CLOSE WINDOW

D4365
བོད་ཡིག

@##/ /don rnam par gdon mi za ba'i 'grel pa/ 'phags pa 'jam dpal la phyag 'tshal lo/ /de la phyag 'tshal mdo sde yi/ /don ni bdag gis gsal bar bshad/ /de la mdo sde 'chad 'dod pas//dang por dgos pa dang / 'brel pa dang / gleng gzhi dang / gleng bslang ba dang / bsdus pa'i don dang / tshig gi don ston te/ don rnam pa drug rnams bstan dgos so/ /de la slob ma rnams mnyan pa dang /bsam pa dang gzung ba la sogs pa shes rab rnam gsum gyis/ mdo'i don rnam par nges pa ma mthong bar ni blo sngon du gtong ba'i shes rab can dag bya rog gi so brtag pa bzhin du don med do zhes gang la yang 'jug par mi 'gyur ro//de bas na dang por dgos pa bshad ces gsungs te/ ci dgos she na/ chos kyi mtshan nyid rnam par 'byed pa la mkhas par bya ba'i phyir gsungs na/mnyan pa dang gzung ba la sogs pa la/ nyan pa gus par byed pas na/ /de bas dang por dgos pa bshad/ /ces gsungs so/ /don rnam par gdon mi za ba'i chos kyi rnam grangs 'di'i mgo mjug gi don dang /mtshan nyid kyi bye brag rnam par 'byed pa legs par bya ba'i phyir bshad de/ de ni dgos pa'o/ /gal te chos kyi mtshan nyid rnam par 'byed pa la mkhas pa ni thabs gzhan gyis kyang 'gyur ro zhe na/ de lta na ma yin te/ thabs gzhan gyis ni chos 'di'i mgo mjug gi phrin las rnam par 'byed pa la mkhas par mi nus te/ de bas na chos kyi mtshan nyid rnam par 'byed pa la mkhas pa ni bya ba'i thabs/ bcom ldan 'das kyi mdo'i don ston to/ /de ltar mnyan pa dang bsam pa dang gzung ba la sogs pa'i chos kyi mtshan nyid rnam par dz+washes par bya ba'i 'bras bu bstan par bya ba'i phyir/dgos pa'i yang dgos pa bshad ces gsungs so/ /de ltar bstan cing bshad pa de yang ci dgos she na/ chos kyi mtshan nyid rnam par 'byed pa la mkhas na/blang bar bya ba dang dor bar bya ba shes pas phan pa len pa dang / gnod pa spong ba'i sgo nas nyon mongs pa rnams spong bar 'gyur ro/ /nyon mongs pa rnams spangs par gyur na/ mya ngan las 'das pa'i gnas thob par 'gyur te/'di ni dgos pa'i dgos pa'o/ /de la 'brel pa ma brjod na se'u lnga dang khur ba drug lta bur gang dang cir yang ma 'brel pa'o snyam pa'am/ klu'i rgyal po 'jog po'i mgo la rims nad thams cad sel ba'i nor bu rin po che yod kyang / de blang bar bya ba'i thabs med pa lta bu yin no snyam nas/ rtog pa sngon du gtong ba rnams 'jug tu mi btub pa gsal ba'i phyir 'brel pa bshad do/ /de yang tshig dang don du 'brel pa dang / don dang bsgrub par 'brel pa dang / bsgrub pa dang 'bras bur 'brel pa'o/ /de la tshig dang don du 'brel pa ni/phung po lnga gang zhe na zhes bya ba la sogs pa'i tshig gis gong du mdo sde'i lung don nyi shu rtsa drug gis chos thams cad bsdus nas bshad pa de khong du chud par 'gyur ba'i phyir ro/ /don dang bsgrub par 'brel pa ni/ mdo sde'i don bzang po mchog tu gyur pa mthong nas/ slob ma rnams dga' ba'i khyad par skye ste/ 'di ni bsgrub par bya ba'i gtso bo yin no zhe na/ de la de bzhin du bsgrub pa'i phyir ro/ /bsgrub pa dang 'bras bur 'brel pa ni/ de ltar don ji ltar khong du chud pa bzhin du bsgrubs na/ nyon mongs pa thams cad spangs pa'i mtshan nyid mya ngan las 'das pa'i 'bras bu thob pa'i phyir ro/de la gleng gzhi ni mdo sde 'byung ba'i rgyu ste/ de la yang 'di skad bdag gis thos pa'i dus gcig na zhes bya ba nas brtsams te/ dge slong brgya phrag phyed dang bcu gsum dang thabs cig tu bzhugs zhes bya ba yan chad kyis bstan to/ /gleng bslang ba ni mdo sde bshad pa'i phyir/skabs dang sbyar te smras pa'am/ skabs su babs par sma ba ste/ skabs su ma babs par smras na/ smyon pa'i tshig lta bur gyur pas/ rang gis rig par bya ba'i don du skabs dang sbyar te smra ba ni gleng bslang ba'o/ /de yang de na bcom ldan 'das zhes bya ba nas brtsams te/dge sbyong de rnams bcom ldan 'das la slar nyan pa dang / bcom ldan 'das kyis de dag la 'di skad ces bka' stsal to zhes bya ba yan chad kyis bstan to/ /bsdus pa'i don kyang slob ma rnams kyi don dang tshig bde bar khong du chud par bya ba dang / gzung sla bar bya ba'i phyir bshad de/de yang dge slong dag la 'di skad ces don rnam par gdon mi za ba zhes bya ba chos kyi rnam grangs gang zhe na zhes bya ba nas brtsams te/ dge slong dag 'di ni don rnam par gdon mi za ba'i chos kyi rnam grangs kyi lung zhes bya yan chad kyis bstan to/ /tshig gi don ni bsdus pa'i don dang / tshig so so'i don rgyas par 'grel pa ste/de yang de la dge slong dag phung po lnga gang zhe na zhes bya ba nas brtsams te mdo rdzogs kyi bar du'o/ /da ni gleng gzhi'i tshig dbye ba'i dbang du byas nas bshad par bya'o/ /gleng gzhi de yang rnam pa bzhi ste/ dus phun sum tshogs pa dang / ston pa phun sum tshogs pa dang /gnas phun sum tshogs pa dang / 'khor phun sum tshogs pa'o/ /de la 'di skad ces bya ba'i tshig 'di ni don mang por 'jug ste/ dpe dang lung 'bogs pa dang / dris pa la rnam par nges pa dang / khas len pa dang tshig gi lan to/ /de la dper 'dren pa ni/ dper na ngal bso ba lta bu phyug pa dang /seng ge lta bu dpa' ba dang / rdo rje lta bu sra ba zhes bya ba lta bu'o/ /lung 'bogs sde par 'dren pa ni 'di skad lhogs shig ces bya ba lta bu'o/ dris pa la rnam par nges par 'dren pa ni/ ji skad thos zhes dris pa dang / 'di skad bdag gis thos te/ de bzhin du bshad do zhes bya ba lta bu'o/ khas len pa ni 'di ltar gyis shig ces gsol ba btab pa dang /de bzhin du bya'o zhes bya ba lta bu'o/ tshig gi lan ni 'di skad bdag gis thos pa yin nam zhes smras pa la/ de de lta'o zhes bya ba lta bu'o/ /'di'i skabs su rab tu 'byed pa'i dbang gis khas len par 'dren pa nyid du rig par bya'o/ /ji lta zhe na 'phags pa 'od srungs la sogs pa dgra bcom pa lnga brgyas mdo yang dag par bsdu ba la zhugs pa na 'phags pa dga' bo la dgra bcom pa gzhan dag gis khyod kyis ji skad du thos pa de bzhin du bshad du gsol zhes gsol ba btab pa dang 'di skad ces smras te/bdag gis bcom ldan 'das las 'di skad du thos te/ji skad du thos pa de bzhin du bshad par bya'o zhes khas blang ba'i phyir ro/ /bdag gis zhes bya bas gzhan bcad nas mngon sum du thos pa ston te/ mdo 'di bcom ldan 'das las mngon sum du thos kyi/ thos pa gcig nas gcig tu brgyud pa ni ma yin no zhes bya ba'i don to//thos zhes bya ba ni rna ba'i dbang po rnam par dag pa dang ldan pa'i rna ba'i rnam par shes pas don dang tshig ma nor bar gzung zhes bya ba'i don te/ des ni khong du chud pa med par ston to/ /de ci'i phyir zhe na/ gang gi tshe bcom ldan 'das las 'phags pa dga' bos mdo 'di mngon sum du thos pa de'i tshe/'phags pa dga' bos bden pa rtog pa med de bcom ldan 'das mya ngan las 'das pa'i 'og tu bden pa mthong ba'i phyir ro/ /dus gcig na zhes bya ba ni dus gcig gi sgra dus dang phrad pa ste/ don rnam pa gnyis su 'dren to/ /de la dus su 'dren pa ni bdag gis thos pa'i zhes bya ba'i tshig dang yang sbyar te/de ni mdo sde 'di thos par dka' ba las lan cig gam dus gcig na thos so zhes bya ba'i don to/ /phrad par 'dren pa ni dus gcig na'i tshig /bcom ldan 'das dang 'og mar sbyar te/ sbal mgrin dang gnya' shing bzhin du mi lus dang khom pa rnyed dka' ba las rnyed pa dang sangs rgyas 'byung ba rnyed par dka' ba las phrad de/mnyan du yod pa la sogs par chos 'di thos so zhes bya ba'i don to/ /yang na mdo sde 'di lan cig dus gcig na thos te/ dus gzhan na mdo sde gzhan yang thos so zhes 'phags pa dga' bo nyid thos pa mang bar ston to/ /dus 'di na ni bcom ldan 'das gnas 'di na bzhugs te chos 'di bshad kyis/ dus gzhan gyi tshe na ni gzhan na bzhugs shing chos gzhan yang bshad do zhes bcom ldan 'das nyid sems can gyi don dpag tu med pa rgyun du mdzad par ston to/ /des ni dus phun sum tshogs pa bstan to/ /de la bcom ldan 'das zhes bya ba'i tshig 'di don rnam pa gsum du 'dren te/ bcom ldan du 'dren pa dang / dpal ldan du 'dren pa dang / skal ldan du 'dren pa'o/ /de la bcom ldan du 'dren pa ni bdud bzhi bcom pa'i phyir te/ bdud bzhi ni lha'i bu'i bdud dang / nyon mongs pa'i bdud dang / 'chi bdag gi bdud dang / phung po'i bdud do/ /de la lha'i bu'i bdud ni mngon par sangs rgyas nas/ rdo rje'i gdan la bzhugs pa'i tshe bcom ste/'dod pa'i khams kyi lha'i bu'i bdud mang po'i mtshon cha dang ri la sogs pa'i gnod pa'i tshul mang pos brgal ba las/ byams pa dang snying rje dang stong pa la sogs pa'i byin chen pos mtshon cha la sogs pa yang me tog tu bsgyur te/ btul nas thams cad mkhyen pa gang zag zla med pa'o zhes grags pa chen por mdzad pa na bcom mo//nyon mongs pa'i bdud ni de ltar thun snga ma la lha'i bu'i bdud bcom nas/ de'i 'og tu thun phyi ma la mthong ba'i lam gyis spang ba'i bya ba'i nyon mongs pa dang / bsgom pa'i lam gyis spang bar bya ba'i nyon mongs pa gnyis las chen po dang 'bring po dang / chung ngu ste/ rnam pa dgur gzhag pa la/ rdo rje lta bu'i ye shes skyes nas/ nyon mongs pa chung ngu'i yang chung ngu / ye shes chen po'i yang chen pos brtsal bas na bcom mo/ /de bas na bdud gnyis ni/ rdo rje lta bu'i gdan la bzhugs pa'i tshe bcom bar bshad do//'chi bdag gi bdud ni rtswa mchog gi grong khyer du bcom ste/ sangs rgyas rnams mi'i tshe las chos nyid kyis lnga cha gcig 'bri ste/ shAkya thub pa yang lo brgyad cu bzhi 'jig rten na bzhugs nas/ mya ngan las 'da' ba'i rigs pa las/ sems can sangs rgyas kyis 'dul ba'i skal ba dang ldan pa/gzhan ni sngar thabs mang pos grol bar mdzad/ bram ze su bad tra zhes bya ba mya ngan las 'da' ba bstan khar gzigs na/ 'dul ba'i skal ba can las sngar ma btul ba las zla ba gsum bshol te/ zla ba gsum dus las nur nas/'phral du mya ngan las ma 'das pa lta bu'o/ /de la phung po'i bdud kyang rtswa mchog gi grong khyer nyid du bcom ste/ gzugs la sogs pa'i phung po lnga rnams ma lus par spangs pa'i tshe bcom mo/ /de bas na bdud gnyis ni/ rtswa mchog gi grong khyer du bcom par bshad do//bcom ldan 'das kyi sgra dpal ldan du 'dren pa ni/ yon tan drug dang ldan pa'i phyir dpal ldan te/ yon tan drug ni/ phyug pa phun sum tshogs pa dang / /gzugs dang grags pa dang ni dpal/ /de bzhin ye shes 'bad pa ste/ /drug po rnams la bcom zhes bshad//ces gsungs pa lta bu'o/ /de la phyug pa phun sum tshogs pa ni 'jig rten dang / 'jig rten las 'das pa'i 'byor pa phun sum tshogs pa dang ldan pa'i phyir ro/ /gzugs phun sum tshogs pa ni skyes bu'i mtshan sum cu rtsa gnyis dang / dpe byad bzang po brgyad cu ni/ sku la mnga' ba'i phyir ro/ /grags pa phun sum tshogs pa ni/ yon tan phun sum tshogs pa dang ldan par 'jig rten gyi khams thams cad du grags pa'i phyir ro/ /dpal phun sum tshogs pa ni dpag bsam gyi shing dang / yid bzhin gyi nor bu ltar sems can thams cad kyi bsam pa yongs su 'gangs par mdzad pa'i phyir ro//ye shes phun sum tshogs pa ni/ chos thams cad la thogs pa med pa dang / chags pa med par mkhyen pa'i ye shes mnga' ba'i phyir ro/ /'bad pa phun sum tshogs pa ni sems can thams cad la phan pa dang /bde ba'i brtson 'grus chen po nam du yang mi gtong bar brtson pa'i phyir ro/ /bcom ldan 'das kyi sgra skal ldan du 'dren pa ni/ byang chub kyi phyogs sum cu rtsa bdun la dran pa nye bar gzhag pa bzhi dang / yang dag pa'i spong ba bzhi lta bur/bzhi bzhir mnyam pa dang / dbang po lnga dang stobs lta bur lnga lngar chos mnyam pa/ chos thams cad dang ldan pa'i phyir te/ de ni ston pa phun sum tshogs par bstan to/ /mnyan du yod pa zhes bya ba ni shra ba bsti zhes bya ba'i drang srong gi gnas su 'gro ba rnams kyi gnas bcas pa'i phyir ro//grong khyer de'i ming yang mnyan du yod pa zhes bya la/ grong khyer de mtshon pa'i yul gyi khyad par gzhan la yang mnyan du yod pa zhes bya'o/ /yang na grong khyer 'di yang bsod nams dang ye shes kyi tshogs kyis bskyed pa'i sems can yon tan mang po dang ldan pa sha stag gi gnas yin pas/legs pa dang 'byor pa phun sum tshogs pa'i grong khyer te/ rna bas mnyan du yod cing thos pa thams cad yod par grags pas na/ grong khyer gyi ming yang mnyan du yod par grags so/ /de yang ci mngon zhe na/ de ltar thams cad yod par grags pa las/mi gcig cig gis de ltar mi'i mig 'tshong ba yod dam med ces grong khyer du zhugs pa las grong khyer na gnas pa'i lhas rang gi lus mi lta bur bsgyur nas/ mi'i mig gsar du phyung ba khar gzhong gang 'gul ba de'i mdun du tshong du 'ongs so zhes 'byung ba lta bu'o//mnyan du yod pa'i grong khyer yang shin tu rgya che bas de'i yang phyogs gang na bzhugs pa mi shes te/ de bas na shar gyi kun dga' zhes bya ba smos so/ /kun dga' zhes bya ba ni ldum ra'i sa phyogs la bya ste/ de dag kyang sa gzhi mnyam zhing snyoms pa dang /me tog la sogs pa sdug gu mang pos brgyan pa dang / phyogs bzang zhing ci mdzes pas/ 'gro ba rnams der sems can kun dga' ba'i phyir kun dga' ste/ kun 'ga' de mnyan du yod pa'i grong khyer gyi shar gyi cha na gnas pas na/shar gyi kun dga' zhes bya'o/ /mnyan du yod pa'i grong khyer gyi shar gyi phyogs na yang / /kun 'ga' mang du yod pas/ gang na bzhugs pa mi shes te/ de bas na khyad par du ri dgas ma'i khang pa na zhes gsungs so/ /de la ri dgas ma zhes bya ba ni/ /dge bsnyen ma bden pa mthong ba/rgyun du zhugs pa'i lam la zhugs pa'i ming ste/ des byas pa'i khang pa'o/ /de la khang pa'i sgra'i don ni/ /de mthong bas 'gro ba sems dang bar byed pas na khang pa ste/ nges pa'i tshig gi tshul gyis so/ /de la mnyan du yod pa'i shar gyi kun dga' ba dang /ri dgas ma'i gnas gnyis smos pa ni/ rab tu byung ba dang / khyim na gnas pa'i phyogs gnyis la phan gdags pa'i phyir te/ kun dga' smos pas ni rab tu byung ba la phan gdags pa'i phyir ro/ /mnyan du yod pa ri dgas ma'i gnas smos pas ni/ khyim na gnas pa'i phyogs la phan gdags pa'i phyir ro//'di na gnas phun sum tshogs pa bstan to/ /ci bcom ldan 'das nyag gcig bzhugs sam snyam pa la ma yin par bstan pa'i phyir/ dge slong gi dge 'dun chen po zhes bya ba la sogs pa gsungs so/ /tshig de dag gis khyad par rnam pa lnga bstan te/so sor thar pa'i sdom pa mtshungs pa dang / bdud la sogs pas mi phyed pa dang / yon tan gyi khyad par dang ldan pa dang / nyon mongs pa bcom pa dang / grangs mang ba'o/ /de la so sor thar pa'i sdom pa mtshungs pas na/ dge slong gi zhes bya ba'i tshig dang po smos te/gsol ba dang zhu ba'i las kyis bsnyen par rdzogs pa dang / so sor thar pa'i sdom pa la gnas pa sha stag pas dge slong ngo / /dge 'dun zhes bya bas bdud la sogs pas mi phyed par bstan te/ de dag lta ba dang / tshul khrims la sogs par gzhan gyis bsgyur bar mi nus pas na dge 'dun no//chen po zhes bya bas/ yon tan khyad par dang ldan par bstan te/ de yang bya ba byas pa dang / byed pa byas pa dang / khur bor ba dang / cang shes pa dang / rang gi don rjes su thob pa'i yon tan lnga dang mngon par shes pa drug la sogs pa'i yon tan dang ldan pa'i phyir ro//dge slong zhes bya ba'i tshig phyi mas nyon mongs pa spangs par bstan te/ gang gi phyir 'dod chags la sogs pa'i nyon mongs pa bcom ste/ spangs pas na de'i phyir don dam pa'i dge slong brgya phrag phyed dang bcu gsum zhes bya bas grangs mang bar bstan te/don rnam par gdon mi za ba'i mdo 'di bshad pa'i tshe na ni 'khor gyi dge slong 'di snyed cig yod do zhes bstan pa'o/ /grangs der chad par smras pa yang / de bzhin gshegs pas lteng rgyas 'od srungs 'khor lnga brgya dang bcas te rab tu phyung / de nas ga ya 'od srungs 'khor nyis brgya lnga bcu dang /de'i 'og tu chu bo 'od srungs 'khor nyis brgya lnga bcu dang / de nas shA ri'i bu dang maud gal gyi bu gnyis/ 'khor nyis brgya lnga bcu rnams dang btul te/ rab tu phyung nas rtag tu bcom ldan 'das kyi 'khor du gyur pa'i phyir/ grangs chad par smos so//bzhugs te zhes bya ba la bzhugs pa rnam pa gsum ste/ spyod lam gyis bzhugs pa dang / chos 'chad cing bzhugs pa dang / nang du yang dag 'jog la bzhugs pa'o/ /de la spyod lam gyis bzhugs pa ni/ /bzhugs pa dang bzhengs pa dang / mnal ba dang 'chag pa'o//chos 'chad cing bzhugs pa ni/ 'khor gyi nang du gsung rab [(]gyi [,]kyi [)]don sgogs par mdzad pa'o/ /nang du yang dag 'jog la bzhugs pa ni/ byams pa dang snying rje la sogs pa tshad med pa bzhi la snyoms par zhugs pa'am/ stong pa nyid dang / mtshan med pa dang / smon med pa la sogs pa la snyoms par bzhugs pa'o//de la spyod lam gyis bzhugs pa ni/ sku'i phrin las so/ /chos 'chad cing bzhugs pa ni/ gsung gi phrin las so/ /nang du yang dag 'jog la bzhugs pa ni/ thugs kyi phrin las te/ de'i skabs su ni chos 'chad cing bzhugs par blta'o//gleng gzhi phun sum tshogs pa rdzogs so// //gleng bslang ba'i dbang du byas nas/ de nas bcom ldan 'das kyis zhes bya ba la sogs pa gsungs so/ /de zhes bya ba ni mnyan du yod pa/ shar gyi kun dga' ri dgas ma'i gnas na'o//yang na de na zhes bya ba ni tshig gis mgo drang ba'am/ tshig dgod pa'o/ /bcom ldan 'das zhes bya ba'i don ni snga ma bzhin no/ /bcom ldan 'das ni 'chad pa po yin la/ dge slong rnams ni nyan par byed pa yin pas/ bcom ldan 'das kyis dge slong rnams la bka' stsal pa zhes bya bar sbyar ro//gsung gang gis bka' stsal pa na/ de'i phyir tshangs pa'i gsung sprin ltar zab mo snyan pa rgya chen pos zhes bya ba gsungs te/ bya ka la ping ka'i sgra ltar shin tu snyan cing 'jam pas 'dul ba'i 'gro ba rnams dga' bar byed pa'i phyir tshangs pa'i gsung ngo //gang gi phyir gsung de ring du 'gro zhing 'khor kun la khyab par byed pas na/ sprin ltar zab mo zhes bya'o/ /'di ltar gsung de tshangs pa'i gsung yin pas/ nyan pa'i dus na 'gro ba rnams kyi bsam pa tshim par byed cing yid 'dren pas na snyan pa'o//gang gi phyir gsung de sprin ltar 'khor kun la khyab ste/ nye ring 'dra bar thos par byed pas na/ de'i phyir rgya chen po zhes bya ste/ yon tan gyi khyad par de lta bu dang ldan pa'i gsung gis/ dge slong rnams la bka' stsal to/ /dge slong khyed rnams la zhes bya ba ni/nyan pa'i 'dul bar gyur pa/ khyed rnams la zhes bya ba'i don to/ /chos bstan par bya ste zhes bya ba la/ chos ni mdo sde la sogs pa gsung rab yan lag bcu gnyis te/ de'i phyir de dag la chos zhes brjod ce na/ de dag gi rigs ston pa'i phyir chos zhes bya'o/ /bstan pa byas te zhes bya ba ni bshad par bya ste/zhes bya ba'i don to/ /ming ji skad ces bya ba'i chos bstan par mdzad snyam pa la/ de'i phyir 'di ltar don rnam par gdon mi za ba zhes bya ba'i chos kyi rnam grangs zhes smos te/ 'di ltar zhes bya ba ni/ 'di lta ste zhes bya ba'i don to/ /chos 'di'i nang nas shes par bya ba dang /spang bar bya ba dang / bsgom par bya ba dang thob par bya ba'i chos kyi don rnam par nges pa dang gtan la babs pa ston la/ sems can rnams kyis 'di thos na yang / don de dag gtan la babs pa kho nar shes par 'gyur bas na/ de'i phyir na mdo sde 'di don rnam par gdon mi za ba'i chos kyi rnam grangs zhes bya'o//chos kyi rnam grangs zhes bya ba ni/ chos kyi phung po'i chos kyi tshogs/ chos mang po zhes bya ba'i don to/ /de la chos la yang rnam pa gnyis te/ bshad par bya ba'i chos dang / khong du chud par bya ba'i chos te/ chos de gnyis ka 'di'i nang nas bshad par ston to/ /bshad par bya ba'i chos kyi khyad par dang / yon tan bstan par bya ba'i phyir/ thog mar dge ba bar du dge ba tha mar dge ba zhes gsungs te/ de la lhag pa'i tshul khrims kyi bslab pa ston pas na/ thog mar dge ba zhes bya ste/lhag pa'i tshul khrims kyi bslab pa ni/ ji ltar mdo dag las/ 'di ltar tshul khrims dang ldan pa yin te/ so sor thar pa'i sdom pas bsdams pa dang / spyod pa dang spyod yul phun sum tshogs pa dang / kha na ma tho ba chung ngu la yang 'jigs par lta zhing / yang dag par blangs nas bslab pa'i gnas la slob bo zhes gsungs pa'o//lhag pa'i sems kyi bslab pa ston pa'i phyir/ bar du dge ba ste lhag pa'i sems kyi bslab pa yang / ji ltar mdo dag las bsam gtan bzhi gang zhe na/ 'dod pa las dben pa/ sdig pa mi dge ba'i chos rnams las dben pa rtog pa dang bcas dpyod pa dang bcas pa/dben pa las skyes par dga' ba dang / bde bar ldan pas/ bsam gtan dang po la nye bar zhugs nas gnas so/ /rtog pa dang dpyod pa nye bar zhi bas/ nang dang zhing sems rtse gcig tu gyur te/ rtog pa med pa dpyod pa med pa/ting nge 'dzin las skyes pa'i dga' ba dang bde ba dang ldan pa/ bsam gtan gnyis pa la nye bar zhugs nas gnas so/ /dga' ba'i 'dod chags dang bral nas btang snyoms la gnas te/ dran pa dang shes bzhin dang bcas pas/ bde ba so sor lus kyis myong ste/ gang de la 'phags pa rnams btang snyoms pa dran pa dang bcas shing /bde ba la gnas pa'o zhes gsungs pa/ bsam gtan gsum pa la nye bar zhugs nas gnas so/ /bde ba yang spang sdug bsngal yang spangs nas/ yid bde ba dang yid mi bde ba gnyis thog ma nyid du nub bar gyur te/bde ba yang ma yin sdug bsngal yang ma yin pa'i btang snyoms dran pa yongs su dag pa bsam gtan bzhi pa la nye bar zhugs nas gnas so zhes bshad pa'o/ /lhag pa'i shes rab kyi bslab pa bstan pa'i phyir tha mar dge ba zhes bya ste/ lhag pa'i shes rab kyi bslab pa yang mdo las 'di la sdug bsngal 'phags pa'i bden pa'o zhes yang dag pa ji lta ba bzhin du rab tu shes so//'di ni sdug bsngal kun 'byung ba'i 'phags pa'i bden pa'o/ /'di ni sdug bsngal 'gog pa'i 'phags pa'i bden pa'o/ /'di ni sdug bsngal 'gog par 'gro bar byed pa'i lam 'phags pa'i bden pa'o//zhes yang dag pa ji lta ba bzhin du rab tu shes so/ /des de ltar mthong ba na 'dod pa'i zag pa las sems rnam par grol ba dang srid pa'i zag pa dang / ma rig pa'i zag pa las sems rnam par grol lo/ /des rnam par grol ba rnam par grol ba nyid du ye shes mthong bar 'gyur ro//zhes bshad pa'o/ /de ltar dus gsum du dge ba'i chos de yang ci 'dra ba zhig ce na/ de'i phyir don bzang po tshig 'bru bzang po zhes bya ba gsungs te/ brjod par bya ba'i don phyin ci ma log cing mchog tu gyur pa don phun sum tshogs pa'i phyir don bzang po'o/ / 'bru ni a dang ka la sogs pa rjod par byed pa'i tshig la bya ste/ tshig gsal zhing don myur du go bar byed pas na tshig 'bru bzang po'o/ /'di yang chad kyis bshad pa'i chos kyi mtshan nyid bzang por bstan to/ /rnam pa de lta bur gyur pa'i chos des kyang ci zhig bsgrub cing ston par byed ce na/de'i phyir tshangs par spyod pa yang dag pa bstan zhes bya ba gsungs so/ /phung po'i lhag ma dang bcas pa'i mya ngan las 'das pa dang / lhag ma ma lus pa'i mya ngan las 'das pa la tshangs pa zhes bya'o/ /mya ngan las 'das pa la tshangs pa zhes bya bar yang ci mngon zhe na/ mdo dag las kyang mya ngan las 'das pa'i dbang du mdzad nas zhi ba'o zhi bar gyur pa'o/ /tshangs pa'o tshangs par gyur pa'o/ /bsil ba'o bsil bar gyur pa'o zhes gsungs par gyur la/ de lta bu'i mya ngan las 'das pa thob par byed pa'i 'phags pa'i lam rtogs par bya ba'i mtshan nyid kyis chos la tshangs par spyod pa'o zhes bya ba ste/'phags pa'i lam de lta bu 'dus byas kyi chos thams cad kyi mchog tu gyur pa'i phyir 'dis ni rtogs par bya'o don dam pa'i mtshan nyid kyi chos bstan to/ /don dam pa'i mtshan nyid kyi chos de yang ci 'dra ba zhig ce na/ de'i yon tan gyi khyad par bstan pa'i phyir/'ba' zhig pa zhes bya ba la sogs pa gsungs so/ /'phags pa'i lam rtogs par bya ba'i chos de mu stegs la sogs pa gzhan gyi gzhung la med de/ gzhan dang thun mong ma yin zhing chos 'di pa 'ba' zhig la yod pas na 'ba' zhig pa zhes bya'o//'phags pa'i lam de 'dod pa dang / gzugs dang gzugs med pa'i khams thams cad kyi nyon mongs pa'i gnyen por gyur pa'i phyir/ yongs su rdzogs pa zhes bya ba ste/ 'jig rten pa'i lam gyis ni srid pa'i rtse mo'i nyon mongs pa'i gnyen po mi byed na yongs su rdzogs pa zhes mi brjod do//'phags pa'i lam de rang bzhin gyis grol bas rnam par grol te/ rang bzhin gyis nyon mongs pa med pa'i bdag nyid yin pa'i phyir/ yongs su dag pa zhes bya'o/ /'phags pa'i lam de zag pa zad pa rnams kyi sems kyi rgyud las skyes te/ rgyud kyi rnam par dag pas rnam par dag pa'i phyir/ kun tu dkar ba zhes bya'o/ /yang na nyan pa'i tshe dad pa chen po skyed par byed pas na thog mar dge ba'o/ /sems pa'i tshe dga' ba chen po skyed par byed pas na/ bar du dge ba'o/ /bsgom pa'i tshe blo chen po skyed par byed pas na tha mar dge ba'o//mtho ris dang mya ngan las 'das pa'i don 'byung bas na don bzang po'o/ /de 'chad par byed pa'i tshig rnams gsal zhing zur phyin cing phyin ci ma log pa'i phyir tshig 'bru bzang po'o/ /yang na mu stegs la sogs pa phyi rol du gyur pa'i chos kyi gnyen por sangs rgyas pa'i chos kyi bdag nyid chen po bstan pa'i phyir thog mar dge ba zhes bya ba la sogs pa gsungs so//'di ltar mu stegs la sogs pa'i chos ni snga phyir bshad pa 'gal ba 'byung bas na/ de dag gi chos thog ma dang bar ma dang tha mar dge ba ma yin no/ /ji ltar snga phyi bshad pa 'gal zhe na/de dag 'di skad du 'chad de mi 'tshe ba ni chos kyi mchog ces bshad la/ sbyin sreg dang mchod sbyin gyi phyir ni phyugs bsad kyang nyes pa med do zhes zer ba dang / rdzun du smra ba las sdig che ba med ces zer ba rtsed mo dang bud med dang mi tshangs par spyad pa'i dus dang /bag ma len pa dang / nor 'phrog pa dang / srog la babs pa'i tshe rdzun smras kyang nyes pa med do/ /zhes zer bas snga phyir 'gal lo/ /don bzang ba ma yin te/ bdag dang byed pa po dang / sems can yod par 'chad pa'i phyir ro/ /'bru bzang ba ma yin te yi ge ma 'brel zhing mi gsal ba dang cal col du 'byung ba'i phyir ro//'ba' zhig pa yang ma yin te/ mu stegs pa rnams kyi tshul khrims dang / bdag tu lta ba la sogs pa'i lta ba rnams mi'i thod can dang gcer bu la sogs pa phan tshun thun mong du gyur pa'i phyir ro/ / yongs su rdzogs pa yang ma yin te/ de dag gi lam ni sa 'og ma'i nyon mongs pa'i gnyen po tsam byed par zad kyis/ sa thams cad kyi nyon mongs pa kun gyi gnyen po mi byed pa'i phyir ro/ /yongs su dag pa ma yin te/ rang gang la gnas pa'i sa'i nyon mongs pa thams cad rgyu zhing 'byung ba'i gnas su gyur pa'i phyir te/gang gi phyir gal te 'dod pa'i khams na gnas na/ 'dod pa na spyod pa'i nyon mongs pa kun 'byung ba'i gnas su gyur pa'i phyir ro/ /kun du dkar ba ma yin te/ sa gzhan la nyon mongs pa bag la nyal dang yang rjes su 'brel ba'i phyir ro//tshangs par spyod pa yang ma yin te/ lam de dag gis mya ngan las 'das pa thob par mi byed pa'i phyir ro/ /yang na don bzang ba'i phyir thog mar dge ba'o/ /'bru bzang ba'i phyir bar du dge ba'o/ /'ba' zhig dang yongs su rdzogs pa dang / yongs su dag pa dang / kun tu dkar ba dang / tshangs par spyod pa'i phyir tha mar dge ba'o/ /yang dag par rab tu bstan gyis zhes bya ba ni bshad par bya ba dang / rtogs par bya ba'i chos phyin ci ma log par bshad kyis zhes bya ba'i tha tshig go/ de shin tu legs par nyon la zhes bya ba la sogs pas/nyan pa'i 'dul ba rnams rna ba mi g.yeng bar nyon cig ces mi g.yeng ba la sbyor bar mdzad do/ /de zhes bya ba ni don rnam par gdon mi za ba'i chos kyi rnam grangs la bya bar snyegs so/ /shin tu legs par nyon la zhes bya ba ni/ phyin ci ma log par nyon cig ces bya ba'i don to//yid la zung shig ces bya ba ni/ don ma lus par zung la ma brjed par gyis shig ces bya ba'i don to/ /yang na mdo las tshig rnam pa gsum 'byung ste/ shin tu nyon la zhes bya ba dang / legs par nyon la zhes bya ba dang / yid la zung shig ces bya ba gsum ste/des rim bzhin du snod kyi nyes pa rnam pa gsum spongs shig ces par bka' stsal pa'o/ /nyes pa rnam pa gsum ni snod kha phub pa lta bu'i nyes pa dang / snod mi gtsang bas gang ba lta bu'i nyes pa dang / snod rdol ba lta bu'i nyes pa'o/ / de la snod kha phub pa lta bu'i ni/ dper na snod khas phub na nam mkha' las char babs kyang chu nang du ma 'dus par/ char bab pa don med pa dang 'dra bar gsung rab 'chad pa'i tshe na g.yengs pa dang rmugs pas non nas/ chos kyi char babs pa don med par gyur pa'i nyes pa de spang ba'i phyir shin tu nyon la zhes bka' stsal te/g.yengs pa dang rmugs pa spongs la/ don khong du chud par gyis shig ces bya ba'i don to/ /snod mi gtsang bas gang ba lta bu ni dper na snod mi gtsang bar char babs na/ char gyi chu mi gtsang bar gyur pas/ char bab pa don med par gyur pa de bzhin du/chos kyi char bab pa'i dus na/ rang gi rnam par rtog pa phyin ci log gis gsung rab kyi don phyin ci log tu bzung na yang chos kyi char bab pa don med par gyur pas/ de spang bar bya ba'i phyir legs par nyon la zhes bka' stsal te/ phyin ci ma log par nyon cig ces bya ba'i don to//snod rdol ba lta bu ni/ dper na snod rdol ba la nam mkha'i char nang du zhugs kyang / de ma thag tu phyir zag pas bab pa don med par gyur pa de bzhin du/ dam pa'i chos kyi char babs na/ don dang tshig la sogs pa sngar brda phrad kyang phyis rjed par byas na/chos kyi char bab pa don med par gyur pas/ de'i gnyen por yid la zung shig ces bka' stsal te/ ji ltar tshig dang don rnams gzung ba/ de bzhin du ma brjed par gyis shig ces bya ba'i don to/ /bshad do zhes bya ba ni/gal te de ltar byas na ni bshad kyis/ gzhan du na chos kyi char phab pa don med par 'gyur bas na mi bshad do zhes bya bar dgongs so/ /yang na de bzhin gshegs pa la rab tu byung ba'i slob ma nad pa rnam pa gsum dang 'dra ba yod de/ de'i gnyen por shin tu legs par zhes bya ba la sogs pa gsungs so//de la nad pa dang po ni/ skyes bu 'ga' zhig nad kyis btab pa las/ de la phan par 'dod pa'i pha dang mas/ phan par gyur pa'i sman dang kha zas byin na/ zar mi btub ste/ des kyang de la phan par 'dod pa'i pha ma la gnod par byed do//de bzhin du de bzhin gshegs pa'i gsung rab la rab tu byung ba'i gang zag la nyon mongs pa'i nad kyis btab pa de la/ nyon mongs pa'i nad la phan pa'i sman/ chos thog mar dge ba la sogs pa nyon cig ces bsgo na/ nyan du mi btub ste/ des kyang de la phan par dgongs pa chos kyis yab de bzhin gshegs pa la gnod par byed pa'o/ /de'i gnyen por shin tu nyon la zhes bka' stsal te/ de bzhin gshegs pa'i gsung rab nyon cig ces bya ba'i don to/ /nad pa gnyis pa ni de la phan par 'dod pa'i pha mas phan par gyur ba'i sman dang kha zas byin nas gang phan pa mi za ba'i phan pa bza' bar byed de/des kyang de la phan par sems pa'i pha ma la gnod par byed do/ /de bzhin du de bzhin gshegs pa'i gsung rab la rab tu byung ba'i gang zag kha cig dam pa'i chos bstan nas/phyin ci ma log par ma bzung gi/ phyin ci log tu 'dzin te/ des kyang de la phan par dgongs pa'i chos kyis yab de bzhin gshegs pa la gnod par byed de/ /de'i gnyen por legs par nyon la zhes bka' stsal te/ phyin ci ma log par nyon cig ces bya ba'i don to//nad pa gsum pa ni de la phan par sems pa'i pha mas/ phan par 'gyur ba'i sman dang kha zas byin na/ byin pa bzhin zos la phyis skyug par byed de/ /des kyang de la phan par sems pa'i pha ma la gnod par byed do/ /de bzhin gshegs pa'i bstan pa la rab tu byung ba'i gang zag kha cig// /ji skad bsgo ba bzhin du dam pa'i chos nyan la tshig dang don khong du chud kyang phyis brjed par byed pa ste/ des kyang de la phan par dgongs pa'i chos kyis yab de bzhin gshegs pa la gnod par byed pa yin no//de'i gnyen por yid la zung shig ces bka' stsal te/ don dang tshig sngar bzung ba rnams ma brjed par gyis shig ces bya ba'i don to/ /bshad do zhes bya ba ni da ni 'chad pa por zad kyi nan tan du ni khyed kyis sgrubs shig par bka' stsal pa'o/ /bcom ldan 'das kyis dge slong de dag gnas dam pa la bkod pas/dge slong rnams kyis kyang bcom ldan 'das la legs so bya ba gsol to/ /sngar bcom ldan 'das kyis skyon rnam pa gsum spongs la nyon cig ces bka' stsal pa bzhin du/ skyon spangs nas/ nyan pa la zhugs pa bstan pa'i phyir/dge slong de rnams bcom ldan 'das la slar nyan pa zhes bya ba la smos te/ slar nyan pa zhes bya ba ni/ bcom ldan 'das kyis bka' stsal pa bzhin du nyan to zhes bya ba'i don to/ /'di skad bka' stsal zhes bya ba ni/ 'og nas 'byung ba skad du bka' stsal ba ste/gleng bslang ba bshad zin to/ /de'i 'og tu bsdus pa'i don bshad par bya ba'i phyir/ dge slong dag don rnam par gdon mi za ba zhes bya ba'i chos kyi rnam grangs gang zhe na zhes bya ba la sogs pa gsungs so/ /shes par bya ba dang spang bar bya ba dang /bsgom par bya ba dang / thob par bya ba'i chos rnams 'dir gtan la bab par ston pas na/ don rnam par gdon mi za ba zhes bya ba ste/ gang zhe na zhes bya ba ni de gang yin zhes dris pa'o/ /de bstan par bya ba'i phyir 'di lta ste zhes bya ba la sogs pa gsungs te/'di lta ste zhes bya ba ni de bzhin ni 'di dag yin no zhes bya ba'i tha tshig go/ /phung po lnga nas brtsams te/ dpe byad bzang po brgyad cu'i bar gyi don nyi shu rtsa drug po rnams kyis/ mdo'i don mtha' dag ma lus par rdzogs so zhes bstan pa'i phyir/ dge slong dag 'di ni don rnam par gdon mi za ba'i chos kyi rnam grangs kyi lung ngo zhes bka' stsal to/ /de la phung po lnga nas/ dbang po nyi shu rtsa gnyis kyi bar gyis ni shes par bya ba dang / spang bar bya ba dang / bsgom par bya ba gsum bstan te/ chos de dag las gang lung du ma bstan pa'i mtshan nyid rnams ni shes par bya'o//gang mi dge ba'i mtshan nyid de dag ni spang bar bya'o/ /gang dge ba'i mtshan nyid de dag ni bsgom par bya'o/ /de la bsam gtan bzhi nas brtsams te/ rgyun du zhugs pa'i yan lag bzhi zhes bya ba yan chad kyis ni bsgom par bya ba'i chos bstan to//de bzhin gshegs pa'i stobs bcu zhes bya ba nas/ dpe byad bzang po brgyad cu zhes bya ba yan chad kyis ni thob par bya ba'i chos bstan to/ /bsdus pa'i don bstan pa yang ci dgos she na/ mdo 'di don nyi shu rtsa drug las mang du yang mi 'chad nyung du mi 'chad do zhes bskyed pa dang /skur ba spang ba'i phyir ro/ /yang na slob ma rnams tshig dang don bde bar khong du chud cing gzung bla bar bya ba'i phyir/ bsdus pa'i don smos te/ dper na rta dang por dkyus bstan pa/ phyis thogs pa med pa rgyu ba bzhin du thog mar bsdus pa'i don khong du chud na/phyis slob ma rnams yan lag gi don bde bar khong du chud par 'gyur bas so/ /yang na slob ma rnam pa gnyis te/ mdo tsam du bstan pas 'dul ba dang / rgyas par bshad pas 'dul ba'o/ /de la mdo tsam du bstan pas 'dul ba'i ched du mdzad nas/sngar bsdus pa'i don bka' stsal to/ /rgyas par bshad pas 'dul ba'i ched du mdzad nas 'di lta ste/ gzugs kyi phung po dang zhes bya ba la sogs pa/ tshig gi don rgyas par bshad pa/ bsdus pa'i don gyis mjug bsdu ba'i phyir dge slong dag 'di ni zhes bya ba la sogs pa gsungs so //da ni tshig gi don bstan par bya ste/ de bas na de la dge slong dag ces bya ba la sogs pa gsungs so/ /phung po lnga gang zhe na zhes bya ba ni dris pa'o/ /dris pa bzhin du bstan par bya ba'i phyir/ 'di lta ste zhes bya ba la sogs pa gsungs te/'di lta ste zhes bya ba'i sgra dpe'i tshig tu yang ston mod kyi/ 'di'i skabs su 'di lta ste zhes bya ba'i sgra/ gzugs la sogs pa'i phung po nye bar bstan par bya ba'i don du 'gro ste/ de bas na 'di lta ste zhes bya ba ni/ /phung po lnga ni 'di yin te/zhes bya ba'i tha tshig go/ /gzugs kyi phung po dang / tshor ba'i phung po dang zhes bya ba 'dis ni zag pa med pa'i phung po bstan pa yin te/ de ltar na phung po gnyis te/ zag pa med pa'i phung po dang / zag pa dang bcas pa'i phung po'o/ /'dir ni phung po zhes spyir smos na/zag pa med pa'i phung po yin par ci mngon zhe na yang / de ni mngon te 'og nas/ de la dge slong dag len pa'i phung po lnga gang zhe na zhes zag pa can gyi phung po ming gis gsal bar smos pa na sngar smos pa'i phung po lnga ni zag pa med pa'i phung po la bya bar mngon no/ / de lta ma yin te gnyis ka zag pa can gyi phung po la bya bar gyur na ni/ zag pa can gyi phung po de nyid lan gnyis su zlos pa'i skyon du 'gyur ro/ /'o na zag pa med pa'i phung po bstan pa 'dir ci dgos zhe na/ sdug bsngal thams cad dang bral ba'i gnas/ zag pa med pa'i phung po yod par mthong na/zag pa can gyi phung po la skyo ba skye'o/ /skyo ba skyes nas zag pa can gyi phung po 'dor bar bya ba la brtson pa bskyed do/ /brtson pa skyes na/ sdug bsngal gyi phung po 'dor bar 'gyur ro/ /sdug bsngal gyi phung po bor na bde ba'i mchog mya ngan las 'das pa thob ste/zag pa med pa'i phung po bstan pa ni/ der dgos so/ /de la zag pa med pa'i gzugs kyi phung po gang zhe na/ rnal 'byor pa 'phags pa'i lam gyi yan lag brgyad pa la snyoms par 'jug pa'i tshe/ gang zag pa med pa'i mtshan nyid rnam par rig byed ma yin pa'i gzugs ni gzugs kyi phung po'o//gang de'i tshe tshogs nyid la zag pa med pa'i tshor ba byung ba ni tshor ba'i phung po'o/ /gang de'i tshogs nyid la 'du shes yod pa ni 'du shes kyi phung po'o/ /yang na rnal 'byor pa rnams kyi 'du shes rnam pa bcu ni 'du shes kyi phung po ste/'du shes bcu la/ mi rtag pa'i 'du shes dang / sdug bsngal gyi 'du shes dang / bdag med pa'i 'du shes dang / mi gtsang ba'i 'du shes dang / kha zas la rjes su mi mthun pa'i 'du shes dang / 'jig rten thams cad la mngon par mi dga' ba'i 'du shes dang /'chi ba'i 'du shes dang / rab tu spong ba'i 'du shes dang / 'dod chags dang bral ba'i 'du shes dang / 'gog pa'i 'du shes so/ /de la rgyu dang rkyen la rag lus pas/ mi gnas par sems pa ni mi rtag pa'i 'du shes so/ lus dang sems la gnod par byed par sems pa ni sdug bsngal bar 'du shes so/ /bdag la rang dbang med de gzhan gyi dbang du gyur par sems pa ni/ bdag med pa'i 'du shes so/ /lus kyi rang bzhin khrag dang rnag la sogs pa'i mtshan nyid du zhes pa ni mi gtsang ba'i 'du shes so//kha zas rnams khar bcug pa na yang mchil ma dang snabs la sogs pa dang 'dres nas khong du zhugs la/ khong du yang bshad pa dang gci bar 'gyur ro zhes sems pa ni kha zas la rjes su mi mthun pa'i 'du shes so/ /sems can thams cad ni 'dod chags la sogs pa'i nyon mongs pa'i mes bsregs la/skye ba dang rga ba'i gnod pas mnar ba'o zhes sems pa ni/ 'jig rten rnams la mngon par mi dga' ba'i 'du shes so/ /bum pa zhabs rdol ba'i chu bzhin du skad cig ma re re la yang 'tsho ba'i dbang po zad do/ /zhes sems pa ni 'chi ba'i 'du shes so//dang por rgyun du zhugs pa'i 'bras bu'i dus kyi de ma thag pa'i lam gyi tshe na ni/ rab tu spong ba'i 'du shes so/ /phyir mi 'ong ba'i dus kyi de ma thag pa'i lam gyi tshe na ni/ 'dod chags dang bral ba'i 'du shes so/ /dgra bcom pa'i dus kyi de ma thag pa'i lam gyi tshe na ni/'gog pa'i 'du shes so/ /gang de nyid kyi tshogs na dad pa dang / brtson 'grus dang / sems pa la sogs pa 'du byed sems dang ldan pa rnams dang / skye ba dang / rga ba la sogs pa dang ming gi tshogs dang tshig gi tshogs la sogs pa 'du byed sems dang mi ldan pa rnams ni/'du byed kyi phung po'o/ /gang de nyid kyi tshogs na zag pa dang bcas pa'i phung po dang / 'dod pa lnga'i yon tan la dga' ba med pa'i rnam par shes pa ni/ rnam par shes pa'i phung po'o/ /zag pa med pa'i phung po lnga bshad zin pa bstan pa'i phyir/'di ni dge slong dag phung po lnga rnams so zhes bya ba gsungs te/ zag pa med pa'i phung po lnga rnams rdzogs so zhes bya ba'i don to/ /de la phung po lnga zhes smos pas chog mod/ gzugs dang tshor ba'i mtshan nyid gzung ba ci dgos she na/ gzugs dang tshor ba'i mtshan nyid gzung ba ni/tshul khrims la sogs pa zag pa med pa'i phung po gzhan yang yod pas de dag dgag par bya ba'i phyir ro/ /phung po lnga'i 'og tu len pa'i phung po lnga bstan pas ji ltar bstan pa de bzhin bshad par bya ba'i phyir/ de la dge slong dag len pa'i phung po lnga gang zhe na zhes bya ba la sogs pa gsungs so//len pa'i phung po lnga bshad pa yang ci dgos she na/ len pa'i phung po lnga bshad na bden pa bzhi zhes par gyur pas na/ de kho na shes pa'i ye shes skye bar 'gyur ro/ /ye shes skyes na yid la gnas pa'i nyes pa rnams spang bar 'gyur ro//nyes pa spangs na las mngon par 'du mi byed do/ /las mngon par 'dus ma byas na/ sdug bsngal dang bral zhing bde ba thob par gyur te der dgos pa'o/ /yang na phung po bstan pas rtag pa ma yin pa dang / bde ba ma yin pa dang / bdag med pa dang / snying po med pa dang /skyabs med pa dang / mgon med pa dang / rang dbang med cing rga ba dang / na ba dang 'chi ba la sogs pa sdug bsngal mtha' med pa rnams kyis gnod par gyur pa'i phung po la dbu ba dang chu bur dang smig rgyu dang chu skyes kyi sdong bu dang sgyu ma lta bur yang dag pa ji lta ba bzhin du shes par 'gyur ro//yang dag pa ji lta ba bzhin du shes na/ 'phags pa nyan thos rnams sems la yod pa'i ma rig pa'i mun pa sel bar byed do/ /mun pa bsal na mu stegs pa'i srin bu me khyer dang 'dra ba'i shes pa'i gzi rnams nyi mas zil gyis gnon pa bzhin du zil gyis gnon pa dang /log pa'i lta ba dang de las skyes pa'i nyes pa skye ba dang / rga ba la sogs pa spangs nas/ mya ngan las 'das pa'i yon tan thob par 'gyur te der dgos so/ /de la zhes bya ba'i sgra ni chos gzhan las bkar te/ bstan par 'dod pa'am/ tshig gi mgo 'dren par byed pa'o/ /dge slong dag ces bya ba ni bos pa'o/ /len pa zhes bya ba la nyon mongs pa'i tshogs 'dis ma 'ongs pa'i srid pa len pas 'dod chags la sogs pa'i nyon mongs pa la len pa zhes bya ste/ len pa de las byung ba'i phung po ni/len pa'i phung po ste/ tshig bar ma sbas pas rtswa dang phub ma'i me bzhin no/ /dper na rtswa las byung ba'i me la rtswa'i me dang phub ma las byung ba'i me la phub ma'i me zhes tshig par ma sbas pa dang 'dra'o/ /kha cig tshig par ma sbas par drug pa'i bsdu bas bsgrub ste len pa zhes bya la nyon mongs pa dang 'brel pa'i phung po la len pa'i phung po zhes bya ste/dper na rtswa dang phub ma'i me la rtswa'i me phub ma'i me zhes bya ba bzhin no/ /smras pa gang sems can gyi grangs su gtogs pa rnams ni len pa'i phung po zhes bya bar rigs te/ nyon mongs pas brlan pa'i las kyi rgyu las skyes pa'i phyir ro//phyi'i dngos po sems can gyi grangs su gtogs pa rnams la/ ji ltar na len pa'i phung po zhes bya zhe na/ smras pa de dag kyang len pa las byung ba la len pa'i phung po zhes bya bar rigs te/ 'jig rten sna tshogs las las byung ngo zhes gsungs pa'i phyir ro//yang na len pa dang / rjes su mthun par byed pa'i phung po la len pa'i phung po zhes bya ste/ rgyal po'i skyes bu bzhin no/ /dper na rgyal po'i bka' dang rjes su mthun par byed pa'i skyes bu la rgyal po'i skyes bu zhes bya ba bzhin du/ nyon mongs pa dang rjes su mthun par byed pa'i phung po ni len pa'i phung po ste/de'i dbang gis dmigs pa dang 'gro ba gzhan du 'jug pa'i phyir ro/ /yang na phung po rnams la nyon mongs pa 'byung ba'i phung po la len pa'i phung po zhes bya ste/ me tog dang 'bras bu'i shing bzhin no/ /dper na me tog dang 'bras bu 'byung ba'i shing la me tog gi shing 'bras bu'i shing zhes bya ba bzhin du/phung po las nyon mongs pa 'byung bas na len pa'i phung po zhes gdags so/ /lnga zhes smos pas ni lhag chad dgag pa'i phyir te/ kha cig ni so sor brtags te 'gag pa dang / ma brtag par 'gag pa dang / nam mkha' yang phung por 'dod pa yod do/ /phung po smos pas ni gzugs dang sgra la sogs pa'i yul lnga dgag pa'i phyir ro/ /gzugs len pa'i phung po dang zhes bya ba la gzugs rnam pa gnyis te/ 'byung ba chen po bzhi dang / 'byung ba chen po bzhi las gyur pa'i gzugs so//'byung ba chen po bzhi gang zhe na/ sa'i khams dang / chu'i khams dang / me'i khams dang / rlung gi khams so/ /de la sa'i khams kyi rang bzhin ni sra ba dang rtsub pa'o/ /chu'i khams kyi rang bzhin ni brlan pa dang gsher ba'o/ /me'i khams kyi rang bzhin ni tsha ba dang dro ba'o//rlung gi khams kyi rang bzhin ni yang ba dang g.yo ba'o/ /yang na sa'i khams kyi rang bzhin ni dri dang ldan pa'o/ /chu'i khams ni ro dang ldan pa'i rang bzhin no/ /me'i khams ni gzugs dang ldan pa'i rang bzhin no/ /rlung gi khams ni sgra dang reg bya'i rang bzhin no//yang na brtan pa dang lci ba dang mkhrangs ba dang / 'jam pa dang rtsub pa ni sa'i khams kyi mtshan nyid do/ /gsher ba dang lci ba dang 'jam pa dang grang ba dang snum pa ni chu'i khams kyi mtshan nyid do/ /dro ba dang yang ba dang smin pa dang tsha ba ni me'i khams kyi mtshan nyid do//mgyogs pa dang yang ba dang rtsub pa dang g.yo ba ni rlung gi khams kyi mtshan nyid do/ /'byung ba chen po 'di dag las ci byed ce na/ sa'i khams ni rten pa'i las byed do/ /chu'i khams ni sdud pa'i las byed do//me'i khams ni smin pa'i las byed do/ /rlung gi khams ni skye zhing 'phel ba'i las byed do/ /ci'i phyir 'byung ba chen po bzhi kho nar bshad pa lnga dang drug la sogs par ma yin zhe na/ myu gu skyes pa'i rkyen du bzhi kho nar dgos par zad pas na lnga dang drug la sogs par ma bshad do//de la sa ni sa bon gyi rten byed do/ /chu ni sa bon brlan par byed do/ /me ni sa bon smin par byed do/ /rlung ni sa bon 'phel zhing rgyas par byed do/ /yang na sa'i khams ni lci ba'i rang bzhin yin pas gang de'i shas che ba de dag ni lus lci ba dang gnyid che ba yin te/ma bslangs na nad du 'gyur ro/ /chu'i khams ni gsher ba'i rang bzhin yin pas de'i shas che ba rnams ni bad kan du gyur te bkru sman dang skyug sman la sogs pa ma byas na nad du 'gyur ro/ /me'i khams ni tsha ba'i rang bzhin yin pas de'i shas che na mkhris par 'gyur te/bkres pa'i tshe dus su kha zas la sogs pas ma gsos na nad du 'gyur ro/ /rlung gi khams ni g.yo ba yin pas de'i shas che ba rnams ni rlung can de snum gyis bskus te mnye ba la sogs pa ma byas na nad du 'gyur te/ de'i phyir yang 'byung ba chen po bzhi nyid du 'gyur ro//zhes slob dpon kha cig gis bshad do/ /'o na ci'i phyir nam mkha' dang tshor ba la sogs pa 'byung ba chen po zhes mi bya zhe na/ smras pa 'byung ba zhes bya ba ni skye ba'i don la/ chen po zhes bya ba ni khyab pa'i don te tshor ba la sogs pa 'byung ba yin yang khyab pa med pas na chen po ma yin pa dang /nam mkha' khyab pa yin yang skye ba med pas na 'byung ba chen po zhes mi bya'o/ /de bas na 'byung ba'i don ni sems can rnams kyi las las skyes pa'i don yin la chen po'i don ni khyab pa'i don yin pa'i phyir 'byung ba chen po zhes bya'o//'o na ji ltar chen po yin zhe na/ ji skad du mdo las 'di ltar dga' bo sa chen po 'di ni chu la gnas so/ /chu ni rlung la gnas so zhes gsungs pa dang / yang na me'i khams bdo na tshangs pa'i 'jig rten man chad sreg go/ /chu'i khams bdo na 'od snang ris man chad 'jig par byed do//rlung gi khams bdo na dge rgyas man chad 'jig par byed do zhes gsungs so/ /yang na sa'i khams bdo na chu'i bu ga kun dgag go/ /bu ga 'gags na rlung mi 'byung ngo / /rlung ma byung na de'i shol bskams so/ /shol bskams na nam mkha' la me 'byung ste/tshig par byed do zhes gsungs pa na/ de dag chen po zhes bya'o/ /smras pa gang na 'byung ba yod pa der 'byung ba gzhan dag kyang yod dam/ slob dpon kha cig gis smras pa/ yod do zhe'o/ /ji ltar zhe na bzhi po de dag rtag tu mi 'bral bar gnas pa'i phyir ro//gal te sa'i khams la chu'i khams med na thal ba gtor ba bzhin du sa'i khams de dag so sor zhig par 'gyur ro/ /gal te chu'i khams la sa'i khams med na bu ram shing gi khu ba la sogs pa btsos kyang sra bar mi 'gyur ro/ /gal te me'i khams la sa'i khams dang chu'i khams med na me lce rnams so sor gyes pa dang 'dab ma la sogs pa me lces 'degs mi nus par 'gyur ro//gal te rlung gi khams la sa'i khams dang me'i khams la sogs pa med na/ rlung gis rtswa dang 'dab ma khyer mi nus la rlung tsha ba dang rlung grang ba zhes bya ba yang med par 'gyur ro//gzhan yang sa las chu 'byung ste/ chu shel las chu mngon par 'grub pa dang / de bzhin du sa las me 'byung ste/ me shel las me mngon par 'grub pa dang / sa las rlung 'byung ste/ thal mos brdab pa'am/ ta la'i 'dab ma g.yos pa las rlung ldang ba'i phyir ro//chu la yod de 'dab ma la sogs pa 'degs par byed pa dang / me la yod de 'dab ma dang rtswa la sogs pa 'brul bar byed pa dang / rlung yod de g.yo zhing thur du 'bab pa'i phyir ro/ /me la yod de me lce gcig gis gcig 'dzin cing 'dab ma la sogs pa 'dzin pa dang /chu yod de me lce mi 'gyes dang / rlung yod de g.yo zhing 'gul bar byed pa'i phyir ro/ /rlung la yod de 'dab ma la sogs pa 'degs par byed pa dang / me yod de ras rlon pa la sogs pa skam par byed pa dang /chu yod de phan tshun mi 'gyes par gcig tu g.yo zhing 'byung ba'i phyir ro/ /'byung ba las gyur pa'i gzugs bcu gcig ste/ dbang po lnga dang / yul lnga dang / rnam par rig byed ma yin pa'i gzugs so/ /de la dbang po lnga la/ mig gi dbang po dang /rna ba'i dbang po dang / sna'i dbang po dang / lce'i dbang po dang / lus kyi dbang po'o/ yul lnga la/ gzugs dang / sgra dang / dri dang / ro dang / reg bya'o/ /de la mig gi dbang po gang zhe na/ mig gi rnam par shes pa'i rten du gyur pa gzugs dang ba'o//rna ba'i dbang po gang zhe na/ rna ba'i rnam par shes pa'i rten du gyur pa gzugs dang ba'o/ /sna'i dbang po gang zhe na/ sna'i rnam par shes pa'i rten du gyur pa gzugs dang ba'o/ /lce'i dbang po gang zhe na/ lce'i rnam par shes pa'i rten du gyur pa gzugs dang ba'o//lus kyi dbang po gang zhe na/ lus kyi rnam par shes pa'i rten du gyur pa gzugs dang ba'o/ /gzugs gang zhe na/ rnam pa gnyis te/ kha dog gi bdag nyid dang / dbyibs kyi bdag nyid do/ /de la kha dog gi bdag nyid ni sngon po dang ser po dang dmar po dang /dkar po'o/ /dbyibs kyi bdag nyid ni ring ba dang thung ba dang / zlum pa dang / kun tu dkyil 'khor dang / phra ba dang / /sdom pa dang / mnyam pa dang / mi mnyam pa'o/ /sgra gang zhe na/ rnam pa gsum ste/ zin pa'i 'byung ba chen po'i rgyu las byung ba dang /ma zin pa'i 'byung ba chen po'i rgyu las byung ba dang / gnyi ga'i rgyu las byung ba'o/ /de la zin pa'i 'byung ba chen po'i rgyu las byung ba ni sems can gyi sgra'o/ /ma zin pa'i 'byung ba chen po'i rgyu las byung ba ni nags tshal dang chu bo'i sgra'o/ gnyi ga'i rgyu las byung ba ni rdza rnga dang pi wang la sogs pa'i sgra'o/ /dri rnam pa gsum ste/ dri zhim pa dang / dri mi zhim pa dang / dri mnyam pa'o/ /de la dri zhim pa ni tsan+dan la sogs pa'i dri'o/ /dri mi zhim pa ni mi gtsang ba la sogs pa'i dri'o/ /dri mnyam pa ni dung dang / nya phyis la sogs pa'i dri'o//ro gang zhe na rnam pa drug ste/ mngar ba dang / skyur ba dang / kha ba dang / tsha ba dang / bro ba dang / bska ba'o/ /de la mngar ba ni ka ra la sogs pa'i ro'o/ /skyur ba ni skyu ru ra la sogs pa'i ro'o/ /kha ba ni mkhris pa dang / tig ta la sogs pa'i ro'o//tsha ba ni sge'u gsher la sogs pa'i ro'o/ /bro ba ni lan tshwa'i ro'o/ /bska ba ni a ru ra la sogs pa'i ro'o/ /de la reg bya gang zhe na/ de yang rnam pa bcu gcig ste/ 'byung ba chen po bzhi dang / 'jam pa dang / rtsub pa dang /yang ba dang / grang ba dang / bkres pa dang / skom pa'o/ /de la rnam par rig byed ma yin pa'i gzugs gang zhe na/ de la yang rnam pa gsum ste/ dge ba dang / mi dge ba dang / de gnyi ga'i mtshan nyid do/ /dge ba'i rnam par rig byed kyang rnam pa gsum ste/so sor thar pa'i sdom pa las byung ba dang / ting nge 'dzin las byung ba dang / zag pa med pa'i bsam gtan las byung ba'o/ /so sor thar pa'i sdom pa las byung ba ni/ gang dge slong pha dang / dge slong ma dang / dge bsnyen pha dang / dge bsnyen ma dang /dus khrims pa'o/ /bsam gtan las byung ba ni/ /gang gzugs kyi khams kyi bsam gtan bzhi'i rgyu las byung ba'o/ /zag pa med pa'i sdom pa ni gang 'phags pa'i lam gyi yan lag brgyad bsgom pa'i rgyu las byung ba'o/ /mi dge ba'i rnam par rig byed ma yin pa ni/bya ba dang / nya pa dang / shan pa la sogs pa'i sdig pa mi dge ba'i sems rnams so/ /de gnyi ga'i mtshan nyid ni dkyil 'khor ma byas par zan mi bza'o/ /zhe'am/ sams can 'ga' zhig ma brdegs ma bsad par zan mi bza' zhes dam bca' ba'o//de la gzugs kyi phung po de ji ltar shes par bya zhe na/ ci rigs par so sor rnam pa bcu gcig tu shes par bya ste/ mi gtsang bar shes par bya ba dang / de las byung bar shes par bya ba dang / der gnas par shes par bya ba dang / de za bar shes par bya ba dang / de la dga' bar shes par bya ba dang / de 'byung bar shes par bya ba dang / /snying po med par shes par bya ba dang / mi rtag par shes par bya ba dang / sdug bsngal bar shes par bya ba dang / stong par shes par bya ba dang / bdag med par shes par bya ba'o//de la mi gtsang bar shes par bya ba ni/ lus 'di klad pa'i rgyas nas rkang pa'i mthil gyi bar du rnag dang khrag dang chu ser la sogs pa'i bdag nyid du shes par bya'o/ /de las byung bar shes par bya ba ni/ lus 'di dang po yang ma'i khrag dang pha'i khu ba las gyur par shes par bya'o//der gnas par shes par bya ba ni/ ma'i mngal na gnas pa'i tshe yang zhu ba'i gnas dang ma zhu ba gnyis kyi bar na/ mi gtsang ba rnam pa sna tshogs kyis bskor nas/ 'dug par shes par bya'o/ /de za bar shes par bya ba ni/ ma kha zas dang btung ba la sogs pa zos shing 'thung ba'i mchil ma dang chu ser la sogs par gyur pa de za bar byed do//zhes shes par bya'o/ /de la dga' bar shes par bya ba ni/ pha dang ma gnyis mi tshangs par spyod pa'i dus na de'i khrag dang khu ba dang dri nga ba byung ba la dga' bar byed par shes par bya'o//de la 'byung bar shes par bya ba'i lus 'di las mi gtsang ba rnam pa sna tshogs 'byung ngo / /zhes shes par bya'o/ /snying po med par shes par bya ba ni/ glang po che la sogs pa'i mgo na mu tig tsam gyi snying po yang yod na/ lus 'di la ni dam par bya ba rdul tsam yang med do zhes shes par bya'o//mi rtag par shes par bya ba ni/ skad cig ma re re la 'jig pa'i ngang can no/ /zhes shes par bya'o/ sdug bsngal bar shes par bya ba ni/ lus 'di dga' ba dang 'chi ba la sogs pas rtag tu gzir ba'o//zhes shes par bya'o/ /stong par shes par bya ba ni/lus 'di'i nang na mu stegs kyis brtag pa'i bdag rtag pa med par shes par bya'o/ /bdag med par shes par bya ba ni/ lus 'di nyid mu stegs kyis brtag pa'i bdag rtag pa'i rang bzhin ma yin no//zhes shes par bya'o/ /tshor ba'i phung po zhes bya ba la tshor ba rnam pa gsum ste/ bde ba dang / sdug bsngal ba dang / bde ba yang ma yin/ sdug bsngal ba yang ma yin pa'i tshor ba'o/ /de la gang lus dang sems la sim zhing phan par byed pa ni bde ba'i tshor ba'o//gang lus dang sems la sim pa ma yin pa dang / gnod par byed pa ni sdug bsngal gyi tshor ba'o/ /gang lus dang sems la sim par yang mi byed gnod par yang mi byed pa ni/ bde ba yang ma yin sdug bsngal ba yang ma yin pa'i tshor ba'o/ / yang na las dge ba'i rnam par smin pa myong ba ni bde ba'i tshor ba'o/ /las mi dge ba'i rnam par smin pa myong ba ni sdug bsngal gyi tshor ba'o/ /las lung du ma bstan pa'i rnam par smin pa myong ba ni bde ba yang ma yin/ sdug bsngal yang ma yin pa'i tshor ba'o/ /de la tshor ba'i phung po gang ji ltar shes par bya zhe na/rnam pa bdun lta bur shes par bya ste/ slu bar byed par shes par bya ba dang / gnyen po las gyur par shes par bya ba dang / g.yogs par shes par bya ba dang / rtag pa las byung bar shes par bya ba dang / rlag pa'i gzhir shes par bya ba dang /ngoms pa med par shes par bya ba dang / mi rtag par shes par bya'o/ /de la slu bar byed par shes par bya ba ni/ gang tshor ba thams cad sdug bsngal bar 'phags pa rnams kyis gzigs na de byis pa rnams la bde ba lta bur snang ngo / /zhes shes par bya'o//gnyen po las gyur par shes par bya ba ni rma la sman bsil bas bskus na/ thang cig sdug bsngal zhi ba nyid la bde bar sems pa bzhin du sdug bsngal gyi gnyen pos sdug bsngal bcil ba tsam la bde ba'i 'du shes skye'o/ /zhes shes par bya'o/ g.yogs par shes par bya ba ni sdug bsngal gyi rang bzhin la gos dang rgyan la sogs pa dang spyod lam bcos pa tsam gyis bde ba'i 'du shes skye'o/ /zhes shes par bya'o/ /rtag pa las byung bar shes par bya ba ni/ sdug bsngal ba'i rang bzhin la bde'o snyam du sems pa 'di nyid phyin ci log gi rtog pa las byung ba yin no//zhes shes par bya'o/ /rlag pa'i gzhir gyur par shes par bya ba ni/ tshor ba'i bde ba la chags pa las ngan song gsum gyi rgyur 'gyur ro/ /zhes shes par bya'o/ /ngoms pa med par shes par bya ba ni/lan tshwa'i chu 'thung ba bzhin du tshor ba 'di la bskal pa'i mthar spyad kyang chog par 'gyur ba med par shes par bya'o/ /mi rtag par shes par bya ba ni/ tshor ba thams cad skad cig ma'i rang bzhin yin par shes par bya'o/ /'du shes kyi phung po zhes bya ba la/sngon po dang / ser po dang / ring po dang / thung ngu la sogs pa'i yul mtshan mar 'dzin cing yongs su gcod pa ni 'du shes te/ de yang chung ngu dang / chen po dang / tshad med pa'o/ /de la 'dod pa'i khams kyi 'du shes ni chung ngu zhes bya ste/'dod pa lnga'i yon tan tsam gyis dngos po ngan pa la 'dzin pa'i phyir ro/ /gzugs kyi khams kyi 'du shes ni/ chen po zhes bya ste/ bsam gtan gyi ro'i mtshan ma la 'dzin pa'i phyir ro/ /gzugs med pa'i khams kyi 'du shes ni tshad med pa zhes bya ste/ nam mkha' ni mtha' yas so/ /zhes bya ba la sogs pa dmigs pa'i phyir ro/ /'du shes kyi phung po ji ltar shes par bya zhe na/ rnam pa 'di lta bur shes par bya ste/ byis pa'i 'gro ba rmongs par byed pa dang / slu bar byed pa dang / mi rtag pa'i mtshan nyid dang /'du shes phyin ci log pas don med pa gzhan 'byung bar shes par bya'o/ /byis pa'i 'gro ba rmongs par shes par bya ba ni/ ji ltar smig rgyu chur snang bas byis pa dag slu bar byed pa bzhin du/ 'du shes kyi ser po dang / sngon po la sogs par yul la mtshan mar 'dzin pa'i sgo nas byis pa rnams rmongs par byed do//zhes shes par bya ba'o/ /slu bar shes par bya ba ni/ 'du shes phyin ci log pa'i rtag skyid gtsang ba la sogs par 'dzin pa'o/ /zhes shes par bya'o/ /mi rtag par shes par bya ba ni/ skad cig ma re re la yang 'jig pa'i mtshan nyid do//zhes shes par bya'o/ /'du shes phyin ci log nas don med pa gzhan 'byung bar shes par bya ba ni 'du shes phyin ci log gi rgyur ngan song gsum du skye bar 'gyur ro/ /zhes shes par bya'o/ /'du byed kyi phung po zhes bya ba la/ las dge ba dang mi dge ba dang /lung du ma bstan pa'i mtshan nyid byed pa ni 'du byed de/ de yang 'du byed sems dang ldan pa dang / sems dang mi ldan pa ste rnam pa gnyis so/ /de la 'du byed sems dang ldan pa ni yid la byed pa dang / reg pa dang / 'dod pa dang / mos pa dang / dran pa dang / ting nge 'dzin dang / shes rab dang / dad pa dang / ngo tsha shes pa dang / khrel yod pa dang / 'dod michags pa dang / zhe mi sdang ba dang / gti mi mug pa dang / brtson 'grus dang / bag yod pa dang / btang snyoms dang / mi 'tshe ba dang /'dod chags dang / khong khro ba dang / nga rgyal dang / ma rig pa dang / the tshom dang / 'jig tshogs kyi lta ba dang / mthar 'dzin pa'i lta ba dang / lta ba snyems pa dang / tshul khrims dang / brtul zhugs snyems pa dang / log pa'i lta ba dang / khro ba dang / khon du 'dzin pa dang / 'chab pa dang / 'tshig pa dang / phrag dog dang / ser sna dang / g.yo dang / sgyu dang / 'tshe ba dang / khrel med pa dang / ngo tsha mi shes pa dang / rmugs pa dang / rgod pa dang / ma dad pa dang / le lo dang / bag med pa dang /dran pa nyams pa dang / shes bzhin ma yin pa dang / g.yengs pa dang / gnyid dang / 'gyod pa dang / rtog pa dang / dpyod pa'o/ /'du byed sems dang mi ldan pa gang zhe na/ rnyed pa dang / 'du shes med pa'i snyoms par 'jug pa dang / 'gog pa'i snyoms par 'jug pa dang /'du shes med pa dang / tshor ba'i dbang po dang / ris mthun pa dang / skye ba dang / rga ba dang / gnas pa dang / mi rtag pa dang / ming gi tshogs dang / tshig gi tshogs dang / yi ge'i tshogs la sogs pa'o/ / 'du byed kyi phung po ji ltar shes par bya zhe na/ rnam pa drug tu shes par bya ste/ snying po med pa dang / yongs su ma grub pa dang / mi rtag pa dang / bdag med pa dang / sdug bsngal ba dang / stong pa'o/ /de la snying po med par shes par bya ba ni/ ji ltar chu shing gi sdong po 'dab ma so sor bsal na snying po med pa bzhin du 'du byed kyi tshogs 'di dag la yang brtags na snying po gang yang med pa'i phyir ro//yongs su ma grub pa ni ji ltar dri za'i grong khyer snang yang grong khyer du ma grub pa bzhin du/ 'du byed kyi phung po 'di dag kyang rang bzhin ma grub pa'i phyir ro//mi rtag pa ni skad cig ma re re la yang 'jig pa yin pa'i phyir/ sdug bsngal ba ni/ skye ba dang / rga ba la sogs pa'i chos dang ldan pa'i phyir ro/ /stong pa ni 'du byed de dag la mu stegs kyis brtag pa'i bdag med pa'i phyir ro/ /bdag med pa ni de dag nyid mu stegs kyis brtag pa'i bdag gi rang bzhin ma yin pa'i phyir ro//rnam par shes pa'i phung po zhes bya ba la rnam par shes pa'i tshogs drug ste/ mig gi rnam par shes pa nas yid kyi rnam par shes pa'i bar du'o/ /de la mig gi rnam par shes pa ni mig la brten gzugs la dmigs nas gzugs kyi mtshan nyid shes pa'o//rna ba'i rnam par shes pa ni rna ba la brten sgra la dmigs nas sgra'i mtshan nyid shes pa'o/ /sna'i rnam par shes pa ni sna la brten dri la dmigs nas dri'i mtshan nyid shes pa'o/ /lce'i rnam par shes pa ni lce la brten ro la dmigs nas ro'i mtshan nyid shes pa'o//lus kyi rnam par shes pa ni lus la brten reg bya la dmigs nas reg bya'i mtshan nyid shes pa'o/ /yid kyi rnam par shes pa gang zhe na yid la brten chos la dmigs nas chos kyi mtshan nyid shes pa'o/ de la ji lta na rnam par shes pa'i phung po shes par bya zhe na/ rnam pa bcu gcig tu shes par bya ste/ g.yo ba med pa dang / rang dbang med pa dang / rkyen du ma las byung ba dang / 'bras bu gcig tu zad pa dang / rang bzhin gyis stong pa dang / skad cig ma dang / mi sdod par myur du 'gro ba dang /yul la g.yo ba dang / mi gtsang ba'i yul la yon tan du lta ba dang / mi dge ba'i sbrang bu la sogs pa'i rten du gyur pa dang / ye shes kyi me dang rtag tu bral ba'o/ /dper na myu gu dang / sa bon la sogs pa ltar cig gcig skyes pa po dang / bskyed par bya ba ma yin zhing bskyed par bya'o snyam du mi sems pas na g.yo ba med pa'o/ /dpar na 'khrul 'khor gyi me rlung gi dbang gis g.yo ba bzhin du/ rnam par shes pa 'di yang las dang nyon mongs pa'i dbang gis g.yo bas na rang dbang med pa'o/ /dbang po dang /yul dang /las dang / nyon mongs pa la sogs pa rgyu rkyen du ma las byung bas na/ rkyen du ma las byung ba'o/ /de ltar rkyen du mas bskyed kyang / 'bras bu rnam par shes pa gcig las mi skye bas na/ 'bras bu gcig tu zad pa'o/ /rus sbal gyi spu ltar bdag lta bu'i rang bzhin med pas na rang bzhin gyis stong pa'o//mar me'i lce bzhin du skad cig ma re re la 'jig pas na mi rtag pa'o/ /ri gzar po'i chu bzhin du skad cig kyang mi gnas par 'gro bas na/ mi sdod par myur du 'gro ba'o/ /spre'u bzhin du rtag tu yul la chags shing rgod pa'i mtshan nyid yin pas na/yul la g.yo ba'o/ /phag bzhin du mi gtsang ba'i yul la dam par 'dzin pas na/ mi gtsang ba'i yul la yon tan du blta ba'o/ /rnam par shes pa'i rgyu las mi dge ba thams cad skye bas na/ mi dge ba'i sbrang bu la sngon po'i rten du gyur pa'o/ /ji srid du rnam par shes pa dang 'grogs pa de srid du/ 'phags pa'i bden pa bzhi'i ye shes mi 'byung ba'i phyir ro/ /ye shes kyi me dang bral ba'o/ /'o na ci'i phyir phung po lnga'i rim pa de lta bur bkod de/ dang po gzugs/de'i 'og tu tshor ba/ de'i 'og tu 'du shes la sogs pa bkod ce na/ rnam pa gsum gyi phyir te/ ji ltar rags pa dang / ji ltar kun nas nyon mongs pa 'byung ba dang / snod la sogs pa'i don gyi phyir ro/ /de la thogs pa dang bcas shing rnam par shes pa rnams kyi rten du gyur pas/tshor ba la sogs pa bas gzugs rags te de bas na dang por bshad do/ /gzugs med pa'i phung po gzhan pas tshor ba rags te/ 'di ltar lag pa na bar tshor ro/ /rkang pa na bar tshor ro/ /zhes ston pa'i phyir lhag ma gsum las kyang tshor ba sngar bshad do//'du byed kyi phung po dang / rnam par shes pa'i phung po bas/ 'du byed kyi phung po rags te/ 'di ni skyes pa 'di ni bud med do zhes 'dzin pa'i phyir/ gnyis las kyang 'du shes sngar bshad do/ /rnam par shes pa bas 'du byed kyi phung po rags te/las dge ba dang mi dge ba mngon par 'du byed pa'i mtshan nyid yin pa'i phyir te/ thams cad pas rnam par shes pa cha phra mo'i phyir mjug tu bshad do/ /yang na kun nas nyon mongs pa 'byung ba'i rim pas rim par bkod de/ 'di ltar 'khor ba thog ma med pa'i dus nas/bud med dang skyes pa gnyis gcig la gcig gzugs la chags te/ de bas na gzugs dang por bshad do/ /gzugs la chags pa yang tshor ba bde ba la zhen pa'i phyir te/ de bas na de'i 'og tu tshor ba'o/ /de la zhen pa yang mi bzang ba la bzang bar 'du shes phyin ci log las gyur te/de bas na de'i 'og tu 'du shes so/ /'du shes phyin ci log kyang 'du byed kyi tshogs kun nas nyon mongs pa'i mtshan nyid las byung ste/ de bas na de'i 'og tu 'du byed do/ /de rnams kyis sems kun nas nyon mongs par byed pas na/mjug tu rnam par shes pa'i phung po bshad do/ /yang na snod la sogs pa'i rim gyis kyang rim pa bzhin no/ /snod lta bur gyur pa ni gzugs kyi phung po ste/ tshor ba la sogs pa'i rten yin pa'i phyir ro/ /zas lta bur gyur pa ni tshor ba'i phung po ste/ tshor ba bde ba dang / sdug bsngal nyid myong zhing bza' bar bya ba yin pas so/ /tshod ma dang tsha spod tshag tsheg lta bur gyur pa ni 'du shes kyi phung po ste/ mi bde ba la bde bar 'du shes phyin ci log gi rgyu las/ tshor ba 'du shes la chags par 'gyur ba'i phyir ro/ /byed pa por gyur pa ni 'du byed kyi phung po ste/las dge ba dang mi dge ba'i rnam par smin pas mngon par bsgrubs nas/ rnam par shes pa la stobs par byed pa'i phyir ro/ /kun nas longs spyod par byed pa ni/ rnam par shes pa'i phung po ste/ bde ba dang sdug bsngal la sogs pa'i rnam par smin pa/mjug tu des myong bar byed pa'i phyir ro/ /yang na zhing dang sa bon lta bur gyur pas/ rnam par shes pa'i phung po mjug tu bshad do/ /'dod pa'i khams kyi rnam par shes pa gzugs kyi phung po la brten to/ /gzugs kyi khams kyi bsam gtan bzhin ni/rnam par shes pa tshor ba'i phung po la brten to/ /nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched na ni/ rnam par shes pa 'du shes kyi phung po la brten to/ /cung zad med cung zad med min skye mched de srid pa'i rtse mo na ni/rnam par shes pa'i 'du byed sems dang mi ldan pa dang / sems dang ldan pa'i tshogs la brten to/ /'o na phung po'i don ci zhe na spungs pa'i don ni phung po'i don te/ gang cung zad gzugs 'das pa dang / ma 'ongs pa dang /de ltar gyi dang / phyi dang / nang gi dang / phra ba dang / rags pa dang / bzang po dang / ngan pa dang / ring ba dang / thung ba yang rung ste/ de dag thams cad gcig tu bsdus nas/ spungs pa la phung po zhes bya'o/ /phung po'i 'og tu khams rnams bshad pa'i skabs yin pas/de'i dbang du byas nas/ de la dge slong dag khams bcwa brgyad gang zhe na zhes bya ba gsungs so/ /'o na khams bcwa brgyad bstan pa 'dir ci dgos she na/ smras pa/ bdag dang / bdag gi dang / byed pa po dang / tshor ba por mngon par zhen pa rnams la/mig dang gzugs la brten nas/ mig gi rnam par shes pas gzugs shes pa tsam du zad kyis/ lta ba po la sogs pa med do zhes bstan pa'i phyir/ khams bcwa brgyad gsungs so/ /yang na mi shes pa dang the tshom gyi shes pa dang /log par shes pa'i mun pa bsal bar bya ba'i phyir/ khams bcwa brgyad gsungs te/ khams bcwa brgyad shes pa'i ye shes kyi snang ba byung nas ma rig pa'i mun pa med par 'gyur ba'i phyir ro/ /yang na 'khor ba na byang chub kyi phyogs kyi chos rnams dang bral te/dbul bar gyur pa rnams la/ byang chub kyi chos rin po che'i gter bstan par bya ba'i phyir ro/ /khams bcwa brgyad bshad de khams tsam rjes su dran par byas na/ dran pa byang chub kyi yan lag la sogs pa byang chub kyi phyogs rnams sgom pa rdzogs par 'gyur ro//de la khams bcwa brgyad gang zhe na zhes bya ba ni dris pa'o/ /de bstan par bya ba'i phyir/ 'di lta ste zhes bya ba gsungs te/ mig gi dbang po dang / mig gi khams dang / mig gi skye mched dag ni/ ming tha dad par zad kyi don gcig par rig par bya'o//de la mig gi khams gang zhe na/ mig gi rnam par shes pa'i rten du gyur pa/ de'i rdul phra mo ni nag po dang ser nag yul la mngon du bltas pas/ shel bzhin du gsal ba/ gzugs 'dzin nus pa'o/ /kha cig na re snod chus gang ba'i steng du phyes btab pa bzhin du/de'i rdul phran nang du mi 'bying zhing kha na snang ba dang / gsal bar 'dug ces kyang 'chad kha cig na re go snyod kyi me tog kha 'bus pa dang 'dra bar kha dog gsal bar gnas te/ 'byung ba chen po rnams kyis bskor bas na so sor mi 'gyes so zhes kyang 'chad/la la na re gang du zlum po bzhin du ya thog ma thog dang dbus dang gsum gyi char 'dug ste/ shin tu gsal bas/ cha gsum po gcig gis gcig mi sgrib pa ni/ dper na ston gyi chu ma rnyog pas 'dus pa bzhin zhes kyang 'chad do/ /gzugs kyi khams gang zhe na/mig gi khams kyi yul du gyur pa ste/ sngon po dang / ser po dang / dmar po dang / dkar po dang / ring thung dang / zlum po dang / kun tu dkyil 'khor dang / phra mo dang / sbom po dang / mnyam pa dang / mi mnyam pa dang / mtho ba dang / dma' ba dang / grib ma dang / nyi ma dang / snang ba dang / mun pa dang / sprin dang / du ba dang / rdul dang / khug rna dang / bla gab med pa dang / rnam par rig byed do/ /mig gi rnam par shes pa'i khams gang zhe na/ gang mig gi khams la ni brten/gzugs la dmigs nas gzugs kyi rnam pa ci 'dra ba de bzhin du shes par gyur te/ gal te gzugs sngon po zhig na yang sngon po'i rnam par skye zhing sngon por shes par byed do/ /rna ba'i khams gang zhe na/ rna ba'i rnam par shes pa'i rten du gyur pa de'i tshe rdul phra mo ni shel bzhin du gsal la/sgra rnams 'dzin nus pa grog gcus pa 'dra bar rna ba'i nang na gnas so/ /sgra'i khams gang zhe na/ rna ba'i khams kyi yul du gyur pa ste/ de yang snyan pa dang / mi snyan pa dang / de gnyi ga ma yin pa dang / zin pa'i 'byung ba chen po'i rgyu las byung ba dang /ma zin pa'i 'byung ba chen po'i rgyu las byung ba dang / de gnyi ga'i rgyu las byung ba dang / 'jig rten du grags pa dang / grub pa las/ byung ba dang / kun tu rtag pa dang / 'phags pa'i tha snyad dang / 'phags pa ma yin pa'i tha snyad do//de la rna ba'i dbang po dang / rnam par shes pa la phan pa dang / sim par byed pa ni snyan pa zhes bya'o/ /gang rna ba'i dbang po dang / rnam par shes pa la gnod pa dang / gdung bar byed pa ni mi snyan pa zhes bya'o/ /dbang po dang / rnam par shes pa la gnyi ga mi byed pa ni/snyan pa yang ma yin mi snyan pa yang ma yin zhes bya'o/ /zin pa'i 'byung ba chen po bzhi las byung ba la sogs pa gsum ni sngar bshad pa bzhin no/ /byed pa ni mi nyan pa zhes bya'o/ /'jig rten du grags pa ni gang 'jig rten gyi skad dang 'ang 'brel ba'o//grub pa las byung ba ni gang 'phags pa rnams kyis bshad pa'o/ /kun tu brtags pa ni gang mu stegs pa rnams kyis bshad pa'o/ /gang mthong ba la sogs pa la/ mthong ngo ba dang / thos so ba dang / shes so bar drang por smra ba ni 'phags pa'i tha snyad do//de las bzlog na 'phags pa ma yin pa'i tha snyad ces bya'o/ /rna ba'i rnam par shes pa'i khams gang zhe na/ rna ba'i khams la brten sgra'i khams la dmigs nas/ sgra'i mtshan nyid gang yin pa shes par gyur pa'o/ /sna'i khams gang zhe na/sna'i rnam par shes pa'i rten du gyur pa/ de'i rdul phra mo ni/ shel ltar gsal zhing dri rnams 'dzin nus pa de sran ma kha bye ba ltar mtshul ba'i steng na gnas so/ /kha cig na re thur ma ltar mtshul ba'i gong thog thag na 'dug go zhes 'chad do/ /dri'i khams gang zhe na/sna'i khams kyi yul du gyur pa ste/ de yang dri zhim pa dang / mi zhim pa dang / dri mnyam pa dang / lhan cig skyes pa dang / sbyar ba dang / yongs su gyur pa'o/ /de yang dri zhim pa la sogs pa ni sngar bshad pa bzhin no/ /lhan cig skyes pa ni tsan+dan la sogs pa'o//sbyar ba ni si h+la la sogs pa rdzas mang po las gyur pa/ bdug spos kyi dri rnams so/ /yongs su gyur pa ni 'bras bu yongs su smin pa'i dri la sogs pa'o/ /sna'i rnam par shes pa'i khams gang zhe na/ sna'i khams la brten nas/ dri la dmigs te dri'i rang bzhin gang yin pa shes par gyur pa'o//lce'i khams gang zhe na/ lce'i rnam par shes pa'i rten du gyur pa ste/ de'i rdul phra mo ni shel ltar gsal ba/ ro myang nus shing zla ba phyed kyi shas ltar gnas te/ lce'i dbus su skra'i rtse mo tsam gyi khyon zhig ma khyab kyi gzhan ni kun tu khyab pa'o//gal te de ltar khyab par gyur na ni/ klad rgyas rtag tu zag pa myong bas rnyis te/ yi ga yang rtag tu 'chus par 'gyur ro/ /ro'i khams gang zhe na/ de rnam pa drug ste/ de dag gi mtshan nyid ni sngar bshad pa bzhin no/ /lce'i rnam par shes pa'i khams gang zhe na/lce'i khams la brten ro la dmigs nas/ gang jo skyur ba dang mngar ba la sogs pa shes par gyur pa'o/ lus kyi khams gang zhe na/ lus kyi rnam par shes pa'i rten du gyur pa ste/ de'i rdul phra mo ni shel ltar dwangs pa dang / pags pa bzhin du lus la thams cad du khyab par gnas shing reg bya 'dzin nus pa'o/ /reg bya'i khams gang zhe na/ de yang rnam pa bcu gcig ste/ 'byung ba chen po bzhi dang / 'jam pa dang / rtsub pa dang / yang ba dang / lci ba dang / grang ba dang / bkres pa dang /skom pa'o/ /de la 'byung ba chen po bzhi'i mtshan nyid ni sngar bshad par zad do/ /me dang chu'i khams shas che ba ni 'jam pa'o/ /sa dang rlung gi shas che ba ni rtsub pa'o/ /sa dang chu'i shas che ba ni lci ba'o/ /rlung gi shas che ba ni yang ba'o// / me dang chu'i shas che ba ni gnyen pa'o/ /rlung dang chu'i shas che ba ni grang ba'o/ /me dang rlung gi shas che ba las/ pho ba kha 'byor par gyur na bkres pa dang skom pa skye'o/ /lus kyi rnam par shes pa'i khams ni/ lus kyi khams la brten reg bya la dmigs nas reg bya'i mtshan nyid shes par 'gyur ba'o//yid kyi khams gang zhe na/ yid kyi rnam par shes pa'i rten du gyur pa/ rnam par shes pa rnam pa drug rnams snga ma 'gag pa la ni yid kyi khams zhes bya ste/ de ni rdul phra mo'i rang bzhin ma yin no/ /chos kyi khams gang zhe na/ de yang rdzas rnam pa bdun te/ tshor ba dang / 'du shes dang / 'du byed kyi phung po dang / so sor brtags te 'gag pa dang / ma brtags te 'gag pa dang / nam mkha' dang / rnam par rig byed ma yin pa'i gzugs so/ /de la gzhan ni sngar bshad par zad do/ /so sor brtags te 'gag pa zhes bya ba ni/bden pa bzhi la 'di ni sdug bsngal/ 'di ni kun 'byung / 'di ni 'gog pa/ 'di ni lam gyi bden pa'o zhes shes rab kyis brtags nas/ sems dang sems las byung ba rnams kyi skye ba dang / 'gag par gyur pa ni so sor brtags te 'gag pa zhes bya'o//so sor ma brtags par 'gag pa gang zhe na/ gang mig la sogs pa'i rnam par shes pa rnams rkyen gyi mthu las skye ba yin pa las/ rnam par shes pa yul gcig la zhen pa ni/ rnam par shes pa gzhan gyi yul rnams ni 'gag gi/ rnam par shes pa ni rkyen dang ma phrad pas ma skyes te/ma 'ongs pa'i dus su lus pa ni so sor mi brtags pa 'gag pa zhes bya'o/ /dper na mig gi rnam par shes pa gzugs la zhen pa'i tshe/ sgra la sogs pa'i yul ni byung nas 'gags kyi/ rna ba'i rnam par shes pa ni yul med pas ma skyes par 'gag pa nyid so sor ma brtags te/'gag pa zhes bya'o/ /de la nam mkha' gang zhe na/ gang thogs pa med cing gzugs skye ba la go 'byed par byed pa'o/ /yid kyi rnam par shes pa'i khams gang zhe na/ yid kyi khams la brten chos la dmigs nas/ 'di ni ser po nyid yin gyi sngon po ma yin no zhe 'am/ 'di ni pi wang gi sgra yin gyi gzhan ma yin no zhes yongs su gcod par byed pa'o/ /slob dpon kha cig gis bshad/ khams bcwa brgyad las mig gi khams ni me'i shas che ste/ me'i shas che bas na gzugs 'dzin par nus so//rna ba ni nam mkha'i bdag nyid do/ /thogs pa med pa nas/ sgra thos par nus so zhes zer mod kyi/ rna ba'i dbang po la phan pa dang / gnod pa 'byung ba yin la/ nam mkha' la phan gnod med pas na mi rung ngo / /de bas na rna ba'i khams ni rlung gi shas che ba'i bdag nyid do//rlung gi shas che bas na sgra 'dzin par nus so/ /sna'i khams ni sa'i shas che ba'i bdag nyid de/ gang gi phyir sa yang dri'i shas che bas na/ gang shas cher yod pa de nyid kyis de 'dzin par nus so/ /lce'i khams ni chu'i shas che ba'i bdag nyid de/gang gi phyir der gsher ba'i shas che bas na ro 'dzin par nus kyis/ gzhan du rdo skam po gnyis reg pa bzhin du ci yang myong bar mi 'gyur ro/ /lus kyi khams ni 'byung ba chen po thams cad kyi bdag nyid do/ /khams bcwa brgyad ji ltar bshad pa rnams bsdus te bstan par bya ba'i phyir dge sbyong dag 'di ni khams bcwa brgyad ces bya'o zhes gsungs so//'o na ci'i phyir khams bcwa brgyad bshad de/ mang du yang ma yin nyung ngu yin zhe na/ 'di ltar bcom ldan 'das kyis/ rten dang brten par byed pa dang / dmigs pa rnam pa drug tu phye bas khams bcwa brgyad nyid du gsungs te/rten drug mig gi khams nas/ yid kyi khams kyi bar du'o/ /brten pa drug ni mig gi rnam par shes pa nas/ yid kyi rnam par shes pa'i bar du'o/ /dmigs pa drug ni gzugs kyi khams nas chos kyi khams kyi bar du'o//yang kha zas dug can gyi snod lta bu dang / dug dang ldan pa'i kha zas lta bu dang / de la za ba po lta bu'i nyes pa shes par bya ba'i phyir/ khams bcwa brgyad du bshad do/ /de la kha zas dug can gyi snod lta bu ni/ mig gi khams la sogs pa'i dbang po drug go//dug dang ldan pa'i kha zas lta bu ni gzugs la sogs pa yul drug go/ /de la za ba po lta bu ni mig gi rnam par shes pa'i khams la sogs pa/ rnam par shes pa drug go/ /khams bcwa brgyad kyi rim pa bshad par bya ste/ mig gi khams la sogs pa'i rim pa bstan pa nyid kyi/de'i yul dang rnam par shes pa'i khams kyi rim pa bstan par grub bo/ /yid kyi rnam par shes pa'i khams pas mig la sogs pa'i khams lnga sngar bstan pa ni/ de dag gi yul da lta yin pa'i phyir dang / yid kyi khams ni ma nges te/ da ltar yang de'i yul yin la/ dus gsum dang zag pa med pa la sogs pa/ dus gsum ma yin pa'i chos kyang de'i yul yin pa'i phyir ro/ /lus kyi khams pas mig la sogs pa'i khams bzhi sngar bstan pa ni/ mig la sogs pa'i khams bzhi rnams kyi yul ni/ 'byung ba las gyur pa yin la/ lus kyi yul ni ma nges pa ste/ bar 'ga' ni sa dang chu la sogs pa 'byung ba yang dmigs/ bar 'ga' ni lci ba dang / yang ba la sogs pa 'byung bar gyur pa la yang dmigs/ bar 'ga' ni gnyi ga la dmigs pa'i phyir ro/ /lce dang sna gnyis pas mig dang rna ba'i khams sngar bshad pa ni/yul ring po la 'jug pa'i phyir te/ thag ring po na gnas pa'i gzugs mthong zhing / rgyang nas bos pa'i sgra yang thos pa'i phyir/ sna dang lce gnyis ni phrad pa yul du gyur pa'i phyir te/ yul dang ma phrad kyi bar du 'dzin par mi nus pas ring du 'jug pa med do/rna ba bas kyang mig ring du 'jug ste/ thag ring po nas 'bab pa'i chu mthong na yang de'i sgra rna bas mi thos pa'i phyir/ rna ba bas kyang mig sngar bstan to/ /lce bas kyang sna sngar bstan te 'di ltar lces bza' ba ma reg par yang de'i dri sngar snas tshor ba na myur du 'jug pa'i phyir ro//yang na lus 'di la mig gi khams gong na gnas so/ /de'i 'og tu rna ba'o/ /de'i 'og tu sna'o/ /de'i 'og tu lce'o/ /de'i 'og tu phal cher lus la gnas te/ yid ni de dag nyid la brten cing yul na mi gnas phyogs na mi gnas pas na mjug tu bshad do//'o na rigs kyi don ni khams kyi don te/ dper na ri gcig la gser dang dngul la sogs pa rigs mang du yod pa de la khams zhes bya ba de bzhin du/ lus 'di gcig la rigs bcwa brgyad yod pas na/ khams bcwa brgyad ces bya'o//yang na 'byung khung gi don ni khams kyi don te dper na gnas gang nas rin po che la sogs pa 'byung ba'i gnas la khams zhes bya ba de bzhin du/ sems dang sems las byung ba mang po 'byung ba'i gnas yin pas na khams zhes bya'o/ /khams kyi 'og tu skye mched bshad pa'i skabs yin pas/de'i phyir de la dge slong dag skye mched bcu gnyis gang zhe na zhes bya ba la sogs pa gsungs so/ /skye mched bcu gnyis bstan pa yang ci dgos she na/ bdag la chags pa dang / yo byad la chags pa'i dngos po shes par bya ba'i phyir bstan to//de la yongs su shes na chags pa gtong bar byed do/ /chags pa btang na khams gsum du mngon par mi skye ste/ de bstan pa'i dgos pa ni de yin no/ /yang na blta ba dang nyan pa dang / myong ba dang / snom pa dang / reg par byed pa dang / yid kyi rnam par shes pas chos rnams la mngon par zhen par byed do//zhes bdag tu mngon par chags pa spang bar bya ba'i phyir skye mched bcu gnyis bstan to/ /de la mig gi skye mched nas lus kyi skye mched kyi bar du lnga dang / gzugs kyi skye mched nas reg bya'i skye mched kyi bar du lnga ste bcu'i don ni khams kyi skabs su bshad pa dang mthun no//rnam par shes pa'i khams drug gi steng du yid kyi khams kyis bstan te/ chos bdun la yid kyi skye mchod ces bya'o/ /chos kyi khams kyi skabs su rdzas bdun bshad pa nyid la chos kyi skye mched ces bya'o/ de la mig gi nang gi skye mched do zhes pa la rgal ba dang /gal te bdag yod na ni nang ngam/ phyi rol zhes byar yang rung ste/ gang bdag gi byin gyis brlab pa de dag ni nang zhes bya ba na sangs rgyas pa rnams ni chos thams cad bdag med par 'dod de/ bdag med na ji ltar mig nang gi skye mched ces bya/smras pa 'gal ba med de nga rgyal gyi gzhir gyur pa'i sems nyid la bdag ces btags nas/ gang sems nga rgyal can gyi rgyu dang rkyen du gyur pa na nang gi skye mched ces bya'o/ /'o na ci'i phyir skye mched kyi rim pa de ltar bkod ce na/ 'jig rten gyi tha snyad dang rjes su mthun par bya ba'i phyir skye mched kyi rim pa de ltar bkod de/'jig rten pa'i tha snyad ni dang por phrad nas phan tshun gcig la gcig lta ba bzhin mig gi skye mched thog mar bshad do/ /de'i 'og tu phrad nas smra bar byed pas na rna ba'i skye mched do/ /de nas khrus dang /dri dang phreng ba la sogs pa'i longs spyod byed pas na/ sna'i skye mched do/ /de nas kha zas dang / ltung ba'i longs spyod byed pas na lce'i skye mched do/ /de nas mal stan dang bud med la sogs pa'i longs spyod byed pas na lus kyi skye mched do/ skye mched ni de dag kun la khyab par gnas pas na mjug tu bshad do/ /'o na ci'i phyir skye mched bcu gnyis nges par bstan ce na/ rnam par shes pa drug gi bdag po dang / dmigs pa drug nye bar bstan par bya ba'i phyir skye mched bcu gnyis kho nar bshad do/ /de la mig nas yid kyi skye mched kyi bar du ni rnam par shes pa'i bdag po'i rkyen to//gzugs nas chos kyi bar du ni rnam par shes pa'i dmigs pa'i rkyen to/ /skye mched kyi don ci skye ba'i sgo'i don ni skye mched kyi don te/ sems dang sems las byung ba rnams skye zhing 'phel ba'i rgyu byed pas na skye mched ces bya'o//de la brgal ba khams kyi skabs su ni rten dang yul gyi sgo nas bcwa brgyad du bshad na/ skye mched kyi skabs su ni rten dang yul du bshad na brten pa ci'i phyir ma bshad ce na/ smras pa bcom ldan 'das chos ston pa ni 'dul ba'i ched du ston pas skye mched bcu gnyis su bstan pas 'dul ba'i ched du rnam par shes pa rnams yid kyi skye mched du bsdus nas bcu gnyis gsungs so//ji ltar gang phung po'i skabs su bshad pa'i chos de dag nyid khams su yang de bshad de/ phung po lnga la gzugs kyi phung por 'byung ba las gyur pa'i gzugs bcu gcig bshad pa las yul lnga dang dbang po lnga rnams mig gi khams nas gzugs kyi khams dang /gzugs kyi khams nas reg bya'i khams kyi bar du khams bcur bshad la/ phung po lnga'i skabs su tshor ba'i phung po dang /'du shes kyi phung po dang / 'du byed kyi phung po dang / rnam par rig byed ma yin pa'i gzugs ni khams kyi skabs su chos kyi khams su bstan la/ rnam par shes pa'i phung po ni khams kyi skabs su mig gi rnam par shes pa'i khams nas yid kyi rnam par shes pa'i khams so zhes bstan la/phung po'i khams su yid kyi dbang po ni khams kyi skabs su yid kyi khams su bshad pa dang / gang khams su bshad pa'i chos de dag nyid skye mched kyi tshe yang de bshad de/ ci ltar zhe na gang khams su yid kyi khams la sogs pa'i khams lnga dang / gzugs kyi khams la sogs pa lnga ste/ bcu ni skye mched kyi skabs su mig gi skye mched nas gzugs kyi skye mched do zhes skye mched bcur bshad la/ gang khams kyi skabs su tshor ba la sogs pa'i rdzas bdun chos kyi khams su bstan pa de nyid skye mched kyi skabs su chos kyi skye mched du bstan pa dang /khams kyi skabs su mig gi rnam par shes pa'i khams la sogs pa drug dang / yid kyi khams te bdun bshad pa skye mched kyi skabs su yid kyi skye mched du bstan ce na/ ji ltar rmongs pa rnam pa gsum yod de/ de bsal bar bya ba'i phyir chos de de dag nyid kyi ming gzhan du btags nas bzlas te bstan to//de la rmongs pa rnam pa gsum ni sems la gcig tu rmongs pa dang / sems dang gzugs la gcig tu rmongs pa dang / gzugs la gcig tu rmongs pa'o/ /de la sems la gcig tu rmongs pa bsal bar bya ba'i phyir phung po lnga bstan te/phung po lnga'i skabs su ni/ tshor ba dang / 'du shes dang / 'du byed dang / rnam par shes pa'i phung po'i phung por sems mang du phye ste gsungs so/ /sems dang gzugs la gcig tu rmongs pa bsal bar bya ba'i phyir khams bcwa brgyad bshad de//mig dang gzugs la sogs pa yul bcur phye ste bstan pa dang / mig gi rnam par shes pa'i khams dang / yid kyi khams su sems mang du phye ste bstan pa'i phyir ro/ /gzugs la gcig tu rmongs pa bsal ba'i phyir skye mched bcu gnyis bshad de/skye mched kyi skabs su mig gi skye mched dang / gzugs kyi skye mched la sogs pa gzugs bcur phye ste bshad pa'i phyir ro/ /yang na 'dod pa rnam pa gsum yod de mdo tsam du bstan pa dang / bar du bstan pa dang / rgyas par bshad par 'dod pa'o//de la mdo tsam du bstan pa 'dod pa'i don du phung po lnga bshad/ bar du bstan pa 'dod pa'i dbang du skye mched bcu gnyis bshad/ rgyas par bshad par 'dod pa'i dbang du khams bcwa brgyad bshad de/ yang na dbang po rnon po dang dbang po 'bring dang / dbang po rtul po'i dbang du byas nas phung po la sogs pa bstan te/ dbang po rnon po'i don du ni phung po lnga bshad/ dbang po 'bring gi don du ni skye mched bcu gnyis bshad/ dbang po rtul po'i don du ni khams bco brgyad bshad do/ /skye mched kyi 'og tu ni rten cing 'brel te 'byung ba bstan pa'i skabs yin pas de'i dbang du byas nas/dge slong dag rten cing 'brel bar 'byung ba'i yan lag bcu gnyis gang zhe na/ zhes bya ba la sogs pa gsungs so/ /rten cing 'brel te 'byung ba bstan pa yang ci dgos she na/ rten cing 'brel te 'byung ba khong du ma chud pas/'gro ba rnams 'khor ba'i btson ra na 'khyam zhing nyon mongs pa'i 'ching ba dam pos bcings pa dang / skye ba dang rga ba la sogs pa'i sdug bsngal rnam pa sna tshogs kyis rtag tu gnod par 'gyur ba la/ de khong du chud na ma rig pa'i mun pa sangs nas khams gsum gyi btson ra nas 'byung ba dang /sdug bsngal rnam pa sna tshogs las thar bar 'gyur bas na/ rten cing 'brel te 'byung ba gsungs so/ /yang na 'gro ba 'di dag rgyu med pa dang / mi mthun pa'i rgyu las byung ba ni ma yin gyi/ ma rig pa'i rgyu las byung ba yin no zhes bstan par bya ba'i phyir/rten cing 'brel bar 'byung ba gsungs so/ /yang na gang gi 'khor bar skye ba'i rgyu dang / ji ltar na 'khor ba las ldog par 'gyur ba bstan par bya ba'i phyir/ rten cing 'brel te 'byung ba lugs bzhin dang lugs las ldog pa'i mtshan nyid gnyis su gsungs te/gang gi 'khor bar skye ba'i rgyu khong du chud par bya ba'i phyir ni/ ma rig pa'i rkyen gyis 'du byed la sogs pa lugs bzhin du 'byung ba gsungs pa dang / gang gi 'khor ba las ldog par 'gyur ba shes par bya ba'i phyir/ ma rig pa 'gags na/'du byed 'gag pa la sogs pa lugs las ldog pa'i mtshan nyid gsungs so/ /de la rten cing 'brel te 'byung ba'i don ci brtan pa'i don ni phrad pa'i don to/ /'byung ba'i don ni skye ba'i don te/ rgyu dang rkyen phrad nas 'bras bu skye ba la/rten cing 'brel bar 'byung ba zhes bya'o/ /yan lag bcu gnyis zhes bya ba ni cha bcu gnyis zhes bya ba'i don to/ /yang na rten cing zhes bya ba dang / 'brel pa zhes bya ba dang / 'byung ba zhes bya ba'i tshig gsum gyis/ lta ba log par smra ba rnam pa gsum 'gog par byed de/rgyu med pa las chos rnams skye'o zhes smra ba dgag par bya ba'i phyir/ rten pa'i tshig smos te/ rgyu med pa las chos rnams mi 'byung gi/ rgyu rkyen la brten nas 'byung ngo zhes bya ba'i don to/ /dbang phyug dang bdag la sogs pa byed pa po las chos rnams skye'o zhes mi mthun pa'i rgyur smra ba dgag par bya ba'i phyir 'brel pa'i sgra smos te/mthun pa'i rgyu las 'byung ba'i dbang phyug la sogs pa mi mthun pa'i rgyu las ni/ chos rnams mi 'byung ngo zhes bya ba'i don to/ /chad par smra ba dgag par bya ba'i phyir/ 'byung ba'i tshig smos te/ 'jig rten 'di nas phyi mar mi skye ba ma yin gyis/ las dang nyon mongs pa'i rgyun ma chad pa'i bar du skye'o zhes bya ba'i don to/ /yang na brten pa'i sgras ther zug gi lta ba 'gog par byed de/ chos rnams ther zug yin na ni/ rgyu rkyen la brten mi dgos na/ rgyu rkyen la brtan pas na ther zug ma yin no zhes bya ba'i don to//'brel pa'i sgra ma byas par 'byung ba'i lta ba 'gog par byed de/ /gang gis las byas pa des myong gi las gzhan gyis byas la 'bras bu gzhan gyis myong bar ni mi 'gyur ro zhes bya ba'i don to/ /'byung ba'i sgras chad par lta ba 'gog par byed do//rten cing 'brel te 'byung ba'i don ji ltar khong du chud par bya zhe na/ rnam pa bcu gcig tu khong du chud par bya ste/ mtshan nyid dang / yan lag bsdu ba dang / yan lag gi rkyen rnam par gzhag pa dang / yan lag gi las rnam par gzhag pa dang / yan lag kun nas nyon mongs pa bsdu ba dang /don dang / zab pa dang / rab tu dbye ba dang / lugs bzhin pa dang / lugs las ldog pa dang / yan lag rgyas par bshad pa'o/ /de la mtshan nyid ni rten cing 'brel te 'byung ba'i mtshan nyid rnam pa gsum du khong du chud par bya ste/g.yo ba med pa'i rkyen las byung ba dang / mi rtag pa'i rkyen las byung ba dang / nus pa'i rkyen las byung ba'o/ /de la g.yo ba med pa'i rkyen las byung ba ni/ rkyen yod pa tsam gyis 'bras bu 'byung bar zad kyi/ 'di la byed pa po 'am/ rkyen nyid kyang bdag gis 'di dag bskyed do snyam du mi sems pa'i phyir ro//mi rtag pa'i rkyen las byung ba ni/ gang gi phyir rgyu las 'bras bu 'byung bas na/ chos 'di dag mi rtag ste/ gal te rtag pa zhig yin na ni/ gang las kyang ci yang 'byung bar mi 'gyur ro/ / nus pa'i rkyen las byung ba ni/ ma rig pas 'du byed bskyed par nus pa nas/ skye ba las kyang rga shi skye bar nus pa'i phyir ro/ /de la yan lag rab tu bsdu ba ni/ rten cing 'brel te 'byung ba'i yan lag bcu gnyis yan lag lngar bsdus te/ 'phen par byed pa'i yan lag dang /'phangs pa'i yan lag dang / mngon par sgrub pa'i yan lag dang / mngon par grub pa'i yan lag dang / nyes dmigs kyi yan lag go/ /de la rgyu'i dus na ni gang gis 'phangs pa dang / gang 'phangs pa ste gnyis su gzhag /'bras bu'i dus na ni gang gis mngon par bsgrubs pa dang /gang mngon par sgrub pa ste gnyis su gzhag go/ de la gang gis 'phangs she na/ ma rig pa dang / 'du byed dang / rnam par shes pa gsum gyis 'phangs te/ ma rig pa'i dbang gis las dge ba dang / mi dge ba byas pa'i bag la nyal yid kyi rnam par shes pa la bsgos pas/tshe rabs gzhan du rnam par smin pa'i phung po 'phen par byed do/ /gang 'phangs she na ming dang gzugs dang skye mched drug dang reg pa dang / tshor ba rnams 'phangs te/ gong ma gsum gyi rgyus/ ming dang gzugs la sogs pa snga ma snga ma la brten nas/phyi ma phyi ma rnams 'byung ba'i phyir ro/ /mngon par sgrub par byed pa'i yan lag ni/ sred pa dang / len pa dang / srid pa gsum ste/ 'dod pa'i yon tan la sred pa ma spangs pa'i rgyus khams gsum la chags par gyur na/ las kyi bag la nyal brtas pas 'chi ba'i dus na yang 'bras bu smin nus par 'gyur ba'i phyir ro/ /mngon par grub pa'i yan lag ni skye ba'o/ /rga shi ni nyes dmigs kyi yan lag go/ ji ltar na yan lag gi rkyen du rnam par gzhag ce na/ rkyen rnam pa bzhis yan lag gi rkyen du rnam par gzhag ste/rgyu'i rkyen dang / de ma thag pa'i rkyen dang / dmigs pa'i rkyen dang / bdag po'i rkyen to/ /de la rgyu'i rkyen ni ma rig pa'i bag la nyal/ yid kyi rnam par shes pa la gzhag pa nyid 'du byed kyi rgyur 'gyur te/ de'i dbang gis 'du byed mngon par 'grub pa'i phyir ro//de ma thag pa'i rkyen ni ma rig pa'i skad cig ma sngar 'gags na/ 'du byed 'byung gi/ ma rig pa ma 'gags par 'du byed mi 'byung ba'o/ /dmigs pa'i rkyen ni dngos po la kun tu rmongs pa'i rgyus/ rtag pa dang bde ba la sogs pa yid la byas pas/mngon par 'du byed pa'i phyir ro/ /bdag po'i rkyen ni dper na mig gi dbang po'i rkyen gyis mig gi rnam par shes pa skye ba bzhin du ma rig pa'i dbang gis 'du byed 'byung ba'i phyir te/ yan lag lhag ma rnams la yang de bzhin du sbyar ro/ /ji ltar na yan lag gi las rnam par gzhag ce na/ma rig pa las rnam pa gnyis byed de/ dngos po la mi rtag pa la rtag par 'dzin du 'jug pas na sems can rnams rmongs par byed pa dang / 'du byed kyi rkyen du 'gyur ba'o/ /de la sems can rmongs par byed pa ni ma rig pas bsgribs pas sngon dang phyi ma dang /de ltar gyi dus rnams mi shes par gyur nas/ ci bdag sngon gyi dus na byung ba zhig yin nam ma byung ba zhig yin zhes pa dang / ci ma 'ongs pa'i dus na 'byung bar 'gyur ram/ mi 'gyur ba zhig yin zhes the tshom za ba'i phyir ro/ /'du byed kyi rkyen du 'gyur ba ni ma rig pa yod na de'i dbang gis yang srid pa'i las mngon par 'du byed pa'i phyir ro//'du byed kyang las rnam pa gnyis byed de 'gro ba rnams sems can sbyor bar byed pa dang / rnam par shes pa'i rkyen du 'gyur ba'o/ /de la 'gro ba rnams su sems can sbyor bar byed pa ni/las yod na de'i dbang gis tshe rabs gzhan du 'gro ba lngar sems can skye bar 'gyur gyi/ las med na ni nyon mongs pa yod kyang grogs med pas skye bar mi nus so/ /rnam par shes pa'i rkyen du 'gyur ba ni las kyi bag la nyal/ yid kyi rnam par shes pa la dgos pa'i dbang gis/yid kyi rnam par shes pa ma 'ongs pa na/ ma'i mngal du 'jug pa'i phyir ro/ /rnam par shes pa yang las rnam pa gnyis byed de sems can rnams kyi las kyi