བོད་ཡིག |
102a4 pradz+nyA war ma dang / zhu chen gyi lots+tsha ba ban de ye shes sde la sogs pas bsgyur cing zhus te gtan la phab pa// //rgya gar skad du/ AR+Ya ma hA pra ti hAR+ya nir de sha nA ma
102a5 ma hA ya na sU tra/ bod skad du/ 'phags pa cho 'phrul chen po bstan pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la
102a6 phyag 'tshal lo/ /'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge
102a7 slong stong nyis brgya lnga bcu'i dge slong gi dge 'dun chen po dang / byang chub sems dpa' brgyad stong dang thabs gcig tu bzhugs so/ /de nas lha'i bu ded dpon zhes bya
102b1 ba 'khor de nyid du 'dus par gyur te 'dug go /'jam dpal gzhon nur gyur pa yang 'khor de nyid du 'dus par gyur te 'dug go/ de nas bcom ldan 'das la lha'i bu ded dpon gyis
102b2 'di skad ces gsol to/ /bcom ldan 'das/ de bzhin gshegs pa cho 'phrul du zhig gis sems can rnams 'dul bar mdzad lags/ bcom ldan 'das kyis bka' stsal
102b3 pa| lha'i bu/ nga ni cho 'phrul rnam pa gsum gyis sems can rnams 'dul bar byed do/ /gsum gang zhe na/ 'di lta ste/ kun brjod pa'i cho 'phrul dang / rjes su bstan pa'i cho 'phrul
102b4 dang | rdzu 'phrul gyi cho 'phrul lo/ /de la de bzhin gshegs pa'i kun brjod pa'i cho 'phrul de gang zhe na/ thogs pa med pa'i ye shes kyis ma 'ongs pa'i dus gzigs pa gang yin pa dang / sems
102b5 can thams cad kyi sems kyi spyod pa mkhyen cing gzigs pa dang / dkon mchog gsum po dag la ma dad pa rnams dad par mdzad pa dang / las kyi rnam par smin pa la 'jug pa mkhyen pa
102b6 dang | de bzhin gshegs pas gang zag gang la da ltar byung ba na nyes par spyad pa'i gzhi ngan song dang / ngan 'gro gang yang rung ba dag tu skye bar 'gyur ba de dag ni de kho na bzhin du 'gyur
102b7 gyi| gzhan du ma yin no zhes kun brjod par mdzad pa dang / gang zag de sngon dge ba'i rtsa ba yang dag par blangs pa'i rgyus ngan song rnams las thar nas lha dang mi dag tu skye bar 'gyur
103a1 zhing theg pa gang gis nges par 'byung bar 'gyur ba dang / yang na nyan thos kyi theg pa'am/ yang na rang sangs rgyas kyi theg pa'am/ yang na theg pa chen pos nges
103a2 par 'byung bar 'gyur ba dang / de bzhin du bde ba dang sdug bsngal myong bar 'gyur ba dang / bskal pa ji snyed gcig gis nges par 'byung bar 'gyur ba dang / spyod pa ji lta bus sangs rgyas
103a3 bcom ldan 'das ji snyed cig mthong bar 'gyur zhing / mnyes par byed par 'gyur ba de dag thams cad de bzhin gshegs pas rab tu mkhyen to/ /mkhyen nas kyang de ni de kho na
103a4 bzhin du 'gyur gyi/ gzhan du ma yin no zhes de kho na bzhin du kun brjod par mdzad pa dang / gang zag gang dge ba'i rtsa ba yang dag par blangs pa'i rgyus 'dod pa'i khams rnams su skye
103a5 bar 'gyur ba dang / gzugs kyi khams dang / gzugs med pa'i khams kyi skye mched gang yang rung ba dag tu skye bar 'gyur ba de yang de bzhin gshegs pas rab tu mkhyen to/ /theg
103a6 pa gang gis nges par 'byung bar 'gyur ba dang / bskal pa ji snyed cig gis nges par 'byung bar 'gyur ba dang / spyod pa ji lta bus sangs rgyas bcom ldan 'das ji snyed cig mthong
103a7 bar 'gyur zhing / mnyes par byed par 'gyur ba de dag thams cad kyang de bzhin gshegs pas rab tu mkhyen to/ /mkhyen nas kyang de kho na bzhin du kun brjod cing lung ston par
103b1 mdzad pa dang / dge ba'am/ mi dge ba'am/ dman pa'am/ bar ma'am/ mchog gam/ tha na sems bskyed pa gcig kyang mi 'da' ste/ de ni de bzhin gshegs pa'i kun brjod pa'i cho
103b2 'phrul yin no/ /de la de bzhin gshegs pa'i rjes su bstan pa'i cho 'phrul gang zhe na/ bslab pa bsrung ba'i don gyi phyir rjes su ston par mdzad pa gang yin pa ste/ 'di ni bya ba'o/ /'di
103b3 ni bya ba ma yin pa'o/ /'di ni bsten par bya ba ma yin pa'o/ /'di ni bsgrub pa'o/ /'di ni log par bsgrub pa'o/ /chos 'di dag ni kun nas nyon mongs pa'i cha dang mthun pa'o/ /chos 'di dag
103b4 ni rnam par byang ba'i cha dang mthun pa'o zhes de ltar yon tan thams cad yang dag par blang ba rjes su ston pa dang / mi dge ba thams cad spang ba rjes su ston pa dang / dge ba'i lam gyi tshogs
103b5 thams cad rjes su ston pa dang / lam 'di ni nyan thos kyi theg pa yongs su rdzogs par 'gyur ba'o/ /lam 'di ni rang sangs rgyas kyi theg pa yongs su rdzogs par 'gyur ba'o/ /lam
103b6 'di ni theg pa chen po yongs su rdzogs par 'gyur ba'o zhes rjes su ston pa gang yin pa ste/ de dag ji skad bstan pa bzhin du bsgrubs na gnas gang yin pa de rjes su 'thob par mi
103b7 'gyur ba ni gnas ma yin/ skabs ma yin te/ de ni gnas med do/ /las 'di yang dag par blangs na ni sems can dmyal ba rnams su khrid par byed do/ /las 'di yang dag par
104a1 blangs na ni dud 'gro'i skye gnas rnams su khrid par byed do/ /las 'di yang dag par blangs na ni gshin rje'i 'jig rten rnams su khrid par byed do/ /las 'di
104a2 yang dag par blangs na ni lha rnams su khrid par byed do/ /las 'di gang dag par blangs na ni mi rnams su khrid par byed do/ /de la gang dag mi dge ba spangs na dge ba yang dag par
104a3 blang ba'i phyir 'jug pa dang / 'phags pa'i lam du 'jug pa de dag ni lha dang mi rnams su skyes nas rim gyis yongs su mya ngan las 'das pa'i chos can du 'gyur ba dang / tshul de
104a4 lta bus kha na ma tho ba med pa dang / rmongs pa med pa'i rjes su ston par mdzad pa gang yin pa ste/ de ni de bzhin gshegs pa'i rjes su bstan pa'i cho 'phrul yin no/ /de la de bzhin
104a5 gshegs pa'i rdzu 'phrul gyi cho 'phrul gang zhe na/ gang dag rdzu 'phrul gyis 'dul ba'i sems can nga rgyal dang / rgyags pa dang / dregs pas bcom pa rnams la rdzu 'phrul gyi cho
104a6 'phrul kun tu ston par mdzad de/ 'di lta ste/ gcig tu gyur nas du mar 'gyur ro/ /du mar gyur nas gcig tu 'gyur ro/ /snang bar 'gyur zhing mi snang bar 'gyur ro/ /rtsig pa
104a7 la yang thad kar 'gro'o/ /ra ba la yang mi thogs par thad kar 'gro'o/ /ri la yang mi thogs par thad kar 'gro'o/ /sa la steng du 'byung ba dang bye'u zul byed de/ dper na/ chu la
104b1 bya ba bzhin no/ /chu la yang mi nub par 'gro ste/ dper na/ sa la bya ba bzhin no/ /nam mkha' la yang 'gro ste/ dper na/ 'dab chags bya bzhin no/ /lus kyi stod nas me 'bar bar byed
104b2 cing lus kyi smad nas chu'i rgyun 'bab par byed do/ /lus kyi smad nas me 'bar bar byed cing lus kyi stod nas chu'i rgyun 'bab par byed do/ /nyi ma dang / zla ba 'di gnyis 'di ltar rdzu 'phrul
104b3 che ba| 'di ltar mthu che ba/ 'di ltar gzi brjid che ba la yang lag pas 'dzin cing kun tu nyug par byed do/ /tshangs pa'i 'jig rten gyi bar du yang lus kyis dbang bsgyur ro/ /stong gsum
104b4 gyi stong chen po'i 'jig rten gyi khams 'di yang kun tu 'bar bar ston te/ sems can yongs su smin par bya ba'i phyir rdzu 'phrul gyi rnam par 'phrul ba'i khyad par ci dang ci lta bus sems
104b5 can rnams 'dul bar 'gyur ba de dang de lta bu'i rdzu 'phrul gyi rnam pa dag mngon par sgrub par byed de/ de ni de bzhin gshegs pa'i rdzu 'phrul gyi cho 'phrul yin no/ /lha'i bu/ nga ni cho
104b6 'phrul gsum po de dag gis sems can rnams 'dul bar byed do/ /de nas bcom ldan 'das la lha'i bu ded dpon gyis 'di skad ces gsol to/ /bcom ldan 'das/ cho 'phrul de
104b7 dag ma lags pa'i cho 'phrul dam pa gzhan ci zhig mnga' lags sam/ bcom ldan 'das kyis bka' stsal pa/ lha'i bu/ yod do/ /de nas bcom ldan 'das kyis 'jam dpal
105a1 gzhon nur gyur pa la bka' stsal pa/ 'jam dpal/ cho 'phrul bstan pa'i chos kyi rnam grangs gang thos na zab mo la spyod pa'i byang chub sems dpa'
105a2 sems dpa' chen po rnams bzod pa thob par 'gyur ba dang / bdud kyi phyogs kyang shin tu tshar gcad par 'gyur ba dang / de bzhin gshegs pa rnams kyi byang chub 'di yang
105a3 yun ring du gnas par 'gyur ba'i cho 'phrul bstan pa zhes bya ba'i chos kyi rnam grangs la khyod spobs par gyis shig/ de skad ces bka' stsal pa dang / bcom ldan 'das la
105a4 'jam dpal gzhon nur gyur pas 'di skad ces gsol to/ /bcom ldan 'das/ de bzhin gshegs pa ni bzhed na stong gsum gyi stong chen po'i 'jig rten gyi khams kyi rgya
105a5 mtsho chen po'i chab kyi phung po gang lags pa de thams cad phyag gi khyor ba ya gcig tu stsal kyang chab kyi sems can rnams la yang gnod par mi 'gyur te/ bcom ldan 'das
105a6 de bzhin gshegs pa la ni cho 'phrul 'di mnga' lags so/ /yang 'di ni cho 'phrul dam pa lags te/ gang de bzhin gshegs pas brjod du ma mchis pa dang / yi ge ma mchis
105a7 pa dang / bsnyad du ma mchis pa dang / skye ba ma mchis pa dang / 'byung ba ma mchis pa dang / ming ma mchis pa dang / mtshan ma ma mchis pa dang / sgra ma mchis pa dang / dbyangs
105b1 ma mchis pa dang / tshig gi lam ma mchis pa dang / rgyu mtshan ma mchis pa dang / mtshan nyid ma mchis pa dang / spyod pa ma mchis pa dang / rgyu ba ma mchis pa dang / kun tu 'byung ba ma
105b2 mchis pa dang / rnam par rig pa ma mchis pa dang / 'dus ma bgyis pa dang / sems dang yid dang rnam par shes pa dang bral ba dang / tha snyad thams cad yang dag par chad pa dang /
105b3 zhi ba dang / byang ba dang / phra ba dang / mthong bar dka' ba dang / rtag tu ma mchis pa dang / rtog ge'i spyod yul ma lags pa'i chos mngon par rdzogs par sangs rgyas nas/ yi ge
105b4 dang | nges pa'i tshig dang / brda dang / tha snyad kyi lam de dang de dag gis chos de dag gzhan dag la rnam par rig par mdzad pa de ni de bzhin gshegs pa'i cho 'phrul chen po lags
105b5 so| |lha dang bcas pa'i 'jig rten gyis de'i gting mi rtogs shing / dmigs pa dang / mtshan ma dang / yongs su rtog pa dang bcas pa'i dge sbyong dang / bram ze thams cad dngang
105b6 zhing 'jug par mi 'gyur ba de yang de bzhin gshegs pa'i cho 'phrul chen po lags so/ /bcom ldan 'das/ gzhan yang de bzhin gshegs pa ni bzhed na stong gsum gyi stong chen
105b7 po 'jig rten gyi khams 'di zhal gyi sgor stsal kyang gling chen po bzhi pa'i sems can rnams dang / dgung zla dang / gdugs dag dang / khor yug rnams dang / ri dang / shing gel
106a1 pa dang / sman dang / nags tshal rnams la yang sgrib par mi 'gyur ba dang / slar phyung ste gnas ji lta ba bzhin du bkod kyang sems can rnams kyang 'di ltar
106a2 bdag cag yul gang du bkod pa dang / bdag cag yul gang nas bton pa yang mi 'tshal te/ bcom ldan 'das/ de yang de bzhin gshegs pa'i cho 'phrul chen po lags so/ /
106a3 'di ni cho 'phrul chen po dam pa lags te/ gang de bzhin gshegs pas brjod du ma mchis pa dang / yi ge ma mchis pa dang / bsnyad du ma mchis pa dang / ming ma mchis pa dang /
106a4 mtshan ma ma mchis pa dang / de bzhin du sbyar te/ sems dang yid dang rnam par shes pa dang bral ba dang / tha snyad thams cad yang dag par chad pa dang / zhi ba dang / byang ba
106a5 dang | phra ba dang / mthong bar dka' ba dang / brtag tu ma mchis pa dang / rtog ge'i spyod yul ma lags pa'i bar gyi chos thams cad mngon par rdzogs par sangs rgyas nas/ yi
106a6 ge dang / nges pa'i tshig dang / brda dang / tha snyad kyi lam de dang de dag gis chos de bstan pa de yang de bzhin gshegs pa'i cho 'phrul chen po lags so/ /bcom ldan 'das/
106a7 gzhan yang gang dag de bzhin gshegs pa'i sku dang ldan pa'i cho 'phrul de dag thams cad ni mtshan ma'i dngos po dang bcas pa'i sems can rnams kun nas 'dren par mdzad
106b1 pa lags so/ /'di yang de bzhin gshegs pa'i cho 'phrul chen po lags te/ 'di lta ste/ bdag ma mchis pa la bdag tu tha snyad 'dogs pa dang / sems can ma mchis pa la sems can du tha
106b2 snyad 'dogs pa dang / srog ma mchis pa la srog tu tha snyad 'dogs pa dang / gso ba ma mchis pa la gso bar tha snyad 'dogs pa dang / gang zag ma mchis pa la gang zag tu tha snyad 'dogs pa
106b3 dang | shed las skyes pa ma mchis pa la shed las skyes su tha snyad 'dogs pa dang / shed bu ma mchis pa la shed bur tha snyad 'dogs pa dang / ming ma mchis pa la ming du tha snyad 'dogs
106b4 pa dang / gzugs ma mchis pa la gzugs su tha snyad 'dogs pa dang / tshor ba ma mchis pa la tshor bar tha snyad 'dogs pa dang / 'du shes ma mchis pa la 'du shes su tha snyad 'dogs
106b5 pa dang / 'du byed rnams ma mchis pa la 'du byed rnams su tha snyad 'dogs pa dang / rnam par shes pa ma mchis pa la rnam par shes par tha snyad 'dogs pa dang / phung po ma mchis pa
106b6 la phung por tha snyad 'dogs pa dang / khams ma mchis pa la khams su tha snyad 'dogs pa dang / skye mched ma mchis pa la skye mched du tha snyad 'dogs pa dang / mig stong zhes bgyi ba tha
106b7 snyad 'dogs kyang mig ni 'di snyam du bdag stong ngo snyam du mi sems pa dang / gzugs stong ngo zhes bgyi bar tha snyad 'dogs kyang gzugs ni 'di snyam du bdag stong ngo snyam du mi sems
107a1 pa dang / mig gi rnam par shes pa stong zhes bgyi bar tha snyad 'dogs kyang mig gi rnam par shes pa ni 'di snyam du bdag stong ngo snyam du mi sems pa dang /
107a2 de bzhin du rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg
107a3 bya dang / lus kyi rnam par shes pa dang / yid stong zhes bgyi bar tha snyad 'dogs kyang yid ni 'di snyam du bdag stong ngo snyam du mi sems pa dang / chos rnams stong zhes bgyi bar tha
107a4 snyad 'dogs kyang chos rnams ni 'di snyam du bdag stong ngo snyam du mi sems pa dang / yid kyi rnam par shes pa stong ngo zhes bgyi bar tha snyad 'dogs kyang yid kyi rnam par shes pa
107a5 ni 'di snyam du bdag stong ngo snyam du mi sems te/ 'di ltar bem po dang / sems pa ma mchis pa dang / dngos po ma mchis pa dang / ming ma mchis pa dang / mtshan ma ma mchis
107a6 pa'i chos 'di lta bu 'di dag sems can gzhan dang gang zag gzhan dag la yang dag par go bar mdzad pa gang lags pa 'di ni de bzhin gshegs pa'i cho 'phrul chen po lags
107a7 te| cho 'phrul de ni mig dang ldan pa yang ma lags/ gzugs dang ldan pa yang ma lags/ mig gi rnam par shes pa dang ldan pa yang ma lags/ rna ba dang ldan pa yang ma
107b1 lags/ sgra dang ldan pa yang ma lags/ rna ba'i rnam par shes pa dang ldan pa yang ma lags/ sna dang ldan pa yang ma lags/ dri dang ldan pa yang ma lags/ sna'i rnam par shes pa
107b2 dang ldan pa yang ma lags/ lce dang ldan pa yang ma lags/ ro dang ldan pa yang ma lags/ lce'i rnam par shes pa dang ldan pa yang ma lags/ lus dang ldan pa yang ma lags/
107b3 reg bya dang ldan pa yang ma lags/ lus kyi rnam par shes pa dang ldan pa yang ma lags/ yid dang ldan pa yang ma lags/ chos rnams dang ldan pa yang ma lags/ yid kyi rnam
107b4 par shes pa dang ldan pa yang ma lags te/ de lta bu'i cho 'phrul de ni yul ma mchis pa'i cho 'phrul lags so/ /de ni yul dang bral ba'i cho 'phrul lags te/ cho 'phrul
107b5 de ni lus dang ldan par lta ba ma lags/ sems dang / yid dang / rnam par shes pa dang ldan par lta ba ma lags te/ de'i slad du cho 'phrul de ni 'jig rten thams cad
107b6 glo ba mi ches par 'gyur ba lags so/ /de ci'i slad du zhe na/ 'jig rten zhes bgyi ba ni phung po lnga po dag lags te/ phung po lnga po mi rtag pa de la byis pa rnams mngon par zhen
107b7 cing | de dag gi phung po lnga po dag rtag par bzung ba'i slad du ste/ de'i slad du cho 'phrul de ni 'jig rten thams cad glo ba mi ches par 'gyur ba lags so/ /'jig rten gyi phung po lnga
108a1 po dag rtag ces bgyi bar glo ba ches pas na/ de dag mi rtag go zhes bshad na 'jig rten thams cad glo ba mi ches pa lags so/ /'jig rten ni phung po lnga po
108a2 dag bde zhes bgyi bar glo ba ches pas na/ de dag sdug bsngal lo zhes bshad na 'jig rten thams cad glo ba mi ches pa lags so/ /'jig rten ni phung po lnga po dag bdag ces bgyi
108a3 bar glo ba ches pas na de dag bdag ma mchis so zhes bshad na 'jig rten thams cad glo ba mi ches lags so/ /'jig rten ni phung po lnga po dag sdug ces bgyi bar glo ba ches pas
108a4 na| de dag mi sdug go zhes bshad na 'jig rten thams cad glo ba mi ches lags so/ /'jig rten ni phung po lnga po dag bdag gi zhes bgyi bar glo ba ches pas na/ de dag bdag po ma
108a5 mchis so zhes bshad na 'jig rten thams cad glo ba mi ches lags so/ /'jig rten ni phung po lnga po dag yang dag par zhes bgyi bar glo ba ches pas na/ de dag yang dag pa ma lags
108a6 so zhes bshad na 'jig rten thams cad glo ba mi ches pa lags te/ de'i slad du de bzhin gshegs pa'i cho 'phrul de ni/ 'jig rten thams cad glo ba mi ches par 'gyur ba lags
108a7 so| |cho 'phrul de la ni sems rangs par mi 'gyur lags te/ cho 'phrul de ni bsam gyis mi khyab pa lags so/ /cho 'phrul de ni mig tu bgrang ba ma lags/ gzugs su bgrang ba
