CLOSE WINDOW

D4460
བོད་ཡིག

skyes rabs kyi TI ka bzhugs so/ /@##/ /rgya gar skad du/ dza ta ka ma la s+ya pany+tsi ka/ bod skad du/ skyes pa'i rabs kyi rgyud kyi dka' 'grel/ sangs rgyas dang byang chub sems dpa' thams cad la phyag 'tshal lo/ /thugs rje'i stobs kyis thabs kyi spyod pa rgya che dang //shes rab kyis ni de nyid don gzigs chags bral ba/ /mtha' gnyis mi gnas yon tan rgya mtsho dang ldan pa'i/ /'gro ba kun skyob rgyal dang de sras rnams la 'dud/ /gang zhig 'gro ba mtha' dag yongs su skyob pa'i thugs rje chen po dang ldan zhing / shes rab kyis 'gro ba'i bya ba la rab tu ma rmongs pa/brtson 'grus kyi stobs mtshungs pa med pas sems can gyi don spyod pa la rab tu mi ngal ba/ bdag gi bde ba la mi chags shing bag yod pa spyir la rab tu gnas pa/ yon tan rin po che'i gter sdud par byed pa'i byang chub sems dpa' de tshogs gnyis kyi bdag nyid/pha rol tu phyin pa drug gi spyod pas rang gi sangs rgyas kyi chos yongs su rdzogs par byed pa dang / pha rol tu phyin pa drug po de nyid bsdu ba'i dngos po bzhir gyur pas gzhan sems can yongs su smin par byed pa ni rgyal ba'i sras kyi spyod pa yin la/khyad par du de bzhin gshegs pa/ slob dpon 'di'i bzhed pas sbyin pa tshul khrims bzod pa gsum ni bsod nams kyi tshogs la/ bsam gtan dang shes rab gnyis ni ye shes kyi tshogs yin la brtson 'grus gnyi gar gtogs pa'o/ /shAkya thub pas kyang sngon de lta bu'i spyod pa rnam pa du ma mdzad do/ /de'i phyogs shig tsam slob dpon dpa' bos sbyar ba yin la//de dag pha rol tu phyin pa drug dang bsdu ba'i dngos po bzhi po gang dag gi bdag nyid yin pa dang / slob dpon 'phags pa thogs med kyis byang chub sems dpa'i sar gsungs pa'i pha rol tu phyin pa'i khyad par gang dang gang yin pa dang /thabs la mkhas pa'i khyad par la sogs par gyur pa'i don phyogs tsam zhig bstan par bya'o/ /de la g.yung drung shes rab grags/ kha cig na re gzhung 'di ni slob dpon gyis yongs su ma rdzogs par mngon te/ lhag lus par/ de ltar bstan mchod brjod dang dgos 'brel la sogs pa/ bcos rtsom pa dang 'brel ba'i yan lag yod kyang mjug tu dge ba byang chub tu bsngo ba la sogs pa/ bstan bcos yongs su rdzogs pa'i bya ba ma byas pa'i phyir dang / pha rol tu phyin pa dang po gsum la bcu bcu yod kyang / brtson 'grus kyi bcu tshan yang ma tshad la bsam gtan dang shes rab kyi dbang du byas pa'i gzhung ma snang ba'i phyir dang /dang po gsum la/ sdom gyi tshigs su bcad pas mjug bsdus pa la mtha'i bzhi tshan la sdom gyi tshigs su bcad pa med pa'i phyir ro zhes zer te dpyad dgos so/ /de la bcu tshan dang pos ni sbyin pa bstan to/ /la bzhi tsam las/ bcu tshan gnyis pas tshul khrims bstan to//bcu tshan gsum pas ni bzod pa bstan to/ /de la bcu tshan dang po las dang pos ni lus ril gyis sbyin pa bstan te/ /brtson 'grus/ gnyis pas ni yan lag gi mchog sbyin zhing mthong ba'i chos nyid la 'bras bu rgya 'grel las rgyal bu zla ba'i skyes rabs brtson 'grus so lcags kyi khyim dang ma he gnyis bsam gtan no bya shing rta mo shes rab tu gsung ba 'thad par snang ngo //chen po thob pa bstan to/ /gsum pas ni longs spyod dman pa sbyin pa yang rnam par sbyin pa dang rgyu mthun pa rgya cher bstan to/ /mig/ /slar yang spyan thob pa'i/ bzhi pas sbyin pa la bdud kyis mi phrogs par bstan to/ /lnga pas ni yo byad nyung bas sbyin pa las mi ldog par bstan to//drug pas ni rten dman yang sbyin pa las mi zan changs/ ldog pa 'byor ba chen po/ /bstan to/ /bdun pa las longs spyod yongs su mi 'dzin yang gtong ba mi zad par bstan to/ /brgyad pas ni sbyin pa la brten nas gtan du thar pa thob par bstan to//dgu pas ni longs ri bong dud 'gro'i/ /spyod mchog la ma chags par bstan to/ /bcu pas ni 'tsho ba spong zhing gzhan mang po dag gi sdig pa spong ba thabs la mkhas pa'i khyad par bstan to/ /de dag ni phyogs re re'i dbang du byas pa ste/ rnam pa gzhan dang gzhan du'ang dpyad du yod do/ /gzhan yang zang zing gi sbyin pa ni gnyis te/ lus sbyin pa dang longs spyod sbyin pa'o/ /dang po ni le'u bzhis bstan te/ dang po dang gnyis pa dang / drug pa dang / brgyad pa'o/ /lhag ma drug ni longs spyod sbyin pa'o/ /zhing gi khyad par gang la sbyin pa'i dbang du byas na/bzhi pa dang bcu pas ni yon tan gyi zhing la sbyin pa'o/ /lhag ma ni sdug bsngal ba'i zhing la sbyin pa'o/ /bcu po thams cad la yang legs par bshad pa'i khyad par ni chos kyi sbyin pa yin la/ dang po dang / gnyis pa dang / drug pa dang / brgyad pa dang / lhag ma drug ni longs spyod sbyin pa'o/ /zhing gi khyad par gang la sbyin pa'i dbang du byas na/ bzhi pa dang / bcu pas ni yon tan gyi zhing la sbyin pa'o/ /dgu pa dang / bcu pas ni gzhan sdug bsngal ba las skyob pa mi 'jigs pa'i sbyin pa yang yin no/ /gtsor sbyin pa yin gyi/ni lus sbyin pa dge ba/ /gzhan lnga dang yang ldan te/ 'di ltar thams cad kyang byang chub sems dpa'i chos sdud pa'i tshul khrims yin la/ ci rigs par gzhan gyi sdug bsngal sel bar byed pa la sogs pa sems can gyi don bya ba'i tshul khrims kyang yod do/ /sdom pa'i tshul khrims ni don gyi rten nyid du rnam par pha rol tu phyin pa/gnas pa ste/ rab tu byung ba'i rten la ni rab tu byung ba'i dge ba/ sdom pa yod la/ gzhan thams cad la dge bsnyen sdom pas bsdus pa'o/ /thams cad la sdug bsngal dang du len pa'i bzod pa yod la/ dang po dang gsum pa dang / bcu pa sa snga ma gnyis gyi/ ma gtogs pa lhag ma bdun la ni gnod pa byed pa la ji mi snyam pa'i bzod pa yod do/ /thams cad la yang sems can gyi don byed pa'i brtson 'grus yod la/ de'i rgyur dgos pas dge ba bsgrub pa dang go cha'i brtson 'grus dag kyang yod do/ /theg pa dman par mi g.yeng bas bsam gtan gyi pha rol tu phyin pa yin la/de ni byang chub chen por smon pas na phal cher gzhung na snang ngo / /shes rab las kyang kun rdzob la dmigs pa dang / sems can gyi don bya ba la dmigs pa ni shes rab ste rgyu'i sgo nas don dam pa la dmigs pa'i shes rab ste rgyu'i sgo nas don dam pa la dmigs pa'i shes rab kyang yod do/ /'di dag ni pha rol tu phyin pa'i phan tshun rnam par nges pa'o//gzhan yang bdun pa ni chos smon lam/ kyi sbyin pa gtso che ba yin te/ brgya byin legs par bshad pas tshim par bya ba'i phyir ro/ /bcu pa ni mi 'jigs pa'i sbyin pa gtso che ba yin te/ dud 'gro rnams gsod pa las bskyabs shing mi rnams rgyu bzlog pas/ sdig pa/ ngan 'gro las bskyab pa'i phyir ro/ /lhag ma ni zang zing gi sbyin pa gtso che zhes bya bar yang rung ngo / /bcu tshan 'di la grangs nges pa dang go rims nges par mi bsam mo/ /tshul khrims kyi dbang du byas pa'i bcu tshan ni/ /don gnyis kyi dbang du byas te/ lus ngag gi las yongs su dag pa dang /yid kyi las yongs su dag pa'o/ /dang po ni bdun no/ /gnyis pa ni lhag ma gsum mo/ /dang po la yang gnyis te/ /rang bzhin gyi kha na ma tho ba spang ba dang / bcas pa'i kha na ma tho ba spang bas te/ dang po drug dang / gnyis pa bdun pa'o/ /dang po la gnyis te/ lus kyi las yongs su dag pa dang / ngag gi las yongs su dag pa bden pa'i tshig brjod pa ste/ gsum dang go rims bzhin no/ /lus kyi las yongs su dag pa la gsum ste/ srog gcod pa spong bas rab tu phye ba dang po dang / ma byin par len pa spong bas rab tu phye ba gnyis pa dang / log pa'i g.yem pa spong bas rab tu phye ba gsum pa'o/ /tha ma gsum yid kyi las yongs su dag pas/ /gsum/ rab tu phye ba ji ltar gzhag ce na/ go rims bzhin sdig pa'i grogs pos bzlog kyang 'dod pa'i rnam par rtog pa la sogs pas yang mi 'phrogs pa dang / smon nas tshangs par spyod pa spangs pa dang /rab tu byung ba'i bar chad kyis mi brdzi bas ma chags pa la sogs pa shas che ba'i phyir ro/ /dang po bdun pos ni phongs pa'i dus na yang brtan par ston te/ phongs kyang rang nyid sdig pa la mi 'jug pa ni dang po gsum gyis ston la/ rang gzhan gnyi ga phongs pa las skyob pa ni bzhi pa dang /lnga pa dang drug pas ston to/ /gzhan tshul khrims la dgod pa bdun pas ston to/ /dang po drug gis ni lus kyi rkyen gyis mi 'phrogs pa ston la/ tha ma gsum gyis ni sdig pa'i grogs pos mi 'phrogs par ston to/ /de lta bu'i rnam par gzhag pa ni mang du dpyad du yod do//gzhan yang lus dang ngag dang yid kyi nyes pa spong ba thams cad kyang sdom pa'i tshul khrims so/ /dge ba bsgrub pa'i bya ba yin pas thams cad kyang dge ba chos sdud pa'i tshul khrims so/ /bdun pa ni gzhan la phan 'dogs pas gtsor sems can gyi don bya ba'i tshul khrims so//dang po gsum yang gzhan la gnod pa spong bas sems can gyi don bya ba'i tshul khrims yin no/ /gzhan gsum ni gzhan la phan 'dogs pas rtogs par sla'o/ /tha ma gsum dag kyang rgyur gyur pas sems can gyi don bya ba'i tshul khrims zhes byar rung ngo / /phan tshun rnam par nges pa'i dbang du byas na tshul khrims thams cad kyang chos kyi sbyin pa'i grogs su 'gro'o zhes 'byung ba'i phyir dang /bye brag tu legs pas bshad pa thams cad ni chos kyi sbyin pa'o/ /dang po drug ni sdug bsngal gyis mi 'khrugs pas sdug bsngal dang du len pa'i bzod pa'o/ / tha ma bzhi ni gnod pa byed pa la ji mi snyam pa'i bzod pa ste/ sems can gyi don legs par bsgrub pa la mi khro ba'i sgo nas so/ /thams cad kyang dge ba bsgrub pa'i brtson 'grus te/ bzhi pa dang lnga pa dang drug pa dang bdun pa ni sems can gyi don bya ba'i brtson 'grus kyang yod do/ / go cha'i brtson 'grus ni de dag gi sngon du 'gro ba'o/ /bsam gtan dang shes rab ni snga ma bzhin no/ /bzod pa'i dbang du byas pa'i bcu tshan ni gtsor bzod pa gnyis kyi dbang du byas pa ste/ sdug bsngal dang du len pa'i bzod pa dang / gnod pa byed pa la ji mi snyam pa'i bzod pa'o//chos la nges par rtogs pa'i bzod/ theg pa dman par sems mi g.yeng ba/ kun rdzob dang sems can gyi don shes pa'i shes rab/ pa yang de dag gi rgyu nyid du don gyis gnas so/ /de la gsum pa dang dgu pa ni sems can gyi log par bsgrub pa 'ba' zhig bzod pas gnod pa byed pa la ji mi snyam pa'i bzod pa'o//bcu pa ni sdug bsngal dang du len pa'i bzod pa ste/ gzhan gyi gnod pa byas pa ni med kyi gzhan la phan/ /gnyis po/ /'dogs pa'i sdug bsngal nyid bzod pa'i phyir ro/ /lhag ma bdun ni bzod pa gnyis kas bsdus te/ sems can gyi log par bsgrub pa dang des byas pa'i sdug bsngal gnyis ka bzod pa'i phyir ro//dang po ni nang gi khro ba nye bar zhi bas phyi rol gyi gnod pa bzlog pa'i phan yon dang ldan pa ston to/ /gnyis pa ni rten dman pa la yang yon tan dang bzod pa yod par ston to/ /gsum pa dang bdun pa ni byas pa gzo bas gzhan yal bar mi 'dor ba ston to//gzhan gyis brnyas kyang yal bar mi 'dor ba dang / phongs kyang yal bar mi 'dor ba'o/ /yang na tshe gzhan gyi don dang tshe 'di'i don yal bar mi 'dor ba ston pa'o/ /bzhi pa dang lnga pa dang drug pa ni gnod byed nyam nyes par gyur pa yal bar mi 'dor ba ston to//brgyad pas ni log par bsgrub pa la tshe 'di'i don bya bar ma nus kyang / bdag gi bzod pa'i 'bras bu de la thob par smon pa ston to/ /dgu pas ni sdug bsngal gyi rgyu la gnas pa shin tu brtse ba'i gnas yin pa dang / gtso bo dge ba la bkod pas gzhan du ma'i don du gyur pas thabs la mkhas pa'i khyad par ston to//bcu pas ni ngan 'gro'i rten la gzhan du ma'i sdug bsngal skyob pas rten dman pas bzod pa la sogs pa'i yon tan mi 'dor ba ston to/ /de lta bu'i dgos pa rnam pa du ma dpyad du yod do/ /bzod pa de dag kyang pha rol tu phyin pa gzhan lnga dang ldan te/ legs par bshad pa thams cad chos kyi sbyin pa yin la bye brag tu dgu pa la sogs pa chos kyi sbyin pa shin tu yang gtso che'o/ /bcu pa ni zang zing gi sbyin pa'o/ /bcu po thams cad ni dge ba chos sdud la ci rigs par sems can gyi don byed pa dang sdom pa'i tshul khrims ni snga ma gnyis kyi rten du don gyis byed pas/ tshul khrims su gyur pa'i don ni snga ma bzhin no//bcu po thams cad ni sems can gyi don byed pa'i brtson 'grus yin la/ de'i rgyur dge ba sgrub pa'i brtson 'grus dang go cha'i brtson 'grus kyang yod pa'o/ /kun rdzob dang sems can gyi don byed pa shes pa'i shes rab/ /brtson 'grus dang bsam gtan dang shes rab kyi don yang snga ma bzhin no/ /brtson 'grus kyi dbang du byas pa'i bzhi tshan ni//sems can la phan 'dogs pa'i brtson 'grus dang / rang nyid kyis dge ba bsgrub pa'i brtson 'grus te/ dang po dang / gsum pa dang / bzhi pa ni dang po yin la/ gnyis pa theg dman par sems ma g.yeng ba'i/ ni gnyis pa yin no/ /dang po yang gnyis te/ tshe 'di dang gzhan la phan pa bsgrub pa'i brtson 'grus dang /tshe 'di'i don bsgrub pa ste/ dang po ni dang po yin no/ /tshe 'di'i don bsgrub pa la gnyis te/ mi gnod pa bsgrub ba dang phan pa bsgrub pa ste/ gsum pa dang bzhi pa ni rim pa bzhin no/ /gzhan yang dang po de nyid dang gzhan du ma la phan 'dogs pa yin la/gsum pa dang bzhi pa de nyid la phan pa tsam bsgrub pa'o/ /de bzhin du sdug bsngal bzlog pa dang de'i rgyu bzlog pa la sogs pa rnam pa mang du dpyad du yod do/ /brtson 'grus de yang gzhan la legs par bshad pas sbyin pa yin la/ thams cad kyang sems can don byed kyi tshul khrims yin la/bden par smra ba dang khyim gyi gnas nas mngon par byung ba dang 'tsho ba spong ba dag ni sdom pa'i tshul khrims kyang yin no/ /dang po gnod pa la ji mi snyam pa yin la/ gnyis pa ni sdug bsngal dang du len pa ste/ mngon par 'byung bas 'dod pa'i bde ba gtong zhing dka' thub kyi gnod pa bzod pa'i phyir ro//gsum pa dang bzhi pa ni gtsor gnod pa byed pa la ji mi snyam pa'o/ /bsam gtan dang shes rab ni snga ma bzhin no/ /gzhan yang sbyin pa la sogs pa de nyid gzhan du rjes su 'dzin pas bsdu ba'i dngos po bzhi'i grangs su 'gro ste/ sbyin pa ni zang zing gi sbyin pa nyid gzung gi chos kyi sbyin pa ni snyan par smra ba zhes bya ba'i grangs su kun rdzob dang don dam sems can gyi don byed pa shes pa'i shes rab/theg pa dman par sems mi g.yeng ba'i/ 'gro'o/ /mi 'jigs pa'i sbyin pa'ang don spyod pa'am don mthun pa zhes bya bar brjod do/ /gzhan yang pha rol tu phyin pa drug la sbyin pa'i pha rol tu phyin pa ni sbyin pa'o//tshul khrims dang bzod pa'i pha rol tu phyin pa ni snyan par smra ba'o/ /brtson 'grus ni don spyod pa'o/ /bsam gtan dang shes rab ni don mthun pa'o/ /gzhan la chos ston pa'i khyad par snyan par smra ba de dag gis chos kyi don ni bsdus na 'di dag yin te/dang por ni 'khor ba'i nyes pa dang bdag la chags pa spang ba'o/ /gnyis pa dang gsum pa dang bzhi pa dang lnga pas ni sbyin pa'i bsngags pa dang ser sna'i nyes pa'o/ /drug pas ni bsod nams la 'bad pa'o/ /bdun par ni theg pa chen po'i lam la gnas pa dang chog shes pa dang grogs po ngan pa spangs pa dang /dam pa dang mi mthun pa'i rkyen dang 'bral bar brtag pa'o/ /brgyad par ni theg pa chen por sems bskyed pa dang / sdig pa lnga spang ba dang / sbyin pa'i bsngags pa brjod pa'o/ /dgu par sbyin pa la 'bad par bya ba'o/ / bcu par sdig pa spang pa'o/ /bcu gcig par 'tshe ba bzlog pa'o/ /bcu gnyis par ngo tsha shes pa la gnas par bya ba'o/ /bcu gsum pa yang de bzhin no/ /bcu bzhi pa dang bco lnga pa dang bcu drug par bden pa'i byin rlabs brjod pa'o/ / bcu bdun par chang gi nyes pa'o/ /bco brgyad par ni khyim gyi gnod pa dang 'dod pa'i nyes pa'o/ /bcu dgu par 'dod pa'i nyes pa'o/ /nyi shu par ni gzhan gyis yon tan dang ldan par re ba bsgrub pa'o/ /nyi shu rtsa gcig par ni khro ba'i nyes pa'o/ /nyi shu rtsa gnyis par ni yon tan la 'bad pa'o//nyi shu rtsa gsum par lta ba ngan pa tshar bcad pa dang / sdig pa'i grogs po spong ba dang / bsod nams la 'bad pa dang / chos kyis rgyal srid bskyang ba'o/ /nyi shu rtsa bzhi par sdig pa spang ba'o/ /nyi shu rtsa lnga par ri dgas la gnod pa spang ba dang / gzhan la gnod pa spang ba dang /bsod nams la 'bad par bya'o/ /nyi shu rtsa drug par sdig pa spang ba dang / snying rje bskyed pa dang chos kyis srid bskyang ba'o/ /nyi shu rtsa bdun par byas pa drin du gzo ba dang chos kyis rgyal srid bskyang ba'o/ /nyi shu rtsa brgyad par bsod nams la 'bad pa dang bag yod par bsgrub pa dang bzod pa la gnas par bya ba'o//nyi shu rtsa dgu par ni yang dag pa'i lta ba bskyed pa'i thabs dang log par lta ba'i nyes dmigs dmyal ba'i gnod pa dang mtho ris dang thar pa'i lam mo/ /sum cu par snying rjes gzhan dbugs dbyung ba dang smon lam chen po gdab pa'o/ /sum cu rtsa gcig par thos pa'i bsngags pa dang legs par bshad pa'i khyad par bzhi dang gzhan lam bzang po la sbyar ba'o//sum cu rtsa gnyis par 'khor ba'i nyes pa dang 'chi ba bsgom pa'o/ /sum cu rtsa gsum pa dang rtsa bzhi par bzod pa'i phan yon no/ /de ltar sbyin pas 'dun par byas nas snyan par smra bas gdams par byas shing don spyod pas gdams ngag gi don bsgrub pa la btsud la/don mthun pas pha rol po'i don bsgrub pa la brtan par 'gyur bas gzhan gyi don bsgrub pa'i thabs rnams ni bsdu ba'i dngos po bzhi kho na'o/ /bsdu ba'i dngos po bzhi po de nyid ci rigs par ngang gis sangs rgyas kyi chos yongs su rdzogs par byed pa dang /sems can yongs su smin par byed pa'i thabs la mkhas pa'i khyad par yin te/ tha na gzhan gyis rjes su yi rang ba tsam gyis kyang de dag gi dge ba'i rtsa ba 'phel bar 'gyur ba'i phyir dang / de'i phyir spyod pa rmad du byung bas theg pa dman pa las log pa dang zhugs pa brtan pa dang gzhan gyi don la ched cher 'dzin pa la sogs pa'i dgos pa du ma gzigs te/de ston pa'i gzhung nye bar bkod pas 'di ni don chen po dang ldan pas rin po che chen po lta bu yin no/ /des na tshig 'di'i don dran par byas la rjes su yi rang bar bya'o/ /bdag kyang 'di lta bu'i spyod pa rlabs po che la gnas nas ji ltar tshogs rdzogs par 'gyur snyam du yid la bya'o//gzhan dag la spyod pa rlabs po che bsgrags shing mos pa bskyed du gzhug go/ /rnam par rtog pa shas che ba la ngo mtshar dang ldan pa'i gtam rgyas par bshad pa dga' ba la yang tha mal ba'i gtam spangs te gtam 'di lta bur brjod par bya ste/de dag kyang dad pa ma thob par thos pas kyang thar pa'i sa bon 'jog par byed do/ /mya ngan gyis gdungs pa dang yi chad cing zhum pa dag la mya ngan bsal zhing spro ba bskyed pas bya ste/ 'khor ba'i nyes pa la sogs pa dang 'phangs pa'i dus na yang bya ba de dag dang de lta bu byed na bdag ci'i phyir zhum par byed snyam ste spro ba 'thob pa'o// //da ni yi ge'i dka' ba'i gnad cung zad bshad par brtsam par bya'o/ /rtsom pa dang 'bral ba'i yan lag tshigs su bcad pa bzhi po 'di ni don gsum du gnas te/ brjod bya dang rjod byed kyi khyad par gyis bshad par dam bca' ba dang /dgos pa brjod pa sngon du 'gro bas bshad par dam bca' ba rgyas par bshad pa dang / dkon mchog gsum la mchod par brjod pa'o/ /de la brjod bya'i khyad par tshig gsum gyis bstan la/ de rjod byed