rten byed pa dang ming dang gzugs kyi rkyen du 'gyur ba'o/ /de la sems can rnams kyi las kyi rkyen du 'gyur ba ni las mngon par 'du byas pa rnams kyi sa bon rnam par shes pas 'dzin pa'i phyir ro//ming dang gzugs kyi rkyen du 'gyur ba ni/ ma'i mngal du rnam par shes pa 'phos na ming dang gzugs 'phel ba dang rgyas par 'gyur ba'i phyir ro/ /ming dang gzugs kyang las rnam pa gnyis byed de/sems can rnams kyi lus yongs su 'dzin par byed pa dang / skye mched kyi rkyen du 'gyur ba'o/ /sems can rnams kyi lus yongs su 'dzin par byed pa ni de'i dbang gis rkang lag dang dbang po la sogs pa rim gyis dod nas ris mthun pa'i ris dang 'dra bar skye bar byed pa'i phyir ro//skye mched drug gi rkyen du 'gyur ba ni ming dang gzugs kyi yan lag snga ma la brten nas de 'phel ba las mig la sogs pa skye mched drug gi yan lag phyi ma 'byung ba'i phyir ro/ /skye mched drug kyang las rnam pa gnyis byed de/ / sems can rnams kyi lus yongs su rdzogs par 'dzin par byed pa dang / reg pa'i rkyen du 'gyur ba'o/ /sems can rnams kyi lus yongs su rdzogs par 'dzin par byed pa ni skye mched drug ma nyams pa nyid sems can gyi lus yongs su rdzogs pa zhes bya'o/ /reg pa'i rkyen du 'gyur ba ni mig la sogs pa'i skye mched yod na/ming dang gzugs dang rnam par shes pa gsum phrad pa las reg pa zhes bya bar gdags pa'i phyir ro/ /reg pa yang las rnam pa gnyis byed de sems can rnams longs spyod ma rungs pa la sbyor bar byed pa dang / /tshor ba'i rkyen du 'gyur ba'o//sems can rnams longs spyod ma rungs pa la sbyor bar byed pa ni de dag yod na kha zas drug dang 'dres pa dang 'dra ba'i tshor ba bde ba dang sdug bsngal dang bde ba yang ma yin sdug bsngal yang ma yin pa rnams myong bar 'gyur ba'i phyir ro/ /reg pa tshor ba'i rkyen du 'gyur ba ni/reg pa yod na yul mdzes pa zhig dang phrad na ni tshor ba bde ba skye/ yul ngan pa zhig dang phrad na ni/ tshor ba sdug bsngal skye/ yul gnyi ga ma yin pa dang phrad na ni tshor ba bde ba yang ma yin sdug bsngal ba yang ma yin pa skye ba'i phyir ro/ /tshor ba yang las rnam pa gnyis byed de/tshe'i kun tu longs spyod la sems can 'god par byed pa dang / sred pa'i rkyen du 'gyur ba'o/ /tshe'i kun tu longs spyod la sems can 'god par byed pa ni tshor ba'i dbang gis las byas pa'i rgyus tshe rabs gzhan du rnam par smin pa yid du 'ong ba dang mi 'ong ba la sogs pa myong bar 'gyur ba'i phyir ro//sred pa'i rkyen du gyur na ni tshor ba'i dbang gis/ tshor ba bde ba dang mi 'bral bar chags pa dang / tshor ba sdug bsngal ba dang bral bar chags pa 'byung ba'i phyir ro/ /sred pa yang las rnam pa gnyis byed de/ sems can rnams kyi tshe rgyun mi gcod par byed pa dang /sred pa'i dbang gis tshe rabs gzhan gyi tshe'i rgyun chad pa med par 'gyur ba'i phyir ro/ /len pa'i rkyen du 'gyur ba ni sred pa yod na gzugs la sogs pa 'dod pa lnga'i yon tan rnams 'dod pa'i 'dod chags skye zhing de mi gtong bar byed pa'i phyir ro//len pa yang las rnam pa gnyis byed de/ /sems can rnams kyi yang sred pa sbyin pa la/ rnam par shes pa rgyu dang bcas par byed pa dang / sred pa'i rkyen du 'gyur ba'o/ /sems can rnams kyi yang srid pa sbyin pa la/ rnam par shes pa rgyu dang bcas par byed pa ni/nyon mongs pa'i mtshan nyid len pa yod na dmyal ba la sogs pa'i 'gro bar rnam par shes pa skye bar nges par 'gyur ba'i phyir ro/ /srid pa'i rkyen du 'gyur ba ni len pa'i dbang gis las mngon par 'dus byas nas/ yid kyi rnam par shes pa la bag la nyal 'jog par byed pa'i phyir ro//srid pa yang las rnam pa gnyis byed de/ yang sred pa la sems can rnams mngon sum du lta bar byed pa dang / skye ba'i rkyen du 'gyur ba'o/ /yang sred pa la sems can rnams mngon du lta bar byed pa ni las kyi mtshan nyid kyi sred pa byas na de ma thag tu 'gro ba gzhan du sems can 'gro bar 'gyur ba'i phyir ro//skye ba'i rkyen du 'gyur ba ni srid pa'i dbang gis ris mthun pa'i lus gzhan len par byed pas so/ /skye ba yang las rnam pa gnyis byed de/ ming dang gzugs dang skye mched drug dang reg pa dang /tshor ba la sogs pa'i rim par sems can skye bar byed pa dang / rga shi'i rkyen du 'gyur ba'o/ /de la ming dang gzugs dang skye mched drug dang / reg pa dang tshor ba la sogs pa'i rim par sems can skye bar byed pa ni/ ma'i mngal du rnam par shes pa skyes par 'gyur na de'i 'og tu ming dang gzugs 'byung ba dang ming dang gzugs kyi 'og tu skye mched drug dang /de'i 'og tu reg pa la sogs pa rim gyis 'byung bar 'gyur bas so/ /rga shi'i rkyen du 'gyur ba ni phung po gzhan du 'gyur ba'i mtshan nyid rga ba dang phung po 'jig pa'i mtshan nyid 'chi ba nges par 'byung ba'i phyir ro//rga shi las ci byed ce na de gnyis ni las re re byed de/ /rga bas ni dar la bab par 'gyur bar byed pa dang / shi bas ni tshe'i dbang po 'gyur bar byed do/ /de la dar la bab pa 'gyur bar byed pa ni/ /gzhon nu'i dus kyi rtsal dang dbang po gsal ba nyams nas/lus lci ba dang dbang po mi gsal bar byed pa'i phyir ro/ /tshe'i dbang po 'gyur bar byed pa ni ris mthun pa'i tshe'i dbang po rgyun chad na/ ris mthun pa gzhan gyis tshe'i dbang po 'byung ba'i phyir ro/ /ji ltar na yan lag rnams kun nas nyon mongs par bsdu zhe na kun nas nyon mongs pa rnam pa gsum ste/nyon mongs pa'i kun nas nyon mongs pa dang / las kyi kun nas nyon mongs pa dang / tshe'i kun nas nyon mongs pa'o/ /de la ma rig pa dang sred pa dang / len pa gsum ni nyon mongs pa'i kun nas nyon mongs par bsdu ba'o//'du byed dang sred pa gnyis ni las kyi kun nas nyon mongs par bsdu'o/ /rnam par shes pa la sogs pa lhag ma bdun ni tshe'i kun nas nyon mongs par bsdu'o/ /de ltar na yan lag 'di dag dum bu gsum du rnam par gzhag ste/ tshe rabs snga ma'i dum bur gtogs pa'i yan lag dang /tshe 'di'i dum bur gtogs pa'i yan lag dang / tshe rabs phyi ma'i dum bur gtogs pa'i yan lag go/ de la tshe rabs snga ma'i dum bur gtogs pa'i yan lag gnyis te/ ma rig pa dang 'du byed do/ /tshe 'di'i dum bur gtogs pa'i yan lag ni brgyad de/rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa rnams te/ tshe rabs snga mar ma rig pa'i dbang gis las mngon par 'du byas pas/ tshe 'di'i rnam par shes pa la sogs pa'i chos brgyad skyes pa'i phyir ro/ /yang skye ba dang rga shi gnyis ni tshe phyi ma'i dum bur gtogs pa'i yan lag ste/ tshe 'dir sred pa dang / len pa'i nyon mongs pa can gyi dbang gis las kyi mtshan nyid kyi sred pa byas pas tshe rabs gzhan du skye ba dang /rga shi 'byung ba'i phyir ro/ /yang na rten cing 'brel te 'byung ba'i yan lag bcu gnyis 'di dug gi shing lta bu'i dpes nyon mongs pa dang / sdug bsngal ba'i rang bzhin yin par rig par bya ste/ dper na dug gi shing mi gtsang ba'i rang bzhin lud kyis g.yogs la/ sa bon gyi rten gyi shing du btab ste/ myu gu dang sdong bu la sogs pa'i rim pas sdong po chen por gyur na/ gsod pa la sogs pa'i gnod pa rnam pa sna tshogs byed pa de bzhin du/ yan lag bcu gnyis 'di yang ma rig pa'i lud kyis g.yogs la/ las mngon par 'du byed pa'i zhing du zag pa dang bcas pa'i rnam par shes pa'i sa bon gzhag na/ming dang gzugs kyi myu gu las skye mched drug gi 'dab ma dang sdong bu 'byung ngo / /skye mched drug gi 'dab ma dang / sdong bu las reg pa'i mtshan nyid kyi me tog rgyas pa 'byung ngo / /reg pa'i mtshan nyid kyi me tog las/tshor ba'i mtshan nyid kyi 'bras bu 'grub po/ /de nas tshor ba la mngon par chags pa'i sred pas zin pa'i dbang gis len pa'i chus yongs su brlan cing / srid pa'i mtshan nyid kyi zhing la gnas pa'i rnam par shes pa las ma 'ongs pa na/ tshe'i shing sdong mngon par 'grub ste/de las rga ba dang / 'chi ba dang / mya ngan dang / smre sngags 'don pa dang / yid mi bde ba dang / 'khrugs pa la sogs pa sdug bsngal dpag tu med pa 'byung ba'i phyir/ sdug bsngal gyi phung po 'ba' zhig 'byung ba zhes bya'o/ / yang na yan lag bcu gnyis dum bu rnam pa bzhir gzhag ste/ ma rig pa dang 'du byed ni rgyu'i dus su gtogs na tshe snga ma'i yan lag go/ /rnam par shes pa dang / ming dang / gzugs dang / skye mched drug dang / reg pa dang / tshor ba ni 'bras bu'i dus te/ tshe rabs snga mas bskyed pas tshe 'di'i yan lag go//sred pa dang / len pa dang / srid pa ni rgyu'i dus te/ tshe 'di'i yan lag la tshe phyi ma'i rgyur 'gyur ba'o/ /skye ba dang / rga shi ni 'bras bu'i dus te/ tshe phyi ma'i yan lag la tshe 'di'i rgyur bskyed pa'o/ /yang na yan lag bcu gnyis sdug bsngal rnam pa lnga'i gnas su gyur pa ste/sdug bsngal rnam pa lnga ni/ 'du byed kyi dus kyi sdug bsngal gyi gnas dang / mngal gyi dus kyi sdug bsngal gyi gnas dang / yul la 'jug pa'i dus kyi sdug bsngal gyi gnas dang / sdug bsngal rab tu 'byung ba'i dus kyi sdug bsngal gyi gnas dang /sdug bsngal rgyun mi 'chad par 'byung ba'i sdug bsngal gyi gnas so/ /de la ma rig pa dang / 'du byed gnyis ni byed pa'i dus kyi sdug bsngal gyi gnas zhes bya ste/ ma rig pa'i dbang gis las mngon par 'du byed pa na yang bsad pa dang / bcad pa dang grang ba dang /tsha ba la sogs pa'i sdug bsngal rnam pa sna tshogs 'byung ba'i phyir ro/ /rnam par shes pa dang / ming dang gzugs gnyis ni mngal gyi dus kyi sdug bsngal gyi gnas zhes bya ste/ rnam par shes pa ma'i mngal du 'phos nas/ ming dang gzugs kyi mtshan nyid du gnas pa'i tshe na yang /zhu ba dang ma zhu ba'i gnas kyi bar na/ ris brtsir ba dang 'dra ba'i sdug bsngal la sogs pa rgyun du 'byung ba'i phyir ro/ /skye mched drug dang reg pa dang / tshor ba gsum ni yul la 'jug pa'i dus kyi sdug bsngal gyi gnas zhes bya ste/ de'i dus na yang mi mdza' ba dang phrad pa dang /mdza' ba dang bral ba dang / 'dod pa mi rnyed pa la sogs pa'i sdug bsngal rtag tu myong ba'i phyir ro/ /sred pa dang / len pa dang / srid pa gsum ni sdug bsngal rab tu 'byung ba'i dus kyi sdug bsngal gyi gnas zhes bya ste/ srid pa'i dbang gis 'dod pa kun tu tshol ba na yang nor rdzas la sogs pa mi rnyed pa'i sdug bsngal dang /rnyed na bsrung dka' ba'i sdug bsngal dang / bsrungs te stor bar gyur na/ mya ngan gyi sdug bsngal la sogs pa rgyun du myong zhing skye ba dang / rga ba la sogs pa'i sdug bsngal gzhan gyi rgyur yang byed pa'i phyir ro//skye ba dang rga shi gnyis ni sdug bsngal gyi rgyun mi 'chad par 'byung ba'i dus kyi sdug bsngal gyi gnas zhes bya ste/ skye ba nas 'chi ba'i bar du na ba dang / bkres pa dang / skom pa la sogs pa nas/ phung po rnyings pa dang tshe'i 'du byed rgyun chad pa'i sdug bsngal rtag tu 'byung ba'i phyir ro//ji ltar don gyis she na/ byed pa po med pa'i don ni rten cing 'brel te 'byung ba'i don dang / rgyu dang bcas pa'i don dang / sems can gyi dbang gi don dang / gzhan gyi dbang gi don dang / g.yo ba med pa'i don dang /mi rtag pa'i don dang / skad cig ma'i don dang / rgyu dang 'bras bu rgyun mi chad pa'i don dang / rgyu dang 'bras bu rjes su mthun par yongs su 'dzin pa'i don dang / rgyu dang 'bras bu sna tshogs kyi don dang / rgyu dang 'bras bu so sor nges pa'i don ni rten cing 'brel te 'byung ba'i don te/de la byed pa med pa'i don ni chos thams cad la dbang phyug la sogs pa'i byed pa po med cing byed pa pos ma byas pa'i phyir ro/ /rgyu dang bcas pa'i don ni ma rig pa'i rgyu las 'du byed 'byung bas na skye ba'i rgyu las rga shi 'byung ba'i phyir ro/ /sems can med pa'i don ni ma rig pa la sogs pa yang mu stegs kyis brtags pa'i bdag gi rang bzhin ma yin pa'i phyir ro//gzhan gyi dbang gi don ni ma rig pa la sogs pa rang nyid skye mi nus kyi/ rgyu rkyen gyi mthu las 'byung ba'i phyir ro/ /g.yo ba med pa'i don ni ma rig pa yang 'di ltar bdag gis 'du byed bskyed do snyam du mi sems la/'du byed kyang 'di ltar bdag ni ma rig pa las skyes so snyam du mi sems pa'i phyir ro/ /mi rtag pa'i don ni ma rig pa la sogs pa ther zug gi chos ma yin pa'i phyir ro/ /skad cig ma'i don ni skyes nas skad cig ma gnyis su mi sdod par 'jig pa'i phyir ro//rgyu dang 'bras bu rgyun mi 'chad pa'i don ni srang mda'i mthon dman bzhin du rgyu'i skad cig ma 'gags pa dang / mgo mnyam du 'bras bu'i skad cig mi 'byung ba'i phyir ro/ /rgyu dang 'bras bu rjes su mi mthun pa'i don ni thams cad las thams cad mi 'byung ste/dper na nas kyi sa bon las nas kyi myu gu 'byung gi/ gro la sogs pa'i myu gu mi 'byung ba dang / sbyin pa las longs spyod chen por 'gyur gyi/ gzhan du ma yin pa la sogs pa lta bu'o/ /rgyu dang 'bras bu sna tshogs pa'i don ni rgyu mang po las 'bras bu yang rnam pa mang po 'byung ste/dper na nas las nas dang / gro las gro dang / sbyin pa las longs spyod dang / tshul khrims las mtho ris 'byung ngo / /zhes bya ba lta bu'o/ /rgyu dang 'bras bu so sor nges pa'i don ni mi dge ba las kyang 'bras bu rnam par smin pa mi bde ba 'byung ba dang /dge ba las kyang 'bras bu rnam par smin pa bde ba 'byung bar nges pa'o/ /ji ltar na rten cing 'brel bar 'byung ba zab ce na/ rgyu zab pa dang / mtshan nyid zab pa dang / skye ba zab pa dang / gnas zab pa dang / 'jug pa zab pas rten cing 'brel te 'byung ba zab pa rig par bya'o//de la rgyu zab pa ni mi mthun pa'i rgyu dang rgyu med par smra ba'i gnyen po rnam pa gnyis kyis bstan te/ byed pa po med pa'i don dang / rgyu dang bcas pa'i don gyis so/ /de la dbang phyug la sogs pa mi mthun pa'i rgyu las skye bar smra ba'i gnyen por byed pa po med pa'i don bstan to//rgyu med pa las skye bar smra ba'i gnyen por rgyu dang bcas pa'i don bstan to/ /mtshan nyid zab pa ni rten cing 'brel bar 'byung ba thams cad bdag med pa'i phyir te/ de yang sems can med pa zhes bya ba'i don gcig gis bstan to//skye ba zab pa ni rten cing 'brel bar 'byung ba'i chos de dag rkyen las skye la/ 'on kyang rgyu ni 'bras bu'i byed pa po ma yin pa'i phyir te/ de yang sems kyi dbang gis don dang g.yo ba med pa'i don gnyis kyis bstan to/ /de la rkyen rnams kyi dbang las 'bras bu skye bas na gzhan gyi dbang gi don to//'on kyang rkyen rnams byed pa po ma yin zhing bdag gis skyed par byed do snyam du sems pa med pa'i phyir te/ g.yo ba med pa'i don to/ /gnas zab pa ni mi gnas pa'i chos rnams kyang gnas par snang ba'i phyir te/de yang mi rtag pa'i don dang skad cig ma'i don gyis bstan te/ ther zug ma yin zhing skad cig ma re re la 'jig kyang gnas pa 'dra bar snang ba'i phyir ro/ /'jug pa zab pa ni rgyu dang 'bras bu rgyun mi chad par 'byung ba shes par dka' ba'i phyir ro/ /de yang rgyu dang 'bras bu rgyun mi chad pa'i don dang /rgyu dang 'bras bu mthun pa yongs su 'dzin pa'i don dang / rgyu dang 'bras bu sna tshogs kyi don dang / rgyu dang 'bras bu so sor nges pa'i don te/ rnam pa bzhis bstan to/ /rab tu dbye ba ni rnam pa bcur rig par bya ste/ rnam par shes pa'i skye ba rab tu dbye ba dang /skye ba dang 'chi ba rab tu dbye ba dang / phyi'i 'bru la sogs pa skye ba rab tu dbye ba dang / 'byung ba dang / 'jig pa rab tu dbye ba dang / kha zas kyis bstan pa rab tu dbye ba dang / yid du 'ong ba dang / mi 'ong ba'i 'gro ba rab tu dbye ba dang / rnam par dag pa rab tu dbye ba dang / mthu rab tu dbye ba'o/ /de la rnam par shes pa skye ba rab tu dbye ba ni mig dang / gzugs la brten nas mig gi rnam par shes pa 'byung ngo zhes bya ba la sogs pa'o/ /skye ba dang 'chi ba rab tu dbye ba ni sems can gyi 'jig rten gyi dbang du byas nas ma rig pa'i rkyen gyis 'du byed ces bya ba nas skye ba'i rkyen gyis rga shi zhes bya ba'i bar dag go//phyi'i 'bru la sogs pa skye ba rab tu dbye ba ni sa bon gyi rkyen gyis myu gu zhes bya ba nas me tog gi rkyen gyis 'bras bu zhes bya ba'i bar dag go/ 'byung ba dang / 'jig pa rab tu dbye ba ni sems can thams cad kyi las thun mong gi dbang la brten nas/rlung gi dkyil 'khor gyi steng du chu'i dkyil 'khor dang / de'i steng du gser gyi dkyil 'khor dang zhes bya ba la sogs pa'o/ /kha zas kyis bstan pas rab tu dbye ba ni zas rnam pa bzhi la brten nas/khams gsum gyi sems can rnams gnas par gyur pa ste/ zas bzhi ni kham gyis bza' ba'i zas dang / reg pa'i zas dang / yid la byed pa'i zas dang / bsam gtan gyi zas so/ /de la 'dod pa'i khams na mi dang byol song dang yi dgos la sogs pa phal cher kham gyi zas la brten to/byol song bya la sogs pa'i sgo nga dang bye'u phrug gi dus na pha ma'i drod kyis reg pa'i zas la brten to/ /yid la byed pa'i zas ni sems can las kha cig kha zas yid la byed pa dang ma bral gyi bar du mi 'chi ba yod de/ dper na sngon lo nyes chen po zhig byung ba'i dus na pha mas bu'i mdun du thal ba 'phur ma cig gnam la gtor nas 'di na phye yod kyis slar 'ongs nas sbyin no zhes bya ste song ba las/zla ba drug gi bar du ma shi ste/ phyis bkrol nas bltas pa las thal bar gyur pa mthong nas shi bar gyur pa lta bu'o/ /bsam gtan gyi zas ni gzugs dang gzugs med pa'i khams kyi sems can rnams kha zas la brten pa med kyang /bsam gtan gyi ro'i mthus bskal pa du mar gnas pa'o/ /yid du 'ong ba dang mi 'ong ba'i 'gro ba rab tu dbye ba ni las legs par byas pa la brten nas bde 'gror skye ba dang /las nyes par u0f85byas pa la brten nas ngan 'gror skye ba'o/ /rnam par dag pa rab tu dbye ba ni gzhan gyis bshad pa'i sgra la brten nas tshul bzhin yid la byed pa 'byung ba dang / tshul bzhin yid la byed pa la brten nas thar pa'i char gtogs pa'i dge ba'i rtsa ba ' byung ba dang /thar pa'i char gtogs pa'i dge ba'i rtsa ba las nges par byed pa'i phyogs bzhi skye ba dang / de la brten nas mthong ba'i lam 'byung ba dang / de la brten nas bsgom pa'i lam dang / bsgom pa'i lam las dgra bcom pa'i 'bras bu thob pa'o/ /mthu rab tu dbye ba ni 'phags pa'i bden pa rtogs pa dang /ting nge 'dzin la brten nas mngon par shes pa drug la sogs pa 'byung ba dang / mtha' dag skye mched la sogs pa 'byung ba'o/ /ji ltar na lugs bzhin dang lugs las ldog par blta zhe na/ de la lugs bzhin pa ni kun nas nyon mongs pa'i phyogs te/de yang ma rig pa'i rkyen gyis 'du byed ces bya ba nas skye ba'i rkyen gyis rga shi zhes bya ba la sogs pa'o/ /de la 'phags pa'i bden pa bzhi yang dag pa ji lta ba bzhin du mi shes pa na ma rig pa'o/ /yang na mi rtag pa dang /sdug bsngal ba dang / mi gtsang ba dang / bdag med par yod pa'i dngos po ni mi mthong gi/ rtag pa dang / bde ba dang / gtsang ba dang / bdag ces bya ba med pa'i dngos po yod par mthong bas de ni ma rig pa zhes bya'o/ /ma rig pa'i rkyen gyis 'du byed ces bya ba la 'du byed rnam pa gsum ste/bsod nams ma yin par nye bar 'gro ba'i 'du byed dang / bsod nams su nye bar 'gro ba'i 'du byed dang / mi g.yo bar nye bar 'gro ba'i 'du byed dang / de la tshe 'dir bde bar bya'o zhes tshe 'di'i 'dod pa lnga'i yon tan la mngon par chags pas/ tshe rabs gzhan gyi las kyi 'bras bu la rmongs nas 'dod pa'i khams su ngan song gsum du skye bar byed pa'i las srog gcod pa dang ma byin par len pa la sogs pa'i mi dge ba bcu ni/bsod nams ma yin par 'gro ba'i 'du byed ces bya'o/ /tshe rabs gzhan du lha dang mi'i bde ba phyir mi 'ong ba'i 'bras bu dang /mngon par chags nas dge ba bcu'i las kyi lam gyis lha dang mir skye'o zhes khong du chud de/ 'dod pa'i khams kyi lhar skye bar byed pa'i las srog mi gcod pa dang / ma byin pa mi len pa la sogs pa dge ba bcu'i las kyi lam ni bsod nams su nye bar 'gro ba'i 'du byed ces bya'o//tshe rabs gzhan du ting nge 'dzin la snyoms par zhugs pa'i ro la chags pas sems rtse gcig pa'i mtshan nyid kyi ting nge 'dzin la 'ongs pa na/ gzugs dang gzugs med pa'i khams su skye bar byed pa ni mi g.yo bar 'gro ba'i 'du byed ces bya'o/ /de la las rnam pa gsum ni 'bras bu rnam pa bzhis spangs te/'bras bu bzhi la rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu'o/ /rgyun du zhugs pa'i 'bras bu ni bsod nams ma yin par nye bar 'gro ba'i 'du byed spong ste/rgyun du zhugs pa'i 'bras bu thob na ngan song gsum du skye ba'i skal ba med pa'i phyir ro/ /lan cig phyir 'ong ba dang / phyir mi 'ong ba'i 'bras bu ni bsod nams su nye bar 'gro ba'i 'du byed spong bar byed de/ lan cig phyir 'ong bas ni 'dod pa'i khams kyi lha dang mir skye bar byed pa'i las spong bar byed la/phyir mi 'ong bas ni 'dod pa'i khams su skye ba'i las spangs nas slar 'dod pa'i khams su mi skye ba'i phyir phyir mi 'ong ba zhes bya'o/ /dgra bcom pa'i 'bras bu ni mi g.yo bar nye bar 'gro ba'i 'du byed spong bar byed de/ srid pa'i rtse mo man chad kyi bsam gtan la chags pa'i las kyi bag la nyal spangs nas dgra bcom pa'i 'bras bu thob pa'i phyir ro//de la ma rig pa yod na las rnam pa gsum mngon par 'du byed pas ma rig pa'i rkyen gyis 'du byed ces bya'o/ /ma rig pa yang rgyu'i rkyen dang de ma thag pa'i rkyen dang dmigs pa'i rkyen dang bdag po'i rkyen gyis 'du byed kyi rkyen du 'gyur te/yan lag lhag ma rnams la yang snga ma'i rkyen bzhis phyi ma'i rkyen byed par shes par bya ste/ rkyen bzhis ji ltar rkyen du 'gyur ba ni sngar bshad pa bzhin du blta'o/ /de ltar las rnam pa gsum mngon par 'dus byas nas/ma'i mngal la sogs pa'i skye gnas su yid kyi rnam par shes pa dang po zhugs nas brgyal ba ni/ 'du byed kyi rkyen gyis rnam par shes pa zhes bya'o/ /de ltar skad cig ma dang po la yid kyi rnam par shes pa ma'i mngal du brgyal nas/ skad cig ma gnyis pa phan chad pha ma'i khrag dang khu ba la sogs pa 'dres te nur nur po dang mer mer po'i dus na ni ming dang gzugs zhes bya'o//de la tshor ba dang / 'du shes dang / 'du byed dang / rnam par shes pa ste/ gzugs med pa'i phung po bzhi ni ming ngo / /nur nur po dang mer mer po'i dus na ni gzugs so//de nas nur nur po dang mer mer po las 'das nas ma'i mngal na mig dang / rna ba la sogs pa'i dbang po dod nas dbang po drug so sor dod par gyur pa ni ming dang gzugs kyi rkyen gyis drug gi skye mched ces bya'o/ /de nas dbang po dod nas dbang po dang yul dang rnam par shes pa dus gcig tu phrad par gyur pa ni/skye mched drug gi rkyen gyis reg pa zhes bya'o/ /de nas yul yid du 'ong ba dang phrad de lus dang sems sim par gyur pa'i tshor ba bde ba dang / yul yid du mi 'ong ba dang phrad de lus dang sems gdung bar gyur pa'i tshor ba sdug bsngal ba dang / yul yid du 'ong ba yang ma yin yid du mi 'ong ba yang ma yin pa dang phrad de lus sems la sim pa yang med gdung ba yang med pa'i tshor ba bde ba yang ma yin sdug bsngal ba yang ma yin pa skyes pa ni reg pa'i rkyen gyis tshor ba zhes bya'o/ /de ltar tshor bar gyur nas tshor ba bde ba dang ni phrad par chags/sdug bsngal ba dang bral bar chags pa skye ste/ de ni tshor ba'i rkyen gyis sred pa zhes bya'o/ /de ltar sred pa yod pa las tshor ba bde ba'i yo byad du gyur pa rnams ni len par byed de de ni sred pa'i rkyen gyis len pa zhes bya'o/ /de ltar nyon mongs pa'i tshogs sred pa dang len pa la sogs pa yod na/las dge ba dang mi dge ba mngon par 'du byed de/ de ni len pa'i rkyen gyis srid pa zhes bya'o/ /de ltar las dang nyon mongs pa yod na skye gnas de dang de dag tu yid kyi rnam par shes pa 'phos shing / phung po dang / khams dang / skye mched la sogs pa 'byung bar gyur pa ni srid pa'i rkyen gyis skye ba zhes bya'o//de ltar skyes par gyur na ni shing skyes pa mes tshig pa dang chus khyer ba bzhin du phung po rnyings pa'i mtshan nyid dga' ba dang tshe'i 'du byed rgyun chad pa'i mtshan nyid shi ba 'byung ste/ de ni skye ba'i rkyen gyis rga shi zhes bya'o//mya ngan dang smre sngags 'don pa la sogs pa ni rga shi'i yan lag tu bsdu bas/ ma rig pa'i rkyen gyis 'du byed nas skye ba'i rkyen gyis rga shi'i bar du rten cing 'brel te 'byung ba yan lag bcu gnyis su zad do/ /de la dga' ba rnam pa gnyis te/ rten nyams pa dang / brten pa nyams pa'o/ /rten nyams pa ni gzugs kyi phung por gtogs pa'i 'byung ba chen po bzhi nyams pas gnyer ma dang skra dkar la sogs pa 'byung ba dang ldang ba dang 'dug pa la lus lci bar gyur pa'o/ /brten pa nyams pa ni de ltar dbang po rnams nyams pas de la brten pa'i rnam par shes pa rnams kyang gzugs dang sgra la sogs pa mi gsal bar mthong zhing thos pa dang sngon byas shing smras pa rnams brjed par gyur pa'o//'chi ba la rnam pa gnyis te dus su shi ba dang / dus ma yin par shi ba'o/ /de la dus su shi ba ni tshe 'dir gnas pa'i tshe 'du byed kyi las kyi shugs zad par gyur nas/drod dang rnam par shes pa dang / tshes lus btang bar gyur pa'o/ /dus ma yin par shi ba ni gzhan gyis mtshon dang dbyig pa la sogs pa phog nas glo bur du shi ba'am sdig pa'i chos la brkam pas lha ma yin pa la sogs pas byin gyis brlabs nas glo bur du bsad pa ni dus ma yin par 'chi ba'o//mdza' ba dang bral ba dang mi mdza' ba dang phrad pa las skyes pa'i sems kyi gdung pa ni mya ngan no/ /mya ngan gyi rgyu las skyes pa'i tshig tu smra ba ni smre sngags 'don pa'o/ /'byung ba chen po rnams 'khrugs nas lus la gnod par gyur pa ni sdug bsngal ba'o//gang de'i tshe sems la gnod pa byung ba ni slong ba'o/ /dgra la sogs pas gnod pa byas pa dran nas gnod pa'i lan ma glan no snyam ste/ lus dang sems la gnod par gyur pa ni 'khrugs pa zhes bya'o/ /de ltar sdug bsngal gyi phung po chen po 'di 'ba' zhig kun 'byung bar 'gyur ro zhes bya ba ni gong du bshad pa ltar na ma rig pa nas rga shi'i bar du sdug bsngal gyi tshogs chen po tsam du zad do//bdag la sogs pa med pa na 'ba' zhig kun 'byung bar 'gyur ro zhes gsungs so/ /brgal ba ma rig pa'i rgyu ma bstan pas 'khor ba la thog ma yod par 'gyur ba dang /rga shi'i 'bras bu ma bstan pas/ 'khor ba la tha ma yod par 'gyur ro/ /yang na yan lag gzhan bshad par bya dgos te/ de'i yang gzhan de'i yang gzhan brjod dgos pas thug pa med pa'i skyon du 'gyur ba'i phyir yan lag bcu gnyis su brjod du yang mi rung ngo //smras pa 'di ltar bcom ldan 'das kyis rten cing 'brel te 'byung ba 'di nyid du thog ma dang tha ma med pa'i don bstan zin to/ /ji ltar zhe na/ nyon mongs pa las nyon mongs pa 'byung ste/ sred pa'i rkyen gyis len pa 'byung ba dang /nyon mongs pa las las 'byung ste/ ma rig pa'i rkyen gyis 'du byed 'byung ba dang / len pa'i rkyen gyis srid pa 'byung ba dang / las las sdug bsngal 'byung ste/ 'du byed kyi rkyen gyis rnam par shes pa 'byung ba dang / srid pa'i rkyen gyis skye ba 'byung ba'i phyir ro/ /sdug bsngal las sdug bsngal 'byung ste/ rnam par shes pa las ming dang gzugs 'byung ba dang / skye mched drug las reg pa 'byung ba dang / skye ba las rga shi 'byung ba'i phyir ro/ /dngos po las kyang nyon mongs pa 'byung ste/ tshor ba las sred pa skye ba'i phyir ro/ / gang gi phyir sred pa'i yan lag gi tshul de lta bur bcom ldan 'das kyis gsungs pas na/ de'i phyir ma rig pa yang nyon mongs pa'am dngos po gzhan las 'byung ba'i phyir skye ba las thog ma med do/ /rga shi'i dngos po las kyang nyon mongs pa'am dngos po 'byung bas na/ tha ma yang med yan lag yang med gzhan yang brjod mi dgos par grub bo//mdo sde kha cig las tshul bzhin ma yin pa yid la byed pa ni ma rig pa'i rgyu las ma rig pa yang tshul bzhin ma yin pa'i rgyu'o zhes bshad pa yang gong du nyon mongs pa las nyon mongs pa 'byung ba dang las las nyon mong pa 'byung ba la sogs par bstan pa'i tshul gyi nang du 'dus zin pa logs shig tu ma bshad do//yang na chos mngon pa'i gtsug lag las rten cing 'brel te 'byung ba gang zhe na/ 'dus byas kyi chos thams cad do zhes rten cing 'brel te 'byung ba sems can du ston pa dang sems can ma yin par ston pa ste rnam pa gnyis su bshad la/mdo 'di las ci'i phyir sems can du ston pa 'ba' zhig bshad/ de bzhin du dz+nyA na pra sta na'i gtsug lag las rten cing 'brel te 'byung ba gnyis su bstan te/ rgyun gyi mtshan nyid dang skad cig ma'i mtshan nyid do/ /de la rgyun gyi mtshan nyid ni ma rig pa'i rkyen gyis 'du byed ces bya ba la sogs pa gong du bshad pa nyid do//skad cig ma'i mtshan nyid ni skad cig ma gcig la rten cing 'brel bar 'byung ba yan lag bcu gnyis 'byung ste/ ji ltar zhe na 'di ltar chags pa'i dbang gis srog chags rnams kyi 'tsho ba 'gog pa na/gang las dang las kyi rnam par smin pa la rmongs pa de ni ma rig pa'o/ /de'i tshe sems las byung ba'i tshogs gang yin pa de ni 'du byed do/ /de'i tshe na dngos po la so sor dmigs pa mig la sogs pa'i rnam par shes pa drug ni rnam par shes pa'o/ / rnam par shes pa dang lhan cig byung ba'i phung po tshor ba la sogs pa bzhi dang 'byung ba chen po bzhi dang / 'byung ba las gyur pa'i gzugs rnams ni ming dang gzugs so/ /ming dang gzugs la brten pa'i mig la sogs pa'i dbang po drug ni skye mched drug go/ skye mched drug gi yul mthong ba ni reg pa'o//reg pa'i tshe bde ba 'am/ sdug bsngal myong ba ni tshor ba'o/ /de'i tshe sha dang pags pa la chags pa ni sred pa'o/ /de dang lhan cig tu 'grogs pa'i nyon mongs pas kun nas dkris pa gzhan rnams ni len pa'o/ /de'i tshe len pas bskyed pa yid kyi las ni srid pa'o//lag pa g.yo ba la sogs pa'i chos de rnams 'byung ba ni skye ba'o/ /de las mtshan nyid gzhan du gyur te smin pa ni rga ba'o/ /chos de zhigs pas ni shi ba'o/ /lan du mdo 'di bshad pa ni dgongs pa can yin pas/ rten cing 'brel te 'byung ba sems can du mi ston pa ma bshad kyang nyes pa med de/'dul ba kha cig 'khor bar 'jug pa dang ldog pa la rmongs pa bsal bar bya ba'i phyir/ ma rig pa'i rkyen gyis 'du byed la sogs pa rgyu dang 'bras bu gcig gis gcig bskyed pa sems can du ston pa nyid 'dir gsungs so/ /rten cing 'brel te 'byung ba yan lag bcu gnyis skad cig ma'i mtshan nyid 'dir bshad pa ni las dang po pa rnams kyis skad cig ma gcig la yan lag bcu gnyis yod par thos nas/khong du chud par mi nus te/ de bas ni de dag gi don du bcom ldan 'das kyis rgyun gyi don 'brel cing bshad do/ /yang na yid mi bde ba dang ldan pa'i rtog pa ni mya ngan no//'chi ba'i dus na e ma'o pha'o/ /e ma'o ma'o zhes bya ba la sogs pa tshig tu smra ba ni smre sngags 'don pa'o/ /rnam par shes pa lnga'i tshogs dang 'brel ba'i mi bde ba ni sdug bsngal lo/ /yid kyi rnam par shes pa la mi bde ba ni mi slong ba'o/ mya ngan dang smre sngags 'don pa sngon du byung ba las lus dang sems ngal zhing chad par gyur pa ni 'khrugs pa zhes bya'o/ /de ltar zhes bya ba ni gong du bshad pa'i tshig ltar ro/ /'khor ba thog ma med pa'i dus nas sdug bsngal brgyud pa mtha' med pa dang / sdug bsngal gyi tshogs yin pa'i phyir sdug bsngal gyi phung po chen po zhes bya'o//bdag dang bdag gi med pas na 'ba' zhig pa'o/ /kun 'byung bar 'gyur zhes bya ba ni de lta bur kun skye zhes bya ba'i don to/ /lugs las bzlog pa ni rnam par byang ba'i mtshan nyid de bstan pa'i phyir ro/ /ma rig pa 'gags pas 'du byed 'gag ces bya ba la sogs pa gsungs so//de la lugs bzhin dang lugs las bzlog pa gnyis bstan pa yang la la dag srid pa kun 'byung ba ma mthong bas chad par mngon par zhen te/ de spang bar bya ba'i phyir lugs bzhin gsungs so/ /kha cig ther zug du mngon par chags te/srid pa 'gag pa'i mtshan nyid ma mthong ba bsal ba'i phyir lugs las bzlog pa gsungs te/ de ltar kun nas nyon mongs pa dang / rnam par byang ba'i lam gnyis kyis bcings pa dang grol bar bstan pa yin no/ /de la mar me 'byung na mun pa med par 'gyur ba bzhin du phyi dang nang gi chos rnams mi rtag pa dang /sdug bsngal ba dang / mi gtsang ba dang / bdag med par mthong ba'i rig pa skyes nas ma rig pa 'gag pa zhes bya'o/ /dper na me med na dud pa mi 'byung ba bzhin du ma rig pa 'gags nas las ma byas pa rnams ni mngon par 'du mi byed/bya ba rtsom pa rnams ni grogs med pas byed par mi nus pa'i phyir ro/ /ma rig pa 'gags pas 'du byed 'gag ces bya ste/ dper na grogs med par gcig pus sdong po chen po 'dren par mi nus pa bzhin du/ dper na zhing med na sa bon gyi rten med pas sa bon ci la yang mi gnas pa de bzhin du 'du byed med na rnam par shes pa'i rten med pas rnam par shes pa yang med par 'gyur ba'i phyir//'du byed 'gags pas rnam par shes pa 'gag pa zhes bya'o/ /dper na sa bon bsregs na myu gu mi skye ba bzhin du/rnam par shes pa'i ye shes kyis sems bsregs te med par byas na ming dang gzugs kyi myu gu mi 'byung ba'i phyir/ rnam par shes pa 'gags pas ming dang gzugs 'gag zhes bya'o/ /yang na shing gsum rtse sprad par gnas shing gcig med na shing gnyis gnas par mi nus pa bzhin du rnam par shes pa yang ming dang gzugs kyi rten yin pas/rnam par shes pa gnyis la ming dang gzugs gnas par mi nus pa'i phyir rnam par shes pa 'gags pas ming dang gzugs 'gag ces bya'o/ /dper na me long med na de'i gsal ba mi 'byung ba bzhin du ming dang gzugs med na ming dang gzugs kyi gsal ba mig gi skye mched gzugs dang ba la sogs mi 'byung bas na/ming dang gzugs 'gags pas skye mched drug 'gag pa zhes bya'o/ /dper na rtsig pa med na ri mo 'jig pa bzhin du rten du gyur pa skye mched drug med na de la brten par byed pa'i reg pa med par 'gyur bas/skye mched drug 'gags pas reg pa 'gag pa zhes bya'o/ /dper na zangs la sogs pa'i 'byung khung zad de med na 'byung bar bya ba'i rdzas rnams kyang mi 'byung ba de bzhin du/ tshor ba'i 'byung khung reg pa med na tshor ba mi 'byung ste/de bas na reg pa 'gags pas tshor ba 'gag ces bya'o/ /dper na mar me med na snang ba mi 'byung ba bzhin du tshor ba med na chags pa mi skye ste/ de'i tshe tshor ba 'gags pas sred pa 'gag pa zhes bya'o/ /bu dang po ma skyes na phyi ma gzhon nu dang dar la bab pa la sogs par cher 'gyur zhing 'phel ba mi 'byung ba bzhin du sred pa med par gyur na/de'i 'phel ba dang cher 'gyur ba len pa mi 'byung ba ni/ sred pa 'gags pas len pa 'gag pa zhes bya'o/ /dper na shing med na me'i rgyu med pas mi 'byung ba bzhin du/las kyi rgyu nyon mongs pa med na las mngon par 'du mi byed pa'i phyir/ len pa 'gags pas srid pa 'gag pa zhes bya'o/ /dper na nad kyi rgyu med par byas na nad med par 'gyur ba bzhin du/ skye ba'i rgyu las dang nyon mongs pa med par byas na skye bar mi 'gyur te/ de bas na srid pa 'gags pas skye ba 'gag pa zhes bya'o/ /dper na bum pa ma byas na sred pa dang chags pa la sogs pa mi 'byung ba dang / shing ma skyes na nags mes tshig pa dang / tshal chus khyer ba mi 'byung ba bzhin du skye ba med na rga ba dang shi ba la sogs pa'i sdug bsngal mi 'byung bas de'i phyir/skye ba 'gags pa zhes bya ba nas sdug bsngal gyi phung po chen po 'ba' zhig 'gag par 'gyur ro zhes gsungs so/ /yan lag rgyas par bshad pa'i dbang du byas nas/ de la ma rig pa gang zhe na zhes bya ba la sogs pa gsungs so/ /de la ma rig pa zhes bya ba 'gog pa'i tshig 'dir don rnam pa bzhir 'gro ste/chung ba dang smad pa dang mi mthun pa dang med pa'o/ /de la chung ba'i don du 'gro ba ni/ dper na bu mo rked pa phra ba la rked pa med pa zhes bya ba lta bu'o/ /smad pa'i don du 'gro ba ni dper na bu ngan pa la bu med pa zhes bya ba lta bu'o/ /med pa'i don du 'gro ba ni dper na zas med chu med ces bya ba lta bu'o//'gal ba'i don du 'gro ba ni dper na 'grogs pa dang mi mthun pa la grogs ma yin zhes bya ba lta bu'o/ /'di ni 'gal ba'i don du 'gro bar blta ste/ rig pa dang mi mthun pa'i phyogs su gyur pa la ma rig pa zhes bya'o/ /de nyid kyi mtshan nyid zhib tu bstan pa'i phyir/sngon gyi mtha' mi shes pa zhes bya ba la sogs pa gsungs so/ /de la sngon gyi las ni tshe rabs snga ma ste/ tshe rabs snga ma yod par mi shes pa ni sngon gyi mtha' mi shes pa'o/ /yang na ci bdag 'das pa'i dus na byung ba zhig gam/ 'on te bdag 'das pa'i dus na ma byung ba zhig ces 'das pa'i dus kyi 'du byed rnams la tshul bzhin ma yin par yid la byed pa ni sngon gyi mtha' mi shes pa'o//phyi ma'i mtha' mi shes pa zhes bya ba la/ phyi ma'i mtha' ni tshe rabs phyi ma ma 'ongs pa'i dus la bya ste/ tshe rabs phyi ma yod par mi shes pa'o//yang na ci bdag ma 'ongs pa na 'byung bar 'gyur ram/ 'on te bdag ma 'ongs pa na 'byung bar mi 'gyur/ ma 'ongs pa na su zhig 'byung bar 'gyur/ /ji ltar 'byung bar 'gyur/ zhes ma 'ongs pa'i dus 'du byed rnams la tshul bzhin ma yin par rtog pa ni phyi ma'i mtha' mi shes pa'o//sngon dang phyi ma'i mtha' mi shes na zhes bya ba la sngon dang phyi ma'i mtha' ni da ltar gyi tshe 'di la bya ste/ tshe 'dir nang dang phyi rol gyi chos rnams kyi mtshan nyid ji lta bur mi shes pa ni sngon dang phyi ma'i mtha' mi shes pa zhes bya'o/ / yang na 'das pa dang ma 'ongs pa dang / /da ltar gyi dus gsum du brgyud de 'byung ba mi shes pa ni sngon dang phyi ma'i mtha' mi shes pa zhes bya ste/ tshe rabs snga ma'i las dang / nyon mongs pa las tshe 'dir skyes/ tshe 'di'i las dang nyon mongs pa las tshe phyi ma 'byung bar mi shes pa'o/ /yang na sems can gzhan rnams la 'di la ci zhig yod/'di ci zhig yin/ sems can 'di dag gang nas 'dir 'ongs 'di nas shi 'phos nas gang du skye bar 'gyur zhes tshul bzhin ma yin par rtog cing / the tshom du gyur pa ni sngon dang / phyi ma'i mtha' mi shes pa zhes bya'o/ /nang mi shes pa zhes bya ba la nang ni bdag gi lus te de yang phung po lnga'i bdag nyid yin par mi shes pa ni nang mi shes pa zhes bya'o//yang na bdag nyid kyi nang gi skye mched du gtogs pa rnams la bdag yin no zhes tshul bzhin ma yin par rtog pa ni nang mi shes pa zhes bya'o/ /phyi mi shes pa zhes bya ba phyi ni gzugs dang sgra la sogs pa ste/de dag rdul phra mo'i rang bzhin yin par mi shes pa'o/ /yang na phyi rol gyi chos sems can gyi grangs su ma gtogs pa rnams la bdag gi bar du dukun tu rtog pa ni phyi mi shes pa zhes bya'o/ /phyi nang mi shes pa zhes bya ba la phyi nang ni gzhan gyi rgyud du gtogs pa'i 'du byed rnams la bya ste/de dag la mdza' ba dang / dgra dang bar mar tshul bzhin ma yin par gtogs pa ni phyi nang mi shes pa'o/ /bsod nams dang bsod nams ma yin pa dang mi g.yo ba'i 'du byed kyi mtshan nyid mi shes pa ni las mi shes pa zhes bya'o//yang na las la byed pa po yod pa tshul bzhin ma yin par rtog pa ni las mi shes pa zhes bya'o/ /rnam par smin pa mi shes pa zhes bya ba ni las de dag gi 'bras bu ni ngan song gsum dang lha dang mi la sogs pa'i rang bzhin mi shes pa ni rnam par smin pa mi shes pa zhes bya'o//las kyi rnam par smin pa mi shes pa zhes bya ba ni las 'di byas na rnam par smin pa 'di smin zhes mi shes pa ste/ las mi dge ba byas na ngan song gsum du rnam par smin pa dang / las dge ba byas na lha dang mi la sogs pa rnam par smin pa mi shes pa zhes bya'o//yang na rnam par smin pa'i 'bras bu rnams bdag gam tshor ba pos myong bar 'gyur ro/ /zhes tshul bzhin ma yin par rtog pa ni rnam par smin pa mi shes pa zhes bya'o/ /las dang las kyi 'bras bu la sogs par yid la byed pa ni las kyi rnam par smin pa mi shes pa zhes bya ste/dper na srog gcod na mtho ris su skye'o zhes bya ba la sogs pa'o/ /srog mi gcod pa dang ma byin par mi len pa la sogs pa dge ba yin par mi shes pa ni las legs par byas pa mi shes pa'o/ /srog gcod pa dang ma byin par len pa la sogs pa bya bas mi dge ba yin par mi shes pa ni las nyes pa byas pa mi shes pa'o//ma byin par blangs nas gzhan la byin pa ni las 'dren ma yin te/ las dge ba yang ma yin mi dge ba yang ma/ yin par mi shes pa ni las legs pa dang nyes pa byas pa mi shes pa zhes bya'o/ /rgyu mi shes pa zhes bya ba la rgyu rnam pa drug ste/cha 'dra ba'i rgyu dang / kun tu 'gro ba'i rgyu dang / lhan cig byed pa'i rgyu dang / ldan pa'i rgyu dang / byed pa'i rgyu dang / rnam par smin pa'i rgyu ste/ de drug mi shes pa ni rgyu mi shes pa zhes bya'o/ /de la cha 'dra ba'i rgyu ni 'dod pa na spyod pa'i sdug bsngal mthong bas spang bar bya ba'i chos sngar skyes pa rnams 'dod pa na spyod pa'i sdug bsngal mthong bas spang bar bya ba'i chos phyis skye ba dang /skye par 'gyur ba'i cha 'dra ba'i rgyu'o/ /gzhan yang sngon dge ba'i rtsa ba cung zad yod pa'i gzhi las dge ba'i rtsa ba phyi ma 'phel zhing skye ba la yang cha 'dra ba'i rgyu zhes bya ste/de yang dper na sdug bsngal mthong ba'i dge ba'i rtsa ba las sdug bsngal mthong ba'i ye shes skye ba dang de bzhin du lam mthong ba'i dge ba'i rtsa ba las lam mthong ba'i ye shes skye ste/ gzugs dang gzugs med pa'i khams kyi bden pa bzhi yang so sor sbyar ro//kun tu 'gro ba'i rgyu gang zhe na/ de ni nyon mongs pa'i chos 'ba' zhig dang sbyar te/ sngar skyes pa'i nyon mongs pa'i chos rnams phyis skye ba dang / skyes par 'gyur ba'i rang gi sa pa'i nyon mongs rnams kyi kun tu 'gro ba'i rgyu ste/ dper na 'dod pa'i khams kyi log par lta ba dang ldan pa sngar skyes pa ni phyis skye ba dang /skye bar gyur pa log pa'i rtog pa dang / log pa'i ngag dang / log pa'i las kyi mtha' dang / log pa'i tshor ba rnams kyi kun tu 'gro ba'i rgyu byed do/ /de la lhan cig byed pa'i rgyu gang zhe na/'di lta ste 'byung ba chen po rnams skye ba'i dus na gcig la gcig brten/ phan tshun gcig gis gcig skyed par byed pa dang / sems dang sems las byung ba rnams skye ba'i tshe na yang phan tshun gcig la gcig brten nas skye ba ni lhan cig byed pa'i rgyu'o/ / ldan pa'i rgyu gang zhe na/ dge ba dang mi dge ba dag lung mi ston pa'i sems dang sems las byung ba rnams phan tshun ldan pa'i rgyu ste/ dge ba'i sems dang dge ba'i sems las byung bar ldan gyi/ mi dge ba'i sems las byung bar ldan pa ma yin pa de bzhin du mi dge ba dang lung du ma bstan pa yang sems dang sems las byung ba so sor ldan pa'o//de la byed pa'i rgyu ni gang yod na de 'byung ba dang gang med na de mi 'byung ba ste/ sa bon yod na myu gu 'byung gi sa bon med na myu gu mi 'byung ba'o/ /yang na kha cig na re rang ma gtogs par mi sgrib par byed pa'i chos gzhan byed pa'i rgyu ste/ dper na mig dang yul dang phrad nas rnam par shes pa skye ba na gang mi sgrib cing bgegs mi byed pa'i chos thams cad byed pa'i rgyu zhes 'chad do/ /de la rnam par smin pa'i rgyu gang zhe na/ mi dge ba'i chos dang dge ba zag pa can ni ngan song la sogs par rnam par smin pa 'phen par byed pas na rnam par smin pa'i rgyu zhes bya'o//lung du ma bstan pa'i chos ni rgyu mthun pa tsam skye bar byed kyang sa bon rul pa bzhin du nyam chung bas rnam par smin pa bzhin du nus pa'i phyir rnam par smin rgyu zhes bya'o/ /yang na rgyu med par rtog pa'am dbang phyug dang rang bzhin dang skyes bu la sogs pa'i rgyur rtog pa ni rgyu mi shes pa zhes bya'o//'bras bu mi shes pa zhes bya ba la 'bras bu rnam pa lnga ste/ skyes bu byed pa'i 'bras bu dang / rgyu mthun pa'i 'bras bu dang / rnam par smin pa'i 'bras bu dang / dbang gi 'bras bu dang / bral ba'i 'bras bu ste/ de lnga mi shes pa ni 'bras bu mi shes pa zhes bya'o/ /de la skyes bu byed pa'i 'bras bu ni rgyu gang gi mthu las 'bras bu gang 'byung ba ste/ dper na zhing pa rnams kyi rang gi zho sha'i mthu las 'bru la sogs pa'i 'bras bu 'byung ba ni skyes bu bskyed pa'i 'bras bu zhes bya'o//rgyu mthun pa'i 'bras bu ni rang nyid dang cha 'dra bar byed pa ste/ sngon gyi dge ba'i rgyu las ma 'ongs pa na yang dge ba spyod pa nyid 'bras bur smin pa dang / sngon gyi mi dge ba'i rgyu las kyang mi dge ba spyod pa nyid 'bras bur smin pa'o/ /rnam par smin pa'i 'bras bu ni dge ba dang mi dge ba'i las kyi rgyus lha dang mi dang sems can dmyal ba la sogs par phung po rnams smin pa'o//dbang gi 'bras bu ni dper na mig gi dbang po'i mthus mig gi rnam par shes pa thogs pa med par skye'o/ /bral ba'i 'bras bu ni 'phags pa'i lam bsgoms pa'i mthus nyon mongs pa spangs nas mya ngan las 'das pa thob pa'o//rgyu dang 'bras bu mi shes pa zhes bya ba la rgyu 'di byas na 'bras bu 'di 'byung zhes rgyu dang 'bras bu 'phel bar mi shes pa ni rgyu dang 'bras bu mi shes pa'o/ /rgyu las skyes pa'i chos rnams mi shes pa zhes bya ba la phung po lnga dang khams bco brgyad dang skye mched bcu gnyis la sogs pa ni rgyu las skyes pa'i chos yin gyi/so sor brtags te 'gag pa dang ma brtags par 'gag pa dang / nam mkha' ni rgyu las skyes pa'i chos ma yin no zhes mi shes pa'am/ phyi'i chos myu gu dang 'dab ma la sogs pa sa bon las skyes pa'i chos yin pa dang /nang gi chos sems can du gtogs pa rnams kyang ma rig pa'i rgyu las 'du byed byung ba'i chos can yin gyi/ dbang phyug dang byed pa po las skyes pa ma yin no zhes mi shes pa'i rgyu las skyes pa'i chos rnams mi shes pa zhes bya'o//rten cing 'brel par 'byung ba mi shes pa zhes bya ba ni/ ma rig pa'i rkyen gyis 'du byed nas skye ba'i rkyen gyis rga shi la sogs pa nang gi rten cing 'brel te 'byung ba'i yan lag bcu gnyis tshe rabs gcig nas gcig tu ji ltar 'byung ba mi shes pa'o//rten cing 'brel bar 'byung ba'i chos rnams mi shes pa zhes bya ba ni sa bon nas myu gu me tog nas 'bras bu'i bar du phyi'i rten cing 'brel te 'byung ba rnams sa bon dang 'byung ba chen po bzhi dang dus la sogs par bskyed par mi shes pa'o/ /sangs rgyas mi shes pa zhes bya ba la 'phags pa'i lam gyi chos gang gis sangs rgyas su byed pa'i chos de mi shes pa 'am/yang na 'di ltar sangs rgyas bcom ldan 'das ni dgra bcom pa yang dag par rdzogs pa'i sangs rgyas rig pa dang zhabs su ldan pa zhes bya ba la sogs pa de lta bu'i tshul du mi shes shing de lta bu yin nam ma yin zhes the tshom za ba ni sangs rgyas mi shes pa'o//chos mi shes pa zhes bya ba la chos rnam pa gsum ste/ bshad par bya ba'i chos dang bsgrub par bya ba'i chos dang 'bras bu'i chos so/ /de la bshad par bya ba'i chos ni gsung rab yan lag bcu gnyis so//bsgrub par bya ba'i chos ni byang chub kyi phyogs sum cu rtsa bdun rnams so/ /'bras bu'i chos ni mya ngan las 'das pa rnams te de gsum mi shes pa ste/ /de dag la the tshom za ba ni chos mi shes pa zhes bya'o/ /dge 'dun mi shes pa zhes bya ba la dge 'dun rnam pa gnyis te slob pa'i gang zag gi 'phags pa dang mi slob pa'i gang zag gi 'phags pa'o//de la slob pa'i gang zag gi 'phags pa ni rgyun du zhugs pa nas dgra bcom pa la 'jug pa'i bar du bdun no/ /mi slob pa'i gang zag gi 'phags pa ni dgra bcom pa'i 'bras bu thob pa ste/de dag la yang bcom ldan 'das kyi nyan thos kyi dge 'dun ni dad pa phun sum tshogs pa dang / tshul khrims phun sum tshogs pa dang / thos pa phun sum tshogs pa dang zhes bya ba la sogs pa 'og nas 'byung ba'i tshul du mi shes shing de dag the tshom za ba ni dge 'dun mi shes pa'o//sdug bsngal mi shes pa zhes bya ba ni/ zag pa dang bcas pa'i phung po lnga skye ba dang dga' ba la sogs pa'i sdug bsngal dang ldan pa mi shes pa'o/ /kun 'byung mi shes pa ni las dang nyon mongs pa rnams phung po bskyed par bya ba'i rgyu yin par mi shes pa zhes bya'o//'gog pa mi shes pa zhes bya ba ni mya ngan las 'das pa'i zhi ba dang gya nom pa dang bde ba yin pa mi shes pa'o/ /lam mi shes pa ni 'phags pa'i lam yan lag brgyad mi shes pa'o/ /dge ba dang mi dge ba'i chos rnams mi shes pa zhes bya ba ni smad pa'i chos las ring du song ba'i phyir/dge ba'am kun ni shes rab la bya/ la la ni len pa la bya ste/ shes rab kyi rgyu len pas na dge ba'o/ /de las bzlog pa ni mi dge ba ste/ /dge ba dang mi dge ba'i chos kyi rgyu mi shes pa ni dge ba dang mi dge ba'i chos rnams mi shes pa zhes bya'o//yang na dge ba ni kha na ma tho ba med pa'i phyir ro/ /mi dge ba ni kha na ma tho ba dang bcas pa'i phyir te/ /de dag la de lta bur mi shes pa ni dge ba dang mi dge ba'i chos rnams mi shes pa'o/ /kha na ma tho ba dang bcas pa dang / kha na ma tho ba med pa zhes bya ba la smad pa'i dngos po ni kha na ma tho ba dang bcas pa ste//sdig pa dang bcas pa zhes bya ba'i don to/ /smod pa'i dngos po spangs pa na kha na ma tho ba med pa ste legs pa dang bcas zhes bya ba'i don to/ /yang kha na ma tho ba dang bcas pa ni nag po'i phyogs su gtogs pa'i phyir ro//kha na ma tho ba med pa ni dkar po'i phyogs su gtogs pa'i phyir te/ de dag mi shes pa ni kha na ma tho ba dang bcas pa dang kha na ma tho ba med pa mi shes pa zhes bya'o/ /bsten par bya ba dang / bsten par mi bya ba'i chos mi shes pa zhes bya ba la gang phan par 'gyur ba ni bstan par bya ba ni zag pa med pa'i dge ba 'dus ma byas rnams so//de la bstan nas rnam par grol ba thob par 'gyur ba'i phyir de ni bstan par bya ba'i chos so/ /gang gnod par 'gyur ba'i chos ni bstan par mi bya ba'i chos te/ mi dge ba ngan song gsum du gzhol bar byed pa'i las rnams so/ /chos de dag mi shes pa ni bstan par bya ba dang bstan par mi bya ba'i chos mi shes pa zhes bya'o/ /reg pa'i skye mched drug ces bya ba la sogs pa mig dang gzugs la brten nas mig gi rnam par shes pa skye ba dang / yid dang chos la brten nas yid kyi rnam par shes pa 'byung bar zad kyi/ 'di ltar byed pa'i bdag med pa la bdag la sogs pa yod par mngon par chags shing nga rgyal byed pa ni reg pa'i skye mched drug la yang dag pa ci lta ba bzhin du mi shes pa zhes bya'o/ kha na ma tho ba'i mngon par mi rtogs pa la sogs pa ni mi shes pa nyid kyi tshig gi rnam grangs sam 'og mas gong ma bshad par rig par bya'o//tshig nyi shu rtsa brgyad po des mdor na rmongs pa rnam pa bdun bstan te/ dus la rmongs pa dang / dngos po la rmongs pa dang / 'pho ba la rmongs pa dang /mchog la rmongs pa dang / de kho na la rmongs pa dang / kun nas nyon mongs pa dang rnam par byang ba la rmongs pa dang / mngon pa'i nga rgyal gyis rmongs pa'o/ /de la sngon gyi mtha' mi shes pa nas sngon dang phyi ma'i mtha' mi shes pa'i tshig gsum gyis dus la rmongs pa bstan to//nang mi shes pa nas phyi dang nang mi shes pa gsum gyis dngos po la rmongs pa bstan to/ /las mi shes pa nas rten cing 'brel bar 'byung ba'i chos rnams mi shes pa zhes bya ba yan chad kyis 'pho ba la rmongs pa bstan to/ /sangs rgyas mi shes pa nas dge 'dun mi shes pa'i tshig gsum gyis mchog la rmongs pa bstan to//sdug bsngal mi shes pa nas lam mi shes pa'i bar gyi tshig bzhis de kho nar rmongs pa bstan to/ /dge ba dang mi dge ba'i chos rnams mi shes pa nas bstan par mi bya ba'i chos rnams mi shes pa zhes bya ba nas kun nas nyon mongs pa dang /rnam par byang ba'i chos la rmongs pa bstan to/ /reg pa'i skye mched drug mi shes pa zhes bya bas mngon pa'i nga rgyal gyi rmongs pa bstan to/ /de ltar rmongs pa rnam pa bdun yod pas na/ mi shes pa la sogs pa ma rig pa'i ming gi rnam grangs kyang bdun smos te/dus la rmongs pa ni mi shes pa zhes bya'o/ /dngos po la rmongs pa ni ma mthong ba zhes bya'o/ /'pho ba la rmongs pa ni mngon par ma rtogs pa zhes bya'o/ /mchog la rmongs pa ni mun pa zhes bya'o/ / de kho na la rmongs pa ni gti mug ces bya'o/ /kun nas nyon mongs pa dang rnam par byang ba la rmongs pa ni ma rig pa zhes bya'o/ /mngon pa'i nga rgyal gyis rmongs pa ni mun nag ces bya'o/ /yang na shes rab rnam pa gsum ste/ mnyan pa'i shes rab dang / sems pa'i shes rab dang /bsgom pa'i shes rab bo/ /de la yang dag pa ji lta ba bzhin du mi shes pa zhes bya'o/ /ma rig pa'i rang bzhin bstan nas ma rig pa de nyan pa'i shes rab kyi de mi mthun pa'i phyogs yin pas na mthong ba'o/ /sems pa'i shes rab kyi mi mthun pa'i phyogs yin pas na mngon par ma rtogs pa'o//bsgom pa'i shes rab kyi mi mthun pa'i mchog yin pas na mun pa'o/ /shes rab rnam pa gsum gyi mi mthun pa ma rig pa dang de yang chung ngu dang 'bring dang chen po ste rnam pa gsum mo/ /de la ma rig pa chung ngu la ni gti mug ces bya'o//ma rig pa 'bring po la ni ma rig pa zhes bya'o/ /ma rig pa chen po la ni mun nag ces bya ste/ ma rig pa'i yan lag bshad zin to/ /de la 'du byed kyi yan lag bshad pa'i skabs yin pas na ma rig pa'i rkyen gyis 'du byed gang zhe na dris pa la sogs pa'o//de nyid bstan pa smras pa 'du byed gsum ste/ /lus kyi 'du byed dang zhes bya ba la sogs pa'o/ /de ni mdor na 'di skad du ston te/ bsod nams dang bsod nams ma yin pa dang mi g.yo ba'i mtshan nyid kyi sems kyis bskyed pa'i lus kyi las dang ngag gi las dang yid kyi las ni 'du byed ces bya'o//de la bsod nams ma yin pa'i 'du byed ni/ lus dang ngag dang yid kyi las kha na ma tho ba dang bcas pa tshe 'di dang tshe rabs gzhan du bdag dang gzhan gnyi ga la gnod par byed pa tshor ba sdug bsngal myong bar 'gyur ba ni bsod nams ma yin pa'i 'du byed do//lus dang ngag dang yid kyi las kha na ma tho ba med pa'i tshe 'di dang tshe rabs gzhan du bdag dang gzhan gnyi ga la gnod par mi byed pa'i tshor ba bde ba myong bar byed pa ni bsod nams kyi 'du byed do//rnal 'byor pa rnams kyi las kha na ma tho ba med pa'i tshe 'di dang tshe rabs gzhan du bdag dang gzhan gnyi ga la gnod pa mi byed pa tshor ba bde ba yang ma yin sdug bsngal ba yang ma yin pa myong bar byed pa ni mi g.yo ba'i 'du byed do/ / 'du byed gsum mdo tsam du smos pa rgyas par bstan pa'i phyir de la lus kyi 'du byed gang zhe na zhes bya ba la sogs pa gsungs so/ /dbugs 'byung ba 'di rlung phyir 'byung ba ste gang rlung phyi rol du rgyu ba'o/ /rngub pa ni dbugs nang du rgyu ba ste gang rlung nang du 'jug pa'o/ / lus kyi chos nyid ces bya ba ni dbugs 'byung ba dang rngub pa dang / rkang lag g.yo ba dang / 'gul ba ni lus kyi las kyi rang bzhin yin pas lus kyi chos nyid ces bya'o/ /dper na mig gi rnam par shes pa mig gi dbang po la gnas te/ skye ba bzhin du dbugs 'byung ba dang rngub pa yang lus la gnas pas na lus la brten pa zhes bya'o//dper na lus dbyung ba ni grib ma 'byung ste/ lus dang grib ma gnyis 'brel ba bzhin du lus yod na yang dbugs 'byung ba dang rngub pa skye ste/ de gnyis phan tshun 'brel bas na lus dang 'brel ba zhes bya'o/ /dper na lus med na grib ma 'jig pa bzhin du/lus 'di med na yang dbugs 'byung ba dang rngub pa med par 'gyur bas na/ lus la gnas nas rab tu 'byung ba zhes bya'o/ /dbugs 'byung ba dang rngub pa lus kyi 'du byed du bshad pa ni nye bar mtshon pa tsam du zad kyi/ dge ba la sogs pa'i sems pas bskyed pa'i dge ba'i lus kyi las la sogs pa yang /lus kyi las yin par bstan te/ gzhan du na dge ba'i lus kyi las dang / mi dge ba'i lus kyi las lus kyi 'du byed du mi 'gyur ro/ /'di ltar rgyu la 'bras bu btags te bstan pa yin par bsdu ba'i phyir/de bas na dbugs 'byung ba dang zhes bya ba la sogs pa gsungs te/ dbugs 'byung ba dang rngub pa'i rgyu ni lus yin no/ /gang lus kyi g.yo ba de la lus kyi las zhes bya ba las dbugs 'byung ba dang rngub pa yang lus las byung bas na/ rgyu lus kyi ming 'bras bu dbugs 'byung ba dang rngub pa la btags nas/de bas na dbugs 'byung ba dang rngub pa la lus kyi 'du byed ces bya'o/ /ngag gi 'du byed bstan pa'i phyir/ ngag gi 'du byed gang zhe na zhes bya ba la sogs pa smos te/ rnam par btags zhes bya ba la rtsing ge mar sems pa ni rnam par brtags ces bya'o//zhib tu sems pa ni rnam par dpyod pa ste/ bsams nas tshig tu smra bas na tshig 'byung ba'i rgyu rnam par brtag pa dang rnam par dpyad pa la ngag gi 'du byed ces bya'o/ /rnam par ma brtags pa dang zhes bya ba ni rtsing ge mar bsams zhib tu sems pa med par tshig tu mi smra'o zhes bya ba'i don to//smras pa ngag ni 'byung ba chen po bzhi'i rang bzhin te/ rlung las skyes pa yin la rtog pa dang dpyod pa ni sems las byung ba'i chos yin na/ ji ltar rtog pa dang dpyod pa la ngag gi 'du byed ces bya'o/ / lan du 'dir yang rgyu la 'bras bu btags te/ 'dir yang dge ba la sogs pa'i rnam par rtog pa dang rnam par dpyod pa gnyis ni ngag skyed par byed pa'i rgyu ste/ de bas na rgyu rtog pa dang dpyod pa la 'bras bu ngag btags nas rnam par rtog pa dang dpyod pa yang ngag gis 'du byed bshad do//de lta bur yang 'jig rten dang gsung rab las kyang mthong ste/ dper na 'jig rten ni mi bde ba zhes bya ba dang / gsung rab las kyang sangs rgyas 'byung ba bde zhes bya/ me ni tshig pa'i rang bzhin yin pas bde ba ma yin yang / me de'i 'bras bu dro ba bde ba skye ba'i phyir me bde zhes bya ba dang /skye ba thams cad ni sdug bsngal yin par bshad pas sangs rgyas 'byung ba la bde ba med mod kyis/ sangs rgyas 'byung ba'i rgyu las sems can mya ngan las 'da' ba dang / mtho ris bde ba thob pa'i 'bras bu 'byung ba'i phyir sangs rgyas 'byung ba bde zhes bya ba lta bu'o//yid kyi 'du byed bstan par smras pa/ yid kyi 'du byed gang zhe na zhes bya ba la sogs pa'o/ /gang chags pa'i sems zhes bya ba lus dang longs spyod la zhen pa ni chags pa'i sems so/ /sems can dang sems can ma yin pa la khong khro ba ni zhe sdang pa'i sems so//las dang las kyi 'bras bu la sogs pa mi shes pa ni gti mug pa'i sems so/ /srog chags gang 'dod chags pa'i sems kyis 'dod chags pa'o/ /de bzhin du gang zhe sdang dang bcas pa'i sems kyi zhe sdang dang bcas pa dang /rmongs pa dang bcas pa'i sems kyi gti mug dang ldan pa'i sems de ni yid kyi 'du byed ces bya'o/ /sems las byung ba'i chos 'di zhes bya ba ni 'dod chags pa dang / zhe sdang ba dang gti mug pa'i sems gsum sems kyi chos ma yin gyis sems las byung ba'i chos ma yin pas na sems las byung ba'i chos 'di zhes gsungs so//de'i bshad pa ni sems la brten pas zhes bya'o/ /de'i bshad pa yang sems kyi rgyu zhes bya'o/ /de'i bshad pa yang sems dang 'brel ba zhes bya'o/ /de'i bshad pa yang sems la gnas pas rab tu 'byung ste zhes bya'o//yang na sems 'di sems las byung ba'i chos rnams la rnam pa lnga lta bus rgyu byed de/ /skyed pa dang rten pa dang / gnas pa dang brtan pa dang spel ba'o/ /sems las byung ba'i chos zhes bya bas bskyed pa bstan te/ sems med na sems las byung ba'i chos kyang mi skye la/sems skyes na sems las byung ba'i chos rnams kyang skye ba'i phyir ro/ /sems la brtan zhes bya bas brten pa bstan te/ /sems nyams na sems las byung ba yang nyams par 'gyur bas so/ /sems kyi rgyu zhes bya bas gnas pa bstan te//ji srid du sems de yod kyi bar du de'i rgyu sems las byung ba yang gnas pa'i phyir ro/ /sems dang 'brel zhes bya bas brten pa bstan te/ sems kyi rtag tu sems las byung ba la bstangs shing grogs byas pa'i phyir ro/ /sems la gnas nas rab tu byung zhes bya bas spel ba bstan te/sems rtas par gyur na sems las byung ba yang rtas par 'gyur ba'i phyir ro/ /de la 'dod pa dang gzugs kyi khams na ni lus dang ngag dang yid kyi 'du byed gsum char yod do/ /gzugs med pa'i khams na ni yid kyi 'du byed 'ba' zhig yod par zad do/ /brgal ba mdo gzhan dag las/bcom ldan 'das kyis 'das pa'i dus na/ gang las dge ba la sogs pa spyod pa de ni 'du byed du bshad na/ 'dir spyir 'das pa dang ma 'ongs pa dang da ltar gyi las la 'du byed ces bshad pas 'gal lo/ /lan du 'dir spyir smos kyang bshad pa'i dbang gi khyad par rig par 'gyur ro//gang 'das pa'i dus na las dge ba la sogs pa byas pa de nyid 'du byed ces rig par bya ste/ gzhan du na gsung rab gzhan dang 'gal bar mi 'gyur ro// //'du byed bshad nas rnam par shes pa'i yan lag bstan pa'i phyir/ /'du byed kyi rkyen gyis rnam par shes pa zhes bya ba la sogs pa gsungs so//de la mig gi dbang po la brten gzugs la dmigs nas gzugs kyi mtshan nyid rig pa ni mig gi rnam par shes pa ste/ rnam par shes pa lhag ma rnams la yang de bzhin du sbyar ro/ /'di spyir smos mod kyi rnam par shes pa thams cad la 'du byed kyi rkyen zhes mi bya'i/bag la nyal bsags pa dang ldan pas dang por yid kyi rnam par shes pa ma'i mngal du mtshams sbyor ba de nyid 'du byed kyi rkyen gyis rnam par shes pa yin par dgongs pa'o/ /de lta ma yin gyi rnam par shes pa ci la bya bar gyur na/ bcom ldan 'das kyis mdog zhan dag las/ma'i mngal du mtshams sbyor ba'i skad cig ma na/ yid kyi rnam par shes pa brgyal ba de rnam par shes pa'i yan lag tu bshad pa dang 'gal lo/ /de yang cis mngon zhe na/ mdo las/ dga' bo rnam pa shes pa ma zhugs par mer mer po la sogs par ming dang gzugs 'byung ba yod dam/gsol ba/ ma lags so zhes bya ba lta bu'o/ /der yid kyi rnam par shes pa la bya bar dgongs pa'o/ /de la 'dod pa'i khams na ni/ rnam par shes pa drug char yod do/ /gzugs kyi khams na ni zas kham gyis za ba'i 'dod chags dang bral bas sna dang lce rnam par shes pa med kyi mig dang rna ba dang lus dang yid kyi rnam par shes pa bzhi yod do//gzugs med pa'i khams na ni gzugs kyi 'dod chags dang bral bas dbang po lnga med pa'i phyir/ mig la sogs pa'i rnam par shes pa lnga med kyi yid kyi rnam par shes pa 'ba' zhig yod par bshad do//rnam par shes pa bshad nas ming dang gzugs kyi yan lag bstan pa'i phyir/ rnam par shes pa'i rkyen gyis ming dang gzugs zhes bya ba la sogs pa gsungs so/ /de la 'gro ba gzhan du gzhol bar byed pas na ming ste/ skye gnas gzhan du 'gro bar byed ces bya ba'i don to//yang na gzugs la sogs pa'i don la dmigs pa byed pa'i phyir ming ste/ dmigs pa rnams len par byed ces bya ba'i don to/ /thogs pa dang bcas shing gnod par byar rung ba'i phyir gzugs te/ de gnyis gcig tu bsdoms na ming dang gzugs zhes bya'o/ /ming dang gzugs mdor bstan pa de gnyis rgyas par bshad pa'i phyir ming dang gzugs med pa'i phung po bzhi ste zhes bya ba la sogs pa gsungs so//las dge ba dang mi dge ba'i 'bras bu myong bar byed pa ni tshor ba'o/ /yul la mtshan mar 'dzin pa ni 'du shes so/ /sems la mngon par 'du byed pa ni 'du byed do//yul rnams so sor rig par byed pa ni rnam par shes pa ste/ gzugs med pa'i phung po bzhi po 'di la ming zhes bya'o/ /gong du gzugs zhes smos pa de la/ gzugs gang yin pa dang / grangs su yod pas mi shes pas the tshom du gyur nas/ de'i phyir gzugs gang zhe na zhes bya ba la sogs pa smos so//gang cung zad gzugs de thams cad 'byung ba chen po bzhi dang zhes bya ba la sogs pa smos te/ gang cung zad gzugs zhes bya ba ni/ 'das pa'i gzugs dang / ma 'ongs pa'i gzugs dang / da ltar gyi gzugs dang / nang gi gzugs dang / phyi'i gzugs zhes bya ba la sogs pa de dag thams cad rnam pa gnyis su 'dus te/'byung ba chen po bzhi'i gzugs dang / 'byung ba chen po bzhi las gyur pa'i gzugs su 'du'o/ /'di'i rgyu'i gzugs dang 'bras bu'i gzugs gnyis smras pa yin te/ 'byung ba chen po bzhi ni rgyu'i gzugs so//'byung ba chen po bzhi las gyur pa'i gzugs ni 'bras bu'i gzugs so/ /de la 'byung ba chen po bzhi las gyur pa'i gzugs rnams ni rnam pa bcu gcig go zhes gang gong du bshad pa'o/ /gyur pa'i sgra ni rgyu la bya ste/ rgyu rnam pa lngas 'byung ba chen po rnams 'byung ba las gyur pa'i gzugs kyi rgyu byed de/dper na shing la brten nas me 'byung zhes bshad na/ shing gi rgyu las me skye zhes bya ba'i don dang 'dra'o/ /rgyu lnga ni bskyed pa dang / gzhi dang / rten pa dang / rton pa dang / 'phel bar byed pa'o/ /de la bskyed pa ni 'byung ba med par 'byung ba las gyur pa'i gzugs mi skye ba'i phyir ro//gzhi ni 'byung ba la ma gtogs par 'byung ba las gyur pa'i gzugs rnams yul gzhan du gnas shing brten pa'i mthu med pa'i phyir ro/ /rten pa ni 'byung ba nyams te gyur na de la brten pa'i 'byung ba las gyur pa'i gzugs kyang gzhan du 'gyur ba'i phyir ro//rton pa ni 'byung ba dang 'byung ba las gyur pa'i gzugs 'dra bar skye ba'i tshe na/ 'byung bas 'byung ba las gyur pa'i gzugs kyi rgyu rgyun mi 'chad par 'dzin pa'i phyir ro/ /'phel ba ni 'byung ba 'phel ba'i dus na yang / 'byung ba las gyur pa'i gzugs kyang 'phel zhing rtag par 'gyur ba'i phyir ro//'byung ba chen po bzhi dag gang zhe na/ de'i phyir 'di lta ste/ sa'i khams dang zhes bya ba la sogs pa smos so/ /khams kyi sgra ni 'dzin pa la bya ste/ rang gi mtshan nyid 'dzin pa dang / 'byung ba las gyur pa'i gzugs 'dzin pa'i phyir khams zhes bya'o//rang gi mtshan nyid 'dzin pa ni sa'i khams sra ba'i mtshan nyid 'dzin pa dang / chu'i khams gsher ba'i mtshan nyid 'dzin pa dang / me'i khams dro ba'i mtshan nyid 'dzin pa dang / rlung gi khams g.yo ba'i mtshan nyid 'dzin pa'o/ /'byung ba las gyur pa'i gzugs 'dzin pa ni/rgyu'i ngo bor 'dzin te de dag gi rgyu byed pa'i phyir ro/ /'byung ba chen po yang bzhi nyid de don med pa dang / mi nus pa'i phyir/ khri'i rkang pa bzhin pas lnga dang gsum du ma yin no/ /'byung ba chen po rnams kyi rang bzhin ma shes nas de bstan par bya ba'i phyir sa'i khams gang zhe na zhes bya ba la sogs pa smos so//gang lci ba dang sra ba'o zhes bya ba la srang gi mgo dma' zhing mjug mtho bar gyur pa ni lci ba'o/ /de la lci ba ni lci ba dang yang ba zhes bya ba 'byung ba las gyur pa'i gzugs kyang yod de/ /de dgar bar bya ba'i phyir sra ba zhes bya ba smos so//sra ba smos pa ni 'byung ba las gyur pa'i gzugs dgar ba yin te/ rtsub pa dang mkhrang ba zhes bya ba'i don to/ /'byung ba las gyur pa'i gzugs lci ba yin yang sra ba dang mkhrang ba'i rang bzhin ma yin no/ /chu'i khams gang zhe na/gang gsher ba dang rlon pa'o zhes bya ba la/ bdag rang gi mtshan nyid ni gsher ba'o/ /gzhan la yang gsher bar byed pas ni rlan pa'o/ /me'i khams gang zhe na/ gang dro ba dang smin par byed pa'o zhes bya ba la rang nyid tsha ba'i rang bzhin yin pas dro ba'o/ /rdzas gzhan la yang dro ba dang smin par byed pas na smin pa'o//rlung gi khams gang zhe na/ gang bskum pa dang / rmyang ba dang / yang zhing g.yo ba'o zhes bya ba la/ lus kyi rkang lag la sogs pa nang du bskum zhing phyir rmyangs pa dang / phyi'i 'dab ma la sogs pa g.yo zhing khyer bar byed pa ni rlung gi khams so//yang na ni 'byung ba las gyur pa'i gzugs kyang yod de/ /de dang 'khrul par mi 'gyur bar bya ba'i phyir g.yo ba zhes bya ba'i rnam grangs smos so/ /de la yang ba ni rlung gi khams kyi rang bzhin no/ /g.yo ba ni rlung gi khams kyi las te/ g.yo ba zhes bya ba las bstan pa'i sgo nas yang ba zhes bya ba'i rang bzhin gsal bar 'gyur te/ gang g.yo ba'i bdag nyid du yang ba ni rlung gi khams so/ /gang g.yo ba med pa la yang ba 'ba' zhig yod pa de ni 'byung ba las gyur pa'i gzugs yin no/ /de las zhes bya ba smos pas chog mod/khams zhes smos ci dgos she na/ sa 'ba' zhig smos na ni 'byung ba las gyur pa dkar po dang dmar po la yang 'jig rten nas zhes bya ste/ de dang nor bar 'gyur ba dgag pa'i phyir khams kyi sgra smos so/ /gang gong du bshad pa rnams bsdus te bstan pa'i phyir/gang gzugs 'di dang zhes bya ba la sogs pa smos te/ gang 'byung ba chen po bzhi'i mtshan nyid kyi gzugs 'di dang / gong du bshad pa'i gzugs med pa'i ming gi phung po bzhi gcig tu bsdus na ming dang gzugs zhes bya'o/ /mngon pa'i chos las ni gzugs rnam pa gsum ste/bltar snang ba la thogs pa dang bcas pa dang / bltar mi snang ba la thogs pa dang bcas pa dang / bltar yang mi snang la thogs pa yang med pa'o/ /ming yang gsum ste/ rnam par shes pa'i phung po ma gtogs par tshor ba dang 'du shes dang /'du byed de gzugs gsum dang ming gsum gcig tu bsdus nas ming dang gzugs zhes bya'o/ /de la bltar snang la thogs pa dang bcas pa'i gzugs ni/ gang mig gi dbang po'i yul du gyur pa gzugs zhes rnam par gzhag pa'o/ /bltar mi snang la thogs pa dang bcas pa'i gzugs ni/rdzas dgu ste/ mig la sogs pa'i dbang po lnga dang / sgra dang dri dang ro dang reg ste yul bzhi'o/ /bltar yang mi snang la thogs pa yang med pa'i gzugs ni rnam par rig byed ma yin pa'i gzugs so/ /skye mched drug bstan pa'i phyir/ming gang gzugs kyi rkyen gyis drug gi skye mched ces bya ba la sogs pa smos te/ skye mched ni drug dag tu zad do/ /skye mched drug ming tsam smos pa rab tu dbye ba bstan pa'i phyir mig gi skye mched dang zhes bya ba la sogs pa smos so/ /de la 'byung ba chen po bzhi'i gzugs kyi rgyu las ni/mig gi skye mched nas lus kyi skye mched kyi bar du 'byung ngo / /ming gi phung po bzhi rgyu las ni yid kyi skye mched 'byung bar 'gyur ro/ /yang na 'byung ba chen po bzhi dngas pa dang gsal bar gyur na mig gi skye mched nas lus kyi skye mched kyi bar du 'gyur ro//ming gi phung po bzhi gsal bar gyur na/ yid kyi skye mched du 'gyur ro/ /de la gzugs spyod yul du gyur pa lta ba'i bdag nyid can gzugs dngas shing gsal ba ni mig gi skye mched do/ /sgra spyod yul du gyur pa nyams pa'i bdag nyid can gzugs dngas shing gsal ba ni rna ba'i skye mched do//dri spyod yul du gyur pa snom pa'i bdag nyid can gzugs dngas shing gsal ba ni sna'i skye mched do/ /ro'i spyod yul du gyur pa myang ba'i bdag nyid can gzugs dngas shing gsal ba ni lce'i skye mched do//reg bya'i spyod yul du gyur pa 'jam rtsub la sogs pa tshor ba'i bdag nyid can gzugs dngas shing gsal ba ni lus kyi skye mched do/ /chos spyod yul can du gyur par shes shing rig pa'i bdag nyid can ni yid kyi skye mched do/ /'dod pa'i khams na ni skye mched drug car yod do//gzugs kyi khams na ni sna dang lce gnyis ma gtogs pa lhag ma bzhi'o/ /gzugs med pa'i khams na ni yid kyi skye mched 'ba' zhig yod par zad do/ /reg pa bstan par bya ba'i phyir/ drug gi skye mched kyi rkyen gyis reg pa zhes bya ba la sogs pa rnam grangs smos so//grangs smos pa'i bar du byed pa bstan pa'i phyir/ mig gi kun reg pa dang zhes bya ba la sogs pa smos pa ste/ mig dang gzugs la brten nas mig gi rnam par shes pa skye ste/ de bas na yul dang dbang po dang rnam par shes pa gsum dus gcig tu tshogs pa la reg pa zhes bya'o//de bzhin du rna ba dang sgra dang rna ba'i rnam par shes pa gsum dus gcig tu tshogs pa ni rna ba'i kun tu reg pa zhes bya ste/ dbang po lhag ma rnams la yang de bzhin du sbyar ro/ /de la mig gi kun du reg pa nas lus kyi kun tu reg pa'i bar du lnga ni/thogs pa dang bcas pa'i reg pa zhes bya ste/ mig la sogs pa'i dbang po thogs pa dang bcas pa brten pa'i phyir ro/ /yid kyi kun tu reg pa ni lhag par yul la 'jug pa'i reg pa zhes bya ste/ mig la sogs pas gzugs kyi dbang du byas te/ mthong ba rnams kyi rjes la yid kyis dpyod par byed pas na/lhag par yul la 'jug pa'i reg pa zhes bya'o/ /tshor ba bshad par bya ba'i phyir/ reg pa'i rkyen gyis tshor ba zhes bya ba la sogs pa gsungs te/ tshor ba'i tshogs drug ces bya bas grangs bstan to/ /grangs bstan pa nyid kyis dbye ba bstan pa'i phyir/mig gi kun tu reg pa las bstan pa'i tshor ba zhes bya ba smos te/ mig dang yul dang rnam par shes pa gsum tshogs pa las gang skyes pa'i tshor ba ni mig gi kun tu reg pa las skyes pa'i tshor ba zhes bya'o/ /de yang yul yid du 'ong ba dang /yul yid du mi 'ong ba dang yul gnyig ma yin pa phrad pa'i rgyu las tshor ba rnam pa gsum du 'gyur te/ bde ba'i tshor ba dang / sdug bsngal gyi tshor ba dang / bde ba yang ma yin sdug bsngal yang ma yin pa'i tshor ba skye'o/ /de la yul yid du 'ong ba dang phrad na ni bde ba'i tshor ba skye'o//yul yid du mi 'ong ba dang phrad na ni sdug bsngal gyi tshor ba skye'o/ /yul yid du 'ong ba yang ma yin mi 'ong ba yang ma yin pa dang phrad na ni bde ba yang ma yin sdug bsngal ba yang ma yin pa'i tshor ba skye ste/ de bzhin du sgra snyan pa dang / mi snyan pa dang gnyi ga ma yin pa dang phrad pa'i sgo nas/ rna ba'i kun tu reg pa las kyang tshor ba rnam pa gsum skye ste/ dbang po lhag ma rnams la yang de dang 'dra bar sbyar ro/ /de la sim par byed pa ni bde ba'i tshor ba ste/ dbang po dang 'byung ba chen po bzhi la phan 'dogs par byed ces bya ba'i don to//gdung bar byed pa ni sdug bsngal gyi tshor ba ste/ dbang po dang 'byung ba chen po bzhi la gnod par byed ces bya ba'i don to/ sim par yang mi byed gdung bar yang mi byed pa ni bde ba yang ma yin sdug bsngal ba yang ma yin pa'i tshor ba zhes bya ste/dbang po dang 'byung ba chen po bzhi la phan par yang mi byed gnod par yang mi byed ces bya ba'i don to/ /yang na lus dang dbang po dang yid la rjes su 'dzin cing phan 'dogs pa'i tshor ba gang skyes na/ skyes pa'i tshe dang gnas pa'i tshe na bdag bde'o snyam du sems la/de dang bral na bdag sdug bsngal lo snyam du sems pa ni bde ba'i tshor ba zhes bya'o/ /lus dang dbang po dang rnam par shes pa la gnod par byed pas/ gang skyes pa dang gnas pa'i tshe na bdag sdug bsngal lo snyam du sems la/de dang bral na bdag bde'o snyam du sems pa ni sdug bsngal ba'i tshor ba zhes bya'o/ /lus dang dbang po dang rnam par shes pa la phan par yang mi byed gnod par yang mi byed pas/ gang skyes pa dang gnas pa'i tshe na bde'o snyam du yang mi sems sdug bsngal lo snyam du yang mi sems pa ni/bde ba yang ma yin sdug bsngal yang ma yin pa'i tshor ba zhes bya'o/ /de la yid kyi kun tu reg pa'i tshor ba bde ba zhes bya ba la sogs pa la/ mig gi kun tu reg pa nas/ lus kyi kun tu reg pa'i bar dag gi sim pa la ni bde ba'i tshor ba zhes bya/gdung ba la ni sdug bsngal gyi tshor ba zhes bya'o/ /de la yid kyi kun tu reg pa'i tshor ba sim pa la ni/ ming du bde ba'i tshor ba zhes bya ba'i yid bde ba'i tshor ba zhes bya ba dang / gdung ba la sdug bsngal gyi tshor ba zhes mi bya'i/ yid mi bde ba'i tshor ba zhes bya'o//de la mig gi kun tu reg pa nas/ lus kyi kun tu reg pa las skyes pa'i tshor ba ni/ dbang po gzugs can la brten nas lus kyi tshor ba zhes bya'o/ /yid kyi kun nas reg pa nas skyes pa'i tshor ba ni/ sems la brten pa'i phyir sems kyi tshor ba zhes bya'o//brgal ba bde ba dang sdug bsngal gyi tshor ba la ma gtogs pa'i bde ba yang ma yin sdug bsngal ba yang ma yin pa zhes bya ba'i tshor ba gsum po yod par cis mngon/ smras pa lud dang rig pas mngon te/ lung las bde ba dang / sdug bsngal dang bde ba yang ma yin sdug bsngal ba yang ma yin no zhes gsungs pa dang / yang bde ba yang spangs sdug bsngal yang spangs nas/ bde ba yang ma yin sdug bsngal yang ma yin pa dran pa dang ldan pa zhes bya ba la sogs pa gsungs pa'i phyir ro/ rig pa yang yod de tshor ba dang bral ba'i sems skye ba mi srid pas/ bde ba dang sdug bsngal gyi tshor ba ma myong ba'i dus na bde ba yang ma yin sdug bsngal yang ma yin pa'i rang bzhin tshor ba kun la rang gis rig pa yod pa'i phyir ro/ /de la 'dod pa'i khams na tshor ba gsum char dang ldan no//gzugs kyi khams kyi bsam gtan dang po dang gnyis pa na ni tshor ba bde ba dang btang snyoms gnyis ka dang ldan no/ /gzugs kyi khams kyi bsam gtan gsum pa yan chad nas srid pa'i rtse mo man chad ni tshor ba btang snyoms 'ba' zhig dang ldan no//sred pa bstan par bya ba'i phyir tshor ba'i rkyen gyis sred pa zhes bya ba gsungs te/ sred pa zhes bya ba ni chags pa dang / zhen pa dang / 'dod chags dang / rab tu chags pa zhes bya ba rnam grangs su gtogs so/ /gzugs la sogs pa'i yul drug la chags pa ni sred pa zhes bya ba ste/sred pa dang sred pa'i longs spyod la tshwa chu 'thung ba bzhin du rgyun du spyod kyang ngoms mi myong ba ni sred pa'o/ /phye ma leb brlag pa'i gnas me'i gzugs la chags pa de bzhin du mi gtsang ba'i rang bzhin brlag pa'i gnas bud med dang /skyes pa gnyis gcig gi gzugs la gcig chags pa ni gzugs la sred pa zhes bya'o/ /brlag pa'i gnas ni ri dgas glu la chags pa bzhin du sgra rnam pa sna tshogs la chags pa ni sgra la sred pa zhes bya'o/ /mi gtsang ba'i sbrang bu mi gtsang ba'i dri la dam par 'dzin cing chags pa/de bzhin du dri rnam pa sna tshogs la chags pa ni dri la sred pa zhes bya'o/ /phag mi gtsang ba'i ro rnam pa sna tshogs la chags pa de bzhin du ro rnam pa sna tshogs la zhen pa ni ro la sred pa zhes bya'o/ /yungs mar gyi sgang bu yungs mar gyi snod kyi reg pa la chags pa de bzhin du/'jam pa dang rtsub pa la sogs pa'i reg pa la chags pa ni reg pa la sred pa zhes bya'o/ /'dod pa lnga'i yon tan de dag sngon spyad de/ 'das pa la phrad par smon pa dang / ma 'ongs pa rnams dang yang myur du 'grogs par smon pa dang /'jig rten gyi bsam gtan gyi ro la chags pa dang / lta ba phyin ci log rnam pa sna tshogs la chags pa ni chos la sred pa zhes bya'o/ /de yang bsdu na phyi'i dngos po la chags pa dang / nang gi dngos po la chags pa dang / lta ba la chags pa'o/ /de la phyi'i dngos po la chags pa ni/ 'dod pa lnga'i yon tan la chags pa'o/ /nang gi dngos po la chags pa ni/ nye bar len pa'i phung po lnga la chags pa'o/ /lta ba la chags pa ni rtag par mngon par chags pa dang /chad par mngon par chags pa la sogs pa'o/ /len pa bsten pa'i phyir/ srid pa'i rkyen gyis len pa zhes bya ba len pa gang zhe na zhes bya ba smos te/ bzhi bzhi zhes bya bas grangs bstan to/ /yang srid pa nye bar len par byed pas len pa 'am 'dod pa dang lta ba la sogs pa'i sems kyi rgyun mi gtong zhing 'dzin par byed pas na len pa zhes bya'o//yang na shing gi don ni len pa'i don te/ las kyi me 'bar ba'i phyir len pa zhes bya'o/ /dper na bud shing gi rgyus me 'bar ba de bzhin du/ nyon mongs pa'i bud shing gi rgyus skyes bu'i las kyi me 'bar bar 'gyur ba'i don ni len pa zhes bya'o//yang na len pa'i don ni 'khri ba'i don te/ dar gyi srin bus rang gi lus dkris pa bzhin du/ nyon mongs pa'i bcing bas bdag nyid bcings nas/ thar pa'i gegs byed pa ni len pa'o//rab tu dbye ba bstan par bya ba'i phyir/ 'dod pa'i len pa dang zhes bya ba la sogs pa smos te/ gang 'dod pa'i khams kyi 'dod pa'i yon tan lnga la chags nas de mi gtong ba ni 'dod pa'i len pa'o/ /lta ba len pa dang zhes bya ba la/ rtag par lta ba dang chad par lta ba dang /lta ba bsnyems pa la sogs pa la chags shing / de mi gtong ba ni lta ba len pa'o/ /tshul khrims dang brtul zhugs bsnyems pa len pa zhes bya ba la/ mi'am lha'am brgya byin nam tshangs par gyur cig ces smon lam log pa'i rgyu de 'dod pa'i phyir tshul khrims dang brtul zhugs mchog tu 'dzin pa ni/tshul khrims dang brtul zhugs bsnyems pa len pa'o/ /bdag tu smra ba len pa zhes bya ba la/ 'jig tshogs su lta ba la mngon par chags shing mi gtong ba ni bdag tu smra ba len pa zhes bya ba ste/'dod pa len pas ni 'dod pa'i khams kyi sdug bsngal nyid skyed par byed do/ /len pa gsum gyis ni khams gsum gyi sdug bsngal nyid skyed par byed do/ /yang na gang 'dod pa'i khams kyi sdug bsngal mthong bas spang bar bya ba nas/ bsgom pas spang bar bya ba'i bar du/'dod chags dang nga rgyal dang khong khro ba dang ma rig pa ste rdzas nyi shu'o/ /ji lta zhe na/ 'dod pa'i khams kyi sdug bsngal mthong bas spang bar bya ba nas kun 'byung dang / 'gog pa dang / lam dang bsgom pas spang bar bya ba'i bar du 'dod chags lnga dang sdug bsngal mthong bas spang bar bya ba nas/bsgom pas spang bar bya ba'i bar du nga rgyal lnga dang / sdug bsngal mthong bas spang bar bya ba nas/ bsgom pas spang bar bya ba'i bar du khong khro ba lnga dang / sdug bsngal mthong bas spang bar bya ba nas/bsgom pas spang bar bya ba'i bar du ma rig pa lnga ste/ spyir lnga bzhi nyi shu'o/ /the tshom dang bcas pas bsgom mi srid pa'i phyir/ /bsgom pa'i lam la ni the tshom med de/ 'dod pa'i khams kyi sdug bsngal mthong bas spang bar bya ba nas lam mthong ba'i spang bar bya ba'i the tshom bzhi dang /de'i steng du ngo tsha med pa dang / phrag dog dang / 'jungs pa dang / zhum pa dang / the tshom dang / gnyid dang / khro ba dang /'chab pa ste/ rdzas bcus bstan nas rdzas sum cu rtsa bzhi po 'di ni 'dod pa len pa zhes bya'o//lta ba len pa zhes bya ba la khams gsum gyi sdug bsngal mthong bas spang bar bya ba nas bsgom pas spang bar bya ba'i bar du tshul khrims dang brtul zhugs bsnyems pa bzhag nas khams gcig cing yang lta ba'i rdzas bcu ste/ sum cu ni lta ba len pa zhes bya'o//ji lta zhe na/ 'dod pa'i khams na sdug bsngal mthong bas spang bar bya ba nas lam mthong bas spang bar bya ba'i bar du log par lta ba bzhi lta ba bsnyems pa bzhi ste/ brgyad kyi steng du 'dod pa'i khams kyi sdug bsngal mthong bas spang bar bya ba'i 'jig tshogs kyi lta ba dang /mthar 'dzin par lta ba rnams te bcu'o/ /de bzhin du gzugs kyi khams na yang bcu/ gzugs med pa'i khams na yang bcu ste rdzas sum cur 'gyur ro/ /khams gsum gyi tshul khrims dang brtul zhugs bsnyems pa dang lam mthong ba spyir rdzas drug ni tshul khrims dang brtul zhugs bsnyems pa len pa zhes bya'o//ji lta zhe na/ 'dod pa'i khams kyi sdug bsngal mthong bas spang bar bya ba'i tshul khrims dang brtul zhugs bsnyems pa dang lam mthong bas spang bar bya ba'i tshul khrims dang brtul zhugs bsnyems pa ste gnyis dang /de bzhin du gzugs kyi khams na yang gnyis gzugs med pa'i khams na yang gnyis gnyis te rdzas drug tu 'gyur ro/ /de la tshul khrims dang brtul zhugs bsnyems pa la srog gcod pa la sogs pa'i tshul khrims ngan pa spang ba ni tshul khrims so//lus dang ngag gi tshul dang las su bya ba rnams la nges par 'jug pa ni brtul zhugs te/ skra 'dreg pa dang dus su rkang lag bkru ba la sogs pa'i las nges par byed pa'am/ bde ba spangs nas me lnga dang khyi'i dka' thub la sogs pa'i tshul 'dzin pa ni brtul zhugs so/ /smad pa'i lta ba la nges par yon tan du bzung nas dbang phyug la sogs pa dang / 'jig tshogs la lta ba la sogs pa sngon du btang ste/ tshul khrims dang brtul zhugs 'dzin pa ni dag pa'i rgyu dang /lam ma yin na de dag la dag pa lam gyi rnam pa lta bur 'dzin te/ gang phyin ci log gi rnam par zhugs pa ni tshul khrims dang brtul zhugs bsnyems pa la len pa zhes bya'o/ /de'i phyir bshad pa'i rgyu ma yin pa la rgyur mngon par chags te/dbang phyug dang gtso bo la sogs pa ni 'jig rten rnams kyi bskyed pa'i rgyu ma yin na/ de la rgyu mngon par chags pas na phyin ci log go/ /lam ma yin pa la lam du mngon par zhen pa ni grangs pa'i ye shes kyi sbyor ba la sogs pa grol ba'i lam ma yin na mngon par zhen te/phyin ci log tu gyur pas de mngon du byas pa'i tshul khrims dang brtul zhugs ni tshul khrims dang brtul zhugs bsnyems pa len pa zhes bya'o/ /ci'i phyir na 'o na/ tshul khrims dang brtul zhugs bsnyems pa de lta ba las bkar te logs shig tu bshad/len du lam gyi mi mthun pa'i phyogs su gyur pa'i phyir te/ 'di ltar grangs pa'i rnal 'byor gyi ye shes la sogs pa grol ba'i lam ma yin yang thar pa'i lam du blta ba'i phyir ro/ /yang na khyem na gnas pa dang rab tu byung ba'i phyogs la slu bar byed de/khyim na gnas pa'i phyogs la ni kha zas gcod pa dang mer mchod pa la sogs mtho ris kyi lam ma yin yang lam du shes pas slu bar byed pa dang / rab tu byung ba'i phyogs la yang 'dod pa'i yul gyi bde ba spangs pas dag par yid ches shing /me lnga'i dka' thub dang skra 'bal ba dang / kha zas rtsub po za zhing tsher ma'i steng na nyal ba la sogs pa lam ma yin pa lam du 'du shes pas slu bar byed do/ /bdag tu smra ba len pa zhes bya ba la/ gzugs dang gzugs med pa na spyod pa'i 'dod chags dang nga rgyal dang ma rig pa dang /sdug bsngal mthong bas spang bar bya ba nas/ bsgom pas spang ba'i bar du bcu bcu ste/ sum cu'i steng du/ gzugs dang gzugs med pa'i khams kyi the tshom bzhi bzhi brgyad de/ sum bcu rtsa brgyad ni/bdag tu smra ba len pa zhes bya'o/ /ji ltar zhe na gzugs kyi khams kyi sdug bsngal mthong bas spang bar bya ba nas/ bsgom pas spang bar byas pa'i bar du 'dod chags lnga dang / de bzhin du gzugs med pa'i khams na yang lnga ste bcu'o/ gzugs kyi khams kyi sdug bsngal mthong bas spang bar bya ba nas/ bsgom pas spang bar bya ba'i bar du nga rgyal lnga dang / gzugs med pa'i khams na yang de bzhin du lnga ste bcu'o/ /gzugs kyi khams kyi sdug bsngal mthong bas spang bar bya ba nas/bsgom pas spang bar bya ba'i bar du ma rig pa lnga dang / de bzhin du gzugs med pa'i khams na lnga ste bcu'o/ /gzugs med pa'i khams kyi sdug bsngal mthong bas spang bar bya ba nas/ lam mthong bas spang bar bya ba'i bar du the tshom bzhi dang / gzugs med pa'i khams na yang the tshom bzhi ste/ the tshom brgyad do/ /de ltar na rdzas sum cu rtsa brgyad du 'gyur ro/ /brgal ba nyon mongs par 'dra ba las/ 'dod pa'i khams kyi nyon mongs pa rnams ni/ 'dod pa'i khams kyi len par bshad la/ gzugs dang gzugs med pa'i khams kyi nyon mongs pa la gzugs dang gzugs med pa'i len pa zhes mi bya/ci'i phyir zhe na/ bdag tu smra ba'i len pa zhes bya ba lan du gzugs dang gzugs med pa'i khams kyi nyon mongs pa dang / sems ni kha nang du lta ba yin pas/ nyon mongs pa de dag la bdag tu lta ste/ de bas na de dag bdag yod pa ma yin gyi/ nyon mongs pa la bdag tu lta zhing / smra bar zad do zhes bstan pa'i phyir/ bdag tu smra ba len pa zhes bshad do/ /yang na khyim na gnas pa'i phyogs rnams ni/ bu smad la sogs pa 'dod pa la chags pas na 'dod pa len par byed do//rab tu byung ba rnams ni lta ba sna tshogs la chags pas na lta ba len par byed do/ /gang khyim pa'i phyogs la dus khrims dang zas gcod pa la sogs pa'i dka' thub byed pas/ mtho ris dang thar pa'i lam du chags pa dang /rab tu byung ba yang tshul de nyid kyis/ thar bar sems pas na phyogs gnyis ka ni tshul khrims dang brtul zhugs bsnyems pa len to/ /mu stegs pa bdag tu smra ba rnams ni bdag tu smra ba len to/ /de la spang ba'i rim pas dgod na/sa rnam pa gsum ste/ mthong ba'i lam gyi sa dang / 'dod chags dang bral ba'i sa dang / byas pa rig pa'i sa'o/ /de la rgyun du zhugs pa rnams ni/ mthong ba'i lam gyi sa la gnas pa zhes bya ste/ de'i tshe lta ba phyin ci log sna tshogs dang /tshul khrims dang / brtul zhugs kyis thar pa'i lam du 'dzin pa'i phyin ci log med pas mthong ba'i lam gyi sa la ni/ lta ba len pa dang / tshul khrims dang / brtul zhugs bsnyems pa'i len pa spang ngo / /lan cig phyir 'ong ba ni/ 'dod pa'i khams kyi/ 'dod chags spang bar bya ba la 'jug pa yin la/ phyir mi 'ong bas ni 'dod pa'i khams kyi 'dod chags spangs pas ni/ de gnyis ni 'dod chags dang bral ba'i sa la gnas pa zhes bya ste/ de'i tshe 'dod pa'i khams kyi nyon mongs pa kun spangs pas na/'dod pa len pa spang ba yin no/ /dgra bcom pa'i dus na ni/ bdag gi bya ba ni byas/ khur ni bor zhes bya ba la sogs pa khong du chud pas/ byas pa rig pa'i sa la gnas pa zhes bya ste/ dgra bcom pa'i dus na/ gzugs dang gzugs med pa'i khams kyi nyon mongs pa ma lus par spangs pa'i phyir/bdag tu smra ba len pa spang ba zhes bya'o/ /srid pa bstan pa'i phyir len pa'i rkyen gyis srid pa zhes bya ba/ srid pa gang zhe na zhes bya ba la sogs pa smos te/ len pa'i dbang gis las dge ba dang mi dge ba byed pa la yang srid pa zhes bya/las dang nyon mongs pa'i dbang gis srid pa skye ba'i gnas de la yang srid pa zhes bya'o/ /srid pa gsum ste zhes bya bas grangs smras pa'i rab tu dbye ba bstan pa'i phyir 'di lta ste/ 'dod pa'i srid pa dang / zhes bya ba la sogs pa smos so//gzugs dang sgra la sogs pa 'dod pa'i yon tan lnga la/ gtsor byed pa'i khams ni 'dod pa'i srid pa'o/ /'dod pa'i yon tan la chags pa ni spangs kyi/ bsam gtan bsgom zhing gzugs gtsor byed cing gzugs la brten pa'i khams ni gzugs kyi srid pa'o//gzugs la chags pa spangs nas/ dbang po lnga la sogs pa'i gzugs dang bral ba ni/ gzugs med pa'i srid pa'o/ /de dag nyid gang yin pa bstan pa'i phyir/ bde ba la 'dod pa'i srid pa zhes bya ba la sogs pa smos te/'dod pa'i srid pa ni sems can dmyal ba yan chad gzhan 'phrul dbang byed kyi lha man chad la bya'o/ /de la tsha ba'i sems can dmyal ba ni brgyad de bstir med pa dang / rab tu tsha ba dang / tsha ba dang / 'o dod cher 'bod pa dang / 'o dod 'bod pa dang / 'joms pa dang / thig nag dang / yang sos so/ bstir med pa'i sems can dmyal ba ni/ 'dzam bu'i gling 'di'i 'og dpag tshad stong phrag nyi shu na 'dug ste/ bstir med pa'i sems can dmyal ba de'i gnas kyi 'phang yang dpag tshad stong phrag nyi shu/dkyil yang stong phrag nyi shu ste/ spyir de dag gi gnas dpag tshad stong phrag bzhi bcur 'gyur ro/ /skabs cung zad kyang med de bstir med pa na bstir med pa zhes bya'o/ /yang na sdug bsngal nyid sna tshogs pa bar chad med par 'gyur bas na bstir med pa ste/'di ltar dmyal ba de la ni phyogs bcu na me 'bar ba chen po 'byung zhing me shin tu 'bar bas sems can gyi lus bsreg pa dang / lcags kyi mdung rtse thogs pa'i dmyal ba'i srung ma rnams kyis mdung gi rtse la blangs shing / zangs po cher rgyun du 'tshed par byed pas na/bstir med pa zhes bya'o/ /bstir med pa'i sems can dmyal ba'i che'i tshad ni bskal pa gcig tu gnas te dus byed do/ /de la rab tu tsha ba la sogs pa'i sems can dmyal ba bdun ni bstir med pa'i sems can dmyal ba de'i gong nas rim bzhin du brtsegs mar gnas te/bstir med pa'i gong na rab tu tsha ba'o/ rab tu tsha ba'i gong na tsha ba'o/ /tsha ba'i gong na 'o dod cher 'bod pa'o/ /'o dod cher 'bod pa'i gong na 'o dod 'bod pa'o/ /'o dod 'bod pa'i gong na 'joms pa'o/ /'joms pa'i gong na thig nag go/ thig nag gi gong na yang sos so/ /kha cig ni sems can dmyal ba bdun po de dag bstir med pa'i dmyal ba'i ngos na gnas so zhes 'chad do/ /tsha ba'i sems can dmyal ba la ltos nas de bas kyang cher tsha bas lus dang sems shin tu gdungs pas na tsha ba rab tu tsha ba'o//rab tu tsha ba'i sems can dmyal ba de'i tshe'i tshad ni bskal pa bar ma phyed du gnas nas dus byed do/ /me lce 'bar ba chen pos lus bskor zhing bsregs pas kun tu tsha zhing gdungs pa ni/ tsha ba'i sems can dmyal ba zhes bya ste/ de'i tshe'i tshad ni gzhan 'phrul dbang byed kyi tshe'i tshad ji tsam nyin zhag gcig tu brtsis pa'i tshe lo stong phrag bcu drug tu gnas nas dus byed do//'o dod cher 'bod pa ni gang tsha ba cher mi bzad pa mang pos mnar bas 'o dod 'bod pas kyang mi bzad do/ /sdug bsngal lo zhes 'o dod cher 'bod de/ de'i tshe'i tshad ni 'phrul dga'i lha rnams kyi tshe'i tshad ji tsam pa nyin zhag gcig tu brtsis pa'i tshe lo stong phrag brgyad thub po/ /'o dod 'bod pa ni gtub pa'i sems can dang mi bzad pa'i las kyi rnam par smin pas gtses pas sdug bsngal zhing nyam thag nas 'o dod 'bod pa ste/de'i tshe'i tshad ni dga' ldan gyi lha rnams kyi tshe'i tshad ji tsam pa nyin zhag gcig tu brtsis pa'i lo stong phrag bzhi'o/ /de la 'joms pa ni lug dang 'dra ba'i ri dang pha bong la sogs pa mang por phan tshun 'dus shing btsir nas gsod pa ste/ de'i tshe'i tshad ni zung ma rnams kyi lha'i tshe tshad ji tsam pa nyin zhag gcig tu brtsis pa'i tshe lo nyis brgya gnas nas dus byed do//thig nag po ni ji ltar shing la shing mkhan gyis thig gis btab nas sog les shing 'dra ba bzhin du thig nag pos btab nas mgo 'am mdoms nas sog les 'dra zhing gshegs par byed pa ste/de'i tshe'i tshad ni sum cu rtsa gsum rnams kyi lha rnams kyi tshe'i tshad ji tsam pa nyin zhag gcig tu brtsis pa'i lo stong gnas nas dus byed do/ /yang sos ni der skyes pa'i sems can gcig la gcig gtub cing gshegs pa'i gnod par byed pa ste brgyal bar gnas pa las rlung grang mos bus shing nam mkha' las kyang sems can khyed cag yang sos zhes bya ba'i sgra byung ba dang /yang sos par gyur nas gcig la gcig gis gnod par byed pa ste/ de'i tshe'i tshad ni rgyal chen bzhi'i ris kyi lha rnams kyi tshe'i tshad ji tsam pa nyin zhag gcig tu brtsis pa'i lo lnga brgya'i bar du gnas nas dus byed do//sems can dmyal ba chen po de brgyad la sgo bzhi yod de/ sgo gcig cing lhag pa'i sems can dmyal ba bzhi bzhi ste/ sems can dmyal ba bcu drug go/ / lhag pa'i sems can dmyal ba bzhi ni me ma mur dang mi gtsang ba'i rdzab dang spu gri la sogs pa'i mtshon gyi lam dang ba tsha'i chu bo'o/ /de la me ma mur ni pus mo nub tsam ste/ der sems can dag gi rkang pa bcug ma thag tu sha khrag dang pags pa ma lus par bsnyil bar byed do/ mi gtsang ba'i rdzab ni rab tu dri mi zhim pa'i ngan skyugs kyi 'dam gyis gang ba/ de'i nang na srin bu kun ta zhes bya ba lus thal ka la mgo gnag cing / mchu khab bzhin du gnas pa rnams kyis der zhugs pa'i sems can rnams kyi rus pa yang thal bar 'bigs so/ spu gri'i sos gtams pa'i lam po che ni sems can rnams der 'jug pa na spu gri gshibs pa'i lam gyis rkang pa bzhag ma thag tu sha khrag dang pags pa ma lus par rlog par byed pa dang ral gri 'dab ma'i tshal yod do/ /sems can de dag ral gri rnon po'i so des yan lag dang nying lag rnams kyang dum bur gtub cing /khyi sre mo stag ris can rnams 'dus shing za/ bya rog lcags kyi mchu can gyis mig kyang 'byin par byed/ lcags kyi sdong po tsher ma bcu drug yod pas sems can rnams yar 'dzeg na ni/ tsher ma'i kha thur du bltas par gyur cing sems can gyi lus 'bigs/slar 'bab na yang kha gyen du bltas te lus 'bigs par byed do/ /tsha chu'i chu bo ni de dag gi 'gram na sems can dmyal ba'i srung ma mtshon ral gri dang shak+ti dang mdung lag na thogs pa rnams kyis phyir 'byung ba dag kyang slar 'dor zhing nang du bor ba rnams zangs chen por 'bras dang til la sogs pa bskol ba bzhin du btso zhing skol bar byed do//grang ba'i sems can dmyal ba yang brgyad yod de/ 'di lta ste chu bur dang / rab tu chu bur dang / o sgra thams thams dang / sa la la dang / hu hu dang / ut+pa la dang / pad+mo dang / pad+mo chen po'o/ /sems can de dag ha cang yang grang ches pas mnar med pa'i lus chu bur du gyur pa dang / gas pa las ni chu bur dang rab tu chu bur dang / ut+pa la dang / pad+mo dang / pad+mo chen por gdags so/ /grang bas nyen pa'i sgra rnam par 'gyur ba'i tshul las ni so sgra thams thams dang /a la la dang / hu hu bar gdags so/ /dmyal ba brgyad po de dag gi tshe tshad ni/ bcom ldan 'das kyis dpe tsam du bka' stsal pa/ 'di lta ste dge slong dag da ltar khar lnga bre nyi shu la dbus pa'i til gyi 'ba' ha yin te/glang stobs po che bzhi bcu'i khal gyi snod la bya/ de til gyis byur bur spyur la/ de nas mi zhig gis lo brgya lon zhing til de 'bru re re bor te/ kha re nyi shu la dbus pa'i til gyi 'ba' har bzhag pa de'i tshul de'i rim gyis zad cing thug par gyur pa ni/ bla'o/ /chu bur du skyes pa'i sems can rnams kyi tshe'i tshad zad par mi 'gyur bar nga smra'o zhes gsungs pa de ni chu bur gyi tshe'i tshad do/ /chu bur nyi shu la rab tu chu bur gyi tshe'i tshad do/ /rab tu chu bur nyi shu la so sgra thams thams so/ /so sgra thams thams nyi shu la a la la'o/ /a la la nyi shu la hu hu ba'o//hu hu ba nyi shu la ut+pa la'o/ /ut+pa la nyi shu la pad+mo'o/ /pad+mo nyi shu la pad+mo chen po'i tshe'i tshad do/ /grang ba'i sems can dmyal ba brgyad po de dag kyang 'dzam bu'i gling 'di nyid kyi 'og dmyal ba chen po rnams kyi thad ka na gnas so/ /'dzam bu'i gling nyid kyi chu zheng de snyed du med na bstir med pa la sogs pa de snyed gnas pa'i skabs ga la yod/lan du 'bras kyi phung po bzhin du 'dzam bu'i gling 'di yang zhabs yang la spyi phra bas na de'i phyir de dag de na gnas so/ /de la sems can dmyal ba zhes bya ba la/ rgya gar skad du na