| བོད་ཡིག |
338a7 / //[{Da}]@##/ /rgya gar skad du/ swasti gA thA/ bod skad du/ bde legs kyi tshigs su bcad pa/ dkon mchog gsum la phyag 'tshal lo/ /lha gcig nye bar song nas su/ /lhas mchod pa la zhus byas te/ /sangs rgyas chen po thub pa che/
338b1 ci zhig smras na bde legs gyur/ /des ni tshig de gsan gyur na/ /'jig rten rtsa lag bka' stsal pa/ /gang zhig rtag tu rjod byed pa/ /nga yi bde legs 'gyur de nyon/ /'jig rten 'di dang gzhan dang mtho ris na/ /rin chen rmad byung rgya chen mchog yod pa/ /de ni rdzogs pa'i sangs rgyas rin
338b2 chen la//cis kyang grangs dang bgrang dang char mi phod/ /ngo mtshar shin tu rmad byung dpag med de/ /rdzogs pa'i sangs rgyas rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /zhi 'gog bdud rtsi shin tu gya nom gang / /
338b3 shAkya thub pas mnyam gzhag thugs chud pa/ /chos de dang ni mtshungs pa yod min te/ /de mngon byas na phyin chad mya ngan med/ /ngo mtshar shin tu rmad byung dpag med de/ /dam pa'i chos ni rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni
338b4 shin tu bde legs shog /rgyal bas gang dag gang zag brgyad gsungs pa/ /de dag rnams ni skyes bu zung bzhi ste/ /sbyin gnas de dag sa steng shin tu dkon/ /de dag rnams la byin na dpag med 'gyur/ /ngo mtshar shin tu rmad byung dpag med de/ /dge 'dun rin chen gang zhig 'jig rten
338b5 mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /dam pa gtso bo mchog sbyin gya nom pa/ /'od mchog dpa' bo dam pa mchog gi gnas/ /shes rab dam pa mchog gi dam pa mchog /mchog min mchog mkhyen 'di ni bcom ldan gcig /ngo
338b6 mtshar shin tu rmad byung dpag med de//rdzogs pa'i sangs rgyas rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /ting 'dzin dam pa bar chad med pa gang / /mtha' yas blo ldan de bzhin gshegs gsungs pa/ /ting
338b7 'dzin bde brtan rdo rje dper byas pa//ting 'dzin de dang mtshungs pa'i ting 'dzin med/ /ngo mtshar shin tu rmad byung dpag med de/ /ting nge 'dzin gyi rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /ji ltar sgo gtan
339a1 dam zhing rab dam ste//stobs chen rlung bzhi dag gis mi bskyod pa/ /de ltar mkhas pa bden bzhi mthong gnas pa/ /'jig rten smra ba rnams kyis 'dir mi g.yo/ /ngo mtshar shin tu rmad byung dpag med de/ /dge 'dun rin chen gang zhig 'jig rten mchog /ji ltar nga'i 'di de
339a2 bzhin bden mchog na//bden pa 'dis ni shin tu bde legs shog /thams cad zil gnon kun mkhyen thams cad gzigs/ /thams cad mkhyen pa stobs rnams kun dang ldan/ /kun gyi dam pa 'dzin pa kun dang bral/ /bsam pa kun mkhyen 'di ni bcom ldan gcig /ngo mtshar shin tu rmad
339a3 byung dpag med de//rdzogs pa'i sangs rgyas rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /srid pa 'gog cing mi g.yo 'gyur ba med/ /skyon med 'jigs pa kun las rnam par grol/ shin tu 'gag cing gya nom
339a4 nges par 'byung //shin tu dri med zhi ba blos mi 'phrogs/ /ngo mtshar shin tu rmad byung dpag med de/ /dam pa'i chos kyi rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /shin tu sdug bsngal ston cing bde sbyin pa'i/ /
339a5 bden rnams mthong ste gang dag bag yod pa/ /bden pa rin chen rnams la dogs bral ba/ /de dag skye ba brgyad pa rnams mi len/ /ngo mtshar shin tu rmad byung dpag med de/ /dge 'dun rin chen gang zhig 'jig rten mchog /ji ltar nga'i 'di de bzhin bden mchog na/ /bden pa
339a6 'dis ni shin tu bde legs shog /dam pa rnams kyi dam pa don dam mkhyen/ /mchog dang mchog min mkhyen cing don dam brtson/ /gzhan gyis mi 'phrogs dam pa thugs chud rtogs/ /shin tu sdug bsngal rnams kyi dpung gnyen mchog /ngo mtshar shin tu rmad byung dpag med de/ /
339a7 rdzogs pa'i sangs rgyas rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /'dun pa bskyed nas rnal 'byor ldan gyur cing / /gau tam bstan la rtag brtson rab grol zhing / /gzhan gyis mi bkri ba dag zhing der reg
339b1 'di la de reg grangs su phyin mi 'gyur//ngo mtshar shin tu rmad byung dpag med de/ /dge 'dun rin chen gang zhig 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /bden pa mthong bas brjod pas brgya lam na/ /gal te sdig pa 'ga'
339b2 zhig byas gyur kyang //de ni de 'chab pa yi 'os min te/ /chos nyid 'di ni mi g.yo gnas phyir ro/ /ngo mtshar shin tu rmad byung dpag med de/ /dge 'dun rin chen gang zhig 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /lha dang
339b3 bcas pa'i 'jig rten thams cad na//sangs rgyas dang ni lhag pa'am mtshungs pa med/ /lha dang mi yi ston pa bla na med/ /ston pa ded dpon sman pa rnams kyi mchog /ngo mtshar shin tu rmad byung dpag med de/ /rdzogs pa'i sangs rgyas rin chen 'jig rten mchog /ji ltar nga'i 'di de bzhin
339b4 bden mchog na//bden pa 'dis ni shin tu bde legs shog /so ga'i zla ba dang por thub pa yis/ /nags khrod chos kyi dam pa rab brnyes nas/ /chos de dang ni lhag pa'am mtshungs pa med/ /'di la de reg grangs su phyin mi 'gyur/ /ngo mtshar shin tu rmad byung dpag med de/ /dam pa'i
339b5 chos kyi rin chen 'jig rten mchog /ji ltar nga'i 'di de bzhin bden mchog na/ /bden pa 'dir ni shin tu bde legs shog /sdig pa rnyid zad gsar du byas med la/ /rims nad med pas 'jigs med mya ngan bral/ /rtsa ba 'gags pas srid pa mi skyed pa/ /bstan pa mar me bzhin du
339b6 'bar bar 'gyur//ngo mtshar shin tu rmad byung dpag med de/ /dge 'dun rin chen gang zhig 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /lhas zhus pa'i bde legs kyi tshigs su bcad pa rdzogs so// //