CLOSE WINDOW

D4322
བོད་ཡིག

@#/ /rgya gar skad du/ yu d+ha dza mA r+Na ba tan+t+ra rA dza sba ro da ya nA ma/ bod skad du/ g.yul las rnam par rgyal ba zhes pa'i rgyud kyi rgyal po dbyangs 'char ba zhes bya ba/ 'phags pa 'jam dpal gzhon nur 'gyur pa la phyag 'tshal lo/ /rje btsun yi shes 'od zer gyis/ 'gro ba mun par ldongs pa rnams/ /rmongs pa thar mdzad 'dren pa'i gtso/ /zhi ba nyi zer gus phyag 'tshal/ /dpal ldan kai lA sa ri la/ /lha mchog bcom ldan 'das bzhugs te/ /lha mo gangs ri'i sras mo yang / /myur du gtso bo mnyes byed brtson/ /grub pa'i tshogs mnyam thams cad dang //thub pa'i tshogs rnams 'ongs shing 'dus/ /'jigs rten don gnyer 'dus pa kun/ /ston pa'i mdun na mnyam 'dod 'khod/ /lha mos gsol pa/ /bcom ldan lha yi lha mchog gtso/ /ri bong can ni spyi bor 'dzin/ /dbang phyug chen po yi shes don/ /dkar mo bdag la rnam par 'bye//mchog tu dga' ba gsang ba can/ /dbyangs 'char zhes bya gsang ba'i rgyud/ /khyed kyis bdag la sngar gsungs pa/ /skye bo blo gros dman pa la/ /rgyas min shin tu gsal ba ni/ /'dod pa'i don kun sgrub byed pa/ /dbang phyug che la bdag gsol bas/ / mdor bsdus pa ni bshad par gsol/ /lam ldan rnam par shes pa dang / /dbyangs dang gsal byed 'char ba las/ /stobs kyi bye brag ji ltar lags/ /gza' gnas dus sbyor 'char ba yis/ /dge dang mi dge bde dang sdug/ de bzhin rnyed dang mi rnyed dang / /'tsho dang 'chi ba de bzhin ci//de bzhin rgyal dang 'pham pa dang / /'gro dang 'ong ba'i brag ci/ /rang gi lus kyi sbyor ba yis/ /gzhan gyi sems dang khu tshur gyi/ /de bzhin bye brag shes pa dang / /pho nya yis ni smras ba yi/ /ming gi dbyangs dang gsal byed kyi/ /bye drag so sor shes gsol/lam dang rngon po'i 'khor lo dang / /dkar po'i 'khor lo ji ltar lags/ /rma la rtse gsum 'khor lo tsi/ /skar mas rigs rnams shes pa ci/ /'dab chags 'khor lo ji lta bu/ /tshangs pas sbrul gyi 'khor lo dang / /seng ge gdam gyi bdag nyid ci//mda' gzhu ral gri'i 'khor lo dang / bum pa'i 'khor lo de bzhin ci/ pad+ma'i 'khor lo rdzong 'khor lo/ /sgra gcan 'khor lo bdag la gsungs/ /spen pa dang ni bya khyung dang / bkris pa'i 'khor lo lha chen ci/ /ming gi gsal byed phyogs mtshams su//rgyal ba'i 'khor lo bshad du gsol/ /dus sbyor phyed pa shes pa dang / /zla ba'i snyigs ma gnas pa dang / /klu rnams 'char ba ji ltar lags/ /bdag ni khyod mnyes byed spro bas/ /dbang phyug lha yi lha mchog la/ /ji ltar bdag gis zhus pa'i don/ / gnang na dkar mo bdag legs nyan/ /lha chen nges par bshad du gsol/ /bcom ldan 'das kyis bka' stsal pa/ /khyod kyis ji ltar zhus pa bzhin/ /thams cad rim pas gsal bar bshad/ /dbyangs dang gsal byed gza' rnams ni/ /mdzes ma khyod la bdag gis bshad//'khor lo mtshan nyid thams cad dang / /rigs ldan mtshan nyid mthar thug pa/ /khyod la dgos pa gang yin pa/ /mngon sum nges par bshad par bya/ /sngon tshe lha dang lha min dag /ba spu ldang ba'i g.yul 'gyed tshe/ /lha yi dbang pos bdag la dris/ /'di bshad lha min pham par byas/bstan bcos gsang ba chen po'i rgyud/ /g.yul las rnam par rgyal bar grags/ /gzhan du rdzogs par ngas ma bshad/ /gsang chen 'khor lo ma lus pa/ /thub pa'i tshogs rnams nga la nyon/ 'di la gtso mo dga' bar gyis/ /rgyud rnams kun du sbas pa ste//gsang ba las kyang ches gsang ba/ /gang gis dbyangs 'char mi shes par/ /g.yul las rgyal bar 'dod pa ni/ /mkha' la khu tshur bsnun 'dod dang / /smig rgyu'i chu ni snyegs pa bzhin/ /mdzes ma ji ltar 'jig rten du/ /dus kyi lha rnams 'char ba la/ / brtag dpyad med par 'jug pa ni/ /blun por nges so rdzong lha mo/ /dus kyi bdag po rnams 'byung bas/ /brtags shing dpyad nas 'jug par bya/ /shis dang mi shis thams cad kyi/ /mtshan nyid rnams ni ston par byed/ /gcig tu yid ni dag pa la/ /mi rtog phyir na 'di mi dgos//lus nad rlung gi bye brag gis/ /dus gsum 'bras bu shes par byed/ /des na nang gi rlung la ni/ /mnyam par gzhag la rig par bya/ /gang tshe yul du chas pa na/ /sems ni dang zhing mdzes pa dang / /spro zhing gsal ba dge ba yin/ /rda la rang sgra byung na dge/ /ral gri la sogs mtshon cha rnams//gsal zhing rang sgra 'ong 'bar dge /rgyal mtshan ba dan rta dang glang / /sgra 'don gsal zhing stobs 'byed dge /mdun nas brtan g.yo'i rang bzhin yang / rang gis brtags la shes par bya/ /de las bzlog na mi shis pa/ /rol mo brdungs kyang sgra mi gsal//rlung rnams rgyud las bzlog pa dang / /yid ni ldang kyog mya ngan zin/ /rol mo mtshon cha la sogs rnams/ ral dang chag sogs ngan pa yin/ /gang tshe tshong la chas pa na/ /de tshe zod la byi bas zos/ /chag gam stong ram mi mdzes pa/ /mi shis ltas mthong log par bya/ / de bzhin dgos don bya ba kun/ /ltas kyi dge dang mi dge dpyad/ /tshes la dbyangs dang gsal byed dang / /rgyu skar gza' rnams 'char bar 'gyur/ /rnal 'byor pa gang yid nang chud/ /mnyam nyid dbyings nas me bzung la/ /rang gi lus la gnas pa yi/ /lam lnga ston no lhas mchod ma//'di ni rgyas par ma bstan te/ /cung zad tsam zhig bstan par bya/ /lus can rnams kyi zhag gcig la/ /stong phrag nyi shu rtsa gcig dang / /brgya phrag drug gi lhag pa'i dbugs/ /rgyu ba'i grangs su shes par bya/ /dbugs 'byung 'jug dang bar ma ste/ /dbugs zhes bya bar yongs su grags//dbugs drug chu srang zhes bya ste/ /drug cu la ni dbyu gu gcig /dbyu gu drug cu zhag gcig yin/ /tha mal gnas la rig par bya/ /de la 'pho ba bcu gnyis te/ /thun ni brgyad du bstan pa yin/ /g.yas dang g.yon pa'i lam lnga las/ /dkyil 'khor lnga ni rnam par rgyu//g.yas nas sa la sogs pa ste/ /nam mkha' la sogs g.yon nas rgyu/ /sa sogs dkyil 'khor re re la/ /drag po rkang pa dang bcas kyis/ /nyung ba'i le'u sum brgya drug cu'o/ /nyung ba dbu ma'i khams su grags/ /me mnyam pa dang mnyam pa'i khyim/ / lug dang glang sogs rim pa bzhin/ /dus mnga' rkang pa dang bcas bas/ /nyung ba'i brgya phrag bco brgyad lam/ /nyung ba dbu ma'i lam du grags/ /de ltar 'pho ba bcu gnyis la/ /bdun cu rtsa lngas lhag pa yi/ /drug brgyar rab tu grags pa yin/ /mdor na dbu ma'i lam nyid nas/ / sum bu gnyis kyi cha shas gcig /dman pa rnams la 'chi ster zhing / /rnal 'byor pa la mchog ster 'gyur/ /nyi ma zla ba'i lam gnyis po/ /lho dang byang gi bgrod pa ste/ /dkyil 'khor lnga ni rab tu rgyu/ /byang gi bgrod pa zla ba la/ /nam mkha' me chu sa rlung ni/ /dbus dang steng 'og ka ba dang //zur la rten nas rim pa bzhin/ /nam mkha' lug gi khyim yin te/ /me ni glang du yongs su grags/ /chu ni nya yi 'pho ba yin/ /sa ni bum pa zhes bya ste/ /rlung ni 'khrig par yongs su grags/ /zla rgyu byang bgrod chu srin no/ /nam mkha' dbus ma'i sbyor ba ste/ /me ni grub pa'i sbyor zhes bya//chu ni bdud rtsi'i sbyor bar brjod/ /dngos grub sbyor ba dbang chen po/ /phun sum tshogs pa'i sbyor ba rlung / /pa sangs zla ba gza' lhag dang / /phur bu rim bzhin mkha' ma gtogs/ /bzhi dang bcu drug bcu gnyis dang / /brgyad kyi sor du yongs su grags/ /lho yi bgrod pa'i nyi ma la//dkyil 'khor snga ma'i rim pa las/ /nam mkha' srang gi khyim du brjod/ /me ni sdig pa'i dus spyor to/ /chu ni bu mo'i 'pho ba yin/ /sa ni seng ge'i khyim du grags/ /rlung ni gzhu zhes de bzhin no/ /lho bgrod nyi ma ka ra kaT/ /nam mkha' 'jigs byed sbyor ba ste/ /me ni 'chi ba'i sbyor bar grags//mi shes pa yi sbyor ba chu/ /dbang chen gyis ni sreg sbyor ba/ /rlung ni mya ngan sbyor bar bshad/ /mig dmar dang ni spen pa dang / /de bzhin nyi ma sgra gcan rnams/ /nam mkha'i lhag ma rim pa bzhin/ /de nas gzhan dag 'pho ba ni/ /stong dang brgyad brgya'i grangs la ni//g.yas nas lus sogs mi mnyam drug /g.yon nas glang sogs mnyan pa drug /rim bzhin du 'pho 'gyur te/ /rags pa'i cha la bstan zhes zer/ /de ltar nang gi 'pho ba la/ /dge dang mi dge la sogs rnams/ /'dri bar byed pa'i skye bo la/ /legs par brtags te bshad bar bya//de nas gzhan yang bshad par bya/ /lam lnga'i mtshan nyid bzang bo mchog /sa yi lam gyis rgyal srid de/ /nor dang 'byung dang longs spyod dang / /rgyal dang phun sum tshogs pa dang / /rnyed pa thob dang sdud par byed/ /chus ni don rnams 'grub par ston/ /yid la bsams pa thams cad kyi//'dod pa'i don bsgrub kun byed bas/ /mdzes ma de ltar yid la gzung / /me yi lam nas rgyu ba las/ /bkres skom ngal dub sdug bsngal byed/ /bya ba thams can nyams 'gyur zhes/ /shes par gyis shig bzang mo kye/ /rlung gis 'thab rtsod skyo dad rmongs/ /nor zad byes 'khyams gdung bar byed//zla ba dang ni nyi ma dang / /sgra gcan lam nas rgyu ba la/ /bzang ngan bye brag shes bar bya/ /dug sogs gzhom dang rgyal la sogs/ /zla ba'i rgyu bar rab tu bsngags/ /g.yul bsham rol rtsed ston mo dang / /gcad bsreg btso la sogs pa dang / /dbang dang dgug pa'i las la ni/ /nyi ma'i stobs ni bsngags pa yin//gnyis ka'i bdag nyid ston byed pas/ /shis dang mi shis nges med par/ /sgra gcan the tshom can zhes bya/ /mdzes ma zla ba'i lam rgyu la/ /skye bo nyi ma'i phyogs nas 'dri/ /'dod pa'i don ni nyams par 'gyur/ /nyi ma las rgyu zla bar gnas/ /snga ma bzhin du don med 'gyur//gang nas nyi ma zla ba rgyu/ /dar gnas 'dri ba'i skye bo ni/ /bsam pa'i don kun 'grub par 'gyur/ /gal te gnyis kar gnas pa las/ /'dri na the tshom can zhes bya/ /lam lnga la ni rgyu ba gsum/ /'gro dang 'ong dang gnas pa'o/ /'dri bar byed pa'am rang gi'ang / /'ong bas thams cad dge ba ste//'gro bas ngal ba don med 'gyur/ /gnas pa la ni the tshom 'gyur/ /lam lnga rnam par rgyu ba las/ /dge dang mi dge mkhas pas brtag /chu dang sa dang me dang ni/ /rlung gi dkyil 'khor rgyu ba las/ /zhe rgyas dbang dang dgug pa dang / /gsad dang bskrad sogs shes par bya/ /lam lnga'i de nyid mi shes bar//bya ba thams cad ma 'grub ste/ /de yi spyor ba mi shes par/ /de yi ngal ba don med 'gyur/ /rlung ni thams cad byed pa ste/ /rtog ge ba yis mi shes so/ /lha mo 'di rnams legs bzung la/ /dge dang mi dge bshad par gyur/ /lha mos gsol ba/ dbang phyug chen po bcom ldan 'das//lha yi lha mchog thams cad mkhyen/ /lam lnga legs par khyed kyis gsungs/ /da yang bdag la cung zad tsam/ /zhu ba mchis pas gsan du gsol/ /dbyangs dang gsal byed 'char ba ci/ /dbyangs kyi grangs ni du zhig mchis/ /de bzhin gsal byed grangs ni du//ring thung bye brag ji ltar 'char/ /dkar nag phyogs la gang 'char legs/ /bdag gis mi shes lha khyod la/ /nges par the tshom med par yang / /ma lus pa ni bdag zhu bas/ /de rnams mthar thu gang bshad du gsol/ /bcom ldan 'das kyis bka' stsal pa/ /ji ltar khyod kyis bdag zhus pa/ / thams cad bshad kyis mnyan par gyis/ /dbyangs dang gsal byed bzang bo rnams/ /ji ltar 'char ba'i nges pa ni/ /dpyid zla 'bring sogs zla ba yi/ /bcu drug nas bzung stong gi bar/ /dkar phyogs zhes bya ri sras mo/ /de yi tshes gcig nas brtsams te/ /nya yi bar ni nag phyogs 'dod/ /de la dpyid 'bring zla bar grags//de ltar rim bzhin shes par bya/ /de la dpyid 'bring la sogs pa'i/ /tshes la 'char ba'i dbyangs rnams ni/ /a yig dang ni i yig dang / /de bzhin gsum pa u yig ste/ /e yig lha mo yid 'phrog ma/ /e yig dang ni lnga ru 'dod/ /de ltar nga yis dbyangs su brjod//dbyangs kyi rang bzhin rim bzhin du/ /sa dang chu me rlung dang ni/ /nam mkha'i sbyor bas shes bar bya/ /dri dang ro dang gzugs dang ni/ /reg bya sgra rnams rim bzhin dran/ /dbyangs lnga zhes bya lha chen ma/ /bya ba kun la shes bar bya/ /ring ba lnga rnams dkar phyogs la/ /lan gsum du yang 'gyur ba yin//ka nas ha yi mthar thug pa/ /nga nya Na gsum spangs ba yis/ /gsal byed phyogs gnyis dag las 'char/ /dkar phyogs nag phyogs dag la yang / /mdzes ma yi ge sum cur 'gyur/ /gsal byed ka nas nga yi bar/ /dkar po'i phyogs la rim bzhin 'char/ /dkar phyogs ring ba lan gsum ste//ka sogs rnams dang lan gcig 'gyur/ /dkar po'i phyogs kyi chos rnams dang / /nag po'i phyogs kyi tshes la yang / /dga' ba nas ni brtsams nas su/ /lan gsum du yang 'char ba yin/ /r-i r-I l-i l-I spangs pa yi/ /dbyangs yig thung ngu lnga bo rnams/ /nag po'i phyogs la 'char ba ni//ng+ha sogs rnams dang lhan cig 'char/ /so so'i tshes kyi byed pa rnams/ /bdag por lan gsum du yang 'gyur/ /dza na ma ha ni an taka /dza na ma ha ni rim pa bzhin/ /byis pa gzhon nu lang tsho rgan/ /smin te shi ba rim pa bzhin/ /a sogs dbyangs kyi bye brag dang / /tshes ni lnga la rim pas sbyar//byis pa rgan pa la sogs la/ /dar rgud las kyi bye brag byed/ /tshes la 'char pa'i dbyangs rnams dang / /ming gi dbyangs rnams sbyar bar bya/ /dpyid 'bring dkar phyogs sogs brtsams nas/ /dbyangs rnams 'char ro lha mo kye/ /nyin zhag bdun cu rtsa gnyis la/ /dbyangs ni re re 'char bar 'gyur//de bzhin zhag ni bcu gnyis la/ /dbyangs ni re re 'char ba dang / /de bzhin zhag lnga dag la yang / /dbyangs rnams 'char bar 'gyur ba dang / /nyin re bzhin du dbyangs re 'char/ /thung dang ring pa'i dbyangs lnga po/ /nyin lnga mtshan lnga 'char ba'ang dran/ /lnga dang sum cu bdun cu gnyis/ /rags pa phra ba'i dbye ba yis//'char bar 'gyur ro dkar mo kye/ /dkar nag phyogs kyi so so la/ /gsal byed re re 'char ro kye/ /nag po'i phyogs kyi zla phyed la/ /ri bong can dang dus drug dang / /drag po'i tshes grangs rnams la yang / /dga' ba dang ni a yig dag /nag po'i phyogs la thung rnams 'char/ / mig dang thub pa nyi ma la/ /bzang po'i ming can tshes dang ni/ /dbyangs kyi yi ge gnyis pa ni/ /so sor skye zhing 'char bar byed/ /me dang bkra shis 'dod tshes la/ /rgyal ba zhes byar grags pa dang / /u zhes 'byung ba'i dbyangs yig 'char/ /bzhi yi nyin zhag bu ga dang / /de bzhin bcu bzhi'i nyin zhag la//stong par brjod pa'i ches dang ni/ /e yi yi ge dbang bye brag/ /mda' dang phyogs zhes bya ba dang / /de bzhin bco lnga tshes grangs la/ /rdzogs pa zhes pa'i tshes dang ni/ /dbyangs yig o ni nges par 'char/ /dkar po'i phyogs kyi tshes grangs la/ /a sogs lnga ni 'char bar dran/ /sngar bzhin brjod pa'i ches rnams la//lha mo ring bor shes par gyis/ /dga' ba bzang bo rgyal pa dang / /stong ba rdzogs pa'i bye brag la/ /mig dmar gza' lhag phur bu nyid/ /pa bsangs spen pa rim bzhin sbyar/ /dkar nag phyogs kyi bye brag la/ /dbyangs dang gsal byed 'char ba la/ /rang bzhin dbang gis dge mi dge /ra ya ma'i 'bras bu mthong bar 'gyur/ /dga' ba'i chas la mig dmar dang / /rgyu skar smin drug a yig rnams/ /'dzom na dang po'i ming yig a/ /na 'chi rma 'byung 'bras bu med/ /bzang po'i tshes dang gza' lhag ces/ /rgyu skar mchu dang a yig dbyangs/ /'char tshe i yig cing can rnams//nyon mongs 'gyur te snga ma bzhin/ /rgyal bo'i tshes la bla ma'i gza'/ /rgyu skar skag 'char u yig dbyangs/ /u yig ming can srog mthar byed/ /bag ma la sogs 'bras bu med/ /stong ba'i tshes dang pa bsangs/ /rgyu skar mon gru de bzhin te/ /dbyangs ni e yig 'char ba la/ /e yig sngar bzhin 'bras bu med//rdzogs pa'i tshes la spen pa dang / /rgya skar bra nye nyid 'byung ni/ /dbyangs yig o 'char dus su ni/ /ming ni o can myur du brlag /dga' ba'i tshes la nyi ma'i res/ /a dang ming can nad yun ring / /bzang por zla ba'i nges la ni/ /i dang de ming de bzhin no/ /rang sa nas ni lnga pa la//nus par gyur ro dkar zlog ma/ /a ni o la nub pa ste/ /i ni a la de bzhin no/ /u yang i la rab tu nub/ /e ni u yi dbyangs la nub/ /u ni nub pa e zhes bshad/ /mdor na sa ni nam mkha' la/ /chu ni sa la nub par 'gur/ /de bzhin du mi shes par bya/ /rtsod pa nad dang g.yul 'gyed dang //bya ba kun la shes par bya/ /'char ba'i dus sa dge ba ste/ /nub dus mi shis par yang dran/ /byis gzhon lang tsho rgan dang 'chi/ /gnas skabs lnga ru brjod pa yin/ /rang sar byis par grags pa ste/ /gnyis pa gzhon nu gsum la 'tsho/ /bzhi pa rgan ta lnga ba shi/ /bye brag so sor shes par bya//gsal byed nub na nad 'byung ste/ /dbyangs ni 'chi ba ster bar byed/ /lus dang srog gi dbye ba yis/ /gsal byed dbyangs la shes par bya/ /gzhan yang phyogs kyi bye brag ni/ /shar du i yig lho phyogs su/ /e yi yi ge 'char bar 'gyur/ /u yig nub tu 'char ba ste/ /byang du e ni 'byung zhing 'char//dbus su o yig zhes byar grags/ /dbyangs dang gsal byed 'char phyogs su/ /'gro ba bya ba kun la spang / /de ltar dbyangs rnams gang 'char ba/ /bltas na yid la rab tu bzung / /rags pa dang ni phra ba yi/ /gnas skabs bye brag la 'char ba/ /bdag gis ji ltar bshad pa bzhin//shes par gyis shig gangs ri'i bdag /g.yul las rnams par rgyal ba dbyangs 'char ba zhes bya ba'i rgyud las 'am snga dang dbyangs 'char ba nges par bsten pa chen po ste le'u dang po'o// //lha mos gsol pa bcom lda 'das/ /lha chen khyod kyis dbyangs 'char ba/ /shin tu bdag la rgyas par gsung //yang ni bdag la zhu ba mchis/ /rA shi'i dkyil 'khor 'char ba las/ /'dri byed rnyed dang mi rnyed dang / /rgyal dang pham pa thams cad ni/ /mdzes dga' khyod la ji bzhin zhu/ /shin tu gsang ba bshad du gsol/ /lo gcig gi ni dkyil 'khor la/ /cha shad dum ma'i mtshan nyid dang //gtso bo stobs kyi bye brag dang / /dus sbyor phyed pa'i mtshan nyid dang / /dus sbyor ji ltar yin pa dang / /de la 'dri byed dge mi dge /gza' yi rigs la sogs pa las/ /la sogs bye brag shes pa dang / /dus gsum bye brag shes pa rnams/ /dbang phyug gtso bos bshad du gsol/ / bcom ldan 'das kyis bka' stsal ba/ /nyon cig mdzes ma ma lus ba/ /rA shi'i mtshan nyid thams cad dang / /gza' rnams khyim la 'khod pa dang / /zhag gcig gi ni cha shas la/ /bgos pas dus spyor bcu gnyis te/ /dus sbyor dkyil 'khor mnyam par sbyor/ /dus sbyor gza' bdun gnas pa yi//'bras bu dkar bo yum khyod nyon/ /lug glang 'khrig pa kar kaT/ /de bzhin seng ge bu mo dang / /srang sdigs gzhu dang chu srin dang / /bum pa nya yi khyim rnams su/ /mig dmar pa bsangs gza' lhag dang / /zla nyi gza' lhag pa ba sangs/ /mig dmar phur bu spen pa yi/ /phur bu zhes bya khyim bdag gza'//lung glang 'khrig ba ka ra ka Ta/ /shar lho nub byang rim pa bzhin/ /seng ge la sogs brgyad rim bzhin/ /khyim gyi phyogs kyi stobs su brjod/ /nyi ma pa sangs mig dmar dang / /rA hu spen zla gza' lhag phur/ /shar nas dpal ldan mthar thug par/ /g.yas bskor lam gyi 'khor lo ste/ /nyi ma shar dge chu bdag ngan//de bzhin kun la shes par bya/ /lug la nyin mtshan dbyu gu ni/ /nam mkha' me zhes yongs su grags/ /sum cu so gcis nyi shu brgyad/ /glang gi nyin mtshan las shes bya/ /'khrig par nyin mo sum cu bzhi/ /nyi shu rtsa drug mtshan du drang / /kar ka nyin mo sum cu drug /mtshan la nyi shu rtsa bzhi zer/ /seng ger nyin mo sum cu bzhi/ /nyi shu rtsa drug mtshan mo'i tshad/ /bu mor grags pa'i nyin mtshan la/ /sum cu so gnyis nyi shu brgyad/ /srang ni lug dang 'dra ba yin/ /sdig pa'i nyin la nyi shu brgyad/ /mtshan mo sum cu rtsa gnyis zer/ /gzhu yi khyim la nyi shu drug /nyin mo'o mtshan mo sum cu bzhi/ /chu srin nyin mo nyi shu bzhi/ /mtshan la sum cu rtsa drug grags/ /bum pa'i nyin mo nyi shu drug /sum cu rtsa bzhi mtshan la'o/ /nyi shu rtsa brgyad nya yi nyin/ /mtshan mo sum cu so gnyis zer/ /de ltar chu tshod shes par bya/ /'pho ba gang la gnas pa yi//'das pa'i zhag grags ji rnyed pa'i/ /gnas gnyis steng ma chu yis bsgyur/ /chu srin nyi shu rtsa lnga yis/ /'og ma bsgyur la drug cus bgo /rnyed pa steng du sbyin par bya/ /phyed pas lhag na gcig sbyin bya/ /steng ma drug cus thob pa rnams/ /chu srin la sogs byang bgrod la/ /sbyin pa nyid du bya ba yin//kar ka Ta sogs lho bgrod la/ /dor bas nyin mo'i chu tshod yin/ /steng mas drug cu la phri la/ /de la gcig phab lhag mas dbri/ /des ni mtshan mo'i chu tshod shes/ /'pho ba'i nyin mtshan chu tshod de/ /steng ma brgyad kyis thob pa ni/ /thun phyed chu tshod bya bar grags/ /lhag ma drug cus bsgyur ba las//'og gi chu srang steng du gzhug /brgyad kyi chas rnyed thun phyed kyi/ /chu srang zhes kyang dkar zlog ma/ /skar mig dbyug tshes lug gi tshad/ /rig byed mkha' me glang du brjod/ /ro dang zhe lnga 'khrig pa'i yin/ /dgu dang nam mkha' kar ka Ta/ /drag dang bco lnga seng ge'o/ /bcu gsum sum cu bu mor dran//tshes dang bzhi la srang yin zer/ /nor zla stong pa sdig par go /nyi shu bco lnga gzhu yin mnyam/ /zur mig sum cu chu srin mthong / /rgyal ba mda' chu bum par grags/ /'khor lo nya ru shes par bya/ /khyim gyi 'khor lo rdzogs pa yin/ /mtshan nyid rnams ni bstan pa yin/ /gzhan yang skar ma drug cus bsgyur//'og gi chu tshod steng du blangs/ /mda' dang yon tan zlas thob pa/ /'das pa'i khyim yin lhag ma la/ /sum cus bsgyur la chu srang ni/ /gnyis kyis bgos thob gzhug par bya/ /mnga' dang yon tan zlas thob pa/ /gang nas khyim gyi 'das zhag yin/ /de la dbyu gu chu srang dang //dbugs kyi don du go rims bzhin/ /bsgyur bas thob pa dbyu gu dang / /chu srang dbugs su rim bzhin 'gyur/ /rgya mtsho chu dang zla ba la/ /cha bdun thur ma grib mar bcas/ /bgos pas thob pa chu tshod yin/ /chu srang dbugs kyang rim bzhin sbyar/ /lug dang srang ba drug sbyin bya/ / glang dang bu mo rang sar gzhag /'khrig pa seng ger brgyad dor