zos so/ /bcom ldan 'das kyis yon bsngo ba mdzad nas gshegs pa dang / bcom ldan 'das kyi rjes bzhin gzhon nu sgra gcan zin bzang po 'brang nas slar bzlog kyang ngus te slar ldog tu ma btub bo/ /bcom ldan 'das kyis dgongs pa/ sems can 'di ni srid pa tha ma pa yin pas 'dis khyim gyi gnas pas gnas mi phod do snyam mo/ /sgra gcan zin gyis bcom ldan 'das kyi zhal tshol ba dang / rgyal po zas gtsang btsun mo'i bud med dang shAkya rnams dang bcas pa ngo mtshar skyes nas/ grags 'dzin ma la lhag par mngon par dga' bar gyur to/ /de nas grags 'dzin ma'i mi snyan pa thams cad kyis thams cad du med par gyur to/ /bcom ldan 'das kyis gzhon nu sgra gcan zin bzang po rab tu dbyung bar brtsams pa/ rgyal po zas gtsang gis thos nas de bcom ldan 'das kyi drung du song ste phyin nas/ bcom ldan 'das la 'di skad ces gsol to/ /bcom ldan 'das gal te gzhon nu sgra gcan zin bzang po rab tu 'byin par mdzad par nges par lta na/ deng gi gdugs gcig la mchis su gsol cig dang / 'di la de'i bar du bdag gis mchod pa bgyi'o/ /rgyal po zas gtsang gis sgra gcan zin gyi skye bo'i dus ston chen po byas so/ /de nas bcom ldan 'das kyis tshe dang ldan pa shA ri'i bu la bka' stsal pa/ /shA ri'i bu gzhon nu sgra gcan zin rab tu phyung shig /btsun pa bka' bzhin 'tshal zhes tshe dang ldan pa shA ri'i bus bcom ldan 'das las mnyan nas gzhon nu sgra gcan zin bzang po rab tu phyung ngo / /dge slong rnams the tsom skyes nas the tsom thams cad gcod pa sangs rgyas bcom ldan 'das la zhus pa/ /btsun pa tshe dang ldan pa sgra gcan zin gyis skye bo'i tshogs chen po'i dbus su bcom ldan 'das la tus zhal tshol bar bgyis pa la gzigs/ bcom ldan 'das kyis bka' stsal pa/ /dge slong dag da ltar gyi 'di 'ba' zhig tu ma zad de/ ji ltar 'dis 'das pa'i dus na yang me tog gi phreng bas ngo shes par byas pa de nyon cig /dge slong dag sngon byung ba ri 'or na khyim bdag gcig gnas pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa na khye'u zhig btsas nas des chung ma la smras pa/ bzang mo bdag cag gis bu lon ded pa dang nor 'phrog pa skyes kyis zong thogs te rgya mtsho chen por 'jug tu 'gro'o/ /des smras pa/ rje'i sras de bzhin du mdzod cig /de zong thogs te rgya mtsho chen por zhugs pa las de nyid du shi'o/ /de nas de'i chung mas mya ngan bsang ba byas nas lag las kyi mthu dang gnyen gyi mthus bsnun bskyangs te bskyed do/ /de dang ha cang yang mi ring ba zhig na thag pa rang gi bzo la mkhas pa zhig gnas te/ de rang gi bzos thams cad grub par 'gyur ro/ /des de'i rang gi bzos 'byor pa 'grub pa mthong nas smras pa/ /tha ga'i las ni mchog yin gyi/ rgya mtshor 'jug pa ni de lta bu ma yin te/ der song na tshul ma yin pas sdug bsngal bar 'gyur ro/ /des tha ga pa de la smras pa/ ming po dpon po 'di yang thag pa'i las slobs shig /des smras pa/ rung gis de bzhin du bya'o zhes des de la bslab par brtsams pa na de sgrin po g.yer bag can zhig pas des dus thung ngu zhig gis tha ga pa'i las rnams lobs so/ /thag pa de ni bzang pos 'khru ba dang / bzang po gyon pa dang / kha zas bzang po za nas khye'u des smras pa/ zhang po khyod kyang las 'di kho na byed la bdag cag kyang 'di kho na byed pa las ci'i phyir khyod ni bzang pos 'khru/ bzang po gyon/ zas bzang po la yongs su longs spyod la/ bdag ni mi 'grub/ des smras pa/ tsha bo bdag ni las gnyis byed de/ nyin par ni thag pa'i las so/ /nub mo ni rkun po byed do/ /des smras pa/ zhang po gal te de lta na bdag kyang rkun po bgyi 'o/ /tsha bo khyod kyis rkun po byed mi nus so/ /zhang po nus so/ /des bsams pa/ re shig 'di bgam par bya'o snyam nas de khrid de tshong 'dus su song nas des der ri bong zhig nyos te de la gtad nas tsha bo re shig sregs shig dang / de'i bar du bdag khrus byas nas 'ong ngo zhes de khrus byed du song ba dang / des de myur ba myur ba zhig tu bsregs nas gzug gcig zos so/ /tha ga pa de khrus byas nas 'ongs te tsha bo ri bong bsregs sam/ zhang po bsregs so/ /'o na blta'o/ /des de byin pa dang rkang lag gsum mthong nas smras pa/ tsha bo ri bong 'di'i gzugs bzhi pa shos gar song / des smras pa/ zhang po ri bong la gzugs bzhi pa yod yang med na gar 'gro/ des bsams pa/ re shig bdag kyang rkun ma yin na/ 'di ni rkun chen yin no snyam nas/ des de dang ri bong gzugs gsum po khyer te chang 'tshong gi khyim zhig tu zhugs nas tsha bo chang btung ngam/ btung ngo / /de gnyis kyis 'thungs nas tha ga pas smras pa/ tsha bo chang rin ni gya gyus dgang ngo / /des smras pa/ zhang po sus 'thungs pa de gya gyu byed grang / bdag gis ni ma 'thungs pas gya gyu byar ci yod/ tha ga pa des bsams pa/ 'di ni rkun chen yin pas lhan cig rkun ma bya nus so snyam nas de de dang lhan cig khyim 'bigs pa'i rkun ma la zhugs te/ de gnyis kyi khyim phug nas tha ga pa des bu gar mgo bcug pa dang des smras pa/ zhang po khyod rkun ma byed kyang thabs mi shes te/ thog mar rkang pa gzhug par bya'i mgo ni ma yin no/ /gal te mgo bcad par gyur na ngo shes pas rigs thams cad brlag par 'gyur gyis rkang pa chug shig /des rkang pa bcug pa dang / tshor nas rkun po rkun po zhes ku co bton nas skye bo'i tshogs chen pos rkang pa gnyis nas bzung nas 'then to/ /de ni gcig pu yin pas slar 'dren ma nus nas mgo bcad de khyer te song ngo / / blon po rnams kyis rgyal po la smras pa/ lha rkun po gcig bu gar zhugs pa las zin na/ de'i mgo gcig gis bkum nas 'tshal te mchis so/ /rgyal pos smras pa/ shes ldan dag mgo bcad de khyer te song ba gang yin pa de ni rkun chen yin no/ /deng la ro mgo rdum de lam po che'i bzhi mdor zhog ste phyogs dben par 'khod dang / de las bzung ste cho nges 'debs pa yod na de ni rkun po yin gyis de zung shig /de nas rgyal po'i mi de rnams kyis ro mgo rdum de lam po che'i bzhi mdor bzhag nas phyogs dben par bsdad do/ /rkun po cig shos des bsams pa/ bdag gis zhang po'i mgul nas 'jus te ngud mos mi gdab pa lta mi srid do snyam nas/ des bdag nyid smyon pa'i cha byad du zhugs nas bud med kyi mgul nas kyang 'jus/ skyes pa dang / shing rta dang / rta dang / khyu mchog dang / ma he dang / ra dang / khyi'i mgul nas kyang 'ju bar brtsams nas gang gi tshe 'jig rten gyis smyos par shes pa de'i tshe ro mgo rdum pang du blangs te ji tsam 'dod kyi bar du ngus nas song ngo / /rgyal po'i mi rnams kyis rgyal po la smras pa/ smyon pa zhig gis ro mgo rdum de pang du blangs te ji tsam 'tshal gyi bar du ngus nas mchis so/ /rgyal pos smras pa/ shes ldan dag de nyid rkun ma cig shos yin na/ de ma bzung ba ma legs pa zhig byas kyis de zung shig /rkun po cig shos kyis bsams pa/ bdag gis zhang po la bkur sti mi bya ba lha mi srid do snyam nas des shing rta pa'i cha byad du byas nas shing rta shing skam gyis bkang ste/ phyogs der 'ongs nas de'i steng du shing rta shing skam gyis bkang ba bzhag ste glang bkrol nas shing rta mes btang ste song ba dang / me des ro mgo rdum de yang tshig go/ /rgyal po'i mi rnams kyis rgyal po la smras pa/ lha rkun po gcig po de bsregs lags so/ /sus de dag gis ji ltar gyur pa rnams smras pa dang rgyal pos smras pa/ shes ldan dag shing rta pa gang yin pa de nyid rkun po cig shos yin te/ de ma bzung ba ma legs pa zhig byas kyis zung shig /rkun po cig shos kyis bsams pa/ bdag gis zhang po la dur khrod du mtshun gyi bya ba ma byas pa ni mi srid do snyam nas/ des bram ze'i cha byad du byas nas khyim nas kha slong zhing brgyus te bslangs pa de las de'i phangs sha lnga byas nas dur khrod du bzhag ste song ngo / /rgyal po'i mi rnams kyis rgyal po la smras pa/ lha bram ze zhig gis khyim nas slong zhing brgyus te phyogs gang du ro mgo rdum bsregs pa der des phangs sha lnga bgyis ste bzhag ste mchis lags so/ /rgyal pos smras pa/ shes ldan dag de nyid rkun po cig shos yin na/ de ma bzung ba ni ma legs pa zhig byas so/ /rkun po cig shos kyis bsams pa/ bdag gis zhang po'i rus pa rnams gang gAr mi 'dor ba lta mi srid do snyam nas/ des thod pa can gyi cha byad du byas te phyogs der song nas des der lus thal bas byugs shing rus pa dang thal bas thod pa bkang nas gang gAr pho ste song ngo / /rgyal po'i mi rnams kyis rgyal po la ji ltar gyur pa smras pa dang / rgyal pos smras pa/ shes ldan dag de nyid rkun po cig shos yin na de ma bzung ba ni ma legs pa zhig byas so/ /mdor na khyed 'dug shig dang / ngas de gzung ngo zhes rgyal pos gang gA'i gru'i nang du bskyed mos tshal byed du bcug ste/ 'gram gnyis su srungs ma'i mi dag bkod nas rgyal po'i bu mo gzugs bzang ba/ mdzes pa/ blta na sdug pa zhig chu'i bskyed mos tshal der bzhag ste bsgo ba/ gal te khyod la 'ga' zhig gis bzung dang skad phyung shig /srungs ma'i mi rnams la yang bsgo ba/ gang gi tshe skad 'byin pa de'i tshe khyed cag chu'i bskyed mos tshal du deng shig /de na gal te mi 'ga' zhig yod pa dang / de bzung la nga la phul cig /rkun po gcig shos kyis bsams pa/ bdag gis rgyal po'i bu mo dang lhan cig dga' mgur ma spyad du mi gtong ngo snyam nas de gang gA'i 'bab phyogs shig tu 'dug ste/ des der rdze'u stong pa zhig tu chu bskur bar brtsams so/ /gcig bskur ba dang srungs ma'i mi rnams kyis rkun po 'o snyam nas bsnyags te de dag gis de la thal mo gcig bsnun nas bcag go/ /gnyis pa shos bskur ba dang / de yang bcag go/ /gsum pa shos bskur ba dang / de yang bcag nas srungs ma dag na re 'di dag ni rdze'u stong pa chus khyer ba yin no zhes bag bor te 'dug go/ /de nas rkun po cig shos po des rdze'u zhig gi nang du mgo bcug nas rgyun phyogs su brkyal te/ phyogs der phyin pa dang de nas gru la 'dzegs nas bu mo la smras pa/ khyod bsad da re sgra ma 'byin cig /de skrag nas cang mi smra bar 'dug pa dang / de de dang lhan cig dga' mgur spyad nas song ngo / /des ngu bar brtsams te/ shes ldan dag rkun po cig shos kyis kho mo la dga' mgur spyad nas song ngo / /srungs ma rnams kyis smras pa/ gang gi tshe dga' mgur spyad pa de'i tshe cang mi smra bar 'dug la/ gang gi tshe dga' mgur spyad nas song ba de'i tshe ngus na da gang du btsal bar bya/ srungs ma rnams kyis rgyal po la ji ltar gyur pa smras so/ /rgyal pos smras pa/ de ma bzung ba ni ma legs pa zhig byas so/ /bu mo de rkun po dang lhan cig dga' mgur spyad pas sems can dang ldan par gyur te/ de zla ba brgyad dam dgu 'das pa na khye'u zhig btsas so zhes rkun po cig shos kyis thos nas des bsams pa/ bdag gi bu btsas pa'i dga' ston ma byas par mi btang ngo snyam nas/ des nang kor ma'i cha byad du byas nas rgyal po'i pho brang nas phyir byung ste zho shas 'tsho ba rnams la bsgo ba/ shes ldan dag lha'i zhal nas tshong rdal du phrog rlom gyis shig ces bka' stsal to/ /de rnams kyis bsams pa/ rgyal po'i dbon po btsas pas des na bdag cag tshong rdal du phrog rlom byed du bcug go snyam nas/ de rnams 'phrog rlom bya bar brtsams pa na sgra mthon po dang sgra chen po byung nas rgyal pos smras pa de ci yin/ blon po rnams kyis rgyas par smras so/ /des smras pa/ gal te de lta na nga yang des bslus par gyur gyis/ rgyal srid dor ba 'am de chad pas gcad pa zhig bya'o/ / snyam du bsams nas/ der 'khor gyi khyams rtsig tu bcug ste/ dus chung ngu zhig bsdad nas des blon po rnams la bsgo ba/ shes ldan dag yul 'khor du dril 'di skad du sgrogs su chug shig /yul 'khor na skyes pa ji snyed gnas pa de dag thams cad snyad ma 'dogs par 'khor gyi khyams su 'dus shig /su ma 'dus pa de ni chad pas gcad do zhes sgrogs shig /blon po rnams kyis dril sgrogs su bcug nas yul 'khor na gnas pa'i skyes pa thams cad 'dus pa dang / de nas rgyal pos khye'u de la me tog gi phreng ba zhig byin nas bsgo ba/ khyod kyi pha gang yin pa de la byin cig /srungs ma'i skyes pa rnams la bsgo ba/ khye'u 'dis su la me tog phreng ba byin pa de khyed cag gis zung la nga la phul cig /de nas khye'u de me tog gi phreng ba de khyer nas skye bo'i tshogs la rtog cing rgyu ba na des rkun po cig shos po de mthong ngo / /sems can rnams kyi las kyi rnam par smin pa ni bsam gyis mi khyab pa yin pas des de la me tog phreng ba byin pa dang / rgyal po'i mi rnams kyis rkun po gcig shos po de bzung nas rgyal po la phul lo/ /rgyal pos blon po rnams la smras pa/ shes ldan dag 'di la ji ltar bsgrub par bya/ de rnams kyis smras pa/ lha dgum lags so/ /rgyal pos smras pa/ shes ldan dag skyes bu 'di lta bu'i dpa' bo ga la gsad/ 'di la spyan ras kyis btsa' bar bya 'o zhes des bu mo rgyan thams cad kyis brgyan nas de la chung mar byin te/ rgyal srid phyed kyang bgos so/ /dge slong dag ji snyam du sems/ de'i tshe de'i dus kyis rkun po cig shos gang yin pa de ni nga nyid yin no/ /de'i tshe de'i dus kyi de'i bu gang yin pa de ni sgra gcan zin 'di nyid yin te/ de na yang nga la 'dis me tog gi phreng bas ngo shes so/ /da ltar yang 'dis nga la dus ngo shes par byas so/ / dge slong dag de lta bas na sems can rnams kyi las kyi rnam par smin pa ni bsam gyis ma khyab pas las kyi gnas pa la goms par bya 'o/ /grags 'dzin mas bsams pa/ gal te sgra gcan zin gyi yab pho brang du gshegs dang / ji ltar yang slar gshegs par mi 'gyur ba de lta bur spyad par bya 'o snyam nas/ de nas bdag nyid dang / sa 'tsho ma dang / ri dgas skyes la sogs pa bud med drug khri rgyan sna tshogs kyis brgyan cing shin du dri zhim po'i me tog gi phreng ba dang / bdug pas bsgos pa'i gos rnams kyis klubs so/ /de nas bcom ldan 'das kyis snga dro na bza' sham thabs mnabs lhung bzed dang chos gos bsnams te/ dge slong gi tshogs kyis yongs su bskor cing / dge slong gi dge 'dun gyis mdun du bdar te 'dul ba'i skye bo la gzigs nas pho brang gi nang du zhugs so/ /de nas grags 'dzin ma dang / ri dgas skyes dang / sa 'tsho ma la sogs te bud med drug khri gzugs dang / lang tsho dang / dregs pa'i rgyags pas zin cing yid la gcags pas g.yen spyo zhing bskyod pa na gser gyi 'og pag lhod par bcings pa mang po 'khrol zhing sgra 'byin la/ 'dzum pa'i glu dbyangs snyan pa dang / mig dang smin ma skyod cing nu ma dang / yan lag rnams gsal bar ston pa/ bud med kyi tshul gyi steg chos rnams bstan to/ /de nas bcom ldan 'das kyis 'di snyam du dgongs te/ gal te gdugs tshod gsol na 'dul ba'i skye bo'i dus las kyang 'das par 'gyur la/ bud med 'di rnams kyang 'dod chags kyis gdungs pas bden pa'i snod du mi 'gyur gyis 'di ltar so so'i skye bo ni rdzu 'phrul la myur du sems gtod pa yin pas ma la ngas pho brang du rdzu 'phrul gyi cho 'phrul bstan pas dad par bya 'o snyam du dgongs te/ shar phyogs kyi steng gi bar snang la mngon par 'phags nas spyod lam rnam pa bzhi mdzad de/ /'di lta ste 'chag pa dang / bzhengs pa dang / bzhugs pa dang / mnal ba mdzad do/ /me'i khams la yang snyoms par 'jug par mdzad de/ me'i khams la snyoms par zhugs pa na sangs rgyas bcom ldan 'das kyi sku las 'od zer rnam pa sna tshogs dag 'byin par mdzad de/ 'di lta ste/ sngon po dang / ser po dang / dmar po dang / dkar po dang / leb rgan dang / shel gyi kha dog dag go/ /gzhan yang cho 'phrul zung du ston par byed de/ sku'i smad nas 'bar bar mdzad la sku'i stod nas chu grang mo'i rgyun 'bebs par mdzad de/ sku'i stod nas 'bar bar mdzad la sku'i smad nas chu grang mo'i rgyun 'bebs par mdzad do/ /shar phyogs la ji lta ba bzhin du lho dang / nub dang / byang phyogs su yang de bzhin no/ /phyogs bzhir rdzu 'phrul gyi cho 'phrul rnam pa bzhi bstan nas rdzu 'phrul gyi cho 'phrul mngon par 'du mdzad pa slar bsdus te/ dge slong gi dge 'dun gyi gung la gdan bshams pa nyid la bzhugs so/ /de nas bud med de rnams kyis bcom ldan 'das kyi rdzu 'phrul gyi cho 'phrul dag mthong nas dad par gyur te/ shing rtsa ba nas bcad pa bzhin du bcom ldan 'das kyi zhabs la gtugs te chos mnyan pa'i phyir spyan snga na 'khod do/ /de nas bcom ldan 'das kyis de rnams kyi bsam pa dang / bag la nyal ba dang / khams dang / rang bzhin mkhyen nas/ gang thos pas 'phags pa'i bden pa bzhi so sor yang dag par khong du chud par 'gyur ba de lta bu'i chos bshad pa mdzad de/ sa 'tsho ma dang / ri dgas skyes la sogs pa bud med drug khris rgyun du zhugs pa'i 'bras bu mngon sum du byas so/ /grags 'dzin ma ni lhag par 'dod chags kyis zil gyis non pas bden pa mthong bar ma byas te/ de 'di snyam du sems te/ ma la bdag gis bcom ldan 'das ro'i sred pas dbang du bya'o snyam du bsams nas/ rang nyid kyis bcom ldan 'das kyi ched du bza' ba dang btung ba dag g.yos nas bdag rang gi lag nas bcom ldan 'das la dbul bar bya'o zhes pa dge slong rnams kyis thos nas bcom ldan 'das la gsol pa/ btsun pa bcom ldan 'das la grags 'dzin ma ni rang gi lag nas bgyis pa'i ro'i sred pas dbang du bgyi bar 'tshal lags so/ /bcom ldan 'das kyis bka' stsal pa/ dge slong dag nga sngon 'dod chags dang bcas/ zhe sdang dang bcas/ gti mug dang bcas pas ro so sor nyams su myong zhing ro so so'i chags pa nyams su myong ba las da ltar nga 'dod chags dang bral/ zhe sdang dang bral/ gti mug dang bral te/ ro so sor nyams su myong yang ro la so sor chags par 'gyur ba'i nyams su myong ba med na/ da nga la grags 'dzin mas ro'i sred pas ji ltar dbang du bya/ dge slong rnams the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das grags 'dzin mas dbang du bgyi ba'i slad du la tus dbang du bgyi bar brtsams pa la gzigs/ bcom ldan 'das kyis bka' stsal pa/ dge slong da ltar gyi 'ba' zhig tu ma zad kyi ji ltar 'dis 'das pa'i dus na yang dga' bar 'gyur bas dbang du byas pa de nyon cig /dge slong dag sngon byung ba grong rdal med pa'i dgon pa'i gnas me tog dang / 'bras bu dang / chu dang / rtsa ba phun sum tshogs pa zhig na drang srong dka' thub drag pa rtsa ba dang / 'bras bu dang / chu la longs spyod pa/ pags pa dang lo ma gyon pa zhig gnas te/ des mngon par shes pa lnga mngon sum du byas pas de la ri dgas gdug pa rnams kyang 'dris pa'i gnas pas bsti gnas na gnas so/ /de phyogs gzhan zhig tu gci ba'i phyir song ba na ri dgas mo zhig rjes bzhin rjes bzhin du 'breng ngo / /des khu ba dang bcas par gcis pa de ri dgas mo des 'thungs nas lces mo mtshan la bldags so/ /sems can rnams kyi las kyi rnam par smin pa ni bsam gyis mi khyab pa yin pas sems can dang ldan par gyur to/ /de 'byung ba'i dus su phyogs der 'ongs nas khye'u zhig byung ba dang des dri bsnams na ris mi mthun pa'i sems can yin te/ skrag nas gcin rtug shor nas bor te song ngo / /ji tsam zhig na drang srong de phyogs der phyin pa dang / des khye'u de mthong nas 'di su'i bu yin snyam pa'i bsam pa la zhugs pa na/ bdag nyid kyi yin par mthong nas des de bsti gnas su khyer te bsnun bsnyod nas bskyed de/ de chen por gyur pa dang mgo la ri dgas kyi rwa skyes par gyur te/ de la ri dgas kyi rwa 'dra ba yod pas drang srong rwa can drang srong rwa can zhes bya bar gyur to/ /ji tsam na drang srong de nad kyis thebs par gyur nas/ drang srong de dang 'thun pa'i sman rnams kyis bsnyen bkur byas kyang de'i nad zhi bar ma gyur te/ gang gi tshe de 'chi ba la thug pa'i tshor ba skyes nas ring po mi thogs par 'chi bar 'gyur ba de'i tshe des bu de la smras pa/ bu bsti gnas 'dir phyogs sna tshogs na gnas pa'i drang srong rnams dus dus su 'ong gis khyod nga la dga' bas de rnams la kun du spyod pa'i chos kyis 'ongs pa legs so zhes brjod pas yang dag par dga' bar bya zhing / stan la mgron du bos la rtsa ba dang / 'bras bu ci nus par stobs shig ces smras nas/ bsags pa kun gyi mtha' zad cing / /mthon po kun gyi mtha' ltung 'gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ /zhes bya ba yin pas dus kyi chos dang ldan par gyur to/ /des de drang srong gi chos bzhin du bsregs te/ de pha dang bral ba'i mya ngan gyis non pas skyo ba skyes nas mngon par shes pa lnga mngon sum du byas so/ /des dus gzhan zhig na chu'i don du bum pa khyer nas song ba na lhas char dbab par brtsams so/ /de chus bum pa bkang nas khyer te 'ong ba 'gred nas rdeg 'chos so/ /drang srong rnams ni myur du khro ba yin pas des chu nyung zhig blangs te gtor nas dmod pa bor ba spyod pa ngan pa can khyod kyis bum pa chus bkang ba chag par byas kyis/ de lta bas na khyod nyi ma 'di nas bzung ste lo bcu gnyis su char mi 'bebs par gyur cig ces byas pas lha char mi 'bebs par gyur to/ /bA rA Na sIr mu ge chen po byung nas skye bo'i tshogs kun du dong ngo / / rgyal pos ltas mkhan rnams bkug ste smras pa/ shes ldan dag su zhig gi mthus na lha char mi 'bebs/ de rnams kyis smras pa/ drang srong khros pas lags so/ /ji ste drang srong de dka' thub de la bskyod par nus na lha de bzhin du char 'bebs kyi gzhan du na ni ma lags so/ /rgyal po sems khong du chud cing 'dug pa dang / btsun mo dang / blon po dang / gzhon nu rnams kyis smras pa/ lha ci'i slad du thugs mi dgyes/ des smras pa/ drang srong khros pas lha char mi 'bebs la ltas mkhan rnams kyang 'di skad ces gal te drang srong de dka' thub de las bskyod na de bzhin du lha char 'bebs kyi/ gzhan du na ma yin no zhes zer te/ dka' thub de la su zhig gis bskyod par nus pa mi shes so/ /rgyal po de'i bu mo zhi ldan ma zhes bya ba des smras pa/ lha gal te de lta na thugs las chung ngur mdzod cig dang / bdag gis drang srong de dka' thub de las ji nas kyang g.yos par gyur pa de ltar bgyi'o/ / des smras pa/ thabs ci zhig gis bya/ des smras pa/ bdag dang bud med gzhan rnams bram ze rnams la gsang tshig 'don du stsol cig /gru zam gyi bsti gnas me tog dang / 'bras bu dang / chu phun sum tshogs pa bgyid du stsol cig /des de dang bud med gzhan dag kyang bram ze la gsang tshig slob tu bcug go/ /gru zam gyi bsti gnas kyang byed du bcug go/ /de nas des dbang du bya ba'i rdzas dang chang gis bkang ba'i 'bras bu de dag dang / gzhan yang 'bras bu rnam par bkra ba sna tshogs byed du bcug nas/ drang srong gi cha byad du byas te/ de rtswa dang shing shun gyon nas bud med rnams dang lhan cig bram ze rnams la gsang tshig 'don cing de'i bsti gnas su lhags pa dang / drang srong la slob ma rnams kyis smras pa/ mkhan po khyod kyi bsti gnas su drang srong mang du lhags so/ /drang srong rnams lhags pa legs kyis nang du shog shig /de rnams nang du zhugs pa des mthong nas tshigs su bcad pas smras pa/ brtags pa med par 'gying zhing 'gro ba dang / /bzhin yang kha spu rnams dang bral gyur cing / /'di rnams brang ni mthon dman gyur pa ste/ /e ma drang srong cha byad sngon ma byung / /de de rnams la the tshom gyi kun nas dkris pa'i blos rtsa ba dang 'bras bu bstabs so/ /de rnams kyis de dag zos nas drang srong de la smras pa/ khyod kyi 'bras bu 'di dag ni rtsub pa kha ba bska ba yin gyi/ bdag cag gi chu nang gi bsti gnas de na yod pa'i 'bras bu rnams ni bdud rtsi dang 'dra ba yod de/ 'di ltar khyod bdag cag gi bsti gnas su spyan 'dren to/ /des khas blangs nas de de rnams dang gru zam gyi bskyed mos tshal du zhugs nas des de la dbang du bya ba'i rdzas chang gis bkang ba dang ldan pa'i na li ke ra'i 'bras bu rnams dang / gzhan dag kyang byin no/ /de chang gis myos pa dang dbang du bya ba'i rdzas kyi sbyor bas de de dang lhan cig mi tshangs par spyad pas rdzu 'phrul yongs su nyams so/ /char la mngon par dga' ba'i lhas sprin kun nas bsdus pa dang drang srong des bkag go/ /zhi ldan mas smras pa/ da dung khyod kyis bdag nyid su yin pa mi shes sam/ des de'i 'dod chags kyi zhags pas bcings nas rgyal po la phul nas lha drang srong de ni 'di lags so/ /de nas lhas char dbab par brtsams nas lo legs par gyur to/ /rgyal pos zhi ldan ma 'khor dang bcas te drang srong de la chung mar byin no/ /des zhi ldan ma spangs nas gzhan dag dang lhan cig dga' mgur spyod pa la zhugs pa na/ de la zhi ldan ma phrag dog gi kun nas dkris pa'i snying gis de la bkur sti ma yin pa bya bar brtsams pa dang / de nas phar cig tshur cig rtsod pas mchil lham dang bcas pa'i rdog pas mgor bsnun pa dang des bsams pa/ sprin gyi 'brug sgra yang bdag gis mnags par mi bzod na da ni 'dod chags kyi zhags pas bcings na bud med tsam gyis kyang brnyas sam snyam nas des brtson 'grus la gnas pas slar yang mngon par shes pa lnga mngon sum du byas so/ /dge slong dag ji snyam du sems/ de'i tshe de'i dus kyi drang srong gang yin pa de ni nga nyid yin no/ /zhi ldan ma gang yin pa de ni grags 'dzin ma 'di nyid yin te/ de na yang 'dis nga ro'i sred pas dbang du byas so/ /da ltar yang 'dis la dus dbang du bya ba la zhugs so/ /gang gi tshe bcom ldan 'das pho brang du gdugs tshod gsol nas phyi rol du byung ba de'i tshe grags 'dzin ma khyim thab kyi byams pa dang bral lo snyam ste re thag chad nas khang thog tu 'dzegs te bdag nyid mchongs so/ /sangs rgyas bcom ldan 'das rnams ni bsnyel ba mi mnga' ba'i chos can yin pas bcom ldan 'das kyi rdzu 'phrul gyis de blangs so/ /dge slong rnams the tsom skyes nas the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyi slad du grags 'dzin ma khang thog nas bdag nyid mchongs pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'dis 'das pa'i dus na yang nga'i phyir bdag nyid bor ba de nyon cig /dge slong dag sngon byung ba grong khyer bA rA Na sI na rgyal po tshangs sbyin zhes bya ba zhig byung ste/ de dus gzhan zhig na ri dgas shor zhing rim gyis song ste ri sul zhig tu phyin pa dang / des de na mi 'am ci pho dang / mi 'am ci mo gnyis las mi 'am ci pho ni nyal/ mi 'am ci mo ni ma nyal ba zhig mthong nas rgyal pos gzhu rna drung du bkang ba'i mdas mi 'am ci pho gnad du bsnun nas srog dang phral te/ rgyal pos mi 'am ci mo chung ma'i don du bzung nas khrid de song ba las des smras pa/ lha re shig gzhes la de'i bar du bdag gis mi 'am ci'i ro la mchod pa bgyid na gnang bar mdzad du gsol/ rgyal pos smras pa/ re shig gang du 'gro bar 'gyur/ de la mchod pa ji ltar byed pa blta 'o snyam nas des de la gnang ngo / /de nas des mi 'am ci'i ro de la shing gi phung po byas nas me spar te bdag nyid mchongs so/ /lhas tshigs su bcad pas smras pa/ mi 'am ci mo dga' spyad ces/ /don gzhan du ni bsams pa las/ /gzhan du yongs su bsgyur byas pas/ /srog chags gnyis ni bsad par gyur/ /dge slong dag ji snyam du sems/ de'i tshe de'i dus kyi mi 'am ci gang yin pa de ni nga nyid yin no/ /mi 'am ci mo gang yin pa de ni grags 'dzin ma 'di nyid yin te/ de na yang 'dis nga'i phyir bdag nyid me phung du mchongs so/ /da ltar yang 'dis nga'i phyir khang thog nas bdag nyid mchongs so/ /bcom ldan 'das kyis dgongs pa/ da ni grags 'dzin ma gdul ba'i dus la bab kyis/ ma la 'di ngas 'khor ba'i 'brog dgon pa nas bsgral bar bya'o snyam du dgongs nas de la gang thos pas 'phags pa'i bden pa bzhi yang dag par khong du chud par 'gyur ba de lta bu'i chos bshad pa mdzad de/ grags 'dzin ma 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ de dad pa yang dag pa kho nas khyim nas khyim med par rab tu byung nas ji tsam na dgra bcom mar gyur pa dang / de rang gi rigs rgyud dang 'thun par bya ba dang / 'phags pa'i lam thob pas dge slong ma rnams kyi nang du dgos pa byung ba rnams la shin du 'dzem pa dang ldan no/ / de nas bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong ma rnams la 'dzem pa dang ldan pa'i mchog ni 'di lta ste sgra gcan zin gyi ma grags 'dzin ma 'di yin no/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa grags 'dzin mas las ci zhig bgyis na las de'i rnam par smin pas mngal du lo drug bzung lags/ bcom ldan 'das kyis bka' stsal pa/ dge slong dag grags 'dzin ma 'di nyid kyis sngon gyi tshe rabs gzhan rnams su las byas shing bsags pa dag ni zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba gnag lhas zhig na phyugs rdzi ma dang / bu mo ma smad gnyis zhig gnas te/ de gnyis dar ba'i bum pa thogs te/ rgyun du grong mthar 'gro ba na/ de gnyis las bu mo ni ngan g.yo'i rang bzhin can yin no/ /ma ni drang ba zhig yin no/ /bu mos smras pa/ yum re shig dar ba'i bum pa snoms shig bshang ba zhig bgyid do/ /des thogs te song ngo / /de ni ngan g.yo'i rang bzhin can yin pas phyi na sdod cing de'i rjes slebs par ma song ste/ de de ltar byed pa na ma des dar ba'i bum pa rgyang grags drug gi bar du khyer ro/ /dge slong dag ji snyam du sems/ de'i tshe de'i dus kyi phyugs rdzi bu mo gang yin pa de ni grags 'dzin ma 'di nyid yin te/ de na 'dis ma la ngan g.yo'i spyod pas rgyang grags drug tu dar ba'i bum pa bskur ro/ /las de'i rnam par smin pas 'dis sgra gcan zin lo drug tu mngal du bzung ngo / /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la zhes bya ba nas dge slong dag khyed kyis de lta bu la bslab par bya'o zhes bya ba'i bar gong ma bzhin du'o/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa sgra gcan zin gyis las ci zhig bgyis na/ las de'i rnam par smin pas lo drug tu ma'i mngal na mchis lags/ bcom ldan 'das kyis bka' stsal pa/ dge slong dag sgra gcan zin 'di nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las dag byas shing bsags pas/ sgra gcan zin nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed nas lus can rnams la ni/ /'bras bu dag tu 'gyur ba nyid/ /dge slong dag sngon byung ba bA rA Na sI dang ha cang mi ring ba na me tog dang 'bras bu phun sum tshogs pa'i bsti gnas bya sna tshogs skad 'byin cing bya dang ri dgas 'dris par bsten pa zhig yod de/ de na drang srong 'bras bu dang / rtsa ba dang / chu la longs spyod pa/ /pags pa dang / lo ma gyon pa/ dung dang / bris pa zhes bya ba spun gnyis shig gnas te/ dung ni mkhan po byed do/ /bris pa ni slob ma byed de/ de gnyis bA rA Na sI'i 'jig rten thams cad la yang grags so/ /rgyal po tshangs sbyin gyis kyang bskyed mos tshal ga ge mo zhes bya bar drang srong dung dang / bris pa spun gnyis gnas te/ de la dung ni mkhan po byed do/ /bris pa ni slob ma byed do zhes thos so/ /ji tsam dus gzhan zhig na dung gis ril ba chus bkang nas rtsa ba dang 'bras bu'i ched du nags khrod du song ngo / /bris pa yang de nyid nas nang par sngar langs te song nas des me tog dang 'bras bu dag blangs te rings par 'ongs nas rang gi ril ba las brtags nas chu nyung nas de skom pas nyen pas bsams pa/ mkhan po'i chu btung ngo snyam nas des 'thungs so/ /ji tsam na drang srong dung rtsa ba dang 'bras bu dag blangs nas skom pas nyen pa'i rang bzhin gyis bsti gnas su phyin nas ril ba la brtags na stong par mthong nas de mi bzod pa skyes te smras pa/ kho bo'i chu rkun ma su zhig gis brkus/ bris pas smras pa/ mkhan po rkun ma ni bdag lags te/ bdag gis 'tshal gyis bdag la chad pas dgum du gsol/ des smras pa/ khyod ni kho bo dang spun yin la slob ma yang yin pas gal te 'thungs na 'thungs pas legs kyis ci bder spyod cig /des smras pa/ mkhan po 'gyod pa 'di bdag gis bsal bar rngo mi thog gis/ chom rkun pa la gcod pa'i chad pa lci ba gang lags pas bdag la dgum du gsol zhes de skad smras pa dang / drang srong dung khros nas smras pa/ kho bo chad pa mi gcod kyis ci ste khyod chad pa don du gnyer na rgyal po'i drung du song shig /yang de'i tshe rgyal po ri dgas 'chor ba'i phyir chas pa de la des rgyal ba dang tshe spel ba dag kyang byas nas tshigs su bcad pas gsol ba btab pa/ rgyal chen gang phyir ma stsal chab/ /'tshal bas bdag ni rkun ma lags/ /chom rkun gcad pa gang lags pa'i/ /chad pa'i lci bas bdag la khum/ /rgyal pos smras pa/ /chu la ni ma byin par len pa med na 'on kyang su dbang ba'i chu khyod kyis brkus/ des ji ltar gyur pa rnams smras pa dang / rgyal pos smras pa/ khyod dang de spun yin zhing mkhan po yang yin pas chad pas gcad par mi 'os kyis song shig /des smras pa/ lha bdag gis 'gyod pa bsal bar rngo mi thog gis chom rkun pa la 'gum pa'i chad pa lci ba gang lags pas bdag la dgum du gsol zhes de skad smras pa dang / rgyal po khro ba'i kun nas dkris pa la gnas pa'i kun nas dkris pa drag pos smras pa/ gal te de lta na 'di nyid du 'dug la/ re shig nga slar ma log gi bar du khyod ma 'gro shig rgyal po des ri dgas bshor nas ched du bsams te sgo gzhan nas phyir yang ma byung ngo / /blon po rnams kyis zhag drug gi nyin par rgyal po la smras pa/ lha drang srong de phyogs de kho na nyid na mchis nas deng du dgung drug lags kyis bka' stsal pa'i rigs so/ /rgyal pos smras pa/ chad pa nas phyung la de'i chad pa ni de kho na yin gyis song shig /blon po rnams kyis drang srong de la smras pa/ drang srong lha'i zhal nas chad pa nas phyung la de'i chad pa ni de kho na yin gyis song shig ces gsung ngo / /de 'gyod pa dang bral te song ngo / /dge slong dag ji snyam du sems/ de'i tshe de'i dus kyi rgyal po tshangs sbyin gang yin pa de ni sgra gcan zin 'di nyid yin te/ de na 'dis sems gdug pas drang srong la phyogs 'di nyid du 'dug la ma 'gro shig ces smras pa de'i las kyi rnam par smin pas ma'i mngal du lo drug go/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la zhes bya ba nas dge slong dag khyed kyis de lta bu la bslab par bya 'o zhes bya ba'i bar gong ma bzhin du 'o// //'dul ba gzhi/ bam po dgu bcu rtsa lnga pa/ dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa bzang ldan gyis las ci zhig bgyis na/ las de'i rnam par smin pas mi gtso bo rnams kyi rgyal por gyur lags/ bcom ldan 'das kyis bka' stsal pa/ dge slong dag bzang ldan 'di nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las dag byas shing bsags pas bzang ldan gyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba mu lto ba zhig ljongs shig nas bA rA Na sIr 'ongs pa dang / de na gnyug mar gnas pa'i mu lto ba phrag dog gi rang bzhin can rnams kyis de ltag dbyug dang / thag lcags dang / dbyug pa la sogs pas shin du brdegs nas bskrad de de bA rA Na sI'i phyi rol na rgyal po'i bskyed mos tshal zhig yod pa na gnas so/ /ji tsam na rgyal po tshangs sbyin so ga'i dus la bab ste/ me tog gi shing rnams kha 'bus shing ngang pa dang / krung krung dang / rma bya dang / ne tso dang / ri skegs dang / khu byug dang / /shang shang te 'u rnams skad 'byin pa'i nags tshal stug po'i bskyed mos tshal gyi gzhir btsun mo dang lhan cig song nas de bskyed mos tshal de na btsun mo dang lhan cig bde ba nyams su myong bar byas nas gnyid log go/ /bud med ni me tog dang / 'bras bu la dga' ba yin pas/ me tog dang 'bras bu tshol zhing phan tshun 'khyam pa la zhugs so/ /ji tsam na rgyal po tshangs sbyin gnyid kyis dub pa sangs nas/ rings pa rings par bA rA Na sIr zhugs so/ /btsun mo'i bud med rnams kyang rings pa rings par dong ngo / /ji tsam na bud med gzhan zhig rtabs pas mu tig gi do shal bor te song ngo / /ji tsam na mu lto ba de bskyed mos tshal der rgyu bar brtsams pa na/ des mu tig gi do shal de mthong nas/ des bsams pa/ bdag la 'di ci dgos 'di'i phyir gnod par 'gyur ba'i gnas gang yin pa de yod snyam nas des de su'i yin pa de len par 'gyur grang zhes/ de bskyed mos tshal nyid du shing gi yal ga zhig la btags te bzhag go/ /ji tsam na btsun mo rnams kyis rgyal po la gsol pa/ lha btsun mo che ge mo zhes bgyi ba'i mu tig gi do shal bskyed mos tshal du lus lags so/ / rgyal pos blon po rnams la bsgo ba/ shes ldan dag mu tig gi do shal bskyed mos tshal du lus pa tshol cig /de rnams bskyed mos tshal du dong nas btsal bar brtsams pa dang / ji tsam na shing gi yal ga zhig la btags pa mthong nas de rnams kyis bsams pa/ re shig 'di sus btags dpyad par bya'o snyam nas de rnams bskyed mos tshal na rgyu bar brtsams pa dang / ji tsam na mu lto ba zhig mthong nas de rnams kyis de la smras pa/ kwa'i nang rje mu tig gi do shal 'di su zhig gis yal ga la btags te bzhag /des ji ltar gyur pa de rnams la smras pa dang / blon po rnams kyis rgyal po la mu tig gi do shal phul nas ji ltar gyur pa smras so/ /rgyal pos smras pa/ shes ldan dag mu lto ba de bltas khug shig de rnams kyis bkug nas rgyal pos smras pa/ kwa'i nang rje khyod kyis ci'i phyir mu tig gi do shal shing gi yal ga la btags te bzhag nas rang gir ma byas/ des smras pa/ lha 'di'i skal ba bdag la ma mchis kyi lha kho na la 'os pa'i slad du'o/ /rgyal po dga' bar gyur nas smras pa/ kwa'i nang rje khyod ni dam pa 'os pa yin pas dam pa gang 'dod pa gsol cig sbyin no/ /des smras pa/ gal te lha bdag la dgyes par gyur na mu lto ba rnams 'tshal ma stsal cing / de rnams re re la ras zung re bskon nas bdag dpon por bsko bar gsol/ rgyal pos blon po rnams la bsgo ba/ shes ldan dag khyed cag gis mu lto ba thams cad zan byin la re re la ras zung re skon te 'di de rnams kyi dpon por chug shig /de rnams kyis bA rA Na sIr dril sgrogs su bcug pa/ lhas bka' stsal gyis bA rA Na sI'i mu lto ba ji snyed pa thams cad bskyed mos tshal che ge mo zhig tu 'dus shig /ngas mu lto ba rnams la zas sbyin zhing re re la yang ras zung re bskon no zhes bsgrags pa dang / de dag thams cad 'dus nas blon po rnams kyis kha zas bsod pas tshim par byas nas re re la yang ras zung re bskon te bsgo ba/ lhas bka' stsal pa/ deng phan chad khyed cag gi rgyal por mu lto ba 'di bskos kyis/ khyed cag gis 'di'i tshig bzhin du byos shig /de rnams kha zas bsod pas tshim par byas pa dang / ras zung re bskon pas yid rangs nas smras pa/ lhas ji skad bka' stsal pa bzhin du 'tshal lo zhes mu lto ba de dpon por gyur to/ /mu lto ba rnams ni rang bzhin gyis bkres skom pas zil gyis non pa yin pas tshong 'dus nas bza' ba dang btung ba 'phrog par byed do/ /de rnams rgyal pos bkur nas ni lhag par yang dbrog par brtsams so/ /tshong rdal gyis 'tsho ba'i tshogs 'khrugs nas des rgyal po la gsol pa dang / rgyal pos smras pa/ khyed cag srung ba la bag yod par byos la de rnams la ni ma rdeg shig /ji tsam na mi zhig snum khur dag khyer nas tshong 'dus kyi dbus nas song ba las mu lto ba'i dpon po des de la phrogs nas de khyer te phyogs dben pa zhig tu song ba dang / mu lto ba rnams kyis phyir 'brangs te de rnams kyis de la glags bltas pa na 'bab chu ri ka rgal nas shing zhig gi drung du 'dug go/ /sangs rgyas rnams 'byung ba med pa na 'jig rten du rang sangs rgyas dman pa dang / ngan pa la snying brtse ba can/ bas mtha'i gnas mal la dga' ba/ 'jig rten gyi yon gnas gcig pu dag 'byung bar 'gyur ba yin pas/ ji tsam na rang sangs rgyas zhig stes te phyogs der 'ongs pa dang / des de lus mdzes shing sems dang ba dang / spyod lam zhi bar mthong nas des bsams pa/ gdon mi za bar bdag gis yon gnas dam pa 'di lta bu la bya ba ma byas pa des na bdag mi thob na yang mu lto bar skyes kyis/ gal te bdag nyid chen po 'di bdag las snum khur bzhes par gyur na bdag gis de dbul lo snyam mo/ /de nas rang sangs rgyas de'i sems kyis de'i bsam pa shes nas pha rol rjes su bzung ba'i ched du de la lhung bzed bzed do/ /des de la gus pas snum khur phul lo/ /bdag nyid chen po de dag ni lus kyis chos ston gyi ngag gis ma yin pas de steng gi bar snang la 'phags te/ 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo rnams ni rdzu 'phrul la myur du sems gtod pa yin pas de shing rtsa ba nas bcad pa bzhin du rang sangs rgyas rkang pa la gtugs nas smon lam gdab par brtsams pa/ bdag gis yon gnas dam pa 'di lta bu la bya ba byas pa'i dge ba'i rtsa ba gang yin pa 'dis bdag mi gtso bo rnams kyi rgyal por gyur la/ 'di bas khyad par du 'phags pa'i ston pa mnyes par byed kyi mi mnyes par mi byed par gyur cig ces btab bo/ /de nas mu lto ba rnams lhags nas smras pa/ bdag cag la yang snum khur stsol cig /des smras pa/ ngas de bdag nyid chen po'i drang srong de la phul lo/ /de rnams kyis smras pa/ phul na khyod kyis smon lam ji skad btab/ des smras pa/ mi gtso bo rnams kyi rgyal por gyur cig ces byas so/ /de rnams kyis smras pa/ bdag cag kho na khyod kyi mi gtso bo rnams su gyur cing / de rnams kyi rgyal por khyod gyur cig /des smras pa/ legs kyis de bzhin du gyur cig /khyed cag gis ci drang srong gi zhabs la gtugs te smon lam mi gdab bam/ de rnams kyis rang sangs rgyas de'i rkang pa la gtugs te smon lam btab pa/ bdag cag khyod kyi mi gtso bo rnams su gyur cing de rnams kyi rgyal por khyod gyur cig ces byas so/ /dge slong dag ji snyam du sems/ de'i tshe de'i dus kyi mu lto ba'i dpon po gang yin pa de ni shAkya'i rgyal po bzang ldan 'di nyid yin no/ /mu lto ba de rnams ni shAkya lnga brgya po 'di dag yin te/ 'di dag dang bzang ldan mu lto bar gyur pa na rang sangs rgyas la smon lam btab pa de'i las kyi rnam par smin pas shAkya lnga brgya po 'di rnams kyi rgyal por gyur to/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la zhes bya ba nas dge slong dag khyed kyis de lta bu la bslab par bya'o zhes bya ba'i bar gong ma bzhin du'o/ /sangs rgyas bcom ldan 'das sgra gcan gyi drang srong kun rdzi ka'i gnas na bzhugs so/ /de'i tshe lhung bzed rab tu mang po dang / bcom ldan 'das kyis lhung bzed bla gab med par bzhag go/ /de nas spre'u shig shing sA la las babs nas lhung bzed rnams gang na yod pa der song ba dang / dge slong rnams kyis lhung bzed rnams bcag tu 'ong zhes de bzlog go/ /de nas bcom ldan 'das kyis dge slong rnams la bka' stsal pa/ dge slong dag spre'u 'dis lhung bzed rnams bcag par mi 'gyur gyis 'di la ma bzlog shig /de nas spre'u de bcom ldan 'das kyi lhung bzed gang na ba der song ste phyin nas/ bcom ldan 'das kyi lhung bzed khyer te shing sA la de la 'dzegs nas sbrang bu'i sbrang rtsi'i dngas mas bkang ste rim gyis dal bu dal bus shing sA la las babs nas bcom ldan 'das la phul ba dang / bcom ldan 'das kyis de srog chags dang bcas pa yin pas ma bzhes so/ /de nas spre'u des mtha' gcig tu song nas srog chags bsal te bcom ldan 'das la phul ba dang / bcom ldan 'das kyis de brtags pa ma yin no zhes ma bzhes so/ /de nas spre'u de mtha' gcig tu song ste chu grang mos btab nas bcom ldan 'das la phul ba dang / bcom ldan 'das kyis de brtags pa byas so zhes bzhes so/ /de nas spre'u de bcom ldan 'das kyis bdag gi sbrang rtsi'i lhung bzed bzhes so snyam du rig nas/ dga' ba dang / mgu ba dang / dga' ba rgya chen po dang / yid bde ba skyes nas thal mo khong stong du sbyar ba byas te phyi nur du gar byed cing phyag 'tshal ba las de bcom ldan 'das la dad pa skyes nas bcom ldan 'das la rtog cing rgyab tu ma bltas pas khron par lhung nas shi ste sgra gcan nyid kyi bram ze las drug la brtson pa zhig gi khyim du skyes so/ /gang gi nyi ma kho na la nying mtshams sbyor ba blangs pa de kho na'i nyi ma la sbrang rtsi'i char bab bo/ /de'i phas ltas mkhan rnams bkug nas smras pa dang / de rnams kyis smras pa/ sems can 'di'i mthu yin no/ /ji tsam na bram ze mo de zla ba brgyad dam dgu 'das nas khye'u zhig btsas so/ /gang gi nyi ma kho na la btsas pa de kho na'i nyi ma la sbrang rtsi'i char bab bo/ /de'i nye du rnams tshogs shing 'dus nas nyi ma bdun gsum nyi shu gcig tu de'i btsas ston rgya cher byas nas khye'u'i ming cir gdags zhes ming 'dogs par byed do/ /nye du rnams kyis smras pa/ khye'u 'di dag gi nyi ma kho na la ma'i rum du zhugs pa de kho na'i nyi ma la sbrang rtsi'i char bab la/ gang gi nyi ma kho na la btsas pa de kho na'i nyi ma la yang sbrang rtsi'i char bab la/ gnas 'jog dang yang rus gcig pas de bas na khye'u'i ming gnas 'jog gi bu sbrang rtsi can zhes bya bar gdags so zhes de'i ming gnas 'jog gi bu sbrang rtsi can zhes bya bar btags so/ /de bsrings bskyed nas chen por gyur to/ /gang gi tshe chen por gyur pa de'i tshe legs par gsungs pa'i chos 'dul ba la rab tu byung ste/ de rab tu byung nas kyang nyi ma re re zhing sbrang rtsi lhung bzed gsum gsum grub par gyur te/ des de rnams las gcig ni bcom ldan 'das la 'bul lo/ / gnyis pa ni dge 'dun la'o/ /gsum pa 'grogs bshes dang lhan cig longs spyod par byed do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa gnas 'jog gi bu sbrang rtsi can gyis las ci zhig bgyis na/ las de'i rnam par smin pas gdugs re re zhing sbrang rtsi lhung bzed gsum gsum grub par gyur lags/ bcom ldan 'das kyis bka' stsal pa/ dge slong dag gnas 'jog gi bu sbrang rtsi can nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa zhes bya ba nas/ lus can dag la 'bras bur 'gyur zhes bya ba'i bar gong ma bzhin du 'o/ /dge slong dag khyed kyis de bzhin gshegs ba la sbrang rtsi'i lhung bzed 'bul ba'i spre'u gang yin pa de mthong ngam/ btsun pa mthong lags so/ /de'i tshe de'i dus kyi spre'u gang yin pa de ni gnas 'jog gi bu sbrang rtsi can 'di nyid yin te/ de na 'dis de bzhin gshegs pa la sbrang rtsi'i lhung bzed phul ba de'i las kyi rnam par smin pas bram ze las drug la brtson pa'i khyim du skyes shing nying mtshams sbyor ba blangs pa dang btsas pa na yang sbrang rtsi'i char bab bo/ /'di ltar da ltar yang nyi ma re re zhing sbrang rtsi lhung bzed gsum gsum 'grub par 'gyur ro/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa zhes bya ba nas las gcig tu dkar ba las brtsal bar bya'o zhes bya ba'i bar gong ma bzhin du'o/ / de ci'i phyir zhe na/ gal te dge slong gnas 'jog gi bu sbrang rtsi can gyis shar gyi rgya mtsho chen po la sbrang rtsir mos shing / lho dang / nub dang / byang gi rgya mtsho chen po sbrang rtsir mos na de dag kyang sbrang rtsir 'gyur te/ dge slong dag de ltar na yon gnas de bzhin gshegs pa ni dpag tu med pa yin no/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa nye bar 'khor gyis las ci zhig bgyis na las de'i rnam par smin pas rgyal po'i 'breg mkhan du gyur lags/ bcom ldan 'das kyis bka' stsal pa/ dge slong dag nye bar 'khor 'di nyid kyis sngon gyi tshe rabs gzhan rnams su las byas shing bsags pa dang tshogs rnyed pa ni zhes bya ba nas/ lus can dag la 'bras bur 'gyur zhes bya ba'i bar gong ma bzhin du 'o/ /dge slong dag sngon byung ba rgyal po'i 'breg mkhan zhig yod pa'i drung du rang sangs rgyas shig song nas bzhin bzangs nga'i skra bregs shig dang / khyod la bsod nams su 'gyur ro/ /de yang rgyal po'i pho brang du chas pas des tsha bo la smras pa/ tsha bo rab tu byung ba 'di'i dbu regs shig /kho bo rgyal po'i khab tu 'gro dgos kyis/ ji ltar rgyal po la bya ba de bzhin du regs shig /des bsams pa/ zhang pos ji skad smras pa las na gdon mi za bar 'di la bsod nams yod do snyam nas/ des gus par byas te de'i skra dang kha spu bregs so/ /rang sangs rgyas kyis bsams pa/ sems can 'dis bsod nams mang du bskyed kyis 'di dge ba bskyed par bya'o snyam du bsams nas de la rjes su snying brtse ba'i phyir steng gi bar snang la 'phags te 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod pa yin pas de shing rtsa ba nas bcad pa bzhin du rkang pa gnyis la gtugs te smon lam gdab par brtsams pa/ dge ba'i rtsa ba 'dis ji ltar bdag gi zhang po rgyal po'i 'breg mkhan byed pa de bzhin du bdag kyang rgyal po'i 'breg mkhan du gyur cig ces byas so/ /dge slong dag ji snyam du sems/ rgyal po'i 'breg mkhan gyi tsha bo gang yin pa de ni dge slong nye bar 'khor 'di nyid yin te/ de na 'dis rang sangs rgyas kyi skra dang kha spu bregs nas smon lam btab pa de'i las kyi rnam par smin pas rgyal po'i 'breg mkhan du gyur to/ /gzhan yang 'dis smon lam btab pa gang yin pa de nyon cig /dge slong dag sngon byung ba ri 'or zhig na khyim bdag cig gnas te des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed de/ /de rtse bar byed/ dga' bar byed/ dga' mgur spyod par byed pa las khye'u zhig btsas so/ /yang de rtse bar byed/ /dga' bar byed/ dga' mgur spyod par byed pa las khye'u zhig btsas so zhes bya ba nas/ rim gyis khye'u bdun btsas so zhes bya ba'i bar du 'o/ /de'i ne'u zla rgyal po'i 'breg mkhan zhig yod pa de bu med pas lag pa la 'gram pa gtad de/ bdag la bu pho yang med/ bu mo yang med pas bdag shi na bdog pa thams cad bu med do zhes rgyal pos mnga' mdzad par 'gyur ro snyam du sems khong du chud cing 'dug pa de khyim bdag des mthong nas smras pa/ ne'u zla ci'i phyir sems khongs su chud/ des smras pa/ ne'u zla kho bo la nor gyi rigs 'di snyed yod na bu pho yang med/ bu mo yang med pas kho bo shi nas 'di dag thams cad rgyal pos mnga' mdzad par 'gyur na ci'i phyir sems khongs su chud par mi 'gyur/ des smras pa/ gal te de lta na kho bo'i bu 'di dag thams cad kyi nu bo shos de kho bos khyod la sbyin no/ /des de blangs so/ /ji tsam na khyim bdag de shi ba dang / de'i bu de rnams gang gi tshe kha cig dang lhan cig 'thab mo 'gyed pa de'i tshe des gang dag gi spu 'breg mkhan yin pa khyed kyang 'thab mo rgol lam zhes kha zer bar byed do/ /de rnams yid mi bde ba skyes nas bsams pa/ bdag cag brnyas pa ci yang rung ba gang yin pa de thams cad ni nu bo 'di'i skyon las gyur gyis thams cad du dbrog go snyam nas de rnams kyis de phrogs pa dang / 'breg mkhan khros nas des 'breg mkhan thams cad la khrims su bcas pa/ khyim bdag che ge mo zhes bya ba'i bu rnams kyi kha spu bcos pa'i las sus kyang mi bya'o zhes bcas so/ /de rnams skra dang / kha spu dang / sen mo ring por skyes pa de rnams rgyal pos mthong nas smras pa/ shes ldan dag khyed cag ci'i phyir skra dang / kha spu dang / sen mo ring por 'dug /de rnams kyis smras pa/ lha 'breg mkhan 'dis 'breg mkhan thams cad la de rnams kyi kha spu bcos pa'i las su yang ma bgyid cig ces bkag lags so/ /ci'i phyir/ de rnams kyis ji ltar gyur pa smras pa dang / rgyal pos smras pa/ phas bu byin na khyed cag gis ci'i phyir dbrog /de la slar byin cig /de rnams kyis mi 'dod bzhin du slar btang ngo / /de rnams yid mi bde ba skyes te 'jig rten gyis smad pas 'jigs nas de gsad par 'dod do/ /'jig rten la ni mdza' ba dang / mi mdza' ba dang / bar ma yod pas de la gzhan dag gis sbran pa dang / des 'breg mkhan de la smras pa/ de rnams bdag la gsad par 'tshal gyis gnang bar mdzod cig dang rab tu 'byung ngo / /des bsams pa/ de rnams kyis srog dang bral ba bas ni rab tu byung ba bla'o snyam du bsams nas smras pa/ bu gal te de lta na song la rab tu byung shig /gang gi tshe yon tan kyi tshogs cung zad thob pa de'i tshe bdag la smros shig /de gnang ba thob nas drang srong rnams kyi nang du rab tu byung te/ des mkhan po med pa dang slob dpon med par rang byang chub mngon sum du byas nas des bsams pa/ bdag gis pha de la sngon khas blangs pa'i dam bcas pa de ston du 'gro'o snyam nas de de'i drung du song ste 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod pa yin pas de shing rtsa ba nas bcad pa bzhin du rkang pa gnyis la gtugs nas smon lam gdab par brtsams pa/ bdag gis yon gnas dam pa 'di lta bu la bya ba byas pa gang yin pa'i dge ba'i rtswa ba 'dis bdag rgyal po'i 'breg mkhan du gyur cig /gzhan yang 'dis rang sangs rgyas lnga brgya la bya ba byas nas smon lam btab pa/ dge ba'i rtsa ba 'dis bdag rgyal po'i 'breg mkhan du gyur cig /gzhan yang yang dag par rdzogs pa'i sangs rgyas bzhi la bya ba byas nas smon lam btab pa/ dge ba'i rtsa ba 'dis bdag rgyal po'i 'breg mkhan du gyur cig ces btab pa'i las de'i rnam par smin pas lan mang du rgyal po'i 'breg mkhan du gyur to/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa nye bar 'khor gyis las ci zhig bgyis na las de'i rnam par smin pas 'dul ba 'dzin pa rnams kyis mchog tu bstan lags/ bcom ldan 'das kyis bka' stsal pa/ smon lam btab pa nyid kyis so/ /gang du smon lam btab lags/ dge slong dag sngon byung ba bskal pa bzang po 'di nyid la skye dgu rnams kyi tshe lo nyi khri thub pa na yang dag par rdzogs pa'i sangs rgyas 'od srung zhes bya ba 'jig rten du byung ste zhes bya ba nas/ de grong khyer bA rA Na sIr nye bar brten te drang srong smra ba ri dgas kyi nags na bzhugs so zhes bya ba'i bar gong ma bzhin du ste/ de'i bstan pa la 'di rab tu byung bar gyur te/ rab tu 'byin pa'i dge slong gang yin pa de yang dag par rdzogs pa'i sangs rgyas 'od srung gis 'dul ba 'dzin pa rnams kyi mchog tu bstan to/ /de la 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas/ de na 'di 'chi ba'i dus la bab pa na smon lam btab pa/ bdag gis yang dag par rdzogs pa'i sangs rgyas bcom ldan 'das 'od srung la tshe ji srid par tshangs par spyod pa spyad na yon tan gyi tshogs 'ga' yang ma thob kyis/ dge ba'i rtsa ba gang yin pa 'dis yang dag par rdzogs pa'i sangs rgyas bcom ldan 'das 'od srung gis bram ze'i khye'u bla ma zhes bya ba gang yin pa de la bram ze'i khye'u khyod skye dgu rnams kyi tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan par gyur pa de'i bstan pa la bdag rab tu byung zhing nyon mongs pa thams cad spangs te dgra bcom pa mngon sum byas nas/ ji ltar bdag gi mkhan po yang dag par rdzogs pa'i sangs rgyas 'od srung gis 'dul ba 'dzin pa rnams kyi mchog tu bstan pa de bzhin du/ bdag kyang bcom ldan 'das shAkya thub pa des 'dul ba 'dzin pa rnams kyi mchog tu bstan par gyur cig ces btab pa de'i smon lam gyi dbang gis da ltar de bzhin gshegs pas 'dul ba 'dzin pa rnams kyi mchog tu bstan to/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la zhes bya ba nas brtsal bar bya ste/ dge slong dag de lta bu la khyed kyis bslab par bya'o zhes bya ba'i bar gong ma bzhin du'o/ /gang gi tshe bcom ldan 'das kyis bdud 'byung po 'khor dang bcas pa bye ba phrag sum bcu rtsa drug bcom nas bla na med pa'i ye shes brnyes pa de'i tshe bdud kyi ris kyi lha rnams kyis grong khyer ser skya'i gzhir rgyal po btsun mo dang / blon po dang / grong mi dang / yul mi dang bcas pa la dge sbyong gau ta ma ni de ring shi'o zhes bsgrags so/ /de nas rgyal po zas gtsang btsun mo dang / gzhon nu dang / blon po dang / grong mi dang / yul mi dang bcas pas mya ngan bya bar brtsams pa dang / lha rnams kyi shes pa mthong ba ni 'og tu 'jug pa yin pas gnas gtsang ma'i ris kyi lha rnams kyis smras pa/ bcom ldan 'das ma nongs te/ 'di ltar bcom ldan 'das kyis bla na med pa'i ye shes brnyes so/ / de nas rgyal po zas gtsang gis kun dga' ba byas te kun dga' bar gyur pa de'i tshe bdud rtsi zas kyi khye'u zhig btsas te/ de'i btsas pa'i btsas ston rgya cher byas nas khye'u'i ming cir gdags shes ming 'dogs par byed do/ / nye du dag gis smras pa/ khye'u 'di kun dga' bar gyur pa na btsas pas khye'u yi ming kun dga' bo zhes gdags so zhes de'i ming kun dga' bo zhes bya bar btags so/ /khye'u kun dga' bo ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsed grogs kyi ma ma gnyis la rjes su gtad de/ de ma ma'i pang na 'tsho ba na mtshan mkhan rnams kyis khye'u 'dis ni bcom ldan 'das shAkya thub pa'i rim gro byed par 'gyur ro zhes lung bstan to/ /bdud rtsi zas kyis khye'u mtshan mkhan rnams kyis lung bstan to zhes thos nas des bsams pa/ /gal te de lta na bcom ldan 'das kyis rab tu phyung du 'ong ngo zhes spyan sngar mi 'bab par bya'o snyam nas/ gang gi tshe bcom ldan 'das ser skya'i gzhir gshegs pa de'i tshe de yangs pa can du skyel lo/ /gang gi tshe bcom ldan 'das yangs pa can du gshegs pa de'i tshe slar yang ser skya'i gzhir khyer ro/ /sangs rgyas bcom ldan 'das rnams ni de lta bu mi mkhyen pa 'am/ mi gzigs pa 'am/ thugs su ma chud pa 'am/ rnam par mi rig pa cung zad kyang mi mnga'o/ /chos nyid kyis sangs rgyas bcom ldan 'das thugs rje chen po dang ldan pa/ 'jig rten la phan par zhugs pa/ srung ba gcig pu pa/ nyag gcig dpa' ba/ zla med pa/ gnyis su mi gsung ba/ zhi gnas dang / lhag mthong gis bzhugs pa/ dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang ba bzhi'i zhabs legs par gnas pa/ bsdu ba'i dngos po bzhi la yun ring po nas goms pa/ yan lag lnga spangs pa/ 'gro ba lnga las 'das pa/ yan lag drug dang ldan pa/ pha rol du phyin pa drug yongs su rdzogs pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa brgya phrag bcur dbang sgyur ba las khyad par du 'phags pa rnams ni nyin lan gsum mtshan lan gsum sangs rgyas kyi spyan gyis 'jig rten la gzigs nas gang ni nyams par 'gyur/ gang ni 'phel bar 'gyur/ gang ni gnod par 'gyur/ gang ni nyam nga bar 'gyur/ gang ni mi bde bar gyur/ gang ni gnod pa dang / nyam nga ba dang / mi bde bar gyur/ gang ni ngan song la gzhol/ gang ni ngan song la 'bab/ gang ni ngan song la bab/ ngas gang ni ngan song las bslang ste mtho ris dang thar pa la gzhag par bya/ gang gi dge ba'i rtsa ba ma bskyed pa dag ni bskyed par bya/ gang gi bskyed pa dag ni yongs su smin par bya/ gang gi smin pa ni grol bar bya/ zhes mkhyen pa dang gzigs pa 'jug go/ /yang smras pa/ chu srin gnas kyi dug can pa/ /dus las 'da' bar 'gyur srid kyi/ /sangs rgyas gdul la byams pa ni/ /dus las 'da' bar mi 'gyur ro/ /bcom ldan 'das kyis dgongs pa/ gzhon nu kun dga' bo ni srid pa tha ma pa yin pas de nga'i bstan pa la rab tu 'byung ste/ rab tu byung nas nga'i rim gro byed cing gsung rab 'dzin pa dang / nga yongs su mya ngan las 'das nas bdud rtsi thob par 'gyur gyis/ ma la ngas gzhon nu kun dga' bo bstan pa la gzhug par bya 'o snyam nas ma tshor ba kho nar grong khyer ser skya'i gzhir byon nas bdud rtsi zas kyi gnas khang du gshegs te gdan bshams pa nyid la bzhugs so/ /bdud rtsi zas kyis gzhon nu kun dga' bo khang phran gzhan zhig gi nang du bcug ste bzhag go/ /bcom ldan 'das kyis gang gi tshe na sgo rang bye bar 'gyur ba de ltar byin gyis brlabs nas thog ma kho nar bcom ldan 'das kyi zhabs gnyis la mgo bos phyag byas te bsil yab blangs nas bcom ldan 'das kyi snam logs nas bcom ldan 'das la g.yob cing 'dug go/ /de nas bdud rtsi zas kyis bcom ldan 'das kyi zhabs gnyis la mgo bos phyag byas te phyogs gcig tu 'dug go/ / phyogs gcig tu 'dug pa dang / bcom ldan 'das kyis bdud rtsi zas la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te bzhud do/ /rgyu'i stobs che yang rkyen gyi stobs la ltos dgos pas srid pa tha ma pa'i sems can kun dga' bo bcom ldan 'das kyi rjes bzhin rjes bzhin 'brang ba na/ bdud rtsi zas chung ma'i 'khor dang bcas pas bzlog par ma nus pa dang / bcom ldan 'das kyis bka' stsal pa/ 'di ni srid pa tha ma pa'i sems can yin pas khyed kyis bzlog par mi nus kyis ma bzlog shig /bdud rtsi zas kyis gsol pa/ bcom ldan 'das gal te de ltar gyur na 'di la rim pa bzhin bgyi'o/ /bcom ldan 'das kyis bka' stsal pa/ de bzhin du byos shig /de nas bdud rtsi zas kyis dge sbyong dang / bram ze dang / bkren pa dang / phongs pa dang / 'gro bar chas pa'i slong ba pa rnams kyi phyir sbyin pa dag gtong du bcug /bsod nams dag byed du bcug /rang gi skye bo dang gnyen gyi tshogs rnams la yang bzod pa gsol du bcug nas rgyan thams cad kyis brgyan te/ glang po che la zhon nas skye bo du mas yongs su bskor te/ n+ya gro ng+ha'i kun dga' ra ba logs su phyogs te bcom ldan 'das kyi spyan sngar btang ngo / /de yang srang gi dbus nas 'gro ba na glang po ches ut+pa la'i chun po zhig zos so/ /mtshan mkhan rnams kyis mthong nas de rnams kyis smras pa/ gzhon nu 'di ni thos pa 'dzin pa rnams kyi mchog tu 'gyur ro/ /de ji tsam bzhon pa'i sa'i bar du bzhon pas song nas bzhon pa las babs te rkang pa kho nas n+ya gro ng+ha'i kun dga' ra bar zhugs nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /bcom ldan 'das kyis 'od srung gzhon nu rab tu phyung shig ces 'od srung stobs bcu ldan la gtad nas des de rab tu phyung bsnyen par rdzogs par byas so/ /de nas bcom ldan 'das ser skya'i gzhir ji tsam bzhed kyi bar du bzhugs nas rgyal po'i khab gang na ba der rgyu zhing gshegs te/ rim gyis rgyu zhing gshegs pa dang rgyal po'i khab tu byon nas rgyal po'i khab 'od ma'i tshal bya ka lan da ka gnas pa na bzhugs so/ /tshe dang ldan pa kun dga' bo'i spyi bor phol mig byung nas bcom ldan 'das kyis 'tsho byed la bka' stsal pa/ dge slong kun dga' bo la dpyad byos shig /btsun pa bka' bzhin 'tshal zhes 'tsho byed gzhon nus bskyed kyis bcom ldan 'das las mnyan to/ /de nas bcom ldan 'das dge slong gi dge 'dun gyi gung la gdan bshams pa nyid la bzhugs nas chos 'chad do/ /tshe dang ldan pa kun dga' bo yang chos mnyan pa'i phyir de nyid na 'dug go/ /'tsho byed gzhon nus bskyed kyis bsams pa/ 'di chos la dad pa bdo bar gyur pas mi tshor gyis dpyad bya ba'i dus la bab bo snyam nas/ des de'i phol mig smin par 'gyur ba dag bskus nas de nyid du dran te de nyid du sos par byas so/ /de na chos bshad pa rdzogs nas 'tsho byed kyis gsol pa/ bcom ldan 'das bdag gis 'phags pa kun dga' bo 'di nyid na mchis bzhin du phol mig smin par bgyis te brtol nas sos par bgyis lags so/ /tshe dang ldan pa kun dga' bos smras pa/ gal te bdag gi lus til 'bru tsam du gtubs par gyur kyang bdag gis mi tshor lags so/ /bcom ldan 'das kyi chos las byung ba'i dad pas bsam pa bsdus pa la 'tsho byed mchog tu ya mtshan skyes so/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa kun dga' bos las ci zhig bgyis na/ des na spyi bor phol mig byung bar gyur lags/ bcom ldan 'das kyis bka' stsal pa/ dge slong dag dge slong kun dga' bo 'di nyid kyis las byas shing bsags pa dag ni zhes bya ba nas/ lus can dag la 'bras bur 'gyur zhes bya ba'i bar gong ma bzhin du 'o/ /dge slong dag sngon byung ba yul mtha' 'khob cig na rgyal po ki ra ta zhes bya ba gnas so/ /sangs rgyas rnams 'byung ba med pa na 'jig rten du rang sangs rgyas dman pa dang ngan pa la snying brtse ba can/ bas mtha'i gnas mal la dga' ba/ 'jig rten gyi yon gnas gcig pu pa dag 'byung bar 'gyur bas de nas rang sangs rgyas zhig de der rgyu ba na ki ra ta'i grong khyer du phyin nas de der bsod snyoms kyi phyir ki ra ta'i rgyal po'i khyim du zhugs pa dang / de de la mi bzod pa skyes te sems gdug pas 'jim ril gyi ngan kong gis rgyab tu bsnun pa las bdag nyid chen po de dregs pa dang nga rgyal bcom pa yin pas de snod du ma gyur par shes nas song ngo / /dge slong dag ji snyam du sems/ ki ra ta'i rgyal po gang yin pa de ni dge slong kun dga' bo de nyid yin te/ gang 'dis rang sangs rgyas la mi bzod pa skyes te sems gdug pas 'jim ril gyi ngan kong gis rgyab tu bsnun pa de'i las kyi rnam par smin pas tshe rabs lnga brgyar gang dang gang du skyes pa de dang der spyi bor phol mig byung bar gyur to/ /'di ltar da ltar 'di'i srid pa tha ma la yang spyi bor phol mig byung ngo / /gang gi tshe tshe dang ldan pa kun dga' bo bcom ldan 'das dang thabs gcig 'gro ba de'i tshe bcom ldan 'das la lhag par dad pa dang / gus pa dang / khrel yod pa dang / ngo tsha shes pa dang / 'dzem pa nyid kyis nye bar gnas so/ /gang gi tshe sprul pa yin na ni dad pa dang / gus pa dang / ngo tsha shes pa dang / khrel yod pa dang / 'dzem pa de 'dra ba dag gis mi gnas so/ /ji tsam na khyim bdag cig gis sangs rgyas la sogs pa dge slong gi dge 'dun rang gi khyim du gdugs tshod la spyan drangs pa dang / bcom ldan 'das snga dro na bza' sham thabs mnabs lhung bzed dang chos gos bsnams te dge slong gi tshogs kyis yongs su bskor cing dge slong gi dge 'dun gyi mdun gyis bltas nas khyim bdag de'i khyim du gshegs te/ gdugs tshod gsol nas slar gshegs so/ /dge slong rnams kyis tshe dang ldan pa kun dga' bo la dris pa/ tshe dang ldan pa kun dga' bo ci de ring khyod bcom ldan 'das dang thabs gcig song ngam/ 'on te sprul pa dang / des smras pa/ bcom ldan 'das dang thabs gcig song gis sangs rgyas kyi sprul pa dang ni ma yin no/ /ci mngon gang gi tshe kho bo bcom ldan 'das dang thabs gcig 'gro ba de'i tshe bdag bcom ldan 'das la lhag par dad pa dang / gus pa dang / ngo tsha shes pa dang / khrel yod pa dang / 'dzem pas nye bar gnas pa yin no/ /gang gi tshe sangs rgyas kyi sprul pa yin pa de'i tshe de ltar mi 'gyur ro/ /dge slong dag phan tshun smras pa/ tshe dang ldan pa kun dga' bo ni mtshan ma la mkhas so/ /phyogs dang phyogs mtshams rnams su dge slong kun dga' bo mtshan ma la mkhas so zhes bya ba'i sgra bsgrags so/ /de nas bcom ldan 'das kyis rgyal po'i khab tu ji tsam bzhed kyi bar du bzhugs nas mnyen yod gang na ba der rgyu zhing gshegs te/ rim gyis rgyu zhing gshegs pa dang mnyan yod du byon nas mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa kun dga' bo snga dro sham thabs bgos chos gos dang lhung bzed thogs nas mnyan yod du bsod snyoms kyi phyir zhugs pa bram ze zhig gis mthong nas bsams pa/ dge sbyong gau ta ma'i nyan thos dge slong kun dga' bo mtshan ma la mkhas so zhes thos pa gang yin pa de ni 'di yin gyis re shig shing sha pa zhes bya ba 'di la 'dab ma du yod pa dri'o snyam nas des de la dris pa/ 'phags pa shing sha pa 'di la 'dab ma ji snyed mchis/ des smras pa/ brgya dang / stong dang / khri phrag 'di snyed yod do zhes smras nas song ngo / /bram ze des de la lo ma dag cig btogs nas bgrangs te bor ro/ /tshe dang ldan pa kun dga' bos bsod snyoms spyad de slar log pa dang / bram ze des yang smras pa/ 'phags pa da ltar shing sha pa 'di la 'dab ma ji snyed mchis mkhyen tam/ des smras pa/ sngar ni brgya dang / stong dang khri phrag 'di snyed yod pa las de las 'di snyed cig btogs so/ / bram ze de 'phags pa ni rtsis la yang de ltar mkhas pa lta zhes mchog tu ngo mtshar skyes so/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa kun dga' bos las ci zhig bgyis na des na mtshan ma la mkhas par gyur lags/ bcom ldan 'das kyis bka' stsal pa/ dge slong dag dge slong kun dga' bo 'di nyid kyis las byas shing bsags pa dag ni zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba bA rA Na sI na bram ze zhig yod pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las khye'u zhig btsas te zhag bdun gsum nyi shu gcig tu de btsas pa'i btsas ston rgya cher byas te rigs dang 'thun pa'i ming btags nas gsos bskyed de chen por gyur to/ /de yul gzhan du song ste mtshan ma'i bstan chos drug khri bslabs so/ /de bzhin du tshe rabs lnga brgya'i bar du 'khor ba na 'khor ba'i tshe mtshan ma'i bstan chos drug khri bslabs shing gzhan la yang bstan pa'i rgyu de dang rkyen des gang dang gang du skyes pa de dang der mtshan mkhan rnams kyi mchog tu byung ngo / /'di ltar da ltar gyi srid pa tha ma la yang mtshan mkhan rnams kyi mchog tu byung ngo / /ko sa la'i rgyal po gsal rgyal la yang nyi ma re re zhing dro ka'i dus su gzhong par 'bras sA lu'i chan dang / bu ram shing gi sdong bu zhig dang / sreg pa gnyis lhung la de gnyis las gcig ni gzhong pa'i steng du 'bab/ gcig shos ni sa la'o/ / des tshe dang ldan pa kun dga' bo la rig par byas te/ des kyang dge slong rnams la'o/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa ko sa la'i rgyal po gsal rgyal gyis las ci zhig bgyis na/ des na 'tshal ma'i dus su gzhong par 'bras sA lu'i chan dang / bu ram shing gi sdong bu zhig dang / sreg pa gnyis lhung la/ de gnyis las gcig ni gzhong pa'i steng du 'bab/ cig shos ni sa la lhung bar gyur lags/ bcom ldan 'das kyis bka' stsal pa/ dge slong dag ko sa la'i rgyal po gsal rgyal 'di nyid kyis sngon gyi tshe rabs gzhan dag tu las byas shing bsags te/ des na 'di'i zas kyi dus su gzhong par 'bras sA lu'i chan dang / bu ram shing gi sdong bu dang / sreg pa gnyis lhung la/ de gnyis las gcig ni gzhong pa'i steng du 'bab/ cig shos ni sa la lhung bar gyur pa ni dge slong dag sngon byung ba grong khyer bA rA Na sI na khyim bdag phyug cing nor mang la longs spyod che ba zhig gnas te/ de'i mngag gzhug pa rnams kyis zhing pa'i grong nas 'bras sA lu sar pa zhig dang / sreg pa gnyis dang / bu ram shing gi sdong bu zhig khyer te 'ongs so/ / sangs rgyas rnams 'byung ba med pa na 'jig rten du rang sangs rgyas dman pa dang ngan pa la snying brtse ba can/ bas mtha'i gnas mal la dga' ba/ 'jig rten gyi yon gnas gcig pu pa dag 'byung bar 'gyur bas de nas rang sangs rgyas zhig bA rA Na sIr 'ongs nas de snga dro na bza' sham thabs bgos chos gos dang lhung bzed thogs te bsod snyoms la khyim bdag de'i khyim du zhugs pa na des de lus de mdzes pa dang / sems dang bar mthong nas des der de la thog mar lo tog sar pa 'on cig ces byas nas 'bras sA lu'i chan dang / bu ram shing gi sdong bu zhig dang / sreg pa gnyis phul ba las/ de las gcig ni lhung bzed du lhung ngo / /cig shos ni sa la'o/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus kyi khyim bdag gang yin pa de ni rgyal po gsal rgyal 'di nyid yin te/ 'dis rang sangs rgyas la 'bras sA lu'i chan dang / bu ram shing gi sdong bu dang / sreg pa gnyis phul ba de'i las kyi rnam par smin pas lo mang po dang / lo brgya phrag mang po dang / lo stong phrag mang po dang / lo brgya stong phrag mang por mi'i bde ba nyams su myong ngo / /da ltar yang 'di'i zas kyi dus su gzhong par 'bras sA lu'i chan dang / bu ram shing gi sdong bu dang / sreg pa gnyis lhung ste/ de las gcig ni gzhong pa'i steng du lhung la/ gcig shos ni sa la'o/ /ko sa la'i rgyal po gsal rgyal gyis bcom ldan 'das kyis bdag gi las kyi rgyu ba gcig lung bstan pas sngon gyi mtha'i ni las kyi rnam par smin pa'i 'bras bu ni yod do snyam du rig nas nyan thos kyi dge 'dun dang bcas pa la mngon par dad de de ltar las kyi rnam par smin pa la yid ches pa'i blo gros kyis gnas so/ /ltas mkhan rnams kyis 'phags pa kun dga' bo ni cod pan gyis bcings par 'gyur ro zhes lung bstan pas ci tsam nam nangs pa dang tshe dang ldan pa kun dga' bo'i 'phral bar phol mig byung ngo zhes ko sa la'i rgyal po gsal rgyal gyis thos nas de 'di snyam du sems te/ yon gnas rnams la bya ba byas na bsod nams kyi 'bras bu khyad par med par mi 'gyur bas ma la bdag gis 'di la rang nyid kyis bkur sti bya'o snyam nas des sman pa thams cad bkug ste/ 'phags pa kun dga' bo'i dpyad gyis shig /de'i dpyad gsal ba na bya bar brtsams pa dang / ko sa la'i rgyal po gsal rgyal gyis tshe dang ldan pa kun dga' bo la rang nyid kyis rtsibs brgya yod pa'i gdugs bzung zhing / 'phral ba'i rtsa 'debs pa na cod pan gyis bcings so/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa kun dga' bos las ci zhig bgyis na las de'i rnam par smin pas ko sa la'i rgyal po gsal rgyal gyis tshe dang ldan pa kun dga' bo la rang nyid kyis rtsibs brgya mchis pa'i gdugs bzung zhing rang nyid kyis cod pan dkar pos bcings te bsnyen bkur bgyis lags/ bcom ldan 'das kyis bka' stsal pa/ dge slong dag dge slong kun dga' bo 'di nyid kyis sngon gyi tshe rabs gzhan dag tu las byas shing bsags pa dag ni zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba bA rA Na sI na sman pa zhig gnas pa'i drung du rang sangs rgyas nad pa zhig song ba dang / des de la yo byad thams cad kyis bstabs te rang nyid kyis sman dpyad dang bkur sti byas so/ /dge slong dag ji snyam du sems/ de'i tshe de'i dus kyi sman pa gang yin pa de ni dge slong kun dga' bo 'di nyid yin te/ de na 'dis rang sangs rgyas la bya ba byas nas smon lam btab pa de'i las kyi rnam par smin pas lo brgya phrag du ma dang / lo stong phrag du mar rgyal po dang / blon po dang / bram ze dang / khyim bdag rnams kyis 'di la bsnyen bkur byas so/ /ji ltar da ltar kyang 'di la ko sa la'i rgyal po gsal rgyal gyis rtsibs brgya yod pa'i gdugs spyi bor bzung zhing rang nyid kyis bsnyen bkur byas so/ /de nas bcom ldan 'das mnyan yod na ji tsam bzhed kyi bar du bzhugs nas shing sA la can gang na ba der rgyu zhing gshegs te/ rim gyis rgyu zhing gshegs pa dang sA la can du byon nas sA la can gyi bram ze'i grong khyer na bzhugs so/ / de'i tshe 'di lta bu'i nyan thos chen po gnas brtan gnas brtan rnams bcom ldan 'das kyi nye 'khor na nye bar brten cing 'dug pa 'di lta ste/ tshe dang ldan pa kun shes kau Di n+ya dang / tshe dang ldan pa rta thul dang / bzang ldan dang / rlangs pa dang / ming chen dang / grags pa dang / gang po dang / dri ma med pa dang / ba lang bdag dang / lag bzangs dang / tshe dang ldan pa shA ri'i bu dang / tshe dang ldan pa maud gal gyi bu chen po dang / tshe dang ldan pa 'od srung chen po dang / tshe dang ldan pa gsus po che dang / tshe dang ldan pa ka pi na chen po dang / tshe dang ldan pa ma 'gags pa dang / dga' yod dang / kim pi la dang / sa la na gnas pa'i gnas brtan grags ldan dang / yul chu mig can na gnas pa'i gnas brtan gang po dang / de dag dang gzhan yang gnas brtan nyan thos chen po rnams bcom ldan 'das kyi nye 'khor na nye bar brten te gnas so// //'dul ba gzhi/ bam po dgu bcu rtsa drug pa/ de nas bcom ldan 'das kyis dge slong rnams la bka' stsal pa/ dge slong dag da ni nga rgas 'khogs gtugs te 'khor bzhi po dge slong dang / dge slong ma dang / dge bsnyen dang / dge bsnyen ma la gdams ngag dbog tu dub kyis dge slong dag nga'i rim gro la thugs la mi 'thad pa ma yin gyi thugs la 'thad pas rim gro byed cing bka' stsal pa 'dzin pa dang / rang gi don yang nyams par mi 'gyur ba'i dge slong zhig spro ba skyed cig /de nas tshe dang ldan pa kun shes kau Di n+ya stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag bcom ldan 'das la thugs la mi 'thad pa ma lags kyi/ thugs la 'thad pas rim gro bgyid cing bka' stsal pa 'dzin pa dang / rang gi don yang nyams par mi 'gyur ba lags so/ /kau Di n+ya khyod re shig rgas 'khogs gtugs pas khyod nyid la rim gro ba dgos kyis re shig kau Di n+ya khyod nyid kyi stan ji lta ba bzhin la 'dug shig /tshe dang ldan pa kun shes kau Di n+ya rang gi stan ji lta ba la 'dug go/ /de nas tshe dang ldan pa rta thul dang / bzang ldan dang / rlangs pa dang / ming chen dang / grags pa dang / gang po dang / dri ma med pa dang / ba lang bdag dang / lag bzangs dang / tshe dang ldan pa shA ri'i bu dang / tshe dang ldan pa maud gal gyi bu chen po dang / tshe dang ldan pa 'od srung chen po dang / tshe dang ldan pa gsus po che dang / tshe dang ldan pa ka pi na chen po dang / tshe dang ldan pa ma 'gags pa dang / dga' yod dang / kim pi la dang / sa la na gnas pa'i gnas brtan grags pa dang / yul chu mig can gyi gnas brtan gang po stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag ni bcom ldan 'das la thugs la mi 'thad pa ma lags kyi thugs la 'thad pas rim gro bgyid cing / bka' stsal pa 'dzin pa dang / bdag gi don yang nyams par mi 'gyur ba lags so/ /gang po khyod kyang rgas 'khogs gtugs te/ khyod nyid la rim gro pa dgos kyis re shig gang po khyod nyid kyi stan ji lta ba bzhin la 'dug shig /tshe dang ldan pa gang po rang gi stan ji lta ba la 'dug go/ /de nas tshe dang ldan pa maud gal gyi bu chen po 'di snyam du sems te/ bcom ldan 'das dge slong gang zhig rim gro par bzhed par 'gyur/ ma la bdag gis ji ltar sems mnyam par bzhag na bcom ldan 'das kyi thugs la lta bar 'gyur ba de lta bu'i ting nge 'dzin la snyoms par 'jug par bya'o snyam mo/ /de nas tshe dang ldan pa maud gal gyi bu chen pos ji ltar sems mnyam par bzhag na bcom ldan 'das kyi thugs la lta bar 'gyur ba de lta bu'i ting nge 'dzin la snyoms par zhugs te/ tshe dang ldan pa maud gal gyi bu chen pos bcom ldan 'das kyi thugs la bltas na nga'i rim gro dge slong kun dga' bos byas na thugs la mi 'thad pa ma yin gyi thugs la 'thad pa dang / bka' stsal pa 'dzin pa dang / rang gi don yang nyams par mi 'gyur ba yin no zhes bcom ldan 'das kyi thugs tshe dang ldan pa kun dga' bo la gtad pa mthong ngo / /mthong nas kyang ting nge 'dzin de las langs te tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu shes par gyis shig /bcom ldan 'das kyi thugs la bltas na dge slong kun dga' bos nga'i rim gro byas na thugs la mi 'thad pa ma yin gyi thugs la 'thad pa dang / bka' stsal pa 'dzin pa dang / rang gi don yang nyams par mi 'gyur ba yin no zhes tshe dang ldan pa kun dga' bo la gtad do/ /dper na khang pa brtsegs pa 'am/ khang pa brtsegs pa'i khyams byang phyogs su ring ba shar phyogs su skar khung btod pa/ shar phyogs su skar khung nas nyi ma'i 'od zer shar ba nub phyogs kyi rtsig pa'i ngos la 'bab pa de bzhin du nga'i rim gro dge slong kun dga' bos byas na thugs la mi 'thad pa ma yin gyi thugs la 'thad pa dang / bka' stsal pa 'dzin pa dang / rang gi don yang nyams par mi 'gyur ba yin no zhes bcom ldan 'das kyi thugs tshe dang ldan pa kun dga' bo la gtad kyis tshur bdag cag dong la spro bar bya'o/ /de nas tshe dang ldan pa shA ri'i bu dang / tshe dang ldan pa maud gal gyi bu chen po tshe dang ldan pa kun dga' bo gang na ba der song ste phyin nas/ tshe dang ldan pa kun dga' bo dang lhan cig mngon du yang dag par dga' ba dang / yang dag par mgu bar 'gyur ba'i gtam rnam pa sna tshogs byas te/ tshe dang ldan pa shA ri'i bu dang / maud gal gyi bu gnyis phyogs gcig tu 'khod do/ /phyogs gcig tu 'khod nas/ de nas tshe dang ldan pa shA ri'i bus tshe dang ldan pa kun dga' bo la 'di skad ces smras so/ /tshe dang ldan pa kun dga' bo khyod bcom ldan 'das kyi rim gro par spro 'am/ bde bar gshegs pa la bsnyen bkur bya ba ni khyod la don chen por 'gyur ro/ /tshe dang ldan pa shA ri'i bu bcom ldan 'das kyi rim gro par bdag mi spro'o/ /de ci'i phyir zhe na/ 'di ltar sangs rgyas bcom ldan 'das ni bsnyen par dka' zhing bzod par dka' ba yin no/ /'di lta ste dper na me 'bar ba'i me phrag ni bsnyen par dka' zhing bzod par dka' ba yin no/ /de bzhin du sangs rgyas bcom ldan 'das rnams kyang bsnyen par dka' zhing bzod pa dka' bas bcom ldan 'das kyi rim gro par bdag mi spro'o/ /'di lta ste dper na gcan gzan gyi rgyal po seng ge ri phug na gnas pa'i so phrag ni bsnyen par dka' zhing bzod par dka' ba yin no/ /de bzhin du sangs rgyas bcom ldan 'das rnams kyang bsnyen par dka' zhing bzod par dka' ba yin no/ /'di lta ste dper na ma tang ga'i glang po che'i rgyal po lo drug bcu lon pa dar la bab pa/ grags pa/ mche ba gshol mda' tsam yod pa/ brang gi phel ka che ba/ g.yul myong ba/ g.yul ngor son pa'i mche ba'i phrag ni bsnyen par dka' zhing bzod par dka' ba yin no/ /de bzhin du sangs rgyas bcom ldan 'das rnams kyang bsnyen par dka' zhing bzod par dka' bas tshe dang ldan pa shA ri'i bu bcom ldan 'das kyi rim gro par bdag mi spro'o/ /de nas tshe dang ldan pa maud gal gyi bu chen pos tshe dang ldan pa kun dga' bo la 'di skad ces smras so/ /tshe dang ldan pa shes par gyis shig /bcom ldan 'das ni nga'i rim gro dge slong kun dga' bos byas na thugs la mi 'thad pa ma yin gyi thugs la 'thad pa dang / bka' stsal pa 'dzin pa dang / rang gi don yang nyams par mi 'gyur ro zhes tshe dang ldan pa kun dga' bo la thugs gtad de dper na khang pa brtsegs pa 'am/ khang pa brtsegs pa'i khyams byang phyogs su ring ba shar phyogs su skar khung btod pa shar phyogs kyi skar khung nas nyi ma'i 'od zer shar ba nub phyogs kyi rtsig pa'i ngos la 'bab pa de bzhin du bcom ldan 'das ni nga'i rim gro dge slong kun