CLOSE WINDOW

D4313
བོད་ཡིག

@##/ /rgya gar skad du/ ras shwa sta si d+d+hi nA ma/ bod skad du/ dngul chu grub pa'i bstan bcos zhes bya ba/ sangs rgyas la phyag 'tshal lo/ /thams cad mkhyen pa thams cad sbyin/ / zho ba dpal dang ldan pa'i gzugs/ /pha rol gces par byed pa'i mchog /longs spyod rnam par grol la 'dud/ /dpal ldan mgon po'i dbang phyug la'o/ /dngos po dngos po med par grol/ mthong dang ma mthong med pa yi/ /longs spyod grol ba rnam par ster/ /dpal gyi dbang phyug phyag 'tshal bstod/ /dri med rang byung dngul chu mchog /las kyi bslad pa ngan par bshad/ sbyor ba gzhan la yod tan skyed//shi ru cha bas nad rnams 'joms/ /mkhas kyis bsgrub pas bkres pa 'joms/ /brkams pas mkha' spyod 'grub par 'gyur/ /lhang tsher byin pa'i stobs kyis ni/ /yon tan brgyad 'gyur thob par 'gyur//mu zi dang ni sbyar ba yis/ /yon tan drug 'gyur thob par 'gyur/ /gser dang mnyam por sbyar ba la/ ma 'gags nam mkha'i lam la 'gro/ /gsha' tshe dkar pos mnyam pa gsol/las 'di nyis 'gyur dngul sbyor/ /dngul chu'i nyis 'gyur chu dang sbyor/ /de bzhin gser dang sbyar bar bya/ /zangs ni drug cu rtsa bzhi 'bigs/ /dngul chu ser skyas las rnams byed/ /me dang sprad bar 'gyur ba'i tshe//chu bur ltar du 'gyur ba dang / /mi g.yo ba ru bstan pa ni/ /lhang tsher dang ni sbyar bas so/ /gser dang dngul ni mnyam pa yis/ /las rnams byed par 'gyur ba yin/ /de nas mnyam pa'i mtshan nyid ni/ / lhang tsher zhu bar gyur ba las/ /dngul chu dbang du byas par 'gyur/ /lus ngan po yi gser mdzod kyi/ /sgo rnams dbye bar 'gyur pa yin/ /dri med gdong can lhang tsher ni/ /me yis 'ching par byed par 'gyur/ /mu zi las ni drang bar 'gyur//gser gyi nang du chu song zhing / /gcig tu 'dres shing gang ba ni/ /sa steng 'di na rab tu dkon/ /ma sbyangs pa yis mi 'grub ste/ /dmar por btsos pa ma yin pas/ /rdzas rnams gser du mi byed de/ /btsos shing sbyangs bas 'grub pa yin//bye ba'ang 'grub par 'gyur ba yin/ /de nas rdzes rnams dpag med brjod/ /mchog tu 'gyur ba rno lcags yin/ /ma rnyed rno lcags gzhan yang yin/ /zangs dang gsha' tsher gan klu/ /sbyangs ba'i zangs dang gser dang dngul//rdo ltar lcags ni brgyad po la/ /dngul chu gzhug par bya ba yin/ /sbyangs nas las rnams bya ba yin/ /dag cing sbyangs pas bcud du byed/ /mu zi dang ni bi ma la/ /mak+Shi ka dang de bzhin mtshal/ /ldong ros de bzhin zha nye drug /mdung rtsi dang ni ba bla dang / /shes rab can gyis sbyang bar bya//shes nas las rnams bya ba yin/ /gser gyi las rnams ba blas byed/ /ser pos dkar po'i las rnams byed/ /lhang tsher dang ni ti tsha yis/ /ka ku shri yi las rnams byed/ /de rnams mtshan ma brjod bya ba/ /sbyang zhing dug dang bral bar bya/ /rno lcags bzang zhing dkar ba la//rno zhing mchog tu dro bar byed/ /zangs ni mchog tu dmar ba bzang / /de la rigs ni gsum du gnas/ /bal por skyes pa'i rang bzhin bzang / /ngan pa la sbyangs mchog tu 'gyur/ /kan d+ha 'ur du skyes pa ngan/ /bzang ngan 'dres mas las rnams byed/ /sbyangs shing rjes su sbyangs pa las//dngul chu rab tu dmar bar byed/ /klu ni gnag dang dkar ba gnyis/ /rang bzhin mgyogs