CLOSE WINDOW

D4345
བོད་ཡིག

@##/ /rgya gar skad du/ sha li ho tra ya yAM a shwa A yur bai d+ya saM hi ta nAm/ bod skad du/ rta'i che'i rig byed sha li ho tras bsdus ba zhes bya ba/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sman gyi bla baiDUr+ya 'od kyi rgyal po la phyag 'tshal lo//khyab 'jug gi ni btsun mo'i mchog /lha mo dpal mo rta yi mngal/ /phyag 'tshal nas ni rta rnams kyi/ /tshe yi rig byed rtogs bshad bya/ /gang las gang phyir gang don yin/ /de dag kun kyang brjod par bya/ /kha ba can gyi byang phyogs na//lha yi dbang po'i gnas 'dra bar/ /sha li ho tra drang srong che/ /sbyin sreg byas nas 'dug pa'i tshe/ /legs thos thos pa phun tshogs ldan/ /bu yis pha la dris gyur pa/ /legs ldan chos rnams thams cad mkhyen/ /rta tshe'i rig byed mkhas lags na//rta rnams kyi ni gso ba 'di/ /ji ltar byung bar gyur pa lags/ /drang srong gzi brjid chen po yis/ /de la mnyan par gyis zhes smras/ /sngon tshe rta rnams rang dgar ni/ /mkha' la rgyu zhing gnas byed cing / /zas dang spyod pa ci dga' bar/ /de rnams rang dgar spyod pa yin//thams cad la yang lus kyi ni/ /goms pas nad ni byung ma gyur/ /gang nas brtsams te nga yi bu/ /bzhon pa nyid du byas gyur pa/ /de nas brtsams te gnod byed pa'i/ /nad kun gyis ni gzir pa yin/ /de nas de la sems gdung skyes/ /nga yis dka' thub chen po byas//tshangs pa lha ni mnyes byas nas/ /de yi gso ba rnyed pa yin/ /zug rngu lus kyi gso ba dang / /de bzhin cha spyad nyid dang ni/ /rte'u yi ni gso ba dang / /dug gi rang bzhin sman dang ni/ /bcud len gdon nad gso ba dang / /ro tsa byed pa brgyad pa yin//de ltar rta yi tshe'i rig byed/ /'di ni yan lag brgyad du bshad/ /yan lag brgyad po 'di yi gnas/ /rgyas par bu yis mnyan par gyis/ /mdo yi gnas ni dang po ste/ /de yi phyi ma gnyis pa yin/ /gsum pa 'dir ni lus yin la/ /bzhi pa nyid ni gso ba yin//lnga pa rte'u sman yin te/ /drug pa phyi ma'i phyi ma yin/ /bya ba de dang de bstan pa/ /grub pa'i gnas ni bdun pa yin/ /gsang ba gnas ni brgyad pa ste/ /tshe yi rig byed bsdus pa yin/ /le'u'i rim pa nges pa ni/ /gnas gnas su ni ngas bshad bya//tshe yi rig byed byung ba dang / /de bzhin slob ma sbyang pa dang / /nges ba'i tshig dang byung tshul dang / /de nas mngal du chags gyur dang / /rang bzhin dang ni skye gnas dang / /de bzhin rigs ni bzhi dag dang / /yan lag thams cad brtag pa dang / /bshad pa dang ni tshad gzhal dang //yan lag bcu yi cha dbye dang / /sdug dang mi sdug shes bya dang / /tshad shes bya dang zas sbyor ba/ /mdzes dang mtshan gyi le'u dang / /de bzhin kha dog shes bya dang / /zhur mdangs dang ni thig le brtag /sha ra'i mdog ni bzang ngan dang / / 'dren ma rgyal bo'i bzhon pa dang / /mig brtag pa dang so brtag pa/ /gtsug dang na tshod shes bya dang / /tshe shes pa dang bcas pa dang / /dri dang skad gsang brtag pa dang / /'gros dang lus 'phel cho ga dang / /rgyug pa brtag dang gra ma can/ /nyes pa che dang snying stobs brtag /gzi mdangs brtag dang rigs brtag dang / /ston ka pa dang nyo 'tshong bcas/ /de ltar gnas ni dang po yi/ /le'u'i rim pa gnas ba yin// //dri ba chen po nyid dang ni/ /de bzhin sgo nga las byung dang / /rmen bu'i le'u gsum pa ste/ /nad shes bya ba rnams gsum dang //yid bde yid mi bde shes dang / /rlung 'khyil 'khrul pa shes bya dang / /rlung 'khyil gtugs pa shes bya dang / /de bzhin lto ba rgyas pa dang / /rtsub bar 'khyil ba'i le'u dang / /de bzhin gcin 'gags gso ba dang / /ri dgas ltar 'khyil ma 'dres 'khyil/ /rlung gi rmu rdzing gso ba dang //de bzhin khrag gi gcin nad dang / /ko ra du shas gnod gyur dang / /snum 'khyil pa dang rnam 'khyil ba/ /khrag 'khrugs nad ni gso ba dang / /khrag 'khrugs nad gzhi bzhi las gyur/ /khrag 'khrugs rjes la gso ba dang / /'theng dang rkang nad gso ba dang / / skye 'bru dbugs mi bde gso dang / /dbugs mi bde ba lud pa can/ /sna rnag dang ni mngon par tsha/ /rlung dang mkhris pa bad kan rims/ /'dus pa las gyur rims gso dang / /dus ni go bzlog las byung dang / /snad pa las gyur rims dang ni/ /yid kyi rims ni gso ba dang / / de bzhin 'khru ba mang po dang / /sman khu'i gong bu'i sbyor ba dang / /sbeg pa brtag pa'i le'u dang / /de bzhin rnga ma'i nad gso dang / /gzhar byung pa yi gso pa dang / /khrag dang mkhris pa gso pa dang / /so lhag byung ba gso ba dang / /'ug pa'i rkang 'dra'i le'u dang / /gdug pas zin pa'i mtshan nyid gso//smad pa'i mtshan nyid can le'u/ /dug gi shugs ni shes bya dang / /de bzhin dug gis zin gso ba/ /dug mdas phog pa zhes bya ba/ /gnyis pa'i gnas su bsdus pa yin/ /mngal chags zhes pa'i le'u dang / /de bzhin lus kyi rnam dbye dang //lus bskyed pa dang rtsa yi tshogs/ /yul dang tsha sogs bstan pa dang / /'phel dang 'bri ba shes bya dang / /ro drug gi ni bdag nyid dang / /nang gi bdag nyid can byung dang / /bya dang bya min brtag pa dang / /'dir ni zas skom cho ga dang / /de bzhin ljad pa'i ro yi tshogs//gso pa'i yan lag dbang byas dang / /long dang lkugs sogs bstan pa dang / /de bzhin skrangs pa gso pa dang / /gzhan yang rma gnyis le'u dang / /zug rngu khong brlag gdon pa dang / /zug rngu dbyung ba'i le'u dang / /sbubs kyi rma ni gso ba dang / /de bzhin chag grugs gso ba dang //chu bur gso ba nyid dang ni/ /rgod ma'i mtshan nyid brtag pa dang / /rlung nyen mngal gyi nyes pa dang / /mngal du shi ba'i nad gso dang / /ba la'i til mar dang bcas pa/ /le'u'i rim pa 'chad rnams kyis/ /gnas ni gsum pa yin par bshad//gso ba'i gnas kyi le'u ni/ /sems khong chud par byed pa dang / /ne ra ka yi nad gso dang / /rgan nad bye ba med pa nyid/ /a ba tang ka'i gso ba dang / /lce rings sna nad 'dzag byed dang / /sna nad gal la ka gso dang / /mgo nad rlung las gyur pa dang / / de bzhin mkhris pa las gyur dang / /bad kan las gyur khrag las gyur/ /'dus pa las gyur mgo nad dang / /glo bur srin bu las gyur pa/ /de bzhin rna ba'i nad gso dang / /mchi ma 'dzag pa gso ba dang / /rlung nad pa la sha nyid dang / /de bzhin kol nyes nad nyid dang //gzhan yang brang cha ba yi nad/ /tshe'u tshe'i nad ni gso ba dang / /gzugs 'khums gzugs gyong nad gso dang / /rmig pa rdul can nad gso dang / /sbal pa cha bar bshad pa dang / /mtshan ni 'phyang bar gyur gso dang / /rlig pa skrangs pa gso ba dang / /de bzhin rlig 'bras g.yos pa dang //khrag las gyur pa'i rlig nad dang / /de bzhin mkhris pa las gyur dang / /bad kan las gyur rnga ma'i nad/ /sna rengs de bzhin rgyab rengs dang / /lto ba gzhong 'dra'o nad gso dang / /mchu skrangs nad ni gso ba dang / /rlung nad thi ba lta bu dang / / mkhris nad sbrang bu lta bu dang / /ri dgas can dang ri dgas glal/ /chu 'dzin zhes bya'i nad dang ni/ /de bzhin snying nad rlung gyur dang / /mkhris pa las gyur snying nad dang / /gzhan yang bad kan can snying nad/ /srin bu las gyur snying nad dang / /rlung gi gzer dang lkog ma'i nad/ /snum chos nyes pa'i nad dang ni//lan tshwa'i sbyor nyes chang blud nyes/ /de bzhin 'bru zos nyes pa dang / /'o ma 'thung nyes chu 'thung nyes/ /sbubs las blud ni nyes pa dang / /brdung nyes bzhon pa pos snod dang / /lud pa gso dang mdze nad gso/ /gyen 'byung glo nad gso ba dang / / dregs dang nyes pa gso ba dang / /smyo nad gso dang mtshan mo bcom/ /gzhang 'brum gso dang rdo gso dang / /de bzhin g.yan pa gso ba dang / /skrangs nad gso ba nyid dang ni/ /gzhan yang ri bo can nad gso/ /yag lag phyogs gcig nad cong can/ /mgo 'khor chu yi rmu rdzing dang //chu lha'i gdon ni gso ba dang / /mig can 'gebs pa khan gso dang / /mig nad mig nad sgo nga can/ /chu bur can dang sngo mtshan nyid/ /ling tog can dang mchi ma 'dzag /ling nad ma 'dres mthong ba nyid/ /mig dmar dang ni mun dza can/ /mun dza'i drab can gso ba dang //thal mo byed pa can gyi nad/ /khrag 'khrugs pa yi nad gso dang / /tshigs su rma byung thong 'bab dang / /gnye'u rengs dang sbos nad gso/ /'khru ba gso ba zhes bya ba/ /gnas chen bzhi pa gso ba yin/ /rte'u'i gdon ni bstan dang bshad/ /'khru dang de bzhin rims dang ni//g.yan pa lkog nad sha lu ka/ /khor pa'i srin nad gcin krir bcas/ /bong bu can dang rlig rlugs dang / /gcin nad gze'u zhes bya ba/ /sbo dang brang nad ces bya ba/ /bkres pas nyen dang lung pa gso/ /zad byed dang ni ro hi ni/ /ri mo can dang sbal ba 'dra/ /mes tshig tshigs nad gcin dmar gso//yid mi bde dang rna ba'i nad/ /so nad dang ni 'jing pa'i nad/ /'gran nad lce yi nad bcas dang / /mig nad sna nad bcas dang / /rmig pa'i nad dang dbyig pa'i nad/ /sems 'khrul pa dang rdul nad bcas/ /sbrul gyis zin dang mes tshig gso/ /de bzhin chag grugs gso ba ni//lnga pa'i gnas su ngas bshad cing / /rte'u'i nang rnams gso ba yin// //rta khang pa ni brtag pa dang / /khang pa'i lha rnams mchod pa dang / /de gzhin gdon ni bsal ba dang / /dpal 'phel ba zhes bya ba dang / /rta rnams rjes su bsrung ba dang / /rnam rgyal rta ni dbang bskur dang //mche ba chag pa'i ltas bstan dang / /ltas kyi mtshan nyid gzhan bstan dang / /zhi ba bskyed par bya ba rnams/ /drug pa'i gnas su bsdus pa yin/ /dang por rjes btung cho ga ste/ /de 'og lan tshwa'i cho ga yin/ /snum dang lan tshwa chang dang 'bru/ /'o ma chu dang sbubs las byung //gnod pa'i nad ni bdun po yi/ /nad gzhi gso bar bcas bstan dang / /mar blud dugs kyi cho ga dang / /dur byid kyi ni til mar dang / /don grub ces bya'i til mar dang / /me bca'i las kyi cho ga dang / /mas gtong cho ga bstan pa dang / /gtsags bu las gyur nad bstan dang //de bzhin lta ba'i las bstan dang / /snum blud pa yi yon tan dang / /ro tsar byed pa bstan pa dang / /snum las gyur pa'i nad gso ba'i/ /bya ba bstan pa'i gnas 'di ni/ /bdun pa grub pa'i mtshan nyid yin/ /dang po ri mo las che brtag / de rjes nad kyis 'chi ltas bstan/ /nad med 'chi ltas bstan pa dang / /pho nya la sogs ltas bstan dang / /phye ma rnams kyi le'u dang / /sman mar dang ni til mar dang / /de bzhin sman khu'i le'u dang / /ma zhu sbyang ba'i sbyor ba dang / /so sor btung dang rjes su btung //mas gtong las kyi cho ga dang / /sna sman rnams ni bstan pa dang / /'jam rtsi sna tshogs bstan pa dang / /de bzhin phyi yi lde gu dang / /thal sman lan tshwa'i cho ga dang / /'bras bu gsum dang a ru ra/ /gu gul sgog skya'i cho ga dang / /mi la brtag pa dang bcas pa'i//khur bstan pa yi le'u dang / /de bzhin skyes bu dang bcas pa'i/ /shing rta dang sbyar cho ga dang / /sngags dang bya ba'i sbyor ba dag /mchog tu gsang ba nyid yin no/ /de ltar gsang ba mchog gyur pa'i/ /gnas kyi le'u yin shes bya/ /gnas brgyad yan lag brgyad dang bcas//rta yi tshe yi rig byed mchog /ma lus 'di ni tshangs pa che/ /zhal bzang bzhi dang ldan pas byin/ /legs ldan sha li ho tra yis/ /de skad rjes bstan smras pa yin/ /sha li ho tra'i gnas dang po las tshe'i rig byed byung pa'i tshul bstan ba zhes bya ba'i le'u ste dang po'o// // de nas sha li ho tra yis/ /legs thos la ni yang smras pa/ /slob ma sbyang ba zhes bya ba/ /legs thos de bzhin nga las nyon/ /slob ma rigs bzang yan lag tshang / /mtshan ldan dang bar bcas pa bya/ /bram ze sogs gsum gang yang rung / /gtsang ma bla mas slob tu gzhug /rta la shin tu brtse bas na//bram ze las ni slob ma gzung / /skye dgu skyong la brtson pa yi/ /rgyal rigs slob mar gzung bar bya/ /dmangs rigs rnams ni gso ba yis/ /'tsho ba tshol bas de yang gzung / /nyi ma byang 'gro bsod nams dus/ /gza' la mig dmar nyi ma dang / / tshes drug brgyad dang lnga dang bcu/ /tshes bzhi tshes ni bcu bzhi dang / /tshes gcig dang ni tshes dgu ni/ /rig pa rtsom la spang bar bya/ /tshes grangs lhag ma shis pa yin/ /gzhan yang skar ma nga las nyon/ /gang zhig 'jam dang myur ba dang / /g.yo dang gdug dang smin drug dang //tha skar ma gtogs mi rnams kyis/ /rig slob rtsom la rtag tu shis/ /skar ma yang ni 'di rnams dang / /thang cig kyang ni shis pa dang / /gza' ni ma smad pa rnams dang / /chu chod bzang la brtsam par bya/ /de lta'i dus ni shis pa la/ /slob ma gos gtsang bgos pa dang //bram ze mchod phyir thogs dkar btags/ /dri ni dkar pos byugs pa dang / /phreng ba dkar btags mkhas pa dang / /gos dkar bgos pa 'don du gzhug /de bzhin rgyal rigs rnams kyang ni/ /cha lugs thams cad dmar ba dang / / de bzhin dmangs rigs thams cad ser/ /lha rnams thams cad byed du gzhug /bram ze yis ni tshangs pa mchod/ /rgyal rigs kyis ni brgya byin te/ /dmangs rigs kyis ni rlung lha mchod/ /bye brag med par kun gyis ni/ /dbyangs can de bzhin dpal mo dang / /sha li ho tra mchod par bya//de rnams la ni me tog spos/ /kha zas phun tshogs kyis mchod nas/ /de yi 'og tu sa be tra/ /me la mar gyis tshim par byas/ /bram ze rnams la kha zas sbyin/ /de nas bu gcig yon byas pas/ /slob dpon la ni yon byin te/ /sa phyogs dag cing brgyan pa ru//slob ma nub tu bltas nas ni/ /slob dpon shar du bltas te brjod/ /rtag tu las la brtson pa yi/ /bu khyod kyis ni bslab par bya/ /srog gis kyang ni bla ma ngag /mnyes par byan nor ci smos/ /bla ma bram ze sa bdag la/ /bu yis 'khu bar mi bya ste/ /khyod kyis rta rnams la yang ni//'khu bar nam yang mi bya'o/ /nga yi kha las gang zos pa/ /de ni bu yis 'bad de slobs/ /de bzhin phongs par gyur kyang ni/ /glegs bam las re slob mi bya/ /glegs bam las ni gang bslabs de/ /'jig rten gnyis ka dag dang 'gal/ /dang po 'di dag thams cad ni//gso ba bu yis bslab par bya/ /ma bslabs pa ni spangs nas kyang / /gang smras 'di ni mnyan par gyis/ /bco lnga gnyis dang bcu bzhi gnyis/ /tshes brgyad dang bcas sa 'gul dang / /bu btsas shing drung nyid dang ni/ /mi gtsang bas ni khyab gnas dang / /bdag nyid mi gtsang ba nyid dang //nad kyis sems ni rmongs pa dang / /rlung ni chen po rgyu ba dang / /de bzhin 'brug sgra sgrogs pa'i tshe/ /'di bslab pa ni spang byas la/ /bu yis bstan bcos gzung bar bya/ /bstan bcos gzung ba byas nas ni/ /bstan bcos don ni gzung bar gyis//bstan bcos don ni gzung byas nas/ /de 'og las la goms par gyis/ /bstan bcos shes pa 'ba' zhig la/ /las kyi bya ba tsam mthong ba/ /gso ba'i las la 'jug par ni/ /de dag gnyi ka don med 'gyur/ /gso ba'i las la 'jug pa na/ /khyod kyis rta ni rtag tu skyongs//mi bzad nad kyis nyen na yang / /khyod kyis spang bar mi bya'o/ /rta gang gsor ni mi rung ba/ /de yang rigs pas gso bar bya/ /ma gsos na ni nges par 'chi/ /gsos kyang nges pa med gyur pa'i/ /nad kyis gdungs par gyur pa gang / /nad ni gzhan la 'go bar 'gyur//bstan bcos las de spang bar bshad/ /spang tshul de yang nga las nyon/ /de ni rta bres las ring bar/ /srung ma dang bcas gzhag par bya/ /na ba'i rta ni gang yang rung / /gtan spang ba ni rigs ma yin/ /nad dang sbegs dang rgas pa'i rta/ /gtan spang bram ze gso dang mtshungs//rta ni mtshan nyid ngan gyur pa/ /nyo ba'i dus su blang mi bya/ /gang zhig rang gi khyim du skyes/ /bram ze gzhan yul pa la sbyin/ /ltas ngan byung bar gyur na ni/ /'di nyid sbyin pa gtang bar bya/ /mi 'tshe ba ni tshe skyi mchog /sems can la brtag brtse bya zhing / / de bas ci tsam gso nus pa/ /de tsam zhig ni gzhag par bya/ /bde bar 'jog par nus gyur las/ /lhag par 'jog pa 'bad mi bya/ /rta ni sdug bsngal bar bzhag na/ /chos don 'dod pa 'joms par 'gyur/ /gzhan yang rgyal po'i sa skyong ba'i/ /bya ba rta la rag las pas//de la khyed kyis gus bya zhing / /de bzhin slob dpon bla ma dang / /bram ze la yang gus par bya/ /des ni khyed kyis dpal thob 'gyur/ /de las gzhan du byed na ni/ /ltung las nye bar ltung bar 'gyur/ /dmyal bar rang ni ltung ba dang / /nges par ldan pa nyid du 'gyur//dam pa'i lam la gnas na ni/ /grags dang bsod nams tshe ring dang / /chos don 'dod pa ma lus pa'i/ /dpal mchog 'bad pa med par 'thob/ /de skad brjod nas slob ma yis/ /khas blang de rjes slob dpon gyis/ /dus shis pa la ma yengs par/ /slob ma de ni slob tu gzhug /de yi 'og tu rgyun du ni/ /mkhas pa rtag tu brtson pa yin/ /bya ba ci bzhin rdzogs bar du/ /slob ma de ni slob tu gzhug /de ltar rig pa byin pa yis/ /bla mas slob mar bslab pa yin/ /slob dpon dang ni slob ma dag /'dod 'jo ba ltar zad med 'gyur//sha li ho tra'i mdo'i gnas las slob ma sbyang ba'i le'u ste gnyis pa'o// //de nas sha li ho tras bu/ /legs thos la ni yang smras pa/ /gang phyir 'di ni dpal mo'i bu/ /de phyir mchog tu bkra shis yin/ /gzhan yang rta yi mchod sbyin la//rta ni dgos pa nyid yin pas/ /de bas shin tu dag byed de'ang / /'di ni bkra shis dam pa yin/ /ri dgas dang ni thag ring 'gro/ /de bzhin g.yul gyi las rnams la'ang / /rgyal po rgyal byed pa yi rgyu/ /rta las mchog gyur yod ma yin/ /rta yi mchod sbyin dag la ni//skye dgu'i bdag gis longs spyod cig /de bas mchod sbyin thams cad la/ /de ni spyad bya nyid yin no/ /de phyir shin tu gtsang bas na/ /kun la rjes su gnang ba yin/ /de phyir tshangs pa ma gtogs pa/ /thams cad kyi ni zas ma yin/ /rta yi mchod sbyin las lhag pa'i//dag byed mi la yod min pas/ /rta ma gtogs par sa gsum na/ /bkra shis mchog gzhan yod ma yin/ /rnag can myur 'gro lam las rgyal/ /'gros legs 'phrog byed las rdzogs dang / /mgyogs dang mgyogs 'gro myur 'gros can/ /dpal mo'i bur yang bshad pa yin//'jig rten na ni sna che bas/ /de ni sna can zhes byar bshad/ /rtag tu 'gro bas mgyogs 'gro yin/ /lam du rgyal bas lam las rgyal/ /'gros legs ldan pas 'gros can yin/ /dbang med khyer bas 'phrog byed de/ /las rnams rdzogs par byed nus pas//las rdzogs zhes ni tshangs pas bshad/ /mgyogs pa dang ni mgyogs 'gro dang / /de bzhin myur 'gro can zhes pa/ /de ni mgyogs pa kho nar bshad/ /'di dag nges tshig tshal yin no/ /rta ni dpal mo'i bu yin pas//dpal mo'i bu zhes bshad pa yin/ /mtshan dang rigs ni bzang ba dang / /dpa' pos bzhon zhing byang ba yi/ /rta ni stong gis sa bzhi dag /ma lus pa las rgyal bar nus/ /mtshon thogs pa yis mi thub pa'i/ /gnas der stobs che ba yi rtas/ /'phral du rgyal bar nus pa yin//de phyir khyed kyis de la ni/ /shin tu gus shing brtse bar bya/ /rgyal po sman pa'i chos don dang / /phun tshogs pa yang gzhan las min/ /sha li ho tra'i mdo'i gnas las nges pa'i tshig gi le'u ste gsum pa'o// //sha li ho tra blo gros che//rta yi gnas na 'dug pa la/ /legs thos thos pa phun tshogs pas/ /slar yang pha la dris gyur pa/ /rta ni ci ltar byung bar gyur/ /mchod sbyin 'tsham pa ci ltar 'gyur/ /de ni dang por rgyal po dag /gang gi bzhon pa nyid du 'gyur/ /de yi rigs bzhi ci lta bu/ / de lta bur ni ci ltar 'gyur/ /ci yi phyir ni de 'drar 'gyur/ /de dag shes par 'tshal lags so/ /de yi tshig ni thos pa dang / /sha li ho tras smras gyur pa/ /'di na rgyal po'i chos kyi mchog /sa rnams yongs su skyong ba yin/ /de yang dpung gis byed par nus/ /dpung gi mchog ni rta rnams yin//de phyir rang don la mkhas pa'i/ /rgyal po'i chos don 'dod don du/ /yang ye rnam pa thams cad du/ /'bad de rta rnams bsrung bar bya/ /chos dang grags 'dod sman pa ni/ /bstan bcos mkhas gyur pas kyang bsten/ /de bas de rnams lha dang ni//mi ni ji ltar byung ba bshad/ /rigs dang nye ba'i rigs dang tshe/ /na tshod shis dang mi shis dang / /gtsug dang gdong dang thig le dang / /'tsher dang 'gros kyi rim pa dang / /mtshan ngan gnyen po mchan khung dang / /'byung dang bzhon ba'i bya ba dang //nad med nad ni rgyas pa dang / /rna ba rnams kyi sman dang ni/ /de bzhin sman ni byung ba yi/ /go rims ci bzhin nyid dang ni/ /spu mdog mdog 'dres khyad par dang / /spu mdog dag dang mig dag dang / /rang bzhin snying stobs dag dang ni/ /ston ka skyes pa'i mtshan nyid de//'di dag thams cad mdor bsdus nas/ /khyed la legs par bshad par bya/ /lha rnams kyis ni mngal skyes dang / /mngal med byung ba gnyis su bshad/ /sngon tshe 'jig rten zhig gyur cing / /'jig rten 'di ni med pa'i tshe/ /'byin byed me la sbyin sreg ni//byas pas dang por tshangs pa dang / /rta pho de rjes rgod ma mchog /rang gi skye gnas dag tu bskyed/ /gzhan yang skye dgu'i bdag mo yi/ /mchod sbyin la ni tshangs pa yi/ /mchi ma byung ba dpal mo ni/ /dga' bas snyim pa sbyar bas blangs/ /de yi yan lag las byung ste//rta rnams bram ze'i rigs sogs gyur/ /kha dang dpung pa brla gnyis dang / /rkang pa gnyis las go rims bzhin/ /g.yas g.yon las ni pho mo ste/ /tshangs pa las rta de ltar skyes/ /'o ma'i rgya mtsho bsrubs pa'i tshe/ /rta dang bdud rtsi lhan cig byung //de ming u tsa sra ba ste/ /sgra ni sprin chen lta bu yin/ /rgya mtsho de las nam mkha' la/ /shugs kyis rnam par 'gro ba na/ /lha min stobs dang lha 'khrug pas/ /phyi rkang gnyis ni bzung bar gyur/ /stobs chen stobs ldan gyis drangs pas/ /dpyi ni cung zad nyams par gyur//de bas rta rnams da rung mi/ /dpyi ni myur bar mi 'debs shing / /ngal so ba na rkang pa ni/ /phyi ma res kyis dal bar 'degs/ /tshangs pa'i bur gyur gtum po ni/ /dmod pa yis ni 'ug par gyur/ /yid 'ong yid kyi mchod sbyin ni/ /ri dgas mor gyur de gnyis 'dus//de la sgo nga sna tshogs pa/ /du ma byung bar gyur ba yin/ /lte ba man chad mes gdungs pa'i/ /rdul ni thal bar 'dzag gyur pa/ /de las kyang ni kha dog rnams/ /tha dad bong pho bong mor gyur/ /sgra skad rtsub cing rno ba dang / /rang bzhin rtsub cing rkang pa rtsub/ /de yang rta dang lhan cig byung //skye dgu'i bdag gi gnas na 'dug /de nas de dag rmongs pa yis/ /de yi sbyin sreg khang pa brlag /des ni de la bsad dang bcings/ /sgro bcad rtswa ni za ba dang / /lha dang mi yi bzhon pa ni/ /nyid gyur cig ces dmod pa btab//rta de yid ni khums gyur nas/ /skye dgu'i bdag la gsol ba btab/ /de nas de la mgu gyur nas/ /mchog 'di thob par gyur ba yin/ /rta yi mchod sbyin la bsad dang / /g.yul du g.yo bar gyur pa dang / /legs par sbyin pa btang pa na/ /bsod nams khyed kyis thob gyur cig /de bzhin du ni yon gnas kyi/ /mchog nyid du ni rta gyur cig /dad pas dge sbyong bram ze la/ /rta rnams byin par gyur na ni/ /rta yi ba spu ji snyed par/ /lha yul du ni skye bar 'gyur/ /sbyin pa btang pa'i rta yang ni/ /'gro ba'i mchog tu 'gyur ba yin/ /de nas skye dgu'i bdag po yis//tshig gis 'dus nas kha ba can/ /sha li ho tra la 'khur zhing / /drang srong rnams dang lhan cig rtse/ /stobs ldan u tsa sra ba ni/ /zhon nas lha rnams gzir bar byed/ /lha kun mngon mtho 'dod pa yis/ /sha li ho tra la gsol btab/ /de nas lha la bzhon pa'i phyir//ji ltar 'dod pa bzhin du byin/ /zla ba la dkar lha chen la/ /ljang gu khyab 'jug la rta ser/ /marka ta mdog 'dra nyi ma la/ /me lha la dmar gshin rje nag /pad+ma dkar 'dra chu lha la/ /sngo dang khra bo tha skar gyi/ /bu gnyis dmar po rlung lha la/ /lha rnams gzhan la sna tshogs pa//rang rang ji ltar dga' ba ni/ /'di 'dra yid 'phrog byed pa byin/ /lag ma'i rta ni skye dgu'i bdag /yid ches byas pas blangs nas ni/ /de yis mi yi rgyal po la/ /ci rigs bar ni bgos te byin/ /gshog pa bcad pas de rnams ni/ / na gyur slar yang me yis bsregs/ /nad gdungs sha li ho tra la/ /'khus par gyur te khro ba yi/ /mche ba bcad nas stobs kyis ni/ /de gnyid log pa bza' snyam na/ /de tshe drang srong mi snang gyur/ /de nas rta rnams zos snyam nas/ /dga' bas rta spangs 'byin cing snom/ / de phyir rta rnams da rung yang / /rta spangs btang nas snom par byed/ /skye dgu'i bdag gi khyim bdag tshe/ /ha ha zer bas ha yar bshad/ /bya ltar gshog pa mgyogs 'gro bas/ /mgyogs 'gro zhes ni bshad pa yin/ /lam rdzogs mgyogs pas byed pa ni/ /'phrog pa 'tsher ba nyid la'ang bya//lha rnams kyis ni rta byung ba/ /rnam pa bzhi ste du ma'ang yin/ /bong bu rgod ma la dre'u/ /bong bu bas ni bzang bar 'dod/ /dre'u las skyes ki na yin/ /de las skyes pa ki sa ta ta/ /ki sa ta ta'i bu chu bur can/ /chu bur can bu bong bur gyur/ / rang dang rta yi skye gnas te/ /bong bu'i skye gnas gnyis su 'dod/ /bong bu dang ni rta sogs la/ /lugs su 'byung dang lugs las bzlog /de ltar rigs kyi dbye ba 'di/ /go rims bzhin du brjod pa yin/ /rta rnams kyi ni 'byung ba dag /slar yang 'od chen bka' stsol cig / 'o ma'i rgya mtsho las byung nyid/ /thams cad shes par 'tshal lags so/ /bu yis de ltar dris pa dang / /sha li ho tras smras pa ni/ /skye dgu dang po byung ba'i tshe/ /'tsho ba'i 'jig rten bde gnas gyur/ /de rjes lha dang lha min gyi/ /'jig rten kun la tshangs pa yis/ /'jig rten thams cad khyab byed pa'i//skom gyis gdungs pa nyid du byas/ /'jig rten pa yi srog chags rnams/ /slar yang rgyug cing 'gro bar byed/ /lha dang lha min sha za dang / /lto 'phye srin po de rnams kyang / /stobs dang ldan pa'i skom gyis ni/ /gdungs bas nye bar zin par gyur/ /lha dang lha min kha zas dang //mal stan la ni dga' med gyur/ /de rnams de ltar sems pa na/ /de yi tshe na blo skyes pa/ /gang 'di chu yi snying por ni/ /gnas der bdag cag skom sel gyur/ /de nas ri bo man+dAr/ /grags ldan srub shing nyid du byas/ /klu yi rgyal chen mtha' yas ni//srub zag tu ni yang dag sbyar/ /der ni phyogs gcig lha rnams te/ /phyogs gcig tu ni lha min gnas/ /srub thag 'dren zhing mtsho chen ni/ /'jigs pa'i sgra rnams bsrubs pa na/ /mtsho chen der ni lha dang mi'i/ /sman ni rtsa ba lo ma dang / /'o mar bcas pa bsdus nas ni/ / thams cad bcug pa nyid du 'gyur/ /gzi brjid che zhing gzi brjid can/ /ro la sogs pa 'byung zhing dge /me tog ser dang go sring gi /de bzhin sor mo la spyod dang / /mdangs ldan dzA ti sa ra dang / /'tsho byed 'chi ba gso byed dang / /de bzhin rma 'tsho byed la sogs//gzhan yang tshangs bas gang sprul ba'i/ /bcu dang mthu stobs bsam mi khyab/ /sman rnams mtsho chen der bcug ste/ /rgya mtsho bsrubs par gyur pa na/ /de tshe dang po kho nar ni/ /dpal mo la sogs byung par 'gyur/ /gang gis nang par brjod na ni/ /rmi ngan la sogs 'jig byed pa'i//dge ba zhes bya'i rin po che/ /brgyad ni chu las byung bar gyur/ /nyi ma bzhon pa'i shing rta ni/ /'dren pa'i rta dang lha yi chang / /de bzhin nor bzang ko thub/ /nor bu'i rna cha bzang po dang / /bdud rtsi zhes bya'i sman dang ni/ /bdud rtsi nyid kyang byung bar 'gyur//bstan bcos thams cad 'dzin pa'i mchog /sman pa thang la 'bar dang ni/ /sgra mtho zhes ni bya ba rta/ /snying stobs che zhing stobs che la/ /'brug dang rnga yi sgra dang ni/ /dung dang rnga chen sgra 'dra ba/ /gang zhig skad gsang mthon po yis/ /sgra des ming du btags pa ni/ / de tshe lha dang lha min gyis/ /sgra mtho zhes ni bya bar btags/ /sprin dkar gyi ni mdog 'dra zhing / /mgyogs shing bdud rtsi las byung ba/ /mdangs ldan rgya mtsho chen po las/ /byung ste mkha' la 'gro bar byed/ /stobs ldan zhes bya'i snang byed bus/ /de yi rkang pa gnyis las bzung //de tshe lha min thams cad kyis/ /man+dAr dang de bzhin du/ /klu yi rgyal po bor nas ni/ /rta yi rin chen la 'jus te/ /'o ma'i rgya mtsho spangs nas ni/ /sa gzhi 'dir ni phyin par gyur/ /lha min bum pa mnyam pa dang / /de bzhin sems rab 'phags pa dang / / me 'dra ba dang 'dod lha dang / /gnod skyobs gser mdog ces bya ba/ /chu bur zlum po zhes bya bas/ /stobs ldan la ni tshig 'di smras/ /gang gis dpal thob 'gyur pa yi/ /don gnyer rin chen thob pas na/ /bdag cag lha dang mi rnams la/ /'jigs ba 'byung bar mi 'gyur ro/ / rtag par rab tu dga' byed cing / /thams cad stobs kyis dregs pa dang / /lha min skyes bu thams cad ni/ /dga' zhing mgu ba nyid du bya/ /de nas stobs ldan yid dga' bas/ /des ni lha rnams la smras pa/ /rgya mtsho chen po bsrubs pa las/ /rin chen gang zhig thob gyur pa/ /de ni ba la byin pas na//gzhan gyis de rnyed 'on ma yin/ /lha rnams kyis kyang tshig smras pa/ /bdag cag gi yang rtsal yin pas/ /rin chen khyod ni gcig bu'i min/ /khyed dang bdag cag thun mong yin/ /de nas lo ni khri yi bar/ /skar ma'i tshad kyis g.yul 'byed de/ /lha dang lha min g.yul ngor ni//dpung tshogs ldang zhing ldang zhing 'thab/ /de tshe stobs ldan sgra mtho ba'i/ /stobs mgyogs ldan pa'i rta zhon nas/ /lha rnams kyi ni dpung gi tshogs/ /chen po dag kyang brlags par gyur/ /gang yang der ni lha rnams kyis/ /g.yul du bsad pa'i lha min rnams/ / rta dbang de yis bsnams pa dang / /yang dang yang du slar 'tsho gyur/ /de nas lha min chen po yis/ /bsad par gyur pas rmongs nas ni/ /skyabs 'dod pa yis tshangs pa la/ /skyabs su nye bar song bar gyur/ /legs ldan stobs chen ldan pa yi/ /lha min g.yul gyis pham par bgyis//legs ldan gyis ni bdag cag la/ /bzhon pa bzang po stsal ba'i rigs/ /bdag cag gis kyang lha min gyi/ /g.yul ngo'i gnas las rgyal bar bgyi/ /de nas tshangs pa skye dgu yi/ /bdag pos de la smras pa ni/ /phyis 'byung ba ni gang yang rung / /nga nyid kyis ni sngar shes te//gang tshe gang gis ci tsam 'gyur/ /'di ni kho bos sngar shes pas/ /nga yis sngon tshe rta sprul bas/ /deb ni nas steng 'gro ba dang / /bar snang dang ni sa 'og gi /rgyu dang mi rgyu gang yin dang / /srog chags rnams ni gang ci'ang rung / /de dag thams cad mngon sprul to/ /mchod sbyin bzhon pa'i don du ni//rta yang nga yis sngon phyung ste/ /sbyin sreg byed tshe nga yi ni/ /mchi ma 'dzag par gyur pa de/ /dpal mo yid ni dga' ba yis/ /lag pa gnyis kyis blangs par gyur/ /de las der ni rta byung bas/ /de phyir dpal mo'i bu zhes bya/ /der ni lag pa g.yas pa yi//mchi ma las ni rta phor gyur/ /g.yon pa'i mchi ma las rgod ma/ /snying stobs ldan dang mgyogs mdangs ldan/ /dpal mo'i lag pa'i nga'i mchi ma/ /der ni rta de bram ze'i rigs/ /nga yi mchi ma dpal mo yi/ /lag pa gnyis las 'dzag gyur pa//brang na gnas pa rgyal rigs te/ /g.yul ngor sra bar shes par bya/ /lte ba brla yi rje'u rigs te/ /rkang pa 'dzag pa dmangs rigs yin/ /der ni g.yon ngos rgod ma ste/ /g.yas ngos kyis ni rta por bshad/ /'di rnams phan tshun 'dus pa ni/ /rigs bzhi dag tu bshad pa yin//de ltar rta rnams yang dag byung / /yid ltar mgyogs zhing mdog ldan te/ /mdog gcig mdog ni 'dres pa dang / /sna tshogs mdangs kyis phye ba dang / /thig le can dang kha dog mnga'/ /mtshan ma can dang zhur pa dang / /rkang dkar rdog ma mun ja 'dra/ /rgyal mtshan dkyil 'khor 'dra ba dang //rnga rngog mdog ni mang ba dang / /khra bo thig le phra ba dang / /'dams mdog se ba nyid dang ni/ /dkar la rngog ma gnag pa ste/ /phal cher kha dog sna tshogs shing / /ba spu snum zhing bzang ba dang / /tshad dang ldan zhing mig bzang la/ /ro stod mtho bar gyur ba dang //dbus phra gsus khyim chung ba dang / /mchu legs brang zheng yangs pa dang / /rngog ma rked pa rmig pa bzang / /pags srab spu mtshams phra ba dang / /yid du 'ong zhing phum phum bzang / /snying stobs ldan zhing rkang mdog mthun/ /lus las skyes pa'i gshog pa bzhi/ /nam mkha' 'gebs pa lta bu dang //yan lag dang ni nying lag rnams/ /lha yi char ldan gzi brjid che/ /dpal ldan byung ba dpal ma'i bu/ /tshangs pa'i mchi ma las byung mgyogs/ /me yis gdungs pa las gyur pa'i/ /lte ba las mi byung ba'i rdul/ /thal bar 'dzag gyur de las ni//bong bu dang ni bong mor gyur/ /rna ba ring zhing mjug mar ldan/ /gzhung thig phra zhing rmeg pa sra/ /skad gdangs rtsub cing khur sran che/ /gang zhig rtsub pa bong bu yin/ /thal ba las ni skyes pa'i phyir/ /de bas bong bu thal mdog ldan/ /de dag de ltar gyur nas ni/ /skye dgu'i bdag mo'i gnas na 'dug /de nas dregs pas rtse ba dang / /sreg rdzas dgang gzar blugs gzar dang / /gzhong pa snod dang bum pa bsnams/ /rmongs ba'i rta yis rab tu brlag /'jag mag thal bas khyab pa yi/ /mi gang de ni mthong ba dang / /dang khra khros par gyur nas na//rta rnams dmod pa btab par gyur/ /gshog bcad mtshan ni nub pa dang / /sa la rgyu zhing tshig mi 'don/ /lha rnams dang ni mi rnams kyi/ /bzhon pa nyid du song gyur cig /de thos sdug bsngal gyis gdungs te/ /de tshe rta rnams dang khra ni/ /de nyid la ni skyabs song nas//slar yang rjes su phan btags byas/ /rta yi mchod sbyin 'bras bu ni/ /bsod nams don du 'gro gyur cing / /mchod pa bzang po thob gyur cing / /bsod nams 'jig rten gyis thob shog /phan btags thob pas de dga' ste/ /dang khra la ni bskor bar byas//mgo bos phyag byas bdag cag gis/ /ci zhig bgyis zhes tshig tu smras/ /dang khras der ni lung bsgo ba/ /kha ba can du khyed song la/ /ri 'dab yid du 'ong ba dang / /chu dang ldan par gnas par gyis/ /de skad smras nas rta rnams ni/ /dga' ba ri rgyal dag tu song / / sbyin sreg bshigs pas khros pa na/ /dang khras ha ha zhes bzlog pas/ /de phyir 'di la ha yi sgra/ /rta rnams la ni btags pa yin/ /ri bo dam pa de ru ni/ /rta rnams gnas par gyur bas ni/ /gang zhig 'dod pa spyod gyur pa/ /rigs ni 'dres par gyur pa'i rgyus/ /rta dang bong bu de dag gi /skye gnas 'dre bar bshad par bya/ /bong bu rta la 'jug gyur pa/ /gang yin de las dre'u 'byung / /dre'u dang rgod ma dag las ni/ /go ri zhes ni bya ba skye/ /go ri rgod mar 'jug pa las/ /ki ni zhes ni bya ba skye/ /ki ni rgod ma las skyes pa/ /kis ta ta zhes bya ba yin//ki sa ta ta dang rgod ma las/ /chu bur can zhes bya ba yin/ /chu bur can dang rgod ma las/ /slar yang bong bu zhes byar bshad/ /bong bu 'ong bar mthong na ni/ /rta ni thams cad rmongs par 'gyur/ /bya ba mang zhing bslab par dka'/ /de phyir bong bu bzhon dgra yin//de ltar 'di ni dre'u ste/ /ma 'dres 'jug las rta nyid yin/ /rang dang rta yi skye gnas te/ /bong bu'i skye gnas gnyis su 'dod/ /rta rnams gzhan gyi mngal du ni/ /'khrig pa spyod par mi byed la/ /gal te byed par gyur na ni/ /yul de 'jig par shes par bya//de ltar nga ni rta 'byin la/ /mchod sbyin don ni phyugs kyi mchog /dgra 'joms rgyas byed la sogs pa/ /rgyal po rnams kyi dpung gi mchog /de nas kha don la dga' zhing / /sbyin sreg byed la rab gzhol ba/ /gzhon nu tshangs par spyod la gnas/ /sha li ho tra dka' thub che//kha ba can gyi ngos kyi nags/ /lha yi tshal 'drar 'ongs par gyur/ /de ni de ru gnas bcas nas/ /ri yi tshogs ni nyams dga' zhing / /ri dgas tshogs ni du mas khyab/ /mi'am ci ni sna tshogs gnas/ /bya tshogs du ma sgra sgrogs shing / /dri za'i bu mo rnams kyis bskor/ / grub dang drang srong rol ba yi/ /tshogs dang lha rnams dag gis mdzes/ /me tog 'bras bu mang po yis/ /nyams dga' ne'u gseng bzang pos khyab/ /shin tu yid du 'ong ba'i gnas/ /nyams dga' der ni gnas par gyur/ /der ni phye leb yan chad kyi/ /yi dgas la sogs sna tshogs gnas//rta dang dri za mi'am ci/ /ne'u le sbrul dang bya rnams ni/ /seng ge stag dang pag dang ni/ /glang po'i dbang po spre'u dang dom/ /de la sogs pa mang po ni/ /sha li ho tra drang srong che/ /bdag nyid thul cing gtsang ba yis/ /gnas dang nye bar 'khod pa na//sha li ho tras rta de rnams/ /bu dang 'dra bar yongs su bskyang / /kha ba can gyi ngos na rtse/ /sha li ho tra'i dbang du gyur/ /de bas lha rnams myur du ni/ /sha li ho tra'i gnas su song / /der ni khyed la bzhon pa mgyogs/ /sha li ho tra ster bar 'gyur/ /lha mchog tshangs pas de skad du//lha rnams la ni smras pa dang / /dga' bas de ltar bgyi zhes te/ /de rnams ri mchog de ru chas/ /de nas skad cig tsam gyis ni/ /brgya byin gshin rje chu lha dang / /dpal ldan nor gyi bdag po dang / /bcas pa drang srong gnas su song / /phyin nas bsti gnas gnas de la//snyan pa'i tshig ni 'di skad smras/ /drang srong khyed ni gang gi phyir/ /dka' thub gnas bcas dka' thub grub/ /chur spyon grub dang drang srong tshogs/ /mi bzad pa yi gnas su dengs/ /de nas ngas ni dgra 'joms pa'i/ /brgya byin la ni der smras pa/ /nga la dka' thub yang spyad pa//mi dgos de ltar bya zhes smras/ /de nas nga la gshin rje yis/ /snyan pa'i tshig ni 'di skad smras/ /rga med 'chi med zad med pa/ /lha yi dbang po'i gnas 'dra ba/ /'jig rten kun na gang bzang pa'i/ /gnas de nga yis sbyin par bya/ /zas dang stan dang mal khri dang //spyod lam ci bde gnas med pa'i/ /nags tshal 'dir ni dka' thub can/ /khyed ni ji ltar dga' bar gyur/ /brgya byin bcas pa'i lha mchog ni/ /kun la nga yis lhar smras pa/ /rtsa ba 'bras bu nga yi zas/ /gos ni shing shun ri dgas pags/ /'don dang sbyin sreg byed pa na//mthar thug med par nga'i blo 'jug /ri dgas tshogs kyang rtag tu ni/ /kho bo'i bsti gnas dag tu 'ongs/ /glo bur lhags pa gzhan dag dang / /gshog thogs dag ni blta bya yin/ /de dang lhan cig gnas bya yin/ /lha yul 'dod pa nga la med/ /de nas dgra thub gshin rje yis//nga la yang ni slar smras pa/ /gang dang 'grogs na khyed dga' ba'i/ /gzugs sdug ri dgas bya tshogs dang / /gshog pa yod pa'i rkang bzhi pa/ /thams cad bdag cag la bstan gsol/ /nga yis de ltar khas blangs te/ /ri dgas bya tshogs de dag kun/ /ji srid mthong bar gyur gyi bar//lha rnams yud tsam 'dug par gyis/ /de nas lha rnams mkha' las ni/ /phyogs rnams kun nas 'ongs gyur cing / /ri rtse chu bo rnams las kyang / /brang gi phyogs ni ston cing 'ongs/ /de tshe rta phran bar snang la/ /yid du 'ong ba'i skad du 'cher/ /rnar snyan pa yi sgra dang ni//gshog pa'i rlung ni yid 'ong ba'i/ /sgra des mdangs dang ldan pa yi/ /sgra des ngo mtshar skyes par gyur/ /lha rnams dga' bas nga la ni/ /snum zhing yid 'ong zab pa dang / /rjes mthun sgra ldan pa snyam dga'/ /e ma'o mtho ris mtshungs zhes smras/ /kye ma'o khyod ni nyams dga' bar//gnas par gyur pa legs so legs/ /kye ma'o ri dgas gzugs bzang zhing / /nyams stobs snying por mgyogs par ldan/ /lha dang mi ni su la yang / /'di 'dra'o bzhon pa yod ma yin/ /bdag cag 'di la zhon nas ni/ / 'gro na nges par rgyal bar 'gyur/ /khyod kyis bdag cag la gsol cig /ci ltar bzhon par gyur pa yi/ /thabs de drang srong mchog gis ni/ /yid la bdag cag bsam par 'dod/ /de nas de skad smras pa yi/ /lha mchog rnams la ngas lan smras/ /lha min brlag pa'i don dang ni//de phyir khyed rnams rgyal phyir dang / /bram ze rnams kyi mchod sbyin phyir/ /tshangs bas rta ni sprul ba yin/ /de bas tshangs bas nga bsgo bas/ /khyed rnams shas cher dga' 'gyur pa'i/ /bzhon pa rnams kyi dam pa ni/ /ma lus par ni sbyin par bya/ /lha yi dam pa khyed rnams ni//bram ze'i yul du 'gro bar gyis/ /der ni 'dul thabs bya ba dag /'ongs nas bya yi gzhan du min/ /der song de rjes nga yis ni/ /rta ni ji snyed bod par bya/ /de nas nga yis rta rnams kun/ /bsdus nas tshig ni 'di skad smras/ /bla ma mkhan po mja' ba dang / / gnyen dang rang mi rnams kyang ni/ /ring par blta bar nga 'dod la/ /khyed rnams la yang mgron du 'bod/ /der ni 'bras bu mung+ga dang / /ma sha nas dang til dag dang / /sA lu drug cu pa dang 'bru/ /rtswa ni mtho zhing 'jam pa dang / /chu bo ne'u gsing rnams kyang yod/ /de'i nags gzar po ma yin na//nga dang lhan cig 'gro bya'am/ /yang na 'di ru gnas par gyis/ /de nas nga la rta kun gyis/ /snyan pa'i tshig tu 'di skad smra/ /nags tshal stong pa 'di mthong na/ /bdag cag shas cher yid skyo bas/ /khyed ni gang du 'gro 'gyur ba/ /bdag cag der 'breng gzhan du min//khyed kyi rjes su 'brangs te ni/ /'gro ba bdag cag rab tu bsngags/ /de nas nga na rtas bskor zhing / /bde gnas dgra dang lhan cig tu/ /gang du lha dang dus btab pa'i/ /bram ze'i yul du phyin bar gyur/ /des ni a shwad+tha yi rtswar/ /gtsub shing las ni me phyung ste//sbyin sreg nga yis byas nas ni/ /lha dang srin po tshim par byas/ /de nas yul de'i sa mtshams kyi/ /nye 'khor kun tu khyab nas ni/ /rta de dag gis 'bru dag ni/ /thams cad za ba nyid du 'gyur/ /de nas 'bru de brlag gyur pa/ /bram zes mthong nas khros pa yi//yid kyis mig ni dmar po dang / /de la tshig rtsub 'di skad smra/ /sngon ni dka' thub la gnas pa'i/ /bral ze gzhan dag 'dir 'ongs tshe/ /dka' thub tshangs par spyod pa dang / /'don dang sbyin sreg byed pa yis/ /lo grangs mang por 'dir gnas shing / / de bzhin yams kyang zhi byed na/ /khyed ni ri dgas 'di 'dra ba/ /khyer te yul du ji ltar 'ong / /lam gang nas ni khyed 'ongs pa/ /de las slar ni 'gro bar gyis/ /khyed kyi yams 'di bdag cag gis/ /bzlog par nus pa ma yin no/ /bram ze khros pa de la ngas/ /bzod gsol sngon 'gro'i tshig 'di smras//rta rnams 'bru ni za ba dang / /khyed la 'tshe bar nga mi dga'/ /sbyin sreg byed pas nga brel bas/ /khyed la gnod pa ngas ma bkag /de nas nga yis rta rnams ni/ /thams cad bsdus nas 'di skad smras/ /nga la yul gyi mi rnams ni/ /ci skad smras gyur pa la ltos//'di dag mgu bar bya ba'i phyir/ /re zhig khyed ni legs par bcing / /de nas mtshan mor gyur pa dang / /slar yang ci dgar spyad par gyis/ /de nas bcings pa'i tshor pa ni/ /ma myong pas na bcing par lhags/ /lha rnams ltad mo skyes pa yi/ /yid kyis nga la yid ches 'gyur//de nas chu lha rang nyid ni/ /bos nas zhags pas rta rnams ni/ /yan lag lngar bcas shing la ni/ /go rims bzhin du bcings par gyur/ /bcings pa'i rjes la stobs yod kyang / /'gul bar gyur pa ma gyur to/ /nye bar bcing pa byas nas ni/ /mtshon ni rnon po thogs nas su//lha yis mdun dang rgyab kyi ni/ /rta rnams kyi ni gshog pa bregs/ /de nas gshog pa bcad kyang ni/ /phyi phyir zhing ni skye bar gyur/ /de rjes me yis bsregs pas na/ /tshig pas me lce byung bar gyur/ /bcings shing gshog pa med byas nas/ /gang tshe rta rnams nyam thag pa//de tshe lha rnams yid la ni/ /ji ltar 'dod pa bzhin du khyer/ /zla bas ri bong dkar 'dra ba/ /nyi ma ne tsho'i mdog 'dra ba/ /brgya byin gyis ni sngo bsangs te/ /gshin rje yis ni nag po yin/ /me lhas rgya skyegs mdog 'dra ba/ /rlung lhas dmar ser mdog 'dra ba//chu lhas sngon po khyer bar gyur/ /nyi ma gzhan gyis kha dog skya/ /lha chen gyis ni ser po ste/ /sna tshogs las kyis rgyang mdog can/ /nyi ma su shas sna gnag pa/ /tra Sh+Tas mtshan dang ldan pa ste/ /lha gzhan gyis ni rang rang gi /yid la 'dod pa bzhin du khyer//de ltar rta rnams bgos nas ni/ /lhag ma nga yi gnas bzhag ste/ /g.yul du dgos pa'i las rnams dang / /mtshan nyid mtshan ma rnams dang ni/ /gso dang slar 'bros las rnams la/ /bu dang lhan cig nye bar bskyang / /nga'i bu mdza' bo las rgyal dang / / 'khrul med tha chungs byed pa zhes/ /yon tan des las ming btags pa/ /bu gsum mkhas par gyur pa yin/ /zhi zhing mdza' bo rnams las rgyal/ /des de mdza' las rgyal zhes bya/ /rigs byed bstan bcos ma 'khrul bas/ /de phyir 'khrul med ces 'di bshad/ / nga yi tshig lam don dga' bas/ /rtag tu 'di ltar byed pas na/ /de'i phyir de la byed pa zhes/ /tha chungs la ni btags pa yin/ /de nas rta gzhan bdag nyid che/ /ma na zhes bya tshangs sras byin/ /de las gzhan pa rta bres su/ /las rnams la ni byang par byas/ /bzhon pa la ni gdul pa dang //bya ba'i las rnams la yang gzhag /da ni rgas phyir grol ba chol/ /rta rnams kyi ni nang du nyal/ /de nas rta khros pa yis nga / /gnyid log snyam ste bsad par brtsams/ /de dag 'dus nas 'khon gyis ni/ /skyo ba'i yid dang phan tshun smra/ / bdag cag bcing dang gsod 'di ni/ /gang las sdug bsngal skye 'gyur ba/ /'di dag kun gyi rtsa ba ni/ /drang srong gnyid log 'di yin gyi/ /de bas gnod byas lan bya zhing / /zos par gyur na legs pa yin/ /de nas bcings pa bcad nas ni/ /nga gsod phyir ni lhags par gyur//da ni de la thabs gang gis/ /bde bar 'gyur zhes sems shing nyal/ /de nas lha yis sad byas pa/ /nga yis rta la dmod pa btab/ /deng nas brtsams te nga yi ni/ /dmod pas bzhon khyed dong la ni/ /'jug cing rlig pa 'phyang ba dang / /brjed ngas pa ni nyid gyur cig / de nas de ni 'chig pa dag /skyes shing dmod pas brjed ngas gyur/ /de skad de la ngas smras nas/ /gnas de nas ni mi snang byas/ /rta yi sgra de thos pa dang / /de nas rta yis 'tsho ba dang / /rta la zhon dang 'ching byed dang / /rta bres su ni 'ongs bar gyur/ /rta rnams grol nas gnas gnas su//phan tshun rgyu bar byed pa dang / /mal khri rgya chen dag dang ni/ /mal stan dag kyang stong pa mthong / /de yis nga ni ma mthong bas/ /rta rnams kyis ni zos snyam na/ /de yi mal khri las mtshon pas/ /bram ze mi snang nyid gyur snyam/ /'di ltar rta ni de dag rnams/ /bram ze zos par byas snyam sems//de yi phyir na rta rnams ni/ /rta spangs btang nas mang du snom/ /sha li ho tra ci nas kyang / /phyes ci 'byung bar gyur to snyam/ /rta yi skye ba byung ba 'di/ /gang zhig rtag tu nyan byed pa'am/ /yang na la la 'dzin byed dam/ /gtam la dad par gyur na ni/ / lha rnams kyis na bkur ba dang / /bu dang tsha bo 'phel bar 'gyur/ /tshe ring ba ni thob 'gyur zhing / /grags pa che ba nyid du 'gyur/ /'di ltar lha yi mthu ldan zhing / /'das dang ma 'ongs don shes pa'i/ /drang srong sha li ho tra yis/ /bu yis dris te smras pa yin/ /sha li ho tra'i mdo'i gnas las rta rnams byung ba'i tshul zhes bya ba'i le'u ste bzhi pa'o// //tha skar tsha bo drang srong che/ /rta skad las ni lus skyes pa/ /lha yi mthu ldan dka' thub can/ /tshangs pa nyi ma me'i gzi mdangs/ /sha li ho tra drang srong mchog /de la legs thos kyis dris pa//'di ltar mngal du tshogs par 'gyur/ /srog ni ji ltar 'dzin pa lags/ /lus gzungs rmig pa spu dag dang / /nad gzhi lto ba 'byung ba dang / /yan lag lus kyi sha rnams dang / /rtsa dang rus pa de bzhin tshigs/ /zla ba gang la 'byung bar 'gyur//mngal du ji ltar 'tsho ba lags/ /rte'u pho mo ji ltar 'gyur/ /mtshan mi ldan dang ma ning dang / /rte'u pho gnyis sam rte'u mo gnyis/ /skye ba'am g.yang gsham nyid 'gyur ba'am/ /rte'u pho mo skye ba'am/ /phra dang rags pa ji ltar 'gyur/ / 'dug pa dang ni nyal ba dang / /mngal du zhu dang skams pa dang / /shin tu dgye dang mthug pa dang / /bslab sbyang so sor shes pa dang / /de bzhin zas dang rno dang bul/ /lho dang zhi ba ji ltar 'gyur/ /dpal dang mi 'jigs blo ldan dang / /stobs che mgyogs pa phun tshogs dang / / bul dang blo ni zhen pa dang / /sbegs dang nyams dang ldan pa dang / /ngang tshul mdangs ldan nad med dang / /phor skyes don med ci lta bu/ /tshe ring ba dang tshe thung nyid/ /bkra shis bkra mi shis gzugs bzang / /mdog ma 'dres dang mdog 'dres dang / /sna tshogs dbye ba ji ltar 'gyur//mtshan dang rlig pa lce dang ni/ /spu dang rngog ma dag dang rkan/ /so dang rmig pa mig mi sdug /kha dog mi sdug ji ltar 'gyur/ /sgur dang ma ning yan lag nyams/ /gzugs dang mjug ma yo ba dang / /bems po 'dra dang lkugs dang 'on/ /rna yon kha ni che ba dang //mi sdug pa yi nad bu can/ /gzhan gyi dbyibs 'dra 'khu ba med/ /si si can nam khyi rdo can/ /mngal du gnas tshe ji ltar 'gyur/ /de ltar blo ldan gyis dris tshe/ /sha li ho tras smras gyur pa/ /ji ltar las dang nyon mongs las/ /sems can rnams ni 'byung 'gyur pa//yid blo dbang po zhes bya ba/ /rnam shes dang ni 'dus gyur nas/ /mngal du chags par gyur pa na/ /las kyi tshul la gnas pa yin/ /sems can 'byung bar gyur pa'i tshe/ /khong khrag rlung la brten pa yin/ /gang tshe rta pho rgod ma ni/ /zla mtshan ldan la 'jug gyur pa//de tshe 'bar bar gyur pa yis/ /rnam shes mngal du gnas pa yin/ /des ni khu ba khrag blangs nas/ /mngal gyi gnas su 'dren par 'gyur/ /ji ltar pad+ma'i sdong bu'i rtsar/ /skyes bus chu ni blugs pa ltar/ /de bzhin mngal gyi gnas su ni/ /khu ba rlung gis 'dren par byed//de ni rtsol ba thams cad kyis/ /khrag gis lus ni 'phel bar byed/ /ji ltar me grogs du ba ni/ /shing las byung bas gyen du 'dren/ /de ni bar snang la gnas nas/ /gzugs can du ni gnas par byed/ /de bzhin mngal na gnas pa'i rlung / / khu ba khrag tu byung ba rnams/ /de ni mngal chags gyur pa na/ /rnam shes dang ni bcas pa las/ /sems med gyur pa'i dngos po yang / /sems dang ldan pa nyid du 'gyur/ /de nas lus su tshor 'gyur zhing / /rang gi gnas su 'byung las skye/ /mngal gyi khu ba khrag dang rlung //'dus pa las ni mngal chags 'gyur/ /rnam shes dang ni 'dres gyur la/ /khrag gis gsos par gyur pa las/ /snying stobs dang ni 'dres 'gyur pa/ /de ni mngal chags shes par bya/ /legs thos gyis ni slar smras pa/ /bdag la the tshom 'di skyes te//khu ba zla ba'i bdag nyid can/ /khrag ni me yi rang bzhin yin/ /de gnyis 'dus par gyur pa na/ /ji ltar mngal nas zags ma gyur/ /bu yis de skad dris pa dang / /sha li ho tras smras gyur pa/ /de ni rnam shes kyis zin pas/ /drod kyis khu bar 'gyur ma yin//ma yi nyis pa'i dbang dang ni/ /tshe yang yongs su zad na 'jig /sa sogs 'byung ba chen po dang / /khu khrag skyon med gyur pa las/ /de tshe yon tan dang ldan par/ /mngal ni 'dzin par 'gyur pa yin/ /de ni nga yis bshad bya yi/ /rim gyis khyod kyis shes par gyis//nam mkha' rlung dang me dang ni/ /chu dang de bzhin sa rnams te/ /'byung ba chen po de dag las/ /mngal ni skyon med 'byung bar 'gyur/ /lus can dag ni thams cad kyi/ /skye ba de ltar 'byung pa yin/ /gzhan bshad gzhung yang mang mod kyi/ /kho bo de ltar mi 'dod do//pha dang ma las byung ba dang / /las dang de bzhin snying stobs skyes/ /de ltar sems can thams cad ni/ /mngal du chags par shes par bya/ /ji ltar 'byung ba bshad bya ste/ /la la mgo bo sngar skye zer/ /kha cig gis ni dang por snying / / gzhan dag rgyu ma skye zhes zer/ /de lta mod kyi mngal du ni/ /ming can cig car skye bar 'dod/ /khu ba khrag dang rnam shes dag /'dres kyang brgyal bar gyur pa las/ /zhag bdun nas ni rlung dag gis/ /bskams las nur nur por 'gyur ro/ /zhag bcu na ni mer mer po//zla ba gcig na gor gor po/ /rdza bum gser las chu blugs pa/ /kun du gsher bar byed pa ltar/ /ma yi kha zas yon tan gyis/ /mngal du chags pa gso bar byed/ /nur nur po la sogs pa'i che/ /yan lag mi gsal nyid du bshad//zla ba gnyis na rkang lag ni/ /so so'i char ni 'gro bar 'gyur/ /dus ni dus kyi khyad par gyis/ /yan lag gsal zhes bzhad pa yin/ /sngar ni mi gsal de rjes la/ /gsal ba nyid du snang ba yin/ /ji ltar sman gyi sa bon la/ /thams cad mi gsal nyid du 'dod//der ni byed pa po mi snang / /sa bon la rta de bzhin no/ /dper na 'o ma mar yod pa/ /de la snang bar 'gyur ma yin/ /de ni bsrubs par gyur pa na/ /thams cad gsal bar 'gyur ba yin/ /de bzhin ma chags rang bzhin ni/ /phra bas mngon par mi 'gyur la/ / de nyid 'phel bar gyur pa yi/ /dus gzhan du ni gsal bar 'gyur/ /ji ltar a mra'i sa bon la/ /shun pa la sogs mi snang gi /dus gzhan zhig na gsal bar snang / /mngal du chags pa de dang 'dra/ /gang tshe gsal bar gyur nas ni/ /mngal du slar yang 'phel 'gyur te//yan lag nying lag chags gyur pa/ /zla ba gsum lon la sogs nyon/ /lus dang rgyab dang brang dang spu/ /pags pa bu ga rked pa lto/ /mid pa dpung pa rmig pa dang / /rkan mchu nu ma kha 'gram sogs/ /nam tshong brang dang rtsib ma rnams/ /zla ba gsum na skye bar 'gyur//zla ba bzhi par pho mtshan ni/ /rtsa rgyus bcas pa skye bar 'gyur/ /de bzhi dang gas sra sha 'phel dang / /mjug ma rngog ma rus pa skye/ /zla ba lnga par rkub dang ni/ /long ka dag kyang skye 'gyur zhing / /snying dang glo ba mtsher pa dang / /mchin pa mkhal ma gzhang dang na//rgyu ma gnye ma sogs pa 'byung / /zla ba drug par yan lag kun/ /rgyas shing rtsa phran rtsa chen dang / /rus pa kun dang tshigs rnams 'byung / /zla ba bdun pa'i tshe na ni/ /ma yi nu ma g.yos 'gyur zhing / /dbang po drug ni tshang ba dang / /dbugs ni dman pa nyid kyis rta//dbang po'i yon dang bya ba la/ /nus pa chung ba nyid du 'gyur/ /de phyir zla ba bdun pa na/ /rgod ma dbugs rngub bder mi nus/ /de tshe yan lag rgyas shing brtan/ /rtsa sogs bdun brgya gsal bar 'gyur/ /de bzhin zla ba brgyad pa la/ /mngal du lus de cher 'phel zhing / / lus rgyas ro drug tshor ba dang / /stobs dang ldan zhing dbang po gsal/ /dbang pos don ni gsal byed cing / /ma yang bde bar dbugs mi rngub/ /tshags tshigs mnyen zhing brtan 'gyur zhing / /rgod ma'i lto ba ci zhig na/ /zla ba dgu par rgod ma ni/ /mtshan dang de bzhin nu ma skrangs//'byung ba gsal ba nyid 'gyur zhing / /yan lag nying lag rdzogs par 'gyur/ /zla ba dgu'am ni bcu ba'am/ /zla ba bcu gcig pa dag la/ /nye bar btsas pa nyid du 'gyur/ /rgod ma nad dang bcas par ni/ /bu btsas pa ni 'gyur ba yin/ /bu yi lte ba dang 'brel ba'i//mngal na rtsa sbubs yod pas na/ /de las dngas ma rgyu ma yi/ /mngal ni 'phel bar gyur pa yin/ /mngal na gnas pa rtag par ni/ /mgo bo gyen du bltas nas gnas/ /mngal na gnas pa'i gcin rtug ni/ /skye ba'i dus na 'byung 'gyur la//zla ba bcu bar de 'phel te/ /de ni sha ma la gnod byed/ /de ni gcin rtug la gnas pas/ /yid mi bde phyir sgyur bar byed/ /mgo ni thur du sgyur byed cing / /go bzlog par ni gnas bas na/ /rgyu ma dkrugs bar gyur pa'i phyir/ /ma yin da ni mi bzad skyed//de ltar thur du bsgyur bas na/ /de bas rgod ma'i kha zas ni/ /rjes su mthun pa nyid du bya/ /rgyu des zla ba bcu na ni/ /legs par bcas pa nyid du 'gyur/ /de ni bzung bar byed pas na/ /dang po mgo bo 'byung 'gyur te/ /de nas lus ni rim gyis 'byung / / de ltar na ni btsas par bshad/ /de yi rjes la sha ma ni/ /mngal nas 'byung bar 'gyur ba yin/ /pho la sogs pa mngal du ni/ /chags par byed pa'i rgyu nyon cig /khu ba mang zhing khrag nyung pa/ /rlung gis 'dres par byas nas ni/ /der ni rnam shes zhugs gyur na//rte'u pho ru skye bar 'gyur/ /de lta bu yi tshul gyis ni/ /khu ba nyung zhing khrag mang na/ /de las rte'u mor skye bar 'gyur/ /gang gis ma ning skye 'gyur nyon/ /rtsa dang chu ni zad 'gyur zhing / /kha rlung gis nyen gyur pa yi/ /phyin ci log gi dus su ni//pha ma dag kyang nyam chung zhing / /dbang po'i stobs kyang zad gyur pa/ /de gnyis phrad par gyur pa ni/ /khu ba khrag kyang cha mnyam na/ /ma ning du ni skye bar 'gyur/ /nyes pa de dag gnyis dang ni/ /pha ma nad gzhir bcas gyur na/ /zla mtshan nyes pa cher ldan las//rta ni g.yang gsham dag tu 'gyur/ /sdar bshad pa yi rgyu yod cing / /mngal du chags par gyur pa na/ /mngal gyi gnas ni nad gzhir bcas/ /rlung ni shas cher gyur pa na/ /de la rte'u pho mo 'byung / /khu ba nyes par ldan 'gyur na/ /gseb kyis bu ni skyed mi byed//khu ba stong par gyur pa na/ /rlung gis gnyis su phye ba las/ /khrag dang 'dres par gyur pa ru/ /rnam shes gnyis ni zhugs pa na/ /rte'u mtshe mar skye 'gyur la/ /khu ba mang na pho gnyis te/ /khrag ni mang bar gyur pa las/ /rte'u mo'i mtshe mar skye bar 'gyur//de las gzhan yang mngal gyi ni/ /nyes pa bzhi bo mnyan par gyis/ /rlung nad gnod kyi nyes pa yis/ /mngal du zhu bar gyur pa yin/ /de la bad kan lhags gyur na/ /mngal na nyal ba zhes byar 'gyur/ /rlung dang bad kan gyis nyen pas/ /mngal du lugs pa zhes byar 'gyur//rgod ma rtseg cing me drod nyams/ /mngal skam pa zhes bya bar 'gyur/ /mngal du rlung gis gzir gyur cing / /'jug tshe shin tu gnod byas la/ /bad kan khrag dang 'dres pa las/ /de tshe mtshan mi ldang bar 'gyur/ /sbrum ma yi ni nyes pa dang //kha zas rtsub pas rlung bskyed cing / /grang bas bkag cing gnod gyur bas/ /de ni mngal du gzugs thung 'gyur/ /gang tshe dus tshigs nyes pa la/ /rgod ma'i nad gzhi dang phrad par/ /mngal du chags par gyur pa na/ /de tshe nad bu can du 'gyur//ro ni mi mnyam nyes pa dang / /de bzhin dus ni go log pas/ /mngal gyi rlung 'khris bad kan gyi/ /nyes pa nye bar 'khrug par 'gyur/ /rlung gis lce yi rtsa dag tu/ /rjes su rgyu bar byed pa na/ /nad gzhi de ni 'khrugs gyur na/ /de las rta ni lkugs par 'gyur//rna ba'i bu ga 'gags pa las/ /'on pa nyid du skye bar 'gyur/ /mid pa'i rtsa ni 'gags pa las/ /bems po 'dra bar skye bar 'gyur/ /mngal du mig gi rtsa dag la/ /gnod gyur pa yis khebs pa las/ /rte'u dmus long dag tu ni/ / rgod ma las ni skye bar 'gyur/ /sna yon rngog ma g.yo ba dang / /gzhogs nyams gzhogs phyed che ba dang / /lus dang mjug rngog mi sdug dang / /rgyab sgur rlig pa che ba dang / /rlig pa rab chung lhag pa dang / /mtshan ni ring dang thung dang gug /yan lag rengs dang yo ba dang //ma ning yan lag ma tshang dang / /gzugs ni sdug dang yan lag nyams/ /yan lag phra dang lhag ma rnams/ /de ni rlung gi gnod las gyur/ /de ltar ji skad bshad pa dang / /de las lhag pa'i smad bya ba/ /snang na rta de rlung gi ni/ /nad kyis nyen par shes par bya//rta ni gseb dang phrad gyur tshe/ /yid la gang zhig 'dod gyur pa/ /de yi bu ni de 'dra par/ /skye bar 'gyur ba kho na yin/ /de bzhin spyod lam dag dang tshang / /mdog dang gzi mdangs 'gros dang ni/ /pha dang ma ni ci 'dra ba/ /de 'dra phal cher 'gyur ba yin//kha zas ngan du 'khru ba dang / /snad dang 'jigs dang ngal ba las/ /sbrum ma'i nad ni 'khrugs gyur pas/ /mngal 'jig par ni 'gyur pa yin/ /gang tshe rlung ni mngal gnas pa'i/ /rngog ma'i gnas su phyin gyur na/ /rngog ma rtsub dang mi snyoms pa'am//rngog ma srab par 'gyur ba yin/ /pags pa spu dang rnga ma yi/ /skyon gang yod de rlung las gyur/ /bad kan mkhris pa las gnas pa'i/ /so yi rtsa bar gnas gyur la/ /bad kan mkhris pa shas che las/ /so mi sdug par 'gyur pa yin//'khrig tshe khu ba skyon med cing / /zla mtshan yon tan ldan pa dang / /goms shing 'dod pa dang phrad cing / /yid la 'dod pa ma bkag dang / /bkra shis shis pa brjod byas dang / /dge sbyong bram ze mchod pa las/ /tshe ring bar ni 'gyur pa yin/ /gzhan du de ni tshe thung 'gyur//gseb sbyar tshe na skar ma ches/ /byed pa la sogs bzang po dang / /yid 'ong gzhan yang mang po yis/ /bkra shis dang ni mchod byas te/ /rta ni mchan ldan rgod ma ni/ /shis pa dang ni sbyar bar bya/ /lha dang bram ze mchod byas la/ /rol mo sems can gzhan gyis bskor//ro tsa gtsang ba'i kha zas dang / /khu bcud bzang po dag kyang sbyin/ /de ltar byas na bzang 'gyur te/ /gzhan du byas na bzang mi 'gyur/ /gzi mdangs nyams dang snying stobs rtsal/ /gzugs dang nad med dpa' ba dang / /'jigs med pa dang blo ldan pa//'og nas rgya cher bshad par bya/ /rdzas bcud nus pa smin