317b4 /[]@##/ /rgya gar skad du/ /A r+ya nA gA rdzun pra Ni d+hA na nA ma/ bod skad du/ 'phags pa klu sgrub kyi smon lam zhes bya ba/ dkon mchog gsum la phyag 'tshal lo/ /'khor bar 'khor tshe skye gnas thams
317b5 cad du//chos la bzod pa ma thob bar du ni/ /ngan song gsum du nam yang mi skye zhing / /mtho ris mi yi lus su skye bar shog /mtho ris mi yi lus su skyes nas kyang / /sdig spyod rgyal bor ma skye blon po dang / /dmag dpon zhal che gcod par bdag ma skye/ /khe byed til brdung
317b6 chang 'tshong rkun po dang //bran dang bran mo'i lus su bdag ma skye/ /dge slong gnas la dbang byed bdag po dang / /gnas brtan las byed pa dang ngan khrims pa/ /dge skos gtsang sbyor ba dang dam bzhag pa/ /gang zag las byed rnams su bdag ma skye/ /mtha' 'khob kla klo'i skye
317b7 ba'i yul rnams dang //glen lkugs 'on long phrag dog can rnams dang / /mu stegs log lta bram ze'i rigs rnams dang / /rigs ngan shan pa'i rigs su bdag ma skye/ /byang chung ma thob bar du rtag par bdag /dam chos spyod pa'i lus su skye bar shog /dam chos spyod pa'i lus
318a1 su skyes nas kyang //mi dge gzhan gyi dbang du mi 'gyur zhing / /tshe la nad kyi bar chad med pa dang / /skyes ma thag tu chos dang phrad par shog /skyes ma thag tu chos dang phrad nas kyang / /mnyan bsam bsgom pas rig pa'i rgyud sbyangs nas/ /
318a2 ting 'dzin rtse gcig sems la dbang byed ste/ /rnam shes drug po yul la g.yangs ma gyur/ /lus kyi yan lag rgyas shing skyon med de/ /dbang po ma nyams rigs mtho bskur pa'i gnas/ /sangs rgyas chos kun rdzogs par byed pa dang / /gzhon nur rab byung tshul
318a3 khrims ldan pa dang //dge bshes mchog rnams rtag tu bsten byed cing / /sa bcu rim gyis bgrod rnams thogs med de/ /bla ma byang chub myur du thob par shog /bla med byang chub myur du thob nas kyang / /rgyud drug 'khor ba'i sems can thams cad la/ /bsdu
ba rnam bzhis 'gro don byed par shog /