CLOSE WINDOW

D4363
བོད་ཡིག

/ //[]@/ /chos kyi rnam grangs kyi brjed byang gi rtsa ba bzhugs// @#/ /chos kyi rnam grangs/ dpal 'jam pa'i dbyangs la phyag 'tshal lo/ / phung po lnga ni/ gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po'o/ /de la gzugs kyi phung po ni bco lnga ste/ 'byung ba chen po bzhi dang / des rgyur byas pa'i gzugs bcu gcig go/ /'byung ba chen po bzhi ni/ sa'i khams dang /chu'i khams dang / me'i khams dang / rlung gi khams so/ /rgyur byas pa'i gzugs ni/ mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang / gzugs dang / sgra dang / dri dang / ro dang / reg bya rnam par rig byed ma yin pa'o/ / tshor ba'i phung po ni gsum ste/ bde ba dang / sdug bsngal ba dang / gnyi ga ma yin pa rnams so/ /'du shes kyi phung po yang gsum ste/ chung ngu dang / rgya chen por gyur pa dang / tshad med pa'o/ /'du byed kyi phung po ni sems las byung ba'i 'du byed lnga bcu rtsa gcig dang / sems dang mi ldan pa bcu bzhi'o//sems las byung ba'i 'du byed ni reg pa dang / yid la byed pa dang / tshor ba dang / 'du shes dang / sems pa dang lnga ni kun du 'gro ba'o/ /'dun pa dang / mos pa dang / dran pa dang / ting nge 'dzin dang / shes rab ni yul so sor nges pa'o/ /dad pa dang / ngo tsha shes pa dang / khrel yod pa dang /ma chags pa'i dge ba'i rtsa ba dang / zhe sdang med pa'i dge ba'i rtsa ba dang / gti mug med pa'i dge ba'i rtsa ba dang / brtson 'grus dang / shin tu sbyangs pa dang / bag yod pa dang / btang snyoms dang / rnam par mi 'tshe ba dang bcu gcig po 'di ni dge ba'o/ /'dod chags dang / khong khro ba dang /nga rgyal dang / ma rig pa dang / lta ba dang / the tshom dang drug ni nyon mongs pa'o/ /khro ba dang / khon du 'dzin pa dang / 'chab pa dang / 'tshig pa dang / phrag dog dang / ser sna dang / g.yo dang / sgyu dang / rgyags pa dang / rnam par 'tshe ba dang / ngo tsha med pa dang / khrel med pa dang / rmugs pa dang /rgod pa dang / ma dad pa dang / le lo dang / bag med pa dang / brjed ngas pa dang / rnam par g.yeng ba dang / shes bzhin ma yin pa dang nyi shu ni nye ba'i nyon mongs pa'o/ /'gyod pa dang / gnyid dang / rtog pa dang / dpyod pa ste/ bzhi po 'di gzhan du 'gyur ba'o/ /de la lnga ni kun du 'gro ba'o/ / lnga ni yul so sor nges pa'o/ /bcu gcig ni dge ba'o/ /drug ni nyon mongs pa'o/ /nyi shu ni nye ba'i nyon mongs pa'o/ /bzhi ni gzhan du'ang 'gro ba'o/ /de la nga rgyal ni rnam pa bdun te/ nga rgyal dang / che ba'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / mngon pa'i nga rgyal dang /chung zad snyam pa'i nga rgyal dang / log pa'i nga rgyal lo/ /lta ba'i rnam pa lnga ste/ 'jig tshogs la lta ba dang / mthar 'dzin pa'i lta ba dang / log par lta ba dang / lta ba mchog tu 'dzin pa dang / tshul khrims dang brtul zhugs mchog tu 'dzin pa'o/ /sems dang ldan pa ma yin pa'i 'du byed ni gzugs dang /sems dang sems las 'byung ba'i gnas skabs la gdags te/ thob pa dang / 'du shes med pa'i 'gog pa la snyoms par 'jug pa dang / 'gog pa'i snyoms par 'jug pa la 'du shes med pa dang / srog gi dbang po dang / rigs mthun pa dang / skye ba dang / rga ba dang / gnas pa dang / mi rtag pa dang / ming gi tshogs dang / tshig gi tshogs dang / yi ge'i tshogs dang / so so'i skye bo nyid dang / de lta bu'i cha dang mthun pa rnams so/ /rnam par shes pa'i phung po rnams so/ /rnam par shes pa brgyad de/ mig gi rnam par