བོད་ཡིག |
1a1 /
1a1 @#/ /mdo nya pa bzhugs so//
1b1 @##/ /rgya gar skad du/ AR+ya ma hA pa ri nirbA Na nA ma ma hA yA na sU tra/ bod
1b2 skad du| 'phags pa yongs su mya ngan las 'das pa chen po theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /
1b3 'di skad bdag gis thos pa dus gcig na/ bcom ldan 'das grong khyer ku shi na chu klung
2a1 gser ldan gyi 'gram gyad kyi nyen kor shing sA la zung gi tshal na bzhugs te/ de na
2a2 bcom ldan 'das dge slong bye ba 'bum phrag brgyad cus bskor zhing mdun gyis bltas te/ dpyid zla tha chung zla ba nya
2a3 ba'i nang par yongs su mya ngan las 'da' ba'i dus dang nye bar gyur pa na/ sems can thams cad kyi rang rang gi
2a4 yul gyi skad du shin tu zur phyin par don brda sprod pa'i tshig rnams kyis srid pa'i rtse mo man chad go bar mdzad de/ deng
2a5 de bzhin gshegs pa dgra bcom pa yang dag par rdzogs pa'i sangs rgyas 'jig rten thams cad la thugs brtse ba can/ 'jig rten thams cad skyob pa/
2b1 sems can thams cad la sgra gcan zin dang 'dra bar gzigs pa/ skyabs chen po'i
2b2 gnas dang gzhi por gyur pa thub pa chen po yongs su mya ngan las 'da' bar 'gyur ro/ /zhes bka' stsal te/ sems can
2b3 thams cad kyi zhu ba lung bstan pa tha ma la de lta bu'i gsung rnams byung bar gyur to/ /gzhan yang de'i tshe bcom ldan 'das nyid
2b4 kyi zhal nas 'od zer sna tshogs 'di lta ste/ sngon po dang / ser po dang / dmar po dang / dkar po dang / shel gyi kha dog dang /
2b5 rdo'i snying po'i kha dog lta bu dag byung ste/ 'od zer de dag gis stong gsum gyi stong chen po'i 'jig rten gyi khams dang / phyogs
2b6 bcu'i sangs rgyas kyi zhing thams cad du sems can dmyal ba dang / dud 'gro dang / yi dwags dang / lha ma yin dang / gshin
3a1 rje'i 'jig rten gyi sems can de dag la phog pas de'i mod la nyon mongs pa'i mun pa thams cad dang / ngan song dang /
3a2 mi khom pa thams cad rgyun chad par gyur to/ /de nas mya ngan chen pos non te tshig mthun par kye ma khebs so/ /
3a3 khebs so/ /zhes kyang zer to/ /kyi hud kyi hud ces kyang skad cher 'bod cing lag pa brkyang bas kyang mgo bo la rdob cing lus
3a4 'dar zhing shin tu du'o/ /de'i tshe sa chen po nags tshal dang bcas/ ri dang bcas pa'i rgya mtsho'i mthas gtugs pa'ang rab tu
3a5 g.yos te/ sems can de dag kyang gcig la gcig 'dzin cing 'di skad du/ grogs po dag rings/ grogs po dag rings/ gyad
3a6 yul gyi grong khyer ku shir 'dong ngo 'dong ngo / /de bzhin gshegs pa'i zhabs la phyag 'tshal te/ yongs su mya ngan las 'da'
3b1 bar gshegs pa las ldog la bsgrim mi dgos par bskal pa'am/ bskal pa las lhag par yan bzhugs par gsol ba gdab bo/ /zhes zer te/ gcig la gcig 'jus
3b2 nas 'di skad du/ kye ma 'jig rten stongs par 'gyur ro/ /kye ma 'jig rten stongs par 'gyur ro/ /kye ma sems can rnams kyi bsod nams kyi las kyi rnam par smin pa ni/ zad do/ /
3b3 las mi bzad pa ni/ byung ngo / /tshe dang ldan pa dag /myur cig /tshe dang ldan pa dag /myur cig /de bzhin gshegs pa yang dag par rdzogs pa'i sangs rgyas deng gi yud tsam 'di la
3b4 yongs su mya ngan las 'da' bar 'gyur ro/ /kye ma 'jig rten stongs par 'gyur ro/ /kye ma 'jig rten stongs par 'gyur ro/ /de bzhin gshegs pa mi bzhugs na bdag cag mgon
3b5 med pa dang / rtsa lag med pa dang / phongs par ji ltar mi 'gyur zhig gu/ bdag cag gi the tshom dang / som nyi ci dang ci yod pa de dang / de dag zhu bar bya'o/ /zhes kyang zer to/ /nyan thos chen
3b6 po 'di dag kyang de na 'khod de/ 'di lta ste/ gnas brtan kA t+yA ya na chen po dang / gnas brtan pa ku la dang / gnas brtan nye dga' bo dang / de dag la sogs pa gzhan dag kyang de na 'khod
3b7 de| de dag la 'od zer gyis phog nas 'dar/ rab tu 'dar/ dam dam/ rab tu dam dam/ 'khrugs/ rab tu 'khrugs/ brtabs/ rab tu brtabs/ 'ur 'ur/ rab tu 'ur 'ur/
4a1 'khams/ rab tu 'khams/ rmugs/ rab tu rmugs/ rengs/ rab tu rengs te/ de dag la sogs pa dag tu gyur nas chas so/ /de'i tshe dge slong sa
4a2 ya phrag brgyad so shing zos nas phyir byung ste/ gnas brtan de dag la 'od zer gyi snang ba des phog nas shin tu rings par kha gdong bkrus te gcig la gcig 'jus so/ /de
4a3 bzhin gshegs pa'i sras de dag thams cad kyang dgra bcom pa/ dbang thob pa/ bya ba byas pa/ byed pa byas pa/ cang shes pa/ gtso bo chen po/ chen po stong pa nyid kyis rang gi
4a4 don thob pa/ tsan+dan chen po lta bu'i g.yog 'khor dang ldan pa/ seng+ge lta bu'i g.yog 'khor dang ldan pa sha stag ste/ de la sogs pa'i yon tan dpag tu med pa dang ldan pa
4a5 de dag thams cad snga dro nyi ma 'char kar yan lag thams cad kyi ba spu rgya skyegs kyi shing gi me tog ltar rtsa dmar ba ni/ langs/ mig ni/ mchi ma khrag lta bus gang ste/ mchog
4a6 tu sdug bsngal ba'i tshor ba dang ldan nas sems can thams cad la phan pa dang bde ba dang snying brtse ba'i phyir dang / gdul bar bya ba'i dbang gi don du theg pa chen po'i mchog
4a7 tu gsang ba/ stong pa nyid kyi rnam pa dgongs pa'i tshig rnam pa sna tshogs kyi chos kyi sgo'i tshul bshad par bya ba'i phyir bcom ldan 'das ga la ba der dong ste lhags nas bcom
4b1 ldan 'das kyi zhabs la mgo bos phyag btsal te/ bcom ldan 'das la lan 'bum bskor ba byas nas bcom ldan 'das ga la ba de logs su thal mo sbyar ba btud de phyogs gcig tu
4b2 'khod do/ /de'i tshe ko ta ka'i bu mo rab bzang ma la sogs pa dge slong ma bye ba 'bum phrag drug thams cad kyang dgra bcom pa zag pa zad pa/ dbang thob pa/ bya ba byas pa/ byed pa byas pa/
4b3 khur bor ba/ nyon mongs pa med pa/ gtso mo chen mo/ chen po stong pa nyid kyis rang gi don thob pa sha stag ste/ 'di lta ste/ ko ta ka'i bu mo dge slong ma rab bzang ma dang / dge slong ma
4b4 nye dga' mo dang / dge slong ma rgya mtsho blo gros dang / de dag la sogs pa dge slong ma bye ba 'bum phrag drug snga dro nyi ma 'char kar yan lag thams cad kyi ba spu rgya skyegs kyi shing gi
4b5 me tog ltar rtsa dmar ba ni/ langs/ mig ni/ mchi ma khrag lta bus gang ste/ mchog tu sdug bsngal ba'i tshor ba dang ldan nas sems can thams cad la phan pa dang / bde ba dang /
4b6 snying brtse ba'i phyir dang / gdul bar bya ba'i dbang gi don du theg pa chen po'i mchog tu gsang ba/ stong pa nyid kyi rnam pa dgongs pa'i tshig rnam pa sna tshogs kyi chos kyi sgo'i tshul
4b7 bshad par bya ba'i phyir bcom ldan 'das ga la ba der dong ste lhags nas bcom ldan 'das kyi zhabs la mgo bos phyag btsal te/ bcom ldan 'das la lan 'bum bskor ba
5a1 byas nas bcom ldan 'das ga la ba de logs su thal mo sbyar ba btud de phyogs gcig tu 'khod do/ /'khor de na dge slong ma 'khod pa rnams kyang byang
5a2 chub sems dpa' mi mchog sa bcu thob pa sha stag ste/ gdul ba'i dbang gi phyir bud med kyi gzugs dang / bud med kyi dbyibs dang / sha dang / khrag dang / rgyus pa mang po dang /
5a3 rus pa'i lus 'chang ba rtag tu tshad med pa bzhi bsgom pa dang ldan pa/ bdag nyid kyis sangs rgyas kyi yul gyi cho 'phrul chen po'i don byed nus pa sha stag go/ /gzhan yang de'i tshe byang
5a4 chub sems dpa' rgya mtshos byin la sogs pa byang chub sems dpa' gang+gA'i klung gi bye ma snyed thams cad kyang mi mchog sa bcu thob pa/ thabs kyis lus 'chang ba sha stag la
5a5 'di lta ste/ byang chub sems dpa' sems dpa' chen po rgya mtshos byin dang / byang chub sems dpa' sems dpa' chen po blo gros mi zad pa dang / de dag la sogs pa byang chub
5a6 sems dpa' sems dpa' chen po thams cad kyang theg pa chen po thos par 'dod pa/ theg pa chen po la zhugs pa/ theg pa chen pos bkres pa/ theg pa chen po la sred pa/ theg
5a7 pa chen po la ser sna med pa/ 'jig rten thams cad dang mthun par byed nus pa sha stag dang / bdag cag rgal nas gzhan bsgral bar bya'o/ /snyam ste sngon gyi bskal pa bye ba
5b1 snyed du tshul khrims kyi bkod pa'i dam bca' ba legs par blangs pa 'dzin pa'i spyad pa spyod pa sha stag dang / de bzhin du bdag cag grol nas gzhan dgrol bar bya'o/ /snyam pa dang /
5b2 de bzhin du dkon mchog gsum gyis gdung mi 'chad par bya'o/ /snyam pa dang / chos kyi 'khor lo bskor bar bya'o/ /snyam pa dang / go cha chen po bgo bar bya'o/ /snyam du sems pa sha
5b3 stag dang / de bzhin du yon tan dpag tu med pa dang ldan pa dang / bu gcig pa la bya ba bzhin du sems can thams cad la snyoms par lta ba sha stag ste/ de dag thams cad snga dro'i nyi ma
5b4 'char kar yan lag thams cad kyi ba spu rgya skyegs kyi shing gi me tog ltar rtsa dmar ba ni/ langs/ mig ni/ mchi ma khrag lta bus gang ste/ mchog tu sdug bsngal ba'i tshor ba dang ldan
5b5 nas sems can thams cad la phan pa dang / bde ba dang / snying brtse ba'i phyir dang / gdul bar bya ba'i dbang gi don du theg pa chen po'i mchog tu gsang ba/ stong pa nyid kyi rnam pa dgongs
5b6 pa'i tshig rnam pa sna tshogs kyi sgo'i tshul bshad par bya ba'i phyir bcom ldan 'das ga la ba der dong ste lhags nas bcom ldan 'das kyi zhabs la mgo bos phyag btsal te/ bcom
5b7 ldan 'das la lan 'bum bskor ba byas nas bcom ldan 'das ga la ba de logs su thal mo sbyar ba btud de phyogs gcig tu 'khod do/ /yang de'i tshe bslab pa'i gzhi lnga blangs shing /
6a1 tshul khrims dang / cho ga dang / yon tan dang ldan pa'i dge bsnyen 'od dri ma med par grags pa'i rgyal po la sogs pa dge bsnyen gang+gA'i klung gnyis kyi bye ma
6a2 snyed thams cad kyang zung dang zung du shes par 'dod pa sha stag ste/ sdug bsngal ba dang / bde ba dang / rtag pa dang / mi rtag pa dang / bdag yod pa dang / bdag med pa dang / stong
6a3 pa dang / stong pa ma yin pa dang / de kho na dang / de kho na ma yin pa dang / skyabs dang / skyabs ma yin pa dang / sems can dang / sems can med pa dang / brtan pa dang / brtan pa ma
6a4 yin pa dang / zhi ba dang / zhi ba ma yin pa dang / 'dus byas dang / 'dus ma byas dang / ther zug dang / ther zug ma yin pa dang / yongs su mya ngan las 'das pa dang / yongs su mya
6a5 ngan las 'das pa ma yin pa la sogs pa'i khyad par dang / khyad par du 'phags pa shes par 'dod pa sha stag ste/ 'di lta ste/ dge bsnyen 'od dri ma med par grags pa'i rgyal
6a6 po zhes bya ba dang / dge bsnyen rab sbyin la sogs pa dge bsnyen theg pa chen po thos par 'dod la thos nas kyang gzhan dag la bstan par bya'o/ /snyam du dam bcas shing tshul khrims
6a7 blangs pa/ theg pa chen pos skom la ngoms nas kyang gzhan skom pa dag ngom par bya'o/ /snyam du dam bcas pa/ theg pa chen po la sred pa/ theg pa chen po la ser sna med pa/ 'jig
6b1 rten thams cad dang mthun par byed nus pa sha stag dang / bdag cag rgal nas gzhan bsgral bar bya'o/ /bdag cag grol nas gzhan dgrol bar bya'o/ /dkon mchog gsum gyi gdung mi
6b2 'chad par bya'o/ /chos kyi 'khor lo bskor bar bya'o/ /snyam du slob par 'dod pa/ go cha chen po bgos pa/ bslab pa rnams la sems gus pa dang / de bzhin du yon tan grangs med pa
6b3 dang ldan pa/ bu gcig pa la bya ba bzhin du sems can thams cad la snying rje dang ldan pa sha stag ste/ de dag kyang nyi ma 'char kar de bzhin gshegs pa'i gdung zhugs la bzhen pa'i phyir
6b4 re res kyang tsan+dan dang / a ga ru dang / thang shing gi mchog dang / tsan+dan sa mchog pa'i bud shing rnams dang / yam bsreg shing dri bsung dang ldan pa yon tan can lnga stong lnga stong khyer te 'ongs
6b5 so| |de la yam bsreg shing sna re zhing yang gser gyi skud pa rin po che sna bdun rigs bdun dang ldan pas spras pas dkris pa/ ri mo la bris pa kho na bzhin du 'dug pa/ rang bzhin gyis
6b6 gzhon sha can legs par bcos pa sha stag ste/ sna re zhing yang 'od rnam pa sna tshogs dang ldan pa'i phung po chen po/ /mdog sngo ba dang / bar bar kha cig tu mdog dkar/ kha cig tu sngo
6b7 skya/ kha cig tu rtsa dmar/ kha cig tu ser pa mig tu sdug par byas pa sha stag go /bam po re re'i g.yogs ma'i phyar bu'ang rin po che sna bdun las byas pa sha stag go/ /chings ma'i the
7a1 gu mang po re re zhing yang ldong ros kyi mdog lta bu dang / zar ma'i me tog gi mdog lta bu dang / sngon po dang / ser po rnams kyis bar bar du spel ba sha stag go /
7a2 de la chings ma'i the gu mang po re re zhing yang gser thags kyi mchog rnam par dag pa/ yul mang por grags pa dag gis spel ba sha stag go /de la yam bsreg shing sna re zhing yang
7a3 spos dri bsung zhim po dang / me tog phreng dang / gur gum gyi phye ma dang ldan par byas pa/ gser thags kyis g.yogs pa dar snas brgyan pa rin po che sna bdun gyi shubs sngon po dang /
7a4 ser po dang / sngo skya dang / dkar po dang / btsod ka lta bu dag gi nang du bcug pa/ yul ka li dka'i ras dang / zar ma'i ras dang / zab dar dang / rgya dar gyi mchog rnams kyis dkris pa/
7a5 me tog mang pos brgyan pa/ byug pa dri bsung zhim po dag gis byugs pa sha stag go /yam bsreg shing sna re'i shing rta re re zhing yang rin po che sna bdun gyis brgyan pa gser gyis mdzes
7a6 par byas pa kha cig /kha cig tu sngon po dang / dkar po dang / bab la'i kha dog dang / li khri'i kha dog pas lhag pa'i 'od gsal ba dang ldan pa sha stag go /shing rta de dag gi gnya'
7a7 shing rnams kyang rin po che sna bdun gyis brgyan pa/ dpe med pa/ rta cang shes mgyogs pa dag dang sbyar ba sha stag go /rta de dag kyang rlung gi shugs pas mgyogs pa/ spu kha chu skyar
7b1 gyi mdog dang / ldong ros kyi mdog dang / sprin gyi mdog can sha stag ste/ thabs de 'dra ba'i shing rta re re'i mdun logs dang / rgyab logs su rgyal mtshan dang ba dan bsgreng ste/ rgyal mtshan
7b2 thams cad kyang rin po che las byas pa/ gser gyi dra bas g.yogs pa sha stag go /rgyal mtshan gyi mdun logs su'ang gdugs rtsibs dang / rtsa ba nor bu dri ma med pa 'od can las byas pa/
7b3 mu tig gi chun po dbyangs pa sha stag khyer ro/ /gdugs re re'i mdun logs su'ang gser gyi me tog ku mu da dang / ut+pa la dang / pad+ma dkar po sdong bu baiDUR+ya las byas pa/ ze ba rdo rje
7b4 las byas pa/ bung ba mang po skad 'byin pa/ dri bsung zhim po dang ldan pa/ yid du 'ong ba/ 'od dang ldan pa/ che ba/ mang ba sha stag dang / lda ldi chen po sha stag khyer ro/ /lda ldi chen po
7b5 rnams kyi mdun du'ang byang chub sems dpa'i skyes pa'i rabs kyi spyod pa ri mor bris pa chen po dag thogs so/ /ri mo'i gzugs re re'i glo g.yas g.yon nas kyang zlos gar gyi gar thabs yul
7b6 dbus nas byung ba rnam pa sna tshogs byed de/ gar thabs byed pa de'i nang na sil snyan rin po che las byas pa'i rdza rnga dang / 'khar rnga dang / rnga zlum dang / pi wang dang / gling bu dang / pi wang rgyud gcig
7b7 pa dang / rnga bo che dang / dung la sogs pa dag brdung zhing 'bud do/ /gar thabs kyi sil snyan de dag las kyang kye ma 'jig rten stongs par 'gyur ro/ /zhes bya ba de lta bu'i rnam pa brjod cing gdung
8a1 gdung skad du dbyangs len to/ /gar thabs kyi sil snyan re re'i mdun du'ang me tog dri zhim po sna tshogs rnam par 'tsher ba rnams kyi phye mas rin po che'i
8a2 skon bu legs par bcos pa gzhon sha can dag gis bkang ba sha stag dang / de ma yin pa'i skon bu mang po blta na sdug pa/ gur gum gyi phye mas bkang ba sha stag thogs so/ /de
8a3 dag gi mdun du'ang bcom ldan 'das dge slong gi dge 'dun gyis 'khor dang bcas pa khyab par 'gyur ba'i zhal zas dag khyer zhing 'dong ngo / /zhal zas de dag kyang bud shing tsan+dan
8a4 dmar po dang / a ga ru dang / thang shing gi me chung dus btsos pa dang / gang+gA'i klung gi chus btsos pa sha stag ste/ skyur ba dang / lan tshwa'i ro dang / mngar ba dang / bska ba dang / tsha
8a5 ba dang / kha ba'i ro dang ldan pa/ mdangs skyed pa/ phan par 'gyur ba sha stag ga /sA la zung gi drung gi nyen kor thams cad kyang gser gyi bye ma 'jam pos brdal te/ ga bu sha'i
8a6 ras dang / snam bu dang / btsos snam dang / dre'u rdog dang / ka ling+ka'i ras dang / zab dar 'jam zhing mdog dkar ba rnams kyang bting ngo / /grub pa'i gnas de'i gzhi dpag tshad
8a7 sum cu rtsa gnyis khor khor yug kyang gur gum gyis byugs so/ /bcom ldan 'das/ dge slong gi dge 'dun bcas pa'i seng+ge'i khri chen po gser las byas pa/ rin po che sna bdun
8b1 gyis spras shing snang bar byas pa/ ri rab ltar che zhing 'phang mtho ba dag kyang bshams so/ /g.yogs ma'ang de dag gi rkyen du 'tsham pa sha stag gis g.yogs te/ gser gyi dril bu g.yer ka
8b2 sgra sil li li dang / khrol shing gi sgra 'byung ba'i dra ba can gyi yol ba rnams kyis ni/ bskor/ rgya dar spu sdug yug khyim chen po'i bla re rnams ni/ bres/ gdugs dkar po rnams kyis ni/
8b3 nyi mtshan bsgribs/ rnga yab dkar po rnams kyis ni/ g.yabs/ rgyab rten glang po che'i mche ba la chu srin ma ka ra brten pa'i kha nas zla ba nya ba'i 'od zer ltar dkar ba'i mu tig gi chun po
8b4 'byung zhing dbyangs pa dang ldan pa rnams ni/ bcas/ sa phyogs rnams ni/ me tog dri zhim po'i sil mas gtor to/ /dge bsnyen de dag re re nas kyang 'di snyam du sems te/ bdag gis
8b5 sems can thams cad la zas 'dod pa rnams la ni/ zas sbyin no/ /skom 'dod pa rnams la ni/ skom sbyin no/ /mgo bo dang mig la sogs pa yan lag dang nyid lag thams cad
8b6 'dod pa rnams la'ang ji ltar 'dod pa bzhin du sbyin no/ /dbul po dang / bkren pa dang / phongs pa rnams la'ang 'dod pa dang / dug dang / gnod pa dang / ma brtags pa'i sbyin pa rnams
8b7 ma gtogs par gang dang gang dag ci dang ci 'dod pa de dag chog par sbyar ro/ /snyam du sems kyi/ gzhan ni/ ci'ang mi sems so/ /de bzhin du dge ba'i bshes gnyen gyi sde tshan/ byang
9a1 chub sems dpa'i spyod pa la gnas pa de dag thams cad kyis bsam pa/ de bzhin gshegs pa la bdag gis bshos gsol te yongs su mya ngan las
9a2 'da' bar bya'o/ /de bzhin gshegs pa la bdag gis bshos gsol te yongs su mya ngan las 'da' bar bya'o/ /snyam ste/ so so nas de 'ba' zhig snying la sems shing yan
9a3 lag thams cad kyi ba spu rgya skyegs kyi shing gi me tog ltar rtsa dmar ba ni/ langs/ mig ni/ mchi ma khrag lta bus gang ste/ mchog tu sdug bsngal ba'i tshor ba dang ldan nas rang
9a4 rang gi mchod pa'i yo byad bud shing dang / yam bsreg shing dang / shing rta dang / rgyal mtshan dang / gdugs dang / ba dan rnams dang chas te zhal zas kyi mchog gis sbyar ba'i snod
9a5 rnams thogs nas bcom ldan 'das ga la der dong ste lhags nas bcom ldan 'das kyi zhabs la mgo bos phyag btsal te/ bcom ldan 'das la spos dang / me tog phreng dang / phye
9a6 ma dang / phye ma zhib bu dang / gdugs dang / rgyal mtshan dang / ba dan dang / bla re rgya chen po dag gis mchod nas lan 'bum bskor ba byas te mig nas mchi ma rgyun mi chad par char
9a7 bzhin du phab nas bdag nyid la sdug bsngal gyi rnam pa mang po byed cing / kye ma 'jig rten stongs par 'gyur ro/ /kye ma 'jig rten stongs par 'gyur ro/ /zhes de skad du skad po che
9b1 'don te/ de bzhin gshegs pa'i zhabs drung na srog chags shi shu ma ra bzhin du 'gre ldog cing gsol ba 'debs te/ bcom ldan 'das de bzhin gshegs pa dge slong gi dge 'dun
9b2 gyi 'khor dang bcas pas bdag gis sbyar ba'i bshos gsol bar ci gnang / bcom ldan 'das/ bdag la thugs brtse ba'i slad du sbyin pa'i tha ma de bzhin gshegs pas bzhes su
9b3 gsol zhes gsol ba 'debs so/ /de nas bcom ldan 'das thams cad mkhyen bzhin du cang mi gsung bar gyur to/ /de dag gis lan gnyis lan gsum du de skad ces gsol kyang
9b4 lan gnyis lan gsum du bcom ldan 'das cang mi gsung bar gyur to/ /de nas dge bsnyen gyi tshogs de dag re thag chad de cang mi zer bar 'khod nas bu gcig pa shi nas dur khrod du bor
9b5 ma thag pa'i pha ma 'gre ldog pa bzhin du shin tu sdug bsngal bar gyur to/ /de bzhin du dge bsnyen de dag thams cad mchog tu sdug bsngal bar gyur pa las langs te/ rang rang gi mchod
9b6 pa'i yo byad rnams bsdus nas phyogs gcig tu 'khod do/ /gzhan yang de'i tshe bslab pa'i gzhi lnga blangs shing tshul khrims dang / cho ga dang / yon tan dang ldan pa dang / dam pa'i chos kyi
9b7 gces pa 'dzin pa'i dge bsnyen ma tshong dpon gyi bu mo 'tsho ba'i dpal la sogs pa dge bsnyen ma gang+gA'i klung gsum gyi bye ma snyed thams cad kyang bud med kyi gzugs kyis sems can bya ba phrag
10a1 mang po nges par sgrol ba/ khyim gyi gnas la smod pa sha stag ste/ lus 'di ni/ nyes pa'i khams brgyad cu rtsa bzhi las lhags pas bsdus pa'o/ /lus
10a2 'di ni| srin bu'i rigs bye ba phrag brgyad cu rtsa bzhi'i zas so/ /lus 'di ni/ rgyal po'i khri mon du brubs pa'i dri ma nam pa'o/ /lus 'di ni/ khyi ro rul pa'i dri bam gyis lhag
10a3 par sbags pa'o/ /lus 'di ni/ sgo dgu nas mi gtsang ba 'dzags pa'o/ /lus 'di ni/ sha dang / chu ba dang / rus pa dang / khrag dang / pags pa'i zhal zhal can/ rkang lag gi phyi
10a4 sgo dang / ra ba dang / ba gam can/ mig gi skar khung can/ mgo bo'i yang tog can/ yid rgyal po lta bu'i pho brang grong khyer lta bu'o/ /lus 'di ni/ mkhas pa thams cad kyis
10a5 sbangs shing byis pa'i skye bo dga' bar byed pa'i 'dod chags dang / zhe sdang dang / gti mug la sogs pa'i nyon mongs pa bye ba snyed kyi srin po brten pa/ 'dam bu dang / e raN+Da dang / dbu
10a6 ba dang / chu shing lta bur snying po med pa/ glog dang / ri gzar po'i 'bab chu'i dba' rlabs ltar shin tu mi brtan pa'o/ /sgyu ma dang / smig rgyu dang / brag ca dang / zla ba'i gzugs
10a7 brnyan ltar slu bar byed pa/ rlung shugs drag pos rnam par dkrugs pa'i chu'i shugs kyis brkos pa'i 'gram gyi sdong po ltar g.yang sa na 'dug pa'i chos can/ spyang ki dang / wa
10b1 dang / bya rgod dang / bya rog rnams kyi zas yin na/ su zhig 'di lta bu 'chang ba la dga' bar byad/ rgya mtsho'i chu thams cad skra'i rtse mos blangs te ba lang gi mig rjes su blugs par ni/ nus srid
10b2 kyi| lus nad bzhi brgya rtsa gzhis gzir ba 'di snying po med pa'am mi gtsang ba ni/ tshig tsam gyis bstan par mi nus so/ /sa chen po 'di rgya shug gi 'bras bu'i rus pa'i 'bru tsam sha stag tu
10b3 byas pa'am/ yungs 'bru tsam mam/ rdul phra rab kyi rdul tsam sha stag tu byas pas ni/ zad par 'gyur yang srid kyi/ lus 'di yod kyi bar du 'di'i nyes dmigs ni/ mthar thug par mi 'gyur
10b4 te| de bas na dam pa'i chos bsrung ba'i phyir 'di mchil ma bzhin du dor bar bya'o/ /snyam ste/ 'di ltar dge bsnyen ma de dag thams cad chen po stong pa nyid dang / mtshan ma med pa dang / smon pa med
10b5 pa bsgoms pas sems bsgoms pa sha stag ste/ 'di lta ste/ dge bsnyen ma 'tsho ba'i dpal zhes bya ba dang / dge bsnyen ma dpal phreng zhes bya ba dang / dge bsnyen ma sa ga zhes bya ba dang / de la sogs
10b6 pa thams cad kyang theg pa chen po thos par 'dod la/ thos nas kyang gzhan dag la bstan par bya'o/ /snyam du dam bcas pa/ srung ba lhur len pa/ bud med kyi lus ngan no/ /snyam du smod pa dang /
10b7 lus snying po med do/ /snyam du smod pa so so nas shas cher sgom pa dang / 'khor ba'i 'khor lo gzhig go/ /snyam du sems pa sha stag dang / theg pa chen pos sko ma la ngoms nas kyang gzhan
11a1 skom pa dag ngom par bya'o/ /snyam du dam bcas pa sha stag dang / theg pa chen po la sred pa/ theg pa chen po la ser sna med pa/ 'jig rten thams cad
11a2 dang mthun par slob par 'dod pa dang / grol nas gzhan dgrol bar bya'o/ /rgal nas gzhan bsgral bar bya'o/ /dkon mchog gsum gyi gdung mi 'chad par bya'o/ /chos kyi 'khor lo
11a3 bskor bar bya'o/ /snyam du slob par 'dod pa sha stag dang / go cha chen po bgos pa/ bslab pa rnams la brtul zhugs brtan pa dang / de bzhin du yon tan du ma dang ldan pa dang / bu gcig
11a4 pa la bya ba bzhin du sems can thams cad la snying rje dang ldan pa sha stag ste/ de dag kyang nyi ma 'char kar shin tu rigs par gcig la gcig 'jus te/ de bzhin gshegs pa'i gdung
11a5 zhugs la bzhen pa'i phyir yam bsreg shing dge bsnyen pa rnams kyi nyis 'gyur khyer ba las bcom ldan 'das kyi zhal zas ma bzhes nas bu shi ba bzhin du mchog tu sdug bsngal bar gyur
11a6 te| ngus nas langs te phyogs gcig tu 'khod do/ /gzhan yang de'i tshe li tsa ba'i gzhon nu gtsang ma dri ma med pa'i snying po la sogs pa yangs pa can na gnas pa'i li tsa bI gzhon nu grong
11a7 khyer gyi nang na gnas pa dang / phyi rol na gnas pa dang bcas pa rnams dang / dzam+bu'i gling na gnas pa'i rgyal phran blon po dang bcas pa gang+gA'i klung bzhi'i bye ma snyed thams cad kyang dam
11b1 pa'i chos srung ba la mkhas pa/ tshul khrims dang cho ga dang yon tan dang ldan pa/ dam pa'i chos sun 'byin cing rtags can 'chal pa rnams kyi ser ba lta bur gyur pa sha stag la de dag thams
11b2 cad kyang 'di lta bur 'dod de/ bdag cag gi nor dang / 'bru'i tshogs dang / mdzod dang / pang ba'i tshogs gang yin pa de dag thams cad ni/ bdud rtsi mi zad par bya ba dang / bdud rtsi gnas
11b3 par bya ba'i phyir yin gyi/ bdag cag gis dam pa'i chos la nan tan bya'o/ /dam pa'i chos la sun 'byin cing log bar lta ba rnams kyi lce gcad par bya'o/ /zhes legs par dam bcas
11b4 pa| tshul khrims 'chal pa/ tshul khrims la mi gnas pa rnams ni/ gos dkar po gyon du bcug ste/ khyim pa'i las byed du gzhug go /snyam du sems brtul ba/ dam pa'i chos sdug pa la
11b5 ni| bla ma bzhin du rim gro bya'o/ /snyam du dam bcas pa/ dge 'dun la phan pa dang bde bar gnas par bya ba'i yongs su rdzogs par byas kyang des chog go /snyam du sems pa dang / theg pa chen
11b6 po thos par 'dod la thos nas kyang gzhan dag la bstan par bya'o/ /snyam du yi dam bcas pa la brtan pa dang / de la sogs pa'i yon tan dpag tu med pa dang ldan pa sha stag ste/ 'di lta ste
11b7 li tsa bI gzhon nu gtsang ma dri ma med pa'i snying po zhes bya ba dang / sgrib pa dag pa zhes bya ba dang / gang+gA'i chu dri ma med pas byin pa zhes bya ba dang / de la sogs pa li tsa bI gzhon nu de dag kyang
12a1 gcig la gcig 'jus te/ re res kyang gdung zhugs la bzhen pa'i bud shing thang shing gi mchog dang / tsan+dan dang / a ga ru rnams dang / yam bsreg shing bye
12a2 ba phrag brgyad cu rtsa bzhi dang / mchod pa snga ma'i nyis 'gyur rnams khyer nas mchod pa rnams bsgrags te bcom ldan 'das kyi thad du dong ngo / /li tsa bI gzhon nu re re zhing yang glang po
12a3 che brgyad khri bzhi stong dang / rta brgyad khri bzhi stong dang / shing rta brgyad khri bzhi stong dang chas so/ /nor bu chu shel brgyad khri bzhi stong dang chas so/ /glang po che re re'i mdun du'ang che ba la
12a4 'os pa'i gdugs dang / rgyal mtshan dang / ba dan dang / dar gyi bla re chen po rnams thogs so/ /gdugs rnams kyi nang na thung du gang yin pa de la'ang kho ra khor yug tu dpag tshad gcig
12a5 yod do| |dar gyi bla re chen po rnams kyi nang na chung du gang yin pa de la'ang chu zheng du dpag tshad sum cu rtsa gnyis yod do/ /rgyal mtshan rnams kyi nang na thung du gang yin pa de la'ang
12a6 'phang du dpag tshad brgya yod do/ /ba dan rnams kyi nang na thung du gang yin pa des kyang dpag tshad stong du phyin no/ /de ltar de dag mchod pa rnams dang bcas te bcom ldan 'das kyi thad
12a7 du dong nas bcom ldan 'das kyi zhabs la mgo bos phyag btsal te zhal zas phul ba las bcom ldan 'das cang mi gsung ste/ ma bzhes nas mchog tu sdug bsngal bar gyur te/
12b1 re thag chad nas langs te bcom ldan 'das kyi mthus ta la bdun gyi srid tsam du 'phags te 'khod do/ /gzhan yang de'i tshe dzam+bu gling pa'i blon po dang / tshong dpon dang / khyim bdag gang+gA lnga'i bye
12b2 ma snyed thams cad kyang theg pa chen po la dad pa/ tshul khrims dang cho ga dang yon tan rnam par dag pa dang ldan pa/ dam pa'i chos sun 'byin pa rnams kyi ser ba lta bur gyur pa sha stag ste/
12b3 'di lta ste/ khyim bdag gi rgyal po rnam par snang byed ces bya ba dang / 'gro ba skyong zhes bya ba dang / chos skyong zhes bya ba dang / de la sogs pa dag kyang de'i tshe der lhags te/ de dag thams cad
12b4 kyis kyang rang rang gi mchod pas mchod pa snga ma rnams zil gyis mnan nas bcom ldan 'das la mchod pa chen po'i tshogs kyis mchod nas zhal zas ma bzhes pa'i phyir mchog tu sdug bsngal
12b5 bar gyur te/ re thag chad nas langs te bcom ldan 'das kyi mthus ta la bdun gyi srid tsam du 'phags te 'khod do/ /gzhan yang de'i tshe rgyal po ma skyes dgra ma gtogs par yangs pa can gyi
12b6 rgyal po zla ba dri ma med pa'i snying po grong khyer gyi nang na gnas pa dang / phyi rol na gnas pa'i g.yog 'khor dang bcas pa la sogs pa dzam+bu gling thams cad kyi grong khyer dang / ri khrod kyi grong dang /
12b7 yul po che dang / kha lungs kyi rgyal po gang+gA'i klung drug gi bye ma snyed dang lhan cig tu dpung gi tshogs yan lag bzhi dang bcas te lhags so/ /rgyal po de rnams re re la'ang dmag 'khrugs ya
13a1 phrag bco brgyad bco brgyad yod do/ /de dag la glang po che rtag tu 'gram pa nas rdul 'dzag pa dag dang / rta rlung gi shugs pas lhag par mgyogs pa dag kyang
13a2 yod do| |de dag gi mchod pa'i yo byad gang yin pa de dag kyang mchod pa'i yo byad snga ma de dag las nyis 'gyur gyis ches bzang la ches mang ste/ de lta bu'i mchod pa'i phul dag khyer
13a3 nas dpung gi tshogs yan lag bzhi dang bcas te lhags so/ /de dag gi mchod pa da rnams kyi nang na gdugs thung ngu gang yin pa de'ang dpag tshad brgyad cu chu zheng gab par 'dug go /ba
13a4 dan gyi nang na chung du gang yin pas kyang dpag tshad brgya stong du phyin no/ /rgyal mtshan phal pa gang yin pa de la'ang 'phang du dpag tshad sum cu yod do/ /de ltar yangs pa can gyi rgyal po zla ba
13a5 dri ma med pa'i snying po dang / nyi 'od ces bya ba dang / de la sogs pa rgyal po rnams nyi ma 'char kar lhags te/ de dag kyang dam pa'i chos sun 'byin cing rtags can 'chal pa rnams kyi
13a6 ser ba lta bur gyur pa/ mthus kyang sems can rnams dam pa'i chos la 'god par byed pa dang / bdag cag gi nor dang / 'bru'i tshogs dang / mdzod dang / bang pa'i tshogs gang yin pa de
13a7 dag ni/ dam pa'i chos gnas par bya ba'i phyir ro/ /snyam du sems pa sha stag dang / bdag cag gis dam pa'i chos la nan tan bya'o/ /dam pa'i chos sun 'byin pa rnams kyi lce ni drung nas
13b1 gcad do/ /zhes dam bcas pa brtan por byas pa sha stag dang / theg pa chen po 'dod pa dang / 'jig rten thams cad la snying brtse ba sha stag ste/ de dag gi mchod pa rnams kyis yangs pa can
13b2 nas grong khyer ku shi'i bar thams cad kun tu gang bar gyur to/ /de dag gi gdugs kyi grib ma 'dab chags su 'dug pas ni/ nyi ma'i 'od kyis mi phog go /de dag gi kha zas kyi dri bsung gis
13b3 ni| dpag tshad bzhir khyab par gyur to/ /de dag gis bcom ldan 'das la rang rang gis sbyar ba'i zhal sa bzhes par lan gsum gyi bar du gsol pa btab kyang zhal zas ma bzhes nas yid
13b4 mi dga' ste langs nas phyogs gcig tu 'khod do/ /gzhan yang de'i tshe rgyal po ma skyes dgra'i btsun ma me gtogs par yangs pa can gyi rgyal po'i btsun mo 'jig rten gsum na mdzes ma la
13b5 sogs pa dzam+bu gling pa'i rgyal po dang / tshong dpon dang / khyim bdag rnams kyi chung ma gang+gA'i klung bdun gyi bye ma snyed dang lhan cig tu lhags te/ de dag thams cad kyang bud med kyi gzugs
13b6 kyis sems can mang po nges par sgrol pa/ rtag tu lus sgom pa dang ldan pa/ chen po stong pa nyid dang / mtshan ma med pa dang / smon pa med pas sems rnam par dag pa sha stag ste/ 'di lta
13b7 ste| yangs pa can gyi rgyal po'i btsun mo 'jig rten gsum na mdzes ma zhes bya ba dang / btsun mo bri yang gu zhes bya ba dang / de la sogs pa thams cad kyang sems can thams cad la bu
14a1 gcig pa la bya ba bzhin du snying rje dang ldan pa sha stag ste/ gcig la gcig 'jus nas de bzhin gshegs pa'i gdung zhugs la bzhen pa'i phyir yam bsreg shing
14a2 rnams khyer te mchod pa snga ma thams cad rang rang gi mchod pa rnams kyis zil gyis mnan nas bcom ldan 'das la nyis 'gyur du mchod pa byas te/ de dag gi mchod pa'i yo byad
14a3 rnams kyi rgyal mtshan dang / ba dan dang / gdugs rnams kyi 'phang dang chu zheng gi tshad kyang snga ma'i nyis 'gyur bas lhag go /kha zas rnams kyi dri bsung ni/ dpag tshad brgyad du khyab
14a4 par gyur te/ bcom ldan 'das la phyag btsal nas zhal zas bzhes par gsol ba btab kyang zhal zas ma bzhes nas bcom ldan 'das la bskor ba byed cing skra 'bal la rang rang
14a5 gi rgyan rnams 'thor zhing / skad mi snyan pas du ste bu gcig pa shi ba bzhin du mchog tu sdug bsngal bar gyur nas bcom ldan 'das kyi mthus sA la zung gi drung nyid du phyogs gcig
14a6 tu 'khod do/ /gzhan yang de'i tshe lha mig yangs zhes bya ba la sogs pa lha'i tshogs gang+gA'i klung brgyad kyi bye ma snyed dang lhan cig tu lhags nas lha de dag gis 'di skad ces smras so//
14a7 grogs po dag /ltos/ grogs po dag /ltos/ mi rnams kyi mchod pa'i yo byad mchog tu khyad par du 'phags la/ de bzhin gshegs dgra bcom pa yang dag par rdzogs pa'i
14b1 sangs rgyas la mchod pa bkur sti thams cad kyis mchod par 'dod de/ mi rnams kyi zhal zas kyi tha ma bzhes pa'i phyir bcom ldan 'das la gsol ba 'debs kyi/ grogs po dag /bdag cag
14b2 gis kyang de bzhin gshegs pa dgra bcom pa yang dag par rdzogs pa'i sangs rgyas la so so nas mchod pa bya zhing tha ma'i dus su zhal zas dbul bar bya na/ ji ltar bdag cag gis phul
14b3 pa'i zhal zas de bzhin gshegs pas gsol te yongs su mya ngan las 'da' bar de bzhin gshegs pas mdzod cig gu /grogs po dag /sangs rgyas 'byung ba ni/ shin tu dkon no/ /
14b4 de bas kyang zhal zas kyi tha ma'i sbyin pa'i pha rol tu phyin pa phun sum tshogs pa ni/ ches dkon no/ /kye ma bcom ldan 'das yongs su mya ngan las 'das na ni/ 'jig rten stongs par
14b5 'gyur ro/ /zhes smras so/ /lha de dag thams cad kyang theg pa chen po thos par 'dod la thos nas kyang gzhan dag la bstan to/ /snyam du dam bcas pa/ theg pa chen pos skom la ngoms
14b6 nas kyang gzhan skom pa rnams ngom par bya'o/ /snyam du dam bcas pa/ theg pa chen po la sred pa/ theg pa chen po la ser sna med pa/ theg pa chen po la phrag dog dang dus che ba dang 'chab
14b7 pa dang sgyu med pa/ theg pa chen po sun 'byin pa'i sems can rnams kyi ser ba lta bur gyur pa/ dam pa'i chos srung pa'i tshul khrims blangs pa/ 'jig rten dang mthun par slob par 'dod pa/
15a1 bdag cag rgal nas gzhan bsgral bar bya'o/ /bdag cag gol nas gzhan dgrol bar bya'o/ /chos kyi 'khor lo bskor bar bya'o/ /dkon mchog gsum
15a2 gyi gdung mi 'chad par bya'o/ /snyam du slob par 'dod pa/ go cha chen po bgos pa/ bslab pa rnams la dam bcas pa brtan pa dang / de bzhin du yon tan dpag tu med pa dang ldan pa/
15a3 bu gcig pa la bya ba bzhin du 'jig rten thams cad la snying rjes lta ba sha stag ste/ de dag kyang nyi ma 'char kar ston pa yongs su mya ngan las 'da' ba'i gdung zhugs la bzhen pa'i
15a4 phyir bud shing dang / yam bsreg shing rnams khyer te/ de dag kyang snga mas phul ba'i yam bsreg shing gi nyis 'gyur bas bzang pa'i lha rdzas dri bsung dang ldan pa/ yid du 'ong ba/ mi la dkon
15a5 pa sha stag go /shing rta'ang rta'i mchog mgyogs pa dag dang sbyar pa/ dar la dkar pos g.yogs pa/ gzugs dang dbyibs ri mo brir yang mi nus pa/ dril bu g.yer ka'i dra ba can
15a6 gyi yol bas bskor ba/ dar yug khyim chen po'i bla re rgya chen po rtsa ba ri mo can dag la btsugs pa dang / gar thabs dang rol mo yid du 'ong ba rnams kyis mdun du drangs pa/ kha zas
15a7 zhim po mang po dag dang / seng+ge'i khri baiDUR+ya'i rgyab rten rtse mo nor bu'i 'od kyis snang bar byas pa/ zhabs rten gser las byas pa dag kyang bshams pa dang / sa phyogs kyang me tog
15b1 dri bsung zhim po sna tshogs kyis mdzes par byas pa/ me tog gi sil ma bkram zhing bkod pa/ dpung gi tshogs yan lag bzhi phyi bzhin 'brang ba sha stag ste/ so so nas mchi ma khrag lta bu
15b2 mi thub cing mchog tu sdug bsngal bas gdungs nas sems can thams cad la phan pa dang / bde ba dang / snying brtse ba'i phyir dang / gdul bar bya ba'i dbang gi don du theg pa chen po'i mchog
15b3 tu gsang ba/ stong pa nyid kyi rnam pa dgongs pa'i tshig rnam pa sna tshogs kyi chos kyi sgo'i chul bshad par bya ba'i phyir bcom ldan 'das kyi thad du dong ste bcom ldan 'das kyi zhabs la mgo
15b4 bos phyag btsal nas mchod pa dang / bkur sti'i mchog rnam po mang po dag byas te bskor ba'ang byas nas bcom ldan 'das kyi 'khor rnams kyi phyir rang rang gi bla gos sa la bting ste rang rang
15b5 gi rgyan rnams phog cing gtor nas rang rang gi skra 'bal cing skad mi snyan pas du ste/ bcom ldan 'das la tshig mthun par 'di skad ces gsol to/ /bcom ldan 'das kyis bdag gis sbyar
15b6 ba'i bshos gsol te yongs su mya ngan las 'da' bar mdzad du gsol zhes lan gnyis lan gsum du gsol ba btab kyang bcom ldan 'das kyis ma bzhes te cang mi gsung nas de dag re
15b7 thag chad de langs nas phyogs gcig tu 'khod do/ /gzhan yang de'i tshe klu'i rgyal po phyogs bzhi na gnas pa klu'i rgyal po nor rgyas kyi bu dang / dga' bo dang / nye dga' bol sogs pa klu'i
16a1 rgyal po gang+gA'i/ klung dgu'i bye ma snyed shin tu rings par nyi ma 'char kar lha rnams kyi mchod pa las kyang nyis 'gyur bas lhag pa'i mchod pa'i yo byad rang rang
16a2 gi 'byor pa dang 'tsham pa dag khyer nas bcom ldan 'das kyi thad du dong ste phyag btsal nas zhal zas bzhes par gsol ba btab kyang bsam pa bzhin du ma grub nas langs te phyogs gcig
16a3 tu 'khod do/ /gzhan yang de'i tshe rnam thos kyi bu la sogs pa gnod sbyin gyi bdag po g.yog 'khor dang bcas pa gang+gA'i klung bcu'i bye ma snyed gcig la gcig 'jus nas rang rang gi
16a4 mchod pa rnams kyis klu'i rgyal po rnams kyi mchod pa snga ma zil gyis mnan nas tshogs chen po dang chas te lhags nas bcom ldan 'das la phyag btsal te zhal zas bzhes par gsol
16a5 ba btab kyang bcom ldan 'das kyis zhal zas ma bzhes nas yid mi dga' ste langs nas phyogs gcig tu 'khod do/ /gzhan yang de'i tshe nam mkha' lding gi bdag po dgra'i mdza' bo zhes
16a6 bya ba la sogs pa nam mkha' lding gi rgyal po gang+gA'i klung nyi shu'i bye ma snyed kyis rang rang gi mchod pas gnod sbyin gyi rgyal po snga ma dag gi mchod pa rnams zil gyis mnan nas bcom ldan
16a7 'das la phyag btsal te zhal zas bzhes par gsol ba btab kyang zhal zas ma bzhes nas yid mi dga' ste langs nas phyogs gcig tu 'khod do/ /gzhan yang de'i tshe dri za'i bdag po mis byin
16b1 gyi bu la sogs pa dri za'i bdag po gang+gA'i klung sum cu'i bye ma snyed kyis mchod pa snga ma thams cad pas kyang ches mchog tu gyur pa'i mchod pa rnams khyer te 'ongs nas de bzhin gshegs pa la
16b2 mchod pa byas te rol mo snyan rgu byas nas phyag btsal te bcom ldan 'das la zhal zas bzhes par gsol ba btab kyang bcom ldan 'das kyis ma bzhes nas de dag kyang yid mi dga' bar gyur
16b3 te langs nas phyogs gcig tu 'khod do/ /gzhan yang de'i tshe mi'am ci'i bdag po legs mthong la sogs pa mi'am ci'i bdag po gang+gA'i klung bzhi bcu'i bye ma snyed lhags te snga ma rnams kyi
16b4 mchod pa de dag bsdoms pa bas kyang de dag re re'i mchod pa ches khyad par 'phags par gyur te/ de dag kyang zhal zas ma bzhes nas yid mi dga' bar gyur te phyogs gcig tu 'khod do/ /gzhan
16b5 yang de'i tshe lto 'phye chen po'i bdag po legs mthong chen po la sogs pa lto 'phye chen po'i bdag po gang+gA'i klung lnga bcu'i bye ma snyed kyis mchod pa snga ma'i nyis 'gyur khyer ba las sdam bzhin du zhal zas
16b6 ma bzhes nas yid mi dga' ste phyogs gcig tu 'khod do/ /gzhan yang de'i tshe lha ma yin gyi bdag po bde mchog rigs la sogs pa lha ma yin gyi bdag po gang+gA'i klung drug cu'i bye ma snyed lus che
16b7 zhing snang ba chen po dang ldan pa/ lha ma yin gyi bsam pa med pa sha stag gis mchod pa snga ma'i nyis 'gyur nyis 'gyur gyi mchod pa dag khyer te 'ongs te/ bcom ldan 'das la phyag btsal nas zhal zas
17a1 ma bzhes te yid mi dga' bar gyur nas langs te shing sA la zung gi drung du rang rang gi gzi byin gyis snang bar byas te 'khod do/ /gzhan yang de'i tshe sbyin byed ma'i
17a2 bu'i bdag po gang+gA'i chu dri ma med pa rjes byin la sogs pa sbyin byed ma'i bu gang+gA'i klung bdun cu'i bye ma snyed lus che zhing snang ba chen po dang ldan pa/ sbyin byed ma'i bu'i bsam pa med pa sha
17a3 stag gis mchod pa snga ma thams cad las mchod pa nyis 'gyur nyis 'gyur bas bzang ba dag khyer ba las snga ma bzhin du zhal zas ma bzhes nas yid mi dga' bar gyur te shing sA la zung gi
17a4 drung du rang rang gi gzi brjid kyis snang bar byas nas phyogs gcig tu 'khod do/ /gzhan yang de'i tshe srin po'i bdag po 'jigs byed la sogs pa srin po'i dbang po gang+gA'i klung brgyad cu'i bye ma
17a5 snyed srin po'i bsam pa med pa sha stag gis gzi brjid chen po'i tshogs kyis sA la zung gi drung du snang bar byas nas/ bcom ldan 'das la phyag btsal te phyogs gcig tu 'khod do/ /gzhan
17a6 yang de'i tshe 'bras bu'i shing gi bdag po dri sil la sogs pa 'bras bu'i shing gi bdag lo gang+gA'i klung dgu bcu'i bye ma snyed kyis snga ma'i mchod pa thams cad bas nyis 'gyur nyis 'gyur
17a7 gyis lhag pa'i mchod pa'i tshogs khyer nas khu byug po rgyags pa rnams dang bung pa rnams skad 'byin pa dang ldan pa'i me tog 'tsher ba'i 'khri shing mang po'i dog pa dang / lo ma kha 'bus
17b1 pa rnams kyis sa phyogs brgyan te phyogs gcig tu 'khod do/ /gzhan yang de'i tshe rig sngags 'chang gi rgyal po sgyu 'phrul chen po la sogs pa rig sngags 'chang gi rgyal po gang+gA'i klung stong gi
17b2 bye ma snyed kyis mchod pa snga ma'i nyis 'gyur bas lhag pa'i mchod pa dag khyer nas phyogs gcig tu 'khod do/ /gzhan yang de'i tshe lha mo 'dod rgyur sgyur ba'i gzugs can lags mthong ma la sogs
17b3 pa gang+gA'i klung bye ba'i bye ma snyed kyis yangs pa can gyi rgyal po'i btsun mo'i mchod pa nyis 'gyur bas lhag pa dag khyer te/ rang rang gi rgyan rnams bcom ldan 'das kyi spyan sngar sa la spungs
17b4 nas phyogs gcig tu 'khod do/ /gzhan yang de'i tshe lha'i bu mo ram+b+ha dang / urba shi la sogs pa lha'i bu mo gang+gA'i klung bye ba phrag brgya'i bye ma snyed mchod pa snga ma'i nyis 'gyur nyis 'gyur
17b5 bas ches lhag par mang zhing spa ba dag gis mdun du drangs te snga ma bzhin du phyogs gcig tu 'khod do/ /gzhan yang de'i tshe 'byung po'i tshogs pa ba sangs ltar 'khor ba zhes bya ba la
17b6 sogs pa gang+ga'i klung bye ba phrag snyong gi bye ma snyed snga ma bzhin du phyogs gcig tu 'khod do/ /gzhan yang de'i tshe 'jig rten skyong ba bzhi'i lha'i bu gang+ga'i klung bye ba phrag 'bum dang lhan cig tu
17b7 mchod pa snga ma'i nyis 'gyur nyis 'gyur bas lhag pa dag khyer nas bcom ldan 'das la phyag btsal te zhal zas bzhes par gsol ba btab kyang bcom ldan 'das kyis ma bzhes nas snga ma
18a1 bzhin du phyogs gcig tu 'khod do/ /gzhan yang de'i tshe rlung lha bzhi rlung gtong ba'i lha gang+gA'i klung bye ba phrag 'bum dang lhan cig tu dus ma yin par yang shing
18a2 ljon pa dang / 'khri shing dang / shing gel pa dang / nags ma rnams dang / snye ma dang / me tog gi 'khri shing dang / byu ru rnams kyis sa phyogs brgyan par byed cing dus tshigs thams cad kyi
18a3 me tog gi dpal rnams phyogs su rgyas par byed la/ lo ma kha 'bus pa rtsa ba dmar pa rnams kyis shing sA la zung nyi ma 'char ka'i 'od zer ser po ja hong khar 'dug pa bzhin du byas nas
18a4 mchod pa snga ma'i nyis 'gyur bas lhag pa'i mchod pa dag khyer te/ bcom ldan 'das la mchod pa byas nas snga ma bzhin du shing sA la zung gi drung du 'khod do/ /gzhan yang de'i tshe char pa
18a5 'bebs pa'i lha gang+gA'i klung gi bye ma snyed sprin chen po dang / chu skyar rnams phyi bzhin 'brang zhing glog 'gyu ba'i gseb nas rma bya'i mgrin pa ltar mdog sde ba'i char gyi rgyun 'bab la/
18a6 'brug sgra dal nas sgrog pa'i sprin dang ldan pas char zim bu bsil ba dang 'dres pa'i me tog gi char 'bebs shing / bcom ldan 'das la phyag btsal te zhal zas ma bzhes nas re thag
18a7 chad de/ de bzhin gshegs pa'i gdung zhugs la bzhen pa'i me gsad pa'i phyir nam mkha' nyid la 'khod do/ /gzhan yang de'i tshe spos kyi glang po sgra gcan dang / lung tang mdog dang /
18b1 sbrang rtsi mdog sel dang / 'dod rgu'i spos ldan la sogs pa spos kyi glang po gang+gA'i klung nyi shu'i bye ma snyed theg pa chen po 'dod pa sha stag gis ston pa yongs su mya ngan las 'da' ba'i phyir gangs
18b2 kyi sman dang / pad+ma'i rtsa ba dang / sdong bu shing rta chen po'i 'phang lo tsam sha stag dang / dgon pa chen po dag nas pad+ma dang / ut+pa la dang / ku mu da dang / pad+ma dkar po dang / rtsa ba dang / 'bras bu
18b3 dang / rdo gu sna tha dad pa du ma dag sna'i thor tos byung zhing phung zhing khyer te rlung gi shugs pas kyang ches mgyogs pa dang / shin tu rings par dbyar gyi 'brug sgra bzhin du sgrog cing lhags nas pad+ma'i
18b4 'dab ma bcer ba'i seng+ge'i khri lda ldi dag bshams te bcom ldan 'das la mchod pa byas nas zhal zas ma bzhes nas re thag chad de phyogs gcig tu 'khod do/ /gzhan yang de'i tshe seng+ge seng+ge'i
18b5 sgra sgrog pa zhes bya ba la sogs pa seng+ge gang+ga'i klung sum cu'i bye ma snyed sems can thams cad la mi 'jigs pa sbyin pa sha stag gis seng+ge'i rtsal chen pos spos kyi glang po che rnams dang 'dra bar me
18b6 tog dang 'bras bu rnams khyer te rings par lhags nas phyogs gcig tu 'khod do/ /gzhan yang de'i che bya ngang pa dang / khrung khrung dang / ngur pa dang / ka dam pa dang / zal mo dang / bzhad dang / khu byug
18b7 dang / ba li ka dang / ka la ping+ka dang / shang shang te'u la sogs pas kyang spos kyi glang po che rnams dang 'dra bar me tog dang 'bras bu khyer te rang rang gi skad phung nas phyogs gcig tu 'khod do/ /
19a1 gzhan yang de'i tshe sa'i steng na ba dang / ma he mo dang / ra ma mo yod do cog gis kyang nu ma'o mas bkang ste shin tu rings par lhags nas shing sA la zung gi
19a2 drung nas phyogs gshong zhig mthong nas der rang rang gi nu ma'o mas gang ba de dag las 'o ma gseg ma dang / phye ma dang / ba tshwas ma 'bags shing tsha ba'i skyon du 'gyur ba med pa dag
19a3 gzigs te/ 'o ma de dag gi nang nas sbrang bu dag bsal nas phyogs gcig tu 'khod do/ /gzhan yang de'i tshe drang srong bzod par smra ba la sogs pa gling bzhi na gnas pa'i drang srong
19a4 mngon par shes pa lnga dang ldan pa theg pa chen po 'dod pa sha stag la gang+gA'i klung dkrigs kyi bye ma snyed rang rang gi rdzu 'phrul gyi stobs kyis yam bsreg shing / zhal zas dag khyer nas
19a5 bcom ldan 'das la phyag btsal te phyogs gcig tu 'khod do/ /gzhan yang de'i tshe 'od srung chen po la sogs pa dge slong gi dge 'dun kha cig dang / gnas brtan kun dga' bo la
19a6 sogs pa ma gtogs par yul phyogs na gnas pa'i dge slong dang / dge slong ma ji snyed yod pa de dag thams cad kyang ma lus par der lhags so/ /g+han yang de'i tshe ri rab la sogs
19a7 pa ri chen po rnams dang / 'jig rten gyi bar mtshams kyi ri gang+gA'i klung grangs med pa'i bye ma snyed kyang shing ljon pa dang / 'khri shing mang po nyin mtshan gyi grib ma byed pa dang / brag zang
19b1 yags grib ma che ba dang / brag kha nas 'bab pa'i chus gang ba dang / sman gshong rngo gu dang / rtsa ba dang / 'bras bus gang ba dag kyang der lhags so/ /lha'i bu mthu bo che'i 'dun ma chen po dag kyang
19b2 ri rab dang bcas te mchod pa'i phyir lhags nas bcom ldan 'das la phyag btsal te phyogs gcig tu 'khod do/ /gzhan yang de'i tshe lha'i bu mthu bo che 'od chen po rgya mtsho chen po bzhi'i nang na
19b3 gnas pa dang / chu klung chen po dag gi nang na gnas pa gang+gA'i klung grangs med pa'i bye ma snyed mchod pa lnga ma bas nyis 'gyur gyis mdzes pa'i mchod pa sngon du btang nas nyi ma'i 'od kyis mar me'i
19b4 'od zil gyis mnan pa bzhin du rang rang gi 'od kyis nyi ma'i 'od zil gyis mnan te nyi ma 'char ka'i 'od kyis shing mya ngan 'tshang gi lo ma thams cad dmar lam mer snang bar byed pa de
19b5 bzhin du rang rang gi 'od kyis chu klung gser ldan gyi chu dmar lam mer snang bar byas nas bcom ldan 'das la phyag btsal te phyogs gcig tu 'khod do/ /gzhan yang de'i tshe grong khyer ku shi
19b6 nas shing sA la zung gi drung gi bar skabs kyi bar snang la khang bzang ri'i dbang po'i rtse mo lta bu dang pa'i thal gong ltar dkar la sha stag gis 'khrigs par gyur to/ /sa gzhi ni/ skyed mos tshal dang /
19b7 rdzing bu'i chu pad+mas mdzes par byas pa dag gis gang bar 'dug ste/ byang gi sgra mi snyan gyi skyed mos tshal bas kyang lhag par mdzes so/ /gcig tu na dga' ba'i tshal dang / shing rta sna tshogs can
20a1 dang 'dra bar gyur te/ sa phyogs de dag de ltar dga' dga' ltar 'dug kyang lha dang / lha ma yin dang / mi de dag de bzhin gshegs pa yongs su mya ngan las 'da'
20a2 ba'i phyir shin tu du'o/ /gzhan yang de'i tshe rgyal chen bzhi'i ris kyi lha rnams rang rang gi 'khor la 'di skad ces zer te/ grogs po dag ltos/ grogs po dag ltos/ lha dang / lha ma
20a3 yin dang / mi rnams kyi de bzhin gshegs pa'i mchod pa'i las khyad par du 'phags la/ de bzhin gshegs pa la zhal zas kyi tha ma 'bul ba la brtson gyi/ grogs po dag /
20a4 bdag cag kyang de bzhin gshegs pa dgra bcom pa yang dag par rdzogs pa'i sangs rgyas la so so nas mchod pa bya'o/ /zhal zas kyi tha ma'ang dbul bar bya'o/ /gal te bdag cag gis
20a5 phul ba'i zhal zas kyi tha ma bcom ldan 'das kyis bzhes par gyur na/ de las bdag cag gis sbyin pa'i pha rol tu phyin pa chen po thob par 'gyur ro/ /zhes de dag gis de skad ces
20a6 smras nas g.yog 'khor mang po grangs med pa dang bcas pas mchod pa snga ma'i nyis 'gyur gyi mchod pa dang / zhal zas mang po dag khyer ro/ /me tog mang po dag kyang khyer te/ 'di lta ste/
20a7 man+dA ra ba rnams dang / man+dA ra ba chen po rnams dang / ke ke ru ka rnams dang / ke ke ru ka chen po rnams dang / many+dzu Sha ka rnams dang / many+dzu Sha ka chen po rnams dang / san+ta na ka rnams
20b1 dang / san+ta ka chen po rnams dang / 'od can rnams dang / 'od can chen po rnams dang / kun tu 'od can rnams dang / 'od mtha' yas pa rnams dang / mdzes sdug rnams dang / mdzes sdug
20b2 chen po rnams dang / dga' byed rnams dang / dga' byed chen po rnams dang / dri mchog rnams dang / dri mchog chen po rnams dang / sngos gyi ngad ldang rnams dang / spos kyi ngad ldang chen po
20b3 rnams dang / kun tu ngad ldang rnams dang / kun tu ngad ldang chen po rnams dang / mtha' yas ngad ldang rnams dang / mtha' yas ngad ldang chen po rnams dang / lha rdzas kyi 'dab ma rnams dang /
20b4 klung gi me tog rnams dang / yong 'dus brtol rnams dang / de lta bu gzhan dag kyang khyer nas bcom ldan 'das ga la ba der dong ste nyi ma'i gzi byin gyis srin bu me khyer gyi 'od zil gyis mnan
20b5 pa bzhin du rang rang gi gzi byin gyis thams cad kyi 'od zil gyis mnan te zhal zas ma bzhes nas phyogs gcig tu 'khod do/ /gzhan yang de'i tshe lha'i dbang po brgya byin sum cu rtsa gsum
20b6 pa'i lha rnams kyi 'khor dang bcas pas mchod pa snga ma de'i nyis 'gyur/ de'i rkyen du 'tsham pa/ de na yod pa'i me tog gi sna grangs du ma yid du 'ong ba rnams dang / yid du 'ong ba chen po rnams
20b7 dang / dri bsung chen po rnams khyer ro/ /khang bzang chen po rdo thal gyi mdog ltar dkar ba/ tham skas kyi rim pa dang ldan pa/ skar khung gi phreng ba du ma phug ron shug rtse ba dang ldan pa dag kyang sprul nas
21a1 bcom ldan 'das ga la ba der dong ste bcom ldan 'das kyi zhabs la mgo bos phyag btsal nas bcom ldan 'das ga la ba de logs su thal mo sbyar
21a2 ba btud de bcom ldan 'das la 'di skad ces gsol to/ /bcom ldan 'das/ bdag cag ni/ theg pa chen po'i mdo'i sde tshan srung pa lags na/ bdag cag la thugs brtse ba'i slad
21a3 du bdag cag gis phul ba'i zhal zas bzhes su gsol/ de skad ces gsol kyang zhal zas ma bzhes nas phyogs gcig tu 'khod do/ /'phags pa yongs su mya ngan las 'das
21a4 pa theg pa chen po'i mdo/ bam po gnyis pa/ de'i rjes la mthar gyis 'dod pa na spyod pa'i lha'i ris drug po rnams kyis steng gi bar snang la mchod pa dang / 'od snga ma las khyad par du
21a5 spags nas bcom ldan 'das ga la ba der dong ste/ de dag gi mchod pa'i nang na gdugs phal pa gang yin pa'ang kho ra khor yug tu gling bzhi pa'i khyon tsam mo/ /ba dan phal pa gang yin pa
21a6 de'ang rgya mtsho chen po bzhi'i mthar thug ste/ shar phyogs kyi rgya mtsho nas nub phyogs kyi rgya mtshor thug ste/ rlung gis bskyod dam/ rlung gis phyar na/ ba dan de dag las pi wang gi sgra snyan pa khong
21a7 nas 'khyil ba lta bur snyan pa dag 'byung ste/ de dag bcom ldan 'das la phyag btsal nas zhal zas bzhes par gsol ba btab kyang bcom ldan 'das cang mi gsung nas re thag chad de phyogs
21b1 gcig tu 'khod do/ /de'i tshe srid pa'i rtse mor skyes pa rnams ma gtogs par gong ma gong ma'i sems can gzhan gang yin pa de dag thams cad bcom ldan 'das la mchod pa bya ba'i phyir
21b2 mchod pa rgya chen po'i tshogs dang chas te lhags nas snga ma bzhin du phyogs gcig tu 'khod do/ /mi mjed kyi bdag po tshangs pa'ang tshangs ris kyi lha'i bu dpag tu med pa dag gis bskor
21b3 zhing mdun du bdar te rang gi gzi byin gyis lha thams cad kyi gzi byin zil gyis mnan nas mchod pa'i tshogs chen po dang chas te bcom ldan 'das kyi thad du dong ste/ de dag gi ba dan phal pa gang
21b4 yin pa de'ang tshangs pa'i 'jig rten nas 'phyang ste shing sA la zung gi drung du thug go/ /des kyang bcom ldan 'das la zhal zas bzhes par gsol ba las bcom ldan 'das kyis ma bzhes nas
21b5 phyogs gcig tu 'khod do/ /de nas de'i tshe lha ma yin gyi dbang po thags bzang ris lha ma yin gyi g.yog 'khor dpag tu med pa dang bcas pas tshangs pa dang / dbang po gnyis ma gtogs par
21b6 de'i bar gyi lha yod do cog gi 'od rang gi 'od kyis mog mog por byas nas de'i rkyen du 'tsham pa'i mchod pa'i tshogs la/ rkyen du 'tsham pa'i zhal zas dag dang chas te bcom ldan 'das kyi thad du
21b7 song ngo / /de'i gdugs phal pa'ang chu zheng du 'jig rten gyi khams chung ngu khyab pa tsam ste/ des kyang bcom ldan 'das la zhal zas bzhes par gsol ba las bcom ldan 'das kyis ma bzhes
22a1 nas langs te phyogs gcig tu 'dug go /de nas bdud sdig can chung ma grangs med pa'i 'khor dang chas te sems can dmyal ba thams cad kyi bar srang thams
22a2 cad phye nas de dag la chu dang kha zas la sogs pa ci 'dod pa byin te/ de dag la de bzhin gshegs pa dgra bcom pa yang dag par rdzogs pa'i sangs rgyas dran par gyis shig /sbyin pa'i tha
22a3 ma la rjes su yi rang bar gyis shig /ces smras nas de dag la khyed bde bar gyur cig ces kyang dbugs phyung ngo / /sems can dmyal ba'i grong khyer mtshon chas gang zhing me chen po 'bar
22a4 ba rnams su'ang sprin chen po bzhin du chu chen po phab nas sems can dmyal ba pa rnams kyis sngon ma myong ba'i bde ba dang ldan pa'i 'du shes bskyed de de bzhin gshegs pa'i mthus
22a5 bdud kyi sems kyi gnas skabs de lta bur gyur to/ /de'i 'khor gang yin pa de dag gis kyang gzhu dang / ral gri dang / tho ba dang / dgra sta dang / rdo rje rtse gcig pa dang / mtshon kam+ba na dang /
22a6 lcags kyi ber ka dang / lcags mda' dang / sha ta ka ni ha dang / mda' dang / 'phang mdung dang / mdung rtse gcig pa la sogs pa mtshon cha rnam pa du ma yongs su spangs te chos lhur len par
22a7 gyur to/ /de'i mchod pa'ang lha snga ma rnams la med pa de lta bur gyur te/ de'i gdugs phal pa'i chu zheng du'ang 'jig rten gyi khams bar ma'i khyon tsam mo/ /de ltar de mthu chen po dang ldan
22b1 zheng rang gi chung ma rnams kyis rnga yab kyis g.yob bzhin du bcom ldan 'das ga la ba der phyin nas bcom ldan 'das kyi zhabs la mgo bos phyag btsal te thal mo sbyar nas 'di skad ces
22b2 gsol to/ /bcom ldan 'das dge slong gi dge 'dun dang bcas pa dang / 'khor dang bcas pas bdag cag gis phul ba'i zhal zas bzhes su gsol/ /bcom ldan 'das/ bdag cag gis
22b3 de slan chad theg pa chen po'i slad du yi dam bca' bar 'tshal te/ rigs kyi bu'am rigs kyi bu mo gang su'ang rung 'jigs pa'i slad du'am/ rnyed pa dang bkur sti 'tshal ba'i slad du'am/ thob
22b4 tu re ba'i slad du'am/ gzhan gyis bgyid du stsal pa'am/ gzhan gyi yid bsrung ba'i slad du'ang rung ste/ theg pa chen po rjod par bgyid na/ de'i don du 'jigs pa dang / mi dga' ba
22b5 thams cad bsal ba'i gsang sngags bshad par 'tshal lo/ /tad+ya thA/ thak+ke/ Ta Ta ra thak+ke/ ro ru re/ ma d+ha ro ru re/ A la mA la tA la swA hA/ chos smra ba 'khrul pa dang / 'jigs pas
22b6 gnod par gyur pa rnams chos kyi tshul la spobs pa bskyed par bgyi ba dang / mu stegs pa rnams myos par bgyi ba dang / dam pa'i chos bsrung ba dang / bdag dang gzhan bsrung ba'i slad du
22b7 bdag gis rang gi dam tshig gis smras pa'i gsang sngags 'di glang po che'i 'jigs pa'am/ nags khung gi 'jigs pa'am/ chu klung gi 'jigs pa'am/ me'i 'jigs pa rnams kyi nang du srung
23a1 sngags kyi don du brjod pa gang lags pa de dag ni/ brjod pa tsam gyis ji ltar rus sbal rang gi lus srung ba de bzhin du bdag gis g.yo dang / sgyu ma mchis par de
23a2 dag 'jigs pa thams cad las bsrung bar bgyi/ stobs dang ldan par yang bgyid lags na/ bcom ldan 'das kyis da zhal zas 'di bzhes par gsol zhes bskul to/ /de nas
23a3 bcom ldan 'das kyis bdud sdig can la 'di skad ces bka' stsal to/ /sdig can/ khyod kha zas kyi phyir gsol ba ma 'debs shig /gsang sngags kyi tshig 'dis sems can
23a4 thams cad la phan pa'i phyir chos kyi sbyin par 'gyur bas na/ bzhes par bya'i/ zang zing gi sbyin pa ni/ de lta ma yin gyi/ sdig can/ khyod gsol ba ma 'debs shig /ces bka'
23a5 stsal nas bcom ldan 'das cang mi gsung bar gyur to/ /lan gnyis lan gsum gyi bar du'ang bdud dang bdud kyi bu mo rnams kyis bcom ldan 'das la gsol ba btab pa las ma bzhes te re
23a6 thag chad nas phyogs gcig tu 'khod do/ /de nas de'i tshe lha'i bu dbang phyug chen po lha'i bu dpag tu med pa mthu dpag tu med pa dag gis mdun du bdar te rang gi 'od kyis tshangs pa dang / lha'i
23a7 dbang po dang / lha ma yin dang / bdud kyi 'od rnams snag tsha'i gong bu bzhin du 'od mi gsal bar byas te/ bcom ldan 'das kyi mchod pa rgya chen po nyis 'gyur gnyis 'gyur bas lhag pa
23b1 dag khyer nas der song ste de'i mchod pa rnams kyi nang na gdugs phal pa gang yin pa de'ang chu zheng du stong gsum gyi stong chen po'i 'jig rten gyi khams khyab par 'dug ste mchod pa de lta bu sngon du
23b2 btang nas bcom ldan 'das kyi thad du phyin te lan du ma bskor ba byas nas zhabs la mgo bos phyag btsal te bcom ldan 'das ga la ba de logs su thal mo sbyar ba btud nas bcom ldan
23b3 'das la 'di skad ces gsol to/ /bcom ldan 'das la bdag mchod pa bgyid pa ni/ sbrang bu mchod pa bgyid pa dang 'dra ste/ bdag sbrang bu dang 'dra bas bcom ldan 'das la mchod pa bgyid
23b4 pa'i rngo ga la thogs kyis kyang bcom ldan 'das bdag la thugs brtse ba'i slad du zhal zas kyi tha ma gsol bar ci gnang zhes lan gnyis lan gsum du gsol ba btab kyang lan gnyis
23b5 lan gsum du bcom ldan 'das cang mi gsung bar gyur te/ re thag chad nas langs te phyogs gcig tu 'dug go/ /de nas de'i tshe sangs rgyas kyi zhing 'di nas shar phyogs logs su 'jig rten
23b6 gyi khams gang+gA'i klung grangs med pa gtams khrag khrig gi bye ma snyed 'das pa na 'jig rten gyi khams yid 'phrog sgra snyan mu tug ces bya ba zhig yod de/ de na de bzhin gshegs pa dgra bcom
23b7 pa yang dag par rdzogs pa'i sangs rgyas nam mkha' dang mnyam pa zhes bya ba bzhugs te/ des sras kyi thu bo nyan thos lus chen mtha' yas la bka' stsal pa/ rigs kyi bu/ khyod mi mjed
24a1 kyi 'jig rten gyi khams su song la de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba ring po mi thogs par
24a2 yongs su mya ngan las 'da' bar 'gyur gyi/ rigs kyi bu/ khyod kyis de'i don du 'jig rten gyi khams 'di nas zhal zas zhim po phan pa dag khyer te song zhig /mchod pa chen po dag
24a3 kyang khyer te song la de la 'di skad du/ de bzhin gshegs pa bcom ldan 'das kyi zhal zas 'di gsol te yongs su mya ngan las 'da' bar mdzad du gsol zhes gyis shig /khyod kyi
24a4 the tshom dang / yid gnyis ci dang ci yod pa de dang / de dag kyang de bzhin gshegs pa de kho na la legs par zhus shig dang / des khyod la lung ston par 'gyur ro/ /zhes bka' stsal to/ /
24a5 de nas byang chub sems dpa' sems dpa' chen po lus chen mtha' yas des legs so/ /legs so/ /zhes gsol nas de bzhin gshegs pa de la bskor ba byas nas zhabs la mgo bos
24a6 phyag btsal te/ byang chub sems dpa' sems dpa' chen po lus chen po grangs med pas bskor cing mdun du bdar nas mi mjed kyi 'jig rten gyi khams 'dir 'ongs so/ /de nas de'i
24a7 tshe stong gsum gyi stong chen po'i 'jig rten gyi khams 'di g.yos/ rab tu g.yos/ 'gul/ rab tu 'gul/ 'khrugs/ rab tu 'khrugs/ 'khor/ rab tu 'khor/ 'ur 'ur/ rab tu 'ur 'ur/
24b1 shig shig /rab tu shig shig /mer mer/ rab tu mer mer/ ldem ldem/ rab tu ldem ldem/ de la sogs pa byas te sa chen po rab tu g.yos so/ /de nas 'khor de dag gi nang na tshangs pa
24b2 dang | dbang po dang / 'jig rten skyong dang / lha ma yin dang / dbang phyug chen po la sogs pa lha rnams kyis sa gzhi de lta bur gyur pa mthong nas skyi bung zhes byas te 'jigs shing / kha dang
24b3 lkog ma bskams nas 'bros par chas te rang rang gi 'od kyang mi mthong zhing 'od nyams par gyur to/ /de nas 'khor de nyid kyi nang nas 'jam dpal gzhon nur gyur pa langs te lha'i tshogs
24b4 de dag la 'di skad ces smras so/ /grogs po dag /ma 'jigs shig /ma 'jigs shig /shar phyogs logs su 'jig rten gyi khams gang+gA'i klung grangs med pa gtams phrag dkrigs
24b5 kyi bye ma'i rdul phra rab grangs med pa snyed 'das pa na 'jig rten gyi khams yid 'brog sgra snyan mu tug ces bya ba zhig yod de/ de na de bzhin gshegs pa dgra bcom pa yang dag par rdzogs
24b6 pa'i sangs rgyas nam mkha' dang mnyam pa zhes bya ba da ltar bzhugs la 'tsho zhing gzhes te/ de bzhin gshegs pa des rang gi sras kyi thu bo nyan thos la bos te bka' stsal pa/ rigs kyi
24b7 bu/ khyod mi mjed kyi 'jig rten gyi khams su song la/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba yongs su mya ngan las
25a1 'da' bar 'gyur gyi/ de dge slong gi dge 'dun dang bcas pa la zhal zas kyi tha ma phul la/ khyod kyi the tshom dang / yid gnyis ci dang ci yod pa de dag kyang
25a2 legs par zhus shig dang / des khyed la lung bstan par 'gyur ro/ /zhes bka' stsal to/ /bcom ldan 'das des byang chub sems dpa' sems dpa' chen po lus chen mtha'
25a3 yas 'di btang ste/ byang chub sems dpa' grangs med pas bskor zhing mdun du bdar nas 'dir 'ongs pa de'i gzi brjid kyis khyod kyi 'od nyams par gyur to/ /de 'ong ba la rjes
25a4 su yi rang bar gyis shig /de bzhin gshegs pa nam mkha' dang mnyam pas bdag cag gi de bzhin gshegs pa la mchod pa mdzad pa la'ang ltos shig /ces byas so/ /de
25a5 nas 'khor de dag thams cad kyis me long gi ngos la bdag gi gzugs mthong ba bzhin du 'jig rten gyi khams thag ring po na bzhugs pa'i de bzhin gshegs pa de dang / 'jig
25a6 rten gyi khams de mthong ngo / /de nas 'jam dpal gzhon nur gyur pas 'khor de dag la 'di skad ces smras so/ /ji ltar khyod kyis 'jig rten gyi khams 'di dang / de bzhin gshegs
25a7 pa 'di mthong ba de bzhin du phyogs bcu'i de bzhin gshegs pa rnams dang / 'jig rten gyi khams gzhan dag kyang ltos shig /de bzhin gshegs pa rnams ni/ 'di ltar bdag
25b1 nyid che ba yin te/ rang gi gnas na bzhugs bzhin du'ang khyed la zhal ston par mdzad do/ /'khor de dag gis smras pa/ kye ma de bzhin gshegs pa de ltar bdag nyid che ba'ang yongs su mya
25b2 ngan las 'da' bar 'gyur ba lta kyi hud ces bla zhing 'khod do/ /de nas byang chub sems dpa' sems dpa' chen po lus chen mtha' yas byang chub sems dpa' dpag tu med pa dag gis
25b3 bskor ba'ang mthong ste/ byang chub sems dpa' de'i lus kyi ba spu'i khung bu re re nas pad+ma chen po byung ngo / /pad+ma chen po re re la'ang grong khyer bdun khri brgyad stong bdun khri brgyad stong yod la/ grong
25b4 khyer de dag kyang yul yangs pa can gyi thag gru tsam sha stag ste/ rin po che sna bdun gyi ra ba dang 'obs bdun rim gyis bskor ba shing ta la'i phreng ba bdun rim gyis mdzes par byas pa sha
25b5 stag ste/ 'byor pa dang / rgyas pa dang / bde ba dang ldan zhing dga' dga' ltar 'dug la ra ba de dag kyang dzam+bu chu bo'i gser gyi ba gam chen po sha stag gis bskor te/ ba gam thams cad
25b6 kyi bar bar na'ang shing ljon pa gzhon sha can 'bras bu dang / me tog dang ldan pa sna mang po dag yod do/ /shing ljon pa de dag gi yal ga rlung gis bskyod pa las kyang sil snyan dga' bar byed
25b7 pa'i sgra snyan zhing chags su rung ba 'byung ba sna lnga lnga sgrog ste/ sgra de dag gis sems can de dag rtse zhing dga' la dga' mgur spyod do/ /'obs de dag thams cad kyang chu bsil zhing shel
26a1 bzhin du dang bdag gis gang bar 'dug ste/ de dag gi nang kho ra khor yug tu sems can de dag rin po che'i gru dag gis dga' zhing rgyu bar byed do/ /chu de dag
26a2 kyang pad+ma dang / ut+pa la dang / ku mu da shing rta'i 'phang lo tsam sha stag gis brgyan to/ /'obs kyi kho ra khor yug kyang skyed mos tshal gyi phreng bas mdzes par byas te/ skyed mos tshal
26a3 re re la'ang rdzing bu thag gru dpag tshad phyed pa lnga lnga yod do/ /rdzing bu'i chu dag kyang pad+ma dang / ut+pa la dang / ku mu da kha dog sna tshogs dri zhim po shing rta'i 'phang lo tsam sha stag gis
26a4 khebs par 'dug la shing ljon pa me tog rgyas pa'i phreng bas mdzes par byas so/ /skyed mos tshal kho ra khor yug na'ang ngang ngur dang / zal mo dang / khrung khrung shug dag gis pad+ma'i
26a5 ze 'bru myang bar byed do/ /kho ra khor yug gi skyed mos tshal de dang / de dag na'ang khang khyim dag yod la/ khang pa re re la'ang chu zheng du dpag tshad bzhi bzhi yod de/ rtsig pa ni/ gser
26a6 dang dngul dang bai DUR+ya dang shel las byas/ sa gzhi ni/ ke ke ru las grub pa ste/ nor bu'i 'jo tshar gyis spel zhing snang bar byas pa'i mu tig gi do shal dpyangs pa dang ldan pa/
26a7 gser gyi rta babs chen po dang / skar khung dang / dra ba dag gis brgyan pa'i khang bzang mthon po sa gzhi ni/ gser gyi bye ma brdal ba dang ldan pa sha stag go/ /rdzing bu rnams kyang
26b1 'brul pa'i lam gser gyi them skas them pa bco brgyad dang ldan pa dang / mtha' thog thag tu gser gyi chu shing gi phreng bas mdzes par byas pa'i lha'i tsan+dan gyi dri bsung can gyi chu dang ldan pa
26b2 sha stag go/ /grong khyer chen po de dag re re'i nang na'ang rgyal po brgyad khri bzhi stong brgyad khri bzhi stong yod de/ de dag thams cad kyang bud med kyi tshogs dpag tu med pa dpag tu med pa dag gis
26b3 bskor zhing 'dod pa'i yon tan lnga dang ldan te rtse zhing dga' la dga' mgur spyod do/ /sems can gzhan dag kyang de dang 'dra ste/ sa phyogs ka tsa linada'i gos ltar reg na bde ba/ tsan+dan gyi chus
26b4 chag chag btab pa/ me tog gi sil mas gtor ba/ gzhan dag na rtse zhing dga' la dga' mgur spyod do/ /grong khyer chen po dag na theg pa chen po'i sgra ma gtogs par theg pa gzhan gyi sgra med do/ /
26b5 pad+ma chen po de dag la'ang seng+ge'i khri chen po rkang pa gser dang / dngul dang / baiDUR+ya dang / shel las byas pa/ ka ling+ka'i ras kyis g.yogs pa/ che ba la 'os pa/ 'jig rten gsum na phul du
26b6 bya ba sha stag gis dkris te/ seng+ge'i khri de dag la rgyal po de dag 'khod cing sems can gzhan dag theg pa chen po'i mdo sde rnams slob par byed de/ rgyal po de dag gi mdun na la la ni/ yi ge
26b7 'bri| la la ni/ klog /la la ni/ kha ton slob bo/ /de ltar byang chub sems dpa' sems dpa' chen po lus chen mtha' yas kyi ba spu'i khung bu nas skyes pa'i pad+ma dag la 'khod pa'i sems can
27a1 de dag 'dod pa'i yon tan lnga'i dga' ba dang ldan yang de dag yongs su spangs nas mya ngan gyis gdungs te smre sngags 'don cing kyi hud kyi hud ces bla zhing 'khod de nyis
27a2 'gyur du mchod pa'i tshogs 'bul bar byed do/ /de nas byang chub sems dpa' sems dpa' chen po lus chen mtha' yas byang chub sems dpa' dpag tu med pas bskor te/ de lta bu'i
27a3 'byor pa'i rnam pa dag ston cing mchod pa'i tshogs chen po dang / zhal zas ches rgya che ba dag khyer te 'ongs nas zhal zas de dag dang / pad+ma de dag gi dri bsung tshor ba gang yin pa de dag
27a4 kyang nyon mongs pa dang bral bar gyur to/ /byang chub sems dpa'i mthu chen pos 'jig rten gyi khams thams cad kyang mthong bar gyur to/ /byang chub sems dpa' sems dpa' chen po lus
27a5 chen mtha' yas kyi lus kyi tshad kyang nam mkha' dang mnyam par 'dug ste/ sus kyang mthong bar mi nus so/ /de nas byang chub sems dpa' sems dpa' chen po lus chen mtha' yas bcom
27a6 ldan 'das kyi thad du song ste zhabs la mgo bos phyag btsal nas thal mo sbyar te 'di skad ces gsol to/ /bdag gis phul ba'i zhal zas bcom ldan 'das kyis bzhes su gsol/ de
27a7 nas bcom ldan 'das cang mi gsung bar gyur te/ lan gnyis lan gsum du gsol kyang bcom ldan 'das cang mi gsung bar bzhugs nas byang chub sems dpa' de langs te phyogs
27b1 gcig tu 'dug go /de bzhin du lho phyogs dang / nub phyogs dang / byang phyogs logs nas kyang byang chub sems dpa' sems dpa' chen po lus chen mtha' yas zhes bya ba 'khor gyi tshogs chen po
27b2 dang ldan pa sha stag lhags te/ de dag gi pad+ma dang / grong khyer gyi tshad kyang snga ma snga ma las nyis 'gyur nyis 'gyur gyis che ba dang / 'byor pa nyis 'gyur nyis 'gyur gyis che ba sha stag dang chas
27b3 te| de dag der lhags nas bcom ldan 'das la pad+ma dag gis mchod pa byas te snga ma bzhin du phyogs gcig tu 'khod do/ /shing sA la zung gi drung grub pa'i gnas de nyid na dkyil 'khor sum cu
27b4 rtsa gnyis kyi tshad kyi khyon gyi sa gzhi la sems can mi 'khod pa'i sgo skabs ci'ang med do/ /de na byang chub sems dpa' sems dpa' chen po de ltar lus che ba rang rang gi g.yog 'khor dag dang
27b5 bcas pa de rnams kyang kha cig ni/ sa phyogs smyung bu'i rtse mo'i khyon tsam la 'khod do/ /kha cig ni/ khab kyi rtse mo'i khyon tsam la 'khod do/ /kha cig ni/ rdul phra rab kyi khyon tsam la bag yongs su
27b6 'khod do/ /'jig rten gyi khams rdul phra rab kyi rdul snyed dag na byang chub sems dpa' 'khod pa gang yin pa de dag kyang thabs de lta bur lhags te 'khod do/ /dzam+bu'i gling gi sems can yang tshe dang
27b7 ldan pa 'od srung dang / gnas brtan kun dga' bo dang / rgyal po ma skyes dgra rnams ma gtogs par der ma 'ongs pa su'ang med de/ tha na mi gdug pa dang / sbrul gdug pa dang / sdig pa dang / sdom
28a1 la sogs pa las mi bzad pa bcu drug byed pa yan chad kyang der lhags so/ /sbyin byed ma'i bu dang / lha ma yin rtag tu 'khon gyi bsam pa can thams cad kyang sdig
28a2 pa'i las spangs nas gcig la gcig bu dang / ma dang / sring mo dang 'dra bar sems par gyur to/ /stong gsum gyi stong chen po'i 'jig rten gyi khams na 'khod pa'i sems can thams cad
28a3 kyang gcig la gcig bu gcig pa la bya ba bzhin du byams par byed de/ 'dod chen pa ni/ ma gtogs so/ /mi mjed kyi 'jig rten gyi khams 'di'ang de bzhin gshegs pa'i mthus bong ba
28a4 dang / rdo dang / gseg ma dang / rdu ba dang / tsher ma med par gyur te shing ljon pa rin po che'i 'khri shing gis dkris pa mnyen zhing reg na 'jam pa dag dang ldan zhing 'jig rten gyi khams bde
28a5 ba can dang 'dra bar gyur to/ /sems can der lhags pa thams cad kyis kyang de na 'khod bzhin du ji ltar me long gi ngos la rang gi gzugs brnyan snang ba bzhin du rdul phra rab kyi rdul snyed kyi 'jig
28a6 rten gyi khams dang / sangs rgyas kyi zhing 'byor pa dang ldan pa gzhan dag kyang mthong ngo / /de nas de bzhin gshegs pa'i zhal nas 'od zer kha dog sna tshogs sngon po dang / ser po dang / dmar
28a7 po dang / dkar po dang / btsod ka dang / shel gyi kha dog lta bu dang / me lce lta bu dag byung ba gang yin pa de dag gis bya ba gang yin pa de dag gi bya ba thams cad byas te phyir log nas bcom
28b1 ldan 'das nyid kyi zhal du zhugs te mi snang bar gyur to/ /'khor thams cad kyi 'od kyang des zil gyis gnon par gyur to/ /de nas lha dang / mi dang / lha ma yin dang bcas pa'i 'jig rten gyis 'od
28b2 zer de dag bcom ldan 'das kyi zhal du mi snang bar gyur pa mthong nas 'jigs shing skyi bur zhes byas te rgyu med par bcom ldan 'das kyi 'od zer rnams phyir log nas mi snang bar 'gyur
28b3 ba'i mi rigs na/ gor ma chag par phyogs bcu dag tu bya ba rnams zin nas da ni/ gdon mi za bar de bzhin gshegs pa yongs su mya ngan las 'da' bar 'gyur ro/ /bcom ldan 'das kyis
28b4 gang las kyang zhal zas ma bzhes na/ kye ma sems can thams cad la tshad med pa bzhi spangs sam/ ci smyung bar bzhugs par chad dam/ kye ma ci nyi ma dang zla ba nub bam/ ci dam pa'i chos kyi
28b5 gru bying ngam/ kyi hud kyi hud ces bla zhing 'khod do/ /de nas de dag rang rang gi yan lag rnams rmas par byas pa'i khrag gis sa gzhi 'dam du gyur to/ /chu klung gser ldan yang khrag tu 'bab par
28b6 gyur to| |de nas 'khor de dag gi nang na grong khyer ku shi pa mgar ba'i bu dge bsnyen skul byed ces bya ba de mgar ba'i bu bco lnga dang thabs cig tu langs te rang rang gi spyod lam bcos nas 'jig rten dag
28b7 la bltas te bla gos phrag pa gcig tu gzar nas pus mo g.yas pa'i lha nga sa la gtsugs te bcom ldan 'das ga la ba de logs su thal mo sbyar ba btud nas mchi ma mi thub bzhin du zhabs la
29a1 phyag btsal te/ bcom ldan 'das la 'di skad ces gsol to/ /bcom ldan 'das/ bdag ni/ sems can thams cad nges par bsgral ba'i slad du bcom ldan
29a2 'das de bzhin gshegs pa dgra bcom pa yang dag par rdzogs pa'i sangs rgyas dge slong gi dge 'dun dang bcas pa la zhal zas kyi tha ma dbul bar 'tshal te/ bdag ni/ mgon ma mchis
29a3 pa lags/ rtsa lag ma mchis pa lags/ skyabs ma mchis pa lags/ phongs te re ba lags na/ bcom ldan 'das kyis bdag gis phul ba'i zhal zas bzhes te yongs su mya ngan las
29a4 mi 'da' bar mdzad du gsol/ /bcom ldan 'das/ dper gsol na/ khyim bdag gam/ bram ze shin tu dbul po 'ga' zhig gzhan gyi yul du mchis la/ bdag nyid spro ba bskyed de mthar
29a5 gyis zhing las brtsams nas des rmon glang rmo skyen pa thong gshol dang sbyar ba dag gis zhing la rdo dang / rdu ba dang / tshor ma ma mchis par bgyis te re ba chen po bskyed nas sprin chen po las