ji lta bus brjod pa yang rkang pa tha mas bstan te 'di'i don ni byang chub sems dpa'i spyod pa'i khyad par don rmad du byung ba de snyan dngags kyi tshig ngo mtshar du gyur pa me tog gi phreng ba lta bus gsal bar bya'o zhes bya ba'o//de la thub pa'i sku tshe snga ma'i spyod pa zhes gsungs pa'i thub pa de ji lta bu zhe na/ dpal ldan zhes bya ba la sogs pa'i rkang pa dang po gnyis te thub pa nyid kyi yon tan no//de dpal ldan ni khyad par gyi gzhi ste tshogs gnyis yongs su rdzogs pa'i 'byor pa dam pa gnyis dang ldan par ston to/ /yon tan dam pas yongs bzung bkra shis pa ni rang don phun sum tshogs pa ste yon tan dam pas ni stobs la sogs pa'o/ /des bzung ba ni de dang ldan pa ste ye shes phun sum tshogs pa'o//bkra shis pa ni spangs pa phun sum tshogs pa ste sgrib pa thams cad spangs pas rgud pa thams cad las 'das pa'i phyir ro/ /grags pa'i gzhir gyur ma smad shin tu yid du 'ong ba ni gzhan don phun sum tshogs pa ste de ni gzhan la phan 'dogs pas rab tu phye ba'i gzugs kyi sku gnyis po'o//grags pa'i gzhir gyur pa ni gnyis ka yang gzhan la grags shing gzhan gyis mthong bas phan 'dogs pa'i phyir ro/ /ma smad pa ni longs spyod rdzogs pa'i sku ste gdul bya mchog gi yul du gyur pa'i phyir ro/ /shin tu yid 'ong ba ni sprul pa'i sku ste gdul bya'i bsam pa dang mthun par 'jug pa'i phyir ro//thub pa ni spyi ming bye brag la 'jug pa ste thub pa ni lus dang ngag dang yid yang dag par bsdams pa yin la de thun mong ma yin pa dang ldan pa thub pa'i mchog la de skad ces bya'o/ /de'i sku tshe snga ma'i spyod pa stag mo la lus byin pa la sogs pa ni rmad du byung ba ste bya dka' zhing phan 'dogs pa che ba'i phyir ro//yang na dpal ldan zhes bya ba la sogs pa ni thub pa'i sku tshe snga ma nyid kyi gnas skabs kyi spyod pa mdzad pa'i dus kyi yon tan te rang don phun sum tshogs pa'o/ /yon tan dam pas yongs su bzung ba ni shes rab dang snying rje la sogs pas bzung ba ste de dang ldan pa'o//bkra shis pa ni ser sna la sogs pa'i dri ma bsal bas rgud pa nye bar zhi ba'o/ /ma smad pa ni bsam pa'i khyad par snying rje chen po'o/ /shin tu yid du 'ong ba ni gzhan la phan 'dogs dga' ba'i phyir nyan thos dang rang rgyal dang sangs rgyas gsum ka la 'jug pa la las 'dir skabs kyi stobs kyis/sbyor ba'o/ /de nyid kyis ni grags pa'i gzhir gyur pa'o/ /de bdag gis snyan dngags kyis mchod de rjod byed des brjod bya la dga' ba bskyed do zhes bya ba'o/ /me tog snyim pa na gnas pa phul bas dga' ba skye ba'i rgyur gyur pa yin pas de dang chos mthun pas me tog snyim pas gus par mchod ces smos so//dgos pa brjod pa sngon du 'gro bas dam bca' ba rgyas par bshad pa ni tshigs su bcad pa gnyis te/ dgos pa brjod pa dang dgos pa de dang ldan pa brtsam par zhal gyis bzhes pa ste tshigs su bcad pa re re dang rim pa bzhin no//grags pa'i mtshan mar gyur pa 'di rnams kyis te rtogs pas zhes bya ba la tshigs lhag ma'o/ /grags pa ni snyan dngags so/ /de'i rgyu mtshan ni mtshan mar gyur pa'o/ /bzod po ni spyod pa bzang po rmad du byung ba 'og nas 'byang ba 'di rnams kyis te de dag rtogs shing shes bas so//'dir dgos pa gsum ste/ theg pa chen po'i/ /brtsam zhes sbyar ro/ /lam gsal bar byas pa dang / bstan pa lam zhugs pa dad par 'gyur ba dang / theg pa thun mong ba dang bstan pa la zhugs pa rnams chos dang mthun pa'i gtam gyis dga' ba ste/tshig gsum dang go rims bzhin no/ /de ni nye bar mtshon pa tsam du zad do/ /dgos pa de dang ldan pas rtsom pa ni snyan dngags 'di brtsams so zhes sbyar ro/ /snyan dngags de yang spros pas 'jigs pa la brjod bya bsdus pas khyad par du byas pa ste 'jig rten mchog gi spong ba dam pa'i phyogs tsam gyis shes par bya ba ste/rdzogs po ni mtha' yas pas brjod mar mi nus so snyam du bsams pa'o/ /'jig rten na mchog tu gyur pa'i gang zag ni byang chub sems dpa' yin la/ de'i spyod shin tu nyung ngu / /pa ni spyod pa gzhan las dam pa'i spyod pa ste de ni mchog tu gyur pa'i phyir ro//des ni brjod bya bsdus pas khyad par du byas pa'o/ /rjod byed rnam par dag pa bstan pa'i phyir/ mnyan du rung bar bya ba'i phyir lung dang gtsug lag rig par mi 'gal lam ngag gis 'di brtsams so zhes bya ba'o/ /nyan thos la sogs pa'i/ mkhas pa'i skye bas don bzang zhing tshig spel legs pas/ mnyan du rung bar bya ba'i phyir ram ched du lung bla ma brgyud pa dang mi 'gal ba dang / gtsug lag ni bka' dang mi 'gal ba dang / rig pa ni tshad ma dang rang gi tshig dang mi 'gal ba'o/ /de lta bu'i lam ni tshul te thabs su gyur pa'i tshig go/ /de ltar 'jig rten pa'i don 'gyur snyam nas zhes bya ba ni snga ma dgos pa gsum dang sbyar ro//'di brtsams zhes bya ba ni brjod bya'i khyad par te rjod par byed pa'i ngag dri ma med pa 'og nas 'byung ba 'di ces bya ba'o/ /de ltar dgos pa brjod nas yul khyad par can la phyag 'tshal bas bsod nams 'phel ba ni rtsom pa mthar phyin pa'i yan lag yin pas dkon mchog gsum la phyag 'tshal bar byed de/de la sangs rgyas ni rgyu thun mong ma yin pa dang rang gi ngo bo thun mong ba ma yin pa'i yon tan gyis gzhan las khyad par du 'phags par ston te/ de la thun mong ma yin pa'i rang don brtson pas gzhan don brtson pa/phyi nang gi bar chad zhi bas/ gang yin pa'o/ /yon tan bsgrub pa bzang po'i rjes su mthun ma gyur/ /ces bya ba ste rang don brtson pa ni nyan thos dang rang sangs rgyas yin la/ gzhan don phyi rol ba dang nyan thos la sogs pa/ brtson pa gang yin pa'i yon tan bsgrub pa bzang po ni byang chub sems dpa' ste/byang chub sems dpa' gzhan gyi don du zhugs pa nyid yon tan bsgrub pa yin la de nyid legs shing phan pas bzang po ste yon tan de mchog yin pas nyan thos kyi rjes su mthun par ma gyur te shin tu dman pas so/ /yang na rang don brtson pas gzhan don brtson pa gang yin pa'i byang chub sems dpa' gang yin pa pha rol tu phyin pa drug gi yon tan bsgrub pa de mi gnas pa'i mya ngan las 'das pa bzang po'i rjes su mthun par gyur ces pa'i don to//des na khyad par du gyur pa'i yon tan de ni rgyus bsdus pa'o/ /rang bzhin gyi yon tan ni/ thams cad mkhyen ces brjod pa ma nor gsal bar grags zhes smos te nyan thos dang /rang sangs rgyas rnams ni thams cad mkhyen pa ma yin te shes bya'i sgrib pa yang ma spangs pa'i phyir ro/ /des na sangs rgyas la thams cad mkhyen ces brjod pa ste/ don dang ldan pa'i brjod pa yin no zhes bya ba'i tha tshig go / yang na 'di dag ni phyi rol pa'i ston pa thams cad mkhyen par 'du shes pa drang srong chen po gzegs zan dang ser skya la sogs pa'am khyab 'jug dang tshangs pa la sogs pa las khyad par du ston te/ de dag ni rang gi don la brtson te 'tshe ba la sogs pas bdag nyid kyi don bsgrub ste lha las phul du byung ba'i bstod par bshad pa lta bu'o//gzhan gyi don la brtson pa gang yin pa'i yon tan bsgrub pa bzang po de bzhin gshegs pa'i gzhan la phan pa bsgrub pa phun sum tshogs pa'o/ /de'i rjes su mu stegs byed kyi ston pa mthun pa ma yin la 'di ni thams cad mkhyen ces brjod pa ma nor gsal bar grags te brjod pa don dang mthun pa'o//yang na tshig rkang pa dang po gnyis kyis ni gzhan la phan pa bsgrub pa phun sum tshogs pa bstan te/ phyi rol pa dang thar pa thob pa'i skye bo las khyad par du 'phags pa gzhan don bsgrub pa'i thabs la gnas par ston la/rkang pa gsum pas ni rang gi don phun sum tshogs pa bstan te/ thams cad mkhyen pa ni sgrib pa thams cad zad pa'i mkhyen pa yin pas spangs pa dang ye shes phun sum nyan thos la sogs pa/ tshogs pa bstan to/ /de nyid kyis ni mnyam med phyi rol pa'am slob pa thams cad las khyad par du 'phags pa'i phyir ro//de ltar sangs rgyas la bstod nas/ chos dang dge 'dun zhes smos te/ ston pa de'i bstan pa dang slob pa'i tshogs dag yin te/ dkon mchog gsum la spyi bos btud pa ni phyag 'tshal ba ste/ phyag 'tshal ba ni bya ba'i khyad par yin te/mgo sa la gtugs pa ni gtso bo yin pas de smos te/ yon tan brjod pas ngag sngon du 'gro bas yid ma smos kyang grub ste/ dngos su/ chos/ dge 'dun/ don gyis las gsum gyi rang bzhin no/ /yang na rtsom pa dang 'brel pa'i don gsum du gnas te/ rgyu'i che ba la mchod pa brjod pa dang /dgos pa brjod pa'i sgo nas rgyu'i che ba de bshad par dam bca' ba dang / dam bcas pas mthar phyin pa'i yan lag 'bras bu dkon mchog gsum la mchod par brjod pa de/ tshigs su bcad pa gcig dang gnyis dang gcig gis rim pa bzhin no/ /de la don dang po yang yul bsdus don 'di legs/gang la gang zag gis/ mchod pa'i dngos po gang gis mchod pa ston te/ yul ni rkang pa dang po gsum mo/ /gang zag ni bdag gis zhes bya ba'o/ /mchod pa'i dngos po ni snyan dngags me tog snyim pa yis so/ /yul ni thub pa'i sku tshe snga ma'i spyod pa rmad du byung ba rnams so//khyad par du byed pa'i thub pa nyid bshad pa ni/ dpal ldan yon tan dam pa yongs bzung bkra shis pa/ /grags pa'i gzhir gyur ma smad shin tu yid du 'ong / /zhes pa'o/ /de'i yi ge'i don snga ma bzhin no/ /yang na sku tshe snga ma'i spyod pa rmad du byung ba nyid ji lta bu zhe na/dpal ldan zhes bya ba la sogs pa ste yi ge'i don ni snga ma bzhin no/ /rgyu'i che ba de bshad par dam bca' ba ni/ 'jig rten mchog gi spyod pa dam pa'i phyogs tsam gyis/ bdag gis snyan dngags 'di brtsams so zhes bya ba ste/ yi ge'i don ni snga ma bzhin no//de yang dgos pa gang gis rtsom zhe na/ grags pa'i mtshan ma gyur pa zhes bya ba'i tshigs su bcad pa gcig ste yi ge'i don ni snga ma bzhin no/ /dam bcas pa de mthar phyin pa'i yan lag rgyu'i che ba de'i 'bras bu thun mong ma yin pa dang ldan pa'i sangs rgyas dkon mchog dang de'i chos dang de sgrub pa'i dge 'dun la phyag 'tshal lo//rang don bsgrub ba zhes bya ba la sogs pa'i tshigs su bcad pa ni gcig ste yi ge'i don ni snga ma bzhin no/ /rgyu med par byams pa zhes bya ba ni 'jig rten pa'i byams pa'i rgyur grags pa'i mdza' bshes dang phan btags pa la sogs pa med pas rgyu med/yin gyi byang chub kyi sems rab tu goms pa'i rgyu mchog tu gyur pa ni med pa ma yin no/ /bla ma'i don ni gsum gyis te/ bla mar byed pa dang / bla ma mgu ba byas pa dang / bla mar gyur pa ste tshig gsum dang sbyar ro/ /skyes pa'i las byas pa zhes bya ba la sogs pa btsas ston dang skra mtshams dbye ba'i cho ga la sogs pa'o//rang bzhin gyis yid gsungs pa ni skyes thob kyi yon tan gyi khyad par ro/ /dkon mchog gsum gong mar byed pas/ /rang nyid kyi bsgrub pa'i mchod pa/ rang nyid gzhan ni/ mgon skyabs kyi khyad par ni dge ba'i bshes gnyen gyis yongs su bzung ba'o//shes pa ched cher 'dzin pa dang le lo med pa ni sbyor ba'i khyad par te gus par sbyor ba dang rgyun du sbyor ba'o/ /rig pa'i gnas bco brgyad ni/ rol mo dang / 'khrig pa'i thabs dang / mtshon cha dang / grangs dang / sgra dang / gso dpyad dang / chos lugs dang / bzo dang / 'phangs spyad dang / gtan tshigs dang / rnal 'byor dang / thos pa dang / dran pa dang / skar ma'i dpyad dang / rtsis dang / mig 'phrul dang / sngon gyi rabs dang / sngon byung ba'o/ /de la slob dpon gyis go 'phang thob pa yin te/ de dag mthar phyin par lobs pa'o/ / sgyu rtsal rnams la zhes bya ba la sgyu rtsal ni sgyu ma dang / yi ge dang / lag rtsis dang / grangs dang / rtsis dang / 'dzin stangs dang / thor tshugs dang / gom stabs dang / lcags kyus sgyur thabs dang / ral gri'i thabs dang / zhags pa gdab pa dang / mda' bo che 'phen gzhan gyi slob dpon pa'i thabs dang /'phong gi slob dpon dang / mdun du bsgyur ba dang / phyir sgyur ba dang / gcad pa dang / dran ba dang / dbug pa dang / rgyab nas rdeg pa dang / sgra grag par 'phog pa dang / gnad du phog pa dang / mi 'chor bar phog pa dang / gnas lnga la byang ba dang / mchongs pa dang / gyad kyi 'dzin stangs dang / bong dang / rgyal ba dang / glang po che'i gnyar bzhon pa dang / shing rta'i thabs dang / mnga' gzhug pa dang / 'gyed stobs dang / de la sogs pa drug cu rtsa bzhi zhes 'byung ngo / /de dag la bdag gi rigs dang mi 'gal ba ni kha cig ni gzhan la sogs pas byang chub sems dpa' mi mdzad pa'i phyir ram bram ze'i rig pa mi 'gal ba mi phyed pa'o//de dag la slob dpon gyi go 'phang thob pa ni snga ma bzhin no/ /rig byed shes la zhes bya ba la sogs pa'i tshigs su bcad pa'i don ni bram zes bkur ba dang /rgyal rigs kyis bkur pa dang gang zag spyir thams cad kyis bkur pa dang slob ma'i tshogs la phan 'dogs pa'i khyad par gyis bstod de/ rig byed shes pa'i bram ze rnams kyis tshangs pa ltar bkur pa ste/ rig byed ni tshangs pas dran pa dang de las ches mkhas pa med par grags pa ltar/bdag nyid chen po yang rig byed shin tu mkhas par grags pa'i phyir tshangs pa gnyis pa lta bur 'du shes pa'o/ /de la rig byed ni gsum ste/ des brjod dang / snyan dngags dang / mchod sbyin no/ /kha cig ni srid bsrung ba dang bzhi 'don no//rig byed de yan lag dang bcas pa dang nye ba'i yan lag dang bcas pa la mkhas pa ste/ tshe'i rig byed gso dpyad dang skar ma'i dpyad la sogs pa la mkhas pa'o/ /rgyal po rnams kyis bkur bas na rgyal po'i mchog 'khor los sgyur ba la sogs pa lta bur gyur pa'o//skye dgus spyir mthong ba dga' zhing ngo mtshar gyi gnas su 'dzin pas brgya byin mngon sum du mthong ba lta bur 'du shes pa'o/ /shes 'dod ni rig byed la sogs pa slob pa don du gnyer ba'i slob ma rnams te de dag gi don spyod nus pas phas bu'i don bsgrub pa dang 'dra'o//skal ba dang ldan pa ni skyes thob kyi yon tan no/ /yon tan khyad par du gyur pa ni sbyor ba las byung ba'o/ /dgongs bsgrub bzhin du de'i slob mar gyur zhes bya ba la dgongs pa grub pa ni byang chub sems dpa'o/ /de dang mthun pa de bzhin du ste de'i rjes su byed pa'o//bu bu zhes gnyis brjod pa mi rings pa dang ngo mtshar ba'o/ /byams pa'i mtshams las 'das zhes bya ba ni byams pa'i mtshams ni byams pa shin tu chung yang bdag gam bdag gi bu la byams pa yin la de yang med pas de las 'das pa'o/ / 'dam bu mes tshig bzhin zhes bya ba ni 'dam bu mes tshig pa ni zhum zhing thal bar myur du 'gyur te/ de bzhin du 'gyod pas zhum zhing rtsol ba med pa'o/ /phrug gu bsad las gcen mo bsrung ba dang zhes bya ba ni phrug gu bsad pa las bsrung ba ni rgyu gang gis bsad pa las bsrung zhe na/ gcen mo bsrung ste gsod du mi gzhug pa'o//gcen mo las kyang de'i phrug gu bsrung zhes bya ba ni gcan mo'i srog bsrungs ba las kyang ma'i nu zho'i stobs kyis phrug gu bsrung ba'o/ /sku gdung rin chen ni sku gdung nyid rin chen yin pas de'i mchod rten la yang de skad ces bya'o/ /de 'dzin cing ldan pa'i sa gzhi khengs par byas te/gang gis zhe na sngar gyi 'phreng ba la sogs pa'i char gyis so/ /stag mo la lus byin pa'i rabs te rtogs pa brjod pa dang po'o// //spro ba ni bsam pa sems can gyi don la mi skyo ba'o/ /gsang tshig ni nang blon po rnams la smra ba'i khyad par te/bya ba dang bya ba ma yin pa 'gro ba'o/ /gzi byin gyi mthu ni gzugs bzang zhing dbang che bar grags pa'o/ /skal ba phun sum tshogs pa ni sngon bsod nams bsags pas rang bzhin gyis gzhan 'dun pa'o/ /de la 'khor gsum rjes mthun yon tan tshogs//phan tshun 'dren pa bzhin du gnas par gyur/ /zhes bya ba la/ 'khor gsum ni 'bangs la sogs pa'i gros mthun pa'i srid dang / longs spyod kyi 'byor pa dang / yon tan gyi zhing dang / sdug bsngal ba la sbyin pa rgya chen po byed pa'i chos kyi 'byor pa ste/ de rjes su mthun zhing 'tsham pa'i yon tan gyi tshogs gcig pas gcig bzang bas phan tshun 'gran pa bzhin du gnas pa'o/ /dngos po thams cad yongs su rdzogs pa ni yon tan gyi dngos po'am 'dod pa'i dngos po'o/ /slu ba'i tshig ni rtsub mo de'i bskyin pa bsab pa ni ci yang med ces bya ba slu ba'i tshig nyid rtsub pa ste mi 'dod pa'i 'bras bu bsgrub pa'i phyir ro//de'i bskyin pa bsab pa ni ci yang med de de dge ba 'ba' zhig gis phan par 'gyur ba ni med do/ /e ma'o rlabs che ba ni spyod pa khyad par can no/ /e ma'o snying rje che ba ni bsam pa'i khyad par te/ sngar gyi gtong ba'i bsngags pa'o//de'i 'bras bu mthong ba'i chos la mngon sum du byas pas na/ 'di'i sems ni ji ltar rnam dag ltos zhes bya ba'o/ /gnyi ga'i yon tan gyis las tshig ngan bas bskyin pa 'jal/ e ma'o zhes bya ba phyed 'og ma'o/ /khyod kyis byin gyis rgyal ba ni dge ba byas pas dus phyis bde legs kyi khyad par thob pa'o//byin dang spyod pas nor rnams don yod byos/ /zhes bya ba ni gzhan la byin pas don yod pa ni gtong ba'o/ /spyad pas don yod pa ni len pa pos so/ /yang na byin pas sbyin bdag la don yod la bdag gis spyad pas kyang bdag gi lus rtas pas dge ba la sogs pa bsgrubs pas bdag la don yod pa'o//'jig rten 'di la grags pa che ba 'byung la tshe gzhan du bde ba 'byung ba'i lam yin pas 'jig rten 'di dang zhes rkang pa gnyis so/ /de ltar rim gro bskyed de bsod nams bsags pa'o/ /'bras bu yid du 'ong la tshe 'di las byung bar bstan cing go bar byas pa yin no//yid du 'ong ba ji lta bu zhe na me tog lta bu'o/ /me tog 'dra ba gang zhe na bdag gis mthu chen po thob par 'gyur ba ste/ smon lam gyi khyad par mchog thob pa'o/ /de'i grags pa ni dus rgyun yun ring du rjes su 'brel bas grags pas rgyun chags pa'o//des na phyis kyi skye bo rnams bsod nams la spro ba bskyed par bya bar bstan to/ /shi bi ba'i skyes pa'i rabs te gnyis pa'o// //des dgra dregs pa rnams kyang btang zhes bya ba ni/ rgyags pa dang dregs pa nyid dgra ste gnod pa'i rnam pa yin pa'i phyir ro//de spangs pas de skad ces bya'o/ /de la brten pa ni rgyal po la brten pa'i gnyen bshes rnams la de chags pa btang zhes bya bar sbyar te rjes su chags pa med pa'o/ /mi mthun pa la khro ba btang zhes bya bar sbyar te khong khro ba med pa'o//sems can thams cad la byams pa'i rjes 'brang dpal de byams pas 'byor pa'i yon tan de dang ldan pa'o/ /de lta bu'i yon tan rgyal po la yod pas rgyal po gzhan la de ltar gyur pa ste/ rjes su chags pa med pa khong khro ba dang dregs pa med la sems can thams cad la byams pa de ltar gyur ces pa'o//tshul khrims kyi sdom pa ngan pa ma yin pa ni nges par 'byung ba'i tshul khrims yin gyi mtho ris 'dod pa la sogs pa ma yin pa'i phyir ro/ /gso sbyong gi yan lag brgyad pa'o/ /nges par gnas pa ni dus khyad pas can la khas len pa'o//nor mang dpal yang rjes chags zhes bya ba ni nor mang po 'byor pa ni nor mang dpal lo/ /de rjes su chags shing ma btang bas rjes su chags pa'o/ /don dang rgyu mtshan ma phye bar zhes bya ba la don ni brjod pa'i dgos pa ste bsod nams la spro ba bskyed pa'o/ /rgyu mtshan de dran pa'o/ / yang na sgra de'i don nyid rgyu mtshan yin pas don dang rgyu mtshan no/ /gzhan gyis brnyas shing ngal dman pa'i gla de yang / skyabs su re zhing mi 'tshor dogs nas de la zhugs zhes bya