CLOSE WINDOW

D4398
བོད་ཡིག

/[ ]@/ /'phags pa stong phrag brgya pa la sogs pa mdo sde chen po bklags pa'i chos kyi sbyin pa'i bsngo ba bzhugs/ @//'phags pa stong phrag brgya pa la sogs pa mdo sde chen po bklags nas/chos kyi sbyin pa'i bsngo ba/ dam chos gsung rab yid bzhin nor bu 'od 'bar bar/ /yid dang rin chen mang po sna tshogs 'byung ba'i gnas/ /mkhyen bzhi shes bcu gang chen mtsho dang ldan pa yi/ /chos rje busangs rgyas byang chub sems dpa' thams cad dang //chos mdzad rang rgyal nyan thos 'phags pa thams cad la/ /lus btud dad pa'i spyi bos phyag 'tshal mchod par bgyi/ /chos kyi rgyal po sangs rgyas byang chub sems dpa' yi/ /thugs rjes snyoms pa'i mar dang nying 'dzin snying po las/ / rnam par dag pa'i ye shes gsal ba'i mar me 'bar/ /'od bzang bdud rtsi dusrid gsum 'jig rten thams cad khyab/ /sdug bsngal nad sel mi shes mun pa kun sel ba/ /dam chos mdo yi sde la gus pas phyag 'tshal lo/ /dbyangs kyis bsnyad pa'i sde la gus pas phyag 'tshal mchod//dam chos lung bstan sde la gus pas phyag 'tshal mchod/ /tshigs su bcad pa'i sde la gus pas phyag 'tshal mchod/ /ched du brjod pa'i sde la gus pas phyag 'tshal mchod/ /dam chos gleng gzhi'i sde la gus pas phyag 'tshal mchod//'di ltar 'das pa'i sde la gus pas phyag 'tshal mchod/ /skyes pa nyarabs kyi sde la gus pas phyag 'tshal mchod/ /shin tu rgyas pa'i sde la gus pas phyag 'tshal mchod/ /rmad du byung ba'i sde la gus pas phyag 'tshal mchod/ /rtogapa brjod pa'i sde la gus pas phyag 'tshal mchod//gtan la dbab pa'i sde la gus pas phyag 'tshal mchod/ /skyes bu gang gis gus pas gang zhig gis/ /blo dang lce las dam chos sgron ma 'bar ba dang / /mdo sde'i tshig 'bru bdud rtsi thigs pa 'ga' tsam yang //su yi snying dang lce la snang bar byed pa yi/ /blo gsal ngag bzang skye bo ji snyed bzhugs kun la/ /dad pa'i sems kyis rjes su yi rang phyag 'tshal nas/ /chos brjod seng ge'i sgra sgrogs chos kyi sbyin pa 'di/ /'phags pa chos la mnga' mdzad tshig la dbang bsgyur dang //khyu mchog dge slong rgya mtsho'i rgyal tshab ji bzhin du/ /tshig gcig yan lag rgya mtsho'i sgra skad thams cad kyis/ /'jig rten so so'i yid mthun chos kyi char 'beb shog /'di ltar snying po byang chub tu phyin pa'i byang chub sems dpa' rnams la chos kyi dbyings gzhi bye brag mngon sum du shes pa'i sprin zhes tu bya ba'i chos kyi sprin gyi char mngon par 'bab par gyur cig /byang chub sems dpa' dbang bsgyur ba thob pa rnams la/ gzhi kun du rten pa'i sprin zhes bya ba'i chos kyi sprin gyi char mngon par 'bab par gyur cig /byang chub sems dpa'i chos chen po'i rgyal tshab tu dbang bskur ba thob pa rnams la sgo kun nas 'jug pa zhes bya ba'i chos kyi sprin gyi char mngon par 'bab par gyur cig /byang chub sems dpa' gzhon nur gyur pa rnams la kun nas brgyan pa zhes bya ba'i chos kyi sprin gyi char mngon par 'bab par gyur cig /byang chub sems dpa' phyir mi ldog pa rnams la snying rje chen po'i tshogs shin tu brtan pa zhes bya ba'i chos kyi sprin gyi char mngon par 'bab par gyur cig /byang chub sems dpa'i lhag pa'i bsam pa rnam par dag pa rnams la/chos thams cad kyi rang bzhin bye brag shes pa'i rdo rje zhes bya ba'i chos kyi sprin gyi char mngon par 'bab par gyur cig /byang chub sems dpa' sngon gyi sbyor ba dang ldan pa rnams la/ 'gro ba yongs su sdud pas kun nas brgyan pa zhes bya ba'i chos kyi sprin gyi char mngon par 'bab par gyur cig /byang chub sems dpa' cher skyes pa rnams la/ dus gsum gyi de bzhin gshegs pa'i dkyil 'khor mngon sum du dmigs pa'i sprin zhes bya ba'i chos kyi sprin gyi char mngon