CLOSE WINDOW

D2034
བོད་ཡིག

dpyal lo tsA ba dpal chos kyi bzang pos bsgyur ba'o/[ ]@##/ /rgya gar skad du/ rak+ta ya mA ri sA d+ha naM nA ma/ bod skad du/ gshin rje gshed dmar po'i 'khor lo'i de kho na nyid kyi gsal byed/ bcom ldan 'das dpal gshin rje gshed la phyag 'tshal lo/ /bud med rnams la srung ba'i phyir/zhi ba la gi wang gis/ ras dkar po'am gro ga'am smyug ma'i skogs pa'am/ ras legs par bkrus pa la 'khor lo gnyis yang dag par bris te/ der na ma'i nang du bcug pa'i ming gi yi ge bris la/ nag nog la sogs pa spangs shing rdza phor kha dog gcig pa kha sbyar du mar dang sbrang gi nang du bcug ste sgud pa dkar pos dkris nas bzhag ste/kha shar du bltas te thun gsum du gshin rje gshed sku mdog dkar po bsgoms nas/ me tog dkar pos mchod cing mdun du zla ba'i dkyil 'khor kyi thog na bsgrub bya gnas par bltas la/bum pa dkar po zla ba'i bdud rtsi'i chus yongs su gang bas dbang bskur bar bsam zhing / oM hrIHSh+T-IHwi kr-i tA na na hUM hUM phaT phaT na maHche ge mo la shAn+tiM ku ru na maH/ zhi ba'i cho ga'o/ /skyes pa rnams kyi zhi ba'i las la gur gum gyis so/ /rgyas pa la'ang 'khor lo gnyis mngon par bris te/der yi ge swA hA'i nang du ming yig bcug la mar dang sbrang gi nang du bcug la/ rdza phor kha sbyar du skud pa ser pos legs par dkris te gzhag /de nas kha byang du bltas la gshin rje gshed sku mdog ser po'i skur yang dag par dmigs te thun gsum du me tog ser pos mchod cing zla ba ser po la gnas pa'i bsgrub bya kha dog ser po bsams la/bum pa ser po'i bdud rtsis chus dbang bskur zhing bzlas pa bya ste/ oM hrIHSh+T-iHwi kr-i tA na na hUM hUM phaT phaT swA hA/ 'am/ yang na/ oM hrIHSh+T-iHlbi kr-i tA na na hUM hUM phaT phaT swA hA/bau ShaT che ge mo puSh+Ti ku ru bau ShaT/ rgyas pa'i cho ga'o / /gro ga'am ras la rgya skyegs kyi khu ba'am tsan+dan dmar po'am/ ming med kyi khrag dang bsres pas 'khor lo gnyis bris te/ hoH'i yi ge'i bar du ming bcug la/ nag nog la sogs pa kha dog ngan pa spangs pa'i rdza phor kha sbyar du mar dang sbrang rtsis yang dag par bkang ste skud pa dmar pos bcings la gzhag go//de nas kha nub tu bltas la gshin rje gshed dmar po'i ting nge 'dzin dang ldan pas/ thun gsum du me tog dmar pos mchod cing / zla ba dmar po la gnas pa'i bsgrub bya kha dog dmar po bsams te/rang gi lus las 'od 'phros pa'i 'od zer kyis rab tu bkang bas shin tu myos par gyur te/ rkang pa gnyis kyi mdun du 'gyel bar bsam zhing sngags bzla bar bya'o/ /gal te dbang du ma gyur na mar dang sbrang rtsi spangs pa'i 'khor lo kho na seng sdeng gsol ba dud pa med pa'i me la gdung bar bya'o//de dag gi sngags ni/ oM hrIHSh+T+riHwi kr-i tA na na hUM hUM phaT phaT hoHche ge mo ma ma ba shaM ku ru hoH oM hrA+e+iHSh+TiHwi kr-i tA na na hUM hUM phaT phaT bo ShaT che ge mo ba sha mA na ya bo ShaT/dbang gi cho