pa las/ /rta rnams mngal du chags pa'i tshe/ /bad kan pags par khyab gyur na/ /rte'u dkar por skye bar 'gyur/ /rlung gi kha dog sngo bsangs 'gyur/ /mkhris pa yis ni nag por skye/ / bad kan mkhris pa 'dres pa las/ /rta mdog ser skyar skye ba yin/ /gal te khrag mkhris nyung gyur la/ /bad kan yang ni shas chung bas/ /rte'u'i pags par phyin gyur na/ /mdog rjes se bo dag tu 'gyur/ /khrag ni gal te mang gyur cing / /bad kan mkhris pa shas chung ba/ / rta yi pags par phyin na ni/ /rta ni dmar gro dag tu 'gyur/ /gang tshe mkhris pa mang gyur cing / /khrag dang bad kan nyung gyur pa/ /rte'u'i pags par phyin gyur na/ /rta ni gro nag dag tu 'gyur/ /brtag pa'i tshul ni 'di nyid kyis/ /bad kan dang ni khrag 'dres dang / /khrag mkhris 'dres par gyur pa las//rta ni ser skya dag tu 'gyur/ /rlung dang mkhris pa bad kan dang / /khrag rnams 'dres par gyur pa las/ /rta rnams kyi ni kha dog dag /rnam pa du mar 'gyur pa yin/ /nad gzhi rlung gis bcad gyur pa/ /pags par phan tshun gtor ba las//khra bo dang ni thig le can/ /kha dog dbye ba dag tu 'gyur/ /mdangs kyis gzi mdangs 'phel 'gyur la/ /de bzhin snying stobs dag tu 'gyur/ /mdangs dang rlung ni shas che zhing / /ma 'dres zas ni za ba las/ /nad med par ni 'gyur pa yin/ /me rlung snying stobs dag las dpal//'byung ba chen po cha mnyam zhing / /snying stobs che las 'jigs med 'gyur/ /snying stobs rlung dang stobs che las/ /mgyogs pa phun sum tshogs par 'gyur/ /sems dang blo dang snying stobs yid/ /de bzhin bad kan rang bzhin can//'di dag lhags par gyur pa las/ /yan lag bcu tshad blo ldan 'gyur/ /dge zhing byad la rab dga' dang / /de bzhin dbang po dga' byed pa/ /rigs dang dus tshigs phun tshogs ldan/ /yid dang blo na me yengs pa/ /mngal du rta ni gang skyes pa/ /de ni yon tan kun ldan 'gyur//de las bzlog par gang skyes pa/ /de ni yon tan can mi 'gyur/ /bzang dang rno dang zhan pa ste/ /rang bzhin rnam gsum ci bzhin dang / /skye ba'i cha yang de bzhin te/ /rang bzhin gsum du shes par bya/ /mngal du gnas nas zla gnyis na/ / nags su nye bar bskyad bya zhing / /kha zas sna tshogs pa dag dang / /thug pa dang ni bldag pa sbyin/ /der ni rtag tu gang brten pa/ /kha zas gang zhig 'dod gyur pa/ /de ni yid la re bar bshad/ /'di ni de la sbyin par bya/ /gal te 'dod pa ma byin na/ /gzugs mi sdug cing mi srun dang //yan lag mi tshang blo chung dang / /'jigs skyen stobs chung sems nyams shing / /'dus dang las kyi dbang dang ni/ /nad gzhi rnams kyi rang bzhin las/ /mngal du skye bar 'gyur ba ni/ /ci lta bar ni yongs su bshad/ /legs thos thos dang ldan pa yis//tshul bzhin yongs su dris ba na/ /sha li ho tra dka' thub ches/ /dris lan de ltar smras pa yin/ /sha li ho tra'i mdo'i gnas las mngal du chags pa zhes bya ba ste le'u lnga pa'o// //rta skad las skyes drang srong ni//rta yi rang bzhin shes gyur pa/ /sha li ho tra nyid las ni/ /legs thos kyis ni yongs su dris/ /bu yis dris nas drang srong de/ /dga' ba'i tshig tu smras pa ni/ /rlung dang mkhris pa'i bdag nyid can/ /rang bzhin gsum du shes par bya//rtsub cing mi brtan rnga rngog srab/ /'jigs skyen skyid zhan khur stobs chung / /lam gyis dub cing sna nang mang / /gnyid med shin tu gzugs mi sdug /'khrig pa la 'du 'dul bar dka'/ /'dod pa'i nus pa chung pa dang / /rlung gis gang tshe 'khums pa dang //slar yang rjes su rgyug pa dang / /rtag tu rta rdzi rnams dang ni/ /rta la sos ni 'debs pa dang / /mi dang rta yi phyi nas ni/ /rdun nas mdun du brgyug pa dang / /'dre bar byed tshe lus kun ni/ /bzlog cing 'dre bar ma nus kyi/ /gzhogs gcig pa ni yang dang yang //'gro bar byed pa'ang nyid dang ni/ /de bzhin lam gyi gzhi mnyam par/ /khal med par yang bub pa dang / /brdeg kyang rang gi spyod pa ni/ /yun ring zhig nas 'dor ba dang / /bslabs pa rnams ni brjed gyur pa'i/ /rta ni rlung gi rang bzhin can//rdul can khro ba yun ring dang / /gnyid med 'thab la dga' ba dang / /so dang de bzhin lag gnyis kyis/ /rta la rtag tu 'che ba dang / /rta rdzi'i las ni byed pa la/ /rang bzhin zhi ba ston pa ni/ /rtag tu 'jigs shing nus pa chung / /las dang las la sran chung dang //gzhogs gcig gis ni cung zad tsam/ /thog mar 'dre bar byed gyur cig /de rjes lus ni thams cad kyis/ /zlog cing 'dre bar byed pa dang / /de bzhin nyam nga'i lam du ni/ /khal gyis dub na bub pa dang / /'dul spyod pa yi tshig sAn cing / /bslab pa 'dor zhing 'bros byed dang //grang ba la ni dag 'gyur pa'i/ /rta ni mkhris pa'i rang bzhin can/ /spu mdog snum zhing stobs che la/ /sgra snyan dal gyis 'tsher ba dang / /rta dang de bzhin mi rnams la/ /rang bzhin zhi ba ston pa dang / /'dul sbyong sla zhing bslabs la brtan/ / gnyid tshe rtag tu brtag pa dang / /khal dang lam du g.yul ngo ru/ /rtag tu sdug bsngal cher bzod dang / /chu la brtan zhing shugs che la/ /gang du'ang bub par 'gyur ma yin/ /'gro tshe gzhogs ni gnyis ka yis/ /yang dang yang du zlog pa dang / /'obs la gom pa mi 'dor gyi//shugs kyis mchod bar 'dod pa dang / /bdag po la ni dga' ba yi/ /rta ni bad kan rang bzhin can/ /mtshan nyid gnyis ka dang ldan pa/ /rang bzhin gnyis pa zhes byar bshad/ /rlung dang mkhris pa'i rang bzhin can/ /tha ma yin par yongs su bshad//rlung dang bad kan rang bzhin can/ /bar ma dag ni yin par bshad/ /mkhris pa bad kan rang bzhin can/ /rta ni rab mchog yin par bshad/ /nang med lus zungs mnyam gyur cing / /bad kan can gyi rta bsngags so/ /sha li ho tra'i mdo'i gnas las/ / rta'i rang bzhin gyi le'u ste drug pa'o// //legs thos thos pa 'dzin pa yi/ /bu la sha li ho tras smras/ /bzang po sman dang ri dgas dang / /'dres pa'i mtshan nyid mnyan par gyis/ /stobs chen mdog ni snum pa dang / /dul ba'i gzugs can gtsang sbrar ldan//tshangs spyod mtshan mo gnyid log cing / /le lo med cing phrag dog med/ /langs nas gnyid ni log pa dang / /rtag tu langs nas 'dug pa dang / /bdag po la dga' ldab skyon dang / /bslabs pa nam yang mi 'dor dang / /thams cad du ni dpa' ba dang //g.yul dang lam dang me la ni/ /sdug bsngal gyis zhum med pa dang / /nad kyis gdungs bar gyur na yang / /shin tu nyon mongs med pa dang / ci yang rung ba zos nas ni/ /myur du lus ni rgyas 'gyur dang / /thams cad du ni brtan pa yi/ /rta ni bzang po'i skye gnas yin//bkra shis mtshan nyid ldan mod kyi/ /cung zad smad pa yod pa dang / /bslab pa myur du lobs na yang / /myur du brjed par gyur na yang / /mtshan mo'i dus su lus phung ste/ /gnyid ni log par byed pa dang / /rta la zhe sdang che ba dang / /'khrig pa la 'du phrag dog can//dang po dpal zhing de rjes la/ /'jigs pa dag tu 'gyur pa dang / /lcag gis cung zad gzhus pa na'ang / /ring du 'gro bar byed pa ste/ /de lta bu yi rigs ldan pa'i/ /rta ni dman pa nyid yin no/ /rtsub cing rta la 'jigs skyen dang / /gnyid che rgyun can le lo can//lto che sbegs cing 'khyam pa dga'/ /de bzhin kun du dog pa can/ /nyin mo dang ni mtshan mo'ang rung / /yan lag ma lus brkyang nas ni/ /rtag tu gnyid ni log pa dang / /rta la 'tshe bar byed la dga'/ /lcag gis gzhus la mi tshor zhing / /myur du na bar byed pa dang //lus rgyas par ni dka' ba yi/ /rta ni rigs skye gnas yin/ /yon tan 'dres las 'dres gyur te/ /de bzhin dbye ba mang po'ang yod/ /bzang po mchog tu shes par bya/ /dman pa bar ma zhes bshad la/ /ri dgas tha ma yin zhes bya/ / rta yi skye gnas 'di nyid yin/ /mdor na skyon dang yon tan dag /'dres dang lhag pa yin zhes bya/ /sha li ho tra'i mdo'i gnas las rta'i skye gnas kyi le'u ste bdun pa'o// //rta yi rang bzhin de nyid shes/ /dul la brtson zhing dbang po thul/ /sha li ho tra blo chen la//mdza' bo las rgyal gyis dris pa/ /gzi brjid chen po rta rnams kyi/ /rigs bzhi ji ltar shes par bgyi/ /mtshan nyid spyod lam gang dag gis/ /de las bzlog par shes par bgyis/ /de skad dris te drang srong che/ /sha li ho tras slar smras pa/ /rta yi rigs bzhi shes dga' bas//de ni nga yis go bar bya/ /rigs bzhi rnam par dbye ba ni/ /skye gnas dang ni gzugs byad dang / /tshul spyod dang ni dul ba dang / /skad gdangs dbyibs dang kha dog dang / /dri nyid las ni nyer shes bya/ /gang zhig de las go bzlog ste/ / de yi khyad par smra ba ni/ /nyon la rnam par dpyad par gyis/ /gzugs bzang dpal dang ldan pa dang / /spyod pa dul zhing bsngags par 'os/ /blo ldan ngang tshul bzang ba dang / /'dul sbyong mkhan gyis byas pa nyan/ /rjes su mthun zhing nus pa ldan/ /gtsang zhing gtsang sbra dag la brten//bkres dang skom la sran che zhing / /khro ba chung zhing blan par sla/ /gzi brjid dang ldan grags dang ldan/ /las rnams kun gyi rjes su 'jug /btung dang kha zas bza' bya yi/ /lhag ma dang ni mi gtsang dang / /rta spangs dang ni de bzhin gcin//'di ni ring du spong byed cing / /gtsang zhing gtsang mar spyod pa dang / /nyal yang gnyid ni med pa dang / /sbrang rtsi 'bras yos khur ba mar/ /'o thug sreg rdzas la dga' zhing / /dri dang sna ma'i phreng pa dang / /khrus dang bkra shis la dga' zhing / /'tsher zhing de dag snom pa dang //mi dag lta na sdug pa dang / /'jigs med mkhas la sran che dang / /snyan par 'tsher zhing sgra skad che/ /ser dang dkar dang dmar pa dang / /phal cher sbrang rtsi ltar ser dang / /'gros che sran ni che ba dang / /brtan zhing stan pa rjes su 'tsher/ / mdog snum pags pa srab pa dang / /bram ze kun la dga' ba dang / /gnyid log tshe ni 'bras yos dang / /mar dang u shir dri 'byung la/ /lha dang dri za'i snying stobs can/ /dge zhing rtag tu nges pa ste/ /de lta'i tshul spyod ldan pa'i rta/ /bram ze'i rigs su shes par bya/ /rgyal rigs khro ba'i tshul can te//tshangs pa'i mdog ldan shes par bya/ /rang bzhin rno zhing dpa' ba dang / /sgra skad btang nas 'tsher ba dang / /dpung pa glo zhing snying stobs che/ /rang bzhin gtsang zhing spyod pa yang / /gces par bsdus dang ldan pa dang / /yan lag 'byes shing pags pa srab//spyod pa gtsang zhing dul pa dang / /'jigs pa rnams la mi skrag pa/ /chu dang me dang 'brug sgra dang / /sgra cher grags dang lhung dang khur/ /tsha dang rtsub pa'i reg pa dang / /sa rtsub shing gi tshang tshing dang / /ring du 'gro dang lam dog par/ /gang zhig 'jigs pa med pa dang //glang po'i tshogs ni chen po dang / /dril bu rol mo'i sgra rnams dang / /ca co 'don pa'i sgra rnams dang / /rta gzhan 'tsher bar gyur pa dang / /dung dang rnga chen sgra dang ni/ /rol mo'i sgra dang rdza rnga'i sgra/ /gdugs dang rgyal mtshan ba dan gyis//skrag par mi 'gyur rta mchog yin/ /rnga rngog legs par brkyang nas ni/ /dga' ba'i yid kyis 'tsher ba dang / /rkang gnyis legs par 'jug bzhin du/ /sa steng na ni 'tsher ba dang / /rngul dang gcin dang rta sbangs ni/ /yan lag brkyang ste 'dor ba dang //mthar ni shugs kyis 'dor ba dang / /rta gzhan la ni bsdigs pa dang / /g.yul ngor rta dang glang po dang / /shing rta dpung bu chung 'joms dang / /rjes su skad 'don sgra 'jam pas/ /phyogs kun khyab par 'tsher ba dang / /rta gzhan dag ni phyin nas ni//de ni 'gro bar bzod mi byed/ /mtshon gyis bsnun kyang nad chung zhing / /mtshon cha mthong na 'jigs mi 'gyur/ /spyod pa myur zhing dpa' ba dang / /'thab tshe myur tu pha rol gnon/ /nor bu lta bur mig ser zhing / /mdog bzang kha dog ngan pa med/ /blo ldan de bzhin mgyogs pa dang //smin zhing ma zhum stobs che la/ /rtag tu las kun nus pa dang / /bag yod rtag tu nyon mongs med/ /bsod nams byed pa'i me tog mar/ /'bras bu ldan pa'i dri yod la/ /lha dang dri za'i snying stobs can/ /de mtshungs sbyong yul spyod par ldan//dge zhing spyod pa nges pa'i rta/ /rgyal rigs su ni shes par bya/ /rje'u rigs btung pa la dga' brtan/ /zhi zhing blo che le lo can/ /mi 'khrugs dga' par 'gyur ba med/ /dul pa'i spyod pa yang dag ldan/ /khro ba med cing nga rgyal med/ /dul zhing ngang tshul snyoms pa dang //nad dang tsha dang bkres pa bzod/ /khal bkal lam du 'gro tshe brtan/ /de ni mgyogs bul ran ma yin/ /nyams dang lus stobs par ma ste/ /mig ni de bzhin sngo dang ser/ /gnag dang dUr ba'i mdog 'dra dang / /sngo bsangs spu mdog dkar ba dang //smyig ma ta la'i mdog 'dra dang / /phal cher ngang pa'i mdog 'dra zhing / /steng 'og thad dkar che min gyi/ /ro stod che ba nyid yin no/ /ha re Nu ka de bzhin du/ /ja mo'i 'o ma'i dri dang ldan/ /bag chung gnyid ni che ba dang / /mi yi snying stobs la brten pa/ / bzod ldan de lta'i spyod pa can/ /rta ni rje rigs yin zhes bya/ /dmangs rigs ngang tshul ngan pa dang / /spyod lam spyod yul mi gtsang zhing / /gzhan gyis yongs su longs spyod pa'i/ /lhag ma'i zas skom dag la dga'/ /skam dang smad dang ngan pa dang / /bshad gci dag ni brten par dga'//mig rkong mig ni zlum pa dang / /rkang pas sa ni brko ba dang / /bshang gci snom par byed pa dang / /za zhing nyung du spyod pa dang / /mi gtsang sar ni 'gro ba dang / /rta rdzi la ni 'phra ba dang / /rang dang rtsig pa shing la sogs/ /so yis 'drad par byed pa dang //'breng ba dbyig pa lcug ma yi/ /lcag mi tshor zhing mi 'khrugs la/ /lud pa lu tshe gsus pa che/ /'jigs pa kun las sdar ba dang / /mi gtsang ba la mi smod cing / /gcad sbra'i spyod pa de la med/ /du ba rdul 'dra'i mdog ldan zhing / / ser skya mo gro dmar skya'i mdog /bsrung bar rab tu dka' ba dang / /spyod pa ngan zhing zhi tshul chung / /ma khros las sbyar mi nus kyi/ /khros na las ni nus pa dang / /bya rog tshang gi dri bro zhing / /khra dang mi ro'i dri dang ni/ /kun khyab gnyid che bag chung la/ /srin po sha za'i snying stobs can//da 'dra'i spyod pa mdog ldan pa'i/ /rta ni dmangs rigs yin shes bya/ /de dag 'dres par 'gyur ba yi/ /skye ba dag kyang bstan par bya/ /rgyal rigs bram ze'i rigs mo la/ /zhugs pa'i bu ni dngul chur bshad/ /dngul chu de ni spyod pa gtsang //nges shing nyug ma za mi byed/ /mdog ni ba so ltar dkar ser/ /nag po'i mdog tu'ang 'gyur ba yin/ /phal cher mig ni dar ba dang / /sgra snyan rjes su sgrogs par byed/ /chang dang phreng ba'i dri ldan gyi/ /dri me zhim pa'ang yod ma yin/ / gnyid log na ni bag med pa'i/ /rta ni rigs 'dzin rgyud yin no/ /bram ze'i rigs mor rje'u rigs zhugs/ /de ni ma ga da zhes bya/ /snying stobs zhan zhing khur stobs che/ /lam du chas tshe 'tsher zhing 'gro/ /rngog ma 'chol bar skye ba dang / /gang la'ang smod par mi byed do//bud med mig ni na ba dang / /'gros che yid phebs med pa dang / /kha dog mi sdug pa nyid de/ /sha za'i snying stobs dag la gnas/ /sdig la dga' zhing bstar ba dang / /gdul dka' dri ni mi zhim pa/ /spyod pa ngan bar spyod pa dang / /dman par lta ma ga da//bram ze'i rigs mor rje'u rigs dag /zhugs pa las ni skyes pa'i rta/ /de ni gdol ba zhes bshad de/ /sdig pa skyed pa'i spyod yul can/ /las rnams la ni mi 'jug cing / /gtum pa bong bu'i sgra can yin/ /sgra 'chag rtsub cing gdug pa dang //yan lag mi snyoms bag med ldan/ /mi shes pa yi mtshan nyid dang / /mtshan ma spyod pas nye bar bsgos/ /thig le zhu ba mi sdug pa/ /smad pa yis ni yongs su khyab / /bdag la gsod par byed pa dang / /bag med gnas su khyer bar byed/ /rta sbangs lci ba gtong ba na//za zhing smod par mi byed la/ /mthar ni gnod pa nyid byed cing / /khang stong dag tu dga' bar byed/ /ce spyang dag gam spyang ki'am/ /du ba'i mdog gam mdog ngan ldan/ /sgra rtsub yi dgas dre can te/ /chang la dga' zhing sha la dga'/ /sha za srin po'i spyod pa can//spyod pa ngan pa gdol ba'i rta/ /rtags dang mtshan ma 'di dag gis/ /rigs bzhir rnam par dbye bar bya/ /gang zhig pha dang rtag spyod 'dra/ /skyes pa'i bu ni gang yin pa/ /rigs bzhi ru ni rnam phye la/ /rta ni rang gi rigs su gzhag /rigs kyi dbye ba ci bzhin shes//sdig bas gos par mi 'gyur ro/ /snying stobs spyod pa lhag ma ni/ /gang gang yin pa mnyan par gyis/ /dri za bram ze dang mnyam la/ /gnod sbyin rgyal rigs nyid dang 'dra/ /srin po rje'u rigs dang mtshungs te/ /dmar rigs sha za nyid dang 'dra/ / de ltar skye gnas 'dra yi/ /rang rang bzhin ci bzhin rnam par dbye/ /de bzhin spyod tshul mi mthun pa/ /phyan sdig pas gos par 'gyur/ /de ltar legs rjes ston pa/ /sha li ho tras bshad pa yin/ /sha li ho tra'i mdo'i gnas las rta'i rigs bzhi'i le'u ste brgyad pa'o// //de la rta yi mtshan nyid ni/ /yan lag ma gtogs tha dad de/ /gdong ni srab la rgya che zhing / /zur bzhi pa la g.yul snyoms pa/ /drang zhing 'khyog pa ma yin la/ /yongs su tshad ba bsngags pa yin/ /kha ni btsums dang rgya che la//dri zad kha chu nyung ba dang / /kha chu mi 'jig skam po min/ /rta la rab tu bsngags pa yin/ /so ni kha dog yid 'ong bzang / /srog shing sra la brtan pa dang / /ma gyes drang por skye ba dang / /snum zhing nang ma mtho ba dang / /mtho zhing rtsa ba brtan pa dang /mtshan ma gsal zhing sra ba dang / /sbrang rtsi 'dra ba'am rab tu dkar/ /rta la bsngags par gyur ba yin/ /'gram so mnyam zhing zlum pa dang / /sra zhing snyoms par gyur pa bzang / /mche ba mdun so'i mdog 'dra zhing / /rtse mo rno bar gyur pa dang / zlum zhing rtsa ba brtan pa dang //snum zhing 'jam la skye ba bsngags/ /lce ni srab cid rjes 'brel dang / /'jam zhing ring la snyoms pa dang / /mnyam zhing 'jam la dmar ba dang / /khyi yi lce dang 'dra na bzang / /lce rtsa cung zad mthug pa dang / /'jam zhing mnyen la snoms la srab//brtan zhing ljan ljin med pa dang / ring zhing dmar na rab tu bzang / /lce'u chud gting ring rtse mo dmar/ /srub la ri mos rnam par khyab/ /'jam zhing gos pa med pa dag /rta la rab tu bsngags pa yin/ /mchu ni 'jam zhing mnyen pa dang / / dbye sla sha rgyas dbyibs legs dang / /shing tu g.yo dang 'phyang ba'am min/ /so ni khebs par gyur ba dang / /mnyam zhing snyoms la zlum pa dang / /tshad ldan drang na bsngags pa yin/ /sna gung mnyam par dbugs rgyu zhing / /zlum la nang na yangs par snang //mnyen zhing 'jam la gnod pa med/ /rta la bsngags par gyur pa yin/ /mtshul pa drang zhing dbyibs mdzes la/ /skyon med par yang gang gnas dang / /drang zhing zlum la 'jam zhing mnyen/ /yon tan dag gis brgyan na bzang / / rta yi 'dzum ni dbus srab cing / /'gram gnyis ma thob bar gyur na bzang / /kha 'gram mnyen zhing srang la snyoms/ /bu ga khebs shing zlum la 'byar/ /kha 'gram yangs par snang gyur ba'i/ /rta ni yid du 'ong ba yin/ /mkhur tshos byi dor byas 'dra zhing / / dbus sdug srab la lta na sdug /rim gyis mkhur ba'i zheng che zhing / /sha yis rgyas par gyur pa bsngags/ /sna 'gram pags srab na chung ba/ /rim gyis zhing che sra ba dang / /mkhur pa legs pa'i 'phral dang ni/ /rna bar legs pas gnas na bzang / /mchi ma 'dzags gnas rgyus pa sra//mi mngon sha ni srab na bzang / /mig ni dkyus ring mig 'bras dag /shin tu dang bar snang ba dag /nor bu'i 'od kyi mdangs 'dra zhing / /snum pa'i sbrang rtsi ltar ser skya/ /sna ma 'dra 'am rma bya 'dra/ /rnga mo ka la ping+ka yi/ /'ur pa'am gang ma sreg nag po//glang chen gyi ni mi 'dra'am/ /seng ge ri dgas mig 'dra'am/ /de bzhin mchil pa'i mig 'dra zhing / /rdzi ma mthug cing ring ba yi/ /mig ni rta la bsngags pa yin/ /mig spubs sdom po ma yin zhing / /gtsang dang mi mnyam med pa dang //drang zhing rim gyis srab pa dang / /blta ba tshe na lhod pa dang / /smin ma'ang snyoms zhing rim gyis srab/ /sha ni sra zhing zlum pa dang / /sha dang pags pa legs par 'brel/ /rtsa rgyus mi mngon mnyam na bzang / /'phral pa yangs par snang ba dag /sha srab mnyam zhing dbyes che dang //rim gyis yangs bar gyur pa dang / /gnyer ma med na bsngags pa yin/ /'gram gling rim gyis yangs pa dang / /brtan zhing sra bar gyur pa bzang / /rna ba spu dang gnyer ma med/ /rtse mo phra ba bsngags pa yin/ /rta yi mgo bo snyoms pa dang //ring zhing rgya che nad med dang / /gtsug dang phum phum legs pa dang / /dbyibs legs pa ni bsngags pa yin/ /rngog ma shin tu mang nyung min/ /'jam zhing de bzhin nag nog med/ /snum zhing ring la cung zad 'khyil/ /de bzhin rim par legs gnas shing //shin tu mi ring rab thung min/ /rta la bsngags par 'gyur ba yin/ /rta yi spu ni mthug mnyen 'jam/ /rtsa ba brtan zhing sha la 'dzugs/ /shin tu snum zhing legs par skye/ /nyag re las ni skye ba bsngags/ /lkog ma mgo dang mgrin par 'brel/ / rang bzhin zlum la snyoms pa dang / /ljan ljin gyis ni gos pa med/ /dri ma med na bsngags pa yin/ /srol mdun zlum zhing mnyam la 'brel/ /dbyibs ni drang por 'dug pa bsngags/ /ske mgrin rim gyis zlum pa dang / /ring zhing dbyibs ni legs pa dang / / mid pa rtse'u chung dang 'brel zhing / /de bzhin mgo bo dang 'brel pa/ /lkog ma'i phyogs ni sha srab cing / /lhod min cung zad gug pa dang / /sha rgyas legs par 'brel ba ni/ /rta la rab tu bsngags pa yin/ /skra rtsa legs par rgyas pa dang / /sha che sum mdo yangs pa dang //sha mkhrigs yan lag legs 'brel zhing / /sha mo lhod na bsngags pa yin/ /ze'u ni legs 'brel cher mi mthong / /ze'u ltag dang ni rjes su 'brel/ /phrag gang ze 'dab 'brel zhing yangs/ /sha rgyas tshigs 'brel mnyam zhing sra/ /sog pa sha rgyas rab tu 'brel/rta la bsngags par 'gyur ba yin/ /ba ha zlum zhing sha rgyas la/ /gtsug med shin tu brtan pa dang / /yangs shing dbugs ni rgyu ba dang / /mthong bar gyur na bsngags pa yin/ /dpung rgyab zlum zhing rgyus pa rtsa/ /mi mngon tshigs dang sha snyoms la//sha ni cung zad mtho bar snang / /de ni shin tu bsngags pa yin/ /dpung pa sha rgyas ring ba dang / /sra zhing zlum la drang zhing mnyam/ /rim gyis phra bar gyur pa dang / /tshigs ni legs par 'brel ba bzang / /pus mo dag ni rab mnyam zlum//tshigs sam tshigs ni mi mngon dang / /mdzes zhing rtsa ni mngon pa dang / /'gro tshe gug par bde na bzang / /che drang ring zhing shin tu zlum/ /shin tu sha srab ma yin ma 'khregs/ /rtsa rgyus dag ni mi mngon la/ /nad med pa ni rta la bsngags//tshe'u rtsub cing 'greng ba dang / /zlum zhing legs skyes thung ba dang / tshigs mi mngon zhing long mo dang / /sgrog mkhar ring por snang dang bcas/ /rkang dang 'brel mnyam zhing ring / /rta la bsngags par gyur pa yin/ /tshe'u che shin tu mnyam zhing zlum//ring zhing zlum la mdzes pa dang / /dbus ni cung zad rkyong ba dang / /tshe'u spus g.yogs bsngags pa yin/ /rmig pa mtho zhing zlum pa dang / /shin tu sra zhing mthug pa dang / /za ma tog ltar zlum zhing mdzes/ /bong rmig 'dra na'ang bsngags pa yin//de bzhin sgros ni ma gas shing / /rno zhing mi gug zegs pa med/ /kha dog du ma'am kha dog gcig /khra bor gyur pa med na bzang / /dbus ni shin tu zab pa dang / /rmig mthil rdo leb ltar sra zhing / /sbal mtshams legs par skyes pa ni//mdzes pa dag dang ldan pa dang / /sbal pa bub cing gsal bar mngon/ /mtshams ni legs par dod pa dang / /nye 'khor mnyam zhing 'jam pa dang / /rkang pa'i nad dang bral ba dang / brtan zhing ljan ljin med pa dang / /kha tog snum pa bsngags pa yin//ze'u'i sha ni rgyas pa dang / gtsug med pa ni ni bsngags pa yin/ /sga 'og mnyam zhing yangs pa dang / /rgyab ni mtheb sor tsam gyis dma'/ /sgal tshigs cung zad mtho ba dang / /sha yis rgyas na bsngags pa dang / /rtsib ma gug cing lcang lcong med//mi mngon rab tu mnyam zhing sla/ /phrag gong rgyas par khyab gyur cing / /mnyam zhing 'jam na bsngags pa yin/ /gsus khyim zlum zhing yangs pa dang / /ri dgas kyi ni dbyibs 'dra zhing / /bu ga med la thung zlum chu/ /dgu snyoms pa ni bsngags pa yin//ong do mnyam zhing zlum pa dang / /dbyibs ni legs bar gyur pa dang / /mjug do shin tu rgyas min zhing / /ha cang zhum pa yang ma yin/ /rgyab gzhung bas ni mthon bzang / /sra zhing zlum la rgyus mi mngon/ /gsal zhing rim gyis mdzes par gnas/ / shin tu thung dang ring ba min/ /gdong gi tshad dang mnyam pa dang / /mjug ma dang legs 'brel ba bzang / /rta yi rnga ma spu ring zhing / /mnyam sa kha dog gcig pa dang / /mnyen zhing snum par gyur ba ni/ /rta la shis bar bshad pa yin/ /mjug tsos shin tu mtho ma yin//shin tu gyes dang 'bus pa'ang min/ /lus dang rjes mthun tshad dang ldan/ /de lta bu dag bsngags pa yin/ /rkub ni zab cing zlum pa dang / /dbyibs legs phyi rol gnyer ma med/ /gang gis rta sbangs legs gtod pa/ /de ni rab tu bsngags pa yin//brla nad shin tu yangs min zhing / /dog par gyur pa min na bsngags/ /rlig pa do mnyam legs 'brel skyes/ /spu ni med par gyur pa dang / /dbus ni bil ba tsam zhig ni/ /shin tu ni 'phyang gyur pa bsngags/ /mtshan ni rtsa sdom rim gyis phra//'jam zhing myur du ldang ba dang / /spubs yangs pas ni g.yogs pa dang / /kha zhing shin tu phye zhing zlum/ /gting ring kha dog gcig ldan pa'i/ /rta ni bsngags par 'gyur ba yin/ /dpyi mgu la mnyam zhing dbyibs legs la/ / pags srab spu ni legs pa bzang / /rkub tshos sra zhing legs par 'brel/ /rtsa rgyus dag ni mi mngon bzang / /dbyi ni legs par 'byor pa dang / /legs par rdzogs gyur pa dang / /yangs shing dkyus ni ring ba dang / /pags pa srab la sha rgyas bzang //rje dar snyoms shing dbyibs legs dang / /rim gyis phra bar gyur pa dang / /shin tu phra ba'i rus pas khyab/ /rta ni bsngags par 'gyur pa yin/ /che drang pa sogs lus stod ni/ /ci 'drar ro smad de bzhin du/ /mtshan nyid thams cad bshad bar bya/de yi 'og tu rgod ma yi/ /lus kyi phyogs kyi mtshan nyid dag /gang dag yin pa bshad par bya/ /de yi mtshan ni mnyam che gsal/ /legs par bltams shing legs par 'dzag /bu ga che zhing grwa mtshams che/ /ring zhing mtshan ni rgya phyed la//mngal gyi nyes pa dang bral ba/ /de yi mo mtshan de 'dra bsngags/ /nu ma zlum zhing rgyas pa dang / /shin tu 'phyang ba ma yin dang / /'o ma skyon med legs par rgyas/ /rgod ma rab tu bsngags pa yin/ /nu sor mnyam zhing zlum pa dang / /bu ga legs shing 'o ma rgyas//shin tu 'dus min gyes pa'ang yin/ /mthug cing brtan la legs par skyes/ /shin tu 'byar min rab 'phyang min/ /rte'us 'o ma btung bde bsngags/ /lhag ma rgod ma'i yan lag kun/ /rta pho dang ni 'dra par bsngags/ /de lta mod kyi gzugs mdzes pas//rgod ma'i gzugs ni bzang bar bshad/ /lus ni sbom por gyur pa yod/ /phra ba lta bur mngon pa yin/ /lus srab par ni gyur na yang / /rgod ma spu mdangs yod pa mngon/ /de 'dra'i tshul gyis lus kyi ni/ /dbyibs kyi bye brag shes par bya//rgod ma rta pho 'dra ba dang / /rta pho rgod ma 'dra ba ru/ /gal te phyin ci log ci snang / /dgos pa'i 'bras bu 'byin mi 'gyur/ /lus che mdangs ni bzang ba dang / /legs par skyes zhing tshad dang ldan/ /gzi brjid yan lag dbyes pa dang / /yan lag cha ni snyoms pa dang //gtsug 'khyil dge zhing gzi mdangs dge /dri bzang yan lag mi sdug med/ /lus rgyas 'gros ni bzang ba dang / /'jigs med gnas gsum yangs pa dang / /tshad mnyam dbyibs ni legs pa ste/ /gang zhig de 'dra'i lus ldan pa//bdag po'i grags dang rigs dang nor/ /rnam par 'phel bar 'gyur ba yin/ /yon tan phyin ci log ldan pa/ /bdag po'i don rnams nyams byed yin/ /sha li ho tra'i mdo'i gnas las yan lag thams cad kyi mtshan nyid kyi le'u ste dgu pa'o// // dka' thub bsam gtan chen po yis/ /gzi byin gsal gyur drang srong la/ /blo dang ldan pa lags thos kyis/ /sngar bshad pa ni dris gyur pa/ /khyod kyis phyogs bstan gsungs mod kyi/ /bshad pa dag ni ma gsungs pas/ /bstan pa rnams kyi bshad pa ni//legs ldan gsung bar mdzad ba'i rigs/ /bstan pa bshad pa dang bcas pa/ /bu yis bskul bas smras pa ni/ /mid pa srol gong dang 'brel bas/ /ro 'dzin lcer ni shes par bya/ /de yi steng ni rkan yin te/ /ma rkan lce 'og yin par bshad/ /'gram so 'gram pa las skyes pa//ldang ba'i so ni yin par bshad/ /de las gzhan pa mdun gyi so/ /bcu gnyis mtshan mar ldan pa yin/ /de rnams kyi ni dbugs gnas pa/ /steng 'og bzhi ni mche ba yin/ /steng 'og gi ni so 'gebs pa/ /gnyis po mchu ni yin par bshad//mchu mtha' yi ni ngos gnyis na/ /'gram pa'i dbus chung kha 'gram yin/ /ya mchu'i steng na sgros yod de/ /de yi steng gi mchu lhag yin/ /ma mchu'i 'og ma ko sko ste/ /de ltag 'gram pa yin par bshad/ /sna gong mig gnyis bar mtshams gdong //gdong gi yan lag sna khung gnyis/ /gdong gi ngos gnyis mkhur tshos yin/ /de bar dma' ba mchi ma'i stan/ /de dag rnams kyi gong na mig /mig 'bras 'gegs pa mig mchu yin/ /mig mtha'i dkar po mig sprin yin/ /de dbus la zlum nag mthong mig yin//mthong mig nag po zlum po'i dbus/ /phra zhing dang ba mig rgyal bong / /mig ltag gnyis ni mig gi skyu/ /de steng smin ma gnyis yin no/ mig gi rgya ba ni mig zur te/ /nang gi mtshams ni mig phugs yin/ /smin ma gnyis re dpral ba ste//dpral ba'i steng gi dpral mtshams yin/ /de steng spyi bo yin par bshad/ /rna ba'ang gnyis par glad pa ste/ mig zur mig 'gram bar mur gong / /mur gong rna ba'i bar mur 'gram/ /mkhur tshos gnyis kyi rgyab za yung / /de gnyis phyi rol 'gram glad yin//'gram pa srol gong gnyis kyi bar/ /lkog ma zhes ni bya bar bshad/ /rna ba gnyis kyi steng dang rgyab/ /rna ltag dang ni rna mchan yin/ /mgo dang phrag so'i bar ske mgrin/ /ske mgrin phrag so'i ltag ske rtsa/ /de steng rngog g.yab yin par bshad//rngog mtha' rna ba'i bar phum phum/ /rngog g.yab mtha' ni ze'u ltag ste/ /de yi rgyab ni dang ru yin/ /dang ru'i 'og ni nam tsong zhes/ /rta rnams la ni bshad pa yin/ /ze'u ltag ni 'og ma nyid/ /ze'u yin par shes par bya/ /ze'u'i rjes thogs kho na la//sga 'og yin par shes par bya/ /de phan cad na sgal tshigs dang / /rgyab nyid yin par shes par bya/ /ze'u'i so gnyis phrag so ste/ /phrag so'i rtsa ba dpung mgo yin/ /lkog ma dang ni srol gong bar/ /mid pa'o de 'og srol mdud yin/ /mid 'og lag par brang yin te//de rjes lag 'og bar snying ga /de 'og dpung sna dpung pa yin/ /dpung pa'i nang ni mchan khung phan/ /rgyab kyi cha ni dpung rgyab yin/ /de 'og pus mo gnyis kyi ltag /pus gong dang ni lag ngar gnyis/ /pus mo'i 'og tu chig grang ste//de 'og chig grang phra mo yin/ chig grang sdom pha'i bar na ni/ /chig grang nang ste de ngog gi /mdun gyi cha ni tshe'u gdong yin/ /rgyab ni tshe'u spur shes par bya/ /de'i ltag de ni sgrog mkhar yin/ /de'i yang 'og na yod pa yi/ /tshe'u che zhes ni bya bar bshad/ / de'i 'og rmig pa'i mtshams yin la/ /de yi 'og tu rmig pa yin/ /rmig pa'i mtha' ma rmig sgros yin/ /rmig ba'i 'og ni rmig mthil te/ /rmig mthil nang mtha' sbal pa'i mtshams/ /rmig mthil dbus ni sbal pa yin/ /dpung mtha'i mgo na snying yod de/ / de yi ngos ni rtsib logs yin/ /rtsib logs 'og tu dku yin la/ /de yi steng ni sga 'dab yin/ /sgal tshigs kyi ni cha dag gi /mtshams ni ro smad yin par bshad/ /rus pa gsum ni 'dus pa yi/ /sum mdo 'jug do yin par bshad/ /mjug do'i 'og tu ong do ste//de rjes rnga rtsa yin par bshad/ /de yi ngos gnyis dbyi steng yin/ /dpyi steng 'og ni ri hi ni/ /bar na rnga ma rnga snying bcas/ /de gnyis 'og ni brla dpyi'i mtshams/ /rnga rtsa'i 'og ni rkub yin la/ /de yi ngos gnyis rkub tshos yin/ /de yi 'og ni 'breg yin la//de dag bar ni mjug srub yin/ /brla yi yang na rlig pa ste/ /rlug pa dang 'brel mtshan yin no/ /de gnyis mdun na rmong kha ste/ /rmong kha snying de'i dbus lte ba/ /dku yang bar na gnas pa yin/ /dku na lte ba'i bar na rgyu/ /rgyab dar dku yi bar ran 'dra//ran 'dra'i 'og ni sdu gu mig /de yi pha rol dpyi yin te/ /de yi 'og na brla yin no/ /de yi yang 'og brla phra mo/ /de yi 'og ni rje rang yin/ /de 'og sre long chig grang yin/ /lhag ma ro stod rjes 'brangs te/ /thams cad nye bar dbye bar bya/ /sha li ho tra'i mdo'i gnas las bstan pa rnams bshad pa ste le'u bcu pa'o// //rta yi tshe yi rig byed mkhan/ /drang srong mgyogs 'gro'i gnyen gyur pa/ /sha li ho tra dbang thul la/ /mdza' las rgyal gyis yongs dris pa/ /rta yi tshul gyi de nyid mkhyen//tshad ni rnam pa du ru bshad/ /mi sdug gzhal min gang zhig lags/ /sdug cing gzhal bzod gang zhig lags/ /yan lag nying lag shes pa dang / /grangs nyid kyi ni bye brag rnams/ /bdag cag blo gros zhan pas na/ /legs ldan khyod las mnyan par 'tshal//de skad smras tshe slob dpon gyur/ /drang srong dam pas slar smras pa/ /ji skad bstan pa 'di mnyan nas/ /mdza' las rgyal gyis bzung bar gyis/ /sgur zhing gdong dang ske pa zhum/ /'khums dang shin tu rgyas drags dang / /'dug dang dbang po yul gyi gnas//de bzhin brang ni 'phyugs pa dang / /rked pa skrongs bar gyur pa dang / /zhin tu dma' dang shin tu mtho/ /gang zhig lus stod shin tu che/ /de bzhin rgyab ni lhag par dma'/ /lus ni shin tu mi snyug dang / /de bzhin rked pa zhum pa ste/ /mi sdug rta ni bcu po 'di//gzhal min yin par shes par bya/ /stobs ma nyams shing mdzes pa yi/ /lus ldan rta ni bco lnga pa/ /lus kyi chu zhing legs gnas shing / /gnas kyi cha ni ma 'phyugs pa/ /tshod shes pa yi gzhal bya yin/ / gzugs ngan nam yang mig zhal lo/ /ske mgrin lus ni cha mnyam zhing / /rnga snying mgo dang mnyam pa dang / /ong do dang ni brang zheng mnyam/ /pus mo'i tshe'u mnyam pa dang / /dpangs dang zhing gi tshad dang ni/ /legs pa snyoms par gyur ba'i rta/ /de 'dra'i tshad dang ldan pa dag /cha mnyam yin par shes par bya/ /rta ni lus kyi cha mnyam pa'i/ /tshad ni rnam gsum mnyan par gyis/ /rta mchog gi ni dpral ba la/ /sor ni bcu gnyis yod par bshad/ /rna ba sor drug yin zhes bya/ /so dag sor ni phyed dang gnyis/ /mig ni sor gsum shes par bya//mche ba'i dbangs ni sor gnyis yin/ /mgo bo sor ni nyi shu brgyad/ /phum phum gnas ni dpangs sor gsum/ /rta mchog gi ni chu ru ni/ /sor brgya rtsa bzhi nyid yin no/ /ske mgrin sor ni sum cu ste/ /ze'u ltag sor ni drug yin la/ / rgyab ni sum cur shes par bya/ /or do gdong pa dag dang mnyam/ 'breg ni sor ni bcu yin te/ /'di ni chu yi tshad du bshad/ /rlig pa bil ba bzang po yi/ /tshad tsam yod par shes par bya/ /rta mchog gi ni mtshan dag la/ /sor ni bcu drug yin zhes bya/ / phrag so sor ni nyi shu drug /dpung mgo nyid ni sor bcu yin/ /dpung pa nyi shu rtsa bzhi ste/ /pus mo'i tshigs ni sor drug pa/ /tshe'u spu sor drug yin zhes bya/ /chig grang dkyus su sor bcu drug /tshe'u tshe sor ni drug pa yin/ /rmig pa'ang de dang mnyam pa yin/ / rked pa'i dbus kyi zheng gang yin/ /dpangs ni de dang mnyam pa yin/ /tshad ni rta mchog dag gi yin/ /de nas bar ma'i bshad bya ste/ /dpral ba'i tshad ni sor bcu yi/ /gdong pa sor ni nyi shu drug /mig la sor ni phyed dang gsum/ /phum phum gnas kyang de dang 'dra//so la sor gcig bzhi cha gcig /mche ba sor gcig bzhi cha gsum/ /rna ba'i dpangs su sor lnga ru/ /rta ni bar ma'i yin par bshad/ /ske mgrin nyi shu rtsa bdun du/ /bstan bcos rtogs par shes par bya/ rngog mtha' sor ni lnga ru bshad/ /rgyab ni ske mgrin dag dang mnyam//'breg la sor ni bdun yin te/ /ong do nyi shu rtsa drug yin/ /bar ma 'di yi chu ru ni/ /sor ni dgu bcu rtsa gnyis yin/ /mgo bo sor ni nyi shu drug /'di yi rnga snying de dang mnyam/ /bar ma rlig ba'i tshad dag ni/ /bil pa 'bring po tsam yin no/ / bar gyi mtshan gyi tshad dag ni/ /sor ni bcu bzhi yin par bshad/ /dpangs su sor ni bcu dgu dag /'di la bsngags bar gyur pa yin/ /phrag sor sor ni nyi shu lnga/ /dpung mgo sor ni brgyad yin no/ /dpung pa sor ni nyi shu gsum/ /pus mo tshe'u dang mnyam pa yin//chig grang sor ni bcu bzhi ste/ /tshe'u spu sor ni lnga pa ste/ /tshe'u tshe'ang sor ni lnga pa ste/ /rmig pa'ang de dang 'dra bar bshad/ /rta yi tha ma dag gi tshad/ /dpral ba sor ni brgyad yin te/ /mgo bo sor ni nyi shu bzhi/ /mig ni sor gnyis yin shes bya/ / phum phum gnas kyang de dang 'dra/ /mche ba sor ni phyed dang gnyis/ /so yi dpangs su sor gcig yin/ /rna ba'i dpangs ni sor bzhi ste/ /skra 'gram nyi shu rtsa bzhi ste/ /rngog mtha' sor ni bzhi yin no/ /rgyab ni ske ba nyid dang mnyam/ /'breg gi tshad ni sor bzhi ste//ong do sor ni nyi shu bzhi/ /chu ru sor ni brgyad cu yin/ /mgo bo nyi shu rtsa bzhi ste/ /rnga snying dag kyang de dang mnyam/ /rlig pa bil ba chung ngu tsam/ /pho mtshan sor ni bcu gnyis yin/ /rta ni tha ma'i dpangs su ni/ /sor ni brgyad cu yin par bshad/ /phrag so sor ni nyi shu bzhi//dpung mgo 'di yi sor drug yin/ /dpung pa sor ni nyi shu gnyis/ /pus mo sor ni bzhi yin la/ /rta ni tha ma'i chig grang gi /dpangs ni sor bcu gnyis yin no/ /tshe'u spu'i gnas ni sor bzhi ste/ /tshe'u tshe'i rmig pa de dang 'dra/ /de ltar chu yi tshad bshad pa//chu ni ci bzhin gzhag pa yin/ /ro stod kyi ni dpangs gang yin/ /'og nas rngog mtha'i bar du gzhal/ /ro smad mjug do'i mtshams nas ni/ /'og nas steng du de bzhin gzhal/ /de ltar dpangs su gzhal nas ni//bstan bcos mkhas pas bya ba yin/ /rnga snying rtsa nas mig zur gyi/ /bar du chur ni gzhal bar bya/ /dpyi steng mjug to dpyi mgul dang / /brla dpyi'i mtshams ni gang yin pa/ /mchog dang bar ma tham la'ang / /phrag so dang ni mnyam pa yin/ /rje ngar daphyi yi ba ha las//sor gcig gis ni chung bar bshad/ /spu ra pus mo'i tshad las ni/ /sor gcig lhag par shes par bya/ /chig grang la sogs sngar bshad pa/ /phyi rkang gi yang de 'drar ldan/ /nas rgyas kyi ni ltog shibs pa'i/ /zheng ni sor du shes par bya/ / la la mthe bo'i tshigs kyi zheng / /sor yin par ni 'chad par byed/ /gzhan dag skyes bu ran pa yi/ /lag sor gyi ni gung mo yi/ /tshigs ni dbus ma'i nang dag la/ /sor min par ni 'dod pa yin/ /rta gzhan gang dag yod pa dag /tshad 'di yis sna gzhal bar bya//de ltar mchog dang bar ma dang / /tha mar gyur pa'i rtag sum la/ /tshad ni rnam pa gsum dag gis/ /gzhal bar 'di ni bshad pa yin/ /de ltar chu zheng tshad ldan pa'i/ /lus dang ldan pa gang zhig yin/ /lus dang 'tshams par sha rgyas shing / /rkang pa sra la mtshan dang ldan//yan lag gsal zhing mnyan pa dang / /lus snyoms sha ni mkhregs pa dag /bkra shis dbal skyed dge ba dang / /'dod pa thams cad sbyin byed yin/ /sha yi ho tra'i mdo'i gnas las tshad gzhal ba'i le'u ste bcu gcig pa'o// // de nas gzhan yang yan lag bcu'i/ /cha yi le'u bshad par bya/ /dang po'i gnas ni dpral ba yin/ /mthar thug tshad du bshad pa yin/ /gnyis pa dpral ba'i steng gi ni/ /glang ba la ni brten pa yin/ /gsum pa ske 'grin phrag so yi/ /lus kyi phyogs ni yin par bshad//nam tshor ze'u'i ltag ze'u/ /dpung mgo bzhin phrag so dang / /sog pa'i gnas ni gang yin pa/ /bzhi pa dag ni yin par 'dod/ /lus kyi ro stod cha mnyam dang / /dpung sna la sogs lnga bo yin/ /snying ga lag 'og rtsib logs dang / /sga 'og dang ni rgyab nyid ni//rta yi gnas ni drug pa yin/ /sgal tshigs dang ni lto ba dang / /mtshan gyi nye 'khor gang yin dang / /rgyu dang mi rgyu gang yin rnams/ /gnas ni bdun pa dag tu bshad/ /ong do'i phyogs na gang yod dang / /brlag nyis dang ni bcas pa dag /de dag gnas ni brgyad pa yin//dpung pa dpung rgyab pus mo dang / /rkub tshos dpyi mgul dpyi mtshams dang / /rje ngar dang ni bcas pa dang / /gnas ni dgu pa yin par 'dod/ /pus mo rje ngar man chad ni/ /gnas ni bcu ba zhes bya'o/ /dge ba'am yang na mi dge ba//thams cad kyang ni mtshon par bya/ /gnas skabs cha yi 'bras bu dag /de yi rtag tu brjod bya min/ /de bzhin gnas kyi dbye ba yi/ /rta yi tshad la sogs pa'ang bshad/ /gnas shes ba yi gnas rnams ni/ /rtogs par byas la'ang 'bras bu brjod/ / tshe dang na tshod cha rnams ni/ /gnas las shes par byas te bstan/ /mtshan nyid ldan na 'bras bur bcas/ /go bzlog pa ni 'bras bu med/ /mtshan nyid gnas ni 'khrugs pa las/ /'bras bu khyad par 'phags par 'gyur/ /mdog dang gzi mdangs snying stobs dri/ / ci bzhin dus su 'bras bu ster/ /lus kyi 'gros dang skad dang ni/ /rtag tu 'bras bu 'byin pa yin/ /thig le dang ni gtsug gi ni/ /gnas skabs cha ni 'di las byung / /sha li ho tra'i mdo'i gnas las yan lag bcu'i cha dbye ba'i le'u ste bcu gnyis pa'o// // legs thos thos pa phun tshogs pas/ /sha li ho tra la dris pa/ /mi sdug ci ltar shes par gyis/ /ji bzhin sdug pa ji lta bu/ /dman dang de bzhin mi dman dang / /yan lag tshang dang mi tshang dang / /gzhal bya nyid dang gzhal min dang / /gso sla gso dka' ji lta bu/ / de ltar bu yis dris pa dang / /sha li ho tras slar smras pa/ /so so'i mtshan nyid ci 'dra ba/ /de dag khyed la bshad par bya/ /gang yang lus kyi dbyibs legs shing / /rtsa rgyus snang bar mi 'gyur dang / /chu zheng tshad dang ldan pa dang / /sha ni gnas dang 'tshams par skye//lus snyoms gsum pa chung ba dang / /yid dang mig ni dga' byed pa/ /ro smad mnyam zhing zlum pa dang / mdzes shing dbyibs ni legs gnas dang / yan lag nying lag rdzogs pa dang / /yan lag kun gyi dbyibs legs dang / /nying lag rnams ni mi sdug dang //mgyogs shing mnyam dang ldan pa dang / /des shing stobs dang ldan pa dang / /na tshod gzhon zhing 'gros che dang / /ske mgrin phrag so brang gi phyogs/ /sha rgyas tshad dang ldan la sogs/ /'di dag gzhal bya cha mnyam dang / /gso sla mi sdug med pa yin//de las bzlog par gyur pa'i rta/ /gzhal bya'i las dag ma yin no/ /de lta'i mi sdug la sogs dang / /ldan pa'i rta ni gang yin pa/ /shing rta lam dang khal dang ni/ /rtsed mo'i gnas dang g.yul dag tu/ /las dang 'tsham pa ma yin pas/ /de phyir de ni spang bar bya//de phyir bzang po shes byas la/ /de lta'i rta ni blang bar bya/ /de ltar blang 'os blangs nas ni/ /lhag ma spang bya rnam par spang / /tshong pa rnams la rta dag ni/ /bzang po blang bar gyur pa dang / /spris ma bshugs pa'i zho lta bur/ /lhag ma snying po med pa yin//de lta mod kyi brtse ba yis/ /spang bya de yang tshong ba dang / /rta la brtse bar bya ba'i phyir/ /blangs te sbyin pa gtang bar bya/ /mtshan ni ngan par gyur na yang / /mgyogs shing rigs dang na tshod ldan/ /rgyal pos lhag gang rnams dang ni//bram ze la ni sbyin par bya/ /ma ning rgan dang nad kyis nyen/ /nye 'khor gnas pa'i mi la sbyin/ /rlig pa med dang rlig gcig pa/ /rlig ser dang ni lus skems dang / /yan lag ma tshang gyur pa dag /nyung rum la sogs rnams la sbyin//g.yul du 'jug par mi nus pa/ /gar mkhan dang ni glu mkhan dang / /'khrus mkhan dang ni 'dreg mkhan dang / /de 'dra'i tshul ldan dag la sbyin/ /de la shin tu mi sdug pa/ /shin tu bzang ba mi sbyin no/ /shu la ka dang gzugs mi sdug /so mi sdug dang mi srun pa//nye 'khor kyi ni pho nya sogs/ /drag shul byed pa rnams la sbyin/ /'gros chung ba dang sregs pa dang / /rkang ngan glas kyi nang mir sbyin/ /rta la gdug bar gyur pa ni/ /mtshams srung mtha' 'khor pa dag dang / /nyes pa cher bsten dag la sbyin/ /rang gi yul du de mig zhag /de rnams rtog la mkhas pa ni/ /rgyal po'i drung du rtag par gzhag /de ltar rta ni rnam phye na/ /rgyal po'i 'byor pa 'phel 'gyur zhing / /yid ni dga' zhing mgu ba dang / /g.yul dang dgra las rgyal bar 'gyur/ /sha li ho tra'i mdo'i gnas las sdug pa dang mi sdug pa rnam par phye ba'i le'u ste bcu gsum pa'o// //nyi ma 'char ka 'dra ba yi/ /drang srong tha la phyag byas te/ /legs thos kyis ni zas kyi tshad/ /rnam par brtag pa dris gyur pa/ /legs ldan mi la zas kyi tshad/ /bshad kyis rta la ci zhig 'tshal/ / phyugs rnams dang ni khyad par du/ /rta la de gso ma mchis te/ /de rnams dbugs 'byin tsam gyis ni/ /zos shing bcas pa 'ju gyur la/ /phyugs ni lto bar grags pas na/ /de la tshad ni ci zhig bgyi/ /de skad legs thos kyis smras tshe/ /sha li ho tras slar smras pa/ / blo gros bzang po nan tan du/ /shin tu 'dra pas kyang tshad tsam du/ /byin na dga' ba skyed byed cing / /tshod zin dug kyang bdud rtsir 'gyur/ /tshod ma zin na bdud rtsis kyang / /gsod par 'gyur ba nyid yin no/ /bde zhing gsol 'tsho byed pas/ /tshod zin 'jig rten ma dang 'dra//de med srog mtha'i 'jigs bskyed la/ /de dang ldan na gnas mchog 'gyur/ /rta ni mang du za bas na/ /tshad kyi dgos pa bden mod kyi/ /sman dang zas skom cho ga ni/ /'gro ngan bong bu la yang dgos/ /tshod ma zin na sman gyis kyang / /nad gzhan skyed par 'gyur yin la//tshod dang ldan pa byas pa yis/ /dug gis kyang ni nad 'joms so/ /rdzas dang 'ju stobs rdzas ci yang / /tshad ni rnam pa gsum la 'jug /snying dga' shugs ni ma bkag dang / /lto'ang shin tu mi gnod dang / /rtsib logs rnams ni bde ba dang //gsus pa tshim bar ma gyur la/ /bkres dang skom ni zhi ba dang / /dbang po rnams ni tshim pa dang / /dbugs rngub dbugs dbyung bde ba dang / /gnyid ni bde bar log byed dang / /stobs dang kha dog 'phel byed dang / /bde bar 'ju bar 'gyur ba dang / / lus gzungs 'khrug par mi byed pa/ /tshod zin zos pa yin bar bshad/ /kha zas lci bas lto ba yi/ /phyed dam sum cha bkang ba bsngags/ /kha zas shin tu yang ba yang / /shin tu 'drangs par sbyin no/ /de ltar tshad las tshad min par/ /lhag pa'am chung par gyur pa ni//stobs dang snying stobs blo dang ni/ /mdog dang dbang po la gnod byed/ /rlung ni 'gags pa'am sbyor bar byed/ /nad skyed byed pa'i mchog yin la/ /ro mi tsa zhing tshe thung dang / /mdangs med bkra mi shis par 'gyur/ /de bas rta rnams log pa yi/ / zas la spyod lam bzlog par bya/ /'drangs drags par ni gyur pa las/ /nad gzhi thams cad 'khrug byed cing / /gsung dang pho ba'i nad skyes pas/ /rta ni de las bzlog par bya/ /ji tsam gyis ni lto ba'i me/ /'bar gyur de tsam sbyin par bya/ /tshad mi ldan par byin pa yis//yang na drags pa'am chung bar 'gyur/ /rdzas ni chu skyes rlan can dang / /skam par skye ste gsum du 'dod/ /de dag tshad mi ldan par ni/ /bza' ba'i bya ba'ang tha dad do/ /mar dang sbrang rtsi mnyam zas sogs/ /tshad mi ldan dang 'dra ba yi/ /zas kyi smos kyi skom mam ni//snum mam rtswa yi tshod dang ni/ /grang lhags 'dren pa drags pas kyang / /tshad mi ldan par gnod pa skyed/ /de bas spyi dang khyad par gyi/ /tshad ni nga yis bshad par bya/ /'ol ma se bzhi ma sha bzhi/ /de bzhi la ni shan ste/ /de bzhi la ni su ba sna//de nyid zho gnyis zhes bya'o/ /de bzhi la ni srang gcig ste/ /de bzhi la ni phul du bshad/ /phul bzhi la ni bre gang yin/ /de bzhi la ni bre bzhi ste/ /de bzhi la ni dro na yin/ /'di ni spyi yi tshad yin la/ /gsher rdzas la ni nyis 'gyur bya//snum ni tshad kyi phyed du bya/ /ak+Sha lag pa'i mthil la sogs/ /zho gnyis kyi ni ming yin no/ /srang phyed ming ni a smur bcas/ /srang gcig udum+W+'a rar bshad/ /srang gnyis khyor gang zhes byar bshad/ /de gnyis la ni gnyis par bshad/ / de la rtswa skam dag las srang / /brgyad brgya ta la ran pa yin/ /rlon pa de'i 'dab snye mar bcas/ /bzhi brgya nyin mtshan gcig la ran/ /thug sogs la ni bre bzhi tsam/ /bza' skam bre ni phye dang gnyis/ /snum las phul gang btung ba ni/ /bre gang sbyin par shes par bya//sbrang rtsi las ni phul gang sbyin/ /bur ma las ni srang brgyad sbyin/ /hwags dang kha ra gang yin pa/ /srang ni bcu yi tshad du sbyin/ /sna sman khu ba phul gang ste/ /snum gyi sna sman de yi phyed/ /du bas bdug la zho drug ste/ /du ba drag po zho gnyis tshad/ / sman kha'i gong bu srad bzhi dag /bad kan nad la sbyin par bya/ /rta la dgongs ka btung bar ni/ /chang ni bre gang blud par bya/ /rta rnams la ni phye ma'i sman/ /btags pa srang gnyis sbyin par bya/ /zas dang snum ni mnyam byin tshe/ /skom du chang ni blud par bya/ / rta la lan tshwa srang lnga yi/ /tshad du bar tu sbyin par bya/ /lus kun bsku byug bya ba yang / /snum ni bre dang sbyar bar bya/ /rna bkang la yang snum dag ni/ /srang gnyis nye bar gzhug par bya/ /bsku ba'i snum la sman las ni/ /srang brgya phye mar btags pa gzhug / phye las bre ni do dag dang / /de ru bu ram srang brgyad gzhug /mar las phul do bsres pa yi/ /skyo ma dag ni sbyin par bya/ /chu skyes sha ni srang lnga bcu/ /rlan can sha ni srang bdun cu/ /skam pa'i sha ni srang dgu bcu/ /sha yi kha zas tshad yin no/ /khrag bre do la rgyam tsha ni//srang gnyis nye bar gzhug bya zhing / /snum yang srang gnyis bcug pa ni/ /khrag zad pa la sbyin par bya/ /mas gtong ba la bre gang tsam/ /dum bu gsum du byas te gtong / /btags ba las ni srang gsum tsam/ /srang re ru ni bcad de gtong //'jam rtsi phul bzhi gtang bar bya/ /'jam rtsi'i gong ma phul gang gtong / /mar la 'jam rtsi gtong ba ni/ /phul do dag ni bya bar bshad/ /sman ni srang bzhi'i tshad dag ni/ /chu srang sum cu rtsa gnyis bskol/ /bzhi cha lus par byas pa dag /'di yi sman khu yin par bshad/ /chu sman bcu drug 'gyur nang du/ /bskol ba'i sman ni srang brgya gzhug /snum yang srang brgya bcu gnas ni/ /bzhi cha cha gsum bsrub par bya/ /der ni snum gyi bzhi cha yi/ /sman phye bcu ga la lde gur bya/ /de la sha khu 'o ma ni//chu yi bzhi cha gzhug par bya/ /bskol chu sman dang sbyar ba yang / /zhag lon pa ni sbang bar bya/ /bu ram bsil du 'dod pa dang / /bsregs na sgra mi 'byung ba yi/ /mtshan ma de dang dang bar ni/ /snang na thob la dbog par bya/ /de ni tshos pa yin ba'i phyir//snum de slar ni bab par bya/ /de ni btsags par gyur na ni/ /yon tan lhag par 'gyur pa yin/ /snum zhing dang bar 'gyur pa dang / /gsal bar gyur na mkhas pa yis/ /snum de mdog ni phyin pa'i phyir/ /tshos pa yin par shes bar bya//de 'dra nang kun 'joms byed yin/ /ma tshos chu dang 'dres pa dang / /tshos drags nag por gyur pa ni/ /nad kun 'khrugs bar byed pa yin/ /rma dang sna sman 'jam rtsi la/ /'jam par tshos pa gtang bar bya/ /bsku la tshos drags btung ba la/ /bar ma tsam ni bsngags pa yin//mtshos snum ni nad skyed la/ /tshos drags phan pa med pa yin/ /legs par tshos pa'i snum dag ni/ /rta yi nad ni 'jig byed yin/ /rlung mkhris bad kan sel ba'i snum/ /btung dang bsku dang sna sman dang / /rma dang 'jam rtsi las rnams te//rnam pa lnga la gtang bar bya/ /tshad 'di dag ni rta rnams las/ /mchog gi yin par shes par bya/ /bar mal ni bzhi cha dbri/ /tha ma la ni phyed dbri'o/ /so so'i zas skom cho ga dang / /sum gyi cho ga tha dad pas/ /nad rnams zhi ba nyid 'gyur gyi//kun la gcig ni bsngags ma yin/ /ut+pa la ni kha 'byed pa/ /zla ba'i 'od zer nyid yin la/ /nyi ma'i zer gyis pad+ma ni/ /kha 'byed par ni snang ba yin/ /tshad ni me stobs las shes bya/ /ji dga' sbyin par mi bya'o/ /me drod de yang rnam bzhi ste//rno rtul mnyam dang mi mnyam pa'o/ /rno bas shin tu myur du 'ju/ /rtul bas dka' bas 'ju ba yin/ /ma snyoms pas ni 'ju mi snyoms/ /snyoms pas 'ju ba snyoms pa yin/ me drod rtul bas gzi mdangs mdog /dang po dang ni 'gros zhan 'gyur//me drod rno bas de rnams dang / /ldan zhing nad ni nyung bar 'gyur/ /me drod snyoms pas stobs mdog /nad med 'gros dang skad dang ni/ /dbang po bde ldan nad med 'gyur/ /me drod mi snyoms skad dang mdog /stobs chung nad ni mang ba dang //bde ba med par 'gyur ro zhes/ /sha li ho tras rjes su bstan/ /sha li ho tra'i mdo'i gnas la tshad kyi le'u ste bcu bzhi pa'o// //rta bres la ni legs gnas pa'i/ /drang srong chen po dbang po thul/ /me la sbyin sreg byed brtson la//legs thos la sogs kyis dris pa/ /chod shis gang gi don 'gyur zhing / /gang gi yon tan skyon bshad pa/ /de yi zas kyi bya ba ni/ /lus dang des 'brel bka' stsol cig /de skad sha li ho tra la/ /drang srong dam pa bus dris tshe//zas kyi sbyor ba drang srong che/ /mdangs dang ldan pas slar smras pa/ /zas kyi sbyor bas kha dog mdangs/ /mgyogs mdzes snying stobs dran pa dang / /'drangs dang sems ni dga' ba dang / /na tshod la ni 'jog pa yin/ /la la 'tsham dang mi 'tsham dang //zas kyi sbyor bas bde 'gyur ba'i/ /sbyor ba'i cho ga bshad par bya/ /bshad pa de ni mnyan par gyis/ /me drod chung dang yid mi bde/ /lto ba na dang dbugs mi bde/ /dub cing khal gyis nyen pa dang / /dug 'thungs ba dang skams pa dang //lam 'gro mtshan ni mi ldang dang / /dub la'ang kha zas mi sbyin no/ /stobs ldan lci ba'i kha zas ni/ /de la sbyin par mi bya'o/ /lam gyis nyam chung gyur stobs bri/ /rgan dang rab gzhon dbang nyam chung / /rtsa dang 'bras dang glo gcong can/ /zas sbyor rtag tu bya bar rigs//gang tshe phyi dro'i dus su ni/ /skyes bu gsum po'i grib ma lhags/ /cung zad lhag pa'am mchang ba'am/ /zas sbyor bya ba'i dus yin no/ /'bras bre gang ni legs btsos la/ /de rjes cha dang bsre bar dang / /snum dang ldan par byas pa ni/ /byin na legs par 'ju bar 'gyur//dang por snum dang ldan pa yi/ /rjes la lan tshwar ldan pa dang / /zas sbyor 'di ni skom dang dag /mi skyed legs par 'ju par 'gyur/ /zho dang kulang+tha'i khu ba/ /chang dang sbrang rtsi kany+dzi dang / /til mar bsres pas mnyen bya min/ / khu ba gzhan dang bsre mi bya/ /kany+dzi dang ni sha khu'am/ /'o ma 'am yang na hwags dang ni/ /'di dag mnye ba sbyin bya zhing / /yang na til mar sbyar ba'ang rung / /zhag dang til mar mar sbyar ba/ /gsum po sbyar ba zhes bya'ang bsku/ /de la sha khu mchog yin te/ /de dang nye bar bya ba yi//nas dang ma sha gro dang ni/ /drug cu pa yi sbyor ba gang / /de ni 'o ma'am sbrang rtsi'am/ /mar dang sbyar bas mnye bar bya/ /'di dag dang ni mnye ba'i tshe/ /de ru lan tshwa gzhug mi bya/ /rlung dang bad kan gyis nyen dang / /rta yi snum mang 'thungs pa dang / / me drod chang dang mi snyams dang / /sbegs la lan tshwar bcas pa gtang / /mnye ba'i sbyor ba bya ba dang / /chang dang chang snying zho ga chus/ /lto ba'i ma zhu rnam sbyar zhing / /kha chu'i rgyun ni 'dzag par bya/ /khong pa'i srin bu yod pa la/ /ba gcin dang sbyar sbyin par bya/ /gang zhig rgan dang lud pa can//de la kha zas skam mi sbyin/ /de lta bus snum dang ni/ /bcas pa'i zas kyi sbyor ba bya/ /rta la zas ni sbyin pa ni/ /mgo bo gyen du legs bstan nas/ /zas zhi kham re bcad nas ni/ /myur min 'gor ba med par sbyin/ /nas thug mar dang ldan pa'am//yang na tshag tshe mar gyis sbangs/ /rta rnams rtas byed dam pa yin/ /mkhris pa can la mchog tu phan/ /tshag tshe nas thug snum med pa/ /lan tshwa dang ni ldan pa ru/ /bca' lga btab par gyur pa ni/ /bad kan can la sbyin par bya/ /rgyam tsha dang ni bcas pa dang //ma sha ri la ma ra bcug pa/ /rlung nad can la phan mod kyi/ /de las mkhris pa skye ba bsrung / /sha rnams sna tshogs dag dang ni/ /bad kan can la chang blud cing / /mkhris pa can la 'o ma blud/ /rlung nad can la sha khu sbyin/ /mkhris pa can la rab bsil ba//rlung nad can la dro 'jam tsam/ /cung zad dro 'jam bad kan can/ /zas dang skom ni sbyin par bya/ /rgud cing snum ni med pa dang / /yang shing tshad las chung ba ni/ /bad kan can la sbyin bya yi/ /kha zas snum pa'ang mi sbyin no/ /chu dron gyis ni kha bkrus la//kha 'gram legs par bltas nas ni/ /mnyes la sna sman btang nas ni/ /de yi 'og tu 'dre ru gzhug /de yi mod la rtswa mo sbyin/ /khyad par du ni sngo mi sbyin/ /de tshe lam 'gro dub pa'am/ /chu rgal ba ni bsngags ma yin/ /zas sbyin 'og tu btung ba ni//chu bre phyed ni blud par bya/ /des ni drod skyed nad gzhi sel/ /legs par 'ju bar byed pa yin/ /mgyogs shing stobs dang ldan pa dang / /sha mkhregs dbang po brtan pa dang / /khal dang khur la sran che bar/ /zas de yis ni 'gyur ba yin//rnying dang 'bu yis zos pa dang / /tshig dang du bas khyer ba dang / /g.yu las char gyis nyen pa yi/ /rtswa ni rta la mi bsngags so/ /skyon med pa ni nas bas kyang / /yi gar 'ong zhing zos pas sred/ /de nas rta yi 'tsho ba ni/ /rtswa yis nges par bsdus pa yin//ljang pa dga' zhing yi gar 'ong / /me drod gzi mdangs sred 'phel byed/ /de phyir rta yi ljang pa yin/ /zos na de 'drar 'gyur ba yin/ /ljang pa tshad ldan byin na ni/ /nad rnams skye bar mi 'gyur zhing / /rigs par ljang pa byin pa yis//skyes zin nad kyang 'ju bar 'gyur/ /bong pa spu shel tsha ba gsum/ /byi dang ga dang dug mo nyung / /'bras btags chang dang sbyar ba ni/ /mdog dang che ni 'phel byed mchog /'o ma mar dang ma shar bcas/ /til btags sbyar ba zho can yin/ / ma sha'i phye la lan tshwar bcas/ /stobs skyed byed pa gzhan dag gam/ /sA lu'i phye ma'ang sbrang rtsir bcas/ /bi da ri dang ldan pa ni/ /'o ma sbyar ba zhag gsum byin/ /stobs dang kha dog 'phel byed yin/ /zho dang skyur rdzas lan tshwa dang / /mar dang bcas par dkrugs pa ni//nas dang sbyar byin lus zungs bzang / /stobs dang kha dog skyed byed yin/ /skams dang chu la rkyal ba dang / /rtswa ni sngon po dag dang ni/ /gang zhig kha zas mngar ba dang / /mar la sogs dang sbyar ba dang / /sha la sogs bcas bsil ba ste//drug po 'phral du srog ster yin/ /'brog tu rtswa ni sna tshogs las/ /rtswa gcig la ni sred pa gang / /goms pas bsten pa yin zhes bya/ /ro yi goms pa zas sbyor las/ /de yi ro las shes par bya/ /bya ba'i sbyor bas lus 'phel 'gyur//gzhan gyis zos de gang bor dang / /gang zhig rtsa nas byung ba dang / /nang du rul bar gyur pa yi/ /rtswa ni shin tu stobs 'phrog byed/ /sha li ho tra'i mdo'i gnas las zas kyi sbyor ba'i le'u ste bco lnga pa'o// //gang zhig zas sbyor sna tshogs kyis//'bad pa mang pos bsgrubs byas pa/ /mdzes pa zhes 'di grags pa 'di/ /ci 'dra rnam pa du zhig mchis/ /legs ldan de ni gsungs shig ces/ /de ltar legs thos kyis bskul to/ /sha li ho tra drang srong ches/ /go rims de ni slar smras pa//ljang pa zas dang skom rnams dang / /de bzhin mar dang snum tshogs kyis/ /sos par gyur tshe mdzes gyur te/ /de ni rnam pa lngar bshad do/ /brag bcas zhes bya dang po ste/ /gnyis pa rtsib logs 'gengs byed yin/ /gsum pa stobs ni skyed pa ste//bzhi pa sha ni rgyas pa yin/ /lnga pa lud pa can zhes bya/ /de ltar rnam pa lngar bshad do/ /'di dag rnams kyi mtshan nyid ni/ /so sor bshad kyi nyan par gyis/ /mtshan dang rlig pa rmong ka dang / /rkub dang brang dang rtsa sbubs rnams/ / khrag dang sha ni srab pa yis/ /mnyen zhing khrag gis rgyas 'dra ba/ /de ni khrag bcas mdzes la gnas/ /rta ni gdul sbyor dag la sbyar/ /yan lag sha ni 'jam po yis/ /cung zad g.yogs par gyur pa dang / /phrag so