29a6 chang 'bab pa la sdod cing mchis pa de bzhin du/ bcom ldan 'das/ bdag ni/ lus kyi zhing la nyes pa gsum dang / bzhi dang bral ba'i yid dang / ngag gi rmon glang dang shes pa'i thong gshol
29a7 gyis nyon mongs pa rnam pa sna tshogs kyi rdo dang / rdu ba dang / tsher ma ma mchis par bgyis nas khyod kyi chos kyi sprin chen po las chos kyi char 'bab pa la sdod cing mchis te dge slong gi dge
29b1 'dun dang bcas par spyan 'dren na/ bdag gi dbul ba bsal ba dang / sems can thams cad la sman pa'i slad du bdag gis phul ba'i zhal zas bzhes su gsol/ bdag ni/ mgon ma
29b2 mchis pa/ skyabs ma mchis pa lags na/ de bzhin gshegs pas bdag la sgra gcan zin bzhin du gzigs par gsol/ de nas bcom ldan 'das thams cad mkhyen pa rgyal ba gang zag
29b3 bla na med pas mgar ba'i bu skul byed la 'di skad ces bka' stsal to/ /skul byed/ de bzhin gshegs pa dgra bcom pa yang dag par rdzogs pa'i sangs rgyas kyis khyod kyi zhal zas tha ma sbyin pa'i
29b4 pha rol tu phyin pa chen po bzhes par mdzad do/ /de nas lha dang / mi dang / lha ma yin de dag gis skul byed kyis phul ba'i zhal zas kyi tha ma sbyin pa'i pha rol tu phyin pa chen po de bzhin gshegs
29b5 pa dge slong gi dge 'dun dang bcas pas bzhes so/ /zhes thos nas ngo mtshar rmad du byung ba'i chos thob ste/ legs so/ /legs so/ /zhes skad chen po phyung nas mgar ba'i bu skul byed la
29b6 'di skad ces smras so/ /kye mgar ba'i bu skul byed/ khyod skyid de ba khyod kyis mi lus thob pa ni/ phan thogs par gyur to/ /legs par thob bo/ /skul byed/ 'jig rten na u dum ba ra'i me
29b7 tog bzhin du mdzes pa ni/ rnyed par dka'o/ /de bas kyang ches de bzhin gshegs pa 'byung ba rnyed par dka'o/ /de bas kyang dad pa rnyed pa shin tu dka'o/ /de bas kyang ches chos thos pa
30a1 rnyed par dka'o/ /de bas kyang ches de bzhin gshegs pa la zhal zas kyi tha ma dbul ba rnyed par dka'o/ /de bas na/ zhal zas kyi tha ma sbyin pa'i pha rol tu phyin
30a2 pa thob par dka'o/ /mgar ba'i bu skul byed khyod la phyag 'tshal lo/ /dper na/ ston zla 'bring po nya la sprin med pa'i tshe zla ba'i dkyil 'khor dri ma med pa mdzes pa mthong ba na zla ba 'ba'
30a3 zhig mngon du snang ba de bzhin du khyod kyis phul ba'i zhal zas kyi tha ma de bzhin gshegs pas bzhes pas na/ khyod 'ba' zhig sems can thams cad la mngon du snang ngo / /khyod la yang dang yang
30a4 du phyag 'tshal lo/ /skul byed/ khyod ni/ mi'i lus byed bzhin du lha'i yang lha yin no/ /de bzhin gshegs pa'i sras sgra gcan zin dang 'dra'o/ /zhes byas nas tshigs su bcad pa 'di dag
30a5 kyang smras so/ /khyod ni mi ma yin te lha mchog yin/ /mi mchog gtso bo khyad par 'phags pa ste/ /de phyir khyod la gsol ba 'di skad 'debs/ /ston pa yongs su mya ngan 'da' bar chas/ /
30a6 bdag cag kun la brtse bas skul byed khyod/ /skye bo rnams la yun du phan pa'i phyir/ /'dir ni ston pa dpag med mgon po la/ /bzhugs shing rgyun du bdud rtsi ston ces gsol/ /srid las
30a7 rnam grol mya ngan 'da' bzhed la/ /gal te khyod kyis de ring ma gsol na/ /bdag cag thams cad ma rung shes par gyis/ /de bas phan phyir mgon la gsol ba thob/ /de nas la la zhig pha
30b1 ma gnyis shi ba las phyir sos te gson por 'dug pa mthong na/ mchog tu dga' bar gyur pa de kho na bzhin du mgar ba'i bu skul byed de mchog tu dga' bar gyur nas lag pa brkyang ste bcom
30b2 ldan 'das la mgo bos phyag btsal nas langs te tshigs su bcad pa 'di dag smras so/ /kye ma deng bdag rnyed pa legs par rnyed/ /mi yi 'jig rten skyes pa 'bras bu yod/ /da ni rnyed la sogs
30b3 las 'bral mi 'gyur/ /mi bzad dmyal bar yang ni ltung mi 'gyur/ /deng 'dir rnyed pa chen po rnyed pa 'di/ /gser gyi phung po bas kyang lhag pa yin/ /dpa' bo de gshegs mgon dang phrad pas
30b4 na| |phyin chad bdag ni dud 'gros 'jigs pa med/ /sangs rgyas la ni dad pa gting zug pa/ /deng rnyed u dum wa ra'i me tog bzhin/ /rab 'jigs yi dwags 'gro ba yongs spangs shing / /
30b5 lha min skye ba'i sa bon mi bzod bcom/ /de bzhin gshegs 'byung dkon dang deng phrad pa/ khab kyi rtse mor yungs 'bru chags pa bzhin/ /de la pha rol phyin mchog sbyin phul bas/ rtag
30b6 tu lha yi 'gro bar 'phar bar 'gyur/ /chu gnas pad+ma chus mi chags pa ltar/ /drang srong chen po 'jig rten chos rnams kyis/ /chags med phrad pas srid rtse'i sa bon kun/ /drungs phyung bdag
30b7 nyid 'khor ba'i mtsho chen rgal/ /rgya mtsho'i nang gi rus sbal zhar ba'i mgrin/ /gnya' shing mig tu chud dka' 'dra ba las/ /bde gshegs deng phrad de la sbyin pa phul/ /de na bdag gis
31a1 nyon mongs gsog kun bcom/ /lha rnams kyis ni zhal zas bzang po dag /phul yang bde gshegs ma bzhes bdag las ni/ /e raN+Da yi me tog 'dra
31a2 zhes des/ /bdag ni 'jig rten rab mchog dpal yon can/ /tshangs pa brgya byin la sogs 'jig rten 'di/ /thams cad lhags te gus par bdag la mchod/ /khyu mchog gnas su
31a3 son pa gang yin 'di/ /skye ba 'di nyid la ni bdag gis thob/ /de nas thal mo sbyar te bcom ldan 'das la 'di skad ces gsol to/ /mgon khyod mya ngan 'da' ba mthong nas ni/ /'jig
31a4 rten 'di kun sdug bsngal gzir bar gyur/ /dbang med kyi hud ces ni skad cher bla/ /'di dag ma dor rtag tu sras bzhin gzigs/ /lhun po'i gser gyi rtse mo rab mtho ba/ /mtsho chen dbus na
31a5 mdzes par gnas pa ltar/ /chos kyi mnga' bdag khyod ni chos ston cing / /dge 'dun dbus su mdzes par bzhugs su gsol/ /ji ltar nyi ma gzi can shar ba na/ /'od zer dag gis sprin
31a6 srab sel ba ltar/ /drang srong chen po ye shes sgron chen gyis/ /skye bo mang po'i mya ngan deng bsal mdzod/ /sems can 'di dag dud mos mig skrangs shing / /sdug bsngal gcig bu'i rgya
31a7 mtsho'i gting du zhugs/ /de phyir dad pa rnyed dka' bskyed mdzad cing / /'di rnams sdug bsngal chod la yun du bzhugs/ /de nas bcom ldan 'das kyis skul byed la bka' stsal pa/ skul
31b1 byed| de ni/ de bzhin no/ /de ni/ de bzhin te/ sangs rgyas 'byung ba ni/ u du ma wa ra'i me tog bzhin shin tu rnyed par dka'o/ /dad pa'ang rnyed par dka'o/ /chos thos pa'ang rnyed par dka'o/ /de
31b2 bzhin gshegs pa yongs su mya ngan las 'da' ba'i tshe zhal zas kyi tha ma'i sbyin pa'i pha rol tu phyin pa phun sum tshogs pa'ang rnyed par dka'o/ /skul byed/ gzhan yang khyod ma ngu / mya ngan
31b3 ma byed par bdag gis de bzhin gshegs pa la zhal zas kyi tha ma'i sbyin pa'i pha rol tu phyin pa phun sum tshogs pa thob bo/ /snyam du dga' ba skyed cig dang / de bzhin gshegs pa la bcom ldan
31b4 'das bzhugs su gsol zhes de skad du khyod gsol ba ma 'debs shig /sangs rgyas rnams kyi chos kyi de kho na nyid la rtogs shig /mi rtag pa nyid la 'jug par gyis shig /'du byed
31b5 rnams kyi rang bzhin shes par gyis shig /ces bka' stsal nas tshigs su bcad pa 'di dag gsungs so/ /tshe ni shin tu ring yang 'jig par 'gyur/ /'dir ni thams cad nges par 'chi bar
31b6 'gyur| |'tsho ba'i 'jig rten 'jig pa'i chos can yin/ /'byor pa thams cad rgud par gzhol bar 'gyur/ /rtag tu lang tsho rga bas nges par 'joms/ /gzugs bzang nad med nad kyis
31b7 'jig par 'gyur/ /srog ni 'chi bas rtsa nas 'byin par byed/ /'jig rten kun na rtag pa ci yang med/ /dbang phyug mi rtag tshe yang mi rtag ste/ /skye bo sdug bsngal 'khor lo rtag tu 'khor/ /'jig
32a1 rten gsum na brtan po ci yang med/ /srid pa dag na 'gro kun srog tu 'dug /srid pa 'jig pa'i chos can rab g.yo ba/ /'di dag na ni bde ba ci yang med/ /rga dang
32a2 'chi dang nad dang rgud rnams kyi/ /'jigs pas rtag tu kun nas gtse bar byed/ /srid pa mtha' med mi brtan snying po med/ /thams cad dgra dang 'khu bar shes par gyis/ /de na 'khor zhing
32a3 nyon mongs dra ba yis/ /'jig rten dkris te dar gyi srin bu bzhin/ /'jig rten dag na ther zug gnod pa'i gzhi/ /rtag tu 'bras ltar sdug bsngal 'brel ba gang / /mi gtsang lus dang 'dod pa
32a4 de dag la/ /phan 'dod sdug bsngal bsal 'dod su zhig dga'/ /mi rtag 'dod pa rnams la chags pa med/ /tshul bzhin rtog pas 'dod chags 'bral bar 'gyur/ /de nas yang dag mthong
32a5 na 'dod chags 'bral/ /de dag spangs bcad grol pa nyid du 'gyur/ /da ni srid pa'i chu chen legs par rgal/ /nga ni sdug bsngal rnams 'das bde bar zhugs/ /de phyir ngas ni mtha'
32a6 yas spros med pa/ /chags pa kun bsal thar pa thob par 'gyur/ /nga la rga dang na dang 'chi ba med/ /nga la rtag tu tshe yang zad pa med/ /nga ni me ltar 'bar te 'gro 'gyur gyis/ /khyod kyis nga ni med
32a7 'gyur ma sems shig /de bzhin gshegs nyid lhun po 'dra bar ltos/ /nga deng yang dag mya ngan 'da' bar 'gyur/ /bde mchog de ni nga yi chos nyid de/ /rgyal rnams spyod yul yin gyi
32b1 khyed ma ngu / /de nas bcom ldan 'das la mgar ba'i bu skul byed kyis 'di skad ces gsol to/ /bcom ldan 'das/ de ni/ de lags so/ /de ni/ de lags te/ mya ngan las 'das pa ni/ bdag
32b2 gis kyang bsam gyis mi khyab lags na/ sbrang bu dang 'dra ba'i sems can theg pa dman pa gzhan dag gis lta smos kyang ci 'tshal/ bcom ldan 'das/ kye ma bdag deng du byang chub
32b3 sems dpa' mi mchog skal ba chen po dang ldan pa/ mchod par 'os pa 'jam dpal gzhon nur gyur pa la sogs pa dang / zag pa zad pa rnams dang mnyam pa nyid du gyur to/ /bcom ldan
32b4 'das| dper gsol na/ gsar du bsnyen par rdzogs pa gzhon nu'ang rab tu byung ba de nyid kyi nyin par nas dge 'dun gyi nang na dge 'dun gyi nang na dge 'dun du bgrang zhing yang dag par 'dus par 'gyur ba
32b5 de bzhin du bdag kyang de bzhin gshegs pa'i mthus byang chub sems dpa' sems dpa' chen po rnams kyi grangs su gtogs shing yang dag par 'dus lags so/ /bcom ldan 'das/
32b6 bdag ni/ de bzhin gshegs pa yun du bzhugs par 'tshal gyi/ kha zas tshig pa bzhin du mya ngan las 'da' bar gshegs par ni/ mi 'tshal lags so/ /de nas de'i tshe 'jam dpal
32b7 gzhon nur gyur pas mgar ba'i bu skul byed la 'di skad ces smras so/ /skul byed/ khyod 'di skad du bdag ni/ de bzhin gshegs pa yun du bzhugs par 'tshal gyi/ /kha zas tshig pa bzhin
33a1 du mya ngan las 'da' bar gshegs par ni mi 'chal lo/ /zhes de skad ma zer cig/ 'du byed kyi rang bzhin blta bar bya mod/ de ltar lta ba gang yin pa de ni/
33a2 stong pa nyid sgom pa yongs su rdzogs par 'gyur te/ dam pa'i chos 'dod pas na de ltar bslab par bya'o/ /skul byed kyis smras pa/ btsun pa 'jam dpal/ 'o na ji ltar de bzhin gshegs
33a3 pa lha'i yang lha mchog tu gyur pa la gal te 'du byed du gyur na/ lha'i yang lhar 'os pa ma yin no/ /'du byed rnams ni/ chu bur bzhin du shes shing shing rta'i 'phang lo bzhin du 'khor ba
33a4 yin no| |lha rnams ni/ mchog tu tshe ring zhes grag la/ de bzhin gshegs pas ni/ lo brgya'ang ma thub ste/ de bas na/ de bzhin gshegs pa lha'i yang ltar 'os pa ma yin no/ /
33a5 dper na/ mi la la zhig grong dpon byed pa las de mthar gyis dbang phyug chen por gyur nas blon po chen po'i dbang phyug las kyang 'das te/ rang gi dbang phyug gi 'bras bu chos kyis rnyed
33a6 pa la longs spyod pa las de phyir yang bsod nams zad cing dbang phyug las nyams par gyur na/ gzhan gyis bkol zhing brnyas par 'gyur pa ste/ ci'i phyir zhe na/ dbul por gyur
33a7 pa'i phyir ro/ /de dang 'dra bar gal te de bzhin gshegs pa 'du byed du gyur du zin na/ 'chi ba'i rgyu yin pa'i phyir lha'i yang lhar 'os pa ma yin no/ /btsun pa 'jam dpal de bas na/
33b1 lha'i yang lha de bzhin gshegs pa dgra bcom pa yang dag par rdzogs pa'i sangs rgyas la de ltar 'du byed dang 'dra bar ma lta zhig /'jam dpal/ gzhan yang ci khyod shes bzhin du/ de bzhin
33b2 gshegs pa la 'du byed kyi rang bzhin du rtog par byed dam/ 'on te ma shes pas rtog par byed/ gal te de bzhin du de bzhin gshegs pa 'du byed dang 'dru na ni/ 'jig rten gsum po dag na chos kyi
33b3 dbang phyug rnyed pa lha'i lha mdzad pa'i 'os ma yin no/ /dper na/ rgyal po'i dbang po la la zhig la gyad stong gi mchog tu gyur ba'i gyad cig yod la/ de gyad thams cad kyis mi thub pa'i phyir gyad
33b4 stong thub ces bya ba'i ming thob ste/ de la gyad zla med pa'i phyir bla nas dbang thang chen po 'grub na/ ci gyad stong thub pa de'i ming de thos na skad grags pa de mi bden pa yin nam/ 'on te yon tan yod
33b5 na ni/ yon tan can gyi ming thob pa yin no/ /de bzhin du de bzhin gshegs pa'ang nyon mongs pa'i bdud dang / phung po'i bdud dang / lha'i bu'i bdud dang / rang bzhin gyi bdud kyi gyad thams cad bcom
33b6 pas na| gyad stong thub bzhin du yang dag pa'i yon tan gyi sgo nas 'jig rten gsum po dag tu de bzhin gshegs pa dgra bcom pa yang dag par rdzogs pa'i sangs rgyas zhes bya ba yin gyi/ btsun
33b7 pa 'jam dpal/ khyod de bzhin gshegs pa la 'du byed dang 'dra bar yongs su ma rtog cig/ dper na/ la la zhig phyug cing nor mang ba'i rigs su skye ba blangs la tshe thung bar 'gyur ba zhig ste/
34a1 de skar mkhan dag gis mthong nas khye'u 'di ni/ tshe thung ngo / /zhes bstan te/ de'i pha mas de skad thos na/ 'di ni/ bdag cag gi khyim du phan par 'gyur ba ma yin
34a2 no| |snyam nas grangs su'ang mi rtsi zhing de la byams par mi byed do/ /de ltar skyes pa'am/ bud med dam/ lha'am/ tshangs pa'ang rung ste/ gang tshe thung ba de la khyad du gsod par gyur na/ gal te
34a3 de bzhin gshegs pa chos 'ba' zhig la yang dag par gzhol ba nyid 'du byed du gyur du zin na/ 'jig rten thams cad kyis brnyas par 'gyur ro/ /chos thams cad kyi nang na ni/ phyir
34a4 ltung ba med cing zad pa med pa la thar pa zhes bshad na/ gal te de ltar gyur na don med par gyur gyi/ btsun pa 'jam dpal/ de bzhin gshegs pa 'du byed du gyur ces de skad du ma
34a5 gsung zhig /dper na/ bud med gzhon nu dbul mo/ /bkren ma/ mgon med pa/ nad kyis thebs pa/ bar ma dor sdug bsngal bar gyur pa/ sbrum pas nyen pa zhig mgon med pa khang pa
34a6 zhig tu song ba las bu mo de bu byung nas de na snga nas gnas pa gzhan dag gis de de'i nang nas bskrad de nyon mongs ma de bu btsas ma thag tu byis pa kha dmar khyer nas lo legs pa'i yul zhig tu
34a7 chas te song ba las lam du sha sbrang dang / sbrang bu dang / rlung dang / nyi tshan dang / sdig sbrul gyi gnod pas nyen par gyur to/ /gang+gA'i klung chen po rgal bar 'dod pa las de rgal bar ma nus so/ /
34b1 khye'u de khyer bzhin du gang+gA'i nang du shi nas de bu de la byams pa'i bsod nams kyi khyad par gyis lus dang bral te shi ba'i 'og tu tshangs pa'i 'jig rten du skyes te/ byams pa'i bsod nams kyi
34b2 khyad par ji lta bu zhig gis skyes sha na/ bdag ni/ shi'ang bla'i/ khye'u 'di nye zho med par thar par bya'o/ /snyam pa'i bsod nams kyi khyad par gyis skyes pa de bzhin du/ btsun pa 'jam
34b3 dpal| skyes bu dam pa dam pa'i chos dbyung bar 'dod pas/ de bzhin gshegs pa 'du byed du gyur par blta bar mi bya zhing / 'du shes kyang bsgyur bar mi bya'o/ /gal te de lta bu'i mig
34b4 lus la med na'ang bcom ldan 'das ni/ bsam gyis mi khyab bo/ /snyam du yang dag pa'i lta ba can du bya'o/ /sems can thams cad la phan pa'i gdams ngag ston pas ni/ de bzhin
34b5 gshegs pa 'dus ma byas pa yin no/ /zhes bstan par bya'o/ /dam pa'i chos 'byin par byed pas ni/ ji ltar bud med gzhon nu dbul mos gang+gA'i klung las bu bsgral ba'i phyir rang gi
34b6 srog dang bsdos te 'bad pa de bzhin du bya'o/ /dam pa'i chos dbyung ba'i thabs bya ba'i phyir de bzhin gshegs pa ni/ 'dus ma byas pa'o/ /snyam du sems bskyed par bya'o/ /de bzhin gshegs
34b7 pa 'dus ma byas par mthong na bdag nyid kyis don du bya ba'i thar pa'i don rtogs par 'gyur ro/ /btsun pa 'jam dpal/ dper na/ mi la la zhig lam du 'gro bas dub par gyur te khyim gyi nang du
35a1 nyal ba las de'i tshe khyim de thog thag nas me chen po 'bar te/ mi de mes 'tshig na/ da ni/ srog med zin to/ /snyam nas ngo tsha shes pa dang khrel yod pa dang ldan pas
35a2 bdag nyid gos kyis dam du dkris te sems dran pa dang ldan bzhin du shi nas de ngo tsha shes shing khrel yod par sems pa'i bsod nams kyi 'bras bus sum cu rtsa gsum pa'i rgyal srid de/ lan
35a3 brgyad cu byas/ tshangs pa'i rgyal srid ni/ lan 'bum byas/ mi'i 'jig rten du'ang 'khor los bsgyur ba'i rgyal srid lan du ma byas te ngan song rnams su'ang mi skye la lan mang du bde ba gcig
35a4 nas gcig tu brgyud pa 'ba' zhig thob pa de bzhin du/ 'jam dpal/ khyod skyes bu dam pa dag ltar 'dzem par gyis shig/ ngo tsha shes par gyis shig /de bzhin gshegs pa 'du byed
35a5 kyi thabs la 'jug pa spyod du ma gzhug cig /dge slong tshul khrims phun sum tshogs pa de bzhin gshegs pa 'dus ma byas pa la de bzhin gshegs pa 'dus byas yin no/ /zhes
35a6 zer bas ni/ mu stegs par gyur te shi'ang bla'o/ /de bzhin gshegs pa 'dus ma byas yin bzhin du de bzhin gshegs pa 'dus byas yin no/ /zhes zer pa gang yin pa de dag ni/
35a7 brdzun du smra ba yin no/ /de bzhin gshegs pa 'dus byas pa yin no/ /zhes zer ba rnams ni/ rang gi khyim dang 'dra bar sems can dmyal bar 'gro bar 'gyur ro/ /btsun pa 'jam
35b1 dpal| de bzhin gshegs pa la 'dus byas dang 'dra bar ma lta zhig /da phyin chad 'khor bar rgyu ba na mi shes pa la bzlas te bcom ldan 'das ni/ 'dus ma byas pa'o/ /snyam pa'i shes pa 'ba'
35b2 zhig rtogs par gyis shig/ de ltar byas pa dang sgom pa de'i 'bras bus khyod myur ba kho nar de bzhin gshegs pa bzhin du mtshan sum cu rtsa gnyis dang ldan par 'gyur ro/ /de nas 'jam dpal
35b3 gzhon nur gyur pas/ mgar ba'i bu skul byed la 'di skad ces smras so/ /legs so/ /legs so/ /tshe ring bar gyur cig /rigs kyi bus ni/ de ltar bya ba yin no/ /rigs kyi bu/ khyod kyis de bzhin
35b4 gshegs pa rtag pa dang / ther zug dang / 'dus ma byas pa dang / brtan par shes so/ /da ltar khyod kyis 'di kho na ltar 'dus byas khong brlag tu btang ba'i sgo nas shes pa las na/ khyod kyang ring po mi
35b5 thogs par de bzhin gshegs pa ji lta ba bzhin du 'gyur ro/ /sangs rgyas nyid kyis kyang de ltar 'u bu cag gnyis kyis khyad par du 'phags pa'i bsngags pa brjod do/ /zhes phyis bsngags par
35b6 'gyur ro/ /skul byed/ de bzhin gshegs pa'i bshos myur cig /sbyin pa thams cad kyi nang na ni/ smyur te sbyin pa mchog yin no/ /de la smyur te sbyin na zhes bya ba ni/ sbyin pa'i pha rol tu phyin pa
35b7 thams cad kyi sa bon las myu gu 'byung bar bya ba'i phyir gang gi tshe dge slong dam/ dge slong ma'am/ dge bsnyen nam/ dge bsnyen ma'ang rung ste/ don 'ga' zhig gi phyir lam du zhugs nas
36a1 dub par gyur pa de dag la ci yod pa dang / de'i rkyen du 'tsham pa dang / brtags pa'i sbyin pa byed pa de ni/ smyur te sbyin pa zhes bya'o/ /skul byed/ de bzhin du khyod kyis
36a2 ci yod pa las zhal zas kyi tha ma mang yang rung / nyung yang rung / /de bzhin gshegs pa dge slong gi dge 'dun dang bcas pa khyed par yod kyang rung / khyed par med kyang rung ste/ 'brim du chug
36a3 cig /bcom ldan 'das yongs su mya ngan las 'da' bar gshegs su nye'o/ /de nas skul byed kyis smras pa/ btsun pa 'jam dpal/ khyod kha zas la chags sam/ ci na zhal zas mang
36a4 yang rung / nyung yang rung / brims shig /ces bdag gi gzhen 'debs par byed/ bcom ldan 'das kyis lo drug gi bar du dka' ba spyod pa mdzad mdzad na/ ci da skad cig tsam yang gzhes
36a5 mi spyod dam/ de bzhin gshegs pa ni/ chos kyi sku yin te/ zhal zas kyi sku ma yin na/ ci bcom ldan 'das zhal zas gsol lam/ bcom ldan 'das kyis bka' stsal pa/ 'jam
36a6 dpal| skul byed kyis ji skad smras pa de ni/ de bzhin no/ /skul byed/ legs so/ /legs so/ /khyod ni/ theg pa chen po la shes rab che ba'o/ /khyod ni/ theg pa chen po la shed byed pa'o/ /
36a7 'jam dpal gyis kyang 'di skad ces smras so/ /gal te de ltar bzhed par gyur na/ de bzhin gshegs pa sku tshe ring bar shog cig /skul byed kyis smras pa/ ci bdag 'ba' zhig la
36b1 bcom ldan 'das mnyes sam/ 'on te sems can thams cad la'ang mnyes/ 'jam dpal gyis smras pa/ ci bcom ldan 'das lta khyod dang / bdag dang / sems can thams cad la'ang mi
36b2 mnyes sam/ skul byed kyis smras pa/ de skad ma zer cig /gang la mgu ba yod pa de la phyin ci log gi 'du shes yod de/ 'u bu cag ni/ de la spyod do/ /de bzhin gshegs pa la ni/ mnyes pa'am
36b3 dgyes pa med do/ /'di ltar de bzhin gshegs pa ni/ ba be'u la byams pa'i phyir rtswa zos shing zos shing grong nyid du 'ong ba de lta bu'i byams pa dang ldan pa ma yin gyi/ sems can thams cad
36b4 la'ang sgra gcan zin dang 'dra bar gzigs te/ sangs rgyas kyi shes rab kyi yul ni/ de lta bu yin no/ /btsun pa 'jam dpal/ dper na/ rta cang shes dang sbyar ba'i shing rta rgyug pa'i zla la bong
36b5 bu'i shing rta rgyug pa mi srid pa de bzhin du 'u bu cag bong bu'i shing rta dang 'dra ba dag gis de bzhin gshegs pa'i shes rab dang 'dra ba dang / dgongs pa'i tshig dang mnyam du 'gro bar nus re skan/
36b6 dper na/ nam mkha' lding dpag tshad du mar 'gro ba nam mkha' la gnas pas chu'i nang na nya dang rus sbal 'khod pa rnams me long gi ngos la rang gi gzugs brnyan snang ba bzhin du gsal
36b7 bar mthong yang byis pa rnams kyis ni/ mig mi gsal ba'i phyir de'i mig gi rtsal brjod par mi nus pa de bzhin du de bzhin gshegs pa'i yang de dang 'dra'o/ /'jam dpal gyis smras pa/ skul
37a1 byed| de ni/ de bzhin te/ bdag gis ni/ byang chub sems dpa' rnams kyi che ba nyid gleng ba'i phyir de skad du brgal bar zad do/ /de nas de'i tshe bcom ldan 'das kyi
37a2 zhal nas 'od zer rnam pa sna tshogs bkye nas de dag gi 'jam dpal gzhon nur gyur pa'i lus la phog go /de nas 'jam dpal gyis de rtogs nas mgar ba'i bu skul byed la smras pa/
37a3 skul byed/ de bzhin gshegs pa yongs su mya ngan las 'da' bar rings kyi/ dus su bcom ldan 'das la bshos 'brim du chug cig /ma thogs shig /rgyu med par bcom ldan 'das
37a4 kyi zhal nas 'od zer rnams 'byung bar mi 'gyur ro/ /de nas skul byed cang mi zer bar 'dug go/ /de nas bcom ldan 'das kyis skul byed la 'di skad ces bka' stsal to/ /skul byed/ nga
37a5 yongs su mya ngan las 'da' bar 'gror nges/ dge slong gi dge 'dun la dus su zas 'brim du chug cig /ces lan gnyis lan gsum du bka' stsal to/ /de nas skul byed kyis 'di skad
37a6 smras so| |kye ma bcom ldan 'das mi bzhugs na ni/ 'jig rten stongs par 'gyur ro/ /bdag cag thams cad kyis du zhing bcom ldan 'das la gsol ba gdab bo/ /de nas bcom ldan 'das
37a7 kyis skul byed la 'di skad ces bka' stsal to/ /skul byed/ ma du zhig /de ltar lus la rma ma 'byin cig/ mi'i lus la chu shing bzhin du snying po med par rtogs shig /smig rgyu ba dang / dbu ba
37b1 rdos pa dang / sgyu ma dang / rdza mkhan gyis byas pa'i snod dang / glog lta bur khong du chud par gyis shig /'dus byas ni/ nyes pa grangs med pa'i 'byung gnas yin no/ /snyam du shes par gyis shig /
37b2 'dus byas kyi rang bzhin la ltos shig /de nas bcom ldan 'das la skul byed kyis 'di skad ces gsol to/ /bcom ldan 'das/ bdag dang sems can thams cad la thugs brtse ba'i slad du de
37b3 bzhin gshegs pa yun ring du bzhugs su mi gnang na/ bdag ci'i slad du mi ngu lags/ 'jig rten stongs kyi/ ma mchis so/ /de nas bcom ldan 'das kyis sku la byed la 'di skad ces
37b4 bka' stsal to/ /nga ni/ khyod la snying brtse ba dang / sems can thams cad la snying brtse ba'i phyir yongs su mya ngan las 'da' bar byed de/ 'di ni/ sangs rgyas rnams kyi chos nyid dang / 'dus
37b5 byas kyi chos nyid do/ /'du byed thams cad mi rtag go /zhes bya ba'i tshigs su bcad pa khong du chud par gyis shig /chos thams cad ni/ 'du byed dang 'dres pa'i phyir sdug bsngal ba'o/ /snyam du
37b6 rtogs shig /chos thams cad ni/ bdag med pa'o/ /snyam du dpyod cig /mi brtan pa/ brnyan pa/ phyin ci log pa'o/ /snyam du soms shig /lus 'di ni/ nyes dmigs mtha' yas pa dang
37b7 ldan pa'o/ /snyam du shes par gyis shig /'di ni/ dbu ba dang 'dra bar ltos la ma ngu zhig /yi ma chad cig /de nas bcom ldan 'das la skul byed kyis 'di skad ces gsol to/ /bcom ldan
38a1 'das| de ni/ de bzhin du 'jal lags nas/ ha cang sdug bsngal chen po mi bzod lags so/ /bcom ldan 'das thabs kyis yongs su mya ngan las 'da' bar
38a2 mdzad pa la ni/ bdag glo ba rangs lags so/ /bcom ldan 'das kyis bka' stsal pa/ skul byed/ legs so/ /legs so/ /rigs kyi bus ni/ nga'i mya ngan las 'das pa thabs de
38a3 ltar blta bar bya'o/ /skul byed/ sangs rgyas gshegs pa ni/ bya bzhad gzas la 'gro ba lta bur shes par gyis shig /skul byed/ tshe ring ba dang / tshe ring ba ma yin pa'i rtags shes par
38a4 gyis shig /skul byed/ chos thams cad ni/ sgyu ma'i chos can no/ /de bzhin gshegs pa ni/ chos thams cad la thabs kyi chos can yin la/ de rnams kyis kyang gos par mi
38a5 'gyur ba de ni/ sangs rgyas bcom ldan 'das rnams kyi rang bzhin no/ /skul byed/ khyod srid pa'i rgya mtsho las nges par brgal bar bya ba ni phyir zhal zas smyur te 'on cig /lha dang / lha
38a6 ma yin dang / mi rnams kyis kyang nga la rang rang gi mchod pa byas nas mi g.yo ba'i bde ba thob par gyur cig /khyod kyis kyang snod du gyur pa la dus su sbyin pa gyis shig /ma thogs shig/
38a7 snod du gyur pa dang / nga dang / de bzhin gshegs pa zhes bya ba ni/ don tha dad pa ma yin no/ /de nas skul byed kyis sems can thams cad nges par bsgral ba'i phyir mgo smad de mchi ma
38b1 blags nas gsol pa/ legs lags so/ /legs lags so/ /bcom ldan 'das kyis ji skad bka' stsal pa de bzhin du bdag gis bgyi'o/ /de bzhin gshegs pa yongs su mya ngan
38b2 las 'das pa'i 'og tu ji ltar blta ba de ni/ bdag cag sbrang bu dang 'dra ba rnams kyi yul yang ma lags/ nyan thos dang rang sangs rgyas kyi yul yang ma lags so/ /zhes gsol to/ /de nas
38b3 mya ngan byed cing du bzhin du g.yog 'khor dang bcas pas bcom ldan 'das la bskor ba byas te mchod pa chen po'i las byas nas bcom ldan 'das dang / 'jam dpal gzhon nur gyur pa
38b4 la phyag btsal te zhal zas len du song ngo / /'phags pa yongs su mya ngan las 'das pa theg pa chen po'i mdo/ bam po gsum pa/ de nas de'i tshe sa chen po g.yos/ rab tu g.yos/
38b5 'gul| rab tu 'bul/ 'khrugs/ rab tu 'khrugs/ 'khor/ rab tu 'khor/ 'ur 'ur/ rab tu 'ur 'ur/ shig shig/ rab tu shig shig /mer mer/ rab tu mer mer/ ldem ldem/
38b6 rab tu ldem ldem mo/ /de la sogs pa byas te mi mkhris pa'i nad kyis brgyal ba'i gnod pas thebs pa bzhin du sa chen po 'di rgya mtsho dug can pa'i mthas gtugs pa tshangs pa'i 'jig rten man
38b7 chad thog thag tu rab tu g.yos so/ /de nas lha dang / lha ma yin dang / mi de dag thams cad mgo rmongs te 'jigs shing skyi bung zhes byas nas du bzhin du chig mthun par tshigs su bcad
39a1 pa 'di dag gsol to/ /mgon po khyod la bdag cag rnams/ /mgo bos phyag 'tshal gsol ba 'debs/ /rgyal ba khyu mchog khyod dang ni/ /bral na bdag
39a2 cag mgon med 'gyur/ /deng khyod mya ngan 'da' 'gyur 'di bsam na/ /bdag cag sdug bsngal shin tu gting zab bying / /thub pa bdag cag snying ni stor bar gyur/ /ba gzhon rkun
39a3 khyer be'u la chags pa bzhin/ /mgon med dbul po'i mi ni la la zhig /nad kyis thabs la sman pa med pa dang / /rang dgar byed cing kha zas gnod pa rnams/ /za ba ji ltar 'chi
39a4 bar 'gyur ba bzhin/ /skye bo 'di dag nyon mongs nad kyis thabs/ /khyod med khyod kyi chos kyi gsos med pas/ /lta ba'i nyes pa bye 'drar 'chi bar 'gyur/ /de bas phan phyir
39a5 'jig rten ma dor cig /ji ltar grong khyer rgyal dang bral ba dang / /dbul po rnams la mu ge byung ba dang / /ji ltar dgon par skom gyis gdungs pa bzhin/ /khyod 'das 'og tu
39a6 bdag cag de 'drar 'gyur/ /sems can gces khyod mya ngan 'da' bzhed pas/ /sa gzhi rab tu g.yos shing phyogs kyang tshol/ /rgya mtsho chen po dag kyang rnam par 'khrugs/ /bdag
39a7 cag kun kyang sdug cing bsngal bar gyur/ /drang srong chen po deng khyod mya ngan las/ /'das na nyi ma'ang sa la stung yang dag /rgya mtsho chen po dag kyang skam par 'gyur/ /bdag cag kun
39b1 kyang deng du 'gum lags grang / /ji ltar stobs ldan mis ni sgo gseb nas/ /glang chen khyer te nang du 'dzul bgyid na/ /shin tu nyon mongs 'gyur ba de bzhin du/ /bdag cag thams cad rab
39b2 tu nyon mongs gyur/ /ji ltar bu gcig 'gum par mi 'tshal zhing / /mya ngan khyod 'da' bdag cag de mi 'tshal/ /gal te khyod ni mya ngan 'da' ba las/ /mi gzhes bdag cag thams
39b3 cad phongs par 'gyur/ /khyod ni mya ngan 'das lam gshegs mthong bas/ /dud 'gro mang po'ang g.yar ngan cher bgyid na/ /bdag cag ji ltar g.yar ngan mi 'tshal lags/ /bdag
39b4 cag mchil ma bzhin du ma dor cig /nyi ma 'char kar rang gi 'od gsal bas/ /mun nag rnam par bcom pa de bzhin du/ /'phrul can khyod kyis sdug bsngal mun bsal te/ /dge 'dun
39b5 dbus su ri rab bzhin du bzhugs/ /bcom ldan 'das/ dper gsol na/ rgyal po la la zhig gi bu sdug cing phangs pa zhig mchis la/ des de chos lugs kyi bstan bcos bslab nas
39b6 'di sod cig /ces bka' stsal pa de bzhin du bdag cag bcom ldan 'das dam pa'i chos kyi 'khor los bsgyur ba'i sras rnams kyang yang dag pa'i lta ba bskyed nas bkum gyis ma mchis na/
39b7 bcom ldan 'das/ rgyal po'i bu ji lta ba de bzhin du bdag cag mi 'gum par bcom ldan 'das de'i slad du yun ring du bzhugs su gsol/ /ji ltar la la zhig gzhung gis rtsod pa'i
40a1 bstan bcos la brten pa na skrag par 'gyur ba de bzhin du khyod kyis skrag par ma mdzad cig /de kho na nyid mkhyen bzhin du bdag cag sems can dmyal bar
40a2 mchi bar ma mdzad cig /dam pa'i chos kyi bdud rtsi'i bcud kyis tshim par mdzad cing de bzhin gshegs pa yun ring du bzhugs su gsol/ /ji ltar rgyal po'i btson rar gnod pa'i las
40a3 rnams kyis dang po nyon mongs pa la la la zhig gis khyod kyis na tsha ji lta bu zhig myong zhes smras na/ des de la smras pa/ de ni/ de bzhin te/ gang gi tshe bdag sdug bsngal gyi tshor ba las
40a4 thar par 'gyur ba de'i tshe mya ngan las 'das pa yin te/ bde ba nyams su myong bar 'gyur ro/ /zhes mchi ba de bzhin du bdag cag thams cad kyang khyod bzhugs nas/ rgyal po'i btson ra
40a5 nas thar pa bzhin du mya ngan las 'das pa lags na/ de'i slad du de bzhin gshegs pa yun ring du bzhugs su gsol/ /bcom ldan 'das/ dper gsol na/ sman pa tshe'i rig
40a6 byed yan lag brgyad la mkhas pas bdag gi bu la ni/ rgyud phyi ma slob par bgyis kyi/ slob ma la ni/ bdag dang mnyam par 'gyur du dogs nas slob par mi bgyid pa de bzhin du chos
40a7 kyi rgyal po sman pa chen po ser sna mi mnga' ba khyod kyis theg pa chen po'i rgyud phyi ma la de ltar mi mdzad par bcom ldan 'das yun ring du bzhugs su gsol/ /de bzhin du shing rta la
40b1 shing rta'i rig byed la mkhas pas bdag gi bu la ni/ /rgyud phyi ma sgra grags par phog pa'i dpyad thams cad slob par bgyid kyi/ slob ma la ni/ slob par mi bgyid pa dang / rig pa'i gnas
40b2 gzhan dag la'ang de bzhin du sbyar ro/ /bcom ldan 'das/ dper gsol na/ byis pa'am/ rgan po'am/ nad pa la la zhig lam bzang po las gol te lam ngan par mchis na/ shin tu
40b3 sdug bsngal bar 'gyur ba de bzhin du/ bcom ldan 'das/ sems can lam ngan par mchis pa rnams lus dang bral ba'i 'og tu sems can dmyal ba rnams su sdug bsngal myang bar
40b4 'gyur lags na/ bcom ldan 'das lam ston pa yun ring du bzhugs so/ /ya mtshan can dgu bcu rtsa drug dang / tshigs su bcad pa bzhi bcu rtsa lnga la'ang de bzhin du rgyas par
40b5 sbyar ro| |de nas de'i tshe bcom ldan 'das kyis dge slong rnams la bka' stsal pa/ dge slong / khyed lha dang mi rnams ltar byis pa'i smre sngags 'don pa dag ma byed par brtson 'grus rtsoms shig/
40b6 de nas lha dang lha ma yin dang mi rnams kyis bcom ldan 'das kyi gsung blo gros dang ldan pa dang / de kho na nyid du 'gro ba thos nas ji ltar bu gcig pa shi nas dur khrod du bor ba bzhin du de dag sdug
40b7 bsngal bar gyur to/ /de nas bcom ldan 'das kyis de dag la tshigs su bcad de bka' stsal pa/ khyed rnams nges par bder gyur cig /mya ngan ma byed ma du zhig /'di ni sangs rgyas rnams kyi
41a1 chos| |thams cad mi smra 'khod par gyis/ /bag med par ni ma gnas par/ /bag yod pa la dga' bar gyis/ /khyed stong pa dang stong pa ma yin pa'am/ rtag pa dang
41a2 mi rtag pa'am/ skyabs dang skyabs ma yin pa'am/ 'gro ba dang mi 'gro ba'am/ rten dang rten ma yin pa'am/ ther zug dang ther zug ma yin pa'am/ brtan pa dang brtan pa ma yin pa'am/
41a3 sems can dang sems can med pa'am/ yang dag pa dang yang dag pa ma yin pa'am/ bden pa dang bden pa ma yin pa'am/ mya ngan las 'das pa dang mya ngan las 'das pa ma yin pa'am/
41a4 gsang ba dang gsang ba ma yin pa'am/ gnyis dang gnyis su med pa'am/ de bzhin du chos rnam pa du ma dag la som nyi'am/ yid gnyis sam/ the tshom za ba ci dang ci yod pa de dang / de dag
41a5 nga la zhus shig dang thams cad gcad par bya'o/ /bdud rtsi'i mchog kyang khyed la bstan par bya ste/ de'i 'og tu yongs su mya ngan las 'da' bar bya'o/ /dge slong dag/ sangs rgyas 'byung ba
41a6 rnyed par dka'o/ /mi'i lus thob pa rnyed par dka'o/ /dad pa phun sum tshogs pa rnyed par dka'o/ /bzod pa dang tshul khrims phun sum tshogs pa ma zhig ma ral pa'ang shin tu rnyed par
41a7 dka'o| |'jig rten na dgra bcom pa thob pa ni/ gser gyi phye ma dang / u dum wa ra'i me tog bzhin du rnyed par dka'o/ /dge slong dag /'di lta ste/ sa ni/ thams cad kyi sgo nas sems
41b1 can thams cad kyi 'tsho ba yin te/ de bzhin du nga'i chos bstan pa rnam pa sna tshogs gsang ba thar pa'i grong khyer gyi bdud rtsi'i zas kyang de dang 'dra bar blta bar bya'o/ /sems can thams cad dang nga'i
41b2 sras dge slong thams cad la dam pa'i chos mang po brtan por bzhag go /gzhan yang sems can thams cad la phan pa'i phyir de bzhin gshegs pa'i yon tan che ba nyid bsgrags te/ yi ge 'bru
41b3 gcig pa'i thig le'i gtam yang bzhag nas yongs su mya ngan las 'da' bar bya'o/ /de nas dge slong de dag gis de bzhin gshegs pa yongs su mya ngan las 'da'o/ /zhes thos nas mi dga'
41b4 gyur te| skyi bung zhes byas nas mig mchi mas gang bzhin du bcom ldan 'das kyi zhabs la mgo bos phyag 'tshal te bcom ldan 'das la lan mang du bskor ba byas nas bcom ldan 'das la
41b5 'di skad ces gsol to/ /bcom ldan 'das kyis sdug bsngal ba dang / mi rtag pa dang / bdag med pa dang / rjes thams cad kyi nang na glang po che'i rjes ches mchog yin par bstan to/ /zhes
41b6 gsungs te/ de ltar mi rtag pa'i 'du shes bsten cing bsgoms te mang du bgyis pas 'dod pa'i 'dod chags thams cad zad par 'gyur/ gzugs kyi 'dod chags thams cad zad par
41b7 'gyur| gzugs med pa'i 'dod chags thams cad zad par 'gyur/ ma rig pa thams cad zad par 'gyur/ lhag pa'i nga rgyal thams cad ma lus pa yang dag par chad par 'gyur ba lags so/ /
42a1 bcom ldan 'das/ dper gsol na/ ston gyi dus su zhing pas rmos cher btab ste rtsa ba 'dzings pa thams cad sel bar bgyid pa de bzhin du/ bcom ldan 'das
42a2 mi rtag pa'i 'du shes bsten cing bsgoms te mang du bgyis pas 'dod pa'i 'dod chags thams cad zad par 'gyur/ gzugs kyi 'dod chags thams cad zad par 'gyur/ gzugs
42a3 med pa'i 'dod chags thams cad zad par 'gyur/ ma rig pa thams cad zad par 'gyur/ lhag pa'i nga rgyal thams cad ma lus par yang dag par zad par 'gyur ro/ /zhing slas thams
42a4 cad kyi nang na ni/ ston gyi zhing slas mchog tu bstan to/ /zhes bya ba la sogs pa glang po che'i rjes lta bu'i mdo las 'byung ba bzhin du rgyas par sbyar ro/ /bcom ldan 'das/ dper
42a5 gsol na/ rgyal po 'chi ba'i tshe ba dag gi btson ra bsal te/ sems can rnams btson ra'i gnod pas snyon smongs pa las thar par bgyis nas de'i 'og tu 'chi bar bgyid pa de
42a6 bzhin du/ bcom ldan 'das/ khyod kyis kyang sems can mi shes pa rnam pa sna tshogs kyi btson rar brubs pa rnams kyi mi shes pa'i 'ching ba rnams bcad nas de'i 'og tu yongs su
42a7 mya ngan las 'da' bar gshegs su gsol/ bcom ldan 'das/ gzhan yang dper gsol na/ sems can 'byung po dang / sha za'i gdon gyis brlams pa las
42b1 sman pa chen po dang phrad na 'byung po dang / sha za'i gdon rnams kyis thebs pa thams cad las thar par 'gyur ba de bzhin du khyod dang mjal na/ nyan thos kyi tshogs thams cad mi
42b2 shes pa rnam pa sna tshogs kyi 'byung po dang / sha za'i gdon rnams las yongs su thar par 'gyur la/ shes rab kyi pha rol tu phyin pa nyid khong du chud par bgyid lags so/ /
42b3 bcom ldan 'das/ dper gsol na/ glang po che'i 'dul sbyong gi mkhan pos spos kyi glang po che zhags pa chen pos bcings pa las glang po che'i zhags pa de bcad de bros pa de
42b4 bzhin du/ bcom ldan 'das/ bdag cag kyang bdag tu 'dzin pa dang / bdag gir 'dzin pa dang / phrag dog dang / dang na 'then dang / ser sna dang / g.yo'i zhags pa chen po bcad
42b5 nas glang po che'i 'dul sbyong gi mkhan po de bzhin gshegs pa'i lag tu 'ongs na sems can thams cad las nyon mongs pa'i glang po lnga bcu rtsa bdun yongs su bsal bar bgyi'o/ /
42b6 bcom ldan 'das/ dper gsol na/ grang ba'i rims kyis thebs pa sman pa chen po'i thad du mchis na/ sdug bsngal las thar par 'gyur ba de bzhin du/ bcom ldan 'das/ bdag
42b7 cag kyang nyon mongs pa dang / log par lta ba dang / log pa'i 'tsho ba'i nyes dmigs mtha' yas pa'i grang ba'i rims nad can gyi lus dang ldan pa las sman pa chen po bcom ldan
43a1 'das kyi thad du mchis nas sdug bsngal thams cad las rnam par thar par gyur te mi g.yo ba'i bde ba'ang thob lags so/ /bcom ldan 'das/ gzhan yang
43a2 dper gsol na/ mi zhig gis 'bras skyems 'tshal te ra ro bar gyur nas bdag nyid kyis kyang bdag nyid ma 'tshal te/ chos kyang ma 'tshal/ chos ma lags pa'ang ma 'tshal/
43a3 'di ni| bdag gi ma'o/ /'di ni/ bdag gi sring mo'o/ /'di ni/ bdag gi bu mo'o/ /snyam du'ang ma 'tshal la/ smad cing bla ste/ phyi sa dang gcin gyis rang gi lus kun bsgos shing
43a4 mchis pa las de'i 'og tu bdag nyid sangs te gzhi ci las gyur pa la mkhas par gyur nas chang ni/ cir yang mi rung ngo / /snyam du sems te/ bdag ni/ sdig pa thams cad
43a5 las thar to/ /snyam nas chang btung ba cir yang mi rung bar shas cher bsgoms te spong bar bgyid pa de bzhin du/ bcom ldan 'das/ 'tsho ba'i 'jig rten 'di ni/ zlos gar
43a6 mkhan bzhin du thog ma ma mchis pa nas 'khor ba na 'khor zhing yongs su 'khyams pa na/ 'di ni/ bdag gi ma'o/ /'di ni/ bdag gi sring mo'o/ /'di ni/ bdag gi bu mo'o/ /snyam du
43a7 ma 'tshal nas ma dang / sring mo dang / bu mo rnams dang lhan cig tu 'dod pa'i 'du shes spyod par bgyid de/ 'bras skyems kyis ra ro bar gyur pa de bzhin du sdug bsngal rnyed par gyur
43b1 la| de nas ngo tsha shes pa'i mi de dag 'bras skyems kyis ra ro ba las sangs pa bzhin cir yang mi rung bar shas cher bsgoms nas sdug bsngal las yang dag par 'da' bar 'gyur lags
43b2 so| |gzhan yang e raN+Da la ni/ snying po mchis mi srid pa de bzhin du lus 'di la'ang bdag dang / sems can dang / srog dang / gang zag dang / shed las skyes pa dang / shed bu dang /
43b3 byed pa po mchis mi srid de/ de lta bur bdag cag gis bdag ma mchis pa'i 'du shes bsgoms te mang du bgyis lags so/ /dper gsol na/ phub ma skon pa bye ba snyed bor ba ni/ cir
43b4 yang mi gces pa de bzhin du lus 'di la'ang bdag ma mchis so/ /dper gsol na/ kha sral gyi me tog la dri bda' ba ma mchis pa de bzhin du lus 'di la'ang bdag ma mchis te/ de ltar
43b5 bdag cag gis bdag ma mchis pa'i 'du shes bsgoms te mang du bgyis lags so/ /bcom ldan 'das kyis kyang dge slong dag /chos thams cad ni/ bdag med pa ste/ de ltar sgoms
43b6 shig dang / de ltar bsgoms pa rnams kyis bdag tu 'dzin pa spang par 'gyur ro/ /bdag tu 'dzin pa yongs su spangs na/ mya ngan las 'das pa thob par 'gyur ro/ /zhes bka' stsal te/
43b7 bcom ldan 'das/ de ltar chos thams cad bdag ma mchis pa'i slad du bdag ma mchis pa'i 'du shes bsgoms te mang du bgyis lags so/ /gzhan yang ji ltar nam mkha' la bya'i rjes
44a1 gda' ba ni/ mi srid pa de bzhin du bdag ma mchis pa'i 'du shes bsgoms na/ lta ba'i rnam pa thams cad dang bral bar 'gyur lags so/ /bcom ldan 'das kyis
44a2 bka' stsal pa/ bsgom pa de ltar sgom pa khyed kyis shes sam/ dge slong rnams kyis gsol pa/ bcom ldan 'das/ sdug bsngal dang / mi rtag pa dang / bdag med pa'i 'du shes de
44a3 ma lags pa bsgoms na ni/ ji ltar mi ra ro zhing 'khyams pas lha khang dang / spo dang / sa gzhi dang / nyi ma dang / zla ba dang / shing dang / ri rnams mi 'khor bzhin du 'khor bar
44a4 mthong ba de bzhin du gang dag gis sdug bsngal dang / mi rtag pa dang / bdag med pa'i 'du shes ma bsgoms pa'i sems can 'jig rten pa de dag ni/ ra ro ba dang 'dra bar blta bar bgyi'o/
44a5 bcom ldan 'das/ bdag cag gis ni/ yang dag par bsgoms lags so/ /bcom ldan 'das kyis bka' stsal pa/ dge slong dag/ /da ni/ dpe 'di'i don de ngas bshad par bya'o/ /khyed
44a6 kyis tshigs su bcad pa'i don 'di la don ni/ 'di'o/ /yi ge ni/ 'di'o/ /zhes gsal bar mi shes te/ ji ltar mi ra ro bas lha khang dang / spo dang / sa gzhi dang / nyi ma dang / zla ba dang /
44a7 shing dang / ri rnams mi 'khor bzhin du 'khor bar mthong ba de bzhin du 'du shes phyin ci log du mas zin cing kun tu rmongs pa rnams bdag go /snyam pa dang / rtag go/ snyam pa dang /
44b1 bde'o/ /snyam pa dang / sdug go /snyam pa'i 'du shes kun tu spyod do/ /de la bdag ces bya ba ni/ sangs rgyas zhes bya ba'i don to/ /rtag ces bya ba ni/ chos kyi sku zhes bya ba'i don to/ /bde zhes bya ba ni/
44b2 mya ngan las 'das pa zhes bya ba'i don to/ /sdug ces bya ba ni/ chos kyi tshig bla dwags so/ /dge slong dag /khyed kyis bcom ldan 'das/ bdag cag gis ni/ sdug bsngal dang / mi rtag pa dang /
44b3 bdag med pa'i 'du shes bsgoms lags so/ /zhes rgyags pa dang / nga rgyal gyis dregs par ma byed cig /de ltar rnam pa gsum bsgoms par gyur na ni/ nga'i bstan pa la khyed kyis
44b4 sgom pa rnam pa gsum bsgoms pa de sgom pa don med par 'gyur ro/ /sdug bsngal shes par bya ba sgom pa rnam pa gsum po ni/ khyad par dang / khyad par gyi'ang khyad par ro/ /sdug bsngal
44b5 la bde'o/ /snyam du 'du shes pa ni/ phyin ci log pa'o/ /bde ba la sdug bsngal lo/ /snyam du 'du shes pa ni/ phyin ci log pa'o/ /mi rtag pa la rtag go/ /snyam du 'du shes pa ni/ phyin ci log
44b6 pa'o| |rtag pa la mi rtag go /snyam du 'du shes pa ni/ phyin ci log pa'o/ /bdag med pa la bdag tu 'du shes pa ni/ phyin ci log pa'o/ /bdag yod pa la bdag med par 'du shes pa ni/ phyin
44b7 ci log pa'o/ /mi sdug pa la sdug go/ /snyam du 'du shes pa ni/ phyin ci log pa'o/ /sdug pa la mi sdug go/ /snyam du 'du shes pa ni/ phyin ci log pa ste/ phyin ci log bzhi po 'di dag yang dag
45a1 par ma shes par khyed kyis bsgom par bya ba bsgoms te mang du byas so/ /khyed kyis bde ba la sdug bsngal bar bsgoms so/ /rtag pa la mi rtag pa dang / bdag
45a2 yod pa la bdag med pa dang / sdug pa la mi sdug par bsgoms so/ /'jig rten pa rnams la'ang bde ba dang / bdag dang / rtag pa dang / sdug pa rnams yod do/ /'jig rten las 'das pa
45a3 rnams la'ang bde ba dang / bdag dang / rtag pa dang / sdug pa rnams yod de/ 'di la phan tshun mi mthun pa yod do/ /yi ge zhes bya ba ni/ 'jig rten pa zhes bya ba'i tha tshig go/ /don ces bya
45a4 ba ni| 'jig rten las 'das pa'i ye shes so/ /de nas bcom ldan 'das la dge slong rnams kyis 'di skad ces gsol to/ /bcom ldan 'das/ 'du shes bzhi la sogs pa phyin ci log
45a5 de bzhin gshegs pas lus su bzhag pa rnams ni/ bdag cag gis yun ring mo zhig nas mthong yang mthong / bsgoms kyang bsgoms lags na/ da ji ltar 'tshal ba bka' stsal du
45a6 gsol| de bzhin gshegs pa bskal pa'am/ bskal pa las lhag par yang bzhugs su gsol/ de bzhin gshegs pas ci dang ci skad du bka' stsal pa de dag de dag de bzhin
45a7 du bdag cag gis bgyi bar 'tshal lo/ /gal te de bzhin gshegs pa bzhugs su mi gnang na/ bdag cag kyang sbrul gdug pa dang khyim gcig gi nang du lhan cig mchis pa mi 'tshal te/
45b1 de bzhin gshegs pa mi bzhugs na/ tshangs par spyod cing mchis pa'i rngo mi thogs kyi/ khyod nyid kyi slad bzhin du bdag cag kyang yongs su mya ngan las 'da' bar 'tshal lo/ /de nas bcom
45b2 ldan 'das kyi dge slong de dag la 'di skad ces bka' stsal to/ /dge slong dag /khyed de skad ma zer cig /dge slong dag /ngas 'od srung gi lag tu bstan pa gtad par bya ste/ 'di ni/ de bzhin
45b3 gshegs pa dang 'dra bar dge slong rnams kyi rten lta bar 'gyur ro/ /dge slong rnams dang sems can rnams kyi skyabs lta bur 'gyur ro/ /dper na/ rgyal po grong khyer mang po'i mnga' bdag
45b4 grong khyer zhig tu song ste/ khyim bdag cig rgyal por dbang bskur ba de bzhin du 'jig rten gyi khams 'dir ngas 'od srung chen po la dbang bskur ro/ /dge slong dag /khyed kyis sdug bsngal dang / mi
45b5 rtag pa dang / bdag med pa dang / mi sdug pa'i 'du shes ji ltar bsgom zhe na/ dge slong dag /dper na/ so ka'i dus la bab pa na skye bo rnams kyis nags tshal gyi nang du chu bskyil te rang rang gi
45b6 rkyal ba'i yo byad thogs nas chu'i nang du rtse bar byed la/ chu de'i nang du gcig gis nor bu rin po che baiDUR+ya rigs dang ldan pa zhig bzhag nas baiDUR+ya de 'dod pa'i phyir de dag thams cad kyis rkyal pa
45b7 rnams bor te/ chu de'i nang du 'dzul nas de'i nang na gyo mo'am gseg ma ci yod pa dag la nor bu yin snyam ste blangs nas nor bu bdag gis rnyed do/ /bdag gis rnyed do/ /zhes zer zhing so so nas
46a1 steng du byung ste/ rdzing gi 'gram du 'khod nas 'di ni/ nor bu ma yin no/ /snyam pa'i 'du shes skyes par gyur la/ rdzing bu de'i chu'ang nor bu'i 'od kyis zla ba'i
46a2 'od bzhin du mdzes par 'dug ste/ de dag gis mdzes pa de mthong nas e ma nor bu snyam du yon tan gyi 'du shes skye bar 'gyur te/ de dag gi nang nas thabs la mkhas shing yid rno
46a3 ba zhig gis nor bu de yang dag par rnyed pa de bzhin du/ dge slong dag /khyed kyis thams cad sdug bsngal ba'o/ /thams cad bdag med pa'o/ /thams cad mi rtag pa'o/ /thams cad mi sdug pa'o/ /
46a4 zhes thams cad kyi mu bzung nas bsgoms shing mang du byas pa gang yin pa de dag thams cad rdzing gi nang gi gyo mo dang / gseg ma bzhin du nor zhing don med par gyur ta re/ skyes bu thabs
46a5 la mkhas pa bzhin du gyis shig /khyed kyis thams cad kyi mu bzung nas gang dang gang bsgoms pa de dang de nyid la bde ba dang / bdag dang / rtag pa dang / sdug pa yod de/ rnam pa bzhi po
46a6 de dag ni/ phyin ci ma log pa zhes brjod par bya'o/ /de bas na/ nor bu dang 'dra bar chos kyi de kho na nyid rtag pa'i 'du shes sgoms shig /de nas bcom ldan 'das la dge slong rnams
46a7 kyis 'di skad ces gsol to/ /bcom ldan 'das kyis dge slong dag /chos thams cad ni/ bdag med pa ste/ de ltar sgoms shig dang / de ltar sgom pa rnams kyis ni/ bdag tu 'dzin
46b1 pa spong bar 'gyur ro/ /bdag tu 'dzin pa spangs na/ mya ngan las 'das pa thob par 'gyur ro/ /zhes bka' stsal lags na/ bka' stsal pa de'i don ji lta bu lags/ bcom ldan 'das/ de
46b2 bzhin gshegs pas de'i rnam par dbye ba bka' stsal du gsol/ bcom ldan 'das kyis dge slong de dag la bka' stsal pa/ dge slong dag /legs so/ /legs so/ /dge slong dag/
46b3 bdag gi the tshom nges par gcad par 'dod pas ni/ de skad ces dri dgos te/ legs so/ /dge slong dag /dper na/ grong khyer 'ga' zhig na rgyal po shes rab 'chal ba zhig rgyal po byed de/
46b4 rgyal po de la sman pa ngan pa zhig bdog la/ de'ang sman pa 'chal ba zhig ste/ bla nas dbang thang cher dbang la rgyal pos kyang bkur ba zhig yod pa des 'o ma 'ba' zhig sman yin par 'dzin la/ nad
46b5 kyi gzhi ni/ mi shes nas 'o ma'i dpyad log par zin pa de skye ba thams cad kyi rlung nad kyi sna grangs rnams la'ang gtong bar byed/ mkhris pa'i nad rnams dang / bad kan gyi nad rnams la yang gtong
46b6 bar byed de/ de de ltar byed kyang sman pa gces pa kho nar 'gyur la rgyal po de'ang 'chal ba'i bye brag mi phyed pa zhig go/ /de nas sman pa tshe'i rig byed yan lag brgyad la mkhas pa/ rgyud phyi ma shes pa
46b7 gzhan zhig yul gzhan nas gsar du 'ongs nas sman pa de'i thad du rten bcas te smras pa/ khyod kyi ming thos nas slob par 'tshal ba'i slad du bdag mchis kyi/ khyod kyis bdag gi mkhan po
47a1 mdzad du gsol/ /de nas sman pa 'chal ba des de skad ces thos nas sman pa gsar du 'ongs pa de la smras pa/ lo bzhi bcu rtsa brgyad kyi bar du nga la legs par
47a2 bsgrims te dka' ba spyad pas rim gro gyis la de'i 'og tu slobs shig dang khyod sman par 'gyur ro/ /de nas des de bzhin du mnyan te/ de ltar bgyi'o/ /zhes byas nas des mthar gyis
47a3 sman pa 'chal ba de mgu bar byas te rgyal po'i pho brang du song nas rgyal po de la 'di skad ces gsol to/ /rgyal po chen po/ khyed kyis rtag tu bstan bcos thams cad la brtson par mdzod
47a4 cig dang / de ltar mdzad na/ rgyal por 'os par 'gyur ro/ /rgyal pos kyang de ni/ bden te/ rnar 'ong ngo / /zhes byas nas rgyal po des sman pa 'chal ba de dang sman pa gcig shos kyi bye brag
47a5 phyed par gyur nas sman pa ngan pa de yul phyogs nas bskrad de sman pa bzang po gcig shos bkur bar gyur la/ de nas sman pa des da ni/ dus la bab bo/ /snyam nas rgyal po la 'di skad cas
47a6 gsol to/ /rgyal po chen po/ gal te bdag la mnyes par gyur na/ gsol ba sna gcig gsol gyi/ gal te rgyal po chen po'ang dgyes pa lta na/ gnang bar mdzad du gsol/ rgyal pos sman
47a7 pa la bka' stsal pa/ nga'i lag pa g.yas pa man chad nor re cog las gsol cig /sman pas rgyal po la gsol pa/ rgyal po chen po'i sman pa 'chal ba de'i 'o ma'i dpyad gang lags pa de ni/
47b1 dug ha la ha la lags na/ des glo bar ma chud kyi/ rgyal po khyod kyi yul khams thams cad du bkas btags la sngon gyi sman pa de'i 'o ma'i dpyad gang yin pa de ni/ dug ha la ha la yin gyi/
47b2 su sman du 'o ma 'thung ba de mgo bo gcad do/ /zhes bka' gdags par gsol/ /de ltar ma bgyis na/ sems can rnams dus ma yin pa'i 'chi bas 'chi bar 'gyur ro/ /bdag ni/ 'tsho
47b3 bar 'gyur pa dang / nad ma mchis par 'gyur bar 'tshal te/ lha/ bdag ni/ gsol ba de 'tshal lags so/ /de nas rgyal pos sman pa de la bka' stsal pa/ de lta na/ gsol ba chung ngu zhig
47b4 gsol te bka' gdags par bya'o/ /zhes byas nas bka' yang btags so/ /de nas bka' btags pa bzhin du thams cad du lugs su chud par gyur to/ /de nas sman pa des rgyal po de la'ang
47b5 'di skad ces gsol to/ /da dung yang lan gnyis lan gsum gyi bar du de bzhin du bka' gdags par gsol zhes byas nas sman pa de ro mngar ba dang / skyur ba dang / lan tshwa'i ro dang / tsha ba dang /
47b6 bska ba dang / kha ba rnams kyis mi rnams kyi nad sos par byas so/ /de nas re zhig na rgyal po nad kyis thebs nas sman pa de bkug ste bsgo ba/ nga ni/ shi la thug gi/ rgyal po'i rkyen dang 'tsham
47b7 pa'i gsol ba ci 'dod pa khyod la sbyin no/ /zhes byas so/ /de nas sman pa des rgyal po de la gsol ba/ rgyal po chen po/ bdag ni/ brdzun du smra ba lags so/ /'o ma ni/ bdud rtsi lags te/ khyed
48a1 kyi zhal zas 'o ma dang sbyar ba gsol 'tshal lo/ /de nas rgyal po des sman pa de la bka' stsal pa/ ci khyod mkhris pas myos par byas sam/ 'on te nga slu bar
48a2 byed dam/ ca na/ sngar ni/ 'o ma dug yin zer la/ da ni/ 'o ma sman gyi mchog yin no/ /zhes zer/ kye ma sman pa snga ma bskrad pas phung ngo / /des kyang 'o ma'i dpyad bsngags pa las na/ de ni
48a3 sman pa chen po yin gyi/ sman pa ngan pa ma yin no/ /khyod kyis 'o ma'i dpyad byas pa ni/ khyod bdag bskrad pa'i rgyu yin no/ /zhes byas so/ /sman pas gsol ba/ rgyal po chen po/ de
48a4 ltar gzhan du mi dgongs par gsol/ /dper na/ shing ngam/ rtsig pa la srin bus brkos te yi ge'i 'bru 'dra bar gyur pa mthong yang mkhas pa rnams gyis srin bus yi ge shes so/
48a5 zhes brjod par mi bgyi/ yi ge sbyar ba lta bur gyur kyang ya mtshan du gzung bar mi bgyi ba de bzhin du/ khyod kyi sman pa snga ma'i 'o ma'i dpyad kyi las kyang srin bus brkos pa'i yi ge
48a6 bzhin du blta bar bgyi ste/ de ni/ 'o ma so so'i bye brag kyang ma 'tshal ba lags so/ /rgyal pos sman pa de la smras pa/ kwa'i sman pa ngan pa des 'o ma so so'i bye brag ji ltar mi shes/ sman
48a7 pas gsol pa/ rgyal po chen po/ 'o ma ni/ bdud rtsi'ang lags/ dug kyang lags te/ de la bdud rtsi zhes bgyi ba ni/ ba gang be'u ha cang stobs dang ldan pa ma lags pa dang / chang
48b1 gi snyigs ma mi 'thung ba dang / nags khung dang / gshong dang / chu 'dam rdzab can na mi gnas pa dang / ba lang rdzis nu ma ma bzhibs pa dang / rtswa brngas pa mi gzan pa dang / rang gi khyu na
48b2 'dug pa dang / ma he'i khyu dang lhan cig mi 'grogs pa dang / de la sogs pa'i yon tan rnams dang ldan la/ de'i 'o ma lhag ma zag ma bcad par ran tsam bzhos pa'i 'o ma de ni/ nad do
48b3 cog zhi bar bgyid pa lags so/ /de nas rgyal po ngo mtshar du gyur nas sman pa de la bka' stsal pa/ mkhan po/ da ni/ ngas khyod kyi 'o ma'i dpyad bzang po'ang shes so/ /ngan pa'ang shes
48b4 so| |de nas rgyal pos bka' btags te 'o ma 'thung zhig ces bsgo ba dang / 'bangs thams cad kyis rgyal pos phyir yang 'o ma 'thung zhig ces bsgo ba thos nas sems 'khrugs te/ ci
48b5 rgyal po gdon gyis thebs sam/ 'on te bdag cag la mtho 'tsham mam zhes zer zhing / de ltar grong khyer gyi mi dang 'bangs thams cad rgyal po'i drung du lhags te rgyal pos de dag mthong nas
48b6 smras pa/ sman pa 'di na re/ 'o ma de 'dra'o/ /zhes zer na/ khyed gsher ci yod ces byas so/ /de nas rgyal po dang / grong khyer gyi mi dang / 'bangs thams cad mgu bar gyur nas sman pa la mi
48b7 mtshungs pa'i bsnyen bkur byas nas 'o ma'i dpyad la yang bsten par byed pa de bzhin du/ dge slong dag /de bzhin gshegs pa dgra bcom pa yang dag par rdzogs pa'i sangs rgyas rig
49a1 pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas
49a2 bcom ldan 'das sman pa bzang po dang 'dra bar 'jig rten du byung nas mu stegs pa sman pa ngan pa dang 'dra ba thams cad kyi thad du gshegs te/ thams cad nges par btul zhing nges par
49a3 bshig nas rgyal po du ma mgu bar mdzad de/ mu stegs pa rnams tshar gcad pa'i phyir bdag med do/ /sems can med do/ /srog med do/ /gang zag med do/ /zhes gsung ngo / /mu
49a4 stegs pa rnams kyis bdag bstan pa ni/ srin bus brkos pa'i yi ge dang 'dra ste/ de'i phyir ngas sems can thams cad la bdag med do/ /zhes bstan pa ston par mdzad do/ /bdag
49a5 med pa ni/ sangs rgyas kyi tshig yin no/ /zhes chos kyi bka' 'dogs par mdzad nas yang gdul bar bya ba rnams kyi dbang dang / sems can rnams la phan pa'i phyir dus mkhyen par
49a6 mdzad nas chos thams cad bdag med par bstan pa'i skabs de nyid du sman pa bzang po bzhin du bdag yod do/ /zhes yang dag par ston par mdzad de/ 'jig rten pa rnams kyi bdag
49a7 mthe bo tsam dang / khre rgod kyi 'bru tsam zhes bya ba de lta bu ni/ ma yin no/ /'jig rten pa rnams kyi bdag tu lta ba gang yin pa de lta bu yang ma yin te/ 'dir chos thams cad ni/ bdag med
49b1 pa zhes bya'o/ /chos thams cad ni/ bdag med pa'ang ma yin te/ bdag ni/ de kho na nyid do/ /bdag ni/ rtag pa nyid do/ /bdag ni/ yon tan nyid do/ /bdag ni/ ther zug pa nyid do/ /bdag ni/ brtan
49b2 pa nyid do/ /bdag ni/ zhi ba nyid do/ /zhes sman pa bzang po'i 'o ma bzhin du de bzhin gshegs pa'ang de kho na nyid dang ldan pa ston par mdzad de/ de sgom pa la 'khor bzhi po rnams kyis brtson
49b3 par gyis shig /dge slong dag /gzhan yang tshul khrims kyi gzhi ma gtogs par the tshom dang / som nyi ci dang ci yod pa de dag khyed kyis nga la zhus shig dang / ngas legs par gsungs pas
49b4 khyed rangs par bya'o/ /nga ni/ sgom pa thams cad las grol ba dang / rang bzhin gyis stong pa chen po ston te/ dge slong khyed de bzhin gshegs pas bdag cag la rang bzhin gyis ston pa chen po
49b5 ma bstan to/ /zhes de skad ma zer cig /dge slong dag /gzhan yang tshul khrims kyi gzhi ma gtogs par the tshom dang / som nyi ci dang ce yod pa de dag khyed kyis nga la zhus shig /de nas dge
49b6 slong de dag gis bcom ldan 'das la 'di skad ces gsol to/ /de bzhin gshegs pa dgra bcom pa yang dag par rdzogs pa'i sangs rgyas la zhu ba ni/ bdag cag gi yul ma lags te/ bdag
49b7 cag gis rngo mi thogs lags so/ /sangs rgyas bcom ldan 'das kyang bsam gyis mi khyab/ ting nge 'dzin rnams kyang bsam gyis mi khyab/ khyod kyi gdams ngag kyang bsam gyis mi khyab pas
50a1 na| bdag cag gis zhu ba'i rngo mi thogs lags so/ /bcom ldan 'das/ dper gsol na/ mi la la rgas shing 'khogs la gtugs pa/ lo brgya nyi shu
50a2 rtsa drug lon pa/ nad kyis thebs pa/ mal khri la mchis pa'i nad pa zhig mchis la/ mi la la zhig gis de'i sug par gter gtams te/ kye mi khyod kyis gter 'di longs
50a3 la gang gi tshe bdag lo bcu'am lo nyi shu na phyes nas phyir 'ongs pa dang / de'i tshe 'di bdag la phyir byin cig /ces bgyis nas des gtad de mchis la/ rgan po de'ang bu ma
50a4 mchis pa zhig ste/ mi de mchis nas ring po ma lags par mi rgan po de gum na/ mi de slar mchis te/ de de ltar nor gyi phung po chen po dang bral bar gyur kyang su la'ang ji skad bgyir
50a5 yang ma mchis pa de bzhin du bcom ldan 'das/ tshul khrims kyi gzhi ma gtogs par bdag cag gis zhus pa de'ang nyan thos la yun ring du gnas par mi 'gyur la/ bdag cag
50a6 la'ang ji skad du zhu ba'i cha ma mchis lags so/ /bcom ldan 'das kyis de dag la bka' stsal pa/ dge slong rnams kyis zhus pa ni/ sems can thams cad la phan par 'gyur te/
50a7 de'i phyir ngas zhu ba'i skabs phye ba yin no/ /de nas dge slong rnams kyis 'di skad ces gsol to/ /bcom ldan 'das/ dper gsol na/ mi gzhon nu la la lo nyi shu rtsa drug lon te/
50b1 phyug cing 'khor phun sum tshogs pa dang ldan pa zhig mchis la/ mi la la zhig gis de'i sug par gter gtams te 'di skad du kye bdag ni/ don gnyer du 'gro'i/ bdag phyir 'ongs pa
50b2 dang mi khyod kyis gter 'di bdag la phyir byin cig /ces bgyis nas mi des gter de legs par sbas shing legs par bsrungs te/ da slar mchis nas slar stsal pa de bzhin du bcom ldan
50b3 'das| dam pa'i chos kyi dbyig legs par gsungs pa dge slong kun dga' bo la sogs pa nyan thos thams cad la gtad na ni/ yun ring du gnas par mi 'gyur lags so/ /de ci'i slad du zhe
50b4 na| 'od srung chen po la sogs pa nyan thos thams cad ni/ mi rtag pa'i slad du'o/ /byang chub sems dpas zhus pa'i dbyig byang chub sems dpa' rnams la gtad na ni/ lo 'bum phrag mang por
50b5 gnas par 'gyur la/ 'phel bar yang 'gyur zhing byang chub sems dpa' thams cad la'ang sman par 'gyur lags so/ /byang chub sems dpa' sems dpa' chen po rnams kyis ni/ de
50b6 bzhin gshegs pa la zhu ba'i rngo thogs la/ bdag cag sbrang bu dang 'dra bas ni/ de bzhin gshegs pa la zhu ba'i rngo mi thogs lags so/ /zhes gsol nas cang mi zer bar 'khong do/ /de
50b7 nas bcom ldan 'das kyis dge slong de dag la 'di skad ces bka' stsal te/ dge slong dag/ legs so/ /legs so/ /dge slong dag/ khyed zag pa med pas ni/ de skad bya ba yin no/ /dgra
51a1 bcom pas ni/ de skad bya ba yin te/ legs so/ /dge slong dag /ngas kyang khyod kyis bsam pa'i don de snga nas bsam mo/ /nga'i theg pa chen po ni/ byang chub
51a2 sems dpa'i lag tu gtad na/ rgyu gnyis kyis yun ring du gnas par 'gyur ro/ /de nas de'i tshe bcom ldan 'das kyis 'khor rnams la bka' stsal pa/ rigs kyi bu'am rigs kyi bu mo
51a3 tshe ring po dag /gzhi gsum ma gtogs pa dang / tshul khrims kyi gzhi ma gtogs par khyed kyi yid gnyis dang / som nyi dang / the tshom ci yod pa nga la zhus shig /ces lan gnyis lan
51a4 gsum du bka' stsal to/ /de nas 'khor de nyid kyi nang nas byang chub sems dpa' sems dpa' chen po sdong bu'i grong du skyes pa bram ze'i rigs che zhing mtho ba'i bu 'od srung chen po dang
51a5 rus gcig pa zhes bya ba de bzhin gshegs pa'i mthus stan las langs te bcom ldan 'das ga la ba der song nas phyag btsal te lan 'bum bskor ba byas nas lha'i mchod pa'i
51a6 las chen po byas te bla gros phrag pa gcig tu gzar nas pus mo g.yas pa'i lha nga sa la btsugs te bcom ldan 'das la 'di skad ces gsol to/ /gal te zhus nas zhu ba lung bstan pa'i slad
51a7 du bcom ldan 'das kyis bdag la skabs phye na/ bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /
51b1 bcom ldan 'das kyis bka' stsal pa/ byang chub sems dpa' sems dpa' chen po bram ze'i rigs che zhing mtho ba'i bu 'od srung chen po dang rus gcig pa/ khyod ci dang ci 'dod pa de
51b2 bzhin gshegs pa dgra bcom pa yang dag par rdzogs pa'i sangs rgyas la zhus shig dang / ngas zhu ba zhus pa de dang de lung bstan pas khyod kyi sems rangs par bya'o/ /de nas bcom ldan
51b3 'das la byang chub sems dpa' sems dpa' chen po bram ze'i rigs che zhing mtho ba'i bu 'od srung chen po dang rus gcig pas 'di skad ces gsol to/ /bcom ldan 'das/ de bzhin
51b4 gshegs pa'i mthu dang / sems can thams cad kyi dge ba'i rtsa ba'i mthus bdag gis zhu bar mi 'tshal na/ bdag ni/ sbrang bu dang 'dra la/ de bzhin gshegs pa ni/ tsan+dan lta bu'i 'khor
51b5 chen po dang ldan pa lags/ seng+ge lta bu'i 'khor chen po dang ldan pa lags/ baiDUR+ya dang / rdo rje chen po ltar mi phyed pa'i sku mnga' ba lags/ mi phyed pa'i 'khor dang ldan pa lags/ ye
51b6 shes rgya mtsho dang ldan pa'i 'khor chen po mnga' ba lags/ byang chub sems dpa' sems dpa' chen po kha cig yon tan dpag tu ma mchis pa dang ldan pa dag kyang mchis te/ de ltar dpag
51b7 tu ma mchis pa'i 'khor mnga' ba'i de bzhin gshegs pa la de bzhin gshegs pa'i mthus bdag gis zhu ba'i rngo thogs par gyur na/ 'dir bgyi ba mang du mchis te/ de bzhin gshegs
52a1 pa'i mthus bdag sbrang bu dang 'dra bas zhu bar 'tshal lo/ /zhes byas nas tshigs su bcad de gsol pa/ thub pa cis na tshe ring 'gyur/ /rdo rje lta bur cis 'gyur
52a2 lags| |gang gis mi shigs thob par 'gyur/ /cis na lus brtan stobs chen 'gyur/ /ji ltar bgyis na mdo sde 'di'i/ /pha rol phyin par 'gyur ba lags/ /ji ltar srog chags
52a3 rnams kyi sems/ sna tshogs rtogs nas ston par 'gyur/ /thub pa chen po ji ltar na/ /rgya chen thob nas skyabs su 'gyur/ /ji ltar dgra bcom ma lags kyang / /dgra bcom rnams
52a4 dang mtshungs par 'gyur/ /bcom ldan ji ltar bgegs bgyid pa'i/ /bdud ni 'khor du chud par 'gyur/ /bdud kyi tshig kyang 'tshal ba dang / /rdzogs pa'i sangs rgyas gsung yang
52a5 'tshal| |'dren pa ji ltar dga' bzhin du/ /'phags pa'i lam yang ston par 'gyur/ /dge dang yang dag ldan gyur nas/ /phyin ci ma log ston par 'gyur/ /thub pa chen po ji ltar na/ /
52a6 legs byed 'gyur ba bstan du gsol/ /thub pa byang chub sems rnams kyis/ /ji ltar brtag dka' khams mthong 'gyur/ /thub pa ji ltar yi ge yi/ /phyed ni rdzogs par 'gyur ba
52a7 lags| |ji ltar bzhad dang zal mo yi/ /spyod pa dag dang 'dra bar 'gyur/ /ji ltar phur bu pa sangs/ /nyi ma dag tu skye bar 'gyur/ /thub pa byang chub sems dpa' rnams/ /ji ltar
52b1 sems ni ma skyes par/ /'dir ni 'jigs pa med par 'gyur/ /ji ltar ka ta'i 'bras bu 'dra/ /ji ltar rtsod dus skyes pa na/ /gos pa ma mchis bgyid pa dang / /nyes pa'i dbyings su pad+ma ltar/ /nyes
52b2 dag gis mi gos lags/ /ji ltar byang chub sems dpa' rnams/ /yul khams sman pa chen por 'gyur/ /chu 'gram kun tu mnyan par 'gyur/ /de 'dir bdag la lung bstan gsol/ /ji ltar
52b3 sbrul rnams pags pa rnying / /'dor ba bzhin du 'gyur ba lags/ /rin chen mang po'i 'byung gnas dang / /'bru dang shing 'dra ji ltar lags/ /brtan po de dag nyan thos dang / /rang sangs rgyas
52b4 kyi byang chub kyis/ /sku gdung ji ltar ston par bgyid/ /mtha' yas sgo yang ji ltar ston/ /rgyal sras brtul zhugs brtan po rnams/ /ji ltar mi phyed 'khor dang ldan/ /de dag 'jig rten dmus long ba'i
52b5 mig dang 'dra bar ji ltar 'gyur/ /thub pa chen po ji ltar na/ /mgo mang bye ba ston par 'gyur/ /ji ltar zla ba tshes 'dra bar/ /'jig rten rnams la chos kyang ston/ /ji lta bur ni gzha' gsang du/
52b6 yongs su mya ngan 'das pa ston/ /ji ltar lha dang bdud 'dra bar/ /brtan por 'gyur zhing dpa' bar 'gyur/ /ji ltar chos kyi sgo rtogs nas/ /chos nyid kyang ni 'tshal bar 'gyur/ /ji ltar byang chub
52b7 sems dpa' rnams/ /nad med par yang 'gyur ba lags/ /sems can kun la sman pa'i phyir/ /de dag ji ltar dgongs pa 'chang / /ji ltar dge ba lhag mar bcas/ /ji ltar the tshom spong bar 'gyur
53a1 blo gros chen po ji ltar na/ /byang chub mchog tu nye bar 'gyur/ /cha phra gzigs ba khyod nyid kyis/ /byang chub sems dpa'i spyod pa gsungs/ /chos rnams du ma'i
53a2 sgo dag kyang / /'dren pa khyod kyis bka' stsal cig /sems can kun gyi sman pa po/ /rkad gnyis rnams la sman ston cig /thub pa'i phung po 'di dag las/ /bdag gis zhu ba'i yul ma
53a3 mchis| |byang chub sems dpa' brtan rnams kyi/ /yul ni thams cad mkhyen pa lags/ /de nas bcom ldan 'das kyis byang chub sems dpa' sems dpa' chen po bram ze'i rigs
53a4 che zhing mtho ba'i bu 'od srung chen po dang rus gcig pa la 'di skad ces bka' stsal to/ /rigs kyi bu/ legs so/ /legs so/ /rigs kyi bu/ khyod ji ltar de bzhin gshegs pa'i gsang
53a5 ba'i mdo chen po las thams cad mkhyen pa dang / thams cad mkhyen pa nang 'dri bar mdzad pa bzhin du 'dri ba ni/ legs te/ 'jig rten gyi khams gang+gA'i klung mang po grangs med pa'i bye ma snyed
53a6 kyi pha rol na thams cad mkhyen pa rang rang gi 'jig rten gyi khams na bzhugs pa dag nga dang thabs cig tu byang chub kyi shing drung du byang chub kyi phyir rol te/ byang chub tsam pas de bzhin gshegs
53a7 pa'i gsang ba bstan pa'i don du byang chub kyi phyir rol ba de bzhin du khyod kyang sems can thams cad la phan pa'i phyir yon tan ming gcig pa'i tshul thams cad mkhyen pa'i yul 'dri zhing
53b1 'dug go/ /de nas bcom ldan 'das la 'od srung chen po dang rus gcig pas 'di skad ces gsol to/ /bcom ldan 'das/ bdag gis ni/ thams cad mkhyen pa'i yul zhu ba'i rngo mi thogs mod
53b2 kyi cung zad cig zhu bar 'tshal lo/ /bcom ldan 'das/ dper gsol na/ sbrang bus gnam dang rgya mtsho'i pha mthar mchi ba'am/ rgya mtsho'i chab 'tshal ba'i rngo thogs pa de ni/ mi srid lags
53b3 so| |bcom ldan 'das/ de bzhin du bdag ni/ sbrang bu 'dra la/ bcom ldan 'das ni/ nam mkha' dang / rgya mtsho dang 'dra zhing ye shes zab mo chos dang ldan pa lags so/ /bcom ldan 'das
53b4 dper gsol na/ rgyal po'i gtsug gi nor bu dkor bas rang gi spyi bos blang ba de bzhin du bdag gis kyang chos bka' stsal pa yang dag par blang bar 'tshal na/ shes rab rgya bskyed pa'i slad
53b5 du bcom ldan 'das kyis bka' stsal du gsol/ bcom ldan 'das kyis mtshungs pa med pa yongs su bshad du gsol/ bdag zhu bar 'tshal lo/ /bcom ldan 'das kyis bka' stsal
53b6 pa| rigs kyi bu nyon cig /las gang gis byang chub sems dpa' sems dpa' chen po tshe ring bar 'gyur ba dang / las gang gis byang chub kyi rgyur 'gyur ba de gzung ba'i sems kyis nyon cig
53b7 dang / las kyi 'bras bu des na/ byang chub kyi rgyu skye bar 'gyur ro/ /thos nas kyang gzhan dag la ston cig /rigs kyi bu/ ngas kyang las de byas shing gzhan dag la'ang bstan pas bla na med pa yang
54a1 dag par rdzogs pa'i byang chub thob par gyur to/ /rigs kyi bu/ dper na/ mi la la zhig bu gcig pa thar par bya ba'i phyir rgyal po'i btson ra'i nang du 'gro ba de bzhin
54a2 du byang chub sems dpa' tshe ring bar 'dod pas kyang sems can thams cad la bu gcig pa'i 'du shes bsgom par bya'o/ /de ltar bsgoms na/ 'tshe ba thams cad spong bar 'gyur la/
54a3 byams pa chen po dang / snying rje chen po dang / dga' ba chen po dang / btang snyoms chen po dang ldan par 'gyur zhing / srog gcod pa spong bar 'gyur ba dang / chos spyod par 'gyur ro/ /rigs
54a4 kyi bu| gzhan yang sems can dpag tu med pa dag bslab pa'i gzhi la 'god par 'gyur/ dge ba bcu'i las kyi lam la'ang 'god par 'gyur ro/ /gal te nus na/ sems can dmyal ba
54a5 dang / lha ma yin dang / gshin rje'i 'jig rten dang / dud 'gror skyes pa rnams dang / las mi bzad pa byed pa'i sems can rnams nges par bsgral ba'i phyir 'gro ba thams cad kyi rjes su
54a6 'jug par byed cing / grol nas gzhan dgrol bar bya'o/ /snyam nas de la 'dzin pa dang dran pa'i sems dang ldan par 'gyur te/ legs par byas pa'i rnam par smin pa dang / rgyu dang mthun pa
54a7 des na| byang chub sems dpa' sems dpa' chen po rnams mchog tu tshe ring bar 'gyur la/ ye shes kyi dbang phyug tu 'gyur zhing 'chi ba med par 'gyur ro/ /de nas bcom ldan 'das la
54b1 byang chub sems dpa' sems dpa' chen po 'od srung chen po dang rus gcig pas 'di skad ces gsol to/ /bcom ldan 'das/ byang chub sems dpa' sems dpa' chen pos ci las bsam ste
54b2 sems can thams cad la bu gcig pa'i 'du shes bsgom par bgyi/ bka' stsal pa/ de'i don ji lta bu lags/ bcom ldan 'das/ gal te byang chub sems dpa' sems dpa' chen pos
54b3 sems can thams cad la bu gcig pa'i 'du shes bsgom par bgyi 'tshal na/ tshig de ni/ mi 'dod par bgyi ba lags so/ /de ci'i slad du zhe na/ bcom ldan 'das/ bstan pa 'di la
54b4 sems can kha cig tshul khrims 'chal ba dang / mtshams ma mchis par bgyid pa dang / dam pa'i chos sun 'byin pa dag kyang mchis na/ ci lags/ sems can de lta bu dag la'ang bu
54b5 gcig pa'i 'du shes bsgom par bgyi lags sam/ bcom ldan 'das kyis bka' stsal pa/ 'od srung chen po dang rus gcig pa/ de lta los kyang mod/ nga ni/ sems can thams cad la sgra gcan
54b6 zin bzhin du lta'o/ /'od srung chen po dang rus gcig pas gsol pa/ bcom ldan 'das/ 'o na bsnyen par rdzogs pa'i 'khor dag pa rnams kyis bco lnga'i gso sbyong la bab pa'i tshe gzhon nu ma
54b7 drangs pa/ lus ma sbyangs pa/ bsnyen par ma rdzogs pa zhig rtsig pa'i gra zhig tu yibs te nyan pa na/ ci'i slad du bcom ldan 'das kyis gnang nas gnod sbyin gyi rgyal po lag na rdo rjes rdul zhi ba
55a1 mo bzhin phye mar brlags lags/ kye ma des de bkum pa ni/ lag na rdo rjes ha cang drags lags so/ /de lta na/ ji ltar bcom ldan 'das sems can thams
55a2 cad la sgra gcan zin dang 'dra bar gzigs pa lags/ bcom ldan 'das kyis bka' stsal pa/ rigs kyi bu/ de skad ma zer cig /gzhon nu de ni/ sbrul ba yin te/ dam pa'i chos
55a3 sun 'byin pa rnams tshar gcad pa dang / bskrad par bya ba'i phyir gnod sbyin gyi rgyal po lag na rdo rjes de ltar bstan par zad kyi/ dam pa'i chos sun phyung yang rung / 'dod chen pa'ang
55a4 rung ste/ gsang du mi rung ngo / /rgyu gsog pa'i srog gcod pa ni/ byed mi phod do/ /rigs kyi bu/ gzhan yang ji ltar rgyal po'am/ blon po chen po dag dam pa'i chos sun 'byin pa brlag
55a5 par byed pa de bzhin du nga ni/ brlag par bya zhes mi zer mod kyi/ de dag nyid kyi chos ma yin pa'i 'bras bu mngon sum du smin par zad do/ /de bzhin gshegs pa thams cad mkhyen pa ni/
55a6 de rnams kyi don du mi 'jigs pa sbyin zhing 'od zer gcig gam/ gnyis gtong bar mdzad de/ gal te 'od zer des de dag lam phog na ni/ 'chi bar 'gyur te/ der de bzhin gshegs
55a7 pas ci byar yang med do/ /rigs kyi bu/ gzhan yang gal te khyod kyis brtag dka' ba blta bar nus pa lta na/ ngas khyod la rgyu gzhan yang bstan par bya ste/ yul so so na tshul khrims
55b1 dang | cho ga dang / yon tan rnams tha dad pa yod la/ der de bzhin gshegs pa yongs su mya ngan las 'das pa'i 'og tu dge slong dag dam pa'i chos khol du 'byin par 'dod pa la rgyal pos ston pa
55b2 med pa'i phyir gnod pa byed pa las rgyal po de rgyal po gzhan gyis bzlog ste/ des mthu chung bar byas nas rgyal po de chos la gnas par gyur na/ rgyal po gcig shos de la bsod nams chen por
55b3 'gyur zhes nga smra'o/ /de ci'i phyir zhe na/ rgyal po gcig shos kyi nyes pa chen po'i gzhi zhi bar byed pa'i phyir ro/ /rigs kyi bu/ gzhan yang dper na/ zhing ngam khyim du dug shing ngam/ snye
55b4 long skyes na/ rtsa nas dbyung dgos pa de bzhin du tshul khrims 'chal pa rnams dang / dam pa'i chos sun 'byin pa rnams bran bzhin du tshar gcad par ngas gnang ngo / /gang dag de rnams tshar gcod
55b5 par mi byed pa de dag ni/ nga'i bstan pa las shin tu ring ba yin no/ /gang dag de rnams tshar gcod par byed pa de dag ni/ nga'i slob ma dang / nga'i nyan thos yin no/ /'od srung chen po dang rus gcig
55b6 pas gsol pa/ gal te de bzhin gshegs pa de skad gsung na ni/ sems can thams cad la sgra gcan zin bzhin du gzigs pa'ang ma lags/ ste'u dang tsan+dan lta bu zhes bgyi ba'i ming yang
55b7 brlag par 'gyur na/ dam pa'i chos sun 'byin pa rnams ji ltar tshar gcad pa'i rigs lags/ de bzhin gshegs pas de ltar bgyid du stsal ba'i mi rigs lags so/ /bcom ldan 'das
56a1 kyis bka' stsal pa/ 'od srung chen po dang rus gcig pa/ dper na/ khyim bdag gam/ tshong dpon nam/ sde dpon nam/ blon po'am/ rgyal po'ang rung pa zhig gis rang
56a2 gi bu sdug cing phangs la mchog tu mdzes shing byad gzugs phun sum tshogs pa rnams slob dpon gyi lag tu gtad nas slob dpon de la 'di skad smras te/ bdag gi bu 'di rnams 'dul
56a3 ba dang / cho ga dang / spyod yul dang / rig pa rnams bslab pa'i phyir khyod la gtad kyi/ 'di rnams khyod kyis 'dul ba dang / cho ga dang / spyod yul dang / rig pa rnams slobs shig/ chos shig/
56a4 gal te bdag gi bu 'di bzhi las gsum ni/ brdeg pa dang / bsdigs pa dang / tshar bcad pa rnams kyis shi bar gyur la/ gcig ni/ gson por 'dug ste/ gcig lobs par gyur na/
56a5 gsum ni/ shi'ang bla ste/ gsum ni/ shi /gcig ni/ lobs pa de la ci slob dpon gyis ni/ sdig pa mi dge ba'i las byas zhes bya 'am/ bcom ldan 'das/ de ni/ ma lags te/ de la ni/
56a6 gnyis ka la'ang sdig pa'i las su mi 'gyur lags so/ /de ci'i slad du zhe na/ de la ni/ 'khon gyi bsam pa ma mchis te/ de ltar bgyis na/ bsod nams mang po 'phel bar 'gyur
56a7 lags so/ /bcom ldan 'das kyis bka' stsal pa/ rigs kyi bu/ de bzhin du de bzhin gshegs pa ni/ dam pa'i chos sun 'byin pa'i sems can rnams la sgra gcan zin bzhin du gzigs
56b1 te| bu rnams slob dpon gyi lag tu gtod pa bzhin du rgyal po dang / blon po dang / dge bsnyen rnams kyi lag tu gtod par mdzad do/ /de nas rgyal po dang / blon po dang / dge bsnyen de dag gis byis pa
56b2 g.yel ba de dag tshar gcod par byed na/ ci de la de bzhin gshegs pa la sdig pa'i las su 'gyur zhes bya'am/ bcom ldan 'das/ de ni/ ma lags te/ rgyal po dang / blon po dang / dge