shes pa dang /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa dang / nyon mongs pa can gyi yid dang / kun gzhi rnam par shes pa'o/ /yid kyi rnam par shes pa'i dbang po ni rnam par shes pa drug po 'gags ma thag pa'o//yul ni brgyad de/ tshor ba dang / 'du shes dang / 'du byed dang / rnam par rig byed ma yin pa dang / 'dus ma byas nam mkha' dang / so sor brtags pa ma yin pa'i 'gog pa dang / so sor brtags pa'i 'gog pa dang / de bzhin nyid do/ /nyon mongs pa can gyi yid kyi 'khor bzhi ni/bdag tu rmongs pa dang / bdag tu lta ba dang / bdag tu nga rgyal ba dang / bdag tu chags pa'o/ /kun gzhi rnam par shes pa ni/ sa bon thams cad kyi gzhi nyid dang / lus kyi kun gzhi dang / rgyu nyid dang / lus la gnas pa nyid dang / dmigs pa dang rnam pa yongs su ma chad pa dang /ris gcig pa dang / rgyun chags par 'jug pa'o/ /skye mched bcu gnyis ni/ mig gi skye mched dang / rna ba'i/ sna'i/ lce'i/ lus kyi/ yid kyi/ gzugs kyi/ sgra'i/ dri'i/ ro'i/ reg bya'i/ chos kyi skye mched do/ /khams bco brgyad ni/ mig gi khams dang /gzugs kyi khams dang / mig gi rnam par shes pa'i khams dang / rna ba/ sna/ lce/ lus/ yid/ rnam par shes pa'i khams so/ /rten cing 'brel bar 'byung ba ni/ phyi'i rten cing 'brel bar 'byung ba dang / nang gi rten cing 'brel par 'byung ba'o/ /phyi'i rten cing 'brel bar 'byung ba ni sa bon las ni myu gu/myu gu las 'dab ma/ 'dab ma las sdong bu/ sdong bu las sbu gu/ sbu gu las snying po/ /snying po las me tog/ me tog las 'bras bu'o/ /rkyen drug ste/ sa dang / chu dang / me dang / rlung dang / nam mkha' dang / dus kyi khams rnams so/ /nang gi rten cing 'brel bar 'byung ba ni 'di lta ste/ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa rnams 'byung ste/ de ltar sdug bsngal gyi phung po 'ba' zhig po 'di dag 'byung bar 'gyur ro/ / de la ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa/ reg pa 'gags pas tshor ba/ tshor ba 'gags pas sred pa/sred pa 'gags las len pa/ len pa 'gags pas srid pa/ srid pa 'gags pas skye ba/ skye ba 'gags pas rga shi dang mya ngan dang smre sngags 'don pa dang / sdug bsngal ba dang / yid mi bde ba dang / 'khrugs pa rnams 'gag par 'gyur te/ de ltar sdug bsngal gyi phung po 'ba' zhig po 'di dag 'gag par 'gyur ro//rkyen ni khams drug ste/ sa dang / chu dang / me dang / rlung dang / nam mkha' dang / rnam par shes pa'i khams so/ /de dag kyang rnam pa lngar lta ste/ rtag par ma yin pa dang / chad par ma yin pa dang / 'pho bar ma yin pa dang / rgyu chung ngu las 'bras bu chen por 'byung ba dang /de dang 'dra ba'i rgyud do/ /rgyu drug ni/ byed pa'i rgyu dang / lhan cig 'byung ba'i rgyu dang / skal ba mnyam pa'i rgyu dang / mtshungs par ldan pa'i rgyu dang / kun du 'gro ba'i rgyu dang / rnam par smin pa'i rgyu'o/ /rkyen bzhi ni/ dmigs pa'i rkyen dang / bdag po'i rkyen dang / de ma thag pa'i rkyen dang / rgyu'i rkyen no/ /'bras bu lnga ni/ rnam par smin pa'i 'bras bu dang / rgyu mthun pa'i 'bras bu dang / bral ba'i 'bras bu dang / skyes bu byed pa'i 'bras bu dang / bdag po'i 'bras bu'o/ /bden pa gnyis ni/ kun rdzob kyi bden pa dang / don dam pa'i bden pa'o//kun rdzob kyi bden pa la yang gnyis te/ yang dag pa'i kun rdzob dang / yang dag pa ma yin pa'i kun rdzob po/ /mtshan nyid gsum ni/ kun brtags dang / gzhan dbang dang / yongs su grub pa'o/ /chos lnga ni/ ming dang / rgyu mtshan dang / rnam