CLOSE WINDOW

D4354
བོད་ཡིག

/ //slob dpon bai ro tsa nas rgyal po khri srong lde btsan la mtshan ma'i chos spyod la dregs pa skyes pa'i dus su bu dang bcas pa la 'grel pa 'di gnang ba'o// //[]@/ /rin po che rtsod pa'i 'khor lo bzhugs/ / @##/ /dpal rdo rje sems dpa' la phyag 'tshal lo/ /mnga' bdag khri srong lde btsan gyis/ /slob dpon bai ro tsa na la zhag bdun du bskor ba byas te/pus mo g.yas pa'i lha nga sa la btsugs nas/ zhabs spyi bo la blangs te/ 'di skad ces zhus so/ /'khor lo'i ma bu dpes mtshon pa//sprin med mkha' la nyi shar ji bzhin du/ /snang srid gsal bar ma lus ston nus kyang / /theg dman rnams kyis sgra tshig legs po sde bas gyur nas/ /'khor lo'i mgo smad gzhan gyi che bton nas/ /rtsod pa byed na ji ltar bgyi/ /zhes zhus so/ /slob dpon chen pos bka' stsal pa//mnga' bdag chen po khyod nyon cig /khri srong lde btsan byang chub sems dpa'i sras/ /khyod la bstan dang mi dgos te/ /sngon u rgyan yul du phyin pa'i tshe/ /shel gyi khye'u chung yon tan stong ldan des/ /theg pa kun la ye nas ma rmongs pas//dpe las mtshan du btags pa smra ba'i mtshon cha zhus/ /don las mtshan du btags pa rtsod pa'i 'khor lo zhus/ /mnga' bdag chen po 'di lta ste/ /rtsod pa'i 'khor lo zhu ba shin tu legs/ /dngos la rtsod par ma gyur kyang / /lnga brgya dus kyi snyigs ma la//rdzogs chen thang mar bdal ba'i dus shig 'ong / /rang sems rlung ltar 'phyo ba mi khugs par/ /mi yi bla ma byed pa'i dus shig 'ong / /rang sems rgyud dang mi ldan par/ /lung tshig kha ru 'don cing rtsod pa'i dus shig 'ong / /sgrub thabs re yi sgor zhugs nas//rang gi che ba 'don cing gzhan la smod pa'i dus shig 'ong / /rang skyon ri bo tsam la mi lta bar/ /gzhan skyon rta rnga tsam la lta ba'i dus shig 'ong / /'khor lo ma bu don la 'jal ba mi lta bar/ /theg dman rnams kyis mgo bsgre byed cing smod pa'i dus shig 'ong //de yi dus su phyi rabs rnams kyi don ched du/ /rtsod pa'i 'khor lo'i don chen 'di/ /yi ger bris la rgyal pos chongs/ /zhes gsungs so/ /de nas slob dpon chen po bde ba'i stan la bzhugs nas/ rin po che rtsod pa'i 'khor lo zhes bya ba/ gsung rab thams cad kyi yang snying /man ngag thams cad kyi nying khu/ rgyud thams cad kyi yang rtse/ theg phran sarba shin tu bsgyur ba 'di bka' stsal pa/ rin po che rtsod ba'i 'khor lo 'di la don rnam pa lngas bstan te/ phar la 'dri dang tshur la lan gdab dang / /phar la 'dri na gnad dang gags la dri//tshur la 'dri na pho rog glen pa'i 'gros kyis zur la 'bros/ /rang sems ri bo chen po bzhin du shin tu brtan par bsdad pa'o/ /yang mnga' bdag chen po rtsod pa'i don ni 'di lta ste/ rang yang dam 'cha' gzhan yang dam 'char gzhug /rtsod pa'i rtsod lugs 'di ltar shes par bya//bsgrub bya dam bca' gtan tshigs dpe dang chos nyid bsgrub/ /khong yang de bzhin 'cha' ru gzhug /rang gi grub mtha' 'di ltar bstan te/ theg pa rim pa dgu'i chos/ chos can zhes bya/ rang bzhin med de zhes bya bar dam bca' gtan tshigs ci'i phyir zhe na/shes bya yin pa'i phyir ro/ /dper na chu'i nang gi zla ba lta bu'o zhes smra/ grub par bya ba chos nyid yin zhes smra'o/ /de la rang gis khong du chud par byas la gzhan yang de dang mthun par 'cha' ru gzhug go/ /yang mnga' bdag chen po nyon cig /theg pa dgu'i chos/ chos can zhes pa ni/ lung a nu yan chad de a cang ches te/ a ti la yang chig 'dzin yod/ /chig 'dzin ming gi chig 'dzin te/ /mya ngan ming dang bral bar ma shes na/ /yang dag don dang mjal bar rdo rje sems dpas ma gsungs so/ / chig 'dzin ming dang ma bral na/ /theg pa'i mthon dman rtsi ba blo chung dman pa yin/ /rang bzhin med par dam bca' zhes pa ni/ phyi gzung ba'i yul dang / nang 'dzin pa'i sems gnyis ka ming gi 'du byed las grub pa ste/ ming de yang ltar snang tsam las/ yang dag par rdzas su grub pa med pas na rang bzhin med pa'o//des na dam bca' la skyon med pa'o/ /gtan tshigs ci'i phyir zhes pa ni/ shes bya yin pa'i phyir te/ shes bya zhes ni blo'i yul te/ yang dag pa'i chos kyi sku ni blo'i yul du ma grub pa'o/ /blo sarba ni ming yin la/ ming sarba ni blo yin pas na/shes bya sarba theg pa rim pa dgu'i chos so/ /de ci'i phyir zhe na/ theg pa rim pa dgu la ming 'dug pa'i phyir ro/ /dper na chu'i nang gi zla ba lta bu zhes pa ni/ chos kyi sku'i dpe mtshon pa ste/ med de med pa ma yin snang ba gzugs su grub//dngos po mtshan mar ma grub reg bya'i thogs pa med/ /rtag chad gnyis kyi mtha' las grol ba yin/ /chos kyi sku yi mthun dpe bstan pa yin/ /zhes shel gyi khye'u chung gi /la nas gsungs so/ /grub par bya ba chos yin zhes pa ni/ chos zhes bya ba ni snang ba gzugs su grub pa yin//nyid ces bya ba ni reg pa gzugs su ma grub pa'o/ /reg bya'i thogs pa rdul kyang med pa'o/ /chos zhes pa ni chos kyi sku gsal ba'o/ /nyid ces pa ni ye shes kyi sku la khyab pa'o/ /khyab pa'i khyab tshul bstan pa ni/ til la mar gyis khyab pa lta bu'o//sku dang ye shes dbyer mi phyed par bstan pa na/ dung dang dkar po dbyer mi phyed pa lta bu'o/ /chos dang chos nyid dbyer mi phyed par bstan pa ni/ chu dang zla ba dbyer mi phyed pa lta bu'o/ /yang mnga' bdag chen po nyon cig /kho de cig gi brjod lugs 'di lta ste/theg pa rim pa dgu chos can yin zer na/ rim pa dgu la ming 'dug pa/ ming mi 'gyur ram zhes 'dri'o/ /ming mi 'gyur zhes smra na/ ming de spor btub bam mi btub/ ming de spor btub na de ka 'gyur ba yin mod ces lan gdab bo/ /mi 'gyur zhes zer na/rim pa dgu chos can yin byas la skyon 'gal lo/ /chos kyi dngos po mtshan mar ma grub zer na/ rang bzhin med ces smra'o/ /med na chad ltar mi 'gro'am zer na/ dper na chu'i nang gi zla ba lta bu zhes smras pas/ /de lta bu cig yod bar cis shes zer na/ rgyud dang lung gis shes/gtan tshigs dang mi 'gal lo/ /gtan tshigs ci'i phyir/ shes bya yin pa'i phyir zhes smras pas/ de ltar shes na bsgrub bya la skyon med pa chos nyid yin/ dam bca' la skyon med pa rang bzhin med pa yin/ gtan tshigs la skyon med pa shes bya'i don shes pa yin/dpe la skyon med pa chu'i nang gi zla ba yin/ grub pa'i 'bras bu la skyon med pa sku dang ye shes gnyis su med pa yin/ rin po che rtsod pa'i 'khor lo'i rtsod ba'i bca' thabs bstan pa'i le'u ste dang po'o// //yang mnga' bdag chen pos zhus pa/ kye slob dpon chen po lags/rtsod pa'i gzhi dang lam dang 'bras bu bstan du gsol zhes zhus so/ /slob dpon chen pos bka' stsal pa/ mnga' bdag chen po nyon cig /rin po che rtsod pa'i 'khor lo 'di la 'di ltar shes par bya'o/ /dper na ral gri ngar dang ldan pa des/ shing dang rdo dang sems can dang /lcags ngar med pa la sogs pa rnams ma lus par gcod nus so/ /dpe de bzhin du/ rin po che rtsod pa'i 'khor lo 'dis kyang / mtshan ma theg pa'i chos dang / nag po kha 'byam gyi chos sarba ma lus par gcod nus so/ /des na rin po che smra ba'i mtshon cha zhes bya'o//rin po che rtsod pa'i 'khor lo zhes bya ba ni 'khor lo rnam pa gsum ste/ phyi rtsod pa'i 'khor lo/ nang rtsod pa'i 'khor lo/ gsang ba chen po rtsod pa'i 'khor lo'o/ /de yang gang zhe na/ 'khrul ba'i gzhi dang lam dang 'bras bu gsum gyis gtan la dbab pa'o/ / de yang rnam par phye ste bstan pa'o/ /'khrul pa'i gzhi la rnam pa bzhi ste/ sku 'khrul ba'i gzhi dang / gsung 'khrul ba'i gzhi dang / thugs 'khrul ba'i gzhi dang / yul 'khrul pa'i gzhi'o/ /de yang gzhi med na 'khrul pa'i gnas med pa'o/ /gzhi dang blo gnyis gang 'khrul zer na/'khrul pa gang 'khrul na ni gzhi 'khrul pa yin la/ 'khrul pa gang gis 'khrul na ni/ ma rig pas 'khrul pa'o/ /gang ma rig na ni gzhi'i yon tan rgya ma chad pas brjod pas mi lang ba la/ sangs rgyas kyi yon tan du ma rig pas 'khrul lo/ /gzhi'i yon tan ji ltar gnas zer na/sku'i yon tan bstan pa ni/ rang bzhin lhun grub ngo bo 'gag med yin/ /gting gsal chen po'i ngo bo g.yas g.yon med par gsal/ /mdun rgyab med par gsal bas ye shes thal yin/ /gsal ba yin par rang gis ma rig pas/ /sku yi yon tan 'gyur ba med pa la/ltar snang blo'i tshul gyis 'gyur bar 'khrul pa'o/ /gsung nyid gzhi las 'khrul