brang sogs sha skyes pa/ / stobs ldan rtsib logs 'gengs byed yin/ /rked pa brla ni sha rgyas shing / /rtsib ma shas ni legs par khebs/ /stobs che na cung zad ma rdzogs pa/ /mdzes pa dang ni stobs skyes yin/ /'dir ni ji ltar dga' ba rung / /bzhon ba'i don du bshad par bya/ / cu nus par ni bkol ba yang / /de ni nyam chung gis 'gyur ro/ /sha ni rgyas par gyur pa'i rta/ /bya ba kun la nus par ldan/ 'dregs par bcas shing mdzes dang bcas/ /dpa' zhing stobs ldan dpa' ba dang / /tshigs sus rtsib logs rked pa'ang / mjug do dang ni shar nus zlum//ze'u nas rnga snying bar du ni/ /dma' zhing gang gi ri mo chags/ /sha ni shin tu rgyas gyur ba/ /sha ni shin tu rgyas gyur pa/ /de ni lud pa can zhes bya/ /mdzes pa 'di dang ldan pa'i rta/ /bya ba thams cad bde blag nus/ /sha rnams 'phyang zhing dbugs mi bde/ / rngul dang dub pa'i shas che ba/ /khru sman legs par btang ba yis/ /'di ni nyam smad nyid du bya/ /de yan chad ni sha rgyas par/ /rta ni nam yang mi bya'o/ /tshil ni shin tu ches gyur pa/ /de yis las sbyor mi nus 'gyur/ /gso dka' pa yi nad ldan na/ /rigs pas legs par gso bar bya//zas kyi sbyor sogs spang ba dang / /rim gyis dbri zhing sbyar bar bya/ /nyams smad drags pa'am myur du ni/ /byas na ma goms dbang gis 'chi/ /me drod khong nas 'bar gyur la/ /rgyu ba'i lam ni tshil gyis bkag / snum rnams byin par gyur pa ni/ /de ni nye bar rgyas par 'gyur/ /de bas bde ba drags pa dang / /nyams smad drags par mi bya'o/ /de dag gnyi ga drags pa yis/ /gsor mi rung ba nyid du 'gyur/ /grib ma 'dod dang skom dad che/ /lud pa dbugs mi bde bas nyen/ / khu bzhi'i nad ni mang ba dang / /gcin mang bde ba med pa dang / /gang zhig bdag nyid sdug bsngal zhing / /nyam thag par ni 'gro gyur la/ /lam 'jug par ni mi nus pa/ /de ni grang drags tsha drags pa'i/ /bkres dang skom pa mi bzod pas//mdzes 'dod rta ni skyid chos dag /shin tu drags par mi bya'o/ /bkol du med cing lus nyam chung / /gzi mdangs chung zhing stobs med la/ /las la sbyor bar mi nus pa/ /de ni mdzes bar mi 'dod do/ /sha li ho tra'i mdo'i gnas las mdzes pa'i le'u ste bcu drug pa'o// //sha li ho tra drang srong mchog /legs thos kyis ni yang dris pa/ /gzugs ni gang dag nyid kyis na/ /rta ni gzugs sdug 'gyur ba lags/ /spyod pa dang ni mtshan dag ste/ /de ni bdag la lung bstan stsol/ /de nas rta yi mtshan mkhas pa//sha li ho tras slar smras pa/ /rta yi yan lag nying lag gi /skyon med mtshan nyid mnyan par gyis/ /mtshan nyid sum cu drug ldan pa/ /gang gis de ni bsngags pa yin/ /rigs dang mtshan nyid nad med dang / /lus kyang smad pa med gyur pa/ /gang la 'di bzhi yod pa yi//rta de bsngags par 'os pa yin/ /gang zhig dbugs ni cher 'byin cing / /mid pa srab par mngon pa dang / /sna yi sbubs ni mi mthug pa/ /rta ni rab tu bsngags pa yin/ /mchu ltag mnyam zhing zlum pa dang / /che bar gyur na bzang ba yin//ma mchu srab cing mnyen pa dang / /mi 'phyang na ni bsngags pa yin/ /so ni thams cad snyoms pa dang / /thags bzang dkar zhing nag mtho la/ /snum zhing srab par gyur pa dang / /mtshan nyid legs par ldan na bsngags/ /rkan ni srab cing gnyer ma chags/ / zab cing dmar ba bsngags pa yin/ /lce ni srab bcing mnyen pa dang / /rtsa mthug rgya skyegs 'dra ba la/ /khyi yi lce dang dbyibs 'dra ba'i/ /rta ni bsngags par gyur pa yin/ /mgo bo phra min sbom pa min/ /lus dang 'tsham par gyur pa dang / /'gram glang che bar gyur pa ni//bsngags par gyur pa nyid yin no/ /dpral ba mnyam zhing yangs la che/ /pags pa srab cing mi gyong la/ /dbus na gtsugs 'khyil gnas pa dag /gad yin de ni bsngags pa yin/ /rta yi mig ni mig mchu dag /srab cing legs gnas rdzi ma srab//mig 'bras kyi ni mtha' ma dag /legs par dkar zhing dbus nag la/ /gang zhig gzugs kyi mdog sdug cing / /phra zhing thag ring mtho ba dang / /glang po'i mig 'dra me tog ni/ /ma li ka yi snying po 'dra/ /shel ltar yongs su dang ba dang / /mthong ba brtan pa bsngags pa yin//rna ba srab cing mnyen pa dang / /spu srab thung bar gyur pa dang / /gang gi skra grags phra ba dang / /thag ring ba yang thos pa bzang / /gdong pa gsal zhing rtsa mi mngon/ /sha srab sham thug ma yin zhing / /dpral mtshams chung zhing rngog ring bsngags//ske mgrin sha rgyas ring ba dang / /rna ltag rna mchan legs par gnas/ /pags srab rim gyis sbom par ni/ /gyur pa de ni dge ba yin/ /phrag so legs 'brel na mtshor nub/ /rngog mtha' legs par 'dus pa dang / /ring zhing kha zheng che na bzang //brang ni mthug cing yangs la mkhregs/ /sra zhing gnyer ma med pa dang / /bar yangs dpung sna che ba dang / /'di 'dra ba dag bsngags pa yin/ /dpung pa mkhregs shing yangs pa dang / /zlum zhing sbom la rtsa mi mngon/ /rim gyis phra bar gyur ba ni//rta la bsngags par gyur pa yin/ /lag rang phra mo rim gyis phra/ /pus mo zlum par gyur pa dang / /mnyen zhing bskyed par bde ba dang / /rta la bsngags par gyur pa yin/ /phyi grang ring zhing dbyibs legs pa/ /sha srab rtsa rgyus mi mngon srab//pags srab shin tu zlum pa yi/ /rta ni bsngags par gyur pa yin/ /tshe'u tshe legs skyes mnyam zhing zlum/ /dod cing snyoms par gyur pa dang / /spu phra pags pa srab pa yi/ /rta ni bzang por bshad pa yin/ /rmig pa sra zhing dkyil lags la//bong bu'i rmig pa 'dra ba dang / /sbal pa nub cing legs par 'byar/ /cha mnyam par ni 'gro ba dang / /rgya ni zab mo dang 'dra zhing / /rmig sgros snyoms shing sra ba dang / /mkhregs shing gnyer ma med pa yi/ /rta ni bar tu bsngags pa yin/ /rgyab so thung bab rab tu bsngags//rtsib ma legs par sku ba dang / /ngos gnyis legs par skye ba bsngags/ /sga 'og gnas ni khang pa bzang / /lto ba zlum zhing rtsib ma'i nang / /'dus pa ltar 'dug bsngags pa yin/ /ong do yangs shing che la 'jam/ /spu yi tshogs kyis khebs pa bzang //mjug ma rnga ma phra zhing 'jam/ /mjug rtsa ong do legs par 'brel/ /mjug ma'i phyogs su dang por skyes/ /rta ni bsngags par gyur pa yin/ /rkub ni zlum zhing legs par 'dzums/ /thung zhing gnyer ma legs par gnas/ / gang gis rta sbangs legs par 'byin/ /de ni bsngags bar gyur pa yin/ /rlig pa mnyam zhing legs par skyes/ /sbu med par ni gyur pa dang / /bil ba chung ngu'i tshod tsam zhig /ma 'phyangs gyur pa bsngags pa yin/ /rta yi pho mtshan rim gyis phra/ /thung zhing drang la myur du 'byin//gting ring kha dog gcig par ni/ /rta la bsngags par gyur pa yin/ /rje ngar rgyab mthong ya yo med/ /sha srab gug pa ma yin zhing / /mnyam zhing ma 'khums dbyibs legs pa'i/ /rta ni bsngags par gyur pa yin/ /rta spu srab cing drang ba dang //mdangs ldan kha dog ma 'dres bzang / /rta ni 'dre bar byed pa'i tshe/ /gang gis legs par skyugs pa dang / /stobs dang ldan pa'i gzugs yod pa/ /mtshan nyid mchog tu bshad pa yin/ /chu la rgal ba'i gnas dang ni/ /khal bkal lam du 'gro ba dang / / bsnun dang nyam nga'i gnas dag tu/ /rtsal 'byin gzi can mtshan nyid can/ /de ltar bsngags pa'i mgyogs 'gro ni/ /rgyal po'i bzhon par bar tu brjod/ /sha li ho tra'i mdo'i gnas las mtshan gyi le'u ste bcu bdun pa'o// //legs ldan rta yi kha dog dang / / de bzhin mdog gi dbye ba dang / /de yi ming gi nyes pa dag /bdag cag mnyen par 'tshal lags so/ /bu yis de skad smras pa dang / /snyan pa'i tshig gis slar smras pa/ /nga yi gzhung gi ma 'dres mdog /rta la rnam bzhi yod par 'dod/ /dkar dang dmar dang gnag pa dang //bzhi pa ser po zhes bshad do/ /'di rnams lus kyi phyogs gnas dang / /phan tshun 'dres par gyur pa dang / /rdzas dang rdzas min 'dres pa las/ /rgyas par mdog ni du ma yin/ /dkar la sogs pa de dag rnams/ /ma lus shes bya mnyan par gyis/ / pags pa dkar zhing ba spu dkar/ /de bzhin rnga ma rngog ma dkar/ /'di ni dkar po zhes bshad do/ /rta de srid sgrub yin par 'dod/ /pags pa dmar zhing ba spu dmar/ /rnga ma rngog ma dag kyang dmar/ /khrag dang nyi ma 'char ka 'dra/ /rta ni dmar po zhes bya'o/ / pags pa spu dang rngog ma gnag /bung ba 'dra ba gang yin pa/ /stag zil nag po'i mdangs 'dra'i rta/ /de yi thams cad nag por bshad/ /pags pa rnga rngog spu rnams ni/ /gang zhig gser gyi mdog 'dra zhing / /dar ni ser po'i mdangs ldan pa/ /rta de ser po yin zhes bya//de ltar kha dog rnam pa bzhi/ /so sor yang dag bshad pa yin/ de rnams mdog ni 'dres gyur pa/ /bshad pa de las rtogs par gyis/ /pags pa dmar zhing mig skyon med/ /kha dang rkan dang pho mtshan dmar/ /ma du ka yi me tog 'dra/ / 'di ni la las kar kar bshad/ /pho mtshan rmang kha rlig pa dang / /rlig pa de bzhin rkub dang ni/ /mchu ltag mchu dang kha dang ni/ /pags pa pad+ma'i mdog 'dra gang / /mig dang phum phum rngog ma'i bar/ /ba spu dkar bar gyur pa ni/ /rta ni kar ka kha cig 'dod//bkra shis dge ba dam pa yin/ /pags pa dmar zhing ba spu dmar/ /rnga ma rngog ma dmar ba ni/ /nyi ma skyon bral mdog 'dra ba/ /de yang kar kar shes par bya/ /btso ma'i gser gyi mdog 'dra ba'i/ /spu ni gang la yod gyur pa/ /pags pa pad+ma'i dbus 'dra zhing //mig ni me yi rtse mo 'dra/ /rmig pa kha dog gcig pa yi/ /rta de 'khor los sgyur ba'i yin/ /gang zhig kar ka dra'i gzhi la/ /yan lag lto dang dpyid dang stong / /thig le nag po chags gyur pa/ /rta ni khyim bya can zhes bya/ /gang zhig kar ka can 'dra la//dpyi la sogs pa dmar po yi/ /thig le chags par gyur pa ni/ /de yang khyim bya can gnyis pa/ /ba spu rnga ma rngog ma ni/ /dkar la pags pa nag po can/ /mtshan dang rmig pa mig kyang nag /de ni ngur pa'i gshog par bshad//pags 'jam pags pa mig dang spu/ /rnga rngog rmig pa dkar ba dang / /sin du ba ra dang 'dra bas/ /mdog de sin du ba ra can/ /pags dmar seng ge'i spu 'dra zhing / /rnga ma dang ni rngog ma dkar/ /rlig pa dmar zhing 'byar gyur la/ /rta de seng ge'i mdog can yin//gang zhig spu rtse du ba 'dra/ /cung zad dmar zhing ser skyar 'dres/ /kha dog de yi rta de ni/ /go ri'i spu zhes bya bar bshad/ /de bzhin du ba'i mdog ldan pa/ /dud ser zhes ni bya bar bshad/ /ser shas che ba gang yin pa/ / me tog ku ru N+Daka dang 'drar bshad/ /ser po'i nges tshig 'di yi ni/ /dpe yang khyed kyis mnyen par gyis/ /sog ma mda' smyug dang 'dra zhing / /so dang bad kan dang 'dra la/ /gang zhig ser po zlum po yi/ /de ni khyab 'jug bzhon pa ste/ /rgyal dang rnam rgyal don gnyer la//'di dag thams cad bsngags pa yin/ /de bzhin kha dog mang ba dang / /seng ge'i mdog dang 'dra ba dang / /dung dang kun+da kha sha dang / /'o ma dang ba nyi ma'i mdog /ku mu da yi mdog 'dra dang / /chu skyar bzang bo 'dra ba dag / dkar dang ser po 'dres pa ni/ /thams cad dang ba zhes byar bshad/ /gang zhig me tog mkha' lding 'dra/ /rnga ma rngog ma nag po ni/ /yod pa'i rta de stang zil gyi/ /spyi bo can zhes bya ba yin/ /rngog ma 'jam zhing dkar ba ni/ rngog ma muny+dza can zhes bya/ /shin tu dkar la rngog ma gnag /rngog ma mig sman mdog 'drar bshad/ /gang zhig rngog ma'i mdog sna tshogs/ /'dres pa'i rngog ma zhes byar bshad/ /rnga ma'i kha dog sna tshogs pa/ /rnga ma 'dres pa zhes byar bshad/ /de dang 'dra ba gzhan dag kyang / /dkar pa'i mdog 'dres pa zhes bya//gso ma'i me tog mdog 'dra dang / /lham bu chu gsher 'dra ba dang / /a mra'i lo ma'i mdog 'dra dang / /rta gang ki shu dang 'dra dang / /chu shing me tog 'dra ba dang / /kar kan ru yi mdog 'dra dang / /me tog ban+dudzi ba'i mdog /lcang ma a shwa ka'i mdog dang //gang yang byu ru'i mdog 'dra dang / /mig dang rnga rngog nag pa dang / /mtshan dang pags pa de bzhin gnag /de ni spu gnag zhes byar bshad/ /de dag dmar po dang 'dres mdog /nag po dang 'dres mdog nyon cig /khu byug dang ni char sprin 'dra/ / dUr ba'am ma he'i mdog 'dra ba/ /a mra ba yi mdog 'dra ba/ /gang yang lung tang rlon 'dra dang / /sA la ta la'i mdog 'dra dang / /ut+pal sngon po lta bu dang / /gang gzhan tshul ni 'di 'dra ba/ /rta ni nag po dang 'dres mdog /gang yang sA lu'i gra ma 'dra/ /ne tsho'i sgro gshog 'dra ba dang //mar gyi snying po'i mdog 'dra dang / /pad+ma'i sa bon mdog 'dra dang / pad+ma'i ge sar lta bu dang / /de bzhin me yi rtse 'dra dang / /gang zhig gzha' dang 'dra ba dang / /gang yang ba bla 'dra ba dang / /spu ti ka yi ser po 'dra/ /shri sha'i me tog 'dra ba dang / / gang yang khre 'bras mdog 'dra dang / /gang yang spyang khu'i mdog can dang / /kha dog ser po ji snyed dang / /gzhan yang ser po dang 'dres dang / /de 'dra de las gzhan pa dag /rta ni ser po dang 'dres mdog /de ltar rnam pa bzhi po ni/ /mdog 'dres pa zhes bya bar bshad//gzhan yang kha dog dbye ba dang / /kha dog sna tshogs mnyan par gyis/ /phug ron gyi ni ske 'dra zhing / /pags pa spu yi mdog dmar ba/ phug ron ske 'dra phug ron ske/ /dmar dang nag po cung zad 'dres/ /pags ba rnga ma rngog ma gnag / mig dang gsang ba rmig pa'ang gnag /mkhal ma'i mdog 'dra nag 'tsher ba/ /'di nyid gnag pa'i shas che ba/ /nag 'tsher ba ni yin zhes bya/ /gal te mar nag tsham mnyam 'dres/ /rgun 'bru lta ba'i tsher yin par bshad/ /rgun 'bru ltar 'tsher de nyid la/ / cung zad ser skyas 'dres pa ni/ /kha dog gnyis ni bsdus pa las/ /gad zhig shas che de la gdags/ /nag po dkar bo dang 'dres shing / /pags pa nag por 'dug pa ni/ /spu 'dres drang srong pa zhes bshad/ /gsal ba ri dgas mdog can yin/ /de nyid dkar po ma gyur na//dkar po'i drang srong pa zhes bshad/ /dkar po'i gzhi la gnag dang 'dres/ /khor ling mang du snang ba dang / /yan lag gnag cing mjug ma dkar/ /de ni skye ba'i drang srong pa/ /dkar dang dmar dang nag por 'dres/ /phags pa nag po yod gyur cig /mig dang pho mtshan rmig pa gnag /'dren ma'i drang srong pa zhes bya/ /dmar dang ser ngan nag po yis/ /dkar la 'dres gyur gso dang mdog /dmar ser dkar po mdog 'dra sa rta/ /ser skya'i pa 'dra ser skya yin/ /nag po dmar pos khyab gyur cing //dmar po dang yang cher ldan pa/ /rta de rta mkhan dag gis ni/ /dus ka zhes ni bya bar bshad/ /khrag dang btsag gi mdog 'dra zhing / /pags pa 'dren mar snang pa dang / /rnga ma rngog ma dmar ba yi/ /ser dang dmar po'i 'dre gyur pa/ /spu rtse'i mdog ni gnag pa dang //rnga rngog gnyis kyang gnag gyur pa/ /rta de mtshal bu zhes byar bshad/ /gad zhig spu rtse gnag gyur cing / /gzhan dag ser skyar gnas gyur pa/ /gdong gi mdog ni ma 'dres pa'i/ /rta de dur pa zhes byar bshad/ /kun du dkar dang dmar ba yi//spu ni 'dren mar gnas gyur la/ /pags pa pho mtshan mchu dmar ba'i/ /rta ni ser po zhes byar bshad/ /dkar dang ser ba'i mdog 'dres shing / /pags nag rnga ma 'dren mar gnas/ /ser la dkar shas che ba ni/ /kha na dza te zhes bya ba yin/ / gos ni srab mos bkab pa ltar/ /kha dog gcig tu mi mngon zhing / /'khor ling mang po dang ldan pa'i/ /rta de 'khor ling can zhes bya/ /kha dog mang po dang ldan zhing / /mdog gzhan 'khor ling gnas pa yis/ /brgyan pa lta bur snang ba ni/ /rta de khra bo zhes bshad do//rta yi rkang pa bzhi dang ni/ /mgo dang rnga ma rngog ma dang / /rked pa dkar por snang ba ni/ /rta de bkra shis rgyas par bshad/ /dmar ba'am dkar ba'i 'khor leng ngam/ /nag pa'am kha dog gzhan dag las/ /kha dog dang ni rjes mthun par/ / de las ming du gdags par bya/ /gang gis kha dog gang dga'/ /mdog gis 'dres par gyur na yang / /mdog gi shas ni gang che ba/ /de yi mdog las gdags par bya/ /gang zhig mdangs snum brtan zhing gsal/ /kha dog de ni thams cad bsngags/ /de nas dkar ba mchog yin la//de dang ldan pa gzhan par bzang / /rta yi kha dog thams cad las/ /kha dog dkar po mi 'gyur yin/ /brtan zhing mi zad nyid kyis na/ /dkar po nyid ni khyad par 'phags/ /de ltar rta yi kha dog ni/ /mdor bsdus nas ni bstan pa yin//kha dog dbye ba ma lus par/ /smra bar nus pa ma yin no/ /sha li ho tra'i mdo'i gnas las kha dog shes par bya ba'i le'u ste bco brgyad pa'o// //sha li ho tra thub mchog la/ /legs thos kyis ni yang dris pa/ /zhur dang de bzhin rgyal mtshan dag /ji ltar gnas pa bka' stsol cig /de ltar dris tshe legs thos la/ /sha li ho tras slar smras pa/ /mchu sgros lta gnas dpral mtshams bar/ /dkar ba'am shin tu dkar gang yin/ /der ni zhu bor shes bya ste/ /'di yis 'bras bu rnam bzhi yin//gnas dang dbyibs dang kha dog dang / /rang bzhin las shis mi shis 'gyur/ /khur ba de yi 'bras bu ni/ /rim pa bzhin du bshad par bya/ /mchu ltag dpral ba sna gdong dang / /gzhan yang mchu ltag gdong pa dang / /mchu ltag phum phum mthar thug de//rta yi gdong ba kun dkar ba/ /rigs kyi dbang phyug 'phel byed yin/ /mgo bo rna bar bcas dkar ba/ /bdag po bde ba kun skyed do/ /gnas gnyis na ni gnas pa'i 'dras/ /me long lcags kyu bum pa dang / /gdugs dang rnga yab 'dra ba dang //dpal 'di rim gyis 'phel 'dra dang / /bum pa g.yur drung dbyibs 'dra ba'i/ /zhur ni gang gi rta la yod/ /bu tsha bran dang mdza' bo 'phel/ /rgyal pos legs par bkur gyur la/ /rta yang bde bar 'tsho bar 'gyur/ /zhur ni byang chub shing lo 'dra//de yis skal ba bzang 'gyur zhing / /bu ni mang po yod par 'gyur/ /zur bzhi yod na rgyal pos ni/ /yul khams rnyed par ston pa yin/ /ral gri 'khor lo rdo rje gzhu/ /gshol dang gtun shing dbyig pa dang / /rgyal mtshan ba ba dan gdugs 'dra ba//zhur la dbyibs yod rgyal po yis/ /zhon na g.yul las rgyal byed yin/ /rta de bzhon nas rgyal po yis/ /dgra rnams thul bar 'gyur ba yin/ /chung ma bu dang cha bo dang / /nor yang shin tu mang bar 'gyur/ /dgad gzar blugs gzar mchod sdod me//kha khyer gyi ni dbyibs 'dra ba'i/ /zhur yod bdag pos 'bras chen thob/ /mchod sbyin mang du byed pa dang / /sbyin pa mang du 'gyed par 'gyur/ /gang gi zhur ni bum pa 'dra/ /me tog mgo lcogs dbyibs 'dra ba/ /rta bdag gter ni brgya byin thob/ / me tog pad+ma'i dbyibs 'dra ba'i/ /mig mangs ris kyi dbyibs yod pa/ /gang gi rta la yong gyur pa/ /bdag po bkur sti nor mang dge /shing rta'i dbyibs 'dra'i zhur yod pa'i/ /rta ni nor rnams 'phel byed yin/ /steng cha kha zheng che ba'i zhur/ /nor dang 'bru dang phrad byed do//de yi bdag pos dpal thob cing / /bu dang tsha bo rnam par 'phel/ /de yi khyim du dpal rtag gnas/ /rgyal srin kyang ni thob par 'gyur/ /rta de cing 'dod ma smas par/ /bde bar 'chi ba nyid du 'gyur/ /mi shis pa yi mtshan rtags ni/ /rta'i zhur kha dog 'dres pa dang //g.yon ngogs 'gram glang bar du chags/ /g.yon pa'i mig dkyus dpral ba'i ngos dang bcas/ /khyad par skyes pa'i rta de ni/ /dpral chags zhes te dang tshul ngan/ /rgyun du dang zhing 'thab rtsod dga' bar 'gyur/ /mur 'gram dag tu chags pa'i rta yang smad//gdong par dbyig 'dra'i zhur chags dang / /g.yon ngos che zhing cud zad dang / /dbus na lcags sgros 'dra yod pa/ /rta de bde bar mi 'gyur ro/ /de yi bdag po thag pa'am/ /lcags sgrog gis ni bcing bar 'gyur/ /mtshan nyid de 'dras mi 'gor bar//de ni dgra bo'i dbang du 'gyur/ /'phred du zheng du che ba'i zhur/ /nor brlag par ni ston pa yin/ /nag nog can gyi nur yod pa/ /bdag po'i nor ni nyams par byed/ /zhur ba yo dang sbub pa dang / /chad pa'i zhur yang sdug bsngal skyed/ / sbang leb 'dra dang 'dres pa yi/ /zhur yod rta yang de dang 'dra/ /kha dog dkar la mdog gzhan gyi/ /zhur yod pa ni smad pa yin/ /nag pos bdag po mi bzad dug /reg pa'ang brlag par byed pa yin/ /gang zhig glog gi dbyibs 'dra dang / /mdung thung gi ni dbyibs 'dra ba'o//de bzhin mi snang gzhan dag dang / /srab cing gsal bar mi mngon pa/ /des ni nor rnams brlag pa dang / /'chi ba nyid du 'gyur ba'o/ /mdongs kyi mtshan nyid gang yin pa/ /de dag bshad do nyan par gyis/ /zla ba'am skar ma 'dra ba yi/ / mdongs yod bdag po rgyal srid thob/ /bu dang tsha bo 'phel bar 'gyur/ /gang gi dga' ba 'khyil 'dra ba'i/ /rus sbal rad+ma'i dbyibs 'dra yi/ /mdongs yod bdag po nor mang rnyed/ /gang zhig rgyal mtshan sogs dbyibs 'dra/ /mdongs yod bdag po'i nor brgyan 'phel//bu dang tsha bo 'phel bar byed/ /nas 'bras 'dra yod tha snyad mkhas/ /gdu bu 'dra yod zas rnyed 'gyur/ /ba glang ra dang bya dang sbrul/ /rnga mo yi ni dbyibs 'dra ba/ /mdongs de shis pa skal ba bzang / /mi shis pa yang bshad par bya//dbral bar bya rog rjes 'dra dang / /ba glang lci ba'i 'bu 'dra dang / /g.yon 'dug pa'am 'og na 'dug /gang zhig thur du bltas pa yod/ /de yi bdag po sdug bsngal zhing / /rta dang lhan cig nya mang thob/ tshad dang kha dog mi sdug dang / /mi gsal ba dang srab pa dang //'dres dang pags pa lta bu dang / /gang zhig dbyibs ni mi sdug dang / /kha dog gzhan la gzhan pa dang / /rtsa ba dang btsog pa can rnams kyi/ /mdongs des nor rnams nges par 'jig /rgyan mtshan la sogs mtshan ma nyon/ /mgo dang rna ba mig rngog mtha'//rnga ma rkang pa lto dang rgyab/ /kha dog steng du mdog gzhan gyi/ /mtshan ma yod par gyur pa'i rta/ /zhon na g.yul las pham par 'gyur/ /de bzhin skra mtshams gdong dang tseg /ze'u dang ze'u mtha' an tong dang / /smin ma dang ni sna rtse gnyis//mchu ltag pho mtshan rnga ma dang / /mdog steng kha dog byung gyur pa/ /rta de rgyal mtshan can zhes bya/ /rgyal mtshan can de zhon nas ni/ /rgyal po g.yul 'jug dpung nyams 'gyur/ /sha li hi tra'i mdo'i gnas las zhur mdongs brtag pa'i le'u ste bcu dgu pa'o// //sha li ho tra thub chen la/ /rgyal po ne sha tras dris pa/ /rta la kha dog du ma yi/ /thig le rnams ni mthong lags na/ /dge dang mi dge zhu 'tshal lo/ /drang srong gis ni slar smras pa/ /gad zhig thig le'i mdog mi gsal/ / lus la skyes par gyur pa ni/ /phra zhing mi gsal ba yi gzugs/ /de la thig le zhes bya'o/ /kha dog 'dra ba'i thig le ni/ /'jam pa nyid kyi mngon gyur cing / /sbubs dang rtsub dang gsal ba dang / /sbu 'dus gyur pa las kyang sngon/ /ji ltar mig 'bras nag bo'i dbus//mig gi rgyal mo snang ba ltar/ /logs shig gyur pa med gyur cing / /mdog mthun na yang mngon pa yin/ /mdog ni phan tshun 'dres pa las/ /thig le gzhan yang 'byung bar 'gyur/ /ji ltar shing la me tog ltar/ /de ni gnas dbyibs kha dog las//shis pa dang ni mi shis skyed/ /mdun so ya mchu ma mchu la/ /snum zhing dkar ba'i kha dog snang / /rmig pa rnams la'ang de 'drar chags/ /mkhas pas des ni zhag bdun na/ /nor thob ltas su shes par bya/ /che chung las kyi zla phyed ni//bdun nam zla ba bdun gyis thob/ /mchu sgros las ni thig le chags/ /zas dang skom ni rnyed par bshad/ /kha 'gram ko skor byung na ni/ /de yis zas dang skom rnyed cing / /bdag po bde dang longs spyod thob/ /'di yis khyim ni 'phel 'gyur zhing / /gter thob par yang snang ba yin//shis pa bshad zin 'dres ma nyon/ /sna ru byung na mtshon gyis 'chi/ /mkhur bar byung na bu nges 'chi/ /dpral par byung na nor thob 'gyur/ /dpral mtshams kyis ni rgyal srid 'gyur/ /lkog mar byung na zas skom rnyed/ / mur 'gram dag tu byung na phung / /'chis sran byung na nyer 'tshe byed/ /mur 'gram za yur byung de 'dra/ /rna ba g.yon pa'i g.yas las 'pho/ /g.yas su byung na mdza' bo 'phel/ /ske mjing ltag pa zem chen du/ /byung na mtshon gyi 'thab mo 'ong / /lkog mar byung na rta bdag gis//chung ma dang ni bu rnyed 'gyur/ /phrag sor byung na bu rnyed do/ /rtsib logs byung na rang phyogs 'phel/ /pus mor byung na gnod pa skyed/ /dpung par byung na mdza' dang phrad/ /g.yon logs kyis ni skrod par byed/ /lus kyi stod smad du byung na//bdag po phrog bar ston pa yin/ /mchan khung dku yi gnas su byung / /ltogs 'gyur ma mchur byung na 'chi/ /ya mchur byung na mi 'chi la/ /mig tu byung na gos zas thob/ /ze ba ltag dang ze'u dang / /dpyi mgul brla ni phra mo dang / / rje ngar dang ni de mtshams su/ /byung na 'dir ni smad par bshad/ /ske rtsar byung na nor thob cing / /rngog ltag gis ni rgyal srid skyed/ /rgyu mtshams thig le nor rnyed la/ /snying gar byung na gcong can 'gyur/ /rtsib logs g.yas byung bud med rnyed/ /mjug por byung na nor zad 'gyur//rgyur byung na ni skal ba bzang / /rgyab tu byung na gnas rnams 'phel/ /ltor byung rtogs ba'i 'jigs pa ste/ /rlig par byung na skal bzang rnyed/ /lte ba'i rtsa las dmag dpon 'gyur/ /ong dor byung na chung ma 'phyo/ /rkub dang rnga ma'i rtsa bar byung //nor rnams thams cad brlag par 'gyur/ /pus mor byung na 'chi ba skyed/ /lkog ma tshe'u phus lam 'gro ston/ /rmang kha'i thig les bu skye ston/ /spyi la bud med nyes pa skyed/ /tshe'u tsher byung na gnod pa skyed/ /gang zhig brtan pa'i gnas su byung //'dod pa thams cad skyed byed do/ /yan lag la byung don kun 'grub/ /mdza' bo 'phel zhing dpal skyed la/ /rigs dang grags pa 'phel par byed/ /mdog dang rjes mthun mdog byung shis/ /mdog gzhan shis pa ma yin no/ /ser po byung na g.yul du 'jig//dkar po la yang de dang 'dra/ /nag po 'thab mo skyed par byed/ /nag po byung na g.yul du 'chi/ /sdug dang mi sdug bdag gis/ /bdag po la ni 'jigs chen 'byung / /thig le'i steng du thig le byung / /de yang rjes mthun mdog tu min/ / des ni rgyal po brlag pa dang / /yul 'khor dag kyang 'khrug par ston/ /gang tshe rta ni dkar po la/ /thig le dkar po rnams gyur na/ /de yi bdag po rtag tu bde/ /bu dang tsha bo rnams par 'phel/ /gang zhig rta ni dmar po la/ /thig le dmar po snang gyur na/ / bdag pos mi bzad dgra 'dul zhing / /longs sbyod chen po'ang yun ring 'gyur/ /nad kyis thebs kyang myur du 'tsho/ /gang tshe rta ni ser po la/ /thig le ser po snang gyur na/ /bdag po rigs btsun nor mang 'phel/ /gang tshe rta ni nag po la/ /thig le nag po snang gyur na//de yi bdag po mi bzad pa'i/ /nad kyis btab cing myur du 'chi/ /gang tshe rta ni dkar po la/ /thig le dmar po snang gyur na/ /bdag po myur du dgra yis gsod/ /thig le nag po byung ba na/ /bdag po myur du 'chi'am 'chi/ /rta dmar po la thig le ser//mi snang dgra bo bdag po gsod/ /rta dmar thig le nag po snang / /de yi bdag po grags min pa'i/ /las kyis gsod par 'gyur ba yin/ /rta nag thig le dkar po snang / /bdag po grags thob g.yul las rgyal/ /nag po dmar po'i thig le snang //bdag po g.yul du snyan grags thob/ /dkar la shin tu dkar ba dang / /snum zhing mnyam pa'i thig le snang / /de yis bdag po rgyal srid thob/ /de ni rgyal por 'gyur ba yin/ /bu dang tsha bo rnam par 'phel/ /rgyal po dang ni yul 'khor shis/ / dpung dang mdzod kyang 'phel bar 'gyur/ /thig le shes pa'i gzugs ldan zhing / /rjes su mthun pa'i mdog cab la/ /snum zhing mdog ni sdug pa dang / /gnas las mdun du blta ba dang / /de ni nor rnams rnyed par 'gyur/ /go bzlog pa ni smad pa yin/ /thig le nas 'bras ba dra ba ni//bdag po bu dang phrad par 'gyur/ /kha dog sna tshogs dmar shas che/ /nor rnyed par ni ston pa yin/ /mdog mi sdug cing 'thor ba dang / /rtsub cing cha ni me mnyam dang / /dbyibs ngan pa dang phra ba dang / /de bzhin rgyab tu blta ba dang / /mi mthun gnas dang mtshon chogs dang //mdog las mdog gzhan gyur pa rnams/ /des ni yul 'khor 'jog byed yin/ /rgyal srid nyams par byed pa yin/ /rgyal po yi ni dpung rnams dang / /mdzod dang bu ni 'joms pa yin/ /thig le shis pa'i gnas byung yang / / gang zhig mtshams su skyes pa dang / /snum mdangs chung par gyur pa rnams/ /smad pa yin zhes rnam par bstan/ /snum zhing mdzes par gyur pa ni/ /shis pa thob pa kho nar bstan/ /de ltar gnas dang gnas min par/ /skyes pa'i mtshan ma kun bstan nas//'dir ni kha dog kun 'bras bu/ /'di ni rtse gcig yid kyis zung / /ji ltar gnas ni rnam pa bcur/ /mtshan nyid so sor rnam par dbye/ /de bzhin thig le 'bras bu yang / /ltas su gyur bar shes bar bya/ /de bas gnas dang ltas rnams ni/ /mtshan ma dag kyang gzung bar bya//de ltar thig le ma lus pa'i/ /mtshan nyid ji bzhin smras pa yin/ /sha li ho tra'i mdo'i gnas las thig le bzang ngan brtag pa'i le'u ste nyi shu pa'o// //sha li ho tra bder gnas la/ /legs thos kyis ni yang dris pa/ / shar zhes bya'i khyad par glog /dka' thub chen pos de gsungs shig /dkar la mdog gzhan dang 'dres pa/ /sha ra zhes ni bya bar bshad/ /gang zhig kho na gzhan gyis ni/ /kha dog dkar ba zil mnan na/ /gnas dang grags pa gzhan dag gis/ /de yi bdag po zil mnan 'gyur//'di yang gnas dang dbyibs dag ni/ /gzhan las 'bras bu gzhan du 'gyur/ /ra ba mda' yab 'dra ba dang / /khang ba'i phyi sgo lta bu yi/ /rta la sha ra yod na ni/ /bdag pos la dbang byed 'gyur/ /gdengs ka sbrul 'khyil shing 'dra dang //khyu mchog rus sbal chu srin 'dra/ /sha ra rta la yod na ni/ /bdag po shin tu phyug par 'gyur/ /kha bzang ri yi rtse mo 'dra/ /ri mo gsal po yod pa'i rta/ /bdag po dbang phyug ldan pa dang / /rang dang gzhan nyid bkur par 'gyur/ /chag pa'i shing dang sga 'dra yod//bdag pos phan zad par 'gyur/ /rnga rtse dag tu byung na ni/ /bdag po'i mching ba 'phel bar 'gyur/ /gang zhig lte ba nas bzung nas/ /ro stod nyi ma shar kha 'dra/ /de bzhin ro smad cha dang ni/ /zla ba yin mdog 'dra ba/ /mdangs dang mdog ni phun tshogs pa//nyin mo g.yul las rgyal byed yin/ /de las go bzlog gyur pa dang / /mtshan mo g.yul las rgyal byed yin/ /gang gi lte ba nas bzung nas/ /ro stod mdangs snum nag po ni/ /de yang nyin mo rgyal byed yin//de las go ba zlog gyur te yang / /mtshan mo rgyal bar byed pa yin/ /cha ni 'di dag nyid kyis ni/ /g.yas dang g.yon du 'od gzhan byung / /nyin mo'am ni mtshan mo dag /'thab pa'i tshe na rgyal byed yin/ /g.yas phyogs kyi ni kha dog dang / /ro stod kyi ni mdog 'dra zhing //mdangs snum shis pa'i gzugs can ni/ /rta de bsngags par gyur pa yin/ /bram ze'am ni rgyal rigs las/ /gzhan gyis de thob mi rigs so/ /des ni dgra kun zad byed yin/ /chos dang 'dod pa'ang ster byed yin/ /gang gi ro stod mdog nag cing //ro smad mdangs snum dkar ba ni/ /dgra 'joms mdza' bo 'phel byed de/ /de yang g.yul las rgyal byed yin/ /ro stod dung ltar dkar ba la/ /ro smad mdog zhan ldan pa yin/ /de la mdza' skyes zhes bya ste/ /rigs 'phel nyin mo shis pa yin//par la lta ra mchu dmar zhing / /kha dang lce'u chung dmar gyur pa/ /khyim du'ang shis par 'gyur ba dang / /lam du'ang phan pa skyed byed yin/ /gzhan yang de dang 'dra ba'i rta/ /mdog la spu ni srab ba dang / /mdangs snum shis pa'i gzugs can ni//rta mchog de ni bsngags pa yin/ /gnag dang dmar dang ser po la/ /zlum ris dkar pos brgyan pa'am/ /dkar la mdog gzhan gyis brgyan pa'i/ /rta ni dpal skyed byed pa yin/ /sha li ho tra'i mdo'i gnas las sha ra'i mdog gi khyad par zhes bya ba'i le'u ste nyi shu rtsa gcig pa'o// //lha dang drang srong grub pa'i pha/ /gtsang ma'i bdag nyid dbang po thul/ /rta yi tshe yi rig byed mkhas/ /rta bres nas ni gnas pa la/ /ka ra ya nas rkang pa la/ /legs par bzung nas tshig 'di dris/ /rta yi shis dang mi shis pa'i//mtshan nyid thams cad shes bya ba/ /so sor rgyas pa dag tu ni/ /legs ldan gyis ni sngar bshad na/ /'di dag thams cad ma lus pa/ /bsres pa dag kyang rtogs bar 'tshal/ /sha li ho tras slar smras pa/ /mtshan nyid thams cad phun sum tshogs//bsres ba'i mtshan nyid nyan par gyis/ /nag po snum mdangs ldan pa la/ /kha dang rkang pa rngog ma la/ /de bzhin mig dang brang rnams ni/ /gang zhig dkar por gyur pa dag /rta de zhon na rgyal po ni/ /ma lus pa las rgyal par 'gyur//gang zhig rmig pa spu yis ni/ /kun nad khebs par snang gyur pa/ /rta de g.yogs pa zhes bya ste/ /bdag po phun tshogs 'phel byed yin/ /yan lag nying lag la brten nas/ /gang gi mdangs ni shis pa yod/ /mthong na mig ni dga' byed cing //yid kyang mgu bar byed pa yin/ /rta ni kha dog gcig gyur pa'i/ /lus dang ldan pa de yi bdag /'jig rten du ni 'gro kun la/ /srog 'dra bar ni sdug par 'gyur/ /'dzam bu smin pa lta bur snang / /gnag pa legs par bris pa 'dra/ /rta de rgyal pos zhon pa ni//mi dbang pa yang dbang du 'gyur/ /shin tu dmar zhing bar snum pa'i/ /rta ni gang zhig 'chang byed pa/ /de ni don kun phun sum tshogs/ /g.yul ngo dag tu rgyal bar 'gyur/ /kun nag bya rog 'dra ba'am/ /ce spyang spyang khu'i mdog 'dra ba'i/ / gang yang gra ma'i mdog 'dra ba/ /de ni g.yul du rgyal byed yin/ /rgyab gzhung bor bu 'dra ba yi/ /mdog gzhan gyi ni ri mo can/ /de ni gzhung thig yin zhes bya/ /rta de nor ni 'jig byed yin/ /gang zhig lus mdog ri dgas 'dra/ /rmig pa sor mo 'dra bar skye//byi ba'i sder mo zhes bshad do/ /rta de mja' dang 'brel byed yin/ /gzhung thig can dang mig mi sdug /de bzhin byi ba'i sder mo can/ /mdog mi sdug pa'i rta mthong na/ /ring du yongs su sbang bar bya/ /rdza gyo chag pa'i mdog 'dra ba'i/ /thal ba'i mdog dang byi la'i mdog /byi ba'i mdog dang mdog mi sdug /de dag gis ni bdag po gsod/ /don grub pa la smad pa yin/ /du ba du ba mig mdog 'dres/ /me tog kha se tA la'i mdog 'dra ba/ /rnga ma rngog ma dmar ser yod/ /rta de rigs ni rlag byed yin/ / gang gi rlig pa rmig pa dang / /rnga ma mig dang rkan yang gnag /de ni mjug gnag ces bya ste/ /rigs dang mdzod ni zad byed yin/ /phrag so rgyab dang ske rtsa dang / /ong do dag tu ri dgas ni/ /e na ya yi mdog ltar gnag /de ni g.yang gzhi can zhes bya/ /phrag sos bu ni 'chi bar 'gyur//ske rtsas kha lo ba 'chi 'gyur/ /rgyab kyis bdag po 'chi bar 'gyur/ /ong dos chung ma ngan spyod 'gyur/ /gang zhig stag 'dra'i ri mo yong / /rta de blun po zhes bya ste/ /gser can zhes kyang de la bya/ /g.yul du bdag po gsod byed yin/ ro stod dam ni gzhan dag tu/ /ri dwags pags 'dra'i nag pos khyab/ /bdag po gsod cing kun gsod skyed/ gang zhig mdangs dang bcas pa yi/ /rkang lag gnyi gar shis pa yin/ /rkang lag gnyis ni dkar gyur pa/ /mdangs dang bcas na de mi smad/ /lag gcig dkar mdangs med pa//bdag po gsod byed g.yul du spang / /rkang lag gnyis ni dkar gyur pa/ /g.yul du shis shing dpal skyed min/ /rkang lag dkar ba'i 'bras bu ni/ /rgya cher nga yis bshad par bya/ /rta gang gis ni mdun rkang gi /g.yas pa dkar po gyur pa de//g.yul du don mi 'grub par byed/ /snga rkang g.yon pa dkar gyur pa/ /dpung ba gnod pa skyed byed yin/ /phyi rkang gis ni g.yas pa dkar/ /bdag po gsod par byed pa yin/ /g.yon pa dkar bsag yul du ni/ /zhon pa po dang bcas btson 'khyer/ / snga rkang gnyis dang de bzhin du/ /phyi rkang gi ni g.yon pa dkar/ /bdag po g.yul du mda' mdung gis/ /'chi bar byed pa nyid yin no/ /snga rkang gnyis dang de bzhin du/ /phyi rkang g.yas pa dkar gyur pa/ /g.yul du bdag po 'chi gyur nas/ /de yi rjes la rang nyid 'chi/ snga rkang g.yon pa dkar gyur cing / /phyi rkang gnyis ka dkar gyur pa/ /rta de g.yul du 'jug gyur na/ /grogs dang bcas pa 'chi bar 'gyur/ /snga rkang g.yas pa dkar gyur cing / /phyi rkang gnyis ka dkar na ni/ /rta de bdag po gsod byed yin//las rnams 'grub par mi 'gyur ro/ /de ltar mi shis bshad nas ni/ /shis pa bshad kyis nyan par gyis/ /snga rkang g.yas pa dkar gyur cing / /phyi rkang g.yon pa dkar ba ni/ /thad dkar dkar po zhes bya ste/ /mdza' bshes nye du 'phel byed yin/ / de bzhin cig shos gnyis dkar ba/ /mdza' bo 'phel bar byed pa yin/ /snga rkang gnyis ni dkar gyur na/ /nor dang bde dang dga' ba skyed/ /phyi rkang gnyis ni dkar gyur ba/ /g.yul du dgra las rgyal bar 'gyur/ /ngos gcig dkar par gyur pa las/ / g.yas ba dpung dang mdzod 'phel byed/ /g.yon pas skal pa bzang ba dang / /nor dang mdzod kyang 'phel bar byed/ /rkang ba bzhi char dkar ba'i rta/ /regs dang chos ni 'phel byed yin/ /tshig grang man chad rkang bzhi dkar/ /'bras bu chen po skyed ces bya/ / ba spu'i mtha' ma rting pa'am/ /spyi bor gang zhig dkar gyur rta/ /de ni sngar bshad las khyad par/ /'bras bu chu ngun skyed par byed/ /pus mo'i bar du dkar ba'i rta/ /'bras bu gsal por 'byin par 'gyur/ /rta ni kha dog gzhan yod pa/ /rkang pa lus mdog mi mthun na//de yi 'bras bu sngar bshad pa'i/ /khyad par bzhi du shes par bya/ /gang gi lag pa gnyis dkar zhing / /rkang pa gnyis ni gnag ba'am/ /dmar pa'i kha dog gzhan yod pa/ /de ni nyin mo rgyal byed yin/ /de las bzlog bar gyur pa ni//mtshan mo rgyal bar byed pa yin/ /gang zhig kha dog dmar po'i rta/ /rkang pa sngo ser dkar dang gnag /yang na rmig pa sngo ba'am/ /ser dang dmar dang dkar dang gnag /kha dog gnyis sam gsum mam bzhi/ /mdog gang mdog rjes yod gyur pa/ / lha yi rta ni de 'dra 'byung / /de yi rgyal po rgyal byed cing / /dgra rnams thul bar byed pa dang / /g.yul du rtag tu shis pa dang / /nor dang bu dang tsha bor ldan/ /gang zhig skyes pa tshun tshad ni/ /rnga rngog skye bar mi 'gyur ba/ /bdag po rigs ni brlag byas nas/ /de yi rjes la dar nyid nyams//rmong kha yi ni g.yas g.yon na/ /ba yi nu sor lta bu dag /yod pa de yis rgyal srid 'jig /ba glang rwa 'dra ru ru yi/ /rwa yi rtse'am ba nu 'dra/ /lci ba'i rtse mo lta bu'am/ /de bzhin pags pa'i mdzor pa'i dbyibs/ /yang na bil ba lta bu'am//lag sor lta bu'i rwa dag ni/ /sbom po'am yang na phra mo dag /rid dang thung dang rtsub dang ljang / /sra dang snyi ba gang yang rung / /rna rtsa'am skra mtshams tha ma'am/ /dpral pa yang na spyi bo'am/ /de las gzhan pa'i gnas dag tu/ /de las gzhan pa'i dbyibs yod pa//gang byung de ni rwa can de/ /bdag po yul 'khor 'jig byed yin/ /yul phyogs gang na rta de yod/ /yul de rlag par 'gyur ba yin/ /des na de ni dgra bo yi/ /yul du bskyal la rjes zhi bya/ /rta ni gang gi kha la ni/ /sha khra yis ni kun du khyab/ /de bzhin rkub dang rlig pa dang //rna ba dag dang mig tu byung / /rta de sha khra can zhes bya/ /mi shis sdig pa'i mtshan nyid can/ /rta bres su ni mig gzhug cing / /bkra shis 'dod pas reg mi bya/ /mig gi nyes pa bshad bya yi/ /khyi mig dom dang byi ba'i mig /sbal mig nor bu'i mig 'dra dang / /byi ba 'ug pa nya mig can//phag dang khyu mchog lta bu'i mig /bya rog lug dang khra mig can/ /khra yi mig can smad pa yin/ /mig yo mig ni gdug pa dang / /mig ser ba yang spang bar bya/ /des ni bdag po mi bde zhing / /rigs zad pa yang byed pa yin/ /g.yul du bdag po pham dang gsod//rkan gyi mdog ni sna tshogs dang / /dbyibs kyi 'bras bu nga yis bshad/ /ge sar nag po lta bu yi/ /thig le gang la khyab gyur pa/ /des ni lam du nyon mongs 'gyur/ /rkan gyi phyed ni dkar ba yis/ /nor zad ge sar lta bu yis/ /'gags na mi shis gyur pa yin//rkan ni snum zhing zab pa dang / /dmar par gyur na bsngags pa yin/ /shin tu mdar zhing cher khyab la/ /rtsub mo med la'ang 'bras bu che/ /snum chung dmar pa'i sha chung ba/ /'bras bu chung bar shes par bya/ /rkan gyi kha dog 'bras bu dang //so yi 'bras bu nyid dang ni/ /mtshan nyid dag nas dang bzhi las brtag /rlig 'bras gcig pa bdag po gsod/ /rlig 'bras gsum pa bu gsod byed/ /rlig 'bras dmar ser nor nyams byed/ /rlig 'bras shin tu 'phyang ba dang //g.yul du bdag po gsod par byed/ /rlig pa spu ni che ba'am/ /yang na ser skyar gyur pa'am/ /de bzhin zhu par gyur pa yang / /da yis bdag po gsod byed yin/ /kha dog gzhan dang ldan pa las/ /pus mo gnyis ni nag gyur cing / / sre long nag por gyur pa ni/ /bdag po gsod byed shes par bya/ /lus kyi ka dog gnyid las ni/ /rnga ma'i kha dog gzhan gyur pa/ /'bar ba'i rnga ma can zhes bya/ /rta de rtag tu spang bar bya/ /rnga ma'i rtse mo mdog gzhan gyur/ /yul 'khor yang ni rlag par byed/ /rta ni mdog dkar gyur pa la//nag po cung zad yod mi shis/ /rna ba dang ni rngog ma nas/ /rnga rtse nag por gyur pa ni/ /de ni rna nag yin zhes bya/ /las rnams kun la shis pa yin/ /g.yul dang lam zhugs kha la bkal ba/ rgyal po rnam rgyal skyed byed yin/ /rngam 'bar bzhes bya dang //rnga rtse nag pa ma gtogs pa/ /rta ni kha dog nag pa la/ /dkar po cung zad yod pa shis/ /lham bu chu shel mdog 'dra zhing / /gang gi mgo ni dkar gyur pa/ /rta de dpal yon can zhes bya/ /rgyal po rnam rgyal skyed byed yin/ sha li ho tra'i mdo'i gnas las 'dres pa'i le'u ste nyi shu rtsa gnyis pa'o// //kha ba can gyi ri bo'i mchog /'byung khungs sna tshogs kyis brgyan pa/ /shin tu mtho zhing rtse mo che/ /kun nas rlung ni mi ldang zhing / /rtse mo kha bas rnam par g.yogs/ /mi'am ci yi glu sgras khyab//bya rnams sna tshogs sgra 'byin cing / /ri dgas sna tshogs rnams kyis 'dzes/ /sna tshogs shing gis kun du khyab/ /mkha' la rgyu ba rtag tu dga'/ /rig 'dzin chogs ni legs gnas shing / /dri za'i tshogs kyis bsten par ni/ /sha li ho tra legs gnas la//legs thos kyis ni yang dris pas/ /rgyal po'i bzhon par 'os pa'i rta/ /drang srong chen pos bdag la gsungs/ /rgyal po'i rta ni ci lta bu/ /de yi nges pa bdag la gsungs/ /bu yis de skad dris pa dang / /sha li ho tras slar smras pa/ /yon tan skyon dag rgyal po la//'jig rten 'byung ba ci 'dra bar/ /de ltar tha ma mi rnams la/ /'byung mi 'byung bar gzhung las bshad/ /de bas rgyal po'i bzhon pa yi/ /mtshan nyid 'bad pas brtag par bya/ /ci nas nyes pa mi 'byung bar/ /rnam pa kun du bya ba yin/ /tshad dang stobs dang snying stobs gzi//stobs dang lus kyi me drod ldan/ /gtsug 'khyil bzang zhing mdangs rab snang / /'gros na phun sum tshogs pa dang / /skal bzang dri ni zhim pa dang / /de bzhin skye gnas bzang ba dang / /rig ldan dang tshul phun sum tshogs/ /dul zhing mthong na dga' ba dang / / bad kan rang bzhin can mchog dang / /de bzhin bzang po'i skye gnas dang / /smad ba'i mtshan nyid med gyur cing / /kun nas rnam pa thams cad du/ /mtshan nyid bzang po phun tshogs pa/ /rab tu 'bad de brtag par bya/ /rgyal po'i bzhon par 'os pa'i rta/ /rgyal po'i rta zhes bya bar bshad//gang zhig gzhan kun med pa yi/ /brtan pa'i gtsug ni bcud dang ldan/ /rgyal po'i bzhon par 'os pa'i rta/ /ma li ka dang 'dra ba'i mig /mdog snum rab tu dkar ba'i rta/ /zla ba'i lha dang ldan pa yin/ /rgyal po de la zhon na ni/ /sa steng dbang du byed par 'gyur//ne tsho mdog can nyi ma'i rta/ /rgyal po'i g.yul ngor zhon na ni/ /de yi don rnams 'grub 'gyur zhing / /sa yang dbang du byed par 'gyur/ /de bzhin rgyal po'i mdog dmar rta/ /rnam thos sras kyi lha can te/ /de la bzhon nas rnams ni/ /ma lus dbang byed the tshom med//sngo bsangs lha dbang rta yin te/ /mdangs snum ldan la rgyal po ni/ /zhon na sa ni ma lus las/ /rtag tu rgyal bar nges pa yin/ /gnag cing 'tsher ba'i mdangs dang ldan/ /rta mchog de ni chu lha'i yin/ /de la zhon na rgyal po ni//myur du nor dang 'bru 'phel 'gyur/ /mdog dkar rna ba sngo ba dang / /rngog ma dang ni rnga ma gnag /chu lha'i rta ni gnyis pa ste/ /de rnyed pa ni ma lus 'thob/ /lham bu chu shel ltar snang ba/ /rta ni nor lha'i yin par bshad/ /rgyal po de la zhon na ni/ /myur du nor mang bdag por 'gyur//ba so'i mdog 'dra rdam gnag /kun nas mdangs ni snum dang ldan/ /chos kyi lda nges se zhon na/ /rgyal po mchod sbyin byed par 'gyur/ /lung tang snum po dang 'dra ba/ /rta mchog de ni gshin rje'i yin/ /rgyal po de la zhon gyur na/ /myur du dgra kun las rgyal 'gyur//rma bya'i mdangs dang 'dra ba yi/ /ri mos khyab par gyur pa'i rta/ /sna tshogs lha'i yin te zhon na/ /'dod pa thams cad thob par 'gyur/ /de bzhin ma rgad bcag pa yi/ /mdog ltar shin tu dmar pa'i rta/ /khyab 'jug rta ste de zhon na/ /myur du sa ni dbang byed 'gyur//de bzhin gser dang 'dra ba la/ /'tsher bas rnam par brgyan gyur pa/ /dbang phyug chen po'i rta zhon na/ /dgra rnams dbang du 'gyur pa yin/ /de bzhin shel dang 'dra ba ru/ /dang zhing mdangs bcas lus yod pa/ /rnyed na mchod sbyin dam pa yi/ /skal brnyed par 'gyur pa yin//gang zhig nag la mgo bo dang / /rkang pa bzhin ni dkar gyur pa/ /shes ldan rta de rnyed na ni/ /nad kyis zil gnon mi 'gyur ro/ /lham bu chu shel 'dra ba la/ /sngar zhing yan lag lnga dkar ba/ /rgyal po de la zhon na ni/ /phun sum tshogs pa thams cad thob//lus kyis mdog ni gzhan 'dra zhing / /mtshan nyid thams cad ldan pa li/ /tha skar bu yi rta rnyed na/ /rta ni mang bo rnyed par 'gyur/ /dkar dang gnag pa'i tshul gyis khra/ /g.yas logs dkar ba'i shas che la/ /g.yon pa khru bor gyur pa li/ /rta ni khra bor rnyed gyur na//rta de'i lha ni ngan sbong ste/ /'dod pa thams cad rab sgrub yin/ /lham bu chu shel 'dra'i mdog la/ /ne tsho'i mdog 'dra'i 'khor ling can/ /drag po'i rta de rnyed na ni/ /'dod pa thams cad thob par 'gyur/ /de lta bu yi rgyal ba'i rta/ /rgyal po yi ni rtag tu bya/ / de yi gnas ni rta gzhan dag /gang dang yang ni gcig mi bya/ /ngo mtshar mdog dang ldan pa'i rta/ /dmod pas sa steng skyes pa yin/ /dri za'i bur ni shes gyis la/ /rab tu 'bad de bsnyen bkur bya/ /sha li ho tra'i mdo'i gnas las rgyal po'i bzhon pa'i rta'i mtshan nyid brtags pa'i le'u ste nyi shu rtsa gsum pa'o// //de nas gzhan yang bshad bya ba/ /rta yi mig gi mtshan nyid do/ /gang zhig baiDUr+ya 'dra'i mdog /de bzhin shel gyi mdog 'dra dang / /phug ron gyi ni mig 'dra dang / /ka la ping+ga'i mig 'dra dang / /glang chen rma bya rnga mo dang //sreg pa'i mig dang 'dra ba dang / /gser gyi mdog dang 'dra ba nyid/ /de yi mig ni shis pa yin/ /skyon med pa yi chig la ni/ /rdzi ma phra mos khyab pa dang / /mig 'bras legs shing ma snang la/ /thur du bltas par ma gyur pa/ /mdog ni bzang po dang ldan zhing //mig gi mdangs dang ldan pa'i rta/ /de ni g.yul las rgyal byed pa'i/ /rgyal ba yi ni bzhon par 'gyur/ /yangs shing snum la mnyam pa dang / /me tog ma li ka 'dra dang / /tham ring mo yong gyur cing / /dbus na yongs su mdzes pa dag /rta de ma li ka'i mig can//mig zur cung zad gnag pa yin/ /de yis mdza' bo 'phel 'gyur zhing / /rta dang mdzod kyang rgyas par 'gyur/ /dkar ba'am mdog rjes dkar gyur la/ /mig la skyon med mthong mig nag /rdzi ma mig dkyus nag gyur ba/ /gang la yod pa der nor skyed//mig ni shel du 'dra ba la/ /rgyal mo'i rtsa ba gnag gyur cing / /mig gi rgyal mo rdul med pas/ /de ni shel mig can zhes bya/ /mig dang lus kyi mdog 'dra ba/ /mig gi mdog can zhes bya dge /kha dog lus dang tha dad kyang / /gang gi mig ni bzang gyur cing //mi sdug pa dang ma tshang med/ /de ni mig bzang nor 'phel byed/ /kha dog lus dang tha dad cing / /smad par bya pa'i mig yod pa/ /mig ngan pa yi rta gang yin/ /las rnams kun la smad pa yin/ /de bas dbyibs dang tshad ldan zhing //dpe dang legs bar 'dra ba dang / /rdzi ma'i kha dog snum pa yi/ /mig gang yin pa de bsngags so/ /sha li ho tra'i mdo'i gnas las mig brtag pa'i le'u ste nyi shu rtsa bzhi ba'o// //bsgrub dang grub ba'i rig 'dzin gtso/ /drang srong gzi brjid chen po la//yon tan nges kyis yongs dris pa/ /rta so'i rig byed mkhyen lags sam/ /de skad dris tshe drang srong mchog /sha li ho tra'i slang smras ba/ /rta so'i rig byed shes lags so/ /bu khyod kyis ni nyan par gyis/ /mdun so thams cad thags bzang snyoms//sra zhing mtshan ma rab tu gsal/ /snum pa'am sbrang rtsi'i mdog 'dra ba'i/ /rta yi so ni bsngags pa yin/ /mche ba so dang mdog 'dra dang / /'gram so rnams kyang de dang 'dra/ /so rnams gting rid srab pa dang / /ri mo phra zhing shin tu 'jam/ /gos pa med cing rtsa ba yi//mdog dang kun tu 'dra ba shis/ /mnyam zhing yan lag rab tu 'byor/ /chu zheng cha de dag ldan pa dang / /gru gzugs ni shin tu legs gyur pa'i/ /so ni bde ba skyed byed yin/ /so ni lhag pa yod pa'i rta/ /bdag po yul mi rnams la gnod/ /de bzhin so ni ma tshang ba//bdag po chung mar bcas brlag /so yis kha ni khengs gyur ba/ /rigs rlag byed pas spang bar byed/ /so rtsa so dang bcas pa ni/ /mi shis pa yi gzugs ldan zhing / /log las byung bar gyur ba dag /gtsigs pa de ni rigs rlag byed/ / rta yi so ni gnag gyur ba/ /bdag po'i nor ni rlag byed yin/ /mtho dman khyer dang sbom phra khyer/ /de bzhin phred ni rnam par sbangs/ /mi mnyam med ces bya so de/ /bdag po'i bu ni gsod byed yin/ /rtse mo nang du grub pa yi/ /so ni nor rnams 'jig byed yin/ / thams cad dbyung ba'i chag pa'am/ /gang zhig so ni sngon du 'dus/ /de ni shin tu nyes chen skyed/ /mdog dang dbyibs ni nya phyis 'dra/ /so de nya phyis can zhes bya/ /nya phyis so can rta yis ni/ /zas dang sgom la gnod pa skyed/ /'og so shin tu gyis gyur na/ /bdag po ltogs ba'i 'jigs pa 'byung //ya so shin tu gyis gyur na/ /bdag po dgra las pham par 'gyur/ /zur gsum rtse mo rno ba'i so/ /sga dang nor ni 'phrog byed yin/ /sa dang bcas par skyes gyur na/ /de ni thams cad zad byed yin/ /de dag las no go bzlog pa'i//so bzang 'bras bu shis pa yin/ /mche ba dang ni 'gram so yi/ /'bras bu de bzhin shes par gyis/ /sha li ho tra'i mdo'i gnas las so brtag pa'i le'u ste nyi shu rtsa lnga pa'o// //me dang nyi ma'i mdog 'dra ba/ /dka' thub can de sdig pa med//thub mchog sha li ho tral/ /mja' las rgyal gyis yang dris pa/ /brtan pa'i gtsug ni dur shes bya/ /glo bur bas ni du zhig yin/ /shes dang shes bya'i bdag po yis/ /gtsug rnams kyi ni mtshan nyid ni/ /gang du ji ltar gnas pa yin/ /gtsug rnams kyi ni dbyibs gyur pa//rnam pa dur ni 'gyur ba gsungs/ /gtsug gi tshad ni ji tsam zhig /shes dang smad pa'i grangs ni du/ /thams cad gnas las 'phro ba dang / /g.yas pa dang ni g.yon pa dang / /stabs pa dang ni sman pa yi/ /'bras bu 'od zer ci ltar 'gyur//gzhan yang lus kyi mtshan nyid ni/ /brtan dang mi brtan ji lta bu/ /lus las skyes pa'i gnas rnams ni/ /gnas kyi gang zhig gnas skabs dang / /rkan gyi kha dog bye brag gi /glo bur byung ba'i 'bras bu dang / /srab dang mthug pa'i spu rnams ni/ / gtsug la ji ltar 'byung ba lags/ /de skang thub mchog 'dris tshe/ /sha li ho tras khu la smras/ /'di na brtan dang mi brtan dang / /yan lag rnam pa brgyad yin la/ /'bras bu 'byung ba'i tshul gyis ni/ /mtshan nyid rab tu shes par bya/ /shis dang rma bya'i mtshan nyid ni//thams cad lus la brten pa yin/ /lus las 'byung bar gyur pa ni/ /lus dang yan lag rnam pa gnyis/ /dge ba'i gnas su shis pa'i gtsug /rgya che ba yi 'bras bu ster/ /mi shis gnas ni ngan pa 'byung / /shin tu mi shis skal chen 'gyur//tshad dang ldan zhing gsal bar byung / /mtshan nyid ldan pa'i 'bas bu che/ /tshad mi ldan zhing mi gsal ba/ /de'i 'dras bu chung bar 'dod/ /gnas dang dbyibs kyi bye breg las/ /mtshan nyid 'bras bu chen por 'gyur/ /sor gnyis las lhag nya phyis te//sor gnyis pa ni lhag ces bya/ /shing lham 'dra dang rkang brgya pa/ /sor ni phyed dang gnyis pa yin/ /shing lham phyed ni nas drug zhing / /'dres pa sor ni brgyad pa yin/ /de yi cha gsum phri ba ni/ /'khyil ba zhes ni bya bar bshad/ bzhi cha pri par gyur pa ni/ kha 'bus pa zhes bya ba yin/ /de las lhag pa'am ma tshad ba'i/ /gtsug ni 'bras bu med pa yin/ /pags srab spu ni phra ba dang / /lus kyi gsang ba'i gnas su byung / /de ni ngo bo nyid kyis phra/ /tshad dang ldan rung mi ldan rung / /'bras bu bcas par shes par bya/ / phra ba de dag gnod byed yin/ /yan lag brgyad pa'i mtshan nyid kyis/ /shis dang mi shis 'og nas bshad/ /rta yi gnas bcu'i spu tshogs la/ /bstan pa gang yin der shes bya/ /mchu sgros rdog mar re re dang / /gtsug dang brang la gnyis gnyis te/ /rgyu zhabs rkub lhag gnyis gnyis te//bcu po de dag ldan par bshad/ /kun nas rdzogs shing shin tu gsal/ /gtsug ni g.yas su 'khyil ba dang / /chung ba ma yin che ba min/ /gser ltar mdangs snum 'od dang bcas/ /dbyibs ni legs par skyes pa dag /las rnams thams cad sgrub byed yin//legs thos the tshom skyes gyur nas/ /drang srol de la slar smras pa/ /ji ltar bcu po nyid ldan gyi/ /gzhan dag de ltar ma yin bshad/ /rta rnams skyes zin gyur nas ni/ /gtsug de nam yang mi skye la/ /skyes pa 'jig par mi 'gyur zhing gnas las 'pho bar mi 'gyur ro//skyes tshe lhan cig skye bar 'gyur/ /de bas thams cad bstan pa yin/ /legs thos tshig ni thos ba dang / /de rjes drang srong gis smras pa/ /ji ltar phyogs der skyes gyur pa/ /de ltar gzhan du ma yin pa/ /pha mang yod dang med gyur kyang / /cig shos la ni dbang ba yin//phal cher gnas bcu dbang gyur gyi/ /de ltar gzhan du mi snang ngo / /de bas bcu po bstan par bya/ /des pa nyid du zung bar gyis/ /'di dag la med nges 'byung ba/ /gzhan dag de ltar min par bshad/ /brtan dang ma brtan gang yin kyang / /'bras bu rnam pa gnyis su bshad//gnas ni dgu bcu rtsa drug yin/ /dbyibs ni rgyal po nyid yin no/ /'dres dag kha 'bus 'khyil ba dang / /rkang pa brgya dang lhag pa dang / /shing lha ma dang 'dra shing lha ma phyed/ /nya phyis 'dra ste rnam pa brgyad/ /smad pa'am de sngags pa'i gnas dag gam//gnas su bstan dang ma bstan gang / /gtsug 'khyil pa yi dbyibs byung na/ /de ni rjes mthun 'bras bu skyed/ /'khyil ba chu skor lta bu yin/ /nya phyis nya phyis dbyibs ltar 'ong / /dbyibs gcig gnyis sam mang por ni/ /du ma gang tshe 'dus gyur pa'i/ / gtsug 'khyil de ni 'dres pa'am/ /'dus pa zhes ni bya bar bshad/ /spu ni 'gro tshe me tog dag /kha 'bus ltar snang lhag pa yin/ /zlum po'am yang na zur bzhi ni/ /shing lham dbyibs 'dra shing lham can/ /brad ba'am yang na rting pa'i gnas//byed 'dra shing lham phyed pa yin/ /me tog mgo lcogs dbyibs 'dra ba/ /de ni rkang brgyad bar shes bya/ /dbyibs las mi mthun gyur pa ni/ /gzhan dag kyang ni snang mod kyi/ /de ni spu yi 'gyur ba yin/ /gnas las shis dang mi shis 'gyur/ /gtsug kyang gnas dang dbyibs dang ni//mi shis mtshan nyid shes par bya/ /cha dang 'phos dang 'thor ba dang / /gtsug ni 'phred du 'byung ba dang / /lhag pa'am chad par gyur pa'am/ /gang yang gnas las 'pho 'gyur pa'am/ /dbyibs ngan mdog ni mi sdug pa/ /brtan po rnams ni mi snang pa'am//smad pa'i gnas su g.yas 'khyil dang / /bsngags pa'i gnas su g.yon 'khyil ba/ /mtshan nyid ngan pa yin zhes bya/ /des ni tshe thung skyed par byed/ /gtsug gi gnas ni dgu bcu drug /yod pa bshad pa de rnams ni/ /shis dang smad bar bya ba ste//rnam pa gnyis su bsdu bar bya/ /de las gzhan ni nyi shu zhig /shis pa yin par shes par bya/ /bdun cu rtsa drug smad bya ste/ /de ltar dgu bcu rtsa drug yin/ /kha 'gram la gnyis dbral bar bzhi/ /dpral mtshams la gcig kho na yin/ /rna rtsar gnyis te lkog mar gcig /mgo po'i mthar ni gnyis yin la/ /brang du gsum ste dpung par gnyis/ /mid pa gcig ste de bzhin du/ /rgyu dang long bu gnyis gnyis su/ /gtsug ni 'byung bar shes par bya/ /de ltar shis par gyur pa'i gnas/ /nyi shu yin par rnam par bshad//gtsug ni 'di rnams gnyis la ni/ /sum cu rtsa bdun grangs su 'gyur/ /mur 'gram mur gong mchi stan dang / /mkhur tshos sna phor smin ma dang / /rna rtsa lce'u ldang rtsi'u chung dang / /mchan khur dku dang 'gram sre long / sna rtse pus mo mig 'bras gnyis//rtsib logs rkub tshos dag tu ni/ /gnas ni gnyis gnyis dag tu gtsug /gnyis gnyis 'byung ba sum cu drug /sna gdong mchu ltag srol mdud dang / /dpung sna snying ga ze'u drug mdo/ /lte ba rkub dang mjug srub dang / /ya mchu ze'u ltag sga 'og ste//de ltar gnas ni de dag tu/ /gtsug ni bcu gsum 'byung ba yin/ /tshe'u spu de bzhin tshigs grangs dang / /tshe'u tshe gcig phra mo yi/ /gnas ni bcu drug 'di dag tu/ /gtsug kyang bcu drug nyid yin no/ /an dang ru dang ske ba'i rtsa/ /rmang kha rnga mar gnas gnyis gnyis//de ltar gnas brgyad ldan pa ru/ /gtsug ni rnam ba'ang brgyad yin no/ /mchu sgros de yi so gnyis te/ /gnas kyi gsum po 'di dag tu/ /gtsug ni gsum po 'byung pa yin/ /de phyir dgu bcu drug gsal nas/ /de ltar bstan zhing dge ba dang / /smad pa dag kyang bshad pa yin//gtsug rnams kyi ni khyad par gyis/ /'bras bu 'byung ba mnyan par bgyi/ /ya mtshur gnas pa'i gtsug gis ni/ /bdag po'i blon po gsod bar byed/ /mchu sgos steng dang g.yas kyis ni/ /bdag po'i pha ni 'chi bar 'gyur/ /de yi g.yon na yod pas ni//zhon pa po yi ma 'chi byed/ /mchu ltas gong du gtsug byung na/ /bdag po'i rigs dang bcas pa sreg /sna phor la ni g.yas pa yis/ /'tsho ba'i sgo ni 'gag par byed/ /gang gi mkhur tshos gnyis ka la/ /gtsug 'khyil ba ni snang gyur na/ /de yi bdag po'i bu thu bo//rta yis za bar 'gyur ba yin/ /rta gdong 'gram dang sna gdong la/ /gang gi gtsug ni snang gyur pa/ /rta de'i bdag po g.yul du ni/ /dgra bos gsod par 'gyur ba yin/ /gang gi rta la mchi stan du/ /gtsug 'khyil ba ni gnas gyur pa/ /gang la 'di 'dra'i rta yod pa//de'i rigs rtag tu ngu bar 'gyur/ /gang gi rta yi mu 'gram gnyis/ /gtsug ni gsal bor snang gyur pa/ /de lta'i gtsug can bcang gyur na/ /des ni rigs ni gnyis su 'gyes/ /gang gi gtsug gi smin ma yi/ /bar du gnas par snang gyur pa/ / rta de khro gnyer can zhes bya/ /nye du mdza' bshes rnams la gnod/ /gang gi mur gong gnyis su ni/ /gtsug ni re re snang gyur pa/ /de yis rigs kun zad byed cing / /bdag po'i phongs pa skyed byed yin/ /'gram glang tse'u chung dag gam ni/ /tshe'u spu'am ske rtsa chig grang phra/ / mtshan gnyis dag tu gtsug 'khyil ba/ /spu ni g.yon du 'khyil gyur na/ /de yis rta dang bdag po ni/ /mda' char gyis ni 'chi bar 'gyur/ /gang gi rta yi rna ba'i rtse/ /gnyi gar gtsug ni snang gyur ba/ /gsang 'phel ba yi nyes pa yis/ /de yi bdag po 'chi bar 'gyur/ / gang gi rta la rna rtsa ru/ /gnas pa'i gtsug ni snang gyur dang / /ze'u lhad la yod pa'i rta/ /bdag po'i don sgrub ma yin no/ /gang gi rta yi srong gong dbus/ /gtsug 'khyil ba ni snang gyur ba/ /de yi bdag po bza' ba dang / /btung ba re ba 'grub mi 'gyur/ /an dong rur ni gtsug 'khyil ba//rta ni gang la snang gyur pa/ /bdag po'am bu'am 'dul sbyor mkhan/ /gang yang rung la gnod pa skyed/ /gang gi ze'ur gtsug byung ba/ /rta de phongs pa dang bcas pa dang / /bdag po'i rigs rgyud bcas brlag pa'am/ /rigs kyi gtso la gnas gyur ba//rta dang nor ni rlag byed cing / /rgyal po'i yul 'khor bcas 'chi dang / /don kun 'jig cing 'dug par na/ /skyes pa'i tshe ni nyid na bskrad/ /lag gis reg dad mig gis mthong / thag ring du ni sbang bar bya/ /de ni dgra la sbyin pa'am//gzhan gyi yul 'khor dag tu bsgyur/ /gang gi ze'u ltag gtsug yod pa/ /de yi bdag po khwa'am ni/ /sems can mi sdug pas zos shing / /g.yul du dpung dang bcas