CLOSE WINDOW

D4372
བོད་ཡིག

/mkhas pa rnams la bzod par gsol/ /khams rab tu dbye ba'i sgo nas/ sems gnas par bya ba'i thabs cung zad bris pa rdzogs so// //[]gang gi rlung 'dis dbang gyur bas/ /mi rtog ye shes skyes gyur cing / /'od zer sna tshogs ston mdzad pa/ de la phyag 'tshal 'jug thabs bri/ sdom ni/ rtags dang phan yon shes bya dang / tshogs dang bsgom dang tshod gzung dang / /skye rim gnas tshad brten pa'i thabs/ /skyed dbyung grangs mthar phyin dang gcig /de la rtags ni 'dir rnam par rtog pa shas che ba'i rtags gzung ste/ de yang gang zhe na/ 'di lta ste/ dbang po 'gyur ba dang / dbang po g.yo ba dang / dbang po mi brtan pa dang / dbang po 'khrug pa dang / lus kyi las kyi mtha' brtad pa dang / ngag gi las kyi mtha' brtad pa dang / dbral bar dka' ba dang / yid dbyung bar dka' ba dang / spros pa 'dod pa dang / spros pa la dga' ba dang / nem nur mang ba dang / the tshom mang ba dang / 'dun pa dang ldan pa dang / brtul zhugs mi brtan pa dang / brtul zhugs ma nges pa dang / las kyi mtha' mi brtan pa dang / las kyi mtha' ma nges pa dang / dgos pa mang ba dang / brjed ngas pa dang /dben pa la mi dga' ba dang / rnam par g.yengs pa mang ba dang / 'jig rten gyi sna tshogs dag la 'dun pa'i 'dod chags rjes su 'jug pa dang / mkhas pa dang le lo med pa dang / bsgrub phod pa'o zhes gsungs so/ /phan yon ni/ dbugs bgrang ba 'dis rnam par rtog pa myur du zhi nas zhi gnas tshegs med par 'thob bo//de nas lhag mthong yang dka' ba med par skye ste/ zhi gnas dang lhag mthong zung du 'brel bas mi rtog pa'i ye shes kyang myur du skye bar gsungs so/ /yon tan khyad par can ma thob kyi bar du yang rtag tu nad nyung ba dang / tshe ring bar yang 'gyur te/de skad du/ nang par langs nas stong phrag gcig /rtag tu bgrang bar byas na ni/ /nad kun las ni rnam grol zhing / /zla nyi gnas kyi bar du 'tsho/ /zhes gsungs so/ /shes par bya ba ni ngo bo gyen du rgyu ba'i rlung dang / grangs kyi dbye ba ni gnyis te/ nang du rngub pa dang / phyir 'byung ba'o/ /mtshan nyid ni rngub pa'i mtshan nyid dang / 'byung ba'i mtshan nyid do/ /rngub pa la gnyis te/ rngub pa dang bar du rngub pa'o/ /'byung ba la yang gnyis te/ 'byung ba dang / bar du 'byung ba'o/ /nges pa'i tshig ni rlung zhes bya/ /dbugs zhes bya/ lus kyi 'du byed ces bya/ 'gro ba dang 'ong ba zhes bya'o//rgyu ni sngon gyi las kyis 'phangs pa dang / lte ba'i phyogs nas kha'am sna'i bar du sbubs yod pa dang / rten ni lus 'ba' zhig la yang mi brten/ sems 'ba' zhig la yang mi brten/ gnyis ka kho na la yang mi brten te/ 'du shes med pa'i snyoms par 'jug pa dang /'du byed med pa dang / gzugs med pa'i snyoms par 'jug pa bzhi dang / bsam gtan bzhi pa'i snyoms par 'jug pa dang / nur nur po dang mer mer po la sogs pa mngal na gnas pa'i sems can la sogs pa la yang yod par thal bar 'gyur te/ de bas na gnyis ka kha cig la yod do/ /sa ni rags pa rgyu ba'i sa dang / phra ba rgyu ba'i sa'o/ /de la rags pa'i ni lte ba nas kha'am sna'i bar du sbubs yod pa yin no/ /phra ba'i ni ba spu'i khung bu la sogs pa'o/ /bgrod pa ni gnyis te/ rngub pa'i bgrod pa ni thur du'o/ /'byung ba'i bgrod pa ni gyen du'o//shes par bya ba bsdus pa'i sdom ni/ ngo bo grangs kyi dbye ba dang / /mtshan nyid nges tshig rgyu dang ni/ /gang la brten dang de bzhin sa/ /bgrod dang