par rtog pa dang / de bzhin nyid dang /yang dag pa'i ye shes kyi de bzhin nyid do/ /bdag med pa gnyis ni/ chos la bdag med pa dang / gang zag la bdag med pa'o/ /theg pa gsum ni/ nyan thos kyi theg pa dang / rang sangs rgyas kyi theg pa dang / theg pa chen po'o/ /dkon mchog gsum po ni/ sangs rgyas dkon mchog dang /chos dkon mchog dang / dge 'dun dkon mchog go/ /byang chub kyi phyogs kyi chos sum cu rtsa bdun ni/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad do//dran pa nye bar gzhag pa bzhi ni/ lus dran pa nye bar gzhag pa dang / tshor ba dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa dang bzhi'o/ /yang dag par spong ba bzhi ni/ sdig pa mi dge ba'i chos ma skyes pa rnams mi bskyed par bya ba'i phyir 'dun pa bskyed pa dang /sdig pa mi dge ba'i chos skyes pa rnams spong ba'i phyir 'dun pa skyed pa dang / dge ba'i chos ma skyes pa rnams bskyed pa'i phyir 'dun pa bskyed pa dang / dge ba'i chos skyes pa rnams gnas par bya ba dang phyir zhing 'byung ba dang nyams par mi 'gyur ba dang yongs su rdzogs par bya ba'i phyir 'dun pa bskyed pa dang bzhi'o//rdzu 'phrul gyi rkang pa bzhi ni/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang / sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang / brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang /dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ /dbang po lnga ni/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /stobs lnga ni/ dad pa'i stobs dang /brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs so/ /byang chub kyi yan lag bdun ni/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang /dga' ba yang dag byang chub kyi yan lag dang / shin tu sbyangs pe yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag go/ /'phags pa'i lam yan lag brgyad ni/ yang dag pa'i lta ba dang /yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /lam lnga ni/ tshogs kyi lam dang / sbyor ba'i lam dang / mthong ba'i lam dang /bsgom pa'i lam dang / mthar phyin pa'i lam mo/ /tshogs kyi lam lnga ste/ so so skye bo'i tshul khrims dang / dbang po'i sgo bsdams pa dang / zas kyi tshod shes pa dang / nam gyi cha stod cha smad la mi nyal bar rnal 'byor la brtson pa dang / shes bzhin du gnas pa la mngon par dga' ba'o//sbyor ba'i lam ni mos pas spyod pa'i sa bzhi ste/ snang ba thob pa'i ting nge 'dzin dang / snang ba mched pa'i ting nge 'dzin dang / de kho na'i don tshig gi phyogs gcig tu zhugs pa'i ting nge 'dzin dang / de ma thag pa sems kyi ting nge 'dzin to/ /mthong ba'i lam ni byang chub sems dpa'i sa dang po'o//bsgom pa'i lam ni sa gnyis pa nas sa bcu pa'i bar du'o/ /mthar phyin pa'i lam ni sangs rgyas kyi sa'o/ /pha rol tu phyin pa bcu ni/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / thabs kyi pha rol tu phyin pa dang / stobs kyi pha rol tu phyin pa dang / smon lam gyi pha rol tu phyin pa dang / ye shes kyi pha rol tu phyin pa'o/ /byang chub sems dpa'i sa bcu ni/ rab tu dga' ba dang /dri ma med pa dang / 'od byed pa dang / 'od 'phro ba dang / shin tu sbyang dka' ba dang / mngon du gyur pa dang / ring du song ba dang / mi g.yo ba dang / leg pa'i blo gros dang / chos kyi sprin no/ /sangs rgyas kyi sa ni kun du 'od do/ /sangs rgyas kyi ye shes bzhi ni me long lta bu'i ye shes dang / mnyam pa nyid kyi ye shes dang / so sor rtog pa'i ye shes