ga'o// //dur khrod kyi ras sam rA dza sa las byas pa'i ras la tshos kyi khu bas 'khor lo gnyis mngon par bris te/yi ge dza'am triH'i bar du bcug pa'i ming gi yi ge bris te/ rdza phor kha sbyar ram bud med kyi thod pa kha sbyar gyi bar du bzhag la gos dmar pos gtums te me tog dmar pos mchod cing / /dgongs thun nyi ma lta bu'i gshin rje gshed dmar po'i sku zhags pa dang lcags kyu 'dzin pa bsams la/bsgrub bya'i snying gar lcags kyus phug cing ske nas zhags pas bcings la drangs par bsam/ gal te 'ong bar ma gyur na de nas seng sdeng gi me la gdung bar bya'o/ /oM d+hIHSh+T+riHwi kr-i tA na na hUM hUM phaT phaT dzaHde ba daT+wAM A kaR+Sha ya dzaH/rkang pa dgug pa'i cho ga'o// //dur khrod kyi ras la ba bla'am yung ba'i khu bas 'khor lo gnyis mngon par bris te/ yi ge lo gyi khongs su bcug pa'i bsgrub bya'i ming bris te/ rdza phor ser po kha sbyar du bzhag nas / rdza phor la re khA gru bzhi bdun bris te/de'i steng du ri rab lcog chen po brgyad dang ldan pa yi ge hUM nang du bcug pa lcog gi steng du sa'i dkyil 'khor laM gyis mtshan pa/ sna tshogs rdo rjes bskor ba skud pa ser pos bcings te/ bdag nyid gshin rje gshed ser po bsams la bsgrub bya ser po kha lhor bltas nas sa'i dkyil 'khor gyi steng na 'dug pa la/gser gyi ri bdun dang ri bo mchog rab kyis mnan cing / sa'i dkyil 'khor gyi steng na sna tshogs rdo rje rgya gram gyis mnan par bsams te bzlas pa bya'o/ /oM hrIHSh+TaHwi kr-i tA na na hUM hUM phaT phaT lo de ba dat+ta swa s+thA na stam+b+ha ya laM/ mnan pa'i cho ga'o// //ngag mnan par 'dod pas/ de bzhin du ming nang du bcug pa'i 'khor lo gnyis mngon par bris te/ laM de ba dat+ta s+ya la thA A raM b+ha kA ra ya kr-i te ni war ya to bi rU pa kaM de ba dat+ta yadz+ha dat+ta su wAka ste b+ha ni ku ru laM/ bzlas pa byas pas mnan par bya ste/ngag mnan pa'i cho ga'o// //lkugs par 'dod pas dur khrod kyi ras la 'khor lo gnyis mngon par bris te/ baM de ba dat+ta gya mu khaM ban+d+ha ya baM/ zhes pa nang du gzhug /gshin rje gshed kyi spyor bas bsgrub bya lug gi snying du rab tu gzhug cing / sa'i dkyil 'khor bzhis za ma tog lta bur kha sbyar du byas te/rengs pa'i spyor ba'i cho gas 'khor lo gnyis bri ba dang / sgom pa dang mnan par byas nas bzlas par bya'o/ /oM hrIHSh+T+riHwi kr-i tA na na hUM hUM phaT phaT baM de ba dat+ta gya mu khaM ban+d+ha a mu shaM ku ru baM/ yul chos la sogs pa rmongs par 'gyur ro// /dur khrod kyi ras la ske tshe dang tshwa dang dri tsha ba'i mar khu dang / nim pa'i lo ma dang / da du ra'i lo ma'i khu ba dang / ro bsregs pa'i sol ba dang / rang gi sdigs mdzub kyi khrag gis snag tsha byas la bya rog gi sgro rkang gi smyu gus 'khor lo gnyis mngon par bris te/ yi ge hUM gi nang du bsgrub bya'i ming gzhug /kha lho phyogs su bltas pa gshin rje khro bo'i gzugs can/ zhabs g.yon brkyang bas