brgyad de tha ma yin/ /tshogs ni tshul khrims rnam par dag pa la sogs pa gzhan du blta'o/ /'dir 'phral la bya ba cung zad tsam zhig shes par bya ste/thog mar sems kyis 'di snyam du sgrub pa snying por bya ba la sems gnas pa gcig med na bsgrub par dka' bas sems gnas pa gcig bsgrub par bya'o snyam du sems bskyed par bya'o/ /de nas khams rang gi rlung gi shas che ba'am/ chung bshes par bya ba'am/ /gzhan la dri ba byas la/khams dang 'phrod pa'i kha zas dang btung bas khams gso bar bya'o/ /de'i bar du chos dang mthun pa'i bya ba yang nyung bar bya ba yin na mi mthun pa lta ci smos/ lus ngag gi nyes pa cung zad kyang mi 'byung bar bya zhing / sems kyi 'dod pa la 'dun pa la sogs pa'i rnam par rtog pa cung zad kyang mi bskyed do//sos dal bar byas la dge ba'i sems kyis gnas par bya mi nus na lung du ma bstan pa'i sems kyis ngal bso'o/ /de ltar byas pas rgyud kyi nus pa brtas nas bags kyis 'dug mi tshugs par dge ba la 'jug 'dod tsam na bzod pa bsgom mo/ /de la bsgom pa gang zhe na/ dbang po rnon pos bsgom pa dang / rtul pos bsgom pa'o/ /de la rnon pos ni mi bgrang bar dbugs kyi 'gro lugs la gtad nas bsgom gyi bgrang bar mi byed do/ /rtul pos ni bgrang zhing bsgom mo/ /re zhig rnon pos kyang bgrang bas sbyang ba la bslabs na legs te/ ci'i phyir zhe na/ khams tshod bzung sla bas myur du sems gnas pa'i phyir ro/ /de bas na gnyis kas bgrang ba la sems gtad par bya'o/ /'di ltar stan bde ba'i steng du skyil mo krung bcas lus drang por bsrangs la yud tsam zhig bsdad do/ /de nas dbugs snyoms pa dang kha nas 'byung ba tshor bar bya ste/ kha'i sgo nas tsir gyis bzung nas rab tu bsgrims la lcags mgar gyi sbud pa'am/ gser mgar gyi shing sbud bzhin du grang bser gyis lte ba'i thad ka'i nang logs su phyin par byas la/ yud tsam bsdad nas gcig ces bsams la yang gyen du log gis bzlog ste/ dkar lang gis kha'i sgo nas sor bzhi tsam du ci gsal du bsam zhing yud tsam zhig bsdad de/gnyis bsam zhing / yang 'ud kyis 'then la/ dkar nar gyis lte ba'i nang logs su phyin par byas la bgrang zhing ci nas kyang tshor bar bya zhing dran pa dang ma bral bar bya'o/ /khams kyi tshod gzung ba ni spyir khams rab dang 'bring dang tha ma gsum yod kyang dge sbyong gzhan la rab tu 'jugo la/bsgom pa la ha cang mi nus pa yang snang bas khams rab kyis kyang thun thung ngu nas bsgom par bya'o/ /de bas na gsum kas kyang slob lugs gcig par bya'o/ /mtshan mo btang snyoms su gzhag ste/ gnyid ji tsam gyis khams brtas pa de tsam log cing gdal lo//nyin par zhar la tshod gzung zhing bsgom mo/ /de la sbyor ba ha cang lhod na le lo dang ldan pa'i sems rmugs pa dang / gnyid kyis kun nas dkris pa dang / sems phyi rol du rnam par g.yeng bar byed do/ /sbyor ba ha cang drags na lus la gnod pa'am/sems la gnod pa skyed par byed do/ /de la ji ltar na lus la gnod pa skyed par byed ce na/ mthu kar bor te/ dbugs rngub pa dang dbugs 'byung ba dag gis gnod par gyur pa'i lus la rlung mi mnyam pa dag 'jug par 'gyur zhing de dag gis dang po kho nar de'i yan lag dang nying lag de dang de dag la khyab par byed de de dag ni khyab byed ces bya'o//rlung khyab byed de dag rnam par 'phel na nad byed ces bya ba dag tu 'gyur zhing de dag gis de'i yan lag dang nyin lag de dag la nad skyed par byed de/ de ni lus la gnod pa zhes bya'o//ji ltar na