dang / bya ba nan tan gyi ye shes so/ /sangs rgyas kyi sku gsum ni/ chos kyi sku dang / longs spyod rdzogs pa'i sku dang / sprul pa'i sku'o/ /de bzhin gshegs pa'i so so yang dag par rig pa bzhi ni/ chos so so yang dag par rig pa dang /don so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o/ /de bzhin gshegs pa'i mi 'jigs pa bzhi ni/ chos thams cad mngon par rdzogs pas byang chub pa la mi 'jigs pa dang / zag pa thams cad zad par mkhyen pa la mi 'jigs pa dang /bar du gcod pa'i chos rnams gzhan du mi 'gyur bar nges par lung bstan pa la mi 'jigs pa dang / phun sum tshogs pa thams cad 'thob par 'gyur ba la nges par 'byung ba'i lam de bzhin nyid du gyur pa la mi 'jigs pa'o/ /de bzhin gshegs pa'i mngon par shes pa drug ni/lha'i mig dang / lha'i rna ba dang / sems kyi rnam grangs shes pa dang / lus kyi rdzu 'phrul shes pa dang / sngon gyi gnas rjes su dran pa dang / zag pa zad pa shes pa'o/ /de bzhin gshegs pa'i stobs bcu ni/ gnas dang gnas ma yin pa mkhyen pa'i stobs dang / las kyi rnam par smin pa mkhyen pa'i stobs dang /mos pa sna tshogs mkhyen pa'i stobs dang / khams sna tshogs mkhyen pa'i stobs dang / dbang po mchog dang mchog ma yin pa mkhyen pa'i stobs dang / thams cad du 'gro ba'i lam mkhyen pa'i stobs dang / bsam gtan dang rnam par thar pa dang ting nge 'dzin dang snyoms par 'jug pa bzhi dang kun nas nyon mongs pa dang rnam par byang ba dang ldan pa thams cad mkhyen pa'i stobs dang /sngon gyi gnas rjes su dran pa mkhyen pa'i stobs dang / 'chi 'pho ba dang / skye ba mkhyen pa'i stobs dang / zag pa thams cad zad par mkhyen pa'i stobs so/ / dbang bcu ni/ tshe la dbang ba dang / yo byad la dbang ba dang / sems la dbang ba dang / las la dbang ba dang / skye ba la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / chos la dbang ba dang / ye shes la dbang ba'o/ /sangs rgyas kyi chos ma 'dres pa bco brgyad ni/de bzhin gshegs pa la 'khrul pa mi mnga' ba dang / ca co mi mnga' ba dang / sems mnyam par ma bzhag pa med pa dang / tha dad pa'i 'du shes med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson 'grus nyams pa med pa dang /dran pa nyams pa med pa dang / shes rab nyams pa med pa dang / ting nge 'dzin nyams pa med pa dang / rnam par grol ba nyams pa med pa dang / lus kyi las thams cad ye shes kyi sngon du 'gro zhing ye shes kyi rjes su 'brang ba dang / ngag gi las thams cad ye shes kyi sngon du 'gro zhing ye shes kyi rjes su 'brang ba dang /yid kyi las thams cad ye shes kyi sngon du 'gro zhing ye shes kyi rjes su 'brang ba dang / 'das pa'i dus la ma chags ma thogs pa'i ye shes mthong ba la 'jug pa dang / ma 'ongs pa'i dus la ma chags ma thogs pa'i ye shes mthong ba la 'jug pa dang /da ltar bzhugs pa'i dus la ma chags ma thogs pa'i ye shes mthong ba la 'jug pa'o/ /sde snod gsum ni/ 'dul ba'i sde snod dang / mdo sde'i sde snod dang / chos mngon pa'i sde snod do/ /gsung rab yan lag bcu gnyis ni/ mdo'i sde dang / dbyangs kyis bsnyad pa'i sde dang /lung du bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bur byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i sde dang / gtan la dbab par bstan pa'i sde'o//dgongs pa bzhi ni/ mnyam pa nyid la dgongs pa dang / dus gzhan la dgongs pa dang / don gzhan la dgongs pa dang / gang zag gi bsam pa la dgongs pa'o/ /ldem por dgongs pa bzhi ni/ gzhug pa la ldam por