ro/ /kar ka Ta ru bco brgyad dbri/ /sdig pa nya la bcu ba sbyin/ /gzhu dang chu srin bum pa la/ /bcu gnyis dag ni sbyin pa las/ /snga dro 'das pa'i phyi dro las/ /de yis 'das pa'i dbyu gur bro/ /lhag ma lus dang 'das pa shes//nam mkha' mkha' zung lug gi tshad/ /nam mkha' rig byed mcho ma glang / /stong pa nor lha zung 'khrig pa/ /mkha' so ka ra kaT ru dran/ /mkha' dus me rnams seng ge la'o/ /nam mkha' mkha' mtsho bu mo dran/ /rim pa'i rim pa smin pa las/ /srang sogs bzlog go gangs ri'i bdag thams cad nyi ma'i rjes 'brangs te//zhag gcig la ni las kyang byed/ /lug sogs khyim rnams res 'jog tu/ /mi mnyam pa dang mnyam par shes/ /mi mnyam pa ni pho yin te/ /mnyam pa mo zhes bya bar dran/ /pho khyim rnams ni drag po ste/ /mo khyim rnams ni zhi bar brjod/ /g.yo dang rtan dang gnyis rang bzhin//lus sogs rim bzhin du gnas/ /dus sbyor rjes su 'bras bu rnams/ /thob par 'gyur ro lha mdzes ma/ /khyim gyi dus spyor dum bu drug /bshad kyis lha mo chen mo nyon/ /dus spyor gcig dang phyed pa dang / /sum cha dgu cha bcu gnyis cha/ /sum cu'i cha shas bye brag rnams//shes par gyis shig lha mdzes ma/ /dus spyor gyi ni chu tshod dang / /phyed dang sum cha dgu cha dang / /bcu gnyis cha ya chu tshod dang / /sum cu'i cha shas rab grub pa'i/ /dbyu gu'i grangs rnams bshad pa ni/ /zhag gcig la ni bcu gnyis te/ /de yi gcig gi longs spyod pa/ /mkha' dang nam mkha' brgyad dang gzugs//dus sbyor gcig gi tshad du brjod/ /phyed pa la sogs bye brag rnams/ /lha mo dus sbyor nyid las phye/ /mkha' mkha' bug mkha' mkha' ro/ /mkha' mkha' mig dang mkha' dang tshes/ /nam mkha' ro rnams rim pa bzhin/ / shes par bya'o bzang mo kye/ /dus sbyor phyed sogs mtshan nyid bshad/ /skal ba chen po'i bdag mo nyon/ /lug la sogs pa'i 'pho ba yi/ /'das pa'i zhag grangs ji snyed pa/ /rang gi chu srang dag gis bsgyur/ /sum cus bgos bas rnyed pa ni/ /khyim de'i 'das pa'i chu srang yin/ / de yis khyim gyi chu srang la/ /phri ba'i lhag ma ma 'ongs pa/ /des ni 'pho ba'i 'das pa dang / /ma 'ongs pa ni shes par byed/ /dus sbyor gang yin ngos gzung phyir/ /de yi dus kyi chu tshod ni/ /'das rnams drug cus bsgyur bar bya/ /de la ma 'ongs chu srang gis/ /phri bas ma ldang de nyid yin//ldang na so sor rim bzhin dbye/ /lug sogs drug la rim pa ste/ /srang sogs drug las bzlog pas dbyi/ /gang tshe ma ldang thig le shar/ /de tshe dus spyor tad kA la/ /phri ba'i lhag ma sum cus bsgyur/ /de la tad kal chu sang gis/ /bgos pas thob pa cha shas yin/ /lhag ma drug cus bsgyur pa la//chu srang gis thob dbyu gu ste/ /yang lhag drug cus bsgyur ba la/ /chu srang gis thob chu srang yin/ /yang lhag bsgyur bgos da thob dbugs/ /tad kA la cha shas dbugs srang dbugs/ /dus sbyor gyi ni gnas lngar bzhad/ /dus sbyor thog mar gzhag pa'i phyir/ /tad kA la ni sum cus bsgyur//'og gi cha shas steng du bcug /de yang drug cus bsgyur bya ste/ /'og gi chu tshod steng du gzhug /mkha' mkha' brgyad dang gzugs kyis bgo /thob pa dus sbyor tad kAl/ dus sbyor phyed pa lta ba'i phyir/ /cha shas drug cus bsgyur ba la/ /'og gi chu tshod steng du gzhug /mkha' mkha' bu gas bgos pa las/ /phyed pas lhag nag cig sbyin bya/ /gnyis bsam mang ba mi srid de/ /gcig ni bdag po nyi ma ste/ /gnyis kyi zla ba bdag po yin/ /de nas dus sbyor sum cha brtag /sngar bzhin cha shas drug cus bsgyur/ /chu tshod steng gzhug drug brgyas bgo /ji srid lhag na gcig sbyin bya/ /rnyed pa gsum las mang pa min/ /gcig ni tad kA la yin te/ /gnyis ni tad kA la nas bgrangs lnga/ /gsum byung dgu pa'i dus sbyor te/ /gang yin bdag po'i 'bras bu 'byung / /de nas dgu cha brtag par bya/ /cha shas drug cus bsgyur ba la/ / rgyu tshod steng gzhug mkha' stong mig /bgos bas lhag na gcig sbyin bya/ /de ni dus sbyor dgu cha ste/ /thog mar tad kA la gang yin nam/ /bzung la dgu cha gang yin blta/ /gang yin bdag po'i 'bras bu 'byung / /lug seng gzhu rnams lug nas bgrang / /chu srin bu mo glang rnams ni//chu srin nas ni thog ma bya/ /'khrig pa bum pa srang rnams ni/ /dang por srang nas grags bzung ngo / /kar kaT dang sdig pa nya/ /kar kaT nyid thog mar gzhag /bcu gnyis cha ni blta ba la/ /cha shas drug cus bsgyur ba la/ /chu tshod steng gzhug mkha' chos kyis/ thob la lhag na gcig sbyin bya//tan kA la nas bgrangs pa yi/ /gang yin bdag po'i 'bras bu 'byung / /gzhan yang sum cha'i cha la yang / /cha shas sngar bzhin bsgyur bar bya/ /chu tshod bcug la mkha' ros bgo /lhag mthong na gcig sbyin bya/ /mig dmar spen pa phur bu dang / /gza' lhag pa bsangs rim pas bzhag /lnga dang lnga dang brgyad bdun lnga/ /gnas gnyis dag la dgod par bya/ /lug sogs mi mnyam pa yi khyim/ /rim pa bzhin du bsrangs ba yi/ /dbus kyi bdag po'i 'bras bu 'byung / /glang sogs mnyam la rim min te/ /de ltar shes bya mdzes ma kye/ / bum drug bden pa'i gza' rnams ni/ /rim pa bzhin du bzhag pa la/ /dge dang mi dge'i mtshan ma brtag /lug glang ka ra ka gzhu dang ni/ /chu srin dus sbyor 'og ltas skye/ /nya ni 'phred ltas skye ba ste/ /lhag ma skye ba steng du lta/ /bu mo 'khrig pa bum pa srang / /mdog bzang gzhan ni ngan pa yi//dus sbyor gnas stobs nye bar shes/ /mi rnams la ni yongs su grags/ /'khrig pa bu mo srang bum pa/ /shar du stobs dang ldan pa ste/ /lug glang seng ge gzhu rnams ni/ /lho ru de bzhin stobs su 'gyur/ /sdig pa'i dus sbyor gcig bu ni/ /nub tu stobs cher 'gyur bar grags//kar ka chu srin nya ni byang / /phyogs kyi stobs su bshad pa yin/ /lug glang 'khrig pa ka ra kaT/ /gzhu dang chu srin mtshan mo la/ /seng ge bu mo srang sdig pa/ /bum nya nyin mo stobs dang ldan/ /tad kA la yi dus sbyor gyi/ /mthong ba'i sa na bdag po'i gza'//yod na shin tu bzang ba ste/ /de yi grogs po yod kyang bzang / /btang snyoms la ni btang snyoms 'gyur/ /nya yi khyim bdag phur bu ste/ /de yis mthong ba'i sa rnams la/ /de dang grogs po yod na bzang / /dgra rnams yod na mi dag ste/ /bdun la dgra yod 'chi bar 'gyur/ / dge sdig gang yod stobs che ste/ /dran pa'i stobs su rab tu grags/ /de nas gzhan yang dus sbyor gyi/ /dum bu sum cu'i cha shas bshad/ /lug tu nyi mar cha shas bcu/ /glang la zla ba cha shas gsum/ /ka ra ka phur pa lnga yang dge /bu mo gza' lhag bco lnga'o/ /srang du spen pa mkha' mig dang //chu srin mig dmar nyi shu brgyad/ /nya la pa bsangs nyi shu bdun/ /cha shas 'di dag yun la dge /rAs nas ni bgrangs pa yi/ /bdun pa la ni mi dge ba/ /lug tu spen pa nyi shu ste/ /ka ra ka mig dmar nyi shu brgyad/ /bum par gza' lhag bco lnga ste/ /bu mor pa sangs nyi shu bdun//sdig par zla ba gsum yin no/ /chu srin phur ba lnga yin no/ /srang du nyi ma cha shas bcu/ /'di dag cha shas yun la ngan/ /tad kA la yi dus sbyor la/ /zhing bdag gza' ni 'char ba dang / /de las gzhan pa'i khyim rnams su/ /khyim bdag gza' rnams 'char ba'i tshe//de yis dgos pa'i don rnams ni/ /'grub 'gyur mdzes dga' bde skyed ma/ /rang gi skye ba'i khyim dang ni/ /tad kA la yi dus sbyor nas/ /mthong ba'i sa ni bdun yin te/ /gsum dang bcu la rkang pa gcig /bzhi dang brgyad la rkang pa gsum/ /lnga dang dgu la phyed mthong bshad//bdun pa thams cad rdzogs par mthong / /bzhi ni mi mthong mdzes dga' ma/ /mthong dga' stobs kyi bye brag bshad/ /rang rang sde tshan gnas pa las/ /nyi ma phur bu ba ba sangs/ /nyin mo stobs dang ldan par 'gyur/ /mig dmar rA hu spen pa zla/ /mtshan la stobs cher ldan 'gyur te//nyin dang mtshan la stobs che ba/ /gza' lhag ces byar yongs su grags/ /phur bu dang ni pa ba sangs/ /dkar po'i phyogs la stobs che ste/ /nyi ma dang ni spen pa dag /nag po'i phyogs la stobs su 'gyur/ /gnyis ka la ni stobs byed pa/ /zla ba mig dmar gza' lhag go /zla ba dang ni pa ba sangs/ /glang sogs mo rnams stobs ldan te/ /lhag ma'i gza' rnams pho khyim la/ /stobs dang ldan 'gyur mthong dga' ma/ /byang du bgrod tshe stobs che ba/ /nam mkha'i nor bu'i ri bong can/ /de las gzhan pa'i gza' rnams ni/ /lhor bgrod stobs byed yid 'dren ma//nyi ma zla ba bzhi pa la/ /stobs 'gyur mdzes dga' snying 'dren ma/ /rgyas par gza' lhag de bzhin te/ /pa ba sangs kyis dbang la stobs/ /mig dmar dgug pa phur bu bskrang / /gsad la stobs che spen pa'o/ /de rnams dbang byed khyim rnams la'ang / / stobs dang ldan par rab tu grags/ /rang rang khyim du 'ongs ba'i tshe/ /stobs dang ldan par bdag gis dran/ /gzhan dag zhing der 'ongs pa'i tshe/ /'di yi 'bras bu ga la ster/ /gza' rnams stobs kyi bye brag ni/ /spen pa mig dmar gza' lhag dang / /phur bu pa sangs zla ba nyid//de bzhin nyi ma rim pa bzhin/ /gcig nas bdun gyi bar du yang / /re re yis ni stobs 'phel 'gyur/ /nyi ma'i grogs po phur bu ste/ /zla ba'i phur bu gza' lhag go/ /gza' lhag dang ni pa ba sangs/ /mig dmar grogs por yongs su grags/ /zla ba mig dmar phur bu dang //pa sangs dang ni spen pa dag /gza' lhag dang ni grogs por dran/ /phur bu'i grogs po nyi zla dang / /de bzhin pa sangs spen par brjod/ /de bzhin pa ba sangs kyi grogs/ /mig dmar gza' lhag phur bu spen/ /yang ni spen par grags pa las/ /gza' lhag phur bu pa ba sangs//grogs las gzhan pa dgra zhes grags/ /gzhan dag grogs dang grogs min pa/ /btang snyoms 'dod zer lhas mchod ma/ /mchod sbyin nges brjod srid srung dang / /snyan ngag dag gi rig byed la/ /phur bu pa sangs mig dmar dang / /gza' lhag rim bzhin bdag por brjod//nag chad ga la dbang byed pa/ /zla ba nyi ma mig dmar dang / /srin pa'o dkar cha dbang byed pa/ /zla ba de bzhin phur bu dang / /pa sangs dge'o rje btsun ma/ /gza' lhag gnyis ka'i mtshams la dbang / /nyi ma mig dmar phur bu rnams/ /skyes ba'i gza' ru bstan pa yin//khu ba dang ni ri bong can/ /bud med dag gi gza' zhes grags/ /gza' lhag dang ni spen pa dang / /ma ning zhes bya lha chen ma/ /phur bu dang ni pa ba sangs/ /bram ze'i rigs su bstan pa yin/ /nyi ma dang ni mig dmar dang / /rgyal rigs zhes byar yongs su grags//zla ba rje rigs zhes bya ste/ /gza' lhag dmangs rigs dag tu brjod/ /pha ni bram ze ma ni dmangs/ /de yi bu ni spen zhes bya/ /sgra gcan zhes byar grags pa ni/ /gdol pa'i rigs su shes par bya/ /nyi ma dang ni zla ba dag /rgyal po'i rigs su yongs su grags//phur bu pa sangs blon po'i gza'/ /mig dmar dmag dpon bdag por grags/ /gza' lhag rgyal po'i bu zhes grags/ /bran gyi gza' ni spen par grags/ /mig dmar spen pa sgra gcan nyi/ /drag po'i gza' ru yongs su grags/ /lhag ma rnams ni zhi bar brjod//pa sangs phur bu lhag pa zla/ /bsod nams dag gi gza' yin te/ /gzhan ni sdig can zhes byar dran/ /mdzes dga' gza' yi rang bzhin yin/ /phur bu tsam pa bzhin du ser/ /nyi ma dmar skya'i mdog tu gsal/ /mig dmar dmar nag ri bong khrag /zla ba dkar la ser ba'i mdangs//gza' lhag sngo dang ljang dmar ston/ /pa sangs kha dog sna tshogs pa/ /spen pa nag po sgra gcan sngo/ /de ltar gza' yi kha dog bzhed/ /nyi ma dang ni mig dmar dag /bzhu dang mi bzhu'i khams zhes bya/ /gza' lhag dang ni spen pa la/ /rtsa ba zhes bya gos la sogs//zla ba phur bu pa ba sangs/ /srog chags rigs yin dkar mo che/ /de ltar dus sbyor bcu gnyis kyang / /lug glang 'khrig pa la sogs pa/ /khams dang rtsa ba srog rim bzhin/ /tha skar bra nye smin drug sogs/ /khams rtsa srog sogs go rims bzhin/ /kun la sbyar te shes par bya//lus nor spun zla grogs po dang / /bu dgra chung ma 'chi dang chos/ /las dang rnyed stor go rims bzhin/ /tad kAl dus sbyor sogs shes bya/ /tad kA la yi dus sbyor la/ /tad kA la dang bzhi ba dang / /bdun pa dang ni bcu ba rnams/ /u pa tsa yi bdag nyid du//gnas kyi dbang gis gru bzhir grags/ /tad kAl dus sbyor gnas pa las/ /gsum drug bcu dang bcu gcig rnams/ /u pa dza ya'i bdag nyid du/ /shes par bya'o lha chen ma/ /dang po gsum sogs mi mnyam pa/ /u ba dza te ge ba yin/ /gnyis pa bzhi sogs mnyam pa ste//u ba dza ti mi dger brjod/ /tad kAl lnga pa dgu pa rnams/ /zur gsum zhes byar yongs su grags/ /bar du gnyis ni gnas pa la/ /gru bzhi'i mtshan nyid shes par bya/ /gsum ni bar du gnas gyur pa/ /zur gsum du yang brjod pa yin/ /lnga pa dang ni bdun pa dag /de bzhin grib mar yongs su grags/ /brgyad pa nyin ngos zhes bya ste/ /de bzhin bcu gnyis mtshams zhes bya/ /bzhi dang brgyad pa las gnas te/ /bzhi pa zhes byar yongs su grags/ /gnyis pa dang ni lnga pa dang / /brgyad dang bcu gcig mthar thug pa/ / dus sbyor tad kAl gnas pa yi/ /thur smad ces ni yongs su grags/ /gsum drug dgu ba bcu gnyis pa/ /de bzhin gyen stod ces sbyar smra/ /gsum pa dang ni bcu pa la/ /rkang pa gcig ni mthong bar dran/ /de bzhin lnga dang dgu pa la/ /rkang pa gnyis ni mthong zhes grags/ / bzhi ba dang ni brgyad pa la/ /rkang pa gsum mthong bde ster ma/ /bdun pa'i gnas su gzhan pa la/ /bzhi pa yongs su rdzogs par mthong / /ma lus pa ni gnas pa la/ /gza' yi 'bras bu bskyed pa yin/ /gsum dang bcu la spen pa gnas/ /yongs su rdzogs pa ster ba yin/ / lnga dang dgu la phul bu gnas/ /bzhi dang brgyad la mig dmar dang / /bdun pa la ni lhag pa zhes/ /gza' mchog rdzogs par ster ba yin/ /rang gi skye ba'i dus sbyor la/ /bdun pa'i gnas su gzhag pa la/ /dus me 'char tshe 'chi bar grags/ /nyi ma nad 'byung mig dmar dgra/ / spen pas nor ni nyams par 'gyur/ /ke tus don nyams lhas mchod ma/ /sgra gcan shar na dgra yang pham/ /zla bas rang rgyal gza' lhag rtsod/ /pa ba sangs kyis don rnams 'grub/ /phur bus sngags rnams 'grub par ston/ /mdor na skye gnas bdun pa la//bzang ngan zhi drag gnas bas shes/ /de ltar rA shi'i dkyil 'khor gyi/ /cho ga'i bye brag bdag gis bshad/ /g.yo ba zung ni 'phyang ba khyod/ /legs par rtogs sam 'dod dga' ma/ /bram ze rnam par dag pa'i tshogs/ /phung bo gsum mkhyen thub dbang bo/ /sgra yi bstan bcos don spangs ba//klags pas chog pa don grub pa/ /nyan par 'dus pa'i sems dge ma/ /bla ma dam pa'i rim pa yis/ /mchog tu gsang ba'i bstan bcos 'di/ /gzi brjid dga' ba ma lus mthong / 'di ni g.yul las rnam par rgyal ba zhes bya ba'i rgyud las/ dus sbyor gyi gzi'i dum bu drug gi don rab tu phye ba chen po ste le'u gnyis pa'o// //lha mos gsol ba/ skal ldan lha yi lha mchog gtso/ /ring bong can gyis dbu la brgyan/ /mchog tu dge ba thams cad mkhyen/ /ji ltar dus sbyor dge mi dag /bzhi dang cho ga sngar gsungs nas//lha chen rdzu 'phrul mnga' ba khyod/ /dus sbyor phrin las thams cad ni/ /mi gsung bzhugs pa ji ltar lags/ /bcom ldan 'das kyis bka' stsal pa/ /dka' zlog lha mo mchog tu ni/ /gsang ba bshad kyis grogs mo nyan/ /bsam pa sngon du legs bzhag ste/ /bye brag so sor legs bsams te//snga dro'i dus su sems dge bas/ /mngon sum dran pa sor bzhag nas/ /mdun bsdad gdong ni mngon phyogs te/ /yid ches the tshom med dga' bas/ /gus pas phyag ni btsal byas te/ /yon phul nas ni mnyes bar byas/ /de ltar sngon du byas nas ni//langs dang rgyab kyi phyogs pa min/ /g.yas dang g.yon nas ma yin par/ /mdun du dma' sar bsdad nas ni/ /dgos pa'i bsam pa sngon btang ste/ /don gsal tshig gis dri bar bya/ /slob dpon mkhas shing bye brag shes/ /dga' zhing blo gsal yin gzhugs pas//tad kA la dus sbyor rab shes pas/ /dum bu drug gi bye brag mthong / /gza' rnams khyim dang rgyu skar la/ /gnas pa'i longs spyod shes pa dang / /gza' skar tshe dang byed sbyor sogs/ /rnam par dag pa des byas te/ /dri bar byed pa'i tshig tshogs kun/ /khong du chud nas smra bar bya//zur gsum pa dang bsod nams shar/ /ud pa tsa la sdug can gnas/ /'dri byed rnyed pa 'byung zhes bstan/ /de las bzlog na rnyed pa med/ /tad kAl dus sbyor phur bu gnas/ /bzhi dang bdun la zla ba gnas/ /bcu bar nyi ma snang gyur na/ /smras ma thag tu don rnams 'grub//dang po dang ni gnyis pa la/ /bcu dang bcu gcig bsod nams yod/ /de ma thag tu don rnams ni/ /de ltar 'grub par bstan pa yin/ /tad kAl dus sbyor g.yo ba la/ /sdig can gza' dang lhan cig gnas/ /don rnams med cing rnam par 'joms/ / sngar nas med pa'i sdug bsngul 'byung / /tad kAl dus sbyor bdag yod pa/ /de yi grogs po snang yang de/ /bzhi ba la ni yod na yang / /the tshom med par bde bar ston/ /bcu gcig pa dang brgyad pa la/ /sdig can nye bar gnas pa dang / /bzhi pa la yang sdig can gnas/ /'dra byed sdug bsngal 'byung bar dran//dang po gnyis pa ba mi dang / /bdun brgyad bcu la bsod nams yod/ /'dri byed tshe ring lo mang thub/ /grub bzhi la yang de bzhin no/ /tad kA la yi dus sbyor dang / /bzhi dang brgyad la sdig pa nas/ /dgra rnams kyis 'tshe don nyams shes/ /'dri byed 'chi bar 'gyur ba yin//tad kAl dus sbyor sdig gza' yod/ /lus la nad rnams 'byung bar 'gyur/ /bzhi bar sdig can yod pa na/ /gnyen bshes rnams ni 'thab rtsod 'khrug /de bzhin bdun par sdig can yod/ /chud ma 'od tshad 'chi bar ston/ /bcu pa sdig can rtag par gnas//bya ba'i las rnams 'grub mi 'gyur/ /de las bzlog ste bsod nams yod/ /rim pa bzhin du dge la yin/ /gru bzhi tshang bar dge ba can/ /'dri byed grags dang snyan par 'byung / /dang po lnga pa bdun dang brgyad/ /de la bsod nams snang 'gyur zhing / / gsum drug bcu dang bcu gcig la/ /zla nas nad can myur du grol/ /dang po lnga dang bdun brgyad la/ /sdig can gza' dang zla ba 'dzom/ /dri byed nad ni 'byung ba ste/ /nad can yin na 'chi bar 'gyur/ /dang po lnga bdun brgyad la sdig/ /dang po gnyis bzhi lnga bdun brgyad//bcu gnyis zla gnas de bzhin no/ /gsum la sogs pa ro mig rnams/ /khyim du gnas shing 'jug pa ste/ /dgu pa la sogs de bzhin du/ /yul lam khyim nas 'thon par grags/ /'dug la zhi ba'i lha rnams 'byung / /'dri bar byed pa rgyal bar bshad/ / 'thon la zhi ba'i gza' rnams tshang / /pham pa rgyal bar byed pa yin/ /'jug la sdig can gza' rnams shar/ /gang zhig 'dri ba pham pa ste/ /'thon la drag po'i gza' rnams 'byung / /rgyal ba pham par 'gyur ba yin/ zhi drag gnyis ka phyed mar gnas/ /phan tshun 'khrug pa 'dum par brjod//rgyal ba zhi ba'i gza' yon na/ /shin tu dge ste rgyal bar des/ /pham la zhi ba'i gza' yod na/ /thog mar pham nas de nas rgyal/ /rgyal la sdig can yod pa na/ /dang po rgyal nas de nas pham/ /'khrug pa'i gros byed dang po ni/ /pham pa zhes ni bya ba ste/ / phyi nas gros byas rgyal ba zhes/ /bde ster lha mos shes par gyis/ /dang po'i bdun par bsod nams yod/ /gsum dang drug dang bcu pa dang / /bcu gcig pa la sdig pa gnas/ /de tshe 'di byed skyes bu rgyal/ /gza' lhag phur bu pa sangs gsum/ /bcu ba la ni shar ba na/ /dpung gi tshogs ni rnam par rgyal//thams cad 'jom mam re re'ang bzang / /lug glang seng ge gzhu rnams ni/ /tad kA la dus sbyor la 'char zhing / /de la sdig can yod pa na/ /dgra bos bdag nyid 'chi bar 'gyur/ /bzhi bar yang ni de 'char tshe/ /de dang 'dra ste dgra bos 'ching / /tad kAl dus sbyor la sogs pa//dus sbyor gnas ni re re la/ /gza' ni gnyis gsum bzhi la sogs/ /'dzom par 'gyur ba legs par brtag /lnga dang dgu par sdig can yod/ /de tshe dgra ni 'ongs gyur tam/ /chom rkun la sogs 'ong ba na/ /bdag gis pham par byas te song / /nyi ma mig dmar spen pa gsum//bzhi yi gnas su 'dzom pa na/ /lam du zhugs pa'i gtam thos kyang / /dgra bo 'byung bar ga la 'gyur/ /gza' lhag phur bu pa sangs gsum/ /sngar bzhin bzhi par 'dzom gyur na/ /dogs pa med kyang dgra bo rnams/ /'ong ste dgra nyid 'joms par 'gyur//gang tshe g.yo ba'i tad kA la/ /nyi ma dang ni phur pa shar/ /dgra bo lam du zhugs te 'ong / /de tshe bzlog par the tshom med/ /brtan pa'i tad kAl dus sbyor la/ /nyi ma phur bu 'dzom ste gnas/ /pha rol dmag gi dpung tshogs kyang / /lam du mi 'jug dge ba yin/ /nyi ma gza' lhag phur bu dkar//g.yo ba'i dus sbyor la 'dzom na/ /re re'ang thams cad gang yin pa/ /'dri ba don rnyed dgra las rgyal/ /tad kAl dus sbyor bstan pa la/ /phur bu spen pa mnyam par gnas/ /dgra rnams 'byung bar 'gyur ba rnams/ /gal te ma 'ongs pa'ang srid/ / tad kAl dus nas bgrangs pa yi/ /gnyis la gsum pa phur pa la/ /pa sangs shar na pha rol dgra/ /'ong ste rang nyid pham par 'gyur/ /lug seng sdig pa'i dus sbyor la/ /nyi ma mig dmar mthong sar yod/ /brkus sam sbas sam sems pa ni/ /bzhu dang mi bzhu'i khams las grub//bu mo chu srin 'khrig bum la/ /gza' lhag spen pa 'dzoms pa'am/ /re re mthong na rtsa ba'i rigs/ /khu tshur ram ni stor ba sogs/ /sems sogs tshig tu ma brjod rnams/ /de las grub po mthong dag 'am/ /srang gzhu nya glang kar ka Tar/ /zla ba phur bu pa ba sangs/ / 'dzom mam re re mig gis mthong / /ma smras srog chags rigs yin kye/ /ma brjod lkog gyur kha dog ni/ /gza' yi mdog dang bstun pa yin/ /brtan pa'i khyim dang dgu cha'i khyim/ /gcig par gyur ba de yi tshe/ /ster ba'i rdzas dang longs spyod rnams/ /rang ma'i khyer bar the tshom med//tad kAl dus sbyor dgu cha yis/ /gnyis ka g.yo bar gyur ba na/ /rkun mo phyi yi mi yin te/ /nor de gzhan du khyer nas song / /tad kAl khyim dang a sa khyim/ /gnyis ka'i rang bzhin yin pa'i tshe/ /phyi nang gnyis kar gtogs pa'i mis/ /nor de phyi nang mtshams su sbas/ / gru bzhi dang ni gnyis pa dang / /u ba tsa