315a5 slob dpon chen po zhi ba lhas mdzad pa/ /byang chub sems dpa'i spyod pa la 'jug pa las byung ba'i smon lam rdzogs so// @##/ /rgya gar skad du/ badzra pra Ni d+hA naM/ bod skad du/ rdo rje'i smon lam/ dpal rdo rje sems dpa' la
315a6 phyag 'tshal lo//smon lam ye shes rgya mtsho ni/ /rnal 'byor rgyud kyi rjes 'brangs te/ /bdag gis smon lam gdab par bgyi/ /ji srid nam mkha' srid pa dang / /byang chub mthar thug ji srid par/ /de srid dus su'ang rtag par bdag /sangs rgyas rnams la
315a7 gus par shog /rdo rje pad+ma yang dag sbyor/ /rdo rje'i dkyil 'khor dbus su bdag /rdo rje sems dpa'i spyan sngar ni/ /rgyud rnams thams cad mnyan par bgyi/ /'dod pa lnga rnams longs spyad pas/ /rnam bkra rdo rje'i mchod pa yis/ /lus gnas bde ba chen po
315b1 la//skye ba kun tu mchod par shog /byang chub sems dpa'i tshogs thams cad/ /rig ma lha mo yang dag ldan/ /rdo rje theg par gnas sems kyis/ /rdo rje chags pa'i rang bzhin la/ /rdo rje'i glu ni legs blangs shing / /rdo rje'i gar gyis gar byas te/ /rdo rje tshogs
315b2 dpal dkyil 'khor du//rdo rje rol pa dag bgyi'o/ /rdo rje theg pa rab rtogs pa'i/ /mchog gi byang chub thob nas bdag /lha mo'i dkyil 'khor dbus su ni/ /ma lus bskal par gnas par shog /byang chub sems kyi chus bkrus shing / /rdo rje'i rgyan gyis brgyan
315b3 byas nas//der gnas bla na med pa yi/ /chos kyi 'khor lo bskor bar shog /rdo rje theg pa mngon par mdzes/ /lus pa med pa yongs su chub/ /chos kyi dbyings zhes bya ba las/ /'khor lo rtag tu mthong bar shog /mi gang gis ni mthong tsam gyis/ /lta ba ngan las
315b4 grol 'gyur ba//thub pa chen pos legs gsungs pa'i/ /rgyud rnams bdag gis bstan par bgyi/ /rdo rje las rab sbyor ba yis/ /sems can rnams la rtag pa ru/ /rdo rje ral gri rnon pos ni/ /smra po'i ye shes spro bar bgyi/ /rdo rje'i skye ba'i tshul sna tshogs/ /ched du
315b5 rdo rje'i gar ston pas//sems can rnams kyi mi dge ba'i/ /las rnams 'byung ba gcad par bgyi/ /sna tshogs las dang ting 'dzin gyis/ /gdug pa gdul dka' cher 'khrugs pa'i/ /bgegs dang log par 'dren pa dang / /'gro ba thams cad gdul bar bgyi/ /
315b6 rdo rje'i rnal 'byor rnam bsgoms pas/ /rdo rje slob dpon rnam par 'phrul/ /rab gtum khro bo'i gzugs kyis ni/ /lus pa med par gdul bar bgyi/ /gus pas rdo rje sems dpa' la/ /ji ltar rigs par slob bgyi zhing / /sems la dub pa med par bdag /sems
315b7 can kun gyi don bgyi'o//mang du smon lta ci zhig 'tshal/ /bla ma la bdag gus gyur cig /rdo rje slob dpon rnams la bdag /gong nas gong du gus bgyir gyur/ /gang las gnyis dbye kun bral ba'i/ /de nyid ye shes 'thob nyid na/ /de phyir rgyun chad med pa yi/ /
316a1 yid kyis gus pa kho nar shog /rdo rje'i smon lam btab pa las/ /dge ba bdag gis nyer bsags gang / /des ni rdo rje lta bu yi/ /'gro kun rdo rjer snang gyur cig /dpal klu sgrub zhabs kyis mdzad pa'i rdo rje'i smon lam rdzogs so// //
316a2 rgya gar shar phyogs kyi paN+Di ta chen po dngos grub brnyes pa'i dbang phyug dpal nags kyi rin chen gyi zhal snga nas dang / de nyid kyi bka' drin las legs par sbyar ba'i tshul cung zad rig pa/ dge slong chos smra ba bsod nams rgya mtsho'i sde zhes bya bas dpal kun tu bzang
po'i nags khrod du bsgyur ba'o/