བོད་ཡིག |
180b1 /rgya gar skad du/ d+harma tsakra pra brta na sU tra/ bod skad du/ chos kyi 'khor lo rab tu bskor ba'i mdo/ 'phags pa dkon mchog gsum la gus pas phyag 'tshal lo/ /'di skad bdag gis thos pa dus gcig na/ bcom ldan 'das yul bA rA Na sI'i
180b2 drang srong lhung ba rgyu ba'i gnas na bzhugs so//de nas bcom ldan 'das kyis dge slong lnga sde rnams bos te bka' stsal pa/ dge slong dag rab tu byung ba mtha' gnyis po 'di la gnas par mi bya'o/ /gang su dag 'dir 'dod pa rnams dang bde ba la zhen pa ni mi rigs pa
180b3 dang dman par 'gyur ro//so so'i skye bo rnams ni don med pa dang ldan pa'i phyir gang su dag lus dub pa dang 'bral ba'i sdug bsngal bsngags par bya ba ma yin pa rnams kyi don med pa dang ldan no/ /dge slong dag 'di rnams ni mtha' gnyis kyi mtha' ste de la 'jug par mi bya'o/ /
180b4 de bzhin gshegs pa mngon par rdzogs par sangs rgyas nas dbu ma'i lam 'di gsungs so/ /mig byed pa dang / ye shes byed pa dang / zhi bar byed pa dang / mngon par shes pa dang / yang dag par khong du chud pa dang / mya ngan las 'das pa la yang dag par 'jug go/ /dge slong
180b5 dag de bzhin gshegs pas mngon par rdzogs par sangs rgyas nas gsungs pa'i dbu ma'i lam gang zhe na/mig byed pa dang / ye shes byed pa dang / zhi bar byed pa dang / mngon par shes pa dang / yang dag par khong du chud pa dang / mya ngan las 'das pa la yang dag par 'jug
180b6 go//dbu ma'i lam ni 'phags pa'i lam yan lag brgyad de/ brgyad po de ni 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa
180b7 dang /yang dag pa'i ting nge 'dzin to/ /dbu ma'i lam 'di yang de bzhin gshegs pa mngon par rdzogs par sangs rgyas nas gsungs so/ /mig byed pa dang / ye shes byed pa dang / zhi bar byed pa dang / mngon par shes pa dang / yang dag par khong du chud pa dang / mya ngan las
181a1 'das pa la yang dag par 'jug go//'di yang dge slong dag sdug bsngal 'phags pa'i bden pa ste/ skye ba'i sdug bsngal dang / rga ba'i sdug bsngal dang / na ba'i sdug bsngal dang / 'chi ba'i sdug bsngal dang / mi sdug pa dang phrad pa'i sdug bsngal dang /
181a2 sdug pa dang bral ba'i sdug bsngal dang / gang 'dod pa btsal te ma rnyed pa de yang sdug bsngal ba dang / mdor na nye bar len pa'i phung po lnga sdug bsngal lo/ /'di yang dge slong dag sdug bsngal kun 'byung 'phags pa'i bden pa ste/ gang sred pa 'byung ba can dang / dga'
181a3 ba'i 'dod chags dang ldan pa dang /de dang de la mngon par dga' ba ni/ 'di lta ste/ 'dod pa'i sred pa dang / 'khor ba la sred pa dang / 'khor ba dang bral ba la sred pa'o/ /'di yang dge slong dag sdug bsngal 'gog pa 'phags pa'i bden pa ste/ gang zhig 'di bzhin sred pa ma lus
181a4 pa la 'dod chags dang bral ba dang /'gog pa dang / bor ba dang / so sor bsgyur ba dang / grol ba dang / grol ba la zhum pa med pa'o/ /'di yang dge slong dag sdug bsngal 'gog par 'gro ba'i lam 'phags pa'i bden pa'o/ /'di yang 'phags pa'i lam yan lag brgyad pa ste/
181a5 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /dge slong dag 'di ni sdug bsngal
181a6 'phags pa'i bden pa ste/sngar chos ma thos pa la mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /de yang sdug bsngal 'phags pa'i bden pa ste/ dge slong dag 'di yongs su shes par bya'o/ /sngar chos ma
181a7 thos pa la mig bskyed pa dang /ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /'di ni sdug bsngal kun 'byung 'phags pa'i bden pa ste/ dge slong dag 'di ni sngar chos ma thos pa la/ mig bskyed pa dang / ye shes bskyed pa dang / shes