la bsod nams yod/ /'dri byed stor ba rnyed 'gyur te/ /de las bzlog na mi rnyed do/ /zla ba dkar char gyur pa dang / /tad kAl dus sbyor gza' lhag dang / /phur bu pa sangs snang gyur na/ /stong ba'i nor ni rnyed pa yin/ /de ltar rku bar byed pa yi//skyes bu'i rigs dang kha dog dang / /las sang nus pa la sogs pa/ /dus sbyor bdag po'i gza' yis shes/ /dgu cha'i longs spyod brtsams pa yi/ /thob pa sngon chad song ba'i grangs/ /lhag ma yis ni ma 'ongs ba'i/ /grangs des rnyed pa'i dus tshod shes//dgu cha'i bdag po'i gza' la dris/ /zla ba chu tshod la rtsis te/ /de yi grangs kyis rnyed pa yin/ /mig dmar zhag grangs kyis 'dzin te/ /dgu cha'i bco lnga zla phyed la/ /sum cu zla ba gcig na rnyed/ /gza' lhag zla ba gnyis la brtsi/ /sum cu byung na zla ba gnyis/ /bco lnga zla ba gcig na rnyed//nyi ma zla ba drug yin pas/ /sum cu tshang na zla ba drug /bco lngas zla gsum dag na rnyed/ /phur bu zla ba dgur 'gyur bas/ /sum cu tshang na zla dgu ste/ /bco lnga zla ba phyed dang lnga/ /pa sangs zla ba phyed na byed/ /bco lnga byung na phyed dang brgyad/ /spen pa lo yi bdag nyid pas//sum cu tshang na lo gcig ste/ /bco lnga zla ba drug na rnyed/ /de yi bar gyi grangs kyi dus/ /mkhas pas zhib tu dpyad par bya/ /tad kA la yi dus sbyor ram/ /dgu pa yi ni dum bu yi/ bdag po'i gza' ni bltos nas kyang / /gzhan la bshad bya mdzes dga' ma/ /gal te nyi ma yod pa na/rgyal po dang ni med dang khrag /nyi ma shar dang me tog gi /dmar po'i rigs rnams rmi lam yin/ /zla ba bud med me tog dang / /rin po che dang sna tshogs rmi/ /sa le sbram la sogs pa yi/ /dkar po'i rigs rnams rmi ba yin/ /mig dmar byi ru khrag dang ni/ /nam mkha' la ni 'phur la sogs//tad kA la yis dus sbyor la/ /mig dmar snang na rmi ba yi/ /gza' lhag dag la rmi lam ni/ /chos bshad pa dang nyan pa rmi/ /phur pas ri mo 'bri ba dang / /klog dang rig pa sna tshogs dang / /rta dang byis ba rtse ba dang / /pu ti lha dang gnyen mthong rmi/ /pa sangs chu la rgal ba dang //gar dang rtse dang 'khrug pa rmi/ /khyim dang gza' ni so so ste/ /khyim bdag min pa'i gza' shar na/ /rmi lam 'dren ma 'byung pa'am/ /yang na rmi lam mi shes so/ /khyim bdag gza' yi dgrar gyur pa'i/ /gza' rnams shar na ngan pa rmi/ /nyi ma gnas pa nas bgrangs pa'i/ / bdun na zla ba yod pa'am/ /zla gnas bdun la nyi ma yod/ /de tshe 'dri na rmi lam yod/ /de las gzhan pa 'dri ba la/ /rmi lam med par sher bar bya/ /rmi lam rmi ba'i dus bstan pa/ /tad kAl cha shes sum cu yi/ /rang bzhin yin pas de la blta/ /cha shas bcu shar sum cha na/ /bco lnga shar na nam phyed na//sum cu yod na tho rangs te/ /de la sogs pa'i bye brag rnams/ /mkhas pas zhib tu brtag par bya/ /'pho ba'i rgyu skar tshes bsres la/ /spyod pa'i gza' yis legs par bsgyur/ /ming yig dang po'i gsal byed ni/ /rim pas bsres la gsum gyis bgo / de yi lhag mas dkon mod dang / /rim gyi bye brag ston par byed/ /zang dkon rims mang ri bong can/ /dbu mar brjod pa gnyis lhag pa/ /ma lus ba la rims med mod/ /zla re bzhin du brtags te smra/ /skyes bu ji snyed snang gyur pa/ /mi rnams rgan pa'i rim pa yi/ /dbyangs dang gsal byed ji snyed pa//re re bri la gsal byed sdom/ /gnyis kyis bsgyur la dbyangs kyis dbri/ /skyes bus bgos lhag rgan po nas/ /rim pa bzhin no gangs ri'i bdag /blo gsal yid gzhungs las shes bya/ /slar yang gzhan yang gsal byed rnams/ /rim pas bgrangs la re re bri//de la sngar gyi cho ga yis/ /chom rkun the tshom med par shes/ /skyes pa bud med lhan cig las/ /lus dang yan lag so sor phye/ /lus ni rgya mtshos bsgyur byas te/ /yan lag mi yis bsgyur bar bya/ /gcig tu bsdoms la gsum gyis bgo /zung ni bu mo gcig mkha' bu/ / gang tshe bud med 'ongs pa yis/ /dris pa'i dang po'i gsal byed gsum/ /sde tshan bgrang bsdam mig gi phye/ /pho mo zla ba stong pas shes/ /gsal byed rim pas blangs pa gsum/ /sdom la bcus bsgyur dgus thob pa/ /'das pa'i zla ba shes par bya/ /sbrum ma'i zla ba'o dga' byed ma/ / de ltar nges pa ma mthong bas/ /yang nas yang du 'dri ba la/ /sngar gyis thob pas de dang ni/ /lhag ma bsres la dgu yis phye/ /lhag mas zla ba rtogs pa ste/ /thig le shar na zla ba bcu/ /yang ni 'dri bar byed pa la/ /rnyed dang lhag ma bsdoms la brtag /gzhan yang sbrum ma'i gsal byed ni//dang po mi mnyam bu skye zhing / /gnyis dang bzhi sogs bu mor 'gyur/ /tha ma lnga la ma ning 'gyur/ /bud med ming gi skar ma'i grangs/ /de bzhin tshes dang gza' dang ni/ /dri tshig dang po'i yi ge'i grangs/ /bsres la bdun gyis bgos pa yi/ /lhag ma mnyam na bu mo ste//mi mnyam pa ni bu ru mthong / /bud med sbrum mar gyur pa yi/ /ming gi dbyangs rnams ji snyed pa/ /gsang ba'i tshad pa gang yod bsre/ /thub pas bgos pas rnyed pa rnams/ /lnga yis bsgyur la lhag ma bsre/ /de la gsum gyis bgos thob pa/ /ri bong can nyid mig dang me//lha mi sa 'og rim bzhin 'ongs/ /yang na drug gis bgos pa'i lhag /gcig gnyis gsum bzhi lnga dang stong / /lha dang lha min mi dud 'gro/ /yi dwags dmyal ba rim bzhin yin/ /gsal byed rim can dang po gsum/ /bsres la gsum gyis bgos pa las/ /lhag ma gcig gis don rnyed cing //gnyis lus dbu mar bstan pa ste/ /lhag ma med na 'dri byed kyi/ /don ni the tshom med par nyams/ /de ltar bzang ngan brtags nas ni/ /yid la sems pa shes par bya/ /skyes ba bud med gnyis kyi ni/ /ming gi yi ge ji snyed pa/ /a sogs dbyangs su shes bya ste//ka sogs gsal byed lhag dga' ma/ /ming gi dbyangs kyis grangs rnams dang / /ming gi gsal byed ji snyed pa/ /so sor phye la gcig tu bsre/ /de la 'jig rten gyis che bas/ /lhag ma gzugs dang stong par shar/ /skyes pa 'chi bdag gis 'dzin te/ /ji srid gnyis ni snang gyur na//mi mo de bzhin srog dang bral/ /'di ni khyo shug cho ga ste/ /gzhan du ma bshad ri sras mo/ /kyen du re khA dgu pa la/ /'phred la re khA gsum bris la/ /a ka tsaT ta pa ya/ /sha rnams steng dgod 'og ma la/ /klu mda' ro dang mtsho dang ni/ /zla me mig ring bzhin du dgong //ming gi yi ge ji snyed pa/ /'og mas steng la bsgyur bar bya/ /dbyangs dang gsal byed so sor bsdom/ /mtsho dang mig gis rim bzhin bsgyur/ /gcig tu bsdoms la me yis phye/ /lhag mar stong pa'i ri bong can/ /skyes pa gshin rjes sngon la khrid/ /gang tshe zung du lhag pa na//de tshe bud med sngon la 'gro/ /mdzes dga' khyo shug sbyor ba ste/ /gzhan du ngas ni ma bshad do/ /gshin rje'i gnas 'gro ming yig gi /dang por dkar phyogs yi ge snang / /nag po'i phyogs la 'chi ba ste/ /dang por nag phyogs yi ge snang / /dkar po'i phyogs la dus las 'da'//khyo shug yin te gzhan las min/ /ming gi gsal byed dang po la/ /mnyam dang mi mnyam yi ge snang / /g.yon du gsal dag rim pa bzhin/ /mig gi dang po 'grib par grags/ /rang gi skyes pa'i skar ma yis/ /'dod pa'i don kun sgrub byed cing / /dge dang mi dge'i 'bras bu kun//'di nyid gcig pus nges par mthong / /skyes bu zla ba'i tshes grangs las/ /skar ma'i nges pa rtogs par 'gyur/ /zla ba shes pas skyes khyim gang / /shes pas de las 'bras bu ston/ /skyes pa'i tshes grangs lhag ma yin/ /nyi shu rtsa dgu la phri ba'i/ /lhag ma skyes skar rtogs par dran//dkar phyogs gcig nas grangs rnams bzung / /nag phyogs tshes la gsum bsnan dang / /zla ba'i skar ma shes pa dang / /de bzhin rang gi skyes zla la/ /bcu gcig 'dres pas shes par byed/ /de ltar skye ba'i nyi ma'i grangs/ /gsum gyi snon 'bring lhan cig pa//de yi grangs ni gnas pa las/ /skyes pa'i skar ma rab tu byed/ /skyes pa'i tshes la nyi shu lnga/ /bsres la nyi shu bdun gyis bgo /lhag mas tshes gcig nas brtsams pa'i/ /skar ma'i grangs ni ston par byed/ /de ltar skar ma'i rab phye ba/ /skyes pa'i zla ba nyin zhag dran/ /'di la rang gi zla ba ni//sngon song skar ma btsal ba yin/ /rang gi skar ma shes pa las/ /don kun shes par 'gyur bar dran/ /gang gis skar ma mi shes pa/ /de yi ngal ba don med dran/ /rang gi 'dod pa'i skar ma nas/ /lha mo nan tan las shes bya/ /'dri byed srog gi las byed sar/ / bzlog nas gnas na dgos don med/ /gal te las ni byed par gnas/ /bsam pa'i yid la 'dod pa 'grub/ /skyes pa sgo nang g.yas 'jog cing / /de bzhin bud med g.yon 'jog pa/ /dge zhing shes par ston pa ste/ /bzlog na 'dri ba'i don nyams 'gyur//g.yas kyi yan lag g.yo ba dang / /snying nyid ngan pa rnam par spang / /nye 'khor shis pa'i bya ba byed/ /bsam mi dgos bas don mi 'grub/ /'dri byed mgrin pa 'gram pa dang / /rna ba sna mig brang dang ni/ /lce dang gsang ba snying dang so/ /skra dang dpral ba gsus pa dang / /nu ma dang ni dgu rnams su//lag pa g.yas pas reg cing g.yo/ /gdong ni sngon du bltas pa'i tshe/ /dge ba'i las yin bzhin bzangs ma/ /g.yon pas reg cing g.yo ba ni/ /de las bzlog par shes par bya/ /'dri byed pho nya'i nye 'khor na/ /ba lang ra lug gsod pa dang / /'thab rtsod rdeg bcing rdung ba dang //btson 'dzin srog 'joms nor stor dang / /snod stong skye bo yul dman pa/ /gos hrul mdze can mdog mi sdug /skrag dang bred cing chad pas bcad/ /sems stor myang na byed pa mthong / /kha dog yid du mi 'ong ba/ /kha ni 'o gang ltas rlung tshub mthong / /'gro phyogs las bzlog skye bo sogs//mthong na mdzes pa'i don rnams med/ /dud 'gro gsod las thar pa dang / /brtse zhing dga' zhing dgod pa dang / /nad pa sos dang btson rnams thar/ /dge ba'i glu dang de bzhin gar/ /phun sum tshogs pa'i gnas rnams mthong / /rol mo'i sgra skad snyan pa dang //dge slong bram ze bla ma lha/ /lha mchod pa dang dga' ston byed/ /nor rnyed tshong pa rnyed pa che/ /gang dag skyes bu ya mtshan can/ /gos bzang yan lag bzang ba dang / /rgyal bo bud med rgyan can mthong / /dkar phyogs dang ni mthun pa'i mdog /nyigs la 'bras bu me tog rgyas/ / rdzing bur bya rnams rtse ba dang / /rang la byis pa'i tshogs dga' zhing / /sems dge tshig 'bru dge ba sgrogs/ /mthong na de tshe 'dod don 'grub/ /lha mo the tshom ji lta bu/ /'phral du mngon du byed pa nyid/ /nyi ma thabs ldan g.yas phyogs su/ /zla ba shes rab g.yon phyogs dran/ / lkog tu gyur pa'i phyi rol don/ /de yi bye brag shes pa yin/ /dgos pa med kyang byis pa rnams/ /dga' ba'i phyir bshad dga' sbyin ma/ /'jigs byed ltang tshe dbu ma yi/ /rnam 'gyur ston na 'grub 'gyur zhing / /bza' btung la sogs thob par dran/ /khyab 'jug rnam 'gyur de las bzlog /dbu ma nya lan mi dgu dang / /tsamuN+Di yi sngar bzhin grags/ /gang zhig sus kyang mi shes shing / /'jig rten gsum na rnyed dka' ba/ /gsang ba'i rgyud chen khyod la smras/ /mdzes ma gsang ste gces par zung / /'di ni g.yul las rnam par rgyal ba'i rgyud kyi rgyal po las/ /pho nyas dris pa'i lan bstan pa ste le'u gsum pa'o// //lha mos gsol ba/ /bcom ldan dbang phyug lha yi gtso/ /g.yul gyi dus su rgyal ba dang / /pham par bshad pa shes pa ni/ /dbang phyug lha las nyan par 'tshal/ /bcom ldan 'das kyis bka' stsal pa/ /ji ltar khyod kyis bdag dris ba//nyon cig lha mo bshad par bya/ /gzhan du ngas ni ma bstan te/ /ngo mi chog pas khyod la bshad/ /gang zhig dbyangs 'char zhes bya ba'i/ /bstan bcos bshad pa don yod pa/ /dgra dang rtsod par byed pa yi/ /dus ni ma nor nges bzung ste/ /'khrug pa la sogs rtsom pa la//mdzes ma khyim gyis ston par byed/ /rgyu skar rkang pa dgu dgu la/ /khyim gcig ces byar yongs su grags/ /lug sogs nya yi mthar thug par/ /'pho khyim ces bya lha dga' ma/ /tha skar la sogs nas bzung ste/ /nam gru'i mthar thug rim bzhin dran/ /bdag gi ming gi skar ma yi//de nyid 'khor lo las shes bya/ /rkang pa brgya yi 'khor lo las/ /ming gi skar ma shes par bya/ /ming gi thog ma'i yi ge ni/ /btus bas shes bya dga' byed ma/ /gang tshe yi ge rtseg ma yod/ /de tshe steng ma gzung bar bya/ /yi ge dgod pa'i re mig ni/ /phan tshun kun nas bcu bcu ste//brgya phrag gcig gi re mig la/ /ming gi skar ma rig par bya/ /dang por shar nas brtsams nas ni/ /re mig rnams la rim pa bzhin/ /a wa ka ha Da zhes pa/ /steng nas bri ba nyid du bya/ /de bzhin du yang lho phyogs su/ /maT pa dra ta rnams so/ /chu nas na ya b+ha dza kha//ga sa da tsa la rnams ni/ /byang du de ltar rim bzhin dri/ /thog ma'i yi ge bdun gnas pa/ /rang gi sde tshan bzhi bzhir bstan/ /de la a yig i yig dang / /u dang o dang e dang bzhi/ /de rnams dbyangs kyi yi ge dang / /lhan cig byed do dga' byed ma//rang rang thad ka thad ka du/ /rang gi rigs kyi yi ge 'byung / /ku su b+hu du gsum pa'igrar/ /rkang pa bzhi la bri ba ni/ /g+ha nga tsha dang Sha Na Tha/ /ng+ha pha D+ha dang tha dz+ha nya/ /rkang pa re re gsum gsum ste/ /bcu gnyis dag gis bstan pa yin/ /de ltar re mig brgya po rnams//yi ges yongs su gang ba bre/ /thung dang ring bar mnyam shes pas/ /rkang pa'i steng du rnam par bzhag /tha ma gnyis kyis ma tshang dbyangs/ /gsal byed yongs su rdzogs par gnas/ /yi ge bzhi bzhi bsdoms pa las/ /skar ma gcig tu 'gyur ba yin/ /rkang pa brgya dang bcu gnyis la//'di ltar a i u a ste/ /bzhi bo smin drug yi ger brjod/ /o dang wa wi wu rnams ni/ /snar ma'i yi ger rnam par gnas/ /de bzhin we wo ka ki mgo /ku ga u0fb7nga tsha lag tu bstan/ /ki ko ha yi nam sor dran/ /hu he ho Da rgyal zhes grag /Di Du De Do zhes bya ba/ /skag t u shes bya lha che nam//mchu yi ma mi mu me ste/ /mo Da Di Du gre zhes brjod/ /De Do pa pi dbo ru dran/ /me bzhi bu Sha Na Tha'o/ /pe po ra ri nag pa zer/ /ru re ro ta sa ring smra/ /ti tu te to sa ga ste/ /na ni nu ne lha mtshams so/ /no ya me yu snron du grags/ /ye yo b+ha b+hi snrubs su dran/ /b+hu b+ha phaT chu stod yin//b+he b+ho dza dzi chu smad thob/ /dzu dze dzo kha gro bzhin no/ /khi khu khe kho byi bzhin dran/ /ga gi gu ge zhes bya ba/ /mon gru yin no gangs ri'i bdag /go sa si su mon grer thos/ /she sho da di khrums stod shes/ /du tha dza nya khrums smad bshad/ /nam gru de do tsa tsir grags/ /tsu tsi tso lA tha skar lo//li lu le lo bra nyer grags /de ltar rkang pa brgya 'khor lor/ /ming gi skar mar shes par bya/ /re mig brgya pa'i 'khor lo der/ /ming gi skar ma shes par bya/ /rgyu skar re re ldan pa la/ /bzhi bzhi cha ru shes par bya/ /'khor lo'i ri mo dgod pa la/ /brgyad kyis lhag pa'i nyi shu'o//de ltar shar gyi phyogs la gnas/ /lho la sogs par mnyam par gnas/ /ri mo brgyad po mnyam bris pas/ /rkang pa re la cha bzhi bgo /shar nas brtsams te gsal bar ni/ /rkang pa brgya pa legs par gnas/ /rgyu skar bzhi la gsal bar ni/ /rkang pa bzhi ru grags pa yin//smin drug la sogs bsdoms pa las/ /bcu gnyis lhag pa'i brgya phrag gcig /dbyangs dang gsal byed lnga sogs la/ /de ltar bye brag shes par bya/ /rkang pa'i ri mor gang gnas las/ /gnod pa'i mtshan nyid shes bya ba/ /'di ltar 'gyur ro grogs mo kyi//sol ba dang ni 'khyud pa dang / /du ba gdong tshugs mthong sa rnams/ /gtso mo nyon la yid la gzung / /dang por smin drug gnas pa la/ /sdig pa'i gza' ni mnyam par gnas/ /a yig la ni 'khyud pa zhes/ /gsal por khong du chud par bya/ /a yi yi ge du bar dran/ /byang phyogs lo yi gsol bar dran//nub phyogs ji bzhin yi ge kho/ /gdong tshugs zhes byar yongs su grags/ /mthong ba'i sa rnams slebs pa ste/ /gnod pa lnga yin bzhin bzang ma/ /sol bas 'chi bar 'gyur ba ste/ /'khyud pas lus la nad rnams 'byung / /du bas yid la 'dod pa med//gdong tshugs rigs ngan tha shal 'gyur/ /mthong ba'i 'bras bu'i bye brag las/ /shes bya'i dpa' bo'i dbang phyug ma/ /thog mar smin drug bzhag pa yi/ /rgyu skar rkang pa gsal ba la/ /gal te nyi ma mnyam par gnas/ /rgyu skar gsum du rab tu brjod/ /a nas bcu gnyis pa nas ki /mgo yi rkang pa'i tha mar dran/ /zla ba gnas na nub phyogs su/ /mthong sa rkang pa nyi shu gnyis/ /mon gru'i rkang pa tha ma yi/ /su yig gsal por mthong ba yin/ /de ltar gza' kun ngag gis ni/ /mthong ba'i mtshan nyid shes par bya/ /nyi ma'i bcu gnyis yin par grag /mig dmar gyi ni gsum par grags/ /de ltar lha yi blon po drug /nyi ma'i bu yi brgyad rnams ni/ /nyi ma la sogs rgyab tu grags/ /zla ba la sogs mdun du ste/ /rA hu gza' lhag pa sangs te/ /bzhi po 'grogs lugs gcig tu rten/ /zla ba mthong ba nyi shu gnyis/ /de bzhin rA hu'i dgu ru dran//zla ba ri bu yi bdun yin te/ /de bzhin dkar pos lnga zhes bya/ /nyi ma'i mthong sa nor rnams zad/ /mig dmar rA hu spen pa yis/ /lus can rnams ni 'chi bar byed/ /phur bus gnyen rnams brlag cing 'chi/ /pa sangs las nyams don mi 'grub//gza' lhag dgra 'byung zong mi lom/ /zla bas 'jigs pa chen po 'byung / /gtso bo mthong ba'i 'bras bur dran/ /de nas gzhan yang bshad par bya/ /sha la ka yi 'khor lo ste/ /bag ma la sogs cho ga mchog /grogs mo lha chen mdzes dga' nyon/ /skar ma'i dge dang mi dge ba//ma lus pa ni ston par byed/ /thug ma bdun pa'i 'khor lo ste/ /nges ba'i 'bras bu ston pa yin/ /shar nas nub tu ri mo bdun/ /lho nas byang du'ang de bzhin te/ /thal kar gdong tshugs 'byung bas na/ /sha la ka zhes grags pa yin/ /sum cu drug gi re mig bcas/ / smin drug nas ni bra nye'i bar/ /shar nas brtsam pa'i sbyor ba yis/ /nyi shu rtsa brgyad rim bzhin bri/ /che zhe de la sdig pa'i gza'/ /lhan cig gnas te 'khyud pa ni/ /de yi thad ka'i skar ma la/ /ma rungs gdong ni zug par nges/ /'khyud pa'i mdun na sol ba ste/ /rgyab ma du ba'o btsun mo kye//de yi nus pa de tsam de/ /sngon du shes bya lha sras mo/ /sol ba 'khyil pa du ba gdong / /stobs bzhi'i 'khor lo zhes bya'o/ /nyi ma dang ni lhan cig pa'i/ /phyogs ni mi shes pa zhes bya/ /nyi ma'i dkyil 'khor gnas pa'i phyogs/ /a ta mi ta zhes byar grags/ /phyogs gang bsod nams gza' rnams yod//'char ba zhes bya dge ba yin/ /nyi ma dang ni lhan cig pas/ /a ta mi tar grags pa yin/ /gza' rnams zla ba'i thad ka sogs/ /bag ma'i 'bras bu nges bar brlag /nyi ma'i thad kar khyo rnams shi/ /mig dmar gyi ni bu dang bral/ /zla ba'i tad kAr gza' lhag yod//bza' btung med do lha yi sras/ /lha yi bla mas nor nyams shing / /sngon chad med pa'i sdug bsngal 'byung / /pa sangs khyos ni spangs nas su/ btsun mo la sogs mgo reg byed/ /spen pa'i thad kar zla ba yod/ /smad 'tshong du ni 'gro zhes grags/ /zla ba yod pa'i zur ma la//bsod nams sdig pa gnas gyur pa/ /mdung dang mdung ni chen po yi/ /sbyor bar yongs su grags pa yin/ /mdung dang mdung chen sbyor ba la/ /bu skyes 'chi bar 'gyur ba ste/ /gal te byes su phyin pa na/ /zla ba gnyis na nges bar 'chi/ /bag ma blangs na khyo ni 'chi/ /bshes dang 'bye zhing don rnams med//bya ba gang yang 'grub mi 'gyur/ /mdzes dga' khong du chud par gyis/ /smin drug la sogs skar ma rnams/ /phyogs su bdun bdun gnas pa las/ /mig dmar la sogs gza' rnams ni/ /rgyu skar re re'i bdag por dran/ /skar ma rang gi bdag por gnas//skyon med bde ster rang gi bu/ /byes bgrod sogs dang bya ba la/ /rang gi bdag pos bde bar byed/ /bdag por rang gi bu la gnas/ /thams cad shis byed lha chen ma/ /byang la sogs pa phyogs bzhi ru/ /zla ba gnas ba'i skar ma rnams/ /dbo dang khrums smad chu smad dang / / rgyal dang mchu dang sa yi bu/ /mig dmar zhes bya thad kar song / /chom rkun gyis 'tshe bza' btung med/ /sngar nas med pa'i nad 'byung zhing / /longs spyod zad 'gyur med do kye/ /chu smad gro bzhin me bzhi dang / /nag pa mon grer zla ba gnas/ /de yi thad kar gza' lhag shar/ /'chi sogs mi dge sna tshogs pa//nor bu bu dang bu mo dang / /longs spyod rnams ni ma lus nyams/ /khrums stod snrubs dang tha skar mchu/ /sa ga rnams la zla ba gnas/ /tha skar phur bu'i gdong btsugs na/ /rgyal bo yul du mi bzhag cing / /bya ba kun la mi dge ste/ /gnyen rnams gsal par 'chi bar 'gyur//snrod dang chu stod gre dang skag /nam gru rnams su zla ba yod/ /de yi tha kar pa sangs bltas/ /bag ma blangs na khyo 'chi ste/ /bus mo la sogs na ba dang / /phyugs kun brlag par 'gyur ba yin/ /smin drug lag dang chu stod dang / /byi bzhin bra nyer zla ba gnas/tha skar gal te spen pa 'ongs/ /nad 'byung grogs rnams 'chi bar dran/ /rgyu skar bdag po'i nus pa ste/ /rang gi bdag po'i 'khor lo yin/ /smin drug la sogs rim pa bzhin/ /bzhi bzhir yongs su phye ba las/ /sde tshan bdun du 'gyur ba ste/ /bzhi la re khAs bskor ba bdun/ / nyi zla pa sangs phur bu dang / /mig dmar gza' lhag rA hu spen/ /rim pa bzhin bstan mtha' ma'i char/ /rA hu spen pa gnyis te bzhin/ /sde tshan phan tshun bsnol gnas las/ /mo de thad ka'i nus pa 'byung / /nyi ma mig dmar thad kar te/ /mig dmar nyi mar gdong btsugs so//de bzhin zla ba gza' lhag ste/ /spen pa phur bu phan tshun bltas/ /pa sangs rA hu de bzhin du/ /thad kar bsnol bas stobs su 'gyur/ /grong dang grong khyer phyogs rnams su/ /phyugs dang rin chen lo tog sogs/ /thad ka'i skyon gyis brlag par ni/ /'gyur ro lha yi dbang phyug ma//gza' rnams thad kar gdong btsugs pas/ /phan tshun chen po'i 'khor lor grags/ /smin drug la sogs rim pa bzhin/ /phyogs der bdun ni gnas pa las/ /rang gi phyogs su 'gro bar chas/ /dge'o dpa' mo dbang phyug ma/ /shar phyogs shar bzhin byang du ste//byang yang byang bzhin shar du'ang bzang / /de bzhin lho dang nub phyogs