ba ni gzhan gyi gla'i las byed pa'i dgos pa ston te/ gzhan rje dpon la sogs pas brnyas shing byin pa'i rdzas dman pa dang kha zas dman pa dang gos ngan pa la sogs pa de yang nga la skyabs su re zhing phan par mthong nas so//ji ltar phan 'dogs na mi 'tshor dogs nas gla'i rngan pa la ma brten na 'chi ba'i nyen yod pa'i phyir ro/ /des na nga de la zhugs shing bya ba de byas so zhes bya'o/ /grags dang dpal dang sbyin pa phun sum tshogs pas 'bad//zhes bya ba la grags pa phyogs su rgyas pa'i phyir dang / rgyal srid kyi 'byor pa phun sum tshogs pa'i phyir dang / 'byor pa de las gzhan phun sum tshogs pa'i sgo nas rgyas pa'o/ /sa chen skyong ba'i sa chen po de ni rgya mtsho chen po'i gos gyon pa ste/ gos kyis lus g.yogs pa ltar rgya mtsho chen pos 'dzam bu'i gling gi sa chen po mtha' bskor ba'i phyir ro/ /rgya mtsho de nyid ji lta bu zhe na/ bser ma langs pas rlabs bskyod de rlung gis g.yo bar byas pa'i rlabs dang ldan pa'o/ /de lta bu'i sa chen po chos kyis tshul bzhin du yun ring du skyong bas phan 'dogs pa rgya chen po yun ring du ston to//sbyin pa las byung yon tan dga' la sogs pa sna tshogs grags dang ldan zhes bya ba la sbyin pa las byung ba'i bsod nams ni yon tan sna tshogs dang ldan pa ste/ dga' bde dang gzugs bzang ba la sogs pa dag dang ldan zhes grags pa rgya chen po dang ldan pa'o//byung ba zhes bya ba ni rang bzhin no/ /sbyin pa de dpe'i sgo nas bsngags pa ni/ gter dang chu dang bzhon pa dang grogs po'i sgo nas rkang pa bzhi rim pa bzhin no/ /phun sum tshogs pa thob pa gzhan tshigs bcad gcig go/ /'bras bu'i che ba ni snying po len pa dang dbang phyug gi rgyu yin pa ste thar pa dang longs spyod kyi rgyu yin pa'i phyir go rims bzhin no//rten gyi khyad par ni skye bo mchog gi tshul lo/ /yang na rang gi ngo bo ste dam pa'i spyod pa zhes bya ba'i tha tshig go/ /shes rab chung bas rdul tsam sbyin ma nus/ /zhes pas bzlog pa'i rgyu'i khyad par ston to//shes rab kyi khyad par ni rgyu'o/ /zan dron changs gcig gi rabs te gsum pa'o// //yon tan dang spro ba phun sum tshogs pa dang ni ldan zhes bya ba la yon tan gyi nor dang ldan pas ni sngon dge ba bsags pas sam gzhan gyis bsnyen bkur byas pas so//spro ba dang ldan pa ni 'bad pas tshod la sogs pa'i bya bas legs par bsgrubs pas zhes bya ba'i tha tshig go/ /de lag pad+ma'i mchog ni lhung bzed thogs/ /zhes bya ba ni lag pa nyid mdzes pas pad+ma mchog lta bu yin pas pad+ma mchog go//yang na pad+ma mchog gi lhung bzed thogs pas te lag pa pad+mas mdzes par byas pa ltar lhung bzed kyis phyag brgyan pa zhes bya ba'i tha tshig go/ /nor ni 'khor gsum khyad par rgyu yin te/ /zhes bya ba ni srid dang chos dang longs spyod do/ /dmyal ba'i gshed po mi bzad 'bar ba'i lce//de phyir khyod ni bza' bar 'dir 'ongs so/ /zhes bya ba la dmyal ba'i gnod pa nyid sdug bsngal bskyed pas gshed po dang 'dra bas gshed po'o/ /mi bzad 'bar ba ni sdug bsngal mi bzad 'bar ba'o/ /ji ltar gcan gzan stag mo la sogs pas lce brkyang bas kha zas za ba ltar gnod pa drung du 'ongs te nang du 'dud pas lce dang 'dra bas lce'o//de phyir nga zhes bya ba ni gang phyir nor chud gsan pa'i sdig pa byas pa de'i phyir ro/ /nyes pa byung ba'i sngon nam 'og tu yang zhes bya ba ni de ma thag tu'o/ /bde dang ldan na gus pa dran par gyis zhes bya ba ni sbyin pa dor ba'i tshe'o//yang na 'gyod bzhin ni dran par byos zhes bya ba ni ma bor ba'i tshe na'o/ /ze'u 'bru dkar po so'i phreng ba dag /bdud la 'phya ba bzhin du dgod par gyur/ /zhes bya ba ni 'jig rten na gzhan la khrel bas dgod pa'i tshe so'i phreng ba dkar po dang bcas pas dgod par byed do//de bzhin du pad+ma'i ze 'bru dkar po dag bdud la khrel bas bzhad gad byed pa lta bur gyur pa'o/ /bdud kyis bgegs bya bar mi nus pa'i rabs te bzhi pa'o// //rlabs che la zhes bya ba ni rgya mtshor rin po che len pa la sogs pa'o//rim pa 'di ni gtong ba'i tshul te phun sum tshogs nas cung zad sbyin no snyam pa'o/ /de'i don nyid tshigs su bcad pas rgyas par ston pa ni ltos shig ces bya ba la sogs pa'o/ /nor bsgrub pa'i rgyu ni bdag gi blo yis lcogs shing zhes bya ba la sogs pa rkang pa gsum mo//rkang pa dang pos ni zhing las kyi khyad par te bsam pa ma yengs shing sbyor ba grims pa'o/ /rkang pa gnyis pa ni tshong gi khyad par te/ rigs dang mthun pa'i rigs bzang pos tshong dman pa spang ba'i phyir ro/ /de nyid grags pa'i rgyu yin te gzhan gyis dpyas par 'gyur ba'o//las kyi yon tan bzo dang gso dpyad la sogs pa'o/ /mngon par chags bzhin dpal gyis 'byung bar gyur/ /zhes bya ba ni lhag par chags bzhin 'byor pa mang po dang mi 'bral bar gyur na zhes pa'i bde ba'i rim pa ni longs spyod pa'i rim pa ste longs spyod chung ba la spyad drags pa yang dman par ston to//sdom zhing mi g.yeng ba ni sbyin pa'i dus bsam pa'o/ /sbyin dgos pa'i zhes bya ba ni bdag nyid kyi tshe gzhan gyi 'di sbyin pa la bltos pa'i phyir ro/ /de ltar thob pa'i lam zhes bya ba ni dam pas sngon spyad pa'i phyir de las gzhan du mi rigs pa'o//nga yis bslus pa ni brgya byin bdag gis so/ /zil gyis mi non pa ste lnga pa'o// //bdag gis pags pa a dz+nyi gyon/ /rang gi spu yis shun lpags byas/ /zhes bya ba ni dgon pa na gnas pa'i drang srong ri dgas kr-iSh+Na la sogs pa'i pags pa gyon/ shing shun gyi ske rags yod pa dang chos mthun pas de skad ces bya'o/ /des na thub pa bzhin du zhes smos so/ /gcig la gcig slob pa ni yid gcugs pas mi phod pa med pa'o/ /dul ba ni nges pa ste 'jam pa'o/ /sdom pa ni tshul khrims so/ /spyod pa ni bsgrub pa'i dge ba gzhan no//yang na sdom pa nyid ni rnam grangs so/ /bde dang mthun zhing yon tan mi mthun tshul ni skye bo dman pa ste 'phral gyi bde ba'i phyir yon tan 'dor ba'o/ /yon tan mthun zhing bde dang mi mthun tshul ni skye bo dam pa ste 'phral sdug bsngal yang yon tan mi 'dor ba'o/ /de ltar gnyis yod pa las mi yang zhes bya ba la sogs pa'o//yon tan rjes 'gro ni sbyor ba'i yon tan no/ /rang bzhin phun sum tshogs pa ni skyes thob po/ /yang na yon tan gyi rjes su byed pa'i grags pa zhes sbyar ro/ /gang gis grags pa zhe na rang bzhin phun sum tshogs pa zhes bya ba ste de'i yon tan no//de yis bskrad pa bzhin zhes bya ba ni dpal min te rgud pa'o/ /de dang mi mthun drung du zhes bya ba ni bsod nams che ba dang 'gal ba bsod nams ma yin pa la bya'o/ /khro bzhin du de phung bar byed par 'gyur ro/ /bkur sti bya ba yongs su bzung zhing ni bkur sti bdag gir bya ba'o//zhi ba zhes bya ba ni dben pa dang nyams dga' ba'i gnas te dgon pa zhes bya ba'i tha tshig go/ /de'i rjes su bzung ba yang bdag gis bdag gir bya ba'o/ /skyin gor zhes bya ba ni srog chags kyi khyad par shi ba'i ro bzar rung ba'o/ /tshangs pa zhes bya ba ni bram ze la bod pa ste tshangs pa'i bu thu bo yin pa'i phyir ro//rig pa'i mchog zhes bya ba ni rig byed la sogs pa shes pa'i phyir ro/ /mud ka ni 'bru'i khyad par ro/ /sbyin par bya ba dang ldan pa ni yul dang ldan pa'o/ /dman ma zhes bya ba ni gos la sogs pa rnying pa'am/ zas kyi lhag ma dag kyang zhes bya ba'i tha tshig go//yon tan goms pa bsgoms pa'i rgyu'o/ /dam pa'i spyad pa ni 'bras bu'o/ /ri bong gi rabs te drug pa'o// //mkhas pa'i phyir na de yi grags pa dang / gtong ba dang ni dpa' bas lhag par gyur/ /zhes bya ba la mkhas pa'i phyir pradaM nya yis de'i grags pa phyogs su rgyas la de yang gtong ba dang brtan pa dang babs pas lhag par grags pa'o//de nyid nam mkha' dri ma med pa dang zla ba nya ba gnyis kyis lhag par mdzes pa dper bya'o/ /srid pa'i yon tan ni 'jig rten pa'i bya ba la mkhas pa dang / rig byed la sogs pa la mkhas pa'o//spyod dang dbang po rab tu zhi zhing dul zhes bya ba la/ spyod pa rab tu zhi ba ni lus kyi spyod pa gzhan gyis dpyas byar med pa'o/ /brtul zhugs bsdams la nges byas ni tshul khrims yang dag par brtan blangs pa'o/ /blo yi mthu chung rnams kyis thub pa zhes pa ste dgra bcom pa yin snyam du sems pa'o//nges pa'i bdag nyid can zhes bya ba ni brten pa'i bdag nyid can no/ /khros pa bzhin du zhes bya ba ni khros pa dag gnod pa sgrub par bde ba dang mthun pas sam/ khro ba'i blangs pa/ ma dpyad pa gzu lu mas kyis bya ba byed pa de dang chos mthun pa'i sgo nas de skad ces bya'o//phongs pa'i gnas su gyur pa'i phyir/ /byis pa tha ma yin par 'dod ces tha ma ste dman pa sdug bsngal ba'o/ /des na snying rje'i yun yin pas byis pa 'di dag ces bya ba la sogs pa'o/ /ji ltar byas kyang byis pa la/ phan gdags par ni mi nus te/ /zhes bya ba'i don ni slob dpon shAn+ta de pas ji skad du/ byis dang skal ba mnyam spyod na/ /nges par ngan 'gror 'gro 'gyur te/ /skal ba mnyam par khrid byed na/ /byis pa bsten pas ci zhig bya/ /skad cig gcig gis mdza' 'gyur la/ /yud tsam gyis ni dgrar yang 'gyur//dga' ba'i gnas khro bar byed bas/ /so so'i skyes bu mgu bar dka'/ /phan par smras na'ang khro bar byed/ /bdag kyang phan la bzlog par byed/ /de dag ngag ni ma mnyan na/ /khros na ngan 'gror 'gro bar 'gyur/ /zhes bya ba la sogs pa gsungs pa lta bu'o//slob dpon 'di nyid kyis kyang de nyid rgyas par bshad pa ni/ /de lta bas na zhes bya ba la sogs pa gsal bar byed do/ /de lta bu la phan gdags par mi nus la/ nus na/ bdag cag lta bus ji ltar na/ /de la phan pa brtson mi byed/ /ces bya ba yin no/ / tshul ma yin pa ni bya ba tshul ma yin pa ste mi dge ba'o/ /tshul ma yin pa de nyid ni dus dang drang po'i rim pa dang mi mthun pa ste nyes par spyod pa dang g.yo dang sgyu kun tu spyod pa'o/ /mkhas pa'i nga rgyal gti mug mes bsregs zhes bya ba ni/ mkhas pa'i nga rgyal phyed pa'i kun tu rmongs pa nyid me dang 'dra ste phan pa'i gdams ngag nyid sreg cing chud gson pa'i phyir ro//'dul ba brtson 'grus chung ba ni dbang po'i sgo bsdams pa'am legs par spyod pa la 'bad mi nus pa ste/ de dag gis ni gzu lums can te legs par dpyod pa'i shes rab med pa'i phyir ro/ /de ltar bshad nas mjug bsdus pa ni lha'i gtso bo de bas zhes bya ba la sogs pa'i tshigs su bcad pa'o//legs par smras pas rin che ba/ /rin ni ci yang yod ma yin/ /zhes bya ba ni yon dbul bar 'os kyang de med pa'o/ /'on kyang dga' ba'i me tog snyim pas 'thor bkang bzhin te legs spyad la dka' zhing rjes su yi rang ba nyid me tog snyim pas bkang nas 'bul ba lta bu yin no zhes bya ba'o//'on kyang khyod la tshe ring ba'am yo byad 'phel ba la sogs pa'i mchog sbyin gyis slong shig ces 'dir yang khyod la mchog sbyin zhes smras so/ /skyes bu dam pa gnas skabs thams cad du bde ba brten pa'i phyir zhes bya ba gnas skabs thams cad ni mthong ba dang thos pa dang 'grogs pa dang smra ba'o//de nyid bsten pa mthong zhing zhes bya ba la sogs pa'i tshigs su bcad pa'o/ /bsten pa de ni dge ba bsgrub pa la bsam pa'am sbyor ba thams cad brten pa ste dge ba'i bshes gnyen no//de smros shig zhes bya ba ni bsten pa de'o/ /bsten pas khyod la ci zhig ces bya ba ni de mthong ba la sogs pa'o/ /'od srungs zhes bram ze'i rigs kyi sgo nas bod pa'o/ /bsten pa gzhan 'dod pas khyod mi bsten pa lta bur gyur te/ brtan pa ni mi g.yo ba yin na khyod ni bsten pa gzhan 'dod pas g.yo pa dang bcas pas mi bsten pa'o//bsten pa de ni dge ba'i bshes gnyen gyi khyad par te de dang phrad pa la sogs pa ni don che ba'i phyir ro zhes bsten pa ni grogs po nyon cig ces bya ba la sogs pa'o/ /de'i tshig ni phan pa dang ldan pa yin zhes pa ni mkhas pa'i nga rgyal gti mug mes bsregs pa/phan par smra las khro bas rtsub 'gyur ba las bzlog pa'o/ /g.yo sgyu med pa'i dul bas rtag tu brgyan cing 'dul la brtson 'grus chung bas gzu lums can las bzlog pa'o/ /de ltar phan pa dag kyang brtan par nus pa ni de lta bu dag la phan gdags par nus pa'o zhes bya ba'am/yang grogs skal ba dang ldan pa dag la ni bdag gis kyang phan pa brtan pas phan gdags par nus pa smos zhes pa las bzlog pa'o/ /de bas bdag gis yon tan brtan pa'i dge ba rab tu gzhol bar 'gyur te/ dgos pa gang gis she na/bdag kyang yon tan de la rab tu dga' ba'i phyir te grogs bzang po'i yon tan ni bdag la bgo ba ste/ 'og nas ji skad du/ dam pa rnams ni sus kyang mi bsring ngo / /dul ba'i tshul gyis dge ba bsnyen par bya/ /de dang nye na de yi yon tan rdul/ /ched du ma byas pa yang 'gro bar 'gyur//zhes gsungs pa lta bu'o/ /sbyin pa'i tshogs pa tshang par smon pa'i sgo nas sbyin pa la rab tu dga' ba de brtan pa'i phyir smras pa zhes smos so/ /tshogs pa tshang ba ni gsum gyis te/ dngos po dang bsam pa dang zhing gi khyad par gsum/ kha zas bzang po nyes pa spangs pa zhes bya ba dang /yid kyang sbyin la dga' dang mthun gyur zhing / /zhes pa dang / slob pa rnams kyang tshul khrims rnam dag brgyan/ /zhes pa dang rim pa bzhin no/ /khyod kyis 'di dag bdag la yid gyur mchog slong ngo / /zhes sbyar ro/ /de nas nam nangs zhes pa la sogs pa la sbyin pa'i tshogs pa'o//mchog bslang ba las gcig ni byang chub sems dpa' la yod pa yin la gzhan gnyis byin pas sbyin pa rgya chen po byas pa'o/ /dka' thub can dang mthun pa'i tshul dag gis gnas pa ni sbyangs pa'i yon tan la gnas pa'o//bsam gtan tshad med sdom dang zhi ba'i tshul gyis gnas zhes bya ba la bsam gtan tshad med ni dngos gzhi'o/ /sdom pa ni rgyu'o/ /zhi ba ni 'bras bu mya ngan las 'das pa de'i ched du'o/ /a gas+t+ya'i rabs te bdun pa'o// //rgyal po de yang de dag bzhin du gyur zhes bya ba ni de dag la de bzhin du gyur pa ste bde na bde zhing sdug bsngal na sdug bsngal ba'o//de bas na zhes bya ba ni snying rje dang ldan pa bzhin no/ /mtshon chas goms pa ni mtshon cha'i thabs la goms pa'o/ /gtsug lag ni rgyal po'i spyod tshul ston pa'i gtsug lag pa'o//'bangs de rnams rgyal po'i bka' la gnas pas phan tshun 'tshe ba med pas mtshon cha mi dgos mod kyis mdzes pa'i phyir mtshon cha thogs par byed pas/ de'i mtshon cha rgyan dang 'dra bar 'gyur/ 'jig rten la phan pa bsgrub pa 'byung ba'i snyan dngags kyi tshul lugs kyi bstan bcos don dang ldan pa'o//des na gtsug lag gsal bar snang ba ni de la brten nas bya ba dang bya ba ma yin pa kun shes pa'o/ /tshar gcod pa'i bya ba ni chos dang 'gal bar mi byed pa ni gsod par mi byed pa dang gang la gang 'os pa las lhag par mi 'da' ba'o/ / phan btags pa la chos dang 'gal ba'i bya ba mi byed pa ni phan gdags par 'os pa la mi 'dogs pa'am cher btags pa la rgyu chung ngu tsam las mi byed pa ste de mi byed pa'o/ /tshul mkhas pa ni rgyal po'i spyod tshul la mkhas pa'o/ /yang na pha rol po'i spyod tshul gang phan gnod du gyur pa shes pa'o//des skye dgu 'bangs kyi don la rtogs mkhas pas don dang mthun pa'i bya ba byed pas pha bzang pos bu lam bzang po la sbyor ba lta bu'o/ /bden pa dang gtong ba dang nye bar zhi ba dang shes rab ni byin gyis brlabs bzhi ste/ de bzhi dang ldan pas sangs rgyas dang byang chub sems dpa' byin gyis brlabs pa ltar snod du rung bar 'gyur ba'o//bden pa ni bden par smra ba'o/ /gtong ba ni gtong ba la mkhas pa'o/ /nye bar zhi ba ni dbang po mi rgod cing dul ba'o/ /shes rab ni bya ba dang bya ba ma yin pa la mi rmongs pa ste/ gzhan na gcig tu phan na bden//mi phan phyir na cig shos brdzun/ /ji ltar rgyal po'i nyes pa dag /sbyin stsal gcig gis sbed pa ltar/ /nye bar zhi ba thob pa'i phyir/ /mchog tu gus pa byed par 'gyur/ /shes rab ldan pas blo mi phrogs/ /gzhan gyi dring mi 'jog cing brtan/ /'phags pa klu sgrub kyis rin po che'i 'phreng ba nas bshad pa lta bu'o/ / khyad par du gyur pa ni sems yongs su smin par byed pa'o/ /rlabs che ba'i rim pas dar ba ni rang gi sangs rgyas kyi chos yongs su rdzogs par byed pa'o/ /yang na skye dgu rnams kyis yongs su skyong bas na de rnams dar ba ste de dag bde legs thob pa'o/ /yang dag de'i rgyu ni snga ma bzhin gnyis pa'o//gnod pa thams cad med pa ni phyi nang gi nye bar 'tshe ba med pa'o/ /dge ba sna tshogs yod pa ni lus dang longs spyod kyi 'byor pa'o/ /phun sum tshogs pa mchog dang ldan pa ni rgyal po'o/ /ming ni don dang mthun ma gyur/ /zhes bya ba ni gnod sbyin zhes bya ba gzhan la gnod pa sbyin zhing mdangs 'phrog pa la sogs pa byed pa yin na de'i nus pa med pas sgra don mi gnas so snyam pa'o//gang las thar bar 'gyur ba rab dka' zhes pa ni mi sha dang tshil dag za ba'i srin po zhes bya ba dang sbyar ba'o/ /ji lta bu dag kyang thar bar dka' na rig sngags kyis bsrungs pa'am de'i bzlas brjod byas pa'o//dka' thub ni tshul khrims dang smyung bar gnas pa la sogs pas so/ /bde legs te yongs su bskyabs pa'i khyad par ro/ /des ni mi ma yin pa'i srung ba'o/ /mi'i srung ba ni grogs kyis zhes bya ba la sogs pa'o/ /de dag ni gzhan gyi stobs yin la rang gi stobs ni dpa' la 'jigs pa med zhes bya bas so//gang du thar par dka' zhe na/ nags tshal rab tu dben zhing zab pa ya nga ba 'jigs pa'i sa na zhes bya ba ste de ni gzhan gyi rkyen dang rang gi rgyu yod kyang zhes bya ba'o/ /bde legs chen po zhes bya ba ni rig sngags dang dka' thub thams cad pas mchog tu gyur pas rgyal po'o//rnam par gnon pa gzhan zil gyis gnon par byed pa'o/ /nyid kyi rgyal po'i mthu de lta bu ni rang gi che ba nyid kyis thob pa'o zhes bya ba ni rang gi sngon bsod nams kyi tshogs bsags pa'i khyad par gyis thob pa'o/ /de dpung byams pa zhes bya ba ni byams pa ni byams pa nyid kyis dgra rnams mi 'byung bas dgra'i dpung bzlog pa ni sems can thams cad la byams pa yin no zhes bya ba'i tha tshig go//ji skad du/ byams pa'i stobs kyis thub pa yongs bsrungs te zhes gsungs pa lta bu'o/ /'o na rgyal po de la dpung gi tshogs shing rta la sogs pa med dam zhe na/ru mtshon khra bo dpung ni go cha tsam zhes pa ste ba dan dang rgyal mtshan khra bos thog drangs pa'i dpung yod kyang ltad mo tsam du zad kyi dgra 'dul ba la mi dgos zhes pa'o/ /de ni mi khro tshig rtsub mi smra yang / legs par bsrungs zhes bya ba ni bsam pa dang sbyor ba rtsub pas nan tur bya mi dgos kyi byams pa'i lus dang ngag gi las kyis gzhan nyes pa las zlog par byed do zhes bya ba'o//khyed der dong na rgyal po'i yon tan rgya cher shes par 'gyur ro zhes sbyar ro/ /gang gi sgo nas shes zhe na/ 'bangs la yod pa'i legs pa'i khyad par dang ldan pas de las dpags pas rgyal po'i yon tan shes par 'gyur ro//'bangs kyi yon tan ni skye bo rnams rang gi chos la dga' bas ya rabs kyi tshul la gnas pa la sogs pa'o/ /yon tan brjod pas gzhan las thos pas mthong bar 'dod la mthong zhing legs par brtags pas nges par mngon sum du 'gyur ro zhes bya ba'o//brtul zhugs ma nyams pad+ma'i spyan/ /zhes bya ba rgyal po la bos pa'o/ /snying rje med kyang pha rol gsad par mi nus na yang 'bad pa don med par 'gyur/ gal te