dga' bos byas na thugs la mi 'thad pa ma yin gyi thugs la 'thad pa dang / bka' stsal pa 'dzin pa dang / rang gi don yang nyams par mi 'gyur ro zhes tshe dang ldan pa kun dga' bo la thugs gtad na tshe dang ldan pa kun dga' bo khyod bcom ldan 'das kyi rim gro par spro 'am/ bde bar gshegs pa la bsnyen bkur bya ba ni khyod la don chen por 'gyur ro/ /tshe dang ldan pa maud gal gyi bu bdag gis de bzhin du bgyi ste/ bcom ldan 'das kyi rim gro bgyi bar spro bar bgyid na/ gal te bcom ldan 'das kyis bdag la mchog gsum po bcom ldan 'das kyi na bza' smad g.yogs dang chos gos bdag gis mi bcang ba dang / bcom ldan 'das kyi phyir gang zag pa'i mgron du 'bod na bdag gis bdag gir mi bya ba dang / bdag bcom ldan 'das blta ba dang / bkur sti bya ba'i phyir nye bar 'gro ba la dus ma yin pa cung zad kyang med par gnang ngam/ tshe dang ldan pa maud gal gyi bu chen po gal te bcom ldan 'das kyis bdag la mchog gsum gnang ba lta na bdag de bzhin du bcom ldan 'das kyi rim gro bgyid par spro'i gzhan du na ma lags so/ /de nas tshe dang ldan pa maud gal gyi bu chen po dang / tshe dang ldan pa shA ri'i bus tshe dang ldan pa kun dga' bo bcom ldan 'das kyi rim gro par spro ba bskyed nas/ bcom ldan 'das gang na ba der dong ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'khod do/ /phyogs gcig tu 'khod nas bcom ldan 'das la tshe dang ldan pa maud gal gyi bu chen pos 'di skad ces gsol to/ /btsun pa bcom ldan 'das kyi rim gro bgyid pa'i dge slong bdag cag gis spro ba bskyed pa ni 'di lta ste/ tshe dang ldan pa kun dga' bo lags na/ de'i mchid nas 'di skad ces tshe dang ldan pa maud gal gyi bu chen po bdag gis de bzhin du bcom ldan 'das kyi rim gro bgyid par spro bar bgyi na/ gal te bcom ldan 'das kyis bdag la mchog gsum po bcom ldan 'das kyi na bza' smad g.yogs dang chos gos bdag gis mi bcang ba dang / bcom ldan 'das kyi phyir gang zag pa'i mgron du 'bod na bdag gis bdag gir mi bya ba dang / bdag bcom ldan 'das la blta ba dang bkur sti bya ba'i phyir nye bar 'gro ba dus ma yin pa cung zad kyang med pa gnang ngam/ gal te bcom ldan 'das kyis bdag la mchog gsum gnang ba lta na bdag de bzhin du bcom ldan 'das kyi rim gro bgyid par spro'o zhes mchi lags so/ /maud gal gyi bu chen po legs so legs so/ /dge slong kun dga' bo ni mkhas pa yin te/ des ma 'ongs pa na tshangs pa mtshungs par spyod pa rnams las rtsod cing rjes su rtsod pa smad pa'i gnas kyi chos 'byung la/ gzhi 'dis bdag la tshangs pa mtshungs par spyod pa rnams dge slong kun dga' bo ni chos gos kyi rgyus ston pa la bkur sti byed do zhes kha zer bar 'gyur ba mthong ste/ maud gal gyi bu 'di ni dge slong kun dga' bo'i ngo mtshar rmad du byung ba'i chos yin no/ /maud gal gyi bu legs so/ / legs so/ /dge slong kun dga' bo ni mkhas pa yin te/ des ma 'ongs pa na tshangs pa mtshungs par spyod pa rnams las rtsod cing rjes su rtsod pa'i smad pa'i gnas kyi chos 'byung la/ gzhi 'dis bdag la tshangs pa mtshungs par spyod pa rnams dge slong kun dga' bo ni kha zas kyi rgyus ston pa la bkur sti byed do zhes zer bar 'gyur ba mthong ste/ maud gal gyi bu 'di ni dge slong kun dga' bo'i ngo mtshar rmad du byung ba'i chos yin no/ /maud gal gyi bu legs so/ / legs so/ /dge slong kun dga' bo ni mkhas pa yin te/ dus shes shing dus rig pas de 'di ni bdag gis bcom ldan 'das la blta ba'i phyir 'gro ba'i dus yin/ 'di ni dus ma yin/ 'di ni dge slong gi dge 'dun dang / dge slong ma'i dge 'dun dang / dge bsnyen gyi 'khor dang / dge bsnyen ma'i 'khor gyi dus yin/ 'di ni gzhan mu stegs can dang / kun tu rgyu dag bcom ldan 'das la blta ba'i phyir 'gro ba'i dus yin/ 'di ni dus ma yin/ gzhan mu stegs can dang / kun du rgyu 'di dag ni bcom ldan 'das kyi bka' la spobs pa dang ldan par 'gyur/ 'di dag ni bka' la spobs pa dang ldan par mi 'gyur/ bza' ba dang bca' ba 'di ni bcom ldan 'das la bde ba skyed par 'gyur/ 'di ni bde ba skyed pa ma yin no zhes shes te/ maud gal gyi bu dge slong kun dga' bo ni mkhas pa yin te/ dus shes shing dus rig pas de 'di ni bdag gis bcom ldan 'das la blta ba'i phyir 'gro ba'i dus yin no/ /'di ni dus ma yin no/ /'di ni dge slong gi dge 'dun dang / dge slong ma'i dge 'dun dang / dge bsnyen gyi 'khor dang / dge bsnyen ma'i 'khor gyi dus yin no/ /'di ni gzhan mu stegs can dang / kun du rgyu dag bcom ldan 'das la blta ba'i phyir 'gro ba'i dus yin no/ /'di ni dus ma yin no/ /gzhan mu stegs can dang kun tu rgyu 'di dag ni bcom ldan 'das kyi bka' la spobs pa dang ldan par 'gyur ro/ /'di dag ni bka' la spobs dang ldan par mi 'gyur ro/ /bza' ba dang bca' ba 'di ni bcom ldan 'das la bde ba skyed par 'gyur ro/ / 'di ni bde ba skyed pa ma yin no zhes shes pa gang yin pa 'di ni maud gal gyi bu dge slong kun dga' bo'i ngo mtshar rmad du byung ba'i chos yin no/ /maud gal gyi bu legs so legs so/ /dge slong kun dga' bo ni mkhas pa yin no/ /de sems kyi rnam grangs la mkhas pa yin te/ de bzhin gshegs pa phye 'phred nang du yang dag 'jog las bzhengs pa mtshan ma 'am gsung bstan pas shes par 'gyur zhing bde ba'i gnas pa 'di dang 'dis bcom ldan 'das mang du bzhugs so/ / gnas pa 'di dang 'dis bde bar gshegs pa mang du bzhugs so zhes ston par 'dod na ji skad bstan pa de dag thams cad de bzhin du 'gyur te/ gzhan du mi 'gyur ba gang yin pa 'di ni maud gal gyi bu dge slong kun dga' bo'i rmad du byung ba'i chos yin te/ des de bzhin gshegs pa'i rim gro byas na thugs la mi 'thad pa ma yin gyi thugs la 'thad pa dang / bka' stsal pa 'dzin pa dang / rang gi don yang nyams par mi 'gyur ro/ /maud gal gyi bu de bzhin gshegs pa'i rim gro dge slong kun dga' bos byas na thugs la mi 'thad pa ma yin gyi thugs la 'thad pa dang / bka' stsal pa 'dzin pa dang / rang gi don yang nyams par mi 'gyur ba gang yin pa 'di ni dge slong kun dga' bo'i rmad du byung ba'i chos yin no/ /gang gi tshe tshe dang ldan pa shA ri'i bu dang / maud gal gyi bu gnyis kyis tshe dang ldan pa kun dga' bo bcom ldan 'das kyi rim gro bar spro ba bskyed pa na/ bcom ldan 'das kyis rjes su bsngags pa mdzad pa de'i tshe dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa kun dga' bo las ci zhig bgyis na las de'i rnam par smin pas bcom ldan 'das kyi mched du gyur cing thos pa mang ba dang / thos pa 'dzin pa dang / thos pa bsags pa'i rim gro bar gyur lags/ bcom ldan 'das kyis bka' stsal pa/ dge slong dag dge slong kun dga' bo 'di nyid kyis las byas shing bsags pa dag ni zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba grong khyer bA rA Na sI na rgyal po 'od zer zhes bya ba 'byor pa dang zhes bya ba nas/ skye bo dang / mi mang po yod pa na rgyal srid byed du 'jug ste zhes bya ba'i bar du ste/ de btsun mo dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las khye'u zhig btsas te de'i btsas ston rgya cher byas nas khye'u'i ming cir gdags zhes ming 'dogs par byed do/ /blon po rnams kyis smras pa/ 'di'i yab 'od zer lags pas de'i slad du khye'u'i ming 'od zer can du gdags so zhes de'i ming 'od zer can du btags nas/ bsrings bskyed de chen por gyur pa dang phas rgyal tshab tu dbang bskur to/ /yang de rtse bar byed/ dga' bar byed/ dga' mgur spyod par byed pa na khye'u zhig btsas nas de'i btsas ston rgya cher byas te 'od zer ldan zhes bya bar ming btags so/ /gzhon nu 'od zer can nges par 'byung ba la mngon par dga' zhing des pha chos dang chos ma yin pas rgyal srid byed du 'jug pa mthong nas des bsams pa/ bdag kyang yab 'das nas rgyal por 'gyur te bdag gis kyang chos dang chos ma yin pas rgyal srid byed du bcug nas dmyal bar gzhol bar 'gyur ro snyam nas/ de pha'i drung du song ste rkang pa gnyis la gtugs nas smras pa/ lha mkhyen par mdzad du gsol/ rab tu 'byung lags so/ /des smras pa/ bu gang gi don du mchod sbyin mchod par byed/ sbyin sreg bsreg par byed/ dka' thub kyis gdung bar byed pa'i rgyal srid de khyod kyi lag tu 'ongs na ci'i phyir rab tu 'byung zhes de bzlog kyang ma btub bo/ /rgyal pos gdon mi za bar gal gyis 'chu bar shes nas gnang ba dang / de drang srong rnams kyi nang du song ste rab tu byung ngo / rgyal pos gzhon nu 'od zer ldan rgyal tshab tu dbang bskur to/ /'od zer can drang srong rnams kyi nang du rab tu phyung ste/ mtha' gcig tu song nas mkhan po med pa dang / slob dpon med par rang byang chub mngon sum du byas so/ /de dus gzhan zhig na nad kyis thebs par gyur nas phan tshun 'khyam pa na bA rA Na sIr phyin to/ /rgyal po 'od zer gyis 'od zer can rang byang chub mngon sum du byas te de der 'ongs so zhes thos nas de de'i drung du 'ong ste rkang pa la gtugs nas smras pa/ drang srong chen po khyod ni bsod snyoms don du gnyer ba lags la/ bdag ni bsod nams 'tshal ba lags kyis bdag gi bskyed mos tshal 'di nyid du bzhugs shig dang khyod la bdag gis yo byad thams cad kyis mi brel bar bgyi'o/ /des khas blangs pa dang rgyal pos de'i rim gro bar gzhon nu 'od zer ldan byin te des de'i rim gro bya ba la zhugs pa na rang sangs rgyas kyis de zhag bdun na 'chi bar 'gyur ba'i mtshan smin pa mthong nas des de la smras pa/ nu bo ci'i phyir rab tu mi 'byung / des smras pa/ drang srong chen po rab tu 'byung ngo / /gal te de ltar gyur na song la yab la rtogs shig /de rgyal po'i drung du song nas lha mkhyen par mdzad du gsol/ bdag rab tu 'byung lags so/ /rgyal pos smras pa/ khyod kyi phu bo rab tu byung bas nga 'das na khyod kho na rgyal po yin na ci'i phyir rab tu 'byung zhes des rab tu 'byung ba ma thob bo/ /rang sangs rgyas de nyid rgyal po'i drung du song ste song nas tshigs su bcad pas smras pa/ 'od zer 'od zer ldan thong dang / /'od zer ldan pa rab tu 'byung / /'od zer rab tu byung ba legs/ /'di ltar rgyal ba rnams kyis bsngags/ /rgyal pos smras pa/ drang srong chen po khyod rab tu byung bas de ni bdag 'das na rgyal por 'gyur te 'di nyid du sbyin pa dag stsol ba dang / bsod nams dag bgyid par 'gyur na ci'i phyir rab tu 'byung / rang sangs rgyas kyis tshigs su bcad de smras pa/ 'od zer tshe ni cung zhig ste/ /re ltar thogs na zhag bdun nyid/ /don gzhan ched du bsams bsam pa/ gzhan nyid du ni yongs su 'gyur/ /drang srong chen po 'di'i tshe zhag bdun lags sam/ rang sangs rgyas kyis smras pa/ zhag bdun yin no/ /rgyal pos smras pa/ drang srong chen po gal te de lta na gnang bar bgyis rab tu phyung shig /de bdag la tshe cung zhig yod par shes nas dad pa drag pos de la bkur sti bya bar brtsams so/ /rang sangs rgyas de rlung nad can zhig pas des lhung bzed lag tu blangs nas za ba na rlung gis lag pa 'dar bar gyur to/ /de nas rgyal bu gzhon nu de gdu bu phyung nas lhung bzed kyi gzhir bzhag pa dang de la lhung bzed mi g.yo bar 'dug go/ /des de mthong nas smon lam gdab par brtsams pa/ ji ltar 'di la lhung bzed mi g.yo ba de bzhin du dge ba'i rtsa ba 'dis bdag gi rgyud la chos ci yod pa de dag mi g.yo bar gnas par gyur cig ces btab bo/ /de de la sngon yi ge dang tshig ran pa ran par chos 'chad pa yin pas des smras pa/ khyod sngon khyim par gyur pa na yi ge dang tshig ran pa ran par chos 'chad pa lags na/ da rang byang chub mngon sum du bgyis na ci'i phyir chos mi bshad/ des smras pa/ kho bo chos mi 'chad do/ /'o na su 'chad lags/ de bzhin gshegs pa dgra bcom pa yang dag par rdzogs pa'i sangs rgyas rnams gang yin pa ste/ sangs rgyas bcom ldan 'das de dag ni tshig dang yi ge ran pa ran par chos 'chad do/ /des smon lam btab pa/ sangs rgyas bcom ldan 'das tshig dang yi ge ran pa ran par chos 'chad pa gang yin pa de'i mched dang rim gro par bdag gyur cig ces btab bo/ rang sangs rgyas des rab tu phyung nas smras pa/ khyod zhag bdun 'das nas 'chi bar 'gyur ba de kho na khyod kyis yid la byos shig /des zhag bdun lon na cung zad kyang ma rtogs nas de'i 'chi ba'i tshe smon lam btab pa/ dge ba'i rtsa ba 'dis bdag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i bstan pa la rab tu byung nas thos pa mang ba dang / thos pa 'dzin pa dang / thos pa bsags par gyur cig ces btab bo/ / dge slong dag ji snyam du sems/ rgyal bu gzhon nu rang sangs rgyas kyi nu bor gyur pa gang yin pa de ni dge slong kun dga' bo 'di nyid yin te/ de na yang 'dis rang sangs rgyas phu bo shos kyi rim gro byas nas smon lam btab pa de'i las kyi rnam par smin pas bcom ldan 'das kyi mched du gyur cing / thos pa mang ba dang / thos pa 'dzin pa thos pa bsags pa'i rim gro par gyur to/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa kun dga' bos las ci zhig bgyis na las de'i rnam par smin pas bcom ldan 'das kyis thos pa mang ba/ thos pa 'dzin pa/ thos pa bsags pa rnams kyi mchog tu bstan lags/ bcom ldan 'das kyis bka' stsal pa/ dge slong dag dge slong kun dga' bo 'di nyid kyis las byas shing bsags pa dang tshogs rnyed pa ni zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba bskal pa bzang po 'di nyid la skye dgu rnams kyi tshe lo nyi khri thub pa na yang dag pa rdzogs pa'i sangs rgyas rig pa dang zhabs su ldan pa zhes bya ba nas/ sangs rgyas bcom ldan 'das 'od srung zhes bya ba 'jig rten du byung ste zhes bya ba'i bar du ste/ de grong khyer bA rA Na sIr nye bar brten nas drang srong smra ba ri dgas kyi nags na bzhugs so/ /de'i bstan pa la 'di rab tu byung na de na 'dis yon tan gyi tshogs cung zad kyang ma thob bo/ /'di rab tu 'byin pa gang yin pa de ni yang dag par rdzogs pa'i sangs rgyas bcom ldan 'das 'od srung gis thos pa mang ba/ thos pa 'dzin pa/ thos pa bsags pa rnams kyi mchog tu lung bstan pa yin pas de 'chi ba'i tshe smon lam btab pa/ bdag gis yang dag par rdzogs pa'i sangs rgyas bcom ldan 'das yon gnas bla na med pa 'od srung la tshe ji srid par tshangs par spyod pa spyad na yon tan gyi tshogs cung zad kyang ma thob kyis/ dge ba'i rtsa ba gang yin pa 'dis bdag yang dag par rdzogs pa'i sangs rgyas 'od srung gis bram ze'i khye'u bla ma zhes bya ba gang yin pa de la bram ze'i khye'u khyod skye dgu rnams kyi tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub par 'gyur ro zhes lung bstan pa de'i bstan pa la bdag rab tu byung nas nyon mongs pa thams cad spangs te dgra bcom pa mngon sum du byas nas ji ltar bdag gi mkhan po yang dag par rdzogs pa'i sangs rgyas bcom ldan 'das 'od srung gis thos pa mang ba/ thos pa 'dzin pa thos pa bsags pa rnams kyi mchog tu lung bstan pa de bzhin du bdag kyang shAkya'i rgyal po'i yang rgyal po bcom ldan 'das shAkya thub pa des thos pa mang ba/ thos pa 'dzin pa/ thos pa bsags pa rnams kyi mchog tu lung bstan par gyur cig ces btab bo/ /smon lam de'i dbang gis da ltar ngas thos pa mang ba/ thos pa 'dzin pa/ thos pa bsags pa rnams kyi mchog tu lung bstan to/ /dge slong dag de lta bas na las gcig tu gnag pa rnams kyi zhes bya ba nas/ dge slong dag khyed kyis de lta bu la bslab par bya'o zhes bya ba'i bar du'o// // sdom la/ rdzu 'phrul ston pa gsum smra dang / /gtum byed rig pa ga ya dang / gang gi phyir ni gnod pa dang / /sems can rna ba khyi yin no/ /bcom ldan 'das rgyal po'i khab 'od ma'i tshal bya ka lan da ka gnas pa na bzhugs so/ /de'i tshe mu ge'i dgon pa nyam nga ba slongs mo bas zas rnyed par dka' ba byung ngo / /de na dge slong rdzu 'phrul thob pa gang yin pa de rnams ni 'dzam bu zhes bya ba'i ming gis 'dzam bu'i gling zhes bya bar btags pa gang yin pa de las shing 'dzam bu'i snye ma kha dog dang dri dang ro phun sum tshogs pa rnams las lhung bzed bkang ste blangs nas bdag nyid longs spyod par byed cing / lhag ma yang dge slong yod pa rnams la bgod par byed do/ /gzhan yang 'di'i nye 'khor na bil ba'i tshal lam/ ka pid tha'i tshal lam/ skyur rtsi'i tshal gang yin pa de las skyur rtsi'i 'bras bu kha dog dang dri dang ro phun sum tshogs pa rnams las lhung bzed bkang ste blangs nas bdag nyid longs spyod par byed cing / lhag ma yang dge slong yod pa rnams la bgod par byed do/ /byang gi sgra mi snyan gyi gling du dong nas ma rmos ma btab pa'i 'bras sA lu'i 'bru las lhung bzed bkang ste blangs nas bdag nyid longs spyod par byed cing / lhag ma yang dge slong yod pa rnams la bged par byed do/ /rgyal chen bzhi'i ris sam/ sum bcu rtsa gsum pa'i lha rnams kyi nang du dong nas lha'i bdud rtsi las lhung bzed bkang ste blangs nas bdag nyid longs spyod par byed cing / lhag ma yang dge slong yod pa rnams la bgod par byed do/ /yul ljongs 'byor pa dang zhes bya ba nas/ skye bo dang / mi mang pos gang ba'i bar gang yin pa de nas gtsang zhing bsod pa'i bza' ba dang bca' bas lhung bzed bkang ste blangs nas bdag nyid longs spyod par byed cing / lhag ma yang dge slong yod pa rnams la bgod par byed do/ /de nas lha sbyin 'di snyam du sems te/ da ltar mu ge'i dgon pa nyam nga ba slongs mo bas zas rnyed par dka' ba byung ba la/ dge slong rdzu 'phrul thob pa gang yin pa de rnams ni 'dzam bu zhes bya ba'i ming gis 'dzam bu'i gling zhes bya bar btags pa gang yin pa de las shing 'dzam bu'i snye ma kha dog dang dri dang ro phun sum tshogs pa rnams kyis lhung bzed bkang ste blangs nas bdag nyid longs spyod par byed cing / lhag ma yang dge slong yod pa rnams la bgod par byed do/ /gzhan yang 'di'i nye 'khor na bil ba'i tshal lam/ ka pi ta'i tshal lam/ skyur rtsi'i tshal gang yin pa de las skyur rtsi'i 'bras bu kha dog dang dri dang ro phun sum tshogs pa rnams las lhung bzed bkang ste blangs nas bdag nyid longs spyod par byed cing / lhag ma yang dge slong yod pa rnams la bgod par byed do/ /byang gi sgra mi snyan gyi gling du dong nas ma rmos ma btab pa'i 'bras sA lu'i 'bru las lhung bzed bkang ste blangs nas bdag nyid longs spyod par byed cing / lhag ma yang dge slong yod pa rnams la bgod par byed do/ /rgyal chen bzhi'i ris sam/ sum bcu rtsa gsum pa'i lha rnams kyi nang du dong nas lha'i bdud rtsi las lhung bzed bkang ste blangs nas bdag nyid longs spyod par byed cing / lhag ma yang dge slong yod pa rnams la bgod par byed do zhes bya ba nas yul ljongs 'byor pa dang zhes bya ba nas/ skye bo dang / mi mang pos gang ba'i bar gang yin pa de nas gtsang zhing bsod pa'i bza' ba dang bca' bas lhung bzed bkang ste blangs nas bdag nyid longs spyod par byed cing / lhag ma yang dge slong yod pa rnams la bgod par byed kyis/ gal te bdag gis kyang rdzu 'phrul zhig thob na bdag gis kyang 'dzam bu zhes bya ba'i ming gis 'dzam bu'i gling zhes bya bar btags pa gang yin pa las shing 'dzam bu'i snye ma kha dog dang dri dang ro phun sum tshogs pa rnams las lhung bzed bkang ste blangs nas bdag nyid longs spyod cing / lhag ma yang dge slong yod pa rnams la bgo bar bya'o/ /gzhan yang 'di'i nye 'khor na bil ba'i tshal lam/ ka pi tha'i tshal lam/ skyur rtsi'i 'bras bu kha dog dang dri dang ro phun sum tshogs pa rnams las lhung bzed bkang ste blangs nas bdag nyid longs spyod cing lhag ma yang dge slong yod pa rnams la bgo bar bya'o/ /byang gi sgra mi snyan gyi gling du song la ma rmos ma btab pa'i 'bras sA lu'i 'bru las lhung bzed bkang ste blangs nas bdag nyid longs spyod cing / lhag ma yang dge slong yod pa rnams la bgo bar bya'o/ /rgyal chen bzhi'i ris sam/ sum bcu rtsa gsum gyi lha rnams kyi nang du song la lha'i bdud rtsi las lhung bzed bkang ste blangs nas bdag nyid longs spyod cing / lhag ma yang dge slong yod pa rnams la bgo bar bya'o/ / yul ljongs 'byor pa dang zhes bya ba nas/ skye bo dang mi mang pos gang ba'i bar gang yin pa de nas gtsang zhing bsod pa'i bza' ba dang bca' bas lhung bzed bkang ste blangs nas bdag nyid longs spyod cing / lhag ma yang dge slong rnams la bgo bar bya na/ su zhig gis bdag la rdzu 'phrul gyi lam lung 'bog par nus snyam mo/ /de nas lha sbyin bcom ldan 'das gang na ba der song ste phyin nas bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs cig tu 'dug nas bcom ldan 'das la lha sbyin gyis 'di skad ces gsol to/ /bcom ldan 'das bdag la rdzu 'phrul gyi lam gyi lung dbog tu gsol/ de nas bcom ldan 'das kyis lha sbyin sdig pa'i 'dod pa de lta bu skyes par gyur pa thugs su chud nas lha sbyin la 'di skad ces bka' stsal to/ /gau ta ma khyod lhag pa'i tshul khrims la tshul bzhin yid la byos shig dang / khyod rdzu 'phrul dang gzhan dag dang yang ldan par 'gyur ro/ /gau ta ma khyod lhag pa'i sems la tshul bzhin yid la byos shig dang khyod rdzu 'phrul dang gzhan dag dang yang ldan par 'gyur ro/ /gau ta ma khyod lhag pa'i shes rab la tshul bzhin yid la byos shig dang khyod rdzu 'phrul dang gzhan dag dang yang ldan par 'gyur ro/ /de nas lha sbyin 'di snyam du sems te/ bcom ldan 'das kyis bdag la rdzu 'phrul gyi lam gyi lung ma phog go snyam du bsams nas chas te tshe dang ldan pa kun shes kau Di n+ya gang na ba der song ste phyin nas tshe dang ldan pa kun shes kau Di n+ya la 'di skad ces smras so/ /gnas brtan bdag la rdzu 'phrul gyi lam gyi lung dbog tu gsol/ de nas tshe dang ldan pa kun shes kau Di n+yas bcom ldan 'das kyi thugs dang lha sbyin gyi la bltas na sdig pa 'dod pa de lta bu skyes par shes nas lha sbyin la 'di skad ces smras so/ /lha sbyin khyod gzugs la tshul bzhin yid la byos shig dang khyod rdzu 'phrul dang gzhan dag dang yang ldan par 'gyur ro/ /de nas lha sbyin 'di snyam du sems te/ gnas brtan kun shes kau Di n+yas kyang bdag la rdzu 'phrul gyi lam gyi lung ma phog go snyam du bsams nas/ tshe dang ldan pa rta thul dang / bzang ldan dang / rlangs pa dang / ming chen dang / grags pa dang / gang po dang / dri ma med pa dang / ba lang bdag dang / lag bzangs dang / gnas brtan lnga brgya gang na ba der song ste phyin nas gnas brtan lnga brgya la 'di skad ces smras so/ /gnas brtan bdag la rdzu 'phrul gyi lam gyi lung dbog tu gsol/ /de nas gnas brtan lnga brgya pos bcom ldan 'das kyi thugs dang / dge slong gnas brtan gnas brtan rnams dang lha sbyin gyi la bltas na sdig pa'i 'dod pa de lta bu skyes par shes nas lha sbyin la 'di skad ces smras so/ /lha sbyin khyod gzugs la tshul bzhin yid la byos shig dang khyod rdzu 'phrul dang gzhan dag dang yang ldan par 'gyur ro/ /lha sbyin khyod tshor ba dang / 'du shes dang / 'du byed dang / rnam par shes pa la tshul bzhin yid la byos shig dang khyod rdzu 'phrul dang gzhan dag dang yang ldan par 'gyur ro/ /de nas lha sbyin 'di snyam du sems te/ gnas brtan lnga brgyas kyang bdag la rdzu 'phrul gyi lam gyi lung ma phog na/ ci tshe dang ldan pa 'di dag dang bcom ldan 'das dang lhan cig snga nyid nas bgros sam/ 'di ltar bdag la sus kyang rdzu 'phrul gyi lam gyi lung ma phog go snyam du sems te/ su zhig bdag la rdzu 'phrul gyi lam gyi lung dbog par nus snyam mo/ /de'i tshe tshe dang ldan pa 'od srung stobs bcu ldan rgyal po'i khab kyi sde can gyi phug na 'dug go/ /de nas lha sbyin 'di snyam du sems te/ gnas brtan 'od srung stobs bcu ldan 'di ni yun ring po nas g.yo med pa/ sgyu can ma yin pa/ drang por byed pa/ drang po'i rang bzhin can yin la/ bdag gi nye mtshams kyi phu bo kun dga' bo'i yang mkhan po yin pas gnas brtan 'od srung stobs bcu ldan gyis bdag la rdzu 'phrul gyi lam gyi lung dbog par nus so snyam du bsams nas/ tshe dang ldan pa 'od srung stobs bcu ldan gang na ba der song ste phyin nas tshe dang ldan pa 'od srung stobs bcu ldan gyi rkang pa gnyis la mgo bos phyag byas te phyogs gcig tu 'dug go/ /phyogs gcig tu 'dug nas lha sbyin gyis tshe dang ldan pa 'od srung stobs bcu ldan la 'di skad ces smras so/ /gnas brtan bdag la rdzu 'phrul gyi lam gyi lung dbog tu gsol/ de nas tshe dang ldan pa 'od srung stobs bcu ldan gyis bcom ldan 'das kyi thugs dang / dge slong gnas brtan gnas brtan dang / lha sbyin gyi la bltas na sdig pa'i 'dod pa de lta bu skyes par gyur par ma rig nas lha sbyin la rdzu 'phrul gyi lam gyi lung phog go/ /de nas lha sbyin gyis nam gyi cha stod dang / nam gyi cha smad la mi nyal bar brtson pa dang ldan pa'i gnas pas bsam gtan dang po la brten te rdzu 'phrul mngon par bsgrubs nas/ de gcig tu gyur cing mang por 'gyur ba dang / mang por gyur cing gcig tu 'gyur ba dang / snang bar gyur cing mi snang bar 'gyur ba shes pa mthong bas nyams su myong bar byed do/ /rtsig pa la yang thad kar 'gro/ ri la yang thad kar 'gro/ ra ba la yang lus kyis mi thogs par thad kar 'gro'o/ /'di lta ste/ nam mkha' dang sa la yang steng du 'byung ba dang byi 'u zul byed de dper na chu la bya ba bzhin no/ /chu la yang mi nub par rgyun phyogs su 'gro ste/ dper na sa la bya ba bzhin no/ /skyil mo dkrung gis nam mkha' la 'gro bar byed de/ dper na 'dab chags bya bzhin no/ /zla ba dang nyi ma 'di gnyis 'di ltar rdzu 'phrul che ba/ 'di ltar mthu che ba la yang lag pas nyug cing kun du nyug par byed do/ /de nas lha sbyin 'di snyam du sems te/ ci bdag gis 'dzam bu zhes bya ba'i ming gis 'dzam bu'i gling zhes bya bar btags pa gang yin pa de las 'dzam bu'i snye ma kha dog dang dri dang ro phun sum tshogs pa rnams las lhung bzed bkang ste blangs nas bdag nyid longs spyod cing / / lhag ma yang dge slong yod pa rnams la bgo bar bya 'am/ gzhan yang 'di'i nye 'khor na bil ba'i tshal lam/ ka pid tha'i tshal lam/ skyur rtsi'i tshal gang yin pa de las skyur rtsi'i 'bras bu kha dog dang dri dang ro phun sum tshogs pa rnams las lhung bzed bkang ste blangs nas bdag nyid longs spyod cing / lhag ma yang dge slong yod pa rnams la bgo bar bya 'am/ byang gi sgra mi snyan gyi gling du song la ma rmos ma btab pa'i 'bras sA lu'i 'bru las lhung bzed bkang ste blangs nas zhes bya ba'i bar gong ma bzhin du 'o/ /rgyal chen bzhi'i ris sam/ sum bcu rtsa gsum pa'i lha rnams kyi nang du song la/ lha'i bdud rtsi las lhung bzed bkang ste blangs nas bdag nyid longs spyod cing / lhag ma yang dge slong yod pa rnams la bgo bar bya 'am/ yul ljongs 'byor pa dang zhes bya ba nas skye bo dang / mi mang pos gang ba'i bar de nas gtsang zhing bsod pa'i bza' ba dang bca' ba lhung bzed bkang ste blangs nas bdag gis longs spyod cing / lhag ma yang dge slong yod pa rnams la bgo bar bya 'am snyam mo/ /de nas yang lha sbyin 'di snyam du sems te/ bdag gis yul ma ga d+ha'i mi gtso bo gang zhig dbang du byas na de dbang du gyur pas skye bo'i tshogs chen po tshegs chung ngus bdag gi dbang du 'gyur snyam pa dang / de nas lha sbyin 'di snyam du sems te/ gzhon nu ma skyes dgra 'di pha shi nas pha'i rgyal srid kyi dbang phyug la bzhag par 'gyur gyis/ ma la bdag gis gzhon nu ma skyes dgra dbang du 'gyur bar bya ste/ de dbang du gyur na skye bo'i tshogs chen po tshegs chung ngus bdag gi dbang du 'gyur ro snyam mo/ /de nas lha sbyin gyis glang po cang shes bzang po dang / rta cang shes bzang po dang / dge slong skra bregs shing snam sbyar bgos pa dar la bab pa dag tu bsgyur nas gzhon nu ma skyes dgra'i sgo nas zhugs shing sge'u chung du 'byung ba dang / sge'u chung nas zhugs shing sgor 'byung bar byed do/ /res 'ga' gzhon nu gser gyi 'og pag gis bcings par bsgyur nas gzhon nu ma skyes dgra'i pang na 'gre ldog par byed do/ /ma skyes dgra yang gzhon nu de la 'dzin cing kha sprad de 'khyud par byed do/ /res 'ga' ni khar mchil ma'i thal ba blugs na de yang lha sbyin mid par byed do/ / 'di lta ste rnyed pa dang bkur stis zil gyis non pas sems gtugs pa'i phyir ro/ /de na gzhon nu ma skyes dgra lhag par yang sdig pa can gyi lta bar song ba thob ste/ kye ma ston pa bas ni 'phags pa lha sbyin ches mthu che 'o zhes dad par gyur to/ /de la dad par gyur nas lhag par bya ba byed de/ /shing rta lnga brgya tsam dang lhan cig snga dro dang phyi dro rim gro byed du 'gro'o/ /de la g.yos kyi sna rdze'u lnga brgya tsam yang bkad sa dang bkad sa dag tu stobs par byed do/ /lha sbyin yang dge slong lnga brgya tsam dang lhan cig bkad sa'i gung la 'dug par byed do/ /de nas dge slong rab tu mang po snga dro sham thabs bgos ltung bzed dang chos gos blangs te rgyal po'i khab tu bsod snyoms la zhugs so/ /dge slong rab tu mang po rgyal po'i khab tu bsod snyoms spyod pas lha sbyin la rnyed pa dang bkur sti 'di lta bu dag byung bar gyur te/ ma ga d+ha'i rgyal po lus 'phags ma'i bu ma skyes dgras shing rta lnga brgya tsam dang lhan cig snga dro dang phyi dro rim gro byed du 'gro zhing / de la g.yos kyi sna rdze'u lnga brgya tsam yang bkad sa dang bkad sa dag tu stobs par byed do/ /lha sbyin yang dge slong lnga brgya tsam dang lhan cig bkad sa'i gung la 'dug par byed do zhes thos so/ /thos nas kyang rgyal po'i khab tu bsod snyoms spyad de/ zas kyi bya ba byas shing zas phyi ma'i bsod snyoms spangs nas chos gos dang lhung bzed mkhos su phab ste rkang pa bkrus nas bcom ldan 'das gang na ba der dong ste lhags nas/ bcom ldan 'das kyi zhabs gnyis la mgo bos phyag byas te phyogs gcig tu 'khod do/ /phyogs gcig tu 'khod nas bcom ldan 'das la dge slong rab tu mang pos 'di skad ces gsol to/ /btsun pa 'dir bdag cag dge slong rab tu mang po snga dro sham thabs 'tshal lhung bzed dang chos gos blangs te rgyal po'i khab tu bsod snyoms la zhugs nas btsun pa bdag cag dge slong rab tu mang po rgyal po'i khab tu bsod snyoms spyad pa na/ lha sbyin la rnyed pa dang bkur sti 'di lta bu dag byung bar gyur te/ ma ga d+ha'i rgyal po lus 'phags ma'i bu ma skyes dgras shing rta lnga brgya tsam dang lhan cig snga dro dang phyi dro rim gro bgyid du mchi zhing / de la g.yos kyi sna rdze'u lnga brgya tsam yang bkad sa dang bkad sa dag tu stobs par bgyid do/ /lha sbyin yang dge slong lnga brgya tsam dang lhan cig bkad sa'i gung la mchis par bgyid do zhes thos lags so/ /dge slong dag khyed lha sbyin kyi rnyed pa dang bkur sti la dga' bar ma byed cig /de ci'i phyir zhe na/ lha sbyin gyi rnyed pa dang bkur sti ni gsod pa yin no/ / lha sbyin gyi rnyed pa dang bkur sti ni smad pa yin no/ /dge slong dag dper na chu shing gi 'bras bu phyung nas brnyis par 'gyur zhing / chu shing ni 'bras bu phyung nas skams par 'gyur ba de bzhin du lha sbyin gyi rnyed pa dang bkur sti ni gsod pa yin no/ /lha sbyin gyi rnyed pa dang bkur sti ni smad pa yin no/ /dper na sba dang smyug ma ni 'bras bu phyung nas bskams par 'gyur zhing / sba dang smyug ma ni 'bras bu phyung nas dung yag tu 'gyur ba de bzhin du lha sbyin gyi rnyed pa dang bkur sti ni gsod pa yin no/ /lha sbyin gyi rnyed pa dang bkur sti ni smad pa yin no/ /dper na dre'u mo mngal du bzung nas 'chi bar 'gyur zhing / dre'u mo ni mngal du bzung nas ma rung bar 'gyur ba de bzhin du lha sbyin gyi rnyed pa dang bkur sti ni gsod pa yin no/ /lha sbyin gyi rnyed pa dang bkur sti ni smad pa yin no/ /dge slong dag lha sbyin gyi rnyed pa dang bkur sti de lta bu ji snyed byung ba de dag ni skyes bu gti mug can de la yun ring por gnod pa dang / phan pa ma yin pa dang / sdug bsngal bar 'gyur ro/ /dge slong dag de lta bas na 'di ltar bslab par bya ste/ rnyed pa dang bkur sti gang yin pa zil gyis mnan par bya'i rnyed pa dang bkur sti byung ba la sems gtugs te gnas par mi bya ste/ dge slong dag khyed kyis de lta bu la bslab par bya'o/ /chu shing 'bras bu smyug 'bras dang / /sba ni 'bras bus skems pa dang / /rang gi bu yis dre'u mo ltar/ /skyes bu tha shal bkur stis 'joms/ /ji srid byis pa mngon byed pa/ /de srid du ni phung bar 'gyur/ /byis pa'i dkar ba'i cha 'joms pa/ /rtse mo las kyang ltung bar 'gyur/ /de nas lha sbyin rnyed pa dang bkur stis zil gyis non pa sems yongs su gtugs pa la sdig pa'i 'dod pa 'di lta bu skyes par gyur te/ da ni bcom ldan 'das bgres 'khogs gtugs te 'khor bzhi la gdams ngag dbog tu mnyel bar gyur gyis/ e ma'o bcom ldan 'das kyis dge slong gi dge 'dun bdag la spangs te bdag gis dge slong gi dge 'dun yongs su drang zhing / bcom ldan 'das ni thugs las chung ngur mthong ba'i chos la bde bar gnas pa'i rnal 'byor gyi rjes su brtson pas bzhugs kyang ci ma rung snyam du sems bskyed ma thag tu lha sbyin rdzu 'phrul de las yongs su nyams kyang bdag yongs su nyams so zhes mi shes so/ /de'i tshe bcom ldan 'das kyi nyan thos skrod nga'i bu dge slong nog can zhes bya bas bcom ldan 'das kyi spyan sngar tshangs par spyod pa spyad de/ tshangs pa'i gnas pa bzhi bsgoms nas 'dod pa rnams la 'dod pa'i 'dun pa spang ba'i phyir de la mang du gnas pas tshangs pa'i 'jig rten dang skal ba mnyam par skyes so/ /de'i tshe tshe dang ldan pa maud gal gyi bu chen po ngan spong gi chu srin byis pa gsod kyi ri la 'jigs byed kyi tshal gyi ri dgas kyi nags na 'dug go/ /de nas tshangs pa nog can gyis lha sbyin rdzu 'phrul de las nyams par shes nas/ dper na skyes bu stobs dang ldan pa'i lag pa bskum pa las brkyang ba 'am brkyang ba las bskum pa tsam gyis tshangs pa nog can tshangs pa'i 'jig rten nas mi snang bar byas te ngan spong du 'ongs nas tshe dang ldan pa maud gal gyi bu chen po'i mdun du 'dug go/ /de nas tshangs pa nog can gyis tshe dang ldan pa maud gal gyi bu chen po la 'di skad ces smras so/ /tshe dang ldan pa maud gal gyi bu chen po shes par gyis shig /lha sbyin rnyed pa dang bkur stis zil gyis non pa sems gtugs pa la sdig pa'i 'dod pa 'di lta bu skyes te/ da ni bcom ldan 'das bgres 'khogs gtugs te 'khor bzhi la gdams ngag dbog tu mnyel bar gyur gyis/ e ma'o bcom ldan 'das kyis dge slong gi dge 'dun bdag la spangs te/ bdag gis dge slong gi dge 'dun yongs su drang zhing / bcom ldan 'das ni thugs las chung ngur gnas shing mthong ba'i chos la bde bar gnas pa'i rnal 'byor gyi rjes su brtson pas bzhugs kyang ci ma rung snyam du sems bskyed ma thag tu rdzu 'phrul de las slar yongs su nyams te/ yongs su nyams kyang bdag ni slar yongs su nyams so zhes ma shes kyis/ btsun pa maud gal gyi bu snying brtse ba nye bar bzung ste bcom ldan 'das gang na ba der song ste phyin nas don 'di rgyas par gsol na legs so/ /tshe dang ldan pa maud gal gyi bu chen pos tshangs pa nog can la cang mi smra bas khas blangs so/ /de nas tshangs pa nog can gyis tshe dang ldan pa maud gal gyi bu chen po cang mi smra bas khas blangs par rig nas tshe dang ldan pa maud gal gyi bu chen po'i rkang pa gnyis la mgo bos phyag 'tshal te de nyid du mi snang bar gyur to/ /de nas tshe dang ldan pa maud gal gyi bu chen pos tshe dang ldan pa tshangs pa nog can song nas ring po ma lon par shes nas ji ltar sems mnyam par bzhag na ngan spong nas mi snang bar gyur te/ rgyal po'i khab 'od ma'i tshal bya ka lan da ka gnas par phyin pa de lta bu'i ting nge 'dzin la snyoms par zhugs so/ /de nas tshe dang ldan pa maud gal gyi bu chen po bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas nas phyogs gcig tu 'dug go/ /phyogs gcig tu 'dug nas tshe dang ldan pa maud gal gyi bu chen pos tshangs pa nog can dang lhan cig bar skabs kyi gtam ji snyed glengs pa de dag thams cad rgyas par gsol te/ /de skad ces gsol pa dang / bcom ldan 'das kyis tshe dang ldan pa maud gal gyi bu chen po la 'di skad ces bka' stsal to/ /maud gal gyi bu snga mo zhig tu lha sbyin sems la bkram nas rig par ma byas sam ci na da gzod tshangs pa nog can gyis sbran/ btsun pa mad lags so/ /bcom ldan 'das dang tshe dang ldan pa maud gal gyi bu thabs gcig tu bar skabs kyi gtam 'di gleng bar mdzad pa na/ de nas lha sbyin grogs dge slong bzhi po ko ka li ka dang / khan da drang bya dang / ka ta mo ra ka ti sh+ya dang / rgya mtshos byin dang lhan cig bcom ldan 'das gang na ba der dong ba dang / bcom ldan 'das kyis lha sbyin rgyang ring po kho na nas gzigs so/ /gzigs nas kyang tshe dang ldan pa maud gal gyi bu chen po la bka' stsal pa/ maud gal gyi bu lha sbyin 'o ni da ltar 'ong gis tshig srungs shig dang / de'u re skyes bu gti mug 'o ni bdag nyid kyis bdag nyid lung bstan to/ /de nas tshe dang ldan pa maud gal gyi bu chen pos bcom ldan 'das kyi zhabs gnyis la mgo bos phyag byas nas ji ltar sems mnyam par bzhag na 'od ma'i tshal nas mi snang bar gyur te/ ngan spong gi chu srin byis pa gsod kyi ri la 'jigs byed kyi tshal gyi ri dgas kyi nags su phyin pa de lta bu'i ting nge 'dzin la snyoms par zhugs so/ /de nas lha sbyin bcom ldan 'das gang na ba der song ste phyin nas bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas/ bcom ldan 'das la lha sbyin gyis 'di skad ces gsol to/ /da ni bcom ldan 'das bgres 'khogs gtugs te 'khor bzhi la gdams ngag dbog tu mnyel bar gyur gyis/ e ma 'o bcom ldan 'das kyis dge slong gi dge 'dun bdag la spongs shig dang / bdag gis dge slong gi dge 'dun yongs su drang gis/ bcom ldan 'das ni thugs las chung ngur bde bar gnas pa'i rnal 'byor gyi rjes su brtson pas bzhugs su gsol/ skyes bu gti mug re shig shA ri'i bu dang / maud gal gyi bu tshangs pa mtshungs par spyod pa de dag la yang ngas dge slong gi dge 'dun mi spongs na/ ro dang 'dra ba mchil ma 'thung ba khyod la lta ga la spong / de nas lha sbyin 'di snyam du sems te/ bcom ldan 'das kyis shA ri'i bu dang maud gal gyi bu la ni bsngags pa gsungs la bdag la ni ro dang 'dra ba mchil ma 'thung ba'o zhes smad pa gsungs so snyam mo/ /de nas bcom ldan 'das la lha sbyin 'khrugs pa dang / zhe sdang dang / nga rgyal dang / 'chab pa dang / bgrongs pa dang / mi bzod pa dang / ma dad pa bstan to/ /de nas lha sbyin gyis mjal to zhes byas nas mgo lan gsum lcogs te/ bcom ldan 'das kyi spyan snga nas song ngo // //'dul ba gzhi/ bam po dgu bcu rtsa bdun pa/ de'i tshe tshe dang ldan pa kun dga' bo bsil yab thogs te bcom ldan 'das kyi snam logs na bcom ldan 'das la g.yob cing 'dug go/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la 'od ma'i tshal bya ka lan da ka gnas pa na dge slong ji snyed nye bar brten te gnas pa de dag thams cad rim gro'i gnas su sdus shig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas 'od ma'i tshal bya ka lan da ka gnas pa na dge slong ji snyed nye bar brten te gnas pa de dag thams cad rim gro'i gnas su bsogs nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ / phyogs gcig tu 'dug nas bcom ldan 'das la tshe dang ldan pa kun dga' bos 'di skad ces gsol to/ /btsun pa 'od ma'i tshal bya ka lan da ka gnas pa na dge slong ji snyed nye bar brten te mchis pa de dag thams cad rim gro'i gnas su bsogs lags te/ bcom ldan 'das da ni de'i dus la bab par dgongs su gsol/ de nas bcom ldan 'das rim gro'i gnas gang na ba der gshegs te byon nas/ dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag ston pa lnga po 'di dag 'jig rten na yod cing mngon te/ lnga gang zhe na/ 'di na ston pa gcig ni tshul khrims yongs su ma dag pa yin bzhin du bdag gi tshul khrims yongs su dag ste nyon mongs pa can ma yin no zhes khas 'che ba ste/ de nyan thos rnams dang lhan cig gnas pa'i rgyus so sor shes nas ston pa shes ldan 'di ni tshul khrims yongs su ma dag pa yin bzhin du bdag gi tshul khrims yongs su dag ste nyon mongs pa can ma yin no zhes khas 'che ba yin te/ gal te bdag cag gis gzhan la de skad smras na/ des na 'di'i yid la mi 'bab par 'gyur bas ston pa de la yid du mi 'ong bar 'gyur ba gang yin pa de bdag cag gis glengs te ci rung / ston pa shes ldan 'di rang nyid shes par 'gyur grang / 'di bdag cag la 'di lta ste/ chos gos dang / bsod snyoms dang / gnas mal dang / nad gsos kyi rkyen sman gyi yo byad rnams kyis sems so snyam ste/ de nyan thos rnams kyis tshul khrims las rjes su srung bar sems so/ /ston pa de lta bu ni nyan thos rnams kyis tshul khrims kyi sgo nas rjes su srung bar re ba yin te/ 'di ni 'jig rten na ston pa yod cing mngon pa dang po yin no/ /gzhan yang 'di na ston pa gcig ni 'tsho ba yongs su ma dag pa yin bzhin du bdag gi 'tsho ba yongs su dag ste nyon mongs pa can ma yin no zhes khas 'che ba ste/ de nyan thos rnams dang lhan cig gnas pa'i rgyus so sor shes te/ ston pa shes ldan 'di ni 'tsho ba yongs su ma dag pa yin bzhin du bdag gi 'tsho ba yongs su dag ste/ nyon mongs pa can ma yin no zhes khas 'che ba yin te/ gal te bdag cag gis gzhan la de skad smras na/ des na 'di'i yid la mi 'bab par 'gyur bas ston pa de la yid du mi 'ong bar 'gyur ba gang yin pa de bdag cag gis glengs te ci rung / ston pa shes ldan 'di rang nyid shes par 'gyur grang / 'di bdag cag la 'di lta ste/ chos gos dang / bsod snyoms dang / gnas mal dang / nad gsos kyi rkyen sman gyi yo byad rnams kyis sems so snyam ste/ de nyan thos rnams kyis 'tsho ba'i sgo nas rjes su srung bar sems so/ /ston pa de lta bu ni nyan thos rnams kyis 'tsho ba'i sgo nas rjes su srung bar re ba yin te/ 'di ni 'jig rten na yod cing mngon pa'i ston pa gnyis pa yin no/ /gzhan yang 'di na ston pa gcig ni shes pa mthong ba yongs su ma dag pa yin bzhin du bdag gi shes pa mthong ba yongs su dag ste/ nyon mongs pa can ma yin no zhes khas 'che ba ste/ de nyan thos rnams dang lhan cig gnas pa'i rgyus so sor shes nas ston pa shes ldan 'di'i shes pa mthong ba yongs su ma dag pa yin bzhin du bdag gi shes pa mthong ba yongs su dag ste/ nyon mongs pa can ma yin no zhes khas 'che ba yin te/ gal te bdag cag gis gzhan la de skad smras na/ des na 'di'i yid la mi 'bab par 'gyur bas ston pa de la yid du mi 'ong bar 'gyur ba gang yin pa de bdag cag gis glengs te ci rung / ston pa shes ldan 'di rang nyid shes par 'gyur grang / 'di bdag cag la 'di lta ste/ chos gos dang / bsod snyoms dang / gnas mal dang / nad gsos kyi rkyen sman gyi yo byad rnams kyis sems so snyam ste/ de nyan thos rnams kyis shes pa mthong ba'i sgo nas rjes su srung bar sems so/ /ston pa de lta bu ni nyan thos rnams kyis shes pa mthong ba'i sgo nas rjes su srung bar re ba yin te/ 'di ni 'jig rten na yod cing mngon pa'i ston pa gsum pa yin no/ /gzhan yang 'di na ston pa gcig ni lung ston pa phun sum tshogs pa ma yin bzhin du bdag gis lung ston pa ni phun sum tshogs pa yin te nyon mongs pa can ma yin no zhes khas 'che ba ste/ de nyan thos rnams dang lhan cig gnas pa'i rgyus so sor shes nas ston pa shes ldan 'di ni lung ston pa phun sum tshogs pa ma yin bzhin du bdag gi lung ston pa ni phun sum tshogs pa yin te/ nyon mongs pa can ma yin no zhes khas 'che ba yin te/ gal te bdag cag gis gzhan la de skad ces smras na/ des na 'di'i yid la mi 'bab par 'gyur bas ston pa de la yid du mi 'ong bar 'gyur ba de bdag cag gis glengs te ci rung ston pa shes ldan 'di rang nyid shes par 'gyur grang / 'di bdag cag la 'di lta ste/ chos gos dang / bsod snyoms dang / gnas mal dang / nad gsos kyi rkyen sman dang / yo byad rnams kyis sems so snyam ste/ de nyan thos rnams kyis lung ston pa phun sum tshogs pa'i sgo nas rjes su srung bar sems so/ /ston pa de lta bu ni nyan thos rnams kyis lung ston pa phun sum tshogs pa'i sgo nas rjes su srung bar re ba yin te/ 'di ni 'jig rten na yod cing mngon pa'i ston pa bzhi pa yin na/ gzhan yang 'di na ston pa gcig ni chos 'dul ba nyes par 'chad bzhin du bdag gi chos 'dul ba ni legs par bshad pa yin te nyon mongs pa can ma yin no zhes khas 'che ba ste/ de nyan thos rnams dang lhan cig gnas pa'i rgyus so sor shes nas ston pa shes ldan 'di ni chos 'dul ba nyes par 'chad bzhin du bdag gi chos 'dul ba ni legs par bshad pa ste/ nyon mongs pa can ma yin no zhes khas 'che ba yin te/ gal te bdag cag gis gzhan la de skad smras na/ des na 'di'i yid la mi 'bab par 'gyur bas ston pa de la yid du mi 'ong bar 'gyur ba gang yin pa de bdag cag gis glengs te ci rung / ston pa shes ldan 'di rang nyid shes par 'gyur grang 'di bdag cag la 'di lta ste chos gos dang / bsod snyoms dang / gnas mal dang / nad gsos kyi rkyen sman dang / yo byad rnams kyis sems so snyam ste/ de nyan thos rnams kyis chos 'dul ba legs par bshad pa'i sgo nas rjes su srung bar sems so/ /ston pa de lta bu ni nyan thos rnams kyis chos 'dul ba legs par bshad pa'i sgo nas rjes su srung bar re ba yin te/ 'di ni 'jig rten na yod cing mngon pa'i ston pa lnga pa yin no/ /dge slong dag nga ni tshul khrims yongs su dag pa kho na yin pas nga tshul khrims yongs su dag pa ste nyon mongs can ma yin no zhes zhal gyis 'che ste/ nyan thos rnams kyis nga la tshul khrims kyi sgo nas rjes su srung bar bsam yang mi dgos la nga yang nyan thos rnams kyis tshul khrims kyi sgo nas rjes su srung bar 'dod pa mi mnga'o/ /dge slong dag nga ni 'tsho ba yongs su dag pa kho na yin pas nga'i 'tsho ba yongs su dag ste nyon mongs pa can ma yin no zhes zhal gyis 'che ste/ nyan thos rnams kyis nga la 'tsho ba'i sgo nas rjes su srung bar bsam yang mi dgos la/ nga la yang nyan thos rnams kyis 'tsho ba'i sgo nas rjes su srung bar 'dod pa mi mnga'o/ /dge slong dag nga ni ye shes gzigs pa yongs su dag pa kho na yin pas nga ye shes gzigs pa yongs su dag ste nyon mongs pa can ma yin no zhes zhal gyis 'che ste/ nyan thos rnams kyis nga la ye shes gzigs pa'i sgo nas rjes su srung bar bsam yang mi dgos la nga yang nyan thos rnams kyis ye shes gzigs pa'i sgo nas rjes su srung bar 'dod pa mi mnga'o/ /dge slong dag nga ni lung ston pa dang ldan pa kho na yin pas nga'i lung ston pa phun sum tshogs te nyon mongs pa can ma yin no zhes zhal gyis 'che ste/ nyan thos rnams kyis nga la lung ston pa phun sum tshogs pa'i sgo nas rjes su bsrung bar bsam yang mi dgos la/ nga yang nyan thos rnams kyis lung ston pa dang ldan pa rjes su srung bar 'dod pa mi mnga'o/ /dge slong dag nga'i chos 'dul ba ni legs par gsungs pa kho na yin pas nga'i chos 'dul ba legs par gsungs pa ste/ nyon mongs pa can ma yin no zhes zhal gyis 'che ste/ nyan thos rnams kyis nga la chos 'dul ba ni legs par gsungs pa'i sgo nas rjes su bsrung bar bsam mi dgos la/ nga yang nyan thos rnams kyis chos 'dul ba legs par gsungs pa'i sgo nas rjes su srung bar 'dod pa mi mnga'o/ /dge slong dag nga ni khyed la tshar bcad cing tshar bcad cing / thag bcug cing thag bcug cing rab tu smra'i khyed la ngo ni mi byed de/ rdza mkhan gyis rdza ma tshos pa rnams la bya ba bzhin du gang rung ba de 'jog par zad pas nga'i tshig gi lam rnams bzod par yang gyis shig /de nas lha sbyin gyis ko ka li ka dang / khaN Da drab bya dang / ka ta mo ra ka ti sh+ya dang / rgya mtshos byin la smras pa/ ko ka li ka dang / khaN Da drab bya dang / ka ta mo ra ka ti sh+ya dang / rgya mtshos byin dag tshur/ dge sbyong gau ta ma 'dug bzhin du nyan thos kyi dge 'dun 'thun pa dbye ba dang 'khor lo dbye bar bya'o/ /des na bdag cag shi ste 'das na yang / dge sbyong gau ta ma de ltar rdzu 'phrul che ba/ de ltar mthu che ba 'dug bzhin du lha sbyin dang / ko ka li ka dang / khaN Da drab bya dang / ka ta mo ra ka ti sh+ya dang / rgya mtshos byin gyis nyan thos kyi dge 'dun 'thun pa phye ba dang / 'khor lo phye ba byas so zhes phyogs dang phyogs mtshams su grags pa dang / sgra dang tshigs su bcad pa snyan pa rgya cher 'byung bar 'gyur ro/ /de rnams kyis smras pa/ lha sbyin bdag cag gis ni bcom ldan 'das kyi nyan thos kyi dge 'dun 'thun pa dbye ba dang / 'khor lo dbye bar bya mi nus so/ /de ci'i phyir zhe na/ tshe dang ldan pa lha sbyin bcom ldan 'das kyi nyan thos rdzu 'phrul che ba mthu che ba lha'i mig dang pha rol gyi sems rig pa dag yod la/ de dag ni rgyang ring po nas kyang mthong la/ drung na 'dug kyang mi snang ba dag yin te/ de rnams kyi sems kyis sems khyab par byas nas/ yid kyis yid rnam par shes kyi/ de rnams kyis bdag cag bskyod pa nyid kyis shes par 'gyur ro/ /des smras pa/ ko ka li ka dag tshur thabs yod kyis bdag cag dge slong gnas brtan gnas brtan rnams kyi drung du song la gnas brtan dag thugs las chung ngur mdzod cig dang / bdag cag gis gnas brtan rnams la yo byad thams cad kyis mi brel bar bgyi'o zhes yo byad thams cad kyis bstabs par bya zhing dge slong gsar bu rnams la yang lhung bzed dang / chos gos dang / lhung bzed kyi snod dang / chu tshags dang / ska rags dang / lung 'bog pa dang / klog tu gzhug pa dang / 'don du gzhug pa dang / rnal 'byor dang / yid la byed pas nye bar bsdu zhing rim gro bya'o/ /tshe dang ldan pa lha sbyin thabs de ni bden pa zhig yod do/ /de na lha sbyin ni dge 'dun 'thun pa dbye ba'i phyir rtul par brtsams so/ /dge slong gnas brtan gnas brtan rnams kyis lha sbyin dge 'dun 'thun pa dbye ba'i phyir rtul par bskyod pa nyid tshor nas skabs de dge slong rnams la smras pa dang / dge slong rnams kyis bcom ldan 'das la gsol pa/ btsun pa lha sbyin ni dge 'dun 'thun pa dbye ba'i slad du rtul par bgyid lags so/ de nas bcom ldan 'das kyis dge slong rnams la bka' stsal pa/ dge slong dag khyed kyis lha sbyin dang / de lta bu dang 'thun pa gzhan su yang rung ba la bzhams te bsgo bar bya'o/ /bsgo ba yang 'di ltar bya ste/ lha sbyin khyod dge 'dun 'thun pa dbye ba'i phyir rtul par ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /lha sbyin khyod dge 'dun dang 'thun par gyis shig /dge 'dun 'thun mi phyed/ kun tu dga'/ mi rtsod/ mchog gcig 'don pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur ro zhes bsgo shig /dge slong de rnams kyis lha sbyin bzhams te bsgo ba dang / de bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun no zhes rjes su tha snyad 'dogs par byed nas/ skabs de dge slong rnams kyis bcom ldan 'das la gsol pa/ btsun pa bdag cag gis lha sbyin la bzhams te bsgo lags na/ de bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes tha snyad 'dogs par bgyid lags so/ /bcom ldan 'das kyis bka' stsal pa/ dge slong dag khyed kyis lha sbyin dang gzhan yang de lta bu dang 'thun pa su yang rung ba la gsol ba dang bzhi'i las kyis bsgo bar bya'o/ /bsgo ba yang 'di ltar bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo la/ dge 'dun thams cad 'dug cing 'thun par gyur pa dang / dge slong gcig gis gsol ba byas te las bya'o/ /dge 'dun btsun pa rnams gsan du gsol/ lha sbyin 'di dge 'dun 'thun pa dbye ba'i slad du rtul te dbyen bgyid par 'gyur ba'i rtsod pa yang dag par blangs nas rab tu bzung ste mchis na/ 'di la dge slong mang pos bzhams te bsgo na/ bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis lha sbyin khyod dge 'dun 'thun pa dbye ba'i phyir rtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /lha sbyin khyod dge 'dun dang 'thun par gyis shig /dge 'dun 'thun mi phyed/ kun du dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur ro zhes lha sbyin la gsol ba dang bzhi'i las kyis bsgo ba mdzad do/ / 'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ lha sbyin 'di dge 'dun 'thun pa dbye ba'i slad du rtul te dbyen bgyid par 'gyur ba'i rtsod pa yang dag par blangs nas rab tu bzung ste mchis nas 'di la dge slong mang pos bzhams te bsgo ba na/ bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun gyis lha sbyin la lha sbyin khyod dge 'dun 'thun pa dbye ba'i phyir rtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /lha sbyin khyod dge 'dun dang 'thun par gyis shig /dge 'dun 'thun mi phyed/ kun du dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ lha sbyin khyod dge 'dun 'thun pa dbye ba'i phyir rtul par ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /lha sbyin khyod dge 'dun dang 'thun par gyis shig /dge 'dun 'thun mi phyed/ kun du dga' mi rtsod/ mchog gcig /'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur ro zhes lha sbyin la gsol ba dang bzhi'i las kyis bsgo bar mdzad na/ tshe dang ldan pa gang dag lha sbyin la gsol ba dang bzhi'i las kyis bsgo bar mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du las brjod pa gnyis pa dang gsum pa'i bar du bya'o/ /dge 'dun de rnams kyis lha sbyin la gsol ba dang / bzhi'i las kyis bsgo na/ bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun no zhes rjes su tha snyad 'dogs so/ /de'i grogs byed cing mi mthun par smra ba'i rjes su phyogs pa'i dge slong bzhi po ko ka li ka dang / khan da drab bya dang / ka ti mo ra ka ti sh+ya dang / rgya mtshos byin te/ de rnams kyis kyang dge slong rnams la 'di skad ces smras so/ /tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ dge slong 'di ni chos smra ba 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do/ /skabs de dge slong rnams kyis bcom ldan 'das la gsol pa/ btsun pa bdag cag gis lha sbyin la gsol ba dang bzhi'i las kyis bsgo na/ bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid lags so/ /de'i grogs bgyid cing mi mthun par smra ba'i rjes su phyogs pa'i dge slong bzhi po ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin de rnams kyang dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste tha snyad 'dogs par byed pa/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la bzod cing 'dod pa de la bdag cag kyang 'dod cing bzod do zhes mchi lags so/ /bcom ldan 'das kyis bka' stsal pa/ dge slong dag khyed kyis ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin la bzhams te bsgo bar bya'o/ /bzhams te bsgo ba yang 'di ltar bya ste/ ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin dag khyed shes bzhin du dge slong gang dge 'dun 'thun par dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug pa'i grogs byed cing mi mthun par rjes su phyogs par ma byed cig /dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /tshe dang ldan pa khyed cag dge 'dun 'byed 'dod par ma byed par tshe dang ldan pa khyed cag dge 'dun 'thun par smra ba nyid du 'dod par gyis shig /tshe dang ldan pa dag dge 'dun 'thun par gyis shig /dge 'dun 'thun mi phyed/ kun tu dga' mi rtsod/ mchog gcig /'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces bsgo shig /dge slong de rnams kyis/ ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams la bzhams te bsgo yang gzhi de nyid la nan tan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed do/ /skabs de dge slong rnams kyis bcom ldan 'das la gsol pa/ btsun pa bdag cag gis ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams la bzhams te bsgo lags na/ bsgo yang gzhi de nyid nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid lags so/ /bcom ldan 'das kyis bka' stsal pa/ dge slong dag khyed kyis ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin dang gzhan yang de lta bu dang 'thun pa su yang rung ba la gsol ba dang bzhi las kyis bsgo bar bya'o/ /bsgo ba ni 'di ltar bya ste/ gnas mal bsham pa byas nas gaN Di brdungs te dris pa'i tshig gis dge slong rnams la yang dag par bsgo la dge 'dun thams cad 'dug cing 'thun par gyur pa dang dge slong gcig gis gsol ba byas te las bya'o/ /dge 'dun btsun pa rnams gsan du gsol ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin 'di dag 'tshal bzhin du dge slong gang dge 'dun 'thun pa dbye ba'i slad du rtul bar bgyid cing de mi mthun par smra ba'i rjes su phyogs par gyur nas dge slong rnams la 'di skad ces tshe dang ldan pa khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la bzod cing 'dod pa de la bdag cag kyang 'dod cing bzod do zhes mchis nas/ 'di dag la dge slong mang pos bzhams te bsgo na bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams la ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin khyed cag shes bzhin du dge slong gang dge 'dun 'thun pa dbye ba'i phyir rtul bar byed cing dbyen byed par gyur pa'i rtsod pa yang dag par blangs nas rab tu bzung ste 'dug pa dang de mi mthun par smra ba'i rjes su phyogs par ma byed cig / dge slong rnams la 'di skad ces/ tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang / 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni mi shes bzhin du smra'i shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed dge 'dun 'byed 'dod par ma byed par tshe dang ldan pa dge 'dun 'thun pa nyid du 'dod par gyis shig /tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig /tshe dang ldan pa dag dge 'dun dang 'thun par gyis shig /dge 'dun 'thun mi phyed/ kun tu dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur ro zhes bsgo ba mdzad na/ tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin 'di dag 'tshal bzhin du dge slong gang dge 'dun 'thun pa dbye ba'i slad du rtul bar bgyid cing de mi mthun par smra ba'i rjes su phyogs par gyur nas dge slong rnams la 'di skad ces/ tshe dang ldan pa dag khyed cag dge yang rung sdig kyang rung dge slong 'di la ci yang ma smra zhig /de ci'i phyir zhe na/ dge slong 'di ni shes bzhin du smra'i mi shes par ma yin pa'i phyir te/ dge slong 'di ni chos smra ba/ 'dul ba smra pa/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes mchis nas/ 'di dag la dge slong mang pos bzhams te bsgo na/ bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid do/ /de'i slad du dge 'dun gyis ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams la ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin khyed cag shes bzhin du dge slong gang dge 'dun 'thun pa dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug pa dang de mi mthun par smra ba'i rjes su phyogs par ma byed cig /dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi/ tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang / 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni mi shes bzhin du smra'i shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /tshe dang ldan pa dag dge 'dun 'byed 'dod par ma byed par/ tshe dang ldan pa dag dge 'dun 'thun pa nyid du 'dod par gyis shig /tshe dang ldan pa dag dge 'dun dang 'thun par gyis shig / dge 'dun 'thun mi phyed/ kun tu dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyi/ tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces gsol ba dang bzhi'i las kyis bsgo ba mdzad na/ tshe dang ldan pa gang dag ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams la gsol ba dang bzhi'i las kyis bsgo ba mdzad par bzod pa de ni cang ma gsung shig /gang dag mi bzod pa de dag ni gsungs shig /'di ni las brjod pa dang po'o/ /de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /dge slong rnams kyis btsun pa bka' bzhin 'tshal zhes bcom ldan 'das las mnyan nas/ ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams la gsol ba dang / bzhi'i las kyis bsgo'o/ /dge slong de rnams kyis ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams la gsol ba dang bzhi'i las kyis bsgo na/ de rnams dge slong rnams kyis gsol ba dang bzhi'i las kyis bsgo yang gzhi de nyid la nan gyis mchog tu bzung zhing mngon par zhen nas/ 'di nyid bden gyi gzhan ni brdzun pa'o zhes rjes su tha snyad 'dogs par byed do/ /skabs de dge slong rnams kyis bcom ldan 'das la gsol pa/ btsun pa bdag cag gis ko ka li ka dang / khaN Da drab bya dang / ka ti mo ra ka ti sh+ya dang / rgyal mtshos byin la gsol ba dang bzhi'i las kyis bsgo lags na/ bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid lags so/ /de nas bcom ldan 'das kyis dge slong rnams la bka' stsal pa/ dge slong dag lha sbyin gyis nga'i nyan thos kyi dge 'dun 'thun pa dbye ba dang 'khor lo dbye bar bya nus te/ 'di ltar 'di'i grogs byed cing mi mthun par smra ba'i rjes su phyogs pa'i dge slong bzhi po ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams yin pas so/ /lha sbyin gyis bdag la dge sbyong gau ta mas lha sbyin gyis nga'i nyan thos kyi dge 'dun 'thun pa dbye ba dang 'khor lo dbye bar bya nus te/ 'di ltar 'di'i grogs byed cing mi mthun par smra ba rjes su phyogs pa'i dge slong bzhi po ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams yin pas so zhes lung bstan pa thos so/ /thos nas kyang ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams la smras pa/ ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin dag shes par gyis shig /dge sbyong gau ta mas kho bo la lha sbyin gyis nga'i nyan thos kyi dge 'dun 'thun pa dbye ba dang / 'khor lo dbye bar bya nus te/ 'di ltar 'di'i grogs byed cing mi mthun par smra ba'i rjes su phyogs pa'i dge slong bzhi po ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams yin pas so zhes lung bstan to/ /ma la kho bos lhag par yang dge 'dun dbye bar bya ba'i phyir rtul bar bya'o zhes de dge slong lnga brgya dang lhan cig kun dga' ra ba'i nang du tshogs shing za bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag ji snyam du sems/ de bzhin gshegs pas ci'i phyir gsum ni za bar rjes su gnang la/ tshogs shing za ba ni bkag pa mdzad ce na/ rigs 'bar ba la brten pa dang / gang zag sdig pa 'dod pa rnams kyi phyogs gzhom pa'i don gnyis gzigs pa ste/ gang zag sdig pa 'dod pa rnams dge 'dun kho na la brten/ dge 'dun kho na'i ched du byas/ dge 'dun kho na ma shes shing ya mtshan can lta bur byas nas dge 'dun kho na dang lhan cig rtsod pa bzung nas gnas par 'gyur du 'ong ngo snyam pas so/ /gang gi tshe tshe dang ldan pa 'od srung stobs bcu ldan gyis lha sbyin la rdzu 'phrul gyi lam gyi lung phog pa de'i tshe/ de la dge slong rnams kyis smras pa/ gnas brtan khyod kyis ci'i phyir lha sbyin la rdzu 'phrul gyi lam gyi lung phog /des smras pa/ tshe dang ldan pa dag bdag gis de sdig pa 'dod par ma shes mod/ gal te bdag gis shes na de la bdag gis rdzu zhes bya ba tsam gyi lung yang mi 'bog na rdzu 'phrul gyi lam lta smos kyang ci dgos/ de nas lha sbyin la dge slong rnams kyis gcugs pas smras pa/ lha sbyin khyod kyi dpal dang skal ba phun sum tshogs pa ci yod pa de thams cad ni gnas brtan 'od srung stobs bcu ldan la brten te yin na khyod de'i drung du mi 'gro 'am/ de rnams kyis bsams pa/ bdag cag gis 'di bskul na de'i drung du 'gro zhing des 'di slar zlog par 'gyur ro snyam mo/ /de la de ltar bskul ba na smras pa/ kho bo la des ci zhig byas/ kho bos brtson 'grus la gnas te nam gyi cha stod dang cha smad la mi nyal bar rnal 'byor la rjes su brtson pas gnas nas bsam gtan dang po la brten te rdzu 'phrul 'grub par ma byas sam zhes de'i tshig smras ma thag kho nar byas pa mi gzo bas rdzu 'phrul las nyams par gyur to/ /dge slong rnams the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa lha sbyin byas pa mi gzo bas rdzu 'phrul las nyams pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'di 'das pa na yang byas pa mi gzo bas rig sngags las nyams pa de nyon cig /dge slong dag sngon byung ba grong khyer bA rA Na sI na rgyal po tshangs sbyin zhes bya ba 'byor pa dang zhes bya ba nas skye bo dang mi mang pos rab tu gang bas rgyal srid byed du 'jug go zhes bya ba'i bar du ste/ de la rig sngags dang gsang sngags 'chang gdol pa/ rig sngags dang gsang sngags su mkhas pa zhig yod de/ des sa 'dzin gyi rig sngags sbyar nas rdzu 'phrul gyis ri bo spos kyi ngad ldang las dus ma yin pa dang / dus tshigs ma yin pa'i me tog dang 'bras bu dag blangs nas rgyal po tshangs sbyin la 'bul ba byed do/ /rgyal po tshangs sbyin de la mngon par dga' nas bya dga' sbyin par byed do/ ji tsam na bram ze'i khye'u zhig gsang sngags don du gnyer zhing gsang sngags tshol ba na brgyud pa las thos nas yul nas bA rA Na sir son te/ de nas lam gyis dub pa ngal sos nas rig sngags dang gsang sngags 'chang gdol pa de'i drung du song ste phyin nas smras pa/ mkhan po la bdag bsnyen bkur bgyid par 'tshal lo/ /ci'i phyir/ rig sngags kyi slad du'o/ /des tshigs su bcad pas smras pa/ rig sngags su la'ang mi sbyin te/ /rig sngags dang ni lhan cig 'chi/ /yang na rig dang bsnyen bkur dang / /nor gyis rig sngags sbyin par bya/ /des smras pa/ mkhan po gal te de lta lags na bdag cag bsnyen bkur bgyid na dus ji tsam gyi bar du bgyi/ des smras pa/ lo bcu gnyis kyi bar du bsnyen bkur byas na sbyin nam mi sbyin du zad do/ /de shin du rig sngags don du gnyer ba zhig pas khas blangs so/ /de nas mgu bar bya ba lhur blangs nas gus par byas te bsnyen bkur bya bar brtsams so/ /ji tsam dus gzhan zhig na gdol pa de chang gis myos nas khyim du 'ongs so/ /bram ze'i khye'u des bsams pa/ mkhan po 'di ma 'os par chang gis myos kyis 'di'i glor nyal bar bya'o snyam mo/ /ji tsam na gdol pa de mal nas 'gre bar brtsams te de 'gres pa dang khri'i ngos chag pa bram ze'i khye'u yis thos nas sad de des bsams pa/ mkhan po sdug bsngal zhing nyal bar 'gyur gyis/ ma la bdag gis khri'i ngos su rgyab gtad do snyam nas/ des khri'i ngos su rgyab gtad nas 'dug go/ /'di ni chos nyid yin te ra ro ba rnams las gang stobs dang ldan pa de ni thun dang pos myos pa sangs par 'gyur na/ de chang lu ba'i shugs kyis bram ze'i khye'u'i rgyab la skyugs pas gtor to/ /des bsams pa/ gal te bdag gis lus bsgul tam tshig phyung na mkhan pos thos te sad nas slar gnyid ldog par mi 'gyur ba gang yin pa'i gnas 'di yod do snyam nas de mnags nas 'dug go/ /ji tsam na gdol pa de rang nyid sad pa dang de lta bu'i ngan pa de mthong nas de nas dris pa 'di su yin des smras pa/ mkhan po bdag ni bde ba'i zla ba lags so/ /bu 'di ltar 'dug ste ci byed/ des ji ltar gyur pa rnams smras pa dang / de yang lhag par dga' nas smras pa/ bu kho bo mgu bar gyur gyis song la khrus byos te shog shig dang khyod la rig sngags sbyin no/ /des khrus byas te 'ongs pa dang des de la rig sngags byin no/ /bram ze rnams ni rgod bag can yin pas des nogs ma thub ste bsams pa/ re shig sngags 'di 'di nyid du sad la de nas gzhan du 'gro'o snyam nas/ des rig sngags de sbyar te nam mkha' la 'phangs nas myur bar ri bo spos kyi ngad ldang la song ste dus ma yin pa dang dus tshigs ma yin pa'i me tog dang / 'bras bu dag blangs te 'ongs nas des de dag rgyal po'i mdun na 'don la byin no/ /des kyang rgyal po tshangs sbyin la'o/ /rgyal pos smras pa/ khyod kyis 'di su las 'ongs/ des smras pa/ yul thag ring po nas bram ze'i khye'u zhig mchis te/ des 'di dag bdag la stsal to/ /de ni lhag par rig sngags dang gsang sngags 'chang zhing bram ze 'dod pa chung ba lags kyis/ gdol pa 'jig rten thams cad kyis smad pa 'dis ci zhig bgyi/ de dbang ba'i 'tsho ba bkum ste bram ze'i khye'u 'di la stsal du gsol/ rgyal pos smras pa/ de bzhin du gyis shig /de nas mdun na 'don gyis gdol pa'i 'tsho ba bcad nas bram ze'i khye'u de la byin no/ /de byas pa mi gzo ba des rig sngags de las yongs su nyams par gyur to/ /dge slong dag ji snyam du sems/ de'i tshe de'i dus kyi gdol pa gang yin pa de ni 'od srung stobs bcu ldan 'di nyid yin no/ / de'i tshe de'i dus kyi bram ze'i khye'u gang yin pa de ni lha sbyin 'di nyid yin no/ /de na yang 'di rig sngags las yongs su nyams par gyur to/ /da ltar yang 'di rdzu 'phrul las yongs su nyams par gyur to/ /dge slong dag de lta bas na 'di ltar bslab par bya ste/ ci nas kyang byas pa gzo ba dang byas pa tshor ba can du bya ste/ chung ngu byas pa yang chud mi gzan na mang po lta smos kyang ci dgos te/ dge slong dag khyed kyis de ltar bslab par bya'o/ /de nas bcom ldan 'das ji tsam bzhed kyi bar du rgyal po'i khab tu bzhugs nas/ dge slong rnams kyis yongs su bskor cing dge slong gi dge 'dun gyi mdun du bdar nas ga yA gang na ba der rgyu zhing gshegs te/ rim gyis rgyu zhing gshegs pa dang ga yAr byon nas ga yA na bzhugs so/ /rgyal po gzugs can snying pos bcom ldan 'das la 'bras sa lu sog ma'i sbubs su smin pa shing rta lnga brgya tsam dbul ba btang ba dang / lha sbyin gyis ma skyes dgra la smras pa/ rgyal po bgres po dge sbyong gau ta ma la ci 'dra bar bya ba byed pa gzigs la/ bdag cag ljongs rgyu zhing mchi ba na bdag cag la yang bsod snyoms kyis mi brel bar gyis shig /lha sbyin yang 'khor lnga brgyas bskor te ljongs rgyu zhing 'dong ba dang / lha sbyin la rgyal po ma skyes dgras 'bras sa lu sog ma'i sbubs su smin pa shing rta lnga brgya lam du bskur ba dge slong rnams kyis mthong nas bsams pa/ shing rta lnga brgya tsam po 'di su zhig las 'ongs snyam ste/ de rnams ngo mtshar skyes nas lam nas 'gro ba'i mi dag la dris pa dang de rnams kyis rgyas par smras so/ /dge slong rnams the tshom skyes nas the tshom thams cad gcad pa sangs rgyas bcom ldan 'das la zhus pa btsun pa rgyal po ma skyes dgra snod ma lags pas snod ma lags par char phab pa la gzigs/ bcom ldan 'das kyis bka' stsal pa/ dge slong dag rgyal po ma skyes dgra snod ma yin pas snod ma yin par char phab pa da ltar gyi 'ba' zhig tu ma zad de ji ltar 'dis 'das pa na yang snod ma yin par char phab pa de nyon cig /dge slong dag sngon byung ba grong rdal med pa'i dgon pa'i gnas zhig na drang srong rnams kyi bsti gnas me tog dang 'bras bu sna tshogs dang ldan pa zhig yod de/ de na drang srong zas su rtsa ba dang / chu dang / 'bras bu za ba/ ral pa can shing shun gyon pa/ 'bras bu lhung ba la longs spyod pa dag gnas so/ /ji tsam na bsti gnas de na yod pa'i shing a mra'i yal ga 'bras bu can dag 'bras bu smin pas g.yur za zhing 'dug go/ /drang srong rnams kyis 'bras bu bslangs pa na shing de la gnas pa'i lha gang yin pa de ser sna'i zil gyis non pas ma byin no/ /de nas drang srong de rnams kyis drang srong gcig bsti gnas su 'dug tu bcug nas rtsa ba dang 'bras bu'i phyir 'khyam du dong ma thag tu chom rkun pa lnga brgya bsti gnas su lhags nas de rnams kyis shing de mthong ste/ de rnams kyis smras pa/ bdag cag gis 'bras bu ji ltar longs spyod par bya/ chom rkun pa'i sde dpon gyis smras pa/ sta res shing rtsa ba nas bcad la 'bras bu rnams bza'o zhes de skad ces smras pa dang / lhas 'bras bu thams cad sa la blags nas chom rkun rnams kyis ji tsam 'dod pa zos nas dong ngo / /drang srong rnams lhags nas dris pa/ shing a mra'i 'bras bu rnams sus zos/ drang srong des tshigs su bcad pas smras pa/ zhi ba tshangs par spyod rnams la/ shing gyi 'bras bu ma byin gyi/ /rkun po sdig byed de dag la/ /'bras bu rnams ni byin par gyur/ /de rnams kyis dris pa/ drang srong de ji lta bu yin/ des ji ltar gyur pa smras pa dang de rnams kyis smad par brtsams pa/ ser sna'i zil gyis non pa'i lhas 'bras bu drang srong rnams la ma byin gyi/ snod ma yin pa'i rkun po rnams la byin no/ /bcom ldan 'das kyis bka' stsal pa/ dge slong dag ji snyam du sems/ /de'i tshe de'i dus kyi lha gang yin pa de ni ma skyes dgra 'di nyid yin no/ /de'i tshe de'i dus kyi chom rkun pa'i sde dpon gang yin pa de ni lha sbyin 'di nyid yin te/ de'i tshe na yang ma skyes dgra 'di ltar gyur pa na snod ma yin pas snod ma yin par char phab bo/ /da ltar yang snod ma yin pa 'dis snod ma yin par char phab bo/ /de nas bcom ldan 'das yul ma ga d+hA nas ljongs rgyu zhing gshegs pa na rgyal po'i khab tu byon nas/ rgyal po'i khab 'od ma'i tshal bya ka lan da ka gnas pa na bzhugs so/ /lha sbyin ni rgyal po'i khab tu gnas pa'i skye bo'i tshogs la rgyun kho nar 'tshe bar byed do/ /gang dang gang gtses pa de bcom ldan 'das kyi snyan du gsol ba gtong ngo / /de nas bcom ldan 'das kyis tshe dang ldan ldan pa kun dga' bo la bka' stsal pa/ kun dga' bo snam sbyar khyer la phyi bzhin 'brang ba'i dge sbyong dge slong zhig dang song la rgyal po'i khab kyi lam po che dang / srang dang / bzhi mdo dang / sum mdo rnams su khyim bdag dang bram ze rnams la lha sbyin nam lha sbyin gyi phyogs kyis 'tsher bcug pa gang yin pa de rnams ni sangs rgyas sam/ chos sam/ dge 'dun gyi dang 'brel ba ma yin no zhes sgo shig /gal te lha sbyin ni rdzu 'phrul che zhing mthu che ba yin no zhes zer na mthu chen por gyur pa las da ni rdzu 'phrul de las yongs su nyams so zhes smras shig /de song nas rgyal po'i khab kyi grong khyer gyi lam po che dang / srang dang / bzhi mdo dang / sum mdo rnams su bram ze dang khyim bdag rnams la bsgo nas de rnams phyin chad bcom ldan 'das kyi snyan du gsol ba mi gtong ngo / /bcom ldan 'das snyun gyis thebs nas 'tsho byed kyis sman mar lcags mnga' zhes bya ba bcom ldan 'das la phul lo/ /de nas bcom ldan 'das kyis sman pa'i rgyal po 'tsho byed la bka' stsal pa/ 'tsho byed ngo mtshar che 'am/ bcom ldan 'das ngo mtshar che lags so/ /'tsho byed ya mtshan che 'am/ bcom ldan 'das ya mtshan che lags so/ /'tsho byed shes sam/ bcom ldan 'das 'tshal lags so/ /'tsho byed mi shes sam/ bde bar gshegs pa ma 'tshal lags so/ /'tsho byed ngo mtshar che ba ci yin/ bcom ldan 'das ba rnams ran spyod cing chab 'tshal ba de las bdud rtsi 'di 'byung la/ de las kyang bsgral ba'i sman mar lcags mda' zhes bgyi ba 'byung lags so/ /'tsho byed ya mtshan che ba ci yin/ bcom ldan 'das sangs rgyas byung ba dang / dam pa'i chos bshad pa dang / dge 'dun legs par sgrub pa lags so/ /shes pa ci yin/ bcom ldan 'das skye ba mchis na gdon mi 'tshal bar 'gum lags so/ /mi shes pa ci yin/ bcom ldan 'das gang zhig gang du 'gum pa de ma 'tshal lags so/ /dge slong rnams the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis dgongs te bka' stsal pa 'tsho byed kyis 'tshal ba la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'das pa na yang 'dis nga'i dgongs te bka' stsal pa shes par gyur pa de nyon cig /dge slong dag sngon byung ba ri 'or zhig na khyim bdag phyug pa nor mang ba longs spyod che ba zhig gnas pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las dus gzhan zhig na chung ma sems can dang ldan par gyur to/ /de zla ba brgyad dam dgu 'das pa dang bu mo zhig btsas nas nyi ma bdun gsum nyi shu rtsa gcig tu de'i btsas pa'i btsas ston rgya cher byas nas gdu bu can zhes bya bar ming btags so/ /de yang rtse bar byed/ dga' bar byed/ dga' mgur spyod par byed pa las khye'u zhig btsas te/ de yang rigs dang 'thun par ming btags so/ /des bsams pa/ bdag cag la bu lon ded pa dang nor 'phrog pa btsas kyis zong khyer te yul gyi mthar 'gro'o/ /des yang bsams pa/ bdag gi chung ma 'di dar la bab pa'i gzugs dang lang tsho la bab pas/ bdag gis 'di la kar Sha pA Na mang po gtad de song na skyes pa gzhan dang lhan cig chud gson par byed par 'gyur ba'i gnas gang yin pa de yod kyis ma la bdag gis 'di la kar Sha pA Na nyung zhig byin la 'gro'o snyam nas/ des de la kar Sha pA Na nyung zhig byin nas lhag ma rnams gser gyi bum pa'i nang du blugs te/ de'i mgrin pa mu tig gi phreng bas bcings nas dur khrod kyi shing rta rna zhes bya ba'i drung du sbas nas zong thogs te yul gyi mthar song ngo / /de de na rnyed pa mang po dang ldan pas des de nyid du bud med gcig blangs te 'dug nas de la bu yang mang du btsas so/ /de nas chung ma snga ma des gdu bu can dang khye'u gnyis lag las dang gnyen gyi mthus gsos bskyed do/ / de gnyis kyis smras pa/ bdag cag gi pha gar mchis/ des smras pa/ bu yul che ge mo zhes bya ba'i grong ga ge mo zhes bya ba de na de nor chen po dang ldan zhing 'dug go zhes thos kyis song dang gal te cung zad byin na khyed kyi 'tsho ba'i rkyen du 'gyur ro// //'dul ba gzhi/ bam po dgu bcu rtsa brgyad pa/ de pha tshol zhing rim gyis de'i drung du phyin nas de srang na 'khyam pa na phas bzhin ras las ngo shes nas bos te smras pa/ khyod gang nas 'ongs/ gang du 'gro 'dod/ des rgyas par smras pa dang des bsams pa/ bdag gi bu de ni 'di kho na yin no zhes des de bzung ste/ bu khyod su la yang 'di bdag gi pha yin no zhes ma smra shig ces smras nas de de la shin du sdug par byed do/ /de nas bu gzhan rnams kyis smras pa/ yab khye'u 'di su'i lags/ des smras pa/ 'di nga'i grogs po zhig gi bu yin no/ /de rnams kyis bsams pa/ ji ltar 'di la shin du sdug par byed pa las na gdon mi za bar 'di nyid kyi bu yin no snyam nas de rnams kyis phan tshun gros bya bar brtsams pa/ 'di ni mas dbyen gyi spun yin no snyam mo/ /des bsams pa/ sha khon rnams kyi nang na ni 'di lta ste/ chen chun ni tha chad yin pas 'di bsad par 'gyur ba'i gnas gang yin pa 'di nyid yod kyis gtang ngo / /gal te cung zad brdzangs na nor la sogs pa'i phyir lam kar bsad par 'gyur gyis/ /ma la bdag gis 'di la brjed byang cig byin te gtang ngo snyam du bsams nas bris pa/ grong khyer gyi ni grong rdal rta rna'i drung / / sa yi shar du dpag tshad kyis bcad par/ /mkhas pas bag yod par ni brko byas na/ /bdag gi nor gyi skal ba 'thob 'gyur gyis/ /mgul chings gang yin de ni gdub can byin/ /des brjed byang de khyer te song ba dang lam kar mas dbyen gyi spun rnams kyis bzung nas smras pa/ khyod kyis yab las ci thob/ des smras pa/ 'di ni brjed byang yin te ci yang med do/ /de rnams kyis bsams pa/ phas 'di brid nas btang ngo zhes de rnams kyis de btang ngo / /rim gyis rang gi khyim du phyin nas lam gyis dub pa ngal sos pa dang mas smras pa/ khyod kyis pha las chung zad ci thob/ des smras pa/ 'di ni brjed byang yin te ci yang med do/ /des smras pa/ bu khyod des bslus te lam gyi tshegs phyung bar zad kyi chung zad kyang ma rnyed do/ / des smras pa/ yum bdag nyid chen po de bdag la mi 'drid do zhes byas nas des brjed byang de dpyad par brtsams te/ grong khyer zhes bya bya ba ni gang du btsas pa de ni grong khyer du 'dod do/ /grong rdal zhes bya ba ni gang du ro bsregs pa'o/ / rta rna'i drung zhes bya ba la rta zhes bya ba ni rta rnams te de'i rna ba zhes bya ba'i shing ni rta na ste/ de'i drung na zhes smras pa yin no/ /sa'i shar du zhes bya ba ni shar phyogs su'o/ /dpag tshad kyis bcad par zhes bya ba ni gnya' shing gang tsam gyis bcad par ro/ /des de ltar tshigs bcad kyi don dpyad nas mun tshab tshub tsam na dur khrod du song ste de'i nye 'khor du des bltas na shing rta rna zhig yod pa de'i shar gyi ngos su gnya' shing gang gcal te brkos pa dang / ci tsam na gser gyi bum pa mgul mu tig gi phreng bas bcings pa zhig mthong nas/ de mgu bas de blangs nas khyim du song ste mu tig gi phreng ba ni bkrol te gdu bu can la byin no/ /dge slong dag ji snyam du sems/ de'i tshe de'i dus kyi khyim bdag gang yin pa de ni nga nyid yin no/ /de'i tshe de'i dus kyi de'i bu gang yin pa de ni 'tsho byed 'di nyid yin te/ de na yang 'dis nga'i bsams te smras pa shes so/ /da ltar yang 'dis nga'i dgongs te bshad pa shes so/ /'tsho byed kyis bsams pa/ bcom ldan 'das ni rdo rje'i sku mnga' la sku che ba yin pas de la mar nyung ngus ni gdangs par bya mi nus so snyam du brtags nas des mar srang sum bcu rtsa gnyis srang la bcal te lhung bzed bzed nas bcom ldan 'das la gsol te/ /bcom ldan 'das kyis lhung bzed kyi lhag ma dge slong rnams la 'drim du bcug pa dang / 'tsho byed dge slong rnams kyis bcom ldan 'das kyis lhung bzed kyi lhag ma bor ro zhes byas nas phyag byas so/ /lha sbyin gyis bsams pa/ bdag gis kyang mar btung ngo snyam nas des 'tsho byed la dris