92b2 @##/ /rgya gar skad du/ tsuDa ma Ni nA ma/ bod skad du/ gtsug gi nor bu zhes bya ba/ /thams cad mkhyen pa la phyag 'tshal lo/ /kai lA sa ri'i gnas mchog tu/ /bstan bcos dbyangs 'char zhes bya ba/ /g.yul las rnam par rgyal ba bshad de/ /de'i don shin tu gsal bar 'dir bshad de/ /la la
92b3 ni gzhung nyid kyis dkrugs shing //rigs la sogs pa shin tu bsdus sa mgo yid rtogs pa dang / dum bu drug la sogs pa'i dus sbyor rnams dbyangs 'char ba'i rtsis de lta bu yin pas/ de dag lag len du dril te bshad pa dang / man ngag snying gtam du bshad pa dang / /snyan dngags dang sdeb sbyor
92b4 spangs te don khol bur phyung ba dang /bu rnams la yang ste bkag pa ni 'di'o/ /bcom ldan 'das zhes pa nas bshad du gsol zhes pa'i bar du bstod cing zhus pa'o/ /lam lnga zhes ba nas klu rnams 'char ba zhes pa ni lha mos 'khor lo rnams sdom du zhus pa'o/ /sngon tshe zhes pa nas mi dgos zhes pa yan
92b5 chad ni//rgyud 'di'i byung tshul dang / /grags phyogs dang / nyan par rna gtad bskul ba dang / /rgyud rnams kyi rtsa bar gdams pa dang / lta brtogs pa la ni dgos par bshad pa'o/ /lus gnas zhes pa nas ltas kyi mi dge bshad ces pa yan chad ni/ /rlung dang ltas kyi rim pa ste go bla'o/ /tshes zhes pa
92b6 nas tha mal zhes pa yan chad ni//zhag gcig la dbugs nyi khri chig stong drug ste drug brgya rgyu zhing / chu srang dang dbyu gu'ang des shes so/ /dbugs kyi grangs ni zhag gcig /chu srang ni zla ba gcig /dbyu gu ni lo gcig ste/ /nyi khri chig stong drug brgya'i grangs la/ /bcu gnyis kyis bgos pas/
92b7 nor 'di dus sbyor kyi phung por 'gyur ro/ /brgyad kyis bgos pas nor ni thun du 'ong zhing / /rgyal mtshan la sogs pa yang 'char ro/ /de dag la lam lnga yod de/ sa dang / /chu dang / me dang / nam mkha'o/ /de dag kyang snam bug gi g.yas g.yon/ stong 'og /dbus rnams la
93a1 rim pa bzhin rgyu'o//sa la sogs pa 'byung ba re re la sum brgya bzhi bcu zhe dgu'i dbyug gi dbugs rgyu'o/ /sna bug g.yas rgyu nyi ma g.yon rgyu zla ba/ gnyis ka rgyu ba sgra gcan/ g.yos lho g.yon byang / khyim 'phrin las ring thung rnams gzhung nyid la gsal lo/ /mig dmar
93a2 me/spen pa chu/ nyi mas/ sgra gcan/ lag pa nam mkha'/ gzhan rnams ni sgra gcan nam mkhar bzhed do/ g.yas pa'i 'byung ba dag gzhung na gsal lo/ /de dag gi lam lnga'i rim pa'o/ /sum cu gnyis kyi ming yig shar ba de byis pa/ de nas bgrangs pa'i gnyis pa'i gnyis pa gzhin/ gsum
93a3 pa lang tsho//bzhi ba rgan/ /dga' ba rim bzhin des go zhing / zhib par gzhung las shes so/ /le'u dang po'o// //gtso bor dus sbyor ston pas/ de yang lo 'di dus sbyor ston pas yin zhing / 'bras bus zhag gcig gi dum bu la 'byung bas/ de'i rtsis rlung grangs la lta ste/
93a4 zhag gcig rtsis pa nas/ khyim bdag yan chad ni/ dus bcu gnyis kyi 'khor lo rnams kyi dang po ste rtsa ba yin no/ /khyim dbang ba yang 'dis shes so/ /dus sbyor kyi 'khor lo/ 'og ma rnams 'di'i steng nas lta ba yin no/ chu bdag ngan zhes pa yan chad ni/ dus sbyor gyi nus pa che chung