108b1 ma lags te/ cho 'phrul de ni mig dang gzugs kyi yul las yang dag par 'das pa lags so/ /cho 'phrul de ni rna bar bgrang ba ma lags/ sgrar bgrang ba ma lags te/ cho 'phrul de ni rna
108b2 ba dang sgra'i yul las yang dag par 'das pa lags so/ /de bzhin du sbyar te/ cho 'phrul de ni yid du bgrang ba ma lags/ chos su bgrang ba ma lags te/ cho 'phrul de ni yid dang /
108b3 chos kyi yul las yang dag par 'das pa lags so/ /cho 'phrul de ni shes pa'i spyod yul ma lags/ rangs par bgyid pa ma lags te/ cho 'phrul de ni rnam par rig par bgyi ba ma
108b4 lags so/ /stong pa nyid ni brjod du ma mchis pa lags na/ stong pa nyid brjod pa de ni cho 'phrul lags so/ /mtshan ma ma mchis pa ni brjod du ma mchis pa lags na/ mtshan ma ma
108b5 mchis pa brjod pa de ni cho 'phrul lags so/ /smon pa ma mchis pa ni brjod du ma mchis pa lags na/ smon pa ma mchis pa brjod pa de ni cho 'phrul lags so/ /mngon par 'du bgyi ba
108b6 ma mchis pa ni brjod du ma mchis pa lags na/ mngon par 'du bgyi ba ma mchis pa brjod pa de ni cho 'phrul lags so/ /skye ba ma mchis pa ni brjod du ma mchis pa lags na/ skye
108b7 ba ma mchis pa brjod pa de ni tshe 'phrul lags so/ /'byung ba ma mchis pa ni brjod du ma mchis pa lags na/ 'byung ba ma mchis pa brjod pa de ni cho 'phrul lags so/ /dngos po
109a1 ma mchis pa ni brjod du ma mchis pa lags na/ dngos po ma mchis pa brjod pa de ni cho 'phrul lags so/ /mtshan nyid ma mchis pa ni brjod du ma mchis
109a2 pa lags na/ mtshan nyid ma mchis pa brjod pa de ni cho 'phrul lags so/ /'gag pa ma mchis pa ni brjod du ma mchis pa lags na/ 'gag pa ma mchis pa brjod pa de ni cho
109a3 'phrul lags so/ /mya ngan las 'das pa ni brjod du ma mchis pa lags na/ mya ngan las 'das pa brjod pa de ni cho 'phrul lags so/ /'di lta ste/ bdag tu dmigs pa ma mchis
109a4 pa dang / sems can du kun 'byung ba ma mchis pa dang / byang chub la rloms sems ma mchis pa'i 'khor gsum yongs su dag pa'i sbyin pa de ni cho 'phrul lags so/ /'di lta ste/
109a5 lus g.yo ba ma mchis pa dang / ngag brjod pa ma mchis pa dang / sems rgyu ba ma mchis pa'i 'khor gsum yongs su dag pa'i tshul khrims de ni cho 'phrul lags so/ /'di lta
109a6 ste| sred par sgro 'dogs pa ma mchis pa dang / sems skad cig tu 'jig pa dang / lus dang sems rnam par mi rtog pa'i 'khor gsum yongs su dag pa'i bzod pa de ni cho
109a7 'phrul lags so/ /'di lta ste/ blang ba ma mchis pa dang / dor ba ma mchis pa dang / gnas pa ma mchis pa'i 'khor gsum yongs su dag pa'i brtson 'grus de ni cho 'phrul
109b1 lags so/ /'di lta ste/ nang nye bar zhi ba dang / phyi rol du rgyu ba ma mchis pa dang / sems bsam pa ma mchis pa'i 'khor gsum yongs su dag pa'i bsam gtan de ni cho 'phrul
109b2 lags so/ /'di lta ste/ ngar 'dzin pa rnam par spangs pa dang / nga yi ba rnam par spangs pa dang / nga yi ra 'dzin pa bor ba dang / lta ba'i rnam pa thams cad dang bral ba'i 'khor gsum
109b3 yongs su dag pa'i shes rab de ni cho 'phrul lags so/ /chos thams cad ni rnam par bral ba ma mchis pa lags na/ de dag rnam par bral bar bshad pa ni cho 'phrul lags so/ /chos
109b4 thams cad ni dngos po ma mchis pa lags na/ rang gi ngo bo dang bral bar bshad pa de ni cho 'phrul lags so/ /chos thams cad ni dbyer ma mchis pa lags na/ yi ges kun tu phye ste
109b5 bshad pa ni cho 'phrul lags so/ /chos thams cad ni 'ong ba ma mchis pa dang / 'gro ba ma mchis pa lags na/ 'ong ba dang 'gro bar bshad pa ni cho 'phrul lags so/ /chos thams
109b6 cad ni 'byung ba ma mchis pa lags na/ 'byung bar bshad pa ni cho 'phrul lags so/ /chos thams cad ni mngon par rtogs pa gcig pa lags na/ 'bras bu rnam par dgod
109b7 pa bshad pa ni cho 'phrul lags so/ /chos thams cad ni ro gcig pa lags na/ theg pa gsum du rnam par dgod pa bshad pa ni cho 'phrul lags so/ /chos kyi dbyings ni dbyer ma
110a1 mchis pa lags na/ chos thams cad rnam par dgod pa bshad pa ni cho 'phrul lags so/ /sangs rgyas thams cad ni sangs rgyas gcig pa lags na/
110a2 sangs rgyas dpag tu ma mchis par bshad pa ni cho 'phrul lags so/ /zhing thams cad zhing gcig pa lags na/ zhing sna tshogs bshad pa ni cho 'phrul lags so/ /sems can
110a3 thams cad ni sems can gcig pa lags na/ sems can gyi rim pa bshad pa ni cho 'phrul lags so/ /chos thams cad ni chos gcig pa lags na/ tha ma dang mchog dang bar
110a4 mar bshad pa'i cho 'phrul lags so/ /chos thams cad ni rnam par bsgrubs pa ma mchis pa lags na/ rnam par bsgrubs pa'i mtshan nyid bshad pa ni cho 'phrul lags so/ /
110a5 chos thams cad ni rnam par rig pa ma mchis pa lags na/ gzhan la rnam par rig pa bshad pa ni cho 'phrul lags so/ /de nas lha'i bu ded dpon gyis 'jam dpal gzhon nur
110a6 gyur pa la 'di skad ces smras so/ /'jam dpal khyod kyis ji skad smras pa'i don kho bos shes pa ltar na ji tsam du brjod pa'i chos de dag thams cad ni cho 'phrul yin no/ /'jam
110a7 dpal gyis smras pa/ lha'i bu/ de de bzhin no/ /ji skad smras pa de bzhin te/ chos thams cad ni brjod du ma mchis pa yin pas de dag brjod pa gang yin pa de ni cho 'phrul chen po
110b1 yin no/ /bstan pa 'di bshad pa na lha'i bu khri nyis stong bla na med pa yang dag par rdzogs pa'i byang chub tu sems skyes so/ /byang chub sems dpa' lnga brgya ni mi skye ba'i chos la bzod pa
110b2 thob par gyur to/ /de nas tshe dang ldan pa shA ra dwa ti'i bus lha'i bu ded dpon la 'di skad ces smras so/ /lha'i bu/ ci khyod cho 'phrul bstan pa 'di thos nas skrag par mi 'gyur ram/ lha'i bus
110b3 smras pa/ btsun pa shA ra dwa ti'i bu/ kho bo nyid kyang cho 'phrul yin na de la/ kho bo skrag par 'gyur du ci yod/ shA ra dwa ti'i bus smras pa/ lha'i bu/ khyod ci las bsams te de skad smra/
110b4 lha'i bus smras pa/ btsun pa shA ra dwa ti'i bu/ chos thams cad ni 'pho ba med pa yin na/ de la dge ba dang mi dge ba'i chos 'pho ba gang yin pa de ni cho 'phrul chen po yin no/ /btsun pa
110b5 shA ra dwa ti'i bu/ dge ba'i las mngon par 'du bya ba gang gis kho bo lha rnams kyi nang du skyes te/ bdag nyid chen po 'di yang thob pa'i dge ba'i las mngon par 'du bya ba gang yin pa de ni
110b6 sems par mi byed cing rnam par shes par mi byed do/ /de lta bas na sems can thams cad kyi 'chi 'pho dang skye ba yang sems par mi byed cing / rnam par shes par mi byed de/ rnam
110b7 par shes par mi byed pa gang yin pa de ni cho 'phrul chen po yin te/ bcom ldan 'das kyis ji skad du las rnams kyi las kyi rnam par smin pa ni bsam gyis mi khyab bo/ /klu rnams
111a1 kyi klu'i yul yang bsam gyis mi khyab bo/ /bsam gtan pa rnams kyi bsam gtan gyi yul yang bsam gyis mi khyab bo/ /sangs rgyas bcom ldan 'das
111a2 rnams kyi sangs rgyas kyi yul yang bsam gyis mi khyab bo/ /zhes gsungs pa lta bu ste/ de lta bas na chos thams cad ni bsam gyis mi khyab ste/ bsam gyis mi khyab pa gang yin pa de ni
111a3 cho 'phrul chen po yin no/ /yang gnas brtan shA ra dwa ti'i bus 'di skad du/ lha'i bu/ ci khyod bcom ldan 'das kyi cho 'phrul bstan pa gang yin pa de thos na skrag par mi 'gyur ram
111a4 zhes zer ba ni/ btsun pa shA ra dwa ti'i bu/ ci de bzhin gshegs pas cho 'phrul bstan pa gang yin pa des nam mkha'i khams skrag par 'gyur ram/ smras pa/ lha'i bu/ de ni ma
111a5 yin no/ /smras pa/ btsun pa shA ra dwa ti'i bu/ gal te de bzhin gshegs pas cho 'phrul bstan pa des nam mkha'i khams skrag par mi 'gyur na kho bo yang skrag par mi 'gyur
111a6 ro| |smras pa/ lha'i bu/ ci khyod nam mkha' yin nam/ smras pa/ btsun pa shA ra dwa ti'i bu/ kho bo ni nam mkha' yin no/ /smras pa/ lha'i bu/ khyod ci las bsams te de skad smra/
111a7 sgras pa/ btsun pa shA ra dwa ti'i bu/ ci bcom ldan 'das kyis nang gi nam mkha'i khams su gsungs pa gang yin pa dang / phyi rol gyi nam mkha'i khams su gsungs pa gang
111b1 yin pa de nyid nam mkha'i khams ma yin nam/ smras pa/ lha'i bu/ de ni yin no/ /smras pa/ btsun pa shA ra dwa ti'i bu/ de lta bas na sems can thams cad kyang nam mkha'i khams kyi rang
111b2 bzhin can yin no/ /smras pa/ lha'i bu/ ji ltar khyod kyis bstan pa bzhin du khyod nyid kyang ring po ma thogs par cho 'phrul de dag nyid nye bar ston par 'gyur ro/ /smras pa/ btsun pa shA ra dwa
111b3 ti'i bu/ cho 'phrul de dag ni nye bar bstan par mi nus so/ /de ci'i slad du zhe na/ cho 'phrul de dag ni yul thams cad las yang dag par 'das pa yin pa'i phyir ro/ /de nas bcom ldan 'das
111b4 la tshe dang ldan pa shA ra dwa ti'i bus 'di skad ces gsol to/ /bcom ldan 'das/ lha'i bu ded dpon 'di de lta bur ston pa las na 'di ni sngon gyi rgyal ba la lhag par bgyi ba bgyis shing /
111b5 'jam dpal gzhon nur gyur pa la yang bsnyen bkur bgyis pa lags so/ /bcom ldan 'das kyis bka' stsal pa/ shA ra dwa ti'i bu/ de de bzhin no/ /ji skad smras pa de bzhin te/ shA
111b6 ra dwa ti'i bu/ lha'i bu ded dpon 'di ni 'jam dpal gzhon nur gyur pas yongs su smin par byas pa yin no/ /shA ra dwa ti'i bu/ sngon byung ba 'das pa'i dus na bskal pa grangs med pa'i
111b7 yang ches grangs med pa 'das par gyur pa de'i tshe de'i dus na/ bskal pa mngon par dga' ba zhes bya ba la 'jig rten gyi khams bde ba zhes bya bar de bzhin gshegs pa dgra bcom pa
112a1 yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/
112a2 bla na med pa lha dang mi rnams kyi ston pa/ sangs rgyas bcom ldan 'das ri rab lta bu zhes bya ba 'jig rten du byung bar gyur to/ /shA ra dwa ti'i bu/ 'jig rten gyi khams bde ba zhes bya ba
112a3 de yang 'jig rten gyi khams de na sems can rnams bde ba thams cad dang ldan par gnas shing / sdug bsngal ba dang / yid mi bde ba'i sgra 'ga' tsam yang med la/ 'jig rten
112a4 gyi khams de yang rin po che sna bzhi gser dang / dngul dang / bai DUR+Ya dang / shel las grub cing / lag mthil ltar mnyam la/ ka tsa lin da'i gos ltar reg na 'jam zhing / mi
112a5 khom pa dang / ngan song rnams dang bral la/ lha dang mi rnams kyis kun tu gang zhing / yid la bsams pa tsam gyis bza' ba dang btung ba dag 'byor la/ bde ba tshad med pa dang
112a6 ldan pas na de'i phyir 'jig rten gyi khams de bde ba zhes bya'o/ /de bzhin gshegs pa de'i dge 'dun ni byang chub sems dpa' 'ba' zhig ste/ brtson 'grus 'bar ba/ shes rab
112a7 kyi snang ba thob pa/ gzungs dang mdo sde'i rgyal po thob pa/ spobs pa mi chod pa/ tshig thams cad rab tu 'byed cing ston pa'i shes pa la mkhas pa/ mngon par shes pas rnam par
112b1 shes pa khong du chud pa/ bdud dang phyir rgol ba nges par bcom pa/ sgrib pa med pa'i rnam par thar pa'i ye shes kyi bzod pa dang ldan pa/ sems can thams cad kyi sems kyi spyod pa la
112b2 ji ltar rigs pa bzhin du chos kyi sman sbyor ba la mkhas pa/ bsod nams dang ye shes kyi tshogs chen po bsags pa/ gsol ba ma btab par sems can thams cad kyi dge ba'i bshes
112b3 gnyen byed pa/ rdzu 'phrul gyis sangs rgyas kyi zhing thams cad du 'gro ba'i shes pa la mkhas pa/ dran pa dang / blo gros dang / rtogs pa dang / ngo tsha shes pa dang / brtan pa dang / blo
112b4 rgya mtsho'i rjes su zhugs pa/ sbyin pa dang / dul ba dang / legs par sdom pa dang / tshul khrims dang / thos pa dang / shes rab la shin tu gnas pa/ thabs mtha' yas pas dge ba'i
112b5 rtsa ba yongs su bsngo ba la mkhas pa/ stobs dang / mi 'jigs pa dang / sangs rgyas kyi chos thams cad la lhag pa'i bsam pas shin tu zhugs pa/ bsam gtan dang / rnam
112b6 par thar pa dang / ting nge 'dzin dang / snyoms par 'jug pas rnam par rtse ba'i byang chub sems dpa' sha stag go/ shA ra dwa ti'i bu/ de'i tshe de'i dus na bcom ldan 'das de bzhin
112b7 gshegs pa dgra bcom pa yang dag par rdzogs pa'i sangs rgyas ri rab lta bu de'i gsung rab la 'khor los bsgyur ba'i rgyal po dge ba'i bkod pa zhes bya ba chos dang ldan pa/ chos
113a1 kyi rgyal po gling bzhi'i dbang phyug/ rin po che sna bdun dang ldan pa/ mi'i dbang por gyur pa lta bu zhig byung bar gyur to/ /de'i bu stong du tshang bar gyur te/
113a2 de dag thams cad kyang bla na med pa yang dag par rdzogs pa'i byang chub la yang dag par zhugs pa sha stag go/ shA ra dwa ti'i bu/ rgyal po dge ba'i bkod pa de yang btsun mo'i
113a3 tshogs rnams dang lhan cig tu bla na med pa yang dag par rdzogs pa'i byang chub la yang dag par zhugs par gyur to/ /bcom ldan 'das de bzhin gshegs pa dgra bcom pa yang
113a4 dag par rdzogs pa'i sangs rgyas ri rab lta bu de'i sku tshe'i tshad dang / mi dag gi tshe tshad ni lo dung phyur phrag bdun du gyur to/ /de nas rgyal po dge ba'i bkod pa bu stong dang lhan cig/
113a5 btsun mo'i 'khor dang lhan cig tu chos la dga' ba dang / mchog tu dga' ba dang / dad pa thob nas/ bcom ldan 'das de bzhin gshegs pa dgra bcom pa yang dag par
113a6 rdzogs pa'i sangs rgyas ri rab lta bu byang chub sems dpa'i dge 'dun dang bcas pa de la lo 'bum tshang bar thugs la dgongs pa bzhin du na bza' dang / zhal zas dang / gzims
113a7 cha dang | gdan dang / snyun gyi gsos sman dang / yo byad rnams dang / bde bar sbyar ba thams cad kyis bsnyen bkur byas so/ /rgyal po dge ba'i bkod pa 'khor dang bcas pas
113b1 rtag par rgyun du de bzhin gshegs pa de la mngon sum du nyin gcig mi 'chad par rang gi lag nas gus par phul zhing / rtag tu rgyun mi 'chad par chos nyan pa la yang 'jug par gyur to/ /
113b2 de bu dang bcas/ btsun mo'i 'khor dang bcas pas lo 'bum 'das nas kyang yang dang yang du sangs rgyas mthong zhing / yang dang yang du de la chos nyan pas rjes su dran pa bzhi thob par
113b3 gyur to/ /bzhi gang zhe na/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / sbyin pa dang ldan zhing byang chub kyi sems mi brjed pa'i tshul khrims
113b4 rjes su dran pa ste/ rjes su dran pa bzhi po de dag thob par gyur to/ /de rjes su dran pa bzhi po de dag dang ldan pas nyin mtshan du sangs rgyas mthong ba dang / chos yang dag par bgro ba dang /
113b5 byang chub sems dpa'i dge 'dun mthong ba dang bral bar ma gyur to/ /de nas dus gzhan zhig na rgyal po dge ba'i bkod pa bu dang bcas/ btsun mo'i 'khor dang bcas pa de chos mnyan
113b6 pa'i phyir bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu de ga la ba der song ngo / /de'i tshe de'i dus na de bzhin gshegs pa dgra
113b7 bcom pa yang dag par rdzogs pa'i sangs rgyas ri rab lta bu des byang chub sems dpa' de dag la cho 'phrul rnam pa du mas rjes su gdams pa mdzad par gyur to/ /de nas bcom ldan
114a1 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu de la rgyal po dge ba'i bkod pa des 'di skad ces gsol to/ /bcom
114a2 ldan 'das/ cho 'phrul de dag ma lags pa'i cho 'phrul dam pa gzhan ma mchis lags sam/ de skad ces gsol pa dang / bcom ldan 'das de bzhin gshegs pa dgra bcom pa
114a3 yang dag par rdzogs pa'i sangs rgyas ri rab lta bu des rgyal po dge ba'i bkod pa de la 'di skad ces bka' stsal to/ /rgyal po chen po/ cho 'phrul de dag ma yin pa'i cho 'phrul dam
114a4 pa gzhan yang yod do/ /de yang gang zhe na/ 'di lta ste/ sems dang sems las byung ba gzugs can ma yin pa rnams bshad pa dang / sems dang sems las byung ba 'gags pa
114a5 rnams bshad pa dang / da ltar byung ba'i sems dang sems las byung ba mi gnas pa rnams smos pa dang / ma skyes ma byung ba'i lam bshad pa dang / rnam par thar pa'i sgo ro gcig
114a6 pa rnams la yan lag gsum du smos pa dang / mngon par rtogs pa gcig tu 'dus pa la bden pa bzhir yongs su brjod pa dang / mtshan ma med pa dang / rnam pa med pa
114a7 dang | 'dus ma byas pa'i byang chub la yongs su sgrub par byed pa dang / stong pa nyid dang / mtshan ma med pa dang / smon pa med pa'i chos rnams bshad pa dang / phyin ci
114b1 log dang nyon mongs pas grub pa'i sems can rnams yongs su smin par byed pa dang / blang ba med pa dang / dor ba med pa'i chos rnams la sbyin pa'i pha rol tu phyin pa yod pa dang /
114b2 mngon par 'du byed pa med pa dang / byas pa med pa'i chos rnams la tshul khrims kyi pha rol tu phyin pa yod pa dang / 'byung ba med cing skad cig ma'i chos rnams la bzod pa'i pha
114b3 rol tu phyin pa yod pa dang / lus dang sems dben pa'i chos rnams la brtson 'grus kyi pha rol tu phyin pa yod pa dang / bsdus pa dang / rnam par g.yengs pa med pa'i chos rnams
114b4 la bsam gtan gyi pha rol tu phyin pa yod pa dang / pha rol dang / tshu rol med pa'i chos rnams la shes rab kyi pha rol tu phyin pa yod pa dang / brtag pa dang / bsal ba med
