| བོད་ཡིག |
161b4 / //byA ka ra Na rtsa ba brgyad ba las/ kun du bzang po'i byA ka ra Na dang po'i skabs te lnga pa'o// //[]@##/ /rgya gar skad du/ byA ka ra Na ling+gA ba tA ra Na nA ma/ bod skad du/ lung du ston pa rtags kyi 'jug pa zhes bya ba/ byA ka ra
161b5 Na'i dbang phyug la phyag 'tshal lo//smra ba'i skyes mchog smra ba'i rgyal/ /thams cad mkhyen la phyag 'tshal lo/ /pho yi yi ge 'ba' zhig la/ /sde ba phyed dang brgyad gnas pa'ang / /sde tshan lnga ru dril byas la/ /yi ge sum cu tham pa la/ /pho dang ma ning mo dang ni/ /shin tu mo dang bzhi bzhi
161b6 ru//sde pa bzhi pa yan chad dbye/ /lhag ma bcu bzhi gnas pa la/ /tsa sogs gsum ni ca sogs sbyar/ /wa ni ba dang sbyar bar bya/ /lhag ma drug ni mo ru sbyar/ /ra la ha ni mo gsham ste/ /ma ning mtshan med ces kyang bya/ /mo yi yi ge'i nang nas ni/ /'jug pa'i yi ge bcu dbyung bya/ /'jug
161b7 pa bcu yi nang nas ni//sngon 'jug yi ge lnga dbyung bya/ /sngon 'jug yi ge lnga po la/ /pho dang ma ning mo dang ni/ /shin tu mo dang bzhi ru dbye/ /de dag re re'ang bzhi byed de/ /gang la 'jug byed gang gis byed/ /ji ltar 'jug byed ci phyir byed/ /gang la 'jug par byed ce na/ /pho ni pho dang mo la
162a1 'jug /mo ni mo dang ma ning la/ /ma ning yang ni pho mo la'o/ /shin tu mo ni ma ning dang / /mo dang shin tu mo nyid la'o/ /mi 'jug pa ni 'di lta ste/ /pho ni ma ning la mi 'jug /mo ni pho la 'jug pa min/ /ma ning rang la rang mi 'jug /rang gi sde dang phrad pa na/ /pho yang mo la
162a2 'jug mi 'gyur//ma ning mo yang de bzhin no/ /ji ltar 'jug par byed ce na/ /pho ni drag po'i tshul gyis 'jug /ma ning ran par 'jug pa yin/ /mo ni zhan pa'i tshul gyis 'jug /shin tu mo ni mnyam pas so/ /ci phyir 'jug par byed ce na/ /pho ni 'das dang gzhan bsgrub phyir/ /
162a3 ma ning gnyis ka da ltar ched/ /mo ni bdag dang ma 'ongs phyir/ /shin tu mo ni mnyam phyir ro/ /rjes 'jug yi ge bcu po la/ /pho mo ma ning gsum du dbye/ /pho la skyes bu rab 'bring gsum/ /mo la mo dang shin tu mo/ /ma ning 'gyur dang mtshan gnyis dang / /mtshan med dag
162a4 dang gsum du 'dod//de yang byed pa bzhi bzhi ste/ /gang la 'jug byed gang gis byed/ /ji ltar byed dang ci phyir byed/ /gang la yi ge thams cad la/ /gang gis bcu po de dag gis/ /ji ltar rnam pa gnyis yin te/ /sgra yi 'jug tshul don gyi tshul/ /pho gsum mo gnyis ma ning gsum/ /
162a5 drag zhan bar ma gsum du 'jug /drag pa gsum ni nang phrad dam/ /gal te zhan pa nang phrad na/ /de la nang gi cha shas kyis/ /de yang drag zhan gnyis su dbye/ /ma ning gsum du gang gtogs pa/ /drag dang phrad na drag par 'gyur/ /zhan dang phrad na zhan par 'gyur/ /gnyis ka dag dang phrad
162a6 gyur na//de ni gnyis ka can du 'gyur/ /gnyis ka dag dang ma phrad na/ /gang du yang ni mi 'gyur ro/ /des na 'gyur dang mtshan gnyis dang / /mtshan med ma ning gsum du 'dod/ /de ni sgra yi 'jug tshul lo/ /don gyi rnam pa gnyis yin te/ /snga ma gang ltar gyur pa dang / /phyi ma
162a7 gang ltar gyur pa'o//snga ma sngon 'jug sngar bzhin sbyar/ /phyi ma dag gi 'dren tshul ni/ /pho yis pho yi ming mtha' drang / /mo yis mo yi ming mtha' drang / /ma ning gis ni ma ning ngo / /ming mtha' de dag nyid kyis ni/ /de nyid rang gi sgra mthun pa'i/ /chos dngos las dang byed pa dang / /
162b1 sbyin dang 'byung khungs 'brel ba dang / /gnas dang bod pa'i sgra yang drang / /gzhan yang slar bsdu lhag bcas dang / /'byed sdud bsnan dang bdag po dang / /dgag sgrub rgyan dang dus la 'jug /de dag snga shugs 'dren pas 'byung / /de dag nang gses gang 'jug pa/ /mtha' sbyar 'og
162b2 ma'i ming don las//spyir 'jug yod dam byed pa yod/ /de bzhin ched byed rten byed dang / /las bya blang bya bsgrub par bya/ /sngon du 'os pa gnas pa'am/ /gzhan yang tshig don 'og ma las/ /bsdu rgyu yod dam med pa dang / /gong ma las kyang de bzhin te/ /rnam grangs
162b3 dag ni bkod pa las//bskyar ba yod dam med pa dang / /pho sgra dang ni mo sgra dag /ming gi mtha' la yod med dang / /rgyan du gyur pa rnams la yang / /don la snyegs pa yod med dang / /bstan bya lhag ma yod med dang / /tshig don rdzogs dang ma rdzogs kyis/ /de dag nang gses rnam
162b4 bar dbye//ci phyir 'jug par byed ce na/ /yi ge'i khong nas ming dbyung ste/ /ming gi khong nas tshig phyung nas/ /tshig gis don rnams ston byed pa'o/ /mo yi yi ge med pa na/ /pho yig brjod pa med par 'gyur/ /pho yig de dag rnams la yang / /'jug par bcas pa med na ni/ /ming dang
162b5 tshig kyang gsal mi nus//ming tshig gsal ba med na ni/ /don rnams brjod par mi 'gyur ro/ /de ltar gyur na 'jig rten na/ /don mtshan brjod pa kun kyang med/ /rig byed smra ba'ang yod mi 'gyur/ /nyan thos rang rgyal sangs rgyas kyi/ /bslab pa rnams kyang med par 'gyur/ /ji ltar
162b6 'jig rten sems can dag /phung po khams dang skye mched dang / /grub mtha' gzhan yang yod mod na'ang / /rang nyid kyis ni mi shes bzhin/ /de bzhin yi ge'i 'jug tshul rnams/ /smra ba rnams la gnas gyur kyang / /rang tshul de nyid mi shes pas/ /don la sbyor ba ga la shes/ /de phyir
162b7 smra ba'i skyes mchog gis//rjes smras 'di kun rtogs gyur cig /lung du ston pa rtags kyi 'jug pa zhes bya ba slob dpon a nus mdzad pa'o// //byA ka ra Na'i rtsa ba brgyad pa las/ kun tu bzang po'i byA ka ra Na gnyis pa'i skabs te drug pa'o// //