par bstan pa ni/ /'dra gzhi med na 'khrul ba'i gnas med do/ /brag cha lta bu'i gsung nyid la/ /'khor lo gsum du blo yi yid g.yos pas/ bud+d+ha'i gsung la 'gag sgrib med par ma rig ste/ /gsung la ming btags 'dra 'bag rtsis pas 'khrul pa'o/ /thugs nyid gzhi las 'khrul par bstan pa ni/ /'dra gzhi med na 'khrul pa'i gnas med do/ /thugs kyi rang bzhin gsal la dang ba yin/ /nam mkha'i dkyil ltar mtha' dang ye nas bral ba la//chu bur lta bu'i thol gang rang 'khrul 'byung / /go 'byed nam mkha' yin snyam sems su btags/ /nam mkha' 'dra gzhi byas nas mtha' dbus med par 'khrul ba'o/ /yul nyid gzhi las 'khrul bar bstan pa ni/ /'dra gzhi med na 'khrul pa'i gnas med do//gting gsal chen po'i yon tan 'gag med la/ /kha dog lnga yi yon tan gsal bar shar/ /yul gyi 'khrul ba'i 'dra gzhi kha dog lnga yis byas/ /des na 'khrul ba thams cad gzhi las 'khrul/ /de yang dpe dang don du sbyar la bstan pa ni//thag pa sbrul min sbrul du snang ba de/ /thag pa sngon du 'dug pa ltar snang tshul du 'khrul/ /thag pa de nyid ye nas sbrul yin na/ /sbrul du 'khrul zhes tshig tu brjod du med/ /de ci'i phyir zhe na/ thag pa de sbrul ma yin pas sbrul du 'khrul zhes bya ba'i ming byung ba yin te/thag pa de ye nas sbrul yin na/ sbrul du 'khrul zhes ci ste gdags pa'o/ /dpe de bzhin du 'khrul pa gzhi 'khrul na gzhi skyon can du 'gro zer na/ gzhi dag pa chos kyi sku rang bzhin lhun gyis grub ba'i ngo bo skyon dang bral ba yin pas 'khrul zhes smras pa'o/ / chos kyi sku'i ngo bo rang bzhin lhun gyis grub pa de la ye nas dag cing skyon dang bral ba ma yin na ye 'khrul yin pa'i gnad kas 'khrul zhes bya bar gdags su med do/ /de yang chos kyi sku'i ngo bo rang bzhin lhun gyis grub ba de/ ye skyon dang bral te gzhi la skyon med pa la/ 'khor lo gsum du yid g.yos blo yi bye brag gis//ltar snang min zhing 'gyur med yin pa na/ 'khrul dang ma 'khrul gnyis su gdags su med/ /'khrul pa thams cad blo yi ltar snang yin/ /ltar snang de la bla ma'i gdams ngag gces/ /zhes gsungs so/ /rin po che rtsod pa'i 'khor lo'i 'khrul pa'i 'dra gzhi bstan pa'i le'u ste gnyis pa'o// //yang mnga' bdag chen pos zhus pa/ kye slob dpon chen po lags/ 'khrul pa'i lam bstan du gsol zhes zhus so/ /slob dpon chen pos bka' stsal ba/ mnga' bdag chen po nyon cig /'khrul pa'i lam la rnam pa bzhi yod de/sku nyid ji ltar 'khrul pa'i lam nyid bstan pa dang / gsung nyid ji ltar 'khrul pa'i lam nyid bstan pa dang / thugs nyid ji ltar 'khrul pa'i lam nyid bstan pa dang / yul nyid ji ltar 'khrul pa'i lam nyid bstan pa'o/ /de yang ji ltar 'khrul zhe na/sku nyid ji ltar 'khrul pa'i lam nyid bstan pa ni/ gsal dang mi g.yo rgya ma chad/ /mi 'gyur g.yo zhing 'gul ba la/ /sku yi yon tan rnam lnga ste/ /yon tan yin par ma rig pas/ /dbang po lnga dang yan lag lnga/ /don snying lnga dang nang khrol lnga/ /bdud rtsi lnga dang nad lngar btags//btags pa'i blo yi bye brag gis/ /mtshan dang dpe byad kha dog dbyibs su btags/ /btags pa sarba blo dang ming yin pas/ /chos sku'i ngo bo longs skur ma gyur te/ /ming gi gdags bya rang gis ma grol bas/ /mtshan dang dpe byad longs spyod rdzogs skur 'khrul pa'o//gsung gi lam nyid ji ltar 'khrul pa bstan pa ni/ /chos kyi sku yi gsung nyid ye nas 'gyur med la/ /'khor lo gsum du yid g.yos bas/ /btags tshad re la ming re byung / /ming du byung tshad gsung gi sgra ru byung ba'o/ /thugs nyid 'khrul pa'i lam nyid bstan pa ni//chu bur lta bu'i thugs ni rang 'khrul yin/ /skyi bser lta bu'i thugs ni kun du 'gyur/ /ral gri lta bu'i thugs kyis phyi nang kun du gcod/ /ye shes chen po'i don la mi gcod par/ /rnam rtog ming la bcad pas 'khrul pa'o/ /yul nyid lam gyi 'khrul pa bstan pa ni//kha dog lnga yi rang bzhin ye nas gsal ba la/ /'khor lo gsum du yid g.yos pas/ /kha dog dkar dmar ljang dang sngo dang ser/ /phyogs mtshams steng 'og kun gyi ming / /rin chen lnga dang 'byung chen lnga ru btags/ / ming gi gdags gzhi yul nyid lam du 'khrul par bstan pa'o/ /rgyal po chen po 'di lta ste/ bsdus na rnam pa gsum du 'dus/ /sku dang ye shes gnyis su med pa ste/ /dngos po'i dus nas 'khrul pa'i 'dra gzhi yin par nges/ /ming du 'dogs pa'i dus na 'khrul pa'i lam nyid yin par nges//btags pa smin pa'i dus na 'khrul pa'i 'bras bu yin par nges/ /zhes gsungs so/ /rin po che rtsod pa'i 'khor lo'i 'khrul pa'i lam bstan pa'i le'u ste gsum pa'o// //yang mnga' bdag chen pos zhus pa/ kye slob dpon chen po lags/ /'khrul pa'i 'bras bu ji ltar lags zhes zhus so//slob dpon chen pos bka' stsal pa/ mnga' bdag chen po nyon cig 'khrul pa'i 'bras bu rnam bzhi ste/ /sku nyid 'khrul pa'i 'bras bu dang / /gsung nyid 'khrul pa'i 'bras bu dang / /thugs nyid 'khrul pa'i 'bras bu dang / / yul nyid 'khrul pa'i 'bras bu'o/ /de yang sku nyid 'khrul pa'i 'bras bu bstan pa ni/ /'dod pa'i khams kyi lha drug dang / /rkang mangs dang ni rkang gnyis dang / /prad pa dang ni zlum pa dang / /ring ba dang ni thung ba dang / /zag pa can gyi lus rnams so/ /gsung nyid 'khrul pa'i 'bras bu bstan pa ni//'dzer pa dang ni shes pa dang / /'gag pa dang ni 'grib pa dang / /na ba dang ni zhar ba'o/ /thugs nyid 'khrul pa'i 'bras bu bstan pa ni/ /bde ba dang ni sdug pa dang / /dga' ba dang ni mi dga' dang / /kun tu 'phro dang bya byed do/ /yul gyi 'khrul pa'i 'bras bu bstan pa ni//'byung chen lnga yi dkyil 'khor dngos por smin/ /ri rab rtse mo ri bo'i khong seng dang / /rtsi shing nags tshal ri bo'i mthon dman dang / /gling bzhi mun pa'i dkyil 'khor dang / /bye tshan mo dang rnag khrag dang / /lcags kyi shal ma ri dang ro myags 'dam/ /spu gri'i so dang mi gtsang ljan ljin rnams//yul gyi 'khrul pa'i 'bras bur bstan pa'o/ /yang mnga' bdag chen po 'di lta ste/ /sgo bzhi rtsad nas mchod cing / /mtshan ma rang sar ma grol na/ /yang dag don dang mjal bar rdo rje sems dpas ma gsungs so/ /sgo bzhi'i mtshan nyid 'di lta ste/ skye ba 'byung bas 'chi ba'i sgo/ /byas pa sarba 'jig pa'i sgo/ /'dus pa sarba 'bral ba'i sgo/ /bsags pa sarba bas pa'i sgo/ /bskal pa thog ma med pa nas/ /sgo bzhi rtsad nas mchod pas/ /'khor ba'i 'dam nas thon dus med/ /mtshan ma rang sar ma grol bas/ /byas pa'i chos la zin dus med//lta ba bltas pas phag tshod yin/ /sgom pa byas pas yid smon yin/ /spyod pa byas pas tshul 'chos yin/ /'bras bu bsgrubs pas 'khor ba yin/ /mtshan ma rang sar grol tsam na/ /bcos med bsnan med blo yi yul las 'das/ /bsgrub med brjod med ma gsungs pa bka' rgya cher bshad ces gsungs so//rin po che rtsod pa'i 'khor lo'i 'khrul pa'i 'bras bu bstan pa'i le'u ste bzhi pa'o// //yang mnga' bdag chen pos zhus pa/ kye slob dpon chen po lags/ /yang dag pa'i ngo bo mi 'gyur ba/ /blo'i chos dang ye nas bral ba la/'khrul ba gcad ci dgos zhes zer na/ kho bos ji ltar smra zhes zhus so/ /slob dpon chen pos bka' stsal pa/ mnga' bdag chen po nyon cig /phar la 'dri dang tshur la 'dri na lan gdab gnyis/ /shes pa ma rmongs blo la zhen par gyis/ /phar la 'drin 'di ltar shes par bya//a ti yo ga rdzogs pa chen po la/ /'khrul gzhi rtsad nas bcad pa gtsigs su che'am mi che zhes dri/ 'khrul gzhi gtsigs su mi che zer na/ /khyod da lta sangs rgyas yin nam ma yin zhes dri'o/ /yin zer na/ yang dag par rdzogs pa'i sangs rgyas la ni mthu dang rdzu 'phrul dang 'od dang byin gyi rlabs chen po byung na/khyod la da lta de 'byung nus sam zhes dri'o/ /'byung zer na/ rtags mngon du 'don du gzhug go/ /mi 'byung zer na/ da lta sangs rgyas yin zer ba dang 'gal lo zhes byas la skyon dgal lo/ /yang dag par rdzogs pa'i sangs rgyas la 'khrul pa rtsad bcad mi dgos zer na/khyod la da lta rtogs pa yang mi 'dug /mngon du gyur pa yang mi 'dug pa/ 'khrul ba ma bcad par sangs cis rgya byas la dri'o/ /'khrul pa mchod par ni rtogs pa mi 'byung na/ rtogs pa ma shar bar ni longs spyod rdzogs pa'i sku mi thob na/longs spyod rdzogs pa'i sku ma thob par rtogs pa mngon du mi 'gyur na/ mngon du ma gyur yang mya ngan las 