56b3 bsnyen rnams la'ang sdig pa'i las su mi 'gyur na/ de bzhin gshegs pa gos pa mi mnga' ba lta la gos par ga la 'gyur te/ de dag nyid kyi yon tan dang spyod pa bsrung ba'i slad du mi 'dod bzhin du
56b4 tshar gcod par bas so/ /bcom ldan 'das kyis bka' stsal pa/ de ltar na/ bu gcig pa'i 'du shes sgom pa yin te/ gang dag de ltar sgom pa de dag gis ni/ bu gcig pa'i 'du shes bsgoms par
56b5 'gyur ro/ /de ltar byang chub sems dpa' sems dpa' chen pos sems can thams cad la bu gcig pa'i 'du shes bsgom par bya'o/ /de ltar byas na/ sems can thams cad la ting nge 'dzin
56b6 bsgom pa bsgoms par 'gyur ro/ /des na mchog tu 'tshe ba med pa dag par 'gyur te/ des na/ byang chub sems dpa' tshe ring ba dang / mchog tu tshe ring ba dang / tshe rabs dran par 'gyur ro/ /'od
56b7 srung chen po dang rus gcig pas gsol pa/ sems can thams cad la bu gcig pa'i 'du shes bsgoms na/ byang chub sems dpa' sems dpa' chen po rnams tshe ring bar 'gyur lags sam/
57a1 bcom ldan 'das kyis bka' stsal pa/ de lta los kyang mod/ 'od srung chen po dang rus gcig pas gsol pa/ bcom ldan 'das/ dper gsol na/ gtam rgyud
57a2 mkhan zhig gis ltad mo pa'i 'khor gyi nang du ma la phu dud bya ba'i rigs pa'i gtam sna tshogs bgyis la/ rang gi khyim du mchis nas mchog tu dka' ba bgyid bgyid pa'i ma la dbyug pa
57a3 dang / phag du ma dang / bong ba dang / rdo dag gis gnod pa bgyid pa de bzhin du/ bcom ldan 'das kyis bka' stsal pa/ sems can thams cad la bu gcig pa'i 'du shes bsgoms na/
57a4 byang chub sems dpa' sems dpa' chen po rnams tshe ring ba dang / mchog tu tshe ring ba dang / tshe rabs dran pa dang / mi 'chi ba dang / ther zug pa dang / brtan par 'gyur ro/ /zhes gsungs nas/
57a5 ci'i slad du bcom ldan 'das nyid sku tshe thung lags/ ci slu ba mdzad dam/ 'on te bcom ldan 'das nyid kyis sems can thams cad la dgra bzhin du gzigs gzigs sam/ kye ma
57a6 bcom ldan 'das kyis ni/ dka' ba mdzad mdzad do/ /mi'i ltar brtsis na/ lo brgya'ang mi thub ste/ de bzhin gshegs pa 'di kho na ltar sku tshe thung ba lags na/ bcom ldan 'das kyis
57a7 sngon byang chub sems dpa' mdzad pa'i tshe de snyed kyi srog cig bcad lags/ 'di kho na ltar sku tshe thung ba las na/ de bzhin gshegs pa nyid kyis mchog tu mi bzad pa'i las mdzad
57b1 lags grang / bcom ldan 'das kyis bka' stsal pa/ 'od srung chen po dang rus gcig pa/ de bzhin gshegs pa dgra bcom pa yang dag par rdzogs pa'i sangs rgyas la 'di kho na ltar ma rgya zhig/
57b2 ma rgya zhig /de bzhin gshegs pa dgra bcom pa yang dag par rdzogs pa'i sangs rgyas ni/ mchog tu sku tshe ring ngo / /de bzhin gshegs pa dgra bcom pa yang dag par rdzogs pa'i sangs rgyas
57b3 ni| mchog tu brtan pa'o/ /mchog tu zhi ba'o/ /mchog tu ther zug pa'o/ /mchog tu rtag pa'o/ /'od srung chen po dang rus gcig pas gsol pa/ bcom ldan 'das/ ji ltar na/ de bzhin
57b4 gshegs pa mchog tu sku tshe ring lags/ bcom ldan 'das kyis bka' stsal pa/ 'od srung chen po dang rus gcig pa/ dper na/ chu klung gang+gA dang / ya mu na dang / sa ra yu dang / hing+gu la la
57b5 sogs pa chu klung chen po rnams dang / chu bran gzhan rnams rgya mtsho chen po kho na'i nang du 'bab pa de bzhin du/ 'od srung chen po dang rus gcig pa/ lha yul dang / sa'i steng gi tshe'i chu klung
57b6 yod do cog thams cad ni/ de bzhin gshegs pa'i rgya mtsho kho nar 'bab ste/ de ltar na/ de bzhin gshegs pa mchog tu sku tshe ring ngo / /'od srung chen po dang rus gcig pa/ gzhan
57b7 yang 'di ltar chu klung chen po bzhi ma dros pa'i nang nas 'byung ba de bzhin du tshe ring pa'i tshogs thams cad kyang de bzhin gshegs pa las 'byung ngo / /'di ltar rtag pa thams cad kyi nang na ni/
58a1 nam mkha' mchog tu rtag pa yin la/ de bzhin gshegs pa'ang nam mkha' bzhin du rtag go /'di ltar zhi bar byed pa thams cad kyi nang na ni/ mar 'ba' zhig
58a2 mchog tu zhi bar byed pa yin la/ de bzhin gshegs pa zhi ba dang / bsil bar gyur pa'ang mar dang 'dra ba'i chos ston to/ /'od srung chen po dang rus gcig pas gsol pa/ bcom ldan
58a3 'das| gal te de bzhin gshegs pa mchog tu sku tshe ring ba lags na/ sems can thams cad la sman pa'i slad du bcom ldan 'das bskal pa'am/ bskal pa las lhag par yang
58a4 yun ring du bzhugs shing sprin chen po bzhin du dam pa'i chos kyi char yang rab tu 'bab tu gsol/ /bcom ldan 'das kyis bka' stsal pa/ 'od srung chen po dang rus gcig pa/ de bzhin
58a5 gshegs pa dgra bcom pa yang dag par rdzogs pa'i sangs rgyas rnams la mthar thug par 'gyur ba'i 'du shes ma skyed cig /'od srung chen po dang rus gcig pa/ 'di na dge slong
58a6 ngam| dge slong ma'am/ dge bsnyen nam/ dge bsnyen ma'am/ 'di las phyi rol pa'ang rung ste/ mngon par shes pa lnga la dbang thob pa de'ang bskal pa'am/ bskal pa las lhag
58a7 par gnas shing nam mkha' la 'chag par yang byed/ nyal bar yang byed la/ mchan g.yon logs nas me dang 'dra bar 'bar bar byed pa dang / de bzhin du chos gzhan du dud pa 'thul
58b1 ba lta bur yang ston/ tshe'i tshad kyang ji srid du 'dod pa de srid du snur bar byed do/ /mdor na ji tsam du 'dod pa dang / ji tsam du dga' ba de tsam du ston par byed de/ 'di dag ni/ mngon par shes pa lnga
58b2 la dbang thob pa'i yon tan yin no/ /gal te mngon par shes pa lnga thob pa'ang de ltar bdag nyid 'tsho ba'i dbang phyug la dbang byed na/ de bzhin gshegs pa dbang du ma brnyes pa lta ci ste/ de lta bu la
58b3 mnga' mi mdzad/ de bzhin gshegs pa bskal pa'am/ bskal pa las lhag par ci ste mi bzhugs kyi/ de bzhin gshegs pa rtag pa dang / brtan pa dang / ther zug pa yin par khong du chud par
58b4 gyis shig /'jig rten 'di na sprul pa'i lus ni/ sha'i lus ma yin te/ deng de bzhin gshegs pa dug sman la rton pa'i sku yongs su 'dor bar mdzad do/ /snyam du'ang khong du chud par gyis shig/
58b5 rtag pa dang / brtan pa dang / ther zug ces bya ba'i brtan pa mchog la'ang brtson par gyis shig /'od srung chen po dang rus gcig pas gsol pa/ gal te de bzhin gshegs pa rtag pa lags
58b6 na| 'jig rten pa dang / 'jig rten las 'das par khyad par ci mchis lags/ 'jig rten pa'ang bdag cag gi tshangs pa ni/ rtag pa ste/ thog ma'i dus nas byung ba yin no/ /zhes mchi ba dang khyad par
58b7 ci mchis/ gal te de bzhin gshegs pa rtag pa lags na/ khyad par ma mchis par 'gyur lags so// //'phags pa yongs su mya ngan las 'das pa theg pa chen po'i mdo/ bam po bzhi
59a1 pa| bcom ldan 'das kyis bka' stsal pa/ rigs kyi bu/ dper na/ tshong dpon nam/ khyim bdag gcig la ba lang sna tshogs spu mdog du ma rigs dang rgyud
59a2 mang po khyu gcig cing lhas gcig pa du ma bye ba snyed yod la/ des ba lang de dag ba lang rdzi'i lag tu gtad de mar zhim po za la/ ba lang rdzi rnams kyang lhas skyong zhing zho dang 'o ma srub pa
59a3 las phyi zhig na ba lang gi bdag po de rang gi tshe zad nas shi ste/ shi ba'i 'og tu nags na rgyu ba'i chom shod kyis ba lang de dag 'phrog nas de dag chung ma med pas rang rang gis 'o ma bsrubs
59a4 te| de dag gis bsrubs pa las 'os ma yin pa'i phyir 'o ma de dag las mar gyi dri'ang mi bro la/ zhor yang ma rung / dar bar yang ma rung / spris mar yang ma rung na/ mar du lta ga la
59a5 'gyur te/ 'o ma'i rang bzhin las kyang nyams nas de dag gis de chus bslad de bdag gis mar longs spyad par bya'o/ /bdag gis mar longs spyad par bya'o/ /snyam du sems pa bzhin du
59a6 'jig rten pa sangs rgyas kyi chos kyi rgyu mthun pa las byung ba nor dang chos rgyas pa rnams kyang de dang 'dra ste/ gang gi tshe sangs rgyas bcom ldan 'das rnams la rang gi lhas kyi bdag po bzhin
59a7 du yongs su mya ngan las 'das pa'i 'og tu 'jig rten pa chom shod dang 'dra ba rnams kyis kyang tshul khrims dang / cho ga dang / 'dul ba dang / spyod yul rnams dang / sems can gyi khams
59b1 rnams gud du bsgyur nas sems can yod do/ /srog yod do/ /gang zag yod do/ /snyam du sems shing / thar pa ni/ 'di lta bu zhig go /spyod pa ni/ 'di lta bu zhig go /snyam nas spyod pa dang / sems
59b2 can dang / thar pa dang / rtag pa dang / de kho na nyid ma shes te/ don gzhan la brtson pas thar pa'ang mi thob la/ tshul khrims dang / cho ga dang / spyod yul dang / 'dul ba dang / rtag pa dang / de kho na
59b3 nyid kyang mi rnyed de/ mi rgod kyi mar bzhin du 'jig rten pa rnams kyis chos kyi de kho na nyid mi 'thob la/ de dag sems can tshangs pas sprul pa ni/ rtag go /snyam du 'dzin cing / bdag gi ni/ thar
59b4 pa yin no/ /snyam du'ang 'dzin la/ chom shod pa rnams kyi 'o ma bzhin du de kho na nyid ni/ mi shes so/ /de dag tshangs par spyod pa'i rgyu dang / gzhan gyi chung ma spang pa'i rgyu dang / pha ma la phu dud byas
59b5 pa'i rgyus na/ chom shod pa rnams kyi 'o ma ma rung pa'i lhag ma tsam zhig yod pa bzhin du mtho ris kyi bde ba cha shas tsam zhig thob ste longs spyod par byed la/ de dag gis pha ma la phu dud bya
59b6 ba ji lta bu yin pa'ang mi shes/ gsum la skyabs su 'gro ba ji lta bu yin pa'ang mi shes/ gzhan gyi chung ma spang ba ji lta bu yin pa'ang mi shes/ rtag pa ji lta bu yin pa'ang mi shes so/ /de
59b7 la sangs rgyas kyi sprul pa ni/ mi rtag pa yin/ rdzun pa yin te/ des na/ 'jig rten pa rnams de bzhin gshegs pa mi rtag go/ /mi brtan no/ /snyam du 'dzin te/ de bas na/ mi rtag pa'i gnyen
60a1 por de bzhin gshegs pa rtag go /zhes bya ba la brtson par bya'o/ /rigs kyi bu/ de nas ba lang gi lhas de'i skal pa can gyi 'khor los bsgyur pa'i rgyal po
60a2 'jig rten du byung la chom shod pa de dag gis kyang 'khor los bsgyur ba'i rgyal po'i bsod nams kyi mthus de ba lang gcig kyang med par mi byed do/ /de nas nags na rgyu ba'i chom shod
60a3 pa de dag gis ba lang gi lhas de bor te 'gro bar 'gyur ro/ /de nas 'khor los bsgyur ba'i rgyal po'i khyim bdag rin po ches ba lang gi lhas de nyams su len par 'gyur te/ khyim
60a4 bdag rin po che des rang gi blos ba lang gi lhas de'i 'o ma'i de kho na nyid kyi thabs shes par 'gyur la/ ba rnams kyi 'o ma'ang 'khor los bsgyur ba'i rgyal po'i bsod nams kyis
60a5 nyid 'gyur du bzhor yod par 'gyur ba de bzhin du chos kyi 'khor los bsgyur ba'i sangs rgyas 'jig rten du byung nas ba lang gi lhas dang 'dra ba'i 'jig rten pa thams cad yongs su
60a6 'dzin par mdzad pas na/ rtag pa'i sgra ni/ de bzhin gshegs pa 'ba' zhig gi rjes su mthun gyi/ 'jig rten pa chom shod dang 'dra ba rnams kyis ni/ sangs rgyas kyi sgra dang / rtags
60a7 kyis gnas kyang thob par mi 'gyur ro/ /de bzhin gshegs pa'i nyan thos rnams ni/ khyim bdag rin po che bzhin du dam pa'i chos kyis ba lang gi lhas nyams su len par byed de/ sems
60b1 can bsod nams dang ldan pa rnams kyi don du chos kyi 'o ma 'jo bar byed do/ /rigs kyi bu/ rgyu des na/ de bzhin gshegs pa rtag pa dang / brtan pa dang / ther zug pa yin la/ 'jig rten pa rnams
60b2 la ni| rtag pa'i chos med de/ rtag pa'i sgra de ni/ de bzhin gshegs pa sangs rgyas rnams 'ba' zhig la yod ces nga zer ro/ /de ltar na/ rigs kyi bu'am/ rigs kyi bu mo rnams kyis sangs rgyas
60b3 bcom ldan 'das ni/ rtag pa'o/ /sangs rgyas bcom ldan 'das ni/ ther zug pa'o/ /zhes de ltar shes par gyis shig /sems can gang dag rtag ces bya ba'i yi ge gnyis sgom pa de dag ni/
60b4 ring po mi thogs pa kho nar nga'i go 'phang dang lhag chad med pa thob par 'gyur ro/ /rigs kyi bu/ gang gi tshe rtag go/ /zhes bya ba'i yi ge gnyis sgom pa nub par 'gyur ba de'i tshe de bzhin gshegs
60b5 pa yongs su mya ngan las 'da' bar 'gyur te/ de ni/ sangs rgyas rnams kyi chos nyid do/ /gsol pa/ sangs rgyas rnams kyi chos nyid ces bka' stsal pa de'i don ci lags/ bcom ldan 'das/
60b6 bdag ni/ chos gleng pa 'di rtogs par 'tshal na/ bcom ldan 'das kyi tshig 'di ji lta bu lags pa rgyas par bshad du gsol/ /bcom ldan 'das kyis bka' stsal pa/ chos nyid ces bya ba
60b7 ni| lus yongs su 'dor ba ste/ lus yongs su 'dor ba zhes bya ba de ni/ smad pa'i tshig yin par shes par gyis shig /gsol pa/ de bzhin gshegs pas sku bor nas slar yang sku len tam
61a1 mi len pa bdag zhu lags so/ /bcom ldan 'das kyis bka' stsal pa/ rigs kyi bu/ de skad ma zer cig /'di ni/ chos nyid dpyod pa yin te/ rigs kyi bu/ dper
61a2 na| 'du shes med pa rnams la gzugs kyi phung po dang / 'du shes kyi phung po gnyis med na/ sems can de dag ji ltar gnas/ ji ltar gda' /ji ltar snang / de dag gi 'du shes ji ltar
61a3 'jug /ces 'dri ba 'di ni/ sangs rgyas kyi yul yin no/ /rigs kyi bu/ 'du shes med pa'i lha rnams kyi gzugs dang / gnas dang / spyod lam dang / bde ba rnams ji ltar bstan par bya
61a4 zhes phyin chad de skad ma 'dri zhig /'di ni/ nyan thos dang / rang sangs rgyas kyi yul ma yin te/ 'di ni/ sangs rgyas kyi spyod yul yin no/ /rigs kyi bu/ de ltar na/ de bzhin gshegs
61a5 pa'i sku ni/ sangs rgyas 'ba' zhig gi yul yin gyi/ nyan thos dang / rang sangs rgyas kyi yul ma yin no/ /de bzhin gshegs pa gang na gnas pa dang / gang na snang ba ni/ khyod kyi yul
61a6 yang ma yin gyi/ sangs rgyas bcom ldan 'das ni/ thabs bsam gyis mi khyab pa'i sku yin no/ /snyam du khyed kyis gnas par gyis shig /rigs kyi bu/ chos dang / dge slong gi
61a7 dge 'dun la'ang rtag pa'i 'du shes yang dang / yang du sgom par gyis shig /gzhi gsum la tha dad par ma byed cig /mi rtag pa'am/ mi brtan pa'am/ ther zug pa ma yin pa'am/
61b1 zhi ba ma yin pa'am/ thar pa ma yin pa'i rnam par yang ma sgoms shig /rigs kyi bu'am rigs kyi bu mo gang dag gzhi gsum gyi bdag nyid chen po la de ltar mi sgom pa de dag gi skyabs
61b2 su 'gro ba ni/ dag pa yin no/ /zhes nga zer ro/ /de ltar na/ rtag pa sgom pa ni/ bsam gyis mi khyab ste/ rigs kyi bu/ dper na/ shing yod na/ grib ma yod kyi/ shing med na/ grib ma med
61b3 pa de bzhin du de bzhin gshegs pa rtag pa dang / skyabs su 'gyur gyi/ gal te mi rtag na/ lha dang mi rnams kyi skyabs su 'os pa ma yin no/ /gsol pa/ bcom ldan 'das/ ci lags/ mtshan
61b4 mo mun pa'i nang na shing ljon pa'i grib ma snang zhes bgyi'am mi snang zhes bgyi/ bka' stsal pa/ 'od srung chen po dang rus gcig pa/ shing ljon pa yod pa'i grib ma ci'i phyir med ces brjod par bya'o/ /
61b5 de lta mod kyi/ sha'i mig gis ni/ mi mthong ste/ de bzhin du de bzhin gshegs pa'ang rtag pa dang / brtan pa dang / ther zug pa yin te/ ther zug pa yin gyis kyang mtshan mo mun pa'i nang na
61b6 shing ljon pa'i grib ma sha'i mig gis mi mthong ba de bzhin du de bzhin gshegs pa yongs su mya ngan las 'da' bar mdzad pas rtag pa dang / brtan pa dang / ther zug pa yin bzhin du mtshan mo
61b7 mun pa'i nang na shing ljon pa'i grib ma bltar mi snang bas sems can rnams de bzhin gshegs pa mi rtag go /snyam du yongs su rtog go /gal te nga dang / chos dang / dge 'dun rtag pa'i 'du shes
62a1 khyod kyi pha ma la med na/ gsum la skyabs su 'gro ba ma dag go /zhes nga zer ro/ /pha ma gnyis la gzhi gsum rtag par bstan na ni/ byang chub sems dpa'
62a2 sems dpa' chen po gsum la skyabs su song ba'i dge bsnyen zhes bya ba'i ming khyod kyis thob par 'gyur ro/ /gsol pa/ deng slan chad bdun rgyud kyi rigs tshun chad dang / pha ma gnyis
62a3 la bcom ldan 'das dang / chos dang / dge 'dun rtag go/ /zhes bgyi bar 'tshal lo/ /kye ma sangs rgyas bcom ldan 'das ni/ bsam gyis mi khyab bo/ /zhes kyang bslab par 'tshal lo/ /
62a4 gzhan dag la'ang bstan par 'tshal lo/ /gang dag bdag gis bstan pa ltar mi 'dzin cing mi rtag par smra ba'i sems can ngan pa de dag la ni/ bdag gis ser ba bzhin du bgyi'o/ /bcom
62a5 ldan 'das kyis bka' stsal ba/ rigs kyi bu/ legs so/ /legs so/ dam pa chos srung ba'i rigs kyi bus ni/ de ltar bya dgos te/ rigs kyi bu/ khyod legs so/ /de ltar na/ 'tshe
62a6 ba med pa la zhugs pa yin te/ 'tshe ba med pa'i las kyi 'bras bu chen po des na/ byang chub sems dpa' sems dpa' chen po rnams tshe'ang ring bar 'gyur la/ tshe rabs kyang dran par
62a7 'gyur ro/ /'tshe ba med pa'i phung po'i le'u zhes bya ste/ dang po'o// //rigs kyi bu/ da ni/ de bzhin gshegs pa rtag pa'i sku dang / mi shigs pa'i sku dang / rdo rje'i
62b1 sku dang / sha'i sku ma yin pa dang / chos kyi skur ltos shig /gsol ba/ gal te de bzhin gshegs pa yongs su mya ngan las 'da' bar mdzad na ni/ bdag de ltar mi lta lags so/ /gal te
62b2 yongs su mya ngan las 'da' bar gyur na/ gzhig tu rung ba'i sku dang / thal ba'i sku dang / sha'i skur blta bar 'tshal lo/ /bka' stsal ba/ rigs kyi bu/ mi'i lta bur sob sob po'i lus
62b3 dang / gzhig tu rung ba'i lus zhes de skad ma zer cig /'od srung chen po dang rus gcig pa/ de bzhin gshegs pa ni/ bskal pa bye ba phrag du ma nas mi shigs pa'i sku dang ldan zhing mi'i
62b4 lus ma yin/ lha'i lus ma yin/ srid pa thams cad kyi lus ma yin/ sha'i lus ma yin te/ de bzhin pa'i sku ni/ lus med pa/ ma skyes pa/ ma 'gags pa/ yod pa ma yin pa/
62b5 'jug pa med pa/ mthar thug pa med pa/ gnas pa med pa/ rnam par shes pa med pa/ kun tu spyod pa med pa/ shin tu dag pa/ ci'ang ma yin pa/ zin pa ma yin pa/ rkang pa med pa/
62b6 gnas pa med pa/ 'gyur ba med pa/ myong ba med pa/ ma 'dres pa/ mi shes pa/ shes par byar med pa/ rnam par rig tu mi bzod pa/ bsam gyis mi khyab pa/ bsam du med pa/ rnam
62b7 par shes pa med pa/ sems dang bral ba/ sems mnyam pa nyid/ sems mnyam pa nyid du 'gro ba/ 'bab pa med pa/ 'ong ba dang / 'gro ba yongs su chad pa/ ma bcad pa/ gcad du med pa/
63a1 glags med pa/ rdzas ma yin pa/ ma byung ba/ spyod pa med pa/ rtog pa med pa/ ming med pa/ yongs su ma grub pa/ myong ba ma yin pa/ mi mngon pa/ yul med pa/
63a2 gzhi med pa/ mun pa med pa/ snang ba med pa/ zhi ba ma yin pa/ rab tu zhi ba ma yin pa/ zhi ba dang bral ba/ dag pa/ rnam par dag pa/ ci'ang med pa/ len pa med pa/ chags pa med pa/ nyon
63a3 mongs pa med pa/ nyon mongs pa dang bral ba/ mi gnas pa'i tshul gyis gnas pa/ gzung du med pa/ 'pho ba med pa/ 'pho bar byar med pa/ chos ma yin pa/ chos ma yin pa med pa/
63a4 zhing ma yin pa/ zhing du ma gyur pa ma yin pa/ mi zad pa/ zad par byar med pa/ zad pa dang bral ba/ zad pa med pa/ skad cig pa/ skad cig pa dang bral ba/ skad cig pa ma yin pa/
63a5 ma 'khrugs pa/ yi ge dang thig le yongs su spangs pa/ sgra yongs su spangs pa/ bshad pa yongs su spangs pa/ sgom pa yongs su spangs pa/ bsam pa yongs su spangs pa/ ldan
63a6 pa ma yin pa/ mi ldan pa ma yin pa/ tshad med pa/ tshad med pa ma yin pa/ 'gro ba med pa/ 'ong ba med pa/ gnyis su med pa/ rtsom pa med pa/ nus pa med pa/ mtshan med pa/ mtshan gyis
63a7 rtogs par byar med pa/ mtshan gyis brgyan pa/ shin tu brtan pa/ shin tu zhi ba/ gdung ba dang bral ba/ ltung bar mi byed pa/ bltar med pa/ rjes su phye ba/ de bzhin nyid/ de kho na nyid/
63b1 sgrol ba med pa'i tshul gyis sems can thams cad sgrol ba/ thar par byed pa med pa'i tshul gyis thar par byed pa/ dag par byed pa med pa'i tshul gyis dag par byed pa/ grol bar byed pa med pa'i tshul
63b2 gyis grol bar byed pa/ ston pa po gnyis su med pa'i tshul gyis ston pa po mnyam pa/ mnyam pa med pa dang mnyam pa/ dpag tu med pa dang mnyam pa/ nam mkha' dang mnyam pa/ gnas med pa
63b3 dang mnyam pa/ skye ba med pa dang mnyam pa/ dmigs su med pa dang mnyam pa/ mnyam pa med pa dang mnyam par gyur pa/ zhi ba/ rab tu zhi ba/ nye bar zhi ba/ rten med pa/ tshad med pa/ spyod pa sgyur
63b4 ba| mi ldog par nges par 'dzin pa thams cad bcad pa/ phul ba med pa/ gnyis su med pa ston pa/ rnam par rig par byed pa med pa'i tshul dang / sbyor ba med pa'i tshul gyis rang bzhin gyi ngo bo
63b5 nyid| ring po ma yin pa/ zlum po ma yin pa/ phung pos rab tu phye ba ma yin pa/ khams kyis rab tu phye ba ma yin pa/ skye mched kyis rab tu phye ba ma yin pa/ 'dus byas kyi rnam par rtog pa med pa
63b6 'dus byas kyi rnam par rtog pa'i gnas med pa/ 'phel ba med pa/ 'grib pa med pa/ gzhal du med pa/ gzhal du med pa ma yin pa/ rno ba rno ba ma yin pa/ mchod du med pa mchod du med pa ma yin
63b7 pa ste| de ltar de de bzhin gshegs pa'i sku ni/ yon tan dpag tu med cing bsam gyis mi khyab pa dang ldan pa yin la/ sus kyang ma shes/ ma mthong / ma thos/ bye brag ma phyed/ rnam par ma shes/
64a1 yod pa ma yin pa/ tshig tu brjod du mi rung ba/ 'jig rten gyi khongs su ma 'dus pa/ rgyu las kyang ma byung ba/ rgyu med pa las kyang ma byung ba/ sku de ni/ thams cad
64a2 du rnam par rtog pa dang / rnam par rtog pa med pa'i mtshan nyid rnams dang / mtshan gyi gzhi dang / mtshan dang / bgrang ba dang / bsgre ba rnams kyis rnam par rig par byed mi nus la/ mya
64a3 ngan las 'da' bar gshegs pa'ang ma yin/ mi gshegs pa'ang ma yin te/ de bzhin gshegs pa ni/ yon tan dpag tu med pa dang ldan no/ /'od srung chen po dang rus gcig pa/
64a4 de bzhin gshegs pa'i sku ni/ de bzhin gshegs pa nyid kyis mtshan ma'i dngos po rnams kyi sgo nas thugs su chud par spyod kyi/ nyan thos dang / rang sangs rgyas thams cad
64a5 kyis ni/ mi nus so/ /de bzhin gshegs pa de lta bu'i yon tan dang ldan pa sha'i sku ma yin pa la kham pa'i snod bzhin du nad dam/ gnod pa'am/ 'jig par ga la 'gyur/ 'jig
64a6 pa dang / na ba dang / mya ngan las 'da' bar ston pa gang yin pa de ni/ gdul bar bya ba'i dbang gi phyir yin par blta bar bya'o/ /de bas na/ deng phyin chad de bzhin gshegs pa'i sku rdo rje
64a7 ltar mi shigs shings mkhregs par yid la gyis shig /gzhan dag la yang sha'i sku ma yin no/ /zhes ston cig /de bzhin gshegs pa ni/ chos kyi sku yin par khong du chud par gyis
64b1 shig /'od srung chen po dang rus gcig pas gsol ba/ bcom ldan 'das/ de ltar na/ de bzhin gshegs pa yon tan de lta bu dang ldan pa la snyun dang / mi rtag pa dang / 'jig pa ga la zhig
64b2 mchis te/ deng slan chad de bzhin gshegs pa ni/ chos kyi sku ste/ rtag pa dang / brtan pa dang / ther zug pa dang / zhi ba'o/ /zhes gzhan dag la'ang bstan par 'tshal na/ rdo rje lta bur mi
64b3 shigs pa'i sku 'di ji ltar 'grub par 'gyur lags/ sku 'di lta bur rgyu cis 'grub lags/ bcom ldan 'das kyis bka' stsal pa/ nga'i sku 'di lta bu ni/ dam pa'i chos srung ba'i bsod
64b4 nams kyi rgyus grub pa yin no/ /rigs kyi bu dam chos srung ba'i dge bsnyen gyis ni/ bslab pa'i gzhi lnga blang bar mi bya'o/ /dge bsnyen gyi 'dul ba'ang spyad par mi bya'o/ /tshul khrims dang / cho ga dang /
64b5 yon tan dang ldan pa'i dge slong rnams bsrung ba'i phyir mda' gzhu dang / ral gri dang / mdung thung kha leb lag tu thogs par bya'o/ /gsol ba/ dge slong dag las srung ma dang lhan cig mi 'khod
64b6 par gcig bu shing drung du stan bting ba la mchis pa gang lags pa de dag ni/ dge slong zhes bgyi ba lags so/ /srung ma dang lhan cig 'khod pa gang lags pa de dag ni/ khyim bdag mgo reg
64b7 ces bgyi ba lags so/ /bcom ldan 'das kyis bka' stsal ba/ rigs kyi bu/ khyim bdag mgo reg ces de skad ma zer cig /'di na dge slong la la ma la stan gsar pa la 'dug cing / de
65a1 zan zos nas gcig pu phyogs gcig na mi smra bar 'dug ste bsam gtan byed la/ lus kyi rang bzhin la'ang lta bar byed do/ /sems can 'ongs pa rnams la'ang
65a2 sbyin pa'i gtam dang / tshul khrims kyi gtam dang / bsod nams kyi gtam dang / bsod nams kyi rnam par smin pa'i gtam dang / chog shes pa dang bsnyung pa'i chos ston la/ seng+ge'i
65a3 sgra sgrog par yang mi byed/ seng+ge lta bu'i 'khor yang mi 'chad/ rtags can 'chal ba tshar gcad pa'i phyir yang ston par mi byed pa'i dge slong de ni/ skye bo thams cad la phan pa'i phyir
65a4 zhugs pa'ang ma yin/ bdag la phan pa'i phyir zhugs pa'ang ma yin te/ nyon mongs pa zhan pa yin pas tshul khrims dang ldan pa tshangs par spyod tsam du zad do/ /dge slong tshul
65a5 khrims dang ldan pa dge ba'i chos can gzhan zhig gnas gzhan zhig na mal stan gsar pa la 'dug cing seng+ge'i sgra sgrog ste/ sems can thams cad la phan pa dang / bde ba'i phyir gsung
65a6 rab yan lag dgu mdo'i sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / de lta bu byung ba'i sde dang / skyes
65a7 pa rabs kyi sde dang / shin tu rgyas pa'i sde dang / rmad du byung ba'i chos kyi sde rnams ston te/ mdo 'di la dge slong bran dang / bran mo dang / ba lang dang / ma he la sogs pa rdzas ngan pa
65b1 'chang ba rnams chad pas bcad par bshad pa ni/ bdag cag gi rkyen du 'tsham pa yin te/ mdo che ge mo zhig las kyang rab tu byung ba rdzas ngan pa 'chang ba rnams bcom ldan 'das kyis rgyal po che
65b2 ge mo zhig la chad pas gcod du bcug ste/ tshul khrims 'chal ba rnams ni/ gos skya bo gyon du bcug go /zhes ston cing de de ltar seng+ge'i sgra sgrog pa la tshul khrims 'chal ba rnams kyis dkrugs
65b3 ma byas te/ srog gcad du zin kyang dge slong de la ni/ tshul khrims dang ldan pa/ bdag la phan pa dang / gzhan la phan pa la zhugs pa zhes nga zer ro/ /rgyu des na/ rgyal po dang / blon po dang /
65b4 dge bsnyen rnams la dam pa'i chos bsrung ba'i phyir ngas dge slong rnams srung bar yang gnang / khyim bdag mgo reg rnams chad pas gcod du'ang gnang ngo / /de la tshul khrims 'chal
65b5 ba gang yin pa de dag ni/ khyim bdag mgo reg ces bya ste/ de ni/ tshul khrims dang ldan pa'i tshig bla dwags ma yin no/ /rigs kyi bu/ sngon byung ba 'das pa'i dus na bskal ba grangs
65b6 med pa'i snga rol tu grong khyer ku shi 'di nyid du de bzhin gshegs pa dgra bcom pa yang dag par rdzogs pa'i sangs rgyas dga' skyed ces bya ba 'jig rten du byung ste/ de'i tshe 'jig rten gyi
65b7 khams 'di bde ba can bzhin du yangs par gyur te/ de'i tshe sems can dag bde ba can gyi byang chub sems dpa' rnams bzhin du bru bas nyam chung ba med do/ /de nas de bzhin gshegs pa de lo bye
66a1 ba phrag du ma'i bar du bzhugs bzhugs nas grong khyer 'di nyid dang / gnas 'di nyid du mya ngan las 'das so/ /de nas de'i bstan pa lo bye ba phrag du ma'i
66a2 par du gnas gnas nas gang gi tshe bstan pa gnas pa de'i lhag ma lo bzhi bcu lus pa de'i tshe dam pa'i chos nub tu che ba'i dus na dge slong sangs rgyas byin zhes bya ba g.yog 'khor mang
66a3 po dang ldan pa/ seng+ga'i sgra sgrog pa/ gsung rab yan lag dgu'i chos ston ba zhig byung ste/ de bran dang / bran mo dang / ba lang dang / ma he la sogs pa rdzas ngan pa 'chang ba/ log pa'i
66a4 chos ston pa/ tshul khrims 'chal pa/ sdang ba'i sems dang ldan pa rnams kyis thos nas gsad pa'i sems bskyed de/ tshul khrims 'chal ba'i phyogs rnams gcig tu bsdongs nas
66a5 mtshon cha sna tshogs lag na thogs te dge slong de'i thad du deng ngo / /nga'ang de'i tshe rgyal po srid sbyin zhes bya bar gyur te/ rgyal po des gtam de thos nas dam pa'i chos bsrung ba'i phyir dge slong
66a6 de'i thad du song ste/ de dag dang g.yul bkye'o/ /de nas chos smra ba de la de dag gis ma tshugs so/ /rgyal po de ni/ ral gri dang / mdung thung kha leb dang / rdo rje rtse gcig pa dang / mda' rnams
66a7 kyi lus la ma gtsags pa'i sa mtshams yungs 'bru tsam yang med par gyur to/ de nas dge slong des rgyal po de de ltar gyur pa mthong nas legs so/ /zhes smras te dam pa'i chos srung bas ni/ de
66b1 ltar bya dgos so/ /khyod ni/ chos dpag tu med pa'i skal ba can du 'gyur ro/ /zhes byas so/ /de nas rgyal po des dge slong de'i tshig thos nas shi ba'i 'og tu de bzhin gshegs pa mi 'khrugs pa'i
66b2 'jig rten gyi khams su skyes so/ /der sems can gang rjes su yi rang bar gyur ba rnams dang / g.yul 'gyed pa gang yin pa de dag thams cad kyis kyang byang chub thob par gyur to/ /de bzhin gshegs
66b3 pa mi 'khrugs pa'i 'jig rten gyi khams mngon par dga' ba zhes bya ba'i 'jig rten gyi khams su de bzhin gshegs pa mi 'khrugs pa'i rnam pa zhes bya ba zhig kyang byung ngo / /dge slong sangs
66b4 rgyas byin yang rgyal po de shi ba'i rjes la shi nas de bzhin gshegs pa mi 'khrugs pa'i bstan pa la nyan thos kyi mchog tu gyur to/ /rgyal po de'ang nyan thos gnyis par gyur to/ /de ltar na/
66b5 dam pa'i chos nub pa'i tshe dam pa'i chos bsrung bar bya'o/ /de'i tshe rgyal por gyur ba de ni/ nga yin no/ /dge slong de ni/ sangs rgyas 'od srung yin te/ de ni/ yongs su mya ngan las 'das so/ /
66b6 de ltar na/ dam pa'i chos srung ba'i 'bras bu ni/ dpag tu med de/ 'bras bu rnam par dag pa des na/ nga'ang rma bya mdongs ri mo can mang pos brgyan pa lta bur gyur te/ mi shigs pa'i sku
66b7 dang / chos kyi sku brnyes par gyur to/ /'od srung chen po dang rus gcig pas gsol ba/ de bzhin gshegs pa ni/ rdo la brkos pa'i yi ge bzhin du rtag pa'i sku dang ldan lags so/ /bka' stsal
67a1 pa| rigs kyi bu/ de bas na/ dam pa'i chos srung bar 'dod pas ni/ dge slong ngam/ dge slong ma'am/ dge bsnyen nam/ dge bsnyen ma gang na yod pa der bsrung
67a2 bar bya'o/ /dge bsnyen dam pa'i chos srung ba'i 'bras bu ni/ rgya che'o/ /rigs kyi bu/ de bas na/ dge slong rnams mtshon cha lag na thogs pa'i dge bsnyen dag gis mdun du bdar te rgyu
67a3 bar bya'o/ /theg pa chen po 'di la ni/ dge bsnyen gyis bslab pa'i gzhi lnga blang bar mi bya ste/ dam pa'i chos bsrung ba'i phyir lag na mtshon cha thogs shing dge slong rnams bsrung bar bya'o/ /
67a4 gsol ba/ ci lags/ dge slong gang dag de lta bu'i dge bsnyen lag na mtshon cha thogs pa dang lhan cig 'grogs shing rgyu ba de dag slob dpon lags sam/ 'on te slob dpon ma lags/
67a5 tshul khrims 'chal ba zhes bgyi'am/ 'on te mi bgyi lags/ bcom ldan 'das kyis bka' stsal pa/ rigs kyi bu/ de bzhin gshegs pa yongs su mya ngan las 'das pa'i 'og tu
67a6 nang 'khrug 'byung ba dang / yul bcom pa dag 'byung bar 'gyur te/ dus ngan par gyur pa de'i tshe mu ge'i nyes pas cher rab tu 'byung zhing mgo reg tu 'gyur te/ de dag gis dge slong
67a7 tshul khrims dang / cho ga dang / yon tan dang / spyod pa phun sum tshogs pa dang ldan pa dag skrod par 'gyur/ gsod par 'gyur te/ der dge slong tshul khrims dang ldan pa rnams kyi
67b1 grong dang / grong khyer dang / ri khrod kyi grong dag tu ji ltar rgyu bar bya ste/ de lta bu dag gi dus na dge slong tshul khrims dang ldan pa slob dpon du gyur pa rnams lam du 'gro ba na rang gi srog bsrung ba'i
67b2 phyir mtshon cha lag na thogs pa dag der 'gro bar ngas gnang ngo / /dge bsnyen rnams dang / khyim bdag dang / rgyal po dang / blon po rnams kyis dge slong tshul khrims dang ldan pa bsrung ba'i phyir
67b3 mtshon cha 'chang ba de'ang tshul khrims yin zhes nga zer te/ 'on kyang gsad par ni/ mi bya'o/ /dgag pa'i phyir mtshon cha bcad bar bya ste/ de ni/ mchog tu mkhas pa'i tshul khrims yin
67b4 no| |slob dpon ni/ theg pa chen po'i gdams ngag ston pa dang / yang dag par lta ba dang / rung ba ma yin pa'i gdugs dang / 'bru mar gyi snod dang / 'bras bu'i rnam grangs rnams spangs pa
67b5 dang / rgyal po dang / blon po rnams la mi brten pa dang / rnyed pa'i phyir sbyin pa po rnams la dga' ba dang / snyan par smra ba ma yin pa dang / spyod lam phun sum tshogs pa dang / tshul med pa'i dge sbyong
67b6 gi dngos po sel ba dang / tshul khrims dang ldan pa dang / dge ba'i chos can dang / rgya mtsho dang 'dra ba'i blo gros 'chang ba dang / byad gzugs dang / cha byad dang / rnyed pa dang / bkur sti gzhan mi
67b7 'dod pa dang / cho ga shes shing yo byad bsnyungs pa ston pa gang yin pa ste/ de ni slob dpon zhes bya'o/ /de'i 'khor rnyed pa dang bkur sti 'dod pa'i rang gi 'khor gyi dge 'dun gang yin pa de
68a1 dag ni| zlog par byed do/ /de la dge 'dun yang rnam pa gsum ste/ tshul khrims 'chal pa dang 'dres pa dang / byis pa'i dge 'dun dang / rang bzhin gyi dge
68a2 'dun no/ /de la tshul khrims 'chal pa dang 'dres pa'i dge 'dun ni/ des zlog par byed de/ tshul khrims 'chal pa dang 'dres pa'i dge 'dun zhes bya ba ni/ tshul khrims 'chal ba rnams
68a3 'ba' zhig dang mthun par byed de/ de dag tshar gcod par mi byed cing zang zing gi phyir de dag dang lhan cig tu spyod par mthun par byed pa gang yin pa ste/ tshul khrims dang ldan du zin
68a4 kyang de dag dang lhan cig tu gnas pas tshul khrims 'chal pa kho na yin pa'i grangs su 'gro bar 'gyur ro/ /'di ni/ tshul khrims 'chal pa dang 'dres pa zhes bya ste/ de'i tshul med pa zlog
68a5 par byed pa'i phyir slob dpon zhes bya'o/ /byis pa'i dge 'dun zhes bya ba ni/ dgon pa dang / bsod nams zhan pa dang / rmugs pa rnams yin te/ skabs dbye ba dang / gso sbyong
68a6 rnams kyi dus su rang gi 'khor nyi tshe dag bar byed kyi/ tshul khrims 'chal pa rnams dag par mi byed par de dag dang lhan cig tu 'dre bar gnas pa de ni/ byis pa'i dge 'dun zhes bya ste/
68a7 rmugs pa de dag gi tshul ma yin pa sel bar byed pa'i phyir slob dpon zhes bya'o/ /rang bzhin gyi dge 'dun ni/ bdud bye ba snyed kyis kyang mi shigs pa yin te/ de ni/ byang chub sems
68b1 dpa'i dge 'dun rang bzhin gyis rnam par dag pa'o/ /tshul khrims 'chal ba'i dge 'dun rnam pa gnyis zlog par byed pa gang yin pa de dag ni/ slob dpon zhes bya'o/ /'dul ba 'dzin pa zhes bya
68b2 ba ni/ gdul bar bya ba'i dbang gis bslab pa'i gzhi de dang de dag shes te/ rngams chen po'ang shes so/ /rngams chung du'ang shes so/ /'dul ba ma yin pa ni/ btsan par mi byed do/ /
68b3 'dul ba ni/ btsan par byed do/ /'dul bar bya ba'i dbang ji ltar shes she na/ byang chub sems dpa' gdul bar bya ba'i dbang gis grong khyer du 'gro ba yod do/ /de ni/ bud med dang /
68b4 gar mkhan mo'i 'dun khang dang / yugs sa mo'i khyim dang / smad tshong ma'i ma gtogs par khyim gyi nang ngam/ 'dun khang gang du 'gro 'dod kyang rung ste/ de la der 'gro ba'i dus nges pa
68b5 med do| |byang chub sems dpa'i dge slong gis ni/ lo grangs mang por yang grong khrod du rgyu bar bzod kyi/ nyan thos kyi dge slong gis ni/ mi bzod do/ /rngams chen po dang / rngams chung du ji ltar
68b6 shes she na/ rngams chen po zhes bya ba ni/ de bzhin gshegs pas don gyi dmigs byung ba gang gzigs na ni/ de ltar gzigs pa'i 'og tu phas pham pa bzhi po 'di lta bu phyin chad ma byed
68b7 cig /gal te khyed kyis byas na/ rab tu 'byung du med par 'gyur ro/ zhes bslab pa'i gzhi 'cha' bar mdzad pa de ni/ rngams chen po zhes bya'o/ /rngams chung ngu zhes bya ba ni/ 'di na la
69a1 la zhig gis don gyi dmigs byung ba gcig cig byas la/ bslab pa'i gzhi de dam por ma byas pa de bzhin gshegs pas lan gsum gyi bar du gzigs
69a2 kyang bslab pa'i gzhi gzhan 'cha' bar mdzad de/ de ni/ phyir gso ba tshang ba zhes bya ste/ rngams chung du zhes bya'o/ /de'ang lhag ma dang bcas pa'i 'dul ba ni/ btsan par byed do/ /
69a3 rung ba ma yin pa'i sbyin pa'i phan yon gang las 'byung ba'i 'dul ba de ni/ btsan par mi byed do/ /'dul ba la slob par byed do/ /tshul khrims 'chal ba ni/ tshul khrims spangs
69a4 la chos gos rnams dang bcas shing gzhon nu chen po yin no/ /de ni/ de'i 'dul ba'ang btsan par mi byed la gang 'dul ba la snang ba de la de mchog tu chog shes par byed do/ /sangs
69a5 rgyas kyi gsung rab las gang rkyen du 'tsham pa ston par byed do/ /de las btus pa de la'ang 'dul ba zhes nga zer te/ de ni/ 'dul ba 'dzin pa yin no/ /yi ge gcig kyang shes te/ gang
69a6 yi ge gcig shes pa de lta bu ni/ 'jig rten na 'dul ba 'dzin pa yin te/ 'di ni/ mdo sde ba 'dul ba 'dzin pa zhes bya'o/ /de ltar na/ de bzhin gshegs pa'i bstan pa ni/ dpag
69a7 tu med do/ /de bzhin gshegs pa ni/ bsam gyis mi khyab bo/ /gsol pa/ bcom ldan 'das/ de bzhin gshegs pa lta lags kyang bsam gyis mi khyab lags/ rtag pa dang /
69b1 brtan pa dang / ther zug dang / zhi ba lags te/ bsam gyis mi khyab bo/ zhes gzhan dag la'ang bstan par 'tshal lo/ /bcom ldan 'das kyis bka' stsal ba/ 'od srung chen po dang rus
69b2 gcig pa/ legs so/ /legs so/ /de bzhin gshegs pa ni/ rdo rje ltar mi shigs pa'i sku 'dzin pa la zhugs pa yin te/ de ltar yang dag pa'i lta ba dang / bslab pa la gus par bya'o/ /
69b3 de bzhin gshegs pa rdo rje ltar mi shigs pa'i sku dang ldan par yang dag par lta ba'i byang chub sems dpa' sems dpa' chen pos ni/ ji ltar me long gi ngos la rang bzhin gyi gzugs
69b4 brnyan snang ba de bzhin du don dam pa'i sku gsal bar mthong ngo / rdo rje ltar mi shigs pa'i sku'i phung po'i le'u zhes bya ste/ gnyis pa'o// //rigs kyi bu/ gzhan yang da ni/
69b5 mdo 'di'i ming dang / yon tan dang / tshul yang dag par gzung bar gyis shig /mdo 'di'i mdo thos na/ sems can rnams 'gro ba bzhir 'gro bar 'gyur pa de ni/ mi srid de/ mdo chen
69b6 po 'di'i yon tan dang tshul sangs rgyas mang pos bstan pa de lta bu ngas bstan par bya'o/ /gsol ba/ byang chub sems dpa' sems dpa' chen po rnams ji ltar mdo 'di'i ming yang dag par
69b7 'dzin pa lags/ ji ltar mdo 'di'i ming 'dzin pa'i grangs su gtogs pa lags/ bka' stsal ba/ mdo 'di ni/ yongs su mya ngan las 'das pa chen po zhes bya ste/ tshangs par spyod pa/ thog mar
70a1 dge ba/ bar du dge ba/ tha mar dge ba/ don bzang po/ tshig 'bru bzang ba/ ma 'dres pa/ yongs su rdzogs pa/ yongs su dag pa/ yongs su byang ba/ rdo rje lta bu'i
70a2 gter dang / che bar grags pa yin no/ /rigs kyi bu/ dper na/ gang+gA dang / ya mu na la sogs pa chu klung brgyad ni/ rgya mtsho chen po kho nar 'bab pa de bzhin du/ nyon mongs pa rnam pa sna tshogs
70a3 bye ba snyed kyi rang bzhin gyi bdud la sogs pa bdung thams cad las rnam par rgyal ba ni/ yongs su mya ngan las 'das pa chen po lus 'dor zhing 'chi la 'di kho na nyid du 'du bar 'gyur te/
70a4 de bas na/ yongs su mya ngan las 'das pa chen po zhes bya'o/ /gzhan yang dper na/ sman dpyad rig pa gsum la sogs pa'i rig pa rnams ni/ rang rang gi rgyud phyi ma kho na'i khongs su
70a5 'du bar 'gyur ba de bzhin du de bzhin gshegs pas gsungs pa'i dgongs pa'i tshig gsang ba'i chos kyi sgo rnam pa sna tshogs thams cad kyang yongs su mya ngan las 'das pa chen po kho na'i
70a6 khongs su 'du bar 'gyur bas na/ de'i phyir yongs su mya ngan las 'das pa chen po zhes bya'o/ /dper na/ dbyar gyi dus su zhing pas gshol chen pos rmos te sa bon btab nas sa bon
70a7 'grub par 'dod la/ grub nas ni/ thams cad grub pa'i mthar thug pa de yin pa'i phyir 'dod pa med par 'gyur ba de bzhin du sems can rnams kyis mdo thams cad kyi ting nge 'dzin
70b1 bsgoms zin nas kyang mdo gzhan gyi bcud 'dod par byed la/ mdo 'di'i bcud ni/ thams cad grub pa'i mthar thug pa dang / 'dis sems can thams cad srid pa thams cad las brgal bar
70b2 'gyur ba yin no/ /rigs kyi bu/ dper na/ rjes kyi sna grangs ci'ang rung ba de dag thams cad ni/ glang po'i rjes kyi khongs su 'du bar 'gyur te/ glang po che'i rjes ni/ de dag gi nang na mchog ces
70b3 bya| rab mchog ces bya/ gtso bo zhes bya ba de bzhin du/ rigs kyi bu/ mdo 'di'i ting nge 'dzin ci'ang rung ba de dag thams cad ni/ yongs su mya ngan las 'das pa chen po kho na'i khongs su 'du
70b4 bar 'gyur te/ mdo 'di'i ting nge 'dzin thams cad kyi nang na yongs su mya ngan las 'das pa'i mdo chen po mchog ces bya/ rab mchog ces bya/ /gtso bo zhes bya'o/ /rigs kyi bu/ gzhan yang dper
70b5 na| ston gyi dus su lo tog btab pa ni/ rmos thams cad kyi mchog ces bya/ rab mchog ces bya/ gtso bo zhes bya ba de bzhin du/ yongs su mya ngan las 'das pa'i mdo chen po'i rtag pa nyid kyi
70b6 gshol chen po'i rmos pa ni/ mdo thams cad kyi mchog ces bya/ rab mchog ces bya/ gtso bo zhes bya'o/ /de bzhin du thams cad la'ang sbyar ba bya ste/ 'dir dkar po'i phyogs kyi thabs dang
70b7 sbyar ro| |nyan thos kyi theg pa'i yang dag par ldan pa'i mdo'i rnam par dbye ba'ang 'dir sbyar bar bya'o/ /rigs kyi bu/ gzhan yang dper na/ mkhris pa rgyas pa'i nad kyis thebs pa la ni/ mar dang /
71a1 mngar ba brgyad kyi sman 'ba' zhig lhag par phan pa de bzhin du/ de bzhin gshegs pa'i dgongs pa'i tshig gi mkhris ba rgyas pa'i nad kyis zin pa la'ang theg pa
71a2 chen po'i mdo sde dang / mya ngan las 'das pa chen po'i mngar ba brgyad kyi sman 'ba' zhig lhag par phan te/ 'dir mngar ba brgyad gang zhe na/ rtag pa dang / brtan pa dang / ther thug dang / zhi
71a3 ba dang / bsil ba'i rang bzhin dang / rga ba med pa dang / 'chi ba med pa dang / dri ma med pa dang / bde ba ste/ 'di rnams ni/ 'dir mngar ba brgyad ces bya ste/ gang gi phyir mngar ba chen po yin pas
71a4 na| de'i phyir yongs su mya ngan las 'das pa chen po zhes bya'o/ /byang chub sems dpa' sems dpa' chen po rnams ming dang / yon tan dang / tshul de la gnas na/ yongs su mya ngan las
71a5 'das pa rnam pa du ma ston te/ de bas na/ yongs su mya ngan las 'das pa chen po zhes bya'o/ /rigs kyi bu'am/ rigs kyi bu mo yongs su mya ngan las 'das pa chen po 'dis mya ngan las
71a6 'da' bar 'dod pas ni/ de bzhin gshegs pa dang / chos dang / dge 'dun rtag go /zhes bya ba la brtson par bya'o/ /rigs kyi bu'am/ rigs kyi bu mo yongs su mya ngan las 'das
71a7 pa chen po'i spyad pa spyod par 'dod pas ni/ de bzhin gshegs pa rtag go /zhes bya ba la brtson par bya'o/ /gsol pa/ kye ma bcom ldan 'das/ de bzhin gshegs pa bsam gyis mi
71b1 khyab lags so/ /chos bstan pa bsam gyis mi khyab lags so/ /dge 'dun yon tan gyi tshegs dang ldan pa bsam gyis mi khyab lags so/ /de bzhin du yongs su mya ngan las 'das pa chen po'i
71b2 mdo 'di'ang bsam gyis mi khyab lags so/ /'di la gang dag bka' bzhin du byed pa de dag ni/ yang dag par 'dzin pa'i sems can lags so/ /de dag ni/ mchod rten lta bu lags so/ /
71b3 gzhan ni/ mya ngan du bgyi ba lags/ ming shes pa'i dgon pa na 'khod pa lags so/ /mdo'i ming gi gtan tshigs dang / yon tan gyi tshul gyi le'u zhes bya ste/ gsum pa'o// //rigs kyi bu/ 'di la byang chub sems dpa' sems dpa' chen po rnams ni/ mya ngan las 'das pa chen po'i mdo chen po las chos kyi sna grangs rnam pa bzhi ston par byed de/ sna grangs rnam pa
71b4 bzhi gang zhe na/ rang gi lhag pa'i bsam pa zhes bya ba dang / gzhan gyi lhag pa'i bsam pa zhes bya ba dang / 'dri ba'i dbang zhes bya ba dang / don gyi dmigs byung ba'i dbang zhes bya ba ste/ bzhi
71b5 po ni/ de dag yin no/ /de la rang gi lhag pa'i bsam pa zhes bya ba ni/ de bzhin gshegs pas gang la gzigs nas chos ston par mdzad pa ste/ dper na/ shing gi phung po 'bar zhing snang
71b6 bar gyur ba gzigs nas dge slong dag /gang dag de bzhin gshegs pa las gsang ba sna tshogs thos na/ 'di ni/ bdud kyis smras pa yin no/ /zhes gzhan dag la zer zhing / rang bzo'i tshig
72a1 'bru sna tshogs rnams la de bzhin gshegs pas gsungs pa yin no/ /zhes byas nas sangs rgyas bcom ldan 'das dang / chos dang / dge slong gi dge 'dun ni/
72a2 mi rtag go /zhes zer ba bas ni/ shing gi phung po 'bar ba 'di la kun nas reg cing pang du blangs kyang bla'o/ /gang dag bdud kyis smras pa'o/ /zhes zer ba dang / gang dag phyin ci log gi
72a3 chos de 'dzin par byed pa de dag ni/ brdzun du smra ba'o/ /de bzhin gshegs pa mi rtag go/ zhes bya ba'i tshig smra ba bas ni/ shing gi phung po 'bar ba 'di la lces kun nas reg par byas
72a4 te shi'ang bla'i/ tshig de ni/ mnyan par yang mi bya'o/ /de bzhin gshegs pa rtag pa'o/ /zhes 'dogs mi nus pa de dag ni/ mya ngan du bya ba yin no/ /sangs rgyas bcom ldan 'das
72a5 ni| bsam gyis mi khyab bo/ /de bzhin du de'i rjes su bstan pa dang / nyan thos kyi dge 'dun yang bsam gyis mi khyab po/ /snyam du gzung bar bya'o/ /de la sogs pa shing gi phung po
72a6 'bang ba zhes bya ba man chad ni/ rang gi lhag pa'i bsam pa zhes bya ba'i sna grangs so/ /gzhan gyi lhag pa'i bsam pa zhes bya ba ni/ bcom ldan 'das chos ston cing bzhugs pa na bud
72a7 med gzhon nu gsar du bu byung ba la la zhig bcom ldan 'das kyi thad du 'ongs nas phyogs gcig tu 'dug ste sems shing 'dug go/ de nas bcom ldan 'das kyis de'i bsam pa thugs su
72b1 chud nas chos ston par mdzad de/ dper na/ bud med bu la byams pa'i thabs mkhas pas ji tsam 'ju nus pa'i drod shes nas rang gi mdzub mo'i thor tos bdag gi bu chung du mar bldag tu
72b2 bcug pa bzhin no/ /zhes gsungs so/ /de nas bud med des 'di skad ces gsol to/ /kye ma/ bcom ldan 'das kyis ni/ bdag gi sems kyi rtog pa thugs su chud nas lhag chad med par
72b3 bka' stsal te/ bdag slob tu stsal ba kho na bzhin lags so/ /bcom ldan 'das/ bdag gis deng byis pa la mdzub mo'i thor tos chab mar stsal ba drag par 'gyur te/ des na/ 'di ma zhu
72b4 bar gyur lags so/ /bcom ldan 'das/ ci lags/ bdag gi khye'u 'di tshe ring bar 'gyur ram/ 'on te tshe thung bar 'gyur ba bcom ldan 'das de bzhin gshegs pas bstan du gsol/ bka'
72b5 stsal pa/ khyod kyi bu 'di bde ba dang ldan zhing tshe ring bar 'gyur ro/ /de nas bud med de mgu bar gyur nas gsol pa/ khyod kyi bden pa'i tshig gis bdag shin tu mgu lags so/ /de ltar de bzhin
72b6 gshegs pa ni/ gdul bar bya ba'i dbang la gzigs shing 'ju ba dang mi 'ju ba'i nyam stobs dang sbyar nas chos thams cad bdag med pa dang / sdug bsngal bar ston par mdzad do/ /gal te
72b7 bcom ldan 'das kyis stobs che chung dang ma sbyar bar sems can rnams la rtag pa'i gsang ba bstan pa lags na/ chab mar ma zhu ba dang 'dra bar sems can rnams chab 'tshal bar 'gyur lags
73a1 so| |bka' stsal pa/ che zhe/ legs so/ /legs so/ /rigs kyi bu mos ni/ de ltar bya dgos so/ /che zhe/ gzhan yang gang gi tshe khyod kyi bu gom pa 'dor nus par
73a2 gyur pa de'i tshe kha zas snum pa gang dang gang byin pa de dang de 'ju nus par 'gyur ro/ /bcom ldan 'das/ de ni/ bka' mad do/ /bka' stsal pa/ ci dang bo'i zas kyis mgu bar 'gyur ram/
73a3 gsol pa/ bcom ldan 'das/ de ni/ ma lags so/ /bka' stsal pa/ che zhe/ de bzhin du gang gi tshe nga'i nyan thos rnams kyis byis pa chung du nyung du za ba dang 'dra ba de'i tshe nga mar dang 'dra
73a4 ba sdug bsngal dang / mi rtag pa dang / stong pa dang / bdag med pa'i don du ston to/ /gang gi tshe khyod kyi bu skyes pa bzhin du nyan thos chen por gyur te/ stobs cher skyes shing theg
73a5 pa chen po 'dod par gyur pa de'i tshe ni/ nga'ang ro drug dang ldan pa'i kha zas chen po dang 'dra ba'i yongs su mya ngan las 'das pa chen po'i mdo chen po ston to/ /de la ro drug po rnams gang
73a6 zhe na| sdug bsngal gyi skyur dang / mi rtag pa'i lan tshwa dang / bdag med pa'i tsha ba dang / bde ba'i mngar ba dang / bdag yod pa'i bska ba dang / rtag pa'i kha ba rnams te/ ro drug po 'di
73a7 rnams nyon mongs pa'i bud shing dang / sgyu ma'i mes btsos pa'i zas yongs su mya ngan las 'das pa chen po'i de kho na nyid kyi 'bras chan zhim po nga'i nyan thos rnams za bar 'gyur ro/ /
73b1 che zhe/ gzhan yang dper na/ khyod gzhan gyis bos sam/ gzhan gyi gtsug phud bca' ba'i phyir grong gzhan du 'gro bar 'dod pa na bu ngan pa rnams bor te bu bzang po rnams blangs nas gter
73b2 gsang ba rnams ston par byed dam/ bcom ldan 'das/ de ni/ bka' mad de/ bu ngan pa/ tshul ma mchis pa/ nor gyi skal ba can ma lags pa de dag la ni/ bdag nor ston par mi
73b3 bgyid lags kyi/ bdag ni/ bu bzang po/ /khyim so 'dzin pa/ khyim gyi don sgrub pa/ rdzas bstan par 'os pa de dag la ston par bgyid lags so/ /bka' stsal pa/ che zhe/ de bzhin du
73b4 gang gi tshe yongs su mya ngan las 'das pa chen por 'gro ba'i bya ba byed pa de'i tshe de bzhin gshegs pa gsang ba sna tshogs kyi dgongs pa'i tshig ma lus par nyan thos rnams la ston te/ der sras
73b5 rnams la dad pa sbyin par mdzad do/ /che zhe/ dper na/ khyod byes su song ba na bu ngan pa rnams khyod ma shi bar shi'o/ /snyam du sems sam/ bcom ldan 'das/ de ni/ bka' mad do/ /bka'
73b6 stsal pa| de nas khyed phyir 'ongs pa de dag gis mthong ba de bzhin du che zhe/ nga la mi rtag go/ snyam du 'du shes ma byed cig /deng de bzhin gshegs pa yongs su mya ngan las 'da' bar 'gyur ro/ /
73b7 zhes shi ba'i 'du shes bzhin du de ltar ma 'dzin cig /gang dag rtag tu de bzhin gshegs pa rtag pa dang / brtan pa dang / ther zug pa'o/ /snyam du 'dzin pa de dag gi khyim na ni/ de bzhin gshegs
74a1 pa bzhugs te/ 'di ni/ gzhan gyi lhag pa'i bsam pa zhes bya'o/ /'dri ba'i dbang zhes bya ba ni/ 'di na la la zhig de bzhin gshegs pa dgra bcom pa yang dag
74a2 par rdzogs pa'i sangs rgyas la zhu bar byed de/ bcom ldan 'das/ ji ltar bgyis na/ bdag gis su la'ang ci'ang ma stsal bar 'jig rten du sbyin pa por grags pa'i gtam snyan pa thob par
74a3 'gyur lags/ de bzhin gshegs pas de la de skad ces bka' stsal to/ /chags pa med pa la bran dang / bran mo blang bar stobs shig /gtan du tshangs par spyod pa la bu mo'i sbyin pa
74a4 gyis shig /sha mi za ba la sha zar chu gcig /chang mi 'thung ba la chang 'thung ngu chug cig /ngus su za ba la dus ma yin par zas byin cig /me tog phreng dang / rgyan mi thogs pa la phye ma dang /
74a5 spos dang / me tog dang / bdug pa rnams byin cig /de dag gi dus shes par gyis la mgron du bos shig dang / khyod kyis de ltar byas na/ 'jig rten 'dir sbyin bdag gi rgyal po yin no/ /
74a6 zhes grags pa chen por 'gyur te/ bsod nams 'phel bar ni/ mi 'gyur ro/ /'phags pa yongs su mya ngan las 'das pa theg pa chen po'i mdo/ /bam po lnga pa/ de nas 'od
74a7 srung chen po dang rus gcig pas 'di skad ces gsol to/ /sha mi 'tshal ba la gzung ba ni/ ched cher bgyi ba lags na/ sha mi 'tshal ba la'ang 'tshal du stsal na/ nongs par mi
74b1 'gyur lags sam/ bka' stsal pa/ rigs kyi bu/ legs so/ /legs so/ /khyod kyis nga'i dgongs pa rig ste/ dam pa'i chos srung bas ni/ de ltar bya dgos so/ /rigs kyi bu/ da phyin
74b2 chad nga'i nyan thos rnams sha za bar mi gnang ngo / /yul 'khor gyi bsod snyoms ni/ bu'i sha dang 'dra'o/ /zhes bya na/ sha bza' bar ngas ji ltar gnang / sha za ba ni/ byams pa chen po
74b3 chad par 'gyur ro/ /zhes ngas bstan to/ /gsol pa/ bcom ldan 'das/ 'o na ji ltar mu gsum yongs su dag pa'i sha bza' bar gnang lags/ bka' stsal pa/ mu gsum yongs su
74b4 dag pa 'di ni/ ngas rim gyis bslab pa'i gzhi bsdam pa'i phyir deng ngas bor ro/ /gsol pa/ bcom ldan 'das/ ci las dgongs te don ched kyi mu dgu dang / sha rnam pa bcu spang ba bka'
74b5 stsal lags/ bka' stsal pa/ tshig bzhag pa de dag kyang sha mi bza' bar bsdam pa'i phyir bcad do/ /gsol pa/ bcom ldan 'das ci las dgongs te sha dang / nya sha bza' ba'ang kha
74b6 zas bzang por gsung lags/ bka' stsal pa/ ngas ni/ sha dang / nya sha kha zas bzang por ma gsungs kyi/ ngas ni/ bur ram shing dang / 'bras sA lu dang / 'bru dang / gro dang / nas dang /
74b7 sran sde'u dang / sran gre'u rnams dang / mngar bag kha ra dang / li kha ra dang / sbrang rtsi dang / mar dang / 'o ma dang / 'bru mar rnams kha zas bzang por gsungs po/ ngas ni/ lus g.yogs
75a1 pa'i phyir gos sna tshogs kyang kha dog ngan par bsgyur bar bya'o/ /zhes bstan na/ sha bza' ba'i ro la chags pa lta ci smos/ gsol pa/ de lta na ni/ ba'i bcud
75a2 rnam lnga dang / til dang / 'bru mar shing gi khu ba dang / dung dang / zab dar la sogs pa'ang khrims su bca' ba'i rigs lags so/ /bka' stsal pa/ gcer bu ba'i lta ba ma 'dzin cig /da
75a3 ni| 'du shes gzhan gyis da khyod la bslab pa'i gzhi bca' bar bya ste/ mu gsum gyi sha'ang mi bza' bar bsdams so/ /don ched du byas pa khyod kyis rig pa de'ang bsdams so/ /
75a4 sha rnam pa bcu la ma gtogs pa de'ang spangs so/ /shi ba'i sha'ang spangs so/ /sha za ba ni/ 'gro'ang rung / 'dug kyang rung ste/ srog chags thams cad de'i dri tshor nas des 'jigs
75a5 te| dper na/ mis shing kun nam sgog pa zos na/ mi'o cog gi sems ma dad par 'gyur zhing mi mthun par 'gyur la/ mi mang po tshogs pa'am/ skye bo mang pos gang ba'i nang du
75a6 sems can de dag gis che ga mo zhig gi sha zos so/ /zhes shes pa de bzhin du srog chags thams cad kyis sha za ba'i mi ngo shes te/ de dag gi dri tshor nas 'chi ba'i 'jigs pas skrag
75a7 par 'gyur te/ de rgyu zhing 'gre ba na chu dang / skam dang / nam mkha' la gnas pa'i skye bo rnams skrag ste/ bdag cag 'dis gsad du 'ong ngo / /snyam nas 'khams nas kyang 'chi bar
75b1 'gyur ro/ /rgyu de dag gis na/ byang chub sems dpa' sems dpa' chen po rnams sha mi za'o/ /gdul bar bya ba'i dbang gis ni/ sha za ba lta bur yang ston mod kyi/ kha zas tha mal pa'ang mi za na/ sha
75b2 lta ci smos/ rigs kyi bu/ nga 'das pa'i 'og tu lo brgya phrag mang po 'das pa na rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa rnams med par gyur la/
75b3 dam pa'i chos gtan zhig pa'i tshe dge slong 'dul ba dang ma mo 'dzin pa/ rtog pa sna tshogs can/ rang gi lus gso bar byed pa/ sha sna tshogs gces par 'dzin pa/ khams 'khrugs pa dang /
75b4 bkres pa dang / skom pas gzir ba/ cha lugs 'jigs 'jigs ltar 'dug pa/ ba lang rdzi 'dra ba/ bya ba 'dra ba/ chos gos tshon can kyi rtags 'chang ba/ byi la'i brtul zhugs spyod
75b5 pa| bdag ni/ dgra bcom pa yin no/ /zhes khas 'che ba/ gnod pa mang pos nyen pa/ rang gi gcin dang phyi sas lus gos pa/ thub pa bzhin du cha lugs bzang por 'chos pa/ dge sbyong ma
75b6 yin par dge sbyong ltar 'chos pa/ dam pa'i chos ltar bcos ma'i yi ge 'chang ba dag 'byung bar 'gyur te/ de dag gis ngas bcas pa'i 'dul ba dang / cho ga dang / spyod yul dang ldan pa'i
75b7 tshul dang / rung ba ma yin pa la chags pa lags rnam par grol ba/ thar ba'i de kho na nyid kyi yi ge bshig nas 'dul ba dang / mdo sde so so nas ci dga' mgur 'chos shing smra bar byed de/ 'di
76a1 ltar bdag cag gi 'dul ba las bcom ldan 'das kyis sha'i bcud kyi sbyin pa ni/ rung ba yin no/ /zhes gsungs so/ /zhes zer zhing / shAkya'i bu'i dge
76a2 sbyong rnams bdag nyid kyis rang bzor byed cing 'gal bar smra ba dag 'byung bar 'gyur ro/ /rigs kyi bu/ gzhan yang rung ba ma yin pa'i 'bras rjen pa dang / sha dang nya sha len pa dang /
76a3 snams su sbyor ba dang / 'bru mar gyi snod dang / gdugs byed pa dang / lham byed pa dang / rgyal po la brten pa dang / mo yig 'chang ba dang / sman pa'i dpyad la brtson pa dang / bran dang /
76a4 bran mo dang / gser dang / dngul dang / byu ru dang / dung dang / man shel dang / mu tig gi do shal dang / shing tog rnams len pa dang / rig pa dang / ri mo mkhan dang / gzugs
76a5 mkhan dang / skye shing 'dzugs pa dang / gsang sngags dang / sman dang / byis pa'i rtsed mo dang / gar thabs kyi yan lag dang / mig 'khrul dang / rengs par bya ba'i sbyor ba dang /
76a6 glu gar dang / me tog phreng dang / so rtsi dang / sman mar chen po bskol ba dang / spos dang byug pa 'chang ba dang / 'gros 'chos pa rnams slob pa dang / sgeg pa'i sbyor ba la brtson pa dag
76a7 'byung bar 'gyur te/ de dag spangs pa la ni/ dge slong zhes nga zer ro/ /gsol pa/ bcom ldan 'das/ 'o na ji ltar bgyi lags/ dge slong ngam/ dge slong ma'am/ dge bsnyen nam/
76b1 dge bsnyen ma gzhan gyis stsal pas 'tsho ba rnams kyi yul gang ma brtags pa'i zas mod pa der bsod snyoms sha dang 'dres pa ji ltar dag par bgyi lags/ bka' stsal pa/ rigs kyi bu/
76b2 ci nas 'dul ba dang mi 'gal bar chus bkrus te bza' bar bya'o/ /zhes ngas bstan to/ /yul de lta bu na zas dang / skom sha'i zas kyis shas cher 'dres par snang ba de lta bu ni/ spang bar bya'o//
76b3 snod gcig la gcig reg ste kha zas dngos ma 'dres pa de la ni/ nyes pa med do/ /sha'am/ nya sha'am/ ri dwags kyi sha'am/ rmig pa skam po'am/ sha'i bag gzhan gyis 'bags pa rnams
76b4 kyang ltung byed du 'gyur ro/ /zhes nga zer ro/ /sngar ni/ don gyi dmigs byung ba'i skabs su bstan to/ /da 'dir ni/ sha za ba las gnod par 'gyur bar ngas bstan to/ /'di ni/ nga yongs su mya
76b5 ngan las 'da' ba'i tshe mang du bshad pa yin te/ 'di ni/ 'dri ba'i dbang zhes bya'o/ /de la don gyi dmigs byung ba'i dbang zhes bya ba ni/ dge slong ngam/ dge slong ma'am/ dge bsnyen nam/ dge
76b6 bsnyen ma dag nga la 'di skad ces 'dri bar byed de/ de bzhin gshegs pas thog mar mgo gcig kho nar bka' stsal na/ bcom ldan 'das/ de bzhin gshegs pa dgra bcom pa yang dag par
76b7 rdzogs pa'i sangs rgyas kyis ko sa la'i rgyal po gsal rgyal la don dang tshig 'di rnams ci'i slad du bka'am stsal/ bcom ldan 'das/ de bzhin gshegs pas chos kyi sgo de ltar bka' stsal pa
77a1 ni| legs par gsungs pa la ma lags so/ /zhes zer na/ nyes par 'gyur ro/ /zhes nga ze ro/ /srung ba zhes bya ba ni/ ji skad bshad/ 'dul ba zhes bya ba ni/
77a2 ji skad bshad/ so sor thar pa zhes bya ba ni/ ji skad bshad ce na/ nyes pa gzhan yang du ma yod de/ de dag nyon cig /de la so sor thar pa ji skad bshad ce na/ so sor thar pa zhes bya ba ni/
77a3 cho ga shes pa dang / yo byad bsnyungs pa dang / len pa med pa'o/ /gcig tu na so sor thar pa zhes bya ba ni/ gnyis ka'i don las gso bar byed pa'i phyir ro/ /log pa'i tshig las grol bar
77a4 byed pas na/ thar pa'o/ /srung ba zhes bya ba ni/ rung ba ma yin pa thams cad kyis 'tsho bas 'gro ba bzhi po rnams su ltung bar byed pa dang / sems can dmyal ba mnar med pa la sogs pa
77a5 'jigs pa'i gnas thams cad du btso bar 'gyur ba de las srung ba'i phyir ro/ /'dul ba zhes bya ba ni/ thob par byed pa dang / 'dul bar byed pa dang / cho ga ston pa'i phyir dang / rdzas ngan
77a6 pa len pa la nges par 'byung ba med pa'i phyir rdzas ngan pa len pa'ang med/ rdzas ngan pa sbyin pa'ang med pa de ni/ 'dul ba zhes bya'o/ /'o na 'dul ba'i bslab pa'i gzhi de ci'i phyir gcig car
77a7 ma bcas she na/ de'i tshe kha cig pham pa bzhi'i nyes pa byung ba dag kyang yod/ dge 'dun gyi lhag ma bcu gsum gyi nyes ba byung ba dag kyang yod/ spang ba'i ltung ba sum cu'i nyes pa byung ba dag
77b1 kyang yod/ ltung ba'i nyi tshe ba dgu bcu rtsa gcig gi nyes pa byung ba dag kyang yod/ so sor bshags par bya ba bzhi'i nyes pa byung ba dag kyang yod/ bslab pa mang po'i chos kyi nyes pa byung ba dag kyang
77b2 yod| rtsod pa zhi bar bya ba bdun gyi nyes pa byung ba dag kyang yod/ rtag tu bslab pa thams cad las 'gal bar byed pa dag kyang yod/ mtshams med pa byed pa dag kyang yod/ mdo sde spong ba dag
77b3 kyang yod/ 'dod chen po'i mthar thug pa'i rgyu'i mtshan nyid rdzogs pa dag kyang yod de/ 'di na dge slong sdig pa'i las byed pa chos thams cad las thal ba de dag gzhan dag gis bskul
77b4 na'ang bdag nyid mkhas pa yin par mngon pa'i nga rgyal byed cing 'chags par mi byed de/ gsor rung ba'ang gsungs te/ gsor mi rung bar byed pa dag kyang yod/ kha cig ni/ rus sbal gyi
77b5 lus bzhin du sbed pa'ang yod de/ de ltar bdag gi nyes pa yun ring du bcabs pa'i nyes pa 'byung zhing sdig pa bsags par 'gyur bas na/ de'i phyir de bzhin gshegs pa thams cad mkhyen pa
77b6 yin pas sdig can rnams la gnas re re nas 'dri bar mdzad de/ thog ma kho nar gcig bcas pa na bslab pa'i gzhi thams cad gcig car 'cha' bar mi mdzad do/ /gsol pa/ de bzhin gshegs
77b7 pas mkhyen bzhin du de dag mnar med pa shin tu 'jigs pa'i sar gtang bar mdzad dam ci lags/ dper gsol na/ mgron po dag gcig shul du zhugs te shul drang po ma 'tshal ba las der
78a1 shul gcig ni/ logs shig tu mchi ba lags la/ de dag gis kyang shul por te log par zhugs shing ma rung bar gyur kyang bdag cag ni/ shul log par
78a2 zhugs so/ /snyam du ma tshor nas 'di ni/ shul bzang po lags so/ /snyam du 'dzin cing dong la/ phas rgyu ba'i mgron po'ang ma mthong ba de bzhin du chos la rmongs pa'i sems can dam pa'i chos kyi
78a3 de kho na nyid ma mthong ba rnams la bcom ldan 'das kyis thog ma kho nar shul bstan 'tshal ba las sngar nongs pa rngams che chung ma bstan pas dge slong rnams nyes pa rnams kyi nang du ltung bar gyur
78a4 na| 'di ltar bcom ldan 'das bden pa'i mgron po/ /bden pa'i lam gyi khyad par yang dag par gzigs pa/ chos kyi lam gyi yon tan gyi khyad par gyi phan yon yang dag par gzigs pa/ lha'i
78a5 yang lha bcom ldan 'das kyis de'i tshed du bslab pa'i gzhi bca' ba bstan du gsol/ /bka' stsal pa/ 'od srung chen po dang rus gcig pa/ khyod de bzhin gshegs pa la de skad ma zer cig /
78a6 de bzhin gshegs pa ni/ yon tan gyi khyad par gyi chos bcu yang dag par gzigs pa yin la/ sems can thams cad la'ang sgra gcan zin bzhin du gzigs nas/ ji ltar dge slong rnams mnar
78a7 med par 'gro bar mdzad/ de bzhin gshegs pa ni/ gal te sems can gcig gi rgyu de 'dra ba zhig gzigs na'ang des nges par bsgral ba'i phyir bskal pa'am bskal pa las lhag par yang
78b1 sems can dmyal bar bzhugs spyod na/ thugs brtse ba dang ldan pa ji ltar nyid kyi sras rnams la slu bar mdzad/ 'od srung chen po dang rus gcig pa/ dper na/ grong khyer ram ri khrod kyi grong zhig na thag
78b2 pa zhig yod na/ de ni/ der ras btags pa'i yo byad thags cha gang kha rgal ba 'dor bar byed pa dang / dper na/ 'khor los bsgyur ba'i rgyal po ni/ thog ma kho nar dge ba bcu'i las kyi lam rnams
78b3 gcig car sbyong bar mi byed kyi/ sems can gang dang gang chos ma yin pa la brten pa de dang de dag 'khor lo rin po ches btul nas dam pa'i chos la 'god pa de bzhin du/ sangs rgyas bcom ldan
78b4 'das kyang thog ma kho nar so sor thar pa'i bslab pa'i gzhi gcig car 'cha' bar mi mdzad kyi/ dge slong gang dang gang gis nyes pa ci dang ci byas pa'i don gyi dmigs byung ba de dang de gleng gzhir
78b5 mdzad nas bslab pa'i gzhi 'cha' bar mdzad la/ sems can chos 'dod pa gang yin pa rnams kyis de dang de mthong na/ yid ches par 'gyur te/ de dag dbang du 'jog go/ de ltar na/ shin tu
78b6 brtag dka' ba'i chos yang dag par gzigs nas tha ga pa dang 'khor los sgyur ba'i rgyal po'i chos nyid ji lta ba bzhin du chos kyi 'khor lo bskor ba'i sangs rgyas rnams kyi chos nyid kyang de dang
78b7 'dra ste/ de ltar na/ sangs rgyas bcom ldan 'das rnams bsam gyis mi khyab bo/ /chos bstan pa'ang bsam gyis mi khyab bo/ /de bzhin du nyan pa po rnams dang / yid ches pa rnams kyang bsam
79a1 gyis mi khyab ste/ 'di ni/ don gyi dmigs byung ba'i dbang zhes bya'o/ /byang chub sems dpa' sems dpa' chen po rnams ni/ don gyi dmigs byung ba'i phyir dang / nga
79a2 yongs su mya ngan las 'da' ba'i phyir chos kyi rnam grangs 'di bzhis chos ton par byed de/ yongs su mya ngan las 'das pa chen po'i mdo chen po ni/ don gyi dmigs byung ba'i dbang zhes bya ba
79a3 yin par rig par bya'o/ /bdag gi lhag pa'i bsam pa zhes bya ba ni/ deng nga'i lhag pa'i bsam pa bstan pa bshad pas na/ bdag gi lhag pa'i bsam pa zhes bya ba'ang yongs su mya ngan las 'das
79a4 pa chen po'i mdo chen po yin par rig par bya'o/ /gzhan gyi lhag pa'i bsam pa zhes bya ba'ang ngas dge slong rnams kyi bsam pa rtogs nas nga ni/ rtag go /zhes bstan pas na/ gzhan gyi lhag
79a5 pa'i bsam pa'ang yongs su mya ngan las 'das pa chen po'i mdo chen po yin par rig par bya'o/ /'dri ba'i dbang zhes bya ba'ang byang chub sems dpa' sems dpa' chen po mchog tu cha phra ba'i ye
79a6 shes dang ldan pa/ 'od srung chen po dang rus gcig pa khyod kyi dbang du byas nas nyan thos dang rang sangs rgyas thams cad kyis sngon ma thos pa'i tshig yi ge 'bru gcig pa'i theg le'i gtam dgongs
79a7 pa'i tshig gsang ba sna tshogs bstan pas na/ de'i phyir 'dri ba'i dbang yang yongs su mya ngan las 'das pa chen po'i mdo chen po yin par rig par bya'o/ /de la la la zhig 'di ltar na ni/ slu bar
79b1 'gyur la/ 'di ltar na ni/ slu bar mi 'gyur ro/ /snyam du rtog ste/ dper na/ mi la la zhig nam mkha' zhes kyang zer/ mkha' zhes kyang zer/ ci'ang med pa zhes kyang zer/ thogs pa med pa zhes kyang zer
79b2 te| de de skad zer na/ gzhan dag la slu ba ma yin no/ /de bzhin du yongs su mya ngan las 'das pa chen po 'di las rigs kyi bu'am/ rigs kyi bu mo bcom ldan 'das kyis gsungs pa'i rtag pa 'di la
79b3 mos nas chos kyi rnam grangs bzhi po rnams rjod par byed na/ gzhan dag la slu ba ma yin no/ /lcags kyi gar bu me 'bar ba/ /brdung ba'i tshe na khad kyis ni/ /grang bar 'gyur yang me yi drod/ /gang du
79b4 song ba mi rig ltar/ /de bzhin yang dag rnam grol ba/ /'dod pa'i 'dam dang chu bo brgal/ /mi g.yo bde ba thob rnams kyang /gang du song ba gdags su med/ /yang bka' stsal pa/ rigs kyi bu/ de ltar
79b5 khyod de bzhin gshegs pa rnams med par 'gyur ba'i 'du shes su lta bas snying mi dgar ma byed cig /lcags dang / mdo lcags zhes bya ba ni/ don tha dad pa ma yin te/ lcags mer 'bar ba las
79b6 grang bar gyur ba bzhin du de bzhin gshegs pa rnams med par 'gyur ba'i gnas med do/ /lcags mer 'bar ba las grang ba bzhin du nyon mongs pa'i rnam pa zhi bar 'gyur mod kyi/ gang gi tshe lcags
79b7 mer 'bar ba grang bar 'gyur ba na tsha tsha 'phro ba thams cad dang bcas te med par 'gyur na ni/ de'i tshe de bzhin gshegs pa'ang mi rtag par 'gyur na/ lcags de 'od dang bcas par med par 'gyur
80a1 ba ni| mi srid do/ /de bzhin du de bzhin gshegs pa'ang mya ngan las 'das pa chen po 'di dang bcas te mi rtag par 'gyur ba ni/ mi srid de/ ji ltar lcags kyi me grang bar
80a2 'gyur ba de bzhin du de bzhin gshegs pa'ang bskal pa mang po grangs med pa bye ba snyed du bsags pa'i nyon mongs pa rnams zad nas rtag pa dang / brtan pa dang / ther zug par 'gyur te/ de ltar
80a3 na| yang dag par rnam par grol ba'i de bzhin gshegs pa ni/ rtag pa dang / brtan pa dang / ther zug pa yin no/ /'dod pa'i 'dam ni/ nyon mongs pa rnams zhes bya ba'i don te/ nyon mongs pa'i 'dam
80a4 de las bskal pa grangs med pas brgal bas na/ de'i phyir de bzhin gshegs pa yongs su mya ngan las 'das pa la de bzhin gshegs pa'i gnas gdags par mi nus te/ de bas na/ yang dag
80a5 shes dang rnam grol ba/ /'dod pa'i 'dam dang chu bo brgal/ /mi g.yo bde ba thob rnams kyang / /gang du song ba gdags su med/ /gsol pa/ bcom ldan 'das/ ci lags/ ji ltar lcags grang
80a6 par gyur kyang slad kyis yang zhugs kyis tsha bar 'gyur ba bzhin du gal te de bzhin gshegs pa'ang de dang 'dra bar gyur na ni/ mi rtag par 'gyur lags so/ /bka' stsal pa/ de bzhin gshegs pa
80a7 ni| rtag ste/ bdag nyid me lta bur gyur nas lcags dang 'dra ba'i sems can mang po rnams ye shes kyi mes brda sprad nas yang dag pa ma yin pa'i nyon mongs pa rnams zad par mdzad do/ /gsol
80b1 pa| bcom ldan 'das/ legs lags so/ /legs lags so/ /de bzhin gshegs pa'i rtag pa nyid ma lus par bshad du gsol/ bka' stsal pa/ rigs kyi bu/ gzhan yang dper na/
80b2 'khor los bsgyur ba'i rgyal po rang gi btsun mo'i 'khor du song ba las thang gcig skyed mos tshal gzhan zhig tu byung ste/ de der song nas rtse bar byed pa na gang gi tshe rgyal po de btsun mo'i 'khor nas
80b3 mi snang bar gyur pa de'i tshe shi'o/ /snyam pa'i 'du shes bskyed par mi bya'o/ /rigs kyi bu/ de bzhin gshegs pa ni/ chos nyid las nyams par mi 'gyur te/ rgyal po dang 'dra bar dzam+bu'i gling
80b4 du de bzhin gshegs pa mi rtag par gyur to/ /zhes grongs pa'i 'du shes bskyed par mi bya'o/ /ji ltar rgyal po btsun mo'i 'khor nas skyed mos tshal du song ste rtse ba de bzhin du de bzhin gshegs
80b5 pa dgra bcom pa yang dag par rdzogs pa'i sangs rgyas kyang nyon mongs pa'i rnam pa nyid kyi btsun mo'i 'khor lta bu las nges par 'byung ste/ nyon mongs pa med par bcom ldan 'das gzungs sna tshogs
80b6 dang / byang chub kyi yan lag gi me tog sna tshogs dang ldan pa'i skyed mos tshal du gshegs nas de bzhin gshegs pa nyon mongs pa dang bral ba nyid kyi sku'i thabs ston pa sna tshogs kyis rol par mdzad
80b7 do| |gsol pa/ de bzhin gshegs pa bskal pa grangs med pa bye ba snyed kyis nyon mongs pa'i rgya mtsho nges par rgal ces bgyi ba 'di la gtan tshig bka' stsal 'tshal lo/ /de ltar mngon sum
81a1 du de bzhin gshegs pa sgra gcan zin gyi ma dang lhan cig tu 'dod pa rnams bsten pa dang / sgra gcan zin gyi yab tu gyur par yang bstan te/ de bas na/ de bzhin
81a2 gshegs pa ni/ bskal pa du ma bye ba snyed kyis 'dod pa'i chu bo las nges par rgal ba ma lags so/ /bka' stsal pa/ rigs kyi bu/ khyod de bzhin gshegs pa dgra bcom pa yang dag par
81a3 rdzogs pa'i sangs rgyas da lta mngon sum du sgra gcan zin gyi ma dang lhan cig tu 'dod pa rnams bsten pa dang / sgra gcan zin gyi yab tu gyur par yang bstan te/ de bas na/ de bzhin gshegs
81a4 pa ni| bskal pa du ma bye ba snyed kyis 'dod pa'i chu bo las nges par rgal ba ma yin no/ /zhes de skad ma zer cig /yongs su mya ngan las 'das pa chen po ni/ rtag pa chen po zhes bya ste/
81a5 sems gud du ma g.yeng bar nyon la thos nas kyang gzhan dag la ston cig /des skrag par yang ma byed cig /yongs su mya ngan las 'das pa chen po 'di la gnas pa'i byang chub sems
81a6 dpa' sems dpa' chen pos ni/ ri'i rgyal po ri rab de ltar mtho zhing / de ltar tha gru che ba yungs 'bru'i khong du 'jug par byed la ri rab la gnas pa'i sems can rnams la'ang gnod
81a7 par mi 'gyur te/ sems can de dag gis bdag cag gang du song / gang du khyer/ gang du bcug snyam du mi shes shing mi mthong ngo / /sems can gzhan dag gis ni/ byang chub sems dpa'
81b1 sems dpa' chen po 'dis ri'i rgyal po ri rab yungs 'bru'i khong du bcug ste sbas so/ /snyam du yang dag par shes shing yang dag par mthong ngo / /de nas yang de rang gi gnas su 'jog par byed de/ mdo
81b2 chen po 'di la gnas pa'i byang chub sems dpa' sems dpa' chen po'i yul ni/ de lta bu yin no/ /rigs kyi bu/ de bas kyang lhag par yongs su mya ngan las 'das pa chen po la gnas pa'i byang chub
81b3 sems dpa' sems dpa' chen pos ni/ stong gsum gyi stong chen po'i 'jig rten gyi khams yungs 'bru'i khong du 'jug par byed la sems can gcig la'ang gnod par mi 'gyur te/ sems
81b4 can de dag gis bdag cag gang du song / gang du khyer/ gang du bcug snyam du mi shes shing mi mthong ngo / /sems can gzhan dag gis ni/ 'dis 'di ltar byas so/ /snyam du yang dag par
81b5 shes shing yang dag par mthong ngo / /de nas yang rang gi gnas su 'jog par byed do/ /rigs kyi bu/ gzhan yang yongs su mya ngan las 'das pa chen po 'di la gnas pa'i byang chub sems dpa'
81b6 sems dpa' chen pos ni/ stong gsum gyi stong chen po'i 'jig rten gyi khams rang gi ba spu'i khung bur 'jog par byed la/ sems can gcig la'ang gnod par mi 'gyur te/ sems can de
81b7 dag gis bdag cag gang du song / gang du khyer/ gang du bcug snyam du mi shes shing mi mthong ngo / /sems can gzhan dag gis ni/ 'dis 'di ltar byas so/ /snyam du yang dag par shes shing /
82a1 yang dag par mthong ngo / /rigs kyi bu/ gzhan yang yongs su mya ngan las 'das pa chen po 'di la gnas pa'i byang chub sems dpa' sems dpa' chen pos ni/ 'jig
82a2 rten gyi khams 'di na 'dug bzhin du phyogs bcu'i 'jig rten gyi khams rnams khab kyi rtse mos rgya shug gi lo ma bzhin du blangs te 'jig rten gyi khams gzhan du 'dor bar byed la sems can
82a3 gcig la'ang gnod par mi 'gyur te/ /sems can de dag gis bdag cag gang du song ngo / /gang du khyer/ gang du bcug snyam du mi shes shing mi mthong ngo / /sems can gzhan dag gis ni/
82a4 'dis 'di ltar byas so/ /snyam du yang dag par shes shing yang dag par mthong ngo / /de nas yang de rang gi gnas su 'jog par byed do/ /rigs kyi bu/ gzhan yang yongs su mya ngan las 'das
82a5 pa chen po 'di la gnas pa'i byang chub sems dpa' sems dpa' chen pos ni/ phyogs bcu'i 'jig rten gyi khams rnams lag pa g.yas pas blangs te rdza mkhan gyi 'khor lo bzhin du 'jig
82a6 rten gyi khams rdul phra mo'i rdul snyed kyi pha rol gyi'ang ches pha rol tu 'phen par byed la/ sems can gcig la'ang gnod par mi 'gyur te/ sems can de dag gis bdag cag gang du song /
82a7 gang du khyer/ gang du bcug snyam du mi shes shing mi mthong ngo / /sems can gzhan dag gis ni/ 'dis 'di ltar byas so/ /snyam du yang dag par shes shing yang dag par mthong ngo / /de
82b1 nas yang de rang gi gnas su 'jog par byed do/ /rigs kyi bu/ gzhan yang yongs su mya ngan las 'das pa chen po 'di la gnas pa'i byang chub sems dpa' sems dpa' chen pos ni/ phyogs bcu'i
82b2 'jig rten gyi khams rnams rang gi lus la 'jug par byed la sems can gcig la'ang gnod par mi 'gyur te/ sems can de dag gis bdag cag gang du song / gang du khyer/ gang du bcug
82b3 snyam du mi shes shing mi mthong ngo / /sems can gzhan dag gis ni/ 'dis 'di ltar byas so/ /snyam du yang dag par shes shing yang dag par mthong ngo / /de nas yang rang gi gnas su 'jog
82b4 par byed do/ /rigs kyi bu/ gzhan yang yongs su mya ngan las 'das pa chen po la gnas pa'i byang chub sems dpa' sems dpa' chen pos ni/ phyogs bcu'i 'jig rten gyi khams rnams
82b5 rdul phra rab kyi khong du 'jug par byed la/ sems can gcig la'ang gnod par mi 'gyur te/ sems can de dag gis bdag cag gang du song / gang du khyer/ gang du bcug snyam du mi shes shing
82b6 mi mthong ngo / /sems can gzhan dag gis ni/ 'dis 'di ltar byas so/ /snyam du yang dag par shes shing yang dag par mthong ngo / /de nas yang de rang gi gnas su 'jog par byed do/ /yongs
82b7 su mya ngan las 'das pa chen po la gnas pa'i byang chub sems dpa' sems dpa' chen po ni/ de la sogs pa'i sgyu 'phrul chen po'i stobs rnam pa sna tshogs ston pas na/ mya ngan las
83a1 'das pa chen po zhes bya'o/ /yongs su mya ngan las 'das pa chen po la gnas pa'i byang chub sems dpa' sems dpa' chen po ni/ sems can thams cad kyis
83a2 kyang 'di 'dra ba zhig go/ de 'dra ba zhig go/ 'di ltar byas so/ /'di lta bu zhig byas so/ /snyam du shes par mi nus na/ rigs kyi bu/ khyod kyis de bzhin gshegs pas 'dod pa rnams
83a3 spyad do| |sgra gcan zin gyi phar gyur to/ /snyam du shes re skan/ rigs kyi bu/ gzhan yang deng ngas yongs su mya ngan las 'das pa chen po la gnas nas stong gsum gyi stong chen po'i 'jig rten
83a4 gyi khams gang na nyi ma dang / zla ba ther 'bum yod pa dang / dzam+bu'i gling ther 'bum yod pa'i stong khams dag tu cho 'phrul chen po bstan par bya'o/ /de la stong gsum gyi stong chen po'i 'jig
83a5 rten gyi khams ni/ dpa' bar 'gro ba'i ting nge 'dzin gyi lugs bzhin du rgyas par sbyar bar bya'o/ /nga ni/ stong gsum gyi stong chen po'i 'jig rten gyi khams su dzam+bu'i gling la lar ni/ yongs
83a6 su mya ngan las 'das pa chen po byed pa lta bur ston la/ yongs su mya ngan las 'das pa chen por gtan du yongs su mya ngan las 'da' bar yang mi byed do/ /dzam+bu'i gling la lar ni/ ngas pha ma
83a7 gnyis kyi zla mtshan gyi dus su mngal du skye bar ston te/ de gnyis kyis kyang bdag cag gnyis kyi bur 'gyur ro/ /snyam du yang dag par shes so/ /nga ni/ bskal pa mang po bye ba phrag grangs