ra ka zhes 'byung ste/na ni khrid pa'am 'gro ba'i don pas sdug bsngal gyi las kyi gnas der bsod nams ma yin pa'i las kyis sems can rnams khrid cing 'gro bas na dmyal ba'o/ /yang na na ra ka'i don ni chags pa med pa'i don te/ der skyes pa rnams rtag tu sdug bsngal gyis nyen pas chags pa dang dga' ba'i bsam pa mi 'byung bas dmyal ba'o//yang na sems can rnams der dmyal ba dang gtub pa la sogs pa'i sdug bsngal rnam pa sna tshogs byed pas na dmyal ba'o/ /yi dgas zhes bya ba la yi dgas kyi sgra ni shin tu song ba la bya ste/ser sna la sogs pa'i las kyi dbang gis mi'i gnas 'di nas dus ring mo zhig tu phyir mi ldog par song bas na yi dgas te/ yi dgas su skyes pa rnams ni lhag par yang tshe ring bar grags pa'i phyir ro/ /yang na bkres pa dang skom pa la sogs pas rtag tu nyen pa'i phyir yi dgas zhes bya ste/de dag gi gnas kyang phal cher gcong rong dang / mya ngam na gnas la mthu ni gcig tu ma chad de/ de la yi dgas mthu bo che kha cig ni lha dang 'dra bar longs spyod spyod la/ kha cig ni mi gtsang ba la sogs pa bza' bar yang mi rnyed pa yod do//de la yi dgas kyi rgyal po sgra gcan 'dzin ni gshin rje dang 'dra bar mthu che ste/ de yang 'dzam bu'i gling 'di nyid kyi 'og na dpag tshad stong phrag lngas bcad pa na gnas so/ /yang na kha cig na re gshin rje nyid yi dgas kyi rgyal po yin te/ de'i gnas ni sgra can 'dzin gyi gnas su bshad pa dang 'dra bar gnas so/ /yi dgas kyi tshe'i tshad ni mi rnams kyi zla ba gcig la yi dgas rnams kyis nyin zhag gcig tu brtsis pa'i tshe lo lnga brgya gnas nas dus byed do/ /byol song zhes bya ba la/ mi nas byol nas gzhan du skyes pa'am/bzur zhing 'gro bas na byol song ste/ de dag gi gnas ni rgya mtsho chen po yin par nges mod kyi/ 'on kyang rnam pa gsum du bzhag ste/ chu la spyod pa dang / skam la spyod pa dang / nam mkha' la spyod pa'o/ /de la chu la spyod pa ni klu'i rgyal po dang chu srin la sogs pa'o//skam la spyod pa ni phyugs la sogs pa'o/ /nam mkha' la spyod pa ni bya la sogs pa ste/ byol song rnams kyi tshe dang / mthu ni gcig tu ma chad do/ /dper na klu'i rgyal po sa 'dzin dang dga' bo dang nye dga' lta bur tshe'i tshad bskal pa bar mar gnas shing /ri rab 'dzin nus pa'i mthu dang ldan pa yang yod do / /lha ma yin zhes bya ba la/ nga rgyal lam zhe sdang gis dge ba byas pa'i las kyi rgyu las skyes pa ste/ de dag gi gnas kyang sa chen po 'di'i steng na gnas la/ tshe'i tshad ni 'dod pa'i khams kyi lha dag dang mnyam par grags so//de la mi ni gang gling bzhi na gnas pa dag ste/ bsod nams dang bsod nams ma yin pa'i yid las skyes pas na/ mi'o zhes gsung rab kyi nang nas bshad pa'i don to/ /yang na drang srong ma nu las skyes shing bcas pas ni/shed bu las skyes pa ma na tsa zhes kyang bya ste/ shed bdag /mu stegs dag skye dgu'i bdag po zhes bya/ mi'o zhes 'jig rten pa dag smra'o/ /de la gling bzhi ni shar gyi lus 'phags dang / nub kyi ba lang spyod dang / byang gi sgra mi snyan dang / lho'i 'dzam bu'i gling dang /de la shar gyi lus 'phags gling ni zla ba phyed pa ltar 'dug ste/ de khor yug gi ngos gsum la/ dpag tshad nyis stong yod do/ /ngos bzhi pa la ni dpag tshad sum brgya lnga bcu'o/ /de na grong khyer lus 'phags zhes bya ba zhig yod pa las dras te gling gi ming du yang shar gyi lus 'phags zhes bya bar btags so//nub kyi ba lang spyod ni dbyibs zla ba gang ba lta bu ste/ ril gyi khor yug du dpag tshad stong phrag phyed dang brgyad yod do/ /de na nyo tshong gi zong ba lang gis byed pas na/ de la dras te gling gi ming yang nub kyi ban glang spyod ces bya bar btags so//byang gi sgra mi snyan gyi gling ni/ khri'u bzhin du bzhi ste/ ngos gcig cing yang dpag tshad nyis stong nyis stong yod pa spyir na dpag tshad stong phrag brgyad do/ /de yang 'chi khar sgra drag po byung nas dus byed pa'i phyir/ gling gi ming yang byang gi sgra mi snyan zhes btags so//'dzam bu'i gling gi dbyibs ni sog khar 'dug ste/ stod che la smad phra'o/ /ngos gsum re re zhing yang dpag tshad stong phrag gnyis gnyis yod/ ngos phra mo la ni dpag tshad phyed dang bzhi ste/ gling de na shing 'dzam bu zhes bya ba las dras te/gling gi ming yang 'dzam bu'i gling du btags so/ /shar gyi lus 'phags kyi mi rnams kyi tshe'i tshad lo nyis brgya lnga bcur gnas la/ lus kyi tshad ni khru brgyad do/ /nub kyi ba lang spyod kyi mi rnams kyi tshe'i tshad ni/ lo lnga brgya la lus kyi tshad ni 'dom bzhi'o//yang na khru bcu drug go/ /byang gi sgra mi snyan gyi mi rnams kyi che'i tshad ni lo stong la lus kyi tshad ni 'dom brgyad do/ /yang na khru sum cu rtsa gnyis so/ /lho'i 'dzam bu'i gling gi mi rnams kyi tshe'i tshad ni chad pa med la/ lus kyi tshad ni 'dom gang du grags mod kyi/de bas kyang ring ba dang thung ba yang skye bas gcig tu ma nges so/ /'dod pa na spyod pa'i lha drug ces bya ba la/ 'dod pa'i khams su gtogs pa'i lha ris drug ste/ rgyal chen bzhi'i rigs nas gzhan 'phrul dbang byed kyi lha man chad do/ /de la mtho ris su skye zhing byung bas na lha'am/lus dang longs spyod dam pa dang ldan pas na lha'o/ /rgyal chen bzhi'i ris kyi gnam zhes bya ba la/ 'jig rten skyong ba bzhi ni rgyal chen bzhi ste/ 'phags skyes po dang mig mi bzang dang / ngal so po dang / gnas srung ba po'o/ /der skyes pa'am de'i 'khor du gtogs pa'i lha rnams la/rgyal chen bzhi'i ris zhes bya'o/ /de dag gi che'i tshad ni mi rnams kyi lo lnga bcu la nyin zhag gcig tu brtsis pa'i lo lnga brgyar gnas te dus byed do/ /lus kyi tshad ni rgyang grags kyi bzhi cha gcig go/ /sum cu rtsa gsum rnams zhes bya ba la/dge ba'i las lhan cig tu mthun par byas pas/ der skyes pa rnams la/ sum cu rtsa gsum zhes bya ste/ brgya byin lha'i dbang po'i 'khor sum cu rtsa gnyis kyi steng du brgya byin gyis bsnan nas sum cu rtsa gsum mo/ /de la blon po sum cu rtsa gnyis ni ba su brgyad dang /nyi ma zhes bya ba lha'i bu bcu gnyis dang / ru tra drag po zhes bya ba lha'i bu bcu dang / nab so dang / tha skar skyes zhes bya ba gnyis te/ sum cu rtsa gnyis so/ /der gtogs pa'i lha gzhan dag la yang sum cu rtsa gsum pa zhes bya ste/ lha de dag gi tshe'i tshad ni mi rnams kyi nyin zhag brgya la/lha'i nyin zhag gcig tu brtsis pa'i lo stong du gnas nas dus byed do/ /lus kyi tshad ni rgyang grags phyed do/ /zung ma rnams zhes bya ba la/ rgya gar skad du ya ma zhes 'byung ste/ lha ma yin dang rtsod pa'i sdug bsngal dang bral bas na/rtsod bral zhes bya'o/ /yang na sgra'i don ya ma ni 'gro ba'i don te/ der bsod nams kyis 'gro bas na yang zung ma zhes bya'o/ /yang na mel tshe thun thun la e ma'o bde ba e ma'o bde ba zhes sgrogs par byed pas na thun spyoms zhes kyang bya'o/ /de dag gi tshe'i tshad ni mi'i nyin zhag nyis brgya la lha'i nyin zhag gcig tu brtsis pa'i tshe lo nyis stong du gnas nas dus byed do//lus kyi tshad ni 'dom sum brgya'o/ /dga' ldan rnams zhes bya ba la/ rtag tu dga' ba dang 'grogs shing rim pa 'og ma rnams kyi lha la ltos nas/ longs spyod kyi bde ba dang ldan pas na/dga' ldan te/ de dag gi tshe'i tshad ni mi'i nyin zhag bzhi brgya la/ nyin zhag gcig tu brtsis pa'i tshe lo bzhi stong gnas nas dus byed do/ /lus kyi tshad ni 'dom lnga brgya'o/ /yang na rgyang grags bzhi cha gsum mo/ /'phrul dga' rnams zhes bya ba la/ rang rang gi sprul pa'i longs spyod rnams la dga' bar byed pas na 'phrul dga' ste/ de'i che'i tshad ni mi'i nyin zhag brgyad brgya la/ lha'i nyin zhag gcig tu brtsis pa'i lo brgyad stong du gnas nas dus byed do/ /lus kyi tshad ni 'dom drug brgya'o/ /yang na rgyang grags lnga cha bzhi'o//gzhan 'phrul dbang byed ces bya ba la gzhan gyi sprul pa'i 'dod pa'i longs spyod la/ dbang sgyur bar byed pas na/ gzhan 'phrul dbang byed de/ de dag gi tshe'i tshad ni mi'i nyin zhag stong drug brgya la/ lha'i nyin zhag gcig tu brtsis pa'i lo khri drug stong du gnas nas dus byed do//lus kyi tshad ni 'dom bdun brgya lnga bcu'o/ /yang na rgyang grags phyed dang gnyis so/ /mngon pa'i chos las ni 'dod pa'i khams kyi lha rnams kyi tshe'i tshad ji tsam pas/ lus kyi tshad kyi 'dom rgyang grags tshe'i tshad dang mnyam mo zhes 'chad do//de la 'dod pa'i khams kyi lha rnams las/ rgyal chen bzhi dang / sum cu rtsa gsum pa'i lha dag mi dang 'dra bar zung du 'khril bas 'khrig pa spyod de/ de yang khu ba med pa'i phyir/ de dag ni rlung btang ba tsam gyis bde ba 'jil bar byed de/ longs spyod gzhan ni mi dang mtshungs so//zung ma rnams ni 'khyud pas 'khrig pa spyod do/ /'khyud pa tsam gyis bde ba 'jil lo/ /dga' ldan rnams kyi lha rnams ni/ lag pa sbrel pas 'khrig pa spyod do/ /lag pa sbrel ba tsam gyis bde ba 'jil bar byed do/ /'phrul dga' rnams kyi lha rnams ni 'dzum pa tsam gyis 'khrig pa spyod do//pho mo gnyis phan tshun nas dgod pa tsam gyis bde ba 'jil lo/ /gzhan 'phrul dbang byed rnams kyi lha rnams ni bltas pa tsam gyis 'khrig pa spyod do/ /phan tshun mig zur 'dres pa tsam gyis bde ba 'jil bar 'gyur ro/ /'dod pa'i khams kyi lha drug po de dag gi lha'i bu pho dang /bu mo dag pha ma'i pang du rgyal chen bzhi'i gnas kyi lha rnams ni/ gos dang rgyan du bcos pa'i byis pa lo lnga'i na tshod tsam pa 'byung ngo / /sum cu rtsa gsum pa rnams kyi lo drug gi na tshod tsam/ zung ma'i ni lo bdun gyi na tshod tsam mo/ / dga' ldan gyi ni lo brgyad kyi na tshod tsam mo/ /'phrul dga' ni lo dgu'i na tshod tsam mo/ /gzhan 'phrul dbang byed kyi ni lo bcu'i na tshod tsam mo/ /de la gzugs kyi srid pa bstan pa'i phyir/ gzugs kyi srid pa gang zhe na/ zhes bya ba la sogs pa smos so/ /gzugs kyi srid pa'i gnas ni bcu bdun/bsam gtan ni bzhi yod de/ bsam gtan dang po la gsum/ gnyis pa la gsum/ gsum pa la gsum/ bzhi pa la brgyad de bcu bdun no/ /bsam gtan dang po'i sa gsum ni/ tshangs ris rnams dang / tshangs lha nye phan rnams dang / tshangs chen rnams so//gnyis pa'i sa gsum ni 'od chung rnams dang tshad med 'od dang 'od snang ngo / /gsum pa'i sa gsum ni dge chung dang tshad med dge dang dge rgyas so/ /bzhi pa'i gnas brgyad ni sprin med rnams dang 'og min rnams man chad de/ de yang sprin med dang bsod nams 'phel dang //'bras bu che gsum ni so so'i skye bo'i sa'o/ /de yan chad lnga ni 'phags pa'i sa'o/ /tshangs ris rnams zhes bya ba la dge ba'i rtsa ba rgya chen po las skyes pas na tshangs pa zhes bya ste/ tshangs pa gzhan de'i ris su skyes pa'am de'i g.yog 'khor du gyur pa rnams la tshangs ris zhes bya'o//kha cig na re tshangs pa chen po'i 'khor du gtogs pas na tshangs ris zhes bya'o zhes 'chad do/ /de dag gi tshe'i tshad ni bskal pa phyed du gnas nas dus byed do/ /lus kyi tshad ni dpag tshad phyed do/ /tshangs lha nye phan rnams zhes bya ba la/ tshangs pa chen po blon po ltar phan zhing ris der skyes pas na tshangs pa gzhan pas nang 'khor ltar gnas shing bsam gtan las langs pa na mdun du 'gro ba dang rim gro byed pas tshangs lha nye phan zhes bya ba'am tshangs pa chen po'i mdun du thal mo sbyar nas smrang 'don pas na tshangs pa'i mdun na 'don zhes bya ste/de dag gi tshe'i tshad ni bskal pa gcig tu gnas nas dus byed do/ /lus kyi tshad ni khrom dgongs gcig go/ /tshangs chen rnams zhes bya ba la/ tshangs pa gnyis la ltos nas tshe dang kha dog dang mthu khyad zhugs pas tshangs chen zhes bya'o/ /yang na gzhan las 'phags par dge ba'i rtsa ba chen po las skyes shing mchog tu gyur pas na tshangs chen zhes bya ste/phal pas lhag par bsam gtan gyi khyad par thob ste kun bas sngon du skyes la/ tha mar 'chi bas na tshangs chen no/ /de'i tshe'i tshad ni bskal pa phyed dang gnyis su gnas nas dus byed do//lus kyi tshad ni khrom dgongs phyed dang gnyis so/ /'od chung zhes bya ba la rang gis gong ma gnyis la ltos nas de dag gi lus nas gzi dang 'od kyi snang ba chung bas 'od chung ste/ tshe'i tshad ni bskal pa gnyis su gnas nas dus byed do/ /lus kyi tshad ni khrom dgongs gnyis so//tshad med 'od ces bya ba la de dag gi 'od dang gzi 'di tsam tshad kyis gzhal zhing bcad par mi nus pas na tshad med 'od de tshe'i tshad bskal pa bzhir gnas nas dus byed do/ /lus kyi tshad ni khrom dgongs bzhi'o/ /'od snang zhes bya ba la bdag gi sar ma gtogs pa'i gnas gzhan du yang gzi brjid dang 'od kyis snang bar byed pas na 'od snang ste/de dag gi tshe'i tshad ni bskal pa brgyad du gnas nas dus byed do/ /lus kyi tshad ni khrom dgongs brgyad do/ /dge chung zhes bya ba la dge ba yang 'di'i skabs su bsam gtan las skyes pa'i yid kyi sa'i bde ba la dge ba zhes bya ste/bdag gi sar gtogs pa las gong ma la ltos nas yid kyi bde ba chung bas na dge chung ngo / /tshe'i tshad ni bskal pa bcu drug tu gnas nas dus byed do/ /lus kyi tshad ni khrom dgongs bcu'o/ /tshad med dge zhes bya ba la/de'i dge ba yang tshad kyis gzhal du med pas na tshad med dge ba 'am/ yid kyi bde ba tshad med pa dang ldan pas na tshad med dge ba ste/ de dag gi tshe'i tshad ni bskal pa sum cu gnyis su gnas nas dus byed do/ /lus kyi tshad kyang khrom dgongs sum cu gnyis so//ma lus dge ba rnams zhes bya ba la de dag ma lus dge ba ste/ yid kyi bde ba ma lus par rdzogs par yod pa'am/ de dag dam par 'gyur ba'i bde ba gzhan med pa'i phyir ma lus dge ba'o/ /de dag gi tshe'i tshad ni bskal pa drug cu rtsa bzhir gnas nas dus byed do/ / lus kyi tshad kyang khrom dgongs drug cu rtsa bzhi'o/ /sprin med rnams zhes bya ba la ji ltar yul gyi steng du sprin gyi mchod pa med pa de bzhin du sa de'i gong du sa gzhan gyis bsgribs pa med pas na/ sprin med dang sprin bzhin du de dag sa dang 'brel pa med pas na sprin med de/ lha de dag gi gzhal med khang nam mkha' la gnas la gzhal med khang dang lhan cig tu skye zhing dus gcig tu 'jig pa'i phyir ro//de dag gi tshe'i tshad ni bskal pa brgya nyi shu rtsa lngar gnas nas dus byed do/ /lus kyi tshad kyang khrom dgongs brgya nyi shu rtsa lnga'o/ /bsod nams 'phel rnams zhes bya ba la/so so'i skye bo'i bsod nams su gtogs pa'i mchog thob pa'i gnas yin pas bsod nams 'phel rnams te/ de dag gi che'i tshad ni bskal pa nyis brgya lnga bcur gnas nas dus byed do/ /lus kyi tshad kyang khrom dgongs nyis brgya lnga bcu'o/ /'bras bu che rnams zhes bya ba la gnas gzhan pas shas cher dge ba'i 'bras bu bsags pas/der skyes pa'i las ngan pas ni ma yin te/ 'bras bu'i mchog thob pas na 'bras bu che rnams so/ /yang na 'og ma so so'i skye bo'i sa las 'bras bu khyad zhugs pas thob par bya ba'i phyir 'bras bu che rnams te/de'i tshe'i tshad ni bskal pa lnga brgyar gnas nas dus byed do/ /lus kyi tshad kyang khrom dgongs lnga brgya'o/ /mi che rnams zhes bya ba la/ gnas gtsang ma'i nang na de'i mchog ma yin te/ gnas gtsang ma'i sa gong ma bas bsod nams chung bas mi che ba'o/ / de dag gi tshe'i tshad ni bskal pa stong du gnas nas dus byed do/ /lus kyi tshad kyang khrom dgongs stong ngo / /mi gdung rnams zhes bya ba la/ bsam pa dge ba'i phyir/ der skyes pa rnams kyi mthu dang lhag pa'i bsam gtan gyi 'bras bu dang tshe dang yon tan lhag par yod kyang sa 'og ma rnams la mi gnod zil gyis mi gnon pas na mi gdung ba'o//yang na bsam gtan khyad par can thob pas nyon mongs pa rnams kyis gdung bar mi nus pas na mi gdung ba ste/ tshe'i tshad ni bskal pa nyis stong du gnas nas dus byed do/ /lus kyi tshad kyang khrom dgongs nyis stong ngo //shin tu mthong rnams zhes bya ba la/ gzhan gyis de'i lha rab tu zhi ba'i khyad par dang ldan te/ bde ba dang ldan pas ma thob pas na/ shin tu mthong ba'am/ lta ba rnam par dag ste/ zag pa med par mthong bas na shin tu mthong rnams so/ /de dag gi tshe'i tshad ni bskal pa bzhi stong du gnas nas dus byed do//lus kyi tshad kyang khrom dgongs bzhi stong ngo / /gya nom snang rnams zhes bya'o/ /zag pa dang bcas pa dang zag pa med pa'i bsam gtan la ci dgar 'dren par bsgom yang 'dres pa dang 'khri ba med par byed pa'i mthu dang ldan pas na sgrib pa chen po ma lus par dag par mthong bas gya nom rnams sam/bzang po dang legs par mthong ste bdag med pa dang mi rtag pa la sogs par mthong bas na gya nom snang rnams so/ /de dag gi tshe'i tshad ni bskal pa brgya stong du gnas nas dus byed do/ / lus kyi tshad kyang khrom dgongs brgya stong ngo / /'og min rnams zhes bya ba la/ gnas 'og ma ma yin te/ gzugs kyi khams de'i gong nas gzugs can gyi khams gzhan med pas na 'og min nam/ de las mchog tu gyur pa'i gnas gzhan med de gzhan bas chung ngu dang ngan par ma gyur pa'i phyir 'og min no//yang na sdug bsngal bsags pa'i lus A g+ha zhes bya ste/ bsags pa'i gzugs kyi mthar phyin pas A g+ha niSh+Tha zhes bya ste/ yang na A g+ha zhes bya ba ni sdig pa la bya ste/ sdig pa mthar phyin te zag pa rnams skye ba'i gnas yin pa'i phyir A g+ha niSh+Tha'o/ / de dag gi tshe'i tshad ni bskal pa khri drug stong gnas nas dus byed do/ /lus kyi tshad kyang khrom dgongs khri drug stong ngo / /mi che ba nas 'og min gyi gnas man chad gnas gtsang ma'i ris zhes bya ste/ 'phags pa lam gyi chus nyon mongs pa'i dri ma bkrus pas sems kyi rgyud dag pa 'ba' zhig skye bas na gnas gtsang ma'am/yang na bu lon gtsang ma bzhin du 'khor ba'i bu lon mthar phyung ste gsang ba rnams skyes pas na gnas gtsang ma'o/ /yang na so so'i skye bo dang / ma 'dres par 'phags pa'i phyir mi 'ong ba rnams nyi tshe gnas pas na gnas gtsang ma 'o//gzugs med pa'i srid pa bstan pa'i phyir/ gzugs med pa'i srid pa gang zhe na/ zhes bya ba la sogs pa smos te/ snang bar byar rung bas na/ gzugs yin la/ snang bar byar rung ba med pas gzugs med pa'o/ /'di lta ste nam mkha' mtha' yas skye mched ces bya ba la sogs pa la ting nge 'dzin la dang po sbyong ba'i dus na nam mkha' ni mtha' yas so//nam mkha' ni mtha' yas so/ /zhes dmigs par byed de/ de nyid der skye ba'i rgyu dang rkyen yin pas na nam mkha' mtha' yas skye mched ces bya'o/ /de dag gis dang por sbyor ba'i sems kyang mdo gzhan dag las gzugs kyi 'du shes ni yang dag par 'das/thogs pa dang bcas pa'i 'du shes ni nub par gyur/ sna tshogs kyi 'du shes ni yid la mi byed de/ nam mkha' ni mtha' yas so/ /nam mkha' ni mtha' yas so zhes nam mkha' mtha' yas skye mched la snyoms par zhugs te gnas so//zhes gsungs so/ /de'i don yang 'di dag ni nam mkha' tsam ste/ gang dbyibs dang kha dog sngo ba dang ser ba dang dmar ba dang dkar ba dang yang dag par ldan pa'i rgyu las byung ba'i bde ba dang mi bde ba 'dod chags dang bral te kha dog de dag la 'du shes mi 'jug pas na de'i phyir gzugs ni yang dag par 'das zhes gsungs te/de ltar gzugs kyi 'du shes la yang dag par 'das pas snang ba med par song ba'i rgyus kha dog rnam pa sna tshogs par byed pa'i rgyus rdul bsags pa thogs pa can gyi dngos po la sgrib pa dang thogs pa'i 'du shes dang bral bar gyur te/de bas na thogs pa dang bcas pa'i 'du shes ni nub par gyur ces gsungs so/ /'du shes de dang bral ba'i rgyus gang de la ma gtogs pa'i bsags pa'i rnam pa'i lhag ma bza' ba dang btung ba dang bzhon pa dang gos dang rgyan dang /khyim nang skyed mos tshal dang / dmag gi tshogs dang / ri la sogs pa la 'du shes 'jug pa rnams thams cad nas thams cad du 'jug par mi 'gyur te/ de bas na sna tshogs kyi 'du shes rnams yid la mi byed ces gsungs so/ /des de ltar thogs pa dang bcas pa dang /sna tshogs kyi 'du shes bshig nas nye bar gyur pa'i ting nge 'dzin las 'das te sbyor ba'i ting nge 'dzin gyis nam mkha' la mtha' yas pa'i rnam par smos par byed/ de bas na nam mkha' ni mtha' yas so/ /nam mkha' ni mtha' yas so zhes gsungs so//de nas sbyor ba'i ting nge 'dzin mthar thug par yid la byas pa'i 'og tu sbyor bas mthar thug pa'i 'bras bu/ rtsa ba'i ting nge 'dzin la snyoms par 'jog ste/ de bas na nam mkha' mtha' yas skye mched la snyoms par zhugs nas gnas so zhes gsungs so/ /der ji srid rtsa ba'i ting nge 'dzin la snyoms par zhugs pa de srid du/nam mkha' la dmigs te gnas so/ /rtsa ba'i ting nge 'dzin la snyoms par zhugs nas ni/ rang gi sa'i phung po bzhi la dmigs shing / gnas par zad do/ /nye ba'i ting nge 'dzin gyi dus na ni/ sa 'og ma rnams kyi phung po dang /kha dog rnam pa sna tshogs la med pa'i mtshan nyid du yid la byed do/ /rnam shes mtha' yas skye mched ces bya ba la/ nam mkha' la mtha' yas pa'i rnam par dmigs pa'i rnam par shes pa de yang nam mkha' bzhin du mtha' yas so zhes sbyor ba'i ting nge 'dzin gyi tshe dmigs pa ni rnam par shes pa mtha' yas te/de nyid gnas der skye ba'i rgyu dang rkyen yin pas na rnam shes mtha' yas skye mched ces bya'o/ /de'i don nam mkha' mtha' yas skye mched kyi dus na/ rnam par shes pas nam mkha' la mtha' yas pa'i rnam par mos te/ de bas na rnam par shes pa de nyid mtha' yas pa'i rnam pa yin no//nam mkha' la mtha' yas pa'i rnam par mos pa'i rnam shes mtha' yas la snyoms par 'jug par 'dod pas/ nam mkha' mtha' yas skye mched kyi nyer bsdogs pa dang / rtsa ba'i 'du shes las bzlog nas rnam par shes pa de nyid la mtha' yas pa'i rnam par mos par byed de/de bas na mdo gzhan las rnam pa thams cad du nam mkha' mtha' yas skye mched las yang dag par 'das nas rnam shes mtha' yas skye mched la 'jug go/ /zhes gsungs so/ /de dag ni rnam shes mtha' yas skye mched kyi nyer bsdogs kyi ting nge 'dzin dang /sbyor ba'i ting nge 'dzin to/ /des rnam shes mtha' yas kyi nyer bsdogs kyi ting nge 'dzin dang sbyor ba mthar thug pa'i yid la byed pa'i ting nge 'dzin las langs nas sbyor ba mthar thug pa'i 'bras bu rtsa ba'i ting nge 'dzin la snyoms par 'jug ste/de bas na mdo gzhan las rnam shes mtha' yas skye mched la snyoms par zhugs nas gnas so zhes gsungs so/ /cung zad med pa'i skye mched ces bya ba la sbyor ba'i ting nge 'dzin gyi dus na cung zad kyang yod pa ma yin no zhes bya ba'i rnam par snyoms par 'jug pas/cung zad med pa zhes bya ste/ de nyid gnas der skye ba'i rgyu dang / rkyen yin pas na cung zad med pa'i skye mched do/ /de'i don yang des rnam shes mtha' yas kyi skye mched las bskyed nas/ rnam par shes pa las pha rol na dmigs ci yod ces btsal na/ gzugs can nam gzugs med pa'i chos cung zad kyang ma mthong ngo //des de ltar dmigs pa mthong bas/ rnam shes mtha' yas skye mched kyi nyer bsdogs pa dang / rtsa ba'i ting nge 'dzin las langs nas/ cung zad kyang med do zhes bya ba'i dmigs pa gzhan la mos par byed de/ de ni cung zad med pa'i 'du shes kyi rnam pa la mos pa nyid du gnas pa yin te/de ltar gnas pa de cung zad med pa'i skye mched kyi nye bar bsdogs pa'i ting nge 'dzin dang / sbyor ba mthar thug pa'i yid la byed pa'i ting nge 'dzin zhes bya'o/ /des 'du shes de la mos pa mang du byas pas cung zad med pa'i skye mched kyi nye bar bsdogs pa dang /sbyor ba mthar thug pa'i yid la byed pa'i ting nge 'dzin las 'das nas/ sbyor ba mthar thug pa'i 'bras bu rtsa ba'i ting nge 'dzin la snyoms par 'jug ste/ de bas na mdo gzhan las de rnam pa thams cad du/ rnam shes mtha' yas las yang dag par 'das nas/cung zad kyang med do zhes cung zad med pa'i skye mched la snyoms par zhugs te gnas so zhes gsungs so/ /de yang dbye na cung zad med pa'i skye mched kyi nyer bsdogs pa'i ting nge 'dzin gyi dus na ni rnam pa thams cad du rnam shes mtha' yas/ 'du shes med 'du shes med min skye mched ces bya ba la/'du shes ni shu ba'o/ /'du shes ni zug rngu'o/ /'du shes med pa yang rmongs pa ste zhes 'du shes phra ba la gnas pa ni 'du shes med 'du shes med min zhes bya ste/ de nyid der skye ba'i rgyu dang rkyen yin pas na 'du shes med min skye mched ces bya'o/ / de'i don yang 'du shes med min skye mched kyi dus na cung zad med kyi skye mched las bskyed do/ /de yang ji ltar zhe na cung zad med min skye mched kyi 'du shes la chags pa dang na ba dang shu ba la sogs pa bzhin du nyes dmigs dang bcas par yid la byed pa'o/ /cung zad med cung zad med min gyi sbyor ba mthar thug pa yid la byed pas ting nge 'dzin gyi dus na ni 'du shes dang bcas pa yang zug rngu dang 'dra bar mi bde ba yin/'du shes thams cad du spangs pa yang rmongs pa yin no/ /shes rab tu phra ba'i 'du shes la gnas te/ cung zad med pa'i skye mched kyi 'du shes las bzlog pas na/de'i phyir mdo gzhan las cung zad med pa'i skye mched la gnas so zhes gsungs so/ /de cung zad med cung zad med min skye mched la nye bar bsdogs pa'i ting nge 'dzin dang / sbyor ba mthar thug pa'i yid la byed pa'i ting nge 'dzin las 'das nas/sbyor ba mthar thug pa'i 'bras bu rtsa ba'i ting nge 'dzin la snyoms par 'jug ste/ de bas mdo las des rnam pa thams cad du cung zad med kyi skye mched las yang dag par 'das te/ cung zad med cung zad med min skye mched las snyoms par zhugs nas gnas so zhes gsungs so//gzugs med pa'i khams na ni gzugs kyi mtshan ma med pas sems tsam la brten nas bsgoms te/ de bas na mdo las sems tsam la bsam gtan pa zhes gsungs so/ /de dag kyang 'dod pa'i khams dang gzugs kyi khams bzhin du gnas kyi rim pa ni med kyi/snyoms par 'jug pa'i bye brag dang / tshe ring thung du skye ba'i bye brag tsam gyis dbye bar zad de de bas na mdo las gzugs med pa'i lha rnams kyi skye mched rnam pa bzhi po 'di ni zhes bya ba gsungs te/ gang gong du gzugs med pa'i lha rnams kyi skye ba rnam pa bzhi bshad pa de ni/gzugs med pa'i srid pa zhes bya'o/ /de la nam mkha' mtha' yas su skyes pa'i lha rnams kyi tshe'i tshad ni bskal pa stong phrag nyi shur gnas nas dus byed do/ /rnam shes mtha' yas ni bskal pa stong phrag bzhi bcu'o/ /cung zad med pa ni stong phrag drug cu'o/ / tha ma ni stong phrag brgyad cur gnas so/ /gzugs med pa'i lha rnams kyang gnas gang du snyoms par 'jug pa'i gnas de nyid du shi 'phos nas de nyid du skye bar zad kyi gzhan du skye ba po med do/ /bskal pa 'dod pa'i khams dang / gzugs kyi khams ni sems gzugs la brten na/gzugs med pa'i khams na ming gi phung po bzhi rnams gcig la brten/ smras pa mdung gsum rtse sprad pa'i shing gcig la gcig brten pa bzhin du/ ming gi phung po bzhi nyid gcig la gcig brten pa'am/ ming gi phung po bzhi rnams tshor ba'i dbang po dang ris mthun pa'i chos la brten to//gzugs med pa'i snyoms par 'jug pa thob par byed pa'i ltas ni/ nam mkha' las lus ltung ba snyam yid la byed pa skye'o/ /brgal ba/ mdo gzhan dag las ni ma 'ongs pa na khams gsum gyi 'bras bu len par byed pa'i las gang yin pa de srid pa'i sgrar brjod na/'dir ni 'dod pa dang gzugs dang gzugs med pa'i khams nyid la srid par brjod pas mdo gzhan dang 'gal lo/ /smras pa 'di ni nyes pa med de yang ni srid pa zhes bya ba la las la bya mod kyi/ las de ni ma 'ongs pa'i srid pa skyed pa'i rgyu yin la srid pa gsum ni las kyi 'bras bu yin te/'dir rgyu'i ming 'bras bu la btags nas rgyu des khams gsum du skyed par byed pa'i phyir/ gsum la srid pa zhes btags te nyes pa med do/ /skye ba bstan pa'i phyir srid pa'i rkyen gyis skye ba zhes bya ba la sogs pa smos te/ srid pa'i rgyu las skye ba 'byung ba zhes bya ba'i don to//gang sems can de dang de rnams zhes bya ba ni/ lha dang mi dang byol song la sogs pa'i sems can de dang de dag go/ /sems can gyi ris de dang de dag tu zhes bya ba ni lha dang mi la sogs pa'i rigs mthun pa'i gnas tshe phyi ma de dang de dag tu zhes bya ba'i don to//de la mngal gyi gnas dang sgo nga'i gnas su dang po nyid du rnam par shes pa mngon par byung ba ni skye ba zhes bya'o/ /der rnam par shes pa zhugs nas ma byung gi bar du yan lag dang nying lag rdzogs par gyur pa ni kun tu skye ba zhes bya'o/ /mngal du yan lag la sogs pa rdzogs nas mngal nas phyir 'byung ba ni 'pho ba zhes bya'o//gang drod gsher las skyes pa dang / rdzus te skyes pa rnams dus gcig tu rang gi lus rdzogs par gyur pa ni mngon par 'byung ba zhes bya'o/ /de ltar byung ba las de dag gi phung po lnga po nyid kha zas la sogs pas rtas shing 'phel bar bya ba ni phung po rnams 'byung ba zhes bya'o//kha zas la sogs pa ma gtogs pa'i mar gyis bsku zhing mnye ba dang bkru ba la sogs pa rkyen gzhan gyis grogs byas pa ni skye mched rnams rab tu rnyed pa zhes bya'o/ /de dag gi phung po nyid sngon gyi las dang nyon mongs pa'i rgyu rkyen la brten pa ni khams rab tu rnyed pa zhes bya'o//de dag gi phung po de dag nyid tshe'i mtha'i bar du gnas pa nyid ni 'tsho ba'i dbang po 'byung ba zhes bya'o/ /lha dang mi la sogs pa'i ris su skyes pa'i ris mthun pa dang ma bral ba ni ris su skal ba mthun pa dang ldan pa zhes bya'o//de nas mdo rnam pa bzhi bstan te gang skye ba dang skye gnas gang gis bstan pa dang / gang gis grogs byas pa dang / skye ba'i rang bzhin gang yin pa'o/ /de la skye ba dang zhes bya ba nas mngon par 'byung ba zhes bya bas gang skye ba bstan to/ /phung po rnams 'byung ba zhes bya bas nye bar brtan pa bstan to//skye mched rnams rab tu rnyed pa dang khams rnams rab tu rnyed pa zhes bya bas gang gi grogs byas pa bstan to/ /'tsho ba'i dbang po 'byung ba dang / ris su skal ba mthun pa dang ldan pa zhes bya bas skye ba'i rang bzhin gang yin pa bstan to/ / yang na gang sems can de dang de rnams zhes bya ba ni 'chi ba'i char gtogs pa'i sems can la snyegs te/ shi bar gyur pa'i sems can dang de rnams zhes bya ba'i don to/ /sems can gyi ris de dang de dag tu zhes bya ba ni skye ba'i char gtogs pa la snyegs te/ skye bar bya ba'i sems can gyi gnas de dang de dag tu zhes bya ba'i don to//gang gi las dge ba la sogs pa byas pa'i shugs dang ldan pa ma 'ongs pa la mtshams sbyar bar bya ba'i gnas su rnam par shes pa skyes shing brgyal ba ni skye ba zhes bya'o/ /kun tu skye ba zhes bya ba'i tshig lhag ma rnams ni de nyid kyi bshad pa ste/phyi mas snga ma bshad par blta'o/ /yang na mngal du skye ba rnams mngal gyi gnas su rnam par shes pa dang po zhugs pa ni skye ba'o/ /sgo ngar skyes pa rnams sgo nga'i gnas su rnam par shes pa dang po zhugs pa ni kun skye ba'o/ /drod gsher las skyes pa rnams drod gsher gyi gnas su rnam par shes pa dang po skye ba ni 'pho ba'o /rdzus te skyes pa rnams dus gcig tu phung po cig car 'byung ba ni mngon par 'byung ba'o/ /de la mngal du skye ba'i sems can ni mi dang byol song gi skye gnas bzhi ka nas kyang skye mod kyi/ phal cher mngal nas skye ste/ mngal nas skyes pa ni byol song la yang glang po dang rta dang ba lang dang ma he dang phag la sogs pa ste/de dag kyang pho mo gnyis kyi khrag dang khu ba 'dres pa las 'gyur ro/ /mi las sgo nga las skyes pa ni/ shel dang / ut+pa la dang / pany+tsa la'i rgyal po'i bu lnga brgya dang / ri dgas dgra'i ma sa ga'i bu sum cu lta bu'o//mi las drod gsher las skyes pa ni man d+ha ta lta bu'i spyi bo las skyes pa dang / mdzes pa dang / nyer mdzes dang / shing tog a mra las skyes pa'i bu mo a mra skyong lits+tsha bI'i gtso bo rnams kyi chung mar gyur pa lta bu'o/ /mi las rdzus te skyes pa ni bskal pa dang po'i mi rnams lha'i gnas nas gling bzhir skye ba lta bu'o//byol song skye gnas bzhi ka nas skye ba yang ji ltar 'jig rten gzhag pa las gsungs pa sgo nga las skyes pa'i nam mkha' lding gis sgo nga las skyes pa'i klu 'dren cing za ba dang / de bzhin mngal nas skyes pas mngal nas skyes pa 'dren cing za ba dang / de bzhin drod gsher dang rdzu ba las skyes pas kyang skye gnas pa so so'i 'dren cing za ba zhes gsungs pa lta bu'o/ /sgo nga las skyes pa ni bya las phal cher te/ ngang ngur dang khrung khrung dang rma bya dang ne tso la sogs pa lta bu'o/ /drod gsher las skyes pa ni grog sbur dang phye ma leb dang / sbrang bu dang sro shig las phal cher skye'o zhes zer ro//rdzus te skyes pa'i sems can gang dbang po nyams pa med cing ma tshang ba med pa dang / yan lag dang nying lag thams cad dang ldan pas cig car du skye ba skye/ de yang lha dang dmyal ba dang srid pa bar ma lta bu'o/ /yi dgas dag ni mngal dang rdzus te skyes pa gnyi ga yod de/mngal nas skye ba ni dper na tshe dang ldan pa mod gal gyi bu la yi dgas dag smras pa/ mtshan mo bdag gi bu lnga bskyed/ /nyin par de bzhin gzhan dag kyang / /bskyed de zos par gyur mod kyis/ /'on kyang ngoms par bdag ma gyur/ /zhes smras pa lta bu'o//dris pa nam mkha' lding gi skye gnas mthun mthun gyis klu 'dren cing za ba ni rung gi/ rdzus pa ni thams cad 'gags ma thag tu phung po mi snang bar gyur na/ ji ltar za/ smras pa de ni snang bar 'gro ba mi shes nas za ba'i phyir 'dren pa po yod do zhes kha cig gis bshad do/ / drangs nas srog dang ma bral gyi bar du zar yang rung ngo zhes slob dpon gzhan dag ni bshad do/ /phung po'i dbang du byas na skye gnas de dag tu phung po rnams 'byung ba zhes bya ste/ mtshams sbyor ba'i skad cig ma dang po la yid kyi rnam par shes pa brgyal ba na rnam par shes pa'i phung po'o/ / rnam par shes pa lnga dang ldan pa'i 'du shes nyon mongs pa dang bcas pa ni 'du shes kyi phung po'o/ /de'i dus na tshor ba myong ba ni tshor ba'i phung po'o/ /khrag dang khu ba 'dres pa'i mtshan nyid mer mer po ni gzugs kyi phung po'o/ /de bas na phung po rnams 'byung ba zhes bya'o/ /skye mched kyi dbang du gyur na/de'i tshe skye mched rnams rab tu rnyed pa zhes bya ste/ mtshams sbyor ba'i tshe nyid na/ khrag dang khu ba ni lus kyi skye mched do/ /de ni yid kyi rnam par shes pa ni yid kyi skye mched do/ /de'i dus kyi tshor ba la sogs pa ni chos kyi skye mched de/ skye mched gsum po de nyid la skye mched rnams rab tu rnyed pa zhes bya ba ste/mig la sogs pa'i skye mched ni/ de'i dus na med pas de dag la mi bya'o/ /khams kyi dbang du byas na/ de'i tshe khams rnams rab tu rnyed pa zhes bya ba ste/ gang de na khrag dang khu ba'i mtshan nyid ni lus kyi khams so/ /de'i tshe yid kyi rnam par shes pa ni yid kyi khams so//de na tshor ba la sogs pa yod pa ni chos kyi khams te/ de gsum la khams rnams rab tu rnyed pa zhes bya'i/ khams gzhan de'i dus na med pas na/ gzhan la ni mi bya'o/ /tshor ba'i dbang po 'byung ba dang zhes bya ba ni/ che'i 'du byed dang po nyid du der thos pa'i phyir te/de ni lus kyi dbang po yang der smin par blta'o/ /ci'i phyir zhe na/ 'dod pa dang gzugs kyi khams ni/ gzugs med par 'tsho ba'i dbang po mi gnas te/ tshor ba'i dbang po ni gzugs la brten nas 'jug pa'i phyir ro/ /gang gi mngal du thos pa'i sems can de dang de dag pan chad de dang de rigs gcig par gyur pa na/rigs su skal ba dang ldan pa zhes bya'o/ /rga ba bstan par bya ba'i phyir skye ba'i rkyen gyis rga ba zhes bya ba la sogs pa smos te/ skye ba'i rgyu las rga ba 'byung ngo / /zhes bya'o/ /gang spyi cer dang zhes bya ba las 'byung ba chen po rnams kyi drod dang mthu nyams par gyur pas skra byi ba'am lus mthu chung bas yang lag 'dar bar 'gyur ba'o//skra dkar ni gang skra kha dog gzhan du gyur pa'o/ /gnyer ma mang bar gyur pa ni/ pags pa rnams rnyis shing zhum par gyur pa'o/ /'khogs pa ni gang 'dod pa la kun longs spyod pa la kun longs spyod nus pa med pa'am/mdangs dang gzi nyams pa'o/ /zhom pa ni gang las sus byas pa'i rnams la mthu chung zhing rang bzhin gyis nad dang bcas pa'o/ /shing sgu bo ltar 'khyor ba ni gang 'gro ba'i spyod lam gyi dus na/ lus kyi dbyibs g.yas g.yon du 'gyur zhing 'khyor pa'o//lud pa ngar ngar ba'i lus ni gang smras pa'i dus na bad kan la sogs pas 'gags pas dbugs phyi nang du 'byung ba rnams dka' bzhin du 'byung ba'o/ /sgur ba ni gang tshigs pa la gnas pa'i 'byung ba chen po rnams nyams pas lus drang por bsrang mi nus shing mdun du sgu ba'o/ / khabs nag pos khebs pa'i lus ni gdong dang yan lag tu kha dog nag po phal cher byung ba'o/ /mdun du sgu ba'i lus ni gang 'dug pa'i spyod lam gyi dus na yang lus mdun du dud cing drang por gnas par mi nus pa'o/ /khar ba la 'ju ba ni gnas pa'i spyod lam las ldang ba'i dus na/ /bar ba lam brten par ldang mi nus pa'o//dbang po kun smin pa ni rang bzhin gyis nyam chung bas gzugs dang sgra la sogs pa mi gsal bar mthong zhing thos pa'o/ /nyams pa ni gang las su bya ba rnams la brtson 'grus med de/ yan lag zhig pas rtag tu le lo dang bcas pa'o/ /'du byed rnams rnyings par gyur pa ni/phung po lnga'i tha mar gyur te/ phung po nyid kyang 'chi ba'i tshe'i dus dang nye bar gyur pa'o/ /zhig par gyur pa ni/ gang gzugs dang sgra la sogs pa'i yul rnams la sngon bzhin du blta ba dang mnyan par 'dod pa mi skye'o/ /rmongs pa ni dran pa'i blo nyams pas sngon byas pa dang smras pa rnams brjed cing mi dran pa'o//zhan pa ni yid kyi log pa las/ gnyid stug cing rgyun ring du gnyid la gnas pa'o/ /'bri ba ni de ltar gnyid kyis log pa las gang myur du ldang mi nus pa'o/ /kun bri ba ni sngon gyi las kyis 'phangs pa'i tshe'i 'du byed kyang mjug bsdus pas 'chi ba'i dus la mngon du bltas pa'o//gong du bshad pa de dag bsdus nas/ don rnam pa bcu gcig ste/ bcu gcig ni rten rnam par gyur pa dang / sgra rnam par gyur pa dang / ltas rnam par gyur pa dang / gzi dang stobs rnam par gyur pa dang /nad med pa rnam par gyur pa dang / kha dog rnam par gyur pa dang / spyod lam rnam par gyur pa dang / gzugs can ma yin pa'i dbang po rnam par gyur pa dang / gzugs can gyi dbang po rnam par gyur pa dang / mthar thug pa dang / tshe'i 'du byed zad pa'o/ /de la spyi cer bya bas rten rnam par gyur pa bstan to//skra dkar zhes bya bas skra rnam par gyur pa bstan to/ /gnyer ma mang zhes btags pas rnam par gyur pa bstan to/ /'khogs pa zhes bya bas gzi dang / stobs rnam par gyur pa bstan to/ /zhom pa zhes bya bas nad med pa rnam par gyur pa bstan to//khabs nag pos lus khebs zhes bya bas kha dog rnam par gyur pa bstan to/ /sgu ba dang shing sgu bo ltar 'khyor ba dang lud pa ngar ngar ba'i lus dang / mdun du sgu ba'i lus dang khar ba la 'ju ba rnams kyis spyod lam gzhan du gyur pa bstan to/ /rmongs pa zhes bya bas gzugs can ma yin pa'i dbang po gzhan du gyur pa bstan to//dbang po kun smin pa dang / nyams pa dang zhig par gyur pa dang / zhan pa dang bri ba rnams kyis gzugs can gyi dbang po gzhan du gyur pa bstan to/ /'du byed rnams rnyings par mthar thug par bstan to/ /kun bri bas tshe zad pa bstan to//'chi ba bstan pa'i phyir/ 'chi ba bstan pa gang zhe na/ zhes bya ba la sogs pa gsungs so/ /gang sems can de dang de rnams zhes bya ba ni/ lha dang mi dang byol song dang sems can dmyal ba la sogs pa'i sems can de dang de dag go/ /sems can gyi ris de dang de las zhes bya ba ni lha dang mi la sogs pa'i ris mthun pa'i gnas de dang de dag las so//de la 'chi ba'i mtshan nyid ni nam drod dang tshe dang rnam par shes pas bor ba de ni shi ba zhes bya'o/ /de bas na mdo gzhan dag las kyang / tshe dang drod dang rnam shes kyis/ /gang tshe lus 'di bor ba na//dper na sems med shing bzhin du/ /sa la 'gyel nas nyal bar gyur/ /zhes gsungs pa lta bu'o/ /de la sems can gang dag nang du sdug bsngal myong ba med par dus byas pa ni shi 'phos pa'o/ /gang sems can nang du sdug bsngal myong ba dang bcas pas dus byas pa ni shi 'phos par gyur pa'o//rnam par shes pas lus btang ste/ lus dang rnam par shes pa bye bar gyur pa ni bral ba zhes bya'o/ /mig la sogs pa gzugs can gyi dbang po 'gags pa ni mi snang ba zhes bya'o/ /gang dus ma yin par shi ba rnams ni 'chi ba'o/ /bsod nams dang ldan pa rnams gnod pa'am sdug bsngal dang ring du mi 'grogs par myur du 'chi ba'i dus byed pa'o//gang 'chi ba'i tshe dbugs rgyu zhing skyigs bu 'byin pa'i dus la ni tshe zad pa zhes bya'o/ /gang dus su shi ba rnams ni/ 'tsho ba'i dbang po 'gags pa dang phung po rnams 'dor ba dang / skye mched kun 'jig pa zhes bya'o//yang na tshe'i 'du byed zad pa ni che'i dbang po 'gog pa'o/ /sngon gyi phung po dang bral ba ni phung po rnams 'dor ba'o/ /phung po snga ma'i mig la sogs pa'i skye mched kyis lta ba la sogs pa'i bya ba mi byed pa ni skye mched kun 'jig pa'o/ /rten cing 'brel te 'byung ba'i yan lag bcu gnyis rgyas par bshad pa'i rnams mjug bsdu bar bshad pa'i phyir/dge slong dag 'di ni zhes bya ba la sogs pa gsungs so/ /'o na ci'i phyir/ ma rig pa la sogs pa yan lag bcu gnyis rnams rim pa 'di ltar bkod/ smras pa dang po nyid du zhes bya ba la rmongs pa 'byung ste/de bas na ma rig pa sngar bshad do/ /rmongs par gyur na de nyid la phyin ci log gi las mngon par 'du byed pas de'i 'og tu 'du byed do/ /phyin ci log gi las mngon par 'dus byas na de'i rgyus sems kyang phyin ci log tu 'gyur te/ de bas na de'i 'og tu rnam par shes pa'o/ / sems phyin ci log tu gyur na de las mtshams sbyor bar byed de/ de'i 'og tu ming dang gzugs so/ /ming dang gzugs las dbang bo yongs su rdzogs par 'byung ste de bas na de'i 'og tu skye mched drug go/ /dbang po yongs su rdzogs nas yul la dbang po kun longs spyod par byed cing /de bas na de'i 'og tu reg pa'o/ /yul la longs spyod pas bde ba'i tshor ba la chags pa dang / sdug bsngal gyi tshor ba 'dor bar 'dod pa 'byung ste/ de'i phyir de'i 'og tu tshor ba'o/ /chags pa las tshor ba bde ba dang / rgyun tu 'grogs par smon pa skye ste/ de bas na de'i 'og tu srid pa'o//smon pa las de tshol ba la brtson pa 'byung ste/ de bas na de'i 'og tu len pa'o/ /len pa'i dus na nyon mongs pa 'phel la/ nyon mongs pa 'phel ba la yang srid pa'i las byed de/ de bas na de'i 'og tu srid pa'o/ /las dang nyon mongs pa 'du byas na lam rgyud lngar 'byung bar 'gyur te/de bas na de'i 'og tu skye ba'o/ /skye nas sdug bsngal rnam pa sna tshogs 'byung bas na de'i 'og tu rga shi'o/ /de'i phyir na rim pa de ltar bkod do/ /rten cing 'brel te 'byung ba bstan pa'i 'og tu/ 'phags pa'i bden pa bzhi smos pas/ ji ltar smos pa bzhin bshad par 'dod nas dris pa//de la 'phags pa'i bden pa bzhi gang zhe na zhes bya ba la sogs pa'o/ /de la zhes bya ba ni dgar ba'i tshig ste/ dbang po nyi shu rtsa gnyis la sogs pa las kyang / bden pa bzhis je bkar te bstan to zhes bya ba'i don to/ /bcom ldan 'das kyis ci'i phyir 'phags pa'i bden pa bzhi gsungs she na/'di ltar ston par khas 'ches pas kun tu rgyu dang / gcer bu pa dang / mi'i thod pa can dang / gzhung med pa la sogs pa rang rang gi chos kyi khyad par sgrogs shing ston pa na/ bdag gi chos ni yang dag pa'i bden pa phyin ci ma log pa yin gyi gzhan dag gi ni ma yin zhes phyin ci log la mngon pa'i nga rgyal byed par gzigs nas/bde ba la rmongs pa de dag la don dam pa bstan par bya ba'i phyir 'phags pa'i bden pa bzhi gang zhe na zhes bya ba la sogs pa gsungs so/ /yang na gsung rab 'dir zhugs nas khyim na gnas pa'i mtshan ma ni yongs su btang /dge sbyong gi mtshan ma ni bzung / dgon par gnas pas ni dge sbyor ngo zhes/ tshul khrims kyi yon tan ni yang dag par 'dzin/ yo byad rnying pa la ni gnas/ ngo tsha dang khrel yod pas ni bsdams/ dbang po rnams yul la 'jug pa'i sgo ni bkag kyang thos pa'i shes rab dang mi ldan pas/bdag ni dge sbyong ngo zhes nges pa skyes pa rnams kyis mngon pa'i nga rgyal spangs shing don dam pa'i dge sbyong bsten par bya ba'i phyir ro/ /'phags pa'i bden pa bzhi gang zhe na zhes bya ba la sogs pa gsungs te/ gsung rab 'di las bden pa khong du chud pa nyid don dam pa'i dge sbyong yin par dgongs pa'o//yang na mi khom brgyad po yongs su spangs pa dang / sngon gyi de bzhin gshegs pa rnams la bsnyen bkur byas pa'i dge ba'i rtsa ba'i me tog gi dris rgyud yongs su bsgos pas/ 'bras bu thob pa'i tshogs yang dag par bsags shing bsam pa dang sbyor ba rab tu dag pa 'phags pa'i bden pa khong du chud par 'gyur ba'i skal ba can rnams kyi don du/bcom ldan 'das kyis 'phags pa'i bden pa bzhi gang zhig ce na zhes bya ba'i mdo 'di gsungs so/ /yang na ngan song rnams kyi sdug bsngal mi bzad pa thob pas/ yid kyi skrag par 'gyur ba rnams la/ de mi 'gro bar rgyu bstan par bya ba'i phyir/ bden pa bzhi gsungs te/ ci'i phyir zhe na/ 'di ltar mnar med pa dang / rab tu 'joms pa dang / 'o dod 'bod pa dang / 'o dod cher 'bod pa dang / tsha ba dang rab tu tsha ba la sogs pa'i sems can dmyal bar skyes pa rnams/dbang med par lcags kyi skam pas kha phye nas/ lcags kyi gong bu dang / lcags kyi khu ba blud pa'i dus na sna dang spyi bo la sogs par me lce rab tu 'bar ba'i sdug bsngal myong ba dang / gzhan yang yi dgas su skyes pa rnams skom pa dang / bkres pa'i sdug bsngal gyis non pas rgyun mi chad par zos shing 'thungs kyang /chog pa'i dus med na zlog pa lta ci smos/ de dag sngon gyi las kyi rnam par smin pas mnar ba'i phyir/ chu 'dod pa'i don du song ba las kyang chu rnams bskam par 'gyur ba'am/ rnag dang chu ser la sogs pa mi gtsang ba rab tu dri mi zhim pa rnams kyis gang bar 'gyur ba dang /me tog gi shing rnams kyang me tog med par 'gyur ba dang / 'bras bu'i shing rnams kyang 'bras bu med par 'gyur ba la sogs pa sdug bsngal dpag tu med pa myong bar 'gyur pa dang / gang dag byol song du skye ba rnams bcings pa dang /bsad pa dang gcig la gcig phan tshun za ba la sogs pa'i sdug bsngal 'byung bar dogs pas rtag tu yid mi bde bar gnas pa rnams la ngan song gsum du mi 'gro ba'i rgyu bstan par bya ba'i phyir/ 'phags pa'i bden pa bzhi gsungs te/ bden pa bzhi yang dag pa ji lta ba bzhin du khong du chud nas/de dag thams cad ngan song gi sdug bsngal las thar bar 'gyur ro/ /de la 'phags pa'i bden pa'i don gang zhe na/ 'phags pa zhes bya ba ni/ gang bdag la dbang du gyur pa la bya ste/ 'di ltar sangs rgyas dang / 'phags pa nyan thos chen po la sogs pa ni sems la dbang thob pas 'phags pa zhes bya la/so so'i skye bo rnams ni nyon mongs pa'i dbang du gyur pas 'phags pa ma yin pa zhes bya'o/ /bden pa ni phyin ci ma log pa 'am/ ma nor ba'am/ yang dag pa'i don te/ 'phags par 'gyur ba'i bden pa ni 'phags pa'i bden pa'o//yang na 'phags pa rnams kyis bshad pa'i bden pa ni 'phags pa'i bden pa'o/ /'o na so so'i skye bo rnams kyis bshad pa 'phags pa'i bden par mi 'gyur ram zhe na/ lan du de dag thams cad kyang 'phags pa de bzhin gshegs pa la sogs pa'i byin gyi rlabs kyis 'chad pa dang /'phags par 'gyur ba'i rgyu ston pas na 'phags pa'i bden pa zhes bya'o/ /yang na 'di dag 'phags pa rnams la bden pas na/ 'phags pa'i bden pa zhes bya'o/ /brgal ba/ so so'i skye bo rnams la 'di dag brdzun pa yin nam zhe na/ smras pa 'di dag 'phags pa yin yang rung /byis pa yang rung ste/ thams cad la sdug bsngal ba la sogs pa'i mtshan nyid du phyin ci ma log pas/ kun la yang 'phags pa'i bden pa zhes bya'o/ /de ste kun la yang bden na/ ci'i phyir/ 'phags pa rnams kyi bden pa zhes brjod ce na/ smras pa/ 'phags pa rnams kyis sdug bsngal ba la sogs pa yin par yang dag pa ji lta ba bzhin du gzigs kyi/ so so'i skye bo rnams kyis ni/ yang dag pa ji lta ba bzhin du mi mthong bas/ 'phags pa rnams la bden pa zhes bya'o/ /de bas na mdo dag las bshad pa/ 'phags pa bden par gang gsungs pa/ /sdug cing bsngal bar gzhan gyis rig /gzhan gyis bden par gang smras pa/ /sdug cing bsngal bar 'phags pas rig /ces gsungs pa lta bu'o/ /yang / spu yi nyag ma ji ltar lag pa'i mthil du mi tshor ba/ /de nyid mig tu song bar gyur na mi dga' gnod pa skye//lag pa'i mthil 'dra byis pas 'du byed sdug bsngal nyag mi tshor/ /mig dang mtshungs pa'i mkhas pa de nyid kyis ni yid 'byung zab/ /ces gsungs te/ de ltar na nye bar len pa'i phung po lnga la sogs pa sdug bsngal ba yin par 'phags pa rnams kyis gzigs kyi/so so'i skye bo rnams kyis ni de ltar mi mthong ngo / /'o na ci'i phyir 'phags pa'i bden pa bzhi kho nar nges she na/ lta ba phyin ci log rnam pa bzhi yod pa'i phyir/ de'i gnyen por bden pa yang bzhi kho nar bshad de/ lta bu phyin ci log bzhi ni/ 'jig tshogs su lta ba dang /chad par lta ba dang / ther zug tu lta ba dang / bya ba med par lta ba'o/ /de la phung po lnga rnams la bdag tu lta ste/ 'jig tshogs su lta ba'i gnyen por sdug bsngal gyi bden pa bshad do/ /'dir phung po zhig nas tshe rabs gzhan du skye bar mi 'gyur ro zhes chad par lta ba'i gnyen por/kun 'byung gi bden pa bshad de/ ji srid du las dang nyon mongs pa yod kyi bar du phung po rgyun mi chad par ston pa'o/ /phung po lnga rtag par ther zug tu gnas so zhes lta ba'i gnyen por 'gog pa'i bden pa bshad de/ las dang nyon mongs pa spangs na phung po skye ba rgyun chad pas ther zug ma yin no zhes bya bar bstan to//dge ba gzhan gyis byas kyang 'bras bu gzhan gyis myong bar 'gyur ro zhes ma byas par/ lta ba'i gnyen por lam gyi bden pa bshad de/ gang gis lam bsgoms pa de nyid rnam par thar par 'gyur gyi gzhan gyis lam bsgoms pas gzhan thar par ni mi 'gyur te/gal te de ltar gyur na ni/ lhas byin gyis las byas pa rnams kyi 'bras bu mchod sbyin gyis myong ba'i skyon du 'gyur ro/ /yang na phyin ci log tu khong du chud pa rnam pa bzhi'i gnyen por/ bden pa bzhi kho nar bshad de/ phyin ci log rnam pa bzhi ni 'bras bu phyin ci log tu khong du chud pa dang /rgyu phyin ci log tu khong du chud pa dang / thar pa phyin ci log tu khong du chud pa dang / de'i thabs phyin ci log tu khong du chud pa'o/ /de la 'bras bu phyin ci log tu khong du chud pa zhes bya ba ni/ sred pa dang / nga rgyal dang / las kyi 'bras bur gyur pa'i phung po dang /khams dang skye mched rnams mi gtsang ba'i snod ltar mi gtsang ba rnam pa sna tshogs kyi rang bzhin can/ sdug bsngal gyi sdug bsngal dang / 'gyur ba'i sdug bsngal dang / 'du byed kyi sdug bsngal gyi mes rtag tu bsreg pa mi rtag pa'i rdo rjes rgyun du bcom pa/bdag dang bdag gir byed pa po dang / tshor ba po la sogs pa dang bral ba la/ gtsang ba dang / bde ba dang / rtag pa dang / bdag tu 'dzin pa dang / de bzlog par bya ba'i phyir/ sdug bsngal 'phags pa'i bden pa gsungs so/ /rgyu phyin ci log tu khong du chud pa zhes bya ba ni/phyi dang nang gi dngos po 'di dag thams cad tshangs pa dang / dbang phyug dang / skyes bu dang / rang bzhin dang / dus dang rgyu med pa la sogs pa las skye bo zhes mi mthun pa'i rgyu dang rgyu med par smra ba bzlog par bya ba'i phyir/ kun 'byung gi bden pa gsungs so/ /thar pa phyin ci log tu khong du chud pa zhes bya ba ni/gtogs 'dod kyi lugs dang bdag dang / rdul dang mun pa dang / sems can gsum cha mnyam na gtso bo zhes bya ba mthong bar gyur pa'am/ dbang phyug chen po mnyes par byas nas/ thar pa dang mtho ris 'thob po zhes smra ba ste/ de bzlog par bya ba'i phyir 'gog pa'i bden pa gsungs so//de'i thabs phyin ci log tu khong du chud pa zhes bya ba ni gang dag me tog dang / 'bras bu dang / rtsa ba dang / sdong po la sogs pa kha zas rtsub po za zhing / rtswa dang 'dab ma dang / shing leb dang tsher ma dang / thal ba la sogs pa nyal bar gnas bcas pas thar bar 'gyur ro zhes smra ba dang /me lnga'i dka' thub dang / zas bcad pa dang / brag kha nas mchongs pa la sogs pas thar par 'gyur ro zhes smra ba ste/ de bzlog par bya ba'i phyir/ lam gyi bden pa bshad do/ /yang na kun nas nyon mongs pa dang / rnam par byang ba'i 'bras bu dang /rgyu phyin ci ma log par bstan pa'i phyir ro/ /'phags pa'i bden pa bzhi kho nar bshad de/ kun nas nyon mongs pa'i 'bras bu phyin ci ma log par bstan pa ni sdug bsngal gyi bden pa ste/ de ni ji snyed du kun nas nyon mongs pa'i chos thams cad kyi 'bras bu ni sdug bsngal yin pa'i phyir ro//kun nas nyon mongs pa'i chos rnams kyi rgyu phyin ci ma log par bstan pa'i phyir/ kun 'byung gi bden pa bshad de/ las dang nyon mongs pa ni kun nas nyon mongs pa'i chos rnams kyi rgyu yin pa'i phyir ro/ /rnam par byang ba'i chos rnams kyi 'bras bu phyin ci ma log par bstan par bya ba'i phyir/'gog pa'i bden pa bshad de/ mya ngan las 'das pa ni byang chub kyi phyogs kyi chos rnams kyi 'bras bu yin pa'i phyir ro/ /rnam par byang ba'i chos rnams kyi rgyu phyin ci ma log par bstan pa'i phyir/ lam gyi bden pa bshad de/ 'phags pa'i lam yan lag brgyad pa ni mya ngan las 'das pa'i rgyu yin pa'i phyir ro/ /yang na mngon pa'i chos las 'khor ba la nyes pa dang bcas pa dang / mya ngan las 'das pa la rjes su bsngags pa dang bcas par mthong ba rnams/ 'khor ba las yang dag par 'byung bar bya ba'i phyir brtson 'grus rtsom mo zhes bshad de/de la 'khor ba la nyes pa dang bcas pa mthong ba 'grub par byed pa ni/ sdug bsngal gyi bden pa mthong ba ste/ khams gsum pa rnams sdug bsngal rnam pa brgyad dang ldan par mthong na 'khor ba'i chos rnams la nyes pa dang bcas par lta'o//'khor ba'i nyes pa rnams skyed par byed pa'i rgyu ni/ srid pa'i mtshan nyid kun 'byung ste/ sred pa'i dbang gis 'khor ba'i sdug bsngal rnams skye ba'i phyir ro/ /mya ngan las 'das pa la rjes su bsngags pa dang bcas par mthong ba 'grub par byed pa ni/ 'gog pa'i bden pa mthong ba ste/'gog pa la zhi ba dang / gya nom pa la sogs par mthong nas mya ngan las 'das pa la yon tan du blta'o/ /mya ngan las 'das pa de thob par byed pa'i rgyu ni lam gyi bden pa ste/ lam bsgoms pa'i mthus mya ngan las 'das pa mngon du 'gyur bas so/ /yang na 'jig rten dang /'jig rten las 'das pa'i 'bras bu dang / rgyu rnam par gzhag pa'i phyir bden pa bzhi nyid du bshad do/ /de la 'jig rten pa'i chos kyi 'bras bu ni/ sdug bsngal gyi bden pa'o/ /de'i rgyu ni kun 'byung gi bden pa'o/ /'jig rten las 'das pa'i chos kyi 'bras bu ni/ 'gog pa'i bden pa'o//de'i rgyu ni lam gyi bden pa'o/ /yang na mngon par chud pa'i dbang du byas na yang / mdo las bden bzhi kho nar bshad de/ ji lta zhe na/ phung po rnams la mi rtag pa la sogs par yang dag par reg pas reg par byed pa ni/ sred pa ma bskyed pa rnams ni mi bskyed la bskyed pa rnams ni spang ngo zhes gsungs pa la phung po ni sdug bsngal gyi bden pa'o//sred pa ni kun 'byung gi bden pa'o/ /ma bskyed pa ni mi bskyed pa dang bskyed pa spong ba ni 'gog pa'i bden pa'o/ /mi rtag pa la sogs par yang dag par reg par byed pa ni lam gyi bden pa'o/ /yang na kun nas sbyor bar byed pa'i chos rnams la nyes pa dang bcas par rjes su lta ba rnams sred pa ma lus par 'gog go zhes gsungs te/de la nyon mongs pa'i tshogs kun la sbyor ba'i chos rnams ni sdug bsngal gyi bden pa'o/ /sred pa kun 'byung gi bden pa'o/ /sred pa ma lus par 'gags pa ni 'gog pa'i bden pa'o/ /nyes pa dang bcas pas rjes su lta ba ni lam gyi bden pa'o//yang na shes par bya ba dang / spang bar bya ba dang / mngon par bya ba dang / bsgom par bya ba'i chos rnams bstan par bya ba'i phyir/ bden pa bzhi nyid du bshad do/ /de la sdug bsngal gyi bden pa ni shes par bya ba'o/ /kun 'byung gi bden pa ni spang bar bya ba'o/ /'gog pa'i bden pa ni mngon du bya ba'o//lam gyi bden pa ni bsgom par bya ba'o/ /yang na nye bar len pa'i phung po'i rang bzhin mngon par shes pa dang / kun shes pa na chags pa gtong bar byed de zhes gsungs te/ de la nye bar len pa'i phung po ni sdug bsngal gyi bden pa'o/ /chags pa ni kun 'byung gi bden pa'o//chags pa gtong ba ni 'gog pa'i bden pa'o/ /mngon par shes pa ni mthong ba'i lam gyi phung po mi rtag pa la sogs pa shes pa'o/ /kun tu shes pa ni bsgom pa'i lam gyi mi rtag pa la sogs par shes pa ste/ de ni lam gyi bden pa'o/ /'o na ci'i phyir/ 'phags pa'i bden pa 'di rnams dang por sdug bsngal 'phags pa'i bden pa bshad la/de'i 'og tu kun 'byung gi bden pa/ de nas 'gog pa'i bden pa/ de nas lam ste/ rim pa 'di ltar ci'i phyir bkod ce na/ lan du bsgom pa dang rags pa'i rim pas rim par bkod de/ phung po lnga ni sdug bsngal rnam pa sna tshogs kyi gnas su gyur par/kun la yang mngon sum ste/ gsal bas na dang por sdug bsngal gyi bden par bshad do/ /de ltar sdug bsngal bar mthong na/ de nas de'i rgyu gang zhes rtogs pas na/ de'i 'og tu kun 'byung gi bden pa'o/ /de ltar na sdug bsngal gyi phung po de dag gang du 'gag par 'gyur zhes rtog pa la mya ngan las 'das na/sdug bsngal 'gag par 'gyur ro zhes bstan pa'i phyir/ de'i 'og tu 'gog pa'i bden pa'o/ /'gog pa de ji ltar thob par 'gyur zhes rtog pa bsal ba'i phyir/ de'i 'og tu lam gyi bden pa bshad do/ /yang na 'khor ba thog ma med pa nas/ skye ba dang rga ba la sogs pa don med pa'i tshogs ni sdug bsngal gyi bden pa'o//don med pa'i tshogs kyi rtsa ba ni/ /kun 'byung gi bden pa'o/ /don med pa'i tshogs bcom pa ni/ 'gog pa'i bden pa'o/ /don med pa'i tshogs kyi rtsa ba 'joms pa ni/ lam gyi bden pa'o/ /yang na khur lta bu ni sdug bsngal gyi bden pa'o//khur len pa ni kun 'byung gi bden pa'o/ /khur bor ba ni 'gog pa'i bden pa'o/ /khur len pa bor ba ni lam gyi bden pa'o/ /yang na kun tu sbyor bar byed pa'i chos kyi phung po rnams ni sdug bsngal gyi bden pa'o/ /'dod chags la sogs pa kun tu sbyor bar byed pa ni/kun 'byung gi bden pa'o/ /kun tu sbyor bar zad par byed pa ni 'gog pa'i bden pa'o/ /phung po la nyes dmigs su mthong ba ni lam gyi bden pa'o/ /yang na 'gro ba lnga rnams ni sdug bsngal gyi bden pa'o/ /las dang nyon mongs pa ni kun 'byung gi bden pa'o/ /'gro ba med pa ni 'gog pa'i bden pa'o//'gro ba'i rgyu las dang nyon mongs pa 'joms pa ni lam gyi bden pa'o/ /yang na 'brog dgon par zhugs pa bzhin du 'khor ba'i 'brog dgon pa na ngan song gsum la sogs pa'i 'jigs pa ni sdug bsngal gyi bden pa'o/ /'jigs pa sna tshogs kyi rgyu las la chags pa ni kun 'byung gi bden pa'o//'jigs pa med pa'i grong khyer mya ngan las 'das pa ni 'gog pa'i bden pa'o/ /mya ngan las 'das pa'i grong khyer du phyin par byed pa'i rgyu ni lam gyi bden pa'o/ /yang na 'bras bu'i chos thams cad ni/ sdug bsngal gyi bden pa'o/ /rgyu'i chos thams cad ni kun 'byung gi bden pa'o//'bras bu'i chos bcom pa ni 'gog pa'i bden pa'o/ /rgyu'i chos 'joms par byed pa ni lam gyi bden pa'o/ /yang na myu gu lta bu ni sdug bsngal gyi bden pa'o/ /sa bon lta bu ni kun 'byung gi bden pa'o/ /myu gu'i chos dang bral ba'i gnas ni 'gog pa'i bden pa'o//sa bon gyi chos 'jig par byed pa ni lam gyi bden pa'o/ /yang na nad lta bu ni sdug bsngal gyi bden pa'o/ /bad kan dang mkhris pa la sogs pa nad kyi rgyu lta bu ni kun 'byung gi bden pa'o/ /nad med pa lta bu ni 'gog pa'i bden pa'o/ /sman lta bu ni lam gyi bden pa'o//yang na me bzhin du sdug bsngal gyi gdung ba sna tshogs dang ldan pa ni sdug bsngal gyi bden pa'o/ /me skyed pa'i rgyu shing lta bu ni kun 'byung gi bden pa'o/ /me zhi bar gyur pa lta bu ni 'gog pa'i bden pa'o/ /me zhi bar byed pa'i rgyu chu lta bu ni lam gyi bden pa'o/ /yang sdug bsngal gyi bden pa ni 'dis dgra bzhin du sdug bsngal rnam pa sna tshogs skyed pas dgra lta bu ni sdug bsngal gyi bden pa'o//sngon gyi kho na lta bur gyur pa ni kun 'byung gi bden pa'o/ /khams gsum gyi gnod pa kun dang bral bas/ dgra'i gnod pa dang bral ba lta bu ni 'gog pa'i bden pa'o//khon sbyangs pa lta bu ni lam gyi bden pa'o/ /yang na nyes pa kun gyi gzhir gyur pas ras lta bu ni sdug bsngal gyi bden pa'o/ /dri ma lta bu ni kun 'byung gi bden pa'o/ /dri ma dag par gyur pa lta bu ni 'gog pa'i bden pa'o/ /dri ma dag par byed pa'i rgyu chu dang khrus rtsi lta bu ni lam gyi bden pa'o//yang na bu lon chags pa'i sdug bsngal dang ldan pa lta bu ni sdug bsngal gyi bden pa'o/ /dbul ba lta bu ni kun 'byung gi bden pa'o/ /bu lon sbyangs pa lta bu ni 'gog pa'i bden pa'o/ /gter rnyed pa lta bu ni lam gyi bden pa'o/ /yang na tsha ba'i gdung bas phongs pa lta bu ni sdug bsngal gyi bden pa'o//tsha ba'i gdung bskyed par byed pa'i rgyu me lta bu ni kun 'byung gi bden pa'o/ /gdung ba dang bral ba lta bu ni 'gog pa'i bden pa'o/ /gdung ba sel bar byed pa'i sman tsan+dan dang ga bur la sogs pa lta bu ni lam gyi bden pa'o//yang na dug zos pa'i skyes bu dug g.yos pa'i sdug bsngal myong ba lta bu ni sdug bsngal gyi bden pa'o/ /dug lta bu ni kun 'byung gi bden pa'o/ /dug bcom pa lta bu ni 'gog pa'i bden pa'o/ /dug sman lta bu ni lam gyi bden pa'o/ /yang na sdug bsngal rnam pa gnyis te/mi mdza' ba dang phrad pa dang / mdza' ba dang bral ba'o/ /des kyang gnas gnyis la gnod par byed de/ lus kyi gnas dang / sems kyi gnas so/ /kun 'byung gi bden pa yang rnam pa gsum ste/ sred pa dang lta ba dang las so/ /de la sred pa dang lta bas ni khams gsum du skye ba'i rgyu byed do//las dge ba dang mi dge bas ni der bde ba dang sdug bsngal bar 'gyur ba'i rgyu byed do/ /'gog pa yang rnam pa gsum ste/ lta ba la gnas pa rnams kyis bdag tu lta ba la sogs pa'i rgyu las byung ba ni nyon mongs pa spangs pa'i 'gog pa dang / 'dod pa la gnas pa rnams kyis 'dod pa'i khams kyi 'dod pa'i yon tan lnga la chags pa spangs pa'i mtshan nyid kyi 'gog pa dang /srid pa'i 'dod chags la gnas pa rnams kyis gzugs dang gzugs med pa'i khams kyi nyon mongs pa spangs pa'i mtshan nyid kyi 'gog pa'o/ /lam rnam pa bzhi ste/sbyor ba'i lam dang / mthong ba'i lam dang / bsgom pa'i lam dang / byas pa rig pa'i lam mo/ /de la sbyor ba'i lam ni so so'i skye bo'i dus na tshul khrims la gnas pa dang / yo byad bsnyungs pa dang / kha zas la tshod rig pa dang / nyan pa dang / bsam pa la sogs pa la brtson pa'i tshogs sbyor ba dang /drod dang / rtse mo dang / bzod pa dang / 'jig rten gyi chos kyi mchog ste/ nges par 'byed pa'i chos bzhi po 'di dag ni sbyor ba'i lam mo/ /rgyun du zhugs pa'i 'bras bu thob pa'i dus na 'phags pa'i bden pa bzhi phyin ci ma log par mthong ba ni mthong ba'i lam mo//lan cig phyir 'ong ba dang / phyir mi 'ong ba'i 'bras bu'i dus na bden pa mthong ba de nyid la goms par byed pa ni bsgom pa'i lam mo/ /dgra bcom pa'i 'bras bu'i dus na ngas bya ba ni byas/ khur ni bor/ skye ba ni zad/ srid pa ni 'di las gzhan mi shes so zhes khong du chud pa ni byas pa rig pa'i lam mo//yang na 'phags pa'i bden pa rim pa 'di ltar bkod pa yang rnal 'byor pa rnams kyis 'phags pa'i bden pa ji ltar rtog pa'i rim pas bcom ldan 'das kyis kyang rim pa 'di ltar bshad de/ bden pa gang la dang por rtog pa de nyid thog mar bshad do//de la rnal 'byor pas dang por las dang nyon mongs pa'i 'bras bur gyur pa sdug bsngal rnam pa sna tshogs kyi gzhi sdug bsngal gyi bden pa la rtog ste/ rtog pa'i tshul yang sdug bsngal gang la chags pa dang / gang gis sdug bsngal ba dang /sdug bsngal la gang las thar bar smon pa skye ste/ gang sdug bsngal zhe na/ phung po lnga sdug bsngal lo/ /gang gis sdug bsngal zhe na/ phung po lnga nyid kyis gnod cing sdug bsngal ba'o/ /gang las thar par 'dod ce na/ sdug bsngal nyid las thar bar 'dod de/ de'i phyir dang por sdug bsngal gyi bden pa bshad do//sdug bsngal de gang las byung zhes brtags na/ las dang nyon mongs pa'i rgyu las byung bar mthong ste/ de bas na de'i 'og tu kun 'byung gi bden pa bshad do/ /de ltar sdug bsngal de gang du 'gag par 'gyur zhes brtags na/ nam mya ngan las 'das pa'i gnas thob pa'i tshe 'gag par mthong ste/de bas na de'i 'og tu 'gog pa'i bden pa bshad do/ /de bas na 'gog pa de rgyu gang gis 'thob ces brtags na/ 'phags pa'i lam yan lag brgyad pa bsgrubs pas thob par mthong ste/ de bas na de'i 'og tu lam gyi bden pa gsungs so//de yang dper na sman pas nad pa'i nad sbyong ba la zhugs pa na/ nad dang nad kyi gzhi dang / nad med pa dang sman gang yin tshol ba dang 'dra'o/ /sman pa dang por nad sbyong bar zhugs pa na/ nad nyid gang yin pa la rtog go/ /de'i 'og tu kha zas la sogs pa nad kyi rgyu gang las byung ba'i nad kyi gzhi la rtog go//de nas nad de gsor rung mi rung zhes nad med pa la rtog go/ /de'i 'og tu nad de'i sman gang yin zhes sman la rtog go/ /de bzhin du mdo sde 'di las kyang bden pa rnams kyi rim pa 'di dang sbyar nas bshad de/ji ltar zhe na dper na yan lag bzhi dang ldan pa'i sman pa ni/ zug rngu thams cad 'byin pa'i rgyal po la 'os pa/ rgyal po'i rkyen du gyur pa/ sman pa'i rgyal po zhes bya ba'i grangs su 'gro ba ste/ yan lag bzhi gang zhe na/ gnod pa la mkhas pa yin/ gnod pa'i rgyu la mkhas pa yin/gnod pa spong ba la mkhas pa yin/ gnod pa spangs pa yang phyis mi skye ba la mkhas pa yin no/ /de ltar de bzhin du yan lag bzhi dang ldan pa'i de bzhin gshegs pa dgra bcom pa yang dag par rdzogs pa'i sangs rgyas kyang sman pa bla na med pa/zug rngu thams cad 'byin pa zhes bya ste/ yan lag bzhi po gang zhe na/ 'di la dge slong dag de bzhin gshegs pa dgra bcom pa yang dag par rdzogs pa'i sangs rgyas te/ 'di ni sdug bsngal gyi bden pa'o zhes yang dag pa ji lta ba bzhin du rab tu mkhyen to/ /'di ni sdug bsngal kun 'byung gi bden pa'o//'di ni sdug bsngal 'gog pa'i bden pa'o/ /'di ni sdug bsngal 'gog par 'gro ba'i lam gyi bden pa zhes yang dag pa ji lta ba bzhin du rab tu mkhyen to zhes gsungs pa lta bu'o/ /de ltar bden pa bzhi mdo tsam du bstan pa nyid rgyas par bshad par bya ba'i phyir/sdug bsngal 'phags pa'i bden pa gang zhe na zhes bya ba la sogs pa gsungs so/ /de la smras pa ci'i phyir mdo tsam du bstan nas rgyas par bshad ce na/ slob ma rnam pa gnyis te/ mdo tsam du bstan pa la dga' ba dang / rgyas par bshad pa la dga' ba'o//de la 'phags pa shA ri'i sras po lta bu mdo tsam du bstan pa la dga' ba rnams kyi ched du 'phags pa'i bden pa bzhi gang zhe na/ zhes bya ba nas/ sdug bsngal 'gog par 'gro ba'i lam gyi 'phags pa'i bden pa'o zhes bya ba'i bar du mdor bsdus nas/bka' stsal to/ /gang 'phags pa dga' ba can la sogs pa lta bu rgyas par bshad pa la dga' ba rnams kyi don du sdug bsngal 'phags pa'i bden pa gang zhe na/ zhes bya ba la sogs pa spros te gsungs so/ /yang na 'dul ba rnam pa gnyis te/ rgyu'i stobs can dang / rkyen gyi stobs can ni 'phags pa 'od srungs lta bu ste/ tshe rabs snga ma la dge ba'i rtsa ba phal cher bsags pa rgyud yongs su smin par gyur pa ste/ de dag la ming tsam smos pas kyang don rgya cher khong du chud par 'gyur bas na/ de'i rgyu'i stobs can rnams kyi ched du mdo tsam bstan to//rkyen gyi stobs can ni dge ba'i bshes gnyen gyis bstan dgos pa ste/ de dag la rgya cher bshad pa med na/ khong du chud par mi nus pa'i phyir spros te bshad do/ /yang na dbang po rnam pa gnyis te/ dbang po rnon po dang / rtul po'o/ /de la dbang po rnon po rnams kyi don du mdo tsam du bstan to//dbang po rtul po rnams kyi don du spros te bshad do/ /yang nyan thos rnam pa gnyis te/ thos pa mang po dang / thos pa nyung ngu'o/ /thos pa mang po rnams la ni mdo tsam du bstan to/ /thos pa nyung ngu rnams la ni spros te bshad do/ / rten cing 'brel te 'byung ba la sogs pa'i don bsdus te bstan pa dang / spros te bshad pa'i skabs su yang lan 'dis glan no/ /sdug bsngal 'phags pa'i bden pa zhes bya ba la/ sdug bsngal bar 'phags pa rnams kyi thugs su chud pas/ sdug bsngal 'phags pa'i bden pa'am/sdug bsngal 'khor bar khong du chud na 'phags par 'gyur bas sdug bsngal 'phags pa'i bden pa ste/ bden pa ni sdug bsngal bar ma nor/ sdug bsngal bar yang dag pa'i phyir sdug bsngal 'phags pa'i bden pa'o/ /de yang sdug bsngal skye ba la sogs pas sdug bsngal brgyad las skye ba ci'i phyir dang por bshad ce na/ji ltar tshul khrims ni 'jig rten dang / 'jig rten las 'das pa'i yon tan thams cad kyis dang po skye ba'i gzhi byed pa bzhin du/ skye ba yang rga ba dang na ba la sogs ba sdug bsngal lhag ma rnams kyi dang po skye ba'i rgyu byed pas na thog mar bshad do//yang na sdug bsngal rnam pa gnyis te/ rtsa ba'i sdug bsngal dang yal ga la sogs pa lta bur gyur pa'i sdug bsngal lo/ /de la rtsa ba'i sdug bsngal ni skye ba ste dga' ba la sogs par sdug bsngal lhag ma rnams kyi rtsa bar gyur ba'i phyir ro/ /yal ga la sogs pa lta bur gyur pa'i sdug bsngal ni/rga ba'i sdug bsngal la sogs pa lhag ma rnams te/ de dag ni skye ba'i rgyu las byung ba'i phyir ro/ /de la skye ba gang zhe na/ gang gong du rten cing 'brel te 'byung ba'i skabs su yang sems can de dang de rnams/ sems can gyi ris de dang de dag tu skye ba dang /kun skye ba dang / zhes bya ba la sogs pa gsungs pa ni skye ba yin no/ /yang na las dge ba dang mi dge ba la sogs pa'i khyad par sred pa la sogs pa'i nyon mongs pa'i bag chags dang 'grogs pa nying mtshams sbyor ba'i rgyur gyur pa'i shugs kyis sems can gyi ris de dang de dag tu phung po dang khams dang skye mched rab tu rnyed pa ni skye ba zhes bya'o//yang na skye ba rnam pa lnga ste/ 'phags pa'i chos khong du chud pa las skyes pa dang / mngal gyi gnas su skyes pa dang / rigs phun sum tshogs par skyes pa dang / ris mthun pa'i mtshan nyid du skyes pa dang / rab tu byung ba'i mtshan nyid du skyes pa'o//de la 'phags pa'i chos khong du chud pa las skye ba ni/ de bzhin gshegs pa'i gsung rab kyi don rtogs pa las/ sangs rgyas kyi sras su skye ba skyes pa ste/ mdo dag las thugs las skyes pa zhal nas skyes pa 'phags pa'i chos 'dul ba las skyes pa'o zhes gsungs pa lta bu'o//mngal gyi gnas su skyes pa ni yid kyi rnam par shes pa dang po nyid du mngal du zhugs nas/ mngal nas phyir ma byung gi bar du/ mer mer po las nur nur po byung ba dang / nur nur po las ltar ltar por gyur pa la sogs pa'o/ /rigs phun sum tshogs par skyes pa ni/ nor bu rin po che'i rigs in+d+ra nI lar gyur pa dang / in+d+ra nI la chen por gyur pa zhes bya ba lta bu'o/ /sems can gyi ris mthun pa'i skyes pa ni/ gang lus kyi yan lag 'dra bar gyur ba ste/ ba lang yang ba lang du ris mthun/ rta yang rtar ris mthun par gyur pa lta bu'o/ /rab tu byung bar skyes pa ni/ma'i mngal nas skyes nas phung po dang / khams dang skye mched la sogs par so sor rdzogs par gyur pa ste/ skye ba lnga las 'dir mngal gyi gnas su skyes pa dang / rab tu byung bar skyes pa gnyis su blta'o/ /ci'i phyir na skye ba sdug bsngal ba zhes bya ba skye na/ smras pa khams gsum gyi skye ba thams cad la/sdug bsngal rnam pa gsum gyis rtag tu sreg pas na/ skye ba sdug bsngal ba zhes bya'o/ /ji lta zhe na bsod nams ma yin pa'i rgyu las byung ba ngan song gsum la sogs pa'i ris su skyes pa rnams la ni/ sreg pa dang bcas pa la sogs pa sdug bsngal gyi yang sdug bsngal gyi mes rtag tu sreg par byed do//bsod nams dang bsod nams su nye bar 'gro ba'i 'du byed kyi rgyu las byung ba/ 'dod pa'i khams kyi mi dang lha la sogs par ris mthun par skyes pa rnams la ni/ 'gyur ba'i sdug bsngal gyi mes rtag tu sreg par byed do/ /bsod nams dang bsod nams ma yin par nye bar 'gro ba'i 'du byed las gzhan pa bsam gtan gyi mtshan nyid mi g.yo ba'i 'du byed kyi rgyu las byung ba dang gzugs dang gzugs med pa'i lha rnams kyi ris su skyes pa rnams la ni/'du byed kyi sdug bsngal gyi mes rtag tu sreg par byed do/ de dag kyang mi rtag pa'i chos dang ldan pa'i phyir ro//yang na shing skyes pa dang nags mes tshig cing tshal chus khyer ba la sogs pa 'byung bar 'gyur gyi shing ma skyes na ma yin pa bzhin du/ skye ba yod par gyur na/ bcad pa dang gshegs pa dang bcing ba dang bsad pa dang / bkres pa dang skom pa la sogs pa'i sdug bsngal 'byung bar 'gyur gyi/skye ba med na de dag mi 'byung ste/ de'i phyir yang skye ba sdug bsngal ba zhes bya'o/ /yang na skye ba zhes bya ba ni sdug bsngal mang po'i 'byung khungs/ mya ngan sna tshogs kyi 'byung gnas/ don med pa rnams kyi rtsa ba/ dga' ba'i rgyu 'ching ba'i gleng gzhi ni nad sna tshogs kyi skye mched/nyes pa du ma'i gter chen po/ nyams pa dang brlag par 'gyur ba'i gzhi/ lus dang sems la sha thang zhing mi bde ba skyed par byed pa'i zhing / nyon mongs pa sna tshogs kyi rgyu mthun par 'gyur ba/ 'phags pa rnams kyis smad pa/ byis pa rnams kyis rjes su bsngags pa/srid pa la dga' ba rnams mngon par dga' ba smon par byed pa'i gnas/ de bzhin gshegs pa rnams kyis thugs brtse bar byas pa'i yul yin pas na/ de'i phyir yang skye ba sdug bsngal ba'o/ /yang na mngal gyi gnas nas brtsams te/ 'chi ba'i rgya mtsho la thug gi bar du sdug bsngal rnam pa sna tshogs dang rgyun du 'grogs pa'i phyir yang skye ba sdug bsngal zhes bya'o//de yang ji lta zhe na/ dang po pha dang ma mi tshangs par kun tu spyod pa'i rgyu las/ khrag dang khu ba'i mi gtsang ba 'dres pa'i nang du rnam par shes pa zhugs nas brgyal ba'i tshe/ g.yang sa chen po nas ltung ste/ mun nag gi nang du zhugs pa bzhin du/ sdug bsngal ba dang / pha ma'i khrag dang khu ba las mer mer po dang / nur nur po dang / ltar ltar po la sogs pa rim gyis 'gyur zhing smin pa na yang 'bras smin pa bzhin du sdug bsngal dang ldan pa dang / dka' ba las yan lag dang nying lag so sor dod pa'i tshe yang phan tshun nas rkang lag brgyangs pa bzhin du sdug bsngal skyes pa dang /mngal gyi gnas na zhu ba dang / ma zhu ba'i bar na gnas pa'i tshe na yang ri gnyis kyi tham bar bcug pa bzhin du sdug bsngal ba dang / nam mas kha zas drod bag za ba dang / grang ba la sogs pa za ba dang / rgyug pa dang / mchong pa dang / rkang lag brkyang ba dang / bskum pa la sogs pa'i g.yo ba byed pa'i dus na yang sdug bsngal rnam pa sna tshogs myong ste/ mas kha zas tsha ba zos na ni/ mes bskor ba dang 'dra bar sdug bsngal/ grang ba za ba'i dus su ni gangs kyi ltongs su bor ba dang 'dra bar sdug bsngal/mchong ba'i dus na ni skyes bu stobs po ches bteg nas sa la drag tu brdabs pa dang 'dra bar sdug bsngal ba dang / nam ma'i mngal nas phyir byung ba'i tshe na yang 'khrul 'khor gyi bar nas drangs pa bzhin du/ shin tu btsir nas phyir 'byin pas rab tu sdug bsngal che ba'i phyir 'byung ba na yang /shin tu gzhon pa'i lus khrag dang / snabs la sogs pa'i nang du 'jam por btsa' btsa' ba/ lag pa dang chu la sogs pas reg pa'i tshe/ rma'i gseb tu tsha chu blugs pa dang 'dra bar mi bzad pa skye ba'i phyir skye ba'i sdug bsngal ba'o//rga ba'i sdug bsngal zhes bya ba la rga ba gang zhe na/ gang gong du spyi cer dang / skra dkar zhes bya ba la sogs pa gsungs pa de ni rga ba'o/ /yang na rga ba zhes bya ba ni/ lang tsho med par gyur pa dang / gzhon nu'i mthu rtsal nyams pa dang / 'byung ba chen po rnams bri ba dang / 'du byed rnams rnyings par gyur pa dang / yan lag dang nying lag gzhig pa dang / kha dog dang / dbyibs mi mdzes par byas pa dang / dbang po rnams nyam chung ba dang / dran pa dang / blo bri ba dang / 'chi ba la mngon du lta ba ni rga ba'o/ /yang na rga ba zhes bya ba'i chos kyis non na dngos po thams cad gzhan du 'gyur bar byed de/des kha gdong la non na ni gnyer ma mang ba dang / khabs nag pos khebs par byed do/ /des skra la non na ni skra dkar dang spyi cer du gyur par byed do/ /'byung ba chen po rnams la non na ni/ yan lag rnams lci ba dang zhig par byed do//skye mched rnams la non na ni dbang po rnams nyam chung bar byed de mi gsal bar mthong ba dang thos par 'gyur ro/ /lus la non na ni lus 'dar ba dang ldem ldem por byed do/ /sems la non na ni dran pa dang blo gros med par byed de/ sngon smras pa dang byas pa rnams kyang brjed par 'gyur ro//rgyab kyi tshigs su zhugs na ni des lus sgur bar 'gyur ro/ /rkang lag gi tshigs su zhugs na ni shing 'khyog po bzhin du ldem ldem por byed do/ /lang tsho'i lus gzhon nu dang bral bas 'du byed rnams rnying bar yang ston par byed de de ni rga ba'o/ /yang na rga ba rnam pa gnyis te/rten nyams pa'i mtshan nyid dang / brtan pa nyams pa'i mtshan nyid do/ /de la rten nyams pa'i mtshan nyid ni/ 'byung ba chen po bzhi las gyur ba'i sha dang khrag dang tshil dang / rus pa dang rkang la sogs pa bris pas/ de'i rgyu las rgyug pa dang / mchong ba dang / brkyang ba dang /bskum pa dang / 'ong ba dang / 'gro ba la sogs pa'i bya ba mi nus shing / lus kyi brtson 'grus dang stobs med par gyur pa'o/ /brten pa nyams pa ni mig la sogs pa'i dbang po nyams pas/ mig gsal bar mthong ba dang / thos pa dang / snom pa dang / myong ba 'gyur la/de'i rgyu las dran pa dang blo gros bri ba'i phyir/ sngon smras pa dang byas pa rnams kyang brjed cing sems kyi brtson 'grus dang mthu med par byed pa'o/ /ci'i phyir rga ba dang sdug bsngal ba zhes bya ba/ smras pa rga ba 'di zin par gyur na lus kyi yan lag la mi mdzes pa skyed par byed cing mdzes pa dang /stobs dang / brtson 'grus dang / dpa' ba dang / bstan pa dang / blo dang shes rab nyams par byas nas 'chi ba'i gnas skabs su 'khrid par byed de/ dper na gshed po rnams kyis gsad par bya ba'i skyes bu kha sna tshogs pa bcad cing bral nas gzugs la mi mdzes pa skyed cing bsad pa'i gnas su 'khrid par byed pa bzhin pas na/rga ba dang sdug bsngal ba zhes bya'o/ /yang na sngon lang tsho'i dus kyi tshe/ nye du gnyen bshes la sogs pa'i yid dga' bar byed pa 'gro ba bzang mo'i sems dang yid kyi rjes su mthun par byed cing / de dag gi yid 'phrog pas 'gro ba mang po'i yid du 'ong bas kha dog dang dbyibs mdzes pa shin tu gzhon nu'i gzugs/pad+mo ltar gyur pa de rga ba'i ser ba dang / sad kyis phog na zhum pa dang / 'khums pa dang / zhig pa dang / mi mdzes par gyur pas nye du gnyen bshes rnams kyang mi dga' bar gyur cing 'gro ba bzang mo rnams kyis kyang gtong bar byed pas na/de'i phyir yang rga ba sdug bsngal ba'o/ /yang na rga ba 'di ni kha dog dang dbyibs dang mjes pa med par byad pa dar la babs pa dang / nad med pa 'joms par byed pa/ stobs gang brtson 'grus dang mthu 'phrog pa/ dran pa dang blo gros dang thos pa dang /ye shes rnams nyams par byed pa'i rgyu dbang po rnams nyam chung bskyed par byed pa yin pa'i phyir yang rga ba sdug bsngal ba zhes bya'o/ /nad kyi sdug bsngal dang zhes bya ba la/ na ba gang zhe na/ sa la sogs pa'i khams mi mthun zhing shas che chung du gyur pa na na ba zhes bya ba ste/ nam sa la sogs pa'i khams mnyam na nad med pa'o/ /yang na na ba rnam pa gnyis te/ lus kyi nad dang sems kyi nad do/ /de la lus kyi nad kyang rnam pa gnyis te/ nang gi rkyen las byung ba dang / phyi'i rkyen las byung ba'o/ /de la nang gi rkyen las byung ba ni/ lus kyis la sogs pa'i 'byung ba chen po rnams 'khrugs pas gang gnod par 'gyur ba'o/ /phyi'i rkyen las byung ba ni dbyig pa dang / rdo ba la sogs pas phog nas gang gnod par byed pa'o/ /lus kyi nad de yang ming dang rgyu rkyen tha dad pa'i sgo nas rnam pa du mar gzhag ste/ de la ming ni shu ba dang sgong po dang / mdze dang / 'brum bu dang / 'bras dang rims dang / skyigs bu la sogs pa nad kyi ming rnam pa du mar btags pa'o/ /rgyu ni bad kan las byung ba dang / mkhris pa las byung ba dang / rlung las byung ba'o zhes bya ba la sogs pa'o/ /rten ni klad pa na ba dang /mig na ba dang / mgrin pa na ba zhes bya ba la sogs pa ste 'di ni lus kyi nad do/ /de la rgyas par dbye na nad kyi rnam grangs bzhi brgya rtsa bzhi'o zhes 'byung ba'o/ /yid kyi nad ni rnam par rtog pa rnam pa sna tshogs las skyes pa'i sems las gnod pa ste/ de yang nang gi dngos po la dmigs pa las byung ba dang /phyi'i dngos po la dmigs pa las byung ba ste rnam pa gnyis so/ /de la nang gi dngos po la dmigs pa las byung ba ni/ gang bdag gi lus nyid la dmigs pa ni/ sems mi bde ba dang / nyon mongs pa skyes par gyur ba'o/ /phyi'i dngos po la dmigs pa las byung ba ni/nye du bshes gnyen dang / 'dod pa'i yon tan la rtog rtog pa las sems mi bde ba dang / nyon mongs pa skyes par gyur pa'o/ /de yang ming dang rgyu dang rten gyi sgo nas rnam pa du mar gzhag ste/ ming ni 'dod chags dang zhe sdang dang gti mug dang khong khro ba dang phrag dog dang /khon du 'dzin pa zhes bya ba la sogs pa'o/ /rgyu ni mdzes pa'i rgyu las byung ba dang / khong khro ba'i rgyu las byung ba dang / de gnyi ga ma yin pa'i rgyu las byung ba'o/ /rten ni gzugs la chags pa dang / sgra la chags pa dang / dri la chags pa dang / ro la chags pa zhes bya ba la sogs pa ste/'dir ni lus kyi nad la bya bar dgongs pa yin no/ /ci'i phyir na sdug bsngal zhes bya zhe na 'di ltar nad 'dis zin na/ bdag gi lus la rnam pa du mar mi bde ba skyed par byed pa dang / tshe'i dbang po'i bar chad du 'gyur ba dang / gnad du gnod pas nyen par byed pas na/me dang dug dang mtshon lta bu yin pa'i phyir na sdug bsngal ba zhes bya'o/ /yang na nags mes tshig pa'i nang du chud pa'i mi dang dbang po la sogs pa me lce'i sdug bsngal rnam pa sna tshogs kyis phog pa na mi bzod pas phan tshun du 'khyam zhing skad cher phyung nas ba bzhin du na ba zhes bya ba sdug bsngal gyi sdug bsngal gyis phog pa na/skye bo rnams kyis mi bzod cing skad cher 'byin pa dang / ngu bar byed pa'i phyir na yang sdug bsngal ba'o/ /'chi ba sdug bsngal dang zhes bya ba la/ 'chi ba gang zhe na/ gang gong du sems can de dang de rnams/ sems can gyi ris de dang de dag las shi 'phos pa dang shi 'phos par gyur pa'o//zhes gang gsungs pa ni 'chi ba'o/ /yang na tshe'i dbang po dang drod dang rnam par shes pas lus btang ste/ tshe'i dbang po rgyun chad pa ni/ 'chi ba zhes bya ba'o/ /yang na sa la sogs pa'i 'byung ba chen po 'khrugs pas mig la sogs pa'i dbang po nyams par gyur pa'o//dbang po nyams na de la brten pa'i sems dang sems las byung ba rnams mi 'byung ngo / /sems dang sems las byung ba ma byung na shi ba zhes bya'o/ /yang na 'chi ba rnam pa gnyis te/ tshe zad nas shi ba dang / las zad nas shi ba'o//de la tshe zad nas shi ba ni/ tshe rabs gzhan na che'i 'du byed ji srid gnas par 'gyur ba'i las byas pa'i shugs zad nas shi ba'o/ /las zad nas shi ba ni sbyin pa la sogs pa'i bsod nams kyis las ma byas pas/ tshe 'dir bza' ba dang btung ba la sogs pa'i yo byad dang mi ldan pas shi bar gyur pa'o//yang na 'chi ba rnam pa gsum ste/ skad cig ma re re la 'chi ba dang / rgyu zad nas 'chi ba dang / nye bar bcom nas 'chi ba'o/ /de la skad cig ma re re la 'chi ba ni/ dang po mngal du zhugs pa nas brtsams te/ ris mthun pa'i tshe'i 'du byed rgyun ma chad kyi bar du/skad cig ma snga ma 'gags nas phyi ma skyes pa'i mtshan nyid do/ /rgyu zad nas shi ba ni tshe'i 'du byed zad pas ris mthun pa'i phung po rnams kyi rgyun chad par 'gyur ba'o/ /nye bar bcom nas shi ba ni/ dug dang me dang mtshon la sogs pa'i rkyen dang phrad nas shi bar gyur pa'o//ci'i phyir 'chi ba sdug bsngal ba zhes bya ba/ 'di ltar la la zhig 'bru dang gter rin po che dang / yo byad dang nye du gnyen bshes la sogs pa phun sum tshogs pa dang ldan pa las/ rgyal po la sogs pa dbang yod pa rnams kyis 'phrog nas ci yang med par byas pa bzhin du/'chi ba'i dus kyi tshe nye du gnyen bshes bral bar dga' ba rnams kyis mtha' bskor nas mig mchi mas bkang zhing dud mos skad 'gag par 'gyur ba dang / nor dang gter la sogs pa'i yo byad thams cad bor nas gcig pu mi dga' ba ma mos bzhin du dbang med par 'gro dgos pa'i phyir yang 'chi ba sdug bsngal ba'o//yang na bsod nams ma yin pa byas pa rnams mig la sogs pa'i dbang po lnga 'gag pa'i sdug bsngal mi bzad pa myong la/ gshin rje'i srin po dang / yi dgas la sogs pas mtha' bskor te/tshe'i dbang po ma chad par yang bcing ba dang / bsdigs pa la sogs pa'i sdug bsngal skyed par byed cing / 'tsho ba'i dbang po chad nas kyang dbang med par sems can dmyal ba'i gnas su 'khrid par byed pa'i phyir yang 'chi ba sdug bsngal ba'o//yang na 'chi ba zhes bya ba 'di ri rab bzhin du rlung gis kyang mi bskyod pa/ me bzhin du thams cad zad par byed pa/ zhe sdang can gyis skyes bu bzhin du rtag tu 'gro ba rnams la gnod pas gdung bar byed pa/ rgya mtsho'i rlabs bzhin du dus las mi 'da' ba/ rdo rje bzhin du phung po'i ri bo 'joms par byed pa/rlung lta bur spungs pa rnams snyil bar byed pa/ ser ba bzhin du tshe'i 'du byed 'jig par byed pa/ sdig can bzhin du snying rje med pa/ glang po che bzhin du rgyal bar dka' ba/ dpa' bo bzhin du gzhan 'joms pa/ dus bzhin du gdon mi za bar 'byung ba ste/de'i phyir 'chi ba sdug bsngal ba'o/ /mdo gzhan dag las skye ba'i rkyen gyis 'chi ba dang / bag med pas 'chi ba dang / tshul khrims ngan pas 'chi ba zhes gsungs pa de dag la khyad par ci yod ce na/ smras pa/ shes rab kyi dbang po 'chal bas na/bag med pas 'chi ba'o/ /tshul khrims rnam par dag pa dang bral ba'i phyir tshul khrims ngan pas shi ba'o/ /tshe'i dbang po rgyun chad pas na/ skye ba'i rkyen gyis shi ba'o/ /yang na dam pa'i chos nyan pa dang / bsam pa dang / sgom pa mi byed pa'i phyir/ bag med pas 'chi ba'o//dge slong gi dngos po dang bral ba'i phyir/ tshul khrims ngan pas shi ba'o/ /ris mthun pa dang skal ba gcig pa dang bral ba'i phyir/ skye ba'i rkyen gyis shi ba'o/ /mdza' ba dang bral ba'i sdug bsngal dang zhes bya ba la/ gang sems can gyi grangs sam sems can ma yin pa'i grangs su gtogs pa'i yul yid du 'ong ba rnams dang bral bar gyur pa ni mdza' ba dang bral ba zhes bya'o//yang na bdag nyid kyi lang tsho dang / nad med pa dang tshe ring ba dang / rigs dang / gzugs bzang ba dang / phyug pa dang / longs spyod dang bral bar gyur ba dang /nye du gnyen bshes rnams dang bye bar gyur ba ni/ mdza' ba dang bral bar gyur ba zhes bya'o/ /yang na tshul khrims can rnams dge ba'i las yongs su nyams par 'gyur ba ni mdza' ba dang bral ba'o/ /yang na tshor ba rnam pa gsum las bde ba'i tshor ba dang bral bar gyur pa ni mdza' ba dang bral ba'o//yang na lha dang mi la sogs pa bde 'gro'i gnas las nyams nas/ ngan song du ltung bar gyur ba ni mdza' ba dang bral ba'o/ /ci'i phyir/ mdza' ba dang bral ba sdug bsngal ba zhes bya zhe na/ 'di ltar mdza' ba dang bral ba'i rgyus srog chags rnams nags mes tshig pa bzhin du/rtag tu mya ngan chen po'i mes yid sreg par byed cing skad cher 'byin cing ngu bas na/ mdza' ba dang bral ba sdug bsngal ba'o/ /yang na mtho ris la sogs pa bde ba'i gnas nas 'phos te/ dmyal ba la sogs ngan song gi gnas na skyes pas na/sdug bsngal sna tshogs myong bar 'gyur pa'i phyir mdza' ba dang bral ba'i sdug bsngal ba'o/ /yang na mdza' ba dang bral bar dogs pa'am/ thos pa'am/ mthong ba'am/ rjes su dran na yang mya ngan dang / smre sngags 'don pa dang /sdug bsngal ba dang / yid mi bde ba dang / 'khrugs pa la sogs pa 'byung ba'i phyir/ yang mdza' ba dang bral ba'i sdug bsngal ba'o/ /yang na pha dang phu nu la sogs pa nye du dang bral ba'i rgyu las byung ba'i gdon gyis gnod pa bzhin du/ tshig rnam pa sna tshogs bla ba dang brgyal ba bzhin du dran pa med par gyur pa dang /bdog pa thams cad 'phog pa bzhin du/ sems can rnam pa thams cad du 'khrug par gyur cing bya ba dang mi bya ba thams cad mi dran pas lus sa la glebs tsam du zad pa'i phyir yang mdza' ba dang bral ba'i phyir yang sdug bsngal ba'o//mi mdza' ba dang phrad pa'i sdug bsngal dang zhes bya ba la mi dge ba'i las kyi rgyu mthun pa'i 'bras bu/ sems can dmyal ba la sogs pa dang phrad par gyur pa ni mi mdza' ba dang phrad pa'o/ /sems can thams cad bde ba 'dod la sdug bsngal dang bral bar mos pa las sdug bsngal gyi tshor ba skyed par byed pa'i yo byad nye bar gyur pa'i rgyur tshor ba sdug bsngal ba myong ba ni mi mdza' ba dang phrad pa'o//yang na 'gro ba mi bgrungs pa dang 'grogs par gyur ba ni mi mdza' ba dang phrad pa'o/ /yang na tshul khrims dang ldan pa rnams la/ ngan pa'i ngang tshul byung bar gyur pa ni mi mdza' ba dang phrad pa ste/kha na ma tho ba phra mo la yang 'jigs par lta ba rnams nyes pa des sems gdung bar byed pa'i phyir ro/ /ci'i phyir mi mdza' ba dang phrad pa sdug bsngal zhes bya/ 'di khyim mtshes mi bgrungs pa bzhin du/ rtag tu gnod pa skyed pa dang /'gro ba mi srun pa bzhin du zhe sdang skye ba'i gnas su gyur pa dang / sems la mi dga' ba'i rnam par rtog pa skyed pa'i rgyu byed pa'i phyir mi mdza' ba dang phrad pa sdug bsngal ba'o/ /yang na mi mdza' ba dang phrad pa'i rgyu las nags mes tshig pa bzhin du/ zhe sdang gi mes sems tshig par byed cing de dang bral ba smon pa mang du skye ste/gang smos pa mang du skyed pa de nyid sdug bsngal ba yin pas de bas na ni mi mdza' ba dang phrad pa sdug bsngal ba'o/ /gang 'dod pa btsal nas ma rnyed pa de yang sdug bsngal ba'o zhes bya ba la/ gang 'dod pa ni sdug bsngal ba dang ma bral zhing slar mi phrod pa dang /bde ba dang phrad cing slar mi 'bral bar 'dod de de ltar ma gyur pa nyid gang 'dod pa btsal nas ma rnyed pa'o/ /yang na skye ba dang / rga ba dang /na ba dang / 'chi ba la sogs pa dang mi phrad par 'dod de/ 'dod pa de dang mi ldan par gyur pa ni gang 'dod pa btsal nas ma rnyed pa zhes bya'o//yang na mi mdza' ba dang mi phrad pa dang / mdza' ba dang mi 'bral bar 'dod de/ de ltar ma grub pa ni gang 'dod pa btsal nas ma rnyed pa zhes bya'o/ /yang na dge ba byed pa rnams 'phel bar ni 'dod la/ mi dge ba sgrib par 'dod pa las dge ba sgrib pa dang /mi dge ba 'phel bar gyur pa ni/ gang 'dod pa btsal nas ma rnyed pa zhes bya'o/ /yang na ngan song gsum du mi skye ba dang / mtho ris su skye bar 'dod pa las/ ngan song gsum du ltung bar gyur la/ mtho ris su ma skyes par gyur pa ni gang 'dod pa btsal nas ma rnyed pa zhes bya'o//ci'i phyir gang 'dod pa de btsal nas ma rnyed pa de sdug bsngal zhes bya zhe na/ e ma'o/ /'di ltar 'dod pa'i dngos po de ltar sngon yang rnyed par ma gyur to/ /da ltar yang ma rnyed do/ /phyis kyang rnyed par mi 'gyur ro zhes dus gsum du yang gnod pa skyes pa'i phyir gang 'dod pa btsal nas ma rnyed pa de sdug bsngal ba yin no//yang na yid la bsam pa 'joms par byed pa dang / yid 'byung ba'i rten du gyur pa dang / de'i rgyu sems rtag tu gdung bar byed pas na yang gang 'dod pa btsal nas ma rnyed pa de sdug bsngal ba'o//mdor na len pa'i phung po lnga rnams ni sdug bsngal ba ste/ zhes bya ba la len pa'i phung po lnga ni/ gzugs len pa'i phung po nas/ rnam par shes pa len pa'i phung po'i bar du'o/ /mdor na zhes bya ba'i don du phung po lnga por sdug bsngal ba thams cad bsdus par ston pa ste/sdug bsngal thams cad ni dang po'i sdug bsngal dang / dbus kyi sdug bsngal dang / mtha'i sdug bsngal lo/ /de la dang po'i sdug bsngal ni skye ba'o/ /bar gyi sdug bsngal ni rga ba dang / na ba dang / mdza' ba dang bral ba dang mi mdza' ba dang phrad pa dang /gang 'dod pa btsal nas ma rnyed pa rnams so/ /tha ma'i sdug bsngal ni 'chi ba ste/ sdug bsngal de gsum phung po lngar 'dus pa na mdor na len pa'i phung po lnga rnams ni sdug bsngal ba zhes bya'o/ /yang na rab tu gnas pa dang / rjes su 'brel pa'i sdug bsngal rnams su phung po lnga 'dus pas na/mdor na len pa'i phung po lnga po rnams ni sdug bsngal ba zhes bya ste/ rab tu gnas pa'i sdug bsngal ni rga ba dang / na ba dang 'chi ba dang mdza' ba dang bral ba dang / mi mdza' ba dang phrad pa dang / gang 'dod pa btsal nas ma rnyed pa'o//rjes su 'brel ba'i sdug bsngal ba'i sdug bsngal ni skye ba ste/ tshe rabs gcig nas gcig tu srid pa'i yan lag mtshams sbyor ba rnams dang 'brel ba'i phyir ro/ /yang na sdug bsngal gyi khyad par ni tshad med pa bskal pa'i mthar brjod kyang zad par mi nus te/ de bas na mtshan nyid tha dad pa'i sdug bsngal mtha' med pa rnams spyi'i mtshan nyid du bsdu bar bya ba'i don du mdor na len pa'i phung po lnga rnams ni sdug bsngal ba zhes bya ba gsungs so//yang na me lta bur gyur pa ni skye ba la sogs pa'i sdug bsngal rnams so/ /skye ba la sogs pa'i sdug bsngal skyed par byed pa'i rgyu shing lta bur gyur pa ni len pa'i phung po lnga yin te/sdug bsngal thams cad kyi rgyu byed pa'i phyir na yang mdor na len pa'i phung po lnga rnams ni sdug bsngal zhes gsungs so/ /yang na skye ba la sogs pa ni sa bon gyi dngos po lta bu la len pa'i phung po lnga ni zhing lta bu yin par gyur pas de'i phyir yang mdor na len pa'i phung po lnga zhes bya ba la sogs pa gsungs so//ji lta zhe na phung po 'byung ba'i sdug bsngal ni skye ba'o/ /phung po yongs su smin pa'i sdug bsngal ni rga ba'o/ /phung po la gnod pa'i sdug bsngal ni na ba'o//phung po zhig pa'i sdug bsngal ni shi ba'o/ /yid du mi 'ong ba'i phung po dang phrad pa'i sdug bsngal ni mi mdza' ba dang phrad pa'o/ /yid du 'ong ba'i phung po dang bye ba'i sdug bsngal ni mdza' ba dang bral ba'o/ /'dod pa'i phung po dang ma phrad pa'i sdug bsngal ni gang 'dod pa btsal nas ma rnyed pa'o//ci'i phyir na len pa'i phung po lnga sdug bsngal ba zhes bya ba/ smras pa ji srid du las dang nyon mongs pas bskyed pa'i phung po lnga yod kyi bar du/ skye ba dang / rga ba dang / na ba dang / 'chi ba dang / mdza' ba dang bral ba dang / mi mdza' ba dang phrad pa dang / gang 'dod pa btsal nas ma rnyed pa dang /mya ngan dang / smre sngags 'don pa dang / yid mi bde ba dang / 'khrug pa la sogs pa 'byung ba'i phyir ro/ /len pa'i phung po lnga rnams sdug bsngal ba zhes bya'o/ /brgal ba bcom ldan 'das kyis tshor ba rnam pa gsum du bshad de/ bde ba'i tshor ba dang /sdug bsngal gyi tshor ba dang / bde ba yang ma yin sdug bsngal ba yang ma yin pa'i tshor ba gsungs te/ bde ba'i tshor ba dang / bde ba yang ma yin sdug bsngal ba yang ma yin pa'i tshor ba'i phung po rnams sdug bsngal gyi rang bzhin ma yin na/ ci'i phyir 'dir mdor na len pa'i phung po lnga rnams sdug bsngal zhes gsungs/lan du sdug bsngal rnam pa gsum gyis 'dus byas thams cad la khyab pas na/ len pa'i phung po thams cad sdug bsngal bar bshad do/ /tshor ba sdug bsngal dang ldan pa'i phung po rnams la ni sdug bsngal gyi sdug bsngal gyis khyab pa'o//tshor ba bde ba dang ldan pa'i phung po rnams la ni 'gyur ba'i sdug bsngal gyis khyab pa'o/ /tshor ba bde ba yang ma yin mi bde ba yang ma yin pa'i phung po rnams la ni rgyu rkyen gyis bskyed cing mi rtag pa'i mtshan nyid 'du byed sdug bsngal gyis khyab pa'i phyir ro//yang na dper na sran ma sha'i phung po'i nang na mung+ga cung zad yod kyang / sran ma sha zhes bya ba bzhin du phung po 'di dag la bde ba cung zad yod kyang / sdug bsngal mang po'i phyir phung po thams cad sdug bsngal ba zhes bya'o/ /gzhan yang mkhas pa su zhig 'bras byung ba'i sdug bsngal chen po yungs mar gyis bsdu ba dang phug pa tsam gyis bde bas 'bras bde zhes brtsi ste/de dang 'dra bar lnga phung sdug bsngal gyi phung po la bde ba cung zad kyang yod pas mkhas pa su zhig bde bar lta/ mdo gzhan dag las sdug bsngal rnam pa gsum du bshad la/ 'dir sdug bsngal rnam pa brgyad du gsungs na/ ci gsum gyis brgyad bsdu bar blta'am/ brgyad kyis gsum bsdu bar blta'am/ smras pa gsum gyis brgyad bsdu bar blta ste/ gang skye ba sdug bsngal ba dang /rga ba sdug bsngal ba dang / na ba sdug bsngal ba dang / 'chi ba sdug bsngal ba dang / mi mdza' ba dang phrad pa sdug bsngal ba rnams ni sdug bsngal gyi sdug bsngal bar bsdu'o/ /gang mdza' ba dang bral ba dang / 'dod pa btsal te ma rnyed pa gnyis ni 'gyur ba'i sdug bsngal du bsdu'o//mdor na nye bar len pa'i phung po lnga ni sdug bsngal ba'o zhes bya bas/ 'du byed kyi sdug bsngal bstan to/ /kun 'byung gi bden pa bstan par bya ba'i phyir/ sdug bsngal kun 'byung 'phags pa'i bden pa gang zhe na/ zhes bya ba la sogs pa gsungs so/ /ci'i phyir na sdug bsngal gyi bden pa'i rjes la kun 'byung gi bden pa bshad ce na/ 'khor ba'i 'bras bu'i chos khong du ma chud pa rnams la sdug bsngal gyi bden pa bstan nas/ rgyu khong du ma chud pa rnams la rgyu bstan par bya ba'i phyir/ sdug bsngal gyi 'og tu kun 'byung gi bden pa bshad do/ /yang na 'jig rten pa 'di dag ni sred pa'i bcing ba dam pos dam du bcings pa dang / 'khor ba'i btson ra las thar bar ma gyur pa ste/ 'khor ba'i btson ra'i rgyu bstan pa'i phyir sdug bsngal gyi 'og tu kun 'byung gi bden pa gsungs so//sred pa'i phung po gang las sdug bsngal gyi phung po kun 'byung zhing skye bar 'gyur ba'i rgyu 'dod chags kyi mtshan nyid sred pa la sdug bsngal kun 'byung ba zhes bya ste/ sdug bsngal gyi rgyu zhes bya ba'i don to/ /sred pa de sdug bsngal gyi rgyu yin par 'phags pa rnams kyi thugs su chud pa'am/sred pa sdug bsngal gyi rgyu yin zhes khong du chud nas 'phags par 'gyur la/ sred pa de yang sdug bsngal gyi rgyu yin par ma nor ba'i phyin ci ma log pa'i phyir sdug bsngal kun 'byung 'phags pa'i bden pa zhes bya'o//sred pa de yang gang zhe na/ de'i phyir/ gang yang 'byung ba can gyi sred pa dag pa'i 'dod chags dang ldan pa de yang der mngon pa dga' ba zhes gsungs so/ /dper na skyes bu la la zhig dpyid kyi dus kyi tshe nyi ma phyed pa'i tshe na rab tu skom pas gdungs te/ chu 'dod pa des tsha chu la rgyun du 'thungs kyang ngoms pa med pa bzhin du/'dod pa'i 'dod chags can rnams lus dang longs spyod yon tan du blta bas srid pa dang srid pa'i yo byad la rgyun du spyod kyang ngoms pa med pa ni srid pa'o/ /yang 'byung ba can dang dga' ba'i 'dod chags dang ldan pa dang de dang der mngon par dga' ba'i tshig rnams ni sred pa/de'i khyad par ram sred pa'i ming gi rnam grangs so/ /de la yang 'byung ba ni ma 'ongs pa'i tshe rabs la bya ste/ ma 'ongs pa'i tshe rabs bsgrub pa'i ngang tshul can nam/ de skyed par byed pa'i rang bzhin nam rgyur gyur pa la yang 'byung ba zhes bya'o//dga' ba'i 'dod chags dang ldan pa zhes bya ba ni/ ma 'ongs pa'i lus dang longs spyod la chags shing / zhen pa'i rang bzhin can zhes bya ba'i don to/ /de dang der mngon par dga' ba zhes bya ba ni ma 'ongs pa'i sems can gyis gnas rnam pa mang po la bdag lhar gyur cig mir gyur cig /tshangs par gyur cig ces bya ba la sogs pa'i smon lam 'debs pa'o/ /yang na ma rnyed pa'i yul tshol ba dang sogs pa'i rgyur gyur pa'i sred pa ni yang 'byung ba can gyi sred pa zhes bya'o//rnyed cing phrad pa'i yul la lhag par dmigs shing / mi 'bral bar 'dod pa'i phyir bsrung ba la sogs pa'i bya ba byed pa ni/ dga' ba'i 'dod chags dang ldan pa zhes bya'o/ /phrad pa'i yul rnams dang bral bas sdug bsngal bar gyur cing smon lam 'debs pa ni de dang der mngon par dga' ba zhes bya'o//yang na bde ba'i tshor ba dang phrad cing mi bral bar chags pa ni yang 'byung ba can gyi sred pa zhes bya'o/ /sdug bsngal gyi tshor ba dang mi phrad cing bral bar 'dod pa ni dga' ba'i 'dod chags dang ldan pa zhes bya'o/ / bsam gtan gyi tshor ba btang snyoms bde ba yang ma yin sdug bsngal ba yang ma yin pa la chags pa ni de dang der mngon par dga' ba zhes bya'o/ /yang na ma rnyed pa'i dngos po rnams dang phrad par smon lam 'debs pa ni yid 'byung ba can gyi sred pa zhes bya'o/ /smon lam btab pa'i dngos po rnams la tshol bar zhugs pa ni dga' ba'i 'dod chags dang ldan pa zhes bya'o//btsal ba rnams ni 'phel bar bya ba'i phyir zhugs pa ni de dang der mngon par dga' ba zhes bya'o/ /yang na rnyed pa dang ma rnyed pa'i bdag gi yul dang dbang du byas nas sred pa rnam pa bzhir gsungs te/de la bdag gi lus rnyed pa rnams dang bral bar mi 'dod pa ni sred pa'o/ /bdag gi lus ma rnyed pa rnams dang phrad cing ldan par 'dod pa ni yang 'byung ba can no/ /gzugs la sogs pa'i yul rnyed pa rnams dang rtag tu 'grogs par 'dod pa ni dga' ba'i 'dod chags dang ldan pa'o//gzugs la sogs pa'i yul ma rnyed pa rnams dang phrad par 'dod pa ni de dang der mngon par dga' ba zhes bya'o/ /brgal ba mngon pa'i chos las rgyur gyur pa'i phung po lnga la kun 'byung gi bden pa zhes bshad pa'am/ las dang nyon mongs pa la kun 'byung gi bden pa zhes bshad de/ de yang cis mngon zhe na/ mdo las sdug bsngal dang / kun 'byung dang / 'jig rten dang / lta ba'i gnas dang / sred pa zhes bya ba ni ming gi rnam grangs so/ /zhes gsungs pa'i phyir te/ 'di'i don yang 'bras bur gyur pa'i phung po lnga ni sdug bsngal lo//rgyur gyur pa'i phung po lnga ni kun 'byung ngo / /phung po lnga nyid 'jig pa'i rang bzhin yin pas 'jig rten no/ /sems can rnams phung po lnga la bdag tu lta bas na lta ba'i gnas so/ /tshe gcig nas gcig tu 'pho zhing skye bar byed pas na sred pa'o//yang gsungs pa/ las dang sred pa ni ma rig pa/ 'du byed ma 'ongs pa'i rgyu zhes bshad pa la mdo 'di las sred pa nyi tshe la kun 'byung du bshad pas/ mdo gzhan dang 'gal lo/ /mdo de nyid las bshad pa/ dge slong dag sa bon gyi rigs lnga po 'di dag ma grub pa dang /ma zhig pa dang / ma rul ba dang / rlung la sogs pas nyams par ma gyur pa dang / legs par btab pa yang yin la/ sa'i khams kyang yod pa de bzhin du chu dang me dang rlung gi khams kyang yod na de lta na ni sa bon de dag 'phel ba dang rab tu 'phel ba dang /rgya chen por 'gyur ro/ /de dang 'dra bar dge slong dag don 'di khong du chud par bya ba'i phyir 'di ni dper gzhag pa ste/ sa bon gyi rigs lnga zhes bya ba 'di ni nye bar len pa'i phung po lnga zhes bya ba'i tshig bla dgas so/ /sa'i khams zhes bya ba la sogs pa'i rnam par shes pa'i gnas bzhi'i tshig bla dgas te/rnam par shes pa'i gnas bzhi'i gzugs su yang nye bar song ba'i rnam par shes pa dang / tshor bar nye bar song ba'i rnam par shes pa dang / 'du shes su nye bar song ba'i rnam par shes pa dang / 'du byed du nye bar song ba'i rnam par shes pa'o//de la 'dod pa'i khams ni rnam par shes pa gzugs la brten nas gzugs su nye bar song ba'i rnam par shes pa zhes bya'o/ /gzugs kyi khams kyi bsam gtan bzhi ni rnam par shes pa bde ba'i tshor ba la brten pas na/ tshor bar nye bar song ba'i rnam par shes pa zhes bya'o//gzugs med pa'i khams nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched ni rnam par shes pa nam mkha' mtha' yas so zhes bya ba la sogs pa dmigs pa'i 'du shes la brten pas nang du 'du shes su nye bar song ba'i rnam par shes pa zhes bya'o//srid pa'i rtse mo'i 'du shes med/ 'du shes med min skye mched na ni/ rnam par shes pa 'du byed sems dang ldan pa dang / sems dang mi ldan pa la brten pas na/ 'du byed du nye bar song ba'i rnam par shes pa zhes bya'o/ /sa bon gyi rigs lnga dang / sa bon gyi sa bon dang / rtsa ba'i sa bon dang / sdong bu'i sa bon dang / mgo thog gi sa bon dang / sa bon no/ /lan du smras pa/ mdo 'di las kun 'byung gi sred pa 'ba' zhig la kun 'byung gi bden par bshad pa ni/zag pa dang bcas pa'i chos thams cad kyi rgyu'i gtso bo dbang du byas nas gsungs pa yin te/ rgyu'i gtso bo ni srid pa yin no/ /ji ltar gtso bo yin zhe na/ sred pa 'di gnas thams cad du khyab pa dang / dus thams cad du khyab pa dang / khams thams cad la khyab pa'i phyir ro/ /gnas thams cad la khyab pa ni rtag tu tshor ba rnams gsum gyi rjes su 'brang ba ste/ ji lta zhe na sdug bsngal gyi tshor ba dang phrad pa'i dus na ni/ de dang 'bral bar 'dod pa'i sred pa skye zhing ma phrad pa'i dus na ni yang mi phrad par 'dod pa'i sred pa skye ba dang /bde ba'i tshor ba dang phrad pa'i dus na ni yang de dang mi 'bral bar 'dod pa'i sred pa skye ba dang / de dang bral ba'i dus na ni yang phrad par 'dod pa'i sred pa skye ba dang / bde ba yang ma yin sdug bsngal ba yang ma yin pa'i tshor ba'i dus na ni/kun tu gti mug skye ba'i phyir ro/ /dus thams cad la khyab pa'i sred pa ni dus gsum gyi rjes su 'brang bar byed pa'i phyir te/ 'das pa'i dus kyi lus dang longs spyod rnams ni sred par 'dod pa'i sred pa skye ba dang / ma 'ongs pa'i dus dang longs spyod la ni mngon par smon pa'i sred pa skye ba dang /da ltar gyi lus dang longs spyod dang ni rtag tu 'grogs par sred pa skye ba'i phyir ro/ /khams thams cad du khyab pa ni khams gsum gyi dngos po la zhen par byed pa'i phyir te/ 'dod pa'i khams na ni sred pa'i dbang gis 'dod pa'i yon tan lnga la chags par byed pa dang /gzugs kyi khams na ni srid pa'i dbang gis bsam gtan gyi ro la chags par byed pa dang / gzugs med pa'i khams na ni sred pa'i dbang gis gzugs med pa'i snyoms par 'jug pa la chags par bya ba'i phyir ro/ 'gog pa'i bden pa bstan par bya ba'i phyir/ sdug bsngal 'gog pa 'phags pa'i bden pa gang zhe na zhes bya ba la sogs pa gsungs te/ skye ba la sogs pa'i sdug bsngal brgyad dang bral zhing de dang mi ldan par gyur pa ni sdug bsngal 'gog pa ste/ de ltar khong du chud pa 'phags par 'gyur ba'am/'phags pa rnams kyis de ltar thugs su chud pa'i phyir sdug bsngal 'gog pa 'phags pa'i bden pa zhes bya ba la/ mya ngan las 'das pa ni sdug bsngal thams cad spangs pa yin par phyin ci ma log cing ma nor ba'i phyir sdug bsngal 'gog pa 'phags pa'i bden pa zhes bya'o//'gog pa de yang rnam pa gnyis te/ so sor ma brtags te 'gog pa dang / so sor brtags te 'gog pa'o/ /de la so sor ma brtags te 'gog pa ni rdo gnam du 'phangs pa thur du lhung ba dang 'dra bar skad cig ma re re la skye zhing gang gis kyang ma bcom par rang gi ngang gis 'jig pa'o//so sor brtags te 'gog pa ni 'phags pa'i bden pa rtogs pa'i shes rab kyi mes nyon mongs pa'i shing bsregs nas/ khams gsum du mi skye bar gyur pa ste/ 'dir ni so sor rtog ste 'gog pa bya bar dgongs so//'gog pa'i bden pa yang don bcu gcig gis bstan te/ mtshan nyid dang / zab pa dang / tha snyad dang / don dam pa dang / yongs su ma rdzogs pa dang / yongs su rdzogs pa dang / rgyan med pa dang / rgyan dang bcas pa dang / lhag ma yod pa dang /lhag ma med pa dang / rnam grangs so/ /ji ltar mtshan nyid kyis she na/ de bzhin nyid dang / las dang nyon mongs pa mi skye ba ni 'gog pa'i mtshan nyid do/ /de bzhin nyid ni gang zag la bdag med pa'o/ /lam ni 'phags pa'i lam yan lag brgyad do/ /nyon mongs pa mi skye ba ni 'dod chags la sogs pa'i nyon mongs pa lhan cig spangs nas phyis mi 'byung ba ste/des gang du 'gags pa dang / gang gis 'gags pa dang / gang 'gags pa ni 'gog pa'i mtshan nyid yin par bshad do/ /de la gang du 'gags pa ni gang zag la bdag med par khong du chud pas mya ngan las 'das pa'i gnas su 'gog go//gang gis 'gags pa ni lam gyi bden pas 'gags so/ /gang 'gags pa ni nyon mongs pa'i tshogs 'gags so/ /de bas na 'gog pa'i dbang du mdzad nas/ bcom ldan 'das kyis/ mig dang rna ba de bzhin sna/ /lce dang lus yid de bzhin te/ /gang du ming dang gzugs la sogs/ /ma lus par ni 'gags gyur pa'o/ /zhes gsungs so/ /ji ltar zab pa yin zhe na/ 'du byed de dag 'gags pa las 'gog pa de dag gzhan zhes kyang brjod du mi rung /gzhan ma yin zhes kyang brjod du mi rung ba'i phyir ro/ /ji ltar zhe na/ gal te 'du byed rnams las 'gog pa gzhan du gyur na ni/ 'du byed 'gag pa'i chos 'gog pa ma yin par 'gyur ro/ /gal te 'du byed rnams las 'gog pa gzhan ma yin pa yang 'gog/de nyon mongs pa'i mtshan nyid du 'gyur te/ de bas na gnyis ka ma yin no zhes brjod do/ /ji ltar tha snyad kyis she na/ gang 'jig rten pa'i lam gyis nyon mongs pa bkag pa rnams thang cig 'gags kyang phyis skye bas na/ de ni tha snyad kyi 'gog pa zhes bya'o/ /ji ltar don dam par zhe na/ 'jig rten las 'das pa'i lam gyis nyon mongs pa rtsa ba nas bcom ste/ gang las lan cig bcom pa de phyis mi skye bas na don dam pa'i 'gog pa zhes bya'o/ /ji ltar yongs su ma rdzogs pa zhe na/rgyun du zhugs pa'i 'bras bu thob pa dang / lan cig phyir 'ong ba'i 'bras bu thob pa dang / phyir mi 'ong ba'i 'bras bu thob pa ste/ gang gang zag slob pa rnams kyis nyon mongs pa spangs pa ni/ nyon mongs pa ma lus par spangs pa ma yin pas/ yongs su ma rdzogs pa'i 'gog pa zhes bya'o//ji ltar yongs su ma rdzogs pa yin zhe na/ mi slob pa'i gang zag dgra bcom pa'i 'bras bu thob pa rnams kyi ste/ des nyon mongs pa thams cad spangs pas na/ yongs su ma rdzogs pa'i 'gog pa zhes bya'o/ /ji ltar na rgyan med pa yin zhe na/shes rab rnam par grol ba'i dgra bcom pa rnams kyis 'gog pa ni/ mngon par shes pa drug gi khyad par bye brag med pas/ rgyan med pa'i 'gog pa'o/ /ji ltar rgyan dang bcas pa yin zhe na/ bsam gtan dang / shes rab kyi cha gnyi ga las/rnam par grol ba'i dgra bcom pa rnams kyi 'gog pa ste/ de dag rigs pa gsum dang / mngon par shes pa drug la sogs pa'i yon tan dang ldan pas na rgyan dang bcas pa'i 'gog pa zhes bya'o/ /ji ltar lhag ma dang bcas pa zhe na/ phung po'i lhag ma ma spangs pa'i mya ngan las 'das pa ste/phung po'i lhag ma da dud yod pa'i phyir ro/ /ji ltar lhag ma med pa zhe na/ phung po lhag ma ma lus par mya ngan las 'das pa ste/ phung po tsam yang spangs pa'i phyir ro/ /ji ltar rnam grangs kyis she na/ de'i phyir mdo las gang de'i yang 'byung ba can gyis srid pa zhes bya ba la sogs pa gsungs so//gang de'i zhes bya ba ni nyon mongs pa ma lus par spangs pa'i 'phags pa dgra bcom pa de'i ste/ de'i yang 'byung ba can gyi sred pa la sogs pa ma lus par spangs pa de ni/ 'gog pa'i bden pa yin no zhes bya bar sbyar ro/ / smras pa/ ma lus par spangs pa la sogs pa'i tshig 'di dag la khyad par ci yod/ smras pa/ 'di ni mya ngan las 'das pa'i ming gi rnam grangs yin te/ khyad par med kyang 'dul ba'i snod kyi dbang gis ming de dang de dag tu btags so/ /ma lus par spangs pa ni/ 'phags pa'i lam gyi sred pa spangs nas de dang bral ba thob pa ste/ de bas na bcom ldan 'das kyis kyang / gang 'phags pa'i lam gyi spangs pa ni yang dag pa spangs pa yin no gsungs pa lta bu'o/ /'jig rten pa'i lam gyi spangs pa ni bral ba'i rnyed pa thob pa med pas na/phyis skye ba'i phyir ma lus pa spangs pa ma yin no/ /so sor spangs pa ni nyon mongs pa'i thob pa thams cad med par byas pa ste/ nyon mongs pa'i bag la nyal spangs zhes bya ba'i don to/ /'jig par gyur pa ni nyon mongs pa'i thob pa spangs pas/ 'khor ba mthar phyin pa ste/ 'khor ba'i chos dang mi ldan par gyur pa'o/ /zad pa ni 'dod chags la ma gtogs pa'i nyon mongs pa khong khro ba dang / nga rgyal dang / ma rig pa la sogs pa spangs pa'o/ /'dod chags dang bral ba ni 'dod chags ma lus par spangs pa ste med par byas pa'o//'gog pa ni nye bar len pa'i phung po lnga zag pa dang bcas pa'i mtshan nyid spangs nas med par byas pa'o/ /nye bar zhi ba ni skye ba dang / rga ba la sogs pa'i sdug bsngal thams cad med par byas pa'o/ /nub pa ni tshe rabs gcig nas gcig tu mtshams sbyor ba'i rgyun bcad pa ste/de ltar gyur pa de sdug bsngal 'gog pa 'phags pa'i bden pa zhes bya'o/ /yang na 'dod pa'i khams kyi nyon mongs pa'i bag la nyal thams cad spangs pas ma lus par spangs pa zhes bya'o/ /gzugs kyi khams kyi nyon mongs pa'i bag la nyal thams cad spangs pas/so sor spangs pa zhes bya'o/ /gzugs med pa'i khams kyi nyon mongs pa'i bag la nyal ma lus par spangs pas 'jig par gyur pa zhes bya'o/ /nyon mongs pa gang spangs pa rnams phyis skye ba med par zad pa zhes bya'o//slar yang khams gsum gyi dngos po la chags shing zhen pa mi 'byung bas 'dod chags dang bral ba zhes bya'o/ /da ltar gyi nye bar len pa'i phung po rnams kyang 'dor bar 'gyur bas 'gog pa zhes bya'o/ /nye bar len pa'i phung po rnams bor bas nye bar zhi ba zhes bya'o//ma 'ongs pa'i phung po skye ba med pas nub pa zhes bya'o/ /yang na ma lus par spangs pa zhes bya ba ni mdo tsam du bzhag pa ste so sor spangs pa la sogs pa'i tshig lhag ma de'i bshad pa'o/ /sred pa'i bag la nyal spangs pas so sor spangs pa'o/ /bag la nyal spangs pa'i phyir nyon mongs pa mngon du 'byung ba la spyod pa med pas 'jig par gyur pa ste/de bas na zad pa zhes bya'o/ /nyon mongs pa'i dngos po thams cad la skyon du lta bas/ 'dod chags dang bral ba'o/ /nyon mongs pa rgyun du 'byung ba'i rgyun chad pas 'gog pa'o/ /thar pa'i mtshan nyid thob pas nye bar zhi ba'o//bdag tu 'dzin pa dang bral bas nus pa'o/ /yang na ma lus par spangs pa ni mdor bzhag pa ste/ lhag ma rnams kyang de'i bshad pa'o/ /ji ltar ma lus par spangs pa yin zhe na/ so sor spangs pa la sogs pa'i phyir ma lus par spangs pa'o//nyon mongs pas kun nas dkris pa mngon du spyod pa rnams mi 'byung zhing / byung ba yang spong bar byed pas na/ so sor spangs pa'o/ /nyon mongs pa'i bag la nyal rtsa nas phyung ste/ cung zad kyang med par byas pas na/ 'jig par 'gyur ba'o/ / de yang mthong ba'i lam dang bsgom pa'i lam ste/ gnyen po rnam pa gnyis kyi sgo nas/ zad pa dang 'dod chags dang bral ba zhes rnam pa gnyis su gzhag go/ /mthong ba'i lam gyis mthong ba spang bar bya ba'i nyon mongs pa spangs pa ni zad pa zhes bya'o/ /bsgom pa'i lam gyis bsgom par bya ba'i nyon mongs pa rnams spangs nas/khams gsum gyi chags pa thams cad dang bral ba ni/ 'dod chags dang bral ba zhes bya'o/ /de ltar mthong ba dang / bsgom pa'i nyon mongs pa spangs pas/ ma 'ongs pa na phung po lnga skye ba'i rgyun med par byas pas na/'gog pa zhes bya'o/ /mthong ba'i chos nyid la yang yid mi bde ba la sogs pa sems la gnod pa thams cad mi 'byung bas/ nye bar zhi ba zhes bya'o/ /tshe rabs snga ma'i shugs kyis 'phangs pa'i phung po sdug bsngal sna tshogs kyi gzhir gyur pa 'di yang med par 'gyur bas nub pa zhes bya'o//lam gyi bden pa bstan par bya ba'i phyir/ sdug bsngal la 'gog par 'gro ba'i lam gyi 'phags pa'i bden pa gang zhe na/ zhes bya ba la sogs pa gsungs so/ /de la gong du bshad pa'i sdug bsngal brgyad rnams 'gag pa sdug bsngal 'gog pa ste/mya ngan las 'das pa'o/ /de thob par byed pa'am der sbyin par byed pa'i lam la/ sdug bsngal 'gog par grol ba'i lam zhes bya ste/ de yang 'og nas yang dag pa'i lta ba la sogs pa'i 'phags pa'i lam yan lag brgyad yin par bshad do//lam de dge ba'i rang bzhin yin pas na/ 'phags pa zhes bya ba'am/ lam de nyon mongs pa'i gnyen por gyur pas na 'phags pa zhes bya ba'am/ 'phags pa rnams kyis bshad pa'i lam yin pa'i phyir ro//'phags pa zhes bya ba'am/ lam de la gnas nas 'phags par 'gyur ba'i phyir/ 'phags pa'i lam ste/ lam de nyon mongs pa spong ba dang / mya ngan las 'das pa thob par byed pa ma nor zhing phyin ci ma log cing /sdug bsngal 'gog par 'gro ba'i lam gyi 'phags pa'i bden pa zhes bya ba'o/ /lam gyi don ni tshol ba la yang bya ste/ lam 'dis rnal 'byor pa rnams/ mya ngan las 'das pa dang / dge sbyong gi 'bras bu tshol ba'i phyir lam zhes bya'o//yang na lam gyi don ni/ 'gro ba'i don la bya ste/ dper na 'jig rten na lam 'di mtho ris kyi grong khyer du 'gro'o zhes bya ba bzhin du/ 'phags pa'i lam gyi yan lag brgyad kyis kyang mya ngan las 'das pa'i grong khyer du phyin cing 'gro bar byed pas na lam zhes bya'o//de dngos gang yin pa bstan par bya ba'i phyir/ yang dag pa'i lta ba la sogs pa 'phags pa'i lam gyi yan lag 'di nyid de zhes bya ba gsungs te/ yang dag pa'i lta ba ni 'jig rten gyi yang dag pa'i lta ba dang / 'jig rten las 'das pa'i yang dag pa'i lta ba gnyis las/'dir 'phags pa zhes bya ba'i tshig smos pas na/ zag pa med pa la bya ba'i phyir/ 'jig rten gyi yang dag pa'i lta ba la ni mi bya'i/ 'jig rten las 'das pa'i yang dag pa'i lta ba la bya ste/ stsogs pa'i sgras ni yang dag pa'i rtog pa dang /ngag la sogs pa yang bsdu'o/ /yan lag ces bya ba ni cha la bya ba'am/ grogs su gyur pa la bya ste/ cha brgyad dam mya ngan las 'das pa thob par byed pa'i rgyu dang / grogs brgyad ces bya ba'i don to/ /'di nyid de zhes bya ba ni 'phags pa'i lam gyi yan lag brgyad 'og nas snyegs so//brgal ba 'gog pa'i bden pa bstan pa'i skabs su/ sred pa ma lus par bkag pa/ 'gog pa yin par bshad la/ 'dir lam gyi bden pa bstan pa'i skabs su/ sdug bsngal 'gog pa'i bden pa yin par bshad pas/snga phyi'i 'gal lo zhes zer ba'i len du smras pa/ 'di ltar me bsad na du ba mi 'byung ba bzhin du/ sred pa'i mtshan nyid kyi rgyu bkag na/ 'bras bu'i mtshan nyid kyi sdug bsngal yang 'gag par 'gyur bas/ mya ngan las 'das pa'i tshe/sdug bsngal yang med par 'gyur ba'i phyir/ sdug bsngal 'gog pa zhes bya ba bshad pa de nyes pa med do/ /brgal ba yan lag gi gtso bo yod na gdod yan lag ces brjod par bya ste/ 'phags pa'i lam gyi yan lag brgyad la/ yan lag gi gtso bo gang yin na/'di dag la yan lag ces brjod/ smras pa/ yang dag pa'i lta ba ni/ lam gyi yan lag gi gtso bo yang yin la/ yan lag kyang yin pas na/ yan lag gi gtso bo dang / yan lag rnam pa gnyis su gzhag go/ /yang dag pa'i rtog pa la sogs pa lhag ma bdun ni/de'i grogs su gyur pas/ yan lag 'ba' zhig tu rnam par gzhag go/ /'phags pa'i lam gyi yan lag brgyad kyi don gsal bar bya ba'i phyir/ dpe smras pa/ 'di ltar skyes bu la la zhig ces bya ba la sogs pa'o/ / skyes bu la la zhig ces bya bas ni/ skyes bu gang yang rung ba 'ba' zhig go/ /rims kyis btab nas zhes bya ba ni/ tsha ba'i nad kyis btab pa'o/ /sman pa mkhas par bsngags pa zhes bya ba ni/ sman dpyad kyi gtsug lag kun la mkhas par 'jig rten du grags pa'o/ / blo dang ldan pa zhes bya ba ni/ sman dpyad kyi gtsug lag gi man ngag yod pa'o/ /las mthong ba zhes bya ba ni/ sngon chad sman byas pa rnams phan par gyur la sman phan tshun sbyor ba las yang mkhas shing sman sbyor ba dang gtong ba'i las kyang phal cher byas pa'o/ /gtsug lag thos pa ni sman dpyad du bya ba'i gtsug lag kun ma lus par thos pa'o//drung du song ba ni de'i thad du song ba'o/ /nad pa de la sman pas kyang nad kyi gzhi brtag par bya ba'i phyir/ sman pa des kyang de la thog mar zhes bya ba la sogs pa smos so/ / nad pas kyang sman pa la nad kyi gzhi smras pa bdag gis zho dang ga gon zos zhes bya ba la sogs pa'o/ /sman pas nad kyi gzhi glengs nas sman bsten par smras pa/ sman pa des dmigs kyis phye ste sman ston to zhes gsungs pa'o/ /dmigs kyi phyes te/ sman ston zhes bya ba ni/khyod kyis zho 'thungs te/ ga gon zos la/ skom du dar ba 'thungs pas bad kan rgyas pa'i phyir/ tsha bar gyur pa yin te/ de bas na bad kan rgyas pa zhi bar bya dgos pa'i phyir/ de ring zan ma za cig ces bsgo nas/ de'i 'og tu bsil ba'i sman ston par byed pa'o//dpe smras nas don nyid bstan par bya ba'i phyir/ de bzhin du bden pa la sogs pa'i rims chen pos gdung ba zhes bya ba la sogs pa gsungs te/ bden pa ni sdug bsngal dang / kun 'byung dang / 'gog pa dang / lam gyi bden pa bzhi khong du ma chud pa khong du chud par bya bar 'dod pa nyid/bden pa la sogs pa'i rims chen pos gdungs pa zhes bya'o/ /dge ba rnams zhes bya ba ni/ gang zag bden pa bzhi rtogs par 'dod pa de dag tshe rabs gzhan du dge ba'i bshes gnyen la brten pa dang / tshul khrims dang nyan pa la sogs pa'i bsod nams bsags pa dang /tshe 'dir yang 'dod chags la sogs pa'i nyon mongs pa zhi bar bya ba'i phyir/ 'phags pa'i bden pa 'dri bar byed pas na dge ba'o/ /de bzhin gshegs pa zhes bya ba la 'phags pa'i bden pa bzhi ji ltar gnas pa de bzhin du thugs su chud pas/de bzhin gshegs pa'am/ sngon gyi de bzhin gshegs pas nyon mongs pa thams cad spangs nas/ mya ngan las 'das pa'i grong khyer du gshegs pa bzhin du/ de bzhin gshegs pa gzhan dag gis kyang / nyon mongs pa thams cad spangs nas/mya ngan las 'das pa'i grong khyer du gshegs pas na de bzhin gshegs pa'o/ /sems can gyi sman pa chen po zhes bya ba la/ 'dod chags dang / zhe sdang la sogs pa'i nyon mongs pa dang ldan pa/ sems dang sems las byung ba dang bcas pa rnams la sems can zhes bya ste/sems can de dag la 'dod chags dang / zhe sdang dang / gti mug la sogs pa nyon mongs pa'i nad zhi bar bya ba'i phyir/ mi gtsang ba dang / byams pa dang / rten cing 'brel te 'byung ba dang / byang chub kyi phyogs sum cu rtsa bdun gyi sman 'chad par mdzad pas na sman pa chen po'o//ci'i phyir sems can la nyon mongs pa'i sman gtong zhe na/ de'i phyir thugs rje chen po zhes gsungs te/ de bzhin gshegs pa rnams/ thugs rje chen po dang ldan pa'i phyir de bas na nyon mongs pa'i sman gtong ngo zhes bya bar sbyar ro//snying rje dang snying rje chen po gnyis la khyad par ci yod/ smras pa/ rnam pa bdun gyis snying rje las snying rje chen po khyad zhugs te rnam pa bdun ni rang bzhin dang / rnam pa dang / dmigs pa dang / sa dang / rgyud dang / 'dod chags dang bral ba thob pa dang / skyob pa dang / mi skyob par byed pa'o/ /de la rang bzhin ni sems can thams cad la zhe mi sdang ba dang / gti mi mug pa'i rang bzhin yin pa'i phyir ro/ /rnam pa ni sdug bsngal gcig dang gnyis dang gsum dang / sdug bsngal brgya stong grangs med pa rnams la brtse ba'i rnam pa yin pa'i phyir ro//dmigs pa ni khams gcig dang / gnyis dang / gsum nas 'jig rten gyi khams thams cad kyi sems can la dmigs pa'i phyir ro/ /sa ni snying rje chen po de bsam gtan bzhi pa'i sar gtogs pa'i phyir ro//rgyud ni snying rje nyan thos dang / rang sangs rgyas kyi rgyud la gnas kyi snying rje chen po ni de bzhin gshegs pa'i rgyud la gnas pa'i phyir ro/ /'dod chags dang bral ba ni nyan thos dang rang sangs rgyas kyi snying rjes 'dod pa'i khams kyi 'dod chags dang bral bar zad kyi/de bzhin gshegs pa rnams kyi thugs rje chen pos ni/ khams gsum gyi 'dod chags thams cad dang bral ba'i phyir ro/ /skyob pa dang / mi skyob pa ni/ nyan thos kyi snying rjes sems can 'ga' tsam skyob par zad kyi/sems can ma lus par mi skyob la/ de bzhin gshegs pa rnams kyi thugs rje chen pos ni/ sems can ma lus pa skyob par mdzad pa'i phyir ro/ /sdug bsngal gyi rims spangs pa'i chos 'dri ste zhes bya ba la/ sdug bsngal brgyad po nyid lus dang sems la gnod par byed pas rims dang 'dra ba'i phyir/sdug bsngal gyi rims te/ de spang bar bya ba'i phyir/ 'phags pa'i bden pa bzhi po la sogs pa'i chos 'dri ba'o/ /de rnams la bzhi kun 'byung ba gsungs par bstan nas zhes bya ba ni sdug bsngal gyi rims spang bar 'dod pa'i phyir/chos 'dri ba'i gang zag dge ba de dag la sdug bsngal skyed par byed pa'i rgyu/ las dang nyon mongs pa'i mtshan nyid kun 'byung gi bden pa yin par gang mdo sde gzhan las gsungs pa'i las dang nyon mongs pa nyid gang yin pa dmigs kyis phye nas bstan pa'o//de'i sman gang zhe na/ de'i phyir 'phags pa'i lam yan lag brgyad kyi lam zhes bya ba la sogs pa gsungs te/ 'phags pa'i lam gyi yan lag brgyad pa nyid las dang nyon mongs pa spong bar byed pa'i sman no/ /lam des nyon mongs pa spong bar byed pas na zhi bar byed pa'o//sdug bsngal gyi phung po spong bar byed pas na/ mya ngan las 'das pa'o/ /zhi ba'i mchog rnyed do/ /zhes bya ba ni las dang nyon mongs pa thams cad spangs pa/ skye ba dang / rga ba la sogs pa'i sdug bsngal kun dang bral ba/'jig rten gyi bde ba thams cad la dam par gyur pa thob pa'i phyir zhi ba'i mchog rnyed pa zhes bya'o/ /'phags pa'i bden pa bzhi gong du bshad pa rnams kyi mjug bsdu ba'i phyir/ dge slong dag 'di ni 'phags pa'i bden pa bzhi zhes bya'o zhes gsungs so//'phags pa'i lam yan lag brgyad do zhes grangs tsam smos pa de dag gang yin pa bstan par bya ba'i phyir/ de la 'phags pa'i lam yan lag brgyad gang zhe na zhes bya ba gsungs so/ /ci'i phyir 'phags pa'i lam yan lag brgyad kho nar bshad la/dgu dang bdun la sogs par ma yin zhe na/ lan du phung po gsum du 'gyur ba'i phyir 'phags pa'i lam yan lag brgyad nyid de mi mang mi nyung ngo / /de la phung po gsum ni/ tshul khrims kyi phung po dang / ting nge 'dzin gyi phung po dang / shes rab kyi phung po'o/ /de la yang dag pa'i ngag dang / yang dag pa'i las kyi mtha' dang / yang dag pa'i 'tsho ba gsum ni/ tshul khrims kyi rang bzhin yin pas tshul khrims kyi phung por bsdu'o/ /yang dag pa'i dran pa dang / yang dag pa'i ting nge 'dzin gnyis ni ting nge 'dzin gyi phung por bsdus te/dran pa dngos su ting nge 'dzin gyi ngo bo ma yin yang / dran pa g.yeng ba rnams la sems rtse gcig tu gnas pa med pas/ ting nge 'dzin dang rjes su mthun par byed pa'i phyir/ ting nge 'dzin gyi phung por gtogs so/ /yang dag pa'i lta ba dang /yang dag pa'i rtog pa dang / yang dag pa'i rtsol ba gsum ni/ shes rab kyi phung por bsdu ste/ yang dag pa'i rtog pa dang / rtsol ba gnyis rnam par rtog pa dang / brtson 'grus kyi rang bzhin pas/ dngos su shes rab kyi rang bzhin ma yin mod kyi/phyin ci ma log par rtogs pa dang / dge ba bsgrub pa'i brtson 'grus kyi rgyu las shes rab 'byung bas na/ de'i grogs su gyur pa'i phyir/ shes rab kyi phung por gtogs so/ /yang na 'phags pa'i lam gyi yan lag brgyad 'dis/ yon tan brgyad skyed par byed pa'i phyir/lam yan lag brgyad kyang brgyad nyid de mi mang mi nyung ngo / /yon tan brgyad la sems kun tu dag pa dang / rnam par dkar ba dang / skyon med pa dang / nyon mongs pa dang bral ba dang / 'jam pa dang / las su rung ba dang /gnas pa dang / mi g.yo ba thob pa'o/ /de la chos gos la sogs pa rnyed pa la chags pa dang bral ba ni/ sems kun tu dag pa'o/ /phyag 'tshal ba la sogs pa bsnyen bkur la chags pa dang bral ba ni/ rnam par dkar ba'o//sdod pa la chags shing kha gsag med pa ni skyon med pa'o/ /sred pa spangs pa ni nyon mongs pa dang bral ba'o/ /lta ba spangs pa ni 'jam por gyur pa'o/ /the tshom spangs pa ni las su rung ba'o/ /phyis nyams pa med pa ni gnas pa'o/ /bsam gtan bzhi mi g.yo ba thob pa'o//de la yang dag pa'i lta ba dang ldan pas sems shin tu dag par 'gyur ro/ /yang dag pa'i rtog pa dang ldan pas rnam par dkar bar gyur te/ bkur sti la sogs pa la mi rtog pa'i phyir ro/ /yang dag pa'i ngag dang ldan pas skyon med par 'gyur te/kha gsag la sogs pa dang bral ba'i phyir ro/ /yang dag pa'i las kyi mtha' dang ldan pas/ nyon mongs pa dang bral bar gyur te/ dge ba bsgrub cing nyon mongs pa spong bar brtson pa'i phyir ro/ /yang dag pa'i 'tsho ba dang ldan pas 'jam por gyur te/yang dag pa'i lta ba la gnas shing phyin ci log gi 'tsho ba spong ba'i phyir ro/ /yang dag pa'i rtsol bas las su rung bar byed do/ /mngon pa'i nga rgyal spangs nas sems skyon med par byed pa'i phyir ro/ /yang dag pa'i dran pa dang ldan pas gnas par byed de/the tshom spangs nas mi g.yo bar 'jog pa'i phyir ro/ /yang dag pa'i ting nge 'dzin dang ldan pas mi g.yo ba thob par byed de/ ting nge 'dzin gyi dbang gis gzugs kyi khams kyi bsam gtan bzhi'i sa mngon sum du len par byed phya'i phyir ro//'o na ci'i phyir 'phags pa'i lam yan lag brgyad po 'di dag rim pa 'di ltar bkod/ smras pa/ dang por mi rtag pa la sogs par yang dag par mthong nas/ de ni 'di dang 'di lta bu'o zhes de'i 'og tu yang dag par rtogs so/ /yang dag par brtags nas/ji ltar brtags pa'i chos rnams gzhan la yang 'di 'dra'o zhes tshig tu 'byin to/ /de ltar yang dag par tshig tu phyung nas/ ji ltar tshig tu smras pa rnams de bzhin du sgrub par byed do/ /yang dag pa'i las bsgrub pa rnams la log pa'i 'tsho ba med pas de'i 'og tu yang dag par 'tsho ba'o//yang dag par 'tsho ba rnams la mi dge ba spang ba dang dge ba bsgrub pa'i las 'ba' zhig 'byung bas yang dag pa'i rtsol ba'o/ /yang dag pa'i rtsol ba la gnas pa rnams la nyon mongs pas 'phrog pa'i dran pa mi 'byung bas yang dag pa'i dran pa'o//nyon mongs pa'i dbang du ma gyur te/ dran pa ma nyams na rtag tu sems rtse gcig tu gnas par gyur pas mjug tu yang dag pa'i ting nge 'dzin to/ /de'i phyir rim pa de ltar bkod do/ /de la theg pa chen po'i tshul gyis ni 'phags pa'i lam gyi yan lag brgyad pa bsgom pa'i lam du bshad la/nyan thos bai b+hA Shi ka pa'i lta bas ni/ 'phags pa'i lam gyi yan lag brgyad po 'di dag mthong ba'i lam gyi ngo bor 'dod do/ /de ltar na 'phags pa'i lam gyi yan lag brgyad po 'di dag mthong ba'i lam gyi ngo bo yin pa'i phyir/chos kyi 'khor lo zhes bya ste/ ci'i phyir zhe na/ 'khor lo rin po che dang dpe 'dra ba'i phyir chos kyi 'khor lo zhes bya'o/ /ji ltar 'khor lo rin po che dang dpe 'dra zhe na/ 'di ltar mgyogs par 'gro ba ste/ gtong zhing 'jug pa dang / ma rgyal ba rgyal bar byed pa dang / rgyal bar gnas 'cha' ba dang / yar 'phar zhing mar ltung bas so/ /dper na 'khor los sgyur ba'i 'khor lo rin po che mgyogs par 'gro ba de bzhin du/mthong ba'i lam gyi sems kyi skad cig ma bco lnga la bden pa bzhi rtogs pas na mgyogs par 'gro ba'o/ /skad cig ma bco lnga ni sdug bsngal la chos shes pa'i bzod pa dang / sdug bsngal la chos shes pa'i ye shes dang /sdug bsngal la rjes su shes pa'i bzod pa dang / sdug bsngal la rjes su shes pa'i ye shes dang / kun 'byung la chos shes pa'i bzod pa dang / kun 'byung la chos shes pa'i ye shes dang / kun 'byung la rjes su shes pa'i bzod pa dang / kun 'byung la rjes su shes pa'i ye shes dang / 'gog pa la chos shes pa'i bzod pa dang / 'gog pa la chos shes pa'i ye shes dang / 'gog pa la rjes su shes pa'i bzod pa dang / 'gog pa la rjes su shes pa'i ye shes dang / lam la chos shes pa'i bzod pa dang / lam la chos shes pa'i ye shes dang / lam la rjes su shes pa'i bzod pa ste de ltar bco lnga'o/ /lam la rjes su shes pa'i ye shes kyi skad cig ma bcu drug pa ni bsgom pa'i lam du gtogs pas/ mthong ba'i lam du mi gzhag go/ /de la 'dod pa'i khams kyi sdug bsngal gyi bden pa la mi rtag pa dang /sdug bsngal ba dang / stong pa dang / bdag med par mthong ba ni/ sdug bsngal la chos shes pa'i bzod pa zhes bya ste/ de ltar mthong ba'i tshe 'dod pa'i khams kyi sdug bsngal mthong bas spang bar bya ba'i nyon mongs pa rnam pa bcu spong ste/'jig tshogs su lta ba dang / mthar 'dzin par lta ba dang / lta ba log pa dang / lta ba snyems pa dang / tshul khrims dang brtul zhugs mchog tu 'dzin pa snyems pa dang / the tshom dang / 'dod chags dang /khong khro ba dang / nga rgyal dang ma rig pa'o/ /de'i 'og tu nyon mongs pa spangs par shes pa dang / phyis rgyud la nyon mongs pa mi skye bar byed pa ni sdug bsngal la chos shes pa'i ye shes zhes bya ste/ dper na mi gnyis kyi gcig gis khyim nas rkun po bzung ste phyung la/gcig gis sgo bcad pa dang 'dra'o/ /de yang gcig gis rkun po bzung nas rkun po dang bcas te/ sgor phyung ba bzhin du/ sdug bsngal la chos shes pa'i bzod pas kyang nyon mongs pa bcu bzung nas kyang nyon mongs pa dang bcas te 'gag go//de nas phyis mi gnyis pos phyis rkun po mi 'jug par sgo bcad pa bzhin du/ sdug bsngal la chos shes pa'i ye shes kyis ni phyis sems kyi rgyud la nyon mongs pa mi skye bar byed do/ /de la bzod pa ni bar chad med pa'i lam zhes bya'o//ye shes la ni rnam par grol ba'i lam zhes bya ste/ dper na mi gnyis kyis rkun ma skrod pa'i tshul 'di ni sdug bsngal la rjes su shes pa'i bzod pa la sogs pa yang sbyar ro/ /de la mi rtag pa la sogs pa rnam pa bzhir bkod pa yang log pa'i rnal 'byor pa rnam pa bzhi'i gnyen po ste/bzhi ni 'dod chags la spyod pa rnam pa gnyis dang lta ba la spyod pa rnam pa gnyis so/ /'dod chags la spyod pa rnam pa gnyis ni nga'o zhes pa'i nga rgyal gyis non pa dang / le lo la chags pa'o/ /lta ba la spyod pa rnam pa gnyis ni bdag tu 'dzin pa dang /bdag gir 'dzin pa la mngon par chags pa'o/ /de la nga'o zhes pa'i nga rgyal gyis non pa ni mi rtag pa la rtag go zhes bsnyems shing spyod pa ste/ de'i gnyen por sdug bsngal gyi bden pa la mi rtag par bshad de/phung po lnga ni skad cig ma'i rang bzhin yin pa'i phyir ro/ /de la bden par 'dzin cing chags pa de spang ba'i phyir/ dge ba mi byed pa'i phyir gnyen por sdug bsngal gyi bden pa la sdug bsngal du bshad de/ 'du byed thams cad sdug bsngal rnam pa gsum dang ldan pa'i phyir ro//de la bdag tu 'dzin pa'i gnyen por bdag med par bshad de/ phung po lnga la mu stegs kyis btags pa'i bdag nyid mi dmigs pa'i phyir ro/ /bdag gir 'dzin pa'i gnyen por stong pa nyid du bshad de/ bdag ma grub na bdag gir yang mi grub pa'i phyir ro/ /gzugs dang gzugs med pa'i khams kyi sdug bsngal gyi bden pa dang / mi rtag pa la sogs pa'i rnam pa bzhir mthong nas/ sdug bsngal la rjes su shes pa'i bzod pa ste/ de'i tshe yang gzugs dang gzugs med pa'i khams kyi nyon mongs pa sdug bsngal mthong bas spang bar bya ba gzugs kyi khams na khong khro ba spangs te/'jig tshogs la sogs pa dgu dang / gzugs med pa'i khams na khong khro ba spangs te/ 'jig tshogs la sogs pa dgu ste/spyir bsdoms pa na nyon mongs pa bco brgyad spong ngo / /khams gnyis na zhe sdang med pa ni ting nge 'dzin gyis sems kyi rgyud shin tu brlan pa dang / las mi dge ba'i 'bras bu lus dang sems la gnod pa med pa'i phyir ro/ /de'i 'og tu nyon mongs pa spangs par shes shing /phyis sems kyi rgyud la nyon mongs pa mi skye bar byed pa ni/ sdug bsngal la rjes su shes pa'i ye shes so/ /de la 'dod pa'i khams kyi kun 'byung gi bden pa la rgyu dang kun tu 'byung ba dang / rab tu 'byung ba dang / rkyen de rnam pa bzhi mthong na kun 'byung la chos shes pa'i bzod pa zhes bya ste/ de'i tshe 'dod pa'i khams kyi kun 'byung gi bden pa mthong bas spang bar bya ba'i nyon mongs pa 'jig tshogs la lta ba dang / mthar 'dzin par lta ba dang / tshul khrims dang brtul zhugs snyems pa gsum bkol te/log pa'i lta ba dang / lta ba snyems pa dang / the tshom dang / 'dod chags dang / khong khro ba dang / nga rgyal dang / ma rig pa ste bdun spong ngo / /de nas nyon mongs pa spangs par shes pa dang / phyis sems kyi rgyud la nyon mongs pa mi skye bar byed pa ni/kun 'byung la chos shes pa'i ye shes so/ /gzugs dang gzugs med pa'i khams kyis kun 'byung gi bden pa la/ rgyu la sogs pa'i rnam pa bzhir mthong na/ kun 'byung la rjes su shes pa'i bzod pa zhes bya ste/ de'i tshe gzugs kyi khams kyi kun 'byung gi bden pa mthong bas spang bar bya ba'i nyon mongs pa log pa'i lta ba dang / lta ba snyems pa dang / the tshom dang / 'dod chags dang / nga rgyal dang ma rig pa ste drug dang / gzugs med pa'i khams na yang de bzhin du drug ste/nyon mongs pa bcu gnyis spong ngo / /de'i rjes la nyon mongs pa spangs par shes pa dang / phyis sems kyi rgyud la nyon mongs pa mi skye bar byed pa ni/ kun 'byung la rjes su shes pa'i ye shes zhes bya'o/ /sa bon gyi chos byed pas na rgyu'o//ma 'ongs pa'i sred pa 'phel bar byed pas na kun 'byung ba'o/ /bar chad med par srid pa'i rgyun/ rgyun ma chad par 'byung bar byed pas na rab tu 'byung ba'o/ /chu dang / skud pa dang / 'khor lo dang / 'jim pa rnams kyis rdza ma bsgrubs pa bzhin du/'bras bu sgrub par byed pas na rkyen to/ /'dod pa'i khams kyi 'gog pa'i bden pa la/ 'gog pa dang / zhi ba dang / gya nom pa dang / 'byung ba lta bur mthong na/ 'gog pa la chos shes pa'i bzod pa zhes bya ste/ de'i tshe'ang 'dod pa'i khams kyi 'gog pa'i bden pa mthong bas spang bar bya ba'i nyon mongs pa log pa'i lta ba dang / lta ba snyems pa dang / the tshom dang / 'dod chags dang / khong khro ba dang / nga rgyal dang / ma rig pa ste bdun spong ngo / /de'i 'og tu nyon mongs pa spangs par shes pa dang /phyis sems kyi rgyud la nyon mongs pa mi skye bar byed pa ni/ 'gog pa la chos shes pa'i ye shes so/ /gzugs dang gzugs med pa'i khams kyi 'gog pa'i bden pa la/ 'gog pa la sogs pa rnam pa bzhi lta bur mthong na/'gog pa la rjes su shes pa'i bzod pa zhes bya ste/ de'i tshe yang khams gnyis kyi 'gog pa mthong bas spang bar bya ba'i nyon mongs pa gzugs kyi khams na log pa'i lta ba dang / lta ba snyems pa dang / the tshom dang / 'dod chags dang /nga rgyal dang / ma rig pa ste drug /gzugs med pa'i khams na yang drug ste/ nyon mongs pa bcu gnyis spong ngo / /de'i 'og tu nyon mongs pa spangs par shes pa dang / phyis sems kyi rgyud la nyon mongs pa mi skye bar byed pa ni/ 'gog pa la rjes su shes pa'i ye shes zhes bya'o//de la phung po skye bar byed pa'i rgyu'i nyon mongs pa dang bral bas 'gog pa'o/ /sdug bsngal rnam pa brgyad dang bral ba'i phyir zhi ba'o/ /dge ba dang bde ba'i gnas su phyin pa'i phyir gya nom pa'o/ /rtag pa dang mnyam pa med pa'i phyir 'byung ba'o/ /'dod pa'i khams kyi lam gyi bden pa la/lam dang / rigs pa dang / sgrub pa dang / nges par 'byin pa ste/ rnam pa bzhir mthong na/ lam la chos su shes pa'i bzod pa zhes bya ste/ de'i tshe yang 'dod pa'i khams kyi lam mthong bas spang bar bya ba'i nyon mongs pa la log pa'i lta ba dang / lta ba snyems pa dang /tshul khrims dang brtul zhugs snyems pa dang / the tshom dang / 'dod chags dang / khong khro ba dang / nga rgyal dang / ma rig pa ste brgyad spong ngo / /de nas nyon mongs pa spangs par shes pa dang / phyis sems kyi rgyud la nyon mongs pa mi skye bar byed pa ni/ lam la chos su shes pa'i ye shes zhes bya'o//gzugs dang gzugs med pa'i khams kyi lam gyi bden pa la lam la sogs pa rnam pa bzhir mthong na lam la rjes su shes pa'i bzod pa zhes bya ste/ de'i tshe gzugs kyi khams la lam gyi bden pa mthong bas spang bar bya ba'i nyon mongs pa/ log pa'i lta ba dang /lta ba snyems pa dang / tshul khrims dang brtul zhugs snyems pa dang / the tshom dang / 'dod chags dang / nga rgyal dang / ma rig pa ste bdun dang / de bzhin du gzugs med pa'i khams na yang bdun te/ nyon mongs pa bcu bzhi spong ngo / /de'i 'og tu nyon mongs pa spangs par shes pa dang / phyis sems kyi rgyud la nyon mongs pa mi skye bar byed pa ni lam la rjes su shes pa'i ye shes zhes bya ste/de ni bsgom pa'i lam du gzhag go/ /'phags pa'i bden pa bzhi tshol bar byed pas na lam mo/ /nyon mongs pa'i gnyen por gyur pas na rigs pa'o/ /mi rtag pa la rtag par 'dzin pa la sogs pa'i phyin ci log med par byed pas na sgrub pa'o//khams gsum gyi sdug bsngal las thar bar byed pas na nges par 'byin pa'o/ /de'i 'dod pa'i khams kyi bsgom pa'i lam gyis 'dod chags dang / khong khro ba dang / nga rgyal dang / ma rig pa ste/ nyon mongs pa bzhi spong ngo / /gzugs kyi khams kyi bsgom pa'i lam gyis ni 'dod chags dang /nga rgyal dang / ma rig pa gsum dang / gzugs med pa'i khams kyi bsgom pa'i lam gyis kyang gsum ste drug spong ngo / /dper na 'khor lo rin po ches yul gzhan spong zhing yul gzhan du 'jug cing 'gro'o/ /de bzhin du mthong ba'i lam na yang / sdug bsngal la chos shes pa'i bzod pa ste/ de ma thag pa'i lam ni gtong la/ sdug bsngal la chos shes pa'i ye shes te/ rnam par grol ba'i lam ni mngon sum du byed cing len to/ /de bzhin du gzugs dang gzugs med pa'i khams kyi rjes su shes pa'i bzod pa dang /ye shes la yang gtong zhing len par sbyar ro/ /yang na 'dod pa'i khams kyi sdug bsngal gyi bden pa mthong nas bor ba la/ gzugs dang gzugs med pa'i khams kyi sdug bsngal gyi bden pa mngon du byed pas na 'gro ba'o/ / dper na 'khor lo rin po ches sa phyogs ma rgyal ba'i grong dang / grong khyer las ni rgyal bar byed/ rgyal ba rnams su ni gnas 'cha' bar byed do/ /de bzhin du mthong ba'i lam gyis kyang de ma thag pa'i lam gyi 'jig tshogs la lta ba la sogs pa'i nyon mongs pa las/ma rgyal ba rnams ni rgyal bar byed nyon mongs pa'i rnyed pa yongs su gcod pa'i phyir ro/ /rgyal ba rnams su yang gnas 'cha' bar byed de/ rnam par grol ba'i lam gyis nyon mongs pa dang bral ba'i mtshan nyid bskyed nas/ mya ngan las 'das pa'i gnas la gnas par byed pa'i phyir ro//dper na 'khor lo rin po che gnas kha cig tu yar 'phar la/ gnas kha cig tu mar thur du yang lhung ngo / /de bzhin du de ma thag tu lam la yang nas yang du dmigs pa na/ 'dod pa'i khams kyi de ma thag pa'i lam la dmigs pa'i tshe na/mar babs pa yin la/ rnam par grol ba'i lam la gnas pa'i tshe na yar 'phar ba yin no/ /de bzhin du gzugs dang gzugs med pa'i khams kyi de ma thag pa'i lam mngon du byed pas na mar 'bab pa'o zhe na/ rnam par grol ba'i lam la gnas pa'i tshe na yar 'phar ba ste/kun 'byung gi bden pa la sogs pa la yang de bzhin du sbyar ro/ /yang na 'dod pa'i khams kyi sdug bsngal gyi bden pa la dmigs na ni mar 'bab pa'o/ /gzugs dang gzugs med pa'i khams kyi sdug bsngal gyi bden pa la dmigs na ni yar 'phar ba ste/bden pa lhag ma rnams la yang ci rigs par de bzhin du sbyar ro/ /brgal ba/ mthong ba'i lam na ci'i phyir na chos kyi 'khor lo zhes bya ste/ 'khor lo yin par cis mngon zhe na/ de la yang lung las gsungs pas mngon te/ lung las 'phags pa kun shes kauN+Di n+ya bden pa mthong ngo / /de nas bcom ldan 'das kyis bka' stsal pa/kauN+Di n+ya khyod kyis bden pa mthong ngam/ gsol pa bcom ldan 'das mthong ngo / /kauN+Di n+ya khyod kyis bden pa rtogs sam/ gsol pa/ bcom ldan 'das rtogs so/ /de bas na 'dis bden pa kun shes pas na/ kun shes kauN+Di n+ya zhes grags so/ /nam 'phags pa kauN+Di n+yas bden pa mthong bas na/ chos kyi 'khor lo bskor to zhes gsungs pa'i phyir/ mthong ba'i lam la chos kyi 'khor lo zhes bya'o/ /gzhan yang btsun pa kun shes kauN+Di n+ya yang 'di skad du 'chad de/ 'phags pa'i lam gyi yan lag mthong ba'i lam gyi ngo bo 'di/ lte ba dang / rtsibs dang / mu khyud kyi dpe dang 'dra bar chos kyi 'khor lo zhes bya'o/ /de la yang dag pa'i ngag dang / las kyi mtha' dang / 'tsho ba gsum ni tshul khrims kyi phung po yin par lte ba'i tshul lta bu ste/ ji ltar 'khor lo'i lte ba'i rtsibs kyi gzugs byed pa bzhin du/ yang dag pa'i lta ba la sogs pa'i yon tan gzhan yang tshul khrims la brten cing de dag gi gzungs tshul khrims byed pa'i phyir ro/ /yang dag pa'i ting nge 'dzin ni mu khyud kyi tshul lta bu ste/ ji ltar 'khor lo mu khyud kyi rtsibs rnams mi gyes par sdud pa bzhin du/yang dag pa'i ting nge 'dzin gyis kyang / sems kyi 'phro ba thams cad sdud par byed pa'i phyir ro/ /yang dag pa'i lta ba dang / rtog pa dang / dran pa dang / rtsol ba bzhi ni 'phro ba'i rang bzhin pas rtsibs lta bu'o/ de ltar 'phags pa kauN+Di n+yas mthong ba'i lam bskyed pa'i phyir/ chos kyi 'khor lo bskor to zhes gsungs pas na/ mthong ba'i lam la chos kyi 'khor lo zhes bya bar mngon no/ /de la yang dag pa'i ngag dang las kyi mtha' dang / 'tsho ba gsum/ tshul khrims kyi phung por gtogs pas zhe sdang mi dge ba'i rtsa ba gcod par byed do//yang dag pa'i ting nge 'dzin dang / rtog pa dang rtsol ba gsum ting nge 'dzin gyi phung por gtogs pas 'dod chags mi dge ba'i rtsa ba gcod par byed do/ /yang dag pa'i lta ba dang ldan pa dran pa shes rab kyi phung por gtogs pas gti mug mi dge ba'i rtsa ba gcod par byed do zhes kyang slob dpon kha cig gis bshad do//'phags pa'i lam gyi yan lag brgyad kyi don rgyas par ni mdo nyid las 'og nas 'chad pas mdo tsam zhig bstan par bya'o/ /yang dag pa'i lta ba zhes bya ba la/yang dag pa zhes bya ba ni phyin ci ma log pa'i don to/ /lta ba ni mthong ba'i don te/ nang dang phyi'i dngos po mi rtag pa la sogs pa phyin ci ma log par mthong ba ni yang dag pa'i lta ba'o/ /yang na yang dag pa zhes bya ba ni de kho na la bya la/ lta ba zhes bya ba ni rtog pa la bya ste/ bden pa bzhi'i de kho na la rtog pa ni yang dag pa'i lta ba'o/ /yang na yang dag pa ni bkra shis pa'am bsngags pa'am/ dge ba la byal/ lta ba ni gsal bar byed pa la bya ste/ bkra shis pa'am/ dge ba la gsal bar byed pa ni yang dag pa'i lta ba'o//yang dag pa'i rtog pa zhes bya ba la yang dag pa zhes bya ba ni sngon ma byung ba byung ba la bya ste/ rtog pa dag ni 'di dge 'di mi dge zhes 'jigs pa la bya ste/ de lta bu'i 'jigs pa sngon ma byung ba byung ba ni yang dag pa'i rtog pa'o/ /yang na yang dag pa ni mnyam pa'am mthun par byed pa la rtog pa ni/de'i rjes su sems pa ste/ yang dag pa'i lta bas ji ltar mthong ba bzhin du/ phyis de dang mthun par sems pa ni yang dag pa'i rtog pa'o/ /yang dag pa'i ngag ces bya ba la dang por tshul khrims kyi sdom pa la sogs pa yang dag par blangs nas/sdig pa mi dge ba'i chos mi bya bar khas blangs pa bzhin du yi dam 'dral bar mi byed pa ni yang dag pa'i ngag go/ /yang dag pa'i ngag rnam pa gnyis te/ rnam par rig byed ma yin pa dang / rnam par rig byed do//de la rnam par rig byed ma yin pa ni brdzun dang tshig rtsub po la sogs pa'i smra ba la sogs pa'o/ /rnam par rig byed ni dus su smra/ yang dag par smra/ bden par smra zhes bya'o/ /yang dag pa'i las kyi mtha' zhes pa la/ gang lus kyi las ma nyams pa zhig ste/srog gcod pa dang / ma byin par len pa la sogs pa la nges par lta zhing de la mi 'jug pa'o/ /yang dag pa'i 'tsho ba zhes bya ba la chos bzhin du 'tsho ba ni yang dag pa'i 'tsho ba ste/ de yang khyim na gnas pa rnams kyi 'tsho ba dag pa dang / rab tu byung ba rnams kyi 'tsho ba dag pa ste/rnam pa gnyis so/ /khyim na gnas pa rnams kyi 'tsho ba dag pa ni/ me dang / mtshon dang dug dang chang la sogs pa las slar ldog pa'o/ /rab tu byung ba rnams kyi 'tsho ba dag pa ni/ yo byad bsnyungs pa dang / chog shes shing 'dod pa nyung ba dang tshul 'chos pa la sogs pa las slar log pa'o//yang dag pa'i rtsol ba zhes bya ba la/ sdig pa mi dge ba'i chos ma skyes pa mi skyed pa dang / skyes pa spang ba dang / dge ba'i chos ma skyes pa skyed pa dang / skyes pa 'phel bar byed pa'i lus dang / sems kyi brtson 'grus ni yang dag pa'i rtsol ba'o/ /yang dag pa'i dran pa zhes bya ba la sngon mnyan cing bsams te/ myong ba'i dngos po sems la mi brjed par byed pa ni yang dag pa'i dran pa ste/ de yang rgyu rnam pa gsum las dran pa 'byung ste/ rgyu rnam pa gsum ni goms pa dang /mtshan ma mthong ba dang / yid dang ba'o/ /de la goms pa ni gzugs la sogs pa'i dngos po la yang nas yang du lta ba la sogs pa byas pa dang / gzugs la sogs pa'i dngos po med kyang / phyis sems la dran pa 'byung ste/ dper na nyin mo goms pa'i rmi lam du mthong ba bzhin no/ /mtshan mar mthong ba ni chos 'dra dang mi 'dra ba mthong ba las dran pa 'byung ste/ dper na bu dang 'dra ba mthong nas bu dran pa dang / lhags pas nyen nas me dran pa'o/ /yid dang ba ni chu gsal bar bzhin gyi gzugs brnyan snang ba dang 'dra bar/sems gsal te sgrib pa'i shas chung na sngon ci byas pa rnams dran no/ /yang dag pa'i ting nge 'dzin zhes bya ba la/ yang dag pa ni drang po la bya la/ ting nge 'dzin gyi gyur pa'am 'dzin pa la bya ste/ dper na sbrul smyug ma'i sbubs su bcug na drang por 'gyur ba bzhin du/sems rmugs pa dang / rgod pa la sogs pa las bzlog nas drang por 'dzin pa ni yang dag pa'i ting nge 'dzin to/ /yang na yang dag pa ni mnyam pa la bya la/ ting nge 'dzin ni 'jog pa la bya ste/ sems mnyam par 'jog pa ni ting nge 'dzin yang dag pa'i ting nge 'dzin to//de la lam gyi yan lag mdo tsam du gsungs pa rgyas par bshad par bya ba'i phyir/ dge slong dag yang dag pa'i lta ba gang zhe na zhes bya ba la sogs pa bka' stsal to/ /ci'i phyir mdo tsam du bshad nas/rgyas par bka' stsal zhe na/ 'dul ba rnam pa gnyis te/ glengs pas shes pa dang / spros pas shes pa'o/ /de la glengs pas shes pa rnams kyi ched du ni 'di lta ste/ yang dag pa'i lta ba dang / zhes bya ba la sogs pa mdo tsam du gsungs nas/spros pas shes pa rnams rgya cher ma bshad pa na don rtogs par mi nus pa'i phyir/ de bzhin gshegs pa chos la slob dpon 'chab pa mi mnga' zhing / thugs rje chen po dang ldan pas de la dge slong dag yang dag pa'i lta ba gang zhe na zhes bya ba la sogs pa rgyas par bka' stsal to//de la yang dag pa'i lta ba rnam pa gsum ste/ slob pa'i yang dag pa'i lta ba dang / mi slob pa'i yang dag pa'i lta ba dang / 'jig rten gyi yang dag pa'i lta ba'o/ /de slob pa dang mi slob pa'i gang zag rnams la snyoms par 'jug pa na lta ba gang yin pa ni slob pa dang mi slob pa'i yang dag pa'i lta ba zhes bya'o//ting nge 'dzin las langs nas lta ba ni rtogs pa dang bcas pa yin pas/ 'jig rten gyi yang dag pa'i lta ba zhes bya'o/ /yang na gang zag dge ba rnams tshe rabs gzhan yod par lta zhing /las dang las kyi 'bras bu la skur pa mi 'debs pa ni/ 'jig rten gyi yang dag pa'i lta ba ste/ 'dir ni 'jig rten gyi yang dag pa'i lta ba ston par byed par rig par bya'o/ /de la chos drug yod par lta ba ni yang dag pa'i lta ba ste/ 'jug pa'i rten yod par lta ba dang /de'i rkyen gyi sa bon dang / gzhi yod par lta ba dang sbyin pa'i yon tan yod par lta ba dang / sbyin pa dang tshul khrims dang bsgom pa'i gnyen po dang / mi mthun pa'i phyogs yod par lta ba dang / de gsum mi mthun pa'i phyogs dang / gnyen po'i 'bras bu yod par lta ba dang /'jug pa las rnam par log par lta ba dang drug go/ /de la 'jig rten 'di yod 'jig rten pha rol yod/ ces bya bas 'jug pa'i rten yod pa lta ba bstan te/ tshe gcig nas gcig tu 'jug pa'i rten ni 'jig rten 'di dang 'jig rten pha rol yin la/tshe 'di yang las dang nyon mongs pa dang bcas pa'i phung po lnga u0f37yod par 'dod cing tshe 'di'i las dang nyon mongs pa'i rgyus tshe rabs gzhan du yang phung po len par 'dod pa ni 'jig rten 'di yod pa dang 'jig rten pha rol yod par lta ba zhes bya'o/ /ma yod pa dang pha y od pa zhes bya bas de'i rkyen gyis sa bon dang bzhi yod par bstan to/phung po lnga skye ba'i sa bon 'jog pa ni pha yin no/ /sa bon gyi rten byed pa ni ma yin te/ de gnyis kyang yod par lta ba ni ma yod pa dang / pha yod pa zhes bya'o/ /sbyin pa yod pa dang / sbyin sreg yod pa zhes bya bas sbyin pa dang /lha la mchod pa yod par lta ba bstan te/ yo byad rnams byin na de len par byed pa'i sems can yod par lta ba dang / sbyin sreg byas na de na sbyin sreg len pa'i lha len par lta ba ni sbyin pa yod pa dang / sbyin sreg yod par lta ba zhes bya'o//'dod pa dang mi 'dod pa zhes bya bas/ sbyin pa dang tshul khrims dang bsgom pa'i mi mthun pa'i phyogs yod par lta ba bstan te/ sbyin pa dang tshul khrims dang bsgom pa'i mtshan nyid dge ba'i phyogs gnyen por gyur pa la ni 'dod pa zhes bya'o/ / de'i mi mthun pa'i phyogs ser sna dang ngang tshul ngan pa dang / sems g.yengs pa mi dge ba'i phyogs su gyur pa ni mi 'dod pa zhes bya'o/ /yang na bsod nams dang mi g.yo ba'i mtshan nyid kyi las dge ba ni 'dod pa'o/ /bsod nams ma yin pa'i mtshan nyid kyi las mi dge ba ni mi 'dod pa ste/de dag yod par lta ba ni/ 'dod pa dang mi 'dod pa yod par lta ba zhes bya'o/ /legs par byas pa dang nyes par byas pa'i las kyi 'bras bu rnam par smin pa yod pa dang zhes bya bas de gsum gyis mi mthun pa'i phyogs dang gnyen po'i 'bras bu yod par lta ba bstan te/sbyin pa byas na longs spyod chen por 'gyur ba dang / tshul khrims bsrungs na mtho ris su skye ba dang / tshad med pa bsgoms na mya ngan las 'das par 'gyur bar lta ba dang / ser sna byas na dbul por 'gyur ba dang /tshul khrims dral na ngan song du skye ba dang / tshad med pa ma bsgoms na thar par mi 'gyur ro zhes lta ba'am/ bsod nams dang mi g.yo ba'i las byas na bde 'gror skye ba dang / bsod nams ma yin pa'i las byas na ngan song gsum du skye bar lta ba ni/las legs par byas pa dang / nyes par byas pa'i 'bras bu rnam par smin pa yod par lta ba zhes bya'o/ /'jig rten na yang dag par song ba dang / yang dag par zhugs pa yod ces bya bas 'jug pa las rnam par log par yod par lta ba bstan te/ 'jug pa ni 'khor bar skye ba'o/ /'khor bar skye ba la log pa ni 'phags pa rgyun tu zhugs pa la sogs pa dang / de bzhin gshegs pa rnams te de dag yod par lta ba ni 'jig rten na yang dag par song ba dang / yang dag par zhugs pa yod par lta ba zhes bya'o//de la rgyun tu zhugs pa la sogs pa'i 'phags pa ni yang dag par song ba'o/ /de las bzlog pa 'di ni log pa'i lta ba zhes bya'o/ /zhes bya ba la yang dag pa'i lta ba las bzlog pa ni log pa'i lta ba ste/ 'jig rten 'di med/ 'jig rten pha rol med ces bya ba la sogs par lta'o/ /yang dag pa'i rtog pa bshad pa'i phyir/ yang dag pa'i rtog pa gang zhe na/ sbyin pa dang tshul khrims sangs rgyas su 'gyur ba la sogs par bsngo ste/ 'khor los sgyur ba la sogs par ma bsngos pa 'di yang dag pa'i rtog pa'o zhes gsungs so//don du na mi dge ba la sogs par rtog pa'i gnyen por sems dge bar rtogs pa ni/ yang dag par rtog pa'o/ /de la sbyin pa gang kha na ma tho ba med pa/ sems kyi rgyan dang sems kyi yo byad dang / rnal 'byor gyi tshogs dang / don gyi mchog thob par bya ba'i phyir dngos po gtong ba ni sbyin pa'o/ /de yang gang gis sbyin pa dang / gang du sbyin pa dang / ci sbyin pa dang / cis sbyin pa dang / ji ltar sbyin pa dang / ci'i phyir sbyin pa ste/ rnam pa drug tu lta ba'o//de la gang gis sbyin zhe na/ sbyin pa po dang / sbyin pa'i bdag pos sbyin te/ gang rang gi lag nas dngos po gtong ba ni sbyin pa po'o/ /gang gzhan sbyin du 'jug pa ni sbyin pa'i bdag po'o/ /gang la sbyin zhe na/ zhing rnam pa bzhi la sbyin te/ sdug bsngal gyi zhing dang / phan btags pa'i zhing dang / yid du 'ong ba'i zhing dang / khyad zhugs pa'i zhing ngo / /de la sdug bsngal gyi zhing ni 'dron po'am/ bkren pa'am/ mu lto ba'am/ long ba'am/ 'on pa'am/ mgon med pa'am/ skyabs med pa'am/ gang nad kyis gzir ba la sogs pa'o//de la phan btags pa'i zhing ni pha'am ma'am gzhan yang gnod pa'i sdug bsngal las bdag bsgral bar byas pa'am/ lo nyes sam rgyal po gzhan gyis 'jigs pa'am/ bcings pa'i nad kyis btab pa las grogs byas pa'am/las su byas pa rnams kyi grogs byas pa'am/ nor dang gnyen bshes la sogs pa dang bral ba'i mya ngan las 'das pa'am/ phan pa dang bde bar gyur pa'i man ngag byin pa'o/ /yid du 'ong ba'i zhing ni gang grogs po mdza' ba dang bshes pa phan tshun 'dris pa dang /sems mthun par 'gyur ba'am/ nye du gnyen bshes la sogs pa gzhan yang ngo / /khyad zhugs pa'i zhing ni bram ze'am dge slong gang dge ba'i rang bzhin can 'dod chags dang / zhe sdang dang / gti mug spang bar bya ba'i phyir zhugs pa'o/ /de la ci sbyin zhe na/don du dngos po rnam pa gnyis sbyin te/ sems can gyi grangs su gtogs pa dang / sems can gyi grangs su ma gtogs pa'i dngos po'o/ /de la sems can gyi grangs su gtogs pa'i dngos po yang rnam pa gnyis te/ phyi dang nang gi'o/ / de la phyi'i dngos po ni bu dang chung ma dang / bran pho mo dang / rta dang / glang po dang / ra lug la sogs pa sbyin pa'o/ /nang gi dngos po ni bdag nyid kyi lus kyi rkang pa dang / lag pa dang mgo dang / sha khrag la sogs pa sbyin pa'o/ /sems can gyi grangs su ma gtogs pa'i dngos po yang rnam pa gsum ste/'bru'i dngos po dang gter gyi dngos po dang / yul gyi dngos po'o/ /de la 'bru'i dngos po ni 'di lta ste/ nas dang / gro dang / 'bras dang / til la sogs pa'o/ /gter gyi dngos po ni 'di lta ste/ gser dang / dngul dang / mu tig dang / bai DUr+ya la sogs pa'o/ /yul gyi dngos po ni 'di lta ste/ zhing gi dngos po dang / khyim gyi dngos po dang / tshong khang dang / bsod nams kyi don du rtsig pa'i khang pa la sogs pa'o/ /cis sbyin zhe na/ 'dod ma chags pa dang / zhe mi sdang ba dang ldan pa'i rgyus skyed pa'i lus kyi las dang / ngag gi las kyis sbyin no/ /ji ltar sbyin zhe na/ dad pa'i sems kyis tshe phyi ma la 'bras bu yod par lta zhing / gus pa dang 'dud pa'i sems kyis rang gi lag nas gus par byas te dus su sbyin no/ ci'i phyir sbyin zhe na sdug bsngal gyi zhing la ni snying rje bas sbyin no/ /phan btags pa'i zhing la ni byas pa gzo ba'i sems kyis sbyin no/ /yid du 'ong ba'i zhing la ni mdza' bar gyur pas sbyin no/ /khyad zhugs pa'i zhing la ni 'jig rten kun las khyad par du 'phags pa de las 'bras bu dam pa 'byung ba'i phyir sbyin te 'di ni sbyin pa zhes bya'o//tshul khrims zhes bya ba la/ tshul khrims ni yan lag drug dang ldan pa'i tshul khrims la bya ste/ yan lag drug dang ldan pa'i tshul khrims gang zhe na/ tshul khrims dang ldan pa yin zhing /so sor thar pa'i sdom pas bsdoms pa/ spyod pa dang spyod yul phun sum tshogs pa kha na ma tho ba rdul tsam la yang 'jigs par lta zhing / yang dag par blangs pa'i gnas rnams slob bo zhes gang gsungs pa'o/ /de ltar tshul khrims dang ldan pa ni ji ltar bslab pa yang dag par blangs pa'i gnas dang /lus kyi las kyis zhig par ma byas pa dang / ngag gi las kyis zhig par ma byas pa'o/ /ji ltar so sor thar pa'i sdom pas bsdams she na/ sde bdun pa'i tshul khrims pa ni so sor thar pa'i sdom pa ste/de dang ldan pa'o/ /de la sde bdun ni/ dge slong pha dang / dge slong ma dang / dge bsnyen pha dang / dge bsnyen ma dang / dge sbyong pha dang / dge sbyong ma dang / dge slob ma'o/ /de la spyod pa phun sum tshogs pa ni/ spyod lam bzhi'am/ las su bya ba'am/ dge ba'i phyogs la sbyor ba rnams kyang 'jig rten gyi rjes su 'jug cing / 'jig rten dang mthun par byed pa dang / 'dul ba'i rjes su 'jug cing 'dul ba dang mthun par byed pa ste/ don du na las su bya ba thams cad la 'jig rten pa rnams kyis mig mi 'gag pa'am/'dul ba dang mi 'gal bar byed pa'o/ /ji ltar spyod yul phun sum tshogs pa yin zhe na/ spyod yul rnam pa lngar 'jug tu ma gnang ba rnams su mi 'jug pa ste/ spyod yul rnam pa lnga ni/ shan pa'i gnas dang / smad 'tshong ma'i gnas dang /chang 'tshong ma'i gnas dang / rgyal po'i pho brang dang / gdol pa'i gnas so/ /ji ltar kha na ma tho ba phra ba la 'jigs par lta zhe na/ kha na ma tho ba phra ba zhes bya ba ni/ gang slob tshig phran tshegs su gyur pa nyams na yang bslang bar bla ba ste/dper na dug chung ngus kyang skyes bu chen po gsod pa bzhin du/ kha na ma tho ba phra mo 'di dag byung na yang dgra bcom pa'i 'bras bu thob pa'i skal ba med cing ngan song du ltung bar 'gyur ro/ /zhes de dag la yang bag byed cing 'jigs pa'o/ /ji ltar yang dag par blangs pa'i gnas la slob ce na/dang por so sor thar pa'i sdom pa yang dag par len pa'i dus na gsol ba dang zhu ba'i las bzhis bsnyen par rdzogs pa'i tshe bslab pa'i gnas kyi lus las du zhig thos nas gzhan ni zla ba phyed cing so sor thar pa'i mdo 'don pa las shes par gyis shig ces bsgo ste/phyis des tshangs pa mtshungs par spyod pa rnams las tshul khrims kyi dngos po du yod pa rgyas par nyan cing ji ltar mnyan pa rnams mi nyams par yang byed la/ nyams pa rnams kyang chos bzhin du gso bar byed pa'o/ /don du na tshul khrims kyi mtshan nyid rnam pa gsum bstan te/mtshan nyid gsum ni ma zhig pa'i mtshan nyid dang / rang bzhin gyi mtshan nyid dang / gzhan dang bdag la ltos nas yon tan gyi mtshan nyid do/ /de la tshul khrims dang ldan pa yin zhes bya bas ma zhig pa'i mtshan nyid bstan to//so sor thar pa'i sdom pas bsdams zhes bya bas rang bzhin gyi mtshan nyid bstan to/ /spyod pa dang spyod yul phun sum tshogs pa zhes bya bas gzhan la ltos nas yon tan gyi mtshan nyid bstan to/ spyod lam mdzes shing 'gro bar bya ba ma yin pa'i gnas su mi 'gro na/gzhan dag sems ma dang ba ni dang bar 'gyur/ dang ba rnams ni dad pa cher 'phel bar 'gyur zhing / phyogs phyogs su mi snyan pa'i tshig mi sgrogs pa'i phyir ro/ /gang kha na ma tho ba rdul tsam la yang 'jigs par lta ba dang / yang dag par blangs pa'i gnas la slob pa gnyis kyis bdag la ltos nas tshul khrims kyi yon tan bstan te/bslab pa phra mo rnams kyang ma nyams na/ dgra bcom pa'i 'bras bu ma thob pa dang / mngon du ma byas pa rnams thob pa dang / mngon du bya ba'i skal ba can du 'gyur ba'i phyir ro//sangs rgyas su 'gyur bar bsngos te/ zhes bya ba ni/ /sbyin pa dang / tshul khrims kyi sgo nas dge ba byas pa de dag gi rgyus sangs rgyas su gyur cig ce'am/ sogs pa'i sgras dgra bcom pa'am/ rgyun tu zhugs par gyur ces bsngo'o//'khor los sgyur bar gyur cig ce'am/ sogs pa'i sgras brgya byin dang tshangs par gyur cig ces mi bsngo ba 'di ni yang dag pa'i rtog pa'o/ /nyon mongs pa'i sgrib pa rnams spangs nas skyes bu gnyid las sad pa bzhin du/ ma rig pa'i gnyid las sad pa byas shing phung po dang khams la sogs pa'i chos rnams mngon du gyur te/pad+mo kha phye ba lta bur gyur pa ni sangs rgyas so/ /'khor los sgyur ba zhes bya ba la/ 'khor lo ni rin po che'i mthus/ 'gro ba rnams la dbang byed kyi/ rgyal srid 'dzin pa ni 'khor los sgyur ba zhes bya'o//'khor los sgyur ba'ang rnam pa bzhi yod de/ gser gyi 'khor lo can dang / dngul gyi 'khor lo can dang / zangs kyi 'khor lo can dang / lcags kyi 'khor lo can no/ /de la gser gyi 'khor lo can ni mchog go//dngul gyi 'khor lo can ni mchog dang nye ba'o/ /zangs kyi 'khor lo can ni bar ma'o/ /lcags kyi 'khor lo can ni tha ma'o/ /de yang rim bzhin du gser gyi 'khor lo can gyi 'khor lo ni gling bzhi la dbang sgyur ro/ /dngul gyi 'khor lo can ni gling gsum la'o//zangs kyi 'khor lo can ni gling gnyis la'o/ /lcags kyi 'khor lo can ni gling gcig la'o/ /de la dbang sgyur ba'i tshul yang gser gyi 'khor lo yod pa rnams la ni mkhar gyi rgyal phran rnams bdag cag nyid bsu zhing mdun du 'ongs nas 'di skad du/kye lha skye dgu 'di dag ni phyug cing 'byor la/ skye bo mang pos kyang rgyas pa lags te/ bdag cag kyang lha'i lags pas bdag cag la lhas lung stsal du gsol zhes zer ro/ /gang dngul gyi 'khor lo can de dag ni bdag nyid rkang gis btsugs te song ba'i 'og tu rgyal phran rnams 'dud par byed do//gang zangs kyi 'khor lo can de dag ni mkhar gyi rgyal phran rnams kyi drung du song nas/ tshig gi thabs dang 'dud par 'gyur ro/ /lcags kyi 'khor lo can gyi ni drung du song nas/ gcig la gcig mtshon gzas pa dang de'i 'og tu 'dud par byed do//yang dag pa'i ngag bstan par bya ba'i phyir/ yang dag pa'i ngag gang zhe na zhes bya ba la sogs pa gsungs so/ /brdzun du smra ba zhes bya ba la gang smra bar bya ba'i don de 'du shes gzhan du gzhag nas gzhan du smra ba ste/gang smra bar bya ba'i mi des don go bar byas nas brdzun no/ /de bas na mngon pa'i chos mdzod las/ 'du shes gzhan du bstan pa'i tshig /don shes pa la smras na brdzun/ /zhes gsungs so/ /ngag rtsub po zhes bya ba la zhe sdang dang bcas pa'i sems kyis pha rol po mi dga' bar bya ba'i phyir rigs dang rus la sogs pa'i skyon smos pa'i tshig smras nas gzhan gyis go bar gyur na tshig rtsub po'o//phra ma zhes bya ba la 'dod chags dang zhe sdang dang bcas pa'i sems nyon mongs pas pha rol dbye bar bya ba'i phyir phan tshun bskyal ba las don go bar gyur na phra ma'o//de bas na mngon pa'i chos mdzod las kyang / phra ma nyon mongs pa can gyis sems tshig ste dbye bar bya ba'i phyir zhes gsungs so/ /kyal par smra ba zhes bya ba 'dod chags la sogs pa'i nyon mongs pa dang bcas pa'i sems kyis/kha gsag dang glu dang mu stegs kyi gtsug lag bshad nas gzhan gyis don go bar gyur na tshig kyal pa ste/ de bas na ches mngon pa'i mdzod las kyang / kha gsag glu dang glu tshig bzhin/ /gtsug lag ngan pa bzhin du spang / /zhes gsungs so//don du ngag gi skyon rnam bzhi spangs nas/ 'jam pa dang don dang bcas pa'i dam pa'i chos ston pa ni/ yang dag pa'i ngag ces bya ste/ de dag gi mtshan nyid zhib tu yang dag pa'i las kyi mtha'i skabs su bshad do/ /yang dag pa'i las kyi mtha' bstan par bya ba'i phyir/yang dag pa'i las kyi mtha' gang zhe na/ lus dang / ngag dang / yid kyis zhes bya ba la sogs pa gsungs te/ mdor na lus dang / ngag dang / yid kyis mi dge ba bcu spangs nas lus dang ngag dang yid kyis dge ba bcu'i las kyi lam bsgrub pa ni yang dag pa'i las kyi mtha' zhes bya'o//mi dge ba bcu dang dge ba bcu gang yin pa bstan pa'i phyir/ de la lus kyi rnam pa gsum ste zhes bya ba la sogs pa gsungs te/ lus kyi las srog gcod pa dang / ma byin par len pa dang /'dod pas log par spyod pa ni lus kyi las mi dge ba gsum zhes bya ba la/ de gsum spangs pa ni lus kyi dge ba gsum zhes bya'o/ /ngag gi bzhi ste zhes bya ba la/ brdzun du smra ba dang / ngag rtsub po dang / phra ma dang / kyal par smra ba ni ngag gi mi dge ba bzhi la de bzhi spangs pa ni ngag gi dge ba bzhi'o//yid kyi rnam pa gsum ste zhes bya ba la chags pa dang / gnod sems dang / log par lta ba ni/ yid kyi mi dge ba gsum la/ de gsum spangs pa ni yid kyi dge ba gsum ste/ lus kyi mi dge ba gsum dang /ngag gi mi dge ba bzhi dang / yid kyi mi dge ba gsum bsdoms na mi dge ba bcu'o/ /lus kyi dge ba gsum dang / ngag gi dge ba bzhi dang / yid kyi dge ba gsum ste/ bsdoms na dge ba bcu'o/ /las kyi lam bcu po 'di dag rnam pa brgyad kyis rnam par gzhag ste/yan lag yongs su rdzogs pa dang / rab tu dbye ba dang / rgyu dang / gnas dang / sgo dang / las kyi lam che chung dang / 'bras bu dang rnam grangs so/ /de la yan lag yongs su rdzogs pa'i dbang du byas nas/ de la srog gcod pa gang zhe na/zhes bya ba la sogs pa gsungs so/ /yan lag lnga dang ldan na srog gcod pa'i srog bcad pa rdzogs par 'gyur te/ de las 'ga' zhig ma tshang na ni srog bcad pa ma yin no/ /yang na yan lag dang po bstan pa'i phyir srog chags kyang yin zhes bya ba smos te/gang gsad par bya ba de yang dag par na sems can srog chags yin gyi/ mtho 'am sdong bu la sogs pa ma yin no/ /yan lag gnyis pa bstan pa'i phyir/ srog chags su 'du shes kyang gyur zhes bya ba smos te/ gal te gang gsad par bsams pa de yang srog chags yin par shes shing /srog bcad pa yin te/ sdong dum la sogs pa yin no ba'i 'du shes kyis srog chags la bsnun na ni/ srog bcad pa yin no/ /de ni mdor na 'di skad bstan pa yin no/ /gang gsad par bsam pa de nyid gsad kyi nor te gzhan ma bsad ces bya ba'i don to//yan lag gsum bstan pa'i phyir/ gsod sems kyang skyes zhes bya ba smos te gsad do snyam pa'i sems kyis gsod sems skyes nas bsad na ni srog gcod pa yin gyi/ gsad pa'i bsam pa med de nyon mongs pa med pa'i sems kyis bsad na/srog bcad pa ma yin no zhes bya ba'i don to/ /yan lag bzhi bstan pa'i phyir/ gnod par yang byas zhes bya ba smos te/ gsad sems yod kyang gal te mtshon la sogs pas ma bsnun na srog bcad pa ma yin gyi/ gsad par bsams pas mtshon cha la sogs pas kyang bsnun zhes bya ba'i don to//yan lag lnga bstan pa'i phyir/ de yang shi na zhes bya ba gsungs te/ gang gsad par bya ba de yang srog gi dbang po'i rgyun chad de shin yan lag lnga tshang bas srog bcad pa rdzogs pa yin no/ / srog bcad ces bya ba la 'tsho ba'i dbang po ni srog ste/ de'i rgyun gnod par byed pa'am 'gog par byed pa ni srog gcod pa'o/ /tha na chung ngu na tshe kun zad 'gags zin nas 'tsho ba'i dbang po skad cig ma gcig skye bar 'gyur ba'i bar chad byas na yang srog bcad pa'i kha na ma tho ba dang ldan par 'gyur na gzhan lta ci smos/bag byas pa dang ma mthong ba ma gtogs pa zhes bya ba la bag byas bzhin pa las shi ba dang sdong po la bsnun no snyam pa las mi la phog ste shi ba dang / mi yod par ma mthong ste/ rdo 'phangs pa la sogs pas shi bar gyur pa ni srog gcod pa ma yin no zhes bya ba'i don to/ma byin par len pa bstan par bya ba'i phyir/ de la ma byin par len pa gang yin zhe na zhes bya ba la sogs pa gsungs so/ /mthu'am sgyu'am 'jab bus gzhan gyi nor blangs pa ni ma byin par len pa'o//de yang yan lag lnga dang ldan na ma byin par len pa rdzogs par 'gyur ro/ /brkus par 'gyur ro/ /yan lag dang po bstan pa'i phyir/ rku sems kyis zhes bya ba gsungs te/ gal te gnas 'dir rdzas bzhag na stor bar 'gyur bas gzhan du bzhag go snyam du dge ba'i sems kyis blangs pa ni ma yin gyi gzhan gyi nor la chags pas de brku'o//snyam sems pa'o/ /yan lag gnyis pa bstan pa'i phyir/ pha rol gyi zhes bya ba smos te/ bdag gi nor ni ma yin gyi sems can gzhan gyi nor zhes bya ba'i don to//yan lag gsum pa bstan par bya ba'i phyir/ nor zhes bya ba smos te/ sems can gzhan gyis bdag gir byas pa'i 'bru dang gter la sogs pa'i rdzas so/ /yan lag bzhi bstan pa ni/ sbyor bar byed pa ste/ rang gi gnas nas 'phags pa dang /lam du zhugs pa dang / khang khyim 'bugs pa nas nor rdzas lag gis reg pa'i bar du'o/ /yan lag lnga bstan par bya ba'i phyir/ bdag gi byed pa zhes bya ba gsungs te/ gzhan gyi nor rdzas gnas nas spags nas bdag kho na'i nor du byas nas yan lag rdzogs pa na ma byin par blangs par 'gyur ro//de ltar na bcom ldan 'das kyi rgyan brkus pas bdag po med na su las brkus pa yin/ smras pa/ de sangs rgyas las brkus pa yin te/ de dag thams cad kyang bcom ldan 'das kyis mya ngan las 'das pa'i tshe yongs su bzung zhing bzhes pas so//dge slong zhi ba'i nor bdag po med pa brkus na su las brkus par 'gyur/ smras pa gsol ba dang / zhu ba'i las byas na ni mtshams su gtogs pa'i sangs rgyas kyi sras rnams las brkus par 'gyur ro/ / las ma byas na ni sangs rgyas kyi sras thams cad las brkus pa yin no/ /mchod rten las brkus pa gang las brkus par 'gyur/ de yang de bzhin gshegs pa nyid las brkus par 'gyur/ bdag po med pa'i gter byin na su las brkus pa yin/ yul gyi bdag po ste/rgyal po las brkus pa yin no/ /ma dang pha zhes bya ba la sogs pa ni pha ma la sogs pa'i nor yid gcugs pa blangs kyang mi dga' bar mi 'gyur ba'i nor blangs pa ni ma byin par blangs pa ma yin no/ /de dag la yang stod g.yogs dang smad g.yogs la sogs pa lus la gyon bzhin pa yin pa dang /kha zas za ba bzhin du 'phrog pa ni de dag mi dga' bar 'gyur bas na ma byin par blangs pa yin no/ /'dod pas log par spyod pa bstan pa'i phyir 'dod pas log par spyod pa gang zhe na zhes bya ba la sogs pa gsungs te/ gzhan gyi bud med la g.yems pa dang zhes bya bar sbyar ro/ /mdor na gzhan gyis bdag gir byas pa'i bud med rnams la mthu'am/ rkun por spyod pa ni 'dod pas log par spyod pa zhes bya ste/ de yang rnam pa lngar gzhag go/ /lnga gang zhe na/ 'gro ba ma yin par 'gro ba dang /yan lag ma yin par 'gro ba dang / mi rigs par 'gro ba dang / gnas ma yin par 'gro ba dang / dus ma yin par 'gro ba'o/ /'gro ba ma yin par 'gro ba yang rnam pa lnga ste/ khyos bsrungs pa dang / rgyal pos bsrungs pa dang /pha mas bsrungs pa dang / chos kyis bsrungs pa dang / 'gro bas bsrungs pa'o/ /de la khyos bsrungs pa ni/ gang dag gi bag mar blangs nas bdag gi chung mar byas pa'o/ /rgyal pos bsrungs pa ni/ gang khyo shi bar gyur pa ni bud med yugs sa'am/mgon med par rgyal po'i bka' khrims kyis khrims su bcad de spyod du ma gnang bar byas pa'o/ /pha mas bsrungs pa ni/ bu mo de gzhan la ma byin gyis gzhan dang 'khrir mi 'jug pa'i phyir pha ma'i go na gnas pa'o//chos kyis bsrungs pa ni dge slong ma'am/ khrims mnos pa thams cad do/ /'gro bas bsrungs pa ni/ 'gro ba mang pos khrims su bcas te/ 'dod chags spyod du mi ster ba'o/ /de la khyos bsrungs pa la spyad na khyo las 'dod pas log par spyod pa yin no//rgyal pos bsrungs pa la spyad na/ rgyal po las phrogs shing mi tshangs par spyad pa yin te/ des de la mi bzod par bya ba'i phyir ro/ /rgyal po de nyid de la spyod na/ gang las mi tshangs par spyod pa yin zhe na/ dper na rgyal po'i btsun mo dus khrims ma nos pa'i tshe spyad na rgyal po nyid mi tshangs par spyod pa'i kha na ma tho ba dang ldan pa bzhin du don 'di yang 'dra bar blta'o//chos kyis bsrungs pa dge slong ma la mi tshangs par spyad na/ gang las mi tshangs par spyad pa yin zhe na/ rgyal po las gzhan du brkus shing mi tshangs par spyad pa yin te/des de la mi bzod par bya ba yin pas so/ /rgyal po nyid de la spyod na/ gang las mi tshangs par spyod pa yin zhe na/ dper na rgyal po'i btsun mo dus khrims mnos pa la spyad pa dang 'dra bar/ kha na ma tho ba thob par 'gyur ro//'gro bas bsrungs pa la spyad na/ gang las mi tshangs par spyad pa yin zhe na/ 'gro ba mang po las brkus shing mtshungs par spyod par 'gyur ro/ /yan lag ma yin par 'gro ba ni/ rang gi kha dang mi gtsang ba'i lam dang / bdag gi chung ma la yang kha rkub la sogs pa spyad par bya ba ma yin pa'i gnas su spyod pa'o/ /mi rigs par 'gro ba ni ma dang sring mo la sogs pa rigs kyi rgyud dang [(]'drel [,]'brel [)]pa rnams la 'gro ba'o/ /gnas ma yin par 'gro ba ni/ g.yel ba kun gyis mthong ba'i gnas sam/mchod rten dang / gtsug lag khang la sogs pa'i gnas su spyod pa'o/ /dus ma yin par 'gro ba ni/ nyin par bdag gi chung ma khrag 'dzag pa'am/ lto sbrum pa'am/ byis pa chung ngu nu ma bsnun pa'i tshe spyod pa ste/ sbrum pa'i tshe spyad na ni/mngal na gnas pa la gnod pa dang / byis pa chung ngu 'o ma 'thung ba'i tshe spyad na ni/ 'o ma myur du zad par 'gyur la/ 'o ma 'thungs kyang de la lus brtas pa dang rgyas par mi 'gyur ba'i phyir spyad du mi rung ngo / /lus kyi mi dge ba gsum rgyas par bshad pa bsdu ba'i phyir/'di ni lus kyi rnam pa gsum mo zhes bya ba gsungs so/ /'dod pas log par spyod ces bya ba'i tshig gi don bstan pa'i phyir/ 'dod pa 'dod pa zhes bya ba la sogs pa gsungs te/ 'dod pa 'dod pa zhes bya ba'i tshig 'di ni ngan pa 'phags pa rnams kyis smad pa yin pas/de'i phyir 'dod pas log par g.yem pa zhes bya'o/ /de yang yan lag lnga rdzogs pa na/ 'dod pas log par spyod pa yin te/ yan lag lnga ni bud med kyang yin/ sgo gsum yang ma nyams/ chags sems kyang yod/sgo gsum du yang bcug/ dga' bar yang tshor ba'o/ /brdzun du smra ba bstan pa'i phyir/ brdzun gang zhe na zhes bya ba la sogs pa gsungs te/ bden pa ma yin pa'i tshig ni brdzun no/ /de yang 'jig rten gyi phyir dang / 'jig rten las 'das pa'i phyir te/rnam pa gnyis su gzhag go/ /de la 'jig rten gyi dbang du byas nas/ dbang dris na yang dag pa ji lta bas log par smra ba zhes bya ba gsungs te/ mi gnyis shig shags la zhugs pa na/ dge ba'i mi rnams kyi la la zhig la dbang du bskos te/mi 'di gnyis kyi phyir smras pa rnams ji ltar thos pa dang / mthong ba bzhin du smros shig ces bsgo ba dang / bdag gi don nam gzhan bslu bar bya ba'i phyir dbang po de dris pa'i dus na thos pa dang / mthong ba la sogs pa yang dag pa ji lta ba bzhin drang por mi smra'i/gzhan du smra ba ni brdzun zhes bya'o/ /brdzun du smra ba'i mi des kyang don shes pa'i mdun du smra ba go bar gyur na/ brdzun du 'gyur gyi gzhan du ni ma yin no/ /de bas na brdzun gyi mtshan nyid gzhan du 'du shes pa'i ngag don shes pa'i mdun du smra ba brdzun du 'gyur zhes bshad do//'jig rten las 'das pa'i dbang du byas nas/ dgra ma bcom pa la dgra bcom pa'o zhes bya ba gsungs te/ dgra ni 'dod chags la sogs pa'i nyon mongs pa'o/ /de bcom pa ni dgra bcom pa'o//bsod nams kyi zhing dam par gyur pas 'gro ba kun gyis mchod par 'os pa ni dgra bcom pa zhes bya ste/ khe dang bkur ste la chags pa'i rgyus dgra bcom pa ma yin par dgra bcom pa yin no zhes smras na/ brdzun zhes bya ba ste bzhad gad kyi phyir byas pa ni brdzun ma yin no zhes bya ba'i don to//smras pa don gang gis go bar bya ba de lus kyis go bar byas na/ brdzun du 'gyur ram/ smras pa/ de yang 'gyur te de'i phyir bshad pa/ 'di ltar tshig mi 'byin na brdzun gyi kha na ma tho bas rigs pa yod dam/ yod de lus kyis gal te go bar byed na'o zhes dper na gso sbyin gyi tshe bshad pa'o//yan lag bzhi dang ldan na brdzun byas par 'gyur te/ khe dang bkur sti la chags pas bdag gi phyir dang / brdzun smra bar bsam pa dang / gzhan gyis go bar gyur pa'o/ /phra ma bstan par bya ba'i phyir/phra ma gang zhe na/ zhes bya ba la sogs pa gsungs so/ /mdza' ba dbye bar bya ba'i phyir/ bsam pas phan tshun tshig skyel ba ni phra ma ste/ de yang yang dag pa'i tshig skyel ba dang / yang dag pa ma yin pa'i tshig skyel ba ste rnam pa gnyis so//de la bden pa zhes bya bas yang dag pa'i tshig skyel ba bstan te/ gzhan gyis gzhan dag la mi dga' ba'i tshig smras par yang bden la/ de nyid sgro ma btags par phan tshun skyel ba'o/ /yang dag pa ma yin pa ni gzhan gyis gzhan dag la tshig mi snyan par ma smras kyang /sgro btags nas phan tshun tshig skyel ba ste/ de lta bu'i sgo nas mdza' ba 'byed par byed pa'i tshig smra zhing bye bar gyur na phra ma'o/ /yan lag bzhi dang ldan na phra ma byas pa yin te/ phra ma bya bar yang bsams phra ma'i tshig kyang smras/ gzhan gyis don go bar yang gyur ba'o//tshig rtsub po bstan pa'i phyir/ de la ngag rtsub po gang zhe na zhes bya ba la sogs pa gsungs so/ /de la gzhan gyi zher 'debs pa'i tshig ni tshig rtsub po'o/ /de nyid bstan par bya ba'i phyir/ 'di ni sdug bsngal bar gyur cig ces bya ba la sogs pa gsungs te/zhe sdang gi sems kyis gzhan gyi sems la sdug bsngal bar 'dod de/ gang gzhan gyi yid du mi 'ong zhing mi dga' bar gyur pa'i tshig rigs dang rus dang skyon la sogs pa smra ba ni tshig rtsub po zhes bya'o/ /yan lag bzhi dang ldan na tshig rtsub po smras pa yin te/zhe sdang ba'i sems dang tshig rtsub mo smra bar bsam pa dang / smras pa dang / de'i rgyus gzhan yang sems la sdug bsngal bar 'gyur ba'o/ /tshig kyal pa bstan par bya ba'i phyir/ kyal par smra ba gang zhe na zhes bya ba la sogs pa gsungs te/mdor na rnam par byang ba thob pa dang / nyon mongs pa 'joms par byed pa'i don dang / chos kyi gtam ma yin pa 'dod chags la sogs pa'i nyon mongs pa skye bar 'gyur ba'i tshig smra ba ni kyal par smra ba zhes bya'o/ /de nyid gang yin pa rgyas par bstan pa ni/rgyal po'i gtam zhes bya ba la sogs pa'o/ /sngon rgyal po shri ri ha ri sha zhes bya ba byung ste/ de'i 'khor dang blon po dang pho brang la sogs pa 'di 'dra ba'o zhes smra ba ni rgyal po'i gtam mo/ /rkun po 'ga' 'am sder chas pa che ge mo zhig gis gzhan gyi gnas bcom nas rdzas la sogs pa 'di ltar khyer ro zhes smra ba ni rkun po'i gtam mo//rgyal po sde gnyis las dmag gis 'thab pa na dpa' bo ni 'di snyed/ glang po ni 'di snyed/ rta ni 'di snyed/ dpung bu chung ni 'di snyed cig ste/ mtha' 'di ltar 'gyur ro zhes smra ba ni dmag gi gtam mo//bdag cag gi pha ma nye du gnyen bshes sam mdza' bo rnams dang dus 'di'i tshe/ bza' ba 'di lta bu dang btung ba 'di lta bu dang spyod spyod de 'di ltar dga' bar gnas she 'am/ phyis kyang bza' ba dang btung ba 'di lta bu dag bya'o zhes smra ba ni chang gi gtam mo//rgyan po 'di gnyis rgyan ba kye ba las 'di pham/ 'di rgyal zhe 'am/ bdag cag kyang dus 'dir rgyan po 'di ltar rgyal lo/ /zhes smra ba ni rgyan po'i gtam mo/ /sngon nam da ltar 'gro ba bzang mo 'di lta bu dag 'byung ste/skyes bu 'di dag dang rtag tu 'grogs/ bdag kyang 'gro ba bzang mo 'di lta bu 'di snyed cig dang 'grogs te spyod pa 'di 'dra zhes smra ba ni bud med kyi gtam mo/ /sngon gyi rgyal po dang / blon po dang bram ze dang khyim bdag la sogs pa shes pa dang /dpa' ba'i gtam gyi rgyud gleng ba ni sgrung gtam mo/ /gzhan yang glu len pa dang mu stegs kyi gtsug lag la sogs pa 'chad pa yang tshigs kyal/ pa zhes bya'o/ /'o na 'khor los sgyur ba'i rgyal po'i dus na/ glu len pa de yang kyal pa yin nam zhe na ma yin te/'khor ba las byung ba dang / mya ngan las 'das pa thob par 'gyur ba'i tshig dag glu dang sbyar te len la grong mi'i tshig lta bur mi rigs pas bsdus pa med pas na nyes pa med do/ /yan lag bzhi dang ldan na tshig kyal par smra ba yin te/yan lag bzhi ni chags pa'i bsam pa dang ldan pa dang / tshig kyal par smra bar bsam pa dang / tshig kyal par smras pa dang / gzhan dag gis kyang thos te chags pa skyes so/ /ngag gi las rgyas par bshad pa bsdu ba'i phyir 'di ni ngag gi rnam pa bzhi'o//zhes bya ba gsungs so/ /chags sems bstan pa'i phyir/ de la chags pa gang zhe na zhes bya ba la sogs pa gsungs so/ /gang gzhan gyi nor de rnams bdag gir gyur cig ces bya ba la/ gang sems can gzhan gyi nor 'bru'i dngos po dang /gter gyi dngos po dang / yul gyi dngos po rnams la chags pas de dag ji ltar bdag gir gyur par bya zhes bsams te/ gzhan gyi nor la mthu dang 'jab bu la sogs pas brkus nas bdag gir byed par 'dod pa ni chags pa zhes bya'o//yan lag gsum dang ldan na chags sems su 'gyur te/ chags pa'i bsam pa yang yod/ nor la brku bar yang sems/ brku bar bya ba'i sbyor ba yang rtsom pa'o/ /gnod sems bstan par bya ba'i phyir/ de la gnod sems gang zhe na zhes bya ba la sogs pa gsungs so//zhe sdang gi sems kyis gzhan gyi 'tsho ba dang dbral bar bya ba'am/ lus la gnod par bya ba sems pa ni gnod sems so/ /de gnyis kyi don bstan par bya ba'i phyir/ pha rol 'tsho ba dang dbral ba zhes bya ba gsungs te/ 'tsho ba dang dbral bar sems pa ni gzhan dag gsad par sems pa'o/ /bcad pa ni mtshon cha la sogs pas yan lag gtubs par sems pa'am/ nor la sogs pa dang dbral bar sems pa'o/ /gzir ba ni bcings pa dang brdeg pa la sogs par sems pa'o//yan lag gsum dang ldan na gnod sems su 'gyur te/ zhe sdang dang ldan pa dang / gnod par bya bar sems pa dang / gnod par bya ba'i phyir sbyor ba la rtsom pa'o/ /log pa'i lta ba bstan par bya ba'i phyir/ de la log pa'i lta ba gang zhe na zhes bya ba la sogs pa gsungs so//yang dag pa'i lta ba las bzlog pa ni log pa'i lta ba ste/ de yang 'jig rten 'di med/ 'jig rten pha rol med ces bya ba la sogs pa gong ma las bzlog pa'o/ /log pa'i lta bas chos lnga la skur pa 'debs te/'jig rten pha rol du 'gro ba dang mi 'gro ba la skur pa 'debs pa dang / sa bon 'jog pa dang gzhi la skur pa 'debs pa dang / rgyu la skur pa 'debs pa dang / 'bras bu la skur pa 'debs pa dang / dam pa'i dngos po chud za bar byed pa'o/ /de la 'jig rten 'di med 'jig rten pha rol med ces bya ba ni/'jig rten pha rol du 'gro ba dang mi 'gro ba la skur pa 'debs pa'o/ /ma med pha med ces bya ba ni sa bon dang gzhi'i bya ba la skur pa 'debs pa'o/ /sbyin pa med sbyin sreg med/ 'dod pa dang mi 'dod pa med ces bya ba ni rgyu la skur pa 'debs pa'o//legs par byas pa dang nyes par byas pa'i 'bras bu rnam par smin pa med ces bya ba ni 'bras bu la skur pa 'debs pa'o/ /'jig rten na yang dag par song ba dang / yang dag par zhugs pa med ces bya ba ni dam pa'i dngos po chud za bar byed pa'o//yan lag gsum dang ldan na log pa'i lta ba yin te/ gti mug dang ldan pa dang / 'jig rten pha rol med do zhes bya ba la sogs pa sems yid ches pa dang / de bzhin du yang tshig tu yang 'byin pa'o/ /rab tu dbye ba ni mi dge ba'i las kyi lam bcu po 'di dag rnam pa bzhir gzhag ste/dngos po dang / bsam pa dang / sbyor ba dang / mthar thug pa'o/ /de la mi dge ba bcu'i las kyi lam gyi dngos po ni dngos po gang la brten nas srog gcod pa la sogs pa 'byung ba ste/ de yang sems can gyi grangs su gtogs pa dang /sems can ma yin pa'i grangs su gtogs pa ste/ rnam pa gnyis so/ /bsam pa ni dngos po de yin par shes pa dang / de'i las bya bar 'dod pa'i sems skyes pa'o/ /sbyor ba ni de'i las bya ba'i phyir bdag gam gzhan gyi lus dang ngag dang yid kyi sgo nas rtsom pa 'jug pa'o//yongs su rdzogs pa ni sbyor ba de dang de las de dag gis de'i dus na mthar phyin par byas pa'am/ phyis mthar phyin par byas pa'o/ /de la srog gcod pa'i dngos po ni mi dang phyugs la sogs pa sems can gyi grangs su gtogs pa'o//bsam pa ni sems can yin pa yang shes la/ de bsad pa yang bsam pa'o/ /sbyor ba ni de la 'ga' zhig phyugs bsad par 'dod nas khri las ldang / rin blangs/ lam du zhugs/ bsnams khrid bran khrims bcug/mtshon gyis bsdun te/ mtshon gcig gnyis la sogs pa ji srid du 'tsho ba dang bral bar ma gyur gyi bar gyi las byed pa ni sbyor ba'o/ /yongs su rdzogs pa ni srog chags de sbyor ba des de'i tshe shi ba'am/ phyis shi bar gyur pa'o/ / ma byin par len pa'i dngos po ni mi dang phyugs la sogs pa'i sems can gyi dngos po'am/ 'bru dang gter la sogs pa'i sems can ma yin pa'i dngos po'o/ /bsam pa de ni dngos po de kun yin par shes la/ gzhan gyis yongs su bzung ba'i dngos po bdag gir bya bar 'dod pa'o//sbyor ba ni khri las ldang ngo / /lam du 'jug go/ /khyim 'bigs pa la sogs pa byed pa nas/ ji ltar ji srid du dngos po ma blangs kyi bar gyi las byed pa'o/ /yongs su rdzogs pa ni mthu'am/ 'jab bus dngos po de dag bdag gir byas pa'o//'dod pas log par spyod pa'i dngos po ni 'gro bar bya ba ma yin pa la sogs pa sems can gyi grangs su gtogs pa nyid do/ /bsam pa ni bud med la sogs pa yin par yang shes la/ de la kun tu spyad par bya bar 'dod pa skyes pa'o/ / sbyor ba ni kun tu spyad par bya ba'i phyir stan las langs nas bud med kyi gnas su phyin te/ mgo dang rkang lag la sogs pa la 'dzin pa'i bar gyi las byed pa'o/ /yongs su rdzogs pa ni gnyis kyis gnyis sprad pa'o/ /brdzun du smra ba'i dngos po ni mi la sogs pa sems can gyi grangs su gtogs pa dang 'bru la sogs pa sems can gyi grangs su ma gtogs pa dang /mthong ba dang / thos pa dang / rig pa dang /shes pa dang / ma mthong ba dang / ma thos pa dang / ma rig pa dang / ma shes pa'o/ /bsam pa ni shes bzhin du gzhan du 'du shes/gzhan du smra bar 'dod pa'o/ /sbyor ba ni de'i phyir khri las ldang ba dang / lam du 'jug pa dang / smra bar rtsom pa'i bar du'o/ /yongs su rdzogs pa ni dbang gi 'khor tshogs pa'i dbus su brdzun gyi tshig smras pa'o/ /phra ma'i dngos po ni dum pa'i sems can dang /ma dum pa'i sems can dang / phyogs gnyis so/ /de la dum pa ni snga nas mdza' ba'o/ /ma dum pa ni bye bar gyur pa'o/ /bsam pa ni de nyid dbye bar bya bar 'dod pa'i sems te/ de yang 'dum pa la mi dga' ba dang /mi 'dum pa la dga' ba ste/ rnam pa gnyis so/ sbyor ba ni de dag dbye bar bya ba'i phyir stan las langs pa la sogs pa'i las rtsom pa'o/ /yongs su rdzogs pa ni tshu rol nas blangs te pha rol du bsnyad pa dang / pha rol du blangs nas tshu rol du bsnyad nas phyogs su dbye bar gyur pa'o//de la mdza' ba rnams la ni mi mdza' bar bya ba'i phyir dbye ba'i tshig smra ba ste/ mi mdza' ba rnams la phyis kyang mdza' bar mi 'gyur ba'i phyir tshig gis snon pa'o/ /ngag rtsub po'i dngos po ni zhe sdang gi rgyur gyur pa'i sems can no//bsam pa ni de la gnod pa'i sems skyes pa ste/ de yang 'dir sngon bdag la gnod par byas/ da ltar gnod par byed/ ma 'ongs pa na gnod par byed par 'gyur te/ 'dis bdag gi mdza' bo la sngon gnod pa byas/ da ltar gnod pa byed do/ / phyis gnod pa byed par 'gyur/ 'dis sngon bdag gi dgra la phan btags/ da ltar phan 'dogs/ phyis phan gdags par 'gyur zhes sems zhing / de gnod pa bya bar 'dod pa'o/ /sbyor ba ni de la gnod par bya ba'i phyir stan las langs pa la sogs pa'i las rtsom pa'o//yongs su rdzogs pa ni de'i rgyu las rigs dang rus dang skyon la sogs pa smos te/ gzhan gyi sems sdug bsngal bar gyur pa'i tshig rtsub mo 'byin pa'o/ /tshig kyal pa'i dngos po ni rgyal po dang rkun po la sogs pa'i don med pas yongs su bsdus pa'i gtam rgyud do//bsam pa ni gtam de bya bar sems shing 'dod pa skyes pa'o/ /sbyor ba ni gtam bya ba'i phyir rang rang gi stan las ldang ba la sogs pa'i las rtsom pa'o/ /yongs su rdzogs pa ni 'khor 'dus pa'i nang du gtam smra ba'o/ /chags sems kyi dngos po rnam pa gnyis te/bdag gir bya ba'i dngos po rnam mi gtong ba dang / yongs su mi gtong ba'i dngos po'o/ /de la mi gtong ba'i dngos po ni nor dang 'bru la sogs pa'i rdzas so/ /yongs su mi gtong ba'i dngos po ni lhag par chags par 'gyur ba'i yul te/bu dang chung ma la sogs pa'o/ /bsam pa ni dngos po de yin par shes shing de la 'dod pa skye ba ste/ 'dod pa skye ba yang bslang ba'i sgo dang / 'thob par smon pa'i sgo dang / brku ba'i sgo dang / rnam pa gsum mo/ /de la bslang ba'i sgo ni dngos po de la chags pas blangs te/thob par bya'o snyam du sems pa'o/ /thob par smon pa'i sgo ni ci nas kyang dngos po 'di bdag gis thob par 'gyur zhes smon lam 'debs pa'o/ /brku ba'i sgo ni thabs 'dis bdag gis dngos po 'di thob pa'am brku bar bya bar sems pa'o//sbyor ba ni bdag gir bya ba'i phyir ji ltar bdag gir 'gyur ba'i thabs rnam pa sna tshogs tshol ba'o/ /yongs su rdzogs pa ni de dag bdag gir mi bya mi gtong ngo zhes sems nges par 'gyur ba'o/ /gnod sems kyi dngos po ni zhe sdang skye ba'i rgyur 'gyur ba'i sems can no//bsam pa ni de la gnod par bya'o snyam pa'i sems skyes pa'o/ /sbyor ba ni stan las ldang ba la sogs pa'i las rtsom pa'o/ /yongs su rdzogs pa ni mi gsad mi rdeg tu mi gtong ngo zhes sems la nges par byas so/ /log par lta ba'i dngos po ni 'jig rten 'di dang /'jig rten pha rol dang / las dang las kyi 'bras bu la sogs pa'o/ /bsam pa ni las dang las kyi 'bras bu la sogs pa med do snyam sems shing de ltar mos pa'o/ /sbyor ba ni de skad du smra ba'i gtsug lag nyan pa dang 'chad pa rnams dang 'grogs pa'o//yongs su rdzogs pa ni med par yid ches nas med do zhes tshig tu yang 'byin pa'o/ /rgyu dang zhes bya ba la mi dge ba bcu'i las kyi lam 'di dag mi dge ba'i rtsa ba gsum gyi rgyu las skyes te/ mi dge ba'i rtsa ba gsum ni/'dod chags mi dge ba'i rtsa ba dang / zhe sdang mi dge ba'i rtsa ba dang / gti mug mi dge ba'i rtsa ba'o/ /de la srog gcod pa la yang chags pas srog gcod pa dang / zhe sdang bas gcod pa dang / gti mug bas gcod pa ste/ rnam pa gsum mo//de la chags pas srog gcod pa ni/ sha dang pags pa dang khrag la sogs pa 'dod pa'i phyir srog gcod pa dang / rtsed mo'i phyir srog gcod pa dang / bdag dang mdza' bshes la sogs pa bskyab pa'i phyir srog gcod pa'o/ /zhe sdang gis srog gcod pa ni mi mdza' ba shar gnyer ba'i phyir dgra gsod pa'o//gti mug gis srog gcod pa ni dper na mchod sbyin byed pa rnams srog gcod de sbyin sreg byas nas mtho ris su skye'o/ /zhes chos kyi bsam pas srog gcod pa dang / rgyal po dag kyang chos las 'byung ba tshad mar byas nas gsod de mi bgrungs pa rnams bsad pa la sogs pa'i nan thur byas nas bsod nams kyi shas su 'gyur ro zhes zer ba dang /par sig la sogs pa 'di ltar pha ma rgas te yor zhugs pa nad tshabs po ches nyen pa gsad par bya'o zhes zer ba la sogs pa'o//yang kha cig 'di skad du sbrul dang sdig pa dang / trai ma bu ga la sogs pa mi la gnod par byed pa yin pas bsad pa dang ri dwags dang phyugs dang bya dang ma he la sogs pa mi'i longs spyod kyi rkyen yin pas bsad kyang sdig tu mi 'gyur ro zhes zer ba la sogs pa'o//ma byin par len pa yang chags pa dang zhe sdang dang gti mug gsum las skyes te/ chags pa las skye ba ni dngos po gang 'dod pa de 'phrog par byed pa'am/ khe dang bkur sti la chags