93a5 phyogs kyi stobs kyi tsa kra'o/zla ba bcu gnyis kyi nyin mtshan gyi dbyu gu go sla'o/ /nyin mo du dbang ba'i chu tshod la brgyal kyis bgos pas nor gyi thun phyed do/ /mtshan mo yang nor lhas bgos pas thun phyed ces te/ 'di ni mtshon cha dar can lta bu sgra gcan lag la che/ chu srang ni blos sbyong
93a6 skar ma gnyis dang /dbyu gu bco lngas khyim gcig rdzogs/ des gzhan rnams shes so/ /gzhan yang zhes pa ni yan lag lnga rtsis kyi nyin skar dag pa la zer ro/ /'di phyogs ni zla ba la dbang ba'i khyim bcu gnyis kyi nyi ma'i 'pho ba'o/ /lug la sogs par 'phos pa'i 'das pa'i
93a7 zhag du lon gnas gnyis su bya ste/nyi ma zhag re zhing chu tshod bgo zhing chu srang nyi shu rtsa lnga za bas steng bzhi 'og nyi shu rtsa lngas bsgyur ro/ /drag cus bgos lhag dbye/ nor steng du gzhug /phyed lhag na gcig sbyin no/ /steng du drug cus bgo bar bya zhing / nor gyis chu srin la sogs byang bgrod
93b1 drug yang bri/ka ra ka sogs lho bgrod drug la bsnan pas 'pho ba'i chu tshod dag par 'gyur/ chu tshod du 'das lta ba de/ /rgya mtsho chu dang zla ba la/ /lug dang srang la drug sbyin bya/ /glang dang bu mo rang sar gzhag /'khrig pa seng ge brgyad dor bya/ /ka ra ka gnyis la bco brgyad dbri/ /sdig nya gnyis
93b2 la bcu sbyin zhing //gzhu dang chu srin bum pa ni/ /gsum la nyi ma byin pa la/ /lug dang srang la drug sbyin bya/ cha bdun grib mar bcas pas bgos pas thob pa'i nor ni snga dro chu tshod 'das pa yin/ phyi dro lus pa nyid du 'gyur ro/ /'di dus sbyor bcu gnyis la sogs la ngos 'dzin na/ de'i dus
93b3 kyi chu tshod ni 'ongs pa drug cus bsgyur bar bya/des ni dbyu gu yang chu srang gi phung por 'gyur ro/ /de la lug la nyis brgya lta bu khyim rang rang gis bgo'o/ /lug sogs drug la yas kyis dbri zhing / srang sogs drug la mas kyis dbri'o/ /ma ldang ba de ta t+kal yin no/ /de ni nyin zhag
93b4 gcig gi bcu gnyis cha'o//'phel ba de las gnas lnga byed na/ lhag sum cus bsgyur ba la khyim chu srang gis bgos pas/ nor ni cha shas yin bas tat+kal 'og tu bri'o/ /lhag drug cus bsgyur zhing / /thob pa dbyu gu yin zhing / de'i lhag drug cus bsgyur bas thob pa chu srang yin/ de'i lhag drug
93b5 gis bsgyur bas thob pa dbugs yin no//gnas lnga zhes ni de la zer/ dus drug dag gam lta ba dang / /dum bu drug gi don du yang / /tad+kA la chu srang sum cus bsgyur/ /de la 'og gi ca shas gzhug /de 'ang drug cus bsgyur zhing chu tshod gzhug /stong dang brgyad brgyas de la bgo bar bya/ /nor ni
93b6 dus sbyor gcig gi rang bzhin te//gong gi de dang mnyam na dag pa yin/ /dag par ma gyur mnyam pa'ang min no/ /cha shas drug cus bsgyur chu tshod steng du gzhug /de ni dum bu lnga'i dgod bya yin no/ /de la dgu brgyas bgos nor dus sbyor phyed pa'o/ /drug brgyas bgos nor sum cha yin/ /
93b7 nyis brgyas bgos nor dgu cha yin/ brgya dang bcu yis bgos nor ni/ /bcu gnyis cha ru 'gyur ba lags/ /drug cus bgos ba'i nor ni sum cu'o/ /de ltar dum bu drug ste 'di rnams thams cad la phyed pas lhag la re re steng du sbyin par bya'o/ /'di rnams rgyud kyi bcud lta bu yin zhing /