par 'bab par gyur cig /byang chub sems dpa' rnal 'byor la spyad pa rnams la/ chos thams cad kyi rang bzhin dang / gzhi rab tu sgrogs par zhes bya ba'i chos kyi sprin gyi char mngon par 'bab par gyur cig /byang chub sems dpa' las dang po pa rnams la/snying rje chen po'i tshul dang thabs kyi snying po'i bye brag gi sprin kun du 'byung ba zhes bya ba'i chos kyi sprin gyi char mngon par 'bab par gyur cig /byang chub sems dpa' sems dang po bskyed pa rnams la dga' bar bya ba'i mdzod shin tu brtsegs pa'i snying po zhes bya ba'i chos kyi sprin gyi char mngon par 'bab par gyur cig /byang chub sems dpa' yang dag pa la mos pa rnams la/ rnam par thar pa mi zad pa dang / de bzhin gshegs pa'i smon lam gyis dga' bar byed pa'i mdzod ces bya ba'i chos kyi sprin gyi char mngon par 'bab par gyur cig /gzugs na spyod pa'i sems can rnams la gzhi kun du mi zad pa'i chos kyi sprin gyi char mngon par 'bab par gyur cig /tshangs ris kyi lha rnams la tshul gyi rgya mtsho tshad med pa'i 'brug sgra'i dbyangs zhes bya ba'i chos kyi sprin gyi char mngon par 'bab par gyur cig /dbang bsgyur gyi lha rnams la stobs 'byung ba'i chos kyi yo byad mi zad pa'i mdzod ces bya ba'i chos kyi sprin gyi char mngon par 'bab par gyur cig /bdud kyi rigs kyi lha rnams la thams cad mkhyen pa nyid kyi tshogs can yang dag par bsgrubs pa'i dbyangs zhes bya ba'i chos kyi sprin gyi char mngon par 'bab par gyur cig /'phrul dga'i lha rnams la ye shes rin po che sna tshogs la brtson pa zhes bya ba'i chos kyi sprin gyi char mngon par 'bab par gyur cig /dga' ldan gyi lha rnams la byang chub sems dpa'i smon lam rin po che sna tshogs kyi rgyal mtshan zhes bya ba'i chos kyi sprin gyi char mngon par 'bab par gyur cig /mtshe ma'i lha rnams la de bzhin gshegs pa thams cad rjes su dran pa'i mdzod ces bya ba'i chos kyi sprin gyi char mngon par 'bab par gyur cig /lha'i dbang po brgya byin gyi gnas su de bzhin gshegs pa mthong na dga' ba'i shugs 'byung ba zhes bya ba'i chos kyi sprin gyi char mngon par 'bab par gyur cig /gnod sbyin gyi dbang po'i gnas su chos kyi dbyings nam mkha' la de bzhin gshegs pa'i rnam par 'phrul pas rgyas par 'gengs pa zhes bya ba'i chos kyi sprin gyi char mngon par 'bab par gyur cig /dri za'i dbang po'i gnas su de bzhin gshegs pa thams cad kyi chos yang dag par 'gro ba zhes bya ba'i chos kyi sprin gyi char mngon par 'bab par gyur cig /lha ma yin gyi dbang po'i gnas su ye shes tshul rdo rje'i shedakyil 'khor zhes bya ba'i chos kyi sprin gyi char mngon par 'bab par gyur cig /mi'i gnas su 'gro ba thams cad las khyad par 'phags pa'i ye shes rnam par 'byed pa zhes bya ba'i chos kyi sprin gyi char mngon par 'bab par gyur cig /sems can dmyal ba'i 'jig rten du 'khor ba'i sdug bsngal thams cad rab tu zhi ba'i dbyangs dang / 'phags pa'i lam gyi tshig gi rgyud kyis brgyan pa zhes bya ba'i chos kyi sprin gyi char mngon par 'bab par gyur cig /byol song gi skye gnas su las kyi lam kha na ma tho ba'i med pa la nan tan du bya ba'i dbyangs dang / de bzhin gshegs pa rjes su dran pa'i sprin gyi dkyil 'khor gyi lhun zhes bya ba'i chos kyi sprin gyi char mngon par 'bab par gyur cig /gshin rje'i 'jig rten du de bzhin gshegs pa thams cad kyi pha rol tu phyin pa bsgrags pas sems can thams cad kyi gtong bas sems 'byung ba zhes bya ba'i chos kyi sprin gyi char mngon par 'bab par gyur cig /sems can log par ltung ba rnams la snyug bsngal thams cad zhi bar rab tu thob pa'i dbugs dbyung ba'i dbyangs kyi nga ro zhes bya ba'i chos kyi sprin gyi char mngon par 'bab par gyur cig /sangs rgyas bcom ldan 'das thams cad kyi 'khor gyi dkyil 'khor du dus thams cad du mchod pa rgya mtsho'i sprin rtag par 'byung ba dang / sems can thams cad yongs su smin par mdzad pa'i dgongs pa yongs su rdzogs par gyur cig /byang chub sems dpa' thams cad kyi grogs su gyur te/ phyogs bcu nas byang chub tu sems ma bskyed pa rnams ni bskyed par gyur cig /sems bskyed pa rnams ni slar ldog pa'i sa thob par gyur cig /slar ldog pa'i sa thob pa rnams ni slar mi ldog pa'i sa thob par gyur cig /slar mi ldog pa'i sa thob pa rnams ni bla na med pa yang dag par rdzogs pa'i sangs rgyas kyi sku thob ste/ sems can thams cad kyi don yongs su rdzogs par gyur cig /nyan thos dang rang sangs rgyas thams cad kyi grogs su gyur te/ bla na med pa'i byang chub tu sems bskyed nas theg pa chen po bla na med pa'i sgor gzhol zhing 'bab par shog cig /'jig rten skyong ba tshangs pa dang / brgya byin gyi grogs su gyur cig /lha ma yin gyi dgra las rgyal ba dang / so so'i rnam par thar pa'i sgo kun yongs su rdzogs par gyur cig /longs spyod kyis yongs su rgyas par gyur cig /rgyal po chen po bzhi grogs su gyur te/ so so'i rnam par thar pa'i sgo kun yongs su rdzogs pa dang /longs spyod kyis rgyas par gyur cig /'jig rten skyong ba nyi shu rtsa brgyad dang / blon po sum cu rtsa gnyis kyi grogs su gyur te/ lha so so'i rnam par thar pa'i sgo kun yongs su rdzogs pa dang / longs spyod kyis rgyas par gyur cig /gtsug lag khang gi bdag po thams cad kyi grogs su gyur te/ so so'i rnam par thar pa'i sgo kun yongs su rdzogs pa dang longs spyod kyis rgyas par gyur cig /'byung ba chen po bzhi dang / lo tog gi lha dang / sman gyi lha la sogs pa mi dang mi ma yin pa'i ris na/'jig rten skyong ba ji snyed bzhugs pa'i grogs su gyur te/ so so'i rnam par thar pa'i sgo kun yongs su rdzogs pa dang longs spyod kyis rgyas par gyur cig /sems can thams cad du thun mong du bsngos pa'i chos kyi sbyin pa 'dis lha'i 'jig rten thams cad du khyab ste/lha'i 'jig rten dge zhing skyed par shog cig /mi'i ris thams cad du khyab ste mi'i 'jig rten dge zhing skyid par shog cig /klu'i ris thams cad du khyab ste klu'i 'jig rten dge zhing skyid par shog cig /gnod sbyin gyi ris thams cad du khyab ste gnod sbyin gyi ris dge zhing skyid par shog cig /dri za'i ris thams cad du khyab ste dri za'i 'jig rten dge zhing skyid par shog cig /lha ma yin gyi ris thams cad du khyab ste lha ma yin gyi 'jig rten dge zhing skyid par shog cig /gshin rje'i ris thams cad du khyab ste gshin rje'i 'jig rten du dge zhing skyid par shog cig /de bzhin du mi'am ci dang / lto 'phye chen po dang / nam mkha' lding dang / grul bum dang / srin po'i ris thams cad du khyab ste so so'i 'jig rten dge zhing skyid par shog cig /byol song gi ris thams cad du khyab ste byol song gi 'jig rten dge zhing skyid par shog cig /dbang po gsal bar gyur cig /yi dwags kyi ris thams cad du khyab ste yi dwags kyi 'jig rten dge zhing skyid par shog cig /dmyal ba'i ris thams cad du khyab ste dmyal ba'i 'jig rten dge zhing skyid par shog cig /snod kyi 'jig rten thams cad du khyab ste sa'i bdag po thams cad dgyes shing zhi nas phan 'dogs pa'i sprin chen po dus dus su 'du/ 'brug sgra dus dus su sgrogs shing / char chu dus su 'bab ste/ lo tog skye 'khrungs dus su smin cing 'phel bar shog cig /sangs rgyas kyi bstan pa la khyab ste gnas thams cad dang dus thams cad du dam pa'i chos rnam pa thams cad du kun du rgyas shing rdzogs par shogacig /yon tan thams cad kyi ris su khyab ste legs pa'i yon tan thams cad rgyas shing 'phel ba dang /