pa'i phyir brku'am/ bdag dang mdza' bshes bskyab pa'i phyir nor 'phrog par byed pa'o//zhe sdang gis brku ba ni dgra shar gnyer ba'i phyir dgra las 'phrog cing brku'o/ /gti mug las 'byung ba ni ji ltar rgyal po'i chos las 'byung ba tshad mar byas nas mi bgrungs pa rnams tshar gcad pa'i phyir de dag gi nor 'phrog na bsod nams kyi shas thob po//zhes smras pa dang / ji ltar bram ze rnams smra ba/ 'di dag thams cad tshangs pas bram ze la byin te/ bram dmas pa na dmangs [(]rig [,]rigs [)]kyis longs spyod rnams kun tu spyad par bya'o/ /de bas na blangs kyang bram ze bdag gis len/ bdag gis spyod bdag gi la gnas shing bdag gis bstad du zad kyis bram ze lta dbrog par bya'o/ /de ltar byas kyang 'di la gzhan gyi yin par 'du shes cha med do zhes 'byung ba'o/ /'dod pa la log par spyod pa yang 'dod pa las skye pa dang / zhe sdang las skye pa dang /gti mug las skye ba ste rnam pa gsum mo/ /de la 'dod pa las skye ba ni gzhan gyi bud med la chags pa'i phyir spyod pa dang / bud med kha cig la spyad na thob pa dang bkur sti 'byung ngo / /zhes khe dang bkur sti'i phyir spyod pa dang / bud med kha cig la spyad na bdag dang mdza' bshes la skyabs 'byung ngo zhes bdag dang gzhan bskyab pa'i phyir spyod pa'o//gti mug las byung ba ni dper na phyugs kyi rjed pa'i mchod sbyin las pho smos nye du gnyen bshes su gyur pa thams cad bsdus nas khang pa gcig tu bcud do/ / sgren mor phyung nas phyugs thabs su sgus su bcug la chu 'thung rtswa za/ bab bab tu spyod cig dang mtho ris su 'gro'o zhes zer ba dang / yang kha cig bud med rnams ni gtun dang / me tog dang / 'bras bu dang / kha zas drod la bab pa dang / stegs dang lam lta bu ste/ kun gyis spyad kyang nyes pa med do zhes zer ba dang /par sig la sogs pa ma la spyad par bya'o zhes zer ba lta bu'o/ /zhe sdang las skye ba ni dgra la shar gnyer ba'i phyir te/ chung ma kun tu 'dren cing kha 'dren par byed pa'o/ /brdzun yang 'dod chags dang / zhe sdang dang / gti mug las skye ba ste/ rnam pa gsum mo/ /de la 'dod chags las skyes pa ni nor 'dod pa dang / bdag dang mdza' bshes bskyab pa'i phyir brdzun du smra ba'o/ /zhe sdang las skyes pa ni dgra la shar gnyer ba'i phyir brdzun du smra ba'o/ /gti mug las skye ba ni dper na bram ze'i gzhung las//rgyal po bzhad gad rtog pa brdzun ma yin/ /bud med dang ni gnyen du 'thams pa'i tshe/ /srog gi phyir dang nor kun stor ba'i phyir/ /brdzun lnga sdig med ces par smra ba yin/ /zhes bshad pa lta bu'o//phra ma yang / chags pa dang / zhe sdang dang gti mug las skyes pa ste/ rnam pa gsum mo/ /chags pa las skyes pa ni nor rdzas la chags pa'am/ bdag dang mdza' bshes bskyab pa'i phyir phra ma smra ba'o/ /zhe sdang las skyes pa ni dgra la shar gnyer ba'i phyir/dgra dang bshes pa rnams la phra ma skyel ba'o/ /gti mug las skyes pa ni mu stegs pa'i gzhung kha cig las phra ma smras kyang nyes pa med do zhes 'chad pa lta bu'o/ /tshig rtsub po yang chags pa las skyes pa dang / zhe sdang las skyes pa dang / gti mug las skyes pa ste gsum mo//chags pa las skyes pa ni gzhan gyi nor 'dod pa'i phyir tshig rtsub pos bsdigs par byed pa dang / bdag dang mdza' bshes bskyab pa'i phyir tshig rtsub mo smra ba'o/ /zhe sdang las skyes pa ni dgra la shar gnyer ba'i phyir tshig rtsub po smra ba'o/ / gti mug las skyes pa ni tshig rtsub po smras kyang nyes pa med do zhes 'chad pa lta bu'o/ /tshig kyal pa yang chags pa dang / zhe sdang dang / gti mug las skyes pa ste/ rnam pa gsum mo/ /chags pa las skyes pa ni nor la chags pa dang / mdza' bshes bskyab pa'i phyir glu len pa dang /sngon gyi gtam rgyud smra bar byed pa'o/ /zhe sdang las skyes pa ni dgra la shar gnyer ba'i phyir tshig kyal pas de'i mdza' bshes rnams bsdus nas bdag gi dbang du byed pa'o/ /gti mug las skyes pa ni glu dang gar gyi gtsug lag dang gtam rgyud kyi gtsug lag gzhan la bshad na bsod nams su 'gyur ro zhes zer ba'o//chags sems kyang chags pa dang zhe sdang dang gti mug las skyes pa ste/ rnam pa gsum mo/ /chags pa las skyes pa ni/ gzhan gyi nor la chags pa'am bdag dang mdza' bshes bskyab pa'i don du pha rol gyi nor rdzas blangs par sems pa'o//zhe sdang las skyes pa ni dgra la shar gnyer ba'i phyir dgra'i nor 'phrog pa dang brku bar sems pa'o/ /gti mug las skyes pa ni brkus kyang nyes pa med par sems pa'o/ /gnod sems kyang 'dod pa dang zhe sdang dang gti mug las skyes pa ste/rnam pa gsum mo/ /de la 'dod pa las skyes pa ni gzhan gyi nor rdzas la chags pa'am/ bdag dang mdza' bshes bskyab pa'i phyir gzhan dag la gnod sems skyes pa'o/ /zhe sdang las skyes pa ni shar gnyer ba'i don du dgra la gnod sems skyes pa'o/ /gti mug las skyes pa ni gnod sems skyes kyang nyes par mi 'gyur bar sems pa'o//log pa'i lta ba yang chags pa dang zhe sdang dang gti mug las skyes pa ste/ rnam pa gsum mo/ /de la chags pa las skyes pa ni lta ba phyin ci log nyid la dga' ba'i rgyus lta ba de 'dzin pa'o/ /zhe sdang las skyes pa ni dgra la shar gnyer ba'i phyir lta ba log pa'i phyogs 'dzin par byed pa'o//gti mug las skyes pa ni lta ba log par gzung yang nyes par mi 'gyur bar 'dzin pa'o/ /de la srog gcod pa ni gnod sems dang tshig rtsub po dang srog gcod pa dngos te gsum/ skyed pa'i rgyu mi dge ba'i rtsa ba gsum yin du zin kyang mjug tu zhe sdang gis mthar phyin cing rdzogs par byed do//ma byin par len pa dang 'dod pas log par spyod pa dang / chags sems gsum yang skyed pa'i rgyu mi dge ba'i rtsa ba gsum yin mod kyi/ mjug tu 'dod chags kyis mthar phyin cing rdzogs par byed do//log pa'i lta ba ni rtsa ba gsum las byung yang mjug tu gti mug gis mthar phyin cing rdzogs par byed do/ /brdzun smra ba dang / tshig kyal pa dang / phra ma gsum ni kha cig 'dod chags kyis mthar phyin pa yod/kha cig zhe sdang gis mthar phyin pa yod/ kha cig gti mug gis mthar phyin pa yod pa dang / rdzogs par byed pa yod do/ /gnas zhes bya ba la mi dge ba'i las kyi lam bcu po 'di dag rnam pa lngar rig par bya ste/ chung ba'i gnas dang 'bring ba'i gnas dang /chen po'i gnas dang / skye ba'i gnas dang / bag la nyal ba'i gnas so/ /de la chung ba'i gnas ni 'dod chags zhe sdang gti mug shas chung bas mi dge ba'i las bcu po las/ gang yang rung ba byas pa'o/ /'bring gi gnas ni de gsum shas che ba yang ma yin/chung ba yang ma yin pa'i 'bring gi las kyi lam gang yang rung ba byas pa'o/ /che ba'i gnas ni 'dod chags dang zhe sdang dang gti mug shin tu bdo ba'i las kyi lam gang yang rung ba byas pa'o/ /skyes pa'i gnas ni nyon mongs pa gsum gyi las kyi lam bskyed nas 'gags pa'o//bag la nyal ba'i gnas ni nyon mongs pa dang las kyi lam rnams bag chags su gnas pa ste/ gang skyes kyang ma skyes 'gags kyang ma 'gags pa'o/ /sgo zhes bya ba la lus dang ngag dang yid gsum gyi sgo nas mi dge ba'i las kyi lam bcu po spyod pa dang /kha cig mthong ba'i chos la 'bras bu rnam par smin pa yod/ kha cig tshe phyi mar yang 'bras bu rnam par smin pa yang yod/ kha cig tshe rabs gzhan du 'bras bu rnam par smin pa yang yod/ kha cig 'bras bu rnam par smin pa nges pa yang yod/kha cig 'bras bu rnam par smin pa ma nges pa yang yod do/ /de la mthong ba'i chos la 'bras bu rnam par smin pa ni/ tshe gang la yang byas pa'i tshe de nyid la 'bras bu rnam par smin pa ste/ de yang zhing dang bsam pa'i bye brag las rnam pa gnyis su gzhag go//de la zhing gi bye brag ni sngon dge slong gnyis shig rtsod par gyur pa las/ dge 'dun gyis 'dul ba bzhin du bcad nas gcig pham par gyur pa dang / pham pa'i dge slong gis dge 'dun la bud med ces smras pas 'phral du mtshan yongs su gyur ces grags pa lta bu'o//bsam pa'i bye brag kyang sngon ma ning zhig gis snying rje ba'i sems kyis glang rmo zhing sha bcad par byas pa bslus nas btang ba las 'phral du ma ning nyid phor red pa lta bu'o/ /gzhan yang pha ma dang dkon mchog gsum la rab tu dang ba'i bsam pas phan btags pa dang /zhe sdang gi sems kyis gnod pa byas pa la sogs pa yang mthong ba'i chos la 'bras bu rnam par smin par 'gyur ro/ /tshe phyi mar 'bras bu rnam par smin par 'gyur ba ni tshe rabs brjes ma thag tu 'bras bu myong bar 'gyur ba'o//tshe rabs gzhan du rnam par smin pa myong ba ni tshe rabs gnyis sam gsum dag gis chod de myong ba'am/ bcu'am brgya stong dag gis chod de myong ba'am/ de la 'bras bu rnam par smin pa nges pa ni nyon mongs pa'am/ dad pa drag pos gang byas pa'am/ rtag par byas pa'am/ phan btags pa'am/ yon tan gyi zhing la gnod pa'am/ phan par byas pa ni 'bras bu gdon mi za bar myong bar rig par bya'o/ /de la nyon mongs pa dang / dad pa drag pos byas pa ni gang gong du dge 'dun la kha byas pa dang / ma ning gis glang btang ba lta bu'o/ /rtag par bya ba ni las de yang dang yang du goms par byas nas 'bras bu nges par myong bar 'gyur ro/ /phan btags pa ni pha dang ma lta bu ste/ de dag bsad na ji ltar bsad kyang rung 'bras bu nges par myong bar 'gyur te/ de dag la phan btags na yang 'bras bu myong bar nges so/ /yon tan gyi zhing ni dkon mchog gsum mam/ tshul khrims dang ldan pa'i gang zag la la ste/ de dag la phan pa dang gnod par byed pa yang 'bras bu nges par smin par 'gyur ro/ /rnam par smin pa ma nges pa ni gong du bshad pa las gzhan pa'i las gal te 'bras bu rnam par smin par 'gyur/gal te na 'bras bu rnam par smin par mi 'gyur ba'o/ /las kyi lam che chung ni rnam pa drug tu gzhag ste/ mngon par 'du byed pa dang / goms pa dang / rang bzhin dang / dngos po dang / mi mthun pa'i phyogs su nges pa dang / gnyen po bcom pa'o/ /de la mngon par 'du byed pa ni/ 'dod chags dang zhe sdang drag pos las kyi lam rnams byas pa ni lci ba zhes bya'o/ /'dod chags dang / zhe sdang dang / gti mug 'bring gis byas pa'i las kyi lam rnams la ni 'bring zhes bya'o//'dod chags dang / zhe sdang dang / gti mug chung ngus byas pa'i las kyi lam rnams la ni yang ba zhes bya'o/ /de la goms pa ni las dge ba dang / mi dge ba'i las gang yang rung dus ring por rgyun du byas pa ni lci ba'o//dus tha gi zad cig byas pa ni 'bring ngo / /chen po goms par ma byas pa ni yang ba'o/ /rang bzhin ni 'dod pas log par spyod pa bas ma byin par blangs pas kha na ma tho ba che ba'o/ /ma byin par len pa bas srog gcod pa kha na ma tho ba che ba'o//srog gcod pa bas tshig kyal pa kha na ma tho ba che ba'o/ /tshig kyal pa bas tshig rtsub po kha na ma tho ba che ba'o/ /tshig rtsub po bas phra ma kha na ma tho ba che'o/ /phra ma bas brdzun kha na ma tho ba che'o/ /chags sems pas gnod sems kha na ma tho ba che'o//gnod sems las log par lta ba kha na ma tho ba che'o/ /sbyin pa bas tshul khrims kha na ma tho ba med pa'o/ /tshul khrims pas sgom pa kha na ma tho ba med pa'o/ /dngos po ni pha ma dang / dkon mchog gsum la gnod pa dang / phan par byas pa'i las dge ba dang /mi dge ba yang lci bar rnam par gzhag go/ /mi mthun pa'i phyogs su gcig tu nges pa ni 'di la su yang rung bas tshe gcig tu mi dge ba sha stag spyad kyis/ dge ba ma spyad na las de nyid kyis lci ba rnam par gzhag go/ /gnyen pos bcom ba ni mi dge ba'i las kyi gnyen por gyur pa dge ba la goms par byas nas/dge ba'i las de yang lci bar rnam par gzhag go/ /'bras bu zhes bya ba la mi dge ba'i las kyi lam bcu po 'di dag spyad pas 'bras bu rnam pa gsum smin par 'gyur te/ rnam par smin pa'i 'bras bu dang /rgyu mthun pa'i 'bras bu dang / bdag po'i 'bras bu'o/ /de la rnam par smin pa'i 'bras bu ni mi dge ba bcu las shas cher spyad na/ sems can dmyal bar skye'o/ /'bring du spyad na yi dwags su skye'o/ /chung du spyad na byol song gi skye gnas su skye'o//shas che chung gi nyon mongs pa drag dal gyis dbye'o/ /yang na las byed pa la sbyor ba dang / rtsa ba dang / rgyab ste rnam pa gsum mo/ /de la sbyor ba ni srog gcod pa la sogs pa mi dge ba'i las byed par rtsom pa'o/ /rtsa ba ni srog gcod pa la sogs pa mi dge ba'i las byas pa'o//rgyab ni de dag byed pa la rjes su yi rang / phyis kyang de bzhin du rgyun du byed pa ste/ de gsum gyis byas na shas che bas sems can dmyal bar skye'o/ /rgyu gnyis kyis ni yi dwags su skye'o/ /gcig gis ni byol song du skye'o//rgyu 'dra ba'i 'bras bu ni ngan song gsum las thar te brgya la mir skyes na yang mi dge ba gcig cing rnam par smin pa gnyis myong bar 'gyur ro/ /de la srog gcod pa'i 'bras bu'i rgyu mthun pa gnyis te/ tshe thung ba dang / nad mang ba'o//tshe thung ba ni sngon sems can gzhan gyi tshe'i rgyun bcad pas mir skyes nas yang mngal du 'chi ba'am/ skyes nas ring por ma lon par 'chi bar 'gyur ro/ /nad mang ba ni sngon sems can gzhan bsad pa na yang dbyig pa dang / mtshon cha la sogs pas sdug bsngal bskyed pa'i phyir/mir skyes pa na yang mdze dang / 'brum bu la sogs pa nad sna tshogs kyis rgyun du sdug bsngal bar 'gyur ro/ /ma byin par len pa'i 'bras bu rgyu mthun pa yang rnam pa gnyis te/ longs spyod chung ba dang / thun mong gi longs spyod du 'gyur ro//longs spyod chung ba ni sngon gzhan dag gi longs spyod 'phrog nas phongs par byas pas/ tshe 'dir yang rtag tu yo byad kyis brel phongs par 'gyur ro/ /thun mong gi longs spyod du 'gyur ba ni phrogs pa de yang brgya la phrogs nas gzhan la byin pa'i 'bras bu longs spyod ci bdog na yang rtag tu kun gyis 'phrog cing bdag gcig pu spyod du med la/kun dang thun mong du spyod par 'gyur ro/ /'dod pas log par spyod pa'i rgyu mthun pa yang gnyis te/ g.yog 'khor bsten du mi rung ba dang / bstod pa dang bcas pa'i chung mar 'gyur ro/ /g.yog 'khor bsten du mi rung ba ni bdag gi 'khor rnams kyang snying brtan du mi rung ba ste/ phan tshun gcig la gcig yid mi ches par 'gyur ba'o/ /bstod pa dang bcas pa'i chung mar 'gyur ba ni bdag gi chung ma la kun re zhing kun gyis mi tshangs par spyad par 'gyur ro//brdzun du smra ba'i rgyu mthun pa'i 'bras bu yang gnyis te/ skur pa mang ba dang gzhan gyis bslu bar 'gyur ro/ /skur pa mang ba ni ma nyes kyang nyes zhes gzhan gyis skur pa 'debs par 'gyur ro//gzhan gyis bslu ba ni 'di lta bu zhig bya zhe 'am sbyin zhes khas blangs nas sbyin zhing bslu bar 'gyur ro/ /phra ma'i rgyu mthun pa'i 'bras bu yang gnyis te/ g.yog 'khor mi 'dum pa dang g.yog 'khor ngan par 'gyur ro/ /g.yog 'khor mi 'dum pa ni bdag gi 'khor rnams kyang rtag tu rtsod cing 'thab par 'gyur ro//g.yog 'khor ngan pa ni g.yog 'khor zhig bdog na yang lus kyi byad lag mi mdzes pa dang mthu dang zho sha chung bar 'gyur ro/ /tshig rtsub po smra ba'i rgyu mthun pa'i 'bras bu yang gnyis te/ yid du mi 'ong ba thos pa dang 'thab mo'i tshig tu 'gyur ba'o/ /yid du mi 'ong ba'i tshig thos pa ni rtag tu sems 'khrugs pa'i gtam sha stag thos pa dang / bdag gis tshig smras pa thams cad gzhan gyi rnar mi 'ong ba'o/ /'thab mo'i tshig tu gyur pa ni bdag gis tshig nyes par ma smras na yang /gzhan dang 'thab cing rtsod par 'gyur ba'o/ /tshig kyal pa'i rgyu mthun pa'i 'bras bu yang rnam pa gnyis te/ gzung bar 'os pa'i tshig ma yin pa dang / ma nges pa'i spobs par 'gyur ba'o/ /gzung bar 'os pa'i tshig ma yin pa ni tshig smras pa rnams mi btsun zhing bdag gi tshig sus kyang mi nyan par 'gyur ba'o//ma nges pa'i spobs par 'gyur ba ni/ /bdag gis tshig smras pa rnams thog tu mi phebs par 'gyur ba'o/ /chags sems kyi rgyu mthun pa'i 'bras bu yang rnam pa gnyis te/chog mi shes pa dang / 'dod pa che ba'o/ /chog mi shes pa ni bdag gi bdog pas mi chog pa'o/ /'dod pa che ba ni gzhan gyi longs spyod la yeb rngam byed pa'o/ /gnod sems kyi rgyu mthun pa'i 'bras bu yang gnyis te/ phan pa mi tshol ba dang /gzhan gyis gnod par byed pa'o/ /phan pa mi tshol ba ni gzhan thams cad la bdag gnod par 'gyur bar dga' zhing gnod pa byed par sems pa'o/ /gzhan gyis gnod par byed pa ni dus thams cad du gzhan gyis bdag la brdeg btsog la sogs pa mi bde ba byed pa'o//log par lta ba'i rgyu mthun pa'i 'bras bu rnam pa gnyis te/ gar skyes kyang mu stegs pa la sogs pa'i gnas su skye zhing log pa'i lta ba la phyogs par 'gyur ba dang / rtag tu drang po dang bral te g.yo sgyu'i las sha stag la 'jug par 'gyur ro//mi dge ba'i las bcu po de dag gis bdag po'i 'bras bu ni phyi'i dngos po rnams nyams par gyur pa ste/ srog bcod pas 'bru la sogs pa'i dngos po mthu chung zhing gzi chung bar 'gyur ro/ /ma byin par blangs pas than pa dang / ser bas bcom par 'gyur ba'o//'dod pas log par spyod pas sa gzhi rdul gyis khyab par 'gyur ro/ /brdzun du smra bas 'bru la sogs pa dri mi zhim par 'gyur ro/ /phra mas yul sa thag thug che bar 'gyur ro/ /tshig rtsub pos skam pa dang / ba tshwa can du 'gyur ro//tshig kyal pas dus 'gyur zhing char la sogs pa dus ma yin par 'bab par 'gyur ro/ /chags sems kyis 'bru la sogs pa phra bar 'gyur ro/ /gnod sems kyis tsha ba dang kha bar 'gyur ro/ /log pa'i lta bas 'bras bu nyung zhing 'bras bu med par 'gyur ro//dge ba bcu'i las kyi lam rnams kyi 'bras bu ni de las bzlog par rig par bya'o/ /rnam grangs zhes bya ba ni mdo dag las/ las kyi lam bcu po nyid kyi dbang du mdzad nas/ lus kyi yo ba dang / ngag gi yo ba dang / yid kyi yo ba zhes gsungs pa dang / lus kyi rnyog pa dang / ngag gi rnyog pa dang / yid kyi rnyog pa zhes gsungs pa dang / lus kyi nyes pa dang / ngag gi nyes pa dang / yid kyi nyes pa zhes gsungs pa dang / yang las dkar po rnam par smin pa yang dkar po/las nag po rnam par smin pa yang nag po dang / las 'dren ma rnam par smin pa yang 'dren ma dang / las dkar po yang ma yin las nag po yang ma yin la/ las dkar nag gi rnam par smin pa zad do/ /zhes gsungs pa ni rnam grangs te de la sgyu'i sems las skyes pa'i lus dang ngag gi las ni yo ba'o//'dod chags kyis skyes pa'i lus dang ngag la sogs pa'i las ni rnyog pa dang / zhe sdang gi sems kyi rgyu las skyes pa'i lus dang ngag la sogs pa'i nyes pa'o/ /ngan song gsum du skye bar byed pa ni mi dge ba bcu'i las kyi lam yang gnag /rnam par smin pa yang gnag pa'o/ /gzugs kyi khams kyi skyes pa'i las kyang dkar/ rnam par smin pa yang dkar ba'o/ /'dod pa'i khams kyi mi la sogs pa skye bar byed pa'i dge ba ni las kyang dkar nag 'dren ma/rnam par smin pa yang dkar nag 'dren ma zhes bya'o/ /de ma thag pa'i lam dang rnam par grol ba'i lam gnyis ni las dkar nag kyang ma yin la/ rnam par smin pa dkar nag zad par byed pa'i lam zhes bya'o/ /yang dag pa'i 'tsho ba bstan par bya ba'i phyir/log pa'i 'tsho ba gang zhe na zhes bya ba smos te/ log pa'i 'tsho ba bstan nas/ de las bzlog na yang dag pa'i 'tsho bar 'gyur bas/ log pa'i 'tsho ba je la 'chad do/ /de yang dge slong gi log pa'i 'tsho ba dang / dge bsnyen gyi log pa'i 'tsho ba ste rnam pa gnyis su gzhag go//de la dge slong gi log pa'i 'tsho ba bstan par bya ba'i phyir/ dge slong dag tshul 'chos pa dang ldan zhes bya ba la sogs pa gsungs so/ /tshul 'chos pa dang / kha gsag dang / gzhogs slong dang / gzhogs bsdigs dang / rnyed pas rnyed pa 'dod pa ni/ dge slong gi log pa'i 'tsho ba ste/ dge bsnyen gyi log pa'i 'tsho ba ni phyis 'chad do/ /tshul 'chos pa bstan pa'i phyir/ de la tshul 'chos pa gang zhe na zhes bya ba la sogs pa gsungs te/ tshul 'chos pa yang rnam pa gsum ste/spyod lam rnam par 'jog pa dang / dben pa'i gnas su gnas shing yo byad bsnyungs par ston pa dang / ngan pa dang / bsod pa bsten pa dang / mi bsten pa'o/ /de la spyod lam rnam par 'jog pa ni rnyed pa dang bkur sti la chags pa'i rgyus gzhan dag gi yon tan yod par dpag pa'i sems kyi ting nge 'dzin gyi spyod lam 'dzin pa'o//dben pa'i gnas su gnas shing yo byad bsnyungs par ston pa ni khe dang bkur ste la chags pa'i sems kyis dur khrod dam dgon pa'i gnas su gnas 'cha' zhing lhung bzed la sogs pa yo byad mang po mi 'dzin pa'o//ngan pa dang bsod pa bsten pa dang mi bsten pa ni/ kha zas ngan pa dang chos gos la sogs pa ngan pa bsten par ston cing kha zas bsod pa dang chos gos la sogs pa bzang po mi bsten par ston pa ste/ 'dir yang khe dang bkur sti la sogs pa la chags pa la chags pa zhes sbyar/de ltar tshul 'chos pa rnam pa gsum las mdo 'dir spyod lam rnam par 'jog pa'i tshul 'chos pa dang / dben pa'i gnas su gnas shing yo byad bsnyungs pa'i tshul bstan pa'i dbang du mdzad nas gsungs pa yin par bstan pa'i phyir/dge slong dag sbyin pa'i bdag po mthong na zhes gsungs te rnyed pa dang bkur ste la chags pa'i dbang gis/ rnyed pa dang bkur ste bdag la grub par gyur cig ces bsams nas/ dge slong gis sbyin pa'i bdag po mthong ba dang / lam mam grong stong par skyil mo krung bcas shing 'dug la/sbyin pa'i bdag po rnams kyis kyang / dge slong 'di ni bsam gtan pa dgra bcom pa ste/ rnyed pa dang bkur sti bya ba'i 'os so snyam pa'i sems kyis spyod lam 'chos pa ni tshul 'chos pa zhes bya'o/ skyil mo krung bcas zhes bya ba ni/ song ba'i spyod lam gyi gnas zhes bya ba'i tha tshig go/ /rnyed pa ni lhung bzed dang gos la sogs pa'o/ /bkur sti ni thal mo sbyar ba dang phyag 'tshal ba la sogs pa'i las byed pa'o/ /bdag la shog cig ces bya ba ni/bdag la grub par gyur cig ces sems pa'o/ /stsogs pa'i sgras ni ngan pa dang bsod pa la bsten pa dang / mi bsten pa'i tshul 'chos pa yang bsdu'o/ /kha gsag bstan par bya ba'i phyir/ de la kha gsag gang zhe na zhes bya ba la sogs pa gsungs so/ / de yang khe dang bkur sti la bsam pas na de dag dga' ba'i tshig smra ba dang / bdag nyid kyi yon tan smra ba dang chos smra ba'o/ /khe dang bkur sti bsam pas de dga' ba'i tshig smra ba ni khe dang bkur sti la chags pa'i rgyus/ khyod ni pha yin khyod ni ma yin zhes bya ba'i tshig smra ba'o//bdag nyid kyi yon tan smra ba ni/ bdag ni dad pa dang ldan pa/ thos pa dang ldan pa/ tshul khrims dang ldan pa'o zhes bya ba la sogs pa smra ba'o/ /chos smra ba dang / khe dang bkur sti la chags pas/ gzhan dag gi thad du de bzhin gshegs pa'i gsung rab 'chad pa ste/'dir ni de dag dga' ba'i tshig smra ba'i dbang du mdzad par bstan pa'i phyir/ khyod ni nga'i pha/ khyod ni nga'i ma zhes bya ba la sogs pa gsungs so/ /de bzhin du gzhan yang tshig snyan pa zhes bya ba ni khyod ni nga'i jo bo/ khyod ni nga'i mkhan po/khyod ni nga'i slob dpon zhes bya ba la sogs pa'o/ /de la sogs pa zhes bya ba la sogs pa'i sgras ni bdag nyid kyi yon tan smras pa dang / chos smras pa yang bsdu'o/ /gzhogs slong bstan pa'i phyir/ de la gzhogs slong gang zhe na zhes bya ba la sogs pa gsungs te/de yang rnyed pa'i bsam pas lus la gnod pa'i dngos po ston pa dang / phongs pa'i dngos po ston pa dang / tshig gis 'dod pa'i dngos po brjod pa'o/ /lus kyi gnod pa'i dngos po ston pa ni chos gos dang bza' ba la sogs pa rnyed pa la chags pa'i sems kyis bdag gi lus nyid la rma dang shu ba la sogs pas nyen par ston pa dang grang ba dang tsha bas nyen par ston pa'o//phongs pa'i dngos po ston pa ni chos gos dang lhung bzed la sogs pa mi bdog pa dang / med pa 'dra bar ston pa'o/ /tshig gis 'dod pa'i dngos po brjod pa ni bdag la dngos po 'di lta bu zhig kho na mi bdog ces chos gos la sogs pa dam pa 'di lta bu ni khyim bdag dam pa 'di dag gi khyim nas rnyed kyi/gzhan dag gi de nas mi rnyed do zhes smras te/ mdo 'dir tshig gis dngos po 'dod pa'i dbang du bshad pa'i phyir/ dge slong dag bsod snyoms zos nas zhes bya ba la sogs pa gsungs so/ /bsod snyoms zos pa ni khyim bdag dad pa can dag gi khyim ste/ bsod snyoms zos nas yang rnyed pa la yang chags pa'i dbang gis yang nas yang du dge bsnyen khyod kyi khyim nas rnyed pa gzhan dag nas mi rnyed do zhes smra ba ni gzhogs slong ngo //khe dang bkur sti la chags pa med par drang por smra ba ni nyes med de/ gzhogs slong ma yin no/ /gzhogs bsdigs bstan pa'i phyir/ de la gzhogs bsdigs gang zhe na zhes bya ba la sogs pa gsungs so//gzhogs bsdigs kyang rnam pa gsum ste/ rnyed pa'i bsam pas sbyin pa'i yon bdag la smod par byed pa dang / gzhan yang 'brel ba la slong ba dang / yongs su mi gtong ba la smod par byed pa'o/ /rnyed pa'i bsam pas sbyin pa'i yon bdag la smod par byed pa ni khe dang bkur sti la chags pas gang gi tshe sbyin pa'i yon bdag gis chos gos la sogs pa'i rnyed pa ma sbyin na de ni dbul por 'gyur ro//gzhan yang mi bde ba rnam pa sna tshogs 'dug go zhes smra'o/ /gzhan yang 'brel pa la slong ba ni bdag gi yon bdag gi skabs su ma byin na yon bdag khyod gcig pur ma zad kyi/gzhan dag kyang yod do zhes smra zhing gzhan la slong bar bsdigs pa'o/ /yongs su mi gtong ba la smod pa ni/ gang sbyin pa mi byed pa dag ni gdon mi za bar ngan song du ltung la/ khyod kyang sbyin pa mi byed pas nges par ngan song du ltung ngo zhes bsdigs pa ste/'dir yongs su mi gtong ba la smod pa'i dbang du mdzad nas bshad par bstan pa'i phyir/ dge slong dag khyim gang nas bsod snyoms ma rnyed de zhes bya ba la sogs pa gsungs so/ / mdo'i tshig dngos gsal bar ma bshad na/ gzhogs bsdigs rnam gnyis kyang 'dir bsdu bar blta'o/ /rnyed pas rnyed pa 'dod pa bstan pa'i phyir/ de la rnyed pas 'dod pa gang zhe na zhes bya ba la sogs pa gsungs so/ /de yang rnam pa gsum ste/ rnyed pa'i bsam pas gzhan las rgya chen po rnyed par ston pa dang /sbyin pa'i yon bdag rgya chen por ston pa dang / zang zing rnyed par ston pa'o/ /rnyed pa'i bsam pas gzhan las rgya chen po rnyed par ston pa ni chos gos la sogs pa rnyed pa la chags pa'i rgyus bdag nyid kyi nor gyis chos gos la sogs pa bzang po nyos nas bdag gi yon bdag la chos gos 'di lta bu yon dag gzhan dag las rnyed do zhes smra ba'i sgo rnyed pa bsgrub pa'o//yon bdag rgya chen por ston pa ni yon bdag che ge mo zhig dbang du gtong na/ gtong ba rgya chen po la dga' ba/yon bdag de lta bu ma yin no/ /zhes smras pa'o/ /zang zing rnyed par ston pa ni sbyin bdag gang gi khyim du song nas/ kha zas dang chos gos la sogs pa byin na sbyin bdag gzhan rnams kyi khyim du yang zang zing ci sbyin pa smra ba ste/ 'dir rnyed pas rnyed pa bsgrub pa rnam pa gsum las rnyed pa'i bsam pas gzhan rgya chen por rnyed par ston pa'i dbang du mdzad nas bshad pa'i phyir/dge slong dag bdag gi nor gyis zhes bya ba la sogs pa gsungs te/ de yang mdor na bdag nyid kyi nor gyis chos gos la sogs pa nyos nas sbyin pa'i bdag po dge bsnyen gyi mdun du 'dug ste/sbyin pa'i yon bdag gzhan gyis bdag la chos gos la sogs pa 'di 'dra ba byin no zhes smras pa dang / de yang ngo tsha bas chos gos la sogs pa sbyin par byed pa ste/ rnyed pas rnyed pa bsgrub pa rnam pa gnyis kyang 'dir bsdu bar blta ba'o//dge slong gi log par 'tsho ba rnam pa lnga po de yang rnam pa gsum du gzhag go/ /lus kyi las dang / ngag gi las dang / lus dang ngag gnyi ga'i las so/ /de la tshul 'chos pa ni lus kyi las yin no/ /kha gsag ni ngag gi las so//gzhogs slong dang / gzhogs bsdigs dang / rnyed pas rnyed pa bsgrub pa ni lus dang ngag gnyi ga'i las dang ldan pa yod do/ /de la log pa'i 'tsho ba rnam pa lnga spangs nas dge slong rnams kyi yang dag pa'i 'tsho bar 'gyur ro/ dge bsnyen gyi log pa'i 'tsho ba gang yin pa bstan par bya ba'i phyir/ dge bsnyen gyi log pa'i 'tsho ba gang zhe na zhes bya ba la sogs pa gsungs te/ dge bsnyen zhes smos pa ni mtshon pa tsam du zad kyi dge bsnyen ma dang dus khrims pa yang bsdu'o/ /gong du dge slong gi skabs su yang /dge slong ni mtshon pa tsam du zad kyi dge slong ma dang / dge sbyong pha dang dge sbyong ma dang dge tshul ma rnams kyang bsdu'o/ /sems can 'tshong ba zhes bya ba ni mi 'tshong ba ste/ dge bsnyen ma rnams la de ni 'gag pa yin te/ rta la sogs pa sems can tshong du mi gnang ba ni ma yin no//ma brtags par 'bru dang yungs kar 'tshir ba zhes bya ba ni dus ring por lon pa'i 'bru dang nyungs kar la srin 'jug pas ma brtags par 'bru dang yungs kar la sogs pa btsir na srog chags kyi srog la gnod pa'i phyir log par 'tsho bar gzhag ste/brtags te btsir ba ni log pa'i 'tsho ba ma yin no/ /zhes dgongs pa'o/ /de yang rnam pa gnyis su gzhag ste/ sems can gyi grangs su gtogs pa'i log pa'i 'tsho ba dang / sems can gyi grangs su ma gtogs pa las byung ba'i log pa'i 'tsho ba'o//de la sems can 'tshong ba dang / sha 'tshong ba dang / ma brtags par 'bru 'tshong ba ni sems can gyi grangs su gtogs pa las byung ba'i log pa'i 'tsho ba'o/ /dug 'tshong ba dang mtshon cha 'tshong ba dang chang 'tshong ba ni/ sems can gyi grangs su ma gtogs pa las byung ba'i log pa'i 'tsho ba'o/ /yang dag pa'i rtsol ba bstan par bya ba'i phyir/ yang dag pa'i rtsol ba gang zhe na zhes bya ba la sogs pa gsungs so/ /gsong por smra ba dang zhes bya ba ni khyim na gnas pa'i phyogs kyi dbang du byas nas gus pa'i tshul ston pa ste/pha dang ma dang rigs kyi rgan pa rnams dang phrad nas lus kyis 'dud pa dang tshig gis bsu ste 'jam por smra ba'o/ /phyag 'tshal ba zhes bya ba rab tu byung ba'i phyogs kyi dbang du mdzad nas/ mkhan po dang slob dpon la sogs pa dang phrad nas yan lag btud de phyag byed pa'i las byed pa'o//sdang ba zhes bya bas bla ma la sogs pa gzhan gang 'ong ba'i dbang du byas nas gus pa'i tshul ston pa ste/ gang zag yon tan can bla ma gzhan dag gus nas 'ongs pa rnams la yang stan las langs nas bsu ste stan la 'jog cing stobs pa'o//thal mo sbyar ba'i las byed ces bya bas gnas gcig na 'khod pa'i gang zag yon tan can rnams la gus pa'i tshul ston pa ste/ gnas gcig na gnas pa'i gang zag tshangs pa mtshungs par spyod pa rnams dang phrad na yang lus btud pa dang thal mo sbyar ba'i las byed pa ste/'di ni yang dag pa'i rtsol ba'o/ /mdor na mi mthun pa'i phyogs spangs pa dang / gnyen po bsgom pa la brtson pa ni yang dag pa'i rtsol ba'o/ /yang dag pa'i dran pa bstan pa'i phyir/yang dag pa'i dran pa gang zhe na/ 'di la dge slong dag ces bya ba gsungs so/ /de la sems can rnam pa gsum ste/ 'dod chags kyi rang bzhin can dang / zhe sdang gi rang bzhin can dang / gti mug gi rang bzhin can no/ /gsum po de dag gi mtshan ma brtag par bya ste/'dod chags kyi rang bzhin can gyi mtshan ma ni rang bzhin gyis g.yo zhing g.yengs pa'i ngang tshul can glu dang gar la sogs pa la dga' ba/ dran pa nyams pa la rtag par sems ngang gis 'jam pa/ phrag dog che ba/ ngo tsha ba mang ba la gnas pa/'dod chags spangs par dka' ba kha na ma tho ba chung ba'o/ /zhe sdang gi rang bzhin can gyi mtshan ma ni ci la yang gleng ba dang smra bar byed pa 'thab mo la dga' ba/ bzhin khro gnyer can/ mgu dka' ba/ sems ngang rtsub po rno ba/sdig la dga' ba/ sems can sems rtsub cing gnod par byed pa la mos pa/ nyon mongs pa spang bar bla ba ste/ /kha na ma tho ba chen po'o/ /gti mug gi rang bzhin can gyi mtshan ma ni/ yid gnyis can las su bya ba la spros pa med pa/ gnyid dang rmugs pa mang ba rtog pa dang sen lcigs can gyi rang bzhin ma yin pa/ shing bal dang srin bal lta bu'i sems rmongs pa mang ba le lo che ba su la yang yid mi rton pa skye bo de nyid kyang yid brtan du mi rung ba/ 'gro ba dge ba rnams zhe sdang skye ba/ byas pa mi gzo ba/nyon mongs pa spang bar dka' ba kha na ma tho ba che ba'o/ /de dag la yang zhib tu ji ltar rtogs par bya zhe na/ 'dod chags kyi spyod pa ni 'dod pa'i yon tan la dga' ba gzhan dag gi yon tan phal cher tshol gyi nyes pa'i glags mi blta'o/ / zhe sdang can gyi spyod pa ni gang la yang chags pa mi che ba gzhan dag gi skyon dang / nyes pa phal cher tshol bar byed pa'o/ /gti mug can gyi spyod pa ni gang du yang mi gnas pa 'jog pa dang rtog pa'i rang bzhin can ma yin pa'o/ /sngon gyi spyod pa'i sgo nas brtags na/ 'dod chags can ni sngon dge ba'i las phal cher byas pas bde ba'i 'bras bu la gnas pa'i phyir mtho ris kyi gnas nas shi 'phos te/ 'dir skyes par blta'o/ /zhe sdang can ni sngon bsad pa dang bcad pa dang brdegs pa la sogs pa'i las phal cher byas pas sems can dmyal ba'am/klu'i skye gnas sam mi'i skye gnas na yang rtag tu sdug bsngal bar gnas pa las shi 'phos nas 'dir skye ste/ sngon yang rtag tu sdug bsngal gyis sems dkrugs pas gar skyes pa der yang sems 'khrugs pa dang zhe sdang che bar blta'o//gti mug can gyi spyod pa ni sngon gyi rgyu sngon chang mang du 'thungs pa'am/ mnyan pa dang 'bri ba la sogs pa'i las ma byas pa dang / byol song gi skye gnas nas shi 'phos nas 'dir skye bar blta'o/ /khams kyi rgyus brtags na sa dang /chu dang / me dang / rlung ste/ 'byung ba chen po bzhi shas mnyam na ni 'dod chags kyi shas che bar 'gyur ro/ /me'i khams dang rlung gi khams shas che na ni zhe sdang che bar 'gyur ro/ /sa dang chu'i shas chen ni gti mug che bar 'gyur ro/ /nyes pa'i gleng gzhis brtags na rlung gi shas che ba rnams ni 'dod chags spyod pa la gnas pa'o//mkhris pa'i shas che ba rnams ni zhe sdang che ba la gnas pa'o/ /bad kan gyi shas che ba rnams ni gti mug che ba rnams so/ /yang rnam pa bdun gyi sgo nas rnam pa gsum gyi spyod pa brtags te/rnam pa bdun ni dmigs pa dang / nyon mongs pa dang / 'gro ba dang / chos gos bgo ba dang / kha zas za ba dang / las byed pa dang nyal ba'o/ /dmigs pa ji ltar brtag ce na/ 'dod chags kyi shas che ba rnams ni gzugs 'ga' zhig mthong na ngo mtshar du gyur par lta zhing /yun ring du lta ba la nyes pa zhig byung na yang nyes par mi lta yon tan cung zad tsam yang mtshar du bcug par byed la/ gang mthong ba de dang 'bral bar mi dga' zhing bral na yang slar phrad par 'dod pa dang bcas te 'gro ba'o//zhe sdang gi shas che ba gzugs 'ga' zhig mthong na mtshar du bya ba med kyi bral ba dang chad pa'i tshul du lta zhing / yun ring du mi lta la gzhan dag la yang nyes pa dang skyon tshol ba mang ba/ smod pa la dga' ba yon tan dang legs pa cher byas na yid mi rton pa/gang mthong ba dang bral bar 'dod la/ mi dga' ba'i tshul bstan nas 'gro bar byed pa'o/ /gti mug gi shas che ba ni gzugs 'ga' zhig mthong na yang nyes pa dang yon tan gyi ngo mi zin pa/ gzhan dag gis smad na yang rjes su smod la/gzhan dag gis bstod na yang rjes su stod par byed do/ /bdag nyid kyi legs nyes kyi ngo mi shes pa'o/ /ji ltar nyon mongs pa'i sgo nas brtag ce na/ 'dod chags kyi shas che ba rnams ni nyon mongs pa lnga la rtag tu spyod de/ phrag dog dang /ser sna dang / g.yo dang / sgyu dang / chags pa dang lnga'o/ /zhe sdang gi shas che ba rnams kyang nyon mongs pa lnga la rtag tu spyod de/ lnga ni khro ba dang / khon du 'dzin pa dang / 'chab pa dang / 'tshig pa dang / khong khro ba dang lnga'o/ /gti mug gi shas che ba ni ri nyon mongs pa lnga la rgyun du spyod de/lnga ni le lo dang gnyid dang rmugs pa dang yid gnyis dang 'gyod pa dang lnga'o/ /ji ltar 'gro ba'i sgo nas brtag ce na/ 'dod chags la spyod par 'gro ba na/ rkang pa mnyam du 'dor zhing dal bus 'gro ba gom pa mdzes par 'dor zhing 'gro ba'o//zhe sdang la spyod par 'gro ba na/ rang bzhin gyis gom pa gya tshom du 'dor la rkang pa sa la gnon pa 'dra bar byas shing g.yas phyogs kyis 'gro'o/ /gti mug la spyod par 'gro ba ni/ rang bzhin gyis rkang pa sa la 'jog pa na/ brel bag tu 'jog la 'gro ba'i tshe rkang pa gnyis sa la 'cha' ba dang rkang pa gnyis gcig la gcig 'drud cing 'gro'o//ji ltar chos gos gyon pa'i sgo nas brtag ce na/ 'dod chags la spyod pa ni rang bzhin gyis gos ha cang dog pa yang ma yin yangs pa yang ma yin pa la dga' ba dang / ska rags dam du mi 'ching la lhod par mi 'ching ba dang gos yid kyis ring ba la dga' ba ste/ sdu gu dang mdzes par byas nas gyon no/ /zhe sdang la spyod pa ni rang bzhin gyis gos dog pa la dga' zhing / ska rags dam du 'ching ba dang / gos thung ngu gyon cing gcig tu mdzes pa kho nar lta zhing gyon pa med pa'o//gti mug la spyod pa ni rang bzhin gyis gos yangs pa la dga' zhing ska rags lhod par 'ching ba dang gos gcas gcus su mi mdzes par byas nas gyon pa'o/ /'di ltar kha zas za ba'i sgo nas brtag ce na/ 'dod chags la spyod pa ni rang bzhin gyis snum pa dang mngar ba'i kha zas la dga' ba'o/ /zhe sdang la spyod pa ni rtsub pa dang skyur ba'i kha zas la dga' ba'o/ /gti mug la spyod pa ni gang du yang gcig tu nges pa med do/ /'dod chags la spyod pa kha zas za ba na kham ran pa dang mdzes par byas nas chags bzhin du dal bus za la/ro zhim po 'ga' zhig myangs na lhag par yid dga' ba skye ba'o/ /zhe sdang la spyod pa kha zas za ba na kham cher byas nas kha gang bar mi chags par myur du za ba la/ kha zas zhim po 'ga' zhig myangs nas kyang lhag par yang yid mi bde bar skye ba'o//gti mug la spyod pa kha zas za ba na kham chung du byas la kha zas kyi kham yang mi mdzes par byas nas/ lag pa dang kha la sogs pa kha zas kyis bskus te gang la yang chen por mi gtogs pa za'o//ji ltar las kyi sgo nas brtag ce na/ 'dod chags la spyod pa ni phyags ma thogs nas dal bus phyag dar rnams dag par byas te/ gcig kyang ma lus par phyags par byed do/ /zhe sdang la spyod pa ni phyags ma blangs nas ring ba'i tshul du phyogs gnyis kar phyag dar 'dor zhing sgra dang bcas par drag tu phyags par byed do//gti mug la spyod pa ni phyags ma thogs nas snyoms pa'i tshul du byed la phyag dar rnams kyang ma dag pa dang / mi mdzes par dal bus phyags par byed do/ /de bzhin du las gzhan la yang brtag ste/'dod chags la spyod pa ni las gang la yang mdzes pa dang gus par byed do/ /zhe sdang la spyod pa ni las gang la yang dag tu bsgrub pa la brtan por byed do/ /gti mug la spyod pa ni las gang la yang 'khrugs par byed la gcig tu mi byar mi rung bar chad pa med pa'o//ji ltar nyal ba'i sgo nas brtag ce na/ 'dod chags la spyod pa ni/ mal stan dal bus bcas la mdzes par byas nas nyal ba na yang lus bskum ste nyal lo/ /nang par langs pa yang myur du ldang zhing 'dong ba'am/skrag pa dang bcas pa dang 'dra bar tshig dal bus 'byin to/ /zhe sdang la spyod pa ni mal stan 'cha' na yang myur du bcas nas gang ji ltar rung bar yang byas te/ rkang lag brkyang nas khro gnyer dang bcas par nyal lo/ /nang par ldang na yang myur du langs la khros pa bzhin du tshig drag tu 'byin to//gti mug la spyod pa ni mal stan las langs te/ langs der bcas la nyal ba na yang kha sbub tu byas shing nyal lo/ /nang par langs na yang tshig ci yin gtol med par mi gsal bar 'byin cing dus tha gi zad cing lon nas gdod mal nas ldang ngo //de ltar spyod pa rnam pa gsum la spyod pa gang la chos gos ci 'dra ba dang bsod snyoms ji lta bu dang mal stan ci 'dra ba dang spyod yul gyi grong khyer gang du gzhag pa bstan dgos te/ de bas na 'dod chags la spyod pa rnams la mi gtsang ba bsgom pa'i chos rnams la dgod dgos pas dge slong dag dge slong bud med mthong nas zhes bya ba la sogs pa gsungs so//zhe sdang la spyod pa rnams la ni byams pa bsgom pa la dgod de/ de ni 'og nas tshad med pa bzhi bstan pa'i skabs nas 'chad do//gti mug la spyod pa rnams la ni rten cing 'brel te 'byung ba gzhag ste/ de'i tshul ji lta bu ni gong du rten cing 'brel te 'byung ba'i yan lag bcu gnyis bstan pa'i skabs su bshad zin to/ /de la 'dod chags la spyod pa rnams la ni chos gos thung ba dang rtsub pa sbyin no//zhe sdang la spyod pa rnams la ni chos gos gtsang ma dang kha dog bzang ba dang ring ba dang mdzes pa sbyin no/ /gti mug la spyod pa rnams la ni gang yang rung ba'o/ /'dod chags la spyod pa rnams la ni bsod snyoms rtsub pa dang mi zhim pa dang nyung du sbyin no//zhe sdang la spyod pa rnams la ni bsod snyoms 'jam pa dang / gtsang ba dang / zhim pa dang / tshim par gyur gyi bar du sbyin no/ /gti mug la spyod pa rnams la ni gang yang rung ba'o/ /'dod chags la spyod pa rnams la mal stan ni dur khrod dang dur khrod la nye ba'am/gtsug lag la sogs pa yang las su rung ba ma byas pa/ gding ba dang dgab pa phun sum tshogs pa med par gzhag go/ /zhe sdang la spyod pa rnams kyi mal stan ni shing dang chu phun sum tshogs pas gzhi mnyam zhing mdzes pa'am/gtsug lag khang mdzes par byas pa gding ba dang mal stan phun sum tshogs par gzhag go/ /gti mug la spyod pa ni gang du yang rung ngo / /'dod chags la spyod pa rnams kyi spyod yul gyi grong rnams kha zas rtsub po mang du za zhing grong khyer rnams mi mdzes pa la 'gro ba phos gang bar gzhag go//zhe sdang la spyod pa rnams kyi spyod yul gyi grong khyer ni kha zas phun sum tshogs pa dang grong khyer mdzes pa dang 'gro ba dad pa bsgrub pa mang bar gzhag go/ /gti mug gi spyod yul gyi grong khyer ni gang du yang rung la 'gro ba mkhas pa phal cher yod pa'i gnas su gzhag go//de la 'dod chags la spyod pa rnam pa bzhi ste/ reg pa la chags pa dang / rang bzhin la chags pa dang / kha dog la chags pa dang / nye bar spyod pa la chags pa'o/ /de la reg pa la chags pa ni/reg bya 'jam pa la chags pa ste/ des rus pa dkar po bsgom par bya'o/ /rang bzhin la chags pa ni/ bud med la sogs pa'i lus kyi ngo bo ma nyams pa la chags pa ste/ de bam pa dang sbos pa la sogs pa bsgom par bya'o/ /kha dog la chags pa rnams kyis ni rnam par bsngos pa la sogs pa bsgom par bya'o//nye bar spyod pa la chags pa rnams kyis ni bud med la sogs pa'i lus dur khrod du bor ba sems med de shing bzhin du gnas pa la bsgom pa'o/ /bdag dang bud med kyi phyi nang gi lus la rnam par 'jig pa ni 'dod chags rnam pa bzhi char gyi gnyen por 'gyur bas/mdo 'di las de nyid gtso bor mdzad de gsungs so/ /de la bud med kyi lus ni phyi'i lus so/ /bdag nyid kyi lus ni nang gi lus so/ /yang na skra dang spu dang sen mo dang so dang rdul dang dri ma dang / pags pa ni phyi'i lus so/ /sha dang rus pa nas bshang ba dang gci ba'i bar du gsungs pa ni nang gi lus so/ /de la mgo las skyes pa ni skra'o/ /mchan khung dang kha la sogs pa'i lus las skyes pa ni spu ste/ bdag dang gzhan gyi lus de ltar brtags nas/ ji ltar brtags pa la goms par byas na 'dod chags 'jil bar 'gyur te/ 'di ni yang dag pa'i dran pa zhes bya'o/ /yang dag pa'i ting nge 'dzin bstan par bya ba'i phyir/ yang dag pa'i ting nge 'dzin gang zhe na/ zhes bya ba la sogs pa gsungs so/ /'di ltar dge ba'i chos la sems rtse gcig pa ni yang dag pa'i ting nge 'dzin yin la/gzugs kyi khams kyi bsam gtan bzhi yang dge ba'i chos la sems rtse gcig pa'i mtshan nyid yin pas yang dag pa'i ting nge 'dzin zhes bya'o/ /de la bsam gtan dang po ni yan lag lnga dang ldan pa ste/yan lag lnga la rtog pa dang dpyod pa dang dga' ba dang bde ba dang sems rtse gcig pa'o/ /bsam gtan gnyis pa ni yan lag bzhi dang ldan pa ste/ yan lag bzhi la nang rab tu dang ba dang / bde ba dang / sems rtse gcig pa'o/ / bsam gtan gsum pa ni yan lag lnga dang ldan pa ste/ yan lag lnga la btang snyoms dang dran pa dang shes bzhin dang bde ba dang sems rtse gcig pa'o/ /bsam gtan bzhi pa ni yan lag bzhi dang ldan pa ste/ yan lag bzhi la btang snyoms rab tu dga' ba dang dran pa dang rab tu dga' ba dang bde ba yang ma yin sdug bsngal yang ma yin pa'i tshor ba dang sems rtse gcig pa'o//de lta bas na bsam gtan bzhi po 'di dag la yan lag bco brgyad du 'gyur te/ yan lag bco brgyad ni bsam gtan dang po la yan lag lnga/bsam gtan gsum pa la yan lag lnga ste bcu dang / bsam gtan gnyis pa la yang yan lag bzhi/ bsam gtan bzhi pa la yang yan lag bzhi ste brgyad de ltar na bco brgyad du 'gyur ro/ /bsam gtan bzhi po 'di dag zhib tu 'chad pa ni/phyis bsam gtan gyi skabs su 'chad pas/ 'dir bshad na dgos pa chung la bya ba che ba'i phyir ni ma bshad do/ /'phags pa'i bden pa bzhi bshad pa'i 'og tu/ dbang po nyi shu rtsa gnyis bstan pas ji ltar bstan pa bzhin du bshad par bzhed nas/dbang po nyi shu rtsa gnyis gang zhe na zhes bya ba la sogs pa gsungs so/ /dbang po rnams bstan pa ci dgos she na/ smras pa/ dbang po bstan pas/ 'jig rten dang 'jig rten las 'das pa dang / zag pa dang bcas pa dang / zag pa med pa dang /'byung bar byed pa dang / 'byung bar byed pa ma yin pa dang / thun mong dang / thun mong ma yin pa'i chos khong du chud par bya ba'i phyir/ chos de dag khong du chud na bdag dang bdag gir mngon par chags pa spong bar 'gyur ro/ /mngon par chags pa spangs na 'khor ba'i sdug bsngal med par 'gyur ro//'khor ba'i sdug bsngal med na mya ngan las 'das pa'i bde ba thob par 'gyur te/ de ltar sdug bsngal spang ba dang / bde ba thob par bya ba'i phyir dbang po bstan to/ /de la mig gi dbang po'i rdul phran ni mig gi sprin gyi nang na go snyod kyi me tog kha 'bus pa 'dra bar gnas so//rna ba'i dbang po'i rdul phran ni gro ga gcus pa'i mdud pa 'dra bar rna ba'i nang na gnas so/ /sna'i dbang po'i rdul phran ni lcags kyi thur ma ltar mtshul ba'i nang thog thag tu gnas so/ /lce'i dbang po'i rdul phran ni zla ba kham pa 'dra bar gnas so//lus kyi dbang po'i rdul phran ni lus bzhin du thog thag tu khyab par gnas so/ /yid kyi dbang po ni rdul phran bsags pa'i mtshan nyid ma yin pas chos thams cad shes pa'i mtshan nyid do/ /bud med kyi dbang po'i rdul phran ni rnga'i kha bzhin nam shing bal btsal ba 'dra bar gsang ba'i phyogs na gnas so//skyes pa'i dbang po'i rdul phra mo khyud skor gyi phyogs na mdzub mo ltar gnas so/ /'tsho ba'i dbang po ni ris mthun pa'i phung po gnas pa dang / mi 'jig par 'dzin par byed pa'o//kha cig na re phung pa rgyun 'brel par gnas pa ni 'tsho ba'i dbang po'o zhes 'chad do/ /la la na re drod dang rnam par shes pa dang ldan pa'i 'byung ba chen po gnas pa la dbang byed pa ni 'tsho ba'i dbang po zhes zer ro/ /sdug bsngal gyi dbang po nas btang snyoms kyi dbang po'i bar du ci'i phyir dbang po lnga bshad ce na/dbang po lnga po de dag bsam gtan dang snyoms par 'jug pa'i mi mthun pa'i phyogs su gyur pa ste/ mi mthun pa'i phyogs rnam pa lnga yod pas na sdug bsngal gyi dbang po la sogs pa lnga nyid du bshad do/ / de la bsam gtan dang pos yid mi bde ba'i dbang po 'joms par byed do/ /bsam gtan gnyis pas ni sdug bsngal gyi dbang po 'joms par byed do/ /bsam gtan gsum pas ni bde ba'i dbang po 'joms par byed do/ /bsam gtan bzhi pas ni yid bde ba'i dbang po bcom nas btang snyoms kyi dbang po rnam par dag pa la gnas so//de la 'dod pa'i khams na rnam par shes pa lnga ste/ bsam gtan dang po'i mig dang / rna ba dang / lus kyi rnam par shes pa ste/ rnam par shes pa'i tshogs de dag gi sim pa'i tshor ba gang yin pa de ni bde ba'i dbang po zhes bya'o//bsam gtan gsum pa ni yid kyi sim pa gang yin pa la yang bde ba'i dbang po zhes bya'o/ /rnam par shes pa lnga'i tshogs kyi sim pa ma yin pa ni/ sdug bsngal gyi dbang po ste/ de yang 'dod pa'i khams nyid na yod kyi/khams gzhan na med do/ /de ci'i phyir zhe na/ gzugs dang gzugs med pa'i khams na ni las mi dge ba'i las kyi rnam par smin pa med pa'i phyir ro/ /yid la sim pa'i tshor ba gang yin pa de ni yid bde ba'i dbang po ste/ de yang 'dod pa'i khams dang / bsam gtan dang po dang / gnyis pa na yod do/ /btang snyoms kyi dbang po ni 'dod pa dang gzugs dang gzugs med pa'i khams te/ sa thams cad na yod do/ /yang na bde ba dang sdug bsngal ba dang / bde ba yang ma yin sdug bsngal ba yang ma yin pa'i tshor ba rnam pa gsum lus dang sems kyi rten tha dad pa'i sgo nas dbang po rnam pa lngar gzhag ste/bde ba'i tshor ba yang lus las byung zhing lus dang 'brel ba'i dus na ni bde ba'i dbang po zhes bya ba la/ bde ba'i tshor ba de nyid sems dang 'brel ba'i dus na ni yid bde ba'i dbang po zhes bya'o//sdug bsngal gyi tshor ba yang lus dang 'brel cing lus las byung ba'i dus na ni sdug bsngal gyi dbang po zhes bya ba la/ sdug bsngal gyi tshor ba de nyid sems dang 'brel ba'i dus na ni yid mi bde ba'i dbang po zhes bya'o//lus dang sems gnyi ga dang 'brel ba/ bde ba dang sdug bsngal gnyi gar mi rtog pa ni btang snyoms kyi dbang po'o/ /yang na dbang po lnga'i gzhi la brten nas yid du mi 'ong ba'i yul la dmigs te/ rnam par rtog pa med par shes pa lnga'i tshogs dang yang dag par ldan pa ni sdug bsngal gyi dbang po'o//yid kyi dbang po la brten nas yul yid du mi 'ong ba la dmigs shing rtog pa dang bcas shing yid kyi rnam par shes pa dang yang dag par ldan pa ni yid mi bde ba'i dbang po'o/ / dbang po lnga la brten nas/ yul yid du 'ong ba la dmigs shing rnam par shes pa lnga'i tshogs dang yang dag par ldan pa ni/ bde ba'i dbang po'o/ /yid kyi dbang po la brten nas yul yid du 'ong ba la dmigs shing rnam par rtog pa dang bcas shing yid kyi rnam par shes pa dang yang dag par ldan pa ni yid kyi bde ba'i dbang po'o//dbang po drug la brten nas yul yid du 'ong ba yang ma yin yid du mi 'ong ba yang ma yin pa la dmigs shing rtog pa med pa dang / rtog pa dang bcas pa'i rnam par shes pa drug dang yang dag par ldan pa ni btang snyoms kyi dbang po zhes bya'o//yang na bsod nams ma yin pa'i 'du byed kyi 'bras bu rnam par smin pa myong ba ni sdug bsngal gyi dbang po dang yid mi bde ba'i dbang po'o/ /bsod nams kyi 'du byed kyi 'bras bu rnam par smin pa myong ba ni bde ba'i dbang po dang yid bde ba'i dbang po'o//mi g.yo ba'i 'du byed kyi 'bras bu rnam par smin pa myong ba ni btang snyoms kyi dbang po'o/ /yang na lus dang dbang po dang yid dang blo la gnod par byed pa'i bdag nyid skyes pa na yang sdug bsngal/ gnas pa na yang sdug bsngal la/ yongs su gyur pa na bde bar byed pa ni sdug bsngal gyi dbang po dang yid mi bde ba'i dbang po zhes bya'o/ /lus dang dbang po dang blo dang yid la rjes su phan par byed pa'i bdag nyid skyes pa na yang bde/ gnas pa na yang bde/ yongs su 'gyur ba na sdug bsngal ba ni bde ba'i dbang po zhes bya'o//lus dang dbang po dang blo dang yid la gnod par yang mi byed/ phan par yang mi byed cing shes pa ma skyes na ni sdug bsngal la/ ye shes skyes na ni bde ba ste de lta bu med pa ni btang snyoms kyi dbang po'o/ /yang na sdug bsngal gyi sdug bsngal dang /rjes su 'brel ba ni sdug bsngal gyi dbang po dang yid mi bde ba'i dbang po zhes bya'o/ /'gyur ba'i sdug bsngal dang rjes su 'brel ba ni bde ba'i dbang po dang yid bde ba'i dbang po zhes bya'o/ /'du byed kyi sdug bsngal gyi rjes su 'brel ba ni btang snyoms kyi dbang po'o//yang na sdug bsngal gyi dbang po dang yid mi bde ba'i dbang po ni phrad par mi 'dod pa'i sred pa dang bral bar 'dod pa'i sred pa skyed par byed do/ /bde ba'i dbang po dang yid bde ba'i dbang pos ni 'dod pa'i sred pa dang phrad par 'dod pa'i sred pa skyed par byed do//btang snyoms kyi dbang po ni kun tu gti mug pa'i sred pa skyed par byed do/ /yang na gnod pa dang bcas pa'i lus kyi tshor ba ni sdug bsngal gyi dbang po'o/ /gnod pa dang bcas pa'i yid kyi tshor ba ni yid mi bde ba'i dbang po'o//gnod pa med pa'i lus kyi tshor ba ni bde ba'i dbang po'o/ /gnod pa med pa'i yid kyi tshor ba ni yid bde ba'i dbang po'o/ /gnyi ga las bzlog pa ni btang snyoms kyi dbang po'o/ /yang na khams 'khrugs pa las skyes pa'am bdag gam gzhan gyis gnod pa byas pa las byung ba'am/'chi ba'i dus na sdug bsngal myong ba'am/ spyod lam mi bde bar gnas pa ste/ bde ba'i ro dang bral ba'i lus kyi tshor ba ni sdug bsngal gyi dbang po'o/ /mi mdza' ba dang phrad pa dang mdza' ba dang bral ba dang / skyo ba dang nga rgyal dang 'jigs pa dang smad pa dang / chad pas bcad pa la sogs pa'i rnam par rtog pa las skyes pa'i bde ba dang bral ba'i yid kyi tshor ba ni yid mi bde ba'i dbang po'o/ /khams mnyam par gyur pa las skyes pa'am/ sdug bsngal gyi gnyen pos sdug bsngal bcom pa'am/spyod lam bde bar gnas pa'am/ lus bag yangs kyis bskyed pa ro dang bcas pa'i lus kyi tshor ba ni yid bde ba'i tshor ba'o/ /yul yid du 'ong ba dang phrad par gyur la/ yul yid du mi 'ong ba dang / thag ring bar gyur pa'am/ grags pa dang bsngags pa la sogs pa'i yon tan la rnam par rtog pa las byung ba'i ro dang bcas pa'i yid kyi tshor ba ni yid bde ba'i dbang po'o/ /lus dang yid la phan pa dang gnod par yang mi byed pa'i lus la sems kyi tshor ba bde ba yang ma yin/ sdug bsngal ba yang ma yin pa ni gcig tu ma nges pa'i btang snyoms kyi dbang po'o//ci'i phyir dad pa la sogs pa'i dbang po lnga nyid du bshad pa'i drug dang bzhi la sogs par ma yin/ smras pa/ stobs kyi mi mthun pa'i phyogs lnga yod pas na dad pa la sogs pa lnga nyid du bshad de/ drug dang bzhi la sogs par ma yin no//stobs kyi mi mthun pa'i phyogs lnga ni ma dad pa dang / le lo dang / mi dran pa dang / g.yengs pa dang / shes pa med pa'o/ /de la ma dad pa'i gnyen po ni dad pa'i dbang po'o/ /le lo'i gnyen po ni brtson 'grus kyi dbang po'o/ / mi dran pa'i gnyen po ni dran pa'i dbang po'o/ /g.yengs pa'i gnyen po ni ting nge 'dzin gyi dbang po'o/ /mi shes pa'i gnyen po ni shes rab kyi dbang po'o/ /yang na mos pa rnam pa lnga'i phyir dbang po lngar bshad de/ mos pa rnam pa lnga ni kha cig dad pa'i sgo la mos te/dper na 'phags pa bar ka la bzhin no/ /kha cig brtson 'grus kyi sgo la mos te/ dper na 'phags pa thos na rna ba bzhin no/ /kha cig dran pa'i sgo la mos te/ dper na 'phags pa ming chen bzhin no/ /kha cig zhi gnas kyi sgo la mos te/ dper na 'phags pa re ba ti bzhin no/ /kha cig shes rab kyi sgo la mos te/ dper na 'phags pa shA ri'i sras po bzhin no/ /de la gang dad pa'i sgo la mos pa rnams ni dad pa'i dbang po la brten nas khams gsum las 'byung bar byed de/ de dag rgyun du zhugs pa'i yan lag bzhi 'og nas 'byung ba rnams la brten to//brtson 'grus kyi dbang po la mos pa rnams kyi yang dag pa'i spong ba bzhi la brten nas brtson 'grus kyi khams gsum nas 'byung bar byed do/ /dran pa'i dbang po la mos pa rnams ni dran pa nye bar gzhag pa bzhi la brten nas dran pa'i dbang pos khams gsum nas 'byung bar byed do//ting nge 'dzin gyi dbang po la mos pa rnams ni bsam gtan bzhi la brten nas ting nge 'dzin gyi dbang pos khams gsum nas 'byung bar byed do/ /shes rab kyi dbang po la mos pa rnams ni/ 'phags pa'i bden pa bzhi shes pa la brten nas shes rab kyi khams gsum nas 'byung bar byed do//de'i phyir na yang dbang po lnga nyid du bshad do/ /ci'i phyir dbang po lnga rnams rim pa de ltar bkod ce na/ smras pa/ byang chub kyi phyogs sum cu rtsa bdun gyi chos rnams kyi sa bon du gyur pa ni dad pa'i dbang po ste/de bas na dad pa'i dbang po dang por gzhag go/ /'di lta ste/ khron pa brkos nas chu 'byung bar dad pa rnams khron pa brko bar bya ba'i phyir las brtsams pa bzhin du 'khor ba'i nyes pa mthong zhing mya ngan las 'das pa'i yon tan la dad nas mya ngan las 'das pa khong du chud par bya ba'i phyir brtson 'grus rtsom ste/de bas na de'i 'og tu brtson 'grus kyi dbang po bstan to/ /brtson 'grus brtsams pa rnams la dran pa nyams pa mi srid de/ de bas na de'i 'og tu dran pa'i dbang po'o/ /dran pa ma nyams na rtag tu sems rtse gcig tu 'gyur te/de bas na de'i 'og tu ting nge 'dzin gyi dbang po bstan to/ /sems ma yengs rtse gcig tu gyur na mya ngan las 'das pa rtogs par 'gyur bas tha mar shes rab kyi dbang po bshad do/ /yang na 'phags pa'i bden pa bzhi la dad pa ni dad pa'i dbang po'o//dad pa rnams bden pa khong du chud par bya ba'i phyir sbyor ba'i rtsom pa ni brtson 'grus kyi dbang po'o/ /brtson 'grus dang ldan pa dag bden pa bzhi'i mtshan nyid mi brjed par byed pa ni dran pa'i dbang po'o/ /bden pa bzhi la sems rtse gcig tu sgom pa ni ting nge 'dzin gyi dbang po'o//bden pa bzhi shes par gyur pa ni shes rab kyi dbang po'o/ /yang na yon tan rnam pa lnga dang ldan pa'i rgyal po ni rgyal po'i sde gzhan 'joms par byed do/ /yon tan rnam pa lnga 'di lta ste/ blon po mdzangs pa dang / gnas dang sa gzhi btsan pa dang /go cha dang mtshon cha rno ba dang / g.yog 'khor mi phyed pa'o/ /de dang 'dra ba'i yon tan lnga dang ldan pa'i rnal 'byor pa ni nyon mongs pa'i sde rnams 'joms par byed de/ de la shes rab kyi dbang po blon po lta bur gyur pa dang ldan pa dang ting nge 'dzin gyi gnas dang /sa gzhi la brten pa dang / dran pa mi brjed pa'i go cha dang ldan pa dang / brtson 'grus brtan pa'i mtshon cha rno ba dang / dad pa mi bskyod pa'i g.yog 'khor dang ldan pa'o/ /de la mi shes pa la shes so zhes bya ba'i dbang po dang / shes pa'i dbang po dang / shes pa dang ma bral ba'i dbang po gsum bstan par bya ste/gang mthong ba'i lam na yid dang / yid bde ba dang / btang snyoms dang / dad pa dang / brtson 'grus dang / dran pa dang / ting nge 'dzin dang / shes rab ste rdzas dgu la ni mi shes pa la shes so zhes bya ba'i dbang por gzhag ste/ci'i phyir zhe na/ mthong ba'i lam la bden pa bzhi sngon kun tu ma shes pa rdzas dgu po rnams kyis shes pa dang reg pa dang khong du chud pa dang / rtogs par bya ba'i phyir rtsom pas na/ gang zag de'i dbang po ni mi shes pa la shes so zhes bya ba'i dbang por gzhag go/ rdzas dgu po de dag nyid sgom pa'i lam gyi dus na ni shes pa'i dbang po zhes rnam par gzhag ste/ ci'i phyir zhe na/ sgom pa'i lam na bden pa bzhi sngon kun tu ma shes pa rdzas dgu po rnams kyis shes pa dang / rig pa dang / khong du chud pa dang / rtogs par bya ba'i phyir rtsom pas na/ gang zag de'i dbang po ni shes pa la shes so zhes bya ba'i dbang por gzhag go//rdzas dgu po de dag nyid sgom pa'i lam gyi dus na ni shes pa'i dbang po zhes rnam par gzhag ste/ ci'i phyir zhe na/ sgom pa'i lam na ni sngon ma mthong ba mthong bar bya ba med kyi/ sgom pas spang bar bya ba'i bag la nyal ma lus par spang bar bya ba'i phyir/mthong ba'i lam na 'phags pa'i bden pa bzhi shes pa de nyid yang nas yang du goms shing shes par byed pas na/ sgom pa'i lam gyi gang zag gi dbang po dgu po rnams la ni shes pa'i dbang po zhes rnam par gzhag go/ / rdzas dgu po de nyid mi slob pa'i lam gyi dus na ni/ shes pa dang ma bral ba'i dbang po zhes bya ste/ ci'i phyir zhe na/ mi slob pa'i lam gyi tshe ngas bden pa bzhi kun shes so zhes khong du chud pa dang / rigs pa'i ye shes dang ldan pa'i phyir shes pa dang ma bral ba'i dbang po zhes bya'o/ / yang na kun shes pa'i chos yongs su srung ba dang skyong bar byed pa'i ngang tshul can bas shes pa dang ma bral ba'i dbang po ste/ de ci'i phyir zhe na/ mi slob pa'i lam gyi tshe zad pa dang mi skye ba'i ye shes thob pas bdag gi sdug bsngal shes par bya bas yang shes par byar med/ kun 'byung spangs pas yang spang du med/ 'gog pa mngon du byas pas yang mngon du byar med/ lam bsgoms pas yang bsgom du med ces bya ba'i chos dang ldan par bya ba'i phyir ro/ /de ni 'di skad du mthong ba dang sgom pa dang mi slob pa'i lam na rim bzhin du rdzas dgu po de dag nyid phan tshun du ltos nas/mi gzhan dang gzhan du rtag pa'o zhes bstan pa yin no/ /rdzas dgu po de dag lam gsum po'i tshe ldan no zhes smos pa yang tshogs gzhan la ltos nas smras pa yin gyi/ skad cig ma gcig gam dus gcig tu ni rdzas dgu po cig car mi 'byung ngo //de ci'i phyir zhe na/ bde ba dang yid bde ba dang btang snyoms kyi tshor ba la gang yang rung ba gcig 'byung gi gsum car dus gcig tu cig car 'byung mi srid do/ /ji lta zhe na gal te lam mi thob tu mi rung ba dang bsam gtan gyi bar dang / bsam gtan bzhi pa dang /nam mkha' dang rnam par shes pa dang / cung zad med pa'i skye mched kyi sar rtogs pa yin na ni de na btang snyoms kyi tshor ba nyid yod kyi/ bde ba dang yid bde ba'i dbang po med do/ /gal te bsam gtan dang po dang gnyis pa'i sa pa yin na ni de na yid bde ba'i dbang po nyid yod kyi/bde ba dang btang snyoms kyi dbang po med do/ /gal te bsam gtan gsum pa'i sa pa yin napa ni de na bde ba'i dbang po nyid yod kyi/ yid bde ba dang btang snyoms kyi dbang po med do/ /de la 'dod pa'i khams na ni mi shes pa la shes so ba'i dbang po dang /shes pa'i dbang po dang / shes pa dang ma bral ba'i dbang po gsum ma gtogs pa'i dbang po gzhan thams cad yod do/ /gzugs kyi khams na ni skyes pa dang bud med kyi dbang po dang / sna'i dbang po dang / lce'i dbang po med do/ /'dod pa'i 'dod chags dang / kha zas kham gyis za ba dang / chags pa dang bral ba'i phyir de bzhin du sdug bsngal gyi dbang po yang med do/ /lus shin tu dang bas phyi'i yul gyis gnod pa med pa dang / mi dge ba'i rnam par smin pa med pa'i phyir ro/ /yid mi bde ba'i dbang po yang med de/ zhi gnas kyi sems kyi rgyud rtag tu dang ba dang gnyen por bya ba'i phyir ro//gzugs med pa'i khams na ni dad pa la sogs pa'i dbang po lnga dang / yid dang btang snyoms kyi dbang po dang / 'tsho ba'i dbang po dang brgyad yod kyi gzhan med do/ /yang na rigs kyi sa la gnod pa'i tshe 'phags pa'i bden pa bzhi ma rtogs pa rtogs par bya ba'i phyir zhugs pa'i dad pa la sogs pa'i dbang po lnga ni mi shes pa la shes so zhes bya ba'i dbang po ste/ci'i phyir zhe na/ bden pa ma shes pa rnams shes par bya'o zhes sbyar bar bya ba'i phyir ro/ /slob pa'i sa la bden pa bzhi khong du chud par 'gyur ba'i dad pa la sogs pa'i dbang po lnga la ni shes pa'i dbang po zhes bya ste/shes bya shes par gyur ba'i phyir ro/ /mi slob pa'i sa na mthong ba'i chos la bde bar gnas par bya ba'i phyir/ de'i tshe dad pa la sogs pa'i dbang po lnga ni shes pa dang ma bral ba'i dbang po zhes bya ba ste/shes bya ma lus par shes pa dang ldan pa'i phyir ro/ /yang na dad pa'i rjes su 'brang ba'i gang zag rnams kyi dbang po ni mi shes pa shes par bya ba'i 'jug pas ni mi shes pa la shes so zhes bya ba'i dbang por gzhag go/ /rgyun du 'jug pa nas dgra bcom pa la 'jug pa'i bar gyi gang zag rnams kyi dbang po ni bden par shes par gyur pas shes pa'i dbang por gzhag go//dgra bcom pa'i 'bras bu thob ste/ mi slob pa'i sa la gnas pa'i gang zag rnams kyi dbang po ni kun shes pa mi mnyam pa'i chos dang ldan pa'i shes pa dang ma bral ba'i dbang po zhes bya'o//dbang po 'di gsum ci'i phyir rim pa 'di ltar bkod ce na/ 'di ni sdug bsngal/ 'di ni kun 'byung / 'di ni 'gog pa/ 'di ni lam zhes chos kyi 'khor lo dang por rnam par bzhir bskor ba na dbang po dang po ste/ mi shes pa la shes pa'i dbang po'o/ /sdug bsngal shes par bya/kun 'byung spang bar bya ba/ 'gog pa mngon du bya/ lam bsgom par bya ba zhes chos kyi 'khor lo rnam pa bzhi lan gnyis la bskor ba'i tshe na ni/ dbang po gnyis te/ shes pa dang ma bral ba'i dbang po dang / shes pa'i dbang po'o/ /sdug bsngal shes par byas pas da shes par bya mi dgos/kun 'byung spangs par byas pas da spang mi dgos/ 'gog pa mngon du byas pas da mngon du bya mi dgos/ lam bsgoms pas da bsgom mi dgos zhes chos kyi 'khor lo rnam pa bzhi lan gsum du bskor ba'i tshe na ni dbang po gsum rnam par gzhag ste/ shes pa dang ma bral ba'i dbang po'o//de la mi shes pa la shes so zhes bya ba'i dbang po'i dus na ni thog mar dge ba'o/ /shes pa'i dbang po'i dus na ni bar du dge ba'o/ /shes pa dang ma bral ba'i dus na ni tha mar dge ba ste/ de'i phyir yang rim pa de ltar bkod do/ /tshul khrims kyi phung po dang /ting nge 'dzin gyi phung po dang / shes rab kyi phung po la gnas pa'i tshe na mi shes pa la shes so zhes bya ba'i dbang po'o/ /rnam par grol ba'i phung po la gnas pa'i tshe na ni shes pa'i dbang po'o/ /rnam par grol ba'i ye shes mthong ba'i phung po la gnas pa'i tshe na ni/shes pa dang ma bral ba'i dbang po'o/ /de la dbang po'i don ci zhes smras pa/ dbang po'i don ni rgya gar skad du in dra ya zhes 'byung ste/ in dra ya'i don du ni phyug pa'am/ dbang byed pa ste/ gzugs la sogs pa'i yul la dbang byed pa'i don ni dbang po'i don to//'o na dbang po gang dag yul gang la dbang byed ce na/ mig gi dbang po nas lus kyi dbang po'i bar du lnga ni don rnam pa bzhi la dbang byed pas dbang po'o/ /de la thang cig mig dang rna ba gnyis po don rnam pa bzhi la dbang byed do/ /don rnam pa bzhi ni rang gi ngo bo mdzes par byas pa dang /rang gi ngo bo srung ba dang / rnam par shes pa ldan pa dang bcas pa bskyed pa dang / thun mong ma yin pa'i rgyu la dbang byed do/ /rang gi ngo bo mdzes pa la dbang byed pa ni mig dang rna ba'i dbang po med na long ba dang 'on pa la sogs pa'i gzugs shin tu mi mdzes pa'i phyir ro//rang gi ngo bo srung ba la dbang byed pa ni nyams pa'i gnas dag mig gis mthong zhing rna bas kyang thos nas yongs su spong bar byed pa'i phyir ro/ /rnam par shes pa ldan pa dang bcas pa bskyed pa la dbang byed pa ni mig dang rna ba'i dbang po'i mthus/ mig gi rnam par shes pa dang /rna ba'i rnam par shes pa sems las byung ba dang ldan pa skyed pa'i phyir ro/ /thun mong ma yin pa'i rgyu la dbang byed pa ni/ gzugs kyang mig gi dbang po nyid kyis mthong gi dbang po gzhan gyis ma yin pa dang / sgra yang rna ba'i dbang pos thos kyi dbang po gzhan gyis mi thos pa'i phyir ro//sna dang lce dang lus kyi dbang po yang don rnam pa bzhi la dbang byed de/ rang gi ngo bo mdzes pa la dbang byed pa ni/ sna'i dbang po dang lce'i dbang po dang lus kyi dbang po dang mi ldan pa rnams gzugs rab tu mi mdzes pa'i phyir ro/ /rang gi ngo bo srung ba la dbang byed pa ni/kham gyis za ba'i kham zas dang dri dang reg bya'i khyad par gyis lus brtas par byed pa'i phyir ro/ /rnam par shes pa dang ldan pa dang bcas pa skyed pa la dbang byed pa ni sna dang / lce la sogs pa dbang po'i mthus sna la sogs pa'i rnam par shes pa sems las byung ba dang bcas pa skyed par byed pa'i phyir ro//thun mong ma yin pa'i rgyu la dbang byed pa ni dri sna'i dbang po nyid kyis tshor ba dang / ro lce'i dbang po nyid kyis myang ba dang / reg bya lus kyi dbang po nyid kyis tshor ba ste/ dbang po gzhan gyis byed par mi nus pa'i phyir ro//yid kyi dbang po dang / bud med kyi dbang po dang / skyes pa'i dbang po dang / tshor ba'i dbang po bzhi ni so sor don rnam pa gnyis la dbang byed pas dbang po'o/ /de la thang cig skyes pa dang / bud med kyi dbang po ni kun nas nyon mongs pa dang / rnam par byang ba la dbang byed de/ji ltar skyes pa dang bud med kyi dbang po dang mi ldan pa ma ning dang za ma la sogs pa sdom pa ma yin pa dang / mtshams med pa byed pa dang / dge ba'i rtsa ba chad pa yang med pa dang / sdom pa dang 'bras bu thob pa dang 'dod chags dang bral ba rnams su mi 'gyur ba na'o//'tsho ba'i dbang po yang don rnam pa gnyis la dbang byed de/ ris gcig pa'i sems can rigs so sor skal ba mnyam pa rgyun du 'brel ba la dbang byed pa dang / de mi nyams par 'dzin pa la dbang byed de/ ji srid du 'tsho ba'i dbang po yod kyi bar du ris gcig pa'i skal ba mnyam pa'i skad cig mi'i ris mthun par gnas la/'tsho ba'i 'du byed kyang mi 'jig par 'dzin pa'i phyir ro/ /yid kyi dbang po yang don rnam pa gnyis la dbang byed de yang srid pa 'brel pa dang dbang du gyur pa'o/ /yang srid pa 'brel ba ni 'dod chags dang bral ba'i yid dam/zhe sdang dang bcas pa'i yid kyis skye ba'i mtshams sbyor ba'i phyir ro/ /dbang du gyur ba ni 'jig rten 'di dag sems kyi khrid do zhes 'byung ba'i phyir ro/ /gang sdug bsngal gyi dbang po la sogs pa lnga dang / dad pa'i dbang po nas shes pa dang ma bral ba'i dbang po rnams ni kun nas nyon mongs pa dang rnam par byang ba'i chos gnyis la dbang byed de/ji lta na sdug bsngal gyi dbang po la sogs pa lnga las bde ba dang / yid bde ba'i dbang po gnyis kyis 'dod chags bag la nyal bar byed do/ /sdug bsngal dang yid mi bde ba'i dbang po gnyis kyis zhe sdang bag la nyal bar byed do//btang snyoms kyi dbang pos ni gti mug bag la nyal bar byed do/ /yang na mig gi dbang po nas lus kyi dbang po'i bar du lnga po dag ni/ gzugs la sogs pa rang rang gi yul la dbang byed pa'i phyir dbang po'o//yid kyi dbang po ni chos thams cad la dmigs pa'i sgo nas chos kun la byed pas na dbang po'o/ /bud med kyi dbang po ni bud med kyi ngo bo la dbang byed de bud med kyi ngo bo ni byad lag dang / nga ro dang / bsam pa dang / spyod pa ste/ bud med kyi dbang pos dbang byed do//de la byad lag ni stod phra smad sbom la nu ma dang bcas pa'o/ /nga ro ni 'jam zhing mnyen pa'o/ /bsam pa ni bud med thams cad kyang skyes pa la sems gtod pa'o/ /spyod pa ni bud med thams cad kyang spyod pa mi gtsang ba'o/ /skyes pa'i dbang po ni skyes pa'i ngo bo thams cad la dbang byed pa ste/de la skyes pa'i ngo bo yang byad lag dang bsam pa dang spyod pa ste/ de la skyes pa'i dbang pos dbang byed do/ /de la byad lag ni stod sbom pa'o/ /nga ro ni sgra che la zab pa'o/ /bsam pa ni skyes pa kun kyang bud med la sems 'jug pa'o/ /spyod pa ni skyes pa kun kyang spyod pa gtsang ba'o//'tsho ba'i dbang po ni gcig pa'i skal pa mnyam par gnas par bya ba la dbang byed do/ /sdug bsngal gyi dbang po la sogs pa lnga ni kun nas nyon mongs pa la dbang byed de/ ji ltar kun nas nyon mongs pa la dbang byed pa ni sngar bshad pa bzhin no//kha cig na re lnga po de dag rnam par byang ba la dbang byed do zhes 'chad do/ /'di ltar sdug bsngal ba'i rgyu las dad pa skye'o/ /bde ba las sems rtse gcig par 'gyur ro/ /yid bde ba dang mi bde ba'i dbang po yang mya ngan las 'das pa'i lam la dmigs pa las 'byung bar byed do//'di ltar lam la dmigs na ni bde ba skye'o/ /lam la dmigs par ma byas na ni bdag gis ma byas so zhes yid mi bde ba skye'o/ /nam kun nas nyon mongs pa spangs te/ lam lhun gyis grub pa ni bde ba dang yid bde ba dang mi bde ba gnyi ga mi dmigs so//dad pa la sogs pa'i dbang po lnga ni rnam par byang ba'i phyogs la dbang byed do/ /'di ltar 'jig rten pa'i lam du gtogs pa'i dad pa la sogs pa lngas ni nyon mongs 'jil bar byed do/ /nges par 'byed pa'i phyogs bzhir gtogs pa'i dad pa la sogs pa lnga ni lam la 'jug par byed de/de ma thag tu mthong ba'i lam skye ba'i phyir ro/ /mi shes pa la shes so zhes bya ba'i dbang po ni shes pa'i dbang po la dbang byed de/ de'i rjes la shes pa'i dbang po 'byung ba'i phyir ro/ /shes pa'i dbang po ni shes pa dang ma bral ba la dbang byed de/shes pa'i dbang po'i 'og tu shes pa dang ma bral ba'i dbang po skye ba'i phyir ro/ /shes pa dang ma bral ba'i dbang po ni mya ngan las 'das pa la dbang byed de/ sems rnam par ma grol bar mya ngan las 'das pa mi thob pa'i phyir ro/ /yang na mthong bas spang bar bya ba'i nyon mongs pa spangs pa la mi shes pa la shes so zhes bya ba'i dbang po la dbang byed de/de'i dbang gis mthong bas spang bar bya ba'i nyon mongs pa spong ba'i phyir ro/ /sgom pas spang bar bya ba'i nyon mongs pa spangs pa la shes pa'i dbang po la dbang byed de/ de'i mthus sgom pas spang bar bya ba'i nyon mongs pa med par 'gyur ba'i phyir ro//mthong ba'i chos la bde bar gnas par bya ba la shes pa dang ma bral ba'i dbang po la dbang byed de/ dgra bcom pa'i dus na rnam par grol ba'i bde ba so sor myong ba las bya ba gzhan med pa'i phyir ro/ /ci'i phyir dbang po nyi shu rtsa gnyis nyid du gsungs la/mang du yang ma yin nyung du yang ma yin zhe na/ smras pa/ sems kyi rten dang der rnam par rtog pa dang gnas pa dang kun nas nyon mongs pa dang / rnam par byang ba'i tshogs dang / rnam par byang ba'i chos kyi phyir dbang po nyi shu rtsa gnyis kho nar bshad do//de la sems kyi rten ni mig gi dbang po nas yid kyi dbang po'i bar du drug go/ /der rnam par rtog pa ni bud med dang skyes pa'i dbang po gnyis te/ gnyis kyi dbang po'i sgo nas 'di ni skyes pa 'di ni bud med ces rtog pa'i phyir ro/ /'tsho ba'i dbang pos ni gnas par byed do//'tsho ba la sogs pa lngas ni kun nas nyon mongs par byed do/ /dad pa la sogs pa lngas ni rnam par byang ba'i tshogs stsogs so/ /mi shes pa la shes so zhes bya ba la sogs pa'i dbang po gsum ni rnam par byang ba'i ngo bo'o/ /yang na 'jug pa'i rten dang skye ba dang gnas pa dang /kun nas longs spyod pa dang / ldog pa'i rten dang / skye ba dang / gnas pa dang / kun tu longs spyod pa'i phyir dbang po nyi shu rtsa gnyis kho na las mang du yang ma bshad nyung du yang ma bshad do/ /de la 'khor bar 'jug pa'am yul la 'jug pa'i rten ni mig gi dbang po nas yid kyi dbang po'i bar du drug go//skye bar byed pa ni skyes pa dang bud med kyi dbang po gnyis te/ de gnyis las sems can skye ba'i phyir ro/ /gnas pa ni tshor ba'i dbang po ste 'di'i mthus gnas par byed pas so/ /kun tu longs spyod pa ni sdug bsngal la sogs pa lnga ste/sdug bsngal dang yid mi bde ba'i dbang pos ni tshor ba'i sdug bsngal myong bar byed do/ /bde ba dang yid bde ba'i dbang pos ni tshor ba bde ba myong bar byed do/ /btang snyoms kyi dbang pos ni/ tshor ba bde ba yang ma yin/ sdug bsngal yang ma yin pa myong bar byed do//'khor ba las bzlog pa'i rgyu ni dad pa la sogs pa dbang po lnga'o/ /ldog pa'i skye ba'i rgyu ni mi shes so zhes pa'i dbang po ste/ de'i mthus khams gsum las ldog pa'i phyir ro/ /gnas pa ni shes pa'i dbang po ste de'i tshe 'khor ba las ldog pa'i mtshan nyid sgom pa'i lam la gnas pa'i phyir ro//kun nas longs spyod pa ni shes pa dang ma bral ba'i dbang po ste/ de'i dus na rnam par grol ba'i bde ba so sor myong ba'i phyir ro/ /dbang po nyi shu rtsa gnyis bshad zin to// //dbang po nyi shu rtsa gnyis bstan pa'i 'og tu bsam gtan bstan te/de bas na ji ltar bsam gtan de bzhin du bshad par 'dod pas/ bsam gtan bzhi gang zhe na zhes bya ba la sogs pa dris so/ /bsam gtan zhes bya ba'i don ci/ 'dis bsgom zhing bsam gtan byed pas na/ bsam gtan te rab tu shes par byed ces bya ba'i don to//de yang don du na sems mnyam par gzhag cing rtse gcig tu gzhag pa ni bsam gtan te de la mnyam par gzhag pa la rab tu shes pa zhes bya bar cis mngon zhe na/ 'di ltar sems mnyam par gzhag pa las yang dag pa ji lta ba bzhin du shes so zhes 'byung ba'i phyir ro//de la bsam gtan gyi sgra'i don sems la bya mod kyi/ sems nyid 'dir shes rab la bya bar rigs par bya ste/ sangs rgyas kyi grub pa'i mtha'i tshul gyis de yin pa'i phyir ro/ /de ni 'di skad du bstan pa yin te/ dge ba'i chos la sems rtse gcig pa ni bsam gtan no zhes bya ba'i don to//bsam gtan dang po bstan pa'i phyir/ 'di ltar dge slong dag ces bya ba la sogs pa gsungs te/ 'di la zhes bya ba ni 'dir zhes bya ba'i don te/ 'dod pa'i khams 'dir gnas pa'i gang zag ces bya ba'i don to/ / dge slong dag ces bya ba ni bos te bka' stsal pa/ dge slong zhes bya ba ni bsam gtan dang po la snyoms par 'jug pa'i dge slong zhes bya ba'i don to/ /de la bsam gtan dang po de yang 'dod pa'i khams kyi 'dod chags dang bral ba'i ngo bo yin pas 'dod pa'i 'dod chags dang bral ba'i rgyu nyid las skye'i/gzhan las ma yin pa bstan pa'i phyir/ 'dod pa las dben pa zhes bya ba gsungs so/ /'dod pa'i khams kyi 'dod pa'i yon tan lnga la chags pa spang ba zhes bya ba'i don to/ /'dir khong khro ba ma gtogs par gong 'dod pa'i khams kyi 'dod chags la sogs pa'i nyon mongs pa la 'dod pa zhes bya ba'i sgrar brjod de/de spangs na 'dod pa las dben pa'o/ /sdig pa mi dge ba'i chos las dben pa zhes bya ba'i khong khro ba la sogs pa'i mtshan nyid zhe sdang gi cha rnams dang / de'i rgyu las skyes pa'i sems can la brdeg pa dang /gsod pa la sogs pa spangs pa'o/ /de la mi dge ba 'ba' zhig smos kyi/ sdig pa'i tshig ma smos na ni mi dge ba'i tshig 'dod pa'i khams kyi nyon mongs pa gzhan la yang bya ba yin pas lan gnyis su smos par 'gyur ro/ /de bas na sdig pa mi dge zhes bya ba'i tshig smos te/bdag dang gzhan gyi rgyud ma rungs par byed pas zhe sdang kha na ma tho ba che ba'i phyir sdig pa zhes bya'o/ /rnam par rtog pa dang bcas dpyod pa dang bcas zhes bya ba rtog pa dpyod pa zhes bya ba'i don te/ 'dod pa'i khams kyi chos rnams la skyon dang nyes par lta ba'i rtog pa dang dpyod par ldan pa zhes bya ba'i tha tshig go//rtsing ba dang rags par rtog pa ni rtog pa'o/ /zhib tu 'dzin cing rtog pa ni dpyod pa'o/ /dben pa las skyes pa'i dga' ba dang bde ba zhes bya ba las/ dben pa'i sgras ni/ 'dod pa'i 'dod chags spangs pa dang /sdig pa mi dge ba'i chos spang ba la bya ste/ de las skyes pa'i dga' ba dang / bde ba dang ldan zhing bsam gtan dang po la snyoms par zhugs te gnas so zhes sbyar ro/ /dben pa las skyes pa'i sgras dag pa dang zag pa med pa'i bsam gtan la bya bar ston to//dag pa ni 'jig rten pa'i bsam gtan gong ma la grol bar 'du shes la 'og ma la zug rngur 'du shes pa ste/ bsam gtan gyi ro la chags pa dang / nga rgyal med pa'i mtshan nyid do/ /zag pa med pa ni 'phags pa'i bden pa bzhi'i sgo nas zhugs pa las thob pa 'jig rten las 'das pa'i mtshan nyid do//dga' ba'i sgras ni yid bde ba la bya'o/ /bde ba'i sgras ni bag yangs kyi bde ba la bya ste/ 'di ltar sems las su rung ba'i ting nge 'dzin dang / rjes su mthun pa'i bag yangs kyi bde ba la bde ba zhes bya'i/ tshor ba bde ba la ni mi bya'o/ /smras pa/ 'on ci'i phyir 'dir tshor ba 'di la bya'o zhes dmigs kyis phye ba med par bde ba zhes spyi tsam du smros/ lan du gal te tshor ba'i bde ba yin par 'dod na/ lus kyi tshor ba'i bde ba'am/ sems kyi tshor ba'i bde ba yin grang na/'di ltar snyoms par 'jug pa'i dus na/ lus kyi bde ba ni yod par mi rigs te/ mnyam par gzhag pa'i tshe rnam par shes pa lnga'i tshogs med pa'i phyir ro/ /sems kyi bde ba yang mi bya ste/ dga' ba zhes bya ba'i tshig smos pa'i phyir dga' ba ni 'dir yid kyi bde ba la bya bas na/yid kyi bde ba dngos su yod pas na/ sems kyi bde ba la bya bar 'dod na ni tshig zlos par 'gyur ro/ /gal te na de'i tshe bde ba dang yid bde ba gnyis ka yod do zhe na ni/ de ltar na rdzas mnyam par nyams par 'gyur te/ skad cig ma gcig la sems las byung ba'i rdzas gnyis 'byung mi srid pas so//de ltar skad cig ma gcig la rdzas gnyis mi 'byung yang / snyoms par 'jug pa ni skad cig ma mang po'i rang bzhin yin pas dang po la dga' bas phyis bde ba 'byung ngo zhe na/ 'o na ni bsam gtan dang po'i skad cig ma gcig la yan lag lngar bshad pa med par gyur pas mi rigs so//de bas na dga' ba'i sgras ni yid bde ba la bya la/ bde ba'i sgras ni bag yangs kyi bde ba la bya'o/ /bsam gtan dang po la snyoms par zhugs te gnas zhes bya ba ni/ bsam gtan dang po la sems rtse gcig tu mnyam par gzhag ste zhes bya ba'i don to//bsam gtan gnyis pa bstan pa'i phyir/ de rnam par rtog pa dang / rnam par dpyod pa nye bar zhi nas zhes bya ba la sogs pa gsungs te/ de zhes bya ba'i sgra ni rnal 'byor pa la bya ste/ rnal 'byor pa zhes bya ba'i don to//rnam par rtog pa dang rnam par dpyod pa nye bar zhi zhes bya ba ni de gnyis dang bral ba zhes bya ba'i tha tshig go/ /bsam gtan gnyis pa la snyoms par zhugs na rtog pa dang dpyod pa'i 'khrug pa dang bral bas na/ nang rab tu dang ba'i sems kyis gcig tu gyur pa zhes bya ste/nang zhes bya ba'i sgra ni de dag phyi rol gyi yul la dmigs pa med kyi sems kyi nang du bltas pa'i phyir ro/ /dang ba zhes bya ba ni bsam gtan dang po la yod pa'i rtog dpyod kyi 'khrug pa'i dri ma dang bral zhes bya ba'i don to/ /yang na dang zhes bya ba'i don ni dad pa la bya ste/gang gi phyir bsam gtan gnyis pa'i rnal 'byor pa de bsam gtan gnyis thob pa yang bsam gtan dang po'i mnyam par gzhag pa'i sa la brten nas 'byung bar yid ches pa skye ste/ de'i phyir na nang dang ba zhes bya'o/ /gcig tu gyur pa zhes bya ba dang sems zhes bya bar sbyar te/sems rtse gcig tu gyur pa'am/ sems dmigs pa gcig la 'dus par gyur ces bya ba'i tha tshig go/ /gang gi phyir bsam gtan gnyis po yan chad srid pa'i rtse mo man chad kyi bsam gtan thams cad rtog pa dang dpyod pa dang bral bar 'dod de/de bas na rnam par mi rtog rnam par mi dpyod ces bya ba gsungs so/ /dga' ba dang bde ba zhes bya ba la dga' ba ni yid bde ba la bya'o/ /bde ba ni bag yangs kyi bde ba la bya ste/ sngar bshad pa bzhin no/ /bsam gtan gnyis pa la snyoms par zhugs te/gnas zhes bya ba ni bsam gtan gnyis pa la sems mnyam par gzhag nas gnas zhes bya ba'i don to/ /bsam gtan gsum pa bstan pa'i phyir/ de dga' ba'i 'dod chags dang bral zhes bya ba la sogs pa smos te/ bsam gtan gnyis pa las 'das nas bsam gtan gsum pa la snyoms par 'jug pa'i gang zag de zhes bya ba'i tha tshig go//gang gi phyir bsam gtan gnyis pa'i yid bde ba'i 'dod chags dang bral bas bsam gtan gsum pa'i snyoms par 'jug ste/ de'i phyir dga' ba'i 'dod chags dang bral zhes gsungs te/bsam gtan gnyis pa'i yid bde ba'i 'dod chags dang bral zhes bya ba'i tha tshig go/ /btang snyoms la gnas te zhes bya ba la btang snyoms gsum ste/ tshor ba btang snyoms dang / tshad med pa'i btang snyoms dang / 'du byed kyi btang snyoms so/ /de la tshor ba btang snyoms ni bde ba yang ma yin sdug bsngal ba yang ma yin pa'i tshor ba'o/ /tshad med pa'i btang snyoms ni sems can la chags pa yang mi skye/ khong khro ba yang mi skye ba'i mtshan nyid do/ /'du byed kyi btang snyoms ni dmigs par bya ba'i yul la rtsol ba dang /'bad pa med par lhun gyis grub par spyod pa'i mtshan nyid do/ /'dir ni 'du byed kyi btang snyoms la bya bar 'dod do/ /ji lta zhe na bsam gtan gsum pa la dmigs par bya ba'i yul la rtsol ba dang / 'bad pa med par lhun gyis grub pa nyid du spyod pa dang ldan pas na/btang snyoms la gnas te zhes bya'o/ /dran pa dang ldan zhing shes bzhin du lus kyi bde ba so sor tshor te zhes bya ba la btang snyoms dang ldan pa'i mtshan ma ma brjod pa na dran pa'o/ /shes bzhin ni shes rab la bya ste/ dran pa la sogs pa bsam gtan gsum pa'i yan lag tu gtogs pa rnams mtshan nyid so sor ma nor bar shes pa'o/ /lus kyi bde ba so sor tshor te zhes bya ba la lus kyi sgra ni 'dir yid kyi lus la bya bar dgongs te/ de dag na rnam par shes pa lnga'i tshogs med pas/bsam gtan gsum pa'i bde ba la sems kyi so sor tshor zhes bya ba'i don to/ /bsam gtan gsum pa na bde ba'i sems kyi so sor tshor ba dpe bstan pa'i phyir/ gang de 'phags pa btang snyoms pa dran pa dang ldan zhing bde ba la gnas pa'o zhes gsungs pa zhes bya ba la sogs pa smos te/nyon mongs pa'i tshogs sam/ sdig pa mi dge ba'i chos spyod pa las ring du song bas na 'phags pa ste/ de bzhin gshegs pa dang nyan thos la sogs pa'o/ /'phags pa de dag gis kyang btang snyoms la dran pa dang ldan zhing bde ba la gnas pa'o//zhes gsungs pa ni/ bsam gtan gsum pa 'di nyid yin no/ /zhes gsungs pa'i bsam gtan gsum pa de la sems rtse gcig tu gzhag ste/ gcig tu bzhag nas gnas so zhes bya bar sbyar ro/ /bsam gtan bzhi pa bstan par bya ba'i phyir/de bde ba yang spangs sdug bsngal yang spangs zhes bya ba la sogs pa gsungs te/ bde ba ni lus kyi sim pa'i mtshan nyid do/ /sdug bsngal yang lus 'di nyid la gdung bar byed pa'i mtshan nyid do/ /bsam gtan bzhi la de nyid med pas na spangs zhes bya'o//sngon yid bde ba dang mi bde ba nub nas/ shes pa la bsam gtan dang po thob pa nyid las yid ni sim pa dang / gdung ba gnyis spangs pas snga nas yid bde ba dang mi bde ba zhes bya'o/ /de la bsam gtan gnyis pa thob pa na bde ba spangs so//bsam gtan gsum pa thob pa na yid mi bde ba spangs so/ /bsam gtan bzhi pa thob na yid bde ba tshor ba yang med do/ /sdug bsngal yang med bde ba yang med de zhes bya ba la bde ba yang ma yin sdug bsngal yang ma yin pa'i tshor ba dang ldan zhes bya bar gzung ste/ gang gi phyir bsam gtan bzhi pa thob na bde ba dang sdug bsngal la sogs pa'i tshor ba yang med pa'i phyir ro/ /'di ltar tshor ba med pa'i snyoms par 'jug pa yang mi srid pas na de bas na btang snyoms dang ldan no zhes bya bar rigs par bya'o/ /dag pa'i sgra mjug tu smos pa gnyi ga dang sbyar te/btang snyoms dag pa dran pa dag pa'o/ /btang snyoms kyi sgra 'di'i skabs su 'du byed kyi btang snyoms la bya'o/ /dran pa'i sgra yang bsam gtan bzhi pa'i yan lag tu gtogs pa'i chos rnams ma brjed pa la bya'o/ /sa 'og ma'i nyes pa'i dri ma brgyad dang bral nas btang snyoms dag pa dang dran pa dag pa zhes bya'o//dri ma brgyad ni/ rtog pa dang dpyod pa dang / dbugs dbyung ba dang / rngub pa dang / bde ba dang / sdug bsngal ba dang / yid bde ba dang / yid mi bde ba ste brgyad do/ /bsam gtan bzhi pa la snyoms par zhugs te gnas so zhes bya ba ni bsam gtan bzhi la sems rtse gcig tu bzhag nas gnas zhes bya ba'i tha tshig go//brgal ba bsam gtan bzhi po 'di dag na dad pa dang brtson 'grus la sogs pa gzhan yang yod na/ de dag bsam gtan gyi yan lag tu ma bshad kyi/rtog pa dang dpyod pa la sogs pa ci'i phyir yan lag tu bshad ce na/ smras pa/ 'di rnams tsam nyid kyi gnyen po dang / yon tan dang / de nyid kyis gzhi'i yan lag yongs su rdzogs par khong du chud pas/ rtog dpyod la sogs pa nyid yan lag tu bshad kyi gzhan yod kyang yan lag tu ma bzhag go//de la bsam gtan dang po nas rtog pa dang dpyod pa ni gnyen po'i yan lag ste/ 'dod pa'i khams kyi chos rnams la zug rngu dang shu ba la sogs par rtog cing dpyod pas 'dod pa dang gnod sems dang khong khro ba'i gnyen por gyur cing de dag sel bar byed pa'i phyir ro//dben pa las skyes pa'i dga' ba dang bde ba zhes bya bas rjes su bsngags pa'i yan lag bstan te/ rtog pa dang dpyod pa gnyis kyis/ 'dod pa dang khong khro ba la sogs pa spangs na de spangs pa las skyes pa'i dga' ba dang /bde ba so sor myong bar 'gyur ba'i phyir ro/ /bsam gtan dang po la snyoms par zhugs te gnas zhes bya bas de gnyi ga'i yan lag bstan te/ sems rtse gcig pa la gnas pa'i mthus 'dod pa sun 'byin pa'i rtog dpyod 'jug cing de las dben pa'i dga' ba dang /bde ba so sor myong ba'i phyir ro/ /bsam gtan gnyis pa la nang rab tu dang ba'i sems kyis gcig tu gyur pa ni gnyen po'i yan lag ste nang rab tu dang ba dang / sems rtse gcig tu gyur pas bsam gtan dang po la yod pa'i rtog pa dang dpyod pa bsam gtan gnyis pa'i mi mthun pa'i phyogs su gyur pa sel bar byed pa'i phyir ro//de ltar gsal bas na bsam gtan gnyis pa la rtog dpyod med pa'i phyir/ rnam par mi rtog rnam par mi dpyod pa zhes bya'o/ /ting nge 'dzin las skyes pa'i dga' ba dang / bde ba ni rjes su bsngags pa'i yan lag ste/nang dang ba dang rtse gcig tu gyur pa bas rtog pa dang dpyod pa gsal na/ rtog dpyod dang bral ba'i ting nge 'dzin las dga' ba dang bde ba so sor myong ba'i phyir ro/ /bsam gtan gnyis pa la snyoms par zhugs te gnas zhes bya bas/ de gnyi ga'i gzhi'i yan lag bstan te/sems rtse gcig pa la brten nas/ nang dang zhing gcig tu gyur pa dang ting nge 'dzin las skyes pa'i dga' ba dang / bde ba so sor myong ba'i phyir ro/ /bsam gtan gsum pa la btang snyoms la gnas pa dang / dran pa dang shes bzhin gsum ni gnyen po'i yan lag ste/de dag gi bsam gtan gnyis pa'i dga' ba dang bde ba sel bar byed pa'i phyir ro/ /lus kyi bde ba so sor tshol ba ni rjes su bsngags pa'i yan lag ste/ de na yid kyi bde ba yod par dpes bstan pa ni gang de 'phags pas zhes bya ba la sogs pa'o//bsam gtan gsum pa la snyoms par zhugs te gnas zhes bya bas de gnyi ga'i gzhi'i yan lag bstan te/ sems rtse gcig pa la bzhag nas/ btang snyoms dang dran pa dang shes bzhin du 'jug cing lus kyi bde ba so sor myong ba'i phyir ro/ /bsam gtan bzhi pa la btang snyoms dag pa dang /dran pa dag pa ni gnyen po'i yan lag yin te/ des bde ba dang sdug bsngal ba la sogs pa sel bar byed pa'i phyir ro/ /bde ba yang ma yin sdug bsngal yang ma yin pa'i tshor ba ni rjes su bsngags pa'i yan lag yin no/ /bsam gtan bzhi la snyoms par zhugs te gnas pa ni de gnyi ga'i gzhi'i yan lag yin te/sems rtse gcig pa'i mthus btang snyoms dang dran pa dag cing bde ba yang ma yin sdug bsngal yang ma yin pa'i tshor ba myong bar gyur pa'i phyir ro/ /de la bsam gtan dang po nas 'du shes med 'du shes med min skye mched man chad yid la byed pa rnam pa bdun bsgom ste/yid la byed pa rnam pa bdun gang zhe na/ mtshan nyid rnam par rig pa'i yid la byed pa dang / lhag par mos pa yid la byed pa dang / rab tu dben pa yid la byed pa dang / dga' ba yang dag par sdud pa yid la byed pa dang /'jig pa yid la byed pa dang / sbyor ba mthar thug pa yid la byed pa dang / sbyor ba mthar thug pa'i 'bras bu yid la byed pa'o/ /de la bsam gtan dang po la snyoms par 'jug pa'i tshe/ yang rnal 'byor pa yid la byed pa rnam pa bdun gyi 'dod pa'i 'dod chags dang bral ba rjes su thob par byed do//yid la byed pa bdun gyi mtshan nyid rnam par rig pa'i yid la byed pa la sogs pa'o/ /mtshan nyid rnam par rig pa'i yid la byed pa ni/ des 'dod pa'i khams kyi 'dod pa rnams la rags pa'i mtshan nyid du rnam par rig par byed la/bsam gtan dang po la zhi ba'i mtshan nyid du rig par byed do/ /de la rags pa'i mtshan nyid ji ltar rig par byed ce na/ 'dod pa'i khams kyi 'dod pa rnams dngos po drug tu rtog cing tshol bar byed de/ dngos po drug ni don dang dngos po dang mtshan nyid dang / phyogs dang / dus dang rig pa'o/ /de la rig pa'i don du je tshol zhing rtog ste/ ji lta zhe na/ 'dod pa 'di dag ni nyes pa'i dmigs pa dang bcas pa/ gnod pa mang ba nad mang ba mi bde ba mang ba ste/ zhes de ltar tshol bar byed pa ni rig pa'i don du tshol ba'o/ /de la dngos po tshol bar byed pa 'di 'dod pa'i dngos po rnam pa gnyis te nang dang phyi'i'o//de la nang gi 'dod pa'i dngos po tshol bar byed pa ni/ bdag gi lus la chags pa dang 'dod pa'i 'dod chags kyi sems skyes pa na/ lus la chags pa dang / 'dod pa'i 'dod chags kyi sems skyes so zhes rtog par byed pa'o//phyi rol gyi dngos po tshol bar byed na ni/ gzugs dang sgra la sogs pa 'dod pa'i yon tan rnams la sems zhugs pa na sems de dag la 'phros so zhes tshol bar byed pa'o/ /mtshan nyid kyang rnam pa gnyis te rang gi mtshan nyid tshol ba dang / spyi'i mtshan nyid tshol ba'o/ /rang gi mtshan nyid tshol ba yang 'dod pa'i rang gi mtshan nyid gnyis te/ nyon mongs pa'i mtshan nyid kyi 'dod pa dang / dngos po'i mtshan nyid kyi 'dod pa'o/ /nyon mongs pa'i mtshan nyid kyi 'dod pa ni 'dod chags kyi sems bskyed pa'o/ / dngos po'i mtshan nyid kyi 'dod pa ni bud med la sogs pa phyi'i yul rnams so/ /'dod pa de gnyis kyang tshor ba bde ba'i gnas su 'gyur ba dang / sdug bsngal gyi gnas su 'gyur ba dang / bde ba yang ma yin sdug bsngal yang ma yin pa'i gnas su 'gyur ba'o/ /tshor ba bde ba'i gnas su 'gyur ba'i dus na ni/'dod chags skye ba'i rten du 'gyur zhing mi bde ba las bde snyam du 'du shes phyin ci log tu 'dzin par 'byung ba'i rten du 'gyur ro/ /tshor ba sdug bsngal gyi gnas su gyur pa'i dus na ni zhe sdang skye ba'i gnas su gyur pa dang / khro ba dang 'khrug par 'byung ba'i gnas su 'gyur ro/ /tshor ba bde ba yang ma yin sdug bsngal yang ma yin pa'i skye ba'i rten du 'gyur na ni/ rmongs pa dang g.yo dang / sgyu dang / ngo tsha mi shes pa dang / khrel med pa skye ba'i gnas su gyur pa ste/ 'dod pa 'di dag las rtag tu nyon mongs pa rjes su 'brang ngo zhes tshol ba ni rang gi mtshan nyid tshol ba'o//ji ltar spyi'i mtshan nyid tshol zhe na 'dod pa 'di dag thams cad kyang skye ba'i sdug bsngal dang / rga ba'i sdug bsngal dang / na ba'i sdug bsngal nas/ 'dod pa mi skye ba'i bar gyi sdug bsngal dag dang rtag tu 'grogs shing 'brel ba yin la/gang dag 'dod pa'i longs spyod la gnas shing 'dod pa phun sum tshogs pa dang ldan pa de dag kyang skye ba la sogs pa'i chos nyid dang mi 'bral la/ thang cig 'grogs pa tsam du zad do zhes tshol ba ni spyi'i mtshan nyid tshol ba'o//ji ltar phyogs tshol zhe na/ phyogs rnam pa gnyis te/ dkar po'i phyogs dang nag po'i phyogs las 'dod pa'i tshogs 'di dag ni nag po'i phyogs su gtogs pa me ma dag dang 'dra ba dug rab tu gdug pa dang mtshungs pa rmi lam lta bu thang cig brnyas pa'i rgyan dang 'dra ba shing gi 'bras bu smin pa dang mtshungs pa ste/'dod pa de dag tshol ba'i dus na yang sems can rnams tshor ba'i sdug bsngal so sor myong zhing rnyed na yang bsrung ba'i sdug bsngal dang / bral ba'i sdug bsngal dang / dbang med pa'i sdug bsngal la sogs pa so sor myong bar 'gyur ro//de bzhin du 'dod pa 'di dag bsten nas nyes pa'i dmigs rnam pa lnga yod par bcom ldan 'das kyis gsungs te/ 'dod pa 'di dag bde ba'i ro chung sdug bsngal mang ba/ nyes pa'i dmigs pa mang po dang ldan pa ste/ de bsten na'ang tshim pa'am mchog gi mtha' med do zhes gsungs te/rnam grangs des na sangs rgyas dang sangs rgyas kyi nyan thos yang dag par zhugs pa skyes bu dam pa rnams kyis rnam pa du mas smad pa'o/ /ji ltar dus tshol zhe na/ 'dod pa'i 'dod chags 'di dag ni 'das pa dang / ma 'ongs pa dang / da ltar gyi dus su rtag pa rtag par ther zug ther zug tu yang 'dod pa 'di dag ni 'tshe ba mang ba sdug bsngal mang ba/gnod pa mang ba zhes de ltar tshol ba ni dus tshol ba'o/ /ji ltar rigs pas tshol zhe na/ 'dod pa 'di dag rtsol ba chen po dang / 'bad pa chen po dang ngal ba dang chad pa rnam pa du ma dang bzo'i gnas rnam pa sna tshogs kyis bsgrub dgos te/de ltar bsags shing brtsal ba yang bdag gi lus/ gzugs can 'byung ba chen po bzhi las gyur pa rags pa rtag tu mnye ba dang bkru ba dang gso dgos shing 'jigs pa dang bcas pa dang rnam par 'thor ba'i chos can las sdug bsngal tsam bsal ba'i phyir ni gnyen por 'gyur te/bkres pa'i sdug bsngal bsal ba'i phyir ni kha zas so/ /grang ba dang dro ba'i sdug bsngal dang / 'dzem pa dang / ngo tsha ba'i sdug bsngal bsal ba'i phyir ni bgo ba'o/ /gnyid dang 'chad pa'i sdug bsngal bsal ba'i phyir ni mal stan to//'chag pa dang 'gro ba'i sdug bsngal bsal ba'i phyir ni bzhon pa'o/ /na ba'i sdug bsngal bsal ba'i phyir ni na rkyen gyi sman te/ 'dod pa'i chos 'di dag kyang sdug bsngal gyi gnyen po tsam du zad pas de dag la chags pa dang zhen par ni mi bya'o//gzhan du na nad kyis nyen pa'i nad pa rnams nad zhi bar bya ba'i phyir sman la brten pa 'dra ba'i tshul du bya'o zhes tshol ba ni rigs pas tshol ba ste/ de ltar na 'dod pa'i chos de dag la dngos po rnam pa drug tshol bas rags pa'i mtshan nyid du rig par byed la/bsam gtan dang po la ni zhi ba'i mtshan nyid du rnam par rig par byed do/ /yid la byed pa de ni mnyan pa dang / bsam pa'i shes rab dang 'dres pa yin par shes par bya'o/ /de'i 'og tu mnyan pa dang bsam pa'i shes rab las 'das nas/ gcig tu bsgom pa'i rnam par 'dod pa'i khams kyi 'dod pa la rag las pa dang /bsam gtan dang po la zhi ba'i mtshan nyid du dmigs pa'i zhi gnas dang lhag mthong ba sgom pa na yang nas yang du ji ltar brtsal ba'i rags pa dang zhi ba la mos par byed do/ /de ni mngon