par 'chi/ /sga 'og gtsug gis bdag po 'chi/ /gsal shing bskyon te 'chi bar 'gyur/ / nyen pas nyen cing nor brlag pa'am/ /yang na mtshon gyis 'chi bar byed/ /gang gi gtsug ni snying ga'am/ /dpung sna dag tu long gyur pa/ /rta de bdag po 'khor bcas par/ /g.yul du 'chi bar byed pa yin/ /pus mo'i gtsug gis g.yul du ni/ /'khrul zhing dpung bcas dgra bos gsod//rgyal bo rkun ma chad pa mes/ /bdag po'i rigs ni rlag par byed/ /gang gis tshig gang gnyis la ni/ /gtsug ni gnas par snang gyur na/ /de yi bdag po gnyen bcas pa/ /lcags sgrog gis ni bcing bar 'gyur/ /gang gi tshe'u'i tshe rnams su//gtsug 'khyil ba ni snang gyur pa/ /bcing dang gsod pa'i sdug bsngal gyis/ /de yis bdag po rlag par 'gyur/ /mchan khung gtsug ni yod pa'i rta/ /g.yul du myur du 'chi 'gyur zhing / /de yi bdag po dag kyang ni/ /bde dang ldan par mig nas so/ /mchan khung gcig gis nyes pa chung //gnyis kas smad par gyur pa yin/ /rtsib logs gtsug gis bdag po ni/ /phyogs dang bcas par zad par 'gyur/ /lte bar gtsug ni 'khyil gyur ba/ /gang zhig gis ni rta la snang / /de yi bdag po rigs rgyud bcas/ /nad kyis yongs su gdungs par 'gyur//rmang khar gtsug ni yod gyur pa'i/ /bdag po chung ma mi rigs spyod/ /rlig par gang gi gtsug 'khyil ba/ /rta de'i bdag por gyur pa ni/ /bu mang tshe ni thung gyur te/ /rta de blta na mi sdug yin/ /rta gang gi ni drug mdo yi/ / dbus na gtsug ni snang gyur pa/ /'dul spyod mkhan gyis de zhon te/ /gal te g.yul du 'jug gyur na/ /rta de nyid dang lhan cig tu/ /zug rngu yis ni 'chi bar byed/ /rnga rtsar gang gi rta la ni/ /gtsug 'khyil pa dag yod gyur pa/ /'di ni rtsa gnas 'jig byed yin//bdag po'i sgo ba sdug par byed/ /rkub kyi phyogs dang spu dag dang / /'brag la gnas par gyur pa ni/ /bdag po'i lto ba'i nad skyid cing / /gar yang bde bar si 'gyur ro/ /rkub tshos rkub kyi steng dag tu/ /gang gi gtsug ni snang gyur pa/ /de ni rtug 'brul zhes bya ste//bdag po'i rigs ni rlag byed yin/ /sre long bar ni gtsug 'khyil ba'i/ /rta ni rtag tu ma 'jug 'gyur/ /bdag po g.yog dang bcas pa ni/ /mtshon gyis 'chi ba nyid du 'gyur/ /chig grang gtsug la sogs pa yi/ /bshad 'bras phya rgad la yang sbyar//de ltar mi shis bshad pa ni/ /shis pa dag kyang bshad par bya/ /gang gi kha 'gram dag tu gtsug /gsal ba'am nya phyis dbyibs 'dra gnas/ /rta mchog de yi bdag po ni/ /zas thob don rnams 'grub par 'gyur/ /dbral bar gang gi gtsug 'khyil ba//g.yas su 'khyil ba gnyis yod pa/ /de yi bdag po g.yul du ni/ /rgyal zhing bu tsha rnam par 'phel/ /gang gi gtsug ni dpral ba na/ /mi mnyam gsum ni yod gyur ba/ /rgyal rigs kyi ni de 'dra rnyed/ /dgra bo'i sa la dbang byed gyur/ /mchod sbyin legs par byed pa dang //rgyal chen yon kun gtong bar 'gyur/ /gang gi dpral bar gtsug 'khyil gsum/ /gong nas gong du brtsegs pa ni/ /g.yon du mi 'khyil mnyam zlum yod/ /de ni rta yi rin chen yin/ /des ni rgyal po sa steng du/ /dgra rnams las ni nges par 'gyur//gang gi dpral bar gtsug dag ni/ /phyogs bzhir bzhi ni yod gyur pa/ /gang la de 'dra'i rta yod pa/ /de ni myur du sa bdag 'gyur/ /g.yul du rtag tu rgyal ba dang / /nor ldan bu dang tsha bo 'phel/ /rin chen tshogs kyang rnam par 'phel//dgra rnams kyi ni spyi bor gnas/ /gang gi dpral 'tshams gtsug g.yas 'khyil/ /kha 'bus pa'am 'khyil ba yod/ /de ni lhan cig g.yul zhugs na/ /dgra las rgyal te bzlog par 'gyur/ /rna rtse kho nar gtsug 'khyil ba/ /rta ni gang la yod gyur ba//de ni gos pa zhes bya ste/ /bdag po'i mchod sbyin 'phel byed yin/ /lkog ma ru ni gnas pa'i gtsug /g.yas su 'khyil zhing rab gsal yod/ /lha yi nor bu zhes de bya/ /'dod pa'i don kun sgrub byed yin/ /mgul pa ske ba kha ru ni/ /nya phyis 'dra ba'i gtsug yod pa/yid du 'ong ba zhes bya ste/ /rta de dgra bo 'jig byed yin/ /gang yi rngog mthar nya phyis 'dra'i/ /gtsug 'khyil gsal zhing g.yas su 'khyil/ /rgyal rigs kyi ni de 'dra ba/ rnyed na dgra po'i spyi bor gnas/ /gang gi brang la legs gnas pa'i/ gtsug ni gsum po g.yas 'khyil zhing //gsal zhing nya phyis dbyibs 'dra ba/ /spu ni gyen du bltas pa snang / /des ni g.yul du dgra bsad nas/ /bde bar ldog par 'gyur ba yin/ /gang la brang la gtsug bzhi ni/ /g.yas su 'khyil ba yod pa dang / /de bzhin yid 'ong gzhug yod pa//de ni dpal gyi shing zhes bya/ /dpal shing zhes bya 'di nyid ni/ /don sgrub byed pa'i rta yin te/ /de yis g.yul las rgyal ba dang / /bu dang tsha bo 'phel bar 'gyur/ /dbung pa la ni gtsug yod cing / /de yang nya phyis dbyibs 'dra ba/ /de ni dpung rgyan can zhes bya//bdag po'i 'dod pa ster byed yin/ /rgyu yi ltag na gang gi gtsug /g.yas su 'khyil pa yod gyur pa/ /de ni 'og pag can zhes bya/ /'bru dang nor rnams 'phel phyed yin/ /nor gyis tshims par byas nas ni/ /bu dang tsha bo 'phel bar byed/ /dbal shing pad+ma g.yung drung dang //sA lu dbyig pa rgyal mtshan dang / /dga' ba 'khyil dang 'khor lo gshol/ /ngur dang rdo rje ral gri gzhu/ /nya dang zla ba zla phyed dam/ /dar dang de bzhin gtun shing 'dra/ /mtshan ma de 'dra rab gsal ba'i/ /gtsug 'khyil rta ni gang dag gi/ brang dam 'phral bar yod gyur pa'i//rgyal po de ni rgyal srid brtan/ /de ltar smad dang shis pa yi/ /gtsug ni yang dag bshad pa yin/ /gtsug las lhag ba'i spu yod pa/ /bdag po'i nor dang 'bru skyed byed/ /sngar bshad pa ni snang gyur na/ /gnas las 'bras bu 'byin pa yin/ /legs thob the tshom gyur pa yis//slar yang pa la smras pa ni/ /yan lag brgyad po 'di dag las/ /'bras bu sna tshogs 'byung 'gyur pa/ /rgyal bo'i 'bras bu byed pa ni/ /rta yi lus la brten pa mthong / /gal te rta las dge mi dge /'bras bu rgyal pos thob gyur na/ /rgyal po de yi rang lus las//byung ba'i mtshan nyid don ma mchis/ /bu yis de skad smas pa dang / /sha li ho tras slar smras pa/ /dka' thub can gyi drang srong gis/ rgyal po'i mtshan ma gang mtho ba/ /de yi 'bras bu gsal bar ni/ /rta yi mtshan nyid kyis ston 'gyur/ /bdag po bsod nams can la ni//mtshan nyid bzang po 'byung bar 'gyur/ /bdag po smad bar bya ba la/ /rta yang smad par skye bar 'gyur/ /rgyal bo 'dren ma'i las can la/ /rta yang mtshan nyid 'dren mar 'byung / /tshe ni gnas dang 'brel ba las/ /gnas skabs ji bzhin 'byung bar 'gyur//rkan gyi mdog ni 'dren ma yis/ /le'u'i nang du sngar bshad zin/ /glo bur ba yi 'bras bus ni/ ltas ni le'u nang nas ston/ /de ltar gtsug kun shis mi shis/ /brtan dang brtan min mtshan nyid ni/ /ji ltar dris pa ma lus par/ /nga yis legs par bshad pa yin//sha li ho tra'i mdo'i gnas las gtsug bstan ba zhes bya ba'i le'u ste nyi shu rtsa drug pa'o// //legs thos la sogs bu kun dang / /gcer bu rgyal tshogs slob ma rnams/ /na tshod shes la mtshar skyes nas/ /phal de rnams kyis dris pa//rta yi na tshod ji ltar shes/ /'di yi che ni ji ltar bshad/ /so rnams su ni mtshan ma dang / /pags pa spu ni ji ltar 'gyur / /na tshod gnas su phyin ma phyin/ /ci ltar shes par gyur pa lags/ /gang gis na tshod shes 'gyur pa'i//mtshan ma ji ltar shes par gyis/ /de skad dris tshe drang srong mchog /de nyid shes par slar smras pa/ /rta yi na tshod shes pa ni/ /mtshan ma las kyis gnyer rnyed 'gyur/ /la la gzhon pa'ang rgas 'dra dang / /rgas pa'ang gzhon pa'i tshul du snang / / de bas rta las kha cig ni/ /shin tu rmongs pas byed pa yin/ /dus ni brtag cing bsam mi khyab/ /'jig rten thams cad ma lus khyab/ nyin mtshan dang ni zla ba dang / /lo dang dus drug bcas par ni/ /dus kyi mtshan nyid ldan pa rung / /dus 'di shes bar bya ba yin//gang gi so sogs la rim bzhin/ /dus na dus rtsi grangs su 'gro/ /dus las mtshan ma gsal gyur la/ /mtshan ma las kyang dus shes bya/ /rta ni skyes nas du lon pa/ /mtshan ma las ni shes par bya/ /mkhas pas mtshan ma bstan nas na/ / legs par shes nas bstan par bya/ /legs pa'i brtag par gyur pa yis/ /gzung ba de ni de bzhin yin/ /myur bar bltas par ma shes pa/ /de ni log par 'dzin par 'gyur/ /legs bltas ma rmongs par gyur pa/ /mtshan ma dus ni ston pa yin/ /de las 'bad cing mkhas pa dang //bstan bcos don mthong yang dag shes/ /mtshan ma shin tu nges brtags la/ /dogs pa med par bstan par bya/ /mdun so steng dang 'og dag la/ /skyes pa drug drug yin zhes ba/ /de nas rta yi mche ba ni/ /steng 'og gnyis la bzhi yod de//'gram so steng dang 'og gnyis na/ /nyi shu rtsa bzhi yod pa yin/ /de ltar so bsdus kun gyi spyi/ /bzhi bcu yod par shes par bya/ /mdun so'i 'og ma ci lta bar/ /steng so de ltar mi mngon te /rta yi so la mtshan ma ni/ /me long gzugs brnyen lta bur mngon//zla ba'i rim gyis skyes pa yi/ /mtshan ma lo gcig yin par 'dod/ /lo gnyis nas ni go rims bzhin/ /so so'i kha dog las shes bya/ /de nas lo gsum nas brtsams te/ /so 'byung bar ni 'dod pa yin/ /lo lnga'i bar du so dag ni/ /'byung zhing skye bar shes par bya//de yi rjes la so ris kyi/ /cha nas na tshod shes par bya/ /gnag dang ser dang dkar ba dang / /mching bu sprang bu'i mdog 'dra dang / /dung dang gtun gyi dbyibs 'dra dang / /de nas so ni 'gul ba dang / /de rjes de ni 'byung ba ste/ / 'di ni mtshan ma bsdus pa yin/ /mtshan ma rnams ni go rims bzhin/ /re re las ni rab bshad bya/ /de las thog mar zla re ni/ /lon pa'i mtshan nyid shes par bya/ /rnga rngog pags pa shin tu phra/ /yan lag dang ni rmig pa mnyen/ /dpral ba mtho dman khyer ba dang //lus gug rtsol ba chung ba dang / /mdun so'i dbus ma gnyis zlum pa'i/ /rte'u zla gcig lon zhes bya/ /lus kyi tshul ni mdzes pa dang / /mdun so gnyis ni gsal bar gnas/ /dregs pas 'gro ba'i tshul can dag /de ni zla ba gnyis lon yin//sha ni rgyas shing 'byes pa dang / /sra zhing brtan par gnas pa dang / /mdun so dag ni rno ba dang / /spu ni rtsub par skye ba dag /rta la mkhas pas rte'u ni/ /zla gsum lon par shes par bya/ skyes pa'i spu ni byi ba dang / /mdun so gnyis ni rdzogs pa yi//rte'u zla ba bzhi lon par/ /mkhas pa rnams kyis shes par bya/ /mdun so gnyis ni rdzogs pa dang / /bar ma dag kyang skye ba yi/ /rte'u gang yin de nyid ni/ /zla lnga lon par shes par bya/ /gang tshe ri mo dung mar 'dra/ / shin tu phra bar snang gyur pa/ /mdun so la ni yod gyur cing / /so mtha' las ni gyen du 'greng / /de tshe rte'u zla drug par/ /the tshom med par shes par bya/ /spu ni mi mnyam gyur pa dang / /mdun so bar mar ri mo snang / /lus dang rmig pa brtan gyur cing / / kun nas 'grim par gyur pa dang / mdun so tha ma rtol gyur pa/ /de tshe zla ba bdun pa yin/ /mdun so rdzogs par gyur pa dang / 'gram so cung zad skye ba dang / /rnga ma'i tshogs kyang legs skyes pa/ /zla ba brgyad par shes par bya/ /mdun so bar ma legs rdzogs shing //der yang ri mo snang gyur la/ /rngog ma'am mi mnyam par snang la/ /de tshe zla ba dgu pa yin/ /rngog ma'ang rnam par gyes pa dang / /mdun so bar ma'ang dka' ba dag /gang yin de ni mkhas pa yis/ /skyes nas zla bcu lon zhes bya/ / 'gram so rdogs par gyur pa dang / /rlig pa dag kyang 'phyang ba dag /de lta bu yi rte'u yis/ /zla ba bcu gcig lon zhes bya/ /gang gi so ni thams cad kyang / /dkar ba nyid du snang ba dang / /ba spu 'jam zhing ring pa yis/ /lus la khyab par gyur ba yi/ /rte'u mtshan ma 'di dag gis//lo gcig len par shes par bya/ /gang tshe so ni mdog ser zhing / /dud mar dag tu'ang snang gyur pa/ /rngog ma dang ni rnga ma ring / /spu yang 'byi bar 'gyur pa dang / /gnyid kyang che bar snang pa dang / /grags pa gzi mdangs 'phel 'gyur ba//mtshan ma 'di dag ldan pa yi/ /rta ni lo gnyis lon zhes bya/ /lo gnyis gsum mam de bzhin du/ /bzhi'am yang na lnga yi tshe/ /mche ba bzhi ni skye 'gyur te/ /'di la nges pa mi snang ngo / /rte'u lo gnyis lon pa la/ /rlig pa'i 'bras bu gcig snang ste//gnyis nas ldan mnyam gyur te/ /gzhan du mi shis ba nyid yin/ /rlig pa dag ni gnyis ka yang / /gang zhig mir skyes de go bzlog /rang bzhin rdzogs par gyur pa na/ /rlig pa rang gi gnas su phyin/ /bu skyed par yang 'gyur ba dang / /lam du 'gro ba'ang de sran thub//don kun yang dag sgrub byed cing / /nor dang dag 'dang bde 'thob byed/ mche ba skye ba'i dus dag gi/ /bya ba 'di ni khyed la bshad/ /de yan chad ni mche ba dang / /rlig pa rta la mi skye'o/ /lo gsum pa la mdun so gnyis/ /lo bzhi pa la bar ma ste/ /lnga pa la ni tha ma dag /'byung zhing skye bar 'gyur ba yin/ /phyed dang gsum na mdun so ni/ /gnyis 'byung bar ni nges ba yin/ /de skyes yongs su rdzogs pa ni/ /lo gsum par ni shes par bya/ /phyed dang bzhi na de phi ni/ /bar ma 'byung bar shes ba yin/ /de nyid skyes par gyur pa ni//lo bzhi par ni shes par bya/ /phyed dang ldan mdun so yi/ /tha ma dag ni 'byung bar 'gyur/ /de nas tha ma skyes gyur pa/ /lo lnga bar ni de shes bya/ /so 'byung ba dang skyes gyur kun/ /rdzogs pa'i rta ni lo lnga ba/ /gzhon pa las ni de 'das shing / /mchog tu lus ni rgyas pa dang //pags pa rnga rngog sdug pa dang / /dbang po dang zhing dga' ba dang / /nus ba thob bar 'gyur ba dang / /dar la bab pa gnas gyur cing / /khu ba 'byung par 'gyur pa dang / /skad kyang yongs su brjes 'gyur te/ /ji ltar skyes pa lo bcu drug /lo lnga pa yi rta de 'dra//de tshe dar la bab ces bya/ /lad rnams kun ni nus par 'gyur/ /de rjes bu ni the tshom dag /skyes par gyur pas dri ba dris/ /so ni mi 'byung bar shes na/ /ji ltar 'byung zhing skye ba lags/ /de ni bdag la bshad pa'i rigs/ /drang srong gis yang slar smras pa//dper na 'bras bu skye ba na/ /me tog lung las chad par 'gyur/ /de bzhin so ni skye gyur pa/ /g.yo zhing 'byung bar 'gyur ba yin/ /gang zhig gzhan par gyur ba'i so/ /ltung ba skye ba lhan cig pa/ /de ni go rims ji bzhin du/ /thams cad nga yis bstan par bya//'o ma 'byung ba'i so srab cing / /thung zhing 'jam la mi mnyam lhod/ /rtsa ba phra zhing rtse mo sbom/ /ma so rtsa mo zlum pa dang / /de bzhin kha dog nag nog can/ /so rten chung zhing snyi ba dang / /so rtse ri mo mag po dang / /nag nog can gyis mtshon pa yin//'di ni dang bor skyes pa yi/ /so yi mtshan nyid gyur pa yin/ /rtse mo rno zhing rtsa ba sbo ma/ /legs gnas so dkyus mnyam pa dang / /dkar zhing snum la ring ba dang / /sra zhing thags ni bzang ba dang / /steng mi rkyong zhing de bzhin dbus/ /gsal bar skyes ba de 'dra'i so//rim gyis yongs su rdzogs gyur ba/ /nas dang 'bru ni za bar nus/ /de ltar 'byung dang skyes ba'i so/ /rang gi mtshan nyid shes par bya/ /nag po mdun sor chags lo drug /bdun pa la ni bar ma dang / /brgyad pa la ni tha ma ru/ /chags pa yin bar mngon par bstan//ser po dgu bar mdun so ste/ /bcu pa la ni bar mdo/ /lo ni bcu gcig lon pa la/ /tha mar de ni chags par bstan/ /dkar po la ni bcu gnyis na/ /mdun so bar mar bcu gsum na/ /tha mar lo ni bcu bzhi na/ /gnas par de ni bstan pa yin//mching bu lo ni bco lnga na/ /mdun so dag la gnas pa yin/ /bcu drug par ni bar ma la/ /bcu bdun par ni tha mar 'gro/ /sbrang mdog lo ni bco brgyad na/ /mdun so bar ma bcu dgu na/ /nyi shu tshe na tha ma ru/ /de ni gnas par 'gyur ba yin//dung 'dra nyi shu rtsa gcig na/ /mdun sor nyi shu gnyis na dbus/ /nyi shu gsum na tha ma ru/ /de ni gnas bar rab tu bshad/ /gtun 'dra nyi shu rtsa bzhin/ /mdun sor rtsa lnga'i tshe na dbus/ /tha ma dag dang ldan par ni/ /lo ni nyi shu drug na 'byung / / nyi shu rtsa bdun la mdun so/ /rtsa brgyad pa la bar na ste/ /nyi shu dgu la tha ma dag /yongs su 'gul bar 'gyur ba yin/ /lo sum cu na mdun so ste/ /sum cu gcig na bar ma yin/ /sum cu gnyis tha ma ni/ /'byung ba 'di ni the tshom med/ /de nas gnas kyi dbye ba yis//mtshan ma rnams ni shes par gyis/ /snying po cha yi phyi rol gnas/ /so yi rtse mor mngon gnas yin/ /gnag dang ser dang dkar po las/ /dkar po yin na mthil dbus skye/ /rta yi so rtsar chags pa ni/ /nye ba'i lus zhes bya ba yin/ /mching bu sbrang bu du mdog 'dra//thel kyis dbus la brten pa yi/ /nang gi snying bo'i cha nas ni/ /so rtse'i bar du brten pa yin/ /gtun 'dra so rten dag las ni/ /brtsams te skye ba yin par bshad/ /de ni 'jong dang zur bzhi dang / /shin tu zlum pa'i khyad bar gyi/ /rma 'dra dang ni bcas ba mtshan ma//dbyibs ni rnam pa gsum du 'gyur/ /sbrang bu'i mdog can gru bzhir 'gyur/ /mching bu nyid ni 'jod par gnas/ /dung dang gtun 'dra nyid dag ni/ /shin tu zlum bor gnas ba yin/ /rta rnams kyi ni so la mtshon/ /ngo bo nyid kyi chags pa yin/ /dper na shing las skyes lo ma//gzhon tshe dmar por gnas pa yin/ /rgyas pa'i tshe na sngon por 'gyur/ /de yi rjes la ser bo ste/ /skams shing mi sdug gyur ba na/ /smin cing lhung bar gyur pa yin/ /de bzhin rta yi so dag gi /tshon ni rim gyis yal ba yin/ /de las gzhan yang mtshan ma ni//so so zhing gi rab sbyar bya/ /la la lung tang mdog can la/ /gzhi gcig 'dzam bu'i 'bras bu mdog /kha cig lcags ni bcag pa 'dra/ /la la dngul rdo 'dra ba ni/ /nag po drug nas dgu yi bar/ /ri mo so kha gnas pa yin/ /de tshe nyams dga' stobs ldan zhing //sha ni rgyas bar gyur pa dang / /rnga ma dang ni rngog ma snum/ /spu mdog shin tu gsal ba dang / /ma zhum mtsher zhing 'gros bzang dang / /mthong na dga' ba nyid du ni/ /shugs dang spro bar ldan pa dang / /gri ma zhing lang tsho dag la gnas/ /pad+ma'i ge ser 'dra ba'am//gser ram sbrang rtsa'i mdog 'dra na/ /ba ser ba lang sbrang bu yi/ /mdog 'dra de yi dbus na ni/ /grog ma'i dbyibs 'dra chags pa dang / /'dam bu'i shun pa'i mdog 'dra ba'am/ /cung zad sngo zhing ser ba ni/ /ring por so yi ngos la chags/ / ser po mdun so la sogs par/ /de ltar dgu pa yan chad nas/ /ser bo'i mtshan ma ldan pa'i rta/ /sha yis rgyas shing stobs dang ldan/ /mdangs ldan de bzhin kha dog bzang / /brtan zhing dga' bar byed pa yin/ /'bras ni grus pa lta bu dang / /de bzhin mu tig mdog can la//thil dang dbus ni mnyam zhing zlum/ /de bzhin zho mdog can du/ /dkar po rnam pa tha dad par/ /bcu gnyis sogs bar mdun song gnas/ /dkar po'i mtshan mar ldan pa la/ /phyi rol mtshan ma 'di 'byung ste/ /pags pa sha ni lhod pa dang //stobs ni yongs su bri ba dang / /kha dog dag kyang nyams pa dang / /dbral ba ser bar 'gyur ba dang / /lus kyi stobs dang mgyogs pa dang / /spro bdag ni 'bri bar 'gyur/ /brang gi stobs ni zad ba'i phyir/ /phrag sor gnyer ma 'byung bar 'gyur//kha cig yungs kar dkar 'dra dang / /la la sbrang rtsi 'dra ba dang / /kha cig mching bu nag po 'dra/ /dmar zhing zlum pa'i thig le chags/ /mching bu mdun so la sogs bar/ /bco lnga yan chad 'byung ba yin/ /mig dang brag so 'phral ba dang / /phyi rol mtshan ma khung dag dang ni//rnga rtsa'i gnas ni gang yin par/ /spu dkar gnyer ma 'byung bar 'gyur/ /rta yi spyod pa 'khrig pa dang / /'dra bdag kyang sbong byed cing / /'gros dang skad kyang chung ba dang / /nyam pa'am lam du bub bar ni/ /lo ni bcu bdun pa dag la/ /phyi rol mtshan ma 'di dag 'byung //ser dang nag dang dmar pa'am/ /sbrang bu'i dbyibs 'drar sbrang bu'i mdog /bco brgyad nas ni nyi shu'i bar/ /rta la 'di 'dra 'byung bar 'gyur/ /de la gnyer ma spu dkar ni/ /slar yang 'phel bar 'gyur ba dang / /rta yi spyod pa 'khrig ba dang / /'dra ba'ang rnam par 'dor bar 'gyur//dung ni dung gi mdog 'dra bar/ /mkhas pa rnams kyis shes bya ste/ /zlum dang zla ba phyed 'dra bar/ /so yo so la 'phred du chags/ /rta de nyi shu rtsa gcig nas/ /rtsa gsum pa yi bar yin no/ /de ni lpags mthug mdog 'gyur zhing / / mnyam po nyam chung reg na rtsub/ /gnyer ma dang ni spu dkar skye/ /rna ba dang na mjug ma ltong / /nyi shu rtsa gsum pa yi rta/ /'di 'drar 'gyur bar shes par gyis/ /so yi dbus su bug gang byung / /de ni gtun 'drar shes par bya/ /mdun so la sogs nyi shu ni/ /rtsa bzhi yan chad 'byung shes bya//'di yi tshigs rus gang yin dang / /tshe'u spu pus mo mi sdug cing / /sgrog mkhar gug par 'gyur pa dang / /zhum zhing le los 'gro bar 'gyur/ /gnyid che bar ni 'gyur ba dang / /rtsa yang 'dod bar 'gyur ba yin/ /rta ni nyi shu drug lon pa/ / 'di 'dra bar ni shes par bya/ /so mdog mi sdug gyur nas ni/ /de yi rjes la 'gul bar 'gyur/ /spu ni shor bar 'gyur ba dang / /'byi zhing 'gros ni zhen pa dang / /mig gyur mig ni 'dres pa dang / /mchi mar bcas shing dman bar lta/ /mtshan ma 'di yis rta dag ni//nyi shu dgu par shes bar bya/ /sha yi gnas nas rim bzhin du/ /so rnams 'byung bar 'gyur ba dang / /'brel pa chad cing gyes pa dang / /rta rgas mig ni zhum pa dang / /mdangs bral sems khong chung ba dang / /nyal bar dga' zhing sems zhum dang / /kha yi dbugs ni dri mi zhim//rta yi kha nas kha chu 'dzag /mig la rgyun du 'dzag pa dang / /zos pa dka' bas 'ju bar 'gyur/ /gang tshe sum cu gnyis lon pa'i/ /rta ni las la sbyor mi nus/ /ji ltar glang pos brgya nyi shu thub/ /rnga mo bong bu nyi shu lnga/ /ba lang 'di dag nyi shu ni/ / rtsa bzhis lhag pa nyid yin la/ /ra lug lo ni bcu gnyis te/ /dre'u lo na nyi shu yin/ /me dang glang po mnyam pa ltar/ /de bzhin rta'i lo sum cu gnyis/ /tshe yi mthar thug gyur pa yi/ /rtswa yi me ltar 'chi bar 'gyur/ /na tshod lo yi dbye ba ni/ /ji bzhin rab tu bstan pa yin//sha li ho tra'i mdo'i gnas las na tshod brtag pa'i le'u ste nyi shu rtsa bdun ba'o// //de nas sha li ho tra'i bu/ /mdza' las rgyal gyis yang dris ba/ /rta yi che ni shes bya ste/ /legs ldan pa dag la bka' stsol cig /sha li ho tra gzi brjid che/ / pha yis bu la slar spus ba/ /gang gi so ni gyes ba dang / /so rtsa 'byung bar gyur pa dang / /mig ni gnas bskyod mchi ma 'dzag /zhum zhing rtsa ba lhod pa dang / /rna rtsa dang ni lus kun kyang / /rab tu lhod par gyur pa dang / /gzi mdangs med cing sems khong chung / / nyal bar dga' zhing blo zhum dang / /kha'i dbugs dri ni mi zhim dang / /kha las kha chu 'dzag ba'i rta/ /de ni dang bo'i gnas skabs las/ /lhag par 'tsho ba ma yin no/ /lhag par 'tsho ba ma yin no/ /gang zhig tshigs ni mi sdug dang / /chig grang tshe'u gug pa dang / /sre lang ba yang yo ba dang / /'gros lhod le lo che gyur ba//gnyid ni shin tu che ba dang / /so yi mdog ni mi sdug dang / /'di 'dra'i mtshan nyid pa'i rta/ /gnas skabs nyid las lhag mi 'tsho/ /pags mthug kha dog mi gsal dang / /dbang po'i stobs zhan reg na rtsub//rna ba rnga ma zhum gyur ba/ /gsum las lhag bar mi gnas so/ /mi sdug skad ni dman pa dang / /gang zhig so ni sbom pa dang / /dbugs 'byin rgyun ring mi brtan pa'i/ /rta de bzhi las lhag mi 'tsho/ /mig ni chu yis khengs pa dang / /cung zad zhum par gyur ba dang //lus kun brtan pa chung ba'i rta/ /lnga las lhag par mi 'tsho'o/ /gang zhig dar la bab pa yi/ /mtshan nyid gzhon pa'i tshe na yod/ /de ni gnas skabs drug 'thob ste/ /rta dang 'dra bar gyur pa yin/ /stobs dang spro ba'i yon tan ldan/ /skad gsang dman par sbyong pa ni//rta de gnas skabs bdun thob na/ /srog dang 'bral bar 'gyur ba yin/ /stobs ldan snying stobs phun sum tshogs/ /dri mi zhim par gyur pa'i rta/ /de ni gnas skabs brgyad du ni/ /phyi na nas srog dang 'bral ba yin/ /tshad dang stobs dang snying stobs dang //gzi mdangs brtan pa rgya chen ldan/ /rlig pa 'byar bar gyur pa gang / /gnas skabs dgu nas 'chi bar 'gyur/ /rta gang rtag tu dga' zhing spro/ /lta stangs sdug cing brka ma chags chung / /stobs ldan snying stobs phun sum tshogs/ /rlig 'bras zlum zhing mi 'phyang rta//de ni gnas skabs bcu pa ru/ /phyin nas srog 'dor 'gyur ba yin/ /snying stobs kha dog mdangs mtshan nyid/ /ldan zhing 'gros bzang skad gsang snyan/ /phun tshogs stobs ldan dregs par ldan/ /rus pa che zhing tshigs sbom la//mdog bzang sha mtshams kun tshogs pa/ /tshe yi mthar phyin 'gyur ba yin/ /sha li ho tra'i mdo'i gnas las tshe shes par bya ba'i le'i ste nyi shu rtsa brgyad pa'o// //sha li ho tra dbang po thul/ /mchog dang mchog min de nyid shes/ /bu yi thu bo mdza' las rgyal//nye bar song ste yang dris ba/ /dri ni yid 'ong dge ba dang / /de bzhin dri gang mi dge ba/ /de rnams kyis ni 'bras bu dag /cir 'gyur ba ni bshad du gsol/ /bu yis de skad dris pa dang / /sha li ho tras slar smras ba/ /'di dag thams cad rab bshad kyis//thos nas thung la bcang bar gyis/ /'o thug sbyin sreg du ba dang / /de bzhin ut+pal dmar po dang / /tsan+dan a kar 'dra ba dang / /byi'u rug pa a rdza ka /sbrang rtsi chang dang 'dra ba dang / /de bzhin chang gi dri 'dra dang / /sa la gsar du char bab dri/ /de bzhin snum spang spos dang //ut+pal pad+ma'i ge sar dang / /ha ri be ta pad+ma'i rtsa/ /a mra bi ba ka pi ta tha/ /ba nas 'bras smin 'dra dang / /ni ma pa a rdzu ka dam dang / /par la dang a sho ka /dug mo nyungs dang pan dan/ /spu na ga yi dri 'dra dang / /tsam pa ka dang ra ma la'i/ / lo ma rgya spos dri 'dra dang / /dpyid ka'i nags kyi tshogs 'dra dang / /glang po'i rdul gyi dri 'dra dang / /gang zhig dri ni zhim gyur ba'i/ /me tog 'bras bu ldan pa dag /de rnams dri ni mtshungs ba yi/ /rta mchog de ni bkra shis so/ /rtag tu rab tu dga' ba dang / /kun gyi yid du 'ong ba dang //don kun yang dag sgrub byed cing / /skal ldan rigs ni 'phel byed yin/ /ci tsam yid 'ong dri yod pa/ /de tsam yid 'ong don sgrub byed/ /tshe ring nad ni med pa dang / /nor dang dga' dang bde ba skyed/ /g.yul las rtag tu rgyal byed cing / /grags dang bu dang tsha bo skyed//de ltar dge ba'i dri dag ni/ /bshad nas cig shas mnyan bar gyis/ /rta ni rngul bar gyur pa dang / /mang ku na yi dri 'dra dang / /bshad dang gci ba'i dri bcas dang / /de bzhin sgog pa'i dri bcas dang / /byi la rnga mo phag dang ni/ /'ug pa'i dri dang 'dra ba dang //gang zhig khyi rlig dri 'dra ba/ /dge ba'i dri la brten ma yin/ /nyes pa 'di dag ldan pa yi/ /rta de shis pa ma yin no/ /rgyal po'i don mi 'grub pa dang / /de bzhin bkra mi shis pa yin/ /ring du 'tsho bar mi 'gyur zhing / /las rnams kun la smad pa yin/ / de ltar shis dang mi shis pa'i/ /dri rnams rab tu bshad pa yin/ /sha li ho tra'i mdo'i gnas las dri brtag pa'i le'u ste nyi shu rtsa dgu pa'o// //sha li ho tras bu la ni/ /rta yi skad gsang mtshan nyid bshad/ /srog ces bya ba'i rlung shugs kyis//lte ba'i rtsa nas byung gyur te/ /lus la gdos par gyur nas ni/ /khar phyin 'tsher ba zhes bshad do/ /shin tu 'jam zhing gting ring la/ /klong che 'dril zhing rgyun mi 'chad/ /'tsher bar byed pa'i rgyal byed rta/ /rgyal pos yang dag rgyal ba thob/ /rtsub cing nyam chung klong chung chad//ngar ngar po dang 'dzer bar ni/ /mgo bor phyin te 'tsher ba yi/ /rta ni bsngags pa ma yin no/ /dung dang rnga chen seng ge stag /shing rta'i gling bu khyu mkhyog sgra/ /ngar ngur glang po ku ra ra/ /'brug dang rdza rnga'i sgra 'dra zhing / /chu bo 'dra ba'i sgrar ldan pa'i//de ni rtag tu 'phel byed ster/ /spyang khu bya rgod rnga mo dang / /byi la ce spyang snod chag sgra/ /khyi dang spre'u 'ug pa dang / /shing dang rdo dang 'dre ba dang / /ser ba yin sgra 'dra ba/ /rta yi tha ma sdig ldan yin/ /skad zad pa yi rta rnyed na/ /myur du nyams pa thob par 'gyur//thur du kha bltas 'tsher ba'i rta/ /de ni bdag po'i phongs pa skyed/ /g.yon logs bltas te 'tsher ba dag /rigs rgyud nyon mongs byed pa yin/ /bkra mi shis pa'i rdzas dag ni/ /mthong nas mang du 'tsher byed pa/ /rta de mi shis bskyed pa ste/ /bdag po'i sdug bsngal byed par bshad//bong bu yi ltar gang yin pa/ /de ni bkra mi shis par bshad/ /bkra shis pa yi rdzas mthong na/ /gang zhig 'tsher bar byed pa'i rta/ /bdag po rnam par 'phel byed cing / /nor dang 'bru ni rgyas par bshad/ /g.yas logs su ni bltas pa'am//reg cing 'tsher byed gang yin pa/ /rta de zhon na rgyal po ni/ /sa rnams las ni rgyal bar 'gyur/ /mang po 'tsher bar byed pa na/ /de yi 'tsher ba gsal gyur gang / /rta de rjes sgrogs zhes bya ste/ /bdag po'i don kun sgrub byed yin/ /gcig pu 'tsher bar byed pa yang //mang po lta bur mngon gyur ba/ /rta de gting ring 'tsher zhes bya/ /bdag po'i rnam rgyal 'phel byed yin/ /gang zhig 'tsher ba thos nas ni/ /rta gzhan 'tsher bar byed pa dag /des ni rgyal po'i rta brgya stong / /'dod par byed pa nyid yin no/ / gzhan yang 'tsher ba thos nas ni/ /rta gang phyis nas 'tsher byed pa/ /rta de zhon par gyur nas ni/ /mdza' bo 'phel bar byed pa yin/ /rgan dang byis pa nad pa dang / /gcong can ngal dang skom pa dang / /bkres tshe 'tsher bar gyur pa yi/ /rta skad brtag bar mi bya'o/ / sha li ho tra'i mdo'i gnas las skad gsang brtag pa'i le'u ste sum cu pa'o// //rta yi tshe yi de nyid shes/ /rig byed yan lag mthar phyin la/ /'gros kyi bya ba [(]shas [,]shes [)]pa la/ /the tshom skyes ba gar dgar srid/ /legs ldan sa yi bdag po rnams/ /g.yul du shugs mgyogs rta la ni//dga' zhing brtan pas rtsom byed la/ /rta la gces par 'dzin pa yi/ /'chong ba dga' ba skye 'gyur la/ /mgyogs pas shin tu yid rton 'gyur/ /rta ni 'di ltar mi mchong ba/ /mgyogs shugs med na dga' mi 'gyur/ /'gros 'debs myur bar 'gro ba la/zhon na dga' ba skyed par byed/ /sa thag ring du 'gro ba na/ /'gro bde ba ni bsngags pa yin/ /rgyal po dang ni rgyal bu dang / /bud med skyid de ba yin pas/ /bzhon las bskyod pa'i nad rnams ni/ /de 'dras 'byung bar mi 'gyur ro/ /'gros kyi tshul ni sna tshogs las//shis dang mi shes 'bras bu 'byung / /legs ldan 'gros kyi tshul dag ni/ /rta la gang yod bdag la gsungs/ /garga'i tshig de'i rjes la ni/ /sha li ho tras slar smras pa/ /mdor ne'u le sreg pa dang / /rma bya dang ni mtshungs par 'gro/ /ji ltar ne'u le'i rkang pa ni//myur du 'dor bar byed pa ni/ /bar mtshams med ba lta bur mngon/ /rang gi spyi bo cung zad 'gul/ /mgo mgrin seng ge ltar 'degs shing / /rgyab dang lus ni brtan bar gnas/ /mjug tshos rgal tshigs mi 'gul zhing / /rnga ma'ang 'gul bar mi byed gang / de ni ne'u le'i 'gros can du/ /blo dang ldan pas shes bar bya/ /'khrul pa med cing g.yo ba med/ /lam du ma yengs byed pa dang / /zhon pa'i mi ni brtan bzang ngam/ /grul gnas pa snyam sems zhing / /gang gi shugs ni 'dor ba na/ /zhon pa spu rtse tsam mi 'gul//lam ring du ni song gyur kyang / /chad par 'gyur ba med pa dang / /lam gyis ngoms pa med ltar 'gro/ /dbyibs ni legs par gyur pa'i rta/ /me ma dag la ni reg pa ltar/ /lam du myur du 'gro ba dang / /seng ge lta bur lus 'degs shing / /mchu yis nam tshong brko ba 'dra//sa la rtog byed de bzhin du/ /lus ni 'degs pa ltar byed dang / /zhon pa po ni dga' skyed pa/ /gang ma sreg gi 'gros bsten yin/ /gang zhig mgo drang la 'khums dang / /mgo dang sge mgrin rab tu rkyong / /bdag po'i sems dang rjes mthun par/ /lam du mnyam par lta ba dang /rtag par lam du mi bu bcing / /chu yi nang du mi nub la/ /brtan zhing ma 'chol 'gro ba'i rta/ /rma bya'i 'gros la brten pa yin/ /gsum po 'di dag 'gros kyi ni/ /gtso bo yin pas shis pa 'thob/ /de las gzhan pa'i 'gros gang yin/ /phel cher smad par bya ba nyid//'gros kyi mtshan nyid phun sum tshogs/ /rta mchog rnyed par gyur na ni/ /rgyal po dgra las rgyal 'gyur zhing / /lam du du ba bar mi 'gyur ro/ /'gros bzang rta la bdag po yis/ /lhag par dga' bar bya ba yin/ /de bas rta yi bstan bcos ni/ /shes bas 'gros ni brtag par bya//phag dang ma he rnga mo dang / /khyi sbre'u rus sbal glang seng 'gros/ /gang yang byi la ltar 'gro ba/ /rta de mi shis yin zhes bya/ /tshe'u tshe tshig grang dpung pa brla/ /'degs par dka' zhing 'gros zhan la/ /'khums shing rkang 'chol 'gro ba dang //rgyab ngan bzhon bar mi bde dang / /goms stengs 'jog nyes bul bas 'gro/ /de ni yongs su spang par bya/ /dbugs rgod slar bsdu dka' ba dang / /lam ni thung ngus rtag tu dub/ /snying stobs chung ste rta mkhan gyis/ /dgra yi bsam pa 'grub de spang / /rta gang mgo bo 'degs pa dang //rmig pa mtho bar 'degs pa dang / /bdag po dga' bar 'gro byed pa/ /'gros de mchog ni yin par bshad/ /mgyogs shugs mda' ltar rgyug byed cing / /lus kun dub pa med pa dang / /sdud cing ring du snyob byed pa/ /'gros de mchog ni yin par bshad//rkang 'jog lhag chad mi snyoms shing / /de bzhin myur ches bul ches pa/ /shin tu 'dus dang shin tu skye/ /'gros kyi nyes pa 'di drug yin/ /sha li ho tra'i mdo'i gnas las 'gros kyi bzang ngan shes par bya ba ste le'u sum cu so gcig pa'o// //sha li ho tra yid gzhungs pas//tshangs pa me yi rgal 'dra la/ /lus kyi 'phel ba'i bya ba ni/ /mdza' las rgyal gyis yang dris pa/ /thog ma tha ma bar mar ni/ /lus 'phel bar ni ji ltar 'gyur/ /'gros dang 'gros gzhan bcas par ni/ /'di dag shes par 'tshal lags so/ / rta ni ji ltar rgyu ba dang / /rten du ji ltar gyur pa dag /'di dag shes par 'tshal lags so/ /bu yis de skad dris pa dang / /sha li ho tras slar smras pa/ /'di na nam mkha' sa dang rlung dang me dang chu dang sa rnams snang gi /sems zhes bya ba drug pa dang 'dres pa rgod ma'i mngal du zhugs shing gcig tu 'gyur ba lus su 'brel pa yongs su rdzogs par byed par 'gyur ro//de nas dus yongs su smin cing tshor ba na/ /mngal gyi dri ma dang bral ba'i tshul gyis skye zhing 'byung ba na/ sha ma'i dri mas lus la gos shing / lus dang sems nyon mongs pa las lus bde bar gnas pa na grang ba dang tsha ba dang phrad pa'i tshor ba bde sdug bdag nyid kyis mngon par shes par 'gyur ro//de la rgyu gang gis 'byung ba chen po lnga dang nang gi bdag nyid drug po phan tshun 'dres par gyur pa ste/ sa bon dang 'bras bu'i tshul du nyams pa med par gnas par 'gyur ro/ /rta de de ltar byung ba na shing ltar rim gyis 'phel bar 'gyur zhing yon tan du ma dang ldan par 'gyur ro//de bzhin du sred pa'i dbang gis dang po yul la 'jug par zhus pa dang / rlung 'thor bas dbus na phan tshun du khyab pa na/ lus kyi 'gros dang gom pa'i shugs rim gyis 'byung bar 'gyur te/ 'gros gang dang gang gis dang por ma'i rjes su 'brang zhing zas 'dod par gyur pa de ni lus 'phel ba zhes bya'o/ /de bzhin dug gcig bu rgyu zhing rjes su 'brang ba'i 'gros kyis 'gro bar byed pa dang / rim gyis 'phel bar gyur pa na yang / lus dang rjes su mthun pa'i stobs dang / 'gros dang / rgyug pa dang / rtse ba dang / mchong ba dang / dkyu ba dang / 'gros dam pa'i yon tan dang ldan pa de ni dang po gcig tu rgyu zhing rjes su 'breng ba zhes bya'o/ /de la rkang pa 'jog ba'i 'gros ni rnam pa bzhi ste/ 'di lta ste spo zhing 'gro ba dang / bzhag pa mnyam pas rjes su 'gro ba dang //gzhogs dud cing 'gro ba dang / spyod pa gcig gis rjes su 'gro ba'o/ /de dag ni rang bzhin gang yin pa de nye bar bshad par bya'o/ /snga ma gnyis dang phyi ma gnyis/ /rkang ba mnyam par 'gro byed cing / /rang gi lus ni spo ba dag /de ni spo ba'i 'gros yin no/ /rtsib logs gnyis ni mnyam gnas shing //res kyis nye bar gnas byed la/ /rim gyis rlig pa nye bar 'degs/ /de ni gzhogs mnyam 'gro ba yin/ /mig sprug 'khrul pa med par ni/ /lus ni dad cing rgyu byed la/ /spyod pa gcig gis mi 'gro ba/ /gzhogs dus 'gros ni de yin no//gang zhig yan lag res mos kyis/ /'jog cing 'degs par byed pa dang / /rkang pa gsum ni shas cher bdegs/ /rta ni spyod pa gcig 'gros yin/ /de bzhin du ri dgas dang / /ma he dang / byi la dang / khyi dang / dom dang / stag dang / ne'u le dang / glang po che dang / khyu mchog dang /rnga mo dang / dre'u dang / bong bu dang / ra dang / lug dang / e ne ya dang / sa la dang / sbyang ku dang / gzhan yang de lta bu'i rnam pa dag kyang lus mchog dang / bar ma dang / tha ma'i dbye ba'i tshad kyis rkang bzhi ba rnams kyi lus 'phel ba'i rnam par dbye ba bshad pa yin no/ / sha li ho tra'i mdo'i gnas las lus 'phel ba zhes bya ba'i le'u bu ste sum cu so gnyis pa'o// //thub mchog sha li ho tra'am/ /legs thos kyis ni yang dris pa/ /legs ldan rgyug pa'i mtshan nyid ni/ /mnyan pa ru ni 'tshal lags so/ /'dir ni skyon gang yon tan gang / 'di rnams rnam pa du ru grags/ /mtshan nyid gang dag yin pa dag /'di dag thams cad shes par 'tshal/ /de skad smras tshe drang srong mchog /sha li ho tras slar smras pa/ /khyed kyi yid la gang gnas pa/ /de ni bshad kyis mnyan bar gyis/ /rgyug pa med bar rta rnams ni/ /rtsig pa shing 'dra bems po yin//rgyal po'i ste tshoms gsum po ni/ /sgrub la de ni gtso bo yin/ /de bas rgyug pa'i mtshan nyid ni/ /bzhi bcu dag tu shes par bya/ /dang por gtang ba'i don du ni/ /nyes pa nyi shu lnga shes bya/ /yang dag gzhag par bya ba yi/ /yon tan bco lnga nyid du bshad//de lta bu yi rgyug pa ni/ /zlum po dag tu nye bar sbyar/ /rang bzhin legs par shes bya ste/ /gzhan du de ni don med 'gyur/ /brdeg na lan byed dang po ste/ /rdeg byed gzhan la dogs pa dang / /ske ba gcu dang rnga ma bskyod/ /mi sbug lta zheng 'bru tshugs lta/ /mgo mdud rna ba mi mnyam dang //sdigs dang rdeg par gyur na yang / /mgo ni mi brtan gyur ba dang / /'du shes mi gsal de las gzhan/ /dbyig pa la sdangs rko byed dang / /so ni sgra dang bcas par 'cha'/ /gom pa dud dang 'khyor ba dang / /bcing dang khro ba de las gzhan/ /gzhan yang bcings pas rmongs pa dang //ske skyod brtan par mi gnas dang / /dogs bcas yan lag 'khyor pa dang / /yan lag rengs dang yan lag chung / /lus ni brtan par mi gnas dang / /de bzhin gom pa mi brtan dang / /dbyibs mi mnyam dang dbyibs mi sdug /'di dag rta ni ngan par bshad//'di dag rnams kyi mtshan nyid ni/ /bshad pa nga las bzung bar gyis/ /gang zhig rdeg na slar rdeg pa/ /rdeg na lan byed yin shes bya/ /gang zhig rdeg par byed pa la/ /dogs 'dod 'dog pa can zhes bya/ /ske ba rang dag 'jog pa ni/ /ske gcu rta yi tha ma yin//rnga ma brkyang dang sprug byed cing / /yang yang bskyod pa rnga sprugs yin/ /rtag tu rdeg par 'dod pa ni/ /mi sdug rta zhes de bshad do/ /gang zhig bslabs kyang cung zad tsam/ /mi stong sems kyis stong par 'dug /de ni blta bar sdug pa ste/ /des na 'bru chugs lta zhes bshad/ / gang zhig rtag tu sa la blta/ /mgo dud pa ni yin zhes bya/ /brdegs sam gzhus bar gyur pa na/ /khros pas rna ba 'chol bar 'jog /de ni rna ba mi mnyam yin/ /rang bzhin gyis yod ma gtogs so/ /gang zhig spyi po rtag tu bskyod/ /de na mgo mi brtan zhes bya/ / gang zhig rta ni mi dran pa/ /de ni 'du shes mi gsal yin/ /lcag la sogs pa gcig gis kyang / /gnod med dbyig pa la'ang sngangs yin/ /lag pa gnyis kyis sa rkob/ /de ni rko byed zhes bshad do/ /khro bas so ni 'cha' byed pa/ /so sgra 'cha' zhes bya bar bshad/ / rta gang 'dul bar byed pa yi/ /rjes su cung zad mi 'jug cing / /gom pa la lar sdud pa dang / /la lar yang ni 'khyor byed pa/ /mi mnyam ba yi 'gros can te/ /gom pa sdud cing 'khyor ba yin/ ro stod ro smad gdong ba'am/ /yid na lus kyi bar dag tu/ /gang zhig bcings na myur du 'khrug /bcings na khro ba'i rta ru 'dod/ /gang zhig thag pas bcings na ni/ /bcings pas blo gros rmongs gyur yin/ /ro smad kyi ni lus byed 'gul/ /bskyod pas rked pa skyod byed yin/ /'dis ni bdag la rdeg snyom ste/ /'dul sbyong mkhan la sngar rdeg byed/ /de ni dogs pa can zhes bya//ra ro ba ltar yan lag kun/ /phan tshun 'chol bar 'gro byed pa'am/ /gzer bcas lta bu byed pa'i rta/ /de ni yan lag 'khyor zhes bya/ /yan lag kyang ni 'khyor byed cing / /yang dang yang du rengs pa dag /de ni yan lag rengs yin pa'am/ / yang na rtag tu lus mi 'gyur/ /gang gi yan lag rab sra zhing / /brdeg kyang tshor ba med pa dang / /dga' bas bya ba la 'jug pa/ /yan lag rtsub par de bshad do/ /gang gi lus kyi dbyibs dag ni/ /tshul gcig du ni mi mngon zhing / /lus kyang spugs par byed gyur pa/ /de ni brtan mi gnas zhes bya//rta gang dang por gzhan du 'gro/ /de yi rjes la'ang gzhan 'gro ba/ /'gros ni gtan nas med pa'i phyir/ /de ni gom mi brtan zhes bya/ /gang zhig lus ni 'dzum pa'am/ /gang zhig lus ni mi mnyam pa/ /de ni dbyibs mi mnyam zhes bya/ /lam du 'jug byed 'os ma yin//rgyab ni shin tu ring gyur cing / /lus ni rnga mo dang 'dra ba/ /dbyibs mi sdug par shes bya ste/ bslab dang mdzes pa med pa yin/ /'di dag skyon can yin pas na/ /mkhas pas skyon ni shes par bya/ /da ni yod tan bstan pa yi/ /mtshan nyid dag ni bshad bya ste//rna ba mjug ma rgal tshigs rnams/ /yon tan che zhing yid gzhungs las/ /yid gzhungs sems ni de nyid la/ /nges par sbyor ba nyid yin no/ /lus la yengs ba med nyid dang / /yon tan kun dang ldan pa dag /yengs ma dag dang bral ba nyid/ /ma yengs zhes bya gnyis pa yin//ro stod mchog tu thel ka che/ /shugs kyis yongs su rgyug byed cing / /lte bar lta bar byed pa 'di/ /yon tan gsum par shes par bya/ /mkha' la 'gro ba ltar byed cing / /rgyug pa la ni mdog dga' la/ /bar 'tshams med po ltar rgyug pa/ /yon tan chen po bzhi pa yin//dang po dbus dang tha ma ru/ /cha mnyam par ni mngon rgyug cing / /dman dang bar ma'ang ma yin par/ /rta yi yon tan lnga ba yin/ /rab tu thung min ring ma yin/ /yengs pa dag ni med par ni/ /rta ni gang zhig rgyug byed cing / /rtag tu legs gnas drug pa yin//gang zhig dang por zhon pa na/ /drang por gzhu 'dom brgyar 'gro zhing / /shugs kyis myur du rgyug byed pa/ /yon tan de ni bdun par bshad/ /rkang pa 'dor ba mkha' la ni/ /'gro bar mang du snang byed cing / /sa yi cha ni cung zad snang / /yon tan de ni brgyad par 'dod/ / rta ni gang zhig yan lag la/ /reg pa tsam gyis rgyug byed cing / /bskul ba tsam gyis sems shes pa/ /yon tan dam pa dgu pa yin/ /gang gi dang ni tshad ldan par/ /mdzes par byugs na'ang snang gyur 'dra/ /srab ni legs par 'tsho gyur pa/ /de ni bzhin bzangs yin zhes bya//ma 'tshol bar ni 'gro byed cing / /mkha' la 'gro ba ltar snang ba/ /mtshan nyin gang yin ma zhen pa/ /de ni yon tan bcu gcig pa/ /bya ba la bskul tshe na ni/ /myur du ldang zhing 'jug byed la/ /tshig gis myur du go byed pa/ /yon tan mchog ste bcu gnyis pa//nga rgyal med par ldang byed cing / /'bad pa med par ldog pa dang / /yon tan gang gi yon tan dang / /ldan zhes bcu gsum pa yin no/ /'phangs mkhan bya ba dag gis ni/ /mnga' yis bsnun par gyur na yang / /zhum pa med par 'gro byed pa/ /yon tan bcu bzhi pa yin no//yon tan gang gi shugs kyis ni/ /bya dang 'dra bar 'gro byed cing / /shugs kyi rgyun gyis rgyug byed pa/ /yon tan 'di ni bco lnga pa'o/ /de ltar yon tan yang dag bshad/ /mtshan nyid cung zad ldan pa'ang rung / /yon tan 'di dag yang dag ldan//rta mchog gang zhig thog mthar ni/ /yon tan rtag tu mi 'gyur zhing / /legs par rgyug pa byed pa yi/ /rta de rab tu bsngags pa yin/ /khyed la rgyug pa de ltar bshad/ /gzhan dag dris pa ci zhig bya/ /sha li ho tra'i mdo'i gnas las rgyug pa brtag pa'i le'u ste sum cu so gsum pa'o// //legs ldan gra ma can zhes pa/ /'di ni gang zhig rgyu gang lags/ /mtshan nyid gang gis de shes bya/ /de yi gso ba ji lta bu/ /de ltar bu yis dris pa na/ /sha li ho tra drang srong ches/ /don gyi rjes su 'gro ba'i tshig /gra ma can mtshan nyid 'di smras//gra ma rtser byar 'os pa ste/ /de na ngo tsha 'jig sogs yin/ /de rnams gang zhig byed pa ni/ /gra ma can zhes de bshad do/ /de bas 'jigs med tshul ngan dang / /brtse med rtsub cing mi srun ba/ /'bras bu'i gra ma dang 'dra ba'i/ /nyes ba 'dzin pas de skad bshad//de bas nyes pa 'di ldan pa'i/ /rta yang gra ma can zhes bya/ /rta gang gtum zhing mi srun pa/ /khro bar gyur pa gang zhig yin/ /de kun gra ma can yin te/ /de ni rang dbang 'gyur ma yin/ /chas na 'khrug cing rdzas mthong skrag /'gyur zhing mi srun byed pa dang / /zhon du mi btub pa dang ni//zhon nas 'phag par byed pa dang / /'khrug cing ring nas sos 'debs la/ /za zhing ltung bar byed ba dang / /lcag gis gzhus kyang 'dug byed cing / /'phra ba yang dang yang du brdeg /'dul sbyong mkhan yang skyur byed yin/ /'gre ba lta bur byed pa dang / / khal ni legs par bkal gyur kyang / /sa gzhir skyur bar byed pa dang / /'dul sbyong mkhan la gnod bya'i phyir/ /mgal me bskor ba lta bur 'khor/ /rgyab ni glang po ltar bskyur zhing / /yang dang yang du sprugs pa dang / /so dang lag yab dag gis 'debs/ /shing yang ltung bar byed pa dang //g.yang du yang yang skyur byed de/ /bgrod bya las ni gzhan du rgyug /dogs pa med par ldog pa dang / /lan 'gas gzhan du'ang 'gro bar byed/ /ra dang ri dgas ltar mchong zhing / /bar bar du ni 'dul byed skyur/ /chu ngogs shing dang khron pa dang / / grogs srol du yang rgyug cing 'byor/ /rta khyu'i nang na mi 'dug cing / /dpung gzhan gyi ni nang du'ang 'gro/ /bar tu 'bad pas kha bsgyur yang / /zlog par nus ba ma yin la/ /rta bres las ni mi 'byung zhing / /byung dang 'jug tu mi 'dod la/ /srog 'phrog las ni gang dang gang //yid du mi 'ong las gang yin/ /de dag lhag par byed 'gyur zhing / /brdungs kyang phan pa med pa ni/ /de ni gra ma can zhes bya/ /de yi mtshan nyid 'di nyon cig /khur tshad khur ni yo ba dang / /kha dang pho mtshan yo ba dang / /rta gang 'phral ba mgos 'dra dang / /rlig pa shin tu 'phyang ba dang //ri mo chen po yod pa dang / /ya mchu na gcing rkan yang nag /gang zhig mchu ltag zhom pa dang / /ser skya dmar ser mdog can dang / /gang gi mche ba mi mnyam zhing / /gdong la gnyer ma yod pa dang / /mig nag ser ba nyid dang ni/ /mig sbom khra yi mig 'dra dang //bya rgod mig 'dra ma khur tshos chung / /gang gi ya mchu thung ba dang / /mgo bo rna ba rab tu che/ /'gram pa yang ni zhum pa dang / /sbal pa byi la'i mig 'dra zhing / /ri bong mdog 'dra mdangs rtsub dang / /rlig pa gcig ni dkar ba'am/ /yang na rlig pa gsum dkar la//bshad pa'i mdog 'dra du ba'i mdog /phrag so la ni gnyer ma chags/ /'di dag dang ni gzhan mang ngo / /mtshan ldan gra ma can du 'dod/ /de bas 'di dang rigs can rta/ /gnas dang slob sbyong bya ba dang / /de bzhin rgyug pa'i bya ba rnams/ /rte'u nas brtsam pa so sor bya//bya ba'i khyad par gzhan yang ni/ /rim pa bzhin du bshad par bya/ /rlung med gnas na rab dben pa/ /spyod yul bde bar gzhag bar bya/ /de rjes reg na bzos gyur la/ /de nas bya ba gzhan dag bya/ /bdag po ras dang skom bcas dang //sman rnams cho ga ci bzhin bya/ /gan+d+ha b+ha dra pu shel tse/ /ka ra bI ra'i me tog ni/ /'o mar bcas dang ka lang tha/ /bskol ba der ni til thal ba/ /ko ke lak+Sha swa rdzi ka'i/ /thal ba dang ni bcas par gzhug /bskol ba dang ba dang bcas par/ /nyi ma bdun gyi bar du gzhag//'di ni 'di la zhag bdun par/ /cho ga bzhin du btung ba sbyin/ /de ltar btung bas dbang gyur na/ /rta ni reg pa la sogs bzod/ /bdag gcin dang ni rgod ma'i gcin/ /yungs kar de bzhin rna spabs dang / /pi pi ling rtsa nag tshur bcas/ /ha re na ka tsha ba gsum/ / tsan+dan dang ni ldan pa ru/ /btags te dben par spang bar bya/ /'di yis zla tshigs dag tu ni/ /rta la mig sman bsku bar bya/ /de ni rang bzhin gyis gso dka'/ /gra ma can ni zhi bar bya/ /dom dang gzig sder khyi'i rus pa/ /ba lang 'gram pa yungs kar dang / /rma bya'i mkhris pa ldan par ni//gdug pa gram can sel yin/ /rta bres su ni rtag pa ru/ /gdug pa 'di ni gdul bar bya/ /tshes brgyad dang ni bcu bzhi la/ /khyad par du ni bdug pas bdug /des na reg dang sgra dang ni/ /gzugs ni bde bar brten bzod 'gyur/ /gang dang gang ni byed du bcug /de de rjes su mthun par byed/ /rkan dang kha 'gram dpral pa dang / /ma rkan smin ma'i 'og dang ni/ /rta yi mig la'ang pi pi ling / /rtsa ba tsha ba gsum gyis bsku/ /'di yi lus ni thams cad kyang / /ba yi lci bas yang yang bsku/ /'di yi yan lag nang grol ni//sbrang rtsi dang ni kha ras bsku/ /e la u shir pra rtsi pog /ru rta tsan+dan a ka ru/ /nA ga ge sar til mar bcas/ /bdug pas rta la rab tu bdug /rta ni nyag bar gyur pa na/ /bdug bas yang yang bdug na ni/ /sgra dang reg dang gzugs dag ni/ /nges par bzod par 'gyur ba yin//ji srid nges par zhi gyur par/ /cho ga 'di ni sbyar bar bya/ /de tshe 'khrugs par mi byed cing / /rta rdzi la ni gnod mi byed/ /gang na gnas la mi ldang zhing / /khro ba med par rtswa rnams za/ /rna ba 'jums par mi byed cing / /'dul sbyong mkhan la mngon par dga'/ / lam du zhugs par chas pa na/ /'dor zhing 'jigs par mi 'gyur la/ /khrid na sems ni dul 'gyur zhing / /tshig gi bsdigs na'ang 'jigs par 'gyur/ /ci dga' bar ni khyer na yang / /log par byed par mi 'gyur ro/ /dngos po gzhan la brdegs na yang / /de ni 'jigs pa skye mi 'gyur//de ltar gra ma med pa'i rta/ /bzod pa can du bshad pa yin/ /dmod pa gdon gyi nyes ba dang / /rta yi rlung nad nyes pa dang / /yul gyi nyes pa btang snyoms gzhag /me srun 'grogs pa dag las kyang / /rta ni sems shes mi 'gyur las/ /gra ma can du 'gyur ba yin//de bas nyes pa 'di rnams la/ /zhi ba'i thabs 'di yin par 'dod/ /gang la cho ga 'di dag ni/ /byas kyang gra ma ma zhi na/ /de tshe 'brog stong dag tu yang / /de la ltos par mi bya'o/ /gang tshe mi'am rta gzhan gyi/ /phyi nas snyeg par byed par 'gyur/ / de'i tshe rlig pa chung ba yis/ /'di yi sems 'khrugs zhi bar byed/ /gra ma can ni legs dul yang / /g.yul du gzhug par mi bya ste/ /gal te 'di yis rang bzhin nyid/ /las kyi dbang gis gsal byed srid/ /gang zhig gra ma can zhi nas/ /la lar mi srun byed gyur na/ / dang po de ni byed tshul gyis/ /nye bar legs bar sbyar bar bya/ /sha li ho tra'i mdo'i gnas las gra ma can brtag pa'i le'u ste sum cu rtsa bzhi pa'o// //bu sngon nga ni rta bres su/ /gnyid log pa na rta der btab/ /nga ni khro ba ches khyab pas/ /de la dmod pa btab par gyur//bkra mi shis dang rnam kun du/ /spang bar bya ba nyid gyur cing / /bdag po chung mar bcas pa'i yang / /rigs ni rlag pa nyid gyur cig /nga yi dmod pa'i dbang gis ni/ /nyes pa che dar ldan par ni/ /rta rnams 'gyur ba nyid yin la/ /'di yi ming ni shes par gyis//shis pa gzhan dang ldan gyur kyang / /rta yi tha chad de spang bya/ /so yis kha khengs kha dog nag /de bzhin so ni mi mnyam lhag /yo zhing 'gul la chag pa dang / /so gyes pa dang mi tshang dang / /nya phyis 'dra dang zur gsum dang / / skyes tshe so yod nyin mo skyes/ /ze'u lta bus mo ze'u dang / /snying ga na ni gtsug yod dang / /yan lag ma tshang rlig cher skyes/ /mtshan che yan lag lhag pa dang / /thig le chags shing gsum po 'phyang / /mdoms ni sbre'u'i spu 'dra la/ /mi sdug g.yo zhing ngo ma 'dra la//sdig pa 'dra ba'am rlig pa med/ /khra dang lug dang kar ka dang / /nya dang spre'u byi ba 'dra/ /dmar ser phag dang byi la dang / /bya rgod lug pa'i mig 'dra zhing / /de bzhin ma he khyi'i mig 'dra/ /bya rog mig 'dra mig gcig ser/ /pags pa bsregs pa'i dri 'dra dang //'bral pa mi sdug de bzhin blun/ /yi dgas kyis zin sha bkra can/ /spu sdom de bzhin ral ba can/ /'phral ba bskus 'dra rngog ma gnag /rkang bkra mi legs ma ning dang / /rnga ma rngog ma med pa ni/ /bkra mi shis pas skye ba dang / /rlig pa'i spu mdog zhan pa dang //de bzhin mgo bo'i mdog mi mthun/ /rgyab tu zhan la gnod byed dang / /de bzhin rta dre'u'i spu 'dra dang / /rngog ma phum phum 'dres pa dang / /kha 'gram mche rlig nag pa dang / /de bzhin mgo dang lce nag dang / /rkan dang ltag pa mchu gnag dang //mngal na gnyis skye mang po skye/ /nyes pa chen por rab tu bshad/ /rwa can rnam gsum rmig pa gnyis/ /rkang lnga du can g.yang gzhir ldan/ /drug po 'di dag mchog tu ni/ /mi shis nyes chen ldan par bshad/ /rta yi so ni mi tshang ba/ / bdag po'i bu dang bcas pa dang / /chung ma spun zlar bcas pa dang / /rta yi tha mas gsod par byed/ /so ni lhag par gyur pa'i rta/ /de yi bdag po mi ring bar/ /nyon mongs che dang phrad byed nas/ /yid du mi 'ong las kyis gsod/ /'og so lhag cing so gyes par//gang zhig skyes par gyur pa ni/ /so skyes de yi rigs kyi mchog /ring por mi thogs rlag par byed/ /so dang bcas par nyin mo skyes/ /thams cad zad par byed pa yin/ /chu zheng tshad kyi grangs las ni/ /lhag par gang zhig gnas gyur pa'i/ /yan lag yod pa'i rta yis ni//nor ni lhag par nyams byed yin/ /lo lnga'i bar du rlig pa med/ /rgod ma la yang mi 'jug pa/ /dbang 'phel gang yin rta des ni/ /rigs ni rlag par byed par bshad/ /gang gi rlig pa mdog mi mthun/ /thig le yis ni khra bor gyur/ /de ni rlig pa thig le can//bdag po'i rigs ni rlag byed yin/ /pags pa bsregs pa'i dri 'dra ba/ /me yis tshig par byed pa yin/ /rta mig nag la rkan nag pa/ /myur du mtshon gyis gsod par byed/ /gang gi rkan la gnyer ma ni/ /gsum mam bzhi dag yod gyur pa/ /de ni rkan nag nyes pa yis//dgos pa med pa'i rtar 'gyur ro/ /mdog nag dud pa'i mdog can dang / /dngul rdo bcag pa'i mdog ltar 'tsher/ /rta de'i rkan kun nag na yang / /mdog dang mthun pas nyes pa med/ /kha dog brgyad po rnams kyi ni/ /cung zad dmar zhing gnyer ma gsal//dkar dang dar mdog skya ba dang / /seng ge dur ba'i mdog rjes 'dra/ /dmar dang ser dang sngo bsangs kyi/ /rkan gnag ba ni bsngags ma yin/ /ri mo shin tu dma' ba yis/ /rmig pa gnyis su snang gyur te/ /ba lang rmig pa 'dra ba ni/ /gang gi rmig pa snang gyur ba//bdag po'i lus dang yid kyi ni/ /mi bzang sdug bsngal gnyis bskyed nas/ /ring por mi thogs dus kyis ni/ /de dang lhan cig 'chi bar 'gyur/ /rngog ma'i mthar ni rten pa'i rwa/ /mthe bo'i tshigs dang 'dra ba'am/ /rgya shugs skyu ru ra 'dra ba'am/ /a mra'i rus pa 'dra ba ni//gang gi rta la snang gyur ram/ /rwa yi rtse na rwa 'dra gnas/ /sha 'tsher gzhang 'brum 'dra ba ste/ /rta ni rnam pa de bdun yin/ /rwa can de ni skyes gyur pa'i/ /grong der ring por mi thogs brlag /rna ba gsum pa'i rta gang yin/ /de yang rwa can dag dang mtshungs/ / rta yi tha ma 'di gnyis ka /yul mtha' gzhan du spang bar bya/ /pus mo'i tshe'u spu dang nye bar/ /rkad pa 'dra ste rkang lnga pa/ /rwa can lta bu de'i mod la/ /spangs pa kho nar bsngags pa yin/ /ze'u'am rgyab tu gtsug yod pa/ /rigs ni gtso bo gsod byed yin//mi shes bzhon bya ma yin te/ /de bas de dag thams cad rta/ /mdog ni gang yang rung ba la/ /lce nag par ni gyur pa'i rta/ /khyim de mi shis bya ba ste/ /rta de thams cad zad byed yin/ /gang gi kha 'gram nag pa yi/ /rta ni bdag po gsod byed yin/ /rta yi tha chad sha bkra can//bdag po nor dang 'bral byed yin/ /stag 'dra kha dog gzhan pa yi/ /mdog ni sna tshogs gyur pa dag /de ni mi shis sdug bsngal ni/ /thams cad skye bas spang bar bya/ /stag dang 'dra zhing rjes mthun la/ /spre'u'i mig dang 'dra ba yi/ /de 'dra ba yi bdag po ni//sems ni smyo bar byed pa dang / /khyim nas byung ba'am spyug pa'am/ /log pa'i chad pa thob par 'gyur/ /gang zhig mdog kun dkar ba la/ /rngog ma nag po yod pa ni/ /rta de rngog nag ces bya ste/ /g.yul du bdag po gsod byed yin/ /bong bu ltar ni khra bo'i rta/ / 'khor ling dma' bor gyur ba dang / /shis min tshe 'phel byed min la/ /las rnams kun la smad pa yin/ /mchu nag pa yi bu dang ni/ /rta rnams dug gis gsod par byed/ /rlig nag gsod dang 'chi byed la/ /pho mtshan nag par gyur pa yis/ /chung ma mna' ma sgyug mo dang //de bzhin du ni bran mo rnams/ /'di dag thams cad rlag par ni/ /rta de la ni zhon pas 'gyur/ /rta gang rmig par bcas par skye/ /mtsho mar byung bar gyus pa dag /gang dag tu ni byung gyur pa/ /rigs de yongs du brdug pa yin/ /sems med bcing dang gsod ba dang //blun pas ngar sems med par 'gyur/ /'jigs pa chen po nye bar ni/ /byed pas ring du spang bar bya/ /gang zhig gshin po la bsngos dang / /rta gang gshin pos khyer ba yi/ /rta de yi dgas kyis khyer yin/ /rtag tu nyes pa thams cad skye/ /dbang po 'phel ba dang 'dra zhing //za ma'i gzugs can ma ning yin/ /rgyab tu zhon pa gnod byed pa/ /yi dgas kyis khyer bzhin du yang / /gnyis sam mang po mtshe mar skyes/ /bu dang bcas pa yongs su spang / /so yi le'u so nyes pa/ /mig le'ur mig gi nyes pa dang / / gtsug gi 'bras bu dag las ni/ /gtsug ngan 'bras bu bcas zhes bya/ /dpral bar chags pa zhur dang 'dra/ /'dres pa'i le'u gang bshad pa/ /nu ma can dang rlig pa nag /mgo nag la sogs par bshad pa/ /'di yi 'bras bu'i mtshan nyid ni/ /'di ru rgyas pas ma bshad do//der ni spang bya gang yin pa/ /'dir yang 'bras bu de dang 'dra/ /de nyid tshe yi gnas skabs la/ /bab la nyes pa'i 'bras byin bshad/ /nyes chen shin tu nyes che ba/ /rtag tu 'bras bu 'byin byed yin/ /shin tu bzang pa'i mtshan nyid kun/ / ldan na nyes pa chen po'ang bcang / /shin tu nyes chen ldan pa ni/ /nam yang bcang bar mi bya'o/ /gal te yon tan gzhan ldan yang / /shin tu nyes cher ldan pa'i rta/ /khyim du skad cig tsam gyis ni/ /mkhas pas gzhag par mi bya'o/ /reg pa yis kyang rta de ni/ / phung khrol dang ni phrad par 'gyur/ /sha li ho tra'i mdo'i gnas las nyes pa chen po brtag pa'i le'u ste sum cu rtsa lnga pa'o// //sha li ho tra bdag nyid che/ /legs thos kyis ni rta rnams kyi/ /snying stobs shes par bya ba dris/ /drang song gis de de la smras/ / dpa' zhing gtsang sbra che ba dang / /bdag po la gus bzhin dge la/ /stobs dang snying stobs mgyogs dang ldan/ /de mchod gtor ma la dga' zhing / /rang gi spyod pa'i mtshan nyid ldan/ /de bzhin zhi ba'i rang bzhin can/ /'dul byed dbang bsgyur ldob skyen pa'i/ /rta ni lha yi snying stobs can//gtsang sbra la dga' dul ba dang / /skad snyan lam ni rnal mar 'gro/ /rig byed sgra la rab tu dga'/ /rgod ma la ni rgyab kyis phyogs/ /khrus la dga' zhing de bzhin zhi/ /drang srong snying stobs can du bshad/ /dpa' zhing stobs che tsham tshom med//de bzhin 'thab mo la dga' zhing / /sha dang chang la 'ga' ba ni/ /lha min snying stobs can de yin/ /dri dang phreng ba la dga' zhing / /glu rnams la ni shin tu mos/ /g.yul 'gyed la spro de bzhin zhi/ /dri za'i snying stobs la brten yin/ / gnyid la dga' zhing khro la brtag /rtag tu gcig bur gnas pa dga'/ /stobs che spro ba che ba yi/ /rta ni rlung gi snying stobs can/ /chu yi gnas la gda' ba dang / /rtag tu chu dang phrad par 'dod/ /phal cher til la dga' gyur pa/ /yi dgas mtshun lha'i snying stobs can//ri