kyang / /phan tshun mnyam par dge ba yin/ /me nas rlung dus ri g+ha/ /mtshams la rgal na mi shis pas/ /don nyams sdug bsngal ngal dub dang / /rmongs shing 'chi bar 'gyur ba yin/ /me dang rlung du mtshams bcas pas//sa ri g+ha yi 'khor lo yin/ /dbang ldan dang ni zug pa'i dbus/ /mer ni skag dang mchu zhes brjod/ /bden bra las ga lha mtshams dbus/ /gro bzhin mon gre rlung de bzhin/ /rang gi phyag rgya'i sbyor ba ste/ /lha mo de ltar phan tshun gnas/ /phyogs bzhi phan tshun mi mthun phyir//phan tshun rnam par spangs pa yin/ /rdzogs pa dang ni zug pa'i dbus/ /rang gi phyag rgya'i sbyor bar dran ni/ /rdzogs dang thug pa'i dbus su ni/ /bzlog ste 'gro la bzang ba med/ /rdzogs dang zug pa'i chu tshod lnga/ /mi dge'i lhag ma skyon dang bral/ /sngar bshad thad ka'i gdong tshugs kyis//'khor lo de ltar 'dir shes bya/ /de ltar ma 'khrul shes bya ste/ /skyon gyi 'bras bu rnams par spangs/ /rang gi phyag rgya'i 'khor lo ste/ /be ra mu ba'i 'khor lo yin/ /de ltar thur ma'i 'khor lo mchog /dge dang mi dge'i bye brag rnams/ /phye ste rgyas par bstan pa ste//legs par rtogs sam skal bzang ma/ /'di ni g.yul las rnam par rgyal ba'i rgyud kyi rgyal po las/ rkang pa brgya ba'i 'khor lo'i cho ga bstan pa dang sha la ka'i 'khor lo bstan pa chen po ste le'u bzhi ba'o// //lha mos gsol pa/ lha chen 'khor lo mchog tu dge / rkang pa brgyad cu rtsa gcig pa'i/ /cho ga shin tu rgyas par yod/ /dbang phyug lha las nyan par 'tshal/ /bcom ldan 'das kyis bka' stsal ba/ /rkang pa brgya cu rtsa gcig pa'i/ /mnyam pa'i 'khor lo rgyas pa 'dir/ /g.yul las rnam par rgyal pa yi/ /bstan bcos don kun ma tshang med//sha la ka yi 'khor lo yang / /'di dang lhan cig mnyam par gnas/ /thig ni drang po cha bcu ru/ /mdzes ma mnyam par gnas par bya/ /de la re mig brgyad cu gcig /'byung bar nges so sdu gu ma/ /grwa nas grwar bzung re mig la/ /a sogs dbyangs kyi yi ge dgod/ / smin drug nas ni bra nye'i bar/ /phyi yi re mig bdun la dgod/ /lnga las gsal byed nyi shu rnams/ /a wa ka ha Da sogs dgod/ /de bzhin thog mar glang la sogs/ /re mig gsum la dgod par bya/ /dga' ba la sogs tshes rnams ni/ /dbus kyi re mig lnga la dgod/ /de ltar skar ma la sogs pa//g.yas bskor sbyor bas dkar mo kye/ /de ltar brgyad cu rtsa gcig la/ /dus kyi lha rnams thams cad tshang / /rang gi rgyu skar gsal byed dbyangs/ /khyim dang tshes la mche ba brtag /sdig gza' thal ka la ni ngan/ /gnyis dang gsum gyis brlag 'gyur te/ /gcig gi thad kar song pa yin//don nyams nor rnams zad byed/ /ming la drag po'i gza' rnams 'joms/ /nges par 'chi bar mthong zhes dran/ /bsod nams sdig can ming la zin/ /rims 'byung nor rnams zad par byed/ /be na si kar drag po'i gza'/ /gsum 'dzom tshe ni 'jig par ston/ / skyes pa las dang bi nA shar/ /a d+ha na la rims nad 'byung / /bsod nams gza' rnams shar nub tu/ /nyi ma la nub ngan par 'gyur/ /ming gi skar mar nyi ma song / /'chi ba la sogs 'byung ba'i phyir/ /phyogs gang nyi ma gnas pa'i phyogs/ /rgyu skar yi ge dus sbyor tshes/ /phyugs nyams 'thab rtsod mya ngan 'byung //bran g.yog longs spyod rnam par nyams/ /nyi ma dang bral phyogs gsum kar/ /dgra las rgyal zhing grogs bzang phrad/ /'dod pa'i don 'grub phun sum tshogs/ /rnyed dang grags pa de bzhin 'byung / /dbang po la sogs sde tshan gyi/ /lag sogs dbus na gnas ba la//nyi ma gnas tshe nub 'gyur te/ /phyogs de'i ming gi rgyu skar dang / /tshes khyim gsal byed dbyangs rnams ni/ /bsregs nyams tshad pas gdungs ba yis/ /rnam par nyams par 'byung ba'i phyir/ /dbus su zla ba gsum gsum ngan/ /lhag ma'i phyogs gsum dge ba ste//zla ba'i sde tshan de bzhin smra/ /gsal byed rgyu skar tshes khyim dbyangs/ /phyogs kyi bdag po mkha' 'gro'i phyir/ /gang gi phyogs na nyi ma gnas/ 'gro 'dug byed pa dge bar grags/ /da gzod dge dang mi dge brtag /sngon du bsam pa mkhas pa yin/ /shar du smin drug skrag gi bar//nges gnas yi ge lnga po yang / /a wa ka ha Da la sogs/ /khyim ni glang 'khrig kar ka Ta/ /dga' ba zhes bya grwa nas dbyangs/ /dbyangs yig dang po lnga pa dang / /dgu pa dang ni bcu gsum yod/ /nyi ma shar du 'ongs tshe nub/ /mchu nas sa ga'i bar du yang / /ming gi gsal byed lnga bo ni//ma yig la sogs ldan par gnas/ /de bzhin seng ge bu mo srang / /grwa ni dbyangs yig gnyis pa dang / /drug pa bcu ba bcu bzhir dran/ /bzang bo tshes te lho phyogs su/ /nyi ma gnas tshe nub par grags/ /lha mtshams la sogs gro bzhin mthar/ /na nas kha yi mthar thug par//gsal byed yi ge lngar yang grags/ /sdig pa gzhu dang chu srin dran/ /rgyal po'i tshes so dbyangs yig rnams/ /mi thub drag dang dbang phyug gnas/ /gal te chu ru nyi ma song / /de rnams nub par bstan pa yin/ /mon gru la sogs bra nye gnas/ /gang nas la yi mthar thug par//yi ge lnga ni gnas par bstan/ /khyim ni bum pa nya dang lug /tshes ni stong pa dbyangs ni chu/ /nor dang nyi ma rgyal bor dran/ /nyi ma drung nas nub pa yin/ /bsod nams gza' rnams dge zhes zer/ /rtsa ba yan lag tshes kyi gza'/ /nye ba'i gza' la sogs pa rnams/ / nyi ma gnas pa'i rjes 'brang zhing / /de bzhin spro zhing sdud par byed/ /ji ltar glog ni lnga ba la/ /longs spyod yongs su rdzogs par shes/ /'di ltar brgyad la shu la gnas/ /bcu bzhi ba la 'brug tu dran/ /bco brgyad de bzhin mjug tu brjod/ /mkha' mig gtso zhes nges par mthong / / thog ces ming dang lag par grags/ /sa g.yos gsum lhag nyi shu'o/ /de bzhin rgyal ba zhes bya ba/ /gtun shing dag tu grags pa yin/ /sgra gcan mig dmar spen pa rnams/ /mthongs sngon du dgu gsum brgyad/ /nye ba'i gza' yi sbyor ba rnams/ /rgyu skar la sogs shes bar bya/ / rgyu skar nyi shu rtsa bdun ni/ /thams cad tshang bar bskor ba yin/ /dus sbyor byed gza' 'char ba ni/ /sum cu'i tshes la'ang 'char zhing bskor/ /dang po'i thun la tshes kyi bdag /lan bzhi byi bzhin dus sbyor byed/ /nyin mo gza' rnams drug la bskor/ /mtshan mo lnga la bskor ba yin/ / 'di ltar lo dang lug sogs khyim/ /tshes dang thun mtshams rim pa bzhin/ /bdag po'i gza' rnams 'char bas na/ /skar ma las ni rtogs par bya/ /dza na ma hU ni a na d+ha ka /dza na ma hU ni rim pa bzhin/ /tshes la lan gsum 'char bar grags/ /dkar po la sogs tshes gcig la/ / dus sbyor phyed la de ltar 'char/ /phyed gong phyed 'og dkar nag dran/ /mtshams yang de ltar dkar na brjod/ /drag po'i tshes dang dreg po'i gza'/ /skar ma drag po gsum 'dzom pa/ /shin tu mi shis ngan pa ste/ /ba ni sha ka zhes byar grags/ /rkang pa brgyal cu rtsa gcig pa'i/ /'khor lor gsum 'dzom gdong tshugs grags//glang chen myos ba'i mche ba yis/ /blangs te za bar byed dang mtshungs/ /g.yas g.yos mche bas 'dzin pa ste/ /sna yi mdun na sdod pa gsod/ /ji ltar grwa bzhir gnas pa yi/ /a sogs bzhi pos spang ba las/ /gal te dbyangs yig bcu gnyis kyang //mche ba nges pa ces mi spang / /bsam gyis mi khyab rgyu yi phyir/ /brjod du mi btub gsang ste bzhag /re mig dang po dgu pa dang / /bcu bdun nyi shu lnga ba ste/ /rkang pa brgyad bcu rtsa gcig las/ /'dis ni mche ba rnam par spangs/ /gzhan yang rkang ba bcu gnyis kyi/ /u phyogs dbyangs yig bcu gnyis po//gal te 'di la gdong tshugs shar/ /grwa bzhir gdong tshugs ci ste med/ rkang pa drug la gang gnas pa/ /nyi shu rtsa gcig nyi shu lnga/ /brgya phyed gcig gis ma ldang ba'i/ /brgya yi phyed dang gcig lhag pa/ /re mig bdun cu rtsa gcig bas//khengs pa rnams kyis de ma spangs/ /grwar gnas yi ge ji bzhin te/ /zla ba 'phel bar mi byed do/ /nyi zla'i bar mnyam bco lnga ste/ /cung zad bsnol bas 'grib par dran/ /des na gang ba'i tshes la ni/ /glang chen mche bas rgyab kyis phyogs/ /lo dang zla ba nyin zhag la/ / rnam par 'char bar shes par bya/ /dkar nag phyogs kyi nyin zhag la/ /dbyangs dang gsal byed stobs byed ngan/ /dkar phyogs las skyes dkar po ste/ /nag phyogs las skyes nag po la/ /stobs ni che bar 'gyur ba ste/ /zla ba phyed par yongs su grags/ /g+hang tsha dang Sha Na Tha/ d+ha paD+ha dang tha dza nya//ka ba bzhi bor gnas ba las/ /gsal byed yi ge gsum gsum bstan/ /smin drug sdig can gnas pa las/ /bre nye g.yas song a dang glang / /dga' ba bzang bo srang dang te/ /sa ga g.yos te byi ba bzhin bdun/ /de bzhin rgyu skar kun la sbyar/ /snar ma u dang tha skar g.yas//wa 'khrig o dang bu mo dang / /sa rig yon te gro bzhin mdun/ /mgo yi g.yon nas ka yig dang / /kar ka seng ge pa nag pa/ /mdun du chu smad ces bya ste/ /a dang la dang nam gru g.yas/ /bsod nams shar na zas med cing / /sdig can 'dag nyid rnam par nyams//lag gi g.yon nas ha dang lI/ /Ta yig mi bzhi g.yas su wa/ /li tsa khrums smad mdun phyogs su/ /chu stod sdig can zas med cing / /sngon bzhin srog mthar byed pa yin/ /nab so'i g.yon du Ta bad bo/ /g.yas su ka yig glang lug dang / /khrums stod mdun du snrubs zhes bya//sdig pas 'joms par ston pa yin/ /rgyal gyi don du u dang gre/ /g.yas su ha yig 'khrig pa o/ /nya dang sa yig mon gre dang / /mdun du snron te mche bas btab/ /skag nas g.yos du mchu zhes dran/ /Da dang kar ka dga' ba sdong / /bum pa ga yig mon gru g.yas//lha mtshams mdun gnas sdig pas gdungs/ /mchu yi g.yas su skag bzung ste/ /g.yon nas ma yig seng ge dang / /bzang po rgyal ba chu srin kha/ /byi bzhin mdun du bre nye'o/ /sdag gnas bcom pa'i bdag nyed dran/ /gre yi g.yon nas Da yig dang / /bu mo i yig gzhu dang dza//gro bzhin g.yas su u dang rgyal/ /mdun du tha skar sdig can 'joms/ /dbo yig g.yon du ba dang srang / /sdig pa 'ba' zhig chu smad rnams/ /g.yas phyogs ma Da nab so bzung / /mdun du nam gru sdig gza'i bdag /ra o ya dang chu stod rnams/ /me bzhi'i g.yon du mche bas btab//Da li ha dang lag rnams g.yas/ /khrums smad mdun du sdig pas gnod/ /nag par sdig pas gnod pa la/ /tan snrubs ni g.yon du ste/ /pa dang seng ge ka ra kaT/ /ka dang mgo g.yas khrums stod mdun/ /g.yas g.yos mdun du gnas pa rnams/ /sdig can bdag nyid gnod par dran//sa rer sdig gnas g.yon du ri/ /snron nog g.yas su de bzhin ra/ /bu mo o dang 'khrig pa ma/ /snar ma mdun du mon grer grags/ /sa gar sdig can lha mtshams g.yon/ /g.yas su ta yig srang bzang po/ /dga' ba glang dang a yig dang / /smin drug mdun du mon gru bzung //lha mtshams la gnas g.yas su ni/ /sa ga g.yon nas na sdig pa/ /rgyal ba stong pa lug dang la/ /bra nye'o de bzhin mdun du skag/ /snron la ya yig gzhu a:nya/ /tsa yig tha skar mche ba g.yon/ /g.yas su ri yig sa ri bzung / /rgyal ni mdun te sdig pa'i bdag /snrubs nas b+ha yig chu srin dang / /bum pa da yig nam grub g.yon/ /na ta nag pa g.yas su ste/ /mdun du nab so sdig can gnod/ /gang zhig chu stod sdig can gnas/ /ja ai sha dang khrums smad g.yon/ /ya e ra dang me bzhin gnas/ /mdun na lag gi gnod can dag / gal te chu smad sdig can gnas/ /khag khrums stod g.yon pas 'dzin/ /b+ha yig sdig pa srang la dbo/ /g.yas te mdun du mgo la gnod/ /gro bzhin la gnas g.yas su dza/ /gzhu dang a yig bu mo Ta/ /bre 'o g.yon pas r-i yig dang / /mon gru de bzhin mdun snar ma/ /byi bzhin byi ni g.yas phyogs su//kha yig chu srin rgyal ba bzad/ /seng ge ma yig mchu rnams zin/ /g.yon du mon gre smin drug mdun/ /mon grer gal te sdig can gnas/ /g.yas su byi bzhin g.yon du ga/ /bum pa stong dga' ka ra kaT/ /Da ka g.yas so sa ga mdun//mon grur bdag nyid chen po gnas/ /sa da nya khyim o 'khrig pa/ /ha rgyal g.yon bzung g.yas su ri/ /gro bzhin du ni sa rir dran/ /gnod pa khrums stod la gnas te/ /khag chu smad g.yas su 'dzom/ /g.yon du da yig lug glang ka /nab so'i mdun du nag pa bcom//khrums smad dga' te sdig can 'ongs/ /tsa li wa lag g.yon pas 'dzin/ /sha o dza dang khrums stod g.yas/ /mdun du me bzhi rnam par 'joms/ /nam gru'i g.yas su da yig dang / /bum pa chu srin b+ha yig snrubs/ /g.yon du D+ha a rgyu skar mgo /mdun du dbo zhes bcom par dran//tha skar g.yon du u yig dang / /snar ma g.yas su tsa yig nya/ /a tha gzhu dang ya dang snron/ /mdun du gre ni rnam par nyams/ /bre nye g.yon du smin drug ste/ /g.yas su la yig lug stong pa/ /rgyal ba sdig pa na yig dang / /lha mtshams mdun du mchu zhes grags//rang gnas dang por skyes pa ste/ /de bzhin bcu par las zhes brjod/ /de nas rkang pa bcu drug pa/ /rnam par 'ges pa zhes byar dran/ /rkang pa'i grangs ni bco brgyad par/ /rgya can zhes byar yongs su grags/ /lha mo nyi shu rtsa gsum par/ /lha mo nyi shu rtsa gsum par/ /be nA shA rka zhes bya'o//nyi shu rtsa lngar bshad pa la/ /yin can zhes byar kun du grags/ /de ltar mche ba drug gnon pas/ /drug 'dzin zhes bya lha sras mo/ /rkang pa bcu dgu pa yi grangs/ /a d+ha na zhes de bzhin brjod/ /rigs dang yul dang dbang bskur gsum/ /gang la mche bas bzung ba'am//gdong mjug med na dge ba ste/ /gdong mjug mche bas mi dge byed/ /skyes par gdon shar nad 'byung zhing / /nor zad ku co dgra dang rtsod/ /las la mche gnas grogs dang 'thab/ /bzo byas bla med las mi 'grub/ /rnam 'gres gnyen bshes pho mo bye/ /gal te rgyan nam mche bas btab//bsam pa'i don rnams 'grub mi 'gyur/ /bi na sha ka rims nad 'chi/ /yid can gdong tshugs sdug bsngal 'thob/ /de ltar drug la mi dge byed/ /smin drug bram ze'i rigs yin te/ /rgyal rigs 'dzin pa rgyal zhes bya/ /nam gru rje'u'i rigs la gnas//me bzhi dmangs rigs la sogs dran/ /dbud nas brtsams te yul rnams su/ /smin drug la sogs gsum gsum po/ /hu ra'i yul gyi mthar thug par/ /rim pa bzhin du shes bar byed/ /gzugs 'di sdig can gang gnas pa'i/ /gsum la dbugs sogs rim pa bzhin//lags sogs gsum la sdig can gnas/ /shar gyi rgyal bo tshogs rnams 'jig /smin drug sogs gsum yul dbus kyi/ /ma ga d+ha sogs rnams la ngan/ /skag sogs shar lho'i sems can skrag /dbo sogs lho ru mi dge ste/ /sa ri la sogs lho nub pa//snron sogs sin d+hu sogs nub shes/ /nub byang hong sogs chu smad sogs/ /mon gre la sogs byang gi yul/ /nam gru la sogs byang shar yul/ /sdig gnas mi dge dbang phyug ma/ /snying ga bshang lam de bzhin kha/ /yan lag bzhi dang lhan cig tu/ /dbo gnyis mnyam par gsum gnas la//rus sbal 'khor lor yongs su grags/ /lha mo skar ma'i sbyor ba yis/ /dge dang mi dge'i 'bras bu thob/ snying gi dbus kyi yul rig cing / /yan lag bzhis ni mtshams kyi yul/ /kha yi shar na gnas pa'i yul/ /bshang lam nub phyogs btsun mo kwa /dbo gnyis lho byang yul du ni/ dbyangs 'char rgyud las yongs su grags/ /bsod nams sdig can gang sbyor ba/ /dge dang mi dge nges bar mthong / /de nas se bI tsa kra bshad/ /legs bar nyon cig lha chen ma/ /'di ni rnam par shes tsam gyis/ /dgos pa thams cad 'grub 'gyur ba'i//rang gi skye bar 'dzin pa yi/ /skar ma dang por gzhag pa las/ mgo bor 'dun bzhag mdzes dga' ma/ /de bzhin rgyab tu bdun nas brjod/ /snying gar bdun ni gnas par bstan/ /rkang par bdun bzhag dbang phyugs bdag /rang gi skar mar gang brjod pa//mgo bo'i dbus song mchog tu dge /mgo bor gnas pas dga' bskyed cing / mchog 'gyur legs ster rjes 'dzin 'gyur/ /rgyab kyi skar ma la sogs ngan/ /ji bzhin pa yi bcu cha snyed/ /gal te snying ga'i skar mar song / /bdag po'i dbang song ci bgyid byed//ji snyed rkang pa'i skar ma la/ /zhu ba don med nyon mongs 'gyur/ /mig gis mi mthong re drag 'char/ /bden par nges dran ri sras mo/ /de ltar brgyad cu rtsa gcig pa'i/ /'khor lo zhes grags bzhin bzang ma/ /'di ni g.yul las rnam par rgyal ba gsang ba'i rgyud kyi rgyal po las rkang pa brgya cu rtsa gcig pa'i 'khor lo sbyor ba bstan pa chen po ste le'u lnga pa'o// //lha mos gsol ba/ lha yi lha mchog bcom ldan 'das/ /thams cad mkhyen pa la zhus pa/ /lus can skyes pa'i gnas skabs la/ /dge ba mi dge ji ltar gnas//dus kyi 'khor lo ji lta bu/ /gnas dang 'chi ba'i khyad par las/ dge dang mi dge'i rim pa bzhin/ /lha chen bdag la cis ma gsung / /bcom ldan 'das kyis bka' stsal ba/ /mchog tu gsang ba'i man ngag lha/ /dkar mo myur du nyan par gyis/ /lus can kun gyi srog shes pa//dus kyis 'khor lo zhes bya ba/ /mu khyud bzhi ba lte ba can/ /rtsibs ni bcu gnyis re mig ni/ /sum cu bdun ldan 'khor lo ste/ /rim pa gsum du bris nas ni/ /tshe dang srog rlung zhag grangs dang / /lo zla nyin zhag rim bas bri/ /nyi khyim 'pho ba zhes bya ba//g.yas dang g.yon pa'i lam las ni/ /rgyu ba'i mtshan nyid rig par bya/ /'di la dge dang mi dge brtag /nag po'i ches gcig nas gzung ste/ /nyin zhag gsum du 'phag gcig la/ /zla ba'i 'grod pa rgyu ba ste/ /de nas nyin gsum nyi bgrod 'gyur/ /de bzhin bco lnga'i bar du yang //zhag ni gsum gsum shes par bya/ /dkar bo'i chos gcig nas brtsams te/ /nyin zhag gsum du snga dro ni/ /nyi ma'i bgrod ba rgyu ba ste/ /de bzhin tshes ni bco lnga'i bar/ /dus sbyor gcig la rgyu bar 'gyur/ /dus sbyor re rar rgyu ba las/ /phyin ci log tu nges par rgyu//rtsod ba la sogs nges 'gyur pa/ /nyin zhag lngar ni log par rgyu/ /rtsod pa la sogs 'byung bar 'gyur/ /zla ba phyed kyis nad 'byung zhing / /zla ba gcig gis gnyen rnams brlag /zla phyed gsum gyis 'chi bar 'gyur/ /de ltar shes bya mdzes ma kye/ /zhag gcig nas ni bzhi ba'i bar//bcu nas bzhi yi bar gyi lo/ /zhag lnga nas ni brtsams nas ni/ /nyi shu rtsa lnga'i mthar thug pa/ /lnga lnga'i zhag ni 'phel ba yin/ /nyi shu lnga nas sum cu gsum/ /re re zhag ni 'phel ba yin/ /de la gsum gnyis gcig gi lo/ /drug gsum gnyis gcig phyed kyi zla//bco lnga gsum gnyis gcig gi zhag /de ltar lo zla zhag rnams kyis/ /lus can rnams kyi srog 'dor byed/ /de ltar the tshom med mtshan nyid/ /ma lus par ni bshad par bya/ /skar ma'i ming la zla ba gnas/ /bcu bzhi pa la nyi ma song / /'jom pas lus can srog 'dor 'gyur//thams cad mkhyen pas gsang ste bshad/ /dus 'di shes par bya ba ste/ /snga ma'i sbyor ba 'di rdzogs 'gyur/ /rang gi rlung dang skar khyim brtag /ltas kyi 'khor lo brtag par bya/ /ji ltar sangs rgyas bcom ldan 'das/ /g.yas g.yon rlung gi bye brag blta//'pho ba'i dus tshod brtag bya ste/ /bye brag phyed pas smra bar bya/ /lam gsum las rgyu bye brag ni/ /dbus rgyu nyin phyed 'chi ba ste/ /g.yon nas rgyu na nub mo 'chi/ /g.yas rgyu nyin mo 'chi bar ston/ /'di ni rtse gcig yid gnas ba/ /mnyam par gzhag pas shes bar 'gyur//tshe yi mtshan nyid ji tsam zhes/ /rlung gi dbugs la ma g.yengs blta/ /ji ltar rlung ni lam gcig las/ /zhag lngar rgyus na ri sras mo/ /lo gsum gyi ni rim pa yis/ /mi rnams srog ni zad par 'gyur/ /gal te nyin zhag bcu rgyus na/ /lo gnyis lus can srog 'dor 'gyur//bco lnga'i nyin zhag rgyus pa na/ /lo gcig la ni nges par 'chi/ /gal te nyin zhag nyi shu rgyu/ /mi rnams zla ba drug gnas 'chi/ /nyi shu rtsa lngar rgyu byed na/ /zla ba gsum gyis 'chi bar 'gyur/ /nyin zhag nyi shu rtsa drug gis/ /srog ni zla ba gnyis na 'dor//nyin zhag nyi shu rtsa bdun gyis/ /zla ba gcig na gshin rje'i gnas/ /gal te nyin zhag nyi shu brgyad/ /zla ba phyed na lho phyogs song / /nyin zhag nyi shu rtsa dgu rgyus/ /nyin zhag bcu na nges par 'chi/ /sum cu rgyus na zhag lnga na/ /sum cu gcig gis zhag gsum na//sum cu gnyis kyis zhag gnyis na/ /nyin zhag sum cu so gsum gyis/ /lus can rnams kyi lam po cher/ /zhag gcig gis ni srog 'dor dran/ /nyi phyed nas ni nyer lnga'i bar/ /lha yis shes kyis gzhan gyis min/ /ji srid ma shi'i bar du ni/ /blo ldan mkhas pas shes par bya//dang por de ltar shes byas la/ /'dri ba rnams la lan gdab bya/ /lus can rnams kyi 'chi ba'i dus/ /legs par brtags na de ltar mthong / /brtag tu de ltar brtag bya ste/ /ji bzhin mkhas la dri bar bya/ /mchu yi zla ba shar dus su/ /chu srin 'phro bar yongs su grags//de tshe tho rangs mal nas langs/ /nyi ma shar ba lta bar bya/ /dgun zla tha chungs zhes bya ba/ /chu srin 'pho ba'i sbyor bar grags/ /de nas gzhan yang bshad par bya/ /tshe yi gnas skabs 'bras bu la/ /dge dang mi dge'i sbyor ba rnams/ /gtso mo gzhan la ngas ma bshad//nyi zla mig dmar sgra gcan dang / /phur bu spen pa gza' lhag dang / /du mjug pa sangs zhes bya ba/ /gza' rnams dgu ru yongs su grags/ /lus can tshe yi gnas skabs la/ /kun du dbang byed 'di rnams yin/ /yongs su rdzogs dang dbu ma dang //'bring dang tha mar shes par bya/ /nyi ma'i lo drug shes bya ste/ /zla ba lo bcu mdzes dga' ma/ /mig dmar zhes bya lo bdun yin/ /sgra gcan la ni bco brgyad dran/ /bla ma'i bcu drug spen pa ni/ /nyi shur gcig gis ma tshad pa'i/ /gza' lhag lo ni bcu bdun grags//du ba mjug rings lo bdun dran/ /pa sangs mnyam par nyi shu ste/ /dge dang mi dge'i rim bas spyod/ /bsdus bas brgyud de nyi shu ste/ /lus can mchog gi tshe rabs grags/ /rgyu skar smin drug la sogs pa/ /lan gsum bskor bas nyi shu bdun/ /re mig thad dang rim pa lnga//sde tshan dgu dgur gnas pa la/ /nyi ma nas brtsams pa sangs mthar/ /dgu po re mig rnams la grags/ /gnas skabs 'bras bu rim pa bzhin/ /'di 'dra'i bstan bcos lha yis bshad/ /tshes dang mkha' me bzhi bcu lnga/ /drug cu'i dus kyi chu tshod rnams/ / dang po gnyis gsum bzhi ba ste/ /cha'am skal bar grags pa yin/ /cha shas dang por skyes pa rnams/ /mchog gi