114b5 pa'i chos rnams la thabs mkhas pa yod pa dang / skyob pa med pa dang / rton pa med pa'i chos rnams la byams pa bsgom pa dang / bya ba med pa dang / gzhig pa med pa'i chos rnams
114b6 la snying rjes sbyor ba dang / dga' ba med pa'i chos rnams la dga' ba mngon par sgrub pa dang / gnas pa med pa'i chos rnams la btang snyoms bsgom pa dang / shes pa med pa dang /
114b7 mthong ba med pa'i chos rnams la lha'i mig mngon par sgrub pa dang / thos pa med pa dang / rnam par rig pa med pa'i chos rnams la lha'i rna ba mngon par sgrub pa dang / dmigs
115a1 pa dang / sems pa dang / rnam par bral ba'i chos rnams la pha rol gyi sems shes pa yod pa dang / sngon gyi mtha' dang bral ba'i chos rnams la sngon
115a2 gyi gnas rjes su dran pa shes pa yod pa dang / sems dang / lus dang / sgra dang / brtson 'grus dang bral ba'i chos rnams la rdzu 'phrul gyi rkang pa 'thob pa dang / gnas pa
115a3 med pa'i chos rnams la dran pa nye bar gzhag pa bsgom pa dang / skye ba med pa dang / 'gag pa med pa'i chos rnams la yang dag pa'i spong ba bsgom pa dang / dbang po med pa'i
115a4 chos rnams la dbang po bstan pa dang / stobs med pa dang / nyam chung ba'i chos rnams la stobs yongs su brjod pa dang / nye bar zhi ba'i chos rnams la byang chub kyi yan lag
115a5 bshad pa dang / khyad par med pa'i chos rnams la lam smos pa dang / zhi ba'i mthar song ba'i chos rnams la zhi gnas bskyed pa dang / rnam par grol ba'i mtshan nyid kyi
115a6 chos rnams la lhag mthong la mkhas pa dang / rang bzhin gyis yongs su mya ngan las 'das pa'i chos rnams la mya ngan las 'das par smon pa'o/ /zhes bcom ldan
115a7 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu des rgyal po dge ba'i bkod pa de dang / bu stong po de dag dang / btsun mo'i tshogs
115b1 de dag la cho 'phrul bstan pa'i chos kyi rnam grangs de nyid las brtsams te/ de lta de ltar chos bstan pa dang srog chags brgyad khri bzhi stong bla na med pa yang dag par rdzogs pa'i byang
115b2 chub tu sems skyes so/ /rgyal po dge ba'i bkod pa dang / de'i bu stong gis ni chos rnams la rjes su mthun pa'i bzod pa thob par gyur to/ /de dag gis bzod pa thob nas sangs
115b3 rgyas kyi mthu dang / rang gi spobs pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu de la tshigs su bcad pa 'di
115b4 dag gis mngon par bstod do/ /ji ltar rgya mtsho'i dbus na ni/ /lhun po'i rgyal po mdzes pa ltar/ /de bzhin dge 'dun dbus na ni/ /chos kyi rgyal po rnam par mdzes/ /ji ltar
115b5 nyi ma 'char ba yis/ /mun pa thams cad sel ba ltar/ /de bzhin sangs rgyas mdzod spu yang / /sangs rgyas zhing rnams snang bar bgyid/ /ji ltar zla ba nya ba yis/ /zla ba yongs
115b6 rdzogs lhang nge ltar/ /sangs rgyas chos rnams rdzogs pa yi/ /'jig rten mgon yang lhang nge lags/ /ji ltar me tog pad+ma ni/ /chab kyi nang du mi gos ltar/ /de bzhin 'jig
115b7 rten mgon po yang / /'jig rten chos kyis mi gos lags/ /ji ltar seng ge ri dwags rgyal/ /nags na sgra skad sgrogs pa ltar/ /de bzhin skyes bu seng ge yang / /stong pa nyid kyi
116a1 sgra skad sgrogs/ /mchis sam yang na ma mchis dang / /mchis dang ma mchis thams cad dang / /mthar lta ba la rnam 'das pas/ /nges par seng ge sgra zhes
116a2 bgyi| |skye ba'am yang na 'jig pa'ang rung / /de dag mtshan mar bstan 'dzin cing / /mi skye 'gag pa ma mchis pa/ /nges par seng ge'i sgra zhes bgyi/ /pha rol dang ni tshu rol
116a3 dag| de dag rnam par rtog par bstan/ /chos rnams kun la mi gnas pa/ /nges par seng ge'i sgra zhes bgyi/ /kun nas nyon mongs rnams byang ba/ /de gnyis mtshan nyid ma
116a4 mchis te/ /shin tu dri ma ma mchis chos/ /nges par seng ge'i sgra zhes bgyi/ /'dod chags zhe sdang gti mug ni/ /yongs su rtog las byung ba ste/ /rtog bral rnam rtog ma mchis
116a5 pa| |nges par seng ge'i sgra zhes bgyi/ /'khor ba dag ni mya ngan 'das/ /de dag lam du gzhug pa ste/ /chos rnams shin tu gsog lags pa/ /nges pa seng ge'i sgra zhes
116a6 bgyi| |skye dang 'chi dang 'khor ba ni/ /phyin ci log las byung ba ste/ /mi rtag sdug bsngal bdag med don/ /nges par seng ge'i sgra zhes bgyi/ /lta dang dmigs pa gnas lags
116a7 te| |de dag gis ni 'jig rten 'jug/ chos rnams stong par rab bshad pa/ /nges par seng ge'i sgra zhes bgyi/ /'jig rten mgon pos cho 'phrul ni/ /gang dag ji snyed
116b1 bstan mdzad pa/ /de dag thams cad bshad pa ni/ /nges par seng ge'i sgra zhes bgyi/ /sems ni mnyam pa nyid slad du/ /rjes su mthun dang mi mthun pa'i/ /gang la'ang sems ni mi
116b2 'jug pa/ /de ni rjes mthun bzod pa lags/ /sangs rgyas rnams kyis bshad pa yi/ /zab cing zhi la mthun bgyid cing / /de la rtsod par mi bgyid pa/ /de ni rjes mthun bzod pa
116b3 lags/ /mi dge thams cad ma gtogs par/ /dge chos rnams la 'jug 'gyur zhing / /de la'ang gnas par mi bgyid pa/ /de ni rjes mthun bzod pa lags/ /stong pa'i sgra dang
116b4 sems can sgra/ /de bzhin lta ba'i sgra dang ni/ /sgra rnams kun la ma chags pa/ /de ni rjes mthun bzod pa lags/ /sangs rgyas sgra dang nyon mongs sgra/ /rnam mang chos kyi sgra
116b5 rnams dang / /gang gi sgra'ang mi rtog pa/ /de ni rjes mthun bzod pa lags/ /sbyin dang tshul khrims thos pa dang / /brtson 'grus bsam gtan shes rab dang / /de bzhin
116b6 kun la brtson bgyid pa/ /de ni rjes mthun bzod pa lags/ /thams cad bdag la sems mnyam zhing / /byang chub sems ni mi spong la/ /byang chub lam ni ston bgyid pa/ /
116b7 de ni rjes mthun bzod pa lags/ /rdzogs sangs rgyas kyis bdag cag la/ /de 'dra'i chos ni ston mdzad de/ /de la som nyi ma mchis pa/ /de ni rjes mthun bzod pa lags /
117a1 bdag kyang byang chub sangs rgyas shing / /seng ge'i sgra skad bsgrags nas ni/ /ji ltar 'dren pas bstan mdzad pa'i/ /cho 'phrul nges par bstan par
117a2 bgyi/ |zhing 'di bsam gyis mi khyab ste/ /bla med bsod nams zhing de la/ /bdag gis sa bon btab pas na/ /bdag ni slar mdog ma mchis lags/ /dog sa thams
117a3 cad rdol 'gyur zhing / /rgya mtsho'ang bas par 'gyur ba bzhin/ /rdzogs sangs rgyas la bskrun pa yi/ /sa bon nam yang chab mi 'tshal/ /sems can rnams kyi sems 'tshal
117a4 cing | |nam mkha' gzhal bar rngo thogs kyi/ byang chub tu ni bskrun pa'i sems/ /de ni bsod nams tshad ma mchis/ /bdag gi bsam ba ci 'dra ba'i/ /dbang dag lha dang dri
117a5 za dang / /mi rnams gzhan dag ma mchis te/ /bcom ldan 'das nyid bdag gi dbang / /'dren pa bdag ni longs spyod dang / /gzugs dang mtho ris mi 'tshal gyi/ /
117a6 mi mchog khyod kyi mkhyen pa ni/ /ci 'dra de ltar bdag gyur cig /byang chub lam ni dmigs bgyis nas/ /bdag gis dgung lo 'bum du ni/ /ma chags sdang ba ma
117a7 mchis par/ /bdag gis bde gshegs bsnyen bkur bgyis/ /bdag gis byis pa stong rnams dang / /mchis 'brang yongs su smin bgyis pa/ /gang lags 'di
117b1 dag sangs rgyas kyi/ /byang chub slad du spro bar mdzad/ /bdag gis bde gshegs lam mthong zhing / /chos 'di legs par thos pa dang / /byang chub la ni rtag dga' ba/ /
117b2 bdag gis rnyed pa legs par rnyed/ /gang zhig byang chub dga' bgyid pa/ /de ni chos la'ang rtag tu dga'/ /chos rnams spong bar mi bgyid pa/ /sems can kun la
117b3 rtag dga' lags/ /de nas 'khor de nyid du chos smra ba'i dge slong chos kyi rgyal mtshan zhes bya ba zhig 'dus te 'dug par gyur pa des/ /rgyal po dge ba'i bkod pa la 'di
117b4 skad ces smras so/ /rgyal po chen po khyod kyis ni de bzhin gshegs pa'i cho 'phrul de dag dang mthun par ma byas kyi/ mi mthun par byas pas na/ khyod ni gnas ma yin pa
117b5 la gnas pa yin no/ /de ci'i phyir zhe na/ rgyal po chen po/ byang chub ni chos kyi dbyings kyi gnas la gnas pas 'jug pa med pa'o/ /rgyal po chen po/ byang chub ni tshor ba
117b6 thams cad med pas shes pa med pa'i mtshan nyid yin no/ /rgyal po chen po/ byang chub ni blang pa med cing dor ba med pas/ blang ba med la dor ba med pa yin no/ /rgyal po
117b7 chen po/ byang chub ni nam mkha' la bris pa dang 'dra bas gzugs med pa/ kha dog med pa/ rtags med pa/ dbyibs med pa yin no/ /rgyal po chen po/ byang chub ni rang
118a1 bzhin gyis yongs su dag cing gnyen po med pa yin no/ /rgyal po chen po/ byang chub ni chos thams cad dang mnyam pas thams cad kyi rjes su
118a2 song ba yin no/ /rgyal po chen po/ byang chub ni mtshan ma thams cad dang bral bas g.yo ba med pa yin no/ /rgyal po chen po/ byang chub ni rab tu zhi ba'i mtshan nyid yin
118a3 pas zhi ba'o/ /rgyal po chen po/ byang chub ni brtag pa dang / bsal ba dang bral bas nye bar zhi ba'o/ /rgyal po chen po/ byang chub ni mi mthun pa med pas lhag par g.yo
118a4 ba med pa'o/ /rgyal po chen po/ byang chub ni yongs su grub pa med pas sems mnyam pa'o/ /rgyal po chen po/ byang chub ni gzod ma nas ma skyes pas sems can dang
118a5 mtshungs pa'o/ /rgyal po chen po/ byang chub ni rnam par rig pa'i mtshan nyid ma yin pas skye ba med pas rab tu phye ba'o/ /rgyal po chen po/ byang chub ni sems dang / yid
118a6 dang | rnam par shes pa dang bral bas rnam par rig pa med pa'o/ /rgyal po chen po/ byang chub ni yul thams cad las yang dag par 'das pas rgyu ba med pa'o/ /rgyal
118a7 po chen po/ byang chub ni rnam par rtog pa thams cad dang bral bas spros pa med pa'o/ /rgyal po chen po/ byang chub ni stong pa nyid kyi mtshan nyid yin pas stong pa'o/ /rgyal
118b1 po chen po/ byang chub ni mtshan ma thams cad dang bral bas mtshan ma med pa'o/ /rgyal po chen po/ byang chub ni smon pa dang bral bas smon pa med pa'o/ /rgyal po chen po/ byang chub
118b2 ni las kyi rnam par smin pa med pas mngon par 'du byed pa med pa'o/ /rgyal po chen po/ byang chub ni mtshan nyid gsum dang bral bas 'dus ma byas pa ste/ rgyal po chen po/ gang
118b3 dag byang chub kyi mtshan nyid de lta bu dang / ngo bo nyid de lta bu la sgrub par byed pa dang / gang dag smon lam 'debs par byed pa dang / gang dag mngon par dga' bar byed pa
118b4 dang | gang dag 'dod par byed pa de dag thams cad ni log par rtsol ba yin no/ /de ci'i phyir zhe na/ rgyal po chen po/ byang chub ci 'dra bar byang chub sems dpa'i spyod pa yang de
118b5 'dra ba yin pas na/ gang dag de ltar spyod pa de dag ni yang dag par spyod pa yin pa'i phyir ro// //bam po gnyis pa/ de nas rgyal po dge ba'i bkod pas chos
118b6 smra ba'i dge slong chos kyi rgyal mtshan la 'di skad ces smras so/ /rigs kyi bu khyod byang chub sems dpa' rnams kyi yang dag pa nyid kyi spyod pa la spobs par gyis shig /de skad
118b7 ces smras pa dang / chos smra ba'i dge slong chos kyi rgyal mtshan gyis rgyal po dge ba'i bkod pa la 'di skad ces smras so/ /rgyal po chen po/ sems can thams cad la rlom sems
119a1 med pa mnyam pa nyid kyis bdog pa thams cad yongs su gtong ba'i spyod pa ni byang chub sems dpa' rnams kyi spyod pa yin no/ /tshul khrims kyis
119a2 rlom sems su mi byed pa mnyam pa nyid kyis tshul khrims dang / bslab pa dang / sbyangs pa'i yon tan thams cad yang dag par len pa'i spyod pa ni byang chub sems dpa' rnams
119a3 kyi spyod pa yin no/ /bzod pas rlom sems su mi byed pa mnyam pa nyid kyis tha ba dang / khro ba dang / gnod sems dang / 'chab pa'i yongs su gdung ba dang / zhe sdang gi
119a4 yongs su gdung ba thams cad 'byin par byed pa ni byang chub sems dpa' rnams kyi spyod pa yin no| |brtson 'grus kyis rlom sems su mi byed pa mnyam pa nyid kyis brtson
119a5 'grus brtan zhing 'bar ba dang / zhum pa med pa ni byang chub sems dpa' rnams kyi spyod pa yin no/ /bsam gtan gyis rlom sems su mi byed pa mnyam pa nyid kyis bsam
119a6 gtan dang / rnam par thar pa dang / ting nge 'dzin dang / snyoms par 'jug pa sgrub pa ni byang chub sems dpa' rnams kyi spyod pa yin no/ /shes rab kyis rlom sems su mi
119a7 byed pa mnyam pa nyid kyis mnyam pa'i shes rab tshogs yongs su tshol ba ni byang chub sems dpa' rnams kyi spyod pa yin no/ /gnyis dang bral ba'i btang snyoms mnyam pa
119b1 nyid kyis tshangs pa'i gnas pa bskyed pa ni/ byang chub sems dpa' rnams kyi spyod pa yin no/ mngon par shes pas rlom sems su mi byed pa mnyam pa nyid kyis mngon par shes pa
119b2 bskyed pa ni/ byang chub sems dpa' rnams kyi spyod pa yin no/ /don dang chos la nges par sems pa mnyam pa nyid kyis so so yang dag par rig pa la 'jug pa ni/ byang chub sems
119b3 dpa' rnams kyi spyod pa yin no/ /chos kyi dbyings g.yo ba med pa mnyam pa nyid kyis rton pa la mos pa ni/ byang chub sems dpa' rnams kyi spyod pa yin no/ /yang dag par
119b4 skye ba med pa'i sems kyis nges par sems mnyam pa nyid kyis byang chub kyi phyogs kyi chos rnams yang dag par sdud pa ni/ byang chub sems dpa' rnams kyi spyod pa yin no/ /
119b5 don mthun pa mnyam pa nyid kyis bsdu ba'i dngos po bzhis yang dag par 'dzin pa ni/ byang chub sems dpa' rnams kyi spyod pa yin no/ /sems kyis rlom sems su mi byed pa
119b6 mnyam pa nyid kyis sems can thams cad la sems mnyam pa ni/ byang chub sems dpa' rnams kyi spyod pa yin no/ /nam mkha' yongs su dag pa dang / sems yongs
119b7 su dag pa dang / zhing yongs su dag pa mnyam pa nyid kyis sangs rgyas kyi zhing yongs su dag par byed pa ni/ byang chub sems dpa' rnams kyi spyod pa yin no/ /mtshan nyid
120a1 med pa'i chos la so sor rtog pa mnyam pa nyid kyis mtshan sum cu rtsa gnyis kyi tshogs yang dag par sdud pa ni/ byang chub sems dpa' rnams kyi
120a2 spyod pa yin no/ /lus dang / ngag dang / sems mnyam pa nyid kyis lus dang / ngag dang / sems brgyan pa ni/ byang chub sems dpa' rnams kyi spyod pa yin no/ /sems can
120a3 thams cad la bdag med par mnyam pa nyid kyis sems can thams cad la ci zhig bya snyam du spro ba ni/ byang chub sems dpa' rnams kyi spyod pa yin no/ /rmi lam gyi rang
120a4 bzhin lta bur mos pa mnyam pa nyid kyis 'khor bas yongs su mi skyo ba ni/ byang chub sems dpa' rnams kyi spyod pa yin no/ /las dang las kyi rnam par smin pa la mos pa med
120a5 pa mnyam pa nyid kyis legs par spyod pa'i las byed pa ni/ byang chub sems dpa' rnams kyi spyod pa yin no/ /chos sgyu ma lta bur so sor rtog pa mnyam pa nyid kyis brtul
120a6 zhugs dang dka' thub kyi go cha bgos pa ni/ byang chub sems dpa' rnams kyi spyod pa yin no/ /sdug bsngal skye ba med par shes pa mnyam pa nyid kyis sdug bsngal thams
120a7 cad bzod pa ni/ byang chub sems dpa' rnams kyi spyod pa yin no/ /mdza' bshes dang / mdza' bshes ma yin pa la sems snyoms pa mnyam pa nyid kyis mdza' ba
120b1 brtan pa ni/ byang chub sems dpa' rnams kyi spyod pa yin no/ /lan la re ba med pa mnyam pa nyid kyis lhag pa'i bsam pa la sbyor ba ni/ byang chub sems dpa' rnams kyi
120b2 spyod pa yin no/ /thos pa dang sgrub pa mnyam pa nyid kyis thos pa tshol bas mi ngoms pa ni/ byang chub sems dpa' rnams kyi spyod pa yin no/ /zang zing med pa'i chos ston pa
120b3 mnyam pa nyid kyis chos la slob dpon gyi dpe mkhyud med pa ni/ byang chub sems dpa' rnams kyi spyod pa yin no/ /chos dben pa mnyam pa nyid kyis dam pa'i chos yongs
120b4 su 'dzin pa ni/ byang chub sems dpa' rnams kyi spyod pa yin no/ /don dam pa'i bden pa mnyam pa nyid kyis bden pa'i shes pa yongs su tshol ba ni/ byang chub sems dpa'
120b5 rnams kyi spyod pa yin no/ /sems can la shin tu 'dud pa mnyam pa nyid kyis nga rgyal nges par bcom pa ni/ byang chub sems dpa' rnams kyi spyod pa yin no/ /yon tan thams
120b6 cad yang dag par blangs pas rlom sems su med pa mnyam pa nyid kyis yon tan thams cad yang dag par bsdu ba yongs su tshol pa ni/ byang chub sems dpa' rnams kyi
120b7 spyod pa yin no/ /de nas rgyal po dge ba'i bkod pas/ byang chub sems dpa' rnams kyi yang dag pa nyid kyi spyod pa de dag thos nas/ dga' ba dang / mgu ba dang / yi
121a1 rangs pa dang / rab tu dga' ba dang / dga' zhing yid bde ba skyes nas/ gos dang rgyan ci gyon pa rnams kyis chos smra ba'i dge slong chos kyi rgyal
121a2 mtshan la mngon par bkab bo/ /bu stong po de dag gis kyang rang rang gi rgyan dag gis chos smra ba'i dge slong chos kyi rgyal mtshan la bkab nas/ tshig 'di skad du/ gang bdag
121a3 cag gis skyes bu dam pa 'di lta bu la blta ba dang / phyag bya ba dang / bsnyen bkur bya ba dag rnyed pa ni/ bdag cag gis rnyed pa legs par rnyed do/ /sems can thams
121a4 cad kyis kyang byang chub sems dpa'i spyod pa de lta bu dang / spobs pa de lta bu dag thob par gyur cig /ces smras so/ /de nas chos smra ba'i dge slong chos kyi rgyal mtshan