pa/ 'tsho byed dge sbyong gau ta mas mar ji tsam gyi tshad cig gsol/ des smras pa/ srang sum bcu so gnyis so/ /des smras pa/ kho bos kyang srang sum bcu rtsa gnyis btung ngo / /'tsho byed kyis smras pa/ bcom ldan 'das ni rdo rje'i sku mnga' la sku che bas 'di tsam yang 'ju bar spyod kyi/ khyod kyis ni 'ju bar mi nus so/ /des smras pa/ kho bo yang rdo rje'i lus can yin na ci'i phyir mi 'ju/ des mar srang sum bcu rtsa gnyis lhung bzed nas 'thungs so/ /bcom ldan 'das kyis ni legs par zhu'o/ /lha sbyin gyis ni ma zhu'o/ /phyi de nyin par 'tsho byad kyis bcom ldan 'das la 'jams gsol to/ /lha sbyin gyis nga rgyal bskyed nas bcom ldan 'das kyis kyang gsol to zhes mar ma zhu bzhin du thug pa 'thungs pas/ sbos gzer nas gnad du gnod pa'i tshor ba nyams su myong bas de rgyu des na sdug bsngal nyam nga ba rtsub pa/ dog pa/ yid du mi 'ong ba'i tshor ba nyams su myong zhing nyin dang mtshan du gnyid mi 'ong ngo / /tshe dang ldan pa kun dga' bo ni gnyen la gdung ba yin pas des gleng gzhi de bcom ldan 'das la gsol to/ /de nas bcom ldan 'das kyi phyag glang po che'i sna lta bu 'khor lo dang / bkra shis dang / g.yung drung 'khyil ba can bsod nams brgya phrag du mas bsgrubs pa/ 'jigs pa rnams kyi dbugs 'byin par mdzad pa'i phyag mngon du brkyang ste bya rgod kyi phung po'i ri phug nas lha sbyin gyi spyi bor bzhag ste bden pa gsungs pa/ ji ltar nga bu gcig pa sgra gcan zin bzang po la dgongs pa de bzhin du lha sbyin la yang lhag chad med pa yin zhe na/ bden pa des nad zhi bar gyur cig ces bden pa'i tshig gsungs ma thag kho nar lha sbyin gyi nad zhi bar gyur cing de dbugs chad pa las slar dbugs byung nas bcom ldan 'das kyi phyag la gtad nas brtags te des shes nas des bsams pa/ dge sbyong gau ta ma'i lag pa yin no snyam na de bskal pa mi nyung bar ngan g.yo'i kun tu spyod pa dregs pa'i mthus bsgrubs pa'i bsam pa can yin pas de ltar sangs rgyas bdag nyid chen pos tshor ba zhi bar mdzad pa dang smras pa/ don grub khyod sman dpyad khong du chud pa ni legs na 'dis 'tsho bar nus sam/ kun tu bcom ldan 'das kyi bden pa'i gsung gis lha sbyin tshor ba drag pos nyen pas srog dang 'bral ba na sos par mdzad do zhes sgra grags pa de lha sbyin gyi phyogs shin du zhen pa rnams kyis kyang thos nas/ bcom ldan 'das la kye ma'o 'di ni byams pa yang dag pa dang ldan/ kye ma 'di ni sems can rnams la thugs rje legs par bsgoms pa yin no zhes ngo mtshar du 'dzin par gyur to/ /dge slong rnams kyis lha sbyin la smras pa/ lha sbyin khyod ni bcom ldan 'das kyis sos par mdzad kyi gzhan du na srog dang bral bar 'gyur ro/ /des smras pa/ de ni dbang du byed pa'i sgyu ma shes te des 'jig rten dbang du byed do/ /dge slong rnams kyis smras pa/ lha sbyin khas rlabs de thong la rang gi sems gtan la phob shig /khyod ni bcom ldan 'das kyis gsos so/ /des smras pa/ mar zhu nas nad zhi bar zad mod des kho bo la ci zhig byas/ 'di ni byas pa mi gzo ba dang byas pa mi tshor ba yin no zhes byas nas de rnams chas te bcom ldan 'das gang na ba der dong nas lhags pa dang the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa lha sbyin byas pa mi gzo ba dang / byas pa mi tshor ba la gzigs/ bcom ldan 'das kyi bka' stsal pa/ dge slong dag da ltar gyi 'di 'ba' shig tu ma zad de ji ltar 'das pa'i dus na yang 'di byas pa mi gzo ba dang byas pa mi tshor ba de nyon cig / // sdom la/ kau shi dbang phyug chen po'i sde/ /a mra dang ni shing sta mo/ /dom gnyis shi bi'i rgyal po dang / /nyams par byas dang dzu dzu ka /dge slong dag sngon byung ba grong rdal med pa'i dgon pa'i gnas bskyed mos tshal me tog dang 'bras bu rnam pa sna tshogs dang chu phun sum tshogs pa zhig yod de/ de na kau shi ka dang rus gcig pa'i drang srong 'bras bu lhung ba la longs spyod pa/ zas su rtsa ba dang / chu dang / 'bras bu za ba/ lpags pa dang shing shun gyon pa zhig gnas te/ de'i bsti gnas kyi nye 'khor du ri dgas dang bya rnams 'dris pas ci bder 'khod do/ /de dang ha cang yang mi ring bar ba glang mo zhig phru gu byung ste/ de bu byung ma thag tu seng ge'i sgra sgrogs nas de 'jigs sngangs nas phru gu bor te gcin rtug shor nas bros so/ /re shig cig na drang srong de bsti gnas nas byung nas bsti gnas kyi nye 'khor gyi phyogs su lta zhing song ba las/ ji tsam na glang po che'i phru gu gsar du byung ma thag pa ma dang bral ba de mthong ngo / /de nas drang srong de snying rjes bskyod pa'i snying gis de'i ma btsal ba'i phyir bsgrim pa'i mig gis kun du lta bar brtsams pa na/ gang gi tshe gnas thams cad na mi snang ba de'i tshe de khyer nas bsti gnas su zhugs te des de bu bzhin du bsnun bsnyod de bskyed do/ /de gang gi tshe chen por gyur pa de'i tshe drang srong de'i bsti gnas su gnod pa byed de me tog gi shing rnams 'byin par byed/ 'bras bu'i shing rnams yal ga gcog par byed cing de dag dang gnod pa gzhan yang stong phrag dag byed do/ /drang srong des de la bsdigs te/ drang srong des bsdigs pa na de zhum zhum por byas te 'dug go/ /gang gi tshe 'dod chags skyes par gyur pa de'i tshe bsdigs kyang brnyas thabs byed do/ /ji tsam dus gzhan zhig na drang srong des drag tu sdigs pa dang drang srong de nyid bsad par brgyugs pa dang / drang srong des spyil bu'i glo phug nas bros so/ /lhas tshigs su bcad pas smras pa/ sems can rab gdug byas pa chud gson pa'i/ /skyes bu ngan dang 'grogs pa bzang po min/ /ji ltar kau shi ka'i bsti gnas su/ /yun ring bskyed pa'i glang chen sdig byed bzhin/ /gus pas zas dang skom dang gnyi ga yis/ /skye bo ngan bsten khyod la ci zhig dgos/ /nges par kau shi ka'i bsti gnas su/ /glang chen bzhin du de yis mthar grogs gsod/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus kyi drang srong gang yin pa de ni nga nyid yin no/ /de'i tshe de'i dus kyis glang po che dam pa gang yin pa de ni lha sbyin 'di nyid yin te/ de'i tshe de'i dus na yang 'di byas pa mi gzo zhing byas pa mi tshor ba yin no/ /da ltar yang 'di byas pa mi gzo zhing byas pa mi tshor ba yin no/ /gzhan yang 'di ltar 'di byas pa mi gzo zhing byas pa mi tshor ba de nyon cig /dge slong dag sngon byung ba 'das pa'i dus na grong khyer bA rA Na sIr rgyal po dbang phyug chen po'i sde zhes bya ba 'byor pa dang rgyas pa dang / bde ba dang / lo legs pa dang / skye bo dang mi mang pos rab tu gang ba na rgyal srid byed du 'jug go/ /de'i btsun mo zla 'od ma zhes bya ba rmi lam rno ba yin te/ rmi lam du gang ci mthong ba de thams cad de bzhin du 'gyur gyi gzhan du ma yin pa zhig yod do/ /rgyal po de'i yul du byang chub sems dpa' ri dgas rnams kyi nang du skyes nas gser gyi glo zhes bya ste/ ri dgas rnams kyi dpon por gyur to/ /de yang lus kyi gzi brjid bsam gyis mi khyab pa dang ldan zhing 'jig rten thams cad kyi yid dang mig tu sdug par byed pas 'dod pa skyed par byed do/ /gang gis de mthong na de rtog cing de nyid du sdod par byed do/ /de lhag par rtog pa na yid gnyis su gyur te/ de rngon pas 'jigs pa dang 'jig rten pa gzhan gyis 'jigs pas 'tsher zhing skrag pas spyod do/ /'di ni chos nyid yin te/ 'jig rten chags nas ring por ma lon pa na dud 'gro rnams kyang mi'i skad du smra nus pa yin no/ /de nas bya rog cig de'i drung du 'ongs nas des de dang lhan cig bshes shing 'dre ba'i gtam byas nas smras pa/ kye zhang po khyod ci'i phyir 'di ltar 'tsher zhig skrag pas spyod/ des smras pa/ tsha bo bdag gi lus skal ba dang ldan pa 'di la 'jig rten thams cad 'dod pa skyed pas kho bo 'jig rten gyis 'jigs shing rngon pas 'tsher zhing skrag pas spyod do/ /des smras pa/ zhang po bdag kyang 'ug pas 'jigs pas gcig la gcig bsrung bar bya ste/ bdag gis ni khyod nyin par bsrung ngo / /khyod kyis ni bdag mtshan mo srungs shig ces de gnyis kyis de ltar dam bcas nas gnas so/ /ji tsam na mi zhig dgras lag pa phying ka log tu bcings pas dam du bcings nas chu gsar du bab pa shugs drag po'i rba'i nang du bor te/ de des khyer ba na nyam thag pa'i nga ros snying rje rje skad du smre sngags 'don par byed de/ gang gis de ring bdag gi srog /'jig rten rnyed dka' sbyin 'gyur ba/ /bdag gis de yi bran bya zhing / / de yi gor re long yang bya/ /stes dbang gis ri dgas kyi dpon po de'i snying rje'i bsam pas ri dgas kyi tshogs kyis yongs su bskor te/ 'bab chu'i 'gram du nye bar song ngo / /de nas mi 'o dod 'bod pa thos nas ri dgas de rnams ni kun du bros so/ /'di ni chos nyid yin te/ byang chub sems dpa' rnams ni lus kyis log par ltung ba yin yang sems kyis ma yin pas ri dgas kyi dpon po de snying rjes brlan pa'i snying gis mod la 'bab chu de'i nang du 'jug par brtsams pa na bya rog kyang de dang sngon dam bcas pa'i yid kyis kun du bsrung ba'i phyir de'i phyi bzhin 'brang bas des mi de dbyung ba'i phyir 'bad pa byed par rig nas 'di skad ces smras so/ /ri dgas kyi dpon po thong thong gzu lums ma byed/ mi 'di dag ni byas pa mi gzo zhing byas pa mi sems pa yin no/ /byang chub sems dpa' bdag nyid chen po rnams ni mi zlogs pa yin pas des de'i tshig ma mnyan par 'bab chu de'i nang du zhugs te/ bu gcig pa sdug pa bzhin du mi de rgyab tu zhon nas chu'i 'gram tu phyung ste/ bcings pa rnams bkrol zhing yud tsam cig dbugs phyung nas smras pa/ bu lam 'di nas ci dga' bar song shig /de nas mi des thal mo sbyar te ri dgas kyi dpon po'i rkang pa gnyis la gtugs nas 'di skad ces smras pa/ khyod kyis bdag gi srog gang lags/ /'jig rten rnyed dka' stsal bas na/ yab cig khyod kyi 'bangs bdag ste/ /de bzhin go re long yang bgyi/ /des smras pa/ deng khyod bdag gi bran dang ni/ /go re long yang ma byed par/ /lpags pa'i phyir ni bsad 'ong gis/ /khyod kyis bdag gzhan ma bstan cig /bu khyod kyis mdor bya ba ni 'di yin te/ kho bo'i lus 'di 'jig rten thams cad kyis shin du chags par bya ba dang 'dod par bya ba yin pas khyos kyis kho bo su la yang ma bstan dang byas pa la lan du phan btags pa yin no/ /de nas mi des de bzhin du bgyi'o zhes khas blangs nas ri dgas kyi dpon po la lan gsum bskor ba byas te rkang pa la gtugs nas song ngo / /ji tsam dus gzhan zhig na btsun mo zla 'od ma rtsed mos dub nas mal chen por legs par gnyid log pa las mtshan mo'i thun tha ma la rmi lam du ri dgas kyi dpon po gzugs mchog tu sdug pa zhig seng ge'i khri la 'dug nas rgyal po'i 'khor mang po la chos 'chad par mthong ngo / /mthong nas kyang mngon sum du gyur pa bzhin du rmi lam du rmis pas/ yid bde ba skyes nas myur ba myur bar mal nas langs te rgyal po la smras so/ /rgyal pos thos nas kyang de'i bden pa'i rmi lam gyi khyad par la mchog tu ngo mtshar skyes te/ mi 'dod pa'i 'gro bar skyes pa des go ji ltar seng ge'i khri la 'dug nas rgyal po'i 'khor mang po la chos 'chad par 'gyur snyam mo/ /de nas btsun mo zla 'od mas dga' ba dang / snyan pa dang / g.yer bag gi gtam dang ldan pa'i kun du spyod pas rgyal po yud tsam zhig dga' bar byas nas smras pa/ lha ri dgas de khugs par bgyi ba'i slad du nan tan mdzad du gsol/ /de nas rgyal pos blon po rnams la bsgo ba/ shes ldan dag nga'i yul na rngon pa ji snyed gnas pa de dag thams cad nga'i spyan sngar khug shig /blon po rnams kyis yul so sor rgyal po'i mi rnams la bsgo ba/ lhas bka' stsal pa nga'i yul na rngon pa gnas pa rnams 'dir khug cig ces byung gis khyod kyis rngon pa thams cad 'dir thong shig /de rnams kyis yul rnams na gnas pa'i rngon pa thams cad rgyal po'i drung du btang nas/ blon po rnams kyis rgyal po la phul ba dang rgyal pos smras pa/ shes ldan dag nga'i yul na ri dgas kyi dpon po gzugs shin du rab tu sdug pa zhig yod do zhes ngas thos kyis khyed kyis de snyi 'jam zhing lhod pas zung la ma smad pa rang la phul cig /de rnams kyis smras pa/ lha bdag cag ni 'di nyid kyis 'tsho ba lags pas bdag cag gis dus 'di tsam gyi bar du lha'i yul du brgyus pa las ri dgas kyi dpon po mchog 'di lta bu ni sngon chad lan 'ga' yang ma thos na mthong ba lta ci smos/ lha gcig nas gcig tu smras te phyogs ga ge mo zhig na mchis so zhes gsan nas bdag cag la bka' stsal ba'i rigs so/ /de lta na bdag cag gis kyang lha'i bka' stsal pa nges par 'grub par mchi'o/ /de nas rgyal pos blon po rnams la bsgo ba/ shes ldan dag bA rA Na sIr dril sgrogs su chug la/ lhas bka' stsal pa/ nga'i yul na ri dgas kyi dpon po gzugs shin du rab tu sdug pa zhig yod kyis sus de'i gtam nga'i snyan du gsol na de ngas bkur sti chen pos bkur sti byas la de la grong rdal mchog lnga sbyin no zhes sgo shig /blon po rnams kyis rgyal po las mnyan nas bA rA Na sIr dril bsgrags pa/ bA rA Na sI na gnas pa'i grong mi dang yul sna tshogs nas lhags pa'i skye bo'i tshogs kyi shes ldan dag nyon cig /lhas 'di skad ces bka' stsal to/ /nga'i yul na ri dgas kyi dpon po gzugs shin du rab tu sdug pa zhig yod kyis sus de'i gtam nga'i snyan du gsol pa de ngas bkur sti chen pos bkur sti byas te/ de la grong rdal mchog lnga sbyin no zhes byung ngo / /de nas de mthong ba'i mi de 'di snyam du sems te/ ci re shig 'khor rjes su bskyang bar bya 'am/ 'on te byas pa gzo bar bya snyam pa las 'dod pa la so sor bsten pa ni sdig pa'i las mi byed pa ci yang med pas de 'dod pa'i rgyus bslang ba'i zhe sdang gi me drag pos snying gdungs nas bsams pa/ byas ba gzo ba re shig zhog /dgra la sha glan pa'i dus la bab bo/ /ci bdag gis yang de 'dra ba'i gnas skabs thob par 'gyur ram re shig de la sha glan par bya'o snyam nas/ de nam nangs pa dang rgyal po'i dgos pa sgrub pa'i 'khor gyi nang du 'dug pas rgyal po'i pho brang gi sgo lhug par 'dug pa na de me tog shin du dri zhim pa sna tshogs dag khyer te sgo ba dang blon po rnams las gcig nas cig tu brgyud de rgyal pos thos par byas nas/ 'khor gyi nang du zhugs te thog mar bkur sti rnam pa sna tshogs byas nas rgyal po la smras pa/ lha phyogs ga ge mo zhig na zhugs shing sna tshogs kyi nags bya dang ri dgas 'dris pas mdzes par bgyis pa na ri dgas kyi dpon po gser gyi glo zhes bgyi ba ri dgas kyi tshogs stong phrag du mas yongs su bskor cing mchis te/ bdag gis lha la ri dgas dam pa gzugs mchog tu sdug pa de bstan par bgyi'o/ /de nas rgyal pos de thos nas yid bde ba skyes te/ blon po brgya phrag du mas yongs su bskor cing ya mtshan skyes pa yul sna tshogs nas lhags pa gzhan rnams dang bA rA Na sI na gnas pa'i grong mi dang yul mi rnams kyis kyang mdun du bdar te/ mi des lam bstan pa bzhin rim gyis phyogs der phyin to/ /ji tsam bya rog byang chub sems dpa' dang dam bcas pas phyogs su blta ba'i phyir nags tshang tshing de'i shing kha na 'dug pas skye bo'i tshogs chen po nags tshang tshing du phyogs te 'ong ba mthong nas des rings pa rings par ri dgas kyi dpon po'i drung du song ste smras pa/ ri dgas kyi rgyal po khyod la bdag gis sngar mi rnams ni phan pa byas pa mi sems shing byas pa mi gzo la byas pa mi tshor ba yin no zhes smras pa yin te/ mi des skyes mang du khyer nas 'ong ngo / /sgra de ri dgas rnams kyis thos nas skrag ste kun du bros so/ /ri dgas kyi dpon po byang chub sems dpas bsams pa/ gal te bdag gis ri dgas 'di dag ma bsrungs na de ring nyid du kha btags par 'gyur gyis sems can yal bar dor ba bas ni rang gi srog chud gzon pa bla'o snyam nas rgyal po sur song ngo / /de nas mi snying rje med cing 'jig rten pha rol la mi lta ba de ri dgas la blta bar brtun pa'i blos ri dgas kyi mchog de lag pa gnyis kyis bstan te smras pa/ lha ri dgas kyi dpon po ni 'di lags so/ /las shin du drag po yongs su rdzogs pa dag ni rnam par smin pa'i dus la mi ltos pa yin pas tshig smras ma thag kho nar mi de'i lag pa gnyis ka sa la lhung bar gyur to/ /de nas rgyal po de skyo ba skyes nas mi de la dris pa/ kwa'i nang rje 'di ci las gyur/ de sdug bsngal gyi tshor bas nyen cing nga ro mi gsal bas tshigs su bcad de smras pa/ rgyal chen gang zhig bkum nas nor/ /'phrog de chom rkun ma lags kyi/ /rgyal chen byas pa mi gzo ba/ /gang lags de ni chom rkun lags/ /rgyal pos smras pa/ kwa'i nang rje smras pa de'i don ci yin/ des ji ltar gyur pa thams cad rgyas par rgyal po la smras so/ /de nas rgyal pos byas pa chud gzon pa'i mi de la tshigs su bcad pas slar smras pa/ ci phyir tha chad sar ni bying ma gyur/ /ci'i phyir lce ni dum bu brgyar ma lhags/ /ji ltar khyod kyis lus 'di gsang ba bas/ /rdo rje char mdung mda' chen brdeg ma gyur/ /de nas rgyal pos byang chub sems dpa'i mthu chen po de shes nas blon po rnams la smras pa/ shes ldan dag ri dgas kyi dpon po bdag nyid chen po 'di ni bsnyen bkur bya bar 'os kyis deng la grong khyer dang lam byi dor byed du chug shig /de rnams kyis grong khyer de'i rdo ba dang / gseg ma dang / gyo mo rnams bsal cing tsan dan gyi chus chag chag btab/ shin du dri zhim po'i pog por dag bzhag /rgyal mtshan btsugs/ dar gyi chun 'phyang mang po spyangs/ me tog sna tshogs kyis dga' dga' ltar bkram ste/ lha rnams kyi dga' tshal gyi bskyed mos tshal bzhin du lam yang mdzes par byed du bcug nas bA rA Na sI na gnas pa'i skye bo'i tshogs kyis me tog gi phreng ba dag thogs te bsur dong ngo / /de nas rgyal pos ri dgas kyi dpon po gzugs shin du sdug pa de 'byor pa chen pos grong khyer bA rA Na sIr zhugs nas seng ge'i khri la 'dug tu bcug go/ /de nas rgyal po'i 'byor pa dang mthu chen pos btsun mo dang / gzhon nu dang / blon po dang / grong mi dang / yul mi dang bcas pas yongs su bskor cing 'dug go/ /de nas ri dgas kyi dpon po byang chub sems dpas 'khor la bltas nas rgyal po dang 'khor de la de lta bu'i chos bshad de/ de thos pas rgyal po 'khor dang bcas pas bslab pa lnga'i gzhi blangs so/ /sems can du ma dag gis ni dge ba'i rtsa ba dag thob bo/ /de nas rgyal pos nags de ri dgas rnams la byin no/ /srog chags 'byung po thams cad la yang mi 'jigs pa byin no/ /dge slong dag ji snyam du sems/ de'i tshe de'i dus kyi ri dgas kyi dpon po gser gyi glo gang yin pa de ni nga nyid yin no/ /de'i tshe de'i dus kyi mi gang yin pa de ni lha sbyin 'di byas pa mi gzo ba dang byas pa mi tshor ba yin no/ /da lta na yang 'di byas pa mi gzo ba dang byas pa mi tshor ba yin no/ /gzhan yang ji ltar lha sbyin 'di byas pa mi gzo zhing byas pa mi tshor ba de nyon cig /dge slong dag sngon byung ba ri 'or zhig na me tog phreng rgyud mkhan zhig gnas te/ de'i me tog gi ra ba chu'i pha rol na yod pas de nyi ma re re zhing chu rgal zhing me tog thu'o/ /ji tsam dus gzhan zhig na chu rgal ba na dus tshigs ma yin pa'i a mra'i 'bras bu chus khyer ba zhig mthong nas des de blangs te sgo ba la byin no/ /sgo bas gsol ka ba la'o/ /gsol ka bas rgyal po la'o/ /rgyal pos btsun mo la'o/ /btsun mos de myangs pa na ro la zhen nas rgyal po la gsol ba btab pa/ lha a mra'i 'bras bu 'di 'dra ba yang stsal ba'i rigs so/ /rgyal pos gsol ka ba la smras pa/ khyod kyis a mra'i 'bras bu su las 'ongs/ des smras pa/ sgo srungs kyis stsal lags so/ /sgo srungs la smras pa dang des smras pa/ me tog phreng rgyud mkhan gyis stsal lags so/ /rgyal pos smras pa/ shes ldan dag me tog phreng rgyud mkhan khug shig /rgyal po'i mi rnams kyis bkug nas rgyal pos smras pa/ kwa'i me tog phreng rgyud mkhan khyod kyis a mra'i 'bras bu 'di ga las rnyed/ des ji ltar gyur pa smras pa dang / rgyal pos de nyid la bsgo ba/ song la a mra'i 'bras bu 'di 'dra ba gzhan yang khyer te shog shig /mi'i dbang po rnams kyi tshig ni gcig tu mi rung bas de bag tsha bas snying la zug cing a mra'i 'bras bu btsal bar brtsams te/ des rgyags khyer nas thog ma a mra rnyed pa logs su song ba dang ri'i phyogs cig na a mra'i shing spre'u rnams kyi bgrod par gyur gyi mi rnams kyi ni ma yin pa de mthong nas/ de nas me tog phreng rgyud mkhan de shing de la phan tshun nas brtags na/ g.yang sa chen por skyes pas mi rnams kyis bgrod pa ma yin te gzeg par ma nus so/ /de de na a mra'i 'bras bu 'dod pa'i phyir zhag mang du lon pas rgyags zad par gyur to/ /des bsams pa/ bdag 'di bzhin 'dug na yang rgyags med pas 'chir chabs gcig gis ci byung ba byung gzeg go zhes des rdo ba rnams la 'jus te 'dzeg par brtsams pa las a mra'i 'bras bu ma thob par g.yang du lhung ngo / /ri de la byang chub sems dpa' spre'ur gyur pa na spre'u rnams kyi dpon por gyur to/ /stes dbang gis des ri de la tshogs bzhag ste/ phyogs der phyin pa dang / ji tsam na des me tog phreng rgyud mkhan de sdug bsngal dog cing nyam nga bar gyur par mthong nas byang chub sems dpa'i ni bzo'i gnas dang las kyi gnas de dang de dag la mkhas pa yin te/ de de la phan pa skyed pa lhur len pas rim gyis ma sad na dbyung bar mi nus so/ /zhes rdo rnams kyis goms par bya bar brtsams te/ gang gi tshe bdag gis dbyung bar nus so snyam du rig pa de'i tshe des de g.yang sa nas rim gyis phyung ba dang rdo ba bteg pa dang me tog phreng rgyud mkhan phyung bas shin du dub par gyur to/ /de'i tshe dud 'gro yang mi'i skad du smra ba yin pas des de la dris pa/ khyod ci'i phyir nyam nga ba 'di lta bu dang ldan par gyur/ des ji ltar gyur pa smras pa dang / byang chub sems dpas bsams pa/ 'di a mra'i 'bras bu med par song na gnod pa 'thob par 'gyur gyi/ bdag gis 'di la a mra'i 'bras bu sbyin no snyam nas bdag nyid chen po de spro ba dang gzhan la phan par bya ba la brtson pa ma bos bas dub bzhin du yang shing de la 'dzegs nas a mra'i 'bras bu klag par brtsams te/ mi de ji tsam 'dod kyi bar du a mra'i 'bras bu zar bcug nas thu ba yang bkang ngo / /byang chub sems dpa' rnams ni sems can thams cad la bag 'bebs pa yin pas de nas spre'u'i dpon po de babs nas des mi de la smras pa/ kwa'i nang rje kho bo dub pas yud tsam zhig nyal gyis re shig phyogs su bya ra gyis shig /des smras pa/ /bka' bzhin 'tshal/ de gnyid log pa dang mi des bsams pa/ bdag rgyags chad pas gal te a mra rnams zos na ni bdag gis rgyal po la yang ci dbul de bas na spre'u 'di bsad la sha skam du byas te lam du 'jug go snyam nas/ snying rje med pa 'jig rten pha rol yal bar bor ba des de rdo ba chen pos bsad do/ /lhas tshigs su bcad de smras pa/ phan 'dogs pa yi mtshan nyid dang / /de bzhin drin gzo grogs por brjod/ / mi rnams la yang kha cig ni/ /phan pa byas pa mi shes so/ /dge slong dag ji snyam du sems de'i tshe de'i dus kyi spre'u'i dpon po gang yin pa de ni nga nyid yin no/ /de'i tshe de'i dus kyi me tog phreng rgyud mkhan gang yin pa de ni lha sbyin 'di nyid yin te/ de na yang 'di byas pa mi gzo ba dang / byas pa mi tshor ba yin no/ /da ltar yang 'di byas pa mi gzo zhing byas pa mi tshor ba yin no/ /gzhan yang ji ltar 'di byas pa mi gzo ba dang / byas pa mi tshor ba de nyon cig /dge slong dag sngon byung ba byang chub sems dpa' ma nges pa'i phung po la gnas pa na grong rdal med pa'i dgon pa'i gnas ri 'or dang ri'i phug chu dang me tog dang 'bras bus rgyas pa zhig tu bya rnams kyi nang du skyes te/ bya shing sta mo zhes bya bar gyur to/ /ri de nyid kyi phyogs zhig na ri dgas kyi rgyal po seng ge zhig ji ltar 'dod pa'i spyod pa dang gnas pas ri dgas bsad cing bsad cing za bar byed do/ /de dus gzhan zhig na sha zos pa las so'i bar du rus pa chud nas de 'jigs pa dang bag tsha ba dang bral ba yin yang so'i nad kyi tshor bas lus la gnod par gyur nas blong bar gyur pas kha zas za ma nus so/ /stes dbang gis shing sta mo de shing kha gcig nas gcig tu rgyu ba la goms pas de phyogs de nas ri dgas kyi dpon po 'dug pa'i phyogs der 'ongs pa na/ des seng ge de sdug bsngal gyi tshor bas nyen par mthong nas smras pa/ zhang po ci'i phyir blong bar gyur/ des smras pa/ tsha bo bdag sdug bsngal gyi tshor bas nyen to/ /khyod sdug bsngal ci lta bu zhig gis/ des rgyas par smras pa dang des smras pa/ zhang po khyod la bdag gis dpyad byas khyod ni seng ge yin te rkang bzhi pa thams cad kyi dpon po yin pas phan gdags par nus kyis khyod kyis bdag la dus dus su phan pa byos shig /des smras pa/ de bzhin du bya'o/ /shing sta mos bsams pa/ ji ltar 'dis byed pa yang ma tshor ba de ltar 'di'i dpyad byas nas sos nas shes par 'gyur bar bya'o snyam mo/ /de phan par bya ba lhur len pas de'i spyod pa dang gnas pa la rtog cing 'dug go/ /ji tsam na ri dgas kyi dpon po de rlung bde ba'i reg pas nad rtse zhil nas rdo ba zhing yangs pa zhig la kha gdags nas gnyid log go/ /de nas shing sta mo de ri dgas kyi dpon po de'i drung du song na de ltar bsod par gnas par mthong nas des bsams pa/ 'di'i dpyad bya ba'i dus de la bab bo snyam du rig nas legs par brtags te so'i bar du chud pa'i rus pa 'dab mas bskyod pa'i rim pas mod la phyung ste skyes shing gnyid kyi snyoms pa bsal ba'i mig gis langs nas 'dug go/ /de nas shing sta mo des ri dgas kyi dpon po de sdug bsngal dang yid mi bde ba dang bral bar rig nas rab tu dga' ba'i yid kyis de'i drung song ste smras pa/ zhang po khyod kyi sdug bsngal gyi rgyur gyur pa ni rus pa 'di yin no/ /de nas ri dgas kyi dpon po de mchog tu ngo mtshar skyes nas smras pa/ tsha bo phan pa 'di'i lan khyod la bdag gis nges par slar phan pa byas dus dus su shog shig /legs so de bzhin du bya'o zhes smras nas shing sta mo song ngo / /ji tsam dus gzhan zhig na ri dgas kyi dpon po sha la za ba na shing sta mo de yang bya khra zhig gis zin te do shi ba las shor te bkres pas gdungs pa'i snying gis ri dgas kyi dpon po de'i drung du song ste/ nyam thag pa dag rig par byas nas smras pa/ zhang po bdag bkres pas gzir gyis sha la chung zad byin cig /des tshigs su bcad de smras pa/ da ltar kho bo srog gcod cing / /gtum po mi dge byed pa yi/ /mche ba'i bar du khyod 'ongs pa/ /gson pa drin cher mi sems sam/ /des kyang tshigs su bcad de smras pa/ rgya mtshor lhung ba phung ba ste/ /rmi lam bsams pa don med yin/ /do ngan bsten pa gang yin dang / /byas mi gzo la byas don med/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus kyi shing sta mo gang yin pa de ni nga nyid yin no/ /de'i tshe de'i dus kyi ri dgas kyi dpon po gang yin pa de ni lha sbyin 'di nyid yin te/ de na yang 'di byas pa mi gzo ba dang byas pa mi tshor ba yin no/ /da ltar yang 'di byas pa mi gzo ba dang byas pa mi tshor ba yin no/ /gzhan yang ji ltar 'di byas pa mi gzo ba dang byas pa mi tshor ba de nyon cig /dge slong dag sngon byung ba grong khyer bA rA Na sI na mi dbul po zhig gnas pa de shing btsongs shing btsongs pas 'tsho bar byed do/ /de dus gzhan zhig na nang par sngar langs te sta re dang khur shing dag thogs te shing gi phyir nags khrod du song ba dang dus ma yin pa'i char sprin chen po sna la rlung ldang ba langs so/ /mi de 'di rung ngam 'di rung ngam zhes gnas kyi khyad par tshol zhing shing nas shing gzhan gyi drung du song na 'on kyang gsher bar gyur pa nyid pas/ des shing drung brgyus te rim gyis brag phug cig tu zhugs pa dang des brag phug de na dom zhig gnas pa de mthong nas sngangs te 'bros par brtsams pa las/ dom gyis smras pa/ bu ci'i phyir sngangs bu ma 'jigs par kho bo'i drung na 'dug shig /de bag tsha bzhin du bred nas 'gro ma nus so/ /de nas dom des dbugs phyung ste/ lag pa gnyis kyis pang du 'khyud nas rtsa ba dang 'bras bus tshim par byas so/ /yul ngan yang zhag bdun du byung lhas kyang char pa ma bcad do/ /zhag bdun 'das te zhag brgyad pa'i nyin par char sprin sangs nas dom gyis phyogs bzhir bltas te rtsa ba dang 'bras bu rab tu mang po byin nas mi de la smras pa/ bu char sprin sangs te yul ngan med kyis ci bder song shig /mi des rkang pa la gtugs te smras pa/ yab mchi na bdag gis khyed la lan ci zhig glan/ des smras pa/ bu ci nas kyang kho bo su la yang ma smras na de nyid kyis lan glan pa yin no/ /des smras pa/ yab de bzhin du bgyi'o zhes des de la bskor ba byas nas rkang pa la phyag byas nas chas so/ /de bA rA Na sIr zhugs pa dang rngon pa zhig ri dgas 'chor du chas pa des de mthong nas smras pa/ grogs po khyod dus 'di srid cig lon na gang nas 'dir 'ongs/ khyod kyi bu smad ni khyod dus ma yin par char zhag bdun bab pas gcan zan gyis bsad par ma gyur grang zhes skrag par gyur nas shin du smre sngags 'don to/ /dus ma yin pa'i char zhag bdun bab pas bya dang ri dgas kyang du ma shi na khyod ji ltar shor/ des ji ltar gyur pa rgyas par smras pa dang des smras pa/ grogs po dom de gang na 'dug pa'i phug de smros shig /des smras pa/ ne'u zla cis 'tsho yang bla/ slar nags khrod du mi 'gro'o/ /des de la ji ltar khas len par 'gyur ba de ltar sha'i skal ba sum nyis sbyin pas bslus pa dang lam mtshon pa'i phyir song ste/ ji tsam na rim gyis bdag nyid chen po'i dom de gang na gnas pa'i phug der phyin to/ /de nas snying rje med pa la gnas pa byas pa mi gzo bas smras pa/ phug 'di na dom gnas so/ /de nas rngon pa pha rol gyi srog la gnod pa byed pas phug der me btang ngo / /de nas bdag nyid chen po'i dom de du bas subs pa'i yid dang mig mchis mas gang bas tshigs su bcad de smras pa/ bdag ni ri yi sul gnas te/ /rtsa ba 'bras bu chu 'thung zhing / /sems can la ni phan blo yis/ /su la gnod pa ci zhig byas/ /'chi ba'i dus la bab gyur pas/ /da ni ci yang byar med de/ /lus can 'dod dang mi 'dod pa'i/ /las kyi rjes su 'brang bar bya/ /zhes smras nas shi'o/ /de nas de rnams kyis bshas te sha bgos nas byas pa chud gzon pa'i mi de la smras pa/ sha'i skal ba sum nyis long shig /des blang ngo zhes lag pa gnyis brkyang ba dang sa la lhung ngo / /de nas rngon pa de rnams kyis de ltar ma rung ba de mthong nas kyi hud ces smras te/ rang rang gi skal ba yang bor nas dong ngo / /shin du ya mtshan du gyur pa de skye bo'i tshogs chen pos thos nas phyogs der 'dus so/ /rgyal po tshangs sbyin yang ya mtshan skyes nas de nyid du 'ongs so/ /ri de'i phyogs cig na dge 'dun gyi gtsug lag khang yod pas de nas rgyal po tshangs sbyin gyis de'i lpags pa blangs te ya mtshan gyi mig phye nas don de dge slong gi dge 'dun la rig par bya'o zhes dge 'dun gyi gtsug lag khang der song nas lpags pa dag bting ste/ rgan pa'i mtha' logs su 'dug nas dge 'dun la don de rgyas par smras so/ /de na gnas brtan dgra bcom pa zhig yod pa des tshigs su bcad de rgyal po de la smras pa/ rgyal chen 'di ni don ma lags/ /byang chub sems dpa' gzi 'chang ste/ /rgyal chen 'jig rten gsum po dang / /khyod kyis kyang ni mchod 'os lags/ /rgyal pos bsams pa/ 'di la mchod pa bya'o snyam mo dge slong rnams kyis smras pa/ lha 'di ni bskal pa bzang po'i byang chub sems dpa' lags kyis 'di la mchod pa mdzod cig /de nas rgyal po tshangs sbyin btsun mo dang / gzhon nu dang / blon po dang / grong mi dang / yul mi dang bcas pas dri'i shing thams cad blangs te phyogs der dong nas de'i sha dang keng rus thams cad phung po gcig tu byas nas smras pa/ shes ldan dag dri'i shing thams cad spungs la spungs zin nas sregs shig /de dri'i shing thams cad kyis spungs te spungs nas bkur sti chen po byas te bsregs nas phyogs de nyid du mchod rten chen po byed du bcug ste gdugs dang / rgyal mtshan dang / ba dan btags nas dus mchod chen po btsugs so/ /de la bya ba byas pa gang yin pa de thams cad kyang mtho ris su gzhol bar gyur to/ /dge slong dag ji snyam du sems/ de'i tshe de'i dus kyi dom gang yin pa de ni nga yin no/ /de'i tshe de'i dus kyi mi byas pa chud gzon pa gang yin pa de ni lha sbyin 'di nyid yin te/ de na yang 'di byas pa mi gzo ba dang byas pa mi tshor ba yin no/ /da ltar yang 'di byas pa mi gzo ba dang byas pa mi tshor ba yin no/ /gzhan yang ji ltar 'di byas pa mi gzo ba dang byas pa mi tshor ba de nyon cig /dge slong dag sngon byung ba grong khyer bA rA Na sI na mi dbul po zhig yod pa de shing btsongs shing btsongs pas 'tsho bar byed do/ /de dus gzhan zhig na nang par sngar langs te sta re dang khur shing blangs te shing gi phyir nags khrod du song ba dang ri de'i phyogs shing rnam pa sna tshogs kyi nags stug po me tog dang 'bras bu sna tshogs kyis rgyas pa zhig yod pa de na byang chub sems dpa' ma nges pa'i phung po la gnas pa dom rnams kyi nang du skyes pa zhig yod do/ /ji tsam na shing thun de shing 'tshol ba na phyogs gzhan zhig nas stag gis gtses te 'chi ba'i 'jigs pas skrag nas stes dbang gi shing gang la byang chub sems dpa' dom de gnas pa'i shing de la 'dzegs pa las des de mthong nas lhag par skrag par gyur pa dang bdag nyid chen po des dbugs phyung nas bzung ste pang du bzhag go/ /stag de yang kha zas la zhen pas shing drung de nyid mi gtong bar smras pa/ kye bdag nyid chen po mi mgo nag 'di rnams ni byas pa mi gzo ba yin gyis 'or cig dang de zos te 'gro'o/ /mi gzhan phal cher skyabs su 'ongs pa la byams na/ byang chub sems dpa' rnams lta smos kyang ci dgos pas des smras pa/ 'di bdag la skyabs su 'ongs pas bdag gis mi dor ro/ /'on kyang stag de sha dang khrag 'dod pas de nyid du 'dug gi ma song ngo / /de nas dom des mi de la smras pa/ bu kho bo ngal gyis re shig khyod 'dug shig dang kho bo ngal sos par bya'o/ /de de'i pang du 'dug nas ngal bas dub pas gnyid log go/ /stag gis smras pa/ kwa'i mi khyod dus ji srid zhig tu 'dir 'dug /'o ni mar 'or cig dang zos la 'gro'o/ /de nas khyod ci bder song shig /snying rje med pa sdig pa'i las can 'jig rten pha rol yal bar bor ba des bsams pa/ bdag gis dus ji srid zhig tu 'dir gnas par byas des smras pa/ legs kyis dor ro snyam nas des de bor ba dang bdag nyid chen po des bor ba na smras pa/ kye/ min/ tshig /des/ kyi/ ci/ se/ ngan/ bsten/ gro zhes smras te lhung nas stag gis tshul ma yin pas bsad do/ /mi des bsams te smras pa de thos nas bsams pa/ 'dis bdag la ji zhig bgo bsha' bya bar 'dod de/ gang gi phyir 'di skad ces smras so snyam nas/ de sred pas ldongs pas bla bar gyur te/ de sems 'khrugs shing smyos nas de dang de dag tu 'khyam pa na 'di skad ces kye min/ tshig /des/ kyi/ ci/ se/ ngan/ bsten/ gro zhes smra'o/ /de gnyen rnams kyis khyim du khrid na de bzhin du bla zhing 'dug go/ /de rnams kyis 'byung po'i dpyad bya ba'i rig sngags dang / gsang sngags 'chang dang / gzhan yang dge sbyong dang / bram ze dang / snying du sdug pa dang / nye du dang / rtsa lag rnams la dris na/ de rnams rnam pa phal mo cher smra zhing dpyad ni chung zad kyang mi byed do/ /de'i tshe bA rA Na sI dang ha cang yang mi ring ba'i bsti gnas shing rnam pa sna tshogs kyi nags stug po 'bras bu dang / me tog dang / chu phun sum tshogs pa/ bya du ma skad 'byin pas mdzes par byas pa zhig yod pa na drang srong mngon par shes pa lnga dang ldan pa zhig gnas so/ /mi de'i gnyen rnams kyis mi de khrid de drang srong de'i gan du dong nas rkang pa gnyis la gtugs te smras pa/ drang srong chen po bdag cag gi gnyen 'di yang dang yang 'di skad du bla ba 'di la ji ltar bgyi/ des smras pa/ sems can 'di ni sdig pa byed pa yin te/ rang bzhin ngan pa 'dis byang chub sems dpa' phan 'dogs 'dogs pa stag gi mdun du bor ro/ /bdag nyid chen po des ni 'di la chos bshad par bya'o snyam du bsams na 'dis de bor te/ de bor ba na ma mo khyer te tshigs su bcad pa bcu las yi ge re re zhig dran pa ni kye/ min/ tshig /des/ kyi/ ci/ se/ ngan/ bsten/ gro zhes bya ba yin no/ /drang srong de'i slob ma zhig gis smras pa/ mkhan po re shig tshigs su bcad pa de rnams ji lta bu lags pa gsungs shig /drang srong des rim bzhin du tshigs su bcad pa de rnams smra bar brtsams pa/ kye ma kyi hud 'jig rten 'dir/ /chos ma yin pa mi bzad de/ /tshogs par mi dbyung mi rnams la/ /grogs po gsod par byed pa yod/ /grogs gsod gnas skabs gang du yang / /bde bar 'gyur ba ma yin te/ /stan la ma yin lam du min/ /'dug min 'chag pa na yang min/ /de lhung snying ni rje rje skad/ /'di la tshig tu smras pa gang / /des ni sems can blo ngan po/ / ji ltar khan da 'bar bzhin sreg /shin du mi bzad las byas pa/ /des khyod 'jig rten pha rol tu/ /sdug bsngal reg pa'i tshor ba ni/ /sim pa ma yin myong bar 'gyur/ /tha shal bas kyang tha shal khyod/ /ngu 'bod shin du mi bzad par/ / kyi hud kyi hud ces sgrogs pa'i/ /sdug bsngal ngan pa chen po 'thob/ /mi dge'i las can gtum de la/ /de yis ci zhig byas gyur na/ /tshogs par mi 'byung mi rnams las/ /grogs po gsod par byed pa yod/ /chos 'jig byed pa mi bzad pa'i/ /sems ni sdig pa yin par shes/ /khyod kyis dom la sdig pa dang / /stag la gang byas dran par gyis/ /blo ngan khyod kyis ji lta bur/ /grogs la bya ba mi shes te/ /gsod par byed pas gsod 'thob la/ /sha khon can gyis khon rnams mthong / /stag gi 'jigs chen byung ba na/ /khyod ni yun ring bsten byas shing / /nyal ba na yang khyod bsrungs na/ /khyod kyis de ni ma bsrungs so/ /grogs 'khu kha na ma tho cher/ /chos smra ba rnams rjod byed do/ / blo ngan lus ni zhig gyur nas/ dmyal ba rnams su skye bar 'gyur/ /dge slong dag ji snyam du sems/ de'i tshe de'i dus kyi dom gang yin pa de ni nga nyid yin no/ /de'i tshe de'i dus kyi byas pa chud gzon pa'i mi gang yin pa de ni lha sbyin 'di nyid yin te/ de na yang 'di byas pa mi gzo ba dang / byas pa mi tshor ba yin no/ /da ltar yang 'di byas pa mi gzo ba dang byas pa mi tshor ba yin no// //'dul ba gzhi/ bam po dgu bcu rtsa dgu pa/ gzhan yang ji ltar 'di byas pa mi gzo ba dang byas pa mi tshor ba de nyon cig /dge slong dag sngon byung ba yul shi bi'i dbyangs kyi rgyal po'i pho brang na rgyal po shi bi zhes bya ba 'byor pa dang / rgyas pa dang / bde ba dang / lo legs pa/ skye bo dang / mi mang pos rab tu gang ba na rgyal srid byed du 'jug go/ /rgyal po de yang dad pa bzang ba/ dge ba'i bsam pa can/ bdag la phan pa dang / gzhan phan par zhugs pa/ snying rje can/ bdag nyid chen po chos 'dod pa/ skye dgu rnams la byams pa/ /thams cad rab tu sbyin pa/ thams cad yongs su gtong ba/ chags pa med par yongs su gtong ba/ /gtong ba chen po la gnas pa zhig yin te/ de 'di lta ste dge sbyong dang / bram ze dang / bkres pa dang / /phongs pa dang / 'gro bar chas pa'i slong ba rnams la sbyin par yongs su mi gtong ba ci yang med de/ lhag par yang nad pa rnams la sbyin no/ /rgyal po de'i kun du spyod pa ni nang par sngar langs nas pha dang ma gnyis la phyag byas te nad pa la bltas nas dgos pa'i ched kyi phyir 'dug par byed do/ /ji tsam na mi nad pa sman pa thams cad kyis bor ba 'tsho ba'i re ba med la 'chi ba la mngon du phyogs pa zhig de dang de dag tu 'khyam zhing shi bi'i dbyangs kyi rgyal po'i pho brang du phyin to/ /de'i tshe rgyal po shi bi so ga'i dus la bab ste/ me tog gi shing rnams kha 'bus shing ngang pa dang / khrung khrung dang / /rma bya dang / ne tso dang / ri skegs dang / khu byug sgra 'byin pa'i nags tshal stug po'i bskyed mos tshal gyi sar btsun mos yongs su bskor te chas so/ /nad pa de yang tshor ba drag pos gdungs pas yid mi bde ba skyes shing lus kyi dbugs ni brdzags/ mig ni mchi mas gang bzhin lag pa khar ba la brten nas dal bus rgyal po'i drung du song nas mgo bos phyag byas te smras pa/ lha bdag bro nad 'di las yongs su bskyab tu gsol/ srog stsal du gsol/ de nas shi bi'i rgyal pos nad pa de'i tshig snying rje rje skad du dal bus yi ge re re nas smras pa thos nas snying rjes kun nas bskyod pa'i sems kyis de nyid nas slar log ste/ blon po rnams la smras pa/ shes ldan dag nga'i yul na gnas pa'i sman pa rnams khug shig /de rnams kyis sman pa thams cad bkug ste rgyal po la phul lo/ /de nas rgyal pos mi de bkug nas smras pa/ shes ldan dag mi 'di'i dpyad gyis shig /sman pa rnams kyis dpyad de blo gros gcig tu byas nas smras pa/ lha 'di'i sman dkon lags so/ /rgyal pos smras pa/ shes ldan dag de'i sman ci 'dra ba zhig yin/ /sman pa rnams kyis smras pa/ lha skyes pa thog ma btsas nas su la yang khro ma myong ba gang lags pa de'i khrag gis nas thug sbyar nas gal te 'tshal du stsal na 'di sos par 'gyur lags kyi gzhan du ma lags so/ /rgyal pos thos nas bsams pa/ bdag gis ni 'di 'dra ba'i sdug bsngal gyis nyen pa gzhan dag zhi bar byed mi nus pa'i rgyal srid kyi dbang phyug gam/ 'tsho ba 'di lta bu bdag la ci dgos shes de snyam du bsams nas/ rgyal po rang gi rgyud la brtag par brtsams nas des ma ma la smras pa/ nga sngon su la lan 'ga' khros pa yod dam/ des smras pa/ lha gang gi tshe khyod bdag gis pang du blangs pa de'i tshe nas bdag kyang su la yang khro ma myong na khyod lta smos ci 'tshal/ /de nas ma'i drung du song ste smras pa/ yum bdag sngon su la yang lan 'ga' khros pa ma mchis sam/ /des smras pa/ bu khyod gang gi tshe kho mo'i rum du zhugs pa de'i tshe nas bdag kyang su la yang khro ma myong na khyod lta zhig ci smos rgyal pos bsams pa/ da ni sman rnyed do snyam nas des sman pa de rnams la smras pa/ /nga'i lus kyi yan lag lnga'i rtsa gtubs shig / de rnams kyis smras pa/ lha bdag cag ni mi phal pa'i ched du lha'i sku la mtshon gyis mi 'debs so/ /byang chub sems dpa' rnams ni bzo'i gnas dang las kyi gnas de dang de dag la mkhas pa yin pas des rang nyid kyi lus kyi yan lag lnga'i rtsa gtar te/ /khrag gis rdze'u bkang nas des nas thug sbyar te blud do/ /rgyal po de la rjes su chags pa'i btsun mo dang / gzhon nu dang / blon po dang / grong mi dang / yul mi rnams ngu ba la zhugs so/ /yul sna tshogs nas lhags pa'i skye bo'i tshogs kyis kyang 'phya bar brtsams te mi phal ba gcig gi phyir 'di snyed kyi sems can 'dor ba lta ci tha tshig ces gleng ngo / /de nas rgyal pos skye bo'i tshogs de dbugs phyung nas thabs des zla ba drug tu lus kyi yan lag lnga'i rtsa gtar te/ gtar nas nas thug blud do/ /rgyal po shi bi'i lus de tshags 'dra bar gyur nas gzi byin yongs su nyams so/ /gnas gtsang ma'i ris kyi lha rnams kyis bsams pa/ 'di ni bskal pa bzang po'i byang chub sems dpa' yin te/ gal te yongs su nyams na ma legs so snyam nas de rnams de la nyi ma re re zhing gzi byin sgrub par byed de des de 'tsho'o/ /gang gi tshe mi de'i nad de zhi bar gyur pa de'i tshe rgyal po shi bis grong rdal mchog lnga byin nas bA rA Na sI na gtso bor bkur bar gyur to/ /mtha' dag tu sgra grags pa rgyal po shi bi'i lus kyi yan lag lnga'i rtsa gtubs pa'i khrag gis nad pa'i rim gro 'di srid cig byas pas de yang sos par gyur to/ /gang yang ya mtshan skyes pa'i sems can rnams lhags nas mi de la dris pa/ kye nang rje khyod la rgyal po shi bis dus 'di srid cig rim gro byas so zhes grag na bden nam/ /des smras pa/ bdag la des ci zhig byas/ ngan khrag lta zhig sa la pho 'am gzhan la byin yang rung ste ngo mtshar ci zhig che/ de skad ces smras ma thag kho nar de'i khyim du me byung nas des de'i khyim dang nor thams cad tshig par gyur to/ /dge slong dag ji snyam du sems/ de'i tshe de'i dus kyi rgyal po shi bi gang yin pa de ni nga nyid yin no/ /de'i tshe de'i dus kyi byas pa chud gzon pa'i mi gang yin pa de ni lhas sbyin 'di nyid yin te/ de na yang 'di byas pa mi gzo ba dang byas pa mi tshor ba yin no/ /da ltar yang 'di byas pa mi gzo ba dang byas pa mi tshor ba yin no/ /gzhan yang ji ltar 'di byas pa mi gzo ba dang byas pa mi tshor ba de nyon cig /dge slong dag sngon byung ba rgyal po'i pho brang zhig na rgyal po zhig 'byor pa dang rgyas pa dang / bde ba dang / lo legs pa/ skye bo dang mi mang pos rab tu gang ba na rgyal srid byed du 'jug go/ /de dus gzhan zhig na btsun mo dang lhan cig rtse bar byed/ dga' bar byed/ dga' mgur spyod par byed do/ /de rtse bar byed de/ /dga' bar byed/ dga' mgur spyod par byed pa na btsun mo sems can dang ldan par gyur te/ de zla ba brgyad dam dgu lon pa na khye'u gzugs bzang ba/ blta na sdug pa/ mdzes pa/ lpags pa'i mdog gser 'dra ba/ mgo gdugs ltar 'dug pa/ lag pa ring ba/ 'phral ba'i dbyes che ba/ smin ma 'jar ba/ sna'i gzangs mtho ba/ yan lag dang nying lag thams cad dang ldan pa zhig btsas te/ de btsas pa na dge ba stong phrag du ma byung bar gyur to/ /de'i btsas pa'i btsas ston rgya cher byas nas khye'u'i ming cir gdags shes ming 'dogs par byed de/ /blon po rnams kyis smras pa/ lha 'di btsas pas na dge ba stong phrag du ma byung bas khye'u ming dge byed du gdags so zhes de'i ming dge byed du btags te/ khye'u dge byed ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la rjes su gtad de/ /de ma ma brgyad po dag gis 'o ma dang / zho dang / mar dang / zhun mar gyi snying po dang / gzhan yang yo byad kyi bye brag gtso bo dag gis sring bar byed/ skyed par byed cing rdzing na gnas pa'i pad ma bzhin myur du skyed par byed do/ /rgyal po de yang btsun mo dang lhan cig rtse bar byed de/ /dga' bar byed/ dga' mgur spyod par byed de/ /de rtse bar byed/ /dga' bar byed/ /dga' mgur spyod par byed pa na btsun mo sems can dang ldan par gyur te/ de zla ba brgyad dam dgu lon pa na khye'u zhig btsas te/ de btsas pa na mi dge ba stong phrag du ma byung nas de'i ming ni sdig byed ces bya bar btags te/ de yang bsrings bskyed de chen por gyur to/ /gzhon nu dge byed ni byams pa'i bdag nyid snying rje can sems can thams cad la brtse ba can/ sbyin 'dod pa/ sbyin pa la dga' ba yin pas de dge sbyong dang / bram ze dang / bkren pa dang / phongs pa'i slong ba rnams la sbyin pa gtong bar byed do/ /phas de la smras pa/ bu khyod rtag tu sbyin pa ma gtong shig /de ltar btang na re shig 'u bu cag la nor gyi rigs de rnyed ga la yod/ /'di ni chos nyid yin te sbyin pa po dang sbyin bdag la skye bo mang po dga' ba dang yid du 'ong bar 'gyur zhing phyogs dang phyogs mtshams rnams su yang de'i grags pa dang / sgra dang / tshigs su bcad pa dang / bzang po 'byung ba yin pas yul gzhan gyi rgyal po zhig gis de'i yon tan gyi bdag nyid chen po thos nas bu mo sbyin no/ /rgyal pos de dpal gyi 'byor pa chen pos bsu bar byas pa dang / dge byed kyis smras pa/ re shig nor ma bsgrubs kyi bar du bdag mchis 'brang mi 'tshal gyis/ yab rgya mtsho chen por 'jug par gnang ba'i rigs so/ /des smras pa/ de bzhin du gyis shig /de zong thogs te rgya mtsho chen por chas pa na de'i nu bo sdig byed gang yin pa des bsams pa/ 'di skye bo mang po sdug pa dang / yid du 'ong ba yin te/ gal te yang rgya mtsho chen po'i gru grub ste slar 'ongs nas lhag par yang skye bo mang po sdug pa dang yid du 'ong bar 'gyur zhing des na pha 'dug bzhin du rgyal srid kyi dbang phyug la dbang byed du bcug par 'gyur ba'i gnas gang yin pa 'di yod kyis/ 'dir yong ci'i dus la bab ce na/ bdag kyang de dang lhan cig rgya mtsho chen por zhugs la der 'di srog dang phral na/ bdag mi 'dod bzhin du yang rgyal tshab tu dbang bskur bar 'gyur ro snyam du bsams nas pha'i drung du song ste smras pa/ lha dge byed rgya mtsho chen por mchi na bdag kyang de dang lhan cig mchi'o/ /des smras pa/ de bzhin du gyis shig /de nas dge byed kyis rang gi yul du dril sgrogs su bcug pa/ grong khyer na gnas pa'i tshong pa shes ldan dag nyon cig /gzhon du dge byed zong thogs te rgya mtsho chen por 'jug gis/ ded dpon dge byed dang lhan cig rgya mtsho chen por 'jug par khyed cag las su spro ba de sho gam dang / la gcan dang / gru btsas med par 'gyur gyis/ rgya mtsho chen por 'dong ba'i zong sta gon gyis shig /tshong pa brgya phrag du mas rgya mtsho chen por 'gro ba'i zong sta gon byas so/ de nas ded dpon dge byed nu bo sdig byed dang lhan cig dge mtshan dang bde legs su 'gyur ba dag byas nas tshong pa brgya phrag du mas yongs su bskor te/ shing rta dang / khur dang / gzeb dang / pang tshad dang rnga mo dang / ba lang dang / bong bu dag gis rgya mtsho chen por 'jug pa'i zong mang po khyer nas chas te de rim gyis grong rdal dang / grong khyer dang / yul dang / rgyal po'i pho brang dang / tshong rdal rnams la lta zhing rgya mtsho chan po'i 'gram du phyin nas/ des kAr sha pa Na lnga brgyas gru nyos te zho shas 'tsho ba lnga po stobs par byed pa dang / sel bar byed pa dang / rkyal chen pa dang / gru pa dang / rlung yor thogs pa khrid nas lan gsum du dril bsgrags te rgya mtsho chen por zhugs nas gru spangs pa na nu bo sdig byed la smras pa/ gal te rgya mtsho chen po'i dbus su gru chag par gyur na ma rtabs par nga'i mgul du 'jus shig /des smras pa/ legs kyis de bzhin du bgyi'o/ /ji tsam na gru de rjes su 'thun pa'i rlung gis rin po che'i gling du phyin nas rlung yor thogs pas smras pa/ 'dzam bu'i gling gi tshong pa shes ldan dag nyon cig / rin po che'i gling zhes bya ba rdo rje dang / bai dUr+ya dang / an da rnyil dang / margad la sogs pa'i rin po che sna tshogs kyi 'byung gnas shig yod do zhes thos pa gang yin pa der yu bu phyin gyis/ rin po che ci 'dod pa long shig /de nas de rnams dga' ba dang mgu bas brtags shing brtags nas rin po che rnams kyis gru de dper na til lam/ 'bras sam/ rgya srin nam/ sran ma la sogs pa bzhin du bkang ngo / /byang chub sems dpa' rnams ni shin du brtags pa dang mkhas pa yin pas gzhon nu dge byed kyis chen po la 'os pa'i nor bu chen po rnams rked la btags so/ /ji tsam na gru de slar bsgyur ba las 'gram dang / ha cang yang mi ring ba zhig tu chu srin nya'i rigs kyis tshul ma yin pas ma rung bar byas so/ /de nas sdig byed kyis dge byed kyi mgul nas 'jus pa dang / des de 'bad pa chen pos 'gram du phyung ngo / /de khur gyis dub nas gnyid kyis log pa dang / de 'gres pa'i rked pa la rin po che btags pa dag sdig byed kyis mthong nas des bsams pa/ 'di ni rin po che 'di lta bu dag khyer te 'gro bar 'gyur na/ bdag gi lag pa stong par 'gro bar 'gyur ba lta zhes bsams nas des de gnyid stug pos non pa na rin po che de rnams kyang phrogs/ mig gnyis kyang tsher mas phyung nas des de long bar rgya mtsho'i 'gram du bor te song ngo / /stes te phyugs rdzi dag cig phyugs skyong zhing phyogs der phyin pa dang / de rnams kyis de mthong nas dris pa/ kye nang rje khyod su zhig des ji ltar gyur pa rgyas pas smras pa/ de rnams kyis thos nas snying rje skyes te/ de rnams kyis de phyugs rdzi dpon po'i khyim du khrid do/ /de de na pi wang blang bar brtsams pa dang / phyugs rdzi dpon po de'i chung ma gzugs dang lang tsho'i dregs pas rgyags pas pi wang gi sgra thos nas bsgugs pa las/ de byas pa chud gzon pa'i spyod pa rjes su dran nas rna ba bkag ste 'dug nas ma btub bo/ /'dod pa la zhen pa rnams ni mi bya ba ci yang med pas des khyim thab la dpar ba smras pa/ mi long ba 'di bdag la sgugs na/ khyod 'di 'dra ba dag sdud par byed dam/ sha khon rnams kyi nang na 'di lta ste bud med kyi sha khon ni tha chad yin pas des bsams pa/ 'di chad pas ni bcad zin pas spang pa ma gtogs par 'di la ci byar yang med do snyam nas des de khyim nas spangs te lam po che dang / srang dang / bzhi mdo dang / sum mdo rnams na pi wang gis 'tsho bar byed do/ /de'i pha shi nas de'i nu bo sdig byed rgyal srid la bzhag go/ /de yang rim gyis mtshams gzhan gyi rgyal po sngon bu mo byin pa gang yin pa de'i grong khyer du phyin to/ /de yang chen mor gyur nas/ de slong ba yul sna tshogs na gnas pa rgyal po'i bu dang / blon po'i bu dang / mdun na 'don gyi bu dag lhags nas phas smras pa/ bu mo khyod gang la byin pa'i gzhon nu dge byed de ni rgya mtsho chan por song ba las de nyid du tshul ma yin pas shi bar gyur to/ /da ni khyod slong ba dag lhags te/ gang la khyod ma byin pa de mi dga' bar 'gyur na/ 'di la ji ltar bsgrub par bya/ des smras pa/ yab gal te de ltar na grong khyer byi dor bgyid du stsol cig dang bdag nyid kyis khyim thab 'dam mo/ /rgyal pos smras pa/ bu de bzhin gyis shig /de nas rgyal pos yul sna tshogs dang grong khyer sna tshogs rnams su rang nyid khyim thab 'dam par bsgrags nas grong khyer de yang gseg ma dang / rdo ba dang / gyo mo bsal cing tsan dan gyi chus chag chag btab/ dri zhim pa'i pog por dag bzhag /gdugs dang / rgyal mtshan dang / ba dan bsgreng / dar gyi chun 'phyang mang po dpyangs/ me tog rnam pa sna tshogs kyi dga' tshal gyi bskyed mos tshal bzhin du dga' dga' ltar byas nas dril sgrogs su bcug pa/ grong khyer na gnas pa dang grong mi dang yul sna tshogs nas lhags pa'i skye bo'i tshogs kyi shes ldan dag nyon cig /sang rgyal po'i gzhon nu ma rang nyid khyim thab 'dam gyis khyed cag 'byor pa ji lta ba bzhin du 'du bar gyis shig /nam nangs nas rgyal po'i gzhon nu ma de rgyan sna tshogs kyis klubs te gzhon nu ma du mas yongs su bskor nas nags tshal gyi lha me tog rgyas pa'i nags tshal gyi nang na shin du mdzes pa de bzhin dpal gyi 'byor pa chen pos grong khyer gyi dbus na srog chags brgya stong phrag mang po 'dus pa'i nang du rang nyid khyim thab 'dam du 'ongs so/ /dge byed de yang de'i phyogs gzhan zhig na pi wang len cing 'dug go/ /sems can rnams ni las rnams kho nas phan tshun sbyor bar byed pa yin la/ rgyu'i stobs che yang rkyen gyi stobs la ltos pa yin pas/ de nas rgyal po'i gzhon nu ma de pi wang gi sgras sems bsdus pas dge byed pi wang len pa la chags nas des de la 'di bdag gi khyim thab bo zhes me tog gi phreng ba bor ro/ /skye bo'i tshogs yid mi bde bar gyur cing kha cig snying na nas mod la 'phya bar brtsams pa/ rgyal po'i gzhon nu ma 'di ltar gzugs bzang ba dar la bab pa sgyu rtsal phun sum tshogs pa dang ldan pas lhags pa'i rgyal po dang / mdun na 'don gyi bu rnams dang / gzhan yang grong khyim na gnas pa'i skyes pa'i gtso bo rnams spangs te long ba la khyim thab tu 'dam pa ci tha tshig /zho shas 'tsho ba rnams yid mi bde zhing mi dga' bas rgyal po la smras pa/ lha gzhon nu ma rang nyid kyis khyim thab bdams lags so/ /rgyal pos smras pa/ ci 'dra ba zhig /lha long ba zhig lags so/ /de yang thos nas yid mi bde bar gyur te de nas de bkug nas smras pa/ bu rgyal po dang / nor can dang / tshong dpon dang / blon po'i bu dang / mdun na 'don gyi bu gzugs bzang ba dang dar la bab pa 'byor pa phun sum tshogs pa dag yod na/ khyod kyis ci'i phyir 'di 'dra ba zhig khyim thab tu bdams/ des smras pa/ yab 'di kho na bdag 'tshal lags so/ /rgyal pos smras pa/ bu gal te de ltar na de nyid kyi thad du song shig ci'i phyir 'dug /de de'i drung du song nas smras pa/ bdag gi khyim thab tu khyod 'dams so/ / des smras pa/ khyod kyis ma legs pa zhig byas te de lta mod kyi 'di ni long ba yin pas/ bdag skyes pa gzhan dang lhan cig dga' mgur spyad par bya'o snyam du bsams pa lta zhig /des smras pa/ bdag ni de lta bu'i las byed pa ma yin no/ / des smras pa/ ci mngon des bden pa gsol bar brtsams te/ bden pa dang bden pa'i tshig gang gis rgyal bu gzhon nu dge byed de dang khyod la 'dod chags skyes kyi gzhan su la yang ma yin zhe na/ bden pa dang bden pa'i tshig des khyod kyi mig gcig sngon gyi ji lta ba bzhin du gyur cig ces bden pa'i byin gyis brlabs ma thag kho nar de'i mig gcig sngon gyi ji lta ba bzhin du gyur te/ des smras pa/ dge byed de nyid nga yin te/ nu bo shos sdig byed kyis 'di lta bu'i gnas skabs su byas so/ /des smras pa/ gzhon nu dge byed de kho na khyod yin par ci mngon/ des kyang bden pa gsol bar brtsams te/ bden pa dang bden pa'i tshig gang gis sdig byed kyis bdag gi mig phyung ba na de la ngan sems cung zad kyang ma byung zhe na/ bden pa dang bden pa'i tshig des bdag gi mig gcig shos kyang sngon gyi ji lta ba bzhin du gyur cig ces byas pa dang / bden pa gsol bas de'i mig gcig shos kyang sngon gyi ji lta ba bzhin du gyur to/ /de nas rgyal po gzhon nu ma des dge byed dbang po ma tshang ba ma yin pa de khrid nas rgyal po'i drung du song ste smras pa/ yab dge byed de ni 'di nyid lags so/ /rgyal po yid ma ches pa las des ji ltar gyur pa smras pa dang rgyal po mchog tu ngo mtshar skyes nas de nas des bu mo de dpal gyi 'byor pa chen pos byin nas dpung chen po dang chas te grong khyer der song ste sdig byed rgyal srid las phyung ste dge byed de yang pha'i rgyal srid la bzhag go/ /dge slong dag ji snyam du sems/ de'i tshe de'i dus kyi dge byed gang yin pa de ni nga nyid yin no/ /de'i tshe de'i dus kyi sdig byed gang yin pa de ni lhas sbyin 'di nyid yin te/ de na yang 'di byas pa mi gzo ba dang byas pa mi tshor ba yin no/ /da ltar yang 'dis byas pa mi gzo ba dang byas pa mi tshor ba yin no/ /gzhan yang 'di ji ltar byas pa mi gzo ba dang / byas pa mi tshor ba de nyon cig /dge slong dag sngon byung ba rgyal po'i pho brang zhig na rgyal po zhig 'byor pa dang rgyas pa dang / bde ba dang / lo legs pa/ skye bo dang mi mang pos rab tu gang ba na rgyal srid byed du 'jug go/ /de btsun mo dang lhan cig rtse bar byed/ dga' bar byed/ dga' mgur spyod par byed de/ de rtse bar byed/ dga' bar byed/ dga' mgur spyod par byed pa las rim gyis bu bzhi btsas te yal ga dang / lcug ma dang / rjes su 'thun pa'i lcug ma dang sa ga'o/ / de rnams bsrings bskyed de chen por gyur nas yul gzhan gyi rgyal po'i bu mo dag las chung ma blangs pa dang / de rnams rgyal po la brnyas thabs byed par brtsams pa dang / de nas rgyal pos spyugs te rang rang gi chung ma khrid de dong ba las/ ji tsam na dgon pa'i lam zhig tu phyin pa na de rnams lam rgyags chad nas de rnams la phan tshun du nang khrims bcas te/ chung ma re re bsad la de'i shas dgon pa'i lam rgal bar bya'o zhes byas so/ /sa gas bsams pa/ gzhan gyi srog gcod pa bas rang gi srog chud zos pa bla'i 'dir yong ci'i dus la bab ce na chung ma khrid de bros te 'gro'o snyam nas/ des chung ma khrid de bros pa las de'i chung ma bza' ba dang bral ba dang lam gyi dub pas blong blong por gyur te smras pa/ rje'i sras srog dang bral bar 'gyur ro/ /sa gas bsams pa/ bdag gis 'di srin po rnams kyi nang nas yongs su bskyabs nas da gal te shi bar gyur na ma legs so snyam nas des brla'i sha las bcad de zar bcug cing / lag pa gnyis kyi rtsa gtubs pa'i khrag blud de des de khrid de rim gyis ri zhig gi drung du phyin nas/ de na rtsa ba dang 'bras bus 'tsho bar byed do/ /ri de'i drung na 'bab chu zhig 'bab pa de la mi zhig dgras lag pa dang rkang pa gtubs nas chur bskyur te de chus khyer ba na nyams thag pa'i nga ro'i skad 'byin to/ /sa ga yang phyogs gzhan zhig na rtsa ba dang 'bras bu rko ba las des mi de'i 'o dod 'bod pa thos nas/ de sems kyi rgyud snying rjes brlan pas ri de la 'dzegs te kun tu blta bar brtsams pa las/ ji tsam na mi chus khyer ba de mthong nas des myur ba myur bar ri las babs te 'bab chu'i nang du zhugs nas mi de khur du blangs te 'bab chu'i 'gram du phyung ste bzhag nas de'i sdug bsngal gyis snying gdungs nas smras pa/ bu 'di ci las gyur/ des ji ltar gyur pa thams cad smras nas de nas des de dbugs phyung ste/ rtsa ba dang 'bras bus tshim par byas nas chung ma la gtad de/ des de'i rim gro byas nas sos par gyur to/ /de de'i rim gro byed pa na gcugs pa'i bde bas yang dang yang du drung du song nas gtam rnam pa sna tshogs smra zhing 'dug go/ /'di ni chos nyid yin te/ byang chub sems dpa' rnams ni rang bzhin gyis 'dod chags chung ba yin pas sa ga de dang lhan cig res 'ga' dga' mgur spyod la/ res 'ga' dga' mgur spyod par mi byed do/ / byang chub sems dpa'i mthus sdong bu dang rtsa ba dang 'bras bu de dag lhag par mthu dang ldan pa yin pas des de dag longs spyad pas nyon mongs pa bdo nas mi rkang lag rdum bu de la bsgugs par brtsams pa dang de ma btub nas smras pa/ re shig bdag shi zin pa dang 'dra ba las da lta sos pa yang stes te gson na/ gal te yang 'di 'dra ba byas na khyod kyi khyo des bdag thams cad kyi thams cad du srog dang phral bar 'gyur ba'i gnas gang yin pa de yod do/ /de la des yang nas yang du bsgugs pa dang nyon mongs pa rnams ni thul bar dka' ba yin pas de de dang lhan cig nyal lo/ /de de dang lhan cig kun du dga' ba dang yid du 'ong ba dang / lhag par chags par gyur pas mngags kyang de'i drung du mi 'gro'o/ /des bsams pa/ 'di ltar 'di chags par gyur la sha khon rnams kyi nang na 'di lta ste/ bud med kyi sha khon tha chad yin pas da ni bdag ma rung ngo snyam nas des de dang lhan cig gros bya bar brtsams te/ khyod kyi khyo 'dis gal te bdag cag nyal ba shes par gyur na gdon mi za bar khyod la gnod pa byed cing bdag kyang srog dang bral bar 'gyur ro/ /des bsams pa/ smras pa 'di ni legs kyis thabs shig bsham par bya'o snyam mo/ /bud med ni ma bslabs par mkhas pas des mgo bo gos kyis dkris nas ri'i brag ka zhig na nyal te 'dug go/ / ji tsam na sa ga rtsa ba dang 'bras bu khyer te 'ongs nas de de ltar nyal ba mthong nas de nas dris pa bzang mo 'di ci zhig /des smras pa/ rje'i sras bdag glad pa bro 'tshal te te por mi bde 'o/ /sa gas smras pa/ de la ji ltar bsgrub par bya/ des ri'i bya skyibs na rdo dreg cig mthong nas des smras pa/ rje'i sras bdag sngon yang glad pa'i bro nad 'di lta bus thebs pa na sman pas rdo dreg bstan te des sos par gyur lags so/ /sa gas smras pa/ rdo dreg btsal lo/ /des smras pa/ rje'i sras ri'i bya skyibs 'di la mchis kyis bdag gis khyod kyis spyang thag gzung gis khyod kyis phyung shig /bdag nyid chen po drang po drang po yin pas de'i ngan g.yo ma shes pas de bzhin du byas zung shig dang dbyung ngo zhes khas blangs nas des de thag pa las dpyang la btang ba dang / des lag pa gcig gis thag pa btang ba na des kyang btang nas chur lhung ngo / /sems can tshe ring ba rgyal srid kyi bde ba nyams su myong bar 'gyur ba ni mi 'chi ba yin pas chu'i rgyun phyogs su khyer nas rgyal po'i pho brang zhig tu phyin to/ /de'i rgyal po yang bu med par shi'o/ /blon po rnams dang / grong mi dang / yul mi dang bcas pa thams cad 'dus nas gros byed de/ shes ldan dag rgyal po nongs na da su zhig rgyal srid la gzhag par bya/ de rnams kyis mtshan mkhan gyi mi rnams bskos te/ shes ldan dag sems can bsod nams kyi skal ba chen po dang ldan pa tshol cig dang de rgyal srid la gzhag par bya'o/ /de rnams kyis phyogs kun du btsal bar brtsams pa na/ las rnams bskal pa brgyar yang ni/ / chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /sa ga la rgyal srid 'byung bar 'gyur ba'i las kyi rnam par smin pa nyid nye bar gnas pas 'bab chu nas byung nas phyogs gzhan zhig na 'dug pa las byang chub sems dpa'i mthus sa phyogs de rgyan gyis brgyan pa bzhin du 'dug go/ /ji tsam na mtshan mkhan gyi mi rnams phyogs der lhags nas bdag nyid chen po de rgyal srid kyi mtshan dang ldan par mthong nas/ de rnams dga' ba dang yid bde bas blon po rnams kyi drung du dong ste smras pa/ bdag cag gis btsal na sems can bsod nams kyi skal ba chen po dang ldan pa zhig yod de de la rgyal srid 'os so/ /de nas blon po de rnams kyis lam gyi byi dor byas grong khyer byi dor byas nas dpal gyi 'byor pa chen pos grong khyer du khrid de nyi ma dang tshes grangs dang / yud tsam dang / rgyu skar rnams rim bzhin du sbyar te rgyal srid kyi dbang bskur ro/ /de la btsun mo med nas blon po rnams dang / mdun na 'don rnams dang / yul gzhan gyi rgyal po rnams dang / gzhan yang nor can dang / tshong dpon dang / ded dpon rnams rang rang gi bu mo rgyan thams cad kyis klubs nas khrid de rgyal pos khab tu bzhes par bya ba'i phyir grong khyer der lhags na/ rgyal po de bud med kyis sun phyung ba yin pas khas ma blangs so/ /blon po rnams kyis smras pa/ lha rgyal po rnams ni btsun mo dang / gzhon nu dang / blon po dang / grong mi dang / yul mir bcas pa lags kyis btsun mo gzhag tu gsol/ yul sna tshogs na gnas pa'i mi gtso bo rnams dang yul gzhan gyi rgyal po rnams dang / mi gtso bo de rnams kyi bu mo rnams de'i mngon du 'gyur bar bya ba'i phyir sta gon byas te bzhag na/ 'on kyang de khas len du ma btub ste bud med rnams yang dang yang du smod do/ /sems can rnams kyi bsod nams kyi mthus longs spyod rnams mthu dang ldan zhing phun sum tshogs pa yin pas gang gi tshe byang chub sems dpa' bud med byas pa chud gzon pas ri de las bor ba de'i tshe ri de'i rtsa ba dang 'bras bu rnams srabs par gyur cing mthu med par gyur to/ /de nas bud med de mu ge'i dus kyi 'chi ba'i 'jigs pas skrag nas rkang lag ma tshang ba'i mi de khur du thogs te grong mthar song nas lam po che dang / srang dang / bzhi mdo dang / sum mdo rnams su yang sprang zhig rgyu'o/ /dris pa na smras pa/ bdag khyim thab las mi 'phyo ba'o/ / bud med gang zhig khyim thab las mi 'phyo ba de 'jig rten gyis mchod pa'i chos de yod pas de gang du zhugs pa der slong mo 'thob bo/ /ji tsam na de rim gyis rgyal po'i pho brang du phyin pa dang / 'jig rten gyis thos nas mchog tu ngo mtshar skyes so/ / kha cig dag ni ngo mtshar skyes nas de la blta ba'i phyir phyir byung ba dang grong khyer na gnas pa'i skye bo'i tshogs kyis glags rnyed nas de dag 'phya bar byed/ gzhogs 'phyas byed/ kha zer bar byed de/ rgyal po 'di ni bud med thams cad la smod par byed na khyim thab las mi 'phyo ba mi rkang lag ma tshang ba khur nas 'khyam pa dam pa 'di ma mthong ba lta/ gtam de mdun na 'don gyis rgyal po la smras pa dang / rgyal pos bsams nas des smras pa/ bud med de bltas khug shig /de bkug nas rgyal pos mthong ba dang / 'dzum dmul te tshigs su bcad pas smras pa/ nga yi brla yi sha dag dang / /khrag kyang zos shing 'thungs nas ni/ /rdum po khur du thogs pa khyod/ /khyim thab las da mi 'phyo 'am/ /rdo dreg dag gi ched du ni/ /nga ni g.yang sar bor nas su/ /rdum po khur du thogs pa khyod/ /khyim thab las da mi 'phyo 'am/ /de ngo tsha bar gyur pa'i snying gis gdong smad de 'dug go/ /blon po rnams kyis don de rgyal po la dris pa dang des ji ltar gyur pa rgyas par smras nas/ de la smad pa'i tshig gis grong khyer gyi phyi rol du bskrad do/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus kyi rgyal po gzhon nu sa ga gang yin pa de ni nga nyid yin no/ /de'i tshe de'i dus kyi bud med gang yin pa de ni lha sbyin 'di nyid yin te/ de na yang 'di byas pa mi gzo ba dang byas pa mi tshor ba yin no/ da ltar yang 'di byas pa mi gzo ba dang byas pa mi tshor ba yin no/ /gzhan yang ji ltar 'di byas pa mi gzo ba dang byas pa mi tshor ba de nyon cig /dge slong dag sngon byung ba thams cad kyi grong rdal gyi grong khyer na rgyal po thams cad kyi bshes gnyen zhes bya ba zhig rgyal srid byed du 'jug ste/ /'byor pa dang / rgyas pa dang / bde ba dang / lo legs pa/ skye bo dang mi mang pos rab tu gang ba na 'thab pa dang / thab mo dang / khrag khrug dang / 'gyed pa dang / chom rkun med cing nad rab tu zhi bar gyur pa 'bras dang / bu ram shing dang / ba lang dang / ma he phun sum tshogs pa na chos kyi rgyal po chos dang ldan pa/ chos bzhin gyis rgyal srid byed du 'jug ste/ rgyal po de yang dad pa bzang ba/ dge ba'i bsam pa can/ bdag dang gzhan la phan par zhugs pa/ snying rje can/ bdag nyid chen po chos 'dod pa/ skye dgu la byams pa zhig yod pa de dus gzhan zhig na btsun mo dang lhan cig rtse bar byed/ dga' bar byed/ dga' mgur spyod par byed de/ de rtse bar byed/ dga' bar byed/ dga' mgur spyod par byed pa na btsun mo sems can dang ldan par gyur to/ /de zla ba brgyad dam dgu 'das nas khye'u gzugs bzang po/ mdzes pa/ blta na sdug pa/ lpags pa'i mdog gser 'dra ba/ mgo bo gdugs ltar 'dug pa/ dpung pa ring ba/ dpral pa'i dbyes che ba/ smin ma 'jar ba/ sna'i gzangs mtho ba/ /yan lag dang nying lag thams cad dang ldan pa zhig btsas so/ /btsas nas de'i btsas ston rgya cher byas nas/ khye'u'i ming cir gdags shes ming 'dogs par byed do/ /nye du rnams kyis smras pa/ khye'u 'di rgyal po thams cad kyi bshes gnyen kyi sras yin pas de bas na khye'u'i ming thams cad sgrol zhes bya bar gdags so/ /zhes btags nas khye'u thams cad sgrol ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis dang / ma ma brgyad la rjes su gtad nas de 'o ma dang / zho dang / mar dang / zhun mar dang mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin du myur du skyed par byed do/ /de gang gi tshe chen por gyur pa de'i tshe yi ge dang / grangs dang / rtsis dang / lag rtsis la nye bar zhugs shing rgyal po rgyal rigs spyi bo nas dbang bskur ba yul gyi 'byor pa dang / mthu dang / brtson 'grus thob pa/ sa chen po'i dkyil 'khor mngon par zil gyis mnan te gnas pa rnams kyi bzo'i gnas dang las kyi gnas tha dad par gyur pa gang dag yin pa 'di lta ste/ glang po che'i gnya' bar zhon pa dang / rta la zhon pa dang / shing rta la zhon pa'i thabs dang / ral gri'i thabs dang / gzhu'i 'dzin stangs dang / mdun du bsnur ba dang / phyir bsnur ba dang / lcags kyus sgyur thabs dang / zhags pa gdab pa dang / mda' bo che 'phen pa dang / gcad pa dang / dral ba dang / dbug pa dang / 'dzin stangs dang / gom stangs dang / rgyang nas phog pa dang / sgra grag par phog pa dang / gnad du phog pa dang / mi 'chor bar phog pa dang / tshabs che ba ste gnas lnga rnams la yang byang bar gyur to/ /gzhon nu thams cad sgrol dad pa bzang ba/ dge ba'i bsam pa can/ bdag dang gzhan la phan par zhugs pa/ snying rje can bdag nyid chen po chos 'dod pa/ skye dgu rnams la byams pa/ thams cad rab tu gtong ba/ thams cad yongs su gtong ba/ chags pa med par yongs su gtong ba/ gtong ba chen po la zhugs pa yin te/ de'i gtong ba rgya chen po thos na dpag tshad brgya nas kyang don du gnyer ba'i skye bo 'ong ste/ thams cad kyang yid la re ba yongs su rdzogs par byas nas gtong ngo / /de nas re shig cig na byang chub sems dpa' shing rta nor bu dang / gser dang / dngul dang / rdo rje dang / byi ru dang / bai dUr+ya dang / spug dang / pad ma rA ga dang / in dra nI las 'bar bar byas pa/ tsan dan mchog gi snying po las bsgrubs pa/ seng ge dang / stag dang / gung gi lpags pas g.yogs pa/ rta rlung gi shugs ltar mgyogs pa/ gser dang dngul gyi dril bu g.yer ka'i sgra 'khrol ba bzhi dang ldan pa mchog gi nang du zhugs nas grong khyer dam pa nas bskyed mos tshal du song ngo / de nas bram ze'i rig byed dang rig byed kyi yan lag shes pa kha cig gis thams cad sgrol bsu nas smras pa/ rgyal rigs gzhon nu khyod rgyal bar gyur cig /yang smras pa khyod ni 'jig rten thams cad du/ /thams cad gtong zhes rnam par grags/ /bram ze rnams la shing rta 'di/ /khyod kyis sbyin pa gtang bar rigs/ /de skad ces smras pa dang / byang chub sems dpa' thams cad sgrol shing rta de las myur ba myur bar babs te snying dga' ba dang / mgu ba dang / rab tu dga' bas bram ze de dag la shing rta de byin nas smras pa/ bdag gis ji ltar bram ze la/ /mchog tu dga' bas shing rta btang / /de bzhin bdag gis srid pa gsum/ /btang nas byang chub mchog reg shog /de dus gzhan zhig na glang po che'i mchog rgyal srid 'phel zhes bya ba me tog kun da dang / pun da ri ka dang / kha ba dang / dngul dang / sprin dkar po lta bu'i mdog can bdun legs par gyur pa/ rkang lag legs par gnas pa/ glang po che sa srung gi bu ltar 'gying zhing 'gro ba/ skal ba mchog gi mtshan can/ bsod nams byas pas mthong ba la zhon nas shin du sdug pa'i bran dang / mdza' bshes dang / g.yog rnams phyi bzhin 'brang zhing zla ba rgyu skar gyi tshogs kyis yongs su bskor ba bzhin du so ka'i dus la bab pas shing rnams me tog kha 'bus shing / ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u sgra 'byin pa'i nags tshal gyi bskyed mos tshal gyi sar song ba dang / de nas phyir rgol bas rbad pa'i bram ze kha cig gzhon nu thams cad sgrol gyi drung du rings pa rings par 'ongs nas gzhon nu thams cad sgrol la smras pa/ rgyal rigs gzhon nu khyod rgyal bar gyur cig /yang smras pa/ lha min lhar bcas 'jig rten du/ /khyod ni thams cad gtong zhes grags/ /khyod kyi glang po mchog 'di ni/ /bdag cag rnams la stsal ba'i rigs/ /de skad ces smras pa dang / byang chub sems dpa' glang po che'i mchog de las myur ba myur bar babs nas/ dga' ba dang / mgu ba dang / rab tu dga' ba'i yid kyis de dag la glang po che'i mchog de byin nas smras pa/ bdag gis ji ltar bram ze la/ /mchog tu dga' bas glang chen btang / /de bzhin bdag gis srid pa gsum/ /btang nas byang chub mchog reg shog /rgyal po thams cad kyi bshes gnyen gyi bu thams cad sgrol gyis glang po che'i mchog rgyal srid 'phel zhes bya ba phyir rgol bas sbad pa'i bram ze rnams la byin no zhes thos so/ / thos nas kyang rgyal po thams cad kyi bshes gnyen shin du khros 'khrugs nas gzhon nu thams cad sgrol bkug ste smras pa/ gzhon nu khyod nga'i yul na ma 'dug par song shig /de nas gzhon nu thams cad sgrol phas spangs pa dang bsams pa/ bdag gis byang chub kyi phyir 'bad pa byas pa dang / 'jig rten thams cad rjes su gzung ba'i phyir brtson 'grus kyi go cha bgos pas glang po che de yang btang ste/ de bas khyim na gnas pas ni/ /ci nus pas ni sbyin pa btang / /dka' thub nags su brten nas ni/ /nges pa mchog dag bya ba yin/ /bslangs na mi sbyin bya ba yi/ /tshig ni smra bar mi phod kyi/ /de bas bdag ni khyim spangs te/ /dka' thub nags su rab tu 'gro/ /de nas byang chub sems dpas de ltar snying la mna' mtho bcad nas chung ma rgyags byin ma'i drung du song ste de dag rgyas par smras so/ /de nas rgyags byin ma thos ma thag tu sdug pa dang bral bar dogs pa'i snying gis thal mo sbyar te byang chub sems dpa' la smras pa/ rje'i sras gal te de ltar na bdag kyang dka' thub kyi nags su mchi ste/ bdag ni rje'i sras dang bral na skad cig tsam yang 'tsho bar rngo mi thog lags so/ /ci'i slad du zhe na/ nam mkha' zla bas stongs par gyur pa dang / /ji ltar sa ni lo tog gis stongs dang / /pad ma chu yis stongs par gyur pa dang / / bud med khyim thab kyis stong de bzhin no/ /byang chub sems dpas smras pa/ bdag cag mthar gdon mi za bar 'bral bar 'gyur te/ 'di ni 'jig rten gyi rang bzhin no/ /khyod ni bza' ba dang / btung ba dang / mal cha dang / bgo ba mchog la goms pas lus shin du skyid de ba yin/ dka' thub kyi nags na ni rtswa dang lo ma bting bar ni nyal/ rtsa ba dang me tog dang / 'bras bu ni za/ rtswa dur ba dang / zug rdo dang rtswa dang / tsher mas gang ba'i sa la ni rgyu/ yang dang yang du za gcig pa la ni sten/ bdag nyid skye bo thams cad la ni bsten dgos/ glo bur du 'ongs pa thams cad mchod pa la ni 'bad dgos la/ de na yang nga gdon mi za bar ci nus kyis sbyin pa gtong ste de la khyod kyis cung zad kyang mi 'gyod par bya dgos so/ /de bas na re shig da dung yang legs par soms shig rgyags sbyin mas smras pa/ rje'i sras bdag rngo ci thog gis rje'i sras kyi rjes su sgrub lags so/ /byang chub sems dpas smras pa/ gal te de lta na dam bcas pa de dag khyod kyis dran par byos shig /de nas byang chub sems dpa' pha'i drung du song nas mgo bos phyag byas te/ yab cig bdag gis sbyin par glang chen stsal/ /nongs pa gang lags sa bdag bzod par gsol/ /bdag ni grong nas dgon par mchi lags kyi/ /mi yi dbang po phyag mdzod stongs ma gyur/ /de nas rgyal po bu dang bral ba'i sdug bsngal gyis dbugs kyis brnangs te skad 'dar 'dar pos smras pa/ bu sbyin pa'i blo bor la 'dug shig /byang chub sems dpas smras pa/ sa ni ri dang bcas par yang / /gal te ldog par 'gyur gda' yis/ /sa bdag bdag ni sbyin pa las/ /sems ni ldog par mi bgyid do/ /zhes smras nas song ngo / /de nas bu dang bu mo dang / chung ma dang lhan cig shing rta'i nang du zhugs te grong khyer dam pa de nas byung nas pho brang 'khor gyi mi dang yul mi mya ngan byed pa brgya stong rjes su 'brang bzhin du song ngo / /de nas mi zhig gis ngu zhing smre sngags 'don pa'i sgra de yang thos/ skye bo'i tshogs chen po grong khyer gyi sgor byung ba yang mthong nas mi zhig la dris pa/ kye nang rje skye bo'i tshogs chen po 'di cho nges 'debs pa ci las gyur des smras pa/ shes ldan ci mi shes sam/ 'di ltar mi yi dbang po nyid kyi sras po mche ba bzang / /brtan pa'i ngang tshul rab tu sbyin la dga' ba 'di nas spyugs/ /de ni bu dang chung mar bcas te nags mthar chas pa la/ /pho brang 'khor ba rnams 'dus shin du snying rjes cho nges 'debs/ /de nas byang chub sems dpas grong khyer dam pa de nas byung ba'i pho brang 'khor ba rnams la ci rigs par mngon du song nas smras pa/ shes ldan dag slar deng shig /slar deng shig /'di ltar shin du yun ring po nas sdug pa dang 'grogs pa yang mjug tu gdon mi za bar 'bral ba'i mtha' can du 'gyur te/ gnyen gyi skye bo dang 'grogs pa ni lam ka'i ngal bso ba'i bsti gnas kyi shing dang 'dra bas gdon mi za bar sdug pa dang bral bar 'gyur ro/ /de ci'i phyir zhe na/ 'jig rten kun na skye bo dbang med de/ /mdza' ba rnams dang bral bar 'gyur bsams nas/ /khyed kyis sa steng 'bad pa thams cad kyis/ /zhi phyir blo gros mi g.yo brtan pa gyis/ /de nas dpag tshad sum brgya 'das pa dang / /byang chub sems dpa' mthong nas bram ze zhig mngon du 'ongs te smras pa/ kye rgyal rigs gzhon nu bdag ni khyod kyi yon tan thos nas 'di nas dpag tshad sum brgya tsam gyi yul nas 'dir mchis lags kyis/ khyod kyi shing rta mchog 'dis bdag ngal ba 'bras bu mchis par bgyi ba'i rigs so/ /de nas rgyags sbyin ma mi bzod pa skyes te tshig brlang pos bram ze de la smras pa/ e ma'o nags na 'ang mi dbang sras la slong ba gang / /bram ze 'di ni shin du brtse ba med pa'i blo/ /mi dbang sras po mi dbang dpal las nyams gyur pa/ /'di la 'dir ni snying rje ci ga mi skye 'am/ /byang chub sems dpas smras pa/ khyod kyis bram ze ma spyo shig /de ci'i phyir zhe na/ rgyags sbyin gal te nor 'dod len pa 'di dag med gyur na/ /kun sbyin med par mi gang zhig gis sa steng byang chub 'thob/ /sbyin sogs pha rol phyin drug tshul gyis yon tan mchog can gyi/ /byang chub sems dpa' rnams kyis kun mkhyen nyid mchog rtag tu 'thob/ /de nas byang chub sems dpa' mchog tu dga' bas rta dang ldan pa'i shing rta de bram ze de la byin nas smras pa/ bram ze ser sna dri ma sel byed pa/ /shing rta rab tu byin pa 'di yis 'dir/ /bdag ni drang srong che mchog gis bskor ba'i/ /zag med chos kyi shing rta che skor shog /de nas thams cad sgrol gyis snying rab tu dga' bas shing rta'i mchog de yang bram ze la byin nas gzhon nu mdog gnag phrag pa la khyer/ rgyags sbyin mas ni gzhon nu ma dra ba can khyer nas dka' thub kyi nags logs su chas pa dang rim gyis dka' thub kyi nags su phyin to/ /de nas thams cad sgrol dka' thub kyi tshal der rang gi snying mgu bar byed pa'i brtul zhugs blangs te gnas so/ /ci tsam na rgyags sbyin ma rtsa ba dang 'bras bu'i phyir dka' thub kyi nags su song ba dang bram ze zhig thams cad sgrol gyi drung du 'ongs nas smras pa/ rgyal rigs gzhon nu khyod rgyal bar gyur cig /bdag cag bkol pa ma mchis pa/ /spa shug lhan cig 'khyam bgyid na/ /de yi don du bus pa gnyis/ /khyod kyis bdag la sbyin pa'i rigs/ /de skad ces smras pa dang / de nas byang chub sems dpa' thams cad sgrol bu sdug pa gtong ba la chung shig sems shing 'dug pa dang / de nas bram ze de byang chub sems dpa' thams cad sgrol la smras pa/ kye rgyal rigs gzhon nu bdag gis