par chu ltar 'ju/ rag na dri ma che ba mchog /rang bzhin chu ltar myur du 'ju/ /rang bzhin gnyis pa myur du 'ju/ /dkar po pha rol mchog tu grags/ /ser po gser ltar mdangs bzang ba//bsregs na dri can nag por 'gyur/ /drag tu bskol bas 'ju bar byed/ /rags pa zangs kyi khams las byung / /bsregs na nag por 'gyur ba yis/ /de ni ring por 'ju bar byed/ /gsha' tshe dang ni 'dres pa las/ /'khar ba'i khams su byed par 'gyur/ /zangs ma'i rang bzhin 'ju bar dka'//'khar ba rag na myur du 'ju/ /gser ni bdar na ser ba la/ /bcad ma dkar por 'gyur ba yin/ /bsregs na gur kum mdangs ltar byed/ /nyung ba lci zhing snum par byed/ /drug ni gser gyi mtshan nyid yin/ /dngul ni kun+da ltar dkar zhing / /snum la 'od can rab tu gsal//drug cu rtsa bzhi yon tan ni/ /khams rnams kun la rab tu ldan/ /de rnams mdo ru bsdus te bshad/ /sngon du bshad pa'i rjes su ni/ /dang po rno lcags bshad pa la/ /sbyang ba la na bdun bar du'o/ /rno lcags rnon po gnyis la yang / /gser ni dbugs bcing brtag par bya/ba tsha bcug cig sbyang bar bya/ /gzhan yang dri chu lnga yis sbyangs/ ba tsha dri chu gcig tu bsres/ /dag cing sbyangs par byas pa yis/ /skyur pos sbyangs shing rab tu bsreg /de ltar mang du byas pa las/ /de yi rtsa ba bzung zhig bsreg /yang ni skyur po bcug cing sbyang //de lta bu yi rim pa yis/ /lcags dang rno lcags sbyar bar bya/ /glang po che yi rus pa btab/ /mthing shing phye ma rnams par blang / /ra yi gcin gyis rnams par bsres/ /lan bdun bar du sbyang bar bya/ /de ltar zangs ni sbyangs pa yis/ /blo ldan gser 'gyur mkhan po rnams/ / de ltar zangs ni sbyor ba yin/ /lcags brgyad nang du zangs ni mchog /las rnams thams cad dbyed par 'gyur/ /de nas yang dag bshad bya ba/ /rag na sbyang ba'i cho ga bshad/ /seg bdar gyis ni phyi mar brdar/ /de nas phyi ma zhib tu btags/ /ba tsha dang ni dri chu bsre/ /lan bdun bar du skam zhing bsreg /yang na skyur po'i khu ba sbyin/ /lan gsum bar du bsreg par bya/ /de lte dag pa byas pa yis/ /rag na rnam par sbyangs pa yin/ /de nas 'khar ba sbyang bar bya/ /sngar bzhin zhib tu btags pa la/ /de la ba tsha dri chu sbyin/ /yang dang yang du blugs shing bskol/ /lan bdun bar du sbyangs ba yin//yang ni skyar po'i khu ba gzhug /cung zad zha nye byin la bzhu/ /bsregs pas zangs su 'gyur ba yin/ /sngar bshad rim pas zangs kyang sbyang / /de ltar 'khar ba sbyangs pa yis/ /mchog gi lcags ni sbyang ba'i thabs/ /zha nye sbyang bar bya ba ni/ /de yi byed pa rnam bshad na//yung ba phye mar btags pa'am/ /shr-I khaN+Da rnam par bsre/ /mang po gzhug cing bskam bar bya/ /de nas zha nye sbyin la btags/ /lan bdun bar du sbyangs pas 'dag zha nye zhu bar gyur pa na/ /'bras bu gsum gyi khu ba sbyin/ /zha nye sbyangs pa'i cho ga yis/ /gsha' tshe dkar po'ang da bzhin sbyang //ldong ros kyi ni rang bzhin la/ /ma la ta ye khu bas spangs/ /gsha' tshe btags pa'i nang du blugs/ /yang dang yang du skam zhing btags/ /'dzo ti sman ti'i mar khu blugs/ /med na me tog na ra dza'i/ /mar khu yi ni rnam par bsre/ /gzhan yang sbyar thabs mang po yis//nes pa thams cad 'doms