121a5 gyis rgyal po dge ba'i bkod pa la 'di skad ces smras so/ /rgyal po chen po/ 'di lta ste/ gos dang rgyan tsam gyis mchod pa de ni/ mchod pa chen po ma yin gyi/ de las
121a6 gzhan pa'i mchod pa khyad par du 'phags pa dag kyang yod kyi/ de dag khyod kyis sgrubs shig /de yang gang zhe na/ de nas de'i tshe chos smra ba'i dge slong chos kyi
121a7 rgyal mtshan gyis tshigs su bcad pa 'di dag smras so/ /gang dag stong chen sems can de dag kun/ /byang chub phyir ni rab tu zhugs gyur cing / /ma zhum sems
121b1 kyis bskal pa rdzogs par ni/ /bu dang chung ma'i sbyin pa byas pa bas/ /gang gis byang chub phyir ni sems bskyed nas/ /de bzhin du ni rjes su bslabs pa dang / /rab byung
121b2 sems kyi gom pa gcig bor ba/ /de ni de bas bsod nams khyad par 'phags/ /gang dag sngon chad byung ba'i sangs rgyas dang / /gang dag ma byon byung dang bzhugs pa rnams/ /
121b3 de dag skyon mang khab ni ma spangs par/ /bla med byang chub zhi ba thob pa med/ /rab byung de bzhin gshegs pa thams cad kyis/ /rab tu bstod cing bsngags la bkur ba ste/ /
121b4 gang zhig sangs rgyas kun la mchod 'dod pa/ /rgyal ba'i bstan la rab byung gzung bar gyis/ /gang zhig khyim gnas rin chen khyim brgyan pa'i/ /gang+gA'i bye snyed sangs rgyas
121b5 zhing byin dang / /gang zhig rab byung nyid dang mtshan gcig tu/ /mi rtag sdug bsngal bdag med sems byed na/ /gang zhig rab byung bag yod gyur pa yi/ /byang chub sems
121b6 dpa' byang chub nye ba dang / /bdud kyi dkyil 'khor shin tu bcom byas shing / /dge ba'i phyogs kyang mi 'grib 'phel ba yin/ /rab byung de ni lam ngan spangs pa dang / /las
121b7 kyi rjes mthun 'phags pa'i skye bos bstod/ /de na dge ba chud za ma yin zhing / /de ni yongs su 'dzin pa spangs pa yin/ /khyim las grol ba nyon mongs mi 'phel zhing / /
122a1 nyon mongs rnam grol bdud kyi 'ching ba med/ /rnam grol sems ni byang chub spyad pa spyod/ /spyod pa dag pas byang chub rnyed mi dka'/ /de nas
122a2 rgyal po dge ba'i bkod pas tshigs su bcad pa de dag thos pa dang / 'dod pa'i dga' ba dang / longs spyod dang / rgyal srid kyi dbang phyug dag la mi lta bar gyur cing /
122a3 skyo la 'dod chags dang bral ba skyes par gyur te/ rab tu 'byung ba la sems gzhol bar gnas nas/ bcom ldan 'das de bzhin gshegs pa ri rab lta bu de la 'di skad
122a4 ces gsol to/ /bcom ldan 'das/ bdag legs par gsungs pa'i chos 'dul ba la rab tu byung zhing bsnyen par rdzogs pa dge slong gi dngos po 'thob lags sam/ bcom
122a5 ldan 'das de bzhin gshegs pa ri rab lta bu des bka' stsal pa/ rgyal po chen po/ rab tu byung ba ni dgag pa med pa ste/ sems can thams cad la yang bar du mi gcod
122a6 cing skabs yod do/ /khyim na gnas pa ni nyon mongs pa'i nang na gnas pa yin gyi/ gal te 'dod na ngas khyod la gdams shing rjes su bstan gyi/ khyod kyis kyang gdams
122a7 shing rjes su bstan pa bzhin du bsgrub par bya'o/ /de nas bcom ldan 'das des rab tu 'byung ba'i skabs phye ba dang / rgyal po dge ba'i bkod pas bu stong po de
122b1 dag la smras pa/ khyed cag las rgyal srid grub pa dang / sems can rnams chos yang dag par 'dzin du 'jug par spro ba su yod/ de dag thams cad kyis smras pa/ yab/ bdag
122b2 cag kyang dad pas khyim nas khyim ma mchis par rab tu 'byung lags kyi/ bdag cag mi dor bar gsol/ rgyal pos smras pa/ gal te khyed thams cad rab tu byung na gling
122b3 bzhi pa'i 'jig rten gyi khams thams cad kyi skye bo'i tshogs thams cad rab tu chud zos par 'gyur gyi/ khyed cag las gang sems can rnams la brtan pa'i snying rje chen po
122b4 'jug par 'gyur ba des/ rgyal srid bsgrubs la/ sems can rnams la chos yang dag par 'dzin du chug cig /de nas rgyal bu gzhon nu de dag gi nang nas/ rgyal bu
122b5 gzhon nu snying rje cher sems zhes bya ba des/ rang gi pha de dang / rgan rabs de dag la tshigs su bcad de smras pa/ rab byung yon tan du ma bsags pa zhes/ /de bzhin
122b6 gshegs pa rnams kyis gsungs mod kyi/ /de ltar lags kyang snying rjer gyur pa na/ /'gro la phan phyir rgyal srid bdag gis bsgrub/ /ji srid 'tsho bar bdag ni tshangs
122b7 spyod cing / /gso sbyong yan lag brgyad pa blang bar bgyi/ /me tog rnams dang dri dang byug pa dang / /de bzhin chang yang myang bar mi bgyi'o/ /lus la rgyan rnams kyang ni mi
123a1 'dogs shing / /mchil lham mi 'tshal rin chen gtsug phud min/ /khri rkang gser las bgyis par mi nyal shing / /rgyal po'i rkyen gyi gos
123a2 kyang mi 'tshal lo/ /sil snyan glu dbyangs sgra la mi dga' zhing / /rma bya ngang pa'i sgra la'ang dga' mi bgyid/ /skye bos mdun bdar bud med gnas spong zhing / /gcig pu mal
123a3 na mchis nyal rlung mi g.yab/ /bdag ni gling nas gling du mchi bgyi zhing / /dge ba bcu rnams rab tu bshad par bgyi/ /khyim na gnas pa'i nongs pa bstan bgyi zhing / /rab tu
123a4 'byung ba'i bsngags pa'ang brjod par bgyi/ /gzugs dang dbang phyug longs spyod dregs pa yis/ /sangs rgyas chos dang dge 'dun bgrod mi bgyi/ /byang chub sems ni bskyud
123a5 par mi bgyi zhing / /rtag tu yid byung srid gsum spyad par bgyi/ /sbyin dang snyan smra don spyod don mthun pas/ /sems can bsdu ba la ni brtson bgyi zhing / /bla med theg chen dam
123a6 pa 'di la yang / /srog chags bye ba mang po yongs smin bgyi/ /chos don mnyan cing bshad par bya'i slad du/ /nyin mo dus gsum mtshan mo dus gsum du/ /ri rab lta bu'i
123a7 spyan sngar nyer mchi zhing / /de bzhin gshegs pa la ni mchod pa'ang bgyi/ /de nas bcom ldan 'das de bzhin gshegs pa ri rab lta bu des/ rgyal bu gzhon nu snying rje cher
123b1 sems la legs so/ /zhes bya ba byin te/ skyes bu dam pa/ legs so/ /legs so/ /bslab pa brgyad kyi tshul khrims yang dag par blangs pa'i chos kyi yon tan des na khyim par
123b2 gyur pa'i byang chub sems dpa' yang rab tu byung ba dang yon tan mtshungs pa yin no/ /khyod kyi snying rje chen po des na rab tu byung ba'i yon tan bsgrub pa'ang sgrub par byed pa yin no/ /de nas
123b3 rgyal po dge ba'i bkod pas/ rgyal po gzhon nu snying rje cher sems rgyal srid la bzhag nas/ bu stong du gcig gis ma tshang ba dang lhan cig tu bcom ldan 'das de'i bstan pa la dad pas
123b4 khyim nas khyim med par rab tu byung bar gyur to/ /de dag rab tu byung nas kyang / de bzhin gshegs pa des cho 'phrul bstan pa 'di nyid kyis de lta de ltar gdams shing rjes su
123b5 bstan pas/ de dag gis ring po mi thogs par mngon par shes pa lnga bskyed par gyur to/ /gzungs dang / dran pa dang / chos mnyan pa'i shes pa yang skyes par gyur to/ /rgyal bu
123b6 gzhon nu snying rje cher sems kyang rgyal srid la dbang bskur nas zla ba nya'o cog la gling chen po bzhi po dag tu rjes su ston par byed de/ ci nas kyang srog chags dung phyur phrag dgu dang /
123b7 bye ba phrag gnyis bla na med pa yang dag par rdzogs pa'i byang chub tu sems bskyed par 'gyur ba dang / de lta de ltar sems can rnams la chos ston par gyur to/ /de dag thams cad
124a1 kyang bcom ldan 'das de bzhin gshegs pa ri rab lta bu de'i bstan pa la dad pas khyim nas khyim med par rab tu byung nas/ theg pa chen po 'dis bla na
124a2 med pa yang dag par rdzogs pa'i byang chub las phyir mi ldog pa sha stag tu gyur to/ /shA ra dwa ti'i bu khyod kyis ci tsam du dge ba'i rtsa ba bskyed pa dang / yongs su sbyang ba
124a3 byas pa'i sems can rnams kyi rten du gyur cing / dad pa bskyed par gyur pa'i gsung rab de la ltos/ shA ra dwa ti'i bu/ de'i tshe de'i dus na/ 'khor los bsgyur ba'i rgyal
124a4 po dge ba'i bkod pa zhes bya bar gyur pa de gzhan zhig yin pa snyam du khyod som nyi dang yid gnyis za bar gyur na/ shA ra dwa ti'i bu khyod kyis de ltar mi blta ste/ lha'i bu ded
124a5 dpon 'di nyid de'i tshe de'i dus na/ 'khor los bsgyur ba'i rgyal po dge ba'i bkod pa zhes bya bar gyur to/ /shA ra dwa ti'i bu/ de'i tshe de'i dus na/ chos smra ba'i dge slong chos
124a6 kyi rgyal mtshan zhes bya bar gyur pa de gzhan zhig yin pa snyam du khyod yid gnyis dang som nyi za bar gyur na/ shA ra dwa ti'i bu khyod kyis de ltar mi blta ste/ 'jam dpal
124a7 gzhon nur gyur pa 'di nyid de'i tshe de'i dus na chos smra ba'i dge slong chos kyi rgyal mtshan zhes bya bar gyur to/ /shA ra dwa ti'i bu/ de'i tshe de'i dus na/ rgyal po dge ba'i bkod
124b1 pa de'i bu stong tham par gyur pa de dag gzhan zhig yin pa snyam du khyod som nyi dang yid gnyis za bar gyur na/ shA ra dwa ti'i bu khyod kyis de ltar mi blta ste/ bskal pa bzang po 'di
124b2 nyid kyi sangs rgyas stong po de dag de'i tshe de'i dus na/ rgyal po dge ba'i bkod pa de'i bu stong tham par gyur to/ /shA ra dwa ti'i bu/ de'i tshe de'i dus na/ rgyal bu gzhon nu snying rje cher
124b3 sems zhes bya bar gyur pa de gzhan zhig yin pa snyam du khyod som nyi dang yid gnyis za bar gyur na/ shA ra dwa ti'i bu khyod kyis de ltar mi blta ste/ nga nyid de'i tshe de'i dus na rgyal bu
124b4 gzhon nu snying rje cher sems zhes bya bar gyur to/ /shA ra dwa ti'i bu/ de ltar na sngon gyi byang chub sems dpa' bag yod pa rnams ni/ lhag pa'i bsam pa dang / shes bzhin gyi spyod
124b5 pas bla na med pa yang dag par rdzogs pa'i byang chub tu nges par byung ba yin no/ /bcom ldan 'das kyis sngon gyi tshul dang ldan pa'i gtam 'di bshad pa na/ lha dang mi rnams kyi skye
124b6 dgu las/ srog chags sum khri nyis stong ni bla na med pa yang dag par rdzogs pa'i byang chub tu sems skyes so/ /de nas tshe dang ldan pa shA ra dwa ti'i bus/ 'jam dpal gzhon nur
124b7 gyur pa la 'di skad ces smras so/ /'jam dpal khyod ni lha'i bu ded dpon 'di dang lhan cig tu yun ring po nas/ tshangs par spyod pa spyad pa dang / sangs rgyas mang
125a1 po la bsnyen bkur byas shing / dge ba'i rtsa ba bskyed pa yin no/ /'jam dpal gyis smras pa/ btsun pa shA ra dwa ti'i bu/ tshangs par spyod
125a2 pa zhes bya ba de ni 'phags pa'i lam yan lag brgyad pa'i tshig bla dwags yin la/ lam ni 'dus byas yin gyi/ kho bo ni 'dus ma byas su rtogs pa yin pas/ de'i phyir kho bo ni yun
125a3 ring po nas tshangs par spyod pa ma yin no/ /btsun pa shA ra dwa ti'i bu/ tshangs par spyod pa zhes bya ba de ni spyod pa'i mtshan nyid yin gyi/ kho bo ni spyod pa med pa dang / rab tu spyod pa
125a4 med pa yin te/ de'i phyir kho bo ni yun ring po nas tshangs par spyad pa ma yin no/ /btsun pa shA ra dwa ti'i bu/ tshangs par spyod pa zhes bya ba de ni gnyis su sbyor ba yin gyi/ kho bo ni
125a5 gnyis su sbyor ba yang ma yin la/ gnyis su med par sbyor ba yang ma yin te/ de'i phyir kho bo ni yun ring po nas tshangs par spyad pa ma yin no/ /btsun pa shA ra dwa ti'i bu/ tshangs
125a6 par spyod pa zhes bya ba de ni nyon mongs pa'i gnyen po yin gyi/ kho bo ni gnyen pos rab tu phye ba ma yin te/ de'i phyir kho bo ni yun ring po nas tshangs par spyad pa ma yin no/ /btsun
125a7 pa shA ra dwa ti'i bu/ tshangs par spyod pa zhes bya ba de ni/ gzugs dang / sgra dang / dri dang / ro dang / reg bya dang / chos las 'byol ba yin gyi/ kho bo ni gzugs dang / sgra dang / dri
125b1 dang / ro dang / reg bya dang / chos las 'byol ba ma yin te/ de'i phyir kho bo ni yun ring po nas tshangs par spyad pa ma yin no/ /btsun pa shA ra dwa ti'i bu/ tshangs par spyod pa zhes bya ba
125b2 ni| bdud kyi lam las yang dag par 'da' ba yin gyi/ kho bo ni bdud kyi lam las yang dag par 'da' ba ma yin te/ de'i phyir kho bo ni yun ring po nas tshangs par spyad pa ma yin
125b3 no| |btsun pa shA ra dwa ti'i bu/ tshangs par spyod pa zhes bya ba de ni dge ba'i bshes gnyen thams cad yin gyi/ kho bo ni dge ba dang sdig pa la nges par sbyor ba mi byed de/ de'i phyir kho
125b4 bo ni yun ring po nas tshangs par spyad pa ma yin no/ /btsun pa shA ra dwa ti'i bu/ tshangs par spyod pa zhes bya ba de ni nyan thos dang / rang sangs rgyas kyi skyon med pa thob pa yin gyi/ kho bo
125b5 ni nyan thos dang / rang sangs rgyas kyi skyon med pa thob pa ma yin te/ de'i phyir kho bo ni yun ring po nas tshangs par spyad pa ma yin no/ /btsun pa shA ra dwa ti'i bu/ tshangs par spyod pa
125b6 zhes bya ba de ni 'khor ba las 'byol ba yin gyi/ kho bo ni 'khor ba las 'byol ba ma yin te/ de'i phyir kho bo ni yun ring po nas tshangs par spyad pa ma yin no/ /btsun pa shA
125b7 ra dwa ti'i bu/ tshangs par spyod pa zhes bya ba de ni mya ngan las 'da' ba'i lam du 'gro ba yin gyi/ kho bo ni mya ngan las 'da' ba don du gnyer ba ma yin te/ de'i phyir kho bo ni yun ring
126a1 po nas tshangs par spyad pa ma yin no/ /btsun pa shA ra dwa ti'i bu/ gang yang khyod 'di skad du 'jam dpal khyod ni sangs rgyas mang po la bsnyen bkur
126a2 byas pa yin no zhes zer ba ni/ btsun pa shA ra dwa ti'i bu/ de bzhin gshegs pa la ni bsnyen bkur bya bar mi nus so/ /de ci'i phyir zhe na/ de bzhin gshegs pa ni gzugs med
126a3 cing bstan du med pa yin pas de la bsnyen bkur bya bar mi nus pa dang / de bzhin gshegs pa ni tshor ba med cing tshor ba thams cad rgyun bcad pa yin pas de la bsnyen bkur
126a4 bya bar mi nus pa dang / de bzhin gshegs pa ni 'du shes med cing 'du shes kyi mdud pa thams cad dang bral ba yin pas de la bsnyen bkur bya bar mi nus pa dang / de bzhin
126a5 gshegs pa ni 'du byed rnams med cing 'dus ma byas brnyes pa yin pas de la bsnyen bkur bya bar mi nus pa dang / de bzhin gshegs pa ni rnam par shes pa med cing yid
126a6 gnas pa med pa yin pas de la bsnyen bkur bya bar mi nus pa dang / de bzhin gshegs pa ni mig dang gzugs kyi yul ma yin zhing / stong pa nyid kyi spyod yul ma yin pas/
126a7 de la bsnyen bkur bya bar mi nus pa dang / de bzhin gshegs pa ni rna ba dang sgra'i yul ma yin zhing / mtshan ma med pa'i yul yin pas de la bsnyen bkur bya bar mi nus pa
126b1 dang | de bzhin gshegs pa ni sna dang dri'i yul ma yin zhing / gnyis dang bral ba yin pas de la bsnyen bkur bya bar mi nus pa dang / de bzhin gshegs pa ni lce dang ro'i yul ma yin
126b2 zhing | rnam par rig pa med pa'i mtshan nyid yin pas de la bsnyen bkur bya bar mi nus pa dang / de bzhin gshegs pa ni lus dang reg bya'i yul ma yin zhing / thogs pa med pa'i
126b3 mtshan nyid yin pas de la bsnyen bkur bya ba ma nus pa dang / de bzhin gshegs pa ni yid dang chos kyi yul ma yin zhing / chos kyi dbyings su yang dag 'du ba yin pas de la bsnyen
126b4 bkur bya bar mi nus pa dang / de bzhin gshegs pa ni de bzhin nyid la gnas pa yin pas de la bsnyen bkur bya bar mi nus pa dang / de bzhin gshegs pa ni yang dag pa'i mtha'
126b5 dang mthun par zhugs pa yin pas/ de la bsnyen bkur bya bar mi nus pa dang / de bzhin gshegs pa ni chos kyi dbyings kyis rab tu phye ba yin pas/ de la bsnyen bkur bya bar mi
126b6 nus pa dang / de bzhin gshegs pa ni chen po stong pa nyid la zhugs pa yin pas/ de la bsnyen bkur bya bar mi nus pa dang / de bzhin gshegs pa ni rang bzhin mnyam pa nyid
126b7 yin pas de la bsnyen bkur bya bar mi nus pa dang / de bzhin gshegs pa ni spros pa thams cad yang dag par chad pa yin pas/ de la bsnyen bkur bya bar mi nus pa dang / de bzhin
127a1 gshegs pa ni dmigs pa med pa la zhugs pa yin pas/ de la bsnyen bkur bya bar mi nus pa dang / de bzhin gshegs pa ni rnam par shes pa la
127a2 mi gnas pa yin pas/ de la bsnyen bkur bya bar mi nus pa dang / de bzhin gshegs pa ni khams gsum na mi gnas pa yin pas/ de la bsnyen bkur bya bar mi nus pa dang / de bzhin
127a3 gshegs pa ni zag pa med pa yin pas/ de la bsnyen bkur bya bar mi nus pa dang / de bzhin gshegs pa ni 'jig rten 'di dang / 'jig rten pha rol la mi gnas pa yin pas/
127a4 de la bsnyen bkur bya bar mi nus pa dang / de bzhin gshegs pa ni zhi zhing rab tu zhi la nye bar zhi ba yin pas/ de la bsnyen bkur bya bar mi nus pa dang / de bzhin gshegs
127a5 pa ni lus dang / ngag dang / yid dang bral ba yin pas/ de la bsnyen bkur bya bar mi nus pa dang / de bzhin gshegs pa ni kha dog dang / gzugs dang / dbyibs dang
127a6 bral ba yin pas/ de la bsnyen bkur bya bar mi nus pa dang / de bzhin gshegs pa ni thams cad du ma smad cing kha na ma tho ba med pa yin pas/ de la bsnyen bkur bya bar
127a7 mi nus pa dang / de bzhin gshegs pa ni spyod lam thams cad la yang dag par mi gnas pa yin pas/ de la bsnyen bkur bya bar mi nus pa dang / btsun pa shA ra dwa
127b1 ti'i bu| de bzhin gshegs pa ni thams cad du skur pa gdab tu med cing nam mkha' la bris pa lta bu yin pas/ de la bsnyen bkur bya bar mi nus pa'i phyir ro/ /btsun