par mos pa can yid la byed pa zhes bya'o//de la rgyun du goms pas dang po nyid du spong ba'i lam dang ldan pa'i yid la byed pa skye ste/ des nyon mongs pa chen po'i rnam pa spong bar byed pas rab tu dben pa yid la byed pa zhes bya'o/ /de'i mi mthun pa'i phyogs su gyur pa'i nyon mongs pa dang bral nas rnal 'byor pa de de'i 'og tu spong ba la dga' ba dang /spong ba la rjes su bsngags pa'i bsam pa skye zhing dben pa las skyes pa'i dga' ba dang bde ba shas chung ngu dang ldan la dus dus su bsam gtan gyi 'bras bu 'am de bzhin gshegs pa'i yon tan la sogs pa gang yang rung ba sems dang bar 'gyur ba'i yid la byed pas gzengs bstod cing sems can spro ba skyed par byed de/de yang rmugs pa dang rgod pa'i sgrib pa bsal ba'i phyir 'di ni dga' ba yang dag par sdud pa'i yid la byed pa zhes bya'o/ /des de ltar yang dag par zhugs pa na dge ba'i rtsa bas yang dag par bstan pas 'dod pa'i khams kyi nyon mongs pas kun nas dkris pa rnams 'gro ba'am gnas pa na yang dag par mi 'byung ste/de de'i tshe 'di snyam du ci bdag 'dod pa'i 'dod chags la chags pa yod pa'am mi 'byung zhing 'byung bar tshor ram 'on te med pa las mi 'byung zhing 'byung bar ma tshor zhes rtog cing gzhan yang rab tu dang bar 'gyur ba/dge ba'i mtshan ma dag pa yid la byed pa zhes bya'o/ /de ni 'jig pa yid la byed pa zhes bya'o/ /des de ltar gnyen po'i phyogs so sor 'jig cing btsal nas bsgoms pa na dus ji srid cig gi bar du 'dod pa'i khams kyi nyon mongs pa thams cad dang bral ba dang /bsam gtan dang po'i sbyor ba mthar thug pa'i gnyen po yid la byed pa 'byung ste/ de ni sbyor ba mthar thug pa'i yid la byed pa zhes bya'o/ /de'i 'og tu rtsa ba'i bsam gtan dang po thob par 'gyur te/de'i sbyor ba mthar thug pa'i 'bras bu yid la byed do/ /de la mtshan nyid yang dag par rig pa yid la byed pas ni/ gang spang bar bya ba dang thob par bya ba de dag yang dag par shes nas spang bar bya ba dang / thob par bya ba'i phyir sems rab tu 'dzin to//lhag par mos pa yid la byed pas ni de'i 'og tu yang dag par sbyor ba la brtson par byed do/ /rab tu dben pa yid la byed pas ni nyon mongs pa chen po'i rnam pa spong bar byed do/ /dga' ba yang dag par sdud pa yid la byed pas ni nyon mongs pa 'bring gi rnam pa spong bar byed do//'jig pa yid la byed pas ni/ thob pa yid la byed pa yang sems nga rgyal med par 'jog par byed do/ /sbyor ba mthar thug pa yid la byed pas ni/ nyon mongs pa chung ngu'i rnam pa spong bar byed do/ /sbyor ba mthar thug pa'i 'bras bu yid la byed pas ni legs par bsgoms pa'i 'bras bu so sor myong bar byed de/ji ltar bsam gtan dang po la yid la byed pa bdun yod pa bzhin du cung zad med min skye mched kyi bar du yang yid la byed pa bdun dang ldan par ci rigs par sbyar te/ rgyas par bshad na yi ge gzhung mangs pas zhib tu ni ma bshad do//de la rnam pa gnyis kyi sa 'og ma thams cad rags pa yin te/ rnam pa gnyis ni ma zhi ba'i mtshan nyid du gnas pa dang che'i 'du byed thung ba'o/ /bsam gtan gyi 'og tu tshangs pa'i gnas bzhi bstan pas ji ltar bstan pa bzhin du bshad par bzhed nas/ tshangs pa'i gnas bzhi gang zhe na zhes bya ba la sogs pa gsungs so/ /'di la zhes bya ba ni 'dod pa'i khams 'dir zhes bya ba'i don to/ /dge slong dag ces bya ba ni bos nas bka' stsal te snga ma bzhin no/ /dge slong zhes bya ba ni tshad med pa bzhi bsgom pa'i rnal 'byor pa ni dge slong ngo //de la tshangs pa ni mya ngan las 'das pa ste/ de thob par byed pa'i gnas ni tshangs pa'i gnas so/ /yang na tshangs pa ni sdig pa thams cad la mi 'jug cing spong bar byed pa ste/ sdig pa la mi 'jug pa'i chos bzhi ni tshangs pa'i gnas bzhi'o/ /byams pa dang ldan pa'i sems zhes bya ba la ting nge 'dzin ma smos kyang byams pa'i ting nge 'dzin zhes bya ba'i don te/byams pa'i ting nge 'dzin dang ldan pa'i sems zhes bya ba'i tha tshig go/ /de yang ci 'dra ba zhig ce na/ de'i khyad par bstan pa ni/ dgra med pa zhes bya ba la sogs pa gsungs so//mdza' ba dang dgrar dbyer med pa sems can thams cad la phan pa dang / bde ba'i bsam pa'i sems dang ldan pas na dgra med pa'o/ /sems can rnams dge ba'i phyogs la dgod cing 'phags pa'i lam bsgom du bcug pa ni phan pa'i sems te/de lta bu'i bsam pa dang ldan pas na mi mthun pa med pa'o/ /don du na sems can kun la phan par sems kyi/ bud med che chung bzhin du gcig la gcig 'gran zla med ces bya ba'i tha tshig go/ /sems can rnams lha dang mi'i bde 'gro rnams mya ngan las 'das par dgongs par sems pa ni bde ba'i bsam pa ste bsam pa de dang ldan pas na gnod pa med pa'o//yang na dgra la yang gnod par bya ba'i sems med pas na gnod pa med pa'o/ /las dang po pa'i dus na phyogs gcig tu je byams khyab par byed pas na yangs pa'o/ /byams pa grub pa'i dus na ni phyogs bcu kun tu khyab par byed pas na cher 'gyur ba'o//kun la sems mnyam ste grogs la byams pa dang / dgra la zhe sdang med pas na gnyis su med pa'o/ /'dod pa'i khams kyi sems can tshad med pa la dmigs pas na tshad med pa'o/ / byams pa'i mi mthun pa'i phyogs zhe sdang spangs te byams pa de zhe sdang dang ma 'dres par bsgoms pas na shin tu bsgom pa'o/ /phyogs gcig tu smos shing khyab par byas zhes bya ba la phyogs gcig ni dang po nyid du shar ram nub bam phyogs gang yang rung ba gcig tu dmigs pa ste/ 'dir ri tshig pa bzhin du snod kyi sgo nas snod la chags pa'i sems can la dmigs par byed pa bstan to/ /mos zhes bya ba la mos pa yid la byed pa ste/ 'dod pa'i khams kyi sems can la dmigs pa'i phyir khams gsum gyi sems can thams cad sdug bsngal gyis khyab pa'o zhes dmigs pa med pas na de kho na yid la byed pa ni ma yin no//khyab par byas zhes bya ba ni phyogs gcig tu byams pas rgyas par byas zhes bya ba'i don to/ /bsgrubs nas gnas zhes bya ba ni byams pa'i sems 'grub par byas nas gnas pa'o/ /ji ltar phyogs gcig la gnas pa bzhin phyogs gnyis po la sogs pa yang dmigs par bstan pa'i phyir/de bzhin du gnyis dang zhes bya ba la sogs pa gsungs so/ /steng ni 'dod pa'i khams kyi lha la sogs pa'i gnas so/ /'og ni sems can dmyal ba la sogs pa'o//mtshams ni phyogs bzhi'i mtshams na gnas pa'i sems can no/ /ji ltar byams pa'i ngo bo dang bsgom pa'i mtshan nyid bstan pa bzhin du snying rje la sogs pa la yang tshul de dang 'dra bar bstan pa'i phyir ro/ /de bzhin du snying rje dang ldan pa dang zhes bya ba la sogs pa gsungs te/de dag gi don kyang sngar bshad pa bzhin du blta'o/ /mdo kha cig las tshad med pa bzhi zhes 'byung ste/ de'i don kyang tshad med pa'i sems can la dmigs pas na tshad med pa zhes bya'o/ /'o na ci'i phyir tshangs pa'i gnas lnga dang gsum la sogs par ma bshad la bzhi kho nar bshad/smras pa/ nyon mongs pa dang nye ba'i nyon mongs pa rnam pa bzhi'i gnyen por gyur pas bzhi kho nar bshad de/ nyon mongs pa dang nye ba'i nyon mongs pa rnam pa bzhi ni gnod pa dang 'tshe ba dang mi dga' ba dang 'dod chags dang / gnod sems so//de la gnod sems mang ba'i sems can rnams de spang ba'i phyir byams pa gnyen por 'gyur ro/ /rdeg btsog pa la sogs pa'i 'tshe ba mang ba rnams spang ba'i phyir snying rje gnyen por 'gyur ro/ /mi dga' ba mang ba rnams de spang ba'i phyir dga' ba gnyen por 'gyur ro//'dod chags dang gnod sems mang ba rnams de spang bar bya ba'i phyir btang snyoms gnyen por 'gyur ro/ /'o na mi gtsang ba bsgom pa yang 'dod chags kyi gnyen po yin na ni mi gtsang ba dang btang snyoms gnyis gnyen por gyur pa la khyad par ci yod/ smras pa/ mi tshangs par spyod pa'i 'dod chags kyi gnyen por mi gtsang ba bsgom pa'o/ /pha dang ma dang gnyen la chags pa'i 'dod chags kyi gnyen po ni btang snyoms te khyad par yod do/ /de byams pa la sogs pa'i mtshan nyid bstan to/ /kyi hud sems can 'di dag bde ba dang ldan par gyur cig ces yid la byed pa ni byams pa'o//e ma'o sems can 'di dag sdug bsngal ba ste/ sdug bsngal dang bral bar gyur cig ces yid la byed pa ni snying rje'o/ /sems can bde ba dang ldan pa rnams rtag tu bde ba dang dga' bar gyur cig ces yid la byed pa ni dga' ba'o//grogs la byams pa yang mi skyed dgra la zhe sdang yang mi skyed de/ sems mnyam pa tsam du 'dzin pa ni btang snyoms so/ /'o na las dang po pa rnams thog ma nyid du byams pa la sogs pa la ji ltar bsgom/ de ltar bdag nyid bde ba dang ldan pa'am bdag bde ba med kyang /sangs rgyas dang byang chub sems dpa' dang nyan thos rnams bde ba thob par mthong ngam thos na sems can rnams kyang bde ba dang ldan par gyur cig ces mos par byed do/ /gal te gang zag de nyon mongs pa'i mthu che bas na/ sems can kun la bdag dang sangs rgyas kyi bde ba dang ldan par mos par mi nus te/dgra la lhag par zhe sdang yod la/ grogs la lhag par byams pa yod na/ des grogs kyi phyogs la yang rab dang 'bring dang tha ma ste rnam pa gsum du dbye'o/ /de ltar dbye ba las je grogs po rab la bde ba de dag dang ldan par gyur cig ces mos par bya'o//de nas de grub na grogs po 'bring la'o/ /de nas de grub na grogs po tha ma la'o/ /de nas grogs po'i phyogs gsum mnyam pa kho nar dmigs pa grub na/ tha mal pa'i mi rnams spyir dmigs par bya'o/ / de nas de grub pa dang dgra tha ma dang 'bring dang rab rnam pa gsum du phye ste/ dang por tha ma la bde ba dang ldan par gyur cig ces mos par bya'o/ /de nas dgra 'bring la'o/ /de nas dgra rab la'o/ /de nas gang grogs kyi mchog dang / dgra rab gnyis kyi phyogs gnyis la bde bar gyur cig ces byams pas mnyam par gyur na/de nas rim gyis bdag gi rims tsam gyis 'khor la dmigs so/ /de nas grong khyer la'o/ /de nas rgyal po'i pho brang 'khor du'o/ /de nas khad kyis je che je che nas phyogs bcu kun tu byams pas khyab par bya'o/ gang kun tu yon tan dang bcas pa'i gang zag gzhan dag la yon tan cung zad yod par yang khyad du mi gsod cing / yon tan dang ldan par 'dzin pa des ni myur bar byams pa'i ting nge 'dzin thob par 'gyur ro/ /bzlog ste smras pa/ yon tan gzung bar bya ba na ni dge ba'i rtsa ba chad pa la yang yon tan gzung bar nus te/de ltar dge ba'i rtsa ba chad pa la gnas kyang sngon gyi bsod nams kyi 'bras bu mthong nas/ khyod kyis bsod nams kyi las byas par gyur pas na/ gang gi phyir khyod da ltar gzugs bzang por gyur to zhes bzung ba lta bu'o/ /yon tan can la yang nyes pa gzung bar nus te/dper na rang sangs rgyas lta bur sgo gsum nas nyes pa cung zad kyang mi 'byung mod kyi/ sngon gyi bsod nams ma yin pa'i 'bras bu mthong nas/ sngon chad gang gi phyir bsod nams ma yin pa'i las cung zad byas par gyur pas/ da ltar gzugs mi mdzes pa dang ldan par gyur ces bzung ba lta bu'o//snying rje la sogs pa la yang de bzhin du sbyar te/ sems can 'di dag ni chags pa mang po'i 'dam du nub pa sdug bsngal rnam pa sna tshogs dang ldan pa yin te/ sdug bsngal dang bral bar gyur cig ces mos par byed pa'o/ /kha cig na re bsod nams kyi tshogs chen po dang ldan par byed pa'i gnas yin pas tshangs pa'i gnas te/de ltar byas pas bsod nams 'phel bar 'gyur ba'i phyir ro/ /yang na sems can rnams phan pa'i sems dang bde ba'i sems yod pas na/ byams pa dang ldan pa'i sems zhes bya'o//byams pa de yang nyon mongs pa rnams gsum gyi gnyen po yin pa'i phyir dgra med pas na mi mthun pa med pa zhes bya'o/ /nyon mongs pa rnam pa gsum ni sems can bdag dang rigs dang yon tan la sogs pa mnyam pa'am/ khyad zhugs pa gnod par byed pa la zhe sdang ba dang gnod par mi byed pa la phrag dog pa dang /dman pa de gnyi ga la zhe sdang ba'o/ /de la sems can bdag pas rigs dang yon tan la sogs pa nyams pa'am khyad par can gnod par byed pa zhe sdang gi gnyen por gyur pas na dgra med pa zhes bya'o/ /sems can rigs dang yon tan la sogs pas mnyam pa'am khyad par can gnod par mi byed pa la phrag dog pa'i gnyen por gyur pas na mi mthun pa med pa'o//sems can rigs dang yon tan la sogs pa bdag pas dman pa la gnod par byed pa dang / gnod par mi byed pa gnyi ga la zhe sdang ba'i gnyen por gyur pas na gnod pa med pa'o/ /byams pa de bsgoms na de'i 'bras bu chen po thob par 'gyur ba'i phyir yangs pa'o/ /byams pa'i sems yang gzugs kyi khams kyi bsam gtan thob pa'i sar gtogs la/ gzugs kyi khams thob pa'i sems kyi rgyud la 'byung bas na cher gyur pa'o/ /kha cig ni gzugs med pa'i khams kyi sar gtogs pas na cher gyur pa zhes 'chad do/ /dgra dang mdza' bar dbyer med pas na gnyis su med pa'o/ /'dod pa'i khams kyi sems can tshad med pa la dmigs pas na tshad med pa'o//mi mthun pa'i phyogs las shin tu rgyal ba'i phyir/ shin tu bsgom pa ste byams pa'i mi mthun pa'i phyogs ni zhe sdang ba'o/ /de ltar na tshig de dag gis gnyen po dang 'bras bu dang sa dang dmigs pa dang / rnam par dag pa'i sems yongs su bstan pa yin te/dgra med pa dang mi mthun pa med pa dang / gnod pa med pa'i tshig gsum gyis ni gnyen po dang bcas par bstan pa yin no/ /yangs pa zhes bya ba la 'bras bu bstan pa yin no/ /cher gyur pa zhes bya bas sa bstan pa yin no/ /gnyis su med par gnyis su med pa dang /tshad med pa zhes bya bas dmigs pa bstan pa yin no/ /shin tu bsgom pa zhes bya ba rnam par dag pa bstan pa yin no/ /phyogs gcig tu mos shing khyab par byas te bsgrubs nas gnas so zhes bya ba la sogs pa la/ dper na ri la gnas pa'i rtswa dang shing tshig na ri tshig ces gnas kyi gnas pa ston pa bzhin du/'di la phyogs gcig gi gnas pa'i sems can dmigs par byed pa bstan to/ /mos zhes bya bas mos pa yid la byed pa bstan gyi de kho na yid la byed pa ma yin pa ni snga ma bzhin no/ /khyab par bya ste zhes bya bas dus gcig tu dmigs par bya ba'i sems can thams cad la khyab par dmigs zhes bya ba'i don to//bsgrubs nas zhes bya ba rtsa ba'i ting nge 'dzin bzhi mngon du byas pa'am/ byams pa la sogs pa'i ting nge 'dzin nyid mngon du byas nas zhes bya ba'i don to/ gnas so zhes bya ba'i tshig gis skad cig ma gcig la gnas pa ma yin gyi/de'i rjes su rgyun du 'brang zhes bya ba'i don to/ /yang na tshangs pa'i gnas bzhi ni rim bzhin du bde ba yang dag par sgrub par byed pa'i mtshan nyid dang / sdug bsngal sel bar byed pa la 'jug pa'i mtshan nyid dang / bde ba dang mi 'bral bar rjes su mos pa'i mtshan nyid dang gsum char la btang snyoms pa'o//de la bde ba yang dag par bsgrub pa'i mtshan nyid ni byams pa'o/ /sdug bsngal sel bar byed pa la 'jug pa'i mtshan nyid ni snying rje'o/ /bde ba dang mi 'bral bar rjes su myong ba'i mtshan nyid ni dga' ba'o//rnam pa gsum char ltar mi 'jug pa'i mtshan nyid ni btang snyoms so/ /tshad med bzhi las kyang je byams pa bstan pa'i phyir/ 'di la dge slong dag dge slong byams pa dang ldan pa'i sems zhes bya ba la sogs pa gsungs so/ /de la byams pa de sems can la phan 'dogs pa'i rnam par gnas pa yin pas na byams pa dang ldan pa'i gnas zhes bya'o//phan 'dogs pa'i mtshan nyid kyang rnam pa gnyis te/ phan pa bsgrub pa dang / bde ba bsgrub pa ste/ de'i don yang sngar bshad pa bzhin no/ /sems kyi nyes pa dang bral ba'i phyir na dgra med pa'o//sus kyang gnod par mi byed la bdag kyang su la yang gnod par mi byed la mi mthun pa med pa'o/ /gnod par bya ba'i las mi byed pas na gnod pa med pa'o/ /dmigs par bya ba'i yul rgya che bas na yangs pa'o/ /phan pa dang bde ba'i gtsor bsgrubs pas na rgya chen por 'gyur ba ste/cher gyur pa'i don ni gtsor bsgrub pa'i don to/ /chags pa dang zhe sdang med pas na gnyis su med pa'o/ /de'i 'bras bu dpag tu med pa 'byung bas tshad med pa'o/ /mi mthun pa'i phyogs las rab tu rgyal bas na shin tu bsgom pa'o/ /phyogs gcig tu mos shing khyab par byas te zhes bya ba la zhe sdang med pas sems can la phan pa dang /bde ba'i bsam pa'i mos pa 'byung phyogs gcig tu khyab par bya zhes bya ba'i don to/ /bsgrubs nas gnas zhes bya bas ni byams pa dag par byas pa'am/ rdzogs par byas nas gnas zhes bya ba'i don to//lhag ma rnams sngar bshad pa bzhin du blta'o/ /tshangs pa'i gnas kyi 'og tu lam bzhi bstan pas/ ji ltar bstan pa bzhin du bshad par bzhed nas 'dri ba'i tshul du mgo drangs te bka' stsal pa/ lam bzhi gang zhe na zhes bya ba la sogs pa'o//mya ngan las 'das pa thob par byed pa'i phyir lam ste/ mya ngan las 'das pa'i gnas bsgrub pa'i don to/ /de la sdug bsngal gyi lam rmongs pa mngon par zhen pa yang yod ces bya ba ni lam dang po'o/ /sdug bsngal gyi lam myur du mngon par shes pa yang yod ces bya ba ni lam gnyis pa'o//bde ba'i lam rmongs pa mngon par shes pa yang yod ces bya ba ni lam gsum pa'o/ /bde ba'i lam myur du mngon par shes pa yang yod ces bya ba ni lam bzhi pa'o/ /de la mi thob tu mi rung ba dang / bsam gtan gyi bar dang /gzugs med pa dag ni rim bzhin du zhi gnas dang lhag mthong shas chung bas sdug bsngal gyi lam mngon par shes pa dang / sdug bsngal gyi lam myur du shes pa rnam par gzhag ste/ nam dbang po rtul po rnams mi thob tu mi rung ba dang / bsam gtan gyi bar dang / gzugs med pa la snyoms par 'jug pa na sdug bsngal gyi lam rmongs pa mngon par shes pa zhes bya'o/ /nam dbang po rnon po rnams mi thob tu mi rung ba dang / bsam gtan gyi bar dang / gzugs med pa'i snyoms par 'jug pa na ni/ sdug bsngal gyi lam myur du mngon par shes pa zhes bya'o/ / gzugs kyi khams kyi bsam gtan bzhi la snyoms par 'jug pa na ni bde ba'i lam rmongs pa mngon par shes pa dang / bde ba'i lam myur du mngon par shes par rnam par gzhag pa ste/ nam gang zag dbang po rtul po rnams gzugs kyi khams kyi bsam gtan bzhi la snyoms par 'jug pa na ni bde ba'i rmongs pa mngon par shes pa zhes bya'o//nam dbang po rnon po gang zag rnams gzugs kyi khams kyi bsam gtan bzhi la snyoms par 'jug pa na ni bde ba'i lam myur du mngon par shes pa zhes bya'o/ /lam dang po rgyas pa bstan pa'i phyir/ de la sdug bsngal gyi lam rmongs par mngon par shes pa gang zhe na/zhes bya ba la sogs pa gsungs so/ /'di la zhes bya ba ni 'dod pa'i khams 'dir zhes bya ba'i tha tshig go/ /'ga' zhig ces bya ba ni skyes bu la la zhig nam gang zag la la zhes bya ba'i don to/ /rang bzhin gyis zhes bya ba ni ngo bo nyid kyis zhes bya ba'i don to//'dod chags bdo ba zhes bya ba las/ bdo ba'i sgra ni 'dod chags shas che ba la bya ste/ 'dod pa'i dngos po chung ngu la yang lhag par chags pa dang / yang nas yang du 'dod chags kyi sems mngon du byed pa ni 'dod chags bdo ba'o/ / zhe sdang bdo ba yang zhe sdang shas che ba ste/ gnod pa dang nyes par byas pa'i shas chung yang 'khrug pa dang / gnod sems cher ldan zhing zhe sdang gi sems yang nas yang du rgyun du sems la 'byung ba ni zhe sdang bdo ba'o/ /gti mug bdo ba yang gti mug shas che ba ste/ gang gi phyir gti mug shas che bas don bstan pa chung ste/mi rtog pa'i gnas ma yin yang rtogs par mi nus pa ni gti mug bdo ba'o/ /de zhes bya ba ni nyon mongs pa gsum gyi shas che ba gsum gyi gang zag de'o/ /phyir zhing 'dod chags bdo bas zhes bya ba ni 'dod chags kyi shas che ba'i chags pa yang nas yang du 'byung ba zhes bya ba'i don to//'dod chags las skyes pa'i sdug bsngal dang yid mi bde ba so sor myong ba zhes bya ba ni 'dod chags kyi shas che ba'i rgyu las skyes pa'i sdug bsngal ba so sor myong ba dang / sems mi bde ba la so sor myong bar 'gyur ro/ /zhe sdang dang gti mug la yang de bzhin du sbyar ro//de 'jig rten las 'das pa'i dbang po lnga la rmongs pa yin te zhes bya ba ni 'dod chags dang zhe sdang dang gti mug gi shas che bas shas che ba'i gang zag de 'phags pa'i dbang po zag pa med pa dad pa la sogs pa lnga la rmongs pa yin te/ dbang po de lnga ste mthu chung ba dang stobs chung ba dang nyam chung ba yin te zhes bya ba'i don to//'jig rten las 'das pa'i dbang po zhes bya ba ni zag pa med pa'i dbang po zhes bya ba'i tha tshig go/ /gang thob par bya ba la mthu chung zhe na/ de'i phyir zag pa zad pa'i phyir zhes bya ba smos te/ gang zag pa zad par thob par bya ba'i phyir de dag mthu chung ba zhes bya ba'i don to//mthu chung ba'i don bstan par bya ba'i phyir/ zhan pa dang myur du mi thob po/ /zhes bya ba gsungs te/ dang po nyid du 'jug pa'i dus na yang myur du 'jug par mi nus pas na zhan pa'o/ /bsgom pa'i dus na yang 'bras bu thob par mi nus pas na myur du mi thob pa'o//'jig rten las 'das pa'i dbang po lnga gang yin pa bstan pa'i phyir/ 'di ltar dad pa'i dbang po dang zhes bya ba la sogs pa gsungs te/ dbang po lnga'i mtshan nyid ni/ byang chub kyi phyogs sum cu rtsa bdun gyi skabs su zhib tu bstan to//de 'jig rten las 'das pa'i dbang po de la zhan pa dang zhes bya ba ni nyon mongs pa gsum shas che ba'i gang zag de 'jig rten las 'das pa'i dbang po lnga mthu chung bas nyon mongs pa zag pa dang bcas pa'i chos rnams zad par bya ba'i phyir/ nyon mongs pa spong ba'i lam de ma thag pa'i ting nge 'dzin la snyoms par 'jug ste/ting nge 'dzin la myur du 'jug par mi nus pa ni sdug bsngal gyi lam rmongs pa mngon par shes pa zhes bya'o/ /don du na nyon mongs pa gsum gyi shas che bas 'jig rten las 'das pa'i dbang po lnga mthu chung zhing dbang po rtul lo/ / dbang po de dag gis mi thob tu mi rung ba dang / bsam gtan gyi bar dang / gzugs med pa'i snyoms par 'jug pa dang / mnyam par 'jog pa na sdug bsngal gyi lam rmongs pa mngon par shes pa ste/ de ci'i phyir zhe na/ mi thob tu mi rung ba dang / bsam gtan gyi bar na ni yan lag bsdu ba med pa dang /zhi gnas dang lhag mthong shas chung bas bsgrims te bsgrub dgos pa dang / gzugs med pa'i khams na yang yan lag tu bsdu ba med pa dang / lhag mthong shas chung bas na bsgrims te bsgrub dgos pa'i phyir sdug bsngal ba'o/ gang zag dbang po rtul bas 'bras bu myur du thob par mi nus pa'i phyir rmongs pa'o//don du na de'i lam mngon par shes pa rmongs pa chung bas rmongs pa'i lam ste/ shes rab chung zhes bya ba'i don te/ 'dod chags dang zhe sdang ni phan tshun mi mthun pa'i chos yin pas na lhan cig 'byung ba med pa'i phyir rgyud kyi dbye bas de gnyis 'byung bar rig par bya ste/bar 'ga' 'dod chags 'byung / bar 'ga' zhe sdang 'byung / bar 'ga' gti mug 'byung / lam gnyis bstan pa'i phyir/ de la sdug bsngal gyi lam myur du mngon par shes pa gang zhe na zhes bya ba la sogs pa gsungs te/don gzhan ni sngar bshad pa dang 'dra'o/ /myur du mngon par shes pa zhes bya ba ni gang gi de ma thag pa'i ting nge 'dzin myur du shes par byed pa ni/ myur du mngon par shes par byed pa ste/ shes rab rno zhes bya ba'i don to/ /shes rab rno ba'i don nyid bstan pa'i phyir/shas che ba dang rno ba dang myur du thob pa yin no zhes gsungs so/ /rno ba'i phyir na shas che ba'o/ /myur du thob pa'i phyir na rno ba ste/ phyi mas snga ma bshad par blta'o/ /yang na lam rnam pa gsum ste/ nges par 'byed pa'i lam dang / mthong ba'i lam dang / sgom pa'i lam mo/ /nges par 'byed pa'i lam la dbang po lnga myur du 'jug par byed pas na che ba'o/ /mthong ba'i lam la myur du 'jug par byed pas na rno ba'o/ /sgom pa'i lam la myur du 'jug par byed pas na myur du thob pa'o/ /don du na nyon mongs pa gsum shas che ba'i gang zag dbang po rnon pos mi thob tu mi rung ba dang /bsam gtan gyi bar dang / gzugs med pa'i snyoms par 'jug pa la mnyam par 'jog na/ sdug bsngal gyi lam myur du mngon par shes pa zhes bya ste/ gang de dag la yan lag tu bsdu ba med pa dang / zhi gnas dang lhag mthong shas chung ba'i phyir bsgrims te bsgrub dgos pas na sdug bsngal gyi lam mo//gang zag shes rab rno bas de ma thag pa'i ting nge 'dzin myur du thob par byed pa'i phyir myur du mngon par shes pa'o/ /lam gsum pa bstan par bya ba'i phyir/ de la bde ba'i lam rmongs pa mngon par shes pa gang zhe na zhes bya ba la sogs pa gsungs te/'dod chags chung ba la sogs pa yang 'dod chags che ba la sogs pa las bzlog pa'i don du rig par bya'o/ don du nyon mongs pa gsum shas chung ba'i gang zag 'jig rten las 'das pa'i dbang po lnga rtul zhing mthu chung bas/ gzugs kyi khams kyi bsam gtan dang po dang gnyis pa dang gsum pa dang bzhi pa la bsgom pa ni/ bde ba'i lam rmongs pa mngon par shes pa zhes bya ste/ de ci'i phyir zhe na/ gzugs kyi khams kyi bsam gtan de dag na yan lag bsdu ba yod pa dang / zhi gnas dang lhag mthong mgo mnyam du 'jug pas bsgrims te bsgrub mi dgos pas na bde ba'i lam mo//gang zag dbang po rtul bas de ma thag pa'i ting nge 'dzin la myur du 'jug mi nus pa'i phyir rmongs pa mngon par shes pa zhes bya'o/ /lam bzhi bstan pa'i phyir/ de la bde ba'i lam bzhi myur du mngon par shes pa gang zhe na zhes bya ba la sogs pa gsungs te/tshig gi don gzhan yang sngar bshad pa bzhin du blta'o/ /de yang don du na 'di skad ston te/ gang zag nyon mongs pa gsum gyi shas chung zhing 'jig rten las 'das pa'i dbang po lnga mthu che la/ rno ba des gzugs kyi khams kyi bsam gtan bzhi bsgom pa na bde ba'i lam myur du mngon par shes pa zhes bya ste/ ci'i phyir zhe na de dag na yan lag bsdu ba yod pa dang / zhi gnas dang lhag mthong mgo mnyam du 'jug pas bsgrims te bsgrub mi dgos pa'i phyir bde ba'i lam mo/ / gang zag dbang po rno bas de ma thag pa'i ting nge 'dzin myur du mngon du byed pa'i phyir myur du mngon par shes pa'o/ /lam gyi 'og tu ting nge 'dzin bsgom pa bzhi bstan pas/ ji ltar bstan pa bzhin du bshad par bzhed nas/ de la dge slong dag ting nge 'dzin bsgom pa bzhi gang zhe na zhes bya ba la sogs pa gsungs so//sems rtse gcig pa ni ting nge 'dzin te/ de la yang nas yang du goms par byed pa ni ting nge 'dzin bsgom pa'o/ /de yang rnam pa gsum ste/ bsten pa bsgom pa dang / bsnyen pa bsgom pa dang mang du byas pa'o/ /'thob pa'i bsgom pa ni bstan pa zhes bya ste/ting nge 'dzin mngon du ni ma gyur gyi/ de mngon du 'gyur ba'i rnyed pa tsam skyes pa'am/ rgyu tsam skyes pa'o/ /mngon du gyur pa bsgom pa ni gnyen po bsgom pa ste ting nge 'dzin nyid mngon sum du byas pa'o/ /mi mthun pa'i chos ring du spang ba ni mang du byas pa'o/ / yang na sbyor ba'i lam ste mos pa spyod pa'i dus na ni bsten pa bsgom pa'o/ /de ma thag pa'i lam mam/ spong ba'i lam gyi dus na ni bsnyen pa bsgom pa'o/ /rnam par grol ba'i lam gyi dus na ni mang du byas pa'o/ /yang na bsten pa dang / bsnyen pa dang / bsgom pa dang mang du byas pa tshig bzhir gzhag go//de nyon mongs pa spong ba'i gnyen po yang bzhi ste/ sun 'byin pa'i gnyen po dang / rab tu spong ba'i gnyen po dang / bsten gyi gnyen po dang / ring du byas pa'i gnyen po'o/ /de la sun 'byin pa'i gnyen po ni 'dod pa'am 'du byed rnams la nad dang 'bras la sogs pa'i rnam par sun 'byin pa ste/dang por 'du byed la sun 'byin pa ni bstan pa'o/ /rab tu spong ba'i gnyen po ni sbyar ba dang de ma thag pa'i lam ste/ des nyon mongs pa rab tu spong bar byed pa'i phyir ro/ /lam de gnyis kyi tshe na ni bsnyen pa zhes bya'o/ / bsten gyi gnyen po ni rnam par grol ba'i lam ste/ de'i tshe na ni bsgom pa zhes bya'o/ /ring du byas pa'i gnyen po ni de phan chad kyi lam nyon mongs pa snga ma ni spangs/ phyi ma ni nams kyang rgyud la mi skye bar te/ de'i tshe na ni mang du byas pa'o/ /yang na so so skye bo'i tshe na ni bsten pa'o/ / mos pas spyod pa'i lam ni bsnyen pa'o/ /mthong ba'i lam ni bsgom pa'o/ /sgom pa'i lam ni mngon du byas pa'o/ /ci'i phyir bsgom zhe na/ 'dod pa'i 'dod chags spong bar 'gyur ba zhes bya ba gsungs te/ 'dod pa'i khams kyi 'dod chags spang bar bya ba'i don du bsgom pa yang yod ces bya ba'i tha tshig go//de ni ting nge 'dzin bsgom pa dang po'o/ /lta ba'i chos la bde bar gnas par 'gyur ba yang yod ces bya ba la lta ba'i sgra mngon sum la bya la/ chos kyi sgra ni tshe la bya ste/ don du na mngon sum gyi tshe na'am tshe 'di la zhes bya ba'i don to/ /bde bar gnas pa ni tshe 'di la 'khrug pa med pa dang /zhi bar gnas pa ste/ lta ba'i chos la bde bar gnas pa'i phyir bsgom gyi/ 'dod pa'i 'dod chags spong ba'i phyir bsgom pa ni ma yin pa ste/ de ni ting nge 'dzin bsgom pa gnyis pa'o/ /ye shes mthong ba rab tu thob par 'gyur ba yod ces bya ba la/ye shes mthong ba rab tu ma thob par 'gyur ba dang / mthong ba rab tu thob par 'gyur ba'o/ /de la ye shes ni yid kyi rnam par shes pa dang 'brel pa'i shes rab la bya ste/ de yang sems can 'di ni lus kyi nyes par spyod pa dang ldan/ sems can 'di ni ngag gi nyes par spyod pa dang ldan zhes bya ba la sogs pa dang /sems can 'di ni lus kyi legs par spyod pa dang ldan zhes bya ba la sogs pa rtog pa can gyi shes rab bo/ /mthong ba ni mig gi rnam par shes pa dang ldan pa'i shes rab mi rtog pa la bya ste/ gang gi gzugs rnam pa sna tshogs dang /sems kyi spyod pa rnam pa mang po mthong ba dang ldan pa 'phrul gyi mig la bya'o/ /de thob par bya ba'i phyir bsgom pa ni ting nge 'dzin bsgom pa gsum pa'o/ /shes rab tu thob par 'gyur ba yang yod ces bya ba la/ shes rab kyi khyad par thob par bya ba ni/ shes rab rab tu thob par 'gyur ba ste/ 'phags pa'i bden pa bzhi shes pa'i shes rab bam/ chos rnams kyi rang dang spyi'i mtshan nyid shes pa'i shes rab 'thob par 'gyur ro/ /de thob par bya ba'i sgom pa ni ting nge 'dzin bsgom pa bzhi pa'o/ /ting nge 'dzin bsgom pa dang po'i dbang du byas nas/'di la dge slong dag ces bya ba la sogs pa gsungs te/ 'dod pa'i 'dod chags ji ltar spong ba bsgom zhe na de'i phyir lus 'di la rkang pa'i mthil nas gyen du skra dang zhes bya ba la sogs pa gsungs te/ lus 'di la ni bdag gam gzhan gyi lus la ste/ shes rab kyis yang dag pa ji lta ba bzhin du rtog go zhes sbyar ro//ji ltar rtog ce na/ rkang pa'i mthil nas brtsams te/ gyen du skra dang mgo'i bar du rtog pa'am skra dang mgo nas brtsams te/ thur du rkang pa'i mthil gyi bar du rtog pa'o/ /pags pa yan chad ces bya ba ni phyi'i skra dang pags pa nas brtsams te/nang gi sha dang khrag dang rus pa'i bar du rtog go/ /ji ltar gnas pa dang zhes bya ba ni lus 'di da ltar gyi dus na yang mi gtsang ba rnam pa sna tshogs kyis gang ba'i mtshan nyid du gnas par rtog pa'o/ /ji ltar smon pa zhes bya ba ni lus 'di sngon yang las dge ba dang /mi dge bas ji ltar 'phangs pa dang / mngal du zhugs nas kyang pha ma'i mi gtsang ba las ji ltar gyur par rtog pa'o/ /don de nyid gsal bar bstan pa'i phyir/ mi gtsang ba rnam pa sna tshogs kyis gang bar zhes bya ba la sogs pa gsungs te/ lus 'di da lta yang mgo nas rkang pa'i mthil gyi bar du khrag dang chu ser la sogs pa'i mi gtsang ba rnam pa sna tshogs kyis gang bar gnas pa dang /sngon yang pha ma'i khrag dang khu ba las byung ba rtog pa'o/ /yang dag pa'i shes rab kyi zhes bya ba ni/ zag pa med pa rtog pa dang rjes su mthun pa'i shes rab kyis zhes bya ba'i don te/de ltar rtog pa can nyid ni zag pa can no/ /yang dag pa ji lta ba bzhin du rab tu rtog go zhes bya ba ni mi gtsang ba yin par phyin ci ma log cing ma nor ba kho nar rtog go zhes bya ba'i tha tshig go/ /lus mi gtsang ba dang rnam par 'jig pa bsgom pa mdo tsam du bstan pa nyid rgyas par bshad pa'i phyir 'di ltar lus 'di ni zhes bya ba la sogs pa gsungs so//mthar gyis kun 'byung ba zhes bya ba ni lus 'di dang po nur nur po 'byung ngo / /de nas mer mer po 'byung ngo / /de nas ltar ltar po 'byung bas na gzhon nu dang dar la bab pa dang rgas pa la sogs pa 'byung ngo / /mthar gyis 'jig ces bya ba ni nur nur po la sogs pa rim gyis 'jig pa ste/nur nur po zhig nas mer mer po 'jig go/ /mer mer po zhig nas dar la bab pa 'jig pa dang / rga ba 'jig pa'i bar du'o/ /rdul shin tu phra mo bsags pa zhes bya ba ni/ sa dang chu dang me dang rlung gi rdul phran 'dus pa las gyur pa'o//ya ma brla zhes bya ba ni kha zas kyis gso dgos shing sgyu ma'i gzugs dang 'dra bar gyi na snang ba tsam du zad pa'o/ /mthon dman can zhes bya ba ni dbugs phyir 'byin pa ni lus de thob pa'o/ /dbugs rngub pas lus zhum pas dma' ba'o/ /yang na kha zas kyis gso dgos pas mthon dman can te kha zas dang ldan na ni brtas par gyur pas mtho ba/kha zas dang bral na nyam chung bar gyur pas dma' ba'o/ /rma'i sgo dgu dang spu'i khung bu 'dzag pa zhes bya ba rma'i sgo dgu ni mig dang rna ba dang / sna'i bu ga gnyis te drug dang / kha dang bshang khung dang gcin khung gis bsnan nas dgu'o//de dag nas rtag tu snabs dang mchil ma dang ngar snabs la sogs pa 'dzag cing ba spu'i bu ga re re nas rtag tu rdul 'dzag pa'i phyir ro/ /sa brun ltar sbrul gdug pa'i gnas shes pa ni ji ltar grog mkhar gyis brun gyi gnas na sbrul gdug pa gnas pa bzhin du lnga phung gis brun gyi gnas 'di na yang nyon mongs pa'i sbrul gdug pa gnas pa'i phyir ro//sbrul gdug pa ltar drin mi shes pa zhes bya ba ni/ ji ltar sbrul gdug pa chung ngu nas kha zas kyis gsos nas skyed pa cung zad tsam zhig nyes pa'am/ ma nyes kyang slar gsod pa bzhin du phung po 'di yang bkru ba dang mnye ba la sogs pa legs par byas nas bar 'ga' bkru ba dang mnye ba la sogs pa ma byas na/slar gnod par byed pas na drin mi shes pa'o/ /ma skyes dgra dang spre'u grogs la 'khu ba zhes bya ba la/ dper na rgyal po ma skyes dgra drin rtag pa'i mchog pha gsod par byed pa dang /ji ltar spre'u sten cing rim gro byed pa de ltar rgyags shing gnod par byed pa de bzhin du/ phung po 'di pha mas bskyed na pha ma la snying ring ba dang / legs pas rim gro byas nas/ nyon mongs pa bdo ste slar gnod par byed pas na 'khu ba'o/ /grogs po ngan pa lta bur slu bar byed pa zhes bya ba ni/grogs po ngan pa'i phyi'i tshul dang / tshig tu 'jar ba dang 'jam pa skad smra ba yang khong du gnod par sems pa de bzhin du/ phung po 'di yang thang cig 'grogs pa na phan pa 'dra yang / 'di bsten pa la yun rings na phyir gnod pa 'byung ba'i phyir slu bar byed pa'o//dbu ba'i phung po ltar rang bzhin gyis mthu chung ba zhes bya ba ni ji ltar dbu ba'i gong bu rang bzhin gyis mthu chung ste/ bzung zhing bcad du mi bzod pa bzhin du/ gzugs kyi phung po 'di yang shes rab kyis brtags na snying por bzung zhing bcang du mi bzod pas/ rang bzhin gyis mthu chung ba'o//chu'i chu bur lta bur skye zhing 'jig pa zhes bya ba ni/ dper na chu'i chu bur skad cig ma gcig la skyes nas de ma thag tu 'jig par 'gyur ba de bzhin du/ phung po 'di dag kyang skyes ma thag tu 'jig pas na skye zhing 'jig pa can no/ /smig rgyu ba lta bur stod par byed pa zhes bya ba ni/dper na smig rgyu ba chu ma yin yang chu 'dra bar snang bas chu 'dod pa'i mi dag de'i drung du 'ongs nas chu med par 'gyur bas gzhan slu bar byed pa bzhin du/ phung po 'di dag kyang bde ba dang / gtsang ba ma yin yang bde ba dang / gtsang ba lta bur snang bas sems can slu bar byed pa'i phyir stod par byed pa zhes bya'o//chu skyes kyi shing ltar bshig na snying po med pa zhes pa ni/ dper na chu shing gi zlum po pags pa phyi shun re re nas bshig na phyi shun tsam las gzhan snying po med pa de bzhin du/ phung po 'di dag kyang re re nas bshig ste bsal na/ dam pa'am snying po gang yang med pa'i phyir ro/ /sgyu ma lta bur slu bar byed pa zhes bya ba ni/ dper na sgyu ma'i glang po dang / mi'i glang po dang / mi ma yin pa'i glang po dang / mi 'dra bar snang bas sems can slu bar byed pa de bzhin du phung po lnga po dag la yang bdag gam sems can zhes bya ba med na/bdag dang sems can lta bur snang bas sems can slu bar byed do/ /rgyal po ltar bka' mang ba zhes bya ba ni/ dper na rgyal po bka' mang bas de'i bya ba mang du bsgrub dgos pa de bzhin du/ lus 'di yang de'i phyir bya ba mang po bsgrub dgos na/ rgyal po bka' mang po bzhin no//dgra ltar glags lta ba zhes bya ba ni/ dper na dgra bdag bsad pa dang / ma rung bar bya ba'i phyir/ glags tshol ba bzhin du lus 'di yang dus thams cad du/ dge ba'i rtsa ba med par bya ba'i phyir/ glags tshol ba'i phyir ro/ /rkun po ltar yid mi brtan pa zhes pa ni dper na rkun po 'di mi rku zhes de la yid brtan du mi rung ba bzhin du/lus 'di yang 'di dang rtag par 'grogs so zhes yid brten du mi rung ste/ gdon mi za bar skabs su 'jig par byed pa'i phyir ro/ /mi mdza' ba ltar gnod par sems pa zhes bya ba ni/ mi mdza' ba ni grogs po ma yin pa ste/ gang yid kyi sems mi mthun par gyur pa'o/ /ji ltar mi mdza' bar bdag la phan par bya bar mi sems pa de bzhin du/ lus 'di yang bdag la phan par bya bar mi sems pa'i phyir ro/ /gshed ma ltar shes rab kyi 'tsho ba'i bar chad byed pa zhes bya ba ni ji ltar sems can gsod pa'i gshed po dag sems can gyi srog gi bar chad byed pa bzhin du lus 'dis kyang mnyan pa dang bsam pa dang /bsgom pa'i shes rab kyi srog gi bar chad byed pa'i phyir ro/ /grong stong pa ltar bcud med pa zhes bya ba ni/ dper na grong stong pa na mi dang phyugs dang rdzas kyi bcud med pa bzhin du/ phung po lnga'i nang na yang bsod nams dang ye shes kyi tshogs kyi mtshan nyid kyi bcud phung po gang la yang med pa'i phyir ro/ /rdza mkhan gyi snod ltar 'jig pa la thug pa zhes bya ba ni/ dper na rdza mkhan gyi snod kham phor dang bum pa mthar chag pa dang /'jig pa 'byung ba bzhin du phung po skyes pa 'di mtha' yang mjug tu gnas pa med kyi 'jig pa 'byung ba'i phyir ro/ /bang ba ltar mi gtsang ba sna tshogs kyis gang ba zhes pa ni/ dper na mi gtsang ba'i snod dang gnas gcin skyugs la sogs pa mi gtsang ba mang pos gang ba bzhin du lus 'di la yang mi gtsang ba la sogs pa sna tshogs kyis gang ba'i phyir ro//glum snod ltar mi gtsang ba 'dzag pa dang zhes pa ni/ ji ltar glum snod las glum gyi khu ba 'dzag pa bzhin du lus 'di las kyang snabs dang / mchil ma la sogs pa'i mi gtsang ba 'dzag pa'i phyir ro/ / sbrul dang mi dang khyi dang ro ltar dri mi zhim pa zhes bya ba ni/ dper na sbrul gyi ro dang mi ro dang khyi ro rul pa dri mi zhim pa bzhin du lus 'di las kyang dri mi zhim pa rgyun du ldang ba'i phyir ro/ /phyi sa khung ltar mi gtsang ba'i 'byung khung zhes pa ni/ dper na snabs phyis la sogs pa mi gtsang ba rnam pa sna tshogs 'byung ba bzhin du/lus 'di las kyang mi gtsang ba rnam pa sna tshogs 'byung ba'i 'byung khung byed pa'i phyir ro/ /rma ltar bskyod pa mi bzod pa zhes bya ba ni/ dper na rma kha 'bye ba yang gzung ba dang mnye ba la sogs pas bskyod na na ba bzhin du lus 'di yang dbyug pa la sogs pa cung zad kyis phog na yang gnod par 'gyur ro//zug rngu ltar gnod par byed pa zhes bya ba ni/ dper na zug rngu zug na ji srid du zug rngu de ma phyung ste/ 'grogs kyi bar du rtag tu gnod pa bzhin du/ lus 'di dang ji srid 'grogs kyi bar du yang gnod pa byed pa'i phyir ro/ /rje bo mi srun pa ltar rim gro bya dka' ba zhes bya ba ni/dper na rje bo mi bgrungs pa ji ltar rim gro byas kyang mgu bar dka' ba bzhin du/ phung po 'di yang dngos po gang gis sten cing rim gro byas kyang mgu zhing chog pa med pa'i phyir ro/ /khyim zhig pa ltar bcos dka' ba dang zhes pa ni/ dper na khyim rnying pa zhig na slar gso zhing bcos dka' la phyogs gar bcos kyang /phyogs gzhan du zhig pa bzhin du/ lus 'di yang rtag tu kha zas dang skom gyis gso dka' zhing bar 'ga' gsos kyang mi mthun pa'i kha zas dang phrad na dus gzhan du 'jig par 'gyur ba'i phyir ro/ /rdza ma bcos pa ltar dka' ba zhes pa ni/ji ltar rdza mkhan gyis snod so ma btang ba bsrung dka' ste cung zad cig bskyod na 'chag pa de bzhin du/ lus 'di yang cung zad cig gi rkyen gyis 'jig pas na bsrung dka' ba'o/ /grogs po mi srun pa ltar rtag par bsrung dgos pa zhes pa ni/ grogs po mi bgrungs pa rtag tu bsrung dgos te/ rtag tu yid ma bsrungs na cung zad cig gis kyang mi dga' bar 'gyur zhing ring du 'phangs pa de bzhin du phung po 'di yang rtag tu ma bsrungs na 'tsho ba'i bar chad du gyur pa'am/ lus dang bral bar 'gyur ba'i phyir ro/ / chu 'gram gyi shing ltar g.yo zhing 'gul ba zhes pa ni/ dper na chu 'gram gyi shing g.yo zhing mi brtan pa ste/ nam zhig ltung bar 'gyur zhing / chus khyer bar 'gyur ba bzhin du/ phung po 'di yang 'jig pa la gnas pas mi brtan pa ste/ mthar mi rtag pa'i chu bos khyer bar 'gyur ba'i phyir ro//'bab chu chen po'i rgyun ltar 'chi ba'i rgya mtsho la thug pa zhes pa ni/ dper na 'bab chu'i rgyun mjug tu rgya mtsho chen por thug pa bzhin du/ phung po'i skad cig ma'i chu bo'i rgyun 'di la yang mthar 'chi ba'i rgya mtsho la thug pa'i phyir ro/ /bla thabs su 'ongs pa'i khyim ltar sdug bsngal thams cad kyi gnas shes pa ni/dper na glo bur ba'i khyim du byas pa de na mal stan dang kha zas med pas/ sdug bsngal gyi gnas yin pa bzhin du/ phung po 'di dag kyang bde ba med kyi/ skye rga na 'chi dang ldan pas sdug bsngal kun gyi gnas so//skyabs med pa'i gnas ltar kun ma bzung ba zhes pa ni/ dper na bdag pos ma bzung ba'i lam srang ngam bzhi mdo dag tu 'dron po'i don du brtsigs pa'i khang khyim 'chos pa'i bdag po med pa de bzhin du/ lus 'di la yang phan par byed pa'i grogs po dang skyabs byed pa'i bdag po med pa'i phyir ro//btson bsrung ltar gsug chud pa zhes pa ni/ dper na btson bsrung gsug gis mgu na btson gtong bar byed pa de bzhin du/ lus 'di yang 'dod pa'i yon tan lnga la brten pa ste/ mgu na dge ba'i rtsa ba gtong bar byed pa'i phyir ro/ /yang na btson bsrung gsug cung zad kyis mgu bar dka' ba bzhin du/lus 'di yang bde ba cung zad tsam gyis mgu bar dka' ba'i phyir ro/ /mtha' khob kyi grong ltar rtag par gtses pa zhes pa pa ni/ dper na yul mtha' khob kyi grong 'dzoms pa dang 'phrogs pa'i dgra mang ba bzhin du/ lus 'di yang rang gi gnod pa nad la sogs pa dang /phyi'i gnod pa grang ba dang / tsha ba la sogs pa'i 'tshe ba mang ba'i phyir ro/ /bye ma'i grong khyer 'jig pa zhes bya ba ni/ dper na bye ma'i khyim mi brtan cing 'jig pa'i rang bzhin yin pa bzhin du phung po 'di yang skad cig mas 'jig cing mi brtan pa'i rang bzhin yin pa'i phyir ro//me ltar chog mi shes pa zhes pa ni/ dper na me bsreg pa'i dngos por ci bcug kyang chog pa med de kun sreg par byed pa de bzhin du/ lus 'di la yang tshwa chu 'thung ba bzhin du/ 'dod pa'i yon tan lnga spyad pa la chog pa med pa'i phyir ro/ /rgya mtsho ltar rgal dka' ba zhes pa ni/dper na rgya mtsho chen po chu srin la sogs pa'i gnod pa mang bas mthar phyin par dka' ba bzhin du/ lus 'di la yang nyon mongs pa'i gdug pa mang po dang ldan pas spang bar dka' ba'i phyir ro/ /sbrul gyi snod ltar nan tan du spang bar bya ba zhes pa ni/dper na sbrul gdug pa'i 'jigs pa las 'dzem pa rnams kyis/ de'i gnod pa dang mi phrad par bya ba'i phyir sbrul gdug pa'i snod ring du spang bar bya ba bzhin du/ skye rga na 'chi'i sdug bsngal gyis 'jigs pa rnams kyi phung po 'di ring du spang bar bya ba yin pa'i phyir ro/ /byis pa gzhon nu ltar rtag par bsrung dgos pa zhes pa ni/dper na byis pa chung ngu rtag par ma bsrungs na mer 'jug pa'am/ g.yang du lhung ba'am/ mtshon gyis zug par gyur pas/ rtag tu bsrung dgos pa bzhin du/ lus 'di yang dbang po'i sgo rnams yul la mi 'jug pa'i tshul du ma bsrungs na nyon mongs pa'i mtshon la sogs pa zug par 'gyur ba'i phyir ro//snod chag pa ltar rtag par spangs pa zhes pa ni/ dper na snod chag pa'i nang du rtag tu chu mi gnas pa de bzhin du/ lnga phung 'dir yang rtag tu dge ba mi gnas shing 'dzag par byed pa'i phyir ro/ / yang na dper na snod chag pa yang rtag tu yang phyir 'dor ba bzhin du/ phung po lnga dag kyang 'phags pa mkhas pa rnams kyis rtag tu 'dor bar byed pa'i phyir ro/ /yul ngan pa ltar rtag par gtses pa zhes pa ni/ dper na yul ngan pas dpon po dang bdag po med pa la 'tshe bar byed pa bzhin du/lus 'di la nad kyi dgras 'tshe ba mang ba'i phyir ro/ /yang na yul ngan pa bza' ba dang bgo ba la sogs pa'i yo byad du mi ldan pas rtag tu yang gnod pa dang / phongs pas gtses pa bzhin du lus 'di la yang 'dod pa mi rnyed pa dang / mi mdza' ba dang phrad pa dang mdza' ba dang bral ba la sogs pa'i sdug bsngal gyis rtag tu gtses pa'i phyir ro//kha zas dug can ltar spang bar bya ba zhes pa ni/ dper na dug dang bcas pa'i kha zas zos na lus la gnod pa sna tshogs 'byung bas spang bar bya ba bzhin du/ lus 'di yang mkhas pa rnams kyis spang bar bya ba yin pa'i phyir ro//snod brnyas pa ltar skad cig gcig la dgos pa'i phyir zhes bya ba ni/ dper na snod gzhan las brnyas par skad cig gcig yod par zad kyi/ dus thams cad du phan pa med pa bzhin du/ lus 'di chos byed pa na dgos pa tsam du zad kyi/de las ma gtogs pa'i dus thams cad du dgos pa med phya'i phyir ro/ /de lta mod kyi lus 'di thams cad kyi thams cad du spangs pa ma yin te/ dper na shing las shing rta byas shing so sor dgos pa med kyang shing rtar byas na/ khal dgal bar dgos pa bzhin du lus 'di la gong du brtag pa'i tshul du so sor bshig na dgos pa med kyang /chos spyad pa'i khal dgal ba'i phyir/ de'i don du gtang bar bya ba yang ma yin no/ /de bas na chos kyi sems 'ba' zhig tu gzung bar bya zhes gsungs te/ de bas na lus 'di chos spyad par dgos pa'i sems kyis de tsam gyi don 'ba' zhig tu bzung bar zad do zhes bya ba'i don to//'dod pa'i 'dod chags spang bar bsgom pa rnam grangs gzhan yang bstan par bzhed nas/ gzhan yang dge slong dag ces bya ba la sogs pa gsungs so/ /de'i don ni lus dang po'i rgyu dang tha ma'i rgyu brtag pa'i sgo nas nan tan gyis bshig nas/'dod pa'i 'dod chags spong bar 'gyur ro zhes bya ba'i don to/ /'di lus tsam du zhes bya ba ni/ lus 'di snga phyi gnyis kyang mi gtsang ba las gyur pa tsam mam/ mi gtsang ba'i rang bzhin tsam du rtag par bya ba'i tha tshig go//ji ltar rtag ce na/ de'i phyir snga ma dang phyi ma'i rgyu rtag ste zhes bya ba gsungs te/ lus 'di rgyu snga ma gang yin pa dang / phyi ma'i rgyu gang yin pa dag kyang mi gtsang ba nyid las gyur pas rtag pa'i don to/ /lus kyi snga ma'i rgyu bstan pa'i phyir/pha ma'i khu ba dang zhes bya ba la sogs pa gsungs te/ lus 'di snga ma'i rgyu ni pha'i khu ba dang ma'i khrag yin te/ dang por yang mi gtsang ba'i rgyu las gyur pa rtag go/ /phyi ma'i rgyu bstan pa'i phyir kha zas 'ju ba la sogs pa ni zhes bya ba la sogs pa gsungs te/ lus 'di skyed pa'i rgyu phyi ma'i kha zas zos pas zhu ba ste/ stsogs pa'i sgra ni kha zas rnams zhu nas gnas gcig nas gcig tu ji ltar rgyu ba/ mdo las gsungs pa rnams bsdu'o/ /bsdu ba'i don bshad pa'i phyir/ zas kham gyis za ba zos ma thag tu zhes bya ba la sogs pa gsungs te/kha zas kham gyis zos pa ste/ zos ma thag tu de dang por je bad kan gyi gnas su 'gro'o/ /bad kan gyi gnas su song ba dang bad kan gyis sla bar byas nas/ gzhan du na bad kan dang 'dres pa'i mtshan nyid kyi khu bar gyur pa mi gtsang ba'i rang bzhin du 'gyur te/bad kan gyi gnas su zhu ba dang de nas mkhris pa'i gnas su 'gro'o/ /de nas mkhris pa'i gnas su phyin pa dang / de dag smin cing tshos nas 'ju zhing skyur por 'gyur ro/ /skyur por gyur ba dang / rlung gi gnas su 'gro'o/ /bad kan gyi gnas nas zhu nas rlung gi gnas su phyin pa dang /rlung gis de rnams tha dad par 'byed de/ snyigs ma logs shig tu khu ba logs shig tu 'byed do/ /de la snyigs ma logs shig tu phye ba las ni gcin rkyag la sogs pa dri mar 'gyur/ khu ba dang snying po las ni khrag tu 'gyur/ khrag las shar 'gyur/ sha las tshil du 'gyur/ tshil las rus par 'gyur/rus pa las rkang du 'gyur/ rkang las slar khu chu la sogs pa mi gtsang bar 'gyur te/ de ltar lus 'di dang po dang mjug tu yang rgyu mi gtsang ba las gyur pa yin pas na/ lus 'di mi gtsang bar lta zhing bsam mo zhes dge slong dag la bka' stsal to//gzhan yang mi gtsang ba'i tshogs kyis bstan pa tsam du bstan pa'i phyir/ lus 'di ni rus pa dgu brgya rtsa drug gis zhes bya ba la sogs pa gsungs te/ ji ltar khang pa ka bas brten zhing bteg pa de bzhin du/ lus 'di yang rus pa dgu brgya rtsa drug gis brten zhing bteg pa'o//shing ngan pa'i khyim ltar zhes bya ba'i don ni/ dper na shing ngan pa las byas pa'i khang pa mthud ma 'brel ba'i mtshams mang ba bzhin du/ lus 'di yang rus pa mang po sbrel ba'i mtshams mang ba'i phyir ro/ /rtsa mang pos zhes bya ba'i don ni/ dper na khang pa la dral bu mang po bres pa dang ldan pa bzhin du/ lus 'di la rtsa mang po bzhi brgyas so sor dral bu bzhin du bres pa'i don to/ /sha'i nya lnga brgyas rab tu g.yogs zhes bya ba'i don ni/ dper na khang pa 'jim pas g.yogs pa bzhin du/ sha'i nya lnga brgya'i gong bus thog thag tu bskus shing g.yogs pa'o/ /sdom rtsa drug gis dkris pa zhes bya ba ni/ dper na khang pa'i dral bu la sogs pa gdung ma la brten pa bzhin du rtsa chen po drug la rtsa phran gzhan rnams brten pa'o/ /rtsa phran bdun brgyas bres pa zhes bya ba ni/gong du bstan pa dang don gcig ste/ rtsa phran bdun brgyas dral bu ltar bres pa'o/ /chu ba dgu brgyas bres pa zhes bya ba ni/ chu ba dgu brgyas tshigs dang rus pa la sogs pa mi 'gyes pa'i gzungs byas zhes bya ba'i don to/ /rtsa skar khung byas pa zhes bya ba ni/khang pa'i skar khung bzhin du/ rtsa'i sul rnams lus la skar khung ltar gnas zhes bya ba'i don to/ /snod rdol ba ltar gnas zhes bya ba'i don ni/ dper na snod rdol ba bu ga sang seng gi gsengs pa bzhin du/ lus 'di la yang gnad bdun brgyas gnod par gyur ba'i mtshan nyid rtag tu gsengs pa'o//spu bye ba zhes pa la sogs pa'i don ni/ khyim ngan pa'i phyi rol rtsas g.yogs pa bzhin du/ lus 'di la yang spu bye ba brgya stong phrag brgyad cu rtsa bzhis phyi rol nas g.yogs pa'i don to/ /dbang po lnga'i bu ga dang btsog pa mi gtsang bas gang ba zhes bya ba ni/mig dang rna ba dang sna dang lce dang lus kyi dbang po nas mi gtsang ba 'dzag la/ lus kyi gnas thog thag kyang mi gtsang bas gang ba'i phyir/ glad pa snyim pa gang zhes bya ba la sogs pa gsungs so/ /bang ba ltar de rnams kyis mnyam pa so sor bkang ba zhes bya ba ni/dper na bang ba rnams so sor 'brus bkang ba bzhin du/ mi gtsang ba'i snod rnams kyang so sor mi gtsang bas bkang ba'o/ /ro drug gis sos pa ni/ mngar ba dang / skyur ba dang / kha ba dang / tsha ba dang / lan tshwa dang / bska ba rnams kyis rtag tu gsos shing brtas pa'o//lus kyi mes mi gtsang ba zhes bya ba stsogs pa'i don ni/ dper na sbyin sreg gi mes sbyin sreg gi rdzas sreg par byed pa bzhin du/ 'byung ba chen po la yod pa'i me'i khams kyis kyang / mi gtsang ba rnams rtag tu sbyin sreg bzhin du sreg par byed pa'o//rid pa dang nyam chung ba dang rga ba dang 'khogs par gyur pas/ rtag tu myags pa la thug pa'o/ /lus kyi yan lag so sor brtags na thams cad kyang brtag mi bzod pas/ lus kyi yan lag thams cad lta na mi sdug pa'o/ /kha sna dang mi gtsang ba'i khung nas dring ba rtag tu ldang la/lus kyi nang na yang mi gtsang ba gnas pas dri mi zhim pa rul ba'i rang bzhin zhes bya ste/ de bas na lus ngan pa 'di la gya nom pa dang bzang bar nga rgyal bya ba'i gnas med pa'i phyir/ nga rgyal mi bskyed do zhes bya ba'i don to/ /gong du bshad pa'i don bsdus te tshigs su bcad de bka' stsal pa//de ltar lus la mi gtsang phung por brtag /ces bya ba la sogs pa gsungs so/ /de ltar zhes bya ba ni gong du bshad pa ltar te/ gong du bshad pa ltar na/ lus 'di mi gtsang ba rnam pa sna tshogs kyis gang ba'i phung por brtags te/de ltar mi gtsang ba'i phung po yin pas na/ 'di la rung ba dang / bzang por nga rgyal ba mi rigs so zhes bya ba'i don to/ /gang gi gzugs la nga rgyal rlom sems pa zhes bya ba la sogs pa'i don te/ de ltar mi gtsang ba yin par shes bzhin du/ mi gtsang ba'i lus 'di la bzang ngo snyam pa'i nga rgyal byed cing lus 'di la chags shing mi gtong ba'i byis pa rnams ni/dper na blun po mi gtsang ba'i snod khur du khyer la/ de la bzang por 'dzin cing chags par byed pa dang 'dra'o/ /sna nas rnag lta bu gang zag pa dang zhes bya ba'i don ni/ lus 'di la rtag tu sna nas snabs rnag lta bu 'dzag pa dang /rtag par kha nas mi ro rul ba'i dri dang 'dra ba'i dri mi zhim pa 'byung ba dang / mig nas kyang mig gi rngul rnag srin bu lta bu 'byung bas na/ de la 'dod chags bya zhing nga rgyal bya ba ga la yod de/ mi rigs so zhes bya ba'i don to//mkhas pa rnams kyis mi gtsang ba'i tshul du gong du bshad pa brtag pa tsam du yang ma zad kyi/ rang gi shes rab kyis gzhan yang mi gtsang ba ci yod par brtag par gyis shig ces dgongs nas bka' stsal pa/ de la sogs par brtag ste/ zhes bya ba la sogs pa gsungs te/stsogs pa'i sgras ni rang gi shes rab kyis gzhan yang brtag par gyis shig ces bka' stsal to/ /de'i dpe bstan pa'i phyir gsungs pa'o/ /'di ltar dge slong dag bang ba sgo gnyis gtod pa zhes bya ba la sogs pa gsungs so/ / bang ba sgo gnyis pa ni 'bru yod pa'i sgo gtod pa dang / rin po che yod pa'i sgo gtod pa ste/ sgo gnyis so sor gtod pa'o/ /yang na sgo gnyis gtod pa ni/ mtshon pa tsam du zad kyi/ bang ba so sor sgo mang por gtod par blta ste/ skyes bu mig dang ldan pa la la zhig bang ba so sor sgo mang por gtod pa'i nang du phyin na bang ba 'di ni 'bru gra ma can gyis gang ba/bang ba 'di ni 'bras bu'i 'brus gang ba'o zhes shes pa bzhin du mkhas pa shes rab can gyis kyang lus 'di nyid la da ltar yang lus 'di mi gtsang ba rnam pa sna tshogs kyis gang bar gnas/sngon yang mi gtsang ba'i rgyu las byung ngo zhes so sor rtog par byed do/ /ting nge 'dzin dang po bstan nas mjug bsdu ba'i phyir 'dir ni dge slong dag ces bya ba la sogs pa gsungs so/ /brgal ba 'di ltar mdo gzhan dag la ni bsam gtan bzhi pas bsdus pa rdo rje lta bu'i ting nge 'dzin gyi zag pa thams cad spong bar byed pas zhes bshad la/'dir ni mi gtsang ba bsgom zhing lus sun 'byin pas/ 'dod pa'i 'dod chags spong bar bshad na/ gzhan dang ji ltar mi 'gal/ smras pa/ mdo gzhan las zag pa thams cad spong bar bshad pa yang lus sun 'byin pa nas brtsams te/bsam gtan bzhi pas bsdus pa'i rdo rje lta bu'i ting nge 'dzin gyis spang bar bya ba la dgongs nas gsungs/ 'dir ni 'dod chags bdo ba rnams 'dod chags spong bar bya ba'i phyir mi gtsang ba bsgom zhing sun 'byin pa 'dod pa'i 'dod chags spong ba'i gnyen por 'gyur bar gsungs te/bdag dang gzhan gyi lus la bzang bar 'dzin pa'i 'gro ba'i don du bshad pas na 'gal ba med do/ /ting nge 'dzin gnyis pa bstan pa'i phyir/ de la dge slong dag ting nge 'dzin bsgom pa dang / rten pa zhes bya ba la sogs pa gsungs so//de la ting nge 'dzin kyang dben pa rnam pa gnyis las 'grub ste/ lus dben pa dang sems dben pa'o/ /de bas na lus dben par bya dgos pa'i phyir/ 'di la dge slong dag dgon pa pa'am/ shing drung zhes bya ba la sogs pa smos te/ dgon pa dang shing drung la sogs pa'i gnas na ni/ byis pa dang bud med la sogs pa 'du 'dzi med pa yin pas lus dben pa'i gnas so/ /sems dben par bstan pa'i phyir/ rang gi lus 'di dag ces bya ba la sogs pa gsungs te/ rang gi nang gi lus ni yid kyi lus la bya'o//dben pa las skyes pa zhes bya ba ni ting nge 'dzin las skyes pa'i don te/ 'dod pa dang sdig pa mi dge ba'i chos la rnam par rtog pa spangs pa las skyes pa'o/ /ci zhig skye zhe na/ de ci'i phyir dga' ba dang bde ba zhes gsungs te/ dga' ba ni yid bde ba'o//bde ba ni bag yangs kyi bde ba ste/ rim bzhin du sbyar ro/ /brlan pa ni ting nge 'dzin las skyes pa'i yid bde ba dang / bag yangs kyi bde ba gnyis kyis lus dang sems la 'khrug pa med cing zhi bar byas pa'o/ /bde ba des phyogs gcig tu zhi bar byas pa ma yin gyi/des lus dang sems kyi phyogs kun tu zhi bar byas so zhes bstan pa'i phyir/ kun rdzob pa dang kun tshim pa dang / kun khyab par byed ces gsungs so/ /tshig de dag ni don gcig go/ /de la rang gi nang gi lus 'di la dben pa las skyes pa'i dga' ba dang / bde bas brlan zhes bya bas/ bsam gtan dang po dang / bsam gtan gnyis pa dang / bsam gtan gsum pa la sogs pa las skyes pa'i dga' ba dang / bde bas khyab par ston pa'o/ /yang na dga' bas ni brlan par byed pa'o/ /bde bas ni kun rdzogs par byed pa'o//sbyor ba mthar thug pa'i yid la byed pas ni/ kun tshim par byed pa'o/ sbyor ba mthar thug pa'i 'bras bu yid la byed pas ni/ kun tu khyab par byed pas na'o/ /de ltar sbyor ba mthar thug pa'i yid la byed pa dang / sbyor ba mthar thug pa'i 'bras bu yid la byed pa'i tshe/bsam gtan gyi dga' ba dang bde ba yongs su rdzogs te/ de bas na sbyor ba mthar thug pa'i yid la byed pas na ma khyab pa med do/ /sbyor ba mthar thug pa'i 'bras bu yid la byed pas ni/ kun tu ma khyab par gyur pa med pa zhes bya'o/ / don de nyid bsgrub par bya ba'i phyir dpe bka' stsal pa/ 'di lta ste/ dper na dge slong dag ces bya ba la sogs pa gsungs te/ dper na chu las skyes pa'i me tog rnams chu'i bsil ba kun tu khyab pa bzhin du/ de dag kyang bsam gtan gyi bde bas lus dang sems kun tu khyab pa zhes bya ba'i don to//brgal ba bsam gtan dang po dang / gnyis pa dang / gsum pa la sogs pa skyes pa'i bde ba las/ ma 'ongs pa na bde ba la gnas zhes ci'i phyir mi bya/ smras pa/ ting nge 'dzin de dag las nyams na ni/ 'dod pa'i khams su skyes pa dang / de'i bde ba myong ba med la/sa gong ma gong mar 'phar na ni/ ting nge 'dzin gzhan las bde ba thob pas de'i bde ba med pa dang / mya ngan las 'das na yang der yang ting nge 'dzin gyi bde ba myong ba med pas/ tshe phyi ma la bde ba zhes mi bya'i/ lta ba'i chos la bde bar gnas par 'gyur ba zhes bya'o/ / bsgom pa gnyis pa bstan pa'i mjug bsdu ba'i phyir/ 'di ni ting nge 'dzin bsgom pa bstan pa zhes bya ba la sogs pa gsungs so/ /ting nge 'dzin bsgom pa gsum pa bstan pa'i dbang du mdzad nas/ de la dge slong dag ting nge 'dzin bsgom pa dang / bsten pa dang bsnyen pa zhes bya ba la sogs pa gsungs te/snang ba'i 'du shes zhes bya ba la/ 'du shes bsgom pa ni/ rdzu 'phrul gyi mig gis thob pa'i rgyu yin no/ /de la snang ba'i 'du shes bsgom pa yang rnam pa gsum ste/ mun pa'i gnyen por gyur pa dang / chos kyi snang ba dang / lus kyi snang ba'o//de la mun pa'i gnyen por gyur pa ni/ mtshan mo'i dus na zla ba dang skar ma la sogs pa'i 'od do/ /nyin par gyi dus na ni nyi ma'i 'od do/ /de gnyi ga'i dus na me dang / nor bu la sogs pa'i 'od do/ /chos kyi snang ba yang gang zag gang gis sangs rgyas rjes su dran pa la sogs pa'i chos kyi rnam grangs yid la gsal bar dran pa'o//lus kyi snang ba ni gang lha la sogs pa rang gi lus kyi 'od dang ldan pa'o/ /snang ba dang po'i mi mthun pa'i phyogs kyi mun pa yang rnam pa gsum ste/ phyogs kyi mun pa dang / sprin gyi mun pa dang /g.yogs pa'i mun pa'o/ /phyogs kyi mun pa ni thams cad du khyab pa ste mtshan mo'o/ /sprin gyi mun pa ni nyin par la sogs pa na yang sprin stug pos khyab pas yang phyogs gnag par gyur pa'o/ /g.yogs pa'i mun pa ni khang pa la sogs pa thog g.yogs shing skar khung la sogs pa med pas mi gsal bar gyur pa'o//snang ba rnam pa gsum las/ 'dir mun pa'i gnyen por gyur pa'i snang ba yid la byas na/ 'phrul gyi mig thob par dgongs pa'o/ /de la yang ji srid du gzhan las bsgom pa'i man ngag ma mnos pa de srid du bsgom pa 'grub pa med de/de'i phyir mngon par shes pa bsgom pa ni man ngag mnos shing bzung ba rnams ji ltar mi brjed par gyur pa de/ bcom ldan 'das kyis bstan pa'i phyir/ snang ba'i 'du shes shin tu legs par rab tu bzung ba zhes bya ba la sogs pa'o//snang ba'i 'du shes ni phyogs thams cad du mun pa med cing snang bas khyab par bsams te/ de bsgom pa'i man ngag bzung ba de ma nyams ma brjed pa ni/ shin tu legs par rab tu bzung ba zhes bya'o/ /de'i khyad par bstan pa ni/ shin tu yid la byas pa dang / zhes bya ba la sogs pa ste/ snang ba'i 'du shes lngar bsgoms pa las bsam pa'i khyad par skyes par gyur ba dang ldan pas na/ shin tu yid la byas pa dang shin tu bsnyen pa zhes bya'o/ /ting nge 'dzin grub pa dang ldan pas na rab tu khong du chud pa zhes bya ba ste/ 'phrul gyi mig mngon du gyur zhes bya ba'i don to//yang na shin tu legs par rab tu bzung ba ni man ngag bsnyen pa'i dus na bzung ba'o/ /shin tu yid la byas pa ni bsam pa'i dus na legs par bsam pa'o/ /shin tu nyes pa ni bsgom pa'i dus na yang nas yang du goms par byas pa'o/ /rab tu khong du chud pa ni ting nge 'dzin gyi 'bras bu mngon du byas pa'o//yang na shin tu bsnyen pa ni 'jig rten pa'i lam gyi 'phrul gyi mig grub pa rnams te/ de dag la phyis nyams pa yod pas so/ /rab tu khong du chud pa ni/ 'jig rten las 'das pa'i lam gyi 'phrul gyi mig thob pa ste/de'i phyis nyams pa med pa'i phyir ro/ /de ci zhig mngon du bya zhe na/ de'i phyir nyin par du 'du shes bzhag pa yin te zhes bya ba gsungs te/ nyin par gyi 'du shes zhes bya ba ni/ snang ba dang bcas pa'i 'du shes yid la bya ba yin te zhes bya ba'i don to/ /de'i don de nyid bstan pa'i phyir/de'i 'od dang bcas pa'i sems su bsgom mo zhes gsungs te/ de ni 'phrul gyi mig thob par 'dod pa'i rnal 'byor pa de'i'o/ /rnal 'byor pa des nyin par gyi dus na yang kun tu 'od kyis gang zhing mun pa med par bsgom mo/ /snang ba'i 'du shes de nyin mtshan mtshungs par bsgom par bya bar bstan pa'i phyir/ji ltar nyin par de bzhin mtshan mo zhes bya ba la sogs pa gsungs te/ ji ltar nyin par snang bas khyab par bsgom pa de bzhin du mtshan mo yang snang bas kun tu khyab par bsgoms te/ snang bas khyab pa'i mtshan nyid du nyin mtshan 'dra bar bsgom par ston te/tshig des ni dus thams cad du snang ba'i ting nge 'dzin bsgom par bstan to/ /ji ltar dus thams cad du bsgom pa de bzhin du/ snang ba'i 'du shes phyogs thams cad du yang khyab par bsgom par bstan pa'i phyir/ ji ltar sdun pa de bzhin rgyab ces bya ba la sogs pa ste/ji ltar mdun na snang bas khyab par mngon par mthong ba de bzhin du rgyab kyi phyogs su yang snang bas khyab par bsgom ste/ mdun gyi phyogs dang snang bas khyab pa'i mtshan nyid du nyams par bsgom pa bstan to/ /yang na sngun zhes bya ba ni ri la sogs pas chod pa mngon sum du gyur pa kun snang bas khyab par bsgom pa'o//de bzhin du rgyab ces bya ba ni ri la sogs pas chod pa'i gnas su yang ri dang rtsig pa la sogs pas chod pa med par thog thag tu snang bas gsal bar bsgom pa'o/ /steng ni nam mkha'i nyi ma 'char ba'i phyogs so//'og ni sa chen po'i 'og thog thag ste/ ji ltar steng gi phyogs nyi mas gsal ba'i 'du shes kyis rgyas par byas pa bzhin du 'og gi phyogs thams cad kyang snang ba'i 'du shes kyis khyab par bsgom par ston to/ /snang ba'i 'du shes bsgom pa'i don bsdus te bstan pa'i phyir/de ltar sems gsal ba kun tu thogs pa med pas zhes bya ba la sogs pa gsungs te/ de ltar ni gong du bshad pa ltar ro/ /snang ba'i 'du shes grub pa'i ting nge 'dzin ni sems gsal ba ste/ snang ba'i 'du shes grub pa'i sems gsal ba des phyogs dang dus thams cad du thogs pa med/nyin par nyi ma shar ba dang 'dra ba'i 'du shes bzhag nas 'od dang bcas pa'i 'du shes kyi thog thag tu snang bas khyab par bsgom par bya'o zhes ston to/ /snang ba'i 'du shes kyis khyab par bsgom par bya ba'i don dpes gsal bar bstan pa'i phyir/'di lta ste dper na zhes bya ba la sogs pa gsungs so/ /dpyid kyi zla ba tha ma zhes bya ba la dus rnam pa gsum du bzhag ste/ dpyid dang dbyar dang dgun no/ /de la dpyid kyang zla ba bzhi/ dbyar yang zla ba bzhi/ dgun yang zla ba bzhi'o//de nas dbyar zla ra ba nya nas 'bring po'i nya'i bar du ni dpyid kyi dus zla ba tha ma zhes bya ste/ dus de dag gi tshe nyi ma'i 'od lhag par gsal ba'o/ /dpe bstan pa yang don du sbyar te/ bshad pa'i phyir de bzhin du dge slong dag ces bya ba la sogs pa gsungs te/ don de dag ni gong du bshad par zad do/ /ting nge 'dzin bsgom pa gsum po bstan pa'i mjug bsdu ba'i phyir/ 'di ni ting nge 'dzin bsgom pa zhes bya ba la sogs pa gsungs so/ /mdor na mdo 'dir 'phrul gyi mig gi mngon par shes pa thob par bya ba'i phyir/ snang ba'i 'du shes yid la byed par bsgom ste/gang gi phyir snang ba'i 'du shes yid la byed pa bsgoms na/ 'phrul gyi mig mngon par shes pa thob par 'gyur ba'o/ /ting nge 'dzin bzhi pa bstan pa'i dbang du mdzad nas/ de la dge slong dag ces bya ba la sogs pa gsungs so//shes rab kyang bsam gtan bzhi pa bsgoms pa las byung la/ bsam gtan bzhi pa yang lus dben pa dang / sems dben pa las thob par 'gyur te/ de bas na lus dben par bya dgos pa'i phyir/ dgon pa'am shing drung ngam zhes bya ba la sogs pa gsungs so//sems dben par bya dgos pas/ bde ba yang spangs sdug bsngal yang spangs zhes bya ba la sogs pa gsungs te/ de dag gi don ni gong du bshad par zad do/ /mdor na dri ma rnam pa brgyad pa dang bral ba'i bsam gtan bzhi pa bsgoms pa las ni dge ba zag pa can dang /zag pa med pa la sogs pa yon tan phun sum tshogs pa skye ba'i rgyu byed de/ de bas na de bsgoms pa las shes rab kyang rab tu bsgom par 'gyur ba'i phyir bsam gtan bzhi bsgom pa ni/ shes rab so sor rab tu rnyed par 'gyur ba zhes bya'o/ /de dran pa nye bar gzhag pa bzhi las brtsams te/lam gyi yan lag brgyad kyi bar du byang chub kyi phyogs sum cu rtsa bdun rim gyis bstan pa'i phyir/ dge slong dag dran pa nye bar gzhag pa bzhi gang zhe na zhes bya ba la sogs pa gsungs so/ /de la byang chub kyi phyogs sum cu rtsa bdun bstan pa yin te/dngos po yongs su brtag pa'i lam dang / 'bad pa dang bcas pa'i lam dang / ting nge 'dzin las su rung bar byas pa'i lam dang / mngon par rtogs pa la rab tu sbyor ba'i lam dang / mngon par rtogs pa dang 'dres pa'i lam dang / mngon par rtogs pa'i lam dang /rnam par dag pa nges par 'byung ba'i lam mo/ /de la dngos po yongs su brtag pa'i lam ni dran pa nye bar gzhag pa bzhi rnams te/ dang po nyid du de dag gi lus dang / tshor ba dang / chos dang / sems la mi gtsang ba dang / sdug bsngal ba dang / mi rtag pa dang /bdag med pa'i dngos por rtog pa'i phyir ro/ /'bad pa dang bcas pa'i lam ni/ yang dag par spong ba bzhi rnams te/ des de ltar dngos po thams cad brtags nas de'i 'og tu sgrib pa spong bar bya ba'i phyir/ brtson 'grus rtsom mo/ ting nge 'dzin las su rung bar byed pa'i lam ni/ rdzu 'phrul gyi rkang pa bzhi rnams te/ des sgrib pa yongs su sbyangs nas/ mos pa dang brtson 'grus dang sems dang / dpyod pa'i sgo nas sems dang / ting nge 'dzin las su rung bar byed pa'i phyir ro/ /mngon par rtogs pa la rab tu sbyor ba'i lam ni dbang po lnga rnams te/des ting nge 'dzin las su rung bar byas nas des 'phags pa'i bden pa bzhi mthong bar 'gyur ba'i rten du 'gyur la drod dang spyi bo la rab tu sbyor bar byed pa'i phyir ro/ /mngon par rtogs pa dang 'dren pa'i lam ni stobs lnga rnams te/de ltar dbang po'i dus na/ bden pa mthong ba'i dbang po thob nas/ de'i 'og tu bden pa rtogs par bya ba'i mi mthun pa'i phyogs su gyur pa ma dad pa dang / le lo dang / dran pa nyams pa dang / yengs pa dang / shes rab 'chal ba rnams zil gyis gnon te/bzod pa dang / 'jig rten gyi chos mchog la sbyor bar byed pa'i phyir ro/ /mngon par rtogs pa'i lam ni/ byang chub kyi yan lag rnams te/ de'i dus nas dang po nyid du 'phags pa'i bden pa mngon sum du byas pa'i phyir ro/ /rnam par dag pa nges par 'byung ba'i lam ni/'phags pa'i lam gyi yan lag brgyad rnams te/ de'i 'og tu 'phags pa'i lam gyi yan lag brgyad kyi bsgom pas spang bar byas pa'i nyon mongs pa spangs te dag par byas nas/ 'khor ba las 'byung ba'i phyir te/ don de dag gi phyir na byang chub kyi phyogs sum cu rtsa bdun gyi rim pa yang de ltar bkod do//yang na so so'i skye bo'i dus na ni dran pa nye bar gzhag pa bzhi la bsgom mo/ /drod kyi dus na ni yang dag par spong ba bzhi la bsgom mo/ /spyi bo'i dus na ni/ rdzu 'phrul gyi rkang pa bzhi la bsgom mo//bzod pa'i dus na ni dbang po lnga la bsgom mo/ /'jig rten gyi chos kyi mchog gi dus na ni stobs lnga la bsgom mo/ /mthong ba'i lam gyi dus na ni/ byang chub kyi yan lag bdun la bsgom mo/ /bsgom pa'i lam gyi dus na ni/ 'phags pa'i lam yan lag brgyad la bsgoms te/de'i phyir na yang rim pa de ltar bkod do/ /dge slong dag dran pa nye bar gzhag pa bzhi gang zhe na zhes bya ba ni dris pa'o/ /'di la zhes bya ba ni/ 'dod pa'i khams 'dir zhes bya ba'i don to/ /dge slong zhes bya ba ni dran pa nye bar gzhag pa bzhi bsgom pa'i rnal 'byor pa'i dge slong ngo //de yang lus dran pa nye bar gzhag pa dang por bshad de/ de la lus ni gang / lus la lus kyi rjes su lta ba ni ci zhig/ /dran pa ni gang / dran pa nye bar gzhag pa'i don yang ci zhig ce na/ lus gang yin pa je smra bar bya'o//de la lus ni sum cu rtsa lnga ste/ gang zhe na/ nang gi dang / phyi'i dang / dbang pos yongs su bzung ba dang / dbang pos yongs su ma bzung ba dang / sems can gyi grangs su gtogs pa dang / sems can gyi grangs su ma gtogs pa dang / gnas ngan len pa dang bcas pa dang /bag yangs dang bcas pa dang / 'byung ba'i lus dang / 'byung ba las gyur pa'i lus dang / ming gi lus dang / gzugs kyi lus dang / dmyal ba'i lus dang / byol song gi dang / yid dgas kyi dang / mi'i dang / lha dang / rnam par shes pa dang bcas pa dang rnam par shes pa med pa dang /nang gi lus dang / phyi'i lus dang / rnam par gyur pa dang / rnam par ma gyur pa dang / bud med kyi lus dang / skyes pa'i lus dang / ma ning gi lus dang / grogs kyi lus dang / grogs ma yin pa'i lus dang /tha mal ba'i lus dang / lus ngan pa dang / lus 'bring dang / lus dam pa dang / grogs po'i lus dang / lang tsho'i lus dang / rgas pa'i lus te/ 'di dag ni thang cig lus kyi rab tu dbye ba'o/ /de la nang gi ni bdag nyid kyi lus so/ /phyi'i ni gzhan gyi lus so/ /dbang pos yongs su bzung ba ni mig la sogs pa'i dbang po dang bcas pa'i lus so//dbang pos yongs su ma bzung ba ni/ gang mig la sogs pa dbang po med pa ste/ ka ba dang rtsigs la sogs pa'o/ /sems can gyi grangs su gtogs pa ni/ gang sems dang sems las byung bas yongs su bzung ba'o//sems can gyi grangs su ma gtogs pa ni/ gang sems dang sems las byung bas yongs su ma zin pa'o/ /gnas ngan len pa dang bcas pa ni/ gang nyon mongs pa ma spangs pa'i sems can rnams kyi'o/ /bag yangs dang bcas pa ni/ gang nyon mongs pa spongs pa 'phags pa rnams kyi'o//'byung ba'i lus ni gang sa dang / chu dang / me dang / rlung rnams so/ /'byung ba las gyur pa'i lus ni gang dbang po lnga dang yul lnga ste bcu'o/ /ming gi lus ni rnam par rig byed ma yin pa'i gzugs sam/ tshor ba dang /'du shes dang / 'du byed dang / rnam par shes pa'i gzugs rnams so/ /gzugs kyi lus ni gang gzugs kyi phung po nyid do/ /dmyal ba'i lus ni gang sems can dmyal ba pa rnams kyi gzugs so/ /byol song gi lus ni gang rta dang ba lang la sogs pa'i'o/ / yi dgas kyi lus ni gang yi dgas rnams kyi gzugs so/ /mi'i ni gang gling bzhi na gnas pa'i mi rnams kyi gzugs so/ /lha'i ni gang 'dod pa dang gzugs dang gzugs med pa'i lha rnams kyi gzugs so/ /rnam par shes pa dang bcas pa ni/ gang mig la sogs pa'i rnam par shes pa dang ldan pa'i gzugs dag go//rnam par shes pa med pa ni gang mig la sogs pa'i rnam par shes pa dang mi ldan pa ste/ 'du shes med pa dang 'gog pa'i snyoms par 'jug pa la sogs pa'i gzugs so/ /nang gi ni gang sha dang khrag la sogs pas zin pa'i gzugs so//phyi'i ni gang sha dang khrag la sogs pas yongs su ma zin pa'i gzugs so/ /rnam par gyur pa ni gang shi nas bsngos pa dang / bam par gyur pa'i gzugs so/ /rnam par ma gyur ba ni gang ma shi la bsngos pa dang bam par ma gyur ba'i gzugs so/ /bud med kyi lus ni gang bud med kyi dbang po dang ldan pa'i gzugs so//skyes pa'i lus ni gang skyes pa'i dbang po dang ldan pa'i gzugs so/ /ma ning gi lus ni gang ma ning gi lus mtshan ma ldan pa'i gzugs so/ /grogs kyi lus ni gang bdag dang mdza' zhing bshes par gyur pa'i skye bo rnams kyi gzugs so//de las bzlog na grogs ma yin pa'i lus te/ dgra rnams kyi gzugs so/ /tha mal pa'i lus ni/ gang bdag dang bshes pa yang ma yin dgra yang ma yin pa'i skye bo rnams kyi gzugs so/ /lus ngan pa ni gang kha dog dang dbyibs mi mdzes pa'i gzugs so//lus bar ma ni gang kha dog dang dbyibs mdzes pa yang ma yin/ mi mdzes pa yang ma yin pa'i gzugs so/ /lus dam pa ni gang kha dog dang dbyibs mdzes pa'o/ /grogs po'i lus ni gang byis pa'i dus kyi lus so//lang tsho'i lus ni dar la babs pa'i gzugs so/ /rgas pa'i gzugs ni gang dbang po dang 'byung ba chen po rnams lus zhum zhing rnyings par gyur pa'i lus so/ /lus de dag kyang bsdus pa na rnam pa gsum du 'gyur te/ nang gi lus dang phyi'i lus dang phyi nang gnyi ga'i lus so/de la nang gi lus ni bdag rang nyid kyi lus te/ sems can gyi grangs su gtogs pa'o/ /phyi'i lus ni gzugs la sogs pa ste/ sems can gyi grangs su ma gtogs pa'o/ /phyi nang gnyi ga'i lus ni sems can gzhan dag gi lus sems can gyi grangs su gtogs pa ste/bdag la ltos nas gzhan du gyur pas phyi zhes bya'o/ /sems can gyi grangs su gtogs pas na nang zhes bya'o/ /yang na dbang pos yongs su zin pa'i gzugs ni nang gi lus so/ /dbang pos yongs su ma zin pa'i gzugs ni phyi'i lus so//gzhan dag gi rgyud du gtogs par dbang pos yongs su zin pa'i gzugs ni phyi nang gnyis kyi lus so/ /yang na gang mnyam par gzhag pa'i sa pa bag yangs dang bcas pa'i gzugs ni nang gi lus so/ /gang bdag nyid kyi lus mnyam par ma gzhag pa'i sa pa gnas ngan len dang bcas pa ni phyi'i lus so//gzhan gyi lus gnas ngan len dang bcas pa'am/ bag yangs dang bcas pa'i gzugs ni phyi nang gnyi ga'i lus so/ /yang na rnam par shes pa dang bcas pa'i lus ni nang gi lus so/ /rnam par shes pa med pa'i gzugs sems can gyi grangs su gtogs pa rnam par bsngos pa dang /rnam par bam pa la sogs pa'i dus na ni phyi'i lus so/ /rnam par shes pa med pa'i gzugs so/ /'das pa'i dus na rnam par shes pa dang bcas pa dang / rnam par shes pa dang bcas pa'i gzugs kyang ma 'ongs pa'i dus na/rnam par shes pa med par 'gyur ba ni nang dang phyi'i lus so/ /yang na skra dang spu dang sen mo dang khrag la sogs pa dang ldan pa ni nang gi lus so/ /gzhan gyi skra dang spu dang sen mo dang khrag la sogs pa dang bcas pa ni phyi'i lus so/ /bdag nyid kyi lus rnam par bam pa dang /rnam par bsngos pa la sogs pa'i dus na ni phyi'i lus te/ 'di ni lus kyi rab tu dbye ba'i don bsdus pa'o/ /de la lus la lus kyi rjes su lta ba ji lta bu zhe na/ de ni shes rab rnam pa gsum ste/ mnyan pa las byung ba'i shes rab dang / bsams pa las byung ba'i shes rab dang /bsgoms pa las byung ba'i shes rab ste/ shes rab gang gi lus kyi rang bzhin rnam pa thams cad du khong du chud cing rtogs par byed pa'o/ /de la dran pa gang zhe na/ gang gi lus kyi dbang du byas nas bstan pa'i chos de dag nye bar bzung zhing chos gang nye bar bzung ba'i don rnams sems kyi bsam pa dang /bsgoms pas mngon sum du byas pa'i yi ge dang don rnams la ma brjed pa'o/ /dran pa nye bar gzhag pa'i don ci zhe na/ de yang rnam pa gsum ste/ dran pa srung bar byed pa dang / yul la kun nas nyon mongs pa med par byed pa dang / dmigs pa la sems nye bar 'jog par byed pa'o//de la dran pa srung bar byed pa ni dang po nas dbang po dang / sems rnams yul la mi 'jug par sdom pa dang / yul la kun nas nyon mongs pa med par byed pa ni yul la zhugs nas yang / gzugs la sogs pa mtshan mar mi 'dzin bzang por mi 'dzin pa'o//dmigs pa la sems nye bar 'jog par byed pa ni/ sgom par byed pa'i yul la sems rtse gcig tu 'jog pa'o/ /nang gi lus la lus kyi rjes su lta zhing zhes bya ba la nam bdag nyid kyi lus sems can gyi grangs su gtogs pa'i gzugs la rang dang spyi'i mtshan nyid du shes rab kyis mthong bar byed pa ni/nang gi lus la lus kyi rjes su lta ba zhes bya ba ste/ lus kyi rang gi mtshan nyid ni/ rdul phra mo du ma bsags pa las gyur pa snabs dang / mchil ma dang / khrag dang / chu ser la sogs pa mi gtsang ba rnam pa sna tshogs kyis gang ba'o/ /de ltar bsgom pa na yang gnyen pos gsal bar mthong bar bya ba dang / mi mthun pa'i phyogs spangs nas gnas par bya ba ste/ rnam pa gnyis so/ /de la gnyen po yang shes rab kyis lus kyi rang gi mtshan nyid mthong ba dang /shes rab kyis lus kyi spyi'i mtshan nyid mthong ba dang / de ltar shes rab kyis mthong ba'i chos de la zhi gnas rtse gcig tu 'jog pa'o/ /mi mthun pa'i phyogs kyang gnyis te/ lus dang gzugs la sogs pa'i yul la chags pa dang / de dag nyid la khong khro ba'i lus kyi rang gi mtshan nyid shes rab kyis mi gtsang ba la sogs par phyin ci ma log par mthong ba ni gsal ba'o//lus kyi spyi'i mtshan nyid shes rab kyis phyin ci ma log par mthong ba ni yang dag par rab tu shes pa'o/ /shes rab kyis lus kyi rang dang spyi'i mtshan nyid mthong ba de nyid kyi don ma brjed cing de la rtag tu zhi gnas kyi sems rtse gcig tu 'jog pa ni dran pa dang ldan pa'o//lus dran pa nye bar gzhag pa'i bar du gcod pa'i mi mthun pa'i phyogs su gyur pa lus dang gzugs la sogs pa la chags pa spangs pa ni 'jig rten gyi chags pa dang bral ba'o//de'i bar du gcod pa zhe sdang spangs pa ni/ yid mi bde ba spangs pa zhes bya'o/ /gnas pa'i gong du bshad pa ltar bsgom pa'o/ /nam phyi'i lus gzugs la sogs pa sems can gyi grangs su ma gtogs pa rnams kyis rang dang spyi'i mtshan nyid rtogs par byed pa ni/phyi'i lus la lus kyi rjes su lta zhing gnas pa zhes bya ste/ rang gi mtshan nyid ni rdul phra rab bsags pa'i ngo bo'o/ /phyi'i mtshan nyid ni mi rtag pa dang / sdug bsngal ba dang / stong pa dang bdag med pa ste/ gsal ba yang dag par rab tu shes pa yang de'i slad du sbyar zhing /de dag gi don yang sngar bstan pa bzhin du blta'o/ /sems can gzhan dag gi las sems can gyi grang su gtogs pa'i rang dang spyi'i mtshan nyid rtogs par byed pa ni/ nang dang phyi'i lus la lus kyi rjes su lta ba zhes bya ste/ rang dang spyi'i mtshan nyid kyang gong du bshad pa bzhin du blta'o//nang gi tshor ba dang phyi'i tshor ba dang zhes bya ba la sogs pa de la tshor ba gang zhe na/ 'di lta ste bde ba dang / sdug bsngal ba dang / bde ba yang ma yin sdug bsngal ba yang ma yin pa'i tshor ba'o/ /bde ba dang sdug bsngal ba dang /bde ba yang ma yin sdug bsngal ba yang ma yin pa'i tshor ba la yang lus dang ldan pa dang / de bzhin du sems dang ldan pa'o/ /tshor ba la sogs pa bde ba yang zang zing dang bcas pa dang / zang zing med pa dang / chags pa la brten pa dang / 'byung ba la brten pa ste/ 'di dag ni tshor ba'i rab tu dbye ba'o/ /de la lus dang sems la sim pa phan par byed pa ni bde ba'i tshor ba'o/ /lus dang sems la gnod pa las gdung bar byed pa ni sdug bsngal gyi tshor ba'o/ /lus dang sems la phan par yang mi byed/ gdung bar yang mi byed pa ni/bde ba yang ma yin/ sdug bsngal ba yang ma yin pa'i tshor ba'o/ /tshor ba de gsum yang nam mig gi rnam par shes pa nas lus kyi rnam par shes pa lnga dang 'brel ba'i dus na ni lus dang ldan pa'o/ /tshor ba de gsum yid kyi rnam par shes pa dang 'brel pa'i dus na ni sems dang ldan pa'o//tshor ba gsum mya ngan las 'das pa dang rjes su mthun par gyur na ni/ zang zing med pa'o/ /khams gsum du gtogs pa'i tshor ba thams cad ni zang zing dang bcas pa'o/ /nam 'phags pa'i lam dang rjes su mthun par gyur pa ni/ 'byung ba la brten pa'o/ /'dod pa'i yon tan lnga la zhen pa ni zhen pa la brten pa zhes bya'o/ /de la rjes su lta ba dang dran pa dang / dran pa nye bar gzhag pa gang yin pa'i don rnams ni lus dran pa nye bar gzhag pa'i skabs su bshad pa bzhin du blta'o/ /de la bdag nyid kyi lus sems can gyi grangs su gtogs pa la dmigs pa las/tshor ba bde ba dang / sdug bsngal dang / bde ba yang ma yin/ sdug bsngal yang ma yin pa skyes pa ni nang gi tshor ba'o/ /gzugs la sogs pa'i sems can gyi grangs su ma gtogs pa las tshor ba bde ba la sogs pa skyes pa ni phyi'i tshor ba'o//sems can gzhan dag gi lus sems can gyi grangs su gtogs pa la dmigs pa las/ tshor ba bde ba la sogs pa skyes pa ni nang dang phyi'i tshor ba zhes bya ste/ tshor ba rnam pa gsum yang sdug bsngal dang 'brel par mthong ba ni/ tshor ba la tshor ba'i rjes su blta zhing dran pa nye bar gzhag pa'o//sdug bsngal gsum la sdug bsngal gyi sdug bsngal dang / 'gyur ba'i sdug bsngal dang / 'du byed kyi sdug bsngal ba'o/ /de la sdug bsngal gyi tshor ba ni sdug bsngal gyi sdug bsngal dang 'brel/ bde ba'i tshor ba ni thang cig bder zin kyang phyis sdug bsngal gyi rgyur 'gyur bas na 'gyur ba'i sdug bsngal dang 'brel/bde ba yang ma yin sdug bsngal yang ma yin pa'i tshor ba ni mi rtag pa'i chos dang ldan pas na 'du byed kyi sdug bsngal dang 'brel te/ gsal ba la sogs pa'i don ni gong du bshad pa bzhin du blta'o/ /nang gi sems dang zhes bya ba la sogs pa sems dbye na rnam pa nyi shu ste/'dod chags dang bcas pa'i sems dang / 'dod chags dang bral ba'i sems dang / zhe sdang dang bcas pa'i sems dang / zhe sdang dang bral ba'i sems dang / gti mug dang bcas pa'i sems dang / gti mug dang bral ba'i sems dang /'dus pa'i sems dang / rnam par g.yeng ba'i sems dang / zhum pa'i sems dang / gzengs mtho ba'i sems dang / rgod pa'i sems dang / rgod pa med pa'i sems dang / zhi ba'i sems dang / ma zhi ba'i sems dang / shin tu mnyam par gzhag pa'i sems dang / shin tu mnyam par gzhag pa ma yin pa'i sems dang /lam shin tu bsgom pa'i sems dang / lam shin tu bsgom pa ma yin pa'i sems dang / shin tu bsgom pa las grol ba'i sems dang / shin tu bsgom pa las grol ba ma yin pa'i sems so/ /de la gang chags par bya ba'i dngos po la 'dod chags kyis kun nas dkris pa mngon sum du spyod pa ni/'dod chags dang bcas pa'i sems zhes bya'o/ /'dod chags kyis kun nas dkris pa bag la nyal tsam du zad kyi/ dngos su spyod pa med pa ni/ 'dod chags dang bral ba'i sems zhes bya'o/ / zhe sdang gi dngos po la zhe sdang gis kun nas dkris pa mngon sum du spyod pa ni/ zhe sdang dang bcas pa'i sems zhes bya'o/ /zhe sdang bag la nyal tsam du zad kyi/ dngos su byung ba med pa ni/ zhe sdang dang bral ba'i sems zhes bya'o/ /kun tu gti mug par gyur pa'i dngos po la rmongs pa kun tu 'byung ba ni/gti mug dang bcas pa'i sems zhes bya'o/ /gti mug bag la nyal tsam du gnas pa ni/ gti mug dang bral ba'i sems zhes bya ste/ sems drug po de dag ni kun tu spyod pa'i dus na 'byung ba las gzhag par rig par bya'o/ /de la gsum ni kun nas nyon mongs pa'i phyogs so//gsum ni de dag gi gnyen po'i phyogs so/ /de la zhi gnas kyi rnam par sems nang du gnas par gyur pa 'dus pa'i sems so/ /'dod pa'i yon tan lnga'i rjes su 'brang ba g.yengs pa'i sems so/ /gnyid dang rmugs pa dang ldan pa ni zhum pa'i sems so/ gnyid dang rmugs pa sel bar byed pa'i chos rab tu dang bar byed pa 'ga' zhig la dmigs nas sems dga' bar byas pa ni gzengs mthos pa'i sems so/ /sems gzengs bstod pa las slar g.yengs par gyur pa ni rgod pa'i sems so/ /zhum rgod spangs nas sems btang snyoms su gyur pa ni rgod pa med pa'i sems so//gnyid dang rmugs pa dang 'gyod pa dang the tshom la sogs pa'i sgrib pa dang bral ba ni zhi ba'i sems so/ /sgrib pa de dag dang ma bral ba ni ma zhi ba'i sems so/ /rtsa ba'i bsam gtan bzhi la zhugs pa ni shin tu mnyam par gzhag pa'i sems so//rtsa ba'i bsam gtan bzhi la ma zhugs pa ni shin tu mnyam par ma gzhag pa'i sems so/ /rtsa ba'i bsam gtan de dag nyid la shin tu bsgoms pa dang / dus ring du bsgoms pas ci dgar dbang du gyur pa ni lam shin tu bsgom pa'i sems so//rtsa ba'i bsam gtan thob kyang shin tu ma bsgoms la/ dus ring du ma bsgoms pas ci dgar dbang thob par ma gyur pa ni/ lam shin tu bsgom pa ma yin pa'i sems so/ /lam shin tu bsgoms pa las nyon mongs pa thams cad byang ba dang /shin tu byang ba ni shin tu bsgoms pas grol ba'i sems so/ /nyon mongs pa thams cad dang shin tu byang ba ma yin pa'i nyon mongs pa kha cig byang ba ni shin tu bsgoms pas grol ba ma yin pa'i sems te/sems bcu drug po de dag ni gnas pa'i dus kyi dbang du byas nas bshad par rig par bya'o/ /sems nyi shu po de dag kyang mdor bsdu na rnam pa gsum ste/ nang gi sems dang / phyi'i sems dang / phyi nang gi sems so/ /de la bdag gi lus sems can gyi grangs su gtogs pa las dmigs pa las sems nyi shu po byung ba ni nang gi sems zhes bya'o//gzugs la sogs pa sems can gyi grangs su ma gtogs pa la dmigs pa las sems nyi shu po de dag byung ba ni phyi'i sems zhes bya'o/ /sems can gzhan gyi gzugs sems can gzhan gyi grangs su gtogs pa la sems dmigs pa las sems nyi shu po de dag byung ba ni nang dang phyi'i sems zhes bya ste/sems la yang skad cig tu 'dod chags dang bcas pa dang / skad cig tu 'dod chags dang bral ba la sogs par 'gyur te/ skad cig kyang mi gnas pa rang bzhin gzhan dang gzhan du 'gyur bar rtogs par byed pa ni/ sems la sems kyi rjes su lta ba zhes bya ste/ gsal ba la sogs pa'i don gzhan ni gong du bshad par zad do/ /nang gi chos dang zhes bya ba la sogs pa la chos ni nag po'i phyogs dang /dkar po'i phyogs rnam pa gnyis las dbye na/ rnam pa nyi shur rig par bya'o/ /nyi shu po de dag gang zhe na/ 'dod chags dang 'dod chags 'dul ba dang / zhe sdang dang zhe sdang 'dul ba dang / gti mug dang gti mug 'dul ba dang / 'dus pa dang / rnam par g.yengs pa dang / zhum pa dang / gzengs mthos pa dang / rgod pa dang / rgod pa med pa dang / zhi ba dang / ma zhi ba dang / shin tu mnyam par gzhag pa dang / shin tu mnyam par gzhag pa ma yin pa dang / lam shin tu bsgoms pa dang /lam shin tu bsgoms pa ma yin pa dang / shin tu bsgoms pas grol ba dang / shin tu bsgoms pas grol ba ma yin pa ste/ 'dod chags dang / zhe sdang dang / gti mug dang / g.yengs pa dang / zhum pa dang / rgod pa dang / ma zhi ba dang / mnyam par ma bzhag pa dang /lam legs par ma bsgoms pa dang / legs par bsgoms pas grol ba med pa ste/ bcu ni nag po'i phyogs so/ /'dod chags 'dul ba dang / zhe sdang 'dul ba dang / gti mug 'dul ba dang / 'dus pa dang / gzengs mthos pa dang / mi rgod pa dang /zhi ba dang / mnyam par gzhag pa dang / lam legs par bsgoms pa dang / legs par bsgoms pas grol ba ste bcu ni dkar po'i phyogs so/ /de la gzugs dang 'dod pa'i yon tan la chags pa ni 'dod chags so/ /mi gtsang ba bsgom pa ni 'dod chags 'dul ba'o//dgra la sogs pa la khong khro ba ni zhe sdang ngo / /byams pa ni zhe sdang 'dul ba'o/ /las dang las kyi 'bras bu mi shes pa ni gti mug go/ /chos rnams kyi rang dang spyi'i mtshan nyid shes pa'i shes rab ni gti mug 'dul ba'o/ /sems nang du rtse gcig tu gnas pa ni 'dus pa'o//sems 'dod pa'i yon tan la zhugs pa ni g.yengs pa'o/ /sems gnyid dang rmugs pas non pa ni zhum pa'o/ /bsam gtan gyi 'bras bu'am/ de bzhin gshegs pa'i yon tan bsams nas gnyid dang rmugs pa bsal ba ni gzengs mthos pa'o//sems gzengs bstod pa las slar sems 'phros par gyur pa ni rgod pa'o/ /zhum rgod gnyis spangs te sems mnyam par gyur pa ni rgod pa med pa'o/ /gnyid dang rmugs pa la sogs pa'i sgrib pa dang bral ba ni zhi ba'o//sgrib pa dang ma bral ba ni zhi ba'o/ /bsam gtan dang po dang gnyis pa dang gsum pa dang bzhi pa ste/ rtsa ba'i bsam gtan la zhugs pa ni/ shin tu mnyam par gzhag pa'o/ /rtsa ba'i bsam gtan lam zhugs pa ni mnyam par gzhag pa ma yin pa'o//de la 'phags pa'i lam bsgom pa thob pa ni/ lam shin tu bsgoms pa'o/ /'phags pa'i lam bsgom pa ma thob pa ni/ lam shin tu bsgoms pa ma yin pa'o/ /khams gsum gyi nyon mongs pa thams cad spangs nas phyis mi skye ba ni shin tu bsgoms pas grol ba'o//nyon mongs pa ma lus par spangs pa ma yin pa ni shin tu bsgoms pas grol ba ma yin pa'o/ /chos de dag kyang rnam pa gsum du bzhag ste/ nang gi chos dang / phyi'i chos dang / nang dang phyi'i chos so/ /de la bdag rang nyid kyi lus sems can gyi grangs su gtogs pa las nag po'am dkar po'i chos byung ba ni nang gi chos so//gzugs la sogs pa sems can gyi grangs su ma gtogs pa la dmigs pa las/ dkar po'am/ nag po'i chos byung ba ni/ phyi'i chos so/ /sems can gzhan gyi lus sems can gyi grangs su gtogs pa la dmigs pa las dkar po'am nag po'i chos byung ba ni/nang dang phyi'i chos zhes bya ste/ nag po'i chos kyis ni kun nas nyon mongs par 'gyur/ dkar po'i chos kyis ni rnam par byang bar 'gyur ba tsam du zad kyi/ 'di na kun nas nyon mongs par byed pa'i bdag gam/rnam par byang bar byed pa'i bdag med do zhes lta ba ni chos la chos kyi rjes su lta ba zhes bya ba ste/ gsal ba la sogs pa'i don ni gong du bshad pa bzhin no/ /de la dran pa nye bar gzhag pa bzhi yang rnam pa lngar rnam par gzhag ste/rnam pa lnga ni dmigs pa dang / rang bzhin dang / grogs dang / bsgom pa dang / bsgoms pa'i 'bras bu'o/ /ji ltar na dran pa nye bar gzhag pa bzhi la rnam pa lngar rnam par gzhag pa bzhin du/ byang chub kyi phyogs lhag ma rnams la yang rnam pa lnga lngar gzhag go//dran pa nye bar gzhag pa'i dmigs pa gang zhe na/ de yang bzhi ste/ lus dang / sems dang / tshor ba dang / chos so/ /yang na bdag gi rten gyi dngos po dang / bdag kun nas longs spyod pa'i dngos po dang / bdag nyid kyi dngos po dang / bdag kun nas nyon mongs pa dang / rnam par byang bar byed pa'i dngos po ste/ de bzhi ni dran pa nye bar gzhag pa'i dmigs par bya'o/ /de la bdag gi dngos po ni lus so/ /bdag kun nas longs spyod par byed pa'i dngos po ni tshor ba'o/ /bdag nyid kyi dngos po ni sems so//bdag kun nas nyon mongs pa dang / rnam par byang bar byed pa'i dngos po ni chos so/ /de la yang ji ltar dmigs pa zhe na/ blo phyin ci log tu gyur pa'i byis pa dag phal cher dbang po dang bcas pa'i lus la bdag brten cing bde ba la sogs pa kun tu longs spyod par byed la/de ltar kun tu longs spyod par byed pa'i bdag de yang sems nyid yin te/ bdag de 'dod chags la sogs pas ni kun nas nyon mongs par 'gyur la/ dad pa la sogs pas ni rnam par byang bar 'gyur te/ zhes rtogs par bya ba'i phyir/ lus la sogs pa bsgom zhing rnam par gzhag go//rang bzhin gang zhe na/ shes rab dang zhi gnas te/ lus la rjes su lta ba zhes smras pas shes rab smras pa yin/ dran pa dang ldan pa dang / gnas pa zhes smras pas zhi gnas bstan pa yin no/ /grogs po ni de dang ldan pa'i sems dang sems las byung ba rnams te/shes rab dang zhi gnas gnyis kyang brtson 'grus la sogs pa'i sems las byung ba gzhan dang mi ldan pa 'ba' zhig 'byung mi srid pa'i phyir ro/ /bsgom pa ni nang dang phyi dang phyi nang gnyis kyi lus kyi rang dang spyi'i mtshan nyid goms par bya'o/ / bsgoms pa'i 'bras bu ni phyin ci log bzhi spangs pa dang / bden pa bzhi la 'jug pa dang / lus la sogs pa dang bral bar 'gyur ba'o/ /de la phyin ci log bzhi ni mi gtsang ba dang / bde ba dang / rtag pa dang bdag tu 'dzin pa'o/ /mi gtsang ba la gtsang bar phyin ci log tu 'dzin pa spong ba'i phyir lus dran pa nye bar gzhag pa bsgoms te/lus la ni gtso bor mi gtsang ba'i mtshan nyid du bsgom par bcom ldan 'das kyis gsungs so/ /sdug bsngal la bde bar 'dzin pa'i phyin ci log tu 'dzin pa spang ba'i phyir tshor ba dran pa nye bar gzhag pa bsgoms te/ji srid du tshor ba thams cad kyang sdug bsngal rnam pa gsum dang 'brel to zhes/ bcom ldan 'das kyis gsungs pa'i phyir ro/ /mi rtag pa la rtag par phyin ci log tu 'dzin pa'i gnyen por/ sems dran pa nye bar gzhag pa bsgoms te/sems 'di yang skad cig ma re re la 'dod chags dang bcas pa dang / 'dod chags med pa la sogs pa rnam pa gzhan dang gzhan du 'gyur ba'i phyir ro/ /bdag med pa la bdag tu 'dzin pa'i phyin ci log spong ba'i phyir/ chos dran pa nye bar gzhag pa bsgoms te/'dod chags la sogs pas ni kun nas nyon mongs par 'gyur/ dad pa la sogs pas ni rnam par byang bar 'gyur bar zad kyi/ 'di ni kun nas nyon mongs par byed pa dang / rnam par byang bar byed pa'i byed pa po dang / bdag med pa khong du chud na/ bdag tu 'dzin pa'i phyin ci log dang bral bar 'gyur ro//bden pa bzhi la 'jug pa ni lus dran pa nye bar gzhag pa bsgoms pas/ sdug bsngal gyi bden pa la 'jug ste/ lus kyi rang bzhin mthong na skye rga na 'chi la sogs pa'i sdug bsngal rnam pa sna tshogs dang ldan par rtogs par 'gyur ba'i phyir ro//tshor ba dran pa nye bar gzhag pa bsgoms pas kun 'byung gi bden pa la 'jug ste/ tshor ba bde ba la brten nas ni sred pa skye/ tshor ba sdug bsngal ba'i rgyus ni zhe sdang skye la/ tshor ba bde ba yang ma yin sdug bsngal yang ma yin pa'i rgyus ni gti mug skye/'dod chags dang / zhe sdang dang / gti mug gi rgyus tshe rabs gzhan gyi phung po 'byung bar 'gyur ro zhes rtogs pa'i phyir ro/ /sems dran pa nye bar gzhag pa bsgoms pas ni 'gog pa'i bden pa la 'jug ste/ sems skad cig ma re re la 'jig pa'i rang bzhin bdag med pa'i mtshan nyid du mthong na mya ngan las 'das pa las bdag chad par 'gyur ro/zhes 'jig pa mi 'byung ba'i phyir ro/ /chos dran pa nye bar gzhag pa bsgoms pas lam gyi bden pa la 'jug ste/ kun nas nyon mongs pa dang / rnam par byang ba'i phyogs gnyis mthong nas kun nas nyon mongs pa spong ba'i phyir/rnam par byang ba'i chos la rten par byed pas so/ /bral ba ni lus la sogs pa bsgoms pas/ gnas ngan len pa thams cad dang bral bar 'gyur ba'i phyir ro/ /rnam grangs gzhan du na 'jig rten pa dag ni phal cher phung po lnga la phung po tsam mam chos tsam du yang dag pa ji lta ba bzhin du khong du ma chud pas 'di lta ste/bdag de lus la gnas shing tshor ba bde ba dang sdug bsngal ba kun nas nyon mongs par byed pa dang / chos dang chos ma yin pas rnam par byang ba dang / kun nas nyon mongs par 'gyur ro zhes 'dzin pa bzlog pa'i phyir/ dran pa nye bar gzhag pa bzhi gsungs te/ de la lus ni bdag gi rten gyi dngos po'o zhes rmongs pa bsal ba'i phyir lus dran pa nye bar gzhag pa bstan te/ lus 'di mi gtsang ba dang sdug bsngal gyi gnas kyi dngos po yin gyi/bdag gi dngos po ni ma yin zhes bya ba'i don to/ /tshor ba ni bdag des kun tu myong bar bya ba'i dngos po yin no zhes rmongs pa bsal ba'i phyir ro/ /tshor ba dran pa nye bar gzhag pa bshad de/ tshor ba thams cad ni sdug bsngal ba yin gyis/ bdag des kun tu myong bar bya ba ni ma yin zhes bya ba'i don to//sems dang yid dang rnam par shes pa la bdag gi dngos por 'dzin pa bsal ba'i phyir/ sems dran pa nye bar gzhag pa bsgom pa bstan te/ sems ni skad cig ma'i rang bzhin yin gyi/ bdag gi rang bzhin ni ma yin no zhes bya ba'i don to//chos kyis ni bdag de nyid kun nas nyon mongs pa dang / rnam par byang bar byed do zhes rmongs pa'i phyir chos dran pa nye bar gzhag pa bsgom pa bshad de/ 'dod chags la sogs pas kun nas nyon mongs par byed cing / dad pa la sogs pas sems rnam par byang bar byed par zad kyi/bdag