gsad par nus na bdag la phan par byed pa la goms pa yin na yang de la dka' ba ci zhig yod/de lta bu gsad par dka' ba bzhin no/ /de dag gis ni zas bsgrub pa'i dus kyi gnod pa bstan nas/ 'bras bu'i nyes pa bstan pa'i phyir snying rje med cing ma zhi ba zhes bya ba la sogs pa'o/ /bcos pa'i sdug bsngal ni ched du bsgrubs pa'o//shin tu bzang po ni don che ba ste 'di gzhan gyi srog rten pa dang gzhan du bdag gi byang chub chen po nye bar brten pa'i phyir ro/ /lhas 'di dag mi mkhyen pa yang ma lags te zhes bya ba ni/ 'di dag bsam pa gang gis slong ba'i bsam pa mkhyen pa'i rigs te/des na gtang bar mi rigs pa'o/ /bsam pa gang zhe na/ skye dgu rnams la gnod pa gang dang gang de dang de dag gis gnod sbyin rnams la dga' bas rgyal po la gnod pas gzhan rnams la yang gnod pa'i phyir slong ba yin gyi rgyal po la slong ba tsam ni ma yin no zhes bya ba'o//de'i don gsal bar bya ba'i phyir/ /skyes bu dpa'o bo khyod kyi mthus bskyab pa'i/ /'jig rten gdon mi za bar 'dis mi bzod/ /ces bya ba ste de'i rgyus slong ngo zhes bya ba'i tha tshig go /tshul gyis tshul min skye dgu phung bar 'dod/ /ces bya ba ni gus par slong ba'i tshul gyis blangs pas rgyal po grongs par 'gyur ba dang skyabs med pa'i skye dgu rang dbang du phung bar byed/da lta rgyal po la brten nas ma nus so snyam pa'o/ /rgyal po'i sha khrag tsam gyis chog par 'dzin cing de tsam don du gnyer ba ma yin par cis shes she na/mchod sbyin tshe na sum cu rtsa gsum pa'ang / tshil dang zhag la sogs pa bsregs pas mgu/ /zhes bya ba ste/ lha rten la mchod sbyin byed pa'i tshe na gnod sbyin pas bzang ba'i su bcu rtsa gsum pa la yang de tsam gyis mgu na gzhan lta ci smos pa las da lta ni khyod kyis zhal zas phun sum tshogs pa dag gus par byin yang 'di dag 'dod par mi 'gyur ba'i phyir ro//chos kyi bka' khrims dag la thog mar 'gro ba ni gang gis lhag par bya dgos pa'i rgyal po lta bu'o/ /gnas skabs ji ltar 'gyur zhes bya ba ni ngan pa'i spyod pa kho nar 'gyur ro snyam pa'o//gtong ba 'di yang skye dgu rnams kyi don gyi phyir te de la rjes su yi rang ba la sogs pas slob tu gzhug pa'i phyir ro/ /des ni gong du skye dgu la gnod par 'gyur snyam pa'i lan don gyis btab pa yin no/ /dge ba'i gzi ci 'dra ste gzi nyams par 'gyur te zla ba gzas zin pa lta bu'o//legs sam gal te ma legs kyang / /zhes bya ba ni slong ba po'o/ /de ltar byed pa ci 'drar 'gyur/ /zhes bya ba ni sbyin pa'i gegs byed pa'i nyes pa ston to/ /the tshom za na rgya cher mi 'gyur ba gtong ngam mi gtong zhes the tshom za na dge ba rgya cher mi 'gyur te/byang chub sems dpa'i sbyin pa ni shin tu nges pas gzhan gyis mi 'phrogs pa yin zhes gsungs so/ /'jungs shing zhum pa ni ser snas mi gtong bar nges par byas pa ste/ de ni byang chub kyi lam gtong ba la shin tu sgrib pas mun pa'i mchog ste mun pa bas ches mun pa zhes bya'o//dka' ba mchog dang ldan pas lus ma nyams te ma 'gyel ba'o/ /brtan pa dang ldan pas sems ma brgyal ba'o/ /lus kyi yon tan ldan pas te lus rgyas pas khrag gi rgyun yang ma zad pa'o/ /sdug bsngal mang po zhes bya ba la sogs pa'i tshigs su bcad pa gcig gis ni spyir lus don med pa gnod pa'i gnas yin yang bdag gi lus don dang bcas par mthong bas lus la yang drin dran pa lta bur gyur to zhes bya ba'o//lus sdug bsngal mang po'i gnas yin pa dang byas pa mi gzo ba dpas byin gyi mdo la sogs pa dang / slob dpon shAn+ta de bas kyang //'jigs gnas chung la 'jigs skye ba/ /zhes pas bstan to/ /ral gri rnon pos lus bcad pas sdug bsngal drangs pa dang byin pas dga' bas yang yun ring du bskrad pa dang de'i sdug bsngal yid la byed pa dang 'jug pa chung bar 'gyur te/ don gang la skyo zhing lan de la dmigs pa'i yid la byed pa chung ba lta bu'o//gus pa'i dbang gis skye bo khyod kyi grags pa sgrogs pa ni ba lang rdzi la sogs pa rgyal po la bstod pa dag go /thog tu bab pa ni bden par nges pa ste snying rje'i spyod pa rlabs po che mthong ba'i phyir ro/ /dpal ni yid du 'ong ba'i 'byor pa phun sum tshogs pa pad+ma'i nags tshal ku mu ta'i skyed mos tshal lta bu la grags na de ni skye bo rnams kyi dga' ba'i rgyu yin te/rgyal po nyid skye dgu dgra rnams la phan 'dogs pas dpal nyid rgyal po la brten pa thog tu bab ste yid ches so zhes bya'o/ /sum cu rtsa gsum gyi lha rnams brgya byin mngon sum du gyur kyang de la mi rnams kyis smon par mi 'os kyi rgyal po khyod kyi mthus bskyabs pa'i lha mi 'di mtho ris sum cu rtsa gsum gyi lha rnams kyi mi'i rgyal po dang bcas pa mthong bar smon cing 'dod par nges te gal te bag yod pas bsgrub pa'i mi rnams la mi smon par bag med pa'i lha la smon na bslus pa lags te 'khrul ba yin zhes bya ba'i tha tshig go//ji skad du mdo las 'jig rten gyi khams mngon par dga' ba na gnas pa'i mi rnams gang gi tshe sum cu rtsa gsum du phyin pa de'i tshe lha rnams la smon par mi byed de/ de ci'i phyir zhe na/ bdag cag gi longs spyod 'di dag la mi sman la bdag cag lhag par de bzhin gshegs pa bzhugs pa'i phyir ro/ /lha rnams mi'i nang du 'ongs pa'i tshe ni smon par byed de mi rnams kyi longs spyod bdag cag las mi dman gyi steng du ni 'di na de bzhin gshegs pa bzhugs pa'i phyir ro zhes sems so zhes 'byung ba dang 'dra'o snyam du bsams pa yin no//thams cad pa'i bdag po ni thams cad kyi bdag po ste 'khor los sgyur ba'i rgyal po'o/ /nor gyis phyug pa ni rnam thos so/ /rnam par grol ba ni thar pa ste nyan thos dang rang sangs rgyas kyi byang chub gnyis so//sa'i bdag po dang nor gyis phyug pa mi 'dod pa ni srid pa'i longs spyod bde mi 'dod ces pa'o/ /dbang po dang tshangs pa mi 'dod pa ni lha dbang dpal yang 'dod pa ma yin no zhes pa'o/ /rnam par grol ba mi 'dod pa ni bdag gi sdug bsngal zad pa tsam gyi phyir nga yi yid ni mgu bar 'gyur ma yin zhes so//'o na ci 'dod pa na 'gro ba'i don gyi byang chub chen po 'dod par ston pa ni sdug bsngal mi zad ces bya ba la sogs pa'o/ /khyod kyi mdzad pa 'di kun ni/ /'jig rten phan pa'i phyir lags kyi/ /bdag cag rang la phan 'tshal bas//de tshe bdag la dgongs su gsol/ /zhes bya ba la chos kyi lam la zhes bya ba la sogs pa'i tshigs su bcad pa de khas blangs pa'o/ /bdag gi don yang zhes bya ba la sogs pa bzod pa gsol ba'i tshigs su bcad pa'o/ /lam 'di ni nga la phan pa yin gyi gnod pa ma yin pas mi bzod du dogs pa ma skyed cig zhes pa'o//khyod kyi bka' yang bdag cag la 'dzem pa med pas stsal ba'i rigs te/ dper na rgyal po nyid kyis rjes su bzung ba'i 'os su gyur pa'i blon po dag la bka' stsal pa zhes pa de'i lan ni/ de ni de la dga' bar shes byas nas zhes bya ba la sogs pa'i tshigs su bcad pa'o//de na gnas pa'i rnga rnams zhes bya ba ni gser gyi ri rab la gnas pa'i lha'i sgra'o/ /rgya mtsho chen po'i rlabs rang bzhin las lhag pa ni dus su g.yo ba'i rlabs pas ches lhag par dus ma yin par g.yo ba'o//'gro ba brdzun pa'i lus ni gzi mdangs can zhes bya ba ni rgyal po ste/ 'gro ba la brdzun pas de 'gro ba la phan 'dogs par brtson pa'o/ /de lta bu sa'i bdag pos bzlog cing spran pa lta bur rgya mtsho'i shugs kyis rlabs kyi sgra 'byung ngo zhes bya ba'o/ /e ma'o skye bo dam pa'i cho rigs bzang zhes bya ba ni brtan pa dang 'bras bu bzang ba ste/gzhan la phan pa'i 'bras bu dang byang chub chen po'i rgyur gyur pa'i phyir ro/ /e ma'o yon tan goms pas rgya re che zhes bya ba ni rgyu'i yon tan de rgyu yun ring du goms par ma byas par gtong ba de lta bu mi nus pa'i phyir ro//e ma'o gzhan la phan pas blo re bde/ /ces bya ba ni bsam pa dang sbyor ba gzhan gyis mi 'phrogs pa'i phyir ro/ /de lta bu'i yon tan dang ldan pas sa 'di khyod la gtad pa ste rgyal por bskos pa'o/ /mi rnams ni mgon dang bcas pa ste gnod pa rnams las skyob pa'i bya ba byed do zhes bya ba'i tha tshig go//gzengs bstod pa ni spro ba bskyed pa'o/ /snying rje'i yon tan bsngags pa ni snying rjes gzhan la phan pa dang rang gi tshogs rdzogs pa'i phyir ro/ /de bzhin gshegs pa'i che ba ni rgyu'i che ba'i sgo nas ste nyan thos la sogs pa la ni rgyu de lta bu med pa'i phyir ro//bsti stang byas te chos mnyan pa ni de ltar tshogs bsags pa'i rgyal ba rnyed par dka' bas de'i chos thos par dka' zhing don che bar shes par bya'o/ /gzhan yang gnod sbyin de dag gis chos thos pa de dag gi yang don du 'gyur bas na/ chos thos pa don che bar yang sbyar bar bya'o//dge slong lnga po 'di dag ces bya ba ni lnga sde bzang po ste/ gau Din+ya dang / rta thul dang / /rlangs pa dang / /ming chen dang / /bzang ldan no/ /'di dag mang du byed byed zhes bya ba ni de bzhin gshegs pas de dag la phan pa mang du byas pa 'di lta bu la sogs pa stag phrug lnga shas gsos pa dang shu to la kar ne la sogs pa'i rtogs pa brjod pa dang sbyar bar bya'o//chos kyi bdud rtsi sbyin pa ni thog mar chos bshad pas chos la chos kyi mig rdul med cing dri ma dang bral ba rnam par dag pa'o/ /byams pa'i stobs kyi rabs te brgyad pa'o// //dbang po dul ba la sogs pa ni rgyu'i yon tan te tshe rabs du mar rang dbang po bsdams pa de'i sgo nas so//dpa' ba ni snying stobs so/ /tshul ni rgyal po'i spyod tshul lugs kyi bstan bcos bsgrub pa'o/ /dul ba phun sum tshogs pa ni bzod cing des pa'o/ /de lta bu dag gis gzhan las khyad par du 'phags pa'i rgyal srid rnam par rgyal ba'i dpal thob pa'o//brtag pa'i don gyi de kho na nyid ni rta brtag pa dang glang po che brtag pa la sogs pa brtag pa bco brgyad la mkhas pa'o/ /nang gi 'khor rnams kyis bka' khrims bzang po bsgrags pa zhes sbyar te nang gi blon po dag gis rgyal po'i bka' khrims bcas shing bsgrags pa'o//blon po de dag gi yon tan yang rang gi chos dang las la 'bad ces bya ba la sogs pa'o/ /chos ni tshe gzhan gyi ched du bsod nams brtsam pa'o/ /las ni tshe 'di'i bya ba'o/ /yid ma byung ba ni bya ba la skyo ba med pa'o/ /bde bar 'tsho ba ni legs par 'tsho ba ste nyon mongs shing sdig pa dang ma 'brel pa'o//snying nye ba ni rgyal po bka' stsal pa bsgrub par sems pa'o/ /dpal snying nye ba ni 'khor dang 'byor pa bdag gi bsam pa dang mthun par 'jug pa ste/ dper na rigs ldan chung ma bzhin du zhes bya ba smos te rgyal po'i btsun mo dam pa la sogs pa rgyal po'i bsam pa dang mthun par byed pa lta bu'o//dka' thub ni tshul khrims dang sbyangs pa'i yon tan dang ldan pa'o/ /rig pa'i gnas lnga la mkhas par goms pas na mkhas pa'o/ /sgyu rtsal ni/ dgra thul ba'i thabs la mkhas pa la sogs pa'o//rgyal tshab tu gyur te zhes bya ba ni 'khrungs par gyur pa'o/ /de rim gyis nar son te de'i yon tan gzhan yang zhes bya ba la sogs pa'o/ /grags ngan chos la ma bltas par bya ba ni gzhan la phrag dog gis slong du bcug pa grags pa ngan pa'i rgyu yin zhing sdig pa'i rgyu yin yang tshe 'di la grags pa ngan pa dang tshe gzhan gyi gnod pa la mi lta ba'o//khyod kyi rgyal ba ni rgyal bar byed pas rgyal ba phun sum tshogs pa thams cad kyi gzhi de nyid gang zhe na/ gzugs can zhes te glang po che nyid la brjod pa'o/ /'khor gsum rten la mkhas pa ni sdug bsngal ba dang phan 'dogs pa dang yon tan gyi zhing la bsnyen bkur byed pa'o//yang na yul dang bsam pa dang tshul la mi lta ba ni rgyal srid bsgrub pa'i tshul lugs kyi bstan bcos las 'byung ba yin la de yang mi lta zhing de'i rjes su byed pa ma yin gyi chos kyi rjes su byed pa'o//'dul ba dang 'gal ba'i lam mi 'gro ni gzhan gyis bcas pa'i khrims mi 'jig pa'o/ /bag med pa la mi dga' ba ni bsam pa'o/ /nyes pa byas pa ma mthong ba ni sbyor ba'o/ /'dod chags bdo ba'i slob dpon gyis/ /bstan pa'i rma bya gar byed ces pa ni ji ltar mi rnams kyi gar mkhas pa'i khyad par ni slob dpon gyis slob pa ltar rma bya yang chags pa'i stobs kyis gar byed pa'o//ma smad pa ni nyon mongs pa'i rgyur mi 'gyur ba'o/ /'bras bu zhim po yod pa'i grib shing dag ni shing a mra'i sdong po'am bza' shing gi khyad par ro/ /de'i 'bras bu dang grib mas skye bo la phan 'dogs pa yod pa las skyes bu byis pa'i rang bzhin can gyis gcad pa'i phyir sta re gzas pa las 'dzin pa'i sa zhes bya ba ni shing dang mi brten pa'i sa phyogs so//ngo mtshar ma gyur pa ni 'dir byar mi rung zhes mi bzlog pa'o/ /de ni sa la sems med cing bems po yin pas mi bzlog gi bsam pa yod na de ci ste mi bzlog ces bya ba'o//yang na byis pa shing gi khyad par gcod pa shing de lta bu dang ldan pa'i sa phyogs dang bcas pa ngo mtshar du mi 'dzin cing chud gzon pa'i mi de sems med pa bzhin du blun par mngon no zhes bya ba'o/ / dpe de bzhin du rgyal po thams cad sgrol dbul po thams cad kyi bde ba'i rgyur gyur pa skyed par byed cing gces par mi 'dzin pa ni de 'dra'o zhes bya ba'o/ /dpe gzhan yang chu gtsang zhing zhim po bsil bas gang ba'i rdzing bu 'dral ba dag kyang mi 'gag pa'i skyes bu byis pa'i rang bzhin can yin pa ltar rgyal po skrod pa la mi 'gog pa yang de bzhin te/'jig rten skyong rnams ming ni don med gyur pa ni sgra'i don mi gnas pas yul na blon po la sogs pa mdzangs pa med par mngon no zhes bya ba'o/ /bzang po grags pa zad dam zhes bya ba ni 'jig rten skyong ba grags pa zad dam ste thams cad shi bar gyur tam/'on te gud du song ste gzhan re zhig song ngam zhes bya ba'o/ /slong mo pa'i srog la rgol ba ste rgyal po bskrad pa'o/ /de mi srung zhing de las mi skyob pas de la slong mo pa phung byed mkhas pa med de de nyid phung ba'i rgyu chen po'o/ /gang na 'di ltar glo bur du 'ongs pa zhes bya ba'i tshigs su bcad pa ni nags tshal gyi mthu'i khyad par ston to//nags tshal gang na zhes bya ba ni/ /byams pa'i rtsa ba zug ste phan 'dogs pa'i rtswa 'jam po skyes pa'o/ /gzhan yang ri dwags kyi mchog bdag cag gi shing rtas 'dren pa la sogs pa gnas shing 'khod pa dang /dka' thub can gyis gnas byin gyis brlabs pas lha la sogs pas bkur sti bya ba'i gnas su bya ba'i nags tshal mthu chen khyad par 'phags pa 'di la ltos zhes pa'o/ /de nas btsun mos 'di ni nags tshal gyi yon tan ma yin gyi khyod nyid kyi dge ba'i rtsa ba'i stobs yin no zhes ston pa ni dam pa rnams kyi zhes bya ba la sogs pa ste/rab tu goms kyang zhes bya ba ni rab tu goms pa ni zhes bya ba'i tha tshig ste/ ched du ma gnyer ba yang skye bo phal pa dang mi 'dra bas nye bar mkho ba'i yo byad 'byung gi gzhan la ni 'dod kyang mi 'byung bas bdag gi bsams na mthu chen de ste/ri dwags bzhi shing rta khur ba ni rgyal po khyod kyi lags pa snyam mo/ /de lta bu'i bsod nams kyi 'bras bu dmigs pas sngar byas pa'i yin par shes par bya ba'i dpe ni/ mtsho yi nang na skar ma'i gzugs brnyan rnams/ /ku mud rgyas pa rab tu mdzes gyur pa/ /zla ba'i 'od zer ltad mo lta ba bzhin//zhes smos te mtsho'i nang na skar ma'i gzugs brnyan rnams zla ba'i 'od zer bcas pa'i gzugs brnyan nam mkha'i skar ma la ltad mo lta ba bzhin mtsho'i nang du byung ba ni nam mkha'i zla ba dang skar ma la brten te byung ba'o/ /mtsho'i nang du gzugs brnyan byung ba de ku mud rgyas pa'i mtsho'am skyed mos tshal bas kyang rab tu mdzes te/skar ma'i gzugs brnyan yang me tog dkar po dang 'dra bas de skad smras so/ /'dir mchi ba'i ri dwags rnams kyi rgyur gyur pa yang khyod nyid lags pa snyam mo/ /thams cad sgrol gyi rabs te dgu pa'o// //gdugs zla med pa ni rang gi rgyal srid la dbang ba la rgyal po de las gnyis pa dang lhan cig tu yul dbang byed pa ma yin pas rgyal po de'i spyi bor gdugs chen po lta bu'i gzugs can gzhan med pa'o/ /bgo skal gyi rim par thob pa ni rang gi bgo skal gyis thob pa'o//dbang po'i dgra ni dbang po ma bsdams pa nyid dgra yin la de legs par bsdams pas thub pa'o/ /de ni sa'i mgon te de ni sa la gnas pa rnams kyi skye dgu rnams kyi mgon du gyur pa'i phyir ro/ /'bras bu smin pas dge ba'i 'bras bu dang longs spyod kyi 'byor pa la ma chags par spyod pas/rang don rnam smin sred spangs pas/ /dge ba kun tu bsrungs par 'gyur/ /zhes bya ba la gnas pa'o/ /dngos po kun gyis ni sbyin pa la sogs pa dang bsdu ba'i dngos po kun gyis so/ /thub pa sangs rgyas ltar gcig tu sems can la chos kyi don byed pa'o//de yang gzhan mang po la phan par mthong ba ni skye dgu rnams la ni zhes bya ba la sogs pa'o/ /pha rol tu phyin pa drug gi yon tan nor yang sbyin zhes bya ba ni sbyin pa la gnas pa'o/ /de tshul khrims kyi spyod pa mnos te yang dag pa'i tshul khrims dang ldan pa'o//bzod pa brten pa bdag gi sdug bsngal dang log par bsgrub pa'o/ /'gro ba'i don yang spyod pa ni brtson 'grus so/ /'gro la phan sems byams pa la sogs pa dang ldan zhing mthong na zhi bar snang ba'i gzugs can de bsam gtan la legs par gnas pa'o/ / chos kyi sbyin pa ni shes rab kyis te de ltar pha rol tu phyin pa drug gis mdzes pa'o/ /de'i sdug bsngal mi bzod pas de las thar pa'i thabs dris so zhes sbyar ro/ /bgyi ba nges pa ni nges par bgyi ba'o/ /sa gzhi thob pa ni thog mar ro/ /yongs su bskyang ba ni de dag gi rgyun no/ /yang na thob pa ni thob pa'i rgyu ste chos so//bskyangs pa ni de'i 'bras bu bde ba mi nyams par bya ba'o/ /de dag khyod kyis dus las 'da' mi mdzad/ /zhes bya ba ni rgyu'i dus su chos sgrub cing 'bras bu'i dus na bde ba bskyangs ba la'o/ /sbyin zhes bya ba ni spyir de ltar yin pas char phab pa'i bde ba thob pa'i ched du mchod sbyin gyi chos bsgrub dgos zhes bya ba'o//de sgrub pa la rgyal po mthu dang ldan par ston pa ni 'khor gsum rten la mkhas par gyur pa dang / 'bangs la phan phyir gnam ru bsnams pa de zhes bya ba ste 'khor gsum ni srid dang longs spyod dang chos bsten pa la mkhas shing 'bangs la phan pa'i phyir gnam ru ni gzhu ste/gzhu bdungs pa ltar bsam pa brtan pa la de skad ces bya'o/ /khyod ni dbang bskur zhes bya ba ni khyod nyid las dge ba'i dri ma med kyang zhes bya ba'o/ /spyir bcangs pa dang bcas pa la lha mi mnyes pas char mi 'bebs pa la mnyes par bya dgos so zhes bya ba'o//de la brdzun zhes pa'i 'thad pa ni gzhan gyis byas pa'i pha rol su zhig 'thob ces bya ba ste ma byas pa dang phrad par thal ba'o/ /gal te dud 'gros kyang bde 'gro'i las byas pas zhe na legs par zhes bya ba la sogs pa'o/ /rang gi rigs la gnod pa ni rang gi rigs kyi skye bo nyung ba'o//yul la gnod pa ni yul la gnas pa'i skye bo ri dwags la sogs pa dang bcas pa la'o/ /mchod sdong lus btags zhes bya ba ni mchod sdong la lus btags pa'o/ /grim zhing skam pa zhes bya ba ni nyams grims shing sha skam pa'o/ /'di ltar ci nas nga'i yul nas ni//g.yen spyod dbul ba nor ni med par 'gyur/ /zhes tshig sbyar ro/ /gnam gyi 'jigs pa ni then pa dang char ches pa la sogs pa'o/ /rgyal po dge ba'i bsam pa dang ldan pas skye bo mang po dge ba la bkod pas mang po'i dge ba'i mthus gnod pa rnams zad par ston pa ni de ltar gnod pa rnams kyi