127b2 pa shA ra dwa ti'i bu/ gang yang khyod 'di skad du 'jam dpal khyod ni dge ba'i rtsa ba bskyed pa yin no zhes zer ba la/ btsun pa shA ra dwa ti'i bu/ dge ba'i rtsa ba de ni 'jig tshogs
127b3 rtsa ba ma yin pa dang / ma rig pa dang srid pa'i sred pa rtsa ba ma yin pa dang / 'dod chags dang / zhe sdang dang / gti mug rtsa ba ma yin pa dang / phyin ci log bzhi rtsa ba ma yin pa dang /
127b4 phung po lnga rtsa ba ma yin pa dang / skye mched drug rtsa ba ma yin pa dang / rnam par shes pa'i gnas bdun rtsa ba ma yin pa dang / log pa brgyad rtsa ba ma yin pa dang / kun nas mnar
127b5 sems kyi dngos po dgu rtsa ba ma yin pa dang / sems can gyi gnas dgu rtsa ba ma yin pa dang / mi dge ba bcu'i las kyi lam rtsa ba ma yin pa de gang yin pa ni dge ba'i rtsa ba yin
127b6 no| |btsun pa shA ra dwa ti'i bu/ bgrod pa gcig pa'i lam la mngon par zhen pa rtsa ba ma yin pa dang / rig pa dang rnam par grol ba la yongs su rtog pa rtsa ba ma yin pa dang / lhag
127b7 pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab kyi bslab pas rlom sems su byed pa rtsa ba ma yin pa dang / bden pa bzhi po dag
128a1 la yongs su rtog pa rtsa ba ma yin pa dang / dbang po lngar 'du shes pa rtsa ba ma yin pa dang / mngon par shes pa drug la dmigs pa rtsa ba ma yin pa
128a2 dang / byang chub kyi yan lag bdun la sgro 'dogs pa rtsa ba ma yin pa dang / 'phags pa'i lam yan lag brgyad pas rlom sems su byed pa rtsa ba ma yin pa dang / mthar gyis
128a3 gnas pa'i snyoms par 'jug pa dgu la lta ba skyed pa rtsa ba ma yin pa dang / mi slob pa'i chos bcu la mngon par zhen pa rtsa ba ma yin pa gang yin pa de ni dge ba'i rtsa ba yin
128a4 no| |phung po'i bdud rtsa ba ma yin pa dang / nyon mongs pa'i bdud rtsa ba ma yin pa dang / 'chi bdag gi bdud rtsa ba ma yin pa dang / lha'i bu'i bdud rtsa ba ma yin pa gang yin pa de
128a5 ni dge ba'i rtsa ba yin no/ /sgrib pa rtsa ba ma yin pa dang / chod pa dang / kun nas ldang ba rtsa ba ma yin pa dang / 'gyod pa rtsa ba ma yin pa gang yin pa de ni dge ba'i rtsa ba yin no/ /
128a6 bdag tu lta ba rtsa ba ma yin pa dang / sems can du lta ba rtsa ba ma yin pa dang / srog tu lta ba rtsa ba ma yin pa dang / gso ba dang / gang zag tu lta ba rtsa ba ma yin pa gang yin pa
128a7 de ni dge ba'i rtsa ba ma yin no/ /'byung bar lta ba rtsa ba ma yin pa dang / 'jig par lta ba rtsa ba ma yin pa dang / chad par lta ba rtsa ba ma yin pa dang / rtag par lta ba rtsa ba ma
128b1 yin pa gang yin pa de ni dge ba'i rtsa ba yin no/ /tshul bzhin ma yin pa rtsa ba ma yin pa dang / ma rig pa rtsa ba ma yin pa dang / 'du byed rtsa ba ma yin pa dang / rnam par shes pa rtsa ba
128b2 ma yin pa dang / ming dang gzugs rtsa ba ma yin pa dang / skye mched drug rtsa ba ma yin pa dang / reg pa rtsa ba ma yin pa dang / tshor ba rtsa ba ma yin pa dang / sred pa rtsa ba ma yin pa dang /
128b3 len pa rtsa ba ma yin pa dang / srid pa rtsa ba ma yin pa dang / skye ba rtsa ba ma yin pa dang / rga shi rtsa ba ma yin pa dang / nad dang sdug bsngal ba dang / yid mi bde ba dang / 'khrug pa rtsa ba
128b4 ma yin pa gang yin pa de ni dge ba'i rtsa ba yin no/ /'dod pa'i khams rtsa ba ma yin pa dang / gzugs kyi khams rtsa ba ma yin pa dang / gzugs med pa'i khams rtsa ba ma yin pa gang yin pa de ni
128b5 dge ba'i rtsa ba yin no/ /sbyin pas rlom sems su byed pa rtsa ba ma yin pa dang / tshul khrims dang / bzod pa dang / brtson 'grus dang / bsam gtan dang / shes rab kyis rlom sems su byed pa rtsa ba ma
128b6 yin pa gang yin pa de ni dge ba'i rtsa ba yin no/ /byams pa dang / snying rje dang / dga' ba dang / btang snyoms kyis rlom sems su byed pa rtsa ba ma yin pa gang yin pa de ni byang chub
128b7 sems dpa'i dge ba'i rtsa ba yin no/ /nyan thos dang / rang sangs rgyas 'dod pa rtsa ba ma yin pa gang yin pa de ni byang chub sems dpa'i dge ba'i rtsa ba yin no/ /byams
129a1 pa chen po'i rtsa ba dang / snying rje chen po'i rtsa ba dang / thams cad mkhyen pa nyid kyi sems mi 'dor ba'i rtsa ba dang / sems can yongs su smin
129a2 par byed pa'i rtsa ba dang / dam pa'i chos yongs su 'dzin pa'i rtsa ba dang / bdog pa thams cad yongs su gtong ba'i rtsa ba dang / rnam par smin pa la re ba med pa'i rtsa ba dang / tshul
129a3 khrims dang bslab pa thams cad yang dag par len pa'i rtsa ba dang / brgya byin dang / tshangs pa dang / 'jig rten skyong ba yang mi 'dod pa'i rtsa ba dang / bzod pa dang / zhi ba dang /
129a4 dul ba dang / nges pa'i rtsa ba dang / bdag dang gzhan la yang mi gnod pa'i rtsa ba dang / brtan pa'i brtson 'grus chen po rtsom pa'i rtsa ba dang / dman pa'i chos yang dag par mi
129a5 sdud pa'i rtsa ba dang / bsam gtan gyi rtsa ba dang / bsam gtan gyi ro myong bar mi byed pa'i rtsa ba dang / shes rab kyi rtsa ba dang / btang snyoms kyang ma yin pa'i rtsa ba dang / thabs
129a6 kyi rtsa ba dang / thams cad kyi rjes su 'jug pa'i rtsa ba gang yin pa de ni byang chub sems dpa'i dge ba'i rtsa ba yin no/ /dkon mchog gsum gyi gdung rgyun mi gcod pa'i rtsa ba
129a7 dang / stobs bcu dang / mi 'jigs pa'i rtsa ba dang / sangs rgyas kyi chos thams cad yongs su sgrub pa'i rtsa ba gang yin pa de ni byang chub sems dpa'i dge ba'i rtsa ba yin no/ /
129b1 lus dang ngag dang sems kyi rgyun gyi rtsa ba gang yin pa de ni byang chub sems dpa'i dge ba'i rtsa ba yin no/ /gzungs kyi shes pa thob pa gang yin pa de ni byang chub sems dpa'i dge ba'i
129b2 rtsa ba yin no/ /spobs pa mi chod pa'i rtsa ba gang yin pa de ni byang chub sems dpa'i dge ba'i rtsa ba yin no/ /mngon par shes pa dang / rig pa thob pa'i rtsa ba gang yin pa de ni byang chub
129b3 sems dpa'i dge ba'i rtsa ba yin no/ /sangs rgyas kyi zhing yongs su dag par byed pa'i rtsa ba gang yin pa de ni byang chub sems dpa'i dge ba'i rtsa ba yin no/ /byang chub kyi snying por 'gro
129b4 ba byin gyis rlob pa'i rtsa ba gang yin pa dang / lan gsum du bzlas te/ chos kyi 'khor lo rnam pa bcu gnyis su bskor ba'i rtsa ba gang yin pa de ni byang chub sems dpa'i dge ba'i
129b5 rtsa ba yin no/ /'jam dpal gzhon nur gyur pas don gyi gzhi rnam par nges par bstan pa gsum po 'di bshad pa na/ thams cad dang ldan pa'i 'khor des legs so/ /zhes bya ba
129b6 byin nas thams cad dang ldan pa'i 'khor des bcom ldan 'das dang / 'jam dpal gzhon nur gyur pa la/ me tog rnam pa sna tshogs dag gis mngon par gtor nas/ tshig
129b7 'di skad du sangs rgyas kyi zhing gang na/ 'jam dpal gzhon nur gyur pa gnas pa der ni de bzhin gshegs pa gnyis byung ba yin par rig par bya'o/ /sems can gang dag
130a1 'jam dpal gzhon nur gyur pas bstan pa 'di thos nas/ mi skrag/ mi dngang zhing / dngang bar mi 'gyur ba de dag ni dge ba'i rtsa ba ngan ngon dang ldan
130a2 pa ma yin no/ /de dag gis ni bdud kyi las thams cad bkag pa yin no/ /de dag ni theg pa chen po la snang ba thob pa yin no zhes kyang smras so/ /de nas bcom ldan 'das kyis thams
130a3 cad dang ldan pa'i 'khor des smras pa la rjes su thugs rangs pa mdzad nas/ lha'i bu ded dpon la 'di skad ces bka' stsal to/ /lha'i bu/ gang dag 'jam dpal gzhon nur
130a4 gyur pas bshad pa de thos nas mos par 'gyur ba de yang cho 'phrul chen po yin te/ de dag ni de las gzhan pa'i cho 'phrul rnams kyis skrag par mi 'gyur ro/ /de ci'i phyir zhe na/
130a5 lha'i bu/ 'di lta ste/ rtag par 'du shes pa'i sems can rnams la mi rtag par bshad pa dang / bde bar 'du shes pa rnams la sdug bsngal bar bshad pa dang / bdag tu
130a6 'du shes pa rnams la bdag med par bshad pa dang / sdug par 'du shes pa rnams la mi sdug par bshad pa dang / dngos por 'du shes pa rnams la dngos po med par bshad
130a7 pa dang / lta bar 'du shes pa rnams la stong par bshad pa dang / mtshan mar 'du shes pa rnams la mtshan ma med par bshad pa dang / khams gsum par 'du shes pa rnams
130b1 la smon pa med par bshad pa dang / ngar 'dzin pa dang / nga yir 'dzin pa 'du shes pa rnams la lta ba'i rnam pa thams cad dang bral bar bshad pa de ni 'jig rten gyi 'jigs pa
130b2 chen po yin te/ gang dag de la skrag par mi 'gyur ba de dag ni yang dag par dul ba yin pas na/ yang dag par dul ba rnams ni gang la yang skrag par mi 'gyur ba'i phyir ro/ /de ci'i
130b3 phyir zhe na/ de gang las skrag par 'gyur ba'i chos 'di lta ste/ ngar 'dzin pa yongs su 'dzin pa dang / nga yir 'dzin pa yongs su 'dzin pa de dag des yongs su ma bzung bas/ yongs
130b4 su ma bzung ba la rten med pa dang / rten med pa la g.yo ba med pa dang / g.yo ba med pa la 'gul ba med pa dang / 'gul ba med pa la blang ba med pa dang / blang ba med pa la dor ba
130b5 med pa dang / dor ba med pa la 'dzin pa med pa dang / 'dzin pa med pa la mchog tu 'dzin pa med pa dang / mchog tu 'dzin pa med pa la phyin ci log med pa dang / phyin ci log med
130b6 pa la log pa nyid med pa dang / log pa nyid dang bral ba ni yang dag par bsgrub pa yin pa dang / yang dag par bsgrub pa ni yang dag par lta ba yin pa dang / yang dag par lta ba ni yang
130b7 dag pa'i ting nge 'dzin gyi bar dag yin pa dang / yang dag pa'i ting nge 'dzin la gnas pa la rnam par g.yeng ba med pa dang / sems rnam par mi g.yeng ba la gnas pa med pa dang /
131a1 sems mi gnas pa la gnas med pa dang / sems kyi gnas med pa la rnam par shes pa'i gnas med pa dang / rnam par rig pa med pa la brtag cing
131a2 bsal ba med pa dang / brtag cing bsal ba dang bral bas dmigs pa med par gnas pa la sgrib pa med pa dang / sgrib pa med par gnas pa la rlom sems med pa dang / gang
131a3 gi tshe rlom sems med pa de'i tshe lhag par rlom sems med pa dang / gang gi tshe lhag par rlom sems med pa de'i tshe bdag dang gzhan du mthong ba med pa dang / mthong ba med pa la
131a4 yongs su gdung ba med pa dang / yongs su gdung ba med pa la sgyid lug pa med pa dang / sgyid lug pa med pa la nyon mongs pa'i rgyu med pa dang / nyon mongs pa can ma yin pa'i sems
131a5 la gsal ba snang ba dang / gsal ba thob pas ye shes mthong ba dang / ye shes mthong ba la gnas pa'i sems kyi shes pa rgya che ba/ sems kyi shes pa rgya chen po la gnas
131a6 pa la bdud kyis glags mi rnyed pa dang / bdud dang phyir rgol ba nges par bcom pa la sgrib pa med pa mngon du gyur ba dang / sgrib pa med pa la gnas pa la/ sangs rgyas kyi chos
131a7 thams cad mngon du gyur ba'i phyir ro/ /lha'i bu/ gang byas pa med cing skye ba med pa'i chos rnams la/ chos kyi go rim gyi mtshams sbyar ba de ltar ston pa de yang cho 'phrul chen po
131b1 yin no/ /de nas tshe dang ldan pa shA ra dwa ti'i bus 'jam dpal gzhon nur gyur pa la 'di skad ces smras so/ /kho bo cag 'jam dpal gzhon nur gyur pa la ci dang ci 'dri ba de dang de nyid kyi
131b2 tshig gi mtshams las/ sangs rgyas kyi chos thams cad snang ngo / /'jam dpal gyis smras pa/ btsun pa shA ra dwa ti'i bu/ chos thams cad ni bdag po med pa ste/ de dag ni ji ltar 'dod
131b3 pa de bzhin du sgrub par byed do/ /btsun pa shA ra dwa ti'i bu/ chos thams cad ni mi zad pa ste/ de dag ni ji ltar 'dod pa de bzhin du ston par byed do/ /btsun pa shA ra dwa ti'i bu/ chos
131b4 thams cad ni bem po ste/ de dag ni ji ltar 'dod pa de bzhin du rjod par byed do/ /btsun pa shA ra dwa ti'i bu/ chos thams cad ni ther zug tu gnas pa ma yin pa ste/ de dag ni ji ltar
131b5 'dod pa de bzhin du rnam par 'jog par byed do/ /btsun pa shA ra dwa ti'i bu/ chos thams cad ni mthong ba med pa ste/ de dag ni ji ltar 'dod pa de bzhin du rnam par dgod par byed do/ /
131b6 btsun pa shA ra dwa ti'i bu/ chos thams cad btang snyoms pa ste/ de dag ni ji ltar 'dod pa de bzhin du 'chad par byed do/ /btsun pa shA ra dwa ti'i bu/ chos de dag ni gang nas kyang ma
131b7 blangs| gang du yang ma khrid pa ste/ de dag ni bsags pa yang ma yin/ spungs pa yang ma yin no/ /de dag ni bshad kyang rung / ma bshad kyang rung ste/ chos kyi de bzhin de mi 'dor
132a1 ba yin no/ /sems can thams cad kyi yi ge 'byung ba gang yin pa dang / sangs rgyas thams cad kyi chos bstan pa'i yi ge 'byung ba gang yin pa'i yi
132a2 ge de dag thams cad ni/ lus las kyang ma byung / sems las kyang ma byung ba ste/ rgyu dang rkyen nyid las byung ba yin no/ /ji ltar yi ge rnams la bsags pa med pa de bzhin
132a3 du| sems dang sems las byung ba'i chos rnams la yang bsags pa med do/ /ji ltar sems dang sems las byung ba'i chos rnams la bsags pa med pa de bzhin du /
132a4 nyon mongs pa'i dmigs pa thams cad la yang bsags pa med do/ /ji ltar nyon mongs pa'i dmigs pa thams cad la bsags pa med pa de bzhin du/ shes pa gang gis
132a5 nyon mongs pa rnams spangs pa'i shes pa de la yang bsags pa med de/ btsun pa shA ra dwa ti'i bu/ gang mi gnas pa'i shes pas mi gnas pa'i nyon mongs pa rnams spangs
132a6 pa de yang cho 'phrul chen po yin no/ /de nas lha'i bu ded dpon gyis 'jam dpal gzhon nur gyur pa la 'di skad ces smras so/ /'jam dpal/ byang chub sems dpa' rnams
132a7 kyi shes pa gang yin/ 'jam dpal gyis smras pa/ lha'i bu/ sdug bsngal yongs su shes pa'i shes pa dang / phung po yongs su spangs pa la yongs su skyo ba med pa'i shes pa
132b1 dang / kun 'byung ba shes pa dang / dge ba'i rtsa ba yang dag par bsdu ba shes pa dang / 'gog pa shes pa dang / skye ba shes pa dang / 'byung ba shes pa dang / lam shes pa dang / lam
132b2 ngan pa rnam par bcad pa shes pa dang / rgyu shes pa dang / chud mi za ba shes pa dang / 'bras bu shes pa dang / mngon sum du bya ba spangs pa shes pa dang / rkyen shes pa dang / tshogs bsags
132b3 pa shes pa dang / bden pa shes pa dang / sangs rgyas kyi ye shes la lta zhing thob par bya ba shes pa dang / rten cing 'brel bar 'byung ba shes pa dang / 'byung ba la mngon par zhen pa
132b4 med pa shes pa dang / phung po lnga shes pa dang / phung po'i bdud spangs pa shes pa dang / khams shes pa dang / chos kyi dbyings dbyer med pa shes pa dang / skye mched shes pa dang /
132b5 grong stong pa lta bu so sor rtog pa shes pa dang / sbyin pa shes pa dang / dus dang dus ma yin pa las mi 'da' ba shes pa dang / tshul khrims shes pa dang / tshul khrims 'chal ba'i sems
132b6 can yongs su smin par bya ba shes pa dang / bzod pa shes pa dang / sems can rjes su bsrung ba shes pa dang / brtson 'grus shes pa dang / legs par bya ba'i las bya ba shes pa
132b7 dang / bsam gtan shes pa dang / bsam gtan las ldog pa shes pa dang / shes rab shes pa dang / lta ba yongs su shes pa dang / thabs shes pa dang / sems can yongs su smin par
133a1 bya ba shes pa dang / byams pa shes pa dang / sems can bskyab pa shes pa dang / snying rje shes pa dang / yongs su mi skyo ba shes pa dang / dga' ba shes
133a2 pa dang / chos la dga' zhing rab tu dga' la mchog tu dga' ba shes pa dang / btang snyoms shes pa dang / sangs rgyas kyi chos yongs su bsgrub pa shes pa dang / sems can
133a3 gzhug pa shes pa dang / tha snyad shes pa dang / dran pa nye bar gzhag pa shes pa dang / gnas med pa la gnas pa shes pa dang / yang dag par spong ba shes pa dang / mnyam
133a4 pa nyid dang mi 'gal ba shes pa dang / rdzu 'phrul gyi rkang pa shes pa dang / mngon par 'du bya ba med par so sor rtog pa shes pa dang / dad pa'i dbang po dang / stobs shes pa
133a5 dang | chags pa thams cad las yang dag par 'da' ba shes pa dang / brtson 'grus kyi dbang po dang / stobs shes pa dang / nyon mongs pa thams cad kyis mi tshugs pa shes pa
133a6 dang | dran pa'i dbang po dang / stobs shes pa dang / chos thams cad mi brjed pa shes pa dang / ting nge 'dzin gyi dbang po dang / stobs shes pa dang / chos thams cad mnyam
133a7 pa nyid du shes pa dang / shes rab kyi dbang po dang / stobs shes pa dang / sems can thams cad kyi dbang po mchog dang / mchog ma yin pa shes pa dang / byang chub kyi yan
133b1 lag shes pa dang / rang byung gi ye shes rjes su rtogs pa shes pa dang / lam shes pa dang / lam ngan pa thams cad las yang dag par 'da' ba shes pa dang / snying rje chen po la lhag par dmigs
133b2 pa shes pa dang / zad pa shes pa dang / dge ba'i rtsa ba thams cad mi zad pa shes pa dang / skye ba med pa shes pa dang / mi skye ba'i chos la bzod pa thob pa shes pa dang / sangs rgyas rjes su dran pa