sems la gnod pa skyed par byed ce na/ de'i sems rnam par g.yeng bar byed pa'am/ yid mi bde ba dang 'khrug pa rab tu mang po dag gi zil gyis gnon par byed de/ de lta bas na sems la gnod pa skyed par byed pa yin no/ /'on tshod ji ltar gzung zhe na/ 'di ltar dang po'i nyin par snga dro thun gcig la rkyang ba bzhi bsgom mo//phyi ma red kyi thun gcig la yang rkyang pa bzhi bsgom mo/ /de'i phyi de nyin par snga dro thun gnyis bsgom mo/ /rkyang pa drug drug go/ /phyi dro thun gnyis la yang rkyang ba drug drug go/ /nyi ma gsum pa la snga dro phyi dro thun gnyis gnyis la rkyang pa brgyad brgyad do//nyi ma bzhi pa la snga dro phyi ma red thun gsum gsum la dbugs rkyang pa bcu bcu bsgom mo/ /de nas nyi ma lnga pa la snga dro thun bzhi phyi ma red thun gsum ste bdun pa la zung bcu bcu'o/ /de'i bar du khams zhar la dpyad cing bsgoms pas na tsha phran tshegs byung na yang 'phral la zhi bar bya ste/na tsha phran tshegs la bsran bskyed cing mi bsgom mo/ /de nas khams mi bde ba med na nyi ma re la thun re bsnan cing bsgom mo/ /dbugs kyi grangs ni sems gnas pa ma thob kyi bar du bcu bcu las mang ba mi bsgom mo/ /yang gnyid chung ba'am mi bde ba phran tshegs byung na thun re dbri zhing bsgom mo/ /mi bsgom pa'i bar du ngal bso ba snyoms par bya zhing 'dug pa gcig tu bsdud mar thun gnyis la sogs pa mi bsgom mo//nyin par gnyid mi log/ /spyod lam thams cad du bags kyis dal bar bya'o/ /skye ba'i rim pa ni bzhi ste/ de la dang po ni shes pa bsgrims kyang dbugs nang du rngub pa na mar 'gror mi 'dod pa snyam byed cing rdugs pa snyam byed la res dran pas ma zin pa snyam byed pa dang /yar 'byung ba yang dran pas ma tshor bar yang byung nas 'gro ba dang / grangs kyang brjed skyen pa dang / dran pas dbugs gzung dka' bar 'ong ngo / /gnyis pa ni thun phal cher grangs mi brjed pa dang /nang du rngub pa yang rdugs pa med par grang zang zang 'gro zhing / yar 'byung ba yang dran pa dang mnyam por 'gyur te/ dper na rta la bag tsam chags pa dang 'dra ste/ dran pas bag tsam zin pa yin no/ /gsum pa ni grangs mi brjed pa dang / nang du rngub pa'i thog ma grang sil gyis song bar tshor ba dang /yar ma bzlog gi bar du mig na grang sing nge 'dug par tshor ba dang / yar byung ba'i thog la kha'i sgo nas phar 'byung ba'i tshe mchu yang 'then pa snyam pa dang / bde ba yang thun stod thun smad la bag re 'ong ngo / /bzhi pa ni rngub pa'i thog la lus kyang bying ba snyam byed cing tshor ba snga na nyams su myong ba cig gis glo bur du lus thams cad la khyab par 'ong ngo //yang na 'byung ba'i thog la kha'i sgo nas phar dkar nar gyis byung nas lus bags kyis yar bteg pa snyam byed cing tshor ba bde bas lus thams cad la khyab cing sems kyang shin tu dga' ba dang /dran pas dbugs de shin tu zin te/ dper na rta la chags pa'i mi rang gar 'dod par rta gtong ba de bzhin du nang du rngubs pa dang phyir 'byung ba la yang rang dbang du 'gyur ro/ /gnas pa'i tshad ni khyad par bzhi ste/ grangs kyi khyad par bde ba de byung ba'i rjes la nyis brgya nas brgya bzhi bcu yan chad bgrangs kyang dang po bzhin du bde ba dang /rtsol ba'i khyad par glod kyang dbugs de dran pas mi tshor ba dang / bde ba'i khyad par sems ma btang gi bar du lus thams cad la khyab cing langs nas kyang cung zad bde ba dang / dga' ba'i khyad par sems rang