83b1 med pa nas lan 'ga' yang 'khrig pa las ma skyes te/ 'khrig pa las skyes pa'i lus las rgal bas na/ sha'i lus ma yin gyi/ chos kyi sku yin no/ /'khrig pa'i mngal du 'jug pa 'di ni/
83b2 'jig rten dang mthun par bya ba'i thabs tsam du zad do/ /rigs kyi bu/ dzam+bu'i gling la lar ni/ nga bu btsa' ba'i pang du bur skye bar yang ston cing skyed mos tshal gyi gnas su btsa' ba'i bu lta
83b3 bur gyur te/ skyen par langs nas byang phyogs su kha bltas te gom pa bdun bor nas lha dang / mi dang / lha ma yin dang bcas pa'i 'jig rten gyi bla na med par 'gyur bar bya'o/ /zhes zer te/
83b4 sems can rnams kyis ni/ byis pa btsas ma thag tu gom pa bdun 'dor ba sngon chad bdag gis ma mthong ste/ kye ma bdag gi bu ni/ lha'i bu zhig go/ snyam du yang dag par shes so/ /sems
83b5 can mang po gzhan dag kyang ngo 'tshar du 'dzin te/ 'on kyang nga ni/ bskal pa bye ba phrag grangs med pa nas byis pa'i dngos po las log pas nam yang byis par ma gyur te/ nga ni/ chos kyi sku yin
83b6 gyi| rus pa dang / rgyus pa dang / sha dang / khrag gi lus ma yin la/ byis par 'gyur ba'ang ston pa 'di ni/ 'jig rten dang mthun par bya ba tsam du zad do/ /byang nas langs te lho'i phyogs cha logs
83b7 su gom pa bdun bor nas 'jig rten thams cad du yon gnas su 'gyur bar bya'o/ /zhes zer ro/ /nub kyi phyogs cha logs su gom pa bdun bor nas skye ba dang / rga ba dang / na ba dang / 'chi ba
84a1 rnams spangs te lus kyi tha mar gtugs par bya'o/ /zhes zer ro/ /shar phyogs su kha bltas te gom pa bdun bor nas sems can thams cad kyi thog mar 'gro bar
84a2 bya'o| |zhes zer ro/ /phyogs mtshams rnams su gom pa bdun bdun bor nas nyon mongs pa rnam pa sna tshogs kyi rang bzhin gyi bdud bcom ste dgra bcom pa yang dag par rdzogs pa'i
84a3 sangs rgyas su 'gyur bar bya'o/ /zhes zer ro/ /steng gi phyogs cha logs su gom pa bdun bor nas myur du nam mkha' bzhin du rung ba ma yin pa'i chos thams cad kyis lus mi gos par
84a4 bya'o| |zhes zer ro/ /'og gi phyogs cha logs su gom pa bdun bor nas sems can dmyal ba pa thams cad kyi sems can dmyal ba'i me gsad pa'i phyir sprin chen po ltar chos kyi
84a5 char dbab par bya ste/ de dag bde ba dang ldan par bya'o/ /tshul khrims 'chal ba rnams la ni/ ser ba lta bur 'gyur bar bya'o/ /zhes zer ro/ /dzam+bu'i gling la lar ni/ nga gtsug phud 'cha'
84a6 bar ston te/ sems can rnams kyis byis pa'i gtsug phud bcas so/ /snyam du yang dag par shes mod kyi/ lha dang bcas pa'i 'jig rten na nga'i mgo bo nas 'dzin cing skra gcod nus pa'i mi
84a7 su'ang med de/ sngon bskal pa grangs med pa nas kyang ngas gtsug phud bca' ba'i mthar gtugs zin pas na/ spu gris nga'i skra gcod par 'gyur ba ni/ mi srid do/ /'di ni/ 'jig rten dang
84b1 mthun par bya ba tsam du zad de/ gtsug phud bca' ba ni/ byis pa 'ba' zhig la bya ba yin no/ /dzam+bu'i gling la lar ni/ nga dbang phug chen po'i lha khang du 'gro bar yang ston te/ der dbang phug chen po dang /
84b2 tshangs pa dang / 'jig rten skyong ba rnams kyis nga mthong na/ nga'i zhabs la phyag 'tshal te thal mo sbyar zhing 'dug go/ /nga ni/ sngon bskal pa bye ba phrag grangs med pa nas kyang lha dang / mi dang / lha ma
84b3 yin rnams kyi lha'i yang lha yin pas na/ nam yang dbang phyug chen po'i lha khang du mi 'gro ste/ der 'gro ba lta bur bstan pa 'di ni/ 'jig rten dang mthun par bya ba tsam du zad do/ /dzam+bu'i gling la lar
84b4 ni| ngas rna ba dbug pa bstan mod kyi/ nga'i rna ba 'bigs nus pa'i mi med do/ /dzam+bu'i gling la lar ni/ ngas rna cha gdub kor seng+ge can thogs par bstan te/ des sems can rnams kyis byis pa 'di
84b5 ni| rna cha gdub kor seng+ge can thogs pa'o/ /snyam du yang dag par shes mod kyi/ nga ni/ sngon bskal pa bye ba phrag grangs med pa nas kyang byis pa'i dngos po las log pas na/ nga la rna cha gdub kor
84b6 seng+ge can btags pa med de/ rna cha gdub kor seng+ge can thogs par bstan pa ni/ 'jig rten dang mthun par bya ba tsam du zad do/ /dzam+bu'i gling la lar ni/ ngas yi ge slob pa'i sar 'gro ba bstan
84b7 mod kyi| 'jig rten gsum na nga'i mkhan por rung ba ma mthong ste/ nga nyid sems can thams cad kyi mkhan po yin no/ /de bas na/ nga'i ming thams cad mkhyen pa zhes bya'o/ /nga ni/ bskal pa bye
85a1 ba phrag grangs med pa nas kyang yi ge slob pa'i sa na gnas pa las 'das te bla na med pa yang dag par rdzogs pa'i byang chub brnyes na/ 'on kyang sems can rnams
85a2 kyis khye'u 'di yi ge slob pa'i sar song ngo / /snyam du yang dag par shes te/ 'di ni/ 'jig rten dang mthun par bya ba tsam du zad par khong du chud par gyis shig /dzam+bu'i gling la lar ni/ ngas
85a3 glang po che dang / rta dang / shing rta dang / dbung bu chung dang / rin po che sna tshogs dang / gter dang / rgyal srid kyi dbang phyug rnams kyang bstan/ rgyal tshab byed pa'ang bstan te/ ngas ni/ sngon
85a4 bskal pa bye ba phrag grangs med pa nas kyang 'dod pa'i longs spyod rnams spangs mod kyi/ sems can rnams kyis rgyal tshab ni/ 'dod pa rnams la longs spyod do/ /snyam du yang dag par
85a5 shes so| |dzam+bu'i gling la lar ni/ ngas 'khor los sgyur ba'i rgyal por gyur pa bstan te/ ngas ni/ bskal pa bye ba phrag mang po grangs med pa nas de spangs nas chos kyi 'khor lo bskor
85a6 te ngas de bu'i sha bzhin du bor nas rgyal srid kyi longs spyod yongs su 'dzin pa spangs na/ 'on kyang sems can rnams kyis 'khor los bsgyur ba'i rgyal po'o snyam du yang dag par shes te/ 'di
85a7 ni| 'jig rten dang mthun par bya ba tsam du zad do/ /dzam+bu'i gling la lar ni/ ngas rgan po dang / nad pa dang / shi ba mthong nas skyo bar gyur te/ gar thabs lta bu'i bde ba thams cad spangs nas
85b1 rab tu 'byung ba bstan te/ sems can rnams kyis kye ma gzhon nu ni/ rab tu byung ngo / /snyam du yang dag par shas so/ /ngas ni/ bskal pa bye ba phrag grangs med pa nas rab tu byung ba'i bya ba mthar
85b2 gtugs zin mod kyi/ skyo bar gyur nas rab tu byung ba lta bur ston pa ni/ 'jig rten dang mthun par bya ba tsam du zad do/ /ngas bsnyen pa rdzogs pa lta bur bstan pa de'ang 'jig rten nges par bsgral
85b3 ba'i phyir ro/ /ngas rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa nyid la sogs pa dang / mthar gyis gnas pa'i snyoms par 'jug pa rnams kyang bstan
85b4 te| sems can rnams kyis kye ma myur ba kho nar bla na med pa'i dgra bcom par gyur to/ /snyam du yang dag par shes so/ /nga ni/ bskal pa bye ba phrag grangs med pa nas kyang dgra bcom pa'i bya ba
85b5 mthar gtugs zin mod kyi/ byang chub kyi shing drung du rtswa bting ba la 'dug pa dang / bdud 'dul bar bstan pa 'di ni/ 'jig rten nges par bsgral ba'i phyir te/ bdud pham par byas nas
85b6 bla na med pa yang dag par rdzogs pa'i byang chub thob bo/ /snyam du sems can rnams kyis yang dag par shes so/ /nga ni/ bskal pa bye ba phrag grangs med pa nas nyon mongs pa'i rnam pa dang / lha dang /
85b7 rang bzhin gyi bdud pham par byas nas bdud rtsi'i mchog rtogs so/ /ngas ni/ bshad ba dang / gci ba dang / dbugs rdul pa dang / dbugs 'byung ba'i bya ba ston mod kyi/ nga'i lus la rgyu dang
86a1 mthun pa dang / rnam par smin pa med do/ /sems can rnams kyis ni/ mi dang 'dra'o/ /snyam du yang dag par shes te/ 'di ni/ 'jig rten dang mthun par bya ba tsam du
86a2 zad do| |sems can rnams kyis nga kha zas za'o/ /snyam du yang dag par shes mod kyi/ nga'i lus la bkres pas nyam chung ba med de/ 'di ni/ 'jig rten dang mthun par bya ba tsam du zad
86a3 do| |ngas ni/ bskal pa bye ba phrag grangs med pa nas shes rab kyi pha rol tu phyin pa bsgrubs te sred pa rnam par spangs kyang nyal ba lta bur ston te/ 'on kyang nga'i lus la gnyid dang / skyigs bu
86a4 dang / glal ba dang / ru shing na ba dang / klad pa na ba rnams med do/ /nyal bar byed pa ni/ 'jig rten dang mthun par bya ba tsam du zad do/ /'greng ba dang / 'chag pa dang / mig 'dzum pa dang /
86a5 rkang pa rmyang ba dang / lus kyi spyod lam byed par snang med kyi/ nga'i lus la de lta bu'i gnod pa rnams med do/ /rkang pa 'khru ba dang / snum gyis byug pa dang / chu spyad pa dang / so shing za ba dang /
86a6 mig sman gyis skud par snang med kyi/ nga'i lus la de lta bu'i gnod pa rnams med do/ /rkang pa pad+ma'i 'dab ma'i mdog 'dra ba dang / kha nas ut+pa la'i dri 'byung ba dang / mig dpe med par bzang ba de
86a7 dag kyang 'jig rten dang mthun par bya ba tsam du zad do/ /sems can rnams kyis ni/ thams cad mi'i tshul dang 'dra'o/ /snyam du yang dag par shes so/ /phyag dar khrod kyi gos sa las blangs te
86b1 'khru ba lta bur snang mod kyi/ nga la de dgos pa med do/ /sems can rnams kyis ni/ mi'i dngos por yang dag par shes te/ sgra gcan zin gyi phar bstan pa dang / zas gtsang ma dang / sgyu 'phrul pha
86b2 mar bstan pa'ang 'jig rten gyi don yin no/ /'jig rten gyi bde ba myong nas nges par byung ste nags tshal du rab tu byung ba dang / rgyal po'i bu gau ta ma zhes bya ba ni/ 'dod pa dang / 'dod pa ma yin pa
86b3 dang / bde ba dang / bde ba ma yin pa bye brag phyed par gyur nas mya ngan las 'das pa'i bde ba tshol lo/ /zhes bya ba 'di'ang byis pa'i sems can rnams nges par bsgral ba'i phyir ro/ /de bzhin gshegs
86b4 pa ni| 'khrig pa las byung ba ma yin te/ sgra gcan zin gyi phar gyur par bstan pa dang / rang gi pha ma bstan pa'ang 'jig rten dang mthun par bya ba tsam du zad do/ /lha dang / mi dang / lha ma yin
86b5 rnams kyis ni/ mi'i de bzhin gshegs pa'o/ /snyam du yang dag par shes so/ /rigs kyi bu/ dzam+bu'i gling la lar ni/ nga yang dang yang du yongs su mya ngan las 'da' ba lta bur ston te/ 'on kyang
86b6 gtan du yongs su mya ngan las 'da' bas yongs su mya ngan las 'da' bar mi byed do/ /res 'ga' ni/ sems can rnams kyis de bzhin gshegs pa grongs so/ /snyam du yang dag par shes mod kyi/ de
86b7 bzhin gshegs pa ni/ dus thams cad du rtag pa dang / brtan pa dang / ther zug pa yin te/ yongs su mya ngan las 'da' bar ston pa ni/ sangs rgyas rnams kyi chos nyid do/ /dzam+bu'i gling la lar ni/ skye
87a1 bar ston te/ sems can rnams kyis skyes so/ /snyam du yang dag par shes so/ /nga ni/ bskal pa bye ba phrag grangs med pa nas bya ba byas zin mod kyi/ der
87a2 yang go 'phang thams cad kyi don thob pa'i mthar thug par bstan te/ 'di ni/ 'jig rten dang mthun par bya ba tsam du zad do/ /dzam+bu'i gling la lar ni/ ngas tshul khrims 'chal pa pham pa
87a3 byung ba lta bur bstan te/ sems can rnams kyis kye ma pham pa byung ba'o/ /snyam du yang dag par shes mod kyi/ nga ni/ sngon chad g.yel bar gyur pa med do/ /dzam+bu'i gling la lar ni/ ngas bdag
87a4 nyid de bzhin gshegs pa la ngan sems kyis khrag phyung ba dang / dgra bcom pa gsod pa dang / pha ma gsod pa dang / bdag nyid dge 'dun gyi dbyen byed par bstan te/ sems can rnams
87a5 kyis kye ma sems can 'di ni/ mtshams med pa lnga'i las byed pa yin no/ /snyam du yang dag par shes mod kyi/ nga'ang de lta bu'i las byed pa ma yin la lha dang bcas pa'i 'jig rten na'ang sus
87a6 kyang dge 'dun 'byed mi nus so/ /dzam+bu'i gling la lar ni/ ngas dam pa'i chos spong ba dang / bdag nyid 'dod chen par ston te/ sems can rnams kyis kye ma sems can 'di ni/ dam pa'i chos
87a7 spong ba dang / 'dod chen pa'o/ /snyam du yang dag par shes la/ 'dod chen pa lta bur bstan pa ni/ ma 'ongs pa'i sems can rnams kyi phyir te/ 'jig rten pa ni/ rtag tu 'dod chen pa
87b1 yin gyi| sangs rgyas ni/ 'dod chen pa ma yin no/ /dzam+bu'i gling la lar ni/ ngas dam pa'i chos 'dzin par bstan te/ sems can rnams kyis kye ma dam pa'i chos kyi phyogs 'dzin pa'o/ /snyam du
87b2 yang dag par shes so/ /'di ni/ sangs rgyas rnams kyi rang bzhin te/ 'di ni/ chos nyid yin pas ngo mtshar che ba med do/ /dzam+bu'i gling la lar ni/ nga bdud bgegs byed pa lta bur ston te/
87b3 sems can rnams kyis kye ma bdud sdig can snyam du yang dag par shes la/ pad+ma chus mi gos pa bzhin du nga la bdud kyi nyes pas mi gos so/ /dzam+bu'i gling la lar ni/ nga bud med kyi gzugs
87b4 kyis 'tshang rgya bar ston te/ sems can yid gnyis za ba rnams kyis bud med 'tshang rgya bar byed do/ /snyam du yang dag par shes la/ de bzhin gshegs pa ni/ rtag tu skyes pa kho na yin bzhin du
87b5 sems can rnams gdul ba'i phyir gnyis kar yang ston to/ /de bzhin du gzugs du ma'i thabs kyi phyogs la 'jug pa bstan te/ de dag thams cad kyang 'jig rten dang mthun par bya ba tsam du zad
87b6 do| |dzam+bu'i gling la lar ni/ ngas 'gro ba bzhi po rnams su skye bar bstan te/ de'i las byed pa'ang ma yin no/ /dud 'gro'i skye gnas su 'jug pa'ang 'jig rten dang mthun par bya ba tsam du zad do//
87b7 dzam+bu'i gling la lar ni/ ngas tshangs pa'i gzugs bstan te/ tshangs pa la dad pa'i sems can rnams la bgegs bya ba bstan nas dam pa'i chos la dgod par byed la/ de'i las byed pa'ang ma
88a1 yin te/ sems can rnams kyis tshangs pa'i bdag po'o/ /snyam du yang dag par shes so/ /de bzhin du lha thams cad kyi gnas su de'i gzugs kyi bgegs
88a2 byas nas sems can thams cad dam pa'i chos la 'god par byed de/ sems can rnams kyi lha thams cad kyi gnas kyi bdag po'o/ /snyam du yang dag par shes so/ /dzam+bu'i gling la lar
88a3 ni| ngas smad tshong ma rnams nges par bsgral ba'i phyir smad tshong ma'i khyim du 'gro ba bstan la/ nga la 'dod pa'i nyes pa'ang mi skye ste/ chu'i nang gi pad+ma bzhin du nga la 'dod pa rnams kyi nyes
88a4 pas mi gos so/ /nga ni/ 'dod pa la chags pa'i sems can rnams 'dod pa'i chu bo las nges par bsgral ba'i phyir bzhi mdo dang / sum mdo thams cad du'ang snang mod kyi/ de'i las byed
88a5 pa'ang ma yin te/ sems can rnams kyis ni/ 'di ni/ yul rgyu ba yin no/ /snyam du yang dag par shes so/ /dzam+bu'i gling la lar ni/ dmangs mo rnams dam pa'i chos la gzud pa'i phyir
88a6 nga rol mo'i gnas su 'gro bar byed mod kyi/ nga ni/ las de byed pa'ang ma yin no/ /dzam+bu'i gling la lar ni/ byis pa rnams nges par bsgral ba'i phyir yi ge slob pa'i sar song ste/ grwa
88a7 dpon byed cing byis pa rnams slob par byed do/ /dzam+bu'i gling la lar ni/ sems can de dag bsgral ba'i phyir nga chang 'thung bar byed/ rgyan pos rtse bar byed/ g.yeng pa la dga' bar byed
88b1 de| las chen po de dag byed mod kyi/ nga ni/ las chen po de byed pa'ang ma yin la sems can rnams kyis ni/ 'di ni/ las de byed pa yin no/ /snyam du yang dag par shes so/ /dzam+bu'i gling la
88b2 lar ni/ bya rgod dang / khwa ta rnams nges par bsgral ba'i phyir nga dur khrod du 'gro bar byed mod kyi/ der nga lta ba'i 'du shes mi 'jug go/ dzam+bu'i gling la lar ni/ dam pa'i chos gnas par
88b3 bya ba'i phyir nga khyim bdag tu'ang ston to/ /dam pa'i chos skyong ba dang / 'jig rten skyong ba bsrung ba'i phyir blon po rnams kyi nang du blon por bkur ro/ /gzhon nu rnams la dam pa'i chos yang dag
88b4 par bstan pa'i phyir gzhon nu rnams kyi nang du gzhon nur bkur ro/ /dam pa'i chos kyi rgyal po'i chos lugs yang dag par bstan pa'i phyir rgyal po rnams kyi nang du rgyal por bkur ro/ /dzam+bu'i
88b5 gling la lar ni/ nad kyi bar gyi bskal pa'i nang du sems can rnams la sman byin nas de dag dam pa'i chos la gzud par byed de/ sems can rnams kyis nad kyi bar gyi bskal pa'o/ /snyam du
88b6 yang dag par shes so/ /dzam+bu'i gling la lar ni/ mu ge'i bar gyi bskal pa'i nang du bkres shing nyam chung ba'i sems can rnams bdud rtsi'i zas kyis tshim par byas nas dam pa'i chos la 'dzud par
88b7 byed de| sems can rnams kyis mu ge'i bar gyi bskal pa'o/ /snyam du yang dag par shes so/ /dzam+bu'i gling la lar ni/ mtshon gyi bar gyi bskal pa bstan te/ de dag tshogs shing gcig la
89a1 gcig gsod pa'i dus la bab pa na de dag dam pa'i chos la 'dzud par byed de/ sems can rnams kyis mtshon gyi bar gyi bskal pa'o/ /snyam du yang dag par
89a2 shes so| |dzam+bu'i gling la lar ni/ sems can rtag pa'i 'du shes can rnams la mi rtag pa'i 'du shes bstan pa'i phyir sreg pa'i bskal pa ston te/ sems can rnams kyis sreg pa'i
89a3 bskal pa'o/ /snyam du yang dag par shes so/ /dzam+bu'i gling la lar ni/ sems can rnams la sgra skad bstan te/ de dag sgra skad kyis drangs nas nges par sgrol bar byed/ dzam+bu'i gling
89a4 la lar ni/ sems can rnams nges par bsgral ba'i phyir bdag nyid khams bzhi po rnams su sgyur bar byed cing sems can rnams kyi nad bsal ba'i phyir bdag nyid sman dang / shing
89a5 thams cad du sgyur bar byed do/ /dzam+bu'i gling la lar ni/ ya mtshan can thams cad kyi nang du rab tu 'byung bar yang ston te/ thams cad du mkhan po byed cing mchod par 'gyur ro/ /de bzhin
89a6 gshegs pa ni/ sngon bskal pa bye ba phrag grangs med pa nas rab tu byung ba'i de kho na nyid kyi don mthar thug zin bzhin du ya mtshan can thams cad kyi nang du rab tu 'byung ba ston te/ de dag
89a7 nges par bsgral ba'i phyir ro/ /de bzhin gshegs pa ni/ rtag tu rang bzhin gyi skur gnas mod kyi/ sems can thams cad nges par bsgral ba'i phyir bzo'i gnas thams cad du'ang slob
89b1 dpon byed de/ rig sngags dang / gsang sngags dang / sprul pa thams cad kyang ston la/ ya mtshan can thams cad kyis rgyags pa dang / nga rgyal bcom nas de dag la shing bal lta bur snying po
89b2 med pa yang dag par ston cing de dag dam pa'i chos la 'dzud par byed pa 'di ni/ 'jig rten dang mthun par bya ba yin te/ der sems can lta ba'i 'du shes can rnams kyis sems can 'di ni/
89b3 'jig rten pa'o/ /snyam du yang dag par shes mod kyi/ de bzhin gshegs pa ni/ 'jig rten ma yin gyi/ 'jig rten las 'das pa'i chos gzigs pa yin no/ /dzam+bu'i gling la lar ni/ 'jig
89b4 rten dang mthun par bya bas nges par bsgral bar bya ba'i phyir bran dang / bran mor yang ston te/ sems can rnams kyis bran dang / bran mo'o/ /snyam du yang dag par shes pa de ni/ rigs dma'
89b5 bar ston pa yin no/ /dzam+bu'i gling la lar ni/ ngas 'jig rten gyi bya ba thams cad bstan te/ sems can rnams kyis sems can 'di ni/ 'jig rten lhur byed pa yin no/ /snyam du yang dag par
89b6 shes so| |de ltar ston du zin kyang de bzhin gshegs pa ni/ las de byed pa ma yin te/ 'jig rten thams cad dang mthun par bya ba ni/ 'jig rten bsgral ba'i phyir ro/ /de bzhin du byang gi sgra mi
89b7 snyan dang / shar gyi lus 'phags dang / nub kyi ba lang spyod rnams dang / srid pa nyi shu rtsa lnga dag tu'ang 'jig rten pa dang mthun par bya ba'i sgo nas de dang de dag de bzhin du sbyar te/ stong gsum gyi
90a1 stong chen po'i 'jig rten gyi khams brjod pa'ang dpa' bar 'gro ba'i ting nge 'dzin gyi lugs bzhin du sbyar bar bya'o/ /de bzhin gshegs pas bya ba chen po thams
90a2 cad bstan pa'i phyir yongs su mya ngan las 'das pa chen po zhes bya ste/ 'di la gnas pa'i byang chub sems dpa' sems dpa' chen po ni/ bya ba chen po thams cad dang / cho 'phrul chen po
90a3 dang / mi 'jigs pa la 'god par byed pas na/ rtag pa chen po zhes bya ste/ ji ltar byed ces 'dri bar mi bya'o/ /de bzhin gshegs pa dgra bcom pa yang dag par rdzogs pa'i sangs rgyas rnams
90a4 ni| sgra gcan zin gyi phar gyur par bstan pa'i thabs la 'jug pa lta bur 'jig rten dang mthun par mdzad do/ /snyam du khong du chud par bya ste/ bskal pa bye ba phrag du ma nas 'dod pa'i chu bo
90a5 las brgal zin pas na/ de'i phyir de bzhin gshegs pa ni/ rtag pa dang / brtan pa dang / ther zug pa yin no/ /gsol ba/ 'dir ji ltar mar me gum pa gang du mchi ba'i gnas gdags
90a6 su ma mchis par bka' stsal pa de bzhin du de bzhin gshegs pa'i mya ngan las 'das pa'i gnas kyang de dang 'dra bar gsungs na/ ji ltar de bzhin gshegs pa rtag pa dang / brtan pa
90a7 dang / ther zug pa lags/ bka' stsal pa/ rigs kyi bu/ mya ngan las 'das pa ni/ mar me'i gnas dang 'dra bar ma bshad de/ rigs kyi bu/ 'di ltar skyes pa'am/ bud med gang
90b1 yang rung ba zhig gis snod chen po'am/ chung ngu'ang rung ste/ mar ram til mar gyis bkang nas mar me sbar na/ mar me'i me lce de til mar ji srid yod pa de srid du 'bar la/ til mar zad nas
90b2 mar me zad par 'gyur ro/ /de la nyon mongs pa zad pa ni/ mar me zad pa dang 'dra bar bstan/ de bzhin gshegs pa ni/ snod bzhin du rtag pa yin/ nyon mongs pa zad pa ni/ mar me dang til mar
90b3 'dra na/ ci snod kyang mar me dang mgo mnyam du med par 'gyur ram/ gsol pa/ bcom ldan 'das/ de ni/ ma lags te/ snod ni/ ma mchis par mi 'gyur lags na/ ci lags/ de bzhin
90b4 gshegs pa'ang snod dang 'dra bar bas par 'gyur ram/ gal te de bzhin gshegs pa'ang til mar gyi snod dang 'dra na ni/ de bzhin gshegs pa'ang zad par 'gyur bar bka' stsal par
90b5 mi 'gyur lags sam/ bka' stsal pa/ de bzhin gshegs pa ni/ snod dang 'dra ba ma yan te/ mchog tu rtag pa gang yin pa de ni/ de bzhin gshegs pa ste/ de bas na/ mya ngan las 'das
90b6 pa rtag tu mchog tu bde ba yin no/ /rigs kyi bu/ gzhan yang mar me'i gnas dang 'dra ba ni/ dgra bcom pa yin te/ de bas na/ mya ngan las 'das pa'i gnas dgra bcom pa nyid thob pa ni/
90b7 'bras bu'i mchog ces bya'o/ /dgra bcom pa thams cad ni/ zang zing la zhen pa dang bral te/ zang zing med pa dang / mar me'i gnas bzhin du mthar thug pa dang / zang zing med pa la dga' ba
91a1 yin no| |phyir mi 'ong ba'ang zang zing med pa'i don yin par ngas dgongs pa'i tshig gis bstan te/ mya ngan las 'das pa'i gnas ni/ ma yin no/ /gsol pa/
91a2 phyir mi 'ong ba zhes bka' stsal pa de'i don ci lags/ bka' stsal pa/ yang srid pa mi len pa gang yin pa de ni/ phyir mi 'ong ba zhes bya'o/ /gsol pa/ bcom ldan 'das/ phyir
91a3 mi 'ong ba zhes bgyi ba lags na/ phyir mi 'ong ba gang lags pa de la'ang srid pa len pa mchis par 'gyur na/ ci'i slad du phyir mi 'ong ba'ang slar 'di rang bzhin gyis mi gtsang ba'i srin
91a4 bu 'tshal ba'i lus can du skye bar mi 'gyur lags/ bka' stsal pa/ lus de ni/ mi len mod kyi/ dug sman bzhin du lus len to/ /de bas na/ phyir mi 'ong ba zhes bya'o/ /phyir mi
91a5 'ong ba zhes bya ba ni/ lus zhes bya ba'i tha tshig go /phyir mi 'ong ba zhes bya ba ni/ phan tshun 'gro zhes bya ba'i tha tshig go/ gsol pa/ bcom ldan 'das/ ci lags/ bcom ldan 'das kyis
91a6 bstan pa la gsang ba mchis sam/ dgongs pa'i tshig dgongs pa'i tshig ces gsang bar mi mdzad du gsol/ bcom ldan 'das/ ci lags/ sangs rgyas kyi gsung mig 'phrul mkhan gyi
91a7 'khrul 'khor dang / sgyu ma mkhan gyis bgyis pa'i 'khrul 'khor gyi sgyu ma'i bud med dang 'dra lags sam/ bka' stsal pa/ nga'i bstan pa la ni/ gsang ba med de/ sangs rgyas kyi
91b1 gsung ni/ ston gyi zla ba rgyas pa bzhin du skyon med pa dang / mtshan mas ma btab pa dang / rmongs pa med pa dang / gsang ba dang gsang chen dang bral ba dang / gsal ba yin no/ /'phags pa
91b2 yongs su mya ngan las 'das pa theg pa chen po'i mdo/ bam po drug pa/ rigs kyi bu/ dper na/ khyim bdag bran bza' can nor bye ba bdog pa zhig la bu gcig pa sdug cing phangs la gces
91b3 shing yid du 'ong ba zhig yod de/ des bu de bu'i slob dpon las phyir bkug nas bu la byams pa'i phyir bdag nyid kyis bsgrims te yi ge phyed pa slob par byed na/ des bsgrims te yi
91b4 ge phyed pa bslab tu zin kyang ci brda sprod pa'i don gyis bye brag ston par nus sam/ bstan par nus su zin kyang ci des yi ge phyed pa bslab pas brda sprod pa'i don shes par 'gyur ram/ ci
91b5 khyim bdag bran bza' can rang gi bu la gsang bar byed dam/ gsol pa/ bcom ldan 'das/ de ni/ ma lags te/ bu'i shes pa'i rtsal dang / yid rno rtul de 'dra ba dang / shes pa'i
91b6 rtsal dang mi ldan pa'i rgyus na/ de la gsang ba dang 'dra bar gda' bar gyur lags so/ /de la yid mi bde ba dang / g.yo dang / ser sna gang lags pa de ni/ gsang ba lags par rig par
91b7 bgyi'o| |dang ba dang dga' bas bu gcig pa'i 'du shes dang ldan pa gang lags pa de ni/ gsang ba zhes mi bgyi lags so/ /bka' stsal pa/ rigs kyi bu/ legs so/ /legs so/ /rigs
92a1 kyi bu| khyod legs so/ /sdang ba dang / g.yo dang / ser sna dang ldan pa gang yin pa de ni/ gsang ba yin te/ de'i stobs dang / byams pas kyang khyim bdag bran bza' can
92a2 de ston par mi byed pa de bzhin du khyim bdag bran bza' can ltar nga sems can thams cad la bu gcig pa'i 'du shes bsgoms pa dang ldan mod kyi/ byis pa de dag gis mi bzod pa'i phyir
92a3 nga dgongs pa'i tshig mi ston te/ ngas yi ge phyed pa dang 'dra bar ni/ gsung rab yan lag dgu ston to/ /brda sprod dang 'dra bar ni/ stobs bcu dang / 'phags pa'i bden pa bzhi dang / 'phags
92a4 pa'i lam yan lag brgyad pa dang / theg pa chen po shin tu rgyas pa'i brda sprod pa bstan to/ /rigs kyi bu/ gzhan yang gang gi tshe yi ge phyed pa bslab nas sgra rig pa'i 'os su gyur pa
92a5 de'i tshe khyim bdag bran bza' can gyis gal te brda sprod pa'i don slob par mi byed na ni/ de lta na ser sna byed pa'i phyir gsang ba zhes bya'o/ /gal te brda sprod pa'i don bstan nas ni/ byis
92a6 pas brda sprod pa rdzogs par lobs par 'gyur ba de bzhin du nga'ang nyan thos rnams la ji srid du theg pa chen po'i snod du gyur pa de srid du gsung rab yan lag dgu ston te/ gal te
92a7 ngas sems can snod du gyur pa rnams la theg pa chen po bslab pa gsang bar byas na ni/ de ltar na nga la brda sprod pa dang 'dra bar gsang bar byas so/ /zhes smra ba'i rigs so/ /de ni/ ngas
92b1 brda sprod pa dang 'dra bar de bzhin gshegs pa rtag pa dang / brtan par bstan te/ khyim bdag bran bza' can dang 'dra bar rang gi sras tshar phyin par mdzad do/ /de ltar na/ rig pa thams cad
92b2 tshar phyin par byed pa bzhin du tshar phyin par byed do/ /rigs kyi bu/ gzhan yang dper na/ dbyar gyi sprin chen po rnams 'brug dir ri ri sgrog cing char chen po 'bebs su zin kyang sems can kha cig
92b3 gi sa bon ma skyes na/ ci de la sprin chen po rnams kyis nyes sam/ ci sprin chen po rnams char mi 'bebs sam/ de bzhin du deng ngas yongs su mya ngan las 'das pa chen po gsang chen ma lus
92b4 par bstan kyang sems can snod du ma gyur pa gang yin pa de dag gis mi thos so/ /yang bka' stsal pa/ gang dag la ni yongs bsags med/ /gang dag gi ni zas mi rtogs/ /mkha' la
92b5 bya rnams rjes 'dra bar/ /de dag rjes gcad dka' ba yin/ /bstan pa 'di'i don ji lta bu zhe na/ su dag la ni yongs bsags med/ /su dag gi ni zos mi rtogs/ /gang dag gi ni rjes gcad
92b6 dka'| |su song gang du song ba na/ /de dag rjes gcad dka' ba yin/ /de la rin po che la sogs pa ni/ bsags pa'o/ /yongs zhes bya ba ni/ phrad kyi bye brag gi tha tshig go /yongs zhes bya ba ni/
92b7 bsdus pa'i don te/ 'dir rdzas bzang po bsgrubs pa'i tha tshig go/ /bsags pa zhes bya ba dang / nor zhes bya ba ni/ don gcig go/ gang nor yongs su bsags par byed pa de ni/ de dag gi yongs
93a1 su bsags pa zhes bya'o/ /de la yongs su bsags pa zhes bya ba ni/ rnam pa gnyis te/ 'dus byas yongs su bsags pa dang / 'dus ma byas yongs su
93a2 bsags pa'o/ /de la nyan thos ni/ 'dus byas yongs su bsags pa'i rnam pa'o/ /de bzhin gshegs pa ni/ 'dus ma byas yongs su bsags pa'i rnam pa'o/ /dge 'dun ni/ rnam
93a3 pa gnyis te/ 'dus byas kyi dge 'dun dang / 'dus ma byas kyi dge 'dun no/ /de la 'dus byas kyi dge 'dun zhes bya ba ni/ nyan thos kyi dge 'dun yin te/ nyan thos kyi dge 'dun la ni/ yongs
93a4 su bsags pa'ang med na/ bran dang bran mo la sogs pa rdzas ngan pa rnams dang / mdzod dang / bang ba yongs su 'dzin pa lta ga la yod de/ 'os ma yin pas na/ de ni/ lan tshwa dang / til
93a5 tsam yang yongs su bsags par mi byed do/ /gang dag bcom ldan 'das kyis bdag cag la bran dang bran mo la sogs pa 'chang du gnang ngo / /zhes zer ba de dag gi lce ni/ lkug par 'gyur
93a6 srid do| |nyan thos de dag ni/ yongs su bsags pa med pa'i rnam pa yin te/ de dag ni/ zas yongs su shes pa'o/ /gang dag zas la zhen pa med pa de dag ni/ zas yongs su shes pa yin no//
93a7 de dag ni/ 'gro ba'i lam du rjes gcad par dka'o/ /de dag ni/ myur ba kho nar sangs rgyas nyid du nye bar gnas so/ /de dag gi 'gro ba ni/ rjes gcad dka'o/ /zhes de bzhin gshegs pa gsung
93b1 ngo / /yang bka' stsal pa/ gal te 'dus byas kyi dge 'dun la'ang yongs su bsags pa med na/ 'dus ma byas pa'i dge 'dun lta ga la yod/ 'dus ma byas pa'i dge 'dun ni/ de bzhin gshegs pa ste/ de bzhin gshegs
93b2 pa la gsang ba'i chos bstan pa ga la yod/ gsang ba gang yin pa de ni/ yongs su bsags pa'o/ /rjes gcad du med pa ni/ mi g.yo ba'i bde ba ste/ mya ngan las 'das pa'i don te/ /de la ni/ nam
93b3 mkha' yang med/ lo dang / nyi ma dang / zla ba rnams kyis kyang byar med/ mjug ring dang / skar ma'i tshogs rnams dang / ri rnams dang / dus dang / sprin rnams kyang med de/ skye ba'i rgyun chad pa
93b4 'chi ba dang / na ba dang / rga ba dang / srid pa nyi shu rtsa lnga spangs pa sdug bsngal gyi rnam pa dang / nyon mongs pa dang bral ba ste/ de bzhin gshegs pa rtag pa dang / brtan pa dang / bde ba dang / mi g.yo
93b5 ba dang / gnas med pa ni/ yongs su mya ngan las 'das pa ste/ der 'gro ba'i phyir deng de bzhin gshegs pa grong khyer chen por gshegs so/ /chen po zhes bya ba dang / che ba zhes bya ba ni/ don gcig
93b6 go /chen po zhes bya ba ni/ lhag ma dang bcas pa'i tshig bla dwags te/ 'di na mi la la tshe dpag tu med par gyur na/ mi de skyes bu chen po zhes bya ba'i grangs su gtogs te/ gal te chos dang ldan na/ mi
93b7 de skyes bu thams cad kyi mchog yin no/ /yang 'dir skyes bu chen po'i rnam par rtog pa brgyad kyis skyes bu gcig pur 'gyur te/ skyes bu chen po du ma yod pa'i nang na gang la skyes bu chen po'i rnam
94a1 par rtog pa brgyad yod pa de ni/ skyes bu chen po thams cad kyi nang na 'ang skyes bu chen po'o/ /zhes ngas bshad pas na/ de'i phyir che ba zhes bya'o/ /lhag ma dang
94a2 bcas pa'i mya ngan las 'das pa zhes bya ba la/ gang la rma med pa de ni/ mya ngan las 'das pa zhes bya'o/ /de ci'i phyir zhe na/ rigs kyi bu/ dper na/ 'di na mi la la zhig gdug pa'i zug rdus
94a3 phog ste| bab rdo'i gnod pas thebs nas bab rdo'i gnod pas thebs pa'i mi de zug rdu 'byin pa'i sman pa chen po zhig gis gsos te gdug pa'i zug rngu bsal nas bde bar byas te de gnod pa
94a4 med par snga mkho bzhin du byas nas sman pa des mi de bor te yul gzhan nam/ grong gzhan nam/ khyim gzhan gang na rmas pa yod pa dang / gang na rma'i las byar yod pa de na gnas pa de
94a5 bzhin du de bzhin gshegs pa dgra bcom pa yang dag par rdzogs pa'i sangs rgyas sman pa chen po zug rngu 'byin pas kyang dzam bu'i gling pa'i sems can bskal pa bye ba phrag grangs med pa
94a6 tshun chad nas 'dod chags dang / zhe sdang dang / gti mug la sogs pa nyon mongs pa'i dug gis phog pa'i sems can shin tu rmas pa thams cad kyi zug rdu rnams theg pa chen po'i
94a7 mdo'i sde tshan sna tshogs kyi dge ba'i rtsa ba'i sman rnams kyis gso bar mdzad do/ /gsos nas kyang de rnams mya ngan las bzlas te gang na sems can rmas pa rnams yod pa der bcom ldan
94b1 'das yang dag par snang bar 'gyur ro/ /de bas na/ mya ngan las 'das pa chen po ni/ yang dag pa'i don la ston pa yin no/ /yongs su mya ngan las 'das pa chen po zhes bya ba ni/ srid pa thams
94b2 cad na thar pa'i grong khyer gyi tshig bla dwags yin te/ gang na 'dul bar bya ba rnams yod pa der rdzogs par sangs rgyas par snang ba 'di ni/ tshig grags pa'o/ /gsal ba'o/ /yang dag pa'i
94b3 don ni/ yongs su mya ngan las 'das pa chen po zhes bya'o/ /gsol pa/ bcom ldan 'das/ ci lags/ sman pas rmas pa thams cad sos par bgyis nas yul dang / grong khyer dang /
94b4 yul 'khor dang / rgyal po'i pho brang 'khor gzhan gang na rmas pa rnams mchis pa der snang bar 'gyur ro/ /zhes bgyi lags sam/ bka' stsal pa/ rigs kyi bu/ srog chags rmas pa
94b5 thams cad kyi nad gso bar byed ces de skad ma zer cig /gsor mi rung ba'i sems can gzhan rnams ni/ gso bar mi byed do/ /de ci'i phyir zhe na/ de dag gi nad ni/ gsor mi rung ba yin
94b6 te| de dag de bzhin du de bzhin gshegs pa ni/ gsor mi rung ba'i nang 'dod chen po ma gtogs pa nad thams cad gso bar mdzad de/ gang mya ngan las 'das pa de dag gsol ba yin no/ /
94b7 gsol pa/ thar pa ji lta bu lags/ gzugs can lags sam/ gzugs ma mchis pa lags/ bka' stsal pa/ kha cig ni/ gzugs can no/ /kha cig ni/ gzugs can ma yin pa ste/
95a1 gzugs can ma yin pa ni/ nyan thos dang / rang sangs rgyas rnams kyi'o/ /sangs rgyas bcom ldan 'das rnams kyi ni/ gzugs can yin no/ /thar pa de ni/
95a2 gzugs dang gzugs med pa yin la gzugs yin no/ /zhes byar yang mi rung ngo / /gsol ba/ ci'i slad du lags/ bka' stsal pa/ 'od srung chen po dang rus gcig pa/ dper na/
95a3 'dus shes med 'dus shes med min gyi lha rnams kyi lus ni/ gzugs dang gzugs med pa yin la gzugs yin no/ /zhes byar yang mi rung ba bzhin no/ /gsol pa/ 'du shes
95a4 med 'du shes med min gyi lha rnams gzugs dang gzugs ma mchis pa lags la gzugs kyang ma lags na/ de dag ji ltar mchis pa dang / ji ltar rgyu ba bstan du gsol/ bka' stsal
95a5 pa| 'di ni/ sangs rgyas kyi yul yin te/ nyan thos dang / rang sangs rgyas kyi yul ma yin gyi/ zhog cig /de bzhin du thar pa'ang gzugs dang gzugs med pa yin la gzugs kyang ma
95a6 yin pas na/ sangs rgyas kyi yul yin gyi/ nyan thos dang / rang sangs rgyas kyi yul ma yin no/ /gsol pa/ bcom ldan 'das/ de bzhin gshegs pas yongs su mya ngan las
95a7 'das pa chen po'i tshul gyis thar pa bstan du gsol/ bka' stsal pa/ rigs kyi bu/ legs so/ /legs so/ /thar pa zhes bya ba ni/ 'ching ba thams cad dang bral ba'o/ /yang
95b1 bka' stsal pa/ thar pa zhes bya ba gang yin pa de ni/ ma skyes pa'i phyir de ni/ 'ching ba thams cad dang shin tu bral ba ste/ ji ltar pha ma phrad pa'i yon tan las bu skye ba de bzhin du skyes pa
95b2 ma yin te/ thar pa ni/ rang gi yul du gnas pa'o/ /ma skyes pa zhes bya ba ni/ 'di ltar mar gyi nying khu rang bzhin gyis rang gi ngo bo nyid du 'dug pa de bzhin du de bzhin gshegs pa ni/ yab yum
95b3 'khrig pa las byung ba'ang ma yin la/ de bzhin gshegs pas ni/ gdul bar bya ba'i dbang gis yab yum gnyis kyang bstan to/ /thar pa gang yin pa de ni/ de bzhin gshegs pa ste/
95b4 ma byung ba byung ba'i phyir ro/ /dper na/ sran sde'u 'am/ sran gre'u dpyid zla ra ba'i ngo'am/ dbyar gyis dus sam/ ston zla tha chung gi ngo las bon btab na/ de dag las myu gu 'byung bar 'gyur ba de
95b5 bzhin du thar pa ni/ de lta ma yin no/ /ma byung ba gang yin pa de ni/ thar pa'o/ /thar pa gang yin pa de ni/ de bzhin gshegs pa ste/ ma byung ba'o/ /de bzhin gshegs pa ni/ ma byung ba kho na ste/ de
95b6 bzhin gshegs pa ni/ myu gu yod pa dang / med par 'gyur ba bzhin du yongs su brtag par mi bya'o/ /de bzhin gshegs pa ni/ rang bzhin gyis ma byung ba ste/ de bas na/ ma byung ba'o/ /ma byung ba
95b7 zhes bya ba ni/ ma byas pa'o/ /ma byas pa zhes bya ba ni/ ji ltar grong khyer dang / gra'i yang tog dang / sgo khang byang ba de bzhin du thar pa ni/ de lta ma yin te/ ma byas pa gang yin pa de ni/ thang pa'o/ /
96a1 de ni| de bzhin gshegs pa'o/ /'dus ma byas zhes bya ba ni/ ji ltar rdza mkhan gyis snod byas nas de'i 'og tu zhig par 'gyur ba bzhin du thar pa ni/ de lta ma
96a2 yin no| |thar pa ni/ skye ba'ang med/ 'gag pa'ang med do/ /thar pa gang yin pa de ni/ de bzhin gshegs pa ste/ skye ba'ang med/ 'chi ba'ang med do/ /gang ma skyes pa dang / ma zhi ba
96a3 dang / rga ba med pa dang / 'chi ba med pa dang / 'dus ma byas pa de ni/ de bzhin gshegs pa ste/ de bas na/ de bzhin gshegs pa ni/ yongs su mya ngan las 'das pa chen por 'gro
96a4 ba'o| |rga ba med pa dang / 'chi ba med pa zhes bya ba ni/ mgo dkar ba dang / rga ba dang / na ba dang / 'chi ba'i chos dang / 'dus byas kyi rang bzhin gyi rtog pa de lta bu ni/ thar pa ma yin gyi/
96a5 gang la gong du smos pa rnams med pa ni/ thar pa yin te/ de bas na/ rga ba med pa zhes bya'o/ /thar pa gang yin pa de ni/ de bzhin gshegs pa ste/ de bzhin gshegs pa la ni/ mgo
96a6 dkar ba dang / rga ba dang / 'dus byas rnam par 'gyur ba med do/ /de bas na/ de bzhin gshegs pa ni/ rga ba med pa'i sku yin na/ 'chi bar lta ga la 'gyur/ nad med pa nad med pa zhes
96a7 bya ba ni| glo bur gyi nad bzhi brgya rtsa bzhis gnod par gyur pa dang / nyes dmigs du ma dang ldan pa'i lus gang la med pa de lta bu'i rang bzhin te/ de bas na/ thar pa ni/ nad med pa'o/ /thar
96b1 pa gang yin pa de ni/ de bzhin gshegs pa ste/ de bzhin gshegs pa la'ang nad kyi bag yod med na/ chos kyi sku la nad ga la yod/ de bas na/ de bzhin gshegs pa ni/ nad med pa'o/ /'chi ba
96b2 med pa 'chi ba med pa zhes bya ba ni/ gang la mi'i lus bzhin du 'chi ba med pa'o/ /de ni/ thar pa yin te/ de la ni/ dus 'di tsam gyis na zad pa'i mthar 'gyur ba'am/ 'chi ba'i mthar 'gyur ro/ /
96b3 zhes bya ba'i ming yang med de/ 'chi ba dang bral ba ni /thar pa'o/ /thar pa gang yin pa de ni/ de bzhin gshegs pa'o/ /de lta bu'i yon tan dang ldan pa 'chi bar 'gyur ba zhes bya ba de ni/ mi srid
96b4 de| sku rdo rje ltar mkhregs pa mi rtag par ga la zhig 'gyur te/ de bas na/ 'chi ba med pa ni/ de bzhin gshegs pa'o/ /nyon mongs pa can nyon mongs pa can zhes bya ba la/ thar pa ni/ nur nur
96b5 po mi gtsang bas ma rung bar gyur pa ma yin te/ thar pa ni/ ji ltar me tog ku mu da dkar po bzhin du gsal ba'o/ /thar pa gang yin pa de ni/ de bzhin gshegs pa'o/ /'dod pa'i nyes pa sna
96b6 tshogs bstan pa ni/ thabs yin par blta bar bya'o/ /de bas na/ de bzhin gshegs pa ni/ nyon mongs pa can ma yin pa'o/ /zag pa med pa zag pa med pa zhes bya ba ni/ rma med pa'i don te/
96b7 de ni/ thar pa yin no/ /thar pa gang yin pa de ni/ de bzhin gshegs pa ste/ de bas na/ zag pa med pa zhes bya'o/ /gnod pa med pa gnod pa med pa zhes bya ba ni/ ji ltar bkres pas g.yos
97a1 byed pa ma mthong na/ gnod par 'gyur ba de bzhin du thar pa ni/ de lta ma yin te/ gnod pa med pa gang yin pa de ni/ thar pa'o/ /thar pa gang yin pa de ni/ de bzhin
97a2 gshegs pa'o/ /zhi ba zhi ba zhes bya ba ni/ 'jig rten pa rnams kyi ni/ lha'i gzugs la zhi ba zhi ba zhes bya bas na/ de ni/ rdzun te/ thar pa ma yin no/ /rang bzhin gyis zhi ba gang yin pa
97a3 de ni/ thar pa ste/ gang gi phyir sems can thams cad kyi zhi ba'i mchog yin pas na/ de'i phyir zhi ba zhes bya'o/ /zhi ba gang yin pa de ni/ thar pa'o/ /thar pa'o/ /thar pa gang yin pa de ni/ de bzhin
97a4 gshegs pa'o/ /bde ba bde bzhes bya ba ni/ ji ltar chom rkun gyis 'jigs nas lam bde bar 'gro ba bzhin du thar pa ni/ de lta ma yin te/ rang bzhin gyis bde ba de la ni/ 'jigs
97a5 pa'i ming yang med de/ de bas na/ bcos ma ma yin pa'i bde ba ni/ thar pa'o/ /thar pa gang yin pa de ni/ de bzhin gshegs pa'o/ /sems can thams cad la bde ba byed pa ni/ de
97a6 bzhin gshegs pa'o/ /gnyen po med pa gnyen po med pa zhes bya ba la/ gnyen po med pa zhes bya ba ni/ ji ltar rgyal po shir dogs shing 'jigs pa bzhin du thar pa ni/ de lta ma yin
97a7 te| thar pa ni/ ye rang bzhin gyis gnyen po med pa'o/ /gnyen po med pa zhes bya ba ni/ 'khor los bsgyur ba'i rgyal po lta bu ste/ de la gzhan slar 'jigs par byed nus pa su'ang med de/
97b1 yong mi srid do/ /de bzhin du thar pa la'ang thar pa'i chos gzhan zlar gyur pa med de/ yong mi srid do/ /thar pa gang yin pa de ni/ de bzhin gshegs pa'o/ /de bzhin gshegs pa chos kyi 'khor
97b2 lo bskor ba la ni/ dgra gzhan med de/ de bas na/ de bzhin gshegs pa dgra bcom pa yang dag par rdzogs pa'i sangs rgyas ni/ gnyen po med pa'o/ /thar pa gang yin pa de ni/ de bzhin
97b3 gshegs pa'o/ /mya ngan med pa mya ngan med pa zhes bya ba ni/ gang la mya ngan med pa ste/ ji ltar rgyal po dkrugs ma byed pa'i rgyal po gzhan gyis rgyal srid 'phrog ste yul 'khor bcom zhing
97b4 bshig pa na shin tu mya ngan gyis thebs pa bzhin du mya ngan las 'das pa ni/ de lta ma yin te/ ji ltar rgyal po gzhan gyis ma tshugs te dgra dang bral bar gyur nas mya ngan med pa bzhin
97b5 du thar pa thob pa rnams kyang mya ngan med pa'o/ /thar pa gang yin pa de ni/ mya ngan las 'das pa'o/ /mya ngan las 'das pa gang yin pa de ni/ de bzhin gshegs pa'o/ /mya ngan dang bral ba mya
97b6 ngan dang bral ba zhes bya ba ni/ ji ltar bud med rang gi bu dmag tu song nas shi'o/ /zhes thos pa las phyir 'ongs pa mthong nas mya ngan dang bral bar 'gyur ba bzhin du mya ngan las 'das pa ni/ de
97b7 lta ma yin te/ thar pa ni/ rtag tu mya ngan dang bral ba'o/ /thar pa gang yin pa de ni/ de bzhin gshegs pa'o/ /rdul med pa rdul med pa zhes bya ba la/ rdul zhes bya ba ni/ sa rdul dang / nyal nyil
98a1 yin te| ji ltar dpyid kyi dus na phyi dro rlung langs pas sa rdul bslang ba bzhin du thar pa ni/ de lta ma yin no/ /rdul med pa zhes bya ba ni/ ji ltar rgyal po'i gtsug gi
98a2 nor bu dag pa de bzhin du rang bzhin gyi rdul med pa ni/ thar pa'o/ /thar pa gang yin pa de ni/ de bzhin gshegs pa'o/ /rdul dang bral ba rdul dang bral pa zhes bya ba ni/ ji ltar gser yongs
98a3 su dag pa ste/ gseg ma dang / rdo med par gyur pa/ dbyig tu red pa/ rang bzhin du gyur pa de bzhin du skyon byang ba'i rang bzhin ni/ thar pa'o/ /thar pa gang yin pa de ni/ de bzhin
98a4 gshegs pa'o/ /sob sob po ma yin pa sob sob po ma yin pa zhes bya ba ni/ kham pa'i zho'i bum pa gas pa bzhin du thar pa ni/ de lta ma yin te/ de lta ma yin te/ lcags dang rdo rje'i bum pa bzhin du sob
98a5 sob po ma yin pa ni/ thar pa'o/ /thar pa gang yin pa de ni/ de bzhin gshegs pa'o/ /sob sob po ma yin pa'i chos can sob sob po ma yin pa'i chos can zhes bya ba ni/ ji ltar e
98a6 raN+Da'i 'bras bu brngas nas so ga'i dus su khab thog tu bting na/ kun nas tseg tseg zer zhing kun nas 'gas pa de bzhin du thar pa ni/ de lta ma yin no/ /sob sob po ma yin pa'i
98a7 chos can zhes bya ba ni/ ji ltar lcags dang rdo rje'i bum pa shing stag pa stong gi mdas 'phangs kyang phigs par mi nus pa de bzhin du sos sob po ma yin pa'i chos can ni/ thar
98b1 ba'o| |thar pa gang yin pa de ni/ de bzhin gshegs pa'o/ /ci byar yang med pa ci byar yang med pa zhes bya ba ni/ ji ltar mi dbul po zhig la bu lon chags pa las phyug po'i lag tu 'ongs
98b2 nas nyon mongs su zin kyang ci'ang 'jal du med nas btang ba bzhin du thar pa ni/ de lta ma yin te/ ci byar yang med pa zhes bya ba ni/ ji ltar mi nor bye ba bdog pa su'i bu lon yang ma chags
98b3 pa de bzhin du chos bye ba phrag mang po bdog pa'i mchog ni/ thar pa'o/ /thar pa gang yin pa de ni/ de bzhin gshegs pa'o/ /ci byar yang med pa'i chos can ci byar yang med pa'i chos can zhes bya
98b4 ba ni| ji ltar mi dbul pos rang gi khyim na gang na'ang nor med de/ bdag gis skyin pa blang ngo / /snyam nas des sems khong du chud pa bzhin du thar pa ni/ de lta ma yin te/ ci byar yang med
98b5 pa'i chos can zhes bya ba ni/ ji ltar khyim bdag nor bye ba bdog pa nyi ma dang zla ba la'ang rag ma lus te/ de ltar 'byor ba dang ldan pa'i khyim bdag gis ni/ nyi ma lhan ner 'dug go/ /zhe'am
98b6 zla ba shar to/ /zhes bya ba'i sgra'ang mi thos so/ /de ltar mchog tu skyid pa'i khyim bdag 'khor los bsgyur ba'i rigs su skyes pa de ni/ phyi srid du bye ba'i phyir gzhan las skyin ma len ce'am/
98b7 yang na gzhan gyis 'di ni/ pha rol las skyin ma len cing za'o/ /zhes brjod pa med de/ de ni/ mi srid do/ /de bzhin du thar pa'ang thar pa'i gnas len to/ /zhes bya ba de ni/ mi srid do/ /de bas
99a1 na| ci byar yang med pa'i chos can ni/ thar pa'o/ /thar pa gang yin pa de ni/ de bzhin gshegs pa'o/ /gnod pa med pa gnod pa med pa zhes bya ba ni/ ji ltar so ga'i
99a2 dus su ha cang tsha ches pa bsten pa dang / dbyar gyi dus su ha cang mngar ches pa bsten pa dang / dgun gyi dus su ha cang bsil ches pa bsten pas bdag nyid gnod pa rnams kyis nyes pa de las
99a3 gnod pa rnams 'byung bar 'gyur ba bzhin du thar pa ni/ de ltar nad mang pos gnod par 'gyur ba ma yin no/ /gzhan yang gnod pa zhes bya ba ni/ ji ltar sha dang / nya sha zos pa'i 'og tu'o
99a4 ma 'thung ba ni/ 'chi bar 'gyur ba bzhin du thar pa ni/ gnod pa'i chos can ma yin no/ /gnod pa med pa zhes bya ba ni/ ji ltar kha zas mthun par za bas ro zhim pa'ang myong la bdud rtsi'ang zos
99a5 par 'gyur ba de bzhin du thar pa ni/ rang bzhin gyis bdud rtsi lta bu yin te/ thar pa gang yin pa de ni/ de bzhin gshegs pa'o/ /gnod pa med pa'i chos can gnod pa med pa'i chos can zhes
99a6 bya ba ni/ ji ltar nga rgyal gyis khengs pa'i mi nga rgyal gyis dregs shing myos nas nga mi 'chi'o/ /snyam ste/ sbrul lam stag la 'dzin du rtsol ba las/ des zin nas dus ma yin pa'i 'chi bas
99a7 'chi bar 'gyur ba de bzhin du nga rgyal gyis khengs pa ni/ thar par mi 'gyur ro/ /gnod pa med pa'i chos can zhes bya ba ni/ ji ltar 'khor los bsgyur ba'i rgyal po'i 'khar ba rin po che'i gzi
99b1 brjid kyis srog chags gdug pa spur bu dang / sbrul dang / ka na b+ha dang / sdom la sogs pa'i rigs dgu bcu rtsa drug po rnams kyis thag ring po nas de'i dri tshor ba tsam gyis 'khar ba rin po che'i rang
99b2 bzhin gyi dris skrag nas dug med par 'gyur ba de bzhin du thar pa ni/ rang bzhin gyis srid pa'i nyes pa nyi shu rtsa lnga dang bral ba yin te/ thar pa gang yin pa de ni/ de bzhin gshegs pa'o/ /nyen med
99b3 pa nyen med pa zhes bya ba la/ thar pa ni/ sa la sngon po dang / ldang gu'i mdog lta bu ma yin no/ /nyen med pa zhes bya ba ni/ ji ltar nam mkha' la nyen med pa bzhin du thar pa'ang de dang 'dra ste/ thar pa
99b4 gang yin pa de ni/ de bzhin gshegs pa'o/ /nyen med pa'i chos can nyen med pa'i chos can zhes bya ba ni/ ji ltar rten la mar me nyen du gyur pa bzhin du thar pa ni/ de lta ma yin te/ nyen med pa'i chos
99b5 can zhes bya ba ni/ ji ltar bla ba'i 'od sems can thams cad la nyen med pa bzhin du thar pa'ang de dang 'dra ste/ sems can thams cad la nyen med pa'i tshul can yin no/ /de bas na/ nyen
99b6 med pa ni/ thar pa'o/ /thar pa gang yin pa de ni/ de bzhin gshegs pa'o/ /ci'ang med pa ci'ang med pa zhes bya ba ni/ ji ltar mi mdza' bo dang / dgra bzhin du thar pa ni/ de lta ma yin te/ ci'ang
99b7 med pa zhes bya ba ni/ ji ltar 'khor los bsgyur ba'i rgyal po la dgra yod ces bya ba ni/ mi srid de/ thar pa'ang de dang 'dra'o/ /thar pa gang yin pa de ni/ de bzhin gshegs pa'o/ /ci'ang med pa zhes
100a1 bya ba ni/ ji ltar ras dkar po dgos pa 'ga'i phyir bsgyur na/ sngon po dang dmar por 'gyur ba bzhin du thar pa ni/ de lta ma yin te/ ci'ang med pa zhes bya ba ni/ ji ltar klu shing
100a2 gi me tog dri nga bar 'gyur ba'am sngon por 'gyur mi srid pa bzhin du thar pa'ang de dang 'dra ste/ cung zad cig yod do/ /zhes bya ba mi srid de/ me tog de'i dri gcig pu kho nar zad pa bzhin no/ /
100a3 thar pa gang yin pa de ni/ de bzhin gshegs pa'o/ /ngo mtshar ngo mtshar zhes bya ba ni/ ji ltar chu'i nang na pad+ma yod pa ngo mtshar mi che ba bzhin du thar pa ni/ de lta ma yin te/ ngo mtshar
100a4 zhes bya ba ni/ ji ltar me'i nang du me tog pad+ma rgyas pa mthong na/ dga' ba bskyed pa de bzhin du thar pa yod na/ dga' ba skye bar 'gyur ro/ /thar pa gang yin pa de ni/ de bzhin gshegs pa'o/ /
100a5 rmad du byung ba rmad du byung ba zhes bya ba ni/ ji ltar byis pa'i so rnams phyis skye ba de bzhin du thar pa ni/ dus la bab pa dang / dus la ma bab pa las 'gyur ba med do/ /ya mtshan zhes bya ba
100a6 ni| ji ltar 'dod chen pa rnams kyis 'dod chen por lhung ba sangs rgyas su 'gyur zhes bya ba ni/ mi srid do/ /gang gi tshe dam pa'i chos la dad pa dang ldan pa'am dge bsnyen du gyur pa de'i tshe
100a7 thar pa zad par 'gyur ro/ /zhes bya ba ni/ mi srid de/ khams de ni/ rang bzhin gyis rmad du byung ba'o/ /de bas na/ thar pa ni/ rmad du byung ba zhes bya'o/ /'dod chen po'i ltar de bzhin
100b1 gshegs pa ni/ zad pa med do/ /dge ba'i rtsa ba'i sems la dmigs pa la ni/ chos rnams skye ba med do/ /skye ba med pa de ni/ thar pa'o/ /thar pa gang yin pa de ni/ da bzhin gshegs pa'o/ /
100b2 dpag tu med pa dpag tu med pa zhes bya ba ni/ ji ltar 'bru'i phung po'am 'bras sA lu'i phung po gzhal du yod pa bzhin du thar pa ni/ de lta ma yin no/ /dpag tu med pa zhes bya ba ni/ ji ltar rgya mtsho'i
100b3 chu dpag tu med pa de bzhin du thar pa'ang de dang 'dra bar dpag tu med do/ /thar pa gang yin pa de ni/ de bzhin gshegs pa'o/ /tshad med pa'i chos can tshad med pa'i chos can zhes bya ba ni/ ji
100b4 ltar sems can gcig gi las kyi rnam par smin pa tshad yod pa'i chos can yin pa bzhin du thar pa ni/ de lta ma yin te/ tshad med pa'i chos can zhes bya ba ni/ ji ltar sems can rnams kyi 'khor
100b5 ba'i mtha' las nges par 'byung ba tshad med pa bzhin du thar pa'ang de dang 'dra'o/ /thar pa gang yin pa de ni/ de bzhin gshegs pa'o/ /mchog dang / phul dang / gtso bo mchog dang / phul dang /
100b6 gtso bo zhes bya ba ni/ gang la mchog dang / phul dang / gtso bor gyur pa'i thar pa gzhan med pa ste/ ji ltar rgya mtsho chen po la de dang 'dra ba'i chu chen po gzhan med pa bzhin du thar pa'ang de dang 'dra
100b7 ste| thar pa rang nyid mchog dang / phul dang / gtso bo yin no/ /thar pa gang yin pa de ni/ de bzhin gshegs pa'o/ /rab rab ces bya ba ni/ ji ltar nam mkha'i gong na nam mkha' gzhan nam
101a1 nam mkha' las lhag pa'i chos gzhan med pa de bzhin du thar pa'i gong na thar pa'i chos gzhan med de/ thar pa gang yin pa de ni/ de bzhin gshegs pa'o//
101a2 kun tu rab kun tu rab ces bya ba ni/ ji ltar ri dwags thams cad las 'das pa ni/ seng+ge'i sa yin pa de bzhin du thar pa ni/ chos thams cad las 'das te/ gcig tu 'od gsal
101a3 ba'o| |thar pa gang yin pa de ni/ de bzhin gshegs pa'o/ /bla ma bla ma zhes bya ba ni/ ji ltar phyogs thams cad kyi nang na byang phyogs mchog ces bya ba de bzhin du thar pa'ang de dang 'dra ste/
101a4 thar pa gang yin pa de ni/ de bzhin gshegs pa'o/ /bla na med pa bla na med pa zhes bya ba ni/ ji ltar yul thams cad kyi nang na ni/ byang phyogs pa la yul bla na med pa zhes bya ba bzhin du
101a5 thar pa'ang de dang 'dra ste/ thar pa gang yin pa de ni/ de bzhin gshegs pa'o/ /nges pa nges pa zhes bya ba ni/ ji ltar lha rnams dang / mi rnams kyi 'chi ba ni/ nges la/ srog ni/ ma nges pa ste/
101a6 thar pa ni/ lha dang mi rnams 'chi bar nges pa bzhin du nges pa dang gnas pa'i chos can yin te/ thar pa gang yin pa de ni/ de bzhin gshegs pa'o/ /mi brtan pa ma yin pa mi brtan pa
101a7 ma yin pa zhes bya ba ni/ ji ltar 'dam bu dang / e raN+Da ba dang / lbu ba rnams mi brtan pa bzhin du thar pa ni/ de lta ma yin no/ /mi brtan pa zhes bya ba ni/ mar gyi nyid khu lta bu'o/ /thar pa
101b1 ni/ mi brtan pa ma yin pa'o/ /thar pa gang yin pa de ni/ de bzhin gshegs pa'o/ /'jig pa'i chos can ma yin pa 'jig pa'i chos can ma yin pa zhes bya ba ni/ ji ltar rtsig ngos la sbrang bu
101b2 'khod pa rnams kha cig ni/ 'byar/ kha cig ni/ 'khod/ kha cig ni/ 'gro/ kha cig ni/ rtse ba bzhin du thar pa ni/ de lta ma yin no/ /'jig pa'i chos can ma yin pa zhes bya ba ni/ ji ltar ri
101b3 mo mkhan gyis ri mo bris pa'i rtsig ngos la de dag 'khod par mi nus shing 'byar bar mi 'gyur ba de bzhin du thar pa ni/ nyes pa thams cad kyis mi gos pa ste/ thar pa gang yin pa de ni/ de bzhin
101b4 gshegs pa'o/ /mtha' yas pa mtha' yas pa zhes bya ba la/ thar pa ni/ grong phrag lta bu ma yin te/ mtha' yas pa ni/ ji ltar nam mkha' la mtha' med pa de bzhin du bde ba'i rnam pa mtha' yas pa
101b5 ni| thar pa'o/ /thar pa gang yin pa de ni/ de bzhin gshegs pa'o/ /bstan du med pa bstan du med pa zhes bya ba ni/ ji ltar nam mkha' la bya'i rjes mi snang ba de bzhin du thar pa ni/ brtag par dka' ba
101b6 ste| thar pa gang yin pa de ni/ de bzhin gshegs pa'o/ /zab mo zab mo zhes bya ba ni/ shin tu sha thang bas 'jug pa'i chos can yin te/ ji ltar pha ma dka' ba byed pa'i yon tan rnams shin tu
101b7 sha thabs 'jug pa'i sgo nas shin tu zab pa de bzhin du thar pa ste/ thar pa gang yin pa de ni/ de bzhin gshegs pa'o/ /shin rtsa ba lta dga' ba shin tu blta dka' ba zhes bya ba ni/ ji ltar mis
102a1 rang gi mgo bo'i steng shin tu blta dka' ba de bzhin du thar pa ni/ nyan thos dang rang sangs rgyas thams cad kyis kyang shin tu blta bar dka' ste/ thar pa gang yin pa de
102a2 ni| de bzhin gshegs pa'o/ /gnas med pa gnas med pa zhes bya ba ni/ khyim dang / nam mkha'i tshig bla dwags te/ thar pa ni/ de lta ma yin no/ /gnas med pa zhes bya ba ni/ go skabs med
102a3 pa'i tshig bla dwags te/ gang la srid pa'i gnod pa nyi shu rtsa lnga med pa de ni/ thar pa'o/ /thar pa gang yin pa de ni/ de bzhin gshegs pa'o/ /nyon mongs pa med pa nyon mongs pa med pa zhes bya ba
102a4 ni| ji ltar mi'i chang bar skyu ru ra gzung du yod pa bzhin du thar pa ni/ de lta ma yin no/ /nyon mongs pa med pa zhes bya ba ni/ ji ltar sgyu ma mkhan gyis sprul pa'i sgyu ma la ci'ang gzung du med pa
102a5 bzhin du thar pa'ang de dang 'dra ste/ thar pa gang yin pa de ni/ de bzhin gshegs pa'o/ /skyon med pa'i lus skyon med pa'i lus zhes bya ba ni/ ji ltar mi'i lus la rme ba dang / shu ba dang / mdze
102a6 dang / pags pa'i nad dang / skyon rnams med par gyur pa bzhin du thar pa ni/ de lta ma yin no/ /skyon med pa'i lus zhes bya ba ni/ ji ltar ba'i 'o ma rang bzhin gyis mdog gcig pa bzhin
102a7 du thar pa'ang mtshan nyid gcig pa ste/ thar pa gang yin pa de ni/ de bzhin gshegs pa'o/ /dag pa dag pa zhes bya ba ni/ ji ltar rnyog pa'i dri ma dang 'dres pa'i chu'i nang du ke ta ka'i 'bras bu brdar
102b1 na chu'i rang bzhin dag par 'gyur ba bzhin du thar pa ni/ de lta ma yin no/ /dag pa zhes bya ba ni/ ji ltar nam mkha' la char pa'i chu ro gcig cing rnam par dag pa bzhin du thar pa'ang de dang 'dra ste/ thar
102b2 pa gang yin pa de ni/ de bzhin gshegs pa'o/ /grol ba grol ba zhes bya ba la/ thar pa ni/ zla ba tshes bco lnga dri ma med pa dang 'dra ste/ zla ba sprin gyis g.yogs pa lta bu ma yin no/ /thar pa gang yin pa
102b3 de ni| de bzhin gshegs pa'o/ /zhi ba zhi ba zhes bya ba ni/ ji ltar sems can rims nad kyis thebs pa las rims nad dang bral bar 'gyur ba de bzhin du thar pa ni/ de lta ma yin te/ zhi ba zhes bya
102b4 ba la| thar pa ni/ sems can nad med cing gnod pa med pa bzhin te/ thar pa gang yin pa de ni/ de bzhin gshegs pa'o/ /mnyam pa nyid mnyam pa nyid ces bya ba ni/ ji ltar lug thug re gnyis
102b5 phan tshun 'thab pa na stobs mnyam pa bzhin du thar pa ni/ de lta ma yin te/ ji ltar ma dang bu mthun par smra ba de bzhin du thar pa'ang de dang 'dra ste/ thar pa gang yin pa de ni/ de bzhin gshegs pa'o/ /
102b6 nye bar zhi ba nye bar zhi ba zhes bya ba la/ gnas kyi mchog de thob pa ni/ gnas gzhan 'dod mi srid do/ /chog mi shes pa zhes bya ba ni/ ji ltar nyam chung ba'i tshe kha zas kyi mchog zos pa'i 'og tu
102b7 dar ba btung pa'i sems skye bar 'gyur ba bzhin du thar pa ni/ de lta ma yin te/ thar pa gang yin pa de ni/ de bzhin gshegs pa'o/ /chad pa chad pa zhes bya ba la/ sred pa'i zhags pa lta bu'i nang
103a1 gi 'dod pa chad pa gang yin pa de ni/ chad pa'i sgo nas thar pa yin no/ /thar pa gang yin pa de ni/ de bzhin gshegs pa'o/ /pha rol pha rol zhes bya ba ni/ ji
103a2 ltar chu klung la tshu rol dang / pha rol gyi 'gram gnyis yod pa bzhin du thar pa ni/ de lta ma yin te/ thar pa ni/ pha rol yin no/ thar pa gang yin pa de ni/ de bzhin gshegs pa'o/ /chu klung
103a3 zhes bya ba la/ chu klung nyid dper rung bar zad kyi/ 'jig rten na chu klung gzhan dper rung ba med do/ /chu klung zhes bya ba ni/ rgya mtsho la bya ste/ chu klung thams cad kyi nang na rgya mtsho 'ba'
103a4 zhig chu klung yin pas na/ rgya mtsho ni/ chu klung zhes bya ba'i grangs su gtogs so/ /chu klung zhes bya ba ni/ sgra chen po sgrog pa'i phyir te/ thar pa ni/ chu klung rgya mtsho'i pha rol dang 'dra'o/ /thar
103a5 pa gang yin pa de ni/ de bzhin gshegs pa'o/ /bzang po bzang po zhes bya ba ni/ gang la ko sha ta ka'i 'bras bu lta bu'i ro tsha ba med pa ste/ thar pa ni/ ko sha ta ka'i 'bras bu ma yin
103a6 gyi| thar pa ni/ rgyun 'brum lta bu yin no/ /thar pa gang yin pa de ni/ de bzhin gshegs pa'o/ /ji ltar sman pa rtsi dang sman thams cad kyis sems gnas par byas nas nad do cog sel ba de
103a7 bzhin du thar pa'ang nyes pa thams cad dang bral ba'o/ /thar pa gang yin pa de ni/ de bzhin gshegs pa'o/ /'dun pa drag po 'dun pa drag po zhes bya ba ni/ ji ltar grong chung ngur skye bo phal po
103b1 che 'jug pa'i skabs med pa bzhin du thar pa ni/ de lta ma yin te/ thar pa gang yin pa de ni/ de bzhin gshegs pa'o/ /srid pa dga' ba zad pa zhes bya ba ni/ sgyu ma sprul pa dang bral ba lta bu ste/ gang
103b2 la skyes pa dang bud med 'khrig pa'i chos can rnams kyi phan tshun du gtam zer ba yod pa bzhin du thar pa ni/ de lta ma yin te/ rang bzhin gyis ngo bo nyid kyi chos can 'dod chags dang / zhe sdang dang /
103b3 gti mug dang bral ba gang yin pa de ni/ thar pa'o/ /thar pa gang yin pa de ni/ de bzhin gshegs pa'o/ /skom pa 'dul ba skom pa 'dul ba zhes bya ba ni/ gang la sred pa'i bag tsam yang med pa'o/ /yi
103b4 dwags kyi sred pa med pa ni/ chos kyi sred pa'o/ /chos kyi sred pa zhes bya ba ni/ sems can thams cad la snying brtse ba'o/ /thar pa ni/ yi dwags kyi sred pa lta bu ma yin te/ bdag dang bdag gir 'dzin pa
103b5 dang bral ba de ni/ thar pa'o/ /thar pa gang yin pa de ni/ de bzhin gshegs pa'o/ /'gog pa 'gog pa zhes bya ba ni/ thar pa ste/ srid pa la zhen pa med pa'o/ /thar pa gang yin pa de ni/ de bzhin
103b6 gshegs pa'o/ /gnas gnas zhes bya ba ni/ thar pa ste/ sred pa thams cad las nges par sgrol zhing skyob pa yin no/ /thar pa gang yin pa de ni/ de bzhin gshegs pa'o/ /skyabs skyabs
103b7 zhes bya ba ni/ ji ltar de bzhin gshegs pa la skyabs su song nas skyabs gzhan mi tshol ba lta bu'o/ /ji ltar rgyal po la skyabs su 'gro ba mi brtan pa bzhin du thar pa ni/ de lta ma yin te/ bde
104a1 ba brtan pa ni/ thar pa'o/ /thar pa gang yin pa de ni/ de bzhin gshegs pa'o/ /dpung gnyen dpung gnyen zhes bya ba ni/ nags khung dgon pa mchog tu 'jigs
104a2 pa bzhin du thar pa ni/ de lta ma yin te/ ji ltar ri dwags kyi rgyal po'i dpung gnyen ri dwags gzhan rnams la med pa bzhin no/ /ri dwags kyi rgyal po ni/ 'chi bas 'jigs pa thams cad
104a3 kyis 'jigs pa med pa de bzhin du thar pa ni/ dpung gnyen yin no/ /thar pa gang yin pa de ni/ de bzhin gshegs pa'o/ /bde ba bde ba zhes bya ba ni/ rin po che'i gling dang 'dra ste/ de bzhin
104a4 du thar pa ni/ 'byung khung ngo / /thar pa gang yin pa de ni/ de bzhin gshegs pa'o/ /nyam nga ba med pa nyam nga ba med pa zhes bya ba ni/ ji ltar stags gis 'jigs shing skrag nas khron par song
104a5 ba'i 'og tu khron pa'i nang nas bdag 'byin nus pa su yod ces zer ba de bzhin du thar pa ni/ khron pa lta bu ma yin no/ /nyam nga ba med pa zhes bya ba ni/ ji ltar gru chag pa las gru gzhan zhig
104a6 rnyed de rgya mtsho chen po las nges par rgal nas nyam nga ba med cing bde bar gyur pa de bzhin du thar pa ni/ nyam nga ba med pa'o/ /thar pa gang yin pa de ni/ de bzhin gshegs pa'o/ /gnas
104a7 bcom pa zhes bya ba ni/ go skabs zad pa ste/ ji ltar 'o ma las zho byung / zho las mar gsar 'byung / mar gsar las zhun mar 'byung / zhun mar las mar gyi nying khu 'byung ba
104b1 bzhin du thar pa ni/ gnas thams cad yongs su chad pa ste/ mar gyi nying khu ltar rang bzhin du gnas so/ /thar pa gang yin pa de ni/ de bzhin gshegs pa'o/ /nga rgyal 'dul ba nga rgyal 'dul ba
104b2 zhes bya ba ni/ ji ltar sa'i mnga' bdag rgyal po nga ni/ rgyal po thams cad kyi mchog yin no/ snyam pa'i nga rgyal 'dul ba bzhin du thar pa ni/ de lta ma yin te/ thar pa ni/
104b3 nga rgyal med cing nga rgyal du 'dzin pa med pa'o/ /thar pa gang yin pa de ni/ de bzhin gshegs pa'o/ /rgyags pa 'dul ba rgyags pa 'dul ba zhes bya ba ni/ gang la 'khrig pa'i 'dun
104b4 pa'i ming yang med pa de ni/ thar pa'o/ /thar pa gang yin pa de ni/ de bzhin gshegs pa'o/ /ma rig pa 'dul ba ma rig pa 'dul ba zhes bya ba ni/ ji ltar 'o ma las gcig nas gcig tu
104b5 brgyud de dri ma'i nyes pa gang dang gang zad par gyur pa de dang de las mar gyi nying khu 'ba' zhig 'byung bar 'gyur ba de bzhin du ma rig pa las rig pa 'ba' zhig 'byung bar 'gyur te/ rig pa gang yin pa de ni/
104b6 thar pa'o/ /thar pa gang yin pa de ni/ de bzhin gshegs pa'o/ /dben pa dben pa zhes bya ba ni/ gang la zla'i chos gzhan med pa ste/ glang po che'i dgon pa na glang po che
104b7 gcig pu rgyu zhing gcig pu gnas pa bzhin du thar pa'ang de dang 'dra'o/ /thar pa gang yin pa de ni/ de bzhin gshegs pa'o/ /rnam par spong ba rnam par spong ba zhes bya ba ni/ bdag med pa gzung
105a1 bar bstan te/ de ni/ de bzhin gshegs pa'i snying po la 'jug pa'o/ /ji ltar e raN+Da dang / 'dam bu'i sdong bu ni/ 'bras bu ma gtogs par thog thag
105a2 tu snying po med pa de bzhin du lha dang / mi dang / lha ma yin gyi lus thams cad ni/ de bzhin gshegs pa'i snying po ma gtogs pa thams cad e raN+Da dang / 'dam bu bzhin du
105a3 snying po med do/ /srid pa snying po med pa thams cad rnam par spangs pa ni/ thar pa'o/ /thar pa ni/ rang la brda sprod pa yin te/ thar pa gang yin pa de ni/ de bzhin gshegs pa'o/ /spong
105a4 ba spong ba zhes bya ba ni/ kha zas ma zhu bas kha zas ma tshos pa spong ba bzhin du srid pa thams cad bcad pa dang spangs pa ste/ de ltar na/ thar pa ni/ mkhas pa'o/ /thar pa gang yin pa de ni/
105a5 de bzhin gshegs pa'o/ /rang sangs rgyas kyi chos rang sangs rgyas kyi chos zhes bya ba ni/ ji ltar klu shing gi me tog ba mkhal gyi me tog ma yin pa bzhin du thar pa'ang de dang 'dra ste/
105a6 thar pa gang yin pa de ni/ de bzhin gshegs pa'o/ /khams khams zhes bya ba la/ khams de ni/ sems can thams cad kyi khams so/ /srog de ni/ sems can thams cad kyi
105a7 srog go/ thar pa'ang de dang 'dra ste/ thar pa gang yin pa de ni/ de bzhin gshegs pa'o/ /skye mched skye mched ces bya ba ni/ gang la 'byung ba'i sgo yod pa ste/ bdag med pa
105b1 bsgoms nas bdag gi lam la 'jug pa de ni/ thar pa'o/ /thar pa gang yin pa de ni/ de bzhin gshegs pa'o/ /dge ba dge ba zhes bya ba ni/ ji ltar rjes su bstan par bya ba rnams la
105b2 bla ma'i tshig gcig tu med pa lta bu'o/ /dge ba zhes bya ba ni/ legs pa yin te/ de ni/ thar pa'o/ /thar pa gang yin pa de ni/ de bzhin gshegs pa'o/ /'jig rten las 'das
105b3 pa 'jig rten las 'das pa zhes bya ba ni/ chos thams cad kyi nang na gnas kyi dam pa ste/ de ni/ thar pa'o/ /ji ltar bcud thams cad kyi nang na mchog ni/ ba'i 'o ma yin pa bzhin du
105b4 'jig rten las 'das pa de ni/ thar pa yin no/ /thar pa gang yin pa de ni/ de bzhin gshegs pa'o/ /mi g.yo ba mi g.yo ba zhes bya ba ni/ ji ltar sgo gtan gyi rten ma phyogs bzhi'i rlung
105b5 gis bskyod mi nus pa bzhin du thar pa'ang de dang 'dra bar brtan zhing mi g.yo ba yin no/ /thar pa gang yin pa de ni/ de bzhin gshegs pa'o/ /rgya mtsho'i rlabs ni/ mi brtan pa'i rang
105b6 bzhin can yin te/ thar pa ni/ de lta ma yin no/ thar pa gang yin pa de ni/ de bzhin gshegs pa'o/ /gnas gnas zhes bya ba ni/ rgyal po'i pho brang khang bzang 'phan skyon med pa de'ang bcos ma
105b7 yin no/ /thar pa de ni/ de lta ma yin te/ thar pa gang yin pa de ni/ de bzhin gshegs pa'o/ /nges pa nges pa zhes bya ba ni/ ji ltar dzam+bu chu bo'i gser skyon med cing thams cad du
106a1 las su rung ba bzhin du thar pa'ang de dang 'dra ste/ thar pa gang yin pa de ni/ de bzhin gshegs pa'o/ /thar ba ni/ byis pa'i spyod pa lta bu ma yin no/ /
106a2 thar pa gang yin pa de ni/ de bzhin gshegs pa'o/ /shin tu spangs pa shin tu spangs pa zhes bya ba ni/ ji ltar rgyal srid kyi dbang phyug thob nas mthu che zhing bag yangs su 'dug
106a3 pa bzhin du phung po yongs su spangs pa ni/ thar pa yin no/ /thar pa gang yin pa de ni/ de bzhin gshegs pa'o/ /mthar thug pa mthar thug pa zhes bya ba ni/ nyon mongs pa mi gtsang
106a4 ba zad pa ste/ thar pa ni/ rgyal po'i btson ra nas phyin pa'i mi dang 'dra'o/ /thar pa gang yin pa de ni/ de bzhin gshegs pa ste/ bcos ma ma yin pa'i bde ba'o/ /'dod chags dang /
106a5 zhe sdang dang / gti mug spong ba 'dod chags dang / zhe sdang dang / gti mug spong ba zhes bya ba ni/ gsum gyi btang ba ste/ ji ltar mi sprul gdug pas zin pa bdag nyid sos par bya
106a6 ba'i phyir bad kan skyug par byed pa bzhin du nyon mongs pa'i bad kan zad pa ni/ thar pa'o/ /thar pa gang yin pa de ni/ de bzhin gshegs pa'o/ /nyon mongs pa spong ba nyon mongs pa
106a7 spong ba zhes bya ba la/ sprul gdug pa 'dra ba'i nyon mongs pa zad pa ni/ thar pa'o/ /thar pa gang yin pa de ni/ de bzhin gshegs pa'o/ /phung po spong ba phung po spong ba zhes bya ba la/
106b1 sdug bsngal thams cad bor te shas cher bde ba ni/ thar pa'o/ /thar pa gang yin pa de ni/ de bzhin gshegs pa'o/ /'dod chags dang / zhe sdang dang / gti mug zad pa 'dod chags dang /
106b2 zhe sdang dang / gti mug zad pa zhes bya ba la/ gsum zad par byas te rtsa nas bton pa ni/ thar pa'o/ /thar pa gang yin pa de ni/ de bzhin gshegs pa'o/ /phung po thams cad spangs pa
106b3 phung po thams cad spangs pa zhes bya ba ni/ nyes pa thams cad spangs pa ste/ legs par mthong ba'i phyir ro/ /de ni/ thar pa yin te/ thar pa gang yin pa de ni/ de bzhin gshegs
106b4 pa'o| |'dus byas thams cad spangs pa'i don 'dus byas thams cad spangs pa'i don zhes bya ba ni/ thar pa ste/ dge ba thams cad sgrub pa'o/ /thar pa gang yin pa de ni/ de
106b5 bzhin gshegs pa'o/ /lam chad pa lam chad pa zhes bya ba ni/ bdag med pa bsgoms nas rgyun mi 'chad pa'i tshul gyis bdag med pa 'dzin pa dang / bdag bsgoms nas
106b6 rgyun mi 'chad pa'i tshul gyis bdag 'dzin pa dang / gnyis ka'i phyogs bsgoms nas sangs rgyas kyi khams gang yin pa de ni/ yod do/ /zhes de 'dzin pa gang yin pa de ni/
106b7 thar pa'o/ /thar pa gang yin pa de ni/ de bzhin gshegs pa'o/ /stong pa nyid stong pa nyid ces bya ba ni/ gang gi tshe btsal kyang ci'ang ma rnyed pa ste/ ci'ang med pa zhes bya ba ni/ gcer
107a1 bu pa rnams la'ang yod mod kyi/ thar pa ni/ de lta ma yin no/ /stong pa nyid ces bya ba ni/ ji ltar sbrang rtsi dang / zhun mar dang / 'bru mar dang /
107a2 chu dang / zho'i bum pa rnams la zho yod kyang rung / med kyang rung / zho'i bum pa zhes bya ba dang / de bzhin du sbrang rtsi dang / chu yod kyang rung / med kyang rung / sbrang rtsi dang /
107a3 chu'i bum pa zhes bya na/ ci de la bum pa stong pa zhes bya'am/ de dag med pa la bum pa rang nyid stong ngam/ gzugs kyang yod/ kha dog kyang yod na/ ji ltar stong pa zhes bya/ thar
107a4 pa ni/ de lta bur stong pa ma yin te/ thar pa la ni/ gzugs dang kha dog phun sum tshogs pa'ang yod na/ ji ltar zho'i bum pa stong pa ma yin du zin kyang zho med pa'i phyir
107a5 stong pa zhes bya ba bzhin du thar pa'ang stong pa ma yin bzhin du stong pa zhes bya ba ste/ gzugs yod bzhin du ji ltar stong pa zhes bya zhe na/ stong pa zhes bya ba ni/ nyon mongs pa'i rnam
107a6 pa dang / srid pa'i tha snyad nyi shu rtsa lnga dang / sdug bsngal dang / 'jig rten gyi chos lugs dang / cho ga dang / spyod yul 'byung ba rnams med pa'i phyir zho'i bum pa zho med pa bzhin
107a7 du thar pa la stong pa zhes bya ba ste/ de la ni/ bum pa'i gzugs mi g.yo ba bzhin du shas cher bde ba dang / dga' ba dang / rtag pa dang / brtan pa dang / ther zug dang / 'jig
107b1 rten las 'das pa'i chos dang / cho ga dang / spyod yul rnams yod do/ thar pa ni/ bum pa'i gzugs bzhin du rtag pa dang / brtan pa dang / ther zug pa ma yin gyi/ bum pa ni/
107b2 chag par 'gyur te/ rgyu'i sgo nas bzhag pa tsam du zad do/ /thar pa ni/ byas pa ma yin pa'i phyir chag par mi 'gyur la/ thar pa gang yin pa de ni/ bcos ma ma yin pa'i
107b3 khams yin te/ de ni/ de bzhin gshegs pa'o/ /sred pa zad pa sred pa zad pa zhes bya ba ni/ sangs rgyas su gyur pa'i mod la bdag dbang por gyur cig ce'am/ dbang
107b4 phyug chen po'am/ mi mjed kyi bdag po tshangs par gyur cig ces bya ba'i sred pa dang / 'dod pa gzhan de na med de/ yod ces bya ba'am/ skye bar 'gyur zhes bya ba mi srid do/ /
107b5 sred pa zad pa gang yin pa de ni/ sangs rgyas so/ /de ni/ thar pa'o/ /thar pa gang yin pa de ni/ de bzhin gshegs pa'o/ /'dod chags dang bral ba 'gog pa 'dod chags dang
107b6 bral ba 'gog pa zhes bya ba la/ sred pa thams cad la zhen pa dang / 'dod pa ma lus pa lus pa med pa/ lhag pa med pa/ thams cad las 'dod chags dang bral ba rnams
107b7 gtan du rab tu zhi bar gyur pa ni/ thar pa yin te/ 'ching ba thams cad 'gog pa'o/ /de ltar 'gog pa gang yin pa de ni/ thar pa'o/ /thar pa gang yin pa de ni/ de bzhin gshegs pa'o/ /
108a1 mya ngan las 'das pa mya ngan las 'das pa zhes bya ba ni/ ji ltar ri dwags kyi khyu rngon pa'i lag nas shor ba 'chi bas 'jigs shing skrag nas thabs ci yod
108a2 pas rgyug cing drang srong gi gnas su phyin nas bde bar 'gyur zhing dbugs phyin par 'gyur pa de bzhin du ji ltar dbugs phyin cing bde bar 'gyur ba de lta bur sems can mang po
108a3 mya ngan las 'das pa zad mi shes pa srid pa mngon par 'du byed pa dang / nyon mongs pa'i rnams pa sgra thams cad kyi lag na sa thal te shor nas 'chi bas 'jigs shing skrag ste/
108a4 thabs ci yod pas rgyug cing chos kyi drang srong gi gnas de bzhin gshegs pa thub pa'i bzhugs yul zla med pa'i skyabs su dod nas dbugs phyin par gyur te/ de dag gang
108a5 gi tshe dbugs phyin cing bde bar gyur pa de ni/ mya ngan las 'das pa zad mi shes pa'i mya ngan las 'das pa'o// //'phags pa yongs su mya ngan las 'das pa
108a6 theg pa chen po'i mdo/ /bam po bdun pa/ de nas bcom ldan 'das la 'od srung chen po dang rus gcig pas 'di skad ces gsol to/ /gal te de lta lags na/ dgra bcom
108a7 pa yang dag par rdzogs pa'i sangs rgyas thams cad mkhyen pa rnams ma mchis pa'i slad du lus yongs su gtong ba'i sgo nas mya ngan las 'das pa mchog tu bde ba 'thob
108b1 bar mi 'gyur te/ gsum la skyabs su mchis pa rnams mya ngan las 'da' bar mi 'gyur lags so/ /bka' stsal ba/ ji ltar mi brgyal ba las sangs ba'i drung ba'i mi dag dong ste/
108b2 khyod sangs shing bde bar gyur tam zhes dris na/ de sangs nas bdag sangs te bde bar gyur to/ /zhes zer te/ de brgyal ba las sangs ba bzhin du srid pa nyi shu rtsa lnga po thams cad
108b3 las grol na sangs rgyas kyi yongs su mya ngan las 'das pa thob pa yin no/ /mchog tu bde ba zhes bya ba ni/ der zad mi shes pa'i 'du shes kyis mchog tu bde ba'i rnam pa mang ba
108b4 gang yin pa ste/ de ni/ yongs su mya ngan las 'das pa yin no/ /de ni/ thar pa yin no/ /mchog tu brtan pa dang / mi g.yo ba dang / dbye ba dang / rtag pa myong ba gang yin pa de ni/ thar
108b5 pa'o/ /thar pa gang yin pa de ni/ de bzhin gshegs pa'o/ /de nas bcom ldan 'das la 'od srung chen po dang rus gcig pas 'di skad ces gsol to/ /ma skyes pa dang / ma byung ba
108b6 gang lags pa de thar pa lags/ de de bzhin gshegs pa lags zhes bgyi'am/ bcom ldan 'das kyis bka' stsal pa/ rigs kyi bu/ de lta los kyang ste/ de ni/ thar pa
108b7 yin no/ /de ni/ de bzhin gshegs pa yin no/ /gsol ba/ 'o na nam mkha'i khams kyang ma skyes pa ma byung ba lags na/ thar pa'ang de dang 'dra/ de bzhin gshegs pa'ang
109a1 de dang 'dra zhes bgyi'am/ bka' stsal ba/ de lta ma yin te/ thar pa ni/ nam mkha'i khams dang 'dra ba ma yin no/ /gsol ba/ 'o na ci lta bu lags
109a2 bka' stsal pa/ rigs kyi bu/ dper na/ bya shang shang te'u'am/ ka la ping ka gang gi tshe skad 'byin pa de'i tshe khwa ltar skad 'byin ces bya'am/ gsol ba/ bcom ldan 'das/
109a3 de ni/ ma lags te/ bya gzhan rnams kyi skad ni/ de dag gi skad kyi dper yang mi rung lags so/ /khwa'i skad ni/ shang shang te'u dang / ka la ping+ka'i skad kyi brgya'i char yang mi
109a4 spyod/ stong gi char yang mi spyod/ grangs dang / cha dang / dpe dang / rgyur yang mi bzod lags so/ /bya de dag ni/ dpe ma mchis pa lags so/ /bcom ldan 'das/ de bzhin
109a5 gshegs pa'i gsung ni/ rgyu'i sgo nas dpe ma mchis pa lags so/ /bka' stsal ba/ rigs kyi bu/ legs so/ /legs so/ /rigs kyi bu/ khyod kyis de ltar zab par bya
109a6 bar rigs te legs so/ /de bas na/ thar pa gang yin pa de ni/ de bzhin gshegs pa'o/ /thar pa'i rgyu dang / dpe gzhan ni/ lha dang / mi dang / lha ma yin dang bcas pa'i 'jig
109a7 rten med de/ dpe med bzhin du gdul bar bya ba'i dbang gis yon tan 'di 'dra'o/ /de 'dra'o/ /zhes dpes bstan to/ /thar pa'i dpe ni/ de bzhin gshegs pa yin te/ de
109b1 ci'i phyir zhe na/ de bzhin gshegs pa gang yin pa de ni/ thar pa'o/ /thar pa gang yin pa de ni/ de bzhin gshegs pa ste/ 'di la gnyis su byar med cing tha dad par byar med
109b2 do/ /rigs kyi bu/ dper na/ dpe med bzhin du rgyu'i don gyis dper len pa'ang yod de/ kye ma bzhin bzang / khyod zla ba na bzhin zhes bya ba dang / glang po che bzang khyad gang kyi ri
109b3 bzhin zhes bya mod kyi/ ci zla ba bzhin dang 'dra'am/ bzhin yang zla ba dang 'dra'am/ ci glang po che ri dang 'dra'am/ ri'ang glang po che dang 'dra'am/ rigs kyi bu/ de bzhin du thar
109b4 pa'ang dpe med bzhin du sems can nges par bsgral ba'i phyir 'dir rgyu'i dbang gis dpes bstan par rig par bya'o/ /chos kyi de kho na nyid kyang rgyu'i dbang gis chos kyi de kho na nyid
109b5 du rig par bya'o/ /gsol ba/ ci'i slad du de bzhin gshegs pa rnams pa gnyis su ston lags/ bka' stsal pa/ rigs kyi bu/ gzhan yang dper na/ mi la la zhig ral gri
109b6 thogs nas ngas de bzhin gshegs pa dgra bcom pa yang dag par rdzogs pa'i sangs rgyas gsad do/ /snyam ste gsod par byed la/ de bzhin gshegs pa ni/ log pa cung zad
109b7 kyang mi mdzad de/ zhum pa med cing dgyes bzhin du bzhugs na/ ci mi de mtshams med pa byed pa zhes bya'am/ 'on te mi bya/ gsol ba/ dngos po'i sgo nas mtshams med pa