la 'dzeg ni mi skyo zhing / /stobs ldan 'tsher zhing 'gro ba dang / /til lam kha zas mngar la dga'/ /gnod sbyin snying stobs can du bshad/ /mi brtan khro zhing gdug pa dang / /chang dang sbyar chang sha la dga'/ /gdong ni mi sdug par snang ba/ /srin po'i snying stobs la brten yin//mi brtan rtsub cing dri ma can/ /rtag tu mi gtsang la spyod cing / /zhum zhing khang stong dag la dga'/ /sha za'i snying stobs la brten yin/ /blun zhing lam log 'gro la dga'/ /rgod ma yi ni phyi bzhin rgyug /rtag tu rtswa za la dga' ba/ / dud 'gro'i snying stobs dag dang mtshungs/ /rlung dang grang lhags tshad pa bzod/ /bdag po la dga' skad snyan cing / /sems khong chung cing le lo can/ /mi rgyu'i snying stobs la brten yin/ /rke mgrin btung cing 'jigs pa can/ /rtag tu gnas 'di stong bar dga'//mi gtsang la dga'i dar tshul can/ /srin bu'i snying stobs la brten yin/ /shugs chen rgyun du ltos pa dang / /yongs su 'khor ba'i ngang tshul can/ /rgod ma la ni rab dga' ba'i/ /rta ni 'dab chags snying stobs can/ /dpa' zhing 'jigs pa nyid du ni//dus dang dus su gnas 'gyur zhing / /rgod ma la ni rab dga' ba/ /'chi ba yis ni shin tu 'jigs/ /brdegs ba na ni rab tu 'khrug /rtse dang khyim du gnas la dga'/ /byas pa tshor ni stobs dang ldan/ /mi yi snying stobs can de yin/ /lha dang drang srong gnod sbyin klu//dri za dang ni snying stobs dag /mnyam par gyur pa'i rta gang yin/ /las rnams kun la rab tu bsngags/ /mi dang yi dgas lha ma yin/ /bya dang mtshungs pa bar ma yin/ /de las gzhan pa'i snying stobs can/ /rta ni tha ma yin par bshad/ /kun du snying stobs gtso bo ste//snying stobs la ni thams cad gnas/ /sha li ho tra'i mdo'i gnas las snying stobs brtag pa'i le'u ste sum cu rtsa drug pa'o// //bu dag gzi mdangs rnam pa lngar/ /rta la dus su 'byung bar 'gyur/ /gang phyir 'di dag 'byung ba yi/ /bdag nyid yin pas rnam lngar 'dod//mdog dang sbu kha rdzas dang ni/ /de bzhin du ni dbyibs dag las/ /mig gis gzung bya gzhan gang yin/ /gzi mdangs kyi ni sgrar bshad do/ /re zhig rdzas ni yon tan bzhi/ /kha dog gzugs ni dkar la sogs/ /rta ni kha dog tha dad kyang / / spu kha ring po las kyang snang / /gzi mdangs phra zhing dang bas na/ /nye ba nyid na mngon pa yin/ /mdangs ni med pa tsam de la'ang / /med par yang ni dmigs ma yin/ /rlung dang de bzhin nam mkha' dang / /me dang de bzhin sa dang ni/ /chu nyid kyi ni mtshan nyid dag /gang yin de ni mnyan par gyis//rlung gi gzi mdangs snad pa yin/ /nam mkha' yi ni 'bring du bshad/ /me dang sa dang chu yi ni/ /mtshan nyid gsum po rtag tu shis/ /mi brtan rtsub cing mdog la gnod/ /de bzhin cung zad dkar ba snang / /rta yi spu kha la gnod pa/ /rlung gi gzi mdangs de smad bya//shin tu dang ba nam mkha' ni/ /sprin dang 'bral ba dang 'dra ba/ /mdangs can zhi bar gyur pa dag /de ni nam mkha' can zhes bshad/ /rta rnams phal cher rtag tu ni/ /nam mkha'i gzi mdangs can du snang / /de ni mi smad bstod bya dag / min par gyur pa nyid yin no/ /gzi mdangs ldan zhing 'od can 'dra/ /de bzhin me ni 'bar ba 'dra/ /me yi gzi mdangs bsngags pa ste/ /bsod nams kyis ni rta la 'byung / /snum zhing chu yi mdog ldan pa/ /dge skyed de ni chu yi yin/ /gzi brjid ldan zhing shin tu brtan//sa yi gzi mdangs gnyis yin/ /rta la rtag tus yi ni/ /gzi mdangs bsngags par gyur pa yin/ /smad pa'am bsngags par bya ba yi/ /gzi mdangs yun ring gnas gyur ba/ /bdag pos bde dang sdug bsngal gyi/ /'bras bu yun ring myong bar 'gyur//gtsug dang kha dog 'bras bu ni/ /shis pa dang ni mi shis gang / /zhar la byung bar gyur pa gang / /gzi mdangs su ni rjes su 'gyur/ /dper na nyi ma'i 'od zer ni/ /sprin gyis khebs par byed pa yin/ /de bzhin rta la gzi mdangs kyi/ /mtshan nyid kyis ni khebs par 'gyur//gnyid log las langs khrus byas dang / /rnam kun skom 'thungs zas zos ba de/ /rta la rta mkhan dag gis ni/ /gzi mdangs nye bar brtag par bya/ /sha li ho tra'i mdo'i gnas las gzi mdangs brtag pa'i le'u ste sum cu rtsa bdun pa'o// // sha li ho tra drang srong che/ /rig byed yan lag mthar phyin pa/ /rta bres gnas na 'dug pa na/ /mdza' las rgyal sogs bu rnams dang / /bla ma la gus slob ma rnams/ /rta sbyod shes la yang dris pa/ /legs ldan rgya mtsho'i mthar thug pa'i/ /sa gzhi dri yi phreng bas bskor//grong rdal 'byung gnas yul dag dang / /nags tshal rnams kyis nyer mdzes par/ /rang dgar rgyu ba'i rta rnams ni/ /khyed kyis bgo bsha' mdzad lags na/ /de rnams kyi ni 'byung lugs dang / /rigs dang nye ba'i rigs rnams dang / / yul gyi rtags ni 'byung ba dang / /kha dog spyod pa gzi mdangs shugs/ /so so'i rigs shes rnam brtag pa/ /bdag cag la ni bshad du gsol/ /dog pa'i gnas kyi shes bya dang / /rta rnams skye ba nyid dang ni/ /yul mthar yon tan cher ldan dang / /yul dbus yon tan chung bar ni//'gyur bas de phyir de thams cad/ /legs ldan gyis ni bshad par rigs/ /de nas legs ldan drang srol mchog /bu rnams la ni slar smras pa/ /gzugs dang skye gnas kha dog dang / /snying stobs spyod pa mdangs dang ma/ /gzi mdangs dbyibs dang dri dang ni//bde dang mi bde skad rnams dang / /rigs las byung ba 'di dag kun/ /ji lta bar ni smras pa yin/ /thog ma kho nar sprul pa na/ /lha yul du ni rgod ma byung / /mdog 'dres gnag dang dmar ba dang / /dur ga sngo bsangs skya bo dang / / khra dang ljang ba rnams yin te/ /de dag yul yul dag tu bgos/ /rta mchog de dag rnams kyis ni/ /bdag po yang ni de snyed de/ /brgya byin zla ba nyi ma dang / /rlung lha dang ni chu lha dang / /me lha dang ni nor bdag rnams/ /rta rnams kyi ni bdag por gyur/ /lha yi rta yi 'byung gnas te//sa steng phyogs phyogs dag tu bgos/ /lha yi mchog gi rgod ma ni/ /de ltar rjes su sprul pa yin/ /dbang po che la mdog 'dres pa/ /gzhan dag go rims ji bzhin no/ /de yi bu dang tsha bo yis/ /sa gzhi thams cad khyab pa yin/ / la la rgya mtsho la gnas te/ /de bzhin gzhan dag sin dur brten/ /nas gling tho gar la gnas shing / /gzhan dag nor can dag tu'o/ /sha kha bru zha gan du ra/ /drang srong can dang nyams dga' dang / /mnya' dka' gur shI ka li ka /nya dang me cha tig tig gi /chu bo brgya ba wing sa sha/ /zla ba'i cha zhes bya ba dang / /ko shi ka dang sbyangs can dang / /gang gA de bzhin sa srung dang / /chu bo cher ldan de dag dang / /rus sbal can dang kha ba can/ /ba lang shing rta ma la ya/ /spos dang ldang dang du ni ro/ /ca co can na'ang gnas pa yin//grong khyer bzang dang dpa' bo'i ste/ /kha che'i 'brog gi cha dang ni/ /lnga len sgra ngan aM pash+tsa/ /ri khrod mtha' 'khob nas kyi yul/ /yul dbus rgya mtsho bcu pa dang / /dngul rdo'i ri dang ni sha dang / /shar gyis mtha' dang bu ling dang / / bi dar pa dang ke shi ka /phyogs dang mi yi yul kun na/ /sa la brda ni brten pa yin/ /yul de rnams kyi khyad par gyis/ /dbye ba gsum du 'gyur ba nyon/ /dbyangs can gyi ni byang phyogs su/ /der ni gang zhig skyes gyur pa/ /sna tshogs 'byung gnas las byung ba//spyod pa mchog dang ldan zhes bya/ /yang na lho phyogs cha ru ni/ /shar du 'bab ba'i chu ngogs gnas/ /de ni stobs dang gzi mdangs sogs/ /tshad kyang bar ma yin zhes bya/ /ba rdul can dang ri rong dog /sor sra la sogs pa'i rta//gzi mdangs stobs dang lus kyi tshad/ /snying stobs dman pa yin zhes bya/ /rta yi rigs dang dbye ba ni/ /yul ni so so las byung ba/ /rigs dang skye ba'i tshul dag ni/ /yul las lnga bcu rtsa bzhir 'gyur/ /de las gzhan yang dog pa yi/ /yul las skye ba rab bshad bya//mdang cha yis bstan pa yi/ /nyes pa yon tan med 'gyur zhing / /rigs bzang yin yang phal cher yin/ /lus ni mi sdug pa dag snang / /dper na la lar mi dag ni/ /sgur bo dang ni mi'u thung yong / /de bzhin rta yang lus byad ni/ /mi sdug par ni shes par bya//lus dang mgyogs tshul stobs rnams ni/ /dman pas rta gzhan dag tu gyur/ /yul ni bzang por skyes na yang / /yon tan med pa dag kyang yod/ /pha dang ma yi skyon dang ni/ /ston ka skyes par gyur pa dang / /de 'dra gzhan las byung ba yi//de dag dang ni 'dra bar bshad/ /de bzhin pha dang ma dag ni/ /lus kyi yon tan ldan gyur kyang / /legs par skyes par ma gyur pa/ /mtshan nyid de dang ldan pa min/ /rigs las byung pa'i mang po dang / /'dus pa dag tu bstan pa'ang min/ /mdza' las rgyal la sogs pa yi//bu yis pha la yang dris pa/ /rgyu ni mtshungs pa dang ldan zhing / /mngal las dus gcig skyes gyur ba/ /dbyibs dang yon tan mtshungs gyur cing / /rlung gi shugs 'drar mnyam par ni/ /sngon tshe tshangs pa nyid kyis ni/ /rta rnams sprul par byas pa yis//de ltar yon tan mnyam pa las/ /ci phyir de dag tha dad gyur/ /'di yi rgyu ni gang yin pa/ /khyed kyis bdag cag la bshad rigs/ /de ltar bu yis bskur ba dang / /sha li ho tras slar smras pa/ /dper na chu ni ro gcig par/ /mkha' las bab kyang sa rnams kyi//khyad par dag gis bzang ngan gyi/ /ro ni sna tshogs mang por 'gyur/ /de bzhin tshangs pas tshul gcig par/ /rta rnams sprul par byas mod kyi/ /lha rnams la ni bgos pa las/ /lhag pa gang yin sa gzhi 'dir/ /rgyal po rnams la byin gyur pa//rta de sa yi khyad par gyis/ /rigs dang skye gnas ming dag ni/ /khyad par mang por gyur pa yin/ /sha li ho tra'i mdo'i gnas las rigs brtas pa'i le'u ste sum cu rtsa brgyad pa'o// //sha li ho tra rta bres na/ /'dug cha dri za'i rgyal po dang //mja' las rgyal ba gnyis ka ni/ /dul dang ldan pas dris gyur pa/ /lags ldan rta ni bzang po yang / /spyod pa ngan pa snang ba dang / /mtshan nyid mi shes ldan gyur kyang / /kha cig rang bzhin bzang bo mchis/ /der ni rgyu dag gang lags pa/ /yang dag par ni gsungs zhes dris//ston ka bcas pa'i mtshan nyid ni/ /yang dag par ni bka' stsol cig /de gnyis kyis de dris pa na/ /sha li ho tras slar smras pa/ /lung la koms byas shes rab ni/ /nam yang slu bar byed pa min/ /lus dang mdog dang stobs ldan pa//tshul ngan rang du gyur ba yin/ /la la lus ni gtsang kyur kyang / /snying stobs mi nyams gyur pa yis/ /phyin ci log gi snying stobs can/ /lus ni gtugs par ston par bshad/ /de ni shes rab dman ba yi/ /skye bo phal cher rmongs par 'gyur/ / skye ba nyid dang gces pa dang / /shis dang mi shis mi rtogs 'gyur/ /de bas dbyibs legs snying stobs ldan/ /ngang tshul bzang ba'i dam pa ni/ /snying stobs ngang tshul lus byed ni/ /sum 'byin byed de spang bar bya/ /de ni nga yis bshad bya yis/ /khyad par mnyan pa nyid du gyes//dbyibs legs pa dang dba' ba dang / /gzi mdangs stobs dang ma yengs dang / /'phel ka che zhing sems bzang la/ /dar la ba bcings mdangs bzang la/ /dbang po brtan zhing dga' ba dang / /snying stobs mgyogs byed ldan pa yi/ /de 'dra ba yi rta dag ni//yul dang dus las dag 'gyur par/ /rtswa dang chu mang dus su ni/ /pha dang ma ni 'dus gyur pa'ang / /de tshe skyes gyur rte'u ni/ /yon tan kun dang ldan pa yin/ /rta ni de dag gnyid kyis na/ /yon tan de nyid skye bar 'gyur/ / 'dod pa ces pa dang 'dod bral ba'am/ /don du nyer dang don mi gnyer/ /gzhon dang shin tu rgan pa dang / /rte'u dang rta rgan nyid kyis ni/ /lus dang snying stobs dang tshul rnams/ /bzang ngan 'dres pa nyid du 'gyur/ /khro dang 'khrug par gyur pa dang / /'jigs dang skrag par byed pa dang //gcong can dang ni nyam chung dang / /ngal dang sems ni dub pa dang / /skye bar byed pa'i rtag pa yin/ /las la mkho bar mi 'gyur ro/ /de ni mdangs stobs dman 'gyur zhing / /las rnams kun la nus pa chung / /rtag tu na zhing rgyun du sbeg//gang zhig rnyog can 'gyur ba'i rta/ /pha dang ma yi rgud pa yis/ /stobs chung gzi mdangs zhan par 'gyur/ /de ltar skye bar gyur ba'i rta/ /las rnams 'grub par mi byed do/ /dgun mtha' tshad pa'i thog ma ru/ /dpyid dus srog chags rnams la phan / thun mong dus su gyur pa'i tshe/ /lus gzungs snyoms par gyur pa'i rta/ /rgod ma lo bzhi lon ba dang / /rta pho lo brgyad len pa dang / /'dus gyur pa las gyur pa'i rta/ /rtag tu las rnams kun la bsngags/ /de ni yon tan kun ldan zhing / /nyes pa kun dang bral ba yin//lus kyi phyi nang dag gi ni/ /yon tan ldan zhing kun sbyor nus/ /mdza' las rgyal gyis yang smras pa/ /tha mal pa dang nad bcas gnas/ /ston ka ba ni gang dag lags/ /gsor rung gsor mi rung ba dag /gang lags the tshom skyes lags kyi//drang srong chen po de gsungs shig /mdza' las rgyal gyis de skad dris/ /legs ldan gyis ni slar smras pa/ /'bras bu bzang dang ngan pa yi/ /phun tshogs ston ka'i tshe na gnas/ /'bru yi phun tshogs mthun pas na//rta la'ang ston ka pa zhes bshad/ /rang bzhin de 'drar gyur pa yi/ /ston ka rnam pa bzhi ru mthong / /rang bzhin la gnas de bzhin sbom/ /phra dang dmar ba'i ston ka pa'o/ /rang bzhin la gnas mchog yin te/ /phra dang sbom dang gzhan pa yin/ /rte'u ston ka dmar po ni//sbang bar bya bar gyur pa yin/ /phra dang sbom pa phrad pa las/ /sbom pa'am yang na phra bar 'gyur/ /phal cher gang gi mtshan nyid gang / /de las lhag par mi 'gyur ro/ /skye gnas snying stobs lus kyi ni/ /mtshan nyid dang ni rtags dag las/ / 'di rnams kyi ni las dag kyang / /thams can rim bzhin bshad par bya/ /rgod ma'i sems stobs nye ba dang / /lam du zhugs par gyur ba yis/ /khur dang gom pa dag gis ni/ /de ni tsha bas gdungs gyur cing / /bkres dang skom bas nyen pas na/ /mang la nas khrag ni 'dzag par 'gyur//zla ba drug ni 'das pa na/ /sha ni khrag tu 'gyur ba yin/ /mngal de'i tshil ni gang yin pa'ang / /phra mo tsam zhig yod mi 'gyur/ /rus phra sha ni srab ba ru/ /skye ba ston ka dmar po yin/ /'di ni longs spyod mi rung zhing / /las rnams nus pa'am yin no//mngal ni chags par gyur ba'i rta/ /zas kyi bya bas 'phel mi 'gyur/ /rtsub cing rno ba za ba dang / /se bzhin lam du zhugs pa dang / /khur gyis dub par byas pa dang / /bcings dang rta pho dang sbyar dang / /der ni mngal chags gyur pa yis/ /khrag zad log par 'gyur pa yin//ji ltar char med sman rnams ni/ /skye bar 'gyur ba ma yin la/ /'bad med me tog 'bras bu sogs/ /'phel bar 'gyur pa'ang ma yin no/ /de bzhin log par gsos pa yis/ /rta yi mngal ni skams par 'gyur/ /de ni sbeg cing nyam chung ba'i/rte'u dus ni 'da' bar byed/ /dus ma 'das pa'ang nyam chung zhum/ /yan lag ma tshang skye bar 'gyur/ /rte'u de ni stobs zhan zhing / /dbang po zhan par skye par 'gyur/ /khrag chung snying stobs dman pa ru/ /dus su de ni las kyis skye/ /de ni rus pa'i ston ka bar//shes bya de yi las nyon cig /rte'u de ni mar ram nim/ /yang na 'o mas gso bya zhing / /stobs skyed pa ni gzhan dag ni/ /phra ba'i ston ka gso bar bya/ /ma ni 'bras tshan yu sha dang / /de bzhin khu ba sna tshogs dang / / de bzhin btung ba sna tshogs dang / /bsku dang 'jam rtsis brda bar bya/ /yang na rte'u zla drug pa/ /bsku dang 'jam rtsi 'bras chan zhu/ /tshad dang ldan pas go rims bzhin/ /de bzhin lhag par bya ba dang / /me stobs skyed pa sbyin par bya/ /kha ra 'o mar sbyar ba la/ /mar ni tshad tsam bcug pa sbyin//rte'u lo gnyis lon pa la/ /kha zas sbyin par bya ba yin/ /lug gi sha dang rma bya'i sha/ /khyim bya bya yi sha rnams dang / /nya dang rus sbal sha rnams las/ /sha khu dang ni kha zas bya/ /sna sman dgongs ka btung ba dang / /bsku dang 'jam rtsi rtswa yis kyang //lus kyi lus gzungs brtas bya ba/ /zla drug bar du bya bar bshad/ /de nas sa 'dir bskyang bya zhing / /lus dang srog kyang bsrung bar bya/ /sor ni nyi shu bzhi la khru/ /khru bzhi la ni gzhu gang ste/ /gzhu 'dom brgyad stong dag la ni/ /las la sbyor ba'i dpag tshad yin//der ni dang por rte'u dag /rim pa 'di dang ldan pas kyang / /'dom ni sum brgya nas brtsams te/ /dpag tshad bar du rim gyis bkri/ /dgun zla 'bring dang tha chungs tshe/ /de las nyis 'dab bya ba yin/ /dpyid zla ra ba gsum 'gyur te/ /dpyid zla 'bring po dpag tshad med//de yi rdzis la dpag tshad ni/ /gcig tsam zlum pos bskor bar bya/ /bya ba'i sbyor ba 'di nyid ni/ /nyam chung ba la bya ba yin/ /nas dang ma sha mar 'o mas/ /bsku dang 'jam rtsi rtswa rnams dang / /shin tu snum pa'i btung ba yis/ /gang tshe gnyi ga brtas byas la//de bzhin rgod ma sbom gyur kyang / /sbom zhing mngal du lci ba'i phyir/ /de ni dus su skye mi 'gyur/ /de yi yang yang ma zhu ltar/ /dus min par ni skye bar 'gyur/ /rte'u tshil ni cher 'gyur zhing / /sha yi tshogs ltar gnas pa yin//de ni ldang shing brtse mi nus/ /lci zhing khur gyis non ltar 'gro/ /sbal pa ltar 'gro sbom pa dang / /lus ni snyoms par skye bar 'gyur/ /sbal pa skrangs par gyur pa ltar/ /brtan par 'gro bar 'gyur mi yin/ /tshil gyis snying ni khyab gyur cing / /mi nub rtsa ba rten pa yin//tshil ni lhag par gyur pa ni/ /lus kyi rtse dang 'degs par dka'/ /'di ni tshil ches yin zhes bya/ /de la las ni 'di phan no/ /pi pi ling dang bca' lga dang / /haM sti pi pi ling tsi tra/ /'di dag bskol ba'i mar dag ni/ /nang bar zas kyi sngon du spyin//tshad tsam rte'u de la ni/ /sbyang ba'i phyir ni sbyin par bya/ /de la ma yi 'o ma ni/ /mi blud ra yi 'o ma sbyin/ /tshon mo'i 'o ma lci bas na/ /de phyir ra yi 'o ma blud/ /'o ma sbyong bar byed pa yi/ /btung ba rgod ma la sbyin bya/ /kha ba dang ni bska ba dang / /tsha ba sbyin pas de sbyang bya//de la til mar 'jam rtsi dang / /de nas slar yang gnas par bya/ /zla ba drug gi bar du ni/ /rte'u de las yang dag sbyad/ /gzhu 'dom stong ni song nas kyang / /de nyid tsam du bzlog par bya/ /de yi rjes la 'dom bzhi stong / /de nyid 'gro zhing bzlog par bya/de yi rjes la 'dom bzhi stong / /de nyid 'gro zhing bzlog par bya/ zas dang bskyar ba nyid kyis ni/ /lus ni legs par mkhrang bar 'gyur/ /lus dang yan lag rkang ba brtan/ /lag gnas dang po dga' ba dang / /gang tshe nad med yid bde ba/ /de tshe las la sbyar bar bya/ /de ltar sbom pa shes byas la/ /de nas las rnams sbyar bar bya//'di ni dmar por gyur pa dang / /sbom phra dag kyang bshad pa yin/ /rta mchog gi ni ston ka dag /rang bzhin la gnas bshad bar bya/ /sngar ni nga yi rta rnams kyi/ /yon tan kun ldan gseb dang ni/ /rgod ma yon tan de ldan zhing / /na tshod stobs ni phun tshogs pa//srog chags thams cad bde ba'i dus/ /dpyid do me tog dri can la/ /phan tshun 'dod pa bskyed pa'i tshe/ /rgod ma 'khrig pa'i don du 'gro/ /der ni mngal du chags gyur pa/ /rta yi nyams mnyam bzang bo yin/ /mngal du chags pa bsrung ba'i phyir//nas dang ma sha mar gyis gso/ /dman pa bsten du mi gzhug cing / /skar khung dra ba can du gzhag /gom pa dal gyis 'gro bya zhing / /dben pa'i phyogs su bskyang bar bya/ /khang pa skar khung can der ni/ /bzhi mnyam stan dang bcas par bya//rte'u la ni phan pa'i phyir/ /'di dag thams cad yang dag spyad/ /yungs kar dang ni chu dag dang / /phu shel tse dang shug pa dang / /bse shing 'bras bu shib btags pa'i/ /phye ma yi ni bdug pas 'dug /de ltar legs par bsrungs gyur na/ / rte'u dus kyi bzang por skye/ /lus kyi stobs ni phun tshogs shing / /shin tu 'byes pa legs par 'dus/ /lus gzungs thams cad rgyas pa dang / /yan lag mdzes shing lta na sdug /mgyogs shing gtsug ni dag pa dang / /mkhregs shing gra ma can min dang / / pags srab ba spu snum pa dang / /'gro legs gzung bar sla ba dang / /lus kyi yon tan kun ldan zhing / /mtshan nyid thams cad bsngags pa dang / /'dzin dang 'jog par byed pa la/ /rtag tu mnyam pa med par dpa'/ /ston ka dag dang zhes 'di bshad/ /rta ni bzang po yin par bstan//rkang pa brtan zhing 'gros che la/ /lus kyi 'phel ka che zhing legs/ /rtag tu khal gyi sor ba dang / /las rnams la ni nges sbyor nus/ /de ni slob dpon dam pa yis/ /rag pa'i rang bzhin ston kar bshad/ /de ni bkra shis rta yin te//rgyal po'i bzhin par de nyid bshad/ /de ni g.yul ngor rab tu bsngags/ /rtag tu rgod ma'i gseb tu bzang / /de ni byang zhing dpa' ba dang / /mchod sbyin la yang rta de bzang / /rtag tu tshangs pa smra ba yi/ /rta mchog ces ni de bshad do/ /de ni rtag tu bzhon par bzang //skye dgu skyed pa yin par bshad/ /'di yi las rnams bshad pa ste/ /gzhan yang mngal can zhes bya'o/ /rta yi mchog tu gyur pa 'di/ /las la sgyid lug 'gyur ma yin/ /ston ka ba ni bzhi po 'di/ /mtshan nyid grangs ni dus ma yin/ /sbom dang rang bzhin la gnas dang //dmar dang de bzhin phra ba ste/ /rnam pa bzhi po gso ba dang / /bcas par de bzhin bshad pa yin/ /gzhan yang pags pa la sogs pa'i/ /rang bzhin gang yin bshad par bya/ /pags srab mdangs snum phun sum tshogs/ /ba spu snum zhing gnyer ma snyoms//gsang ba'i phyogs ni mdzes pa dang / /gtsug ni bzang por gang gyur dang / /blo ldang byang zhing mgyogs pa dang / /rmang kha mnyan zhing tshor ba can/ /shin tu 'byar bar gang gyur pa/ /pags pa bzang por de bshad do/ /yan lag tshad dang ldan pa dang //lus kun lag par snyoms pa dang / /dmar zhing dmar ba'i mdog rdzas can/ /mig dmar lta na sdug pa dang / /mdangs ldan yid ni gzhungs pa dang / /blo dang dran pa'i yon tan ldan/ /khrag gi mtshan nyid bzang ldan rta/ /mtshan dang kha dang rkan dmar ba'o//so snum mig ni legs pa dang / /ba spu rnga ma'i mdangs snum zhing / /de bzhin phum phum 'jam la snum/ /rngog mar zhing bzang ba dang / /lce ni 'jam zhing yangs pa dang / /pad+ma 'dra zhing lus tshugs nas/ /shin tu mdzes shing sha yis rgyas//rkan dang ma rkan mig dmar zhing / /stobs chen gzugs ni bzang bdag /sha mkhregs pa zhes bya bar bshad/ /gseng khrom me tog mdog 'dra zhing / /zlum la tshil gyis rgyas shing bzang / /sha che tshil ni che gyur pa/ /che mkhregs pa yi rta zhes bya//kha dog dkar ba'am sbrang rtsi 'dra/ /mdangs gsal snyoms shing mkhregs pa yi/ /so'am mche ba yod gyur la/ /mtshan ni shin tu legs gyur cing / /gang gi rus pa las skyes shing / /'byes las brtan par gyur pa dag /khur gyis zhum pa med gyur pa/ / de ni rus mkhregs rta yin no/ /rkang ni mar gyi snying po 'dra/ /sra zhing lci la mkhregs par snang / /sha yi phyed pa nad dag ni/ /shin tu snum par snang ba dang / /gang gi ba spu snum gyur cing / /stobs dang mdangs kyi yon tan ldan/ / de ni rkang mkhregs pa zhes bya/ /snum zhing bska la dri ma med/ /gang zhing ba ra'i 'o ma 'dra/ /gang la de 'dra'i khu ba yod/ /de ni nga yis bshad kyis nyen/ /sra zhing stobs ldan dregs pa bdo/ /rgya cher dga' zhing mgyogs dang ldan/ /rgod ma shin tu tshim byed cing //mdangs snum 'gros ni myur ba dang / /dkar ba'am yang na mdog rjes dkar/ /sha dang gnad dang tshil dang ni/ /rkang dang rus pa pags pa dang / /lus gang gzhan la yod pa rnams/ /thams cad rgyus pas sprel ba yin/ /'di ni mkhregs par gyur pa yi/ / stobs dang gzi mdangs mgyogs par ldan/ /lus kyi yan lag kun legs 'brel/ /tshigs legs las rnams thams cad byed/ /'di ni rtsa rus sra ba yin/ /snying stobs brtan la da nyon cig /dpa' zhing g.yul du dpa' ba'i mgo /blo dang dran pa'i yon tan ldan/ / mdog snum de bzhin mdangs dang ldan/ /pho mtshan ldan zhing tshor ba che/ /chu zhing gab par gyur pa yi/ /yon tan thams cad ldan pa dag /snying stobs brtan pa'i rta yin te/ /rdo rje mkhregs pa 'dra zhing grims/ /sa kun la ni thor med cing / /las rnams kun la bsngags pa yin//'khrugs shing tshim par byas na yang / /khong 'khrugs dga' bar 'gyur ba med/ /'di dag sra bar yang dag bshad/ /de rnams kyi ni yon tan nyon/ /pags mkhregs srab cing mtshan legs skye/ /mgyogs dal dag dang ldan pa yi/ /khrag bzang mdangs dang ldan pa dang //yid gzhungs par ni 'gyur ba yin/ /sha mkhregs stobs dang ldan pa dang / /rta ni gzugs bzang 'gyur ba yin/ /tshil mkhregs par ni gyur pa'i rta/ /lam gyi pha rol phyin par 'gyur/ /rus mkhregs stobs dang ldan pa dang / /dpangs mtho de bzhin kun byed nus//rkang mkhregs par ni gyur ba'i rta/ /stobs dang gzi mdangs phun tshogs 'gyur/ /khu ba mang bar gyur pa'i rta/ /bu mang stobs che 'dod mos med/ /rtsa rgyus mkhregs par gyur ba'i rta/ /gnyid srab ngal ba med par 'gyur/ /snying stobs che ba bdag nyid brtan//bdag nyid thul zhing thams cad byed/ /de ltar ston ka zhes bya dang / /mkhregs par gyur pa'ang bshad pa yin/ /sha li ho tra'i mdo'i gnas las ston ka pa zhes bya ba'i le'u ste sum cu rtsa dgu pa'o// //dka' thub brtul zhugs yang dag grub/ /tshangs pa'i gzi ldan thul bar dka'//shes dang rnal 'byor bsam gtan dang / /sgom pa la goms sdig bral la/ /sha li ho tra'i bu legs thos/ /thob pa phun tshogs dul bar ldan/ /dri ba'i tshig 'di don mchog ldan/ /sha li ho tra la dris pa/ /legs ldan sngar ni rgyal po la//rta las mchog gyur dpung gzhan med/ /rta yis thob par mi nus ba'i/ /gnas kyang rgyal pos thob ces gsungs/ /de la rtag par rta yod kyang / /gal te rgyal po gzhan las ni/ /yul gzhan las ni gyur ba yi/ /rta dag nyo bar 'dod gyur la/ /gang la rin ni ci lta bu//yin pa de la rtogs par 'dod/ /de don ma lus shes 'gyur ba/ /khyed kyi don ni shes par 'tshal/ /bdag nyid chen po legs thos kyis/ /de la bsnyen bkur byed pa na/ /drang srong chen pos nyo tshong gi /brtag pa 'di ni smras pa yin/ /gal te rta ni yod gyur kyang //rta gzhan nyo bar 'dod gyur na/ /rta nyung ba'am 'on te ni/ /bzhon pa zad tshe smos ci dgos/ /rgan yang 'khor los sgyur ba yi/ /rgyal po la 'os mtshan nyid rdzogs/ /mtshan nyid don gyis 'bras 'dod pas/ /rab tu 'bad de nyo bar bya/ /rta gang g.yul du mi shes yod//yon tan gzhan dag ldan gyur na/ rgyu ba'i yon tan ldan pa'i phyir/ /de yang 'bad pas nyo bar bya/ /mtshan nyid ngan pa'i gnas skabs ldan/ /rta yang nyo ba nyid du bya/ /dper na mi shis nyes bral ba'i/ /nyin zhag 'das na lan dang mtshungs//lha yi snying stobs gzi mdangs ldan/ /mgyogs shing rigs stobs la gnas na/ /mtshan nyid cung zad ldan na yang / /rta ni blang bar bya bar 'os/ /dang po lus kyi mtshan nyid dag /bzang ngan gang yin yan lag ni/ /re re nas sgros brtag par bya//de yi rjes la na tshod brtag /lus brtags nas ni tshe tshad de/ /ci srid nas ni 'chi ba brtag /de rjes rin thang gdab bya ste/ /gzhan du bzang po ngan par 'gyur/ /de bzhin rigs dang shes pa dang / /mtshan nyid bzang dang ngan pa dang / /mdog dang gtsug dang 'gros kun dang //de las gzhan ci'ang rung ba dang / /chu zheng gi ni tshad dag dang / /de bzhin rgyu ba'i 'gros dang ni/ /brgyug tshe lus kyi mtho dman dang / /de bzhin sdug dang mi sdug dang / /zhon tshe snying nye snying ring dang / /skye gnas bcas par shes par bya//lhan cig skyes pa'i ba dang ni/ /sra snyi dag gi rang bzhin dang / /rta yi nang na rgyu ba na/ /snying stobs dang tshul gzi mdangs dang / /nad med nad dang bcas rnams dang / /rta 'dod pa yis rtag tu brtag /rin thang dag ni ci tsam gyis/ /sa ni ci tsam tshod gyur pa//de ni rab tu bshad bya yis/ /ngas smras pa la mnyan par gyis/ /rta mkhan dang ni rta rdzi dang / /rta la gom dang 'gros mthun dang / /rigs mtho brkam chags med cing dul/ /blo zab bstan bcos shes pa dang / /gso ba legs par shes pa dang //nad gso ba la mkhas pa dang / /lan 'debs pa la mkhas pa dang / /long yod par ni brtag par bya/ /skar ma nyin zhag shis pa dang / /gzab ni bzang po la bab tshe/ /rgyal po blon po'i rgyal po nyid/ /grong khyer gyi ni phyi rol gyi/ /shar dang byang gi phyogs su ni//sa phyogs mnyam zhing gtsang ba dag /thag thogs med cing bgrod bde bar/ /kun tu mnyam par gyur pa yin/ /chu zheng mnyam zhing shar du yangs/ /rin thang skyod pa gtsang mar gnas/ /chur ni gzhu 'dom nyis brgya pa/ /zheng du de yi brgyad cha ru//ske nas 'dzin par byed pa yi/ /mi rnams kyang ni gzhag par bya/ /mang po las ni mchog dang 'bring / /tha ma sde tshoms gsum du bya/ /de rnams mtshan nyid ngan pa yi/ /nyes dang ring las rin thang gdab/ /nyo bya nyung zhing mnyam gyur na/ /cha mnyam pa yi rin thang gdab//so sor yongs su brtags nas ni/ /rin thang so sor gdab par bya/ /de bzhin bslab par bya ba dang / /ma byang ba yi mtshan nyid ni/ /zhon te 'bad bas brtags nas ni/ /rin thang gdab pa nyid du bya/ /sgra chen skye bo mang po yi/ /thal mo ca co bsdigs byas pas//sems kyi rang bzhin brtag bya zhing / /'jam pa yis kyang reg pa brtag /glo bur glang chen 'brug sgra dag /grag las snying stobs brtag par bya/ /gzi mdangs dang ni mi mthun phyogs/ /ngang tshul dang ni dul ba dag /re re nas mi shar phyogs sam//byang du 'di bstan byas la/ /gdong ni mthar thug yongs su ni/ /bskor zhing brtag pa nyid du bya/ /ci nas 'tshong dang nyo ba dang / /mchog dang dga' ba 'gyur ba ni/ /rta 'dul mkhan dang tshong kha bas/ /de ltar rang bzhin nges par bcad/ /nyo ba dang ni tshong pa dag /lag brdas dang por go byas la/ /de yis 'og tu thams cad kyi/ /mdun du gnas de gsal bar bya/ /rta la brdzun gyis slu byed na/ /rigs brgya nges par rlag 'gyur bas/ /'tshong ba'am nyo bar byed pa la/ /slu ba dag tu mi bya'o/ /gal te rin thang gsal byas nas//rta mi gtong dam mi len nam/ /gang zhig 'ga' bar gyur pa na/ /de la chad pa ci rigs bcad/ /sha li ho tra'i mdo'i gnas las nyo tshong brtag pa'i le'u ste bzhi bcu pa'o/ /gnas dang po rdzogs so// //sha li ho tra bder gnas la/ / legs thos kyis ni yang dris pa/ /rjes su btung ba'i chang dag ni/ /ci 'dra bar ni blud par bya/ /nad kyi rang bzhin ci 'dra bar/ /sman ni ci 'dra dang sbyar sbyin/ /ngo ni gzhan ru gyur pa na/ /chang gis nad ni gang zhig skyed/ /'dir ni chu sbubs chad ci tsam/ /de bzhin chang ni ci 'dra blud//rjes su btung ba'i cho ga 'di/ /smra mchog khyed kyis bstan du gsol/ /bu yis de skad dris pa na/ /sha li ho tras slar smras pa/ /'od ma tshigs ni gnyis pa las/ /sman pa yi ni sor tshad kyis/ /chur ni sor yang bcu drug la/ /zheng du sor gnyis chu sbubs bya//zlum zhing rtse mo rta rna 'dra/ /'jam zhing shin tu sra ba la/ /bu ga mthe bong shong tsam ni/ /rtse mo'i phyogs su bya ba yin/ /ya so'i gseb tu btang nas ni/ /g.yon phyogs su ni gzhag par bya/ /bde zhing drang por bzhag gnas ni//mgo bor slar yang brdeg byas la/ /chu sbubs mtshan nyid de 'dra ba/ /sum cha nye bar bzung nas ni/ /sor bzhir kha yi nang bsrings la/ /gnod pa med par blud par bya/ /ring par sbyin par mi bya zhing / /nyung nyung yang dang yang mi sbyin/ /de 'dra'i tshul gyi chu sbubs dang //rta la btung ba blud par bya/ /'o ma chang las gyur pa'i nang / /nam yang chu sbubs kyis ni sel/ /de bas chu dang 'o ma ni/ /chu sbubs dang ni blud mi bya/ /chang ni 'bu zhugs rul pa dang / /skyur zhing mdog nyams spyi bag can/ /gsar dang tshig dang shun pa chags//snyigs mar gyur pa smad pa yin/ /gang tshe rta ni skyur ba'am/ /spyi bag can gyi chang blud na/ /de tshe khrag dang mkhris pa ni/ /tha mal pa gnas 'khrug par 'gyur/ /tshig cing nyams pas bad mkhris dang / /rlung yang skyed par byed pa yin/ / dri mi zhim zhing rul pa yis/ /rlung dang bad kan mkhris pa dag /gnas nas skyod par byed pa dang / /brgyal dang rmongs bag skyed par 'gyur/ /rnyings dang chang gi snyigs ma dang / /'bu dang bcas par sbyin na ni/ /rta yi nad gzhi rnams dang ni/ /lus gzungs dag kyang 'khrugs par 'gyur//ro dang mthu med chang gzhon dang / /blud na rlung ni 'khrugs par byed/ /de bas shas cher mngar gyur ba/ /kha dang tsha ba'i ro ldan pa/ /skyur dang lan tshwa cher mi bro/ /bska ba bsngags par gyur pa yin/ /chang ni ro drug rjes 'jug pas/ /yon tan drug dang ldan pa yin//mdog bzang dri ni bzang ba dag /gsal ba rnams ni bsngags pa yin/ /ro tsa rlung ni shad sel zhing / /dri med stobs kyang 'phel byed yin/ /ngal ba sel zhing yi gar 'gro/ /phyi lo bsil byed yon tan ldan/ /lus kyi nang ni tsha byed cing //zhu rjes kyang ni tsha ba yin/ /bad kan smug dang skems pa sel/ /khrag kyang dang bar byed pa yin/ /gcin sri ba dang tshad 'khru ba/ /phan zhing rlung ni bde rgyu byed/ /rtas byed 'jug byed mchog yin zhing / /mdog kyang gsal bar byed pa yin/ /me drod nyams par zos rjes la//chang 'thung me drod skyed par byed/ /rta yi nad ni thams cad la/ /phal cher chang ni phan pa yin/ /chang ni kha ra sbrang rtsi dang / /sbyar ba btung bar blud gyur na/ /khong pa'i me drod skyed byed cing / /kha yi ljan ljin sbyong bar byed/ /bu ram yang ni khyad par du//ro tsa byed cing rlung mkhris skyed/ /kha zhing bska ba'i ro ldan pa/ /zhu rjes tsha bar gyur pa yin/ /zhu rjes tsha zhing rtsub pas na/ /bad kan sbyong bar byed pa yin/ /de bzhin tsha zhing rtsub pa na/ /mkhris pa rlung ni 'khrugs par byed/ /khar ba sil zhing rtsub bas na//drod po min pas rlung skyed byed/ /nim pa seng phrom pri yang ku/ /gla sgang pi pi ling btab dang / /sbrang rtsi dang ni sbyar ba yi/ /btud pa dpyid kyi dus su bsngags/ /shing mngar ser phrom pi pi ling / /pri yang ku dang bca' lga btab/ /bu ram dang skyar btung ba blud/sos ka'i tshe na bsngags pa yin/ /thar shing dang ni bca' lga dang / /lan tshwa dang ni til mar dang / /pi pi ling phye btab pa yi/ /rjes su btung ba dbyar tshe bsngags/ /shu ti bca' lga pi pi ling / /tsi tra ka dang na le sham/ /kha ra rgun 'bru dang sbyar ba'i//rjes su btung ba ston tshe bsngags/ /'tsho byed sde tshan pi pi ling / /shing mngar dang ni ma nu dang / /seng phrom rgyam tsha dang sbyar ba'i/ /btung ba dgun gyi dus su bsngags/ /zi ra dang ni byi dang ga /tsha ba gsum dang tsi tra ka /lce myang tsha dang sbrang rtsi btab/ / btung ba dgun gyi dus su bsngags/ /rlung dang mkhris pa bad kan rnams/ /rnam pa du mar 'khrugs gyur pa'i/ /gso ba nye bar bstan pa la/ /rjes su btung ba blud par bya/ /nyi ma shar ma thag tu ni/ /dang po gdong ni bkus nas kyang / /khong pa dag gyur rta rnams la/rjes su btung ba blud par bya/ /chu ni grang mo ngag gis kyang / /gdong du nye bar blugs byas la/ /rtswa ni yid tsam byin nas kyang / /khrus byas rjes la kha zas sbyin/ /so so'i me stobs so so'i nad/ /so so'i rang bzhin las dpag ste/ /dus ni so sor blud bya bas//de phyir so sor btung bar bshad/ /zos pa'i rjes la blud bya bas/ /rjes su btung ba zhes kyang bshad/ /zos pa'i rjes la btung ba ni/ /'bras chang dngas ma 'ba' zhig bsngags/ /skom du chang ni blud gyur pa/ /zas ni yi ga 'byed byed cing / / stobs ni 'phel bar byed pa dang / /nad rnams sel par byed pa yin/ /ltogs dang shin tu dub pa dang / /lus kyi khong tsha dran pa nyams/ /gdong nad can dang dug gis phog /rta la chang ni blud mi bya/ /chang blud pa yi rtal ni/ /nam yang mnye bar mi bya'o/ /de ltar me drod tshul las ni//rdzas su btung ba blud par bya/ /rjes su btung ba lan tshwa ltar/ /bu ram yang ni sbyin par bya/ /pi pi ling dang bca' lga ni/ /der ni srang bzhi gzhug par bya/ /til mar phul gang nyid dang bsre/ /btung ba snga dro blud par bya/ /chang gi nyes pa las gyur pa'i //nad ni snang gyur gang yin la/ /gso ba ru ni bshad pa yin/ /sman gyis slar ni bcos par bya/ /rjes su btung ba'i don du ni/ /legs thos kyis ni yang smras pa/ /gang gi dus su gang sbyin zhing / /tshad dang sman ni gang dang bcas/ /btung ba sman ni gang du sbyin/ / chang dngas chang rnying sbyar ba'i chang / /de bzhin rgun chang la sogs pa/ /gang tshe sbyin pa bdag la gsungs/ /bu yis de skad dris pa dang / /sha li ho tras slar smras pa/ /dgun che nas chang sbyin bya zhing / /dgun smad dus su nas chang blud/ /dpyid ni sbrang chang sbyin bya zhing /sos ka chang dngas sbyin par bya/ /dbyar gyi dus su chang rnying sbyin/ /ston ni rgun chang sbyin par bya/ /zla phyed dus dang sman sbyar ba/ /gang zhing blud bya de bshad bya/ /snga dro khong pa sbyangs pa la/ /chang gi dngas ma phul gang dang / /de bzhin til mar phul phyed dang //kha ra dkar po srang bcu dang / /tsha ba gsum ni srang gcig dang / /lan tshwa yang ni srang gcig dag /rta ni chen po la sbyin bya/ /de yis de la thob par 'gyur/ /bar ma la ni brgyad cha dag /de la rnam par dbye bar bya/ /pi pi ling dang na le sham/ / ba ra chu dag pu tse shel/ /bca' lga dang ni shing kun dag /srang gcig dag ni yin par bshad/ /sngar bshad pa yi tshad las ni/ /phul gang nyid ni 'di la sbyin/ /lan tshwa kha ra til mar ni/ /sngar bshad pa yi phyed du 'dod/ /chang blud rjes la 'o ma ni/ /'bad de yongs su spang bar bya//de bzhin 'o ma blud rjes la/ /chang sbyin par yang mi bya'o/ /chang 'thungs rjes la skom blud pa'am/ /zas kyi rjes la blud pa'ang rung / /zas ni dus rnams kun du sbyin/ /skom ni phyi dro blud par bya/ /skom blud rjes la rtsol drag pa/ /rnam pa kun du spang bar bya//zla phyed dus su gang sbyin pa/ /de ni ci bzhin sngar bshad yin/ /sha li ho tra'i gnas bdun pa las rjes su btung ba bstan pa'i le'u'o// //sha li ho tra thub mchog la/ /legs thos kyis ni yang dris pa/ /sman pa mchog gis rta rnams la//ro drug po ni dgos par gsungs/ /ro drug po ni dgos pa la/ /'di la shal cher lan tshwa ni/ /sbyor ba kun la rab shes te/ /lus ni rtas par byed pa dang / /kha zas len par nus pa dang / /lto bar phyin par gyur pa ni/ /legs nyes ci 'gyur rgyu de gsungs/ / de skad dris tshe legs ldan ni/ /sha li ho tras slar smras pa/ /rta ni rlung gi shugs ldan zhing / /rlung shas lhag par che ba yin/ /rlung 'joms pas ni ro drug las/ /lan tshwa rta la mchog tu bsngags/ /mdangs ni rnam par 'phel byed cing / /sbyor ba kun dang rjes mthun la/ / ljang ba shas cher mngar bas na/ /'ju dka' bar ni bshad pa yin/ /de bsal na tshwa phan gyur cing / /rta rnams rtas par byed pa yin/ /gzhan yang lan tshwa'i yon tan rnams/ /nga yis bshad kyis de nyan gyis/ /'drul zhing drod ni skyed byed la/ /zas 'ju lus rgyas byed pa'i mchog /drags na bad kan skyed byed cing / /lus kyang ltod par 'gyur ba bshad/ /ran pas kha ni sbyong byed cing / /stobs skyed mdog ni dag byed yin/ /gang zhig rlung nad kyis nyen dang / /gang zhig rtswa dang 'gras pa dang / /gang yang yid mi bder gyur dang //gnyin ni med par gyur ba dang / /gang zhig me drod nyams pa'am/ /gang zhig me drod ma snyoms dang / /lus gzungs rnams la gnod bya las/ /brtas kyang tshon por ma gyur dang / /de la tshad ldan lan tshwa ni/ /byin na nad rnams sel byed yin/ / lan tshwa 'ba' zhig byin pa'am/ /chang dang sbyar te sbyin par bya/ /lan tshwa pho ba'i me drod ni/ /skyed cing mdog stobs 'phel byed yin/ /lus ni rnam par rgyas byed yin /zas kyang mang du za bar nus/ /de ltar lan tshwa'i yon tan ni/ /bshad nas so so'i dbye ba bstan//rgyam tsha dang ni kha ru tsha/ /rgya mtsho'i tsha dang mtsho tsha dang / /ya bak+Sha ra sro h+ni ka /rtsal ru tsha ni bdun pa yin/ /bul tog brgyad pa nyid yin no/ /'di ni lan tshwa'i tshogs su 'dod/ /kun la rgya tsha mchog yin te/ de nas rim gyis yon tan chung / / 'di rnams sbyor ba'i tshad dang ni/ /dus kyang nga las nyan par gyis/ /zas dang rjes su btung ba la/ /de yi khu ba dang sbyar bya/ /snga dro'am yang na phyi dro'am/ /yang na khrus byas dus su ni/ /rtag tu lan tshwa byin gyur na/ /me drod rnams par 'phel byed yin/ / sbegs dang rgan dang shin tu gzhon/ /de bzhin skom gyis gdungs pa dang / /mkhris ba khrag gi nad bcas dang / /gang yang bad kan gyis nyen dang / /gcin ni khrag 'dra 'byung ba yi/ /nad ni gang tshe sogs gyur pa/ /de tshe btang na thams cad la/ /khong par gnod pa skyed par byed//lan tshwa'i sbyor nyes khong par ni/ /khrag gi nad ni sog par byed/ /mkhris pa yang ni skyed byed yin/ /bad kan yang ni sdud bar 'gyur/ /khrag dang mkhris pa las byung ba'i/ /tsha ba snying gar skyed par byed/ /de ni rming bag skye 'gyur te/ / rtags 'dis sbyor nyes yin shes bya/ /snying ga tsha zhing kha nas ni/ /kha chu sbu ba dang bcas 'byung / /chu la mngon par dga' ba dang / /rtag tu 'thung bar 'dod par 'gyur/ /nyam chung bshad pa sri ba dang / /lce yang 'byin par byed par 'gyur/ /rtswa la srid pa chung ba dang //sa la lce yis 'degs par byed/ /kun du dbugs rgod lus rul zhing / /mkhris pa'i tsha bas gdungs pa dang / /snying ga sreg pa snyams sems shing / /de yi kha yang skams par 'gyur/ /mgo bo 'gugs shing ske bar 'jog /mdog nyams lus ni bcag par 'gyur//lan tshwa las 'gyur nad de 'drar/ /shes par byas nas gso ba brtsam/ /chu la sbang dang blugs pa dang / /'dam gyis yongs su bsku bar bya/ /chu bsil kha ra dang sbyar ba'i/ /btung ba de la blud par bya/ /chu grang la ni sbang bar bya//'thung du gzhugs par mi bya'o/ /'bras chang grang mo 'o ma dang / /mar dang sbrang rtsi dang sbyar byin/ /pa ru sha ka rgun 'bru dang / /tsi lu'i 'bras bu kha ra dkar/ /sbrang rtsi dang ni bsres pa yis/ /sman gyi chang bu de la byin/ /sngar bshad pa ni gang yin ba//kha sbyong cho ga de yang bya/ /nas dang 'bras ni drug cu pa/ /ba gcin dang ni sbus pa byin/ /ya dan 'bras chan ba la dang / /skyur rtsabs dang ni sbyar ba byin/ /phal cher mngar zhing rlung 'joms pa'i/ /sman gyis bda' ba'i cho ga bya/ /khrag dang mkhris pa sel ba yi//mngar ba'i sman gyi 'jam rtsi gtang / gal te khrag ni shas che bas/ /lus ni shin tu lci gyur na/ /rta la gtar ga byas gyur na/ /bde ba des par 'thob par 'gyur/ /dang pa dur pa khrung khrung dang / /chu bya gzhan dang 'ol bya dang / /rma bya khyim bya sreg pa yi//sha las sha khu byas te sbyin/ /gnas ni bde zhing ser bu rgyu/ /bsel zhing chag chag btab par gzhag /ut+pal brgyad pa dUr pa dang / /rta ma bri N+ta a rdzu na/ /rtswa yi phyed du sbyin byas na/ /des ni bde ba 'thob bar 'gyur/ /sha li ho tra'i gnas bdun pa las lan tshwa'i skyon dang yon tan bstan pa'i le'u'o// //legs thos thos pa phun tshogs pas/ /sha li ho tra la dris pa/ /khyed ni rta yi tshe rig byed/ /yan lag brgyad kyi de nyid mkhyen/ /rgyu dang mi rgyu'i 'dri ba ni/ /chu la dag ni las pa lags/ / 'gro ba 'byung dang 'byung 'gyur dang / /de ltar gang zhig gnas pa yi/ /sems can ro la rnam par brten/ /ro yang chu las 'byung bar bshad/ /mchog tu rta ni ro kun gyi/ /bdag cag cha ni skog tu bshad/ /'di ni rta yi khang pa na/ /gnas tshe nad ni ci ltar bskyed/ /zas kyi nang du rog pa zhig /chu yis rnam par rgyas par byed/ /sman pa mchog las 'di dag gi/ /nges pa bdag ni mnyan par 'tshal/ /bu yis de skad dris pa dang / /sha li ho tras slar smras pa/ /legs thos 'di dag thams cad ni/ /yang dag nyid du mnyan par gyis/ /chu dang shing ni mang ba dang //rlung mang than pa med gyur pa/ /de ni rlan can yin zhes bya/ /rta la mchog ni yin par 'dod/ /gang na shing dang chu nyung zhing / /rlung med than pa che gyur pa/ /yul de skams pa can zhes bya/ /rta la rtag tu bzang ma yin/ /rlan can skams pa 'dren ma ni//de ni thun mong yin par bshad/ /de ltar rnam pa gsum po yi/ /yul las goms par 'byung ba yin/ /yul ni yon tan mang ba las/ /bu yi yon tan chen por 'gyur/ /chu yi yon tan chu las ni/ /sman rnams kyi ni yon tan 'byung / /sman gyi yon tan rdzogs gyur na//lus kyi yon tan chen po skyed/ /de phyir rta yi lus 'dzin pa/ /gtso bo yul ni yin par bshad/ /bsil zhing 'tsho byed rlan par byed/ /shin tu phra zhing brtags pa dang / /khyab cing ri yi gnas gyur la/ /yang zhing snum pa bcud len 'gyur/ /chu ni sems can thams cad kyi//dgos pa'i gtso yin rigs drug ldan/ /de las char chu mchog yin te/ /de ni rlung dang 'dre bar 'gyur/ /ldung cing phyogs kyi gtsor gyur la/ /rang bzhin gyis ni mkha' la gnas/ /chu la ro gang mi snang ba/ /de ni yul las brtag par bya/ / ro ni gang yang mi bro zhing / /gtsang zhing dngas la dri med pa/ /ma 'bres sla la bsil zhing yang / /chu de nad gzhi gsum sel yin/ /skom pa 'joms shing gtsang byed cing / /gzhan yang 'di dang 'dra mchog yin/ /de las bzlog pa bar gnas pa/ /smad de khrag dang nyes gsum bskyed//rdzing bu'i chu ni rlung skyed de/ /khron pa'i chu yis mkhris pa skyed/ /chu bal can ni bad kan skyed/ /rgya mtsho'i chu yis nyes kun skyed/ /'bu can lci zhing 'ju dka' la/ /nyi ma'i zer dang ma phrad dang / /yul phyogs nyes pa'i khyad par gyis/ /gnod bcas de ni sman pa yin//chu bo rdzing dang bang so yi/ /chu ni rgyun gyi dus su bsngags/ /g.ya' chu bsil mo gang yin pa/ /de ni sos ka'i dus su bsngags/ /khron pa'i chu ni dbyar tshe bsngags/ /ston gyi chu ni thams cad bzang / /kha ra 'o ma dang bsres pa/ /dgun gyi dus su bsngags pa yin//sa phyogs dkar las bska dang ser las cha/ /dmar bas kha ba skya las lan tshwa can/ /gro bo las gyur gnag las mngar ba gcan/ /'byung bar 'gyur zhes bstan bcos mkhan rnams 'chad/ /'di ni log par blud pa las/ /chu yis khong par nad skyed de//than par ring du lam zhugs dang / /khur lci ba yis nyen pa dang / /shin tu dub par gyur ba yis/ /rdul zhing skom gyis nyen pa dang / /lto stong gnas dang ngal ma bsos/ /nyes shing sman gyi sbyor ma rdzogs/ /chu la spangs pa'i mod la ni//gang tshe blun pos chu blud na/ /de tshe gnod pas bskyed pa yis/ /chu ni mang du 'thung gyur zhing / /dbugs ma bton par 'thungs pa las/ /snod las lhag par gyur ba ste/ /dbugs chung bar ni gyur pa na/ /rlung gis kun du skyod par byed/ /de tshe rtse gang lte ba dang //'brel dang snying ga la brten dang / /lto bar chu ni rgyu ba'i tshe/ /gang tshe 'phral du chus rgyas 'gyur/ /rlung gis kun du bskyod gyur cing / /de yi lto la rgyas byas las/ /mtshan ma mkhal ma'i nad skyed cing / /lto spos kyang ni 'byung 'gyur ba'am/ /log par blud pa las byung ba'i//'chi ba nyid ni 'gyur bar 'gyur/ /de yi lto ba skrangs gyur pa'am/ /chu yis dmu rdzing 'byung bar 'gyur/ /de yi lus la skrangs 'gyur zhing / /khong par chu yang 'phel bar 'gyur/ /de yi skom dad mi zhi zhing / /spu yang 'byi bar 'gyur ba yin//gom pa lci zhing stobs chung la/ /ldang bar dka' zhing sbegs par 'gyur/ /gcig rtug sri bar 'gyur ba dang / /rtag tu 'dug pa la dgar 'gyur/ /mig ni dmar zhing zhum pa dang / /lte bar sgra yang 'khrog par 'gyur/ /shin tu skrag par 'gyur ba dang //mdog dang dbang po zhan par 'gyur/ /de ltar nad gzhi shes byas la/ /gso ba'i las ni brtsam par bya/ /lto ba til mar gyis byugs la/ /gso ma'i lo ma'i dugs kyang bya/ /shi ta ba li nim pa dang / /a ru ra'i sha pa ta la/ /sna ma ka ra bA+e ra'i rtsi//btags pa dar ba dang sbyar ba/ /lan tshwa lnga po btab pa ni/ /snga dro rta la blud par bya/ /des ni kyu ru chu 'bras dang / /rus skrangs chu yi dmu rdzing la/ /stobs dang kha dog gzims dngas dag /rnam par 'phel bar 'gyur ba yin/ /ha ri Nu ka pri yang ku/ / rgun 'bru shu dag spang spos dang / dza ti ka ra bI ra'i rtsi/ chu yi nang du bskol bar bya/ /khu ba de ni lan tshwar bcas/ /snga dro'i tshe na blud par bya/ /yang dang yang du ngal sos la/ /zhag gsum gyis chod mang du sbyin/ /gal te des bder ma gyur na/ /de las chu ni gnod byas la//chu yi dmu rdzing gso ba las/ /bshad pa'i cho ga 'di la gtang / /phag dang bya rog pri sha ta/ /ni'u le khyim bya 'ug pa'i sha/ /khu bar bcas pa byin gyur na/ /des de 'chi ba med par 'gyur/ /sha khu shin tu mi skyur zhing / /snum zho pi pi ling btab pa/ / zi ra dang ni bca' lga dang / /tsha yang ran pa dang sbyar bya/ /de dang sbyar ba'i 'bras chan ni/ /drug cu pa rnying las byas sbyin/ /zas 'de dang ni 'jam rtsi dag /zhag re yis ni ci mang gtang / /zhag re zhing ni lus kun la/ /snum gyis legs par bsku bar bya/ /nas za na'o ma'am sha khru'am//bcas pa'i zas kyang sbyin par bya/ /de ni gtsang zhing rlud med pa'i/ /gnas ni bde bar gzhag par bya/ /bi ba na dzi ka kul dang / /sha sha ben bu mon sran sde'u/ /rtswa yi don du sbyin bya zhing / /dur byid kyang ni blud par bya/ /de 'dra bas ni chu yi nad//sel zhing bde bar 'gyur ba yin/ /sha li to hra'i gnas bdun pa las chu shor ba'i nad gso ba'i le'u'o// //legs thos thos pa phun sum tshogs/ /rta yi khong par phyin nas ni/ /pha yi rkang pa la btud de/ /'dri ba'i tshig 'di skad smras/ /bla ma'i rdzas kyi nang na ni//'o ma mchog ni yin par bshad/ /rgyu ba'i 'gro ba mar dang ni/ /'o ma'i bdag nyid la brten lags/ /de phyir yon tan kun 'o ma/ /re des phan tshun nyid khyab na/ /rta yi khong par byin pa na/ /nad ci phyir gyur ba lags/ /de skad smras tshe legs ldan gyis//dris pa kun gyi lan smras pa/ /'o ma yon tan grangs med cing / /rdzas rnams kun gyi dam pa yin/ /lus can dang ni lhan cig tu/ /byung bas skyes nas brtsams te bgoms/ /ro rnams kyi ni mchog yin zhing / /tshe 'phel byed pa nyid kyang yin/ /de phyir 'o ma mchog yin no//gzhan yang 'di yi yon tan yang / /ba dang ra dang bud med dang / /de bzhin ma he nyid dang ni/ /ba glang rnga mo rta'i 'o ma/ /de bzhin lug gi brkyang pa yin/ /'di dag thams cad mngar ba dang / /snum zhing bsil ba yin par bshad/ /rtas byed khong snum phan ro tsa//blo bskyed bcud kyis len 'gyur yin/ /'tsho byed yin zhing ngal ba dang / /dbugs mi bde dang nyon mongs sel/ /khrag mkhris nad ni zhi byed yin/ /tshigs rnams bde bar byed pa yin/ /'di ni lhag par rta rnams la/ /blud na srog ni 'phel byed 'gyur//skom dang 'phel zhing me drod skyed/ /sbeg cing nyam chung kha mchog yin/ /rlung 'khyil lto ba'i nad rnams dang / /dbugs mi bde la mchog tu phan/ /tshad par 'khru dang rims pa dang / /skangs pa dang ni sbrum ma dang / /mngal gyi nad dang gcig sri ba'i//nad la'ang shin tu bsngags pa yin/ /bshad pa sri bar byed pa dang / /de bzhin rlung gi nad kyang sel/ /sna sman lde gu lus sman dang / /rta ya cho ga rnams la bsngags/ /zugs dang de bzhin dug la yang / /thams cad du ni 'o ma bzang //na chod la 'jug tshe la phan/ /stobs bskyed pa yang bsten na grub/ /gso ba'i sbyor ba dus dang ni/ /goms dang nad tshul legs brtags nas/ /legs par btang na rta yi nad/ /thams cad 'o mas sel bar 'gyur/ /ba yi 'o ma'i bsil bcud len//zhu rjes mngar zhing phan pa che/ /rlung mkhris sel zhing khong snum byed/ /'tsho byed rtas byed mchog yin no/ /ra yi 'o ma'ang de 'dra las/ /skra dang tshad 'khru dag la phan/ /ma he'i 'o ma shin tu lci/ /ba yi bas kyang de bsil zhing / /snum che gnyid med la phan gyi//me drod nyams par byed pa yin/ /rnga mo'i tsha zhing lan tshwa bro/ /gzhang 'brum skrangs dang lho nad sel/ /lug gi lci zhing bad kan skyed/ /mngar zhing snum shas che ba yin/ /rta yi 'o ma zhu rjes tsha/ /yang zhing phan par byed pa yin/ / ba glang 'o ma tsha zhing zhim/ /yang zhing lung pa thams cad sel/ /bud med 'o ma mngar bcas snum/ /mig nad rnams la phan pa yin/ /skye gnas goms pas lus rtas byed/ /mngar bas bad kan 'phel byed yin/ /bsil bas snum pa skyed byed yin/ /grang bas khu ba 'phel bar byed//'di dag lce dang yang ba dang / /'dres na nus pa 'dren par byed/ /yan na snum dang ldan par ni/ /bya ba de dag rnams la sbyin/ /sos ka'i tshe na ma he'i mchog /dgun ni lug gi'ang bsngags pa yin/ /ba yi 'o ma dbyar gyi tshe/ rta la byin na bsngags pa yin/ /ra dang ma he dpyid tshe bzang / /mar yang 'o ma dang 'drar bshad/ /mar gsar ro ca 'khrug cod cing / /ba skal bad kan sel byed yin/ /zho ni snum skyur dro ba bsre/ /'khru gcod lus ni rtas byed yin/ /dkyugs pa skyur pa nyes chud zhing //me drod skyed cing bad kan sel/ /dar ba bad rlung sel byed yin/ /skra dang gzhang 'brum dag la phan/ /'di ni blud nyes nyes pa yis/ /'o mas khong pa'i nad skyed yin/ /tshad las ches sam dus min par/ /'o ma 'thungs na gnod pa skyed/ / chang 'thungs 'o ma 'thungs ba'am/ /'o ma'i rjes la chang 'thungs pa'am/ /rta ni rtsol drags byas gyur nas/ /gal te 'o ma blud pa las/ /de rjes rjen pa zos gyur na/ /'o ma ma zhur gyur pa des/ /bad kan gnas las bskyod gyur nas/ /de rjes snying la gnod par byed/ / bad kan g.yos par gyur pa na/ /me drod nyams par byed pa'i rta/ /lto ba sbo bar gyur ba dang / /de bzhin 'khru bar 'gyur ba yin/ /rgyab rengs rgyu long rgyas pa dang / /nad dang bcas par 'gul ba yin/ /snying ga tsha zhing rngul ba dang / /kha nas kha chu 'byung bar 'gyur/ /nad kyis gdungs shing nyam chung ba//shin tu shas cher 'khru bar 'gyur/ /yan lag kun du 'khums pa dang / /mdog mi sdug cing yid mi bde/ /mgo yi g.yur ni lci ba dang / /sems khong chud pa nyid kyis 'dug /'o ma las gyur nad 'di ni/ /shes par byas la gso ba brtsam/ / de yang gsod byang las bshad pa'i/ /sman dang kha zas sbyin pas bcos/ /legs ldan rta la khyad par bsngags/ /sha le ho tra'i gnas bdun pa las 'o ma'i yon tan bstan pa'i le'u'o// //mang thos sha li ho tra la/ /legs thos kyis ni yang dris pa/ /legs ldan rta la khyad par du//mar blud pa dang dus gang tshe/ /byin na phan gyur cho ga de/ /yang dag bdag ni nyan par 'tshal/ /rta yi las ni byas gyur pa/ /sbyar bzhin pa'am sbyor gyur te/ /rgan dang khal gyis dub pa dang / /lam ring du ni zhugs pa dang / /rlung dang de bzhin mkhris pa dang //bad kan gyi ni nad rnams la/ /mar ni ji ltar stsal bgyi ba/ /'di ni bdag la bka' stsol cig /bu yis de skad dris pa dang / /sha li ho tras slar smras pa/ /mkhas rnams 'tsho ba'i 'jig rten gyi/ /bdud rtsi mar ni yin zhes 'chad/ / de yi dus su btang gyur cing / /tshad ldan byin pa shin tu bsngags/ /mar ni ci srid las 'khrus pa/ /de srid bar du rta la sbyin/ /de ni dus tshigs rnams la ni/ /dri ma sbyar ba'i don du blud/ /bsrung dang nad gzhan sbyang phyir yang / /rta la mar ni sbyin par bya//mdze dang dmar rigs bshang 'gags dang / /'bu nad nges par sel ba yin/ /nad gzhan la yang phan byed cing / /'di yis khrag ni skyed mi byed/ /gang tshe sdong bu tsher mar gyur/ /rtswa ni sna tshogs za gyur pa/ /de tshe mar ni blud bya zhing / /lan tshwa yi ni chang bu sbyin//sman pa mchog gis de bzhin du/ /ston gyi zla ba gnyis pa la/ /rta rnams nad ni med bya'i phyir/ /slar yang mar ni blud par bya/ /rta la mar ni blud gyur na/ /khong pa'i 'bu ni ring po dang / /rdo dang g.yan pa la sogs pa'i/ /nad ni nam yang 'byung mi 'gyur/ /dpyid kyi dus la bab pa na//tsha dang kha ba byin par bya/ /des ni nad med g.yen pa sel/ /tshe 'phel mdog bzang snyoms 'phel zhing / /mar blud pas ni bkra shis shing / /de bzhin lus ni bde bar byed/ /'des ni blo gros gsal byed cing / /bcud len du yang 'gyur pa yin/ / btsas pa rnams dang de bzhin du/ /srog chags rgan po rnams la'ang phan/ /gcong can la yang 'di phan zhing / /gzhan yang rlung mkhris las gyur dang / /khrag las gyur ba'i nad rnams dang / /rta gang lus zungs zad pa dang / /gzhon dang de bzhin rgas pa dang / /gang yang lud pa dbugs mi bde//dug 'thungs dug mdangs phog pa dang / /de bzhin rig pa'i dug rnams la/ /mar ni gsar pa'am rnying pa'ang rung / /'di la phan par the tshom med/ /gseb la khu ba 'phel bya'i phyir/ /mar ni legs par blud par bya/ /de las skyes pa'i rte'u ni//snying stobs che zhing lus mkhrar 'gyur/ /dbyar gyi zla ba dang po la/ /rtswa yis rta ni shin tu 'khru/ /de tshe rta sbangs slas gyur ba/ /btung bar mar ni blud par bya/ /snga dro zas ni zhu ba dang / /byin pa de ni mchog tu bsngags/ /sman pa mkhas pas me drod dang //goms pa la sogs legs brtags la/ /ci rigs pa yi sbyor ba yis/ /mar gyi tshad ni bskyed par bya/ /yung ba'i phye dang sbyar ba yang / /de bzhin sa rdzi ka sbyar ba'i/ /mar ni rta la blud pa'i tshe/ /bca' ba dang ni bza' ba dang / /lan tshwa sbyin par mi bya yi//rtswa ni 'ba' zhig sbyin par bya/ /chu yang tsha zhing dro ba dag /de las blud dang bsrung pa dang / /mar ni 'thungs par gyur pa la/ /nyer spyod thams cad dron po bya/ /zhag gsum mam ni zhag lnga'am/ /yang na zhag ni bdun nyid dam/ /zhag dgu yi ni bar dag tu//ji srid 'khrus kyi bar du sbyin/ /tshad chung bar ni byin gyur pa'i/ /mar gyis 'khru bar byed mi nus/ /de bas ci srid legs par ni/ /'khrus kyi bar du sbyin par bya/ /cho ga 'di 'dras brten gyur kyang / /'on kyang 'khrus par ma gyur na/ /'di ni legs par 'khrus gyur pa//de yi bar du sbyin par bya/ /rta ni mchog tu gyur pa la/ /mar srang sum cu rtsa gnyis sbyin/ /zas kyi nang du de yi phyed/ /sna sman la ni srang bzhi btang / /'di las bzhi cha phri ba ni/ /bar ma'i tshad du shes par bya/ /snga ma de yi phyed gang yin/ / chung ba la ni sbyin par bya/ /gal te des kyang mi 'khrun/ /sardzi ka ra dang sbyar sbyin/ /gal te rta sbangs snum gyur zhing / /stobs dang bza' stobs chung gyur ba/ /de tshe mar nad ma chung bar/ /de ni legs par gso bar bya/ /nas thug chang dang lan tshwa bcas/ / zhag gsum bar du blud par bya/ /de nas rim gyis me drod kyi/ /stobs ni legs par bskyed par bya/ /btung ba de ni ci rigs par/ /sbyin zhing chu ni nyung du blud/ /de nas 'di la 'jam rtsi ni/ /btang ba'i tshul gyis lus brtas bya/ /de la mngar ba'i kha zas ni/ / dgongs ka'i dus su sbyin par bya/ /khyim bya'am ni rma bya'am/ /phag gam ra'am ma he'am/ /sreg pa 'ol bya bar ta ka /ka pen tsa la dang bcas pa/ /shin tu tsho min sbegs pa min/ /rgas pa med pa'i sha sbyin bya/ /de yi khu bas lus rgyas shing / /stobs dang spro ba rtsol ba che//dga' zhing sran mi che ba yi/ /las rnams thams cad nus par 'gyur/ /cho ga 'di yis rta la ni/ /mar ni mang po blud gyur na/ /mdog mdangs stobs dang ldan gyur cing / /nad med par ni 'tsho bar 'gyur/ /til mar legs par byin gyur pa//yon tan 'di dang 'dra ba yin/ /rta yis til mar 'thung 'gyur na/ /nad med stobs dang ldan par 'gyur/ /dbyar ni lan tshwa dang sbyar sbyin/ /dbyar mtha' 'o ma dang lhan cig /dgun che skyur ba dang sbyar ba/ /dgun smad 'bras bu gsum dang bcas/ /dpyid ni chang dang ldan bya zhing //sos ka chu dang ldan pa sbyin/ /til mar blud par gyur pa'i rta/ /chu grang nang du sbed par bya/ /cho ga 'di yis snum dag ni/ /legs par blud par byung pa'i rta/ /las la bkol yang mi gnod cing / /nad med par yang 'gyur pa yin/ /til mar zhu bar gyur rjes la//chu grang blud na bsngags pa yin/ /sha li ho tra grub pa'i gnas bdun pa las mar blud pa'i cho ga'i le'u'o// //rta yi bstan bcos la mkhas pa/ /gzi brjid rnam par 'bar gyur pas/ /nye bar 'dug par gyur pa la/ /legs thos kyis ni yang dris pa//rgyu dang mi rgyu'i 'gro ba rnams/ /dro dang bsel ba'i rang bzhin can/ /gso ba'ang de yi bdag can du/ /legs ldan khyed kyis thams cad gsungs/ /khrag dang mkhris pas nyen rnams kyi/ /nad kyi gso ba lan mang bshad/ /de la bsil ba'i gso ba yi/ / rnam pa du ma'ang khyed kyis gsungs/ /rlung dang bad kan dag gi nad/ /lci zhing gnod pa ma gyur la/ /gso dka' bar ni snang gyur na/ /de yi gso ba ci 'dra lags/ /dus kyi rnam pa bu zhig mchis/ /dros pa'i mtshan nyid ci lta bu/ /tshad ni che dang chung gyur dugs/ /mtshan nyid khyed ni ci ltar bzhed//dugs mi bya ba'i nad gang lags/ /dugs kyi yon tan gang zhig lags/ /tsha zhing rdul gyur gso ba dag /yang dag gco bos bdag la gsungs/ /de nas lags ldan de yis ni/ /ci skad smras pa dris gyur pa/ /dugs kyi cho ga rnam pa brgyad/ / rim bzhin khyed kyis mnyan par gyis/ /snum gyi dugs dang la gas u0f7cma/ /bye ma dang ni 'dren ma dang / /rtug pa gsum dang go bra dang / /lcags leb dang ni rja ma'i dugs/ /gci ba'i dugs kyis btsos pa'i snum/ /'o ma de bzhin sha khu ni/ /sha za ba dang rlan can sha/ / sman spod legs par btab gyur pa/ /khron ba'i rdzing bu gzhong pa na/ /legs par bsros pa blugs par bya/ /snum gyi dugs su bya ba ni/ /sna tshogs sman dang sbyar bya ste/ /shi kru dang ni tad ka ri/ /ba sra ra hi e ra na dang / /ba spu'i 'u shing sa rdza ka /ku ba re k+She dur byid dang / / gzhan yang tshul 'di de 'dra ba/ /de rnams la la so sor ni/ /chu ni mang po dang bskol la/ /bri ba ran pa blugs par bya/ /'di ni gso ma'i dugs yin zhing / /shi ku ka yi me tog dang / /glang po rta dang rnga mo yi/ rtug pa dang ni 'o ma zho/ /gso ma'i lo ma gcig tu bsdus/ / 'drin ma'i dugs zhes bya ba yin/ /gso dang skyur rtsab nang du sbangs/ /kun nas legs par btsir nas kyang / /de la ar ka'i lo ma'am/ /e raN+Da yi lo ma lding / /slanga'am sa slong la brngos pa'i/ /bye ma tshan de der bsre bya/ /de nas de yi thon por bya/ /lag pa gnyis ni mnyes nas kyang //yang dang yang du dugs bya ba/ /thum po'i dugs su de bshad de/ /ba glang bong bu ra'i rtug pa/ /'o ma dang ni bsres ba bskol/ /gos kyi nang bcug rab tsha min/ /rtug pa gsum gyi dugs zhes bya/ /la phug chom chom brdzungs nas ni/ / 'o ma'i nang du bcug nas bskol/ /'o ma dag kyang der bcug ste/ /de btags nas ni gong bur bya/ /gyo mo me mdag 'dra der gzhag /gyo mo'i dugs de ci rigs pa/ /khre dang 'bras dang gro rnams ni/ /phye mar btags la 'o mar sbyar/ /la phug e raN+Da'i 'bras bu/ / ga gon gso ma'i sa bon dang / /phabs dang ma sha tol rnams dang / /yungs kar rnams ni phyir btags la/ /phye ma de ni 'o ma dang / /chang bsres lan tshwa bro byas la/ /de yis mang du bsgos pa yi/ /ras ma yis kyang rab dkris la/ /de ni lcags leb rab tsha ba/ /kun du nye bar sbyar bar bya//'di ni lcags leb dugs yin te/ /rlung gi nad ni 'joms byed yin/ /lcags leb la ni ji ltar byas/ /bum pa yis kyang de bzhin bya/ /bum pa'i dugs su bya ba 'di/ /brgyad pa bum pa'i dugs su bshad/ /'di ni so so'i bya ba drag /nga yis khyed la bstan pa yin/ /rdza bum chen por gso ma btsos/ /sbubs kyi dugs kyang byed du gzhug /'di ni rlangs pa'i dugs yin te/ /reg na bde bar byed pa yin/ /bum pa'am rdza ma dag tu ni/ /gso ma dang ni 'bras bu'i rigs/ /sna tshogs pa ni btsos pa yis//rlangs pa'i dugs ni so sor bya/ /dkri ba'i dugs zhes bya ba ni/ /gong bu'i dugs kyang yin par bshad/ /til dang ma sha zar ma phabs/ /nas dang gro dang ku la t+tha/ /la phug e raN+Da'i sa bon/ /de bzhin ga gon gso ma yi/ /sa bon yungs kar thang shing dang //sa la ra dang ru rta dang / /shu ti dang ni po son cha/ /ra sna rgya sngos chu srin sam/ /de bzhin rlung 'joms pa yi sman/ /phyi mar zhib tu btags par bya/ /snum ni bzhi po gzhug bya zhing / /sbrang rtsi zho dang 'o ma gzhug /de ltar snum rab ldan sbyar la/ / lan tshwa btab la btso bar bya/ /chos nas gong bur gyur pa ni/ /god bu'i dugs zhes bya bar bshad/ /rlung dang bad kan las gyur na/ /chil dang smin bur bcas gang yin/ /de la gong bu'i dugs bya yin/ /'di ni shin tu bsngags pa yin/ /sman ni phan tshun sbyar ba'am//de bzhin nyi ma me drod kyis/ /gang phyir rdul ni 'byin byed pas/ /de phyir dugs zhes bya bar bshad/ /'di yis lus ni mnyen byed cing / /'gags pa 'byin par byed pa yin/ /zhu ba'i phyir ni 'byin byed cing / /'thas pa zhu bar byed pa yin/ /skrangs ba zhi bar byed pa dang //rlung ni bde bar rgyu bar byed/ /nad ni tshar gcod par byed cing / /de bzhin gso ma'i grogs kyang byed/ /smin par bya ba'i nang na ni/ /nad 'jig byed pa'i mchog yin no/ /dper na shing la snum bskus shing / /dkri zhing bltos na dbug pa sla //de bzhin dus tshigs thams cad du/ /legs par sbyar na lus bde byed/ /'jam dang drag po'i sbyor ba ni/ /legs par bskus la dugs bya yi/ /rtsub por nam yang dugs mi bya/ /dper na shing ni rlan med par/ /bsros na 'jig par 'gyur pa yin//de bzhin lus ni snum med par/ /dugs byas na ni 'jig par 'gyur/ /nad gang snum dang dugs rnams kyis/ /lus la zags par byas gyur pa/ /de ni sbyangs pas bsal bar bya/ /rna ba rgyu ma dku dang ni/ /rlig pa mtshan gyi bar dag kun//gang tshe rdul bar gyur pa dang / /kha ni yongs su bskam gyur pa/ /lus lhod nyams ni mi bsod pa/ /de'i tshe dugs gyur yin zhes bya/ /mnyen zhing yang ba nyid dang ni/ /de bzhin zugs gzer zhi ba dang / /nad ni rnam par bsal gyur ba/ /rta'i dugs legs pa'i mtshan nyid yin//gang gi spu ni 'byi 'gyur zhing / /khrag dang 'dra ba'i gcin 'byung ngan/ /skom dad dang ni rmongs bag skyed/ /nyal ba la ni mngon par dga'/ /'dar bas nyan par gyur pa ni/ /dugs drags pa ni yin par bshad/ /dugs ni chung bar gyur pa yis/ / nad ni zhi bar byed gyur te/ /nad ni skyed par gyur na yang / /gnas de las ni phyin ma byas/ /de bas 'di la nad shugs ni/ /shin tu drag po skyed par byed/ /'di las mnyen pa mi 'byung gi /slar zhing rengs pa skyed par byed/ /dugs drags pa la lan brgyar ni/ /gcin pa'am mar gyi bsku bar bya//'o ma can shing khu ba dang / /'o ma zho dang zho ga chu/ /til dang de bzhin gzhan gyi chus/ /legs par bskus la blugs par bya/ /dugs chung ba la slar yang ni/ /cho ga bzhin du dugs bya'o/ /dugs drags chung bar gyur pa'am/ /tshad las lhag par sbyar gyur na//nad gzhan dag kyang skyed byed cing / /'di yis lus la gnod par byed/ /khong tsha skrangs par gyur pa dang / /lus kyang tshig par 'gyur ba yin/ /shin tu tshig pa'am chos min pas/ /las ni nam yang 'grub mi 'gyur/ /tshad par 'khru dang rims kyis thebs//pags nad can dang lus zungs zad/ /dmu rdzing dbugs bdo gcin nad dang / /khrag dang mkhris pa'i nad yod dang / /gseb ni mang pos dub pa dang / /sbrum ma dang ni btsas ma thag /zla drug lon par ma gyur dang / /gnod pa can dang snad pa dang //de bzhin glo bur ba yi nad/ /gang yang sbrul gyis zin pa dang / /dug mdangs phog par gyur pa dang / /gyen du rlugs bzlog skyugs pa dang / /lud pa can dang khong pa na/ /'bu yod pa la dugs mi bya/ /'di dag la ni dugs byas na/ /'chi'am rims kyis 'debs par 'gyur//shin tu grang min drod min pa'i/ /dus su rta la dugs bya bsngags/ /gnas skabs gzhan du gyur pa dang / /sos ka ston tshe bya dgos na/ /tshad dang dus ni legs brtags la/ /ci nas gnod par mi 'gyur bya/ /sha li ho tra'i grub pa'i gnas bdun pa las dugs kyi cho ga'i le'u'o// //dur byid ga n+da bi ra di/ /pi lu ba r+Na pa la gnyis/ /gan da ra ba'i rtsa ba dang / /sa ha tsa ra'i rtsa ba dang / /a g+ni ma na bil ba dang / /gzi mdangs dang ni tin+tu ka /de 'dra'i sman gyi rtsa ba rnams/ /bsdus te chu bre bzhin du bskol//legs par chos par gyur pa na/ /sman pas slar ni dbog par bya/ /de btsags sman khu dang mnyam pa'i/ /til mar 'o ma gnyis 'gyur gzhug /de ni thang shing ta ru pa/ /spang spos chu dag rdo dreg dang / /tsan+dan spang spos ru rta dang / /ang shu ma ti a ka ru//ba la ra sna shing mngar dang / /pi pi ling dang rgyam tsha ni/ /sman ni re re srang phyed kyi/ /chang du mkhas pas gzhug par bya/ /der ni slar bskol sbyar ba yi/ /til mar 'di yi nus pa nyon/ /rta ni rlung gis nyen pa'am/ /glang po shin tu sbegs pa'am/ /'di yis dbang po brtas par 'gyur//bud med mo gsham gyur ba dag /'di la'ang de ni blud par bya/ /'di yis dre mo'ang bu chags na/ /mi yi bud med smos ci dgos/ /'di dag tshogs par gyur blud la/ /de rjes chad ni blud gyur na/ /rlung gi gzer gyis nyen pa dang / /mi bzang rna ba'i gzer dang ni//snying nad dang ni snying gnyer dang / /mngal 'jig nyam chung rnams sel yin/ /de bzhin sna dan kha nad dang / /gzhogs phyed kyi ni nad la'ang phan/ /don grub ces bya'i til mar ni/ /khyab 'jug gis ni bstan pa yin/ /sha li ho tra'i grub pa'i gnas bdun pa las don grub ces bya ba til mar gyi le'u'o// //rta yi de nyid la mkhas pas/ /bu dang slob ma la smras pa/ /nad gang la ni me btsa' dag /gong rims ji bzhin bya'o zhes/ /gso ba'i gnas su bstan pa ste/ /me btsa' btab pa'i thabs bshad bya/ / de la re zhig me btsa' la/ /dgos pa'i cha byad brjod bya ste/ /lcags leb dan de'i 'bras bu'i dbyibs/ /chur chag phyed dang gnyis kyi tshad/ /'dab ma'i chung ni sor brgyad la/ /zhib du sor ni bzhi bar bya/ /yu ba'i sbom ni mthe sor tshad/ /shin tu zlum zhing sra bar brdung //sreg par byed pa'i cha byad kyang / /lcags leb dang ni 'dra bar brdung / /de yi rtse mo zheng sor gnyis/ /byang chub shing lo 'dra bar bya/ /she ba li 'bras ltar gug pa'i/ /sor ni bco brgyad tshad du bya/ /lcags nag las ni rab zlum pa'i/ /rtse mo dgug pa'i bzhar spyad bya//'dzam bu'i tshi gu yu ba 'jam/ /sor ni bco brgyad tshad du bya/ /'jal da tsheg gu 'dra ba la/ /zlum zhing legs pa nyid du bya/ /thur ma sor ni bcu drug pa'o/ /mar me'i rtse ltar zlum pa ni/ /spu ba sreg pa yi cha spyad 'di/ /lcags las legs par brdung bar bya//lcags de me yi mdog 'dra bar/ /bsregs pa'i gnas cha shes byas la/ /'dzam bu'i tshi gu 'dra ba yi/ /dbyibs ni du mar bsreg par bya/ /tshigs kyi cha yi phyogs su ni/ /dbyibs gang bya ba ni nyin cig /cha bzung bar ni gnas pa las//dang por bri ba nyid du 'dod/ /pir ram yang na btsag gam ni/ /sa dkar gyis ni bri bar bya/ /de nas thur ma bsregs pa yis/ /gnas dang spu ni bsreg par bya/ /skreg par byed tshe tshigs las ni/ /gzhan du dbyibs 'di 'gyur srid la/ /de bas me btsa'i las la ni//dang por mtshan ma bri bar bya/ /shin tu drad dang tsha ba yi/ /dus su me yi las mi bya/ /grang ba'i tshe na rtsa rgyus ni/ /rengs shing 'thas par 'gyur ba yin/ /nad 'di 'thas par gyur pa dag /me yi las kyis sel mi nus/ /de nas grang bas nyen gyur rta'i//nad ni sel pas de mi bya/ /shin tu tsha tshe khong tsha dang / rmongs bag mgo 'khor dbugs rgod bskyed/ /sos ka dbyar gyi tshe na ni/ /srog ni nges par zad par byed/ /de bas snga dro'i tshe na ni/ /shin tu grang min tsha min pa'i/ /me las tshad tsam byas gyur pa/ /rta yi bde ba skyed pa yin//'dug pa ngal ni legs bcings la/ /phyogs gcig tu ni skyel bar bya/ /thag pa sra zhing sbom pa yis/ /lag pa gnyis ni bsdam par bya/ /phyi rkang gnyis kyang bcings nas ni/ /ma snad 'gyur ba med par bya/ /zhags pas nang nas bsdams te brdung / / 'dis ni g.yo ba med par 'gyur/ /a bcu dag kyang bcing bya zhing / /rna ba gnyis kyang legs par bsdam/ /bsdams te legs par bzhag nas ni/ /de rjes las ni brtsam par bya/ /gnas ni mnyam zhing rtsa dgram par/ /pags pa 'jam po bting bar ni/ /thag pa 'jam zhing sra ba la//sboms su mtheb sor dag gi tshad/ /dkyus su 'dom drug yod pa dang / /bcings pa'i don du bya ba yin/ /phrag so nas ni btab ma yin/ /ro stod legs par bsdams nas ni/ /nang nas bcug ste tshe'u tshe nas/ /ro smad du ni bsdam par bya/ /bzlog nas byin pa nas bkri bya//de ltar legs par bsdams nas ni/ /stobs dang ldan pas legs par mnan/ /rtsib ma phab ste legs bzhag la/ /de yi rnga ma nas gzung bya/ /de nas lags par dgab pa yis/ /mig gis mthong ba med par gzhag /lus ni shas cher mi btsir zhing //chu se dang ni mchan khung dang / /dku yi bar ni legs bsrungs la/ /de nas grub pa'i las kyang bya/ /snying ga kha dang rmang ka ru/ /chu ni yongs su blugs par bya/ /dbugs phyung snyan pa'i tshig smras pa/ /de rjes sreg pa'i las rnams bya/ /de nas gzhan yang bsreg bya yi//gnas dang dbyibs ni bshad par bya/ /mchu ltag gong du 'phred du ni/ /ri mo gsum ni bya ba yin/ /sna gdong dang ni 'khur tshos su'ang / /mnyam par byed du bya ba yin/ /mchu sgros dang ni mchu dag tu/ /ri mo zlum po dag kyang bya/ /'gram glang rtag tu thig le yi//ri mo cung zhig bya ba yin/ /'dzam bu'i tshi gus 'bral bar ni/ /bya rog rjes ni mnyam po bya/ /rna ba mig gi pha rol du/ /zlum po dag kyang bya ba yin/ /mur gong dang ni ut+pal 'dab/ /de bzhin bya rog rjes gnyis bya/ /sna rtsa ru ni snum gyis ni/ /sa tha li yi thig le bya//rtse'u chung gnyis su zlum po'i nang / /ri mo gsum dag bya ba yin/ /phrag so gnyis su sen dzi yi/ /'dab ma lta bur bri bar bya/ /dpung mgor dga' ba 'khyil ba dang / /shing ris lta bu bya ba yin/ /nam tshod du ni thig le ris/ /yang na zlum po bya ba yin//snying ga yi ni phyogs dag tu/ /nam yang bsreg par mi bya'o/ /pus gong dang ni dpung pa ru/ /chu srin so 'dra bya ba yin/ /yang na chu srin so'i 'og tu/ /ri mo ring bur bya ba yin/ /dpung pa gnyis kyi bar du ni/ /thig le lta bu'i ri mo bya/ /lag ngar chig rang phra mo ru//thig le'am yang na 'khor lo bya/ /byin pa tshe'u tshe dag la ni/ /thig le thor bur bya ba yin/ /dku gnyis su ni bya rog rjes/ /yang na ut+pal thig le bya/ /sgal tshigs dor ba'i rgyab tu ni/ /mnyam zhing chur ni 'gro ba yi/ /ri mo gsum dag bya ba ste//drug mdor yang ni gsum po bya/ /yang na drug mdo'i gnas su ni/ /bya rog rjes ni bya ba yin/ /yang na lag pa drang ba'am/ /mar me yi ni rtse 'dra bya/ /long bu bya rog rjes 'dra ba'am/ /ut+pa la yi thig le bya/ /lto bar ri mo brgyad pa'am/ /pad+ma yi ni dbyibs 'dra bya//snying ga dang ni spu ris dang / /lte bar yongs su spang bar bya/ /dpyi steng du ni g.yung drung rung / /dga' ba 'khyil pa'am pad+ma bya/ /yang na ri mo mdzes pa'am/ /zlum po nyid du bya ba yin/ /rnga rtsa dor la mjug tshos su/ /bya rog rjes sam ut+pal bya//tshigs kyi mtshams su legs brtags la/ /dga' ba 'khyil pa'am zlum po'am/ /lo ma bdun pa lta bu ni/ /kun du gnod pa med par bsreg /dpyi yi 'og gi cha ru ni/ /chur ni rengs pa'i ri mo bya/ /yang na zla ba lta bu'am//chu srin gyi ni so 'dra bya/ /brla yi phyi dang nang du ni/ /ri mo 'phred du bya ba yin/ /sre long tshigs su mkhas pa yis/ /n+ya gro d+ha yi 'dab 'dra bya/ /ro stod kyi ni cha bzhin du/ /ro smad du yang bya ba yin/ /de bzhin mkhas pas skrangs ba dang / /rmar gyur ba yi nad la yang //dga' ba 'khyil dang chu srin gyi/ /so 'dra ba ni bya ba yin/ /nad kyis nyen par gyur pa la/ /dbyibs ni de 'drar bsreg par bya/ /cha ru dbyibs 'di gsal mngon zhing / /legs par gnas pa dros nas ni/ /ri mo snyoms par gnas pa la//mkhas pas legs par bsreg par bya/ /ta la'i snying po dang 'dra ba'am/ /bil ba'i snying po 'drar gyur pa'am/ /legs par bsreg par gyur ba ste/ /mdog gzhan smad par gyur ba yin/ /bsregs drags na ni sha 'drul zhing / /shin tu gting ring rma 'tsho dka'//sdug bsngal dag kyang skye 'gyur zhing / /yan lag sdud mi shes par 'gyur/ /bsregs chung bas ni 'di yi nad/ /legs par bsal bar mi nus shing / /rma yang myur du mi 'tsho la/ /las su mi rung nyid du 'gyur/ /rta ni legs par bsregs pa'i rma//sha ni chu bur 'dras khyab cing / /cung zad 'dzag pa 'dra ba dang / /nad kyang rab tu zhi bar byed/ /skrangs ba rnams ni zhi 'gyur zhing / /skam po slar ni skyed par byed/ /rma ni sbyor bar byed pa dang / /'tshob cing rnag ni zad par byed/ / gzer ni sel bar 'gyur ba dang / /rlung ni bde bar rgyu bar byed/ /rmed bu skye bar mi byed cing / /rma yang mched par mi 'gyur ro/ /gyong po rnams ni mnyen 'gyur zhing / /lhod pa rnams ni sra bar byed/ /khrag ni rmig tu 'byung 'gyur ba/ /me btsa' nyid kyis zhi bar byed//rmig mthil tshad dang dugs la ni/ /me nyid kho na bde skyid yin/ /de la sogs dang gzhan pa yi/ /yon tan mes bsregs leg las byung / /kha zas dang ni btung ba dang / /sna sman dang ni 'jam rtsi dang / /sman chu blugs dang bsku ba dang / /dugs yang yongs su mnye ba dang //dkri ba'i tshul ni sna tshogs sam/ /yang dag gtar gi'i las rnams kyis/ /nad gcod bde bar mi snang zhing / /nad ni shin tu 'phel gyur na/ /bdag po la ni dris nad kyang / /me yi las ni brtsam par bya/ /me yi las byas 'og tu ni/ /gang dag bya ba de bshad bya//tshig drags gyur la yang dang yang / /mar gyis legs par bsku bar bya/ /til dang 'o ma'i lde gu'am/ /mar gsar gyis kyang bsku bar bya/ /gzhan yang gang dag bsil gyur pa/ /'dab ma nyes par sbyar bar bya/ /ma tshig rma ni red 'gyur la/ / snum ni dron po gtang bar bya/ /de bzhin sman chu dro ba dang / /bsku ba dag kyang dron po bya/ /dus kyis las dang de bzhin du/ /dril phyis dag kyang bya ba yin/ /de yis nad zhir ma gyur na/ /slar yang de la bsreg par bya/ /bsregs nas yang dang yang du ni/ /de la mar ni blugs par bya//de nas nyin zhag gsum na ni/ /brtags la 'drul bar gyur na ni/ /chu ni dro 'jam dag gis ni/ /blugs shing legs par bkru bar bya/ /mar dang sbyar ba'i til gyi ni/ /lde gu yis kyang bsku bar bya/ /me yis gdungs par gyur pa la/ /rgyam tsha dang sbyor lde gu bsku//de yi 'og tu mar dang ni/ /spag rnams sbyar ba bsku bar bya/ /de ltar bsil bcos kyis bcos na/ //me yis nad ni sel bar 'gyur/ /legs ldan sha li ho tra yis/ /de skad rjes bstan smras pa yin/ /sha li ho tra'i grub pa'i gnas bdun pa las me btsa'i las kyi cho ga'i le'u'o// //ga ga ne sha da'i rgyal po/ /mdza' bo bzang dang ka ri tas/ /mas gtong sbu gu'i cho ga rnams/ /sha li ho tra la dris pa/ /mas gtong sbu gu sman dang ni/ /bda' ba yi ni tshod dag dang / /smad du zhugs pa'i nad rnams ni/ /gso ba dang bcas rgyas pa dag /rta la ci ltar bgyi ba ni/ /legs ldan khyed las shes par 'tshal/ /de rnams de skad smras pa dang / /sha li ho tras slar smras pa/ /rta ni snum zhing sgo lnga nas/ /yongs su rtas par byed pa yin/ /mar dang til mar zhag dang rkang //kha dang sna dang mtshan mjug ma/ /pags pa las ni zhugs pa yis/ /thabs ni bde bas de rtas byed/ /stobs bskyed ro tsa 'tsho byed rnams/ /sbyar ba'am yang na ma sbyar ba'am/ /sbyor ba legs par gtang ba'i snum/ /rta ni 'tsho bar byed pa yin/ /bza' dang rjes su btung ba dang //kha bkang kha yi snum yin no/ /de bas 'jam rtsir btang gyur pa'i/ /snum gyis khong snum stobs skyed cing / /rtas byed mgyogs dang ro tsa dang / /de bzhin mdog ni bzang bar byed/ /'jam rtsi rta yi gso byed kyi/ /mchog yin par yang bshad pa yin//'jam rtsi sbu gu'i tshad dang rdzas/ /ngas bshad pa las mnyan par gyis/ /lcags dang shing dang ri dgas dang / /bya rnams kyi ni chu sbubs dang / /sha mi seng ldeng shri mi sha/ /shing sha pa dang tin tu ki/ /da ba 'o ma can tsan+dan/ /shing ni 'di brgyad bsngags pa yin//ngang pa bya rgod ku dra ba/ /rma bya sa ri bla ba dang / /dud pa ba la mda' gu ste/ /bya yi mchog ni de brgyad yin/ /bong bu ma he rnga mo dang / /de bzhin glang dang ba min dang / /g.yag dang ru ru glang po che/ /lgang pa mchog tu 'dod pa yin/ /gser dang de bzhin dngul dang ni//khar ba ra gan zha nye dang / /ro nye zangs dang lcags rnams ni/ /lcags kyi rigs ni brgyad du bshad/ /ba dang ra lug ma he yi/ /lgang pa sbu gu dang nyer bshad/ /shing rnams las ni tsan+dan mchog /phyugs kyi nang na glang po mchog /pa ri bla ba bya yi mchog / lcags rnams mchog ni gser yin no/ /tshan ldan grang ldan tshe la phan/ /bkra shis bsil sman rnams kyi mchog /pa ri bla ba'i 'dzer pa dang / /bsil ba mchog tu bshad pa yin/ /gso ba la bcas sbu gu ni/ /lci zhing 'jam la sra ba yin/ /de ni rta yi nad sel yin/phan pa dam pa yin par bshad/ /gser las byas pa'i sbu gu ni/ /'jam zhing myur du chud pa dang / /myur du 'byin par byed pa dang / /lci bas rta la phan zhing bzang / /de ni gas med 'gyur ba med/ /zlum zhing shin tu bde bar bya/ /de dag rnyed pe mi gyur na//'od ma lcang ma dag las bya/ /'jam zhing 'bu yis ma zos la/ /gzhug pa la gnod mi skyed bya/ /'od ma'i nang nas nag po ni/ /sbu gu'i rgyu ni bzang bar bshad/ /sha mi shin tu gzhon min pa/ /bde bar 'gro bar byed pa yin/ /sa dang ga yi lgang pa ni//lgang pa rnams kyi dam pa yin/ /sbu gu sor ni bcu gnyis pa/ /'jam zhing gag pa dang bcas pa/ /zheng du sor drug gis 'khyud pa/ /rtse mo rim gyi phra ba bya/ /rtse mo sna ma'i me tog ni/ /kha 'bus 'dra zhing bu ga chung / /mthe'u chung gi rtse mo'i tshad//'di yi tshad ni yin par bshad/ sman pa las rnams grub 'dod pas/ /de lta bu yi sbu gu yis/ /cho ga bzhin du zos 'thungs la/ /'jam rtsi'i las ni sbyar bar bya/ /lag pa g.yon pa'i mdzub mo yis/ /bkag pa yis ni bcug nas kyang //chud nas rtse mo bkag pa yis/ /rtse mo yongs su gtang bar bya/ /de nas lags pa g.yas pas ni/ /lgang pa brtsir bas snum par bya/ /kha nas snum dang tshad gang yin/ /mas gtong pa la gnyis 'gyur bya/ /srang ni drug cu rtsa bzhi'am/ / bcu bzhi brgyad dang sum cu gnyis/ /bcu drug dang ni de yi phyed/ /de ltar rom par gzhag pa ni/ /mchog dang bar ma tha ma la/ /mas gtong par ni yin par bshad/ /'jam rtsi sbu gur spud pa ni/ /tshad de rnam pa bzhi yin te/ /sor bzhi sor gsum sor gnyis dang //sor gcig pa ni yin shes bya/ /zla drug lon ba'i rta'u la/ /sor gcig nang du gtang bar bya/ /snum ni srang bzhi yin par bshad/ /snum tshad de ni go log bya/ /lo gcig lon la sor gnyis te/ /'jam rtsir snum ni srang brgyad gtang / / lo gnyis lon la sbu gu'i rtser/ /sor gsum nang du gtong bar bya/ /de yi 'jam rtsir gtong ba'i snum/ /srang ni bcu drug gtang bar bya/ /lo lnga yan chad snum tshod ni/ /gong du ci skad bstan pa bya/ /sbu gu nang du gzhug pa'i tshe/ /thams cad la yang sor bzhi yin//rtsa ba lnga la nyi rgya tsha/ /yungs kar bcas pa bskol ba'am/ /me dang lan tshwa dang bcas pa/ /dbyar gyi tshe na mas gtong bya/ /pi pi ling dang bca' lga dang / /'bru skyur dang ni yungs kar dag /lan tshwa bro zhing snum dang bcos/ / dgun gyi dus kyi mas gtong yin/ /til nag dang ni shing nag dang / /thang shing dang ni sa ra la/ /ka ra pI ra ut+pal/ /shug pa tsan+dan pu shel tse/ /sha ra ba yi lde gur bcas/ /'o ma dang sbyar so gar bsngags/ /nad dang bcas pa'i rta rnams ni/ /ci skad bshad pa'i brda la bya//mgo ni thur du g.yangs gyur na/ /lgang pa med pa btsir drags na/ /zhu ba'i gnas la 'das pa ni/ /snum ni gyen du 'gro bar 'gyur/ /de las 'di ni rmig bag dang / /sems myos khong tsha skye bar 'gyur/ /snum ni zlog par mi byed ba'am//yang na dus ring zhig na 'byung / /des na mgo bo rgyab nas ni/ /lag pas cung zad brdag par bya/ /bsku zhing mnye bar byas nas ni/ /'jam por gyur nas gtong bar bya/ /dub par gyur pa'am skom gyis gdungs/ /ltogs dang shin tu nyam chung ba'i/ / mas stong byar mi rung ba yin/ /gal te rmongs pas btang gyur na/ /de yi bde ba sgrub 'dod kyang / /sdug bsngal nyid ni skyed par byed/ /'jam rtsi dbyar ni mi gtong la/ /gal te blo chung bas gtong na/ /snum ni myur du ldog 'gyur zhing / /de yi phan pa byed mi 'gyur//de ltar nyes par gyur ba la/ /gcin rtug bsil ba'i sbyor ba bya/ /de rjes 'jam rtsi legs btang la/ /de yi don ni sgrub par byed/ /du ba la sogs pa ra mas gtong bya/ /smar ni byung rud ma byung rung / /de yis phan pa mi byed de/ /nad ni skyed par byed pa yin//smyo dang lus pa dbugs mi bde/ /lkog nad dang ni gnya' rengs dang / /'khru ba dang ni rlung 'khyil dang / /de bzhin snying nad bzhi po dang / /mjug do rgyab rengs lto spos pa'i/ /nad rnams de las 'byung bar gyur/ /mas gtong pas gyur nad 'di rnams/ /so sor 'byung bar gyur pa la//gso ba la ni ji skad bstan/ /cho ga byas pas bsal bar bya/ /legs par 'dug par 'gyur ba la/ /rnga ma g.yas su gzung bya la/ /lag pa g.yon pas bcug nas ni/ /g.yas pa yis ni btsir bar bya/ /rengs na shin tu dal min par/ / rgyun gyis rjes su 'bab par gtang / /lan gcig gtang bar bya ba'am/ /yang na dus ni gnyis su gtang / /dus gsum du ni mi gtong zhing / /bag med par ni mi btsir so/ /rgyab ni bsku ste btang gyur na/ /le las snum ni snyoms par 'gro/ /bde bas nad rnams gsos nas ni//slar yang bzlog par 'gyur ba ni/ /rlung ni mang du 'byin byed cing / /nad ni slar yang 'jug par byed/ /'jam rtsi btang bar gyur pa la/ /rgyab mnye sen mos 'phrug par bya/ /til mar 'jam rtsi btang gyur na/ /sa zhag gis ni bsku bar 'dod/ /til mar dro zhing tsha bas na//rta yi mkhris pa skyed par byed/ /de bas rked pa'i logs gnyis su/ /sa zhag gis ni bsku ba bsngags/ /'jam rtsi gtong bar byed pa na/ /gal te rlung ni zhugs gyur na/ /'jam rtsi dang ni 'dres pa yi/ /nad ni de ru gnas par gyur/ / de bas shin tu mi lhod cing / /drag tu btsir bar mi bya'o/ /'jam rtsi phyed tsam btab ba na/ /gal te rta ni dbugs stong na/ /sbu gu myur du dbyung bya zhing / /rlung dgag par ni mi bya'o/ /rlung de btang bar gyur pa na/ /rta ni mnyam du legs gzhag la/ /de nas snum gyi lhag ma yis//'jam rtsi gnyis pa gtang bar bya/ gang phyir rjes mthun btang bas ni/ /de phyir 'jam rtsi yin par bshad/ /'jam rtsi zung du ma gyur pas/ /btang na tshe dang stobs 'phel byed/ /mkhris pa can la lan gsum gtang / /bad kan can la lnga'am bdun//de bzhin rlung nad can la ni/ /dgu'am yang na bcu gcig gtang / /nad bu can la ci srid du/ /nad ni zhi gyur bar du gtang / /nad ni ma g.yos skyed byed cing / /bskyod pa rnams ni 'byin par byed/ /nad med gyur pa rnams la yang //zla ba phyed cing rtag tu gtang / /nad med pa la btang gyur na/ /stobs dang mdog ni mchog tu skyed/ /zla phyed tshigs su lhag par yang / /'jam rtsi btang bar gyur na ni/ /de yi yid ni bde 'gyur zhing / /stobs sogs yon tan 'phel bar 'gyur/ /de ni legs par 'jug bya'i phyir//rjes su btang ba blang bar bya/ /de yi pho ba'i drod skyed cing / /rlung ni bde bar rgyu bar byed/ /'jam rtsi btang bar gyur pa na/ /sman chu blud pa mchog tu bsngags/ /de nas 'jam rtsi gong ma yi/ /cho ga yang dag bshad par bya/ /sngar bshad pa yi rdzas las ni//sbu gu 'jam zhing phra ba bya/ /bdag med med cing kha sgo phra/ /dpangs su sor ni bcu drug pa/ /rtsa ba 'khor lo gnyis dang bcas/ /'jam zhing bcings par bde bar bya/ /'di ni tshad chen srang brgyad de/ /gzhan dag la ni de yi phyed/ / mtshan ni sbubs nas phyung nas kyang / /bu gu de ru gzhag par bya/ /de nas rta ni legs gzhag la/ /de nas sngar bshad tshul du ni/ /lgang ba legs par btsir bar bya/ /de 'dra'i mas gtong gong ma ni/ /gcin nad can la gtang bar bya/ /cho ga 'di 'dras rta la ni/ / gcin nad slar yang 'gyur mi 'gyur/ /lhag ma lus sam phyi'i 'og 'gyur/ /mas gtong pas ni gnod skyed de/ /de bas rta ni legs gzhag la/ /dang por legs par gzegs par bya/ /sman pa blo dang ldan pa yis/ /na tshod stobs dang dus tshigs dang / /rang bzhin goms pa kun brtags la//snum btang ci regs dugs bya'o/ /ba yi mar ram yang na ni/ /til mar shin tu dang ba bskol/ /rta yi gso ba thams cad la/ /ba yi mar ni mchog yin no/ /ston skyes til ni nag po la/ /lag pas bcing ba'i til mar yang / / 'jam rtsi dang ni bsku ba la/ /rta la phan par 'gyur ba bsngags/ /'jam rtsi gtong ba'i dus su na/ /kha nas gtang bar mi bya'o/ /rta ni skyon med shes byas la/ /lto bar na 'grangs legs gnas la/ /tshad ni legs par brtags nas ni/ /mar gyi 'jam rtsi gtang bar bya//phyi de nyid ni lto stong la/ /rta yi zas ni ran par sbyin/ /'grangs zin ba la brtag mi bya/ /ltogs la 'jam rtsi mi gtong ngo / /gal te rmongs pas btang gyur na/ /mas gtong de las gnod 'byung ste/ /de ni rno bas ma byin par/ /zas ni 'byin par byed pa yin/ / 'khru ba skyed par 'gyur ba dang / /de bzhin mi bzad sbo bar 'gyur/ /gang tshe lto stong gyur ba la/ /'jam rtsi btang bar gyur na ni/ /de yi khong pa stong pas na/ /rta sbangs dang ni ma 'dred par/ /slar yang don med 'byung 'gyur zhing / /nad kyang skyed par byed dang yin/ / de bas rta sbangs btang gyur cing / /lto ni zas dang bcas pa la/ /tsha dang kha dang dro ba yis/ /'jam rtsi chad tsam gtang bar bya/ /'jam rtsi rkub las btang gyur kyang / /cho ga legs na rim gyi ni/ /lus kyi steng 'og thad ka ru/ /rnam par khyab par byad ba yin/ / mdog dang kha dog skyes byed cing / /nad kyang sel bar byed pa yin/ /dbang po gsal zhing dga' ba dang / /lus zungs rnams kyang 'phel byed yin/ /me drod skye zhing brtan pa dang / /gcin rtug bde bar 'byung ba yin/ /mngal ni legs par byed pa dang / /lus kyang brtan par byed pa yin//'di ni 'jam rtsi btang gyur ba/ /legs par gyur pa'i mtshan nyid yin/ 'jam rtsi btang drags ma legs pas/ /'byin dang rtug pa 'gags 'gyur zhing / /de bzhin gcin nad 'byung ba dang / /rlung 'khyil lto ni sbo ba dang / /tshon gyi nad rnams 'byung 'gyur la//snum rags gyur pa'i rgyu las ni/ /de bzhin me drod mi mnyam dang / /dal skyen rmongs bag rnams kyang 'byung / /de bas 'jam rtsi'i las rnams ni/ /shin tu legs par bya ba yin/ /de bas drags par ma gyur pa'i/ /snum gyi 'jam rtsi gtang bar bya//'jam rtsi btang bar gyur pa'i rta/ /bkol ba la sogs spang par bya/ /'jam rtsi gtong ba'i dus su ni/ /sman pa sam g.yengs nyid du brtag /'jam rtsi btang ba'i rjes la ni/ /pho ba'i me drod skyed pa'i phyir/ /lan tshwa bca' sga shing kun dang / / na le sham sbyar chang blud bya/ /rjes su btung ba 'di nyid ni/ /nang par za ma zos tshe byin/ /dus ni ci srid byin gyur pa/ /de srid bar du khong rtsub bya/ /khong rtsub gyur par shes nas ni/ /de la bcos pa'i thabs kyang bya/ /de yi nyin zhag gnyis pa la/ /snga dro kha zas byin pa phan//phyi dro khrus byas rjes pa ni/ /sha khu dang sbyar kha zas ni/ /snum dang lan tshwa bro ba sbyin/ /de stobs tshe ni 'phel bar 'gyur/ /de nas zas skom 'o mar bcas/ /sbyin zhing chang blud pas brda bya/ /rta ni legs par brtas gyur nas/ /las rnams kun la legs par sbyar//tsher ma chen po las skyes dang / /lcug ma las skyes rtsa pa skyes/ /lnga pa rtsa las byung ba ste/ /rtsa ba lnga ba rnams lnga yin/ /lnga pa'i 'og ma drug pa dang / /de bzhin bdun pa 'khru spyod byed/ /bil ba a g+ni man tha dang / /so na ka dang ka ma ri/ /sa ha ma ste 'di dag ni//rtsa ba lnga pa chen por bshad/ /br-i ha ti gnyis a ran dang / /a dU ma ti ba su ga /rtsa ba lnga pa chung ngu ru/ /gnyis pa 'di ni shes par bya/ /br-i k+Sha dang ni sre tres dang / /mi da ri dang sha ri ba/ /a dza shri d+ga lcug ma las/ /skyes pa lcug ma yin zhes bya/ / bya bra na ga shre ya dang / /ka ra ma ti tri ka nar/ /'di ni rtsa ba las byung ba'i/ /rtsa ba lnga par bzhi par bshad/ /ku sha 'jag ma 'dam bu dang / /kun dza mU la dang ba ni/ /'di ni rtsa las byung ba yi/ /rtsa ba lnga pa lnga pa yin/ /ko sha pha la ba ru na/ /shi kru bi ra rta ru dang / /rta ru zhes bya lnga pa ni//lnga pa'i phyi ma drug pa yin/ /sri brtag par ni ba la gnyis/ /de bzhin pu ba rna ba gnyis/ /'di ni gcod byed lnga pa ste/ /bdun pa yin par rab tu bshad/ /dur byid tsan+dan ci tra ka /sa ra de bzhin shing mngar dang / /ku sha na sa sha ma dang / /be dza yan ti tra ban ti//dong ka nim po 'u ti ka/ /de bzhin ga pur sle tres dang / /de bzhin sap+ta pa r+Ni dang / /ma hA ni ma pa'i 'bras bu dang / /nas dang rgya shug ku lad dang / /'di ni 'jam rtsi'i sman sde tshen/ /'di dag thams cad bsdus nas ni/ /chu bre bzhi nang me chung la/ / legs par btsos pa'i srang brgya ni/ /rta ni mchog gyur pa la gtang / /bar ma rnams dang chung ngu la/ /bzhi bcas phri ba gtang bar bya/ /sman khu de ni blangs nas kyang / /bzhi cha lus kyi bar du bskol/ /yungs kar sha ra puSh+pa dang / /pi pi ling dang bca' lga dang //na le sham dang byi dang ga /sa ra la dang thang shing dang / /sug smel ru rta ha re Nu/ /bya bra na kha sha ma dang / /ha ti pi pi ling rtsa ba/ /de bzhin yungs kar ser po dang / /pu tse shel dang bong ba dang / /de bzhin du ni ga ru rnams/ /chang dang til mar gcig dang ni/ / de bzhin lan tshwa rnams dang ni/ /po son cha dang gzhan yang ni/ /'bras bu gsum yang gzhug par bya/ /de ni gcig tu bsags nas kyang / /mkhas pa yis ni gnas skabs su/ /rta ni ltogs par gyur pa la/ /ni ru ha ni gtang bar bya/ /lgang pa tsha dang kha ra pa'i/ / khu ba la ni sbangs te gtang / /rta yi nad dang tshe dang ni/ /goms dang stobs dang dus tshod rnams/ /legs par brtags la bzhag nas kyang / /sman gyi sbyor ba legs par gtang / /lo gsum lon pa ni ru ha/ /srang lnga yongs su gtang bar bya/ /rte'u dang rgan dang gzhon nu la//bzhi char dbye bas sbyang par bya/ /mchog la sman khu bre do ste/ /bar ma la de bzhi cha bri/ /chung ngu la ni de yi phyed/ /'di ni tshad kyi nges pa yin/ /dang por reg na bde ba dang / /de bzhin rno bro tsha bro gtang / /nad kyi tshul ni brtags nas kyang / / gong nas gong du skyed par bya/ /de nas nad ni ma gdungs dang / /gnas gsum dag kyang rjes brtags la/ /nad kyi tshul las ci rigs par/ /sman gyi sbyor ba byas pa yin/ /ni ru ha yi rjes thogs la/ /'o ma'i 'jam rtsi bde skyid yin/ /kha ra sbrang rtsi mar dang ni//shing mngar dang ni ma du ka /shug pa btsong dang pu shel ce/ /tsan+dan pad+ma ge sar dang / /gtang pal dang ni rgun 'bru dang / /sha 'gag ba dang ril rnams dang / /'o ma drang dang sbyar ba yi/ /'o ma'i 'jam rtsi bsil mo gtang / /'di yis khong par bde 'gyur zhing //lus yang yi ga 'byed pa dang / /gcin rtug 'phyen ni 'gags 'gyur ba/ /legs par sel bar byed pa yin/ /sems gsal ba dang 'gres gyur pa/ /ni ru ha legs mtshan nyid yin/ /sems bde snying stobs che ba dang / /rta yi gzi mdangs 'phel bar 'gyur//lus la gnas pa'i rlung lnga yang / /rjes su mthun par rgyu bar byed/ /rlung gi nad ni 'khyil ba dang / /de bzhin rtug skam nad rnams dang / /gzhan yang de 'dra ba yi nad/ /mas gtong drag pos sel bar byed/ /pags nad sel cing dbang po gsal//de bzhin rim gyis sel byed de/ /nam mkha' dngas pa'i zla ba ltar/ /rta de skyon med par snang yin/ /ni ru ha nyes mtshan nyid ni/ /nad ni brtan pas gnas pa dang / /lus lci zhum par gyur pa dang / /'phyen dang rta sbangs 'gags pa dang //tshabs che rlon par 'gyur ba dang / /gcin 'gags spos par 'gyur pa yin/ /ni ru ha ni drags gyur na/ /rta yi rtug pa zad 'gyur zhing / /khong pa gzer gyis khyab pa dang / /lus kun na bar byed pa yin/ /dri ma shin tu bsal drags pas/ /rlung ni rab tu 'khrugs par byed//de las sbeg dang mdog ngan dang / /dbang po shin tu zhum 'gyur pa'i/ /rmongs zhing 'khrul pa nyid dang ni/ /lus rengs par yang 'gyur ba yin/ /dkar ba'i mchu ni 'ba' zhig pa'i/ /bdag ni 'khru bar 'gyur ba yin/ /'di yi nad bzhir 'gyur ba yang //yid bde bar ni mi 'gyur ro/ /chu 'thungs pa'am khrus byas pa'i/ /de bzhin 'grangs par gyur pa dang / /rlung ni gyen du zlog pa dang / /shin tu 'khru bar byed pa dang / /rta gang 'jigs pas nyen pa dang / /gcong chen nad kyi btab pa dang / /khur gyi shin tu dub pa dang //rte'u dang de bzhin gseb dang ni/ /khyab par du ni sbrum ma dang / /dugs gis nyen dang chang 'thungs dang / /dub cing 'khrul par 'gyur ba dang / /lud pa dbugs mi 'des nyen dang / /khrag dang mkhris pas nyen pa dang / /ston dang sos ka'i tshe na ni/ /mas gtong bas ni gtang mi bya//'di yis phan pa mi skyed kyi/ /gnod pa mi bzad skyed par byed/ /de nas mas gtong byas pa yi/ /rta ni rlung med gnas su gzhag /ske rengs kyis ni bar 'gyur na/ /rjes su gso ba 'di bya ste/ /sa mang ga ra shu ti dang / /rus ru rgyam tsha sbyar ba yis//bskus nas de yi rjes la ni/ /rdo dang gseg mas dugs bya'o/ /sna sman gyi ni las rnams dang / /me btsa' yi ni las kyang bya/ /'o ma dang ni sha khu dang / /sbyar ba'i zas ni sbyin par bya/ /gzhad kha na bar gyur pa dag /de yi gso ba bshad par bya/ /bsil sman gyi ni lde gu dang //'dam la sogs pa bsku ba bya/ /mjug ma mtshan dang mgo po dang / /rna ba mjug ma tshigs kun bsku/ /kha zas bu ram mar dag dang / /sbyar ba grang mo byin na phan/ /mar dang sbrang rtsi rgun 'bru dang / /kha ra dang sbyar sbyin bya zhing / /gnas ni bsil bar gzhag par bya//des ni bde ba 'thob par 'gyur/ /gcin ni gal te 'gags gyur na/ /de la gso ba 'di bya ste/ /mngar ba'i sman dang sbyar ba yi/ /'o ma'i 'jam rtsi de nyid gtang / /sman pas rta ni snum chos dang / /dugs byas nas ni ru ha gtang / /mngar ba'i sman dang sbyar ba yi//'jam rtsi nye bar gtang bar bya/ /tsha ba gsum dang sbyar ba yi/ /reng bu rno zhing tsha ba dang / /lan tshwar bcas pa mtshan nas gtang / /de ni gcin 'gags sel bar byed/ /kha zas mar dang 'o ma dang / /sbrang rtsi pi pi ling bcas byin/ /yang na phyed dang gsum ri dang //pi pi ling sbyar sbyin par bya/ /sman de dag dang chang dang sbyar/ /rjes su btung ba sbyin par bya/ /'bras chan sA lu 'o ma dang / /zho sbyar kha zas sbyin pa bsngags/ /ci nas 'dir ni bder 'gyur ba'i/ /me btsa' yi ni las kyang bya/ /gal te lus ni rengs gyur na//de la gso ba 'di bya ste/ /zas dang bsku dang btung ba dang / /sna sman dang ni mi 'jam rtsi gtang / /rtug pa gsum gyi dugs dag kyang / /'di la legs par sbyar bar bya/ /gtar ga yi ni las bya zhing / /rlung med pa yi gnas su gzhag//smyo na 'byung po'i gtor ma dang / /bdug pa dang ni mig sman dang / /sbyin sreg gi ni las bya zhing / /bram ze dge sbyong tshim par bya/ /gzhan yang smyo ba gso ba las/ /bshad pa'i cho ga rnams kyang bya/ /de bzhin nad kyi khyad par gzhan/ /byung na'ang ci rigs gso bar bya//sha li ho tra'i grub pa'i gnas bdun gtong ba'i cho ga bstan pa'i le'u'o// //thub mchog sha li ho tra la/ /legs thos dul ba dang ldan pas/ /rkang pa la ni mgo gtugs te/ /dri zhing skul ba'i tshig gis smras/ /khyed kyis brtse ba'i phyogs dang ni//gnod par gyur pa rnams kyang gsungs/ /gtsag dpyad kyi ni dbye ba yang / /rnam pa drug tu yongs su gsungs/ /rtsa phug drags dang rgyus pa dang / /tshigs la gnod gyur las nad gyur/ /'di dag gi ni mtshan ma dang / /gso ba bdag la bka' stsol cig /de nas bu yis dris gyur pa'i/ /legs ldan gyis ni slar smras pa/ /nad dang rus pa rgyus pa la/ /gnod 'gyur gsum po gsor mi rung / /tshigs pa gnya' bar rtsa bo cher/ /gnod par gyur ba gsor rung yin/ /bstan bcos las rnams legs mthong zhing //rang bzhin brtan la las la bya/ /lag pa shin tu goms gyur pa/ /de yis nam yang gnod mi skyed/ rta rdzi las byung nyes pa yang / /nad pa spyod lam 'chol ba las/ /nad kyi tshul ni byung gyur pa/ /de ni gso bar sla ba yin/ / gtsag bus bcad dam phug pa na/ /sman pa'i nyes pa las nad gyur/ /de yi dbang po ma tshang ba/ /'chi ba nyid du 'gyur ba yin/ /sman pa ra ro nad bu can/ /de bzhin rub dang tsha bas nyen/ /smyos sam shin tu 'khrug gyur pa'am/ /rmongs pas 'khrul bar gyur ba'am//ngo tshas 'khums sam 'dar gyur tam/ /las la the tshom bcas pa dang / /rgan po'am yang na byis pa'am/ /yid mi bde ba'am 'jigs gyur pa/ /dam pa la ni mi brten pa'am/ /gang zhig rmongs par gyur pa yi/ /thos pa nyung zhing nga rgyal che/ /bdag nyid mi spyod nor la sdang //glen zhing don tshom yin la mkhas/ /sman pa gzhan mi bzod cing smod/ /yul la brkam zhing khro la gdug /rtag tu rang gi don la brtson/ /bdag bo'am ni bla ma dang / /de bzhin legs par spyod pa na/ /'dzem pa med cing ngor mi lta/ /ngo tsha dang ni 'jigs pa spangs//rgyal po'i bka' drin gyis gso yang / /rgyal po'i mdzod ni stong bar byed/ /de 'dra'i sman pa nam yang ni/ /rta yi gnas su gnyen mi bya/ /de 'dre'i sman pa drag ldan pas/ /rta la mtshon gyis gnod pa skyed/ /tshad las rgyal ba'am gnas nor pa'am//steng dang 'og tu nor pa'am/ /phug drag pa'am ma phugs pa/ /rtsa ni blo ngan des mi shes/ /de bas phug ni drags pa yi/ /gnod pa bshad kyis mnyan par gyis/ /khrag ni phug drags ma byung na/ /dbugs mi bde dang lud pa skyed/ / 'dug pa na ni na 'gyur zhing / /yan lag nyams dang brtson chen skyed/ /sha snying rma ni 'drul ba dang / /khong tsha skrangs pa mi bzod skyed/ /spu yang shor bar 'gyur ba dang / /rtsa rgyus kyi ni nad skyed byed/ /nad 'dis srog ni 'phrog byed de/ /'phral du 'chi bar 'gyur ba yin//mtshan gyis gnad du phog gyur ba/ /dper na me dang gnam lcags sam/ /dug 'thungs las ni gsod pa ltar/ /rta yi srog ni zad byed yin/ /de bas lus dang nad tshul dang / /yul dang goms pa na tshod stobs/ /dus tshigs lus rnams legs brtags la//sman pas khrag ni dbyung bar bya/ /rtsa ni phug drags ma phugs pa/ /gnyis ka las ni nyes pa 'byung / /legs par phug na nad 'byin cing / /sdug bsngal de las thar bar byed/ /gal te rtsa ni rang gnas su/ /ma rgyas gsal bar mi snang ba'am//gnas min par ni phug gyur pa/ /de las gnod pa skyed par 'gyur/ /rus pa rgyus pa gnad rnams dang / /med pa dang ni tsi'i lhad dang / /de ni tshigs kyi sbrel mtshams su/ /gtsag bu'i las ni spang bar bya/ /tse'u lhad gnas su rtsa bcad na//de yi lus ni skams 'gyur zhing / /rtsa ba nas bcad shing lta bur/ /de ni 'chi bar 'gyur ba yin/ /tshigs kyi mtshams las rta la ni/ /gtar ga byas pas rtsa bcad nas/ /de yi tshigs ni srang 'gyur zhing / /rtag tu 'theng ba nyid du 'gyur/ /mtshon gyis gang gi gnad du ni//rtsa bcad de ni 'tsho mi 'gyur/ /gang gis gtsag bu'i rtse yis ni/ /rgyus pa la ni gnod gyur pa/ /de yis 'theng por 'gyur ba'am/ /'phral du dbang po nyams par 'gyur/ /rus pa phug na chu ser ni/ /ser po sla ba 'jag par 'gyur/ /glang po'i sna dang 'dra bar ni//yan lag de ni 'khums par 'gyur/ /mid pa brtan la phug gyur na/ /de las gnod pa mang 'gyur te/ /rlung gis rgyas par 'gyur ba dang / /yang na 'chi bar 'gyur ba yin/ /de bas nad dang rus tshigs su/ /byung ba gsum po gsor mi rung //gsor rung ba ni bshad pa gsum/ /de yi gso ba bshad par bya/ /de la phug drags gyur pa na/ /snum dang dugs kyi cho ga bya/ /snum ni bzhi pos bskus nas ni/ /khrag ni slar yang bskyed par bya/ /khrag 'phel gyur pas na ba dang / /tsha bas gdungs par gyur na yang //'o ma bsil sman khu ba yis/ /bsku zhing yongs su blug par bya/ /gnas dang kha zas bzang po dang / /mngar bag dag gis de bsal bya/ /sman khu bsil ba'i 'jam rtsi yang / /sman pas bsgrims te bya ba yin/ /btsags pa dang ni sman khu blugs//dus gnyis su ni bya ba yin/ /ji ltar 'ju bar gyur pa'i tshod/ /shes nas 'o ma'i btung ba skyed/ /chu la til mar blud par bya/ /de bzhin ljang pa sbyin par bya/ /de yi 'og tu 'di la ni/ /sna sman gyi ni las kyang bya/ /shin tu khrag mang byung gyur na/ / gdon bsrung pa yi cho ga'ang bya/ /'o ma'i 'jam rtsi gtang bya zhing / /de bzhin nas chag kha zas sbyin/ /sman pas 'di la nas thug dang / /nya sha yi ni sha khu sbyin/ /gtsag bu las byung nad rnams kun/ /sngar ni rnam par bshad pa yin/ /de las bshad pa'i gso ba ni//byas na'ang bde ba thob par 'gyur/ /sha li ho tra'i grub pa'i gnas bdun pa las gtsag bu las gyur pa'i nad bstan pa'i le'u'o// //sha li ho tra bde gnas la/ /legs thos kyis ni yang dris pa/ /brta bya'i cho ga ma lus pa/ /don gyis yang dag gshes par 'chal//'o ma'i 'jam rtsi'i yon tan dang / /'jam rtsi gzhan yang bstan du gsol/ /bu yis de skad dris pa dang / /sha li ho tras slar smras pa/ /'di dag thams cad ma lus par/ /ngas bshad pa las shes par gyis/ /thog ma tha mar bcas pa yi/ / rtsa ba lnga pa nyid po dang / /nas dang rgya shug ku lad+tha/ /tab la yang ni bskol bar bya/ /yang na bi ta ri la sogs/ /sman gyi sde tshan bsdus nas ni/ /chur bskol ba yi khu ba dag /tshad bzhin du ni gtang bar bya/ /sman khu der ni thal sman dang / /gcin dang de bzhin gzhad kha chung //bu ram shing khu 'o ma dang / /chang dang sbyar ba'i chang rnams ni/ /srog chags kun gyi sha khu ni/ /sman pa mchog gis gcig tu bsdu/ /de las rta yi rlung nad ni/ /gso ba'i sman gyis sbyar bar bya/ /gcin rnams kyis ni bad kan sel/ /thal sman de las lhag pa yin//bu ram shing gi khu ba dang / /de bzhin 'o ma sna tshogs ni/ /khrag dang mkhris pa sel byed cing / /rlung ni bde bar byed pa yin/ /nad kyi tshigs ni gsum sel ba'i/ /lde gu nga las nyan par gyis/ /shing mngar dang ni thang shing dang / / sa ra la dang nyungs kar dang / /ru rta sug smel ha te bu/ /rgyu spos dang ni bca' lga dang / /rasna byA g+h+ra na kha dang / /pi pi ling dang shu dag dang / /de bzhin lan tshwa lnga po dang / /po son cha yi 'bras bu dang / /til mar dang ni sbyar ba dang / /'khru ba'i don du'ang sbyin par bya//ci skad bshad pa'i rim pa yis/ /btab pa'i cho ga nyid bya ste/ /dus su rtogs par gyur ba la/ /sman pas ni ru ha gtang bya/ /de ni lan tshwa dang bcas pa/ /rnam pa gsum ni gtang bya ste/ /dang po 'jam po nyid du bya/ /de nas phyir zhing rnon po bya//tshad las bzi chas chung ba dang / /dro zhing lan tshwa chung 'jam pa/ /nad ni gdul bar dang por ni/ /mas gtong pa ni 'di bya'o/ /tshad las bzhi chas lhag gyur cing / /tsha dro lan tshwa dang ldan pa/ /btul zin pa yi nad la ni/ /btang na nad ni 'byin par byed//sman ni mngar po dang ldan zhing / /'o ma mar dang sbyar ba dang / /sbrang rtsi legs par btags pa dag /nad bsal zin nas sbyin par bya/ /sbyang byas rta la byas pa yin/ /dngas ma rlung ni skyon med byed/ /zhu ba'i gnas kyi mkhris bad kan/ /legs par sel bar 'gyur ba yin//lus kyi rlung ni lnga po yang / /bde bar rgyu bar byed pa yin/ /ci ste thal sman bsre na ni/ /dri ma 'byin par byed pa ldan/ /de bzhin sbyangs pas nad kyi tshogs/ /gting nas sel bar byed pa yin/ /sbyangs pas nad ni bsal gyur cing //khong ba dag par gyur pa la/ /'jam rtsi legs par btang na ni/ /zla rgyas lta bur lus 'phel 'gyur/ /dug dang rgan po gzhon nu dang / /chang 'thungs pa dang ltags pa dang / /chu 'thungs pa nga khrus byas pa/ /de bzhin rtsub pa gzos pa dang //gcong can dag dang rlung yang 'khyil/ /de bzhin skrangs pa red pa dang / /lud pa dbugs mi bde dmu rdzing / /yin la mas gtong las mi bya/ /gang la ni ru ha gtong ba'i/ /rta le la ni nang bar dag /lho stong nyid du bzhag nas ni/ /de nas legs btang nad bsal bya//'jam rtsi cho ga'i tshul las ni/ /sdar bshad lta bu gtang bar bya/ /nad dang bcas par gyur pa la/ /bda' ba dag kyang bya ba yin/ /tshad bzhin 'jam rtsi btang ba dang / /'o ma'i 'jam rtsi'ang gtang bar bya/ /snum 'thungs pa las gang bshad ba'i/ /cho ga dang ni btung ba blud//snum gyi cho gas ro stod kyi/ /nad ni sel bar byed pa yin/ /de bzhin lus kyi ro smad kyi/ /nad ni 'jam rtsis sel bar byed/ /sbeg dang gzhon nu rgan po'i dang / /rta gang stobs ni zad pa dang / /las chen dag la sbyar ba dang / /de bzhin lus zungs zad pa dang //ro sman kyi ni nad rnams dang / /nad ni tshigs su zhugs pa de/ /'di dag gis ni nyen gyur pa/ 'jam rtsi btang na bde 'thob 'gyur/ /khyad par du ni sos ka sbyar/ /'jam rtsi tshad tsam btang byas te/ /'di ni sbyor ba rjes mthun pa'i/ /'jam rtsi stobs ni skyed byed yin//rta yi bcud kyis len dang ni/ /ro tsa rtas byed nyid du 'gyur/ /snga dro khrus byas skom blud la/ /bza' dang bca' ba byin gyur nas/ /sngar bshad pa yi cho ga yis/ /legs par btang na bde 'thob byed/ /rtsa ba lnga pa gnyis khu ba/ /de la rjes su btung phyir blud//ram nye ka rti ka ko la/ /bi dza ka dang ri sha ba/ /ma sha mud+ga pa r+Ni gnyis/ /me dang de bzhin sle tres dang / /stag pa tsher dang ma du kaM /nA ga ge sar pa ta ka /pri yang ku dang ga dur dang / /'o ma tsan shing shun spang spos/ /pad+ma'i rtsa ba sdong bur bcas/ /ka she ru ka shri ga ta//ka ra bI ra ut+pa la/ /pu shel tse dang gser pram dang / /tsa n+dan dang ni pa yas s+ya/ /sha ri ba dang pra ti dang / til nag dang ni btsod dang ni/ /shug pa sring sna sha ra ba/ /'di rnams lde gur bskol ba'i chu/ /'o ma dang ni legs sbyar pa/ /tshags kyi legs par btsags ba la//kha ra dang ni sbrang rtsi btab/ /bsil zhing snyigs ma med gyur pa/ /mar dang lhan gcig bsres nas ni/ /bshang gci rnams par bsal gyur ba/ /shar du bstan de mgo ldog nas/ /drang bar gzhag par gyur ba la/ /rnga ma g.yas nas bzung nas ni/ /blo dang ldan pas ma bltabs par//lan gsum mam ni lan lnga gtang / /'o ma'i 'jam rtsis bsal ba'i nad/ /sos ka sbyar tshe bsal ba mchog /mkhris pa las byung nad rnams dang / /de bzhin rta yi khrag nad dang / /ring nas 'ongs dang las kyi dub/ /dbugs rgod mgo 'khor gyur pa dang //lus kyi phyi nang tsha ba dang / /rims kyis btab dang snum yal la/ /'o ma'i 'jam rtsi btang gyur ba/ /lus kyi me drod skyed byed yin/ /rta gang mkhris pa can dang ni/ /mkhris pa rjes 'dres nad rnams sel/ /de bas cha ba sel ba 'di//dus rnams kun tu bsngags pa yin/ /sha li ho tra'i grub ba'i gnas bdun pa las 'dab ba dang 'o ma'i 'jam rtsi'i le'u'o// //sha li ho tra drang srong mchog /legs thos kyis ni yang dris pa/ /rta rnams la ni sna tshogs snum/ /zas dang skom dang btung ba dang //de bzhin rjes su btung ba la/ /mang du ci phyir sbyin par bgyi/ /'jam rtsi yi ni las rnams la'ang / /ci phyir mar dang til mar dang / /sna sman gyi ni las rnams la/ /ci phyir snum ni bsngags pa lags/ /snum 'thung sbyor ba nyes pa yis/ /nad du ci phyir gyur pa lags//khyad par mkhyen pa khyed kyis ni/ /'di dag so sor bstan du gsol/ /bu yis de skad dris pa dang / /sha li ho tras slar smras pa/ /'di dag thams cad ma lus par/ /ngas bshad pa las shes par gyis/ /rta ni me dang rlung bdag can/ /las rnams kun las myur du 'gro//bskul bar chung du byas gyur kyang / /rtsol ba chen po byas par 'gyur/ /ma goms pa yi yul du ni/ /rtag tu rgod par 'gyur pa yin/ /rlung dang mkhris pa dang ldan pas/ /de phyir rtag tu snum chos 'phrod/ /cho ga bzhin du snum byin na/ /stobs dang me drod 'phel bar 'gyur//de ni rlung dang gcin rtug rnams/ /bde bar rgyu bar byed pa yin/ /de'i don phyir na gso ba la/ /snum ni rab tu bsngags pa yin/ /lam na ring por zhugs pa dang / /yul khams du mar phyin pa yis/ /lus ni nyam dar gnas gyur cing / /shing dang 'dra bar gyur ba'i rta//de la mar dang til mar dang / /gang zhig kun du bskus na ni/ /lus ni mnyen par gyur pa dang / las rnams kun la stobs ldan 'gyur/ /gang zhig rtag tu snum bskus pa/ /gnas ngan nyal ba ngan pa dang / /bcing ba dang ni brdeg pa yis/ /sdug bsngal thams cad gnag bus 'gyur//dper na shing ni chus brlan na/ /myur du kun du rgyas bar 'gyur/ /rtsa ba nyid nas zugs nas ni/ /rgyas shing me tog 'bras ldan 'gyur/ /de bzhin rta la snum bskus dang / /blugs pa bde ba skyed byed de/ /ba spu'i bu ga las zhugs nas/ / sha dang tshil ni rgyas par 'gyur/ /rtsol ba drags gyur nad la ni/ /zhun mar kho na bde skyed yin/ /snum 'thungs gyur pa'i lus la ni/ /rlung ni man yang 'khyugs mi 'gyur/ /de bas rlung gi nad la ni/ /snum bskus pas ni bsngags pa yin/ /rta la mar ni blud gyur na/ / stobs dang lus zungs 'phel bar 'gyur/ /pho ba'i me drod skyed byed yin/ /stobs skyed ro tsa tshe 'phel 'gyur/ /dbang po gzim dngas kha dog la/ /dug dang rmongs bag sel mchog yin/ /de yi phyir na rta la ni/ /mar blud par ni mchog tu bsngags/ /zas kyi gang du snum byin zhing //rjes su btung ba'ang snum dag ni/ /tshad dang ldan pa nyid du ni/ /phyi dro'i tshe lang sbyin par bya/ /mdze dang g.yan pa'ang sel byed yin/ /mchog tu rlung yang zhi byed la/ /bad kan las gyur nad kyang ni/ /'di yis sel bar byed pa yin/ / bkres pa dang ni skom pa dang / /sdug bsngal kun la'ang sran cher 'gyur/ /de bas rtag tu zas rjes la/ /snum ni nye bar blud par bya/ /sos ka'i tshe ni til mar ni/ /cha gnyis dang sbyar chu sbyin bya/ /des ni dub pa mi 'byung zhing / /lud pa dbugs mi bde mi 'byung / /lus la nad kyis mi tshugs shing //las rnams kyis ni zhum mi 'gyur/ /de bas chu dang sbyar ba yi/ /til mar sbyin pa bsngags pa yin/ /snum gyi sbyor ba thams cad las/ /'jam rtsi mchog ni yin par bshad/ /rta ni rlung gi bdag nyid can/ /'di ni rlung sel byed mchog yin//'ju tshe rtsa yi sgo nas ni/ /lus kun la ni khyab par byed/ /des ni tshigs rnams thams cad dang / /rgyus pa bkur ni khyab par byed/ /de dag dang ni 'brel ba'i nad/ /thams cad nye bar sel bar nus/ /ro smad 'dra bar 'gyur ba dang / /mjug do yangs par byed ba yin//gcin rtug 'gags pa'ang sel byed cing / /lus kun bde bar byed pa yin/ /stobs dang gzi brjid 'phel bar bye/ /de bas 'jam rtsi khyad par 'phags/ /gcin nad rnams ni sel byed cing / /ro tsa lgang ba'i sgo sbyong byed/ /mngal gyi nad ni sbyor byed cing //gseb kyi khu ba 'phel bar byed/ /khu ba zla mtshan skyon sel bas/ /mngal 'dzin par yang byed pa yin/ /mtshan ma btang ba'i snum gong ma/ /gseb kyi gcin nad rnams la bsngags/ /rta yi sna nas snum btang ba/ /mig gi mthong stobs 'phel bar byed//rna ba mig dang sna nad dang / /de bzhin du ni mgo nad dang / /rta la sna sman btang na ni/ /nam yang 'byung bar mi 'gyur ro/ /nam 'tshar yan chad nad rnams dang / /lkog ma ske dang mgor gtogs pa/ /sel cing yid ni bde ba dang / / zas 'ju bde bar gnas par 'gyur/ /ro stod stobs ni che ba dang / /rnam par 'phel bar 'gyur ba yin/ /de yi phyir na rta la ni/ /rta sman mchog tu bsngags pa yin/ /til mar gyis ni rta yi ni/ /rlung sel stobs ni skyed par byed/ /shin tu tsha min dro ba min/ /de ni rlung 'joms mchog yin no//'dis ni yi ga 'byed pa dang / /gzi 'phel de yi stobs skyed byed/ /rta yi mdog ni bzang byed cing / /lus kyang mnyen par byed pa yin/ myur du 'ju bar shes bya ste/ /til mar yon tan de dag ldan/ /mar gyi tshe ni 'phel bar byed/ /nad kun 'jigs par byed pa yin//bcud kyis len dang ro tsar byed/ /snum rnams kyi yang mchog yin no/ /bsil zhing mngar ba snum pa dang / /gdon 'joms dug ni sel ba dang / /goms na srog ni 'dzin byed yin/ /rta yi rang bzhin dag dang mthun/ /de bas snum ni thams cad las//mar ni mchog tu gyur ba yin/ /phag dang rlan can chu na rgyu/ /sha za ba yi zhag dang rkang / /snum mchog yin zhing stobs skyed pas/ /gso ba'i las ni kun la btang / /zhag ni kun gyi nad nas kyang / /phag gi zhag ni mchog yin no/ /rlung dang mkhris pa bsil byed cing //rtas par byed pa'i dam pa yin/ /chu dang rlan can las byung ba/ gang de dbugs mi bde ba sel/ /'bras bu za ba'i mkhris pa sel/ /lo ma za ba'i bad kan 'joms/ /ba lang ma he ra dang ni/ /de bzhin rta zhag rkang nyid de/ /zhag rkang bzhi po 'di dag gis//mkhris pa dang ni bad kan sel/ /shin tu stobs che'i rkang dang zhag /thams cad rlung nad can la phan/ /de ltar sman pas rlung gi mchog /bzhi bo legs par gtang bar bya/ /sna sman gyi ni sbyor ba dang / /nyes pa rab tu bshad bya ste/ /chu sbubs srid du sor bcu pa//zhing du sor ni bya dang gnyis/ /khong stong tshigs ni gcig pa yin/ /mod la las ni bya ba yin/ /rtse mo rta yi sna 'dra ba/ /'jam por byas la sna sman gtang / /yang na bal gtsang sbangs pa yis/ /til mar btsir te gtang bar bya/ /ci skad bshad pa'i nad rnams sal//nad med gyur ba'i rta la yang / /tshad shes pa yi sbyor ba yis/ /ci skad bshad bzhin du gtang / /snga dro lto ni bkris gyur tshe/ /mkha' la sprin ni med pa na/ /sna ni drang por gzhag byas la/ /khar ba'i sbubs las sna ru blugs/ /dbugs byung bas ni ma gnod par//rgyu ni phra mor gtang bar bya/ /mdo la snum ni blugs gyur na/ /lud pa dbugs mi bde ba skyed/ /sril rkang zhugs pas mdzer byed cing / /mig dang sna nas chu 'dzag 'gyur/ /mgo ni yon por gzhag gtad na/ ro stod kyi ni tshigs rnams dang / /bu ga rgyus pa rtsa rnams su//go rims ji bzhin 'gro mi nus/ /gyen rgyu snum gyis bkag pas na/ /rta yi bu ga thams cad nas/ /rgyun lam 'gag par 'gyur ba yis/ /ro stod kyi ni nad rnams skyed/ /snabs 'dzag mgo bo'i nad dang ni/ /gnye'u rengs lkog ma'i nad rnams dang //lud pa dbugs mi bde gcod can/ /nad rnams 'di yis skyed par byed/ /tsha dang rlung bcas kha char 'bab/ /khrus byas zas skom zos dang 'thungs/ /skom gyis nyen par gyur pa na/ /sna sman btang bas nad skyed 'gyur/ /cho ga zhes pa 'di dag las/ /sna sman nye bar bsrung bar bya//sna sman btang zhing lus bsku dang / /rta la snum ni blud pa dang / /'jam rtsi btang bar gyur pa la/ /chu yis gang ba'i snod ltar bsrung / /mchod dang rgyug pa nyid dang ni/ /rtsol dang mi 'phrod za ba dang / /khrus dang char dang rlung las ni/ /bsrung zhing kun tu bsdam par bya//snum ni dri ma sel byed cing / /nad ni 'gog par byed pa yin/ /brtan par gnas pa skyon byed cing / /g.yos pa rnams ni 'byin par byed/ /de yi nad ni bsal gyur pas/ /me stobs bri bar gyur pa na/ /nyam chung de yis kha zas ni/ /lci ba myur du 'ju mi nus//de bas las kyi rtsol ba dang / /kha zas lci ba byin pa dag /dang bor snum ni 'thungs pa la/ /rtag tu spang bar bya ba yin/ /rtsol ba byas las rlung gi nad/ /rnam pa du mar 'byung 'gyur zhing / /brang du drug mdo rgal tshigs rengs/ /sna tshogs mgo bo'i nad rnams dang //lud pa dbugs mi bde gcong can/ /lus ni skem par 'gyur ba'am/ /mchi ma ru ni 'gyur ba dag /snum 'thungs rtsol ba sbyar las byung / /'khu zhing rlung ni 'khyil ba dang / /de bzhin snying nad rnams bzhi dang / /gzhan yang pags pa'i nad rnams dang //lus zungs zad par 'gyur ba'am/ /khrag dang mkhris pa'i nad rnams dang / /bad kan gyi ni nad rnams 'byung / /de bas snum 'thungs gyur ba'i rta/ /legs pa kho nar bsrung bar bya/ /snum ni legs par btang gyur cing / /spyod lam legs par bsrungs gyur na//nad rnams kun dang bral ba dang / /yon tan thams cad rgyas par 'gyur/ /gnod pa'i dbang du mi 'gyur zhing / /las rnams la ni zhum pa med/ /snum gyi btung