khyod thams cad ster ba'o zhes thos na 'di ltar khyod la bdag gis bslangs pa de la ci zhig dpyad du yod/ /khyod ni kun ster snying rje yi/ /bdag nyid can du sa steng grags/ /ji ltar grags pa de bzhin du/ /khyod kyis rtag tu bya ba'i rigs/ /de skad ces smras pa dang / byang chub sems dpa' thams cad sgrol gyis bram ze de la smras pa/ kye bram ze chen po/ /rang gi srog ni gtong ba la 'ang / /lan 'ga' dpyod pa ma myong na/ /rang gi bu ni gtong ba la/ /bdag blo gzhan du 'gyur ci smos/ /bram ze chen po de lta mod kyi/ bdag gis nags su bskyed bskyed pa'i/ /bus pa 'di gnyis yongs spangs na/ /ma dang bral ba'i nyon mongs pa/ /'di dag ji ltar gnas snyam mod/ /gzhon nu shin du brtse med pas/ /bus pa btang la bdag min zhes/ /kha cig bdag la 'phyar 'ong gis/ /bram ze bdag ni khrid na legs/ /de nas bram ze des thams cad sgrol la smras pa/ kye rgyal rigs gzhon nu rgyal po chen po'i rigs su skyes pa/ sa 'di thams cad du yon tan grags pa/ /srog chags thams cad la snying rje brtse bas 'o byams par zhugs pa/ sbyin pa dang / mchod pa dang / bkur stis spos kyi glang po lta bu dge sbyong dang / bram ze dang / blo bur ba'i skye bo la mchod pa byed pa/ skye bo bkren pa dang / phongs pa dang / mgon med pa dang / ltogs pa yongs su sdug pa thams cad kyi yid la re ba yongs su rdzogs par byed pa/ mthong na don yod pa khyod kyis bdag 'ongs na nom pa med pa 'am/ lam gyis dub pa 'bras bu med pa 'am/ mthong na don med pa 'am/ re ba dang yun ring po nas brnag brnag pa'i 'dod pa 'bras bu med par bya ba gang yin pa de ni cha ma yin te/ khyod kyi med do zhes bya ba'i tshig gis kho bo'i yid la re ba kun tu rtog pa'i rta bstabs na myur du ldog par 'gyur ro/ /de bas na khyod kyis bdag gi yid la re ba yongs su rdzogs par byas nas btang ba'i rigs so/ /de ci'i phyir zhe na/ chu gter gos su gyon zhing bza' mig mtshungs med pa/ /ri bo mchog rgyas nu mar ldan pa'i ro stod can/ /grong khyer grong rdal bcas pa'i sa la btsal byas kyang / /mche bzang khyod dang mtshungs par gtong phod yod ma yin/ /de nas byang chub sems dpa' thams cad sgrol gyis bram ze'i tshig de thos nas bu la chags pa'i slong bas 'di dag sems par byed de/ gal te re shig bu gnyis po/ /bram ze byin na bu dang ni/ /bral ba las byung sdug bsngal dag /bdag dang rgyags sbyin gyis 'thob 'gyur/ /'on te 'di la ma byin na/ /brtul zhugs las kyang nyams gyur cing / /bram ze 'di ni tshi chad de/ / ji ltar 'ongs pa bzhin du 'gro/ /nyes na bu bral nyam thag pa'i/ /mya ngan sa steng bdag gis blang / /de bzhin ma byas dam bcas pa/ /zhig cing brtul zhugs nyams par 'gyur/ /de nas byang chub sems dpa' thams cad sgrol gyis sdug pa'i bu gnyis nges par btang bar chad nas smras pa/ kye kho bos dka' spyad brgya yis 'jig rten sdug bsngal gyi/ /rgya mtsho chan po so sor 'jigs byed pa/ /gting mi dpogs par rab tu bying ba dag /pha rol bsgral phyir lam gyi zam stegs bca'/ /zla ba dri med nya ba'i bzhin ras can/ /ma zhum kha nas de skad tshig smras nas/ /mchi ma'i brlan chus mig ni gang gyur pas/ /byis pa gnyis po bram ze de la byin/ /yang smras pa/ bu 'di byin pa'i 'bras bu ni/ /rgya chen bdag gis thob gyur nas/ /des ni 'khor ba'i rgya mtsho las/ /'jig rten rnams ni bsgral bar bya/ /byis pa gzhon nu dag byin ma thag tu sa 'di rnam pa drug tu g.yos so/ /de nas sa g.yo ba des nags de na gnas pa'i dka' thub can rnams sngangs nas phan tshun smras pa/ sa ni mi bzad g.yos gyur pa/ /'di ni su yi mthu ltas yin/ /gang gi mthu ni 'di 'dra ba/ /shin du bsal bar shes par bya/ /de na gnas 'jog dang rus gcig pa rgan po dka' thub can ltas shes pa la mkhas pa gzhan zhig yod pa des drang srong de rnams la don de go bar byas pa/ gdon mi za bar dka' thub kyi nags su 'dug pa'i bu byis pa 'bras bu dang chu 'thung ba yid du 'ong ba'i mig tu sdug par byed pa gnyis thams cad sgrol gyis skye bo sdug bsngal gyis nyam thag pa/ yongs su thar bar bya ba'i phyir btang ste/ de nas sa g.yos par gyur to// //'dul ba gzhi/ / bam po brgya pa/ de nas bus pa gzhon nu de gnyis kyis phas snying nas yongs su btang ba'i blo rig nas snying rje rje skad du ngu zhing rkang pa gnyis la gtugs te smras pa/ yab cig yum ni ma mchis par/ /khyod ni bdag cag stsol bzhed pa/ /re shig de ni mthong gyur nas/ /de nas bdag cag stsal du gsol/ /de nas byang chub sems dpa' yid la gcags pa'i sdug bsngal gyis ngom zung gnag cing mchi ma 'dzag bzhin de gnyis la 'khyud nas smras pa/ bu dag nga'i snying du mi sdug min/ /snying brtse snying rje med min te/ /'jig rten kun la phan pa'i phyir/ /yon tan mthong nas btang ba yin/ /ci nas nga yis byang chub mchog /zhi ba rang gis thob nas ni/ /sdug bsngal rgya mtsho la gnas pa'i/ /rten med 'jig rten rnams bsgral lo/ /de nas byis pa gzhon nu de dag gis phas snying nas yongs su btang ba'i blo rig nas pha'i rkang pa gnyis la mgo bos phyag 'tshal te thal mo sbyar nas snying rje rje skad dang sma bab pa'i tshig gis dal gyis smras pa/ gal te khyod kyis thag bkum na/ /ma la bdag cag gnyis kyi phrin/ /khyod kyis bzod pa mdzod cig ces/ /yab cig khyod kyis gsung du gsol/ / yab gzhan yang byis par gyur pas bla ma khyod la nongs pa bgyis pa gang / /gal te la lar thugs la mi bab tshig 'ga' smras pa 'am/ /gus par mnyan pas yongs su mnyes pa nyid du ma bgyis pa/ /de ni byis pa'i nongs pa lags zhes bzod pa mdzad du gsol/ /de skad ces smras nas pha la phyag 'tshal te lan gsum du bskor ba byas nas mig mchi mas gang bzhin bla ma la smra bar yid la gcags pas yang dang yang phyir lta zhing bsti gnas de nas byung ste song ngo / /de nas byang chub sems dpa' byis pa gzhon nu'i tshig shin du snying rjer rung ba de dag gis snying blong nas yid kyi byang chub tu smon lam btab ste/ dka' thub kyi tshal gyi lo ma'i spyil bur zhugs so/ /byis pa gzhon nu dag dong ma thag tu stong gsum gyi stong chen po'i 'jig rten gyi khams 'di yang rnam pa drug tu g.yos so/ /lha stong phrag du mas yang bar snang la ca co dang ga zha'i sgra 'byin cing / e ma'o rab sbyin bdag nyid che/ /byis pa 'di gnyis btang nas kyang / /gang gi yid ni 'gyur med pa/ /de ni nges pa rmad cig go/ /de nas rgyags sbyin ma rtsa ba dang 'bras bu rnams khyer te bsti gnas logs su chas pa las sa che thang du g.yos pa des myur ba kho nar bsti gnas de nyid du song ba dang / lha gzhan zhig gis rgyags sbyin ma byang chub sems dpa' sems can thar bar bya bar brtson pa byas pa'i sbyin pa'i pha rol tu phyin pa'i bar chad byed par 'gyur du 'ong ngo snyam nas seng ge mo zhig gi gzugs su bsgyur te lam bkag nas 'dug pa dang rgyags sbyin mas ri dgas kyi rgyal po'i chung ma de la smras pa/ ri dgas rgyal po'i chung ma sgeg sgeg ma/ / kho mo lam 'dir bkag nas ci ste 'dug /ji ltar bdag ni mi 'phyo nges gyur na/ /lam las bzur te myur du 'gro bar gyis/ /gzhan yang khyod kyang ri dgas rgyal po'i chung ma la/ /bdag kyang mi yi dbang po seng ge yi/ /btsun mo yin pas chos kyi spun gyur gyis/ /ri dgas rgyal mos bdag gi lam phye shig /de skad ces smras pa dang lha seng ge mo'i gzugs su bsgyur ba de yang lam de nas logs shig tu song ngo / /de nas rgyags sbyin mas bkra mi shis pa'i ltas dag mthong nas yud tsam zhig bsams pa/ ji ltar bar snang la ngud mo'i sgra grag pa dang / ji ltar yang tshal na gnas pa'i 'byung po rnams mya ngan byed pa'i sgra grag pa las na gdon mi za bar bsti gnas su ma legs pa zhig byung bar gyur to snyam nas smras pa/ ji ltar bdag mig 'gul ba dang / /ji ltar bya skad 'byin pa dang / /ji ltar bdag ni dogs pa las/ /bus pa de gnyis btang bar nges/ /ji ltar sa 'di g.yos pa dang / /bdag gi snying ni 'dar ba dang / /ji ltar lus kyang rmya ba las/ /bus pa de yang btang bar nges/ /zhes de lta bu'i mi legs pa brgya stong dag sems shing bsti gnas su song nas bsti gnas su zhugs te/ mi dga' bzhin bltas na bu de gnyis ma mthong nas de nas rmongs shing snying 'dar bas bsti gnas kyi gzhi de'i rjes bzhin du sems te/ phyogs 'di na ni gzhon nu mdog nag sring mo dang lhan cig ri dgas kyi phru gu dang lhan cig rtag tu rtse rtse/ 'di ni de gnyis kyis sa rdul las byas pa'i khyim yin/ 'di ni de gnyis kyi rtsed mo'i cha byad yin na de gnyis ni mi snang na gal te zhig na bdag gis ma mthong gi lo ma'i spyil bur zhugs nas nyal lta srid dam snyam du de ltar snying la re shig bu mthong bar 'dod pas rtsa ba dang 'bras bu phyogs gcig tu bzhag nas mig mchi mas gang bzhin du khyim thab kyi rkang pa gnyis la gtugs te smras pa/ rje'i sras khye'u dang bu mo de gnyis gang du mchis/ /thams cad sgrol gyis smras pa/ kho bo'i drung du bram ze zhig /re bas yang dag 'ongs gyur na/ /bus pa de gnyis de la byin/ /de la rjes su yi rang gyis/ /de skad ces smras pa dang / rgyags sbyin ma ri dgas mo mda' dug can gyis phog pa bzhin du sa la sgyel nas nya chu'i gnas nas phyung ba bzhin du 'gre ldog par byed/ khrung khrung bu stor ba bzhin du ni snying rje rje skad du ngu / ba be'u shi ba bzhin du ni 'ba' sgra sna tshogs 'don cing smras pa/ pad mo gzhon nu lta bu'i byad bzhin can/ /lag pa pad ma'i mda' ltar gzhon sha can/ /bdag gi bu gnyis sdug bsngal ma myong ba/ /'gro ba gang du song nas sdug bsngal gyur/ /ri dgas bu ltar drang zhing ri dgas tshig /ri dgas lhan cig bsti gnas dga' ba na/ /de ring bdag gi bu gnyis ji lta bur/ /gzhan gyi dbang gis dong zhing sdug bsngal gyur/ /mig ni mchi mas gang ba'i mig gis ni/ /snying rjes ngu bas shin du sdug bsngal ba/ /de ring bdag gis legs par ma mthong bas/ /skye bo bkren pa'i nang na sdug pas 'tsho/ /de gnyis bdag gi pang nas bskyed bskyed pa/ /zas su rtsa ba me tog 'bras bu za/ /bzod dang gnas pas bla ma rtag dga' bas/ /bdag gi bu gnyis shin du sdug bsngal lo/ /de gnyis ma dang nye du bral ba dang / /rtsa lag rnams kyis gzu lums spangs pa las/ /skye bo sdig can ngan dang phrad gyur nas/ /bdag gi bu gnyis shin du sdug bsngal lo/ /skom zhing bkres pas bdag nyid rtag gdungs na/ /de gnyis su yi dbang gis 'gro bar 'gyur/ /bran du gyur pas gdon mi za bar ni/ /de gnyis nyam thag sdug bsngal yongs su zin/ /bdag gis nges par tshe rabs gzhan dag tu/ /srog chags sdug pa brgya dag phral ba yi/ /sdig las shin du mi bzad 'dir byas pa/ /des na ba be'u med bzhin cho nges 'debs/ /bden tshig gang gis bdag ni rtag tu yang / /sems can kun la yid ni mnyam gyur pa/ /bden tshig des ni bdag gi bu gnyis po/ /bran du gyur pa las ni thar bar shog /de nas rgyags sbyin mas bus pa gzhon nu de dag gis bskyed cing bsrungs pa'i shing gang yin pa de dag lo ma thib be 'dug par mthong nas snying du sdug nas 'khyud de smras pa/ /bus pas ril ba chung ngu'i chus bcus pa/ /lo ma rnams la chu thigs 'dzag pa yi/ /ljon shing rnams ni sems dang bcas pa bzhin/ /bus pa nu zho ma blud lta bur ngu / /yang bus pa gzhon nu de gnyis dang rtse rtse ba'i ri dgas kyi phru gu bsti gnas na 'dug pa rnams mthong nas mi dga' ste snying rje rje skad kyi tshig gis dal bus smras pa/ de'i ne'u zla mthong bar 'dod pa gang / /gnas su sa tshugs mtshon cing tshol byed pa/ /ri dgas phru gu rgyu ba 'di dag kyang / /bdag gi sdug bsngal mi chung gzhan yin no/ /de nas bus pa gzhon nu de dag lam gang nas dong ba'i lam der rjes bcad pa dang / bus pa gzhon nu de gnyis rjes drang por ma byung gi gya gyus gang bar mthong nas lhag par yang sdug bsngal gyis gdungs nas smras pa/ ji ltar 'then pa'i rjes byung dang / /la lar myur du song ba las/ /brdegs te khrid par gdon mi za/ / kye ma bram ze brtse med mchog /mgul ni dbugs kyis brdzags shing skad kyang 'dzer/ /ma mchu mdzes pa 'dar zhing bdag gi bu/ /ri dgas bzhin du mig kyang rig rig ste/ /rkang pa 'jam pos ji ltar song zhig gu/ /de nas byang chub sems dpa' de ltar smre sngags 'don pa'i bdag nyid de mthong nas mi rtag pa nyid dang ldan pa'i tshig de dang de dag gis rnam grangs mang por go bar byas nas smras pa/ kho bos bu gnyis grags pa yis/ /btang ba ma yin sdang bas min/ /sems can kun la phan don du/ /btang bar dka' ba'i bu de btang / /mchog tu btang dka' bdag nyid dang / /bu dang chung ma rnams btang nas/ /sems dpa' chen pos tshul bzhin du/ /byang chub mchog ni thob par gyur/ /rgyags sbyin bdag gis gtong ba la brten gtang dka' ba'i/ /bus pa de gnyis 'jig rten thar pa'i don du btang / /bdag dang chung ma gzhon nu nor yang gtang bya ste/ /kun la thams cad btang ba'i blo gros nga la yod/ /de nas rgyags sbyin mas sems brtan te/ byang chub sems dpa' la smras pa/ khyod la bar chad mi bgyid kyis/ /khyod blo gzhan du ma 'gyur cig /gal te bdag kyang stsol bzhed na/ /dogs pa ma mdzad bdag stsol cig /gzhan yang dpa' bo gang phyir nyid kyi mi/ /sdug pas chags pa btang ba yi/ /don de myur du thob nas ni/ /srid las 'gro ba bsgral bar mdzod/ /de nas lha rnams kyi dbang po brgya byin gyis byang chub sems dpa' dang / rgyags sbyin brtson 'grus shin du rmad du byung ba dang / shin du bya dka' bar rig nas sum bcu rtsa gsum pa'i tshogs kyis yongs su bskor te/ steng gi nam mkha' las bsti gnas der lhags nas snang ba rgya chen pos gnas de gsal bar byas te/ nam mkha' la 'dug bzhin du byang chub sems dpa' la smras pa/ 'di ltar 'jig rten rmongs pa blo ngan gzhung gis bcings pa'i blo gros can/ /longs spyod la chags snying gi zhags pa bu yis bcings pa'i nang na yang / /khyab bdag khyod gcig chags pa med pas dga' ba skyed pa'i bu gtong bas/ /nges par go 'phang bde dang zhi ba dri med dka' ba med pas 'thob/ /de skad ces byang chub sems dpa' spro ba bskyed nas lha rnams kyi dbang po brgya byin gyis bsams pa/ 'di gcig pu g.yog dang bral na nyon mongs par 'gyur gyis/ ma la bdag gis rgyags sbyin ma bslang ngo snyam nas/ de nas bram ze'i cha byad du bsgyur te byang chub sems dpa'i drung du song nas yang byang chub sems dpa' la smras pa/ /yan lag kun bzang khyim thab las/ /'phyo ba med cing snying nye ba/ /rigs na bsngags pa'i sring mo 'di/ /bdag la bran mo'i don du stsol/ /de nas rgyags sbyin ma mi bzod pa skyes nas bram ze la smras pa/ ngo tsha med cing brkam pa khyod/ /'di ni bram ze'i tha shal te/ /khyod lta 'phyon ma mi byed cing / /dam chos dga' ba nga 'dod dam/ /de nas byang chub sems dpa' thams cad sgrol snying rje dang ldan pa'i snying gis rgyags sbyin ma la brtag par brtsams pa dang / /de nas rgyags sbyin mas byang chub sems dpa' la smras pa/ /bdag ni bdag la g.yar ngan med/ /de bzhin bdag la lta ma lags/ /gcig pu ji ltar bzhugs 'gyur zhes/ /de ltar khyod slar g.yar ngan bgyid/ /de nas byang chub sems dpas rgyags sbyin ma la smras pa/ go 'phang mi zad mya ngan med pa tshol bdag la/ /sa steng 'dir ni rgyags sbyin mya ngan bya mi dgos/ /khyod ni mya ngan med par bram ze 'di rjes 'brongs/ /bdag ni ri dgas 'chi ba bzhin du bsti gnas then/ /de skad ces smras nas dga' ba dang / /mgu ba dang / yid rab tu dga' bas bsams pa/ /sbyin pa 'di ni nags tshal 'dir/ /bdag gi sbyin pa tha ma yin/ /rgyags sbyin 'dir yang yongs btang nas/ /yongs su gzung ba med par 'gyur snyam du rig nas rgyags sbyin ma lag pa nas bzung ste bram ze de la smras pa/ bdag gi mchis brang sdug pa 'di/ /snying nas snying nye bsgo ba nyan/ /ya rabs tshul can snyan par smra/ /bram ze'i mchog khyod bzhes su gsol/ /de nas mche ba bzang po yi/ /chung ma byang chub 'dod phyir btang / /chu la gru ni ji lta bar/ /sa ni mtha' dag rnam drug g.yos/ /de nas rgyags sbyin ma bram ze'i dbang du gyur te/ khyo dang / bu dang / bu mo dang bral ba'i sdug bsngal gyis nyam thag nas dbugs brdzags pas mgul sgra ngar ngar por 'gags bzhin 'di skad ces smras so/ /bdag gis tshe rabs snga ma la/ /ci 'dra ba yi las ngan byas/ /des na ba be'u shi ba bzhin/ /skye bo med pa'i nags na ngu / /de nas lha rnams kyi dbang po brgya byin gyis bram ze'i cha byad mi snang bar byas te rang bzhin gyi cha byad du gnas nas rgyags sbyin ma la smras pa/ skal bzangs bdag ni bram ze ma yin mi yang ma yin gyi/ /bdag ni lha yi dbang po brgya byin lha min 'joms byed de/ /khyod kyi 'dul ba'i mchog tu gyur pa 'di yis bdag mgu yis/ / bdag las dam pa gang zhig 'dod pa de 'dir smra bar gyis/ /de nas de'i tshig gis rgyags sbyin ma yid bde ba skyes nas brgya byin la phyag 'tshal nas smras pa/ spyan stong ldan pa bdag gi bu/ /bran gyur pa las thar mdzad cing / /mes po'i drung du phyin par yang / / sum bcu rtsa gsum bdag pos mdzod/ /de skad ces smras nas yang dbang po chen po bsti gnas su zhugs nas byang chub sems dpa'i drung du song ste/ /rgyags sbyin ma lag pa g.yon pas bzung nas byang chub sems dpa' la smras pa/ /bdag gis khyod la rgyags sbyin 'di/ /g.yog gi phyir ni sbyin par byas/ /khyod kyis su la ma sbyin cig /bzhag pa byin na smad par 'gyur/ /de nas lha rnams kyi dbang po brgya byin gyis bram ze khye'u dang bu mo khyer ba de ji ltar grong khyer gzhan yin no snyam nas grong khyer de nyid du song ste bus pa gzhon nu de dag btsong bar brtsams pa de lta bur rmongs par byas so/ /ji tsam na blon po rnams kyis mthong nas rgyal po la smras pa/ lha khyod kyi dbon po mdog nag dang / /dra ba can dang de gnyis ni/ /bram ze shin du ma rungs pa/ /grong khyer mchog 'dir 'tshong zhing mchis/ /de skad ces thos nas rgyal po de sems mi dga' nas smras pa/ /gzhon nu gnyis myur du ston cig /blon po rnams kyis skad phyung ba dang grong khyer ba rnams myur du rgyal po'i mdun du nye bar lhags nas/ ji tsam na blon po gzhan zhig gis rgyal po'i drung du khrid pa dang / mi yi dbang po mngon phyogs khrid pa'i tsha bo gos med cing / /lus rbeg dri ma can gyi lus de de yis mthong nas ni/ /mod la seng ge'i khri las sa yi steng du ltung gyur te/ /pho brang 'khor mi blon tshogs bud med dag kyang ngu bar gyur/ /de nas rgyal pos blon po rnams la smras pa/ gang zhig nags na gnas pa yang / /sbyin la mngon par dga' ba'i yid/ /mig bzangs de ni myur du 'dir/ /chung ma dang bcas dgug par gyis/ /de nas lha rnams kyi dbang po brgya byin gyis byang chub sems dpa' la phyag byas nas rang gi gnas su song ngo / /phyi zhig na rgyal po thams cad kyi bshes gnyen 'das pa dang / bram ze de dang / blon po dang / grong mi dang / yul mi rnams lhan cig bsti gnas der song nas byang chub sems dpa' la gsol ba btab ste/ rang gi grong khyer du bos nas rgyal por bcug go/ /de nas rgyal po thams cad sgrol thams cad gtong zhes bya bar gyur to/ /des dge sbyong dang / bram ze dang / bkren pa dang / phongs pa dang / mdza' bo dang / nye du dang / gnyen bshes dang / zho shas 'tsho ba rnams la sbyin pa rnam pa du ma dag byin nas tshigs su bcad de smras pa/ byang chub don du gnyer ba yis/ /rgyal rigs bram ze rje'u rigs dang / /dmangs rigs gdol pa g.yung po la'ang / /'jigs pa med par sbyin pa btang / / gser dang dngul dang ba lang dang / /rta dang nor bu'i rna rgyan dang / /de bzhin las dag byed pa'i bran/ /tshul khrims phun sum tshogs la sbyin/ /chags pa med pa'i sems kyis ni/ /bu dang chung ma yongs btang bas/ /'jig rten 'di dang pha rol tu/ / mi yis dag pa thob par 'gyur/ /gang gi tshe rgyal po thams cad gyi bshes gnyen gyis thams cad sgrol gyi ched du bram ze dzu dzu ka la nor mang po sbyin pa de'i tshe de 'byor pa rgya chen por gyur pa dang / de la snying du sdug pa dang / rtsa lag dang / grogs po dag 'ongs nas smras pa/ khyod kyi 'byor pa dang / /dpal dang skal ba phun sum tshogs pa gang yin pa ci yang rung de dag thams cad ni gzhon nu thams cad sgrol de la brten te yin no/ /des smras pa/ gzhon nu thams cad sgrol gyis kho bo la ci zhig byas/ rigs mchog gi nang du skyes pas kho bo 'jig rten gyi yon gnas su gyur te/ des na kho bo skal ba dang ldan par gyur to/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus kyi gzhon nu thams cad sgrol gang yin pa de ni nga nyid yin no/ /de'i tshe de'i dus kyi dzu dzu ka gang yin pa de ni lha sbyin 'di nyid yin te/ de na yang 'di byas pa mi gzo ba dang byas pa mi tshor ba yin no/ /da ltar yang 'di byas pa mi gzo ba dang byas pa mi tshor ba yin no/ / de lta bas na dge slong dag 'di ltar bslab par bya ste/ byas pa gzo ba dang byas pa tshor bar bya ste/ cung zad byas pa yang chud mi gsan par bya na mang po la lta smos kyang ci dgos te/ dge slong dag khyed kyis de ltar bslab par bya'o/ /sangs rgyas bcom ldan 'das rgyal po'i khab 'od ma'i tshal bya ka lan da ka gnas pa na bzhugs so/ /de'i tshe yul tsam pa na khyim bdag gru 'dzin zhes bya ba phyug pa nor mang ba longs spyod che ba yongs su gzung ba yangs shing rgya che ba/ rnam thos kyi bu'i nor dang ldan pa rnam thos gyi bu la nor gyis 'gran pa zhig gnas te/ des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed de/ de rtse bar byed/ dga' bar byed/ dga' mgur spyod par byed pa las/ dus gzhan zhig na chung ma sems can dang ldan par gyur te/ 'di ltar de'i mngal yongs su smin par bya ba'i phyir de yid du mi 'ong ba'i sgra cung zad kyang mi thos shing grang ba na grang ba'i yo byad dang / dro ba na dro ba'i yo byad dang / sman pas bcas pa'i kha zas ha cang kha ba ma yin pa dang / ha cang skyur ba ma yin pa dang / ha cang lan tshwa che ba ma yin pa dang / ha cang mngar ba ma yin pa dang / ha cang tsha ba ma yin pa dang / ha cang bska ba ma yin pa ste/ de ltar kha ba dang skyur ba dang / lan tshwa dang / mngar ba dang / tsha ba dang / bska ba spangs pa'i kha zas kyis bsnyen bkur byed cing do shal dang / se mo dos lus brgyan nas lha'i bu mo dga' tshal na rgyu ba bzhin du khri'u nas khri'ur dang / khri nas khrir rgyu zhing 'og gis gzhi la mi 'bab bo/ / de'i tshe khyim bdag gru 'dzin dgos pa 'ga' zhig la rgyal po'i khab tu song ngo / /de yang zla ba dgu 'am/ bcu lon te rgyu skar gro bzhin la bab pa na khye'u gzugs bzang po blta na sdug pa mdzes pa de'i rkang pa'i mthil gnyis la spu gser gyi kha dog 'dra ba sor bzhi tsam skyes pa zhig btsas so/ /btsas nas ji tsam na khyim bdag gru 'dzin gyi mi zhig rings pa rings par rgyal po'i khab tu song nas khyim bdag gru 'dzin la smras pa/ khyim bdag dgyes pa skyed cig /khyod kyi khye'u zhig btsas so/ /de dga' ba dang yid bde ba skyes nas smras pa/ kye nang rje ci zhig smra/ des smras pa/ khyim bdag khyod kyi khye'u zhig btsas so/ /de dga' ba dang / yid bde ba skyes nas yang dris pa/ kye nang rje ci zhig smra/ des smras pa/ khyim bdag khyod kyi khye'u zhig btsas so/ /kye nang rje ci zhig smra/ de nas mi de 'di snyam du sems te ci khyim bdag 'di yang nas yang du 'dri ba bdag la kyal ka smra bar mi 'dod grang snyam du bsams nas cang mi smra bar 'dug go/ /khyim bdag gis smras pa/ kye nang rje khyod kyis nyes te/ gal te khyod kyis lan brgyar smras par gyur na yang / ngas kyang khyod kyi kha gser gyis lan brgya bkang bar 'gyur ba zhig /de nas khyim bdag gru 'dzin gyis mi de'i kha gser lan gsum bkang nas dkor pa la khye'u dkan dbab pa'i rin gser bye ba nyi shu byin cig ces spring ngo / /khyim bdag gru 'dzin dga' ba dang yid bde bas rgyal po'i drung du song nas lha bdag gi khye'u zhig btsas so/ /rgyal pos smras pa legs so/ /ngas de la tsam pa gzhi dang bcas pa dang / glang po che bdun gyi tshogs sbyin no/ /khyim bdag gru 'dzin gyis rgyal po gzugs can snying po la bltas te tsam par 'ongs nas de nas khyim bdag gi gnyen rnams kyis nyi ma bdun gsum nyi shu gcig tu btsas pa'i btsas ston rgya cher byas nas khye'u'i ming cir gdags zhes ming 'dogs par byed do/ /gzhan dag gis smras pa/ khye'u 'di rgyu skar gro bzhin la btsas la 'di btsas pa na phas kyang dkan dbab pa'i rin du gser bye ba nyi shu byin pas/ de bas na khye'u'i ming gro bzhin skyes bye ba nyi shu pa zhes bya bar gdags so zhes de'i ming gro bzhin skyes bye ba nyi shu pa zhes bya bar btags te/ khye'u gro bzhin skyes bye ba nyi shu pa ma ma brgyad la rjes su gtad de/ pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang rtsen grogs kyi ma ma gnyis te/ de ma ma brgyad po dag gis 'o ma dang / zho dang / mar dang / zhun mar dang / mar gyi snying khu dang gzhan yang yo byad kyi bye brag gtso bo gtso bo dag gis skyed par byed/ sring bar byed cing rdzing na gnas pa'i pad ma bzhin myur du skyed par byed de/ de gang gi tshe chen por gyur pa de'i tshe yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa la nye bar zhugs shing / brtag pa brgyad po gzhi brtag pa dang gos brtag pa dang / rin po che brtag pa dang / shing brtag pa dang / glang po che brtag pa dang / rta brtag pa dang / gzhon nu brtag pa dang / gzhon nu ma brtag pa dang / 'byed pa dang / klog pa la mkhas pa dang / g.yer por gyur to/ /de bsod nams kyi skal ba chen po dang ldan pa yin no/ /zhes rigs mnyam pa mang pos thos nas bu sring dag byin no/ /de'i phas 'dug pa'i khang pa gsum po dgun gyi dang / dpyid kyi dang / dbyar gyi rtsig tu bcug ste chung ma gsum po chen ma dang / bar ma dang / chun ma bzhag nas de steng gi khang bzangs kyi gzhir song ste skyes pa med pa na rtse bar byed/ dga' bar byed/ dga' mgur spyod par byed do/ /de nyi ma re re zhing lnga brgya'i ston mo snod nas 'tshed cing sbyor ro/ /lha sbyin gyis gzhon nu ma skyes dgra la rbad pa gzhon nu rgyal po thams cad ni gang gi tshe skra skya bo skyes par gyur pa de'i tshe gzhon nu'i thu bo shos rgyal srid kyi dbang phyug la bzhag nas rab tu 'byung na/ khyod kyi yab ni skra kha dog rnam pa gsum pa'i mthar phyin na 'on kyang 'dod pa rnams la zhen bzhin te nye bar zhi bar mi 'gro'o/ /ma skyes dgras smras pa/ de nyid kyis shes mod/ de la ci byar yod/ lha sbyin gyis smras pa/ pha rol gnod pa gyis shig /'dod pa don du gnyer ba rnams ni mi byed pa ci yang med pas/ ji tsam na rgyal po gzugs can snying po bcom ldan 'das mar gsol nas 'jams gsol bar bzhed pa'i 'jams kyi zhal ta byas te/ 'od ma'i tshal du song ba ma skyes dgras mthong nas des rdo rje rtse gcig pa zhig 'phangs pa dang rgyal po sgra la mkhas pa yin pas des g.yon phyogs su thug pa'i rdze'u chag par gyur nas de nyid nas slar log go/ /sangs rgyas bcom ldan 'das rnams ni 'di lta bu mi mkhyen pa 'am/ mi gzigs pa 'am/ thugs su ma chud pa 'am/ rnam par mi mkhyen pa cung zad kyang mi mnga' bas/ de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu ma skyes dgra mi dge ba'i bshes gnyen lha sbyin gyis zin pas/ de bzhin gshegs pa'i bsod snyoms ma rung bar byas kyis tsam par gru 'dzin gyi bu'i drung du song la bsod snyoms khyer te shog shig /btsun pa bka' bzhin 'tshal zhes tshe dang ldan pa maud gal gyi bu chen pos bcom ldan 'das las mnyan nas ji ltar sems mnyam par bzhag na rgyal po'i khab nas mi snang bar gyur te tsam par phyin pa de lta bu'i ting nge 'dzin la snyoms par zhugs so/ /gro bzhin skyes bye ba nyi shu pa nyi ma la dad pas de nyi ma re re zhing nang par sngar langs te nyi ma la phyag byed pa na tshe dang ldan pa maud gal gyi bu chen po'i rdzu 'phrul gyis nyi ma'i dkyil 'khor brtol nas babs pa/ tshe dang ldan pa gro bzhin skyes bye ba nyi shu pas mthong ngo / /mthong nas kyang bdag gis mngon sum kho nar nyi ma nyid kyi gzugs mthong ngo snyam nas mchog tu ngo mtshar skyes so/ /mthong nas yang tshigs su bcad nas smras pa/ nyi ma brtol nas sa steng mngon phyogs myur nyid du/ /bdag gi gnas su byon pa 'di ko su zhig lags/ /'di ci nyi ma 'am nor sbyin zla ba 'am brgya byin nam/ /'on te lha yi bdag po mod la gshegs shig gu/ /tshe dang ldan pa maud gal gyi bu chen po'i sems kyis kyang de'i bsam pa shes nas yang tshigs su bcad de smras pa/ kho bo 'od zer stong gi 'od 'bar nyi ma ma yin rgyu skar bdag po min/ /kho bo rnam thos ma yin mchog ldan ma yin legs pa'i brtul zhugs dbang phyug min/ /kho bo thugs ni gzi brjid kyis 'bar sangs rgyas sras po yin par shes par byos/ /kho bo thub la bsod snyoms dgongs nas bslang pa'i phyir ni khyod kyi drung du 'ongs/ gro bzhin skyes kyis smras pa/ ci shes ldan nyid thub pa yin nam/ des tshigs su bcad de smras pa/ ji ltar gser gyi ri bo lhun po'i zlar ni yungs kar khyer te 'ong ba dang / /ji ltar nyi ma'i zlar ni sa steng srog chags srin bu me khyer 'jal ba dang / /rin chen gyis phyug rgya mtsho'i zlar ni 'di ni gnag gi rmig rjes sgrun pa ltar/ /de bzhin mi mchog bla ma sangs rgyas la ltos ston pa'i sras dag rig par gyis gro bzhin skyes kyis smras pa/ rjes su dpag pa 'di yis na/ /bdag gis khyod kyi 'dren pa ni/ /ji ltar dka' thub rab che ba/ /gsal bar rab tu rtogs lags so/ /dgos pa ci la byon bka' stsol cig /bcom ldan 'das kyi bsod snyoms phul cig /bcom ldan 'das de su yin/ khyim bdag gi bu dge sbyong gau ta ma shAkya'i sras shAkya'i rigs las skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ste/ de bla na med pa yang dag par rdzogs pa'i byang chub mngon par rdzogs par sangs rgyas pa zhig yod do/ /khyim bdag gi bu de ni sangs rgyas zhes bya'o/ /des sangs rgyas zhes bya ba'i sgra sngon ma thos pa thos nas ba spu'i khung thams cad g.yos shing mngon par dad pa des snod du btsos pa lnga brgya po de nyid tshe dang ldan pa maud gal gyi bu chen po la phul lo/ /de nas tshe dang ldan pa maud gal gyi bu chen pos de las bsod snyoms blangs nas ji ltar sems mnyam par bzhag na tsam pa nas mi snang bar gyur te/ rgyal po'i khab 'od ma'i tshal bya ka lan da ka gnas par phyin pa de lta bu'i ting nge 'dzin la snyoms par zhugs nas/ des bcom ldan 'das la bsod snyoms phul te bcom ldan 'das kyis gsol bar brtsams pa na/ ma ga d+hA'i rgyal po bzo sbyangs gzugs can snying pos snod nas btsos pa phyi ma shos khyer te bcom ldan 'das kyi spyan sngar song ba dang / ji tsam na 'od ma'i tshal thams cad kha zas kyi dri zhim po rnam pa sna tshogs kyis khyab par mthong nas des bsams pa/ gdon mi za bar lha rnams kyi dbang po brgya byin nam/ lha gzhan dag gis bcom ldan 'das la bsod snyoms phul te/ 'di ltar 'od ma'i tshal 'di kha zas kyi dri zhim po rnam pa sna tshogs kyis khyab par gyur to snyam du bsams nas bcom ldan 'das la 'di skad ces gsol to/ /btsun pa bcom ldan 'das la lha rnams kyi dbang po brgya byin nam/ lha gzhan dag gis bsod snyoms phul ba 'am ci lags na/ 'di ltar 'od ma'i tshal 'di zhal zas kyi dri gda' ba sna tshogs kyis khyab par gyur lags/ bcom ldan 'das kyis bka' stsal pa/ rgyal po chen po lha rnams kyi dbang po brgya byin gyis kyang ma yin la/ lha gzhan rnams kyis kyang ma phul te/ de lta mod kyi khyod nyid kyi yul tsam pa na gru 'dzin gyi bu nyi ma re re lnga brgya'i ston mo snod nas 'tshed cing sbyor ba yod de/ /de las dge slong maud gal gyi bus blangs so/ /bcom ldan 'das de'i bsngags pa gsung bar brtsams pa thos nas de yang mthong bar 'dod pa skyes pa dang / bcom ldan 'das kyi thugs kyis de'i bsam pa mkhyen nas bka' stsal pa/ rgyal po chen po sems can de ni bsod nams kyi skal ba chen po dang ldan pa yin pas khyod bsod nams yongs su zad par 'gyur du 'ong gis de la bka' ma stsol cig /de lta mod kyi rgyal po chen po lhung bzed kyi lhag ma la longs spyod cig /des gsol pa/ btsun pa bdag rgyal po rgyal rigs spyi bo nas dbang bskur ba lags te/ sngon ni su'i lhung bzed kyi lhag ma yang ma 'tshal lags mod kyi/ bcom ldan 'das ni chos nyid kyis bdag gi yab lags pas/ gal te bcom ldan 'das kyis bka' stsal na longs spyod par bgyi'o zhes des longs spyod par brtsams so/ /bcom ldan 'das kyis bka' stsal pa/ rgyal po chen po khyod kyis sngon lan 'ga' yang bza' ba dang btung ba 'di 'dra ba longs spyad pa yod dam/ rgyal pos gsol pa/ btsun pa bdag kyang rgyal po'i rgyud du btsas/ rgyal po'i rgyud las chen por gyur cing rgyal por gyur kyang g.yar zas dang btung ba 'di 'dra ba ni sngon lan 'ga' yang myong bar ma 'tshal lags so/ /rgyal po chen po sems can skal ba chen po de ni 'di ltar 'di 'dra ba'i bza' ba dang btung ba la longs spyod/ de nas ma ga d+hA'i rgyal po bzo sbyangs gzugs can snying pos bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song nas/ des blon po rnams la bsgo ba/ shes ldan dag yul tsam par 'dong gis dpung gi tshogs yan lag bzhi pa go skon cig /ci'i slad du lags/ gru 'dzin gyi bu blta'o/ /lha'i yul na de mchis pas de nyid dgug tu gsol/ de ni sems can bsod nams kyi skal ba chen po dang ldan pa yin pas de bka' mi stsol to/ /lha ji ltar bka' ma stsal kyang bdag cag gis mchi bar 'gyur ba de ltar bgyi 'o/ /de bzhin du gyis shig /de rnams kyis tsam par yi ge spring ba/ shes ldan dag rgyal po gshegs par 'gyur gyis grong khyer byi dor gyis shig / rtswa dang chas dag sta gon gyis shig ces spring ba de rnams kyis thos nas shin tu dga' bar gyur pa dang yang yi ge spring ba/ shes ldan dag rgyal po ni mi gshegs mod kyi gzhon nu gshegs par 'gyur ro zhes spring ba dang / de rnams skrag ste gzhon nu gtum po lan 'ga' zhig 'ongs na yang gnod par 'gyur ro snyam nas yang spring ba/ rgyal po yang mi gshegs gzhon nu yang mi gshegs te/ de lta mod kyi khyed kyis gang 'ga' ji ltar rgyun las bzlog phyogs su 'bab pa de ltar gags rtsigs shig ces spring ba thos nas tsam pa na gnas pa'i grong khyer gyi mi rnams 'dus nas shes ldan dag gdon mi za bar rgyal po ni bdag cag la chad pa gcad par bzhed pas des na yi ge 'di skad spring mod ces de rnams kyis blon po rnams la don de spring ba dang / de rnams kyis blags te yang drang por spring ba/ shes ldan dag 'di ni bden pa yin te/ rgyal po dang gzhon nu yang mi gshegs la/ gang gA bgags pa yang dgos pa cung zad kyang med do/ /de lta mod kyi lha ni gru 'dzin gyi bu blta bar bzhed do zhes spring ba dang / de rnams kyis nyan rna ba'i mi zhig mngags so/ /des kyang de bzhin du bsnyad do/ /de nas de rnams 'dus nas khyim bdag gru 'dzin gyi drung du song nas khyim bdag lha gro bzhin skyes bye ba nyi shu pa blta bar bzhed nas blon po rnams kyis bdag la drang por spring ste/ nyan rna ba'i mis kyang don de nyid smras na/ 'di thong shig /des smras pa/ shes ldan dag kho bo'i gags kyi skal pa gang yin pa gser gyi gong bus rtsig kyang bla'i mi btang ngo / / de rnams kyis smras pa/ khyim bdag gal te de lta yin du zin kyang ma 'ongs pa'i skye bo rnams la snying brtse bar gyis shig des smras pa/ shes ldan dag gal te de lta na dam zhig bca' ste/ gal te khyed cag gi bu rnams kyang gro bzhin skyes dang lhan cig gtong ba lta na btang ngo / /de rnams kyis smras pa/ khyim bdag de bzhin du bgyi'o/ /'o na shes ldan dag deng shig /khyim bdag gru 'dzin gro bzhin skyes bye ba nyi shu pa gang na ba der song ste phyin nas gro bzhin skyes bye ba nyi shu pa la 'di skad ces smras so/ /bu grong mi 'di dag 'di skad ces zer ro/ /des smras pa/ yab gal te de lta na mchi'o/ /bu gdon mi za bar rgyal po de khyod kyi rkang mthil gyi spu gser gyi kha dog can blta bar 'dod kyis/ rgyal po de dag ni gnas ma yin par khro bas khyod la gnod par 'gyur du 'ong gis khyod kyis rkang pa bteg ste de la bstan par mi bya'o/ /'di re mu tig phreng ba 'di rgyal po de'i zhabs kyi drung du zhog la phyag byas nas de'i spyan sngar skyil mo dkrung chos te 'dug shig dang / des na spu rnams mthong bar 'gyur ro/ / khyim bdag gru 'dzin gyis bsams pa/ gro bzhin skyes bzhon pa gang gis gtang / ci glang po che'i bzhon pas sam/ rta'i bzhon pas sam/ shing rta'i bzhon pas sam/ 'on te gru'i bzhon pas snyam pa las de 'di snyam du sems te/ 'di dag gi nang na gru'i bzhon pa mchog yin pas gru'i bzhon pas gtad do snyam du bsams nas des chu bo gang gA la gru sbrengs nas der skyed mos tshal rnam pa sna tshogs byed du bcug ste/ me tog dang 'bras bu rnam pa sna tshogs dang ldan zhing ngang pa dang / khrung khrung dang / rma bya dang / ne tso dang / ri skegs dang / khu byug la sogs pa bya rnams skad 'byin cing rol mo'i cha byad sna tshogs dang / bud med rgyan sna tshogs kyis klubs pa dag 'dug tu bcug ste/ 'byor pa des chu'i nang nas btang ngo / /de rim gyis rgyal po'i khab tu nye bar phyin pa/ rgyal po gzugs can snying pos gru 'dzin gyi bu 'ong ngo zhes thos nas des rgyal po'i khab nas gang gA'i 'bab chu'i bar der 'obs brkos nas chus bkang ste de'i nang nas gru drangs so/ /rgyal po'i khab kyi grong khyer yang rdo ba dang / gseg ma dang / gyo mo bsal cing tsan dan gyi chus chag chag btab/ dri zhim po'i pog phor bzhag /dar gyi chun phyang mang po btags/ rgyal mtshan dang / ba dan btsugs me tog sna tshogs kyis lha rnams kyi dga' tshal gyi bskyed mos tshal bzhin du dga' dga' ltar byas te/ de 'byor pa des rgyal po'i khab kyi grong khyer du khrid do/ /de nas rgyal po seng ge'i khri la 'dug pa'i rkang pa'i drung du mu tig gi phreng ba bzhag nas mgo bos phyag byas te mdun du skyil mo dkrung bcas nas 'dug pa dang / rgyal pos de'i rkang pa gnyis la gser gyi kha dog 'dra ba'i spu yod pa mthong ngo / /mthong nas kyang kye ma gro bzhin skyes bye ba nyi shu pa ni bsod nams kyi skal ba chen po dang ldan pa yin no zhes mchog tu ngo mtshar skyes so/ /mthong nas smras pa gro bzhin skyes khyod kyi bcom ldan 'das mthong ngam/ lha ma mthong lags so/ / tshur shog 'dong ngo / /des dris pa lha ci bcom ldan 'das bzhon pas gshegs sam/ 'on te zhabs kyis lags/ rgyal pos smras pa/ de rab tu byung ba yin na de la bzhon pas ci bya/ des smras pa/ lha gal te de lta na bdag kyang sug pa kho nas 'chi'o zhes de rkang pa kho nas chas pa na/ de'i zho shas 'tsho ba rnams kyis sa la gos dag bting ba dang / des smras pa/ ci bcom ldan 'das gding ba las bzhud dam/ 'on te gding ba med par bzhud/ de rnams kyis smras pa/ gding ba med par bzhud do/ /des smras pa/ gding ba sdus shig /bdag kyang gding ba med par 'gro'o/ /zho shas 'tsho ba rnams kyis gos rnams bsdus pa dang / mi ma yin pa rnams kyis bting nas des smras pa/ shes ldan dag ngas khyed cag la ma bzlog gam/ de rnams kyis smras pa/ lha bzlog lags so/ /'o na yang su zhig gis bting / lha khyod bsod nams kyi skal ba chen po mnga' bas mi ma yin pa rnams kyis bting lags grang / des snying nas tshig tu smras pa/ mi ma yin pa dag gos rnams sdus shig /de rnams kyis bsdus nas rkang pa sa la bzhag pa na sa chen po rnam pa drug tu g.yos par gyur te/ sa chen po 'di g.yos/ rab tu g.yos/ kun tu rab tu g.yos/ ldeg rab tu ldeg /kun tu rab tu ldeg par gyur te/ shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang phyogs dma'/ byang phyogs mtho na lho phyogs dma'/ mtha' mtho na dbus dma'/ dbus mtho na mtha' dma' bar gyur to/ /de nas bcom ldan 'das kyis dge slong rnams la bka' stsal pa/ dge slong dag 'di nas bzung ste bskal pa dgu bcu rtsa gcig gi bar du gru 'dzin gyi bus lan 'ga' yang gding ba med par rkang pa sa la ma bor te/ da ltar bor ba yang chos la gus pas yin gyi bsod nams yongs su zad pas ni ma yin te/ des na sa 'di rnam pa drug tu g.yos par gyur to/ /de nas gro bzhin skyes bye ba nyi shu pa bcom ldan 'das gang na ba der song ste phyin nas bcom ldan 'das kyi zhabs gnyis la mgo bos phyag byas te phyogs gcig tu 'dug go/ /de nas bcom ldan 'das kyis de'i bsam pa dang / bag la nyal dang / khams dang rang bzhin thugs su chud nas gang thos pas 'phags pa'i bden pa bzhi so sor rtogs par 'gyur ba de lta bu'i chos bshad par mdzad pas gro bzhin skyes bye ba nyi shu pas 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ des bden pa mthong ba dang / de stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po thob pa lta na/ bdag bcom ldan 'das kyi spyan sngar tshangs par spyad pa spyod lags so/ /bcom ldan 'das kyis bka' stsal pa/ khyim bdag gi bu de bzhin gshegs pa rnams sam/ de bzhin gshegs pa'i nyan thos rnams ni pha mas ma gnang ba'i rigs kyi bu rab tu 'byin pa dang bsnyen par rdzogs par mi byed kyis song la pha dang / ma la rtogs shig /rgyal pos gsol pa/ btsun pa bdag ni rten pa thams cad kyi dpon po lags te don du 'di ni chos nyid kyis bdag gi bu lags pas 'di bdag gis gnang lags kyis bcom ldan 'das ci legs su rab tu dbyung du gsol/ de nas bcom ldan 'das kyis dge slong tshur shog ces bya bas dge slong tshur shog tshangs par spyad pa spyod cig ces gsungs so/ /de nas bcom ldan 'das kyis bka' stsal ma thag kho nar skra byi ba dang snam sbyar gyon par gyur te skra dang kha spu zhag bdun skyes pa tsam dang / lag pa lhung bzed dang / bya ma bum gyis 'brel ba dang / lo brgya lon pa'i spyod lam lta bur gnas par gyur to/ /'dir smras pa/ de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /drug sde rnams kyis de la co dri bar brtsams pa/ re shig bstan pa la ni gcig tu brtson par bya dgos pa yin na/ mar sar gyi gong bu 'dis khyad par ci zhig rtogs par 'gyur zhes de rnams kyis de co dris pa dang / tshe dang ldan pa kun dga' bo gang na ba der song ste phyin nas tshe dang ldan pa kun dga' bo la 'di skad ces smras so/ / btsun pa kun dga' bo bcom ldan 'das kyis dge slong gcig tu brtson pa'i rnal 'byor dang 'thun pa'i ting nge 'dzin du gsungs pa gang lags/ tshe dang ldan pa gro bzhin skyes 'chag pas thob pa'i ting nge 'dzin ni yun ring du gnas par 'gyur ro zhes bcom ldan 'das kyis bka' stsal to/ /des bsil ba'i tshal gyi dur khrod du song ste/ 'chag sa byas nas de na tshe dang ldan pa gro bzhin skyes bye ba nyi shu pa rgyal po'i khab kyi bsil ba'i tshal gyi dur khrod du gnas nas rtag tu 'grus pa dang ldan par byang chub kyi phyogs dang 'thun pa'i chos rnams la rnal 'byor gyi rjes su brtson pa'i sgom pas gnas so/ /de nas tshe dang ldan pa gro bzhin skyes bye ba nyi shu pa gcig pu dben par song ste nang du yang dag bzhag pa na sems la sems kyi rnam par rtog pa 'di snyam du skyes par gyur te/ bcom ldan 'das kyi nyan thos brtson 'grus brtsams te gnas pa ji snyed cig yod pa de rnams kyi nang na bdag mchog yin na/ 'on kyang bdag len pa med par zag pa rnams las sems rnam par grol bar ma gyur gyis/ bdag gi nye du rnams la longs spyod rgya chen po yod pas/ ma la bdag 'dug la 'dod pa rnams la longs spyod cing sbyin pa dag sbyin bsod nams dag bya'o snyam mo/ /de nas bcom ldan 'das kyi thugs kyis tshe dang ldan pa gro bzhin skyes bye ba nyi shu pa'i bsam pa mkhyen nas dge slong zhig la bka' stsal pa/ dge slong tshur shog /khyod gro bzhin skyes bye ba nyi shu pa gang na ba der song la phyin nas gro bzhin skyes bye ba nyi shu pa la 'di skad ces gro bzhin skyes bye ba nyi shu pa khyod la ston pa gsung ngo zhes sgo shig /btsun pa bka' bzhin 'tshal zhes dge slong des bcom ldan 'das las mnyan nas tshe dang ldan pa gro bzhin skyes bye ba nyi shu pa gang na ba der song ste phyin nas tshe dang ldan pa gro bzhin skyes bye ba nyi shu pa la 'di skad ces smras so/ /tshe dang ldan pa gro bzhin skyes khyod la ston pa gsung ngo / /tshe dang ldan pa bka' bzhin 'tshal zhes tshe dang ldan pa gro bzhin skyes bye ba nyi shu pas dge slong de las mnyan nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas bcom ldan 'das kyis tshe dang ldan pa gro bzhin skyes bye ba nyi shu pa la 'di skad ces bka' stsal to/ / gro bzhin skyes khyod gcig pu dben par song ste nang du yang dag bzhag pa na sems la sems kyi rnam par rtog pa 'di lta bu bcom ldan 'das kyi nyan thos brtson 'grus brtsams te gnas pa ji snyed yod pa de rnams kyi nang na bdag mchog yin na/ 'on kyang bdag len pa med par zag pa rnams las sems rnam par grol bar ma gyur gyis/ bdag gi nye du rnams la longs spyod rgya chen po yod pas ma la bdag 'dug la 'dod pa rnams la longs spyod cing sbyin pa dag sbyin/ bsod nams dag bya'o snyam pa skyes par ma gyur tam/ de nas tshe dang ldan pa gro bzhin skyes 'di snyam du sems te/ bcom ldan 'das kyi thugs kyis bdag gi sems mkhyen to snyam du bsams nas 'jigs pa dang skrag pa dang skyo bas ba spu zing zhes byed nas bcom ldan 'das la 'di skad ces gsol to/ /btsun pa de lta lags so/ /de'i phyir gro bzhin skyes khyod la dri yis khyod kyis ji ltar bzod pa bzhin de'i lan thob shig /gro bzhin skyes ji snyam du sems khyod sngon khyim par gyur pa na pi bang gi rgyud kyi sgra la mkhas pa yin nam/ btsun pa bdag sngon khyim par gyur pa na pi bang gi rgyud kyi sgra la mkhas pa mad lags so/ /gro bzhin skyes ji snyam du sems/ gang gi tshe pi bang gi rgyud shin du bsdams par gyur pa de'i tshe ji ga pi bang gi sgra snyan par 'gyur ba 'am/ sgra yid du 'ong ba 'am/ sgra dang ldan pa 'am/ las su rung bar 'gyur ram/ btsun pa ma lags so/ /'o na gang gi tshe pi bang gi rgyud lhag par lhod par gyur pa de'i tshe ji ga pi bang gi sgra snyan par 'gyur ba 'am/ sgra yid du 'ong ba 'am/ sgra dang ldan pa 'am/ las su rung bar 'gyur ram/ btsun pa ma lags so/ /gang gi tshe pi bang gi rgyud shin du bsdams pa ma yin zhing lhag par lhod pa ma yin par gyur te rgyud ran par 'dug pa de'i tshe pi bang gi sgra snyan par 'gyur ba 'am/ sgra yid du 'ong ba 'am/ sgra dang ldan pa 'am/ las su rung bar 'gyur ba ma yin nam/ btsun pa de lta lags so/ /gro bzhin skyes de bzhin du ha cang brtson 'grus brtsams pa ni rgod par 'gyur ro/ /ha cang zhan na ni zhum par 'gyur ro/ /gro bzhin skyes de lta bas na khyod kyis ran pa nyid rtogs par bya ste/ des kyang nga rgyal du mi bya zhing de la yang bag yod par bya/ de'i tshe mtshan ma yang gzung bar bya/ gro bzhin skyes khyod gnas pa 'dis gnas na ring po mi thogs pa kho nar zag pa rnams zad nas zag pa med pa rnam par grol ba'i sems dang / rnam par grol ba'i shes rab mthong ba'i chos nyid la rang gi mngon par shes pas mngon sum du byas nas rdzogs par byas te/ bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes sgrogs par 'gyur ro/ /de nas tshe dang ldan pa gro bzhin skyes bye ba nyi shu pa bcom ldan 'das kyis gsungs pa la mngon par dga' ste rjes su yi rang nas bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / /de nas bcom ldan 'das kyis pi bang gi dpe 'dis tshe dang ldan pa gro bzhin skyes la gdams ngag phog nas gcig pu dben pa bag yod pa rtun pa dang ldan pa bdag nyid gtong bar gnas so/ /gcig pu dben pa bag yod pa rtun pa dang ldan pa bdag nyid gtong bar gnas pa na gang gi phyir rigs kyi bu rnams skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung bar byed pa/ tshangs par spyod pa'i mtha' bla na med pa de tshe de nyid la rang gi mngon sum du byas te/ bsgrubs nas bdag gi skye ba zad do/ /tshangs par spyod pa bsten to/ /bya ba byas so/ /'di las srid pa gzhan mi shes so zhes go bar byed cing tshe dang ldan pa de kun shes par gyur te/ sems shin du rnam par grol ba'i dgra bcom par gyur to/ /de nas tshe dang ldan pa gro bzhin skyes bye ba nyi shu pa dgra bcom pa thob ste/ rnam par grol ba'i dga' ba'i bde ba nyams su myong nas de 'di snyam du sems te/ bdag bcom ldan 'das blta ba dang bsnyen bkur bya ba'i phyir 'gro ba'i dus ni 'di yin no snyam nas de nas tshe dang ldan pa gro bzhin skyes bye ba nyi shu pa dgongs ka nang du yang dag 'jog las langs te bcom ldan 'das gang na ba der song nas phyin pa dang bcom ldan 'das kyi zhabs gnyis la mgo bos phyag byas te phyogs gcig tu 'dug go/ / phyogs gcig tu 'dug nas bcom ldan 'das la tshe dang ldan pa gro bzhin skyes bye ba nyi shu pas 'di skad ces gsol to/ /btsun pa dge slong dgra bcom pa/ zag pa zad pa bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin du rnam par grol bar gyur pa gang lags pa de de'i tshe gnas drug la mos par 'gyur te nges par 'byung ba la mos par 'gyur ba lags/ 'tshe ba ma mchis pa la mos par 'gyur ba lags/ rab tu dben pa la mos par 'gyur ba lags/ sred pa zad pa dang / len pa zad pa dang / mi brjed pa'i sems la mos par 'gyur ba lags so/ /btsun pa 'di na kha cig 'di snyam du kye ma tshe dang ldan pa 'di dad pa tsam kho na la gnas pas nges par 'byung ba la mos so snyam du sems na/ btsun pa de ltar blta bar mi bgyi ste/ 'dod chags zad pa dang / zhe sdang zad pa dang / gti mug zad pas nges par 'byung ba la mos par 'gyur lags so/ /btsun pa 'di na kha cig 'di snyam du kye ma tshe dang ldan pa 'di tshul khrims tsam kho na la brten nas mi 'tshe ba la mos so snyam du sems na/ btsun pa de ltar blta bar mi bgyi ste/ 'dod chags zad pa dang / zhe sdang zad pa dang / gti mug zad pas mi 'tshe ba la mos par 'gyur lags so/ /btsun pa 'di na kha cig 'di snyam du kye ma tshe dang ldan pa 'di rnyed pa dang bkur sti dang / tshigs su bcad pa tsam kho na tshol ba'i slad du rab tu dben pa la mos so snyam du sems na/ btsun pa de ltar blta bar mi bgyi ste/ 'dod chags zad pa dang / zhe sdang zad pa dang / gti mug zad pa dang / sred pa zad pa dang / len pa zad pa las mi brjed pa'i sems la yang mos par 'gyur lags te/ /btsun pa dge slong dgra bcom pa zag pa zad pa/ bya ba byas pa/ byed pa byas pa/ khur bor ba/ rang gi don rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam par grol bar gyur pa gang lags pa de de'i tshe de gnas drug po 'di dag la mos par 'gyur lags so/ /btsun pa dge slong slob pa gang yin pa ma thob pa gang lags pa de gong ma'i grub pa dang bde ba'i mya ngan las 'das pa don du gnyer ba'i tshul la lan mang du gnas te/ de de'i tshe slob pa'i tshul khrims dang / slob pa'i dbang po dang ldan pa lags so/ /de dus gzhan na zag pa rnams zad nas zag pa med pa'i rnam par grol ba'i sems dang / rnam par grol ba'i shes rab mthong ba'i chos nyid la rang gi mngon par shes pas mngon sum du bgyis te bsgrubs nas bdag gi skye ba zad do/ /tshangs par spyod pa bsten to/ /srid pa 'di las gzhan mi shes so zhes sgrogs pa de'i tshe ni de mi slob pa'i tshul khrims dang / mi slob pa'i dbang po rnams dang ldan lags so// //'dul ba gzhi/ / bam po brgya rtsa gcig pa/ btsun pa dper na bus pa gzhon nu chung ngu zhan pa gan rkyal du nyal ba de ni de'i tshe byis pa'i ngang tshul dang / byis pa'i dbang po rnams dang ldan lags la/ de dus gzhan na chen por gyur pa'i rgyus dbang po rnams yongs su smin pa de'i tshe ni chen po'i ngang tshul dang / chen po'i dbang po dang ldan lags so/ /btsun pa de bzhin du dge slong slob pa yid ma thob pa gang lags pa de gong ma'i grub pa dang bde ba'i mya ngan las 'das pa la don du gnyer ba'i tshul la lan mang du gnas te/ de de'i tshe slob pa'i tshul khrims dang slob pa'i dbang po dang ldan lags so/ /de dus gzhan na zag pa rnams zad nas zag pa med pa'i rnam par grol ba'i sems dang / rnam par grol ba'i shes rab mthong ba'i chos nyid la rang gi mngon par shes pas mngon sum du bgyis te bsgrubs nas bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes sgrogs pa de'i tshe ni mi slob pa'i tshul khrims dang / mi slob pa'i dbang po dang ldan lags so/ /gal te de'i mig gis rnam par shes par bya ba'i gzugs rnams mig la shin du snang bar gyur kyang de'i rnam par grol ba'i sems dang / rnam par grol ba'i shes rab de gtugs par mi 'gyur te/ de'i sems phyin ci ma log pa shin du rnam par grol ba/ shin du bsgoms pa de nang du gnas par 'gyur zhing de la zad par yang rjes su blta'o/ /gal te de'i rna bas rnam par shes par bya ba'i sgra rnams dang / snas rnam par shes par bya ba'i dri rnams dang / /lces rnam par shes par bya ba'i ro rnams dang / lus kyis rnam par shes par bya ba'i reg bya rnams dang / yid kyis rnam par shes par bya ba'i chos rnams yid la shin du snang bar gyur kyang de'i rnam par grol ba'i sems dang / rnam par grol ba'i shes rab de gtugs par mi 'gyur te de'i sems phyin ci ma log pa/ shin du rnam par grol ba/ shin du bsgoms pa de nang du gnas par 'gyur zhing de la zad par yang rjes su blta'o/ /btsun pa dper na grong khyer ram/ grong rdal dang ha cang yang thag mi ring ba zhig na ri brag chen po ser ga ma mchis pa/ shin du mkhregs pa gcig tu 'thas pa zhig mchis na/ de la gal te shar phyogs nas rlung gi shugs drag po langs kyang de g.yos par mi 'gyur/ de 'gul bar mi 'gyur zhing / de nub phyogs su bkur bar mi nus lags so/ /gal te lho phyogs dang / nub phyogs dang / byang phyogs nas rlung gi shugs drag po langs kyang de g.yos par mi 'gyur/ de 'gul bar mi 'gyur zhing de lho phyogs su bkur bar mi nus lags te/ gang nas rlung gi shugs drag po langs kyang des de g.yos par mi 'gyur/ de 'gul bar mi 'gyur zhing de gang du yang bkur bar mi nus lags so/ /de bzhin du gal te de'i mig gis rnam par shes par bya ba'i gzugs rnams mig la shin du snang bar gyur kyang de'i rnam par grol ba'i sems dang / rnam par grol ba'i shes rab de gtugs par mi 'gyur te de'i sems phyin ci ma log pa/ shin du rnam par grol ba/ shin du bsgoms pa de nang du gnas par 'gyur zhing de la zad par yang rjes su lta'o/ / gal te de'i rna bas rnam par shes par bya ba'i sgra rnams dang / snas rnam par shes par bya ba'i dri rnams dang / lces rnam par shes par bya ba'i ro rnams dang / lus kyis rnam par shes par bya ba'i reg bya rnams dang / yid kyis rnam par shes par bya ba'i chos rnams yid la shin du snang bar gyur kyang de'i rnam par grol ba'i sems dang / rnam par grol ba'i shes rab de gtugs par mi 'gyur te/ de'i sems phyin ci ma log pa/ shin du rnam par grol ba/ shin du bsgoms pa de nang du gnas par 'gyur zhing de la zad par yang rjes su lta'o/ /tshe dang ldan pa gro bzhin skyes bye ba nyi shu pas/ de skad ces gsol nas gnas brtan dgra bcom pas gzhan yang 'di skad ces gsol to/ /nges par 'byung la mos pa dang / / sems ni 'tshe ba med pa dang / /rab tu dben la mos pa dang / /sred pa zad la dga' ba dang / /len pa zad la mos pa dang / /sems ni brjed pa med gyur pa/ /skye mched skye ba shes nas su/ /sems ni rnam par grol bar 'gyur/ /de nas sems ni rnam grol zhing / /sems zhi ba yi skyob pa yis/ /bya ba dag ni byas zin pas/ /bya ba yod pa ma yin no/ /ji ltar brag gi ri bo la/ /rlung gis rab tu mi g.yos pa/ /de bzhin sdug dang mi sdug pa'i/ /gzugs rnams dang ni sgra dag dang / / dri dang ro dang reg pa dang / /chos kyis skyob pa mi g.yo ste/ /bkrir mi btub pa'i sems gnas shing / /de la 'ang zad par rjes su lta/ /dge slong rnams the tsom skyes te the tshom thams cad gcod pa/ sangs rgyas bcom ldan 'das la zhus pa/ btsun pa tshe dang ldan pa gro bzhin skyes bye ba nyi shu pas las ci zhig bgyis na las de'i rnam par smin pas phyug cing nor mang ba longs spyod che ba'i rigs su skyes shing rkang pa'i mthil gnyis su spu gser gyi kha dog 'dra ba skyes pa dang / gdugs re re zhing lnga brgya'i ston mo snod nas sgrol zhing sbyor ba dang / 'di nas bzung ste bskal pa dgu bcu rtsa gcig gi bar du lan 'ga' yang gding ba ma mchis pa'i sa phyogs su rkang pa ma bzhag pa dang / btsas ma thag tu dkan dbab pa'i rin gser bye ba phrag nyi shu thob cing bcom ldan 'das kyi bstan pa la rab tu byung nas kyang nyon mongs pa thams cad spangs te dgra bcom pa mngon sum du bgyis lags/ bcom ldan 'das kyis bka' stsal pa/ dge slong dag gro bzhin skyes bye ba nyi shu pa 'di nyid kyis las tshogs rnyed pa rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las dag byas shing bsags pas gro bzhin skyes 'di nyid kyis las byas shing bsags pa dag gzhan su zhig gis so sor myong bar 'gyur/ /dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched rnams la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba bskal pa dgu bcu rtsa gcig na 'jig rten du yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs shes bya ba byung ste/ de dge slong drug khri nyis stong gis yongs su bskor nas ljongs rgyu zhing gshegs pa na rgyal po'i pho brang bshes ldan zhes bya bar gshegs so/ /rgyal po'i pho brang bshes ldan na dga' sde rab tu mang po gnas te/ de rnams kyis yang dag par rdzogs pa'i sangs rgyas rnam par gzigs dge slong drug khri nyis stong gis yongs su bskor te ljongs rgyu zhing gshegs pa na 'dir byon to zhes thos so/ /thos nas kyang thams cad 'dus te yang dag par rdzogs pa'i sangs rgyas rnam par gzigs gang na ba der dong ste lhags nas yang dag par rdzogs pa'i sangs rgyas rnam par gzigs kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug nas yang dag par rdzogs pa'i sangs rgyas rnam par gzigs kyis dga' sde rnams la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan yang dag par 'dzin du bcug yang dag par gzeng bstod/ yang dag par rab tu dga' bar mdzad nas cang mi gsung ngo / /de nas dga' sde rab tu mang po stan las langs te bla gos phrag pa gcig tu gzar nas yang dag par rdzogs pa'i sangs rgyas rnam par gzigs gang na ba de logs su thal mo sbyar ba btud de/ /yang dag par rdzogs pa'i sangs rgyas rnam par gzigs la 'di skad ces gsol to/ /bcom ldan 'das dge slong gi dge 'dun dang thabs cig la bdag cag dgung zla gsum du na bza' chos gos dang / bsod snyoms dang / gzims cha dang / snyun dpyad kyi rkyen sman dang / yo byad rnams sbyor zhing mchis na gnang bar mdzad du gsol/ yang dag par rdzogs pa'i sangs rgyas rnam par gzigs kyi dga' sde rab tu mang po rnams la cang mi gsung bas gnang ngo / de nas dga' sde rab tu mang pos yang dag par rdzogs pa'i sangs rgyas rnam par gzigs cang mi gsung bas gnang bar rig nas bcom ldan 'das kyis gsungs pa la mngon par dga' ste rjes su yi rang nas/ bcom ldan 'das kyi zhabs gnyis la mgo bos phyag byas nas stan las langs te dong ngo / /de rnams 'dun khang du 'dus te gros bya bar brtsams pa/ shes ldan dag bdag cag gis bcom ldan 'das ji ltar gdugs tshod gsol bar bya/ ci 'dus te bya 'am/ 'on te re res bya/ de na kha cig gis smras pa/ nyi ma re re zhing 'dus te gdugs tshod gsol na bdag cag gi zhing blas kyi mtha' rnams bar chad du 'gyur bas shes ldan dag gal te 'dod na re mos re mos gdugs tshod gsol bar bya'o zhes de rnams kyis re mos re mos spyi bungs las ston mo bya bar brtsams te/ 'byor pa ji lta ba bzhin bdag nyid kyi yang snon par byed do/ /de nas dga' sde rnams kyi nang na bram ze'i khye'u bkren pa zhig yod pa de ma'i drung du song ste smras pa/ yul dga' sde rnams kyis khrims su bcas pa re mos re mos bcom ldan 'das gdugs tshod gsol bar bya'o zhes bcas na/ de la bdag gi 'byor pa ni nyung na bdag gis ji ltar gdugs tshod gsol bar bgyi/ des smras pa/ bu gal te de lta na khyod kyis nyi ma tha ma zung la dus de'i bar du cung zad sgrubs shig /tshogs kyi rgyu lhag kyang cung zad rnyed grang / des nyi ma tha ma bzung nas de na tshogs kyi rgyu lhag pa rab tu mang po yod pa dang / des kyang cung zad bsgrubs nas de nas des gnas khang rtsig tu bcug ste/ der gos rnams bting nas grwa rnams su kar sha pa Na lnga lnga bzhag /de la dom lpags shig bdog pa de yang gnas khang gi sgor bting ngo / /de nas lnga brgya'i ston mo snod du btsos shing sbyar nas bskur sti chen pos yang dag par rdzogs pa'i sangs rgyas rnam par gzigs la gdugs tshod gsol te zhabs la gtugs nas smon lam btab pa/ dge ba'i rtsa ba 'dis bdag phyug cing nor mang ba longs spyod che ba'i rigs su skye zhing lan 'ga' yang gding ba ma mchis pa'i sa phyogs su rkang pa mi 'jog pa dang / yang dag par rdzogs pa'i sangs rgyas rnam par gzigs kyi zhabs kyi mthil gnyis la spu gser gyi kha dog 'dra ba sor bzhi tsam 'khrungs pa ji 'dra ba de lta bur bdag gi yang de dang 'dra ba dang yon tan 'di lta bu dag kyang thob cing / ston pa 'di 'dra ba mnyes par bgyid par 'gyur gyis mi mnyes par bgyid par ma gyur cig ces byas so/ /dge slong dag ji snyam du sems/ de'i tshe de'i dus kyi dga' sde'i bram ze'i khye'u gang yin pa de ni gro bzhin skyes bye ba nyi shu pa 'di nyid yin te/ 'dis yang dag par rdzogs pa'i sangs rgyas rnam par gzigs la bya ba byas shing smon lam btab pa de'i las kyi rnam par smin pa gang yin pas phyug cing nor mang la longs spyod che ba'i rigs su skyes pa dang / rkang pa gnyis la spu gser gyi kha dog 'dra ba sor bzhi tsam skyes pa dang / 'di nas bzung ste bskal pa dgu bcu rtsa gcig gi bar du lan 'ga' yang gding ba med pa'i sa phyogs su rkang pa ma bor ba dang / btsas pa na yang dkan dbab pa'i rin du gser bye ba phrag nyi shu thob cing / nga'i bstan pa la rab tu byung nas kyang nyon mongs pa thams cad spangs nas dgra bcom pa mngon sum du byas so/ /dge slong dag de lta bas na las gcig tu gnag pa rnams kyi rnam par smin pa ni gnag pa yin la/ gcig tu dkar ba rnams kyi ni gcig tu dkar ba yin/ 'dren ma rnams kyi ni 'dren ma yin pas/ dge slong dag de lta bas na las gcig tu gnag pa rnams dang 'dren ma rnams ni spangs la/ las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /gang gi tshe ma skyes dgra mi dge ba'i bshes gnyen lha sbyin gyis zin pas rgyal po gzugs can snying po la rdo rje rtse gcig pa 'phangs pa de'i tshe/ rgyal po'i khab na gnas pa'i grong mi rnams kyis 'phya bar brtsams te/ de na kha cig ni rgyal po la mi snyan pa sgrogs par byed de/ /'di ma btsas pa nyid nas yab la dgrar 'gyur ro zhes lung bstan na/ ci'i phyir ma btsas pa nyid du ma bsad/ gzhan dag gis smras pa/ shes ldan dag rgyal pos ma nyes te ci thams cad kyi lung bstan pa bden par 'gyur ram/ gzhon nu nyid dul ba yin mod kyi 'on kyang lha sbyin mi dge ba'i bshes gnyen gyis bslus nas des na bya ba ngan pa la shin du zhugs par gyur to/ /gzhan dag gis smras pa/ shes ldan dag rgyal po dang lha sbyin gyis kyang ma nyes te/ 'on kyang lha sbyin khrid de 'jig rten gyi khams kyi bar du mi bzhag par 'di ltar rab tu 'byin par mdzad pas na bcom ldan 'das kho nas nongs so/ /kha cig gis smras pa/ bcom ldan 'das kyis ma nongs te/ de gang gi phyir gnas nas dbyung ba'i las ma byas pas dge 'dun gyis nyes so/ /de nas gang dag rgyal po la mi snyan par sgrogs pa des rgyal po ngo tsha bar mi byed kyi/ sngon gyi tshe rabs rnams su bdag gis las 'di dag byas shing bsags pa yin no snyam mo/ /gang dag bcom ldan 'das dang dge 'dun la mi snyan pa sgrogs pa des ni rgyal po shin du ngo tsha bar byed de/ bdag gi lus ngan pa gang yin pa des 'jig rten bcom ldan 'das dang dge 'dun gyi mi snyan pa brjod do snyam mo/ /dge slong rnams the tshom skyes te the tshom thams cad gcod pa bcom ldan 'das la zhus pa/ btsun pa nongs pa gzhan gyis bgyis la skyon gzhan la sgo ba la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'dis 'das pa'i dus na yang nyes pa gzhan gyis byas la skyon gzhan la bsgos pa nyon cig /dge slong dag sngon byung ba grong khyer bA rA Na sI na rgyal po tshangs sbyin zhes bya ba 'byor pa dang / rgyas pa dang / bde ba dang / lo legs pa/ skye bo'i tshogs mang pos rab tu gang ba na rgyal srid byed du 'jug go/ /de la khyi gnyis zhig yod pa 'gram dang nye 'gram zhes bya ste/ de gnyis kyis rgyal po'i rta khrab kyi cha spyad 'chos so/ /ji tsam dus gzhan zhig na rgyal po tshangs sbyin dra ma la cha ba na des blon po rnams la bsgo ba/ shes ldan dag rta khrab kyi yo byad ltos shig /de rnams kyis blta bar brtsams pa na thams cad bcad cing rab tu gtubs par mthong nas de rnams kyis rgyal po la smras pa/ lha rta khrab kyi cha spyad khyi rnams kyis 'tshal to/ /rgyal pos smras pa/ shes ldan dag gal te de lta na ngas khyi rnams yongs su spangs so/ /de na kha cig ni bsad do/ /kha cig ni bros so/ / ji tsam na yul gzhan gyi khyi zhig yul nas bA rA Na sIr 'ong ba na des de rnams 'bros pa mthong nas smras pa/ shes ldan dag ci'i phyir khyed 'di ltar skrag /de rnams kyis ji ltar gyur pa rgyas par smras pa dang des smras pa/ khyed ci'i phyir rgyal po la gsol bar ma byas/ de rnams kyis smras pa/ gzhan dag ni kha btag /kho bo cag ni bros na rgyal po la gsol bar bya ba'i gtol ga la yod/ /des smras pa/ 'dug shig dang khyed kyi don du kho bos rgyal po la gsol ba bya'o/ /des de rnams dbugs phyung nas slar log pa dang / de nas des rgyun lugs chad tsam na thos pa'i nyen kor du 'dug nas tshigs su bcad pas gsol pa/ rgyal po'i khab na khyi gnyis mchis pa 'gram dang ni/ /nye 'gram stobs dang kha dog ldan pa gang lags pa/ /de 'dir dgum rgyu bdag cag dgum pa'i rgyu ma lags/ /lha cig dgum rgyu ma lags bkum pa rigs pa min/ /rgyal pos thos nas des nam langs pa dang blon po rnams la bsgo ba/ shes ldan dag mdang sum nga la tshigs su bcad pas gsol ba byed pa gang yin pa de tshol cig /de rnams kyis sku srungs rnams la bsgo ba/ shes ldan dag mdang sum lha la tshigs su bcad pas gsol ba byed pa de tshol cig /de rnams kyis smras pa/ yul gyi khyi lags so/ /rgyal pos smras pa/ shes ldan dag ci 'gram dang nye 'gram gyis zos sam 'on te/ khyi gzhan rnams kyis yin rtogs shig /blon po rnams 'dus nas gros bya bar brtsams pa/ shes ldan dag lhas 'di skad ces khyi rnams rtogs shig ces bka' stsal na/ de rnams la ji ltar brtag par bya/ gzhan dag gis smras pa/ de la gzhan brtag tu ci yod/ skra'i thum po byin te skyug tu gzhug mod/ de rnams kyis skra'i thum po byin te skyug tu bcug pa las/ ji tsam na 'gram dang nye 'gram gnyis ko ba'i dum bur skyugs nas rgyal po la rig par byas pa dang / rgyal pos de gnyis spangs te/ lhag ma rnams la mi 'jigs pa byin no/ /dge slong dag ji snyam du sems/ de'i tshe de'i dus kyi 'gram dang nye 'gram gang yin pa de gnyis ni lha sbyin dang / ma skyes dgra 'di gnyis yin te/ de na yang 'di gnyis kyis nyes pa byas la skyon gzhan la bsgo'o/ /da ltar yang 'di gnyis kyis nyes pa byas la skyon gzhan la bsgo'o/ /gzhan yang ji ltar lha sbyin byas pa mi gzo ba dang byas pa mi tshor ba de nyon cig /dge slong dag sngon byung ba grong khyer bA rA Na sI na rgyal po tshangs sbyin zhes bya ba rgyal srid byed du 'jug go/ ji tsam na mi zhig sta re dang khur shing thogs te shing gi phyir nags khrod du song nas/ de de na shing tshol bar byed pa na seng ges skrag nas bros pa las sur khung zhig tu lhung ngo / /seng ges kyang de bza' ba'i bsam pas de nyid du lhung ngo / /sbrul zhig gis byi ba zhig skrag nas bros pa dang / khras byi ba bza' ba'i phyir bsnyags pa las/ ci tsam na thams cad sur khung du lhung ste/ de dag thams cad gcig la gcig bsad par 'dod pa'i gnod sems dang ldan par gyur pa dang seng ges smras pa/ shes ldan dag khyed thams cad kho bo'i bgrod pa yin te/ de lta mod kyi bdag cag sdug bsngal mi bzad pa dog pa thob pas 'di ni gnod par bya ba'i dus ma yin gyis ma 'gul bar 'khod cig /stes dbang gis rngon pa zhig ri dgas rnams tshol zhing phyogs der phyin pa dang / des sur khung der blta bar brtsams pa las/ de rnams kyis brtabs pa'i tshig gis smras pa/ kye nang rje skyabs gyis shig /de nas rngon pa des shes nas thog mar seng ge phyung ba dang / des rkang pa la gtugs te smras pa/ khyod kyi drin gzo bar bya ste/ 'on kyang 'di na mgo nag po gnas pa de ni byas pa chud gson pa yin gyis khyod kyis ma dbyung shig ces smras nas song ngo / / ji tsam na rngon pa des thams cad mthar gyis phyung ngo / /ji tsam dus gzhan zhig na seng ges ri dgas shig bsad pa dang rngon pa de yang phyogs der phyin pa seng ges de ngo shes nas rngon pa'i rkang pa la gtugs te ri dgas de byin no/ /dus gzhan zhig na rgyal po tshangs sbyin btsun mo dang lhan cig bskyed mos tshal gyi sar song nas des bskyed mos tshal der bde ba nyams su myong bar byas nas gnyid kyis log go/ /btsun mo bud med rnams kyang bag yangs su gnas pas gos dag phud de skems/ rgyan dag bkrol nas phyogs dag tu bzhag te bskyed mos tshal na 'chag par byed/ 'dug par byed/ nyal bar byed/ gnyid log par byed do/ /ji tsam na btsun mo zhig rgyan rnams bkrol te phyogs zhig tu bzhag nas gnyid log pa dang khras de blangs nas rngon pa de la byas pa gzo bar bya ba'i phyir byin no/ /rgyal po tshangs sbyin gnyid kyis snyom pa bsal nas myur ba myur bar bA rA Na sIr zhugs so/ /btsun mo dang / gzhon nu dang / blon po dang / grong mi dang / yul mi rnams kyang rings par dong ngo / /ji tsam na btsun mo des rgyan btsal ba las ma rnyed nas des rgyal po la smras pa/ lha bskyed mos tshal du bdag gi rgyan stor lags so/ /rgyal pos blon po rnams la bsgo ba/ shes ldan dag rgyan stor gyis su yis khyer tshol cig /de rnams kyis btsal bar brtsams pa na mgo nag po de rngon pa'i drung du dus dus su 'gro bas de de'i khyim du song ba na mtshan ma las de la rgyan yod par shes nas/ byas pa chud gzon pa des rgyal po'i drung du song nas gsol pa dang / de nas rgyal po mchog tu khros te rgyal po'i mi rnams kyis rngon pa bkug nas smras pa/ kwa'i nang rje khyod kyis bskyed mos tshal nas rgyan brkus so/ /de nas de skrag nas ji ltar gyur pa smras te rgyan de rgyal po la phul na/ 'on kyang mi de bcings nas btson rar bzhag go/ /byi bas song nas sbrul la smras pa/ mgo nag po sdig pa byed pa des bya ba byas nas bdag cag gi dge ba'i bshes gnyen rgyal pos bcings nas btson rar bzhag go/ / sbrul gyis smras pa/ kye rngon pa de ring bdag gis rgyal po la zin par byas khyod kyis sngags kyi tshig 'di dang sman 'di dag gis gsos shig dang / de ltar na rgyal po de dga' nas khyod gdon mi za bar btang nas longs spyod kyang bgo bsha' byed par 'gyur ro/ /des smras pa legs kyis de bzhin gyis shig /sbrul gyis rgyal po zin pa dang rngon pas song ste sngags dang sman de dag gis gsos so/ /de nas rgyal po mgu nas btson las btang ste longs spyod dag gis bgo bsha' yang byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus kyi rngon pa gang yin pa de ni nga nyid yin no/ /de'i tshe de'i dus kyi byas pa chud gson pa gang yin pa de ni lha sbyin 'di nyid yin te/ /de na yang 'di byas pa mi gzo ba dang byas pa mi tshor ba yin no/ /da ltar yang 'di byas pa mi gzo ba dang byas pa mi tshor ba yin no/ /gzhan yang ji ltar 'di byas pa mi gzo ba dang byas pa mi tshor ba de nyon cig /dge slong dag sngon byung ba dus ma yin par zhag bdun du sprin chags te lhas char phab nas ne'u le zhig byi ba'i tshang du zhugs so/ /sbrul zhig kyang char pas skrag nas phan tshun rgyu ba na de nyid du zhugs so/ /ji tsam na ne'u le des byi ba de gsad par brtsams pa na sbrul gyi smras pa/ shes ldan dag bdag cag sdug bsngal mi bzad pa dog pa thob kyis gcig la gcig gnod pa ma byed par ma 'gul bar 'khod cig /de na sbrul gyi ming ni dga' sde zhes bya'o/ /ne'u le'i ming ni dga' bo zhes bya'o/ /byi ba'i ming ni gang gas byin zhes bya'o/ /dga' sde dang / dga' bos gang gas byin la smras pa/ khyod 'jab cing song la bdag cag gi kha zas tshol cig /de drang zhing bsam pa bzang ba yin pas de gnyis kyi ched du snying nas kha zas btsal bar brtsams pa na ma rnyed do/ /dga' bos dga' sde la smras pa/ gal te gang gas byin kha zas med par 'ongs na de nyid bdag gis bza' bar bya'o/ /dga' sdes bsams pa/ sdug bsngal mi bzad pa dog pa thob na yang 'di de la gsod par rtsom na/ gal te de kha zas med par 'ongs na lta smos kyang ci dgos pas ye de la spring bar bya'o snyam nas des de la spring ba/ dga' bo na re 'di skad ces gal te gang gas byin kha zas med par 'ongs na de nyid bdag gis bza' bar bya'o zhes zer ro/ /gang gas byin gyis kha zas btsal ba las cung zad kyang ma rnyed nas des bsams pa/ gdon mi za bar des bdag zos par 'gyur ro/ /snyam nas des dga' sde la spring ba/ mi bkren ltogs pa'i shugs kyis yongs dub nas/ /nyam thag snying rje med par 'gyur bas khyod/ /byas pa chud gson sems can de la ni/ /gang gas byin pa phyir mi 'ong zhes gsungs/ /zhes spring ngo / /dge slong dag ji snyam du sems/ de'i tshe de'i dus kyi gang gas byin gang yin pa de ni nga nyid yin no/ /de'i tshe de'i dus kyi ne'u le dga' bo gang yin pa de ni lha sbyin 'di nyid yin te/ de na yang 'di byas pa mi gzo ba dang byas pa mi tshor ba yin no/ /da ltar yang 'di byas pa mi gzo ba dang byas pa mi tshor ba yin no/ / gang gi tshe ma skyes dgras rgyal po gzugs can snying po la rdo rje rtse gcig pa 'phangs pa de'i tshe rgyal pos de la spyos nas gzhon nu ci'i phyir khyod kyis nga la rdo rje rtse gcig pa 'phangs/ des smras pa/ tshig pa 'tshal ba'i slad du ste/ lha la ni longs spyod mnga' na bdag la ma mchis so/ /rgyal pos smras pa/ bu gal te de lta na song la tsam pa gzhi dang bcas pa khyod kyi yin no/ /de dga' ba dang / mgu ba dang / rab tu dga' bas lha sbyin gyi drung du song ste smras pa/ 'phags pa bdag gis tsam pa gzhi dang bcas pa thob bo/ /des smras pa/ gzhon nu khyod kyis pha rol gnon pa'i 'bras bu mthong ngam/ 'phags pa mthong ngo / /da dung yang pha rol gnon pa gyis shig dang / khyod kyi mngon par 'phel bar 'gyur ro/ /des tsam par dpya dbab pas gtse bar brtsams te gtses pa na skye bo'i tshogs 'bros pa la zhugs te/ kha cig ni rgyal po'i khab tu dong ngo / /kha cig ni yul gzhan du dong nas blon po rnams kyis rgyal po la pho nyas bzlugs pa/ lha gzhon nus tsam pa'i skye bo gtses te/ gtses pa na 'bros lags kyis/ lha gzhon nu de las bzlog par mdzad pa'i rigs so/ /rgyal pos smras pa/ gzhon nu ci'i phyir yul mi la gnod par byed/ des smras pa/ lha dpung rgyas par mi 'gyur lags so/ /rgyal pos smras pa/ gzhon nu gal te de lta na rgyal po'i khab 'ba' zhig ma gtogs par yul ma ga d+hA khyer cig /des yul ma ga d+hA blangs nas lha sbyin gyi drung du dong ste smras pa/ 'phags pa bdag gis rgyal po'i khab 'ba' zhig ma gtogs pa yul ma ga d+hA thams cad thob bo/ /des smras pa/ gzhon nu pha rol gnon pa'i 'bras bu ni de 'dras yang pha rol gnon pa gyis shig /des yul ma ga d+hA brlag par bya bar brtsams pa na yul ma ga d+ha na gnas pa'i skye bo'i tshogs kyis rgyal po gzugs can snying po la gsol pa/ lha gzhon nus yul ma ga d+hA brlag par bgyis kyis zlog mdzod cig /rgyal pos de bkug ste smras pa/ gzhon nu ci'i phyir yul ma ga d+hA brlag par bya/ des smras pa lha bdag gi skye bo'i tshogs phal mo che rgyas par mi 'gyur lags so/ /rgyal pos smras pa/ gzhon nu gal te de lta na mdzod cig ma gtogs pa thams cad khyod kho na'i yin no/ /des rgyal po'i khab kyang blangs nas lha sbyin gyi drung du song ste smras pa/ 'phags pa bdag gis mdzod cig ma gtogs par longs spyod thams cad thob bo/ /des smras pa/ pha rol gnon pa'i 'bras bu de yin mod kyi 'on kyang rgyal po rnams ni mdzod kyi mthu can yin te/ gang la mdzod yod pa de rgyal po yin pas mdzod kyi phyir pha rol gnon pa gyis shig /des rgyal po'i khab kyang brlag par bya bar brtsams pa na rgyal po'i khab na gnas pa'i skye bo'i tshogs dang / yul ma ga d+hA na gnas pa'i skye bo'i tshogs dang / tsam pa ba thams cad skrag par gyur nas/ ji ltar ma skyes dgras mi mthong ba de ltar pho nya btang ste rgyal po la gsol pa/ lhas bdag cag bu bzhin du so sor bskyangs na gzhon nus ma 'os pa bzhin du bkren par bgyis pas lha'i yul mi 'phal cher bros lags te/ bdag cag kyang 'bros par 'tshal lags so/ /rgyal po snying rje'i bdag nyid can chos gtsor byed pa de mi bde ba skyes nas ma skyes dgra bkug ste/ dga' ba dang / snyan pa dang / rjes su 'thun pa'i tshig gis mgo la byugs te smras pa/ bu ngas khyod la yul thams cad byin na ci'i phyir yi chad par bya so sor skyongs shig /des smras pa/ lha rgyal po rnams ni mdzod kyi mthu can lags na/ bdag la mdzod kyi mthu ma mchis na ji ltar bgyi/ des smras pa/ gal te de lta na btsun mo'i 'khor ma gtogs pa thams cad khyod kho na'i yin no/ /'on kyang rang bzhin ngan cing sdig pa'i grogs po can de 'dug tu mi btub cing brlag pa kho nar byed do/ /rgyal pos spyo ba dang bcas pas smras pa/ bang mdzod dang / mdzod dang / yul thams cad khyod kho na la byin na ci'i phyir da dung rlag par byed/ de skad ces smras pa dang de khros nas blon po rnams la smras pa/ shes ldan dag rgyal po rgyal rigs spyi bo nas dbang bskur ba la smod pa gang yin pa de la chad pa cis gcad/ blon po rnams kyis smras pa/ lha chad par dgum lags mod/ des smras pa/ de nga'i yab yin pas ji ltar bsad kyis/ deng la de zung ste phyag sbal du chug la zhog shig /de phyag sbal du bcug pa dang rgyal po de la grong mi rnams dga' bas yul de na gnas pa'i skye bo'i tshogs kyis thos nas yid mi bde bar gyur na ma skyes dgra gtum pa dang / brlang ba dang / gzu lums che bas de la su yang kha zer mi phod do/ /rgyal po gzugs can snying po phyag sbal na las kho na la rten cing 'dug pa de la lus 'phags mas snod du btsos pa skyel bar byed do/ /ma skyes dgras btson srungs rnams la dris pa/ shes ldan dag rgyal po bgres po ji ltar 'tsho bar byed/ de rnams kyis smras pa/ lha khyod kyi yul gyis snod nas btsos pa skyel lags so/ /ma skyes dgras bsgo ba/ phyin chad bza' ba dang btung ba ji ltar yang skyel bar mi 'gyur bar khog shig /btsun mo rnams la yang bsgo ba/ sus kyang phyag sbal du bza' ba dang btung ba bskyal bar mi bya'o/ /gang zhig skyel na de chad pas bsad do/ /de zhe gnag pa'i las can yin par shes pas su yang kha zas sbyor ba yang mi byed na skyel ba lta smos kyang ci dgos/ /de nas lus 'phags ma khyim thab la sdug par 'chums pa'i snying gis phye'i 'de gus lus byugs shing rkang gdub kyi sbubs chus bkang nas bskyal bar brtsams te de des 'tsho bar byed do/ /btson srungs kyi mi rnams kyis de'i thabs shes mod kyi rgyal po de la dga' bas mthong yang ma skyes dgra la ma sbran to/ /ji tsam na yang ma skyes dgras btson srungs kyi mi rnams la smras pa/ shes ldan dag rgyal po bgres po ji ltar 'tsho bar byed/ de rnams kyis rgyas par smras pa dang / /des smras pa/ shes ldan dag lus 'phags ma ji ltar yang phyis skyel bar mi 'gyur bar khog shig de nas bcom ldan 'das kyis de'i dge ba'i rtsa ba bskyed pa'i phyir skar khung gi drang thad kyi bya rgod kyi phung po'i ri la 'chag par brtsams nas/ rgyal po gzugs can snying pos skar khung nas drang thad kyi bya rgod kyi phung po'i ri la bcom ldan 'das gang na ba la bltas nas dga' ba skyed pas des na srog dang bral bar ma gyur to/ /ma skyes dgras yang btson srungs kyi mi rnams la smras pa/ shes ldan dag bza' ba dang btung ba ni bkag na da ltar rgyal po bgres po ji ltar 'tsho bar byed/ de rnams kyis smras pa/ bcom ldan 'das kyis de rjes su gzung ba'i slad du skar khung gi drang thad kyi bya rgod kyi phung po'i ri la 'chag par mdzad pa de la de gdugs re re zhing bzhengs nas gzigs lags so/ /des smras pa/ skar khung khog la de'i rkang pa gnyis kyang spu gris dros shig /de rnams kyis skar khung dag bkag de'i rkang pa gnyis kyang spu gris dras pa dang de sdug bsngal gyi tshor bas gdungs pas mchi mas brnangs shing skad 'gags la mig mchi mas gang bas bsams pa/ bdag sdug bsngal mi bzad pa dog pa thob na bcom ldan 'das kyis ma dgongs pa lta zhig snyam mo/ /sangs rgyas bcom ldan 'das rnams ni de lta bu mi mkhyen pa 'am/ mi gzigs pa 'am/ thugs su mi chud pa 'am/ rnam par mi mkhyen pa ci yang mi mnga'o/ /chos nyid kyis sangs rgyas bcom ldan 'das thugs rje chen po dang ldan pa/ 'jig rten la phan par zhugs pa/ bsrung ba gcig pu pa/ nyag gcig dpa' ba/ zla med pa/ gnyis su mi gsung ba/ zhi gnas dang lhag mthong gis bzhugs pa/ dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil legs par gnas pa/ bsdu ba'i dngos po bzhi la yun ring po nas yongs su sbyang ba mdzad pa/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang sgyur ba las khyad par du 'phags pa rnams ni sangs rgyas kyi spyan gyis nyin lan gsum mtshan lan gsum du 'jig rten la rnam par gzigs nas gang ni nyams/ gang ni 'phel/ gang ni mi bzad par gyur/ gang ni dog par gyur/ gang ni sdug bsngal bar gyur/ gang ni mi bzad pa dang dog pa dang sdug bsngal bar gyur/ gang ni ngan song la gzhol/ gang ni ngan song la 'bab/ gang ni ngan song la bab/ ngas gang ni ngan song nas drangs te mtho ris dang thar pa dang 'bras bu la gzhag par bya/ gang gi dge ba'i rtsa ba dag ma bskyed pa ni bskyed par bya/ gang gi dge ba'i rtsa ba bskyed pa dag ni yongs su smin par bya/ gang gi yongs su smin pa ni rnam par grol bar bya zhes ye shes gzigs pa la 'jug par mdzad do/ /de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu song la nga'i tshig gis rgyal po gzugs can snying po la nad med par gyur cig ces byos la 'di skad ces bcom ldan 'das kyi zhal nas dge ba'i bshes gnyen gyis bya ba gang yin pa de ngas khyod la mdzad zin te/ khyod sems can dmyal ba dang / dud 'gro'i skye gnas dang / yi dags rnams nas ni rkang pa drangs/ lha dang mi rnams su ni rab tu bzhag /'khor ba'i ni mtha' byas/ khrag dang mchi ma'i rgya mtsho ni bskams/ rus pa'i ri bo las ni bsgral/ ngan song rnams kyi sgo ni bcad/ mtho ris dang thar pa'i sgo rnams ni phye na/ 'on kyang khyod nyid kyi las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las dag khyod nyid kyis byas shing bsags pa dag gzhan su zhig gis so sor myong bar 'gyur/ rgyal po chen po las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched rnams kho na la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /rgyal po chen po de lta bas na las kyi skyabs can du gyis shig ces gsung ngo / /zhes byos shig /btsun pa bka' bzhin 'tshal zhes tshe dang ldan pa maud gal gyi bu chen pos bcom ldan 'das las mnyan nas ji ltar sems mnyam par bzhag na bya rgod kyi phung po'i ri las mi snang bar gyur to/ /phyag sbal du rgyal po gzugs can snying po'i mdun du 'dug pa de lta bu'i ting nge 'dzin la snyoms par bzhugs te 'di skad ces smras so/ /rgyal po chen po bcom ldan 'das kyi zhal nas khyod nad med par gyur cig ces gsung ngo / /btsun pa maud gal gyi bu chen po bcom ldan 'das la phyag 'tshal lo/ /rgyal po chen po bcom ldan 'das kyi zhal nas 'di skad ces/ dge ba'i bshes gnyen gyis bya ba gang yin pa de ngas khyod la mdzad de/ khyod sems can dmyal ba dang / dud 'gro dang / yi dags rnams nas ni rkang pa drangs/ lha dang mi rnams su ni rab tu bzhag /'khor ba'i ni mthar byas/ khrag dang mchi ma'i rgya mtsho ni bskams/ rus pa'i ri bo las ni bsgral/ ngan song rnams kyi sgo ni bcad/ mtho ris dang thar pa'i sgo rnams ni phye na/ 'on kyang khyod nyid kyi las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las dag khyod nyid kyis byas shing bsags pa dag gzhan su zhig gis so sor myong bar 'gyur/ rgyal po chen po las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched rnams kho na la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /rgyal po chen po de lta bas na khyod kyis las kyi skyabs can du gyis shig ces gsung ngo / /de phyag sbal du bcug pa dang / spu gris rkang pa dras pa dang / bza' ba dang btung ba dang bral ba'i sdug bsngal gyis nyen pas smras pa/ btsun pa maud gal gyi bu chen po gang na kha zas bzang po 'tshal lags/ des smras pa/ rgyal po chen po rgyal chen bzhi'i ris kyi lha rnams na'o zhes smras nas/ tshe dang ldan pa maud gal gyi bu chen pos ji ltar sems mnyam par bzhag na phyag sbal de nas mi snang bar gyur te/ bya rgod kyi phung po la phyin pa de lta bu'i ting nge 'dzin la snyoms par zhugs so/ /ma skyes dgra'i bu 'char byed bzang po'i mdzub mo la phol mig byung bas de ngu bar gyur nas ma skyes dgras drung du song ste/ des de pang par bzhag nas mgul nas 'khyud/ 'o byas/ kun tu 'khyud na 'on kyang de ngu ste 'dug tu mi btub bo/ / de nas ma skyes dgras de'i mdzub mo khar bcug pa dang / phol mig khar rdol nas ma skyes dgras rnag khrag sa la pho'o/ /gzhon nu 'char byed bzang pos rnag khrag de mthong nas lhag par ngu bar brtsams pa dang / btsun mo lus 'phags mas 'dzum phyung ba ma skyes dgras mthong nas smras pa/ yum 'di ji lta bu zhig /des smras pa/ bu nad 'di ni khyed kyi yab mes brgyud de 'ongs pa yin te/ khyod kyang de ltar gyur pa na khyod kyi yab kyis mdzub mo khar bcug pa dang phol mig rdol nas khyod mi ngu bar bya ba'i phyir rnag khrag sa la ma pho bar khong du mid do/ / des smras pa/ yum bdag gi yab 'di 'dra bar byams par gyur tam/ des smras pa/ de 'dra'o/ /de nas ma skyes dgra pha la zhe sdang gi kun nas dkris pa dang bral zhing rjes su chags pa skyes te/ des blon po rnams la smras pa/ shes ldan dag gang zhig nga la rgyal po bgres po gson no zhes zer ba de la ngas rgyal srid phyed sbyin no/ /rgyal po de la grong mi dang yul mi rnams dga' ba yin pas skye bo'i tshogs chen pos phyag sbal logs su brgyugs pa'i sgra rgyal pos thos nas bsams pa/ da ni gnod pa mi bzad pa ci zhig byed par 'gyur ro/ /snyam ste skrag nas shugs nar zhes phyung ste shi ba dang / rgyal po chen po rnam thos kyi bu'i bur skyes te pang du 'dug nas lha'i bdud rtsis longs spyod par byed do/ /rnam thos kyi bus smras pa/ khyod su zhig /des bdag ni rgyal ba khyu mchog lags so/ /zhes smras pas/ de'i ming rgyal ba khyu mchog rgyal ba khyu mchog ces bya bar grags so/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa rgyal po gzugs can snying po las ci zhig bgyis na las de'i rnam par smin pas phyug cing nor mang la longs spyod che ba'i rgyal po'i rigs su skyes par gyur cing bcom ldan 'das kyi spyan snga nas bden pa mthong bar bgyis pa dang / spu gris sug pa rkang pa dras te phyag sbal du stsal cing bkres pa dang / skom pas gzir nas gum par gyur lags/ bcom ldan 'das kyis bka' stsal pa/ dge slong dag rgyal po gzugs can snying po 'di nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las dag byas shing bsags pas/ gzugs can snying pos las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched rnams kho na la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba sangs rgyas rnams 'byung ba med pa na 'jig rten du rang sangs rgyas dman pa dang ngan pa la snying brtse ba can/ bas mtha'i gnas mal la dga' ba/ 'jig rten gyi yon gnas gcig pu dag 'byung bar 'gyur ba yin pas/ ji tsam na rang sangs rgyas zhig ljongs rgyu zhing spyod pa na bA rA Na sIr phyin nas bA rA Na sI'i rdza mkhan zhig gi las khang du nub mo nye bar brten te gnas so/ /'gron pa zhig kyang las khang de nyid du gnas btab pa las der 'gron pa des bshang ba byas nas nub mo nyid langs te song ngo / /dgra bcom pa rnams dang / rang sangs rgyas rnams ni ma bsams par ye shes mthong ba mi 'jug pa yin pas rang sangs rgyas kyis 'di nyid du bsod snyoms spyad par bya'o snyam nas de nyid du 'dug go/ /ji tsam na rdza mkhan nam nangs nas las kyi khang par zhugs na mi gtsang bas ma rungs par byas pa mthong ngo / /mi phal pa rnams ni mi rtog pa yin pas des rang sangs rgyas la sems rab tu gdug par byas te de sems rab tu sdang bas smras pa/ rab tu byung ba khyod kyi rkang pa gnyis spu gris dras sam ci na gang gi phyir khyod kyis las khang du bshang ba byas shing phyi rol du ma song / des de sgo bcad nas 'di nyid du skom pa dang bkres pas shi shig ces bzhag go/ /bdag nyid chen po des bsams pa/ nyon mongs pa 'di ni nyams kyis gal te bdag gis sgo phye ste song bar gyur na lhag par yang nyams par 'gyur ro snyam nas de cang mi smra bar 'dug go/ /ji tsam na rdza mkhan dro'i dus la bab nas de'i zhe sdang gi kun nas dkris pa dang bral nas des smras pa/ kye rab tu byung ba gdugs tshod gsol gyis tshur spyon/ rang sangs rgyas kyis smras pa/ bzhin bzangs kho bo dus su longs spyod pa yin pa las dus las yol zin to/ /des smras pa/ gal te de lta na 'di nyid du bzhugs te/ sang bshos gsol la gshegs shig /des de la snying brtse ba'i phyir khas blangs so/ /des de phyi de nyin par kha zas bsod pas tshim par byas so/ /bdag nyid chen po de dag ni lus kyis chos ston gyi ngag gis ma yin pas de steng gi nam mkha' la mngon par 'phags te 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod pa yin pas de shing rtsa ba nas bcad pa bzhin du rkang pa gnyis la gdugs te smras pa/ yon gnas chen po mar spyon/ mar spyon/ bdag 'dod pa'i 'dam du bying ba lag nas drang du gsol/ de babs pa dang des de'i rkang pa gnyis la gtugs te smon lam btab pa/ bdag gis yon gnas dam pa 'di lta bu la gnod pa'i las gang lags pa de'i skal ba can du ma gyur cig / bya ba byas pa'i dge ba'i rtsa ba gang yin pa 'dis bdag phyug cing nor mang la longs spyod che ba'i rigs su skye zhing 'di bas khyad par du 'phags pa'i ston pa mnyes par bgyid kyi mi mnyes par mi bgyid pa dang 'di lta bu'i chos rnams kyang thob par gyur cig ces byas so/ /dge slong dag ji snyam du sems de'i tshe de'i dus kyi rdza mkhan gang yin pa de ni gzugs can snying po 'di nyid yin te/ rang sangs rgyas la sems rab tu gdug pas ngag rtsub po'i las phyung ba gang yin pa de'i las kyi rnam par smin pas spu gris rkang pa gnyis dras pa dang / phyag sbal du bcug pa dang / skom pa dang bkres pas shi ba yin no/ /des bzod pa gsol nas smon lam btab pa gang yin pa de'i las kyi rnam par smin pas phyug pa dang rgyal po'i rigs su skyes nas kyang nga'i spyan snga nas 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du thob par byas so/ / dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la/ gcig tu dkar ba rnams kyi ni gcig tu dkar ba yin/ 'dren ma rnams kyi ni 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar ba la brtsal bar bya ste/ dge slong dag khyed kyis de lta bu la bslab par bya'o// // 'dul ba gzhi/ bam po brgya rtsa gnyis pa/ blon po rnams kyis ma skyes dgra la smras pa/ lha rgyal po bgres po ni nongs so/ /des thos nas brgyal te sa la 'gyel ba dang / chus gtor nas dbugs slar byung nas mya ngan gyi khang par zhugs te 'dug go/ /de'i mya ngan bsal bar sus kyang mi nus nas blon po rnams kyis de'i mya ngan bsal ba brtsal bar brtsams pa las/ ji tsam na lho phyogs nas gar mkhan zhig 'ongs nas/ blon po rnams kyis de de'i mdun du gar byed du bcug kyang ma skyes dgra yid mi bde ba nyid pas sus kyang de la legs so zhes bya ba ma byin nas/ gar mkhan phyir byung ba dang bcom ldan 'das kyang phyogs der gshegs so/ /des bcom ldan 'das mthong nas des bsams pa/ skyes bu dam pa 'di lta bu dag la byas dang des bdag la legs so zhes bya ba byin pa zhig snyam ste/ de bcom ldan 'das la sems mngon par dad pas rdza rnga chen po brdungs so/ /de nas bcom ldan 'das kyis 'dzum pa mdzad do/ /chos nyid kyis gang gi tshe sangs rgyas bcom ldan 'das rnams 'dzum pa mdzad pa de'i tshe zhal nas 'od zer sngon po dang / ser po dang / dmar po dang / dkar po dang / btsod ka dag byung nas kha cig ni 'og tu 'gro/ kha cig ni steng du 'gro la/ gang dag 'og tu dong ba de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol ba can dang / so thams thams dang / kye hud zer dang / a cu zer dang ut+pal ltar gas pa dang / pad ma ltar gas pa dang / pad ma ltar gas pa chen por song ste/ sems can dmyal ba tsha ba gang yin pa de dag ni bsil bar gyur te 'bab par byed la/ sems can dmyal ba grang ba gang yin pa de dag tu dro bar gyur te 'bab par byed do/ /des sems can dmyal ba de dag gi gnod pa'i bye brag dag rgyun gcod par byed cing de dag 'di snyam du shes ldan dag ci bdag 'di nas shi 'phos sam 'on te gzhan du skyes snyam du sems so/ /de dad pa bskyed par bya ba'i phyir bcom ldan 'das kyis sprul pa gtong bar mdzad de/ de dag gis sprul pa mthong nas 'di snyam du sems te/ shes ldan dag bdag cag 'di nas shi 'phos pa yang ma yin la gzhan du skyes pa yang ma yin te/ 'di ltar sems can sngon mthong ba 'di'i mthus bdag cag gi gnod pa'i bye brag dag rgyun chad par gyur to snyam mo/ /de dag sprul pa la sems mngon par dad par gyur nas sems can dmyal ba myong bar 'gyur ba'i las de zad par byas nas gang du bden pa dag ni snod du gyur par 'gyur ba'i lha dang mi rnams kyi nang du nying mtshams sbyor ba len par byed do/ /gang dag steng du 'dod pa de dag ni rgyal chen bzhi'i ris dang sum bcu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams 'phel dang / 'bras bu che ba dang / mi che ba dang mi gdung ba dang / gya nom snang ba dang / shin du mthong dang / 'og min gyi lha rnams kyi nang du song nas mi rtag pa dang / sdug bsngal ba dang / stong pa dang / bdag med pa zhes bya ba'i sgra sgrog par byed cing / tshigs su bcad pa gnyis po brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ / 'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur zhes bya bar yang sgrogs so/ /de nas 'od zer de dag gis stong gsum gyi stong chen po'i 'jig rten gyi khams byul nas bcom ldan 'das nyid kyi rjes bzhin rjes bzhin du 'gro ste/ de la gal te bcom ldan 'das 'das pa'i las lung ston par bzhed na ni bcom ldan 'das kyi snam logs su nub par 'gyur ro/ / ma 'ongs pa'i las lung ston par bzhed na ni mdun logs su nub par 'gyur/ sems can dmyal bar skye bar lung ston par bzhed na ni zhabs kyi mthil du nub par 'gyur/ dud 'gror skye bar lung ston par bzhed na ni rting par nub par 'gyur/ yi dags su skye bar lung ston par bzhed na ni zhabs kyi mthe bor nub par 'gyur/ mir skye bar lung ston par bzhed na ni pus mor nub par 'gyur/ stobs kyi 'khor los sgyur ba'i rgyal srid lung ston par bzhed na ni phyag mthil g.yon par nub par 'gyur/ 'khor lo sgyur ba'i rgyal srid lung ston par bzhed na ni phyag mthil g.yas par nub par 'gyur/ lhar skye bar lung ston par bzhed na ni lte bar nub par 'gyur/ nyan thos kyi byang chub tu lung ston par bzhed na ni zhal du nub par 'gyur/ rang sangs rgyas kyi byang chub tu lung ston par bzhed na ni mdzod spur nub par 'gyur/ bla na med pa yang dag par rdzogs pa'i byang chub tu lung ston par bzhed na ni gtsug tor du nub par 'gyur ro/ /de nas 'od zer de dag gis bcom ldan 'das la lan gsum du bskor ba byas te bcom ldan 'das kyi mdzod spur nub bo/ /de nas bcom ldan 'das la tshe dang ldan pa kun dga' bos thal mo sbyar te zhus pa/ kha dog sna tshogs stong gis bkra ba yi/ /tshogs rnams zhal gyi sgo nas byung gyur pa/ /ji ltar gdugs ni shar bar gyur pa bzhin/ /de yis phyogs rnams kun tu snang bar bgyis/ /yang tshigs su bcad de gsol pa/ rgod bral zhum dang rgyags pa spangs pa yi/ /sangs rgyas 'gro nang mchog gi rgyur gyur pa/ /rgyal ba dgra thul byed rgyu ma mchis par/ /rtsa lag dung ltar dkar 'dzum ston mi mdzad/ /de slad brtan pa nyid blos dus mkhyen nas/ /rgyal ba'i dbang po thub pa skyes kyi mchog /nyan par 'tshal ba nyan pa po rnams kyi/ /the tshom skyes pa gsung tshig brtan pa dang / /dam pa bzang po dag gis gsal du gsol/ /tshwa chu ri dbang lta bur brtan pa'i mchog /rdzogs sangs rgyas rnams blo bur 'dzum mi ston/ /brtan pa ci slad 'dzum pa ston mdzad pa/ skye bo phal chen 'di dag de nyan 'tshal/ /kun dga' bo khyod kyis gar mkhan nga la sems mngon par dad par byas nas rdza rnga chen po rdung bar byed pa de mthong ngam/ btsun pa de mthong lags so/ /kun dga' bo gar mkhan de sems bskyed pa des rang sangs rgyas rnga sgra zhes bya bar 'gyur te/ de'i sbyin pa'i chos ni 'di yin te/ nga la sems dad par byas pa gang yin pa'o/ / lha sbyin gyis ma skyes dgra la smras pa/ kho bos khyod rgyal srid la bzhag pa yin gyis khyod kyis kyang kho bo sangs rgyas nyid du skos shig /des smras pa/ bcom ldan 'das ni sku gser gyi kha dog tu 'dug la re shig dang por gser gyi kha dog nyid med do/ /des smras pa/ kho bos kyang gser gyi kha dog tu snang bar bsgyur ro zhes des gser mgar bkug nas smras pa/ kho bo'i lus gser gyis g.yogs shig /des smras pa/ 'phags pa gal te tshor ba mnags phod na'o/ /des smras pa/ khyod kyis g.yogs shig dang phod par bya'o/ / des tsan tsu zhes bya ba'i 'bru mar gyis lus byugs nas gser gyi gyim phag gis lus g.yogs pa dang de sdug bsngal mi bzad pa tsha ba rtsub pa yid du mi 'ong ba'i tshor ba nyams su myong ngo / /dge slong rnams kyis ko ka li ka la dris pa/ lha sbyin gang na/ des smras pa/ phyogs che ge mo zhig na gser gyi kha dog tu snang bar sgyur ro/ /dge slong rnams phyogs der song ba dang / de rnams kyis de sdug bsngal gyi tshor bas nyen te/ ku co 'don pa thos nas de rnams bcom ldan 'das kyi spyan sngar dong ngo / /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa lha sbyin gser gyi kha dog don du gnyer bas sdug bsngal mi bzad pa tsha ba rtsub pa yid du mi mchi ba'i tshor ba nyams su myong ba la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'di 'das pa'i dus na yang gser gyi zhwa don du gnyer ba'i phyir tshul ma yin pas sdug bsngal bar gyur pa de nyon cig /dge slong dag sngon byung ba grong khyer bA rA Na sI na khyo lam ring por song ba'i bud med cig yod pa de'i mdun du bya rog cig skad snyan par 'byin nas des smras pa/ bya rog song shig song shig gal te bdag gi khyim thab bde bar 'khor na khyod la gser gyi zhwa zhig sbyin no/ /ci tsam na de'i khyim thab de yang bde bar slar 'ongs so/ /bya rog de gser gyi zhwa'i ched du de'i mdun du 'dug nas skad snyan pa snyan par phyung ba dang de nas des de la gser gyi zhwa zhig byin no/ /des de gyon nas phan tshun du lding ba dang / de gser gyi zhwa'i phyir bya khras mgo bcad do/ /lhas tshigs su bcad de smras pa/ don med gzhi dang ldan pa yi/ /nor ni phung bar 'gyur ba ste/ /gang gi mgo la gser yod pa'i/ /bya rog gis ni phung byed btsal/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus kyi bya rog gang yin pa de ni lha sbyin 'di nyid yin te/ de na yang 'di gser gyi rgyus tshul ma yin pas sdug bsngal bar gyur to/ /da ltar yang 'di gser gyi kha dog don du gnyer ba'i phyir sdug bsngal mi bzad pa tsha ba rtsub pa yid du mi 'ong ba'i tshor ba nyams su myong bar gyur to/ /gzhan yang lha sbyin gyis ma skyes dgra la smras pa/ kho bos ni khyod rgyal srid la bzhag gis khyod kyis kyang kho bo sangs rgyas nyid du chug shig /des smras pa/ bcom ldan 'das kyi zhabs kyi mthil la ni 'khor lo'i mtshan gyis mtshan pa'i rtags yod na/ khyod kyi rkang pa'i mthil la ni 'khor lo'i mtshan gyis mtshan pa'i rtags med do/ /des smras pa/ kho bos kyang rkang pa'i mthil la ni 'khor lo'i rtags bsgrub par bya'o zhes des lcags mgar rnams bkug nas smras pa/ kho bo'i rkang mthil la 'khor lo 'dri nus sam/ de rnams kyis smras pa/ 'phags pa gal te tshor ba mnags phod na'o/ /des smras pa/ phod kyis gyis shig /de rnams kyis bsams pa/ 'di mthu dang ldan pa yin pas gal te 'di bzhin du bris na rdog pas bdag cag srog dang phral bar 'gyur ba'i gnas gang yin pa 'di yod do snyam nas/ de rnams kyis rtsig pa 'bigs su bcug nas smras pa/ 'phags pa rtsig pa'i bu ga 'dir rkang pa gnyis chug shig /des rtsig pa'i bu gar rkang pa gnyis bcug pa dang lcags mgar rnams kyis 'khor lo me'i kha dog tu 'dug par byas nas rkang pa bsregs pa dang / de sdug bsngal mi bzad pa tsha ba rtsub pa yid du mi 'ong ba'i tshor ba nyams su myong bar gyur to/ /dge slong rnams kyis ko ka li ka la dris pa/ lha sbyin gang na/ phyogs ga ge mo zhig na rkang pa'i mthil la 'khor lo'i rtags sgrub bo/ /dge slong rnams phyogs der song ba dang de rnams kyis de sdug bsngal gyi tshor bas nyen cing ku co 'don pa yang thos nas de rnams bcom ldan 'das kyi spyan sngar dong ngo / /dge slong rnams the tshom skyes nas the tshom thams cad gcod pa/ sangs rgyas bcom ldan 'das la zhus pa/ btsun pa lha sbyin rkang pa'i mthil la 'khor lo'i rtags don du gnyer bas sdug bsngal mi bzad pa tsha ba rtsub pa yid du mi mchi ba'i tshor ba nyams su myong bar gyur pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ /ji ltar 'das pa'i dus na yang 'di rkang rjes kyi phyir tshul ma yin pas sdug bsngal bar gyur pa de nyon cig /dge slong dag sngon byung ba gangs can la glang po che zhig yod pa chu 'thung du 'babs pas de'i phyi bzhin wa zhig kyang babs pa dang / des glang po che'i rjes mthong nas bdag nyid kyi gom pas gzhal bar brtsams te des bsams pa/ rjes 'di ni bdag gi yin no zhes de mchi zhing rjes kyi steng du 'jog pa na sdom dum khye'u ka zhig gi steng du rdeg 'chos par gyur to/ /lhas tshigs su bcad de smras pa/ mdor na glang chen rkang rjes dang / /blun po khyod rjes mi 'dra yi/ /don med blo 'di slongs byos shig /ngal ba thob par gyur ta re/ / dge slong dag ji snyam du sems/ de'i tshe de'i dus kyi wa gang yin pa de ni lha sbyin 'di nyid yin te/ de na yang 'di rkang rjes kyi phyir tshul ma yin pas sdug bsngal bar gyur to/ /da ltar yang 'di rkang pa'i mthil la 'khor lo'i rtags don du gnyer ba'i phyir sdug bsngal mi bzad pa tsha ba rtsub pa yid du mi 'ong ba'i tshor ba nyams su myongs bar gyur to/ /sangs rgyas bcom ldan 'das rgyal po'i khab na bya rgod kyi phung po'i ri la gnod sbyin kum bi ra'i gnas na bzhugs so/ /lha sbyin gyis yang ma skyes dgra la smras pa/ kho bos khyod ni rgyal srid la bzhag na khyod kyis kho bo sangs rgyas su gzhug ma nus kyis/ da ni kho bos dge sbyong gau ta ma srog dang dbral gyis khyod kyis sus bsad dam/ gang du bsad pa ma smra shig /des smras pa/ de bzhin du gyis shig /ji tsam lho phyogs nas 'khrul 'khor gyi sgyu rtsal gyi slob dpon zhig 'ongs nas lha sbyin gyis de bkug nas smras pa/ kye slob dpon khyod kyis mi lnga brgyas 'phen pa de lta bu'i sgyogs nus sam/ des smras pa/ 'phags pa nus so/ /des de la mu tig gi do shal brgya stong ri ba byin zhing mi stong gi gla yang byin nas smras pa/ gnas gang na bcom ldan 'das bzhugs pa de'i drang thad kyi bya rgod kyi phung po'i ri'i steng der sgyogs chos shig /sgyogs 'phen pa'i mi lnga brgya po de dag kyang 'khod du bcug go/ /gnas gzhan zhig tu nyis brgya lnga bcu 'khod du bcug nas bsgo ba/ khyed cag gal te dge sbyong gau ta ma sgyogs kyis ma sod na khyed kyis sod cig de'i don du gnas gzhan dang gzhan du yang mi rnams 'khod du bcug nas thams cad la bsgo ba/ khyed cag gang gi gor dge sbyong gau ta ma 'ongs dang de dag gis sod cig /bdag nyid kyang phyogs gzhan zhig tu 'dug nas 'di rnams kyis shor dang bdag gis bsad do snyam mo/ / ji tsam na mi lnga brgyas sgyogs 'phang bar brtsams te smras pa/ su'i phyir sgyogs 'phang / ji tsam na sangs rgyas bcom ldan 'das shod na bzhugs pa mthong nas de rnams kyis smras pa/ shes ldan dag bdag cag rang gi srog btang ba ni bla'i lha dang mis mchod pa'i sangs rgyas bcom ldan 'das bgrongs pa ni de lta ma yin gyis sgyogs bor ro zhes de rnams kyis sgyogs bor nas bya rgod kyi phung po'i ri la phan tshun du rgyu zhing gnas gang zhig nas babs na lha sbyin gyis mi mthong bar 'gyur snyam mo/ /de rnams kyis bsam pa bcom ldan 'das kyis thugs su chud nas them skas shig sprul pa dang / de rnams kyis them skas mthong nas 'di snyam du sems te/ shes ldan dag them skas 'di sus btsugs snyam na de ni bcom ldan 'das kyi mthus yin no snyam nas/ de rnams kyi lhag par yang bcom ldan 'das la sems mngon par dad par gyur te them skas de las babs nas bcom ldan 'das gang na ba der dong ngo / /bcom ldan 'das kyang de dag gdul ba kho na la ltos nas bya rgod phung po'i ri la 'chag cing bzhugs so/ /de nas de rnams kyis zhabs gnyis la mgo bos phyag byas te chos mnyan pa'i phyir spyan snga na 'dug go/ /bcom ldan 'das kyis de rnams kyi bsam pa dang / bag la nyal dang / khams dang / rang bzhin mkhyen nas gang thos pas 'phags pa'i bden pa bzhi so sor rtogs par 'gyur ba de lta bu'i chos bshad pa mdzad pas/ de rnams kyis 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te bden pa mthong ba dang lan gsum du ched du brjod pa/ btsun pa bdag cag la phas ma bgyis/ mas ma lags/ rgyal pos ma lags/ lha rnams kyis ma lags/ sdug pas ma lags/ rang gi skye bo dang gnyen gyi tshogs kyis ma lags/ sngon gyi 'das pa rnams kyis ma lags/ dge sbyong dang bram ze rnams kyis ma lags pa gang lags pa de bcom ldan 'das kyis bdag cag la mdzad de/ dmyal ba dang / dud 'gro dang / yi dags rnams nas ni rkang pa drangs/ lha dang mi rnams su ni rab tu bzhag /'khor ba'i ni mthar bgyis/ khrag dang mchi ma'i rgya mtsho ni bskams/ rus pa'i ri bo las ni bsgral/ ngan song gi sgo rnams ni bkum/ mtho ris dang thar pa'i sgo rnams ni phye/ thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du bgyis te/ btsun pa bdag cag ni 'phags so/ /mngon par 'phags so/ /bdag cag bcom ldan 'das dang chos dang dge slong gi dge 'dun la skyabs su mchi lags kyis/ bcom ldan 'das kyis bdag cag dge bsnyen du gzung du gsol/ deng slan chad du ji srid 'tsho'i bar du srog dang yang bsdos te skyabs su mchi bar mngon par dad lags so zhes gsol nas/ bcom ldan 'das kyi spyan snga nas bslab pa'i gzhi lnga rnams blang bar brtsams so/ /'khrul 'khor gyi sgyu rtsal gyi slob dpon yang 'di ni sangs rgyas bcom ldan 'das bgrongs par byed pa yin no snyam du bsams nas/ de rnams kyi phyi bzhin them skas la babs nas mu tig gi do shal brgya stong ri ba khyer te bros so/ /lha sbyin ni rdo ba 'phen par dga' bas yang dang yang du lta na ma 'phangs so snyam ste/ rang nyid kyis mi lnga brgya po gzhan khrid de bya rgod kyi phung po'i ri la 'dzeg par brtsams pa na/ mi lnga brgya po de dag bcom ldan 'das kyi spyan snga na chos nyan pa mthong ngo / /mthong nas kyang lhag par yang mi bzod pa skyes te phyogs gzhan zhig nas bya rgod kyi phung po'i ri la 'dzegs pa dang / ji tsam na 'khrul 'khor gyi slob dpon yang bros par mthong nas/ de rang nyid kyis 'khor lnga brgya dang sgyogs 'phang bar brtsams so/ /bcom ldan 'das kyis dgongs pa/ nga nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las dag byas shing bsags pas/ nga nyid kyis las byas shing bsags pa dag gzhan su zhig gis so sor myong bar 'gyur snyam du dgongs nas mi lnga brgya po de dag la 'di skad ces bka' stsal to/ /shes ldan dag lha sbyin kun nas dkris pa drag po la gnas nas bya rgod kyi phung po'i ri la 'dzeg gis deng shig /'di dag ni nga'i las yin no/ /de nas mi lnga brgya po de dag bros so/ /lha rnams kyis shes pa mthong ba ni 'og tu 'jug pa yin pas de nas gnod sbyin lag na rdo rjes 'di snyam du sems te/ lha sbyin ni bcom ldan 'das dgrongs pa'i phyir pha rol gnon pa byed do snyam du bsams nas/ gnod sbyin kum bi ra gang na ba der song ste phyin pa dang / gnod sbyin kum bi ra la 'di skad ces smras so/ / lha sbyin ni bya rgod kyi phung po'i ri la sgyogs kyis bcom ldan 'das la rdo ba 'phen par rtsom la/ bcom ldan 'das ni khyod kyi gnas na bzhugs na/ de la kho bos 'bad de rdo ba bar snang la rdo rjes phye mar blag na/ gal te na phye mar blags pa'i dum bus bcom ldan 'das kyi steng du 'bab par 'gyur gyis/ khyod kyis grogs gyis shig /des smras pa/ bdag bka' bzhin 'tshal bcom ldan 'das kyis ni bla gab med pa na bzhugs bzhugs nas ri'i phug tu gshegs so/ / lha sbyin 'khor lnga brgya pos sgyogs drangs te bcom ldan 'das la rdo ba 'phangs so/ /gnod sbyin lag na rdo rje'i rdo rjes phye mar byas pa las de'i phyed bcom ldan 'das kyi gnas su lhung du cha ba gnod sbyin kum bi ras legs par ma zin pa des bsad nas rdo ba'i dum bu yar ba zhig gis bcom ldan 'das kyi zhabs la rma byung bar gyur to/ /de nas bcom ldan 'das kyis de'i tshe tshigs su bcad de bka' stsal pa/ gang du gnas na las kyis mi rdzi ba'i/ /sa phyogs de ni yod pa ma yin te/ /bar snang nyid min rgya mtsho'i nang min zhing / /ri bo'i phug tu zhugs pa 'ang ma yin no/ /gnod sbyin kum bi ra yang dge ba'i sems kyis shi ste shi nas sum bcu rtsa gsum pa'i lha gya nom pa rnams kyi nang du skyes so/ /chos nyid kyis lha'i bu 'am lha'i bu mo ni skyes nas ring po ma lon par sems gsum skye bar 'gyur te/ gang nas shi 'phos pa dang / gang du skyes pa dang / las gang gis yin pa'o/ /des gnod sbyin las shi 'phos pa dang / sum bcu rtsa gsum pa'i lha gya nom pa rnams kyi nang du skyes pa dang / bcom ldan 'das la sems mngon par dad par byas pa yin par mthong ste/ de nas sngon gnod sbyin byed byed pa'i lha'i bu 'di snyam du sems te/ zhag lon nas bcom ldan 'das la blta ba'i phyir 'gro ba ni bdag gi cha ma yin gyis/ ma la bdag gis zhag ma lon par bcom ldan 'das la blta ba dang bsnyen bkur bya ba'i phyir 'gro'o snyam nas/ de nas sngon gnod sbyin byed pa'i lha'i bu rna cha gdub 'khor dri ma med cing g.yo ba thogs pa/ do shal dang se mo dos lus brgyan nas de nyid kyi mtshan mo lha rnams kyi me tog ut+pal dang / pad ma dang / ku mu da dang / pad ma dkar po dang / man dA ra ba rnams kyis thu ba bkang ste/ bya rgod kyi phung po'i ri thams cad snang ba rgya chen pos gsal bar byas nas bcom ldan 'das la me tog gis gtor nas/ bcom ldan 'das kyi spyan sngar chos mnyan pa'i phyir 'dug go/ /bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas gang thos pas 'phags pa'i bden pa bzhi so sor rtogs par 'gyur ba de lta bu'i chos bshad pa mdzad pas sngon gnod sbyin byed byed pa'i lha'i bu 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te bden pa mthong nas lan gsum du ched du brjod pas ched du brjod pa/ btsun pa bdag la phas ma lags/ mas ma lags/ rgyal pos ma lags/ lha rnams kyis ma lags/ sdug pas ma lags/ rang gi skye bo dang gnyen gyi tshogs kyis ma lags/ sngon gyi 'das pa rnams kyis ma lags/ dge sbyong dang bram zes ma lags pa gang lags pa de bcom ldan 'das kyis bdag la mdzad de/ khrag dang mchi ma'i rgya mtsho ni bskams/ rus pa'i ri bo las ni bsgral/ ngan song rnams kyi sgo ni bkum/ mtho ris dang thar pa'i sgo rnams ni phye/ lha dang mi rnams su ni bdag rab tu bzhag go/ /yang gsol pa/ khyod mthus nyes pa mang ldan mi bzad pa'i/ /ngan song lam bkag bsod nams mang po yi/ /mtho ris 'gro ba phye zhing bdag gis ni/ /mya ngan 'das pa'i lam yang thob par gyur/ /khyod la brten nas shin du rnam dag mig /nyes bral dag pa de ring bdag gis thob/ /go 'phang zhi ba 'phags pa rjes thob ste/ /sdug bsngal rgya mtsho'i pha rol rgal lags so/ /'gro bar lha min lha dang mis mchod pa/ /skye dang rga dang na 'chi bral ba po/ srid pa stong du mthong bar rab dka' ba/ /thub pa deng khyod mthong ba'i 'bras bu mchis/ /de nas do shal rab 'phyang dga' gyur pa/ /zhabs gnyis la ni mngon par phyag 'tshal nas/ /dgra thub pa la g.yas nas bskor byas nas/ /lha yi 'jig rten mngon phyogs mkha' la song / /de nas sngon gnod sbyin byed byed pa'i lha'i bu tshong pa khe spogs rnyed pa lta bu dang / zhing pa lo thog legs pa lta bu dang / dpa' bo g.yul ngo rgyal ba lta bu dang / nad pa nad thams cad las yongs su thar ba lta bur 'byor pa gang gis bcom ldan 'das kyi spyan sngar song ba'i 'byor pa de nyid kyis rang gi gnas su song ngo / /dge slong rnams nam gyi cha stod dang cha smad la mi nyal bar rnal 'byor la rjes su brtson pas gnas pa na/ de rnams kyis bcom ldan 'das kyi spyan snga na snang ba rgya chen po de mthong ngo / /mthong nas the tshom skyes te bcom ldan 'das la zhus pa/ bcom ldan 'das ci lags/ mdang sum bcom ldan 'das la blta ba'i slad du mi mjed kyi bdag po tshangs pa 'am/ lha rnams kyi dbang po brgya byin nam/ 'jig rten skyong ba bzhi mchis lags sam/ bcom ldan 'das kyis bka' stsal pa/ dge slong dag nga la blta ba'i phyir 'ongs pa ni mi mjed kyi bdag po tshangs pa yang ma yin/ lha rnams kyi dbang po brgya byin yang ma yin/ 'jig rten skyong ba bzhi yang ma yin te/ de lta mod kyi lha sbyin nga bsad pa'i phyir 'bad pas bya rgod kyi phung po'i ri las sgyogs kyi rdo 'phangs pa gang yin pa de bar snang nyid la gnod sbyin lag na rdo rjes phye mar byas pa de'i phyed nga'i steng du lhung ba gnod sbyin kum bi ras gzung nyes pas de des bsad do/ /nga la sems mngon par dad par byas nas shi bas sum bcu rtsa gsum pa'i lha gya nom pa rnams kyi nang du skyes pa yin te/ de mdang sum nga'i spyan sngar 'ongs nas ngas de la chos bshad de bden pa mthong bar byas nas rang gi gnas su song ba yin no/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin la/ gcig tu dkar ba rnams kyi ni gcig tu dkar ba yin/ 'dren ma rnams kyi ni 'dren ma yin pas/ dge slong dag de lta bas na las gcig tu gnag pa rnams dang 'dren ma rnams ni spangs la/ las gcig tu dkar ba la brtsal bar bya ste/ dge slong dag khyed kyis de lta bu la bslab par bya'o/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa btsun pa gnod sbyin kum bi ras bcom ldan 'das kyi slad du bdag nyid yongs su btang ba la gzigs/ bcom ldan 'das kyis bka' stsal pa/ dge slong dag da ltar gyi 'ba' zhig tu ma zad de/ ji ltar 'das pa'i dus na yang 'dis nga'i phyir bdag nyid yongs su btang ba de nyon cig /dge slong dag sngon byung ba grong khyer bA rA Na sI na rgyal po tshangs sbyin zhes bya ba 'byor pa dang / rgyas pa dang / bde ba dang / lo legs pa/ skye bo dang mi mang pos rab tu gang ba na rgyal srid byed du 'jug go/ / de'i tshe grong khyer bA rA Na sI dang ha cang yang mi ring ba zhig na yod pa'i bsti gnas rtsa ba dang / me tog dang / 'bras bu dang / chu phun sum tshogs pa dang / bya sna tshogs skad 'byin pa zhig na drang srong dka' thub drag po spyod pa chu dang rtsa ba dang 'bras bu la longs spyod pa/ lpags pa dang shing shun gyon pa zhig gnas so/ /de'i bsti gnas kyi nye 'khor na rngon pa zhig ri dgas bsad cing 'tsho bar byed de/ de dus dus su drang srong de'i gan du 'ong ngo / /drang srong des kyang de la ci nas kyang rngon pa 'dis bdag gi nye 'khor na gnas pa'i ri dgas rnams gsod par mi 'gyur bar bya ba'i phyir de la ngal sos nas rtsa ba dang 'bras bus stobs par byed pas/ de gnyis gcig la gcig pha dang bu'i 'du shes skyes par gyur te rngon pas ni drang srong la pha zhes tshig tu 'bod do/ /drang srong gis kyang rngon pa la bu zhes 'bod do/ /ji tsam dus gzhan zhig na rgyal po tshangs sbyin nang par sngar langs te ri dgas shor du phyir byung ba des ri dgas shig la mdas shi gsor du bsnun pa dang drang srong de'i bsti gnas su zhugs so/ /der yang rgyal pos lcags mdas gnad du bsnun pas shi bar gyur to/ /de nas drang srong de khro ba'i kun nas dkris pas smras pa/ rgyal po khyod ni phung krol spyod pa ngan pa zhig ste/ des na ri dgas nga la skyabs su 'ongs pa bsad do zhes de skad ces smras pa dang / rgyal po de zhe sdang gi kun nas dkris pa la zhen pa'i blos blon po rnams la smras pa/ shes ldan dag rgyal po rgyal rigs spyi bo nas dbang bskur ba la kha tshas zer ba gang yin pa de la chad pa cis bcad blon po rnams kyis smras pa/ lha chad pas dgum lags mod/ rgyal pos smras pa/ gal te de lta na drang srong 'di ngas yongs su spangs so/ /blon po rnams kyis drang srong gsad par brtsams pa na stes dbang gis rngon pa de yang drang srong de'i nyen 'khor na 'dug nas des bsams pa/ bdag gson bzhin du drang srong ci'i phyir gsod du gzhug snyam nas/ des g.yul 'gyed par brtsams pa na drang srong bros so/ /dpung chen po'i tshogs kyis de bsad do/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus kyi drang srong gang yin pa de ni nga nyid yin no/ /de'i tshe de'i dus kyi rngon pa gang yin pa de ni gnod sbyin kum bi ra 'di nyid yin te/ de na yang 'dis nga'i phyir bdag nyid yongs su btang ngo / /da ltar yang 'dis nga'i phyir bdag nyid yongs su btang ngo / / bcom ldan 'das kyi zhabs la rdo ba'i dum bus rma byung ba khrag 'chad du ma btub nas de bzhin du 'dzag go/ /sman pa'i rgyal po 'tsho byed bcom ldan 'das kyi snyun brtag pa'i phyir dus gsum du spyan sngar 'gro'o/ /rgyal po'i khab na gnas pa'i skye bo'i tshogs dad pa can dang / yul sna tshogs nas lhags pa'i yang dag pa'i lta ba dang ldan pa nor can dang / tshong dpon dang / ded dpon rnams kyang 'ongs te/ de na kha cig gis smras pa/ 'tsho byed sman 'di ni de la bzang ngo / /gzhan dag gis smras pa/ 'di ni de bas kyang bzang ngo / /sman pa'i rgyal po 'tsho byed kyis smras pa/ 'di la mod la gdangs par 'gyur ba'i sman yod mod kyi de ni rnyed par dka'o/ /tshe dang ldan pa kun dga' bos smras pa/ 'tsho byed de ci yin/ des smras pa/ tsan dan sa mchog yin no/ / de'i tshe tsan dan sa mchog rnyed pa nyid med do/ /ji tsam na tshong pa zhig yod pas 'di ltar bdag gis tsan dan sa mchog dus su btsongs pas ma skyes dgra 'di ni gtum pa brlang ba/ gzu lums can yin pas gal te ma stes te de la tsan dan sa mchog dgos par gyur la/ de ma rnyed na gdon mi za bar mgo gcod par yang 'gyur ro snyam nas tsan dan sa mchog bsris te bzhag pa zhig yod do/ /des sman pa'i rgyal po 'tsho byed kyis ji ltar bcom ldan 'das kyi snyun la ni tsan dan sa mchog gis gdangs par 'gyur ro zhes bstan pa thos nas des bsams pa/ ma skyes dgra 'di lha sbyin gyis sbad pas bcom ldan 'das la zhe 'gras pa'i blo yod de/ gal te bdag gis bcom ldan 'das la tsan dan sa mchog phul na bdag la gnod pa byed pa'i gnas gang yin pa de yod do snyam mo/ /yang bsams pa/ bcom ldan 'das ni lha dang mis mchod pa yin pas gal te de'i don du srog dang phral na yang phral du zad/ ma la bdag gis bcom ldan 'das la tsan dan sa mchog dbul lo snyam nas/ des tsan dan sa mchog khyer te bcom ldan 'das kyi spyan sngar song nas zhabs la gtugs te gsol pa/ bcom ldan 'das bdag gis bcom ldan 'das la tsan dan sa mchog gis bgyi ba ci mchis pa glo bar chud na/ bcom ldan 'das kyis thugs brtse bar dgongs te 'di bzhes su gsol/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo bdag nyid chen po 'di las tsan dan sa mchog long shig /tshe dang ldan pa kun dga' bos blangs so/ /de nas tshong pa de dga' ba dang mgu ba skyes nas bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / /de nas bcom ldan 'das 'dzum pa mdzad do chos nyid kyis gang gi tshe sangs rgyas bcom ldan 'das rnams 'dzum pa mdzad pa de'i tshe zhal nas 'od zer sngon po dang / ser po dang / dmar po dang / dkar po dag byung nas kha cig ni 'og du 'gro/ kha cig ni steng du 'gro la/ gang dag 'og tu 'gro ba de dag ni sems can dmyal ba yang sos dang thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol ba can dang / so thams thams dang / kyi hud zer ba dang / a cu zer ba dang / ut+pal ltar gas pa dang / pad ma ltar gas pa dang / pad ma ltar gas pa chen por song ste/ sems can dmyal ba tsha ba gang yin pa de dag tu ni bsil bar gyur te 'bab par byed la/ sems can dmyal ba grang ba gang yin pa de dag tu ni dro bar gyur te 'bab par byed do/ /des sems can dmyal ba de dag gis gnod pa'i bye brag dag rgyun gcod par byed cing / de dag 'di snyam du shes ldan dag ci bdag cag 'di nas shi 'phos sam/ 'on te gzhan du skyes snyam du sems so/ /de dag dad pa bskyed par bya ba'i phyir bcom ldan 'das kyis sprul pa gtong bar mdzad de/ de dag gis sprul pa mthong nas 'di snyam du sems te/ shes ldan dag bdag cag 'di nas shi 'phos pa yang ma yin la gzhan du skyes pa yang ma yin te/ 'di ltar sems can sngon ma mthong ba 'di'i mthus bdag cag gi gnod pa'i bye brag dag rgyun chad par gyur to snyam mo/ /de nas sprul pa la sems mngon par dad par gyur nas sems can dmyal ba myong bar 'gyur ba'i las de zad par byas nas gang du bden pa dag gi snod du gyur par 'gyur ba'i lha dang mi rnams kyi nang du nying mtshams sbyor ba len par byed do/ /gang dag steng du 'gro ba de dag rgyal chen bzhi'i ris dang / sum bcu rtsa gsum dang / 'thab bral ba dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams 'phel dang / 'bras bu che ba dang / mi che ba dang / mi gdung ba dang / gya nom snang dang / shin tu mthong dang / 'og min gyi lha rnams kyi nang du song nas mi rtag pa dang / sdug bsngal ba dang / stong pa dang / bdag med pa zhes bya ba'i sgra sgrogs par byed cing tshigs su bcad pa gnyis po/ /brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ / gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba yang sgrogs so/ /de nas 'od zer de dag gis stong gsum gyi stong chen po'i 'jig rten gyi khams byul nas bcom ldan 'das nyid kyi rjes bzhin rjes bzhin du 'gro ste/ de la gal te bcom ldan 'das 'das pa'i las lung ston par bzhed na ni bcom ldan 'das kyi snam logs su nub par 'gyur ro/ /ma 'ongs pa lung ston par bzhed na ni mdun logs su nub par 'gyur/ /sems can dmyal bar skye bar lung ston par bzhed na ni zhabs kyi mthil du nub par 'gyur/ /dud 'gror skye bar lung ston par bzhed na ni rting par nub par 'gyur/ yi dgas su skye bar lung ston par bzhed na ni zhabs kyi mthe bor nub par 'gyur/ mir skye bar lung ston par bzhed na ni pus mor nub par 'gyur/ stobs kyi 'khor los sgyur ba'i rgyal srid lung ston par bzhed na ni phyag g.yon pa'i mthil du nub par 'gyur/ 'khor los sgyur ba'i rgyal srid lung ston par bzhed na ni phyag g.yas pa'i mthil du nub par 'gyur/ lhar skye bar lung ston par bzhed na ni lte bar nub par 'gyur/ nyan thos kyi byang chub tu lung ston par bzhed na ni zhal du nub par 'gyur/ rang sangs rgyas kyi byang chub tu lung ston par bzhed na ni mdzod spur nub par 'gyur/ bla na med pa yang dag par rdzogs pa'i byang chub lung ston par bzhed na ni gtsug tor du nub par 'gyur ro/ /de nas 'od zer de dag gis bcom ldan 'das la lan gsum bskor ba byas nas mdzod spur nub par gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ kha dog sna tshogs stong gis bkra ba yi/ /tshogs rnams zhal gyi sgo nas byung gyur pa/ ji ltar gdugs ni shar bar gyur pa bzhin/ /de yis phyogs rnams kun du snang bar bgyis/ /yang tshigs su bcad de gsol pa/ rgod bral zhum dang rgyags pa spangs pa yi/ /sangs rgyas 'gro nang mchog gi rgyur gyur pa/ / rgyal ba dgra thul byed rgyu ma mchis par/ /rtsa lag dung ltar dkar 'dzum ston mi mdzad/ /de slad brtan pa nyid blos dus mkhyen nas/ /rgyal ba'i dbang po thub pa skyes kyi mchog /nyan par 'tshal ba nyan pa po rnams kyi/ /the tshom skyes pa gsung tshig brtan pa dang / /dam pa bzang po dag gis bsal du gsol/ /tshwa chu ri rgyal lta bur brtan pa'i mchog /rdzogs sangs rgyas rnams blo bur 'dzum mi ston/ /brtan pa ji slad 'dzum pa ston mdzad pa/ /skye bo phal chen 'di dag de nyan 'tshal/ /kun dga' bo de de bzhin te/ de de bzhin no/ /de bzhin gshegs pa dgra bcom pa yang dag par rdzogs pa'i sangs rgyas ni rgyu med rkyen med par 'dzum pa mi mdzad de/ kun dga' bo khyod kyis de bzhin gshegs pa la tshong pas sems mngon par dad par byas nas tsan dan sa mchog phul ba gang yin pa de mthong ngam/ btsun pa mthong lags so/ /kun dga' bo tshong pa de dge ba'i rtsa ba dang / sems bskyed pa dang / sbyin pa'i chos yongs su btang ba des rang sangs rgyas tsan dan can zhes bya bar 'gyur ro/ / de'i sbyin pa'i chos ni 'di yin te/ nga la sems dad par byas pa gang yin pa'o/ /'on kyang khrag de 'chad du ma btub nas de bzhin du 'dzag go/ /'tsho byad kyis smras pa/ da ni bud med gzhon nu'i 'o mas gdab 'tshal lo/ /dge slong rnams kyis bud med gzhon nu ci 'dra ba ma shes nas/ des smras pa/ bu thon bu btsas pa gang yin pa de ni bud med gzhon nu 'dod de/ /de'i 'o ma gang yin pa de ni bud med gzhon nu'i 'o ma zhes bgyi'o/ /tshe dang ldan pa kun dga' bos lha sbyin dang / lha sbyin gyi phyogs ma gtogs par 'khor bzhi po dge slong dang / dge slong ma dang / dge bsnyen dang / dge bsnyen ma dang / rgyal po'i khab na gnas pa'i skye bo'i tshogs phal cher la yang bsgo nas thams cad kyis bud med gzhon nu'i 'o ma btsal bar brtsams so/ /'khor bzhi po dang skye bo'i tshogs rnams tshol ba na de rnams kyis thabs yod yod kyis bgegs byed do/ /ji tsam na rgyal po'i khab na bu thon bu btsas pa'i bud med gzhon nu 'o ma nyung ste rang gi bu yang 'o mas mi ngoms na gzhan la sbyin du lta ga la yod pa zhig 'dug pa des ji ltar bcom ldan 'das la bud med gzhon nu'i 'o ma'i dgos pa byung ba thos nas des bsams pa/ gal te phul na ni bdag gi bu nyam chung bas 'o ma med na 'chi bar 'gyur la nyes dmigs de 'ba' shig tu ma zad kyi gzhan 'di yang yod de/ lha sbyin bcom ldan 'das la yun ring po nas phyir rgol ba dgrar gyur pa yin te/ des sbad pa ni rgyal po ma skyes dgra yin/ lha sbyin gyi phyogs ni ko ka li ka dang / khan da drab bya dang / ka ti mo ra ka ti sh+ya dang / rgya mtsho byin yin pas 'di dag gis kyang bdag gdon mi za bar bsad par 'gyur ro snyam mo/ /yang bsams pa/ bdag bsad pa dang bu dang bral ba ni bla'i lha dang mis mchod pa'i sangs rgyas bcom ldan 'das snyun gyis 'o brgyal ba'i tshor ba sku nyams su btar nas des na rgyal po'i khab na gnas pa'i skye bo'i tshogs thams cad 'khrugs par gyur pa ni de lta ma yin gyi/ ma la bdag gi 'o ma khyer la 'gro'o snyam ste/ de bcom ldan 'das la sems shin du dad pa byas nas snod gsar par 'o ma bzhos te/ bcom ldan 'das gang na ba der song nas phyin pa dang / bcom ldan 'das kyi zhabs gnyis la mgo bos phyag byas te 'di skad ces gsol to/ /btsun pa bcom ldan 'das 'tsho byed gyis bud med gzhon nu'i 'o ma bstan par bdag gis 'tshal na/ bdag rjes su bzung ba'i slad du bud med gzhon nu'i 'o ma 'di bzhes su gsol/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo bsam pa bzang po can gyi bu mo 'di las 'o ma long shig /des blangs pa dang des bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / /de nas bcom ldan 'das kyis 'dzum pa mdzad do/ /chos nyid kyis gang gi tshe sangs rgyas bcom ldan 'das rnams 'dzum pa mdzad pa de'i tshe zhal nas 'od zer sngon po dang / ser po dang / dmar po dang / dkar po dag byung nas/ kha cig ni 'og tu 'gro/ kha cig ni steng du 'gro la/ gang dag 'og tu 'gro ba de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pal ltar gas pa dang / pad ma ltar gas pa dang / pad ma ltar gas pa chen por song ste/ sems can dmyal ba tsha ba gang yin pa de dag tu ni bsil bar gyur te 'bab par byed la/ sems can dmyal ba grang ba gang yin pa de dag tu ni dro bar gyur te 'bab par byed do/ /des sems can dmyal ba de dag gi gnod pa'i bye brag dag rgyun gcod par byed cing / de dag 'di snyam du shes ldan dag ci bdag cag 'di nas shi 'phos sam/ 'on te gzhan du skyes snyam du sems so/ /de dag dad pa bskyed par bya ba'i phyir bcom ldan 'das kyi sprul pa gtong bar mdzad de/ de dag gis sprul pa mthong nas 'di snyam du sems te/ shes ldan dag bdag cag 'di nas shi 'phos pa yang ma yin la/ gzhan du skyes pa yang ma yin te/ 'di ltar sems can sngon ma mthong ba 'di'i mthus bdag cag gi gnod pa'i bye brag dag rgyun chad par gyur to snyam mo/ /de dag sprul pa la sems mngon par dad par gyur nas/ sems can dmyal ba myong bar 'gyur ba'i las de zad par byas nas gang du bden pa dag gi snod du gyur par 'gyur ba'i lha dang mi rnams kyi nang du nying mtshams sbyor ba len par byed do// //'dul ba gzhi/ bam po brgya rtsa gsum pa/ gang dag steng du 'gro ba de dag ni rgyal chen bzhi'i ris dang / sum bcu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams 'phel dang / 'bras bu che ba dang mi che ba dang / mi gdung ba dang / gya nom snang dang / shin du mthong dang / 'og min gyi lha rnams kyi nang du song nas mi rtag pa dang / sdug bsngal ba dang / stong pa dang / bdag med pa zhes bya ba'i sgra sgrogs par byed cing / tshigs su bcad pa gnyis po/ brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhon par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba yang sgrogs par byed do/ /de nas 'od zer de dag gis stong gsum gyi stong chen po'i 'jig rten gyi khams byul nas bcom ldan 'das nyid kyi rjes bzhin rjes bzhin du song ste/ de la gal te bcom ldan 'das 'das pa'i las lung ston par bzhed na ni bcom ldan 'das kyi snam logs su nub par 'gyur ro/ /ma 'ongs pa'i las lung ston par bzhed na ni mdun logs su nub par 'gyur/ sems can dmyal bar skye bar lung ston par bzhed na ni zhabs kyi mthil du nub par 'gyur/ dud 'gror skye bar lung ston par bzhed na ni rting par nub par 'gyur/ /yi dags su skye bar lung ston par bzhed na ni zhabs kyi mthe bor nub par 'gyur/ mir skye bar lung ston par bzhed na ni pus mor nub par 'gyur/ /stobs kyi 'khor los sgyur ba'i rgyal srid lung ston par bzhed na ni phyag mthil g.yon par nub par 'gyur/ 'khor los sgyur ba'i rgyal srid du lung ston par bzhed na ni phyag mthil g.yas par nub par 'gyur/ lhar skye bar lung ston par bzhed na ni lte bar nub par 'gyur/ nyan thos kyi byang chub tu lung ston par bzhed na ni zhal du nub par 'gyur/ rang sangs rgyas kyi byang chub tu lung ston par bzhed na ni mdzod spur nub par 'gyur/ bla na med pa yang dag par rdzogs pa'i byang chub tu lung ston par bzhed na ni gtsug tor du nub par 'gyur ro/ /de nas 'od zer de dag gis bcom ldan 'das la lan gsum du bskor ba byas te bcom ldan 'das kyi mdzod spur nub bo/ /de nas bcom ldan 'das la tshe dang ldan pa kun dga' bos thal mo sbyar te zhus pa/ kha dog sna tshogs stong gis bkra ba yis/ /tshogs rnams zhal gyi sgo nas byung gyur pa/ /ji ltar gdugs ni shar bar gyur pa bzhin/ /de yis phyogs rnams kun tu snang bar bgyis/ /yang tshigs su bcad de gsol pa/ rgod bral zhum dang rgyags pa spangs pa yi/ /sangs rgyas 'gro nang mchog gi rgyur gyur pa/ /rgyal ba dgra thul byed rgyu ma mchis par/ /rtsa lag dung ltar dkar 'dzum ston mi mdzad/ /de slad brtan pa nyid blos dus mkhyen nas/ /rgyal ba'i dbang po thub pa skyes kyi mchog /nyan par 'tshal ba nyan pa po rnams kyi/ /the tshom skyes pa gsung tshig brtan pa dang / /dam pa bzang po dag gis bsal du gsol/ /tshwa chu ri rgyal lta bur brtan pa'i mchog /rdzogs sangs rgyas rnams blo bur 'dzum mi ston/ /brtan pa ji slad 'dzum pa ston mdzad pa/ /skye bo phal chen 'di dag de nyan 'tshal/ / bcom ldan 'das kyis bka' stsal pa/ kun dga' bo khyod kyis nga la bud med kyis sems mngon par dad par byas te bud med gzhon nu'i 'o ma phul ba gang yin pa de mthong ngam/ btsun pa mthong lags so/ /kun dga' bo bu mo de ni dge ba'i rtsa ba dang / sems bskyed pa dang / sbyin pa'i chos yongs su btang ba des rang sangs rgyas 'o ma sbyin pa zhes bya bar 'gyur te/ de'i sbyin pa'i chos ni 'di yin te/ nga la sems mngon par dad pa gang yin pa'o/ /'on kyang khrag de 'chad du ma btub nas de bzhin du 'dzag go/ /yul sna tshogs na gnas pa'i dge slong rnams dang / gzhan yang bram ze dang khyim bdag dad pa can mang pos bcom ldan 'das de ltar thugs mi bde'o zhes thos te lhags nas/ de na kha cig ni sman dag 'debs par byed do/ / kha cig ni sngags kyi dpyad byed do/ /tshe dang ldan pa 'od srung stobs bcu ldan gyis bden pa gsol bar brtsams pa/ bcom ldan khyod kyi thugs la ni/ /sras dang dgra bor mtshungs she na/ /bden pa'i tshig ni 'di yis su/ /rma yi 'dzag pa chad par shog /bden pa gsol zin pa'i mod kho nar khrag de mi 'dzag par gyur pa dang / lha sbyin dang ma skyes dgra dang / ko ka li ka dang / khan da drab bya dang / ka ti mo ra ka ti sh+ya dang / rgya mtshos byin rnams ma gtogs par dge slong dang / dge slong ma dang / dge bsnyen dang / dge bsnyen ma rnams dang / rgyal po'i khab na gnas pa'i skye bo'i tshogs phal cher thams cad rab tu dga' bar gyur to/ /bcom ldan 'das ni mkhyen bzhin du gang zhig ji ltar dpyad byed pa de la de bzhin du rjes su dgyes par mdzad de/ /de rnams kyi dge ba'i rtsa ba bskyed pa'i phyir ro/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa 'od srung stobs bcu ldan gyis bden pa gsol bas bcom ldan 'das kyi khrag 'dzag pa chad par gyur pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' shig tu ma zad de/ ji ltar 'das pa'i dus na yang nga dug 'bags nas kun du 'khrugs par gyur pa na 'dis dug zhi bar byas pa de nyon cig /dge slong dag sngon byung ba ri 'or dang ha cang yang mi ring ba zhig na bskyed mos tshal rtsa ba dang / sdong bu dang / me tog dang / chu phun sum tshogs pa/ bya sna tshogs skad 'byin pa zhig yod de/ de na drang srong chu dang rtsa ba dang / 'bras bu longs spyad pa/ lpags pa dang / shing shun gyon pa rig sngags dang gsang sngags 'chang ba zhig gnas so/ /ri 'or de na khyim bdag cig gnas pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed de/ de rtse bar byed dga' bar byed dga' mgur spyod par byed pa las dus gzhan zhig na chung ma sems can dang ldan par gyur to/ /de zla ba brgyad dam dgu lon pa dang khye'u zhig btsas te/ nyi ma bdun gsum nyi shu rtsa gcig tu de'i btsas pa'i btsas ston rgya cher byas te ming btags nas de bskyed bsrings te chen por gyur to/ /de 'chag pa 'am/ 'greng ba 'am/ 'dug pa 'am/ nyal ba na yang dge ba sems shing dge ba'i las byed pas de skye bo'i tshogs kyis chos 'dod ces bya bar ming btags so/ /de dge ba ci yin zhes tshol ba'i phyir ri 'or nas byung nas dus dus su drang srong de'i drung du 'gro zhing de la bsnyen bkur byed de dka' thub kyi drung du 'gro bas dka' thub ldan dka' thub ldan zhes bya bar yang grags so/ /de dus gzhan zhig na dug cig gis 'bags pa langs nas de la dug sman du ma dang sngags kyi sbyor bas dpyad byas na yang de'i de zhi bar ma gyur nas de'i pha dang ma gnyis drang srong de'i drung du song ste/ drang srong chen po khyod kyi rim gro bgyid pa ni dug gis 'bags nas srog dang bral la thug gis dpyad mdzod cig /des bden pa gsol bar brtsams te/ bu gcig khyod kyi sems la ni/ /dgra dang mdza' bo mtshungs she na/ /bden pa'i tshig ni 'di yis su/ /khye'u khyod dug ni med par shog /des bden pa gsol ma thag /kho nar dug zhi bar gyur to/ /dge slong dag ji snyam du sems/ de'i tshe de'i dus kyi khye'u gang yin pa de ni nga nyid yin no/ /drang srong gang yin pa de ni 'od srung stobs bcu ldan 'di nyid yin te/ de na yang 'dis bden pa gsol bas nga sos par byas so/ /da ltar yang 'di'i bden pa gsol bas nga sos par byas so/ /lha sbyin sdug bsngal zhing yid mi bde ba dang 'gyod pas sems pa/ bdag gis dge sbyong gau ta ma la rdo 'phangs pa ni don med pa zhig byas te/ dge sbyong gau ta ma yang ma sod la/ skye bo mang pos kyang rab tu shes par gyur to snyam nas/ de shing drung zhig tu song ste sems khongs su chud cing skyil mo dkrung bcas te 'dug go/ /dge slong rnams gnas dang gnas rnams su btsun pa dag gzigs shig /lha sbyin 'di 'dra bar zhe gdug ste/ gang gi phyir bcom ldan 'das rab tu byung ba de la yang pha rol gnon pas steng du rdo ba 'phen no zhes smod par byed/ gzhog 'phyas byed/ kha zer bar byed pa dang / ko ka li ka dang / khan da drab bya dang / ka ti mo ra ka ti sh+ya dang / rgya mtshos byin rnams kyis smras pa/ shes ldan dag ma brtags par byung rgyal du ci brdol/ lha sbyin shing che ge mo zhes bya ba'i drung na bsam gtan bzhi pa la snyoms par zhugs pa ma mthong ngam/ bdag nyid chen po de de lta bu byed par ga la 'gyur/ dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa ko ka li ka dang / khan da drab bya dang / ka ti mo ra ka ti sh+ya dang / rgya mtshos byin rnams bdag nyid ngo tsha ma mchis pas lha sbyin ngo tsha ma mchis pa'i bsngags pa sgrogs pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'das pa na yang ngo tsha med pa 'dis ngo tsha med pa'i bsngags pa smras pa de nyon cig /dge slong dag sngon byung ba rgyal po'i khab kyi mi rnams dang rgyal pos dgos pa 'ga' zhig gi phyir khrims su bcas pa/ dur khrod gnyis bshams la gcig tu ni skyes pa rnams dor bar bya'o/ /gcig tu ni bud med rnams so zhes bcas so/ /ji tsam dus gzhan zhig na ma ning zhig shi nas de dur khrod gcig tu yang gnas skabs ma rnyed cing gnyis par yang ma rnyed do/ /rgyal po'i khab kyi phyogs zhig na bskyed mos tshal rtsa ba dang 'bras bu dang me tog phun sum tshogs pa/ bya sna tshogs skad 'byin pa zhig yod de/ de na drang srong spyi cher chu dang rtsa ba dang 'bras bu la longs spyod pa/ lpags pa dang / shing shun gyon pa zhig gnas so/ /phyogs de na yang zhing gru gsum zhig la shing e ran da zhig skyes nas ma ning gi ro de der bor ro/ /ro'i dri tshor nas wa zhig 'ongs te des ma ning gi ro de la bza' bar brtsams so/ /bya rog gcig kyang shing e ran da'i kha na tshang bcas te 'dug go/ /de'i blo skyes nas wa la bsngags pa smras pa dang / gal te na zos pa'i lhag ma ster ro snyam nas des de la tshigs su bcad de bsngags pa brtsams pa/ ji ltar khyod ni seng ge'i mgrin pa dang / /ji ltar khyu mchog bshul dang ldan pa yi/ /ri dgas rgyal po khyod la phyag 'tshal nas/ /gsol ba'i pham 'babs las ni thugs dpag mdzod/ /was bltas te slar tshigs su bcad pas smras pa/ bya yi rab mchog mkha' 'gro ba/ /phyogs kun gsal bar mdzad nas ni/ /rin chen sbram ltar mdzes gyur pa/ /shing mchog rtse la bzhugs 'di gang / /bya rog gis smras pa/ skal ldan chen po blta ba'i phyir/ /khyod kyi drung du bdag mchis te/ /ri dgas rgyal khyod phyag 'tshal na/ /gsol ba'i pham 'babs thugs dpag mdzod/ /was smras pa/ rma bya'i mgrin pa lta bu yi/ /pho rog blta na sdug pa khyod/ /kun dga' byed pa rnams kyi gtso/ /ci bder gsol gyis mar spyon cig /de babs nas wa dang lhan cig ma ning gi ro la za bar byed pa drang srong gis mthong nas des tshigs su bcad de smras pa/ ljon shing tha chad grib ma la/ /ngo tsha med pa 'dug nas su/ /tha chad ro la longs spyod pa/ /e ma'o ring zhig lon nas mthong / /bya rog gis thos nas de ma bzod nas tshigs su bcad de smras pa/ 'di ltar seng ge rma bya dag / dam pa'i sha la longs spyod na/ /gzhan gyis byin pas 'tsho ba yi/ /spyi cher 'dir ni ci zhig gtogs/ /drang srong de yang mi bzod pa skyes nas tshigs su bcad de smras pa/ 'dab chags tha chad bya rog dang / /rkang bzhi tha chad wa dang ni/ /ljon shing tha chad e ran da/ / mi yi tha chad ma ning ro/ /zhing gi tha chad gru gsum ste/ /ngo tsha med rnams 'dus la ltos/ /de nas bya rog lhag par yang mi bzod pa skyes nas drang srong gi me khang du zhugs te blta bar brtsams pa las/ ci yang mi snang nas ril ba spyi blugs bcag ste bros so/ /ji tsam na drang srong de me khang du zhugs na ril ba spyi blugs chag pa mthong nas/ des bsams pa/ 'di ni bya rog gdug pa de'i las kyis byas kyi gzhan ni su yang ma yin no snyam du rig nas tshigs su bcad de smras pa/ su la 'di 'dra 'ang mi smra ste/ /ngo tsha med pa'i gdug sems kyis/ /me khang ma rung byas nas ni/ /ril ba yang ni bcag par gyur/ /bsngags 'os smad par 'os kyang rung / /yong ye cung zad smra mi bya/ /blo gros ldan pas rtag tu ni/ /kha rog pas ni bde ba 'thob/ /dge slong dag ji snyam du sems/ de'i tshe de'i dus kyi drang srong gang yin pa de ni nga nyid yin no/ /de'i tshe de'i dus kyi wa gang yin pa de ni lha sbyin yin no/ /de'i tshe de'i dus kyi bya rog gang yin pa de ni ko ka li ka yin te/ de na yang ngo tsha med pa de dag gis ngo tsha med pa'i bsngags pa brjod do/ /da ltar yang ngo tsha med pa 'di dag ngo tsha med pa'i bsngags pa brjod do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das dang lha sbyin thog mar gang du mi mthun par gyur lags/ bcom ldan 'das kyis bka' stsal pa/ dge slong dag sngon byung ba shang shang ti 'u gnyis lus gcig tu gyur nas rgya mtsho'i 'gram na gnas te/ chos can dang chos ma yin pa zhes bya'o/ /ji tsam na chos ma yin pa ni gnyid log chos can ni mel tshe byed pa dang / des bdud rtsi'i 'bras bu zhig chus khyer ba mthong nas/ des de blangs te bsams pa/ ci re shig 'di yang bslang ngam/ 'on te bza' snyam mo/ /yang bsams pa/ zos kyang lus 'di gcig kho na gso bar zad do snyam nas des de ma bslang ba dang / rang nyid sad de/ de sad pa na chos can la bdud rtsi'i 'bras bu'i sgregs pa byung ba chos ma yin pas tshor nas des smras pa/ de ci'i sgregs pa yin/ des smras pa/ bdud rtsi'i 'bras bu'i'o/ /de gang nas rnyed/ des smras pa/ khyod gnyid log pa na kho bos bdud rtsi'i 'bras bu rnyed nas lus gcig kho na gso bar zad do snyam nas khyod ma bslang bar kho bos zos so/ /des smras pa/ khyod kyis ma legs pa zhig byas te ngas kyang dus shes par bya'o/ /ji tsam dus gzhan zhig na chos can gnyid log nas chos ma yin pa mel tse byed pa na des dug gi 'bras bu chus khyer ba zhig mthong nas des de zos pa dang / de gnyi ga brgyal bar gyur to/ /chos ma yin pa dug gi 'bras bus kun nas 'khrugs pas smras pa/ gang dang gang du skyes pa'i tshe rabs de dang de dag tu khyod la gsod pa dang phyir rgol ba dang dgra bor gyur cig /chos can gyis smras pa/ bdag kyang gang dang gang du skyes pa'i tshe rabs de dang de dag tu khyod la byams pa sgrub par gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus kyi chos can gang yin pa de ni nga nyid yin no/ /de'i tshe de'i dus kyi chos ma yin pa gang yin pa de ni lha sbyin yin no/ /der thog mar nga dang 'di mi mthun par gyur to/ /ngas kyang de la byams pa'i thugs bzhag go/ /gzhan yang ji ltar 'dis nga la mi mthun par byas pa dang / ngas kyang 'di la byams par bsams pa de nyon cig /dge slong dag sngon byung ba grong khyer bA rA Na sI na rgyal po sra rtsi ldan zhes bya ba 'byor pa dang / rgyas pa dang / bde ba dang / lo legs pa/ skye bo dang / mi mang pos rab tu gang ba na rgyal srid byed du 'jug go/ /des yul gzhan gyi rgyal po'i bu mo zhig blangs nas de de dang lhan cig rtse bar byed/ dga' bar byed dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las bu mo de dus gzhan zhig na sems can dang ldan par gyur te/ de zla ba brgyad dam dgu lon pa'i nyi ma'i rtse na khye'u gzugs bzang po mdzes pa blta na sdug pa zhig btsas te/ de'i btsas pa'i btsas ston rgya cher byas nas khye'u yi ming cir gdags shes ming 'dogs par byed do/ /blon po rnams kyis smras pa/ lha khye'u 'di gdugs kyi rtse na btsas pas/ de'i slad du khye'u yi ming nyi ma'i mu khyud ces bgyi bar gdags so zhes de'i ming nyi ma'i mu khyud ces bya bar btags nas khye'u nyi ma'i mu khyud ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtse grogs kyi ma ma gnyis la rjes su gtad de/ de ma ma brgyad po dag gis 'o ma dang zho dang mar dang zhun mar dang / mar gyi snying khu dang gzhan yang yo byad kyi bye brag gtso bo gtso bo dag gis sring bar byed skyed par byed cing rdzing na gnas pa'i pad ma bzhin du myur du skyed par byed do/ /de gang gi tshe chen por gyur pa de'i tshe/ yi ge dang / grangs dang / rtsis dang / lag rtsis la nye bar zhugs shing rgyal po rgyal rigs spyi bo nas dbang bskur ba yul dang dbang phyug dang mthu thob pa sa'i dkyil 'khor chen po mngon par zil gyis mnan nas gnas pa rnams kyi bzo'i gnas dang las kyi gnas tha dad par gyur pa gang dag yin pa 'di lta ste/ glang po che'i gnyar zhon pa dang / rta la zhon pa dang / shing rta'i thabs dang / ral gri'i thabs dang / 'phong dang / phyir bsnur ba dang / mdun du bsnur ba dang / lcags kyus sgyur thabs dang / mda' bo che 'phen pa dang / zhags pa gdab pa dang / bcad pa dang / dral ba dang / dbug pa dang / 'dzin stangs dang / gom stangs dang / thor tshugs dang / rgyang nas phog pa dang / sgra grag par phog pa dang / gnad du phog pa dang / mi 'chor bar phog pa dang / tshabs cher phog pa ste bzo'i gnas dang / las kyi gnas lnga po de dag la yang byang bar gyur nas phas de rgyal tshab tu bcug go/ /rgyal po sra rtsi ldan gyi btsun mo dam pa ni chos ldan zhes bya'o/ /blon po'i mchog ni phyugs 'dug ces bya ste/ de la rgyal po lhag par snying 'jog go/ /ji tsam dus gzhan zhig na rgyal po sra rtsi ldan chos ldan ma dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed dga' mgur spyod par byed pa las chos ldan ma sems can dang ldan par gyur to/ /de mtshan mkhan rnams kyis khye'u zhig btsa' bar 'gyur te/ des rgyal po srog dang phral nas rang nyid cod pan bcings te rgyal srid kyi dbang phyug la dbang byed par 'gyur ro/ /zhes lung bstan to/ /ji tsam na rgyal po sra rtsi ldan nad kyis thebs par gyur nas de la rtsa ba dang / sdong bu dang / 'dab ma dang / me tog dang / 'bras bu'i sman rnams kyis bsnyen bkur byas kyang de'i nad zhi bar ma gyur te/ des lus kyi gnas skabs rig par byas nas des bsams pa/ bdag 'das nas nyi ma'i mu khyud rgyal por 'gyur te/ des gdon mi za bar chos ldan ma bsad par mi 'gyur bar 'dir ye ji ltar bya ba'i dus la bab/ yang bsams pa/ blon po phyugs 'dug 'di la bdag gis longs spyod bzang po dag gis bgo bsha' byas shing spyan ras kyis btsas pa yin gyis 'di la chos ldan ma gtad do snyam nas des phyugs 'dug bkug ste bsgo ba/ nga'i btsun mo dam pa ni chos ldan ma yin la/ blon po'i mchog ni khyod yin te/ ngas lus kyi gnas skabs shes na gdon mi za bar nga srog dang 'bral bar 'gyur gyis/ khyod kyis nga la sdug par sems na nyi ma'i mu khyud kyis chos ldan ma ji ltar yang srog dang phral bar mi 'gyur ba de ltar gyis shig des smras pa/ lha de tsam yang rngo mi thog gam/ lha thugs las chung ngur mdzod cig dang ji ltar mi bkum pa de ltar bgyi'o/ /bsags pa kun gyi mtha' zad cing / /mthon po rnams kyi mtha' ltung 'gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ /rgyal po sra rtsi ldan shi nas de gdugs dang rgyal mtshan dang ba dan la sogs pa bzang po rnams kyis bkur sti cher byas te bsregs so/ /nyi ma'i mu khyud rgyal po'i rgyal srid chen po'i dbang bskur bas dbang bskur to/ /des blon po rnams la bsgo ba/ chos ldan ma sod cig /phyugs 'dug gis smras pa/ lha ma brtags par bkum ste ci rung / ci khye'ur btsa' bar 'gyur ram/ 'on te bu mor 'gyur sus 'tshal/ gal te khye'u btsas par gyur na bu de nyid dgum mod rgyal po nyi ma'i mu khyud kyis smras pa/ de bzhin du gyis la khyod kho nas srungs shig /des khyim du bzhag pa na zla ba brgyad dam dgu lon nas khye'u zhig btsas so/ /de nyid kyi nyi ma la nya pa'i chung ma zhig la bu mo zhig btsas so/ /des btsas ma thag kho nar nya pa'i chung ma la nor gyis brid de brjes nas phyugs 'dug gis rgyal po la smras pa/ lha chos ldan ma la bu mo zhig btsas lags so/ /legs pa zhig smras so/ /khye'u de nya pa'i chung mas bsnun bsnyod gsos te chen por gyur nas yig 'bru dang klag pa bslabs te/ snyan dngags bya bar brtsams nas de'i ming nya pa'i khye'u snyan dngags mkhan nya pa'i khye'u snyan dngags mkhan zhes bya bar gyur to/ /phyugs 'dug gis chos ldan ma la smras pa/ khyod la ni khye'u snyan dngags mkhan zhig btsas par gyur to/ /de ci 'dra ba zhig yin re shig blta'o/ /des smras pa/ de blta ci dgos zhog shig /de bu la mngon par dga' zhing blta 'dod pas 'dug tu mi btub bo/ /phyugs 'dug gis nges par gal gyis 'chu bar shes nas thabs shig bshams te/ nya zhig bskur nas btang ngo / /de nang du zhugs pa de kho na na mtshan mkhan rnams kyis nya pa'i khye'u snyan dngags 'di ni rgyal po srog dang phral te rang nyid cod pan bcings nas rgyal srid byed par 'gyur ro zhes lung bstan pa rgyal pos thos nas de blon po rnams la bsgo ba/ ci nas kyang de ma shor bar zung shig /des gcig nas gcig tu brgyud pa las thos nas de phan tshun bros pa las rgan mo zhig gi khyim du zhugs pa dang des de sbas te/ de nas yung dang 'bru mar gyis lus bskus nas khyogs kyi steng du bzhag ste ro lta bur bcos nas phyung ste dur khrod du bor ba dang langs te bros pa phyogs de na mi zhig me tog dang 'bras bu tshol ba des de bros pa mthong ngo / /de'i phyi bzhin snyegs shing rgyugs pa'i mi rnams kyis mi de la dris pa kye nang rje bong tshod dang kha dog 'di 'dra ba'i mi 'ga' zhig lam 'di nas 'gro ba khyod kyis ma mthong ngam/ des smras pa/ mthong ste lam 'di nas song ngo / /de rnams de'i rjes bzhin du dong ngo / /de yang ri 'or der btso blag mkhan zhig gi khyim du zhugs nas de la ji ltar gyur pa smras pa dang / snyegs ma'i mi rnams kyis ri 'or btsal bar brtsams pa na btso blag mkhan gyis gos kyi thum po'i nang du bcug nas bong bu la bkal te ri 'or nas phyir byung ste khrus byed pa'i sar khyer nas btang ba dang langs te phyogs bzhir bltas te bros so/ /der yang mi gzhan zhig gis mthong nas/ des snyegs ma'i mi rnams la smras pa/ shes ldan dag khyed gang gi don du ri 'or na tshol ba'i mi de ni lam 'di nas song gis myur du deng shig /de rnams dong ba las de yang grong gzhan zhig tu lham mkhan gyi khyim zhig tu zhugs nas des de la ji ltar gyur pa bsnyad nas smras pa/ mchil lham bol rting par bltas pa zhig gyis shig /des smras pa/ bdag gis sngon lan 'ga' yang mchil lham de lta bu byed ma myong ngo / /des tshigs su bcad de smras pa/ blo gros sna tshogs rang bzhin du ma ste/ /de dag srang gcig tu ni gzhal ba med/ /lham mkhan khyod kyis nga yi tshig bzhin 'dir/ /rting pa gang de mdun du lta bar gyis/ /des lham mkhan de la bslabs nas lham mkhan gyis de 'dra ba'i mchil lham zhig byas so/ /ri 'or de ra bas bskor ba yin pas de mchil lham de gyon nas/ gtor khung nas 'dzul te bros so/ /bsnyegs ma'i mi rnams kyis mchil lham gyi rjes bzhin ri 'or de nyid bskor te de yang bros nas so/ /chur zhugs pa dang klu rnams kyis gnas su khrid do/ /rgyal pos gcig nas gcig tu brgyud pa las de ji ltar klu rnams kyis klu'i gnas su khrid do zhes thos so/ /rgyal pos blon po rnams la bsgo ba/ shes ldan dge ba'i yul na sbrul khas sdigs ji snyed gnas pa de dag thams cad nga'i spyan sngar khug shig /de rnams kyis yul thams cad na gnas pa'i sbrul khas sdigs rnams rgyal po la phul lo/ /rgyal pos de rnams la bsgo ba/ shes ldan dag deng la klu'i gnas che ge mo zhes bya bar klu zung shig /lha bka' bzhin 'tshal zhes sbrul khas sdigs thams cad kyis rgyal po las mnyan nas klu'i gnas su dong ngo / /'brog gcig na gnod sbyin ser skya zhes bya ba khrag dang sha za ba gcig yod do/ /des skrag pas gcan zan rnams kyis kyang 'brog de yongs su spangs na mi rnams kyis lta smos kyang ci dgos te de ser skya'i 'brog ces bya bar grags so/ /sbrul khas sdigs rnams kyi sngags kyi mthus ji ltar klu de la gnod par 'gyur ba de ltar byas pas de skrag nas de ser skya'i 'brog de rgal bar mi nus par bor ro/ /klu rnams kyis gros byas pa bdag cag gis 'di ltar de ser skya'i 'brog las ma bsgral ba ni ma legs pa zhig byas te/ de yang gnod sbyin ser skyas bsad la bdag cag kyang de'i phyir gtses par 'ong na de la ji ltar bsgrub par bya/ klu'i rgyal po des smras pa/ don de sbrul khas sdigs rnams la rig par bya'o zhes de rnams kyis sbrul khas sdigs rnams la smras pa/ shes ldan dag gang gi phyir bdag cag 'khrugs par byas pa de ni bdag cag gis thabs kyis bsad pa nyid de 'di ltar ser skya'i 'brog tu bor ro/ / sbrul khas sdigs rnams kyis don de rgyal po la smras pa dang / rgyal pos smras pa/ gal te de lta na yang 'on kyang tshol cig /de ser skya'i 'brog na phan tshun 'khyam par brtsams pa na gnod sbyin ser skya yang phyogs shig na khyi rnams kyis yongs su bskor te 'dug go/ /de dang khyi rnams kyis de rgyang ring po kho na nas mthong nas des bsams pa/ ci 'dis bdag shi bar gyur to zhes thos nas des na de 'dir 'ongs sam snyam mo/ /des de la khyi rnams sbad pa las de bros te shing ljon pa zhig la 'dzegs pa dang / khyi rnams dang / ser skyas ljon shing gi drung du bsdad de/ ser skyas smras pa/ kwa'i nang rje khyod kyi ser skya'i 'brog na mi ma yin pa ser skya zhes bya ba gnas te/ der song ba gang yin pa de des gsod par 'gyur ro zhes ma thos sam/ khyod kyi dus la bab kyis bobs shig /des smras pa/ ji srid 'tsho ba de srid du 'dug go/ /gnod sbyin ser skya pus skyud kyis bcings te sgrim pas 'dug nas de yur ba na des de'i steng du gos shig bor ro/ /khyi rnams kyis bsams pa/ 'di ni mi de kho na lhung ba yin no snyam nas de rnams kyis gnod sbyin ser skya zos nas dong ngo / /de ljon shing las dal gyis dal gyis babs te song nas de de dang de na 'khor zhing bsams pa/ bdag gi zhang po drang srong rnams kyi nang du rab tu byung ba zhig yod kyis de'i drung du 'gro'o snyam nas drang srong de la yang ri 'or zhig na bskyed mos tshal rtsa ba dang / me tog dang / 'bras bu dang / chu phun sum tshogs pa shing rnam pa sna tshogs tshang tshing gis mdzes par byas pa/ bya sna tshogs skad 'byin pa zhig yod de de rim gyis thos pa gcig nas gcig tu brgyud de de'i drung du 'ongs nas gnyen du 'brel bas smras te 'dug go/ /der yang rgyal po'i mi rnams kyis btsal te de rnams kyis de gzung bar brtsams pa las des ri'i g.yang sa nas bdag nyid mchongs so/ /de mchongs pa dang mi zhig gis gtsug phud nas bzung pa las gtsug phud byung nas de lhung ngo / /de rnams kyis bsams pa 'di ni shi bas 'dong ngo zhes gtsug phud khyer te rgyal po'i drung du song nas/ de rnams kyis smras pa/ lha nya pa'i khye'u snyan dngags mkhan de bkum nas gtsug phud kyang 'di lags so/ /rgyal po mgu nas des de rnams la longs spyod kyis bgo bsha' byas so/ /de nas drang srong gi bskyed mos tshal na gnas pa'i lha gang yin pa des drang srong de la smras pa/ khyod kyi tsha bo ni sdug bsngal mi bzad pa dog pa nyam nga ba thob na ma dgongs sam/ des smras pa/ gal te bdag gis ma bsams par gyur na de ring nyid du srog dang bral bar 'gyur ro/ /drang srong de ni rig sngags dang gsang sngags 'chang ba yin te/ gang gis ni skyes pa bud med du 'gyur zhing phyir yang skyes par 'gyur ba de lta bu'i rig sngags shes pas des de la rig sngags de bslabs te smras pa/ da ni song la 'jigs pa dang bag tsha ba med pas 'dug shig /des rig sngags kyis dpes bskrun par mi nus pa'i bud med kyi cha byad du mngon par sprul nas bA rA Na sIr song ste/ rgyal po'i bskyed mos tshal na 'dug pa bskyed mos tshal gyi srungs mas mthong nas mchog tu ngo mtshar skyes te des myur ba myur bar song rgyal po nyi ma'i mu khyud la smras pa/ lha bskyed mos tshal na bud med gzugs phun sum tshogs pa dar la bab pa zhig mchis so/ /des bsgo ba khrid de shog shig /des dpal gyi 'byor pa chen pos blangs te rgyal po'i pho brang du khrid nas de la rgyal po nyi ma'i mu khyud lhag par chags par gyur pa dang des skabs rnyed nas dben pa na 'dug pa la bsad de slar yang rig sngags bzlas te skyes par gyur pa dang / de nas rang nyid kyis cod pan bcings te blon po phyugs 'dug la go bar byas nas rgyal srid la 'dug go/ /lhas tshigs su bcad de smras pa/ gang gis mgo ma bcad pa de bsad min/ /phyir yang langs nas las ni byed par 'gyur/ /ji ltar snyan dngags mkhan de glags rnyed nas/ /sra rtsi can bu lta bu de bsad yin/ /dge slong dag ji snyam du sems/ de'i tshe de'i dus kyi rgyal po sra rtsi ldan gyi bu nyi ma'i mu khyud ces bya ba gang yin pa de ni lha sbyin 'di nyid yin no/ /de'i tshe de'i dus kyi snyan dngags mkhan gang yin pa de ni nga nyid yin te/ de na yang 'dis nga la shar gnyer la da ltar yang 'dis shar gnyer ro/ /gzhan yang ji ltar 'dis nga la shar gnyer ba de nyon cig /dge slong dag sngon byung ba ri 'or zhig na nor bu mkhan gnyis shig gnas te de gnyis kyis lam po che dang grong bgos so/ /de'i tshe tshong pa 'byor pa yongs su zad pa zhig yod pa de nor bu'i snod khyer nas ri 'or der phyin to/ /de nas lam gyis dub pa ngal sos nas nor bu mkhan gcig gi drung du song ste smras pa/ nor bu'i snod 'di rin thang chod cig /des de'i rin thang chung ngu zhig tu bcad pa dang / des smras pa/ 'di ltar kho bo longs spyod las nyams kyang shes rab las ma yin pas kho bos 'di ci ri ba lta shes na/ de skad du smra ba ci'i tha tshig /de de'i drung nas log pa ste/ gcig shos kyi drung du song nas smras pa/ nor bu'i snod 'di rin thang chod cig /des de'i rin thang thog tu bab par bcad nas des smras pa/ 'di snyed kyi rin thang re shig bdag la mi bdog go/ / des smras pa/ ci bdog pa de byin la khyer cig /des blangs so/ /nor bu mkhan gcig shos po des thos nas/ de mi bzod pa skyes te/ de'i drung du song nas bdag gis 'di thog mar khyim du khrid cing bdag gis 'di'i rin thang yang bcad na khyod kyis ci'i phyir bkur/ de gnyis phan tshun khon byung bar gyur to/ /dge slong dag de ji snyam du sems/ de'i tshe de'i dus kyi nor bu mkhan nor bu'i snod rin thang chung ngur gcod pa gang yin pa de ni lha sbyin 'di nyid yin no/ / de'i tshe de'i dus kyi nor bu mkhan gcig shos rin thang thog tu bab par gcod pa gang yin pa de ni nga nyid yin te/ de na yang nged phan tshun mi mthun par gyur te/ da ltar yang nged phan tshun mi mthun par gyur to/ /gzhan yang ji ltar nged mi mthun par gyur pa de nyon cig /dge slong dag sngon byung ba ri 'or zhig na khyim bdag gcig gnas pa des rigs mnyam pa las chung ma blangs te/ de de dang lhan cig rtse bar byed dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las dus gzhan zhig na chung ma sems can dang ldan par gyur nas de zla ba brgyad dam dgu lon pa na khye'u zhig btsas so/ /btsas nas de'i chung ma shi'o/ /des bsams pa/ khye'u gsor gzhug pa'i phyir gzhan zhig blang ngo snyam nas des gzhan zhig blangs te/ de de dang lhan cig rtse bar byed/ dga' bar byed/ dga' mgur spyod par byed pa las de las kyang khye'u zhig btsas nas de yang shi'o/ /khyim bdag des bsams pa/ gal te gzhan blangs na de yang shi bar 'gyur gyis khye'u phu bo shos kyi khyim dbub par bya'o snyam nas de'i khye'u phu bo shos kyi khyim phub pa las de las khye'u dang bu mo mang du btsas so/ /de'i chung ma des smras pa/ rje'i sras khye'u 'di khyod kyi cir mchi/ des smras pa/ spun du 'ong ste nu bo yin no/ /des smras pa/ rje'i sras khyod la ni sras mang la/ 'di ni gcig pu lags na/ 'di dag dang 'di'i khyim dang longs spyod mnyam par stsal 'am/ des smras pa/ bzang mo 'di ni 'jig rten gyi chos yin no/ /des smras pa/ rje'i sras gal te de lta na 'di khum shig /'dod pa la so sor sten pa ni sdig pa'i las mi byed pa ci yang med pas des de me tog dang 'bras bu la brid nas dgon par khrid de rdos bsnun te bsad do/ /dge slong dag ji snyam du sems/ de'i tshe de'i dus kyi khyim bdag gi bu phu bo shos gang yin pa de ni lha sbyin 'di nyid yin no/ /de'i tshe de'i dus kyi nu bo shos gang yin pa de ni nga nyid yin te/ de na yang 'dis nga la mi mthun par byas so/ /da ltar yang 'dis nga la mi mthun par byas so/ /gzhan yang nged ji ltar mi mthun par gyur pa de nyon cig /dge slong dag sngon byung ba ri 'or zhig na bram ze zhig gnas pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa na chung ma sems can dang ldan par gyur te/ de zla ba brgyad dam dgu lon pa na bu mo gzugs bzang ba blta na sdug pa mdzes pa zhig btsas so/ /bram ze des bsams pa/ de ring bdag gi khyim du bram ze su bsod snyoms kyi phyir zhugs pa de la bu mo 'di bsod snyoms kyi gor sbyin no snyam mo/ /ji tsam na bram ze'i khye'u zhig bsod snyoms kyi phyir de'i khyim du zhugs nas bkra shis