94a1 'o ma'i bcud mar lta bu'o/ /dum drug gis ni gsal ba'i mig dang 'dra ste thams cad mthong ngo / /dmag dang / rkun ma/ rdzas/ byed las/ bzang ngan/ chags ka thams cad la gnod drug rim gyis rdzas dang 'dra'o/ /dus 'di rtsis rnams kyi gzhi
94a2 ma yin pas sbyin par bya'o//khyim bdag gal che 'di bzhin rtsis te/ lug dang sdig pa'i mig dmar yin no/ /glang dang srad ni pa ba sangs yin no/ /'khrig pa bu mo lhag pa'i zhing yin no/ /ka ra kaT zla ba'i khyim yin pas/ seng ge nyi ma'i zhing yin/ gzhu dang nyi phur bu'i
94a3 zhing yin/chu srin bum pa spen pa'i zhing lags pas bdag po rnams kyi 'bras bu bzhin brtsi'o/ /brtan g.yo/ zhi drag /pho/ mo/ sdig /bsod/ mnyam/ mi mnyam rnams zhig par rgyud nyid phag gsal zhing / tat+kal nas bgrangs ba'i bdun pa na mthong ba yod pa'o/ /rkang ba zhes
94a4 pa ni zhib rtsis so//stobs ni go sla'o/ /dgra grogs ni gal che bas rgyud nyid ji bzhin par blta'o/ /tad+kA lan mig dmar yod cing / bdun pa na phur bu yong na gza' gnyis ka'i 'bras bu 'bras bu 'byung ngo / /des gzhan yang 'gre'o/ /khams ni zla ba phur bu yin zhing / pa sangs mig
94a5 dmar rnams rtsa ba yin no//rtsa ba na shing dang / gos dang / ras dang / dar la sogs pa rdzas rtsa ba'i rigs so/ /lhag pa srog chags rigs yin no/ /nyi ma spen pa ni lha dang rkang ma ngas kyi rigs yin no/ /'di rnams rgyud nyid la 'khor yang bdag po gza' nad yin pas 'bras bu 'byung
94a6 pa la sogs pa med do//le'u gnyis pa'o// //bsam pa zhes pa nas don gsal tshig pa yan chad ni zhu ba po'i mtshan nyid ni gal che'o/ slob dpon gyi mtshan nyid go sla'o/ /'dri ba'i dus su zur gsum dang / gru bzhir zhi ba'i gza' shar zhing / gzhan rnams su sdig gza'
94a7 shar na/'dri byed kyi don 'grub ste/ u ba tsa ya 'di khyad par du don gnyer ba ring thung la shis so/ /tat+kA la zhes pa nas/ zhib tu brtag yan chad ni/ dus sbyor dum bu drug gi bzang ngan/ rigs/ rnyed/ mi rnyed/ rkun ma ngos 'dzin/ ma brjod lkog gyur gyi rtsis phyi nang rgyal pham/ 'dum/
94b1 mi 'dum/ tshe ring thung / 'ong mi 'ong / sbed ba'i sa/ kha dog /rmi lam rnams bshad pas/ rgyud nyid las shin tu zhib par gsungs te/ blos zhib par brtag go /smra shes pa yan chad zas dkon mod kyi rtsis so/ /rkun ma ngos 'dzin lo grangs kyis ngos 'dzin pa ni go sla'o/ /bu mo skye ba la
94b2 sogs pa gzhung nyid na zhib cing ma 'grig pas kho bos rgyas par bshad do//le'u gsum pa'o// //rkang pa brgya ba'i 'khor lo 'dis/ gshin rje lto ba'i tsa kra 'di dag byed pa yin no/ /gal che ba thams cad du ming gi skar ma shes shing mthong ba ni sgra gcan gyi rkang pa dgu dang nyi ma'i
94b3 nyi ma dang /mig dmar gyi me dang / phur bu'i drug dang / spen pa'i nor rnams dang / /lhag gi bdun dang / pa ba sangs kyi lnga pa rnams mthong ngo / /zla bas g.yon du bskor ba'i nyi shu gnyis mthong ngo / /'khyud pas lus la lan tsha sna tshogs pa 'byung zhing / stobs bzhis 'jigs zhes pa ni