mthus tshegs med par zad par 'gyur zhes tshig sbyar ro//dus tshigs dus bzhin mthun pa ni dus 'khrul ba med par char gyi dus su char pa 'bab pa la sogs pa'o/ /skye bo phongs pa ni sdug bsngal dang gnod pa ni rab tu zhi bar 'gyur zhes bya ba la sogs pa'i tshig gis sngar gyi tshigs su bcad pa'i don rnams ji ltar mthun mthun du bsdus pa'o//gong nas gong du spyod pa ni thog mar 'tshe ba bzlog pa dang bar du dge ba la bkod pa dang tha mar zhing khyad par du gyur pa la mchod sbyin rgya chen po byas te de dag gi dge ba chung ngu dang 'bring dang chen por gyur pas mchog dang 'bring dang tha ma'i dgos pa rtag tu gzigs pas na zhes smos so//kr-iSh+Na 'dzin ma gsol zhes bya ba ni zla ba dkar ba bzhin du ri dwags dkar po bzhin du mi dge ba med pa'o/ /dbang bskur ldan pas rang bzhin mdzes pa'i spyod pa yong ma zhum zhes bya ba ni rgyal po gzhan gyis dbang bskur zhing 'bangs rnams kyis rgyal por bskos pas rgyal po'i gzi brjid che bar ston pa'o//dbu mdzes dkyil mo ba ni dbu mdzes pas mtho ba'o/ /de ltar tshig rkang bzhis ni/ nyes pas ma gos pa dang / / gzi brjid dang ldan pa dang / sku lus mdzes pa dang / gtong ba'i grags pa dang ldan pa bzhi rim pa bzhin du bstan to/ /mchog sbyin gzhan gsod cing 'bras bu dman pa ngan 'gro la sogs pa 'byung bas/ 'bras bu bzang po 'byung ba sus shes pa mchod sbyin lags kyi zhes pa'o/ /sbyin pa rang gi don du gtong ba tsam yang nor yod pa dang gtong ba'i skye bo la yod kyis gzhan la med la/rang gi don du tshul khrims bsrung ba yang 'jig rten bde ba la phyogs te pha rol la gnod pa spong la mtho ris 'dod la chags shing mtho ris 'dod pa dang ldan pa ste gzhan la med pa'o//sems can thams cad kyi ched du de gnyis bsgrub pa ni skye bo dam pa 'ga' zhig las gzhan la med par ston pa ni gzhan don bsgrub phyir zhes bya ba la sogs pa'o/ /de lta bas na zhes bya ba la sogs pa mjug bsdu ba'i tshul gyis gdams pa ni don lnga'i sgo nas te go sla'o//mchod sbyin gyi rabs te bcu pa'o// //lha dbang dpal ni spyir lha'i lus phun sum tshogs pa'o/ /de la rten bcas pas zhes bya ba ni brgya byin de la rten bcas pa'o/ /gang phyir lha ma yin rnams tsham tshom med par ni/ / phyogs kyi glang chen mche bas lto ba zed 'ong ba/ /zhes bya ba la rgyu mtshan gang gi phyir lha ma yin rnams tsham tshom med par lha rnams la 'thab tu 'ong ba ni lha rnams kyi phun sum tshogs pa mi bzod pa'i sgo nas so/ /phyogs kyi glang chen ni lha rnams kyi dpung gi glang po che rab brtan la sogs pa'o//de rnams kyi mche ba dang ldan pa'i dpung gi gnod pa lha ma yin rnams kyis lto ba zed cing sron pa zhes bya ba'i tha tshig go/ /lha'i phun sum tshogs pa nyid ston pa ni/ skal ba che bas bde ba thob pa'i dpal de ni zhes bya ba ste/ dge ba'i rtsa ba du ma bsags pas legs par 'thob pa'i lus dang longs spyod phun sum tshogs pa'o//de'i snying dregs pa'i dri ma can du byed pa ni lha ma yin gyi snying dregs pa ni de la phrag dog gi dri mar byas shing lhag par 'khrug pa'o/ /chos kyi bdag nyid yin zhes bya ba ni rgyal po'o/ /rgyal po de la lha ma yin nang rtsod pa de rol pa ni bde bar gnas pa'o//de'i gegs su gyur par mthong ba dang yid byung ba ni skyo ba'o/ /'gro ba lha dang de'i phyogs su gtogs pa lha ma yin gyi gnod pas 'jigs par mthong nas gzi brjid can gyi byang chub sems dpa'i snying rje'i stobs kyi tshul bzhin te legs par bzlog par rigs pas na lha'i dbang po'i snying ni dmag drangs kyi phyogs la g.yel bar gyur te de bzlog dgos pa'i phyir ro//shing rta dam pa'i steng du 'dug nas zhes sbyar ro/ /rgya mtsho'i 'gram ni rol mtsho'i 'gram mo/ /lha rnams dga' ba'i 'khor gyi nang du song zhes bya ba ni 'khor rnams grong khyer lta na sdug gi nang du song ba'o//de nyid zhes bya ba ni snying rje'i rgyur bdag nyid kyi srog la ma chags pa'i spyod pa de nyid kyis zhes bya ba ste des tshe 'di la phan pa thob pa'o/ /de bas gsungs pa zhes bya ba ni lung las so/ /rgya mtsho dus bzhin zhes bya ba rgya mtsho'i rlabs zhag bdun gyi dus las mi yol ba lta bu'o zhes bya ba'o//brgya byin gyi rabs te bcu gcig pa'o// //thos pa ldob pa ni myur du 'dzin pa'o/ /'dzin gsal ni gsal bar 'dzin pa'o/ /de dag gis ni shes rab myur ba dang gsal bar 'jug pas dbang po rno bar bstan to//rang gi rigs bzang por grags pa dang bla ma la gus shing dbang po dul ba dang lang tsho dang ldan yang rgyags pa spangs pas zhi ba'o/ /chos bzang ba ni dkar po'i chos la legs par gnas pa ste tshul khrims yang dag par blangs pa'o/ /ji ltar sngags kyi khyad par dang ldan pa'i mthus sbrul gdug pa'am 'byung po la sogs pa la dbang byed pa ltar/gnyen po stobs che bas rang gi sems la dbang byed pa ni yon tan dbang du byed pa'i sngags de rdzas dang 'dra ba'i byams pa la sogs pa goms pa'o/ /de rtag tu ma nyams zhe sdang mthu dang ldan pas zhe sdang 'khrug pa'i rgyu gnod pa byung yang de la rang gi sems dbang du byed cing khong khro ba'i dbang du mi 'gyur na tha mal pa'i sems nyon mongs pa'i rkyen shas chen po med na lta ci smos te shin tu rang gi sems la dbang yod pa'o//dbul ba 'bras bu re ba med/ / ces bya ba ni tshe 'di la yang zong gis bsgrubs pa'i nor gyi 'bras bu'am zhing la sogs pas bsgrubs pa'i 'bru'i khyad par la re ba med pa'o/ /bdag gis mi la'ang smrar med pa ni bdag dbul bas gzhan gyi re ltos kyi sar ma gyur pas zhum par gnas pa'o/ /dga' ston che na'ang dga' mi myong ba ni/dbul bas bdag la dga' ston byar med pa dang / ka zhan gyis kyang mi ster ba dang / byin yang bdag la kha len med pas zhum zhum por 'dug pa'o/ /sbyin pa'i gtam yang zhen pa ni bdag nyid sbyin pa byar med par bsngags pa brjod kyang kha gsag lta bur mngon pa'o//de rnams kyis sma bab pa lta bu yin la yo byad chung ngu 'tsho ba yang sdug bsngal dang bcas pas nyon mongs ngal ba'i gzhi zhes pa'o/ /ngo tsha shes pa'i bsngags pa dang ldan pa'i mdo sde la sbyar bar bya ba ni mdo sde'i don yang 'dis gsal bar bsgrub pa'am 'di yang mdo sde dang mthun pa yin no zhes bstan pa yin no//'jig rten lha dbang byed pa ni gzhan gyi dpyas pas 'jigs nas sdig pa la 'dzem pa ste khrel yod pa yin la de'i dbang du byas pa'i mdo sde yang de dang mthun no zhes bya ba'o/ /bram ze'i rabs te bcu gnyis pa'o// //khyim na gnyi gas yang zhes bya ba ni pha ma'i khyim dang khyim thab kyi khyim mo/ /'di ci ku mu ta yin nam zhes bya ba ni lha mo'i khyad par zhig go/ /khyim 'di lha yin zhes bya ba ni khyim 'di lha mo'i yin nam zhes bya ba'o/ /de yi lus bzangs bcas shing 'greng dang lta ba la/chags pas cha cig yid du gyur cig 'dug pa'i tshe/ /zhes bya ba ni sngar lam du myos byed ma dang phrad pa'i che'o/ /don sgrub go rims sbyin pa'i chab tshod sgra grags pa'i/ /chab tshod zhes bya ba ni bgrod pa'i gnas su 'gro bar don sgrub cing rim gyis 'gro bar sbron pa'i chu tshod kyi tshad 'dzin pa'i rnga rdung ba'i sgra grag pa dang dung 'bud pa'i sgra grag pas 'gro dgos shing rta khrid pa de'i tshe/nga'i sems la zhe sdang ldang ste/ ma rangs par gyur te/ yul 'das kyang myos byed ma la ltar yod na dga'o zhes bya ba'o/ /chos spyad pa las bya ba ni sngon dge ba byas pa las so//dpal thob pa ni lus dang longs spyod kyi 'byor pa thob pa'o/ /de nyid la yang gnod pa byed pa ni tshe gzhan du de nyams pa'i rgyu sdig pa brten pa'o/ /des na gzhan du yang / /ji ltar khyod la rtag tu sku 'phongs pa bzhin du chos 'phongs par mdzod ces gsungs pa'o//'di dang pha rol sreg par 'gyur/ /zhes bya ba ni 'dir ni rgyal po'i chad pas yin no/ /pha rol tu ni nyes pa med pa'i bud med bor zhing smad pa'i las la sbyar ba'i phyir ro/ /dus tshigs mchod pa'i yon tan ni shing gi 'bras bu smin pa'i dus su 'bras bu de 'bul ba la sogs pa'o//lha dang dpal gyis rab tu spangs par 'gyur/ /zhes bya ba ni lhas kyang mi srung la dge ba'i 'bras bu yang thag ring ba'o/ /khyod ni de ltar zhi gyur pa/ /zhes bya ba ni dbang po'i sgo bsdams pa'o/ /de la ngo mtshar che mi 'gyur//zhes bya ba mkhas pa'i skye bos brtags na de la ngo mtshar med de yon tan la goms pa'i phyir ro zhes bya ba'i tha tshig go/ /myos byed ma'i rabs te bcu gsum pa'o// //bdag cag yul ni gnyi ga las/ /zhes bya ba ni rang gi yul dang rin po che blang ba'i gnas las so//an da rnyil gyi mdog ni mthing ka'o/ /margad ni ljang gu'o/ /lha mo nyid la zhes bya ba ni tsan d+hi ste dbu u ma la'o/ /legs par pha rol tu phyin pa'i rabs te bcu bzhi pa'o// //dge dang mi dge las rnams goms byas nas/ /mi rnams la ni 'dris pa nyid du 'gyur//zhes bya ba ni mi rnams la tshe de la goms na tshe de la spyod pa tsam mthong la/ byang chub sems dpa' nyar gyur pas tshe de la ma bsgoms kyang tshe rabs gzhan la goms pas tshe 'di la rmi lam bzhin du sngon gyi stobs kyis spyod do zhes bya ba'o/ /nya'i rabs te bco lnga pa'o// //cho ga'i zas za zhes bya ba ni dka' thub byed pa'i mi dag 'bras kyi gzegs mas 'tsho bar byed pa la sogs pa'o/ /ngo tsha med par legs par 'tsho ba ni 'phral nyon mi mongs par skyid pa'o/ /'tsho ba shin tu nyon mongs ldan/ /zhes bya ni nyon mongs pas gos shing sdig pa dang 'brel pa'o//bdag gi rkang pa ming don med cing 'dab ma med/ /zhes bya ba ni rkang pa yongs su ma rdzogs shing 'dab ma yongs su ma rdzogs pas ming gi don legs par mi gnas pa'o/ /'gron byar rung ba ni sbyin sreg gi rdzas te 'bras chan dang zho la sogs pa'o//rgya mtsho'i rlabs dus las mi yol zhing skye bo brten pa yang bslab pa legs par mi 'da' ba bzhin bden pa goms pa'i ngag las ni me yang mi 'da' bas bden pa la goms ra bya'o zhes ston pa ni de ci'i phyir zhes bya ba la sogs pas ston to//sreg pa'i rabs te bcu drug pa'o// //'jig rten yongs kyis phal cher dpal ldan na/ /zhes bya ba'o/ /dpal gyi rang bzhin shes pa ni 'byor pa la bag yod par bya ba shes pa'o/ /gzi brjid kyis gzhan zil gyis gnon pas gzi chen nyi ma 'char 'dra'o//ston gyi zla ba nya ba gang ba mdzes pa ltar lta na sdug pa mdzes pas zla ba bzhin no/ /de ltar khyod kyi sku mdzes thub pa 'ga' zhig lags par gda' ste 'dod chags dang bral ba'am thar pa thob pa'i skye bo zhig yin nam zhes pa'o/ /chang gi nyes pa bsdus pa ni khyed cag 'jig rten gzhan la mi 'jigs shing /tshe 'di la yang brlag pas mi 'jigs na zhes bya ba'o/ /'bri sna an d+ha dag kyang mi byung nas/ /dbyig chen thogs te phan tshun thal bar byung / /zhes bya ba ni 'bri sna dang an d+ha ni mi'i rigs kyi khyad par te de dag chang gis myos pas dbyig pa chen po thogs te phan tshun bsad cing rang gi nye 'brel mang du bsad pa ste sngon gyi lo rgyus las shes par bya ste bdag gis legs par thos pa med do//gang gi nyes pas sngon gyi lha rnams myos/ /lha yi rgyal po'i dpal ni nyams gyur nas/ /skyabs 'dod phyir ni rgya mtsho'i nang du gab//ces pa las sngon gyi gtam rgyud las shes par bya ste bdag gis legs par thos pa med do/ /phan par smra la mchod par bya ba ni/ /bsgo ba'i tshig bzhin nyams su len pa yin zhes bya ba ni/ gzhan las kyang de bzhin gshegs pa ni bsgrub pa'i mchod pas mnyes pa yin gyi zang zing gi mchod pas ni mnyes pa ma yin no zhes so//grags dang dpal gyi lam ni 'di yin te/ /zhes bya ba ni tshe 'di'i yon tan te dpal ni 'byor pa phun sum tshogs pa mi nyams shing 'phel ba'o/ /nga'i yul la brten ces bya ba ni bdag gang la spyod pa de nyid la spyod cig ces bya ba'o//bum pa'i rabs te bcu bdun pa'o// //yon tan la brtags na phyi ma'i bkur sti bya ba'i gnas yin la/ skyon la brtags na nang mi yang smad par bya ba'i gnas su 'gyur bas yon tan skyon las zhes bya ba la sogs pa smos so/ / snga nas yod pa'i rigs dang gzugs la sogs pa'i yon tan la tshul khrims dang shes pa'i yon tan dang ldan pas/ lhag par brjod cing mdzes pa'o/ /sa gzhi rab tu bzang po rdo thal gyis byugs pa'i khang bzangs la sogs pa'o/ /thos pa'i don ni khyod kyis yod par byos//zhes bya ba ni nyi ma don med par mi bya ste/ sbyin pa la sogs pa spyad zhes bya ba la sogs pa dang / /sbyin sreg la sogs pa'i las kyis khyim du don yod par gyis shig ces pa'o/ /de nyid bshad pa ni bu mchog ces bya ba la sogs pa'o/ /nan tur drag shul gyi las//spyugs pa dang gsad pa la sogs pa'o/ /bde ba la chags pa spong ba rgyu gang gis she na/ bde ba 'grub pa'i nges pa yod pa ma yin zhes bya ba de ji skad du/ bde ba'i don du las byas kyang / /bde 'gyur mi 'gyur gtol med kyis/ /zhes gsungs pa lta bu'o//gzhan yang bde ba 'grub kyang gdon mi za bar grags pa med par 'gyur te bde ba la brkam pas sdig pa byas pas mi snyan pa 'byung ba'i phyir ro/ /gzhan yang bde ba'i rgyur gyur pa'i yul ma 'thob pa'am thob pa las nyams pa las yid gdung ba skye'o/ /de dag ni tshe 'di'i nyes pa yin la tshe gzhan du ngan 'gror ltung ba'o//yongs su rtogs pa'i don du ma gyur na zhes bya ba bsam pa'i don ma grub pa'o/ /'di la nam zhig ji ltar gang la bde zhes bya ba ni khyim na gnas pa 'di la rgyu mtshan gang gis bde zhing dus nam zhig bde la dngos po gang bde zhes bya ba'i tha tshig go//'dod pa'i yon tan gyis gtse ba ni yul gyi bzang mo la sogs 'khrig pa'i bde ba yin no zhes 'jig rten la grags mod kyi de la yang bde ba med par ston pa ni/ rmongs pas 'dod chags nye bar spyod pa yang / /rma g.ya' 'phrug pa'i bde ba bzhin du zad/ / ces bya ste/ g.yan pa 'phrug pa'i bde ba lta bu ste go sla'o/ /gzhan yang phal cher ni 'di lta bu yin te zhes bya ba kha zas zos pa'i bde ba la sogs pa yang ngo / /yang na 'og ma ston pa'i mtshams sbyor ba'o/ /de bas na btsun pa bdag gis khyed la gdams ngag tu bya ba ni/khyim gyi nyes pa dang / dgon pa'i yon tan dang / der gnas par dam bca' ba ni tshigs su bcad pa gsum gyis rim pa bzhin bstan to/ /de la khyim gyi nyes pa ni sbrul gdug pa'i tshang dang mtshungs par ston te/ nyon mongs pa sbrul dang 'dra ba'i gnas su gyur pa dang /sbrul gdug pa can gyi tshang du phyin na srog 'jig pa ltar mya ngan las 'das pa'i bde ba ma thob pa'i yongs su nyams pas 'jig pa'i phyir dang / sbrul gyi dug gis ma zin par du lus skrangs pa'i sdug bsngal mi bzad pa'i rten du gyur pa ltar tshe 'di dang gzhan gyi sdug bsngal mang po'i gnas su gyur pa'i phyir ro zhes ston pa ni dregs dang zhes bya ba la sogs pa'o//phyug po'i rabs te bco brgyad pa'o// //chos dang srid dang de bzhin bde ba 'phel/ /zhes bya ba la chos ni dge ba'i las so/ /srid ni rang gi 'khor skyong ba'o/ /bde ba ni lus dang longs spyod dam chos tshe 'dir 'phel bas 'jig rten phyi ma la yang bde bar 'gyur ro//dge ba rnams kyi brtan pa'i rgyu/ /rnam par 'phel ba bzhin du mngon pa ni gang zag bsam pa dge ba'i sdug bsngal gyis mi 'phrogs pa brtan pa rnam par 'phro ba ste ches gsal bar rtogs so zhes bya ba'o/ /de bas rab dang 'bring dang tha ma rnams//'di dang pha rol tu yang 'dod pas gsod par byed/ /ces bya ba la lha dang mi dang ngan 'gro rnams sam/ mi nyid kyi bye brag rgyal po la sogs pa rnams dang / phal pa rnams dang / rigs ngan la sogs pa dag go/ /dka' thub can gyi rabs te bcu dgu pa'o// //ji ltar tshig gcig pa dag gis zhes bya ba tshig bag tsam las ma smras pa'am/ tshig gis kyang ma smras par zhes bya ba'i tha tshig go/ /'jungs shing zhes bya ba'i rkang pa gnyis ni yon tan no/ /de ltar yon tan dang ldan yang skyon gyi rnam pa mi brtan zhing bdag cag nang mi la snying rje med pa 'di ji ltar logs zhes bya ba'o//nags tshal dgon par gang btsal ba ni chos bsgrub pa'o/ /de ni khyim du'ang 'grub ste gtsang sbra ste bsod nams sbor ba'o/ /tshul khrims ni bsnyen gnas la sogs pa'o/ /nor dang ldan pas sbyin pa bsgrub par nus pa'o/ / rjes su mthun zhing chos grogs byed/ /nyes pa med pa ni bud med do/ /kye ma'o 'dam gyis mnar ba lta/ /zhes pa ni 'jig rten pa rnams de ni da ltar rigs pa na ma bskos pa yin no zhes 'dzer to/ /gang phyir 'jig rten dag na srid pa ni/ /bde dang sdug bsngal dag la mtshungs par spyod//zhes pa ni mdza' bshes la sogs pa bde ba'i tshe yang lhan cig spyod de dga' ston la sogs pa'o/ /sdug bsngal yang lhan cig spyod de shi bar gyur pa'i dus su thams cad kyang yongs su gdung bar byed do/ /de'i sdug pa de'i tshe yang sdug pa lhan cig spyod pas de bas 'di yang zhes bya ba la sogs pa'o//tshul ngan na zhes pa ni spyod tshul ngan na zhes pa ste skyon la dad cing yon tan 'dor ba nyid do/ /de ltar gyur na skye bo dge bas spang bar brtsi bar 'gyur te skye bo dam pa brten pa rnams kyis spang pa ste mi brten pa dge ba la sgro ba chung bar brtsi bar 'gyur te/dam pas smad pa zhes bya ba'i tha tshig go/ /de bas skye bo re ba skong bar bya/ /zhes sbyar te rab tu byung bar re ba de'o/ /de yang ji ltar sgrub na spang ba dang blang ba gnyis te/ dang po ni spyod pa ngan pas nyon mongs khyim spangs nas zhes pa ste/ spyod pa ngan pa'i longs spyod bsgrub pa dang bsrung ba la sogs pa nyon mongs shing gdung ba'i rgyur gyur pa'o//blang ba ni dka' thub nags na dga' ba'i yon tan gyis nyams su blangs te zhes bya ba ste tshul khrims dang de'i mthun rkyen sbyangs pa'i yon tan la sogs pa'o/ /nor dang thabs dang mthu rtsal gang dag gis//nga la thub par gyur pa ma yin pa'o/ /sdug bsngal gang gis zhes bya ba la sogs pa nor gang gis dbul ba ma bzlog pa dang / thabs gang gis nad la sogs par ma gyur pa dang / mthu rtsal gang gis dgra la sogs pa ma bzlog pa'o/ /de las nor 'dod pa la nor khyer cig pa dang /gzhan gnyis kyis gnod pa yod ni gnod cing dgra bzlog par bya ba'o/ /gang zhig pha rol po de dag rab tu 'byung bar sems na yang bdag nyid phyis su gyur pa ga la srid/ bya ba nyams kyis mi lcogs pa/ / gzhan gyis spang kyang byar mi rung / /dge dge zhes brjod pas/ me ru 'jug tu ga la rung / /zhes brjod pa lta bu'o snyam pa yin no/ /mdza' bor 'thams pas zhes bya ba ni mdza' bor byas shing grogs bshes su gyur pa'am gnyen 'brel du gyur pa'o/ /rang gi mdza' bo bag med cing tshe 'di la gzhan gyi don las nyams shing gnod pa dang 'brel pa mthong na de las bzlog pa'i phan par 'gyur ba'i lam la sbyor ba la rtsub pa ste drag shul gyi las bya bar rigs na phan zhing 'jam na smos kyang ci dgos te/don de ni nyon mongs bcas kyang 'chos mi byed ces gsungs so//da lta ni bag med pa'i gnas su 'jug pa ma yin pas dgag par mi rigs par ston pa ni nags pas zhes bya ba la sogs pa ste/ nags na gnas par dogs shing 'jigs pa med/ /tha mal gnas pa yin pa la/ /de ltar ji ltar mi sems zhes bya ba'o//de la dgos pa ni gzhan dag gis dpyas pa la sogs pa spangs pa'am gzhan gyi sems srung dgos pa yin na de nags na med pa'o/ /'jigs pa ni longs spyod nyams pa'am dgra la sogs te de med pa'o/ /de nyid kyis na tha mal par gnas pa ste kun nas nyon mongs