309b1 smon lam rgya chen po btab pa'i rgyu dang / de bzhin gshegs pa'i byin gyi rlabs kyis de dag thos pa yin no/ /'phags pa gser 'od dam pa mdo sde'i dbang po'i rgyal po las gsungs pa'i smon lam rdzogs so// //[]@/ /rgyal po gser gyi lag pa'i smon lam bzhugs/
309b2 @##/ /dkon mchog gsum la phyag 'tshal lo/ /ma 'ongs bskal pa mtha' yas rnams su yang / /gang dang gang du bdag ni skye ba na/ /rmi lam du ni 'di 'dra'i rnga mthong zhing / /der ni bshags pa 'di 'dra thos par shog /rgyal bstod pad+ma 'byung rgyal 'di 'dra ba/ /
309b3 tshe rabs de dang der ni rnyed gyur cig /sangs rgyas yon tan mtha' yas mtshungs med dang / /gang yang bskal pa stong du rnyed dka' ba/ /de dag rmi lam na yang thos par shog /nyin gyur tshe yang de dag ston gyur cig /sems can sdug bsngal mtsho las thar byed shog/
309b4 pha rol phyin pa drug po rdzogs bgyis nas/ /phyin chad bla med byang chub thob par shog /bdag gi zhing ni 'gran zla med gyur cig /rnga phul rnam par smin pa'i 'bras bu dang / /rgyal ba thams cad la yang bstod pa'i rgyus/ /shAkya thub dbang mngon du mthong bar shog /der
309b5 ni bdag gis lung bstan thob gyur cig /gser gyi lag pa'i dbang dang gser gyi 'od/ /bdag gi khye'u ni gang yin 'di gnyis dang / /der ni bu pho de dag gnyi ga dang / /bla med byang chub lung bstan thob par shog /sems can gang dag gnas med rten med cing / /
309b6 skyabs dang bral nas phongs par gyur pa dang / /de dag la yang ma 'ongs dus rnams na/ /skyob dang dpung gnyen skyabs dang rten gyur shog /sdug bsngal kun 'byung zad par byed gyur cig /bde ba kun gyi 'byung gnas gyur par shog /sngon mtha' 'das pa de dag ji
309b7 srid pa//ma 'ongs bskal par byang chub spyod gyur cig /gser 'od dam pa yi ni bshags pa yis/ /bdag gi sdig pa'i rgya mtsho skems par shog /bdag gi las kyi rgya mtsho zad gyur cig /bdag gi nyon mongs rgya mtsho chad par shog /bdag gi bsod nams rgya
310a1 mtsho rdzogs gyur cig /ye shes dri med snang ba dam pa yis/ /bdag gi tshul khrims rgya mtsho rnam dag shog /yon tan kun gyi rgya mtshor 'gyur bar shog /byang chub yon tan yon tan rin chen rdzogs/ /gser 'od dam pa'i bshags pa'i stobs
310a2 kyis ni//bdag gi bsod nams rab tu snang bar shog /bdag gi byang chub snang ba rnam dag gyur/ /ye shes dri med snang ba dam pa yis/ /bdag gi lus kyi don ni snang bar shog /bsod nams snang ba lhang nger bya ba'i phyir/ /'jig rten gsum na khyad par 'phags gyur
310a3 cig /bsod nams stobs dang rtag tu ldan par shog /sdug bsngal rgya mtsho las ni sgrol ba dang / /bde ba kun gyi rgya mtsho 'dra ba yis/ /ma 'ongs bskal par byang chub spyad par bgyi/ /'jig rten gsum na sngon mthar ji snyed gshegs/ /de dag zhing ni rgyal ba thams
310a4 cad kyi//yon tan mtha' yas khyad 'phags ci 'dra ba/ /yon tan mtha' yas rnams kyis bdag gi zhing / /ma 'ongs dus na de 'drar 'gyur bar shog /rgyal po gser gyi lag pa'i smon lam 'di yang gser 'od dam pa las gsungs so// //