med pa'i rang bzhin yin pas/ de la ni kun nas nyon mongs pa dang / rnam par byang bar 'gyur ba mi srid do zhes bya ba'i tha tshig go/ /dran pa nye bar gzhag pa bstan pa'i 'og tu yang dag par spong ba bzhi bstan pas ji ltar bstan pa bzhin du bshad par bzhed nas bka' stsal pa/de la dge slong dag yang dag par spong ba bzhi gang zhe na zhes bya ba la sogs pa'o/ /yang dag par spong ba bzhi ni sdig pa'i chos ma skyes pa mi skyed pa dang / sdig pa'i chos skyes pa spong ba dang / dge ba'i chos ma skyes pa skyed pa dang / dge ba'i chos skyes pa gnas par bya'o//brgal ba sdig pa mi dge ba'i chos ma skyes pa mi skyed pa dang / skyes pa spong ba ni de gnyis dor bar bya ba'i chos yin pas/ yang dag par spong ba zhes bya bar 'os na/ dge ba'i chos ma skyes pa skyed pa dang / skyes pa gnas par bya ba ni bsgrub par bya ba'i chos yin na/de la ji ltar yang dag par spong ba zhes gdags/ lan du gnyis la gdags pa mi rigs pa 'dra mod kyis/ dge ba skyed pa dang gnas par bya ba mi mthun pa'i phyogs spong ba dang / dge ba'i chos skye zhing gnas par 'gyur ba'i phyir mi mthun pa'i phyogs spong ba la yang dag pa'i spong ba zhes bya bas nyes pa med do//yang dag par spong ba dang po bstan pa'i phyir ro/ /de la dge slong dag dge slong sdig pa mi dge ba'i chos ma skyes pa rnams mi skyed pa'i phyir zhes bya ba la sogs pa gsungs te/ de la sdig pa mi dge ba'i chos ni 'dod pa'i khams kyi lus dang / ngag dang yid kyi las ngan par spyod pa/ lus kyi sgo nas srog gcod pa dang / ma byin par len pa dang / mi tshangs par spyod pa dang / ngag gi sgo nas brdzun dang tshig rtsub po dang phra ma dang / tshig kyal par smra ba dang / yid kyi sgo nas chags sems dang / gnod sems dang / log par lta ba dang /mi dge ba bcu dang / de skyed par byed pa'i rgyu 'dod chags dang / zhe sdang dang / gti mug la sogs pa nyon mongs pa ni sdig pa mi dge ba'i chos te/ 'phags pa rnams kyis smad pa yin pas sdig pa'o/ /rnam par smin pa mi bde bar myong bar 'gyur bas na mi dge ba'o//yang na bdag dang gzhan la gnod pa'i rgyu byed pa ni sdig pa'o/ /dge ba'i chos dang 'gal ba yin pas na mi dge ba ste/ mi dge ba'i chos de dag mngon du ma gyur cing / de dag dang phrad cing spyod par ma gyur pa ni ma skyes pa zhes bya ba ste/ bag chags su gnas pa'o/ /yang na lhag pa'i tshul khrims kyi bslab pa dang /lhag pa'i sems kyi bslab pa dang / lhag pa'i shes rab kyi bslab pa nyams shing / bslab pa gsum nyams par byed pa'i rgyu'i chos la ni/ sdig pa mi dge ba'i chos zhes bya'o/ /de la lhag pa'i tshul khrims kyi bslab pa nyams pa ni yan lag drug gi tshul khrims nyams pa'o//tshul khrims nyams par byed pa'i rgyu yang bcu ste/ dang po nas legs par ma blangs pa dang / lhod par byed pa dang / log par 'dzin pa dang / bag med pa dang / le los yongs su zin pa dang / log par smon pa dang / spyod lam nyams par gyur pa dang /'tsho ba nyams par gyur pa dang / mtha' gnyis su lhung ba dang / 'byung bar mi byed pa dang / yi dam blangs pa nyams pa'o/ /de la ji ltar na dang po nas legs par ma blangs she na/ 'di ltar rgyal pos 'jigs pas sam/ rkun pos 'jigs pas sam/ 'tsho ba med pas sam/de la sogs pa'i rkyen gzhan gyi phyir blangs te/ de ltar yang phyis nyams par 'gyur ro/ /ji ltar lhod par byed ce na/ 'di ltar kha cig tshul khrims blangs nas/ ngo tsha med pa dang / khrel med pa dang / 'gyod pa chung bas bslab pa'i gnas rnams la dam du mi srung gi nyams bzhin du spyod pa ste/lhod par byed pas des kyang tshul khrims nyams par 'gyur bas so/ /ji ltar log par 'dzin zhe na/ kha cig log par 'dzin pa dang ldan pa yin te/ gnas ma yin pa la 'gyod par 'gyur zhing / 'gyod pa des dge ba'i bar du gcod par byed pa'i phyir yang tshul khrims nyams par 'gyur bas so//ji ltar bag med pa dang le los yongs su zin pa yin zhe na/ la la dag dang po nas nyes pa mi 'byung bar dam bcas pa med cing nyes pa byung na yang slar chos bzhin du gso bar mi byed la/ nyal ba dang 'phres pa dang gnyid kyi bde ba rnams lhur len pa'i sgo nas kyang tshul khrims nyams par 'gyur ba'o//ji ltar log par smon pa yin zhe na/ kha cig tshul khrims sam/ brtul zhugs sam/ dka' thub 'dis lha'am lha las gzhan pa'am/ rnyed pa'am/ bkur stir ldan par gyur cig ces log par smon pas rnam par grol ba'i rgyur ma gyur pas kyang tshul khrims nyams pa'o//ji ltar na spyod lam nyams par gyur pa yin zhe na/ de la kha cig 'chags pa dang 'dug pa la sogs pa'i spyod lam dang / grong la sogs pa'i spyod yul la bab bab tu 'dug cing 'phral gyi bya ba dang /dge ba la sbyor ba rnams 'jig rten dang mi mthun zhing 'jig rten dang 'gal ba dang / 'dul ba dang mi mthun zhing 'dul ba dang 'gal bas kyang tshul khrims nyams par 'gyur ro/ /ji ltar na 'tsho ba nyams par 'gyur zhe na/ 'di la kha cig chog mi shes pa/ 'dod pa mang po/ gso dka' ba/ dgang dka' ba ste/ chos ma yin pa lhung bzed dang chos gos la sogs pa tshol bas kyang tshul khrims nyams par 'gyur ro/ /ji ltar na mtha' gnyis su lhung zhe na/ 'di ltar kha cig 'dod pa'i bde ba la lhag par zhen nas/ 'dod pa'i chos rnams la bag med par spyod pa dang /la la tsher ma la gnas 'cha' ba'am/ thal pa'i nang na gnas 'cha' ba la sogs pa dka' thub mi bzad pa dang / chos 'dul ba las byed du ma gnang ba rnams spyad pas kyang tshul khrims nyams par 'gyur ro//ji ltar 'byung bar mi byed pa zhe na/ la la dag tshul khrims sam/ brtul zhugs sam/ lta ba bsnyems te tshul khrims de nyid dam/ brtul zhugs de nyid kyis thar pa dang grol bar 'gyur ro/ /zhes log par bzung bas thar pa dang / grol ba'i rgyur ma gyur pa'i phyir yang tshul khrims nyams pa'o//ji ltar na yi dam blangs pa nyams par 'gyur zhe na/ la la dag thams cad nas thams cad du ngo tsha med cing sdig pa mi dge ba'i chos byed pa la mi 'dzems pa dang / tshul khrims nyams pas sdig pa'i chos can/ khong rul ba/ bong bu'i rjes su 'jug pa/dge sbyong ma yin pa la dge sbyong du dam 'cha' ba'o/ /de la lhag pa'i sems nyams pa ni bsam gtan dang po dang / gnyis pa la sogs pa nyams pa'o/ /de nyams pa'i rgyu ni chos gos dang / lhung bzed la sogs pa yo byad la chags pa mang ba dang / lus la nad mang ba dang /kha zas la brkam pa dang / 'du 'dzi mang po'i nang na gnas par dga' ba dang / 'jig rten gyi las kyi bya ba mang po la dga' ba dang / smra ba mang po la mos pa dang / nyal ba dang 'phres pa la sogs pa la dga' ba'o/ /lhag pa'i shes rab nyams pa ni lta ba phyin ci log tu gyur pa ste/mi rtag pa la rtag par 'dzin pa la sogs pa'o/ /de nyams pa'i rgyu ni/ mi dge ba'i bshes gnyen la brten pa dang / dam pa ma yin pa'i chos nyan pa dang / bdag dang byed pa po la sogs pa yod par tshul bzhin du ma yin pa yid la byed pa ste/ chos de dag mngon du ma spyod pa ni ma skyes pa'o/ /mi dge ba'i chos ma skyes pa thams cad nas thams cad du sems la skye bar mi bya'o zhes dam 'cha' zhing thog ma nas sgrims pa ni mos pa skyed pa zhes bya'o/ /'bad cing brtson 'grus rtsom pa la sogs pa ni/ yang dag pa'i spong ba gnyis po don dang sbyar dgos pas phyis bshad par bya'o//yang dag pa'i spong ba gnyis po bstan pa'i phyir sdig pa mi dge ba'i chos skyes pa rnams spong ba'i phyir zhes bya ba la sogs pa gsungs so/ /sdig pa mi dge ba'i chos ni gang gong du bshad pa'i 'dod pa'i khams kyi lus dang ngag dang yid dang mi dge ba bcu'am/bslab pa gsum nyams par byed pa'i chos so/ /chos de dag sems la mngon du gyur cing / sems la kun tu spyod par gyur pa ni mi dge ba'i chos skyes pa'o/ /gang sdig pa mi dge ba'i chos sems la skyes pa de dag kyang thams cad nas thams cad du sems la gnas par mi bya sems la gzhag par mi bya zhing /rnam pa thams cad du dor bar bya'o/ /zhes 'dod pa bskyed pa ni smos pa bskyed pa zhes bya'o/ /sdig pa mi dge ba'i chos de dag kyang 'das pa'i dngos po la dmigs pa dang / ma 'ongs pa'i dngos po la dmigs pa dang / da ltar gyi yul la dmigs nas skyes/ de bas na de dag mdor na lkog tu gyur pa'i yul la dmigs nas skye ba dang / mngon du gyur pa'i yul la dmigs nas skye ba ste/ rnam pa gnyis su gzhag go//de la gang 'das pa'i dngos po la dmigs pa dang / 'das pa'i dngos po la dmigs nas skye ba ni/ lkog tu gyur pa'i yul la dmigs nas skye ba'o/ /gang da ltar gyi yul la dmigs nas skye ba ni mngon du gyur pa'i yul la dmigs pa'o//de la yang dag pa'i spong ba gnyis bsdoms nas don bsdus te bstan pa/ gang lkog tu gyur pa'i yul la dmigs pa'i sdig pa mi dge ba'i chos ma skyes pa rnams mi skyed pa dang / bskyed pa rnams spang ba'i phyir brtson 'grus brtsam pa ni 'bad pa zhes bya'o//gang mngon du gyur pa'i yul la dmigs nas skye ba'i sdig pa mi dge ba'i chos ma skyes pa rnams mi skyed pa dang / bskyed pa rnams spang ba'i phyir 'bad pa ni brtson 'grus brtsam pa zhes bya'o/ /yang na sdig pa mi dge ba'i chos kha cig rnam par rtog pa'i skabs kyis skyes pa yin la/yul gyi stobs kyis skye ba yang yod/ sdig pa mi dge ba'i chos kha cig rnam par rtog pa'i stobs kyis bskyed pa yang yod do/ /de la rnam par rtog pa'i stobs kyis skye ba ni/ gnas pa'i tshe na ste/ yul dang ma phrad kyang 'das pa dang ma 'ongs pa'i dngos po la dmigs nas skye ba'o//de la rnam par rtog pa'i stobs dang yul gyi stobs las skyes pa ni/ kun du spyod pa'i dus na ste/ da ltar byung ba'i dngos po la dmigs shing de na yang tshul bzhin ma yin pa yid la byed pa 'byung ba'i stobs kyis skye ba'o//de la rnam par rtog pa'i stobs kyis skye ba ni/ sdig pa mi dge ba'i chos ma skyes ba rnams ni mi skyed pa dang / skyes pa rnams ni spang bar bya ba'i phyir bsgrims pa ni 'bad pa zhes bya'o/ /gang rnam par rtog pa'i stobs dang /yul gyi stobs kyis skye ba ni sdig pa mi dge ba'i chos ma skyes pa rnams mi skyed pa dang / skyes pa rnams spang ba'i phyir 'bad pa ni brtson 'grus rtsom pa zhes bya'o/ /yang na nyon mongs pa rnam pa gsum ste/ chung ngu dang chen po dang 'bring po'o//de la nyon mongs pa chung ngu dang 'bring po ma skyes pa rnams mi skyed pa dang / skyes pa rnams spong ba ni 'bad pa zhes bya'o/ /nyon mongs pa chen po rnams ma skyes pa rnams mi skyed pa dang / skyes pa rnams spong ba ni brtson 'grus rtsom pa zhes bya'o//de la sdig pa mi dge ba'i chos ma skyes pa mi skyed pa dang / skyes pa rnams spang bar bya bar zhugs pa ni sems g.yengs par gyur par mthong ste/ de'i tshe zhi gnas bsgom zhing sems rtse gcig tu sbyor bar byed pa ni/ sems rab tu 'dzin pa zhes bya'o//sdig pa mi dge ba'i chos ma skyes pa ni mi skyed pa dang / skyes pa spang bar bya ba'i phyir zhugs pa'i tshe/ sems gnyis dang rmugs pas non cing nang du 'dus par mthong ba'am/ zhum pa skye bar dogs pa skye ba'i tshe/ sems gzengs mthos par 'gyur ba'i chos de bzhin gshegs pa'i yon tan nam/ bsam gtan gyi 'bras bu yid la byed pa'am/ lhag mthong bsgom zhing gnyid dang rmugs pa sel bar byed pa ni yang dag par smon pa zhes bya'o/ /yang dag pa'i spong ba gsum pa bstan pa'i phyir/dge ba'i chos ma skyes pa rnams skyed pa zhes bya ba la sogs pa smos te/ de la dge ba'i chos ni srog gcod pa las phyir ldog pa la sogs pa dge ba bcu'am/ tshul khrims la sogs pa'i bslab pa gsum mam/ bslab pa gsum skye bar byed pa'i rgyu'i chos rnams so//bslab pa gsum gyi rgyu ni bslab pa gsum nyams par gyur pa'i rgyu las slar ldog na/ /de dag skye bar 'gyur ba'i rgyur rig par bya'o/ /ma skyes pa ni chos de dag mngon du ma gyur pa'am/ sems ma byung ba'o/ / skyes pa ni chos de dag mngon du sems la 'byung bar bya'o/ /de la gang dge ba'i chos ma thob pa dang mngon du ma gyur pa de dag myur du bdag gis thob pa dang / mngon du gyur par bya'o zhes 'dod pa cher skyes pa ni mos pa skyed ces bya'o/ /'bad cing brtson 'grus rtsom pa la sogs pa ni yang dag pa'i spong ba bzhi po'i don dang sbyar zhing bstan dgos pa'i phyir bshad par bya'o//yang dag pa'i spong ba bzhi pa bstan pa'i phyir/ dge ba'i chos ma skyes pa rnams zhes bya ba la sogs pa gsungs te/ dge ba'i chos ni gang yang dag par spong ba gsum pa'i skabs su bshad pa rnams so/ /dge ba'i chos thob pa rnams mngon du byed pa ni gnas pa zhes bya'o//mngon du bya ba rnam par rmongs par ma gyur cing sems la gsal bar byed pa ni mi brjed pa zhes bya'o/ /mi brjed pa rnams mi mthun pa'i phyogs kyis ma phrogs pa ni mi mnyam pa zhes bya'o/ /de ltar dge ba'i chos thob pa rnams mngon du gyur pa rnams bsgom pa dang /bsten pa dang mang du byas pa yongs su rdzogs shing mthar phyin par byed pa ni bsgom pa dang rgya che ba dang / yongs su rdzogs par byed pa zhes bya'o/ /dge ba'i chos skyes pa 'di dag gnas nas yongs su rdzogs par bya ba'i 'dod pa cher skyes pa ni mos pa skyed pa'o/ /de la dge ba'i chos rnyed pa rnams mngon sum du bya ba'i phyir brtson 'grus rtsom pa ni 'bad pa zhes bya'o//dge ba'i chos ma rnyed pa rnams rnyed par bya ba'i phyir 'bad pa ni brtson 'grus rtsom pa zhes bya'o/ /dge ba'i chos skyes pa rnams gnas pa dang / mi brjed pa dang mi mnyam par byed pa ni 'bad pa'o/ /dge ba'i chos de nyid bsgom pa dang / rgya cher byed pa dang /yongs su rdzogs par byed pa ni brtson 'grus rtsom pa'o/ /yang na dge ba rnam pa gsum ste/ chung ngu dang / 'bring po dang chen po'o/ /de la dge ba'i chos chung ngu dang 'bring po ma skyes pa rnams skyes pa dang / skyes pa rnams gnas pa dang / mi brjed pa dang mi mnyam par byed pas ni 'bad pa zhes bya'o/ / dge ba'i chos chen po ma skyes pa rnams skyed par byed la/ skyes pa rnams bsgom pa dang / rgyas pa dang / yongs su rdzogs par byed pa ni brtson 'grus rtsom pa zhes bya'o/ /dge ba'i chos de dag bsgom pa'i tshe sems g.yengs par gyur pa na zhi gnas bsgom zhing sems rtse gcig tu 'jog par byed pa ni sems rab tu 'dzin pa zhes bya'o//de'i tshe rmugs pa dang gnyid kyis non te/ sems zhum par gyur pa de na de bzhin gshegs pa'i yon tan nam bsam gtan gyi 'bras bu yid la byas nas sems gzengs bstod pa'am/ lhag mthong bsgoms pa las rmugs pa dang gnyid sel bar byed pa ni yang dag par spong ba zhes bya'o/ / de la yang dag par spong ba bzhis mdor na chos nyid bstan te/ nag po'i phyogs dang dkar po'i phyogs so/ /de la sdig pa mi dge ba'i chos ma skyes pa skyed pa dang / skyes pa rnams spong ba ni nag po'i phyogs so/ /dge ba'i chos ma skyes pa skyed pa dang / skyes pa rnams gnas par byed pa ni dkar po'i phyogs so/ / de lta yin pa las spong ba rnam pa bzhi'i tshul gyis ni/ bzhi char yang dag par spong bar 'gyur te/ spong ba rnam pa bzhi ste/ yang dag par bsdams pas rab tu spong ba dang / spangs pas rab tu spong ba dang / bsgoms pas rab tu spong ba dang / rjes su bsrungs pas rab tu spong ba'o/ /de la sdig pa mi dge ba'i chos ma skyes pa rnams mi skyed ba zhes bya ba la sogs pa ni spongs pas rab tu spangs ba bstan te/sdig pa mi dge ba'i chos sems la mngon du byung ba de med pa yin pa spang ba ste/ de mngon du mi 'gyur bar bya ba'i phyir/ 'bad pa byed pa ni phyis mi skye bas spangs pas rab tu spong ba'o/ /sdig pa mi dge ba'i chos skyes pa rnams spang ba'i phyir zhes bya ba la sogs pas ni/yang dag par bsdams pas rab tu spong ba ste/ gang sdig pa mi dge ba'i chos skyes pa de dag phyis ci nas kyang rgyud las mi 'byung bar bsdam pa'i sgo nas spong bar bya ba'i phyir ro/ /dge ba'i chos ma skyes pa rnams skyed ces bya ba la sogs pa bsgoms pas rab tu spong ba bstan te/'di ltar dge ba'i chos ma skyes pa rnams rten pa'i sgo nas bskyed par bya ba dang / skyes pa rnams bsgom pa'i sgo nas thob par bya ba dang / thob pa rnams mngon du byas nas/ de'i mi mthun pa'i phyogs de rnam par 'gyur ba'i phyir ro/ /dge ba'i chos skyes pa rnams gnas pa zhes bya ba la sogs pas rjes su bsrungs pas spang ba bstan to//gang dge ba'i chos skyes pa rnams ni de'i mi mthun pa'i phyogs la bag med pas spang ba dang / de'i grogs su gyur pa bag yod pa la brten nas gnas pa dang / rdzogs pa la sogs pa byas na/ de la sgrib pa rnams med par 'gyur ba'i phyir ro/ /mdor na gtang par bya ba'i dngos po dang /blang bar bya ba'i dngos po gtang ba dang / blang ba'i bsam pa phun sum tshogs pa dang / sbyor ba phun sum tshogs pa bstan pa yin te/ de la yang dag pa'i spong ba snga ma gnyis ni gtang bar bya ba'i dngos po'o/ /yang dag pa'i spang ba phyi ma rnams ni blang bar bya ba'i dngos po'o/ /mos pa bskyed ces bya bas bsam pa phun sum tshogs pa bstan to/'bad cing brtson 'grus rtsom ste/ sems rab tu 'dzin cing yang dag par smon par byed ces pa dang zhes bya ba la sogs pa ni sbyor ba phun sum tshogs pa bstan to/ /yang dag pa'i spong ba bzhi la yang dmigs pa dang / rang bzhin dang / grogs dang / bsgom pa dang / bsgoms pa'i 'bras bu'o//de la yang dag pa'i spong ba rnams kyi dmigs pa gang zhe na/ mi mthun pa'i phyogs dang gnyen po skyes pa dang ma skyes pa'o/ /de la yang dag pa'i spong ba dang po ni mi mthun pa'i phyogs ma skyes pa la dmigs so/ /yang dag pa'i spong ba gnyis pa ni mi mthun pa'i phyogs skyes pa la dmigs so/ /yang dag pa'i spong ba gsum pa ni gnyen po ma skyes pa la dmigs so//yang dag pa'i spong ba bzhi pa ni gnyen po skyes pa la dmigs so/ /yang dag pa'i spong ba'i rang bzhin ni brtson 'grus kyi rang bzhin yin par rig par bya'o/ /grogs ni brtson 'grus dang lhan cig ldan pa'i sems las byung ba'i mos pa dang dad pa dang shes rab dang ting nge 'dzin la sogs pa'o//de la bsgom pa ni mos pa bskyed pa 'bad cing brtson 'grus rtsom ste/ sems rab tu 'dzin cing yang dag par smon pa'o zhes gsungs so/ /tshig de dag gi rten dang bcas pa brtson 'grus rtsom ste/ bsgom pa bstan te de la mos pa ni brtson 'grus kyi rten no/ /de ci'i phyir zhe na/ 'dod pa dang mos pa yod na/ de'i rgyu las brtson 'grus 'byung ba'i phyir ro/ /de la zhi gnas dang lhag mthong gi mtshan mas sems rgod par gyur na 'khor ba'i skyon yid la byas shing sems gdul ba dang / sems rmugs par gyur na de bzhin gshegs pa'i yon tan yid la bya ste/ sems gzengs bstod par bya ba'i mtshan ma yid la bya ba med par zhi gnas dang lhag mthong 'ba' zhig bsgom pa ni 'bad pa'o//nam sems rgod pa dang rmugs par gyur pa na de bsal bar bya ba'i phyir rgod pa dang zhum pa'i gnyen por gyur pa zhi gnas kyi mtshan ma dang / lhag mthong gi mtshan ma yid la byed pa ni brtson 'grus rtsom pa zhes bya'o/ /de yang phye ste sems g.yengs par gyur pa'i tshe/zhi gnas yid la byas nas 'jil bar byed pa ni sems rab tu 'dzin pa'o/ /sems zhum par gyur pa'i tshe lhag mthong yid la byas nas sems gzengs stod par byed pa ni yang dag par smon pa'o/ /bsgoms pa'i 'bras bu mi mthun pa'i phyogs thams cad nyams par bya ba dang /gnyen po'i chos thob par bya zhing 'phel bar bya'o/ /de la yang dag pa'i spong ba gong ma gnyis kyis ni mi mthun pa'i phyogs nyams par byed pa bstan to/ /yang dag pa'i spong ba gsum pas ni gnyen po'i phyogs thob par byed pa bstan to/ /yang dag pa'i spong ba bzhi pas ni gnyen po'i phyogs 'phel bar byed pa bstan to//yang dag par spong ba bzhi bstan pa'i 'og tu rdzu 'phrul gyi rkang pa bzhi bstan te/ de bas na de bshad pa'i skabs yin pa'i phyir/ rdzu 'phrul gyi rkang pa bzhi gang zhe na/ zhes bya ba la sogs pa gsungs so/ /de la rdzu 'phrul zhes bya ba ni mig la sogs pa'i mngon par shes pa'i sbyor ba rnams la bya ba ste/mos pa la sogs pa'i ting nge 'dzin bzhi ni mngon par shes pa rnams skye ba'i rgyu dang rkyen byed pa'i phyir rdzu 'phrul gyi rkang pa zhes bya'o/ /yang na skyes bu gang la rkang pa yod pa de ni 'gro ba dang 'ongs pa la sogs pa la mthu yod pa bzhin du gang la ting nge 'dzin bzhi yod pa des kyang 'jig rten las 'das pa'i 'byor pa thob pa dang /mngon sum du bya ba'i mthu yod pas na rdzu 'phrul gyi rkang pa zhes bya'o/ /rdzu 'phrul gyi rkang pa dang po bstan pa'i phyir/ dge slong dag mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa zhes bya ba la sogs pa gsungs te/ gang gi sdug bsngal dang stong pa dang bdag med pa la sogs pa la mos shing yid ches pa gtsor byas nas brtson 'grus la gus pa bskyed pa de bsgrims nas zhugs pa la sems rtse gcig pa la reg par gyur pa ni/mos pa'i ting nge 'dzin zhes bya'o/ /yang na mi dge ba'i chos skyes pa mi skyed pa dang /mi dge ba'i chos skyes pa spong ba dang / dge ba'i chos ma skyes pa bskyed par bya ba dang / dge ba'i chos bskyed pa gnas par bya ba'i phyir/ mos pa dang dad pa cher skyes pa las sems rtse gcig tu gyur pa ni mos pa'i ting nge 'dzin zhes bya'o/ /mos pa'i ting nge 'dzin bsgom pa de la nyes pa rnam pa lnga yod de/ nyes pa lnga spang ba'i phyir gnyen po spong ba'i 'du byed brgyad bsgom par bya'o//nyes pa rnam pa lnga ni le lo dang / gdams ngag nyams pa dang / zhum rgod dang / 'du mi byed pa dang / 'du byed pa dang lnga'o/ /de la zhum rgod gnyis ni nyes pa gcig tu bsdu'o/ /de la le lo ni mi dge ba spong ba dang / dge ba bsgrub pa la mi 'jug pa ni le lo ste/des dang po nyid du dge ba la mi sbyor ba'i dus la sgrib pa ni nyes pa'o/ /gdams ngag mi brjed pa ni ji skad du bstan pa'i bsam gtan gyi man ngag tshig dang don du brjed par gyur pa ste/ de'i bsam gtan sbyor ba la zhugs pa na bsam gtan gyi don brjed pas ni sgrib par gyur pa'i phyir nyes pa'o/ / sems ni bsam gtan gyi sbyor ba la zhugs nas sems rtse gcig tu gyur pa'i tshe na sems zhum pa dang / rgod pa rab tu gcod pa na nyes pa ste/ de gnyis byung na sems las su rung ba med par 'gyur ro/ /zhum pa dang rgod pa byung ba'i dus na de sel bar 'gyur ba'i mtshan ma yid la mi byed pa ni nyes pa ste/ de gnyis ma gsal na sems ma zhi bar gyur pa'i phyir ro//nam zhum pa dang / rgod pa dang bral nas sems mnyam pa nyid du gyur pa'i tshe mngon par 'du byed pa nyes pa ste/ mnyam pa nyid las bskyod na/ sems g.yengs par 'gyur ba'i phyir ro/ /nyes pa rnam pa lnga spong ba'i phyir/ spong ba'i 'du byed brgyad ni mos pa dang / brtson 'grus dang / dad pa dang / bag yangs dang / dran pa dang / shes bzhin dang / sems pa dang / btang snyoms so/ /de la mos pa ni bdag gis ting nge 'dzin gang gi dus na yongs su rdzogs par bya/ bag la nyal ba rnams kyang ji ltar spong bar bya/ /sdig pa mi dge ba'i chos kyang ji ltar dor bar bya zhes 'dod pa skye ba'o//brtson 'grus ni ji srid du gnyen po bsgom pa la rgyun mi chad par 'jug par byed pa'o/ /dad pa ni rgyun mi chad par zhugs shing gnas pa las yon tan gong ma rnams thob par bya bar dad pa skye zhing yid ches par 'byung ba'o/ /de la bag yangs ni gang dad pa mngon du byung bas rgyu byas nas sems dga' ba skye'o//sems dga' ba las lus bde bar 'gyur ro/ /lus bde ba las yid bde bar 'gyur ro/ /yid bde bar gyur na sems las su rung bar 'gyur la/ sems las su rung bar gyur pa de sdig pa mi dge ba'i chos gnas ngan len gyi phyogs bsal ba ni bag yangs so/ /de la dran pa ni zhi gnas kyi phyogs su gtogs pas sems gnas pa rnam pa dgu ste/rnam pa dgu ni nang du sems 'jog par byed pa dang / yang dag par 'jog pa dang / kun tu 'jog pa dang / nye bar 'jog pa dang / dul bar byed pa dang / zhi bar byed pa dang / nye bar zhi bar byed pa dang / gcig tu byed pa dang mnyam par 'jog pa'o/ /de la phyi'i dmigs pa las sems bsdus nas nang du mi yengs pa'i tshul du sems dang po nyid du bsdus pa ni 'jog pa'o//sems dang po nyid du bsdus pa las phyi'i dmigs pa rnams la sems g.yo la/ rags pa 'byung ste/ rags pa'i sems de phrar nang du sdud pa ni yang dag par 'jog pa'o/ /de ltar gzhag pa las dran pa nyams pa'i phyir/sems g.yengs par gyur pa slar yang sdud pa ni kun tu 'jog pa'o/ /de nas dang po nyid du sems phyi rol du mi g.yengs pa'i mtshan nyid thob pa ni nye bar 'jog pa'o/ /thog ma nyid nas g.yengs par 'gyur ba'i rgyu gzugs la sogs pa'i yul la skyon dang bcas par mthong ba'i 'du shes kyi dbang du byas nas sems 'phro bas sbyin par mi byed pa ni dul bar byed pa'o//sems 'khrugs par 'gyur ba'i rgyu rnam par rtog pa'i nye ba'i nyon mongs pa la skyon dang bcas par mthong nas sems 'phror mi ster ba ni zhi bar bya'o/ /dran pa nyams pa las rnam par rtog pa kun tu skyes par gyur na yang de gnas par mi byed pa ni nye bar zhi bar byed pa'o//'bad pa dang bcas pa ni skabs dang bar chad med par ting nge 'dzin gyi rgyun la rtag tu gnas pa ni gcig tu byed pa'o/ /ting nge 'dzin legs par bsgoms pas mngon par 'du bya ba med cing lhun gyis grub pa nyid du ting nge 'dzin gyi rgyun la rgyun du gnas pa ni sems mnyam par gzhag pa'o/ / de la shes bzhin ni gang lhag mthong gi phyogs su gyur pa'i shes rab ste/ de yang chos rnams rnam par 'jig pa dang / rab tu 'jog pa dang / kun tu rtog pa dang / kun tu tshol ba ste/ rnam pa bzhi'o/ /phung po dang khams la sogs pa'i chos ji snyed pa yod pa shes par byed pa ni rnam par 'jig pa'o/ /chos de dag kyang mi rtag pa dang /sdug bsngal la sogs pa ji ltar gnas pa bzhin du shes par byed pa ni rab tu 'jog pa'o/ /rnam par rtog pa dang bcas pa'i shes rab kyis dang po chos rnams kyi mtshan nyid tshol ba ni kun tu rtog pa'o/ /de'i 'og tu zhib tu rtog pa ni kun tu tshol ba zhes bya'o/ /sems pa ni sems mngon par 'du byed pa ste/ sgrib pa skyes sam ma skyes pa dang / spangs sam ma spangs pa brtags nas de spong ba la 'jug pa ste/ zhi gnas dang lhag mthong dang rjes su mthun pa'i sems kyi las so/ /btang snyoms ni sems mnyam par gyur pa las mi g.yo ba nyid kyi mtshan nyid du gnas pa'o/ /de la le lo spang ba'i phyir spong ba'i 'du byed rnam pa bzhi bsgoms te/mos pa dang / brtson 'grus dang / dad pa dang / bag yangs so/ /de la mos pa ni 'dod pa'i mtshan nyid do/ /brtson 'grus ni 'bad pa'i mtshan nyid do/ /dad pa ni yid ches pa'i mtshan nyid do/ /bag yangs ni las su rung ba'i mtshan nyid do/ /bzhi po de dag ji ltar na le lo'i gnyen por 'gyur zhe na/ des brtson 'grus kyi gnas dang /rten dang / mtshan ma dang / 'bras bu bsten pa'i sgo nas 'gyur te/ de la brtson 'grus kyi gnas ni mos pa'o/ /de la brten pa ni brtson 'grus nyid do/ /'dod pa yod na brtson 'grus rtsom par byed pa'i phyir ro/ /'dod pa'i mtshan ma dang rgyu ni dad pa dang / yid ches pa yod na 'dod pa dang mos pa skye ba'i phyir ro/ /brtson 'grus kyi 'bras bu ni bag yangs te/brtson 'grus brtsams nas lus las su rung bas sems las su rung ba'i mtshan nyid bag yangs skye bar 'gyur ro/ /bag yangs skyes nas le lo med par 'gyur ba'i phyir ro/ /lhag ma nyes pa bzhi'i gnyen por ni spong ba'i 'du byed bzhi rnams rim bzhin du sbyar te/ gdams ngag brjod pa'i gnyen po ni dran pa'o//zhum pa dang rgod pa'i gnyen po ni shes bzhin te/ nam sems zhum pa dang rgod pa byung na/ shes bzhin gyis de rtogs par byed pa'o/ /mngon par 'du mi byed pa'i gnyen po ni sems pa ste/ gang gi zhum pa dang rgod pa sel bar byed pa'o/ /mngon par 'du byed pa'i gnyen po ni btang snyoms so/ /nam g.yo bar 'dod pa na mi g.yo bar gzhag pa'o//de ltar nyes pa lnga spong ba'i phyir spong ba'i 'du byed brgyad dang bcas par bsgom pa ni mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa zhes bya'o/ /mos pa'i ting nge 'dzin de yang 'phags pa'i bden pa bzhi dang ldan par bsgom pa yin par bstan pa'i phyir/ dben pa la gnas pa dang /'dod chags dang bral ba la gnas pa dang / zhes bya ba la sogs pa gsungs so/ /de la sdug bsngal gyi bden pa la sdug bsngal gyi yul mthong na de dang 'bral bar 'dod pas sdug bsngal gyi bden pa la gnas pa'i dus na ni dben pa la gnas pa zhes bya'o/ /kun 'byung gi bden pa ni 'dod chags sred pa'i mtshan nyid de/de ni spang bar bya ba yin pas/ de la dmigs pa'i tshe ni 'dod chags dang bral ba la gnas pa zhes bya'o/ /'gog pa ni sdug bsngal thams cad spangs pa yin pas na bde ba ste/ de la dmigs pa'i dus na ni 'gog pa la gnas pa zhes bya'o/ / lam gyi bden pa ni/ 'gog pa'i bden pa mngon du byed la/ sdug bsngal thams cad spong bar byed pa yin te/ de la dmigs pa na ni rnam par spong bar bsngos pa zhes bya'o/ /bsgom pa de yang mos pa la sogs pa mi mthun pa'i phyogs su gyur pa sems 'dus pa dang g.yengs pa'i rgyu dang bcas pa yongs su spong bar bya ba'i rnam par bsgom pa bstan par bya ba'i phyir/bdag gi mos pa rab tu zhen pa dang / rab tu 'dzin par ma gyur cig ces sgom par byed pa dang zhes bya ba gsungs so/ /de la sems nang du 'du ba'i rgyu ni lhag mthong dang bral bas gnyid dang rmugs pa dang le lo'i dbang du sems nang du 'dus shing zhum par gyur pa'o//de yang spang dgos pa'i phyir bdag gi mos pa rab tu zhan par ma gyur cig ces bya ba gsungs so/ /sems g.yengs pa'i rgyu ni mi gtsang ba'i 'du shes dang bral bas gtsang ba la sogs par mtshan mar 'dzin pa'i sgo nas yul la sems 'phros pa ste/de yang spang dgos pa'i phyir rab tu 'dzin par ma gyur cig ces bya ba gsungs so/ /de gnyis kyi gnyen po yang sems zhum pa dang zhan pa spang ba'i phyir lhag mthong bsgom pa'o/ /sems g.yengs pa dang rab tu 'dzin pa spang ba'i phyir ni zhi gnas sam lus la mi gtsang bar brtag pa bsgom mo//rdzu 'phrul gyi rkang pa gnyis pa bstan pa'i phyir/ brtson 'grus kyi ting nge 'dzin spong ba'i 'du byed dang ldan pa zhes bya ba la sogs pa gsungs te/ gang gi tshe sdig pa mi dge ba'i chos ma skyes pa mi skyed pa dang / skyes pa spong ba dang / dge ba'i chos ma skyes pa skyed pa dang /skyes pa 'phel bar byed pa'i phyir/ brtson 'grus rgyun mi 'chad pa dang / rtag tu brtsam pa la sems rtse gcig pa la reg par gyur pa ni/ brtson 'grus kyi ting nge 'dzin zhes bya ste/ spong ba'i 'du byed dang ldan pa la sogs pa ni sngar bshad pa bzhin no/ rdzu 'phrul gyi rkang pa gsum pa bstan pa'i phyir/ sems kyi ting nge 'dzin spong ba'i 'du byed dang ldan pa zhes bya ba la sogs pa gsungs te/ gang tshe rabs gzhan du ting nge 'dzin bsgoms pa'i sa bon la brten nas tshe 'dir ting nge 'dzin sgom pa dang / 'dir bsgom pa las yang snga ma snga ma'i mthus phyi ma phyi ma'i mthu che zhing ting nge 'dzin gyi sa bon brtas pa la brten nas 'bad mi dgos par sems rtse gcig pa la reg par gyur pa ni/ sems kyi ting nge 'dzin zhes bya ste/ gzhan yang gong du bshad pa bzhin du blta'o/ /rdzu 'phrul gyi rkang pa bzhi pa bstan pa'i phyir/dpyod pa'i ting nge 'dzin spong ba'i 'du byed dang ldan pa zhes bya ba la sogs pa gsungs te/ gang gzhan dag gi chos bstan pa'i chos rnams kyi mtshan nyid rab tu 'byed pa la the tshom dang bral nas sems rtse gcig tu gyur pa ni/ dpyod pa'i ting nge 'dzin zhes bya'o//yang na bsgom par bya ba'i yul gyi don bshig cing btsal ba las rnyed par gyur nas de nyid la sems rtse gcig tu gnas pa ni dpyod pa'i ting nge 'dzin zhes bya'o/ /gzhan yang gong du bshad pa bzhin du blta'o/ /'dir yang rnam pa lngar gzhag ste/ dmigs pa dang /rang bzhin dang / grogs dang / bsgom pa dang / bsgoms pa'i 'bras bu'o/ /de la rdzu 'phrul gyi rkang pa rnams kyi dmigs pa ni ting nge 'dzin gyi yul lam/ ting nge 'dzin yongs su rdzogs pas gang las su bya ba'i rdzu 'phrul gyi mig dang rna ba la sogs pa'i 'phrul lo//rang bzhin gang zhe na/ mos pa dang / brtson 'grus dang sems dang / dpyod pa'i mtshan nyid do/ /grogs gang zhe na/ de ting nge 'dzin de bzhi dang ldan pa'i sems dang sems las byung ba 'dod pa dang 'dod mi chags pa dang / zhe mi sdang ba la sogs pa'o/ /bsgom pa gang zhe na/spong ba'i 'du byed brgyad la goms par byed pa'o/ /bsgoms pa'i 'bras bu gang zhe na/ gang 'dod pa de thob pa'o/ /rdzu 'phrul gyi rkang pa bzhi bstan pa'i mjug bsdu ba'i phyir/ dge slong dag 'di ni rdzu 'phrul gyi rkang pa bzhi'o zhes bya ba gsungs so/ /rdzu 'phrul gyi rkang pa bstan pa'i 'og tu/dbang po lnga bstan te/ ji ltar bstan pa bzhin bshad par bzhed nas/ de la dge slong dag dbang po lnga gang zhe na/ zhes bya ba la sogs pa gsungs so/ /dbang po lnga zhes grangs smos pa'i ming so sor phye ste bstan pa'i phyir/ dad pa'i dbang po zhes bya ba nas/shes rab kyi dbang po zhes bya ba'i bar du gsungs so/ /de la yod pa dang yon tan can dang nus pa'i dbang po la rim bzhin du yid ches pa dang / rab tu dang ba dang / mngon par 'dod pa ni/ dad pa'i dbang po'o/ /mtshan nyid de yod pa la ni yid ches so//yon tan la ni sems dad pa'o/ /nub pa la 'dod pa skye ba ste/ de bas na 'dod pa dang mos pa gnyis don gcig pas dad pa'i dbang po ni mos pa'i dbang po'i ting nge 'dzin la dbang byed pa'o/ /dge ba sgrub pa dang mi dge ba spong ba la brtson pa ni brtson 'grus kyi dbang po ste/de bas na brtson 'grus kyi dbang pos ni brtson 'grus kyi ting nge 'dzin gyi dbang po la dbang byed do/ /ting nge 'dzin bsgom par bya ba'i yul sems kyi gsal bar mthong zhing ma brjed pa ni dran pa'i dbang po ste/ de bas na dran pa'i dbang pos ni sems kyi ting nge 'dzin la dbang byed do//sems rtse gcig tu gnas shing / phyi rol du ma g.yengs pa ni ting nge 'dzin gyi dbang po ste/ des kyang sems kyi ting nge 'dzin nyid la dbang byed do/ /chos kyi mtshan nyid rab tu 'byed pa ni shes rab kyi dbang po ste/ de bas na shes rab kyi dbang pos ni dpyod pa'i ting nge 'dzin la dbang byed pa'o//yang na 'khor ba nyes pa dang bcas pa dang / mya ngan las 'das pa yon tan dang bcas par dad par yid ches na/ 'khor ba las 'byung bar bya ba'i phyir/ brtson 'grus rtsom ste gang yid ches pa ni dad pa'i dbang po'o/ /brtson 'grus rtsom pa ni brtson 'grus kyi dbang po'o//brtson 'grus brtsams nas lhag pa'i tshul khrims dang / lhag pa'i shes rab rnams 'byung ste/ de la bya ba dang mi bya ba mtshan nyid dran pa ni dran pa'i dbang po'o/ /lhag pa'i sems kyi bslab pa ni ting nge 'dzin gyi dbang po'o/ /lhag pa'i shes rab kyi bslab pa ni shes rab kyi dbang po'o//yang na mdo 'di nyid kyi gnas rgyun du zhugs pa'i yan lag bzhi bshad de/ kun tu rig pa'i dad pa bzhi la gnas pa nyid dad pa'i dbang po'o/ /yang dag par spong ba bzhi la gnas pa ni brtson 'grus kyi dbang po'o/ / dran pa nye bar gzhag pa bzhi la gnas pa ni dran pa'i dbang po'o/ /bsam gtan bzhi la gnas pa ni ting nge 'dzin gyi dbang po'o/ /'phags pa'i bden pa bzhi shes pa ni shes rab kyi dbang po'o/ /dbang po'i don ni dbang byed pa'i don te/ ci la dbang byed ce na/ dad pa ni 'jig rten las 'das pa'i chos skye ba'i rgyur gyur pa dad pa dang /brtson 'grus kyang dran pa dang shes rab dang / ting nge 'dzin la dbang byed de dad pa'i dbang gis chos de rnams 'byung ba'i phyir ro/ /brtson 'grus kyang dran pa dang ting nge 'dzin dang / shes rab gsum la dbang byed da/dran pa yang shes rab dang ting nge 'dzin gnyis la dbang byed do/ /ting nge 'dzin kyang shes rab la dbang byed do/ /shes rab ni 'jig rten las 'das pa'i chos mngon du bya ba la dbang byed de/ mig la sogs pa'i dbang po'i mthus rnam par shes pa skye ba bzhin du/chos de dag kyang gcig gis gcig skyed par byed pas na dbang po zhes bya'o/ /yang na dad pa zhes bya ba ni dkon mchog gsum la blo gnyis med par mos shing dad pa'o/ /yang na yon tan dang yon tan gyi gnas la dga' ba mngon du byas pa las sems dang ba skye ba ni dad pa'o/ / yang na las dge ba dang mi dge ba las 'bras bu bde ba dang / sdug bsngal myong ba yid ches pa ni dad pa'o/ /lus dang sems las phongs pa med par mi dge ba'i chos spangs ba dang / dge ba'i chos mngon du bya bar sems spro ba ni brtson 'grus so/ /yang na las dam pa la brtson pa'i lus dang ngag gi las la brtson 'grus zhes bya ste/de ltar sdig pa mi dge ba'i chos byed pa la brtson pa ni le lo nyid kyis brtson 'grus ni ma yin no/ /sngon myong ba'i dngos po ma brjed pa ni dran pa'o/ /yang na dmigs pa'i dngos po sems la gsal ba ni dran pa'o/ / yang na mtshan ma yid la gzung ba ma nyams par byed pa dang / nyams na yang slar mngon sum du byed pa ni dran pa'o/ /yang na dran pa rnam pa bzhi ste/ yi ge mi brjed par 'dzin pa'i dran pa dang / yi ge gzung ba las don mi byed par 'dzin pa'i dran pa dang / don gzung ba las rgyun du yid la byed pa mi gtong ba'i dran pa dang /rgyun du yid la byas pa las don mngon sum du gsal bar byed pa mthong bar byed pa ni dran pa'o/ /sems gnas pa'i rnam pa dgu ni ting nge 'dzin to/ /yang na khang pa rlung med pa'i mar me mi g.yo ba bzhin du nyon mongs pa'i rlung rnams kyis ma bskyod par sems kyi ngang rgyud gcig tu 'byung ba ni ting nge 'dzin to//bden pa bzhi yang dag pa ji lta ba bzhin du khong du chud pa ni shes rab bo/ /yang na shes rab la rgya gar skad du pradz+nyA zhes 'byung ste/ pra ni rab kyi don la/ dz+nyA ni shes pa'i don te/ sdug bsngal rab tu shes pa dang /kun 'byung rab tu spangs pa dang / 'gog pa mngon du byas pa dang / lam rab tu bsgoms pa ni shes rab bo/ /de la shes rab kyi dbang po ni lhag mthong gi phyogs te/ dran pa dang ldan pa rnams la shes rab 'byung bas dran pa'i dbang po ni de'i rgyu'o/ /ting nge 'dzin gyi dbang po ni zhi gnas kyi phyogs te/brtson 'grus rgyun du brtsams pa rnams ni sems rtse gcig tu 'gyur bas/ brtson 'grus kyi dbang po ni de'i rgyu'o/ /dad pa'i rgyu las thams cad skye ba'i phyir/ dad pa ni zhi gnas dang lhag mthong gnyi ga'i rgyu'o/ /yang na dad pas tshul khrims kyi phung po smos pa yin te/dad pa dang ldan pa rnams ni tshul khrims srung bar byed pas so/ /brtson 'grus dang ting nge 'dzin gyi dbang po gnyis kyis ting nge 'dzin gyi phung po rgyu dang bcas pa bstan pa yin te/ brtson 'grus ni ting nge 'dzin gyi rgyu yin pa'i phyir ro/ /dran pa dang shes rab kyi phung po'i rgyu dang bcas pa bstan pa yin te dran pa ni shes rab kyi phung po'i rgyu yin pa'i phyir ro//de la dbang po lnga rnams kyi yul ni lnga ste/ byang chub dang spyod pa dang thos pa'i chos dang / zhi gnas dang / lhag mthong dang / dad pa'i dbang po'i yul ni byang chub ste/ dad pas zad la mi skye ba'i ye shes la gtso cher dang ba skye ba'i phyir ro//brtson 'grus kyi dbang po'i yul ni spyod pa ste/ brtson 'grus kyis ni bslab pa gsum sgrub par byed pa'i phyir ro/ /dran pa'i dbang pos ni thos pa'i chos rnams la dmigs te/ dran pas chos kyi don dang mi brjed pa'i phyir ro//ting nge 'dzin gyi dbang pos ni zhi gnas la dmigs te/ rtag tu sems rtse gcig tu 'gyur ba 'ba' zhig tu sbyor ba'i phyir ro/ /shes rab kyi dbang pos ni lhag mthong la dmigs te/ chos rnams kyi rang dang spyi'i mtshan nyid shes par bya ba'i don la gtso cher lhur len pa'i phyir ro//ci'i phyir dbang po'i rim pa de ltar bkod ce na/ mya ngan las 'das pa'i 'bras bu la dad pa skyes nas brtson 'grus brtsams pas dad pa'i 'og tu brtson 'grus so/ /brtson 'grus brtsams pa rnams ni dran pa nyams mi srid pas/ brtson 'grus kyi 'og tu dran pa'o//dran pa ma nyams na sems rtse gcig tu 'gyur bas/ dran pa'i 'og tu ting nge 'dzin gyi dbang po'o/ /sems rtse gcig tu gyur na yang dag pa ji lta ba bzhin du ye shes skye ba'i phyir/ ting nge 'dzin gyi 'og tu shes rab bshad do/ /dbang po lnga rnams kyi don ni rim pa gnyis mdo las gsal ba bstan pa'i phyir//de la dad pa'i dbang po gang zhe na/ zhes bya ba la sogs pa gsungs so/ /de la chos bzhi la dad cing yid ches pa ni dad pa ste/ chos bzhi po gang zhe na/ 'khor ba na spyod pa'i 'jig rten pa'i yang dag pa'i lta ba la dad pa ni dang ba'o//de las kyi rnam par smin pa la brten pas zhes bya ba ni gnyis pa'o/ /las gang dag byed par 'gyur ba'i las de dang de'i rnam par smin pa so sor myong bar 'gyur ba ni gsum pa'o/ /de srog gi phyir yang sdig pa'i las mi byed pa ni bzhi pa'o/ /'khor ba na spyod pa'i 'khor ba na yod pa'am/'khor bar gtogs pa'i chos de 'jig rten 'di yod 'jig rten pha rol yod ces lta ba ni/ 'khor ba na spyod pa'i 'jig rten pa'i yang dag pa'i lta ba zhes bya ste/ gang gi tshe 'di yod tshe phyi ma yod par lta ba'i 'khor ba na spyod pa'i 'jig rten pa'i lta ba dad pa zhes bya'o//de zhes bya ba ni dad pa dang ldan pa'i gang zag de'i'o/ /las kyi rnam par smin pa la brten zhes bya ba ni/ las dge ba dang mi dge ba'i rnam par smin pa yod par 'dod pa'o/ /las gang dang gang byed par 'gyur ba'i zhes bya ba gang zag gang dang gang gis las dge ba dang mi dge ba la sogs pa gang dang gang byas pa'o//las de dang de'i rnam par smin pa so sor myong bar 'gyur zhes bya ba ni/ gang zag gang gis las dge ba byas na/ de'i rnam par smin pa bde ba myong bar 'gyur ba dang / gang zag gang gis las mi dge ba byas na de'i rnam par smin pa sdug bsngal myong bar 'gyur ba dang /las gang gis byas pa de nyid kyis myong bar 'gyur gyi rnam par smin pa gzhan gyis myong bar mi 'gyur bar yid ches pa'o/ /de srog gi phyir yang sdig pa'i las mi byed ces bya ba ni tshe 'di dang phyi ma yod par mthong ba dang / las dang las kyi rnam par smin pa yod par mthong ba dang /las gang gi rnam par smin pa yang des myong bar 'gyur ba'i gang zag de la bya ba'i don to/ /sdig pa mi dge ba'i chos byas na 'bras bu sdug bsngal myong bar 'gyur bar yid ches pas srog gi phyir yang ma byin par len pa la sogs pa'i sdig pa mi byed pa ni/ dad pa'i dbang po zhes bya'o//brtson 'grus kyi dbang po bstan pa'i phyir/ de la brtson 'grus kyi dbang po gang zhe na/ zhes bya ba la sogs pa gsungs so/ /chos gang la dad pa'i dbang por gyur pa'i chos de la zhes bya ba ni dad pa'i dbang pos gang dad par gyur pa'i chos bzhi po la'o zhes bya ba'i tha tshig go//brtson 'grus kyi dbang pos yang dag par grub ces bya ba ni/ dad pa'i dbang pos dad par gyur ba'i chos de la brtson 'grus kyi dbang pos mi dge ba'i phyogs ni spong bar byed/ dge ba'i phyogs ni grub par byed de/ de ni brtson 'grus kyi dbang po'o/ /dran pa'i dbang po bstan pa'i phyir/de la dran pa'i dbang po gang zhe na zhes bya ba la sogs pa gsungs so/ /chos gang la brtson 'grus kyi dbang pos yang dag par grub par byed pa'i chos de la zhes bya ba las brtson 'grus kyi dbang pos ni mi dge ba'i chos spangs nas/ dge ba'i chos sgrub ste/ gzhag pa'i dge ba'i chos de la dran pa'i dbang pos ni/dge ba'i chos de sems la mi gsal ba dang brjed par ma gyur pa byed pa ni/ dran pa'i dbang po zhes bya'o/ /ting nge 'dzin gyi dbang po bstan pa'i phyir/ de la ting nge 'dzin gyi dbang po gang zhe na zhes bya ba la sogs pa gsungs so//chos gang dran pa'i dbang pos chud mi gzon pa zhes bya ba ni dge ba'i chos gang dran pa'i dbang pos ma brjed par byas pa'o/ /chos de la ting nge 'dzin gyi dbang pos rtse gcig tu byed ces bya ba ni dran pa'i dbang pos ma brjed par byas pa'i chos la ting nge 'dzin gyi dbang pos g.yeng ba spangs nas rgyun du rtse gcig par dmigs par byed ces bya ba'i don to//shes rab kyi dbang po bstan pa'i phyir/ de la shes rab kyi dbang po gang zhe na zhes bya ba la sogs pa gsungs so/ /chos gang la ting nge 'dzin gyi dbang pos rtse gcig tu byas pa zhes bya ba ni dran pa'i dbang pos mi brjed pa'i dge ba'i chos la ting nge 'dzin gyi dbang pos rgyun du rtse gcig tu gzhag pa'o//shes rab kyi dbang pos chos de dag gi so sor rang gi mtshan nyid mthong ba ni so sor khong du chud pa'o/ /spyi'i mtshan nyid mthong ba ni/ chos de dang de rnams la mngon sum du shes pa zhes bya'o//dbang po lnga yang dmigs pa dang / rang bzhin dang / grogs dang / bsgom pa dang / bsgoms pa'i 'bras bu ste/ rnam pa lngar gzhag go/ /dbang po lnga rnams kyi dmigs pa ni 'phags pa'i bden pa bzhi ste/ dbang po'i dus na yang de bzhi la dmigs pa'i phyir ro//rang bzhin ni dad pa dang / brtson 'grus dang / dran pa dang / ting nge 'dzin dang / shes rab kyi ngo bo'o/ /grogs ni chos de dang ldan pa'i sems dang sems las byung ba gzhan rnams so/ /bsgom pa ni dad pa'i dbang pos bden pa bzhi la mngon par yid ches pa'i rnam par bsgom mo//brtson 'grus kyi dbang pos ni bden pa la bzlog pa'i brtson 'grus rnam par bsgom mo/ /dran pas ni bden pa la mi brjed par rnam par bsgom mo/ /ting nge 'dzin gyis ni bden pa la mi g.yeng ba'i rnam par bsgom mo/ /shes rab kyis ni rang dang spyi'i mtshan nyid rtogs pa rnam par bsgom mo//'bras bu ni bden pa bzhi rtogs par byed pa'o/ /stobs kyi skabs su dmigs pa la sogs pa gang bden pa yang gcig ste/ mi mthun pa'i phyogs kyi zil gyis mi non pa tsam gyis bye brag tu dbye bar zad do/ /dbang po lnga bstan pa'i mjug bsdu ba'i phyir/ 'di ni dge slong dag dbang po rnams so zhes gsungs so//dbang po lnga'i 'og tu stobs lnga bstan te/ ji ltar bstan pa bzhin du bshad par bzhed nas/ de la dge slong dag stobs lnga gang zhe na zhes bya ba la sogs pa gsungs so/ /dbang po lnga po nyid mi brdzi ba dang / mi tshugs par gyur pas na stobs lngar gzhag ste/dad pa'i stobs kyang dad pa mi brdzi bar gyur ba rnams ni 'jig rten 'dir lha'i bdud dam/ tshangs pa'am gzhan yang 'jig rten na chos dang mthun par gyur pa'am/ nyon mongs pas kun nas dkris pa rnams kyis dad pa zlog par mi nus pas na dad pa'i stobs so//dad pa'i stobs mngon du byas pa'i rgyu las 'byung ba'i brtson 'grus la sogs pa'i chos bzhi yang stobs zhes bya ste/ stobs dang ldan zhing bdud kyi grogs su gyur ba'i bdud rnam pa bzhi'i stobs bcom nas/ zag pa zad pa mngon du byed pas na stobs zhes bya'o/ /yang na dbang po'i dus na ni dbang po lnga'i mi mthun pa'i phyogs ma dad pa dang /le lo dang dran pa nyams pa dang / g.yengs pa dang / shes bzhin med pa rnams skabs su 'dre zhing 'byung ba las/ nam mi mthun pa'i phyogs rnams skabs su 'byung bar mi byed de/ gnyen po 'ga' zhig gi phyogs gcig tu skyes pa'i stobs zhes bya'o//de la dkon mchog gsum la bsam pa mi phyed par gyur pa ni dad pa'i stobs so/ /byang chub kyi phyogs rnams rgyun du bsgom pa ni brtson 'grus kyi stobs so/ /gang mnyan cing bsam pa'i chos nam du yang mi brjed pa ni dran pa'i stobs so//zhum pa dang rgod pa'i dbang du mi 'gyur ba ni ting nge 'dzin gyi stobs so/ /chos gang la yang the tshom med par shes pa ni shes rab kyi stobs so/ /de la dad pa'i stobs kyis ni mthong ba'i lam thob par bya ba la bar du gcod pa'i bdag gi lus la chags pa spong bar byed do/ /brtson 'grus kyi stobs kyis ni bdag gi yo byad la chags pa spong bar byed do//dran pa'i stobs kyis ni sngon byas pa dang smad pa'i lam la rtogs pa'i sems spong bar byed do/ /ting nge 'dzin gyi stobs kyis ni zhum pa dang rgod pa la sogs pa nyon mongs pa che long du byung ba zil gyis gnon to/ / shes rab kyi stobs kyis ni bag chags thams cad rtsad nas 'don to/ /stobs lnga bstan pa'i 'og tu byang chub kyi yan lag bdun bstan te/ ji ltar bstan pa bzhin du bshad par bzhed nas/ de la dge slong dag byang chub kyi yan lag bdun gang zhe na/ zhes bya ba la sogs pa gsungs so/ / de la byang chub ni bden pa bzhi khong du chud nas zad la mi skye ba'i ye shes thob pa ste/ byang chub de yang gang zag gi khyad par gyis na nyan thos kyi byang chub dang / yang dag par rdzogs pa'i byang chub ste rnam pa gsum du gzhag go/ /byang chub thob par byed pa'i grogs su gyur pa'am/ de'i rten du gyur pa'i chos ni byang chub kyi yan lag ste/dper na lus kyi grogs su gyur pa'am/ rten du gyur pa dang rkang pa dang / lag pa la sogs pa'i lus kyi yan lag ces bya ba bzhin no/ /'dir yan lag gi gtso bo gang yin na bdun po 'di dag byang chub kyi yan lag tu gzhag go/ / smras pa chos rab tu 'byed pa ni de kho na mngon par rtogs pa'i bdag nyid yin pas yan lag gtso bo dang yan lag gnyi gar gzhag go/ /dran pa la sogs pa drug ni de dang rjes su mthun par byed pa'i grogs yin pas yan lag bdun du gzhag go/ /de la byang chub kyi phyogs sum cu rtsa bdun gyi chos bsgom zhing mngon sum du byas pa rnams chud mi gzon cing mi brjed par byed pa ni/dran pa yang dag byang chub kyi yan lag ces bya ste/ dben pa la gnas pa la sogs pa'i don ni sngar bshad pa bzhin du blta'o/ /chos rnam par 'byed pa byang chub kyi yan lag ni lhag mthong gi tshogs dang zung du 'brel ba ste/gang mthong ba'i lam gyis kun nas nyon mongs pa'i phyogs dang / rnam par byang ba'i phyogs rnams kyi mtshan nyid ma 'dres par shes par bya'o/ /brtson 'grus byang chub kyi yan lag ni/ yon tan gong ma khyad par can rnams len par byed cing yon tan la bsgribs pa'i nyes pa rnams spong bar byed pa'i mtshan nyid do//dga' ba byang chub kyi yan lag ni de kho na'i mtshan nyid gang zag la bdag med pa dang po mthong nas lus dang sems la sim pa thob pa'o/ /shin tu sbyangs pa byang chub kyi yan lag ni lus las su rung ba dang / sems las su rung bar gyur pa ste/gnas ngan len thams cad dang bral ba'i lus dang sems las gzhan du gyur pas rang gi bya ba la spyod pa spang ba dang / sems gnas gzhan du gyur pas dmigs pa'i yul thogs pa med par 'jug pa'o/ /ting nge 'dzin byang chub kyi yan lag ni de bzhin nyid la dmigs pa'i sems rtse gcig pa rtag tu ma nyams pa gnas pa'o//btang snyoms byang chub kyi yan lag ni/ zhum rgod la sogs pa'i nyes pa thams cad spangs pas rtag tu bya ba med pa dang / nyon mongs pa med par gnas pa'o/ /byang chub kyi yan lag bdun rnams yan lag lngar gzhag ste/ rten gyi yan lag dang / rang bzhin gyi yan lag dang / nges par 'byung ba'i yan lag dang / rjes su bsngags pa'i yan lag dang / kun nas nyon mongs pa med pa'i yan lag go/ /de la dran pa byang chub kyi yan lag ni/ rten gyi yan lag ste/ dran pa'i dbang gis gang la dmigs pa'i dmigs pa de nas gzhan du mi g.yeng bar byed pa'i phyir ro//chos rnam par 'byed pa byang chub kyi yan lag ni/ rang bzhin gyi yan lag ste/ byang chub kyi chos rnams kyi rang dang spyi'i mtshan nyid shes pa'i ye shes kyi rang bzhin yin pa'i phyir ro/ /brtson 'grus byang chub kyi yan lag ni nges par 'byung bar byed pa'i yan lag ste/brtson 'grus kyi mthus so so'i skye bo'i sa las yang dag par 'da' bar byed pa'i phyir ro/ /dga' ba byang chub kyi yan lag ni rjes su bsngags pa'i yan lag ste/ des lus dang sems la phan 'dogs par byed pa'i phyir ro//bag yangs dang ting nge 'dzin dang / btang snyoms byang chub kyi yan lag gsum ni/ kun nas nyon mongs pa med pa'i yan lag ste/ de gsum gyis nyon mongs pa 'joms pa'i gnyen po byed pa'i phyir ro/ /de yang kun nas nyon mongs pa med pa'i gleng gzhi dang rten dang bzhin rnam pa gsum du gzhag go//de la kun nas nyon mongs pa med pa'i gleng gzhi ni shin tu byang ba byang chub kyi yan lag ste/ shin tu byang bas ni gnas ngan len pa dang / de'i rgyur gyur pa'i nyon mongs pa rnams 'joms par byed pa'i rgyu byed pa'i phyir ro/ /de yang ji lta zhe na/'di ltar lus dang sems las su mi rung ba ni gnas ngan len te/ de yod na sems rtse gcig pa mi 'byung bas sems g.yengs par 'gyur ro/ /sems g.yengs nas 'dod chags la sogs pa'i nyon mongs pa skye ste/ de bas na gnas ngan len ni/ kun nas nyon mongs pa'i rgyu'o//shin tu byang ba ni lus dang sems las su rung ba yin pas/ des gnas ngan len sel bar byed pa'i phyir/ kun nas nyon mongs pa med pa'i gleng gzhir gzhag go/ /kun nas nyon mongs pa med pa'i rten ni ting nge 'dzin byang chub kyi yan lag ste/ de ltar lus dang sems las su rung na sems mnyam par 'jog par 'gyur ro//sems mnyam par gzhag na yang dag pa ji lta ba bzhin du shes pa skyes na/ kun nas nyon mongs pa spangs te/ de bas na ting nge 'dzin ni kun nas nyon mongs pa med pa'i gzhi'o/ /kun nas nyon mongs pa med pa'i rang bzhin btang snyoms byang chub kyi yan lag ste/btang snyoms kyi nyon mongs pa spong bar byed la/ rtag tu'ang nyon mongs pa med pa dang rjes su mthun par gnas pa'i phyir ro/ /yan lag bdun po 'di yang rnam pa gsum du bsdus te/ zhi gnas kyi phyogs dang /lhag mthong gi phyogs dang gnyis ka'i phyogs so/ /de la chos rnam par 'byed pa dang / brtson 'grus dang / dga' ba gsum lhag mthong gi phyogs so/ /de la gang shin tu byang ba dang / gang ting nge 'dzin dang / btang snyoms byang chub kyi yan lag gsum ni zhi gnas kyi phyogs so//dran pa ni gnyi ga'i phyogs te/ thams cad du 'gro ba zhes bya'o/ /byang chub kyi yan lag rnams kyang dmigs pa dang / rang bzhin dang / grogs dang / bsgom pa dang / bsgoms pa'i 'bras bu ste/ rnam pa lngar gzhag go/ /de la byang chub kyi yan lag rnams kyi dmigs pa ni 'phags pa'i bden pa bzhi ste/mthong ba'i lam na bden pa bzhi rnams yang dag pa ji lta ba bzhin du shes shing dmigs pa'i phyir ro/ /rang bzhin ni dran pa dang / chos rab tu 'byed pa dang / brtson 'grus dang / dga' ba dang / shin tu sbyangs pa dang / btang snyoms so/ /grogs ni byang chub kyi yan lag de dag dang ldan pa'i sems dang sems la byung ba dad pa la sogs pa gzhan rnams so/ /bsgom pa ni dran pa byang chub kyi yan lag bsgom pa ste/ dben pa la gnas pa 'dod chags dang bral ba la gnas pa/ 'gog pa la gnas pa/rnam par spong bar bsngos pa/ sgom par byed de zhes bya ba la sogs pa bden pa bzhi nyid bsgom par gsungs so/ /bsgoms pa'i 'bras bu ni mthong bas spang bar bya ba'i nyon mongs pa spong bar byed pa'o/ /byang chub kyi yan lag bdun bstan pa'i 'og tu/ lam gyi yan lag brgyad bstan te/ de bas na ji ltar bstan pa bzhin du bshad par bzhed nas/ dge slong dag 'phags pa'i lam gyi yan lag brgyad gang zhe na zhes bya ba la sogs pa gsungs so/ /de la 'phags pa ni rgyun du zhugs pa'i 'bras bu la sogs pa slob pa'i gang zag rnams la bya ste/de dag bsgoms pas spang bar bya ba'i nyon mongs pa ma lus pa spang pa dang / rnam par grol ba mngon sum du bya ba'i phyir yan lag brgyad dang ldan zhing / yan lag brgyad kyis bsdus pa'i lam yin pa'i phyir/ 'phags pa'i lam gyi yan lag brgyad pa'i lam zhes bya'o//'di lta ste yang dag par lta ba dang zhes bya ba la gang byang chub kyi yan lag bdun gyi skabs su 'phags pa'i bden pa bzhi khong du chud pa thob ste/ de nyid la dmigs pa ni/ yang dag pa'i lta ba'o/ /yang dag pa'i lta ba de nyid gtsor byas nas 'byung bar 'gyur ba'i chos rnams la yang dag par rtog cing 'dod pa dang gnod sems dang 'tshe ba'i rtog pa spangs nas 'dod pa med pa dang /gnod sems med pa dang / 'tshe ba med pa la rtog pa ni/ yang dag pa'i rtog pa zhes bya ste/ gal te rtog pa zhig ni sems 'jug par 'dod na yang rnam pa de lta bu'i chos la rtog go//brgya la smra ba zhig la sems 'jug par 'dod na yang dag pa'i lta ba nyid mngon du byas nas/ dge ba'i chos la rnam par brtag pa'i chos de nyid gzhan la gtam du smra ste/ de ni yang dag pa'i ngag ces bya'o//gal te chos gos dang bsod snyoms dang mal cha dang stan dang na ba'i rkyen sman la sogs pa'i yo byad rnams dgos par gyur na/ de yang 'tshol ba'i dus na 'gro ba dang slar 'ong ba'i tshe shes bzhin du spyod pa dang / lta ba dang / rnam par lta ba dang / brkyang ba dang / bskum pa dang / chos gos dang / lhung bzed 'dzin pa dang / bza' ba dang btung ba la sogs pa dang / 'chags pa dang 'dug pa dang / nyal ba la sogs pa'i tshe shes bzhin du spyod de/ de ni yang dag pa'i las kyi mtha' zhes bya'o/ /gang chos gos dang na ba'i rkyen sman la sogs pa tshol ba yang g.yo dang sgyus tshol ba spangs nas/chos bzhin du tshol te/ de ni yang dag pa'i 'tsho ba zhes bya'o/ /yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba la brten nas bsgom pa la zhugs pa na mos pa dang brtson 'grus dang 'bad pa la sogs pa'i brtson 'grus rgyun mi gcod cing bsgoms pas spang bar bya ba'i nyon mongs pa spang ba la 'jug pa ni/yang dag pa'i rtsol ba'o/ /dran pa nye bar gzhag pa bzhi la brten nas phyin ci ma log par bsdu ba'i dngos po gsal ba'i mtshan nyid ni yang dag pa'i dran pa zhes bya'o//sems gnas pa rnam pa dgu ni yang dag pa'i ting nge 'dzin zhes bya'o/ /'phags pa'i lam gyi yan lag brgyad po de dag kyang mdor na rnam pa gnyis su gzhag ste/ spyod pa'i tshe gang bya ba dang /gnas pa'i tshe gang bya ba'o/ /spyod pa'i tshe ting nge 'dzin bsgom pa la ma gtogs pa gzhan 'chags pa dang 'dug pa la sogs pa spyod lam la gnas pa'i dus na ste/ de'i tshe na ni yang dag pa'i ngag dang / las kyi mtha' dang / 'tsho ba la gnas par bya'o/ /gnas pa'i tshe zhes bya ba ni/ting nge 'dzin du snyoms par zhugs pa'i dus na ste/ de na yang zhi gnas bsgom pa dang / lhag mthong bsgom pa rnam pa gnyis bya'o/ /de la gang yang dag pa'i lta ba dang / yang dag pa'i rtog pa dang / yang dag pa'i rtsol ba gsum ni lhag mthong gi phyogs 'khor dang bcas pa ste/yang dag pa'i lta ba ni lhag mthong nyid do/ /yang dag pa'i rtsol ba dang / rtog pa gnyis ni de'i phyogs so/ /yang dag pa'i dran pa dang / yang dag pa'i ting nge 'dzin ni zhi gnas kyi phyogs 'khor dang bcas pa ste/ yang dag pa'i ting nge 'dzin ni zhi gnas kyi sgo nyid do//dran pa ni de'i phyogs su gtogs pa'o/ /de ltar bsgoms pas spang bar bya ba'i bag la nyal ma lus par spang bar bya ba dang / dgra bcom pa'i 'bras bu dam pa mngon sum du byas pa'i phyir/ yang dag pa'i ngag dang las kyi mtha' dang /'tsho ba rnam par dag pa la brten nas slob pa'i gang zag dag dus dus su zhi gnas dang lhag mthong la sgom par byed do/ /yang na mi shes pa dang the tshom gyi shes pa dang / log pa'i shes pa med pa ni yang dag pa'i lta ba'o/ /de la mi shes pa ni 'phags pa'i bden pa bzhi mtshan nyid khong du ma chud pa'o//the tshom gyi shes pa ni 'phags pa'i bden pa bzhi yin nam ma yin snyam du the tshom za ba'o/ /log pa'i shes pa ni mi rtag pa la rtag pa la sogs par phyin ci log tu 'dzin pa'o/ /yang dag pa'i rtog pa zhes bya ba la/rgya gar skad du samyag saM kalpa zhes 'byung ste/ samyaka ni phyin ci ma log pa'i don to/ /saM ni mnyam pa'i don no/ /kalpa ni rjes su rtog pa'i don te/ yang dag pa'i lta bas mthong ba'i chos la phyin ci ma log par chos rnams kyi rang bzhin stong pa dang mi rtag pa la sogs par mthun par rjes su rtog pa ni yang dag pa'i rtog pa'o//brdzun la sogs pa'i nyes pa bzhi spangs pa ni yang dag pa'i ngag go/ /srog gcod pa la sogs pa lus kyi las ngan pa gsum las log pa ni yang dag pa'i las kyi mtha'o/ /sdig pa mi dge bas 'tsho ba med pa ni yang dag pa'i 'tsho ba ste/dge bsnyen la sogs pa'i khyim na gnas pa yang dug dang mtshon cha la sogs pa 'tshong ba la sogs pa las slar log pa'o/ /rab tu byung ba la yang kha gsag dang tshul 'chos pa la sogs pa las slar log pa'o/ /sdig pa mi dge ba'i chos spang ba dang /dge ba'i chos bsgrub pa la brtson 'grus ha cang drag pa yang ma yin/ dal ba yang ma yin te/ mnyam du rtsol ba ni yang dag pa'i rtsol ba'o/ /yid gsal bar gyur pas dmigs par bya ba'i yul la ma rmongs pa ni yang dag pa'i dran pa ste/ rgyu drug gi dran pa skye ba'o/ /rgyu drug ni dran pa mthong ba dang / mi 'dra ba dang / goms pa dang / gcig gi don du rtogs pa dang / zhi gnas kyi stobs dang / rgyu'i stobs so/ /de la 'dra ba mthong ba las dran pa skye ste/ bu dang 'dra ba la la mthong ba na bu dran pa lta bu'o/ /mi mthun pa las kyang dran pa skye ste/tsha ba dang grang ba dran pa lta bu'o/ /goms pa las kyang dran pa skye ste/ bklag pa la sogs pa la goms par byas pa las gang goms pa de nyid phyis kyang dran pa skye ste/ gcig gi don du rtogs pa las dran pa 'byung ste/ a mra'i 'bras bu mthong ba las skyur ba dran pa'o//zhi gnas kyi stobs kyang dran pa 'byung ste/ sngon gyi gnas rjes su dran pa dang / 'chi 'pho shes pa dang / zag pa zad pa shes pa'i rnal 'byor pa rnams tshe rabs snga ma'i gnas rnams rjes su dran pa skye ba'o/ /rgyu'i stobs las kyang dran pa skye ste/bsod nams dang ldan pa rnams tshe rabs gzhan dran pa 'byung ba'i phyir ro/ /g.yeng rgod thams cad spangs nas/ sems drang po'am mnyam par gnas na ni yang dag pa'i ting nge 'dzin to/ /ci'i phyir 'phags pa'i lam yan lag brgyad po rim pa de ltar bshad ce na/ mya ngan las 'das pa thob pa'i rnal 'byor ba rnams thog mar 'phags pa'i bden pa bzhi la ltos te/ de'i phyir dang po yang dag pa'i lta ba bstan to/ /ji ltar mthong ba bzhin du/ phyis de nyid yin nam ma yin rtog pa 'byung ste/ de bas na de'i 'og tu yang dag pa'i rtog pa'o/ / ji ltar rtag pa bzhin du tshig 'byin te/ de bas na de'i 'og tu yang dag pa'i ngag go/ /ji ltar smras pa de bzhin du phyis las byed de/ de bas na yang dag pa'i ngag gi 'og tu yang dag pa'i las kyi mtha'o/ /yang dag pa'i las byas pa rnams 'tsho ba rnam par dag par 'gyur te/ de'i phyir yang dag pa'i las kyi mtha'i 'og tu yang dag pa'i 'tsho ba'o/ /tshul khrims dang ldan pa rnams ni dge ba'i phyogs la brtson 'grus rtsom zhing brtson 'grus 'phel te/ de bas na yang dag pa'i 'tsho ba'i 'og tu yang dag pa'i rtsol ba'o/ /brtson 'grus dang ldan pa rnams la dran pa nyams pa 'byung mi srid pas/de'i 'og tu yang dag pa'i dran pa'o/ /dran pa dang ldan pa rnams ni sems rtse gcig tu 'gyur bas mjug tu yang dag pa'i ting nge 'dzin bshad do/ /ci'i phyir 'phags pa'i lam yan lag brgyad du bshad/ 'jig rten pa'i log pa'i lta ba nas log pa'i ting nge 'dzin rnam pa brgyad yod de/de'i gnyen po'i phyir yang yang dag pa'i lta ba nas yang dag pa'i ting nge 'dzin gyi bar du brgyad bshad do/ /yang na yang dag pa'i lta ba dang dran pa ni lhag mthong gi phyogs yin te/ de'i 'bras bu ni ma rig pa dang bral na shes rab rnam par grol lo//yan lag lhag ma rnams ni zhi gnas kyi phyogs te/ de'i 'bras bu ni 'dod chags dang bral nas sems rnam par grol lo/ /yang na yang dag pa'i ngag dang las kyi mtha' dang / 'tsho ba gsum ni tshul khrims kyi phung po ste/ des ni gtsor zhe sdang mi dge ba'i rtsa ba gcod par byed do/ /yang dag pa'i dran pa dang ting nge 'dzin gyi phung po ste/ des ni gtsor 'dod chags mi dge ba'i rtsa ba gcod do/ /yang dag pa'i rtog pa dang / rtsol ba dang lta ba gsum ni shes rab kyi phung po ste/ des ni gti mug mi dge ba'i rtsa ba gcod do//de la 'phags pa'i lam yan lag brgyad po 'di dag yan lag drug tu gzhag ste/ yan lag drug ni yongs su gcod pa'i yan lag dang / gzhan thob par byed pa'i yan lag dang / gzhan yid ches par byed pa'i yan lag dang / nyon mongs pa'i sgrib pa rnam par sbyong ba'i yan lag dang /nye ba'i nyon mongs pa'i sgrib pa rnam par sbyong ba'i yan lag dang / yon tan khyad par can 'thob pa la sgrib pa yongs su sbyong ba'i yan lag go/ /de la yang dag pa'i lta ba ni yongs su gcod pa'i yan lag ste/mthong ba'i lam na bdag dang sems can dang srog la sogs pa med par khong du chud pa de nyid la bdag gi de dag rnam pa 'di lta bur khong du chud do zhes mthong ba'i lam gyi chos nyid la gcod par byed pa'i phyir ro/ /yang dag pa'i rtog pa ni gzhan la thob par byed pa'i yan lag ste/ma brtags ma dpyad pas tshig mi 'byin pas yang dag pa'i lta bas ji ltar mthong ba'i chos rnam par brtags nas de nyid gzhan la 'chad par byed pa'i phyir ro/ /yang dag pa'i ngag dang / yang dag pa'i las kyi mtha' dang / 'tsho ba gsum ni gzhan yid ches par byed pa'i yan lag ste/rim bzhin du lta ba dang / tshul khrims dang / 'tsho ba dag par yid ches pa'i phyir ro/ /de la yang dag pa'i ngag gi ni lta ba rnam par dag par yid ches par 'byung ste/ ji lta zhe na/ yang dag pa'i ngag gis ji ltar chud pa'i chos rnams gzhan la lung ston pa na/gzhan gyis brgal ba'i lan gdab pa dang / bshad pa la gsal zhing phyin ci ma log par bstan pas/ gzhan dag 'dis ni chos kyi don gtan la dbab pa dang / 'gal ba med pa dang / gsal bar ston pa dang sbyar na de kho na khong du chud do zhes yid ches par 'gyur ro//yang dag pa'i las kyi mtha' ni tshul khrims rnam par dag par yid ches par 'byung ste/ 'dir srog gcod pa la sogs pa ngan par spyod pa rnams srog gi phyir yang mi byed pa dang sbyar na 'phags pa dgyes pa'i tshul khrims dang ldan no zhes yid ches par 'gyur ro//yang dag pa'i 'tsho ba rnam par dag par yid ches par 'gyur te/ ji lta zhe na chos gos la sogs pa yang chos bzhin du tshol gyi g.yo dang sgyus mi tshol la/ yo byad mang po 'dzin pa spangs pas 'tsho ba rnam par dag go zhes gzhan dag yid ches par 'gyur ro/ /de la yang dag pa'i lta bas ni mngon par rtogs pa dang ldan pa yin te/mthong ba'i lam gyi tshe rtogs pa'i chos nyid phyin ci ma log par shes pa'i phyir ro/ /yang dag pa'i rtog pas ni seng ge'i sgra sgrogs pa yin te/ ji ltar rtogs pa'i chos thogs pa med par gzhan la 'chad pa'i phyir ro//yang dag pa'i ngag dang las kyi mtha' dang 'tsho ba gsum ni/ rang gi rtogs pa dang dam bcas pa gsal bar ston par byed pa'o/ /yang dag pa'i rtsol ba ni nyon mongs pa'i sgrib pa rnam par sbyang ba'i yan lag ste/ bsgoms pas spang bar bya ba'i nyon mongs pa thams cad des spong bar byed pa'i phyir ro//yang dag pa'i dran pa ni nye ba'i nyon mongs pa rnam par sbyong ba'i yan lag ste/ zhum pa dang rgod pa rnams sems las byung ba tshor nas phyis de dag skye ba'i skabs sbyin par mi byed pa'i phyir ro/ /yang dag pa'i ting nge 'dzin ni yon tan khyad par can thob pa la sgrib pa yongs su sbyong ba'i yan lag ste/'phrul gyi mig la sogs pa mngon par shes pa lnga thob par byed pa la sgrib pa rnams ting nge 'dzin gyis sbyangs nas/ yon tan de dag thob par byed pa'i phyir ro/ /'phags pa'i lam gyi yan lag brgyad po de dag kyang rnam pa lngar gzhag ste/dmigs pa dang / rang bzhin dang / grogs dang / bsgom pa dang / bsgoms pa'i 'bras bu'o/ /de la lam rnams kyi dmigs pa ni mthong ba'i lam skye ba'i 'og tu mthong ba'i lam gyi tshe/ bden pa mthong ba de 'di nyid yang dag pa ji lta ba bzhin du dmigs so//rang bzhin ni yan lag brgyad de/ yang dag pa'i lta ba nas ting nge 'dzin gyi bar du brgyad do/ /grogs ni gang de dag dang ldan pa'i sems dang sems las byung ba dad pa dang / 'dod ma chags pa la sogs pa'o/ /bsgom pa ni yang dag pa'i lta ba bsgom ste/dben pa la gnas pa 'dod chags dang bral ba la gnas pa 'gog pa la gnas pa rnam par spong bar bsngos pa zhes bya ba la sogs pa'o/ /bsgoms pa'i 'bras bu ni yongs su gcod pa dang / gzhan thob par byed pa dang / gzhan yid ches pa dang / nyon mongs pa'i sgrib pa rnam par sbyong ba dang / nye ba'i nyon mongs pa'i sgrib pa rnam par sbyong ba dang / yon tan khyad par can thob pa'i sgrib pa rnam par sbyong ba'o/ /'phags pa'i lam yan lag brgyad po 'di nyan thos rnam par smra ba rnams kyis ni/ mthong ba'i lam du bsgom par 'dod de/de nyan thos mdo sde ba'i tshul gyis na bsgom pa'i lam yin par 'dod pas bsgom pa'i lam kho na yin par gzung ngo / /'phags pa'i lam yan lag brgyad pa bstan pa'i 'og tu/ dbugs 'byung ba dang rngub pa dran pa bcu drug bstan pas/ji ltar bstan pa bzhin du bshad par bzhed nas/ de la dbugs dbyung ba dang rngub pa dran pa bcu drug gang zhe na/ zhes bya ba la sogs pa gsungs so/ /de la rlung phyir rgyu ba ni dbugs dbyung ba'o/ /nang du rgyu ba ni rngub pa ste/ dbugs phyir 'byung ba dang / nang du rngub pa la dmigs pa'i dran pa ni dbugs 'byung ba dang / rngub pa dran pa zhes bya ste/ de yang dran pas yongs su zin pa'i shes rab kyi rang bzhin no/ /dran pa yang 'dir dran pa mthu can du gyur pa dran pa'i stobs la bya ste/ dran pa'i stobs kyis yongs su zin pa'i shes rab kyis rlung phyir 'byung ba dang nang du 'jug pa la dmigs par byed pa'o//de la dbugs 'byung ba yang rnam pa gnyis te/ gnyis po gang zhe na/ dbugs 'byung ba dang bar gyi dbugs so/ /dbugs rngub pa yang rnam pa gnyis te/ dbugs rngub pa dang bar gyi dbugs so//rngub pa ni gang dbugs phyir byung ma thag tu/ lte ba'i bar du rlung nang du 'jug pa'o/ /bar gyi dbugs ni dbugs rngub pa ste/ lte ba'i bar du zhugs nas chad pa las dus cung zhig gi bar du dbugs mi 'byung zhing ngal gso ba ring po mi thogs par dbugs shin tu yang phra ba zhig skye bar gyur ba'o//dbugs 'byung ba dang bar gyi dbugs 'byung ba la yang de bzhin du brjod par bya ste/ de la khyad par ni 'di yod de/ dbugs 'byung ba ni rlung phyir 'byung ba ste/ lte ba'i phyogs nas brtsams nas/ kha sna'i bar du 'byung ba dang / de las kyang phyir mtho gang dang /khru gang la sogs par 'byung ba'o/ /bar gyi dbugs ni dbugs phyir 'byung ba de chad nas/ dus ji srid cig tu dbugs drag tu 'byung ba med cing / ngal gso ba'i dus du skad cig gcig rlung phre'u zhig 'byung ba'o/ /dbugs 'byung ba dang rngub pa'i gleng gzhi yang / rnam pa gnyis te/ de 'phen par byed pa'i las dang / lte ba'i phyogs na su la la gnas pa'o/ /de la gong du yang lus kyi sul la yod pa'o/ /dbugs 'byung ba dang rngub pa'i rten yang rnam pa gnyis te/ lus dang sems so/ /de ci'i phyir zhe na/ dbugs 'byung ba dang / rngub pa ni lus la brten pa dang / sems la brten nas 'byung ba'i phyir ro/ /gal te lus 'ba' zhig la brten cing 'byung na ni/ 'du shes med pa la snyoms par 'jug pa dang / 'gog pa la snyoms par zhugs pa dang / 'du shes med pa'i lha rnams kyi nang du skyes pa dag la yang dbugs 'byung ba dang rngub pa yod pa'i skyon du 'gyur te/de dag la mi 'byung bas na/ lus 'ba' zhig la brten pa ma yin no/ /gal te sems 'ba' zhig la brten cing 'byung na ni/ gzugs med pa'i snyoms par zhugs pa dang / gzugs med par skyes pa'i sems can rnams la yang /dbugs 'byung ba dang rngub pa 'byung ba'i skyon du 'gyur te/ de dag la dbugs 'byung ba dang / rngub pa med pas sems 'ba' zhig la brten pa ma yin no/ /skabs kha cig tu lus la brten pa dang / sems la brten nas 'jug par yang mi rung ste/ lus la brten pa dang / sems la brten nas 'jug par nges na ni/ bsam gtan bzhi la snyoms par zhugs pa'i sems can rnams dang / nur nur po'i dus na mer mer po'i dus kyi tshe'i sems can rnams la yang dbugs 'byung ba dang / rngub pa yod pa'i skyon du 'gyur te/ de dag la yod pa ma yin pas so//de bas na dbugs 'byung ba dang / rngub pa ni dus de dag las ma gtogs pa'i tshe/ lus la brten pa dang / sems la brten nas 'jug go zhes ci rigs par gzhag go/ /dbugs 'byung ba dang rngub pa'i 'gro ba yang rnam pa gnyis te/ gnyis po gang zhe na/ 'byung ba ni gyen du 'gro ba'o/ /dbugs rngub pa ni thur du 'gro ba'o/ /'byung ba dang / rngub pa'i sa yang rnam pa gnyis te/ sul dang bu ga rags pa dang / sul dang bu ga phra ba'o/ /de la sul dang bu ga rags pa ni lte ba'i phyogs nas brtsams nas/gyen du kha dang sna la sogs pa'i sgor 'byung ba dang / kha sna'i sgo nas brtsams nas/ thur du lte ba'i phyogs kyi bar du sul gyi phyogs su rgyu ba'o/ /sul dang bu ga phra ba ni lus su gtogs pa'i ba spu'i bu ga thams cad do/ /dbugs 'byung ba dang /rngub pa'i ming gi rnam grangs kyang bzhi ste/ rlung dang / lus kyi 'du byed dang / dbugs 'byung ba dang rngub pa dang / dbugs phyir rgyu ba dang nang du rgyu ba'o/ /de la rlung zhes bya ba'i ming gi rnam grangs kyi mu stegs dang / 'jig rten pa la sogs pa kun dang thun mong ngo / / lhag ma gsum ni thun mong ma yin pa ste/ bstan pa 'di 'ba' zhig la ming gi rnam grangs de dag grags pa'i phyir ro/ /dbugs 'byung ba dang rngub pa la zhugs pa'i dri ma yang rnam pa gnyis te/ ha cang lhod par rab tu sbyor ba dang / ha cang bsgrims te rab tu sbyor ba'o/ / de la ha cang lhod par rab tu sbyor ba ni/ le lo skyes pa gnyid dang / rmugs pas sems non par 'byung ba'am/ sems phyis g.yengs par 'gyur ba'o/ /ha cang bsgrims te rab tu sbyor bas kyang lus mi mnyam pa dang / sems mi mnyam pa skye bar 'gyur ro/ /de la ji ltar lus mi mnyam pa skye zhe na/stobs kyis bsgrims nas dbugs 'byung ba dang / rngub pa la dam du dmigs pa na/ lus la rlung mi bzad pa rnams 'byung bar 'gyur te/ rlung gis shas cher g.yo bar 'gyur ro/ /gang gi phyir rlung gis shas cher g.yo bar gyur pas/ yan lag dang nying lag rnams g.yengs pa skye ste/ de'i phyir lus rgod pa zhes bya'o/ /'di ltar lus g.yengs par gyur pa'i rlung de 'phel na/ yan lag dang nying lag de dag tu lus kyi nang du 'gyur te/ 'di ni lus mi mnyam pa'o/ /ji ltar sems mi mnyam pa skye zhe na/ bsgrims te dmigs pa las sems g.yengs par 'gyur ro/ /sems g.yengs pa 'phel ba las/ yid mi bde ba dang 'khrugs pas zil gyis gnon par 'gyur te/ de ni sems mi mnyam pa skye ba zhes bya'o/ /de la dbugs 'byung ba dang rngub pa 'di la 'dris par bya ba rnam pa lnga yod par rig par bya ste/bgrang bas rab tu 'dris par bya ba dang / phung po la mkhas pas rab tu 'dris par bya ba dang / rten cing 'brel te 'byung ba la 'jug pas rab tu 'dris par bya ba dang / bden pa la 'jug pas rab tu 'dris par bya ba dang / rnam pa bcu drug tu rab tu 'dris par bya'o//de la bgrang bas rab tu 'dris par bya ba gang zhe na/ de mdor na rnam pa bzhi ste/ re re nas bgrang ba dang / gnyis gcig tu bgrang ba dang / lugs bzhin du bgrang ba dang / lugs las bzlog ste bgrang ba'o/ /de la re re nas bgrang ba gang zhe na/gang gi tshe dbugs nang du zhugs par gyur pa de na/ dbugs 'byung ba dang rngub pa la dmigs pa'i dran pas gcig ces bgrang bar byed do/ /gang gi tshe dbugs rngub pa 'gags nas/ dbugs 'byung ba skye ste med par gyur pa na/ de'i tshe gnyis zhes bgrang bar byed do//bgrang ba'i tshul de lta bus rnam pa bcu'i bar du bgrangs te/ 'di ni gnyis gcig tu bgrang ba'o/ /lugs bzhin du bgrang ba gang zhe na/ gang gong du bshad pa'i re re nas bgrang ba dang / gnyis gcig tu bgrang bar yang rung / rjes bzhin du bgrang ba'i bar du bgrang bar byed pa ste/'di ni lugs bzhin du bgrang ba'o/ /lugs las bzlog ste/ bgrang ba gang zhe na/ bcur phyin pa dang / gcig ces bgrang ngo / /dgu la gnyis zhes bgrang ngo / /brgyad la gsum zhes bgrang ba nas/ gcig la bcu zhes bya ba'i bar du bgrangs te/'di ni lugs las bzlog ste/ bgrang ba'o/ /gang gi tshe rnal 'byor pa des re re nas bgrang ba'am/ gnyis gcig tu bgrang ba'am/ lugs bzhin du bgrang ba'am/ lugs las bzlog ste/ bgrang ba la rab tu goms par byas pas/ de'i skabs su sems mi g.yeng zhing / mi g.yeng ba kho nar bgrang nus na/ de'i gong du bgrang ba'i khyad par gzhan bgrang bar bya ste/ bgrang ba'i khyad par gzhan gang zhe na/ re re nas bgrang ba'am/ gnyis gcig tu bgrang ba bsdoms nas gcig go/ zhes bgrang bar byed de/ de gnyis gcig tu bgrang bas ni dbugs 'byung ba dang rngub pa gnyis bzhi las gcig tu bgrong ngo / /re re nas bgrangs pas ni dbugs 'byung ba dang rngub pa re re nas bgrang bar byed de/ de gnyis gcig tu bsdoms te/ bgrang ba'i tshul bcu'i bar du bgrang bar byed do//de la yang goms par byed na bcu yang gcig tu byas nas bgrang ba spel te/ bcu'i bar du bgrang ba nas/ brgya gcig tu byas te/ bcu'i bar du bgrang bar byed do/ /gang gi tshe bgrang ba la zhugs pa'i rnal 'byor pas bcu gcig tu byas nas/bgrang ba'i tshul bcu'i bar du rdzogs par byed nus la/ bar du sems mi g.yeng na/ de tsam gyis bgrang ba'i tshul la goms par byas pa yin no/ /de ltar bgrang ba la zhugs pa las gal te sems 'khrugs sam g.yengs par gyur na/ slar mgo nas bzlog ste/ bgrang ba brtsam par bya'o/ /phung po la 'jug pa'i bar du goms par bya ba gang zhe na/ rnal 'byor pa sbyor ba de la brten pa mang ba dang / bsgom pa mang ba dang / mang du bya ba dang ldan pas lus shin tu byang ba dang / sems shin tu byang ba skye bar 'gyur ro/ da lus shin tu byang ba dang /sems shin tu byang ba skyes pas/ sems rtse gcig pa la reg cing dmigs pa la rtag tu sems gnas pa dga' bar 'gyur ro/ /de ltar shin tu goms par byas pa de dbang po dang yul rnams kyi dngos po yid la byed pa'i tshul gyis/ phung po la 'jug ste/ji ltar 'jug ce na/ 'di ltar dbugs 'byung ba dang / rngub pa 'di'i rten ni lus yin te/ de lus la brten to zhes yid la byed pas na/ gzugs kyi phung po la zhugs shing rtogs pa yin no/ /gang dbugs 'byung ba dang rngub pa de dag la dmigs pa'i dran pas/ de nyid kyi mtshan nyid ma brjed par bzung zhing myong ba ni tshor ba'i phung po la zhugs pa yin no//de na gang kun tu shes pa yod pa de ni 'du shes kyi phung po ste zhes 'du shes kyi phung po la 'jug go/ /gang de'i tshe dran pa yod pa dang / ting nge 'dzin yod pa dang / sems pa yod pa dang / shes rab yod pa ni/ 'du byed kyi phung po'o/ /zhes 'du byed kyi phung po la 'jug go/ /gang de'i tshe sems dang yid dang rnam par shes pa ni rnam par shes pa'i phung po'o zhes rnam par shes pa'i phung po la 'jug ste/ de ltar zhugs pa ni phung po la rab tu goms pa zhes bya'o/ / gang gi tshe rnal 'byor pa des phung po tsam du mthong zhing rab tu shes pa dang / 'du byed tsam dang / dngos po tsam du mthong zhing rab tu shes pa de'i tshe na/ phung po de dag nyid la rten cing 'brel te 'byung ba'i mtshan nyid rab tu 'jug ste/ ji ltar 'jug ce na/ rnal 'byor pa de 'di ltar yongs su tshol bar byed do//'di ltar dbugs dbyung ba dang / rngub pa 'di ci la brten/ ci'i rkyen las byung zhes brtags na/ des 'di ltar khong du chud par 'gyur te/ dbugs 'byung ba dang / rngub pa 'di ni lus la brten pa/ lus kyi rkyen las byung ba/ sems la brten pa/ sems kyi rkyen las byung ba'o zhes rtogs so/ /lus dang sems kyang ci'i rkyen gyis gnas zhes brtags na/ de yang da ltar 'tsho ba'i dbang po'i rten gyi gnas so zhes rtogs so/ /'tsho ba'i dbang po de yang ci'i rkyen gyis byung zhes brtags na/ de yang tshe rabs gzhan gyi las dge ba dang /mi dge ba'i 'du byed kyi rkyen gyis byung bar rtogs so/ /sngon gyi 'du byed kyang ci'i rkyen gyis byung zhes brtags na/ de yang ma rig pa'i rkyen gyis byung bar rtogs te/ de ltar na ma rig pa'i rkyen gyis ni/ sngon du 'du byed rnams spyod do/ / sngon gyi 'du byed kyi rkyen gyis ni tshe'i dbang po/ /tshe'i dbang po'i rkyen las ni lus dang rnam par shes pa'o/ /lus dang sems kyi rkyen las ni dbugs 'byung ba dang rngub pa skye'o/ /de la ma rig pa 'gags na 'du byed 'gag go/ /'du byed 'gags na tshe'i dbang po 'gag go/ tshe'i dbang po 'gags na lus dang sems 'gag go/ /lus dang sems 'gags na dbugs 'byung ba dang rngub pa 'gag ste/ de ltar na rten cing 'brel bar 'byung ba la zhugs par 'gyur ro/ /ji ltar na bden pa la zhugs pa kun tu 'dris par byed ce na/des de ltar rten cing 'brel te 'byung ba la 'dris pa mang du byas pas/ 'dus byas kyi chos de dag ni rten cing 'brel te 'byung ba ste mi rtag pa'o zhes khong du chud do/ /'di dag mi rtag pa yin pas na/ med pa la skye la skyes nas kyang med par 'gyur te/ de ltar gyur pa de ni/skye ba'i chos can dang / rga ba'i chos can dang / na ba'i chos can no/ /gang skye ba dang rga ba dang na ba dang 'chi ba'i chos can de dag ni sdug bsngal ba'o/ /gang sdug bsngal ba de ni bdag med pa/ rab dbang med pa/ bdag po med pa ste/ de ltar des mi rtag pa dang /sdug bsngal ba dang / stong pa dang bdag med pa'i rnam par sdug bsngal gyi bden pa la zhugs par 'gyur ro/ /de yang 'di ji snyam du sems te/ sdug bsngal gyi 'du byed sdug bsngal bar gyur pa dang / nad du gyur pa dang / 'bras bur gyur pa de skyed par byed pa'i rkyen ni srid pa'o zhes kun 'byung gi bden pa la 'jug go//gang sdug bsngal skyed par byed pa'i sred pa de ma lus par spangs pa ni/ zhi ba gya nom pa ste zhes 'gog pa'i bden pa la 'jug go/ /gang de ltar shes de ltar mthong / de ltar khong du chud pa ni/ lam gyi bden pa yin te zhes lam gyi bden pa la yang 'jug ste/de ltar na de bden pa bzhi la zhugs pa yin no/ /rnal 'byor pa de la bden pa bzhi la 'dris par byas pas/ mthong bas spang bar bya ba'i nyon mongs pa ma lus par spangs nas/ de bsgoms pas spang bar bya ba'i nyon mongs pa spang par bya ba'i phyir/rnam pa bcu drug la rab tu 'dris par byed de/ rnam pa bcu drug gang zhe na/ dran bzhin du dbugs 'byung ba la dran bzhin du dbugs 'byung ba'o zhes yang dag pa ji lta ba bzhin du shes so zhes bya ba nas brtsams te/ so sor spong bar lta ba bzhin du dbugs rngub pa la yang /so sor spong bar lta ba bzhin du/ dbugs rngub pa'o zhes yang dag pa ji lta ba bzhin du shes pa 'di ni/ dge slong dag dbugs 'byung ba dang rngub pa dran pa bcu drug go zhes gang mdo las gsungs so/ /tshig bcu drug po de dag ji ltar rab tu dbye zhe na/ gong du bden pa bzhi la goms par bya ba'i skabs su bden pa bzhi mthong ba'i slob pa'i gang zag dran pa nye bar gzhag pa bzhi la dmigs pa thob pa des/bsgoms pas spang bar bya ba'i kun nas sbyor ba lhag ma spang ba'i phyir dbugs 'byung ba dang rngub pa yid la byed pa rtsol bar byed de/ nam dbugs 'byung ba'i dus na/sems ma rmongs pas ji ltar 'byung ba'i mtshan nyid dran pa bzhin du 'byung bar shes pa ni/ dran bzhin du dbugs 'byung ba la/ dran bzhin du dbugs 'byung ba'o zhes yang dag pa ji lta ba bzhin du shes pa zhes bya'o/ /dbugs nang du rngub pa'i dus la g.yeng ba med par dran pas de nyid la dran bzhin du dmigs so zhes shes pa na ni/dran bzhin du dbugs rngub pa la yang / dran bzhin du dbugs rngub pa'o zhes yang dag pa ji lta ba bzhin du shes pa zhes bya ste/ bcu drug las 'di ni dang po'o/ /gang gi tshe dbugs 'byung ba dang rngub pa la dmigs par byed pa de'i tshe na ni/dbugs 'byung ba ring po la dbugs 'byung ba ring po'o zhes yang dag pa ji lta ba bzhin du shes pa dang / dbugs ring du shes pa dang / dbugs ring du rngub pa la yang dbugs ring du rngub pa'o zhes yang dag pa ji lta ba bzhin du rab tu shes pa zhes bya ste/'di ni gnyis pa'o/ /gang gi tshe dbugs 'byung ba'i bar dang rngub pa'i bar yid la byed pa na u0f37ni/ dbugs 'byung ba thung ngu zhes bya ba nas/ dbugs rngub pa thung ngu zhes yang dag pa ji lta ba bzhin du rab tu shes zhes bya ste/ 'di ni gsum pa'o/ /yang n a rnal 'byor pa dbugs 'byung ba la dmigs pa na/lte ba'i phyogs nas brtsams te dbugs byung nas kha sna'i sgo nas/ phyir mtho gang dang khru gang dang 'dom gang la sogs pa ji srid du 'byung ba la dmigs pa ni/ dbugs 'byung ba ring po la dbugs 'byung ba ring po'o zhes yang dag pa ji lta ba bzhin du rab tu shes pa zhes bya'o//nam rnal 'byor pas dbugs rngub pa la dmigs pa'i tshe/ kha sna'i sgo nas brtsams te/ lte ba'i bar du dbugs ji ltar thung du song ba dmigs pa na ni/ dbugs ring du rngub pa yang dbugs ring du rngub pa'o//zhes yang dag pa ji lta ba bzhin du rab tu shes pa zhes bya'o/ /nam rnal 'byor pas dbugs phyir 'byung ba lte ba nas brtsams te/ brang gi bar du byung nas chad pa la dmigs pa na ni/ dbugs 'byung ba thung ngu la dbugs 'byung ba thung ngu zhes yang dag pa ji lta ba bzhin du rab tu shes pa zhes bya'o//nam rnal 'byor pas dbugs rngub pa na yang kha sna'i sgo nas mgrin pa la sogs pa'i bar du chad pa la dmigs na ni dbugs 'byung ba thung ngu la dmigs pa zhes bya'o/ /nam rnal 'byor pas sul dang bu ga rags pa'i dbugs 'byung ba la dmigs pa'i tshe na ni/lus so sor shes bzhin du dbugs 'byung ba la/ lus so sor shes bzhin du dbugs 'byung ba'o zhes yang dag pa ji lta ba bzhin du rab tu shes pa zhes bya'o/ /nam rnal 'byor pas dbugs rngub pa'i sul dang bu ga rags pa las dbugs rngub pa la dmigs pa'i tshe na ni/lus so sor shes bzhin du dbugs rngub pa las lus so sor shes bzhin du dbugs rngub pa'o zhes yang dag pa ji lta ba bzhin du rab tu shes pa zhes bya'o/ /don du na lte ba nas brtsams te/ rgyu ma dang long ka dang / pho ba la sogs pa nas dbugs phyir ji ltar 'byung ba la dmigs pa ni/lus so sor shes bzhin du dbugs 'byung ba yang dag pa ji lta ba bzhin du rab tu shes pa zhes bya'o/ /nam kha sna'i sgo nas gre ba la sogs par thur du rgyu zhing rgyu ma dang / long ka la sogs par ji ltar zhugs pa la dmigs pa na ni/lus so sor shes bzhin du dbugs rngub pa yang dag pa ji lta ba bzhin rab tu shes pa zhes bya'o/ /'di ni bzhi pa zhes bya'o/ /nam rnal 'byor pas dbugs 'byung ba 'di yang lus kyi 'du byed de lus la brten/ lus la gnas par shes nas dbugs 'byung ba lus la brten/ji ltar 'byung ba la dmigs pa'i dus na ni/ lus kyi 'du shes so sor shes bzhin dbugs 'byung ba la/ lus kyi 'du shes so sor shes bzhin du yang dag pa ji lta ba bzhin [(]shas [,]shes [)]pa zhes bya'o/ /nam rnal 'byor pas dbugs rngub pa 'di yang / lus kyi 'du byed lus la brten/lus la brten nas rngub par shes te/ lus la brten nas dbugs ji ltar rngub pa las/ dmigs pa'i dus na ni lus kyi 'du byed so sor shes bzhin dbugs rngub pa la/ lus kyi 'du byed so sor shes bzhin dbugs rngub pa'o zhes yang dag pa ji lta ba bzhin du rab tu shes pa zhes bya'o//'di ni lnga pa'o/ /nam rnal 'byor pas spu dang ba spu'i khung bu la sogs pa sul dang bu ga phra mo nas dbugs ji ltar 'byung ba la dmigs pa'i dus na ni/ lus thams cad so sor shes bzhin du dbugs 'byung ba la/ lus thams cad la so sor shes bzhin du dbugs 'byung ba'o zhes yang dag pa ji lta ba bzhin du rab tu shes pa'o//nam rnal 'byor pas ba spu la sogs pa'i bu ga dang sul phra mo nas dbugs ji ltar nang du 'jug pa la dmigs pa'i dus na ni/ lus thams cad so sor shes bzhin du dbugs rngub pa la/ lus thams cad la so sor shes bzhin du dbugs rngub pa'o zhes yang dag pa ji lta ba bzhin du rab tu shes pa zhes bya'o//'di ni drug pa'o/ /rnal 'byor pas dbugs 'byung ba yang 'gags/ bar gyi dbugs kyang 'gags te/ dbugs dbyung ba dang rngub pa gzhan ma skyes pa'i gnas stong pa la dmigs shing /de khong du chud par gyur pa'i dus na ni/ bdag gi lus kyi 'du byed shin tu byang bar dbugs 'byung ba la/ bdag gi lus kyi 'du byed shin tu byang bar dbugs 'byung ba'o zhes yang dag pa ji lta ba bzhin du rab tu shes pa zhes bya ste/ shin tu byang ba ni dbugs 'byung ba dang bral ba'i gnas dang dus la bya'o//nam rnal 'byor pa dbugs rngub pa yang 'gags/ bar gyi dbugs kyang 'gags nas/ dbugs 'byung ba dang rngub pa gzhan ma skyes pa'i dus stong par gyur ba la dmigs pa ni/ bdag gi lus kyi 'du byed shin tu byang bar dbugs rngub pa la bdag gi lus kyi 'du byed shin tu byang ba'o//zhes yang dag pa ji lta ba bzhin du rab tu shes pa zhes te/ 'di ni bdun pa'o/ /yang na shin tu byang ba'i don ni dbugs 'byin pa dang / rngub pa la dmigs pas lus dang sems las su rung ba byas pas shes pa'o//yang na des gong du bshad pas dbugs 'byung ba dang rngub pa de dag la dmigs pa brten pa mang ba dang / bsgom pa mang ba dang / mang du byas pa dang ldan pas/ sngon 'dris par ma byas pa'i tshe/ dbugs 'byung ba dang / rngub pa la dmigs pa'i tshe/ sems sha thang ba dang / sdug bsngal bzhin du dmigs pa dang / dbugs 'byung ba dang / rngub pa yang rags pa dang / sbom por byung ba 'gags nas/ de dang bral te de goms par bya ba'i mthus/ dbugs kyang phrar rgyu zhing / de la dmigs pa'i sems kyang sha thang ba med par bde ba'i reg pa dang ldan bzhin du dmigs pa 'byung ste/de bas na bdag gi lus kyi 'du byed shin tu byang bar dbugs 'byung ba dang zhes bya ba la sogs pa gsungs so/ /rnal 'byor pa des de ltar dbugs 'byung ba dang / rngub pa'i dran pa'i sbyor ba rab tu sbyar ba'i stobs kyis/ gal te bsam gtan dang po'am/ bsam gtan gnyis pa thob par gyur pa de na/ dbugs 'byung ba dang / rngub pa la dmigs pa'i rgyus ji ltar bsam gtan dang po dang gnyis pa thob par shes pa ni/ dga' ba so sor shes bzhin du dbugs 'byung ba la zhes bya ba nas/ dga' ba so sor shes bzhin du dbugs rngub pa'o zhes yang dag pa ji lta ba bzhin du rab tu shes pa zhes bya ste/'di ni brgyad pa'o/ /gal te des dga' ba dang bral ba bsam gtan gsum pa'i bde ba myong bar gyur pa de'i tshe na ni/ bde ba so sor shes bzhin dbugs 'byung ba la zhes bya ba nas/ bde ba so sor shes bzhin du dbugs rngub pa'o zhes yang dag pa ji lta ba bzhin du rab tu shes pa zhes bya ste/ 'di ni dgu pa'o/ /bsam gtan bzhi pa yan chad nyes pa brgyad dang bral ba yin pas/ bsam gtan bzhi yan chad ni dbugs 'byung ba dang rngub pa dran pa la sbyor ba med do//gal te rnal 'byor pa des rtsa ba'i bsam gtan dang po'am gnyis pa'am gsum pa thob par gyur na/ des gdon mi za bar mi thob tu mi rung ba dang / bsam gtan dang po'i nyer bsdogs kyi ting nge 'dzin thob par 'gyur ro/ /de la ting nge 'dzin de dag la brten nas/ rang gi sems ci dang ci byung ba dang /ji lta ji ltar skyes pa la rab tu rtogs par byed de/ 'dod chags dang bcas pa'am/ 'dod chags dang bral ba'am/ zhe sdang dang bcas pa'am/ zhe sdang dang bral ba'am/ gti mug dang bcas pa'am/ gti mug dang bral ba'am/ bsdus pa'am/g.yengs pa'am/ zhum pa'am/ gzengs mthos pa'am/ rgod pa'am/ mi rgod pa'am/ zhi ba'am/ ma zhi ba'am/ mnyam par gzhag pa'am/ mnyam par ma bzhag pa'am/ legs par bsgom pa'am/ legs par ma bsgom pa'am/ rnam par grol ba'am/rnam par ma grol ba zhes yang dag pa ji lta ba bzhin du rab tu khong du chud cing shes pa byung ste/ dbugs 'byung ba dang rngub pa la dmigs pa'i tshe/ sems kyi ngo bo ci 'dra bar 'byung bar shes pa ni/ sems so sor shes bzhin du dbugs 'byung ba'o zhes bya ba nas/sems so sor shes bzhin du dbugs rngub pa'o zhes yang dag pa ji lta ba bzhin du rab tu shes pa'o zhes bya ste/ 'di ni bcu pa'o/ /rnal 'byor pa sems la brten nas dbugs 'byung bar 'gyur ba las sems la brten nas/ dbugs ji ltar 'byung ba la dmigs pa'i tshe na ni/sems kyi 'du byed so sor shes bzhin dbugs 'byung ba la/ sems kyi 'du byed so sor shes bzhin du dbugs 'byung ba'o zhes yang dag pa ji lta ba bzhin rab tu shes pa zhes bya'o/ /dbugs rngub pa yang sems la brten nas dbugs rngub pa ste/ sems la brten nas dbugs ji ltar rngub pa la dmigs pa'i dus na ni/sems kyi 'du byed so sor yang dag par shes bzhin du dbugs rngub pa la/ sems kyi 'du byed so sor yang dag par shes bzhin dbugs rngub pa'o zhes yang dag pa ji lta ba bzhin rab tu shes pa zhes bya ste/ 'di ni bcu gcig pa'o/ /de ltar des dga' ba so sor myong bar gyur pa'am/bde ba so sor myong bar gyur pas/ gal te brgya la zhig dran pa rmongs pa'i rgyus bdag ce'am/ bdag ni bdag gi zhe'am/ bdag gi 'byung bar 'gyur zhe'am/ 'byung bar mi 'gyur zhe'am/ gzugs can du 'gyur zhe'am/gzugs med par 'gyur zhe'am/ 'du shes can nam/ 'du shes med pa'am/ 'du shes med min du 'gyur zhes rmongs pa'i 'du shes kyis sems g.yo ba byung na/ myur du myur bar shes rab kyis rtogs par byas nas/ dbugs 'byung ba dang rngub pa gnyis la dmigs te/rtogs pa de dag gnas par mi byed cing rab tu spong ba la sel bar byed de/ de ni bdag gi sems kyi 'du byed shin tu byang bar dbugs 'byung ba zhes bya ba nas/ bdag gi sems kyi 'du byed shin tu byang bar dbugs rngub pa zhes yang dag pa ji lta ba bzhin shes pa zhes bya ste/'di ni bcu gnyis pa'o/ /de ltar bsgoms pa las/ gal te gnyid dang rmongs pa'i sgrib pas sems non par gyur te/ sems mi gsal bar gyur pa na/ sems dga' ba dang / gsal bar gyur pa'i dmigs pa 'ga' zhig la dmigs nas/sems gzengs bstod pa dang / dga' bar bya ste/ yang dmigs pa'i phyi nang du rgyu ba dmigs pa'i tshe na ni/ bdag gi sems mngon par dga' ste/ dbugs rngub pa'o/ /zhes yang dag pa ji lta ba bzhin rab tu shes pa zhes bya ste/ 'di ni bcu gsum pa'o/ /de ltar dmigs pa de la brten pa mang ba dang /sgom pa dang / dbugs phyi nang du rgyu ba la dmigs pa nyid la mang du bya ba mang bas/ rmugs pa dang rgod pa la sogs pa'i sgrib pa mngon du rgyu ba rnams ring du byas par 'gyur te/ bdag gi sgrib pa rnams bsal zhes pa na ni/ bdag gi sems rnam par grol te dbugs 'byung ba zhes bya ba nas/bdag gi sems rnam par grol te dbugs rngub pa'o zhes yang dag pa ji lta ba bzhin du shes pa zhes bya'o/ /'di ni bcu bzhi pa'o/ /gal te de ltar bsgom pa'i tshe rgod pa'i sgrib pa dang / the tshom gyi sgrib pas bsgribs par gyur pa mthong na dbugs 'byung ba dang rngub pa gnyis la dmigs nas sems mngon par bsdus te nang du 'jog par byed cing zhi bar byed/sems rtse gcig tu 'jog pa'i dus na ni/ bdag gi sems mnyam par gzhag ste/ dbugs 'byung ba la zhes bya ba nas/ bdag gi sems mnyam par gzhag ste/dbugs rngub pa'o zhes yang dag pa ji lta ba bzhin du rab tu shes pa zhes bya ba ste/ 'di ni bco lnga pa'o/ /de sgrib pa rnams las sems rnam par grol bar gyur pa dang / lhag ma las bsgom pa'i bar du gcod par byed pa'i bag la nyal lhag ma lus par gyur te/de dag spang bar bya ba'i phyir bden pa bzhi bsgom pa'i lam mngon du byed do/ /de yang 'di ltar byed de/ 'du byed rnams mi rtag pa'i chos so zhes sdug bsngal gyi bden pa la dang por rtogs te/ de bas na de bzhin du mi rtag par lta ba dang / zhes gsungs so/ / rnal 'byor pa des sngar bsam gtan dang po dang gnyis pa dang gsum pa la brten pa dang / mi thos su mi rung ba la brten nas zhi gnas la goms par byas so/ /da ni mi rtag pa dang rjes su mthong bas na/ lhag mthong goms par byed pa yin no/ /de ltar de'i sems ni/ zhi gnas dang lhag mthong la goms par byas pas/de'i 'og tu khams gsum la mos par byed de/ khams gsum ni 'dod chags dang bral ba'i khams dang / 'gog pa'i khams dang / so sor spong ba'i khams so/ /de la bsgom pas spang bar bya ba'i 'du byed thams cad spang ba la mos pa ni/'dod chags dang bral bar lta'o/ /phung po thams cad spang ba la mos pa ni 'gog pa la lta ste/ mthong bas spang bar bya ba'i 'du byed thams cad spang ba la mos pa ni/ so sor spong bar lta ba zhes bya ste/ dbugs 'byung ba dang rngub pa'i tshe de ltar rmongs pa skyes pa ni/ dbugs 'byung ba'o zhes yang dag pa ji lta ba bzhin shes par byas nas/ so sor spong bar lta ba bzhin du dbugs rngub pa'o zhes yang dag pa ji lta ba bzhin du shes par byas nas/ so sor spong bar lta ba bzhin du dbugs rngub pa'o zhes yang dag pa ji lta ba bzhin rab tu shes pa zhes bya'o/ /yang na sdug bsngal gyi phung po la 'jig pa'i chos can du lta ba ni mi rtag par lta ba'o//kun 'byung la spang bar bya ba'i chos can du lta ba ni/ 'dod chags dang bral bar lta ba'o/ /'gog pa la mngon du bya ba'i chos can du lta ba ni/ 'gog par lta ba'o/ lam gyi bden pa ni nyon mongs pa spong bar byed pa'o zhes lta ba ni/so sor spong bar lta ba zhes bya'o/ /dbugs phyi nang du rgyu ba bcu drug bsgom pa bstan pa'i mjug bsdu ba'i phyir/ dge slong dag dbugs 'byung ba dang rngub pa dran pa bcu drug go zhes bya ba gsungs so/ /dbugs phyi nang du rgyu ba bcu drug bstan pa'i 'og tu/rgyun du zhugs pa'i yan lag bzhi bstan te/ ji ltar bstan pa bzhin du bshad par bzhed nas/ de la rgyun du zhugs pa'i yan lag bzhi gang zhe na/ zhes bya ba la sogs pa gsungs so/ /de la rgyun ces bya ba ni 'phags pa'i lam la bya ste/ chu bo'i rgyun rgya mtshor 'jug pa bzhin du/lam des kyang mya ngan las 'das pa'i grong khyer du 'jug pas na/ lam ni rgyun to/ /lam der zhugs pa'am/ lam de thob pa ni rgyun du zhugs pa ste/ lam gyi grogs su gyur pa'i chos bzhi la ni/ rgyun du zhugs pa'i yan lag bzhi zhes bya ste/ 'phags pa rnams kyi kun tu rig pa'i dad pa bzhi zhes kyang bya'o/ /de la 'phags pa'i nyan thos bcom ldan 'das de yang zhes bya ba nas/ sangs rgyas la rjes su