'da' thabs med na/ smyon pa'i tshig ma smra/ byis pa tshang ka ma bzhin yas zung mas zung ma smra/ rgan rgon 'chal ba bzhin du tshig gtam col du ma smra/tshig gtam col gyis 'bras bu sangs mi rgya/ tshig bya ba ni sems shing smra ba yin/ tshig rang rgyud dang mi 'gal bar smra dgos pa yin/ tshig dang don du 'gal na smra mkhas kyang don med/ ne+e tsho go gsos byed pa dang 'dra'o/ /yang mnga' bdag chen po 'di skad byas la dri'o//khyod yang dag pa'i don la mkhas na/ 'khrul pa'i don la gang gi sgo nas kyang ma rmongs par/ shel gyi khye'u chung ltar shes dgos pa yin pas/ 'gro drug sems can gyi snod dang bcud gnyis po 'di/ 'byung ba rnam pa lngas bsdus par mnyam pas/mi mthun khyad par shin tu che/ phyi snod kyis bsdus pa'i yul/ ri mthon dman dang lung pa yangs dog 'di la rig pa med ba ci'i rgyu ci'i rkyen/ nang bcud kyis bsdus pa phung po zag pa dang bcas pa/ legs pa dang / mi legs pa dang / prad pa dang zlum pa 'di la rig pa yod pa ci'i rgyu ci'i rkyen ci las grub ces byas la dri'o//phyi snod kyis bsdus pa sems can gyi snod 'byung ba lnga'i dkyil 'khor 'di la rig pa med pa ci'i rgyu ci'i rkyen zhes dri'o/ /rig pa med par cis shes zer na/ rig pa yod par dam chos byas la gang thag bsdam mo/ /dam bcas tsam nas 'di skad byas la dri'o//sems can gyi snod 'di la rig pa yod na/ sa la rko/ rdo la brdung / chu la 'thung / me la sreg pas na/ chos pa rnams kyang srog gcod par thal byas la skyon 'gal lo/ /chos pa rnams la yang thar pa'i lam med do/ /ci ste byas pas chos pa rnams srog rgyun mi 'chad par gcod ba'i phyir ro zhes byas la skyon 'gal lo//srog gcod kyang mi sto zer na las la dge sdig med pas/ chos pa'i che cis 'don byas la dri'o/ /chos pa la che med cing rdzogs chen la che med na/ sangs rgyas che ba'i yon tan dang 'gal lo//sangs rgyas la che ba'i yon tan med na/ sems can dang khyad med par thal byas la skyon 'gal lo/ /sems can gyi snod la rig pa med zer na/ kho bos smras pa'i thog na 'dug pa/ khyod kyi che cis 'don byas la dri'o/ /de yang 'di ltar shes par bya ste/ phar la 'dri na gnad dang gags la dri'o//tshur la 'dri na zur dang thabs kyis 'bros/ /gdams ngag mngon du 'don pa ma yin gyi/ /gdams ngag spyi zong mi bya rang gis rtogs par gyis/ /rang gis rtogs ba ra bya ba ni/ /bde gshegs ye shes kyi snod dang / 'gro drug sems can gyi snod la rig pa med pa'i gnad ka ni/thog ma med pa'i dus nyid na/ gting gsal chen po'i ngo bo 'gag med la/ kha dog lnga yi 'dra gzhi gsal bar shar/ /gsal ba yang rig pa mi mnga' sku yi yon tan yin/ /kha dog lnga yi 'dra gzhi de/ sngar yang rig par mi gnas da yang gnas mi srid pa'o/ /nang gi bcud kyis bsdus pa'i bcud rnams la//rig par gnas pa'i gnad ka ni/ /gsal dang mi g.yo rgya ma chad/ /mi 'gyur g.yo 'gul lta bu ste/ /sangs rgyas che ba'i yon tan lnga/ /sngar yang ma 'bral da yang mi 'bral lo/ /sku dang ye shes ngo bo de/ /dbyer mi phyed pas ngo bo gcig / lus dang yul gyi mtshan nyid ni/ /ngo bo tha dad rang bzhin gcig bar gnas/ /de'i phyir na rig par gnas dang mi gnas bye brag 'byung ba'o/ /rin po che rtsod pa'i 'khor lo'i yang dag par chos kyi sku'i ngo bo gtan la 'bebs pa las/ 'khrul gzhi gtsigs su che ba bstan pa'i le'u ste lnga pa'o// //yang mnga' bdag chen pos zhus pa/ kye slob dpon chen po lags/ bde bar gshegs pa'i thugs la rmongs pa mi mnga' bas/ /theg pa'i mtha' la thug pa med par gsungs pa 'di/ /theg pa mang po'i sko nas rtsod na ji ltar bgyi/zhes zhus so/ /slob dpon chen pos bka' stsal pa/ mnga' bdag chen po nyon cig /gang zag blo yi bye brag mi gcig tha dad snang ba la/ bde bar gshegs pa'i thugs la rmongs pa mi mnga' bas/ /theg pa gang 'thad theg pa brjod pas mi lang gsungs pa yin//sems can blo rnams ma zad par/ /theg pa'i grangs la brjod pas mi lang ste/ /bsdu na rnam pa gsum du 'dus/ /'dus byas mtshan ma'i theg pa rnams/ /rdzogs chen kha 'byam theg pa dang / /gsang sngags rdo rje 'bras bu 'gyur med theg pa gsum//rgyal po chen po 'di ltar shes par bya/ /'dus byas mtshan ma'i theg pa'i rtsod du byung tsam na/ /theg dman klad gcog mgo bo dkrum pa'i phyir/ /theg pa 'og ma'i mtshan nyid bstan pa ni/ /dper na khron pa'i nang nyid na/ /sbal bas seng ger gzengs phyung tshul bcos kyang //bskal bar bgrangs kyang seng ger mi 'gyur ltar/ /'dus byas mtshan ma'i theg pas kyang / /rang bzhin lhun grub ngo bo khyed la cha med pas/ /bskal par bgrangs kyang sangs rgyas mi rnyed do/ /yang mnga' bdag chen po 'di lta ste/ /'dus byas mtshan mas rtsod tsam na//rtag gam mi rtag byas la 'dri'o/ /'dus byas kyi 'bras bu rtag ces zer na/ /phyug po'i nor rdzas kyang 'dus byas kyi 'bras bu yin/ /de la gang stongs 'ong bar mi rigs so/ /stong pa gang bar mi rigs so/ /skyes pa 'chi bar mi rigs so/ / 'dus pa 'bral bar mi srid do zhes byas la skyon 'gal lo/ /'dus byas mi rtag ces zer na/ theg pa 'og ma'i 'bras bu 'dus byas yin pas bsgrubs pa la don med byas pas skyon gnyis su gzhug go/ /rin po che rtsod pa'i 'khor lo'i theg pa 'og ma'i brgal brtag bstan pa'i le'u ste drug pa'o// //yang mnga' bdag chen pos zhus pa/ kye slob dpon chen po lags/ rdzogs chen kha 'byam rtsod na ji ltar shes par bya zhes zhus so/ /slob dpon chen pos bka' stsal pa/ mnga' bdag chen po nyon cig /rdzogs chen kha 'byam mtshan nyid 'di lta ste/nag po kha 'byam don med srang stong 'chag /char pa med pa'i 'brug ldir don re chung / /stong pa had po don med sku yi don mthong dka'/ /rdzogs chen kha 'byam pa yi mtshan nyid bstan pa ni/ /bya sgro rlung khyer gzhag sa med pas gol//ri sho rlung khyer brten sa med pas gol/ /khyung chen gnam 'phang gcod kyang gtad so med pas gol/ /ti bya ngan kyang nam mkha'i lam la mkhas/ /rdzogs chen kha 'byam rtsod tsam na/ /sangs rgyas ngo bo gang yin byas la dri/ /sku yi sangs rgyas gang yin byas la dri//gsung gi sangs rgyas gang yin byas la dri/ /thugs kyi sangs rgyas gang yin byas la dri/ /yul gyi sangs rgyas gang yin byas la dri/ /sangs rgyas bzhi yi mtshan nyid ma shes na/ /rig pa rkyang 'ded byas pas 'bras bu sangs mi rgya/ /mnga' bdag chen po 'di lta ste/ / ma bu'i dus na nyon mongs bzhi ru shar/ /rtogs pa'i dus na sangs rgyas bzhi ru shar/ /rtogs dang ma rtogs bar shed na/ /thar pa byed kyi brda ci gda'/ /brda de bla ma'i gdams ngag yin/ /gdams ngag thug sar ma thug cing / /mtshan ma rang sar ma grol na/ /sangs rgyas btsal bas rnyed par ni//rdo rje sems dpas ma gsungs so/ /rin po che rtsod pa'i 'khor lo'i rdzogs chen kha 'byam la brgal brtag bstan pa'i le'u ste bdun pa'o// //yang mnga' bdag chen pos zhus pa/ kye slob dpon chen po lags/ gsang sngags 'bras bu rdo rje mi 'gyur ba'i theg pa ji ltar lags zhes bya ba zhus so//slob dpon chen pos bka' stsal ba/ mnga' bdag chen po nyon cig /mi 'gyur ba la rnam lngar shes par bya/ /de yang kun gzhi mi 'gyur skyon dang ye nas bral/ /rang bzhin lhun grub mi 'gyur skyon dang ye nas bral//gsung nyid mi 'gyur skyon dang ye nas bral/ /thugs nyid mi 'gyur skyon dang ye nas bral/ /yul nyid mi 'gyur skyon dang ye nas bral ba'o/ /mnga' bdag chen po 'di lta ste/ /sems can dus kyi ltar snang la/ /sangs pa re la nyon mongs re/ /rtogs pa mngon du gyur tsam na//nyon mongs re la sangs pa re/ /sangs rgyas zhes kyis de la bya/ /de yang rnam par phye ste bstan pa ni/ /kun gzhi nam mkha' chen po la/ /sangs rgyas sems can gnyis su dbye ru med/ /rtogs dang ma rtogs gnyis su dbye ru med/ / bde dang sdug bsngal gnyis su dbye ru med/ /'khor ba myang 'das gnyis su dbye ru med/ /gnyis med skyon yon gnyis dang bral/ /ye nas brjod med tshig dang bral ba'o/ /rang bzhin lhun grub ngo bo la/ /rtogs dang ma rtogs gnyis su byung / /rtogs pa'i dus na sangs rgyas te//ma rtogs dus na sems can no/ /bde dang sdug bsngal gnyis su byung / /rtogs pa'i dus na bde bar shar/ /ma rtogs dus na sdug bsngal shar/ /'khor ba myang 'das gnyis su byung / /ma rtogs pa na 'khor bar 'khyam/ /rtogs pa'i dus na mya