181b1 rab bskyed pa dang /rig pa bskyed pa dang / snang ba bskyed pa'o/ /'di yang sdug bsngal kun 'byung 'phags pa'i bden pa ste rab tu spang bar bya'o/ /dge slong dag 'di ni sngar chos ma thos pa la/ mig bskyed pa dang / ye shes bskyed pa dang / shes rab bskyed pa dang / rig pa bskyed pa dang /
181b2 snang ba bskyed pa'o/ /'di ni sdug bsngal 'gog pa 'phags pa'i bden pa ste/ dge slong dag 'di ni sngar chos ma thos pa la/ mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /'di yang sdug bsngal 'gog pa
181b3 'phags pa'i bden pa ste/mngon sum du bya'o/ /dge slong dag 'di ni sngar chos ma thos pa la/ mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /'di ni sdug bsngal 'gog par 'gro ba'i lam 'phags pa'i bden
181b4 pa'o//dge slong dag 'di ni sngar chos ma thos pa la/ mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /'di yang sdug bsngal 'gog par 'gro ba'i lam 'phags pa'i bden pa ste bsgom par bya'o/ /dge slong
181b5 dag 'di ni sngar chos ma thos pa la/mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o/ /dge slong dag de ltar bshad pa rnam pa bzhi po 'di ni 'phags pa'i bden pa'o/ /'di ltar lan gsum du bzlas te rnam pa
181b6 bcu gnyis po ji ltar gyur pa rnams ye shes mthong ba shin tu rnam par dag pa yin no//dge slong dag nga spangs te/ lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang bcas pa dang / skye dgu'i bdag po dang / lha dang mir
181b7 bcas pa rnams las/bla na med pa yang dag par rdzogs pa'i sangs rgyas gzhan med do/ /dge slong dag gang yang 'di ni 'phags pa'i bden pa bzhi po 'di ltar lan gsum du bzlas te/ rnam pa bcu gnyis su ji ltar gyur pa'i ye shes mthong ba shin tu rnam par dag pa yin no/ /
182a1 ji ltar dge slong dag nga ni 'jig rten lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bcas pa dang / skye dgu'i bdag po dang / lha dang mir bcas pa rnams las/ bla na med pa yang dag par rdzogs pa'i sangs rgyas mngon
182a2 par rdzogs par sangs rgyas nas so sor rtogs so//ye shes 'di yang bdag mthong bar gyur pa dang / sngar med pa'i rnam par grol ba dang / bdag ni lhag ma med par yang srid pa len pa med par mya ngan las 'das so/ /bcom ldan 'das kyis de skad ces bka' stsal pa dang /
182a3 dge slong lnga sde bcom ldan 'das kyis gsungs pa la mngon par dga'o/ /'di ltar lung du bstan pa de tshun chod nas/ tshe dang ldan pa kauN+Di n+yas rdul spangs pa dang / dri ma med pa'i chos kyi mig skyes so/ /gang cung zad kun 'byung ba'i chos thams cad ni de 'gog pa'i chos yin no/ /bcom
182a4 ldan 'das kyis chos kyi 'khor lo rab tu bskor zhing bskor nas/sa'i lha rnams kyis bstod pa'i sgra bsgrags so/ /dge sbyong ngam/ bram ze'am/ lha'am/ bdud dam/ tshangs pa'am/ 'jig rten du gzhan sus kyang bskor bar mi nus pa 'di ni bcom ldan 'das kyis yul bA
182a5 rA Na sI'i drang srong lhung ba dang /rgyu ba'i gnas su bzhugs nas bla na med pa'i chos kyi 'khor lo rab tu ma bskor ba bskor to/ /de nas sa'i lha'i sgra thos nas rgyal chen ris bzhi'i lha rnams kyis bstod pa'i sgra bsgrags so/ /dge sbyong ngam bram ze'am/ lha 'am/
182a6 bdud dam/ tshangs pa'am/ 'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to/ /rgyal chen ris bzhi'i lha rnams
182a7 kyis bstod pa'i sgra thos nas/sum cu rtsa gsum gyi lha rnams kyis bstod pa'i sgra bsgrags so/ /dge sbyong ngam/ bram ze'am/ lha'am/ bdud dam/ tshangs pa'am/ 'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba
