CLOSE WINDOW

D4373
བོད་ཡིག

/gzhan la 'di zhes ston 'dra bas/ /mkhas pa rnams la bzod par gsol/ /dbugs bgrang ba'i sgo nas sems gnas par bya ba'i thabs cung zad bris pa rdzogs so// //[]'jam bu chu bo'i gser 'dras kha dog bskus/ / bde gshegs 'gro ba'i gnyen gcig rab mdzes la/ /yon tan dran pa'i dang ba sngon 'gro bas/ /phyag 'tshal zhi gnas la 'jug cung zad bri/ /stong gsum gyi ni stong chen po'i/ /rdul phran ma lus ji snyed pa/ /nyan thos rang rgyal gzugs gyur la/ /bsod nams 'dod pas rtag mchod pas//gang gis yang dag rdzogs pa'i sku/ /ri mo bris sogs mthong ba 'phags/ /dad pa'i stobs skyed la 'jug pa'i/ /phyag rgya'i mdo las bder gshegs gsungs/ /rin chen sna bdun gzhal yas khang / /'dzam bu'i gling rnams bkang nang du/ /tsan+dan mchog las bder gshegs gzugs//byas kyang rtag tu mchod pa bas/ /gang gis yid rab nang btud nas/ /yud tsam bsgom pa khyad 'phags zhes/ /ting nge 'dzin mchog dam pa yi/ /mdo las sangs rgyas de skad gsungs/ /phan yon bstan pa'o/ /bdag dang longs spyod mdza' bshes la/ chags par 'gyur ba spang bar bya/ /tshul khrims rnam dag la gnas nas/ /rab tu dben pa'i gnas 'dug ste/ /ma chags tshul khrims rnam dag cing / /zhe sdang zug rngu'i sems spangs na/ /ting 'dzin 'grub par 'gyur ro zhes/ /'od srungs zhus pa'i mdo las gsungs//tshogs bstan pa'o/ /'jam pa'i stan la skyil krung bcas/ /'gro la snying brtse'i sems btang nas/ /de don byang chub thob bya bsam/ /yid ni rnam par g.yengs gyur pa/ /nyon mongs mche ba'i phrag la gnas/ /thams cad mkhyen pa'i ye shes de//ting nge 'dzin las skye'o zhes/ /sa bcu'i mdo las bde gshegs gsungs/ /sngon 'gro'o/ /bdag gi mdun du bder gshegs sku/ /dbyibs legs kha dog gsal bar bsam/ /rab tu bsgrims pa'i dran pa yis/ /yang dang yang du gsal bar bsgom/ /gal te rangs pa mi gsal na//ji tsam snang ba de la gtad/ /de med gyur na rangs pa bsam/ /de ltar yang dang yang du bsgom/ /sems ji ltar gtad pa'o/ /de yi sems kyi skye lugs ni/ /rim pa bzhir ni 'byung srid de/ /rtsol ba drag zhan gnyi ga la/ /cung zad mi snang dang po'i sems/ /drag tu bsgoms na cung zad snang //zhen na mi snang gnyis pa yin/ /drag tu bsgoms na rtag tu snang / /zhan na mi snang gsum pa yin/ /rtsol ba drag zhan gnyi ga la/ /bying rgod gnyis bral rdzogs par snang / /lus bde sems dga' rtse gcig pa/ /bzhi pa zhi gnas phyogs mthun thob/ /sems kyi skye ba'i rim pa'o//mig gi mthong ba gsal ba yi/ /nga rgyal skye ba rab tshad yin/ /mig gi mthong ba 'dra ba yi/ /nga rgyal skye ba 'bring tshad yin/ /yan lag kun tshang ri bo tsam/ /snang ba de ni tha ma'i tshad/ /gsum ka yid kyi yul yin zhing / /gsal mi gsal gyi phye ba yin/ /gsal bye brag gi tshad bstan pa'o//dang po'i nyin par thun gcig tsam/ /de nas nyi ma bdun gyi bar/ /thun re thun re bsnan par bya/ /de nas drug drug bdun bdun tsam/ /skyes bu gom pa tha mal pas/ /mda' rgyang phyed du phyin tshod tsam/ /yun gyi tshad ni de tsam gyis/ /grangs ni gong du bstan pa'o/ /khams kyi kyi tshod gzung ba'o//bya ba sna tshogs sems kyis spangs/ /'khor ba'i chos la skyo ba skyed/ /khon du 'dzin pa yongs su spangs/ /'gro ba kun la sems snyoms bya/ /mgron du 'bod dang 'du 'dzi ni/ /thams cad du ni spang bar bya/ /snyan dang mi snyan gtam snyan dang / /smra ba rtag tu spang bar bya//kha na ma tho chung ba'i zas/ /khams dang mthun pa'i tshad ldan bza'/ /nyin par gnyid ni mi log cing / /spyod lam rnam bzhi yang yang spo/ /lus kyi spyod pa dal ba dang / /dge dang lung du ma bstan sems/ /bdag nyid gcig pu grogs med par/ /nyin mtshan rtag tu gnas par bya//nyin dang mtshan mo lan gsum du/ /mchod dang bshags sogs dge ba gang / /sgyu ma lta bu'i sems bskyed de/ /thams cad byang chub chen por bsngo/ /ngal gso ba'i dus kyi bslab pa'o/ /phan yon tshogs dang sngon du 'gro bsgom/ /bskyed rim gnas tshad khams dang bslab//brgyad po dag gis zhi gnas kyi/ /phyogs mthun bya thabs bsdus pa yin/ /bde gshegs bka' ni bdud rtsi lta bu sman chen las/ /bdag 'dra rmongs pas slob phyir bsdebs par mi 'os kyang / /ci zhig ltar nges bdag la mos pa de don byas/ /bsod nams 'di yis skye med ye shes thob gyur cig/