110a1 bgyis pa zhes mi bgyi lags so/ /de ci'i slad du zhe na/ bsags pa'i khams ma bshig pas na/ dngos po'i sgo nas mtshams med pa bgyid pa ma lags so/ /
110a2 de bzhin gshegs pa'i sku la ni/ bsags pa'i khams kyi bag kyang ma mchis te/ chos kyi khams lags na/ ji ltar bgrongs su rung / de bas na/ sems bskyed pa dang brtsams
110a3 pa tsam las mtshams med pa bgyid pa zhes bgyi ste/ 'dir rgyu'i dbang gis chos kyi de kho na nyid rig par bgyi ba lags so/ /bka' stsal pa/ rigs kyi bu/ legs so legs
110a4 so/ /ngas kyang tshig de skad du smra bar bsam mo/ /rigs kyi bu/ gzhan yang 'di na mi sdig can la la zhig bdag gi ma gsad do/ /snyam nas dgon pa zhig na khre rgod dang / sran
110a5 chung gi g.yul du bya ra byas nas ma der 'ongs pa dang / khyod kyi nga'i thugs pa legs par khyer te ma 'ongs so/ /zhes zer te/ dgra sta brdar nas bsad par byas pa dang / dgra sta
110a6 brdar ba'i bar de'i skabs su de'i ma skrag nas sog ma'i phung po'i nang du zhugs so/ /de nas de dgra sta thogs te sog ma'i phung po la bsnun nas da ni/ bdag gi ma shi'o snyam
110a7 ste| mi gzhan gyis 'jigs nas sog ma legs par ma brtags so/ /de nas ma de de'i nang nas byung ste song ngo / /de nas de bdag gi ma shi zin no/ /snyam ste sems dga'
110b1 bar gyur na/ mtshams med pa byed pa zhes bya'am/ 'on te mi bya/ gsol ba/ ma sod pa zhes mi bgyi lags so/ /yang gsol ba/ ci lags/ mtshams ma mchis pa'i las kyi
110b2 rgyu'i dngos po zhu bar 'tshal lam/ bka' stsal pa/ pha ma'i phung po bshig pas mtshams med pa byed pa zhes bya bas de'i phyir de mtshams med pa byed pa ni/ ma yin gyi/ ma gsod
110b3 pa'i sems bskyed pa brtsams pas na/ mtshams med pa byed pa dang 'dra ba yin no/ /phung po dang / khams dang skye mched kyi dngos po ma bshig gi bar du mtshams med pa byed
110b4 pa rdzogs pa zhes mi bya ste/ 'dir rgyu'i dbang gis chos de kho na nyid rig par bya'o/ /gsol ba/ bcom ldan 'das/ legs lags so/ /legs lags so/ /de ltar rgyu'i dbang
110b5 gis rig par yang bgyi/ rig par yang mi bgyi lags so/ /bka' stsal pa/ rigs kyi bu/ de bzhin du ngas rgyu'i dbang gis thar pa brjod pa yin no/ /rgyu'i sgo nas mya ngan las 'das
110b6 pa yon tan dpag tu med pa dang ldan pa dpe med pa kho na yin no/ /de bzhin du yongs su mya ngan las 'das pa chen por 'gro ba'ang yon tan dpag tu med pa dang ldan pa yin no/ /deng
110b7 de bzhin gshegs pa yongs su mya ngan las 'da' bar mdzad de/ de bas na/ yongs su mya ngan las 'das pa chen po'i don ni/ de yin no/ /gsol ba/ de bzhin gshegs pa ni/
111a1 zad par 'gyur ba ma lags so/ /de bzhin gshegs pa ni/ sku tshe zad mi shes pa lags par blta bar bgyi'o/ /bka' stsal pa/ rigs kyi bu/ legs
111a2 so| |legs so/ /dam pa'i chos srung bas ni/ de skad bya ba'i rigs so/ /bdag gi the tshom nges par byed 'dod pas ni/ de ltar bya ba'i rigs so/ /de ltar na/ byang chub sems
111a3 dpa' sems dpa' chen po ni/ sna grangs 'di bzhis chos ston par byed do/ /byang chub sems dpa' sna grangs bzhis chos ston pa'i le'u ste/ bzhi pa'o// //yongs
111a4 su mya ngan las 'das pa chen po'i mdo 'di la dam pa'i chos kyi tshul thob pa dang / dam pa'i chos 'byin pa dang / rten du gyur pa'i gang zag bzhi yod de/ skye bo mang po la phan pa
111a5 dang / skye bo mang po la bde ba'i phyir 'jig rten du byung ngo / /bzhi gang zhe na/ kun nas nyon mongs pa'i rang bzhin can gyi mi gang zag de lta bu skye bo mang po la bde ba dang / skye bo mang
111a6 po la phan pa'i phyir 'jig rten du 'byung ste/ 'di ni/ gang zag dang po'o/ /rgyun du zhugs pa'i 'bras bu dang / lan gcig phyir 'ong ba'i 'bras bu dang ldan pa'i gang zag de lta
111a7 bu ni| gnyis pa'o/ /phyir mi 'ong ba ni/ gsum pa'o/ /dgra bcom pa ni/ bzhi pa ste/ gang zag bzhi po 'di rnams ni/ rten du gyur pa yin no/ /de la so so'i skye bo zhes bya ba
111b1 ni| gang bdag nyid tshul khrims dang / cho ga dang / yon tan dang ldan par gyur nas chos 'byin par byed pa dang / de bzhin gshegs pa'i rtsa ba dang ldan pa gang yin pa de dag thog ma kho
111b2 nar rgyas par byed cing don yang rtogs par byed la/ chos 'di ni/ 'dod chen chung ba'i yin gyi/ chos 'di ni/ 'dod chen che ba'i ma yin no/ /zhes don brda sprod par byed pa dang / skyes bu
111b3 chen po'i rnam par rtog pa brgyad ston par byed pa dang / nyes pa byung na de las bslang ba'i phyir gzhan dag la 'chags par byed pa dang / byang chub sems dpa'i spyad pa spyod pa na
111b4 dgongs pa'i tshig la mkhas shing dam pa'i chos 'byin par byed pa 'di ni/ gang zag dang po ste/ so so'i skye bo'i grangs su gtogs mod kyi/ 'di ni/ so so'i skye bo thos pa dang mi
111b5 ldan pa ma yin te/ brgyad pa'i so so'i skye bo byang chub sems dpa' sems dpa' chen po de bzhin gshegs pa rnams kyis sangs rgyas su 'gyur bar gsung ste lung bstan pas
111b6 lung bstan pa yin no/ /de la rgyun du zhugs pa dang / lan gcig phyir 'ong ba zhes bya ba ni/ gang thob nas dam pa'i chos 'bri ba dang / 'chang ba dang / 'bral bar 'gyur ba mi srid pa
111b7 dang / /gzhan dag la'ang sangs rgyas kyis gsungs pa ma yin pa rang bzo'i tshig dang / yi ge sna tshogs dang / bran dang bran mo yongs su 'dzin pa ston mi srid pa ste/ rgyun du zhugs
112a1 pa dang / lan gcig phyir 'ong ba'i grangs su ni/ gtogs mod kyi/ rgyun du zhugs pa dang / lan gcig phyir 'ong ba ni/ ma yin no/ /de ltar sa dang po dang /
112a2 gnyis pa dang / gsum pa thob pa'i byang chub sems dpa' sems dpa' chen po ni/ mngon sum du lung bstan pas sangs rgyas kyi gnas su sangs rgyas su 'gyur bar lung
112a3 bstan to/ /phyir mi 'ong ba zhes bya ba ni/ chos de thob nas 'bral mi srid pa dang / gzhan dag la'ang sangs rgyas kyis gsungs pa ma yin par rung ba ma yin pa'i mdo rang bzo sna
112a4 tshogs kyi tshig dang / yi ge dang / bran dang bran mo la sogs pa yongs su 'dzin pa ston mi srid pa dang / glo bur gyi nye ba'i nyon mongs pa rnams kyis de la gnod par 'gyur mi
112a5 srid pa dang / nang gi nyon mongs pa rnams kyis de la gnod par 'gyur mi srid pa dang / de bzhin gshegs pa'i khams bcabs te chos ston mi srid pa dang / khams bzhi'i sbrul
112a6 gdug pa la brten pa'i glo bur gyi nad rnams kyis de la gnod par byed par 'gyur mi srid pa dang / bdag tu smra ba'ang ma yin/ bdag med par smra ba tshar gcod pa'ang yin la/
112a7 'jig rten pa'i bdag rnam par spangs pa dang / 'jig rten pa'i bya ba rnams kyis kyang 'jig rten na mthun par byed pa dang / theg pa chen po ma yin pa'i theg pa gzhan 'bar bar
112b1 byed mi srid pa dang / srin bu'i rigs brgyad cu dang / nyes dmigs chen po'i lus 'dzin pa ma yin pa dang / 'dod pa'i bsam pa rnam par spangs pa de'i lus la rmi lam du byung yang
112b2 khu chu 'byung mi srid pa dang / 'chi ba'i 'jigs pa rnams 'ongs pa mthong na 'jigs mi srid pa'o/ /gang zag de lta bu ni/ phyir mi 'ong ba zhes bya ste/ gang zag gsum pa'o/ /de'ang nges
112b3 par phyir mi 'ong bas na/ phyir mi 'ong ba zhes bya ste/ gang zag de la ni/ phyir mi 'ong ba thob pa zhes kyang mi bya'o/ /sngar bstan pa'i yon tan rnams kyang yod la 'dir skyes na'ang sngar
112b4 bstan pa'i nyes pa rnams kyis mi gos so/ /byang chub sems dpa' sems dpa' chen po de ni/ 'ong ba dang 'gro ba'i tshul gyis rgyu bar byed kyang phyir mi 'ong ba'i grangs su gtogs
112b5 te| sems bskyed ma thag pa'i lung bstan pas sangs rgyas su lung bstan pa dang / sems bskyed ma thag tu ring po mi thogs par sangs rgyas su 'gyur ba yin te/ gang
112b6 zag de lta bu ni/ gang zag gsum pa'o/ /dgra bcom pa zag pa zad pa ni/ gang zag bzhi pa ste/ dgra bcom pa zhes bya ba ni/ nyon mongs pa med pa/ khur bor ba/
112b7 rang gi don gyi bya ba byas ba/ don grub pa/ sa bcu thob pa zhes bya ba'i don to/ /don gzhan yang rgyas par byed de/ mi skye ba'i chos la bzod pa'i lung bstan pas lung bstan pa dang /
113a1 bdag nyid kyis ji ltar nus pa'i gzugs dang / ji ltar 'dod pa'i gzugs mngon par sprul par byed pa dang / gang gi lus kyis sangs rgyas su 'gyur bar 'dod pa de'i
113a2 lus kyis de bzhin gshegs pa dgra bcom pa yang dag par rdzogs pa'i sangs rgyas su 'gyur bar byed de/ yon tan 'di rnams dang ldan pa ni/ dgra bcom pa zhes bya ste/ yongs
113a3 su mya ngan las 'das pa chen po'i mdo chen po 'di la gang zag bzhi po 'di rnams skye bo mang po la phan pa dang / skye bo mang po la bde ba'i phyir 'jig rten du 'byung ngo / /de dag ni/ de
113a4 bzhin gshegs pa bzhin du lha dang / mi rnams kyi ston pa yin te/ bzhi char yang skyes bu tshad ma yin no/ /rten du gyur pa yin no/ /gsol pa/ gang zag bzhi po de dag ni/ bdag
113a5 gi tshad ma'ang ma lags/ de dag ni/ rten du gyur pa'ang ma lags so/ /de ci'i slad du zhe na/ bcom ldan 'das kyis khyim bdag gdangs can las brtsams te bdud tshar bcad
113a6 par bka' stsal pa'i tshe gal te lha'am bdud dam tshangs pa'ang rung ste/ nga dang 'dra bar lus mtshan sum cu rtsa gnyis dang / dpe byad bzang po brgyad cus brgyan pa dang / 'od
113a7 'dom gang dang ldan pa dang / bzhin mdzod spus brgyan pa'i sangs rgyas kyi sku'i tshul gyis 'os su zin kyang de khyed kyis tshar chod cig /ces ngas gnang ste/ sdig can/ khyod 'di
113b1 ltar dgra bcom pa'i gzugs kyi dgra bcom pa bzhin du bdag nyid ma 'dug cig /sdig can/ khyod nam mkha' la nyal bar byed cing glo g.yon phyogs nas me 'bar bar byed pa dang /
113b2 g.yas phyogs nas chu 'bebs pa dang / me bzhin du 'bar zhing gzi byin dang ldan la dud par 'thul du zin kyang nga khyod kyi tshig mi nyan to/ /yid ches par mi byed do/ /gsung rab yan
113b3 lag dgu lta bu ston du zin kyang nga dad par mi byed do/ /zhes gyis shig /rigs kyi bu/ khyed de ltar dogs na/ nga'ang tshar chod cig /rigs kyi bu/ dper na/ mtshan mo mun pa'i nang du
113b4 khyi rkun 'ongs pa tshor na/ khyim bdag mo'am bran mos de la 'di skad du khyi rkun khyod ngas ma gsad par skyen par phyir song zhig ces byas nas/ khyi rkun des de skad thos pa dang / phyir
113b5 brgyugs te song la phyin chad kyang khyim der mi 'ong ba de bzhin du khyed kyis bdud sdig can khyi rkun bzhin du tshar chod la/ sdig can/ de ltar ma byed par ngas bcing ba rnam pa lngas ma bcings
113b6 par skyen par phyir song zhig ces de la de skad gyis shig dang / des de skad thos ma thag tu khyi rkun bzhin du phyir ldog par 'gyur te/ de ltar bdud tshar gcod par byed pa gang yin pa de dag
113b7 ni| dam pa yin te/ mya ngan las 'das pa'i drung kho na 'dug go /zhes bcom ldan 'das kyis khyim bdag gdangs can las glengs te bdud tshar gcod pa na bka' stsal lags na/
114a1 bcom ldan 'das/ ci'i slad du gang zag bzhi po rnams rten du gyur par bzhag par mdzad lags/ bdag ni/ de rnams la mi nyan cing glo ba mi ches lags
114a2 so| |bcom ldan 'das kyis bka' stsal pa/ rigs kyi bu/ de ni/ de bzhin te/ ngas ji skad smras pa de ni/ de kho na bzhin no/ /de lta mod kyi/ ngas bdud tshar gcad par smras pa ni/
114a3 byis pa nyan thos kyi theg pa pa sha'i mig dang ldan pa rnams kyi don du smras pa yin gyi/ theg pa chen po pa rnams kyi don du bdud tshar bcad par smras pa ma yin no/ /nyan thos kyi
114a4 theg pa pa rnams la'ang lha'i mig dang ldan pa dag yod mod kyi/ de dag ni/ sha'i mig ces bya ba'i grangs su gtogs so/ /theg pa chen po pa rnams la'ang shing mig dang ldan pa
114a5 dag yod mod kyi/ de dag ni/ sangs rgyas kyi spyan zhes bya ba'i grangs su gtogs so/ /de ci'i phyir zhe na/ theg pa chen po sangs rgyas kyi theg pa'i mdo'i de kho na nyid 'dzin pa'i phyir
114a6 ro| |rigs kyi bu/ gzhan yang dper na/ mi dpa' bo yul phyogs su grags pa snying stobs can rtul phod pa 'ga' zhig yod la/ de la mi sngar ma 'ga' zhig brten te sngar ma de
114a7 dpa' bo de la dpa' slob pa na de la bsgo ba/ kye mi khyod dpa' bor 'gyur bar 'dod na/ ral gri'i so gtams pa'i steng du 'gro bar gyis shig /gang dang gang gi tshe 'thab pa de dang
114b1 de'i tshe sus kyang mi 'jigs par gyis shig /lha'ang rung / gtum po'ang rung ste/ rtswa tsam du ltos shig /snying stobs dang / rtul phod pa la brtson par gyis shig /ru ba ngan pa kha cig dpa' bo'i
114b2 cha lugs su bsgyur nas dpa' bo'i mtshon cha thogs te ur mo'i ral gri shubs nas phyung nas phye mar rlog pa ltar byed cing 'ong la/ ral gri gcig la gcig brdabs pa las me stag
114b3 'phro bar byed/ khus 'debs shing khrom gyi nang du 'ong ba de lta bu dag mthong na ma 'bros shig dang / ru ba ngan pa gang yin pa de dag gis de dag mthong nas 'di dag ni/ dpa' bo yin no/ /
114b4 snyam du rig nas khyi rkun bzhin du 'byer bar 'gyur la/ ru ba bzang po gang yin pa de dag ni/ khrel gyis dogs te 'then par byed do/ /ru ba ngan pa de dag ni/ de dag gis skrag nas
114b5 'byer bar 'gyur ba de bzhin du de bzhin gshegs pa'ang nyan thos kyi theg pa pa rnams dpa' bo slob par mdzad de khyed bdud sdig can ru ba sngar ma lta bus ma 'jigs par dpa'
114b6 slob pa bzhin du rtul phod par gyis shig dang / bdud yid mi bde bar 'gyur ro/ /zhes ston to/ /rigs kyi bu/ gzhan yang rigs chen po dpa' bo'am/ dpa' bo'i bu la la zhig
114b7 su la'ang dpa' ma bslab ste/ de slob dpon su'ang med bzhin du de rang bzhin gyis dpa' la/ rigs kyi bu/ chos lugs su gyur pa rang gi dpa' rigs kyi rkyen du 'tsham par dpa'
115a1 ba de bzhin du/ theg pa chen po pa skyes pa'am/ bud med dam/ khye'u 'am/ bu mo'ang rung ste/ de dag gis dgongs te gsungs pa'i mdo'i tshig sna tshogs
115a2 thos na| de mi skrag /mi dngang ba de dag ni/ sngon sangs rgyas du ma la bsnyen bkur byed byed pa yin te/ des na/ de dag gis theg pa chen po 'di khong du chung nas mngon par dad par
115a3 'gyur te/ bdud dam/ bdud bye ba'ang rung de dag mthong na/ theg pa chen po pa rnams skrag par mi 'gyur te/ cung zad kyang ya mtshan du mi 'dzin to/ /dper na/ sbrul 'dzin pa'i mi
115a4 la la zhig gis sman gnod sel dang sngags kyi mthus sbrul gdug pa rnams kyi dug med par byed la de dag gis mi 'jigs pa de bzhin du bdud bye ba rnams kyang theg pa
115a5 chen po'i mdo'i tshig gi sngags kyi gzi byin dang mthus rgyags pa med par 'gyur ro/ /rigs kyi bu/ gzhan yang klu'i sbrul gdug pa rnams kyis ni/ glang po che dang / stag dang / gzig
115a6 dang / khyi rnams kyang bltas pa tsam gyis skrag par byed de/ kha cig ni/ 'chi bar yang 'gyur/ kha cig ni/ shir dogs nas sgra thos pa tsam gyis kyang 'byer bar 'gyur ro/ /
115a7 mi kha cig ni/ klu'i sbrul gdug pa dang / nam mkha' lding dang / glang po che dang / seng+ge dang / stag rnams la zhon te rgyu bar byed pa'ang yod do/ /mi kha cig ni/ klu dang / nam mkha'
115b1 lding dang / seng+ge dang / srin po de dag mthong na rgyags pa med par 'gyur te/ mi sngar ma de dang 'dra bar nyan thos dang rang sangs rgyas rnams ni/ bdud mthong na/ skrag par 'gyur la/ bdud
115b2 ni| de dag gis 'jigs pa med de/ bdud kyi las kyang byed do/ /theg pa chen po pa rnams ni/ bdud la zhon te de dag gi gar byin chen po dang / stobs chen po dang / snying stobs btul
115b3 nas chos ston par byed de/ klu la sogs pa dang 'dra ba'i bdud stobs po che de dag skrag nas mod la dam pa'i chos la dga' bar 'gyur te/ 'di skad du da phyin chad dam pa'i chos kyi
115b4 bar chad mi bgyid do/ /zhes kyang zer ro/ /nyan thos kyi theg pa pa rnams ni/ nyon mongs pa'i rnam pas skrag go /theg pa chen po pa rnams ni/ nyon mongs pa rnams chung bar 'dzin te/
115b5 de ltar na/ theg pa chen po pa rnams ni/ rtul phod pa yin no/ /de bas na/ ngas bshad pa'i rgyu ni/ de yin te/ nyan thos kyi theg pa pa rnams kyi don du ngas bdud tshar gcad par bstan pa
115b6 yin no| |de ltar na/ yongs su mya ngan las 'das pa chen po'i mdo chen po ni/ mchog tu bzod par dka'o/ /kye ma mdo sde chen po 'di dang / de bzhin gshegs pa rtag ces bya ba thos na
115b7 yid ches par byed pa gang yin pa de dag ni/ mchog tu dka' ba byed pa yin te/ 'jig rten na u dum wa ra'i me tog bzhin du shin tu dkon no/ nga 'das pa'i 'og tu mdo sde chen po 'di
116a1 shin tu rnyed dka' par 'gyur te/ ma 'ongs pa'i dus na sems can gang dag mdo sde chen po 'di thos par bya ba'i phyir sgrub par byed pa de dag ni/ sems can
116a2 mang pos spong bar 'gyur ro/ /gsol pa/ yun ji srid cig na sems can rnams kyis spang bar 'gyur lags/ sems can ji lta bu dag ni/ dam pa'i chos 'byin par 'gyur
116a3 lags/ bka' stsal pa/ rigs kyi bu/ nga 'das pa'i 'og tu lo bzhi stong gi bar du dzam+bu'i gling du spyod par 'gyur te/ de'i rjes la sa'i 'og tu nub par 'gyur ro/ /rigs kyi bu/
116a4 dper na/ yul gang na bu ram shing dang / 'bras sA lu dang / 'bru dang / sbrang rtsi dang / kha ra dang / ba'i 'o ma dang / mar gyi nying khu rnams mod pa de nyid na sems can rnam par smin
116a5 pas dman zhing bsod nams ma byas pa gzhan dag kyang yod de/ de dag 'di skad du bdag cag gi lus kyi khams 'di ni/ kha zas bzang po zos na nad du 'gyur ro/ /zhes zer
116a6 nas ci tshe dang / khre dang / khre rgod rnams za bar byed do/ /yul de nyid na gzhan kha cig ni/ ci tshe dang / khre dang / khre rgod rnams kyi ming yang thos par mi 'dod de/ bu ram shing dang /
116a7 'bras sA lu dang / 'bru rnams 'ba' zhig za bar byed pa de bzhin du yongs su mya ngan las 'das pa chen po'i mdo chen po 'di'ang sems can gzhan kha cig thos par yang
116b1 mi 'dod de/ bsod nams ma byas pa rnams ci tshe dang / khre dang / khre rgod za zhing bu ram shing dang / 'bras sA lu la sdang ba bzhin du nyan thos kyi theg pa pa rnams theg pa chen po la sdang
116b2 bar 'gyur ro/ /de na nyan pa bsod nams byed byed pa gzhan kha cig ni/ 'bras sA lu za ba bzhin du theg pa chen po par 'gyur ro/ /rigs kyi bu/ dper na/ ri khrod gcong rong yul
116b3 ngan pa na gnas pa'i rgyal po rnams bu ram shing dang / 'bras sA lu rnams ldan par yod du zin kyang 'bru 'di rnams ni/ dkon pa yin te/ zad na mi rung ngo / /snyam nas bdag cag mi
116b4 za bar ci tshe dang / khre dang / khre rgod za zhing bu ram shing dang 'bras sA lu dang 'bru rnams ni/ shing rta rnams bkang nas rgyal po chen po la 'bul bar byed de/ de na sems can gzhan
116b5 dag rang gi yul na 'bras sA lu la sogs pa sngon ma mthong du zin kyang rgyal po'i longs spyod kyi mthus za bar byed do/ /rigs kyi bu/ de bzhin du gang na gang zag chos kyi sde dpon
116b6 byed pa bzhi po de dag gnas pa de nyid du/ gang gi tshe byang chub sems dpa' sems dpa' chen po gcig kyang 'jig rten du byung ngam yang na gang na gnas kyang rung ste/ der de'i don du
116b7 de dag gis theg pa chen po'i mdo'i sde tshan dag gla rngan gyis 'bri zhing 'brir 'jug ste bsgrubs nas glegs bam phyi tshas su bcug ste/ rnyed pa dang bkur sti'i phyir ram/ chos spyod
117a1 pa'i phyir ram/ rten bca' ba'i phyir bkur bar byed de/ byang chub sems dpa' sems dpa' chen po de la bsnyen bkur byed cing skye bo mang po theg pa chen
117a2 po'i bcud kyis longs spyod par 'gyur te/ rgyal po'i mthus 'bras sA lu za ba bzhin du byang chub sems dpa' sems dpa' chen po de'i gzi brjid kyi mthus sems can rnams
117a3 kyis sngon ma thos pa'i tshig gi yi ge 'bru gcig pa'i thig le thos par 'gyur ro/ /yongs su mya ngan las 'das pa chen po'i mdo chen po sa phyogs gang na spyod pa'i sa phyogs
117a4 ni| rdo rje'i rang bzhin du 'gyur ro/ /sems can de dag kyang rdo rje'i rang bzhin du 'gyur ro/ /zhes nga zer ro/ /sems can phal ba bsod nams chung ngu rnams theg pa chen po thos
117a5 na theg pa chen po'i mdo'i sde tshan gyi don 'dzin par mi byed de/ thos na don 'dzin par mi byed pa'i sems can gang yin pa de dag ni/ khre rgod za ba bzhin du mya ngan du bya ba yin
117a6 no| |gsol pa/ de bzhin gshegs pa 'das nas lo bzhi stong gi bar du dzam+bu'i gling du gnas pa'i rjes la sa'i 'og tu nub par gyur nas yun ji srid cig na slar yang 'byung bar
117a7 'gyur lags/ bcom ldan 'das kyis bka' stsal pa/ rigs kyi bu/ gang gi tshe nga'i dam pa'i chos kyi mjug lo brgyad cu lus par gyur te/ dam pa'i chos nub tu che ba na
117b1 yongs su mya ngan las 'das pa chen po'i mdo chen po 'di dzam+bu'i gling du 'byung bar 'gyur te/ lo bzhi bcu'i bar du dam pa'i chos kyi char phab nas nub par 'gyur ro/ /gsol pa/
117b2 dam pa'i chos nub pa'i dus dang / tshul khrims can zad pa'i dus dang / dam pa'i chos ma yin pa rnam par 'phel ba'i dus dang / sgrub pa ma mchis pa'i dus na mya ngan las 'das pa chen
117b3 po'i mdo chen po 'di 'byung ba'i tshe 'di nyan pa ni/ ci 'dra ba dag cig 'byung bar 'gyur lags/ 'chang ba ni/ ci 'dra ba dag cig lags/ klog pa ni/ ci 'dra ba dag cig lags/ su
117b4 dag ni/ srung bar 'gyur/ 'dzin par 'gyur/ mchod pa bgyis nas ston par 'gyur lags/ 'brir 'jug pa ni/ ci 'dra ba dag cig lags pa de bcom ldan 'das de bzhin gshegs
117b5 pa dgra bcom pa yang dag par rdzogs pa'i sangs rgyas kyis sems can thams cad la sman pa'i slad du bka' stsal du gsol/ byang chub sems dpa' yang dag par slob par
117b6 'tshal ba dag mchis te/ de dag gis thos na/ ci nas bla na med pa yang dag par rdzogs pa'i byang chub las yongs su nyams par mi 'gyur bar sgrub par 'byung ba lags so/ /
117b7 bcom ldan 'das kyis bka' stsal pa/ rigs kyi bu/ legs so/ /legs so/ rigs kyi bu/ khyod don 'di 'dri ba ni/ legs so/ rigs kyi bu/ gang dag gis sangs rgyas chu
118a1 klung gser ldan gyi bye ma snyed la byang chub tu sems bskyed pa de dag ni/ phyi ma'i dus na byang chub kyi sems nyams su len par 'gyur te/ nyams su mi
118a2 len par mi 'gyur ro/ /mdo sde spong bar yang mi 'gyur ro/ /gang dag gis sangs rgyas gang+gA'i klung gi bye ma snyed la byang chub tu sems bskyed pa de dag ni/ phyi ma'i dus na mtshungs
118a3 pa med pa spong ba'i sems skyed par mi byed de/ mos par byed cing der tshig gis skye bo thams cad la rgyas par go bar byed par 'gyur ro/ /gang dag gis sangs rgyas gang+gA'i
118a4 klung gnyis kyi bye ma snyed la byang chub tu sems bskyed pa de dag ni/ phyi ma'i dus na'ang byang chub tu sems bskyed par 'gyur te spong bar mi 'gyur ro/ /gang dag gis sangs rgyas
118a5 gang+gA'i klung gsum gyi bye ma snyed la byang chub tu sems bskyed pa de dag phyi ma'i dus na mtshungs pa med pa spong bar mi byed de/ lung nod par byed/ nyan par byed/ 'dri bar byed
118a6 la/ don ni/ rtogs par mi 'gyur ro/ /gang dag gis sangs rgyas rgyus gang+gA'i klung bzhi'i bye ma snyed la byang chub tu sems bskyed pa de dag ni/ phyi ma'i dus na'ang byang chub tu sems
118a7 bskyed par 'gyur te/ mtshungs pa med pa spong bar mi byed cing lung nod par byed/ nyan par byed/ 'dri bar byed la don ni/ bcu drug cha gcig rtogs par 'gyur te/ don rdzogs
118b1 par rtogs par mi 'gyur ro/ /gang dag gis sangs rgyas gang+gA'i klung lnga'i bye ma snyed la byang chub tu sems bskyed pa de dag ni/ phyi ma'i tshe mtshungs pa med pa spong bar mi 'gyur te/
118b2 lung nod par byed/ lta bar byed/ 'dri bar byed de/ bris nas kyang bdag nyid 'chang bar byed la/ don ni/ brgyad cha gcig rtogs par 'gyur te/ don rdzogs par rtogs par mi 'gyur
118b3 ro| |gang dag gis sangs rgyas gang+gA'i klung drug gi bye ma snyed la byang chub tu sems bskyed pa de dag ni/ phyi ma'i dus na mtshungs pa med pa spong bar mi byed de/ lung nod par byed/ 'di bar
118b4 byed| bris nas kyang 'dzin par byed la/ don ni/ bzhi cha gcig rtogs par 'gyur te/ don rdzogs par rtogs par mi 'gyur ro/ /gang dag gis sangs rgyas gang+gA'i klung bdun gyi bye
118b5 ma snyed la byang chub tu sems bskyed pa de dag ni/ phyi ma'i dus na mtshungs pa med pa spong bar mi byed de/ lung nod par byed/ 'dri bar byed/ bris nas kyang 'dzin par byad la/ don ni/
118b6 phyed rtogs par 'gyur te/ don rdzogs par rtogs par mi 'gyur ro/ /gang dag gis sangs rgyas gang+gA'i klung brgyad kyi bye ma snyed la byang chub tu sems bskyed pa de dag ni/ phyi ma'i
118b7 dus na mtshungs pa med pa spong bar mi byed de/ lung nod par byed/ nyan par byed/ 'dri bar byed/ bris nas 'dzin par byed/ 'chang bar byed/ klog par byed/ ston par byed/ sba bar
119a1 byed/ srung bar byed/ 'chad par byed/ 'jig rten thams cad la snying brtse ba'i phyir glegs bam rnams la mchod pa dang bkur sti byed/ gzhan dag kyang byed
119a2 du 'jug cing bla ma la gus pa lta bur lta bar byed la/ don kyang rdzogs par rtogs par 'gyur te/ bcom ldan 'das ni/ rtag pa dang / brtan pa dang / ther zug pa dang / mi g.yo ba
119a3 dang / shin tu bde ba'o zhes bya ba dang / sems can thams cad la de bzhin gshegs pa'i snying po yod do/ /zhes ston par byed do/ /de ltar na/ sngon sangs rgyas du ma la bsnyen
119a4 bkur byed byed pa'i sems can rnams ni/ dam pa'i chos 'byin par 'gyur zhing dam pa'i chos kyi phyogs 'dzin par 'gyur ro/ /gang dag gis da ltar byang chub tu sems bskyed
119a5 pa de dag ni/ phyi ma'i dus na dam pa'i chos 'byin par 'gyur zhing dam pa'i chos kyi phyogs 'dzin par 'gyur te/ de'i tshe sems can de lta bu dag 'byung bar 'gyur gyi/ rigs
119a6 kyi bu/ khyod ma 'ongs pa'i dus na sems can dam pa'i chos 'byin pa rnams la de ltar ma lta zhig /gang dag gis da ltar byang chub tu sems bskyed pa de dag ni/ ma 'ongs pa'i
119a7 dus na'ang byang chub tu sems bskyed nas dam pa'i chos 'byin par byed par shes par gyis shig /rigs kyi bu/ gang dag nga yongs su mya ngan las 'das pa chen pos yongs su
119b1 mya ngan las 'da' ba la yid mi dga' bar mi byed cing rab tu dga' bar byed de/ sangs rgyas bdag cag gi rnyed pa dang / bkur sti la bgegs byed pa de/ nga ni/ grongs par 'gyur
119b2 gyi| bdag cag dga'o/ /snyam ste/ de ltar sangs rgyas grongs par 'gyur ro/ /snyam nas rab tu dga' ste/ yid mi dga' bar mi byed pa de dag ni/ de'i tshe g.yel bar 'gyur te/ chos
119b3 gos kyi mtshan ma can mdo sde spong bar 'gyur bar rig par gyis shig /sems can gang dag yon tan dpag tu med pa dang ldan pa de dag ni/ theg pa chen po thos na/ mngon par
119b4 dad par 'gyur te/ dam pa'i chos 'dod pa'i rigs kyi bu de dag gi ni/ sdig pa'i las grangs med pa byas pa rnams klad pa na ba dang / rims kyis gdung ba dang / zug rngu dang / skur
119b5 pa tsam gyis 'byang bar 'gyur ro/ /gzhan yang phyi ma'i dus na gzhan gyis brnyas par 'gyur ba dang / mdog ngan par 'gyur ba dang / mal cha dang / stan dang / kha zas ngan par 'gyur
119b6 ba dang / rnyed pa med par 'gyur ba dang / dbul po'i rigs su skye ba dang / phal ba'i rigs su skye ba dang / log par lta ba'i rigs su skye ba dang / rgyal po 'khrug pa dang / yul 'khrug
119b7 pa dang / sdug pa'i dngos po 'khrug pa dang / dge ba'i bshes gnyen mi mthong ba dang / gos dang / zas dang / mal cha dang / stan dang / nad gsos dang / sman zong med pa dang / rnyed
120a1 pa chung ba dang / bkres pa dang / skom pas nyam chung ba'i gnod pa dang ldan pa dang / skye bo phal pas dga' bar bya ba dang / rgyal po dang blon po dang / pho brang
120a2 'khor gyi mi rnams kyi chos kyi gtam mi 'dzin pa dang / chos smra ba'i phyogs mi byed pa dang / blon po dang / sde dpon gang dag phyogs dang / mgon byed du re ba de dag kyang su shi
120a3 gtol med par 'gyur ba dang / dam pa'i chos kyi phyogs mi byed pa dang / bzang na'ang mi mdzes pa dang / blta na sdug na'ang blta na mi sdug par 'gyur te/ de ltar na/ nga'i nyan
120a4 thos gang dag 'jig rten na mdo sde chen po ston pa rnams ni/ dka' ba byed pa yin no/ /rigs kyi bu/ dper na/ lho bur shin tu stug po'ang nyi ma shar gyi bar du ni/ gnas
120a5 la nyi ma shar ma thag tu ni/ ma lus par sangs par rgyas par 'gyur pa de bzhin du/ rigs kyi bu/ sems can de dag gi sdig pa grangs med pa'ang gang gi tshe yongs su mya ngan las
120a6 'das pa chen po'i nyi ma ma shar gyi bar du ni/ gnas lags/ gang gi tshe yongs su mya ngan las 'das pa chen po'i nyi ma shar ba de'i tshe ni/ sdig pa de dag ma lus par 'byang bar
120a7 'gyur ro/ /rigs kyi bu/ gzhan yang dper na/ la la zhig khyim nas khyim med par rab tu 'byung bar 'dod la/ da dung gzhon nu'i tshul khrims kyang ma blangs par mi la la zhig
120b1 gis de bzhin gshegs pa la sogs pa dge slong gi dge 'dun mchod ston gsol ba de'i tshe khyim pa de'ang chos gos bgos nas de bzhin gshegs pa'i nyan thos rnams dang
120b2 thabs cig tu grong gi nang du song ste bkod na/ de bzhin gshegs pa'i nyan thos kyi dge 'dun gyi grangs su gtogs pa de bzhin du/ rigs kyi bu/ byang chub sems dpa' sems dpa'
120b3 chen po mdo sde 'di la slob pa ni/ byang chub sems dpa' sems dpa' chen po sa bcu thob pa rnams kyi grangs su gtogs so/ /'di las phyi rol tu gyur pa rdzas kyis brid pa'i phyir ram
120b4 gtam zlar bya ba'i phyir ram/ rnyed pa dang / bkur sti dang / tshigs su bcad pa 'dod pa'i phyir thos pa tsam du zad de/ mdo sde spong bar mi byed na nga rgyal gyi dbang gis spong ba ma gtogs
120b5 par sems can gzhan de dag ni/ sangs rgyas dgra bcom pa rnams kyi yang dag par rdzogs pa'i byang chub gang yin pa de rim gyis thob par 'gyur ro/ /rigs kyi bu/ de bas na/
120b6 sngar bstan pa'i gang brag bzhi po rnams rten du gyur pa yin te/ de dag ni/ sangs rgyas kyis gsungs pa ma yin pa'i mdo sde la sangs rgyas kyis gsungs so/ /zhes ston mi srid
120b7 de| skabs med do/ /de bas na/ rten du gyur pa yin no/ /gang zag bzhi po 'di rnams kyi nang nas gcig tsam gzhig 'dug na'ang de la mchod pa gyis shig/ srung bar gyis shig /gsol
121a1 pa| de la mchod pa ji ltar 'tshal/ bka' stsal pa/ gang zag de ni/ bdag gi srog yongs su btang nas dam pa'i chos 'byin pa yin gyi/ de las dam
121a2 pa'i chos srung ba bslab par gyis shig /bslab nas kyang slob dpon de la mchod pa gyis shig /nyan thos kyi theg pa las kyang ngas bstan te/ rgan nam yang na gzhon yang rung / /
121a3 gang las chos ni rtogs 'gyur ba/ bram ze sreg sbyin me bzhin du/ /de la bkur stis phyag kyang bya/ /rgan nam yang na gzhon yang rung / /gang las chos ni rtogs 'gyur ba/ /dbang
121a4 chen lha la bya ba bzhin/ /de la bkur stis phyag kyang bya/ /zhes bstan pa yin no/ /gsol pa/ slob dpon la mchod pa bgyi ba ni/ rigs lags na/ dge slong rgan po tshul khrims
121a5 dang ldan pas gsar bu la phyag bgyi ba ni/ mi rigs te/ 'di ni/ dpyad 'tshal lags so/ /ci lags/ gal te dge slong rgan po gsar bu la slob na'ang des gsar bu la phyag
121a6 bgyi 'tshal lam/ gal te phyag bgyi 'tshal bar gyur na ni/ de lta na rgan po de tshul khrims dang ldan pa'i dge slong ma lags par 'gyur lags so/ /gzhan yang gleng 'tshal
121a7 ba mchis te/ gal te dge slong rgan po ni/ tshul khrims 'chal pa lags/ gsar bu ni/ tshul khrims dang ldan pa lags la/ de las chos kyi de kho na nyid rtogs par 'gyur
121b1 na| ci lags/ gsar bus glo bar chud bzhin du rgan po tshul khrims 'chal pa phyag bgyi 'tshal lam/ gzhan yang gleng 'tshal ba mchis te/ ci lags/ khyim na gnas pa las
121b2 chos rtogs par 'gyur na'ang khyim na gnas pa la phyag bgyi 'tshal lam/ ha cang zhes cher bgyi ba'i mi rigs lags so/ /khyim na gnas pa rnams ni/ rab tu byung ba'i mchod pa'i
121b3 'os dang / yon gnas ma lags so/ /bstan pa 'di la ni/ gzhon nus rgan po rnams la mchod pa bgyi ba'i rigs lags so/ /rgan po mchod pa'i 'os zhes bgyi ba ni/ bsnyen
121b4 par rdzogs pa 'dul ba dang / cho ga dang / spyod yul la gnas pa lags la/ bcom ldan 'das kyis kyang tshul khrims 'chal pa rnams ni/ zhing gi nang na zhing gi rdo dang 'dra'o/ /
121b5 zhes gsungs na/ da ni/ rgan nam yang na gzhon yang rung / /gang las chos ni rtogs 'gyur ba/ /dbang chen lha la bya ba bzhin/ /de la bkur stis phyag kyang bya/ /zhes kyang
121b6 gsung ngam/ tshig gi don 'di gnyis ni/ dpyad 'tshal lags so/ /de ma lags na/ de ltar bgyis dang chad pa'i gnas su 'gyur lags so/ /bcom ldan 'das/ dge slong
121b7 tshul khrims dang ldan pa rnams slu bar mdzad lags sam/ 'di la nongs pa mang du mchis lags na/ bcom ldan 'das kyis mdo mang po dag las tshul khrims 'chal pa rnams
122a1 chad pas gcad par bka' stsal na/ ci lags/ de bzhin gshegs pas 'dir dgongs te gsungs lags sam/ bcom ldan 'das kyis bka' stsal
122a2 pa| rgan nam yang na gzhon yang rung / /gang las chos ni rtogs 'gyur ba/ /dbang chen lha la bya ba bzhin/ /de la bkur stis phyag kyang bya/ /zhes bya ba ni/ ma 'ongs pa'i dus
122a3 kyi byang chub sems dpa' rnams kyi phyir ngas bstan pa yin gyi/ nyan thos kyi theg pa pa rnams kyi phyir de skad bstan pa ni/ ma yin no/ /rigs kyi bu/ ngas sngar bstan pa dam
122a4 pa'i chos nub pa'i dus dang / tshul khrims dang ldan pa 'grib pa'i dus dang / tshul khrims 'chal pa'i phyogs rnam par 'phel ba'i dus dang / nges par grol ba dang / chags
122a5 pa med pa zad pa'i dus dang / bran dang bran mo la sogs pa rdzas ngan pa du ma yongs su 'dzin par byed pa'i dus na skyes bu bzhi'i nang nas gcig tsam yang bran dang bran mo
122a6 la sogs pa rdzas ngan pa du ma yongs su 'dzin pa'i dge 'dun gyi nang du khyim nas khyim med par rab tu byung nas de rnams kyi rung ba dang / rung ba ma yin pa dang / 'dul ba dang /
122a7 'dul pa ma yin pa'i bye brag kyang shes/ de dag gi g.yel ba dang / bdag nyid kyi nyes pa mang po'i gzhi'ang shes te/ spyod pa 'di ni/ bcom ldan 'das kyi spyod pa ma yin no/ /
122b1 snyam du'ang shes nas yul dang dus la bltas te gsar bu rnams las gsung rab yan lag dgu slob par byed cing / de dag pham pa byung ba yin par shes su zin kyang dam pa'i
122b2 chos dbyung bar bya'o/ /snyam ste/ ba rog par 'dug nas de 'ba' zhig sems shing dam pa'i chos srung ba kho na'i phyir 'jig rten du 'byung ngo / /rigs kyi bu/ dper na/ 'ga' zhig
122b3 gi rgyal po zhig shi nas de'i bu rnams kyi nang na rgyal po nus pa med de/ rgyal po de nyid kyi khams kyi gdol pa 'brug sgra lta bu'i sil snyan dang ldan pa zhig gis gdol pa dag deng
122b4 de mthus rgyal srid 'phrog nas rgyal po byed la/ gdol pa de'ang rang bzhin gyis nor dang ldan pa zhig ste/ de nas gdol pa de rgyal po byed pa na bram ze dang / khyim bdag de na gnas
122b5 pa rnams gdol pas bkol na mi rung ngo / /snyam nas yul bor te/ gang na rgyal po'i rigs rgyal po byed pa'i yul der 'gro bar byed la/ bram ze dang khyim bdag gzhan kha cig ni/ bdag
122b6 gi yul 'dor ma phod nas ji ltar shing gang du skyes pa de nyid du skam par 'gyur ba bzhin du de dag kyang shing dang 'dra bar yul de nyid na 'khod do/ /de nas gdol pa des mi mang po byer
122b7 ro| |snyam nas gdol pa rnams lam thams cad srung du bcug ste/ mi lhag ma rnams bsrung ba'i phyir yang bram ze gtsang sbra can rig byed kyi mthar phyin pa gang nga'i rgyal srid kyi
123a1 phyed longs spyad par 'dod pa des ni/ nga'i mdun na 'don gyis shig ces bsgrags te/ de ltar grong khyer du zhag bdun gyi bar du rnga bo che brdungs kyang bram ze
123a2 gtsang sbra can gdol pa'i bla mkhyen byed pa su yod ces zer nas su'ang ma btub bo/ /de nas gdol pa des bsgo ba/ gal te su'ang de ltar byed du mi btub na/ bram ze thams cad
123a3 gdol pa'i khyim du gdol pa rnams dang lhan cig tu zan zo zhig /nyol cig /gal te mi btub na/ de'ang ngas nan gyis byed du gzhug go /de ste la la zhig btub na ni/ ngas rgyal
123a4 srid kyi phyed kyang sbyin no/ /sum cu rtsa gsum pa'i lha rnams kyi bdud rtsi 'thungs na/ lhar 'gyur ba thob par 'gyur ba 'jig rten na dkon pa gang yin pa de nga dang lhan cig tu
123a5 'thungs la lhar 'gyur bar bya'o/ /zhes bsgo'o/ /de nas der bram ze'i gzhon nu gtsang sbra can thor tshugs dang ldan pa/ rig byed kyi mthar phyin pa/ gzhon nu tshangs par spyod pa
123a6 zhig gis bsgo ba de thos nas rang gi thor tshugs bshig ste gdol pa de'i thad du song nas de la phyag btsal te smras pa/ rgyal po'i zhal snga nas bka' ci stsal pa de bzhin du
123a7 bgyi'o/ /zhes byas te/ de nas rgyal po des de mdun na 'don du dbang bskur to/ /de nas bram ze rnams na re/ gdol pa'i mdun na 'don bar khas blangs pa ngan pa 'di ngan pa 'di
123b1 zhes 'dzer to/ /de nas de bzhin du rgyal pos de la rgyal srid kyi phyed byin nas de dang lhan cig tu rgyal po byed do/ /de nas skabs shig tu bram ze des gdol pa'i rgyal po de la smras pa/ rgyal
123b2 po chen po/ /bdag gi bram ze'i tshul bor nas khyod kyi mdun na 'don bgyi bar khas blangs te khyod la rig pa re re nas bslab snyam na/ khyod da dung bdag la thugs mi rton to/ /de nas rgyal
123b3 po des de la smras pa/ khyod la nga ci ste yid mi rton/ 'di lta bu'i yon tan dang ldan pa khyod la yid rton gyi/ da ni/ rgyal po shi ba de'i bdud rtsi'i bum pa 'di phyed phyed mnyam du btung ngo //
123b4 zhes byas so/ /de nas thog ma kho nar blon po des 'thungs pa'i 'og tu bdud rtsi de'i nang du thabs kyis btung ba gzhan blugs nas rgyal po des 'thungs pa dang / brgyal te shi ba
123b5 bzhin du 'dug go/ /de nas bram ze des rgyal po snga ma'i bu rgyal po nus pa rgyal por bcug nas smras pa/ rgyal srid 'di longs la chud ma zos par gyis shig /gdol pa ni/ rgyal
123b6 srid 'di la rgyal po'i 'os ma yin te/ khyod nyid rgyal por 'os pa yin no/ /gdol pas rgyal po bya ba ni/ mi srid do/ /zhes byas so/ /de nas gdol pa de brgyal ba las sangs par
123b7 'gyur ba'i sman byin te sos par byas nas de spyugs te 'gal ba byed pa'i chad pas bcad do/ /de ltar bram ze des rgyal srid slar btsugs te gdol pa de spyugs na/ de bram ze las
124a1 nyams par yang ma gyur la/ bram ze dang / khyim bdag rnams kyang 'di ni/ byang chub sems dpa' sems dpa' chen po yin no/ /zhes zer zhing de la legs
124a2 so/ /legs so zhes byas te/ mchod par byed pa de bzhin du byang chub sems dpa' yang nga 'das pa'i 'og tu dam pa'i chos dbyung ba'i don du thabs ci'ang byed de/ rdzas ngan
124a3 pa 'dun cing spyod pa ngan pa dang ldan pa dge 'dun gyi nang du tshul khrims 'chal pa dag dang chul mthun par yang ston te/ tshul khrims 'chal pa de rnams kyi chos gos dang /
124a4 glegs bam dang / yo byad de rnams de dag las 'phrog nas dge slong tshul khrims dang ldan pa rnams la sbyin par gang gis nus pa dang / sgrub pa dang / btso ba dang / 'bru
124a5 bsdu ba'ang bsten te rung ba ma yin pa brgyad kyi dngos po len par byed pa rnams med par byed par gang gis nus pa dang / bram zes gdol pa'i rgyal po la byas pa bzhin
124a6 du de dag dang lhan cig tu skabs dbye ba dang / gso sbyong dang / thal mo sbyar bas 'dud pa'i las byed cing 'gal ba byed pa tshar gcod par gang gis nus pa dang / g.yel
124a7 ba rnams kyang dag pa'i dge 'dun du bsgyur zhing skye bo mang po la phan pa'i phyir theg pa chen po'i mdo'i sde tshan ston par gang gis nus pa'i byang chub sems dpa' sems dpa'
124b1 chen po gang yin pa de'i ched du tshigs su bcad pa de dag gsungs pa yin te/ de ltar byed pa la ni/ dam pa'i chos 'byin pa'i phyir bram ze dang / khyim bdag rnams mgu bar 'gyur te/
124b2 bram ze yin bzhin du 'dis rgyal srid dang / dam pa'i chos btsugs so/ /snyam nas de la mchod pa byed do/ /gang de ltar ston pa de ni/ byang chub sems dpa' kho na yin te/ thabs
124b3 dang sbyar zhing byed pas na/ de la nyes pa bskyed par mi bya'o/ /de la nyes pa bskyed na/ phyir nyes pa thob par 'gyur te/ bshags par 'os pa'i nyes pa lta bur 'gyur la nga rgyal gyi
124b4 dbang gis 'chags par yang mi byed do/ /byang chub sems dpa' slob dpon de ni/ mchog tu g.yel ba lta bur ston kyang nyes par mi 'gyur ta/ dgongs pa'i tshig 'di ni/ byang chub
124b5 sems dpa'i ched du bstan to/ /rgan nam yang na gzhon yang rung / /gang las chos ni rtogs 'gyur ba/ /bram ze sreg sbyin me bzhin du/ /de la bkur stis phyag kyang bya/ /rdzogs
124b6 sangs rgyas kyis bstan pa yi/ /chos ni gang las rtogs 'gyur ba/ /dbang chen lha la bya ba bzhin/ /de la bkur stis phyag kyang bya/ /zhes bya ba ni/ nyan thos rnams kyi ched du bstan
124b7 pa ma yin gyi/ byang chub sems dpa' rnams kyi ched du bstan pa yin no/ /gsol pa/ bcom ldan 'das /ci lags/ byang chub sems dpa' g.yel ba de lta bu dag bsnyen par
125a1 rdzogs par rung ngam/ 'on te mi rung lags/ bcom ldan 'das kyis bka' stsal pa/ rigs kyi bu/ de skad ma zer cig /de nyid de dag gi bsnyen par rdzogs
125a2 pa yin te/ de dag gi nyes pa gang dang / gang bshags pa de dag ni/ bshags bzod pa yin no/ /rigs kyi bu/ dper na/ rdzing rnying pa ral pa'i chu ni/ thams cad zag par 'gyur
125a3 ro| |de ci'i phyir zhe na/ skye bo chos bzhin du byed pa rnams ni/ 'grib/ skye bo chos bzhin du mi byed pa rnams ni/ 'phel ba'i phyir ro/ /gal te rdzing de la la zhig gis phyir bcos
125a4 na ni/ des de'i nang nas chu 'dzag par mi 'gyur ba de bzhin du byang chub sems dpa' yang dge slong tshul khrims dang ldan pa rnams med pa'i phyir dang / dge 'dun gyi sgrub pa nyams
125a5 pa'i phyir dang / theg pa la g.yel ba yongs su 'phel ba'i phyir g.yel ba rnams dang lhan cig tu bsnyen par rdzogs pa dang / skabs 'byed pa dang / gso sbyong dang / thal mo
125a6 sbyar bas 'dud pa'i las byed pas rdzing zags pa bzhin du tshul khrims dang / cho ga zags par 'gyur mod kyi/ rigs kyi bu/ byang chub sems dpa' dam pa'i chos 'byin par
125a7 'dod pa dang / tshul khrims dang ldan pa'i mi ni/ rdzing bcos pa bzhin du de nyid bsnyen par rdzogs pa yin te/ dri ma med pa dang / bshags pas bdag nyid dag par byas nas
125b1 mdo sde dang / 'dul ba de kho na nyid kyis rdzing bcos pa bzhin du 'chos bar byed do// //'phags pa yongs su mya ngan las 'das pa theg pa chen po'i mdo/ bam po brgyad
125b2 pa/ gsol pa/ bcom ldan 'das kyis a mra'i 'bras bu rnam pa bzhi lta bu'i mdo las gsungs pa'i tshul khrims dang ldan pa dang / tshul khrims 'chal pa de ji ltar rtogs par
125b3 bgyi lags/ bka' stsal pa/ rigs kyi bu/ tshul khrims dang ldan pa dang / tshul khrims 'chal pa ni/ yongs su mya ngan las 'das pa chen po'i mdo chen po las rtogs par bya'o//
125b4 gsol pa/ ji ltar rtogs par bgyi lags/ bka' stsal pa/ khyim bdag /zhing pa la zhig gis 'bras sA lu dang / 'bru dang / khre rgod kyi zhing la thog ma kho nar zhing gi rngo dang
125b5 snye long rnams bsal te dag par byas pa de la de phyin chad nas nam 'bras bur ma byung gyi bar du sha'i mig gis zhing gi grangs su rtsi bar byed la 'bras bur gyur pa'i tshe ni/ phub
125b6 ma dang / khong stong dang / 'bras bu dang / snying po'i bye brag dang / 'di ni/ 'bru yin no/ /'di ni/ 'bru ma yin no/ /snyam du yang dag par shes pa de bzhin du gzhi chen po brgyad ni/
125b7 dge 'dun gyi skyon yin te/ de rnams zhing gi rngo dang snya long bzhin du bsal nas de'i 'og tu sha'i mig gis dge 'dun gyi nang du tshul khrims dang ldan pa'i dge slong gi grangs su
126a1 rtsi bar byed do/ /su'ang rung ste nam skyon can du ma gyur pa dang / yon tan gyi 'bras bu gsal bar ma gyur gyi bar du 'di ni/ 'bras bu'o/ /'di ni/ 'bru
126a2 ngan pa'o/ /zhes bya ba de lta bur sha'i mig gis rtogs par mi nus te/ de'i dus kyi bar skabs su ni/ zhing bzhin du dge 'dun gyi grangs su mgo mnyam du rtsi bar 'gyur ro/ /
126a3 de ci'i phyir zhe na/ zhing gi skyon ni/ zhing gi rngo yin la/ dge 'dun gyi skyon ni/ gzhi chen po brgyad yin pa'i phyir ro/ /nyes pa'i mchog sbrul gdug pa lta bu dang bral ba'i
126a4 dge 'dun ni/ zhing zhes bya ste/ dge slong su'ang rung zhing rnam par dag pa lta bur gyur pa de ni/ lha bzhin du mchod par bya ba dang / yon gnas su bya ba yin no/ /'bras bur
126a5 gyur pa de'i snga rol tu ni/ sha'i mig gis skyon dang / yon tan rtogs par mi nus so/ /rigs kyi bu/ gzhan yang dper na grong gis khor gcig gi nang na shing ka ra ka mang
126a6 po'ang yod/ de'i nang na shing ten tu ka gcig kyang yod la ten tu ka'i shing de la'ang 'bras bu yod/ ka ra ka'i shing de dag la'ang 'bras bu yod pa las/ de nas bu mo gzhon
126a7 nu dbul mo shing tog 'thu ba zhig gis ten tu ka'i 'bras bu btus nas ka ra ka'i 'bras bu'ang de'i bcu 'gyur tsam du btus te/ ten tu ka'i 'bras bu yin no/ /snyam nas de
126b1 rnams kyis skon pa bkang ste grong de nyid du 'tshong bar byed la/ de nas byis pa rnams kyis 'bras bu rnam pa gnyis ten tu ka'i 'bras bu yin no/ /snyam nas nyos te zos pa dang shi'o//
126b2 de na bye brag phyed pa'i mi ten tu ka'i 'bras bu za 'dod pa gang yin pa de dag gis ni/ bu mo gzhon nu de la legs par dris te/ che zhe/ 'di dag phyogs gang logs nas blangs zhes
126b3 byas pa dang / des de dag la sa phyogs bstan te/ de dag la sa phyogs bstan pa dang / de na ka ra ka'i shing ni/ mang la/ ten tu ka'i shing ni/ gcig pu las med par shes te/ 'di
126b4 dag ni| de nas blangs so/ /snyam du rig la/ ten tu ka'i 'bras bu de dag btsal te ma rnyed nas ka ra ka'i 'bras bus 'jigs shing skrag ste/ 'jigs pa de nyid kyis 'phya bar byed cing
126b5 ma nyos par phyir dong ba de bzhin du rigs kyi bu/ dge 'dun gang dag gzhi chen po brgyad shes bzhin du spyod par byed pa der spyod par byed pa des gal te tshul khrims dang ldan pa'i
126b6 dge slong dag 'khod na/ de dag ji ltar ka ra ka'i tshal na ten tu ka'i shing 'dug pa bzhin du de dag mthong na/ de tshul khrims dang ldan pa yin du zin kyang dge bsnyen shes rab can
126b7 gyis de dag la phyag mi bya zhing mchod pa'i gnas su mi bya'o/ /gal te de dag la phyag bya bar 'dod na/ ci khyod gzhi chen po brgyad len par byed dam/ 'on te len par mi byed ces dris
127a1 nas gdod phyag bya ste/ len par byed pa gang yin pa de dag dang lhan cig tu skabs dbye ba dang / gso sbyong gi las rnams byed dang mi byed ces dri bar bya'o/ /
127a2 gal te 'di skad ces zer te/ dge 'dun gyi gzhi chen po brgyad ni/ len par byed de/ bcom ldan 'das sems can thams cad la thugs brtse bas kyang rgyal bu rgyal byed kyi tshal
127a3 du gser dngul dag bzhes so/ /zer la/ de'i nang na kha cig len par mi byed de/ bdag cag ni/ len par byed pa dag dang lhan cig tu skabs 'byed pa dang / gso sbyong dang / thal
127a4 mo sbyar bas 'dud pa'i las kyang mi byed/ thug pa'ang mi 'thung / de dag las rnyed pa dang / bkur sti'ang mi len no/ /zhes zer ba dang / lha'i yang lha sangs rgyas bcom ldan 'das
127a5 des kyang bzhes na/ dge 'dun gyis bzhes pa la mi bzod pa ci yod ces de skad zer du zin kyang de dag dang lhan cig tu khyed skabs 'byed pa dang / gso sbyong dang / thal mo sbyar bas
127a6 gdud pa'i las ma byas grang zhes smra bar byed de/ gal te tshig nyan du mi btub pa de dag ni/ yang dag pa'i mdo sde shes pa yin no/ /len par byed pa byis pa dang 'dra ba de dag ni//
127a7 sems can dmyal ba pa yin par rig par bya ste/ sems can de dag ni/ byis pa 'chi ba dang 'dra'o/ /rigs kyi bu/ gzhan yang dper na/ grong khyer chen po zhig gi spos kyi tshong
127b1 'dus dag na spos ma du ra ka dang / gzhan yang spos kyi sna grangs dang / sman rnams tshong pa dag 'tshong bar byed la/ de na nyo ba'i sems can rnams kyis gangs kyi ri las byung ba'i sman ci
127b2 'dra ba mi shes nas de dag gis dris te/ gal te gangs kyi ri las byung ba'i spos ma du ra ka lta cung zad ci yod na byin cig ces byas pa dang / de gangs kyi ri las byung ba'i spos ltar bcos
127b3 pa la gangs kyi ri las byung ba'i spos yin no/ /zhes byas te byin nas de dag gis 'di ni/ gangs kyi ri las byung ba yin no/ /snyam du yang dag par yid ches te bcos ma'i spos rnams
127b4 len par byed pa de bzhin du/ tshul khrims 'chal pa'am/ tshul khrims dang ldan pa'ang rung ste/ de dag la 'di dag ni/ nyan thos kyi dge 'dun yang dag pa yin no/ /'di dag ni/ dge
127b5 'dun yang dag pa yin no/ /'di dag ni/ dge 'dun mthun pa yin no/ /snyam du bsam ste/ sha'i mig dang ldan pa'i dge bsnyen des de dag la phyag kyang bya'o/ /sbyin pa'ang sbyin par bya'o//
127b6 sha'i mig dang ldan pa'i dge bsnyen gyis spos kyi tshong 'dus su gangs kyi ri las byung ba'i sman bzhin du bcos ma ma yin pa rtogs par dka'o/ /de bzhin du lha ri mig med pa bye brag
127b7 mi phyed pas gangs kyi ri las byung ba'i sman bzhin du 'di ni/ tshul khrims dang ldan pa'o/ /'di ni/ tshul khrims 'chal pa'o/ /dge 'dun 'di dag gzhi chen po brgyad kyi nyes pa
128a1 dang bral ba yin no/ /snyam du rtogs par mi nus so/ /tshul khrims dang ldan pa dang / tshul khrims 'chal pa ni/ lha'i mig dang ldan pa rnams kyi yul yin gyi/
128a2 sha'i mig dang ldan pa rnams kyi yul ma yin no/ /gal te ma dag pa mthong na ni/ ji srid du bshags su rung ba'i nyes pa byung ba ma bshags kyi bar du de dag la phyag kyang mi
128a3 bya'o| |sbyin pa'ang sbyin par mi bya'o/ /gzhi chen po brgyad len pa'i dge 'dun dag la ji srid du bdag nyid kyi nyes pa bshags su rung ba bshags pas gangs kyi ri las byung
128a4 ba'i sman bzhin du dag par ma gyur gyi bar du gos tshon can bgos pa tsam la yid rton te phyag mi bya'o/ /de dag la sbyin pa'ang sbyin par mi bya'o/ /gsol pa/ bcom ldan
128a5 'das| legs lags so/ /legs lags so/ /bcom ldan 'das kyi bka' 'di ni/ legs par gsungs pa lags te/ rdo rje rin po che bzhin du spyi bos mnod par
128a6 'tshal lo/ /'di la bcom ldan 'das kyis gsungs pa/ dge slong dag/ bzhi po 'di dag ni/ rten bzhi yin te/ bzhi gang zhe na/ dge slong dag /khyed kyi rten ni/ chos nyid yin
128a7 gyi| gang zag ma yin no/ /dge slong dag /khyed kyi rten ni/ nges pa'i don yin gyi/ drang ba'i don ma yin no/ /dge slong dag /khyed kyi rten ni/ ye shes yin gyi/ rnam par shes pa ma
128b1 yin no| |dge slong dag /khyed kyi rten ni/ don yin gyi/ yi ge ma yin no/ /bdag cag la ni/ rten bzhi po 'di dag tshad ma yin gyi/ gang zag bzhi po rnams tshad ma ma yin no/ /zhes
128b2 bgyi ba legs par gsungs so/ /bka' stsal pa/ chos nyid ces bya ba ni/ de bzhin gshegs pa'i yongs su mya ngan las 'das pa'o/ /de bzhin gshegs pa rtag pa dang / brtan pa
128b3 dang / ther zug pa'o/ /zhes bya ba 'di ni/ sangs rgyas thams cad kyi chos nyid do/ /de bzhin gshegs pa mi rtag par mthong ba gang yin pa de dag ni/ chos nyid mi shes pa yin
128b4 no| |zhes nga zer ro/ /de dag ni/ gang zag yin no/ /zhes nga zer ro/ /de dag ni/ tshad ma ma yin no/ /zhes nga zer ro/ /de ma yin pa'i gang zag bzhi po rnams ni/ tshad ma yin no/ /
128b5 gang zag bzhi po dgongs pa'i tshig la mkhas pa dang / de bzhin gshegs pa'i gsang ba'i de kho na nyid shes pa dang / rtag pa yin par shes pa gang yin pa de dag ni/ de bzhin
128b6 gshegs pa mi rtag go /zhes sems bskyed kyang mi srid de/ gang zag bzhi po de dag ni/ rang nyid de bzhin gshegs pa dgra bcom pa yang dag par rdzogs pa'i sangs rgyas
128b7 yin no| |sems can gzhan gang dag de bzhin gshegs pa rtag go /zhes bya ba'i dgongs pa'i tshig thams cad la mkhas pa'i gang zag de dag kyang tshad ma dang rten du gyur pa yin
129a1 no| |zhes nga zer na/ bzhi po de dag lta rten ci ste ma yin/ dge slong dag /khyed kyi rten ni/ chos nyid yin te/ nyan thos rnams kyi mngon par shes pa zhes bya
129a2 ba'i don dang / chos nyid ma brjed par gyis shig ces bya ba'i don to/ /chos nyid ces bya ba ni/ de bzhin gshegs pa rtag go /zhes bya ba la brtson par bya ba yin gyi gang zag la
129a3 brtson pa ma yin te/ gal te gang zag tshul khrims 'chal la zang zing la brkam pa rnams de bzhin gshegs pa mi rtag go /zhes zer na/ gang zag de dag ni/ tshad ma ma yin no/ /
129a4 zhes bya ba'i don to/ /dge slong dag /khyed kyi rten ni/ nges pa'i don yin gyi/ drang ba'i don ma yin no/ /zhes bya ba la/ nges pa'i don zhes bya ba ni/ theg pa chen po rnams yin te/
129a5 dgongs pa'i tshig de bzhin gshegs pa'i gsang ba thos na/ the tshom gyi nyes pa med pa'i phyir nges pa zhes bya ste/ ye shes kyi rgya mtsho chen po las brgal zhing de las byung zhes
129a6 bya ba'i don to/ /nges pa'i ye shes theg pa chen po zhes bya ba ni/ thogs pa med pa'i ye shes la bya'o/ /thogs pa'i ye shes ni/ nyan thos kyi theg pa'o/ /nges pa'i ye shes ni/
129a7 ye shes chen po dang theg pa chen po zhes bya ste/ byang chub sems dpa' gang dag de bzhin gshegs pa rtag par yang dag par khong du chud pa de dag nges par byed pas na/ de'i phyir
129b1 byang chub sems dpa' rnams kyi tshig ni/ tshad ma yin gyi/ drang ba'i don ni/ de lta ma yin no/ /de bzhin gshegs pa ni/ sha'i sku yin te/ bud shing zad pa'i me bzhin du yongs su mya
129b2 ngan las 'das so/ /zhes bya ba 'di ni/ nyan thos kyi theg pa yin te tshad ma ma yin no/ /mdo sde de dag ni/ gdul bar bya ba'i dbang gis gsungs pa yin te/ nyan thos kyi theg pa ni/
129b3 yi ge'i phyed sbyar ba dang 'dra zhing bye brag tu 'byed pa yin te/ slob dpon byed pa ma yin no/ /nyan thos kyi theg pa pa rnams ni/ drang ba'i don rnams kyi grangs su gtogs so/ /ye shes
129b4 las gsungs pa'i de bzhin gshegs pa'i che ba nyid khong du ma chud pa'i shes pa gang yin pa de ni/ nyan thos kyi theg pa yin te/ de bas na/ drang ba'i don ni/ tshad ma ma yin no/ /gang
129b5 zag bzhi po de dag tshad ma ma yin te/ nges pa'i don yin gyi/ drang ba'i don ma yin no/ /de bas na/ de dag ni/ rten du gyur pa dang / nges pa'i don yin no/ /dge slong dag /khyed kyi rten ni
129b6 ye shes yin no/ /zhes bya ba ni/ de bzhin gshegs pa'i tshig bla dwags so/ /chos kyi sku gang yin pa de ni/ tshad ma ma yin no/ /thabs kyi sku gang yin pa de ni/ tshad ma ma yin no/ /thabs
129b7 kyi sku la bltas na/ de bzhin gshegs pa'i sku la phung po dang / khams dang / skye mched rnams ji ltar yod/ gal te med na'ang sku gdung gi phung po ga las 'ongs/ de bas na/ sku
130a1 gdung gi phyir 'jig rten na mchod rten 'byung ba yod kyi/ chos kyi sku ni/ 'byung ba med do/ /de bzhin gshegs pa sha'i sku'o/ /zhes bya ba ni/ rnam par shes pa
130a2 brtag pa las bstan te/ rnam par shes pa ni/ tshad ma ma yin no/ /de bas na rnam par shes pa tshad ma ma yin zhes bya'o/ /sems can gang dag de ltar rtog pa de dag kyang tshad
130a3 ma ma yin no/ /de lta bu'i mdo sde rnams kyang tshad ma ma yin no/ /dge slong dag /khyed kyi rten ni/ don yin no/ /zhes bya ba la/ don zhes bya ba ni/ gsal ba'i don to/ /gsal
130a4 ba'i don zhes bya ba ni/ snang ba'i don to/ /snang ba'i don zhes bya ba ni/ zhan pa ma yin pa'i don to/ /zhan pa ma yin pa'i don zhes bya ba ni/ de bzhin gshegs pa rtag ces bya
130a5 ba'i phyir ro/ /de bzhin gshegs pa rtag pa'i don zhes bya ba ni/ chos rtag pa'i don to/ /chos rtag pa'i don zhes bya ba ni/ dge 'dun rtag pa'i don to/ don ni/ de yin no/ /rten
130a6 ni| de yin no/ /yi ge ma yin no/ /zhes bya ba ni/ chog mi shes pa dang / yo byad ma bsnyungs pa dang / 'dod chen dang / tshul 'chos pa dang / kha gsag byed par 'gyur ba'i rang
130a7 bzo'i yi ge dang / tshig sna tshogs sangs rgyas kyis gsungs pa ma yin pa'i mdo sde rnams yin te/ bcom ldan 'das kyis bdag cag la thugs brtse nas mu ge byung ba'i tshe
130b1 nyid kyi sras rnams nyon mongs par mi 'gyur bar mdzad pa'i phyir bran dang bran mo la sogs pa dang / g.yos su byas pa rnam pa du ma gnang ba'i bslab pa'i gzhi gsungs te/ bran
130b2 dang bran mo la sogs pa dang / gser dang / dngul dang / ba lang dang / ma he dang / 'bru rnams bsdu ba dang / nyo tshong dang / zhing rmo ba la sogs pa ngas gnang ngo / /zhes gsungs so/ /zhes
130b3 bya ba de dag ni/ yi ge zhes bya ste/ de lta bu'i mdo sde dang / 'dul ba ni/ tshad ma ma yin no/ /de bas na/ yi ge 'don pa'i gang zag de dag kyang tshad ma ma yin te/ de'i phyir dge slong
130b4 dag /khyod kyi rten ni/ don yin no/ /zhes gsungs so/ /don med pa zhes bya ba ni/ gzhi gsum la 'jig pa dang / ltung ba dang / rnam par 'thor ba dang / rnam par 'jig pa la sogs
130b5 pa'i mi rtag pa nyid yod par lta ba ste/ 'di ni/ don med pa zhes bya'o/ /'di ni/ yi ge zhes bya'o/ /de bas na/ dge slong dag /khyed kyi rten ni/ don yin gyi/ yi ge ma yin no/ /zhes
130b6 gsungs so/ /don gyi phyogs ni/ theg pa chen po pa rnams yin te/ de bas na/ theg pa chen po pa rnams chad ma yin gyi/ 'di las phyi rol pa yi ge la rton pa rnams ni/ de lta ma
130b7 yin te/ de bas na/ de dag ni/ rten ma yin mod kyi/ sha'i mig dang ldan pa rnams kyi phyir bzhag pa yin no/ /gsol pa/ sngar bka' stsal pa'i gang zag bzhi po rnams rten du gyur
131a1 pa zhes bgyi lags sam/ bka' stsal pa/ rigs kyi bu/ de ni/ de bzhin te/ bzhi po rnams rten yin par rig par bya'o/ /de ma yin pa bzhi po rnams
131a2 ni| bdud yin no/ /zhes nga zer ro/ /gsol pa/ ci'i slad du de lta lags/ bka' stsal pa/ de dag ni/ bdud kyis smras pa'i mdo sde 'dzin pa'i phyir ro/ /gsol pa/ de ji lta
131a3 bu lags/ bka' stsal pa/ ji ltar bdud bzhi de bzhin gshegs pa la bsngo zhing 'di ni/ bdud kyis smras pa yin gyi/ sangs rgyas kyis gsungs pa ma yin no/ /sems can
131a4 'di dag ni/ bdud dang mthun par byed pa yin gyi/ sangs rgyas dang mthun par byed pa ma yin no/ /zhes zer ba lta bu'o/ /gsol pa/ bcom ldan 'das/ bdag ni/ bdud kyis
131a5 smras pa dang / sangs rgyas kyis gsungs pa khong du chud par 'tshal lags so/ /bcom ldan 'das kyis bka' stsal pa/ rigs kyi bu/ bdud sdig can gyis ni nga 'das pa'i
131a6 'og lo bdun brgya lon pa na/ nga'i bstan pa phyi zhing bshig par 'gyur te/ dam pa'i chos nub pa'i tshe bdud sdig can zag pa can gyis zag pa med pa lta bur bsgyur te/ bya ba'i
131a7 rtags kyi tshul sbed pa bzhin du dge slong gi gzugs dang / dge slong ma'i gzugs dang / dge bsnyen gyi gzugs dang / dge bsnyen ma'i gzugs dang / rgyun du zhugs pa dang /
131b1 lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas kyi gzugs dang sangs rgyas kyi gzugs kyis bshig par 'gyur te/ de 'di skad ces zer zhing
131b2 sangs rgyas ni/ dga' ldan gyi gnas nas shi 'phos te/ rgyal po zas gtsang dang btsun mo sgyu 'phrul phrad pa na zla mtshan gyi bye brag gis 'khrig pa'i chos las skyes so/ /zhes zer ba de
131b3 bzhin gshegs pa ni/ 'khrig pa las skye mi srid do/ /de la mi tsam du skyes pa las sngon dka' thub spyad pa'i yon tan gyis lha dang / mi dang / lha ma yin dang bcas pa'i 'jig rten
131b4 gyis mchod cing brjod par 'gyur te/ bdag ni/ chung ma dang 'dod pa rnam pa sna tshogs kyi sbyin pa byin pas na/ sangs rgyas su gyur to/ /zhes zer ba de lta bu ni/ bdud kyis smras
131b5 pa'i mdo sde dang / 'dul ba yin par rig par bya'o/ /de bzhin gshegs pa dgra bcom pa yang dag par rdzogs pa'i sangs rgyas kyis ni/ gdul bar bya ba'i dbang gis skyes pa
131b6 lta bur bdag nyid kyis bstan mod kyi/ 'khrig pa las skyes pa ma yin no/ /de bzhin gshegs pas yab yum gnyis yod pa lta bur bstan pa 'di ni/ 'jig rten dang mthun par
131b7 mdzad pa yin no/ /zhes zer ba de lta bu ni/ de bzhin gshegs pas gsungs pa'i mdo sde dang / 'dul ba yin par rig par bya'o/ /bdud kyis smras pa'i mdo sde dang / 'dul ba tshad mar
132a1 byed pa'i sems can gang yin pa de dag ni/ bdud dang mthun par byed pa yin par rig par bya'o/ /sangs rgyas kyis gsungs pa'i mdo sde dang 'dul
132a2 ba tshad mar byed pa gang yin pa de dag ni/ byang chub sems dpa' yin par rig par bya'o/ /de bzhin gshegs pa 'jig rten du byung nas phyogs dang phyogs mtshams rnams
132a3 su gom pa bdun bdun gshegs par bstan te/ /zhes bya ba 'di ni/ yid ches par bya bar mi rung ste/ de lta bu'i mdo sde dang 'dul ba ni/ bdud kyis smras pa yin par rig
132a4 par bya'o/ /de bzhin gshegs pa byung nas phyogs dang phyogs mtshams rnams su gom pa bdun bdun gshegs par bstan pa ni/ de bzhin gshegs pa'i thabs kyi sku 'dzin
132a5 pa yin no/ /zhes zer ba de lta bu ni/ sangs rgyas kyis gsungs pa'i mdo sde dang / 'dul ba yin par rig par bya'o/ /bdud kyis smras pa'i mdo sde dang / 'dul ba tshad mar byed pa'i
132a6 sems can gang yin pa de dag ni/ bdud dang mthun par byed pa yin par rig par bya'o/ /sangs rgyas kyis gsungs pa'i mdo sde dang / 'dul ba tshad mar byed pa gang yin pa de
132a7 dag ni| byang chub sems dpa' yin par rig par bya'o/ /de bzhin gshegs pa lha khang du gshegs te byon nas lha rnams kyi zhabs la phyag bzhes te/ lha rnams ni/ de bzhin
132b1 gshegs pa'i zhabs la mgo bos phyag mi 'tshal lo/ /lha rnams la mchod pa mdzad pa'i 'og tu de bzhin gshegs par gyur nas mngon par sangs rgyas te/ lha rnams ni/ snga/ 'di
132b2 ni| 'phyis pas na/ de'i phyir mngon par rdzogs par sangs rgyas pa zhes bya'o/ /zhes zer ba la sogs pa ni/ bdud kyis smras pa yin par rig par bya'o/ /de bzhin gshegs pa lha
132b3 khang du gshegs te byon pa mthong nas dbang phyug dang / dbang phyug chen po dang / tshangs pa dang / brgya byin la sogs pa lha thams cad kyis thal mo legs par sbyar te zhabs la spyi
132b4 bos gtugs so/ /zhes zer ba lta bu ni/ de bzhin gshegs pas gsungs pa'i mdo sde dang / 'dul ba yin par rig par bya'o/ /bdud kyis smras pa'i mdo sde dang / 'dul ba tshad
132b5 mar byed pa'i sems can gang yin pa de dag ni/ bdud dang mthun par byed pa yin par rig par bya'o/ /sangs rgyas kyis gsungs pa'i mdo sde dang / 'dul ba tshad mar byed pa gang
132b6 yin pa de dag ni/ byang chub sems dpa' yin par rig par bya'o/ /de bzhin gshegs pa rgyal tshab tu gyur te nye 'dab kyi rgyal po'i bu mo dag dang lhan cig tu 'dod pa shin tu bsten
132b7 to| |zhes zer ba la sogs pa ni/ bdud kyis smras pa'i mdo sde dang / 'dul ba yin par rig par bya'o/ /de bzhin gshegs pas ni/ lha'i bu mo ram+b+ha lta bu'i bud med dag kyang
133a1 mchil ma bzhin du bor nas khyim nas khyim med par rab tu byung ngo / /zhes zer ba de lta bu'i mdo sde dang / 'dul ba ni sangs rgyas kyis gsungs pa yin par rig par
133a2 blta bar bya'o/ /bdud kyis smras pa'i mdo sde dang / 'dul ba tshad mar byed pa'i sems can gang yin pa de dag ni bdud dang mthun par byed pa yin par rig par bya'o/ /sangs rgyas kyis
133a3 gsungs pa'i mdo sde dang / 'dul ba tshad mar byed pa gang yin pa de dag ni byang chub sems dpa' yin par rig par bya'o/ /de bzhin gshegs pa dgra bcom pa yang dag par rdzogs
133a4 pa'i sangs rgyas kyis 'jig rten thams cad la thugs brtse ba'i phyir rgyal bu rgyal byed kyi tshal mgon med zas sbyin gyi kun dga' ra bar dbyig dang / gser dang / bran dang / bran
133a5 mo dang / ba lang dang / ma he dang / ra dang / lug dang / bya gag dang / phag dang / khyi dang / byi la dang / sbrul dang / ne'u le dang / zangs dang / lcags zangs dang /
133a6 nor bu dang / mu tig dang / dung dang / man shel dang / byu ru dang / sa le sbram dang / dngul dang / 'tshog chas rnam pa sna tshogs dang / zhing sa dang / tshong 'dus dang / srang dang / nyo tshong
133a7 byed pa dang / khye'u dang / bu mo dang / mdzod dang / bar ba rnams bzhes so/ /zhes zer ba de lta bu ni bdud kyis smras pa'i mdo sde dang / 'dul ba yin par rig par bya'o/ /rgyal bu rgyal byed
133b1 kyi tshal na 'dam bu dang / e raN+Da'i tshal dang / shing pi tsu marada'i drung na bzhugs pa'i tshe bram ze lug dpal dang / ko sa la'i rgyal po gsal rgyal las brtsams te bka' stsal pa/
133b2 dbyig dang / gser dang / bran dang / bran mo dang / ba lang dang / ma he dang / ra dang / lug dang / bya gag dang / phag dang / khyi dang / byi la dang / sbrul dang / ni'u le dang / zangs dang / lcags
133b3 zangs dang / nor bu dang / mu tig dang / dung dang / man shel dang / byu ru dang / sa le sbram dang / dngul dang / nor dang / 'tshog chas rnam pa sna tshogs 'chang ba dang / zhing sa dang / tshong
133b4 'dus dang / srang dang / nyo tshong byed pa dang / khye'u dang / bu mo dang / mdzod dang / bang pa 'chang ba dang / rang lag dar te g.yos byed pa dang / 'tshod pa dang / 'tshod du 'jug pa dang / ltas
133b5 dang / yan lag gi rig pa dang / mo yig dang / kha dog 'dod pa dang / bya ltas shes pa dang / sgra gcan dang / nyi ma dang / zla ba dang / pa ba sangs dang / gza' lhag rgyu ba dang / me tog gi
133b6 shing rta dang / lag srub lta ba dang / rmi ltas dang / skyes pa dang / bud med dang / ma ning gi mtshan ma lta ba dang / sgyu rtsal drug cu rtsa bzhi dang / rig pa'i gnas bco brgyad dang / mkhan
133b7 bzo pa dang / bzo'i las thams cad ston pa dang / sgrub gtam byed pa dang / spos kyi phye mas 'debs pa dang / me tog dang / bdug pa dang / spos dang / me tog phreng dang / byug pa
134a1 'chang ba dang / mgo bo la 'o byed pa dang / tshul 'chos pa dang / kha gsag byed pa dang / chog mi shes pa dang / 'dod chen can dang / 'du 'dzi la dga' ba
134a2 dang / smra 'dod pa dang / nor dang / 'bru dang / sha dang / nya sha dang / dug sbyor ba dang / spos kyi til mar dang / sman gyi sdu gu dang / gdugs dang / lham dang / ta la'i lo ma'i
134a3 bsil yab dang / chab snod dang / bu don dang / beng dpung 'chang ba dang / shing tog sdud pa dang / so rtsi dang / sman mar dang / btso ba'i phye ma bzang po dang / ka ko la dang / 'bras
134a4 bu tsha ba bsten pa dang / rgyal po bsten pa dang / gzhan la bsten pa dang / drod mi thub pa dang / mi smra ba dang / bud med ltar rtog pa'i shas che ba dang / mang du smra ba dang / ngu ba dang /
134a5 bzang ngan dpyod pa dang / sun 'byin pa dang / 'gros 'chos pa dang / gos dkar po dang / armo ni ga dang / khang bzang dang / gtsang khang phyur bu'i las la sogs pa byed pa dang /
134a6 rung ba ma yin pa dang / rdzas ngan pa yongs su 'dzin pa dang / sbyin pa po'i bsngags pa brjod pa dang / chang bsten pa dang / smad tshong ma'i khyim du 'gro ba rnams dang / de lta bu byed
134a7 pa dam pa ma yin pa tshul ngan pa dang ldan pa de dag la ni/ gos dkar po dag byin la 'jig rten pa'i las rnams byed du gzhug par ngas gnang ngo / /yang na 'bras sA lu'i
134b1 zhing gi rngo bsal ba bzhin du yul phyogs nas bskrad par ngas gnang ngo / /zhes zer ba de lta bu'i mdo sde dang / 'dul ba ni/ sangs rgyas kyis gsungs pa yin par rig par bya'o/ /
134b2 bdud kyis smras pa'i mdo sde dang / 'dul ba tshad mar byed pa'i sems can gang yin pa de dag ni/ bdud dang mthun par byed pa yin par rig par bya'o/ /sangs rgyas kyis gsungs
134b3 pa'i mdo sde dang / 'dul ba tshad mar byed pa gang yin pa de dag ni/ byang chub sems dpa' yin par rig par bya'o/ /de bzhin gshegs pa ni/ tshangs pa dang / 'byung po dang / skem byed
134b4 dang / gzhon nu dang / 'jig rten gyi mes po dang / ka ta ya na la sogs pa'i lha'i gnas thams cad du de dag gi rgyags pa gzhom pa'i phyir mi gshegs te gshegs mi srid do/ ya
134b5 mtshan can thams cad kyi nang du rab tu mi 'byung ngo / /sems can thams cad kyi kun tu rtog pa'i ston pa ma yin no/ /gsang sngags dang / rig sngags thams cad mi 'chang ngo / /khol
134b6 po dang / bran dang / bran mo dang / 'dum pa dang / 'thab pa sbyor ba mi mdzad do/ /skyes pa dang / bud med dang / sman dang / rgyal po dang / blon po gces par mi mdzad do/ /gal te de bzhin
134b7 gshegs pa de lta bur gyur na/ de bzhin gshegs pa'ang ma yin te/ log par lta ba zhes brjod par bya'o/ /de bzhin gshegs pa ni/ ste'u dang tsan+dan du mtshungs te/ su la'ang tshar
135a1 gcod par mi mdzad/ phan 'dogs pa'ang mi mdzad do/ /de bas na/ de bzhin gshegs pa ni/ dbu ma'i lam gzigs pa zhes bya'o/ /zhes zer ba de lta bu
135a2 ni| mgo rmongs par byed pa'i mdo sde bdud kyis smras pa yin par rig par bya'o/ /de bzhin gshegs pa ni/ lha'i gnas thams cad du gshegs so/ /ya mtshan can thams
135a3 cad kyi nang du rab tu 'byung ngo / /sems can thams cad kyi kun tu rtog pa ston to/ /gsang sngags dang / rig sngags dang / sman no cog lta bur gyur pa de dag sbyor bar mdzad do/ /
135a4 'dun ma'i nang dang / rol mo'i gnas su gshegs so/ /bran dang / bran mo dang / sems can thams cad sdud par mdzad do/ /gzhon nu dang / gzhon nu ma dang / btsun mo'i
135a5 'khor dang / pho brang 'khor gyi mi dang / yul mi dang / khyim bdag dang / bram ze dang / yi dwags dang / mgon med pa dang / skyes pa dang / bud med rnams kyi lus rnam pa sna
135a6 tshogs kyang ston la/ 'jig rten thams cad sdug bsngal las bsgral ba'i phyir de dang / der gshegs pa na'ang pad+ma chus mi chags pa bzhin du lta ba rnams kyis gos par
135a7 mi 'gyur bar khong du chud pa ste/ 'di ni/ 'jig rten thams cad dang mthun par mdzad pa yin no/ /zhes zer ba de lta bu ni/ sangs rgyas kyis gsungs pa'i mdo sde dang / 'dul ba
135b1 yin par rig par bya'o/ /bdud kyis smras pa'i mdo sde dang / 'dul ba tshad mar byed pa'i sems can gang yin pa dag ni/ bdud dang mthun par byed pa yin par rig par bya'o/ /sangs
135b2 rgyas kyis gsungs pa'i mdo sde dang / 'dul ba tshad mar byed pa gang yin pa de dag ni/ byang chub sems dpa' yin par rig par bya'o/ /'di ltar nged kyi 'dul ba las ni/ sdig pa
135b3 dang / nyes byas dang / nyes pa yang ba dang / lci ba dang / nyes pa sbom po dag rang bzhin gyis spang bar bya ba yin pa'i phyir spang bar bcom ldan 'das kyi gsungs te/ de lta bu ni/
135b4 nged kyi 'dul ba dang mthun pa yin gyi/ khyed kyi 'dul ba dang mthun pa ma yin no/ /ci'i phyir bdag cag nyid kyi 'dul ba las 'gal bar byas te khyed kyi 'dul ba blang bar bya/
135b5 khyed kyi 'dul ba ni/ rang bzo byas pa yin la/ nged kyi 'dul ba ni/ bcom ldan 'das kyis gsungs pa yin no/ /bcom ldan 'das kyis ni/ gsung rab
135b6 yan lag dgu las phyag rgya dgu mdzad ces grag ste/ bcom ldan 'das kyis phyag rgya dgu po dang de rnams kyis phyag rgyas btab bo/ /bdag cag gis ni/ shin tu rgyas pa zhes bya ba'i
135b7 sgra tshig dang / yi ge dang / thig le gcig kyang sngon ma thos so/ /bcom ldan 'das kyis mdo sde du zhig gsungs/ mdo sde bcu zhig gsungs sam/ bdag cag gi gsung rab
136a1 la shin tu rgyas pa zhes bya ba'i sgra'ang med do/ /'di dag ni/ ma lus par lhas byin gyis byas pa yin te/ don thams cad ma rungs par byas nas
136a2 rtsod par byed de/ shin tu rgyas pa ni/ rang gis rang bzor byas pas mi btsan gyi/ nged kyi 'dul ba ni/ dam pa yin no/ nged kyi ni/ 'di lta bu yin no/ /nged kyi ni/ 'di lta bu
136a3 yin no| |zhes bstan pa ma rung bar bya ba'i phyir sbyar ba shin tu rgyas pa spong bar byed pa 'di ni/ bdud kyis smras pa'i mdo sde dang / 'dul ba yin par rig par bya'o/ /ma
136a4 'ongs pa'i dus na'ang nged kyi 'dul ba ni/ 'di lta bu yin no/ /nged kyi 'dul ba las ni/ bcom ldan 'das kyis 'di skad ces gsungs so/ /zhes log pa'i 'dul ba dang /
136a5 mdo sde smra ba'i dge slong dag 'byung bar 'gyur ro/ /ngas ni/ theg pa chen po gsung rab yan lag dgu las rgyud phyi ma theg pa chen po shin tu rgyas par bstan to/ /nga'i drung
136a6 na lhan cig tu sgrub pa gang yin pa de dag ni/ log pa'i 'dul ba dang / lta ba smra ba ma yin no/ /nga'i bstan pa ni/ rung ba ma yin pa thams cad spangs pa/ rnam par dag pa/ dri
136a7 ma med pa/ zla ba nya ba dang 'dra ba yin te/ mdo sde re re dang / 'dul ba re re dang / bslab pa'i gzhi re re'i don gang+gA'i klung gi bye ma snyed du bstan la de dag kyang sgra'i rnam grangs
136b1 rnam pa sna tshogs kyis bstan to/ /nged kyi 'dus ba la bslab pa'i gzhi gang dang gang med pa de dang de dag ni/ bcom ldan 'das kyis ma gsungs so/ /zhes de skad zer ba gang yin pa
136b2 de dang de dag la ni/ nyes pa 'byung bar 'gyur ro/ /gang dag bdag cag gis gzung bas mi lang ste/ chog shes pa dang / yo byad bsnyungs pa lhur len pa dang / sangs rgyas kyis gsungs
136b3 pa yin par 'os pa gang dang / gang yin pa de dang / de dag ni/ sems can thams cad la phan pa dang / thugs brtse ba'i phyir theg pa chen po'i tshul du gsungs pas na/ bdag cag
136b4 gis kyang shin tu rgyas pa zhes bya ba bshad par bya'o/ /zhes da ltar dam 'cha' bar byed pa gang yin pa de dag gi ston pa ni/ nga yin gyi/ de ma yin pa rnams kyi ston pa ni/ nga ma yin
136b5 no| |de dag ni/ nga'i phyir rab tu byung ba ma yin te/ de dag thams cad ni/ mu stegs pa'i bu yin no/ /zhes zer ba de lta bu sangs rgyas kyis gsungs pa'i mdo sde dang / 'dul ba
136b6 yin par rig par bya'o/ /zhes de skad smros shig bdud kyis smras pa'i mdo sde dang / 'dul ba tshad mar byed pa'i sems can gang yin pa de dag ni/ bdud dang mthun par byed pa yin
136b7 par rig par bya'o/ /sangs rgyas kyis gsungs pa'i mdo sde dang / 'dul ba tshad mar byed pa gang yin pa de dag ni/ byang chub sems dpa' yin par rig par bya'o/ /de bzhin gshegs
137a1 pa ni| yon tan dpag tu med pa dang ldan pa ma yin no/ /mi rtag go/ yongs su mya ngan las 'das pa'o/ /stong par gyur pa'o/ /bdag med pa ston pa'o/ /'jig
137a2 rten dang mthun par byed pa ma yin no/ /zhes zer ba de lta bu'i mdo sde ni/ bdud kyis smras pa'i mdo sde dang / 'dul ba yin par rig par bya'o/ /sangs rgyas bcom ldan 'das ni/
137a3 bsam gyis mi khyab cing yon tan bsam gyis mi khyab/ dpag tu med grangs med pa dang ldan pa yin no/ /rtag pa'o/ /brtan pa'o/ /ther zug pa'o/ /zhes nga zer ro/ /zhes de skad
137a4 smra ba la ni/ ta la'i mgo bcad pa bzhin du pham par gyur pa zhes brjod par mi bya'o/ /pham pa'i chos bzhi zhes bya ba ni/ bcom ldan 'das kyis gsungs pa rnam pa bzhi char
137a5 lta ci smos te/ pham pa bzhi'i nang nas pham pa gang yang rung ba zhig byung na'ang rdo chag pa'i 'phro bzhin du 'gyur ro/ /zhes rgyud phyi ma'i yang phyi ma gzhung rdzogs pa las mi'i chos
137a6 las bla mar gyur pa'i skabs nas gsungs pa yin no/ /de ci'i slad du zhe na/ bdag ni/ 'bras bu thob pa yin no/ /zhes 'chab pa'i don to/ /rgyud phyi ma'i yang phyi ma las mi'i
137a7 chos su dbab pa ngas gsungs pa ni/ 'di na dge slong 'dod pa nyung ba chog shes pa la la zhig gnas pa de rgyal po'am/ rgyal po'i blon po chen po dag gis mthong na/ 'bras bu
137b1 thob pa yin par sems te/ tshigs su bcad pa'i tshul sbyar ba'i thabs sna tshogs kyis bstod par byed cing btsun pa 'di ni/ lus dang bral te shi ba'i 'og tu sangs rgyas su 'gyur ro/ /
137b2 zhes zer ba dge slong des de dag las mngon sum du thos nas 'di skad ces zer te/ 'bras bu ma thob pa'i gang zag la 'bras bu thob pa bzhin du bstod par ma byed cig /che 'dod pa
137b3 ni| sangs rgyas kyis smad do/ /cang mi smra ba ni/ sangs rgyas kyis bsngags so/ /bdag ni/ ji srid 'tsho'i bar du'ang chos 'di lta bu la dga' ba ma yin gyi/ 'di ltar bdag che 'dod
137b4 pa la gzhag par ma byed cig /bdag ni/ 'bras bu thob pa ma yin par bdag nyid kyis shes so/ /zhes zer ba dang / rgyal po shes rab can gyis btsun pa 'di ni/ 'bras bu thob
137b5 pa ste/ sangs rgyas yin no/ /snyam nas 'jig rten thams cad du mkhas pa rnams kyi nang du sgrog par byed cing btsun mo'i 'khor dang sras rnams la'ang snyan dngags bzhin du mdo rnams