ngan 'das/ /nyon mongs sangs rgyas gnyis su byung //ma rtogs dus na nyon mongs bzhi ru shar/ /nyon mongs bzhi yi mtshan nyid bstan pa ni/ /sku yi nyon mongs gsung gi nyon mongs dang / /thugs kyi nyon mongs yul gyi nyon mongs so/ /sku yi nyon mongs zag pa can gyi lus/ /gsung gi nyon mongs 'gag 'grib can gyi gsung //thugs kyi nyon mongs bde dang sdug bsngal thugs/ /yul gyi nyon mongs mi bde gcong rang yul/ /nyon mongs bzhi yi rtsad nas ma chod na/ /bskal par bgrangs kyang sangs rgyas mi rnyed do/ /nyon mongs bzhi po chod na sangs rgyas bzhi/ / mtshan ma rang sar grol bas bde ba nang nas 'char/ /lta ba phag tshod ma byed gdams ngag da lta gtugs/ /sgom pa yid smon ma byed mtshan ma rang sar khrol/ /spyod pa tshul 'chos ma byed rgya chad med par gyis/ /'bras bu phyi mar ma re re dogs med par gyis/ /sku yi nyon mongs sangs na yid bzhin sku ru rgyas//gsung gi nyon mongs sangs na brag cha lta bur rgyas/ /thugs kyi nyon mongs sangs na ye shes chen por rgyas/ /yul gyi nyon mongs sangs na dkyil 'khor chen por rgyas/ /sangs rgyas bzheng na de ltar shes par gyis/ /sku la lhag ma med par rdzogs pas rdzogs chen yang dag yin//gsung la lhag ma med par rdzogs pas rdzogs chen yang dag yin/ /thugs la lhag ma med par rdzogs pas rdzogs chen yang dag yin/ /yul la lhag ma med par rdzogs pas rdzogs chen yang dag yin/ /srid pa rgya thegs byung bas rdzogs chen yang dag yin//mtshan ma rang sar grol bas man ngag yang dag yin/ /blo yi re dogs chod pas man ngag yang dag yin/ /yid ches rang la shar bas man ngag yang dag yin/ /zhes gsungs so/ /rin po che rtsod pa'i 'khor lo'i gsang sngags 'bras bu'i theg pa'i le'u ste brgyad pa'o// //yang mnga' bdag chen pos zhus pa/ kye slob dpon chen po lags/ theg pa'i mtshan nyid grangs med la/ /theg pa re la lhun grub re/ /lhun grub mtshan nyid mi gcig pas/ /lhun grub rtsod na ji ltar bgyi//zhes zhus so/ /slob dpon chen pos bka' stsal pa/ mnga' bdag chen po nyon cig /lhun grub brjod pas mi lang ste/ /rnam par phye ste bstan pa la/ /lhun grub rtsis mgo rnam pa gsum/ /de yang gzhi lhun gyis grub pa dang / lam lhun gyis grub pa dang /'bras bu lhun gyis grub pa'o/ /gzhi lhun gyis grub pa la yang gnyis te/ kun gyi gzhi dang / rang gi gzhi'o/ /kun gyi gzhi chos nyid nam mkha' la/ /rang gi gzhi rang bzhin lhun grub po/ /lam lhun gyis grub pa la yang gnyis te/ yas kyis 'khrul tshul dang /mas kyis ldog tshul lo/ /yas kyis 'khrul tshul phra rags don dang sbyar/ /mas kyis ldog tshul sku gsum ngo bo gcig tu sbyar/ /'bras bu lhun gyis grub pa yang gnyis te/ sangs rgyas longs spyod rdzogs pa'i sku dang / mya ngan 'das pa'i sku'o/ /de las kyang rnam par phye ste bstan pa ni/byung ba'i lhun grub bzhi bstan pa dang / byas pa'i lhun grub lnga ru bstan pa'o/ /de yang lus mdor gzhag na rnam pa bzhi ste/ gzhi lhun gyis grub pa dang / rang bzhin lhun gyis grub pa dang / rtsal lhun gyis grub pa dang / ming lhun gyis grub pa'o/ /de la yang yan lag rgyas par bstan pa ni/ gzhi lhun gyis grub pa la lnga ste/ gzhi'i gzhi lhun gyis grub pa dang / rang bzhin lhun gyis grub pa dang / thugs kyi gzhi lhun gyis grub pa dang / gsung gi gzhi lhun gyis grub pa dang /yul gyi gzhi lhun gyis grub pa'o/ /de yang gzhi lhun gyis grub pa ni/ chos nyid kyi nam mkha' chen po/ yongs su mi zad pa chen po/ rol pa 'gag pa med pa/ rgya chad kun dang bral ba de yin no/ /rang bzhin lhun gyis grub pa la yang rnam pa lnga ste/ sku rang bzhin lhun gyis grub pa dang /ye shes rang bzhin lhun gyis grub pa dang /sku dang ye shes gnyis su med par rang bzhin lhun gyis grub pa dang / gsung rang bzhin lhun gyis grub pa dang / yul rang bzhin lhun gyis grub pa'o/ /rang bzhin lhun grub la don rnam pa bzhi ste/rang bzhin lhun gyis grub pa la rtsod pa'i dus su/ rang na ci yin/ bzhin na ci yin/ lhun na ci yin/ grub na ci yin byas la dri'o/ /mnga' bdag chen po 'di lta ste/ rang bzhin lhun grub ngo bo ma shes na/ /chos sku'i ngo bo bskal par bgrangs kyang mi rnyed do/ / de yang rnam par phye ste bstan pa ni/ rang la rnam pa gsum yod do/ /chos sku rang gi ngo bo dang / ye shes rang gi ngo bo dang / sku dang ye shes gnyis med rang gi ngo bo'o/ /bzhin la rnam pa gnyis yod de/ chos sku bzhin dang ldan pa dang / dkyil 'khor bzhin dang ldan pa'o//lhun gyi mtshan nyid bstan pa ni/ chos nyid rtsol ba kun dang bral bas na/ ma bcos lhun gyi mtshan dang ldan/ /ma bsnan ma phri lhun gyi mtshan dang ldan/ /bcos med bslad med lhun gyi mtshan dang ldan/ blo'i bya byed kun dang bral na lhun gyi mtshan dang ldan pa'o//grub kyi mtshan nyid bstan pa ni/ chos sku rtsol ba kun dang bral bar rang rig rang la shar/ /rgyu rkyen kun gyi tshig las 'das par rang rig rang la shar/ /byas pa'i 'bras bu 'jig pa yin par rang rig rang la shar/ /rang bzhin lhun grub 'gyur ba med par rang rig rang la shar//des na ma btsal lhun gyis grub pa'i brda ru bstan pa'o/ /yang rtsal gyi lhun grub bstan pa ni/ rtsal gyi lhun grub rnam gsum ste/ sku yi rtsal dang ye shes rtsal/ /sku dang ye shes gnyis med rtsal dang gsum du bstan pa'o/ /sku yi rtsal gyi mtshan nyid bstan pa ni/ / snyan cha dang ni mgur chu dang / /phyag gdub dang ni zhabs gdub dang / /dbu rgyan dang ni do shal dang / /ye shes lnga'i rang bzhin gsal bar shar ba yang / /de yang sku yi rtsal yin no/ /kha dog lnga yi dkyil 'khor dang / /rin chen sna lnga'i gzhal yas khang / /'byung chen sna lnga'i dkyil 'khor rnams//de yang sku yi rtsal yin no/ /ye shes rtsal gyi mtshan nyid bstan pa ni/ /kun du tshol ba'i yid dang gtan la 'bebs pa'i yid/ /nges par 'jog pa'i yid dang gsum po de/ /de gsum ye shes rtsal yin no/ /sku dang ye shes gnyis su med pa'i rtsal gyi yan lag kha dog lnga ru shar ba la//kun du tshol ba'i yid kyis ci yin brtag pa dang / /gtan la 'bebs pa'i yid kyis kha dog dbyibs su phye/ /nges par 'jog pa'i yid kyis phye ba de la nges par gzung / /gzung ba thams cad phyi yi yul la gzung / /'dzin pa thams cad nang gi sems la byung //sku yi rtsal dang ye shes rtsal/ /gnyis su med pa'i rtsal dang gsum po de/ /rtogs na sangs rgyas rgyu cig gda'/ /ma rtogs 'khor ba'i rgyu cig gda'/ /rtogs na 'bras bu chen por gda'/ /'dzin pa byung na lam gyi 'khrul bar gda'/ /'dzin pa smin na sdug bsngal chen por gda'//phyi la gzung ba'i yul dang nang la 'dzin pa'i sems/ /sangs rgyas theg par bgrang ba min/ /'dzin pa byung na chos nyid gzung yang rnam rtog yin/ /'dzin pa med na dug lnga bcad kyang sgrib pa med/ /ye shes lnga dang dug lnga'i tshul/ /rmongs pa rnams la ltar snang tshul du phye ba las//yang dag don dang mjal ba'i rnal 'byor chen po la/ /ye shes lnga dang dug lngar phye ba med/ /dug lnga spangs pa'i pha rol nas/ /ye shes lnga la btsal thabs med/ /btsal bas rnyed par mi 'gyur te/ /brgya la rnyed kyang sangs rgyas theg pa min/ / 'byung chen lnga yi dkyil 'khor spangs pa'i pha rol nas/ /ma bus dkyil 'khor chen po btsal thabs med/ /zag pa can gyi lus spangs nas/ /yid bzhin sku la btsal thabs med/ /brgya la rnyed kyang sangs rgyas theg pa min/ /spong len thams cad 'khor ba'i chos yin pas//'khor ba'i chos la brten par mi bya'o/ /mtshan ma rang sar grol na spong len bya mi dgos/ /spong ba dang ni len pa dang / /sgyur dang sgrub dang 'gegs pa dang / /snon pa dang ni 'bring pa dang / /sangs rgyas theg par bgrang ba min/ /'khrul pa rtsad nas chod cing lhun grub phyed tsam na/blo yi bya byed mi dgos cog gi bzhag pas chog pa'o/ /yang ming gi lhun grub bstan pa ni/ /ming gi lhun grub rnam gsum ste/ /phyi yi ming gi lhun grub dang / /nang gi ming gi lhun grub dang / /gsang ba'i ming gi lhun grub po/ /phyi yi ming gi lhun grub bstan pa ni//kha dog lnga yi rang bzhin ye nas ming dang bral ba la/ /'khor lo gsum gyi bya byed kyis/ /ming med de la ming du btags/ /ming gi 'khrul pa dngos por smin/ /ming gi btags tshul 'di lta ste/ /phyogs mtshams steng 'og bcu dang rin chen