shugs kyis dgod 'chor ba dang /'bral mi phod pa dang / 'di nges par gnas pa yin no snyam nas chos la dad pa dang / dad pa'i shas chen po skye ba dang / langs pa'i mod la yang sems yeng yeng bor mi 'ong ba dang / gang zag gzhan la yang bsgoms na ci ma rung snyam pa'i sems 'byung ngo / / gzhan yang rgyu yang rung gnas kyang rung ste/ nang nye bar zhi ba'i 'du shes dang / zhi gnas kyi 'du shes mang du snang la/ spros pa'i 'du shes med pa dang / rnam par rtog pa'i kun nas dkris pa dang mthun pa'i chos rnams la sems mi 'jug go/ /brtan par bya ba'i thabs ni khams kyi tshod las dpag ste khams bde na ni thun gyi grangs nyung bar byas la bgrang ba'i grangs mang bas yun ring bar bya zhing nyi ma kha cig tu bsgoms la ngal bso'o//khams zhan na ni nyi ma gcig tsam bsgoms la ngal bso'o/ /'o na tshod de gang gis gzung zhe na/lus ngal ba'am/ shugs 'byung ba'am/ bsgoms tsam na dngang ba'am/ mgo bags kyis lci ba'am/ lus 'dar ba'am/ nub mo gnyid mi zhugs pa'am/ sems sang sang por 'dug pa'am/ mdor na khams mi bde ba'i mtshan ma bag tsam byung ma thag tu ngal bso'o//de ma byung na rtag par yang bsgom par bya ste/ brtan par bya ba ni sems pa'i bar der khams bde na bsgoms pas phyis brtan par 'gyur ro/ /mi bde na ngal bso bas brtan par 'gyur ba yin no/ /skyed dbyung ba'i tshad ni sngar brtan par byas nas zhag bar ngal sos par byas la/phyis srod tho rangs thun re bsgom/ nyin par thun bzhi bzhi lnga lnga bsgom mo/ /dbugs kyi grangs ni brgya man chad nas bzhi bcu yan chad bgrang ngo / /zla ba kha cig kyang de tsam ha cang mi drag par bsgom mo/ /chos dang mi 'gal ba'i bya ba phran tshags kyang bya/long med na yang srod dang tho rangs tsam bsgom mo/ /de nas dang po'i slob lugs bzhin du khams dang 'phrod pa'i kha zas dang / grogs mthun pa dang / gnas bde ba dang / bya ba mang po spang ba la sogs pa byas la/ zhag bcu tsam du/ nyi ma re la thun chung re re tsam las mi bsgom par ngal bso'o//lus kyi nus pa brtas su gzhug/ mtshan mo bsgom mo/ /dge sbyor gzhan la yang bag tsam las mi bya/ /de nas nus pa brtas pa dang / mtshan mo'am nyin par khams gang bde ba cig la brten nas skyed dbyung ngo / /de yang nyin par legs te/nyi ma dang po la thun gsum la grangs brgya brgya bsgom/ de nas nyi ma bcu'i bar du thun gsum gsum las mi mang bar bsgom mo/ /dbugs kyi grangs ni nyin re la brgya brgyas mang bar bsgom mo/ /bar der tha na zas za ba'i bar du yang mi dang mi 'phrad do/ /yang gnyid chung ba 'am na tsha phran tshegs byung na ngal bso'o//ngal sos pa'am/ mi bde ba med na snga ma bzhin du bya'o/ /grangs kyi mthar phyin pa gang zhe na/ grangs stong gi bar du sems rnam par g.yeng bar mi 'gyur zhing brjed pa med la rang gi ngang gis 'jug cing mngon par dga' ba dang bcas pas 'jug na de tsam gyis bgrang ba'i sa las 'das pa yin no//de nas mi bgrang bar dbugs kyi 'gro lugs la gtad de/ sna nas 'byung ba la gtad cing lugs su sna g.yas pa nas 'gro ba dang / g.yon pa nas 'gro ba la gtad pa'am/ g.yas nas phyung la g.yon du rngub pa la sogs pa bya zhing mi bgrang bar bsgom mo//de nas lhag mthong bskyed par bya'o/ /las tshul bsam gyis mi khyab kyang / /bdag pas blo zhan mi srid de/ /'on kyang don du mi gnyer bas/ /mkhas pa'i gdams ngag ma thos la/ /phan srid bsams nas bris pa lags/ /rab rib can gyis gzugs bltas nas/