137b6 slob tu 'jug ste/ de ltar byas na'ang bstod par byed pa'i rgyal po dang / blon po rnams la bsod nams mang du 'phel bar 'gyur ro/ /dge slong de ni/ tshangs par spyod pa tshul khrims
137b7 dang ldan pa tsam du zad de/ dge slong de'ang pham pa byung ba ma yin no/ /zhes nga zer ro/ /mi'i chos las bla mar gyur pa byed pa'ang ma yin te/ tshul khrims dang ldan pa 'dod pa nyung ba
138a1 zhes nga zer ro/ /de ltar bstod du zin kyang rang gi dad pa'i sems dang bas na sangs rgyas kyi gsung rab dang mthun par byed pa'i dge slong la ni/ nyes pa cung
138a2 zad kyang med do/ /zhes zer ro/ /gzhan yang 'di na dge slong la la de bzhin gshegs pa'i snying po'i mdo sde chen po ston par byed do/ /sems can thams cad la ni/ sangs
138a3 rgyas kyi khams yod la khams de rang rang gi lus la tshang ste/ sems can rnams kyis nyon mongs pa'i rnam pa zad par byas nas sangs rgyas su 'gyur te/ 'dod chen pa ni/ ma
138a4 gtogs so/ /de la rgyal po'am rgyal po'i blon po 'ga' zhig 'di skad ces zer te/ dge slong khyod sangs rgyas su 'gyur ram mi 'gyur/ sangs rgyas kyi khams khyod la yod
138a5 dam med ces zer ba la/ dge slong de na re/ tshe dang ldan pa/ bdag sangs rgyas su 'gyur ram mi 'gyur ba lta sus shes mod kyi/ 'on kyang bdag gi lus la sangs rgyas kyi
138a6 khams ni/ yod do/ /zhes zer ro/ /de nas des dge slong de la smras pa/ dge slong khyod 'dod chen pa kho na ma yin na/ bdag ni/ sangs rgyas su 'gyur ro/ /snyam du soms shig /
138a7 de nas dge slong des de la smras pa/ tshe dang ldan pa/ chos de ni/ bdag gi lus la gor ma chag par yod do/ /zhes gal te de skad zer na/ dge slong de la mi'i chos las bla mar
138b1 gyur pa'i nyes pa yod ces bya'am/ med ces bya zhe na/ khams yod du zin kyang sbyin pa dang / tshul khrims dang / shes pa dang / chos dang ldan pa rnams la yod par zad do/ /zhes
138b2 brjod par bya'o/ /gzhan yang dge slong rab tu byung nas sems par byed de/ kye ma bdag sangs rgyas su 'gyur ram mi 'gyur snyam pa'am/ bdag gis ni/ sangs rgyas nyid thong bar
138b3 'gyur bar mngon no/ /snyam du sems na 'bras bu ma thob tu zin kyang bsod nams mang po 'phel bar 'gyur ro/ /gal te de lta ma yin na/ dge slong thams cad kyang mi'i chos las bla
138b4 mar 'gyur ro/ /de ci'i phyir zhe na/ ngas bskal pa bye ba phrag brgyad cu'i bar du rung ba ma yin pa'i dngos po yongs su 'dzin pa spangs te/ chog shes pa dang / yo byad bsnyungs pa'i
138b5 mchog la gnas nas de bzhin gshegs pa'i snying po yod par bsgoms te mngon par rdzogs par sangs rgyas nas chos kyi phung po 'bum ston pa'i sangs rgyas bcom ldan 'das
138b6 snying rje chen po dang ldan par gyur pa'i phyir ro/ /zhes zer ba de lta bu ni/ de bzhin gshegs pa dgra bcom pa yang dag par rdzogs pa'i sangs rgyas kyis gsungs pa'i mdo sde dang /
138b7 'dul ba yin par rig par bya'o/ /bdud kyis smras pa'i mdo sde dang / 'dul ba tshad mar byed pa'i sems can gang yin pa de dag ni/ bdud dang mthun par byed pa yin par rig
139a1 par bya'o/ /sangs rgyas kyis gsungs pa'i mdo sde dang / 'dul ba tshad mar byed pa gang yin pa de dag ni/ byang chub sems dpa' yin par rig par bya'o/ /pham pa
139a2 bzhi'ang med/ dge 'dun gyi lhag ma bcu gsum yang med/ ma nges pa gnyis kyang med/ spang ba'i ltung byed sum cu'ang med/ ltung byed 'ba' zhig pa dgu bcu rtsa gcig
139a3 kyang med/ so sor bshags par bya ba bzhi'ang med/ bslab par bya ba mang po'ang med/ rtsod pa zhi bar bya ba'i chos bdun yang med/ nyes byas rnams kyang med/ nyes pa
139a4 sbom po rnams kyang med/ mtshams med pa dang / 'dod chen pa'ang med de/ sngar smos pa'i bslab pa'i gzhi de rnams med bzhin du gal te 'gal bar byas pas dge slong
139a5 dag sems can dmyal bar 'gro bar 'gyur na/ de dag ni/ mu stegs can yin no/ /gang dag la de rnams med na/ de lta na ni/ mtho ris su 'gro bar 'gyur ro/ /bcom
139a6 ldan 'das kyis ni/ bsdigs pa'i phyir 'dul ba las bslab pa'i gzhi rnams bka' stsal to/ /mi tshangs par spyod pa bsten par 'dod pa gang yin pa de ni/ gos tshon
139a7 can dang / chos gos spangs te gos dkar po bgos nas de lta bu byas pa'i 'og tu de bdag nyid kyis bsam pa/ bdag gis ni/ rang gi yon tan chung ba'i phyir mnog chung ba'i 'dod
139b1 pa bsten gyis med do/ /'on kyang bcom ldan 'das bzhugs pa'i tshe yang dge slong dag gis 'dod pa rnams bsten nas mtho ris dang thar pa thob par gyur na/ ci bdag chos nyid la
139b2 zhugs pa yin nam/ 'di ni/ gna' nas lugs kyis yod pa kho na'o/ /snyam du de ltar sgom pa'i dge slong ni/ pham pa byung du zin kyang thar pa thob par 'gyur ro/ /bslab pa'i gzhi
139b3 lnga las 'gal bar byas pa dang / rung ba ma yin pa thams cad yongs su bzung yang de dang 'dra'o/ /de bzhin gshegs pas nyes byas kyi nyes pa byung bas kyang sum cu rtsa gsum pa'i
139b4 lha rnams kyi lo grangs pas kyang lhag par lo brgyad khri'i bar du sems can dmyal bar 'tshed par 'gyur ro/ /zhes gsungs mod kyi/ de'ang bsdigs par zad de/ pham pa las na/
139b5 gcig gi dma' ba nyes pa sbom po'i skyon gang yin pa de'ang mi bzad pa ma yin te/ 'dul ba 'dzin pa mang po rnams kyis brtsun du smras mod kyi/ de ni/ mi btsan no/ /zhes de bzhin
139b6 gshegs pas gsungs so/ /zhes zer ba de lta bu'i mdo sde dang / 'dul ba ni/ bdud kyis smras pa yin par rig par bya'o/ /bslab pa'i gzhi thams cad kyi nang na ni/ nyes byas
139b7 chung ba yin la/ de ltar chung ba'i nyes byas byung du zin kyang bdag la ma byung ngo / /zhes bsnyen par byed de/ nyes pa byung ba rus sbal bzhin du sbed par byed pa de lta bu'i gang zag
140a1 la bsten par mi bya'o/ /brdzun du smra ba'i chos gcig 'gal bar byas pa'i skye bo 'jig rten pha rol spangs pas ni/ mi bya ba ci'ang med de/ mi bya ba'i
140a2 bag ci'ang mi bsten pa med ces bya ba'i don to/ /sangs rgyas kyi bstan pa ni/ de ltar cha phra ba yin na/ nyes pa sbom po mi sdom par lta ga la mdzad/ gal te de tsam yang sdom
140a3 par mi byed pa ni/ mchog tu ma bsdams pa yin no/ /ci zhig bzung ste tshul khrims srung zhe na/ sangs rgyas kyi khams yod la gsung rab yan lag dgu'i tshul gyis sangs
140a4 rgyas su 'gyur ba'i rtog pa gcig pus sems can thams cad la sangs rgyas kyi khams yod do/ /zhes bya ba dang / shin tu rgyas pa las bdag med pa'i mchog yod do/ /zhes
140a5 smra ba ni/ gsung rab yan lag dgu'i tshul gyis mdo sde spong ba ma yin no/ /gzhan du na ni/ de ltar 'gyur ro/ /gsol ba/ sems can thams cad la sangs rgyas kyi khams
140a6 mchis par gsung rab yan lag dgu las nges par bstan na/ gang zag tu lta bar ji ltar mi 'gyur lags so/ /bdag gis thos pa bzhin du ji ltar gzung bar bgyi/ de
140a7 ltar na ni/ mi'i chos las bla mar yang 'gyur lags so/ /bka' stsal pa/ ji ltar rgya mtsho'i nang na rin po che yon tan brgyad dang ldan pa sna tshogs med do/ /zhes smra ba de bzhin
140b1 du gsung rab yan lag dgu shin tu rgyas pa'i ye shes kyi rgya mtsho chen po la sangs rgyas kyi khams med do/ /zhes zer ba'ang de dang 'dra ste/ sangs rgyas kyi gsung 'di ni/ de dag gi
140b2 yul ma yin la/ sangs rgyas kyi gsung ni/ sems can thams cad la de bzhin gshegs pa'i snying po yod do/ /zhes bya ba'i gtan tshigs dang / rtags rnams kyi sgo nas nyan thos
140b3 dang / rang sangs rgyas thams cad kyi yul yang ma yin par mngon no/ /theg pa chen po las ni/ bdag dang / srog bshig pa'ang med de/ de bas na/ sangs rgyas ni/ dbu ma'i lam
140b4 zhes bya'o/ /gang dag bdag gi lus la sangs rgyas kyi khams yod de/ bdag gis sangs rgyas thob par 'gyur mod kyi/ nyon mongs pa zad par bya dgos so/ /zhes de skad zer ba de
140b5 dag ni/ nga'i nyan thos yin no/ /gcig shos ni/ mi'i chos las bla mar gyur ba'i nyes pa byung ba yin no/ /zhes nga zer ro/ /ngas de skad ces bstan pa'i phyir 'di skad ces zer te/
140b6 bcom ldan 'das kyis dam pa'i chos thob par 'gyur ba'i sangs rgyas kyis nas gzigs pas na/ bdag kyang sangs rgyas bcom ldan 'das su 'gyur ro/ /zhes zer ba gang yin pa
140b7 de mi'i chos las bla ma'i nyes par 'gyur ram zhe na/ mi'i chos las bla mar gyur pa'i nyes par mi 'gyur te/ de ni/ rim gyis sangs rgyas su 'gyur ro/ /zhes nga zer ro/ /de ltar na/
141a1 sangs rgyas kyi gsung ni/ cha phra zhing zab pa yin no/ /gsol pa/ 'di na rgyal po la la zhig 'di skad ces mchi ste/ ji ltar na/ dge slong mi'i chos las bla
141a2 mar gyur pa'i nyes pa byung ba zhes bgyi zhes mchi ba la lan gdab 'tshal lags so/ /bka' stsal pa/ 'di na dge slong rnyed pa dang bkur sti'i phyir ram/ zang zing gi phyir
141a3 tshul 'chos pa dang / kha gsag byed pa yod de/ ji ltar byas na/ bdag bsod snyoms pa yin par gzhan dag gis shes par 'gyur zhig gu/ de ltar byas dang rnyed pa thob
141a4 par 'gyur ro/ /snyam ste/ bsngags pa 'dod pa rmongs pa'i rang bzhin can du gyur pas bdag gis 'bras bu ma thob par bdag gis 'bras bu thob par gzhan gyis shes
141a5 par bya'o/ /bdag rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa yin par gzhan dag gis shes par bya'o/ /dge bsnyen mdun na
141a6 'khod pa rnams kyang skye bo thams cad kyis bdag de lta bu yin par shes par 'gyur ba'i tshig smrar gzhug go/ /snyam nas chos thob par bya ba'i phyir ma yin par yid la
141a7 byed pa de lta bu rnyed pa dang / bkur sti dang / bla ma'i mchod pa dang / phyag bya ba dang / zang zing gi phyir dgra bcom pa 'dra bar phan tshun lta ba'i thabs dang / mig 'dzum pa
141b1 dang / 'gros rnams 'chos par byed cing / chos gos dang / snam sbyar dang / lhung bzed rnams 'chang la/ mal cha dang / stan gsar pa'i steng na 'dug pa dang / skye bo dag gis bdag
141b2 dge slong bzang po dge slong dka' thub can yin no/ /zhes brjod par 'gyur bar bya'o/ /'on kyang bdag 'khor dang slob ma dag dang ldan par 'gyur ro/ /de nas sde tshan bcas dang
141b3 bza' ba dang / bcas pa dang / bldag pa dang / btung ba'i yo byad rnams rnyed par 'gyur ro/ /bud med rnams kyis kyang bkur bar 'gyur ro/ /snyam pa'i sems kyi rtog pas nang mi dang
141b4 g.yog 'khor rnams la shes par byed de/ de lta bur 'chab pa'i dge slong ngam/ dge slong ma ni/ mi'i chos las bla mar gyur pa'i nyes pa byung ba yin no/ /zhes nga zer ro/ /gzhan
141b5 yang 'di na dge slong la la dam pa'i chos dbyung bar bya'o/ /snyam pa'i sems kyis mal cha dang stan gsar pa la 'dug cing / skye bo thams cad kyis kye ma dge slong 'di ni/ dge ba
141b6 bzang po zhig go/ /snyam du bdag dgra bcom pa ma yin par dgra bcom pa dang 'dra bar shes par bya'o/ /bdag de lta bu yin par shes pa dang / dge slong mang po dag bdag gi 'khor
141b7 du 'gyur la 'di las phyi rol pa dag kyang dge bsnyen du 'gyur ro/ /tshul khrims 'chal ba rnams kyang zhum par 'gyur ro/ /de nas bdag gis dam pa'i chos kyang dbyung bar bya'o/ /
142a1 de bzhin gshegs pa'i che ba nyid kyang bstan par bya'o/ /shin tu rgyas pa'i mdo sde rnams kyang bsgrag par bya'o/ /sems can thams cad kyang des par
142a2 bsgral bar bya'o/ /'dul ba dang 'dul ba ma yin pa'i bye brag kyang phyed par bya'o/ /bdag la sangs rgyas su 'gyur ba'i sa bon de bzhin gshegs pa'i snying po zhes bya ba yod
142a3 de| bdag gis sangs rgyas thob par 'gyur ro/ /bdag gis nyon mongs pa'i rnam pa rnams rnam par gzhom par bya'o/ /dge bsnyen khyed rnams la'ang sangs rgyas kyi khams yod
142a4 de| bdag cag kun kyang sangs rgyas su 'gyur zhing de bzhin gshegs pa'i sa thob par 'gyur ro/ /nyon mongs pa'i rnam pa rnams zad par bya'o/ /snyam du sems pa de lta bu ni/
142a5 dam pa'i chos kyi rtog pa'i sgo nas byang chub sems dpa' yin te/ mi'i chos las bla mar 'gyur ba'i nyes pa byung ba ma yin no/ /zhes nga zer ro/ /nyes byas kyi nyes pa byung bas
142a6 kyang sum cu rtsa gsum pa'i lha rnams kyi lo grangs pas kyang lhag par lo brgyad khri'i bar du sems can dmyal bar 'tshed par 'gyur na/ nyes pa spom po lta ci smos te/ theg pa
142a7 chen po 'di la ni/ nyes pa spom po'i nyes pa byung ba dang bsten par mi bya'o/ /nyes pa spom po zhes bya ba ni/ bcom ldan 'das kyi mchod rten bsrung ba'i phyir gzhan yongs su
142b1 gzung ba la me tog gi phreng ba btags pa de rnyings nas srad bu dgos pa'i phyir len par byed de/ dge slong rnams la 'dzem nas dge slong rnams la ma dris par dge slong gis blangs
142b2 na| nyes pa spom po'i nyes pa can du 'gyur ro/ /gal te 'di lta zhig gis cir yang mi 'gyur ro/ /snyam du 'dzin te/ len par byed na'ang de lta bu dag dang bstan par mi bya'o/ /rku ba'i
142b3 sems kyis mchod rten bshig na'ang nyes pa spom po'i nyes pa can du 'gyur te/ de lta bu dag dang bsten par mi bya'o/ /'di na khyim bdag gam blon po la la zhig gis gal te chos
142b4 kyi bsam pas sku gdung la bkur sti bya'am/ phag gu dgos pa'i phyir mchod rten rnying pa bshig ste blangs nas khyim bdag gam blon po des mchod rten de las gser dngul zhig
142b5 byung na| de dge slong 'ga' zhig gi lag tu gtad pa las dge slong des de blangs te/ bdag gi/ nor du byas la rtsod par byed na/ dge slong de la legs pa ma yin no/ /dge bsnyen de
142b6 dag ni| chos la gnas pa yin no/ /dge slong de ni/ yid brtan du mi rung ste/ bsten par mi bya'o/ /ma ning yin par shes par bya'o/ /mtshan gnyis pa yin par shes par bya'o/ /
142b7 mtshan gnyis pa zhes bya ba ni/ gang la mtshan gnyis yod pa ste/ gang gi tshe skyes pa'i 'dod chags skyes pa de'i tshe ni/ bud med dang 'dod pa spyod par byed la/ gang gi tshe bud med
143a1 kyi 'dod chags skyes pa de'i tshe ni/ skyes pa dang 'dod pa spyod par byed do/ /de bas na/ mtshan gnyis pa zhes bya ste/ de dang yang bsten par mi bya'o/ /de ltar de
143a2 lta bu dag dang bsten par mi bya na/ bslab pa'i gzhi lnga'i nyes pa byed pa de dag lta la bsten du ga la rung // //'phags pa yongs su mya ngan las 'das pa theg pa
143a3 chen po'i mdo/ bam po dgu pa/ dge slong rnams kyis ni/ thog mar dge sbyong gi chos kyis grog sbur rnams la'ang snying rje bya'o/ /dge sbyong gi chos kyis chang gi dri bro ba'i
143a4 btung ba'ang spang bar bya'o/ /dge sbyong gi chos kyis rmi lam du'ang brdzun du smra ba'i sems bskyed par mi bya'o/ /dge slong gi chos kyis rmi lam du'ang bud med dang phrad pa'i sems
143a5 bskyed par mi bya'o/ /gsol pa/ ci lags/ rmi lam du bud med dang phrad par gyur na/ mi tshangs par spyod pa'i nongs par 'gyur lags sam/ bka' stsal pa/ mi 'gyur te/
143a6 gal te blo gros dang dran pa dang ldan pa 'dod pa dri nga ba dag la mi tshangs par spyod pa'i sems mi skyed na/ de ni/ nyon mongs pa dang bud med kyi gtam smad pas rtog pa yang dag
143a7 par chad pa'i phyir sems bskyed mi srid do/ /rmi lam du phrad par gyur na'ang nang par sad na/ mu ge byung ba'i tshe dge slong gis rang gi bu'i sha'i zas zos pa bzhin du 'gyod par
143b1 'gyur na/ de la gtsang ngo / /snyam pa'i blo lta ga la 'byung / gal te sems skyes na'ang phyir gzhil bar bya'o/ /zhes zer ba de lta bu'i chos kyi sgo ni/ sangs rgyas kyis gsungs pa'i mdo
143b2 sde dang / 'dul ba yin par rig par bya'o/ /bdud kyis smras pa'i mdo sde dang / 'dul ba tshad mar byed pa'i sems can gang yin pa de dag ni/ bdud dang mthun par byed pa
143b3 yin par rig par bya'o/ /sangs rgyas kyis gsungs pa'i mdo sde dang / 'dul ba tshad mar byed pa gang yin pa de dag ni/ byang chub sems dpa' yin par rig par bya'o/ /dpa' bo'i
143b4 'dug stangs dang / mi smra bar 'dug pa dang / g.yang sar mchong ba dang / dug za ba dang / smyung bar 'dug pa dang / bdag nyid 'ching bar byed pa dang / bdag nyid gsod pra byed
143b5 pa dang / zhe nom byed du 'jug pa dang / rig sngags dang / gsang sngags zlos pa dang / skrun pa'i las byed par bcom ldan 'das kyis gnang ngo / /gdol ba'i bu dang / ma ning dang /
143b6 mtshan gnyis pa dang / yan lag nyams pa thams cad rab tu 'byung bar bcom ldan 'das kyis gnang ngo / /de bzhin gshegs pas ni/ ba'i bcud rnam lnga dang / sbrang rtsi dang /
143b7 'bru mar la sogs pa dang / zab dar dang / dung dang / lha ma dang / 'bru la sogs pa spangs te/ shing ngo cog la srog dang 'du shes yod par gzigs nas yongs su mya ngan las
144a1 'das so/ /zhes zer ba de lta bu ni/ bdud kyis smras pa'i mdo sde dang / 'dul bar rig par bya ste/ dpa' bo'i 'dug stangs kyis gnas pa dang / 'chag pa la sogs
144a2 pa chos kyi bya ba rnams ni/ ma gtogs so/ /dug za ba dang / mer mchong ba dang / smyung bar 'dug pa dang / g.yang sar mchod pa dang / bdag nyid 'ching bar byed pa dang / bdag nyid gsod
144a3 par byed pa dang / zhe nom byed du 'jug pa dang / rig sngags dang / gsang sngags zlos pa dang / skrun pa'i las byed pa rnams ni/ ngas ma gnang ngo / /ba'i bcud rnam lnga dang / sbrang rtsi dang /
144a4 'bru mar la sogs pa dang / zab dar dang / dung dang / lham dang / 'bru la sogs pa la sha'i 'du shes med pa dang / shing thams cad la srog med pa'i 'du shes dang / sems
144a5 pa'i 'du shes med par ngas gnang ngo / /gzhan du lta ba gang yin pa de dag ni/ mu stegs can gyi nyan thos yin no/ /nga'i bka' bzhin du byed pa gang yin pa de dag ni/ nga'i
144a6 nyan thos yin no/ /zhes nga zer ro/ /khams bzhi la ni/ srog dang 'du shes yod ces nga mi zer ro/ /zhes zer ba de lta bu'i mdo sde dang / 'dul ba ni/ sangs rgyas kyis gsungs
144a7 pa'i mdo sde yin par rig par bya'o/ /bdud kyis smras pa'i mdo sde dang / 'dul ba tshad mar byed pa'i sems can gang yin pa de dag ni/ bdud dang mthun par byed pa yin par rig
144b1 par bya'o/ /sangs rgyas kyis gsungs pa'i mdo sde dang / 'dul ba tshad mar byed pa'i sems can gang yin pa de dag ni/ byang chub sems dpa' yin par rig par bya'o/ /rigs kyi bu/
144b2 'di ni/ ngas bdud kyis smras pa dang / sangs rgyas kyis gsungs pa'i bye brag rgyas par bstan pa yin no/ /gsol pa/ bcom ldan 'das/ bdag ni/ deng gdod sangs rgyas kyi bka' la
144b3 zhugs lags so/ /bka' stsal pa/ rigs kyi bu/ legs so/ /legs so/ /rigs kyi bu/ khyod legs te/ mkhas pas ni/ de ltar bya dgos so/ /yang bka' stsal pa/ rigs kyi bu/
144b4 'di ni/ sdug bsngal so/ /zhes bya ba ni/ 'phags pa rnams kyi bden pa zhes mi bya ste/ sdug bsngal de'ang gang zhe na/ sdug bsngal zhes bya ba ni/ ba lang dang / bong bu la sogs pa dang /
144b5 sems can dmyal ba pa rnams la'ang yod de/ gal te sdug bsngal de bden pa yin du zin na/ de rnams kyi'ang bden pa yin par 'gyur ro/ /sdug bsngal zhes bya ba 'di ni/ kye ma
144b6 sdug bsngal shes pa zhes bya ba la de bzhin gshegs pa rtag pa'o/ /chos kyi sku yin te/ sha'i sku ma yin no/ /zhes de bzhin gshegs pa'i che ba nyid shes pa ni/ sdug bsngal shes
144b7 pa'o/ /de ma thob kyi bar du sems can rnams kyis chos ma yin pa la chos yin no/ /snyam du yongs su brtags nas 'khor ba'i 'khor lo shin tu sdug bsngal ba'i gnas su yun ring por
145a1 sdug bsngal nyams su myong nas ngan 'gror 'gro bar 'gyur ro/ /gang gi tshe de bzhin gshegs pa rtag par shes pa de'i tshe ni/ yi ge 'bru gnyis po/ ji lta
145a2 bur thos kyang rung ste/ bde 'gror 'gro bar 'gyur ro/ /de nas thar pa'ang thob par 'gyur ro/ /des na 'di ni/ rdzu 'phrul gyi bde ba yin no/ /snyam du rang gis rtogs par 'gyur te/
145a3 de bzhin gshegs pa rtag ces bya ba thob pa tsam gyi rgyu des na bdag 'dir 'ongs so/ /de bzhin gshegs pa rtag par ma shes kyi bar du ni/ yun de srid kyi bar bdag sdug
145a4 bsngal rnams kyi nang du 'khor to/ /nga ni/ sdug bsngal shes so/ /zhes bya ba 'di ni/ bden pa yin no/ /gzhan dag gi sdug bsngal bsgom pa ni/ don med pa'o/ /'di ni/ sdug
145a5 bsngal kun 'byung ba'o/ /zhes bya ba ni/ chos kyi de kho na nyid la de kho na nyid ma shes nas/ chos la dgongs pa'i phyir bran dang bran mo la sogs pa rdzas ngan pa du ma len par
145a6 byed cing chos ma yin pa la chos yin no/ /snyam du 'dzin te/ dam pa'i chos nub par byed cing dam pa'i chos mi snang bar byed par 'gyur te/ dam pa'i chos gnas par bya ba'i thabs
145a7 mi shes pas 'di ltar 'dzin te/ dam pa'i chos 'jig par 'gyur zhes bya ba med do/ /snyam nas de'i 'bras bus 'khor ba'i sdug bsngal rnams kyi nang du yongs su 'khyam mo/ /
145b1 de nas mtho ris dang thar pa thob par 'gyur te/ mtho ris dang thar pa thob pa'i sdug bsngal kun 'byung ba'i de kho na nyid bdag gis ma shes pas dam pa'i chos 'jig pa'i rgyur gyur te nyes
145b2 par smras pa'i tshig gis yun 'di srid kyi bar du nyon mongs par gyur to/ /snyam du shes pa 'di ni/ sdug bsngal kun 'byung ba shes pa zhes brjod par bya'o/ /gzhan dag gi ni/ de lta
145b3 ma yin no/ /'di ni/ sdug bsngal 'gog pa zhes bya ba la stong pa nyid sgom pa ni/ gtan du stong pa nyid sgom pa thams cad zad pa de bzhin gshegs pa'i snying po med par byed pa de lta
145b4 bu ma yin te/ sdug bsngal 'gog pa sgom pa ni/ ya mtshan can thams cad la'ang don dang 'gal ba'i stong pa nyid yod de/ de rnams kyi'ang sdug bsngal 'gog pa zhes bya bar
145b5 'gyur ro/ /sems can thams cad la ni/ de bzhin gshegs pa'i snying po yod de/ de ni/ gsal bar mi mngon no/ /gang gi tshe nyon mongs pa zad pa de'i tshe de bzhin gshegs pa'i
145b6 snying po la 'jug pa khyed kyis mthong bar 'gyur ro/ /gang gi tshe sems gcig bskyed pa'i las kyi 'bras bus bdag gis chos kyi dbang phyug rtag pa dang / bde ba 'thob bo/ /snyam du
145b7 khyod kyis shes par gyur pa de ni/ sdug bsngal 'gog pa bsgom par bya ba la sgom pa yin no/ de bzhin gshegs pa'i snying po bdag med par bsgoms shing gtan du stong pa nyid
146a1 bsgoms pas ni/ sdug bsngal rnams mi 'gog par phye ma leb mar me'i nang du song ba bzhin du 'gyur ro/ /de lta ma yin par de bzhin gshegs pa'i snying po
146a2 yod par bsgoms pa'i sems can rnams ni/ nyon mongs pa rnams yod bzhin du nyon mongs pa'i rnam pa 'gog par byed do/ /de ci'i phyir zhe na/ de bzhin gshegs pa'i snying
146a3 po'i rkyen gyi phyir te/ de shes pa ni/ yang dag par rdzogs pa'i sangs rgyas kyi bka' las sdug bsngal 'gog pa'i tshig bden pa zhes bya'o/ /gzhan ni/ bsgom pa ma yin pa la
146a4 sgom pa'o/ /'di ni/ sdug bsngal 'gog par 'gyur ba'i lam zhes bya ba ni/ de bzhin gshegs pa dang / chos dang / dge 'dun dang / thar pa rnams te/ 'di ltar de rnams
146a5 la phyin ci log bzhis phyin ci log tu gyur pa'i dngos po ni/ thar pa'o/ /thar pa la'ang ci'ang med do/ /snyam pa de ni/ 'di ltar sgyu mar 'dug ste/ 'khor ba'i sdug bsngal gyi
146a6 nang du yongs su 'khyams pa yin la/ sgom nyes pa de'i 'bras bus ni yun ring por sdug bsngal nyams su myong bar 'gyur ro/ /da ni/ bdag gis de bzhin gshegs pa dang /
146a7 chos dang dge 'dun dang / thar pa rnams rtag pa dang / brtan pa dang / ther zug pa dang / 'jigs par mi 'gyur bar sems gcig bskyed pa'i 'bras bus dbang phyug rtag pa'i
146b1 'bras bu thob bo/ /phyin ci log bzhi po sdug bsngal ba dang / bdag med pa dang / mi gtsang ba rnams chos ma yin pa la chos yin no/ /snyam du 'dzin pas lta ba ngan pa'i 'bras bu myong
146b2 ba 'di ni/ sdug bsngal 'gog par 'gyur ba'i lam zhes bya'o/ /gzhi gsum rtag pa bsgom pa bsgrub pa'i phyir mi rtag pa sgom pa gang yin pa de dag ni/ mi bden pa bsgom pa
146b3 la sgom pa yin no/ /de ltar rtag par sgom pa gang yin pa de dag ni/ nga'i nyan thos yin te/ 'phags pa'i bden pa bzhi shes pa'o/ /zhes nga zer ro/ /'di rnams ni/ 'phags
146b4 pa'i bden pa bzhi yin par rig par bya'o/ /gsol pa/ bcom ldan 'das/ 'phags pa'i bden pa bzhi lam 'di'i tshul gyis bsgom par bgyi ba bdag gis da gzod rtogs
146b5 lags so/ /bka' stsal pa/ sdug bsngal la bde bar 'du shes pa ni/ phyin ci log yin no/ /bde ba la sdug bsngal bar 'du shes pa ni/ phyin ci log yin no/ /de la de bzhin
146b6 gshegs pa mi rtag ces bya ba de ni/ sdig pa dang / sdug bsngal ba yin no/ /de bzhin gshegs pa bud shing zad pa'i me bzhin du yongs su mya ngan las 'das so/ /zhes bya ba de ni/
146b7 sdig pa dang / sdug bsngal ba yin no/ /sdug bsngal ba ma yin pa zhes bdag nyid sgom par byed pa dang / de bzhin gshegs pa mi rtag go /zhes bya ba 'di ni/ phyin ci log yin no/ /
147a1 bde ba la sdug bsngal bar 'du shes pa ni/ phyin ci log yin te/ de bzhin gshegs pa rtag go /zhes bsgoms na/ gang zag tu lta bar 'gyur du 'ong ngo / /
147a2 snyam nas sgom pa 'di ni/ sdug bsngal ba'o/ /snyam pa ni/ bde bar 'du shes pa rnams kyi phyin ci log yin te/ 'di ni/ phyin ci log dang po'o/ /mi rtag pa la rtag par 'du shes
147a3 pa ni/ phyin ci log yin no/ /rtag pa la mi rtag par 'du shes pa ni/ phyin ci log yin no/ /de la gtan du stong pa nyid bsgoms na/ mi tshe thung bar 'gyur ro/ /snyam nas de'i phyir mi
147a4 rtag pa nyid la stong pa nyid ma yin par bsgoms na/ bsgoms pa de'i 'bras bus tshe ring bar 'gyur ro/ /snyam pa de'ang phyin ci log yin te/ 'di ni/ phyin ci log gnyis pa'o/ /
147a5 bdag med pa la bdag tu 'du shes pa ni/ phyin ci log yin no/ /bdag yod pa la bdag med par 'du shes pa ni/ phyin ci log yin no/ /de la 'jig rten pa rnams la bdag yod
147a6 ces te/ 'jig rten pa bzhin du sangs rgyas kyi gsung la'ang bdag yod pa ma yin te/ de bzhin gshegs pa'i snying po'i ming yang med do/ /zhes bdag med pa sgom pa 'di ni/ phyin
147a7 ci log gsum pa'o/ /mi gtsang ba la gtsang bar 'du shes pa ni/ phyin ci log yin no/ /gtsang ba la mi gtsang bar 'du shes pa ni/ phyin ci log yin no/ /de la de bzhin gshegs
147b1 pa rtag ste/ sha'i sku ma yin pa la sha'i sku yin te/ sha dang khrag dang rgyus pas sbrel ba yin no/ mi gtsang ba'o/ /chos dang / dge 'dun gnyis kyang thar pa thob nas mi snang bar 'gyur
147b2 ro| |snyam pa ni/ gtsang ba la mi gtsang bar phyin ci log pa yin no/ /bdag gi lus thams cad ni/ mi gtsang ba yin te/ gtsang zhes bya ba ci'ang med na/ bdag gi lus ni/ gtsang ngo / /
147b3 snyam du sgom pa ni/ mi gtsang ba la gtsang ngo / /snyam du 'dzin pa yin no/ /bdag kyang gang na ci'ang med pa der 'gro'o/ /snyam pa ni/ gtsang ba la mi gtsang ngo / /snyam du sgom pa rmongs par
147b4 byed pa'i chos yin te/ 'di ni/ phyin ci log bzhi pa yin par rig par bya'o/ /gsol pa/ bcom ldan 'das/ bdag ni/ da gzod yang dag pa'i lta ba can du gyur te/ 'di srid kyi bar
147b5 du log par lta bar gyur lags so/ /bcom ldan 'das/ ci lags/ srid pa nyi shu rtsa lnga bdag mchis zhes bgyi'am/ ma mchis zhes bgyi/ bka' stsal pa/ bdag ces bya ba ni/
147b6 de bzhin gshegs pa'i snying po'i don to/ /sangs rgyas kyi khams ni/ sems can thams cad la yod mod kyi/ de'ang nyon mongs pa'i rnam pa rnams kyis bsgribs te bdag nyid la
147b7 yod bzhin du sems can rnams kyis mthong bar mi nus so/ /'di lta ste/ dper na/ grong khyer chen po zhig na dbul po'i khyim zhig na gser gyi gter zad mi shes pa zhig yod la/
148a1 de la bud med dbul mo zhig 'dug pa des kyang bdag gi khyim gya sa'i 'og na gter yod par mi shes te/ der thabs dang ldan pa'i mi zhig gis bud med de
148a2 la smras pa/ sru tshur shog /bdag gis khyod la gla sbyin gyi/ bdag gi zhing las byed du song zhig ces byas pa dang / des de la smras pa/ jo bo/ /bdag mi mchi'o/ /gal te khyod kyis
148a3 bdag gi bu la gter bstan na ni/ gzod bdag mchi bar 'tshal lo/ /zhes 'thad pas grub pa'i tshig smras pa dang / des de la smras pa/ sru/ bdag gi bu khyod las skyes ma thag tu
148a4 bdag gis rin po che dang gser gyi gter zad mi shes pa sbyin par bya'o/ /de nas des de la smras pa/ khyod kyis ga la byin te/ bdag la mtho 'tsham par zad do/ /de nas des de
148a5 la smras pa/ khyod nyid kyi khyim na gter yod mod kyi/ khyod bdag kyang mi shes na/ gzhan gyis lta shes par ga la nus/ de nas de bdag gis thob par 'tshal lo/ /zhes de de la
148a6 gsol pa 'debs so /de nas des khyim de'i nang nas gter de brkos nas de nyid la byin no/ /de nas des de mthong nas ngo mtshar du gyur te/ de la skyabs su song ba de bzhin du
148a7 rigs kyi bu/ de bzhin gshegs pa'i snying po ni/ sems can thams cad la yod la mthong bar mi nus pa tsam du zad de/ bud med dbul mo de nyid la gter yod pa dang 'dra'o/ /
148b1 rigs kyi bu/ ngas sems can thams cad la de bzhin gshegs pa'i snying po yod do/ /zhes yang dag par bstan par bya ste/ ji ltar dbul mo des gter chen po yod par bstan kyang mi
148b2 shes pa de bzhin du sems can thams cad la de bzhin gshegs pa'i snying po yod pa'ang nyon mongs pa'i rnam pas bsgribs pas sems can rnams kyis mi shes shing ma mthong nas de
148b3 dag la de bzhin gshegs pas bstan te/ de dag mgu nas de bzhin gshegs pa la skyabs su 'gro'o/ /gsol pa/ bcom ldan 'das/ sangs rgyas kyi khams mchis par da bdag gis
148b4 rtogs te/ gdams ngag ston par mdzad pa'i de bzhin gshegs pa nyid ni/ thabs dang ldan ba'i mi de dang 'dra bar blta bar bgyi'o/ /sems can thams cad ni/ bud med dbul mo
148b5 dang 'dra bar blta bar bgyi'o/ /bka' stsal pa/ rigs kyi bu/ gzhan yang dper na/ bud med cig yod la de'i bu shin tu chung ba nad pa zhig yod de/ de'i skabs su bud med des sman pa
148b6 bkug nas sman pa des byis pa de kha ra dang sbyar ba'i sman mar blud nas de'i ma la bsgo ba/ che zhe/ khyod kyis sman mar ma zhu ba'i bar du byis pa la nu ma ma blud cig /ces byas nas bud
148b7 med des de nur mi gzhug par bya ba'i phyir bdag gi nu ma gnyis nim+pa'i lo ma btags pa'i lde gus bskus nas rang gi bu la'ang 'di skad ces bsgo ste/ bu gcig /nga'i nu ma dug gis
149a1 bskus kyi/ bu gcig /khyod ma nu zhig ces byas so/ /de nas khye'u de skom ste nu ma nu'o/ /snyam du bsam na'ang nu ma nim+pa'i lo ma'i dri bro nas ngus te cho ga'i mthar
149a2 ma phyin gyi bar du rang sdod do/ /de nas cho ga zin nas bud med des rang gi nu ma gnyis chus bkrus nas bu de la smras pa/ kye bu gcig /da ni/ nu ma nus shig ces byas na/ khye'u des
149a3 dug yod snyam ste nur ma btub nas ngu zhing 'dug ste blta'ang mi lta'o/ /de nas yang smras pa/ sngar ni/ khyod kyi sman mar de ma zhu ba la thogs te nu ma nur mi gzhug pa'i phyir ngas nu
149a4 ma gnyis nim+pa'i lo ma'i lde gus bskus te/ khyod la gnod par 'gyur zhing shir dogs nas nur ma bcug pa yin gyi/ da ni/ nus shig /ces byas nas nur bcug ste/ des kyang
149a5 dal bus nu ma nus so/ /rigs kyi bu/ de bzhin du ngas kyang sngar ni/ gdul par bya ba'i dbang gis byis pa'i sman mar zhu bar bya ba bzhin du/ dge slong rnams kyi 'jig rten pa'i
149a6 lta ba gzhom par bya ba'i phyir dang / 'jig rten las 'das pa'i che ba nyid yang dag par bstan pa'i phyir dang / 'jig rten pa'i bdag nyid de kho na nyid rdzun par yang dag par
149a7 bstan pa'i phyir dang / bdag med par sgom pas lus rnam par dag par bya ba'i phyir dge slong dag chos thams cad bdag med par sgoms shig /de ltar bsgoms dang ngar 'dzin
149b1 pa spong bar 'gyur ro/ /ngar 'dzin pa yongs su spangs na/ mya ngan las 'das pa thob par 'gyur ro/ /zhes byas te/ ji ltar byis pa'i mas rang gi nu ma nim+pa'i lo ma'i lde gus bskus pa
149b2 de bzhin du ngas kyang chos thams cad bdag med par stong pa nyid du sgoms shig ces byas so/ /ji ltar byis pa'i ma des phyis rang gi nu ma bkrus te bu la smras pa/ sngar ni/ khyod kyi sman
149b3 mar ma zhu bar bya ba'i phyir nu ma nur ma bcug gi /da ni/ nus shig ces zer ba de bzhin du/ ngas kyang 'jig rten pa'i chos las bsgyur ba'i phyir de skad ces bstan te/ bdag med do/ /
149b4 zhes byas nas da ni/ nga de bzhin gshegs pa'i snying po yod ces ston gyi/ dge slong dag byis pa bzhin du ma skrag par ji ltar byis pa des brtags nas phyir yang ma'i nu ma nu bar byed pa de
149b5 bzhin du dge slong dag/ khyed kyis kyang bdag cag la de bzhin gshegs pa'i snying po yod do/ /snyam du brtags nas sgom pa la brtson par gyis shig dang da bstan to/ /gsol pa/ 'di
149b6 ni/ byis pa btsas ma thag tu shes pa chung la shes pa ma mchis pa ni/ gsal bar 'gyur ba mi rigs lags so/ /gal te bdag mchis na ni/ shes pa dang / blo gros dang yang ldan pa'i
149b7 rigs lags so/ /gal te shes pa zhan pa lags na ni/ gsal bar 'gyur ba'i yang mi rigs pas na/ bdag ni/ bdag ma mchis zhes mchis lags so/ /de ci'i slad du zhe na/ bdag
150a1 rtag pa lags na/ skyes slan chad 'gum pa'i mi rigs lags so/ /gal te de bzhin gshegs pa'i khams rtag pa lags na/ tha dad pa'i bye brag kyang de la
150a2 snang ste/ bram ze dang / rgyal rigs dang / rje'u rigs dang / dmangs rigs dang / gdol pa dang / dud 'gro'i skye gnas su gyur pa'i las kyi bye brag rnams las skye ba'i bye brag tha dad
150a3 pa dag kyang snang lags so/ /gal te bdag mchis na/ bye brag ma mchis pa'i bdag ni/ mnyam pa nyid lags te/ de lta na/ de la khams ma mchis lags so/ /gal te khams
150a4 mchis na/ gsod pa dang / pha rol gyi nor rku ba dang / 'khrig pa la sogs pa mi dge ba bcu'i las kyi lam rnams la ci'i slad du 'jug lags/ chang 'thungs pas ci'i slad du ra ro bar
150a5 'gyur lags/ gal te sems can gyi khams rtag pa lags na/ de lta na 'on pa rnams kyang rna bas thos par 'gyur ba'i rigs/ long ba rnams kyang mthong bar 'gyur ba'i rigs/
150a6 lkug pa rnams kyang smra mkhas par 'gyur ba'i rigs lags so/ /gal te bdag sems can gyi khams de rtag pa lags na/ bad kan dang / nur nur po dang / sngon po dang / ser
150a7 po'i tshogs rnams bdag gang gi nang na gnas lags/ bdag de'ang de rnams kyi go skabs gang na gnas lags/ 'on te rlan dang 'dra bar thams cad du gnas lags sam/
150b1 gal te de lta na ni/ mi g.yul du mchis pa'i rna ba dang / sna chad na/ bdag de'i yang nyid lag nyams par 'gyur ba'am/ lag rdum du 'gyur ba'i rigs lags so/ /bka' stsal pa/
150b2 rigs kyi bu/ dper na/ rgyal po la la zhig gi gyad kyi dpral ba'i smin mtshams su rin po che rdo rje btags pa las gyad de gyad gzhan zhig dang stobs 'gyed de/ de gnyis lug
150b3 bzhin du 'gyed pa las gyad gcig shos kyi mgo bos brdungs te gyad de'i dpral ba snad par byas nas smin mtshams gyi rgyan ril gyis nang du nub par byas na/ gyad des ma tshor te
150b4 bdag gis rdo rje gar gzhig cig gu snyam ste/ des sman pa bkug nas rma kha 'chos su bcug go /sman pa de'ang thabs mkhas shing yid rno ba zhig ste/ rma 'di ni/ nor bu de las gyur to/ /
150b5 snyam du shes nas rdo rje de dpral ba'i nang du nub cing 'dug go /snyam ste/ des gyad de la kyi mi/ khyod kyi nor bu de gar song zhes dris pa dang / des sman pa de la smras pa/ kye ma sman pa/ nga'i
150b6 smin mtshams gyi rgyan rdo rje de stor gor ma chag go /kye hud bdag gis gang tse'i nang du bcug gam gar bcug pa ma shes te/ sgrom bu'i nang du btsal na'ang ma rnyed do/ /kye hud phung gi med
150b7 do| |chu'i chu bur bzhin du med par gyur na/ ci sgyu ma lta bur gyur tam zhes zer ro/ /de nas de la sman pas smras pa/ kye mi/ khyod de ltar mya ngan ma byed cig /khyod kyi rdo rje de ni/ rma'i nang du
151a1 nub nas sha dang / khrag dang / rnag gi nang na 'bar zhing 'dug ste/ khyod stobs 'gyed pa la yid brel nas ma tshor bar zad do/ /zhes sman pa des de skad byas kyang
151a2 yid mi ches te/ 'o na rnag khrag dang bcas te ci'i phyir ma byung / yang na chu ba la thogs te 'dug gam/ khyod de skad du ma smra zhig ces sman pa de la de skad ces smras so/ /de nas sman
151a3 pa des rdo rje de phyung nas de la bstan te/ des mthong nas ngo mtshar du gyur pa de bzhin du sems can thams cad la de bzhin gshegs pa'i snying po yod mod kyi/ sems can rnams kyis
151a4 ni| de mi shes te/ mi dge ba'i grogs po la brten pa'i nyes pa dang / 'dod chags dang / zhe sdang dang / gti mug gis non pas sems can rnams sems can dmyal ba dang /
151a5 dud 'gro dang / yi dwags dang / lha ma yin dang / gdol pa dang / bram ze dang / rgyal rigs dang / rje'u rigs dang / dmangs rigs rnams su skye bar 'gyur ro/ /bdag gi nyes
151a6 pa'i stobs dang / 'dod chags dang / zhe sdang dang / gti mug gis mi shes pas sems can rnams glen pa dang / 'on pa dang / long ba dang / lag rdum dang / gzhogs bskams
151a7 dang / dri ma sna tshogs kyis gos pa dang / mig ser pa dang / sran sde'u'i mdog ltar 'dug pa dang / me tog ku ran+ta ka'i mdog ltar 'dug pa dang / mig dmar ser du 'dug pa
151b1 dang / srid pa nyid shu rtsa lnga dag tu rnam pa sna tshogs su 'gyur ro/ /ji ltar gyad de rang gi lus la rdo rje 'dug kyang 'du shes nyams pas stor ba'i 'du shes su rtog pa de bzhin du sems can
151b2 'jig rten pa rnams bdag gi de kho na nyid ma rtogs pa dang / mi dge ba'i grogs po'i dbang du gyur pa dang / dgongs pa'i tshig mi shes pas bdag yod bzhin du bdag med par sgom
151b3 par byed do/ /bdag med pa mi sgom pa rnams ni/ 'jig rten pa'i bdag sgom par byed do/ /ji ltar 'jig rten pa'i bdag yod do/ /zhes bdag gi de kho na nyid ma rtogs pa bzhin du 'jig
151b4 rten las 'das pa'i yang de dang 'dra ste/ mi dge ba'i grogs po la brten pa dgongs pa'i tshig gi mtha' mi shes pas bdag med do/ /bdag med do/ /zhes sgom bzhin du bdag med
151b5 pa'i de kho na nyid mi shes te/ bdag ga la yod/ ga na gnas/ ci rdza ma'i nang na rdza ma 'dug pa lta bu zhig gam/ 'on te rlan lta bur khyab par 'dug gam/ gyad rmongs pa'i smin mtshams
151b6 kyi rgyan lta bur 'dug gam snyam pa la sman pa bzhin du de bzhin gshegs pas de dag la 'di skad du bdag ni/ thams cad du gnas pa ma yin la/ rin po che rdo rje ltar 'od gsal zhing
151b7 nyon mongs pa'i rnam pas bsgribs pa yin no/ /zhes bka' stsal te/ de skad ces bka' stsal pa la sems can rnams yid ches par 'gyur la nyon mongs pa zad par bya dgos pa
152a1 tsam du zad do/ /de nas rdo rje bzhin du de bzhin gshegs pa'i snying po mthong bar 'gyur ro/ /rigs kyi bu/ de ltar na/ de bzhin gshegs pa'i snying po ni/ dpag tu med
152a2 do| |gzhan yang rigs kyi bu/ dper na/ gangs kyi ri la bcud kyi khams bud pa'i bcud ces bya ba zhig yod de/ de shing gel pa'i nags stug pos gzings shing 'dug kyang de dri bsung
152a3 gis mngon te/ sngon 'khor los bsgyur ba'i rgyal po zhig gis de'i don du ngos so so nas wa btsugs nas bcud kyi khams de las wa la la'i kha nas ni/ khu ba skyur ba 'byung / /la la'i
152a4 kha nas ni/ lan tshwa'i ro 'byung / la la'i kha nas ni/ mngar ba 'byung / la la'i kha nas ni/ tsha ba 'byung / la la'i kha nas ni/ kha ba 'byung / la la'i kha nas ni/ bska ba 'byung ste/ bcud
152a5 kyi khams de lta bu de nags kyi nang na nam mkha' la lding ngo / /bcud ro gcig pu de 'dra ba de las ro tha dad pa sna tshogs 'byung la ro de dag kyang phan tshun 'dre bar mi 'gyur te/ bcud
152a6 kyi khams de'ang zla ba'i dkyil 'khor bzhin du yongs su khyab par 'dug go /de de ltar 'dug kyang sems can gzhan dag gis ni/ shing gel pa'i nags de'i nang du zhugs te 'jor
152a7 dag gis brkos kyang sems can skal ba chung ngu rnams kyis thob par mi 'gyur la/ 'khor los bsgyur ba'i rgyal pos ni/ bsod nams kyi mthus thob par 'gyur ba de bzhin du rigs
152b1 kyi bu/ de bzhin gshegs pa'i snying po ni/ bcud kyi khams dang 'dra ba la nyon mongs pa'i rnam pas bsgribs shing 'dug ste/ sangs rgyas su 'gyur ba'i rgyur ro gcig tu zin kyang de las
152b2 sems can rnams kyi las kyi rnam par smin pas ro mang por 'gyur te/ skyes pa dang / bud med dang / ma ning rnams 'byung bar 'gyur ro/ /de bzhin gshegs pa'i khams de ni/ skyes
152b3 bu'i rang bzhin yin te/ de bas na/ srog bcad pas srog chags gsad par mi 'gyur ro/ /gal te srog chags bsad par gyur na ni/ 'tsho ba po gtan med par byas par 'gyur la/
152b4 'tsho ba po gtan med par 'gyur ba ni/ mi srid do/ /de la 'tsho ba po zhes bya ba ni/ de bzhin gshegs pa'i snying po yin la khams de ni/ gzhig pa'am/ gsad pa'am/ gtan med par
152b5 bya mi nus la sangs rgyas nyid ma thob kyi bar du shin tu rnam par dag par mthong bar yang mi nus so/ /de bas na/ srog chags gsod pa'i mi med do/ /gsol pa/ ma mchis zhes bgyir
152b6 mi rung ste/ gal te ma mchis su lags na/ srog chags bkum pas sdig par mi 'gyur ba'i rigs lags so/ /bka' stsal pa/ yod do/ /zhes brjod par bya ste/ ji lta zhe na/ phyi rol
152b7 gyi bsags pa'i khams shing gel pa dang 'dra ba de bsad pa la srog gcod pa zhes bya ste/ de bas na/ srog bcad pas de sdig pa'i tshogs kyis ngan 'gror 'gro bar 'gyur la/ las
153a1 ngan pa'i rnam par smin pas bram ze dang / rgyal rigs dang / rje'u rigs dang / dmangs rigs dang / gdol pa dang / bya dang / ri dwags dang / mtshan ma tha dad pa gsum
153a2 gyi ming dang / blo tha dad pa dang / srid pa nyi shu rtsa lnga dag tu sems can rnams nying mtshams sbyor bar 'gyur ro/ /'jig rten pa rnams kyi bdag ni/ ldum bu sha ma ka'i 'bras bu tsam dang /
153a3 'bras kyi 'bru tsam dang / mthe bo tsam zhes bya ba la sogs par rtog pa ste/ mi bden pa'i rtog pa yin no/ /'jig rten las 'das pa'i rtog pa ni/ sangs rgyas kyi khams yod par
153a4 rtog pa gang yin pa ste/ don dam pa'i bden pa'i rtog pa yin no/ /rigs kyi bu/ gzhan yang dper na/ gter gyi 'byung khung gi dpyad shes pa'i mis 'jor ram/ rko ba'i dpyad
153a5 gzhan dag gis gtar brkos na/ rdo dang gseg ma thams cad ni/ phye mar rlog par nus la/ rdo rje ni/ nam yang cung zad kyang chod par mi nus te/ mtshon cha thams cad kyis kyang
153a6 rdo rje rin po che mi chod pa de bzhin du rigs kyi bu/ de bzhin gshegs pa'i snying po skye ba po'i bdag ni/ lha dang bdud bye ba snyed kyis kyang mtshon cha thams cad kyis gcod par mi
153a7 nus la bsags pa'i khams ni/ rdo dang gseg ma bzhin du phye mar rlog nus so/ /de bzhin gshegs pa'i snying po 'tsho ba po ni/ rdo rje rin po che dang 'dra ste/ de bas na/ mi rnams kyi
153b1 srog bcad pas 'tsho ba 'jig par 'gyur te/ de'i phyir bsags pa'i khams bshig pas srog chags bsad par 'gyur ro/ /rigs kyi bu/ de ltar na/ sangs rgyas kyi bstan pa shin tu
153b2 rgyas pa ni/ mchog tu cha phra ba ste/ bdud rtsi'i mchog kyang yin no/ /dug gi mchog kyang yin no/ /gsol pa/ bcom ldan 'das/ ci las dgongs te/ shin tu rgyas pa ni/ bdud rtsi'i
153b3 mchog kyang lags/ dug gi mchog kyang lags zhes bka' stsal lags/ bka' stsal pa/ rigs kyi bu/ khyod dgongs pa'i tshig 'di shes par 'dod dam/ gsol pa/ bcom
153b4 ldan 'das/ dgongs pa'i tshig gsung gi mchog shes par 'tshal lags so/ /de nas bcom ldan 'das kyis de'i tshe tshigs su bcad pa 'di dag bka' stsal to/ /kha cig bdud
153b5 rtsi 'thungs pas 'chi mi 'gyur/ /kha cig gis ni 'thungs na 'chi bar 'gyur/ /kha cig dug 'thungs pas kyang 'chi mi 'gyur/ /kha cig gis ni 'thungs na 'chi bar 'gyur/ /theg pa chen
153b6 po 'di la ni/ /chags med ye shes bdud rtsi yin/ /mtshungs pa med pa'i ye shes mchog /de nyid dug yin zhes kyang bstan/ /zhu ba'i 'og tu za ba la/ /mar gyi nying khu sbrang rtsi dang / /kha ra
153b7 rnams ni bdud rtsi bzhin/ /ma zhu za la dug tu 'gyur/ /de bzhin rab rgyas bdud rtsi'i mchog /dgongs pa'i tshig la mi mkhas shing / /byis pa'i blo dang ldan rnams la/ /mi bzad pa yi
154a1 dug tu 'gyur/ /rang rgyal nyan thos rnams kyang ni/ /rtag tu de dang 'dra ba yin/ /theg chen sman mchog de dag la/ /ba yi 'o ma 'thung ba bzhin/ /byang chub sems
154a2 dpa' 'jigs med pa/ /mi mchog brtan po de dag ni/ /theg pa chen pos nges par 'byung / /'od srung de ltar shes nas ni/ /bdud rtsi rtag pa khams kyi dbyings/ /de la dang 'dir
154a3 skyabs mchog song / /bdud rtsi mchog gi khams da ni/ /nga yi khams yin sems can khams/ /rtag tu nga la skyabs song na/ /skyabs gsum bdag nyid khams su 'gyur/ /nga
154a4 yi sku la khams yod kyi/ /bdag nyid 'di la khyod zhugs shig /sangs rgyas chos dang dge 'dun rnams/ /nga yi khams kyi rang bzhin te/ /gsum po rin chen mchog yin zhes//
154a5 bcom ldan 'das kyis tshigs bcad gsungs/ /gsol pa/ 'jigs med ji ltar skyabs mchi ba/ /bdag gi glo bar ma chud lags/ /dkon mchog gsum yang ma 'tshal te/ /
154a6 bdag med la ni ji ltar mchi/ /sangs rgyas skyabs su mchis na yang / /ji ltar dbugs ni phyin par 'gyur/ /ci yi slad du mi rnams ni/ /chos la skyabs su mchi bar bgyid/ /ci
154a7 zhig gis ni rang dgar 'gyur/ /ci zhig gis ni mi 'gyur lags/ /dge 'dun la ni skyabs mchis na/ /skyabs gsum mchog tu ji ltar 'gyur/ /ma 'ongs pa na sangs rgyas
154b1 nyid| |yang dag bden par ji ltar 'thong / /phyi ma'i don du skyabs kyi gzhi/ /gsum po dag kyang ji lta bu/ /them skas lta bur bdag gis mthong / /ye shes gud na gzhan ma mchis/ /bu skyes
154b2 pa ni ma mchis par/ /bu zhes kyang ni ji skad bgyi/ /bu chags na ni skye 'gyur te/ /bsam dang las kyi don kyang mchis/ /thub pa khyod ni ci gsung ba/ /blo med rnams kyis mi rtogs te/ /'khor
154b3 ba'i btson rar thams cad kyang / /'khor lo gcig tu 'khyams par 'gyur/ /de phyir de dag ming tsam gyis/ /dge bsnyen du yang mi 'gyur lags/ /thub pa bdag la phye ste gsungs/ /the tshom myur
154b4 du gcad par gsol/ /ye shes che ldan de bzhin gshags/ /dgongs pa ci 'dra bstan du gsol/ /bcom ldan 'das kyis bka' stsal pa/ /byang chub sems dpa' sems dpa' che/ /
154b5 'od srung chen po dam pa mchog /dgongs pa de yang bstan par bya/ /khyod kyi the tshom gcad par bya/ /sangs rgyas la ni skyabs song bas/ /dge bsnyen nyid ni thob par 'gyur/ /lha rnams de
154b6 dag thams cad ni/ /de tshe de yi skyabs ma yin/ /chos la skyabs su song na yang / /'dir ni 'tsho ba spong bar 'gyur/ /dge 'dun la yang skyabs song na/ /de bzhin dge bsnyen dag tu
154b7 'gyur| |de na 'di las phyi rol rnams/ /de yi yon gnas ma yin la/ /de ltar 'jigs pa med pa rnams/ /skyabs kyi gzhi gsum thob par 'gyur/ /gsol pa/ de phyir dngos gsum
155a1 'jig pa la/ /bdag ni skyabs su mchi bar bgyi/ /'di ni dam pa rnams kyi lam/ /'di nyid sangs rgyas chos nyid lags/ /thub pa chen po rtag tu yang / /gzhi
155a2 gsum po ni mnyam pa nyid/ /bdag kyang khyod dang 'dra bar ni/ /gnas 'dir bla na med pa lags/ /lam 'di bde bar gshegs pas bsngags pa ste/ /der mchis pa ni yang dag
155a3 bzhugs pa lags/ /kun tu spyan yang de yis nges par 'byung / /lam 'di bde bar gshegs pas bsngags pa ste/ /de phyir bdag kyang sangs rgyas rnams kyi lam/ /lam mchog
155a4 rgya chen 'dir ni mchis par bgyi/ /gal te bdud ni bdud rtsi dang stsol kyang / /srid pa dag na bdag ni skyabs mi mchi/ /de nas bcom ldan 'das kyis de la 'di skad ces bka' stsal
155a5 pa| khyod byis pa nyan thos kyi theg pa pa bzhin du ma 'dzin cig /gcig bu la skyabs su song zhig /ye shes 'di la ni/ skyabs gsum med de/ chos dang / dge 'dun 'du ba'ang med
155a6 do| |sangs rgyas nyid chos kyang yin/ dge 'dun yang yin te/ de bzhin gshegs pa nyid gzhi gsum pa yin no/ /nyan thos kyi theg pa las ni/ byis pa rnams kyi 'jig rten
155a7 pa'i lta ba gsal ba'i phyir gzhi gsum pa gzhag go /gal te khyod 'jig rten pa dar mthun par byed na/ de'i tshul gyis skyabs kyi gzhi gsum du 'gro bar gyis la bdag
155b1 sangs rgyas la skyabs su song nas sku gcig par gyur cig /de nas sangs rgyas nyid du gyur nas de bzhin gshegs pa'i rlabs byed par gyur cig /de bzhin gshegs pa dang mnyam par
155b2 gyur nas sangs rgyas rnams la thal mo btud par mi bya'o/ /bdag sems can thams cad kyi skyabs chen po lta bur gyur cig /bdag gis chos kyi sku'ang mi gtang bar sangs rgyas kyi
155b3 khams dang mchod rten la phyag bya'o/ /phyag byed mi 'dod pa'i sems can thams cad kyi mchod rten lta bur bdag gyur cig /bdag gi lus sems can thams cad kyis phyag bya ba'i
155b4 gnas su gyur cig /bdag chos la skyabs su song nas chos kyi skur gyur cig /de kho na nyid ma yin pa'i chos sgom pa'i sems can thams cad bdag gis mda' gcig nas gcig
155b5 tu brgyud pa bzhin du byed par gyur cig /bdag dge 'dun la skyabs su song nas sbrang bu dang 'dra ba'i dge 'dun rnams kyi skyabs lta bur gyur cig /bdag skyabs su 'gro ba la
155b6 'jug pa'i tshul gyis sems can rnams kyi sangs rgyas dang / chos dang / dge 'dun lta bur gyur cig /bdag dmus long dang 'dra ba'i dge 'dun rnams kyi mig lta bur gyur
155b7 cig /bdag la nyan thos dang rang sangs rgyas sbrang bu dang 'dra ba thams cad skyabs su 'ong bar shog cig /ces gyis shig /rigs kyi bu/ de ltar na/ byang chub sems dpa' sems
156a1 dpa' chen po rnams ni/ byis pa rnams la sdig pa'i phung po zad mi shes pa lta bu'ang yin no/ /mkhas pa rnams ni/ de dag nyid sangs rgyas lta bu'ang yin no/ /
156a2 dper na/ dpa' bo yang dag pa ni/ g.yul du 'thab pa na 'di snyam du sems te/ bdag gis dpa' bo thams cad pham par byas nas thams cad bdag la skyabs su 'ong bar bya'o/ /
156a3 snyam du sems pa dang / dper na/ rgyal po'i bu ni/ rgyal po brje ba'i skabs su rgyal po'i bu thams cad las 'das par byas te bdag gis rgyal po bya'o/ /rgyal po'i bu thams
156a4 cad kyi mnga' bdag tu 'gyur bar bya'o/ /bdag la de dag skyabs su 'ong bar bya'o/ /bdag gis dman pa'i sems bskyed par mi bya'o/ /snyam du sems pa lta bu ste/ dpa' bo
156a5 rnams dang / rgyal po dang / blon po'ang rung ste/ shin tu mchog tu gyur pas khyad par du 'phags pa de lta bu'i rang bzhin can rnams ni/ /rang gi yon tan dang 'tsham pa'i bya ba sgrub
156a6 par byed do/ /rigs kyi bu/ de bzhin du byang chub sems dpa' sems dpa' chen po ni/ gzhi gsum las 'da' bar 'gyur ba'i sems dang ldan pa yin no/ /de bas na rgyal
156a7 po'i bu dang dpa' bo bzhin du mi 'jigs par snying stobs skyed cig dang / ngas gzhi gsum tha dad pa med pa dang / gsum gyi nang na de bzhin gshegs pa dam pa yin par ngas
156b1 bstan to/ /lus thams cad kyi nang na mgo bo gtso bo yin pa de bzhin du sangs rgyas nyid gtso bo yin la ji ltar lus las mgo bo gud na 'dug pa'ang ma yin/ lag pa gud na 'dug pa'ang
156b2 ma yin/ rkang pa gud na 'dug pa'ang ma yin pa de bzhin du sangs rgyas gud na 'dug pa'ang ma yin/ chos gud na 'dug pa'ang ma yin /dge 'dun gud na 'dug pa'ang ma yin no/ /
156b3 'on kyang tha dad du dbye ba ni/ byis pa rnams nges par bsgral ba'i phyir them skas dang 'dra bar bstan pa yin no/ /chos kyi de kho na nyid du ni/ gzhi gsum po la tha dad du dbye bar ma lta
156b4 zhig /byis pa bzhin du rmongs par byed pa'i tshig rnams ma 'dzin cig /ur mo'i ral gri bzhin du sems rno bar gyis shig /ye shes chen po dang ldan par gyis shig /de nas
156b5 bcom ldan 'das la byang chub sems dpa' sems dpa' chen po 'od srung chen po dang rus gcig pas 'di skad ces gsol to/ /dpa' bo chen po bcom ldan 'das/ glo bar chud
156b6 bzhin du byang chub sems dpa'i spyod pa dri ma med pa bshad par gsol ba'i slad du bdag gis zhus lags so/ /bcom ldan 'das/ kye ma byang chub sems dpa'i spyod pa theg pa chen
156b7 po bla na med pa shin tu rgyas pa ur mo'i ral gri lta bu legs par bka' stsal to/ /kye ma legs par bzhag go/ byang chub sems dpa'i spyod pa bshad pa thos nas bdag gis kyang
157a1 sems can thams cad la bstan par 'tshal lo/ /sems can su'ang rung ste de bzhin gshegs pa'i snying po rtogs par bgyi ba'i slad du mdo 'di la mngon par dad
157a2 pa rnams ni/ rang nyid skyabs gsum lags te/ des ni/ bdag nyid la skyabs su mchi bar bgyi'i/ gzhi gsum la ni/ mi dgos lags so/ /de ci'i slad du zhe na/ de bzhin gshegs
157a3 pa'i snying po sangs rgyas kyi khams mchis pa'i slad du'o/ /rnam par brtags nas bdag gi lus la sangs rgyas kyi khams mchis so/ /zhes brjod par bgyi'o/ /de ltar 'tshal nas des
157a4 skyabs gsum du'ang mchi bar mi bgyi ste/ de nyid chos dang / dge 'dun gyi skyabs su gyur pa dang / nyan thos dang / rang sangs rgyas kyi rnams kyis rtag tu phyag bgyi ba'i gnas lags so/ /
157a5 de bas na/ theg pa chen po sgrub pa brtsam par bgyi'o/ /de ltar na/ sangs rgyas kyi khams dang / mtshan sum cu rtsa gnyis dang / dpe byad bzang po brgyad cu ni/ bsam gyis mi khyab
157a6 lags so/ /bcom ldan 'das kyis bka' stsal pa/ rigs kyi bu/ legs so/ /legs so/ /shes rab rnon pos ni/ de ltar bya dgos so/ /rigs kyi bu/ gzhan yang de bzhin
157a7 gshegs pa'i snying po la 'jug pa ngas bshad par bya'o/ /gal te bdag brtan pa dang ther zug pa yin na ni/ sdug bsngal gyi mtha' yod par mi 'gyur la/ gal te bdag med na'ang
157b1 tshangs par spyod pa thams cad don med par 'gyur ro/ /chos thams cad bdag med pa yin na ni/ de ltar na/ chad par lta bar 'gyur la/ bdag brtan pa yin na ni/ rtag par lta bar 'gyur
157b2 ro| |chos thams cad mi rtag pa yin na ni/ de lta na/ chad par lta bar 'gyur la/ chos thams cad rtag pa yin na ni/ rtag par lta bar 'gyur ro/ /chos thams cad sdug bsngal ba nyid
157b3 yin na ni/ chad par lta bar 'gyur la/ chos thams cad bde ba yin na ni/ rtag par lta bar 'gyur ro/ /thams cad rtag par sgom na ni/ chad par 'dzin par 'gyur la/ thams cad
157b4 chad bar sgom na ni/ myur du rtag par 'dzin par 'gyur ro/ /dper na/ srin bu pad pa rnams mi'i mgo bo la myur du za zhing myur du gnas gcig shos 'dor ba de bzhin du rtag par
157b5 sgom na ni/ thams cad 'dzin pas srin bu pad pa bzhin du 'gyur ro/ /de bas na/ mi dge ba'i chos gzhan dag la ni/ sdug bsngal bar bsgom par bya'o/ /dge ba'i chos gzhan
157b6 dag la ni/ bde bar bsgom par bya'o/ /nyon mongs pa'i rnam pa la sogs pa'i chos gzhan dag la ni/ bdag med par bsgom par bya'o/ /mya ngan las 'das pa la ni/ gzhi dang
157b7 gnas med pa'i phyir de bzhin gshegs pa'i snying po la sogs pa chos gzhan dag la ni/ bdag yod par bsgom par bya'o/ /longs spyod la sogs pa chos gzhan dag la ni/ mi
158a1 rtag par bsgom par bya'o/ /de bzhin gshegs pa'i chos la sogs pa chos gzhan dag la ni/ rtag par bsgom par bya'o/ /gzhi gsum dang thar pa'i de
158a2 kho na nyid ni/ srin bu pad pa za ba lta bu ma yin no/ /sangs rgyas kyi gsung ni/ dbu ma'i lam 'di yin no/ /zhes shes par gyis shig/ sangs rgyas bcom ldan 'das kyis
158a3 ni| chad pa dang rtag pa gnyi ga'i mtha' spangs pa dbu ma'i lam du gsungs so/ /blun po rnams ni/ sangs rgyas kyi gsung la rmongs te/ pho ba'i drod chung ba rnams mar cher
158a4 za ba bzhin du myur du mtha' gnyis su lta bar 'gyur la/ yod ces bya ba'ang ma grub/ med ces bya ba'ang mi 'thad do/ /dper na/ sman pa rnams ni/ mkhris pa la sogs
158a5 pa'i khams rnams 'khrugs te phan tshun mi mthun du zin kyang mkhris pa'i nad la ni/ mkhris pa zhi bar byed/ rlung shas che ba la ni/ rlung sel bar byed/ bad kan can
158a6 la ni| bad kan med par byed/ cha 'dus pa la ni/ cha 'dus pa'i gnyen po byed de/ phan tshun mi mthun par 'gyur ba'ang mi byed la bde ba'ang skyed par byed pa de bzhin
158a7 du sman pa ltar nyon mongs pa'i rnam pa'i nad mtha' yas pa rnams mthar gyis bsal te/ yang dag pa'i khams kyang gso bar gyis shig /yang dag pa'i khams zhes bya ba
158b1 ni| de bzhin gshegs pa'i snying po ste/ sangs rgyas kyi khams zhes bya ba yin gyi/ khams thams cad spangs te rtag pa dang brtan pa la nan tan gyis shig /shes rab can rnams
158b2 kyis ni/ yod pa la'ang chags par mi bya'o/ /med ces bya ba'ang brdzun du smra ba las byung ba yin no/ /yod ces bya ba'ang kha rog ste/ khas blang bar mi bya'o/ /rtsod par yang mi bya ste/
158b3 'di dag rang bzhin gyis chos nyid du shes par bya'o/ /blun po dgongs pa'i tshig mi shes pa rnams kyis ni/ nga'i lus la bde ba'i sa bon de lta bu yod bzhin du sdug bsngal bar
158b4 bstan pa'i phyir rtag tu rtsod par byed de thams cad bzung bas byis pa rnams nga'i lus mi brtan no/ /snyam du sems shing rtog par byed do/ /mi rtag pa bstan na ni/ byis pa rnams
158b5 rdza mkhan gyi snod bzhin du mi rtag go/ snyam du 'dzin to/ /shes rab can rnams kyis ni/ nga'i lus la chos kyi sku'i sa bon de lta bu yod do/ /snyam du shes pas thams cad 'dzin par mi
158b6 byed do| |bdag med pa bstan na ni/ byis pa rnams bstan pa bdag med do snyam du 'dzin to/ /shes rab can rnams kyis ni/ tha snyad du yod do snyam du shes te/ the tshom med do/ /de
158b7 bzhin gshegs pa'i snying po ni/ stong pa yin no/ /zhes bstan na ni/ byis pa rnams chad pa 'jigs su rung ba'i yon po sgom par byed do/ /shes rab can rnams kyis ni/ rtag pa
159a1 dang / brtan pa dang / ther zug pa de sgyu ma tsam du yod par shes so/ /thar pa bstan na ni/ byis pa rnams sangs rgyas rnams kyis thar pa rnyed nas med par
159a2 'gyur ro snyam du 'dzin to/ /shes rab can rnams kyis ni/ /sangs rgyas byon pa dang / gshegs pa yod par shes te mi'i seng+ge'i byon to/ /zhes zer ro/ /byis pa rnams ni/ ma rig
159a3 pa'i rkyen gyis 'du byed rnams zhes bya ba la gnyis su 'dzin to/ /shes rab can rnams kyis ni/ ma rig pa dang / rig pa tha dad pa gnyis su med par shes so/ /byis pa rnams ni/
159a4 'du byed kyi rkyen gyis rnam par shes pa zhes bya ba la gnyis su 'dzin to/ /shes rab can rnams kyis ni/ 'du byed rnams dang / 'du byed pa med pa tha dad pa med pa gnyis su
159a5 med par shes so/ /de bzhin du byis pa rnams dge ba dang / mi dge ba thams cad la tha dad pa gnyis su 'dzin to/ /shes rab can rnams kyis ni/ gnyis su med par
159a6 shes so/ /zhes gsungs so/ /byis pa rnams ni/ kha na ma tho ba dang / kha na ma tho ba med pa la gnyis su 'dzin to/ /shes rab can rnams kyis ni/ de bzhin du gnyis su med
159a7 par shes so/ /zhes gsungs te/ de ni/ shes rab can rnams kyi rang bzhin yin no/ /byis pa rnams ni/ lam dang / lam ma yin pa zhes bya ba la gnyis su 'dzin to/ /shes
159b1 rab can rnams kyis ni/ gnyis su med par shes so/ /zhes gsungs te/ de ni/ shes rab can rnams kyi rang bzhin yin no/ /byis pa rnams ni/ chos thams cad nag po dang / dkar
159b2 po'o/ /zhes bya ba la gnyis su 'dzin to/ /shes rab can rnams kyis ni/ gnyis su med par shes so/ /zhes gsungs te/ de ni/ shes rab can rnams kyi rang bzhin yin no/ /byis
159b3 pa rnams ni/ chos thams cad sdug bsngal ba dang / bde ba tha dad pa gnyis su sgom par byed do/ /shes rab can rnams ni/ gnyis su med par sgom mo/ /zhes gsungs te/
159b4 de ni/ shes rab can rnams kyi rang bzhin yin no/ /byis pa'i blo can rnams ni/ de bzhin gshegs pa'i snying po la 'dus byas thams cad mi rtag pa'o/ /zhes sgom par byed do/ /
159b5 shes rab can rnams kyis ni/ gnyis su med par shes so/ /zhes gsungs te/ de ni/ shes rab can rnams kyi rang bzhin yin no/ /byis pa rnams ni/ sangs rgyas kyis bdag med
159b6 par gsungs pa la chos thams cad bdag med par 'dzin to/ /shes rab can rnams kyis ni/ bdag yod pa dang / bdag med pa gnyis su med par shes te/ de ni/ shes rab can
159b7 rnams kyi rang bzhin yin no/ /de bzhin gshegs pa'i snying po dpag tu med pa sangs rgyas kyis bsngags pa ni/ bsod nams thams cad bsdus pa'i mdo las ngas bstan te/
160a1 bdag yod pa dang / bdag med pa gnyis su med par gzung bar bya'o/ /rigs kyi bu/ bsod nams thams cad bsdus pa'i mdo dang / shes rab kyi pha
160a2 rol tu phyin pa'i mdo chen po las gnyis su med pa la 'jug pa'i snang ba de nyid las bdag yod pa dang / bdag med pa gnyis su med par ngas bstan pa de rjes su dran par
160a3 gyis shig/ //'phags pa yongs su mya ngan las 'das pa theg pa chen po'i mdo/ bam po bcu pa/ dper na/ 'o ma las zho byung / zho las mar 'byung / mar las zhun
160a4 mar byung / zhun mar las mar gyi nying khu 'byung na/ de la ci zho de 'o ma'i dngos po dang mgo mnyam du byung ngam/ 'on te zho rang nyid byung ngam/ de bzhin du ci mar de zho'i dngos
160a5 po dang mgo mnyam du byung ngam/ 'on te mar rang nyid byung ngam/ de bzhin du ci zhun mar de mar gyi dngos po dang mgo mnyam du byung ngam/ 'on te zhun mar rang nyid byung ngam/ de
160a6 bzhin du ci mar gyi nying khu de zhun mar gyi dngos po dang mgo mnyam du byung ngam/ 'on te mar gyi nying khu rang nyid byung ngam/ 'on te snum de gzhan zhig nas byung ngam/ gal te
160a7 gzhan zhig las byung na/ de lta na gang las byung / de ste 'o ma med par zho byung na ni/ 'o ma mi dgos par 'gyur re/ gal te de lta na ni/ rang bzhin can du 'gyur la zho'i rgyu
160b1 dang rtags gnyis kyang snang ngo / /de bas na/ gcig nas gcig tu brgyud de byung ba'ang yin la/ dngos po de dag dang mgo mnyam du gcig nas gcig tu brgyud de byung zhes kyang mi bya'o/ /
160b2 gal te dngos po de dag dang mgo mnyam du ma byung na'ang de lta na ye med dam/ ba las byung ba'i zhun mar yang gzhan las byung ba ma yin la/ rang bzhin can de'ang thams cad la
160b3 yod mod kyi/ 'on kyang nyes pas bsgribs pa dang / phan tshun du 'dres pa'i tshul du 'dug pa'i phyir mi mngon te/ nga'i zas kyi nyes pas 'o ma khrag gi dri nga ba bro la/ bas rtswa mngar zos
160b4 na ni/ 'o ma'ang mngar ba 'byung ngo / /rtswa ro tsha ba zos na ni/ 'o ma ro tsha ba 'byung ngo / /gangs kyi ri la rtswa'i rigs snum can zhes bya ba zhig yod de/ bas de zos na ni/ 'o ma mar gyi nyid
160b5 khu'i rang bzhin kho nar 'byung ste/ dkar ba'ang ma yin/ sngo ba'ang ma yin/ /dmar ba 'ang ma yin/ /sngo skya'ang ma yin pa mar gyi nying khu'i rang bzhin kho nar 'byung ste/ de ltar rtswa'i
160b6 bye brag gi 'o ma mdog ngan pa dang / mdog bzang por 'gyur ba de bzhin du ma rig pa dang / rig pa gnyis su med mod kyi/ sems can rnams kyi las kyi nyes pas rig pa gang
160b7 yin pa de nyid ma rig pa lta bur gyur te/ dge ba dang / mi dge ba'i chos thams cad kyang gnyis su med pa kho na'o/ /de bas na/ sngar bstan pa kho na bzhin du de bzhin gshegs
161a1 pa'i snying po ni/ mar gyi nying khu lta bu'i rang bzhin can yin mod kyi/ nyon mongs pa'i rnam pa'i nyes pa gzhan du snang bar gyur to/ /dper na/ rgya mtsho'i chu ni/
161a2 lan tshwa'i don gcig pu byed par zad mod kyi/ lan tshwa'i don gcig pu byed pa'o/ /zhes brjod par mi bya ste/ rgya mtsho'i nang na'o ma'i rgya mtsho zhes bya ba'ang yod do/ /gangs kyi ri la'ang
161a3 sman yod pa'i phyir yon tan las smos te/ gangs kyi ri la ni/ dug kyang yod mod kyi/ 'on kyang sman gtso bor smos pa de bzhin du lus 'di'ang de dang 'dra ste/ sbrul gdug pa
161a4 lta ba'i khams bzhi'i dug dang ldan mod kyi/ sman gyi rgyal po de bzhin gshegs pa'i snying po de yod pas na/ de bzhin gshegs pa'i snying po thog ma nas bcos ma ma yin
161a5 pa'i khams yin la/ nyon mongs pa rnams ni/ glo bur du byung ba yin te/ sangs rgyas su 'gyur bar 'dod pa su'ang rung ba rnams kyis ni/ nyon mongs pa'i rnam pa rnams
161a6 gzhom par bya'o/ /dper na/ nam mkha' las 'brug sgra bsgrags na/ sha mo myur bar rab tu skye bar 'gyur la/ sos ka na ni/ sha mo'i ming yang med do/ /'brug sgras 'thon
161a7 par 'gyur pa de bzhin du de bzhin gshegs pa'i snying po de'ang nyon mongs pa'i rnam pas bsgribs pas bdag med pa bzhin du snang la/ mdo chen po 'di thos pa gang yin pa
161b1 de dag yongs su mya ngan las 'das pa chen po 'di thos ma thag tu sha mo bzhin du de bzhin gshegs pa'i snying po'i shes pa skye bar 'gyur ro/ /mdo sde thams cad dang / ting nge 'dzin
161b2 thams cad ni/ sos ka'i dus dang 'dra ste/ mdo sde thams cad dang / ting nge 'dzin thams cad thos pas ni/ de bzhin gshegs pa'i snying po yod par yang dag par mi shes
161b3 so| |dbyar gyi nam la sha mo skye ba bzhin du yongs su mya ngan las 'das pa chen po mdo chen po 'di las dgongs pa'i tshig gsang ba thams cad 'byung ste/ mdo sde 'di thos ma thag
161b4 tu dbyar gyi nam la sha mo skye ba bzhin du sems can thams cad kyis de bzhin gshegs pa'i snying po yod par yang dag par shes par 'gyur ro/ /de la don chen po rgyas par byed
161b5 pas na/ yongs su mya ngan las 'das pa chen po zhes bya ste/ yongs su mya ngan las 'das pa chen po'i mdo chen po 'di la slob pa gang yin pa de dag ni/ nga la drin du gzo ba yin
161b6 no| |gsol ba/ bcom ldan 'das/ kye ma de bzhin gshegs pa'i snying po ni/ nyan thos dang rang sangs rgyas thams cad kyis mthong bar shin tu dka' ba dang / rjes su shes
161b7 par shin tu dka' ba dang / bzod par shin tu dka' ba lags so/ /bcom ldan 'das kyis bka' stsal pa/ rigs kyi bu/ de ni/ de bzhin no/ /rigs kyi bu/ de ni/ de bzhin te/
162a1 da'ang de kho na skad zer ro/ /gsol ba/ ji ltar mthong bar dka' ba lags/ bka' stsal pa/ rigs kyi bu/ dper na/ long ba brgya zhig yod la/ long ba de dag
162a2 mig gis mthong bar 'dod pa'i phyir sman pa chen po mig mkhan zhig gnyer nas sman pa des de dag gis mig dpyad byas te/ de dag gi mig spris yog pa bsal nas rang gi
162a3 sor mo gcig bstan te de re re la 'di skad du/ kye mi khyod kyis nga'i sor mo ltos shig dang / khyod kyi dpyad legs sam ma legs pa mngon no/ /zhes zer ro/ /de nas dpyad byas
162a4 su zin kyang de'i sor mo thabs ji ltar bstan kyang mi de dag gis ma mthong ngo / /de nas lan gnyis lan gsum gyi bar du bstan pa dang de'u ma mthong ste mthong ba de bzhin du/ rigs
162a5 kyi bu/ sa bcu thob pa'i byang chub sems dpa' sems dpa' chen po yongs su sbyang ba'i dpyad thams cad byas pa rnams kyang de dang 'dra ste/ de ltar yongs su sbyang ba byas kyang
162a6 mi de dag dang 'dra bar bdag nyid la de bzhin gshegs pa'i snying po yod par lan gnyis lan gsum gyi bar du ngas bstan pa dang de'u ma mthong ste mthong nas 'di skad ces
162a7 zer te/ bdag cag kyang yun 'di srid kyi bar du bdag med pa'i 'khor lo gcig pus yongs su bskor na/ nyan thos dang rang sangs rgyas rnams kyis lta mthong re skan zhes zer
162b1 te/ rigs kyi bu/ de ltar na/ nga'i khams kyi bstan bcos la 'jug pa ni/ mthong bar dka' ba yin no/ /rigs kyi bu/ gzhan yang dper na/ mi la la zhig gis nam mkha' la
162b2 dang ba sprengs shing lding ba mthong la des de ltar mthong nas the tshom skyes te/ ci 'di nam mkha' yin nam/ 'on te ngang pa lding pa yin zhig gu snyam nas des legs par brtags
162b3 so/ ngang pa lding ba yin par 'ol spyir mthong ba de bzhin du sa bcu thob pa'i byang chub sems dpa' sems dpa' chen po rnams kyis kyang bdag cag gis rang rang la de bzhin
162b4 gshegs pa'i snying po yod par 'ol spyir mthong ngo snyam du sems na/ nyan thos dang rang sangs rgyas thams cad kyis lta mthong re skan/ dper na/ mi la la lam du zhugs pa las
162b5 mkhris pa 'khrugs te phyogs bslad nas legs par brtags na/ lam dang gzugs 'ol spyir mthong ba de bzhin du sa bcu thob pa'i byang chub sems dpa' sems dpa' chen po
162b6 rnams kyis kyang legs par brtags na/ rang gi lus la de bzhin gshegs pa'i snying po byas pa ma yin pa'i khams yod par 'ol spyir mthong bar zad do/ /dper na/ mgron po
162b7 la la zhag skom gyis gdungs nas dbye dgon pa na chu mi rnyed da/ chu 'dod cing 'dug pa las shing ka na bya gar 'khod pa dag mthong nas ci 'di khang bzang zhig yin nam/ 'on te
163a1 nam mkha' yin snyam pa las legs par brtags na/ bya gar yin par 'ol spyir mthong ba de bzhin du/ rigs kyi bu/ sa bcu thob pa'i byang chub sems
163a2 dpa' sems dpa' chen po rnams kyis kyang rang gi lus la de bzhin gshegs pa'i snying po yod bzhin du yod par 'ol spyir mthong bar zad do/ /rigs kyi bu/ dper na/ rgya
163a3 mtsho'i grung zhugs pa'i mis dpag tshad mang po zhig gi pha rol nas grong khyer gyi nang na khang bzang dkar po zhig mthong nas 'di snyam du rtog ste/ ci 'di nam mkha' yin
163a4 nam| khang bzang yin zhig gu snyam pa las legs par brtags na/ 'ol spyir mthong ba de bzhin du sa bcu thob pa'i byang chub sems dpa' sems dpa' chen po rnams
163a5 kyis kyang rang gi lus la sangs rgyas kyi khams yod bzhin du yod par 'ol spyir mthong bar zad do/ /rigs kyi bu/ dper na/ rgyal po'i bu gzhon nu skyid de bar 'dug pa
163a6 zhig mtshan yal nangs su rol mo la ltad mo lta lta ba las langs te nyi ma'i 'od kyis mig 'khrugs par gyur pas legs par brtags na/ rang gi ska rags 'ol spyir tsam
163a7 mthong ba de bzhin du/ sa bcu thob pa'i byang chub sems dpa' sems dpa' chen po rnams kyis kyang rang gi lus la sangs rgyas kyi khams yod par 'ol spyir mthong bar zad
163b1 do| |dper na/ rgyal po'i zham ring la la zhig mtshan mo mun nag sprin stug pos 'khrigs pa'i nang na rgyal po'i pho brang nas byung ste rang gi khyim du 'gro ba glog 'gyur ba'i skabs
163b2 su glang khyab pa mdun logs nas 'ong ba mthong nas 'di snyam du rtog ste/ ci sprin nam/ 'on te khyim mam/ sgo khang ngam/ yang thog cig gam snyam pa las legs par brtags
163b3 na| 'ol spyir mthong ba de bzhin du sa bcu thob pa'i byang chub sems dpa' sems dpa' chen po rnams kyis kyang rang gi lus la sangs rgyas kyi khams yod bzhin du bdag gis lus
163b4 la de bzhin gshegs pa'i snying po yod do snyam du 'ol spyir mthong bar zad do/ /dper na/ dge slong tshul khrims srung ba la gus pa la la zhig gis chu srog chags med pa la rang
163b5 gi blos srog chags yod pa mthong nas 'di snyam du rtog ste/ ci srog chags yin nam/ 'on te rdul yin nam/ yang na glo bur du 'ongs ba'i rdul lam/ srog chags shig gam
163b6 snyam pa las legs par brtags na/ 'ol spyir mthong ba de bzhin du/ sa bcu thob pa'i byang chub sems dpa' sems dpa' chen po rnams kyis kyang rang gi lus la de bzhin
163b7 gshegs pa'i snying po yod bzhin du yod par 'ol spyir mthong bar zad do/ /dper na/ mi la la snga dro lho bur 'khrigs pa na phan tshun du 'gro ba las byis pa dag mthong nas 'di snyam
164a1 du rtag ste/ ci ba lang ngam/ ma he'am/ 'on te bya rgod dam snyam pa las/ de'i 'og tu byis pa yin par 'ol spyir mthong ba de bzhin du/ sa bcu thob pa'i
164a2 byang chub sems dpa' sems dpa' chen po rnams kyang rang gi lus la de bzhin gshegs pa'i snying po yod bzhin du yod par 'ol spyir mthong bar zad do/ /dper na/ byang chub
164a3 sems dpa'i gzugs ras chen po la bris pa mtshan mo mun pa'i nang du bkram pa la mi mig yod pa dag gis brtags na/ ci sangs rgyas kyi sku gzugs shig yin nam/
164a4 'on te ras dmar po zhig gam/ 'on te dbang phyug chen po dang / tshangs pa'i gzugs shig gam snyam pa las/ de'i 'og tu byang chub sems dpa'i gzugs yin par 'ol
164a5 spyir mthong ba de bzhin du rigs kyi bu/ sa bcu thob pa'i byang chub sems dpa' sems dpa' chen po rnams kyis kyang rang gi lus la de bzhin gshegs pa'i snying po yod
164a6 bzhin du yod par 'ol mthong bar zad do/ /rigs kyi bu/ de ltar na/ de bzhin gshegs pa'i snying po ni/ mthong bar shin tu dka' ste/ de bzhin gshegs pa'i
164a7 yul yin kyi/ nyan thos dang / rang sangs rgyas kyi yul ma yin no/ /rigs kyi bu/ de ltar na/ nga'i bstan pa ni/ mkhas pas rig par bya ba yin te/ 'jig rten thams
164b1 cad dang mi mthun ni/ gsol pa/ gal te de lta lags na/ sha'i mig dang ldan pa rnams kyis cha phra ba ji ltar blta bar bgyi ba lags/ bka' stsal pa/ 'du shes med 'du shes
164b2 med min gyi lha rnams kyang ji ltar blta bar bya/ 'di ni/ sangs rgyas nyid kyi yul yin gyi/ nyan thos dang / rang sangs rgyas thams cad kyi yul ma yin te/ de dag gis ni/ mdo
164b3 'di rjes su mthun pa las yid ches par bya'o/ /de ltar byas dang de dag kyang yang dag pa'i lta ba can du 'gyur ro/ /rigs kyi bu/ de ltar na/ nyan thos dang / rang sangs rgyas thams
164b4 cad kyis kyang yongs su mya ngan las 'das pa chen po'i mdo chen po 'di'i tshul gyis bdag gi lus la de bzhin gshegs pa'i snying po yod par yid ches par bya ste/ mdo sde dang
164b5 rjes su mthun par brtson par bya'o/ /de bzhin gshegs pa'i snying po de bzhin gshegs pa'i yul yin gyi/ nyan thos dang rang sangs rgyas kyi yul ma yin no/ /gsol pa/ bcom
164b6 ldan 'das/ 'jig rten pa rnams la'ang sems can gyi khams gang zag bzhag pa mchis lags so/ /bka' stsal pa/ rigs kyi bu/ dper na/ mi gnyis shig mdza' ste/ gcig
164b7 ni/ rgyal po'i bu/ gcig ni/ dbul po zhig yin la/ de gnyis phan tshun byams pas gcig gi khyim du gcig 'gro zhing rtse bar byed la/ de nas mi dbul po des rgyal po'i bu
165a1 de'i ral gri de la mdog bzang po de mthong ba las rgyal po'i bu des ral gri de khyer nas yul gzhan du song ngo / /de nas mi dbul po de mtshan mo mgon med
165a2 pa'i rten khang zhig tu nyal ba las brdol te/ ral gri ral gri zhes zer nas de'i tshig grong srung rnams kyis thos nas rgyal po la gsol te/ rgyal po des mi de bkug nas kwa'i ral
165a3 gri ci 'dra ba zhig /ga las 'ongs zhes smras pa dang / des skabs de'i gtam rgyal po de la gsol nas lha/ gal te bdag gis brkus par gyur na/ bdag gi rkang lag 'di
165a4 dag bcad du gsol/ bdag gis ni/ mdza' bo dang lhan cig rtse ba'i tshe mthong bar bas te/ reg kyang ma reg lags so/ /zhes byas so/ /de nas rgyal po des de la smras pa/
165a5 ral gri de'i dbyibs dang / mdog ci 'dra ba zhig ces byas nas des rgyal po la gsol ba/ lha/ ral gri de ni/ ra ru 'dra ba zhig lags so/ /zhes byas so/ /de nas rgyal po des mi
165a6 de btang ste mi khyod ma 'jigs shig /ma 'jigs shig /skyen par gar bde bar song zhig /khyod kyis sngon ral gri de rgyal po'i pho brang 'dir mthong yang ma mthong ste/ rgyal po'i
165a7 bus rang gi yul du tshong 'dus nas rnyed pa lta zhig ste/ de ni/ rgyal pos kyang rnyed par dka'o/ /zhes byas so/ /de nas rgyal po des mdun na 'don dang / blon po rnams la ral gri
165b1 de mthong ngam zhes byas nas shi'o /gzhan yang che'o cog gis ral gri de btsal kyang ma rnyed do/ /de nas rgyal po'i bu gzhan zhig rgyal sar bcug nas des ral gri de rnyed do/ /gzhan
165b2 dag ni/ ma rnyed bzhin du rgyal po byed do/ /de ltar gcig nas gcig tu brgyud pa'i rgyal po de dag gis ni/ ral gri de ma mthong ste/ ral gri de 'di lta bu/ 'di 'dra ba zhig go /lug
165b3 ru 'dra ba zhig go/ ra ru 'dra ba zhig go/ /snyam du rtog par byed do/ /kha cig ni/ ci dga' mgur rtog par byed pa de bzhin du byang chub sems dpa' sems dpa' chen po'ang mtha'i
165b4 rgyal po'i bu de 'dra bar 'jig rten du 'byung ste/ bdag gi de kho na nyid bstan nas 'chi bar byed do/ /de nas blo chung ba gang yin pa de dag ni/ sems can thams cad la bdag 'di lta
165b5 bu| 'di 'dra ba zhig yod do/ /snyam ste log par mthong nas shes rab med pa rnams la rmi lam du rmis pa bzhin du ston par byed do/ /'jig rten pa de dag gis kyang de skad du thos
165b6 nas rang gi lus la bdag gi khams yod do/ /snyam du rtog par byed la/ de dag gis bdag de'i rang bzhin no/ /mi shes so/ /de ltar byang chub sems dpa'i tshig thos nas log par
165b7 bzung ste ral gri ra ru 'dra bar rtog pa de bzhin du rnam pa mang por rtog par byed do/ /'jig rten pa rnams skyes bu mthe bo tsam zhes bya ba dang / ldum bu sha ma dka'i 'bras bu tsam dang
166a1 'bras kyi 'bru tsam zhig snying la gnas te 'bar ro zhes log par rtog par byed de/ de dag gi lta ba de ni/ log par lta ba gcig nas gcig tu brgyud de
