97a6 /a+thi ni ka ra kaTa'i bram ze lag ma ti dang / mkha' 'gro rdo rjes bsgyur//[ ]@##/ /rgya gar skad du/ swa rod ya a rA saM gra ha/ bod skad du/ dbyangs 'char ba'i don bsdus pa/ 'phags pa 'jam dpal
97a7 gzhon nur gyur ba la phyag 'tshal lo//mgon po dus gsum sgrib pa med/ /thams cad mkhyen pa la phyag 'tshal nas/ /dgos pa thams cad byed pa yi/ /rgyud kyi don bsdus bshad par bya/ g.yul las rgyal bar 'dod pa yis/ /dbyangs 'char rgyud kyi don bsgrub pa/ /legs
97b1 brtags la kun byed pa yin//dga' ba ster 'di mnyan par gyis/ /gang du yid ni dag pa la/ /mi rtag phyir ni 'di mi dgos/ /'jig rten gsum gyi byed pa'o/ /sems 'di gcig pu yin pa'i phyir/ /dus gsum dus med ma rtogs pa/ /bde ba 'dod pas 'di bsgrub bya/ /sdig pa'i
97b2 gza' yis gnod byas pas//skar ma ji bzhin las mi bzad/ /khyim dang 'gros kyi bye brag gis/ /gza' yi las kyang so sor mthong / /ji ltar gsungs pa'i bdag po rnams/ /gnod pa'i dbang gis gzhan du 'gyur/ /'di ltar mkhan po 'dri byed dang / /rgyu dang 'bras bu bzhi
97b3 zhes dran//mkhan po mkhas shing bye breg shes/ /spro zhing blo gsal yid gzhungs pa/ /'dri byed le'u gsum pa las/ /ji ltar gsungs ba'i mtshan nyid can/ /rgyu yi mtshan nyid ces bya ba/ /lus ngag yid kyi byed pa ste/ /res kyi gza' dang rgyu skar dang / /byed sbyor tshes kyi yan
97b4 lag dang //gza' rnams khyim la 'khod pa dang / /dus sbyor thun tshod bye breg rnams/ /lam lnga'i rnam par shes pa dang / /dbyangs dang gsal byed 'char nub dang / /ltas dang yi ge'i bye brag de/ /'di la nges par shes par bya/ /mthong dang 'bras bu gnyis kyis ka /'bras bu
97b5 thams cad bsdus pa yin//mthong ba rgyal po blon po dang / /bud med dmag dang mtshon cha dang / /gtong len srid sde 'bru nad dang / /thas dang dpa' dar bshes dang ni/ /phan tshun mthun pa zhes bya ba/ /de ltar bcu gnyis bstan pa yin/ /gnas kyi gza' dgu rgyal bos te/ /bka'
97b6 stsal gang gsungs mthong bar bya//khyed kyi rgyu skar blon po ste/ /rje yi kha lo sgyur ba yin/ /yan lag lnga bsdus dmag dpung ste/ /bzang ngan gang mang blta ba bar bya/ /ta t+kAl dus sbyor mtshon cha ste/ /thebs na 'gyur ba med pa yin/ /rang gi bsod nams bud med 'dra/ /mo ngag dbang
97b7 du kun kyang 'gro /ho mar thun phyed las rnams ni/ /g.yul gyi mtshon cha gtong len 'dra/ /'di la bsgrims te spang blang bya/ /ltas kun srid sde nyid yin te/ /dang por ci snang brtag par bya/ /lam ldan nad pa'i zas dang 'dra/ /'phral du phan gnod byed pa yin/ /ldang dus snga
98a1 dro'i zas dang 'dra//nyin gcig de yi 'bras bu byed/ /gsal byed dbyangs 'char dba' sngar 'dra/ /'char nub dang rgud brtag par bya/ /ming dang pho nya'i yi ge'i rnams/ /sngar 'dris mi dang 'dra bas na/ /cir phug tu yang shes pa yin/ /dus sbyor bye brag phra
98a2 ba yi/dus sbyor bye brag gang yin pa/ /'khus pa'i me dang 'dra ba yin/ /bzang ngan thams cad 'di yis byed/ /thun mong dang ni khyad par de/ /'bras bu rnam pa gnyis su dran/ /'dri byed lus kyi gnas skabs la/ /sdig can gnod pa'i mtshan nyid rnams/ /dbyangs dang gsal
98a3 byed dar nub dang //sha la ka yi tsa kra dang / /brgyad cu rtsa gcig 'khor lo dang / /glang chen che ba'i mtshan nyid dang / /tshangs ba klu dang sbrul dang ni/ /bi chin rA hu'i 'khor lo dang / /rA hu gdod dang spen pa dang / /bya khyung 'khor lo rnams la brtag /khyo shug la sogs lhan cig tu/ /gnas