sna lnga yang / /'byung chen lnga yi ming btags dngos por smin pa'o//nang gi ming gi lhun grub bstan pa ni/ /gting gsal chen po'i ngo bo ye nas ming med la/ /'khor lo gsum du yid g.yos pas/ /ming med de la ming btags ming gi 'khrul pa smin/ /ming gi btags tshul 'di lta ste/ /yan lag lnga yi ming dang dbang po lnga yi ming //don snying lnga yi ming dang nang khrol lnga yi ming / /bdud rtsi lnga yi ming dang nad lnga'i ming btags pas/ /nang la ming gi lhun grub dngos por smin pa'o/ /gsang ba'i ming gi lhun grub bstan pa ni/ /chos sku yon tan stong ldan ma rig pas//rang gsang thabs kyis chod pa'i shes rab mun pa can/ /rang mgo rang gis 'tshog pa'i shes rab mun pa can/ /rang btson rang gis 'dzin pa'i shes rab mun pa can/ /mun pa'i gtibs nas bla mas ma bton na/ /rtag tu smag gi mun rum chen por nyal ba'o/ / mnga' bdag chen po 'di ltar shes par gyis/ /lhun grub rnams la rtsod pa byed tsam na/ /bai ro tsa na ma yin pa/ /lhun grub phyed pa shin tu dka' ba'o/ /yang rtsod pa'i rtsod lugs 'di lta ste/ /sngun gyi sa dang rdo dang shing dang gang yang rung ba la/ /lag tu blangs la lhun grub yin min dri/ / lhun grub yin gyis zer bar khas len na/ /chos kyi sku yi ngo bo lhun grub yin min dri/ /lhun grub yin gyis zer bar khas len na/ /da ci de dang mgo ba sgre skyon rnams tshar bar dag la/ /chos sku lhun grub yin zer na/ /chos sku lhun grub min pas sangs rgyas yul na med/ /smyon pa'i tshig dang 'dra ste kha zla bya ba min//byung ba'i lhun grub mi 'gyur rnam bzhi dang / /byas pa'i lhun grub lnga bcu ma phyed na/ /rdo rje sems dpas rtsod kyang rtsod pa shin tu dka' ba'o/ /rin po che rtsod pa'i 'khor lo'i lhun grub kyi mtshan nyid bstan pa'i le'u ste dgu pa'o// // yang mnga' bdag chen po 'di ltar shes par bya/ /sngon na 'dug pa'i mtshan ma'i chos rnams la/ /ci yang rung ba lag tu blangs nas ni/ /'di'i ming ni ji skad yin zhes byas nas dri/ /sa dang gyo mog rdo la sogs pa de/ /sa yang rung ste gyo mog yin zer na/ /gyo mog yin par cis shes byas la dri//gyo mog ming du grags pa yin zer na/ /thog ma med pa'i dus nyid nas/ /gyo mog de yi mtshan nyid nas/ /nga ni gyo mog yin zer ram //sems can blo yi chos kyis gyo mog ming du btags pa yin zhes byas la gnya' lag bsdams la dri'o/ /gyo mog rang na re/gyo mog yin zer na/ /de lta yang zer du chug dang byas la dri'o/ /sems can gyi blos btags pa yin zer na/ /'o na gyo mog tu nges pa med de/ gong du gyo mog yin zer ba dang 'gal ba byas la skyon tshar bar dgal lo/ /rang gi ded shes na skyon gnyis su chud pa yin no//bros kyang thar mi srid do/ /yang kho sngar gyi skyon blangs nas/ /gyo mog 'di la khyod kyis 'dogs na ji ltar 'dogs zer na/ ming du lhun gyis grub pa'i ngos nas/ /kho bo 'di la gyo mog tu 'dogs so/ /gyo mog yin par cis shes zer na/ dper na rdo grangs med pa'i nang du gyo mog cig ba cug nas byis pa shed ma bye ba cig la yang gyo mog khyer la shog ces brjod na/gzhan ci dang yang nor ba med do/ /gyo mog min pa thams cad log pa'i phyir/ de ma yin thams cad las log pa yin zhes bya'o/ /de'i phyir na gyo mog ces bya'o//ming thams cad 'gyur ba yin pas don med zer na/ kho bos gong du ming lhun grub yin byas pa zhes bya'o/ /mnga' bdag chen po 'di ltar shes par bya'o/ /kha dog dkar dmar gang yang rung ba la/ 'di'i kha dog ci yin byas la dri/ /gong gi shes pa khong du chud par bya/ / mnga' bdag chen po 'di lta ste/ phar la 'dri ba'i 'dri lugs 'di ltar shes par bya/ 'gro ba ris drug sems can gyi/ /skye ba dang ni rga ba dang / /na ba dang ni shi ba dang / /pho dang mo ru byung ba 'di/ /gnad ka gang gis phul zhing ci las byung ba bzhin/ /rang gi shes pa khong klod la/ / phar la gnad dang gags la dri'o/ /tshur la 'dri na 'di ltar shes par bya/ /thog ma med pa'i dus nyid na/ /me long rnam pa gsum yod de/ /chos nyid don gyi me long dang / /chos sku rang gsal me long dang / /kun gzhi sems kyi me long ngo / /me long gsum gyi nang na snang srid gsal bar shar//chos nyid don gyi me long ni/ /dngos po mtshan ma ma yin kha dog dbyibs kyang min/ /bteg pas theg pa ma yin mnan pas non pa min/ /don gyi ngo bo smra bsam yul las 'das/ /smra bsam blo yi yul las 'das pa de/ /mi bskyod 'pho ldog med par gnas/ / ci yang med pa ma yin don chen sarba kho las 'byung / /mya ngan 'das pa'i gzhi yang kho las 'byung / /sangs rgyas longs spyod rdzogs pa'i gzhi yang kho las 'byung / /'gro ba ris drug sems can ma lus pa'i/ /snod bcud gnyis kyang kho las 'byung / /chos nyid don gyi me long na//thams cad ma lus yongs su rdzogs par bstan/ /sarba ma lus gsal bar bstan/ /gsal yang de la rang bzhin med par bstan/ /gsal yang de la ming 'dogs med par bstan/ /dper na 'o ma bzhos ma thog gi ngo bo la/ /mar gyi rang bzhin gzhi la gnas kyang phye ba med pa bzhin//de bzhin chos nyid don gyi me long na/ /lhan cig gnas pa gsum po de/ /ye nas gnas kyang phye ba med par bstan/ /gdal khyab chen po'i ngo bor ye nas gnas par bstan pa'o/ /rin po che rtsod pa'i 'khor lo'i chos nyid don gyi me long la bstan pa'i le'u ste bcu pa'o// //yang mnga' bdag chen pos zhus pa/ kye slob dpon chen po lags/ /chos sku rang gsal gyi me long bstan du gsol zhes zhus so/ /slob dpon chen pos bka' stsal pa/ mnga' bdag chen po nyon cig /me long rnam gsum ma phye na/ /dper na mo btsun ngan pa'i g.yos dang 'dra//g.yos sna mang yang zas kyi ro mchog stor/ /lag yad 'bad la byas pas dri ma slar la bslang / /de bzhin me long rnam gsum ma phyed cing / /yas 'khrul gtan la ma phebs pa'i/ /mi skya phal po slu ba'i ston pa yis/ /re ba sangs rgyas 'bras bu re/ / lhung ba ngan song gsum du lhung / /mtho ris gsum du 'gro ba dang / /ngan song gsum du lhung ba gnyis/ /tha snyad ston pa rnams kyis ma phyed pas/ /'khor ba'i stod la mnan pa yin/ /mnga' bdag chen po 'di lta ste/ /chos sku rang gsal me long na/ /thams cad ma lus gsal bar ston//nga yis khyod la legs par bstan par bya/ /mnga' bdag chen po yid la g.yeng ba ma byed par/ /me long gsum la gsal ba 'di yin pas/ /lus ngag yid gsum gus pa'i sgo nas nyon/ /chos sku rang gsal me long skad pa 'di/ /thog ma med pa'i dus nyid na//sangs rgyas sems can ming yang med/ /'khor ba myang 'das ming yang med/ /pho mo ma ning ming yang med/ /skyes pa rgas pa'i ming yang med/ /na ba shi ba'i ming yang med/ /chags sdang lnga yi ming yang med/ /ye shes lnga yi ming yang med/ /nyi ma shar nub ming yang med//kha dog dkar dmar ming yang med/ /me long gsum gyi nang du mtshan nyid gsum du byung / /gsung gi mtshan nyid rnam pa gsum du byung / /thugs kyi mtshan nyid rnam pa gsum du byung / /yul gyi mtshan nyid rnam pa gsum du byung / /chos nyid me long gsal ba'i nang nyid na//sku ni dmigs med chos kyi sku ru bzhugs/ /gsung ni g.yo med mi g.yo'i gsung du bzhugs/ /thugs ni rang gsal rtog pa med par bzhugs/ /yul ni chos nyid nam mkha'i yul du bzhugs/ /de ltar bzhugs par chos sku rang gsal me long nang na gsal//chos sku rang gsal me long gsal ba'i nang nyid na/ /sku ni longs spyod rdzogs pa'i sku ru bzhugs/ /gsung ni brag ca lta bu'i gsung du bzhugs/ /thugs ni skyi bser lta bu'i thugs su bzhugs/ /yul ni sku yi rtsal gyi rnam par bzhugs/ /de ltar gsal ba'i me long nang nyid du//skyi bser lta bu'i thugs la ldang nyal byung ba na/ /sngar 'khrul ma myong dbang gis ldong nyal ngo ma shes/ /chos sku rang gsal yon tan rang gis rang ma rig /chos sku gsal ba'i yon tan skyon du shar/ /dper na rgya mtsho gting dpag ldan pa'i kha nyid du//seng ges mgo sprugs mche gtsigs gzengs bstod pas/ /chu yi nang gi seng ge rang gi yon tan yin par rang gis ma rig nas/ /rang gis ji ltar sprugs pa bzhin du chu yi nang gi seng ges sprugs/ /nga la bsdo ba yin snyam nga rgyal shin tu skyes/ / nga rgyal skyes pa'i dbang gis chu yi nang du mchongs/ /rang gis rang ma rig pas 'khrul tshabs shin tu che/ /de bzhin me long gsal ba'i nang nyid du/ /chos sku kha dog dbyibs ldan gyi/ /chu yi nang du seng ge'i gzugs nyid gsal ba bzhin/ /sku yi rang bzhin shin tu gsal bar shar//gsal ba rang gi yon tan yin par ma rig nas/ /dngos po gcig la gnyis 'dzin byung ba 'grel chen nang na gsal/ /rig pa'i ldang nyal ma rig pas/ /chags ldang lnga ru byung ba 'grel chen nang na gsal/ /dper na skyi bser rlung la ldang nyal byung ba yin//skyi bser lta bu'i thugs la ldang nyal byung ba las/ /skyes pa dang ni rgas pa dang / /na ba dang ni shi ba dang / /pho dang mo ru byung ba dang / /nyi shar ba dang nyi nub dang / /sa sros pa dang nam langs dang / /rang gi rig pa'i ldang nyal ma rig pas/ /'khrul pa'i rtsa ba yin par 'khor lo'i nang na gsal//chos sku gting gsal chen po'i yon tan las/ /kha dog lnga ru btags pa 'grel chen nang na gsal/ /dkyil 'khor chen po'i ngo bo de/ /smra brjod kun las 'das par 'grel chen nang na gsal/ /ming 'dogs kun dang bral ba 'grel chen nang na gsal//ye nas rtsis brdab gnyis dang 'das pa yin pa la/ /'khor lo gsum du yid g.yos pas/ /kun du tshol ba'i yid kyis kun btsal nas/ /gtan la phebs pa'i yid kyis bsam ngor gtan la phab/ /nges par 'jog pa'i yid kyis bsam ngor nges par gzhag//ma rig 'khrul pa'i dbang gis ye shes phyi ru shar/ /ye shes phyi ru shar ba'i rang bzhin gyis/ /kha dog lnga la ye nas ming med de/ /ming gi 'khrul pas dkar dmar la sogs lnga ru btags/ /med pa ma yin don chen ye nas snang / /dkyil 'khor chen po ma bcos ye nas snang //snang yang ming du gdags su rdul tsam med pa'o/ /ming du btags na rdo rje sems dpa'i bka' dang 'gal/ /gsal la reg bya med par ma shes na/ /kun du bzang po'i don la chad pa yin/ /shel gyi khye'u chung zhal nas de skad gsungs/ /bai ro tsa na'i blos btags ma yin no//zhes gsungs so/ /rin po che rtsod pa'i 'khor lo'i chos sku rang gsal gyi me long bstan pa'i le'u ste bcu gcig pa'o// //yang mnga' bdag chen pos zhus pa/ /kye slob dpon chen po lags/ kun gzhi sems kyi me long bstan du gsol/ /zhes zhus so//slob dpon chen pos bka' stsal pa/ mnga' bdag chen po nyon cig /kun gzhi sems kyi me long du/ /sems kyi 'char lugs brjod pas mi lang ste/ /bsdu na rnam pa gsum du 'dus/ /sems nyid yid du 'char ba dang / /sems nyid rtogs par 'char ba dang / /sems nyid ye shes chen por 'char ba'o/ /sems nyid yid du 'char ba la yang rnam gsum yod//yid g.yo mi g.yo ru 'char ba dang / yid thol gang ba ru 'char ba dang / yid mi 'dogs nus par 'char ba'o/ /yang sems la rnam pa gsum yod de/ /mar ldan sems su 'char ba dang //yar ldan sems su 'char ba dang / the tshom can gyi sems su 'char ba'o/ /mar ldan sems su 'char ba ni/ /ngan song gsum la spyod pa yin/ /yar ldan sems la 'char ba ni/ /mtho ris gsum la spyod pa yin/ /the tshom can du 'char ba ni/ /don byed gang yang nus pa min//'di ru sdug la phyi mar 'bras bu med pa'o/ /ye shes la yang rnam bzhi ste/ /sku yi ye shes bstan pa dang / /gsung gi ye shes bstan pa dang / /thugs kyi ye shes bstan pa dang / /yul gyi ye shes bstan pa'o/ /ye shes gtan la 'bebs pa la/ / dpe dang tshig gi sgo nas don chen gtan la 'bebs/ /dpe la rnam pa gsum yod de/ /sku yi dpe dang thugs kyi dpe/ /yul gyi dpe dang gsum du bstan/ /gsung la dpe yis mi bstan shugs las chod pa yin/ /re zhig mtshon na brag ca lta bus mtshon/ /sku yi dpe ni man shel dag pa yin//thugs kyi dpe ni skyi bser lta bu yin/ /yul gyi dpe ni gzha' tshon lta bu yin/ /chos rnams sarba dpe yis mtshon la bstan/ /de rnams dpe yis ma mtshon na/ /rmongs pas go bar mi 'gyur ro/ /yang dag don gyi ngo bo la/ /dpe yang mi 'tshal don gyis chog /kun gzhi sems kyi me long gsal ba'i nang shed na//'gro drug bag chags gzugs ni shin tu gsal bar ston/ /yang bag chags la yang gsum yod de/ /dug lnga rgyas pa'i bag chags dang / /'dus byas chos kyi bag chags dang / /ye shes chen po'i bag chags so/ /dug lnga rgyas pa'i bag chags mthu brtas pas//'bras bu ngan song gsum du lhung / /gting gsal chen pos chod na des kyang sgrib pa med/ /dug lnga sangs na ye shes rgyas/ /dper na bong nga nag po lta bu'i dug chen la/ /sems can phal pa rnams kyis zos gyur na/ /kha zas ma yin rang gi lus srog 'bral//spu sdug rma bya'i shin tu sman chen yin/ /shin tu mdangs dang ldan zhing gzi brjid che/ /de bzhin dug lnga'i rang bzhin kyang / /'gro ba phal pa'i spyod yul min/ /dug lnga 'dzem bag med par spyad gyur na/ /rang sems tshod ma lta bur 'tshod par nges/ /sdug bsngal chen po nyams su myong bar nges//kyi hud skad kyi 'od zer 'don par nges/ /don gsum khong du chud pa'i rnal 'byor la/ /ye shes lnga dang dug lnga bkol ba med/ /tha mal rnams kyis bltas pa'i dug lnga de/ /rnal 'byor chen po'i don la btsal tsam na/ /ye shes chen po'i rtsal las ma gtogs pa/ / dug lnga logs kyi tha dad min par zhes/ /tha mal rnams kyang dug lnga'i ming btags dang / /bla ma'i gdams ngag ye shes lnga po gnyis/ /tha dad med cing rgya chad med par shes/ /de ltar shes kyi rnal 'byor la/ /gol ba bya ba'i ming yang med par rdo rje sems dpas gsungs/ /yang 'dus byas chos kyi bag chags bstan pa ni//sdig bcu rgyab tu bskyur nas dge bcu dang du len/ /dag bcu dang du blangs nas 'dzin pa chen por spyod/ /dbang po rab tu gyur na gzhan gyi don la dmigs shing 'dzin pa chen por spyod/ /dbang po 'bring du gyur na rang gi don la dmigs shing 'dzin pa chen por spyod//dbang po tha mar gyur na 'jig rten 'di yi rkyen zlog don du dmigs shing 'dzin pa chen por spyod/ /mnga' bdag chen po 'di lta ste/ skyon gyi rtsa ba gzung 'dzin gnyis yin pas/ /'dus byas chos la dmigs pa'i gzung 'dzin chos spyod do/ /sangs rgyas theg par bgrang ba min//re dogs gol sam chod gzung 'dzin gnyis po de/ /skyon gyi rtsa bar ma shes shing / /nang gi bla ma chen po dang / /yang dang yang du ma mjal na/ /bud+d+ha gzhan nas btsal bas rnyed par rdo rje sems dpas ma gsungs so/ /yang ye shes chen po'i bag chags bstan pa ni//bla ma chen po'i gdams ngag rang rig rang la shar/ /rgyud dang lung dang bla ma'i gdams ngag dang / /rang gi rig pa bzhi ru gyol 'grus med mthun na/ /gang du bstan pa'i ye shes bzhi po la/ /re dogs med par rig pa nang nas shar/ /gting gsal chen po'i ngo bo de/ /che dkar ma btsal shugs las dran pa'i tshe//mi bcos mi bslad ma bcos so mar gzhag /de yang mnga' bdag chen po 'di ltar shes par bya/ /dper na skyes bu mda' rtsal can gyi dang zhwa la/ /phang pa gang ba bkang yang gtad sa mde'u rtse gang / /de bzhin snang zhing srid pa'i chos rnams la/ /'khrul pa rtsad nas bcad cing theg sgo mang bstan yang //yang dag don la lta ba sgom pa gnyis/ /spyod pa 'bras bu bzhi ru 'dus/ /bzhi po rang yang don chen gcig tu 'dus/ /de yang 'di ltar shes par bya/ /chos sku kha dog dbyibs ldan de/ /che dkar ma btsal shugs las dran na lta ba yin//de la ma bcos gnas na sgom pa yin/ /gting gsal yengs ba med na spyod pa yin/ /gting gsal chen po'i ngo bo de/ /sangs rgyas sgom stem mdzad la/ /sems can sgrin te ma bcos so/ /sems can rnams kyi blo las 'das pa de/ /dper na sgog skya'i dri bzhin du//ye nas rang chas yod par rang gi rig pa de/ /'bras bu chen po ma btsal lhun gyis grub pa yin/ /btsal ba med par dbyings dang mjal ba yin/ /sgrub pa med par don chen grub pa yin/ /bgrod pa med par sa chen non pa yin/ /rtag na rtag tu bas te chos sku rtag pa yin/ / chad na chad du bas te rnam rtog chad pa yin/ /bral na bral du bas te blo dang bral ba yin/ /stor na stor du bas te dug lnga stor ba yin/ /stongs na stongs su bas te 'khor ba stongs pa yin/ /grol na grol du bas te mtshan ma grol ba yin/ /nub na nub tu bas te sdug bsngal nub pa yin/ /sangs na sangs su bas te skyon rnams sangs pa yin//rgyas na rgyas su bas te yon tan rgyas pa yin/ /stor na stor du bas te gzung 'dzin stor ba yin/ /rnyed na rnyed du bas te lhun grub rnyed pa yin/ /'das na 'das su bas te mya ngan 'das pa yin pa'o/ /yul khyad par du 'phags pa rgya gar gyi yul du//shel gyi khye'u chung zhal nas de skad gsungs/ /mnga' bdag blo la ma brjed brtan par gyis/ /rin po che rtsod pa'i 'khor lo'i kun gzhi sems kyi me long bstan pa'i le'u ste bcu gnyis pa'o// //yang mnga' bdag chen pos zhus pa/ kye slob dpon chen po lags/ /'gro ba rigs drug sems can gyi//dbang po lnga yi mtshan nyid 'di/ /rgyab tu ma chags mdun du chags pa ni/ /gnad ka gang gis 'phul zhing ji ltar 'khrul pa lags/ /zhes zhus so/ /slob dpon chen pos bka' stsal pa/ mnga' bdag chen po nyon cig /'gro ba'i dbang po rnam lnga mdun du chags pa bstan pa ni//chos sku'i ngo bo gdags bya kun las 'das pa yin mod kyang / /ma go ba la brda tsam tshig tu mtshon pa yin/ /kun tu bzang po'i ngo bo gcig la tha mi dad pa la/ /phra rags brtsis nas ming 'dogs gsum du bstan pa yin/ /phra rags brtsis shing yang dag don dang ma sbyar na//'khrul pa chod par rdo rje sems dpas ma gsungs so/ /kun tu bzang po'i phra rags bstan pa ni/ /kun du bzang po'i phra rags rnam gsum ste/ /dbyings kyi kun du bzang po bstan pa dang / /zer gyi kun du bzang po bstan pa dang / /sprul pa'i kun tu bzang po bstan pa'o//dbyings kyi kun du bzang po bstan pa ni/ /mi g.yo mi 'gyur chos nyid nam mkha' na/ /rol pa 'gag med mi zad mdzod chen na/ /'gyur ba med pa'i zhing khams chen po na/ /chos sku'i ngo bo rang gsal gzhan mi gsal bar bzhugs/ /mtha' dbus med pa dbyings su bzhugs//dbyings kyi kun tu bzang po zhes kyang de la bya'o/ /zer gyi kun du bzang po bstan pa ni/ /chos sku rang gsal ngo bo 'gyur med la/ /g.yo mi g.yo las zer tsam g.yos/ /ye shes cha phra zer tsam g.yos pa las/ /zer gyi rang bzhin je rags je rags song / /je rags song ba'i dbang gis ming 'dogs nus par byung //phyi yi snod dang nang gi bcud kyi ngo bo yang / /gsal ba'i yon tan rgyas pa la/ /rang bzhin lhun gyis grub pa ngo ma shes/ /ye shes phyi ru rgyas par shar/ /phyi la shar tshad kha gsal yin par nges/ /phyi ru gsal bas phyi yi 'dzin pa byung //phyi yi rang bzhin shin tu gsal bar mthong / /kha dog lnga yi rang bzhin gsal ba de/ /rgyab kyis ma mthong mdun gyis mthong bar gzung / /ye shes lha la mdun rgyab med par ma rig pas/ /dbang po lnga yang mdun du chags par nges/ /phyi nang gnyis su gsal bar shes na gting gsal chen po yin//gting gsal chen po'i ngo bo de/ /dper na nyi ma'i snying po bzhin/ /ma bltas rang la gsal bar nges/ /ma bltas rang la gsal na sangs rgyas nyag gcig yin par nges/ /rang gi ngo bo mi gsal bar/ /phyi yi snang ba gsal na kha gsal yin//'gag med ma 'gags dbyer med bstan pa gsum/ /chos sku thig le nyag gcig yin par ma gtogs pas/ /zer gyi rang bzhin steng 'og phyogs mtshams med par 'gyur ba'o/ /sprul pa'i kun du bzang po bstan pa ni/ /chos sku'i ngo bo ye nas 'gyur med la//zer gyi 'dzin pas sprul pa'i sku ru shar/ /de yang ji ltar 'khrul par bstan pa ni/ /'gag med ma 'gags dbyer med gsum po de/ /chos sku rgya ma chad du ma shes pas/ /chos sku'i rtsal la ye shes 'dzin pa byung / /de yang rnam par phye ste bstan pa ni/ / chos sku'i rtsal gyis yan lag 'gag med la/ /ye shes rtsal gyis yan lag ma 'gags kyis/ /sku yi rtsal la ye shes zer gyi rtsal snang gis/ /kha dog lnga la ming btags phyi yi snod du 'khrul/ /gsal ba lnga la ming btags nang gi bcud du 'khrul/ /sku dang ye shes gnyis su med par ma rig pas//dngos po gcig la gnyis 'dzin byung bas 'khrul pa'o/ /chos kyi sku la ye nas de las 'gyur med kyang / /ltar snang tshul du 'gro ba rigs drug sku ru snang / /res 'ga'i tshe na ltar snang ngo bo la/ /lha dang lha ma yin du sku sprul nas/ / 'dod yon lnga la longs spyod rgyas par spyod/ /res 'ga' mi dang byol song lus su sku sprul nas/ /chags sdang bcu la longs spyod rgyas par spyod/ /res 'ga' yi dgas dmyal ba'i lus su sku sprul nas/ /sdug bsngal sna tshogs rgyas par spyod/ /des na sprul pa'i kun du bzang po zhes su bstan pa'o//kun du bzang po phra rags phye gyur na/ /rtsod pa kun las grol bar bstan pa'o/ /rin po che rtsod pa'i 'khor lo'i kun du bzang po phra rags phye ba'i le'u ste bcu gsum pa'o// //yang mnga' bdag chen pos zhus pa/ /kye slob dpon chen po lags 'byung ba'i 'byung lugs ji ltar 'byung ba dang //gnas pa'i gnas lugs ji ltar gnas pa bstan du gsol zhes zhus so/ /slob dpon chen pos bka' stsal pa/ /mnga' bdag chen po nyon cig /'byung ba'i 'byung lugs bstan pa ni/ /'byung ba'i 'byung lugs rnam gsum ste//chos nyid ma yi yon tan ji ltar 'byung ba dang / /chos nyid bu yi yon tan ji ltar 'byung ba dang / /ma bu gnyis su med pa'i yon tan ji ltar 'byung ba bstan pa'o/ /yang chos nyid ma la yon tan 'byung lugs rnam gsum yod/ /'od kyi sku la thogs rdugs med par 'byung ba dang //rlung gi gsung la 'gag pa med par 'byung ba dang / /rig pa'i thugs la skye shi med par 'byung ba'o/ /chos nyid bu yi yon tan 'byung lugs rnam gsum ste/ /sku yi yon tan rgyan dang cha lugs 'byung ba dang / /thugs kyi yon tan rno la gcod par 'byung ba dang //gsal ba'i yon tan kha dog lnga ru 'byung ba'o/ /ma bu gnyis su med par 'byung ba'i yon tan rnam gsum ste/ /ngo bo tha dad rang bzhin gcig par 'byung ba dang / /dper na chu yi nang gi zla ba bzhin/ /snang la rang bzhin med par 'byung ba dang / /reg bya'i thogs pa med pas nam mkha' chen por ye nas gcig par 'byung ba'o//dper na gzha' tshon dang ba bzhin/ /ma 'dres yongs su rdzogs par ye nas gcig /dper na rgya mtsho'i nang nyid du/ /nyi zla gza' skar rdzogs pa de/ /ma 'dres yongs su rdzogs pa bzhin/ /ma 'dres yongs su rdzogs par ye nas gcig /dper na shel dang rgyus pa bzhin/ /ngo bo 'dres pa med par ye nas gnas/ /dper na gang gA'i chu bo bzhin/ /reg la ma 'byar ba ru ye nas gnas/ /rgyal po chen po 'di lta ste/ chos nyid ma bu ma phyed cing / /'khrul pa rtsad nas ma chod na//yang dag don dang mjal ba shin tu dka'/ /lhun grub shan nas ma phyed cing / /rang bzhin lhun grub ma rnyed na/ /yang dag don dang mjal ba shin tu dka'/ /ngo sprod khong du ma chud cing / /gting gsal chen po ma rtogs na/ /yang dag don dang mjal ba dka'o/ /rin po che rtsod pa'i 'khor lo'i 'byung ba'i 'byung lugs bstan pa'i le'u ste bcu bzhi pa'o// //yang mnga' bdag chen pos zhus pa/ kye slob dpon chen po lags/ /byung ba'i byung lugs ma bstan na/ /rmongs pa rnams kyis go bar mi 'gyur bas/ /byung ba'i byung lugs bstan du gsol zhes zhus so//slob dpon chen pos bka' stsal pa/ mnga' bdag chen po nyon cig /byung lugs la yang rnam gsum ste/ /ye shes ming du byung ba dang / /sems kyi ming du byung ba dang / /dngos po'i ming du byung ba'o/ /ye shes byung ba la yang rnam gsum yod//ye shes kyi ye shes su byung ba dang / ye shes kyi sems su byung ba dang / ye shes kyi dngos por byung ba'o/ /ye shes su byung ba bstan pa ni/ /sku yi rgyud nyid ye nas ci yin shes pa dang / /gsung gi rgyud nyid ye nas ci yin shes pa dang / /thugs kyi rgyud nyid ye nas ci yin shes pa'o/ /ye shes kyi ye shes su byung ba la yang rnam gsum ste//sku yi rgyud nyid ci yin ye nas yid ches skyes pa med/ /yid ches snyam zhing snyam byed chod pa dang / /gsung gi rgyud nyid ci yin snyam zhing snyam byed chod pa dang / /thugs kyi rgyud nyid ci yin snyam zhing snyam byed chod pa'o/ /ye shes kyi dngos por byung ba la yang rnam gsum ste//sku yi ngo bo dngos por byung ba dang / /gsung gi ngo bo dngos por byung ba dang / /thugs kyi ngo bo dngos por byung ba'o/ /ye shes kyi sems su byung ba la yang rnam gnyis te/ /sems kyi ngo bo rno la gcod pa nges/ /yar ldan ye shes lnga la gcod pa dang / /mar ldan chags sdang lnga la gcod pa'o//de yang go bar bya ba'i brda la rnam pa gnyis/ /lung du bstan pa'i ye shes chen po dang / /lung du ma bstan ye shes so/ /lung du bstan pa'i ye shes bstan pa bla ma'i gdams ngag yin/ /lung du ma bstan pa'i ye shes chags sdang lnga po yin/ /chags sdang lnga po'i rang bzhin yang //sus kyang bstan pa med par ye nas shes pa'i ye shes yin/ /lung du bstan pa'i ye shes la yang rnam lnga ste/ /me long lta bu'i ye shes brda ru bstan pa dang / /mnyam pa nyid kyi ye shes brda ru bstan pa dang / /so sor rtog pa'i ye