tshe zhes yongs su grags/ /cha shas gnyis bar skyes pa rnams/ /tshe lo brgya ru grags pa yin/ /gsum pas brgyad bcur shes bya ste/ /bzhi ba drug cur shes bar bya/ / bsdoms pas brgya dang nyi shu ste/ /gnas skabs tshe tshad de la ltos/ /rang gi skyes ba'i chu tshod la/ /nyi shu lhag pa'i brgya yis bsgyur/ /de la dgu bcus bgos thob pa/ /tshe tshad rnams la rim bzhin dbri/ /lhag ma lus can tshe tshad de/ /'chi slus pa na snon par bshad/ /cha shas dang pos mchog la dbri//gnyis pas brgya la dbri bar bya/ /gsum pas brgyad cu la dbri'o/ /cha shas bzhi pa drug cur dbri/ /slus na dang por snon pa med/ /cha shas gnyis par lnga ster te/ /cha shas gsum par bcu sbyin bya/ /cha shas bzhi bas bco lngar bsnan/ /nyi zla mig dmar la sogs pa'i//so sor lo rnams zhag tu bsgyur/ /de la rang rang lo yis bsgyur/ /de la mkha' dang nyi mas bgo /rnyed pa sum cus bgos thob pa/ /zla bar 'gyur ro lhag ma zhag /yang na so so'i lo rnams kun/ /mkha' dus me yis bsgyur bar bya/ /de la mkha' dang nyi mas bgo /rnyed pa rnams na brtan pa yin/ /lhag ma drug cus bsgyur thob pa/ /chu tshod rnams su shes par bya/ /gza' dgur rang rang bstan pa la/ /rang rang lo yis bsgyur bar bya/ /mkha' dus mes bgos thob pa lo/ /gal te rnyed par ma gyur na/ /sum cus bgos la zla ba bya//de yi lhag ma zhag tu 'gyur/ /de ltar mchog gi tshe la ni/ /lus can rnams la yongs su grags/ /'dri byed skyes pa'i skar ma yi/ /bdag po gang yin de yi lo/ /mchog nas cha shas bzhi ba'i bar/ /lhag ma lus can tshe tshad yin/ /'dri bar byed pa'i tshe tshad gang //thog mar rang gi lo yis bsgyur/ /mkha' dang nyi mas thob pa la/ /lhag ma yod na gsum gyis bsgyur/ /sum cus bgos la zla ba bya/ /lhag ma dag ni zhag tu 'gyur/ /de 'og rim pa ji bzhin du/ /dgu yi mthar thug blta bar bya//cha shas bzhi yi gnas skabs kun/ /blo ldan bye brag shes bya ste/ /lo zla zhag dang dbyu gu dang / /chu srang dbugs kun phra bar byed/ /lus can tshe yi gnas skabs la/ /dge ba dang ni mi dge ba'i/ /lo zla zhag gi gnas skabs rnams/ /legs par brtags te smra bar gyis//nyi shu rtsa bdun re mig las/ /lo bdag gang yin shes bya ste/ /rang gi skyes ba'i skar ma ni/ /bgrangs la gang yin shes par bya/ /gro bzhin dbus su song ba ni/ /ming gi skar ma zhes bya ba/ /de yi mtshams su 'chi ba ste/ /sdig pa'i gnas skabs thob par byed//stobs ldan 'chi bar 'gyur ba ste/ /stobs chung longs spyod rlag bar byed/ /stobs mnyam nad ni 'byung bar yang / /byed do mchog gi gzugs can ma/ /lha mchod sbyin dang cho ga'i las/ /dge ba'i bshes dang 'grogs shing zhu/ /dge sbyong bram ze bsnyen bkur sogs/ / dus min 'chi ba 'joms par byed/ /rgyu skar 'og na gnas pa'i gza'/ /tshe yi gnas skabs 'bras bu ston/ /de nyid rim pas lus can tshe/ /gnas skabs 'bras bu thams cad shes/ /nyi ma rgyal pos rnyed par 'byung / /mkhris pa'i nad rnams 'byung ba dang / /gnyen grogs rnams dang 'bral ba dang //nor zad pa dang nye ba 'byung / /zla ba'i lo bcur gnyer che zhing / /bud med rnams ni mnyam par rnyed/ /gos dang rgyan la sogs pa rnyed/ /rang phyogs dgrar 'gyur bu mo skye/ /mig dmar lo bdun dgra rnams 'byung / /gnyen bshes rnams dang 'thab rtsod 'byung //khrag dang mkhris pa'i nad 'byung zhing / /gzhan gyi bud med rnams dang 'grogs/ /lha min dbang po'i bco brgyad la/ /nor zad l+tse zug chung ma 'chi/ /gnyen brlag don nyams sems nad 'byung / /gzhan du 'gro dgos brnyas par 'gyur/ / phur bu'i bcu drug grags pa la/ /gzhan gyis khur zhing bu thob 'gyur/ /nor dang chos dang gos 'phel zhing / /sbyin sreg sems dang rig pa 'phel/ /spen pa'i bcu dgur lus nad 'byung / /chung ma bu dang 'thab rtsod cing / /blo dman rmugs shing le lo che/ /byes su 'khyams shing yul na bskor//gza' lhag lo ni bcu bdun la/ /gnyen grogs dang mthun chos dang sbyar/ /shes rab 'phel zhing lus nad sbyor/ /rlung nad cham pa khrag nad 'byung / /ke tu'i bdun la bu brlag cing / /nor zad spun zla sring mo 'chi/ /dgra dang phrad cing rgyal bos 'joms//bud med ma rungs rnams dang rtsod/ /pa sangs nyi shu lo rnams la/ /bud med rnyed cing chos kyang rnyed/ /don dang las 'grub dge ba 'phel/ /nor thob grags pa 'phel bar 'gyur/ /de ltar tshe yi gnas skabs su/ /dge dang mi dge rnam par spyod/ / skyes ba'i bye brag ma lus pa/ /lha mo bdag gis nges par bstan/ /de nas gzhan yang skyes pa yi/ /'khor lo zab mo lha mo nyon/ /bstan bcos 'dir ni ma gsungs kyang / /thub pa chen pos rnam par bshad/ /nyi mas 'khyud pa'i skar ma de/ /spyi bo'i steng du bri bar bya/ /de bzhin kha la gsum yin te//dpung mgor gnyis te mkhrig mar gnyis/ /lag pa la gnyis snying gar lnga/ /skar ma gcig ni lte ba la/ /gsang bar skar ma gcig yin te/ /pus mo la ni skar ma gnyis/ /rkang par brgyad dgod skye ba brtag /rkang pa las skyes tshe thung 'gyur/ / bus mo las skyes byes 'khyams shing / /gsang ba las skyes 'khrig pas brlag lte ba las skyes dbul por 'gyur/ /snying ga las skyes logs spyod ldan/ /lag pa las skyes rkun mor 'gyur/ /mkhrig mar skyes ba sdug bsngal can/ /dpung pa las skyes khur po pa/ / kha las skyes pa chos dang ldan/ /spyi bo'i skar ma las skyes pa/ /rgyal por 'gyur bar the tshom med/ /de ltar dge dang mi dge ba/ /skyes ma thag tu mkhas pas brtag /dus kyi 'khor lo'i sbyor ba las/ /shes par 'gyur ro dbang mo che/ /'di ni g.yul las rnam par rgyal ba dbyangs 'char ba'i rgyud kyi rgyal bo las skyes pa'i skabs bstan pa chen po ste le'u drug pa'o// //bcom ldan 'dus kyis bka' stsal pa/ /de nas gzhan yang bshad par bya/ /ji ltar lam gyi 'khor lo mchog /lam bu zhugs ba'i mi rnams la//phan gnod 'bras bu mthong bar 'gyur/ /rtsa gsum 'khor lo rnal 'byor pa/ /tha skar la sogs rim bzhin bri/ /rgyu skar rim bzhin rtsa gsum khrid/ /nam gru'i mtha' thug mdzes ma nyon/ /tha skar dang ni lag dang yang / /nab so dang ni de bzhin dbo/ / me bzhi snron dang bcas pa dang / /snrubs dang mon gru khrums stod rnams/ /dang po'i rtsa la rim bzhin bri/ /pra nye dang ni de bzhin mgo /rgyal dang gre zhes bya ba dang / /nag pa de bzhin lta mtshams dang / /chu stod mon gru khrums smad rnams/ /blo ldan mchog gi gzugs can ma/ / gnyis pa'i rtsa zhes yongs su grags/ /smin drug nas ni snar ma dang / /skag dang mchu dang sa ri dang / /sa ga chu smad gro bzhin dang / /nam gru lha mo rtsa gsum dran/ /de rnams gza' dang yang dag sbyor/ /bsod nams sdig can gza' rnams brtag /lam 'jug tat+gAl rgyu skar gyi//rtsa rgyud la gnas gza' yi las/ /mda' 'phen drug cus rkang pa gcig /rkang pa bzhi la dpag tshad yin/ /'gro sar dpag tshad ji snyed pa/ /rtsa rgyud la gnas gza' yis bsgyur/ de la nyi shu bdun bgos thob/ /dro lam du 'gyur lhag ma la/ bzhis bsgyur thob pa rkang pa ste//lhag ma mkha' dus bsgyur las thob/ mda' 'phen zhes bya de rnams su/ /dge dang mi dge'i 'bras bu 'byung / /sdig can rnams kyis mi dge byed/ /bsod nams gza' rnams bde ba byed/ /nyi mas 'jigs kyang skyon med 'gyur/ /rA hu lam med mi dge byed//spen pas rtsod dang 'ching bar byed/ /mig dmar 'chi bsam gzhan gyis gsod/ /zla bas bud med mnyam par mthun/ /gza' lhag reg byed rnams dang phrad/ /phur pas chos dang sbyor bar byed/ /pa sangs bdag pos mchod par 'gyur/ /ka tus cung zad mi dge byed//mda' 'phen rkang pa dro lam rnams/ /gza' yis bsgyur la 'khor lo yis/ /thob ba'i grangs kyis lam rnams su/ /dge dang mi dge byed par 'gyur/ /lam gyi 'khor lor 'dri byed gang / /lam zhugs rnams la phan byed yin/ /dkar po'i 'khor lo bshad par bya//mdzes gzugs thal sbyor 'dri bar bya/ /sbyi bo'i mig dang kha mgrin pa/ /lag gnyis thal mo de bzhin rkang / /gsang ba de bzhin snying gar ni/ /dkar pos 'khyud brtsams gsum gsum dgod/ /spyi bo'i dus la gang dbang 'dod/ /bram ze bud med blon po rnams//bram ze rig byed chos kyis bkur/ /bud med bstan nas chung mar byed/ /blon bos nor ster phun sum tshogs/ /mig gis bran dang bud med 'dul/ /rang la dgug cing nye ba dang / /chung ma nor dang bkra shis byed/ /kha la rgyal rigs ma ning gis//mgo skor byed dang smra dgos dang / /lus la tshad pa 'bab pa yin/ /mgrin par rje'u rgyal rnams dang / /bud med la smras nor rnams dang / /bud med thams cad 'dul ba yin/ /lag gnyis skar mar ngag smras pa/ /rgyal dang dmag dpon skyes pa la/ /rang la ltas ngan 'bab pa dang //yul dang nor dang skye bo sdad/ /thal mo la ni gang dbang ba/ /phal ba dang ni ma ning la/ /lha dang bla ma mchod byed cing / /chos dang sbyin dang rgyal rnams 'grub/ /rkang ba'i bdag po bram ze blon/ /skyes ba rnams la rim pa bzhin/ /nor zad chung ma spangs pa dang //dgra yi dbang du song bas 'jig /gsang ba'i dus la rnal 'byor pas/ /dbang bya bran dang bud med dang / /yon tan can 'khor chung mas 'bor/ /snying ga'i dus la dbang bya ni/ /bram ze dag dang ma ning la/ /dbang du byed na gnyen grogs spong / /nor dang bram ze bud med rnyed//dgu cha'i dum bu'i mtshan nyid de/ /ji srid na 'thob yun tshod ni/ /kha na chu tshod yun yin te/ /lag pa zhag tu 'jog par bya/ /gzhan rnams zla ba mig la lo/ /de yi nges pa sngar 'das kyi/ /drug par lhag ma gang yin pa/ /spyi bo'i phyed brtsi mig la gcig /mgrin lag drang po snying ga phyed/ /thal mo gnyis yin kha la drug /rkang pa dgu yin gsang gnas drug /nyin zhag dkyil 'khor mnyam dus na/ /ji srid bzhin la ma 'phos par/ /de yi 'bras bu mnyam par mthong / /dkar bo'i 'khor lo bstan nas kyang //de nas gzhan yang bshad par bya/ /ri dwags pa yi 'khor lo mchog /zla ba dang ni ri dwags pa'i/ /dbus su sdig pa'i gza' rnams kyis/ /'khyud ba'i grangs dang mnyam pa ni/ /srog chags rnams ni gsod par bshad/ /sdig pas 'khyud pa'i kha dog bzhin//rngon pas las ni bshad par bya/ /gsum ni cha shas khyim la gnas/ /dgu cha la gnas nyes 'gyur gnas/ /'khyog po mthon po la gnas gza'/ /gsum gyis bsgyur ba'i grangs bzhin bstan/ /'di yi 'gyur gyis thams cad la/ /byed do dpa' bos phyag byas ma//gza' skar sbyor ba de dag gi /rma rnams 'byung bar brjod par bya/ /stod dang smad dang logs dang rgyab/ /longs sbyod cha yis de bzhin no/ /lha mo 'di 'dra'i 'khor lo ni/ /bden phyir ngon sum byed pa yin/ /yang na rab tu byed pa gzhan/ /bshad do tshogs kyi bdag mo kye//gza' yi grangs ni tshes kyis bsgyur/ /gzugs kyis dman byas rang gis bsgyur/ /phyed dman bdun dang mig gis bgo /lhag ma cha shas gang yod pa'o/ /de ltar srog chags ji tsam pa/ /rgyal bo sogs kyis 'ching par byed/ /phye ba'i lhag ma gcig gis ni//bros pa nyid du bstan pa yin/ /khyim dang skar ma ji bzhin du/ /blo ldan mtshan nyid shes bar bya/ /de nas rab tu bshad pa gzhan/ /ji ltar bshad do bzhin bzang ma/ /tshes ni gza' dang lhan cig pa/ /gzugs kyis dman byas rang gis bsgyur/ /phyed dang 'dod pa'i chu tshod kyis//bgos ba'i lhag ma gang yod pa/ /srog chags de yin mkhas pa yis/ /rgyal po bdag la brjod bar bya/ /sngon las ma dag nyin zhag la/ /dge dang mi dge mang por 'gyur/ /mi mthun phyogs la sdug bsngal 'byung / /nges 'byin yan lag rma rnams 'byung / /so sor phyin na g.yang la lhung //skyes ba'i mtshams kyis rang nor nyams/ /lhag ma rnams kyi 'bras bu ni/ /tshogs kyi bdag pos dge bar brjod/ /nyi zla mig dmar gza' lhag phur/ /pa sangs spen pa rA hu dang / /ke tu'i grangs kyis rim pa bzhin/ /dro lam la sogs bsgyur bar bya//rngon pa'i 'khor lo bstan nas kyang / /rgyan gyi 'khor lo btsun mo nyon/ /rgyan gyi 'khor lo 'di yi las/ /g.yul shom shags 'gyed 'thab rtsod la'o/ /zheng du rA+e kha bcu gnyis te/ /de bzhin chu ru drug pa bri/ /yid dang rgyu skar mig nyi ma/ /tshes dang drug dang rgya mtsho me//de bzhin bcu bdun brgyad dang drug /re mig rnams la rim bzhin bri/ /de 'og A li kA li yang / /rim pas mnyam par bri bar bya/ /r-i r-I l-i l-I a rnams spang / /k+Sha ni rnam par spangs pa yin/ /'di yi re mig yang dag pa/ /lnga bcu rtsa lngar yongs su grags/ /de nas ming gi yi ge grangs//dbyangs dang gsal byed ji snyed pa/ /legs par bltas la rang rang gi /steng gi grangs kyis bsgyur bar bya/ /nor gyis bgos te khyer ba yi/ /lhag mas rgyal mtshan la sogs 'char/ /de bzhin dbyangs dang gsal byed ni/ /'di ltar rjes su grags pa rnams//rgyal mtshan du ba seng gi khyi/ /khyu mchog bong bu glang po che/ /bya rog dang ni brgyad du grags/ /'di rnams stobs kyi bye brag ni/ /bya rog gnyis 'gyur khyi la brjod/ /khyi gnyis bong bur shes bya ste/ /bong bu'i nyis 'gyur khyu mchog dran/ /khyu mchog gnyis 'gyur glang po che//glang po'i nyis 'gyur seng ge la/ /seng ge'i nyis 'gyur rgyal mtshan te/ /rgyal mtshan stobs gnyis du ba la'o/ /de ltar stobs kyis bye brag shes/ /brgyad kyi cha yis thob pa yi/ /lhag ma yongs su bsam pa ste/ /gcig sogs lhag mar gyur pa'i grangs//rgyal mtshan la sogs bdun rim bzhin/ /rgyan ni 'khor lo'i stobs bstan pa/ /de ltar brjod bya dbang mo che/ /de nas ming gi yi ge sogs/ /brtag pa gzhan yang bshad par bya/ /rgyal dang pham pa yongs shes la/ /dbyangs 'char rgyud la bshad pa nyon/ / rang dang rang gi dgra bo yi/ /ming gi gsal byed rtogs pa dang / /ming gi dbyangs ni ngas byas la/ /gsal byed bzhi yis bsgyur byas te/ /dbyangs ni gnyis kyis bsgyur byas la/ /gcig tu bsdoms par byas nas kyang / /bdun gyi cha yis bgo bar bya//de yi lhag mar gang gyur pa/ /gnyis ka mnyam na 'dum pa ste/ /mi mnyam stobs la bltas pas shes/ /ming gi yi ge ji snyed pa/ /gcig gis gcig la dbri bar bya/ /lhag ma gang yod rgyal ba ste/ /ma ldang ba ni 'pham par 'gyur/ /lhag med mnyam pas 'dum bar byed//de ltar shes bya dka' bzlog ma/ /ming gi dbyangs dang gsal byed rnams/ /so sor phye ba legs par brtag /zung gis pham par shes bya ste/ /kha yar bas ni rgyal bar ston/ /dbyangs dang gsal byed ji rnyed pa/ /so sor mnyam na 'dum par ston/ /lha mo de ltar 'khor lo mchog /so sor shes par bya zhes grags/ /de nas shin tu gsang ba yi/ /rma brtag 'khor lo bshad par bya/ /skyes bu'i gzugs kyi 'khor lo la/ /rgyu skar gnas pa'i mtshan nyid can/ /lus kyi cha shas gang du rma/ /byung zhing ji tsam 'byung ba zhes/ /nyi ma gnas pa'i rgyu skar nas//bye brag phye la rim bzhin bri/ /mgo bor gsum la kha la gsum/ /snying ga lnga ste lag par brgyad/ /rkang pa dag la brgyad yin te/ /de ltar gzugs la dgod par bya/ /rang gi skar ma'i dus sbyor las/ /mthong bar sdig can gang yod pa/ / rma byung che chung mthong dang stobs/ /bdun par the tshom med par 'gyur/ /zla ba gnas pa'i cha shas la/ /rma rnams 'byung bar shes par bya/ /rma rnams che chung lta ba ni/ /dgu cha'i dum bu blta bar bya/ /de yi grangs kyi sor gyis bcal/ /sdig can gnas bar rma 'byung bshad/ / nyi ma mthong na rma log 'gyur/ /rA hu mthong na rma zer thebs/ /spen pa mthong na skyes bu yi/ /rma la khrag ni med par 'gyur/ /mig dmar mthong na khrag dmar 'byung / /gal te 'chi bar 'gyur ba'ang srid/ /gza' yi 'khor lo gnas pa las/ /sdig can gnas pas shes par byed//de ltar bden pa'i mtshan nyid can/ /so sor bye brag phyed par bye/ /'di yi nyi ma mgor bstan pas/ /rma 'byung drang srong gis shes 'gyur/ /de nas mdor bsdus mnyam pa ni/ /tri shU la yi 'khor lo bshad/ /gang zhig shes pas g.yul 'gyed tsha//rtsod pa'i mtshan nyid shes par bya/ /tri shU la ni gsum bris te/ /rim pa bzhin du skar ma dgod/ /nyi mas 'khyud pa'i skar ma dang / /rtse mo nas bzung bri bar bya/ /nyi mas 'khyud pa'i skar ma nas/ /mgo bzung rtse mor skar ma gsum/ /tri shU la yi yu ba la/ /rgyu skar drug ni rim bzhin bri//de nyid phyi rol 'thon pa yi/ /mdung rtse gsum la rgyu skar gsum/ /tri shU la yi yu ba la/ /rim pa gsum gsum brtsegs mar bri/ /de nas steng du brtsegs pa yi/ /dbu ma'i rtse mo'i yu bar yang / /g.yas pa'i rtse mor gsum yin te/ /yu ba gsum gsum brtsegs mar bri//mdor na rtse mo rnams la gsum/ /yu bar gsum gsum brtsegs mar bri/ /dbu ma 'khrug pa'i tri shU la/ /g.yas pa nang du 'jug par brjod/ /g.yon pa phyi rol mthon pa ste/ /dbyangs 'char rgyud las de ltar mthong / /zla ba gang na gnas pa brtag /rang gi skar ma gang nas gnas/ /rang gis brtags la shes par bya/ /gdug pa'i gza' rnams gar yod ngan/ /phyir 'thon pa la phyir log 'gyur/ /nang 'jug skar mas nang du chud/ /dbu ma 'khrug par 'gyur pa ste/ /'og ma gnyis la rtsod pa chung / /bar ma gnyis la 'bring por 'gyur//steng ma mnyam la 'thab rtsod che/ /rtse mo gsum la shin tu che/ /mdung ni dbu mar gang yod pham/ /rang dang dgra yi skar ma dag /'di la srung ba shin tu gces/ /g.yas dang g.yon gyi tri shU la/ /nang 'jug phyi rol 'thon pa las/ / rtsod pa che 'bring gong ma bzhin/ /dbyangs 'char rgyud las bshad pa yin/ /'di ltar rang gi rgyu skar la/ /sdig can mi dge zhi ba dge /tri shU la gsum zhabs bsdus dgod/ /nyi ma gnas pa'i skar ma ni/ /tri shU la bar ma'i rtse mo nas/ /rim bzhin du dgod bar bya//tri shU la yi rtse mo na/ /rgyu skar gsum gsum bri bar bya/ /yu ba'i thad ka'i bar rnams su/ /rgyu skar drug drug bri bar bya/ /mdor na bar dang rtse mo la/ /rgyu skar dgu dang bco brgyad dang / /tri shU la ni gsum po la/ /rgyu skar rnams kyis yongs su bskor//ming gi skar mar nyi ma song / /de la nad rnams 'byung bar grags/ /dbu ma gsum la nor nyams byed/ /nyi ma med pa'i rtse mo la/ /'thab rtsod 'byung bar bstan pa yin/ /mdor na rtse mo'i rgyu skar gyis/ /don nyams phyugs rnams brlag pa dang //gnyen bshes rnams ni myur tu nyams/ /yul gzhan 'pho zhing rgyal po'i 'jigs/ /dbus kyi drug gis bde bar byed/ /bcu gnyis kyis ni phun sum tshogs/ /bu rnams skyed cing dga' skyed dang / /skal bzang bde ba skyed par mthong / /g.yul gyi dus su legs par gnas//rtse mor gal te zla ba song / /nad dang sdug bsngal la sogs 'byung / /tri shU la yi 'khor lo ni/ /de ltar lha mo khyod la bshad/ /nyi mas 'khyud ba'i skar ma de/ /mgo bo nas brtsams rim bzhin bre/ /g.yas su bskor ba sbyor ba yis/ / mgo bo'i mthar thug bri bar bya/ /mgo bor dgu la rna bar gnyis/ /lag pa dag la drug drug ste/ /rgyal tu brgyad du bstan pa yin/ /rkang pa dag la gnyis yin te/ /de la rang gi skar ma ni/ /mgo dang rkang bar 'chi ba ste/ /lag pa dag la rnam par rgyal/ /rgyab ni rgyal pham med par 'thab//rna ba dag la rnam par nyams/ /zla ba'i skar ma de bzhin no/ /g.yul du rgyal dang pham pa yi/ /nyi ma'i 'khor lo gangs ri'i bdag /ming gi rgyu skar 'khor lo ni/ /gang gis shes ba tsam gyis kyang / /'khrug pa gnyen dang las rnams kun//byed na 'dir rtogs dka' bzlog ma/ /rim pa gnyis dang ldan pa la/ /re mig bcu bzhi mnyam par dgod/ /sbyang khu ni le byi ya stag /khri snyan ma he seng ge rnams/ /re mig steng gi rim bar bri/ /lug sprul byi ba khyu mchog dang / /spre'u rta dang glang po che 'og tu thad drang rnams la dgod//lug gi smin drug rgyal yin te/ /de bzhin sbrul ni snar ma mgo /byi ba dbo dang mon grer brjod/ /khyu mchog mchu dang chu stod yin/ /spre'u gro bzhin chu smad dran/ /rta ni tha skar mon gru'o/ /glang po bra nyin ma grur brjod/ /de nas spyang khu yag dang snrubs//byi bzhin khrums stod ne'u le/ /byi la de bzhin nab so skag /stag ni nag pas gar brjod/ /khri snyan snon dang lha mtshams bshad/ /ma he me bzhi sa rir bshad/ /seng ge khrums dang gre yin te/ /'og dang gong gi re mig la/ /lug sogs sbyang sogs rim bzhin dgod//de ltar rta dang ma he dgra/ /glang dang stag dag mi mthun te/ /sbrul dang ne le mdza' ba med/ /lha mo glang chen seng ge dgra/ /lug dang spyang khu mthun pa med/ /mdzes ma byi ba byi la yang / /de bzhin spre'u khri snyan dran/ /g.yul du shes bya lhas mchod ma//ji ltar ming gi skar ma ni/ /mchu dang chu stod khyu mchog ming / /seng ge'i ming la khrums smad gre/ /de ltar thams cad shes par bya/ /gang gi rigs ni shes pa las/ /stobs kyi che chung shes par 'gyur/ /ming gi skar ma'i ming shes par/ /mdzes dga' g.yul sogs ji ltar byed//rgyal dang tha skar nag so mgo /nam gru lha mtshams sa ri dang / /gro bzhin me bzhir bcas ba rnams/ /lha yi rigs su shes par bya/ /chu stod khrums stod khrums smad gro/ /dbo dang chu stod bra nye lag /snar ma'i ming gi bye brag rnams//mo yi rigs yin bzhin bzangs ma/ /mchu dang nag pa smin drug dang / /mon gre mon grus ga dang / /snubs skag snon dang bcas pa rnams/ /srin po'i rigs las grub pa yin/ /rang gi rigs rnams mnyam par mthun/ /lha dang min 'bring po ste/ /lha dang srin po de bzhin no//mi dang srin po lhan cig 'chi/ /gal te chung ma srin por 'gyur/ /khyo ni mi yi rigs las skyes/ /de tshe khyo ni 'chi bar 'gyur/ /shin tu rgyal ring 'dug par bya/ /mi mdza' lhan cig 'chi ba ste/ /rang gi rigs mthun pa de bar byed/ /gal te lha yi rigs yin na//mi dang srin po kun las rgyal/ /mi dang srin po lhan cig pa/ /me dang chu bzhin 'gal bar 'gyur/ /de ltar khyo shug la sogs pa/ /rigs kyi 'khor lo bstan pa yin/ /de nas gzhan yang bshad par bya/ /gang gis shes pa tsam gyis ni//mig gi mtshan nyid shes 'gyur pa/ /the thom med par bshad kyis nyon/ /tha skar mgo dang rgyal dang ni/ /me bzhi lha mtshams gro gzhin dang / /nab so gang dang lhan cig pa/ /re yi mig ni dge ba ste/ /bsam pa'i don kun 'grub pa yin/ /dro lam brgya yi yul yang mthong //lag dang snrubs dang mon gre dang / /sa ri gre dang chu stod dang / /khrums stod mig ni long ba dang / /don dang las kun 'grub pa med/ /mchu dang nag pa snron zhes bya/ /snar ma dbo dang chu smad dang / /khrums smad rnams la 'dri byed kyi/ /mig ni shel lam g.yo bar 'gyur//bra nye de bzhin smin drug skag /mon grus ga byi bzhin dang / /nam gru gang yod mig dmar zhing / /nag por 'gyur zhing dge ba med/ /nor dang rnyed pa rab sbyor med/ /yid la 'dod pa rnam par spangs/ /de nas sde brgyad 'khor lo mchog /gang gis shes pa'i mi rnams kyis//stobs dang gnyin bo'i bye brag rnams/ /bshad kyis lha yi bdag mo nyon/ /a yi sde tshan lha yin te/ /ka ste lha ma yin du brjod/ /tsa sde gang gnas klu zhes bya/ /bzhi yi sde tshan dri zar grags/ /ta sder gnas ba gnod sbyin dran/ /de bzhin ba sde srin por smra//ya yi sde tshan sha za ste/ /sha yi sde tshan ni zhes grags/ /'di ltar lha min stobs gcig ste/ /klu la de yi nyis 'gyur bshad/ /de gnyis nyis 'gyur dri za ste/ /de gnyis nyis 'gyur gnon sbyin no/ /de gnyis 'gyur gyis srin po ste/ /srin mo'i nyis 'gyur sha ba dang //sha za'i 'gyur gyis lha la brtag /lha yi nyis 'gyur ni zhes grags/ /de ltar phan tshun nye ring du/ /grangs ni gang mang stobs cher 'gyur/ /phyogs mtshams thad kar mi mdza' ste/ /stobs chen rnams kyis chung ba gsod/ /g.yul gyi dus su bstan pa ste//'khor lo'i stobs ni nges bar mthong / /ming gi dang po gsal byed la/ /rnam par dpyod par yongs su grags/ /de ltar phan tshan nye ring du/ /grangs ni gang mang stobs cher 'byung / /de ltar stobs kyi bye brag 'di/ /tshangs pas rgyud du bshad pa yin//g.yul gyi dus su 'khor lo 'di/ /stobs kyi cha yis rgyal pham ston/ /sde tshan ji ltar gnas pa dang / /stobs bskyed pa yi rim pa ni/ /dbang me gshin rje bden bral dang / /chu rlung gnod sbyin dbang ldan dang / /go rims bzhin du gnas pa ste/ /'di rnams stobs la khyad par gnas//stobs chen rnam par rgyal 'gyur te/ /chung ba pham par 'gyur ba yin/ /rang la pha rol phyogs kyi stobs/ /srog chags rnams kyi lus kyis gsal/ /a sde 'di ltar bya khyung ste/ /ka yi sde tshan byi lar dran/ /tsa yi sde tshan seng ger dran//Ta sde sbyar khur shes par bya/ /ta yi sde tshan sprul du gsal/ /sa sde byi lar yongs su grags/ /ya yi sde tshan glang po che/ /sha sde lug tu yongs su brjod/ /de nas 'dab chags 'khor lo mchog /gang gis shes pa tsam gyis kyang / /dus kyi stobs kyis 'dod don kun//the tshom med bar 'grub 'gyur bshad/ /de ltar phyogs mtshams brgyad po la/ /shar nas brtsams te legs par gnas/ /shar phyogs bdag po nyi ma ste/ /mig dmar me yi phyogs gnas/ /gshin rje phur bu lhas mchod ma/ /gza' lhag bden bral phyogs nag nas//pa sangs chu bdag phyogs zhes dran/ /rlung phyogs bdag po spen par grags/ /zla ba nor gyi bdag po'i phyogs/ /sgra gcan dbang ldan sbyod yul lo/ /bya rgod khra dang gong ma sreg /de bzhin ne tsi khrung khru dang / /rma bya 'ug pa 'phrin bya ste/ /'dab chags brgyad du yongs su grags//'di ltar rim bzhin a sde dang / /ka sde tsa sde de bzhin te/ /Ta sde ta sde zhes bya ba/ /ba yi sde tshan bcas pa dang / /ya tshan sha tshan bri bar bya/ /ya yi sde tshan bcas pa dang / /sha yi sde tshan tshang mar ni/ /re mig brgyad la legs par dgod//sde tshan brgyad bo rang rang gi /dus kyi stobs ni 'dis shes 'gyur/ /bya rgod dang ni khra hor ba/ /nyin mo'i lhag la stobs cher 'gyur/ /rma bya dang ni khrung khrung dag /tho rangs dus tshe stobs su 'gyur/ /srin bya dang ni gong ma sreg / nyi ma'i gung la stobs cher gsal/ /ne tsho dang ni 'ug pa dag /mtshan ma'i dus la stobs cher grags/ /'ug pa dang ni ne tsho dag /dgun zla gsum la stobs cher 'gyur/ /rma bya khrung khrung zhes bya ba/ /dpyid zla rnams la stobs cher gsal/ /gong ma sreg ces grags pa yang //dbyar zla gsum la bde legs byed/ /khra ni ston zla gsum la stobs/ /bya rgod dang ni srin bya dag /zla ba kun la stobs cher brjod/ /gcig dang dgu pa bya rgod stobs/ /gnyis dang bcu ba de bzhin khra/ /gsum pa dang ni bcu gcig la/ /gong ma sreg kyang stobs cher byed//de bzhin bzhi dang bcu gnyis la/ /ne tsho'i stobs ni 'byung bar gsal/ /khrung khrung zhes byar grags pa ni/ /lnga dang bcu gsum tshes la dran/ /drug dang bcu bzhi'i tshes grangs la/ /rma bya'i stobs ni che ba yin/ /bdun pa dang ni bco lnga ba/ /'dab chags 'ug pa stobs skyer 'gyur//brgyad la srin bya stobs 'phel grags/ /bla ma brgyad pa'i rim gyis so/ /de ltar dus kyi stobs bshad pa/ /lha mo 'dri ba rnams la brjod/ /dbang por bya rgod nyi ma'i ris/ /a yi ming can stobs cher 'gyur/ /de ltar gza' dang sde tshan rnams//phyogs rnams kun la shes par bya/ /nyin mtshan cha dang tshes grangs dang / /zla ba'i bye brag rab shes bya/ /de ltar ming gi sde tshan las/ /stobs kyi bye brag shes par bya/ /gang gi rigs yin bye brag byed/ /de la stobs dang stobs min shes/ /ne tsho la ni stobs gcig ste//hor ba'i khra la stobs gnyis byed/ /rma bya la ni stobs gsum ste/ /gong ma seg la bzhi 'gyur ro/ /khrung khrung la ni lnga zhes dran/ /de bzhin 'ug pa drug 'gyur gsal/ /'ug pa'i bdun 'gyur srin byar brjod/ /bya rgod brgyad 'gyur bstan pa yin/ / 'dab chags 'khor lo 'di lta bu/ /legs par zung shing dbang mo che/ /de nas gzhan yang bshad par bya/ /tshangs pa'i 'khor lo chen po de/ /lha yi yul na sngar med pa/ /'phral du phan 'dogs byed pa yin/ /smin drug nas ni brtsams nas ni/ /rgyu skar dgu tshan gsum la bri//rim pa gsum du bkod pa la/ /gdong tshugs zhes bya ri sras mo/ /rim pa gsum gyi rgyu skar la/ /bsod nams sdig can gang gnas blta/ /skyes pa phun tshogs ma tshogs dang / /so so'i de bzhin bsgrub bya dang / /nges sbyin byams pa de bzhin du/ /pha rol byams dgod mdzes ma kye//skar ma gsum la gdod tshugs ni/ /the tshom med par rtogs par bshad/ /g.yas g.yon gyi ni sdug bsngal zhing / /rims dang nor nyams la sogs byed/ /gsum dang gnyis gcig 'jom pa las/ /che 'bring bye brag gshes par bya/ /bsod nams gza' yis dge zhing bzang //sdig can rnams kyis mi shes byed/ /bsod nams sdig can 'dren mar gnas/ /'bras bu'i stobs ni 'dren mar gsal/ /gza' rnams skar mar gnas bltas te/ /de yi stobs kyis 'bras bu skyed/ /nyi ma sgra gcan mig dmar dang / /spen pa song ba'i skar ma rnams//gal te skar ma gsum la 'dzom/ /de yi srog ni 'dzoms par dran/ /bsod nams can gnas bde bar mthong / /'dren mas 'bras bu 'dren mar gsal/ /'di la bsod nams sdig can ni/ /gang gnas 'bras bu stobs cher 'gyur/ /de nas klu yi 'khor lo mchog /nyon cig lha yi gzugs can ma/ /nyin zhag skar ma nas brtsams te/ /kha nas mjug ma'i bar du bri/ /kha dang mdun dang gsus pa dang / /dpyi dang mjug ma mgul pa dang / /dpung ba lte ba gsang gnas te/ /klu yi 'khor lo rim pa bzhin/ / gsum gsum mnyam par dgod pa las/ /'di yi 'bras bu rnam par ston/ /mgul pa gsus pa dbyi dang ni/ /'jug ma mdun la mi dge ba/ /'chi la sogs shes bya ste/ /nad pa rnams la bstan pa yin/ /kha dang lte bar skyes skar yod/ /nor rnyed na ni zhi bar 'gyur/ / phrag par rnam par rgyal 'gyur te/ /gsang par don nyams nges par mthong / /gdengs ka'i 'khor lo gang bshad pa/ /ming gi rgyu skar las shes bya/ /de nas gzhan yang bshad par bya/ /sbrul byi 'khor lo btsun mo nyon/ /sbrul gyi gzugs ni bri bar bya//de yi rtsa gsum gnas pa la/ /tha skar la sogs rim pa bzhin/ /nam gru'i mthar thug bri bar bya/ /rtsa gsum brgyad pa'i 'khor lo la/ /gar gnas gza' yi 'bras bu brtag /nyi ma mig dmar song ba'i rtse/ /spen pa rA hu gang gnas pa/ /gal te 'og ma dag la song //nad med nad 'byung nad can 'chi/ /bzhis 'chi gsum gyis nor nyams byed/ /gnyis kyis gnyen brlag gcig gis ni/ /nor nyams gnyen rnams rims nad 'byung / /bud med sdug cing rang dbang med/ /rang gi skar ma gnas pa las/ /bsod nams yod na bde las byed//gal te rtse ni gcig la song / /de la dpon g.yog dge bar dran/ /nor rnyed thams cad mthun par 'gyur/ /blo dang ldan par shes par bya/ /par ma'i rtsa la song ba na/ /grong dang yul khyim bde bar gsal/ /rtsa gcig la ni song ba la/ /bdag nyid bde zhing skyid pa yin//chung ma khyo dang lham cig tu/ /rtsa ni gcig la song ba na/ /myur du khyo ni 'chi bar 'gyur/ /chu ma ring du spang bar bya/ /rang gi rtsa la bsod nams snang / /shis pa'i 'bras bu mdun na sdod/ /de nas gzhan yang bzhin bzangs ma/ /gdugs kyi 'khor lo bshad kyis nyon//tha skar la sogs nam gru'i mtha'/ /rtsa bzhi la ni brgyan par bya/ /rtsa rnams legs par gsal ba la/ /rgyu skar rnams ni nyams par dgod/ /mgo dang nag pa mon gru la/ /gdugs kyi yu bar yongs su grags/ /nyi ma sgra gcan mig dmar dang / /spen pa mgo dang lhan cig la//gal te phur bu yang dag gnas/ /shar gyi rgyal bo srog dang bral/ /brgya la phur bu med sreg na/ /nad kyis thebs par 'gyur ba yin/ /de ltar nag par gza' lag gnas/ /dbus kyi rgyal bo de bzhin no/ /mon gru zla ba yang dag gnas/ /nub kyi rgyal bo sngar bzhin dran//de nas gzhan nas gsungs ba yi/ /shin tu gsang zhing bden byed pa/ /seng ge'i gdan rab grags pa yi/ /'khor lo bshad kyis dkar mo nyon/ /gang gis shes pa'i 'khor lo yi/ /bstan bcos mthar thug rtog par 'gyur/ /'jig rten rnams kyi byed pa po//sems kyi rgyal bo 'di shes 'gyur/ /tha skar la sogs dgu rnams dang / /de bzhin mchu la sogs pa dang / /snrubs la sogs pa'i rgyu skar rnams/ /ngos rer dgu dgu bri bar bya/ /de la nor bu nas brtsams te/ /chos kyi bar du dgu pa dgod/ /yul dang yul du rgyu skar tshogs//de dang de yod lha chen ma/ /mon gru de bzhin mgo dang ni/ /nag pa rnams ni dbu ma la/ /seng ge'i gdan gyi ngos rnams su/ /lha mo de ltar grags pa yin/ /mon gru byang gi yul du brjod/ /dbus kyi yul du mgo zhes grags/ /lho phyogs nag pa zhes bya ba/ /'di ni yul der shes par bya//nor bu rta dang de bzhin gdugs/ /rnga ma zhes bya lhas mchod ma/ /seng ge'i gdan dang glang po che/ /bu ti dang ni de bzhin gser/ /chos ni rgyu skar rnams la ste/ /rim pa bzhin du re re dgod/ /gdugs dang seng ge'i gdan dang ni/ /rnga ma dag la rim pa bzhin//ji ltar nyi ma'i dbus gnas pa/ /de yi 'bras bu lha dbang ma/ /yul de'i rgyal po lho phyogs 'gro/ /nor bu la sogs gang la shar/ /dkon par 'gyur te the tshom med/ /seng ge gdan gyi 'khor lor grags/ /de nas gzhan yang bshad par bya/ /mda' gzhu'i 'khor lo zhes bya ba//gang gis shes pa g.yul du ni/ /rgyal pham mtshan nyin nges par ston/ /gzhu dang rgyud dang mda' bcas ba'i/ /mda' gzhu 'khor lo mnyam par bri/ /nyi ma 'khyud pa'i skar ma nas/ /gsum gsum rim pa bzhin du bri/ /mda' yi ltong dang rked pa dang / /mde'u rnams la rim pa bzhin//gzhu mchog g.yas dang tshangs pa dang / /g.yon par gsum gsum nges bar bri/ /gzhu rgyud g.yon dang dbu ma dang / /g.yas su gsum gsum rim par bri/ /rang gi skyes pa'i skar ma de/ /ji ltar gnas pas shes par byed/ /mda' yi ltong la song na 'chi//rked par nad 'byung rtse mor rgyal/ /gzhu rgyud dbu mas don nyams shing / /tshangs ba la song nor rnams zad/ /gzhu mchog g.yas pa dgra las rgyal/ /gzhu rgyud g.yas pas rnyed pa 'byung / /gzhu mchog g.yon pas rtsod 'gyur 'chi/ /gzhu rgyud g.yon bas 'chi bar mthong //de rnams kun la sdig can gnas/ /me dge 'bras 'byung ri sras mo/ /gal te bsod nams sbyor ba yod/ /shis pa'i 'bras bu nges bar mthong / /bsod nams sdig can 'dres mar gnas/ /'bras bu 'dres mar mthong ba yin/ /de nas gzhan yang bshad par bya//ral gri'i 'khor lo dge ba can/ /gang gis shis pas 'dri byed kyi/ /g.yul las rnam par rgyal bar 'gyur/ /gzhan du gsung ba'i 'khor lo gang / /dge dang mi dge rnam dpyod bas/ /bstan bcos rgyud kyi mtshan nyid las/ /myur du 'di ni nges par mthong / /ral gri 'dzin pa'i skyes bu la//smin drug la sogs rim bzhin bri/ /rtse mor lnga ste kha la gnyis/ /rked par bcu dang yu bar bcu/ /rtse mor sor brgyad gnas pa las/ /rked pa de yi 'gyur gyis gnas/ /kha dang yu ba dag la ni/ /bye brag yongs su shes par bya/ /kha dang rked par sdig can song //rang nyid dge bar 'gyur ba ste/ /ral gri'i rtse mor sdig can gnas/ /bdag nyid nyams par 'gyur pa yin/ /kha dang rked par bsod nams yod/ /bdag nyid mi dge byed par dran/ /drag dang zhi ba gnyis ka yod/ /dge dang mi dge 'dren mar 'byung / /rtse mor zhi drag gnyis ka yod//de la 'thab rtsod 'byung mi 'gyur/ /gal te rtse mor bsod nams snang / /rgyal dang rnyed dang bde bar 'gyur/ /rked par dge sdig 'dren mar gnas/ /'khrul pa 'dum par 'gyur ma yin/ /bsod nams sdig can bdag nyid li/ /slob kyis che chung 'bras bur ston/ / de ltar rigs pas legs brtags ste/ /gzhan las brjod pas 'bras bu ston/ /de nas bum pa'i 'khor lo mchog /pa Ta'i mtshan nyid shes par bya/ /shar gyi bum pa lug dang ni/ /seng ge gzhu ni rnam par gnas/ /glang dang bu mo chu srin rnams/ /lho yi bum par gnas par brjod//'khrig pa srang dang bu mo nub/ /byang du karka sdig pa nya/ /phung po bzhi la bsdus pa yi/ /bum pa'i rnam pa rim pa bzhin/ /nyi ma gar yod stong ba ste/ /med pa gang ba'i bum pa mthong / /stong par phyin na 'chi bar rig /gang ba'i sar ni rgyal zhing shis//gang ba'i sar ni bsod nams yod/ /de la rang gi skar ma snang / /dgra thul don 'grub rnyed pa ston/ /de las bzlog na mi dge nyid/ /bum ba'i 'khor lo rab shes pa/ gzhan du ma bstan gangs ri'i bdag /de nas yang dag bshad par bya/ /pad+ma'i 'khor lo dge ba mchog / byes 'gro skyes bu'i 'tsho 'chi dang / /dge dang mi dge shes par 'gyur/ /pad+ma 'dab mi brgyad pa 'di/ /lte ba bcas pa bri bar bya/ /lte bar bzhi ni bri bar te/ /lhag ma 'dab ma rnams la dgod/ /shar gyi 'dab ma'i phung bo la/ /nang du 'jug pa mnyam par bri/ /me mtshams phyi rol 'thon pa dang //de bzhin lho phyogs nang du 'jug /bden bral 'dab ma phyi rol 'don/ /chu yi 'dab ma nang du 'jug /rlung phyogs phyi rol 'thon par dran/ /gnod sbyin 'dab ma nang 'jug yin/ /dbang ldan phyi rol 'thon pa ste/ /de ltar rim pa ji bzhin bri/ /nyin zhag skar ma nas brtsams te//'dab ma rnams la gsum gsum ni/ /shar nas brtsams te bri bar bya/ /dbus su mjug ma bzhi yang bri/ /nang du 'jug dang phyir 'thon dang / /dge dang mi dge shes par bya/ /skyes bu'i skar ma pad+ma la/ /gang la gnas pa ma 'khrugs brtag /'di la dge dang mi dge ba'i//'bras bu shes bar 'gyur ba yin/ /'di la lnga tshan lnga dang ni/ /lhag ma gsum du yongs su grags/ /dang po la ni brtan par gnas/ /de bzhin chas shing lam zhugs dang / /lam ni phyed na gnas pa dang / /de bzhin bzhi char gnas pa dang / /de bzhin mul du phyin pa rnams/ / rim pa bzhin du grags pa yin/ /nang du 'jug pa'i rnam lnga la/ /bde zhing rnyed pa che ba dang / /nad med rgyal dang grags pa yi/ /kun du dge bar bstan pa yin/ /phyi rol mthon pa lnga po la/ /dbu ma gnas pa nyid dang ni/ /btang snyoms su yang bstan pa ste/ /de ltar shes bya ri sras mo/ / lhag ma gsum gnas pa las/ /de yi 'bras bu mi dag byed/ /dang por nor ni rnam par nyams/ /gnyis pa nad kyis thebs bar mthong / /gsum bas khyim du slebs nas kyang / /'chi bar 'gyur ro gangs ri'i bdag /pad+ma'i 'khor lo stobs bstan pa//'di ni rnam par shes bya ste/ /ta t+kAl skar ma la gnas pa'i/ /gza' yi dge dang mi dge byed/ /da ni 'dab ma'i grangs kyis bshad/ /brgyad kyis dge dang mi dge 'byung / /dang par bstan par gnas pa ste/ /las kun 'grub par bstan pa yin/ /gnyis pa cha shas nor shor dang //rnyed pa 'byung bar bstan pa yin/ /gsum pa lam zhugs nad dang ni/ /rnyed pa med par bstan pa yin/ /bzhi par 'chi dang rnyed nas 'chor/ /rnyed pa med par bstan pa yin/ /lnga ba slebs 'gyur nor med 'chi/ /skyid par yang ni bstan pa yin/ /drug pas phyir la log pa dang //lus kyang skyid par 'gyur ba yin/ /bdun pa slebs 'gyur nor rnyed log /sdug bsngal 'byung bar bstan pa yin/ /brgyad par myur du slebs pa dang / /nad 'byung sdug bsngal chen po 'byung / /de ltar rnyed dang mi rnyed dang / /bde sdug 'tsho dang 'chi ba dang / /rgyal dang rnam par rgyal 'gyur pa'i//'khor lo bdag gis de bshad yin/ /gling dang nyi ma zla ba dang / /bcu bzhi'i rang bzhin mig nyid dang / /'dod pa nor lha sngon po dang / /dus zla dang ni 'jig rten dang / /yul ba 'byor pa bu ga dang / /ro dang ches dang rgya mchod byangs/ /gur gum gi wang sbyar ba las//dza ri ma li'i smyu gus bris/ /gcig ni bcu drug cha yin te/ /da lta nyid du skye bar 'gyur/ /gnyis sogs cha yi bye brag gis/ /nyin zhag cha rnams shes par bya/ /'di ni mig bcu drug pa/ /'khor lor skye ba'i dus bstan pa'o/ /ji ltar mchog tu gsang ba'i//rdzong gi 'khor lo brtsams par bya/ /'di ni g.yul las rnam par rgyal ba dbyangs 'char ba'i rgyud kyi rgyal bo las/ /pad+ma'i 'khor lo bstan pa chen po zhes bya ba ste le'u bdun pa'o// //lha mos gsol ba/ lha yi lha mchog bcom ldan 'das/ /lha dang lha min phyag byas pa//dbang phyug chen po rdzong 'khor lo/ /mchog tu gsang ba bdag la stsol/ /ji ltar bsdus ba'i cho ga las/ /gza' rnams spyod pa'i rab sbyor ba/ /gangs kyi ri las zhugs pa yi/ /bcomaldan 'das las ma nyan par 'tshal/ /bcom ldan 'das kyis bka' stsal ba//gsang ba bas kyang shin tu gsang / /mchog tu gsang ba lha mo nyon/ /rdzong gi 'khor lo 'di lta bu/ /rang gi sems la gzhag par bya/ /rdzong dang grong dang dmag sa dang / /bstan bcos ji bzhin yongs su brtag gal te pha rol rdzong 'phrog gam/ /bdag nyid srung ba byed kyang rung //'khor lo'i bdag nyid rab brtags te/ /rdzong dang dmag sa shes par bya/ /'dri byed mdun du 'ongs ba'i tshe/ /lha yi dbang ldan mtshams su dgod/ /'di ltar 'khor lo gru bzhi la/ /ra ba rim gsum ldan par bri/ /dbang ldan mtshams nas brtsams nas ni/ /smin drug la sogs rim bzhin bri//mtshams bzhi nang du 'jug pa ste/ /phyogs bzhi'i phyi ru 'thon par dran/ /rdzong gi dkyil du gnas pa ni/ /drag po rnam pa bzhi yin te/ /lag dang me bzhi chu stod dang / /khrums smad rnams su grags pa yin/ /nang gi ra ba mgo dang dbo/ /sgrubs dang khrums stod mtshams su dgod//nab so nag pa chu smad dang / /nam gru rnams ni phyogs su dgod/ /ra ba bar mar snar ma dang / /gre dang snrod dang mon gre mtshams/ /rgyal dang sa ri gro bzhin dang / /tha skar rnams ni phyogs su dran/ /ra ba phyi mar gnas pa ni/ /smin drug dang ni de bzhin mchu//sa ga lha mtshams byi bzhin dang / /mon gru bra nye brgyad po dgod/ /shar phyogs la gnas khyim bshad pa/ /nya lug glang rnams de bzhin dgod/ /byang gi phyogs su gnas pa'i khyim/ /'khreg pa karka seng ge dran/ /de bzhin nub phyogs dag tu yang / /bu mo srang dang sdig par grags//gzhu dang chu srin bum pa rnams/ /lho yi phyogs na rnams par gnas/ /ra ba phyi nang bar ma la/ /ka lA a pa ru tra zhes/ /rim pa bzhin du bstan pa yin/ /gal te ming gi skar ma ni/ /ka lA la gnas 'chi bar 'gyur/ /a ba la gnas stobs chung ste/ /gal te ru trar gnas pa na//the tshom med par rdzong thob 'gyur/ /nang ma bzhi la drag gza' yod/ /phyi rol dmag gi don 'grub 'gyur/ /bar ma drag po'i gza' rnams gnas/ /phan tshun 'khrug 'gyur ring na thob/ /rdzong gi 'khor lo 'di lta bu/ /lha mo sa steng dag na dkon//drag po'i gza' rnams phyi la gnas/ dmag dbung tshogs pa don med 'gyur/ /mtshams la drag gnas mjug pa dge /phyogs drag phyir 'thon dge ba yin/ /nang ma bzhi la bsod nams shar/ /drag po'i gza' rnams phyi rol song / /'jig rten gsum gyi dmag tshogs te/ / dbang phyug lha yis sna drangs kyang / /rdzong ni thob par mi 'gyur te/ /slar la ldog 'gyur bzhin bzangs ma/ /gang tshe dbu ma bzhi bo la/ /nyi ma rA hu spen pa dang / /sa yi bu dag song ba dang / /bsod nams gza' rnams phyi rol song / /brgya byin dpung dang bcas pa yis/ /bsrungs kyang rdzong ni thub mi 'gyur//ra ba bar mar drag gza' gnas/ /smra brjod nor gtong zer bar 'gyur/ /bar ma bsod nams gza' rnams gnas/ /phyi rol dmag dpung pham par gsal/ /zhi drag med par gnas pa las/ /'dren ma'i 'bras bu ston par byed/ /drag po phyi dang nang du song / / 'khrugs pa chen po 'byung bar 'gyur/ /zhi ba'i phyi dang nang du song / /phan tshan 'dum par yongs su grags/ /rang dang dgra yi rgyu skar la/ /gza' rnams gang gnas lta ba gces/ /zhi drag gdong tshugs nyi ma song / /khyim bdag rnams la mi dge byed/ /mdung dang mdung chen sbyor ba dang //ka ba'i sbyor ba brtag par bya/ /rdzong gi 'khor lo'i cho ga la/ /rang dang dgra la gnod pa brtag /rgyan gyi 'khor lo brtag pa dang / /sha la ka yi gdong tshugs dang / /brgyad cu rtsa gcig 'khor lo sogs/ /rdzes su mthun pa thams cad brtag /bi Sh+Ti'i 'khor lo brtag par bya/ /rang gi khyim dang skyed skar brtag /ta t+kAl dus sbyor brtag par bya/ /dpal ldan rA ha'i 'khor lo mchog /las kun byed par brtag par bya/ /dgra phyogs mi dge thams cad blangs/ /bdag nyid med de ma lus pa/ /dbyangs 'char rgyud las gang bshad mthong / /mdor na pha rol brlag pa dang //bdag nyin ci nas rgyal bar 'gyur/ /de nas rdzong gi 'khor lo mchog /rim pa gsum ldan 'dir brjod bya/ /'di 