94b4 'di kho nas yin pas ming spo/gos bsgyur yul nas 'bros pa la sogs bya'o/ sol ba ni drang srong gi nad dang / /dug ro rnying pa dang / mdze nad dang / gcong nad kyis zin zhing / srog dang bral ba la nye'o/ /du bas ni blo'i sdug bsngal ba dang / gtam ngan 'byung ngo / /stong gis sna
94b5 khrag dang /khrag nad 'byung ngo / /'di dag kun la 'chi ba slu'i lugs bzhin/ lha dang rlung bzung ba dang / dbang phyug gi skyabs kyis 'tsho bar byed do/ /mthongs ni gzhung nyid la gsal lo/ /sha la ka yis bag ma brtsi'i/ stobs bzhi yis mi dang rta la sogs pa'i thug
94b6 dbye ba brtsi'o//nyi ma gar gnas pa las dang bya ba ci byed kyang ngan pas/ a ta mi ta yang brtsi'o/ /mdung chen chag kyang bag ma dang / don gnyer ba rnams la gal che'o/ /grong dang grong gi bya ba la/ phan yon chen po'i tsa kra gal che'o/ /ba ri g+ha'i tsa kra ni dgos pa chung ngo / /
94b7 be ra mu ba'i tsa kra ni/ lo gcig gi chags ka brtag pa la dgos so/ /le'u bzhi pa'o// //sngags la drag pa'i phyir a ba ka ha zhes bya ba'i tsa kra'o/ /glang chen mche ba'i tsakra 'ang zer ro/ /'di ni 'dis rgyal po bya ba dang / dmag dpon dang / gral dpon bya ba dang / /
95a1 lha khang brtsig pa dang / lha bzhengs pa dang / rngams che ba'i las la mig gi 'bras bzhin gal che'i/ /bel se ga'ang 'di'i nang na zhib bas ltad mo dang ston mo gal che'o/ /rus spal 'khor los yul gyi bde sdug dang / legs nyes shes pas zhi drag gi gza' la
95a2 blta'o/des pa tsakra ni rgyal po'i bla mchod dang / mi dpon gyi g.yog byed pa dang / /rang las che ba rnams brtag go /le'u lnga ba'o// //'khor lo bdun kyi gdan la brten nas/ rlung rgyu ba'i yun nam ring thung blta ste/ 'chi ltas dang / na tsha dang / kha smras dang / de rnams shes te/
95a3 rlung rgyu ba yun ring 'chi/ 'bring nan/ yun thung na kha smras 'ong ngo / /tshe tshad ni lo bdag dang skye skar dri ste/ /blo zhib na brtan no/ /gza'i lo bdag re re zhing yang dge mi dge gzhung nyid kyis bgo'o/ /skyes bu dus ji tsam na skyes pa'i dus kyi nyin skar kha la dgod/ de nas rtsi'o/ /'di nas skye
95a4 ba brtag pa'i chog ste/gzhon pa kha byang gi rtsi'o/ /le'u drug pa'o// //lam gyi 'khor lo la sbrul gyi lus la rtsa gsum la sogs pa gzhung nyid kyis go zhing / de dag la zhi drag gi gza' gang gnas blta'o/ /lam du zhugs pa'i nyin zhag la dbang ba'i skar ma dang / rgyud gcig
95a5 pa'i rtsa la gza' dang gnas pa'i 'bras bu 'byung ngo //sa tshigs ji tsam du 'byung na/ 'gro sar dpag tshad du yod pa de rtsa rgyud la gnas pa'i gza' de yis bsgyur/ 'khor los bgo nor ni 'gro la ma yin/ lhag ma bzhis bsgyur/ 'khor los thob pa ni/ mda' 'phen drug cu'am rkang pa
95a6 gcig yin no//lhag ma drug cus bsgyur cing thob pa ni mda' rgyad gang du 'gyur ba yin no/ /sa yul 'di nas brtses pa'i dro lam kyang la/ mda' 'phen rnams 'di'i 'bras bu 'byung zhes bya'o/ /rgyan gyi tsakra ni ming yig nyer gnyis rang gis bsgyur te/ brgyad kyis bgos ngas thob pa'i