nyi ma'i dkyil 'khor la bzhugs pa/ bzhin mi sdug cing mche ba gtsigs pa/ shin tu mi bzad cing zhal gyi ljags glog lta bur 'gyu ba/ bskal pa'i me lta bu'i 'od zer can phyag mtshan mtshon cha sna tshogs 'phyar ba/char 'bab pa'i sprin lta bu/ lto ba che zhing dbu skra dang sma ra ser po gyen du 'bar ba/ mgrin pa'i sbubs chu 'dzin gyi glog lta bu hUM gis yongs su gang bar bdag nyid rnam par bsams te/ mdun du bsgrub bya gos dri ma can hrul po gyon cing /lus thams cad thal bas byugs shing me'i dkyil 'khor la gnas pa/ spyi bo dang mtshog ma dang / snying ga dang lag pa'i rtsa ba dang pus mo rnams kyi sngags kyi cho gas byas pa'i gos dang / srung ba rnams dang phral nas de'i lus la gnas pa'i lha rnams drangs shing bsdus te/rang gi lus la rab tu bcug pas/ de nas khang pa stong pa lta bur bltas la/ khro bo'i tshul rnam pa sna tshogs/ mtshon cha rnam pa sna tshogs phyag na 'phyar ba sprul te/ bsnun cing dum bu brgya stong du byas nas/ sha dang tshil bu dang rus pa rnams za zhing / khrag kyang 'thungs la bsregs shing thal ba byas nas/mdun du gshin rje char 'bebs pa'i sprin gyi mdog can lta bu ma he la gnas pa/ dbyug to dang zhags pa 'dzin byung lto ba che ba/ zhal gdangs shing mche ba gtsigs pa'i gzugs su rnam par bsams te/ de'i snying gar gnas te des za bar bsams la/sngags bgrang bar bya'o/ /de nyid kho na'i cho gas 'khor lo gnyis mngon par bris te/ yi ge hUM dang phaT kyi nang du ming bcug pas de bzhin kho na'i bsam gtan la gnas pas/ bsgrub bya lha dang bral zhing kha dreg can me'i dkyil 'khor la gnas shing / khro bo'i gzugs mi sdug pa rnam pa sna tshogs kyis ral gri dang /mtshon shing dang dgra sta dang / mdung dang / zhags pa dang / 'khor lo dang / rtse gsum dang / lcags tho la sogs pa'i mtshon cha rdeg pa dang / dum bu brgya ru bcad par bsam zhing / bya rog dang 'ug pa dang / bya rgod dang / ce spyang dang / srin po dang / mkha' 'gro ma la sogs pa sna tshogs kyis za bar bsam zhing sngags bzlas par bya'o/ /oM hrIHSh+T+riHwi kr-i tA na na hUM hUM phaT phaT de ba dat+taM mA ra ya hUM phaT/ gsad pa'i cho ga'o// //de bzhin du 'khor lo bsgrub bya'i ming phaT kyi nang du bcug pa bris te/thod pa kha sbyar du bzhag la skud pa sngon pos dkris te nyi ma phyed kyi rdus su dur khrod du dong brus la bcug ste/ gshin rje gshed kyi spyor ba dang ldan pas bsgrub bya gnyis rta dang ma he la zhon byung / lag na mtshon cha 'phyar ba/ rdo rje khro bo'i tshogs dang bcas pas gnyis ka gnas par sprul te 'thab mo byed par bsam zhing sngags bzlas te/oM hrIHSh+T+r-iHwi kr-i tA na na hUM hUM phaT phaT de ba dat+taM ya dz+nya dat+ta bi de sha ya phaT/ sdang ba rnam par dbye ba'i cho ga'o// //'khor lo de nyid thod pa gnyis su yi ge hUM phaT phaT kyi khongs su bcug pa bris la thod pa kha sbyar byas nas skud pa nag pos