133b3 shes pa dang / sangs rgyas kyi sku yongs su grub pa shes pa dang / chos rjes su dran pa shes pa dang / chos kyi 'khor lo rab tu bskor ba shes pa dang / dge 'dun rjes su dran pa shes pa dang / phyir
133b4 mi ldog pa'i byang chub sems dpa'i dge 'dun yang dag par 'du ba shes pa dang / gtong ba rjes su dran pa shes pa dang / sems can thams cad yongs su mi gtong ba shes pa dang / tshul
133b5 khrims rjes su dran pa shes pa dang / smon lam thams cad yongs su rdzogs par bya ba shes pa dang / lha rjes su dran pa shes pa dang / sdig pa thams cad mi bya bar shes pa dang / sems can gyi dbang
133b6 po shes pa dang / rim pa rjes su rtogs pa shes pa dang / thos pa'i tshogs yongs su rdzogs par bya ba shes pa dang / tshogs thams cad kyis mi ngoms pa shes pa dang / sman thams cad shes
133b7 pa dang / rkyen ji lta ba bzhin du sbyor ba shes pa dang / gnas dang gnas ma yin pa shes pa dang / gnas ma yin pa mi bya bar shes pa dang / stobs bcu shes pa dang / nyan thos dang / rang
134a1 sangs rgyas thams cad kyi theg pa dang rjes su mthun pa shes pa dang / mi 'jigs pa shes pa dang / bar du gcod pa dang bar du gcod pa ma yin pa'i chos rjes
134a2 su rtogs pa shes pa dang / 'das pa'i dus la ma thogs pa'i shes pa dang / rnam par shes pa mi gnas par shes pa dang / ma 'ongs pa'i dus la ma thogs pa'i shes pa dang / chos
134a3 thams cad las yang dag par mi 'da' ba shes pa dang / da ltar byung ba'i dus la ma thogs pa'i shes pa dang / gnas pa med pa dang / rab tu gnas pa med pa shes pa dang / lus
134a4 sngon du 'gro ba shes pa dang / sems can thams cad kyi lus la 'jug pa shes pa dang / ngag sngon du 'gro ba shes pa dang / sems can thams cad kyi sgra rab tu dbye ba shes
134a5 pa dang / yid sngon du 'gro ba shes pa dang / sems can thams cad kyi sems kyi spyod pa rnam par g.yo ba rjes su rtogs pa'i shes pa dang / 'khrul pa med pa'i shes pa dang /
134a6 sems can thams cad kyi 'khrul pa rjes su rtogs pa'i shes pa dang / nyon mongs pa dang bral ba shes pa dang / sems can thams cad kyi nyon mongs pa dang / rtsod pa nye
134a7 bar zhi bar bya ba shes pa dang / mi brjed pa'i shes pa dang / sems rnam par g.yengs pa'i sems can dran pa la 'jog pa shes pa dang / dgongs pa rab tu
134b1 'dzin pa shes pa dang / sems can le lo can yongs su bzung ba shes pa dang / sangs rgyas kyi chos ma 'dres pa shes pa dang / gdul ba'i sems can 'dul ba rjes su
134b2 rtogs pa'i shes pa dang / thabs shes pa dang / shes rab shes pa ste/ lha'i bu/ de ni byang chub sems dpa'i shes pa yin te/ shes pa de dang ldan pa'i byang chub sems dpa'
134b3 ni sangs rgyas kyi ye shes chags pa med pa 'thob bo/ /lha'i bus smras pa/ 'jam dpal/ ji tsam du byang chub sems dpa' rnams kyi shes pa bsam gyis mi khyab pa de dang /
134b4 'jig rten gsum po thams cad las khyad par du 'phags pa'i shes pa de ni ngo mtshar te/ shes pa de ni go cha ngan ngon dang ldan pas yang dag par bsdu bar mi nus so/ /'jam
134b5 dpal gang de lta bu'i shes pa skyed par byed pa de yang cho 'phrul chen po yin no// //bam po gsum pa ste tha ma/ 'jam dpal/ ji ltar na byang chub sems dpa' go
134b6 cha legs par bgos pa yin/ 'jam dpal gyis smras pa/ lha'i bu/ gang gi tshe byang chub sems dpa' rang bzhin gyis yongs su mya ngan las 'das pa'i sems can
134b7 rnams la skrag par mi 'gyur ba de lta bu ni byang chub sems dpa' ni go cha legs par bgos pa yin no/ /smras pa/ 'jam dpal/ ci'i phyir byang chub sems dpa' zhes bya/
135a1 smras pa| lha'i bu/ byang chub kyi gnas rjes su 'jug pas byang chub sems dpa' zhes bya'o/ /smras pa/ 'jam dpal/ ci'i phyir sems dpa' chen
135a2 po zhes bya/ smras pa/ lha'i bu/ rtsom pa chen po nyams 'og tu chud par byed pa dang / ye shes chen po yongs su rdzogs par byed pas na sems dpa' chen po zhes bya'o/ /smras pa/ 'jam
135a3 dpal| ci'i phyir sems can mchog ces bya/ smras pa/ lha'i bu/ shes rab kyis gzung ba med pa'i chos la 'jug pa dang / thabs kyis chos thams cad yang dag par bsdus pas
135a4 de'i phyir sems can mchog ces bya'o/ /smras pa/ 'jam dpal/ ci'i phyir sems can dag pa zhes bya/ smras pa/ lha'i bu/ gang nyon mongs pa'i dri ma rnams dang lhan cig mi gnas shing /
135a5 sems can thams cad kyi nyon mongs pa spang ba'i phyir brtson 'grus rtsom par yang byed pas/ de'i phyir sems can dag pa zhes bya'o/ /smras pa/ 'jam dpal/ ci'i phyir sems
135a6 can rnam par dag pa zhes bya/ smras pa/ lha'i bu/ 'di ltar sems can thams cad nges par 'byung ba'i lam rnam par sbyong bar byed pas/ de'i phyir sems can rnam par dag pa
135a7 zhes bya'o/ /smras pa/ 'jam dpal/ ci'i phyir 'dren pa zhes bya/ smras pa/ lha'i bu/ 'di ltar lam de la gnas nas/ sems can grangs med dpag tu med pa dag yongs su smin
135b1 par byed pas/ de'i phyir 'dren pa zhes bya'o/ /smras pa/ 'jam dpal/ ci'i phyir rnam par 'dren pa zhes bya/ smras pa/ lha'i bu/ 'di ltar gdul ba'i sems can rnams shin tu 'dul
135b2 ba la rab tu 'god par byed pas/ de'i phyir rnam par 'dren pa zhes bya'o/ /smras pa/ 'jam dpal/ ji ltar na byang chub sems dpa' dpa' ba yin/ smras pa/ lha'i bu/ ji tsam gyis
135b3 bdud dang phyir rgol ba nges par bcom zhing sems can yongs su smin par bya ba'i phyir sred pa len par byed pa de tsam gyis na/ byang chub sems dpa' dpa' ba yin no/ /smras pa/
135b4 'jam dpal/ ji ltar na byang chub sems dpa' thul bar dka' ba yin/ smras pa/ lha'i bu/ 'di ltar sngon dam bcas pa dang / sngon gyi bsam pa yongs su rdzogs par byed pas/
135b5 nyan thos dang rang sangs rgyas kyi theg pa dag la 'dod par mi byed pa de lta bu ni thul bar dka' ba yin no/ /smras pa/ 'jam dpal/ ji ltar na byang chub sems dpa' mngon par
135b6 'phags pa yin/ smras pa/ lha'i bu/ gang gi tshe 'phags pa'i shes rab dang / thabs kyis sems can yongs su smin par bya ba dang / dam pa'i chos yongs su gzung ba'i phyir kun
135b7 du snang ba de tsam gyis na/ byang chub sems dpa' mngon par 'phags pa yin no/ /smras pa/ 'jam dpal/ ji ltar na byang chub sems dpa' chos smra ba yin/ smras pa/ lha'i bu/ gang
136a1 gi tshe sangs rgyas kyis yongs su bzung ba'i tshig gis/ sems can thams cad kyi nyes par smra ba zil gyis gnon par byed pa de lta bu ni/ chos smra
136a2 ba yin no/ /smras pa/ 'jam dpal/ ji ltar na 'dul ba smra ba yin/ smras pa/ lha'i bu/ gang gi tshe bdag tshul khrims la gnas la/ sems can thams cad kyi 'gyod pa
136a3 dang / kun nas ldang ba rnam par bsal ba'i phyir/ chos ston par byed pa de lta bu ni 'dul ba smra ba yin no/ /smras pa/ 'jam dpal/ ji ltar na don smra ba yin/ smras pa/ lha'i
136a4 bu| gang gi tshe thos pa thams cad la nan tan snying por byed cing don rjes su rtogs pa de lta bu ni don smra ba yin no/ /smras pa/ 'jam dpal/ ji ltar na byang chub sems dpa'
136a5 sems can thams cad la phan pa'i gzhi phun sum tshogs pa yin/ smras pa/ lha'i bu/ gang gi tshe dge ba'i rtsa ba yang dag par bsgrubs pa thams cad sems can rnams la
136a6 stob par byed pa de lta bu ni/ sems can thams cad la phan pa'i gzhi phun sum tshogs pa yin no/ /smras pa/ 'jam dpal/ ji ltar na byang chub sems dpa' drang po yin/
136a7 smras pa/ lha'i bu/ gang gi tshe bdag gi nyes pa mi 'chab pa de lta bu ni drang po yin no/ /smras pa/ 'jam dpal/ ji ltar na byang chub sems dpa' dam pa yin/ smras pa/ lha'i bu/
136b1 gang gi tshe sems can 'dod chags dang / zhe sdang dang / gti mug gi gya gyu can rnams la khong khro bar mi byed pa de'i phyir dam pa yin no/ /smras pa/ 'jam dpal/ ji ltar na g.yo ba med pa
136b2 yin| smras pa/ lha'i bu/ gang gi tshe ji skad smras pa'i tshig las 'da' ba med pa yin no/ /smras pa/ 'jam dpal/ ji ltar na sgyu med pa yin/ smras pa/ lha'i bu/ gang gi tshe ji ltar
136b3 sems kyis mngon par bsgrubs pa de bzhin du tshig tu brjod pa de lta bu ni sgyu med pa yin no/ /smras pa/ 'jam dpal/ ji ltar na nga rgyal med pa yin/ smras pa/ lha'i bu/ gang gi tshe sems
136b4 can thams cad la 'dud par byed cing mi dge ba mi byed pa de lta bu ni nga rgyal med pa yin no/ /smras pa/ 'jam dpal/ ji ltar na byang chub sems dpa' sbyin bdag yin/ smras pa/ gang
136b5 gi tshe yongs su bsdus pa'i byang chub kyang gtong bar byed na/ dngos po gzhan dag lta smos kyang ci dgos pa'o/ /smras pa/ 'jam dpal/ ji ltar na tshul khrims dang ldan pa yin/ smras
136b6 pa| lha'i bu/ gang tshul khrims 'chal pa mthong na/ srog gi phyir yang byang chub kyi sems mi gtong ba yin no/ /smras pa/ 'jam dpal/ ji ltar na bzod pa smra ba yin/ smras pa/ lha'i bu/
136b7 gang gi tshe gnod pa bzod cing / gzhan la gnod par mi byed pa yin no/ /smras pa/ 'jam dpal/ ji ltar na brtson 'grus dang ldan pa yin/ smras pa/ lha'i bu/ gang rnam par bsams
137a1 na| chos 'ga' yang mi dmigs pa yin no/ /smras pa/ 'jam dpal/ ji ltar na bsam gtan la bsam gtan pa yin/ smras pa/ lha'i bu/
137a2 gang 'dod pa'i khams su phyis mi snang ba yin no/ /smras pa/ 'jam dpal/ ji ltar na shes rab dang ldan pa yin/ smras pa/ lha'i bu/ gang shes rab kyis bya ba sbyin par mi byed
137a3 pa yin no/ /smras pa/ 'jam dpal/ ji ltar na byams pa la gnas pa yin/ smras pa/ lha'i bu/ gang gi tshe sems can gyi khams la stong pa nyid du rnam par lta ba yin no/ /
137a4 smras pa/ 'jam dpal/ ji ltar na snying rje la gnas pa yin/ smras pa/ lha'i bu/ gang gi tshe chos thams cad nam mkha' lta bur shes nas/ byang chub la brtson 'grus mi 'dor
137a5 ba yin no/ /smras pa/ 'jam dpal/ ji ltar na dga' ba la gnas pa yin/ smras pa/ lha'i bu/ gang gi tshe thub cing zhi la rab tu zhi ba thob cing chos yongs su tshol ba la dga'
137a6 ba mi ngoms pa yin no/ /smras pa/ 'jam dpal/ ji ltar na btang snyoms la gnas pa yin/ smras pa/ lha'i bu/ sems can yongs su bskyab pa'i phyir 'jig rten na spyod kyang /
137a7 'jig rten gyi chos rnams kyis mi 'phrogs pa yin no/ /smras pa/ 'jam dpal/ ji ltar na byang chub sems dpa' lus yongs su dag pa yin/ smras pa/ lha'i bu/ gang
137b1 gi tshe yid las byung ba'i lus kyis sems can thams cad kyi lus dang mthun par ston pa yin no/ /smras pa/ 'jam dpal/ ji ltar na ngag yongs su dag pa yin/ smras pa/ lha'i bu/
137b2 gang gi tshe sems can thams cad kyi sgra yongs su rdzogs pas/ 'bras bu yod par chos ston pa yin no/ /smras pa/ 'jam dpal/ ji ltar na sems yongs su dag pa yin/ smras pa/
137b3 lha'i bu/ gang gi tshe sems gcig gis sems can thams cad kyi sems rnams rab tu shes pa yin no/ /smras pa/ 'jam dpal/ ji ltar na byang chub sems dpa'i lha'i mig
137b4 dang ldan pa yin/ smras pa/ lha'i bu/ gang gi tshe gzugs snang ba thams cad kyang mthong la/ gzugs dben par yang ston pa yin no/ /smras pa/ 'jam dpal/ ji ltar na lha'i
137b5 rna ba thob pa yin/ smras pa/ lha'i bu/ gang gi tshe sgra thams cad thos la/ sgra dben par yang ston pa yin no/ /smras pa/ 'jam dpal/ ji ltar na pha rol gyi sems la mkhas pa yin
137b6 smras pa| lha'i bu/ gang gi tshe sems skyes pa zhig par gyur pa rnams kyi sems kyi rgyun rab tu shes pa yin no/ /smras pa/ 'jam dpal/ ji ltar na sngon gyi gnas la mkhas pa yin
137b7 smras pa| lha'i bu/ gang gi tshe sngon gyi mtha'i mu rjes su dran zhing / yang dag pa'i mtha' las kyang mi g.yo ba yin no/ /smras pa/ 'jam dpal/ ji ltar na rdzu 'phrul gyi bya ba shes pa
138a1 yin| smras pa/ lha'i bu/ gang bdud thams cad kyang ston la/ bdud kyi las rnams kyis kyang mi gos pa yin no/ /smras pa/ 'jam dpal/ ji ltar
138a2 na dul ba yin/ smras pa/ lha'i bu/ gang gi tshe ma dul ba rnams 'dul ba yin no/ /smras pa/ 'jam dpal/ ji ltar na bsrungs pa yin/ smras pa/ lha'i bu/ dbang po thams
138a3 cad mi g.yeng ba yin no/ /smras pa/ 'jam dpal/ ji ltar na rnam par dul ba yin/ smras pa/ lha'i bu/ gang gi tshe mi 'khrugs pa'i chos su gyur pa yin no/ /smras pa /
138a4 'jam dpal/ ji ltar na zhi ba yin/ smras pa/ lha'i bu/ nyon mongs pa'i yongs su gdung ba thams cad kyis gdung ba med la/ sems can thams cad kyi nyon mongs pa
138a5 sdang ba'i phyir yang chos ston pa yin no/ /smras pa/ 'jam dpal/ ji ltar na dad pa yin/ smras pa/ lha'i bu/ gang sangs rgyas kyi sku'i gzugs kyis phye yang mi phyed pa yin
138a6 no| |smras pa/ 'jam dpal/ ji ltar na byang chub sems dpa' thabs la mkhas pa yin/ smras pa/ lha'i bu/ gang gi tshe byang chub sems dpa' sems can thams cad
138a7 la byang chub la rag las par mthong ba yin no/ /bstan pa 'di bshad pa na/ srog chags khri nyis stong bla na med pa yang dag par rdzogs pa'i byang chub tu sems skyes so/ /
138b1 byang chub sems dpa' lnga brgya ni mi skye ba'i chos la bzod pa thob par gyur to/ /de nas bcom ldan 'das kyis 'jam dpal gzhon nur gyur pa la legs so/ /zhes bya ba byin te/ 'jam
138b2 dpal/ legs so/ /legs so/ /khyod kyis byang chub sems dpa' rnams kyi ming bshad pa de dang / skyes bu dam pa de dag gi yon tan de dag legs par smras te/ gzhan yang dpag tu
138b3 med pa dag yod do/ /lha'i bu/ ded dpon gyis 'jam dpal gzhon nur gyur pa la gzhan yang 'di skad ces smras so/ /'jam dpal khyod kyis sngon gyi de bzhin gshegs pa ji snyed cig
138b4 la bsnyen bkur byas na/ khyod spobs pa 'di lta bu dang ldan/ 'jam dpal gyis smras pa/ lha'i bu/ sprul pa'i sgyu ma'i skyes bu'i sems can sems las byung ba ji snyed 'gag pa de snyed
138b5 la'o| |smras pa/ 'jam dpal sprul pa nyid la yang sems dang sems las byung ba dag med na sgyu ma sprul pa la lta ci smos/ smras pa/ lha'i bu/ de bzhin gshegs pa de dag kyang ngo bo
138b6 nyid de lta bu'i mtshan nyid yin la/ de dag la bsnyen bkur bya ba'i mtshan nyid kyang de lta bu yin no/ /smras pa/ 'jam dpal khyod kyis yun ring po ji srid cig nas/ sbyin pa'i pha rol tu
138b7 phyin pa la spyad/ smras pa/ lha'i bu/ gal te de bzhin gshegs pa'i sprul pa zhig la khyod kyis yun ring po ji srid cig nas sbyin pa'i pha rol tu phyin pa la spyad ces dris na/ ci de la lan
139a1 ldon par byed dam/ smras pa/ 'jam dpal/ de ni cung zad kyang lan ldon par mi byed do/ /smras pa/ lha'i bu/ kho bo yang sprul pa de nyid kyi mtshan nyid yin
139a2 pas na/ kho bos ji skad du/ kho bo yun ring po 'di tsam zhig nas sbyin pa'i pha rol tu phyin pa la spyod do zhes lan gdab par bya/ smras pa/ 'jam dpal/ 'o na ci khyod ser sna can
139a3 yin nam/ smras pa/ lha'i bu/ de bzhin te/ kho bo ni ser sna can yin no/ /smras pa/ 'jam dpal khyod ci las bsams te de skad smra/ smras pa/ lha'i bu/ gang yongs su mi
139a4 gtong ba de ser sna can ma yin nam/ smras pa/ 'jam dpal khyod ci zhig yongs su mi gtong / smras pa/ lha'i bu/ kho bo ni sangs rgyas kyi chos thams cad dang / sems can thams
139a5 cad yongs su mi gtong ba yin te/ de'i phyir kho bo ni ser sna can yin no/ /smras pa/ 'jam dpal khyod kyis ji skad smras pa'i don kho bos shes pa ltar na/ khyod ni tshul khrims
139a6 'chal ba yin no/ /smras pa/ lha'i bu/ de bzhin te/ kho bo ni tshul khrims 'chal ba yin no/ /smras pa/ 'jam dpal khyod ci las bsams te de skad smra/ smras pa/ lha'i bu/
139a7 gang tshul khrims 'chal ba de ngan song gsum po de dag tu ltung ba ma yin nam/ smras pa/ 'jam dpal/ de bzhin no/ /smras pa/ lha'i bu kho bo yang sems can yongs su smin par bya
139b1 ba'i phyir bsams bzhin du ngan song rnams su 'gro ste/ de'i phyir kho bo ni tshul khrims 'chal ba yin no/ /smras pa/ 'jam dpal/ ci khyod gnod sems kyi sems dang ldan pa yin nam
139b2 smras pa/ lha'i bu/ de bzhin te/ kho bo ni gnod sems dang ldan pa yin no/ /smras pa/ 'jam dpal khyod ci las bsams te de skad smra/ smras pa/ lha'i bu/ gang gnod sems kyi sems
139b3 dang ldan pa de rjes su chags pa med pa ma yin nam/ smras pa/ 'jam dpal/ de bzhin no/ /smras pa/ lha'i bu/ kho bo yang nyon mongs pa thams cad dang / byis pa thams cad dang /
139b4 nyan thos dang / rang sangs rgyas kyi sa thams cad la rjes su chags pa med de/ de'i phyir kho bo ni gnod sems kyi sems dang ldan pa yin no/ /smras pa/ 'jam dpal/ ci khyod le lo
139b5 can yin nam/ smras pa/ lha'i bu/ de bzhin te/ kho bo le lo can yin no/ /smras pa/ 'jam dpal khyod ci las bsams te de skad smra/ smras pa/ lha'i bu/ le lo can zhes bya ba ni
139b6 gang lus dang / ngag dang / yid kyis mi rtsom pa yin la/ kho bo yang rtsom pa med cing brtul bar mi byed pa dang / len pa med pa dang / 'dor ba med pa yin te/ de'i phyir kho bo ni
139b7 le lo can yin no/ /smras pa/ 'jam dpal/ ci khyod sems rnam par g.yengs pa yin nam/ smras pa/ lha'i bu/ de bzhin te/ kho bo ni sems rnam par g.yengs pa yin no/ /smras pa/