95a7 lhag ma la ba lta'o/rgyal mtshan la sogs 'char ro/ /'das pa'i dbyu gu la brgyad kyis bgo/ de ni rgyal mtshan pa 'char ro/ /re re zhing gza' bdun kyi bdag po yang yod do/ /ming yig mnyam na 'dum zhing / bza' mi 'ang 'grogs lugs yun ring ngo / /mi mnyam na gang mang rgyal lo/ /
95b1 ya dang zung gnyis gnyis ya rgyal bar bshad do/ skyes bu'i lus la skar ma bkod do/ zla ba gnas pa'i thog tu rma 'ong ngo / /dgu cha'i dum bu ni gzhung nyid nas gsal lo/ /tri shU la yi tsa kras ni 'khrug pa 'ong mi 'ong dang / /ming skar blta ste rgyal pham dang rtsed mo dang / bar dang yul rnams go
95b2 sla'o//zhabs skud kyi tsakra ni mang bkod do/ /brtag pa'i 'khor lo'o/ /nyin skar nas mgo btsugs te skyes bu'i la dgod do/ /de la rang gi ming skar gar babs blta'o/ /dge sdig gzhung na gsal lo/ /'di ni chags ka brtag pa'i 'khor lo 'ang zer ro/ /re mig bcu bzhi ba'i 'khor lo
95b3 'di/smig rgyu lta bu la khyad par du gal che ste steng rnams rgyal zhing / 'og ma rnams pham mo/ /rigs gsum gyi 'khor lo ni lhan cig sdod pa rnams la brtag ste gza' mi dang dpon g.yog gshis ma log pa gal che'o/ /mig ni kha 'phos so/ /a ka la sogs pa sde brgyad kyi tsakra ni/ spyir rgyal
95b4 pham kun la dgos shing //khyad par du / sho dang rgyan len pa dang / /thug 'gyed pa dang / glang po che 'thab pa rnams kyi las so/ /'dab chags brgyad ni las dang bya ba gang la 'ang dgos te/ zla ba zhag dus tshod rnams stobs che ba la bya'o/ /shar du rgod/ nyi ma 'phred zla thams cad
95b5 tshes gcig dang dgu 'di rnams a'i ming can shar du stobs che'o//tshangs pa'i tsakra 'di sdod la la brtag ste/ gnod pa bzhis ni srog dang bral bar 'gyur zhing / gsum gyis ni yun ring / gnyis kyis kha smras 'ong / gcig gis don nyams/ de bzhin du zhi gza' la
95b6 yon tan grangs mang ba bzhin che'o//'dri ba'i nyin par skar ma gang la gnas pa nas kha la dgod cing / klu'i 'khor los nad pa rnams brtags te bden pas brtag go /dpon g.yog dang bza' mi/ rje 'bangs/ dpon po rnams la zam pa/ mda' gcig gi stong la/ las tshur
95b7 thug pa bzhin te/shin tu bden zhing gal che bas rtsa gsum la blta'o/ /gdugs kyi 'khor los ni phyogs kyi rgyal po ston te bden pa nyung ngo / /tha skar la sogs zhes pa nas/ rim bzhin du zhes pa yan chad ni/ yul de la skar ma dang zong rnams dgod pa'i lugs so/ /
96a1 spen pa gang la gnas pa nas mi rnyed cing dkon pa'o/ /'pho ba'i rgyu skar tshes bsres te zhes pa'ang 'di dang sbyar ro/ /seng ge brtan ni ming dang 'dra ste/ /bden pa bzhi brtan no/ /mda' gzhu ni skyes bu mda' 'dzin rnams la dgos te/ g.yas g.yon ni steng 'og go /rang
96a2 gi skyes skar dang ming skar/stong la song na 'chi/ na/ 'pham/ rma 'bab po/ rtse la song na thams cad rgyal lo/ /ral gri ni go sla'o/ /ya tra na ltad mo ste/ 'di bum pa bzhis brtag go/ /nyi ma gnas pa'i phyogs ltad mo la sogs byas na 'chi zhing rma 'bab/ rta 'gyel/ lug 'chi/ glang chen
96a3 gum rtsed mo bsdums stong par 'gro'o//nyi ma dang bral na dgos pas rang rgyud gang ste bzang ngo / /byes su song ba rnams la pad+ma'i 'khor los brtag ste/ shin tu bden zhing gzhung nyid nam sbas pas gsal lo/ /bre'i 'khor lo ni/ thub pa'i tshogs rnams la gzhan du zhib par bshad do/ /