shes nas/ dad pa dang ldan pa yin no zhes bya ba'i bar du ni/ rgyun du zhugs pa'i yan lag dang po'o/ /bcom ldan 'das kyis dam pa'i chos legs par gsungs pa/zhes bya ba nas/ dam pa'i chos la dad pa dang ldan pa yin no/ /zhes bya ba yan chad ni/ rgyun du zhugs pa'i yan lag gnyis pa'o/ /bcom ldan 'das kyi nyan thos kyi dge 'dun zhes bya ba nas/ skyes bu gang zag brgyad rnams so zhes bya ba yan chad yan lag gsum pa'o//de ltar bcom ldan 'das kyi nyan thos kyi dge 'dun dang dad pa phun sum tshogs pa dang zhes bya ba nas/ mkhas pa ma smad pa'i 'phags pa 'dod pa'i tshul khrims dang ldan pa yin te/ zhes bya ba yan chad yan lag bzhi pa'o/ /'phags pa nyan thos zhes bya ba la 'dod chags spang ba dang /zhe sdang spang ba dang / gti mug spang ba la zhugs pa'i rgyun du zhugs pa la sogs pa la slob pa'i gang zag rnams dang / 'dod chags dang / zhe sdang dang / gti mug spang ba dang / dgra bcom pa ma slob pa'i 'bras bu la gnas pa de dag ni/'phags pa'i nyan thos te/ nyan thos kyi don ni bden pa mthong bar bya ba gzhan gyi lung dang man ngag mnyan pa la rag lus pas nyan thos so/ /de dag chos bzhi la dad pa mi phyed pa skye'o zhes bya bar sbyar ro/ /rgyun du zhugs pa'i yan lag dang po bstan pa'i phyir/ bcom ldan 'das de yang zhes bya ba la sogs pa gsungs te/yan lag dang pos mdor bsdu na/ rnam pa drug bstan te bgegs bcom pa dang / ston pa phun sum tshogs pa dang / gang gis de thob pa dang / ji ltar gshegs pa dang / ston pa'i las dang / gang dag gis yongs su gzung ba bstan to//bcom ldan 'das zhes bya ba ni bgegs bcom pa bstan te/ de la bgegs ni/ bla na med pa'i byang chub thob par byed pa'i bar chad byed pa'i bdud sdig can dang / mngon par rdzogs par sangs rgyas pa'i dus na bdud sdig can dang / 'di'i 'khor du gtogs pa 'dod pa'i khams kyi lha'i bu 'khor dang bcas pa rnams bcom pas na bcom ldan 'das so//de bzhin gshegs pa dgra bcom pa yang dag par rdzogs pa'i sangs rgyas zhes bya ba nas/ ston pa phun sum tshogs pa bstan te/ de yang ji lta ba bzhin du smra ba dang / yang dag par bsgrub par bya ba ste/rnam pa gnyis kyis ston pa phun sum tshogs pa bstan to/ /de la de bzhin gshegs pa zhes bya bas/ ji lta ba bzhin du smras pa bstan te/ de bzhin zhes bya ba ni ma nor ba'o/ /gshegs pa zhes bya ba ni ston pa'am/ smra ba'am/ gsung ba ste/ dngos po rnams kyi don 'phags pa'i bden pa bzhi ji ltar gnas pa de bzhin du gsung zhing 'chad pas na de bzhin gshegs pa'o/ /yang dag par sgrub par byed pa yang rnam pa gnyis te/ spong ba phun sum tshogs par sgrub pa dang / ye shes phun sum tshogs par sgrub pa'o/ /de la dgra bcom pa zhes bya bas spong ba phun sum tshogs pa sgrub pa bstan te/'dod chags la sogs pa nyon mongs pa mthong ba dang / bsgom pas spang bar bya ba'i chos rnams spangs pas na dgra bcom pa'o/ /yang dag par rdzogs pa'i sangs rgyas zhes bya bas ye shes phun sum tshogs pa sgrub pa bstan te/yang dag par ni ma nor bar ram phyin ci ma log par ro/ /rdzogs par ni ma lus pa'o/ /sangs rgyas ni mkhyen pa ste/ yang dag par sangs rgyas pa dang / rdzogs par sangs rgyas zhes sbyar ro/ /don du bsdu na ji snyed mkhyen par bya ba'i yul/phung po dang khams la sogs pa ma lus par mkhyen cing / de yang mi rtag pa dang / sdug bsngal ba dang / stong pa dang bdag med par phyin ci ma log par mkhyen pa'i ye shes dang ldan pas yang dag par rdzogs pa'i sangs rgyas zhes bya'o/ /yang na rnam pa gsum gyis ston pa phun sum tshogs par ston te/rnam pa gsum ni phyin ci ma log par smra ba dang / nyon mongs pa med pa dang / shes bya brjod par bya ba ji snyed yod pa thugs su chud pa'o/ /de la de bzhin gshegs pa zhes bya bas phyin ci ma log par smra ba bstan te/ shes bya'i dngos po ji ltar gnas pa de bzhin du gsungs pa'i phyir de bzhin gshegs pa'o//dgra bcom pa zhes bya bas nyon mongs pa med pa bstan te/ nyon mongs pa dang / nye ba'i nyon mongs pa dgra lta bur gyur pa spangs pa'i phyir/ yang dag par rdzogs pa'i sangs rgyas zhes bya bas/ shes bya brjod par bya ba ji snyed yod pa thugs su chud pa bstan te/ji snyed du shes par bya ba yod pa'i dngos po thams cad ma lus pa dang / phyin ci ma log par thugs su chud pa'i phyir ro/ /rig pa dang rkang par ldan pa zhes bya bas gang gis gshegs pa bstan te/ don du yang dag pa'i lta ba la sogs pa 'phags pa'i lam yan lag brgyad kyis mya ngan las 'das pa'i gnas su gshegs so zhes bya ba'i don to//'phags pa'i lam gyi yan lag brgyad la yang dag pa'i lta ba la rig pa zhes bya ste/ yang dag pa'i lta bas 'phags pa'i bden pa bzhi yang dag pa ji lta ba bzhin du shes pa yin pa'i phyir ro//yang dag pa'i rtog pa la sogs pa yan lag lhag ma bdun rnams la ni rkang pa zhes bya ste/ don du na 'phags pa'i lam gyi yan lag brgyad kyis mya ngan las 'das pa'i gnas su song ngo zhes bya ba'i don to/ /'phags pa'i lam gyi yan lag brgyad las yang dag pa'i lta ba ni rig par bshad la/yan lag lhag ma rnams ci'i phyir rkang par bshad ce na/ dper na mig med de ma mthong ba dang / rkang pa med de 'gro ma nus pas gar yang mi phyin gyi mig gis mthong la rkang pa yod na/ gdod 'gro nus pa bzhin du/yang dag pa'i lta bas bden pa bzhi mthong la/ ji ltar mthong ba bzhin du/ yan lag lhag ma rnams kyis bsgrubs na/ gdod mya ngan las 'das par phyin par byed pa'i phyir ro/ /yang na bslab pa gsum ste/ lhag pa'i tshul khrims kyi bslab pa dang / lhag pa'i sems kyi bslab pa dang /lhag pa'i shes rab kyi bslab pa'o/ /de la lhag pa'i shes rab kyi bslab pa la ni/ rig pa zhes bya'o/ /lhag pa'i sems kyi dang / lhag pa'i tshul khrims kyi bslab pa la ni/ rkang pa zhes bya ba ste/ de ltar bslab pa gsum gyis mya ngan las 'das pa'i grong khyer du song ngo zhes bstan pa yin no//brgal ba dang / gsung rab gzhan las ni tshul khrims la brten nas/ ting nge 'dzin 'grub/ ting nge 'dzin la brten nas shes rab 'grub ste/ de bas na tshul khrims dang por smos/ de'i 'og tu ting nge 'dzin/ de'i 'og tu shes rab brten na/'dir ci'i phyir shes rab dang por smos/ smras pa/ shes rab kyis yongs su zin na ni/ tshul khrims dang ting nge 'dzin yongs su dag par 'gyur gyi/ shes rab med pa'i tshul khrims dang / ting nge 'dzin dag par mi 'gyur bas shes rab sngar smos so/ / dper na mig gis bltas nas rkang pas 'gro ba bzhin du/ shes rab mig dang 'dra bas brtags nas/ tshul khrims dang ting nge 'dzin rkang pa lta bur gyur pas 'gro bar byed pas na/ bslab pa gsum la rig pa dang rkang par ldan pa zhes bya'o/ /yang na mi slob pa'i rig pa gsum la rig pa zhes bya ba ste/rig pa gsum ni sngon gyi gnas shes pa'i rig pa zhes bya ba dang / 'chi 'pho ba shes pa'i rig pa dang / zag pa zad pa shes pa'i rig pa'o/ /zhabs ni tshul khrims dang ting nge 'dzin dang / mngon par shes pa dang lhag ma rnam pa gsum ste/sems kyi rnam grangs shes pa dang / 'phrul gyi mig dang / 'phrul gyi rna ba ste/ chos lnga la zhabs zhes bya'o/ /de ltar rig pa gsum la sogs pa ston pa phun sum tshogs pa brnyes so/ /zhes bstan pa yin no/ /'di yan chad du bcom ldan 'das bdag gi don phun sum tshogs pa dang rgyu dang bcas pa bstan pa yin te/bcom ldan 'das zhes bya ba nas rdzogs pa'i sangs rgyas zhes bya bas bdag gi don phun sum tshogs pa bstan to/ /rig pa dang rkang par ldan pas de'i rgyu bstan to/ /bde bar gshegs pa zhes bya bas ji ltar shes pa bstan te/de la rims nad shin tu byang ba slar mi ldog pa bzhin du/ slar 'khor bar ldog pa med par shin tu gshegs pas na bde bar gshegs pa'o/ /yang na mar gyis gang ba'i bum pa bzhin du shes bya ji snyed thugs su chud la/ sgrib pa ji snyed spang bar bya ba kun ma lus par spangs te/ji srid du phyin par bya ba legs par gshegs pas na/ bde bar gshegs pa zhes bya'o/ /bshad pa gnyis kyi mdor na/ bcom ldan 'das phyi rol pa'i don dang 'dod chags dang bral ba rnams dang / de las gzhan dgra bcom pa rnams las khyad par du gyur par ston to//de la rims nad byang ba bzhin du slar mi ldog par gshegs pas ni/ phyi rol pa'i 'dod chags dang bral ba rnams las khyad zhugs par ston te/ mu stegs la sogs pa'i phyi rol gyi 'dod chags dang bral ba rnams 'dod chags dang thang cig bral yang slar khams gsum du ldog pas mi ldog pa ma yin pa'i phyir ro//bum pa gang ba bzhin du legs par gshegs pas dgra bcom pa las khyad par du gyur par ston te/ dgra bcom pa la sogs pa phyir mi ldog pa yin yang / shes bya thams cad ma rtogs shing /bag chags kun kyang ma lus par ma spangs pas legs par gshegs pa ma yin pa'i phyir ro/ /'jig rten rig pa zhes bya ba la sogs pa ston pa'i las bstan te/ ston pa'i las kyang rnam pa gnyis so/ /rnam pa gnyis ni skal ba yod pa dang / skal ba med pa'i 'jig rten las gzigs pa dang / 'dul bar bya ba la 'dul bar byed pa'o/ /'jig rten rig pa zhes bya bas/ skal ba yod pa dang skal ba med pa'i 'jig rten las gzigs pa bstan te/ nyin lan gsum mtshan lan gsum snying rje chen po dang ye shes kyi 'jig rten rnams la brtags nas/sems can 'di ni grol ba'i skal ba yod pa/ 'di ni grol ba'i skal ba med pa'o zhes mkhyen pa'i phyir/ 'jig rten rig pa zhes bya'o/ /bla na med pa/ skyes bu 'dul ba'i kha lo sgyur ba/ zhes bya bas/ skal ba yod par 'dul bar byed pa bstan to//de ltar mkhyen nas sems can skal pa yod pa rnams 'phags pa'i lam la bkod de/ 'dul bar byed pas na/ skyes bu 'dul ba'o/ /de la 'dul bar 'os pa'am/ 'dul bar nus pa ni gdul ba'o/ /kha lo sgyur ba dang 'dra bas kha lo sgyur ba ste/dper na rta 'dul ba'i kha lo sgyur ba/ rta'i g.yo skyon rnams med par byas nas btul te/ lam bde ba la 'dzud par byed pa bzhin du/ 'dis kyang sems can rnams kyi nyon mongs pa btul nas/ yang dag pa'i lam la bkod pas kha lo sgyur ba'o/ /de la yang gdul dka' ba lteng rgyas 'od srungs la sogs pa dang /dga' bo dang sor phreng la sogs pa gti mug dang 'dod chags dang zhe sdang gi shas che ste/ gdul dka' ba rnams btul nas gnas kyi mchog mya ngan las 'das par 'jog par byed pas na/ bla na med pa skyes bu 'dul ba zhes bya'o//de la lteng rgyas 'od srungs la sogs pa ni gti mug gi shas che ba'o/ /dga' bo ni 'dod chags kyi shas che ba'o/ /sor phreng ni zhe sdang gi shas che ba'o/ /lha dang mi rnams kyi ston pa zhes bya ba gang gis yongs su gzung ba bstan te/ de bzhin gshegs pa'i bstan pa gang gis yongs su gzung zhe na/lha dang mis gzung ste/ byol song la sogs pa yang chos 'chad pa'i sgra thos pas mtho ris la sogs par 'jog mod kyi/ 'phags pa'i bden pa khong du chud pa dang / dge sbyong gi 'bras bu thob pa'i snod du ni lha dang mi rnams gyur pas na/de'i phyir lha dang mi rnams kyi ston pa zhes bya'o/ /gong du bshad pa'i yon tan de dag dang ldan pa de dngos su su zhig yin zhe na/ de'i phyir/ sangs rgyas bcom ldan 'das so zhes bya bar gsungs te/ gong du de yang zhes bya ba'i sgra 'dir sbyar la/bcom ldan 'das de bzhin gshegs pa dgra bcom pa la sogs pa'i yon tan smos pa de yang sangs rgyas bcom ldan 'das yin no zhes bya ba'i don to/ /de la ma rig pa'i gnyid las sad cing / shes bya thams cad thugs su chud pas na sangs rgyas so//yon tan drug dang ldan pa'i phyir/ bcom ldan 'das te/ yon tan drug ni ji skad du/ phyug pa phun sum tshogs pa dang / gzugs bzang ba dang / grags pa dang / dpal dang ye shes dang ni 'bad pa ste/ drug po rnams la ldan zhes bshad ces gsungs so//sangs rgyas su shes nas dad pa dang ldan pa yin zhes bya ba la/ de bzhin gshegs pa gong du bshad pa'i yon tan dang ldan par shes nas/ de bzhin du de la dang ba dang yid ches pa dang ldan pa'o zhes bya ba'i don to/ /rgyun du zhugs pa'i yan lag gnyis pa bstan pa'i phyir/bcom ldan 'das kyis dam pa'i chos legs par gsungs pa zhes bya ba la sogs pa gsungs te/ dam pa rnams kyis gsungs pa'i chos ni dam pa'i chos te/ sangs rgyas bcom ldan 'das rnams kyis bshad pa'i phyir ro/ /sdug bsngal ba'i mtha' dang bde ba la kun tu chags pa'i mtha' spangs pa mtha' gnyis dang bral ba ston pa dang /mi slu ba dang / mi 'khrul ba dang / thog ma dang / bar dang / tha mar dge ba'i chos sha stag gsungs pa'i phyir ro/ /bcom ldan 'das kyis chos legs par gsungs pa zhes bya'o//yang na rnam pa bcus na/ bcom ldan 'das kyis chos legs par gsungs pa zhes bya ste/ rnam pa bzhi ni yang dag pas bskyed pa dang / dbang du byas pa dang / rab tu 'jug pa dang / rab tu bsgrags pa dang / rab tu phye ba dang / brten pa dang / rnam par rig pa dang / rab tu btags pa dang / dus dang yon tan yongs su 'dzin pa'o/ /de la yang dag pas bskyed pa ni nyon mongs pa thams cad ma lus par spangs nas/ shes bya mtha' dag thugs su chud de/ mngon par byang chub nas bshad pa'i phyir ro/ /dbang du byas pa ni sems can thams cad kyi don du mdzad nas gsungs pa'i phyir ro//rab tu 'jug pa ni bar 'ga' bar 'ga' tsam bshad pa ma yin gyi/ rgyun ma chad par bshad pa'i phyir ro/ /rab tu bsgrags pa ni kha cig mi 'chad pa dang / kha cig la 'chad kha cig la mi 'chad pa lta bu ma yin gyi/slob dpon 'chab pa med par kun la 'chad pa'i phyir ro/ /rab tu phye ba ni sems can so so'i bsam pa dang sbyar nas/ de dang mthun mthun du chos ston pa'i phyir te/ 'dod chags can la mi gtsang ba/ zhe sdang can la byams pa ston pa la sogs pa'o//brten pa ni yan lag lnga dang ldan pa'i gsung la yang dag par brten nas 'chad pa'i phyir ro/ /rnam par rig pa ni gsung gcig gis 'jig rten gyi khams tshad med par go zhing rig par mdzad pa dang / nye ring med par 'khor gyi dkyil 'khor ji snyed rnams la shes shing rnam par rig par mdzad pa'i phyir ro//btags pa ni mtha' gnyis dang bral ba'i lam ston pa'i phyir te/ mtha' gnyis ni mu stegs kyi dka' thub pa la sogs pa sdug bsngal gyi mtha' dang / 'dod pa'i 'dod chags la zhen pa la sogs pa bde ba'i mtha' la zhen pa spangs pa'o//dus ni yongs su smin pa'i 'bul ba rnams kyi dus dang sbyar nas ston par mdzad pa'i phyir ro/ /yon tan yongs su 'dzin pa ni chos 'chad pa'i gsung yan lag drug cu dang ldan pa'i gsung gis 'chad par mdzad pa'i phyir ro/ /lta ba'i chos la 'byung ba zhes bya ba ni/de bzhin gshegs pa'i gsung rab kyi chos 'di mngon sum du bya ba'i don yin te/ tshad mas thog tu bab pa yin gyi/ mu stegs kyi chos bzhin du rung yang rung ma rung yang ma rung dad pa tsam gyis gzung bar bya ba ma yin pas lta ba'i chos la 'byung ba zhes bya'o//nyon mongs pa dang nye ba'i nyon mongs pa bag chags de spang ba'i gnyen por gyur pas na nad med pa'o/ /spangs nas nyams pa'i dus med pa ste/ 'jig rten pa'i lam gyi nyon mongs pa spangs pas ni dus phyis ji srid cig lon nas nyams par 'gyur gyi/'jig rten las 'das pa'i lam gyi nyon mongs pa spangs pas ni/ lan cig spangs nas phyis nams kyang nyams pa'i dus med pa'i phyir dus med pa'o/ /yang na yang dag pa'i sbyor ba la zhugs pa rnams dus ring po mi thogs par khyad par myur du thob par 'gyur ba'i phyir dus med pa ste/de'i phyir mdo gzhan dag las dge slong dag tshul bzhin yid la byed pa la sbyor ba ni/ 'dod pa'i zag pa skyes pa mi skye/ skyes pa rnams myur du spong bar 'gyur ro zhes gsungs so/ /nye bar 'dren pa zhes bya ba la 'khor ba'i sdug bsngal ma lus pa las 'byung ba 'thob pa'am/mya ngan las 'das pa 'thob par byed cing gnas der 'dren par byed pas na/ nye bar 'dren pa ste/ de la goms par byas nas rim gyis 'khor ba'i sdug bsngal las thar nas mya ngan las 'das pa'i gnas su phyin par byed pa'i phyir ro/ / 'di la mthong zhes bya ba ni/ chos 'di lta bu 'di las phyi rol du gyur pa mu stegs pa la sogs pa la med de/ gzhan dang thun mong ma yin pas na/ 'di las mthong ba zhes bya ste/ chos de lta bu ni sangs rgyas pa'i chos 'di 'ba' zhig la yod par mthong gi/ mu stegs la sogs pa'i lta ba gzhan la med pa'i phyir ro//mkhas pa rang gis rig pa zhes bya ba ni chos de rtog ge pa rnams kyi spyod yul ma yin zhing / rtog ge pa rnams kyis rtogs par mi 'gyur zhing / mkhas pa rnams nang gi rang nyid kyi ye shes kyis mthong zhing shes par 'gyur ba yin pas na mkhas pa rang gis rig pa zhes bya'o//yon tan gzhan yang bstan pa'i phyir/ rgyags pa med par byed pa zhes bya ba la sogs pa gsungs te/ rigs mtho ba dang / gzugs bzang ba dang / nad med pa dang / tshe ring ba la chags shing snyems pa sel bar byed pas na/rgyags pa med par byed pa'o/ /'dod pa med par byed pa zhes bya ba ni 'dod pa'i yon tan la chags pa spong bar byed pa'i phyir ro/ /gnas kun 'joms pa zhes bya ba ni sdug bsngal dang nyon mongs pa'i rten gyi phung po lnga 'dor ba'i thabs su gyur pa'i phyir ro/ /yang na nyon mongs pa'i bag la nyal ba kun spong bar byed pas na gnas kun 'joms par byed pa'o//lam rgyud lngar skye ba'am/ tshe rabs gcig nas gcig tu rgyun mi 'chad par skye ba'i tshe'i rgyun gcod par byed pas na/ lam gcod pa'o/ /bdag gi dngos po med par ston pas na stong pa nyid do/ bdag ces bya ba yang mi 'grub par ston pas na mi dmigs pa'o//tshe rabs gzhan gyi lus dang longs spyod la chags pa spong ba'i rgyur gyur bas na srid pa zad pa'o/ /tshe 'di'i lus dang longs spyod la chags pa yang spong bar byed pas na/ 'dod chags dang bral ba'o/ /nyon mongs pa dang sdug bsngal gyi phung po thams cad spangs pa'i mya ngan las 'das pa thob par byed pa'i lam yin pas na/'gog pa dang mya ngan las 'das pa zhes bya'o/ /yang na chos rnam pa gsum ste/ bshad pa'i chos dang / sgrub pa'i chos dang / 'bras bu'i chos so/ /de la dam pa'i chos legs par gsungs pa zhes bya ba nas/mkhas pa rang gis rig pa zhes bya ba yan chad kyis bshad pa'i chos kyi yon tan bstan to/ /'di ltar rgyags pa med par byed pa zhes bya ba nas/ 'dod chags dang bral ba zhes bya bas bsgrub pa'i chos kyi yon tan bstan to//'gog pa mya ngan las 'das pa zhes bya bas 'bras bu'i chos bstan to/ /chos rnams la yon tan de dag dang ldan par dad pa brtan zhing yid ches par gyur pa ni/ dam pa'i chos la dad pa dang ldan pa zhes bya'o/ /des ni sangs rgyas kyi chos 'di mu stegs la sogs pa'i chos las khyad par du gyur pa ston te/ji lta zhe na/ de dag gi chos ni phyin ci log tu bshad pas na/ legs par bshad pa ma yin pa'o/ /dad pa'i rjes su 'brang ba tsam du zad kyi/ tshad mas brtag tu mi bzod pas na/ lta ba'i chos la 'byung ba ma yin pa'o/ nyon mongs pa dang nye ba'i nyon mongs pa'i gnyen po ma yin pas na nad med pa ma yin pa'o/ /phyis nyams par 'gyur bas na dus med pa ma yin pa'o/ /mya ngan las 'das pa'i gnas thob par mi byed pas na nye bar 'dren pa ma yin no/ /mu stegs pa rnams kyi chos ni phan tshun thun mong du gyur pas na 'di la mthong ba ma yin no//de dag gi chos rtog ge'i spyod yul du gyur pa yin pas/ mkhas pa rang gis rig pa ma yin pa'o/ /rigs dang gzugs la sogs pa chags pa mi sel bas na rgyags pa med pa ma yin no/ /'dod pa'i yon tan la chags pa sel bar mi byed pas na 'dod pa med par byed pa ma yin no//phung po lnga spong bar mi byed pas na gnas 'joms pa ma yin no/ /lam rgyud lnga dang tshe'i rgyun gcod par mi byed pas na/ lam gcod pa ma yin no/ /bdag gi yod par ston pas na stong pa nyid ma yin no/ /bdag yod par ston pas na mi dmigs par ston pa ma yin no//ma 'ongs pa'i lus dang longs spyod la chags pa'i gnyen po mi byed pas na/ sred pa zad pa ma yin no/ /da ltar gyi phung po yo byad la chags pa spong bar mi byed pas 'dod chags dang bral ba ma yin no/ /mya ngan las 'das pa thob pa'i lam ma yin pas 'gog pa mya ngan las 'das pa zhes mi bya'o//yang na gzhan sngar bshad par zad kyi sangs rgyas kyi chos 'di dus gang gis bsgrubs kyang bsgrub par rung ste/ bsgrub pa'i dus med pas na dus med pa'o/ /bsgrub sla zhing bsgrub tu rung bar yang ji ltar dge bsnyen mgon med zas sbyin gyis bshad pa sangs rgyas kyi chos ni 'gro ba na yang bla/'dug pa na yang bla/ nyal ba na yang bla/ 'chag pa na yang bsgrub bla'o zhes bya ba lta bu'o/ /de la mu stegs kyis bshad pa'i chos ni rgyal rigs dang / bram ze la bshad kyi dmangs rigs la bshad par mi bya'o zhes kun la mi 'chad pa'i phyir 'chab pa yod kyi/dam pa'i chos ni rigs bzhi car la yang 'chab pa med par skabs su phye ste bstan pas 'di la mthong ngo zhes bya ste/ bde re ltos zhes slob dpon 'chab pa med par ston pa'i phyir ro/ /rgyun du zhugs pa'i yan lag gsum pa bstan pa'i phyir/bcom ldan 'das kyi nyan thos kyi dge 'dun shin tu rab tu zhugs pa zhes bya ba la sogs pa gsungs so/ /'di dag ni bcom ldan 'das kyi dge 'dun gyi yon tan te/ shin tu rab tu zhugs pa zhes bya ba ni/ mdo tsam du bstan pa'o//rigs pa la rab tu zhugs pa la sogs pa ni ji ltar shin tu rab tu zhugs pa'i bshad pa'o/ /de yang don rnam pa bzhir blta ste/ dge sbyong gi phyir zhugs pa dang / dge sbyong la zhugs pa dang / dge sbyong la dge sbyong gi dngos por zhugs pa dang / dge sbyong gi nye bar bstan pa la zhugs pa la brtsams nas bshad par rig par bya'o//de la rigs pa la rab tu zhugs pa zhes bya bas dge sbyong gi phyir zhugs pa bstan te/ dge sbyong gi phyir ni dge sbyong gi don du bya ba ste/ de yang mya ngan las 'das pa'o/ /mya ngan las 'das pa la zhugs pas na rigs pa la zhugs pa zhes bya'o//mya ngan las 'das pa la rigs pa zhes bya bar cis mngon zhe na/ mdo gzhan dag las rigs pa'i chos ni bla na med kyi/ kye des mnyes par bya ba yin no zhes gsungs pa'i phyir ro/ /drang po la zhugs pa zhes bya bas dge sbyong la zhugs pa bstan te/ de la dge sbyong ni 'phags pa'i lam gyi yan lag brgyad la bya ste/ nyon mongs pa rab tu spong ba dang sbyor ba'i gnyen bor gyur pa'i phyir ro/ /de la zhugs pa ni drang po la zhugs pa'o/ /'phags pa'i lam gyi yan lag brgyad pa yang drang po zhes bya bar cis mngon zhe na/ mdo gzhan las/bdud rtsi'i sgo ni rnam par phye/ /drang po'i lam ni shin tu bsgrags/ /zhes gsungs pa dang / yang gzhan dag las/ drang po gang yin pa 'phags pa'i lam mo/ /yon po gang yin pa sdig pa can gyi lta ba'o/ /zhes bya'o/ /de la mtshungs par zhugs pa zhes bya ba ni dge sbyong gi dngos por zhugs pa zhes bya bas bstan te/ci zhig mtshungs she na byams pa'i lus kyi las dang ldan pa dang / byams pa'i ngag gi las dang ldan pa dang / byams pa'i yid kyi las dang ldan pas mtshungs pa dang / longs spyod dang tshul khrims dang lta ba mthun pa'i phyir mtshungs par zhugs pa'o//chos dang gnyer ba'i chos la rab tu zhugs pa gnyer ba'i chos la spyod pa zhes bya bas dge sbyong gis nye bar bstan pa la zhugs pa bstan te/ dge sbyong gis nye bar bstan pa ni dge sbyong gi don du bstan pa'i chos te/ de yang 'dul ba dang /mdo sde dang / mngon pa'i chos rnams so/ /de la bshad par bya ba'i gsung rab rnams ni chos so/ /bsgrub par bya ba'i gsung rab rnams gnyer ba'i chos te/ bshad par bya ba'i gsung rab kyi nang nas/ ji skad du gsungs pa bzhin du rjes su spyod par byed pas na/ chos la rab tu zhugs pa'o/ /bsgrub par bya ba'i chos rnams de bzhin du sgrub par byed pas na/ gnyer ba'i chos la spyod pa zhes bya'o/ /dge 'dun du 'du shes nas dad pa dang ldan te zhes bya ba ni 'phags pa'i bden pa rtogs pa'i mthus 'phags pa'i dge 'dun la yon tan gong du bshad pa dang ldan par yid ches shing dang ba ni dge 'dun du shes nas dad pa dang ldan pa'o//yang na don gyi mchog sgrub pa dang / phyin ci ma log par sgrub pa dang / tha dad pa med par sgrub pa dang / ji ltar bstan pa bzhin du bsgrubs pa la brtsams nas/ rigs pa la rab tu zhugs pa zhes bya ba la sogs pa gsungs so//de la rigs pa la zhugs pa la zhes bya bas don gyi mchog bsgrub pa bstan te/ don gyi mchog ni mya ngan las 'das pa ste/ de sgrub par byed pa'i phyir rigs pa la zhugs pa'o/ /drang po la zhes bya ba phyin ci ma log par bsgrub pa bstan te/phyin ci ma log pa'i lam sgrub par byed pas na drang po la zhugs pa'o/ /mtshungs par zhugs pa zhes bya bas tha dad pa med par bsgrub pa bstan te/ 'phags pa dgra bcom pa gzhan dag sgrub pa de bzhin du bsgrubs pas mtshungs par zhugs pa'o/ /chos dang gnyer ba'i chos la zhugs//zhes bya bas ji ltar bstan pa bzhin du sgrub pa bstan te/ bcom ldan 'das kyi lung las ji skad 'byung ba bzhin du sgrub par byed pas na chos dang gnyer ba'i chos la rab tu zhugs pa dang / gnyer ba'i chos la spyod pa zhes bya'o/ /yon tan de lta bu dang ldan pa de dag kyang gang zag dngos gang yin pa bstan pa'i phyir/rgyun du zhugs pa'i 'bras bu mngon du bya ba'i phyir rab tu zhugs pa'i dge 'dun yang yod ces bya ba la sogs pa gsungs te/ de la rgyun du ni 'phags pa'i lam mo/ /de la zhugs pa ni rgyun du zhugs pa'o/ /rgyun du zhugs pa'i 'bras bu ni lam la rjes su shes pa'i ye shes te/skad cig ma bcu drug la gnas pa'o/ /mngon du bya ba'i phyir zhugs pa ni lam la rjes su shes pa'i bzod pa ste/ sems kyi skad cig ma bco lnga la gnas pa'o/ /rab tu zhugs pa'i dge 'dun yang yod ces bya ba ni/sems kyi skad cig ma bcu drug lam la rjes su shes pa'i ye shes la gnas pa nyid de/ des khams gsum gyi mthong bas spang bar bya ba'i nyon mongs pa ma lus par spangs so/ /lan cig phyir 'ong ba'i 'bras bu mngon du bya ba'i phyir zhugs pa ni/ 'dod pa'i khams kyi bsgoms pas spang bar bya ba'i nyon mongs pa chen po'i chen po dang /chen po'i 'bring po dang / chen po'i chung ngu dang / 'bring po'i chen po dang / 'bring po'i 'bring po dang / 'bring po'i chung ngu dang / chung ngu'i chen po dang / chung ngu'i 'bring po dang / chung ngu'i chung ngu ste/ dgu las nyon mongs pa 'bring po'i bar nyon mongs pa rnam pa lnga spang ba'i lam la gnas pa'o//lan cig phyir 'ong ba'i dge 'dun ni 'dod pa'i khams kyi bsgoms pas spang bar bya ba'i nyon mongs pa chung ngu'i chen po dang / chung ngu'i 'bring po ste/ rnam pa brgyad spang ba'i lam la gnas pa'o/ / phyir mi 'ong ba'i 'bras bu mngon du bya ba'i phyir rab tu zhugs pa ni/ 'dod pa'i khams kyi bsgoms pas spang bar bya ba'i nyon mongs pa chung ngu'i chen po dang / chung ngu'i 'bring po gnyis spang ba'i lam la gnas pa'o/ /phyir mi 'ong ba'i dge 'dun ni 'dod pa'i khams kyi bsgoms pas spang bar bya ba'i nyon mongs pa chung ngu'i chung ngu ste/rnam pa dgu spang ba'i lam la gnas pa'o/ /de ltar 'dod pa'i khams 'dir 'ong ba med par mya ngan las 'da' bas na/ lan cig phyir mi 'ong ba'o/ /dgra bcom pa'i 'bras bu mngon du bya ba'i phyir rab tu zhugs pa ni/gzugs kyi khams kyi re re zhing nyon mongs pa dgu dgur phye/ gzugs med pa'i khams kyi snyoms par 'jug pa bzhi la yang nyon mongs pa dgu dgur phye ba las/ srid pa'i rtse mo'i nyon mongs pa chung ngu'i 'bring po ste/ rnam pa brgyad kyi bar spang ba'i lam la gnas pa'o//dgra bcom pa ni srid pa'i rtse mo'i nyon mongs pa dgu spang ba'i lam la gnas pa ste/ nyon mongs pa dgra dang 'dra ba rnams der ma lus par bcom pa ste/ med pas na dgra bcom pa zhes bya'o/ /yang na 'jig rten thams cad kyis mchod cing bkur bar 'os pa'i phyir ro//dgra bcom pa zhes bya ste/ de bas na mdo gzhan las kyang dbang po dang nye dbang pos mchod pa dang / bkur stir bya bar 'os so zhes bya bar gsungs so/ /skyes bu zung bzhi zhes bya ba ni 'jug pa bzhi dang / 'bras bu thob pa bzhi ste/ de ltar na gang zag brgyad do//de ltar zhes bya ba ni gong du bshad pa ltar na zhes bya ba'i don to/ /dad pa phun sum tshogs pa zhes bya ba la las dang 'bras bu dang / bden pa rnams la bzlog pa med pa'i yid ches pa dang ldan pas na/ dad pa phun sum tshogs pa'o/ /yang na rgyun du zhugs pa'i yan lag bzhi dang ldan pa'i phyir dad pa phun sum tshogs pa'o//yan lag drug pa'i tshul khrims sam zag pa med pa'i tshul khrims dang ldan pa'i phyir/ tshul khrims phun sum tshogs pa'o/ /thog mar yang dge/ bar du yang dge zhes bya ba la sogs pa mdo phal cher thos shing phyin ci ma log par thos pas na/thos pa phun sum tshogs pa'o/ /gang zag la bdag med par dmigs pa'i mtshan nyid zag pa med pa'i ting nge 'dzin dang ldan pas na/ ting nge 'dzin phun sum tshogs pa'o/ /'phags pa'i bden pa bzhi ma nor bar khong du chud pa'i shes rab dang ldan pas na/ shes rab phun sum tshogs pa'o/ /mthong bas spang bar bya ba dang / bsgoms pas spang bar bya ba'i nyon mongs pa spang ba dang ldan pas na/ rnam par grol ba phun sum tshogs pa'o/ /de'i 'og tu nyon mongs pa spang bar shes pa dang / bya ba byas par shes pa dang / phyis sems kyi rgyud la nyon mongs pa mi 'byung bar shes pa dang ldan pas na/rnam par grol ba'i ston pa phun sum tshogs pa zhes bya'o/ /lha'i dbang po brgya byin dang tshangs pa la sogs pa mi'i rgyal po dang blon po la sogs pas sbyin par bya zhing mchod par bya ba'i gnas su gyur pas na/ sbyin par 'os pa zhes bya'o/ /dngos po dam pa dang bzang po dang mang pos mchod par 'os pas na/ rab tu sbyin par 'os pa'o/ /skabs skabs su lus kyis btud cing thal mo sbyar ba'i gnas yin pas na/ thal mo sbyar bar rung ba zhes bya ba dang sbyar ro/ /lus smad lnga sa la gtugs te sri zhu'i gnas yin pas na/phyag bya bar 'os pa'o/ /bla na med pa'i bsod nams kyi zhing zhes bya ba la/ gang du sbyin pa la sogs pa'i dge ba'i rtsa ba bskyungs nas/ nyon mongs pa thams cad spangs pa dang / rnam par thar pa'i mtshan nyid thob par byed pa'i zhing du 'gyur te/de las zhing dam par gyur pa gzhan med pas na/ bla na med pa'i bsod nams kyi zhing ngo / /de la sbyin pa la sogs pa'i yon phul lam/ 'tsho ba sbyar tam/ chos gos la sogs pa'i yo byad sbyar na/ skad cig ma re re nyin re bzhin rgyun du 'phel bar 'gyur bas na/'jig rten gyi sbyin gnas su rung ba zhes bya'o/ /'phags pa bzhed pa'i tshul khrims dang / tshul khrims kyi yon tan dang ldan pa'i phyir/ gang yang de dag tshul khrims ma zhig pa dang zhes bya ba la sogs pa smos te/ gang yang zhes bya ba ni 'phags pa'i dge 'dun de dag yon tan gong du bshad pa dang ldan par ma zad kyi/tshul khrims ma zhig pa la sogs pa'i yon tan 'og nas 'byung ba rnams dang yang ldan no/ /zhes bya ba'i don to/ /de la tshul khrims ni rnam pa gsum ste/ tshul khrims kyi yan lag dang / brtul zhugs kyi yan lag dang /bag yod pa'i yan lag go/ /de gsum car las nyams par ma gyur pas na/ tshul khrims ma zhig pa'o/ /de la rang bzhin gyi sdig pa phas pham pa rnams mi byed pa ni tshul khrims kyi yan lag go/ /skra 'breg pa dang / gos ngur smrig gyon pa ni brtul zhugs kyi yan lag go/ /chang mi btung ba ni bag yod pa'i yan lag ces bya'o/ /skabs skabs su srung / skabs skabs su 'bul zhing gtong ba med pas ma bral ba'o/ /ngang tshul ngan pa'i dri ma dang ma 'dres pa'i phyir ma nyams pa'o//tshul khrims nyams par 'gyur ba'i rgyu 'dod pa la rtogs pa dang zhe sdang la rtogs pa mi 'byung bas na ma 'dres pa'o/ /gcig tu dkar po'i phyogs 'ba' zhig 'byung zhing / mya ngan las 'das pa'i rgyu byed pas na/ dri ma med pa'o/ /tshul khrims nyams par 'gyur ba'i gnyen por ldan zhing /yongs su 'dzin pas na rang dbang yod pa'o/ /tshul khrims nyams pa'i gnyen po ni/ shes rab kyi mthu sgom pa'i mthu ste/ de gnyis la yang nas yang du goms par byas pas sdig pa mi dge ba'i chos kyi dbang du mi 'gyur zhing mi dge ba'i bshes gnyen rnams kyis gzhan du bkri bar mi nus pas na/rang dbang yod pa zhes bya'o/ /lta ba ngan pa dang smon lam ngan pa'i dri ma dang ma 'dres pas na ma god pa ste mngon par 'byung ba 'ba' zhig tu bsngos pa'i phyir ro/ /lta ba ngan pa dang ma 'dres pa ni/'jig tshogs la lta ba la sogs pa'i dri ma dang ma 'dres pa'i phyir ro/ /smon lam ngan pa dang ma 'dres pa ni tshul khrims 'di ltar gyur cig ces bya ba la sogs par smon lam dang ma 'dres pa'o/ /shin tu rdzogs zhes bya ba ni rab tu rdzogs/ mthar phyin pa ste/ji ltar mthar phyin zhe na/ ma zhig pa dang ma ral ba dang ma nyams pa'i phyir mthar phyin to/ /shin tu brtsams zhes bya ba ni/ legs par bsgrubs zhes bya ba'i don te/ ji ltar legs par bsgrubs she na/ ma 'dres pa dang / dri ma med pa dang / rang dbang yod pa dang /ma god pa'i phyir legs par bsgrubs pa'o/ /mkhas pas rab tu bsngags pa zhes bya ba ni tshul khrims te/ de bzhin gshegs pa dang / 'phags pa dgra bcom pa la sogs pas yon tan can du bsgrags pa'i phyir/ mkhas pas ma smad pa zhes bya ba ni/ tshul khrims de la nyes pa dang / skyon yod par mkhas pas ma gsungs pa'i phyir te/ zag pa med pa'i phyir ro/ /'phags pa 'dod pa'i tshul khrims dang ldan pa yin zhes bya ba ni/ 'phags pa rnams bzhed pa'i tshul khrims yin pas na 'dod pa'i tshul khrims te/ tshul khrims de dge ba dang zag pa med pa'i mtshan nyid yin pas na mya ngan las 'das pa'i don du de la yang nas yang du mngon sum du mdzad pas na/de'i phyir 'phags pa bzhed pa'i tshul khrims so/ /don du na 'di dag gis sman pa dang / sman dang / nye g.yog dang / yo byad du gyur pa rnams bstan pa yin te/de la de bzhin gshegs pa ni nyon mongs pa sel ba'i sman pa'o/ /chos ni nyon mongs pa sel ba'i sman to/ /dge 'dun ni nyon mongs pa sel ba'i nye g.yog go/ /'phags pa dgyes pa'i tshul khrims ni nyon mongs pa spang bar bya ba'i yo byad du gyur pa'o/ /rgyun du zhugs pa'i yan lag bzhi bstan pa'i mjug bsdu ba'i phyir/'di ni rgyun du zhugs pa'i yan lag bzhi rnams so zhes gsungs so/ /rgyun du zhugs pa'i yan lag bzhi bstan pa'i 'og tu/ stobs bcu bstan te/ ji ltar bstan pa bzhin du bshad par gsungs pa/ dge slong dag de bzhin gshegs pa'i stobs bcu gang zhe na/zhes bya ba la sogs pa gsungs so/ /gang cung zad 'dis bshad cing gsungs pa rnams de bzhin du/ phyin ci ma log cing ma nor ba'i phyir de bzhin gshegs pa zhes bya'o/ /nyon mongs pa dang bdud thams cad zil gyis gnon pa'i mthu dang ldan pa'i phyir stobs so/ / stobs dang po bstan pa'i phyir/ dge slong dag de bzhin gshegs pa gnas la gnas/ gnas ma yin pa la gnas ma yin par yang dag pa ji lta ba bzhin du rab tu shes zhes bya ba gsungs te/ de la gnas ni rgyu la bya'o/ /gnas ma yin pa ni rgyu ma yin pa la bya'o/ /de la las dge ba dang / mi dge ba ni 'bras bu bde ba dang sdug bsngal skyed pa'i rgyu yin no zhes mkhyen pa ni gnas la gnas yang dag pa ji lta ba bzhin du shes pa zhes bya'o/ /byed pa po dang bdag la sogs pa ni chos kyi rgyu ma yin te/ de ltar mkhyen pa ni gnas ma yin pa la gnas ma yin pa yang dag pa ji lta ba bzhin du shes pa zhes bya'o//yang na gnas zhes bya ba ni srid pa la bya la/ gnas ma yin pa zhes bya ba ni mi srid pa la bya ste/ sbyin pas longs spyod chen por 'gyur ba ni srid la/ sbyin pas dbul bar gyur pa mi srid pa dang / tshul khrims kyis mtho ris su skye ba ni srid la/ tshul khrims kyis ngan song du skye ba ni mi srid pa dang /slar bzlog ste sdig pa byas pas mtho ris su skye ba mi srid la/ sdig pa mi dge ba byas pas ngan song du skye ba ni srid pa dang / dge ba byas pas mtho ris su skye ba ni srid la/ dge bas ngan song du 'gro ba mi srid pa dang / skyes pas mngon par sangs rgyas shing 'khor lo bskor ba'i rgyal por 'gyur ba dang /rang sangs rgyas su 'gyur ba ni srid la/ bud med kyis de ltar mi 'gyur bar thugs su chud pa ni/ gnas la gnas dang gnas ma yin pa yang dag pa ji lta ba bzhin du rab tu shes pa zhes bya'o/ /de la thams cad shes pa dang thogs pa med par shes pa dang / dag par shes pa ni/yang dag pa ji lta ba bzhin shes pa zhes bya'o/ /stobs gnyis pa bstan pa'i phyir/ 'das pa dang ma 'ongs pa dang da ltar byung ba las zhes bya ba la sogs pa smos te/ gang las byas shing bsags nas 'gags par gyur pa de dag ni 'das pa'i las so/ /las gang byas pa yang ma yin/ 'gags pa yang ma yin/byed pa yang ma yin gyi/ ma 'ongs pa na byed par 'gyur ba ni ma 'ongs pa'i las so/ /las gang byas zin pa dang / 'gags pa yang ma yin/ da ltar byed pa la zhugs pa ni/ da ltar byung ba'i las zhes bya'o/ /de yang lus kyi las dang ngag gi las dang yid kyi las kyi sgo nas rnam pa gsum du bsdu ba nas las yang dag par gsungs so//las de dag las 'bras bu bde ba dang sdug bsngal smin pa ni/ rnam par smin pa zhes bya'o/ /de la yang rnam pa bzhi lta bur mkhyen pa ni/ yang dag pa ji lta ba bzhin du rab tu shes pa zhes bya ste/ las kha cig da ltar bde la/ ma 'ongs pa na sdug bsngal bar rnam par smin par 'gyur ba dang /las kha cig da ltar sdug bsngal la/ ma 'ongs pa na bde bar rnam par smin pa dang / las kha cig da ltar yang sdug bsngal la/ ma 'ongs pa na yang sdug bsngal bar rnam par smin pa dang / las kha cig da ltar yang bde la/ ma 'ongs pa na yang bde bar smin par 'gyur ba'i rnam pa de bzhin du thugs su chud pa'o//de la tshe rabs gzhan na yang las mi dge ba spyad pa la goms pas tshe 'dir yang mi dge ba'i las la dga' ba bzhin du 'jug pa de dag de'i rkyen gyis ma 'ongs pa na ngan song gsum du rnam par smin par 'gyur bas de ni las da ltar bde la/ ma 'ongs par sdug bsngal rnam par smin pa zhes bya'o/ /la la dag tshe rabs snga ma na dge ba la goms pa chen por ma byas pas tshe 'dir tshul khrims bsrung ba la sogs pa'i dge ba la mi bde bzhin du 'jug pa/ de'i rgyus tshe rabs gzhan du bde 'gror rnam par smin pa ni 'dir mi bde la tshe rabs gzhan du bde bar smin pa zhes bya'o//sems can kha cig tshe rabs gzhan du sdig pa'i las la goms par ma byas pas tshe 'dir mi 'dod bzhin du mi dge ba'i bshes gnyen gyis sdig pa'i las byed du bcug pa de dag ni ma 'ongs pa na ngan song gsum du rnam par smin par 'gyur bas/ de dag ni tshe 'di la yang mi bde la/ma 'ongs pa na yang sdug bsngal bar rnam par smin pa zhes bya'o/ /la la dag tshe rabs snga ma na dge ba la goms pa chen por ma byas pas tshe 'dir tshul khrims bsrung ba la sogs pa'i dge ba la mi bde bzhin du 'jug pa/ de'i rgyus tshe rabs gzhan du bde 'gror rnam par smin pa ni 'dir mi bde la tshe rabs gzhan du bde bar smin pa zhes bya'o//sems can kha cig tshe rabs gzhan du sdig pa'i las la goms par ma byas pas tshe 'dir mi 'dod bzhin du mi dge ba'i bshes gnyen gyi rkyen gyis sdig pa'i las byed du bcug pa de dag ni ma 'ongs pa na ngan song gsum du rnam par smin par 'gyur bas/ de dag ni tshe 'di la yang mi bde la/ma 'ongs pa na yang sdug bsngal bar rnam par smin pa zhes bya'o/ /kha cig tshe rabs snga ma la dge ba'i las byed pa la goms pas tshe 'dir yang de bzhin du dge ba'i las byed pa dang / tshe 'dir gzugs kyi khams kyi bsam gtan bzhi thob pa dag ma 'ongs pa na yang mtho ris su rnam par smin par 'gyur ba'i phyir de dag ni tshe 'dir yang bde la/tshe rabs gzhan du yang rnam par smin pa bde ba zhes bya'o/ /stobs gsum pa bstan pa'i phyir/ sems can pha rol po rnams kyi mos pa du ma dang mos pa sna tshogs pa rnams yang dag pa ji lta ba bzhin du rab tu shes pa zhes bya ba gsungs te/sems can rnams kyi mos pa du ma ni mos pa chung ba dang / mos pa 'bring po dang / mos pa chen po ste/ gang nyan thos kyi theg pa la mos pa ni mos pa chung ngu'o/ /rang sangs rgyas kyi theg pa la mos pa ni mos pa 'bring ngo / /theg pa chen po la mos pa ni mos pa chen po'o/ /sems can kha cig gzugs la mos pa yod la/sgra la ma yin/ kha cig sgra la mos la/ gzugs la ma yin/ kha cig dri la mos la gzugs la ma yin pa la sogs pa mos pa'i rnam pa tshad med par yod pa rnams ni mos pa sna tshogs zhes bya ste/ sems can rnams gang ci la mos pa de de bzhin du phyin ci ma log par mkhyen pas na/ mos pa du ma dang mos pa sna tshogs rnams yang dag pa ji lta ba bzhin rab tu mkhyen pa'o/ /stobs bzhi pa bstan par bya ba'i phyir/ 'jig rten gyi khams du ma dang / 'jig rten gyi khams sna tshogs yang dag pa ji lta ba bzhin du rab tu shes zhes bya ba gsungs te/ khams kyi don ni 'dir sems can rnams kyi rigs sam rang bzhin nam sa bon la bya ste/nyan thos kyi rigs dang / rang sangs rgyas kyi rigs dang / theg pa chen po'i rigs can rnams kyi 'jig rten gyi khams du ma zhes bya'o/ /sems can gyi spyod pa brgyad khri bzhi stong dag ni 'jig rten gyi khams sna tshogs zhes bya ste/ sems can rigs dang ldan pa dang / sems can gang spyod pa gang dang ldan pa de de bzhin du phyin ci ma log par thugs su chud pas na/yang dag pa ji lta ba bzhin du shes pa zhes bya'o/ /stobs lnga pa bstan pa'i phyir/ sems can gzhan rnams kyi dbang po mchog dang mchog ma yin pa yang dag pa ji lta ba bzhin du rab tu shes pa zhes bya ba gsungs te/ de la dbang po rnon po dang /rtul po dang / 'bring po ste/ rnam pa gsum mo/ /'di ni dad pa la sogs pa'i dbang po lnga rno ba dang ldan/ 'di ni dad pa la sogs pa'i dbang po rtul ba dang ldan no zhes phyin ci ma log par rab tu mkhyen pa ni dbang po mchog dang mchog ma yin pa yang dag pa ji lta ba bzhin du rab tu mkhyen pa zhes bya'o/ /stobs drug pa bstan pa'i phyir/thams cad du 'gro ba'i lam yang dag pa ji lta ba bzhin du rab tu mkhyen pa zhes gsungs te/ sems can rnams kyi rigs dang spyod pa dang dbang po rno rtul mkhyen nas sems can gang la lam dang chos gang bstan par 'os pa de bzhin du/ phyin ci ma log par mkhyen pa ni thams cad du 'gro ba'i lam yang dag pa ji lta ba bzhin du shes pa zhes bya'o//dper na 'dod chags can la mi gtsang ba bstan pa dang / zhe sdang can la byams pa bstan pa dang zhes bya ba la sogs pa mkhyen pa'o/ /yang na lam rgyud lnga gzigs shing mkhyen pa ni/ thams cad du 'gro ba'i lam yang dag pa ji lta ba bzhin du shes pa zhes bya'o/ /yang na so so'i phyogs la brten pa'i lam dge sbyong dang bram ze la sogs pa so sor lta ba sna tshogs la chags shing lam yin par 'du shes pa las gang tshe 'di dang tshe rabs gzhan du yang kha na ma tho ba med pa'i lam thams cad du bde ba 'ba' zhig skyed par byed pa ni thams cad du 'gro ba'i lam zhes bya ste/de phyin ci ma log par mkhyen pas na yang dag pa ji lta ba bzhin shes pa zhes bya'o//stobs bdun pa bstan pa'i phyir/ sems can pha rol po rnams kyi dbang po dang zhes bya ba la sogs pa gsungs te/ dbang po ni dad pa'i dbang po la sogs pa'i dbang po lnga'o/ /stobs ni dad pa la sogs pa'i stobs lnga'o/ /byang chub kyi yan lag ni dran pa la sogs pa byang chub kyi yan lag bdun no//bsam gtan ni gzugs kyi khams kyi bsam gtan bzhi'o/ /rnam par thar pa ni gzugs can gzugs la lta ba la sogs pa brgyad do/ /ting nge 'dzin ni mtshan ma med pa dang / smon pa med pa dang stong pa nyid la sogs pa gsum mo/ /snyoms par 'jug pa ni gzugs med pa'i khams kyi snyoms par 'jug pa bzhi dang /'gog pa'i snyoms par 'jug pa'o/ /yang na sems la dbang thob pa rnams gang 'dod pa'i don bsgrub pa'i phyir de dang rjes su mthun pa'i ting nge 'dzin la zhugs pa ni snyoms par zhugs pa zhes bya'o/ /kun nas nyon mongs pa dang zhes bya ba la/mdor na bsam gtan la sogs pa thob par bya ba la bar du gcod pa'i kun nas nyon mongs pa gnyis te/ ma thob pa rnams la ni thabs ma yin pa'i sbyor ba la 'jug pa dang / rmugs pa dang / rgod pa'i kun nas nyon mongs pa 'byung ba dang / thob pa rnams la ni de'i sa'i kun nas nyon mongs pa mngon du spyod pa'am/ bsam gtan gyi bde ba la ro myong bar byed pa ste/ de ni kun nas nyon mongs pa zhes bya'o/ /kun nas nyon mongs pa rnam pa gnyis dang bral ba nyid rnam par byang ba'o/ /bsam gtan tshad med pa rnams la bsam gtan gang gi ming gang yin pa ni rnam par gzhag pa zhes bya ste/ dbang po la sogs pa'i chos rnams dang /de dag gi kun nas nyon mongs pa dang / rnam par byang ba dang / ming gang yin pa phyin ci ma log par thugs su chud pa ni/ yang dag pa ji lta ba bzhin du rab tu shes pa zhes bya'o/ /stobs brgyad pa bstan pa'i phyir sngon gyi gnas rnam pa du ma zhes bya ba la sogs pa gsungs te/ sems can gyi gnas rnam pa sna tshogs de dang de dag 'di lta ste/shar dang nub dang byang dang lho la sogs pa/ gnas sna tshogs dang ming la sogs pa tha dad pa tha snyad kyi dngos po brgyad rjes su 'brangs pa'i bdag dang gzhan gyi lus 'brangs pa rnams la mdor na spyod pa drug rjes su dran pa ni/ sngon gyi gnas rnam pa du ma rnam pa dang bcas/yul dang bcas/ mtshan ma dang bcas par yang dag par rjes su dran pa zhes bya'o/ /tha snyad kyi dngos po brgyad ni ming gang yin pa dang / rigs gang yin pa dang / rus gang yin pa dang / tha snyad ci dag spyod pa dang / bde ba dang / sdug bsngal ci myong ba dang / tshe ring thung ji tsam pa dang / dus ji srid cig gnas pa dang / tshe'i mtha' ji tsam pa'o/ /spyod pa rnam pa drug ni/ 'bod pa'i phyir tha snyad dang / rgyal rigs la sogs pa'i rigs dang / pha ma gang yin pa dag bza' ba dang btung ba'i yo byad dang / dar ba dang / rgud pa dang / tshe'i 'du byed rnam pa sna tshogs so/ /'di ltar 'jig rten dag tha snyad kyi dngos po brgyad la brten nas spyod pa rnam pa drug gis bdag dang pha rol dag la smra zhing gleng bar byed do//de la mi gang yin pa ni bdag tshe rabs de dang / de dag nas mi gang dang gang yin pa'o/ /rigs ni rgyal rigs sam/ bram ze 'am/ rje'u rigs sam/ dmangs rigs la sogs pa gang dang gang du skyes pa'o/ /pha dang ma ni sems can so so'i tshe rabs de dang de dag na ma gang yin pa dang /pha gang yin pa'o/ /bza' ba dang btung ba'i yo byad ni/ tshe rabs de dang de dag na khre dang 'bras la sogs pa'i kha zas ci dang ci zos pa'o/ /dar ba dang rgud pa ni tshe rabs de dang de dag na nyon mongs pa ci myong ba dang bde ba ci myong ba'o/ /tshe'i 'du byed sna tshogs ni tshe rabs de dang de dag na lo grangs brgya 'am stong ngam/bcu la sogs pa'i tshe tshad ji tsam dang / de dag na byis pa'i dus dang / dar la bab pa'i dus dang / rgas pa'i dus kyi rnam pa dang / tshe'i 'du byed ci tsam lon nas ji tsam na shi bar gyur pa ste/ bdag dang gzhan gyi tha snyad de dag thams cad phyin ci ma log par thugs su chud pas na/sngon gyi gnas rnam pa du ma rnam pa dang bcas pa/ yul dang bcas pa/ mtshan ma dang bcas pa yang dag par rjes su dran pa zhes bya'o/ /de la rnam pa dang bcas pa zhes bya ba la/ rnam pa ni rnam pa dran pa dang / dan rtags dran pa dang / mtshan ma dran pa'o/ /de la rnam pa dran pa ni/bdag dang gzhan gyi tshe gcig nas brtsams nas bskal pa bye ba khrag khrig brgya stong du ma'i pha rol na ci dang ci byed pa dran pa'o/ /dan rtags dran pa ni tshe rabs de dang de dag thams cad na tshe re re 'am so so'i ming rnams kyang dran pa ste/ tshe 'di'i tshe na ni ming 'di zhes bya ba/ tshe 'di'i tshe na ni ming 'di zhes bya ba dran pa'o//mtshan ma dran pa ni tshe rabs de dang de dag na dus dang rigs gang yin pa dang / dar ba dang rgud pa ci myong ba rnams dran pa'o/ /yul dang bcas pa zhes bya ba ni tshe rabs de dang de dag na rus dang rigs gang yin pa dang / yul gang dang gang na gnas pa dang / de dag nas shi 'phos nas gang du skyes pa dran pa'o//mtshan ma dang bcas pa zhes bya ba ni tshe rabs de dang de dag na pha ma gang yin pa dran pa dang / tshe'i 'du byed dus ji srid cig tu gnas pa dran pa'o/ /yang na tshe rabs de dang de dag tu skyes pa na/ pha ma'i dus gang yin pa dang / pha ma gang yin pa dang /bde sdug ci myong ba dang / kha zas ci zos pa dang / dus ring thung ji srid du gnas pa dran pa ni/ rnam pa dang bcas pa'i dran pa zhes bya'o/ /tshe rabs de dang de dag na/ yul gang dang gang du skyes pa dang / tshe rabs gcig nas gcig tu brgyud de ji ltar skyes pa dran pa ni yul dang bcas pa'o//tshe rabs de dang de dag na ming ci dang ci btags pa dran pa ni mtshan ma dang bcas pa yang dag par dran pa zhes bya'o/ /de yang mdor bsdun don rnam pa gsum ston te/ gang gis dran pa dang / gang dran pa dang / ji ltar dran pa'o/ /de la gang gis dran pa ni sngon gnas pa'i rjes su dran pa'i ye shes nyid kyis rjes su dran pa'o//gang dran pa ni tshe rabs gcig kyang dran pa nas bskal pa bye ba khrag khrig brgya stong du ma'i bar du dran pa'o/ /ji ltar dran pa ni rnam pa dang bcas/ yul dang bcas/ mtshan ma dang bcas par dran pa'o/ /stobs dgu pa bstan pa'i phyir/ de mi las shin tu 'das pa'i 'phrul gyi mig rnam par dag pas zhes bya ba la sogs pa gsungs te/de la 'phrul ni bsam gtan dang po dang gnyis pa la sogs pa'o/ /'phrul gyi mig de yang bsam gtan de de tsam dag la brten pa dang / de'i 'bras bur gyur pa dang / des yongs su zin pa'i phyir 'phrul gyi mig ces bya'o//bsam gtan yongs su rdzogs pa dang / rnam par thar pa'i 'bras bu yin pa'i phyir/ rnam par thar pa zhes bya'o/ /'phrul gyi mig de'i ming tsam yang mi la med pa'i phyir/ mi las shin tu 'das pa zhes bya'o/ /de ltar 'dod pa'i khams su skyes pa'i lha rnams la ni/ skye gnas thob pa'i 'phrul gyi mig yod pas de dang rjes su mthun pa'i 'phrul gyi mig ces bya yang /mi rnams la de tsam yang med pa'i phyir/ mi las shin tu 'das pa'o/ /sems can rnams lus dang ngag dang yid kyi dge ba spyad pa zhes bya ba ni/ srog gcod pa las ldog pa la sogs pa'i dge ba bcu'i lus dang ngag dang yid gsum gyis spyad par bya'o//mi dge ba spyad pa ni srog gcod pa la sogs pa mi dge ba bcu lus dang ngag dang yid gsum gyi sgo nas spyod pa'o/ /dge ba bcu spyad pas lha dang mi'i nang du skye ba ni bde 'gror skye ba'o/ /mi dge ba bcu spyad pas ngan song gsum du ltung ba ni ngan par 'gro bar skye ba zhes bya'o/ /sems can gang srog gi dbang po bor ba ni 'chi ba'o//srid pa bar mar skye ba ni 'pho ba'o/ /lha dang mi la sogs pa'i rigs su byung ba ni skye bar gyur pa zhes bya ste/ 'phrul gyi mig gis sems can tshe rabs gzhan du gang nas gang du ji ltar skye bar mthong ba ni/ tshe rabs gzhan rjes su dran pa'i stobs zhes bya'o/ /stobs bcu pa bstan pa'i phyir/zag pa zad pa'i shes rab kyis zag pa med pa'i phyir/ sems rnam par grol ba yang dag pa ji lta ba bzhin du shes pa'o zhes bya ba gsungs te/ bsgom pa dang mthong ba'i lam gyi bag la nyal ma lus par spangs nas/ zag pa med pa'i tshul khrims dang / ting nge 'dzin dang shes rab dang / rnam par grol ba thob pa ni zag pa zad pa'o//de nas zag pa zad nas bdag gi rgyud la zag pa zad/ nyon mongs pa ni spangs/ srid pa gzhan du mi skye zhes rnam par grol ba'i ye shes thob pa ni/ shes rab kyi zag pa med pa'i rnam par grol ba yang dag pa ji lta ba bzhin du shes pa zhes bya'o/ /ji ltar bdag gi rgyud la zag pa zad pa shes bzhin du sems can gzhan gyi rgyud kyi zag pa rnams kyang zad par bya bar mkhyen pa ni zag pa zad pa'i stobs zhes bya'o//de la stobs bcu 'di dag gi rang bzhin rab tu dbye ba dang / ma 'dres pa dang / mnyam pa dang / las byed pa dang / go rims dang / khyad par rnams bstan par bya'o/ /de la stobs bcu rnams kyi rang bzhin gang zhe na/'di dag gi rang bzhin ni zag pa med pa'i dad pa la sogs pa'i dbang po lnga'i rang bzhin yin par rig par bya'o/ /yang na de dag gi nang na shes rab gtso bo yin pas shes rab kyi rang bzhin yin par rig par bya'o/ /rab tu dbye ba ni stobs bcu 'di dag rnam pa gsum du rab tu phye nas/ tshad med pa'i ngo bo nyid yin par rig par bya ste/ rnam pa gsum ni dus rab tu dbye ba dang / rnam pa rab tu dbye ba dang / rgyud rab tu dbye ba'o/ /de la dus rab tu dbye ba ni 'das pa dang / ma 'ongs pa dang / da ltar gyi dus su gtogs pa'i shes par bya ba'i dngos po thams cad thugs su chud pa'i phyir ro/ /rnam pa rab tu dbye ba ni 'dus byas kyi dngos po gcig la yang ngang gi mtshan nyid dang /spyi'i mtshan nyid dang / gzugs can dang / gzugs med pa la sogs pa'i rnam pa ji snyed yod pa thugs su chud pa'i phyir ro/ /rgyud rab tu dbye ba ni phyogs bcu'i 'jig rten gyi khams tshad med pa na 'dug pa'i sems can so so'i rgyud ci 'dra ba ma lus par thugs su chud pa'i phyir ro//de ltar rnam par dbye ba gsum thugs su chud pas stobs bcu 'di dag tshad med pa'i rang bzhin yin par rig par bya'o/ /de la ma 'dres pa'i stobs bcu po 'di dag de bzhin gshegs pa nyag gcig la mnga' bar zad kyi/ nyan thos dang rang sangs rgyas la sogs pa gzhan la med pa'i phyir ro//mnyam pa ni de bzhin gshegs pa thams cad stobs bcu po 'di dag brnyes par 'dra ste/ che chung khyad par med pa'i phyir ro/ /de bas na de bzhin gshegs pa thams cad mnyam pa nyid la gnas pa zhes bya ste/ sems can gyi don dang sbyar nas skabs kha cig tu la la mngon sum du byed/ skabs kha cig tu la la mngon sum du mi byed pa tsam gyi khyad par yod do/ /las ni stobs bcu po 'di dag stobs gang gis las gang byed ce na/ de la gnas dang gnas ma yin pa shes pa'i stobs kyis ni rgyu la yang rgyu dang / 'bras bu la yang 'bras bur gnas pa yang dag pa ji lta ba bzhin du rab tu mkhyen cing rgyu med pa dang mi mthun pa rgyur smra ba'i dge sbyong dang /bram ze rnams tshar gcod do/ /rang gi las shes pa'i ye shes kyi stobs kyis ni rang gi las byas pa rnams rang nyid kyis 'bras bu rnam par myong ba yang dag pa ji lta ba bzhin du mkhyen cing sbyin pa la sogs pa'i bsod nams dang / 'pho bar smra ba'i dge sbyong dang bram ze rnams tshar gcod do//bsam gtan dang / rnam par thar pa dang / ting nge 'dzin dang / snyoms par 'jug pa mkhyen pa'i stobs kyis ni bstan pa'i cho 'phrul dang / gdams pa'i cho 'phrul dang / rdzu 'phrul gyi cho 'phrul gyis sems can rnams btul nas/ yang dag pa'i gdams ngag ston par mdzad cing lta ba so sor mi mthun pa dang 'gal bar smra zhing /phyir rgol ba'i bram ze dang / dge sbyong rnams tshar gcod do/ /dbang po mchog dang mchog ma yin pa mkhyen pa'i stobs kyis sems can rnams kyi dbang po rnon po dang / 'bring dang tha ma la sogs pa yang dag pa ji lta ba bzhin du shes shing de dag la ci rigs par so sor dam pa'i chos ston par byed do//mos pa sna tshogs mkhyen pa'i stobs kyis ni/ dge ba dang mi dge ba'i chos la mos pa chen po dang / 'bring dang / mos pa chung ngu la sogs pa yang dag pa ji lta ba bzhin du mkhyen cing dge ba la mos pa rnams kyi dge ba 'phel bar mdzad pa dang / mi dge ba la mos pa rnams kyi mi dge ba spong du 'dzud pa mdzad do//khams sna tshogs mkhyen pa'i stobs kyis ni rigs chung ngu dang / 'bring dang / rigs chen po rnams yang dag pa ji lta ba bzhin du mkhyen cing dbang po ji lta ba bzhin pa dang bsam pa ji lta ba bzhin pa dang / bag la nyal ji lta ba bzhin du bsgral bar bya ba'i sgo de dang de dag la ci rigs par sbyong bar mdzad do//thams cad du 'gro ba'i lam mkhyen pa'i ye shes kyis ni sdug bsngal thams cad las yang dag par 'byung bar byed pa'i lam yang dag pa ji lta ba bzhin du thugs su chud/ sdug bsngal thams cad las 'byung bar mi byed pa'i lam yang dag pa ji lta ba bzhin du thugs su chud nas/'byung bar mi byed pa'i lam spangs te/ 'byung bar byed pa'i lam la yang dag par 'god par mdzad do/ /sngon gyi gnas rjes su dran pa'i stobs kyis ni sems can rnams sngon gyi mthar ji ltar skyes pa dang / 'byung ba rnams dran pa dang / shes par mdzad nas skyob dang / dad pa bskyed de chos 'chad par mdzad cing ther zug tu smra ba'i dge sbyong dang bram ze rnams tshar gcod do//'chi 'pho mkhyen pa'i ye shes kyis ni/ de bzhin gshegs pas 'das pa dang ma 'ongs pa'i nyen thos ji ltar dus 'das pa dang / phyis ji ltar skye ba lung ston par 'gyur zhing 'chad par smra ba'i dge sbyong dang bram ze tshar gcod do/ /zag pa zad pa mkhyen pa'i stobs kyis ni nyid kyi rnam par grol ba la the tshom mi mnga'/yid gnyis mi mnga' zhing dgra bcom pa thob par mngon pa'i nga rgyal can gyi dge sbyong dang bram ze rnams tshar gcod do/ /'di ni de bzhin gshegs pa'i stobs bcu rnams kyi las so/ /de la stobs bcu po de dag gi rim pa ji ltar khong du chud par bya zhe na/de bzhin gshegs pa rnams bla na med pa'i byang chub mngon par sangs rgyas pa na/ stobs bcu po 'di dag dus gcig tu thams cad thob ste/ dus gcig tu thob nas rim gyis mngon sum du mdzad do/ /de la mngon par rdzogs par sangs rgyas ma thag tu de bzhin gshegs pa rnams chos kyi rgyu dang 'bras bu rnam par gzhag pa gang yin pa dang po nyid du gnas pa dang /gnas ma yin pa mkhyen pa'i ye shes kyis gzigs par mdzad do/ /de ltar gzigs nas 'dod pa'i khams kyi sems can 'bras bu yid du 'ong ba/ thob par 'dod pa rnams la rang gi las mkhyen pa'i ye shes kyi stobs kyis mi dge ba'i las spang bar bya ba dang /dge ba'i las bsgrub par bya ba'i thabs ston to/ /de la yang gang 'jig rten pa'i lam gyi 'dod chags spang bar 'dod pa'i sems can rnams la bsam gtan dang / rnam par thar pa dang / ting nge 'dzin dang / snyoms par 'jug pa mkhyen pa'i stobs kyis 'jig rten gyi 'dod chags dang bral ba'i phyir/'jig rten gyi lam thob par bya ba'i don du/ gdams ngag yang dag pa ji lta ba bzhin du ston par mdzad do/ /'jig rten las 'das pa'i lam gyi 'dod chags dang bral bar 'dod pa rnams la ni stobs lhag ma bdun gyis 'jig rten las 'das pa'i 'dod chags dang bral ba thob par bya ba'i phyir chos ston par mdzad do//ji lta zhe na dang por dbang po mchog dang mchog ma yin pa mkhyen pa'i stobs kyis 'jig rten las 'das pa'i 'dod chags dang bral ba thob par 'dod pa rnams kyi dbang po gzigs par mdzad do/ /de nas de'i 'og tu dbang po brtags nas/ mos pa sna tshogs pa mkhyen pa'i stobs kyis bsam pa la rnam par gzigs par mdzad do//de nas khams sna tshogs mkhyen pa'i stobs kyis de'i 'og tu bag la nyal rnam par gzigs par mdzad do/ /de ltar dbang po dang bsam pa dang bag la nyal ba mkhyen nas/ thams cad du 'gro ba'i lam mkhyen pa'i stobs kyis ci rigs par dmigs pa dang /bsgral bar bya ba'i sgo la sgrol bar mdzad do/ /de nas sngon gyi gnas rjes su dran pa'i stobs dang 'chi 'pho ba mkhyen pa'i stobs kyis de'i 'og tu dmigs pa dang bsgral ba'i sgo la rab tu sbyar bas sems gnas par byas pa dang / spyod pa yongs su dag par byas nas 'jig tshogs la lta ba'i rtsa ba las byung ba dang / thar zug dang chad par lta ba'i mtha' gnyis spang ba dbu ma'i lam yang dag par ston par mdzad do/ /de nas de'i 'og tu zag pa zad pa mkhyen pa'i stobs kyis de ltar yang dag par zhugs shing zhi gnas kyis brtan par 'gyur la/ nyon mongs pa'i bag la nyal ma spangs te/ mngon du rgyu ba tsam dang bral ba la bya ba ma byas kyang bya ba byas pas mngon pa'i nga rgyal skye ba rnams kyi mngon pa'i nga rgyal spong bar mdzad de//'di yang thang cig stobs kyis rim pa rnam pa gcig go/ /de la gnas dang gnas ma yin pa mkhyen pa'i stobs dang / rang gi las mkhyen pa'i stobs la khyad par ci yod/ smras pa/ gnas dang gnas ma yin pa mkhyen pa'i stobs kyis ni las dge ba dang /mi dge ba rnams las 'bras bu yid du 'ong ba dang / yid du mi 'ong ba 'byung bar thugs su chud la/ rang gi las mkhyen pa'i stobs kyis ni/ gang gi las dge ba dang mi dge ba byas pa de nyid kyi 'bras bu yid du 'ong ba dang yid du mi 'ong ba 'byung bar thugs su chud de khyad par ni yod do/ /de la rang gi las mkhyen pa'i stobs kyis bsam gtan dang /rnam par thar pa dang / ting nge 'dzin dang gang snyoms par 'jug pa de nyid kyis de 'thob bo zhes thugs su chud la/ bsam gtan dang / rnam par thar pa dang / ting nge 'dzin la snyoms par 'jug pa'i stobs kyis ni/ bsam gtan la sogs pa'i de dag nyid la brten nas/ 'dul ba rnams la cho 'phrul rnam pa gsum gyis ni ston par mdzad do//de la bsam gtan dang / rnam par thar pa dang / ting nge 'dzin la snyoms par 'jug pa'i stobs kyis dad pa la sogs pa dang bcas pa'i sems spyi tsam du mkhyen la/ dbang po mchog dang mchog ma yin pa mkhyen pa'i stobs kyis ni dad pa la sogs pa de nyid chung ngu dang 'bring dang chen po'i rang bzhin so sor 'byed par mdzad do//de la dbang po mchog dang mchog ma yin pa mkhyen pa'i stobs kyis dad pa la sogs pa de dag nyid kyang tshe rabs snga ma na chos gang dang gang dag la bsam pa ji ltar zhugs pa'i bsam pa mkhyen la/ mos pa sna tshogs mkhyen pa'i stobs kyis ni bsam pa de dag nyid la yang /'di ni 'dod chags kyi bsam pa dang bcas pa/ 'di ni zhe sdang gi bsam pa dang bcas pa zhes bsam pa de nyid la rnam pa sna tshogs su 'byed pa mkhyen to/ /bsam pa de yang mdor bsdu na rnam par dbye ba drug ste/ dbyung ba ma yin pa'i bsam pa dang / 'byung ba'i bsam pa dang / rnam par dag pa thag ring ba'i bsam pa dang /rnam par dag pa dang nye ba'i bsam pa dang / mthong ba'i chos nyid la mya ngan las 'das pa thob par 'dod pa'i bsam pa dang / ma 'ongs pa na mya ngan las 'das pa 'thob par 'dod pa'i bsam pa'o/ /de la 'byung ba ma yin pa'i bsam pa ni/ mthu che ba dang tshangs pa la sogs pa'i bstan pa la mos pa rnams kyi bsam pa'o//'byung ba'i bsam pa ni theg pa gsum la mos pa rnams kyi bsam pa'o/ /rnam par dag pa thag ring ba'i bsam pa ni dge ba'i rtsa ba chung ngu dang 'bring du sbyin pa la gnas pa rnams so/ /rnam par dag pa thag nye ba'i bsam pa ni gang dge ba'i rtsa ba chen po la gnas pa rnams so/ /mthong ba'i chos la mya ngan las 'das pa thob par 'dod pa'i bsam pa ni 'phags pa nyan thos la sogs pa rnams so//ma 'ongs pa na mya ngan las 'das pa thob par 'dod pa'i bsam pa ni/ gang de bzhin gshegs pa rnams so/ /de la mos pa sna tshogs mkhyen pa'i ye shes kyis ni mos pa'i rgyu las 'byung ba'i sa bon tsam du thugs su chud do//khams sna tshogs mkhyen pa'i ye shes kyis ni sa bon de nyid rnam par phye nas rnam pa du mar mkhyen to/ /khams de phye na mdor rnam pa bzhi ste/ rang bzhin la gnas pa'i sa bon dang / goms pa las byung ba'i sa bon dang / dag par 'gyur ba'i sa bon dang / dag par mi 'gyur ba'i sa bon no/ /de la rang bzhin la gnas pa'i sa bon ni/'khor ba thog ma med pa nas theg pa gsum gyi rigs rang bzhin gyis yod pa'o/ /goms pa las byung ba'i sa bon ni dge ba'i rtsa ba la goms par byas pa las rigs su smin pa'i sa bon brtas par bsags pa'o/ /rnam par dag par 'gyur ba'i sa bon ni yongs su mya ngan las 'das par 'gyur ba'i chos can rnams so//rnam par dag par mi 'gyur ba'i sa bon ni yongs su mya ngan las mi 'da' ba rnams so/ /de la khams sna tshogs mkhyen pa'i stobs kyis ni sa bon dang rjes su mthun pa'i lam la 'dzud pas mkhyen to/ /thams cad du 'gro ba'i lam mkhyen pa'i stobs kyis ni lam 'di kun nas nyon mongs pa can/'di ni rnam par byang ba dang ldan pa/ 'di ni shin tu rnam par byang bar 'gyur ba/ 'di ni thang cig rnam par byang bar 'gyur ba'o zhes ji snyed du lam gyi rnam par dbye ba yod pa thams cad ma lus par mkhyen to/ /de la kun tu 'gro ba'i lam mkhyen pa'i stobs kyis ni sngon gyi mtha' dang sngon gyi mtha'i lam rgyud lnga'i rgyu dang bcas pa mkhyen la/sngon gyi gnas rjes su dran pa'i stobs kyis ni/ sngon gyi mtha' yang tha snyad rnam pa brgyad dang 'brel ba'i spyod pa rnam pa drug rab tu phye nas de la sngon gyi gnas rjes su dran pa'i stobs kyis ni sngon gyi mtha' las brtsams nas sems can rnams kyi 'chi 'pho ba mkhyen la/ 'chi 'pho shes pa'i stobs kyis ni/sems can rnams kyi phyi ma'i mtha' ji ltar skye ba dang / 'chi ba mkhyen to/ /de la 'chi 'pho ba mkhyen pa'i stobs kyis ni rang gi don mthar thug par ma byas pa rnams ma 'ongs pa na yang skye ba'i mtshams sbyor ro zhes mkhyen to/ /zag pa zad pa mkhyen pa'i stobs kyis ni/ gang rang gi bya ba mthar thug cing / sems rnam par grol ba rnams mthong ba'i chos nyid la mya ngan las 'das pa thob par mkhyen to//de ltar na stobs bcu po de dag phan tshun khyad med pa dang khyad yod par rig par bya'o/ /stobs bcu bstan pa'i 'og tu mi 'jigs pa bzhi bstan pas ji ltar bstan pa bzhin du bshad par bzhed nas/ de bzhin gshegs pa'i mi 'jigs pa bzhi gang zhe na zhes bya ba la sogs pa gsungs so//de la mi 'jigs pa zhes bya ba ni/ bag tsha ba med pa'am/ spa gong ba med pa ste/ de yang nyan thos dang thun mong du ma gyur ba'i shes bya'i sgrib pa las rnam par grol ba dang / rnam pa thams cad du chos thams cad mngon par sangs rgyas par 'khor gyi nang du dam bcas pa dang /nyan thos dang thun mong du gyur pa nyon mongs pa'i sgrib pa las rnam par grol ba 'khor gyi nang du dam bcas pa dang / rnam par grol bar 'dod pa'i sems can rnams sdug bsngal las 'da' bar bya ba'i phyir/ 'byung ba'i lam bstan par dam bcas pa dang / lam de nyid 'thob pa'i gegs su gyur pa rnams spang bar bya'o zhes rnam pa bzhi dam bcas pa la dam pa dang dam par ma gyur pa'i lha dang /mi la sogs pas brgal kyang tshugs par 'gyur ba'i skabs dang mtshan ma ma mthong nas bag tsha ba med par gnas pa ni de bzhin gshegs pa'i mi 'jigs pa bzhi zhes bya'o/ /de la bcom ldan 'das yang dag par mngon par rdzogs par sangs rgyas so zhes bya ba nas/'jig rten du dge sbyong dang bram ze chos mthun pa sus kyang ma bskor ba'i tshangs pa'i 'khor lo bskor ba zhes bya ba yan chad kyis nyan thos dang / thun mong du ma gyur pa'i shes bya'i sgrib pa las rnam par grol ba dang / rnam pa thams cad du chos mngon par sangs rgyas par dam bcas pa la mi 'jigs pa bstan te/'di ni mi 'jigs pa dang po'o/ /gang yang de bzhin gshegs pas bar chad kyi chos su gsungs pa zhes bya ba nas/ ji ltar 'gyur zhes pa 'di la de gang gis zhes snga ma bzhin pa dang zhes bya ba yan chad kyis lam de nyid 'thob pa'i gegs su 'gyur ba spang bar dam bcas pa ste/ 'di ni mi 'jigs pa gnyis pa'o//gang yang des 'phags pa 'byung bar 'gyur ba zhes bya ba nas/ snga ma bzhin zhes bya ba yan chad kyis rnam par thar pa 'dod pa'i sems can rnams sdug bsngal las yang dag par 'da' bar bya ba'i phyir/ lam bstan par dam bcas par bstan pa ste/ 'di ni mi 'jigs pa gsum pa'o/ /zag pa zad pa'o zhes bya ba nas tshangs pa'i 'khor lo bskor ba 'di ni zhes bya ba yan chad kyis nyan thos dang thun mong du gyur pa nyon mongs pa'i sgrib pa las rnam par grol bar dam bcas pa ste/'di ni mi 'jigs pa bzhi pa'o/ /'di bcom ldan 'das yang dag par mngon par sangs rgyas so zhes bdag rab tu shes te zhes bya ba ni shes bya'i sgrib pa thams cad spangs nas phung po dang khams dang skye mched la sogs pa'i chos kyi rnam pa rnams ye shes kyis mngon sum du mdzad par rang nyid kyis thugs su chud pa ni yang dag par mngon par sangs rgyas so zhes bdag rab tu shes pa zhes bya'o//khyod kyis chos 'di mngon par sangs rgyas so zhes 'di la de lha dang bcas pa'i 'jig rten dang bdud du bcas pa'i dang zhes bya ba la sogs pa la/chos mngon par rdzogs par sangs rgyas pa des sangs rgyas so zhes dam pa dang dam pa ma yin pa'i lha dang mi rnams kyis brgal kyang / sangs ma rgyas pa'i mtshan ma mthong zhing tshugs par mi 'gyur ba mthong nas/'jigs pa thams cad dang bral te/ dogs pa med par 'khor gyi nang du seng ge'i sgra sgrogs zhes bya bar sbyar ro/ /de la lha dang bcas pa'i 'jig rten zhes bya ba ni/ dam pa dang dam pa ma yin pa'i lha dang mi spyi la bya bar ston to/ /lha dam pa ni 'dod pa'i khams kyi lha'i dbang phyug bdud dang /rnal 'byor gyi dbang phyug tshangs pa'o/ /mi dam pa ni dge sbyong dang bram ze rnams te/ de dag shes pa dang ldan la rgyal pos kyang mchod par bya ba'i gnas yin pa'i phyir ro/ /lha dang mi dam pa ma yin pa ni de las gzhan pa'i lha dang mi la sogs pa ste/ de dag gis mngon par rdzogs par sangs ma rgyas par brtsad cing brgal kyang chos rnams mtha' mthong ba'i mtshan ma yod par ma gzigs la gtan tshigs kyis tshugs par ma gzigs pas na/rtsod par byed pa'i mtshan ma ma mthong ste zhes bya'o/ /mtshan ma ma mthong bas zhes bya bas ni/ gtan tshigs kyis tshugs pa'i rgyu ma mthong bas zhes bya ba'i don to//lus kyi spu ldang ba dang tshig 'dar ba mi mnga' ba brnyes pas/ de bzhin gshegs pa bde ba rnyed pa zhes bya'o/ /sems spa gong ba med pa rnyed pas/ 'jigs pa med pa rnyed pa la gnas te zhes bya'o/ /mya ngan las 'das pa ni gnas bla na med pa yin la/ de yang 'phags pa'i lam bsgoms pas thob cing de thob nas kyang 'tshe ba dang 'jigs pa thams cad dang bral ba yin pas/mya ngan las 'das pa ni khyu mchog gi gnas te/ mya ngan las 'das pa de mngon sum du mdzad pas na/ khyu mchog gi gnas rab tu mkhyen pa zhes bya'o/ /ston pa bla na med par dam bcas pa phun sum tshogs par bdag nyid khas len cing bstan pa na/de las gzhan pa'i ston pa rnams tshar gcod pa dang / phas kyi rgol ba thams cad skrag par mdzad cing 'khor gyi spa gong ba med par gsung rgya chen po sgrogs pa'i phyir/ 'khor gyi nang du gshegs nas yang dag pa'i seng ge'i sgra sgrogs pa zhes bya'o/ /ji ltar nyid kyis mya ngan las 'das pa'i gnas mngon sum du mdzad pa de nyid thugs brtse bas/gzhan 'thob par bya ba'i phyir 'chad pas na/ 'jig rten du dge sbyong ngam bram ze chos mthun pas sus kyang ma bskor ba'i 'khor lo bskor ba zhes bya'o/ /mdor tshig de dag gis don rnam pa gnyis bstan te/ bdag gi don phun sum tshogs pa brnyes pa dang / gzhan gyi don phun sum tshogs par mdzad pa'o/ /de la khyu mchog gi gnas rab tu mkhyen pa zhes bya bas bdag gi don phun sum tshogs pa brnyes pa bstan te/ 'khor gyi nang du gshegs nas yang dag pa'i seng ge'i sgra sgrogs pa dang / tshangs pa'i 'khor lo bskor ba zhes bya bas gzhan gyi don phun sum tshogs par mdzad pa bstan to//yang na nyon mongs pa'i nad thams cad zhi ba'i phyir/ khyu mchog gi gnas thams cad rab tu mkhyen pa zhes bya'o/ /sman pa ngan pa nad pa nyon mongs pa'i nad kyi sman mi shes par yang dag pa'i sman yin par khas len par tshar gcod cing rang nyid yang dag pa'i sman par khas len pas na yang dag pa'i seng ge'i sgra sgrogs pa zhes bya'o//nyon mongs pa'i nad zhi bar bya ba'i thabs ston pa'i phyir tshangs pa'i 'khor lo bskor ba zhes bya'o/ /gang de bzhin gshegs pas bar chad kyi chos su gsungs pa zhes bya ba gang 'phags pa'i lam bsgom pa la bar du gcod par byed pa'i chos de 'dod pa lnga'i yon tan la brten pa la sogs pa'o//bar chad kyi chos su mi 'gyur zhes bya ba ni 'dod pa lnga'i yon tan la brten kyang / rnam par grol ba'i bgegs su mi 'gyur bar smra ba'o/ /'di la gang gis rgyas pa dang zhes bya ba ni chos de dag bar du gcod pa yin par bshad pa las bar chad du mi 'gyur ro zhes bya ba 'di la lha dang bcas pa'i 'jig rten zhes bya ba nas/tshangs pa'i 'khor lo bskor ba zhes bya ba yan chad rgyas par sbyar ba'o/ /gang yang des 'phags pa 'byung bar 'gyur ba'i lam du gsungs pa dang zhes bya ba la des ni de bzhin gshegs pas so//'phags pa 'byung bar 'gyur ba'i lam ni/ lam gang la brten nas 'phags pa rnams rnam par grol ba'i lam thob cing 'khor ba'i sdug bsngal las 'byung bar 'gyur ba'i lam ste/ 'phags pa'i lam gyi yan lag brgyad pa la sogs pa'o/ /lam du gsungs pa ni mya ngan las 'das pa 'thob pa'i rgyur gsungs pa'o//rten kyang 'byung bar mi 'gyur ba zhes bya ba ni lam de la bsgoms kyang khams gsum nas 'byung bar mi 'gyur la/ skye rga na 'chi la sogs pa'i sdug bsngal med par lta ga la 'gyur zhes bya ba'i don te/ 'di ltar lha dang bcas pa'i 'jig rten zhes bya ba la sogs pa ni snga ma bzhin du sbyar ro/ /zag pa zad pa'o zhes bdag nyid rab tu shes te zhes bya ba la/ zag pa ni mthong ba dang / bsgoms pas spang bar bya ba'i nyon mongs pa'i tshogs te de dag ma lus par spangs pa bdag nyid kyis mngon sum du byas par mkhyen pa'o//bshad pa gzhan ni snga ma bzhin du don blta'o/ /de la mi 'jigs pa bzhi po 'di dag mdor bsdu na bdag dang gzhan gyi don gyi dbang du mdzad nas/ de phun sum tshogs par rnyed par blta ste/ de la bdag gi don la yang rnam pa gnyis so/ /rnam pa gnyis ni ye shes kyi khyad par dang /spong ba'i khyad par ro/ /gzhan gyi don yang rnam pa gnyis te mi mthun pa'i phyogs spang ba dang / gnyen po la brten pa'o/ /de la rnam pa thams cad du chos rnams yang dag par sangs rgyas zhes bya bas shes bya thams cad thugs su chud pa'i ye shes kyi khyad par dang ldan par ston to//zag pa zad pa'o zhes bdag nyid rab tu shes te zhes bya bas spang ba'i khyad par dang ldan par ston to/ /bar chad kyi chos gsungs pa nas bya bas mi mthun pa'i phyogs spang ba bstan to/ /'byung bar 'gyur ba'i lam du gsungs pa zhes bya bas gnyen po la brten pa bstan to/ /mi 'jigs pa bzhi bstan pa'i 'og tu/so so yang dag par rig pa bzhi bstan te/ de'i phyir gsungs pa/ de bzhin gshegs pa'i so so yang dag par rig pa bzhi gang zhe na zhes bya ba la sogs pa gsungs so/ /de la chos rnams kyi stong pa nyid dang mtshan ma med pa dang / smon pa med par mkhyen pa ni/ don so so yang dag par rig pa'o//yang na sdug bsngal ba dang / mi rtag pa dang stong pa dang bdag med par mkhyen pa ni don so so yang dag par rig pa shes pa zhes bya'o/ /chos rnams kyi rab tu dbye ba mkhyen pa ni chos so so yang dag par rig pa ste/ de yang dge ba dang mi dge ba dang / kha na ma tho ba dang bcas pa dang / kha na ma tho ba med pa dang /'dus byas dang / 'dus ma byas dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang / bzang po dang / ngan pa dang / kun nas nyon mongs pa dang / rnam par byang ba dang / gzugs can dang / gzugs can med pa zhes bya ba la sogs pa chos rnams kyi rab tu dbye ba tshad med pa rnams mkhyen pa ni/chos so so yang dag par rig pa'o/ /sems can gyi spyod pa brgyad khri bzhi stong dang / de'i gnyen po chos kyi phung po brgyad khri bzhi stong rnams mkhyen pa ni don so so yang dag par rig pa'o/ /lha dang / klu dang / gnod sbyin dang / dri za dang / lha ma yin dang / mi'am ci la sogs pa ji snyed sems can gyi grangs su gtogs pa'i skad ji snyed pa rnams mkhyen pa dang / skad dang sgra'i gtsug lag tu bya ba ji snyed yod pa mkhyen pa ni/ nges pa'i tshig so so yang dag par rig par mkhyen pa'o/ /gsung gcig gis 'gro ba mtha' dag la go bar mdzad cing dngos po gcig gis rab tu dbye ba bskal pa'i mthar brjod kyang thug pa med par mkhyen pa ni spobs pa so so yang dag par rig pa'o//don du na gang bstan par bya ba dang / gang gis bstan par bya ba rnam pa gnyis mthar thug pa med cing thogs pa med par mkhyen pa ni so so yang dag par rig pa zhes bya'o//de la gang bstan par bya ba yang rnam pa gnyis te gnas dang gnas pa'o/ /de la gnas ni chos so/ /gnas pa ni don to/ /gang gis bstan par bya ba rnam pa gnyis te/ tshig thogs pa med pa dang / ye shes thogs pa med pas so/ / de la nges pa'i tshig so so yang dag par rig pa ni ye shes thogs pa med pa ste/ de gnyis kyis bstan to zhes bya ba'i don to/ /so so yang dag par rig pa bzhi bstan pa'i 'og tu/ sangs rgyas kyi chos ma 'dres pa bco brgyad bstan te ji ltar bstan pa bzhin bshad par bzhed nas/ sangs rgyas kyi chos ma 'dres pa bco brgyad gang zhe na zhes bya ba la sogs pa gsungs so//bco brgyad po de dag ni de bzhin gshegs pa nyid kyi rgyud la mnga'i/ nyan thos dang rang sangs rgyas la sogs pa gzhan la med pas thun mong du ma gyur pa'i phyir/ sangs rgyas kyi chos ma 'dres pa bco brgyad ces bya'o/ / bco brgyad po de dag gi don rnam par gzhag pa ni 'di lta ste/ dgra bcom pa'i dge slong zag pa zad pa bsod snyoms kyi phyir grong du 'jug pa na/ bar 'ga' ni glang po gtum po dang lhan cig 'grogs shing 'gro ba dang / bar 'ga' ni rta dang glang po che dang ba lang gtum po dang khyi gtum po dang 'grogs shing 'gro ba dang /bar 'ga' ni tsher ma stug por rkang pa 'dor/ bar 'ga' sbrul gdug pa gnas par rkang pa 'dor ba dang / 'jug par bya ba ma yin pa'i gnas bud med la sogs pa yod par zhugs nas rigs pa ma yin pa smra bas bsdu bar byed pa dang / dgon pa'i gnas su song ba las lam bor nas lam log par 'gro ba dang /rkun po'am seng ge'am stag gam dom la sogs pa dang lhan cig 'gro ba ste/ rnam pa de lta bu dag ni 'phags pa dgra bcom pa'i 'khrul pa zhes bya'o/ /de bzhin gshegs pa la thams cad nas thams cad du de 'dra ba mi mnga' ba'i phyir/de bzhin gshegs pa la 'khrul pa med pa zhes bya'o/ /gzhan yang 'phags pa dgra bcom pa dgon pa'i gnas kyi lam btsal ba las lam ma mthong ba'am/ khang pa stong par zhugs nas 'di ci zhig ces sgra 'byin cing skad cher 'bod la/ dud mo cher 'bebs pa'am/ bag chags kyi nyes pa'i rgyus gad mo rta gad 'byin pa ni/'phags pa dgra bcom pa rnams kyi ca co ste/ rnam pa de lta bu de bzhin gshegs pa la thams cad nas thams cad du mi mnga' ba'i phyir/ ca co med pa zhes bya'o/ /de bzhin gshegs pa la dran pa rmongs pa mi mnga' ste/ byas te ring du lon pa dang /smras nas ring du lon pa rnams kyang mi bsnyel bas na/ dran pa nyams pa med pa zhes bya'o/ /yang 'phags pa dgra bcom pa ting nge 'dzin du zhugs pa na ni mnyam par gzhag pa dang / ting nge 'dzin du ma zhugs pa na ni/ mnyam par gzhag pa ma yin te/ de bzhin gshegs pa rnams ni rtag tu sems mnyam par bzhag pas rnam pa de lta bu thams cad nas thams cad du mi mnga' ba'i phyir/mnyam par ma bzhag pa'i sems med pa zhes bya'o/ /de bas na mdo dag las gsungs pa/ glang po spyod na'ang mnyam du 'jog /bzhengs na'ang glang po mnyam 'jog la/ /glang po gzigs kyang mnyam 'jog ste//bzhugs par gyur kyang mnyam du 'jog /ces gsungs pa'i phyir ro/ /gzhan yang 'phags pa dgra bcom pa gcig pu phung po la yid 'byung ba ni 'du shes skye ba dang / lhag ma ma lus par spangs pa'i mya ngan las 'das pa la zhi ba'i 'du shes skye ste/ de bzhin gshegs pa rnams ni phung po dang mya ngan las 'das pa gnyis la tha dad pa'i 'du shes mi mnga' bas na/sna tshogs kyi 'du shes med pa zhes bya ste/ mchog tu btang snyoms kyi mtshan nyid la gnas pa'i phyir ro/ /gzhan yang 'phags pa dgra bcom pa sems can skal ba yod dam/ med par so sor ma brtags par yang sems can gyi don la btang snyoms su 'jog ste/de bzhin gshegs pa rnams ni skal ba yod dam med ces brtags nas skal pa med pa rnams btang snyoms su 'jog gi ma brtags par btang snyoms su 'jog pa rnam pa thams cad du mi mnga' bas na/ so sor ma brtags pa'i btang snyoms med pa zhes bya'o//gzhan yang 'phags pa dgra bcom pa zhes bya ba'i sgrib pa spang bar bya ba las brtsams nas/ shes bya'i sgrib pa dag pa'i ye shes ma thob par yongs su nyams pas/ mos pa nyams pa dang / brtson 'grus nyams pa dang / dran pa nyams pa dang /shes rab nyams pa dang / rnam par grol ba nyams pa dang / rnam par grol ba'i ye shes nyams pa ste der drug car med la/ nyams pa rnam pa drug po de de bzhin gshegs pa la nyams pa mi mnga' ste/ shes bya'i sgrib pa spang bar bya ba la mos pa nyams pa nas rnam par grol ba'i ye shes ston pa'i bar du ma nyams pas na/mos pa bri ba med pa nas rnam par grol ba'i ye shes ston pa bri ba med pa zhes bya'o/ /gzhan yang 'phags pa dgra bcom pa rnams dus gsum gyi shes par bya ba'i dngos po la 'bad pa tsam gyis khong du chud pa med de gang gi ye shes ni chags pa med pa zhes bya'o//thams cad khong du chud pa med de de dag gi phyir de dag gi ye shes ni thogs pa med pa zhes bya'o/ /de de bzhin gshegs pa rnams kyis ni 'bad pa med par dus gsum gyi dngos po khong du chud par ma chags pa dang / thams cad khong du chud pas ma thogs pa ste/ de bas na 'das pa'i dus la ma chags ma thogs pa'i ye shes mthong ba dang zhes bya ba nas da ltar byung ba'i dus la ma chags ma thogs pa'i ye shes mthong ba zhes bya'o//gzhan yang 'phags pa dgra bcom pa lus dang ngag dang yid kyi las 'jug pa la ye shes sngon du gtong ba med pas bar 'ga' ni dge ba'i lus kyi las la 'jug /bar 'ga' ni lung du ma bstan pa la 'jug /de bzhin du ngag gi las dang yid kyi las la yang gong ma ltar 'jug ste/ las 'dren ma la 'jug pa ste/ de bzhin gshegs pa rnams las rnam pa gsum car la yang / ye shes sngon du 'gro zhing ye shes kyi rjes su 'brang bas/dge ba'i las 'ba' zhig 'byung bar zad kyi lung du mi ston pa'i las la mi 'byung bas na lus kyi las thams cad kyi sngon du ye shes 'gro ste zhes bya ba nas/ yid kyi las thams cad kyi sngon du ye shes 'gro ste/ ye shes kyi rjes su 'brang ba zhes bya'o/ /de la ye shes kyis bskyod pas na/sngon du ye shes 'gro ba zhes bya'o/ /ye shes dus gcig tu 'byung bas na/ ye shes kyi rjes su 'brang ba zhes bya'o/ /ma 'dres pa bco brgyad po de dag gi don du na lus dang ngag dang yid kyi las rnam par dag pa thun mong ma yin pa phun sum tshogs pa dang / de bzhin gshegs pa'i dbang po'i rten 'bras bu dang bcas pa ma thob par yongs su nyams pa mi mnga' ba phun sum tshogs pa dang /thun mong ma yin pa'i ye shes la gnas pa phun sum tshogs pa dang / thun mong ma yin pa'i las la 'jug pa phun sum tshogs pa bstan pa yin no/ /de la 'khrul pa med ces bya bas lus kyi rnam par dag pa bstan to//ca co med ces bya bas ngag gi las rnam par dag pa bstan to/ /dran pa nyams pa med pa dang / mnyam par ma bzhag pa'i sems med pa dang / sna tshogs kyi 'du shes med pa dang / so sor ma brtags pa'i btang snyoms med pa bzhis yid kyi las rnam par dag pa bstan to//mos pa 'bri ba med pa nas rnam par grol ba'i ye shes ston pa'i bar du bri ba med pa zhes bya ba drug gis de bzhin gshegs pa'i dbang po rten dang 'bras bur bcas pa la ma thob par yongs su nyams pa med par bstan to/ /de la dbang po'i rten ni mos pa'o/ /'bras bu ni rnam par grol ba dang /rnam par grol ba'i ye shes bstan pa'o/ /dbang po nyid ni brtson 'grus dang / dran pa dang / shes rab ste/ rnam pa gsum mo/ /'das pa'i dus la ma chags ma thogs pa zhes bya ba nas de ltar byung ba'i dus la ma chags ma thogs pa zhes bya ba'i tshig gsum gyis thun mong ma yin pa'i ye shes la gnas pa phun sum tshogs pa bstan to//lus kyi las thams cad kyi ye shes sngon du 'gro ste zhes bya ba nas yid kyi las thams cad kyi sngon du ye shes 'gro ste/ ye shes kyi rjes su 'brang ba zhes bya ba'i tshig gsum gyis thun mong ma yin pa'i las kun tu spyod pa phun sum tshogs pa bstan to//ma 'dres pa bco brgyad bstan pa'i 'og tu/ skyes bu chen po'i mtshan sum cu rtsa gnyis smos pas de bshad pa'i phyir/ de la de bzhin gshegs pa'i mtshan sum cu rtsa gnyis gang zhe na zhes bya ba la sogs pas gsungs so/ /mtshan de dag dang ldan na 'di ni skyes bu chen po yin no zhes khong du chud par 'gyur bas na/skyes bu chen po'i mtshan te/ de yang sum cu rtsa gnyis yod la/ dpe byad brgyad cu ni de'i 'khor du gtogs pa'o/ /zhabs shin tu brtan zhes bya ba ni zhabs gnyis kyi mthil shas gang la sa'i steng du mnyam du 'dor zhing / 'khor ba dang 'bur ba la sogs pa med pa'o//zhabs kyi mthil gnyis kyi 'og na/ 'khor lo'i mtshan gyi zhabs kyi mthil la zhes bya ba ni/ zhabs gnyis kyi mthil na 'khor lo rtsibs stong yod pa/ lte ba dang bcas pa rnam pa thams cad yongs su rdzogs pa dang ldan pa'i phyir ro/ /rting pa che zhing zhabs mtho ba zhes bya ba ni rting pa yangs shing sbom la zhabs kyi gong mtho ba'o//zhabs dang phyag dra ba can ni/ zhabs gnyis dang phyag gnyis kyi sor mo'i bar srab mo dra ba dang 'dra bas 'brel pa'o/ /phyag dang zhabs 'jam zhing mnyen pa ni phyag dang zhabs kyi pags pa 'jam la thag thug can du mkhrang ba yin no/ /sku bdun mtho ba zhes bya ba ni phyag gi thal gong gnyis mtho ba dang /zhabs kyi mthil dang gong mtho ba dang / dpung mgo gnyis mtho ba dang / mgur gyi thon kor shas gang ba ste bdun no/ /rje ngar ri dwags e n+ya ya lta bu dang zhes bya ba ni sku brla nas brtsams te man chad khad kyis phra bar gnas pa'o/ / mtshan gsang ba nang du nub pa ni mtshan gsang ba pags pa'i nang du nub ste mi snang bar gyur pa'o/ /sku ro stod seng ge'i lta bu ni ro stod 'phel ka che la rked pa phra ba'o/ /sgrog rus kyi bar rgyas pa ni/ sgrog rus kyi bar shas gang ba'o/ /dpung pa brkyang ba rab tu ring ba ni phyag brkyang na pus mo 'das pa'o//sku rnam par dag pa ni sku la dri ma mi 'chags pa'o/ /mid pa dung lta bu ni mgul khrem gnyer can du gnas pa'o/ /'gram pa seng ge lta bu ni 'gram pa'i lha nga che ba'o/ /so bzhi bcu mnyam pa ni ya so dang ma so nyi shu nyi shur grangs mnyam pa'o/ /so bar ma bye zhing mnyam pa ni tshems thags 'brel zhing tshems che chung med pa'o//lce che ba ni ljags brkyang na zhal khyab par 'gyur ba'o/ /ro bro ba'i mchog ni ljags kyi steng du nas rul pa bab kyang lha'i zhal zas ro mchog tu myang bar 'gyur ba'o/ /tshangs pa'i dbyangs ka la ping ka'i sgra skad ni gsung 'jam zhing mnyen pas gdul bya rnams kyi sems 'phrog par byed pa'o//spyan kun sngo ba ni spyan gyi sprin dkar po'i gong na kha dog mthon mthing du gnas pa'o/ /spyan ba'i rdzi ma 'dra ba ni spyan gyi rdzi ma ba'i rdzi ma lta bur spu mnyam zhing srab la gnas pa'o/ /dbu'i gtsug tor ni dbu'i dbus na sha'i thor tshugs tshangs pa'i 'jig rten nas kyang bltar mi snang ba mnga'o//shing n+ya gro d+ha ltar zlum zhing mdzes pa ni sku chu zheng gab la yan lag rnams kyang sku'i rkyen du bab la/ che chung med pa mnga' ba'o/ /skyes bu chen po'i mtshan sum cu rtsa gnyis kyi mtshan nyid bstan nas gang dag mtshan thob par mos pas de'i rgyu sgrub pa la nan tan byed par 'dod pa'i 'gro ba rnams kyi don du mtshan gyi rgyu bstan pa'i phyir gsungs pa/zhabs gnyis rab tu brtan pa de bzhin gshegs pa skyes bu chen po'i mtshan 'di ni sngon yi dam la rab tu bstan pas grub pa'o zhes bya ba la sogs pa gsungs so/ /yang na mtshan rnams ni rnam par smin pa'i 'bras bu'i rang bzhin te/ 'bras bu la rgyu med mi srid pas de'i rgyu ston par mdzad do//sngon yi dam la rab tu brtan pas grub ces bya ba ni sngon byang chub sems dpa'i spyad pa spyod pa'i tshe dge ba la sogs pa bya bar khas blangs pa'i yi dam ma bral zhing nan tan du gus par bya ba las zhabs brtan pa grub pa bzhin no/ /sngon sems can pha rol rnams sbam bkong bas grub po zhes bya ba ni sems can mthu chung shing nyam chung ba rnams la skrag pa dang /'jigs pa ma byas pas grub pa'o/ /chos kyis bsrung ba dang bskyab pa byas zhes bya ba ni/ sngon srog ma bcad pa la sogs pa mi dge ba'i las mi byed par srung ba las grub pa'o/ /yang na chos kyis bsrung ba dang / bskyab pa dang sba ba zhes bya ba ni gang zag chos spyod pa rnams la 'jigs pa dang /mi bde ba'i grogs mnyen pa dang bsam pa dang bsgom pa la sogs pa'i dus na phan 'dogs par byed pa las grub pa'o/ /de la mnyan pa'i dus na grogs byed pa ni bsrung ba'o/ /bsam pa'i dus na grogs byed pa ni bskyab pa'o/ /bsgom pa'i dus na grogs byas pa ni sba bar byas pa'o/ /sngon 'khor ma phyed pas grub bo zhes bya ba ni/gzhan gyi g.yog 'khor kha ma drangs pa las grub pa'o/ /sngon bgo ba sna tshogs byin pas grub bo zhes bya ba ni chos dang mal stan la sogs pa byin pas grub pa'o/ /sngon sangs rgyas kyi chos kun bzung bas grub bo zhes bya ba ni sngar dam pa'i chos rnams mnyan pa de nas bsams/de nas bsgoms pa las grub pa'o/ /sngon gsang thub par bsrungs pa dang / 'khrig pa'i chos spangs pas grub ces bya ba ni snod ma yin pa la bstan du mi rung ba rnams snod ma yin pa la ma bstan te bsrung ba dang / gzhan gyis gsang ba rnams gzhan dag la ma bsgrags par bsrung ba dang / mi tshangs pa spyod pa'i chos rnams spangs pa las grub pa'o//sngon dge ba'i chos spyad pa las grub pa zhes bya ba ni tshul khrims dang ting nge 'dzin dang shes rab spyad pa las grub pa'o/ /pha rol po rnams mi 'jigs par dbugs phyung ba phyin pas grub ces bya bas ni/ rgyal po dang / rkun bu la sogs pa'i 'jigs pas nyen pa'i sems can rnams 'jigs pa de las bskyabs pa las grub pa'o//sngon gzhan gyi bya ba spro bar byed pas grub pa las byed pa po la spro ba bskyed cing grogs byas pa las grub pa'o/ /sngon dge ba'i rtsa ba la sbyor ba kun tu rdzogs pas grub bo zhes bya ba ni dge ba gang brtsams pa rnams mthar phyin par byas pa las grub pa'o/ /sngon sems can dbugs dbyung ba bya ba las grub ces bya ba ni sems can ngan song du skyes pa rnams bskyabs pa las grub pa'o//sngon lus dang ngag dang yid kyi las bsrungs pa las grub ces bya ba ni/ lus dang ngag dang yid gsum sdig pa mi dge ba'i chos la mi 'jug pa bsrungs pa las grub pa'o/ /sngon bsod nams kyi phung po tshad med pa la bdag brten pa zhes bya ba ni sbyin pa dang tshul khrims la sogs pa bsod nams dpag tu med par bsags pa las byung ba'o//sngon bsam pas ma bcos par grub pa zhes bya ba ni sems la g.yo med par byas pa las grub pa'o/ /chos yang dag par spyod pa na sems las su rung bar grub pa zhes bya ba ni chos rnams kyi rang dang spyi'i mtshan nyid dpyod pa na gnyid dang rmugs pa dang rtog pa dang dpyod pa bsal te/sems pa las grub pa'o/ /sngon 'du 'dzi spangs pa las grub pa ni sngon 'gro ba mang po nang na gnas pa spangs pa las grub pa'o/ /sngon bsgrags par rigs pa rnams kyi grags pa brjod pa las grub pa ni yon tan bsgrags par 'os pa rnams kyi yon tan grags par byas pa las grub pa'o//mthu bo che kun tu mdzes pa zhes bya ba la mthu bo che ni stobs kyi tshad de de'i stobs kyi tshad ni ji tsam zhe na tha mal pa'i ban glang bcu'i stobs spos kyi glang po gcig la yod do/ /spos kyi glang po bcu'i stobs ma hA nA ga na gcig la yod do/ /de bcu'i stobs sra kan ta gcig la yod do/ /sra kan ta bcu'i stobs pa rang ga gcig la yod do//pa rang ga bcu'i stobs tsa nu ra ga gcig la yod do/ /tsa nu ra ga bcu'i stobs mthu bo che gcig la yod do/ /bcom ldan 'das kyi sku'i tshigs re re la yang mthu bo che'i stobs yod pas na/ mthu bo che kun tu mdzes pa zhes bya'o/ /de bas na lha sbyin gyis bsad pa'i glang po che bcom ldan 'das kyi zhabs kyi mthe bos ra ba bdun bsgral te btang ba'i phyir mthu bo che dang 'dra ba zhes bya'o//mtshan gyi 'og tu dpe byad brgyad cu bstan pas de bshad par bzhed nas dpe byad bzang po brgyad cu gang zhe na zhes bya ba la sogs pa gsungs so/ /sen mo yid tsam dmar ba ni zangs kyi mdog lta bu'o/ /sen mo snum pa ni phyi rol 'tsher ba'o//sen mo mtho ba ni sen mo'i dbus thog thag mthon por gnas pa'o/ /sen mo zlum pa ni leb leb po ma yin pa'o/ /sen mo rgyas pa ni bar sang sing med pa'o/ /sen mo bags kyis phra ba ni rtsan gyis mgo phra ba'o/ /long bu nub pa ni long bu'i sha nang du nub pa'o/ /zhabs mnyam pa ni zhabs gnyis che chung du ma gyur ba'o/ /seng ge'i stabs ni 'jigs pa dang bag tsha ba med par gshegs pa'o//khyu mchog gi stabs ni sa chen po gnon pa lta bur gshegs pa'o/ /glang po'i stabs ni brjid par gshegs pa'o/ /ngang pa'i stabs ni gom pa g.yas g.yon 'dor ba'i bar rtag tu mnyam pa'o/ /g.yas kyis gshegs pa ni zhabs g.yas sngar 'dor ba'o/ /bzang por gshegs pa ni stabs mdzes pa'o//mi 'khyor bar gshegs pa ni sku 'khyor ba med par zhabs 'dor ba'o/ /sku zlum pa ni mdzes pa dang ldan pa'o/ /sku 'tsher ba ni sku'i pags pa bzhin gyi gzugs brnyan snang ba'o/ /sku rims su phebs pa ni gang du che ba'i gnas su che la chung ba'i gnas su chung ba'o/ /chu zheng gab pa ni chu zheng du ldan pa'o//dpe byad kun mdzes pa ni mtshan dang dpe byad du bya ba rnams dum bu dang ma tshang ba med pa mnga' ba'o/ /mnyam par gshegs pa ni mdun du sgur ba dang rgyab tu dgye ba med pa'o/ /sku gtsang ba ni mi gtsang ba la sogs pa mi 'byung ba'o/ /sku rnam par dag pa ni dri ma mi mnga' ba'o/ /sku ma zhum pa ni zhum por mi gnas pa'o/ /bdun mtho ba ni gzhan las 'phags pa'am nu 'jing la sogs pa mtho ba'o//yan lag dang nying lag rab tu rnam par phye ba ni phyag dang zhabs so sor ma 'dres shing 'brel ba med par mdzes par gnas pa'o/ /rab rib med cing dag par snang ba ni/ spyan gyi ling thog la sogs pa dang bral zhing gsal bar gzigs pa'o/ /lto zlum pa ni phyal phyang nge ba ma yin pa'o//lto 'jam pa ni pags pa 'jam pa'o/ /lto ma zhom pa ni gong du sbom la bar na phra ba ma yin pa'o/ /lto ma bri ba ni khong du ma song ba'o/ /lte ba zab pa ni sku'i nang du nub pa'o/ /kun tu mdzes pa ni 'od 'dom gong gis kun nas bskor te mdzes par byas pa'o/ /spyod pa gtsang ba ni phyag g.yas pa mi gtsang ba'i gnas su nam du yang mi reg pa'o//phyag gi ri mo zab pa ni ri mo nang du song ba'o/ /phyag gi ri mo ring ba ni rgyun ma chad pa'o/ /zhal rab tu mi ring ba ni zhal chu rings su mi 'dug pa'o/ /gzugs dang gzugs brnyan snang ba dang / zhal gyi ya mchu ma mchu che chung du ma gyur pa'am/sku la gzugs brnyan du snang ba'o/ /ban glang dang sprin ltar sgrogs pa'i dbyangs ni dbyangs ring du 'dug pa'o/ /mche ba mnyam pa ni mche ba bzhi che chung med pa'o/ /mche ba bags kyis phra ba ni rtse phra ba'o/ /sna gtsang ba ni snabs mi 'dzag pa'o/ /spyan yangs pa ni zheng du yang che ba'o/ / spyan ring ba ni dkyus su yang ring ba'o/ /ut+pa la'i 'dab ma rangs pa lta bu ni bags kyis sngo la thog thag tu ring por gnas pa'o/ /ring la stug pa ni srab mo ma yin pa'o/ /smin ma ring ba ni smin ma'i bar ma chad par dkyus ring ba'o/ /smin ma'i spu mnyam pa ni spu ring thung med pa'o/ /rna ba gang zhing ring ba ni snyan rkang rkong ma yin pa snyan che ba'o//rna ba mnyam pa ni snyan g.yas g.yon gnyis la che chung med pa'o/ /rna ba'i dbang po ma nyams pa ni rkyen gang gis kyang 'on par bya bar mi nus pa'o/ /phra la rgyas pa ni rkang rkong med cing shas rgyas pa'o/ /yan lag gi dam pa kun tu rgyas pa ni sku thams cad kyang mdzes pa'o/ /skra ma 'dzings pa ni phan tshun 'dres nas long long por ma gyur pa'o//don rnam par gdon mi za ba gong du bshad pa ma lus par bstan zin to zhes dgongs nas dge slong rnams la zhes bya ba nas ngas bstan zin to zhes bya ba'i bar du gsungs so/ /ji ltar bstan pa'i chos la yang tshig tsam du gzung ba ma yin gyi/ nan tan gyis bsgrub dgos so zhes bka' stsal pa/dge slong dag dgon pa'i gnas dang zhes bya ba nas/ nga'i bstan pa'o zhes bya ba'i bar du gsungs pa'o/ /dge slong dag bag yod par byos la zhes bya ba ni mi dge ba'i chos la 'jug par ma byed cig ces bya ba'i don to/ /de ltar zhugs par gyur na 'chi kar yang sems la gdung ba dang / phyis kyang gnod par gyur ta re zhes dgongs nas bka' stsal pa/'gyod par ma gyur cig ces bya'o/ /'di ni nga'i bstan pa'o zhes bya ba la de bzhin gshegs pa'i cho 'phrul gsum ste/ kun brjod pa'i cho 'phrul dang / rjes su bstan pa'i cho 'phrul dang / rdzu 'phrul gyi cho 'phrul lo/ /de la kun brjod pa'i cho 'phrul ni 'di ltar sgoms shig pa'o//rjes su bstan pa'i cho 'phrul ni/ khyod kyi bsam pa da ltar 'di dang 'di'i sems zhes bshad pa'o/ /rdzu 'phrul gyi cho 'phrul ni nam mkha' la 'phur ba la sogs pa ston to/ /'dir ni bstan pa cho 'phrul bshad pa'i phyir 'di ni nga'i bstan pa'o zhes gsungs te/ cho 'phrul de ni cho 'phrul gnyis las dam par gyur pa'i phyir ro//mdo sde bshad pa'i 'bras bu bstan pa'i phyir chos kyi rnam grangs 'di bshad pa na/ dge slong lnga brgya len pa med cing zag pa las sems rnam par grol lo zhes gsungs so/ /mdo sde thos pa'i phung po gcig tu mtshams sbyar ba spang ba dang / mthong ba dang / bsgoms pas spang pa nyon mongs pa dang bral ba ni 'bras bu'o//de la tshe gcig nas gcig tu sbyor ba spangs pas na len pa med pa zhes bya'o/ /mthong ba dang bsgoms pas spang bar bya ba'i nyon mongs pa dang bral bas na sems rnam par grol ba zhes bya'o/ /don rnam par gdon mi za ba'i TI ka rdzogs so//