140a1 'jam dpal khyod ci las bsams te de skad smra/ smras pa/ lha'i bu/ gang gi sems rnam par grol ba la mi gnas pa de/ sems rnam par g.yengs pa
140a2 ma yin nam/ smras pa/ 'jam dpal/ de bzhin no/ /smras pa/ lha'i bu/ kho bo yang 'phags pa rnams kyi rnam par grol ba la sems mi gnas pa dang / sems can yongs su
140a3 smin par bya ba'i phyir sems rnam par g.yengs pa yin te/ de'i phyir kho bo ni sems rnam par g.yengs pa yin no/ /smras pa/ 'jam dpal/ ci khyod shes rab 'chal ba yin nam/
140a4 smras pa/ lha'i bu/ de bzhin te/ kho bo ni shes rab 'chal pa yin no/ /smras pa/ 'jam dpal khyod ci las bsams te de skad smra/ smras pa/ lha'i bu/ gang 'khor bas mi skrag
140a5 cing sems can rmongs pa rnams dang lhan cig na dga' ba de shes rab 'chal ba ma yin nam/ smras pa/ 'jam dpal/ de bzhin no/ /smras pa/ lha'i bu/ kho bo yang 'khor
140a6 bas mi skrag cing / de dag nyid yongs su smin par bya ba'i phyir/ sems can rmongs pa rnams dang lhan cig na dga' ba yin te/ de'i phyir kho bo ni shes rab 'chal ba yin no/
140a7 smras pa/ 'jam dpal/ 'jig rten na sbyin gnas su yin/ smras pa/ lha'i bu/ gang dag bsad pa gsod pa'i sems skyes pa rnams so/ /smras pa/ 'jam dpal khyod ci las
140b1 bsams te de skad smra/ smras pa/ lha'i bu/ gsod pa zhes bya ba ni 'dod chags dang / zhe sdang dang / gti mug rnams te/ gang de dag gsod par byed pa de ni/ bsad pa gsod par byed pa
140b2 yin pas/ de ni 'jig rten na sbyin gnas yin no/ /smras pa/ 'jam dpal khyod kyis bshad pa de lta bu ni 'jig rten gnas pa skrag par 'gyur ba yin no/ /smras pa/ lha'i bu/ gal te
140b3 yang dag pa'i mtha' skrag par 'gyur na ni/ 'jig rten gnas pa yang skrag par 'gyur ro/ /de ci'i phyir zhe na/ 'jig rten ni yang dag pa'i mtha' la gnas pa yin pa'i phyir ro/ /smras
140b4 pa| 'jam dpal/ gang dag khyod kyis bshad pa 'di spong bar 'gyur ba de dag gang du 'gro bar 'gyur/ smras pa/ lha'i bu/ de dag ni mya ngan las 'das par 'gro bar 'gyur ro/ /
140b5 smras pa/ 'jam dpal/ khyod ci las bsams te de skad smra/ smras pa/ lha'i bu/ pha rol gyi sgra nyan pa ma spangs par ni/ 'phags pa'i rnam par grol ba 'thob par mi nus so/ /de ci'i
140b6 phyir zhe na/ skyon med par zhugs pa la ni yi ge'i 'jug pa med pas na/ gang dag mos par 'gyur ba de dag ni/ rnam par grol bar mi 'gyur ba'i phyir ro/ /smras pa/ 'jam
140b7 dpal khyod ci las bsams te de skad smra/ smras pa/ lha'i bu/ rnam par grol ba ni/ yang rnam par grol bar 'gyur ba med do/ /smras pa/ 'jam dpal/ dam pa'i chos spong ba rnams
141a1 ni sems can dmyal bar 'gro ba yin no/ /smras pa/ lha'i bu/ gang dag rnam par grol ba de dag thams cad sems can dmyal bar 'gro ba yin
141a2 nam| smras pa/ 'jam dpal khyod kyis chos bstan pa ni gnyen po med pa yin no/ /smras pa/ lha'i bu/ stong pa nyid dang / mtshan ma med pa dang / smon pa med pa la ni gnyen po
141a3 brjod par mi nus so/ /smras pa/ 'jam dpal/ stong pa nyid la gnas pa ni ci zhig la gnas pa yin/ smras pa/ lha'i bu/ stong pa nyid la gnas pa ni sems can thams cad la byams
141a4 par gnas pa yin no/ /de ci'i phyir zhe na/ sems can ma gtogs par stong pa nyid med pa'i phyir ro/ /smras pa/ 'jam dpal/ ji ltar na byang chub sems dpa' sems
141a5 can gyi khams kyi mtha' khong du chud pa yin/ smras pa/ lha'i bu/ gang gi tshe sems can thams cad rten cing 'brel par 'byung ba mthong zhing de la rtag pa dang / chad pa'i
141a6 mthar lta bar yang mi ltung ba de lta bu ni/ byang chub sems dpa' sems can gyi khams kyi mtha' khong du chud pa yin no/ /smras pa/ 'jam dpal/ sems can gyi khams
141a7 gang dang ldan pa yin/ smras pa/ lha'i bu/ sems can gyi khams ni/ chos kyi dbyings kyi khams dang ldan pa yin no/ /smras pa/ 'jam dpal/ chos kyi dbyings khams gang
141b1 dang ldan pa yin/ smras pa/ lha'i bu/ nam mkha'i ngo bo nyid kyi khams dang ldan pa yin no/ /smras pa/ 'jam dpal/ nam mkha'i khams gang dang ldan pa yin/ smras pa/ lha'i bu/ yul
141b2 thams cad las yang dag par 'das pa'i khams dang ldan pa yin no/ /smras pa/ 'jam dpal/ yul gang sangs rgyas kyi yul yin/ smras pa/ lha'i bu/ mig gi yul ni sangs rgyas kyi
141b3 yul yin te/ sangs rgyas kyi yul ni mig dang / gzugs dang / rnam par shes pa'i yul ma yin no/ /rna ba'i yul ni sangs rgyas kyi yul yin te/ sangs rgyas kyi yul ni rna ba dang / sgra dang /
141b4 rnam par shes pa'i yul ma yin no/ /sna'i yul ni sangs rgyas kyi yul yin te/ sangs rgyas kyi yul ni sna dang / dri dang / rnam par shes pa'i yul ma yin no/ /lce'i yul ni sangs rgyas
141b5 kyi yul yin te/ sangs rgyas kyi yul ni lce dang / ro dang / rnam par shes pa'i yul ma yin no/ /lus kyi yul ni sangs rgyas kyi yul yin te/ sangs rgyas kyi yul ni lus dang /
141b6 reg bya dang / rnam par shes pa'i yul ma yin no/ /yid kyi yul ni sangs rgyas kyi yul yin te/ sangs rgyas kyi yul ni yid dang / chos dang / rnam par shes pa'i yul ma yin
141b7 no| |gzugs kyi yul ni sangs rgyas kyi yul yin te/ sangs rgyas kyi yul ni gzugs su rung ba'i yul ma yin no/ /tshor ba'i yul ni sangs rgyas kyi yul yin te/ sangs rgyas
142a1 kyi yul ni myong ba'i yul ma yin no/ /'du shes kyi yul ni sangs rgyas kyi yul yin te/ sangs rgyas kyi yul ni kun tu g.yo ba'i yul ma yin no/ /'du
142a2 byed kyi yul ni sangs rgyas kyi yul yin te/ sangs rgyas kyi yul ni mngon par 'du byed pa'i yul ma yin no/ /rnam par shes pa'i yul ni sangs rgyas kyi yul yin te/ sangs rgyas kyi
142a3 yul ni rnam par rig pa'i yul ma yin no/ /ma rig pa'i yul ni sangs rgyas kyi yul yin te/ sangs rgyas kyi yul ni rgyu dang rkyen gyi yul ma yin no/ /rga shi'i bar dag gi yul
142a4 ni sangs rgyas kyi yul yin te/ sangs rgyas kyi yul ni nyid mtshams sbyor ba'i yul ma yin no/ /'dod pa'i khams kyi yul ni sangs rgyas kyi yul yin te/ sangs rgyas kyi yul ni
142a5 'dod chags so sor rnam par rig pa'i yul ma yin no/ /gzugs kyi khams kyi yul ni sangs rgyas kyi yul yin te/ sangs rgyas kyi yul ni 'dod chags kyi gnyen po'i yul
142a6 ma yin no/ /gzugs med pa'i khams kyi yul ni sangs rgyas kyi yul yin te/ sangs rgyas kyi yul ni lta ba'i lam rnam par grol ba'i yul ma yin no/ /'dus ma byas kyi khams
142a7 kyi yul ni sangs rgyas kyi yul yin te/ sangs rgyas kyi yul ni gnyis su sbyor ba'i yul ma yin no/ /'dus byas kyi yul ni sangs rgyas kyi yul yin te/ sangs rgyas kyi yul ni
142b1 mtshan nyid gsum dang ldan pa'i yul ma yin no/ /lha'i bu/ de ni sangs rgyas kyi yul yin te/ mtha' dang mtha' ma yin pa'i yul yin pa'i phyir/ yul der ni yul thams cad
142b2 'dus shing khongs su chud pa yin no/ /lha'i bu/ byang chub sems dpa' ni yul de lta bur zhugs shing / don gyi yul thams cad la rnam par spyod kyang bdud kyi yul thob pa ma yin
142b3 te| de ni bdud kyi yul dang / sangs rgyas kyi yul yang mnyam zhing dben pa'i yul du mngon par rdzogs par khong du chud do/ /lha'i bu/ gang mnyam pa dang mi mnyam pas sems can
142b4 rnams yongs su smin par byed kyang / mnyam pa nyid las kyang mi 'da' ba 'di yang cho 'phrul chen po yin no/ /de la mnyam pa nyid ni gang / mi mnyam pa nyid ni gang zhe na/ 'di ltar
142b5 chos thams cad stong pa nyid du mnyam pa de ni mnyam pa nyid yin no/ /gang dag stong pa nyid la mi 'jug pa de dag ni mi mnyam par gnas pa yin te/ byang chub sems dpa' de dag yongs
142b6 su smin par byed kyang stong pa nyid kyi mnyam pa nyid las kyang mi g.yo'o/ /chos thams cad mtshan ma med par mnyam pa nyid du mnyam pa de ni mnyam pa nyid yin no/ /gang dag mnyam
142b7 pa nyid de la mi 'jug pa de dag ni mi mnyam par gnas pa yin te/ byang chub sems dpa' ni de dag yongs su smin kyang mtshan ma med pa'i mnyam pa nyid las kyang mi g.yo'o/ /chos
143a1 thams cad smon pa med par mnyam pa nyid du mnyam pa de ni mnyam pa nyid yin no/ /gang dag mnyam pa nyid de la mi 'jug pa de dag ni mi mnyam par
143a2 gnas pa yin te/ byang chub sems dpa' ni de dag yongs su smin par byed kyang / smon pa med pa'i mnyam pa nyid las kyang mi g.yo'o/ /chos thams cad mngon par 'du byed pa
143a3 med par mnyam pa nyid du mnyam pa de ni mnyam pa nyid yin no/ /gang dag mnyam pa nyid de la mi 'jug pa de dag ni mi mnyam par gnas pa yin te/ byang chub sems dpa'
143a4 ni de dag yongs su smin par byed kyang mngon par 'du byed pa med pa'i mnyam pa nyid las kyang mi g.yo'o/ /chos thams cad skye ba med par mnyam pa nyid dang / 'byung ba med
143a5 par mnyam pa nyid dang / 'gag pa med par mnyam pa nyid dang / 'dod chags dang bral bar mnyam pa nyid dang / dben par mnyam pa nyid dang / dngos po med par mnyam pa
143a6 nyid dang / 'gog par mnyam pa nyid dang / chos thams cad mya ngan las 'das par mnyam pa nyid du mnyam pa de ni mnyam pa nyid yin no/ /gang dag mnyam pa nyid de la mi
143a7 'jug pa de dag ni mi mnyam par mnyam pa yin te/ byang chub sems dpa' ni de dag yongs su smin par byed kyang mya ngan las 'das pa'i mnyam pa nyid las kyang mi g.yo ste/ lha'i
143b1 bu| de ltar mnyam pa dang mi mnyam pa la spyod pa'i byang chub sems dpa' ni/ byang chub sems dpa'i spyad pa spyod pa yin no/ /de nas lha'i bu ded dpon gyis 'jam dpal gzhon
143b2 nur gyur pa la 'di skad ces smras so/ /'jam dpal khyod byang chub sems dpa' rnams kyi spyod pa la spobs par gyis shig /'jam dpal gyis smras pa/ lha'i bu/ byang chub sems
143b3 dpa' rnams kyi spyod pa ni bsam gyis mi khyab pa yin no/ /smras pa/ 'jam dpal/ ji ltar na byang chub sems dpa' rnams kyi spyod pa bsam gyis mi khyab pa yin/ smras pa/ lha'i
143b4 bu| 'dod chags kyi spyod pa bsam gyis mi khyab pa'i phyir/ byang chub sems dpa' rnams kyi spyod pa yang bsam gyis mi khyab pa ste/ 'dod chags dang bral ba'i spyod pa ni ma yin
143b5 no| |zhe sdang gi spyod pa bsam gyis mi khyab pa'i phyir/ byang chub sems dpa' rnams kyi spyod pa yang bsam gyis mi khyab pa ste/ zhe sdang dang bral ba'i spyod pa ni ma yin no/ /gti mug
143b6 gi spyod pa bsam gyis mi khyab pa'i phyir/ byang chub sems dpa' rnams kyi spyod pa yang bsam gyis mi khyab pa ste/ shes rab kyi bya ba sgrub par byed pa'i spyod pa ni ma yin no/ /ser
143b7 sna med pa'i spyod pa ni byang chub sems dpa' rnams kyi spyod pa yin te/ sbyin pas rlom sems su byed pa'i spyod pa ni ma yin no/ /'chal ba'i tshul khrims dang bral ba'i spyod pa ni /
144a1 byang chub sems dpa' rnams kyi spyod pa yin te/ tshul khrims kyis rlom sems su byed pa'i spyod pa ni ma yin no/ /gnod sems med pa'i spyod pa ni byang chub
144a2 sems dpa' rnams kyi spyod pa yin te/ bzod pas rlom sems su byed pa'i spyod pa ni ma yin no/ /le lo med pa'i spyod pa ni byang chub sems dpa' rnams kyi spyod pa yin te/ brtson
144a3 'grus kyis rlom sems su byed pa'i spyod pa ni ma yin no/ /rnam par g.yeng ba med pa'i spyod pa ni byang chub sems dpa' rnams kyi spyod pa yin te/ bsam gtan gyis rlom sems
144a4 su byed pa'i spyod pa ni ma yin no/ /'chal ba'i shes rab med pa'i spyod pa ni byang chub sems dpa' rnams kyi spyod pa yin te/ shes rab kyis rlom sems su byed pa'i spyod pa ni ma
144a5 yin no/ /nyon mongs pa med pa'i spyod pa ni byang chub sems dpa' rnams kyi spyod pa yin te/ nyon mongs pa med pas rlom sems su byed pa'i spyod pa ni ma yin no/ /nang dang phyi'i
144a6 dngos po yongs su gtong bas brtse ba med pa'i spyod pa ni byang chub sems dpa' rnams kyi spyod pa yin no/ /bu dang / bu mo dang / chung ma yongs su gtong bas mngon par dga'
144a7 ba med pa'i spyod pa ni byang chub sems dpa' rnams kyi spyod pa yin no/ /'dod pa'i yon tan la smod pas rtag tu gnod sems med pa'i spyod pa ni byang chub sems dpa' rnams
144b1 kyi spyod pa yin no/ /dge ba'i rtsa ba yang dag par bsdus pas mi lta ba'i spyod pa ni byang chub sems dpa' rnams kyi spyod pa yin no/ /lus dang srog la mi lta bas lta ba med pa'i spyod pa ni byang
144b2 chub sems dpa' rnams kyi spyod pa yin no/ /sdug pa dang mi sdug pa yongs su gtong bas tsham tshom med pa'i spyod pa ni byang chub sems dpa' rnams kyi spyod pa yin no/ /'khor ba dpag
144b3 tu med pas mi skrag pas 'jigs pa med pa'i spyod pa ni byang chub sems dpa' rnams kyi spyod pa yin no/ /sems can thams cad kyi khur sgrol bas khur chen po sgrol ba'i spyod pa ni byang
144b4 chub sems dpa' rnams kyi spyod pa yin no/ /sngar dam bcas pa nyams su len par byed pas phyir mi ldog pa'i spyod pa ni byang chub sems dpa' rnams kyi spyod pa yin no/ /rjes su 'gyod
144b5 pa med pas yid la gcags pa med pa'i spyod pa ni byang chub sems dpa' rnams kyi spyod pa yin no/ /theg pa thams cad zil gyis mnan pas mngon par 'phags pa'i spyod pa ni byang chub
144b6 sems dpa' rnams kyi spyod pa yin no/ /yi dam ma zhig pas go cha rdo rje lta bu'i spyod pa ni byang chub sems dpa' rnams kyi spyod pa yin no/ /sems can thams cad kyi sems la nges par sems
144b7 pas rang gi sems la nges par sems pa'i spyod pa ni byang chub sems dpa' rnams kyi spyod pa yin no/ /las byas pa chud mi za bas chud mi za ba'i spyod pa ni byang chub sems dpa' rnams
145a1 kyi spyod pa yin no/ /sems can thams cad la sems mnyam pas tha dad med pa'i spyod pa ni byang chub sems dpa' rnams kyi spyod pa yin no/ /dgra thams cad
145a2 nges par bcom pas dpa' ba'i spyod pa ni byang chub sems dpa' rnams kyi spyod pa yin no/ /skal pa mnyam pa'i skye bo dang mthun par 'jug pas ma 'dres pa'i spyod pa ni byang chub
145a3 sems dpa' rnams kyi spyod pa yin no/ /gshe ba dang / sdang ba thams cad rab tu dga' bar byed pas/ rab tu dga' bar byed pa'i spyod pa ni byang chub sems dpa' rnams kyi spyod pa
145a4 yin no/ /sangs rgyas lta ba dang / chos mnyan pa dang / bla ma la bsnyen bkur bya ba la mchog tu dga' bas dga' ba dang / rab tu dga' ba dang / mchog tu dga' ba'i spyod pa ni byang
145a5 chub sems dpa' rnams kyi spyod pa yin no/ /lus dang / ngag dang / sems dang / sangs rgyas kyi zhing rgyan par byed pas rgyan gyi spyod pa ni byang chub sems dpa' rnams kyi spyod pa yin
145a6 no| |mnyam pa dang / mi mnyam pa'i gnyen por gyur pas zil gyis mi non pa'i spyod pa ni byang chub sems dpa' rnams kyi spyod pa yin no/ /skye bo mkhas shing mdzangs pa rnams
145a7 kyis rab tu bsngags pas ngan pa ma yin pa'i spyod pa ni byang chub sems dpa' rnams kyi spyod pa yin no/ /tshul bzhin gyis nyon mongs pa rnams shin tu nges par brtags pas mi rtsi
145b1 ba'i spyod pa ni byang chub sems dpa' rnams kyi spyod pa yin no/ /khur blangs pa nyams su lon pas skyes bu dam pa'i spyod pa ni byang chub sems dpa' rnams kyi spyod pa yin no/ /brtson 'grus
145b2 brtan pos phyir mi ldog pas khyad par du 'gro ba'i spyod pa ni byang chub sems dpa' rnams kyi spyod pa yin no/ /byang chub kyi phyogs kyi chos yang dag par sdud pas chos spyod pa ni byang
145b3 chub sems dpa' rnams kyi spyod pa yin no/ /sangs rgyas kyi gdung rgyun mi gcod pas byas pa shes shing byas pa gzo ba'i spyod pa ni byang chub sems dpa' rnams kyi spyod pa yin
145b4 no| |dkon mchog gsum 'dri bar mi byed pas dkon mchog gi spyod pa ni byang chub sems dpa' rnams kyi spyod pa yin no/ /sdud pa dang yongs su gcod pas shes rab dang
145b5 thabs kyi spyod pa ni byang chub sems dpa' rnams kyi spyod pa yin no/ /byang chub sems dpa' rnams kyi spyod pa bstan pa 'di bshad pa na/ spyod pa la zhugs pa'i byang chub sems
145b6 dpa' lnga brgyas mi skye ba'i chos la bzod pa thob par gyur to/ /de nas lha'i bu ded dpon gyis 'jam dpal gzhon nur gyur pa la 'di skad ces smras so/ /'jam dpal khyod kyis
145b7 byang chub sems dpa' rnams kyi spyod pa de ni legs par smras so/ /byang chub sems dpa' gang dag spyod pa de dang ma bral ba de dag ni/ de nyid kyis lung bstan pa yin no/ /bcom ldan
146a1 'das kyis bka' stsal pa/ lha'i bu/ de de bzhin no/ /ji skad smras pa de bzhin te/ lha'i bu/ gang gi tshe nga spyod pa de dang ma bral bar gyur pa de'i tshe de
146a2 bzhin gshegs pa mar me mdzad kyis/ nga bla na med pa yang dag par rdzogs pa'i byang chub tu lung bstan te/ der ngas mi skye ba'i chos la bzod pa thob bo/ /lha'i bu/ gang spyod pa
146a3 rnam par dag pa'i mtshan nyid kyi chos rnams la/ byang chub sems dpa' rnams kyi spyod pa de lta bu de dag rab tu 'byed par byed pa de yang de bzhin gshegs pa'i cho 'phrul chen
146a4 po yin no/ /de nas bcom ldan 'das la lha'i bu ded dpon gyis 'di skad ces gsol to/ /bcom ldan 'das/ mi skye ba zhes bya ba ni ci lags/ 'jug pa gang gis ni byang