dkris te dur khrod du sbas la gshin rje gshed kyi spyor ba dang ldan pa'i mdun du yo las rlung gi dkyil 'khor de'i thog tu rnga mo/de'i thog tu bsgrub bya'i rnam pa sngon po bsams te/ rdo rje khro bo'i brab cing lho phyogs su 'gro bar bsams la skrod par 'gyur ro//oM hrIHSh+T+r-iHwi kr-i tA na na hUM hUM phaT phaT de ba dat+ta uts+tsha Ta ya phaT phaT/ bskrad pa'i cho ga'o// //khro bo gshin rje gshed mthar byed ni shin tu dmar ba/ sbyor ba ni dur khrod kyi thal ba dang / dug dang / tshwa dang / ske tshe dang / chu tsha bas dur khrod kyi ras la 'khor lo gnyis gtor ma'i cho ga bstan zhing gsungs pa dang /zla ba zla ba'i tshes bcu bzhi la sha lnga dang / bdud rtsi lngas bzlas pa'i yul la bskus shing ldan par byas na/ shin tu gdung bar byed pa'i mchog /khri phrag gcig gis 'byung po rnams/ /stong phrag gcig gis mkha' 'gro dang / /yi dgas tshogs rnams gsod par byed//bzlas pa 'bum gyis rnal 'byor bdag /las rnams thams cad 'di yis byed/ /bzlas pa bye bas 'grub par 'gyur/ /bye ba lnga yis smos ci dgos/ /slong mo za zhing mi bzlas te/ /ma bslangs pa yang chags mi bya/ /dam tshig rtag tu brtan bya zhing //rnal 'byor chen po sngags bzla'o/ /rnal 'byor rig pa'i sems can kun/ /byams pa'i sems ni rtag tu bya/ /nyin re zhing ngam zla re dang / /lo re bzhin du rtag pa ru/ /dbyu gu drug cu rtsa bzhi gtong / /gtor ma drug cu rtsa bzhi 'bul/ /bgegs rnams thams cad zhi ba dang //bsod nams yang ni 'phel ba'i phyir/ /de las 'dir ni 'byung po yi/ /gtor ma'i cho ga bstan par bya/ /dri chen dri chu bsres pa'i chus/ /maN+Dal gru gsum byas nas ni/ /gshin rje gshed kyi rnal 'byor gnas/ /phyogs skyong rnams ni yang dag dgug /sngags ni 'di yis dgug par bya/ /sngags ni/ oM in+d+ra ya hrIH ya mA yaSh+T+r-iHba ru Na ya bi/ ku be rA ya kr-i/ yI sha nA ya ta/ ag+ne ye a/ nai r-i ta ye na/ ba ya be na/ tsaN+Da ya hUM/ Arka ya hUM/ brad+ma Ne phaT/ ba su d+ha ra ye phaT/ be ma tsi tra Ni swA/sarba b+hU te b+h+yo hA/ tI tI tI/ hUM hUM hUM/ phe phe phe/ swA hA/ zhes pa 'dis rtag tu bza' ba ji snyed pa dang btung ba ji snyed pa thams cad kyi phud gshin rje gshed la dbul bar bya'o/ /de rnams 'dis mnyes par bya zhing bzod par gsol nas ji ltar bde bar gshegs su gsol//bdag gis bsod nams ji snyed gang bsags 'di yis 'jig rten rnams/ /ma lus mya ngan rnams bcom de ni byang chub snod gyur te/ /bdag dang 'gro ba rnams kyang byang chub lam la nges sbyar nas/ /don dam bde bas legs ldan sangs rgyas sku ni thob par shog / ston ka'i zla ba lta bu yi/ /grub pa'i sgrub thabs nges pa ni/ /sems can rnams la phan phyir du/ /gnas brtan byang chub snying pos mdzad/ /dpal gshin rje gshed kyi las tshogs kyi 'khor lo'i de kho na nyid gsal bar byed pa zhes bya ba sgrub pa'i thabs rdzogs so// //paN+Di ta rdo rje gdan pa ni ska laM ka'i zhal snga nas /