90a3 dge slong dge ba'i blo gros kyis bsgyur cing zhus te/ gtan la phab pa/ /rgya gar skad du/ AR+ya tsa tur+d+harma ni rde sha nA ma mahA
90a4 yA na sU tra/ bod skad du/ 'phags pa chos bzhi bstan pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal
90a5 lo| |'di skad bdag gis thos pa dus gcig na/ bcom ldan 'das sum cu rtsa gsum lha'i nang na lha'i 'dun sa chos bzang na dge slong lnga brgya tha ma pa'i dge
90a6 slong gi dge 'dun chen po dang / byams pa dang / 'jam dpal la sogs pa byang chub sems dpa' sems dpa' chen po rab tu mang po dang thabs cig tu bzhugs
90a7 te| de nas bcom ldan 'das kyis byang chub sems dpa' sems dpa' chen po byams pa la bka' stsal pa/ byams pa/ byang chub sems dpa' sems dpa' chen
90b1 po chos bzhi dang ldan na/ sdig pa byas shing bsags pa zil gyis non bar 'gyur ro/ /bzhi gang zhe na/ 'di lta ste/ rnam par sun 'byin pa kun tu spyod pa dang / gnyen
90b2 po kun tu spyod pa dang / sor chud par byed pa'i stobs dang / rten gyi stobs so/ /de la rnam par sun 'byin pa kun tu spyod pa ni/ mi dge ba'i las spyad na de la 'gyod pa
90b3 mang ba yin no/ /de la gnyen po kun tu spyod pa ni/ mi dge ba'i las byas nas kyang dge ba'i las la shin tu brtson pa'o/ /de la sor chud par byed pa'i stobs ni/ sdom
90b4 pa yang dag par blangs pas mi phyed pa'i sdom pa thob pa'am/ /de la rten gyi stobs ni/ sangs rgyas dang / chos dang / dge 'dun la skyabs su 'gro ba dang / byang chub kyi
90b5 sems mi gtong ba ste/ de stobs dang ldan pa la brten pas sdig pas zil gyis gnon par mi nus so/ /byams pa/ byang chub sems dpa' sems dpa' chen po chos bzhi
90b6 po de dag dang ldan na/ sdig pa byas shing bsags pa zil gyis non par 'gyur ro/ /byang chub sems dpa' sems dpa' chen pos mdo 'di rtag tu bklag par bya'o/ /kha
90b7 ton du bya'o/ /bsam par bya'o/ /bsgom par bya'o/ /mang du bya'o/ /des na nyes par spyad pa 'bras bu 'byin mi nus par 'gyur ro/ /bcom ldan 'das kyis de skad ces
91a1 bka' stsal nas byang chub sems dpa' sems dpa' chen po byams pa dang / dge slong de dag dang / byang chub sems dpa' de dag dang / brgya
91a2 byin la sogs pa'i lha'i bu rnams dang / thams cad dang ldan pa'i 'khor de dag yi rang ste bcom ldan 'das kyis gsungs pa la mngon par bstod do/ /'phags pa chos
91a3 bzhi bstan pa zhes bya ba theg pa chen po'i mdo rdzogs so// //rgya gar gyi mkhan po su ren+d+ra bo d+hi dang / zhu chen gyi lo tsA ba ban+d+he ye shes sdes bsgyur cing
zhus te gtan la phab pa/

CLOSE WINDOW