CLOSE WINDOW

D4320
བོད་ཡིག

/[ ]@/ /spos kyi sbyor ba re'u char byas pa'i thabs bshad pa bzhugs/ @##/ /dkon mchog gsum la phyag 'tshal lo/ /spos sbyor gtsug lag 'di la ni/ /rnam grangs rgyas par rab brjod na//mtha' yas pa zhig 'byung mod kyi/ /mdor bsdus don gyi rnam brgyad po/ /gad ba spos phye ma byug ba dang / /bdug spos dang ni khrus kyi spos/ /lus kyi dril phyi bya ba dang / /btung ba bsgo dang kha yi spos/ /til mar dri zhim bsko ba yis/ /spos rnams sbyor ba'i cho ga bstan/de la spos kyi sbyor ba thams cad kyi rtsa ba lta bur gyur ba a ka ru la sogs pa'i spos rnams bcu drug po rnams spos snod re'u mig bcu drug dag tu gzhag pa bstan pa ni 'di ltar/ a ka ra ba tra tu rus rdo dregs pri yang gla sgang spra tshil ba li ka /bri ka shing tsha rgya spos spang spos tsan dan sen mo thad chu kun tur rnams//zhes bya ba dag yin te/ de ltar a ka ru la sogs pa spos sna bcu drug po rnams dang por bstan pa 'di ni sbyor ba'i rnam pa thams cad la dri'i 'du 'phrod sna mthun par sbyar ba dang / sna bzhi po'i sbyor ba spyi la tsho bco brgyad du nges par 'dod pa'i phyir re'u mig bcu drug po dag tu so sor gzhag pa go rims kyi nges par bstan pa yin no/'dir spos kyi rnam pa mang po bstan pa kun kyang dri'i sbyor ba spyi'i cho gar bstan pa ni dri gso ba dang / bdug pas bdug pa dang / me tog zhim pos bsgo bar bstan pa yin te/ 'di ltar spos rgyal gla rtsi ga pur gis gso zhing bdug pa mchog gis bdug /me tog zhim bsgo ba bgyis pa dang zhes bya bas bstan pa yin te/'di dag gi thabs dang cho ga ni zhib tu 'og nas ston to/ /dri sbyar mchog tu 'di 'gyur zhes bya ba ni sbyor ba'i yon tan brjod ba'o/ /lus mchog ma zhes bya ba ni snyan par bod pa'i tshig go/ /de la sngar bstan pa'i spos sna bcu drug po rnams nyid kyang so so'i cha mang nyung gi tshad bstan pa'i phyir go rim kyi tshul du gzhan du bstan pa ni/shing cha a ka ra pa tra pri ka tu rus spang spos rgya spos rdo dregs dang / /kun tu ra gan d+ha ba lig thang chu pri yang sen mo tsan dan gla sgang rnams/ /go rims bzhin du cha re bskyed cing dri yi sbyor ba brgyad pa phrag gnyis dang / /zhes bya ba dag yin te/dri'i sbyor ba brgyad pa phrag gnyis su bya ba dang / go rims bzhin du cha re bskyed pa la shing tsha cha gcig /a ka ru cha gnyis/ gan d+ha ba tra cha gsum/ pri ka cha bzhi/ du ru cha lnga/ spang spos cha drug /rgya spos cha bdun/ rdo dregs cha brgyad du bya ba rnams la cha brgyad pa phra gcig dang / yang kun tu du cha gcig /gan d+har pa cha gnyis/ ba li ka cha gsum/ thang chu cha bzhi/ pri yang ku cha lnga/ chu srin sen mo cha drug /tsan dan cha bdun/ gla sgang brgyad du bya ba rnams ni cha brgyad pa phrag gnyis su bya ba yin/ /de ltar shing tshal sogs pa spos sna bcu drug po rnams smos pa de dag a ka ru la sogs pa dang bstan pa'i sngos rnams bcu drug po de dag nyid yin no/ci'i phyir gong du don gcig tu bsdus te ma bshad ce na/ snga ma ni sbyor ba rnams thams cad kyi spyi'i cha grangs mnyam par gtan la dbab pa'i phyir/ re'u mig bcu drug po dag tu spos rnams so sor gzhag pa'i go rims kyi nges pa bstan pa yin la/'dir spos sna bcu drug pod dag gi so so'i dri'i khyad par 'jam rtsub dang drag dal la sogs pa mi 'dra ba'i sgo nas so so'i tsha grangs mang nyung gi tshad mi mnyam par 'dod pa'i phyir cha bskyed pa'i go rims kyi tshul rnams pa gzhan du bstan pa yin no/ / de ltar spos sna bcu drug po ltar spos sna grangs du zhig sbyor ba gcig tu bya/ sbyor ba rnams ni du zhig yod/ sbyor ba gcig la tsha grangs ji tsam zhig tu bya zhe na/ 'di lta ste/ bzhi ba'i sbyor ba zhes smos pas sna bzhi zhing sbyor ba gcig tu bya bar bstan pa yin na/ /sna bzhi pa'i sbyor ba de'i rnam grangs bstan pa ni 'di lta ste/mjug thogs su nyi shu zhes smos te/ 'des spos sna bzhi pa'i sbyor ba rnam pa nyi shu yod par rig par bya'o/ /spos sna bzhi ba'i sbyor ba gcig la cha da u0f74zhig tu bya ba ma bstan pas cha las zhes bya ba smos to/ cha'i sgo nas zhes bya ba'i tha tshig go/ /sna bzhi pa'i sbyor ba 'di la cha'i sgo nas grangs bstan pa ni/ gnyis kyis nyung bar g yis shig ces bya bar bstan te/gnyis kyi phris shig ces bya ba'i tha tshig go/ /gang las phri zhe na/ sngar