182b1 dang rgyu ba'i gnas su bzhugs nas/bla na med pa'i chos kyi 'khor lo ma bskor ba bskor to/ /sum cu rtsa gsum gyi lha rnams kyis bstod pa'i sgra thos nas/ 'thab bral gyi lha rnams kyis bstod pa'i sgra bsgrags so/ /dge sbyong ngam/ bram ze'am/ lha'am/ bdud
182b2 dam/tshangs pa'am/ 'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang / rgyu ba'i gnas su bzhugs nas bla na med pa'i chos kyi 'khor lo ma bskor ba bskor to/ /'thab bral gyi lha rnams kyis bstod
182b3 pa'i sgra thos nas/dga' ldan gyi lha rnams kyis bstod pa'i sgra bsgrags so/ /dge sbyong ngam/ bram ze'am/ lha'am/ bdud dam/ tshangs pa'am/ 'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang /
182b4 rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to/ /dga' ldan gyi lha rnams kyis bstod pa'i sgra thos nas/ 'phrul dga'i lha rnams kyis bstod pa'i sgra bsgrags so/ /dge sbyong ngam/ bram ze'am/ lha'am/ bdud dam/ tshangs pa'am/
182b5 'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang / rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to/ /'phrul dga'i lha rnams kyis bstod pa'i sgra thos nas/
182b6 gzhan 'phrul dbang byed kyi lha rnams kyis bstod pa'i sgra bsgrags so/ /dge sbyong ngam/ bram ze'am/ lha'am/ bdud dam/ tshangs pa'am/ 'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang /
182b7 rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to/ /gzhan 'phrul dbang byed kyi lha rnams kyis bstod pa'i sgra thos nas/ tshangs ris kyi lha rnams kyis bstod pa'i sgra bsgrags so/ /dge sbyong ngam/ bram ze'am/ lha'am/ bdud dam/ tshangs
183a1 pa'am/'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na sI'i drang srong lhung ba dang / rgyu ba'i gnas su bzhugs nas bla na med pa'i chos kyi 'khor lo ma bskor ba bskor to/ /de nas skad cig dang yud tsam de la tshangs pa'i
183a2 'jig rten gyi bar du sgras khyab par gyur to//'dir yang 'jig rten gyi khams stong phrag bcu yang dag par g.yos so/ /yang dag par rab tu g.yos so/ /yang dag par rab tu ldeg go/ /bag yod par gyur/ ya mtshan du gyur/ snang bar gyur/ 'jig rten rnams su de ltar gyur to/ /'jig rten
183a3 rnams su de ltar gyur te/tshangs pas chos bstan pa thos nas/ lha rnams rang rang gi gnas su song ngo / /de nas yang bcom ldan 'das kyis ched du brjod pa ched du brjod de/ kun shes pa'i phyir kauN+Di n+ya'o/ /kun shes pa rnams kyis kauN+Di n+ya'o/ /de'i phyir 'di ni tshe dang ldan pa kauN+Di n+ya'o ste/ kun
183a4 shes kauN+Di n+ya zhes bya ba'i ming thob bo//chos kyi 'khor lo bskor ba'i mdo rdzogs // //sangs rgyas kyi bstan pa la mi phyed pa'i dad pa dang ldan zhing / gtsug lag gnyis la thugs legs par byang ba dpal 'byor dbang phyug dam pa dkar phyogs kyi zla ba ltar 'phel ba'i zha lu ba
183a5 sku zhang grags pa rgyal mtshan du dben sha'i bka' lung gis byang chub kyi snying po rdo rje'i gdan las/lho phyogs su dpag tshad drug brgya tsam bgrod pa'i gnas/ sing g+ha gling pa bram ze'i rigs las legs par rab tu byung zhing / bsnyen par rdzogs pa sde snod gsum la thugs
183a6 legs par byang ba'i paN+Di ta chen po A nan+da shrI'i zhal snga nas/mang du thos pa'i lo ts+tsha ba shAkya'i dge slong nyi ma rgyal mtshan dpal bzang pos/ skad gnyis smra ba rnams kyi gdan sa/ gtsug lag khang chen po dpal thar pa gling du bsgyur cing zhus te gtan la
phab pa/ /sa'i steng du nyi ma dang zla ba ltar gyur cig
CLOSE WINDOW