ba legs gyur par/ /srog ni gnad la gnas par 'gyur/ /lus kyi me stobs 'bar ba yis//kha zas snyoms par 'ju bar 'gyur/ /'di yis lus zungs rnams dang ni/ /stobs dang lus kyi yon tan 'phel/ /lus kyang 'gyur ba med pa dang / /mdog kyang gsal ba nyid du 'gyur/ /gcin dang rtug pa 'phyin rnams kyang / /bde ba kho nar 'byin par 'gyur//snum ni legs par btang gyur pa/ /mtshan ma 'di las shes par bya/ /snum chung bas ni dri ma dag /'byin par dka' zhing nad dang bcas/ /yan lag skrangs shing rgyu ba bul/ /lus lci gcin ni dmar ba dang / /kha chu 'dzag cing bzhin ras dan/ /me drod chung zhing nyam chung 'gyur//snum sbyor nyes par gyur pa yi/ /rta yi tshul ni 'di yin te/ /rta sbangs 'gril bar byed pa'am/ /yang na sla zhing mang du 'dzag /'gro zhing 'dzag par byed pa'am/ /shin tu 'tsher bar byed pa yin/ /spu ni shin tu shor ba dang / /pags pa'i mdog ni mi sdug 'gyur//de ni khong rtsub shes byas la/ /snum ni slar yang sbyin par bya/ /kha zas rtsub bag zos pa'am/ /shugs ni bkag par 'gyur ba ni/ /rlung gi gnas las bskyod gyur nas/ /lus kun du ni khyab par byed/ /tshigs dang rgyus ba rtsa dang ni//bu ga rnams la'ang gnod pa byed/ /de ni rtag tu snum byin yang / /nad ni bsal bar nus ma yin/ /nad ni rab tu bsal ba la/ /lus kyi me drod skyed par byed/ /me drod 'bar zhing khor snum na/ /rtag tu nad med nyid du 'gyur/ /de bas ji skad bshad pa yi/ / cho gas rta la snum byin bya/ /snum ni legs par btang gyur na/ /yon tan kun dang ldan par bshad/ /sha li ho tra'i grub pa'i gnas bdun pa las snum legs par btang ba'i yon tan bstan pa'i le'u'o// //rta yi tshul gyi de nyid shes/ /rta yi bstan bcos la mkhas shing //rta yi tshe yi rig byed bya/ /rta la phan par rtag dga' ba/ /sha li ho tra bdag nyid thul/ /tshangs pa nyi ma me'i gzi can/ /dka' thub kyi ni gtsor byas la/ /legs thos the tshom skyes gyur nas/ /de yi rkang gnyis la btud de/ /'dri ba'i tshul ni 'di dag smras//khyed kyis rta yi bstan bcos su/ /zug rngu lus kyi gso ba dang / /de bzhin rte'u gso ba dang / /mtshon dang bsrung ba'i cho ga dang / /dug gi gso ba nyid dag ni/ /yan lag drug ni legs gsungs na/ /khyed kyis bcud kyis len dang ni/ /ro tsar bya ba bka' ma stsal//rta ni khu ba mang gyur na/ /'gros yang rtsol ba che bar gyur/ /rad bzhin de dag nyid kyis ni/ /rgod ma rnams la ngoms pa med/ /rgyu de nyid kyis blo ldan ba/ /gzhan gyis rta ltar byed ces bshad/ /de ba la lar mi la yang / /rta ltar byed pa nyid ces zer//rta yi de nyid mkhyen gyur pa/ /ro tsa bar ni ci ltar 'gyur/ /bcud kyis len gyi sbyor ba dang / /de dag gi ni rgyu nyid kyang / /legs ldan blo gros mchog gyur pa/ /khyed las yongs su shes par 'tshal/ /de ltar yongs su dris pa na/ /legs ldan drang srong gis smras pa//legs thos 'di yi rgyu yi tshul/ /rnam pa sna tshogs yod pa yi/ /re zhing rta yi bcud kyis len/ /thog ma kho nar bshad par bya/ /de ni tshe 'phel blo skyed cing / /skra dkar gnyer ma 'jig byed pa/ /dpal ldan mdog dang kha dog skyed/ /na tshod 'jog pa'i dam pa yin//dbang po gsal zhing mdangs skyed byed/ /dge zhing tshim la mgyogs par byed/ /de yi rgyud dang bya ba yi/ /thabs ni nga las shes par gyis/ /bcud kyi sbyor ba khyad 'phags pas/ /bcud kyis len zhes bya bar bshad/ /lus zungs rgyas par byed pa dang //nad rnams 'joms par byed pa yin/ /dus dang dus tshigs goms pa dang / /yul dang stobs ni ci bzhin dang / /rta yi khong pa dag gyur la/ /snga dro'i tshe na blud par bya/ /bse shing 'bras bu'i khu ba dang / /'bras bu gsum kyi khu bar bsre/ /lcags phye dang ni sbyang ba dag /pho ba'i me drod legs drags la/ /shin tu bsil ba zhag bcu'i bar/ /ma yengs par ni 'di la blud/ nyer spyod dang ni kha zas dag /kun kyang bsil chos nyid du bya/ /'bras chan 'o ma dang bcas shing / /sbrang rtsi mar ni btab pa byin/ /de nas bse shing 'bras bu'i khu//cha ni rim gyis bskyed nas kyang / /sngar bshad pa yi cho ga yis/ /zhag bcu'i bar du blud par bya/ /de ltar blud par gyur pa na/ /rta ni snyoms bag skye bar 'gyur/ /zhu bar gyur nas 'o ma ni/ /srang rtsi dang sbyar btung ba blud/ /de yi rjes la brag zhun gyi//khu ba sbrang rtsi dang sbyar blud/ /mi stobs la sogs brtags nas ni/ /de ni zla phyed bar du sbyin/ /'ol bya gong ma sreg sha khu/ /drug cu ba yi 'bras chan byin/ /khyi ra bul ka sle tres dang / /ba la bi dang 'bras bu gsum/ /bskol ba'i khu ba'i grang mo ni//zhag bcu'i bar du blud par bya/ /sbrang rtsi kha ra dang bcas pa'i/ /'bras bu gsum gyi lde gu byin/ /nye bar spyod pa 'di yis ni/ /stobs dang stobs min shes par bya/ /sbyor ba 'di dag rta rnams kyi/ bcud len cho gar yongs su bshad/ /nye bar spyod pa bsil ba dang //rtsa yang mngar po bsngags pa yin/ /cho gar ldan pa'i mar byin gyi/ /til mar lan tshwa sbyin mi bya/ /gnas ni bsil zhing bde ba dang / /'jam zhing dben pa byed du gzhug /sman gyi dus kyi nyis 'gyur ram/ /yang na de yi sum 'gyur du/ /'jam rtsi btang ba'i sbyor ba ltar//rta ni 'bad de bsrung bar bya/ /de ltar legs par spyod pa yis/ /rta la bcud len byin gyur na/ /sngar bshad pa yi yon tan dang / /de ltar gzhan yang thob par 'gyur/ /rta rnams kyi ni ro tsa ba'i/ /cho ga yang dag mnyan par gyis/ / ro rtsa ba yi cho ga yi/ /dri ba khyed kyis legs par smras/ /ro rtsa bar ni byed pa yi/ /rgyu ni 'di tsam nyid yin no/ /rta ni su yang rung ba la/ /ro tsa 'di ni bya ba min/ /sbeg dang rgan dang nyam chung dang / /stobs chung khu ba zad pa dang / /rgod ma dang ni sbyor 'dod la/ /ro tsa ba yi cho ga bya//de rnams yon tan bcas 'gyur gyi/ /lhag ma rnams la 'di ltar min/ /khyod la yang dag bshad pa yi/ /yon tan 'di ni rim gyis nyon/ /yid bde shugs ni che ba dang / /spro ba che zhing khu ba mang / /'jug dga' bu skyes pa la bzang / /bu ni mang po nyid skyed byed//lus drang mdzes shing mdangs ldan pa/ /ro tsa las byung yon tan yin/ /de bas rta'am gzhan dag la/ /ro tsar bya ba de nyid nyon/ /legs par snum btang sbyangs byas pa'i/ /khong pa dag 'gyur rta yi ni/ /khu ba legs par 'phel byed pa'i//btung ba 'di ni blud par bya/ /'o ma dang ni bi ra ti/ /dzi da ka da ri sha ba/ /ma sha par+Ni ram nye ba/ /ad+ma gu b+ha nye'u shing / /mud+ga pri tags par+Ni dang / /sa ma dag dang ma du ka /me dang shu ga na ba nyid/ /tso ra ka dang ni bcas pa dag//bskol ba'i khu ba grang mo ni/ /kha ra dang ni sbrang rtsi bcas/ /lde gu dang sbyar btung ba ni/ /snga dro'i tshe na blud par bya/ /btung ba 'di ni zhu ba dang / /'o ma slar yang sbyin par bya/ /bde bar gnas tshe ljang pa ni/ /sngar bzhin dus su byung ba sbyin/ /de yis rta ni nyams brtas shing //rgod ma la yang gda' bar 'gyur/ /pad+ma dang ni ku mud dang / /dri zhim pa yi sdong bu dang / /puN+Da rA+e ka ba da ri/ /ut+pa la dang pa spang bya/ /ta pa ri ni dmar po dang / /sha lu ka yi sdong bu dang / /ka shi ru dang pad+ma'i rtsa/ /'bra go dang ni ma ga ta/ / sring ka ta ka dang bcas pa/ /cha mnyam byas te sman khu bskol/ /de yi khu ba grang mo ni/ /kha ra dang ni sbrang rtsir bcas/ /at+ma gu b+ha'i me tog dang / /'bras bu dang bcas snga dro blud/ /de zhu rjes la skom blud cing / /skom gyi rjes la kha zas byin/ /ma sha snun bsam legs par tshos//phyi dro legs par sbyin par bya/ /sA lu'i 'bras chan ri dgas dang / /bya yis sha khur bcas pa sbyin/ /rtsa yang mngar po sbyin na phan/ /gnas ni mnyam zhing bde bar gzhag /'di yi shin tu dregs bdo zhing / /rta yi rigs ni 'phel bar byed/ / yang na sbyor ba 'di nyid dang / /ba bzhon be'u rgan po yi/ /ba yang gyi ni 'o mar sbyar/ /rta de la ni blud par bya/ /'di yis rta ni dregs bdo zhing / /lan mang 'jug par nus par 'gyur/ /sman 'di rnams kyi khu ba dang / /'ol ba'i sha khu dang bcas pa/ /rta la blud par gyur pa ni//de las kyang ro tsa nyid du byed/ /gseb ni shing tu chags 'dod cing / /rgod ma la yang mngon dgar 'gyur/ /ad+ma gu b+ha pad+ma'i rtsa/ /btags pa'i lde gu bsil po ni/ /'o ma dang sbyar blud na yang / /shin tu ro tsa 'gyur ba yin/ /ka rka ta ka rgya mtsho'i lbu/ / de ni gtun nang brdungs nas ni/ /shin tu zhib par gyur ba dang / /til mar dang ni gcig tu bsre/ /ad+ma gu b+ha'i 'bras bur bcas/ /zas kyi rjes la sbyin par bya/ /bi da ra yi sdong bu ni/ /til mar dang bskol byin pa bsngags/ /ud tsa ta yi phye ma btags/ /sbrang rtsi kha ra dang sbyar ba//sna nas btang dang btung ba dang / /'jam rtsir btang ba bsngags pa yin/ /bskol nas zhag bdun bzhag pa yi/ /til mar gyis kyang bsku bar bya/ /skam pa'i srog chags lnga dang ni/ /rtsa ba sdong bu 'bras bu dag /bsil zhing yon tan dang ldan pa//tshul 'di 'dra ba gzhan gang yin/ /de dag thams cad gzhan gang yin/ /ro tsa skyed pa'i mchog yin no/ /ra yi 'o ma nya dang mar/ /de bzhin mar yang sha khu ni/ /yongs su legs par byas pa dag /kha zas mchog ni sbyin par bya/ /rgyas dang bsdus pa'i tshul gyis ni//sbyor ba sngar ni bstan pa las/ /ro dang zhu rjes dus kyi cha/ /mkhas pas legs par brtag par bya/ /zas su ljang pa byin pa dang / /chang blud pa dang bsku ba dang / /ud tsa ra dang bi dar/ /Ad+ma gup+ta'i 'bras bu ni/ /rtag tu 'di la sbyin bya yi/ / zhag gcig shin tu drags mi bya/ /me stobs gnas ni ci 'dra dang / /nad gzhi dus tshigs ji bzhin du/ /lus kyi nyams ni ci yod pa/ /legs par brtags te bya ba yin/ /sngar ni ci skad bstan pa yi/ /bda' ba'i cho ga rnams kyang bya/ /rgod ma la ni gso ba dang / / mngal skyon sbyang ba'i las rnams bya/ /'di ni bcud len dam pa dang / /rtsar byed pa ni nyid yin no/ /rta la gang dag dgos pa yi/ /dris ba ma lus bstan pa yin/ /legs thos kyis ni yang smras pa/ /bdag la the tshom gzhan mchis te/ /rta la dngas ma skyon med pa/ / rim gyis lus zungs la 'jug na/ /ro tsa ba yi yon tan ni/ /zhag gcig nas 'gyur khyod kyis bshad/ /lus zungs rnams kyi mchog gyur pa/ /khu ba rgyu ni gang zhig gis/ /'phral du 'phel bar 'gyur ba bshad/ /sha li ho tras slar smras pa/ /ci ltar shing la chu blud na//de ni me tog 'bras bu la/ /nyin zhag de nyid kho na la/ /khyad par gyur par snang ba yin/ /de bzhin sman gyi bcud rnams ni/ /'phral du nus pa skyed pa yin/ /bu ram shing gi rtsa ba dang / /bar dang rtse mo bye brag yod/ /de bzhin me tog 'bras bu sogs//zhu rjes so sor snang ba yin/ /yon tan nus pa tha dad pas/ /rdzas kyi rang bzhin sna tshogs yin/ /sbyor ba'i yon tan dbang gis ni/ /'phral du dus gzhan nus pa 'byin/ /'di ni mngon sum yin shes bya/ /rgyu dris pa yang mnyan par gyis//dur byed dang ni de 'dra gzhan/ /mdo la 'khru bar byed pa yin/ /'o ma 'thas par 'gyur ba dang / /po son cha yi 'bras bu dag /'phral du 'khru bar byed pa dang / /thal sman gyis kyang 'phral sreg byed/ /til mar mar gyis 'phral snum byed/ / ma sha 'phral du 'dul bar byed/ /chang gi 'phral du dregs pa skyed/ /'o mas 'phral du srog skyed byed/ /bse shing gi ni 'bras bu yis/ /la la rma ni 'phral du skyed/ /de dang 'dra ba gzhan dag kyang / /nus pa mdo la 'byin pa yod/ /ro yi rdzas ni khyad par can/ / mngon sum gtan tshigs 'di dag gis/ /rdzas kyi zhu rjes nus pa ni/ /'phral du skyed par mngon pa yin/ /ro tsa byed pa'ang de bzhin du/ /'phral du khu ba'ang 'phel bar byed/ /sngar bshad pa yi sman rnams kyang / /sbyor legs 'bras bu 'phral du skyed/ /'di ni slob ma min pa dang //log 'jug bu la'ang sbyin mi bya/ /smon par byed pa rnams dang ni/ /sdig can la ni mi sbyin no/ /sha li ho tra'i grub pa'i gnas bdun pa las ro tsa bar byed pa bstan pa'i le'u'o// //rta yi chu sbubs gyur nad dang / /blud bya blud mi bya nyid dang //gso ba'i nad ni yang dag nyid/ /legs ldan gyis ni bstan du gsol/ /bu yis de skad smras pa na/ /sha li ho tras slar smras pa/ /gang tshe rta la 'o ma chu/ /chu sbubs byin gyur de yi tshe/ /nyes skyed 'o ma dang bcas pa/ /tsha skyed mgo bor zhugs pa na//spos bdug mgo yi sbyangs pa yis/ /de ni bsal bar nus ma yin/ /skam par gyur tshe chu yi tshad/ /legs par bsal bar nus ma yin/ /de bas chu dang 'o ma ni/ /chu sbubs las ni sbyin mi bya/ /chu dang 'o ma de dag kyang / /sman dang bcas par bskol ba ni//chu sbubs las ni sbyin mod kyi/ /ci nas gnod mi 'gyur bar bya/ /gang tshe chang dang 'o ma chu/ /sbubs las blud pa'i shugs drags na/ /sbyor ba nyes par 'gyur ba'i rgyus/ /mdo la mang du zhugs gyur ba/ /de tshe lce dang lkog ma'i sbubs/ /shin tu bkang na drags par 'gyur//de bzhin shin tu 'thor ba yis/ /srol gong du yang 'jug par 'gyur/ /de yi gyen rgyu'i rlung las ni/ /byung ba'i nad kyis lus snod byed/ /de las lud pa 'byung ba na/ /lkog mar gnas pas gnod skyed byed/ /gyen byung shugs kyis bskyod pa na//mgo bor yang ni phyin par byed/ /de yis mchi ma 'dzag 'gyur zhing / /mgo 'degs pa yang dka' ba yin/ /lce ni nag por 'gyur ba dang / /lud pa lu zhing skam par 'gyur/ /mig gnyis rnam par 'gyur ba dang / /sa la 'gre zhing 'dar bar 'gyur/ / pa la sha yi mdog 'dra ba'i/ /snabs ni sna nas 'dzag par byed/ /rna ba chag cing yid mi bde/ /lus ni rdul zhing zhum par 'gyur/ /chu sbubs las ni gyur ba'i nad/ /gso bar shin tu dka' ba yin/ /'chi bar 'dra ba yin na yang / /de la phan 'gyur gso dpyad bya//dang bor mar gyi bskus nas ni/ /shin tu bsil ba'i sman chu blugs/ /ta la'i 'dab ma'i rlung g.yab bam/ /gos ni sher bas g.yab par bya/ /mar bskus nas ni sman bsil ba'i/ /lde gu'am 'dam gyis bsku bar bya/ /de 'phral tsha dang dbugs mi bde//rdul dang dub pa dang bral 'gyur/ /de nas dud pas bdugs pa yis/ /bcud bder gnas par gyur bya la/ /thang shing dang ni sa ra la/ /shing mngar dang ni ga bur dang / /pri yang ku dang tsan+dan dang / /de bzhin rta la parni dang / /nA ga pu Sh+ba spo na yang / / dug mo nyung dang bya ma ka /shre per dang spang spos dang / /rdo dreg gla sgang ma du li/ /shing tsha dang ni smyig rkang dang / /ing gu de'i shun gu gul dang / /ra sna ga bra ldong ros dang / /pu shel tsi dang ba la ka /sman ni 'di rnams cha mnyam du/ /legs par sbyar bar bya ba yin//gzhan yang de 'dra 'dug pa la/ /bsngags par gyur pa rnams kyang btul/ /rlung las gyur pa'i nad la ni/ /snum dang sbyar te btul bar bya/ /bad kan gyi ni nad kun la/ /bar ta ki yi khu ba sbyar/ /ka ra mar dang sbyar ba yis/ /lkog ma bde ba'i sman yang sbyin//sbu gu mod la khong stong las/ /cha gnyis pa ni che tshad yin/ /bzhi chas phri pa bar ma ste/ /phyed phri ba ni tha ma yin/ /de nas rdza bum blangs nas ni/ /der ni me mdag gzhug par bya/ /kha bkag ba yi dbus su ni/ /sor gcig ba yi bu ga gdong //sbu gu'i bu ga mnyam byas la/ /sbu gu bum pa'i bu gar sbyar/ /ngos la bu ga phra gtad de/ /de las de ni bud par bya/ /'dab ma der ni bdug pa de/ /bcug la dud pa bdug tu gzhug /sman pa mchog gis du ba ni/ /legs par de la bdug par bya/ / dud ba bdug pa'i che tshad yin/ /grangs brgya'i bar du gtul ba yin/ /bar ma bzhi bas phri ba ste/ /phyed phri ba ni chud tshad yin/ /rma lam dud pas bdugs gyur na/ /nad sel bar ni 'gyur ba yin/ /gang tshe sna nas ljan ljin ni/ /sbyin bag mang po 'dzag 'gyur zhing / / sgra ni 'byin par nus 'gyur ba/ /sbyang ba legs par shes par bya/ /du bas mgor sor nad dang ni/ /rkan dang lkog mar gnas pa yang / /sel cing bu ga bad kan gyis/ /khengs pa'ang sbyor bar byed pa yin/ /rlung ni bde bar rgyu byed cing / /so yi stobs kyang 'phel bar byed//dbang po rnams dang lus zungs dag /dngas shing skyon med byed pa yin/ /rlung gis tshil ni sel byed cing / /sems gsal yi ga 'byed par byed/ /lhod pa rnams ni dam byed cing / /gyong pa mnyen par byed pa'ang yin/ /gseb dang lam rings nas 'ongs dang //shin tu rgan dang skom gyis nyen/ /zas rtsub zos dang yongs su dub/ /khrag dang mkhris pa na ba dang / /chu yi dmu rdzing can dang brtags/ /snum btang ba dang du gzos dang / /sbegs dang 'jigs pas nyen pa dang / /chang 'thungs ba dang nyam chung dang / /'o ma 'thungs bar gyur pa yi//rta la nam yang dud mi bdug /lkog nad nam 'tshang yan chad nad/ /lud pa rnams kyi nad rnams dang / /skyigs bu mgo po'i nad rnams dang / /chu sbubs las gyur nad rnams dang / /bad kan las gyur nad dang ni/ /de bzhin rlung gi nad rnams dang //pus tshigs na ba rnams la yang / /dud bas bdugs pa bsngags pa yin/ /rta yis kha zas zos gyur cing / /bsil bar gnas la dud pa btang / /dud par nad ni bsal ba dang / /sman pas rlung 'joms kha zas sbyin/ /'bras chan sbrang rtsi dang sbyar cing //'o ma bca' sga btab pa sbyin/ /pi tsu mar da'i kha ba dang / /bskol ba'i mud+ga nyid sbyin cing / /de la rtsa yi don du ni/ /dUng ba nye bar sbyin par bya/ /legs ldan sha li ho tra yis/ /de skad ces bstan smras pa yin/ /sha li ho tra'i grub ba'i gnas te bdun pa las sbu bas las gyur ba'i nad gso ba'i le'u'o//grub pa'i gnas zhes bya ba gnas bdun pa rdzogs so// //rig byed rig byed yan lag mkhas/ /snying stobs ldan zhing dbang po thul/ /gso dang rigs pa'i las la mkhas/ /rta yi bstan bcos pha mthar phyin//sha li ho tra thub mchog la/ /legs thos kyis ni yongs dris pa/ /rta ni 'chi bar 'dod gyur pa/ /nad dang bcas par gnas gyur cing / /sum bcu rtsa gnyis bar dag gi /mtshan nyid legs ldan las rtogs 'tshal/ /'di ni na tshod gang gi che//nad ni gang dang gang dag gis/ /rta ni 'chi ba nyid 'gyur pa'i/ /mtshan nyid de ni bdag la gsungs/ /de nas sha li ho tra yis/ /legs thos dris don slar smras pa/ /rta yi nges pa 'chi 'gyur rtags/ /sha yi mig can gyis shes dka'/ / rim gyis brgyud de shes gyur pa/ /bshad kyis mnyan de bzung bar gyis/ /mchu ltag sor ni bzhi pa la/ /de ni ri mo brtag byas te/ /khyad par rnams pa sna tshogs pa/ /de la 'chi bar shes par bya/ /mi yi lag pa dang 'dra bar/ /rta rnams kyi ni mchu ltag brtag /gang la tshe ni yod gyur pa/ /de nyid bshad kyis mnyan par gyis/ /mchu ltag dbus mar ri mo ni/ /gyin du sor gcig gang la yod/ /de ni lo gcig nyid la ni/ /kha nad kyi ni 'chi bar 'gyur/ /de 'dra ba yi ri mo gnyis/ sor gnyis par ni snang gyur na/ /rta de nyid ni lo gnyis na/ /lce rings kyis ni 'chi bar 'gyur/ /'di 'dra ba yi ri mo gnyis/ /mchu ltag tu ni 'phred du snang / /lo gsum nas ni 'gram nad kyis/ /de ni 'chi bar 'gyur ba yin/ /'di 'dra'i ri mo dbus na dma'//rta gang la ni yod gyur pa/ /rta de lo bzhi lon pa na/ /'gram lkog nad kyis 'chi bar 'gyur/ /gang gi g.yon na ri mo ni/ /rtse mo yon po sor gnyis yod/ /rta de nyid ni lo lnga nas/ /ri dgas glal gyi nad kyis 'chi/ /mchu ltag dbus na ri mo ni/ / sor gnyis tshad ni yon tan yod/ /gang yin de ni lo drug nas/ /a ba ra ga'i nad kyis 'chi/ /gang gis ri mo 'dra ba/ /sor byed khar ni chud gyur pa/ /rta de lo ni bdud nyid na/ /gri shi'i nad kyi gdungs nas 'chi/ /ri mo de 'dra sor gsum pa/ /rta ni gang la snang gyur pa//rta de lo brgyad lon nas ni/ /rim gyi nye bar 'chi bar 'gyur/ /gang gi ri mo 'di 'dra las/ /dbus na nas 'dra sbom po yod/ /rta de nyid ni lo dgu na/ /rlung gi gzer gyis srog zad 'gyur/ /ri mo mchu ltag dang mnyam pa/ /gyen du byung ba dbus na gnas//rta de lo ni bcu pa na/ /ske rengs kyis ni brlag par 'gyur/ /gang la ri mo 'di 'dra gnyis/ /mchu ltag dbus na gnas gyur ba/ /lo ni bcu gcig lon pa na/ /rlung 'khyil nad kyis srog zad 'gyur/ /gang la de ni sor gnyis las/ /bcud che ba yi ri mo yod//rta de lo ni bcu gnyis na/ /gyen du log pa'i rlung gis gsod/ /ri mo chur ni sor phyed pa/ /sbom po nas dang 'dra ba yod/ /rta de lo ni bcu gsum na/ /dbugs mi bde ba'i nad kyis 'chi/ /steng dang thad kar ri mo ni/ /mchu ltag dbus na gnyis gnyis yod//yang na bya rog rjes 'dra ba/ /gnyis ni rta gang la yod pa/ /rta ni lo ni bcu bzhi na/ /'byung ba'i nad kyis dus byed 'gyur/ /de yi bdag po'i nor dang 'bru/ /nyams par byed pa nyid du 'gyur/ /gang gi ri mo rim tsam ni/ /gyen du 'greng zhing dbyibs legs la//drang zhing gsal bar gyur pa dang / /blta na sdug cing yid 'ong ba/ /gang gi mchu ltag dbus na yod/ /de ni gang gi khyim na 'dug /myur du rgyal bo nyid 'gyur zhing / /drin skyabs nor dang 'bru 'phel 'gyur/ /rta de gang na gnas gyur de/ /grong khyer rgyal srid 'phel bar 'gyur//de 'dra'i rta ni rnyed gyur na/ /mchod cing yongs su bskyang bar bya/ /de ni de 'dras lo bco lnga/ /bde ba kho nar son nas ni/ /rta rdzi yis ni snang byas pa/ /de rjes srog ni 'dor bar 'gyur/ /gang la mchu ltag ri mo ni/ /'di 'dra dkar sor snang gyur pa//de yang lo ni bco lnga na/ /ba la sha yi nad kyis 'chi/ /gang gi mchu ltag dbus na ni/ /ri mo sor ni gsum pa yod/ /de ni lo ni bcu drug na/ /lo logs nas ni 'chi bar 'gyur/ /de lta bu yi rta de ni/ /bdag po mdza' bo'i nor 'phel 'gyur//gang la de 'dra'i ri mo ni/ /mnyam po gsum ni mchu ltag nas/ /de yang lo ni bcu drug na/ /rlig skrangs kyis ni dus byed 'gyur/ /de lta bu yi rta de ni/ /rtag tu bdag po'i don sgrub 'gyur/ /bu mang bar ni 'gyur ba dang / /rta ni pho mo 'phel bar 'gyur//steng gi char gnyis 'og khar gnyis/ /ri mo rta ni gang la snang / /de ni lo ni bcu bdun na/ /mtshon gyis 'chi ba thob par 'gyur/ /de lta bu yi ri mo ni/ /gyen du lta ba gang la yod/ /rta de lo ni bco brgyad na/ /khrag nad kyis ni srog zad 'gyur/ / ri mo gyen du lta zhing mnyam/ /snum pa bzhi ni gang la yod/ /rta de lo ni bcu dgu na/ /gcig 'gag pa yis dus byed 'gyur/ /ri mo nyams shing ring ba lnga/ /gang gi mchu ltag mnyam yod pa/ /de yang lo ni nyi shu na/ /mgo nad kyis ni 'chi bar 'gyur//gang la rta phyis 'on te nad/ /'dra yod de ni gseb kyi mchog /lo ni nyi shu rtsa gcig na/ /kha nad kyis ni 'chi bar 'gyur/ /gang gi mchu ltag ri mo ni/ /bcud gug pa ni yod gyur pa/ /de ni nyi shu rtsa gnyis na/ /sman nad kyis ni 'chi bar 'gyur/ / mchu ltag lcags kyu 'dras brgyan ba/ /rgyal po la gces dpal yon can/ /lo ni nyi shu rtsa gsum na/ /brang tsha ba yis 'chi bar 'gyur/ /rus sbal chu srin 'dra gang yod/ /de yang rgyal po'i rdzes mthun yin/ /lo ni nyi shu rtsa bzhi na/ /rna ba'i nad kyis 'chi bar 'gyur//rta ni gang gi mchu ltag na/ /pad+ma'am ut+pal 'dra yod pa/ /bdag po'i nor ni rtag tu bskyed/ /lo legs par yang byed pa yin/ /lo ni nyi shu rtsa lnga na/ /gzhong 'dra'i nad kyis dus byed 'gyur/ /de ni tha skar bcas yod pa/ /bdag po'i nor dang bud med bskyed//lo ni nyi shu rtsa drug na/ /snum nad kyis ni 'chi bar 'gyur/ /ba dan bcas pa gang na yod/ /bdag po bsten na nor steng 'gyur/ /lo ni nyi shu rtsa bdun la/ /sbrul gyis bzung ste 'chi bar 'gyur/ /gang la mchod sdong 'dra ris yong / /bdag po mchod sbyin gyis 'byor 'gyur//lo ni nyi shu rtsa brgyad na/ /gzer nad kyis ni 'chi bar 'gyur/ /gang la ri mo blugs gzar 'dra/ /mchu ltag dbus na nye bar skyes/ /de yi bdag po mchod sbyin byed/ /sbyin gtong rtag tu 'gyed par 'gyur/ /lo ni nyi shu rtsa dgu na/ / mgo nad kyis ni dus byed 'gyur/ /g.yung drung ris dang rin chen 'dra/ /dpal gyi shing ngam lha yi shing / /dga' ba 'khyil pa'am phreng ba 'dra/ /gang gi mchu ltag nyid na snang / /rta mchog de ni bdag po yi/ /dpal ni mchog tu 'phel bar byed/ /bu dang tsha ba 'phel bar byed//bde bar rnam par rgyal par byed/ /gang la 'di 'dra'i rta yod pa/ /rgyal po de ni rnam rgyal 'gyur/ /bdag po tshim zhing bde ba dang / /nor rnyed pa ni tshim byas nas/ /de ni lo ni sum cu na/ /khong pa'i srin bu'i nad kyis 'chi/ /'khor lo'am rdo rje lta bu'i dbyibs//rta gang gi ni mchu ltag gnas/ /rta de rgyal po'i bzhon par 'gyur/ /bdag po rtag tu bde skyed byed/ /rgyal pos de ni bzhon gyur na/ /dgra yi tshogs ni kun las rgyal/ /rta de sum cu rtsa gcig na/ /nad med par ni 'chi bar 'gyur//gang la mchu ltag dbus na ni/ /zla ba kham pa'i nyi 'dra yod/ /rgyal po gang la'ang 'di 'dra yi/ /rta yod de ni 'byor chen yin/ /lo ni sum cu rtsa gnyis na/ /bde bar 'dug bzhin dus byed 'gyur/ /gal te ri mo rtsub bam chad//dum bu'am yon po yod gyur na/ /de ni bsngags pa ma yin gyi/ /drang zhing mdangs snum bsngags pa yin/ /de ltar tshe ni shes bya ba/ /nga yis khyod la bshad pa yin/ /de dag shes kyang brjod mi bya/ /brjod na nyes par 'gyur ba mi yin//nyo ba dang ni 'chong ba dang / /gso dpyad tshe yang brjod mi bya/ /sha li ho tra'i mdo'i gsang ba'i gnas brgyad pa las/ ri mo las na tshod dang tsho brtag pa'i le'u'o// //nad ni shin tu mi bzad pas/ /rta rnams zad par gyur pa na/ /gzhi nas brlag par 'gyur ba yis//bzhon pa'i bde las nyams par 'gyur/ /de tshe rgyal po skam po rtswa/ /gan da ra dang ma tra ka /sin du so pi ra dang ni/ /lho phyogs pa yi gtso bo sogs/ /rgyal po dang ni gling bar pa'i/ /mi rnams gang dag yin pa dang / / yul gyi skye bo thams cad kyang / /rta yi 'chi ba'i 'jigs pas nyen/ /sha li nyo tra dang srong che/ /de yi gnas su nye bar lhags/ /nyi ma lta bu'i gzi brjid can/ /de la dul bas phyag byas nas/ /rta yi tshul la brten nas ni/ /thams cad kyis ni dris pa la/ / sna tshogs nad kyi nyen gyur pa/ /rta rnams shin tu ma rung 'gyur/ /srog dang bral gyur nye ba na/ /de rnams kyi ni skyabs khyed lags/ /khyed ni rta yi de nyid mkhyen/ /ci nas de dag 'tsho gyur pa/ /de dag khyed kyis bstan par mdzod/ /de nas sha li ho tra yis//mi dbang 'khor bcas la smras pa/ /sems ni sdug bsngal gyis gdungs shing / /'jig rten 'di nas log nas ni/ /'jig rten gzhan du 'gro gyur pa/ /srog sbyin pa yi thabs med do/ /de yi srog ni shes bya dang / /'chi 'dod pa ni shes bya dag//shes la goms pa'i mig ldan las/ /sman pa yis ni shes par bya/ /blo med bstan bcos mi shes pas/ /gso bar nus pa ma yin no/ /gang zhig dus la bab gyur pa/ /de la sman par byar med de/ /sems can kun la 'chi ba ni/ / bcos su med pa mdun na bstod/ /sems can kun gyi dus min 'chi/ /nad las byung bar 'gyur ba ni/ /sman dang sbyor ba rnams dang ni/ /sngags rnams kyis kyang bzlog par bya/ /gang zhig sngon gyi las kyis ni/ /tshe ni nges par zad gyur ba/ /de la lha sogs bcas pas kyang //bzlog par nus pa ma yin no/ /sdug bsngal tshor ba bzlog pa dang / /nad rnams bsal bar bya ba la/ /tshe yi rig byed yan lag brgyad/ /rtag du nus dang ldan par bshad/ /nad rnams zhi bar byed pa dang / /de bzhin tshor ba gsal gyur ba//'di dag sman pa'i las yin gyi/ /tshe yi bdag po sman pa yin/ /'chi ltas kyis ni zil gnon pa/ /'chi bar 'gyur gyis srog yod min/ /'chi ltas med par gyur na ni/ /de la 'chi ba yod ma yin/ /gang tshe dus la bab pa na/ /de tshe 'chi ltas mang du 'byung //dus ni go bzlog gyur ba dang / /rgyal po'i skyes skar mi 'phrod dang / /sngon gyi las kyi nyes pa'am/ /de bzhin rgyal po'i sdig spyod las/ /log par spyod par gyur ba las/ /ltos nas mang du 'byung ba 'gyur/ /'chi ltas kyi ni mtshan nyid dang / / nad ni sna tshogs de las 'byung / /mi bzad tshul can du ma ni/ /srog ni 'jig par byed par 'byung / /de tshe gso ba sngags bcas pas/ /don ni ci bzhin byed mi nus/ /sman rnams kyis kyang nad kyi tshogs/ /legs par sel bar byed mi nus/ /de tshe lta tshogs mchod pa dang //sdom pa gnas dang zhi ba'i las/ /sngags dang sbyin sreg gtong ma yis/ /nad kyi tshogs rnams zhi bar bya/ /yams kyi nad ni zhi bya'i phyir/ /sngar bshad pa yi zhi ba'i las/ /byas pas srung zhing 'tshe ba bsal/ /des ni sna tshogs nad gzhi 'gyur//sman pas gang zhig mthong gyur na/ /rta ni nges par brlag 'gyur ba'i/ /tshe zad pa yi rtags dang ni/ /mtshan ma yang dag bshad par bya/ /nad ni mi bzad kyis nyen cing / /srog dang 'bral bar 'gyur ba na/ /mtshan ma gang zhig snang gyur pa//de 'di nga las shes par gyis/ /gang zhig ske bsdams lud pa lu/ /kha chu dang ni mchi ma 'dzag /dku ni stong par snang gyur ba/ /nad de'i mtshan ma ngan pa yin/ /gang gi lus kun skrangs pa dang / /rmen bu mang po 'byung ba dang / /gas shing 'dzag par byed pa dang //de la dri ba 'byung 'gyur te/ /bya rgod tshang gi ring 'byung ba/ /de ni ci nas 'tsho mi 'gyur/ /rnga ma g.yab par mi byed cing / /so yang krig krig 'cha' bar byed/ /sems rmugs shin tu yin mi bde/ /mgo yang phrug par byed mi nus/ /mtshan dang lto ba bslangs gyur ba//rta de 'tsho bar mi 'gyur ro/ /rna ba chag cing zas mi za/ /bzhin ras ngan cing rnga ma 'byi/ /'dar dang mgo 'khor gyis nyen pa/ /skad mi 'byin cing 'dug mi tshugs/ /sems khong chud cing mchi mas dkrugs/ /tshe zad par ni shes par bya//kha nas chu sngon 'dra ba yi/ /kha chu rgyun du 'dzag pa dang / /rta spangs rgyun mi 'chad par 'khru/ /gcin ni khrag dang 'dra bar 'dzag /sman pa mkhas par gyur ba yis/ /de ni 'chi dang 'drar shes bya/ /rta gang sgra ni mi thos dang / /gang zhig mi 'phrod la brten la//kha zas dang ni bral gyur pa/ /de yang 'chi ba 'drar shes bya/ /shin tu 'khru zhing mi zad byed/ /brgyal rengs yid mi bde dang ldan/ /yang zhig dkur ni lta byed pa/ /de yang srog zad gyur pa yin/ /gang zhig rtsa ni mi za bar/ /rgyun du so ni 'cha' byed la//rkang pas sa ni rko byed pa/ /de yang 'chi bar 'gyur shes bya/ /gang gi kha dang sna nas ni/ /khrag ni rab tu 'byung 'gyur zhing / /rdzi mang mang por snang gyur ba/ /nye bar gyur kyang mthong mi nus/ /mig ni dmar zhing 'tshubs par byed/ /gcin ni khrag 'dra 'byung 'gyur la//sems khong chud par gyur pa dag /de 'dra 'tsho bar 'gyur ma yin/ /gang gi mig ni ser gyur cing / /'khrul ba'i mig gis lta ba'am/ /rkang pa la ni rtog byed pa/ /rta de'ang 'chi bar 'gyur ba yin/ /gang gi mig ni dmar gyur cing / / dkar po'i cha ni mi mngon la/ /rab tu g.yogs par gyur pa gang / /de yang myur du ma rung 'gyur/ /'gro ba'i tshe na rnam par 'khyor/ /rkang pa 'dzugs par mi nus shing / /'tshe'u tsho 'khums par byed pa dang / /gnye'u rings gyur bde mi 'tsho/ /rtsib logs dag ni re re yis//yang dang yang du 'bre byed cing / /gsus me mchu 'phyang lce nag pa/ /'gro bar byed pas de mi 'tsho/ /'gro bzhin du ni lci ba dang / /dku la yang dang yang du lta/ /kha nas btung bar gyur pa rnams/ /sna nas 'byung bar byed pa dang / /mig gis mthong bar mi nus shing //rna ba dag kyang rengs gyur pa/ /de ni 'chi ba dang 'dra bas/ /sman gyi sbyor ba mi bya'o/ /gang zhig rlung 'khyil drag tu spo/ /yang dang yang du drag tu 'khru/ /'khru ba ring du 'byin byed cing / /'khrus nas slar yang sbo ba dang / /gcin dang rtug pa zad gyur kyang //rtsa ni za bar mi byed pa/ /de yang 'chi ba dang 'dra bas/ /sman gyi sbyor ba mi bya'o/ /gang gi rngog ma mthor gyur cing / /dkur ni lta bar byed pa dang / /lce rkan kha dang mchu gnag cing / /'gram pa 'thas par gyur ba dang / /pags pa spu dang lus dring //'jig rten pha rol 'gror shes bya/ /kha'i tshong 'dra ma sha rul ba'am/ /mda' sgro bsregs pa lta bu yi/ /rta ni gang la yod gyur pa/ /de yang 'chi bar shes par bya/ /gang la rngo dang g.yan pa sogs/ /pags nad 'byung bar gyur pa na/ /pags pa nag po nyid 'gyur zhing //spu yi tshogs kyang byin nas ni/ /chu ser shas ni che ba yi/ /khrag ni 'dzag par byed gyur pa/ /de mthong nas ni zla gsum bcas/ /lhag ma'i 'tsho bar shes par bya/ /lus ni rtag tu rengs pa dang / /kha nas kha chu'i rgyun 'dzag cing //yang dang yang du sgra 'byin ba'i/ /'jig rten pha rol par shes bya/ /rta gang kha skam lce dang ni/ /rkan dang mchu ni nag por 'gyur/ /mi ro lta bu'i dri 'byung ba/ /de yang ro dang 'dra shes bya/ /gang gi 'bras bu lkog ma ni/ /rab skrangs mgo po'i nad kyis btab//kha chu mdog ni du ma 'dzag /de yang 'chi ba dang 'drar bshad/ /gang zhig lud pa mi bzad lu/ gang dag gnas par rnam par 'gro/ /dbugs mi bde zhing rkang 'dzag pa/ /de 'dra ba yang 'tsho mi 'gyur/ /zad byed nad kyis btab gyur kyang //yid bde lta bur byed gyur pa/ /gang la mtshan nyid 'di yod pa/ /de yang 'chi bar shes par bya/ /mdog dang stobs dang skad gsang nyams/ /mig dang sna dang lus skrangs shing / /rna ba mjug ma bskyod mi shes/ /de yang 'chi bar shes par bya//gang zhig mgo dang de bzhin du/ /ro stod bskyod par gyur pa dang / /lud pa lu tshe kha nas ni/ /khrag ni 'byung bar byed pa dang / /lus skrangs gcin ni dmar po 'byung / /de yang ro dang 'dra ba yin/ /rta gar gcin mang sna tshogs pa'i/ / mdog can med du 'byung 'gyur la/ /rtsa ni ci yang mi za ba/ /de yang ro dang 'dra ba yin/ /snying ga skrangs pa dang bcas pas/ /shin tu mi bzad lud pa lu/ /sman pa mkhas pas mthong gyur na/ /'di ni mi 'tsho zhes bstan bya/ /rta gang ske ni yang yang rkyong //'dar zhing mig ni dmar ba dang / /lus lci yan lag rengs gyur pa/ /de yang 'chi bar 'gyur zhes bya/ /gang gi bu ga'i sgo skya zhing / /mchu ltag skrangs par gyur pa dang / /mig ni thur du 'gebs shing 'gro/ /spu ni shin tu gshor gyur pa//yid mi bde bas ring du bdug /phrag so'i steng ni skam por snang / /gnye'u rengs kyis kyang btab gyur ba/ /rta de'ang 'tsho bar 'gyur ma yin/ /rtsol ba chung zhing chu nyung 'thung / /zas kyang za bar mi byed kyang / /rta sbangs gcin ni mang gyur pa/ /de yang ro dang 'dra shes bya//gang zhig tshul ni 'di 'dra ba'i/ /'chi ltas snang bar gyur ba na/ /de yang legs par snang gyur na/ /gzhan du 'gyur ba de ma yin/ /nad pa gang dag lus 'jam zhing / /mdog dang spyod ba mang gyur la/ /mig dang spyod pa skyod med snang / / thams cad du yang spyod pa yang / /dro grang dus ni ci bzhin shes/ /gcin rtug gnod pa med par 'byung / /sa la 'gro bar gyur nas ni/ /slar yang chur 'jug par mi byed/ /sman gyi sbyor ba byas pa na/ /phan dang gnod pa'i khyad par snang / /de ni gso ba'i las rnams la//grub pa'i 'bras bu yod pa yin/ /de ltar gsor sung gsor mi rung / /shes nas gso ba'i las rnams brtsam/ /de ltar shes nas gang spyod pa/ /sman pa des ni las grub 'gyur/ /gso ba'i bya ba byas kyang ni/ /'chos par ma 'gyur 'chi 'dod pa//de la sman gyi sbyor ba ni/ /yon tan skyed par 'gyur ba yin/ /'chi ltas kyi ni mtshan nyid 'di/ /yon tan med la sbyin mi bya/ /bu dang slob ma yon tan gyi/ /snod ldan rnams la sbyin par bya/ / 'chi ltas byung ba gsang ba ni/ /nam yang su la'ang brjod mi bya/ /sha li ho tra'i gnas te brgyad pas nad kyis 'chi ltas bstan pa'i le'u'o// //sha li ho tra drang srong che/ /rta yi khang pa la dga' ba/ /thos ldan bu ni legs thos kyis/ / tshig ni 'di skad smras par gyur/ /nad dang ldan pa'i 'chi ltas rnams/ /'di dag legs par thos lags la/ /nad med rnams kyi 'chi ltas kyang / /go rims bzhin du brtag par mdzod/ /de skad dris tshe legs ldan ni/ /sha li ho tras slar smras pa/ /nad med rnams kyi 'chi ltas kyang //legs thos nye bar mnyan par gyis/ /rta gang nad ni med bzhin du/ /lus kyi nyams ni 'grib pa dang / /yid mi bde zhing sems khong chud/ /phyin ci log tu snang gyur na/ /'tsher yang log par 'tsher byed cing / /log pa kho nar mthong bar byed//dbugs kyang de 'drar snang gyur cing / /lus ni de ltar mi sdug 'gyur/ /de mthong na ni sman pa yi/ /'chi bar nges par shes par bya/ /mang du za yang nyon mongs byed/ /kha chu mang du 'dzag byed la/ /gcin dang rtug pa nyung gyur pa/ /de yang myur du brlag par 'gyur//nyi ma'am yang na mar me'am/ /zla ba'am ni chu nang du/ /gang gi grib ma mi mngon pa/ /yang na mun pa'i nang du ni/ /shin tu ring ngam thung bar snang / /de yang myur du 'jig par 'gyur/ /gang zhig 'gro bar byed pa na/ /grib ma rgyab tu phyogs gyur pa'am//yang na nyis 'gyur snang gyur pa/ /rta de'ang 'chi bar 'gyur ba yin/ /phag gam de bzhin rnga mo'am/ /khyi dang 'dra ba snang gyur zhing / /mi sdug rta dang mi 'dra ba'i/ /grib ma gang la snang gyur pa/ /de yang yun ring nad kyis ni/ /'chi bar 'gyur ba kho na yin//shin tu dngas pa'i chu la yang / /gzugs brnyan snang bar mi 'gyur ba'i/ /skyon dang bcas par snang gyur pa/ /de yang myur du 'chi bar 'gyur/ /gang gi mgo ni stod smad dag /mi 'dra bar ni snang gyur la/ /rtswa nyung za zhing chu la dga'//de yang myur du srog 'jig 'gyur/ /gang gi mig ni mchi mas khengs/ /de bzhin dbang po log par 'gyur/ /gang gi lus ni shin tu zhum/ /skom gyis gdungs pa lta bur snang / /sbrang bu rnams ni 'dus nas kyang / /rgyun du char pa mi bzad skyed/ / de lta bu yi rta de ni/ /srog zad par ni shes par bya/ /gang zhig rna bas mi thos shing / /dbang po nyams par snang gyur la/ /rtswa yang nyung du za byed pa/ /de yang myur du 'chi bar 'gyur/ /gang gi rna ba rengs nas ni/ /shin tu 'greng bar snang ba dang //yang dang yang du 'dug byed cing / /dran pa'ang yang dang yang du ster/ /mig kyang ling thog dag gis ni/ /khebs pa lta bu snang gyur pa/ /shin tu lhod par snang ba dang / /rnam par bskyed par mi shes la/ /rnyog can tshad ni chan por snang / /de yang myur du ma rungs 'gyur//gang zhig shin tu skrag pa lta/ /rgyas bsdus 'gugs par snang ba dang / /lce yang skrang zhing rings gyur pa/ /de yang myur du 'chi bar 'gyur/ /skrangs par gyur pa ma yin yang / /shin tu skrangs par ltar snang la/ /rta ni gang la snang bar gyur/ / de ni yun ring 'tsho mi 'gyur/ /gang zhig pad+ma dkar 'dra bas/ /mig ni rnam par khyab ltar snang / /rab rib yod kyang mthong gyur pa/ /de yang myur du 'chi bar 'gyur/ /mdo la stobs dang ldan gyur zhing / /spyod pa la yang thag thogs med/ /de nas myur du lus zhum pa//de yang myur du 'chi bar 'gyur/ /gang zhig khrus ni byas mod la/ /dang po snying ga skams 'gyur zhing / /lus kun rlon par gnas gyur pa/ /de ni zla phyed las mi 'tsho/ /gsos kyang rtas par mi byed kyi/ /'grib pa tshab cher snang gyur la/ /stobs dang mdog ni med gyur pa//de yang yun ring 'cho ma yin/ /bya ni 'phur bar gyur pa na/ /yun ring blta zhing 'greng 'dod la/ /dran pa nyams kyang dga' dga' ltar/ /yang dang yang du 'tsher bar byed/ /rta de tshe ni thug zos pas/ /ring por thub par 'gyur ma yin/ / bu ga'i chogs rnams skam gyur zhing / /blo yang shin tu 'grib par 'gyur/ /lus kyi khrag kyang 'grib 'gyur cing / /spyi bag spyod kyang 'byar mi btub/ /lus las dri ni mi zhim 'byung / /skad gsang mdog kyang nyams gyur pa/ /lus kyis kyang ni tsha grang dang / /'jam rtsub tshor bar ma gyur pa'am//phyin ci log tu gyur ba/ /rta de'ang 'chi bar 'gyur ba yin/ /zas dang spyod tshul thams cad la/ /thams cad du ni 'gyur ba ston/ /blo dang ldan pas de lta bu/ /sems nyams par ni shes par bya/ /mtshan mar snang ba 'di dag gis/ / nyams par 'gyur bar shes par bya/ /sha li ho tra'i gsang ba'i gnas te brgyad pa las nad med pa'i 'chi ltas bstan pa'i le'u'o// //sha li ho tra drang srong mchog /bstan bcos kun la 'jigs med pa/ /thos ldan bu ni legs thos kyis/ /dul dang ldan pas dris gyur ba//pho nya 'ongs dang lam dang ni/ /khyim du 'jug tshe shes bya dang / /nad la mthong bar gyur pa dang / /las ni rtsom par gyur pa na/ /shis dang mi shes mtshan nyid dag /'di ni legs ldan bstan pa'i rigs/ /bu yis de skad dris pa dang / /sha li ho tras slar smras pa//'di ni rta yi pho nya yi/ /mchan nyid nga yis bshad par bya/ /nad pa'am zhum pa'am rtags can nam/ /yang na gos ni dri ma can/ /sdang dang gdug pa'i las can dag /pho nyar 'ongs pa mthong gyur na/ /sman pa mchog gis na ba yi/ /rta de 'chi bar [(]shas [,]shes [)]par bya//nad pa'i don du pho nya ni/ /rta dang rnga mo mi la ni/ /zhon te 'ongs par mthong gyur na/ /rta de 'chi bar shes par bya/ /pho nyar bud med 'ongs pa'am/ /mgo reg skra bcings ral pa can/ /gos ni rdul can gyon pa'am/ /yang na nag gam rnyog can gyon//mthong na sman pas rta gso'i phyir/ /der ni 'gro bar mi bya'o/ /gang zhig gos dmar rlog pa yis/ /lus ni kun nas dkris gyur cing / /sman pas dris par 'gyur ba na/ /med cing bya ba'i tshig smra dang / /so 'dar ba dang de bzhin du/ /sen mo phan tshun 'dar bde la//skra dang kha sru rgyu med par/ /shin tu sbug cing nyed byed pa'i/ /pho nya 'ongs par mthong gyur na/ /sman pa der ni 'gro mi bya/ /rtswa dang shing dang rdo ba dag /gcod dam bcod par byed pa'am/ /yang na bcod cing nyed pa'am/ /skra dang thal ba 'thor byed pa//de lta bu yi tshul ston pa/ /yongs su spang bar bya ba yin/ /thal ba phyag dar sol phub dang / /gyo mo bdar bar byed bzhin du/ /pho nya 'ongs par gyur na ni/ /des ni don ni 'grub mi 'gyur/ /skyes bu lag na 'khar thogs pa/ /khros pa'am shin tu zhum pa yi//yang na mig ni mchi mas khengs/ /gos dang phreng ba dmar po thogs/ /gang gi pho nya 'di 'dra ba/ /rta ni de ru 'tsho mi 'gyur/ /rna bcad yan lag nyams pa dang / /yang na cung zad tshig gyur ba/ /kha nas mi shis tshig smra ba'am/ /yang na yid la mi dge sems//sman pa nyams tshe 'ongs gyur na/ /de yang nges par brlag par 'gyur/ /shi'o tshig go nyams so zhes/ /gtam ni sgrogs par byed pa'am/ /mi shis pa ni gzhan smra ba/ /pho nya des kyang 'chi 'dod ston/ /pho nya gang gi mdun na ni/ / mtshun gtor byed pa'i rdzas thogs pa'am/ /shing rta chag gyur mthong na ni/ /de yang spang bar bya ba yin/ /gang gi mdun na chu yi ni/ /bum pa chag pa mthong gyur pa/ /nad pa de ni 'chi 'dod cing / /'jig rten gzhan du 'gro shes bya/ /sog ma phub ma nya'i rus pa//skra dang sha dang sen mo so/ /zhib ma gtun dang mchil lham dang / /thal ba dang ni phyag dar dang / /rtswa dang shing dang sol ba dang / /bod pa la yang reg byed dang / /shing dang sngon po'i gos gyon pa'am/ /mi ro'i rgyan gyis brgyad pa'am/ /bcom dang nyams dang rlag pa dang //tshig dang chag dang de bzhin shing / /de la sogs pa gzhan dag kyang / /mthong ngam thos sam reg gyur ba/ /pho nya 'ongs pa'i thog mar ni/ /snang bar gyur na de mi 'tsho/ /pho nya 'ongs bar gyur pa na/ /rta yi tshul ni dris pa'i tshe/ /nan gyis mi shas smrar bcug pa//de 'dir brtag par bya ma yin/ /pho nya 'ongs bar gyur pa'i tshe/ /ro ni yid du mi 'ong pa'am/ /yang na bshang ba'am gci ba yi/ /dri ma glo bur byung gyur pa'am/ /'dri ba'i tshe na byung gyur na/ /sman pas de ni spang bar bya/ /gso ba'i gnas su song ba dang //nad pa mthong bar gyur ba dang / /las ni rtsom par byed pa dang / /mtshan ma mthong ba bshad par bya/ /dmod mo 'debs pa'am brdeg ba'am/ /bzlog pa'am ni smod pa'am/ /gos dang gtsug tor stod g.yogs dang / /phyugs dang bya yi tshogs rnams dang //shing rta dang ni glang po che/ /de 'dra 'jig par 'gyur ba dang / /gdugs dang rgyal mtshan ba dan dag /bsgreng ba 'gyel bar mthong ba dang / /snod ni gang bar gyur pa dag /mngon gsum du ni chag gyur ba/ /bcom dang yid du mi 'ong dang //mchil ma thal ba 'thor ba dang / /lam ni 'gegs par mthong gyur na/ /nad pa yi ni srog zad 'gyur/ /'jug tshe bum pa gang dang me/ /rgun 'bru'i 'bras bu mar dang ni/ /khyu mchog bram ze rin po che/ /lha ni phyir 'byung mthong gyur na/ /sman pas der ni na ba yi//rta de 'tshor mi 'gyur shes bya/ /thal bas gang ba'i snod dang ni/ /kun nas chag par gyur ba dang / /nyam chung ba'am chag gyur ba/ /thal ba phub ma sol ba dag /khyim gang du ni 'jug mthong na/ /der ni rta de 'chi mi 'gyur/ /zas dang skom dang sman rnams ni/ / de bzhin longs spyod gzhan dag ni/ /ro la byed pa ltar byed na/ /rta de 'tsho bar 'gyur ma yin/ /nad pa'i gan na gnas pa dag /phan tshun spyod pa byed pa na/ /shin tu rmongs pa ltar 'jug na/ /de yi srog kyang rnyid par dka'/ /dud pa sol ba 'thor byed dang / /de bzhin khri ni gcog ba dang //sbed pa'am yang na mi snyan smra/ /yang na snod ni gcog pa'am/ /gso ba las ni zlog byed pa/ /gal te sman pas mthong gyur na/ /der yang nad pa de yi ni/ /srog zad gyur par shes par bya/ /thal bas bskus pa'am tshig pa'am/ /'dam gyis bskus par 'gyur pa'am//smyon pa'am rdza mkhan mthong gyur na/ /de ni 'chi bar ston pa yin/ /skyes bu gdol ba mthong ba dang / /yang na til mar gyis bskus mthong / /shin tu nyams par mthong gyur na/ /de yang ma rung 'gyur shes bya/ /glo bur nas ni dri nga ba/ /byung na de ni 'chi bar 'gyur//sman pa yis ni mngon sum du/ /bram ze'i khyim nas chu'am ni/ /mar snod thogs te song gyur na/ /de yang 'tsho bar 'gyur ma yin/ /gang zhig ag tshom de bzhin du/ /mjug ma nyed cing phyi byed na/ /de 'dra'i mtshan ma mthong na yang //srog zad par ni shes par bya/ /sman gyis rnam pa thams cad du/ /nad ni bsal bar ma nus pa/ /gang yin de ni myur ba du/ /'chi bar 'gyur bar shes par bya/ /de ltar mi shis gyur pa yi/ /mtshan nyid rgyas par bstan pa yin/ /de nas gzhan yang shis pa dag /bshad kyis da las mnyan par gyis/ /gtsang zhing kun spyod bzang dang ldan/ /sa phyogs yid 'ong nyams dga' bar/ /pho nya 'ongs gyur mthong na ni/ /las grub par ni shes par bya/ /bcu bzhi chos dgu ma yin dang / /de bzhin bcu bzhi ma yin zhing //mtshan phyed dang ni nyi ma gung / /dus su ma yin na ba min/ /shis shing gnod pa med pa yi/ /yul dang dus su ci bzhin 'ongs/ /sman pas der ni 'ongs pa las/ /las grub par ni shes par bya/ /lam du 'gro bar gyur pa na/ /shis pa'i mtshan ma bshad par bya//zho dang 'bras bu ma gnang dang / /skyes bu dregs dang ldan pa dang / /khyu mchog dang ni bum pa gang / /mthong na 'grub par ston pa yin/ /rgyal po dang ni ded dpon dang / /de bzhin gdugs dkar mthong ba dang / /bram ze lag pa khengs dag ni/ / mthong na las rnams 'grub par 'gyur/ /na chung dga' ston byed pa dang / /de bzhin rin chen mthong ba dang / /phyugs gcig btags par gyur ba dang / /de bzhin me ni 'bar ba dang / /dri dang phreng ba shis pa dang / /bud med bzang dang rgod ma dang / /sa ni 'degs par byed pa dag /mthong na las ni 'grub par 'gyur/ /bud med rin chen rnams kyi ni/ /rgyan gyis brgyan cing bkra shis smra/ /'bras bus gang ba'i snod dang ni/ /chang dang sbrang rtsis gang ba dang / /dri dang sgra ni yid 'ong dang / /gos dkar ro ni mngar ba yang / / mtheng ngam thos na blo ldan pas/ /don grub bar ni shes par bya/ /phreng ba sar ba yid 'ong ba/ /de bzhin zas skom bzang po dang / /shing rta mi dang bcas pa dag /mthong na dge bar bshad pa yin/ /rgyal mtshan sgreng bar gyur ba dang / /ba dan gyis brgyan mthong ba'am/ / glang po ra ro mthong gyur na/ /blo ldan grub par shes par bya/ /lha dang de bzhin bram ze dang / /skyes ba bud med chas dang ldan/ /pad+ma 'dab brgyad dang ba dang / /sa ra la dang rma bya dang / /yungs dkar dang ni sA la'i shing / /de bzhin gi lbaM nyid dag ni/ /lam du mthong na sman pa yis//don grub par ni shes par bya/ /gang na khyu mchog bzang po ni/ /lam ka na ni snang gyur na/ /de ni rnyed pa dang bcas par/ /bya ba thams cad 'grub par 'gyur/ /shing rta sa yis gang ba ni/ /ba bzhi yis ni drangs gyur pa'am/ /yang na 'bru yis gang gyur pa//mthong na don ni 'grub par 'gyur/ /shin tu bde legs sgra dang ni/ /mi ni lags na pad+ma thogs/ /gang zhig bram ze dge sbyong mchod/ /brgyan cing yid la re ba rdzogs/ /de las gang yang rung ba ni/ /mthong na don ni 'grub par 'gyur/ /khyim du 'jug tshe bum pa gang //mtshan ma sna tshogs kyis brgyan dang / /de bzhin bud med rgyan can dag /mthong na las ni 'grub par 'gyur/ /dri zhim mdog ni bzang po dang / /de bzhin ro ni mngar zhing gtsang / /bya dang ri dgas mi rnams kyi/ /sgra skad snyan pa thos na dge /gdugs dang rgyal mtshan bsgreng ba dag /'jug pa'i tshe na mthong gyur na/ /blo ldan don grub shes par bya/ /dud dang rdza rnga rnga bo che/ /sgra ni snyan cing sgra che dang / /glu gar rol mo'i sgra dag dang / /snyan pa'i sgra ni skor phyogs 'gro/ /gnas su 'jug tshe thos gyur na//blo ldan don grub shes par bya/ /mdza' bo chu lha skem byed dang / /nyi ma zla ba rgya mtsho che/ /dga' byed dang ni khyab 'jug dang / /tshangs pa lha chen mi thub dang / /brgya byin dang ni rnam thos sras/ /tha skar gnyis dang tshogs dang rlung / / ming ni sgrogs par byed pa dag /don grub par ni ston pa yin/ /dad par byed dang rjes mthun dang / /nor ni mang po bsags pa dang / /las kyi mtha' ni grub pa dang / /de bzhin dge bar smra ba dang / /dbugs 'byin byed cing nyug pa dang / /de bzhin sman ni 'thung pa dang //grub pa'i phyir ni byed pa dang / /de ni nad med 'gyur rtags yin/ /sman rnams rnyed par 'gyur ba dang / /de bzhin dga' ba thob pa dang / /sman ni sna tshogs sbyor ba dang / /byed par mthong na 'grub par 'gyur/ /mtshan nyid thams cad phun sum tshogs//dge ba thams cad 'dod gyur ba/ /ltas 'di las ni nad med pa'i/ /don grub bar ni 'gyur ba yin/ /de ltar pho nya'i gnas skabs su/ /rtags ni 'di dag bstan pa dang / /nad kyis btab par gyur ba yi/ /gsor rung mi rung ston pa yin/ /lam dang khyim du 'jug pa na//nad pa mthong bar gyur pa dang / /las ni rtsom par gyur ba'i tshe/ /'dis ni 'grub dang mi 'grub ston/ /'chi ltas gsang ba'i 'di dag ni/ /yang dag nyid du shes par bya/ /'di dag thams cad gang gis ni/ /yang dag shes te sman pa'i mchog /legs ldan sha li ho tra yis//de skad rjes bstan smras pa yin/ /sha yi ho tra'i gnas brgyad pa las gsang ba'i gnas te pho nya'i las bstan pa'i le'u'o/ /rta'i tshe'i rig byed rdzogs so// //sha li ho tra thub chen la/ /legs thos kyis ni yang dris ba/ /legs ldan chos rnams thams cad mkhyen//bstan bcos kun gyi pha mthar byin/ /gsang ba dang ni bcas pa'i gnas/ /legs ldan gyis ni sngar gsungs gang / /khyed kyi drin gyis legs par ni/ /de nyid mnyan par 'tshal lags so/ /blo ldan de skad 'dri ba dang / /sha li ho tras slar smras pa//gsang ba legs rab rnyed dka' dang / /phye ma til mar sman mar dang / /bcud kyis len ni bzang po dang / /ro tsa ba yi mchog gyur ba/ /'dod nas gnas shing bslab bya ba/ /bshad kyi bu yis mnyan par gyis/ /pi pi ling dang bca' lga dang / / byi dang ga dang lan tshwa rnams/ /pi tsu mar da pa to la/ /a ru ra dang na le sham/ /ba ru ra dang skyu ru ra/ /yungs kar shing kun tsi tra ka /thang shing dang ni pa la sha/ /dug mo nyung shun tsu ka dang / /ar ka'i rtsa ba bong ba dang / /sap+ta par+Na shing tsha dang / /te dzo ba ti dzi ba ti/ /kaN+Da ka ri br-i ha Ni//a mra'i tshi gu sru sru'i rtsa/ /de bzhin spang spos kad pha la/ /se'u 'bru dang ni ti ka/ /shu dag ru rta star bu dang / /byi tsher ba dang ser bo gnyis/ /dur byid tig ta ro hi ni/ /nas tshig 'khus thal sa dzi ka /ha re Nu ka kyi lce ba/ /shu ti dang ni ma nu dang / / sle tres dang ni bi sha la/ /pi pi ling rtsa dbyi mong dang / /de bzhin ha ri pi pi ling / /rgya shug dang ni dra ban ti/ /a shwa gan+d+ha dan bya dang / /a dza mo dang zi ra lnga/ /so ma kun rtsi la la phud/ /she'u shing dang dug mo nyung / /de bzhin kar ka ta shri ka /ta ma la ga ga bra'i rtsa/ / ke ra ta dang bu nim pa/ /par ba ta dang gla sgang dang / /bri yang ku dang ba lu ka /br-i sh+tsa ka li so na ka /gze ma dang ni g.yer ma rnams/ /de dag cha ni mnyam byas pa/ /phyi ma zhib mor btags par bya/ /phyi ma dag ni srang gcig dang / /chang sbyar ba ni blud par bya/ /yang na nya khu chu'am ni//chu tshan dang ni sbyar ba blud/ /de yis rta ni gang zhig gi /me drod nyams dang ma snyoms dang / /khong pa'i srin bu rnams dang ni/ /zad byed tshangs par 'khru ba sel/ /ba gcin dang ni sbyar nas kyang / /de la blud par gyur na ni/ /'di la rta yi sgom dang dag / mchog tu sel bar byed pa yin/ /sha li ho tra'i gzhung bsgrub pa/ /rta yi stongs skyed byed pa yin/ /gsang ba'i gnas te brgyad pa las phyi ma bdun cu rtsa lnga ba'o// //tsha ba gsum dang 'bras bu gsum/ /shing kun pi pi ling rtsa ba/ /tin ti li ka se'u 'bru dang //star bu rgyam tsha kru trug tres/ /pha tha gla sgang g.yer ma dang / /shing tsha sug smel g.yer ma dang / /kar ka ta sring ha pu sha/ /byi dang ga dang kha ru tsha/ /shu dag thang shing dur byid dang / /dug mo nyung dang bong ra dang / /ba tha ma nu ga bra'i rtsa/ /ya bak+Sha ra bu tse shel//'di dag cha ni mnyam byas nas/ /phye ma zhib mo nyid du btags/ /phye ma khyor gang chang dang ni/ /sbyar ba rta la blud gyur na/ /rlung dang bad kan nad rnams dang / /de bzhin me drod nyams pa dang / /nad kun sel cing stobs skyed la//srin bu'i nad ni sbyong bar byed/ /til mar yang na mar sbyar ba'i/ /phye ma snum can me drod skyed/ /mkhris dang bad kan las gyur ba/ /lba ra sbrang rtsi dang sbyar sbyin/ /rlung las gyur ba'i nad rnams dang / /gnye'u rengs dang lkog nad dang / kha yi nad ni thams cad la//sbrang chang dang sbyar sbyin na phan/ /sbeg dang zad byen can la ni/ /sha khu dang ni sbyar te sbyin/ /gal te 'di dag ma rnyed na/ /dar ba'am mchu tshan dang sbyar sbyin/ /sman pa yi ni rta'i gnas dang / /nye bar rtag tu 'di gzhag bya/ /tsha ba gsum la sogs pa'i phye/ / sha li ho tras bshad pa yin/ /sha li ho tra'i gsang ba'i gnas te brgyad pa las tsha ba gsum la sogs pa'i phye ma bstan pa'o// //tsha gsum pi pi ling mU ya/ /shu dag ci tra 'bras bu gsum/ /thal sman gnyis dang lan tshwa lnga/ /de bzhin zi ra lnga dang bcas//kyi lce ba dang ser po gnyis/ /kyi lce ba dang gla sgang dang / /dbyi mo ha ti pi pi ling / /la la phud dang bong dang kar/ /mur ba dang ni dug mo nyung / /de bzhin dug mo nyung shun ba/ /thang shing dang ni sa khris dang / /nim pa dang ni ro tsa ka /so mar ca so ba na dzi/ / ru rta dang ni par ba ta/ /g.yer ma shing kun sgog skya dang / /de bzhin rta sga nyid dang ni/ /zur ba kan ta ka ri dang / /de bzhin byi dza su ra'i khu/ /'di dag cha mnyam bsdus nas ni/ /phye ma zhib mo nyid du btags/ /sbrang rtsi dang sbyar gom bu'am/ /chang dang sbyar te blud par bya//yang na mar ram til mar ram/ /ba gcin kA ny+dzi dang sbyar blud/ /bad kan gyi ni nad kun la/ /sbrang rtsi dang sbyar sbyin na phan/ /mkhris pa'i nad ni thams cad la/ /mar ram kha ra dang sbyar sbyin/ /rlung gi nad ni thams cad la/ /mngar ma til mar dang sbyar sbyin//gcin sri ba dang za gu la / /ba gcin kA ny+dzi dang sbyar blud/ /chag grugs dang ni lus zhum dang / /khyad par du ni sbeg nad dang / /zad byed kyis ni btab pa yi/ /rta la sman gyi mchog yin no/ /nad rnams kun las rnam grol zhing / /skyon kun dang ni bral bar 'gyur//shugs ni rlung dang mnyam pa dang / /stobs ni glang bo dang 'drar 'gyur/ /sha li ho tra'i gsang ba'i gnas te brgyad pa las tsha ba gsum la sogs pa'i phyi ma gnyis pa'o// //ha pu sha dang lce myang tsha/ /ru rta shing kun ze ra dang / /shu dag e raN+Da'i sa bon//ra sna bca' sga yungs kar dang / /thang shing a dza mo da dang / /nas tshig 'khus thal lan tshwa rnams/ /phye mar byas pa mar dang ni/ /til mar dang bskol dam pa 'di/ /rta ni rlung gis nyen pa la/ /'jam rtsi btang na stobs skyed yin/ /phye ma 'di dang sbyar ba yi//snum gyi 'jam rtsi gzhan yang bsngags/ /nad med rtas byed ro tsa byed/ /nad kyi gdungs la ngal ba sel/ /sman pa mkhas pas 'jam rtsi yi/ /las rnams kun la 'di sbyar bya/ /sha li ho tra'i gsang ba'i gnas te brgyad pa las ha pu shal sogs pa'i phyi ma'o// //byi dang ga dang ser mo gnyis/ /lce myang tsha dang tsal ru tsha/ /pa tha pa to la'i 'o ma/ /pi pi ling dang bca' lga rnams/ /phye mar btags pa 'di sbyin na/ /snying nad khong pa'i srin bu sel/ /me drod skyed cing smin byed yin/ /nad kun rnam par zhi byed cing //bad kan dang ni mdze nad sel/ /rta ni me drod nyams pa la/ /lus kyi me drod stobs 'phel byed/ /sha li ho tra'i gsang ba'i gnas te brgyad pa las byi dang ga la sogs pa'i phyi ma'o// //'bras bu gsum dang ser po gnyis/ /de bzhin tsha ba gsum po dang //gla sgang te dzo ba ti dang / /mur pa ha ri pi pi ling / /yungs kar pi pi ling rtsa ba/ /ba la ka dang bu tse shel/ /byi tsher sro lo kru trug tres/ /dug mo nyung gi sa bon dang / /pi tsu mar da pa to la/ /dra ban ti dang dur byid dang / /br-i sh+tsi ka li zir dang //ga bra'i rtsa ba thang shing dang / /g.yer ma dang ni byi dang ga /shing kun ru rta shi kru dang / /a pa ma rga bi sha la/ /shu dag dang bcas phye ma sbyar/ /sman gyi sbyor ba 'di nyid ni/ /rta la bdud rtsi dang 'dra yin/ /rlung dang bad kan nad rnams dang / / de bzhin rlung khrag 'dres pa dang / /de bzhin nad khrag can dang ni/ /g.yan pa bkra ba sel ba yin/ /khyad par du yang snying nad dang / /lud pa me drod nyams la bsngags/ /sha li ho tra'i gsang ba'i gnas te brgyad pa las 'bras bu gsum la sogs pa'i phye ma'o// // g.yer ma shing kun a ru dang / /ma nu dang ni lan tshwa brgyad/ /nas bskol khu ba dang sbyar sbyin/ /nad gzhi gsum skyes gzer rnams 'joms/ /gnas brgyad pa las gzer 'joms pa zhes bya ba'i phyi ma'o// //bi cu mar da pa to la/ /ka N+Da ka ri br-i ha ti/ /sle tres dang ni 'bras bu gsum//g.yer ma chu dang lhan cig bskol/ /de bcags pa yi khu bar ni/ /mu dag legs par btso bar bya/ /de ni legs par tshos pa dang / /thab nas slar yang phog nas ni/ /der ni tsha ba gsum po dang / /lan tshwa dag kyang tshad tsam gzhug /mar dang til mar zhag sbrang rtsi/ /de dag thams cad gcig tu bsre/ /tsha yi phye ma dag dang ni/ /mung ga'i khu ba sbyar bar bya/ /de nas tsha ba'i kha zas te/ /nya la cho ga bzhin du sbyin/ /des ni bad rlung sel byed cing / /lud pa dbugs mi bde ba 'joms/ / snying nad zhi bar byed pa dang / /skrangs pa dag kyang sel bar byed/ /'go ba'i nad dang rna nad rnams/ /nges par sel bar byed pa yin/ /lkog nad rnam par sbyong byed cing / /mchog tu me drod nyams la phan/ /gnas brgyad pa las tsha ba'i phye ma dang bsres ba zhes bya ba ste phye ma'i le'u'o// //til mar de bzhin mar cha mnyam/ /zhag dang rkang ni ci rnyed dang / /de bzhin skyur yang ci rnyed dang / /'dir ni zho ni bzhi 'gyur gzhug /der ni sman ni 'di dag rnams/ /lde gu btags pa gzhug par bya/ /shu da gar sna shing mngar dang / /'tsho byed dang ni dzi ban ti//a shu ma ti 'di dag ni/ /ba la ba sgi ba sbru ba/ /'di dag dang bskol snum chen po/ /stobs dang nad med skyed par byed/ /rlung las skyes pa'i nad brgyad cu/ /'di yis sel bar the tshom med/ /sha li ho tra'i gsang ba'i gnas te brgyad pa las snum chen po'o// //kaN+Da