98a4 pa rnams la ming yig dang //rigs gsum stobs kyi bye brag rnams/ /ji ltar gnas pa brtag par bya/ /khyad par 'bras bu ci snyed pa/ /rang rang las la shis pa brtag /lam lngas 'phral gyi bya ba brtag /dbyangs 'char dar rgud las la brtag /pho nya'i bya ba thams cad la/ /
98a5 tat+kAl dus sbyor brtag par bya/ /g.yul du chas par 'dod pa'i tshe/ /ltas kyi rim pa brtag par bya/ /zong ni 'pho ba'i dus tshod brtag /chom rkun ming la brtag par bya/ /sbrum ma pho nya'i ming la brtag /don ni pho nya'i gsal byed la/ /skyes skar zhag grangs lhag mas brtag /nyin
98a6 gcig dge sdig ldang du brtag /tat+kA la skar ma'i bye brag brtag /sha ra ka yi 'khor lor brtag /yul rnams mtshan nyid ces bya ba/ /ku rma'i tsakra brtag par bya/ /gong ma'i gnas su 'gro ba na/ /se ba'i tsa kra brtag par bya/ /'chi zhugs lam gyi 'khor lor brtag /dus kyi 'khor lo
98a7 las shes bya//ji ltar lus ni gnas pa las/ /tshe yi gnas skabs 'bras bu brtag /bsod nams sdig pa'i bye brag gis/ /'di yi 'bras bu zhes su smra/ /ji ltar skyes pa'i 'du shes las/ /dz+wa ti'i tsakra brtag par bya/ /lam zhugs lam gyi 'khor lor brtag /dkar po'i
98b1 'khor los bud med brtag /rngon pa'i 'khor los ri dgas brtag /rgyan gyi 'khor los stobs la brtag /rgyal 'pham ming gi yi ges brtag /thun mong rma ni tri shU la/ /bye brag rma ni 'khor los/ /rim pa bzhin du brtag par bya/ /tshangs ba'i 'khor los gnas skabs brtag /
98b2 gdugs kyi 'khor los shar nub dang / /dbus kyi rgyal bo'i legs nyes brtag /seng ge gdan gyi 'khor los kyang / /lho byang dbus kyi rgyal po dang / /nor bu rta dang glang po che/ /po ti gser dang chos rnams brtag /mda' gzhu'i tsa kra de nyid brtag/ /ral gri'i tsa kras de nyid brtag /
98b3 ral gri bzhi yis gsod pa dag /bum pa'i tsa kras pa tra brtag /bad+ma'i tsakras byes 'gro brtag /bre yi tsakras sbrum ma brtag /bsrung dang 'dzoms pa'i tsa kra las/ /rdzong gi 'khor lo bshad pa yin/ /bum pa'i tsa kras khron pa brtag /drag po'i las la la biSh+Ti brtag /g.yul du
98b4 mkha' 'gro ma brgyad brtag /dus tshod gzim par bya ba ni/ /dus sbyor phyed dang thun phyed yin/ /zla ba'i snyigs ma bya ba brtag /'pho ba'i brtag pa 'pho ba yis/ /dge sdig bye brag shes par bya/ /'di ltar 'khor lo ji snyed pa/ /lha yi dbang pos gsungs ba la/ /lam lnga'i rnam par
98b5 shes pa dang //dus kyi 'khor lo'i cho ga bshad/ /rdul tshon dkyil 'khor dam pa ru/ /mi rnams 'jug pa byas la byin/ /dus kyi 'khor lo'i byed ba ni/ /'dod lha mchod de bsten par bya/ /rjes su bsngags pa'i tshigs bcad stong / /dbu zhabs dum bur ma yin pa/ /de ltar bdag
98b6 po rnams 'byung mod//ji skad gsungs pa'i cho ga rnams/ /skad cig re re legs brtags pas/ /bye brag ma 'khrul shes par bya/ /yang dag nges pa thub pa'i mi/ /gnod pa kun gyis mi 'jigs shing / /tshe ring phun sum tshogs pa dang / /gnas skabs kun du bde thob 'gyur/ /
98b7 dbyangs 'char ba'i don bsdus pa/ /paN+Di ta chen po seng ge'i go chas mdzad pa rdzogs so// //rgya gar gyi mkhan po paN+DishrI dza ya A na n+da dang / lo tsA ba dge slong rmongs ba'i gnyen po dgos 'dod thams cad 'byung bas bal yul rnal 'byor ba'i gtsug lag khang du zhus shing bsgyur te
gtan la phab pa'o/