342a1 /sangs rgyas phal po che las gsungs pa'i bkra shis kyi tshigs su bcad pa'o//[ ]@##/ /shis par brjod pa'i tshigs su bcad pa/ dkon mchog gsum la phyag 'tshal lo/ /lha yi bkra
342a2 shis don sgrub cing //phyogs rnams bkra shis byed pa des/ /khyed kyi don rnams grub gyur cig /thams cad myur du mthun par shog /phreng ba mgo la 'dug pa ltar/ /lag pa g.yas na dpal yod shog /g.yon na'ang dpal ni gnas gyur cig /yan lag kun la'ang dpal yod
342a3 shog /tshong pa dag ni nor tshol zhing / /phyogs bcu dag tu 'gro ba rnams/ /rnyed pa chen po rnyed gyur cing / /de yang bde ba skyed par shog /dgos pa la la gang gi phyir/ /shar phyogs su ni 'gro ba na/ /gang dag phyogs der gnas pa yi/ /rgyu skar khyed la skyong gyur cig /smin drug
342a4 dang ni snar ma dang //mgo dang lag pa nab so dang / /rgyal dang skag ces bya ba ste/ /de dag rnams ni shar phyogs pa/ /rgyu skar bdun po de dag ni/ /'jig rten skyong ba grags ldan pa/ /shar phyogs logs na yod ces bya/ /de dag khyed la kun du srungs/ /de dag bdag po rgyal po ni/ /
342a5 yul 'khor srung zhes grags pa ste/ /de ni dri za kun gyi bdag /nyi ma lhan cig bsrung bar shog /de la bu ni mang yod pa/ /mkhas shing ming yang mthun pa ste/ /dgu bcu rtsa gcig zad par yang / /dbang po zhes bya'i stobs po che/ /de rnams khyed la nad med cing / /shis par lhag
342a6 par skyong gyur cig /shar phyogs logs kyi phyogs cha na/ /lha mo gzhon nu brgyad yod de/ /rgyal dang rnam par rgyal ma dang / /don grub ma dang mi pham dang / /dga' mchog ma dang dga' sde dang / /dga' can ma dang dga' 'phel ma/ /de dag khyed la nad med cing / /shis par lhag par
342a7 skyong bar shog /shar phyogs logs kyi phyogs cha na/ /gzhi 'dzin zhes bya'i mchod rten yod/ /rgyal ba skyob pa dgra bcom pa/ /de rnams kyi ni bzhugs shing mkhyen/ /de yang khyed la nad med cing / /shis par lhag par skyong gyur cig /phyogs na khyed cag bde bar shog
342b1 khyed cag sdig par ma gyur cig /lha rnams kun gyis rab bsrungs nas/ /nor rnams rnyed de ldog par shog /dgos pa la la gang gi phyir/ /lho phyogs su ni 'gro ba na/ /gang dag phyogs der gnas pa yi/ /rgyu skar khyed la skyong gyur cig /mchu dang gre dang dbo dang ni/ /me bzhi nag pa lnga
342b2 pa yin//sa ri dang ni sa ga ste/ /de dag rnams ni lho phyogs pa/ /rgyu skar bdun po de dag ni/ /'jig rten skyong ba grags ldan pa/ /lho phyogs logs na yod ces bstan/ /de dag khyed la kun du srungs/ /de dag bdag po rgyal po ni/ /'phags skyes po zhes bya bar brjod/ /de ni grul bum
342b3 kun gyi bdag /gshin rje lhan cig bsrung bar shog /de la bu ni mang yod la/ /mkhas shing ming yang mthun pa ste/ /dgu bcu rtsa gcig zad par yang / /dbang po zhes bya stobs po che/ /de rnams khyed la nad med cing / /shis par lhag par skyong gyur cig /lho phyogs logs kyi phyogs
342b4 cha na//lha mo gzhon nu brgyad yod de/ /dpal ldan ma dang grags ldan ma/ /grags pa thob dang grags 'dzin ma/ /legs par langs dang rab mnga' dang / /legs par sad dang bde bsgrub ma/ /de dag khyed la nad med cing / /shis par lhag par skyong gyur cig /lho phyogs logs kyi
342b5 phyogs cha na//pad+ma zhes bya'i mchod rten yod/ /rtag tu gzi brjid kyis kyang 'bar/ /rtag tu thams cad gsal byed pa/ /de yang khyed la nad med cing / /shis par lhag par skyong gyur cig /phyogs na khyed cag bde bar shog /khyed cag sdig par ma gyur cig /lha rnams kun gyis rab
342b6 bsrungs nas//nor rnams rnyed de ldog par shog /dgos pa la la gang gi phyir/ /nub phyogs su ni 'gro ba na/ /gang dag phyogs der gnas pa yi/ /rgyu skar khyed la skyong gyur cig /lha mtshams dang ni snron dang yang / /brtson 'grus brtan ldan snrubs dang ni/ /chu stod chu smad byi bzhin dang / /