pa skye ba'i rkyen tsher ma lta bus ma dkrugs pa'i phyir ro//dgra dang dmag 'gyed de dang de dag tu/ /zhes pa ni/ dgra dang 'thab pa dang chu las rgal ba la sogs pa yang ngo / /phongs par gyur pa'i tshe na'ang mdza' bo rnams tshul 'chos pa'o/ /mchi mas 'ju zhing 'ong ba'i dpe yang mthong ba ni rang nyid phongs zhing nyam chung ba'o//phan 'dogs mi nus na'ang de rnams mdza' bo gzhan nyam nyes na du ba la sogs pa mthong la/ da lta ni phan gdags nus kyang phan mi 'dogs pa ni mi rigs so zhes ston pa ni/ mdza' bo'i rang bzhin zhes pa la sogs pa'o/ / g.yo dang 'thab byed pa ni ji ltar tshul 'chos zhe na phyi bzhin mi 'brang bar/ slar zlog pa'i phyir ni skad 'dzer cing mig nas mchi mas gang bzhin smra ba'o/ /tshul 'chos pa la yang bla ma dang 'dra ba ni mgo bos btud de 'di dag phyag 'tshal ba/ /de g.yo dang 'thab byed de tshul 'chos pa yin no//mtshungs shing mnyam pas phyag gi gnas su ma gyur pa la yang bla ma la phyag 'tshal ba ltar byed pa dang tshul 'chos pa yin no/ /'di dag byams na bdag rab tu 'byung ba'i rjes la rab tu 'byung bar rig pa la'o/ /dam pa'i sems ni ngo mtshar gyur pa/ gar mkhan spyod pa bzhin du mi 'gyur ram/ /zhes bya ba ni gzhan la 'phya ba ste/ gzhan dag phan par 'dod pa'i sems su gyur pa 'dod pa de la dam pa'i sems zhes bya ba gzhan khas len pa'i phyir ro/ /de ni ngo mtshar gyi spyod pa gar mkhan lta bu de res 'ga' gces par mi rigs la res 'ga' gces par 'dzin cing mi gces par mi rig pa la mi gces pa'i phyir ro//de nyid bstan pa ni yon tan med pa zhes bya ba la sogs pa'i yon tan med pa ni bdag la gzhan gyis phan gdags par mi nus te/ bdag dang lhan cig tu 'chi ba'i tshe yang grogs po yod la/yon tan yod la nags su 'gro ba ni/ /grogs po gcig kyang med pa ngo mtshar che/ /zhes bya ba ste go sla'o/ /yon tan med pa'i tshe grogs yod pa nyid gsal bar bshad pa ni glang chen smyon pa zhes bya ba la sogs pa ste go sla'o/ /de dag yin nam de yang de ma yin pa zhes bya ba ni ngag kyang ma yin nam yang na bdag kyang yin zhes bya ba ste/mi gces pa'i tshe bdag ma yin la de'i tshe khyed kyang bdag gi mdza' bshes ma yin na'o/ /gces par 'dzin pa'i tshe bdag kyang yin la khyed kyang yin pa'o/ /de ltar byams pa med par gyur pa'i yon tan kyang rjes su mi 'brang ba'o//de'i rgyu nyes pa byas pas bdag mi dran na/ /bdag gi mdza' bo 'di ltar 'khod bzhin du ste bde blag tu gnas bzhin du/ /'di ltar 'gyur ram rung ngam ci zhes bya ba ni/ bdag gi grogs mi byed pa rigs sam ci zhes bya ba'o bdag la yon tan med pa de ltar 'brang zhes bya ba ni bdag gi yon tan ma mthong ba rnams rjes su mi 'brang ba de ltar rigs kyang zhes bya'o//bdag gis yon tan dag la rjes su chags pa rnams/ /de ltar 'brang bar nus pa su zhig yod/ /de dag ni bdag rjes su 'brang bar rigs pa'o//'on kyang mi mkhas pa'i rnam par rtog pa la brtag par mi rigs so zhes shes pa ni gang dag zhes pa la sogs pa'i tshigs su bcad pa'o/ /di ring bdag 'dor ba ni gti mug yin zhes bya ba ni sdug bsngal gyi rgyu mi ldog cing bde ba'i rkyen gyi bar chod byed pa de ni bdag chud gson pa yin la de ni kun tu rmongs pa las gyur pa'o//nyes pa de dag mngon du gzhom par bya ba ni bdag la sdig pa'i rtsa bar gyur pa de nyid bdag gis gzhom par bya'o/ /chos sgrub pa'i grogs dkon pa ni de tshe gang zag 'gas kyang rab tu byung ba la skul ma ma btab pa'i phyir ro//tshong dpon gyi rabs te nyi shu pa'o// //sbyor ba'i yon tan nges pa ni brtan pa'o/ /de yun ring du gyur pa na zhes bya ba ni yun ring du bslabs pa'o/ /de 'dod pa rnams yongs su spangs nas zhes 'brel to/ /bud med dag ni bltar yang med par byed pa ni/spyir dka' thub can gzhan dag ste bud med ni nam du yang mi mthong ba'o/ /rgyags pas bsnyems sam gal te ma brtags pa zhes bya ba la gal te pha rol po dregs shing snyems pa ste bdag khyad du gsod pa dang / gal te ma brtags par de gzu lums su bdag la gnod pa byed pa'o//sgra'i don thad ka la de yin la de ni snyems pa'i dregs pa rang dbang med par 'byung ba dang ma brtags par 'byung ba gnyis ka spang bar bya zhes bya ba'o/ /bdag nyid gson bzhin de ni yongs ma gtang / /zhes bya ba ni pha rol dgra'o//bdag nyid gson par ma btang ste legs par song bar bya'o zhes bya ba'o/ /yang na bdag nyid ma shi bar du dgra de mi gtong ba'o/ /don ni rang gi zhe sdang la sbyar ro/ /da dung gson zhes pa ni da dung cung zad gson de myur du shi na legs pa'o/ /kye ma'o bdag dgar bgyis pa gang la srid/ces pa ni jo bo dgyes rung ma dgyes rung bdag gis dgyes pa ni ma yin kyang bdag nyid kyi dge ba bsgrub pa'i bar chad la sogs pa zhi bar gyur pa'i slad du tshul du 'brangs so zhes bya ba'o/ /skyes nas gang zhig mi mngon la/ /zhes bya ba ni khong khro ba skyes nas dge ba mi mngon zhing 'grib pa'o//de ma skyes na ni dge bar mngon zhing dge ba la 'jug pa'i go skabs yod do zhes bya ba'o/ /ma phan 'dod pa'i mi ni dgra ste de dag ni gzhan yid mi bde zhing 'khrugs na dga' bas de nyid kyis na dgra rnams dga' 'gyur zhes pa/ mdza' bshes dag gis rab tu gcugs gyur kyang //zhes bya ba ni mdza' bshes kyis phan btags kyang ngo / /kun tu rgyu byang chub kyi rabs te nyi shu rtsa gcig pa'o// //zla ba'i na chung skar ma rnams/ /spyi yi gdong lta me long bzhin/ /zhes bya ba ji ltar na chung rnams kyi byad kyi gzugs brnyan me long la 'char ba ltar zla ba dang skar ma la sogs pa na chung mdzes pa de dag gi gzugs brnyan mtsho de'i nang du mtshan mo 'byung ngo //dga' zhing mi 'jigs yon tan bcas/ /zhes bya ba la rgyal po'i 'khor dang bcas pa dga' zhing mi 'jigs pa sgrogs pas yon tan bcas ti mi 'jigs pa'i yon phul pa'o//khyod kyi rnyed pa yang de bzhin la zhes bya ba ni blon po bdag bzung bas rgyal po bya dga' stsol ba'o/ /bdag gis gsol ba gnang ste ngang pa'i rgyal po gtang ba'o/ /de nas yon tan gzhan yang nga la mang po dga' bar bgyid par 'gyur te/ rgyal po dang bcas pa thams cad dga'o//de bas mdza' ba'ang de bzhin 'gyur/ /zhes bya ba ni ngang pa mang po'i mdza' bshes kyi phyogs thams cad kyang dga' bar 'gyur ba'o/ /khyod kyi chos kyi sku la rma med dam/ /zhes bya ba ni chos bsgrub pa'i rten gyi lus bde'am zhes bya ba'o/ /yang na tshig rkang pa dang po gnyis kyis rang nyid bde bar bzhugs sam zhes bstan la/tshig rkang pa gzhan gnyis kyis ni 'bangs rnams bde bar gnas sam zhes bstan pa'i tshig ste/ sku chos kyi sku ni chos kyis bskyang bar bya ba'i 'khor gyi tshogs te de rnams la gnod pa med dam zhes bya ba'o//de nyid gsal bar bya ba'i phyir bka' lung snyan pas rgya cher dbugs dbyung ngam zhes pa ste/ rgyal po'am 'bangs yongs su bzung ba'i tshig gis 'bangs rnams bde bar gnas sam zhes bya ba'o/ /phan gdags zhes bya ba'i rkang pa gnyis kyis ni gzhan la phan pa bsgrubs sam zhes bya ba'o//'bangs rnams glo ba nye zhing phan btags sam zhes pa ni 'bangs kyi bsam pa dang sbyor bas rgyal po yang legs pa'i bya ba byed dam zhes pa'o/ /blon po mdzangs shing glo ba nye ba rnams/ /brtag pa'i thabs kyis legs par brtags lags sam//zhes bya ba ni blon po'i khyad par bya ba'i khyad par so so bsgrub pa la brtags shing bskos sam zhes bya ba ste/ ji skad du 'char byed kyi mdo las 'tshal za gus pa dang nus pa dang shes pa brtags nas legs par bskos shing de dag la tshul dang mthun pa'i bsnyen bkur byed pa'i yon tan dang bzlog pa'i nyes pa rgya cher gsungs pa lta bu'o//de dag ma mkhyen par ni zhes bya ba ni gzhan la phan pa'i thabs so/ /dpa' zhing thabs la mkhas pa'i bka' nan gyis zhes bya ba ni snying stobs dang shes rab kyis blon po'i khyad par bskos pas rgyal phran rnams legs par bsgrubs sam zhes pa'o//thams cad du yang bsam pa bzang ste chos kyi don du 'gyur bas thugs rje chen po'i mdzes pa mchis lags sam zhes pa'o/ /blo gtad par mi 'os pa'i tshal za ba la sogs pa la blo gtad pa ni nyes pa yin pas/thugs rje bag med par mi mnal grang zhes bya ba'o/ /chos ni dge ba bsgrub pa'o/ /bde ba ni de'i longs spyod kyi 'byor pa'o/ /srid ni 'bangs rnams ma 'khrug pa'i bka' bsgos pas nyan pa'o/ /de gsum mthun lags sam zhes bya ba ste rdzogs par yod dam zhes pa'o//bdag gi yon tan gyi stobs kyis tsher ma bcad pa'i dgra rnams las khyad par du gyur zhing zil gyis gnon tam zhes khyod kyis zhes bya ba la sogs pa'o/ /rgyal po chen po khyod la brten cing lta zhes pa ni bdag bya'i rgyal po yang mi'i rgyal po la brten cing lta ste ltos pa dang bcas pa'o zhes bya ba'o//ci'i phyir zhe na khyod ni mgron la dga' zhing yon tan 'dod ces smos te de'i phyir ro/ /'di ltar gyur pa nges par goms pa'i yon tan zhes smos pa ste yon tan la dga' zhing mgron rnams sbyin pa'i zhing 'grus pa yang sngon goms pa'i yon tan yin no zhes bya ba'o/ / 'bangs la phan phyir rgyal po'i tshul 'dzin pa/ /khyod kyi rang gi yon tan ngang gis gnas zhes sbyar ro/ /de'i don ni rgyal srid kyi bde ba la brkam pas rgyal srid bzung ba ma yin gyi/ gzhan la phan pa'i phyir rgyal srid bzung bas khyod ni yon tan dang ldan pa yin na/ ji ltar drang srong mnyam gzhag dka' thub 'bad pa bzhin te 'jig rten pa'i drang srong sems byams pa la sogs pa mnyam par 'jog cing tshul khrims la sogs pa la 'bad pa ni yon tan dang ldan pa yin pas nye bar zhi ba'o//rang bzhin dul ba khyod lha lags kyang mod zhes pa ste drang srong dang 'dra bar ston to//de pas spod par 'os pa'i yon tan bde ste bde bar de bsgrub po zhes bya ba'o/ /'byung po'i nyes pa'i gcong rong zhes bya ba ni skye bo dag nyes pa la bcug pa'i nyes pa ni gcong rong gi gnas ltar sdug bsngal ba'i gnas yin pas der mi 'dod zhing dor ro zhes bya ba'o/ / 'khor yul ni 'khor ram yongs spyod do/ /rgyal po yon tan can gyis thob par 'gyur/ /zhes bya ba ni dul ba dang bzod pa dang shes rab la sogs pa'i yon tan da lta yod cing sngon goms pa'i rgyu dge ba de las 'dod pa thob po zhes pa'o/ /lha'i rgyal po'i dpal ni brgya byin la sogs pa'i 'byor pa'o//yon tan yod na rgyud kyang rab tu 'phel ba ni yon tan dang ldan pa'i rigs brgyud kyang dbang bskur bar 'os shing rgyal srid kyi rgyun brtan te/ rgyal po snga ma'i rjes su rgyal po phyi ma yang rjes su 'jug pa'i phyir ro/ /bdag nyid chen po'i mthu ni dgra 'dul ba la sogs pa'o//de nyid bshad pa ni zla ba'i 'od las zhes bya ba la sogs pa'o/ /don gyi mchog ni dgos pa'i mchog ste ji ltar don gyi mchog yin zhe na/ rgyal po chos la dga' bar gyur na ni zhes smos te phan 'dogs shing byams sems dang ldan pa'i zhes bya ba'i tha tshig go//bdag gi grogs mang sdug bsngal 'bad pa bzhin zhes bya ba ni ngang pa'i tshogs rnams rje dpon med pas sdug bsngal bas de dag bdag 'bod pa ltar de dag gi drung du 'gro dgos so snyam pa'o/ /ngang pa'i rabs te nyi shu rtsa gnyis pa'o// // bsod nams bzhi las 'bar ba'i yon tan rnams/ /nan tan sgrub pa'o/ /byin gyis dga' bar 'gyur zhes bya ba ni sngon gyi bsod nams kyi stobs kyis bsgrubs pa'i yon tan tshe 'di la yang 'bad pas bsgrub pa'i nyams su len pa'i de ni de'i mthus skye bo thams cad dga' bar 'gyur ro//de ltar dga' bas dgra yang zhes bya ba la sogs pa smos so/ /longs spyod yon tan phun sum tshogs zhes bya ba ni bdag la longs spyod yod cing pha rol po yon tan dang ldan pa'i mgron 'ongs na zhes bya ba'o/ /srid dang 'dod dang mi mthun pa ni rgyal po'i srid bsgrub pa dang mi mthun zhing 'dod pa la longs spyod pa dang mi mthun pa'o//lan cig tsam zhig sma bab gyur pa yis/ /sngon cad phan btags pa dang ga la mnyam na/ gal te bskrad nas sma bab pas sngar byas pa thams cad mi dran par nyams nas mi rung ngo snyam na'o zhes 'gras pa dang lhan cig tu gnas par mi bya ba ni byams pa'o zhes bya ba la sogs pa'o//bde ba 'dod cing ni 'phral la'o/ /nyes pa mi 'dod pa sdig pa la sogs par mi 'dod pas rab tu dad pa ste byams pa dang brtse ba la brten par rigs pa'o/ /gus par byed kyang zhes bya ba ni sbyin bdag go//gzhan du phyogs kyang zhes bya ba ni des mi mgu ba la longs spyod pa'o/ /de yang dor bar bya'o/ /gzhan du phyogs kyang zhes bya ba ni sbyin bdag go/ /zhum pas de la lta ba ni longs spyod pa po zhum zhum por byas te nan gyis slong ba'o/ /de gnyi ga nyes pa yin te sdig pa sog pa'i rgyur 'gyur ba'o//brten pa'i mi rnams la grib ma'i ljon shing yang ji srid nye bar mkho ba gzhan ma byung ba de srid du bzhag la/ gal te nye bar mkho ba gzhan du ni spyad dgos pa ltar bdag la brten pa'i mi yang bdag gis gnod par mi 'gyur zhing gzhan gyi ched du spyad mi dgos na bskyang la gang gi tshe dgos pa de'i tshe de nyid la byas pa mi gzo ba byas kyang rgyal po'i chos lugs kyi nyes pa med pa'o//yon tan goms pa ni byas pa la drin du gzo ba'i yon tan no/ /nyes pa byas pa ni byang chub sems dpa' la brnyas shing smad pa'o/ / bdag gi lta ba yang gnod pa'i tshig gang gis gzhan la smod byed pa zhes bya ba ni thams cad la nyes pa mdor ston te/ rgyu med na byang chub sems dpas ma byas pa med cing dbang phyug rgyu yin na yang des byas pas gzhan la bsgo bar mi rigs pa dang / las rgyu yin na yang spre'u de nyid kyi las yin pas byang chub sems dpa' la nyes pa brjod par mi rigs pa dang /las byas pa chud ze na yang de dang 'dra ba dang / rgyal rigs kyi gzhung lugs bden na yang bdag la phan 'dogs pa'i yan/ byang chub sems dpas spre'u bsad ces/ lag yin pas bya bar 'os pas bdag gi nyes pa ma yin pa ste/rgyas par re re nas 'og tu ston no/ /gzhan gyis mi snyan sgrogs de ni/ bdag la gnod pa byed pa yin no zhes bya ba'o/ /bdag la ci phyir sdig gyur bsad du ma zad dam zhes bya ba ni rgyu med pas gsad du ma zad dam zhes bya ba'o/ /gal te pad+ma'i sdong bu skyes la sogs 'dra na zhes bya ba ni de dag dang 'dra bar rgyu med na'o//dpe ma grub pa yin te 'o na rtag tu rgyu med par yang cis mi 'gyur de pad+ma'i sdong bu la sogs pa res 'ga' ba ma yin par thal bar 'gyur ro/ /de dag la yang rgyu 'bras kyi mtshan nyid dang ldan par ston pa ni/ chu la sogs pa zhes pa la sogs pa'o/ /gtan tshigs bcas par rgyu med zer ba ni/ bdag nyid kyis ni khas 'ches sun dbyung ngo / /zhes bya ba ni rgyu med pa la shes byed 'god par 'dod na ni rgyu la ltos par 'dod la rgyu med par yang khas lan pas rang gi tshig dang 'gal ba ste/ rjes su dpag pa tshad ma yin no zhes bya ba'am smra ba thams cad brdzun no zhes bya ba lta bur 'gyur te/rgyu la bltos nas 'bras bu 'grub par shugs las khas blangs te de lta ma yin na gzhan la bltos par bya ba'i gtan tshigs bstan pa don med par 'gyur ro/ /dngos su ni dngos po thams cad rgyu med par dam bcas pas shugs la khas blangs pa dngos su smras pa 'gal bar 'gyur ro//gal te rtags mi ston na ni gzhan gyis rtogs par mi 'gyur bas 'dod pa mi 'grub po zhes ston pa ni nga ste gtan tshigs zhes bya ba la sogs pa'o/ /gang zhig ces bya ba ni rgyu med par smra ba'i gang zag go//kha cig tu ni rgyu med rkyen med mthong bas zhes bya ba ni snod kyi 'jig rten la sogs pa'o/ /de'i rgyu rkyen sems can gyi thun mong gi las yin pa ma mthong zhing ma shes pas dngos po thams cad rgyu med par smra na du ba me'i rgyu dang bcas par mthong bas mthong ba dang 'gal ba'o//ma mthong ba de nyid du yang med par gzhag par mi nus par ston pa ni/ gal te gang na zhes bya ba la sogs pa'i tshigs su bcad pa'o/ /thams cad dbang phyug gis byas na dbang phyug mnyes par bya ba'i phyir mchod pa la sogs pa bya bar mi rigs te de'i byed pa po yang dbang phyug yin pa'i phyir ro zhes ston pa ni/dbang phyug la ni re ba yis/ /ci phyir phyag la sogs pa 'tshal zhes bya ba'o/ /khyod kyi de ni rang 'byung ste zhes bya ba ni khyod kyi dbang phyug mchod pa de ni dbang phyug rang las byung gi byed pa po gzhan med pa'i phyir gang gis byas pa de'i las yin te thams cad des byas pa'i phyir ro//de nyid gsal bar bshad pa ni mchod sbyin khyod kyis gang byas pa de ni dbang phyug gis mi byed pa ma yin te thams cad des byas pa'i phyir ro/ /de yang dogs pa gang gis phyir byed na bdag nyid 'byor pa thob par bya ba'i phyir de dbang phyug rang gi bsnyen bkur la sogs pa bsgrub pa'i phyir gang byed pa'i dbang phyug de nyid byed pa po yin pa'i phyir ro//de ltar na dbang phyug la byas pa don med dam zhes bya ba'o/ /gzhan yang thams cad kyi byed pa po dbang phyug ni skye dgu la gnod pa dang 'brel par byed pas gus pa'i yul du mi rung ngo zhes ston pa ni sdig pa chen po zhes bya ba'i tshigs su bcad pa'o//da yang dbang phyug 'gyur ba ni/ /chos sam gzhan las 'gyur grang na/ /zhes bya ba ni de yang 'gro ba rnams la dbang med pa'i dbang phyug tu 'gyur bar 'dod na dbang phyug nyid kyi rang bzhin chos zhes bya bas 'gro ba rnams bskyed par 'dod nas rkyen gzhan la ltos nas byed par 'gyur zhes phyogs gnyis su brtags pa'o//de la gal te chos las 'gyur na ni de'i snga rol dbang phyug min zhes smos te chos dang mi ldan pa'i tshe skyed par mi nus pas dbang phyug ma yin par gyur la/gal te dbang phyug de yang chos dang ldan na skyed byed ma tshang ba med par yod pas cig car skye bar 'gyur zhes bya ba ni shugs la rig par bya'o/ /phyogs gnyis pa 'gog pa ni/ gang dag gzhan gyis byas 'gyur ba/ /de ni bran du 'gyur ba/ /de ni bran du 'gyur ba nyid/ / ces smos te/ gzhan la bltos pa rang dbang can ma yin pa'i phyir bran dang 'dra'o zhes bya ba'o/ /gzhan yang 'bras bu skyed pa rkyen la bltos na de nyid kyang rkyen gzhan la bltos dgos te/ ji ltar dbang po rnam shes skyed pa yul gyi rkyen la bltos pas dbang po nyid rgyu gzhan la bltos pa lta bu'o snyam du bsams pas/dbang phyug de ni ci'i phyir/ /rgyu yis byas par ma gyur kye/ /zhes smos so/ /bdag gis bsad kyi sngon gyi las ma yin zhes bya ba ni las kho na ma yin pa ste/ 'phral gyi skyes bu'i byed pa yang khas len pa'i phyir ro zhes bya ba'o/ /gal te las dang las kyi rgyu yang 'dod na/de lta yin na su yang grol mi 'gyur/ gal te las dang las de las yang las gzhan gyi stobs kyis yin pas las 'ba' zhig brgyud par gyur pas su yang grol bar mi 'gyur ro/ /gal te las snga ma zad par bya ba'i phyir sngon gyi las ma yin pa dka' thub kyi las khas len na thams cad las kyis byas pa ma yin par 'gyur ro//sdug bsngal rgyu yang zhes bya ba ni tshigs su bcad pa gzhan gyi 'dod pa blang ba'o/ /de ltar ma yin par ston pa ni/ bde dang sdug bsngal de ltar gyur pa'ang med/ /ces bya ba la sogs pa'o/ / 'gro ba 'phya ba dag gis 'jigs nas su/ /sdig pa spang zhing dge la gnas na ni/ /sdig pa'i 'bras bu gzhan mi 'byung yang gzhan gyi rjes su de dang bstun pa'o snyam na/ gang gi tshig dang mi mthun spyod pa'i tshe/ /'gro ba 'phya ba 'di yang med mi 'gyur/ /zhes bya ba ni/ tshig gis tshe rabs gzhan med ces zer la spyod pa'i