166a2 'ongs pa yin te/ don du 'gyur ba dang / bde bar 'gyur ba ma yin no/ /de bas na/ ngas bdag med par bstan to/ /'on kyang da dung 'jig rten pa rnams bdag yod do snyam du
166a3 log par rtog par byed do/ /rigs kyi bu/ de bas na/ yang nga'i bstan pa las ral gri yang dag pa dang 'dra bar bdag ni/ 'di lta bu zhig go /zhes de bzhin gshegs pa'i
166a4 snying po ngas bshad par bya'o/ /legs par smras pa chos dang 'tsham pa gang yin pa de ni/ 'jig rten pa rnams kyi yin na'ang 'jig rten las 'das pa yin par rig par bya'o/ /
166a5 'jig rten pa'i nang na rnam pa thams cad du chos kyi mchog ni/ byang chub sems dpa' sprul pa yin par rig par bya ste/ bstan bcos sam/ rig sngags sam/ gsang sngags
166a6 ci'ang rung ba de dag thams cad ni/ rdzogs pa'i sangs rgyas kyis gsungs pa yin par shes par gyis shig /gsol pa/ bcom ldan 'das kyis yi ge'i phyi mo ji ltar bka'
166a7 stsal lags/ bcom ldan 'das kyis bka' stsal pa/ yi ge'i phyi mo thams cad ni/ thog mar yi ge phyed pa sprul te/ phyi mo rnams la rig sngags dang / gsang sngags
166b1 dang | chos kyi de kho na nyid dang / phung po thams cad kyi gzungs su 'gyur ro/ /de'ang dam pa'i chos kyi tshul yi ge'i phyi mo bslab na/ chos dang / chos ma yin pa'i bye brag phyed par
166b2 'gyur ba'i phyir ngas sprul pa yin gyi/ chos ma yin pa'i phyir ni/ ma yin no/ /gsol pa/ yi ge zhes bgyi ba'i don gang lags/ bka' stsal pa/ sgra bcu bzhi la ni/ yi ge zhes
166b3 bya ste| gang gi phyir yi ge thams cad nges pa yin pa'i phyir te/ mi zad pa'i don to/ /yi ge'i sgra bcu bzhi zhes bya ba gang gi mi phyed pa'i don gang yin zhe na/ mi zag pa'i don to/ /yi
166b4 ge zhes bya ba ni/ de bzhin gshegs pa'i don to/ /de bzhin gshegs pa ni/ rdo rje'i sku mi phyed pa yin te/ de bzhin gshegs pa la sgo dgu nas 'dzag ces bya ba'ang med la sgo
166b5 dgu po nyid kyang med do/ /de bas na/ mi zag pa'i don ni/ de bzhin gshegs pa ste/ nges pa yin pa'i phyir yi ge zhes bya ste/ byas pa ma yin pa'i don to/ /a zhes bya ba ni/ bkra
166b6 shis kyi don te/ gzhi gsum zhes bya ba'i tha tshig go /yang a zhes bya ba ni/ 'phags pa rnams kyi ye shes kyi tshig bla dwags so/ /'phags pa gang dag yin zhe na/ 'jig rten
166b7 na phyug pa dang / chags pa med pa dang / rung ba thams cad kyis chog par 'dzin pa gang yin pa rnams dang / sems can thams cad srid pa'i rgya mtsho thams cad las nges par sgrol
167a1 ba gang yin pa de dag la ni/ 'phags pa zhes bya'o/ /A zhes bya ba ni/ chos lugs su stan pa ste/ cho ga dang / spyod yul dang / 'dul ba dang / 'jig rten dang
167a2 mthun par 'jug pa zhes bya bas na/ don tha dad pa ma yin no/ /yang A zhes bya bas don ci zhig rgyas par byed ce na/ 'phags pa rnams la brten nas sems can thams cad kyis
167a3 cho ga dang / spyod yul dang / pha ma dang / slob dpon dang / 'dul ba dang / gces pa yin par shes shing / 'di ni/ chos nyid yin no/ /snyam du shes par 'gyur ba'o/ /'phags pa
167a4 gang yin pa de dag ni/ rigs kyi bu'am/ rigs kyi bu mo theg pa chen po la zhugs pa rnams te/ dge slong tshul khrims dang ldan pa rnams dang / byang chub sems dpa' sems dpa'
167a5 chen po de dag la 'phags pa zhes bya'o/ /yang A zhes bya ba ni/ khrims su ston pa ste/ khrims zhes bya ba ni/ kye mi khyod tshur shog /khyod kyis tshul ma yin pa byas kyi/ phyin chad
167a6 de ltar ma byed cig /ces bya ba de lta bu tshul ma yin pa rnams de'i tshe dran par byed pa'i don to/ /i zhes bya ba ni/ 'di zhes bya ba'i don te/ bstan pa 'di ni/ tshangs par spyod pa zla
167a7 ba nya ba bzhin du dri ma med cing rnam par dag pa'o/ /bstan pa 'di ni/ bcom ldan 'das kyi'o/ /'di ni/ byos shig /'di ni/ don yod pa'o/ /'di ni/ don med pa'o/ /'di ni/
167b1 bdud kyis smras pa'o/ /'di ni/ sangs rgyas kyis gsungs pa'o/ /snyam du snyams su myong bar bya ba'i don to/ /I zhes bya ba ni/ dbang phyug ste/ nga'i bstan pa ni/ dbang phyug dang / dbang
167b2 phyug chen po dang / tshangs pa dang / shin tu dkon pa'o/ /dbang phyug ni/ chos skyong ba ste/ chos skyong bas na/ rgyal po'o/ /de'i phyir de la 'jig rten skyong ba zhes bya'o/ /yongs su mya
167b3 ngan las 'das pa chen po'i mdo chen po 'di ni/ sems can gzhan dag gi don gyi phyir dbang phyug rnams kyis zhus so/ /dbang phyug rnams kyis yongs su bzung ngo / /dbang phyug
167b4 rnams kyis bshad do/ /dbang phyug rnams kyis dam pa'i chos mchog tu 'bar bar byed do/ /dbang phyug rnams kyi phyir ngas bstan te/ ngas ci bstan ce na/ yongs su mya ngan las 'das
167b5 pa chen po'i mdo chen po bstan to/ /de bas na/ dbang phyug dang ldan pa rnams kyi shin tu rgyas pa yin te/ 'di la phrag dog byed pa rnams ni/ zhing la zhing gi rngo bsal ba bzhin
167b6 du tshar gcad par bya'o/ /de la sogs pa'i don du ma rgyas par byed pas na/ de'i phyir ngas I zhes bya ba bstan to/ /u zhes bya ba ni/ rgyud phyi ma ste/ mdo sde 'dis mdo sde thams
167b7 cad kyi don gyi phyi ma'i yang phyi ma bstan to/ /ngas nyan thos dang / rang sangs rgyas thams cad kyis sngon ma thos pa'i yi ge gcig pa'am/ thig le gcig bstan to/ /mdo sde chen po 'di
168a1 ni| mchog dam pa yin te/ dper na/ byang gi sgra mi snyan gyi sems can rnams bsod nams dang ldan pa de bzhin du mdo sde chen po 'di nyan pa gang yin pa
168a2 de dag ni/ 'jig rten las 'das pa ste/ de dag ni/ byang chub sems dpa' sems dpa' chen po yin par rig par bya'o/ /de bas na/ che ba zhes bya ste/ rgyud phyi ma zhes bya ba'i
168a3 don to| |de bas na/ u zhes bya ba ni/ ngas de ltar bstan to/ /u zhes bya ba ni/ ba'i nu sor lta bu'i don te/ dper na/ ba'i 'o ma zhim pa bzhin du mdo 'di'i ro'ang de dang 'dra'o//
168a4 mdo sde 'di las de bzhin gshegs pa'i snying po bstan pa spong bar byed pa gang yin pa de dag ni/ ba lang dang 'dra ste/ dper na/ drin du mi gzo ba bdag gis bdag gas par sems
168a5 pa de dag mchog tu mya ngan du bya ba de bzhin du/ de bzhin gshegs pa'i snying po spangs nas bdag med pa ston pa'i sems can gang yin pa de dag ni/ mchog tu mya ngan du bya
168a6 ba yin par rig par bya'o/ /de bas na/ U zhes bya'o/ /e zhes bya ba ni/ de bzhin gshegs pa yongs su mya ngan las 'das zhes bya ba 'di ni/ sangs rgyas rnams kyi chos
168a7 nyid de| de bas na/ e zhes bya'o/ /e zhes bya ba ni/ de bzhin gshegs pa'i don te/ ai zhes bya ba ni/ 'ong ba dang / 'gro ba'i don yin pas na/ ji ltar song ba de bzhin
168b1 du 'ongs pas na/ de'i phyir ai zhes bya'o/ /o zhes bya ba ni/ nyon mongs pa rnams kyi don te/ sman du 'gyur bas mi las de bzhin gshegs par 'gyur ro/ /de bas na/ o zhes
168b2 bya'o| |au zhes bya ba ni/ theg pa chen po'i don te/ sgra bcu bzhi po thams cad kyi mjug ni/ au yin pas na/ theg pa chen po ni/ rgyud thams cad kyi rgyud phyi ma'i yang phyi ma zhes bya
168b3 ste| de bas na/ au zhes bya'o/ /aM zhes bya ba ni/ nga'i bstan pa la rung ba ma yin pa thams cad bzlog pa dang / gser dang dngul spangs pa ste/ de bas na/ bzlog pa'i don du aM
168b4 zhes bya'o/ /aHzhes bya ba ni/ theg pa mchog gi don te/ de bas na/ aHzhes bya'o/ /de bzhin du sangs rgyas kyis gsungs pa'i mdo sde thams cad dang / rgyud thams cad kyi
168b5 mtha' ni/ theg pa chen po yin no/ /ka zhes bya ba ni/ snying rjes sems can thams cad la dgra gcan zin bzhin du blta ba'i don te/ bdag gis sems can thams cad kyi
168b6 don bya'o/ /snyam du de ltar bsam par bya ba yin pas na/ de'i phyir ka zhes bya'o/ /kha zhes bya ba ni/ de bzhin gshegs pa'i gsang ba'i don te/ mi bgrungs pa rnams kyis
168b7 shes par mi nus pas na/ de'i phyir kha zhes bya'o/ /ga zhes bya ba ni/ snying po'i don te/ sems can thams cad la de bzhin gshegs pa'i snying po yod pas na/ de'i phyir ga
169a1 zhes bya'o/ /g+ha zhes bya ba ni/ de bzhin gshegs pa rtag ces bya ba'i don te/ de bas na/ de bzhin gshegs pa ni/ rtag pa yin no/ /nga zhes bya
169a2 ba ni| 'du byed mi rtag ces bya ba'i don te/ de bas na/ nga zhes bya'o/ /tsa zhes bya ba ni/ spyod pa'i don te/ sems can thams cad yongs su smin par bya bas na/ de'i phyir
169a3 tsa zhes bya'o/ /tsha zhes bya ba ni/ de bzhin gshegs pa dkar po'i chos rnams kyis gdugs gcig pa lam mer bzhugs pa yin te/ de bas na/ tsha zhes bya'o/ /dza zhes
169a4 bya ba ni| dza dang 'dra bar thar pa de zhig pa ma yin te/ de bas na/ dza zhes bya'o/ /dz+ha zhes bya ba ni/ nyon mongs pa rnams skyon par sprug par bya ba'i don te/ de bas na/ dz+ha
169a5 zhes bya'o/ /nya zhes bya ba ni/ de kho na nyid kyi chos shes pa'i tshig bla dwags te/ de bas na/ nya zhes bya'o/ /Ta zhes bya ba ni/ Ta bzhin du dzam+bu'i gling kha cig tu de bzhin gshegs
169a6 pa'i mtshungs pa med pa'i sku ston par mdzad de/ de bas na/ Ta zhes bya'o/ /Tha zhes bya ba ni/ chos kyi sku'i don te/ Tha bzhin du yongs su rdzogs pas na/ de'i phyir Tha zhes bya'o//
169a7 Da zhes bya ba ni/ dge 'dun gzhon nu zhes bya ba'i don te/ nub par mi 'gyur ba'i phyir Da zhes bya'o/ /D+ha zhes bya ba ni/ ngo tsha mi shes pa'i don te/ bla ma rnams la drin du mi
169b1 gzo bas na/ de'i phyir D+ha zhes bya'o/ /Na zhes bya ba ni/ 'di las phyi rol pa rnams 'phags pa ma yin pa'i don te/ de bas na/ Na zhes bya'o/ /ta zhes bya ba ni/ srid pa thams
169b2 cad du ltung ba las bzlog pa'i don te/ de bas na/ ta zhes bya'o/ /tha zhes bya ba ni/ mi shes pa'i don te/ dar gyi srin bu bzhin du dkris pas na/ de'i phyir tha zhes bya'o/ /da
169b3 zhes bya ba ni/ theg pa chen po la brtson par bya ba la dga' bar gyis shig pa'i don te/ de bas na/ da zhes bya'o/ /d+ha zhes bya ba ni/ gzhi gsum ri rab bzhin du brtan zhing nub
169b4 par mi 'gyur ba'i don te/ de bas na/ d+ha zhes bya'o/ /na zhes bya ba ni/ gzhi gsum grong khyer gyi sgo gtan gyi rtan ma bzhin du shin tu brtan pas na/ de'i phyir na zhes bya'o/ /pa
169b5 zhes bya ba ni/ phyin ci log gi don te/ gzhi gsum nub par mi 'gyur ba la bdag nyid yongs su rmongs par 'gyur bas na/ de'i phyir pa zhes bya'o/ /pha zhes bya ba ni/ 'jig
169b6 rten thams cad 'jig pa'i don te/ 'jig rten 'jig pa na gzhi gsum 'jig par 'gyur ro/ /zhes zer ba ni/ bdag nyid kyi 'bras bu 'jig par byed pa ste/ sgrub pa las
169b7 nyams pas na/ de'i phyir pha zhes bya'o/ /ba zhes bya ba ni/ de bzhin gshegs pa rnams kyi stobs rnams kyi tshig bla dwags te/ stobs bcu dang ldan pas na/ de'i phyir ba
170a1 zhes bya'o/ /b+ha zhes bya ba ni/ byang chub sems dpa' rnams ni/ dam pa'i chos kyi khur khyer ba yin no/ /zhes bya ba'i don te/ de bas na/ b+ha zhes bya'o/ /ma
170a2 zhes bya ba ni/ nges par rang gi khur khyer bar byed pa 'di ni/ byang chub sems dpa' rnams kyi chos lugs yin te/ de bas na/ ma zhes bya'o/ /ya zhes bya ba ni/ don bzhi
170a3 pa rnams byang chub sems dpas bya dgos pas na/ de'i phyir ya zhes bya'o/ /ra zhes bya ba ni/ 'dod chags dang / zhe sdang dang / gti mug gi 'jigs pa bsal bas de kho
170a4 na nyid kyi don la chos la 'jug pas na/ de'i phyir ra zhes bya'o/ /la zhes bya ba ni/ nyan thos kyi theg pa las gyen du bskyod nas theg pa chen po mi g.yo ba nyid brtsam par bya
170a5 ba yin pas na/ de'i phyir la zhes bya'o/ /wa zhes bya ba ni/ 'jig rten thams cad kyi rig sngags dang / gsang sngags dang / sman rnams byang chub sems dpa' mchog
170a6 rnams kyis bstan pas na/ de'i phyir wa zhes bya'o/ /sha zhes bya ba ni/ zug rngu gsum dang bral ba'i don te/ de bas na/ sha zhes bya'o/ /Sha zhes bya ba ni/ yongs su
170a7 rdzogs pa'i don te/ mdo sde chen po 'di thos na shin tu rgyas pa thams cad thos par 'gyur bas na/ de'i phyir Sha zhes bya'o/ /sa zhes bya ba ni/ dam pa'i chos dbyung ba'i sems
170b1 kyi don te/ de bas na/ sa zhes bya'o/ /ha zhes bya ba ni/ kye ma bdag gis 'khor ba mthar gtugs so/ /kye ma de bzhin gshegs pa yongs su mya ngan las 'da'o/ /snyam du dga' ba dang
170b2 yongs su gdung ba'i don te/ de bas na/ ha zhes bya'o/ /k+Sha zhes bya ba ni/ bdud kyi don te/ bdud bye ba snyed kyis kyang dge 'dun dbye bar mi nus mod kyi/ de bzhin gshegs pa ni/
170b3 'jig rten dang mthun par mdzad pa ston to/ /yang k+Sha zhes bya ba ni/ 'jig rten thams cad mthun par bya ba'i phyir ma la sogs pa bstan pa'i don te/ de bas na/ k+Sha zhes bya'o/ /r-i
170b4 r-I l-i l-I zhes bya ba'i yi ge bzhi po 'di rnams kyis ni/ sangs rgyas dang / chos dang / dge 'dun dang / gnyen po ston pa'i don bzhi rgyas par byed do/ /'jig rten dang mthun par
170b5 bya ba de ni/ gnyen po yin te/ dper na/ lhas byin gyis dge 'dun phye ba lta bu'o/ /dge 'dun phye ba ston pa na bslab pa'i gzhi bca' ba'i phyir tshul gzhan dag kyang sprul te thabs
170b6 ston pa de mthong na shes rab can skrag par mi bya ba 'di ni/ 'jig rten dang mthun par bya ba yin no/ /snyam du yid ches par bya ste/ de bas na/ r-i r-I l-i l-I zhes bya'o/ /mchu gnyis
170b7 las byung ba dang / lce drung nas byung ba dang / kha sna gnyis nas byung ba dang / ring po dang / rgyun ring du drang ba rnams ni/ don dang lhan cig tu sbyar ba yin no/ /yi ge rnams lhan
171a1 cig tu sbyar bas ni/ byed pa la 'jug par 'gyur ro/ /lce dang so la sogs pa rnams ni/ lus kyi khams yin te/ khams de'ang rang bzhin gyis yongs
171a2 su dag pa'o/ /phung po dang / khams dang / skye mched rnam pa sna tshogs de dag lta bu'ang mgo mnyam du chos kyi de kho na nyid du nye bar zhi ba'i khongs su 'du'o/ /de bzhin gshegs
171a3 pa'i snying pos khyab pa'i khams de'i gzi brjid kyis lhan cig tu sbyar bas byed pa la 'jug par 'gyur te/ de bas na /yi ge phyed pa zhes bya'o/ /rgyud thams cad dang / gsang
171a4 sngags thams cad dang / chos thams cad ni/ yi ge phyi mo sbyar ba'i tha snyad yin te/ de bas na/ de bzhin gshegs pa dang / thar pa de kho na nyid du mthong ngo / /yi ge brjod pa
171a5 dang / rtog pa'i 'du shes dang / yi ge dang / 'bru'i 'du shes de nyid spangs pa ni/ de bzhin gshegs pa dang / thar pa ste/ de bas na/ thar pa ni/ thams cad du grol ba dang / rab
171a6 tu grol ba yin no/ /de bzhin gshegs pa de nyid yi ge phyed pa'i chos kyi don kho na'i phyir byung ba yin no/ /snyam du yang dag par gshegs pa gang yin pa de dag ni/ yi ge
171a7 shes pa zhes bya'o/ /gzhan dag ni/ yi ge phyed pa shes pa zhes bya'o/ /yi ge med pa gang dag yin zhe na/ chos ma yin pa bsten pa gang yin pa rnams so/ /chos la bsten pa
171b1 yin du zin kyang de bzhin gshegs pa rtag pa dang / gzhi gsum po dang / thar pa ther zug pa dang / mdo sde dang / mdo sde ma yin pa dang / 'dul ba dang / 'dul ba ma yin pa dang /
171b2 bdud kyis smras pa dang / sangs rgyas kyis gsungs pa'i bye brag mi phyed pa gang yin pa de dag thams cad ni/ khong na yi ge med pa zhes nga zer ro/ /rigs kyi bu/ de bas na/ khyod
171b3 kyis tshul 'di dag la yi ge phyed pa rnams slobs shig dang / de ltar byas na/ yi ge shes pa zhes bya ba'i grangs su gtogs par 'gyur ro/ /gsol pa/ bcom ldan 'das/
171b4 bdag gis grangs su chud par bgyi ste/ de ltar 'tshal bas na/ yi ge phyed pa rnams bslab par bgyi 'tshal lags so/ /bcom ldan 'das/ bdag gis da gzod slob dpon
171b5 gyi mchog khyod lta bu rnyed lags so/ /bcom ldan 'das/ bdag ni/ da gzod yig rtsis kyi gnas su zhugs lags so/ /bka' stsal pa/ rigs kyi bu/ legs so/ /legs so//
171b6 dam pa'i chos 'dod pas ni/ de ltar 'dod par bya dgos so/ /rigs kyi bu/ de la zal mo zhes bya ba ni/ rnam pa gnyis te/ sdug bsngal dang / mi rtag pa dang / bdag med pa
171b7 rnams kyi zal mo rnams dang / bzhad dang 'grogs pa'i zal mo rnams te/ de ni/ bya'i don to/ /gsol pa/ sdug bsngal dang / mi rtag pa dang / bdag med pa la ji ltar zal mo
172a1 zhes bgyi lags/ bka' stsal pa/ chos kha cig ni/ mi rtag la/ chos kha cig ni/ rtag pa'i phyir dang / chos kha cig ni/ sdug bsngal la/ chos kha
172a2 cig ni| bde ba'i phyir dang / chos kha cig ni/ bdag med la/ chos kha cig ni/ bdag yod pa'i phyir te/ dper na/ bu ram shing dang / 'bras sA lu dang / 'bru dang / khre dang / khre
172a3 rgod dang / sran ma dang / sran sde'u dang / sran gre'u la sogs pa 'bru'i sna grangs rnams me tog gi dus nas 'bras bu'i dus kyi bar du mi rtag pa'i khongs su 'dus so/ /phub
172a4 ma med par gyur nas ni/ sems can thams cad la phan 'dogs par 'gyur la 'bru'i grangs kyi khongs su 'dus te/ des na/ rtag pa zhes bya'o/ /de ci'i phyir zhe na/ rang bzhin
172a5 du gyur pa'i phyir ro/ /gsol pa/ bcom ldan 'das/ ci lags/ de dag slad kyis ma mchis par mi 'gyur lags sam/ de dag slad kyis ma mchis par mi 'gyur ba de
172a6 bzhin du de bzhin gshegs pa rtag pa zhes bgyi lags sam/ bka' stsal pa/ de bzhin gshegs pa ri rab bzhin zhes dper blangs mod kyi/ ri'i rgyal po ri rab kyang
172a7 'jig pa'i bskal pas 'jig par 'gyur ba de bzhin de bzhin gshegs pa la khyod de ltar ma 'dzin cig /mya ngan las 'das pa ma gtogs par 'jig rten thams cad na
172b1 'jig par mi 'gyur ba cung zad kyang med kyi/ 'jig rten dang mthun pa'i tshul gyis kun rdzob kyi tha snyad kyi rjes su 'jug par gyis shig /gsol pa/ bcom ldan 'das/ legs
172b2 so| |lags so/ /bka' stsal pa/ rigs kyi bu/ de bzhin du mdo sde thams cad dang / ting nge 'dzin thams cad kyi bsgom pa bsgoms pa'i 'bras bu yongs su mya ngan las 'das pa
172b3 chen po'i mdo sde chen po 'di sems can rnams kyis nam ma thos kyi bar du na/ mi rtag pa'i khongs su 'dus so/ /mdo sde rin po che 'di thos nas ni/ rigs kyi bu'am/ rigs kyi
172b4 bu mo rnams nyon mongs pa dang bcas pa yin du zin kyang nyon mongs pa med pa'i khongs su 'dus la sems can thams cad la phan 'dogs par yang 'gyur te/ ci'i phyir zhen/
172b5 bdag la de bzhin gshegs pa'i snying po yod par shes pa'i phyir ro/ /mchog tu rtag par shes nas kyang de dag 'jug par 'gyur ro/ /rigs kyi bu/ gzhan yang dper na/ shing
172b6 a mra'am shing ta la'ang rung ste/ me tog gi dus nas 'bras bu'i dus kyi bar du ni/ mi rtag pa'i chos kyi khongs su 'dus so/ /'bras bu smin par gyur nas ni/ sems can thams
172b7 cad la phan 'dogs par 'gyur te/ rtag pa'i chos kyi khongs su 'dus par 'gyur ro/ /rigs kyi bu/ de bzhin du mdo sde thams cad dang / ting nge 'dzin thams cad kyi bsgom pa bsgoms
173a1 pa'i 'bras bu yongs su mya ngan las 'das pa chen po'i mdo sde chen po 'di sems can rnams kyis nam ma thos kyi bar du ni/ mi rtag pa'i khongs su 'dus
173a2 so| |mdo sde rin po che 'di thos nas ni/ rigs kyi bu'am/ rigs kyi bu mo rnams nyon mongs pa dang bcas pa yin du zin kyang nyon mongs pa med pa'i khongs su 'dus la sems
173a3 can thams cad la'ang phan 'dogs par 'gyur te/ de ci'i phyir zhe na/ bdag la de bzhin gshegs pa'i snying po yod par shes pa'i phyir ro/ /mchog tu rtag par shes nas kyang
173a4 de dag 'jug par 'gyur ro/ /rigs kyi bu/ gzhan yang dper na/ gser khung ngam/ zangs khung yang rung ste/ brko ba'i dus kyi bar du ni/ mi rtag pa'i khongs su 'dus so/ /
173a5 gseg ma dang / rdo dang / skyon rnams med par gyur nas ni/ sems can thams cad la phan 'dogs par 'gyur te/ rtag pa'i rdzas rin po che'i khongs su 'dus so/ /rigs
173a6 kyi bu| de bzhin du mdo sde thams cad dang / ting nge 'dzin thams cad kyi bsgom pa bsgoms pa'i 'bras bu yongs su mya ngan las 'das pa chen po'i mdo chen po 'di sems
173a7 can rnams kyis nam ma thos kyi bar du ni/ mi rtag pa'i khongs su 'dus so/ /mdo sde rin po che 'di thos nas ni/ rigs kyi bu'am/ rigs kyi bu mo rnams nyon mongs pa dang
173b1 bcas pa yin du zin kyang nyon mongs pa med pa'i khongs su 'dus la sems can thams cad la'ang phan 'dogs par 'gyur te/ ci'i phyir zhe na/ bdag la de bzhin gshegs pa'i
173b2 snying po yod par shes pa'i phyir ro/ /mchog tu rtag par shes nas kyang de dag 'jug par 'gyur ro/ /rigs kyi bu/ gzhan yang dper na/ bu ram shing ngam/ til yang rung ste/ khu
173b3 ba dang mar du gyur pa'i dus kyi bar du ni/ mi rtag pa'i khongs su 'dus so/ /bu ram shing gi tshigs ma dang / til gyi tshigs ma med par gyur nas ni/ sems can thams cad la'ang
173b4 phan 'dogs par 'gyur la rdzas rtag pa'i khongs su'ang 'dus par 'gyur ro/ /rigs kyi bu/ de bzhin du mdo sde thams cad dang / ting nge 'dzin thams cad kyi bsgom pa bsgoms
173b5 pa'i 'bras bu yongs su mya ngan las 'das pa chen po'i mdo chen po 'di sems can rnams kyis nam ma thos kyi bar du ni/ mi rtag pa'i khongs su 'dus so/ /mdo sde rin po che 'di
173b6 thos nas ni/ rigs kyi bu'am/ rigs kyi bu mo rnams nyon mongs pa dang bcas pa yin du zin kyang nyon mongs pa med pa'i khongs su 'dus la sems can thams cad la'ang phan
173b7 'dogs par 'gyur te/ ci'i phyir zhe na/ bdag la de bzhin gshegs pa'i snying po yod par shes pa'i phyir ro/ /mchog tu rtag par shes nas kyang de dag 'jug par 'gyur ro/ /
174a1 rigs kyi bu/ gzhan yang dper na/ chu klung thams cad ni/ rgya mtsho'i khongs su 'dus so/ /rigs kyi bu/ de bzhin mdo sde thams cad dang / ting nge
174a2 'dzin thams cad dang / theg pa chen po ni/ yongs su mya ngan las 'das pa chen po'i mdo sde 'di'i khongs su 'dus so/ /ci'i phyir zhe na/ 'di las de bzhin gshegs pa'i
174a3 snying po shin tu yongs su mthar thug pa gsal bar bstan pa'i phyir te/ mchog tu mthar phyin pa gang yin pa de ni/ rgyu zhes bya'o/ /de bas na/ chos kha cig ni/ mi rtag la/ chos
174a4 kha cig ni/ rtag ces bya'o/ /gsol pa/ sangs rgyas la'ang mya ngan gyi zug rngu mdzad pa mnga'o zhes smos te/ rdzogs pa'i sangs rgyas kyi ni/ mi'i mya ngan lta bu'ang ma lags/
174a5 lha'i mya ngan lta bu'ang ma lags/ bdud kyi mya ngan lta bu'ang ma lags/ sangs rgyas ni/ dud 'gror skyes pa lta bu'ang mya ngan mi mdzad lags na/ ji lta bu zhig lags/
174a6 bka' stsal pa/ 'du shes med pa pa rnams kyi 'du shes kyang ji lta bu zhig /'du shes med na ni/ gson pa'ang mi rigs te/ 'du shes med pa pa rnams ni/ gson po yin no//
174a7 phung po dang / khams dang / skye mched rnams med pa de dag la 'du shes ga la zhig yod de/ /dper na/ shing rnams la lha rnams gnas mod kyi/ lha de dag shing gi yal ga
174b1 rnams sam/ rtsa ba rnams gang na gnas pa mi mngon pa de bzhin du bstan pa'ang zab bo/ /de bzhin gshegs pa'ang zab bo/ /sgra gcan zin la bya ba bzhin du byams pas rtag
174b2 tu mya ngan byed pa ni/ 'du shes med 'du shes med min gyi lha rnams mya ngan byed pa dang 'dra'o/ /de dag ni/ sangs rgyas rnams kyi spyod yul yin te/ sangs rgyas rnams kyi de lta bu yin
174b3 no| |sangs rgyas rnams kyi chos nyid ci 'dra ba dang / sku ci 'dra ba dang / rang byung rnams kyi gsung ci 'dra ba dang / thugs ci 'dra ba ni/ sangs rgyas rnams kyis mkhyen par zad de/ yid kyi
174b4 rang bzhin la mya ngan ga la yod/ mya ngan med na'ang bstan pa shin tu rgyas pa yod pa dang 'gal lo/ /mya ngan med do/ /zhes byas na ni/ sgra gcan zin dang 'dra bar gzigs zhes bya ba
174b5 rdzun par 'gyur ro/ /chos thams cad rdzun pa'o/ /zhes bya ba ni/ bsam gyis mi khyab par bstan no/ /de bzhin du sangs rgyas bcom ldan 'das kyang bsam gyis mi khyab bo/ /chos
174b6 kyang bsam gyis mi khyab bo/ /bstan pa'ang bsam gyis mi khyab ste/ de ltar na/ sangs rgyas rnams kyi yang dag pa'i chos nyid ni/ de yin no/ /ji srid du nam mkha' yin pa de srid du
174b7 khyim gnas pa'ang med/ ka ba'ang med/ rdul yang med de/ nam mkha'i ngo bo nyid kho nar 'dug pa de mthong nas byis pa'i rang bzhin can rnams kyis nam mkha' ji ltar 'dug pa de
175a1 bzhin du sems yongs su bsgyur bar bya'o /de ltar bsam gyis mi khyab pa la mya ngan ga la yod/ mya ngan med par yang sgra gcan zin bzhin du gzigs
175a2 zhes bya ba don med par 'gyur te/ de bzhin gshegs pa'i mya ngan ni/ nam mkha' dang 'dra'o/ /sgyu ma la sems gzhan med pa bzhin du de bzhin gshegs pa la mya ngan mnga'
175a3 zhes bya ba de'ang sgyu ma'i tshul tsam du zad na/ yongs su mya ngan las 'das pa lta la mya ngan ga la yod/ mi rtag pa la ni/ mya ngan yod de/ de dag gi sems can las gyur pa yin
175a4 no| |de bas na/ de bzhin gshegs pa ni/ rtag go /mi rtag pa la ni/ mya ngan yod na/ de bzhin gshegs pa ni/ mi rtag pa ma yin pas na/ mya ngan yod ces bya ba dang / med ces
175a5 bya bar rtog par mi nus te/ de bzhin gshegs pa ni/ mya ngan dang bral ba yin no/ /dma' bas ni/ dma' ba shes kyi/ dma' bas ni/ 'bring mi shes so/ /'bring gis kyang
175a6 'bring shes kyi/ 'bring gis ni/ rab mi shes so/ /rab kyis ni/ dma' ba dang / 'bring dang / rab rnams shes so/ /nyan thos dang / rang sangs rgyas rnams kyis ni/ rang gi sa'i
175a7 bdag shes par zad do/ /sangs rgyas rnams kyis ni/ thams cad thugs su chud de/ de bas na/ yang dag par rdzogs pa'i sangs rgyas rnams ni/ ye shes sgrib pa mi mnga' ba
175b1 zhes bya'o/ /de ltar na/ lha'i yul dang / sa'i steng dag tu sgyu ma rnam pa sna tshogs ston to/ /de ltar sangs rgyas bcom ldan 'das rnams ni/ 'jig rten dang mthun par ston to/ /snyam du
175b2 shes nas sha'i mig dang ldan pa'i byis pa rnams kyis kyang thogs pa med pa'i ye shes thob par bya ba'i phyir mkhas pa'i shes pa la gnas par bya'o/ /de ltar na/ mya ngan dang / mya ngan
175b3 med pa zhes bya ba ni/ rdzogs pa'i sangs rgyas kyis btags pa yin gyi/ byis pa rnams kyi yul ma yin no/ /de bas na/ chos kha cig ni/ bdag yod la/ chos kha cig ni/ bdag
175b4 med de| 'di ni/ zal mo lta bur bstan pa yin no/ /rigs kyi bu/ gzhan yang sangs rgyas kyi spyod yul bya bzhad zas la 'gro ba lta bu bstan par bya ste/ dper na/ bya bzhad rnams
175b5 dang zal mo rnams ni/ dbyar chu klung rnams kyi chu shin tu brug pa'i tshe rang gi sgo nga'i tshis bya ba'i phyir thang ga las gzhi brtan por gnas 'cha' bar byed la/ spyod yul gang yin pa
175b6 der 'dong bar byed de/ de ni/ de dag gi chos nyid do/ /de bzhin du de bzhin gshegs pa dgra bcom pa yang dag par rdzogs pa'i sangs rgyas kyang skyes nas sems can bye ba phrag mang
175b7 po dam pa'i chos la bkod de/ bzhad dang zal mo bzhin du gdul bar bya ba ji snyed yod pa de dag gi don rnams byas zin nas gdul bar bya ba gzhan dag ga la yod pa der snang bar
176a1 gyur to| |de ltar na/ chos kha cig ni/ sdug bsngal la/ chos kha cig ni/ bde zhes bya ste/ 'du byed gang yin pa de dag ni/ sdug bsngal ba dang / 'jig pa
176a2 yin no| |mya ngan las 'das pa gang yin pa de ni/ mchog tu bde ba yin te/ 'du byed spangs pa'i phyir bde ba dang ldan no/ /gsol pa/ de ji lta bu lags/ bka' stsal pa/
176a3 ji lta ba bzhin no/ /gsol pa/ mya ngan las 'das pa thob pa'i sems can rnams ji ltar de bde ba lags/ bka' stsal pa/ rigs kyi bu/ ngas bstan pa la rga ba dang / 'chi ba
176a4 ni| 'du byed rnams las byung ba'o/ /bag yod pa ni/ 'chi nga med pa'i gnas so/ /bag med pa ni/ 'chi ba'i gnas so/ /bag yod pa dang ldan pa rnams ni/ 'chi bar mi
176a5 'gyur ro/ /bag med pa dang ldan pa rnams ni/ rtag tu shi ba dang 'dra'o/ /bag med pa dang ldan pa gang yin pa de ni/ 'du byed yin te/ de ni/ mchog tu sdug bsngal ba'o/ /mya ngan
176a6 las 'das pa ni/ 'chi ba med pa'o/ /bag med pa dang ldan pa rnams ni/ 'du byed du gyur pa yin te/ de dag ni/ mchog tu sdug bsngal ba'o/ /mya ngan las 'das pa gang yin pa
176a7 de dag ni/ 'chi ba med pa yin no/ /zhes nga zer ro/ /bag yod pa dang ldan pa gang yin pa de dag ni/ 'du byed du gyur pa ma yin te/ de dag ni/ 'du byed rnams la spyod kyang rga ba
176b1 med pa dang / 'chi ba med pa dang / gzhig tu med pa zhes nga zer ro/ /de la bag med pa dang ldan pa rnams ni/ gang yin/ bag yod pa dang ldan pa rnams ni/ gang yin zhe na/ 'jig rten
176b2 pa rnams ni/ bag med pa dang ldan pa yin te/ shi ba dang 'dra'o/ /'jig rten las 'das pa rnams ni/ rga ba med pa dang / 'chi ba med pa'o/ /bag yod pa dang ldan pa rnams ni/ mya ngan
176b3 las 'das pa mchog tu bde ba thob pa'o/ /de bas na/ chos kha cig ni/ sdug bsngal la/ chos kha cig ni/ bde ba yin no/ /zhes ngas bstan to/ /chos kha cig ni/ bdag med la/
176b4 chos kha cig ni/ bdag yod pa ni/ dper na/ sa la 'dug pa'i mi lha'i mig med pas nam mkha' la bya 'phur ba'i rjes mi mthong ba de bzhin du/ nyon mongs pa la gnas pa rnams
176b5 kyis bdag nyid la snying po'i mchog yod pa bdag gis mi mthong ste/ de bas na/ ngas dgongs pa'i tshig gis bdag med do/ /zhes bstan to/ /lha'i mig med pa'i mi rnams kyis
176b6 ni| bdag la bdag yod du zin kyang mi mthong ste/ nyon mongs pa yin no/ /zhes nga zer ro/ /nyon mongs pa'i rnam pa'i 'du byed rnams gang yin pa'i chos de dag ni/ mi rtag pa zhes
176b7 bya'o/ /de bas na/ chos kha cig ni/ mi rtag pa'o/ /zhes ngas bstan to/ /rgyu des na/ shes rab ldan pa ri khar 'dug pa yis/ /byis pa sa la 'dug pa legs par mthong / /shes rab
177a1 khang bzang steng na 'dug pa yis/ /mya ngan med kyang skye rgu mya ngan mthong / /zhes bya ba lta bu ste/ de ltar nyon mongs pa'i rnam pa bcad nas shes rab can ri kha na
177a2 gnas pas nyon mongs pa'i rnam pa dang 'brel pa'i byis pa mthong ba bzhin no/ /gsol pa/ shes rab khang thog mchis pa gang dag lags/ /mya ngan ma mchis gang lags 'jig
177a3 rten na| |mya ngan ma mchis mya ngan 'das pa la/ /mya ngan dag ni ji ltar mchis par 'gyur/ /gal te sangs rgyas bcom ldan 'das yongs su mya ngan las 'das na/ byis pa rnams
177a4 kyis ji ltar mthong lags/ shes rab kyi khang bzang gi steng du'ang ji ltar bzhugs lags/ mi ri kha na mchis pas ni/ mthong du rung ste/ 'di ni/ mchis na gdod rung ba lags
177a5 na| yongs su mya ngan las 'das pas ji ltar mthong lags/ bka' stsal pa/ shes rab kyi khang bzang ni/ mya ngan las 'das pa'o/ /mya ngan med pa ni/ de bzhin gshegs
177a6 pa'o| |mya ngan gyi shas che ba ni/ skye rgu rnams yin te/ de dag ni/ mya ngan can yin la/ de bzhin gshegs pa ni/ mya ngan med pa'o/ /ri zhes bya ba ni/ thar pa yin te/ ri
177a7 rab bzhin du brtan pa'i phyir ro/ /sa zhes bya ba ni/ 'du byed rnams so/ /byis pa thams cad ni/ sa la 'khod pa'o/ /shes rab can zhes bya ba ni/ rdzogs pa'i sangs rgyas kyi
177b1 don te/ de bzhin gshegs pa ni/ mya ngan med cing brtan pa'i phyir ro/ /sangs rgyas ni/ mya ngan can gyi nang na mya ngan med pa ste/ sems can rnams kyi mya ngan gyi zug rngu sel ba'o/ /
177b2 gsol pa/ gal te de bzhin gshegs pa mya ngan las ma 'das na ni/ da dung mya ngan 'da' ste/ rdzogs par sangs ma rgyas pa zhes bgyi'o/ /bka' stsal pa/ rgyu yod de/ gang na gdul
177b3 bar bya ba rnams yod pa der ni/ rdzogs pa'i sangs rgyas snang ste/ der skye ba lta bur ston to/ /de bas na/ de bzhin gshegs pa ni/ rtag pa yin te/ sangs rgyas bya bzhad dang / zal
177b4 mo lta bu zhes bya'o// //'phags pa yongs su mya ngan las 'das pa theg pa chen po'i mdo/ bam po bcu gcig pa/ rigs kyi bu/ dper na/ zla ba ni/ nyin par snang ba na kha
177b5 cig tu ltung ba lta bur snang ste/ de nas sems can rnams kyi zla ba ltung ngo snyam du 'dzin to/ /zla ba ni/ med par mi 'gyur te/ gling gzhan du 'char bar 'gyur la der yang zla ba skyes pa
177b6 med do/ /sems can rnams kyis ni/ zla ba shar to snyam du 'dzin te/ zla ba ni/ lhung ba lta bur snang yang 'jig par mi 'gyur la 'char ba lta bur snang yang skye ba med de/ ri'i rgyal po ri
177b7 rab kyis bsgribs pas mi snang bar zad la/ zla ba ni/ rang bzhin gyis skyes zin pa yin te/ snang byed rnams kyi chos nyid ni/ de yin no/ de bzhin du de bzhin gshegs pa dgra bcom
178a1 pa yang dag par rdzogs pa'i sangs rgyas kyang stong gsum gyi stong chen po'i 'jig rten gyi khams na dzam+bu'i gling la lar ni/ pha ma phrad pa las skyes par
178a2 yang snang ste/ sems can rnams kyis skyes so snyam du 'dzin la/ de bzhin gshegs pa la ni/ skyes pa med do/ /dzam+bu'i gling la lar ni/ yongs su mya ngan las 'da' ba lta
178a3 bur snang la de bzhin gshegs pa la ni/ 'chi ba med do/ /sems can rnams kyis ni/ shi'o snyam du 'dzin te/ de bzhin gshegs pa ni/ lhung ba dang / skye ba lta bur snang yang
178a4 skye ba'ang med/ 'chi ba'ang med do/ /gdul bar bya ba'i dbang gis ni/ zla ba bzhin du'ang rgyu bar mdzad do/ /zla ba ni/ gling kha cig tu zla ba nya ba yongs su rgyas pa lta bur snang
178a5 ste| sems can rnams zla ba nya'o snyam du 'dzin to/ /zla ba ni/ gling kha cig tu yi ge ta 'dra bar zla ba tshes par yang snang ste/ dzam+bu'i gling ba rnams kyis deng zla ba tshes gcig
178a6 yin no snyam du 'dzin to/ /de nas zla ba phyed par 'dzin to/ /de nas tshes bco lnga yin no snyam ste zla ba nya bar 'dzin to/ /kha cig gis ni/ zla ba phyed yin par 'dzin te/ zla ba ni/
178a7 phyed du 'gyur zhing 'char ba'ang med/ ltung ba'ang med de/ zla ba ni/ ri rab kyi rkyen gyis de ltar snang ngo / /rigs kyi bu/ de bzhin du de bzhin gshegs pa dgra bcom pa yang
178b1 dag par rdzogs pa'i sangs rgyas kyang dzam+bu'i gling la lar ni/ yongs su mya ngan las 'da' ba lta bur snang ste/ sems can rnams kyis de bzhin gshegs pa yongs su mya ngan las
178b2 'das so snyam du 'dzin to/ /dzam+bu'i gling la lar ni/ zla ba tshes pa bzhin du skye ba lta bur snang ste/ sems can rnams kyis khye'u 'di skyes so snyam du 'dzin to/ /zla ba tshes gnyis dang 'dra
178b3 bar ni/ lha'i thad du 'gro bar 'dzin to/ /zla ba tshes gsum dang 'dra bar ni/ yi ge slob pa'i sar 'gro bar 'dzin to/ /zla ba tshes brgyad lta bur ni/ rab tu 'byung bar ston to/ /zla ba nya
178b4 ba lta bur ni/ 'od kyis mun pa bsal ba bzhin du bdud bye ba snyed brlags nas lam mer bzhugs so/ /zla ba nub pa lta bur ni/ yongs su mya ngan las 'da' bar ston te/ zla ba
178b5 gza' rnams kyis bskor ba bzhin du mtshan sum cu rtsa gnyis dang dpe byad bzang po brgyad cus brgyan to/ /der kha cig gis ni/ lhung bar 'dzin/ kha cig gis ni/ skye bar 'dzin
178b6 la skyes pa'ang med/ 'gag pa'ang med de/ de bzhin gshegs pa ni/ zla ba nya ba bzhin du dus thams cad du rtag pa yin no/ /de bas na/ de bzhin gshegs pa rtag pa dang / brtan
178b7 pa zhes bya'o/ /dper na/ zla ba ni/ thams cad du snang ste/ chu dang / dgon pa dang / khyim dang / grong khyer dang / chu ra chus gang ba rnams dang / khron pa dang / gzhan yang dpag tshad stong
179a1 srid du'ang rung sems can rnams gang du 'gro ba de dag thams cad du snang ste/ der byis pa rnams kyis yid la zla ba 'di ni/ bdag kho na'i phyi bzhin 'ba'
179a2 zhig tu 'ong ngo / /snyam du 'dzin to/ /gang gi tshe khyim gyi nang du mthong ba de'i tshe ni/ nga ni/ 'di na snang na/ zla ba 'di de nyid yin nam/ 'on te gzhan zhig yin zhig gu snyam du rtog
179a3 go/ /de la byis pa kha cig gis ni/ zla ba chu ra tsam du 'dzin to/ /bar ma rnams kyis ni/ shing rta'i 'phang lo'i tshad tsam du 'dzin to/ /rab rnams kyis ni/ zla ba dpag tshad lnga bcu
179a4 pa tsam la zlum po yin par shes so/ /dud 'gro rnams kyis ni/ zla ba srin bu me khyer tsam du mthong ste/ skye gnas thams cad dang ldan pa'i dud 'gro rnams kyis zla ba la rang
179a5 rang gi rnam par shes pas brtags nas so sor mthong ngo / /de bzhin du de bzhin gshegs pa'ang 'jig rten du byung na thams cad du snang ste/ sems can kha cig gis de
179a6 bzhin gshegs pa zla ba dang 'dra bar 'dzin te/ bdag la thugs brtse ba'i phyir bdag gi khyim gyi phugs na bzhugs so snyam mo/ /dud 'gro rnams kyis ni/ rang rang gi
179a7 skye gnas kyi lus lta bur mthong ngo / /sems can lkug pa rnams kyis ni/ de bzhin gshegs pa lkug par mthong ngo / /'on pa dang lag rdum rnams kyis kyang bdag nyid dang
179b1 'dra bar mthong ngo / /skad dang / 'du shes dang / yi ge tha dad pa rnams kyis kyang bdag cag dang 'dra'o snyam du 'dzin te/ bdag gi skad du smra'o/ /bdag gi 'du shes dang mthun no/ /
179b2 bdag gi kha zas za'o snyam du 'dzin to/ /lus che ba rnams kyang de bzhin gshegs pa ni/ bdag cag dang 'dra'o snyam du 'dzin to/ /kha cig gis ni/ nyan thos dang rang sangs rgyas yin
179b3 no snyam du 'dzin to/ /kha cig gis ni/ ya mtshan can thams cad kyi nang du rab tu byung bar mthong ngo / /kha cig gis ni/ de bzhin gshegs pa bdag cag gi phyir 'jig rten du byung
179b4 ngo snyam du 'dzin to/ /dper na/ zla ba rang bzhin du gnas pas so so'i rang bzhin du thams cad mgu bar byed pa de bzhin du/ /de bzhin gshegs pa'ang chos kyi sku yin bzhin
179b5 du thabs kyi sku dug sman gyi sdong po dang 'dra bar 'dzin pa'i sems can rnams mgu bar mdzad de/ 'jig rten thams cad dang mthun par mdzad pa dag gis skyes pa'i rabs stong
179b6 phrag mang po ston par mdzad do/ /de bas na/ de bzhin gshegs pa ni/ thams cad du skye ba ston pa'i phyir skyes pa'i rabs kyi zla ba zhes bya'o/ /de bas na/ de bzhin gshegs
179b7 pa rtag pa dang / brtan pa yin no/ /rigs kyi bu/ gzhan yang dper na/ zla ba dang / lha ma yin gyi dbang po sgra gcan phrad pa'i tshe 'jig rten pa rnams kyi zla ba gzas zin to snyam du
180a1 'dzin te/ sgra gcan ni/ zla ba la 'dzin par yang mi byed la/ des ni/ de la za bar yang mi nus te/ sgra gcan gyi lag pas zla ba bsgribs nas 'od mi snang
180a2 bar byed par zad de/ zla ba la rma'ang med/ nyon mongs pa'ang med do/ /ji tsam du sgra gcan gyi lag pas zla ba bkab pa de tsam du zla ba'i 'od mi snang bar 'gyur la/ sgra gcan
180a3 gyis zla ba btang ba'i tshe ni/ kha nas byung ba lta bur snang ste/ mi rnams kyis zla ba ni/ sdug bsngal zhing 'dug go snyam du 'dzin to/ /zla ba ni/ rang bzhin kho nar 'dug bzhin
180a4 du bdag nyid sgra gcan dang lhan cig 'dug par ston te/ 'di ni/ 'jig rten gyi chos nyid do/ /sgra gcan bye ba snyed kyis kyang zla ba gsad pa'am gzhig par mi nus te/ zla ba rang
180a5 nyid de ltar ston to/ /de bzhin du de bzhin gshegs pa dgra bcom pa yang dag par rdzogs pa'i sangs rgyas nyid zla ba lta bur ston par mdzad de/ ma 'ongs pa'i dus kyi don du
180a6 ngan sems kyis khrag phyung ba'i mtshams med pa'i las bstan pa'i phyir de la sogs pa'i 'dod chen pa'i mtha' dang / dge 'dun gyi dbyen gyi chos tha dad pa'ang ston par
180a7 mdzad do/ /de bzhin gshegs pa'i sku la ni/ bdud bye ba phrag 'bum gyis kyang khrag dbyung bar mi nus la/ de bzhin gshegs pa'i sku la ni/ khrag dang / rus pa dang / rgyus
180b1 pa'ang med de/ sdug bsngal ba'i bag kyang med do/ /sems can rnams kyis ni/ gzhi gsum ma rung ngo / /de bzhin gshegs pa la rma byung ngo snyam du 'dzin to/ /de bzhin gshegs pa
180b2 ni| rang bzhin kho nar bzhugs mod kyi/ de ltar 'jig rten dang mthun par ston to/ /'di lta ste/ mi la las mi zhig la 'breng pa'am/ dbyug pas bsnun te khrag phyung ba'am/
180b3 gsad pa'i sems kyis de bsad nas de'i 'og tu de bzhin gshegs pas las de btsan par mdzad par dgongs te de bzhin gshegs pa la ngan sems kyis khrag phyung ba na/ mi
180b4 de'i sems thugs su chud nas mtshams med pa'i las yang dag par ston par mdzad do /de ltar na/ de bzhin gshegs pa ni/ ma 'ongs pa'i don gyi phyir las kyi rnam par dbye ba
180b5 ston par mdzad do/ /dper na/ sman pa la la zhig gis rang gi bu la rtsa ba'i ming gi rnam grangs slob par byed de/ 'di ni/ rtsa ba lnga'o/ /'di ni/ kha ba'o/ /zhes rtsa ba'i rnam par dbye ba
180b6 dag gi sgo nas ngo ston par byed de/ khye'u des kyang de ltar bslab nas rtsa ba'i rnam par dbye ba shes par gyur la/ de nas sman pa de shi nas khye'u de na re/ /kyi hud pha gcig/ kyi hud pha
180b7 gcig /khyod kyi bdag rtsa ba'i rnam par dbya ba bslab pa ste rtsa ba 'di ni/ 'di 'dra'o/ /lo ma ni/ 'di 'dra'o/ /zhes de skad zer ba de bzhin du de bzhin gshegs pas kyang bslab pa'i
181a1 gzhi thams cad kyi sprul pa sprul par mdzad de/ gsor rung ba dang / gsor mi rung ba dang / mtshams med pa dang / mdo sde spong pa dang / 'dod chen pa'i
181a2 mtha' rnams ston par mdzad de/ ma 'ongs pa'i dus na 'di lta bur 'gyur ro/ /zhes bya ba'i don to/ /de nas de bzhin gshegs pa yongs su mya ngan las 'das nas dge
181a3 slong rnams kyis sman pa'i bu bzhin du de bzhin gshegs pas mdo sde las 'di skad ces bka' stsal te/ las 'di ni/ 'di yin no/ /snyam du shes so/ /dper na/ zla ba la
181a4 gza' 'jug pa na mi rnams kyis ni/ zla ba drug cing zla ba la gza' 'jug par shes so/ /steng gi lha rnams kyis ni/ nyin gcig bzhin du zla ba la gza' 'jug par shes
181a5 te/ ci'i phyir zhe na/ de dag gi lo tshigs ring la mi rnams kyi lo tshigs thung ba'i phyir ro/ /rigs kyi bu/ de bzhin du lha rnams dang / mi rnams kyis ni/ de bzhin gshegs
181a6 pa sku tshe thung ngo snyam du 'dzin to/ /ji ltar lha gong ma gong ma rnams kyis skad cig skad cig la zla ba la gza' 'jug par 'dzin pa de bzhin du/ lha gong ma gong ma rnams kyis
181a7 skad cig skad cig la de bzhin gshegs pa yongs su mya ngan las 'da' ba bye ba snyed kyang ston par mdzad do/ /nyon mongs pa dang / phung po dang / lha dang / 'chi bdag gi
181b1 bdud bye ba snyed kyang ston pa dang / skyes pa'i rabs stong snyed kyang ston pa dang / 'jig rten dang mthun par bya ba mang po dag ston par shes so/ /de ltar na/ de bzhin gshegs pa ni/
181b2 dpag tu med pa yin te/ de bas na/ rtag pa dang / brtan pa yin no/ /dper na/ zla ba ni/ sems can thams cad kyi yid du 'ong zhing blta na sdug pa yin pas na/ de'i phyir ming zla ba
181b3 zhes bya'o/ /'dod pa'i dbang du gyur pa 'dod chags dang / zhe sdang dang / gti mug spyod pa rnams kyi yid du 'ong ba ni/ ma yin no/ /de bzhin du de bzhin gshegs pa dgra bcom
181b4 pa yang dag par rdzogs pa'i sangs rgyas kyang rang bzhin gyis sems can chos 'dod pa rnams kyi yid du 'ong ba dang / mchog tu blta na sdug pa yin no/ /sdang ba'i sems dang
181b5 ldan pa gzhan dag gi yid du 'ong ba ni/ ma yin te/ de bas na/ de bzhin gshegs pa zla ba dang 'dra ba yin no/ /dper na/ nyi ma dus tshigs gsum du 'gyur zhing 'pho ste/ dgun
181b6 dang / dbyar dang / sos ka'i dus gsum du rgyu bar byed la/ dgun ni/ nyi ma myur ba kho nar 'go'o/ /dbyar ni/ nyi ma 'bring tsam du 'gro'o/ /sos kar ni/ nyi ma ring du thogs shing 'gro
181b7 ste/ 'od shin tu tsha'o/ /de bzhin gshegs pa'ang 'jig rten gsum du skye ba rnam pa gsum ston par mdzad de/ sems can tshe thung du rnams kyi nang du ni/ mchog tu sku tshe thung
182a1 bar ston te/ sems can rnams kyis sangs rgyas sku tshe thung ngo snyam du 'dzin to/ /nyan thos kyi theg pa pa rnams la ni/ dgun gyi nyi ma bzhin du sku tshe thung bar
182a2 ston to/ /byang chub sems dpa' sams dpa' chen po rnams la ni/ dbyar gyi nyi ma bzhin du sku tshe 'bring du ston to/ /sangs rgyas rnams la ni/ sos ka'i nyi ma bzhin du bskal
182a3 pa'am/ bskal pa las lhag par bzhugs par snang ngo / /rigs kyi bu/ theg pa chen po 'di las dgongs pa'i tshig de bzhin gshegs pa'i gsang ba'i dam pa'i chos kyi
182a4 char ngas yang dag par bstan par bya ste/ ma 'ongs pa'i dus na dam pa'i chos theg pa chen po'i mde'i sde tshan gyi phan pa'i gdams ngag ston pa gang yin pa de dag ni/ dbyar gyi
182a5 nam gyi sprin dang 'dra ste/ byang chub sems dpa' sems dpa' chen po yin par rig par bya'o/ /nyan thos dang rang sangs rgyas rnams ni/ dgongs pa'i tshig thos na/ dgun gyi
182a6 grang nad kyis thebs pa dang 'dra ste/ de'i phyir ngas sku tshe thung pa dang / nges par myong bar 'gyur ba yang dag par bstan to/ /sangs rgyas kyi tshe bstan pa sangs rgyas kyi gnas rgya
182a7 chen po las ni/ sos ka'i nyi ma bzhin du ngas rtag pa dang / brtan par bstan to/ /nga ni/ nyi ma bzhin du gang du'ang ltung ba med de/ nyi zla'i chos nyid kyang spyod do/ /de ltar na/
182b1 de bzhin gshegs pa ni/ 'jig rten gsum du yang dag par snang ste/ 'di ni/ sangs rgyas rnams kyi chos nyid do/ /rigs kyi bu/ gzhan yang pa ba sangs dang / phur bu dang /
182b2 mig dmar dang / mjug ring dang / gza' lhag la sogs pa nyi ma dang zla ba gnyis dang lhan cig 'gro ba ni/ sems can rnams kyis blta bar mi nus la de dag kyang ldog par
182b3 yang mi 'gyur/ ltung bar yang mi 'gyur te/ de dag gi 'od ches cha phra la nyi ma dang zla ba'i 'od shin tu che bas zil gyis non pa'i phyir ro/ /de bzhin du de bzhin gshegs pa ni/ rtag
182b4 tu nyan thos dang rang sangs rgyas kyi gza'i tshogs rnams dang lhan cig tu skye ba lta bur yang ston la yongs su mya ngan las 'da' bar yang ston mod kyi/ nyan thos dang rang sangs rgyas
182b5 de dag mi rtag pa'ang ma yin/ mi brtan pa'ang ma yin te/ de dag ni/ rtag pa dang / brtan pa yin bzhin du nyin par gyi gza' dang 'dra bar sems can gyis mthong bar mi nus so/ /
182b6 nyi ma dang 'dra ba 'di ni/ rang sangs rgyas rnams kyi chos nyid yin no/ /dper na/ nyi ma dang zla ba sprin gyis g.yogs pa'i tshe mi snang ste/ sems can rnams kyis mi snang ngo snyam du
182b7 'dzin mod kyi/ de gnyis med par yang mi 'gyur ro/ /rigs kyi bu/ de bzhin du de bzhin gshegs pa 'jig rten na mi bzhugs pa'i tshe nyi zla sprin gyis g.yogs pa bzhin du
183a1 gzhi gsum 'jig pa lta bur snang mod kyi/ gzhi gsum med par yang mi 'gyur la rtag pa dang / brtan pa dang / ther zug par 'dug bzhin du nyes pa
183a2 rnams kyis kyang gos par mi 'gyur ba 'di ni/ sangs rgyas rnams kyi chos nyid do/ /rigs kyi bu/ dper na/ zla ba yar gyi ngo'ang ma yin/ mar gyi ngo'am ma yin pa gnam stong gi
183a3 nyin par nyi ma dang zla ba med pa'i skabs su gza' mjug ring gzi brjid drag po dang ldan pa zhes bya ba shar nas 'jig rten thams cad kyis ma tshor bar skad cig gcig kho na la
183a4 mi snang bar 'gyur ro/ /rigs kyi bu/ de bzhin du rang sangs rgyas rnams kyang sangs rgyas rnams mi bzhugs pa'i tshe gnam stong gi nyin par gza' mjug ring 'char ba bzhin du
183a5 byung nas sems can bye ba phrag mang po dam pa'i chos la bkod nas mi snang bar 'gyur la/ mjug ring yang rtag tu yod de/ sems can rnams kyis ni/ mthong bar mi nus so/ /de
183a6 bzhin du rang sangs rgyas rnams kyang rtag tu yod bzhin du de dag sems can rnams kyis mthong bar mi nus te/ bdag nyid yang dag par ston cing mi mngon par byed pa 'di ni/ de
183a7 dag gi chos nyid do/ /rigs kyi bu/ dper na/ nyi ma shar na/ lho bur med par 'gyur ba de bzhin du yongs su mya ngan las 'das pa chen po'i mdo chen po 'di byung na/ thos pa
183b1 tsam gyis kyang pham pa rnams dang / mtshams med pa'i las rnams kyi sdig pa'i phung po rgyur du med par 'gyur ro/ /de ltar na/ yongs su mya ngan las 'das pa chen po'i mdo chen po
183b2 bsam gyis mi khyab pa'i yul 'di ni/ de bzhin gshegs pa'i snying po ston pa yin pa'i phyir dpag tu med do/ /de bas na/ rigs kyi bu'am/ rigs kyi bu mo rnams kyis de bzhin
183b3 gshegs pa rtag go/ /dam pa'i chos nub par mi 'gyur ro/ /dge 'dun med par mi 'gyur ro snyam du mdo'i shes pa la de ltar brtson par bya'o/ /de ltar byas kyang de dag kyang nga dang 'dra
183b4 bar sangs rgyas kyi gnas su gson par 'gyur ro/ /gsol ba/ bcom ldan 'das/ byang chub sems dpa' sems dpa' chen po rnams ji lta bu lags/ bka' stsal pa/ sems
183b5 bskyed pa'ang rung / sems ma bskyed pa'ang rung ste/ byang chub sems dpa' sems dpa' chen po rnams su 'gyur ro/ /gsol pa/ de ji lta bu lags/ bka' stsal pa/ rigs kyi
183b6 bu/ dper na/ dgun mar 'khyags pa nyi tshan gyis kyang bzhu mi nus pa de bzhin du mdo sde dang / ting nge 'dzin thams cad bsgom par bya ba bsgoms pa'i 'bras bu'i sgo nas ni/
183b7 sems bskyed pa rnams kyis kyang byang chub thob par mi 'gyur ro/ /sems ma bskyed pas kyang byang chub thob par mi 'gyur ro/ /de ci'i phyir zhe na/ dgun gyi nyi ma bzhin du brtson
184a1 'grus zhan pa'i phyir ro/ /mdo sde bsgom par bya ba bsgoms pa'i 'bras bu'i mchog ni/ dper na/ so ga'i nyi ma tsha ba'i tshe nyi ma ma shar bar mtshan mo'ang
184a2 mar shin tu 'khyags pa'ang zhu bar byed la rgya mtsho chen po'ang dro bar byed do/ /de bzhin du rigs kyi bu'am/ rigs kyi bu mo gang dag gis yongs su mya ngan las 'das pa
184a3 chen po'i mdo 'di thos ma thag tu 'gran tor byas kyang rung / gzhan gyis byed du bcug kyang rung / gzhan gyi dring 'jog kyang rung / rnyed pa dang / bkur sti dang / tshigs su
184a4 bcad pa'i don du byas kyang rung ste/ bdag la byang chub mi dgos so snyam pa'am/ sems bskyed par yang mi 'dod du zin kyang gang zag de 'dra ba'i lus kyi ba spu'i khung bu
184a5 thams cad du byang chub kyi rgyus so ga'i nyi ma bzhin du 'jug par 'gyur ro/ /de bas na/ rigs kyi bu de dag ni/ byang chub sems dpa' sems dpa' chen po yin no/ /zhas nga zer
184a6 ro/ /de ltar na/ byang chub zad mi shes pa'i mdo chen po 'di ni/ bsod nams kyi phung po chen po yin te/ de bas na/ che ba zhes bya'o/ /snga ba dang / yangs pa dang / so ga'i nyi ma
184a7 bzhin du gzi brjid dang ldan pa yin te/ de bas na/ yongs su mya ngan las 'das pa chen po zhes bya'o/ /de ci'i phyir zhe na/ 'di las de bzhin gshegs pa'i snying po rtag par
184b1 bstan pa'i phyir ro/ /rigs kyi bu/ gzhan yang skar ma dang srin bu me khyer gyi 'od ni/ nyi zla'i 'od las 'das te thal ler snang bar mi 'gyur ro/ /nyi zla'i 'od ni/ 'od thams cad
184b2 las 'das te lam mer 'dug go /de bzhin du gzhan gyi 'od rnams ni/ mdo sde thams cad dang / ting nge 'dzin thams cad bsgom par bya ba bsgoms pa'i yongs su mya ngan las
184b3 'das pa chen po'i mdo chen po'i 'od las 'das te thal ler mi 'dug go /yongs su mya ngan las 'das pa chen po'i mdo chen po'i 'od ni/ 'od thams cad las 'das te thal ler
184b4 snang la/ sems can thams cad kyi spu drung du zhugs nas byang chub kyi sems mi dgos so snyam ste ma bskyed du zin kyang byang chub kyi rgyu nges par thob par 'gyur te/ de bas na/ ming
184b5 yang yongs su mya ngan las 'das pa chen po zhes bya'o/ /gsol pa/ byang chub kyi sams mi dgos par 'dzin kyang sems can thams cad kyi lus kyi ba spu'i khung bu thams cad du
184b6 lags nas byang chub kyi rgyu mngon par 'grub par 'gyur zhes bgyi ba 'di la gtan tshigs bka' stsal 'tshal lags so/ /bcom ldan 'das/ bstan pa 'di la pham pa
184b7 bgyid pa dang / mtshams ma mchis pa bgyid pa dang / mdo sde spong ba dang / 'dod chen po dag kyang gda' lags na/ gal te sems ma bskyed de mi dgos par 'dzin kyang byang
185a1 chub pa'i byang chub kyi rgyur 'gyur du lags na/ sangs rgyas kyis gsungs pa la bye brag ci mchis te/ yang na bzhi po de dag ma mchis zhes bshad 'tshal
185a2 lags so/ /yang na des sdig pa 'byang bar 'gyur zhes bshad 'tshal lags so/ /bcom ldan 'das kyis bka' stsal pa/ 'dod chen pa ma gtogs par yongs su mya ngan
185a3 las 'das pa'i mdo chen po 'di rna lam du grag cing thos pa tsam gyis kyang thams cad la byang chub kyi rgyu yod par 'gyur te/ sangs rgyas grangs med pa la bkur sti byas pa rnams
185a4 kyis yongs su mya ngan las 'das pa chen po'i mdo chen po 'di thos par nus la/ dge ba'i rtsa ba ngan ngon ma yin pas byang chub kyi rgyu thob par 'gyur ro/ /de bas na/ de bzhin
185a5 gshegs pa'i snying po yang dag par ston pa'i phyir mdo chen po mthu che ba yin no/ /gsol pa/ sems ma bskyed de mi dgos par 'dzin pas ji ltar byang chub pa'i byang chub
185a6 kyi rgyur 'gyur lags/ bka' stsal pa/ byang chub tu sems bskyed nas mi dgos par 'dzin cing mdo sde khyad du gsod pa gang yin pa de dag la ni/ rmi lam du srin po chen po
185a7 'jigs pa'i gzugs can gyis bsdigs te/ 'di skad du ngas ma bsad par skyen par byang chub tu sems bskyed cig ces kyang zer ro/ /de nas de dag rmi lam du 'jigs shing
185b1 skrag ste sad nas nang par byang chub tu sems skyed par byed de/ de dag shi nas sems can dmyal ba rnams su 'tshed pa'am/ yi dwags kyi 'jig rten nas mtho ris su skyes kyang rung
185b2 ste/ rjes su dran nas de'i 'og tu byang chub sems dpa' sems dpa' chen por 'gyur ro/ /de ltar na/ yongs su mya ngan las 'das pa chen po'i mdo chen po 'di ni/ mthu che ste/ mi
185b3 dgos par 'dzin cing sems ma bskyed kyang byang chub kyi rgyu skyed par byed do/ /rgyu ni/ de yin no/ /rkyen ni/ de yin te/ theg pa chen po 'di la rgyu med pa ma yin no/ /de bas na/ nga'i bstan
185b4 pa ni/ sangs rgyas kyis gsungs pa zhes bya'o/ /rigs kyi bu/ gzhan yang nam mkha' las sprin chen po char 'bebs pa na sa chen po chus gang bar 'gyur la/ gram pa'i sa phyogs
185b5 su ni/ char chen po bab tu zin kyang chu cung zad kyang gnas par mi 'gyur te/ gar gzhol bar 'bab la/ bab nas kyang der gnas par 'gyur te/ sems can thams cad la'ang phan
185b6 'dogs par 'gyur ba de bzhin du mdo sde chen po 'di las dam pa'i chos kyi char 'bab mod kyi/ 'dod chen pa la ni/ byang chub kyi rgyu skye bar mi 'gyur te/ skye mi srid do/ /gzhan
185b7 dag la ni/ sa gzhol ba'i chu bzhin du skyed par byed do/ /rigs kyi bu/ gzhan yang dper na/ sran sde'u 'am/ sran ma'am/ sba'i sa bon tshig pa rnams la sprin
186a1 chen po'i char stong du bab kyang myu gu skye bar mi nus te/ de dag las myu gu 'byung mi srid do/ /de bzhin du 'dod chen pa rnams kyis yongs su mya ngan las 'das
186a2 pa chen po 'di thos su zin kyang byang chub kyi rgyu thob mi srid de/ de dag ni/ dge ba'i rtsa ba zad pa yin pa'i phyir sa bon tshig pa dang 'dra'o/ /rigs kyi bu/ dper na/ ke ta ka'i 'bras
186a3 bu chu rnyog pa can gyi nang du bcug na/ rnyog pa bsal te chu dang bar byed pa de bzhin du yongs su mya ngan las 'das pa'i mdo chen po 'di'ang ke ta ka'i 'bras bu bzhin du sems
186a4 can rnams kyi pham pa rnams dang / mtshams med pa'i las rnams kyi las kyi 'dam rdzab dang rnyog pa bsal nas byang chub kyi rgyu la 'god par byed de/ 'dod chen pa ni/ ma
186a5 gtogs so/ /ke ta ka'i 'bras bus kyang rnyog pa dang bar byed par zad kyi/ lo stong gi bar du bdar du zin kyang 'dam rdzab de las chu dbyung ba ni/ mi nus so/ /de bzhin du
186a6 'dod chen pa'ang dge ba'i rtsa ba zad cing gzhi med par 'gyur ba yin pas de ni/ yongs su mya ngan las 'das pa chen po 'di la bye bar thos su zin kyang byang chub kyi rgyu skyed
186a7 par yong ye mi nus te/ de la dge ba med pa'i phyir ro/ /rigs kyi bu/ dper na/ dug sman gyi sdong po sman gyi rgyal po chen po ni/ dar ba'am/ bu ram mam/ zhun mar ram/
186b1 la ma'am/ chu dang sbyar ram/ phye'am/ lde gu'am/ thug par byas sam/ kha bskus sam/ dud pas bdugs sam/ mig bskus sam/ dri tshor ram/ mthong ngam/ reg par gyur kyang
186b2 rung ste/ sems can thams cad kyi nad sel bar byed la/ shing ljon pa de 'di snyam du bdag gi lo ma khyer na rung ngo / /rtsa ba khyer na mi rung ngo snyam pa'am/ bdag gi rtsa ba khyer na rung
186b3 ngo / /lo ma khyer na mi rung ngo snyam pa'am/ sdong bu khyer na rung ngo / /shun lpags khyer na mi rung ngo snyam pa'am/ shun lpags khyer na rung ngo / /sdong bu khyer na mi rung ngo snyam du mi
186b4 sems te/ de de ltar sems mi skyed mod kyi/ 'on kyang de ni/ sman kho na yin te/ nad thams cad sel bar byed do/ /rigs kyi bu/ de bzhin du yongs su mya ngan las 'das pa
186b5 chen po'i mdo chen po 'di'ang sems can thams cad kyi sdig pa'i las kyi nad rnams sel bar byed de/ pham pa byed pa rnams kyang rung / mtshams med pa byed pa rnams kyang rung /
186b6 'di las phyi rol pa rnams kyang rung ste/ byang chub dgos par mi 'dzin cing sems ma bskyed kyang byang chub kyi rgyu skyed par byed do/ /de ci'i phyir zhe na/ sdig pa thams cad kyi dug sman
186b7 gyi sdong po'i sman ni/ yongs su mya ngan las 'das pa chen po'i mdo chen po yin pa'i phyir ro/ /lus bsgoms pa rnams kyang rung / lus ma bsgoms pa rnams kyang rung ste/ mdo sde
187a1 'di'i ming tsam thos na'ang mdo sde 'di ni/ yod do snyam du shes na/ sdig pa'i nad thams cad 'byang bar 'gyur ro/ /gsor mi rung ba'i nad a na rga la
187a2 zhes bya ba de ni/ ji ltar byas kyang gsor mi rung ngo / /de ci'i phyir zhe na/ de ni/ 'chi bar 'gyur ba'i nad yin pa'i phyir te/ dus ma yin par 'chi ba'i nad ma yin no/ /de bzhin
187a3 du 'dod chen pa'ang mdo sde 'dis byang chub tu gzhog par mi nus te/ de ni/ rgyu med pa dang / shi ba yin pa'i phyir ro/ /dper na/ lag mthil rma med pal dug gis mi tshugs
187a4 la| rma yod pa la ni/ dug gis tshugs par 'gyur ba de bzhin du/ 'dir yang 'dod chen pa la byang chub kyi rgyu mi skye'o/ /de la rma zhes bya ba ni/ byang chub kyi rgyu'o/ /dug ces bya
187a5 ba ni| mchog tu bde ba'o/ /lag mthil rma med pa lta bu ni/ 'dod chen po sdig can yin no/ /dper na/ rdo rje rin po che gzi byin chen po ni/ cis kyang bcag mi nus la sna grangs
187a6 gzhan thams cad ni/ des chom par 'gyur mod kyi/ lug ru ni/ mchod do/ /de bzhin du yongs su mya ngan las 'das pa'i mdo chen po 'dis kyang shin tu sdig pa'i las byed
187a7 pa 'dod chen pa ni/ byang chub tu gzhag par mi nus te/ rgyu med pa'i phyir rdo rjes lug ru la mi tshugs pa bzhin no/ /dper na/ shing sa la ki dang / dong ka'i shing dang / ka na ga
187b1 pra b+ha dang / shing bal gyi shing dang / bal mi ki dang / kar na bal l+ya dang / skan da sta ba dang / ke ta ki dang / pat+t+ra ka dang / bir na dang / ro tsa na rnams ni/ bcad de dum bur gtubs nas
187b2 khyer te khyim du bzhag kyang gal te chu'i rlan dang phrad phan chad myur du skye bar 'gyur te/ lo ma kha 'bu ba dang / snye ma dang ldan zhing yal ga dang sdong bu dang ldan te shing ljon pa zhes bya
187b3 ba'i grangs su gtogs par 'gyur ro/ /de bzhin du bstan pa 'di la'ang pham pa byed pa rnams dang / mtshams med pa byed pa rnams shing ta la'i mgo bcad pa bzhin du gyur pa
187b4 las| mdo sde 'di thos ma thag tu sems bskyed pa dgos par mi 'dzin gyis kyang mi mchog de dag ni/ shing sa la ki dang / dong ka'i shing la sogs pa bzhin du byang chub tu 'khrungs
187b5 par 'gyur ro/ /dper na/ seng ldeng dang / tin+du ka'i shing ljon pa rnams ni/ bcad phan chad sa bon tshig pa bzhin du skye bar mi 'gyur ba de bzhin du 'dod chen po'i sems can rnams
187b6 kyis kyang mdo sde 'di lan mang du thos kyang sa bon tshig pa bzhin du byang chub tu 'khrungs par mi 'gyur ro/ /dper na/ sprin chen po las char bab tu zin kyang sa phyogs byil bor
187b7 'dug pa la chu mi chags pa bzhin du mdo sde chen po'i sprin 'di las chos kyi char 'bab mod kyi/ 'dod chen pa la byang chub kyi rgyu mi chags te/ de ni/ rdo rje bzhin du byil bor 'dug
188a1 pa'i phyir ro/ /'dod chen pa rnams kyis ni/ dge ba byas pa ni/ mi mthong gi/ smad pa dang / bshung ba'i sdig pa gang yin pa ni/ mthong ngo / /legs par byas
188a2 pa ni/ byang chub kyi don to/ /mi 'ong ba ni/ mi phrad pa'i don to/ /dgongs pa ni/ dge ba'i don to/ /dgongs pa las khyad par du 'phags pa'i dge ba su la mi 'ong zhe na/ las bzang po
188a3 ni| 'dod chen pa la mi 'ong ngo / /dge ba'i sems su la mi 'ong zhe na/ 'dod chen pa zhes grags pa ni/ dge ba med pa'i sems can nga rgyal gyi dbang du gyur pa yin te/ 'dod
188a4 chen po de la mi 'ong ngo / /gzhi'i yan lag ci zhe na/ mdo sde spong ba'o/ /de bas na/ mdo sde spong ba ni/ 'jigs su rung ba yin te/ des 'jigs par gyis shig /de yi phyir
188a5 na mkhas pa brtan po rnams/ /lam po che na 'du byed yod pas 'jigs/ /byas pa rnams ni lam chen 'jigs pa med/ /nga rgyal dbang gis mi bzad 'gro bar 'gyur/ /des
188a6 na blo ngan rnams kyis de mi thob/ /spre'u rnams zla ba snyab par byed pa bzhin/ /mi yi dbang po lam chen zhugs pa ltar/ /mkhas pa brtan po rnams kyis thob par 'gyur/ /gang
188a7 gis byas pa mi mthong zhe na/ 'dod chen pa sdig can gyis byas pa mi mthong ste/ des 'khor ba'i mtha'i bar gyi byas pa mi mthong ngo / /ngas de'i don mdor bsdus te bstan gyi/
188b1 mchog tu 'jigs su rung ba 'jigs par gyis shig/ gang gi tshe sems can thams cad sems rtse gcig tu mthun par gyur te bla na med pa yang dag par rdzogs pa'i byang chub mngon
188b2 par rdzogs par 'tshang rgya bar 'gyur srid na/ de'i tshe 'dod chen pa sdig can byang chub mchog tu mngon par rdzogs par 'tshang rgya'ang srid pa zhig na/ de ni/ byas pa mi mthong ba yin te/
188b3 dpa' bo khyod kyis de ltar shes par gyis shig /su'i byas pa chud mi za zhe na/ de bzhin gshegs pa'i byas pa chud mi za'o/ /gang gi tshe 'khor ba na gnas pa'i sems can thams
188b4 cad bla na med pa yang dag par rdzogs pa'i byang chub mngon par rdzogs par 'tshang rgya ba de'i tshe de bzhin gshegs pa'i byas pa chud za bar 'gyur te/ de'i tshe gtan du yongs su mya ngan
188b5 las 'das pa yongs su mya ngan las 'das nas mar me dang shing zad pa'i me bzhin du sangs rgyas mi rtag par 'gyur ro/ /de bzhin du 'dod chen po'i sdig pa'i las kyang smad pa dang /
188b6 bshung ba yin no/ /byang chub kyi rgyu'i bsod nams gang yin pa de gal te byang chub sems dpa' spong bar byed na/ de'ang theg pa chen po la smod pa dang / bshung ba zhes bya'o/ /de ste
188b7 mi spong na ni/ de lta na/ rdzogs pa'i sangs rgyas zhes bya ba'i ming thogs par 'gyur te/ de ni/ sangs rgyas rnams kyi chos nyid yin no/ /'o ma dang ni sdig pa'i las/ /mod la ldang bar mi
189a1 'gyur te/ /me ni thal bas g.yogs pa la/ /byis pa song na 'tshig pa bzhin/ /'dod chen pa long ba gcig pu dgra bcom pa yin par 'dod pa ni/ lam mi
189a2 zad pa chen por 'gro 'dod do/ /byams pa dang ldan pa'i dgra bcom pa yin par 'dod la shin tu rgyas pa sun dbyung bar 'dod de/ dgra bcom pa yin par 'dod cing nyan thos kyi
189a3 theg pa sun phyung nas nga ni/ byang chub sems dpa' ste/ shin tu rgyas pa ston pa yin no/ /sems can thams cad la de bzhin gshegs pa'i snying po'i yon tan rnams yod do/ /
189a4 sangs rgyas yod do/ /zhes zer zhing sangs rgyas su lung ston par byed de/ nga dang khyed kyis nyon mongs pa'i rnam pa chu'i bum pa bzhin du gzhom par bya'o/ /the tshom med par byang
189a5 chub bsgom par bya ste/ mdo sde'i man ngag ni/ de lta bu yin no/ /zhes zer ro/ /dper na/ rgyal po'i pho nya gtsang zhing snying nye la smra mkhas shing gzi byin che ba/ dgra'i nang du rang gi
189a6 srog dang bsdos te rgyal po la tshig rdzogs par smra ba de bzhin du shes rab can shin tu rgyas pa gces par 'dzin pa ni/ byis pa rnams kyi nang du rang gi srog dang bsdos nas
189a7 sems can thams cad la de bzhin gshegs pa'i snying po yod pas sangs rgyas su lung ston par byed do/ /dgon pa pa/ mdo sde sbong ba/ byis pa blun po dgra bcom pa yin
189b1 par 'dod pa gang yin pa de la dgra bcom pa dang 'dra bar lta zhing sems can chen po dang 'dra bar lta ste/ 'dod chen pa dge slong sdig can de dgon pa na gnas shing bdag nyid
189b2 dgra bcom pa dang 'dra bar rtsi bar byed de/ dgon pa na gnas pa'i dge slong rnams gzhan gyis bos pa mi bzod la rkyen bzhi las shin tu rgyas pa ni/ bdud kyis smras pa
189b3 yin no| |bcom ldan 'das ni/ mi rtag go/ chos dang / dge 'dun yang med par 'gyur ro/ /dam pa'i chos med par 'gyur ba'i ltas de lta bu dag kyang snang ngo / /zhes bya ba 'di
189b4 theg pa chen po las legs par bshad do/ /zhes zer te/ de skad du dam pa'i chos ma yin par smra ba ni/ 'o ma bzhin du mod la ldang bar mi 'gyur te/ me thal bas bkab pa
189b5 la bab pa bzhin du byis pa 'dod chen pa rnams phyis 'tshig par 'gyur ro/ /de ltar na/ sangs rgyas kyi bstan pa theg pa chen po cha phra ba yin te/ mdo sde 'di ni/ ke ta ka'i
189b6 'bras bu dang 'dra'o/ /rigs kyi bu/ dper na/ me tog pad+ma kha zum pa nyi ma'i 'od kyis phog na/ 'bye ba de bzhin du yongs su mya ngan las 'das pa chen po'i mdo chen po 'di
189b7 thos ma thag tu byang chub kyi sems ming tsam bskyed pa'ang mi dgos par 'dzin pa'i sems can thams cad kyang dbang med par byang chub kyi rgyu spu drung thams cad du 'jug par 'gyur
190a1 ro| |'dod chen pa rnams la'ang de bzhin gshegs pa'i snying po yod mod kyi/ 'on kyang g.yogs ma bzhin du stug por 'dug go/ /dper na/ dar gyi srin bu/
190a2 rang nyid kyi kun nas dkris te sgo ma gtod par phyir 'byung mi nus pa de bzhin du de bzhin gshegs pa'i snying po'ang de'i las kyi nyes pas 'dod chen pa'i khong nas dbyung bar mi
190a3 nus so| |de bas na/ 'khor ba'i mtha' las byang chub kyi rgyu mi 'thob bo/ /rigs kyi bu/ dper na/ pad+ma dang / ut+pa la dang / ku mu da dang / pad+ma dkar po rnams 'dam gyi nang nas
190a4 skyes kyang 'dam gyis mi gos pa de bzhin du mdo sde chen po 'di la'ang theg pa chen po rnams nyon mongs pa dang bcas pa yin du zin kyang nyon mongs pa med pa'i grangs su gtogs
190a5 so| |ci'i phyir mi gos she na/ de bzhin gshegs pa'i snying po'i byin gyi rlabs kyis mi shes so/ /dper na/ ser bu bsil ba langs pa'i tshe dbang med par sems can thams
190a6 cad kyi spu drung thams cad du zhugs nas tsha ba thams cad zhi bar byed pa de bzhin du mdo sde chen po 'di'ang sems can thams cad kyi spu drung thams cad du zhugs nas dbang med
190a7 par byang chub kyi rgyu la 'jog par byed de/ 'dod chen pa sems bskyed pa dgos par mi 'dzin pa ni/ ma gtogs so/ /rigs kyi bu/ dper na/ sman pa tshe'i rig byed yan lag
190b1 brgyad la mkhas pa ni/ nad pa thams cad gso bar byed mod kyi/ gsor mi rung ba ni/ gso bar mi nus pa de bzhin du mdo sde dang / ting nge 'dzin thams cad kyang 'dod chags dang /
190b2 zhe sdang dang / gti mug gi nad kyis thebs pa thams cad gso bar byed la/ nyon mongs pa'i zug rngu thams cad kyang sel bar byed mod kyi/ pham pa byed pa rnams dang / mtshams
190b3 med pa byed pa rnams ni/ gso bar mi nus so/ /dper na/ sman pa tshe'i rig byed yan lag brgyad kyi rgyu phyi ma shes pa ni/ sems can thams cad kyi nad gso bar byed mod kyi/ des
190b4 kyang 'chi ba'i dus la bab pa'i nad gso mi nus pa de bzhin du yongs su mya ngan las 'das pa chen po'i mdo chen po 'di'ang sems can thams cad kyi nyon mongs pa'i nad thams
190b5 cad bsal nas sems can rnams byang chub kyi rgyu la 'god par byed mod kyi/ 'chi ba'i dus la bab pa lta bu'i 'dod chen pa ni/ ma gtogs so/ /dper na/ dmus long gis
190b6 nyi zla'i 'od kyang mi shes pa gsal bar lta ga la mthong ste/ sman pa chen pos kyang mig rtul ba rnams kyis mig bcos nas mthong bar zad de/ dmus long ni/ ma gtogs so/ /de
190b7 bzhin du yongs su mya ngan las 'das pa chen po'i mdo chen po 'di'ang long ba lta bu'i nyan thos dang / rang sangs rgyas thams cad kyi mig bcos nas myur ba kho nas theg pa chen pa'i mig
191a1 mthong bar byed la/ pham pa byed pa rnams dang / mtshams med pa byad pa sems bskyed mi dgos par 'dzin pa rnams kyang byang chub la 'god par byed mod
191a2 kyi| shin tu dmus long du 'dug pa 'dod chen pa ni/ ma gtogs so/ /rigs kyi bu/ dper na/ sman pa chen po tshe'i rig byed yan lag brgyad kyi rgyud phyi ma shes pa ni/ sman snar
191a3 blugs pa dang / khong du btung ba dang / lus la bsku ba dang / dud pas bdug pa'i las rnams kyis sems can thams cad kyi nad sel bar byed do/ /mgon med pa rnams dang /
191a4 bdag cag la sman mi dgos so/ /snyam ste/ sems mi bskyed pa rnams kyang khyim dag gi nang ngam/ rtswa dag gi khrod du bzhag ste/ sngags dang / sman dang / sman gnod sel gyi
191a5 mthus dug rnams dang / nad rnams sel bar byed la/ bud med sbrum ma bu btsa' bar 'dod na btsar mi btub pa rnams kyang sman gnod sel gyi mthus bde bar btsa' bar
191a6 byed la/ byis pa'ang nad med par byed pa de bzhin du yongs su mya ngan las 'das pa chen po'i mdo chen po 'di glegs bam du byas pa sems can thams cad kyi khyim na 'tshang
191a7 pa de dag kyang theg pa chen po'i mthus bde bar byed la mdo chen po 'dis byang chub sems dpa' sems dpa' chen por yang 'gyur ro/ /pham pa byed pa rnams dang / mtshams
191b1 med pa byed pa sems bskyed mi dgos par 'dzin pa rnams kyang byang chub la 'god par byed de/ 'dod chen pa shi ba dang 'dra ba ni/ ma gtogs so/ /gsol pa/ pham pa bgyid pa rnams
191b2 dang / mtshams ma mchis pa mi bzad pa ta la'i mgo bcad pa dang 'dra ba de dag bdag cag gis byang chub tu sems bskyed mi dgos so/ /snyam du 'dzin na/ sems ma bskyed par de
191b3 dag la byang chub kyi rgyu ji ltar skye bar 'gyur lags/ bka' stsal pa/ rigs kyi bu/ de dag ni/ rmi lam du'ang rung / shi ba'i 'og tu'ang rung ste/ sems can dmyal ba rnams
191b4 su 'tshed pa na/ 'di snyam du sems te/ bdag cag gis ni/ ma legs pa byas so/ /gal te 'di nas thar par 'gyur ba zhig yod na ni/ shin tu 'jigs pa 'di mthong bas
191b5 bdag cag gang dang gang du skyes pa de dang der byang chub tu sems bskyed par bya'o/ /snyam du sems te/ dam pa'i chos dbyung bar sems pa ni/ 'bras bu che ba yin no/ /dper na/
191b6 byis pa la la shed bye nas bdag nyid shes par byed cing 'di ltar bdag ma'i mngal na 'dug pa'i tshe sman pa 'dis sngags dang sman gnod sel gyi mthus bdag gi ma bde bar byas
191b7 pas na srog 'di ni/ khyod kyi drin no/ /kye ma bdag gi ma gang gis bdag zla ba bcu gnyis kyi bar du ma'i mngal na 'chang zhing shin tu nyon mongs par gyur nas de'i 'og tu des bdag
192a1 shin tu tshegs chen pos btsas pa dang / bdag mngal gyi dri ma ljan ljin dang / khrag gis g.yogs pa bkrus pa dang / bdag gi mchu kha chu nal nal por gsher
192a2 bar 'dug pa la 'o byas pa dang / thabs ci yod pas gsos pa ni/ mchog tu dka' ba byed byed pa yin te/ da ni/ khyod kyi bka' drin la bdag skyes pas bla ma'i mchod pa bya dgos
192a3 te| de dang 'tsham par bya'o/ /zhes zer ba de bzhin du pham pa byed byed pa rnams dang / mtshams med pa byed byed pa rnams 'chi ba'i tshe dran pa ma brjed pa'i 'bras bus lha'i
192a4 'jig rten du skye bar 'gyur te/ de nas pham pa byed byed pa dang / mtshams med pa byed byed pa'ang dran pa ma brjed pa'i 'bras bus sems can dmyal ba'am/ mi'i 'jig rten
192a5 du byang chub kyi rgyur 'gyur te/ 'dod chen pa ni/ ma gtogs so/ /dper na/ sman pa'am/ sman pa'i bu rgyud phyi ma shes pas sbrul gdug pa dang / mi gdug pa dang / klu bya gag
192a6 ces bya ba la sogs pa sman gnod sel dang / rig sngags kyi mthus rang gi lam la dbang bya ba bzhin du btul nas dug med par byed de/ klu shin tu drag po ni/ ma gtogs
192a7 so| |de bzhin du mdo sde chen po sman gnod sel dang 'dra ba 'dis kyang pham pa byed pa rnams dang / mtshams med pa'i las byed pa'i sdig can gyi klu mchog tu drag pa sems bskyed
192b1 mi dgos par 'dzin pa rnams btul nas byang chub kyi gnas chen por 'god par byed de/ de bas na/ sems can thams cad kyi bde ba bskyed pa'i phyir yongs su mya ngan las 'das
192b2 pa chen po'i ming sman gnod sel chen po yon tan gyi tshul can zhes bya ste/ 'dod chen pa'i klu drag po mi bzad pa ni/ ma gtogs so/ /dper na/ sman pas dug sman zug rngu 'byin
192b3 pa'i sman gyi rgyal po bsgrubs te/ des rnga bo che la bskus nas pho brang 'khor du rnga de brdungs na sgra de'i mthus skye bo ji snyed kyis sgra thos pa de dag gi zug rngu thams cad 'byung bar 'gyur
192b4 te| de nyid na 'chi ba'i dus la nye ba rnams kyis ni/ 'byung bar mi 'gyur ro/ /de ci'i phyir zhe na/ de dag gi las kyi rnam par smin pa mi bzad pa yod pa'i phyir ro/ /de bzhin du yongs
192b5 su mya ngan las 'das pa chen po'i mdo chen po'i sgra gang du thos kyang rung ste/ 'du byed kyi pho brang 'khor na gnas pa'i sems can thams cad kyi 'dod chags dang / zhe sdang dang / gti
192b6 mug gi zug rngu rnams 'byin par byed la 'du byed pa med par yang byed do/ /pho brang 'khor na gnas pa de dag gi yid la 'di snyam du zug rngu 'byung bar mi 'gyur ro snyam du sems
192b7 mod kyi/ de dag gi yid la zug rngu rnams 'byung bar 'gyur ro snyam du ji ga sems sam/ de bzhin du gcig shos rnams la'ang 'dod chags dang / zhe sdang dang / gti mug gi zug
193a1 rngu rnams 'byung bar 'gyur ro snyam pa'i sems med de/ de dag gi sems ni/ 'dod pa rnams la gnas so/ /de bzhin du pham pa byed pa rnams dang / mtshams
193a2 med pa'i las byed pa sems bskyed mi dgos par 'dzin pa rnams kyi'ang byang chub kyi rgyu skyed par byed de/ 'dod chen pa 'chi ba'i dus la bab pa dang 'dra ba ni/ ma gtogs so/ /
193a3 rigs kyi bu/ dper na/ mtshan mo mun pa'i nang na dzam+bu'i gling pa'i sems can rnams zhing blas la sogs pa'i las bya ba la 'jug pa med de/ nyi ma 'char ba la sdod cing 'khod
193a4 do| |de nas nyi ma shar ba dang zhing blas la sogs pa byed pa la 'jug go/ /de bzhin du theg pa chen po pa rnams kyis kyang mdo sde dang / ting nge 'dzin thams cad thos shing bsgoms nas
193a5 zhing blas byed 'dod pa'i sems can mtshan mo sdod pa bzhin du yongs su mya ngan las 'das pa chen po'i mdo chen po'i nyi ma 'char ba la sdod do/ /de nas mdo chen po 'di las
193a6 dgongs pa'i tshig thos nas dam pa'i chos kyi gnas su las rtsom par byed do/ /de nas zhing blas ji ltar byas pa la char chen po bab pas lo thog skye bar 'gyur la lo'ang legs
193a7 bar 'gyur ro/ /de bzhin du dam pa'i chos kyi zhing blas byas pa la de bzhin gshegs pa'i snying po'i mdo chen po'i sprin chen po las thos pa'i chos kyi char bab na/ rims nad rnam
193b1 pa brgyad las rnam par grol ba dang / bde ba dang / lo legs pa dang / yid du 'ong bar byed pa'i lung bstan pa chen po'i lo thog skye bar 'gyur te/ dam pa'i chos pad+ma dkar po'i mdo
193b2 chen po las nyan thos chen po brgyad cu dpyid zla ra ba la 'bru rnams mthar thug pa bzhin du lung bstan pa chen po'i lo thog skye ba'i mthar thug pa dang 'dra bar 'gyur te/ 'dod chen pa
193b3 ni| ma gtogs so// //'phags pa yongs su mya ngan las 'das pa theg pa chen po'i mdo/ bam po bcu gnyis pa/ rigs kyi bu/ dper na/ sman pa chen pos 'byung
193b4 pos zin pa'am/ sbrul gyis zin pa'i don du sman gyi ri lu'am/ sman gnod sel rgyang grags mang po zhig tu bskur ta/ 'di skad du sman 'di myur du khyer nas kyang de'i dpyad
193b5 gyis shig dang / de ltar byas na/ de'i lha dang / klu dang / gnod sbyin dang / srin po'i gdon rnams med par 'gyur ro/ /de ste ma khyer na/ bdag nyid 'gro bar bya'o/ der bar ma dor chud
193b6 zos na mi rung ngo / /zhes kyang zer la/ de nas sman pa'am/ sman pa'i 'phrin pa de thag ring po zhig nas mthong nas sngags de'i gzi byin dang / mthus gnod pa thams cad zhi bar
193b7 'gyur te/ de'ang bde bar 'gyur ba de bzhin du yongs su mya ngan las 'das pa chen po'i mdo chen po mthu che ba 'di yi ger bris pa zhig ga zhig gi gnas zhig na yod do/ /zhes dge
194a1 slong ngam/ dge slong ma'am/ 'di las phyi rol pa gzhan gyis shes sam/ gzhan las thos na de dag gi byang chub kyi rgyur 'gyur la/ pham pa byed pa
194a2 dang / mtshams med pa'i las byed pa'i 'byung po dang / sha za'i gdon gyis zin pa ji snyed kyis thos kyang rung ste/ de dag thams cad kyang sman pa chen po mthong ba bzhin du gnod
194a3 pa dang bral te byang chub sems dpa' sems dpa' chen por 'gyur ro/ /de ci'i phyir zhe na/ de bzhin gshegs pa rtag pa'i mdo sde chen po'i mthu'i rgyus de ltar 'gyur te/ de lta na/