342b7 gro bzhin de ni bdun pa yin/ /rgyu skar bdun po de dag ni/ /'jig rten skyong ba grags ldan pa/ /nub phyogs logs na yod ces bstan/ /de dag khyed la kun du srungs/ /de dag bdag po rgyal po ni/ /mig mi bzang zhes bya bar shes/ /de ni klu rnams kun gyi bdag /chu lha lhan cig bsrung
343a1 par shog /de la bu ni mang yod pa/ /mkhas shing ming yang mthun pa ste/ /dgu bcu rtsa gcig zad par yang / /dbang po zhes bya stobs po che/ /de dag khyed la nad med cing / /shis par lhag par skyong gyur cig /nub phyogs logs kyi phyogs cha na/ /lha mo gzhon nu brgyad
343a2 yod de//rna cha skra 'dres ma dang ni/ /pad+ma dkar dang skya rengs dang / /cha med gcig dang dgu pa dang / /rol dang gnag dang stabs myur srid/ /de dag khyed la nad med cing / /shis par lhag par skyong bar shog /nub phyogs logs kyi phyogs cha na/ /nub ces bya ba'i ri bo yod/ /nyi ma zla ba
343a3 gnyis ka'ang nub//nub pa'ang khyed la nor sbyin 'gyur/ /de yang khyed la nad med cing / /shis par lhag par skyong gyur cig /phyogs na khyed cag bde bar shog /khyed cag sdig par ma gyur cig /lha rnams kun gyis rab bsrungs nas/ /nor rnams rnyed de ldog par shog /dgos pa la la
343a4 gang gi phyir//byang phyogs su ni 'gro ba na/ /gang dag phyogs der gnas pa yi/ /rgyu skar khyod la skyong gyur cig /mon gru dang ni mon gre dang / /khrums stod dang ni khrums smad dang / /nam gru dang ni tha skar dang / /bra nye ste ni bdun po yin/ /rgyu skar bdun po de dag ni/ /'jig rten skyong bar
343a5 grags ldan pa//byang phyogs logs na yod ces bstan/ /de dag khyed la kun du srungs/ /de dag bdag po rgyal po ni/ /mi la zhon pa lus ngan po/ /gnod sbyin kun gyi bdag po ste/ /nor bzang lhan cig bsrung bar shog /de la bu ni mang yod pa/ /mkhas shing ming yang mthun pa ste/ /
343a6 dgu bcu rtsa gcig zad par yang / /dbang po zhes bya stobs po che/ /de dag khyed la nad med cing / /shis par lhag par skyong gyur cig /byang phyogs logs kyi phyogs cha na/ /lha mo gzhon nu brgyad yod de/ /rab chags lha mo stong lha mo/ /sa dang de bzhin pad+ma can/ /rgyal po che la nyer
343a7 gnas dang //ri dang khrel yod dpal ldan ma/ /de dag khyed la nad med cing / /shis par lhag par skyong bar shog /byang phyogs logs kyi phyogs cha na/ /spos ngad ldan pa'i ri bo yod/ /gnod sbyin 'byung po rnams kyi gnas/ /lha mo sna tshogs blta na sdug /de yang khyed la nad med
343b1 cing //shis par lhag par skyong gyur cig /phyogs na khyed cag bde bar shog /khyed cag sdig par ma gyur cig /lha rnams kun gyis rab bsrungs nas/ /nor rnams rnyed de ldog par shog /rgyu skar nyi shu rtsa brgyad po/ /phyogs bzhi dag na bdun bdun gnas/ /lha yi bu mo sum cu
343b2 gnyis//phyogs bzhi dag na brgyad brgyad gnas/ /dge sbyong brgyad dang bram ze brgyad/ /yul rnams la ni grong rdal brgyad/ /dbang por bcas pa'i lha brgyad rnams/ /de dag khyed la kun du srungs/ /khyed cag 'gro na'ang bkra shis gyur/ /ldog pa na'ang bkra shis shog /
343b3 gnyen la lta ba bkra shis shog /gnyen gyis lta ba'ang bkra shis shog /dbang bcas gnod sbyin rgyal che dang / /dgra bcom pa dag snying brtse bas/ /thams cad du ni bkra shis dang / /bdud rtsi shis pa thob par shog /tshangs pa dang ni de bzhin nor rgyas dang / /zag pa med pa rnam
343b4 par grol rnams dang //klu dang gnod sbyin rtag tu snying rjes bsrung / /ston brgya mtshungs par tshe ni skyong bar shog /'phags pa rgya cher rol pa'i mdo'i tshong dpon ga gon dang bzang po'i le'u las 'byung ba shis par brjod pa'i tshigs su bcad pa rdzogs so// //