146a5 chub sems dpa' mi skye ba'i chos la bzod pa thob pa lags/ bcom ldan 'das kyis bka' stsal pa/ lha'i bu/ mi skye ba zhes bya ba de ni/ gzod ma nas ma skyes pa'i mu'i mtshan
146a6 nyid kyi tshig bla dwags yin te/ de ni sngon byung bar gyur la/ phyis ma byung bar gyur pa ma yin te/ de ni gzod ma nas ma byung ba nyid yin no/ /de ni sngon srid par gyur la/ phyis
146a7 mi srid par gyur pa ma yin te/ de ni gzod ma nas mi srid pa nyid yin no/ /de ni sngon skyes par gyur la/ phyis ma skyes par gyur pa ma yin te/ de ni gzod ma nas ma skyes pa nyid yin
146b1 no| |de ni sngon mngon par 'dus byas pa yin la/ phyis mngon par 'dus ma byas pa ma yin te/ de ni gzod ma nas mngon par 'dus ma byas pa nyid yin no/ /de ni sngon yod par gyur la/
146b2 phyis med par gyur pa ma yin te/ de ni gzod ma nas 'gyur ba med pa nyid yin no/ /de ni sngon gang zag tu bgrang bar gyur la/ phyis gang zag tu mi bgrang bar gyur pa ma yin te/ de ni gzod
146b3 ma nas stong pa nyid yin no/ /de ni sngon mtshan mar bgrang bar gyur la/ phyis mtshan mar mi bgrang bar gyur pa ma yin te/ de ni gzod ma nas mtshan ma med pa nyid yin no/ /gang gis de
146b4 ltar rjes su rtogs pa dang / sems kyi skye ba dang / 'jig pa la mngon par zhen pa med par rtogs pa de ni mi skye ba zhes bya'o/ /de la bzod pa gang zhe na/ de dag ji ltar mi skye ba de bzhin
146b5 du sems can thams cad la yang bzod pa de ni bzod pa zhes bya'o/ /de dag ji ltar mi skye ba de bzhin du zhing thams cad la yang bzod pa de ni bzod pa zhes bya'o/ /de dag ji ltar mi skye
146b6 ba de bzhin du slob pa dang / mi slob pa dang / rang sangs rgyas thams cad la yang bzod pa de ni bzod pa zhes bya'o/ /de dag ji ltar mi skye ba de bzhin du/ sangs rgyas kyi chos thams
146b7 cad dang / byang chub sems dpa'i spyod pa thams cad dang / sangs rgyas thams cad la yang bzod pa de ni bzod pa zhes bya'o/ /de dag ji ltar mi skye ba de bzhin du/ chos thams cad
147a1 la yang bzod pa de ni bzod pa zhes bya'o/ /bzod pa de yang skad cig pa yin te/ gang gis skad cig pa yin zhe na/ skad cig pa nyid kyis skad cig pa
147a2 yin no/ /stong pa nyid ni stong pa nyid kyis skad cig pa yin no/ /mtshan ma med pa ni mtshan ma med pas skad cig pa yin no/ /ji ltar stong pa nyid dang / mtshan ma med pa stong pa
147a3 nyid dang / mtshan ma med pas skad cig pa yin pa de ni de bzhin du/ gzugs kyang gzugs kyi mtshan nyid kyis skad cig pa yin no/ /ji ltar stong pa nyid dang
147a4 mtshan ma med pa stong pa nyid dang / mtshan ma med pas skad cig pa yin pa de bzhin du/ tshor ba dang / 'du shes dang / 'du byed rnams dang / rnam par
147a5 shes pa yang rnam par shes pa'i mtshan nyid kyis skad cig pa yin no/ /ji ltar stong pa nyid dang / mtshan ma med pa stong pa nyid dang / mtshan ma med pas skad cig pa yin pa
147a6 de bzhin du/ chos thams cad kyi khams kyang chos kyi khams kyi mtshan nyid kyis skad cig pa yin no/ /ji ltar stong pa nyid dang / mtshan ma med pa stong pa nyid dang / mtshan ma
147a7 med pas skad cig pa yin pa de bzhin du/ skye mched thams cad kyang skye mched rnams kyi mtshan nyid kyis skad cig pa yin te/ skad cig pa gang yin pa de ni ya ma rla yin
147b1 no| |ya ma rla gang yin pa de ni gsog yin no/ /gsog gang yin pa de ni gso ba yin no/ /gso ba gang yin pa de ni 'dod chags med pa yin no/ /'dod chags med pa gang yin pa
147b2 de ni 'dod chags dang bral ba yin no/ /'dod chags dang bral ba gang yin pa de ni ngo bo nyid med pa yin no/ /ngo bo nyid med pa gang yin pa de ni dngos po med pa yin te/ de ni chos thams
147b3 cad stong pa nyid dang / skad cig pa dang / ya ma rla dang / dben pa dang / gsog ces bya ste/ chos thams cad la de ltar bzod pa gang yin pa de ni bzod pa zhes bya'o/ /bzod pa de yang bzod
147b4 pa nyid kyis skad cig pa yin te/ de ltar mnyam pa nyid thob pa'i byang chub sems dpa' ni lung bstan pa dang / mi skye ba'i chos la bzod pa thob pa yin no/ /bzod pa de yang dmigs
147b5 pas rab tu phye ba ma yin te/ de la dmigs pa gang zhe na/ gang gi tshe bdag dang / bzod pa gnyi gar dmigs na/ de ni dmigs pa zhes bya'o/ /sems can dang / srog dang / gso ba
147b6 dang | gang zag dang / bzod pa gnyi gar dmigs na de ni dmigs pa zhes bya'o/ /de la dmigs pa med pa gang zhe na/ gang gi tshe bdag dang / bzod pa gnyi gar mi dmigs pa de ni
147b7 dmigs pa med pa zhes bya'o/ /sems can dang / srog dang / gso ba dang / gang zag dang / bzod pa gnyi gar mi dmigs pa de ni dmigs pa med pa zhes bya'o/ /de bzhin du sbyar te/ phung
148a1 po dang / khams dang / skye mched rnams kyi chos thams cad kyi ngo bo nyid gang yin pa de ni/ ngo bo nyid gtan med pa yin no/ /ngo bo nyid gtan med pa gang
148a2 yin pa de ni 'dus ma byas pa yin te/ ngo bo nyid de dang / bzod pa de la gnyis su rjes su rtog par mi byed pa gang yin pa de ni dmigs pa med pa zhes bya'o/ /lha'i bu/ bzod pa de lta
148a3 bu dang ldan pa'i byang chub sems dpa' bskal pa grangs med par spyod pa de yang de bzhin gshegs pa'i cho 'phrul chen po bstan pa yin no/ /bzod pa bstan pa 'di bshad pa na
148a4 stong gsum gyi stong chen po'i 'jig rten gyi khams 'di rnam pa drug tu rab tu g.yos so/ /'jig rten 'di snang ba chen pos kyang khyab par gyur to/ /sil snyan brgya stong yang
148a5 ma dkrol bar sgra 'khrol bar gyur to/ /me tog gi char pa dag kyang rab tu bab bo/ /srog chags bzhi khri nyis stong gis ni/ bla na med pa yang dag par rdzogs pa'i byang chub tu
148a6 sems bskyed par gyur to/ /byang chub sems dpa' dgu khri drug stong gis ni/ chos rnams la rjes su mthun pa'i bzod pa thob par gyur to/ /'jig rten gyi khams mi mjed
148a7 'dir ji ltar de bzhin gshegs pa mar me mdzad/ rgyal po'i pho brang pad+ma can du zhugs par gyur pa de lta bu yang kun tu snang bar gyur to/ /de nas de'i tshe bcom ldan 'das
148b1 'dzum pa mdzad do/ /gang gi tshe sangs rgyas bcom ldan 'das 'dzum pa mdzad pa de'i tshe/ chos nyid kyis bcom ldan 'das kyis zhal gyi sgo nas 'od zer kha dog du ma/ kha dog sna tshogs
148b2 kha dog 'bum phrag du ma 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung bar gyur te/ de dag gis
148b3 'jig rten gyi khams mtha' yas mu med pa dag snang bas khyab par byas nas/ tshangs pa'i 'jig rten gyi bar du mngon par 'phags te/ nyi ma dang zla ba dag gi 'od kyang zil gyis
148b4 mnan nas yang phyir log ste/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu nub par gyur to/ /de nas tshe dang ldan pa kun dga'
148b5 bo stan las langs te/ chos gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas
148b6 de'i tshe bcom ldan 'das la mngon sum du tshul dang 'dra ba'i tshigs su bcad pa 'di dag gsol to/ /thub pa ci slad 'dzum pa mdzad gyur pa/ /mi mnyam gzi brjid mnga' ba khyod
148b7 la zhu/ /'od kyi bkod pa mdzad pa khyod la zhu/ /rab rib nyon mongs spong ba khyod la zhu/ /bde gshegs ci slad 'dzum pa bstan mdzad pa/ /pha rol tshogs rnams 'joms pa khyod
149a1 la zhu| |bdud dpung pham par mdzad pa khyod la zhu/ /stobs bcu'i stobs dang ldan pa khyod la zhu/ /rgyal ba ci slad 'dzum pa ston mdzad pa/ /sum
149a2 cu rtsa gnyis yon tan mtshan brgyan pa/ /bde gshegs rab dga' 'dzum pa mdzad pa po/ /gzugs kyi dam pa mnga' ba khyod la zhu/ /bcom ldan ci slad 'dzum pa bstan mdzad pa/ /mkhyen
149a3 pa mtha' yas yon tan ston pa po/ /ye shes 'byung gnas 'gro ba shes mdzad pa/ /ye shes ljon shing mkhyen pa mchog la zhu/ /'jig rten gsum grags grags pa mtha' yas
149a4 pa| |gsum rig dri gsum mtha' mar mdzad pa po/ /'jig rten gsum rig rnam thar gsum mthar byon/ /ci yi slad du 'dzum pa bstan pa mdzad/ /sman pa dam pa skye rga mthar
149a5 mdzad pa/ /bcom ldan zhabs la dri mchog 'khor lo mnga'/ /sred med sras po rdo rje mkhregs pa po/ /thub pa 'dzum mdzad sbyor ba bka' stsal gsol/ /gang gis spyod pa de
149a6 ni rnam sbyangs sam/ /gang 'dir bzod pa de dag yongs rdzogs sam/ /gang sems sangs rgyas yon tan nges gyur tam/ /ci yi slad du thub chen 'dzum pa mdzad/ /bde gshegs
149a7 bla med rgyu zhig mi mnga' bar/ /bcom ldan 'dren pa 'dzum pa mi ston pas/ /de thos sems can glo ba rangs 'gyur gyi/ /tshangs pa'i dbyangs can legs par gsung dbyung
149b1 gsol/ /de skad ces gsol ba dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ chos kyi rnam grangs 'di bshad pa na/ srog
149b2 chags bdun khri nyis stong gis bla na med pa yang dag par rdzogs pa'i byang chub tu sems bskyed par gyur to/ /byang chub sems dpa' sum khri nyis stong gis ni mi skye ba'i chos la bzod pa
149b3 thob par gyur to/ /kun dga' bo/ gzhan yang khyod kyis lha'i bu ded dpon 'di mthong ngam/ gsol pa/ bcom ldan 'das/ mthong lags so/ /bcom ldan 'das kyis bka' stsal
149b4 pa| kun dga' bo/ lha'i bu ded dpon gyis ni de bzhin gshegs pa bgrang ba las yang dag par 'das pa dag la bsti stang du byas/ bla mar byas/ rim gror byas/ mchod par byas /
149b5 yongs su zhu ba byas/ yongs su dri ba byas shing / sems can dpag tu med pa dag kyang bla na med pa yang dag par rdzogs pa'i byang chub yang dag par 'dzin du bcug go /kun dga' bo/
149b6 lha'i bu ded dpon 'di ni bskal pa grangs med pa sum brgya 'das pa'i 'og tu bskal pa dri ma med pa zhes bya ba la 'jig rten gyi khams yongs su dag pa zhes bya bar bla na med pa yang dag
149b7 par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde
150a1 bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das yon tan
150a2 rgyal po 'od ces bya bar 'jig rten du 'byung bar 'gyur ro/ /kun dga' bo/ 'jig rten gyi khams yongs su dag pa de yang / rin po che sna bdun 'di lta ste/ gser dang / dngul dang /
150a3 bai DUR+Ya dang / shel dang / rdo'i snying po dang / spug dang / mu tig dmar po las grub cing / lag mthil ltar mnyam la/ rin po che'i dra ba sna tshogs kyis mig mang ris su kun nas
150a4 bkab par gyur te/ 'jig rten gyi khams der nyan thos dang / rang sangs rgyas dag gi ming yang 'byung bar mi 'gyur ro/ /gzhan yang mu stegs can spyod pa pa dang / kun tu rgyu dag
150a5 dang | bdud rnams dang / dam pa'i chos spong ba'i sems can rnams kyi ming yang med cing mi 'byung bar 'gyur ro/ /sangs rgyas kyi zhing de na mi khom pa brgyad po dag kyang med la/
150a6 bza' ba dang / btung ba dag kyang yid la bsams pa tsam gyis 'grub par 'gyur ro/ /sangs rgyas kyi zhing de na ltung ba dang / 'khrul pa'i nyes pa dag dang / sdug bsngal gyi sgra yang
150a7 'byung bar mi 'gyur ro/ /sems can de dag gi longs spyod dang / nye bar spyod pa yang gzhan 'phrul dbang byed kyi lha rnams kyi longs spyod dang / nye bar spyod pa ci 'dra ba de lta bur 'gyur
150b1 ro| |sems can de dag thams cad kyang gser gyi mdog 'dra zhing / skyes bu chen po'i mtshan sum cu rtsa gnyis dang ldan par 'gyur ro/ /phal cher bla na med pa yang dag par rdzogs pa'i
150b2 byang chub la yang dag par zhugs pa sha stag 'byung bar 'gyur bas/ de'i phyir 'jig rten gyi khams de ni yongs su dag pa zhes bya'o/ /bcom ldan 'das de bzhin gshegs pa yon
150b3 tan rgyal po 'od de'i sku tshe'i tshad ni/ bar gyi bskal pa bzhi bcur 'gyur ro/ /byang chub sems dpa' de dag kyang smon lam gyi dbang gis bar ma dor 'chi ba'i dus byed par mi 'gyur
150b4 ro| |de bzhin gshegs pa de'i byang chub sems dpa'i dge 'dun ni dung phyur phrag drug dang bye ba phrag gnyis su 'gyur te/ kun dga' bo/ byang chub sems dpa' gang dag gis bla
150b5 na med pa yang dag par rdzogs pa'i byang chub tu sems bskyed par 'gyur ba dang / gang dag gis mi skye ba'i chos la bzod pa 'thob par 'gyur ba de dag /'jig rten gyi khams yongs
150b6 su dag pa der skye bar 'gyur ro/ /de dag thams cad kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rgyal po 'od kyis/
150b7 sangs rgyas kyi zhing der de bzhin gshegs pas bla na med pa yang dag par rdzogs pa'i byang chub tu lung ston par 'gyur ro/ /de nas 'khor de nyid du lha'i bu spyan ras gzigs zhes bya ba
151a1 zhig 'dus te 'dug par gyur pa des/ bcom ldan 'das la lha'i me tog man da ra ba dag gis mngon par gtor nas/ tshig 'di skad ces kyang gsol
151a2 to| |bcom ldan 'das bdag kyang gang gi tshe/ bcom ldan 'das de bzhin gshegs pa'i yon tan rgyal po 'od de/ bla na med pa yang dag par rdzogs pa'i byang chub mngon par
151a3 rdzogs par 'tshang rgya bar 'gyur ba de'i tshe/ 'jig rten gyi khams yongs su dag pa der skye zhing 'khor los bsgyur ba'i rgyal por gyur nas/ de bzhin gshegs pa'i byang chub
151a4 sems dpa'i dge 'dun dang bcas pa de la bsnyen bkur bgyi zhing / bcom ldan 'das de yongs su mya ngan las 'das pa'i 'og tu bdag kyang 'jig rten gyi khams der bla na med
151a5 pa yang dag par rdzogs pa'i byang chub mngon par rdzogs par 'tshang rgya bar bgyi'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga'
151a6 bo| lha'i bu spyan ras gzigs 'di ni gang gi tshe/ bcom ldan 'das de bzhin gshegs pa yon tan rgyal po 'od de bla na med pa yang dag par rdzogs pa'i byang chub mngon par
151a7 rdzogs par 'tshang rgya bar 'gyur ba de'i tshe/ 'di yang der 'khor los bsgyur ba'i rgyal po legs mthong zhes bya bar gyur te/ des bcom ldan 'das de la mchod pa dpag tu
151b1 med pa byas shing / byang chub kyi phyogs kyi chos rnams yongs su rdzogs par byas nas/ bcom ldan 'das de yongs su mya ngan las 'das pa'i 'og tu/ bla na med pa yang dag par rdzogs
151b2 pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs
151b3 pa| 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das kun tu 'od ces bya bar 'jig rten du 'byung bar
151b4 'gyur ro/ /kun dga' bo/ rgyal po legs mthong de yang dus gzhan zhig na/ bu thu bo rgyal srid la bzhag nas/ bcom ldan 'das de'i bstan pa la dad pas khyim nas khyim med par
151b5 rab tu 'byung bar 'gyur ro/ /de bzhin gshegs pa de yang yongs su mya ngan las 'da' ba'i dus kyi tshe/ byang chub sems dpa' de la byang chub sems dpa' legs mthong 'di ni/ nga
151b6 yongs su mya ngan las 'das pa'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /zhes lung bstan nas yongs su mya ngan las 'da'
151b7 bar 'gyur ro/ /de nas tshe dang ldan pa shA ra dwa ti'i bus lha'i bu ded dpon la 'di skad ces smras so/ /lha'i bu khyod de bzhin gshegs pas lung bstan tam/ smras pa/ btsun pa shA ra dwa ti'i
152a1 bu| kho bo ni ji ltar de bzhin gshegs pa'i sprul pa lung bstan pa ltar lung bstan te/ da ltar gyi de bzhin nyid ji lta ba de bzhin du/ ma 'ongs pa'i de bzhin
152a2 nyid kyang de lta bu yin pas/ de bzhin nyid de la ni 'phel ba yang med la/ yongs su 'grib pa med do/ /de nas bcom ldan 'das kyis tshe dang ldan pa kun dga' bo la bka' stsal pa/
152a3 kun dga' bo/ khyod kyis chos kyi rnam grangs 'di gzung zhig /chongs shig /lhogs shig /shod cig /kun chub par gyis shig /skye bo mang po la phan pa dang / skye bo mang po la
152a4 bde ba dang / da ltar dang ma 'ongs pa'i byang chub sems dpa' rnams la phan pa dang / bde ba rjes su yongs su gzung ba'i phyir/ gzhan dag la yang rgya cher yang dag par rab tu ston
152a5 cig |kun dga' bos gsol pa/ bcom ldan 'das/ bdag gis bzung lags na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/
152a6 bcom ldan 'das kyis bka' stsal pa/ kun dga' bo/ chos kyi rnam grangs 'di ni/ cho 'phrul chen po bstan pa zhes bya bar gzung zhig /'di ni 'jam dpal gzhon nur gyur pas
152a7 bstan pa zhes bya ba dang / rin po che thams cad kyi le'u zhes bya bar yang gzung zhig /kun dga' bo/ rigs kyi bu'am/ rigs kyi bu mo gang dag chos kyi rnam grangs 'di 'dzin pa
152b1 dang | mos pa dang / mos nas kyang yi ger 'dri ba dang / klog pa dang / rab tu 'don pa dang / gzhan dag la yang rgya cher yang dag par ston par byed pa de dag ni/ bsod nams thams cad
152b2 kyis yongs su zin par 'gyur ro/ /bcom ldan 'das kyis de skad ces bka' stsal nas tshe dang ldan pa kun dga' bo dang / lha'i bu ded dpon dang / 'jam dpal gzhon nur gyur
152b3 pa dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon
152b4 par bstod do// //'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ cho 'phrul chen po bstan pa lha'i bu ded dpon gyis
152b5 zhus pa'i le'u ste nyi shu rtsa gnyis pa rdzogs so// //rgya gar gyi mkhan po dzi na mi tra dang / su ren dra bo d+hi dang / pra dz+nyA warma dang / lo ts+tsha ba zhang ye shes sde la sogs pas
bsgyur cing zhus te gtan la phab pa/
CLOSE WINDOW