CLOSE WINDOW

D4395
བོད་ཡིག

/[ ]@##/ /rgya gar skad du/ pra Ni d+hA na rat+na rA dza nA ma/ /bod skad du/ smon lam rin po che'i rgyal po zhes bya ba/ sangs rgyas dang byang chub sems dpa' thams cad la phyag 'tshal lo/ /ji srid du ni dus gsum gyi//sems can thams cad ma zad pa/ /de srid sangs rgyas zhing rnams ni/ /rdul gyis byur bur gang ba yi/ /rdul rnams re re dag la yang / /de yi rdul mtshungs zhing gnas pa'i/ /zhing dang zhing gi sangs rgyas la/ /rdul de'i grangs kyis lus rnams kyi//de rdul snyed du phyag byas nas/ /gzhan yang rgyal rnams bstod bgyid cing / /rdul de dang mnyam bskal pa ru/ /gnas de rtse gcig rtag mchod shog /sras bcas sangs rgyas chos la phyag bgyi zhing / /de dag rnams la rtag par skyabs su mchi//lus dang yongs su bzung med me tog dang / /rin chen de rnams la yang rtag tu dbul/ /sdig pa thams cad so sor bshags bgyi zhing / /kun nas sdig dang rnam par bral bar bgyi/ /bsod nams kun la yi rang bdag gis ni/ /dge bas 'gro kun mchog gi byang chub gyur//khyad 'phags dam chos rab ston dus kun du/ /rdzogs sangs rgyas bzhugs dam bca' 'bras bcas gyur/ /rgyal ba rnams la rtag tu mchod bgyi zhing / /'gro la phan phyir sangs rgyas rgyas nyid gyur cig /phyogs bcu nam mkha'i mthas klas pa'i//sems can kun gyi don sgrub ched/ /ji ltar 'jam dpal spyad spyod pa/ /bdag spyod de dang 'dra gyur cig /shes rab zab mo nyid du gyur bas bdag /'jam dpal dang ni mtshungs gyur mtha' yas pa'i/ /'gro la nyam thag zhi byed brtse ba yi//ngang tshul 'jig rten dbang phyug 'dra bar shog /kun du bzang pos 'gro ba rnams kyi yid/ /dga' byed kun du bzang po dang 'dra zhing / /byams pa legs par 'phel las blo gros ni/ /byams pa ji bzhin nyid du 'gyur bar shog /sbyin pas nam mkha'i mdzod dang tshul khrims kyis//rnam 'phrul blo gros mtshan te bzod pa dang / /gus par sbyor bas brtson pa'i brtson 'grus kyis/ /gdung bas 'phags pa'i brtson 'grus bzhin gyur cig /bsam gtan gyis ni rnam par 'gyur ba dang / /bral ba'i blo gros sring mo stobs dag gis//lag na rdo rje dang mtshungs shAkya thub/ /ston par shes pa rdor snying 'dra bar shog /bde bar gshegs pa yongs su dri ba ni/ /sgrib pa rnam par sel ba bzhin gyur te/ /lhag pa'i bsam pa phun tshogs brtan pa'i blo/ /rtag tu brtan pa'i blo gros lta bur shog /rdzu 'phrul yang ni gzhan du mi 'gro dang / /thabs la mkhas pa dri med grags dang mtshungs/ /sems can rnams la sman dge shin tu dga'/ /rtag par shin tu dga' ba ltar gyur cig /pha rol phyin sogs rab tu 'byed pa la/ /blo gros mi zad pa dang mtshungs gyur cing //dpag med phun tshogs dbyangs kyis nges ston pa/ /rgyu dang mi rgyu'i blo ldan ji bzhin shog /rtag tu dge ba'i bshes gnyen bsten pa la/ /skyon med yid ni nor bzangs lta bu dang / /dpe med nam mkha'i chos rnams nyer ston pa/ / nam mkha'i snying po lta bur bdag gyur cig /sa bzhin 'gro ba'i nyer 'tshor gyur pa las/ /'gro la mnyam par phan byed sa snying dang / /slong ba rnams kyi sdug bsngal zhi la bdag /rtag tu dzam+b+ha la dang 'dra bar shog /rin chen chos ston pa yis mi ngal ba/ /bdag ni chos 'phags lta bur 'gyur ba dang //shes rab pha rol phyin pa tshol ba la/ /byang sems rtag tu du dang mtshungs par shog /gzhan yang yongs su bsngo ba bdun dag la/ /mkhas pa rdo rje rgyal mtshan lta bu dang / /ma lus bdun rnams yongs su rdzogs pa las/ /rtag par ring ba rgyal ba bzhin gyur cig /de ltar lhag pa'i bsam pas yon tan tshogs/ /skyon med grags pa de dang de las ni/ /sras bcas rgyal rnams rab tu dgyes pa dang / /'gro ba thams cad rtag tu zhi gyur cig /rgyal ba sras dang bcas pa'i yon tan rnams/ /mngon par 'dod las yang dag dge thob pa//shin tu 'phel ba de yis mtha' yas pa'i/ /'gro rnams yon tan tshogs des rab gnas shog /smon lam rin po che'i rgyal po zhes bya ba/ slob dpon chen po klu sgrub kyi zhal snga nas mdzad pa rdzogs so// //