dgongs pa dang / mtshan nyid la ldem por dgongs pa dang /gnyen po la ldem por dgongs pa dang / bsgyur ba la ldem por dgongs pa'o/ /bden pa bzhi ni/ sdug bsngal dang / kun 'byung dang / 'gog pa dang / lam mo/ /sdug bsngal gyi bden pa la bzhi ste/ mi rtag pa dang / sdug bsngal ba dang / stong pa dang / bdag med pa'o/ /kun 'byung gi bden pa la yang rnam pa bzhi ste/ kun 'byung dang / rgyu dang / rkyen dang / rab tu 'byed pa'o/ /'gog pa'i bden pa la yang rnam pa bzhi ste/ 'gog pa dang / bzhi ba dang / gya nom pa dang / nges par 'byung ba'o/ /lam la yang bzhi ste/ lam dang / rigs pa dang /bsgrub pa dang / nges par 'byin pa'o/ /nyan thos kyi tshogs lam la lnga ste/ so so skye bo'i tshul khrims dang / dbang po'i sgo bsdams pa dang / zas kyi tshod shes pa dang / nam gyi cha stod cha smad la mi nyal bar rnal 'byor la brtson pa dang / shes bzhin du gnas par mngon par dga' ba'o/ / sbyor ba'i lam ni nges par 'byed pa'i cha bzhi ste/ drod dang / rtse mo dang / bzod pa dang / 'jig rten chos kyi mchog go/ /mthong ba'i lam ni sems kyi skad cig ma bcu drug go/ /bsgom pa'i lam ni/ lam chung ngu dang / lam 'bring po dang / lam chen po dang / sbyor ba'i lam dang / bar chad med pa'i lam dang /rnam par grol ba'i lam dang / khyad par gyi lam mo/ /lam chung ngu la yang rnam pa gsum ste/ chung ngu'i chung ngu dang / chung ngu'i 'bring po dang / chung ngu'i chen po'o/ /lam 'bring po la yang gsum ste/ che 'bring chung gsum mo/ /lam chen po la yang gsum ste/ che 'bring chung gsum mo//mthar phyin pa'i lam ni/ mi slob pa'o/ /nyan thos kyi shes pa bcu drug ni/ sdug bsngal la chos shes pa'i bzod pa dang / sdug bsngal la chos shes pa dang / sdug bsngal la rjes su rtogs par shes pa'i bzod pa dang / sdug bsngal la rjes su rtogs par shes pa'o//kun 'byung la chos shes pa'i bzod pa dang / kun 'byung la chos shes pa dang / kun 'byung la rjes su rtogs par shes pa'i bzod pa dang / kun 'byung la rjes su rtogs par shes pa'o/ /'gog pa la chos shes pa'i bzod pa dang / 'gog pa la chos shes pa dang / 'gog pa la chos rjes su rtogs par shes pa'i bzod pa dang /'gog pa la rjes su rtogs par shes pa'o/ /lam la chos shes pa'i bzod pa dang / lam la chos shes pa dang / lam la rjes su rtogs par shes pa'i bzod pa dang / lam la rjes su rtogs par shes pa'o/ /nyan thos kyi rnam par bral ba'i lam ni brgyad/'jug pa bzhi dang / 'bras bu la gnas pa bzhi'o/ /'jug pa bzhi ni/ rgyun du zhugs pa la 'jug pa dang / lan cig phyir 'ong ba la 'jug pa dang / phyir mi 'ong ba la 'jug pa dang / dgra bcom pa la 'jug pa'o/ /'bras bu la gnas pa bzhi ni/ rgyun du zhugs pa dang /lan cig phyir 'ong ba dang / phyir mi 'ong ba dang / dgra bcom pa'o/ /rgyun du zhugs pa ni gnyis te/ rim gyis pa dang / cig car nges par 'byung ba'o/ /rim gyis pa ni/ ji skad bstan pa yin no/ /cig car nges par 'byung ba ni/ gang bden pa rnams mngon par rtogs par byas nas/mi lcogs pa la brten te/ 'jig rten las 'das pa'i lam gyis khams gsum na spyod pa'i nyon mongs pa rnams cig car spong ste/ 'di ni rgyun du zhugs pa'i 'bras bu dang / dgra bcom pa'i 'bras bu nyid la gnas so/ /rang sangs rgyas ni gnyis te/ bse ru ltar gcig tu gnas pa dang /tshogs dang spyod pa'o/ /de ni nyan thos kyi sde snod la dmigs nas chos kyi rjes su mthun pa'i chos grub pas sangs rgyas 'byung ba med pa'i 'jig rten gyi khams su sdug bsngal mthar