par gyur cig /bsod snyoms byin cig /bram ze'i khye'u gzhon nu 'di bdag cag gis khyod la bsod snyoms kyi gor sbyin no/ /des smras pa/ de ring mi blang gi nyi ma dang yud tsam dag bstun nas blang ngo zhes song ngo / /ji tsam na bram ze'i khye'u gzhan zhig bsod snyoms kyi phyir de'i khyim du zhugs nas bkra shis par gyur cig /bsod snyoms byin cig /bram ze des de la smras pa/ bram ze'i khye'u bu mo gzhan 'di bdag gis khyod la bsod snyoms kyi gor sbyin no/ /des smras pa/ 'dir bram ze'i khye'u gzhan zhig bsod snyoms la zhugs na de la ci'i phyir ma byin/ des smras pa/ de na re rgyu skar mi bzang zhes zer ro/ /des smras pa/ gal te de ltar na blang bar bgyi'o/ /bram zes smras pa/ khyod rgyu skar la ci'i phyir mi sdod/ des tshigs su bcad de/ don rnams grub par gyur na ni/ /de dag thams cad 'thun pa ste/ /rgyu skar thams cad bzang po yin/ /nyi ma thams cad dge ba yin/ /rgyu skar rtsi ba lhur len pa'i/ /mi rnams don ni nyams 'gyur te/ /'di yi don ni rgyu skar yin/ /skar ma rnams kyis ci zhig bya/ /zhes smras nas des khyer te song ngo / /bram ze gzhan po des bram ze de las bram ze che ge mo zhes bya bas bu mo khyer ro zhes thos nas de de'i drung du song ste smras pa/ bram ze'i khye'u bdag gi bu mo de sngar thob zin na khyod kyis ci'i phyir bkur/ des smras pa/ rgyu skar rtsi ba lhur len pa khyod re shig rgyu skar la rtogs shig /kho bo la ni rgyu skar bzang ngo zhes byas pa dang de khros par gyur to/ /dge slong dag ji snyam du sems/ de'i tshe de'i dus kyi bram ze'i khye'u snga ma shos gang yin pa de ni lha sbyin 'di nyid yin no/ /de'i tshe de'i dus kyi bram ze'i khye'u phyi ma shos gang yin pa de ni nga nyid yin no/ /de na yang 'di nga la mi mthun par gyur to/ /da ltar yang 'di nga dang mi mthun par gyur to/ /sangs rgyas bcom ldan 'das rgyal po'i khab 'od ma'i tshal bya ka lan da ka gnas pa na bzhugs so/ /de'i tshe rgyal po ma skyes dgra'i glang po che gdug pa nor skyong zhes bya ba zhig yod pa de nyin re zhing khyim nas byung ba na skye bo mang po kha 'dog par byed do/ /rgyal po'i khab na gnas pa'i skye bo'i tshogs kyis rgyal po ma skyes dgra la gsol ba btab pa/ lha glang po che gdug pa nor skyong gdugs re zhing gnas nas byung ba na lam po che dang / srang dang bzhi mdo dang sum mdo rnams su skye bo mang po kha 'dog par bgyid kyis/ lhas glang po che'i 'dul mkhan rnams la bka' stsal te ci nas gdugs re zhing mi 'byung bar sang lta bu 'byin pa na yang dril sgrogs su stsal ba'i rigs so/ /rgyal pos smras pa/ de bzhin du byas khyed deng shig /rgyal pos blon po rnams la bsgo ba/ shes ldan dag glang po che'i 'dul mkhan rnams khug shig /de rnams kyis glang po che'i 'dul mkhan rnams bkug pa dang / rgyal po smras pa/ shes ldan dag rgyal po'i khab na gnas pa'i skye bo'i tshogs kyis nga la gsol ba/ glang po che gdug pa nor skyong gdugs re zhing gnas nas byung ba na lam po che dang srang dang bzhi mdo dang sum mdo rnams su skye bo mang po kha 'dog par bgyid kyis/ lhas glang po che 'dul mkhan rnams la bka' stsal te/ ci nas gdugs re zhing mi dbyung bar sang lta bu 'byin pa na yang dril sgrogs su stsal ba'i rigs so zhes gsol gyis/ khyed kyis de nyin re zhing ma dbyung bar sang lta bu 'byin pa na yang dril sgrogs shig /lha bka' bzhin 'tshal zhes glang po che'i 'dul mkhan rnams kyis rgyal po ma skyes dgra las mnyan nas rkang pa la gtugs te dong ngo / /rgyal po'i khab na khyim bdag phyug pa nor mang ba longs spyod che ba zhig gnas pa des sangs rgyas la sogs pa dge slong gi dge 'dun sang khyim du gdugs tshod la spyan drangs so/ /lha sbyin gyis ji ltar khyim bdag che ge mo zhig gis sangs rgyas la sogs pa dge slong gi dge 'dun sang khyim du gdugs tshod la spyan drangs pa thos nas des glang po che'i 'dul mkhan la mu tig gi do shal brgya stong ri ba byin nas smras pa/ khyim bdag che ge mos dge sbyong gau ta ma nyan thos kyi dge 'dun dang thabs gcig sang khyim du gdugs tshod la spyan drangs kyis de la khyod kyis glang po che nor skyong sbod cig /des smras pa/ 'phags pa de bzhin du bgyi lags kyis/ 'on kyang 'ol byi lha la yang mkhyen par mdzod cig / de nas lha sbyin rgyal po ma skyes dgra gang na ba der song ste phyin nas/ rgyal po ma skyes dgra la 'di skad ces smras so/ /khyod kyis ni bdag sangs rgyas nyid du gzhug ma nus na khyod kyis yab srog dang bral nas rgyal srid la 'dug na bdag gis kyang dge sbyong gau ta ma bsad la thams cad mkhyen pa nyid byas/ glang po che dam pa nor skyong sbod cig /ma skyes dgras smras pa/ khyod kyis sangs rgyas bcom ldan 'das rnams ni ma thul ba 'dul bar mdzad pa yin no zhes ma thos sam/ des smras pa/ gal te ma dul ba 'dul ba yin par gyur na 'dis re shig bdag kho na 'dul bar 'gyur grang zhes des de la 'ol byi smras nas/ glang po che'i 'dul mkhan rnams kyi drung du song ste smras pa/ lha la yang bdag gis rig par byas kyis khyod kyis sang glang po che dam pa nor skyong sbod cig /de nas glang po che'i 'dul mkhan rnams kyis rgyal po'i khab kyi grong khyer du dril bsgrags nas rgyal po'i khab na gnas pa'i grong mi shes ldan dag nyon cig /sang glang po che dam pa nor skyong gtong gis de bas na khyed cag thams cad sang rang rang srung ba la sgrims shig ces bsgrags pa/ khyim bdag des thos nas bdag 'dra ba byur ngan pa bdag gis sangs rgyas la sogs pa dge slong gi dge 'dun sang khyim du gdugs tshod la spyan drangs na glang po che gdug pa nor skyong yang sang gtong na bdag gis sangs rgyas la sogs pa dge slong gi dge 'dun ji ltar gdugs tshod gsol bar bya snyam ste sems khongs su chud cing 'dug go/ /yang bsams pa/ g.yos byas la de nyid du khyer te bcom ldan 'das gdugs tshod gsol lo snyam nas des de nyid kyi nub mo nas gtsang zhing bsod pa'i bza' ba dang bca' ba dag sta gon byas nas nang par sngar langs te/ bcom ldan 'das kyi spyan sngar song nas bcom ldan 'das rgyal po'i khab tu dril bsgrags pa/ sang glang po che dam pa nor skyong gtong gis khyed cag rang rang srung ba la sgrims shig ces mchi bas/ de bas na bcom ldan 'das rgyal po'i khab tu ma gshegs shig /zhal zas dang btung ba 'tshal te bdag 'di nyid du mchi'o/ /bcom ldan 'das kyis bka' stsal pa/ khyim bdag khyod sems las chung ngur gyis la zhal zas dang btung ba sta gon byos shig dang / de bzhin gshegs pa ni glang po che'i bsnyengs pa dang bral ba yin pas nga nyan thos kyi dge 'dun dang thabs gcig rgyal po'i khab tu gshegs so/ /de nas khyim bdag yid dga' nas rang gi khyim du song ste zhal zas dang btung ba sta gon byas gdan bshams nas bcom ldan 'das la sdod cing 'dug go/ /de nas bcom ldan 'das snga dro na bza' chos gos mnabs lhung bzed bsnams te dge slong lnga brgya dang thabs gcig rgyal po'i khab tu zhugs pa na glang po che dam pa nor skyong yang sbad do/ /glang po che'i dam pa nor skyong gis bcom ldan 'das rgyang ring po kho na nas mthong ngo / /mthong nas kyang 'gying zhing skad phyung nas bcom ldan 'das gang na ba de logs su mod la shugs ci yod pas bang thag pas brgyugs so/ /de nas lha sbyin ma skyes dgra'i grogs can steng gi khang bzangs kyi gzhir 'dzegs nas dge sbyong gau ta ma gsod pa la lta zhing 'dug go/ /de nas lha sbyin gyis bcom ldan 'das de mthong nas dga' ba dang / mgu ba dang / rab tu dga' bas gsang bstod de tshigs su bcad pas smras pa/ glang po che yi las bltas na/ /khyod ni glang chen mthus brdzis nas/ /shAkya'i bu khyod de ring du/ /nyan thos bcas te re snyam med/ /bcom ldan 'das kyis bka' stsal pa/ lha sbyin ngan khyod nga la ni/ /khyad gsod co 'dri smra bar byed/ /stobs bcu'i stobs ldan rmad byung ba'i/ /stobs kyi mthu la da ltos shig /de nas bcom ldan 'das kyis phyag g.yas pa'i mthil nas seng ge ral pa can lnga sprul to/ /des de rnams kyi dri tshor na gcin dang rtug pa shor te 'bros par brtsams pa na/ bcom ldan 'das kyis nyid kyi zhabs kyi drung grang zhing bsil bar gyur pa ma gtogs par phyogs thams cad 'bar rab tu 'bar/ kun tu rab tu 'bar te/ me lce gcig tu gyur par byin gyis brlabs so/ /de nas glang po che dam pa nor skyong phan tshun du brgyug par brtsams pa na bcom ldan 'das kyi zhabs kyi drung du grang zhing bsil bar gyur pa ma gtogs par phyogs thams cad 'bar/ rab tu 'bar/ kun tu rab tu 'bar te/ /me lce gcig tu gyur par mthong ngo / /nor skyong 'khrugs pa mthong nas tshe dang ldan pa kun dga' bo ma gtogs par dge slong thams cad bros so/ /de nas nor skyong dregs pa'i shugs dang bral nas dal gyis 'gro ba'i 'gros kyis bcom ldan 'das kyi spyan sngar song ba dang / bcom ldan 'das kyi phyag 'khor lo dang / bkra shis dang / /g.yung drung 'khyil pas brgyan pa/ bsod nams brgya phrag du mas bskyed pa/ skrag pa rnams dbugs 'byin par mdzad pas de'i mgo la byugs nas tshigs su bcad de bka' stsal pa/ glang chen gtso bo la ni tho ma 'tsham/ /glang chen de la tho 'tsham sdug bsngal 'gyur/ /gtso la gnod pa byas pa pha rol tu/ /'gro ba bzang por 'gyur ba ma yin no/ /bzhin bzangs khyod re shig sngon gyi nyes par spyad pas dman pa dud 'gro'i skye gnas su skyes na khyod da dung gzhan gyi srog gcod cing gzhan gyi srog gcod pas yongs su dga' bar byed pa 'di nas shi 'phos na khyod kyis 'gro ba ni cir 'gyur/ skye ba ni gang tshe phyi ma ni cir 'gyur/ bzhin bzangs de lta bas na 'du byed thams cad ni sdug bsngal ba/ chos thams cad ni bdag med pa/ mya ngan las 'das pa ni zhi ba yin gyis/ nga la sems mngon par dad par gyis la ci nas kyang dud 'gro'i skyes gnas la 'dod chags dang bral bar gyis shig ces bka' stsal nas khyim bdag gi khyim gang na ba der gshegs te byon nas gdan bshams pa nyid la bzhugs so/ /nor skyong yang bcom ldan 'das kyi rjes bzhin rjes bzhin song ste bcom ldan 'das nang du gshegs pa na sgo drung du sdod pa las bcom ldan 'das ma mthong nas khyim gzhig par brtsams so/ /bcom ldan 'das kyis khyim de shel gyi rang bzhin du sprul nas de la sangs rgyas kyi sku sgrib pa med par snang ngo / /des bcom ldan 'das mthong nas de ma bshig go/ /bcom ldan 'das nyan thos kyi dge 'dun dang thabs gcig gdugs tshod gsol nas yon bsngo ba mdzad de gshegs so/ /de bcom ldan 'das kyi rjes bzhin rjes bzhin song ba'i skabs de blon po rnams kyis rgyal po la rig par byas so/ /ma skyes dgras lha sbyin la smras pa/ khyod kyis bdag la gnod pa byas te/ glang po che dam pa 'di la brten nas 'tshams gzhan gyi rgyal po rnams kho bo la gnod pa byed par mi 'gyur na de yang khyod kyis dul bar byas so/ /de cang mi smra bar 'dug go/ /rgyal pos blon po rnams la bsgo ba/ gang gi tshe bcom ldan 'das phyir byung bar gyur pa de'i tshe glang po che dam pa nor skyong ji ltar yang khyod kyis bcom ldan 'das kyi phyi bzhin 'brang bar mi 'gyur bar sgo chod la zhog shig /blon po rnams kyis glang po che 'dul mkhan rnams la bsgo ba/ glang po che dam pa nor skyong ji ltar yang bcom ldan 'das kyi phyi bzhin 'gro bar mi 'gyur bar sgo chod la zhog shig /des bcom ldan 'das ma mthong nas rdog pas sna brdzis nas shi ba dang rgyal chen bzhi'i ris kyi lha rnams su skyes so// //'dul ba gzhi/ bam po brgya rtsa bzhi pa/ chos nyid kyis lha'i bu 'am lha'i bu mo ni skyes nas ring por ma lon par sems gsum skye bar 'gyur te/ gang nas shi 'phos pa dang / gang du skyes pa dang / las gang gis yin pa'o/ /des glang po che las shi 'phos pa dang / rgyal chen bzhi'i ris kyi lha rnams su skyes pa dang / bcom ldan 'das la sems mngon par dad par byas pa yin par mthong nas/ de nas sngon glang po che byed byed pa'i lha'i bu 'di snyam du sems te/ bdag zhag lon nas bcom ldan 'das la blta ba'i phyir 'gro ba ni bdag gi cha ma yin gyis/ ma la bdag gis zhag ma lon par bcom ldan 'das la blta ba dang bsnyen bkur bya ba'i phyir 'gro'o snyam mo/ /de nas sngon glang po che byed byed pa'i lha'i bu rna ca dri ma med cing g.yo ba thogs la/ do shal dang se mo dos lus brgyan nas de nyid kyi mtshan mo lha rnams kyi me tog ut+pal dang / pad ma dang / ku mu ta dang / pad ma dkar po dang / man dA ra ba rnams kyis thu ba bkang ste/ 'od ma'i tshal bya ka lan da ka'i gnas thams cad snang ba rgya chen pos gsal bar byas nas bcom ldan 'das la me tog gis gtor te bcom ldan 'das kyi spyan sngar chos mnyan pa'i phyir 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin mkhyen nas gang thos pas 'phags pa'i bden pa bzhi so sor yang dag par rtogs par 'gyur ba de lta bu'i chos bshad pa mdzad pas sngon gyi glang po che lha'i bus 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas te/ bden pa mthong nas lan gsum du ched du brjod pas ched du brjod pa/ btsun pa bdag la phas ma bgyis te/ mas ma lags/ rgyal pos ma lags/ lha rnams kyis ma lags/ sdug pas ma lags/ rang gi skye bo dang gnyen gyi tshogs kyis ma lags/ sngon gyi 'das pas ma lags/ dge sbyong dang bram zes ma lags pa gang lags pa de bcom ldan 'das kyis bdag la mdzad de/ khrag dang mchi ma'i rgya mtsho ni bskams/ rus pa'i ri bo las bsgral/ ngan song gi sgo rnams ni bkum/ mtho ris dang thar pa'i sgo rnams ni phye/ bdag lha dang mi rnams su ni bzhag /yang gsol pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ / mtho ris 'gro ba phye bzhin bdag gis ni/ /mya ngan 'das pa'i shul yang thob par gyur/ /shin du rnam dag khyod brten bdag gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol rgal bar gyur/ /'gro bar lha min mi dang lhas mchod pa/ /skye dang rga dang na 'chi bral ba po/ /srid pa stong du mthong bar rab dkon pa/ /thub pa de ring khyod mthong 'bras bu mchis/ /de nas gdud byas do shal rab 'phyang bas/ / zhabs la phyag 'tshal rangs pa skyes gyur nas/ /dgra thul g.yas nas g.yon du bskor byas nas/ /lha yi 'jig rten mngon phyogs mkha' la song / /de nas sngon glang po che byed byed pa'i lha'i bu tshong pa khe spogs rnyed pa lta bu dang / zhing pa lo thog legs pa lta bu dang / dpa' bo g.yul ngo rgyal ba lta bu dang / nad pa nad thams cad las yongs su thar ba lta bur 'byor pa gang gis bcom ldan 'das kyi spyan sngar 'ongs pa'i 'byor pa de nyid kyis rang gi gnas su song ngo / /dge slong rnams nam gyi cha stod dang cha smad la mi nyal bar rnal 'byor la rjes su brtson pas gnas pa na/ de rnams kyis bcom ldan 'das kyi spyan snga na snang ba rgya chen po mthong ngo / /mthong nas kyang yid gnyis su gyur te bcom ldan 'das la zhus pa/ bcom ldan 'das ci lags/ mdang sum bcom ldan 'das la blta ba'i slad du mi mjed kyi bdag po tshangs pa 'am/ lha rnams kyi dbang po brgya byin nam/ 'jig rten skyong ba bzhi mchis lags sam/ bcom ldan 'das kyis bka' stsal pa/ dge slong dag nga blta ba'i phyir 'ongs pa ni mi mjed kyi bdag po tshangs pa yang ma yin/ /lha rnams kyi dbang po brgya byin yang ma yin/ 'jig rten skyong ba bzhi yang ma yin te/ de lta mod kyi dge slong dag khyed kyis glang po che dam pa nor skyong zhes bya ba 'di ltar gdug pa/ 'di ltar gtum pa des de bzhin gshegs pa dgrongs pa'i phyir pha rol gnon pa byas pa gang yin pa de mthong ngam/ btsun pa mthong lags so/ /ngas de btul nas nga la mngon par dad par byas te shi nas rgyal chen bzhi'i ris kyi lha rnams kyi nang du skyes pa yin te/ de mdang sum nga'i spyan sngar 'ongs nas ngas de la chos bshad de bden pa mthong bar byas nas rang gi gnas su song ba yin no/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa nor skyong gis las ci zhig bgyis na las de'i rnam par smin pas dud 'gror skyes lags/ las ci zhig bgyis na des na rgyal chen bzhi'i ris kyi lha rnams kyi nang du skyes nas bden pa mthong bar bgyis lags/ bcom ldan 'das kyis bka' stsal pa/ dge slong dag nor skyong 'di nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa gdon mi za bar 'byung bar 'gyur ba'i las dag byas shing bsags pas zhes bya ba nas/ lus can dag la 'bras bur 'gyur/ /zhes bya ba'i bar gong ma bzhin du'o/ /dge slong dag sngon byung ba bskal pa bzang po 'di nyid la skye dgu rnams kyi tshe lo nyi khri thub pa na 'jig rten du ston pa sangs rgyas bcom ldan 'das/ rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ 'od srung zhes bya ba byung ste/ de grong khyer bA rA Na sI zhes bya bar nye bar brten nas drang srong smra ba'i ri dgas kyi nags na bzhugs so/ /de'i bstan pa la 'di rab tu byung ste zhal ta byed pa na de na 'di bslab pa'i gzhi phra mo rnams la gus par ma byas pas las de nyid kyi rnam par smin pas dud 'gror skyes par gyur to/ /de na 'dis dge 'dun la bkur sti byas pa'i las kyi rnam par smin pa gang yin pa des bza' ba dang btung ba thob par gyur to/ /nga la sems mngon par dad par byas te shi ba gang yin pa des rgyal chen bzhi'i ris kyi lha rnams kyi nang du skyes so/ /yang dag par rdzogs pa'i sangs rgyas 'od srung la rab tu byung nas klag pa dang / mnod par byas shing phung po la mkhas par byas/ khams la mkhas par byas/ skye mched la mkhas par byas/ rten cing 'brel bar 'byung ba la mkhas par byas pa gang yin pa des lhar gyur nas nga las bden pa mthong bar byas so/ /dge slong dag de lta bas na las gcig tu gnag pa rnams kyi zhes bya ba nas las gcig tu dkar ba la brtsal bar bya ste/ dge slong dag khyed kyis de ltar bslab par bya'o zhes bya ba'i bar gong ma bzhin du'o// // sdom ni/ ngang pa gad rgyangs dbyung ba dang / /ri dgas rul dang spre'u dang ni/ /glang po che dang byi la dang / /ba lang zla ba rdo ba dang / /glang chen wa dang bram ze'o/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das dge slong lnga brgyas yongs su btang na tshe dang ldan pa kun dga' bos yongs su ma btang ba la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' shig tu ma zad de/ ji ltar 'das pa'i dus na yang kun dga' bo 'dis nga yongs su ma btang ba de nyon cig /dge slong dag sngon byung ba mtsho chen po ma dros pa na ngang pa'i dpon po yul 'khor skyong zhes bya bar gyur to/ /de la bu gnyis yod la/ gang ba dang / bzhin rgyas shes bya ba ste/ gang ba ni phu bo yin no/ /bzhin rgyas ni nu bo yin no/ /de gnyis las gang ba ni gtum pa/ brlang ba/ gzu lums can zhig ste rtag tu ngang pa rnams la sdigs par byed de/ kha cig la sgro 'byin/ kha cig la ni sder mos rma 'byin par byed cing de lta bu dang gzhan yang gnod pa brgya phrag dag byed de/ ngang pa rnams nyi ma re re zhing ngang pa rnams kyi dpon po yul 'khor skyong gi gan du song ste rig par byed nas des bsams pa/ gang ba gtum pa/ brlang ba/ gzu lums can yin pas gal te bdag gis 'di rgyal tshab la bzhag na bdag shi nas 'dis ngang pa'i tshogs bshig par 'gyur gyis/ de la thabs shig bsham par bya'o snyam mo/ /des gang ba dang bzhin rgyas gnyis bkug nas bsgo ba/ 'bab chu'i dong dang mtsho dang mtshe'u rnams bltas nas/ nga'i drung du thog mar su 'ongs pa de ngang pa rnams kyi dpon por gzhug go/ / de gnyis kyang gcig la gcig 'gran pa'i phyir 'khor lnga brgya lnga brgya dang dong ste/ de gnyis kyis phan tshun gyi 'bab chu'i dong dang mtsho dang mtshe'u rnams bltas nas mthar gyis grong khyer bA rA Na sIr phyin to/ /de'i tshe grong khyer bA rA Na sI na rgyal po tshangs sbyin zhes bya ba 'byor pa dang rgyas pa dang / bde ba dang / lo legs pa dang / skye bo dang mi mang pos rab tu gang ba na rgyal srid byed du 'jug go/ /des bA rA Na sI'i bskyed mos tshal dang ha cang yang mi ring ba zhig tu tshangs ldan zhes bya ba'i rdzing mtshe'u bas ches khyad par du 'phags pa zhig rkor bcug ste/ der chu nas skyes pa'i me tog rnam pa sna tshogs bskyed do/ /'gram dang phyogs bzhi kun tu yang me tog dang 'bras bu'i shing stong phrag du ma bskyed do/ /der ut+pa la dang / pad ma dang / ku mu ta dang / pad ma dkar pos yog par byas shing shing tshang tshing du mas mdzes pa/ bya sna tshogs mang po skad 'byin pa'i 'byor pa de lta bu de mthong nas ngang pa gang ba 'khor lnga brgyas yongs su bskor te babs nas ci dga' ba'i spyod pa rtse bar brtsams so/ /bzhin rgyas la rang rang gi tshogs kyis smras pa/ khyod kyang bobs la rtsed mo gyis shig /des smras pa/ re shig rgyal srid blangs la de nas phyis log ste rtse bar bya'o zhes de rings pa rings par song ste rgyas srid blangs so/ /de nas de ngang pa lnga brgyas yongs su bskor te bA rA Na sIr 'ongs nas tshangs ldan gyi rdzing du babs te bag rkyong zhing gnas pas rtse bar brtsams so/ /de de ltar bag yod pas gnas pa skye bo'i tshogs kyis mthong nas mchog tu ngo mtshar skyes te/ kye ma ngang pa'i dpon po mchog tu gzugs blta na sdug pa gang nas 'dir 'ongs te/ gzugs bzang pos chu na rgyu ba'i 'dab chags thams cad zil gyis mnan nas tshangs ldan gyi rdzing gi rgyan byed cing dga' bar gnas shing 'jig rten dga' ba skyed bar byed/ bA rA Na sI na gnas pa'i skye bo'i tshogs thams cad kyis kyang thos nas tshangs ldan gyi rdzing kun nas bskor te/ de'i gzugs bzang po dang / bag rkyong zhing gnas pa na rtog cing 'khod do/ /blon po rnams kyis rgyal po la smras pa/ lha ngang pa rnams kyi dpon po zhig ga zhig nas 'dir mchis te tshangs ldan gyi rdzing du babs nas ngang pa brgya phrag du mas yongs su bskor cing gzugs bzang pos chab na rgyu ba'i 'dab chags thams cad zil gyis mnan nas 'jig rten dga' ba skyed cing bag rkyong zhing mchis lags so/ /rgyal pos smras pa/ shes ldan dag gal te de lta na bya ba rnams khug shig /de rnams kyis bkug pa dang rgyal pos bsgo ba/ shes ldan dag tshangs ldan gyi rdzing na ngang pa'i dpon po gzugs mchog tu blta na sdug pa zhig ga zhig nas 'ongs so zhes thos kyis khyed kyis de gcig pu snyis ma snad par zung la nga la phul cig /de rnams kyis de mchog tu snyi 'jam pos ma snad par gzung ba dang des tshigs su bcad de smras pa/ /kho bo snyis ni dam por bzung zin te/ /mi yi dbang du song bas kho bo la/ /ci byar med kyis ngang pa'i tshogs deng de/ /ma dros par ni myur du 'deng bar gyis/ /ngang pa gcig gis lnga brgyar ma tshang ba ni bros so/ /gcig pu zhig snyis zin pa de nyid la mya ngan byed cing 'dug pa de bya ba rnams kyis mthong nas mchog tu ngo mtshar skyes zhing rgyal pos skrag nas ma bzung ma bsad de/ /de rnams kyis ngang pa'i dpon po de khyer nas rgyal po'i drung du song ba dang / gcig shos ma bzung ba de yang chags pa'i snyis bzung bas rang nyid 'ongs so/ /ngang pa'i dpon po rgyal po la phul ba dang / rgyal pos smras pa/ shes ldan dag gcig shos 'di ci'i phyir khyer te 'ongs de rnams kyis smras pa/ lha bdag cag gis 'di ma bzung mod kyi rang nyid mchis lags so/ /rgyal po mchog tu ngo mtshar skyes te smras pa/ gdon mi za bar 'di ni de'i chung ma yin pas 'ongs kyis ngang pa'i dpon po 'di dang spa shug lhan cig thong la khyed cag su yang 'di gnyis ma gsod cig /bya ba rnams kyis smras pa/ lha gzhan gyis bkum du mchis bka' stsal du gsol/ rgyal pos blon po rnams la bsgo ba/ shes ldan dag deng la grong khyer bA rA Na sIr dril sgrogs su chug ste/ lha nyid kyis bka' stsal pa/ nga'i yul na gnas pa sus kyang chu na rgyu ba'i 'dab chags rnams ma gsad cig ces sgrogs shig /de rnams kyis dril bsgrags so/ /dge slong dag ji snyam du sems/ de'i tshe de'i dus kyi ngang pa'i dpon po bzhin rgyas gang yin pa de ni nga nyid yin no/ /de'i tshe de'i dus kyi de'i chung ma gang yin pa de ni kun dga' bo yin no/ /ngang pa gcig gis lnga brgyar ma tshang ba gang yin pa de ni dge slong lnga brgyar gcig gis ma tshang ba 'di dag nyid yin te/ de na yang 'di rnams ngang par gyur pa na nga yongs su btang ste/ kun dga' bo ngang par gyur pas ni nga yongs su ma btang ngo / /da ltar yang nga 'di dag gis yongs su btang gi dge slong kun dga' bos ni yongs su ma btang ngo / /dge slong dag gzhan yang ji ltar 'di dag gis nga yongs su btang na dge slong kun dga' bos yongs su ma btang ba de nyon cig /dge slong dag sngon byung ba bA rA Na sI na rgyal po gad rgyangs can zhes bya ba 'byor pa dang / rgyas pa dang / bde ba dang / lo legs pa skye bo'i tshogs dang mi mang pos rab tu gang ba na rgyal srid byed du 'jug go/ /de la blon po lnga brgya yod de/ de rnams kyi mthus mtshams kyi rgyal po rnams kyis zil gyis mi non to/ /ji tsam na lho phyogs kyi lam nas bya ma bum gyi dbyug gu can zhes bya ba dmag stong thub pa zhig 'ongs nas/ de blon po gzhan zhig gis rgyal po la phul te/ lha bya ma bum gyi dbyug gu can zhes bgyi ba dmag stong thub pa 'di lha'i slad du lho phyogs kyi shul nas mchis kyis/ lhas 'di yongs su bzung ba'i rigs so/ /rgyal pos de yongs su bzung nas longs spyod kyi bgo bsha' yang byas so/ /ji tsam dus gzhan zhig na rgyal po gad rgyangs can gyi yul gzhan gyi rgyal po rnams mthu dang dpung chen por gyur to/ /de rnams dpung gi tshogs yan lag bzhi po glang po che'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon nas rgyal po gad rgyangs can dang g.yul sprad pa'i phyir 'ongs so/ /rgyal po gad rgyangs can gyis kyang dpung gi tshogs yan lag bzhi po glang po che'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon nas sa gzhan gyi rgyal po rnams dang g.yul sprad pa'i phyir spags te bsu'o/ /rgyal po gad rgyangs can gyis sa gzhan gyi rgyal po rnams bcom/ bred par byas/ thag bcug /pham par byas/ rgyab kyis bltas par byas te/ rang rang gi yul du dong ngo / /de rnams slar yang 'dus nas rgyal po gad rgyangs can gyi blon po lnga brgya la khyed cag tshur sheg shig dang / khyed cag las longs spyod ches khyad par du 'phags pa dag gis bgo bsha' bya'o zhes yo byad kyis kha drangs pa dang de rnams kyis khas blangs so/ /de nas sa gzhan gyi rgyal po rnams kyis slar yang dpung gi tshogs yan lag bzhi po glang po che'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon nas rgyal po gad rgyangs can dang g.yul sprad pa'i phyir 'ongs so/ /rgyal po gad rgyangs can gyis kyang dpung gi tshogs yan lag bzhi po glang po che'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon nas sa gzhan gyi rgyal po rnams dang g.yul sprad pa'i phyir spags te bsu'o/ /gad rgyangs can gyi blon po lnga brgya g.yul sprad pa na phyir log nas bya ma bum gyi dbyug gu can dmag stong thub dang lhan cig g.yul 'gyed par brtsams pa rgyal pos mthong nas bag tsha bar gyur pa dang / bya ma bum gyi dbyug gu can dmag stong thub kyis tshigs su bcad de smras pa/ khyed ni bya ma bum gyi dbyug /grogs po gcig pus ma btang gi/ /yun ring po nas gnang ba yi/ /grogs po kun gyis khyod btang ngo / /des de dag thams cad kha btag go/ /dge slong dag ji snyam du sems/ de'i tshe de'i dus kyi rgyal po gad rgyangs can gang yin pa de ni nga nyid yin no/ / de'i tshe de'i dus kyi bya ma bum gyi dbyug gu can gang yin pa de ni kun dga' bo yin no/ /blon po lnga brgya po gang yin pa de dag ni dge slong lnga brgya po 'di dag nyid yin no/ /de na yang 'di dag gis nga yongs su btang ngo / /da ltar yang 'di dag gis nga yongs su btang gi kun dga' bos ni yongs su ma btang ngo / /gzhan yang ji ltar 'di dag gis nga yongs su btang gi kun dga' bos yongs su ma btang ba de nyon cig /dge slong dag sngon byung ba byang chub sems dpa' ma nges pa'i phung po la gnas pa na ri'i phyogs shig na ri dgas kyi dpon po seng ger gyur te/ de'i lhag ma za ba wa lnga brgya rjes bzhin du 'brang zhing ri la nye bar brten te gnas so/ /seng ges srog chags rnams bsad de sha'i dam pa dang khrag gi dam pa de 'thungs nas bor te 'gro bas de rnams de lta bus dus ring mo zhig 'das par gyur to/ /ji tsam dus gzhan zhig na ri dgas kyi rgyal po seng ge mtshan mo srog chags tshol ba na khron par lhung ba dang wa lnga brgya po de rnams las wa lnga brgyar gcig gis ma tshang ba so sor dong ste/ wa gcig pu zhig seng ge la rtog cing khron pa'i khar 'dug ste gang gis na 'di phyin par 'gyur ba'i thabs de ci yod snyam sems shing de khron pa'i nyen kor phan tshun song ba las ji tsam na khron pa dang ha cang yang mi ring ba zhig na mtshe'u zhig mthong nas/ des brtags nas phyogs gcig nas 'og brus bcug ste khron par mtshe'u'i chus bkang ba dang / seng ge rang nyid byung bar gyur to/ /lhas tshigs su bcad de smras pa/ stobs che ba 'am gzhan kyang rung / /grogs po dag tu bya dgos te/ /was ni khron pa rnying pa nas/ /seng ge phyung bar gyur la ltos/ /dge slong dag ji snyam du sems/ de'i tshe de'i dus kyi seng ge gang yin pa de ni nga nyid yin no/ /de'i tshe de'i dus kyi wa gcig po de ni dge slong kun dga' bo yin no/ /wa gcig gis lnga brgyar ma tshang ba gang yin pa de ni dge slong lnga brgya po 'di dag yin te/ de na yang 'di dag gis nga yongs su btang gi kun dga' bos ni yongs su ma btang ngo / /da ltar yang 'di dag gis nga yongs su btang gi kun dga' bos ni yongs su ma btang ngo / /gzhan yang ji ltar 'di dag gis nga yongs su btang na kun dga' bos yongs su ma btang ba de nyon cig /dge slong dag sngon byung ba byang chub sems dpa' ma nges pa'i phung po la gnas pa na phyogs shig na ri dgas lnga brgya'i ri dgas kyi dpon por gyur to/ /ji tsam na rngon pa zhig gis ri dgas rnams bshor ba'i phyir mdzol dang / snyi dang / rnyong rab tu mang po dag btsugs so/ /ri dgas kyi dpon po de bag rkyong zhing gnas pas 'khor lnga brgya dang ri dgas kyi nags na rgyu zhing de ri dgas kyi tshogs rnams kyi sna la 'gro ba na snyis zin to/ /snyis zin pa de mthong nas ri dgas thams cad ni bros so/ /ri dgas mo gcig pu zhig tshogs kyi dpon po'i drung na 'dug go/ /ri dgas kyi dpon po de 'bad kyang snyi gcad par ma nus shing de de ltar phra shags byed pa'i ri dgas mo des mthong nas tshigs su bcad de smras pa/ snyi 'di gang gis btsugs pa yi/ /rngon pa de ni mchi lags kyis/ /skal chen po ni 'bad mdzod cig /ri dgas dam pa 'bad mdzod cig /des kyang tshigs su bcad de smras pa/ rmig pa sar btsugs 'then kyang ni/ /'breng ba'i snyi ni dam po yis/ /bdag gis rkang pa rab smas kyi/ /gcad mi nus na ci byar yod/ / de nas rngon pa de mda' dang gzhu lag par thogs shing gos ngur smrig bgos nas phyogs der phyin to/ /ri dgas mo des rngon pa de ri dgas kyi dpon po de bsad pa'i phyir bsgrims pas nye bar 'ongs pa mthong ngo / /mthong nas kyang rings pa rings par tshigs su bcad de smras pa/ snyi 'di gang gis btsugs pa yi/ /rngon pa de ni mchis lags kyi/ /skal chen da ni 'bad mdzod cig /ri dgas dam pa 'bad mdzod cig /des kyang tshigs su bcad de smras pa/ rmig pa rab btsugs 'then kyang ni/ /'breng ba'i snyi ni dam po yis/ /bdag gi rkang pa rab smas kyis/ /bcad mi nus na ci byar yod/ /de nas ri dgas mo de snying stongs nas rngon pa de'i mdun du mngon du song ste/ de la bsnyen nas tshigs su bcad de smras pa/ rngon pa gzhu ni phob mdzod la/ /rngon pa ral gri blang mdzod de/ /thog mar bdag khum de nas ni/ /ri dgas dpon po la mdzod cig /de nas rngon pa de ngo mtshar gyis bsdus pa'i blos bsams pa 'di khyod kyi cir 'ong / des smras pa/ khyim thab bo/ /des de la tshigs su bcad de slar smras pa/ bdag gis khyod kyang mi bsad la/ /ri dgas dpon po 'ang mi bsad par/ /snying du sdug pa'i khyim thab dang / /khyod ni lhan cig 'grogs par bya/ / des kyang tshigs su bcad pas smras pa/ ji ltar rngon pa bdag dang ni/ /sdug pa'i khyim thab dga' ba ltar/ /de bzhin rngon pa gnyen kun dang / /lhan cig tu ni dgar gyur cig /de nas rngon pa de lhag par yang ngo mtshar skyes nas ri dgas de bkrol nas lhan cig dong ngo / /dge slong dag ji snyam du sems/ de'i tshe de'i dus kyi ri dgas kyi dpon po gang yin pa de ni nga nyid yin no/ /de'i tshe de'i dus kyi ri dgas mo gang yin pa de ni kun dga' bo yin no/ /ri dgas gcig gis lnga brgyar ma tshang ba bros pa gang yin pa de dag ni dge slong gcig gis lnga brgyar ma tshang ba 'di dag nyid yin te/ de na yang nga 'di dag gis yongs su btang gi kun dga' bos ni yongs su ma btang ngo / /da ltar yang nga 'di dag gis yongs su btang gi dge slong kun dga' bos ni yongs su ma btang ngo / /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa lha sbyin rul ba rnyed pa dang bkur sti rul bas bcom pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'das pa'i dus na yang rul ba 'di rnyed pa dang bkur sti rul bas bcom pa de nyon cig /dge slong dag sngon byung ba ri'i phyogs gcig cig na pad ma'i rdzing chen po zhig yod de/ de dang nye ba na glang po che zhig gnas so/ /phyogs gzhan zhig na wa zhig kyang gnas so/ /ji tsam dus gzhan zhig na glang po che pad ma'i rdzing de nas chu 'thungs nas 'gro ba dang wa 'ong ba des glang po che la smras pa/ 'thab mo bya'am lam las 'dzur/ glang po ches bsams pa/ rul pa nyon mongs spyi rtol can 'di gal te bdag gis rkang lag gis sam/ snas sam/ mche bas bsad na mi gtsang bas ma rung bar 'gyur bas mdor na rul pa 'di ni rul pa kho nas bsad do snyam du bsams nas tshigs su bcad de smras pa/ khyod ni rkang lag gis mi bsad/ /mche bas ma yin snas min te/ /rul pa rul pas bsad bya bas/ /khyod ni rul pas bsad par bya/ /glang po ches bsams pa/ lam bzur te song dang gdon mi za bar 'di bdag gi rjes bzhin 'ong ngo snyam nas/ des lam bzung nas myur ba myur bar song ba dang / was bsams pa/ tshig tsam kho nas bdag gis 'di bcom pa yin te/ des na myur ba myur bar bros so snyam nas/ /de'i rjes bzhin rjes bzhin 'brengs pa dang / glang po ches nye bar 'ongs par shes nas shugs drag pos de'i steng du rtug pa bor bas phog nas shi bar gyur to/ /dge slong dag ji snyam du sems/ de'i tshe de'i dus kyi wa gang yin pa de ni lha sbyin 'di nyid yin te/ de na yang rul pa 'di rul pas bcom mo/ /da ltar yang rul pa 'di rnyed pa dang bkur sti rul pas bcom mo/ /gzhan yang dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyi gzigs pa'i rjes su 'thun par gyur pa gang lags pa de dag ni 'khor ba'i 'jigs pa chen po legs par rgal bar gyur la/ lha sbyin gyi lta ba'i rjes su 'thun par gyur pa gang lags pa de dag ni tshul ma lags pas ma rung bar gyur pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'das pa'i dus na yang nga'i tshig nyan pa gang yin pa de dag ni 'jigs pa chen po las thar la lha sbyin gyi tshig nyan pa gang yin pa de dag ni tshul ma yin pas ma rung bar gyur pa de nyon cig /dge slong dag sngon byung ba ri 'or zhig dang nye ba me tog dang / 'bras bu dang chu phun sum tshogs pa na spre'u yi tshogs kyi dpon po gnyis shig gnas te/ re re la yang 'khor lnga brgya lnga brgya yod do/ /de na tshogs kyi dpon po gcig shos gnyid log pa'i rmi lam na bdag gson po nyid du 'khor lnga brgya dang zangs su bcug pa mthong ngo / /mthong nas kyang skrag sngangs bred de skyi bung zhes byed nas nam do ma nangs te nangs pa dang spre'u rnams bsogs te rmi lam bzlas par brtsams pa/ shes ldan dag mdang sum ngas rmi lam ngan pa zhig mthong gis/ gnas 'di nas 'dir 'dong ngo / /spre'u rnams kyis smras pa/ de bzhin du bgyis te 'bros par bgyi'o/ /byang chub sems dpa' rnams ni rmi lam rno ba yin pas bdag nyid chen po des tshogs kyi dpon po cig shos la smras pa/ bdag gis rmi lam 'di 'dra ba rmis nas 'dong na gzhan du 'dong ngam/ de yid ma ches nas smras pa/ ci rmi lam du rmis so cog bden par 'gyur ram/ gal te khyod 'gro na song shig kho bo ni spyod yul ches yangs par 'gyur bas mi 'gro'o/ /des de yid ma ches par rig nas bdag nyid kyis tshogs deng de dong ngo / /ji tsam dus gzhan zhig na ri 'or de na bran mo zhig thab na yos rngod na ma stes pas lug cig 'khyam zhing phyogs der phyin nas de nas de dag bza' bar brtsams pa dang de 'gal dum gyis bsnun pas me 'bar bzhin rgyal po'i glang po che'i bres su zhugs pa dang 'bar ba des glang po che'i bres bsregs te glang po che mang po zhig tshig go/ /rgyal pos sman pa bkug ste smras pa/ glang po che mes tshig pa rnams la dpyad ci yod/ sman pa de'i nas kyi zhing spre'u rnams kyis ma rung bar byas pas des bsams pa/ spre'u 'di rnams la sha gnyer ba'i dus la bab bo snyam du bsams nas smras pa/ lha spre'u yi zhag gis glang po che rnams bskus na gsos par 'gyur ro/ /rgyal pos blon po rnams la bsgo ba/ shes ldan dag spre'u yi zhag sta gon gyis shig /de rnams kyis kyang rngon pa rnams la bsgo ba dang / rngon pa rnams kyis ri 'or gyi nye 'khor na gnas pa'i spre'u thams cad bzung ste phul lo/ /sman pa yun ring po nas sha khon rjes su 'brel bas gson po nyid du zangs su bcug go/ /lhas tshigs su bcad de smras pa/ grong rdal dang ni grong khyer na/ /mi mthun yod par gnas mi bya/ /lug dang bran mo mi mthun pas/ /spre'u rnams dag ni brlag par gyur/ /dge slong dag ji snyam du sems/ de'i tshe de'i dus kyi spre'u yi tshogs kyi dpon po rmi lam rno ba gang yin pa de ni nga nyid yin no/ /de'i tshe de'i dus kyi tshogs kyi dpon po cig shos gang yin pa de ni lha sbyin 'di nyid yin te/ de na yang nga'i tshig nyan pa gang yin pa de dag ni 'jigs pa chen po las rab tu thar to/ /lha sbyin gyi tshig nyan pa gang yin pa de dag ni tshul ma yin pas ma rungs par gyur to/ /da ltar yang nga'i lta ba'i rjes su 'thun par gyur pa gang yin pa de dag ni 'khor ba'i 'jigs pa chen po las rab tu thar te/ lha sbyin gyi lta ba'i rjes su 'thun par gyur pa gang yin pa de dag ni tshul ma yin pas ma rungs par gyur to/ /gzhan yang nga'i lta ba'i rjes su 'thun par gyur pa gang yin pa de dag ni bde legs su dong bar gyur cing / lha sbyin gyi lta ba'i rjes su 'thun par gyur pa gang yin pa de dag ni tshul ma yin pas sdug bsngal du gyur pa de nyon cig /dge slong dag sngon byung ba phyogs shig na spre'u yi tshogs kyi dpon po 'khor lnga brgya lnga brgya pa gnyis shig gnas so/ /de na cig shos tshogs dang lhan cig ljongs su dong ste rim gyis ri 'or zhig tu phyin pa dang / ri 'or de na shing kim pa ka zhes bya ba 'bras bus yal ga g.yur za bar 'dug nas spre'u rnams kyis tshogs kyi dpon po la smras pa/ tshogs kyi dpon po ljon shing lhag par 'bras bu chags pa 'bras bus yal ga g.yur za ba zhig mchis kyis 'o skol dub pa 'bras bu rnams gsol lo/ /tshogs kyi dpon pos shing de la brtags nas tshigs su bcad de smras pa/ grong gi drung na 'dug kyang ni/ /byis pas 'di la ma zos pas/ /rjes su dpags na shing 'di yi/ /'bras bu bzar mi rung bar shes/ /zhes smras nas dong ngo / /tshogs kyi dpon po cig shos kyang tshogs de nyid kyi rjes bzhin 'brangs nas rim gyis ri 'or der phyin pa dang / spre'u rnams kyis kim pa ka'i ljon shing de mthong nas de rnams kyis tshogs kyi dpon po la smras pa/ tshogs kyi dpon po ljon shing gi 'bras bu mchis kyis 'o skol dub pa 'bras bu rnams la gsol la bde bar bzhud do/ /des smras pa/ legs kyis de bzhin du gyis shig /de rnams kyis zos pa dang thams cad tshul ma yin pas sdug bsngal bar gyur to/ / dge slong dag ji snyam du sems/ de'i tshe de'i dus kyi tshogs kyi dpon po dang po pa gang yin pa de ni nga nyid yin no/ /de'i tsho de'i dus kyi dpon po gnyis pa shos gang yin pa de lha sbyin 'di nyid yin te/ de na yang nga'i lta ba'i rjes su 'thun par gyur pa gang yin pa de dag ni bde legs su dong ngo / /lha sbyin gyi lta ba'i rjes su 'thun par gyur pa gang yin pa de dag ni tshul ma yin pas sdug bsngal bar gyur to/ /da ltar yang nga'i lta ba'i rjes su 'thun par gyur pa gang yin pa de dag ni bde legs su 'khor ba'i rgya mtsho chen po las rgal to/ /lha sbyin gyi lta ba'i rjes su 'thun par gyur pa gang yin pa de dag ni tshul ma yin pas ma rungs par gyur to/ /gang gi tshe lha sbyin gyis bcom ldan 'das la dgrongs pa'i phyir rdo 'phangs pa de'i tshe bram ze dang khyim bdag rnams 'khrugs nas lha sbyin bsad kyis 'dong ngo zhes byas pa dang / 'jig rten ni mdza' ba dang / mi mdza' ba dang / bar ma dag yod pas gzhan zhig lha sbyin la sbran nas de skrag nas shing drung zhig tu brten te spyod lam zhi bas 'dug go/ /de rnams kyis de ltar spyod lam zhi ba mthong nas de rnams kyis smras pa/ shes ldan dag lha sbyin bdag nyid chen po 'di bcom ldan 'das dgrongs par ga la 'gyur/ kha cig gis bdag cag bslus kyis tshur 'dong ngo zhes de rnams dong ngo / /dge slong rnams kyis lha sbyin de lta bu'i spyod lam gyis gnas pas des na grong mi 'khrugs kyang ma bsad do zhes thos nas de rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa lha sbyin gyi chos lta bu'i sgo nas 'jig rten bslus pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'das pa'i dus na yang 'di chos lta bu'i sgo nas byi ba rnams brid pa de nyon cig /dge slong dag sngon byung ba phyogs shig na byi ba rnams kyi tshogs kyi dpon po 'khor lnga brgya pa zhig gnas so/ /byi la me skyes zhes bya ba zhig yod de/ gzhon pa'i gnas skabs na phyogs gang du gnas pa'i nye 'khor du des byi ba thams cad bsad do/ /de yang dus gzhan zhig na rgas par gyur te rgas pas pha rol gnon pas byi ba gzung mi nus nas des bsams pa/ sngon bdag gzhon pa'i gnas skabs na ni pha rol gnon pas byi ba 'dzin nus na da ni mi nus te 'on kyang thabs shig bshams la bza'o snyam nas de 'jab cing byi ba rnams btsal bar brtsams te/ des btsal ba na byi ba lnga brgya'i tshogs yod par shes nas/ de byi ba de rnams kyi khung bu dang ha cang yang mi ring ba zhig tu ngan g.yo'i dka' thub kyis dka' thub byed pa na/ byi ba rnams phan tshun 'khyams pas spyod lam zhi bas gnas pa de mthong nas/ de rnams kyis rgyang ring por 'dug nas smras pa/ zhang po ci byed/ des smras pa/ kho bo gzhon pa'i gnas skabs na bsod nams ma yin pa mang du byas pas de zad par bya ba'i phyir dka' thub spyod do/ /de rnams kyis 'dis dam pa ma yin pa'i chos sdig pa spangs so zhes de la chos kyi rgyu las byung ba'i dad pa skyes par gyur to/ /de rnams de la nyi ma re re zhing bskor ba byas nas khung du 'jug pa na/ des de rnams kyi tha ma bzung zhing bzung zhing za'o/ /ji tsam na tshogs de 'grims nas tshogs kyi dpon pos bsams pa/ bdag gi byi ba rnams ni nyung bar gyur la byi la 'di ni nyam skyes par gyur pas 'di la ni rgyu zhig yod par 'gyur ro snyam nas/ des byi la de la brtag par brtsams pa dang / ji tsam na rtug pa spu can du mthong nas des bsams pa/ gdon mi za bar 'dis byi ba rnams bsad par gyur gyis/ ma la bdag gis ni mngon sum du bab par bya'o snyam nas/ des de mi mngon pa'i sa nas brtag pa lhur len cing gnas pa na/ ji tsam na des de tha ma'i byi ba za ba mthong nas de de logs su song ste rgyang ring por 'dug nas tshigs su bcad de smras pa/ zhang po'i yan lag rgyas gyur cing / /bdag gi tshogs ni 'gribs gyur la/ /'bras bu rtsa ba za ba yi/ /rtug pa spu can mi 'byung bas/ /dka' thub 'di chos dka' thub min/ /dka' thub 'di ni don phyir te/ /byi ba rnams ni 'gribs gyur pas/ /me skyes khyod ni bkra shis shog /dge slong dag ji snyam du sems/ de'i tshe de'i dus kyi byi la me skyes shes bya ba gang yin pa de ni de'i tshe de'i dus na lha sbyin yin te/ de na yang 'dis chos lta bu'i sgo nas byi ba rnams zos so/ /da ltar yang 'dis chos lta bu'i sgo nas 'jig rten bslus so/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyi gzigs pa'i rjes su 'thun par gyur pa gang lags pa de dag bde ba dang legs par 'khor ba'i 'brog dgon pa las rgal cing / lha sbyin gyi lta ba'i rjes su 'thun par gyur pa gang lags pa de dag ni tshul ma lags par sdug bsngal bar gyur pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad kyi 'das pa'i dus na yang nga'i lta ba'i rjes su 'thun par gyur pa gang yin pa de dag ni bde ba dang legs par 'brog dgon pa nas thar la/ lha sbyin gyi lta ba'i rjes su 'thun par gyur pa gang yin pa de dag ni tshul ma yin pas sdug bsngal bar gyur pa gang yin pa de nyon cig /dge slong dag sngon byung ba tshong dpon gnyis shig shing rta lnga brgya dang lhan cig tshong sgyur zhing dgon pa'i lam zhig tu zhugs te/ de gnyis dgon pa'i lam du zhugs nas glang rnams res 'ga' ni rtswa nyung / res 'ga' ni chu nyung / res 'ga' ni med do/ /de nas tshong pa de glang rnams dang bcas te lhag par dub par sdug bsngal gyis dgon pa'i lam du zhugs pa las phyogs shig na gsing ma dang chu phun sum tshogs pa mthong nas tshong pa rnams kyis der glang rnams gtang rang rang khrus byas nas chu mang du 'thungs so/ /de nas glang chu nyungs pa dang / rtswa nyungs pas yongs su dub pa de rnams gyis rtswa 'grangs bar zos chu 'thungs te ngal sos pa dang / de rnams kyi nang na glang gtso bo gang yin pa des de rnams la shes par byas pa/ shes ldan dag bdag cag rtswa nyung ngu dang / chu nyung ngus yongs su dub pa las phyogs 'di ni gsing ma dang / chu phun sum tshogs pa yin gyis/ gal te khyed cag 'dod na 'di nyid du 'then te 'dug par bya'o/ /glang gtso bo gcig shos kyis rang gi tshogs rnams la smras pa/ shes ldan dag mi rnams ni mthu dang ldan zhing gdul dka' ba 'dul bar byed pa yin gyis gnod pa 'thob par 'gyur du 'ong bas bdag cag khal ji ltar bkal ba de bzhin du khyer cig /de skad ces smras pa dang / glang gtso bo gcig shos khros nas rang gi tshogs rnams la smras pa/ shes ldan dag zla ba'i rgyab sus mthong / /'di dag khal khyer la rag /yu bus ni mi bskur ro/ /ji tsam na tshong pa rnams kyis glang rnams gtad par brtsams pa na glang de rnams phyi lang byed cing 'dug pa dang / tshong pa rnams kyis mang du brdegs shing lcag gzer bu can gyis gzhus pas khrag 'dzag cing shing rta dang sbyar to/ /gzhan ni cang mi byed par khal mnos pas de dag la cung zad kyang ma byas so/ /lhas tshigs su bcad de smras pa/ glang gis ba lang 'di dag ni/ /log pa dag tu btams pas na/ /rma dag 'byung zhing khrag 'dzag la/ /ltogs shing skom par ldan la ltos/ / glang gis ba lang 'di dag ni/ /legs pa dag tu btams pas na/ /de rnams dgon pa las rgal nas/ /bsil ba'i chu la 'thung la ltos/ /dge slong dag ji snyam du sems/ de'i tshe de'i dus kyi glang gtso bo legs par ston pa gang yin pa de ni nga nyid yin no/ /de'i tshe de'i dus kyi glang gtso bo bslu bar byed pa gang yin pa de ni lha sbyin 'di nyid yin te/ de na yang nga'i tshig nyan pa gang yin pa de dag ni bde ba dang legs par dgon pa nas rgal to/ /lha sbyin gyi tshig nyan pa gang yin pa de dag ni tshul ma yin pas sdug bsngal bar gyur to/ /da ltar yang nga'i lta ba'i rjes su 'thun par gyur pa gang yin pa de dag ni bde ba dang legs par 'khor ba'i 'brog dgon pa nas rgal to/ /lha sbyin gyi lta ba'i rjes su 'thun par gyur pa gang yin pa de dag ni tshul ma yin pas sdug bsngal bar gyur to/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa lha sbyin blun zhing 'khor blun pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'das pa'i dus na yang lha sbyin blun zhing 'khor blun pa de nyon cig /dge slong dag sngon byung ba dgon pa'i gnas zhig nas spre'u yi tshogs shig gnas te/ de 'khyams pa na khron par zla ba'i gzugs brnyan shar ba de mthong nas tshogs kyi dpon pos smras pa/ shes ldan dag zla ba khron par lhung gis 'jig rten zla ba med par bya 'am ci dbyung ngo / /de rnams kyis smras pa/ legs kyis dbyung ngo / /de rnams kyis gros bya bar brtsams pa/ de ji ltar dbyung bar bya/ gzhan dag gis smras pa/ ci mi shes sam/ spre'u brgyus la dbyung mod ces de rnams kyis spre'u brgyus te dang mo bas shing gi yal ga la 'jus nas de'i mjug ma la gzhan gyi 'jus shing de'i la yang gzhan gyis 'jus te/ de bzhin du thams cad 'jus pas yal ga lhag par g.yur zos so/ /chu glongs pa dang zla ba'i gzugs brnyan yang mi mngon par gyur/ yal ga yang chag nas thams cad khron par lhung ste/ tshul ma yin pas sdug bsngal bar gyur to/ /lhas tshigs su bcad de smras pa/ 'di na blun po gang dag la/ /'dren pa blun po yod gyur pa/ /de dag thams cad brlag 'gyur te/ /zla ba 'byin pa'i spre'u bzhin/ /dge slong dag ji snyam du sems/ de'i tshe de'i dus kyi spre'u yi tshogs kyi dpon po gang yin pa de ni lha sbyin yin te/ de na yang 'di blun zhing 'khor yang blun pa yin no/ /da ltar yang 'di blun zhing 'khor yang blun pa yin no/ /sangs rgyas bcom ldan 'das rgyal bu rgyal byed kyi tshal mgon mes zas sbyin gyi kun dga' ra ba na bzhugs so/ /de nas bcom ldan 'das 'di snyam du dgongs te/ de bzhin gshegs pa nyid kyis las byas shing tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba'i las dag byas shing bsags pas nga nyid kyis las byas shing bsags pa dag gzhan su zhig gis so sor myong bar 'gyur/ las byas shing bsags pa dag ni phyi rol gyi sa'i khams la rnam par smin par mi 'gyur zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /gdon mi za bar lha sbyin gyis de bzhin gshegs pa'i dge 'dun 'byed par 'gyur ro/ /rgyu lngas na dge 'dun bye bar mi 'gyur te/ re shig dang por sangs rgyas 'jig rten du 'byung ba'i tshe dge 'dun bye bar mi 'gyur te/ kye ma'o grogs po dag sangs rgyas 'jig rten du 'byung zhes grag go zhes bya ba'i 'jig rten de la phyogs pas so/ /ston pa yongs su mya ngan las 'das nas dge 'dun bye bar mi 'gyur te/ gang la la zhig 'di skad du nga nyid ston pa yin no zhes zer na de la gang gi tshe bcom ldan 'das zhal bzhugs shing 'tsho la gzhes pa de'i tsho khyod gar song zhes brjod par zad pas so/ /lta ba'i nyes pa dang / tshul khrims gyi nyes pa ma byung ba'i tshe dang / nyan thos zung mchog tu ma bstan pa de'i tshe dge 'dun bye bar mi 'gyur te/ de ci'i phyir zhe na/ dge 'dun bye ba gdon mi za bar nyan thos zung gis sdum par byed pas so/ /'tshams ma bcad pa na dge 'dun bye bar mi 'gyur te/ de ci'i phyir zhe na/ 'tshams kyi nang du dge 'dun 'byed par 'gyur gyi 'tshams kyi phyi rol du ni ma yin no/ /de nas bcom ldan 'das 'di snyam du dgongs te/ nga'i dge slong gi dge 'dun skyon med pa las tshul khrims kyi skyon dang lta ba'i skyon gyi skyon byung ste/ tshul khrims kyi skyon ni ka lan da ka'i bu bzang byin las byung ngo / /lta ba'i skyon yang dge slong 'chi ltas kyis phyung bas gdon mi za bar lha sbyin gyis dge 'dun 'byed par 'gyur gyis/ ma la nga rgyal po'i khab tu dbyar bzhugs par dam bca'o snyam mo/ /de nas bcom ldan 'das 'di snyam du dgongs te/ slob pa dang mi slob pa'i gang zag rnams dang / thabs gcig rgyal po'i khab tu gshegs na/ lha sbyin gyis dge 'dun gyi dbyen bya bar mi nus kyis/ ma la nga so so'i skye bo'i dge ba'i gang zag rnams dang thabs gcig 'gro'o snyam ste/ mnyan yod du ji tsam bzhed kyi bar du bzhugs nas rim gro byed pa tshe dang ldan pa sgra gcan zin dang / dge slong lnga brgya thabs gcig tu rgyal po'i khab gang na ba der rgyu shing gshegs te/ rim gyis rgyu zhing gshegs pa na rgyal po'i khab tu byon to// //'dul ba gzhi/ bam po brgya rtsa lnga pa/ sangs rgyas bcom ldan 'das rgyal po'i khab 'od ma'i tshal bya ka lan ta ka gnas par dbyar bzhugs par zhal gyis bzhes so/ /de'i tshe mu ge nyam nga ba dgon pa slongs mo bas zas rnyed par dka' ba byung ngo / /de nas bcom ldan 'das kyis dge slong rnams la bka' stsal pa/ dge slong dag nga dbyar gyi zla ba gsum po 'di la nang du yang dag par 'jog par bzhed kyis/ bsod snyoms stobs pa dang / gso sbyong de nyid kyi tshe ma gtogs par dge slong su yang nga'i spyan sngar ma 'ong shig /dge slong gi dge 'dun gyis kyang khrims su bcas pa/ tshe dang ldan pa dag dbyar gyi zla ba gsum po 'di la bsod snyoms stobs pa dang / gso sbyong de nyid kyi tshe ma gtogs par bcom ldan 'das la blta ba'i phyir bdag cag su yang 'gro bar mi bya'o zhes bcas so/ /de'i tshe tshe dang ldan pa shA ri'i bu dang / maud gal gyi bu gnyis ni lho phyogs kyi ri la dbyar gnas par dam bcas so/ /lha sbyin gyis zla ba gsum du dge slong gi dge 'dun la chos gos dang / bsod snyoms dang / gnas mal dang / nad kyi rkyen sman gyi yo byad rnams kyis bstabs te zla ba gsum 'das pa dang / des dge slong rnams la smras pa/ tshe dang ldan pa dag dge sbyong gau ta ma ni nyan thos rnams la 'di skad ces dge slong dgon pa pa nyid kyis ni dag pa dang / grol ba dang / nges par 'byung ba dang / bde ba dang sdug bsngal ba las 'da' ba dang / bde ba dang sdug bsngal las 'das pa yang thob par 'gyur ro/ /bsod snyoms pa nyid dang / phyag dar khrod pa nyid dang / chos gos gsum pa nyid dang / bla gab med pa nyid kyis ni dag pa dang / grol ba dang / nges par 'byung ba dang / bde ba dang sdug bsngal las 'da' ba dang / bde ba dang sdug bsngal las 'das pa thob par 'gyur ro zhes chos 'chad kyis/ tshe dang ldan pa dag gang su dag brtul zhugs kyi gzhi lnga po 'di dag mi 'dod pa dang / mi bzod pa dang / yid la mi 'bab pa de ni dge sbyong gau ta ma las ring du 'gyur/ thag ring du 'gyur gyis de tshul shing long shig ces byas pa dang / dge slong lnga brgyas tshul shing blangs te lha sbyin stan las langs te song ba'i rjes bzhin rjes bzhin du dge slong lnga brgya 'brang ngo / /tshe dang ldan pa sgra gcan zin sgo na 'dug pa des de dag lha sbyin gyi rjes bzhin rjes bzhin du 'brang ba mthong nas des smras pa/ tshe dang ldan pa dag ci'i phyir de bzhin gshegs pa dgra bcom pa yang dag par rdzogs pa'i sangs rgyas spangs te sdig pa 'dod pa'i rjes bzhin rjes bzhin du 'brang / de rnams kyis smras pa/ tshe dang ldan pa sgra gcan zin mu ge'i dgon pa nyam nga ba 'di 'dra ba byung ba na/ bcom ldan 'das ni mi snang ba na bzhugs te/ bdag cag lha sbyin gyi mthus srog dang ma bral mod/ gal te lha sbyin gyis zla ba gsum du dge slong gi dge 'dun ma gsos par gyur na/ dge slong gcig kyang gson por mi 'gyur ro/ /gang gi tshe lha sbyin gyis de bzhin gshegs pa'i nyan thos kyi dge 'dun 'thun pa phye ba de'i tshe sa chen po 'di g.yos par gyur/ skar mda' lhung / phyogs rnams dmar por gyur/ bar snang la lha rnams rnga'i sgra 'byin nges pa la ma zhugs pa rnams nges pa la mi 'jug /'bras bu mi 'thob/ 'dod chags dang bral bar mi 'gyur/ zag pa rnams zad par mi 'gyur/ lung mi 'bog /mi klog /mi 'don/ mdo sde dang / 'dul ba dang / chos mngon pa 'dzin pa dang / dgon pa ba rnams mdo sde dang / 'dul ba dang / chos mngon pa dang / dgon pa sems pa la rab tu sbyor bar mi byed/ nyan thos kyi byang chub kyi sa bon skyed par mi byed cing / rang sangs rgyas kyi byang chub kyi ma yin/ bla na med pa yang dag par rdzogs pa'i byang chub kyi ma yin no/ /lha dang mir bcas pa'i 'gro ba yang 'khrugs par gyur to/ /stong gsum gyi stong chen po'i 'jig rten gyi khams na chos kyi 'khor lo rgyun chad de/ sems can gyi rgyud pa mi 'byung ngo / /tshe dang ldan pa shA ri'i bu dang / maud gal gyi bus bsams pa/ ci'i phyir sa chen po 'di g.yos par gyur snyam mo/ /dgra bcom pa rnams ni ma bsams par shes pa mthong bar mi 'jug pas de gnyis kyis bsam pa la zhugs na/ lha sbyin gyis bcom ldan 'das kyis nyan thos kyi dge 'dun phye bar mthong nas de gnyis 'di snyam du sems te/ song la bcom ldan 'das kyi nyan thos kyi dge 'dun dang slar sdums bya'o snyam mo/ /de nas tshe dang ldan pa shA ri'i bu dang / maud gal gyi bu chen po gnyis kyis dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan nas chos gos dang lhung bzed thogs te/ rgyal po'i khab gang na ba der rgyu zhing dong nas rim gyis rgyu zhing dong ba dang rgyal po'i khab tu phyin to/ /de nas tshe dang ldan pa shA ri'i bu dang / maud gal gyi bus chos gos dang lhung bzed mkhos su phab nas rkang pa gnyis bkrus te bcom ldan 'das gang na ba der dong ngo / /de'i tshe tshe dang ldan pa sgra gcan zin sgo na 'dug go/ /de nas tshe dang ldan pa sgra gcan zin gyis tshe dang ldan pa shA ri'i bu la 'di skad ces smras so/ /mkhan po lha sbyin gyis bcom ldan 'das kyi nyan thos kyi dge 'dun phye'o/ /des smras pa/ tshe dang ldan pa bdag cag don 'di kho na'i phyir 'ongs kyis/ khyod sems las chung ngur mdzod cig /slar sdums bya'o zhes smras nas/ bcom ldan 'das kyi spyan sngar dong ste lhags nas bcom ldan 'das kyi zhabs gnyis la mgo bos phyag byas te phyogs gcig tu 'khod do/ /phyogs gcig tu 'khod nas bcom ldan 'das la tshe dang ldan pa shA ri'i bu dang / maud gal gyi bus 'di skad ces gsol to/ /btsun pa bdag cag de bzhin gshegs pa'i nyan thos kyi dge 'dun bye ba slar sdums bgyid du mchi 'o/ /bcom ldan 'das kyis bka' stsal pa/ shA ri'i bu dang maud gal gyi bu dag legs so legs so/ /gang zhig de bzhin gshegs pa'i nyan thos kyi dge 'dun bye ba slar sdums byed pa de ni bsod nams mang po tshad med cing grangs med pa skyed par 'gyur ro/ /dper na 'ga' zhig gi skra dum bu brgyar gtubs pa 'phro dang 'phror sbyor bar byed pa de bzhin du gang zhig /de bzhin gshegs pa'i nyan thos kyi dge 'dun bye ba slar sdums byed na de ni bsod nams mang po tshad med cing grangs med pa skyed par 'gyur ro/ /shA ri'i bu dang maud gal gyi bu gang zag bzhi po 'di dag ni tshangs pa'i bsod nams skyed par 'gyur ro/ /bzhi gang zhe na gang zag gang zhig sngon mi bzhugs pa'i sa phyogs su/ de bzhin gshegs pa'i sku gdung gi mchod rten gnas par byed pa 'di ni tshangs pa'i bsod nams skyed pa'i gang zag dang po yin te/ bskal par mtho ris rnams su dga' bar 'gyur ro/ / gzhan yang gang zag gang zhig sngon med pa'i sa phyogs su phyogs bzhi'i dge slong gi dge 'dun gyi gtsug lag khang byed du 'jug pa 'di ni tshangs pa'i bsod nams skyed pa'i gang zag gnyis pa yin te/ bskal par mtho ris rnams su dga' bar 'gyur ro/ /gzhan yang gang zag gang zhig de bzhin gshegs pa'i nyan thos kyi dge 'dun bye ba slar sdums byed pa 'di ni tshangs pa'i bsod nams skyed pa'i gang zag gsum pa yin te/ bskal par mtho ris rnams su dga' bar 'gyur ro/ / gzhan yang gang zag gang zhig byams pa dang ldan pa'i sems khon med pa/ 'gran zla med pa/ gnod pa med pa/ yangs pa rgya chen por gyur pa/ tshad med pa/ shin du bsgoms pas phyogs gcig tu mos te khyab par byas nas rdzogs par byas te gnas shing de bzhin du gnyis pa dang / de bzhin du gsum pa dang / de bzhin du bzhi pa dang / bla dang / 'og dang / thad kar rnam pa thams cad du thams cad dang ldan pa'i 'jig rten 'di byams pa dang ldan pa'i sems khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa/ shin du bsgoms pas mos te khyab par byas nas rdzogs par byas te gnas pa dang / de bzhin du snying rje dang / dga' ba dang / btang snyoms dang ldan pa'i sems khon med pa/ 'gran zla med pa/ gnod pa med pa/ yangs pa/ rgya chen por gyur pa tshad med pa shin du bsgoms pas phyogs gcig tu mos te khyab par byas nas rdzogs par byas te gnas shing de bzhin du gnyis pa dang / de bzhin du gsum pa dang / de bzhin du bzhi pa dang / bla dang 'og dang / thad kar rnam pa thams cad dang ldan pa'i 'jig rten 'di btang snyoms dang ldan pa'i sems khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa shin tu bsgoms pas mos te/ khyab par byas nas rdzogs par byas te/ gnas pa 'di ni tshangs pa'i bsod nams skyed pa'i gang zag bzhi pa yin te/ bskal par mtho ris rnams su dga' bar 'gyur ro/ /de nas tshe dang ldan pa shA ri'i bu dang / maud gal gyi bu bcom ldan 'das kyis gsungs pa la mngon par dga' ste rjes su yi rang nas bcom ldan 'das kyi zhabs gnyis la mgo bos phyag 'tshal nas/ bcom ldan 'das kyi spyan snga nas chas te lha sbyin gang na ba der dong ngo / /de'i tshe lha sbyin lho phyogs kyi ri la ko ka li ka ni g.yas su bzhag /khaN da drab bya ni g.yon du bzhag nas sangs rgyas ltar 'chos shing 'chad pa na/ lha sbyin gyis tshe dang ldan pa shA ri'i bu dang / maud gal gyi bu gnyis rgyang ring po kho na nas mthong ngo / /mthong nas kyang bsams pa/ bdag gis nyan thos chen po dag kyang dbang du byas pas da ni bdag thams cad mkhyen pa yin no snyam nas/ ko ka li ka dang / khaN da drab bya la longs shig longs shig /ces gru phugs byas pa dang / de gnyis kyis bsams pa/ bdag cag gis 'di ltar 'di dge 'dun 'byed pa'i grogs byas pa de nyid bdag cag gis nyes te/ 'di mthu dang ldan pa yin pas gal te bdag cag brdegs na gdon mi za bar 'chi bar 'gyur gyis ldang ngo snyam nas de gnyis langs pa dang / tshe dang ldan pa shA ri'i bu ni g.yas phyogs su 'dug go/ /tshe dang ldan pa maud gal gyi bu chen po ni g.yon phyogs su 'dug go/ /de nas lha sbyin gyis tshe dang ldan pa shA ri'i bu la smras pa/ shA ri'i bu nga rgyab na thugs mi bde ste re shig de bsal gyis khyod dge slong rnams la chos kyi gtam spobs par gyis shig /tshe dang ldan pa shA ri'i bus cang mi smra bas lha sbyin la khas blangs so/ /de nas lha sbyin bla gos bzhi bltab tu bting / snam sbyar bltab ste sngas su bcug nas glo g.yas pa phab ste gnyid log pa las tshe dang ldan pa shA ri'i bus ji ltar lus gan rkyal gyis sngur ba'i sgra 'byin cing 'dug pa de lta bur byin gyis brlabs so/ /de nas tshe dang ldan pa shA ri'i bus dge slong rnams la smras pa/ tshe dang ldan pa dag ston pa lus gan rkyal gyis sngur cing gnyid log pa'i gnas skabs la ltos/ de nas tshe dang ldan pa shA ri'i bus tshe dang ldan pa maud gal gyi bu chen po la 'di skad ces smras so/ /tshe dang ldan pa maud gal gyi bu chen po 'khor rnams skyo ba skyed cig / de nas tshe dang ldan pa maud gal gyi bu chen po ji ltar sems mnyam par bzhag na shar phyogs kyi steng gi nam mkha' la mngon par 'phags nas spyod lam rnam pa bzhi byed de/ 'chag pa dang / 'greng ba dang / 'dug pa dang / nyal bar byed do/ /me'i ting nge 'dzin la'ang snyoms par 'jug ste/ me'i ting nge 'dzin la snyoms par zhugs pa na/ tshe dang ldan pa maud gal gyi bu chen po'i lus las 'od zer sngon po dang / ser po dang / dmar po dang / dkar po dang / rtsod ka dang / shel gyi kha dog dag 'byin par byed do/ /cho 'phrul zung du yang ston par byed de/ lus kyi smad nas me 'bar bar byed cing / lus kyi stod nas chu grang mo'i rgyun 'bebs par byed do/ /lus kyi stod nas me 'bar bar byed cing lus kyi smad nas chu grang mo'i rgyun 'bebs par byed pa de lta bu'i ting nge 'dzin la snyoms par zhugs so/ /shar phyogs la ji lta ba bzhin du lho phyogs dang / nub phyogs dang / byang phyogs su yang de bzhin te/ phyogs bzhir rdzu 'phrul gyi cho 'phrul rnam pa bzhi bstan nas rdzu 'phrul gyi mngon par 'du byed pa de dag bsdus te stan bshams pa nyid la 'dug pa dang / tshe dang ldan pa maud gal gyi bu chen pos dge slong rnams skyo ba bskyed do/ /de nas tshe dang ldan pa shA ri'i bus dge slong rnams kyis gang thos na lha sbyin spong bar 'gyur ba de lta bu'i chos bshad nas yang smras pa/ tshe dang ldan pa dag khyed cag las gang dag ston pa la dga' ba de dag ni longs shig 'dong ngo zhes tshe dang ldan pa shA ri'i bu dang / maud gal gyi bu gnyis chas pa na dge slong de rnams kyang de'i rjes bzhin rjes bzhin du 'brang ngo / /ko ka li kas lha sbyin bslang ba/ longs longs nyan thos chen po dag gis khyod kyi 'khor phrogs so/ /de nas tshe dang ldan pa shA ri'i bu 'di snyam du sems te/ gal te lha sbyin gyis 'khor ma mthong bar khrid na khrag dron du skyugs nas 'chi bar 'gyur ba'i gnas gang yin pa 'di yod kyis/ mdor na mthong ba kho nar byas la bkri'o snyam nas de dag dal gyis 'gro ba'i spyod lam gyis dge slong gi dge 'dun lhan cig dong ba dang / lha sbyin kun nas dkris pa drag pos mig sdog cing bsnyags pa las tshe dang ldan pa shA ri'i bus 'obs mchog tu 'jigs su rung ba sa'i gting mi snang ba zhig sprul pa dang lha sbyin ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams dang lhan cig 'obs de'i mthar kun du bskor bar brtsams pa na rgal ma nus nas des bsams pa/ 'khor mi 'thob par ma zad tshul ma yin pas sdug bsngal bar 'gyur ro snyam du bsams nas slar log go/ /tshe dang ldan pa shA ri'i bu dang / maud gal gyi bus kyang dge slong gi dge 'dun khrid nas bcom ldan 'das gang na ba der dong ngo / /de nas dge slong de rnams bdag cag gis bcom ldan 'das yon tan tshad med pa dang ldan pa spangs la/ lha sbyin sdig pa can la rten pa ci tha tshig ces 'gyod pa skyes/ yid la bcags pa skyes/ yul yul por byas/ phrag pa bcum/ mgo smad de bcom ldan 'das kyi spyan sngar dong ngo / /de nas bcom ldan 'das kyi thugs kyis dge slong de rnams kyi sems mkhyen nas dge slong rnams la bka' stsal pa/ dge slong dag khyed 'ongs pa legs so/ /rab tu byung ba legs so/ / khyed kyis mi'i rnyed pa ni legs par rnyed pa yin te/ brgya lam na lan 'ga' 'phags pa'i gnas su skye ba dang / dbang po ma tshang ba ma yin pa dang / glen pa ma yin pa dang / lug ltar lkug pa ma yin pa dang / lag brda byed pa ma yin zhing legs par smras pa dang / nyes par smras pa rnams kyis chos kyi don shes par nus/ brgya lam na lan 'ga' de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung / rgya lam na lan 'ga' de bzhin gshegs pas gsungs pa'i chos 'dul ba 'jig rten la chos bshad pa snang ngo / /dge slong dag de lta bas na rnyed par dka' ba bas kyang shin du dka' ba ni 'di yin te/ 'di lta ste 'phags pa'i gnas su skye ba dang / dbang po ma tshang ba ma yin pa dang / glen pa ma yin pa dang / lug ltar lkug pa ma yin pa dang / lag brda byed pa ma yin zhing legs par smras pa dang nyes par smras pa rnams kyis chos kyi don shes par nus pa'o/ /da ltar 'jig rten du ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das nga byung zhing chos bshad pa nye bar zhi bar 'gyur ba/ yongs su mya ngan las 'da' bar 'gyur ba/ mngon par byang chub par 'gyur ba/ bde bar gshegs pas rab tu gsungs pa 'di lta ste/ 'di yod pas 'di 'byung la/ 'di skyes pas 'di skye ba/ 'di lta ste ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal dang / yid mi bde ba dang 'khrugs pa rnams 'byung bar 'gyur te/ sdug bsngal gyi phung po chen po 'ba' zhig po 'di 'byung bar 'gyur ro/ /'di lta ste 'di med pas 'di mi 'byung la/ 'di 'gags pas 'di 'gag par 'gyur ba 'di lta ste ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa rnams 'gag par 'gyur te/ sdug bsngal gyi phung po chen po 'ba' zhig po 'di 'gag par 'gyur ro/ /dge slong dag de lta bas na bdag gi don dang / gzhan gyi don dang / gnyis ka'i don la rjes su lta ba rnams kyis ni 'di la rab tu bslab par bya ste/ ci nas kyang rab tu byung ba don yod pa dang / 'bras bu dang bcas pa dang / bde ba skyed pa dang / rnam par smin pa bde ba dang / gang dag gis chos gos dang / bsod snyoms dang / gnas mal dang / nad kyi rkyen sman gyi yo byad rnams yongs su longs spyod pa de dag la ci nas kyang de dag gis phan btags pa'i 'bras bu shin tu che ba dang / phan yon che ba dang / gzi brjid che ba dang / yangs shing rgya che bar 'gyur ba de ltar dge slong dag khyed kyis bslab par bya'o/ /gang gi tshe bcom ldan 'das kyis dge slong de rnams 'ongs pa legs so zhes bya ba dang rab tu byung ba legs so zhes bya ba gsungs pa de'i tshe de rnams kyi zhum pa dang / mi dga' ba dang / 'gyod pa dang / rnam par 'gyod pa dang / yid la gcags pa gang yin pa de dag thams cad kyi thams cad du bral bar gyur to/ /de nas dge slong gzhan rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis phrin las ci zhig mdzad na/ phrin las de'i rnam par smin pas bcom ldan 'das kyi nyan thos kyi dge 'dun bye bar gyur lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon gyi tshe rabs gzhan rnams su phrin las byas shing bsags pa dang tshogs rnyed pa dag ni zhes bya ba nas/ lus can dag la 'bras bur 'gyur zhes bya ba'i bar gong ma bzhin du'o/ /dge slong dag sngon byung ba bsti gnas rtsa ba dang lo ma dang me tog dag dang / 'bras bu dang / chu phun sum tshogs pa/ shing sna tshogs kyis mdzes par byas pa/ bya'i tshogs du mas bsten pa gzhan zhig na drang srong lnga brgya'i gtso bo drang srong zhig gnas so/ /ji tsam na drang srong gzhan zhig ljongs rgyu zhing song ba na bsti gnas der phyin na drang srong des de la bkur sti legs par ma byas pas de mi bzod pa skyes nas de'i 'khor 'byed par byed de/ drang srong sdig pa 'dod pa 'di cung zad kyang mi shes na ci ste de'i drung du 'dug /tshur kho bo dang lhan cig 'dong kho bos khyed mngon par shes pa lnga rnams la rab tu dgod do zhes des de rnams la phye bas drang srong de'i gdams ngag nyan du mi btub bo/ /drang srong des bsams pa/ sdig pa byed pa 'dis bdag gi drang srong 'di rnams phye'o snyam nas/ des de la bzhams te smra bar brtsams pa/ tshe dang ldan pa 'khor 'byed par ma byed cig /'di ni drang srong gi chos ma yin no/ /'on kyang de 'byed bzhin te 'dug tu ma btub nas drang srong de yid mi bde zhing thabs gcig sems shing gnas so/ /sangs rgyas rnams 'byung ba med pa na 'jig rten du rang sangs rgyas dman pa dang ngan pa la snying brtse ba can/ bas mtha'i gnas mal la dga' ba/ 'jig rten gyi yon gnas gcig pu rnams 'byung bar 'gyur bas/ de nas rang sangs rgyas zhig ljongs rgyu zhing song ba na drang srong de'i bsti gnas su phyin pa dang / drang srong des de'i lus mdzes pa dang spyod lam zhi ba mthong ngo / /mthong nas des de la dad pa bskyed nas des de la bya ba byas te smon lam log par btab pa/ drang srong sdig can gang yin pa 'dis bdag gi 'khor phye bas bdag gis 'di shes bya thams cad la dbang thob pa na yang 'khor 'byed par byed par gyur cig ces byas so/ /dge slong dag ji snyam du sems/ de'i tshe de'i dus kyi ljongs kyi drang srong gang gis de'i 'khor phye ba de ni nga nyid yin no/ /de'i tshe de'i dus kyi gnyug mar gnas pa'i drang srong gang yin pa de ni lha sbyin yin te/ ngas de'i 'khor phye ba'i las kyi rnam par smin pa gang yin pa des na smon lam log par btab pas 'dis nga'i dge 'dun phye ba yin no/ /dge slong dag de lta bas na las gcig tu gnag pa rnams kyi zhes bya ba nas/ dge slong dag khyod kyis de lta bu la bslab par bya'o zhes bya ba'i bar gong ma bzhin du'o/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa lha sbyin gyis phyi pa dag ni nang par bgyis/ nang pa dag ni phyi par bgyis pas 'khor phrogs pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'das pa'i dus na yang 'dis phyi pa dag ni nang par byas/ nang pa dag ni phyi par byas pas 'khor phrogs pa de nyon cig /dge slong dag sngon byung ba phyogs shig na srog chags wa zhig gnas te de shin tu brkam chags can zhig pas dgon par yang rgyu grong 'dab tu yang rgyu'o/ /de mthar gyis rgyu ba na rams kyi gtso blag mkhan zhig gi khyim du zhugs pa las rams kyi rdza mar lhung nas de skyug bro bar gyur te de dang ha cang yang mi ring ba na tshwa rgo'i phung po zhig 'dug pa de la nyal nas glos 'gres pa las de bas kyang lhag par lus ma rung par gyur te/ chu'i nang du zhugs nas langs te song ba dang nyi ma'i zer gyis phog pas nor bu gzi'i kha dog ltar gyur pa ji tsam na wa rnams kyis mthong nas/ de rnams phyogs phyogs su bros te rgyang ring por 'khod nas smras pa/ khyod su zhig gang nas 'dir 'ongs/ des smras pa/ kho bo ni brgyar 'gro zhes bya ste/ lha rnams kyi dbang po brgya byin gyis rkang bzhi pa rnams kyi rgyal por dbang bskur to/ /wa rnams kyis bsams pa/ 'di'i lus kyi kha dog sngon ma mthong ba las na gdon mi za bar de kho na yin no snyam nas/ wa rnams kyis rkang bzhi pa thams cad la rig par byas so/ /seng ge rnams kyis bsams pa/ bdag cag las khyad par du 'phags pa su zhig yod na de rkang bzhi pa rnams kyi rgyal por gyur/ re shig dong la rang gi tshogs kyi dpon po la rig par bya'o snyam nas/ de rnams kyi tshogs kyi dpon po ral pa can zhig ri'i phyogs zhig na gnas pa de la de rnams kyis smras pa dang / des rkang bzhi pa gzhan zhig la bsgo ba/ song la rkang bzhi pa'i dpon po de rkang bzhi pa 'ga' zhig gis mthong ngam/ ma mthong rtogs shig /de de'i drung du song ste brtags na sngon ma mthong ba yin zhing seng ge rnams ma gtogs par rkang bzhi pa thams cad kyis yongs su bskor bar gyur nas de de'i drung du song ste ji ltar mthong ba dag smras pa des thos nas seng ge'i tshogs kyis yongs su bskor te de'i drung du dong ngo / /de ni rkang bzhi pa du mas yongs su bskor cing glang po che la zhon nas rgyu ba na de seng ge rnams kyis yongs su bskor cing / de nas ni stag rnams so/ /de nas ni rkang bzhi pa rnams so/ /de rnams kyi phyi rim rgyang ring po nas ni wa rnams 'dong ngo / /de'i ma ri sul zhig na gnas pa de la des wa zhig mngags te bus rgyal srid nyams su myong gis tshur spyon cig ces spring ba dang / des smras pa/ de'i 'khor ci 'dra ba zhig des smras pa/ de'i 'khor nang pa ni seng ge dang / stag dang / glang po che dag yin no/ /phyi pa ni bdag cag yin no/ /des smras pa/ ma rung zin gyis song shig /des tshigs su bcad pas kyang smras pa/ bdag ni ri 'di'i sul na bder gnas shing / /bsil ba'i chu la bsod nyams 'thung bar byed/ /de ni ji srid wa sgra mi grag pa/ /de srid glang po che yis bder 'gro 'gyur/ /de song ste des wa rnams la smras pa/ rkang bzhi pa rnams kyi rgyal po 'di ni wa kho na yin te/ bdag gis de'i ma ri sul ga ge mo zhes bya ba na 'dug pa mthong ngo / /de rnams kyis smras pa/ gal te de lta na de wa yin nam ma yin pa bdag cag gis brtag go/ /chos nyid kyis wa rnams ni gang zhig gis wa skad thos nas skad ma byung na de'i spu rnams 'byi bar 'gyur bas wa skad dbyung bar bsams nas des bsams pa/ gal te bdag gis skad ma byung na ni gdon mi za bar bdag gi spu rnams 'byi bar 'gyur la/ gal te glang po che las babs nas skad phyung na ni 'dis bdag bsad du 'ong gis 'di nyid du skad dbyung ngo snyam nas des glang po che la zhon bzhin skad dbyung bar brtsams pa dang / glang po ches shes nas was bdag la bzhon nam zhes des de bor te rkang pas brdzis so/ /lhas tshigs su bcad de smras pa/ gang dag nang pa phyi pa dang / /phyi pa nang par byed de dag /'di 'dra bar ni brlag 'gyur te/ /glang po che yis wa bzhin no/ /dge slong dag ji snyam du sems/ de'i tshe de'i dus kyi wa gang yin pa de ni lha sbyin 'di nyid yin te/ /de na yang 'dis nang pa dag ni phyi rol par byas/ phyi rol pa dag ni nang par byas pas tshul ma yin pas sdug bsngal bar gyur to/ /da ltar yang 'dis nang pa dag ni phyi rol par byas/ phyi rol pa dag ni nang par byas pas 'khor rnams phrogs par gyur to/ /gang gi tshe tshe dang ldan pa shA ri'i bu dang / maud gal gyi bu gnyis kyis lha sbyin gyi 'khor phrogs pa de'i tshe/ lha sbyin gyi ko ka li ka dang khaN Da drab bya dang / khyed gnyis kyis nga'i 'khor 'phrog tu bcug go zhes brdegs so/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa lha sbyin gyi 'khor ni gzhan gyis phrogs la/ gzhan la 'dis sdug bsngal bskyed pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'das pa'i dus na yang 'di'i chung ma gzhan gyis phrogs la gzhan dag la tshul ma yin pa'i sdug bsngal bskyed pa de nyon cig /dge slong dag sngon byung ba phyogs gzhan zhig na glang po che'i tshogs shig gnas so/ /de na glang po che zhig bal glang mo zhig la sdug par 'dzin pa dang / de ni glang po che'i phru gu gzhan zhig yod pa la lhag par chags nas des glang po che'i phru gu de la smras pa/ tshor du 'ong gis bdag cag 'bros sam de nas glang po che'i phru gu des smras pa/ gang gis na bdag cag 'bros pa'i thabs ci yod/ /des smras pa/ bdag gis thabs shig shes so zhes des glang po che de la smras pa/ khrus bya ba'i phyir rdzing du 'jug par bya'o/ /de zhugs pa dang des smras pa/ bdag cag las yun ring du nub par 'dug par blta'o blun po'i phung po can de de dang lhan cig chu nang du nub par 'dug pa na de langs te glang po che'i phru gu dang lhan cig bros so/ /glang po ring zhig 'dug nas langs na mi snang nas des bsams pa/ bdag pham par 'gyur du 'ong gis slar yang nub par bya'o snyam nas/ de slar yang nub par byas nas mche ba sa la btsugs te 'dug go/ /de ring zhig lon nas dbugs de chad de langs nas glang po che mo de ma mthong nas des rdzing bu de phan tshun du dkrug par brtsams pa dang / des der nya dang / rul sbal dang / sbal pa la sogs pa srog chags mang po tshul ma yin pas sdug bsngal bar byas so/ /lhas tshigs su bcad pas smras pa/ kye ma'o sha yi phung po che/ /'di la shes rab yod ma yin/ /gzhan gyis chung ma phrogs gyur na/ /gzhan la sdug bsngal sten par byed/ /dge slong dag ji snyam du sems/ de'i tshe de'i dus na glang po che dam pa gang yin pa de ni lha sbyin yin te/ de na yang chung ma gzhan gyis phrogs la gzhan la tshul ma yin pa'i sdug bsngal bskyed do/ /da ltar yang 'khor gzhan gyis phrogs la gzhan la tshul ma yin pa'i sdug bsngal bskyed do// // sdom ni/ glags dang mthong ba nyid dang ni/ /ut+pal mdog ni bsad pa dang / / ril ba dang gsum 'o ma dang / /sa 'tsho ma dang bzod gsol dang / /glang dang sems pa nyid dang ni/ /bya dang tha ma gzhi yin no/ /dge slong dag the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa shA ri'i bu dang / maud gal gyi bu gnyis kyis lha sbyin la glags btsal ba las glags rnyed pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'das pa'i dus na yang shA ri'i bu dang / maud gal gyi bu gnyis kyis lha sbyin la glags btsal ba las glags rnyed pa de nyon cig /dge slong dag sngon byung ba ri 'or zhig na 'phong gi slob dpon zhig gnas te/ des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed de/ de rtse bar byed/ dga' bar byed/ dga' mgur spyod par byed pa las dus gzhan zhig na chung ma sems can dang ldan par gyur to/ /de zla ba brgyad dam dgu lon pa na bu mo zhig btsas te btsas nas zhag bdun gsum nyi shu gcig tu de'i btsas pa'i btsas ston rgya cher byas nas rigs dang 'thun pa'i ming btags te de bskyed bsrings nas chen mor gyur to/ /'phong gi slob dpon gyis bsams pa/ bu mo 'di ni bdag gis gzugs dang ldan pa 'am/ tshul khrims dang ldan pa 'am/ nor can su la yang sbyin par mi bya ste/ 'on kyang bdag las gnas lnga bslabs te byang bar gyur pa gang yin pa de la bdag gis 'di sbyin no snyam mo/ /de las bram ze'i khye'u gnyis shig 'phong bslabs pa las/ de na gcig ni gnas lnga la byang bar gyur to/ /cig shog kyis ni gcod pa la byang bar gyur to/ /de gnyis las gnas lnga la byang bar gyur pa gang yin pa de la des bu mo byin pa dang cig shos po de mi bzod pa skyes nas chom rkun pa rnams kyi nang du zhugs te/ chom rkun lnga brgya'i sde dpon du gyur nas de phyogs gcig na lam bcad nas 'khod do/ /snga ma po des bu mo de bag mar blangs nas mda' lnga brgya shong ba'i dong pa gnyis thogs te shing rtar zhugs nas rang gi khyim du dong ngo / /ji tsam na tshong pa chom rkun gyis 'jigs pa mdun du dong pa sdod pa dang des smras pa/ shes ldan dag deng shig ci sdod/ de rnams kyis smras pa/ chom rkun pa rnams kyis lam bcad do/ /des smras pa/ tshur ci zhig byar yod ces de chas pa dang tshong pa rnams kyis smras pa/ shes ldan dag re shig sdod cig /'di ni 'gro la rag ste 'di bdag nyid 'chi ba dang / chung ma phrogs par gyur pa'i gnas gang yin pa de yod do/ /rkun po rnams shing ljon pa zhig la 'dzegs nas phyogs su lta bar byed cing 'dug pa dang / de rnams kyis de shing rtar zhugs pa mthong nas de rnams kyis smras pa/ shes ldan dag mi zhig shing rtar zhugs nas song ngo / chom rkun pa'i sde dpon gyis de la pho nya zhig btang ste shing rta slar bzlog pa dang / des smras pa/ shes ldan dpa' bo la dpa' bo'i lan byin cig /de rnams kyis smras pa/ bdag cag kyang dpa' bo yin no zhes sde dpon gyis mi rgod lnga brgya btang ba dang des de rnams bsad do/ /de