96a4 le'u bdun pa'o// //byis pa skyong gi rdzong ni gzhung nas ji ltar bshad pa bzhin/ khyad par bsrungs pa rnams la gces so/ /rdzong dang / rdzong dag gi ming skar la dgra ma dar gces so/ /b+hi tri rang gal che'o/ /srin po'i rdzong 'dis gzhan 'bebs pa la gal che ste/ dus rA hu la rgyal
96a5 bo yin pas stobs che'o//gza' gzhan rnams blon po yin pas gzhung pa bstan to/ /rtsa ba'i sgra gcan la rnab g.yas pa bstan/ skar ma rnams zas kyis bcos shing / gza' bdun gyi gos chas su zhugs te/ dus sbyor gyi gnas brtse zhing nyi ma la rgyab bstan/ zla ba mdun du bzhag ste/ /
96a6 thun phyed pa'i sgra gcan dang bsdongs nas 'bebs pa yin te/ /rtsi ta'i don kho na'o/ /chu'i mtshan nyid la yul de'i mi'i 'dri tshig dang po bzung ste brtag go/ /sde tshan 'dom/ dbyangs 'khru/ gsal byed sor/ des shes so/ /b+hi tshan rA hu ni rdzong bdag la che bas brtag go/ /nyi zla'i
96a7 stobs las che'o//drag gza' nang du chud/ zhi gza' phyi ru gnas na/ 'bebs mi 'grug pa rnams kyi bsam pa 'grub/ de las bzlog na bsrungs mkhan rgyal lo/ /rigs kyi nus pa ni rtsis bde'o/ /le'u brgyad pa'o// //grub bzhi zhes pa nas/ rnam par phyed zhes pa yan chad ni/ /
96b1 rA hu'i rtsid rnam pa dgu ste/ mkhar len la khyim gyi rA hu gces so/ /drag las la rtsa ba'i rA hu gces so/ /gtad la yud tsam gces so/ /rim grol ches kyi rA hu gces so/ /sa bon la sogs la dkar nag gi rA hu gces so/ /ba gam la nyi ma la sogs pa'i rA hu gces so/ /thun phyed
96b2 pa ni mtshon la dar gyis zhugs pa dang 'dra ste/kun la gces pas 'di kho na blta'o/ /le'u dgu ba'o// //spen pa'i tsakra 'dis gzhon pa'i skyes skar dang rgan pa'i ming skar blta ste/ dge sdig gzhung nas bshad do/ /bya khyung ni go sla sde bdun du rung ngo / /biSh+Ti brgyad po 'di ni/
96b3 don bsgrub pa dang / 'gro don bya ba dang / khyad par du lha 'dre'i las byed na gal che zhing dgos so/ /tshes la dbang bas brtag pa zhib tu bya'o/ /rnal 'byor ma brgyad ni/ bre'i 'khor lo dang / lam lnga dang mthun nus pa che bas/ phan gnod kyi 'khor lo la gces so/ /dus sbyor byed
96b4 pa 'di rnams mngon yang nus pa chung bas brtag pa dka'o//rigs ldan ni klu brgyad yod do/ de bzhin du gza' bdun/ rA hu dang brgyad yod pas/ thun phyed pa'i rA hu la bltas te/ rig ldan dus su las ci'ang spang zhing / khyad par du zas/ sman/ gtam/ bsreg /nad pa'i las rnams spang
96b5 ngo /dgos nor kun 'byung zhing / cha shas phra ba gtam la 'bebs shing / gnad che bas gdams pa yang 'di kho na zab po/ /rgyud kyi 'khrugs bsdebs dang / mang ba bsdus shing nyung ba bshad de/ gal che ba rnams zhib tu byas la/ mi go ba rnams go sla bar smyos pa'o/ /
96b6 mig nang nus 'bras bu bzhin/ 'di dang rgyud do/ /le'u bcu pa'o// //dpal gtsug gi nor bu zhes bya ba rdzogs so// //rgya gar shar phyogs kyi baN+Dita dpal lhan cig skyes pa'i zhal snga nas dang / u rgyun pa rin chen dpal gyis ljongs te rA hu'i tir bsgyur
ba'o/