194a4 gang dag gis mdo sde chen po glegs bam pa la bris pa bklags sam/ thos sam/ bris kyang rung / de dag lta byang chub sems dpa' sems dpa' chen por ci ste mi 'gyur/ 'dod
194a5 chen pa ni/ ma gtogs so/ /dper na/ 'on pas sgra mi thos pa de bzhin du 'dod chen pas kyang mdo sde 'di thos par mi nus te/ de la rgyu med pa'i phyir ro/ /rigs kyi bu/ gzhan
194a6 yang dper na/ sman pa tshe'i rig byed yan lag brgyad kyi rgyud phyi ma shes pa zhig gis rgyal po chen po mthong nas rgyal po chen po khyod la grongs la thug pa tsam gyi snyun gyis
194a7 thebs par 'gyur ro/ /zhes lung bstan pa dang / rgyal po des de la bka' stsal pa/ khyod kyis ma mthong bar nad tshabs po che 'byung bar ji ltar shes/ de nas sman pa des rgyal
194b1 po la gsol pa/ gal te thugs mi ches na/ sman gsol cig dang mngon no/ /zhes byas na/ 'on kyang rgyal po de sman 'thung ngu'ang ma btub bo/ /de nas sman pa chen po des rig pa'i
194b2 stobs kyis gzhang kar gzhang 'brum thon par byas so/ /de nas rgyal po des gzhang 'brum de dag mthong nas skrag cing mi dga' ste kyi bung zhes byas nas sman pa'i tshig bden no snyam
194b3 du sems te/ gzhang 'brum thon par shes nas kye ma sman pa rig pa'i stobs ngo mtshar to snyam ste/ sman pa de la pha ma la gus par bya ba bzhin du bkur sti byed pa de bzhin du yongs
194b4 su mya ngan las 'das pa chen po'i mdo sde chen po 'di ni/ sems bskyed mi dgos par 'dzin pa'i sems can thams cad la'ang sman pa chen pos rgyal po la bya ba bzhin du bde blag tu
194b5 byang chub kyi rgyu la 'jog par byed de/ de dag la rmi lam du'am/ 'chi ba'i tshe'ang rung ste/ sems can de dag gis mi shes bzhin du byang chub kyi rgyu 'jug par 'gyur ro/ /'dod chen
194b6 pa ni/ /ma gtogs te/ sman pa chen pos kyang 'di ni/ gsor mi rung ngo snyam nas las mi bzad pa dang ldan pa'i 'chi bar 'gyur ba'i nad gso bar mi byed do/ /'chi bar 'gyur ba
194b7 dang 'dra ba ni/ 'dod chen pa yin no/ /rigs kyi bu/ dper na/ sman pa tshe'i rig byed yan lag brgyad kyi rgyud phyi ma shes pa zhig gis rang gi bu thog mar rgyud kyi yan lag thang dang / chu
195a1 dang / ri las skyes pa'i sman rnams slob par byed kyi/ thog ma yan lag slob pa tsam na rgyud phyi ma slob par mi byed de/ gang gi tshe tshe'i rig byed yan
195a2 lag brgyad bslab zin pa de'i tshe ni/ rgyud phyi ma las sngags dang sman grub pa'i las slob par byed pa de bzhin du de bzhin gshegs pa dgra bcom pa yang dag par rdzogs
195a3 pa'i sangs rgyas kyang nyid kyi sras dge slong dag la thog ma'i yan lag nyon mongs pa'i rnam pa sbyang ba dang / lus snying po med par sgom pa dang / thang dang / chu dang / ri las
195a4 skyes pa lta bu rnam pa gsum sgom pa slob par mdzad do/ /de la thang zhes bya ba ni/ lus kyi sdug bsngal rnam pa du ma rnams so/ /chu zhes bya ba ni/ lus 'di chu'i chu bur lta
195a5 bur mi rtag pa'o/ /ri zhes bya ba ni/ nyon mongs pa'i rnam pa rnams la bdag med pa ste/ de bas na/ de bzhin gshegs pa ni/ lus 'di ni/ bdag med pa'o/ /zhes slob par
195a6 mdzad do/ /gal te dge slong rnams kyis gsung rab yan lag dgu'i don ma mthong na ni/ theg pa chen po'i mchog 'di slob par mi mdzad do/ /da ni/ sman pa chen po bzhin du
195a7 de bzhin gshegs pa'i gsung rab yan lag dgu la don gyi bya ba byas zin pa'i dge slong rnams la de bzhin gshegs pa'i snying po'i rgyud phyi ma las de bzhin gshegs
195b1 pa'i snying po rtag go /zhes ston par mdzad do/ /de ltar de bzhin gshegs pas yongs su mya ngan las 'das pa chen po'i mdo chen po bstan pa thos na sems bskyed mi dgos par
195b2 'dzin pa'i sems can rnams la'ang byang chub kyi rgyur 'gyur te/ 'dod chen pa ni/ ma gtogs so/ /rigs kyi bu/ de ltar na/ yongs su mya ngan las 'das pa chen po'i mdo
195b3 chen po 'di ni/ de ltar bsam gyis mi khyab ste/ sman chen po bzhin du sman pa rnams kyi mchog yin te/ mdo sde 'di ni/ mdo sde'i rgyal po'i mchog yin no/ /rigs kyi bu/ gzhan
195b4 yang gru ni/ sems can rnams bsgral ba'i phyir pha rol gyi 'gram nas tshu rol gyi 'gram du 'ong zhing / tshu rol gyi 'gram nas pha rol gyi 'gram du 'gro ba de bzhin du de bzhin
195b5 gshegs pa yongs su mya ngan las 'das pa chen pos yongs su mya ngan las 'das nas gru pha rol tu 'gro ba bzhin du sems can rnams sgrol du gshegs te/ gang dang gang du
195b6 gdul bar bya ba rnams yod pa de dang der rdzogs pa'i sangs rgyas ston par mdzad do/ /de bas na/ ji ltar gru gang dang gang du sems can sgrol bar 'dod pa de dang der 'gro ba de
195b7 bzhin du de bzhin gshegs pa'ang de dang 'dra ste/ de bas na/ mnyan pa chen po zhes bya'o/ /de nas de bzhin gshegs pa rtag pa dang / brtan pa yin no/ /gru yod na mnyan pas
196a1 sgrol bar byed la/ de bzhin gshegs pa rtag par yod pa dang / da dung du sems can sgrol zhing skye bar 'gyur ro/ /rigs kyi bu/ gzhan yang dper na/ rgya
196a2 mtsho chen po'i nang du gru bo che 'gro ba rlung dang phrad na drang por 'gro zhing skad cig tsam gyis dpag tshad du mar 'gro la/ gal te rlung dang ma phrad na ni/ lo du mar yang mal gcig na 'dug
196a3 pa'am| yang na bub par 'gyur ba de bzhin du mi shes pa'i rgya mtsho chen por lhung ba'i sems can rnams kyang yongs su mya ngan las 'das pa chen po'i mdo chen po'i rlung gi rgyal
196a4 po dang phrad na ni/ gru bzhin du myur ba kho nar byang chub kyi pha rol tu phyin par 'gyur ro/ /gang dag mdo'i rlung gi rgyal po 'di dang ma phrad pa de dag ni/ gru rgya mtsho chen por bub pa
196a5 bzhin du 'khor ba'i 'khor lor brlag par 'gyur ro/ /rigs kyi bu/ gzhan yang dper na/ rgya mtsho chen po 'jigs pa'i gnas su rlung dang ma phrad na/ de ni/ shi ba nyid 'di yin
196a6 no| |snyam ste dkos thag par gyur pa'i sems can rnams mi shes bzhin du rlung gi rgyal pos yud tsam gyis khyer nas de dag 'di snyam du sems te/ kye ma bdag cag thar par gyur
196a7 pa 'di ni/ ngo mtshar che'o snyam pa de bzhin du/ mdo chen po'i mdo'i rlung gi rgyal po 'di'ang mi shes pa'i rgya mtsho chen po na 'khod pa'i sems can byang chub tu sems bskyed mi
196b1 dgos par 'dzin pa rnams mi shes bzhin du byang chub kyi rgyu la 'god par byed do/ /rigs kyi bu/ gzhan yang dper na/ sprul gyis pags pa rnying pa bor na/ ji ga shi ba'am/ med
196b2 par song ba yin nam/ gsol pa/ bcom ldan 'das/ de ni/ ma lags so/ /bka' stsal pa/ rigs kyi bu/ de bzhin du de bzhin gshegs pa'ang pags pa rnying pa 'dor ba bzhin du
196b3 thabs kyi sku dug sman gyi sdong po rnying pa spong bar mdzad pa la/ ji ga de bzhin gshegs pa mi rtag par 'gyur ram/ gsol pa/ bcom ldan 'das/ de ni/ ma lags te/ sprul
196b4 pags pa brjes pa bzhin du dzam+bu'i gling kha cig tu thabs kyi sku gzhan bor nas thabs kyi sku gzhan ston par mdzad lags so/ /bka' stsal pa/ rigs kyi bu/ de bas na/ de bzhin
196b5 gshegs pa rtag pa yin no/ /rigs kyi bu/ gzhan yang dper na/ gser mgar gyis gser gyi 'byung gnas nas gser bzhus te skyon dang bral bar gyur nas rgyan bzang po ji dang ji
196b6 lta bu'i gzugs su 'dod pa'i gser mgar byed du bcug na/ de dang de lta bur byed pa de bzhin du de bzhin gshegs pas kyang srid pa nyi shu rtsa lnga dag tu gdul bar bya ba rnams
196b7 ci dang ci lta bur 'dod pa de dang de lta bu'i thabs kyis gzugs mngon par sprul nas sems can rnams sgrol bar mdzad do/ /de bas na/ de bzhin gshegs pa'i sku ni/ mtha' yas te/
197a1 rtag pa yin no/ /rigs kyi bu/ gzhan yang dper na/ a mra'i shing ngam/ dzam+bu'i shing yang rung / dus tshigs rnam pa gsum gyi dbang gis 'gyur te/ res
197a2 'ga' ni/ sbal mig bye ba dang / lo ma kha 'bu bar 'gyur ro/ /res 'ga' ni/ lo ma rgyas shing grib ma bsil bar 'gyur ro/ /res 'ga' ni/ shing skam po bzhin du lo ma
197a3 lhags par 'gyur na/ ji ga shing de dag shi zhes bya'am/ gsol pa/ bcom ldan 'das/ de ni/ ma lags so/ /bka' stsal pa/ rigs kyi bu/ de bzhin du de bzhin gshegs
197a4 pa dgra bcom pa yang dag par rdzogs pa'i sangs rgyas nyid gdul bar bya ba'i dbang gis 'jig rten gsum du thabs kyi sku rnam pa gsum du ston par mdzad de/ skye ba lta bu
197a5 dang / 'tsho zhing bzhugs pa lta bu dang / yongs su mya ngan las 'das pa lta bur ston na/ ji ga de bzhin gshegs pa mi rtag pa yin nam/ gsol pa/ bcom ldan 'das/ de ni/
197a6 ma lags so/ /bka' stsal pa/ rigs kyi bu/ de bas na/ de bzhin gshegs pa ni/ rtag pa yin no/ /rigs kyi bu/ de ltar na/ de bzhin gshegs pa'i sku dang / de bzhin
197a7 gshegs pa'i dgongs pa'i tshig kyang shes par dka'o/ /dper na/ rgyal po la la zhig gis rang gi blon po la sen+d+ha pa 'on cig ces de skad bsgo na/ de la sen+d+ha pa zhes bya ba ni/
197b1 lan tshwa dang / skom snod dang / ral gri dang / rta rnams la bya ste/ 'di bzhi'i ming sen+d+ha pa zhes bya ba/ 'di ltar ming gcig la don mang po yod pas/ gang gi tshe rgyal po bshos gsol
197b2 ba na sen+d+ha pa zhes zer na ni/ de'i tshe blon pos sen+d+ha pa lan tshwa yin par rig nas lan tshwa 'bul bar byed do/ /gang gi tshe rgyal po bshos gsol zin nas sen+d+ha pa zhes zer na ni/
197b3 de'i tshe blon pos skom snod yin par rig nas skom snod 'bul bar byed do/ /gang gi tshe rgyal po skyed mos tshal du 'gro ba'i tshe sen+d+ha pa zhes zer na ni/ de'i tshe blon pos rta yin par rig
197b4 nas rta 'bul bar byed do/ /gang gi tshe rgyal po 'thab pa'i tshe sen+d+ha pa zhes zer na ni/ de'i tshe blon pos ral gri yin par rig nas ral gri 'bul bar byed de/ de ltar rgyal po'i dgongs
197b5 ba'i tshig rnam pa bzhi blon po rnams kyis khong du chud par 'gyur ro/ /rigs kyi bu/ de bzhin du theg pa chen po 'di la'ang mi rtag pa rnam pa bzhi zhes bya ba yod par theg pa chen po
197b6 po blon po dang 'dra bas de bzhin du rig par bya ste/ gang gi tshe de bzhin gshegs pa 'jig rten du byung nas sangs rgyas yongs su mya ngan las 'da'o/ /zhes ston na ni/ de'i tshe theg
197b7 pa chen po bas mi rtag pa ston to snyam du shes par bya ste/ mi rtag pa'i 'du shes bsgom par bya'o/ /gang gi tshe de bzhin gshegs pa dam pa'i chos nub pa dang / zhig par 'gyur
198a1 ro| |zhes ston na ni/ de'i tshe sdug bsngal ston to snyam du shes par bya ste/ sdug bsngal bsgom par bya'o/ /gang gi tshe de bzhin gshegs pa dge slong rnams
198a2 dang / dge slong ma rnams la nga'i lus nad chen po mtha' yas pas gzir to/ /dge 'dun 'jig par 'gyur ro/ /zhes ston na ni/ de'i tshe bdag med pa ston to snyam du shes par bya
198a3 ste| bdag med pa sgom pa bsgom par bya'o/ /gang gi tshe de bzhin gshegs pa thar pa ni/ mtshan ma med pa dang / stong pa dang / ci'ang med pa'o/ /zhes ston na ni/ de'i tshe thar
198a4 pa ni/ srid pa nyi shu rtsa lnga dang bral ba yin no/ /zhes ston par shes par bya ste/ de bas na/ stong pa zhes bya'o/ /gang gi phyir de la sdug bsngal med pas na/ de'i phyir sdug
198a5 bsngal ci'ang med pa dang / mchog tu bde ba dang / mtshan ma med pa yin no/ /gang gi phyir de la mi rtag pa dang / mi brtan pa dang / ther zug ma yin pa dang / zhi ba'i rang bzhin ma
198a6 yin pa med pas na/ de'i phyir thar pa ni/ rtag pa dang / brtan pa dang / ther zug dang / zhi ba ste/ de nyid de bzhin gshegs pa yin no/ /gang gi tshe de bzhin gshegs pa sems
198a7 can thams cad la de bzhin gshegs pa'i snying po yod do/ /zhes ston na ni/ de'i tshe yang dag par rtag pa sgom pa bsgom par bya'o/ /dge slong gang dag de ltar sgom pa de dag ni/
198b1 nga'i nyan thos yin no/ /zhes nga zer ro/ /rgyal po'i blon po bzhin du dgongs pa'i tshig la mkhas pa yin no/ /zhes nga zer ro/ /de ltar rgyal po'i lugs la'ang dgongs pa'i tshig yod na/
198b2 nga'i bstan pa la dgongs pa'i tshig ga la zhig med de/ mkhas pa mang po dag gis de ltar rig par bya'o/ /nga'i bstan pa ni/ 'jig rten thams cad dang mi mthun no/ /rigs kyi bu/
198b3 gzhan yang dper na/ shing pa la sha dang / mya ngan 'tshang dang / dong ka'i shing rnams ni/ char pa dkon pa'i tshe me tog kyang ngan par 'gyur/ 'bras bu'ang ngan par 'gyur ro/ /chu dang
198b4 thang las skyes pa'i me tog gzhan rnams kyang khrun thung pa dang / mdog ngan pa dang / gzi byin chung ba dang / dri chung bar 'gyur te/ de ltar na/ ma 'ongs pa'i dus na me tog dang sman
198b5 rnams gzi byin dang / dri la sogs pa nyams par 'gyur ro/ /rigs kyi bu/ de bzhin du nga 'das pa'i 'og tu ma 'ongs pa'i dus na dus ngan pa 'byung ba'i tshe dam pa'i chos 'jig pa na
198b6 sems can rnams bsod nams chung ba'i phyir char pa dkon pa'i tshe me tog gzi byin med par 'gyur ba de bzhin du yongs su mya ngan las 'das pa chen po'i mdo chen po 'di'i dgongs
198b7 pa'i tshig gi tshigs su bcad pa'i don 'jig rten du brda sprod pa'i tshigs su bcad pa dang / tshig dang / tshig sil bu'i phyed tsam sprod par 'gyur ro/ /dge slong sdig can rnams
199a1 kyis kyang rang la mthu med pas dgongs pa'i tshig /gsang ba'i tshigs su bcad pa bdud rtsi'i tshig rnams bor nas gzhan 'don par byed de/ rkun po dag
199a2 gis phub ma khur du 'khyer la che ba la 'os pa'i rin po che 'dor ba bzhin du dge slong g.yel ba rnams kyang mdo 'di'i tshigs su bcad pa dgongs pa'i tshig rnams 'dor bar
199a3 byed do| |kye ma ma 'ongs pa'i dus mchog tu 'jigs shing mchog tu skrag tu rung ba 'byung bar 'gyur ro/ /kye ma ma 'ongs pa'i sems can rnams shin tu dpal yon chung ba dag
199a4 'byung bar 'gyur te/ de dag ni/ mdo sde chen po 'di nyan par mi 'gyur ro/ /gang dag nyan par byed pa de dag ni/ byang chub sems dpa' sems dpa' chen po yin te/ de kho na
199a5 nyid kyi don 'dzin par 'gyur gyi/ yi ge lhur mi 'dzin to/ /mdo sde'i don ji snyed pa de kho na snyed gzhan dag la ston par byed kyi/ don med pa ston par mi byed do/ /rigs kyi bu/
199a6 dper na/ phyugs rdzi mo zhig gis khe phyin par bya ba'i phyir 'o ma'i gzhi las chu bu ram dang sbyar bas bslad nas phyugs kyi gnas nas 'o ma'i bum pa khyer te song nas des
199a7 phyugs rdzi mo zla la btsongs la/ de nas phyugs rdzi mo zla des kyang 'o ma de chu nyis 'gyur gyis bslad nas bar long ma la btsongs/ bar long ma des kyang 'o ma de chu nyis 'gyur gyis
199b1 bslad nas bar long ma'i zla la btsongs/ bar long ma'i zla des kyang chu nyis 'gyur gyis bslad nas grong khyer ram/ tshong 'dus su nyo ba'i mi zhig gis bu'i gtsug phud 'jog pa'i dus ston
199b2 gyi 'o thug bya ba'i phyir 'di dkon pa yin no snyam ste 'o ma de nyes nas 'o ma chus bslad pa des 'o thug btsos nas zas kyi ro mchog de ro chung bar gyur to/ /'on kyang ro bro ba thams cad kyi
199b3 nang na ba'i bcud rnams gtso bo yin la/ de'i nang na'ang 'o ma dam pa yin pas na/ zas kyi mchog de ro tsha bas ches stong 'gyur gyis zhim mo/ /rigs kyi bu/ de bzhin du nga 'das pa'i
199b4 'og tu lo brgya phrag du ma lon pa na/ gang gi tshe dam pa'i chos gnas pa'i lhag ma lo brgyad cu lus pa de'i tshe yongs su mya ngan las 'das pa chen po'i mdo chen po 'di dzam+bu'i gling du
199b5 spyod par 'gyur te/ de'i tshe de ltar mdo sde spyod pa de las dge slong sdig can mchog tu g.yel ba dam pa'i chos kyi me tog gi dri med par byed pa rnams kyis glegs bam 'chos
199b6 par byed de/ mdo sde 'di klog pa na don dang tshig rtogs par dka' ba dgongs pa'i tshig gsang ba rnams las na dang / ma dang / ku la sogs pa dgag pa'i yi ge rnams bor zhing
199b7 gzhan 'don par byed do/ /dge slong rang gi rnyed pa sgrub par rung ba ma yin pa'i rdzas 'chang ba de dag ni/ bdud kyi phyogs yin te/ phyugs rdzi mos bu ram gyi chus 'o ma bslad pa bzhin
200a1 du mdo sde 'di ma rung bar byed do/ /gzhan yang klog mi shes pa dang / chos smra ba ngan pa dang / yi ge ngan pa'i nyes pa dang / chos la mi gnas pa dang /
200a2 bla ma la sri zhu mi byed pa dang / mi ngan pas khyad du bsad pa dang / tshas nyes pa dang / yun ring pa dang / lag brgyud pa'i nyes pa tshig don phyed phyed tsam du gyur pa spyod cing
200a3 mdo sde'i lhag ma chung shas tsam zhig lus par zad do/ /bar long ma las nying dor nyos pa'i 'o mas zas kyi mchog btsos pa ro med par gyur kyang zas kyi mchog de ni/ ro bro ba
200a4 thams cad kyi dam pa yin pa de bzhin du mdo sde chen po 'di'ang de ltar lhag ma cung zad cig lus par zad mod kyi/ nyan thos kyi theg pa'i mdo sde thams cad pas stong 'gyur
200a5 gyis gtso bor gyur pa yin no/ /de ci'i phyir zhe na/ mdo sde dang / ting nge 'dzin thams cad ni/ yongs su mya ngan las 'das pa'i mthu yin pas na/ de'i phyir yongs su mya ngan
200a6 las 'das pa chen po mchog ces bya ste/ ming che ba yin no/ /rigs kyi bu/ gzhan yang rigs kyi bu'am/ rigs kyi bu mos skyes pa'i rang bzhin du 'gyur bar bsgom par
200a7 bya'o| |ci'i phyir zhe na/ bud med kyi rang bzhin ni/ chos ma yin pa thams cad kyi rgyu'i sgo nas 'byung khungs yin te/ dper bya na/ sbrang bu'i gcin gyis ni/ nam yang sa chen
200b1 po brlan par yang mi 'gyur/ ngoms par yang mi 'gyur ba de bzhin du bud med kyang nam yang 'dod pas ngoms par mi 'gyur te/ bud med ni/ gal te sa chen po rgya shug gi rus pa
200b2 tsam mam/ yungs 'bru tsam gyi ri lur byas pa de la ri lu ji snyed yod pa de snyed kyi skyes pa dang lhan cig tu 'dod pas zhen par bsten du zin kyang sbrang bu'i gcin gyis sa brlan zhing
200b3 ngoms par mi 'gyur ba bzhin du bud med rnams 'dod pas ngoms par mi 'gyur ro/ /rigs kyi bu/ gzhan yang bud med ji ltar mi bzad pa nyon cig /bud med ni/ gal te skyes pa
200b4 gang+gA'i klung gi bye ma snyed dam/ gtams snyed dam/ dkrigs snyed dang lhan cig tu 'dod pa zhen par bsten du zin kyang sbrang bu'i gcin gyis sa brlan zhing ngoms par mi 'gyur ba
200b5 bzhin du bud med rnams kyang 'dod pas ngoms par mi 'gyur ro/ /rigs kyi bu/ gzhan yang dper na/ rgya mtsho chen po ni/ sprin chen po'i char 'bab pa'i chu dang / chu klung rnams kyi
200b6 chu der 'bab kyang ngoms pa med pa bzhin du bud med rnams kyang 'dod pas ngoms pa med do/ /rigs kyi bu/ gzhan yang dper na/ me tog gi shing mya ngan 'tshang dang / dong ka'i
200b7 shing dang / paT la sogs pa me tog rgyas pa na bung ba rnams me tog gi khu bas ngoms par mi 'gyur te/ bung ba rnams kyis mkhas pa dang / cha phra ba dang / zab mor me tog gi
201a1 khu ba 'thung bar byed pa de bzhin du bud med rnams kyis kyang skyes pa rnams kyi nor dang / 'dod pa dang / khu ba rnams 'thung bar byed de/ bung ba bzhin
201a2 du ngoms par mi 'gyur ro/ /rigs kyi bu/ de bas na/ yongs su mya ngan las 'das pa chen po 'di thos nas bud med kyi rang bzhin la ma chags pa'i sems bskyed par bya
201a3 ste/ skyes pa'i rang bzhin du 'gyur bar sems bskyed par bya'o/ /ci'i phyir zhe na/ mdo 'di ni/ skyes pa'i rang bzhin de gshegs pa'i snying po yang dag par ston pa'i phyir
201a4 ro/ /skyes pa'i rang bzhin ni/ mi zhes bya'o/ /de bzhin gshegs pa'i rang bzhin ni/ skyes pa'o/ /'jig rten na skyes pa yod pa gang yin pa de dag kyang bdag nyid la de bzhin gshegs
201a5 pa'i snying po yod par mi shes pa'i phyir skyes pa'i rang bzhin ma yin no/ /de bzhin gshegs pa'i snying po mi shes pa gang yin pa de dag ni/ bud med yin no/ /zhes nga zer ro/ /de
201a6 bzhin gshegs pa'i snying po bdag la yod do snyam du yang dag par shes pa gang yin pa de dag ni/ skyes pa'i mchog tu gtogs te/ bud med yin du zin kyang skyes pa'i mchog
201a7 tu gtogs so/ /de ltar na/ yongs su mya ngan las 'das pa chen po'i mdo chen po 'di ni de bzhin gshegs pa'i snying po ston pa'i phyir dpag tu med pa yin no/ /rigs kyi
201b1 bu'am/ rigs kyi bu mo mdo sde'i gnas 'di myur du rtogs par 'dod pas ni/ de bzhin gshegs pa'i snying po la brtson par bya'o/ /gsol pa/ bcom ldan 'das/ de ni/ de lags
201b2 so/ /bcom ldan 'das/ de ni/ de lags te/ bdag kyang deng du de bzhin gshegs pa'i snying po bsgom pa'i slad du skyes pa'i rang bzhin la zhugs lags so/ /mngon par phye
201b3 lags so/ /brda mjal bar bgyis lags so/ /bka' stsal pa/ rigs kyi bu/ legs so/ /legs so/ /'jig rten dang mthun par byed pas ni de ltar blta bar bya'o/ /gsol
201b4 ba/ bcom ldan 'das/ 'jig rten dang mthun pa ma lags so/ /bka' stsal pa/ rigs kyi bu/ legs so/ /legs so/ /de ltar bung ba shing gi me tog za ba bzhin du zab mo'i
201b5 chos kyi zas bza' bar bya'o/ /rigs kyi bu/ gzhan yang dper na/ sprang bu'i gcin nyung shas kyis sa chen po ngoms par mi 'gyur ba de bzhin du sbrang bu'i gcin dang 'dra bar ma
201b6 'ongs pa'i dus na mdo sde chen po 'di 'jig rten du chung shas tsam zhig spyod par 'gyur te/ dam pa'i chos 'jig pa'i tha mar sbrang bu'i gcin sa chen po la song ba bzhin du zad par
201b7 'gyur ro/ /'di ni/ dam pa'i chos nub pa'i ltas bdun pa ste/ ltas gzhan yang yod par mkhas pas shes par bya'o/ /rigs kyi bu/ gzhan yang dper na/ dbyar zad pa'i mjug
202a1 dgun gyi zla ba dang po ni/ ston zhes bya ste/ ston gyi dus la bab pa na ma smin pa smin par bya ba'i phyir sprin rnams kyis char phab nas myur ba myur bar 'gyes pa
202a2 de bzhin du/ mdo chen po 'di yang ston gyi sprin gyis char bab nas myur du 'gyes pa de bzhin du lho phyogs su song nas yongs su mya ngan las 'das pa chen po'i dgongs pa'i tshig
202a3 thams cad kyi chos kyi char 'bebs so/ /de nas lho phyogs kyi byang chub sems dpa' sems dpa' chen po rnams kyis dam pa'i chos 'jig par shes nas dgun gyi dus dang nye
202a4 bar gyur pa'i sprin bzhin du kha che yul du song nas sa la nub par gyur te/ theg pa chen po'i mdo sde shin tu rgyas pa bdud rtsi'i mchog gi dam pa'i chos thams cad nub par
202a5 'gyur ro/ /da ltar ni/ de bzhin gshegs pas mkhyen pa'i mdo sde 'di lag tu 'ongs mod kyi/ dam pa'i chos nub par 'gyur ro snyam du byang chub sems dpa' sems dpa'
202a6 chen po mi mchog rnams kyis shes par bya'o/ /gsol ba/ de bzhin gshegs pa dang / rang sangs rgyas dang / nyan thos dang / byang chub sems dpa'i khams tha dad pa ma
202a7 mchis pa sems can thams cad kyis bde blag tu rtogs par bgyi ba'i slad du bcom ldan 'das kyis gsal zhing zur phyin par bka' stsal du gsol/ bcom ldan
202b1 'das kyis bka' stsal pa/ rigs kyi bu/ dper na/ khyim bdag gam khyim bdag gi bu zhig la ba lang gi lhas mang po yod de/ ba lang spu kha tha dad pa dag bdog la de'i nang na ba
202b2 sngon mo dag kyang yod de/ ba de dag ba rdzi gcig 'tshor bcug go/ de nas khyim bdag des lan gcig na rang gi lha mchod pa'i phyir ba lang gi lhas rnams gcig tu bsdus nas 'o
202b3 ma 'jor bcug go /de nas 'o ma de dag dung gi mdog bzhin du dkar por 'dug pa mthong nas ngo mtshar du bzung ste bsam pa/ 'di na ba 'di dag spu kha tha dad par 'dug na/
202b4 ba sngon mo 'di rnams kyi 'o ma'ang sngon por mi 'dug la/ ba dkar mo rnams kyi'ang de dang 'dra ste/ dung gi mdog ltar 'dug go /snyam mo/ /de nas phyis des rtogs te sems can
202b5 rnams kyi las kyi rnam par smin pa'i rgyu las gyur pa yin par blta bar bya'o/ /snyam mo/ /rigs kyi bu/ de bzhin du nyan thos dang / rang sangs rgyas dang / de bzhin gshegs
202b6 pa thams cad kyi rang bzhin yang 'o ma dang 'dra'o/ /ci'i phyir zhe na/ de dag ni/ zag pa zad pa'i phyir ro/ /sems can thams cad kyis ni/ nyan thos dang / rang sangs rgyas dang /
202b7 de bzhin gshegs pa thams cad kyi rang bzhin tha dad pa dang / dbyibs tha dad par 'dzin mod kyi/ de dag gis kyang khyim bdag bzhin du mthar gyis shes par 'gyur ro/ /rigs
203a1 kyi bu/ dper na/ gser khung ngam/ zangs khung nas rdo dang / gseg ma med pa'i gser gyi rang bzhin rin thang med par 'byung ba de bzhin du/ nyan thos
203a2 dang / rang sangs rgyas dang / de bzhin gshegs pa thams cad kyang gser dang 'dra bar rin thang dang rang bzhin gcig go/ /ci'i phyir zhe na/ rdo dang / gseg ma lta bu'i nyon
203a3 mongs pa dang bral ba'i phyir te/ de bas na/ sangs rgyas kyi ye shes 'di la ni/ dbyer med do/ /sems can thams cad la sangs rgyas kyi khams yod pa'ang de dang 'dra ste/ /
203a4 khyim bdag gis 'o ma ji lta ba bzhin du de dag gis kyang de bzhin gshegs pa'i snying po'i mdo sde thos nas nyon mongs pa'i rnam pa zad par byas te sangs rgyas kyi khams
203a5 rtogs par 'gyur ro/ /gsol pa/ bcom ldan 'das/ ci lags/ sems can thams cad dang / de bzhin gshegs pa rnams tha dad pa ma mchis lags/ gal te de
203a6 bzhin gshegs pa bstan pa de ltar ston par gyur na 'di la skyon chen po mchis te/ da de'i gtan tshigs bka' stsal du 'tshal lags so/ /sems can thams cad dang /
203a7 rang sangs rgyas rnams lta zhog lags kyi/ de ltar na/ shA ri'i bu dang / maud+gal gyi bu gnyis ci'i slad du nyan thos kyi yongs su mya ngan las 'da' bas yongs su mya ngan las
203b1 'da' bar bgyid lags/ rang sangs rgyas rnams kyang ci'i slad du rang sangs rgyas rnams kyi yongs su mya ngan las 'da' bas yongs su mya ngan las 'da' bar bgyid lags/ byang chub
203b2 sems dpa' rnams kyang ci'i slad du byang chub sems dpa'i yongs su mya ngan las 'das pa chen pos yongs su mya ngan las 'da' bar bgyid lags/ /bka' stsal pa/ sangs rgyas
203b3 rnams kyi yongs su mya ngan las 'das pa chen po ni/ nyan thos dang / rang sangs rgyas dang / byang chub sems dpa' rnams kyi ma yin te/ yongs su mya ngan las 'das pa chen po
203b4 'di la ni/ sangs rgyas rnams ma gtogs par gzhan dag gi gnas med do/ /gsol pa/ ji lta bu lags/ bka' stsal pa/ de bzhin gshegs pa ni/ bskal pa bye ba phrag
203b5 grangs med pa mang po zhig na de bzhin gshegs pa 'byung ba ston par mdzad na/ de bzhin gshegs pa dang / nyan thos dang / rang sangs rgyas dang / byang chub sems dpa' rnams
203b6 la khyad par ci yod ce na/ rigs kyi bu/ de bzhin gshegs pa'i mya ngan las 'das pa gsang ba la dgra bcom pa rnams kyi gnas med do/ /zhes nges bstan te/ de ni/ gnas med
203b7 pa yin no/ /de bas na/ yongs su mya ngan las 'das pa chen po'i mdo chen po 'di'i tshul gyis yongs su mya ngan las 'das pa chen po la gnas med do/ /de bas na/ yongs su mya ngan
204a1 las 'das pa chen po zhes bya'o/ /gsol pa/ tha dad pa kho nar gda' lags so/ /bka' stsal pa/ ji ltar snang / gsol pa/ nyan thos dang / rang sangs
204a2 rgyas dang / byang chub sems dpa' rnams kyang yongs su mya ngan las 'das pa chen pos yongs su mya ngan 'das par 'gyur te/ chu klung rnams rgya mtshor 'bab pa bzhin du de
204a3 dag gi gnas kyang de lags so/ /de bas na/ de dag kyang rtag pa zhes bgyi'o/ /bka' stsal pa/ de dag ni/ nga'i mchog tu rtag pa yin no/ /gsol pa/ bcom ldan 'das/
204a4 khams tha dad pa ma mchis pa dang / tha dad pa ji lta bu lags/ bka' stsal pa/ tha dad do/ /gsol pa/ ji lta bu lags/ bka' stsal pa/ dper na/ ba'i 'o ma ni/ mchog
204a5 tu mngar ba yin te/ khams kyang de dang 'dra'o/ /nyan thos rnams dang / rang sangs rgyas rnams kyi khams ni/ zho dang 'dra'o/ /byang chub sems dpa' rnams kyi khams ni/ mar
204a6 dang 'dra'o/ /sangs rgyas rnams kyi khams ni/ mar gyi nying khu dang 'dra ste/ de ltar yongs su mya ngan las 'das pa chen po las gdams ngag ston pa'i de bzhin gshegs
204a7 pas rnam pa bzhir bstan to/ /gsol pa/ sems can thams cad kyi khams ji lta bu lags/ bka' stsal pa/ ba be'u 'brangs ma thag pa'i 'o ma khrag dang 'dres pa
204b1 bzhin du nyon mongs pa'i khrag dang 'dres pa'i khams des de bzhin gshegs pa'i khams mar gyi nying khu dang 'dra ba khyab par 'dug go /gsol pa/ bcom ldan 'das kyis ku
204b2 shi'i grong khyer 'di na gnas pa'i gdol pa 'jig rten gyi khams 'dir sangs rgyas stong dang lhan cig tu de dag gi nang du de bzhin gshegs pa gcig tu gyur te de bzhin gshegs
204b3 pa rab tu dga' ba zhes bya bar 'gyur te/ sems bskyed pa gcig kho nas dus 'di srid cig na myur du sangs rgyas su 'gyur ro/ /zhes sangs rgyas su lung bstan pas lung bstan
204b4 lags na/ ci'i slad du shA ri'i bu dang / maud+gal gyi bu gnyis ches myur du sangs rgyas su 'gyur bas sangs rgyas su 'gyur ro/ /zhes sangs rgyas su lung bstan pas lung bstan
204b5 dang / rang sangs rgyas dang / byang chub sems dpa' kha cig dam pa'i chos dbyung ba'i phyir yun ring por smon lam 'debs pa'ang yod/ kha cig ni/ myur bar smon lam 'debs
204b6 pa'ang yod de/ nga ni/ de'i smon lam gyi dbang gis na/ ches myur bar sangs rgyas kyi gnas mchog tu lung ston par byed do/ /rigs kyi bu/ gzhan yang mnyan pa chen po la la zhig
204b7 gdol ba'i grong khyer du song ste rin po che rin thang med pa tshong ba las gdol pa bye brag mi phyed pa de dag gis rin po che de mthong na 'phyas 'dogs shing 'thing slad byed de/ mnyan
205a1 pas rin che ba yin no/ /zhes byas kyang de dag gi brda mi phrad nas 'di ni/ shel yin no/ /zhes de skad zer ro/ /rigs kyi bu/ de bzhin du ngas kyang nyan
205a2 thos rnams gal te sangs rgyas kyi gnas su myur du sangs rgyas su lung bstan pas lung bstan du zin kyang nor bu dkon pa tshong ba'i mnyan pa bzhin du 'gyur ro/ /gdol pa rnams
205a3 lta bu ni/ ma 'ongs pa'i dus na dge sbyong blun po/ g.yel ba/ dge ba'i rtsa ba spangs pa/ 'tsho bas phongs pa/ bkres shing skom pas gzir ba/ mu ges mnar ba/ rang gi
205a4 lus tsam gso bar byed pa/ 'tsho ba don du gnyer ba/ mi brtan pa rnams 'byung bar 'gyur ba de dag yin te/ de dag gis nga'i nyan thos lung bstan pa thos na 'phyas 'dogs
205a5 shing gshe bar 'gyur la/ brda mi phrad nas tshul khrims 'chal pa yin no/ /zhes bla bar byed do/ /nga'i nyan thos de dag ni/ dge sbyong ma yin te/ /gdol ba rnams dang / mnyan
205a6 pa ji lta ba bzhin no/ /rigs kyi bu/ de bas na/ nga ni/ sems can myur ba'i smon lam can rnams ni/ sangs rgyas su lung ston par byed do/ /dam pa'i chos dbyung ba'i sbyor ba
205a7 can de dag ni/ ji ltar 'dod pa bzhin du yun ring po zhig gis sangs rgyas kyi gnas su lung ston par byed do/ /gsol pa/ ji ltar na/ byang chub sems dpa' sems dpa'
205b1 chen po rnams g.yog 'khor mi phyed pa dang ldan par 'gyur lags/ bka' stsal pa/ byang chub sems dpa' mi mchog rnams ni/ dam pa'i chos dbyung bar bya'o snyam du de'i
205b2 sbyor ba brtan por byas na/ g.yog 'khor mi phyed pa dang ldan par 'gyur ro/ /gsol pa/ sems can ma rungs pa/ 'jigs su rung ba/ lce dang / rkan dang / lkog ma tshig pa rnams
205b3 ci las 'gyur lags/ bka' stsal ba/ gzhi gsum mi shes pa gang yin pa de dag ni/ sems can ma rungs pa/ 'jigs su rung ba/ lce dang / rkan dang / lkog ma tshig par
205b4 'gyur ro/ /dper na/ mi dang / dud 'gro'i lce tshig ba rnams kyis ro drug ste/ mngar ba dang / skyur ba dang / lan tshwa'i ro dang / tsha ba dang / kha ba dang / bska ba rnams za ba na ro'i bye brag
205b5 mi phyed pa de bzhin du sems can mi shes pa/ lce dang / rkan dang / lkog ma tshig pa/ ma rungs pa/ 'jigs su rung ba/ gzhi gsum rtag par mi shes pa gang yin pa de dag ni/
205b6 lce dang / rkan dang / lkog ma tshig pa zhes bya'o/ /rigs kyi bu/ gzhan yang de bzhin gshegs pa rtag par mi shes pa gang yin pa de dag ni/ dmus long gi mchog yin
205b7 no/ /zhes pa zer ro/ /de bzhin gshegs pa rtag par shes pa gang yin pa de dag ni/ sha'i mig dang ldan pa yin du zin kyang lha'i mig dang ldan pa yin no/ /zhes nga zer ro/ /rigs
206a1 kyi bu| gzhan yang mdo sde 'di thos nas de bzhin gshegs pa rtag par shes shing khong du chud pa gang yin pa de dag ni/ lha'i mig dang ldan pa yin no/ /
206a2 zhes nga zer ro/ /lha'i mig dang ldan du zin kyang de bzhin gshegs pa rtag par mi shes pa gang yin pa de dag ni/ sha'i mig dang ldan pa yin no/ /zhes nga zer ro/ /de dag ni/
206a3 da dung bskal pa bye ba mang por yang bdag gi mgo mjug ci 'dra ba'ang mthong ba'am/ bstan par mi nus te/ de bas na/ de dag ni/ de bzhin gshegs pa rtag par bsgom
206a4 pa dang bral ba'i phyir sha'i mig dang ldan pa zhes nga zer ro/ /rigs kyi bu/ gzhan yang de bzhin gshegs pa dgra bcom pa yang dag par rdzogs pa'i sangs rgyas ni/ 'jig
206a5 rten thams cad kyi pha ma lta bu yin no/ /ci'i phyir zhe na/ sems can rkang gnyis dang / rkang mang thams cad la rang rang gi yul bzhin du chos ston cing tshig gcig gis sems
206a6 can thams cad kyis rang rang gi yul bzhin du shes par 'gyur te/ kye ma bdag cag gi rang bzhin dang / 'du shes rnams rtogs par bya ba'i phyir chos ston to snyam du
206a7 'dzin to/ /rigs kyi bu/ gzhan yang dper na/ khyim bdag gam/ tshong dpon yang rung ste/ rang gi bu zla ba bcu drug lon pa dang lhan cig tu lkug pa bzhin du smra bar byed
206b1 de/ de'i dbang gis pu de mi'i skad slob par byed na/ ci de'i pha lkug pa zhes bya'am/ gsol pa/ bcom ldan 'das/ de ni/ ma lags te/ bu de'i dbang gis bgyid par blta
206b2 lags so/ /bka' stsal pa/ rigs kyi bu/ de bzhin du de bzhin gshegs pa'ang lkug pa bzhin du gsung ste/ sems can thams cad dam pa'i chos la dgod pa'i phyir de lta
206b3 bu'i sku ston par mdzad na/ ci de bzhin gshegs pa lkug pa zhes bya'am/ gsol pa/ bcom ldan 'das/ de ni/ ma lags te/ de bzhin gshegs pa ni/ rtag tu seng+ge'i sgra
206b4 sgrog pa lags na/ lkug pa ltar gsung ba de ni/ 'jig rten dang mthun par mdzad par blta bar bgyi lags so/ /de nas de'i tshe bcom ldan 'das nyid kyi zhal nas 'od zer sna
206b5 tshogs bkye ste/ 'od zer de dag gis mgar ba'i bu tsun+da la phog nas kye ma de bzhin gshegs pa la phyin chad dbul du med pa'i sbyin pa ni/ dkon pa yin no snyam nas shin tu rings
206b6 par de bzhin gshegs pa dge slong gi dge 'dun dang bcas pa chim par 'gyur ba'i zhal zas khyer te rang gi 'khor rnams dang lhan cig tu rings par dzam+bu chu klung gi gser dri ma med
206b7 pa'i snod dkyil du nor bu'i 'bur mthon po 'od can gyis spras pa rnams dang / kha cig ni/ dngul gyi snod rin po che sna tshogs kyis sbras pa rnams zhal zas skyu rum sna tshogs dang sbyar
207a1 bas bkang ba dang / mchod pa'i yo byad mang po dag khyer nas grong khyer gyi bar nas byung ste bcom ldan 'das ga la ba der chas so/ /de nas lha'i bu mthu chen po dang
207a2 ldan pa rnams kyis mgar ba'i bu tsun+da bskor nas 'di skad ces smras so/ /tsun+da/ re zhig zhal zas ma dbul bar de bzhin gshegs pa thang gcig zhog cig ces byas so/ /
207a3 de nas yang bcom ldan 'das kyis nyid kyi 'od zer dag bkye ste/ 'od zer de dag gis lha'i bu rnams la phog nas tsun+da btang ngo / /de nas lha la sogs pa der 'dus pa gang yin pa
207a4 de dag thams cad kyis bcom ldan 'das la mchod pa chen po byas te/ tsun+da dang lhan cig tu bcom ldan 'das kyi thad du dong nas 'di skad ces gsol to/ /dge slong rnams
207a5 kyis gdugs tshod la bab na gnang bar mdzad du gsol/ de nas dge slong rnams kyis gdugs tshod la bab par shes nas spyod lam bzang por byas te lhung bzed lag tu
207a6 blangs nas sdod do/ /de nas mgar ba'i bu tsun+das seng+ge'i khri sna tshogs tshig tu bzlas su'ang mi nus pa 'jig rten gyi khams bde ba can gyi rkyen du rung ba lta bu dag kyang bshams
207a7 zhal zas kyang sta gon byas nas bcom ldan 'das la 'di skad ces gsol to/ /de bzhin gshegs pa bskal pa'am/ bskal pa las lhag par yang yun ring du bzhugs
207b1 su gsol/ bcom ldan 'das kyis bka' stsal pa/ tsun+da/ gal te nga yun ring du 'dug par 'dod na/ sbyin pa'i pha rol tu phyin pa tha ma'i dus la bab kyi/ myur du phul cig/
207b2 de nas lha dang / mi thams cad dang / byang chub sems dpa' rnams kyis 'di skad ces smras so/ /kye ma tsun+da skyid de ba 'dis phul ba'i zhal zas de bzhin gshegs pas
207b3 gsol bar chad pa lta/ bdag cag ni/ dpal yon med de/ bdag cag gis zhal zas sta gon byas pa ni/ don med par gyur to/ /de nas bcom ldan 'das kyis nyid kyi spu'i
207b4 khung bu thams cad nas ba spu re re'i khung bu nas kyang sangs rgyas re re mngon du sprul nas der 'khor re re'i nang du'ang de bzhin gshegs pa re re'i dge slong gi dge 'dun dang
207b5 bcas pa thams cad bshos gsol ba lta bur bstan to/ /de bzhin gshegs pa nyid ni/ tsun+das phul ba'i zhal zas gsol lo/ /tsun+das 'bras sA lu yul ma ga d+ha'i na li ta
207b6 brgyad las zhal zas sbyar ba'ang de bzhin gshegs pa'i mthus dge slong gi dge 'dun thams cad zhal zas kyis khyed par mdzad do/ /de nas tsun+da'ang dga' bar gyur te/ bdag
207b7 gi sbyin pa de bzhin gshegs pa dge slong gi dge 'dun dang bcas pas gsol nas yongs su mya ngan las 'das par mdzad do snyam mo/ /'khor de dag thams cad 'di snyam du
208a1 sems te/ bdag cag gis phul ba'i zhal zas de bzhin gshegs pas bzhes kyi/ tsun+da'i ma bzhes so/ /bdag cag gis phul ba'i zhal zas
208a2 gsol nas de bzhin gshegs pa yongs su mya ngan las 'da' bar mdzad do snyam ste mchog tu dga' bar gyur to/ /'khor chen po de na de bzhin gshegs pa rnams bshos
208a3 gsol zhing bzhugs pa'i bar mtshams snyung bu'i rtse mo'i khyon tsam gyis mchod par snang ngo / /kha cig ni/ khab kyi rtse mo khyon tsam gyis phyogs dag na bzhugs shing zhal zas
208a4 dang / mchod pa rnams 'dra bar mngar bar snang ngo / /de nas de'i tshe lha dang mi dang lha ma yin de dag ngu zhing cho nge 'don par byed de/ bdag cag gis so so nas phul ba'i zhal zas
208a5 gsol nas de bzhin gshegs pa yongs su mya ngan las 'da'o/ /phyin chad bdag cag gis su la zhal zas dbul bar bya/ bdag cag ni/ mgon dang bral te mgon med par
208a6 'gyur ro/ /zhes 'dzer to/ /de nas bcom ldan 'das kyis 'khor de dag thams cad la tshigs su bcad pa 'di dag gsungs so// //'phags pa yongs su mya ngan las
208a7 'das pa theg pa chen po'i mdo/ bam po bcu gsum pa ste/ tha ma/ sangs rgyas chos nyid 'di yin gyi/ /gdung zhing ngu bar ma byed cig /nga ni mya ngan 'da' ba na/ /bskal pa bye ba zad
208b1 par 'gyur/ /nga yi rtag bde dam pa yi/ /mya ngan 'da' ba nga las nyon/ /nga ni kha zas mi za ste/ /bru ba tsha ba yong gis med/ /sems can kun la phan bde ba'i/ /rjes su yi rang ngas bshad
208b2 kyi| |thos nas yang dag rdzogs sangs rgyas/ /rtag pa de nyid shes par gyis/ /gang tshe 'ug pa bya rog rnams/ /shing gcig la ni gnas nas kyang / /spun dang bu dang 'dra bar ni/ /phan chun
208b3 rtag tu tshim par byed/ /de'i tshe sgra gcan zin bzhin du/ /de bzhin gshegs pas sems can gzigs/ /sems can kun gyi mchog gyur pa/ /gtan du mya ngan 'da' bas grongs/ /
208b4 gang tshe sbrul dang ne'u le dag /shing gcig drung du gnas nas kyang / /spun dang bu dang 'dra bar ni/ /phan tshun rtag tu tshim par byed/ /de tshe sgra gcan zin bzhin du/ /de bzhin gshegs
208b5 pas sems can gzigs/ /sems can kun gyi mchog gyur pa/ /gtan du mya ngan 'da' bas grongs/ /gang tshe sab ta par na yi/ /me tog bar shi'i drir 'gyur zhing / /ka ra ka yi shing
208b6 rnams las/ /ten+du ka yi 'bras bu 'byung / /de tshe sgra gcan zin bzhin du/ /de bzhin gshegs pas sems can gzigs/ /sems can kun gyi mchog gyur pa/ /gtan du mya ngan
208b7 'da' bas grongs/ /gang tshe sdig can 'dod chen pa/ /byang chub mngon par rdzogs 'tshang rgya/ /mchog tu bde ba thob nas kyang / /nyes pa thams cad rnam spangs pa/ /de tshe sgra gcan zin
209a1 bzhin du/ /de bzhin gshegs pas sems can gzigs/ /sems can kun gyi mchog gyur pa/ /gtan du mya ngan 'da' bas grongs/ /gang tshe sems can thams
209a2 cad ni| |bsam pa mthun par gnas gyur te/ /byang chub mchog tu rdzogs sangs rgyas/ /nyes pa thams cad rnam spangs pa/ /de tshe sgra gcan zin bzhin du/ /de bzhin gshegs pas
209a3 sems can gzigs/ /sems can kun gyi mchog gyur pa/ /gtan du mya ngan 'da' bas grongs/ /gang tshe sbrang bu'i gcin tsam gyis/ /rgya mtsho bzhi yi mthas klas pa/ /nags
209a4 tshal ri rnams bcas pa yi/ /sa gzhi ngoms par gyur pa na/ /de tshe sgra gcan zin bzhin du/ /de bzhin gshegs pas sems can gzigs/ /sems can kun
209a5 gyi mchog gyur pa/ /gtan du mya ngan 'da' bas grongs/ /de bas na/ chos dang ldan pa/ chos la gus pa khyed mya ngan ma byed cig /ma ngu zhig /de bzhin gshegs
209a6 pa ni| rang la dbang yod kyi/ mi rtag pa'i 'du shes ma byed par rtag pa dang / ther zug pa dang / mchog tu brtan pa yin par yang dag par ltos shig /gzhi gsum rtag pa'i
209a7 gsang sngags kyi sba ba dang / srung ba 'dis bsrung bar gyis shig /gzhi gsum rtag pa'i gsang sngags kyis ni/ gnam lcags kyis tshig pa'i shing rnams kyang skye bar
209b1 'gyur te/ yal ga phre'u dang / sbal mig bye ba dang / lo ma kha 'bus pa dang ldan par 'gyur ro/ /'khor bzhi po las gzhi gsum rtag par rjes su yi rang ba'i gtam 'di phan tshun
209b2 thos na| byang chub kyi sems bskyed mi dgos par 'dzin kyang gzhi gsum mchog tu rtag pa'i rgyus na byang chub kyi rgyu skye bar 'gyur te/ 'di ni/ sangs rgyas kyi rjes su yi rang ba zhes
209b3 bya'o| |gzhi gsum rtag pa las byung ba'i rjes su yi rang ba 'di dge slong ngam/ dge slong ma gang dag sems can rnams la ston par byed pa de dag ni/ yul 'khor gyi bsod snyoms
209b4 za bar 'os pa yin no/ /gcig shos dag ni/ 'os pa ma yin no/ /ji ltar rjes su yi rang ba 'dis gtol ba de 'jig rten thams cad du bde bar gyur pa'i chos kyi bden pa des ni/ dam
209b5 ba'i chos 'dod pa rnams la bgegs med pa dang / gnod pa med par gyur cig /de nas lha dang / lha ma yin dang / mi dang bcas pa'i 'jig rten gyis de bzhin gshegs pa rtag par
209b6 khong du chud nas rab tu dga' ba'i sems dang / dge ba'i sems dang / sgrib pa dang bral ba'i sems dang / gzhol ba med pa'i sems dang / pad+ma kha bye ba lta bu'i bzhin dang ldan par
209b7 gyur nas lha'i mchod pa chen po'i las byas te/ me tog dang / phye ma dang / bdug pa dang / spos kyis bsgo ba la sogs pa gtor to/ /sil snyan la sogs pa'ang dkrol to/ de nas bcom
210a1 ldan 'das kyis byang chub sems dpa' sems dpa' chen po 'od srung chen po dang rus gcig pa la bka' stsal pa/ rigs kyi bu/ khyod kyis deng 'dir ngo
210a2 mtshar rmad du byung ba ci mthong / gsol pa/ bcom ldan 'das/ bdag gis sngon lan 'ga' yang ma mthong ba'i ngo mtshar rmad du byung ba mthong ste/ 'khor re res phul ba'i
210a3 zhal zas de bzhin gshegs pa re re dge slong gi dge 'dun dang bcas pas gsol ba mthong ba lags so/ /'khor 'di na snyung bu'i rtse mo tsam gyis khyon dag la'ang ji ltar
210a4 bshams pa'i gdan dag la de bzhin gshegs pa sku chen po du ma bde bar bzhugs te rjes su yi rang ba bcu gsum gyi tshigs su bcad pa dag ston cing bzhugs pa mthong
210a5 lags so/ /sems can thams cad kyis ni/ sgyu 'phrul 'di ma 'tshal te/ bcom ldan 'das ni/ bdag gis phul ba'i zhal zas gsol zhing bzhugs so snyam du 'dzin
210a6 lags so/ /mi mchog byang chub sems dpa' sems dpa' chen po 'jam dpal gzhon nur gyur pa la sogs pas ni/ tsun+das de ltar 'bras sA lu yul ma ga d+ha'i na li ka
210a7 brgyad las zhal zas sbyar ba'ang rdul tsam yang dge slong gi dge 'dun gyis mi gsol ba dang / de bzhin gshegs pa zhal zas mi gsol ba'i ya mtshan rmad du byung ba 'di
210b1 yang dag par 'tshal te/ 'di ni/ thabs tsam du mdzad par bas so snyam du sems lags so/ /nyan thos kyi tshogs rnams kyis ni/ kye ma de bzhin gshegs pa ni/ dpag tu med
210b2 pa dang / rtag pa lags so snyam du ma 'tshal lags so/ /de nas bcom ldan 'das kyis mgar ba'i bu tsun+da la bka' stsal pa/ tsun+da/ khyod kyis ngo mtshar rmad du byung ba ci mthong /
210b3 gsol pa/ bcom ldan 'das/ sngar ni/ de bzhin gshegs pa ya mtshan gyi mchog sum cu rtsa gnyis dang / dpe byad bzang po brgyad cu mnga' ba du ma mthong ba las/ da ni/ rang
210b4 rang gis bsgyur nas 'di na byang chub sems dpa' sems dpa' chen po lus chen po dag tu snang lags so/ /de bzhin gshegs pa ni/ dug sman gyi sdong po lta bu'i sku gcig pur
210b5 gyur te| byang chub sems dpa' rnams kyis bskor bar gda' lags so/ /bka' stsal pa/ sangs rgyas snga ma gang yin pa de dag ni/ sems can thams cad la phan pa dang / bde
210b6 ba dang / yid dga' bar bya ba dang / bsod nams mi zad par bya ba'i phyir sprul pa yin te/ sgyu 'phrul 'di ni/ byang chub sems dpa' rnams ma gtogs par sems can rnams kyis
210b7 mi shes so/ /de ltar na/ byang chub sems dpa'i spyod pa ni/ dpag tu med do/ /de ltar na/ byang chub sems dpa' sems dpa' chen po rnams ni/ dpag tu med do/ /byang chub sems dpa'
211a1 mi mchog rnams la ni/ sangs rgyas kyi rnam par 'phrul pa'i mthu yod do/ /mgar ba'i bu tsun+da'ang byang chub sems dpa' sems dpa' chen po sa bcu thob
211a2 pa yin te/ byang chub sems dpa' rnams kyi mchog gi mthar thug pa ni/ de lta bu yin no/ /'od srung chen po dang rus gcig pas gsol pa/ bcom ldan 'das/ de ni/ de
211a3 lags te/ byang chub sems dpa' rnams kyi nang na mi mchog tsun+da la bdag rjes su yi rang lags so/ /bcom ldan 'das/ da ni/ mdo sde rnams bshad pa'i slad du gnang ba
211a4 mdzad pa'i rigs so/ /bcom ldan 'das/ ci lags/ mdo sde thams cad lhag ma mchis pa'i don lags sam/ 'on te lhag ma ma mchis pa'i don lags/ bka' stsal pa/
211a5 lhag ma yod pa'i don kyang yin/ lhag ma med pa'i don kyang yin no/ /gsol pa/ sbyin pa kun tu bsngags pa yin/ /sbyin pa gang du'ang smad pa med/ ces bgyi ba 'dir lhag
211a6 ma mchis pa'i don du ji ltar bshad lags/ tshigs su bcad pa'i don ni/ gang lags/ tshul khrims dang ldan pa dang / tshul khrims 'chal ba'i bye brag ni/ ci mchis/
211a7 bka' stsal pa/ gcig ma gtogs par sbyin pa ni/ thams cad du bsngags so/ /gsol pa/ ma gtogs pa gang lags/ bka' stsal pa/ mdo 'di las tshul khrims
211b1 'chal bar brtsi ba gang yin pa'o/ /gsol pa/ bcom ldan 'das/ bcom ldan 'das la deng bdag 'di kho na zhu lags na/ myur du bka' stsal du gsol/ bka' stsal pa/ 'dod chen pa ma
211b2 gtogs par sbyin pa ni/ thams cad du bsngags pa yin no/ /gsol pa/ 'dod chen pa ji lta bu lags/ bka' stsal pa/ dge slong dam/ dge slong ma'am/ dge bsnyen nam/ dge bsnyen
211b3 ma'ang rung ste/ tshig ngan pas mdo sde spangs nas phyis bzod pa gsol bar yang mi byed pa de lta bu gang yin pa de ni/ 'dod chen pa'i lam du zhugs pa yin no/ /pha ma pa bzhi byung ba rnams
211b4 dang / mtshams med pa lnga byed byed pa gang yin pa de dag ni/ bdag cag 'jigs pa'i gnas su zhugs so snyam du shes kyang 'jigs par mi lta ba dam pa'i chos kyi phyogs kyang mi 'dzin
211b5 dam pa'i chos dbyung ngo snyam du 'bad par yang mi byed la/ de nyid kyi bsngags pa ma yin par yang rjod par byed pa de dag kyang 'dod chen pa'i lam du zhugs pa yin no/ /sangs rgyas med do/ /
211b6 chos med do/ /dge 'dun med do/ /zhes zer ba gang yin pa de dag kyang 'dod chen pa'i lam du zhugs pa yin no/ /zhes nga zer to/ /'dod chen po de dag ma gtogs par sbyin pa thams cad
211b7 du bsngags so/ /gsol pa/ de la tshul khrims 'chal ba zhes bgyi ba gang dag lags/ bka' stsal pa/ pham pa bzhi byed byed pa rnams dang / mtshams med pa lnga byed byed pa rnams
212a1 dang / mdo sde spong bar byed pa de dag nyid do/ gsol pa/ bcom ldan 'das/ ci lags/ de dag rtag tu tshul khrims 'chal ba kho na lags sam/ bka' stsal
212a2 pa| 'di la rgyu yod de/ des na ye rtag pa'ang yod/ ye mi rtag pa'ang yod de/ gang dag gos chon can gyi rtags can rnams dang lhan cig tu mi gnas shing / kye ma bdag cag ni/ pham
212a3 pa byung ba yin te/ bdag cag gis nyes pa byas so snyam nas 'jigs par lta la/ de dag dam pa'i chos dbyung bar bya'o snyam nas nyams su len par byed cing dam pa'i chos kyi
212a4 phyogs 'dzin pa rnams kyi bsngags pa brjod par bya'o/ /chos ma yin pa'i phyogs rnams ni/ tshar gcad par bya'o/ /mtshungs pa med pa'i mdo sde rnams ni/ gdon par bya'o snyam du
212a5 brtson par byed pa gang yin pa de dag tshul khrims 'chal ba yin no/ /zhes nga mi zer ro/ /de ci'i phyir zhe na/ rigs kyi bu/ dper na/ nyi ma shar na lho bur gyi rdul sangs par 'gyur
212a6 bde bzhin du mdo sde chen po'i nyi ma 'di shar ba na de ltar sgom byed pa'i sems can rnams kyi sdig pa'i phung po grangs med pa byas pa rnams zad par 'gyur te/ de ltar na/ dam pa'i
212a7 chos 'byin pa ni/ 'bras bu che ba yin no/ /mtshams med pa byed byed pa rnams dang / mdo sde spong ba gang yin pa de dag gal te kye ma bdag cag gis mdo sde spang ba byas pa 'di
212b1 ni/ bdag cag brlag par 'gyur ba yin te/ nyes pa byas so snyam du 'gyod cing gdung bar gyur nas bdag cag gi skyabs ni/ mdo sde nyid yin te/ 'khra sa gzhan ma mthong ngo snyam du
212b2 sems bskyed par byed na/ de dag ni/ zla ba phyed dam zla ba gcig gam/ dus ji srid kyi bar du mdo sde la skyabs su ma song ba'i bar du ni/ de dag la byin pa 'bras bu chung bar 'gyur
212b3 ro/ /gang gi tshe mdo sde la skyabs su song ba de'i tshe ni/ de dag kyang yon gnas su 'gyur ro/ /gal te mtshams med pa byed byed pa'ang 'gyod de/ kye ma bdag gis mi rigs pa byas kyi/
212b4 bdag gis dam pa'i chos dbyung bar bya'o snyam du sems na/ de'ang mtshams med pa byed byed pa ma yin par rig par bya ste/ de la ni/ chung ngu zhig byin na'ang 'bras bu yod do/ /mchog
212b5 tu tshul khrims 'chal ba gcig shos de dag la byin pa ni/ 'bras bu chung zad kyang med do/ /rigs kyi bu/ gzhan yang pham pa byed byed pas ji ltar bya ba nyon cig /pham pa byed byed pas
212b6 ni/ chos kyi de kho na nyid de bzhin gshegs pa'i snying po khong du chud par byas nas dam pa'i chos dbyung bar bya'o snyam du bsam na/ de la byin pa'ang chos khyad par can du 'gyur ro/ /
212b7 rigs kyi bu/ dper na/ bud med sbrum ma zhig yul 'khrugs nas yul gzhan du song ste lha gang zhig gi nang du bu khye'u zhig btsas te/ de bde bar gyur nas khye'u de khyer te bdag gi
213a1 yul zhi bar gyur pa'i 'og tu de longs su chas pa las chu klung chen po zhig dang phrad nas chu de brgal ba na bu dang bcas te chu'i nang du nyam thag par gyur
213a2 nas bdag ni/ shi'ang bla'i/ khye'u 'di thar par bya'o snyam nas de de'i don du 'bad pa las bu dang lhan cig tu shi na/ sngon mchog tu 'jigs pa'i las byas su zin kyang bu la
213a3 byams shing thar par bya'o snyam pa'i 'bras bus mtho ris su skyes pa de bzhin du pham pa byed byed pa dang / mtshams med pa byed byed pa las dam pa'i chos 'byin par byed pa de
213a4 dag ni/ sngon sdig pa'i las byas su zin kyang dam pa'i chos 'byin pa'i 'bras bus bud med de dang 'dra bar sems can thams cad kyi yon gnas su gyur te/ dam pa'i chos 'byin
213a5 pa'i 'bras bu ni/ de ltar che'o/ /gsol pa/ bcom ldan 'das/ 'dod chen par ltung bar gyur pa las slad kyis gzhi gsum la 'chags par bgyid cing bzod pa gsol bar bgyid
213a6 na/ ci lags/ de la stsal pa'ang 'bras bu che bar 'gyur lags sam/ bka' stsal pa/ rigs kyi bu/ de skad ma zer cig /dper na/ mi la la zhig gis shing tog a mra zos
213a7 nas rus pa sa la bor ba'i 'og tu des 'di snyam du bsam ste nang gi tshig gu zhim yang dag snyam nas des de'i phyi rol gyi rus pa bor te tshig gu zos pa dang / des de'i ro mi zhim
213b1 par tshor nas yang por ro/ /de nas des kyi hud bdag gis sa bon ngan pa ma rung bar byas so snyam du bsam nas sa bon de phyir rus pa'i nang du bcug nas sa brkos pa'i 'og tu bcug
213b2 ste/ 'o ma dang mar khus blugs la char chen po rab tu zin kyang sa bon ngan pa ma rungs par byas pa skye bar mi 'gyur te/ skye mi srid do/ /de nas sa bon 'di ni/ ma rung bar byas pa yin
213b3 te/ skye bar mi 'gyur ro snyam nas ngal bar gyur te cang mi zer bar 'dug pa de bzhin du 'dod chen pa la'ang sa bon med de/ 'dod chen pa 'chags shing bzod pa gsol ba'i sems
213b4 bskyed pa ni/ mi srid do/ /de bas na/ 'dod chen pa de lta bu la ni/ thams cad du sbyin pa 'bras bu che ba ma yin no/ /dgra bcom pa rnams la phul ba'i 'bras bu'ang tha dad do/ /rang
213b5 sangs rgyas rnams la phul ba'i 'bras bu'ang tha dad do/ /de bzhin gshegs pa rnams la phul ba'i 'bras bu'ang tha dad do/ /de bas na/ thams cad du sbyin pa'i 'bras bu che ba ma
213b6 yin no/ /gsol pa/ ci'i slad du bcom ldan 'das kyis tshigs su bcad pa 'di'i don rnam pa gnyis su bka' stsal lags/ bka' stsal pa/ rgyu las 'gyur te/ sngon rgyal
213b7 po'i khab kyi dge bsnyen dad pa med pa gcer bu pa la dga' ba zhig yod pa des nga la sbyin pa byas pa cir 'gyur ba dris pa de'i tshe de drang ba'i phyir sbyin pa kun tu bsngags pa yin
214a1 zhes pa'i tshigs su bcad pa de de la bstan to/ /de ni/ byang chub sems dpa' rnams kyi don du tshigs su bcad pa'i don dgongs pa'i tshig tu bstan te dus
214a2 thams cad du tshigs su bcad pa'i don 'dra bar bstan pa ma yin no/ /thams cad ces bya ba ni/ skabs dang sbyar te tshig gi lhag ma yod par rig par bya'o/ /byang chub sems
214a3 dpa' mi mchog gis ni/ tshul khrims 'chal ba rnams zhing gi rngo bzhin du tshar gcad par bya'o/ /rigs kyi bu/ gzhan yang ngas sngon tshigs su bcad pa 'di bstan te/ 'di
214a4 lta ste/ chu klung chu kun gya gyur 'bab/ /nags tshal kun ni shing nyid yin/ /bud med kun la g.yo sgyu yod/ /dbang phyug thams cad bde ba yin/ /bud med rnams kyi sems ni/
214a5 g.yo sgyu can dang / 'jigs su rung ba yin no/ /de bas na/ 'jam dpal gzhon nur gyur pa stan las langs te bcom ldan 'das kyi zhabs la mgo bos phyag btsal nas
214a6 bcom ldan 'das la slar tshigs su bcad de gsol pa/ chu kun gya gyur 'bab ma lags/ /nags tshal kun kyang shing ma lags/ /bud med kun la'ang g.yo ma mchis/ /
214a7 dbang phyug kun kyang bde ma lags/ /de bas na/ bcom ldan 'das kyis chos kyi sgo de skad du bka' stsal pa de ni/ legs par bka' stsal pa ma lags te/ 'di la rgyu ci
214b1 mchis pa bka' stsal 'tshal lags so/ /stong gsum gyi stong chen po'i 'jig rten gyi khams 'di na gling tha dad pa nub kyi ba lang spyod ces bgyi ba mchis te/ de na chu klung gi ming drang por
214b2 'bab ces bgyi ba shing mkhan gyi thig skud bzhin du nub phyogs kyi rgya mtsho nas shar phyogs kyi rgya mtshor drang por 'bab pa zhig mchis la/ thams cad ces bgyi ba ni/ shin tu rgyas
214b3 pa'i lung las lhag ma yod pa'i don lags par bcom ldan 'das kyis bka' stsal na/ chu klung drang por 'bab ces bgyi ba de shin tu rgyas pa'i lung gi mdo gang las bshad pa bcom
214b4 ldan 'das bden pa srung bas bka' stsal du gso/ /dper na/ nor gyi 'byung khungs kyi rgyus mkhan 'byung khungs la mi mkhan pa zhig gis de kho na na gser mchis bzhin du 'di
214b5 na gser ma mchis so/ /zhes mchi bas ni/ gnas kyi phyogs cha'i bye brag tsam nyi tshe shes par bgyi 'tshal lags so/ /nags tshal kun ni shing nyid yin/ /zhes bgyi ba ni/ lhag
214b6 ma yod pa'i don lags la/ nags tshal ni/ rnam pa mang du mchis te/ 'di lta ste/ gser dang / baiDUR+ya'i nags tshal yang mchis lags so/ /de bzhin du/ bud med kun la g.yo
214b7 sgyu yod/ /ces bgyi ba de'ang lhag ma yod pa'i don lags te/ bud med la'ang tshul khrims dang ldan pa dang / 'dod chags dang bral ba dang / ser sna ma mchis pa du ma mchis
215a1 lags so/ /dbang phyug thams cad bde ba yin/ /zhes bgyi ba de'ang lhag ma yod pa'i don lags te/ dbang phyug ces bgyi ba ni/ 'khor los bsgyur
215a2 ba'i rgyal po dang / sangs rgyas rnams dbang phyug gi mchog lags mod kyi/ de dag kyang 'chi 'pho'i dbang du 'gyur zhing zad pa'i chos can lags la/ tshangs pa'i dbang
215a3 phyug 'di dag kyang lhung ba'i chos can lags te/ de bas na/ de dag ni/ dbang phyug ma lags zhes bdag mchis lags so/ /rtag pa dang brtan pa'i dbang phyug gang
215a4 lags pa de ni/ mya ngan las 'das pa mchog tu bde ba'i dbang phyug lags so/ /bka' stsal pa/ 'jam dpal/ dper na/ sman pa zhig gis khyim bdag gi bu zhig
215a5 gi nad gso bar byed de sman mar bskol nas de 'thung du bcug pha na nad pa de mar mang du 'thung bar rtsol lo/ /de nas sman ba des de la smras pa/ nyam stobs dang ldan pas
215a6 ni/ mar mang du btung bar brtsal kyang des 'ju bar nus kyi/ khyod ni/ nyam stobs med pas mar ha cang mang du ma 'thung zhig/ /mar ni/ nad sel ba'ang yin mod kyi/ mang du
215a7 'thungs na/ de nyid kyis khyod ye 'brog tu 'chi bar 'gyur ro/ /zhes byas na/ ci sman pa phan par 'dod cing snying brtse ba des yang dag pa'i don de ma rung bar byas pa yin nam/ de
215b1 bzhin du sangs rgyas bcom ldan 'das kyis kyang rgyal po dang / blon po dang / btsun mo rnams kyi nga rgyal bsal ba dang / ko sa la'i rgyal po gsal rgyal gyi btsun mo rnams gzhan dang
215b2 g.yem pa la 'jigs pa dang / skyo ba bskyed pa'i phyir sman pa bzhin du de bzhin gshegs pas rgyal po gsal rgyal las brtsams nas/ chu klung chu ni gya gyur 'bab/ /ces tshigs su
215b3 bcad pa 'di bka' stsal te/ chu klung gya gyur 'bab ces bya ba la de bzhin gshegs pa 'khrul pa med do/ /gang gi tshe 'khrul ba zhig tu gyur na/ gnam sa log par 'gyur ro/ /de
215b4 bas na/ thams cad smos te gsungs pa ni/ lhag ma yod pa'ang lhag ma med pa dang 'dra bar gsungs so/ /'jam dpal/ byang chub sems dpa'i khyu mchog dam pa khyod kyis sems
215b5 can thams cad la phan pa'i phyir shes rab rgyas par bya ba 'di legs so/ /legs so/ /de nas 'jam dpal gzhon nur gyur pas bcom ldan 'das la yang tshigs su bcad de gsol
215b6 pa/ bdag gis byas dang ma byas rnams/ /brtag par bya yi gzhan dag gi/ byas dang ma byas rnams dang ni/ gzhan gyi mi mthun brtag mi bya/ /zhes bcom ldan 'das de bzhin gshegs
215b7 pas chos kyi sgo de skad du bka' stsal pa ni/ legs par bka' stsal pa ma lags te/ 'di la ci'i slad du/ de skad ces bka' stsal ba'i rgyu bka' stsal 'tshal lags so/ /
216a1 bcom ldan 'das kyis gsung rab yan lag dgu las 'di na gcer bu ba sems can dmyal ba thams cad dang / ya mtshan can dgu bcu rtsa drug po rnams
216a2 la ni| lam ngan par zhugs pa yin no/ /sangs rgyas kyi sras thams cad ni/ mya ngan las 'das pa la zhugs pa yin no/ /drang po dang / tshul khrims dang / cho ga dang ldan pa dang /
216a3 dbang po thul ba gang yin pa de dag thams cad ni/ mtho ris su 'gro ba dang / chos kyi spyod yul can yin no/ /zhes bdag bstod pa dang / gzhan smod pa dang / gzhun gshung ba bka'
216a4 stsal te/ bcom ldan 'das kyis de ltar gzhan dang mi mthun pa rnams kyang bka' stsal pa/ gzhan dag dang mi mthun pa zhes bgyi ba'ang ma lags pa de ci lta bu lags/ de
216a5 nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /rigs kyi bu/ ngas/ gzhan gyi mi mthun brtag mi bya/ /zhes bstan pa de gang las
216a6 ni/ brtsams/ ci'i phyir ni/ bstan ce na/ ma skyes dgra las brtsams nas bstan pa yin te/ sangs rgyas bcom ldan 'das ni/ rgyu med par don dang 'gal ba ston par mi mdzad
216a7 kyi/ rgyu dang bcas/ rkyen dang bcas par ston par mdzad de/ sngon ma skyes dgras pha bsad nas nga'i thad du 'ongs nas 'di ltar brnyas thabs su dri ba dris te/ ci lags/ bcom
216b1 ldan 'das thams cad mkhyen pa lags sam/ 'on te thams cad mkhyen pa ma lags/ gal te thams cad mkhyen pa lags na/ ci'i slad du lhas byin rab tu phyung lags/ de tshe rabs
216b2 stong phrag mang por phyi bzhin 'brang zhing gnod pa bgyid par gzigs na/ da ltar yang rgol du 'ong bar thams cad mkhyen pa khyod kyis ji ltar ma gzigs zhes zer nas ngas de la 'di
216b3 skad du/ gzhan dang mi mthun brtag mi bya/ /zhes bya ba'i tshigs su bcad pa bstan to/ /da ni/ rgyal po chen po khyod bdag gis pha bsad de mtshams med pa'i las kyi rab dug chen po
216b4 byas pa de sbyang bar gyis shig /rgyal po gzhan gyi nyes pa la ma rtog par de lta bu khong du chud par gyis shig ces byas so/ /gzhan yang mi mthun pa brtag par yang bya ste/ tshul khrims dang /
216b5 cho ga la brten pa gang yin pa de dag gi skyon brtag pa lhur blang bar bya ste/ de ni/ sangs rgyas kyi bstan pa yin no/ /gzhan gyi mi mthun pa la rtog pa rnams kyis ni/ bdag dang /
216b6 gzhan dag gi byas pa dang / ma byas pa ni/ bdag dang / gzhan dag gi yin par shes par bya'o/ /de lta bu'i tshul gyis gzhan gyis byas pa rtag tu yang dag par mthong ba gang yin
216b7 pa de dag ni/ nga'i nyan thos yin no/ /zhes nga zer ro/ /de nas yang bcom ldan 'das kyis 'jam dpal gzhon nur gyur pa la 'di skad ces bka' stsal to/ /tshad pa dag gis thams cad
217a1 skrag /kun la srog ni phangs pa yin/ /bdag gi nyams las dpag bya zhing / /brdeg par mi bya gsad mi bya/ /de nas bcom ldan 'das la 'jam dpal
217a2 gzhon nur gyur pas 'di skad ces gsol to/ /chad pas thams cad skrag mi 'gyur/ /srog kyang kun la phangs ma lags/ /bdag gi nyams las dpag bgyi zhing / /thabs
217a3 kyis bgyi ba rtogs par bgyi/ /de bas na/ bcom ldan 'das kyis chos kyi sgo de skad du bka' stsal ba ni/ legs par bka' stsal ba ma lags te/ dgra bcom dang ni 'khor
217a4 los bsgyur/ /glang chen bud med rin chen dang / /khyim bdag rin chen rta rnams ni/ /gnod pa cis kyang mi tshugs so/ /'di rnams la ni/ lha dang / mi dang / lha ma yin du bcas pa'i
217a5 'jig rten na sus kyang gnod pa bgyid pa'i rngo mi thogs te/ dgra drag shul gyi stobs can rnams kyis kyang de dag la gnod pas tshugs mi srid lags so/ /de dag ni/ lha dang /
217a6 bdud dang / tshangs pa rnams kyis kyang mi 'jigs lags so/ /de bas na/ sems can de dag ni/ cis kyang mi tshugs pa zhes bgyi lags so/ /g.yul ngor gcig tu dpa' ba dang /
217a7 gcig tu khyim thab la mi 'khrul ba'i chung ma dang / seng+ge dang / sin+du ba'i rta cang shes dang / dge slong tshul khrims dang ldan pa 'di rnams ni/ gnod pas tshugs pa lags kyis kyang
217b1 cis kyang mi 'jigs lags so/ /de la/ chad pa dag gis thams cad skrag /ces bgyi ba ni/ 'dir lhag ma yod pa'i don lags pas na/ mdor bsdus pa lags so/ /bdag
217b2 gi nyams las dpag bya zhing / /zhes bgyi ba de'ang lhag ma yod pa'i don lags te/ dgra bcom pa rnams ni/ bdag dang mi mnyam mo/ /zhes de ltar 'jig rten du grags lags
217b3 so| |gal te dgra bcom pa rnams kyi bdag tu 'du shes pa dang / dgra bcom pa rnams kyi srog tu 'du shes pa gsungs pa lags so/ /zhes de lta bu'i blo chung ngu rnams kyis ni/ dgra
217b4 bcom pa gnas ngan par bzhag pa lags te/ de ltar bgyis pas srog tu 'du shes pa'i lta ba ngan pas rmongs pa'i 'bras bus myur du mnar med par skye bar 'gyur lags so/ /
217b5 gcig tu na gal te dgra bcom pa rnams gsad pa'i sems bskyed du lags kyang sems can de dag gis gsod par 'gyur mi srid de/ sems can mang po log kyang de dag gsod
217b6 pa'i rdo mi thogs lags so/ /bcom ldan 'das kyis bka' stsal pa/ srog chags rnams la snying brtse ba'i phyir bdag dang 'dra bar blta'o/ /dgra bcom pa ni/ 'tshe ba med pa'i
217b7 sgo nas dpag tu med pa dang / mtshungs pa med par blta bar bya ste/ de dag la gsad pa'i sems bskyed par mi bya'o/ /de ltar na/ sangs rgyas ni/ rgyu med par don dang 'gal ba mi ston
218a1 te| tshigs su bcad pa 'di ni/ rgyal po'i khab kyi ri dwags kyi rngon pa las brtsams nas bstan te/ des ri dwags bsad nas sha dang ldan pa'i zas kyi sbyin
218a2 pa la nga spyan drangs nas ngas kyang des spyan drangs pa la gnang nas sgra gcan zin dang 'dra bar lta ba'i tshul gyis tshigs su bcad pa 'di skad ces byas so/ /chad pa dag gis thams
218a3 cad skrag /kun la srog ni phangs pa yin/ /bdag gi nyams las dpag bya zhing / /brdeg par mi bya gsad mi bya/ /mig rgyang ring du ltos la ring du 'tsho bar gyis shig /'tshe
218a4 ba med pa'i rtags kyi don khong du chud par gyis shig /byang chub sems dpa' rnams kyi nang na mi'i khyu mchog 'jam dpal/ legs so/ /legs so/ /sems can thams cad
218a5 la phan pa'i phyir dgongs pa'i tshig 'di dris pa de ni/ legs so/ /de nas bcom ldan 'das 'jam dpal gzhon nur gyur pas tshigs su bcad pa 'di skad ces gsol
218a6 to| |ma la mchod pa'i tshul gyis ni/ /pha ma gnyis la mchod bgyis na/ /bla ma la yang gus gyur la/ /mnar med 'jigs par ji ltar mchi/ /de nas bcom ldan 'das kyis tshigs su
218a7 bcad de 'di skad ces bka' stsal te/ 'dir ni sred pa ma zhes bya/ /gti mug la ni pha zhes bya/ /chos 'di gnyis la gang mchod pa/ /de ni mnar med 'jigs par 'gro/ /de nas
218b1 bcom ldan 'das kyis yang 'jam dpal gzhon nur gyur pa la tshigs su bcad pa 'di skad ces bka' stsal to/ /gzhan gyi dbang gyur thams cad sdug/ rang dbang can ni thams
218b2 cad bde/ /nga rgyal dbang gyur kun mi zad/ /dga' ba thams cad bzang ba yin/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan
218b3 'das kyis chos kyi sgo de skad du bka' stsal ba ni/ legs par bka' stsal ba ma lags te/ 'di na khyim bdag la la zhig gis bdag gi bu byis pa'i slob dpon la gtad na/ ci lags
218b4 khye'u de gzhan gyi dbang du gyur pa zhes mi bgyi lags sam/ /de la gzhan gyi dbang du gyur ba ma lags so/ /zhes bgyis na'ang don dang 'gal bar 'gyur la/ de la rang dbang can lags so/ /
218b5 zhes bgyis na'ang don dang 'gal bar 'gyur te/ chos 'di ni/ shin tu brtag dka' ba lags so/ /'di na rgyal po'i bu la la bcos su mi rung bar gyur te/ de ci'ang slob mi 'tshal nas rang
218b6 dga' dang rang nyam du 'khyams pa de la rang dbang can zhes bgyis na ni/ don dang tshabs tsher 'gal bar 'gyur la/ gzhan gyi dbang du gyur to/ /zhes bgyis na ni/ don dang 'gal bar
218b7 mi 'gyur te/ chos 'di ni/ shin tu brtag dka' ba lags so/ /gzhan gyi dbang du gyur ces bgyi ba'i tshig bla dwags ni/ de rang dbang du gyur na/ sdig pa bgyid pa dang 'gum par
219a1 'gyur bas na/ bka' stsal ba 'di ni/ lhag ma yod pa'i don lags te/ de bas na/ gzhan gyi dbang du gyur pa thams cad sdug pa'ang ma lags la/ rang dbang
219a2 can thams cad bde ba'ang ma lags so/ /nga rgyal dbang gyur kun mi zad/ /ces bgyi ba de'ang lhag ma yod pa'i don lags kyi/ /nga rgyal gyi dbang du gyur pa kun mi zad pa'ang ma
219a3 lags te/ 'di na la la zhig nga rgyal gyi dbang gis rab tu byung na/ ci lags/ rab tu byung ba de la nga rgyal gyi dbang du gyur pa kun mi zad ces bgyi lags sam/ de ni/ nga rgyal
219a4 ma mchis pa dang / bsod nams dang ldan pa dang / tshul khrims dang /cho ga dang / ldan pa dang / dbang po bsrungs pa lags te/ de bas na/ nga rgyal gyi dbang du gyur pa kun mi zad
219a5 pa'ang ma lags so/ /dga' ba thams cad bzang ba yin/ /zhes bgyi ba de'ang lhag ma yod pa'i don lags kyi/ dga' ba thams cad kyang bzang ba ma lags te/ bstan pa 'di
219a6 la pham pa byung ba rnams gos tshon can gyi rtags can rnams dang lhan cig 'khod pa bdag nyid kyis rung bar mthong yang sems can dmyal ba rnams su skye bar 'gyur te/ de lta
219a7 bu dag la bzang zhes bgyis na/ don dang 'gal bar 'gyur lags so/ /pham pa byed byed pa de dag gos dkar po gyon du 'jug pa de dag ni/ bzang po'i mchog don rgya chen
219b1 po bgyis pa lags so/ /pham pa bgyis pa rnams ni/ mi bzang ba zhes bgyi ste/ de dag phung bar bgyid pa de dag ni/ mi bzang ba zhes bgyi'o/ /de bas na/ dga' ba thams cad
219b2 bzang ba ma lags na/ lha'i yang lha sangs rgyas de bzhin gshegs pas ci las dgongs te de skad ces bka' stsal lags/ de nas bcom ldan 'das kyis 'jam dpal gzhon nur
219b3 gyur pa la 'di skad ces bka' stsal to/ /sangs rgyas ni/ rgyu med pa'i don dang 'gal bar mi gsung gi/ rgyu dang bcas/ rkyen dang bcas par gsung ste/ rgyal po'i khab na khyim bdag
219b4 ko ta ka'i bu mo rab bzang pha'i khyim du song nas rab tu 'gyur ba'i sems skyes te de bzhin gshegs pa'i thad du song nas bud med du gyur pa ni/ gzhan gyi dbang du gyur pa yin la/
219b5 skyes par gyur pa ni/ rang dbang can yin no snyam du bsam nas de bzhin gshegs pa dang / chos dang / dge slong gi dge 'dun la skyabs su song ste/ de'i rtog pa thugs su chud nas bcom
219b6 ldan 'das kyis/ /gzhan gyi dbang gyur thams cad sdug/ ces tshigs su bcad pa de skad gsungs so/ /byang chub sems dpa' rnams kyi nang na mi'i khyu mchog 'jam dpal/
219b7 legs so/ /legs so/ /sems can thams cad la phan pa'i phyir dgongs pa'i tshig 'di nga la zhus pa legs so/ /de nas bcom ldan 'das kyis yang 'jam dpal gzhon nur
220a1 gyur pa la tshigs su bcad de bka' stsal pa/ thams cad zas la brten pa yin/ /ser sna med pa thams cad g.yo/ zas kyi nyes par nad du 'gyur/ /
220a2 tshangs par spyod dang 'grogs na bde/ /'jam dpal gyis gsol ba/ bcom ldan 'das/ ci lags/ tsun+da'i sbyin pa cher gsol nas zhal zas kyi nyes pas bsnyengs lags
220a3 sam| de nas bcom ldan 'das kyis 'jam dpal la 'di skad ces bka' stsal to/ /sems can thams cad kyang zas la brten pa ma yin no/ /ser sna med pa thams cad kyang
220a4 g.yo ba ma yin no/ /thams cad la'ang zas kyi nyes pas nad du 'gyur ba ma yin no/ /chos spyod pa rnams dang 'grogs so cog kyang bde ba ma yin no/ /'jam dpal/ gang gi
220a5 tshe khyod nad kyis thebs pa de'i tshe nga'ang nad kyis thebs so/ /dgra bcom dang ni rang sangs rgyas/ /byang chub sems dpa' de bzhin gshegs/ /de dag rtag tu zas med de/ /
220a6 de ni sangs rgyas chos nyid do/ /dgra bcom pa rnams dang / rang sangs rgyas dang / byang chub sems dpa' rnams dang / de bzhin gshegs pa rnams ni/ zhal zas
220a7 kyang mi gsol la/ sbyin pa 'bum phrag mang po'ang bzhes par mdzad do/ /sbyin pa blang bar bya ba'i gdams ngag kang ston par mdzad do/ /sems can rnams sems can
220b1 dmyal ba dang / dud 'gro dang / yi dwags kyi rgya mtsho las nges par bsgral ba'i phyir sbyin pa'i pha rol tu phyin pa bsngags par yang mdzad la gsol bar yang mi mdzad do/ /de
220b2 bzhin gshegs pa lo drug gi bar du dka' ba spyad pas nyam chung bar gyur to/ /zhes sangs rgyas la sems can thams cad dang 'dra bar blta bar mi bya'o/ /'dod pa'i chu bo
220b3 las brgal ba de dag ni/ brtan po yin te/ dpa' bo de dag ni/ mi'i yul la spyod pa ma yin no/ /de bzhin du nga'i nyan thos rnams kyi stobs dang / spyod yul yang bsam gyis mi
220b4 khyab bo| |sems can thams cad zas la brten/ /ces bya ba'ang lhag ma yod pa'i don yin par shes par bya'o/ /ser sna med pa thams cad g.yo ba yin zhes bya ba de'ang lhag ma
220b5 yod pa'i don yin te/ bdag la ser sna byed pa mi g.yo ba'i bde bar 'gro ba dam pa 'ga' yang yod do/ /thams cad zas kyi nyes pas nad du 'gyur zhes bya ba de'ang lhag ma yod
220b6 pa'i don yin te/ tsher mas zug pa la sogs pa'i nad glo bur dag kyang yod do/ /chos spyod pa rnams dang 'grogs pa thams cad bde zhes bya ba de'ang lhag ma yod pa'i don
220b7 yin te/ 'jig rten pa rnams la'ang chos 'dzin pa rnams dang 'tsham pa'i chos rnam pa mang po dag yod de/ de dag la'ang bya ba sna tshogs yod mod kyi smyung ba rnam pa sna tshogs can
221a1 lus nyon mongs pa de dag dang gal te la la zhig 'grogs par gyur na/ ci bde ba la brten par 'gyur ram/ de lta na ni/ don dang 'gal bar 'gyur ro//
221a2 de bas na/ sangs rgyas ni/ rgyu med par don dang 'gal ba ston par mi mdzad de/ gdul bar bya ba'i dbang gis rgyu dang bcas/ rkyen dang bcas par ston par shes par gyis
221a3 shig /'jig rten las 'das pa'i chos ni/ mchog tu bde ba yin no/ /tshigs su bcad pa 'di ni/ grong khyer gyen du rgyal zhes bya ba'i bram ze lug dpal zhes bya ba las
221a4 brtsams nas bstan pa yin te/ bram ze lug dpal zhag bzhi pa'i smyung ba byed cing nga'i thad du 'ongs nas ngas de'i zhag bzhi pa'i smyung ba'i lta ba bsal ba'i phyir sems
221a5 can thams cad zas la brten ces bya ba'i tshigs su bcad pa 'di bstan to/ /de nas bcom ldan 'das la byang chub sems dpa' sems dpa' chen po 'od srung chen po dang
221a6 rus gcig pas 'di skad ces gsol to/ /bcom ldan 'das/ thams cad ma lus pa ji lta bu lags/ thams cad ces bgyi ba'ang ji lta bu lags/ bka' stsal
221a7 pa| ma lus pa'i don ni/ dge ba'i phyogs thams cad rtag pa'o/ /bde ba'o/ /zhes bya ba lta bu'o/ /de ltar na/ kha cig ni/ lhag ma yod pa'o/ /kha cig ni/ lhag ma
221b1 med pa yin par chos 'dod pa'i rigs kyi bus rig par bya'o/ /gsol pa/ kye ma de bzhin gshegs pa ni/ sems can thams cad la sgra gcan zin bzhin du gzigs
221b2 pa lags te/ bdag shin tu rangs lags so/ /bka' stsal pa/ rigs kyi bu/ legs so/ /legs so/ /de ltar cha phra bar rtag dgos so/ /gsol pa/ bcom ldan 'das
221b3 da ni| yongs su mya ngan las 'das pa chen po'i mdo chen po'i bsod nams ji ltar skye ba bka' stsal du gsol/ /bka' stsal pa/ sangs rgyas kyi yul 'di ni/ bsam
221b4 gyis mi khyab pa'i phyir nyan thos dang rang sangs rgyas thams cad kyis kyang mdo sde 'di'i ming yang tshig tsam du'ang nyan pa rnams la brjod par mi nus so/ /de nas bcom ldan
221b5 'das la lha dang / mi dang / lha ma yin rnams kyis tshig mthun par tshigs su bcad de gsol pa/ sangs rgyas bsam yas bsam yas chos gsung ba/ /chos dang dge 'dun
221b6 rtag tu khyod la brten/ /de phyir dge slong 'od srung kun dga' bo/ /ma mchis bar du mgon po bzhugs par gsol/ /bi te ha yi rgyal po ma skyes dgra /khyod kyi mdza' mchog
221b7 thugs 'dra che ba yang / /da dung ma mchis mthar thug khyod ma gshegs/ /kun mkhyen khyod kyis bdag cag the tshom chod/ /de nas bcom ldan 'das kyis de dag la 'di skad
222a1 ces bka' stsal to/ /nga yi sras mchog thu bo 'od srung dang / /blo ldan kun dga' khyod kyi the tsom gcod/ /khyod kyis nga yi zhal ltos rtag pa dang / /
222a2 mi rtag shes byos mya ngan la byed cig /de nas 'khor de dag thams cad kyis bcom ldan 'das la mchod pa chen po byas te bla na med pa yang dag par rdzogs pa byang
222a3 chub tu smon lam btab nas der sems can gang+gA'i klung gtams phrag dkrigs snyed kyi bye ma'i grangs snyed kyis sems bskyed nas byang chub sems dpa'i sa dang
222a4 po'i gnas thob bo/ /de nas bcom ldan 'das kyis 'jam dpal gzhon nur gyur pa dang / bram ze che zhing mtho ba 'od srung chen po dang rus gcig pa la bka' stsal
222a5 te| mgar ba'i bu tsun+da byang chub tu dbang bskur nas byang chub sems dpa' de gsum la bka' stsal pa/ rigs kyi bu dag /bag yod par gyis shig /bag yod
222a6 par gyis shig /nga rked pa'i nad drag pos btab ste/ gzhon nu dag /nga re zhig thabs kyi nang pho brang du nyal bar 'dod kyi/ nyal du chug cig /'jam dpal/ khyod kyis
222a7 'khor thams cad la chos ston cig /seng+ge'i sgra sgrogs shig /gnas brtan 'od srung chen po dang / kun dga' bo gnyis ma 'ongs pa'i bar du ngas khyod la bstan pa
222b1 'di gtad kyi/ nam 'ongs pa na de gnyis la gtod cig ces de skad bka' stsal nas bcom ldan 'das gdul bar bya ba'i dbang gis nad pa'i tshul du bzhugs par bstan te
222b2 gzims khang logs su zur gyis gzims so/ /yongs su mya ngan las 'das pa chen po'i mdo chen po dam pa'i chos gsung rab thams cad kyi snying por gyur pa/ rgyud phyi ma lta
222b3 bu rtogs par dka' ba'i chos kyi 'byung gnas/ gcig tu de bzhin gshegs pa'i snying po ston pa'i mdo la le'u nyi khri lnga stong yod pa las/ lha dang / mi dang / lha ma yin dang /
222b4 mi'am ci dang / rigs sngags 'chang dang / srin po la sogs pa 'dus pas zhus pa zhes bya ba'i le'u rdzogs so// //sh+lau ka sum stong dgu brgya mchis/ rgya gar
gyi mkhan po dzi na mi tra dang /
CLOSE WINDOW