ka ri rtsa'i rtsa dang //'bras bu bsres pa srang brgya ni/ /chu bre bzhi yi nang du bskol/ /bzhi cha lus par gyur pa dang / /de las bre gang lus pa ru/ /mar ni bre gang dang bsres bskol/ /go rims bzhin du bshad pa yi/ /sman gyi lde gu 'di yang gzhug /pi pi ling rtsa byi dang ga /ha ti pi ling tsi tra ka /nas tshig 'khus thal kha ru tsha/ /ra sna shu dag tsha ba gsum/ /'di bcu mar gyi dud pa lnga/ /sel zhing legs par gso bar bya/ /nad kun sel bar byed pa yin/ /snum de bde ba skyed byed yin/ /gsang ba'i gnas te brgyad pa las kaN+Da ka ri'i sman mar ro// // yung dang skyer ba shu dag bcas/ /nim pa byi tsher par ba ta/ /sle tres dang ni kyi lce ba/ /bu tse shel ni cha mnyam byas/ /de la 'bras bu gsum dang ni/ /tig ta tsan+dan pi pi ling / /dug mo nyung dang ga dur dang / /ri sho ba gnyis dzi ba ka /lde gur btags pa dang bsres ba'i//mar bskol gyur pa de yis ni/ /rta yi mkhris pa sel byed cing / /gzhang 'brum khong tsha zhi bar byed/ /rdo dang g.yan pa rnams dang ni/ /me dpal dang ni rims la yang / /'di ni rtag tu bsngags pa yin/ /dbyar tshe rta la rtag tu phan/ /sha li ho tra'i gsang ba'i gnas de brgyad pa las tsha ba'i sman mar ro// //a shwa gan+d+ha'i rtsa ba dang / /'bras bu yal ga srang brgya ni/ /chu bre bzhi yi nang du bskol/ /de nas sman khu de dang ni/ /mar ni bre gang bskol bar bya/ /til mar mar dang mnyam pa dang / /'o ma bzhi 'gyur de ru gzhug /tsan+dan dang ni bca' lga dang //a ga ru dang shug pa dang / /rgun 'bru pad rtsa 'bras bu gsum/ /sna ma'i lo ma sha ri ba/ /ka N+Daka ri br-i ha ti/ /nA ga phu sh+pa pa spru ba/ /sa la kr-i sh+Na par+Ni gnyis/ /shing tsha gan+d+ha b+ha dra dang / /pad+ma ge sar lde gu ni/ /btags pa der ni gzhug par bya/ /'di yis rta ni sbeg pa dang //rlung gis nyam thag gyur pa dang / /zad byed kyis ni btab pa dag /sha skyed byed pa'i mchog yin no/ /sha li ho tra'i gsang ba'i gnas te brgyad pa las a shwa gan+d+ha'i sman mar ro// //bong dmur ba bu tse shel/ / gla sgang shing tsha pa to dang / /sa p+ta r+Ni pa to la/ /bi tsu mar da byi tsher ma/ /phar ba ta dang 'bras bu gsum/ /ser po gnyis dang dra ban ti/ /tsan+dan dmar po ma du ka /rtsa mkhris dang ni pi pi ling / /nye'u shing shug pa bu shel tse/ /dong ga dang ni sle tres rnams/ /dug mo nyung gi sa bon bcas//srang re cha mnyam sbyar lde gu/ /nim pa pa to la dang bcas/ /kan+Da ka ri ba sha ka /srang ni lnga yi tshad du byas/ /skyu ru ra ni bre gang bcas/ /cho ga bzhin du bskol nas ni/ /sman khu mar khu dang bsres la/ /me ni chung dus btso bar bya/ / tig ta chen po zhes bya ste/ /'di ni gu gul dang bcas pa'am/ /yang na 'ba' zhig sbyin byas na/ /yon tan bdun rtsi dag dang mtshungs/ /lus kyi me drod skyed par byed/ /gzi mdangs stobs ni 'phel byed yin/ /mdze dang khrag mkhris nad rnams sel/ /lus rgyas par yang byed pa yin//sha skyed mdog ni bzad byed cing / /nad kun sel ba'i dam pa yin/ /sha li ho tra'i gsang ba'i gnas te brgyad pa las tig ta chen po'i sman mar ro// //rtsa ba lnga pa gnyis nim ba/ /sle tres a ta ru sha ka /dong ga dang ni ba to la//'bras bu gsum ni cha mnyam bya/ /cham chom brdungs la chu nad bskol/ /sman khu bzhi cha lus pa ru/ /de dang mnyam pa'i zhun mar dang / /sman ni 'di rnams dang bcas bskol/ /kyi lce ba dang par pa ta/ /sha ri ba gnyis tsan+dan dang / /tig ta dang ni pu tse shel /ba tha dang ni bcas pa dang / /bal bu dang ni pu shel tse/ /u t+pal sngon po shug pa dang / /bi pi ling rtsa byi dang ga /te dzo ba ti ci tra ka /bong nga ha ti pi pi ling / /dug mo nyung shu nas khon dang / /ser po gnyis dang pi pi ning / /na yi sham dang bca' lga dang //thang shing zhes bya thams cad ni/ /cha mnyam der ni gzhug par bya/ /me chung gis bskol tshos pa dang / /shin tu sbyangs pa'i snod du gzhug /tig ta chen po'i sman mar 'di/ /rta yi sman gyi mchog tu bshad/ /lud pa dbugs mi bde dang mdze/ /la ba 'bras kyi phreng ba dang //bad kan gyi ni nad rnams dang / /de bzhin rna rnag gyur pa dang / /bad kan nad ni gzhan dag la'ang / /'di ni shin tu bsngags pa yin/ /'di ni nad kun sel byed cing / /gzi mdangs stobs ni skyed pa dang / /brtan zhing lus ni sra bar byed/ /dbang po gsal bar byed pa dang //yid kyang dga' bar byed pa yin/ /khrag dang mkhris pa sel byed cing / /gcong chen rims dang lud pa 'joms/ /pags pa la snad nad rnams dang / /gang yang khrag la gnas pa dang / /rus pa rkang la zhen pa rnams/ /mar 'di yis ni sel bar byed//nad kyi rgya mtsho rgal 'dod la/ /gzings dang 'dra ba mar 'di yin/ /tig ta chen po'i sman mar gnyis pa'o// //shri sha dang ni yan lag lnga/ /cha mnyam srang ni brgya ru bya/ /chu bre bcu drug nang du bskol/ /bzhi cha lus par gyur pa dang / /de rnams sman khu de dang ni//mar ni bre do bskol bar bya/ /sman ni 'di dag nyid kyi ni/ /lde gu der ni gzhug par bya/ /pi pi ling rtsa tsha ba gsum/ /br-ish+tsi ka li 'bras bu gsum/ /shu ti dang ni thang shing dang / /spang spos dang ni ba lu dang / /bya kra na ka shri ka ta/ /tsi tra ka dang na ku li/ /btsod dang dzi ba ni ya dang //ha ti pi pi ling tsan+dan/ /gan+d+ha b+ha dra ru rta rnams/ /lde gur byas bcug me chung bskol/ /rta gang rlung nad can dang ni/ /de bzhin mkhris pa'i nad yod dang / /bad kan snying gar 'khyil gyur pa/ /de rnams kyi ni sman mchog yin/ /shri sha la sogs sman mar 'di/ / nad kun sel ba'i mchog yin no/ /sha li ho tra'i gsang ba'i gnas te brgyad pa las shri sha la sogs pa'i sman mar ro// //shri sha yi ni lo ma ni/ /chu bskol de yi khu ba dang / /mar ni tshad bzhin bskol ba ru/ /tsha ba gsum dang 'bras bu gsum/ /de bzhin ha ti pi pi ling / / lde gur sbyar ba dang bsres bskol/ /mdze yi nad ni thams cad dang / /dug sel me drod skyed mchog yin/ /rlung dang mkhris pa las gyur dang / /khong tsha khrag gi nad rnams sel/ /dbyar gyi tshe na byin gyur na/ /'di ni bdud rtsi dang 'dra yin/ /shri sha la sogs pa'i sman mar gnyis pa'o// //mur ba dang ni 'bras bu gsum/ /tsi tra ka dang shu dag dang / /bca' lga dang ni ser po gnyis/ /ba tha shing tsha bar ba ta/ /na le sham dang gla sgang dang / /de bzhin nA ga ge sar dang / /tsan+dan dang ni sha ri ba/ /rgya spos dang ni ma lu ka / bo dang ha ti pi pi ling / /dan da dang ni dra ban ti/ /ro hi ni dang tsi tra ka /dbyi mo dUr ba kyi lce ba/ /cha mnyam sbyar te chu dang ni/ /mar dang me ni chung dus btso/ /tshos te mar ni lus pa dang / /de ni de las dbab par bya/ /'di blud rta ni mgyogs pa dang / /lus stobs rgya cher 'phel bar 'gyur//pags par gtogs pa'i nad kyi tshogs/ /rdo la sogs dang bral bar 'gyur/ /rlung dang mdze yi nad rnams dang / /mkhris pa'i nad dang lus rengs dang / /de bzhin dbugs mi bde kun dang / /nad ni sna tshogs gzhan yang sel/ /'di ni nad 'joms mchog yin zhing / / bkra shis par yang byed pa yin/ /sha li ho tra'i gsang ba'i gnas te brgyad pa las mur pa la sogs pa'i sman mar ro// //nim pa pa to la 'bras gsum/ /ser po gnyis dang pu tsi shel/ /byi tsher ba dang par ba ta/ /dra ban ti dang sle tres rnams/ /'di dag cha ni mnyam byas la//brdungs ba chu nang bskol bar bya/ /bzhi cha lus bar gyur pa ru/ /sman 'di dag gi lde gu gzhug /tsan+dan pi pi ling lga sgang / /ri sho ba gnyis dzi ba ka /kan da ka ri tig ta dang / /dug mo nyung gi sa bon rnams/ /cha ni mnyam par sbyar byas nas/ /de bzhin du ni mar khu dang //'o ma snum dang mnyam bcug la/ /me ni chung dus btso bar bya/ /'di ni tig ta chen zhes bya/ /mdze dang rims dang me dpal dang / /'brum bu dang ni 'bras nad dang / /de bzhin pags nad gzhan dag kyang / /khrag mkhris nad rnams sel bar byed/ /sman pa mkhas pas 'di nyid ni//rta la nye bar blud par bya/ /dpyid dang dgun gyi tshe na ni/ /sna sman 'jam rtsir btang na phan/ /dbyar gyi tshe na khyad par du/ /sman 'di rab tu bsngags pa yin/ /sha li ho tra'i gsang ba'i gnas te brgyad pa las tig ta can gyi sman mar ro// //dur byid chen po brdungs nas ni//chu bre bzhi yi nang du bskol/ /bzhi cha lus par gyur pa dang / /de ru mar khu bre gang blugs/ /ra ma nye k+Shi ra ka kol/ /ri sho ba gnyis dzi ba ka/ /ba la a ti ba la dang / /de bzhin k+Shi ra ba dang ni/ /me da ma hA me da dang / /shing mngar dang ni sha ri ba//cha ni mnyam por byas nas kyang / /de ni lde gur btags par bya/ /mar der bcug nas dkrugs nas ni/ /me ni chung dus dal gyis btso/ /de ni tshos par shes pa na/ /de las phog ste btsags par bya/ /snum 'di rtag tu btung ba dang / /'jam rtsi yi ni las la sbyar//rgyun du byin na mo gsham yang / /bu skyed par ni nus pa yin/ /sha li ho tra'i gsang ba'i gnas te brgyad pa las sha ma dur byid sman mar ro// //nim pa dang ni pa to la/ /skyer pa tsan+dan pu tse shel/ /kyi lce ba dang la la phud/ /par pa ta ni srang re dang //skyu ru ra ni bre gang bcas/ /chu bal can gyi chu las ni/ /chu bre bzhi yi nang du bskol/ /bzhi cha lus dang mar bre gang / /gla sgang rtsa mkhris shing mngar dang / /btsan dug dug mo nyung la phud/ /pi pi ling dang bcas bskol ba'i/ /mar gyis sna mig rna nad 'joms//rgyu rlugs rims dang nad dang ni/ /me dpal la sogs sel bar byed/ /sha li ho tra'i gsang ba'i gnas te brgyad pa las nim pa la sogs pa'i sman mar ro// //nim pa pa to la'i lo ma dang / /sle tres dang ni kaN+Da ka ri nyid/ /cha mnyam srang bzhin nyer shur byas pa dag /chu ni sman gyi bcu drug nang du bskol/ /sman gyi khu ba bzhi cha lus pa dang / /sman khu de dang mnyam pa'i mar dang bskol/ /der ni tsha ba gsum ni srang gsum dag /zhib tu btags pa'i phye ma gzhugs par bya/ /de ni legs par tshos par shes pa dang //gu gul dang sbyar rta la blud pa bya/ /yang na de dang mar bsres 'ga' zhig sbyin/ /des ni mdze yi nad kun sel bar 'gyur/ /khrag mkhris rdo dang de bzhin g.yan pa dang / /'brum bu 'brum phran de bzhin shu ba ni/ /sel zhing rta yi mdog dang stobs ni skyed//nad kyi tshogs 'joms bdud rtsi dang 'dra yin/ /sha li ho tra'i gsang ba'i gnas te brgyad pa las bdud rtsi lta bu'i sman mar ro// //ka ran dza dang ba sha ka /s+phor khyim gyi dud pa dang / /ka pid tha dang dong ga dang / /yug snam dang ni pad+ma dang //ka ra bI ra bong ba dang / /ro hi ta dang sle tres dang / /br-i ha ti yi 'bras bu ni/ /ra thug gi ni gcin dang btags/ /'di dag srang gnyis sbyar ba la/ /mar srang sum cu rtsa gnyis bskol/ /mar dang mnyam pa'i 'o ma gzhug /bskol ba'i sman mar stobs chen yin//mdze yi nad ni thams cad la/ /rtag tu bskul dang blud na phan/ /sha tshil rus pa skyed byed cing / /pags par zhugs pa'i khrag sbyong byed/ /mdze nad 'dzag par byed pa yang / /thams cad zhi bar byed pa yin/ /legs ldan sha li ho tra yis/ / de skad rjes bstan smras pa yin/ /sha li ho tra'i gsang ba'i gnas te brgyad pa las ka ra na dza la sogs pa'i sman mar ro/ /sman mar gyi le'u'o// //de nas gzhan yang til mar gyi/ /le'u nges par bshad bya ste/ /pra sa ra ni srang brgya ni/ /chu pre bcu drug nang du bskol/ / bzhi cha lus par gyur pa na/ /khu ba de ni thab las dbog /sman khu de dang mnyam pa yi/ /til mar nye bar gzhug par bya/ /kany+dzi rang sgyur nyis 'gyur gzhug /de la sman ni 'di dag gi /lde gu nye bar gzhug par bya/ /ra sna ba la gze ma dang / /lca myang tsha dang shi kru dang //pras ra na'i rtsa ba dang / /pi pi ling gi rtsa bar bcas/ /tsi tra ka dang bca' lga dang / /shu ti dang ni thang shing dang / /bse shing 'bras bu bong ba dang / /pi pi ling yang srang re ni/ /cha ni mnyam por sbyar nas kyang / /phye ma zhib mo 'thag tu gzhug /me ni chung ngu dang btsos te//snum de snod ni bzang por gzhug /'di ni sna sman bsku ba dang / /'jam rtsi btung ba dag la bsngags/ /rta ni rlung nad kyis bcom dang / /mi'am yang na glang po rung / /lus 'theng yun ring nad kyis btab/ /nges par bde ba 'thob par 'gyur/ /rta gang bu ni mi chags pa//'di yis nges par mngal skyed 'gyur/ /pho min skyes pa nyid 'gyur zhing / /mo gsham yang ni bu skyed byed/ /'di yis long ba khyab 'jug rigs/ /rabs chad bu ni yid 'ong skyes/ /pra sa ra yi til mar 'di/ /nad kun 'jig par byed pa yin/ / sha li ho tra'i gsang ba'i gnas te brgyad pa las pra sa ra'i til mar ro// //pra sa ra yi rtsa ba dang / /yal ga lo ma bcas srang brgya/ /rtsa ba bcu ni de yi phyed/ /chu gre bcu drug nang du bskol/ /bzhi cha lus par gyur ba dang / /thab las slar ni dbog par bya/ /sman khu de yis nyis 'gyur gyi//kany+dzi dang skyur gzhug par bya/ /zho yang sman khu'i nyis 'gyur ni/ /de la nye bar gzhug par bya/ /sman ni 'di rnams srang re la/ /lde gur byas la de ru gzhug /bse shing 'bras bu bca' lga dang / /tsi tra ga dang lce myang tsha/ /pra sa ra yi rtsa ba dang //de bzhin pi pi ling rtsa ba/ /thang shing dang ni shu ti dang / /me da tsa kra hA gan dang / /e raN+Da'i rtsa dzi ban ti/ /ru rta shu dgas ha tsa ra/ /po son cha ni bzang po dang / /de bzhin mang du sra ba dang / /sa bon dza na ser po gnyis/ /a shwa gan+d+ha ha pu sha/ ba ma seng phrom mi rkang dang //shre ya se ni cha mnyam gzhug /'di ni bsku dang sna sman dang / /btung dang 'jam rtsi dag la gtang / /rlung gi nad ni thams cad dang / /de bzhin gzhan kun sel bar byed/ /smyo dang 'byung bo brjed byed dang / /de bzhin gdon nad sna tshogs dang / / zha bo me dbal gyis thabs la/ /til mar bsten na bde thob 'gyur/ /skam dang rus pa'i nad rnams la/ /til mar 'di ni gtang bar bya/ /rgod ma bu ni mi chags pa/ /'di blud na ni bu chags 'gyur/ /rgod ma dang ni rta pho yi/ /rlung nad brgyad cu sel bar byed/ / gnyer ma 'dus shing na tshod rgas/ /slar yang lang tsho thob bar 'gyur/ /pra sa ra yi til mar 'di/ /rta la phan byed mchog tu bshad/ /tshe dang stobs ni skyed byed cing / /dran pa sems gsal dpal skyed byed/ /rgyus pa chad dang rtsa chad la/ /til mar 'di yis sna sman gtang //sha li ho tra'i gsang ba'i gnas te brgyad pa las pra sa ra'i til mar gnyis pa'o// //sle tres chu yi nad bskol la/ /khu ba bzhi cha'i til mar gzhug /'o ma de dang mnyam bcug la/ /sman 'di dag gi lde gu gzhug /pi pi ling rtsa tsha ba gsum//tsi tra ha ti pi pi ling / /shu dag ru rta byi dang ga /skyer pa dang ni lce myang tsha/ /pra sa ra ni ba la dang / /ra sna gze ma ha pus pa/ /bcug la me ni chung dus btso/ /de bzhin bca' lga gzhug par bya/ /'di yis sna rengs rlig spos dang / /lus rengs rked pa na ba dang //de bzhin rgyab ni rengs pa dang / /rlung nad pa la sha dang ni/ /rlung las gyur ba'i mig nad la/ /khyad par du ni rtag tu btang / /sle tres la sogs til mar ni/ /tshangs pas sngon tshe bshad pa yin/ /sha li ho tra'i gsang ba'i gnas te brgyad pa las sle tres la sogs pa'i til mar ro// //shu ti ra sna dong gra dang / /btsod dang ru rta lce myang tsha/ /thang shing dang ni ba la gnyis/ /ser po gnyis dang tsan+dan dmar/ /sle tres kyi ni khu ba dang / /til mar 'o ma bcas bskol ba/ /'theng pa'i nad ni thams cad la/ / bsku dang sna sman 'jam rtsi gtang / /gsang ba'i gnas te brgyad pa las shu ti'i til mar so// //pi pi ling dang po son cha/ /bil ba shing mngar shu ti dang / /ru rta de bzhin ma nu dang / /tsi tra ka dang thang shing ni/ /btags te til mar 'o ma ni/ /nyis 'gyur bcug ste bskol bar bya//gzhang 'brum rlung ni 'khyil ba la/ /'jam rtsir gtang ba'i mchog yin no/ /gzhang 'brum pa dang gzer nad dang / /gcin sri ba dang za gu dang / /rked pa brla yi nad rnams dang / /sbeg pa dang ni sbos nad dang / /khrag 'dzag pa dang gzhang kha skrangs/ /rlung 'khyil ba ni sel bar byed//de la sogs pa'i nad rnams ni/ /'jam rtsi btang na sel 'gyur so/ /gsang ba'i gnas te brgyad pa las pi pi ling la sogs pa'i til mar so// //'tsho byed shing mngar ma dang / /pi pi ling dang po son cha/ /shu dag ra sna ba la dang / /bil ba nye'u shing shu ti ni//btags pa'i lde gu til mar dang / /'o ma nyis 'gyur bcug ste bskol/ /til mar 'di ni 'jam rtsi ru/ /btang na rlung nad sel bar byed/ /gsang ba'i gnas las 'tsho byed la sogs pa'i til me ro// //ma sha'i rtsa ba srang brgya ni/ /dus su skyes pa btu bar bya/ / chu bre bcu drug nang du bskol/ /bzhi cha lus par gyur ba dang / /sman gyi khu ba de dang ni/ /til mar bre bzhi bsres pa rung / /sman 'di dag ni srang gnyis pa/ /mnyam byas lde gu bcug ste bskol/ /btsod dang a shwa gan+d+ha dang / /rgyam tsha dang ni shing mngar dang / /nim ba'i rtsa ba shu ti dang //ra sna yang ni bcug ste bskol/ /me chung la bskol til mar 'dis/ /rlung gi nad kun sel byed cing / /lus rengs pa yi nad rnams ni/ /rab tu 'joms par byed pa yin/ /rlung las gyur ba'i nad brgyad cu/ /thams cad 'di yis sel bar byed//gsang ba'i gnas te brgyad pa las ma sha'i til mar ro// //ra sna la sogs bshad bya yis/ /legs thos ma yengs mnyan par gyis/ /ra sna'i rtsa ba lo ma dang / /'bras bu yal ga srang brgya ni/ /brdungs te chu bre bcu drug dang / /bskol la bzhi cha lus phan//de yi khu ba bre bzhir ni/ /til mar bre ngo gzhug par bya/ /ra sna de nyid lde gu byas/ /srang bcu der ni bcug par bya/ /der ni 'o ma bzhi 'gyur dang / /blo ldan sman pas sbyar bar bya/ /kha ra srang ni bco lnga dag /srang bcu nye bar gzhug par bya/ /kha ra rnyed bar ma gyur na//bu ram nyis 'gyur gzhug par bya/ /me ni chung dus bskol nas ni/ /u du m+l+bA ra'i snod nang gzhag /til mar 'dis ni rlung gyur de/ /brgyad cu sel bar byed pa yin/ /ra sna'i sbyor ba ci bzhin du/ /ha sa tsa ra'ang de dang 'dra/ /sna sman bsku ba btung ba dang / / 'jam rtsi'i las la'ang sngags pa yin/ /sha li ho tra'i gsang ba'i gnas te brgyad pa las ra sna la sogs pa'i til mar ro// //'bras bu gsum dang na le sham/ /bca' lga ldong ros ba bla dang / /nag tshur dur byid gla sgang dang / /de bzhin ar ka'i lo ma dang //thang shing dang ni ser po gnyis/ /spang spos dang ni tsan+dan dmar/ /'di dag srang re'i tshad byas pa/ /ba gcin dang ni lhan cig bskol/ /yungs mar srang ni sum cu dang / /dug ni srang gcig gzhug par bya/ /lcags kyi snod du me chung gis/ /rim gyis de ni bskol bar bya//til mar 'di yis rta yi ni/ /lus kyi nad rnams sel bar byed/ /g.yan ba dang ni rkang shu dang / /de bzhin 'brum bu sna tshogs ni/ /bskus pa yis ni sel byed cing / /mnyan par yang ni 'gyur ba yin/ /gang zhig rma red gyur ba dag / de la'ang sman ni mchog yin no/ /sha li ho tra'i gsang ba'i gnas te brgyad pa las dug gi snying po can gyi til mar ro// //ru rta rgyam tsha ser po gnyis/ /ka ra bI ra na le sham/ /na ta ma na ta bi sha la/ /kam pi li dang sra rtsi pog/ /yungs kar gla sgang pa to la/ /ni bi sbad ma skyer khaN dang //byi dang ga ni cha mnyam bya/ /'di dang til mar ba gcin ni/ /nyis 'gyur bcug la bskol bar bya/ /til mar bska bar gyur pa'i tshe/ /rnyigs mar bcas pas bskus na ni/ /rdo dang g.yan pa'i nad rnams dang / /mdze nad lo mang lon pa 'dzoms//rkang shu dang ni sha bkra yang / /lan cig bskus pas sel bar byed/ /mdze yi nad ni bco brgyad dag /dbang po'i thog bab lta bur 'joms/ /sha li ho tra'i gsang ba'i gnas te brgyad pa las ru rta la sogs pa'i til mar ro/ /til mar gyi le'u rdzogs so///ra sna ba la sle tres dang / /ba spu ba dang e raN dang / /shi kru bca' lga thang shing dang / /a shwa gan+d+ha nye'u shing dang / /rtsa ba lnga pa a ru ra/ /sa ha tsa ra sru sru'i rtsa/ /chu dang bskol ba'i sman khu 'di/ /gu gul bcas pa'ang de gcig pu//sbrang rtsi dang ni sbyar byas pas/ /ske rengs rgyab rengs mjug do'i nad/ /gzhang 'brum ro stod nad rnams dang / /sna rnag 'byung ba sel bar nges/ /sha li ho tra'i gsang ba'i gnas te brgyad pa las sna la sogs pa'i sman gyi khu ba'o// //gla sgang bo dang ba tha dang //shu dag dang ni a ru ra/ /pu tse shel dang kyi lce ba/ /thang shing dang ni par pa ta/ /pi pi ling rtsa byi tsher ba/ /sla tres dang ni bca' lga dang / /pa to la yi lo mar bcas/ /sman khu bzang po bskol bar bya/ /me drod bri dang rims bcas dang / /sems khong chud dang lkog nad dang //gzhong 'dra skrangs nad lud pa dang / /ma zhu rlung dang stobs zad ba'i/ /rta yi nad la btang gyur na/ /nad kun sel pa'i mchog yin no/ /gsang ba'i gnas te brgyad pa las gla sgang la sogs pa'i sman khu'o// //shring ga ta ka shri sha yi/ / shun ba la ka'i rtsa ba dang / /a shwa gan+d+ha ra sna dang / /sra pa ra yi rtsa ba ni/ /cha ni mnyam por sbyar byas la/ /gtun gyi nang du brdungs te bskol/ /bzhi cha lus bar gyur pa dang / /dro 'jam rta la blud par bya/ /brang gi nad ni thams cad la/ /sman khu 'di ni mchog tu bsngags//gsang ba'i gnas te brgyad pa las shring ga ta ka la sogs pa'i sman khu'i le'u'o/ /sman khu'i le'u rdzogs so// //rta ni ma zhur gyur ba dag /rtswa nyung za zhing yid mi bde/ /byin pa gnyis ni 'theng gyur zhing / /nyams thag pa yis gcin rtug gtong / /yang na byin pa skrangs pa'am//rma yi nad ni 'byung bar 'gyur/ /srod dang nga rgyal med 'gyur zhing / /rmongs bag ma zhu las byung skye/ /de la ci srid nad med ni/ /nyam chung gyur par skyung bar gzhag /shing tu na na nad gzhi gsum/ /sel ba'i sman khu dro 'jam blud/ /rta la skyung ba byas rjes la//dus mthun zas dang skom byin te/ /zhag lnga'am zhag bzhi'i bar du ni/ /rjes su btung ba blud par bya/ /de yis nad byang ma gyur na/ /nad stobs skyes la sman pa yis/ /zhag bdun gyi ni rjes la ni/ /gtar ga nye bar gdab par bya/ /rna ba mur 'gram rtse'u chung dang //blang gi rtsa la gtar ga gdab/ /byin pa rkang pa tshe'u tshe yi/ /rtsa las 'theng gyur gtar ga gdab/ /sha li ho tra'i gsang ba'i gnas te brgyad pa las ma zhu ba sbyang ba'o// //de nas rta yis sor btung / /khyed la yang dag bshad par bya//a rdza mo dang la la phud/ /pi pi ling dang tsi tra ka /pi pi ling gi rtsa ba dang / /bca' lga yang ni cha mnyam sbyar/ /'di dag gi ni phye ma dag /chu tshan dang sbyar blud par bya/ /btsod dang sbrang rtsi da ta ki/ /ser po gnyis dang lo ma bdun/ /bri yang ku dang kha ra dang / / yungs dkar dmar dang pi pi ling / /'di dag cha ni mnyam byas la/ /bu ram chang dang sbyar ba blud/ /'dis ni rta yi lto ba na/ /gnas pa'i nad rnams sel bar byed/ /gsang ba'i gnas te brgyad pa las so sor btung ba'o// //pi pi ling dang na le sham/ /bca' lga shu dag byi dang ga /shing kun g.yer ma tsi tra ka /dan da dang ni pu tse shel/ /chang dngas dang ni sbyar pa ni/ /so sor btung ba blud par bya/ /gsang ba'i gnas te brgyad pa las so sor btung ba gnyis pa'o// //pi pi ling dang lan tshwa dang / /shu dag dang ni shing tshar bcas/ / a dza mo da go snyod dang / /tsi tra ka dang na le sham/ /chang dngas dang ni sbyar ba yi/ /rjes su btung ba blud par bya/ /'di yis rlung dang bad kan gyi/ /nad rnams sel bar byed pa yin/ /gsang ba'i gnas te brgyad pa las rjes su btung ba'o// //lus kyi rtsa ba mjug khung yin//sman lugs de ni rab tu gnas/ /'di yis rkang mthil spyi bo'i bar/ /lus kun rtas par byed pa yin/ /khur chen dang ni bkris dang skom/ /char dang de bzhin rlung rnams ni/ /rta yis rab tu brnags nus shing / /rtsa med na yang sems mi zhum/ /rta ni sha tshil rus pa brtan//gom pa shin tu yangs pa dang / /lus ni mdzes par snang ba dang / /rgyab dang rkang pa sra bar 'gyur/ /ji ltar shing ni rtsa ba nas/ /chu yis brlan par gyur pa na/ /lo 'dab la sogs rgyas par 'gyur/ /rta yi 'jam rtsi'ang de dang 'dra/ /lus la gnas pa'i rlung lnga po//srog dang gyen rgyu thur sel dang / /me dang mnyam gnas khyab byed rnams/ /rjes su mthun par rgyu bar 'gyur/ /de tshe thur ser rlung gis ni/ /me dang mnyam gnas skyed par byed/ /mnyam gnas kyis kyang khyab byed brtan/ /des kyang gzhan dag brtan par byed//de ltar gong nas gong du ni/ /'di dag rim gyis rjes mthun gnas/ /dper na sos ka'i nyi ma yis/ /sa la gnas pa'i chu tshogs kyi/ /gzi mdangs blangs par gyur nas ni/ /nam mkha'i ngos la gnas pa yin/ /rta la 'jam rtsi legs btang pa/ / de dang 'dra bar shes par bya/ /ji ltar leb rgan rtsis bsgyur ba'i/ /mtshon pa'i 'dag chal gyis sel ltar/ /de bzhin mas gtong ni ru ha/ /phra ba'i lam nas zhugs gyur pas/ /mgo nas rkang pa'i bar gyi ni/ /nad rnams sel bar byed pa yin/ /sha li ho tra'i gsang ba'i gnas te brgyad pa las mas gtong ba'i las kyi yon tan bstan pa'o// //sna sman gtong ba'i sbu gu ni/ /sor bcu ru ni bya bar bshad/ /yang na steng nas blugs bya ste/ /de yang ras bal nyid la gzag /snga dro lto stong gyur pa yi/ /rta yi lus ni drang por gzhag /'phral du blugs kyis rgyun du min/ /dbugs dbyung tsha na spyad par bya/ /sna sman gtong ba rtsol ba dang / /chu 'thung ba las bsrung bar bya/ /gsang ba'i gnas las sna sman btang ba'i cho ga'o// //ru rta yang ba pi pi ling / /bca' sgra shing khun skyar khaN dang //pri yang ku dang ra sna ni/ /lhan gcig sbyar te btags par bya/ /sman khu de la ra sna ni/ /bzhi cha slar yang gzhag par bya/ /sna sman 'di ni gnye'u rengs dang / /rna rtse'i nad la gtang bar bya/ /de ni 'theng dang brang kha na/ /'gram pa dang ni brla rengs dang //rlung dang bad kan las gyur ba'i/ /nad kun sel bar byed pa yin/ /gsang ba'i gnas las ru rta la sogs pa'i sna sman no// //bu ram bca' lga'i ra ba'am/ /pi pi ling dang rgyam tshar sbyar/ /sna sman btang na 'gram pa snad/ /dpung pa mgo ba'i nad rnams dang / / lkog nad dang ni rna ba'i nad/ /rgyab rengs sel bar byed pa yin/ /gsang ba'i gnas las bca' lga la sogs pa'i sna sman no// //pi pi ling dang bca' lga dang / /rgyam tsha bri ha ti'i 'bras bu/ /ba gcin dang ni sbyar ba dag /sna sman du ni gtang bar bya//sna sman 'di yis rengs pa'i nad/ /cung zad rnying par 'gyur ba yin/ /gsang ba'i gnas las pi pi ling sogs pa'i sna sman no// //br-i ha ti yi 'bras bu na/ /chu dang bcas pa zhib tu btags/ /sna sman sbyar bar btang gyur na/ /ni ran ka'i nad sel 'gyur/ / gsang ba'i gnas las br-i ha ti'i 'bras bu la sogs pa'i sna sman no// //shri sha ni dang dzi ban ti/ /shu dag ra sna thang shing dang / /a ra sha dang bcas pa ni/ /ba gcin gyi ni nang du bskol/ /rlung las gyur pa'i nad brgyad cu/ /sel bar byed par the tshom med/ /gsang ba'i gnas las shri sha la sogs pa'i sna sman gyi le'u'o// //a shwa gan+d+ha shu dag dang / /nye'u shing ru rta thang shing dang / /a ba dang ni a pu sha/ /sen du ba ra ser po gnyis/ /chu yi nang du bskol nas ni/ /bzhi cha lus par gyur pa ni/ /rlung nad can gyi rta rnams la/ /mas gtong ba yi sbyor ba bya//rlung nad rkad pa'i tshigs gnas dang / /de bzhin brla la brten pa la/ /rus pa la gnas de thams cad/ /myur du sel bar byed pa yin/ /mdog dang stobs ni skyed byed de/ /rta yi 'jam rtsi mchog gyur yin/ /sbyor ba 'di yes lam ring du/ /bkol yang gnod pa med par 'gyur//'di byas gyur na rta de ni/ /rang gi lus stobs bri mi 'gyur/ /sha li ho tra'i gsang ba'i gnas te brgyad pa las a shwa gan+d+ha la sogs pa'i 'jam rtsi'o// //u pu sha dang lce myang tsha/ /tsi tra ka dang dbyi mong dang / /shu ti ru ha shu dag dang / / thang shing dang ni yungs kar rnams/ /sman gyi phye mar byas pa yis/ /'jam rtsi'i sbyor ba byas gyur na/ /rlung gi nad ni brgyad cu dang / /mkhris pa'i nad ni bzhi bcu dang / /bad kan nad ni nyi shu dag /'jam rtsi 'di yis sel bar 'gyur/ /sha li ho tra'i gsang ba'i gnas las a pu sha la sogs pa'i 'jam rtsi'o// //rta la phan par 'dod pa yis/ /ru rta brgyad pa bshad par bya/ /ru rta shu ti shing mngar dang / /e raN+Da dang thang shing dang / /skyer ba dang ni ha pu sha/ /po son cha yi 'bras bu ni/ /cha mnyam nyid du bsdus nas kyang //phye ma zhib mor btags nas ni/ /phye ma de las srang gcig cig /mar ram til mar dang sbyar la/ /'jam rtsi rtang ni btang gyur na/ /rlung 'khyil ba yi nad rnams sel/ /khu ba zad dang gcong chen dang / /rlung nad smad du zhugs pa dang / /rlig skrangs gcin ni sri ba dang //rlung nad kyis ni sems bcom pa/ /dus dang mthun pa'i snum dang ni/ /byin na phan par 'gyur pa yin/ /sha li ho tra'i gsang ba'i gnas las rta brgyad pa zhes bya ba'i 'jam rtsi'o// //pi pi ling dang bca' lga dang / /na le sham dang dur byid dang //br-i ha ti yi 'bras bu dang / /gur gum de bzhin ga bur dang / /gla rtsi dang ni rgya spos dang / /de bzhin smig rkang nyid dang ni/ /skyer pa rnams ni cha mnyam byas/ /phye mar zhib tu btags par bya/ /de las 'jam rtsi'i sbyor ba ni/ /byas te rta la btang gyur na/ /rlung dang mkhris pa'i nad rnams ni//'jam rtsi 'di yis sel bar byed/ /gsang ba'i gnas las pi pi ling la sogs pa'i 'jam rtsi'o// //sha khi ra ni srang gcig dang / /mad du ka ni srang gnyis dang / /de bzhin mar ni srang lnga dang / /'o ma las kyang srang bcu drug /'o ma'i 'jam rtsi 'di btang na/ /mkhris pa'i nad rnams sel bar 'gyur/ /khrag dang mkhris pa zhi byed la/ /ston dang sos ka'i tshen bsngags/ /gsang ba'i gnas las 'o ma'i 'jam rtsi'o/ /sha li ho tra'i gsang ba'i gnas te brgyad pa las 'jam rtsi'i le'u'o// //phye ma mar ni kha ra'am/ /bu ram dag dang sbyar byas la/ /chu grang dag dang skyes pa ni/ /nang bar rta la byin gyur na/ /ngal dang ltogs dang dbugs mi bde/ /gcin 'gags pa yi nad rnams ni/ /'di yis 'phras du zhi byed cing //stobs kyang skyed byed byed pa yin/ /sbeg dang gcod chen gyis nyen dang / /nyam chung lam gyis dub pa la/ /'o ma mar dang phyer byas ba'i/ /lde gu de la sbyin par bya/ /yang na phye mar pi pi ling / /kha ra dang sbyar sbyin gyur na/ /sems ni gsal bar 'gyur ba yin//mkhris nad ngal ba sel bar 'gyur/ /lus kyang sbom pa nyid 'gyur bas/ /rtag tu rta la 'di sbyin bya/ /snga dro khrus byas chu 'thungs nas/ /phye mar lde gu sbyin par bya/ /gang gi khong par rlung zhugs dang / /lus la mkhris pas nyen gyur pa//de la btung ba dang sbyar sbyin/ /rlung mkhris nad rnams sel bar byed/ /sha li ho tra'i gsang ba'i gnas te brgyad pa las phye ma'i lde gu'o// //ya ba k+Sha ra tsha ba gsum/ /ser po gnyis dang tsi tra ka /ka ra bI ra dkar tsa ba/ /lce myang tsha dang bcas pa dang //a rka'i rtsa ba bi sha la/ /khang pa'i dud pa yungs kar bcas/ /de bzhin sa rdzi ka k+Sha ra/ /dug ni cha phyed dang bsres pa/ /rang skyur dang ni btags nas kyang / /grib ma la ni bskam par bya/ /ba gcin dang ni sbyar nas kyang / /snga dro mdze can rta la sbyin/ /ljan ldin rnam par bsal nas kyang //thal sman gyis kyang dril phyis bya/ /phyi ba dang ni bsku ba dang / /zhag bdun gyi ni bar du bya/ /'di yis 'bus zos sbrul gyis zin/ /g.yan pa rdo dang 'brum phran dang / /de bzhin pags pa'i nad gzhan dang / /sdig pa dang ni de bzhin du//srog chags gdugs pas zin pa dang / /rkang nad gsor ni mi rung rnams/ /nges par sel bar byed pa yin/ /thal sman gyi ni sbyor ba 'di/ /drang srong rnams kyis sngon tshe bshad/ /'di yis rma red rtag tu ni/ /sbyor bar byed par the tshom med/ /sha li ho tra'i gsad pa'i gnas te brgyad pa las a rka'i thal sman no// //nas tshig 'khus thal cho ga bzhin/ /byin pa de yi yon tan gang / /de ni nga yis shes par bya/ /ngas bshad pa las mnyan par gyis/ /chen po la ni srang gcig byin/ /cha gcig khri ba bar ma la//tha ma la ni srang phyed byin/ /yang tha la ni zhog gnyis so/ /dbyar tshe til mar dang sbyar ba/ /rtag tu sbyin par bya ba yin/ /dus kun du ni mar bcas par/ /byin par gyur ba rab tu bsngags/ /'di yis skrangs pa dug dang ni/ /mdze nad khong ba'i srin bu dang //rlung 'khyil ba yang sbos nad dang / /gzer gyi nad dang gzhang 'brum dang / /pho ba yi ni nad rnams dang / /kha yi nad rnams ma lus dang / /shu ba'i nad rnams sel ba yin/ /de ni tshad tsam byin gyur na/ /stobs skyed mdog ni gsal bar byed/ / rta la nas tshig 'khus thal pa/ /bcud len mchog ni yin par bshad/ /rta gang rtag tu mi 'thungs ba/ /de ni rtag tu nad med 'gyur/ /de ni rlung gi nad rnams dang / /mkhris pa dang ni bad kan dang / /ldan pa dang ni 'dus pa dang / /de bzhin glo bur ba yi nad//khrag las byung ba'i nad rnams sel/ /sha li ho tra'i gsang ba'i gnas te brgyad pa las nas tshig 'khrus pa'i thal ba'i cho ga'o// //de nas gzhan yang lan tshwa yi/ /cho ga dam pa bshad par bya/ /lan tshwa yi ni yon tan rnams/ /bshad kyis de ni mnyan par gyis//rgyam tsha rta la phan pa'i mchog /rlung dang bad kan sel bar byed/ /de yis snying nad snying nad ma zhu ba'i/ /nad rnams sel bar byed pa yin/ /rta rnams nad med par 'gyur zhing / /rnga rngog kyang ni legs par skye/ /me drod bri bar mi 'gyur zhing //pho ba'i nad rnams 'byung mi 'gyur/ /zos pa myur du 'ju 'gyur zhing / /bde ba kho nar sbyin par byed/ /lan tshwas rta yi gcin tu dag /bde ba kho nar 'byung bar 'gyur/ /bde ba kho nar 'byung bar 'gyur/ /lan tshwa rta yi tshe yin pas/ /dus ni rtag tu bsngags pa yin/ /sman pas dgun stod dgun smad tshe//lan tshwa snga dro sbyin par bya/ /dpyid dang sos ka dbyar dang ston/ /phyi dro'i dus su sbyin par bya/ /rta ni mchog tu gyur pa la/ /lan tshwa srang drug sbyin par bya/ /bar ma la ni srang bzhi sbyin/ /chung ba la ni srang gsum sbyin/ /dbyar gyi tshe na lan tshwa ni//nim pa'i lo ma dang sbyar sbyin/ /dgun gyi tshe ni dgu thi yi/ /lo ma dang bcas sbyin par bya/ /pa to la yi lo mar bcas/ /dgun smad dang ni dpyid dus sbyin/ /sos ka dang ni ston gyi tshe/ /mar dang sbyar ba sbyin par bya//lan tshwa yi ni sbyor ba 'di/ /bu la nga yis shes pa yin/ /sha li ho tra'i gsang ba'i gnas te brgyad pa las lan tshwa'i cho ga'o// //tshangs ba drag po khyab 'jug ni/ /bad kan mkhris pa rlung dag cad/ /phan tshun bsten par byed pa dang //gcig la gcig ni ma 'dres gnas/ /de la tshangs pa bad kan te/ /drag po mkhris pa yin par bshad/ /khyab 'jug rlung gi bdag nyid can/ /de ltar tshul ni rnam gsum yin/ /sa la bcos mas gnas pa yin/ /tshangs pa la sogs lha gsum pa'o//lus can rnams kyi brten pa'i rgyu/ /a ru ra dang skyu ru ra/ /ba ru ra ste 'bras bu gsum/ /'di yi yon tan rnams dang ni/ /sbyor ba'i khyad par bshad par bya/ /rked pa brla yi nad sel cing / /lus zungs thams cad dang bar byed/ /mdog dang stobs ni skyed pa'i mchog /de bzhin gnas gsum sbyor bar byed/ /'dis ni me drod skyed byed cing / /smin dang nyams byed mchog yin no/ /de bas rlung dang mkhris pa dang / /bad kan 'khrugs par gyur ba na/ /'bas bu gsum bskol sbyor ba yis//nad ni sbyor bar byed pa yin/ /a ru ra ni cha gcig ste/ /ba ru ra ni de'i nyis 'gyur/ /skyu ru ra ni ba ru ra'i/ /nyis 'gyur kho nar gzhug par bya/ /sman ni bre gang dag dang ni/ /chu ni bre bzhi bskol bar bya/ /bzhi cha lus par gyur pa dang / / sman khu de ni thab las dpog /tshags kyis legs par btsags nas ni/ /dus kyi cho ga shes pa yis/ /me stobs che chung brtags byas la/ /rta la nye bar blud par bya/ /rlung nad can la til mar sbyin/ /mkhris pa can la mar sbyar blud/ /bad kan can la sre tres dang //pi pi ling dang sbyar ba blud/ /mig gi nad dang rlig skrangs dang / /rma dang rgyus nad 'khums pa dang / /rdo dang g.yan ba 'brum phran dang / /'brum bu lto yi nad rnams dang / /de bzhin lto nad gzhong 'dra dang / /lkog nad 'bras kyi phreng ba la/ /zhag ni nyi shu rtsa gcig bar//blud na bde ba thob par 'gyur/ /sha li ho tra'i gsang ba'i gnas te brgyad pa las 'bras bu gsum gyi sbyor ba'o// //legs thos thos pa phun tshogs pas/ /sha li ho tra la dris pa/ /a ru ra ni gang na skye/ /rigs ni du zhig ro du mchis//skye gnas rnam pa du zhes bgyi/ /ming dang kha dog mtshan nyid dang / /rta yi nyes pa gang dang gang / /sel 'gyur thub mchog khyed kyis gsungs/ /bu yis de skad dris pa dang / /sha li ho tras slar smras pa/ /brgya byin bdud rtsi 'thungs ba na/ /thigs pa sa la lhung bar gyur//de las rigs dang yon tan ni/ /thams cad dang ldan sman skyes 'gyur/ /bsil dang bdud rtsi'i thigs las 'byung / /yon tan gsum ldan a ru ra/ /lan tshwa nyid ni ma gtogs pa/ /ro lnga dang ni ldan bshad de/ /bska dang mngar dang cha ba dang //kha dang skyur bar grags dang ldan/ /de ltar ro lnga bshad nas ni/ /de yi ming ni bshad par bya/ /rnam rgyal 'phel ba zhes bya dang / /skem byed de bzhin bdud rtsi dang / /nag po dang ni 'jigs med dang / /'tsho byed ces ni ming du grags/ /rnam rgyal ku ba lta bur zlum//'phel byed shin tu zlum pa yin/ /skem byed rus pa cha zhing dkar/ /bdud rtsi rtse mo sbom pa yin/ /'tsho byed gser gyi mdog can de/ /'jig med zur ni lnga ba yin/ /nag po zur gsum ba nyid de/ /rigs ni bdun du shes par bya//'jig med rta yi rkang ba yi/ /nad la rtag tu gtang par bya/ /'phel byed dang ni bdud rtsi dag /rtag tu rta yi lus la gtang / /nag po sbyong bar byed par bshad/ /'tsho byed stobs ni 'phel bar byed/ /skem byed mig gi nad la gtang / / rnam par rgyal bas 'khru bar byed/ /de ltar rigs dang ming dag gis/ /rnam pa bdun du bshad pa yin/ /rlung dang mkhris pa las gyur dang / /khyad par du ni bad kan nad/ /mngon du 'phrog byed a ru ra/ /skyur bas rlung ni sel bar byed/ /mngar dang kha bas mkhris pa sel//tshwa dang bska bas bad kan sal/ /de bas nyes gsum 'joms zhes bshad/ /rta la ci ltar sbyin bya ba/ /de yi nyes pa nyan par gyis/ /ba gcin nang du zla ba gcig /a ru ra ni gzhag par bya/ /dang po'i zhag ni rdog ma lnga/ / gnyis pa la ni bcu sbyin bya/ /zhag ni nyi shu rtsa gcig bar/ /lnga lnga yis ni bskyed par bya/ /nim pa yi ni khu ba dang / /seng ldeng khu ba dang btags la/ /lcags kyi snod nang du bcug ste/ /mtshan mo bkab ste dben par gzhag /lde gu btags pa'i tshad gang yin//snum gyi tshad kyang de tsam du/ /sman pa mchog gis sbyin bya yi/ /snum mang skyon ni yod shes bya/ /shu ba g.yan pa 'brum bu dang / /mdze dang rkang shu 'bras dang ni/ /nad ni rkang la zhugs pa dang / /gzhang 'brum dang ni sha bkra dang / /de bzhin rta yi rkang pa'i nad//a ru ra yis sel bar byed/ /dbyar tshe rgyam tshe dang bcas sbyin/ /ston ni kha ra a ru ra/ /dgun ni bca' lga dang bcas pa/ /dgun smad kha ru tsha dang bcas/ /sbrang rtsi dang sbyar dpyid tshe sbyin/ /sos ka bu ram sbyar ba sbyin/ /de 'dras me yis shing bsregs ltar//nad kyi tshogs rnams zad par byed/ /gnad dang rus pa tshigs rnams dang / /drug mdo dang ni gnas pa'i nad/ /rlung mkhris las ni gyur ba dang / /de bzhin bad kan las gyur dang / /khrag dang gyur las yan lag gi/ /nad ni sna tshogs gnas pa sel//blo dang stobs dang dbang po yi/ /tshogs kyi kha ni 'byed pa yin/ /rlung dang mkhris pa bad kan gyi/ /nad rnams kha ni 'dzums par byed/ /gcin dang de bzhin rtug pa dang / /dri ma rnams ni sbyong byed pa/ /a ru ras ni rta yi ni/ /nad ni ma lus 'joms par byed//sha li ho tra'i gsang ba'i gnas te brgyad pa las a ru ra'i cho ga'o// //sha li ho tra thub mchog la/ /legs thos kyis ni yang dris pa/ /gu gul ji ltar byung gyur cing / /rang bzhin mtshan nyid ci 'dra lags/ /tshad dang tshul ni ji tsam zhig /nad ni gang la gtang bar bgyi/ /bu yis de skad dris pa dang / /sha li ho tras slar smras pa/ /bdun rtsi bsrubs par gyur ba'i tshe/ /thigs pa phra mor 'thor gyur pa/ /'dzam bu chu bo'i grub pa dang / /dri zas brten pa'i gnas su bcas/ /de las rtsa ba rgyas pa yi//shing ni chen por skyes bar gyur/ /de yi khu bcud 'dzags gyur pa/ /gu gul zhes ni bya bar grags/ /bska shing tsha la bska ba ste/ /zhu rjes mngar bo yin par bshad/ /smin pa 'dzam bu'i gser 'dra zhing / /smin pa'i gi lbang lta bu yin/ /de 'dra'i gser mdog bsten 'os yin//de las bzlog pa smad par 'os/ /zhag bdun pa gcig dang sbyar ba/ /zhag bdun 'bras bu gsum dang sbyar/ /zhag bdun mar dang sbyar bsten pa/ /rjes su mthun pa gtang bar bya/ /rlung gi nad la mar dang sbyar/ /bad kan nad la ba gcin sbyar//mkhris pa 'bras bu gsum sbyar gtang / /'di dag tshul ni rnam gsum yin/ /sos ka dang ni byar gyi tshe/ /mar dang sbyar ste sbyin par bya/ /ston gyi tshe dang dgun stod ni/ /'bras bu gsum khu dang sbyar gtang / /dgun sman dang ni dpyid kyi tshe//ba gcin dang sbyar sbyin par bya/ /dang po srang ni phyed sbyin zhing / /srang phyad kyis ni rim bzhin bskyed/ /srang lnga dag gi tshad byas pa/ /che tshad kho na yin par bshad/ /rta la snga dro blud nas ni/ /phyi dro kha zas sbyin bya ste/ /shin tu snum zhing g.yos su bya//sha ni de la sbyin par bya/ /chu ni nye bar bskol ba dang / /ljang pa skam po sbyin pa bsngags/ /rta ni chen po nyid la ni/ /mthar gyis drug cu rtsa bzhi sbyin/ /bar ma la ni bzhi bcu brgyad/ /nya bar sbyin pa nyid du bya/ /chung ngu la ni srang sum cu/ /rtsa gnyis kyi ni tshad du sbyin//'di ni rta yi nad gzhi gsum/ /'khrugs par gyur la bsngags pa yin/ /tshigs skrangs pa dang skran dang ni/ /de bzhin rma yi nad rnams dang / /lus rengs yan lag skrangs pa dang / /skrangs dang gzhang kha'i nad rnams dang //lto ba yin ni nad rnams dang / /de bzhin bad kan nad rnams dang / /'theng ba'i nad ni thams cad dang / /mdze nad bad kan las gyur dang / /rta gang me drod nyams pa dang / /de bzhin 'byung ba mi snyoms dang / /mtshan dang rlig pa skrangs pa dang //nad rnams sbyor bar byed pa yin/ /rgod ma rte'u shor mngal mi chags/ /gang zhig rtag tu bu 'chi dang / /gang zhig rtag tu rlung gis gnod/ /rgod ma de la'ang sman pas sbyin/ /lus kyi stobs dang goms pa dang / /me drod che chung shes byas la//nyams stobs ldan zhing gzugs dregs bdo/ /khur dang sdug bsngal bsten nus pa/ /byin na bde ba nyid 'gyur gyi/ /gzhan la bcud kyis len mi 'gyur/ /sha li ho tra'i gsang ba'i gnas te brgyad pa las gu gul gyi cho ga'o// // sha li ho tra dang srong mchog /legs thos kyis ni yang dris pa/ /sgog skya ji ltar byung bar gyur/ /'di yi ro ni du ru bshad/ /ro ma tshang zhes ji ltar gdags/ /bcud kyis len du ji ltar 'gyur/ /gang zhig dang ni sbyar gyur na/ /sman gyi bya ba byed pa lags/ / nad ni gang la sbyin par bgyi/ ci ltar na ni lus rgyas bgyid/ /bu yis de skad dris pa dang / /sha li ho tras slar smras pa/ /lha dang lha min dag gi ni/ /gnas su bdud rtsi byung bar gyur/ /de byung ba dang lha rnams ni/ /thams cad 'bad de srung bar byed/ /de tshe ma la phan 'dod pas//mkha' lding gis ni phrogs par gyur/ /de ni shugs kyis song ba na/ /bdud rtsi thigs pa sa la lhung / /mi gtsang ba yis smes pa yi/ /logs su lhung bas dri dang gyur/ /bdud rtsi las ni byung bas na/ /de bas bcud kyis len nyid yin/ / snum zhing brtan la ro lngar ldan/ /tsha zhing stobs ni skyed par byed/ /lci zhing ro tsha byed pa ste/ /skyur ba'i ro dang dral ba yin/ /de bas ro ma tshang ba zhes/ /drang srong rnams kyis bshad pa yin/ /gang zhig rlung gi shugs kyis ni/ /yan lag 'byung ngam 'khums gyur tam//gang yang shin tu 'theng ba dang / /gang gi lam dub 'theng gyur dang / /gang yang 'khyor zhing 'gro ba dang / /byin pa rgyab dang drug mdo dang / /dpung pa pus mo rnams su ni/ /nad ni zhugs par gyur pa dang / /rtsa rgyus sha dang rus pa dang / /rtsa la nad kyis khyab gyur pa//de la sgog skya las lhag pa'i/ /stobs ldan sman gzhan yod ma yin/ /rta ni lto ba'i nad kyis nyan/ /sgog skya chang dang sbyar ba ni/ /cho ga bzhin du byin gyur na/ /myur du de las thar bar 'gyur/ /rlung 'khyil ba la sogs pa'i nad/ / khong pa la brten mi bzang dang / /skran dang mchin pa mkhas ma'i nad/ /shin tu gso dka' thams cad kyang / /'di yis nye bar sel par byed/ /mngar dang tsha dang kha ba dang / /bska dang de bzhin lan tshwa ste/ /de ltar ro lnga dang ldan zhing / /ro skyur gcig po med pa yin//'di la sa bon mngar ba yi/ /mtshan nyid yod par bshad pa yin/ /rtsa ba tsha ba nyid yin la/ /lo ma kha ba yin par bshad/ /sdong bu'i ro ni bska ba yin/ /sdong bu'i rtse mo lan tshwa can/ /sbyor ba ji bzhin byas pa yis/ /'di yi yon tan bshad par bya//rlung gi nad la mar dang ni/ /sha khu dang sbyar gtang bar bya/ /mkhris pa can la 'o ma dang / /legs par bskol te sbyin par bya/ /rang skyur kany+ji dang sbyar bas/ /sbo dang bshang ba 'gags pa sel/ /khong ba'i srin bu rnams la ni/ /ba gcin dang ni sbyar ba blud//bad kan la ni 'bras bu gsum/ /khu ba dang sbyar blud par bya/ /'di ni sbeg pa'i rta rnams dang / /rlung nad can dang sems nyams dang / /rta gang khrag dang nyams stobs zad/ /de rnams brta ba'i mchog yin no/ /lud pa dbugs mi bde sel zhing //nad kun 'joms par byed pa yin/ /til mar dang sbyar bad rlung 'joms/ /mar dang sbyar bas rlung mkhris sel/ /'o ma bu ram shing khur sbyar/ /khrag dang mkhris pa sel byed yin/ /me drod nyams pa rgyam tsha dang / /chang dang sbyar te sbyin par bya//'o byang sos ka ston gyi tshe/ /sgog skya sbyin par mi bya'o/ /gal te rmongs pas ster gyur na/ /rta ni nye bar gsod ba yin/ /zhu rjes kha dang mngar bas na/ /bad kan dang ni mkhris pa sel/ /rgod ma mngal ni chags byed cing / /gseb kyi khu ba 'phel bar byed/ /rlung nad kyis ni nyen pa dang //tshigs su byung ba'i sman mchog yin/ /sgog pa las ni snum nyis 'gyur/ /bya ba sbyor ba la rab bsngags/ /snod ni bzang po'i nad bcug ste/ /shin tu dben pa'i gnas su sba/ /lo gcig lon par gyur pa'i tshe/ /dri ni gang tshe byung gyur pa/ /de tshe dus tshigs khyad par dang //rta ni stobs dang me drod dang / /rang bzhin dang ni goms pa dag /shes par byas la legs par gtang / /nyin zhag bzang la lus sbyang bya/ /gtar ga sbyong sogs kyis byas la/ /bcud gyis len gyi sbyor ba 'di/ /rta rnams la ni bya bar bshad//rta yi mchog ni rtag tu ni/ /de la srang ni nyi shu sbyin/ /bar ma la ni bco lnga ste/ /tha ma la ni bcu nyid sbyin/ /phag dang de bzhin ma he dang / /yang nya byi'u gong ma sreg /rma bya dang ni ri dgas sha/ /mar btab g.yos ni legs par byas/ /kha zas bzang po dang sbyar ba//byin pas lus ni brta bar bya/ /bcud kyis len gyi dam pa 'di/ /rta ni gang gis bsten byas pa/ /shin tu nyam nga la sbyar yang / /lus ni 'bri bar 'gyur ma yin/ /sgog pa dag ni tshe la phan/ /stobs skyed kha dog bzang byed cing / /lus 'di rgyas bar byed pas na//ro rnams kyi ni mchog yin no/ /'di ni legs par brtan gyur na/ /na tshod rgas par gyur pa yang / /shin tu gzhon pa nyid 'gyur zhing / /nus pa kun dang ldan par 'gyur/ /legs ldan sha li ho tra yis/ /rjes bstan de skad smras pa yin/ /sha li ho tra'i gsang bu'i gnas te brgyad pa las sgog skya'i cho ga rdzogs so// //sha li ho tra drang srong mchog /nyi ma dang ni gzi mnyam pa/ /rta khang na ni 'dug pa na/ /legs thos kyis ni yang dris pa/ /rta la go cha bskon pa ni/ /ci 'dra ba zhig bgyi ba gsungs/ /de bzhin yan lag gcig par ni//shin rta la sbyar bdag la gsungs/ /g.yul du dgra dang lhan cig ni/ /'thab pa na ni gnod med pa/ /rta yi las kyi cho ga mkhyen/ /'di ni khyed kyis bshad du gsol/ /legs thos kyi ni tshig thos nas/ /sha li ho tras slar smras pa/ /na tshod kyis ni che ba yi//skyes bu sngar ni smras pa yin/ /sum cu ma len bar ma yin/ /lnga po 'bri ba chung ngu yin/ /grags ldan rnams kyi mi yi tshad/ /de ltar sngar ni bshad pa yin/ /shing rta pa yang rta yi ni/ /bstan bcos shes shing legs par byas/ /mda' gzhu ral gri la sogs pa'i //mtshon cha yi ni thabs la mkhas/ /legs par go 'gos yan lag bde/ /de lta bu dag rta la bskyon/ /rta ni rigs bzang legs brtags la/ /'thab pa rtsed mo'i tshul du sbyar/ /'di yi dang po'i khur po yi/ /mdor bsdus nas ni bshad par bya/ / dang po go cha srang tshad ni/ /brgyad cu rtsa bzhi yin par bshad/ /las gcig la ni rjes bsngags pa/ /de yi srang tshad sum cur bshad/ /mgo bo 'gegs pa legs brdungs pa/ /srang tshad sum cu rtsa lngar bshad/ /brla 'gebs pa ni srang brgyad dang / /de bzhin bcu ni yin par bshad//lkog ma dang ni rmig pa sogs/ /bsrung bzhin brgyan par byed pa ni/ /thams cad srang ni lnga bcu ste/ /rta mchog la ni de ltar bya/ /bar ma la ni rgya yis 'bri/ /chung ngu la ni brgya lnga bcu/ /ci nas g.yul du shugs drags pas/ /'gro bar mi 'gyur de ltar bya//ral gri srang tshad nyi shu lnga/ /g.yon logs su ni gdags par bya/ /gzhu nyid srang ni nyi shu lnga/ /de nyid du ni gdags par bya/ /g.yas ngos su ni mnga' yi tshogs/ /brgya po srang ni nyi shu gsum/ /tshad du phyin pa gdags par bya/ /phug dang de bzhin thag pa yi//tshad ni 'dir ni des ma byas/ /mdung la'ang tshad gcig yod gyur pas/ /'di 'dra gdags zhes de la smras/ /rta yi rgyab tu dgab bya ba/ /ri dgas ri'u bal shar dag /spu gzhan 'jam pa las byas pa/ /sra zhing shin tu 'jam pa bya//shin tu legs par btags pa las/ /sna tshogs mdog gis brgyan par bya/ /de yi 'brel thag dang bcas pa/ /srang ni sum cu'i tshad du bya/ /gdong rgyan srang ni nyi shu lnga/ /legs par ltas pa gdags par bya/ /glo ni sdom par byed pas na/ /rgyab tu gnod skyed mi 'gyur bar//lug bal shin tu 'jam pa yis/ /srad bu las ni legs par bya/ /yang na pags pa legs nyed pa'am/ /ras bal dkar po las byas pa'am/ /dar ram gso ma dar la byas/ /gzhan yang mdzes shing sra la 'jam/ /stan dang cha byad legs pa yi//rdzas kyi bzo ni du ma bya/ /de bzhin gdong gzan sang tshad ni/ /bcu dag rna ba'i gra nas gdags/ /gdong ni legs par srung byed pa/ /shin tu legs pa nyid du bya/ /g.yer kha shin tu snyan pa ni/ /srang re yi ni tshad byas pas/ /sra zhing lus ni brtan pa dag//rna ba'i ngos na gdags par bya/ /de ltar thams cad btags nas ni/ /de rjes rta la zhon par bya/ /g.yul du rta yis bskur bya ba'i/ /khur dag bdag gis bshad pa yin/ /sha li ho tra'i gsang ba'i gnas te brgyad pa las go cha la sogs pa'i khur bstan pa'o///de nas shing rta dang sbyar ba'i/ /nges pa nga yis bshad par bya/ /rta ni gang gi mchu ltag na/ /shin tu shis pa'i mtshan ma yod/ /ba dan bzang po'am zla ba rgyas/ /nya dang rgyal mtshan yod gyur pa/ /rta de rtag tu bsngags pa yin/ /de 'dra'i mtshan nyid dang ldan pa'i//rta ni sa rteng shis par bshad/ /ngang tshul bzang zhing bu bzang la/ /skad ni dung dang 'dra gyur ba/ /rta de rgyal po la shis pas/ /rigs mthun shing rta la sbyar bya/ /mdog dang tshad ni mtshungs gyur cing / /stobs ldan nyon mongs bzod pa shis/ /'thab pa'i tshe na mo skrag cing //'dres pa na yang mi 'then la/ /mda' dang dbyig pa mdung sogs kyis/ /brgyab pa na ni sran che ba/ /de 'dra ba yis rta dag ni/ /g.yul gyi dus su bsngags pa yin/ /rna bar bzlas pa'i tshe na ni/ /mig las mchi ma 'byin byed cing / /sna sbubs shin tu rgyas byas nas/ / nyi ma la yang blta bar byed/ /rkang pa g.yas pa sa la ni/ /yang dang yang du rdebs par byed/ /'di ni skye ba dran pa yi/ /mtshan nyid dang ldan mchog tu bshad/ /de las gzhan pa'i rta ngan dag /shing rta la yang sbyar mi bya/ /legs thos rnam pa thams cad du/ /rna bar bzlas la brtag par bya//sngon tshe de yis ji ltar thos/ /rna bar bzlas pa gang gi ni/ /rta ni shin tu rigs ldan 'byung / /don med mi 'gyur de mnyan gyis/ /shing rta yan lag kun ldan zhing / /'khor lo legs par btags pa dang / /gdugs dang rgyal mtshan legs par bsgreng / /shin tu rdzogs pa nyid du sbyar//legs par sprel zhing shin tu phyis/ /nyi ma lta bur gzi mdangs ldan/ /rigs dang mtshan nyid bzang pa yin/ /rta bzhi dang ni yang dag ldan/ /kha lo bsgyur ba bzang por bcas/ /'brug sgra lta bu'i sgra sgrogs pa/ /shing rta de ni legs gnas pas/ /shar phyogs su ni kha bstan gzhag /g.yas su bskor zhing bkra shis dang / /shis par brjod pa legs par bya/ /de yi rna ba g.yas par ni/ /sngags kyi tshig 'di brjod par bya/ /khrod ni dri za'i rigs su skyes/ /rigs sun par ni ma byed cing / /khyod ni dngul las byung gyur cing / /dpal mo'i lag tu gnas na 'phel//me yi bu nyid khyod dran byos/ /ko tu ba li nor bu'ang dran/ /'o ma'i mtshe las bdud rtsi'i phyir/ /lha dang lha min gyis bsrubs tshe/ /dang po u tsa sra ba byung / /de las khyod skyes dran par gyis/ /shugs mchog ston de nga yis ni/ /dgra dpung ma lus las las rgyal gyis/ / tshangs pa dang ni zla ba dang / /chu lha yi ni bden tshigs dang / /nyi ma yi ni gzi brjid dang / /de bzhin drang srong dka' thub dang / /stobs bzang gi ni tshangs spyod dang / /de bzhin rlung gi shugs nyid dang / /me nyid kyi ni nus mthu yis/ /rta khyod rgyal ba skyed gyur cing / /'thab pa'i tshe na rta khyod kyis/ / gal de log par 'gro 'gyur na/ /bram ze pha ma gsod 'dra yi/ /nyes de khyod kyis 'thob par 'gyur/ /gal te yul las rgyal gyur na/ /bdag po bde ba nyid skyed byed/ /oM na ma/ /Adid t+ya ya u ba ya ga ga ga swAhA/ /rta yi rna ba g.yas par ni/ /'thab pa'i tshe na brjod gyur na//skye ba dran pa tsam gyis ni/ /don med nyid du 'gyur ma yin/ /de 'dra'i stobs dang snying stobs ldan/ /rta dang sbyar ba'i shing rtar zhugs/ /gob gos mtshon char ldan brtson pa/ /yul 'khor 'jigs pa las bskyab bya/ /sha li ho tra'i gsang ba'i gnas te brgyad pa las shing rta dang sbyar ba'i cho ga'o// //de nas rna bar bzla bya ba/ /gang zhig shes pa tsam gyis ni/ /sngon gyi skye ba dran byed pa/ /shin tu nges par bshad par bya/ /bu yis mtshan nyid 'di dag ni/ /dang por rang las mnyan par gyis/ /sbrang ma nas pa s+ya bAde nas/ /soms pa tu nas tsaH oM dz+wa swa tsaib su t+ya s+ya/mA ni nam ta pa sat+ta/ /b+ha dra saM b+ha ma tsa r+ye na/ /pa b+ha nas pa len tsa sra b+ha bA n+tu ta/ /shwA sA bar+d+ha sa twaM tu raM ga maH oM ya ya ya ya/ gag gag swA hA/ /'di ni bdag nyid chen po ni/ /rta yi snying por gyur pa yin/ /g.yul gyi dus su dran bya yi/ /gzhan du nam yang ma yin no//legs par btags shing go bgos la/ /'dra ba la rta gzhon nas ni/ /'gal zhig rang gi don gyi phyir/ /rmongs pas bdag nyid skyob byed kyi/ /legs thos rta yi lus yan lag /legs par srung ba mi byed na/ /de tshe sdig can dmyal bar ni/ /yun ring du ni 'tshed par 'gyur//rta yi spu ni ci snyed pa'i/ /dmyal bar de tshe gnas par byed/ /rta la go zhig ma bskon yang / /bdag nyid go gyon zhon gyur pa/ /mang du bshad pas ci zhig bya/ /de 'dra'i sdig pa yong ma yin/ /de bas 'bad pa thams cad kyis/ /rta ni legs par bsrung bar bya//dka' thub yon tan kun gyi gter/ /rta tshe'i rig byed la mkhas pa/ /legs ldan sha li ho tra yis/ /'di skad ces bstan smras pa yin/ /sha li ho tra'i gsang ba'i gnas te brgyad pa las rna bar bzlas pa bstan pa'o/ /drang srong chen po sha li ho tras yang dag par bsdus pa'i rta'i tshe'i rig byang mtha' dag rjes su bstan pa zhes bya ba rgyas pa rdzogs so// //rgya gar gyi mkhan po A tsA r+ya d+ha rma shrI b+ha dra dang / /bu d+g+ta shrI shAn+ti dang / /zhu chen gyi lo tsA ba chen po dge slong rin chen bzang pos bsgyur cing zhus te gtan la phab pa'o// //dpal ldan rgyal po'i rgyal po che//mi dbang mnga' bdag ces grags pa/ /rtsod ba'i dus su 'khrungs gyur kyang / /dam pa'i spyod pa kun dang ldan/ /khyed ni thams cad mkhyen dang cing / /khyed la bzod dang bden sogs mngal/ /khyed la yon tan kun gnas pas/ /khyod nyid bstod par 'os pa dang / / khyed la mkhas dang rgyal phran gzhan/ /bram ze slong mo ba rnams kyis/ /rang re gser gyi dbang phyug tu/ /rgyal chen khyed ni gcig tu bsgrags/ /mi dbang rgyal po dgyes pa dang / /gsang dpyad kyis gzhan phan gdags phyir/ /bka' yis bskul bas gzhung rgyas 'di/ /bod kyi rang skad spyod yul byas//chos ldan gzhung lugs la mkhas pas/ /sa rnams legs par skyong mdzad cing / /yon tan phun tshogs kun ldan pas/ /skye dgu yun ring rgyas par mdzod/ /drang srong shes pa rgya mtsho pha mthar phyin/ /mngon shes lnga ldan yon tan phun tshogs pa'i/ /sha li ho tras tshangs pa las thos nas//rta yi tshe yi rig byed gang gtams te/ /yul mtho sa gtsang 'dzam gling dkyil sgang na/ /me rje ltas mdzad sbu rgyas btsan po'i gdung / /byang chub sems dpa'i sprul pa'i rgyud du 'khrungs/ /mtha' bzhi'i rgyal po gzhan las khyad par 'phags//'khor dang steng sde gser dbyed kun la mkhas/ /sa yi bdag po seng ge'i gzi byin gyis/ /rgyal phran glang chen myos pa'i dregs 'phrog pa/ /mi dbang bkra shis lha lde btsan gyi bkas/ /gsang sngags pha rol phyin dang bden pa yi/ / lung dang rigs pa'i bstan bcos kun la mkhas/ /skye 'gro dam pa mi dang mgyogs 'gro yi/ /tshe yi rig byed kun kyang zhugs slad du/ /dman la snying brtse bag yod khrel la sogs/ /gtong la sogs pa'i yon tan rnams dang ldan/ /mi shes brda sprod sgra bsgyur lo tsA bas//lha mi skal ba can gyi mchod pa'i gnas/ /rin chen kun la yod kyang bzang po med/ /rin chen sngon 'gro bzang pos mtha' brgyan pa/ /gus pa sngon 'gro'i bka' yis rab bskul bas/ / sgra dang tshad ma'i bstan bcos la mkhas pa/ /rgya gar mkhan po sangs rgyas zhi dpal dang / /rta dpyad sha li ho tras bsdus pa bsgyur/ /'di ni dbang po'i rdo rje bsdebs tshul du/ /tshigs bcas phyed dang bdun du byas pa'o// //oM swa sti si d+d+hiM/ grags pa'i 'od zer bye ba rab spro zhing / /rgyal mtshan thub bstan shar ri'i rtser son nas/ /tshogs gnyis rta ljang shugs kyis gling bzhi yi/ /mun sel nam mkha'i nor bu de la 'dud/ /khyed kyis bskal ba bye ba dpag yas su/ /rang gzhan don du tshogs gnyis rab rdzogs byas//phul chen shugs kyis stobs kyi 'khor los sgyur/ /'dzin ma'i khyon nyul khams gsum bde mdzad bstod/ /bsod nams phul phyin stobs kyis rab bskyod pas/ /srid zhi'i dpal 'byor longs spyod gang mchog dang //gsang sngags lung rigs man ngag bstan bcos sogs/ /ma lus nyid kyi drung du 'du ba'i phyir/ /mngal bdag btsan po sde yis rab bsgrubs pa'i/ /mgyogs 'gro dpal mo'i bu yi blang dor gyi/ /gtan tshigs chen po bstan bcos rab gsal ba//shin tu gsang zhes yang yang gdams pa 'di/ /gsang sngags zab mor spyad na dngos grub thob/ /'chol bar spyod pa mkhas pa'i tshul min pas/ /tsan+dan tshul dbang klu dbang nor bu ltar/ /nyams su don bzhes dkor mjod du gzhag gsol//ces pa dang bcas pa 'di dag phag lo zla ba dang po'i tshes gcig gi nyin/ /thos pa cung zad 'dzin pa ma ti b+ha dras gsol pa phyogs kun du bde legs kyis gang bar gyur cig// //