shes brda ru bstan pa dang / /bya ba grub pa'i ye shes brda ru bstan pa dang //dbyings nyid stong pa'i ye shes brda ru bstan pa'o/ /brda de khong du chud na gzugs med khams nas ldog go/ /des na sems kyi ye shes chen por bstan pa'o/ /yang na sems kyi sems su bstan pa ni/ /sems kyi sems la rnam gsum ste/ /sems kyi rang bzhin rno la gcod pa la//'khor lo gsum du yid g.yos pas/ /yid kyi rang bzhin ming 'dogs mang po la/ /ming la yid ches skye zhing yang dag dam par gzung / /phyi yi yul dang nang gi bcud rnams la/ /ma bcos mtshan ma rang sar grol bar ma shes na/ /ming la gtso ru bzung zhing ming la rtag tu spyad//de ni sems kyi sems su byung ba yin/ /yang sems kyi dngos por byung ba rnam gsum ste/ /'dod pa'i khams kyi lha gnas na/ /'dod yon lnga yi 'khrul snang la/ /rtag gam snyam nas dngos por bzung / /'dod yon lnga yi longs spyod chen po la/ /skad cig tsam ni dus gsum rtag tu yengs//yengs pa thams cad bdud kyi slu ba yin/ /lha yi bdud du 'dod yon lnga byung bas/ /lha yi dbang po rang gis rig pa shin tu dka'/ /lha bran rnams la smos ci dgos/ /mi rtag zhag bdun gong nas 'chi ba'i sgra byung ste/ /gong du brtson 'grus chen po ma bskyed pas//sdug bsngal 'gyod pa skyed kyang bzlog pa shin tu dka'/ /'dod yon lnga yi yon tan slu 'brid chen por byung ba'o/ /sems kyi dngos por 'dod yon lnga byung yang / /mi rtag pa yi zhag bdun sgra byung bas/ /skad cig tsam yang bsdad pa'i blag med pas/ /'dod yon sems kyi ltar snang yin par nges//des na sems kyi dngos po'i ming du btags pa'o/ /yang dngos po'i ye shes bstan pa ni/ /dngos po'i ye shes la yang rnam gsum ste/ /dngos po'i ye shes mtshan nyid ni/ /sems can rnams kyi gol sa yin par nges/ /bla ma dam pa'i gdams ngag gis/ / lus sems yul dang gsum gyi ngo sprod gyis/ /rig pa nang nas shar bas ye shes chen po nang nas shar/ /mtshan ma rang sar grol bas ye shes chen po nang nas shar/ /srid pa rgya thegs byung bas ye shes chen po nang nas shar/ /sku gsum dbyer med rtogs pas ye shes rtogs pa'o/ / dngos po'i sems la rnam gsum ste/ /phyi yi yul la dngos por sems pas dngos po'i sems/ /nang gi bcud la dngos por sems pas dngos po'i sems/ /gsang ba'i yid la dngos por sems pas dngos po'i sems/ /yang dngos po'i dngos po bstan pa ni/ /dngos po'i dngos por byung ba rnam gsum ste//phyi yi yul la dngos por bzung bas dngos po'i sdug bsngal shar/ /nang gi bcud la dngos por bzung bas dngos po'i sdug bsngal shar/ /gsang ba'i yid la dngos por bzung bas dngos po'i sdug bsngal shar ba'o/ /yang phyi'i yul la ye nas dngos med la//yid kyi ming 'dogs smin pas dngos por smin pa yin/ /nang gi bcud la ye nas dngos med la/ /yid kyi ming 'dogs smin pas dngos por smin pa yin/ /gsang ba'i yid la ye nas dngos med la/ /yid kyi ming 'dogs smin pas dngos por smin pa yin/ /dngos po sarba sdug bsngal rgyu yin pas//dngos po'i chos la mi spyod par/ /chos nyid zab mo khong du chud par gyis/ /mnga' bdag chen po 'di lta ste/ /bsdus pas byas pa'i chos dang byung ba'i chos/ /byas pa'i chos rnams ji ltar zab kyang 'khor ba yin/ /byung ba'i chos shig ma shes na//byas pa'i chos la thug pa med pa'o/ /rin po che rtsod pa'i 'khor lo'i byung ba'i byung lugs bstan pa'i le'u ste bco lnga pa'o// //yang mnga' bdag chen pos zhus pa/ kye slob dpon chen po lags/ gnas pa'i mtshan nyid ma shes na/ /mkha' la rten med bya sgro rlung khyer 'dra//gnas pa'i mtshan nyid bstan du gsol/ /zhes zhus so/ /slob dpon chen pos bka' stsal pa/ /mnga' bdag chen po nyon cig /gnas sa la yang rnam gsum ste/ /chos kyi sku yi gnas sa bstan pa dang / /longs spyod rdzogs sku'i gnas sa bstan pa dang / /sprul pa'i sku yi gnas sa bstan pa'o//yang chos sku'i gnas sa bstan pa ni/ /chos nyid nam mkha' mdzod chen yin/ /rol pa 'gag med rgya chad med pa yin/ /mi g.yo mi 'gyur 'pho ldog med pa yin/ /nam mkha' de'i mtshan nyid mtha' dbus med pa'i phyogs dang bral ba yin/ /chos kyi sku yi zhing khams chen po yin//zhes pa'o/ /longs spyod rdzogs sku'i gnas sa bstan pa ni/ /ma bris dkyil 'khor rgya chad med pa yin/ /kha dog gsal zhing nyams dang ldan pa yin/ /bsgyur bas mi 'gyur nam mkha' rdo rje'i mtshan nyid yin/ /reg bya kun dang bral bas chos nyid pho brang yin//'od la mtha' med mtha' dang bral ba yin/ /shong dang mi shong med pas phyogs ris med pa yin/ /nam mkha' chen por gcig pas mtha' dbyibs bral ba yin/ /ma 'dres so sor gsal bas gzha' tshon dang ba 'dra/ /longs spyod rdzogs pa'i zhing khams chen po bstan pa'o/ /yang sprul pa'i sku yi gnas sa bstan pa ni//'byung chen lnga yi dkyil 'khor chen po yin/ /ri rab rtse mo'i ri bo'i khong seng yin/ /ri yi mthon dman lung pa yangs dog yin/ /gling bzhi gling mtshams mun pa'i dkyil 'khor yin/ /bye tshan mo dang rnag khrag rdzing bu yin/ /lcags kyi shal ma ri dang spu gri'i so rnams yin//gang la ming btags ming gi 'dzin pas 'khrul pa'o/ /skyon gyi rtsa ba re dogs gnyis yin pas/ /re dogs rtsa ba mchod cing / /gnas sa gsum du ma phye na/ /ston pa byed pa tha mal shes pas slu ba yin/ /gnas sa gsum gyi mtshan nyid rtogs shing go gyur na/ /kun du bzang pos bshad kyang de las lhag tu med//khri srong lde btsan byang chub sems dpa'i sras/ /khyod la bstan dang mi dgos te/ /khyod kyi gdams ngag 'di yi sgor zhugs la/ /blo chung shes rab rtul ba la/ /phra rags don gyis zhib par ston/ /gang zag gcig gis zhing khams dag par mthong gyur na//'dus byas dge ba'i rtsa ba mang pos char mi phod/ /zhe 'dod khong du bcug nas dad pa can gyi sems bsad na/ /'dzam bu'i gling gi sems can bsad pas sdig gi char mi phod/ /des na dad pa can la snying rjes bstan par bya'o/ /rin po che rtsod pa'i 'khor lo'i gnas pa'i mtshan nyid bstan pa'i le'u ste bcu drug pa'o// //yang mnga' bdag chen pos zhus pa/ kye slob dpon chen po lags/ sgyu ma'i lus 'di zhig pa'i tshe/ /theg pa kun las 'phags pa'i rtsod pa'i 'khor lo 'di/ /gang la gtad cing su la gnyer bar bya/ /zhes zhus so/ /slob dpon chen pos bka' stsal ba/mnga' bdag chen po nyon cig /theg pa kun las 'phags pa'i rtsod pa'i 'khor lo 'di/ /dad pa chung la zhe sdang che ba'i lag tu shor ra re/ /rang gi 'dod pa ma phrel bar du bkur sti byed cing zhes mkhas/ /'dod pa phrel nas thabs kyis 'byol ba'i lag tu shor ra re/ /bla ma slob dpon khungs gsang nas//rang gi che ba 'don cing nga rgyal che ba'i lag tu shor ra re/ /khrel med za tshol byed cing man ngag 'tshong ba'i lag tu shor ra re/ /zhe 'dod khog tu bcug nas 'dod pa che ba'i lag tu shor ra re/ /rin chen rtsod pa'i 'khor lo'i gtad sa bstan pa ni//zhe 'dod chung la dad pa che ba dang / /slob dpon snying ltar brtse ba rnams la gtad/ /slob dpon mig ltar 'tsho ba rnams la gtad/ /slob dpon chu ltar skyong ba rnams la gtad/ /lus dang srog la phangs pa med cing gtong phod che ba rnams la gtad/ /rin po che rtsod pa'i 'khor lo'i gtad rgya bstan pa'i le'u ste bcu bdun pa'o// //yang mnga' bdag chen pos zhus pa/ kye slob dpon chen po lags/ rin chen rtsod pa'i 'khor lo 'di bris pas/ /bkra shis smon lam gdab cing byin rlabs chen po zhu/ zhes zhus so/ /slob dpon chen pos bka' stsal ba/ mnga' bdag chen po nyon cig /rin chen rtsod pa'i 'khor lo 'di bris pas/ /theg pa 'di yi sgo ru zhugs pa rnams/ /ye shes chen po'i don dang mjal bar shog /rin chen rtsod pa'i 'khor lo 'di bris pas/ /'dod pa'i khams kyi lha rnams kyi/ /ltung ba'i sdug bsngal zhi bar shog /rin chen rtsod pa'i 'khor lo 'di bris pas/ /'gro ba mi yi zhe sdang zhi bar shog /rin chen rtsod pa'i 'khor lo 'di bris pas/ /ngan song gsum gyi sdug bsngal mi bzad pa/ /skad cig tsam gyis brlag cing zhi bar shog /rin chen rtsod pa'i 'khor lo 'di bris pas/ / khri srong lde btsan yab sras 'khor bcas rnams/ /tshe la bar chad med cing don dang mjal bar shog /rin chen rtsod pa'i 'khor lo 'di bris pas/ /'dri mkhan slob ma'i tshogs rnams kun/ /tshe la bar chad med cing don dang mjal bar shog /rin chen rtsod pa'i 'khor lo zhes bya ba rdzogs so/