bzhi pa'i sbyor ba'i rnam pa ni nyi shu bstan ma thag pa nyi shu las kyis phrin grangs bco brgyad du 'gyur te/ de ltar sna bzhi pa'i sbyor ba gang yang rung ba gcig la cha bco brgyad po dag tu bya ba bstan pa yin no//'dzangs ma mo zhes bya ba ni bshes gnyis can zhes bya ba ste/ bod pa'i tshig go/ /de ltar spos sna bzhi la cha bco brgyad pa'i sbyor ba rnam pa nyi shu bzhed pa de ji lta bu zhig snyam pa la/ 'di ltar a ka ru la sogs pa dang por bstan pa'i spos rnam pa bcu drug ba cha grangs gong du bsnyan ba zhig du bskyed la/re'u mig bcu drug po dag tu go rims ji skad du 'byung ba bzhin du ma nor bar gzhag ste/ 'di ltar re'u mig bzi pa'i phreng dang po la a ka ru/ gan d+ha pa tra/ tu rus ka /rdo dreg bzhi gzhag pa dang / de nas yi ge phreng ba bzhin du phreng dang 'og re'u mig ba ni/pri yang ku/ gla sgang / gan d+ha ra sa la/ ba li ka bzhi gzhag /phreng gsum pa la pri ka /shing tsha rgya spos dang / spang spos bzhi gzhag /phreng tha ma la tsan dan/ chu srin sen mo/ thang chu/ kun tu ru bzhi po rnams gzhag pa byas na cha bco brgyad yod pa'i spos sna bzi po'i sbyor ba rnam pa nyi shur 'gyur te/ ji ltar zhe na/'di ltar re'u mig bzi pa'i ngos gnyis su bsres pa la sbyor ba rnams pa brgyad/ grwa bzhi nas re'u zur sprod rgya gram du grangs pa'i sbyor ba rnam gnyis te bcu dang / yang phyogs bzhi nas mtha'i phreng ba re re bor la 'dab chags su re'u mig bzhir bgrang pa'i sbyor ba bzhi dang / mtha' bzi nas re'u 'dab chags su bgrangs pa'i sbyor ba rnam pa bzhi ste brgya dang / dbus kyi cha las re'u 'dab chags su bgrangs pa'i sbyor ba rnam pa gcig dang / grwa bzhi nas re'u mig re re bzhi zhig bgrangs pa la sbyor ba rnam pa gcig ste bcu dang / de ltar rnam pa bzhi po dag ni spos sna bzhi po cha brgyad yod pa'i sbyor ba rnam pa nyi shu po dag yin no//de ltar spos kyi sbyor ba rnam pa nyi shu po de dag las gang yang rung ba gcig sbyor bar 'dod na spos sna bzhi po cha bco brgyad por byas pa rnams phye mar btags la/ dang por dri chus spru ba dang / dri gso ba dang / / bdug pas bdug pa dang / me tog dri zhim pos bsgo ba rnams kun la'ang 'dra bar bya'o/ /de la dri chu sbyar ba ni/ tsan dan gla sgang ba li ka /pu shel tse dang bri yang ku/ dzA ti pha la cha bsnyams pa/ /zhes spos kyi gtsug lag gzhan las 'byung ba'i spos de rnams rtsa ba'i spos phye ma srang lnga la khu ba'i spos zho gcig gi thang brtsis te/rtsid por btags la chu bcu drug 'gyur gyi nang du bskol te/ khu ba bzhi cha lus pas brul tsam du sprus nas de'i nang du dri gso ba'i rdzas sngar rtsa ba las bshad pa'i dzA ti phal dang / ga pur dang / gla rtsi rnams cha bsnyam la rtsa ba'i spos sna bzhi po'i ji tsam yod pa las snga ma bzhin du srad pa gzhal la dri gso ba'i phyir/zho gcig gi thang brtsis la/ /pye mar btags pas gad bcing 'dras par bya'o/ /de nas dud pas bdug pa ni yang rtsa ba'i spos rnams dri chus sprus te/ lde gu byas la rje'u gsar pa'i nang du ngos la byugs te cung zad ma skams par byas la/rje'u gzhan gyi nang du me ma mur blug te/ spos kyi dud ba 'thul bar byas pa'i steng du kha sbug tu bzhag cing dud ba gzhan du ma shor par bdug go/ /de la bdug pa'i spos sbyor bzhi/ /rgya skyegs thang chu pro yang pog/ /chu srin sen mo kun tu ru/ /ru rta dang ni bu ram bcas/ /bdug ba mchog tu bstan pa yin//zhes bshad pa yin te/ 'di rnams cha bsnyams pa phye mar btags pa bu ram nyed kyis sprus pa des bdug par bya'o/ /de la me tog dri zhim pos bsgo ba ni sna ma'i me tog dang / ba la lu dang / skyang sho ba la sogs pa me tog dri zhim po ga pur dang bsres la byib cing dris bsgo bar bya'o//spos phye ma'i sbyor ba sna bzhi po lha'i gnas dang / bdag nyid kyi khyim dang / gos dang / lus la dgas pa 'di nyid kyi sbyor ba'i cho ga dri gso ba la sogs pa'i rim pa ni de dag yin no/ /gzhan du 'og nas bdug spos la sogs pa'i sbyor ba gcig la dri gso ba la sogs pa'i rim pa mthun pa dag ni so so'i skabs nyid du bstan to//phyi ma'i spos sna bzhi po 'di nyid chu thabs su byas te byug pa'i gor yang spyad par bya'o/ /spos kyi sbyor ba re'u char byas pa'i thabs bshad brdzogs so// //'di dag gi zhus dag lo tsA ba snar thang pu n+ya ra smi yin no// //