339b7 @##/ /rgya gar skad du/ swa s+t+ya yaM gA thA/ bod skad du/ bde legs su gyur pa'i tshigs su bcad pa/ thams cad mkhyen pa la phyag 'tshal lo/ /'jig rten 'dren pa'i drung du ni/ /lha zhig nye bar song nas su/ /gang zhig rtag tu bde legs pa/ /bdag gi zhu yis
340a1 bcom ldan gsung //dam pas de dag gsan pa dang / /'jig rten 'dren pas lung bstan pa/ /gang gis kun du bde legs su/ /'gyur ba lha khyod legs par nyon/ /gang zhig de bzhin gshegs pa la/ /dad pa mi g.yo legs rab brtan/ /gang zhig dge ba tshul
340a2 khrims can//de dag kun du bde legs 'gyur/ /gang zhig pha dang ma dag dang / /bu dang bu mo bran dag la/ /rtag tu legs par bsnyen bkur ba/ /de dag kun du bde legs 'gyur/ /gang zhig dgra bcom grags pa la/ /legs par rab dad yon 'bul dang / /lha yi bka'
340a3 bzhin byed pa dag /de dag kun du bde legs 'gyur/ /gang gis lus dang ngag dag dang / /yid la nyes byas med pa dang / /gang zhig rnam gsum rab bsdams pa/ /de dag kun du bde legs 'gyur/ /gang zhig 'byung po thams cad la/ /tshad med kun du mi 'khrugs pa/ /
340a4 byams pa'i sems ni sgom byed pa/ /de dag kun du bde legs 'gyur/ /gang zhig sdug bsngal kun spang phyir/ /'phags pa'i lam gyi yan lag brgyad/ /bden pa 'dren pa legs bsgoms pa/ /de dag kun du bde legs 'gyur/ /gang gis 'dus byas thams cad kyis/ /stong
340a5 nyid rtag tu legs mthong zhing //de ni sems la gnas gyur pa/ /de dag kun du bde legs 'gyur/ /gang zhig lus kyi dri med chos/ /mngon sum byas nas rgyu ba dang / /dgra bcom rnam grol sems ldan pa/ /de dag kun du bde legs gyur/ /gang zhig 'dod chags zhe sdang dang / /
340a6 gti mug rnams dang chags bral zhing / /ye shes 'khrugs med skyes gyur pa/ /de dag kun du bde legs 'gyur/ /gang zhig lhar bcas 'jig rten gyi/ /mgon po yang srid spangs pa yi/ /sangs rgyas khong du chud gyur pa/ /de dag kun du bde legs 'gyur/ /lhas zhus pa'i
bde legs su 'gyur ba'i tshigs su bcad pa rdzogs so/