'dra'i 'khor lo su la yod/ /bcom ldan 'das la 'khor lo mnga'/ /smin drug nas ni brtsams nas su/ /ra ba gsum la dgod par bya/ /smin drug rgyal skag mchu dang ni//sa ri sa ga lha mtshams dang / /gro bzhin byi bzhin mon gru dang / /tha skar bra nye bcu gnyis po/ /phyi yi ra ba rnams la yang / /rim pa bzhin du dgod par bya/ /snar ma nab so gre dang ni/ /nag ba snron dang chu smad dang / /mon gre dang ni nam gru ste/ /brgyad bo bar gyi ra bar dgod/ / mgo dpal gdang de bzhin dbo/ /me bzhi snrubs dang chu stod dang / /khrums stod khrums smad rnam par brgyad/ /nang gi ra bar dgod bar bya/ /ra ba bzhin la dpung gi srog /nang ma bdag po'i srog yin te/ /bar ma mnyam bor bstan pa yin/ /de la rA hu rgyal po ste/ /lhag ma blon por gnas pa las//rgyal pham mtshan nyid ston par byed/ /nang gi phyogs bzhir rA hu song / /rdzong ni blangs pas chog pa yin/ /phyi rol bcu gnyis rA hu song / /bdag po nyal bsod nams 'grub/ /bar gyi ra bar rA hu song / /phyi nang mnyam par grags pa yin/ /sngar bshad thur ma bdun pa yi//'khor lo ji bzhin shes par bya/ /spen pa dang ni phur bu dag /gang gnas pa ste legs par blta/ /ra ba gsum po gang la gnas/ /'khor lo 'di la mi dge yin/ /rdzong dang grong khyer rnams su yang / /nyi ma yod pa'i mi 'gro ste/ /nyi ma phur bu spen pa gsum/ /lhan cig yod par 'gro mi rung //rdzong gi 'khor lo'i cho ga las/ /sgra gcan kha mjug legs par brtag /rkang pa brgya ba la sogs pa'i/ /sngar bshad cho ga thams cad brtag/ /rdzong dang rdzong gi bdag po yi/ /skar ma rA hu yod dam brtag /gal te de la rA hu song / /rdzong dang bdag po dag la ngan/ /nang gi phyogs bzhir r+'a hu song //rdzong la mi dge lhas mchod ma/ /rab rnams kyi rim pa la/ /ji ltar gnas pa brtag par bya/ /drag po bar ma bdag la sogs/ /yun ring lon na 'thob par 'gyur/ /sdig can gza' rnams snying por zhugs/ /de tshe zla ba brtag par bya/ /zla ba gnas pa'i phyogs gnas rgyug /de tshe de nas rdzong 'dzoms dran/ /mig dmar rA hu spen pa gsum/ /bcu gcig snying po'i phyogs zhig po/ /lag la sogs pa bzhi la song / /phyogs der zla ba gal te gnas/ /zla ba'i phyogs nas rdzong rlag byed/ /de phyir zla ba gnas pa brtag /snying bo'i phyogs bzhir bsod nams song / /bzhi 'am gsum mam gcig gnas kyang / /'khor los sgyur ba'i rgyal bo yod/ /log pa nyid du the tshom med/ /rdzong dang grong khyer gang yang rung / /nyi ma mig dmar spen pa gsum/ /nang gi rgyu skar brgyad la gnas/ /gcig la rA hu song ba'i tshe//phyi rol dmag dpung rgyal ba dang / /rnam par rgyal bar 'gyur ba yin/ /smin drug la sogs rgyu skar gsum/ /de bzhin mchu la sogs po gsum/ /lha mtshams la sogs gsum dang ni/ /mon gru la sogs gsum po rnams/ /nang du 'jug la dge ba ste/ /phyi rol mthon la mi dge byed//ka ba'i yi ge bzhi bo yis/ /tho rangs rgyu skar bcu gnyis so/ /lag gnas bra nye'i bar du yang / /phyi rol 'thon la dge ba yin/ /ka bar grags pa bzhi bo ni/ /ku su b+tu tu zhes byar dran/ /smin drug la sogs grwa rnams la/ /rdzong dang bdag po'i skar ma song / /phyi yi dmag la dge ba ste//lag la sogs pa'i phyogs bzhi la/ /rdzong dang bdag po'i skar ma ni/ /rdzong srung rnams la dge pa yin/ /nang du 'jug dang ka ba la/ /gal te mig dmar brtag par gnas/ /de la dmag tu chas ba na/ /don 'grub rgyal bar 'gyur ba yin/ /de ltar nang du 'jug pa dang / / ka bar mig dmar gnas pa'am/ /lug dang sdig pa'i khyim du ni/ /gal te mig dmar legs par gnas/ /drag po gnyis ni 'joms pa rnams/ /grwa yi ra ba rnams la gnas/ /nang du 'jug pa rgyal mtshan te/ /sgrim mi dgos par rdzong thob 'gyur/ /gza' rnams 'khyog po'i 'gros la song //de tshe rdzong ni thob pa med/ /gang tshe phur pa 'khyor por song / /de tshe shar du mi dge byed/ /mig dmar 'khyog pa'i 'gros la gnas/ /rdzong gi lho phyogs 'gro ba na/ /pa bsangs ni 'khyog pa la/ /nub kyi phyogs su 'gro ba na/ /gza' lhag 'khyog pa'i 'gros byed pa//byang gi phyogs la ngan pa yin/ /gzhan yang nyi ma mig dmar dag /gang gnas phyogs su 'gror mi rung / /spen pa bsangs gza' lag phur/ /mig dmar 'khyog por song ba'i tshe/ /rdzong ni thob par mi 'gyur te/ /dpung dang bcas ba log par 'gyur/ /mig dmar dang ni pa ba sangs//drag po'i 'gros la 'gro 'dug dge /'khyog po la ni kha smras dang / /zong mi lon sogs mi dge yin/ /chu yi 'khor lo'i mchan nyid ni/ /yul gyi yi ge tshad mar gzung / /bum pa brgyad ni mnyam gnas pa/ /sde tshan brgyad kyis rnam par brgyan/ /dang po'i yi ge gcig bzung la//de yi grangs kyis shes par 'gyur/ /A li so drug shes bya ste/ /sde tshan kA li khru zhes dran/ /shar nas bgrangs ba'i bum pa rnams/ /sde tshan gang gnas 'dom gyi tshad/ /'di ni rdzong dang rdzong dag la/ /chu yi 'khor lor bshad pa yin/ /ji ltar rA hu'i lus dang ni/ /rgyu skar gnas ba'i mtshan nyid bshad//nyi zla rnam par gnon pa yi/ /lto 'phye'i gzugs ni bri bar bya/ /kha nas brtsams la sbyi bor gsum/ /mgrin par bzhi ni dgod par bya/ /rgyab tu gsum ni bri bar bya/ /mjug mar gsum ni tshang bar bri/ /nyi ma zla ba'i grwa gyur ba'i/ /bi tshin rA hu zhes byar grags//rgyu skar rnams la longs sbyod pa/ /'di ni legs par brtag bar bya/ /yan lag ldan pa'i rA hu ni/ /sbrul gyi byed pa mnyam bar bri/ /lha mo de ltar legs bkod la/ /rA hu'i 'bras bu brtag par bya/ /dge dang mi dge rim pa rnams/ /bshad kyis gangs ri'i bdag mo nyon/ /de la rang gi skar ma ni//rA hu'i kha la song ba ni/ /gnas las nyams shing bud med shi/ /'ching dang bcom dang phyugs rnams zad/ /rA hu'i mgo la song ba na/ /khyim tshig nor nyams 'thab rtsod 'byung / /lkog mar song na chos rnyed cing / /nor rnyed don 'grub bdag nyid 'gyur/ /gnyen dang lhan cig 'grogs par byed//rA hu'i dngos grub 'byung bar byed/ /rgyab tu song na 'chi ba dang / /rang dang gnyen rnams bsus pa na/ /de la sogs pa'i 'bras bu 'byung / /mgul ba dge bar grags pa yin/ /mjug ma'i skar ma la song na/ /lcags sgrog 'ching dang 'gyel ba dang / /lhub dang pus mo snad pa dang //gnas nas g.yo bar 'gyur ba dang / /klu gnod 'jigs pa chen po 'byung / /snying nad 'byung ba gzhug mas byed/ /zla ba phur ba gza' lhag dang / /pa sangs snying bor chud gnas pa/ /rdzong la dbung gis bskor gyur kyang / /'jigs zon mi dgos gangs ri'i bdag /nyi ma mig dmar spen pa dang //rA hu snying por chud pa na/ /dgra yis len par 'gyur bas na/ /rdzong bdag sdod par byed dam ci/ /rigs ngan gza' rnams snying bor sang / /phyi rol rnam par rgyal bar grags/ /rigs bzang gza' rnams snying bor gnas/ /rdzong bdag rgyal bar bdag gis dran/ / gal te 'dren mar gnas pa las/ /phan tshun 'khrug pa 'dum pa yin/ /rdzong ni 'joms dang srung ba las/ /'di yi cho ga bshad pa yin/ /rigs bzang rigs ngan yang dag shes/ /nag pa sa ga snron dang ni/ /chu stod gro bzhin smin drug mgo /tha skar mchu rnams rigs bzang yin/ /bre nye snar ma nab so skag /sa ri lha mtshams chu smad dbo/ /chu stod nam gru me bzhi rnams/ /rigs ni ngan par ston pa yin/ /lag dang snrubs dang mon gre dang / /byi bzhin rnams ni 'dren mar dran/ /rigs skyes rigs min skyes ba las/ /nyi ma zla ba phur bu spen/ /rigs skyes zhes skyes zhes bya skal ldan ma/ rigs mi grags pa slar yang nyon//mig dmar pa sangs rA hu la/ /gza' lag rnams ni rigs min skyes/ /mdor na rdzong gi bya ba dang / /pha rol 'joms bar byed ba la/ /'di yi cho ga shes bya ste/ /bdag nyid rgyal bar byed pa yin/ /rdzong gi 'khor lo mi shes bar/ /gzhom 'dod mun pa'i mda' bzhun dran//don 'grub rgyal bar bshad pa ni/ /rdzong gi 'khor lo yongs su grags/ /de ltar mchog tu sgrol ba ni/ /mdzes ma yis ni gus bas nyon/ /'di ni g.yul las rnam par rgyal ba dbyangs 'char ba'i rgyud kyi rgyal bo las rdzong gi 'khor lo rnam par phye ba chen po ste le'u brgyad pa'o// //lha mos gsol ba//bcom ldan 'das ni lha yi mchog /zla ba'i dum bus dbu brgyan pa/ /pha rol dgra rnams 'joms pa la/ /shin tu gsang ba'i rgyud chen po/ /rA hu'i 'khor lo zhes bya ba/ /g.yul du rgyal dang pham byed pa/ /bdag nyid g.yul du chas ba'i tshe/ /gang gi phyogs su rA hu 'jog /rA hu'i spyod yul ji ltar lags//dus dang phyogs la ji ltar 'char/ /'dri bar byed pa'i skyes bu la/ /ma lus bar ni bshad du gsol/ /bcom ldan 'das kyis bka' stsal pa/ /'di ltar rA hu'i 'khor lo la/ /nges ba'i gdams ngag bshad par bya/ /bdag gzhan 'chi ba thams can ni/ /rgyal bo rA hu byed par bya//rgyu skar rnams kyis ring bo nas/ /rA hu mthong par rgyal bar 'gyur/ /mdun du bstan na nyi zla yang / /thal ba bzhin du 'joms par byed/ /mthong bas 'chi bar 'gyur ba'i phyir/ /rA hu rgyab tu gzhag par bya/ /nyi ma sgra gcan mig dmar dang / /spen pa g.yul du mdun gnas spar/ / gang gi mgon po zla ba ni/ /mngon sum mthong bar byas la 'gro/ /khyim gyi 'khor lor 'gro ba ni/ /dpal ldan rA hu sngar bshad rig /gru bzhi dum bur bcad pa la/ /tshes kyi rA shu'i char ba dang / /yud tsam la 'char rA hu dang / /thun phyed la 'char rA hu dang / /zla ba phyed pa'i rA hu dang / /de bzhin zla ba'i rA hu mchog /nyi ma mig dmar spen rA hu/ /rA hu gdong gi 'khor lo ste/ /rA hu thams cad mdor bsdus yin/ /zla ba gcig la nyin re bzhin/ /tshes kyi rA hu shes par bya/ /'di ltar rA hu dpe chung la/ /ka sogs gsal byed dgod par bya/ /re khA bdun ni gyen du dgod/ /drug ni 'phrod la bri bar bya/ / rlung nas me yi mthar thug pa/ /dbus nas re khA bri bar bya/ /srin po dbang ldan de bzhin te/ /kA li rnams ni rim bzhin bri/ /de la me yi phyogs gnas pa/ /de yi yi ger yongs su grags/ /ha yig rlung gi grwa ru ste/ bden bral mtshams kyi glu ru yang / /dz+ha yi yi ge mnyam par gnas/ /dbang ldan grwa ru ma yig ste//nub nas brtsams te rim bzhin du/ /kA li rnams ni legs par dgod/ /gnas ja yi mthar thug par/ /g.yas bskor dang po'i phyogs las dgod/ /de khA bdun du drangs pa la/ /nga nya Na rnams rnam par spangs/ /Ta nas Tha yig mthar thug pa/ /gshin rje'i phyogs su de bzhin dgod//d+ha nas ma zhes shar du ste/ /de bzhin ra nas sa yi bar/ /drug nas bdun bdag phyogs mtshams su/ /tshes la rim pa bzhin du bri/ /dang po ka la sogs pa yi/ /zung gi drug nas yi ge rnams/ /zla ba lha yi bar du yang / /dkar phyogs dag la gnyis gnyis yin/ /sha nas d+ha la sogs pa dang //da yig zung du dgod pa ste/ /ma yig ra yig bar du yang / /shar nub gnyis la re khA bdun/ /phyogs gnyis la ni drug tu 'gyur/ /ha sogs yi ge bdun pa gnyis/ /ya yig gnas pa'i phyogs gnyis su/ /de bzhin du yang 'gyur ba yin//nag po'i phyogs gnyis dag la yang / /d+ha la sogs pa rim bzhin du/ /mgo drangs nas ni ha yi bar/ /phyogs gnyis la ni dgod par bya/ /'di ltar dkar po'i phyogs la ni/ /ka nas thog drangs 'char bar 'gyur/ /ka yig ma yig thad kar ni/ /shar nub phyogs la gnas pa na/ /ming can rA hu 'char ba'i sar//'gro bar byed pa nyams par 'gyur/ /de bzhin yi ge thams cad kyi/ /kha yig thad kar 'gro mi rung / /'di ni grwa bzhi'i yi ge yang / /phan tshun thad kar rung ma yin/ /nag po'i phyogs la yod pa rnams/ /dkar po'i phyogs su dge ba de/ /dkar po la yod ming can rnams//nag po'i phyogs la dge ba yin/ /de ltar tshes la 'char ba ni/ /rA hu'i mtshan nyid par pa ti/ /tshes kyi rA hu'i 'khor lo la/ /sa gzhi rab mnyam yid 'ong la/ /gyen du re khA bdun pa la/ /de la re khA brgyad pa gri/ /re khA'i rtse mo rtse mo la/ /ka nas ha yig mthar thug bri/ /nub kyi phyogs nas brtsams nas ni//byang gi bar du bri bar bya/ /de nas gzhan yang bshad par bya/ /tshes kyi rA hu bzang po ni/ /lha dang lha cig thams cad mkhyen/ /dgra rnams kun las rgyal bar mthong / /dbang mtshams mgo 'char lho mtshams nub/ /de ltar legs par gnas pa yin/ /'di ltar tshes kyi bye brag la//ming la 'char bar 'gyur ba yin/ /gcig nas bdun kyi bar du ni/ /dbang bo chu yi phyogs gnas pa/ /dbang po phyogs gnas pa/ /dbang po phyogs grangs dgra nyid de/ /phyogs gnyis mnyam par bstan pa yin/ /brgyad nas rdzogs pa'i mthar thug par/ /gshin rje lus ngan phyogs su gnas/ /lus ngan rA hu 'char ba'i tshe//phyogs de stobs dang ldan par 'gyur/ /dkar phyogs dang pos thog drangs te/ /brgyad la 'char zhing nub pa yin/ /nub tu rA hu gnas gyur ba/ /stobs dang ldan par 'gyur ba yin/ /dgu ba dang ni dang po yang / /de yis thog drangs 'char ba yin/ /lho phyogs rA hu gnas ba las/ / de bzhin lho nyid stobs cher 'gyur/ /shar nas rA hu gang dag gnas/ /nub tu stobs chung 'joms par byed/ /de ltar me la sogs pa yi/ /phyogs mtshams kun la shes par bya/ /phyogs la gza' brgyad 'char ba ni/ /nag phyogs gsum la dbang bo'i phyogs/ /bdun la dum bu rtsa gsum pa/ / 'dzin pa'i phyogs nas 'char bar 'gyur/ /bcu ba nor gyi bdag po'i phyogs/ /bcu bzhi rlung gi gnas zhes dran/ /dkar po'i phyogs su grags pa la/ /bzhi la chu bdag phyogs zhes bya/ /de bzhin bden bral brgyal du grags/ /bcu gcig gshin rjer shes par bya/ /bco lnga'i tshes la me mtshams pa//brgyad po zla ba gcig la 'char/ /sher nas nub tu mi dge byed/ /dbang ldan phyogs gnas bden bral 'joms/ /byang phyogs lho ru de bzhin bsnun/ /rlung gnas 'char tshe me mtshams brlag /chu bdag phyogs nas dbang bor 'joms/ /bden bral la gnas dbang ldan spyod/ /lho nas byang du 'joms pa ste//me nas rlung du rnam par sbyod/ /de nas gzhan yang bshad par bya/ /yud tsam la 'char rA hu ni/ /gang gis rnam par shes tsam gyis/ /'thab rtsod dmag chas shags las rgyal/ /dbang ldan gshin rje rlung dbang po/ /srin po nor bdag me nas chur/ /nyi ma dbu ma'i yud tsam bar//g.yas bskor lha yi dbang phyug ma/ /nyi ma dbu ma'i mtha' nas ni/ /chu nas g.yas skor gnyis la 'char/ /mgo nas mjug ma'i phyogs su 'char/ /mchan mo de nyid 'char ba ni/ /chu me nor bdag srin po nas/ /dbang bo rlung dang gshin rje'i gnas/ /drag po'i phyogs nas chu bdag tu//de ltar so sor 'chang bar grags/ /nyin bzhin mtshan mo dbyu gu gnyis/ /yud tsam rA hu zhes byar brjod/ /drag po tso ta i tra dang / /swA ra b+ha To sa bi tra/ /lnga bo rnam par snang mdzad dang / /rgyal ba zhes ni bya bar brjod/ /byi bzhin ra ma med pa ni/ /'ba' lam dang ni rnam rgyal dang / / dga' pa dang ni gshin rje dang / /chu lha de bzhin skal ba can / /de ltar bco lngar brjod pa rnams/ /zhi dang ma rungs mtshan nyid can/ /dbu ma'i cha la'ang byi bzhin dang / /mthar ni skal ba can 'char ba dang / /lha mo bdag gis nges bstan pa/ /yud tsam rA hu ra yongs su grags/ /nyi ma dang ni spen pa 'dzom//spen pa drag po'i sbyor ba dang / /nyi ma dang ni spen pa dag /byi bzhin lhan cig sbyor ba dang / /sa ra b+haTo mig dmar 'joms/ /gza' 'pho'i mtshams su stobs cher 'gyur/ /de ltar drag po'i yud tsam lnga/ /gang gnas phyogs ni stobs dang ldan//rA hu'i phyogs 'gro sbyor ba la/ /thog ma med pa'i gza' rgyu bas/ /gza' dang lha da 'dzom pa las/ /gdong na gang yos thal bar brlag /de na brgya byin stobs gnas pa/ /skad cig nyid la thal bar byed/ /rA hu'ang drag na 'dzom pa ni/ /sngon du 'gro ba 'chi 'dod yin/ /yud tsam 'char ba'i mchan nyid ni//gang yin so bzung shes par bya/ /lha mo dang po'i rkang pa la/ /dgu bcu rtsa drug nyid du dran/ /drug cu bcu gnyis drug dang lnga/ /gsum dang gnyis dang stong bar bshad/ /gnyis nas brgyad kyi mthar thug pa/ /yud tsam de bzhin 'char ba yin/ /kha cig gcig nas bdun gyi bar//yud tsam 'char zhes zer ba yod/ /dbu ma'i bar du rim pa ste/ /phyi dro rim min shes par bya/ /de ltar rim pa'i bye brag las/ /yud tsam rim ba shes par bya/ /snga dro nub tu blta ba ste/ /phyi dro shar du blta bar bya/ /nyi ma dbu ma grib ma ni/ /gang phyir stong pa la zhugs pa//yud tsam cig la 'pho ba ste/ /lhag ma dag ni ma yin no/ /gcig gnas gnyis su 'pho ba yi/ /mtshams ni ma rungs 'jigs par ston/ /yud tsam stobs char grags pa'i gza'/ /'dzom na mi dge 'pho mtshams ngan/ /gza' dang yud tsam stobs can 'dzom/ /rigs ldan nus pa nges par mthong //de nas gzhan yang bshad par bya/ /thun phyed ces byar yongs su grags/ /thun phyed rA hu'i rim pa bzhin/ /shar phyogs bdag po nyi ma ste/ /mig dmar me yi phyogs na gnas/ /gshin rje'i phyogs bdag phur bu yin/ /gza' lhag srin po'i phyogs na gnas/ / pa sangs chu bdag phyogs na yod/ /spen pa rlung gi phyogs zhes bya/ /zla ba byang phyogs rnam par spyod/ /rA hu dbang ldan phyogs yul lo/ /thams cad de bzhin gnas pa yin/ /rang rang rnam par spyod pa las/ /'char bar 'gyur ro rje btsun ma/ /gza' rnams phyogs na 'khod pa las/ / dkar mo so sor 'char bar 'gyur/ /dkar po'i phyogs kyi thun phyed la/ /ji ltar 'char bar brjod par bya/ /ji ltar nyi ma'i nyin zhag la/ /shar nas rA hu 'char bar 'gyur/ /de yang shar du nyi ma la/ /chu tshod bzhi ni yang dag gnas/ /de rjes shar gyi phyogs nas ni/ /bden bral phyogs su song ba las//srin po'i phyogs nas byang phyogs 'gro/ /byang gi phyogs nas shar nas ni/ /me yi phyogs su de bzhin 'gro/ /me nas chu ru de bzhi 'gro/ /chu yi phyogs nas de bzhin du/ /dbang ldan mtshams su gnas shing 'gro/ /dbang ldan nas ni yi dgas phyogs/ /de nas slar yang rlung gi phyogs//slar yang rlung nas shar du ste/ /de ltar mngon bar 'gro bar gsal/ /de ltar phyogs mtshams lam 'gro ba/ /nyin mo'i thun phyed brgya bor grags/ /ji ltar nyin mo'i phyogs bshad pa/ /mtshan la gza' brgyad 'char ba ni/ /dbang bo nas ni rlung phyogs 'gro/ /rlung nas gshin rje'i phyogs rim bzhin//sngar bzhin mnyam par bstan nas kyang / /chos kyi rgyal bo'i phyogs su song / /yi dwags nas ni dbang ldan du/ /drag po drag mo nges par mthong / /de nas chu bdag phyogs su 'gro/ /de nas me phyogs 'gro bar dran/ /me nas nor bdag phyogs su 'char/ / nor bdag nas ni bden bral phyogs/ /'di ni lug sogs shes pa yi/ /nyi ma'i cho gas dkar phyogs brjod/ /nag po'i phyogs kyi thun phyed la/ /snga ma'i phyogs su rim bzhin 'char/ /dbang bo nas ni rlung phyogs 'gro/ /rlung nas gshin rje'i phyogs su song / /gshin rje'i phyogs nas drag por song //de nas chu bdag phyogs su gnas/ /chu nas me phyogs rgyug par byed/ /me nas lus ngan yang dag 'gro/ /byang phyogs nas ni bden bral mthar/ /de bzhin rab tu rgyug pa yin/ /de ltar nyin mo 'gro ba yi/ /thun phyed rA hu lhas mchod ma/ /dbyangs 'char rgyud las gang bshad pa//shar phyogs nas ni bden bral du/ /bden bral nas ni gnod sbyin phyogs/ /gnod sbyin nas ni mi phyogs rgyug /me nas song bas chu yi phyogs/ /chu nas shar kar du 'gro ste/ /dbang ldan mtshams nas shar nas ni/ /chos kyi rgyal bor rgyug pa yin/ /slar yang yi dwags phyogs nas rlung //nyi ma'i phyogs nas da ltar bgrod/ /nag po'i phyogs kyi nyin mtshan la/ /thun phyed rA hu mdor bsdus yin/ /ji ltar gza' ni 'pho ba na/ /rA hu'i bgrod pa 'pho bar snang / /'char ba'i sngon du gang ston pa/ /rdul phran bzhin du thal bar byed/ /mdun na gnas na rnam par nyams//rgyab tu gnas na rgyal bar byed/ /ji ltar dkar po'i phyogs la ni/ /bden bral la sogs rgyug par byed/ /nag phyogs gang gis 'jig pa yang / /rlung la sogs pa 'gro bar dran/ /de ltar thun phyed rA hu rnams/ /dbyu gu bzhi la brtan par gnas/ /de ltar thun phyed rA hu ni//shin tu rtsub par 'char bas na/ /mtshan nyid legs par shes pa yin/ /mdzem par bya'o rje btsun ma/ /zla phyed rA hu'i mtshan nyid ni/ /mdor bsdus pa ni bshad par bya/ /'di ni rnam par shes ba yis/ /g.yul la sogs pa rtsom pa 'grub/ /phyogs su re khA bzhi btsugs pas//mnyam par gzhag pas gru bzhi dran/ /me nas rlung gi bar du yang / /dbus nas re khA mnyam par mthong / /shar nas de bzhin byang gi phyogs/ /nag po'i phyogs ni yin pa mnyam/ /lho dang nub kyi phyogs gnyis kyang / /dkar po'i phyogs su de bzhin 'gyur/ /zla ba nya la me yi phyogs/ / gnas stong la ni rlung mtshams gnas/ /dang po tshes kyis thog drangs nas/ /phyogs la 'char bar 'gyur ba yin/ /byang dang lho nas 'char ba'i tshe/ /tshes dgu'i sa nas thog drangs te/ /nyin zhag so so dag la ni/ /rdzogs pa'i bar du 'char bar 'gyur/ /nub pa'i phyogs bgrod dge ba ste/ / 'char phyogs bgrod pa mi dge yin/ /dkar po'i brgyad sogs nub phyogs su/ /zla ba nya ba'i bar du yang / rA hu gnas pas shar dang ni/ /byang gi phyogs su mi dge yin/ /nag phyogs gcig nas lha min mthar/ /yang dag gnas pa sngar bzhin 'joms/ /shar nub phan tshun 'joms pa dang //de bzhin lho byang phan tshun 'joms/ /'di ni rnam par shes tsam gyis/ /g.yul las rgyal 'gyur rje btsun ma/ /de nas gzhan yang bshad par bya/ /g.yul du 'jug par byed pa la/ /'di ni rnam par shes tsam gyis/ /nyi ma rA hu'i 'bras bu mthong / /ji ltar nyi ma rA hu bzhin//mig dmar gyi ni rA hu dang / /spen pa'i rA hu zhes bya ba/ /lhan cag lam du 'joms par dran/ /'di dang nyi ma khyim gcig zhugs/ /nyi ma rA hur yongs su grags/ /'jom pas mthong ba'i rim pa las/ /stobs kyi rim pa shes par bya/ /dbyangs 'char rgyud las gang gsungs pa//phan dang gnod pa'i mtshan nyid can/ /gyen du rA+e khA gsum pa la/ /de bzhin 'phred la re khA gsum/ /re khA phan tshun bsnol ba yi/ /rtse mor khyim rnams dgod par bya/ /shar gyi phyogs kyi mdung rtse la/ /lug dang seng ge gzhu gsum 'byung / /de bzhin byang gi phyogs su