par byed/ /zha nye nag po cung zad bsre/ /dngul gyi rang bzhin dag pa'o/ /'di ltar dri chu lan gsum sbyang / /btags shing btags shing lan gsum bkru/ /'dis ni dag cing rgyal bar byed/ /gser gyi sbyang ba brjod par bya/ /mchog tu ba tsha sbyang ba gces//skyur po yis kyang de bzhin du/ mar dang sbrang rtsi rnam par bsre/ /gser dang sbyar zhing btags par bya/ /las rnams gzhan gyi drug 'gyur sbyang / /des ni nges par 'grub par 'gyur/ /ji ltar gser gyi las rnams yin/ /de nas lcags kyi bya ba brjod/ /ji ltar dbye ba'i sbyor ba yis//paN+Di han du skyes pa mchog/ /gser dang dngul yang de na mchog /rno lcags ji ltar rnyed pa gzung / /dang po sbyang ba'i cho ga ni/ /phyi nas las rnams brjod par bya/ /'di ltar gser zil rdo la ni/ /ba tsha dang ni skyur pos sbyang / /lcags kyi snod du legs par btags/ /lcags kyi steng du ga 'us dgab//mtha' ni ras dang 'jim pas gtums/ /bsregs pas dag par 'gyur ba yin/ /phye mar gyur gyi bar du bsreg /de ltar dag ba'i cho ga ni/ /las rnams kun la bya ba yin/ /mu zi mar gyi mdog can bzang / /'bring ni mar du rnyed par blang / /ngan pa ba glang so dang mtshungs/ de ltar mu zi rigs gsum yin/ /bi ma la ni ser mo bzang / /gser dang dngul gyi kha dog gis/ /rab dang 'bring ni shes par bya/ /shes nas las rnams bya ba yin/ /gser zil rdo ni ser ba la/ /rang bzhin zangs kyi khams yin te/ /rag rdo dang ni gser zil rdo/ /khams dang rang bzhin gcig pa yin//sprin gyi kha dog ji bzhin ser/ /me tog kar bir 'bras bu 'dra/ /de ni mchog tu gyur pa yin/ /rigs rnams dag par shes pas sbyang / /mchog dang bar dang tha ma ste/ /mak+Shi ka ni gsum du snang / /mtshal la rigs ni gnyis yin te/ /mchog ni nyi ma'i 'od ltar gsal/ / gser mtshal rab tu dmar ba mchog /gnyis ka dngul chu'i khams yin te/ /ldong ros dbye ba'i dri can mchog /mtshur gyi mtshan nyid brjod bya ba/ /smen cing ser ba mchog tu bzang / /gser gyi sbal rgyab ltar du ser/ /ma rnyed dmar po gzung bar bya/ /dag bas las rnams bya ba yin/ /smin pa ser po'i khams yin te//ba bla mchog tu dkar ba bzang / /'bring ni rnams par ser ba yin/ /shes nas las la sbyar bar bya/ /las gzhan ser po phal pa'ang gzung / /lhang tsher nam mkha'i ming gis brjod/ /ser po nag po dkar po las/ /lhang tsher zhu bas las rnams byed//rnam par spyad pas las rnams byed/ /mchog ni gser gyi mdog ltar ser/ /nag po bar pa'i khams yin te/ /gnyis ni gser 'gyur las la bzung / /dkar po dag par byas pa yis/ /dngul gyi las kyang 'grub pa yin/ /tsi ta dmar po mchog yin te/ /dmar po'i khams ni sbyin pa min//kam kus tra ni cung zad ser/ /thams cad sngon du bshad zin te/ /lcags brgyad pos kyang gong du bshad/ /'di ni las kyis sbyar ba las/ /lcags rnams sbyar zhing btags pa las/ /bsad cing rjes su 'bigs par byed/ /paN tre'i yul nas rdo rje skyes/ / rang byung lcags dang rdo lcags dang / /zha nye zangs dang ra gan dang / /'khar ba gsar dang de bzhin dngul/ /gsha' tshe dkar po thams cad la/ /bkrus shing gsang par bya ba yin/ /gser zil rdo yis lcags 'joms shing / /dngul dang gsha' tsho nyams pa yin/ /gser gyi las ni dag pa yin//lcags