bzhin du nyi shu zhig 'ongs pa de de rnams kyang bsad do/ ji tsam na thams cad bsad nas chom rkun pa'i sde dpon 'ba' zhig lus pa dang des ral gri blangs te mdun du bsdad do/ /des mda' 'phangs par brtsams pa na de'i ral gris gtubs so/ /ji tsam na des mda' lnga brgya 'phangs pa de dag thams cad des gtubs nas mda' gcig cig lus te des de ma 'phangs pa dang / de nas bu mo des smras pa/ mda' bzhag ste ci bgyi 'phongs shig /des smras pa/ mda' 'di 'ba' zhig lus te 'di 'phangs na kho bo bsad nas khyod kyang phrogs par 'gyur ro/ /de nas bu mo des lus kyi sgyur stangs kyis lan bu bcos par brtsams pa na/ de la chom rkun pa'i sde dpon rtog par byed pa na des de'i gnad du mdas bsnun pa dang / de 'chi ka na tshigs su bcad de smras pa/ shing rta can gyis bdag ma bsad/ /'dod chags sdig pa'i sems kyis ni/ /bdag ni g.yul gyi dbus zhugs nas / /bag med bzhin la lta bas bsad/ /dge slong dag ji snyam du sems/ de'i tshe de'i dus kyi shing rta can gang yin pa de ni shA ri'i bu 'di nyid yin no/ /de'i tshe de'i dus kyi bu mo gang yin pa de ni maud gal gyi bu yin no/ /de'i tshe de'i dus kyi chom rkun pa'i sde dpon gang yin pa de ni lha sbyin yin te/ de na yang 'di gnyis kyis de la glags btsal ba las glags rnyed do/ /da ltar yang 'di gnyis kyis de la glags btsal ba las glags rnyed do/ / sangs rgyas bcom ldan 'das rgyal po'i khab 'tsho byed gzhon nus bskyed kyi a mra'i tshal na dbyar bzhugs par zhal gyis bzhes so/ /de nas lus 'phags ma'i bu ma ga d+hA'i rgyal po ma skyes dgra dbyar nye bar sgrub par dbyar zla 'bring po'i nya dbu ma de nyid kyi mtshan mo yin par shes shing mngon pa'i zla nyi mo la blon po'i tshogs kyis yongs su bskor te steng gi khang bzangs kyi gzhir song nas blon po rnams la smras pa/ kye grogs po dag dbyar nye bar sgrub pa dbyar zla 'bring po'i nya dbu ma de nyid kyi mtshan mo yin par shes shing mngon pa'i zla nyi mo 'di lta bu la ngas ci zhig bya/ de nas pho brang slas kyi bud med cig gis lus 'phags ma'i bu rgyal po ma skyes dgra la 'di skad ces smras so/ /lha dbyar nye bar sgrub pa dbyar zla 'bring po'i nya dbu ma'i mtshan mo lags par mkhyen cing mngon pa'i zla nyi mo 'di lta bu la lha 'dod pa'i yon tan lnga 'byor cing ldan pas rol par mdzad/ dgyes par mdzad/ dgyes mgur spyad par mdzad na lha'i bgyi ba ni de lags pa snyam bdag sems lags so/ /de nas pho brang slas gzhan zhig gis yang 'di skad ces smras so/ lha dbyar nye bar sgrub pa dbyar zla 'bring po'i nya dbu ma'i mtshan mo lags par mkhyen cing mngon pa'i zla nyi mo 'di lta bu la lha 'dod pa'i yon tan lnga 'byor cing ldan pas rgyal po'i khab kyi grong khyer gyi nye 'khor gyi shul phra mo rnams byul zhing rol par mdzad/ dgyes par mdzad/ dgyes mgur spyad par mdzad na lha'i bgyi ba ni de lags pa snyam bdag sems lags so/ gzhon nu 'char byed bzang pos 'di skad ces smras so/ /lha dbyar nye bar sgrub pa dbyar zla 'bring po'i nya dbu ma'i mtshan mo lags par mkhyen cing mngon pa'i zla nyi mo 'di lta bu la lha dpung gi tshogs yan lag bzhi pa glang po che'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon nas/ gzhan gyi yul 'khor dang / gzhan gyi yul du gshegs te/ g.yul chen po'i g.yul sprad nas g.yul las rgyal bar bgyis te/ rgyal nas g.yul de nyid las lpags te bzhugs na lha'i bgyi ba ni de lags pa snyam bdag sems lags so/ /de nas blon po rgan po gzhan zhig gis 'di skad ces smras so/ /lha dbyar nye bar sgrub pa dbyar zla 'bring po'i nya dbu ma'i mtshan mo lags par mkhyen cing mngon pa'i zla nyi mo 'di lta bu la lha 'od srung rdzogs byed 'dus pa can/ tshogs can/ tshogs kyi slob dpon/ skye bo mang pos gzugs bzang por bkur ba/ skye bo mang pos mdun gyis bltas pa/ kun tu 'tsho lnga brgya'i gtso bo de rgyal po'i khab tu dbyar gnas par dam bcas pa de la lha bsnyen bkur mdzod cig /lha'i bgyi ba ni de lags pa snyam bdag sems lags so/ /yang blon po rgan po gzhan zhig gis 'di skad ces smras so/ /lha dbyar nye bar sgrub pa dbyar zla 'bring po'i nya dbu ma'i mtshan mo lags par mkhyen cing mngon pa'i zla nyi mo 'di lta bu lha kun du rgyu gnag lhas kyi bu dang / smra 'dod kyi bu mo'i bu yang dag rgyal ba can dang / mi pham skra'i la ba can dang / ka t+yA'i bu nog can dang / lha gcer bu pa gnyen gyi bu 'dus pa can/ tshogs can/ tshogs kyi slob dpon/ skye bo mang pos gzugs bzang por bkur ba/ tshogs chen po'i mdun gyis bltas pa zhig mchis te/ de rgyal po'i khab 'di nyid du dbyar gnas par dam bcas pa de la lha bsnyen bkur mdzod cig / lha'i bgyi ba ni de lags pa snyam bdag sems lags so/ /de'i tshe 'tsho byed gzhon nus bskyed 'khor de nyid kyi nang na 'dus shing 'dug par gyur to/ /de nas lus 'phags ma'i bu ma ga d+hA'i rgyal po ma skyes dgras 'tsho byed gzhon nus bskyed la smras pa kwa'i nang rje 'tsho byed ci'i phyir cang mi smra/ ci cung zad mi smra 'am/ lha dbyar nye bar sgrub pa dbyar zla 'bring po'i nya'i mtshan mo lags par mkhyen cing mngon pa'i zla nyi mo 'di lta bu la/ lha bcom ldan 'das 'dus pa can/ tshogs kyi slob dpon/ skye bo mang pos gzugs bzang por bkur ba/ tshogs chen pos mdun gyis bltas pa de rgyal po'i khab 'di nyid kyi bdag gi a mra'i tshal na dbyar bzhugs par zhal gyis bzhes pa de la lha bsnyen bkur mdzod cig /lha'i bgyi ba ni de lags pa snyam bdag sems lags so/ /de'i tshe lus 'phags ma'i bu ma ga d+hA'i rgyal po ma skyes dgra bcom ldan 'das la sems gzhol bar gyur/ bcom ldan 'das la 'bab par gyur/ bcom ldan 'das la bab par gyur to/ /de nas lus 'phags ma'i bu ma ga d+hA'i rgyal po ma skyes dgras 'tsho byed gzhon nus bskyed la 'di skad ces smras so/ /'tsho byed song la glang po che'i dam pa chen po stod cig dang / de la kho bo zhon nas bcom ldan 'das blta ba'i phyir 'gro'o/ /lha bka' bzhin 'tshal zhes 'tsho byad gzhon nus bskyed kyis lus 'phags ma'i bu ma ga d+hA'i rgyal po ma skyes dgra las mnyan nas glang po che dam pa chen po de dang bal glang mo lnga brgya tsam gtad nas pho brang slas lag na sgron ma thogs pa lnga brgya tsam bal glang mo re re zhon nas lus 'phags ma'i bu ma ga d+hA'i rgyal po ma skyes dgra gang na ba der song ste phyin nas lus 'phags ma'i bu ma ga d+hA'i rgyal po ma skyes dgra la 'di skad ces smras so/ /lha glang po che'i dam pa chen po bsgron lags te/ lha da de'i dus la bab par mkhyen par mdzad du gsol/ de nas lus 'phags ma'i bu ma ga d+hA'i rgyal po ma skyes dgra glang po che dam pa chen po la zhon nas pho brang slas lag na sgron ma thogs pa lnga brgya tsam bal glang mo re re zhon pas mdun du bdar nas rgyal po'i khab nas byung ste bcom ldan 'das blta ba dang bsnyen bkur bya ba'i phyir bcom ldan 'das kyi spyan sngar song ngo / /de'i tshe lus 'phags ma'i bu ma ga d+hA'i rgyal po ma skyes dgra yul spong byed pa rnams dang mi mthun par gyur to/ /de nas lus 'phags ma'i bu ma ga d+hA'i rgyal po ma skyes dgra rgyal po'i khab nas byung ma thag kho nar bdag 'tsho byed gzhon nus bskyed 'dis bsad par 'dod pa 'am/ bslu bar 'dod pa 'am/ khas len du gzhug par 'dod pa 'am/ gshed ma 'am/ phyir rgol ba 'am/ mi mdza' ba dag la gtad par mi 'dod grang snyam du bsams nas skrag par gyur/ bag tsha bar gyur/ spu zing zhes byed par gyur nas 'tsho byed gzhon nus bskyed la 'di skad ces smras so/ /'tsho byed khyod kho bo la gsod par 'dod pa 'am/ bslu bar 'dod pa 'am/ khas len du gzhug par 'dod pa 'am/ gshed ma pa 'am/ phyir rgol ba 'am/ mi mdza' ba dag la gtad par mi 'dod grang / des 'di skad ces smras so/ /lha khyod la bdag dgrongs par 'tshal ba 'am/ smrar gzhug par 'tshal ba 'am/ gshed ma pa 'am/ phyir rgol ba 'am/ mi mdza' ba dag la gtad par 'tshal ba ma lags so/ /de nas lus 'phags ma'i bu ma ga d+hA'i rgyal po ma skyes dgras 'tsho byed gzhon nus bskyed la 'di skad ces smras so/ /'tsho byed bcom ldan 'das de la 'khor ji snyed yod/ dge slong stong nyis brgya lnga bcu lhag tsam mo/ /e ma'o 'tsho byed khyod kyis nga ji ltar bsad par mi 'dod/ bslu bar mi 'dod/ smrar gzhug par mi 'dod/ gshed ma pa 'am/ phyir rgol ba 'am/ mi mdza' ba dag la gtod par mi 'dod/ da ltar bcom ldan 'das de la 'khor de snyed yod na lu ba'i sgra yang mi grag /sbrid pa'i sgra yang mi grag go/ /lha bcom ldan 'das de ni sgra chung ba bzhed/ sgra chung ba la dgyes/ sgra chung bas 'dul/ sgra chung ba'i bsngags pa mdzad pas 'khor yang sgra chung ba nyid do/ /lha de lta bas na myur ba myur bar glang po che dam pa chen po thob shig /'di ltar 'khor gyi khyim na 'bru mar gyi zhugs mar gyi 'od gda'o/ /de nas lus 'phags ma'i bu ma ga d+hA'i rgyal po ma skyes dgras myur ba myur bar glang po che'i dam pa chen po btab nas des ji tsam bzhon pas rung ba'i sa'i bar du bzhon pas song ste bzhon pa las babs nas rkang pa kho nas kun dga' ra ba'i nang du zhugs so/ /de'i tshe bcom ldan 'das dge slong gi dge 'dun gyi gung la mtsho ltar dang zhing gsal la rnyog pa med pas bzhugs so/ /de nas lus 'phags ma'i bu ma ga d+hA'i rgyal po ma skyes dgra 'khor gyi khyams dang nye bar song nas 'tsho byed gzhon nus bskyed la smras pa/ 'tsho byed bcom ldan 'das de gang na bzhugs/ lha bcom ldan 'das de ni dge slong gi dge 'dun gyi gung la mtsho ltar dang zhing gsal la rnyog pa med par bzhugs pa pha bi kho na lags so/ /de nas lus 'phags ma'i bu ma ga d+hA'i rgyal po ma skyes dgra bcom ldan 'das gang na ba der song ste phyin nas bla gos phrag pa gcig tu gzar nas pus mo g.yas pa'i lha nga sa la btsugs nas/ bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /btsun pa bcom ldan 'das dge slong gi dge 'dun dang thugs dul ba nye bar zhi ba ji lta bu dang ldan pa de bzhin du gzhon nu 'char byed bzang po yang sems dul ba dang / nye bar zhi ba de 'dra ba dang ldan par gyur cig /rgyal po chen po rang nyid dga' bar rab tu bstan pa legs so legs so/ /rgyal po chen po rang gi stan la 'dug shig /de nas lus 'phags ma'i bu ma ga d+hA'i rgyal po ma skyes dgras bcom ldan 'das kyis zhabs gnyis la mgo bos phyag byas te phyogs gcig tu 'dug go/ / phyogs gcig tu 'dug nas bcom ldan 'das la lus 'phags ma'i bu ma ga d+hA'i rgyal po ma skyes dgras 'di skad ces gsol to/ /btsun pa bcom ldan 'das kyis gal te zhu ba lung bstan pa'i slad du skabs phye ba lta na bdag phyogs 'ga' zhig zhu lags so/ /rgyal po chen po ci dang ci 'dod pa zhus shig /btsun pa las kyi gnas dang bzo'i gnas tha dad pa gang dag lags pa 'di lta ste/ /phreng rgyud pa dang / smyug ma mkhan dang / gdan pa dang / rtswa thun dang / 'dul mkhan dang / glang po che la 'tshal ba dang / rta la 'tshal ba dang / shing rta mkhan dang / ral gri'i thabs dang / gzhu'i 'dzin stangs pa dang / zham 'bring ba bgyid pa dang / /go re long dang / bro ga len pa dang / rgyal po'i bu rab gnon tshan po che dpa' ba rtul phod pa rnams dang / mnyes par bgyid pa dang / skra mkhan dang / khrus mkhan de rnams rang rang gi bzo'i gnas dang / las kyi gnas rnams kyis bgyi ba bgyid cing sbyin pa dag stsol/ bsod nams dag bgyid la gso ba rnams gso zhing 'dod pa'i yon tan lnga 'byor cing ldan pas rtse bar bgyid/ dga' bar bgyid/ dga' mgur spyod par bgyid pa de lta bu rnams la yang dag par mthong ba'i dge sbyong gi tshul gyi 'bras bu gdags pa 'thob lags sam// //'dul ba gzhi/ bam po brgya rtsa drug pa/ rgyal po chen po khyod kyis 'di 'dra ba'i zhu ba 'di las sngon dge sbyong dang bram ze gzhan rnams la dris pa dran nam/ btsun pa dran lags te/ btsun pa dus gcig cig na bdag 'od srung rdzogs byed gang na ba der mchis te/ mchis nas 'od srung rdzogs byed la bdag gis 'di skad ces btsun pa 'od srung las kyi gnas dngang bzo'i gnas tha dad pa gang dag lags pa 'di lta ste/ phreng rgyud pa dang / smyug ma mkhan dang / gdan pa dang / rtswa thun dang / 'dul mkhan dang / glang po che la zhon pa dang / rta la zhon pa dang / shing rta mkhan dang / ral gri'i thabs dang / gzhu'i 'dzin stangs pa dang / zham 'bring byed pa dang / go re long dang / bro ga len pa dang / rgyal po'i bu rab gnon tshan po che dpa' ba rtul phod pa rnams dang / mnyes par byed pa dang / skra mkhan dang / khrus mkhan de rnams rang rang gi bzo'i gnas pa dang / las kyi gnas rnams kyis bya ba byed cing sbyin pa dag gtong / bsod nams dag byed la/ gso ba rnams gso zhing 'dod pa'i yon tan lnga 'byor cing ldan par gyur nas rtse bar byed/ dga' bar byed/ dga' mgur spyod par byed na de lta bu rnams la yang dag par mthong ba'i dge sbyong gi tshul gyi 'bras bu gdags pa 'thob bam zhes dris pa na de 'di skad ces rgyal po chen po bdag ni 'di ltar lta zhing 'di skad smra ste/ sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do/ /legs par spyad pa dang nyes par spyad pa'i las rnams kyi 'bras bu rnam par smin pa med do/ /'jig rten 'di med do/ /'jig rten pha rol med do/ /ma med do/ / pha med do/ /sems can brdzus te skye ba med do/ /'jig rten na dgra bcom pa yang dag par song ba yang dag par zhugs pa gang dag tshe 'di nyid la rang gi mngon par shes pas 'jig rten 'di dang 'jig rten pha rol mngon sum du byas nas bsgrubs te bdag ni skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes go bar byed pa dag med do/ /srog ni 'di nyid la 'tsho zhing de phyis chad par 'gyur/ zhig par 'gyur te shi ba'i 'og tu mi 'byung ngo / / skyes bu'i lus ni 'byung ba chen po bzhi las gyur pa yin te/ de ni gang gi tshe shi ba na de'i sa'i lus ni sa'i bag la zha chu'i lus ni chu'i me'i lus ni me'i rlung gi lus ni rlung gi bag la zha bar 'gyur ro/ /dbang po rnams ni nam mkha'i rjes su 'gro bar 'gyur ro/ /skyes bu'i ro ni khri dang lnga'i mi dag gis khyer te dur khrod du 'gro zhing bsregs phan chad mi mngon par 'gyur ro/ /bsreg bya dag ni thal bar 'gyur ro/ /rus pa dag ni thi ba'i mdog 'dra bar gnas so/ /'di ltar rmongs pas nye bar bstan pa ni sbyin la mkhas pas nye bar bstan pa ni len to/ /de la gang dag yod par smra ba de dag thams cad ni gsog gsob brdzun du smra ba brdol ba yin no/ /'di ltar byis pa dang mkhas pa de gnyis ni phyis chad par 'gyur zhig par 'gyur te shi ba'i 'og tu mi 'byung ngo zhes mchi ste/ btsun pa dper na mi zhig a mra'i 'bras bu rnams dris na la ku tsa'i 'bras bu rnams lung ston par bgyid la/ la ku tsa'i 'bras bu rnams dris na a mra'i 'bras bu rnams lung ston par bgyid pa de bzhin du 'od srung rdzogs byed la bdag gis yang dag par mthong ba'i dge sbyong gi tshul gyi 'bras bu dris na ma mchis pa nyid lung ston par bgyid nas/ btsun pa de la bdag 'di snyam du sems te/ bdag 'dra ba'i skyes bu mkhas pas gzugs bzang por bkur ba yul na gnyug mar gnas pa'i dge sbyong ngam bram ze la mngon sum du smad pa ni bdag gi cha ma lags so snyam nas/ btsun pa bdag gis 'od srung rdzogs byed kyis smras pa la mngon par bstod pa yang mi bgyid/ smad pa yang mi bgyid de/ mngon par bstod pa yang ma bgyis/ smad pa yang ma bgyis par stan las langs te mchis nas bdag kun du rgyu gnag lhas kyi bu gang na ba der mchis nas/ kun du rgyu gnag lhas kyi bu la 'di skad ces btsun pa kun du rgyu 'jig rten gyi las kyi gnas dang / gzo'i gnas tha dad pa gang dag yin pa 'di lta ste/ phreng rgyud pa dang / smyug ma mkhan dang / gdan pa dang / rtswa thun dang / 'dul mkhan dang / glang po che la zhon pa dang / rta la zhon pa dang / shing rta mkhan dang / ral gri'i thabs dang / gzhu'i 'dzin stangs pa dang / zham 'bring byed pa dang / go re long dang / bro ga len pa dang / rgyal po'i bu rab gnon tshan po che dpa' ba rtul phod pa rnams dang / mnyes par byed pa dang / skra mkhan dang / khrus mkhan de rnams rang rang gi bzo'i gnas dang / las kyi gnas rnams kyis bya ba byed cing sbyin pa dag gtong / bsod nams dag byed la gso ba rnams gso zhing 'dod pa'i yon tan lnga 'byor cing ldan par gyur nas rtse bar byed/ dga' bar byed/ dga' mgur spyod par byed na de lta bu rnams la yang dag par mthong ba'i dge sbyong gi tshul gyi 'bras bu gdags pa 'thob bam zhes dris pas na/ de 'di skad ces rgyal po chen po bdag ni 'di ltar lta zhing 'di skad smra ste/ sems can rnams kun nas nyon mongs par 'gyur ba la rgyu med rkyen med do/ /sems can rnams rgyu med rkyen med par kun nas nyon mongs par 'gyur ro/ /sems can rnams rnam par dag par 'gyur ba la rgyu med rkyen med do/ / sems can rnams rgyu med rkyen med par rnam par dag par 'gyur ro/ /sems can rnams shes pa med par 'gyur ba dang / mthong ba med par 'gyur ba la rgyu med rkyen med do/ /sems can rnams rgyu med rkyen med par shes pa med pa dang mthong ba med par 'gyur ro/ /sems can rnams shes par 'gyur ba dang mthong bar 'gyur ba la rgyu med rkyen med do/ /sems can rnams rgyu med rkyen med par shes pa dang mthong bar 'gyur ro/ /stobs med do/ /brtson 'grus med do/ /stobs dang brtson 'grus med do/ / skyes bu'i rtsal med do/ /pha rol gnon pa med do/ /skyes bu'i rtsal dang pha rol gnon pa med do/ /bdag gi rtsal med do/ /gzhan gyi rtsal med do/ /bdag gi rtsal dang gzhan gyi rtsal med do/ /sems can thams cad dang srog thams cad dang / 'byung po thams cad mthu med stobs med dbang med brtson 'grus med/ pha rol gnon pa med do/ /'gro ba mtshams sbyor ba'i srid pa dag nges par gyur to/ /'di ltar 'gro ba drug po dag tu bde ba dang sdug bsngal so sor myong bar 'gyur ro zhes mchi ste/ btsun pa dper na mi zhig a mra'i 'bras bu rnams dris na la ku tsa'i 'bras bu rnams lung ston par bgyid la/ la ku tsa'i 'bras bu rnams dris na a mra'i 'bras bu rnams lung ston par bgyid pa de bzhin du kun du rgyu gnag lhas kyi bu la bdag gis yang dag par mthong ba'i dge sbyong gi tshul gyi 'bras bu dris na rgyu ma mchis pa nyid du ston par bgyid nas/ btsun pa de la bdag 'di snyam du sems te/ bdag 'dra ba'i skyes bu mkhas pas gzugs bzang por bkur ba yul na gnyug mar gnas pa'i dge sbyong ngam bram ze la da ji ltar mngon sum du smad par bya snyam nas/ bdag gis kun du rgyu gnag lhas kyi bu'i smras pa la mngon par bstod pa yang mi bgyid/ smad pa yang mi bgyid de/ mngon par bstod pa yang ma bgyis/ smad pa yang ma bgyis par stan las langs te mchis nas/ bdag smra 'dod kyi bu mo'i bu yang dag rgyal ba can gang na ba der mchis te mchis nas smra 'dod kyi bu mo'i bu yang dag rgyal ba can la 'di skad ces btsun pa yang dag rgyal ba can las kyi gnas dang bzo'i gnas gang dag yin pa 'di lta ste/ phreng rgyud pa dang / smyug ma mkhan dang / gdan pa dang / rtswa thun dang / 'dul mkhan dang / glang po che la zhon pa dang / rta la zhon pa dang / shing rta mkhan dang / ral gri'i thabs dang / gzhu'i 'dzin stangs pa dang / zham 'bring byed pa dang / go re long dang / bro ga len pa dang / rgyal po'i bu rab gnon tshan po che dpa' ba rtul phod pa rnams dang / mnyes par byed pa dang / skra mkhan dang khrus mkhan de rnams rang rang gi bzo'i gnas dang las kyi gnas rnams kyis bya ba byed cing sbyin pa dag gtong / bsod nams dag byed la gso ba rnams gso zhing 'dod pa'i yon tan lnga 'byor cing ldan par 'gyur nas rtse bar byed/ dga' bar byed/ dga' mgur spyod par byed pa na de lta bu rnams yang dag par mthong ba'i dge sbyong gi tshul gyi 'bras bu gdags pa 'thob bam zhes dris pa na/ de 'di skad ces rgyal po chen po bdag ni 'di ltar blta zhing 'di skad smra ste/ byed pa dang / byed du 'jug pa dang / gcod pa dang / gcod du 'jug pa dang / sreg pa dang / sreg tu 'jug pa dang / rdeg pa dang / rdeg tu 'jug pa dang / srog chags la 'tshe ba dang / ma byin par len pa dang / 'dod pa dag la log par spyod pa dang / shes bzhin du brdzun du smra ba dang / myos par 'gyur ba'i btung ba 'thung ba dang / khyim 'bubs pa dang / mdud pa bkrol ba dang / rim gyis 'phrog pa dang / lam 'gog cing 'dug pa dang / grong 'joms par byed pa dang / grong khyer 'joms par byed pa dang / yul 'joms par byed pa dang / sa gzhi chen po 'di la sems can gang dag yod pa de dag thams cad 'khor lo'i mtha' spu gri la byas pas de dag thams cad kun du gcod par byed/ kun du 'cheg par byed/ kun du rdung bar byed/ kun du 'dral bar byed cing de dag thams cad kun du bcad/ kun du gshegs/ kun du brdungs/ kun du dral nas sha'i thang ma gcig tu byed/ sha'i tshogs gcig tu byed/ sha'i bungs gcig tu byed/ sha'i phung po gcig tu byed cing sha'i thang ma gcig tu byas/ sha'i tshoms gcig tu byas/ sha'i bungs gcig tu byas/ sha'i phung po gcig tu byas nas de ltar kun du sgrub par byed pa las gzhi de las sdig pa yang med/ gzhi de las sdig par 'gyur ba yang med do/ /chu klung gang gA'i lho phyogs nas kun du gcod par byed/ kun du 'cheg par byed/ kun du brdungs par byed/ kun du 'dral bar byed cing 'gro la/ chu klung gang gA'i byang phyogs nas sbyin par byed/ mchod sbyin byed cing 'gro bar 'gyur na/ gzhi de las sdig pa dang bsod nams kyang med/ gzhi de las sdig pa dang bsod nams su 'gyur ba yang med do/ /'di ltar sbyin pa dang / dul ba dang / yang dag par sdom pa dang / don spyod pa dang / don 'thun pas de ltar byed pa yang bsod nams mi byed pa kho na yin no zhes mchi ste/ btsun pa dper na mi zhig a mra'i 'bras bu rnams dris na la ku tsa'i 'bras bu rnams lung ston par bgyid la/ la ku tsa'i 'bras bu rnams dris na a mra'i 'bras bu rnams lung ston par bgyid pa de bzhin du smra 'dod kyi bu mo'i bu yang dag rgyal ba can la bdag gis yang dag par mthong ba'i dge sbyong gi tshul gyi 'bras bu dri ba dris na byed pa nyid ma mchis par lung ston par bgyid do/ /btsun pa de la bdag 'di snyam du sems te/ bdag 'dra ba'i skyes bu mkhas pas gzugs bzang por bkur ba yul na gnyug mar gnas pa'i dge sbyong ngam bram ze la da ji ltar mngon sum du smad par bya snyam nas/ bdag gis smra 'dod kyi bu mo'i bu yang dag rgyal ba can la mngon par bstod pa yang mi bgyid smad pa yang mi bgyid de/ mngon par bstod pa yang ma bgyis/ smad pa yang ma bgyis par stan las langs te mchis nas bdag mi pham skra'i la ba can gang na ba der mchis te mchis nas/ mi pham skra'i la ba can la 'di skad ces btsun pa mi pham 'jig rten gyi las kyi gnas dang bzo'i gnas tha dad pa gang dag yin pa 'di lta ste/ phreng rgyud pa dang / smyug ma mkhan dang / gdan pa dang / rtswa thun dang / 'dul mkhan dang / glang po che la zhon pa dang / rta la zhon pa dang / shing rta mkhan dang / ral gri'i thabs dang / gzhu'i 'dzin stangs pa dang / zham 'bring byed pa dang / go re long dang / bro ga len pa dang / rgyal po'i bu rab gnon tshan po che dpa' ba rtul phod pa rnams dang mnyes par byed pa dang / skra mkhan dang / khrus mkhan de rnams rang rang gi bzo'i gnas dang / las kyi gnas rnams kyis bya ba byed cing sbyin pa dag gtong / bsod nams dag byed la gso ba rnams gso zhing 'dod pa'i yon tan lnga 'byor cing ldan par gyur nas rtse bar byed dga' bar byed/ dga' mgur spyod par byed na de lta bu rnams la yang dag par mthong ba'i dge sbyong gi tshul gyi 'bras bu gdags pa 'thob bam zhes dris pa na de 'di skad ces rgyal po chen po bdag ni 'di ltar blta zhing 'di skad ces smra ste/ lus bdun po 'di dag ni ma byas pa/ byas pas ma byas pa ma sprul pa/ sprul pas ma byas pa gnod par bya ba ma yin pa ther zug tu gnas pa/ ka ba bzhin gnas pa dag yin te/ bdun gang zhe na/ 'di lta ste sa'i lus dang / chu'i lus dang / me'i lus dang / rlung gi lus dang / bde ba dang / sdug bsngal ba dang / srog gson pa nyid ni bdun pa ste/ lus bdun po de dag ni ma byas pa/ byas pas ma byas pa/ ma sprul pa/ sprul pas ma byas pa/ gnod par bya ba ma yin pa/ ther zug tu gnas pa/ ka ba bzhin du gnas pa dag yin no/ /de dag ni 'di lta ste/ bsod nams su 'gyur ba'i phyir ram/ sdig par 'gyur ba'i phyir ram/ bsod nams dang sdig par 'gyur ba'i phyir ram bde bar 'gyur ba'i phyir ram/ sdug bsngal bar 'gyur ba'i phyir ram/ bde ba dang sdug bsngal ba'i phyir g.yo bar mi byed/ gcig la gcig gnod par mi byed do / /skyes bu gang gis skyes bu'i mgo gcod par byed pa des kyang 'jig rten na g.yo ba 'am gnas pa la gnod pa cung zad kyang mi byed de/ lus bdun po dag la bar med par mtshon thal byung du 'gro zhing der srog la gnod pa yang med do/ /de la gsod par byed pa 'am/ gsod du bcug pa 'am/ dran par byed pa 'am/ dran par byed du bcug pa 'am/ skul bar byed pa 'am/ skul du bcug pa 'am/ rnam par rig par byed pa 'am/ rnam par rig par byed du bcug pa 'ga' yang med do/ / byis pa 'am mkhas pa gang dag yin pa dag ni skye gnas gtso bo dang ldan pa khri bzhi stong dang / rtog pa chen po drug khri dang drug brgya dang / las lnga dang / las gsum dang / las gnyis dang las dang las phyed dang / las drug bcu rtsa gnyis dang / rtog pa bar ma drug bcu rtsa gnyis dang / 'du shes bdun dang / sems can dmyal ba brgya nyi shu dang / dbang po brgya sum bcu dang / rdul gyi khams sum bcu rtsa drug dang / klu'i rigs bzhi khri dgu stong dang / nam mkha' lding gi rigs bzhi khri dgu stong dang / kun du rgyu'i rigs bzhi khri dgu stong dang / kun du 'tsho'i rigs bzhi khri dgu stong dang / gcer bu pa'i rigs bzhi khri dgu stong dang / 'du shes can gyi gnas bdun dang / 'du shes med pa'i gnas bdun dang / lha ma yin bdun dang / sha za bdun dang / lha bdun dang / mi bdun dang / mtsho bdun dang / mtsho bdun brgya dang / 'bri ba bdun dang / 'bri ba bdun brgya dang / rmi lam bdun dang / rmi lam bdun brgya dang / sad pa bdun dang / sad pa bdun brgya dang / g.yang sa bdun dang / g.yang sa bdun brgya dang / rigs btsun pa drug dang / mngon par mtho ba bcu dang / skyes bu chen po'i sa brgyad po de dag tu bskal pa chen po brgyad khri bzhi stong du mtshams sbyor cing 'khor nas sdug bsngal mthar byed do/ /'di lta ste/ dper na/ skud pa'i dru bu yang ba steng gi nam mkha' las 'phangs pa gzangs pa na sa la 'bab pa de bzhin du byis pa 'am/ mkhas pa gang dag yin pa dag kyang de dag bskal pa chen po brgyad khri bzhi stong du mtshams sbyor cing 'khor nas sdug bsngal mthar byed do/ /de la dge sbyong dang bram ze gang dag 'di skad ces bdag tshul khrims sam/ brtul zhugs sam/ dka' thub bam/ tshangs par spyod pa la gnas pa 'dis las yongs su ma smin pa ni yongs su smin par bya zhing yongs su smin pa ni reg par byas nas byang bar bya'o zhes zer ba 'ga' yang med do/ /bde ba dang sdug bsngal 'di nges pa yin no/ /yar skye ba dang mar 'grib pa ni mi srid do/ /'di lta bu 'di nyid dang gzhan ma yin pas 'khor ba gzhal lo zhes mchi ste/ btsun pa dper na mi zhig a mra'i 'bras bu rnams dris na la ku tsa'i 'bras bu rnams lung ston par bgyid la/ la ku tsa'i 'bras bu rnams dris na a mra'i 'bras bu rnams lung ston par bgyid pa de bzhin du mi pham skra'i la ba can la bdag gis yang dag par mthong ba'i dge sbyong gi tshul gyi 'bras bu dris na 'khor ba dag nyid lung ston par bgyid nas/ btsun pa de la bdag 'di snyam du sems te/ bdag 'dra ba'i skyes bu mkhas pas gzugs mdzes par bkur ba yul na gnyug mar gnas pa'i dge sbyong ngam bram ze la da ji ltar mngon sum du smad par bya snyam nas mi pham skra'i la ba can gyis smras pa la mngon par bstod pa yang mi bgyid/ smad pa yang mi bgyid de/ mngon par bstod pa yang ma bgyis smad pa yang ma bgyis par stan las langs te mchis nas bdag gcer bu pa gnyen gyi bu gang na ba der mchis nas/ gcer bu pa gnyen gyi bu la 'di skad ces btsun pa gnyen gyi bu 'jig rten gyi las kyi gnas dang / bzo'i gnas tha dad pa gang dag yin pa 'di lta ste/ phreng rgyud pa dang / smyug ma mkhan dang / gdan pa dang / rtswa thun dang / 'dul mkhan dang / glang po che la zhon pa dang / rta la zhon pa dang / shig rta mkhan dang / ral gri'i thabs dang / gzhu'i 'dzin stangs pa dang / zham 'bring byed pa dang / go re long dang / bro ga len pa dang / rgyal po'i bu rab gnon tshan po che dpa' ba rtul phod pa rnams dang / mnyes par byed pa dang / skra mkhan dang khrus mkhan de rnams rang rang gi bzo'i gnas dang / las kyi gnas rnams kyis bya ba byed cing sbyin pa dag gtong / bsod nams dag byed la/ gso ba ni gso zhing 'dod pa'i yon tan lnga 'byor cing ldan par gyur nas rtse bar byed/ dga' bar byed/ dga' mgur spyod par byed na de lta bu rnams la yang dag par mthong ba'i dge sbyong gi tshul gyi 'bras bu gdags pa 'thob bam zhes dris pa na/ de 'di skad ces rgyal po chen po bdag ni 'di ltar lta zhing 'di skad smra ste/ skyes bu gang zag 'dis so sor myong ba gang yin pa ci yang rung ste/ de thams cad sngon byas pa'i rgyu las byung ba yin no/ /las rnying pa rnams ni dka' thub kyis 'byang bar 'gyur la/ las sar pa rnams ni mi bya ba'i chu lon gyis bzlog par bya'o/ /de lta na phyin chad zag pa med do/ /zag pa med na las zad do/ /las zad na sdug bsngal zad do/ /sdug bsngal zad na sdug bsngal mthar byed par 'gyur ro zhes mchi ste/ btsun pa dper na mi zhig a mra'i 'bras bu rnams dris na la ku tsa'i 'bras bu rnams su lung ston par bgyid la/ la ku tsa'i 'bras bu rnams dris na a mra'i 'bras bu rnams lung ston par bgyid pa de bzhin du gcer bu pa gnyen gyi bu la bdag gis yang dag par mthong ba'i dge sbyong gi tshul gyi 'bras bu dris na sngon bgyis pa'i rgyu las byung ba nyid lung ston par bgyid nas/ btsun pa de la bdag 'di snyam du sems te/ bdag 'dra ba'i skyes bu mkhas pas gzugs bzang por bkur ba yul na gnyug mar gnas pa'i dge sbyong ngam bram ze la mngon sum du smad pa ni bdag gi cha ma lags so snyam nas/ bdag gis gcer bu pa gnyen gyi bu'i smras pa la mngon par bstod pa yang mi bgyid/ smad par yang mi bgyid de/ mngon par bstod pa yang ma bgyis/ smad par yang ma bgyis par stan las langs te mchis nas bdag kA t+yA'i bu nog can gang na ba der mchis te/ mchis nas kA t+yA'i bu nog can la 'di skad ces/ btsun pa kA t+yA'i bu 'jig rten gyi las kyi gnas dang / bzo'i gnas tha dad pa gang dag yin pa 'di lta ste/ phreng rgyud pa dang / smyug ma mkhan dang / gdan pa dang / rtswa thun dang / 'dul mkhan dang / glang po che la zhon pa dang / rta la zhon pa dang / shing rta mkhan dang / ral gri'i thabs dang / gzhu'i 'dzin stangs pa dang / zham 'bring byed pa dang / /go re long dang / bro ga len pa dang / rgyal po'i bu rab gnon tshan po che dpa' ba brtul phod pa rnams dang / mnyes par byed pa dang / skra mkhan dang / khrus mkhan de rnams rang rang gi bzo'i gnas dang / las kyi gnas rnams kyis bya ba byed cing sbyin pa dag gtong / bsod nams dag byed la/ gso ba rnams gso zhing 'dod pa'i yon tan lnga 'byor cing ldan par gyur nas rtse bar byed/ dga' bar byed/ dga' mgur spyod par byed na de lta bu rnams la yang dag par mthong ba'i dge sbyong gi tshul gyi 'bras bu gdags pa 'thob bam zhes de skad dris pa dang / kA t+yA'i bu nog can bdag la 'di skad ces rgyal po chen po bdag ni 'di ltar lta zhing 'di skad ces smra ste/ gal te 'ga' zhig bdag gi gan du mchis te 'di skad ces 'jig rten pha rol yod dam zhes 'dri na/ de la bdag 'jig rten pha rol yod do zhes dri ba dris pa'i lan 'debs so/ /'jig rten pha rol med pa dang / 'jig rten pha rol yod pa dang med pa dang / yod pa yang ma yin med pa yang ma yin pa dang / de bzhin du 'jig rten pha rol 'di lta bu nyid dang / 'di lta bu nyid ma yin pa dang / gzhan nyid dang gzhan nyid ma yin pa dang / 'jig rten pha rol gzhan ma yin pa nyid dang gzhan ma yin pa nyid ma yin pa yin nam zhes 'dri na de la bdag 'jig rten pha rol gzhan ma yin pa nyid dang gzhan ma yin pa nyid ma yin no zhes dris pa'i lan 'debs so zhes mchi nas bdag de la 'di snyam du sems te/ rgyal po'i khab 'di na rab tu byung bar gyur pa ji snyed gnas pa de rnams kyi nang na lhag par blun pa/ lhag par glen pa/ lhag par slu bar byed pa ni 'di lta ste/ kA t+yA'i bu nog can 'di yin no snyam pa las de la yang bdag 'di snyam du sems te/ gzugs bzang por bkur ba yul na gnyug mar gnas pa'i dge sbyong ngam bram ze la mngon sum du smad pa ni bdag gi cha ma lags so snyam nas bdag gis kA t+yA'i bu nog can gyis smras pa la mngon par bstod pa yang mi bgyid/ smad pa yang mi bgyid de mngon par bstod pa yang ma bgyis/ smad pa yang ma bgyis par stan las langs te mchis lags te/ bcom ldan 'das la bdag don de kho na zhu lags na/ btsun pa 'jig rten gyi las kyi gnas dang / bzo'i gnas tha dad pa gang dag lags pa 'di lta ste/ phreng rgyud pa dang / smyug ma mkhan dang / gdan pa dang / rtswa thun dang / 'dul mkhan dang / glang po che la 'tshal ba dang / rta la 'tshal ba dang / shing rta mkhan dang / ral gri'i thabs dang / gzhu'i 'dzin stangs pa dang / zham 'bring bgyid pa dang / go re long dang / bro ga len pa dang rgyal po'i bu rab gnon tshan po che dpa' ba rtul phod pa rnams dang / mnyes par bgyid pa dang / skra mkhan dang / khrus mkhan de rnams rang rang gi bzo'i gnas dang / las kyi gnas rnams kyis bgyi ba bgyid cing sbyin pa dag stsol/ bsod nams dag bgyid la gso ba dag gso zhing 'dod pa'i yon tan lnga 'byor cing ldan par gyur nas rtse bar bgyid/ dga' bar bgyid/ dga' mgur spyod par bgyid na de lta bu rnams la yang dag par mthong ba'i dge sbyong gi tshul gyi 'bras bu gdags pa 'thob lags sam/ rgyal po chen po de'i phyir khyod nyid la dri yis khyod kyis ji ltar bzod pa de bzhin du de lung ston cig /rgyal po chen po dper na 'di na khyod kyi bran mngag gzhug pa go re long rang dbang med la dga' mgur byar med pa zhig yod pa des khyod steng gi khang bzangs kyi gzhi la 'dug ste 'dod pa'i yon tan lnga 'byor cing ldan par gyur nas skyes pa med par rol mos rtse bar byed/ dga' bar byed/ dga' mgur spyod par byed pa mthong ngo / /mthong nas kyang 'di snyam du sems te/ lus 'phags ma'i bu ma ga d+hA'i rgyal po ma skyes dgra 'di yang mi yin la bdag kyang mi yin pa las gzhan du na lus 'phags ma'i bu ma ga d+hA'i bu ma skyes dgras sngon bsod nams dag byas shing bsags pa des na da ltar steng gi khang bzangs kyi gzhi la 'dug nas skyes pa med pa'i rol mos rtse bar byed/ dga' bar byed dga' mgur spyod par byed kyis/ ma la bdag gis kyang dge ba'i chos cung zad yang dag par blangs te gnas par bya'o snyam zhing bdag gis dge ba'i chos ci zhig yang dag par blangs te gnas par bya snyam pa las/ ma la bdag skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung bar bya'o snyam nas des de ltar thag bcad de skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung nas des ji srid 'tsho'i bar du srog gcod pa spangs te srog gcod pa las slar log /ma byin par len pa dang / mi tshangs par spyod pa dang / brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang / log par lta ba spangs te log par lta ba las slar log par gyur pa de khyod kyi zho shas 'tsho ba rnams ljongs su 'khyam zhing dong bas mthong ngo / /mthong nas kyang de rnams 'di snyam du sems te/ 'di ni lus 'phags ma'i bu ma ga d+hA'i rgyal po ma skyes dgra'i 'bangs mngag gzhug pa go re long rang dbang med pa dga' mgur byar med pa yin na/ de skra dang kha spu bregs nas gos ngur smrig bgos te dad pa yang dag pa kho nar khyim nas khyim med par rab tu byung nas de ji srid 'tsho'i bar du srog gcod pa spangs te/ srog gcod pa las slar log ma byin par len pa dang / mi tshangs par spyod pa dang / brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang / log par lta ba spangs te log par lta ba las slar log nas yang dag pa'i lta ba dang ldan gyis/ ma la bdag cag rgyal po'i spyan sngar dong la snyan du gsol lo zhes de rnams khyod kyi drung du 'ongs nas smras pa/ lha mkhyen par mdzad du gsol/ lha'i 'bangs mngag gzhug pa go re long rang dbang ma mchis pa dga' mgur bgyir ma mchis pa zhig mchis pa de skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung nas des ji srid 'tsho'i bar du srog gcod pa spangs te srog gcod pa las slar log /ma byin par len pa dang / mi tshangs par spyod pa dang / brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang / log par lta ba spangs te log par lta ba las slar log ste/ yang dag pa'i lta ba dang ldan lags so zhes smras na/ rgyal po chen po de la ji snyam du sems/ ji ga khyod kyis de skad smra ba la shes ldan dag deng la mi de khug shig dang slar yang nga'i bran mngag gzhug pa go re long rang dbang med par 'gyur ro zhes smras par 'gyur ram/ btsun pa ma lags so/ /gzhan du na bdag de la lta ba'i slad du mchi ste/ des sngon bdag la mngon du smra ba dang / phyag 'tshal ba dang / ldang ba dang / thal mo sbyar ba dang / 'dud pa'i las gang lags pa bgyid lags pas de nyid la bdag gis de dag bgyi zhing / ji srid 'tsho'i bar du de la 'di lta ste chos gos dang / bsod snyoms dang / gnas mal dang / nad kyi rkyen sman gyi yo byad rnams kyis bstabs par bgyi'o/ /rgyal po chen po de ji snyam du sems/ de lta yin na ngas yang dag par mthong ba'i dge sbyong gi tshul gyi 'bras bu bstan pa ma yin nam/ btsun pa mad lags te/ de ltar na bcom ldan 'das kyis yang dag par mthong ba'i dge sbyong gi tshul gyi 'bras bu bstan lags so/ /rgyal po chen po dper na khyod kyi yul 'di na khyim bdag zhing pa skrun pa skyed pa rgyal po'i bang mdzod 'phel bar byed pa zhig yod pa des khyod steng gi khang bzangs kyi gzhi la 'dug nas skyes pa med par rol mos rtse bar byed/ dga' bar byed/ dga' mgur spyod par byed pa mthong ngo / /mthong nas kyang 'di snyam du sems te/ lus 'phags ma'i bu ma ga d+hA'i rgyal po ma skyes dgra 'di yang mi yin la/ bdag kyang mi yin pa las gzhan du na lus 'phags ma'i bu ma ga d+hA'i rgyal po ma skyes dgra sngon bsod nams dag byas shing bsags pa des na da ltar steng gi khang bzangs kyi gzhir song nas skyes pa med pa'i rol mos rtse bar byed/ dga' bar byed/ dga' mgur spyod par byed kyis/ ma la bdag gis kyang dge ba cung zad yang dag par blangs te gnas par bya'o snyam zhing bdag gis dge ba'i chos ci zhig yang dag par blangs te gnas par bya snyam pa las/ ma la bdag skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung bar bya'o snyam nas/ des de ltar thag bcad de skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung nas de ji srid 'tsho'i bar du srog gcod pa spangs te srog gcod pa las slar log / ma byin par len pa dang / mi tshangs par spyod pa dang / brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang / log par lta ba spangs te log par lta ba las slar log pa gyur pa de khyod kyi zho shas 'tsho ba rnams ljongs su 'khyam zhing dong bas mthong ngo / /mthong nas kyang de dag 'di snyam du sems te/ 'di ni lus 'phags ma'i bu ma ga d+hA'i rgyal po ma skyes dgra'i khyim bdag zhing pa skrun pa skyed pa'i bang mdzod 'phel bar byed pa yin na/ de skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung nas/ de ji srid 'tsho'i bar du srog gcod pa spangs te/ srog gcod pa las slar log /ma byin par len pa dang / mi tshangs par spyod pa dang / brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang / log par lta ba spangs te/ log par lta ba las slar log nas yang dag pa'i lta ba dang ldan gyis/ ma la bdag cag rgyal po'i spyan sngar dong la snyan du gsol lo zhes de rnams khyod kyi drung du 'ongs nas smras pa/ lha mkhyen par mdzad du gsol/ lha'i khyim bdag zhing pa skrun pa rgyal po'i bang mdzod 'phel bar bgyid pa zhig mchis pa de skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung nas de ji srid 'tsho'i bar du srog gcod pa spangs te/ srog gcod pa las slar log /ma byin par len pa dang / mi tshangs par spyod pa dang / brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang / log par lta ba spangs te log par lta ba las slar log ste/ yang dag pa'i lta ba dang ldan lags so zhes smra na/ rgyal po chen po de la ji snyam du sems/ ji ga khyod kyis de smra ba la shes ldan dag deng la mi de khug shig dang slar yang nga'i zhing pa skrun pa skyed pa rgyal po'i bang mdzod 'phel bar 'gyur ro zhes smra bar 'gyur ram/ btsun pa ma lags so/ /gzhan du na bdag de la blta ba'i slad du mchi ste/ des sngon bdag la mngon du smra ba dang / phyag 'tshal ba dang / ldang ba dang / thal mo sbyar ba dang / 'dud pa'i las gang dag lags pa bgyis lags pas de nyid la bdag gis de dag bgyi zhing ji srid 'tsho'i bar du de la yang 'di lta ste/ chos gos dang / bsod snyoms dang / gnas mal dang / nad kyi rkyen sman gyi yo byad rnams kyis bstabs par bgyi'o/ /rgyal po chen po de ji snyam du sems/ de lta yin na ngas yang dag par mthong ba'i dge sbyong gi tshul gyi 'bras bu bstan pa ma yin nam/ btsun pa mad lags te/ bcom ldan 'das kyis yang dag par mthong ba'i dge sbyong gi tshul gyi 'bras bu bstan lags so/ /rgyal po chen po 'di la ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ste/ des chos bshad pa ni thog mar dge ba/ bar du dge ba/ tha mar dge ba/ don bzang po/ /tshig 'bru bzang po ma 'dres pa yongs su rdzogs pa yongs su dag pa rnam par byang ba/ tshangs par spyod pa rab tu ston te/ chos de khyim bdag gam/ khyim bdag gi bus mnyan te/ de chos de thos nas gnas gsum po 'di lta ste/ chags pa'i chos dang / zhe sdang gi chos dang / gti mug gi chos la ston pa'i rnam par dag pa tshol bar byed de/ ci tshe dang ldan pa 'di la chags pa gang gis zil gyis gnon cing sems la khyab na mi shes bzhin kho nar shes so zhes smra/ ma mthong bzhin kho nar mthong ngo zhes smra zhing gzhan dag la yang gang de dag la yun ring por gnod pa dang / phan pa ma yin pa dang / sdug bsngal bar 'gyur ba de lta de ltar ston pa'i chags pa ma spangs pa dang / yongs su ma shes pa dang / ma bkag pa dang / ma bsal ba'i chags pa de yod dam/ 'on te tshe dang ldan pa 'di la chags pa gang gis zil gyis non cing sems la khyab na mi shes bzhin kho nar shes so zhes smra/ ma mthong bzhin kho nar mthong ngo zhes smra zhing gzhan dag la yang gang de dag la yun ring por gnod pa dang / phan pa ma yin pa dang / sdug bsngal bar 'gyur ba de lta de ltar ston pa'i chags pa ma spangs pa dang / yongs su ma shes pa dang / ma bkag pa dang / ma bsal ba'i chags pa de med snyam na/ de 'di snyam du sems te/ tshe dang ldan pa 'di la chags pa gang gis zil gyis non cing sems la khyab na mi shes bzhin kho nar shes so zhes smra/ ma mthong bzhin kho nar mthong ngo zhes smra zhing gzhan dag la yang gang de dag la yun ring por gnod pa dang / phan pa ma yin pa dang / sdug bsngal bar 'gyur ba de lta de ltar ston pa'i chags pa ma spangs pa dang / yongs su ma shes pa dang / ma bkag pa dang / ma bsal ba'i chags pa de med do/ /de ci'i phyir zhe na/ ma chags pa'i lus kyi 'du byed dang / ngag gi 'du byed dang / yid kyi 'du byed gang dag yin pa de dag tshe dang ldan pa 'di la yod la/ 'di chos gang mdor bsdus pa 'am/ rgyas par 'chad kyang rung 'di'i chos ni zhi ba gya nom pa/ zab pa zab par snang ba/ mthong bar dka' ba/ rtogs par dka' ba/ brtag par bya ba ma yin pa/ rtog ge'i spyod yul ma yin pa/ zhib mo brtags pa'i mkhas pa dang mdzangs pas rig par bya ba yin na/ de yang 'di ltar tshe dang ldan pa 'di gcig tu chags pas shes par sla ba ma yin pas tshe dang ldan pa 'di ma chags pa yin te/ tshe dang ldan pa 'di ni chags pa ma yin no snyam mo/ /gang gi tshe 'di dang po chags pa'i chos la rnam par dag par mthong nas de'i 'og tu gnyis pa zhe sdang gi chos dang / gsum pa gti mug gi chos la tshol bar byed de/ ci tshe dang ldan pa 'di la gti mug gang gis zil gyis non cing sems la khyab na mi shes bzhin kho nar shes so zhes smra/ ma mthong bzhin kho nar mthong ngo zhes smra zhing gzhan dag la yang gang de dag la yun ring por gnod pa dang / phan pa ma yin pa dang / sdug bsngal bar 'gyur ba de lta de ltar ston pa'i gti mug ma spangs pa dang / yongs su ma shes pa dang / ma bkag pa dang / ma bsal ba'i gti mug de yod dam/ 'on te tshe dang ldan pa 'di la gti mug gang gis zil gyis non cing sems la khyab na mi shes bzhin kho nar shes so zhes smra/ ma mthong bzhin kho nar mthong ngo zhes smra zhing gzhan dag la yang gang dag de dag la yun ring por gnod pa dang / phan pa ma yin pa dang / sdug bsngal bar gyur pa de lta de ltar ston pa'i gti mug ma spangs pa dang / yongs su ma shes pa dang / ma bkag pa dang / ma bsal ba'i gti mug de med snyam na/ de 'di snyam du sems te/ tshe dang ldan pa 'di la gti mug gang gis zil gyis non cing sems khyab na mi shes bzhin kho nar shes so zhes smra/ ma mthong bzhin kho nar mthong ngo zhes smra zhing gzhan dag la yang gang dag de dag la yun ring por gnod pa dang / phan pa ma yin pa dang / sdug bsngal bar 'gyur ba de lta de ltar ston pa'i gti mug ma spangs pa dang / yongs su ma shes pa dang / ma bkag pa dang / ma bsal ba'i gti mug de med do/ /de ci'i phyir zhe na/ gti mug med pa'i lus kyi 'du byed dang / ngag gi 'du byed dang / yid kyi 'du byed gang dag yin pa de dag tshe dang ldan pa 'di la yod la/ 'di chos gang mdor bsdus pa 'am/ rgyas par 'chad kyang rung / 'di'i chos ni zhi ba/ gya nom pa/ zab pa zab par snang ba/ mthong bar dka' ba/ rtogs par dka' ba/ brtag par bya ba ma yin pa/ rtog ge'i spyod yul ma yin pa/ zhib mo brtags pa'i mkhas pa dang mdzangs pas rig par bya ba yin na/ de yang 'di ltar tshe dang ldan pa 'di gcig pu gti mug pas ni shes par sla ba ma yin pas tshe dang ldan pa 'di gti mug pa ma yin te/ tshe dang ldan pa 'di ni gti mug pa yin no snyam mo/ /gang gi tshe 'di gsum pa gti mug gi chos la rnam par dag par mthong nas de'i 'og tu 'di la rnam pa dang ldan pa'i dad pa skyed par byed do/ /dad pa skyes nas 'di ltar slob par byed de/ khyim na gnas pa ni gnod pa can dang / rdul khrod na gnas pa yin la/ rab tu byung ba ni mngon par skabs yod pa yin te/ khyim pa khyim na gnas pas ni ji srid 'tsho'i bar du gcig tu sal gyis dag par tshangs par spyod pa yongs su rdzogs pa/ yongs su dag pa rnam par byang ba 'ba' zhig po 'di la spyad par sla ba ma yin pas/ ma la bdag skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu 'byung bar bya'o snyam ste/ des de ltar thag bcad nas nor gyi tshogs mang po 'am/ nyung du spangs te nye du'i 'khor mang po 'am nyung du spangs nas skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ngo / /de de bzhin du rab tu byung nas de tshul khrims dang ldan pa la gnas pa yin/ so sor thar pa'i sdom pas bsdams pa yin/ spyod pa dang / spyod yul phun sum tshogs pa yin/ tha na kha na ma tho ba phra mo la yang 'jigs par lta ba yin/ bslab pa'i gzhi rnams blangs te slob pa yin no/ /de srog gcod pa spangs nas srog gcod pa las slar log pa yin te/ chad pa spangs pa yin/ mtshon cha spangs pa yin/ 'dzem pa dang / snying rjer ldan pa yin/ sems can srog chags su gyur pa thams cad la chung ngu na srog chags grog sbur yan chad srog gcod pa las slar log pa yin no/ /de ma byin par len pa spangs nas ma byin par len pa las slar log pa yin te/ byin pa len pa yin/ byin pa la dga' ba yin byin pa lhug par btang ba la dga' ba yin te/ rkun ma ma yin/ brkam chags ma yin/ gtsang ma yin/ dag pa yin/ bdag nyid kha na ma tho ba med par srung zhing ma byin par len pa las slar log pa yin no/ /de mi tshangs par spyod pa spangs nas mi tshangs par spyod pa las slar log pa yin te/ tshangs par spyod pa yin/ spyod pa ngan pa spangs pas dag pa yin/ gtsang ba yin/ dri nga ba med pa yin/ 'khrig pa dang bral ba yin/ smad rim gyi chos dang bral ba yin/ mi tshangs par spyod pa las slar log pa yin no/ /de brdzun du smra ba spangs nas brdzun du smra ba las slar log pa yin te/ bden par smra ba yin bden pa la dga' ba yin/ mnyan par 'os pa yin/ yid ches pa yin/ brtan pa yin/ 'jig rten la mi bslu ba yin te/ brdzun du smra ba las slar log pa yin no/ /de phra ma'i tshig spangs nas phra ma las slar log pa yin te/ de tshu bi dag las thos te de dag dbye ba'i phyir pha bi dag la smra ba ma yin/ pha bi dag las thos te de dag dbye ba'i phyir tshu bi dag la smra ba ma yin/ bye ba rnams sdums byed pa yin/ 'thun pa rnams la gzeng bstod pa yin/ 'thun pa la dga' ba yin/ 'thun pa la mgu ba yin/ 'thun par byed pa'i tshig smra ba yin te/ phra ma las slar log pa yin no/ /de tshig rtsub po spangs nas tshig rtsub po las slar log pa yin te/ de gang yang tshig gdug pa dang / rtsub pa dang / pha rol la mi snyan pa dang / pha rol spa 'gong bar byed pa dang / skye bo mang po'i yid la mi 'thad pa dang / skye bo mang po'i snying du mi sdug pa dang / skye bo mang po'i mi dga' ba dang / skye bo mang po'i yid du mi 'ong ba dang / mnyam par gzhag pa ma yin pa dang / mnyam par 'jog par 'gyur ba ma yin pa de lta bu'i tshig spangs nas gang yang mi tshugs pa dang / rnar snyan pa dang / snying la 'bab pa dang / dga' bar byed pa dang / grong khyer pa dang / snyan cing 'jebs pa dang / rnam par gsal ba dang / rnam par rig par byed pa dang / mnyan par 'os pa dang / mi rten pa dang / 'gal ba ma yin pa dang / thub pa med pa dang / skye bo mang po la sdug pa dang / skye bo mang po mgu ba dang / skye bo mang po la dga' ba dang / skye bo mang po'i yid du 'ong ba dang / mnyam par gzhag pa dang / mnyam par 'jog par 'gyur ba de lta bu'i tshig smra bas/ tshig rtsub po las slar log pa yin no/ /de tshig kyal pa spangs nas tshig kyal pa las slar log pa yin te/ de dus su smra ba yin/ yang dag par smra ba yin/ de kho na nyid smra ba yin/ don smra ba yin/ chos smra ba yin/ rtogs pa smra ba yin/ khong du chud par byed pa'i tshig smra ba yin te/ dus su dang / 'dren ma ma yin pa dang / gleng gzhi dang bcas pa dang / dan rtags dang bcas pa dang / chos dang don dang ldan pa yin te tshig kyal pa las slar log pa yin no/ /de nyo tshong spangs nas de nyo tshong las slar log pa yin te/ de gzhal blugs la g.yo byed pa dang / srang la g.yo byed pa dang / tshad la g.yo byed pa spangs nas gzhal blugs la g.yo byed pa dang / srang la g.yo byed pa dang / tshad la g.yo byed pa las slar log pa yin no/ /de gsug len pa dang / 'brid pa dang / bsdigs nas rang gir byed pa spangs nas gsug len pa dang / 'brid pa dang / bsdigs nas rang gir byed pa las slar log pa yin no/ / de bsad pa dang / bcings pa dang / gcad pa dang / dbug pa dang / brdeg pa'i bsam pa spangs nas gsod pa dang / 'ching ba dang / gcod pa dang / 'bigs pa dang / rdeg pa nyams su myong bar byed pa las slar log pa yin no/ /de 'od dang bud med dang lhan cig nyal ba spangs nas/ 'od dang bud med dang lhan cig nyal ba las slar log pa yin no/ /de zhing gi gzhi dang / khyim gyi gzhi dang / tshong khang gi gzhi len pa spangs nas zhing gi gzhi dang / khyim gyi gzhi dang / tshong khang gi gzhi len pa las slar log pa yin no/ /de glang po che dang / rta dang ba lang dang / lug dang / bya gag dang / phag len pa spangs nas glang po che dang / rta dang / ba lang dang / lug dang / bya gag dang / phag len pa las slar log pa yin no/ /de bran pho dang / bran mo dang / las byed pa dang / zho shas 'tsho ba len pa spangs nas bran pho dang / bran mo dang / las byed pa dang / zho shas 'tsho ba len pa las slar log pa yin no/ /de bud med dang / skyes pa dang / khye'u dang / bu mo len pa spangs nas bud med dang / skyes pa dang / khye'u dang / bu mo len pa las slar log pa yin no/ /de gser dang / dngul len pa spangs nas gser dang / dngul len pa las slar log pa yin no/ /de 'bru rjen pa len pa spangs nas 'bru rjen pa len pa las slar log pa yin no/ /de za ma gcig pa yin te/ nub mo'i spangs shing dus ma yin pa'i kha zas spangs pa yin/ dus su rgyu zhing dus su spyod pas sbyor ba la brtson pa yin/ de lus 'tsho ba tsam gyi chos gos kyis chog shes shing tshod zin pa yin/ bsod snyoms lto 'drangs kyis chog shes shing tshod zin pa yin no/ /de lus 'tsho ba tsam gyi chos gos kyis chog shes shing tshod zin/ bsod snyoms lto 'drangs kyis chog shes shing tshod zin pas gang dang gang du 'gro ba na lhung bzed dang bcas chos gos dang bcas pas 'gro'o/ /dper na 'dab chags bya gang dang gang du lding ba der 'dab ma dang chas gshog pa dang chas te lding ba de bzhin du de lus 'tsho ba tsam gyi chos gos kyis chog shes shing tshod zin/ bsod snyoms lto 'drangs kyis chog shes shing tshod zin pas gang dang gang du 'gro ba na lhung bzed dang bcas/ chos gos dang bcas pas 'gro'o// //'dul ba gzhi/ bam po brgya rtsa bdun pa/ rgyal po chen po 'di ltar yang dge sbyong ngam bram ze kha cig dad pas byin pa dag spyad nas sa bon gyi tshogs dang / 'byung po'i tshogs sna tshogs rtsom pa la sbyor bar brtson pas gnas pa 'di lta ste/ rtsa ba'i sa bon dang / sdong bu'i sa bon dang / thor to'i sa bon dang / 'gas pa'i sa bon dang / lnga pa sa bon gyi sa bon nyid de/ dge sbyong ni sa bon gyi tshogs dang / 'byung po'i tshogs sna tshogs rtsom pa la sbyor bar brtson pa de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas gsog 'jog sna tshogs rtsom pa la sbyor bar brtson pas gnas pa 'di lta ste/ zas kyi gsog 'jog dang / skom gyi gsog 'jog dang / gos kyi gsog 'jog dang / dri'i gsog 'jog dang / me tog phreng gi gsog 'jog dang / lo ma'i gsog 'jog dang / me tog gi gsog 'jog dang / 'bras bu'i gsog 'jog ste/ dge sbyong gi gsog 'jog sna tshogs rtsom pa la sbyor bar brtson pa de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas gnas mal mthon po dang / gnas mal chen po sna tshogs rtsom pa la sbyor bar brtson pas gnas par byed pa 'di lta ste stan dang / khri dang / khri snam bu can dang / ras kyi snam bu can dang / be'u ras kyis g.yogs pa dang / ras yug chen gyis g.yogs pa dang / ras khra bos g.yogs pa dang / pa le la'i ras kyis g.yogs pa dang / glang po che'i 'thab stan dang / rta'i 'thab stan dang / ngos gcig bal las byas pa dang / ngos gnyis ka bal las byas pa dang / stod bal las byas pa dang / rgyab bal las byas pa dang / ka ling ka'i gos kyis steng g.yogs dang bcas pa'i gos dang / phyogs gnyis su sngas dmar po bcug pa ste/ dge sbyong ni gnas mal mthon po dang / gnas mal chen po rtsom pa la sbyor ba de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas cha ba dang / gzhag pa sna tshogs rtsom pa la sbyor bar brtson pas gnas pa 'di lta ste/ mnye ba dang / bkru ba dang / dril phyi dang / me tog gi phreng ba dang / dri dang byug pa dang / kha dog 'chang ba dang / sen mo'i kha dog bsgyur ba dang / so byi dor byed pa dang / khar phye ma 'debs pa dang / gdong gi byi dor dang / gdong me long la blta ba dang / gtsug phud 'ching ba dang / gdugs kyi rtsa ba sbu bu can dang / ral gri dang / rnga yab nor bu'i yu ba can dang / mchil lham khra bo dang / gos sar pa dang / ras sar pa kha tshar can 'chang ba'i rang bzhin dag ste/ dge sbyong ni gzhag pa dang cha ba sna tshogs rtsom pa la sbyor bar brtson pa de lta bu las slar log pa yin no/ /rgyal po chen po 'di ltar yang dge sbyong dang / bram ze kha cig dad pas byin pa dag spyad nas ltad mo sna tshogs rtsom pa la sbyor bar brtson pas gnas pa 'di lta ste glang po ches 'gyed pa dang / rtas 'gyed pa dang / shing rtas 'gyed pa dang / dpung bu chung gis 'gyed pa dang / dbyug pas 'gyed pa dang / khu tshur gyis 'gyed pa dang / khyu mchog gis 'gyed pa dang / ma hes 'gyed pa dang / ra 'gyed pa dang / lug 'gyed pa dang / bya gag 'thab pa dang / mchil pa 'thab pa dang / 'ur ba 'thab pa dang / bya gag dang / mchil pa dang / 'ur bar 'thab pa dang / bud med 'thab pa dang / skyes pa 'thab pa dang / gzhon nu 'thab pa dang / gzhon nu ma 'thab pa dang / shing 'dzeg pa dang / bro gar gyi tshogs dang / phrag pa nas mgor ba dang / rgyal mtshan gyi rtse mo dang / dpung gi tshogs dang / g.yul bshams pa dang / dmag gi tshogs la lta ba dang / 'dun phal chen po la lta bar 'dod pa ste/ dge sbyong ni ltad mo sna tshogs rtsom pa la sbyor bar brtson pa de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas sgra sna tshogs nyan pa rtsom pa la sbyor bar brtson pas gnas pa 'di lta ste/ glang po che'i skad dang / rta'i skad dang / shing rta'i sgra dang / dpung bu chung gi sgra dang / rnga pa ta ha'i sgra dang / dung gi sgra dang / rnga bo che'i sgra dang / rol mo'i tshogs pa'i sgra dang / gar mkhan gyi sgra dang / glu'i sgra dang / smra ba'i sgra dang / se gol gyi sgra dang / thal mo'i sgra dang / bum pa'i sgra dang / rang bzo dang / snyan dngags dang / tshig dang yi ge sna tshogs dang / 'jig rten rgyang pan dang ldan pa dang / grags pa'i gtam nyan 'dod pa dag ste/ dge sbyong ni sgra sna tshogs nyan pa rtsom pa la sbyor bar brtson pa de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas/ ug shud dang / khras dang / rgyan po rtsom pa la sbyor bar brtson par gnas pa 'di lta ste/ mig brgyad pa dang / mig bcu pa dang / na ya'i mig dang / phyogs phyogs nas 'gyed pa dang / bum pas rtse ba dang / rtsa le dang / su kha le dang / pheg gis rtse ba dang / gul tsa ba dang / thur ma dang / lag rgyan dang / skugs ji lta bar 'gyed pa ste/ dge sbyong ni ug shud dang / khras dang / rgyan po rtsom pa la sbyor ba de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas gtam sna tshogs rtsom pa la sbyor bar brtson pas gnas pa 'di lta ste/ rgyal po'i gtam dang / chom rkun gyi gtam dang / dmag gi gtam dang / zas kyi gtam dang / skom gyi gtam dang / gos kyi gtam dang / tshong dus kyi gtam dang / smad 'tshong gi gtam dang / las ngan brjod pa'i gtam dang / rgya mtsho chen po brjod pa'i gtam dang / 'jig rten brjod pa'i gtam dang / ljongs dang / sna chen po la gtogs pa brjod pa'i gtam ste/ dge sbyong ni gtam sna tshogs rtsom pa la sbyor ba de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas rtsod pa'i gtam rtsom pa la sbyor bar brtson pas gnas pa 'di lta ste/ ji ltar kho bos chos 'dul ba 'di kun shes pa de bzhin du khyod kyis kyang chos 'dul ba 'di kun shes mod kyi nga'i ni rigs pa dang ldan la khyod kyi ni rigs pa dang mi ldan no/ /nga'i ni 'brel la khyod kyi ni mi 'brel te sngar smra bar bya ba ni phyis smras/ phyis smra bar bya ba ni sngar smra la/ khyod kyis ha cang myur bar smras pa mi gsal lo/ /brtsad pas mjug brtul gyis/ khyod kyis rtsad pa'i don du smras pa'i tshig de thong shig /tshar bcad zin to/ / gal te spogs nus na dris dang / smros shig ces bya ba ste/ dge sbyong ni rtsod pa sna tshogs rtsom pa la sbyor ba de lta bu las slar log pa yin no/ /rgyal po chen po 'di ltar yang dge sbyong dang bram ze kha cig dad pas byin pa dag spyad nas pho nyar 'gro ba dang / gtong ba log pa'i 'tsho bas 'tsho bar byed pa 'di lta ste/ de dag rgyal po'i 'am/ blon po chen po rnams kyi 'am/ bram ze rnams kyi 'am/ grong mi rnams kyi 'am/ yul mi rnams kyi 'am/ nor can rnams kyi 'am/ tshong dpon rnams kyi 'am/ ded dpon rnams kyi pho nya tshu bi nas khrid de pha bir sna 'dren par byed pa dang / pha bi nas pho nya khrid de tshu bir sna 'dren par byed pa ste/ dge sbyong ni pho nyar 'gro ba dang / gtong ba log pa'i 'tsho ba de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas tshul 'chos pa dang / kha gsag dang / gzhog slongs dang / thob kyis 'jal ba dang / rnyed pas rnyed pa sgrub par byed de dge sbyong ni tshul 'chos pa dang / kha gsag dang / gzhog slongs dang / thob kyis 'jal ba dang / rnyed pas rnyed pa sgrub pa de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas yon po'i dpyad kyis log pa'i 'tsho bas 'tsho bar byed pa 'di lta ste/ gnam 'grum pa dang / rma mtshan dang / rmi lam gyi mtshan ma dang / mes tshig pa dang / chus reg pa dang / byi bas zos pa dang / 'bebs pa dang / skad nyan pa dang / 'byung po thams cad kyi skad dang / lus kyi dpyad dang / khyim sa'i dpyad dang / ne tso'i dpyad dang / bya'i dpyad dang / kha cig mthe bo'i dpyad la sbyor ba ste/ dge sbyong ni yon po'i dpyad kyi log pa'i 'tsho ba de lta bu las slar log pa yin no/ /rgyal po chen po 'di ltar yang dge sbyong ngam/ bram ze kha cig dad pas byin pa dag spyad nas yon po'i dpyad kyis log pa'i 'tsho bas 'tsho bar byed pa 'di lta ste/ rgyu skar rnams la rab tu sbyor ba dang / yud tsam dang ldang ba dang / ro brtag pa dang / sngags kyi las dang / zhi ba'i las dang / 'byung po'i las dang / rgyas pa'i las dang / dbang du bya ba'i las dang / yi ge 'bri ba'i las dang / bsang gtor ba'i las dang / grangs dang / kha cig me long gi dpyad la sbyor ba ste/ dge sbyong ni yon po'i dpyad kyi log pa'i 'tsho ba de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas yon po'i dpyad kyis log par 'tsho bas 'tsho bar byed pa 'di lta ste/ lus kyi dpyad/ rtsa ba'i sman/ mig sman sbyin pa dang / snum bag gi ro sbyin pa dang / sman sbyin pa dang / bud med kyi dpyad dang / skyes pa'i dpyad dang / gzhon nu'i dpyad dang / gzhon nu ma'i dpyad dang / sman la sbyor bar byed pa ste/ dge slong ni yon po'i dpyad kyi log pa'i 'tsho ba de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag dpyad nas yon po'i dpyad kyis log pa'i 'tsho bas 'tsho bar byed pa 'di lta ste/ nor bu'i mtshan nyid dang / dbyug pa'i mtshan nyid dang / ral gri'i mtshan nyid dang / mda'i mtshan nyid dang / glang po che'i mtshan nyid dang / rta'i mtshan nyid dang / mtshon cha'i mtshan nyid dang / ma he'i mtshan nyid dang / khyu mchog gi mtshan nyid dang / ra'i mtshan nyid dang / lug gi mtshan nyid dang / bya gag gi mtshan nyid dang / mchil pa'i mtshan nyid dang / 'ur ba'i mtshan nyid dang / bud med kyi mtshan nyid dang / skyes pa'i mtshan nyid dang / gzhon nu'i mtshan nyid dang / gzhon nu ma'i mtshan nyid dang / tshe thung ba'i rtags dang / tshe ring ba'i rtags dang / skal ba chung ba'i rtags dang skal ba che ba'i rtags dang / bsod nams chung ba'i rtags dang / bsod nams che ba'i rtags dang / mthu chung ba'i rtags dang / mthu che ba'i rtags dang / jo bo'i mtshan nyid dang / bran gyi mtshan nyid dag ste/ dge sbyong ni yon po'i dpyad kyi log pa'i 'tsho ba de lta bu las slar log pa yin no/ /rgyal po chen po 'di ltar yang dge sbyong ngam/ bram ze kha cig dad pas byin pa dag spyad nas yon po'i dpyad kyis log pa'i 'tsho bas 'tsho bar byed pa 'di lta ste/ sman mas gcig char gtong ba dang / sbrengs te gtong ba dang / skyug pa dang / 'khru ba dang / snar blugs pa dang / du ba brngub pa dang / dugs kyi las dang / bad kan gyi dpyad dang / pho ba'i dpyad dang / sme ba'i dpyad dang / phol mig gi dpyad dang / ri dgas 'khyil pa dang / bya rog 'khyil pa dang / mkhur ba 'gul ba dang / lce sos chod pa dang / ro langs dang / ro langs phyed kyi sbyor ba ste/ dge sbyong ni yon po'i dpyad kyi log pa'i 'tsho ba de lta bu las slar log pa yin no/ / rgyal po chen po 'di ltar yang dge sbyong ngam bram ze kha cig dad pas byin pa dag spyad nas yon po'i dpyad kyis log pa'i 'tsho bas 'tsho bar byed pa 'di lta ste/ dgug pa dang / kun du dgug pa dang / rnam par dgug pa dang / kun du rmongs pa dang / rnam par rmongs pa dang / rnam par 'thor ba dang / rnam par 'joms pa'i chos dang / bde bar byed pa dang / sdug bsngal bar byed pa dang / bu 'chags par byed pa dang / til gyi sbyin sreg dang / 'bras kyi sbyin sreg dang / nor gyi sbyin sreg dang / 'bru'i sbyin sreg dang / mon sran sde'u yi sbyin sreg dang / mon sran na gu'i sbyin sreg dang / rdzas kyi sbyin sreg dang / sreg blugs kyi sbyin sreg dang / nyi ma la bkur sti byed pa dang / rgyu skar la bkur sti byed pa dang / lha la bkur sti byed pa dang / kha cig dmag mang po 'dren pa ste/ dge sbyong ni yon po'i dpyad kyi log pa'i 'tsho ba de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas yon po'i dpyad kyis log pa'i 'tsho bas 'tsho bar byed pa 'di lta ste/ 'jigs par 'gyur ba dang / zhi bar 'gyur ba dang / lo nyes par 'gyur ba dang / lo legs par 'gyur ba dang / char mi 'bab par 'gyur ba dang / char legs par 'bab par 'gyur ba dang / yams kyi nad 'byung bar 'gyur ba dang / yams kyi nad 'byung bar mi 'gyur ro zhes bya ba ste/ dge sbyong ni yon po'i dpyad kyis log pa'i 'tsho ba de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas yon po'i dpyad kyis log pa'i 'tsho bas 'tsho bar byed pa 'di lta ste/ zun rnams kyi rgyal po rgyal bar 'gyur zhing phyi rol pa rnams kyi rgyal po pham par 'gyur ba dang / phyi rol pa rnams kyi rgyal po rgyal bar 'gyur zhing zun rnams kyi rgyal po pham par 'gyur ba dang / zun rnams kyi rgyal po g.yul du 'jug par 'gyur zhing phyi rol pa rnams kyi rgyal po 'byung bar 'gyur ba dang / phyi rol pa rnams kyi rgyal po g.yul du 'jug par 'gyur zhing zun rnams kyi rgyal po 'byung bar 'gyur ro/ /zhes bya ba ste/ dge sbyong ni yon po'i dpyad kyi log pa'i 'tsho ba de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas yon po'i dpyad kyis log pa'i 'tsho bas 'tsho bar byed pa 'di lta ste/ nyi ma dang zla ba dag lam du 'gro na 'di ltar 'gyur ro/ /nyi ma dang zla ba dag lam gol bar 'gro na 'di ltar 'gyur ro/ /nyi ma gzas zin pa dang / zla ba gzas zin pa dang / skar mda' lhung ba dang / phyogs dmar por gyur pa dang / bar snang las sgra 'byung ba dang / lam gol bar nyi ma gzas zin pa dang / zla ba gzas zin pa dang / skar mda' lhung ba dang / phyogs dmar por 'gyur ba dang / bar snang las sgra 'byung ba dang / nyi ma dang zla ba 'di gnyis 'di ltar rdzu 'phrul che zhing 'di ltar mthu che ba 'char ba dang / nub pa dang / bsgribs pa dang / ma bsgribs pa dang / 'di lta ste lam dang / lam gol ba'i gnas dag mi mngon na 'di ltar 'gyur ro zhes bya ba ste/ dge sbyong ni yon po'i dpyad kyi log pa'i 'tsho ba de lta bu las slar log pa yin no/ /rgyal po chen po 'di ltar yang dge sbyong ngam bram ze kha cig dad pas byin pa dag spyad nas yon po'i dpyad kyis log pa'i 'tsho bas 'tsho bar byed pa 'di lta ste/ nyi ma dang zla ba dag lam du 'gro na 'bras bu 'di lta bur 'gyur ba dang / nyi ma dang zla ba dag lam gol bar 'gro na 'bras bu 'di lta bur 'gyur ba dang / lam du nyi ma gzas zin pa dang / zla ba gzas zin pa dang / skar mda' ltung ba dang / phyogs dmar por 'gyur ba dang / bar snang las sgra byung na 'bras bu 'di lta bur 'gyur ba dang / lam gol bar nyi ma gzas zin pa dang / zla ba gzas zin pa dang / skar mda' ltung ba dang / phyogs dmar po 'gyur ba dang / bar snang las sgra byung na 'bras bu 'di lta bur 'gyur ba dang / nyi ma dang zla ba 'di gnyis 'di ltar rdzu 'phrul che zhing mthu che ba 'char ba dang nub pa dang / bsgribs pa dang / ma bsgribs pa dang / 'di lta ste lam dang / lam gol ba mngon na 'bras bu 'di lta bur 'gyur ba ston pa ste/ dge sbyong ni yon po'i dpyad kyi log pa'i 'tsho ba de lta bu las slar log pa yin no/ /de 'phags pa'i tshul khrims kyi phung po de dang ldan pas nang gi bde ba kha na ma tho ba med pa nyams su myong bar byed cing de dbang po rnams kyi sgo bsdams pa dang / kun du bsrungs pa'i dran pa dang / 'grus skyong gi dran pa dang / yid dran pas bsrungs pas gnas skabs mnyam par spyod pa yin te/ de mig gis gzugs rnams mthong na yid bde bar mi 'gyur/ yid mi bde bar mi 'gyur/ mtshan mar mi 'dzin mngon rtags su mi 'dzin no/ /gzhi gang gi phyir zhe na/ mig gi dbang po'i sdom pas ma bsdams par gnas pa ni 'jig rten la brnab sems dang / yid mi bde ba dag 'byung bas sdig pa mi dge ba'i chos rnams sems kyi rjes su 'brang bar 'gyur ro/ /de rnams bsdam pa'i phyir sgrub cing bsrung bar mig gi dbang po sdom par byed do/ /rna bas sgra dang / snas dri dang / lces ro dang / lus kyis reg bya dang / yid kyis chos rnams shes nas yid bde bar mi 'gyur/ yid mi bde bar mi 'gyur/ mtshan mar mi 'dzin/ mngon rtags su mi 'dzin no/ / gzhi gang gi phyir zhe na/ yid kyi dbang po'i sdom pas ma bsdams par gnas pa ni 'jig rten la brnab sems dang / yid mi bde ba dag 'byung bas sdig pa mi dge ba'i chos rnams sems kyi rjes su 'brang bar 'gyur ro/ / de rnams bsdam pa'i phyir sgrub cing bsrung bar yid kyi dbang po sdom par byed do/ /de 'phags pa'i tshul khrims kyi phung po de dang / dbang po'i sgo bsdams pa de dang ldan pas nang gi bde ba gnod pa med pa nyams su myong zhing de 'gro ba dang ldog pa la shes bzhin du gnas pa yin no/ /de lta ba dang / rnam par lta ba dang / bskum pa dang / brkyang ba dang / snam sbyar dang / chos gos dang / lhung bzed len pa dang / 'gro ba dang / 'greng ba dang / 'dug pa dang / nyal ba dang / mi nyal ba dang / smra ba dang / mi smra ba dang / gnyid kyis dub pa sel ba la yang shes bzhin du gnas pa yin no/ /de 'phags pa'i tshul khrims kyi phung po de dang ldan zhing dbang po'i sgo bsdams pa de dang / dran pa dang shes bzhin mchog de dang ldan pas nang gi bde ba kha na ma tho ba med pa nyams su myong ba yin no/ /de 'phags pa'i tshul khrims kyi phung po de dang ldan zhing dbang po'i sgo bsdams pa de dang / dran pa dang shes bzhin mchog de dang ldan pas gnas mal dben pa dgon pa dang / shing drung dang / khang stong dag tu gnas pa yin te/ de dgon par song kyang rung / shing drung du song yang rung khang stong du song yang rung / 'dug ste skyil mo dkrung bcas shing lus drang por bsrang nas dran pa mngon du bzhag ste/ de 'jig rten la brnab sems spangs te/ brnab sems dang bral ba'i sems kyis lan mang du gnas shing brnab sems yongs su sbyong ba yin no/ /'jig rten la gnod sems dang / rmugs pa dang gnyid dang / rgod pa dang / 'gyod pa dang / the tshom spangs te yid gnyis las rgal ba yin/ the tshom dang som nyi las rgal ba yin zhing dge ba'i chos rnams la the tshom yongs su sbyong ba yin no/ /rgyal po chen po dper na mi zhig gis skyin po zhig blangs nas zhing blas kyi mtha' rnams la brtson par byas te/ de'i las kyi mtha' de rnams chud ma zos shing grub nas des de las bu lon de yang gzhal la de la chung ma gso ba chog tsam zhig kyang bdog nas de 'di snyam du sems te/ bdag gis skyin po blangs nas las kyi mtha' rnams la brtson par byas te/ bdag gi las kyi mtha' de rnams chud ma zos shing grub nas bdag gis de la bu lon de yang gzhal/ bdag la chung ma gso ba chog tsam zhig kyang bdog go snyam ste/ de gzhi des bde bar gyur yid bde bar gyur pa dang / dper na mi na ba nad tshabs che ba sdug bsngal ba zhig yod la/ de zas zos pa ni lus la 'jur mi btub/ skom 'thungs pa ni khong du gnod par gyur pa las de dus gzhan zhig na nad med cing mthu dang ldan par gyur nas de 'di snyam du sems te/ bdag sngon na ba na nad tshabs che ba sdug bsngal bar gyur pa dang / bdag gis kha zas zos pa ni lus la 'jur mi btub/ skom 'thungs pa ni khong du gnod par gyur pa las da ni bdag nad med cing mthu dang ldan pas bde ste bdag gis zas zos pa ni lus la 'jur btub/ skom 'thungs pa ni khong du gnod par ma gyur to snyam ste/ gzhi des dga' ba dang / rab tu dga' bar gyur pa dang / dper na mi zhig bran du gyur te/ mngag gzhug pa go re long lto khol rang dbang med par gyur pa las de dus gzhan zhig na/ bran mi byed par gyur te mngag gzhug pa mi byed/ go re long mi byed/ lto khol mi byed de/ rang dbang yod nas de 'di snyam du sems te/ bdag sngon bran du gyur pa na mngag gzhug pa dang / go re long dang / lto khol dang / rang dbang med pa las da ni bdag bran mi byed pas mngag gzhug mi byed/ go re long mi byed/ lto khol mi byed de/ rang dbang yod do snyam nas/ de gzhi des bde bar gyur/ yid bde bar gyur pa dang / dper na mi zhig btson du bzung ste/ phying ka log tu dam du bcings pa las de de las nor gzhal ba med par bde bar legs par thar bar gyur pa dang / de 'di snyam du sems te/ bdag sngon btson du bzung nas phying ka log tu dam du bcings par gyur pa las da ni de las nor gzhal mi dgos par bde bar legs par thar to snyam nas/ de gzhi des bde bar gyur yid bde bar gyur pa dang / dper na mi zhig skrag par gyur pa las bde ba dang / lo nyes pa las lo legs par gyur nas/ de 'di snyam du sems te/ bdag skrag pa las bde bar gyur cing / lo nyes pa las lo legs par gyur to snyam ste/ de gzhi des bde bar gyur/ yid bde bar gyur pa de bzhin du rgyal po chen po des bdag nyid kyi sgrib pa lnga po 'di dag skyin po ji lta ba dang / nad ji lta ba dang / bran ji lta ba dang / btson ji lta ba dang / 'jig pa ji lta ba bzhin du spangs pa yang dag par rjes su mthong ngo / /de sgrib pa lnga po sems nye ba'i nyon mongs par byed pa/ shes rab nyam chung bar byed pa/ mi mthun pa'i phyogs dang 'thun pa/ mya ngan las 'das par mi 'gyur ba dag spangs nas/ de 'dod pa rnams las dben/ sdig pa mi dge ba'i chos rnams las dben/ rtog pa dang bcas/ dpyod pa dang bcas/ dben pa las skyes pa'i dga' ba dang / bde ba can bsam gtan dang po rdzogs par byas nas gnas so/ /des lus de nyid dben pa las skyes pa'i dga' ba dang bde bas mngon du rlan par byed/ yongs su rlan par byed/ yongs su tshim par byed yongs su khyab par byed de de'i lus thams cad la 'di lta ste/ dben pa las skyes pa'i dga' ba dang bde bas ma khyab pa 'am/ khyab par ma gyur pa cung zad kyang med do/ /dper na khrus mkhan nam khrus mkhan gyi slob ma mkhas pa zhig kha phor ram/ gzhong bu 'am/ nya phyis kyi nang du 'dag chal gyi phye ma zhib mo blugs te chus btab ste bdas na 'dag chal gyi gong bu de gsher dang ldan/ gsher gyis zhen te/ gsher gyis phyi nang khyab pas 'bo bar mi 'gyur/ 'dzag par mi 'gyur ba de bzhin du des lus de nyid dben pa las skyes pa'i dga' ba dang bde bas mngon du rlan par byed/ yongs su rlan par byed/ yongs su tshim par byed/ yongs su khyab par byed do/ / de'i lus thams cad la 'di lta ste/ dben pa las skyes pa'i dga' ba dang bde bas ma khyab pa 'am/ khyab par ma gyur pa cung zad kyang med do/ /rgyal po chen po ji snyam du sems/ de lta yin na ngas yang dag par mthong ba'i dge sbyong gi tshul gyi 'bras bu bstan pa ma yin nam/ btsun pa mad lags te/ de lta lags na bcom ldan 'das kyis yang dag par mthong ba'i dge sbyong gi tshul gyi 'bras bu bstan lags so/ /de rtogs pa dang dpyod pa dang bral zhing nang yongs su dngas te/ sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa rdzogs par byas nas gnas shing / des lus de nyid ting nge 'dzin las skyes pa'i dga' ba dang bde bas mngon du rlan par byed/ yongs su rlan par byed/ yongs su khyab par byed de/ de'i lus thams cad la 'di lta ste/ ting nge 'dzin las skyes pa'i dga' ba dang bde bas ma khyab pa 'am/ khyab par ma gyur pa cung zad kyang med do/ /dper na ri'i rtse mo'i phyogs shig na bkod ma'i mtsho bran zhig yod par gyur la/ der ni shar phyogs nas kyang chu mi 'bab par gyur la/ lho phyogs nas ma yin/ nub phyogs nas ma yin zhing / byang phyogs nas kyang chu mi 'bab la/ der lhas kyang dus dus su char gyi rgyun mi 'bebs te/ gzhan du na bkod ma'i mtsho bran de nyid nas bkod ma'i chu 'am/ bkod ma'i chu chen po lud nas bkod ma'i mtsho bran de thams cad chu bsil bas gang bar byed/ yongs su gang bar byed/ shin du gang bar byed/ yongs su khyab par byed de/ bkod ma'i 'tsho bran de thams cad 'di lta ste/ chu bsil bas ma khyab pa 'am/ khyab par ma gyur pa cung zad kyang med do/ /de bzhin du des lus de nyid ting nge 'dzin las skyes pa'i dga' ba dang bde bas mngon du rlan par byed/ yongs su rlan par byed/ yongs su tshim par byed/ yongs su rgyas par byed de/ de'i lus thams cad la 'di lta ste/ ting nge 'dzin las skyes pa'i dga' ba dang bde bas ma khyab pa 'am/ khyab par ma gyur pa cung zad kyang med do/ /rgyal po chen po ji snyam du sems/ de lta yin na ngas yang dag par mthong ba'i dge sbyong gi tshul gyi 'bras bu bstan pa ma yin nam/ btsun pa mad lags te/ de lta lags na bcom ldan 'das kyis yang dag par mthong ba'i dge sbyong gi tshul gyi 'bras bu bstan lags so/ /de dga' ba'i 'dod chags dang bral bar btang snyoms la gnas shing dran pa dang shes bzhin can yin te/ bde ba lus kyis myong la 'phags pa rnams kyis gang de dran pa dang ldan pa bde ba la gnas pa btang snyoms pa'o zhes brjod pa ste/ dga' ba med pa'i bsam gtan gsum pa rdzogs par byas nas gnas te/ des lus de nyid dga' ba med pa'i bde bas mngon du rlan par byed/ yongs su rlan par byed/ yongs su tshim par byed/ yongs su khyab par byed de/ de'i lus thams cad la 'di lta ste/ dga' ba med pa'i bde bas ma khyab pa 'am/ khyab par ma gyur pa cung zad kyang med do/ /dper na ut+pal 'am/ pad ma 'am/ ku mu da 'am/ pad+ma dkar po chu las skyes shing chu nas chen por gyur pa rtses btags shing 'dug pa de dag gi rtsa ba nas rtse mo'i bar gyi gsab gseb 'di lta ste/ chu bsil bas ma khyab pa 'am/ khyab par ma gyur pa cung zad kyang med pa de bzhin du des lus de nyid dga' ba med pa'i bde bas mngon du rlan par byed/ yongs su rlan par byed/ yongs su tshim par byed/ yongs su khyab par byed de/ de'i lus thams cad la 'di lta ste/ dga' ba med pa'i bde bas ma khyab pa 'am/ khyab par ma gyur pa cung zad kyang med do/ /rgyal po chen po ji snyam du sems/ de lta yin na ngas yang dag par mthong ba'i dge sbyong gi tshul gyi 'bras bu bstan pa ma yin nam/ btsun pa mad lags te/ de lta lags na bcom ldan 'das kyis yang dag par mthong ba'i dge sbyong gi tshul gyi 'bras bu bstan lags so/ /de bde ba yang spangs te snga nas sdug bsngal yang spangs shing yid bde ba dang / yid mi bde ba yang nub pas bde ba yang ma yin/ sdug bsngal ba yang ma yin pa btang snyoms dang dran pa yongs su dag pa bsam gtan bzhi pa rdzogs par byas nas gnas te/ de lus de nyid yongs su dag pa dang / rnam par byang ba'i sems kyis lhag par mos te/ khyab par byas nas rdzogs par byas te gnas pas de'i lus thams cad la 'di lta ste/ yongs su dag pa dang / rnam par byang ba'i sems kyis ma khyab pa 'am/ khyab par ma gyur pa cung zad kyang med do/ /dper na khyim bdag gam khyim bdag gi bus ras khru brgyad pa 'am/ dgu pas de mgo dang / lag pa dang rkang pa g.yogs nas/ de'i mgo dang lag pa nas rkang pa'i bar lus thams cad 'di lta ste/ ras gtsang ma yongs su dag pas ma yog pa 'am/ yog par ma gyur pa cung zad kyang med do/ /de bzhin du des lus de nyid yongs su dag pa dang / rnam par byang ba'i sems kyis lhag par mos te khyab par byas nas rdzogs par byas te gnas pas de'i lus thams cad la 'di lta ste/ yongs su dag pa dang / rnam par byang ba'i sems kyis ma khyab pa 'am/ khyab par ma gyur pa cung zad kyang med do/ /rgyal po chen po ji snyam du sems/ de lta yin na ngas yang dag par mthong ba'i dge sbyong gi tshul gyi 'bras bu bstan pa ma yin nam/ btsun pa mad lags te/ de lta lags na bcom ldan 'das kyis yang dag par mthong ba'i dge sbyong gi tshul gyi 'bras bu bstan lags so/ /rgyal po chen po gang gi tshe 'phags pa'i nyan thos bde ba yang spangs te/ snga nas sdug bsngal yang spangs shing yid bde ba dang yid mi bde ba yang nub pas/ bde ba yang ma yin sdug bsngal ba yang ma yin pa btang snyoms dang dran pa yongs su dag pa bsam gtan bzhi pa rdzogs par byas te gnas pa de'i tshe de'i sems rgod pa ma yin zhum pa ma yin no/ /rgod pa med cing zhum pa med pas mi