yang //nya dang sdig pa ka rkaT/ /gshin rje'i phyogs kyi mdung rtse la/ /bu mo glang dang chu srin dgod/ /nub kyi phyogs kyi kha la ni/ /srang dang bum pa 'khrig par grags/ /lug srang de bzhin seng ge bum/ /gzhu dang 'khrig pa zhes bya ba/ /'dzom pa phan tshun gang gnas pa//slar yang g.yas dang g.yon pa dag /rkad pa rdzogs pa mthong bas gsod/ /ma rdzogs mthong bas stobs chung 'gyur/ /de ltar mdung rtse bcu gnyis pho/ /phan tshun bsnol bas shes par bya/ /lhan cig gnas dang sngon mar gnas/ /bzhi rnams mi thub dge ba yin//de yang lug gi seng ge dang / /gzhu dang bum pa 'khrig pa dang / /sdig pa bu mo de bzhin glang / /nya dang chu srin dag nyid dge/ /drag po'i gza' rnams 'khyog por song / /de la stobs cher 'gyur ba yin/ /bsod nams gza' rnams drang ba las/ /stobs ni che bar grags pa yin//rnam pa kun du blta ba yin/ /g.yul sogs mngon par rtogs pas 'grub/ /mdor na gza' yi phyogs la ni/ /stobs ni che chung brtag pa yin/ /rA hu stobs chung rang phyogs gnas/ /lan cig rgyal yang mthar ni pham/ /de nas gzhan yang bshad par bya//rA hu gdong gi rgyu skar mchog /gang gi rnam par shes pa yin/ /rgyal pham bde sdug shes par 'gyur/ /bi tse na rA hu dang ldan pa'i/ /rgyu skar rnams ni brtag par bya/ /dbyangs 'char rgyud las gsungs pa blta/ /de med rA hus gsod par byed/ /rA hu song ba'i skar ma ni//kha yi nang du bri bar bya/ /mche ba la gnyis sna bu ga gnyis/ /sna sgang gnyis dang mig la gnyis/ /rna ba g.yon bzhi g.yas la bzhi/ /dpral bar lnga ste spyi bor gcig /ko sko la gcig mgrin par bzhi/ /kha yi nang nas brtsams nas ni//g.yas skor du ni rim bzhin dgod/ /de la 'bras bu brtag par bya/ /kha yi skar ma la song na/ /sdug bsngal sna tshogs lus la 'byung / /mche ba gnyis kyi skar ma la/ /nad ni 'byung bar ston pa yin/ /sna bug skar ma gnyis la gnas/ /btson du 'dzin par 'gyur ba yin//sna sgang gnyis la gnas pa las/ /mi mthun pa yang mdza' bar 'gyur/ /mig gnyis dag gi skar ma la/ /'dod pa'i 'bras bu 'byung zhes dran/ /rna ba g.yon pa'i skar ma bzhi/ /nor rnams zad bar byed pa yin/ /rna ba g.yas pa la gnas bzhis/ /'dod don thob par 'gyur zhes smra//dpral ba'i lnga pos bu thob cing / /bde zhing skyid par yang dag ston/ /de bzhin spyi bo'i gcig la ni/ /rang 'dod gnas ni thob par 'gyur/ /ko sko'i skar ma gcig po yis/ /'bru dang bza' btung thob par 'gyur/ /mgrin pa'i skar ma bzhi pa la/ / rtsod dang rdeg sogs 'byung zhes bya/ /'di ltar rA hu'i 'khor lo ni/ /rgyas par bshad do lha chen ma/ /lha mos gsol ba/ /sngar gsungs 'khor lo'i rim pa las/ /dbyangs dang gsal byed yi ge rnams/ /ji ltar 'char ba sngar ma 'tshal/ /gtso bos bdag la bshad du gsol/ / bcom ldan 'das kyis bka' stsal pa/ /rab byung la sogs lo rnams la/ /bcu gnyis lnga la a sogs 'char/ /de bzhin bgrod pa re re la/ /a sogs lnga ni 'char bar dran/ /de yi gnas skabs dag la yang / /nyi ma a i ri u l-i/ /ha ba ra ba la zla ba/ /mig dmar ka khag g+ha nga //rA hu ta tha pha ba b+ha ma/ /phur pa pa pha ba b+ha ma/ /Ta Tha Da D+ha Na spen pa/ /tsa tsha dza dz+ha nya gza' lhag /a e ar o al ketu/ /sha Sha sa ha k+Sha dkar po/ /rags dang phra ba'i rim pa yis/ /gnas skabs la 'char rje btsun ma/ /de ltar cho ga ma lus bshad/ / da gzod ci 'dod bshad kyis nyon/ /'di ni g.yul las rnam par rgyal ba mchog tu gsang ba dbyangs 'char ba zhes bya ba'i rgyud las/ /sgra gcan gyi 'khor lo rnam par phye ba chen po ste le'u dgu pa'o// //lha mos gsol ba/ /spen pa'i 'khor lo ji lta bu/ de la rgyu skar ji ltar dgod//de yi 'bras bu ji lta bu/ /bcom ldan 'das las bdag nyan 'tshal/ /bcom ldan 'das kyis bka' stsal pa/ /nyon cig lha mo bshad par bya/ /khyod kyis ji ltar zhus pa bzhin/ /spen pa'i yan lag rgyu skar gyis/ /dge dang mi dge'i 'bras bu dang //spen pa rgyu skar spyod pa las/ /sems ni mnyam par gzhag pa yis/ /rnyed dang mi rnyed shes pa dang / /de bzhin 'chi dang 'tsho ba ston/ /sa gzhi rab tu yid 'ong la/ /spen pa'i gzugs ni mnyam par bri/ /'khyud pa'i skar ma kha la bri/ /lag pa g.yas la bzhi dgod bri//rkang pa gnyis la skar ma drug /lag pa g.yon bzhi snying gar lnga/ /mig la gnyis te sbyi bor gsum/ /de bzhin gsang ba'i gnas su gnyis/ /de ltar rgyu skar bkod pa las/ /lha yi btsun mo 'bras bu brtag /kha yi skar ma la song na/ /sdug bsngal sna tshogs 'tshe ba'am 'chi//g.yas pa bzhi yis rnyed pa dang / /rnam par rgyal zhing mi mthun 'dza'/ /rkang ba'i skar mas gnas nas 'pho/ /nad 'byung bu yang 'chi bar 'gyur/ /lag pa g.yon bzhis rgyal sa shor/ /nor stor rang gi mdza' bos gsod/ /snying gas rgyal pa rnyed pa dang //bud med thob cing chos rnams sdud/ /mig gnyis skar mas nor sdud cing / /mi mthun pa yang mdza' bor 'gyur/ /mgo bos bde zhing dgra yang med/ /gsang bas 'jigs pa chen po 'byung / /yul mthon 'char nye'i sdug bsngal 'byung / /bu smad dgrar 'gyur 'thab rtsod 'byung //de ltar nyi ma'i bu la ni/ /rgyu skar gnas ba'i 'bras bu yin/ /kha nas gsang bar bgrod pa ste/ /gsang ba nas ni mgo bor 'gro/ /de nas mig la rnam par sbyod/ /mi gnas snying ga'i bar du 'gro/ /snying ga nas ni lag rkang g.yon/ / de nas rkang ba lag pa g.yas/ /spen pa'i lus la gnas pa yi/ /rgyu skar de ltar bskor ba yin/ /de ltar spen pa bshad zin nas/ /grogs mo gzhan gyi yan lag bshad/ /bya khyung 'khor los mngon sum du/ /'bras bu ston no lha chen ma/ /bya khyung gzugs mdzes bris nas kyang //rgyu skar rim gyis dgod par bya/ /nyi mas 'khyud pa'i skar ma de/ /mchu nas ji bzhin bri bar bya/ /brgyad ni rkang par dgod pa ste/ /mig la gnyis ni legs par dgod/ /spyi bor gsum ni dgod par bya/ /snying ga dag la lnga yin te//gshog pa gnyis la brgyad bris la/ /de las 'bras bu brtag par bya/ /mchu la song na lus nad 'byung / /rkang bas don med mi dge 'byung / /mig gnyis kyis ni don rnyed 'gyur/ /sbyi bo'i dgra rnams 'joms par byed/ /snying gas bud med mnyam par sbyor/ / gshog pas 'jigs pa chen po 'byung / /lha mo 'di 'dra'i 'khor lo yis/ /don ni nges bar rtogs par 'gyur/ /ji ltar lha yi gtso mo yis/ /zhus bzhin bdag gis bshad pa yin/ /lha mos gsol ba/ /bi Sh+Ti'i 'khor lo zhes bya ba/ /boSh+Ti'i rnam pa ci zhig bshad/ / las dang bya ba ji ltar lags/ /dbang phyug gtso la bdag nyan 'tshal/ /bcom ldan 'das kyis bka' stsal pa/ /khyod kyis ji ltar zhus pa bzhin/ /bshad kyis nyon cig rje btsun ma/ /biSh+Ti'i rnam pa brgyad du brjod/ /sna tshogs gzugs can stobs che ba/ /thams cad 'dus pas brgyad yin te//me ru 'bar ba can zhes bya/ /dbang po'i phyogs su ka rA lA/ /ma hA g+ho ra dbang ldan du/ /bkra shis byang gi phyogs su ste/ /ma hA dzi ka rlung gi phyogs/ /chu bdag phyogs na bA ta bA/ /ma hA ma ri srin po'i phyogs/ /dus kyi lce ni lho phyogs su//biSh+Ti 'di rnams phyogs mtshams gnas/ /gzugs dang kha dog sna tshogs pa/ /gdon gyi sgrub thabs sna tshogs bsgyur/ /zla ba nya dang de bzhin gsum/ /bdun dang bcu dang 'byung bo'i nyin/ /bzhi dang brgya dang bcu gcig la/ /rim pa bzhin du 'char bar dran//de ltar zla ba nya ba la/ /me nas biSh+Ti 'bar ba 'char/ /dbang phyug gis kyang me mtshams su/ /de cho kha blta rung ma yin/ /de ltar gnas pa'i gnas skabs la/ /las dang bya ba'i bye brag kyang / /me nas rlung du 'gro ba dang / /brdeg brdung ma spar las rnams bya//kA rA la yi sna tshogs mtshon/ /rengs ba'i las dge nub tu dge /ma hA g+ho ras rmongs dang srin/ /gnod ba'i las rnams bsgrub par bya/ /bkra shis dgra dang 'thab pa dang / /dgra yul bgrod pa'i las bsgrub bya/ /ma hA dzi ka drug spyor dang / /sna tshogs mthu ni bsgrub par bya//ba ta bA la sngags dang dbang / /gsod pa'i las bsgrub shar du dge /dgra chen ma la 'khrul 'khor dang / /sgyogs kyi las rnams bsgrub par bya/ /dus kyi lce la gzhan sdud bya/ /sems can thams cad bsad la bsgrub/ /ci la bab kyang bdag gis ni//biSh+Ti'i gdong ni spang bar bya/ /de nas beSh+Ti'i longs spyod bshad/ /biSh+Ti'i chu tshod sum cu ste/ /biSh+Ti'i gdong la chu tshod lnga/ /bar gyi cha la bcu bzhi ste/ /tha ma la ni brgyad du brjod/ /gzhug ma la yang gsum du dran/ /mtshan mo gdong gi mjug ma ngan/ / mjug dge gdong gdug nyin mor dran/ /bar gyi cha la nor nyams shing / /tha ma la ni srog 'phrog byed/ /bdun brgyad nya dang bcu gnyis la/ /nyon mo'i biSh+Ti zhes bya ste/ /gsum bzhi bcu dang bcu gcig pa/ /biSh+Ti mtshan mor shes par bya/ /de ltar cho ga dbang phyug ma//biSh+Ti'i 'khor lor yongs su grags/ /g+hu dzA Te Na dkar phyogs la/ /gu ts+tshe te d+ha nag phyogs brjod/ /gsal byed tshes su shes bya ste/ /de bzhin dbyangs ni thun mtshams nyid/ /bcom ldan 'das kyis gsungs pa las/ /de ltar byas na g.yul las brgyal/ / ring gi yi ge dang po ni/ /phyogs kyi dus la 'char bar dran/ /dbyangs sde mthar ni sde tshan lnga/ /yar la wa de bzhin te/ /sha Sha ma ha'i mthar thug pa/ /phyogs mtshams brgyad la rim bzhin dgod/ /ming gi yi ge dbyangs las so/ /gcig dang dgu la rang phyogs dge /ka sogs rang gi phyogs la ni//gnyis dang bcu la dge bar dran/ /tsa sogs rang gi phyogs la yang / /gsum dang bcu gcig dag la 'dzom/ /Ta sde rang gi phyogs gnas pa/ /bzhi dang bcu gnyis tshes la 'char/ /Ta sde rang gi phyogs la yang / /lnga dang bcu gsum pa yi tshe//rang gi phyogs su pa sde rnams/ /tshe ni drug dang bcu bzhi la/ /ya ra la wa rang phyogs la/ /bdun dang bco lnga dag la 'char/ /de ltar sha Sha sa ha rnams/ /rang phyogs brgyad dang gnam stong ngo / /a nas ha yi mthar thug par/ /de ltar bdag nyid can du brjod/ /sde tshan brgyad kyi rim pa bzhin//dang po nas brtsams phyogs mtshams dgod/ /de ltar rang gi dbyangs dang ni/ /gsal byed phyogs mtshams yang dag gnas/ /dbang por tshes dang yi ge'i gdan/ /tshangs ma zhes byar yongs su grags/ /de bzhin me ru yi ge dang / /chos kyi bdag mo gzhon nu ma//gshin rjer ming gi yi ge la/ /dbang phyug ma ni 'char bar 'gyur/ /srin por yi ge ches la yang / /khyab 'jug ma ni 'char bar 'gyur/ /chu bdag lnga dang bcu gsum la/ /nya yi bdag mo phag yin no/ /rlung du drug dang bcu bzhi la/ /pa sde'i bdag mo dbang mo dbang mo 'char/ / bdun dang nya la rnam thos bur/ /ya tshan rgan byed ma yang 'char/ /dbang ldan brgyad dang gnam stong la/ /sha sde sgeg mo chen mo 'char/ /de ltar phyogs mtshams thams cad du/ /dkar mo tshes ni so so la/ /ming gi yi ge dbang byed pa/ /rnal 'byor ma brgyad 'char bar grags//rang phyogs nas song rgyal ba ste/ /der 'jug rnams la zhe sdang byed/ /stobs chen nus med chas pa la/ /'khor lo bden par the tshom med/ /de nas gzhan yang bshad par bya/ /dus sbyor phyed ba'i 'khor lo mchog /gang gis rnam par shes tsam gyis/ /las kun the tshom med par 'grub//lha yi gtso mo zhag gcig la/ /dus sbyor phyed pa nyi shu bzhi/ /chu srang sum cu chu tshod gnyis/ /lug gi dus sbyor phyed par 'gyur/ /nyin mo'i chu tshod bcu gnyis kyis/ /bgos pas thob pa chu tshod yin/ /lhag ma drug cus bsgyur thob srang //mtshan mo 'ang de bzhin shes par bya/ /de las dus sbyor phyed pa yi/ /longs sbyod rtogs par 'gyur ba yin/ /thog mar dang po nas brtsams te/ gang 'dod lngas bsgyur res gza' bsnan/ /bdun gyis phye ba'i lhag ma rnams/ /dus sbyor phyed pa'i gza' ru 'gyur//dus sbyor phyed pa'i bdag po ni/ /dang bo la sogs nges par mthong / /rangs nas bgrangs drug pa la/ /bskor ba dus sbyor che bdag gza'/ /nyi ma'i pa ngas zla ba'i spen/ /phur bu'i mig dmar de bzhin sbyar/ /drug gi grangs la bskor ba yis/ /dus sbyor phyed pa'i bdag po 'byung //drag pa bsod nams gtsigs pa can/ /brtan pa spangs pa spong byed ma/ /'chi ba dgra dang dge ba dang / /gdug pa gtum mo smin drug dang / /bdud rtsi'i dus mtshan drag byed ma/ /bi kram dang skrag byed ma/ /go'u ha ra zhes grags dang / /rgyu ma'i 'od zer chen mo dang //srog 'phrog mya ngan 'char ba ma/ /da ha ni dang kun thos ma/ /nyi shu rtsa bzhi rem pa bzhin/ /dus sbyor byed ba'i ming du dran/ /drag po dang ni gtsigs pa can/ /'chi ba de bzhin dgra dang ni/ /dus mtshan sgyu ma chen mo dang / /skrag byed ma dang srog 'phrog ma//mya ngan ma dang da ha ni/ /bcu bo rtsub par yongs su grags/ /de rnams kun la dge ba yin/ /las byas 'jig pa 'byung zhes smra/ /kha ni gyen bltas thur bltas dang / /'phred la lta ba yongs par snang / /nyi ma spyod pa'i rim pa yin/ /dus sbyor phyed pa shes par bya//dus sbyor phyed la gcig yin te/ /de ltar byas pas nyi shu bzhi/ /gyen thur 'phred kyi mtshan nyid kyang / /nges par nyon cig ri sras mo/ /nyi ma gang la gnas pa yis/ /sngon ma'i phyed pa gyen bltas dran/ /nyi ma dang ni lhan cag pa'i/ /khyim ni 'phred la lta ba yin//nyi ma'i phye nas 'gro ba ni/ /thur bltas dus sbyor phyed pa yin/ /gyen thur 'phred kyi rim pa lta/ /dge ba'i las ni rung ma yin/ /de rnams spangs pa'i phyed pa la/ /dge ba'i 'bras bu nges par mthong / /'di ltar las dang bya ba la//nyin mongs byed pa'i dus sbyor ni/ /'phred thur bltas pas nyon mongs par/ /byed 'gyur lha yi dbang phyug ma/ /kha ni 'phred bltas thur sbyor gyi/ /phyed pas 'khor rnams zad par byed/ /gyen bltas zhes byar grags pa yis/ /sde ba'i dgra kun pham par byed//kha ni 'phred bltas dus sbyor gyi/ /phyed pas dgra yang pham par byed/ /rang gi dus sbyor bdag pa yin/ /phyed pas mthong na las kun 'grub/ /de ltar dus sbyor phyed pa'ang / /bshad zin dpa' bo'i dbang phyug ma/ /za ba khyim ni gang la gnas/ / de yi cha shas shes pa yin/ /thams cad las ni de bzhin du/ /'grub cing 'gyur bar byed pa yin/ /pra b+ha se dang rang lus gnas/ /'chi ba dgod par skye ba dang / /'bar ba dga' spyod pa dang / /mi mthun byed pa su pa ta/ /'byor pa rnams ni rim pa bzhin/ / zla ba gang la gnas pa yi/ /lug la sogs pa'i khyim shes pas/ /de yi 'bras bu 'byung bar 'gyur/ /brlag pa bde legs 'chi ba dang / /ta Sh+Na'i nor thob gsod pa dang / /dga' ba nyams pa nges ba'i dgra/ /rgyal ba 'che ba legs 'ongs so/ /de ltar khyim gyi cha shas kyis//'bras bu rim bzhin shes par bya/ /zla ba'i longs sbyod bzang ngan las/ /las dang bya ba nges par mthong / /cha shas bzang ngan gnas bltas te/ /dge mi dge las don 'grub 'gyur/ /thun phyed yongs su shes pa las/ /rigs ldan 'char bar shes par bya//dgos 'dod thams cad 'grub pa'i phyir/ /shin tu gzab la spang bar bya/ /rA hu dang ni rigs ldan gyis/ /thun phyed bya ba nyams par byed/ /gang gis rigs ldan longs sbyod pa'i/ /thun mtshams gang yin mi shes par/ zas zhim zos kyang nad 'gyur zhing / /nad pas sman 'thungs dug tu 'gyur//sbrul sos btab la khyung gis min/ /de phyir rigs ldan sbyar ba spang / /thun phyed brgyad du rab brjod pa/ /nyi ma'i dus su rA hu dang / /de bzhin rigs ldan 'char ba dang / /zla ba mig dmar gza' lhag dang / /phur bu pa sangs spen pa dang / /rim gzhin de rnams brgyad dang ni//bdun dang drug dang lnga dang ni/ /de bzhin bzhi dang gsum pa dang / /gnyis dang gcig ces bya ba rnams/ /gza' rnams so so'i thun byed min/ /ring thung mtshan nyid shes bya ste/ /mnyam dus chu tshod gsum dang ni/ /chu srang bzhi bcu rtsa lngar ldan/ /de yi thun phyed kun la sbyar/ / gza' rnams kyi ni thun phyed brgyad/ /de la 'char ba nges par mthong / /lnga dang bzhi sogs sbyar zhes bya/ /thun phyed longs sbyod bdun gyis bsgyur/ /de la drug cus bgos thob pa/ /chu tshod du 'gyur lhag chu srang / /de ltar gza' rnams re re zhing / rang gi thun mtshams phyed du dran/ /zla ba la sogs drug la sogs//de la rigs ldan 'char bar 'gyur/ /drug la sogs pa'i bye brag gis/ /bya ba thams cad sngar bzhin rigs/ /nyi ma'i chu tshod nyi shu drug /chu srang bco lnga'i sras mo/ /zla ba'i chu tshod nyi shu gnyis/ /lha mo chu srang sum cur bzhed/ /chu tshod bco lnga mig dmar la/ /chu srang bzhi bcu zhe lnga yin//gza' lhag chu tshod bco lnga ste/ /chu srang stong bar yongs su grags/ /phur bu'i chu tshod bcu gcig ste/ /chu srang bco lnga zhes byar grags/ /pa sangs chu tshod bdun yin te/ /chu srang sum cu spen pa la/ /gsum dang bzhi bcu rtsa lngar brjod/ /de rnams rigs ldan thun mtshams te/ /las dang bya ba thams cad la//ci la bab kyang gza' bar bya/ /'di ltar dus sbyor phyed pa ni/ /mnyam tshe dbyu gu gnyis dang phyed/ /de la gza' rnams dbang byed pa/ /chug gi grangs la bskor bar dran/ /nyin mo de yin lhang tshun ma/ /mtshan mo dbyu gu gnyis dang phyed/ /dus sbyor phyed pa'i bdag po rnams/ /lnga la rim pas bskor ba yin//sngon pa'i longs spyod dus su ni/ /rigs ldan ce nas spang bar bya/ /dge 'joms sdig pa can de ni/ /spangs bas rang gi las kun 'grub/ /nyi ma nas ni pa sangs dang / /nyi ma nas ni phur bu sogs/ /nyin dang mtshan gyi dus sbyor byed/ /drug dang lnga ru 'gyur ba yi/ /de ltar dus sbyor phyed shes pa/ / legs par rtogs sam gangs ri'i bdag /nyi ma mtha' yas zla ba la/ /nor rgyas mig dmar 'jog por dran/ /gza' lhag stobs kyi rgyu zhes bya/ /phur bu pad+ma pa sangs ni/ /pad+ma chen por shes par bya/ /spen pa dung skyong shes par bya/ /glu dang gza' bdun rim pa bzhin/ /shes par bya'o ri sras mo/ /brgyad pa rigs ldan nyid yin te//rA hu drag po'i gza' ru 'gyur/ /thun phyed longs spyod gza' rnams la/ /klu rnams 'char bar yongs su grags/ /chu srang bcu drug nyi ma'i dbus/ /spang bya gzhan la skyon med dran/ /pa sangs mtha' ma'i chu srang bzhi/ /gza' lhag sngon ma'i chu srang gnyis/ / zla ba'i dbus su chu srang brgyad/ /spen pa'i mtha' mar chu srang bzhi/ /sum cu rtsa gsum phur bu'i dbus/ /mig dmar thog ma'i chu srang drug /bzang po'i gtam yin ri sras mo/ /rigs ldan 'char bra the tshom med/ /chu tshod phyed dang gsum la ni/ /dus sbyor phyed pa nges bar mthong / /drug dang lnga ni rim pa bzhin/ / nyon mongs la sogs las shes bya/ /spen pa'i mtha' mar chu srang bzhi/ /gang yin rigs ldan 'char bar 'gyur/ /bya ba thams cad nyams byed pas/ /ci nas 'di ni spang bar bya/ /gza' yi cha la ci rigs ma/ /klu rnams 'char bar 'gyur ba yin/ /rgya mtsho drang srong mig dang ni/ /'byung ba dang ni nor lha mo//ro ste nyi ma sogs rim bzhin/ /thun phyed sgra gcan drag po dran/ /'byung ba mig dang ro dang me/ /ri dang rgya mtsho zla ba ni/ /mig dmar rA hu zhes bya ba/ /gzhan gsad pa dang dug sbyor 'grub/ /de ltar thun mtshams bdun pa dang / /drug lnga bzhi gsum gnyis gcig rnams//nyi ma la sogs rim pa bzhin/ /klu yi drug de ci nas 'dzem/ /ji ltar nyi ma la sogs pa/ /gang la khyim ni 'pho ba na/ /mtho ris la sogs bdag po rnams/ /rim pa bzhin du shes bar bya/ /'pho ba bcu gnyis bdag po ni/ /sdig can gyur na mi dge byed/ / bsod nams kyis ni dge bar ston/ /'dren mas 'bring bor 'gyur ba ste/ /mang nyung las ni dge mi dge /'bras bu mthong bar 'gyur ba yin/ /lha mo dbyangs 'char zhes bya ba/ /dgos don ma tshang med pa yi/ /rgyud 'di bla ma'i man ngag las/ /the tshom med par shes bar 'gyur/ / 'khor lo'i mtshan nyid mang po rnams/ /gzhung gi mthar thug 'di las shes/ /gang tshe bla ma'i man ngag bral/ /de tshe bstan bcos gzhung 'di spangs/ /gang zhig thams cad ltas 'di las/ /'bras bu mang po mthong bar 'gyur/ /thams cad mkhyen pa'i skye bos kyang / / don med dga' bas 'dir zhugs na/ /bshad pa'i 'khor los 'dri phyed la/ /'bras bu phral du mthong ba yin/ /skyes pa'i gnas skabs 'khor lo dang / /dus kyi 'khor lo ri sras mo/ /a ba ka ha Da nyid dang / /sha ta pa ta seng ge'i gdan/ /de bzhin rgyan gyi 'khor lo dang / / mdzes ma mthong ba'i 'khor lo ste/ /de rnams 'bru yi bye brag kun/ /bshad do dba' bos phyag byas ma/ /rA hA'i 'khor lo mang po yang / /mdor bsdus brgyad bshad ri sras mo/ /khyad par yud tsam 'khor lo 'dis/ /'bras bu chen po sbyin pa yin/ /bzang mo de snyed bshad pa 'dis//kun la dbyangs 'char nges ba yin/ /dbyangs 'char spong ba'i blun po ni/ /nor bu phyugs la ji ltar bur/ /kha yi nor bu dpal min bzhin/ /skyes bu blun pos mchog 'di smod/ /the tshom med cing 'jigs med pa/ /g.yul las rgyal ba sed ge 'dra//rjes su bsngags pa'i stong grags cig /'di yi tshad mdzod lhas mchog ma/ /the tshom thams cad gcod pa'i rgyud/ /lha mos gsang ba las kyang gsang / /mchog tu gsang bas rna bzhi ba/ /shin tu spas 'grub lha mo kye/ /sdig pa la brtson g.yo sgyu can//khro zhing ma rungs las la dga'/ /med pa pa dang rgyud 'tshong ba/ /gus med rnams la sbyin mi bya/ /bla ma la gus sems zhi ba/ /bden smra rtag tu dge la brtson/ /bstan bcos dam pa rnyed dka' ba/ /'di la sbyin bya las mchog ma/ /dpal ldan khyu mchog rgyal mtshan las//grub thob ut+la la dbyu gu des/ /dbyangs 'char bstan bcos 'di nyid ni/ /sa steng 'jig rten gsal bar mdzad/ /'di ni g.yul las rnam par rgyal ba'i rgyud kyi rgyal bo las lhag pa'i las sna tshogs bstan pa chen po ste le'u bcu ba'o// //g.yul las rnam par rgyal ba zhes pa'i rgyud kyi rgyal bo dbyangs 'char ba zhes bya ba'i bstan bcos rdzogs so// //rgya gar gyi mkhan po ba N+Di ta dpal dza ya A nan+da chen po dang / /bod kyi lo tsA ba dge slong rmongs pa'i gnyen po dgos 'dod thams cad 'byung bas bsgyur cing zhus te gtan la phab pa'o// //