tshe gzhan yang yod par spyod pas/ 'gal bar smras pas gzhan rnams kyi sa dpyas par 'gyur ro/ /de nyid gsal bar 'chad pa ni/ /'jig rten tshul zhes bya ba la sogs pa'o/ /gang na rig pa'i gzhung ldan 'di 'dra ba/de yi mi rigs 'khrul pa ci 'dra ste/ /zhes bya ba ni 'gal ba 'du ba'o/ /e ma'o spyi brtol can gyis zil gnon nas/ /zhes bya ba ni/ rig pa'i rjes su mi 'jug pa'i gzu lums kyis bden pa khyad par du gsang pa'o/ /gtsug lag ni rgyal rigs kyi chos so//der chos min dor bar byas te sdig pa 'phel ba'o/ /khyed cag dga' ba de ni yod mi mthong / /zhes bya ba ni dam bca' ba'o/ /'thad pa ni 'gal ba 'du ba ste gtsug zhes pa la sogs pas ston no/ /rgyu las grub par mthong bzhin zhes bya ba ni rgyu med pa spang ngo / /rang dbang zhes bya ba ni de med pas dbang phyug med par shes pa'o//'jig rten pha rol shes pas chad pa ma yin pa'o/ /las ma yin par shugs la gnas pa'o/ /dge ba khas len pas rgyal rigs kyi chos spang ba'o/ /mi'i bdag po ni bod pa'o/ /lta ba bzang ngan nges par ston zhes sbyar te/ gang gis zhe na/tshig dang spyod pa rnams kyis so/ /de yang nam gyi tshe na khyod kyis brtags na ni zhes pa'o/ /gang gis brtags she na/ rigs mthun las ni bsgrub pa'i rgyu dag gis zhes bya ba ste/ rig pa ni dpe dang sgrub pa'i rgyu ni gtan tshigs so/ /de dang de ni gzhan gyi 'dod pa de dang de'o/ / 'thad pa de lta bu de yang dge ba'i bshes gnyen la rag las pa ni skye bo ngan pa'i zhes pa'i rkang pa gnyis so/ /sdig pa'i grogs po nyid bsten pa ni mi sdom par yang zhes bya ba la sogs pa'o/ /rgyu med par smra ba la sogs pa ni gang zag go/ /rtsub pos bsgos pa ni lta ba ngan pas sems dbang sgyur ba'o//de na khyad par mngon pas spyang ki bzhin zhes bya ba la/ de na zhes bya ba ni pha rol gyi 'dod pa de na'o/ /khyad par mngon pa ni dpyad na khyad par du mi bden par rtogs pa ste/ dper na srin po spyang ki'i rjes yin no zhes bslus pa'i gtam rgyud lta bu ste brtags na phyin ci log par rtogs pa'o//chun pa ni zhing 'chu ba'o/ /de rnams rgyu dpyas dbul ba ste mar la sogs pa 'bul lo/ /de rnams shing gi khyad par skyong ba ltar ma bskyangs pa na zhes bya ba'o/ /sman rnams ni mar dang sbrang rtsi la sogs pa'o/ /dbu rmog mi brtson pa ni gzhan gyis brnyas pa'o//zhabs tog cher 'bul ba ni cher phan btags pa'o/ /bya dga' stsal ba ni bsnyen bkur dang mthun par gzhan la phan gdags pa'o/ /nan tur ni drag shul gyis tshar bcad pa'o/ /byang chub chen po'i rabs te nyi shu rtsa gsum mo// //khyod kyi phyir ni nga yang sdig can gyur//zhes bya ba ni shin tu smad pa'i phyir smras kyi byang chub sems dpa' la ni sdig pa cung zad kyang med do/ /byas pa la drin du gzo ba'i yon tan ni gnyis te/ mthong ba'i chos la yod pa dang / /tshe gzhan la yod pa'o/ /dang po ni bzhi ste/ grags pa 'thob pa dang gzhan gyis bya ba la grogs byed dang /gzhan dga' ba dang / dgras mi brdzi ba ste/ mdza' bo rnams la sems ni byams pa grags pa 'thob/ ces bya ba'i tshig bzhi dang sbyar ro/ /tshe gzhan la yod pa ni mtho ris thob par 'gyur pa'o/ /spre'u'i rab ste nyi shu rtsa bzhi pa'o// // gsum du dgyes pa byed pa ni lus ngag yid gsum du gyur pa'o/ /sha ra b+ha'i rabs te nyer lnga pa'o// //ru ru dang spre rgyal gnyis ni rtogs par sla ste/ 'dir ma bkral lo/ /nyer drug nyer bdun pa'o// //rab dang 'bring dang tha ma'i bye brag sna tshogs pa'o/ /skye bo 'di dag ngo bo nyid las gyur ma yin//zhes bya ba la/ rab ni lha'o/ /'bring ni mi'o/ /tha ma ni ngan song dag go/ /de dag ngo bo nyid las te/ /rgyu med pa ma yin te res 'ga' ba yin pa'i phyir ro zhes bya ba'o/ /gzhan gyis bskyed mi zhes bya ba ni dbang phyug dang dus la sogs pas te de bkag pa ni gzhan nas shes par bya'o//las ni rnam pa gsum las gyur ces bya ba ni mi dge ba dang dge ba chung ngu dang 'bring po dang chen po dang gsum gyis 'bras bu'ang chung ngu dang 'bring dang chen po gsum rab tu 'grub po zhes bya ba'o/ /'gro ba'i chos nyid de ltar nges par gnas shing rgyu so so ba la rag las pas 'dod pa'i 'bras bu thob par 'dod pas de'i rgyu dge ba brten dgos la de yang myur du bsgrub dgos te/srog kyang ma brtan shing dang nye bar shes nas ni/ /zhes pa rgyu mtshan du sbyar ro/ /grags dang bde ba thob pa'i lam ni 'di yin no zhes bya ba ni tshe 'di dang gzhan gyi bden pa gnyi ga bde ba la rag las par ston pa'o//sdig pa spang bar gyis zhes pa'i sdig pa gang zhe na/ gtso bo bzung nas smras pa ni yid la zhe sdang zhes pa la sogs pa'o/ /dge ba'i phyogs la brten nas zhes gsungs pa'i dge ba ni gnyen po rnams la brten nas zhes bya ba ste skabs 'dir bzod pa bzung ngo //de yang gnyen po nyid du nges par myong bas grub par ston pa ni/ dgon pa'i mi ni zhes bya ba la sogs pa'i tshigs su bcad pa'o/ /de bas de'i rgyu zil gyis mnan pas bzod pas sdig pa spang zhes bya ba ni 'dir sdig pa ni lus dang ngag gi nyes pa spyod pa yin la de'i rgyu gtso bo yang khro ba yin pas rgyu bkag pas 'bras bu mi 'byung ngo zhes bya ba'o//gnyen po bzod pa la brten pa'i mthong ba'i chos kyi phan yon ni de'i phyir zhes bya ba la sogs pa rkang pa gnyis so/ / ma mthong ba'i phan yon ni bsod nams byas pa'i yon tan gyis mtha' mar mtho ris 'gyur zhes pa'o/ /dge ba'i rang bzhin can du grags zhes bya ba la sogs pa'i tshigs su bcad pa gcig gis rang gi don du 'gyur ba'i yon tan ston te dam pas bsngags pa dang tshe 'di dang gzhan la phan pa 'phel ba dang sdig pa 'dag pa dang yon tan du ma thob pa dag rkang pa re res rim pa bzhin ston to//gzhan la gnod pa zhes bya ba la sogs pa'i tshigs su bcad pa gcig gis gzhan gyi don du 'gyur ba ston to/ /gzhan la gnod pa rtag tu sngo mi shes/ /zhes bya ba ni gzhan la gnod pa spang ba dang /snying stobs can gyi chos nyid yid du 'ong ba ni gzhan gyis brnyas kyang rma mi phyin pas gzhan yang dga' bar 'gyur te/ gtsug phud byang chub yin no/ /yon tan mngon bsgrub bzod pa mdzes pa'o/ /mi ni 'bras bu'i ming gis rgyu la btags pa ste mdzes pa bsgrub pas yang dang yang 'dren pa'o//snying rjes bka' stsal 'jig rten don byed pa'o zhes bya ba ni snying rjes de bzhin gshegs pas bka' stsal pa dang mthun pa'i gzhan gyi don bsgrub pa'i rgyu nyid du ston to/ /rgyan dang stobs dang chu dang go cha dang me tog gi dpe yis ston pa lnga mthu dang ldan pa rnams kyi zhes bya ba la sogs pa'o//gnyis ka'i tshe la don med zhi bar byed/ /ces bya ba ni tshe 'di dang gzhan gyi gnod pa rab tu spong pa'o/ /de'i grags pa'i yan lag ni lus can te a ga ni lus dang yan lag nyi ga'i ming ngo / /thar pa thob par byed pas mi mthun pa 'joms pa ni rkang pa gcig go//gnyen po 'phel ba ni gnyis te/ thar pa tsam gyi dbang du byas na rnam par thar pa'i bde ba'ang bzod pas 'thob zhes pa'o/ /thams cad mkhyen pa'i rgyur 'gyur ba'i dbang du byas nas de'i grags pa'i yan lag zhes bya ba ste pha rol tu phyin pa bsgrub pa la gnas na phan pa ste/gzhan la phan pa mchog tu gyur pa thams cad mkhyen pa thob par ston to/ /de ltar don che bas bzod pa bsgrub par gdams pa ni/ bzod pa de ni ma byed su zhig yod/ /ces bya ba'o/ /bden pa bzhin du mthar phyin cing zhes bya pa ni bden pa mthong ba 'khor ba las nges par 'da' bar ston pa'o//thub pa bzhin du zhes bya ba ni dgra bcom pa bzhin du'o/ /'di ltar sman pa skal ba med las gyur pa ni dbul ba dge ba ma bsags pas zhes bya ba'o/ /de lta bu 'gro ba la mang du yod pa de'i phyir bdag gis sems yid la zhes bya ba la sogs pa smos so//gdams ngag la ni dam pas gsungs pa'i rgyal po'i spyod tshul bstan pa'o/ /chos ni dge ba'o/ /srid ni 'bangs bsrangs pa'o/ /bde ba ni lus dang longs spyad kyi 'byor ba'o/ /'byor pa mi rtag pa brtan pa la yang brjod par bya'o zhes bya ba ni rgyal po'i mthu phun sum tshogs pa de ma thag tu nyams pa las shes par bya'o//bzod par smra ba'i rabs te nyi shu rtsa brgyad pa'o// //bsam gtan goms par byas pas tshangs pa'i 'jig rten du skye zhes bya ba ni bsam gtan dang po zhes bya ba'i tha tshig ste 'bras bu skye ba'i bsam gtan so sor skye ba ni de'i rgyu snyoms 'jug so so ba la bltos te/ji skad du/ 'dod spyod dga' dang bde dang sdug bsngal dag /rnam par spangs pa'i bsam gtan bzhi pa yis/ /tshangs dang 'od gsal dag dang dge rgyas dang / / 'bras bu che lha rnams dang skal mnyam 'thob/ /ces gsungs pa lta bu'o/ /khyod kyi zhabs dang phyag mdzes pad+ma gnyis/ /zhes bya ba ni de gnyis mdzes pa ni pad+ma gnyis lta bu'o zhes pa'o/ /nam mkha' sa bzhin yongs su 'dzin par bgyid pa ni de la ltung ba med par gnas pa'o//bsam gtan tshul khrims dri ma med pa dang / /dbang po rnams ni rab tu bsdams pa dag /zhes bya ba la bsam gtan dang po tshangs pa'i 'jig rten du skye ba'i dngos kyi rgyu'o/ /tshul khrims dri ma med pa ni bsam gtan de'i rgyu ste tshul khrims rnam par dag pa ni 'gyod pa med pas ting nge 'dzin skye ba'i phyir ro//dbang po'i sgo bsdam pa ni gnyi ga'i rgyu ste des tshul khrims rnam par dag par yang 'gyur la 'dod pa'i rnam par rtog pa la sogs pa bsrabs pas bsam gtan la gnas par 'gyur ba'i phyir ro/ /yang na tshul khrims dri ma med pa ni bsam gtan gyi sdom pa'o//mngon sum la sogs pas rjes su dpag pa bsdu'o/ /yid gcugs pa'i tshig gis bstan pa ni lung ste yid brtan du rung ba nyes pa'i tshig ces bya ba'i tha tshig go/ /brtag pa'i rim pa ni de la brten nas brtag pa ste lung la brten pa'i rjes dpag go//'jig rten pha rol yang rnal 'byor pa kha cig la mngon sum du snang ste/ nyi zla skar mas brgyan pa dang / dud 'gro rnam pa thun mong du snang ba bzhin du zhes bya ba ni dpe'o/ /'di la the tshom blo ngan khyod ma skyed/ /ces bya ba ni the tshom gyi sgo nas yid mi ches pa mi skyed ces bya ba'o//de ni gzhan gyis gzhan gyi 'jig rten pha rol shes pa'o/ /tshe rabs dran pa'ang de dang de na yod/ /ces bya ba ni rang gi'o/ /'jig rten pha rol de las rjes su dpag zhes bya ba ni lung la brten pa'i rjes su dpag pa ste/ de skad gsungs pas na bdag la 'jig rten gzhan yod par rig par bya'o zhes bya ba'o//de la lung la brten pa'i rjes su dpag pa'i don ni 'chi 'pho ba dang skye ba shes pa'i mngon par shes pa yod pa rnams kyis gzhan gyi tshe rabs shes pa yod par gsungs pa dang / sngon gyi gnas rjes su dran pa'i mngon par shes pa thob pa rnams kyis rang gi tshe rabs gzhan dran pa gsungs pas na bdag la yang tshe rabs gzhan yod du rung ngo zhes bya ba ste rang bzhin gyi gtan tshigs so//de bdag las kyang mngon par mi 'gyur ba zhes bya ba ste dngos po stobs zhugs kyi rjes su dpag pa ste gang dang gang 'bras bu mi 'dra ba de dang de ni rgyu mi 'dra ba sngon du 'gro ba mthong ste/dper na du ba dang myu gu lta bu'o/ /'di dag dang gzhan gyi lus mi 'dra ba yang sngon gyi rgyu mi 'dra ba la bltos so zhes bya ba ste 'bras bu'i gtan tshigs so/ /gal te tshe 'di'i rgyu mi 'dra ba las 'bras bu mi 'dra ba yin la tshe rabs gzhan gyi rgyu la mi ltos so snyam na/de'i rgyu mi 'dra ba snga ma byas pa de yang de'i snga ma la bltos pa yin te de lta ma yin na da ltar ba 'di yang snga ma la mi bltos par 'gyur ro zhes bya ba'o/ /gal te snga ma snga ma yod kyang 'byung la snga ma ni gzugs yin no zhes kyang brjod par mi nus te/de lta'i shes pa snga ma rgyur mthong la shes pa snga ma de ni gzugs snga ma yin na rgyu mi 'dra ba 'bras bu mi 'dra ba'i byed pa po ma yin pas mtha' dag gi sna tshogs kyi rgyu med pa can du 'gyur te gtan tshigs 'og ma'i khyab pa dang mthun no//snga ma'i blo las phyi ma'i blo 'grub na/ /'jig rten pha rol po dang de las mngon/ /zhes bya ba ni khyab pa brjod pa'o/ /mngal na 'dug pa'i snga rol blo de ni/ /zhes bya ba ni mngal du zhugs ma thag pa'i blo zhes bya ba ste chos can no/ /de ma thag pa'i tshe rabs snga ma'i blo zhes bya ba de'i gong ma'i blo la bltos so zhes bya ba bsgrub bya'o//blo'i rang bzhin yin pa'i phyir/ /zhes bya ba gtan tshigs so/ /shes pa ni yul la ltos par grags la mngal na gnas pa'i blo'i yul du yang tshe 'di'i gzugs la sogs pa mi rung bas gzhan du mthong ba'i gzugs la sogs pa yin la/de ltar na tshe rabs gzhan 'grub bo zhes bya ba ni shes bya rtogs par byed pa zhes bya ba la sogs pa'i tshigs bcad gcig go/ /gal te tshe rabs gzhan gyi rgyu med na pha ma'i rkyen tsam las yin pas bu rnams 'dra bar rag pa las mi 'dra ba du ma dmigs te/gang tha mi dad kyang gang tha dad pa de ni de tsam gyi 'bras bu ma yin te/ rdza mkhan tha mi dad kyang bum pa'i bye brag dmigs pas bum pa de rdza mkhan tsam gyi rgyu can ma yin pa lta bu'o zhes pa'i don 'chad pa ni/ skye dgu bde ba la sogs pa'i tshigs bcad gcig go/ /gang dang gang rang gi las la rang gi ngang gis 'jug pa de ni snga ma goms pa la bltos pa yin te/ dper na bzo bo la sogs pa'i sems kyi bye brag lta bu'o/ /nu zho 'thung ba dang kha zas za ba la rang gi ngang gis 'jug pa'i phyir ro zhes bya ba'i 'bras bu'i rtags ston pa ni/blo'i mthu stobs zhes bya ba la sogs pa'i tshig gnyis te/ phyed dang gnyis ni 'thad pa'o/ /phyed ni de'i khyab pa'o/ /sus kyang ma bstan par nu zho 'thung ba tsam gyes snga ma'i goms pa la ltos par ma nges te/ sus kyang ma brtan par nyi ma'i mthus pad+ma 'bye ba lta bu zhes ma nges par dgos pa ni de la zhes pa la sogs pa'o//de'i lan gyi don ni pad+ma ni bsam pa la cung zad kyang mi ltos kyi nu zho 'thung ba ni bsam pa la bltos pa'i phyir ro/ /bsam pa la bltos pa bsam pa snga ma goms par byas pa'i phyir ro zhes bya ba'o//bdag nyid ngan pas 'di la'ang nor gyi bskyin pa ster ba med cing tshe gzhan du'ang nor gyi bskyin pa ster mi nus te/ de las tshe 'di las ngan pa las ni nor mi 'byung ba ni 'di la yang zhes pa ste tshe 'di la yang ngo / /nor ni mi gtong zhes sbyar ro/ /tshe 'di'i 'byor pa bdag nyid ngan pa ste pha rol bslu ba dag go//slu ba ma yin yang snyam pa ste dang por bslu ba'i bsam pa med kyang chags pas phyis 'jal bar mi byed pa'o/ /chags nas bdag gir byed pa med kyang le los mi 'jal bar sdod pa'i phyir ro/ /de la gtong na nor gyi mtha' ni de nyid yin te phyis mi 'phrad do zhes bya ba'o//de las bzlog pa la byin pa ni phyis chud mi za ba yin pas gang dag ces bya ba la sogs pa'o/ /bdag nyid ngan pas ni tshe gzhan du yang bu lon sbyin par mi nus te/ /bdag nyid ngan pa'i skyon gyes ngan 'gror skyes pa bu lon 'jal ba'i nus pa med do zhes ston pa ni 'jig rten gzhan la zhes bya ba la sogs pa ste/bu lon gzhal bar bya ba khyod la su zhig skul zhes sbyar te/ ci'i phyir zhe na/ khyod ni rang nyid las kyi nyes pas dmyal bar skye bar 'gyur te/ 'jal ba'i mthu med do zhes bya ba'o/ /gal te zhing de la byin pas rnam smin 'thob po snyam na yang ngan par lta ba spyod pa khyod la ni/nor rnams byin yang don ni med par 'gyur/ /zhes bya ba ste gtan med ma yin mod kyi zhing gi skyon gyis gal te mi 'byung ba'am shin tu chung ba nyid do snyam du bsams pa'o/ /de na zhes bya ba ni dmyal ba'i gnas de na zhes bya ba'o//mi'i 'jig rten na nyi ma dang zla ba'i 'od kyis shar ba la sogs pa'i sa phyogs gang mthong na dga' ba skye bas na chu lta bu ste/ phyogs de mi snang ba zhes bya ba ste nyi ma dang zla ba dang bral bas mun gyis g.yogs pa'i phyir ro zhes bya ba'o/ /gzhan yang ku mud rgyas pa'i mtsho lta bu'i nam mkha' yang de ni mi snang ngo zhes bya ba ni skar ma zhes bya ba la sogs pa'o//grang ba'i sdug bsngal bshad pa ni med par lta ba zhes bya ba'i tshigs su bcad pa'o/ /mun nag ces bya ba la sogs pas tsha ba'i dmyal ba'i gnod pa ston to/ /de bas mun nag ces bya ba la sogs pa'i tshigs su bcad pa gnyis ni yang sos kyi gnod pa gtsor ston to//shing mkhan bzhin du dang gshin rje gshed po la sogs pa'i tshigs su bcad pa gnyis kyis ni thig nag gi gnod pa'o/ /kha cig 'bar ba'i zhes bya ba'i tshigs bshad gnyis kyis ni bsdus 'joms kyi gnod pa'o//lcags gtun zhes bya ba la sogs pa'i tshigs bshad gcig gis ni ngu 'bod kyi gnod pa'o/ /byi ru zhes bya ba la sogs pa'i tshigs bshad gnyis kyis ni ngu 'bod chen po'i gnod pa'o/ /kha cig sa gzhi zhes bya ba la sogs pa'i tshigs bshad gnyis ni tsha ba'i gnod pa'o//kha cig me zhes bya ba la sogs pa ni lhag pa'i gnod pa nye 'khor gyi gnod pas te tshigs su bcad pa dang pos chu bo rab med kyi gnod pa'o/ /gzhan dag ces bya ba'i tshigs su bcad pas ro myags mi gtsang ba'i 'dam rdzab kyi gnod pa'o//kha cig zhes bya ba'i tshigs su bcad pas ni me ma mur gyi 'obs kyi gnod pa'o/ /gzhan zhes bya ba'i tshigs su bcad pas ni mtshon chas gtams pa'i tshal ston te tshigs bcad gnyis so/ /la la sna tshogs zhes bya ba la sogs pa'i gnod pa ni ral gri lo ma'i tshal na yod pa'i gnod pa'o//lcags kyi rdza chen zhes bya ba la sogs pa'i tshigs su bcad pas ni rab tu tsha ba'i gnod pa'o/ /sa gzhi me 'bar zhes bya ba la sogs pa'i tshigs su bcad pa gnyis kyis ni mnar med pa'i gnod pa'o//mjug bsdu ba ni bu yug ces bya ba la sogs pa ste grang ba'i dmyal bas sdud pa ni tshigs su bcad pa gcig gis yin la lhag ma gnyis ni tsha ba'i dmyal ba mjug sdud pa'o/ /sngon gyi rgyal po yon tan dga' ba rnams kyi slob mchog tshul te de dag gi slob ma mchog gi tshul gyis la dge sbyong dang bram ze dang 'bangs la rang gi spyod tshul snying rje dang ldan par bstan cing gdams pa dang /sbyin pa dang phan gdags pa byas na de ni grags pa rgya chen po 'thob po/ /mtho ris su 'gro ba'i lam yin no zhes bya ba'o/ /chos nyid nges pa gang dag bstan la rtogs zhes bya ba ni las rgyu 'bras kyi chos nyid nges pa gang dag mkhas pa'i skye bos bstan pa la rang nyid rnam par dpyod cig pa'o//khyod kyi bsam pa yang dag lta dge zhing / /sbyor ba rgyal po'i tshul gyis te/ /chos dang mthun pa'i rgyal srid bsgrub pa'i tshul lam lam gyis 'dod pa'i 'bras bu thob par 'gro bar gyis shig pa'o//yang dag pa'i lta ba nyid ji ltar sems pa yin zhe na/ yon tan mi dge'i sems de med par byos zhes bya ba la sogs pa'o/ /bsam pa de'i sbyor ba ni tshul khrims brtan zhing zhes bya ba la sogs pa'o//rang gi bsod nams rgyal po'i dpal gyi gzi brjid ces bya ba ni rgyal po'i gzi brjid gzhan zil gyis gnon pa ni/ sngon bsod nams byas pa 'dir gzhan zil gyis gnon pa'am/ yang na tshe gzhan gyi don du bsod nams bsgrubs pa nyid gzi brjid yin pa'o/ / mdza' bshes dang 'bangs rnams la yid du 'ong ba'i sgra bsgrags te dge ba la sbyar te de rnams kyi sdug bsal bsal zhing phan gdags par bya'o zhes bya ba ni mdza' bshes zhes bya ba la sogs pa'o/ /rang gi bya ba bsgrub pa ni bdag gi zhes pa'i rkang pa gcig go/ /rang gzhan gnyi ga'i don bsgrub pa ni dpe'i sgo nas bsgrub nas sgrub par byed de da ltar shing rta'i bdag po ded dpon lta bus rang gi gnas su 'gro bar 'dod pa la shing rta nyid