g.yo bar gnas pa thob bo/ /dper na khang pa rtseg ma 'am/ khang pa rtseg ma'i khyams su 'bru mar gyi me mar bus pa de'i me lce rlung nas bya dang mi dang mi ma yin pa'i bar gyis ma bskyod cing ma bsgul ba de'i me lce de rgod pa ma yin zhum pa ma yin no/ /rgod pa med cing zhum pa med par gnas pas mi g.yo bar 'bar ba de bzhin du/ gang gi tshe 'phags pa'i nyan thos bde ba yang spangs te/ snga nas sdug bsngal yang spangs shing yid bde ba dang yid mi bde ba yang nub pas bde ba yang ma yin sdug bsngal yang ma yin pa btang snyoms dang dran pa yongs su dag pa bsam gtan bzhi pa rdzogs par byas te gnas pa de'i tshe de'i sems de rgod pa ma yin/ zhum pa ma yin no/ /rgod pa med cing zhum pa med pas mi g.yo bar gnas pa thob nas de 'di snyam du sems te/ bdag gi lus kyi gzugs 'di ni rags pa 'byung ba chen po bzhi'i rgyu las byung ba yin te/ 'di la bdag gi rnam par shes pa rten cing 'di la gnas te 'di la khyab par gnas kyis/ ma la bdag gis lus las yid bskyod de lus gzhan yid las byung ba'i gzugs dbang po ma tshang ba ma yin zhing dman pa ma yin pa zhig mngon par sprul lo snyam nas/ de lus de las yid bskyod de lus gzhan yid las byung ba'i gzugs dbang po ma tshang ba ma yin zhing dman pa ma yin pa mngon par sprul par byed do/ /dper na nor bu bai dUr+ya bzang po rigs dang ldan pa gsal ba dang / dang ba dang / dri ma med pa tshon skud sna lnga pa 'di lta ste/ sngon po dang / ser po dang / dmar po dang / dkar po dang / leb rgan la rgyus pa de skyes bu mig dang ldan pas mthong na 'di ni skud pa yin no/ /'di ni nor bu yin te/ skud pa 'di la nor bu brgyus so zhes bya bar shes pa de bzhin du de lus de las yid bskyod de/ lus gzhan zhig las byung ba'i gzugs dbang po ma tshang ba ma yin zhing dman pa ma yin pa mngon par sprul par byed do/ /dper na mi zhig gis rtswa mun dza las thur ma phyung pa de skyes bu mig dang ldan pas mthong na 'di ni rtswa mun dza yin no/ /'di ni thur ma yin te/ mun dza las thur ma phyung ba yin no zhes shes pa de bzhin du de lus de las yid bskyod nas lus gzhan yid las byung ba'i gzugs dbang po ma tshang ba ma yin zhing dman pa ma yin pa mngon par sgrub par byed do/ /dper na mi zhig gis za ma tog nas sbrul phyung ba de skyes bu mig dang ldan pas mthong na 'di ni za ma tog yin no/ za ma tog nas sbrul phyung ba yin no zhes shes pa de bzhin du de lus de las yid bskyod nas lus gzhan yid las byung ba'i gzugs dbang po ma tshang ba ma yin zhing dman pa ma yin pa mngon par sprul par byed do/ /dper na mi zhig gis ral gri shubs nas phyung ba de skyes bu mig dang ldan pas mthong na 'di ni shubs yin no/ /'di ni ral gri yin te/ ral gri shubs nas phyung ba yin no zhes shes pa de bzhin du/ de lus de las yid bskyod nas lus gzhan yid las byung ba'i gzugs dbang po ma tshang ba ma yin zhing dman pa ma yin pa mngon par sprul par byed do/ /de de ltar mnyam par gzhag pa'i sems yongs su dag pa/ rnam par byang ba nyon mongs pa med pa/ nye ba'i nyon mongs pa dang bral ba/ drang por gyur pa las su rung ba la gnas pa/ mi g.yo ba thob nas rdzu 'phrul gyi yul shes pa mngon sum du bya ba'i mngon par shes pa la sems mngon par gtod par byed cing / de rdzu 'phrul gyi yul rnam pa du ma nyams su myong bar byed de/ 'di lta ste/ gcig tu gyur nas mang por gyur pa dang / mang por gyur nas gcig tu gyur pa dang / snang bar gyur cing mi snang bar gyur pa'i shes pa mthong ba nyams su myong bar byed cing / rtsig pa la yang thad kar 'gro/ ri la yang thad kar 'gro/ ra ba la yang thad kar 'gro ste/ lus kyis thogs pa med par 'gro ba ni dper na nam mkha' la bya ba bzhin no/ /sa la yang steng du 'byung ba dang bye'u zul byed de/ dper na chu la bya ba bzhin no/ /chu la yang rgyun phyogs las bzlog par 'gro ste/ dper na sa la bya ba bzhin no/ /nam mkha' la yang skyil mo dkrung gis 'gro ste/ dper na 'dab chags bya bzhin no/ /zla ba dang nyi ma 'di gnyis 'di ltar rdzu 'phrul che ba/ 'di ltar mthu che ba la yang lag pas 'dzin cing kun du nyug par byed la/ tshangs pa'i 'jig rten gyi bar du lus kyis dbang sgyur bar byed do/ /dper na gser mgar ram gser mgar gyi slob ma mkhas pa zhig gis gser shin du las su rung bar byas par rig nas rdungs su bya ba'i rnam pa phor bu 'am/ mgul rgyan nam/ lag rgyan nam/ rkang rgyan nam/ sor gdub brgya 'am/ gser gyi phreng ba gang dang gang byed 'dod pa de dang de myur ba myur bar byed pa de bzhin du/ de de ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob nas rdzu 'phrul gyi yul shes pa mngon sum du bya ba'i mngon par shes pa la sems mngon du gtod par byed cing / de rdzu 'phrul gyi yul rnam pa du ma nyams su myong bar byed de/ 'di lta ste gcig tu gyur nas mang por gyur pa dang / mang por gyur nas gcig tu gyur pa dang / snang bar gyur cing mi snang bar gyur pa'i shes pa mthong ba nyams su myong bar byed cing rtsig pa la yang thad kar 'gro/ ri la yang thad kar 'gro/ ra ba la yang thad kar 'gro ste/ lus kyis thogs pa med par 'gro ba ni dper na nam mkha' la bya ba bzhin no/ /sa la yang steng du 'byung ba dang bye'u zul byed de/ dper na chu la bya ba bzhin no/ /chu la yang rgyun phyogs las bzlog par 'gro ste/ dper na sa la bya ba bzhin no/ /nam mkha' la yang skyil mo dkrung gis 'gro ste/ dper na 'dab chags bya bzhin no/ /zla ba dang nyi ma 'di gnyis 'di ltar rdzu 'phrul che ba/ 'di ltar mthu che ba la yang lag pas 'dzin cing kun du nyug par byed la/ tshangs pa'i 'jig rten gyi bar du lus kyis dbang sgyur bar yang byed do/ /dper na rdza mkhan nam rdza mkhan gyi slob ma mkhas pa zhig gis 'jim pa'i gong bu shin du las su rung bar byas par rig nas snod kyi rnam pa gang dang gang du bsgrub par 'dod pa de dang de kho na myur ba myur bar sgrub pa de bzhin du/ de de ltar mnyam par bzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob nas rdzu 'phrul gyi yul shes pa mngon sum du bya ba'i mngon par shes pa la sems mngon par gtod par byed cing / de rdzu 'phrul gyi yul rnam pa du ma nyams su myong bar byed do/ /'di lta ste gcig tu gyur nas mang por gyur pa dang / mang por gyur nas gcig tu gyur pa dang / snang bar gyur cing mi snang bar gyur pa'i shes pa mthong ba nyams su myong bar byed cing / rtsig pa la yang thad kar 'gro/ ri la yang thad kar 'gro/ ra ba la yang thad kar 'gro ste/ lus kyis thogs pa med par 'gro ba ni dper na nam mkha' la bya ba bzhin no/ /sa la yang steng du 'byung ba dang / bye'u zul byed de/ dper na chu la bya ba bzhin no/ /chu la yang rgyun phyogs las bzlog par 'gro ste/ dper na sa la bya ba bzhin no/ /nam mkha' la skyil mo dkrung gis 'gro ste/ dper na 'dab chags bya bzhin no/ /zla ba dang nyi ma 'di gnyis 'di ltar rdzu 'phrul che ba/ 'di ltar mthu che ba la yang lag pas 'dzin cing kun du nyug par byed la/ tshangs pa'i 'jig rten gyi bar du lus kyis dbang sgyur bar yang byed do/ /dper na ba so mkhan nam ba so mkhan gyi slob ma mkhas pa zhig gis ba so shin du las su rung bar byas par rig nas gzugs kyi rnam pa gang dang gang du bsgrub par 'dod pa'i gzugs kyi rnam pa de dang / de myur ba myur bar sgrub par byed pa de bzhin du/ de de ltar mnyam par gzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa las su rung ba la gnas pa/ mi g.yo ba thob nas rdzu 'phrul gyi yul shes pa mngon du bya ba'i mngon par shes pa la sems mngon par gtod par byed cing / de rdzu 'phrul gyi yul rnam pa du ma nyams su myong bar byed de/ 'di lta ste/ gcig tu gyur nas mang por gyur pa dang / mang por gyur nas gcig tu gyur pa dang / snang bar gyur cing mi snang bar gyur pa'i shes pa mthong ba nyams su myong bar byed cing rtsig pa la yang thad kar 'gro/ ri la yang thad kar 'gro/ ra ba la yang thad kar 'gro ste/ lus kyis thogs pa med par 'gro ba ni dper na nam mkha' la bya ba bzhin no/ /sa la yang steng du 'byung ba dang bye'u zul byed de/ dper na chu la bya ba bzhin no/ /chu la yang rgyun phyogs las bzlog par 'gro ste/ dper na sa la bya ba bzhin no/ /nam mkha' la yang skyil mo dkrung gis 'gro ste/ dper na 'dab chags bya bzhin no/ / zla ba dang nyi ma 'di gnyis 'di ltar rdzu 'phrul che ba/ 'di ltar mthu che ba la yang lag pas 'dzin cing kun du nyug par byed la/ tshangs pa'i 'jig rten gyi bar du lus kyis dbang sgyur bar yang byed do/ /rgyal po chen po ji snyam du sems/ de lta yin na ngas yang dag par mthong ba'i dge sbyong gi tshul gyi 'bras bu bstan pa ma yin nam/ btsun pa mad lags te/ de lta lags na bcom ldan 'das kyis yang dag pa mthong ba'i dge sbyong gi tshul gyi 'bras bu bstan lags so/ / de de ltar mnyam par gzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob nas lha'i rna ba shes pa'i mngon par shes pa mngon sum du bya ba la sems mngon du gtod par byed cing / de lha'i rna ba rnam par dag pa mi'i las 'das nas mi rnams kyi 'am/ mi ma yin pa rnams kyi 'am/ gang dag ring po 'am/ gang dag nye ba'i sgra gnyis ga thos par byed do/ /dper na mi dung 'bud pa zhig ri brag chen po'i khar 'dzegs nas mtshan nam phyed kyi dus su dung bus na de'i sgra des phyogs tha dad pa thogs pa med par khyab pa de bzhin du/ de ltar mnyam par gzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob nas lha'i rna ba shes pa'i mngon par shes pa mngon sum du bya ba'i mngon par shes pa la sems mngon du gtod par byed cing / de lha'i rna ba rnam par dag pa mi'i las 'das nas mi rnams kyi 'am/ mi ma yin pa rnams kyi 'am/ gang dag ring po 'am/ gang dag nye ba'i sgra gnyis ga thos par byed do/ /rgyal po chen po ji snyam du sems/ de lta yin na ngas yang dag par mthong ba'i dge sbyong gi tshul gyi 'bras bu bstan pa ma yin nam/ btsun pa mad lags te/ de lta lags na bcom ldan 'das kyis yang dag par mthong ba'i dge sbyong gi tshul gyi 'bras bu bstan lags so/ /de de ltar mnyam par gzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob nas de sems kyi rnam grangs shes pa mngon sum du bya ba'i mngon par shes pa la sems mngon du gtod par byed cing / de'i yid kyis sems can gzhan rnams kyi dang / gang zag gzhan rnams kyi rnam par rtog pa dang / rnam par dpyod pa'i yid ji lta ba bzhin du rab tu shes te/ 'dod chags dang bcas pa'i sems la 'dod chags dang bcas pa'i sems yin no zhes yang dag pa ji lta ba bzhin du rab tu shes so/ /'dod chags dang bral ba'i sems la 'dod chags dang bral ba'i sems yin no zhes yang dag pa ji lta ba bzhin du rab tu shes so/ /zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / bsdus pa dang / rnam par g.yengs pa dang / zhum pa dang / rab tu 'dzin pa dang / rgod pa dang / rgod pa ma yin pa dang / nye bar zhi ba dang / nye bar zhi ba ma yin pa dang / mnyam par gzhag pa dang / mnyam par gzhag pa ma yin pa dang / bsgoms pa dang / bsgoms pa ma yin pa dang / rnam par grol ba ma yin pa'i sems la rnam par grol ba ma yin pa'i sems yin no zhes yang dag pa ji lta ba bzhin du rab tu shes so/ /shin du rnam par grol ba'i sems la shin du rnam par grol ba'i sems su yang dag pa ji lta ba bzhin du rab tu shes so/ /dper na skyes bu mig dang ldan pas me long gi dkyil 'khor shin du yongs su dag pa blangs nas rang gi bzhin gyi mtshan ma la rtog par byed pa de bzhin du/ de de ltar mnyam par gzhag pa'i sems yongs su dag pa/ rnam par byang ba nyon mongs pa med pa/ nye ba'i nyon mongs pa dang bral ba/ drang por gyur pa las su rung ba la gnas pa/ mi g.yo ba thob nas sems kyi rnam grangs shes pa mngon sum du bya ba'i mngon par shes pa la sems mngon par gtod par byed cing de'i yid kyis sems can gzhan rnams kyi dang / gang zag gzhan rnams kyi rnam par rtog pa dang rnam par dpyod pa'i yid ji lta ba bzhin rab tu shes te/ 'dod chags dang bcas pa'i sems 'dod chags dang bcas pa'i sems yin no zhes yang dag pa ji lta ba bzhin rab tu shes so/ /'dod chags dang bral ba'i sems la 'dod chags dang bral ba'i sems yin no zhes yang dag pa ji lta ba bzhin rab tu shes so/ /zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / bsdus pa dang / rnam par g.yengs pa dang / zhum pa dang / rab tu 'dzin pa dang / rgod pa dang / rgod pa ma yin pa dang / nye bar zhi ba dang / nye bar zhi ba ma yin pa dang / mnyam par gzhag pa dang / mnyam par gzhag pa ma yin pa dang / bsgoms pa dang / bsgoms pa ma yin pa dang / rnam par grol ba ma yin pa'i sems la rnam par grol ba ma yin pa'i sems yin no zhes yang dag pa ji lta ba bzhin rab tu shes so/ /shin du rnam par grol ba'i sems la shin du rnam par grol ba'i sems yin no zhes yang dag pa ji lta ba bzhin rab tu shes so/ /rgyal po chen po ji snyam du sems/ de lta yin na ngas yang dag par mthong ba'i dge sbyong gi tshul gyi 'bras bu bstan pa ma yin nam/ btsun pa mad lags te/ de lta lags na bcom ldan 'das kyis yang dag par mthong ba'i dge sbyong gi tshul gyi 'bras bu bstan lags so/ /de de ltar mnyam par gzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa las su rung ba la gnas pa/ mi g.yo ba thob nas sngon gyi gnas rjes su dran pa shes pa mngon sum du bya ba'i mngon par shes pa la sems mngon du gtod par byed cing / de sngon gyi gnas rnam pa du ma rjes su dran te/ 'di lta ste skye ba gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum bcu dang / bzhi bcu dang / lnga bcu dang / skye ba brgya dang / skye ba stong dang / skye ba brgya stong dang / skye ba brgya phrag du ma dang / skye ba stong phrag du ma dang / skye ba brgya stong phrag du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa dang / 'jig pa'i bskal pa du ma dang / 'chags pa'i bskal pa du ma dang / 'jig pa dang 'chags pa'i bskal pa du ma rjes su dran te/ gang du bdag sems can 'di dag gi nang du skyes pa na ming ni 'di zhes bya/ rigs ni 'di zhes bya/ rus ni 'di zhes bya/ kha zas ni 'di lta bu zhig za za/ bde ba dang sdug bsngal ni 'di lta bu zhig myong / yun ni 'di srid gcig gnas gnas/ tshe ni 'di tsam zhig thub bo/ / bdag gnas de nas shi 'phos nas che ge mo zhig tu skyes so/ /de nas kyang shi 'phos nas ga ge mo zhig tu skyes so/ /de nas kyang shi 'phos nas 'dir skyes so zhes rnam pa dang bcas/ yul phyogs dang bcas par sngon gyi gnas rnam pa du ma rjes su dran no// // 'dul ba gzhi/ bam po brgya rtsa brgyad pa/ dper na mi zhig grong nas grong du song la de nas kyang grong gzhan du song ste/ de nas kyang 'dir 'ongs nas de 'di snyam du sems te bdag gis grong che ge mo nas grong che ge mor son to/ /de nas kyang grong che ge mor ro/ /de nas kyang 'dir 'ongs so snyam pa de bzhin du/ de de ltar mnyam par gzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa las su rung ba la gnas pa/ mi g.yo ba thob nas sngon gyi gnas rjes su dran pa shes pa mngon sum du bya ba'i mngon par shes pa la sems mngon du gtod par byed cing / des sngon gyi gnas rnam pa du ma rjes su dran te/ 'di lta ste/ skye ba gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum bcu dang / bzhi bcu dang / lnga bcu dang / skye ba brgya dang / skye ba stong dang / skye ba brgya stong dang / skye ba brgya phrag du ma dang / skye ba stong phrag du ma dang skye ba brgya stong phrag du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa dang / 'jig pa'i bskal pa du ma dang / 'chags pa'i bskal pa du ma dang / 'jig pa dang 'chags pa'i bskal pa du ma rjes su dran te/ gang du bdag sems can 'di dag gi nang du skyes pa na ming ni 'di zhes bya/ rigs ni 'di zhes bya/ rus ni 'di zhes bya/ kha zas ni 'di lta bu zhig za za/ bde ba dang / sdug bsngal ni 'di lta bu zhig myong / yun ni 'di srid gcig gnas gnas/ tshe ni 'di tsam zhig thub bo/ /bdag gnas de nas shi 'phos nas che ge mo zhig tu skyes/ de nas kyang shi 'phos nas ga ge mo zhig tu skyes/ de nas kyang shi 'phos nas 'dir skyes so zhes rnam pa dang bcas/ yul phyogs dang bcas par sngon gyi gnas rnam pa du ma rjes su dran no/ /rgyal po chen po ji snyam du sems/ de lta yin na ngas yang dag par mthong ba'i dge sbyong gi tshul gyi 'bras bu bstan pa ma yin nam/ btsun pa mad lags te/ de lta lags na bcom ldan 'das kyis yang dag par mthong ba'i dge sbyong gi tshul gyi 'bras bu bstan lags so/ /de de ltar mnyam par gzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob nas 'chi 'pho dang / skye ba shes pa mngon sum du bya ba'i mngon par shes pa la sems mngon du gtod par byed cing / de'i lha'i mig rnam par dag pa mi'i las 'das pas sems can rnams kyi 'chi 'pho rnams dang / skye ba rnams dang / kha dog bzang po rnams dang / kha dog ngan pa rnams dang / dman pa rnams dang / gya nom pa rnams dang / bde 'gro dang / ngan 'gror 'gro ba rnams kyang mthong zhing sems can las ji lta ba bzhin nye bar 'gro ba dag yang dag pa ji lta ba bzhin rab tu shes te/ sems can 'di dag ni lus kyi nyes par spyod pa dang ldan/ ngag dang yid kyi nyes par spyod pa dang ldan zhing 'phags pa rnams la skur pa 'debs pa dang / log par lta ba dang / log par lta ba'i chos kyi las blangs pa'i rgyus rgyu de dang rkyen des lus zhig nas shi ba'i 'og tu ngan song ngan 'gro log par ltung ba'i sems can dmyal ba rnams su skye bar 'gyur ro/ / sems can 'di dag ni lus kyi legs par spyod pa dang ldan/ ngag dang yid kyi legs par spyod pa dang ldan zhing / 'phags pa rnams la skur pa mi 'debs pa dang yang dag par lta ba dang yang dag par lta ba'i chos kyi las blangs pa'i rgyus rgyu de dang rkyen des lus zhig nas bde 'gro mtho ris kyi 'jig rten lha rnams su skye bar 'gyur ro zhes bya bar shes so/ /dper na skyes bu mig dang ldan pa zhig lam po che'i bzhi mdor 'dug nas skye bo'i tshogs chen po 'ong ba dang / 'gro ba dang / 'greng ba dang / 'dug pa dang / spyod pa sna tshogs la rtog par byed pa de bzhin du/ de de ltar mnyam par gzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa las su rung ba la gnas pa/ mi g.yo ba thob nas 'chi 'pho dang / skye ba shes pa mngon sum du bya ba'i mngon par shes pa la sems mngon du gtod par byed cing / de'i lha'i mig rnam par dag pa mi'i las 'das pas sems can rnams kyi 'chi 'pho rnams dang / skye ba rnams dang / kha dog bzang po rnams dang / kha dog ngan pa rnams dang / dman pa rnams dang / gya nom pa dang / bde 'gro dang / ngan 'gror 'gro ba rnams kyang mthong zhing sems can las ji lta ba bzhin nye bar 'gro ba dag yang dag pa ji lta ba bzhin du rab tu shes te/ sems can 'di dag ni lus kyi nyes par spyod pa dang ldan/ ngag dang yid kyi nyes par spyod pa dang ldan zhing 'phags pa rnams la skur ba 'debs pa dang / log par lta ba dang log par lta ba'i chos kyi las blangs ba'i rgyus rgyu de dang rkyen des lus zhig nas/ shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /sems can 'di dag ni lus kyi legs par spyod pa dang ldan/ ngag dang yid kyi legs par spyod pa dang ldan zhing 'phags pa rnams la skur pa mi 'debs pa dang / yang dag par lta ba dang / yang dag par lta ba'i chos kyi las blangs pa'i rgyus rgyu de dang rkyen des lus zhig nas bde 'gro mtho ris kyi 'jig rten lha rnams su skye bar 'gyur ro zhes bya bar shes so/ /rgyal po chen po ji snyam du sems/ de lta yin na ngas yang dag par mthong ba'i dge sbyong gi tshul gyi 'bras bu bstan pa ma yin nam/ btsun pa mad lags te/ de lta lags na bcom ldan 'das kyis yang dag par mthong ba'i dge sbyong gi tshul gyi 'bras bu bstan lags so/ /de de ltar mnyam par gzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob nas zag pa zad pa shes pa mngon sum du bya ba'i mngon par shes pa la sems mngon du gtod par byed cing / des 'di ni sdug bsngal 'phags pa'i bden pa yin no zhes yang dag pa ji lta ba bzhin rab tu shes so/ /'di ni sdug bsngal kun 'byung ba dang / 'di ni sdug bsngal 'gog pa dang / 'di ni sdug bsngal 'gog par 'gro ba'i lam 'phags pa'i bden pa yin no zhes yang dag pa ji lta ba bzhin rab tu shes so/ /des de ltar shes shing de ltar mthong nas 'dod pa'i zag pa las sems rnam par grol bar 'gyur/ srid pa'i zag pa dang / ma rig pa'i zag pa las sems rnam par grol bar 'gyur ro/ /rnam par grol nas bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes rnam par grol ba'i ye shes nyid mthong bar 'gyur ro/ /dper na grong rdal lam grong khyer dang ha cang yang mi ring ba na mtsho bran gting zab pa/ gsal ba dang ba/ rnam par dang ba zhig yod pa der skyes bu mig dang ldan pa zhig 'gram du 'dug nas gseg ma 'am/ gyo mo 'am/ nya 'am rus sbal lam/ nya phyis sam/ dung rnams mthong ba de bzhin du/ de de ltar mnyam par gzhag pa'i sems yongs su dag pa/ rnam par byang ba/ nyon mongs pa med pa/ nye ba'i nyon mongs pa dang bral ba/ drang por gyur pa/ las su rung ba la gnas pa/ mi g.yo ba thob nas zag pa zad pa shes pa mngon sum du bya ba'i mngon par shes pa la sems mngon du gtod par byed cing / des 'di ni sdug bsngal 'phags pa'i bden pa yin no zhes yang dag pa ji lta ba bzhin rab tu shes so/ /'di ni sdug bsngal kun 'byung ba dang / 'di ni sdug bsngal 'gog pa dang / 'di ni sdug bsngal 'gog par 'gro ba'i lam 'phags pa'i bden pa yin no zhes yang dag pa ji lta ba bzhin rab tu shes so/ /des de ltar shes shing de ltar mthong nas 'dod pa'i zag pa las sems rnam par grol bar 'gyur/ srid pa'i zag pa dang / ma rig pa'i zag pa las sems rnam par grol bar 'gyur ro/ /rnam par grol nas bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes rnam par grol ba'i ye shes nyid mthong bar 'gyur ro/ /rgyal po chen po ji snyam du sems/ de lta yin na ngas yang dag par mthong ba'i dge sbyong gi tshul gyi 'bras bu bstan pa ma yin nam/ btsun pa mad lags te/ de lta lags na bcom ldan 'das kyis yang dag par mthong ba'i dge sbyong gi tshul gyi 'bras bu bstan lags so/ /de skad ces bka' stsal pa dang / lus 'phags ma'i bu ma ga d+hA'i rgyal po ma skyes dgra mchi ma blags te ngus so/ /de nas lus 'phags ma'i bu ma ga d+hA'i rgyal po ma skyes dgras gos kyi mtha' mas mchi ma phyis nas bcom ldan 'das kyi zhabs gnyis la mgo bos phyag byas te bcom ldan 'das la 'di skad ces gsol to/ /bcom ldan 'das nongs lags so/ /bde bar gshegs pa nongs lags te/ 'di ltar bdag sdig pa'i grogs po'i grogs can/ sdig pa'i grogs po'i dbang du mchis pa/ sdig pa'i grogs pos zin pas pha chos dang ldan pa chos kyi rgyal po bkum pas byis pa ji lta ba dang / blun po ji lta ba dang / mi gsal ba ji lta ba dang / mi mkhas pa ji lta ba lags te/ btsun pa bdag nongs par 'tshal zhing nongs par mthong na thugs brtse ba nye bar bzung ste nongs pa la nongs pa gzung du gsol/ rgyal po chen po nyes pa la nyes par khyod kyis khong du chud pa ni bden te/ 'di ltar khyod sdig pa'i grogs po'i grogs can/ sdig pa'i grogs po'i dbang du song ba/ sdig pa'i grogs pos zin pas pha chos dang ldan pa chos kyi rgyal po bsad pa ni byis pa ji lta ba dang / blun po ji lta ba dang / mi gsal ba ji lta ba dang / mi mkhas pa ji lta ba yin te/ rgyal po chen po khyod kyis 'di ltar nyes pa shes shing mthong la de mthong nas kyang bshags nas/ phyis sdom par byed na dge ba'i chos rnams mi nyams shing 'phel ba nyid du 'dod par bya'o/ /de ci'i phyir zhe na/ rgyal po chen po gang 'ga' zhig nyes pa shes shing nyes pa mthong nas kyang bshags nas phyis sdom par byed na de'i dge ba'i chos rnams mi nyams shing 'phel ba nyid du 'dod do/ / rgyal po chen po de bzhin du khyod kyis 'di ltar nyes pa shes shing nyes pa mthong la de mthong nas kyang bshags nas phyis sdom par byed na khyod kyi dge ba'i chos rnams mi nyams shing 'phel ba nyid du 'dod par bya'o/ /de nas bcom ldan 'das la lus 'phags ma'i bu ma ga d+hA'i rgyal po ma skyes dgras 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar mdzad du gsol/ bcom ldan 'das kyis lus 'phags ma'i bu ma ga d+hA'i rgyal po ma skyes dgra la cang mi gsung bas gnang ngo / /de nas lus 'phags ma'i bu ma ga d+hA'i rgyal po ma skyes dgras bcom ldan 'das cang mi gsung bas gnang bar rig nas/ bcom ldan 'das kyis gsungs pa la mngon par dga' ste rjes su yi rang nas bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas song ngo / /de nas bcom ldan 'das kyis lus 'phags ma'i bu ma ga d+hA'i rgyal po ma skyes dgra song nas ring po ma lon par thugs su chud nas dge slong rnams la bka' stsal pa/ dge slong dag lus 'phags ma'i bu ma ga d+hA'i rgyal po ma skyes dgra rma byung zhing nyams te/ sdig pa'i grogs po'i grogs can/ sdig pa'i grogs po'i dbang du song ba/ sdig pa'i grogs pos zin pa des pha chos dang ldan pa chos kyi rgyal po chos la gnas pa rgyal po chen po bsad do/ /dge slong dag gal te lus 'phags ma'i bu ma ga d+hA'i rgyal po ma skyes dgras pha chos dang ldan pa chos kyi rgyal po chos la gnas pa rgyal po chen po bsad par ma gyur na/ stan 'di nyid la 'dug bzhin du 'phags pa'i bden pa bzhi po 'di lta ste/ sdug bsngal dang / kun 'byung dang / 'gog pa dang / lam mngon du byas par 'gyur ba gang yin pa'i gnas 'di yod do/ /dge slong dag lus 'phags ma'i bu ma ga d+hA'i rgyal po ma skyes dgra ni de ltar rma byung zhing de ltar nyams par gyur to/ /dge slong dag de lta bas na 'di ltar bslab par bya ste/ gang sdong dum tshig pa la yang ngan sems mi bskyed na/ rnam par shes pa dang bcas pa'i lus la lta smos kyang ci dgos kyis/ dge slong dag khyed kyis de ltar bslab par bya'o/ /de nas lus 'phags ma'i bu ma ga d+hA'i rgyal po ma skyes dgras de nyid kyi nub mo nas gtsang zhing bsod pa'i bza' ba dang bca' ba dag lta gon byas nas nang par sngar langs te gdan bshams/ nor bu'i chu snod bzhag nas/ spyan 'dren gyis bcom ldan 'das la gdugs tshod gsol pa/ btsun pa bcom ldan 'das gdugs tshod lags na/ da de'i dus la bab par mkhyen par mdzad du gsol/ de nas bcom ldan 'das snga dro na bza' sham thabs mnabs chos gos dang lhung bzed bsnams te/ dge slong gi tshogs kyis yongs su bskor cing dge slong gi dge 'dun gyis mdun du bdar te lus 'phags ma'i bu ma ga d+hA'i rgyal po ma skyes dgra'i bkad sa gang na ba der gshegs te byon nas/ dge slong gi dge 'dun gyi gung la gdan bshams pa nyid la bzhugs so/ /de nas lus 'phags ma'i bu ma ga d+hA'i rgyal po ma skyes dgras sangs rgyas la sogs pa dge slong gi dge 'dun bde bar bzhugs par rig nas/ gtsang zhing bsod pa'i bza' ba dang / bca' ba dag rang gi lag nas stobs shing tshim par byed de/ /rnam grangs du mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas te/ bcom ldan 'das kyis gsol zin nas phyag bcabs te lhung bzed gyu bar rig nas stan ches dma' ba zhig blangs te/ bcom ldan 'das kyi spyan sngar chos mnyan pa'i phyir 'dug go/ /de nas bcom ldan 'das kyis lus 'phags ma'i bu ma ga d+hA'i rgyal po ma skyes dgra'i sbyin pa la rjes su yi rang bas rjes su yi rang bar mdzad de/ sbyin sreg mchod sbyin rnams kyi mchog /sdeb sbyor mchog ni nyi ma'i lha/ /mi yi mchog ni rgyal po ste/ /rgya mtsho chu bo rnams kyi mchog /zla ba rgyu skar rnams kyi gtso/ /nyi ma snang byed rnams kyi gtso/ /steng dang 'og dang thad kar yang / / 'gro ba'i 'gro ba ji snyed pa/ /lha dang bcas pa'i 'jig rten na/ /smra ba'i mchog ni rdzogs sangs rgyas/ /de nas lus 'phags ma'i bu ma ga d+hA'i rgyal po ma skyes dgra la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas/ gdan las bzhengs te gshegs so/ /gang gi tshe bcom ldan 'das kyis lus 'phags ma'i bu ma ga d+hA'i rgyal po ma skyes dgra gzhi med pa'i dad pa la bzhag pa de'i tshe gal te khang bzangs kyi steng ngam/ glang po che la zhon pa las/ bcom ldan 'das mthong na yang de'i tshe bdag nyid mchong bar byed do/ /ji tsam dus gzhan zhig na glang po che la zhon pas bcom ldan 'das mthong nas des bdag nyid mchongs pa dang / bcom ldan 'das kyi rdzu 'phrul gyis blangs so/ /des zho shas 'tsho ba dang / nang mi rnams la bsgo ba/ shes ldan dag shes par gyis shig deng phan chad nga bcom ldan 'das dang bcom ldan 'das kyi nyan thos la skyabs su song gis de lta bas na deng phan chad bcom ldan 'das kyi nyan thos dge slong dang / dge slong ma dang / dge bsnyen dang / dge bsnyen ma rnams la sgo ma dgag shig /lha sbyin dang / lha sbyin gyi nyan thos rnams la ni sgo khog shig /ji tsam dus gzhan zhig na/ lha sbyin rgyal po ma skyes dgra'i khyim du 'jug par brtsams pa dang / sgo bas smras pa/ nang du ma 'jug par sdod cig /ci'i phyir lhas bka' stsal pa/ deng phan chad dang bcom ldan 'das dang / bcom ldan 'das kyi nyan thos rnams la skyabs su song gis/ de lta bas na deng phan chad bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma rnams la sgo ma dgag shig /lha sbyin dang / lha sbyin gyi nyan thos rnams la ni sgo khog shig ces byung ngo / /de yang sgo na stod cing 'dug pa las dge slong ma ut+pa la'i mdog bsod snyoms blangs te rgyal po'i pho brang nas phyir byung ba dang / lha sbyin 'di snyam du sems te/ 'di ni dge sbyong mgo reg mo 'di'i las yin te/ 'dis rgyal po ma skyes dgra nang mi dang / gzhon nu dang / blon po dang bcas pa dang / bdag tu dbyen byas pas des na bdag 'di 'dra ba'i gnas skabs su gyur to snyam du bsams nas/ ut+pa la'i mdog la 'di skad ces smras so/ /khyod la kho bos nyes pa ci byas na/ gang gi phyir khyod kyis kho bo bsod snyoms kyi khyim las ring du byas shes des de bsad par brtsams te de la bsnun pa na/ de snying rje rje skad du tshig re re nas dal gyis smras pa/ 'phags pa rnams mi bzod de/ ci bdag re shig khyod bcom ldan 'das kyi mched shAkya'i rigs las rab tu byung ba la de ltar bgyid dam/ bdag gis de ltar ma bgyis kyis bzod pa mdzod cig ces de skad smras kyang / lha sbyin gyis de'i mgo bor khu tshur gyis bsnun to/ /de gnad kyi tshor bas nyen te srog gi 'du byed byin gyis brlabs te tshe'i 'du byed btang nas brtson 'grus la gnas te dge slong ma'i dbyar khang du song ngo / /dge slong ma rnams kyis de lta bu de mthong nas smras pa/ 'phags ma ci nongs/ des smras pa/ phu nu mo dag 'dus byas thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba yin pas khyed cag dge ba'i chos rnams la bag yod par gyis shig /lha sbyin gyis mtshams med pa gsum pa byas kyis yongs su mya ngan las 'da' bar bya'o zhes de nas dge slong ma'i dge 'dun gyi mdun du cho 'phrul rnam pa sna tshogs byas te phung po lhag ma med pa'i mya ngan las 'das pa'i dbyings su yongs su mya ngan las 'das so/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa lha sbyin gyis dge slong ma ut+pa la'i mdog snying rje rje skad du smres bzhin du khu tshur gyis bsnun te bkum pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' shig tu ma zad de ji ltar 'das pa'i dus na yang 'dis 'di snying rje rje skad du smre sngags 'don bzhin du bsad de sha zos pa de nyon cig /dge slong dag sngon byung ba ri 'or zhig na khyim bdag gcig gnas te/ de'i lug rdzis lug gi khyu de bskyang ba'i phyir grong khyer nas phyi rol du byung ngo / / de nas bskyangs nas nyi ma nub pa'i dus kyi tshe ri 'or du 'da' bar brtsams pa dang / de na lug ma rgan zhig phyi nas 'brang zhing song ba de spyang kis bzung ba dang smras pa/ zhang zhang ci ga khyod bde 'am/ /zhang zhang re lta bder gyur tam/ / zhang zhang nyag gcig dgon pa na/ /ji ga bde ba bltar lags sam/ /des kyang smras pa/ kho bo'i mjug ma brdzis nas su/ /mjug ma'i spu yang byi nas ni/ /zhang po zhes pa'i tshig smras pa/ /lug khyod thar bar re 'am ci/ /lug ma mos yang smras pa/ khyod kyi mjug ma phongs na yod/ /bdag gi mdun nas 'ongs gyur na/ /ji lta bu'i thabs shig gis/ /bdag gis mjug ma brdzis par 'gyur/ /spyang kis yang smras pa/ gling bzhi pa 'di rgya mtshor bcas/ / ri bor bcas pa thams cad na/ /bdag gi mjug ma yod yin na/ /khyod ni gang nas 'ongs pa zhig /lug ma mos smras pa/ bzang po khyod kyi mjug ma ni/ /thams cad na ni mchis so zhes/ /bdag gis gnyen las sngon thos nas/ /nam mkha' las ni mchis lags so/ /spyang kis smras pa/ ma rgan khyod nyid de ring ni/ /nam mkha' las ni 'ongs nas su/ /bdag gi bza' skal gang yin pa'i/ /bdag gi ri dgas tshogs de srogs/ /de ni de skad smra bzhin du/ /sdig pa'i las can gyis mchongs nas/ /lug gi mgo bo bcad nas ni/ /bsad de sha yang zos par gyur/ /dge slong dag ji snyam du sems/ de'i tshe de'i dus kyi spyang ki gang yin pa de ni lha sbyin 'di nyid yin no/ /de'i tshe de'i dus kyi lug ma rgan gang yin pa de ni dge slong ma ut+pa la'i mdog 'di nyid yin te/ de na yang 'di snying rje rje skad du smre sngags 'don bzhin du bsad do/ /da ltar yang 'di snying rje rje skad du smre sngags 'don bzhin du bsad do/ /de nas lha sbyin 'di snyam du sems te/ bdag gis bcom ldan 'das la pha rol gnon pa mang du byas shing mtshams med pa yang gsum byas te/ bcom ldan 'das la rdo 'phangs nas khrag phyung ba 'di ni mtshams med pa dang po yin no/ /dge 'dun phye ba ni gnyis pa yin no/ /ut+pa la'i mdog bsad pa 'di ni gsum pa yin te/ thams cad mkhyen pa nyid kyang ma thob la/ gzhan yang dgos pa cung zad kyang ma grub ste/ da ni gzhan byar med sems can dmyal ba rnams su skye bar 'gyur ro snyam du bsams nas lag pa 'gram pa la gtad de sems khong du chud cing 'dug go/ /ji tsam na rdzogs byed de'i drung du phyin nas smras pa/ lha sbyin ci'i phyir lag pa la 'gram pa gtad de sems khongs su chud cing 'dug /des smras pa/ gang gis na bdag zhe sdang gi dbang du song bas bcom ldan 'das la pha rol gnon pa mang du byas shing mtshams med pa'i las gsum byas pas mnar med pa'i sems can dmyal ba chen por yun ring du gnas par 'gyur na/ bdag ci'i phyir sems khongs su chud cing mi 'dug /des smras pa/ bdag gis shAkya rnams kyi nang na khyod 'ba' zhig mkhas pa yin no snyam du shes na khyod kyang blun pa lta/ gang gis na khyod 'di ltar sems khongs su chud cing 'dug pa'i 'jig rten pha rol ga la yod/ gal te 'jig rten pha rol yod na khyod kyis las 'di 'dra ba byas pas khyod kyi phyir kho bo yang sems khongs su chud cing 'dug go/ / de yid ches par bya ba'i phyir des de'i mdun du ril ba bcag nas/ re shig lha dang bcas pa'i 'jig rten gyis 'di slar 'byor bar byos shig /ye bag ma tsha shig /'di la byed pa po 'am/ byed du 'jug pa po ni 'ga' yang med do/ / de lta mod kyi song la ser skya'i gzhir son nas rgyal srid byos shig dang bdag gis khyod kyi blon po'i mchog bgyi'o/ /de na lha sbyin 'phags pa la skur pa 'debs pa'i log pa'i lta ba thob ste/ des na thams cad kyi thams cad du dge ba'i rtsa ba rnams chad par gyur to/ /de na bcom ldan 'das kyis dge slong rnams la bka' stsal pa/ dge slong dag lha sbyin gyis dge ba'i rtsa ba rnams bcad de/ dge slong dag ngas ji srid lha sbyin la dkar po'i chos gzigs pa de'i bar du ngas 'di ltar lha sbyin ngan song sems can dmyal bar bskal par gnas pas gsor mi rung ba'o zhes lha sbyin lung ma bstan to/ /dper na grong khyer ram grong rdal dang ha cang yang mi ring ba zhig na phyi sa khung zabs su mi gang lhag tsam zhig yod pa der mi 'ga' zhig mgo dang / lag pa dang / rkang pa dang bcas par nub par gyur pa de la mi yun ring por don du 'dod pa phan par 'dod pa/ bde bar 'dod pa/ grub pa dang bde ba la reg par 'dod pa 'ga' zhig song ste/ des phyis sa khung de'i nye 'khor kun tu bskor zhing song ste/ mi de'i phyi sas ma reg pa'i phyogs 'ga' zhig rnyed na 'di de nas bzung ste dbyung bar bya'o snyam nas/ des de'i nye kor kun tu bskor te song na mi de la des bzung ste dbyung ba'i phyogs chung ngu na lag mthil tsam yang mi gtsang bas ma reg pa cung zad kyang med pa de bzhin du/ dge slong dag ngas ji srid lha sbyin la dkar po'i chos gang na skra'i rtse mo'i cha shas tsam yang gzigs pa de'i bar du ni ngas 'di ltar lha sbyin ngan song sems can dmyal bar bskal par gnas pas gsor mi rung ba'o zhes lha sbyin lung ma bstan gyi/ ngas gang nas lha sbyin la dkar po'i chos chung ngu na skra'i rtse mo'i cha shas tsam yang ma gzigs pa de nas/ ngas 'di ltar lha sbyin ngan song sems can dmyal bar bskal par gnas pas gsor mi rung ba'o zhes lha sbyin lung bstan to/ /dge slong dag lha sbyin sdig pa mi dge ba'i chos gsum dang ldan pas ngan song sems can dmyal bar bskal par gnas pas gsor mi rung ngo / /dge slong dag gsum gang zhe na/ thog ma nyid nas lha sbyin sdig pa 'dod par gyur cing sdig pa 'dod pa'i dbang du gyur pa ste/ gang lha sbyin thog ma nyid nas sdig pa 'dod par gyur cing sdig pa 'dod pa'i dbang du gyur pa dam pa ma yin pa'i chos dang po 'di dang ldan pas/ lha sbyin ngan song sems can dmyal bar bskal par gnas pas gsor mi rung ngo / /dge slong dag gzhan yang lha sbyin sdig pa'i bshes gnyen can/ sdig pa'i grogs can/ sdig pa dang sdong ba ste/ gang lha sbyin thog ma nyid nas sdig pa'i bshes gnyen can/ sdig pa'i grogs can/ sdig pa dang sdong ba dam pa ma yin pa'i chos gnyis pa 'di dang ldan pas lha sbyin ngan song sems can dmyal bar bskal par gnas pas gsor mi rung ngo / /gzhan yang lha sbyin khyad par ngan ngon cung zad tsam zhig rtogs nas gong du bya ba yod bzhin du sgyid lug par gyur te/ gang lha sbyin gyis khyad par ngan ngon cung zad rtogs nas gong du bya ba yod bzhin du bar du sgyid lug pa dam pa ma yin pa'i chos gsum pa 'di dang ldan pas lha sbyin ngan song sems can dmyal bar bskal par gnas pas gsor mi rung ngo zhes smra'o/ /bcom ldan 'das kyis de skad ces bka' stsal nas/ bde bar gshegs pas de skad ces gsungs te/ ston pas gzhan yang 'di skad ces bka' stsal to/ /'jig rten 'di na 'ga' yang ni/ /nam du 'ang sdig 'dod skye ma gyur/ /des na sdig pa 'dod rnams kyi/ /'gro ba gang yin shes par gyis/ /lha sbyin mkhas par kun grags shing / /bsgoms pa yi ni bdag nyid du/ /bkur cing dpal gyis shin du ni/ /mdzes par rnam par grags yin na/ /de ni bag med dang ldan 'dir/ /de bzhin gshegs la khyad bsad pas/ /rdzogs sangs rgyas ni rab mkhyen pas/ /bskal par gnas par de lung bstan/ /'jungs shing sdig pa'i kun rtog can/ /log par lta ba ma gus pa/ /sgo bzhi par ni shes pa yi/ /mnar med dmyal ba de thob bo/ /gnod pa med cing sdig pa'i las/ /mi mdzad pa la gang 'khu ba/ /'jig rten 'di dang pha rol du 'ang / /sdig pa de nyid reg par 'gyur/ /gang zhig dug gi bum pa yis/ /rgya mtsho ma rung byed 'dod pa/ /chu gter 'jigs rung chen po de/ /de yis de sun mi phyin ltar/ /gang zhig de bzhin gshegs pa la/ /kha zer sun 'byin de dang 'dra/ /yang dag gzigs pa zhi ba'i thugs/ / gang la phyar kas mi rdzi ba/ /de 'dra ba ni bshes gnyen bya/ /de ni mkhas pas bsten bya ste/ /de lta bu la bsten byas na/ /legs par 'gyur zhing sdig mi 'gyur/ /bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do/ /de nas lha sbyin 'phags pa la skur pa 'debs pa'i log pa'i lta ba dang ldan te/ dge ba'i rtsa ba chad pa 'jig rten pha rol med do snyam pa'i nges pa thob nas nyan thos rnams la gzhi lngas chos ston par byed de/ shes ldan dag dge sbyong gau ta ma ni zho dang 'o ma la longs spyod de/ deng phyin chad bdag cag gis longs spyad par mi bya'o/ /de ci'i phyir zhe na/ gzhi de las be'u rnams la gnod par 'gyur bas so/ /dge sbyong gau ta ma ni sha la longs spyod de/ bdag cag gis longs spyad par mi bya'o/ /de ci'i phyir zhe na/ gzhi de las srog chags dag gsod par 'gyur bas so/ /dge sbyong gau ta ma ni lan tshwa la longs spyod de/ bdag cag gis longs spyad par mi bya ste/ rdul khrod nas byung ba'i phyir ro/ /dge sbyong gau ta ma ni ras kha tshar bcad pa dag gyon te/ bdag cag gis ras kha tshar ring po dag bgo'o/ /de ci'i phyir zhe na/ gzhi des ras thag pa rnams kyi skyes bu'i rtsal don med par 'gyur bas so/ /dge sbyong gau ta ma ni dgon pa na gnas te/ bdag cag grong du gnas par bya'o/ /de ci'i phyir zhe na/ gzhi de las mi rnams kyi sbyin pa'i chos la longs ma spyad par 'gyur bas so zhes 'chad par byed do// //bar sdom la/ 'o ma sha dang lan tshwa dang / /gos dang dgon par gnas pa'o/ /ji tsam na bcom ldan 'das ljongs rgyu zhing gshegs pa na mnyan yod du byon pa dang lha sbyin gyis bsams pa/ bdag gis dge sbyong gau ta ma la gnod pa ni mang po zhig byas na dge sbyong gau ta ma bsad par ma nus kyis/ song la de'i chung ma dbrog par bya'o snyam nas de ser skya'i gzhir song ste/ des grags 'dzin ma la dge sbyong gau ta ma rab tu byung nas khyod kyi phyir bdag 'ongs kyis/ bdag dang khyod du lhan cig dga' mgur spyad par bya'o zhes spring ba/ des sa 'tsho ma la bzlas pa dang des smras pa/ khyod kyis 'di skad ces byang chub sems dpa' ni bdag cag gi lag pa nas 'dzin par spro na/ gal te khyod kyang spro na tshur shog shig ces spring shig /des de la spring nas de ngo tsha med pas pho brang du zhugs so/ /des them skas la 'dzegs nas sa 'tsho ma mthong ba dang des 'dzum pas thal mo sbyar bar brtsams shing de ni tshan po che'i stobs can yin pas de'i lag pa g.yon pas de'i sor mo bsdams pas khrag 'dzag par gyur to/ /de nas des byang chub sems dpa'i rol pa'i rdzing du bor ro/ /de bor ba na khus btab pa shAkya rnams kyis thos nas/ lha sbyin byang chub sems dpa'i pho brang du zhugs nas btsun mo rnams 'phrog go zhes brgyugs pa na/ de rnams de rol pa'i rdzing du bor ba mthong nas de rnams kyis gros bya bar brtsams pa/ 'di bsad dam/ yang bsams pa/ shi zin pa 'di bsad de ci rung / bcom ldan 'das kyis 'di ltar lha sbyin ngan song sems can dmyal bar bskal par gnas te gsor mi rung ba'o zhes 'di lung bstan pa nyid do zhes de rnams kyis de bskrad pa dang gtor khung nas byung ste bros pa las de'i gos ral te dum bu gnyis su gyur to/ /des bsams pa/ 'di ni legs kyis/ bdag gi nyan thos rnams la bskon no snyam mo/ /des dus gzhan zhig na shAkya rnams bsdus te smras pa/ bdag rgyal srid la zhog shig /de rnams kyis smras pa/ byang chub sems dpa'i btsun mo yod de re shig bdag gir byos la/ de nas phyis rgyal srid gyis shig ces de skad smras pa dang / lha sbyin shAkya rnams kyi dogs pa dang bral nas khang bzangs kyi steng du 'dzegs te grags 'dzin ma'i drung du song ste thal mo sbyar te smras pa/ khyod kyis bka' stsal pa nyan gyis thugs bag mdzod cig dang / bdag gi btsun mo'i dam par bgyis la ser skya'i gzhi la rgyal srid bgyi'o/ /grags 'dzin ma ni rab gnon chen po'i stobs dang ldan pa yin pas de khri bzang po las langs nas lag pa gnyis nas bzung ste pus mos brdabs nas de'i lag pa gnyis nas khrag 'dzag par gyur to/ /de sdug bsngal tshor bas nyen pa dang grags 'dzin mas smras pa/ khyod ni ngo tsha med cing blun po yin te/ khyod kho mos lag pa nas bzung ba gang yin pa 'ang bzod par mi nus par kho mo 'dod dam/ kho mo'i khyim thab tu ni 'khor los sgyur ba 'am/ byang chub sems dpa' 'gyur ro zhes des spyos nas de nas pho brang nang nas byung ba dang / shAkya rnams kyis smras pa/ song la bcom ldan 'das la bzod pa gsol cig /gal te khyod la bcom ldan 'das kyis bzod pa gnang na de'i 'og tu rgyal srid byas so cog /des be'u yi lte ba lta bu zhes bya ba'i dug mchog tu rno bas sen mo'i gseb bkang ste bcom ldan 'das gang na ba der song la/ gal te dge sbyong gau ta mas bzod pa byas na de lta na legs/ gal te bzod pa ma byas na de nyid du de'i rkang pa gnyis la gtugs nas sen mo bkang ba'i dug gis rkang pa gnyis bsku bar bya'o snyam du bsams nas/ bcom ldan 'das kyi zhabs gnyis la gtugs nas bcom ldan 'das la 'di skad ces gsol to/ /bcom ldan 'das bzod par gsol lo/ /bcom ldan 'das kyis dgongs pa/ 'di ci 'dra ba'i sems kyis nga'i spyan sngar 'ongs snyam na de bsad pa'i sems kyis yin par gzigs nas/ de nas bcom ldan 'das kyis zhabs kyi mthil nas zhabs kyi pus mo'i lha nga man chad shel gyi rang bzhin du mngon par sprul nas cang mi gsung bar bzhugs so/ / des bcom ldan 'das kyi zhabs gnyis la sen mos rma dbyung bar brtsams pa las de'i sen mo chag nas de skyengs te gsol pa/ 'di ltar khyod kyis/ gang dag sangs rgyas skyabs 'gro ba/ /de dag ngan 'gror 'gro mi 'gyur/ /zhes gsungs pas khyod la skyabs su mchi'o/ /gal te ngan 'gror mchi bar gyur na khyod kyi de brdzun lags par 'gyur ro/ /shin du drag po'i las yongs su rdzogs par byas pa rnams la ni lus zhig pa la mi sdod pas de gson po nyid du mnar med pa'i me 'bar bas kun nas yog nas kun dga' bo tshig go/ /kun dga' bo bsregs so zhes ngu bar brtsams so/ /de nas tshe dang ldan pa kun dga' bo rang gi skye bo la mnyes gshin pa/ snying rje dang ldan pa/ byams pa'i bdag nyid can des smras pa/ lha sbyin tshur de bzhin gshegs pa dgra bcom pa yang dag par rdzogs pa'i sangs rgyas la skyabs su song shig /de sdug bsngal gyi tshor bas nyen cing las kyi 'bras bu mngon sum du mthong nas bsam pa thag pa nas sems bskyed cing tshig tu yang smras pa/ bdag rus pa'i khong nas kyang sangs rgyas bcom ldan 'das la skyabs su 'gro'o zhes smras nas rang gi lus kyis mnar med pa'i sems can dmyal ba chen por lhung ngo / /de nas bcom ldan 'das kyis dge slong rnams la bka' stsal pa/ dge slong dag lha sbyin gyis dge ba'i rtsa ba mtshams sbyar te mnar med pa'i sems can dmyal ba chen por bskal par gnas nas rang byang chub mngon sum du byas par 'gyur te/ rang sangs rgyas rus pa can zhes bya bar 'gyur ro/ /de mngon par byang chub ma thag tu bsod snyoms la song nas de mtha' gcig tu bzhag ste/ lag pa 'khru zhing sems pa la zhugs pa/ bdag ci'i phyir yun ring por 'khor ba na 'khor bar gyur snyam pa las des bsams na/ bdag gis tshe rabs tshe rabs su bcom ldan 'das shAkya thub pa byang chub sems dpar gyur pa dang / thams cad mkhyen pa shes bya la mnga' brnyes pa la yang pha rol gnon pa byas la/ de yang rnyed pa dang bkur sti'i phyir yin par shes nas/ des bsod snyoms de yang longs ma spyad par steng gi nam mkha' la mngon par 'phags te/ 'bar ba dang / gsal ba dang / char 'bebs pa dang / glog 'byin pa'i cho 'phrul dag byas nas phung po lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro/ /tshe dang ldan pa shA ri'i bu dang / maud gal gyi bu gnyis kyi kun tu spyod pa ni dus dus su sems can dmyal bar rgyu zhing 'gro ba yin no/ /de nas tshe dang ldan pa shA ri'i bus tshe dang ldan pa maud gal gyi bu chen po la 'di skad ces smras so/ /tshe dang ldan pa maud gal gyi bu chen po bcom ldan 'das kyis lha sbyin rang byang chub tu lung bstan gyis/ tshur bdag cag mnar med pa'i dmyal ba chen po'i nang du dong la lha sbyin spro ba sring ngo zhes de nas tshe dang ldan pa shA ri'i bu dang / maud gal gyi bu chen po gnyis mnar med pa'i sems can dmyal ba chen po'i nang du dong ngo / /de nas tshe dang ldan pa shA ri'i bus tshe dang ldan pa maud gal gyi bu chen po la smras pa/ tshe dang ldan pa maud gal gyi bu chen po sems can dmyal ba rnams la soms shig /de nas tshe dang ldan pa maud gal gyi bu chen pos ji ltar sems mnyam par gzhag na char pa'i rgyun gtun shing tsam 'bab pa de lta bu'i ting nge 'dzin la snyoms par zhugs pa dang / chu de mnar med pa'i lce rnams kyi bar du bskams so/ /de bzhin du gnya' shing dang / shing rta'i srog shing tsam gyi char gyi rgyun dag dbab par brtsams pa dang chu de yang bar du bskams so/ /de nas tshe dang ldan pa shA ri'i bus mos pa'i ting nge 'dzin la snyoms par zhugs te/ dmyal ba de thams cad chus bkang nas tshe dang ldan pa maud gal gyi bu chen pos smras pa/ lha sbyin gang yin pa de tshur shog /lha sbyin brgya stong phrag du ma 'ongs nas tshe dang ldan pa maud gal gyi bu chen pos smras pa/ bcom ldan 'das kyi gcung lha sbyin gang yin pa de tshur shog shig / de nas lha sbyin tshe dang ldan pa shA ri'i bu dang / maud gal gyi bu gang na ba der song ste phyin nas/ tshe dang ldan pa shA ri'i bu dang / maud gal gyi bu'i rkang pa gnyis la gtugs pa dang de gnyis kyis smras pa/ khyod la gnod pa'i khyad par cung zad yod dam des smras pa/ re shig mnar med pa'i sems can rnams kyi spyi thun gang yin pa de lta zhog gi/ bdag la gang zag pa lhag pa mchis pa gang lags pa de gson cig /lcags kyi ri 'bar/ rab tu 'bar/ kun du rab tu 'bar te me lce gcig tu gyur pa dag mchis nas bdag la til bzhin 'thag par bgyid do/ /sog le phyogs gnyis ka na so mchis pas yan lag dang nying lag rnams 'thub par bgyid do/ /lcags kyi tho ba 'bar rab tu 'bar/ kun du rab tu 'bar te me lce gcig tu gyur pa dag gis myur ba myur bar mgo phye mar glog par bgyid do/ /phyogs bzhi nas glang po che dag mchis nas de rnams kyis bdag 'bras phye bzhin du 'thag par bgyid do/ /tshe dang ldan pa shA ri'i bu dang / maud gal gyi bu gnyis kyis smras pa/ lha sbyin khyod kyis lcags kyi ri 'bar/ rab tu 'bar/ kun du rab tu 'bar te/ me lce gcig tu gyur pa dag 'ongs te khyod la til bzhin 'thag par byed do zhes smras pa gang yin pa de ni 'di ltar khyod kyis bcom ldan 'das dgrongs pa'i phyir ri bya rgod kyi phung po las rdo 'phangs pa de'i las kyi 'bras bu yin no/ /sog le phyogs gnyis na so yod pa 'bar/ rab tu 'bar/ kun du rab tu 'bar te/ me lce gcig tu gyur pa dag gis yan lag dang nying lag thams cad 'thub par byed do zhes smras pa gang yin pa de ni 'di ltar khyod kyis bcom ldan 'das kyi nyan thos kyi dge 'dun phye ba de'i las kyi 'bras bu yin no/ /lcags kyi tho ba 'bar/ rab tu 'bar/ kun du rab tu 'bar te me lce gcig tu gyur pa rnams kyis myur ba myur bar glad pa phye mar klog go zhes smras pa gang yin pa de ni 'di ltar khyod kyis dge slong ma dgra bcom pa ut+pa la'i mdog khu tshur gyis bsnun te bsad pa de'i las kyi 'bras bu yin no/ /phyogs bzhi nas glang po che rnams lhags te de rnams kyis bdag 'bras phye bzhin du 'thag par byed do zhes smras pa gang yin pa de ni 'di ltar khyod kyis bcom ldan 'das dgrongs pa'i phyir glang po che'i dam pa nor skyong sbad pa de'i las kyi 'bras bu yin no/ /de lta mod kyi khyod bcom ldan 'das kyis lung bstan to/ /btsun pa shA ri'i bu ci zhig tu/ dge slong dag lha sbyin gyis dge ba'i rtsa ba mtshams sbyar nas mnar med pa'i sems can dmyal ba chen por bskal par gnas nas rang sangs rgyas rus pa can zhes bya bar 'gyur ro zhes gsung ngo / /des smras pa/ btsun pa shA ri'i bu gal te de lta na bdag blo gcig pus mnar med pa'i sems can dmyal ba chen por gnas par bzod do// // 'dul ba gzhi/ bam po brgya rtsa dgu pa ste tha ma'o/ /de nas tshe dang ldan pa shA ri'i bu dang / maud gal gyi bu de gnyis ko ka li ka la sogs pa gang na ba der dong ba dang / ji tsam na ko ka li ka'i/ lce thong gshol brgyas rmed do/ /mi mjed kyi bdag po tshangs pas ko ka li ka la smras pa/ ko ka li ka dge slong shA ri'i bu dang / maud gal gyi bu des pa/ tshangs pa mtshungs par spyod pa la'o byams pa dag la sems dad pa skyed cig ces smras pa dang / ko ka li kas tshe dang ldan pa shA ri'i bu dang / maud gal gyi bu gnyis mthong nas smras pa/ sdig pa can 'di gnyis 'dir yang 'ongs pa lta zhes tshig tu smras ma thag tu ko ka li ka'i lce la thong gshol stong gis rmed par gyur to/ /de nas tshe dang ldan pa shA ri'i bu dang / maud gal gyi bu gnyis kyis 'di dag la ci byar yang med do snyam nas slar log ste/ 'od srung rdzogs byed gang na ba der dong ba dang / de nas 'od srung rdzogs byed kyis tshe dang ldan pa shA ri'i bu dang / maud gal gyi bu gnyis kyi rkang pa la gtugs nas smras pa/ 'phags pa shA ri'i bu bdag gis chos log par bshad nas skye bo'i tshogs bslus pa de'i las kyi rnam par smin pas bdag gi lce la thong gshol lnga brgyas rmed do/ /slob ma rnams kyis ji lta ji ltar bdag gi chad pa la bgyi ba bgyid pa de lta de ltar bdag gis ches mi bzad pa'i tshor ba nyams su myong ba lags kyis/ bdag gi gnas skabs de dag la rig par bgyis nas de'i chad pa la bya ba ma byed cig ces bzlog tu gsol/ de bzhin du bya'o zhes khas blangs nas tshe dang ldan pa shA ri'i bu dang / maud gal gyi bu gnyis kyis dmyal bar brgyus te rdzu 'phrul gyis 'dzam bu'i gling du phyin nas de gnyis kyis bcom ldan 'das dang / dge slong rnams dang / skye bo'i tshogs la lha sbyin dang / ko ka li ka dang / rdzogs byed la sogs pa sems can dmyal bar skyes pa rnams kyi gnas skabs rgyas par bsnyad do/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa lha sbyin gyis bcom ldan 'das kyis bka' bka' ma lags par bgyis pas mnar ma mchis pa'i sems can dmyal ba chen por ltung ba la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig du ma zad de/ ji ltar 'das pa'i dus na yang 'dis nga'i tshig ma yin par byas pas tshul ma yin pas sdug bsngal bar gyur pa de nyon cig /dge slong dag sngon byung ba byang chub sems dpa' ma nges pa'i phung po la gnas pa na ba lang rnams kyi nang du skyes nas khyu mchog tu gyur te/ de nub mo grong khyer nas byung nas rgyal po'i mon sran gre'u yi zhing la za zhing nyin par grong khyer na gnas so/ /ji tsam na de'i drung du bong bu zhig 'ongs nas smras pa/ zhang po khyod kyi khrag dang sha dang lpags pa ni rgyas la/ khyod rgyu ba ni lan 'ga' yang bdag gis ma mthong ngo / /des smras pa/ tsha bo bdag ni nub mo rgyal po'i mon sran gre'u yi zhing la za'o/ /des smras pa/ zhang po bdag kyang khyod dang lhan cig mchi'o/ /des smras pa/ tsha bo khyod ni skad 'byin 'dod pas gnod pa byas par mi 'gyur grang / des smras pa/ zhang po mi dbyung gis 'dong ngo / /de gnyis kyis rgyal po'i mon sran gre'u yi zhing gi 'greng rib rnams dral te zhugs nas bong bus ji srid 'drangs pa de srid skad ma phyung ngo / /de nas smras pa/ zhang po re shig glu zhig blang ngam/ khyu mchog gis smras pa/ kho bo ma song gi bar du yud tsam zhig sdod la de'i 'og tu ci dga' ba gyis shig ces smras nas bros pa dang / bong bus skad phyung ba rgyal po'i mi rnams kyis thos nas bzung ste/ shes ldan dag bong bu 'dis ni rgyal po'i mon sran gre'u yi zhing 'di thams cad zos kyis chad pas gcad par bya'o zhes de rnams kyis rna ba bcad de mgul du gtun cig btags nas btang ngo / /de phan tshun 'khyam pa khyu mchog gis mthong nas des de la tshigs su bcad de smras pa/ legs par glu blangs glu rab blangs/ /khyod kyis glu yi 'bras bu thob/ /khyod kyi glu yis bdag gis yang / /rna ba de'u ni yal bar gyur/ /tshig mi srung ba gang yin pa/ /de la 'di 'dra 'byung 'gyur gyis/ /rna rdum gtun gyis rnam brgyan pa/ /da ni 'khyam par byed la rag /des kyang tshigs su bcad de slar smras pa/ so chag khyod ni kha rog shig /glang rgan khyod ni kha rog shig / lag na dbyug thogs mi gsum po/ /khyod nyid kyang ni tshol bar byed/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus kyi khyu mchog gang yin pa de ni nga nyid yin no/ /de'i tshe de'i dus kyi bong bu gang yin pa de ni lha sbyin 'di nyid yin te/ de na yang 'dis nga'i tshig tshig tu ma byas pas tshul ma yin pas sdug bsngal bar gyur to/ /da ltar yang 'dis nga'i tshig tshig tu ma byas 'di tshul ma yin pas sdug bsngal bar gyur to/ /gzhan yang ji ltar 'dis nga'i tshig tshig tu ma byas pas tshul ma yin pas sdug bsngal bar gyur pa de nyon cig /dge slong dag sngon byung ba ri 'or zhig na khyim bdag cig gnas pa de la glang mtshan dang ldan pa zhig yod nas/ des de dge sbyong dang / bram ze dang / rang gi skye bo dang / phongs pa dang / mgon med pa dang / bkren pa dang / nad pa rnams zan byin nas ci dgar spyod du btang ngo / /de dus gzhan zhig na phan tshun du rgyu rgyu ba las 'dam du song nas khyim bdag gis nyi ma nub tsam na thos te btsal ba las/ de'i drung du phyin nas des bsams pa/ da ni dbyung mi nus kyis sang nang par dbyung bar bya'o snyam mo/ /glang gis smras pa/ bdag gi mdun du zhags pa zhig zhog la bzhud cig dang / gal te wa 'ongs par gyur dang / bdag gi rwas zhags pa blangs te de la gdab par bgyi'o/ /des de'i mdun du zhags pa zhig bzhag nas song ba dang mtshan mo ji tsam na wa zhig 'ongs nas des smras pa/ pad ma'i rtsa ba dang / pad ma dkar po dag 'byin pa 'di su zhig /glang gis smras pa/ kho bo yin no/ /'dam gyi nang du byin nas 'dug go/ /was bsams pa/ bdag zas dang phrad do snyam nas des de la gtse bar brtsams pa dang / glang gis smras pa/ khyod phyogs 'di nas song shig /tshul ma yin pas sdug bsngal bar gyur ta re/ 'on kyang de ldog tu ma btub nas de kho na bzhin du 'tshe ba dang glang gis tshigs su bcad de smras pa/ kho bo pad ma'i rtsa mi 'byin/ /kho bo pad ma dkar po 'ang min/ /gal te khyod ni za 'dod na/ /rgyab du song la bza' bar gyis/ /was bza' bo snyam nas rgyab tu zhon pa dang khyu mchog gi rwas zhags pa btab pas wa'i ske nas thogs nas nam mkha' la 'phyang ba dang / glang gis tshigs su bcad de smras pa/ khyod ci gar mkhan dzab ke ba 'am/ /'on te gar slob khye'u zhig yin/ /dgon par bya dga' ster ba med/ /bzo ni grong khyer bstan par gyis/ /was kyang tshigs su bcad de smras pa/ bdag ni gar mkhan dzab ke ba 'am/ /gar slob khye'u ni ma yin te/ /brgya byin gyis ni skas btsugs pas/ /bdag ni tshangs pa'i 'jig rten 'gro/ /glang gis yang tshigs su bcad de smras pa/ brgya byin gyis ni skas ma btsugs/ /tshangs pa'i 'jig rten smos ci dgos/ /thabs kyi zhags pas khyod thogs pas/ /khyod ni 'tsho bar ma mthong ngo / /dge slong dag ji snyam du sems/ de'i tshe de'i dus kyi khyu mchog gang yin pa de ni nga nyid yin no/ /de'i tshe de'i dus kyi wa gang yin pa de lha sbyin 'di nyid yin te/ de na yang 'dis nga'i tshig tshig tu ma byas pas tshul ma yin pas sdug bsngal bar gyur to/ /da ltar yang 'dis nga'i tshig tshig tu ma byas pas tshul ma yin pas sdug bsngal bar gyur to/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa lha sbyin gyis bcom ldan 'das kyi bka' ma mnyan pas mnar ma mchis par gzhol bar gyur pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'das pa'i dus na yang 'dis ngas smras pa'i tshig ma mnyan pas mnar med par gzhol bar gyur pa de nyon cig /dge slong dag sngon byung ba rgyal po'i pho brang 'byor pa dang / rgyas pa dang / bde ba dang / lo legs pa skye bo dang / mi mang pos gang ba zhig na rgyal po sems pa zhes bya ba rgyal srid byed du bcug ste/ bsod nams kyi mthus lha rnams kyis bar snang la stan 'dzin to/ /rgyal po de'i mdun na 'don de la bu spun gnyis yod pa las/ de la phu bo shos ni mngon par 'byung ba la dga' la/ nu bo shos ni mdun na 'don la dga' bar gyur to/ /phu bo shos kyis pha chos dang chos ma yin pas mdun na 'don byed pa mthong nas des bsams pa/ bdag pha shi nas mdun na 'don du gyur te/ bdag gis kyang chos dang chos ma yin pas mdun na 'don byas na sems can dmyal ba rnams su gzhol bar 'gyur gyis/ ma la bdag rab tu 'byung bar bya'o snyam nas des pha la gsol te/ bcom ldan 'das kyi bstan pa la rab tu byung ngo / /ji tsam dus gzhan zhig na mdun na 'don shi nas nu bo shos mdun na 'don du bcug ste/ de chos dang chos ma yin pas mdun na 'don byed par brtsams te/ skye bo'i tshogs la 'tshe bar byed do/ /ji tsam na mi zhig phan tshun 'khyam 'khyam pa las phu bo shos rab tu byung ba de'i drung du song ba dang / des de la dris pa/ khyod gang nas 'ongs/ des smras pa/ rgyal po'i pho brang che ge mo zhes bya ba nas so/ /de gtam dri bar brtsams pa dang des smras pa/ rgyal po'i mdun na 'don shi nas de'i bu nu bo shos mdun na 'don du bcug ste/ de chos ma yin pas mdun na 'don byed pas skye bo'i tshogs 'tshe bar byed do/ /des smras pa/ dus cung zad cig nogs shig dang / bdag nyid der song nas phan pa ma yin pa las bzlog par bya zhing / ji ltar yul mi rnams la mi gnod par phan par byed pa la sbyar bar bya'o/ /mi des gnyen rnams kyi drung du song ste skabs de smras pa thos pa gcig nas gcig tu brgyud nas nu bo shos des thos nas des rgyal po la smras pa/ lha bdag gi phu bo de mchis lags so/ /rgyal pos smras pa/ legs kyis de nyid mdun na 'don du 'gyur ro/ /des smras pa/ lha khyod la bdag gis dus 'di srid gcig tu zham 'bring bgyis pa ni don ma mchis so/ /rgyal pos smras pa/ 'di ni 'jig rten gyi chos yin te/ de phu bo yin pas so/ /'on kyang rnam pa gcig gis khyod mdun na 'don du 'gyur ba yod de/ gal te de 'ongs nas khyod kyis bdag phu bo lags so smros shig /des smras pa/ bka' bzhin 'tshal de bzhin du smra bar bgyi'o/ /ji tsam na de 'ongs pa de rgyal po 'khor dang bcas pas mthong nas langs pa dang / de ni ma langs so/ /des de la smras pa/ khyod kho bo'i nu bo yin na ci'i phyir mi ldang / des smras pa/ khyod nyid nu bo yin gyi kho bo ni phu bo yin no/ /gal te khyod yid mi ches na bdag cag ni rgyal po'i pho brang du chen por gyur pas lha la zhu'o/ /phu bos rgyal po la dris pa/ kye rgyal po bdag cag gnyis las phu bo gang lags pa gsungs shig /rgyal pos shes bzhin du brdzun gyi tshig smras pa/ 'di ni phu bo yin no/ /khyod ni nu bo yin no zhes tshig smras ma thag kho nar lha rnams kyis stan btang bas sa la rdab nus te/ de'i kha nas rul ba'i dri byung bar gyur to/ /mdun na 'don gyi phu bo shos kyis tshigs su bcad de smras pa/ brdzun gyi tshig ni gsungs pas na/ /lha rnams 'di nas dong ba dang / /zhal yang mnam par gyur nas su/ /mtho ris las kyang nyams par gyur/ /rgyal po bden par gsungs shig kye/ /sngon gyi ji lta bzhin du 'gyur/ /gal te brdzun ni gsung mdzad na/ /sems pa 'og tu nges par bzhud/ /gang zhig chos bzhin 'dri ba la/ /chos ma yin pa ston byed na/ /chu na rgyu ba'i nya bzhin du/ /de ni lce ma mchis par 'gyur/ /rgyal pos bden par gsungs shig kye/ /sngon gyi ji lta bzhin du 'gyur/ /gal te brdzun ni gsung mdzad na/ /sems pa 'og tu nges par bzhud/ /gang zhig chos bzhin 'dri ba la/ /chos ma yin pa ston byed na/ /der ni skyes pa mi skye zhing / /der ni skyes par skye mi 'gyur/ /rgyal po bden par gsungs shig kye/ /sngon gyi ji lta bzhin du 'gyur/ /gal te brdzun ni gsung mdzad na/ /sems pa 'og tu nges par bzhud/ /gang zhig chos bzhin 'dri ba la/ /chos ma yin pa ston byed na/ /lhas ni dus su char mi 'bebs/ /der ni dus ma yin par 'bab/ /rgyal po bden par gsungs shig kye/ /sngon gyi ji lta bzhin du 'gyur/ /gal te brdzun ni gsung mdzad na/ /sems pa 'og tu nges par bzhud/ /gang zhig chos bzhin 'dri ba la/ /chos ma yin pa ston byed na/ /sbrul bzhin du ni skye bo de'i/ /lce gnyis dag ni 'byung bar 'gyur/ /rgyal po bden par gsungs shig kye/ /sngon gyi ji lta bzhin du 'gyur/ /gal te brdzun ni gsung mdzad na/ /sems pa 'og tu nges par bzhud/ /de ltar rgyal po sems pa yis/ /shin du mi bzad las byas nas/ /sdig pa byed pa rnams kyi gnas/ /dmyal ba mnar med thob par gyur/ /dge slong dag ji snyam du sems/ de'i tshe de'i dus kyi phu bo shos gang yin pa de ni nga nyid yin no/ /de'i tshe de'i dus kyi rgyal po sems pa gang yin pa de ni lha sbyin 'di nyid yin te/ de na yang 'di ngas smras pa'i tshig ma mnyan pas mnar med pa'i sems can dmyal ba thob bo/ /da ltar yang 'di ngas smras pa'i tshig ma mnyan pas mnar med pa'i sems can dmyal ba thob bo/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis sman par gsungs pa'i bka' lha sbyin gyis ma mnyan par gyur pas mnar ma mchis par gzhol bar gyur pa la gzigs/ bcom ldan 'das kyis bka' stsal pa/ dge slong dag da ltar gyi 'di 'ba' zhig tu ma zad de/ ji ltar 'das pa'i dus na yang 'di ltar ngas phan par smras pa'i tshig ma mnyan pas tshul ma yin pas sdug bsngal bar gyur pa de nyon cig /dge slong dag sngon byung ba ri 'or zhig na 'khrul 'khor gyi slob dpon zhig gnas te/ des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed de/ de rtse bar byed/ dga' bar byed/ dga' mgur spyod par byed pa las dus gzhan zhig na chung ma sems can dang ldan par gyur te/ de zla ba brgyad dam dgu lon pa na khye'u zhig btsas so/ /btsas nas nyi ma bdun gsum nyi shu gcig tu de'i btsas pa'i btsas ston rgya cher byas nas rigs dang 'thun pa'i ming btags te/ de bskyed bsrings nas chen por gyur pa dang de'i pha shi'o/ /de ri 'or zhig na 'khrul 'khor gyi slob dpon gzhan zhig yod pa la 'khrul 'khor gyi bzo bslab par brtsams nas/ des ri 'or zhig na khyim bdag cig yod pa las bu mo blangs pa dang / des smras pa/ gal te nyi ma ga ge mo zhig la 'ongs na ni sbyin no/ /gzhan du na ni mi sbyin no/ /des 'khrul 'khor gyi slob dpon la smras pa/ mkhan po ri 'or che ge mo zhes bgyi ba na khyim bdag cig mchis pa la bdag gis bu mo bslangs na de'i mchid nas gal te nyi ma ga ge mo zhes bya ba la 'ongs na ni sbyin gyi/ 'on te ma 'ongs na ni mi sbyin no zhes mchi'o/ / 'khrul 'khor gyi slob dpon gyis smras pa/ bu gal te de lta na 'dod kho bo nyid kyis blang bar bya'o zhes de de dang lhan cig shing las byas pa'i rma bya la zhon nas nyi ma gang la nges par byas pa de nyid kyi nyi ma la ri 'or der phyin pa 'jig rten gyis mthong nas mchog tu ngo mtshar skyes so/ /de nas bu mo bslangs te slar yang 'khrul 'khor la zhon te rang gi khyim du 'ongs nas 'khrul 'khor bsdus te de'i ma la gtad nas smras pa/ khyod kyi bu 'dis 'khrul 'khor 'gro ba'i sbyor ba shes kyi slar ldog pa mi shes kyis 'di la 'khrul 'khor ma sbyin cig ces bsgo'o/ /des yang nas yang du ma la smras pa/ yum 'khrul 'khor bdag la stsol cig dang skye bo'i tshogs dbang du bgyi'o/ /des smras pa/ bu khyod kyi slob dpon na re 'dis 'khrul 'khor 'gro ba'i sbyor ba shes kyi slar ldog pa mi shes kyis ma sbyin cig ces zer bas tshul ma yin pas sdug bsngal bar 'gyur du 'ong ngo / /de bas na kho mos mi sbyin no/ /des smras pa/ yum bdag gis 'gro ba dang ldog pa 'tshal mod kyi slob dpon de phrag dog gis mi ster mod/ bud med ni sems yang zhing 'dod chen che ba yin pas de de la byin nas 'khrul 'khor sbyar te zhon nas song ba dang skye bo'i tshogs chen po dga' bar gyur to/ /de nas 'khrul 'khor gyi slob dpon gyis mthong nas des smras pa/ pha bi slar mi 'ong bar song ngo / /des ji lta ji ltar 'khrul 'khor gcus pa de lta de ltar shin du thag ring por ldings nas ji tsam na rgya mtsho chen por ldings pa dang / rgya mtsho chan por ni lhas rgyun du char 'bebs pa yin pas des sbyor kha rnams bangs nas tshul ma yin pas sdug bsngal bar gyur to/ /lhas tshigs su bcad de smras pa/ gang zhig don 'dod brtse bas phan pa yis/ / ji skad bstan pa'i tshig ni mi 'dzin cing / /'chos pa med cing su tshig mi mnyan gang / /de ni shing las byas pa'i bya yis khyer/ /dge slong dag ji snyam du sems/ de'i tshe de'i dus kyi 'khrul 'khor gyis slob dpon gang yin pa de ni nga nyid yin no/ /de'i tshe de'i dus kyi de'i slob ma gang yin pa de ni lha sbyin 'di nyid yin te/ de na yang ngas phan par smras na/ nga'i tshig 'dis ma mnyan pas tshul ma yin pas sdug bsngal bar gyur to/ / da ltar yang ngas phan par smras na nga'i tshig 'dis ma mnyan pas mnar med pa'i sems can dmyal bar gzhol bar gyur to/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa dge 'dun gyi dbyen zhes bgyi/ dge 'dun 'thun pa zhes bgyi na de la dbyen ni gang lags/ dge 'dun 'thun pa ni gang lags/ nye bar 'khor 'di ltar dge slong rnams chos kyis chos ma yin pa'i 'du shes dang / chos ma yin pas chos kyi 'du shes kyis las rnams byed na 'di ni dge 'dun gyi dbyen zhes bya'o/ /'di ltar chos la chos kyi 'du shes dang / 'thun pa la 'thun pa'i 'du shes kyis las rnams byed na/ 'di ni dge 'dun 'thun pa zhes bya'o/ /gang na dge slong gcig gnas pa de na dge 'dun gyi dbyen du mi 'gyur ro/ /gang na gnyis dang gsum nas brgyad kyi bar gnas pa de na yang dge 'dun gyi dbyen du mi 'gyur ro/ /gang na dge slong dgu 'am lhag pa yod pa de na rgyu gnyis kyis dge 'dun gyi dbyen du 'gyur te/ /gsol ba'i las dang tshul shing len pas so/ /gsol ba'i las ji lta bu zhe na 'di ltar lha sbyin gyis dge slong rnams la go bar byed/ kun du go bar byed/ slob par byed/ 'dzin du 'jug par byed de/ tshe dang ldan pa dge sbyong gau ta ma ni 'di skad ces brtul zhugs kyi gzhi lngas dge slong dag pa dang / grol ba dang / nges par 'byung ba dang / bde ba dang / sdug bsngal las 'da' bar 'gyur/ bde ba dang sdug bsngal las 'das pa thob par 'gyur te/ tshe dang ldan pa dag lnga gang zhe na/ dge slong dgon pa nyid ni dag pa dang / grol ba dang / nges par 'byung ba dang / bde ba dang sdug bsngal las 'da' bar 'gyur/ bde ba dang sdug bsngal las 'das pa thob par 'gyur ro/ /tshe dang ldan pa dag dge slong shing drung pa nyid dang / bsod snyoms pa nyid dang / chos gos gsum pa nyid dang / phyag dar khrod pa nyid ni dag pa dang / grol ba dang / nges par 'byung ba dang / bde ba dang sdug bsngal las 'da' bar 'gyur/ bde ba dang sdug bsngal las 'das pa thob par 'gyur ro zhes zer na/ tshe dang ldan pa dag khyed cag las gang brtul zhugs kyi gzhi lnga po 'di dag gis dag pa dang / grol ba dang / nges par 'byung bar mi bzod pa de dag dge sbyong gau ta ma las ring du gyis shig /tha dad pa gyis shig /rgyang srings shig ces zer ba 'di ni gsol ba ste/ /de lta bu ni gsol ba'i las kyis yin no/ tshul shing len pa ji lta bu zhe na/ 'di ltar lha sbyin gyis dge slong rnams la go bar byed/ kun du go bar byed/ slob par byed 'dzin du 'jug par byed de/ tshe dang ldan pa dag dge sbyong gau ta ma ni 'di skad ces brtul zhugs kyi gzhi lngas dge slong dag pa dang / grol ba dang / nges par 'byung ba dang / bde ba dang sdug bsngal las 'da' bar 'gyur/ bde ba dang sdug bsngal las 'das pa thob par 'gyur te/ /tshe dang ldan pa dag lnga gang zhe na/ dge slong dgon pa pa nyid ni dag pa dang / grol ba dang / nges par 'byung ba dang / bde ba dang / sdug bsngal las 'da' bar 'gyur/ bde ba dang sdug bsngal las 'das pa thob par 'gyur ro/ /dge slong shing drung pa nyid dang bsod snyoms pa nyid dang / chos gos gsum pa nyid dang / phyag dar khrod pa nyid ni dag pa dang / grol ba dang / nges par 'byung ba dang / bde ba dang sdug bsngal las 'da' bar 'gyur/ bde ba dang sdug bsngal las 'das pa thob par 'gyur ro zhes ze na/ tshe dang ldan pa dag khyed cag las gang brtul zhugs gyi gzhi lnga po 'di dag gis/ dag pa dang / grol ba dang / nges par 'byung bar mi bzod pa de dag dge sbyong gau ta ma las ring du 'gyur/ tha dad par 'gyur/ rgyang sring bar 'gyur gyis tshul shing long shig ces lha sbyin bdag nyid dang lngas tshul shing len pa yin te/ de lta bu ni tshul shing len pas yin no/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa re shig gnas nas phyung bas dge 'dun gyi dbyen du 'gyur la gnas nas phyung ba'i rjes su phyogs pas ma lags/ gnas nas phyung ba'i rjes su phyogs pa'i rjes su phyogs pas ma lags/ gnas nas 'byin pas ma lags/ gnas nas 'byin pa'i rjes su phyogs pas ma lags/ gnas nas 'byin pa'i rjes su phyogs pa'i rjes su phyogs pas ma lags sam/ btsun pa re shig gnas nas phyung ba'i rjes su phyogs pas dge 'dun gyi dbyen du gyur la gnas nas phyung bas ma lags/ gnas nas 'byin pa'i rjes su phyogs pas ma lags/ gnas nas phyung ba'i rjes su phyogs pa'i rjes su phyogs pas ma lags/ gnas nas 'byin pas ma lags/ gnas nas 'byin pa'i rjes su phyogs pas ma lags/ gnas nas 'byin pa'i rjes su phyogs pa'i rjes su phyogs pas ma lags sam/ btsun pa re shig gnas nas phyung ba'i rjes su phyogs pa'i rjes su phyogs pas dge 'dun gyi dbyen du 'gyur la gnas nas phyung bas ma lags/ gnas nas phyung ba'i rjes su phyogs pas ma lags/ gnas nas 'byin pas ma lags/ gnas nas 'byin pa'i rjes su phyogs pas ma lags/ gnas nas 'byin pa'i rjes su phyogs pa'i rjes su phyogs pas ma lags sam/ btsun pa re shig gnas nas 'byin pas dge 'dun gyi dbyen du 'gyur ba la gnas nas phyung bas ma lags/ gnas nas phyung ba'i rjes su phyogs pas ma lags/ gnas nas phyung ba'i rjes su phyogs pa'i rjes su phyogs pas ma lags/ gnas nas 'byin pa'i rjes su phyogs pas ma lags/ gnas nas 'byin pa'i rjes su phyogs pa'i rjes su phyogs pas ma lags sam/ btsun pa re shig gnas nas byin pa'i rjes su phyogs pas dge 'dun gyi dbyen du 'gyur la gnas nas phyung bas ma lags/ gnas nas phyung ba'i rjes su phyogs pas ma lags/ gnas nas phyung ba'i rjes su phyogs pa'i rjes su phyogs pas ma lags/ gnas nas 'byin pas ma lags/ gnas nas 'byin pa'i rjes su phyogs pa'i rjes su phyogs pas ma lags sam/ btsun pa re shig gnas nas 'byin pa'i rjes su phyogs pa'i rjes su phyogs pas dge 'dun gyi dbyen du 'gyur ba la gnas nas phyung bas ma lags/ gnas nas phyung ba'i rjes su phyogs pas ma lags/ gnas nas phyung ba'i rjes su phyogs pa'i rjes su phyogs pas ma lags/ gnas nas 'byin pas ma lags/ gnas nas 'byin pa'i rjes su phyogs pas ma lags sam/ nye bar 'khor gnas nas phyung ba 'ba' zhig ma gtogs par 'di dag thams cad kyis dge 'dun gyi dbyen du 'gyur ro// //bar sdom la/ dge 'dun dbyen dang 'thun pa dang / /gcig tu dge 'dun dbyen min dang / /tha ma dgu po dbyen dang ni/ /gnas dbyung gsum po drug tshan yin/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa bcom ldan 'das kyis nyan thos kyi dge 'dun 'thun pa'i dbyen bgyis nas mnar med pa'i kha na ma tho ba skye zhing / mtshams med pa'i kha na ma tho ba'i las kyis reg par 'gyur ro zhes gang gsungs pa btsun pa ji tsam gyis na nyan thos kyi dge 'dun 'thun pa'i dbyen bgyis nas mnar med pa'i kha na ma tho ba skye zhing 'tshams med pa'i kha na ma tho ba'i las kyis reg par 'gyur lags/ nye bar 'khor 'di ltar dge slong chos ma yin pa la chos ma yin pa'i 'du shes dang / dbyen la chos ma yin pa'i 'du shes kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing / dge 'dun gyis dbyen bya ba'i phyir pha rol gnon par byed na/ 'di tsam gyis na nye bar 'khor dge slong gis nyan thos kyi dge 'dun 'thun pa'i dbyen byas nas mnar med pa'i kha na tho ba skye zhing 'tshams med pa'i kha na ma tho ba'i las kyis reg par 'gyur ro/ /nye bar 'khor 'di ltar dge slong gis chos ma yin pa la chos ma yin pa'i 'du shes dang / dbyen la chos kyi 'du shes kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis ni reg par mi 'gyur ro/ /nye bar 'khor 'di ltar dge slong gis chos ma yin pa la chos ma yin pa'i 'du shes dang / dbyen la yid gnyis kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis ni reg par mi 'gyur ro/ /nye bar 'khor 'di ltar dge slong gis chos ma yin pa la chos kyi 'du shes dang / dbyen la chos ma yin pa'i 'du shes kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis reg par 'gyur ro/ / nye bar 'khor 'di ltar dge slong gis chos ma yin pa la chos kyi 'du shes dang / dbyen la chos kyi 'du shes kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing / dge 'dun gyi dbyen bya ba'i phyir pha rol gnon par byed na 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis ni reg par mi 'gyur ro/ /nye bar 'khor 'di ltar dge slong gis chos ma yin pa la chos kyi 'du shes dang / dbyen la yid gnyis kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis ni reg par mi 'gyur ro/ /nye bar 'khor 'di ltar dge slong gis chos la chos ma yin pa'i 'du shes dang / dbyen la chos ma yin pa'i 'du shes kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis reg par 'gyur ro/ / nye bar 'khor 'di ltar dge slong gis chos la chos ma yin pa'i 'du shes dang / dbyen la chos kyi 'du shes kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing / dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis ni reg par mi 'gyur ro/ /nye bar 'khor 'di ltar dge slong gis chos la chos ma yin pa'i 'du shes dang / dbyen la yid gnyis kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing dge 'dun gyi dbyen bya ba'i phyir pha rol gnon pa byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis ni reg par mi 'gyur ro/ /nye bar 'khor 'di ltar dge slong gis chos la chos kyi 'du shes dang / dbyen la chos ma yin pa'i 'du shes kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis ni reg par 'gyur ro/ / nye bar 'khor 'di ltar dge slong gis chos la chos kyi 'du shes dang / dbyen la chos kyi 'du shes kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis ni reg par mi 'gyur ro/ / nye bar 'khor 'di ltar dge slong gis chos la chos kyi 'du shes dang / dbyen la yid gnyis kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing / dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis ni reg par mi 'gyur ro/ / nye bar 'khor 'di ltar dge slong gis chos ma yin pa la yid gnyis dang / dbyen la chos ma yin pa'i 'du shes kyi dge slong rnams la go bar byed/ kun du go bar byed/ slob par byed/ 'dzin du 'jug par byed cing dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis reg par 'gyur ro/ /nye bar 'khor 'di ltar dge slong gis chos ma yin pa la yid gnyis dang / dbyen la chos kyi 'du shes kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing dge 'dun gyi dbyen bya ba'i phyir pha rol gnon par byed na/ 'di tsam gyis nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing / 'tshams med pa'i kha na ma tho ba'i las kyis ni reg par mi 'gyur ro/ /nye bar 'khor 'di ltar dge slong gis chos ma yin pa la yid gnyis dang / dbyen la yid gnyis kyis dge slong rnams go bar byed/ kun du go bar byed/ slob par byed/ 'dzin du 'jug par byed cing / dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis ni reg par mi 'gyur ro/ /nye bar 'khor 'di ltar dge slong gis chos la yid gnyis dang / dbyen la chos ma yin pa'i 'du shes kyis dge slong rnams la go bar byed / kun du go bar byed/ slob par byed/ 'dzin du 'jug par byed cing dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis reg par 'gyur ro/ /nye bar 'khor 'di ltar dge slong gis chos la yid gnyis dang / dbyen la chos kyi 'du shes kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing / dge 'dun gyi dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing / 'tshams med pa'i kha na ma tho ba'i las kyis ni reg par mi 'gyur ro/ /nye bar 'khor 'di ltar dge slong gis chos la yid gnyis dang / dbyen la yid gnyis kyis dge slong rnams la go bar byed/ kun du go bar byed/ slob par byed/ 'dzin du 'jug par byed cing dge 'dun 'thun pa'i dbyen bya ba'i phyir pha rol gnon par byed na/ 'di tsam gyis na nye bar 'khor dge slong nyan thos kyi dge 'dun 'thun pa'i dbyen byas nas mnar med pa'i kha na ma tho ba skye zhing 'tshams med pa'i kha na ma tho ba'i las kyis ni reg par mi 'gyur ro/ /de ltar na de dag ni mu bcwa brgyad du 'gyur la/ de dag las drug la ni 'tshams med pa'i kha na ma tho ba'i las kyis reg par 'gyur te/ dbyen la chos ma yin par 'du shes pa gang dag yin pa'o/ /lhag ma rnams ni 'tshams med pa'i kha na ma tho ba'i las kyis reg par mi 'gyur ro/ /dge 'dun gyi dbyen gyi gzhi rdzogs s+ho// //'dul ba gzhi rdzogs so// // thub dbang zla ba'i zhal nas byung gyur pa/ /gsung gi me tog char pa yid 'ong rnams/ /lta ba ngan zlog rnyi ba med pa yi/ /rang bzhin yun ring skye dgu'i nang gnas shog / kha che'i mkhan po sarba dz+nyA de ba dang / rgya gar gyi mkhan po bid+yA ka ra pra b+ha dang / kha che'i mkhan po d+harma ka ra dang / lo ts+tsha ba ban de dpal gyi lhun pos bsgyur cing / rgya gar gyi mkhan po bid+yA ka ra pra b+ha dang / zhu chen gyi lo ts+tsha ba ban de dpal brtsegs kyis bsgyur cing zhus te gtan la phab pa'o// //dge'o/ / bkra shis so// //