| བོད་ཡིག |
337b4 /grogs mchog dam pa rnal 'byor spyod rnams kyis/ /lta spyod dam tshig shes rab rtsal bzung nas/ /kun gyis bdag bzhin bsgrub par mdzad du gsol/ /bsngo ba bla chen dgongs pa rab gsal gyis mdzad pa rdzogs so// /[]rgya gar skad
337b5 du/mang+ga la gA thA/ bod skad du/ bkra shis kyi tshigs su bcad pa/ dkon mchog gsum la phyag 'tshal lo/ /gzhan gyis mi thub rdzogs sangs rgyas/ /mgon po phyogs gcig bzhugs pa na/ /lha gcig dpa' bo chen po la/ /phyag 'tshal 'di skad tshig gsol to/ /
337b6 dge ba don du gnyer ba na/ /lha dang mi rnams so so nas/ /bkra shis dag ni brjod bgyis na/ /bkra shis dam pa gang zhig lags/ /bcom ldan 'das kyis bka' stsal pa/ /dge ba don du gnyer ba na/ /lha dang mi rnams so so nas/ /bkra shis rnams ni rjod byed pa/ /de dag
337b7 bkra shis brjod par bya//yul bzang gnas dang grogs mchog dang / /sngon chad bsod nams byas pa dang / /sems ni legs par gtad byas pa/ /de ni bkra shis dam pa yin/ /sbyin dang shin tu smra ba dang / /yang dag don la rnam nges dang / /khrims ldan rnams dang mtshungs
338a1 sbyor ba//de ni bkra shis dam pa yin/ /byis pa rnams la mi brten dang / /mkhas pa rnams la brten pa dang / /mchod 'os rnams la mchod byed pa/ /de ni bkra shis dam pa yin/ /pha ma bsnyen bkur byed pa dang / /zhi dang tshangs par spyod pa dang / /'byung po kun la snying
338a2 brtse ba//de ni bkra shis dam pa yin/ /sdig pa'i las las ldog pa dang / /dge ba'i las la brten pa dang / /bag yod pa dang brtag mkhas pa/ /de ni bkra shis dam pa yin/ /nga rgyal med dang khengs med dang / /chog shes mthun pas 'tsho ba dang / /rtag tu byas pa gzo byed pa/ /de
338a3 ni bkra shis dam pa yin//mi smod de bzhin bzod pa dang / /'phags pa rnams dang mthun sbyor ba/ /dus skabs su ni chos nyan pa/ /de ni bkra shis dam pa yin/ /le lo med dang mang thos dang / /chos la legs par rnam nges dang / /de bzhin sems la rnyog med pa/ /de ni bkra shis dam pa
338a4 yin//gang zhig sems can thams cad la/ /byams pa'i sems ni rab bsgom zhing / /dpag tu med de mi 'khrugs pa/ /de ni bkra shis dam pa yin/ /gang zhig 'phags pa'i bden rnams la/ /shes rab mig ni rab sbyangs dang / /tshul khrims nongs par ma gyur pa/ /de ni bkra shis dam pa
338a5 yin//'phags pa'i bden pa mthong ba dang / /tshangs par spyod pa bsgom pa dang / /mya ngan 'das pa thob 'gyur ba/ /de ni bkra shis dam pa yin/ /gang zhig 'dod chags zhe sdang dang / /ma rig pa dag rnam spangs dang / /shes pa mi 'khrugs skye 'gyur ba/ /de ni bkra shis dam pa yin/ /
338a6 'jig rten chos brgyad kyis bskyod kyang / /gang gi sems ni mi g.yo dang / /dri med zhi dang mya ngan med/ /de ni bkra shis dam pa yin/ /de dang 'dir ni ci rigs par/ /'di la bkra shis 'di dag ni/ /mkhas pa gang zhig rjod byed pa/ /de la rtag tu bkra shis gyur/ /bkra shis kyi tshigs su
bcad pa rdzogs so/