dang mig 'jam pa dang 'khor lo zung du gyur pa dang /'khor lo'i srog shing dang ldan pa dang / rta dul bas drangs shing srab skyogs kyis kha srabs pa dang /lcag gis rta bsgul ba dang / shing rta'i nang du sgra la sogs pa bzlog pa'i mtshon cha rnon po dang ldan pa dang / lam du 'gro ba'i kha zas la sogs pa'i yo byad dang ldan pa dang / bdag la shing rta'i nang na grogs po bzang po dang ldan pa dang / shing rta'i gnya' shing rta la 'gel bas gnya' shing dang ldan pa dang /'gro ba rtag pa dang tshegs kyi sgra med pa dang / shing gi skad cung zad grag pa dang / mtshams ma phye ba dang / lam drang po nas 'gro ba dang / de lta bu'i theg pa'am bzhon pa ru mtshon phyar ba dang / khal du ma bkal ba dang / rgyal mtshan mthon po btsugs pa ste/de lta bu dag dang mthun par bdag nyid kyi sems dang lus kyi rgyud 'jam zhing sbyin pa dang tshul khrims la gnas te dge ba'i chos la 'dun pa dang ldan pa dbang po'i sgo dran pas bsdams shing shes bzhin dang mang du thos pa dang ldan zhing de tshe shes pa dang spyod lam mdzes pas bzod pa dang des pa dang ldan par byas te tshig gis nyes pa med pa yid du 'ong ba'i tshig gis gzhan la smra zhing tshul khrims ma nyams pa dang drang po'i rang bzhin gyi theg pa lta bu'i lam snying rjes sems can gyi don khur bzod cing thob par bya ba'i go 'phang mya ngan las 'das pa'i 'thob par byed pa de ni/rang dang gzhan gyi don chen por 'gyur gyi dmyal ba la sogs pa'i ngan 'gror 'gro bar lta ga la gyur zhes pa'o/ /ji skad du 'phags pa dkon mchog brtsegs pa las gru'i dpes nye bar mtshon pas theg pa chen po'i lam bshad pa lta bu'o//tshangs pa chen po'i rabs te nyi shu rtsa dgu pa'o// //khros pa nyid rlung dang 'dra ste rlung gis yul gzhan du 'phen pa ltar khros pa'i rgyus de dag kyang yul gzhan du bskrad pa'i phyir ro/ /rnam rtog ngan pa'i tshig gis gdams su med/ /ces bya ba ni shes rab chung bas gdams ngag gi snod du ma gyur pa'o//ma btags stod g.yogs zhes bya ba ni thags su ma btags pa'i rang byung gi ras kyi stod g.yogs so/ /bsnyems pas gad pa snyoms pa'i mtshan ma can/ /zhes bya ba ni snyems shing dregs pas gad pa la sogs pa 'dral cing 'jig pa gang gis mtshon cing de'i mtshan ma gang yin na de ni mche ba gnyis pas de la de skad ces bya'o//e ma'o rang bzhin 'phags pa phun sum tshogs/ /don bzhin bsgrubs pa 'di yis bstan par 'gyur/ /ces bya ba ni byang chub sems dpa'i rang bzhin gzhan las khyad par du 'phags pa phun sum tshogs pa dang ldan pa de ni bdag cag gi don bzhin rab tu bsgrubs pa'i lus btang ba 'dis bstan par gyur cing gsal bar byas pa'o//glang po che'i rabs te sum cu pa'o// //nor med na ni rgyal po'i dpal de yang / dga' bar ma gyur zhes bya ba ni gzhan dag gis dga' bar mi byed cing brnyas par byed de/smad 'tshong bud med bzhin te bud med smad 'tshong ma skyes bu dbul po la brnyas shing khyad du gsod pa bzhin no/ /gang zhig thos nas yid ni dad gyur nas/ /legs par dga' la brtan pa nyid du 'gyur//zhes bya ba ni chos thos pas dad pa'i bsam pa rtas pa de'i sgo nas dge ba'i las la sbyor ba phun sum tshogs pa bstan par 'gyur ro zhes bya ba'o/ /rang gis shes kyang de ni nyo bar rig /ces bya ba ni 'phags pa yongs su mya ngan las 'das pa chen po'i mdo las bcom ldan 'das sngon byang chub sems dpar gyur pa'i tshe zla ba gcig gi bar du sha srang gsum gsum bcad de yon du byin nas tshigs su bcad pa gcig tsam zin pa lta bu dang /tshigs su bcad pa phyed kyi phyir yang brag la lus bor ba lta bu'o/ /gti mug ni mun pa lta bu ste yang dag pa'i don rtogs pa'i gegs su gyur pa'i phyir ro//de ni phyi rol gyi snang ba dang mi 'gal gyi shes rab kyi snang ba dang 'gal bas sgron ma lta bu'o/ /thos pa ni 'phags pa'i nor bdun gyi khongs su gtogs pa ste/ ji skad du/ dad dang tshul khrims gtong dang thos pa ni//dri med ngo tsha shes dang khrel yod dang / shes rab nor bdun lags par thub pas gsungs/ /don gzhan phal pa don ma mchis rtogs mdzod/ /ces gsungs te/ de ni 'jig rten gyi nor las khyad par 'phags par thogs med kyis gsungs so//der gzhan gyis dbral bar nus pa dang mi nus pa'i khyad par yang gsungs so/ /rmongs pa ni dgra yin te/ ji skad du/ bde ba 'dod kyang gti mug pas/ /'phags pa klu sgrub kyis bshes pa'i 'phrin yig las/ rang gi bde ba dgra ltar 'joms/ /sdug bsngal 'dor 'dod sems yod 'jig rten pa'i nor/kyang / /thos pa'i nor/ sdug bsngal nyid la mngon par rgyug /ces bshad pa lta bu ste/ kun tu rmongs pa ni nyes pa thams cad kyi rtsa ba lta bu yin la de 'joms pas mtshon cha lta bu'o/ /grogs po bzang po ni thabs kyi khyad par bstan pas phan 'dogs pa ste/ji ltar ded dpon seng ge 'dzin gyis tshong pa rnams thar bar byas pa lta bu yin la de'i bya ba yang chos thos pa las 'grub pas grogs kyi mchog go/ /mdza' bshes bzang po ni phongs pa'i tshe mi 'dor ba ste/ ji ltar ngang pa'i rgyal po yul 'khor srung snyis zin pa la blon po bzhin bzangs kyis grogs byas pa lta bu yin te/de yang thos pa la yod de de ni dus kun tu mi 'bral zhing grogs kyi bya ba byed de rgud pa las 'da' ba dang 'byor ba thob pa'i thabs shes pa'i phyir ro/ /mya ngan gyis gdung ba nad lta bu sel bas gnod pa med pa'i sman te gnod pa'i sman ni sman dka' ba la sogs pa yin na de yang med la mya ngan kyang sel bar byed pa ste/ji ltar gnas byed kyi bu dang rus mthun pa'i bram ze mo de bzhin gshegs pa la chos thos pa'i mya ngan bral ba'i rtogs pa brjod pa dper bya'o//nyes pa chen po'i dpung ni nyes pa mang po'i dpung ste nyes pa dang des kun nas bslangs pa'i sdig pa'i las te de rnams 'joms pas dpung lta bu yin te/ dmag gi dpung ni gang zag gcig gis thub par mi nus kyi rang gi dmag tshogs mang po la bltos pa lta bu yin pas de dang chos mthun te mang po 'joms pa thos pa la du ma yod pas dpung zhes bya ba'am/yang na thos pa nyid du ma ste/ mi sdug pa thos pa ni 'dod chags kyi gnyen po yin la/ byams pa thos pa ni zhe sdang gi gnyen po zhes bya ba la sogs pas thos pa nyid du ma yin pa de skad ces bya'o//grags dang dpal ni gter gyi mchog kyang yin/ /zhes bya ba ni rin po che snod du bcug nas sbas pa ni rin po che'i gter te 'byung gnas yin no/ /de bzhin du mang du thos pa yang grags pa'i 'byung gnas yin te/ mang du thos pa rgya mtsho lta bu ni rnam pa du mar bsgrags te byang chub sems dpa' sa gsum par chud pa dag kyang tshigs su bcad pa gcig gi ched du yang 'jig rten gyi khams mes yongs su gang ba brgal nas chos nyan par gsungs pa'i phyir ro//dpal ni 'byor pa phun sum tshogs pa ste/ mang du thos pa shes rab dang ldan pa'i mkhas pa'i yo byad kyi 'byor pas phongs par mi 'gyur te/gzhan gyis bsnyen bkur byed pa'i phyir te/ ji skad du gong du sbyin bdag rnams kyis gsol ba btab pas nor ni rgya che bar 'gyur ces bshad pa lta bu'o/ /yang na dpal ni 'jig rten las 'das pa'i phun sum tshogs pa ste/ ji skad du/de bzhin gshegs pa'i gsang ba bsam gyis mi khyab pa las/ 'jig rten gter chen rnams ni rgyal po dang / /rkun po me chus bslas pas zad par 'gyur/ /de bzhin gshegs pa rnams kyi gter chen ni/ /bskal pa bye ba mang por chud mi za/ /sems can don brtson byang chub sems dpa' ni//tshul bzhin nyid kyi dben sems gang yin dang / rtag tu bag yod 'chi med rgyu yin te/ /yongs su 'dzin med bde ba kun gyi rgyu/ /zhes 'byung ba lta bu'o/ /ya rabs rnams dang phrad na skyes kyi mchog ni dam pa rnams thos pa las rtogs pa 'thob pas phyin ci ma log pa'i thos pa nyid don du gnyer zhing gzhan la yang de nyid 'chad kyi nor la sogs pa'i skyes ni ma yin te/nyer rgyal gyis bdud rtsi thob pa'i don nyid bang nas skyes kyis zhus shing dpe bshad pas chos la chos kyi mig rdul med cing dri ma dang bral ba lta bu'o/ /tshogs kyi nang na mkhas pa dag dga' bar 'gyur ba ni dper na dbul po des pa lta bu ste/de la thos pa la sogs pa'i nor yod pas de bzhin gshegs pa la sogs pa 'khor kyi tshogs kyis bsngags te/ sems can gyi tshogs thams cad rgyal po gsal rgyal lta bur gyur pa dag gis nges pa'i gom pa bdun bor ba'i char yang mi phod do zhes gsungs pa lta bu'o//phas kyi rgol ba nyi ma'i 'od dang 'dra ba zhes bya ba ni 'od gzhan rnams nyi ma'i 'od kyis zil gyis gnon pa ltar pha rol smra ba rnams kyang mang du thos pas tshar gcod do/ /ji skad du/ g.yul ngo'i tshe na dpa' bo blta//bza' btung tshe na nye du blta/ /mi bzad dug la gsang sngags blta/ /don rtogs tshe na mkhas pa blta/ /zhes gsungs pa ste don gang la rtsod pa la pha rol zil gyis gnon pa ni mang du thos pa'i shes rab ste slob dpon 'phags pa'i lhas mu stegs kyi ston pa rta dbyangs tshar gcad pa lta bu'o//'gran pa rnams kyi grags dang dregs pa sel/ /zhes bya ba ni/ ji lta kun tu rgyu byang chub chen pos phrag dog gi dri mas rgyud nyams pa blon po lnga chos dang mthun par tshar gcad pa lta bu'o/ /mi shes rnams kyang pha rol mang du thos pa chos smra ba rnams kyi yon tan gyi khyad par rab tu che ba rnam par sgrogs shing snyan par smra bar byed pa ste/legs par gsungs pa ngo mtshar to zhes ched du brjod pa ched du brjod de zhes bya ba mdo du ma las mthong ba'o/ /gzhan dag la yid ches pa skyed par byed pa'i yon tan ni/ gtan tshigs don rnams rab tu gsal bar ston/gtsug lag lung rnams sna tshogs don dang mthun zhes bya ba ste/ gtan tshigs kyis lkog tu gyur pa mi rtag pa la sogs par nges par byed do/ /lkog tu gyur pa kha cig kyang gtsug lag ste lung dang khung ste bla ma brgyud pa'i tshig gi sgo nas nges pa bskyed pa'am yang na gtsug lag gi lung zhes sbyar te sangs rgyas kyi bka' zhes bya ba'i tha tshig go//gnyen zhing sbyangs pa yid du 'ong ba'i phyir/ /me tog phreng ba ma rnyings bkram pa bzhin/ /zhes bya ba ni mang du thos pas lus dang sems las su rung ba dang dga' ba skyed pas me tog phreng ba ma rnyings pa lta bu'o//mang du thos pas shin tu sbyangs pa skye ba ni/ ji skad du gzhan las/ ji lta ji ltar chos thos pa de lta de ltar don so sor yang dag par rig par 'gyur la de las rab tu dga' ba dang de las yid bde zhing shin tu sbyangs pa skye zhing bde ba dang yid bde bas mnyam par 'jog cing sems rnam par grol ba'i bar du 'gyur ro zhes gsungs so//de ni thos pa'i 'bras bu che ba yin no/ /dul zhing rab tu gsal ba'i spobs pa skye/ /zhes bya ba ni thos pa las 'phral la shes rab kyi spobs pas pha rol la chos ston pa'am chos dang mthun par tshar gcod par byed la de ltar na rgyags pa dang dregs pa mi 'byung bas dul ba'o//grags pa chen po chos bstan pa'am pha rol smra ba tshar gcad pa las te/ de yang mang du thos pa las 'byung ngo / /shin tu sbyangs pa'i stobs kyis smra lce bde 'gyur zhes smos so//khyad par can gyi rgyu zhes bya ba ni smra lce bde ba nyid khyad par can gyi rgyu yin no zhes bya ba'i tha tshig go/ /don gsal rtogs par 'gyur ba ni bsam pa dang bsgoms pa las byung ba'i rgyur ston to/ /'gal ba med pa ni mi mthun pa med pa gcig gi grogs su gcig 'gro ba'o//'khor gsum lam ni chos dang srid dang 'byor pa'o/ /de'i lam ni de'i thabs so/ /de la gnas par 'gyur ro zhes bya ba'o/ /thos pa'i rjes 'jug sgrub pa snying por byed pa ni ji skad du thos na shes par 'gyur ro/ /shes na nan tan byed do zhes 'byung ngo //nan tan byas pa las skye ba'i rdzing las tshegs chung thar bar 'gyur zhes bya ba ste/ skye ba'i nyams pa ni gnas ma yin pas rdzing lta bu'o/ /de las yang dag par 'da' ni mya ngan las 'das pa thob par 'gyur ro zhes bya ste mthar thug pa'i 'bras bu yin no/ /thos pa'i 'bras bu yang /thos pas chos rnams shes par 'gyur/ /thos pas sdig las ldog par 'gyur/ /thos pas mya ngan 'da' bar 'gyur/ /zhes gsungs so/ /dka' thub spyod dang mu stegs 'gro ba yi/ /nyon mongs med par bsod nams yon tan 'grub/ /ces bya ba la dka' thub kyi spyod pa ni smyung bar gnas pa la sogs pa'o//mu stegs 'gro ba ni 'jug ngogs su khrus byed pa la sogs pa ste/ de lta bu'i ngal ba ma byas kyang bsod nams kyi 'bras bu de dag las khyad par du 'phags so zhes bya ba'o/ /thar pa thob pas 'jig rten gsum las 'da' ba'i lam zhes smos/mtho ris kyi gnas su 'jug pas lha'i gnas su 'jug pa'i sgo yang yin zhes smos te/ ji skad du/ bden par smra zhing khro mi bya/ /slong la chung yang sbyin par bya/ /rnam pa 'di gsum gnas kyis na/ /lha yi gnas su skye bar 'gyur//zhes gsungs pa lta bu'o/ /'khor ba'i rdzing las thar pa'i zam pa yin/ /zhes bya ba ni 'jig rten gsum las 'da' mdo las/ ba dang don gcig chod kyi dpe'i che ba'i tshul gyis tha dad du bstan te/ rang gi khyim gyi dga' ba'i khyad par mi rigs par bstan pa'i phyir rnga sgra zhes bya ba la sogs pa smos so//mi gcig gis mi du ma thub na rang gi sems nyid mi thub pa ni mi rigs so zhes ston pa ni rgyal po gcig pus zhes bya ba la sogs pa'o/ /su ta sa'i rabs te sum cu rtsa gcig pa'o// //gang gA smin pa drag tu 'bab pa 'dra//zhes bya ba ni chu'i gang gA smin cing brug pa phyogs kun tu 'bo ba dang 'dra'o zhes bya ba'o/ /rgya mtsho chen po rnams kyi sgra yang byung / /zhes pa 'brug sgra chen po rnams kyi sgra yang byung zhes pa me g+ha sa ra zhes bya ba ni 'brug sgra'o/ /thabs dang rab tu ldan pa ni mdzangs pa'i khyad par ro//mthu yod pa ni shin tu dpa' ba ste de lta bur gyur kyang ngo / /bde dang bsod nams grags pa thob par 'gyur/ /zhes bya ba la bde ba dang grags pa ni tshe 'di la phan pa'i rgyu'o/ /bsod nams ni gzhan la phan pa'i rgyu'o/ /mi rnams chos kyis bsrungs kyi zhes bya ni chos dang ldan na tshe 'di dang gzhan gyi gnod pa las bsrung bar 'gyur//ji skad du/ gang la don du de 'phangs pa/ /de la don du bdag lus 'phangs/ /zhes gsungs pa lta bu'o/ /chos kyi bde ba chen po 'thob pa ni thar pa'i bde ba'o/ /shi na dga' ba ni 'gyod pa med pa'o//las kyi khyad par dag kyang ji bzhin gnas zhes bya ba ni/ rang rang gi 'bras bu ji lta ba bzhin gnas te de'i rgyu yin no zhes bya ba'i tha tshig go/ /de nyid bshad pa ni lhag ma tshig rkang gsum mo/ /'chi ba'i 'du shes bskyed pa'i bsngags pa brjod par bya ba la sogs pa la 'chi ba'i 'du shes dang 'jig rten thams cad la mngon par mi dga' ba la sogs pa'i 'du shes la sogs pa ni shin tu don che ba ste/bslab pa gsum gyis mya ngan las 'das pa'i grong khyer du 'gro ba'i mi mthun pa'i phyogs mi sdug pa'i mtshan mar 'dzin pa la sogs pa bcu'i gnyen por mi sdug pa'i 'du shes dang /mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang /snang ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes so zhes don che bar gsungs so/ /lcags kyi khyim nas skyes pa'i rabs te sum cu rtsa gnyis pa'o// //las kyi dbang gis de ltar de gyur tam/ /sngon snying rje la sogs pa goms kyang tshul khrims ngan pa'i rgyus ngan 'gror skye ba srid pa nyid do/ /de nyid mthu yis de ni de ltar gyur ces bya ba la mi dge ba'i rnam par smin pa'i rgyu'i 'phen pa de dang de las 'bras bu ngan 'gro'i lus dang de dang de lta bu ste tshigs su bcad pa gnyis po des ni las kyi nus pa'i stobs shin tu gsal bar byed do//zhes bya ba ni skye ba la dbang thob pa'o/ /las kyi dbang gis yin pa nyid gsal bar byed pa ni ji skad du zhes pa la sogs pa'o/ /las kyi stobs kyis skye ba la yang dge bas ngan 'gror mi 'gro bas mi dge ba nyid kyi las kyis nus pa yod par ston pa ni mi zhes bya ba'o//las kyi bag chags kyis de dang de brten te de lta de ltar gyur ces bya ba la mi dge ba'i rnam par smin pa'i rgyu'i 'phen pa de dang de las 'bras bu ngan 'gro'i lus de dang de lta bu ste/tshigs su bcad pa gnyis pa des ni las kyi nus pa'i stobs shin tu gsal bar byed do/ /rab tu rnam par 'gyur bar byed ces bya ba ni rnam par 'tshe zhing mtho 'tsham par byed pa'o/ /dman pa'i tshul gyi spyod pa ni shin tu snying rje ba la sogs par ston pa'i g.yo byed pa'o//tsha zhing drod che rtsub pas sgrub pa'i zhes bya ba ni de lta bu'i sman gyis bsam pa bsgrub par bya'o/ /de ni bsil ba dang 'jam pa dang mngar ba la sogs pa'i sman gyis 'phel ba zhes bya ba'o/ /de las gzhan pa don med ci 'dra zhig ces bya ba ni phan 'dogs pa che ba la gnod par sems pa ni drin med pa yin pas de skad ces bya'o//yon tan rnams la mi dga' zhing / /zhes bya ba ni bzod pa la mi dga' bar ma byas na yang nus pa su zhig yod ces sbyar ro/ /sbyor ba'i sgo nas mi srun pa ni ma btul na/ /zhes pa dang / bsam pa'i sgo nas bzod pa sdom pa ma btang na zhes sbyar/gzhan la gnod pa byas pa'i bde ba'am/ sdug bsngal 'byung ba dgag par 'dod pa de'i zhes bya ba la gzhan la gnod pa byas pas bdag la bde ba dang bdag la sdug bsngal 'byung ba dgag par 'dod pa zhes bya ba de mi 'grub pas mkhas de mi byed do zhes bya ba tshig phyi ma gnyis so//de ltar rang gi don gyi bzod pa'i sogs pa bstan nas gzhan gyi don du 'gyur ba'i dgos pa ston pa ni/ de bas zhes pa la sogs pa'i tshigs su bcad pa gcig go/ /de bas bdag gis bzod pa la gnas nas/ thabs kyis bsgo yang gal te mi go na zhes bya ba ni/gnod pa byed pa nyid la yang don gyis bzod pa bslab pa yin no zhes bya ba'i tha tshig go/ /gal te de la ma phan na yang gzhan bzod pa la gnas par 'gyur ba ni bzod pa chung ba gzhan dag yod pas na/de dag 'di ni log pa'i lam las bzlog /ces bya ba ste de ni gnod pa byed pa'i gang zag la phan pa'i dbang du ma byas kyi gnod pa byed pa la mi bzod pa'i skye ba la phan pa'i dbang du byas pa'o/ /bdag dang gzhan la phan pa des na skye bo de lta bus brnyas byas na/bdag lta bu'ang de ltar de mi byed ces bya ba ste bdag lta bu phar gnod pa nus kyang de ltar gnod pa de mi byed ces bya ba'o/ /pha rol gyis kyang nyes dmigs mthong na de ltar phyis mi byed pas 'on tang bdag ni gnod pa de las thar bar 'gyur zhes bya ba'o/ /ma he'i rabs te sum cu rtsa gsum pa'o// //bdud rtsir gyur zhes bya ba ni/ mi 'chi bar gyur cig ces bya ba'o/ /phan btags drin med ban+du'i me tog bzhin/ /zhes bya ba ni/ shing ban+du'i zhes bya ba'i me tog las 'bras bu mi 'byung ba dang 'dra bar ngan pa la phan btags kyang phan pa mi 'byung ngo zhes bya ba'i tha tshig go//yon tan grags dang bcas pa'i lus bkrus pas/ glang po che'i tshul du spyad par mi 'gyur ram/ zhes bya ba ni/ snga ma chud gzan pa'i nyes pa ste/ phan btags pa la gnod pa byas na ni phan btags pa'i bsod nams dang phan btags pa'i grogs po gnyis ka nyams par byas pa'i phyir te/ji ltar glang po che lus kyi dri ma bkru ba'i phyir/ mtshor zhugs la yang skom pa'i phyir bye ma la 'dres pas snga ma chud gzan pa lta bu'o/ / drin med pa'i nyes pa ston pa ni pha rol zhes bya ba'i tshigs su bcad pa'o/ /pha rol la nyes pa yod kyang bdag de la nyes pa med par byed pa ni/ /'di la zhes bya ba la sogs pa'o/ /bya shing rta mo'i rabs te sum cu rtsa bzhi pa'o// //