phyin pa'o/ /'jig rten gyi lam ni brgyad de/ bsam gtan bzhi dang / snyoms par 'jug pa bzhi'o//bsam gtan bzhi ni dang po dang / gnyis pa dang / gsum pa dang / bzhi pa'o/ /snyoms par 'jug pa bzhi ni/ nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min gyi skye mched do//bsam gtan dang po la yan lag lnga ste/ rtog pa dang / dpyod pa dang / dga' ba dang / bde ba dang / sems rtse gcig pa nyid do/ bsam gtan gnyis pa la yan lag bzhi ste/ nang rab tu dang ba dang / dga' ba dang / bde ba dang / sems rtse gcig pa nyid do/ /gsum pa la yan lag lnga ste/ btang snyoms dang / dran pa dang / shes bzhin dang / bde ba dang / sems rtse gcig pa nyid do/ /bsam gtan bzhi pa la yan lag bzhi ste/ btang snyoms yongs su dag pa dang / dran pa yongs su dag pa dang / sdug bsngal ba yang ma yin bde ba yang ma yin pa'i tshor ba dang / sems rtse gcig pa nyid do/ /yang gnyen po'i yan lag dang / phan yon gyi yan lag dang / de gnyi ka'i gnas kyi rang bzhin gyi yan lag go/ /rnam par thar pa brgyad ni/ gzugs can gzugs rnams la lta ba dang /nang gzugs med par 'du shes pas phyi rol gyi gzugs rnams la lta ba dang / sdug pa'i rnam pa mngon du byas nas gnas pa dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min gyi skye mched dang /'du shes dang tshor ba dang 'gog pa mngon du byas nas gnas gnas pa'o/ /zil gyis gnon pa'i skye mched brgyad ni/ dkar po dang / dmar po dang / ser po dang / sngon po dang / sdug pa dang / mi sdug pa dang / bzang po dang / ngan pa'o/ /mthar gyis gnas pa'i snyoms par 'jug pa dgu ni/mi rtog pa dang / dga' ba dang / bde ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min gyi skye mched dang / 'gog pa'i snyoms par 'jug pa'o/ /zad par gyi skye mched bcu ni/zad par dkar po'i skye mched dang / zad par dmar po'i skye mched dang / zad par ser po'i skye mched dang / zad par sngon po'i skye mched dang / zad par sa'i skye mched dang / zad par chu'i skye mched dang / zad par me'i skye mched dang / zad par rlung gi skye mched dang / zad par nam mkha'i skye mched dang / zad par rnam par shes pa'i skye mched do/ /sems can gyi khams gsum ni/ 'dod khams dang / gzugs khams dang / gzugs med pa'o/ /'dod pa'i khams na sems can gyi ris nyi shu gnas te/ tsha ba'i dmyal ba brgyad/ grang ba'i dmyal ba brgyad do//nyi tshe ba'i sems can dmyal ba ni/ gcig gam gnyis sam dang por rang rang gi rgyu las 'grub pa'o/ /dud 'gro na chu dang tha dad nam mkha'i spyod yul lo/ /yi dgas rnams ni chos kyi rgyal po gshin rje'i pho brang na'o/ /mi'i gling bzhi ni/ ba lang spyod/ sgra mi snyan/ lus 'phags po//'dzam bu gling ngo / /lha'i ris drug ni/ rgyal chen ris bzhi dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed do/ /gzugs khams bcu bdun ni/ tshangs pa dang / tshangs chen dang / tshangs pa mdun na 'don no/ / bsam gtan gnyis pa la/ 'od chung / 'od gsal/ tshad med 'od do/ /bsam gtan gsum pa la ni/ dge chung dang / dge rgyas dang / tshad med dge'o/ /bzhi pa la/ sprin med dang / bsod nams skyes dang / 'bras bu che'o/ /gnas gtsang ma'i lha lnga ni/ mi che ba dang / mi gdung ba dang / gya nom snang ba dang / shin tu mthong ba dang / 'og min rnams so/ /gzugs med pa'i lha'i ris bzhi ni/ nam mkha' mtha' yas skye mched du nye bar 'gro ba dang / rnam shes mtha' yas skye mched du nye bar 'gro ba dang / ci yang med pa'i skye mched du nye bar 'gro ba dang /