drug rnams par sbyangs pa las/ /gser gyi las ni 'grub par byed/ /dngul gyi las ni 'grub par 'gyur/ /zi ma'i khu ba rnam par sbyin/ /skyur po'i khu bas dag par byed/ /gsha' tshe rnam par btags pa las/ /yang ni zi ma'i khu ba blags/ /skyu ru ra yi shun pa bsre/ /de ltar bsres shing btags pa la//yang ni ga 'u'i nang du bsreg /de ni gsha' tshe phye mar 'gyur/ /phye ma dang ni ba bla bsre/ /ma k+Shi ka ni rnam par btags/ /btags pa ras kyi phye ma gtums/ /bal sran nag po'i khu ba gzhug /me yi dugs kyis rnam par skam/ /ba lci skams pa'i phye ma yis/ / chu la bcug cing khu bas bdug /ba tsha dang ni dri chu bsre/ /rang bzhin lan bdun bar du sbyang / /skyur po'i khu bas phyi nas sbyang / /de nas las rnams bya ba yin/ /de bzhin bi ma la yang sbyang / /sngar bzhin cho ga de nyid kyis/ /sbyang zhing las rnams bya ba yin/ /mu zi'i las rnams bshad bya ba/ /sngar bshad rim pa ci bzhin du//dang po rnam par btags par bya/ /l+tsags kyi snod kyi nang du ni/ /mar khu dang ni rnam par bsre/ /rang bzhin me la sbyang bar bya/ /d+ha du ra yi khu ba yis/ /lan gsum bsres shing bskam par bya/ /mtshal ni btags par gyur pa la/ /rma bya'i mkhris pas rnam par sbyangs//ma rnyed ro ju'i mkhris pa yis/ /ji ltar mtshal ni sbyangs pa bzhin/ /gser ldan sbal rgyab ldong ros dang / /ba bla dang ni skyur po'i rdo/ /rim pas mtshal shing sbyang bar bya/ /sbal rgyab dang ni kam bu tre/ /lhang tsher dang ni so khri nya'i/ /mkhris pa yis ni bya ba yin/ /thams cad lan bdun bar du sbyang //rim pa de bzhin bkru bar bya/ /lhang tsher sbyang ba brjod bya ba/ /sngon bshad pa yi rjes bzhin du/ mchog ni lhang tsher nag po yin/ /gser gyi las rnams 'grub par byed/ /dkar pos dngul gyi las rnams byed/ /dngul chus sbyor zhing 'bigs par byed/ /lhang tsher 'dab ma re red dbye//lcags kyi snod kyi nang du gzhug /tang kA lu yi rtsa ba bsre/ /de yi khu bas rnam par gzhug /ras bal gyi ni 'dab ma yi/ /khu ba yis kyang rnam par spangs/ /nyi ma la ni bdug cing skam/ /btags shing sngon gyi khu bas gzhug/ /de tshe lhang tsher phye mar 'gyur/ /legs par btags par gyur ba yis//zhabs su rnam par btags par bya/ /yang ni bkru zhing btags par bya/ /tig tig khu bas rnam par bsre/ /bcug cing lan gsum bar du bsreg/ /de ltar sbyangs pa'i cho ga yis/ /lhang tsher gnag dang dkar ba la/ /lhang tsher ser po mchog yin te/ /gser gyi las la mchog tu bshad//dag cing sbyang ba byas pa yis/ /dngul chu dang ni lhang tsher sbyar/ /mu zi gser zil ba bla dang / /de ltar mtshal dang bzhi po la/ /rang bzhin dbang du bya ba brjod/ /las rnams thams cad byed par 'gyur/ /lhang tsher dmar po nag po yang / /'dang ma re rer dbye bar bya/ / sngon gyi cho gas dag par bya/ /so khri nya yi mkhris pa sbyin/ /tshal cung zad bsre bar bya/ /ga'u'i nang du bcug la gtums/ /sol ba'i me la rab tu bsreg /ga'u me yi rang bzhin ltang / /gyur gyi bar du bsreg par bya/ /ga'u kha dang ldan pa ru/ /tshal byin la bsregs pa ni/ /ga'u'i kha ni ma bcad par/ lcags kyi rang bzhin ltar du 'ju/ /gser gyi las kyi mtshan ma la/ /'di ltar du ni bya bar bshad/ /lhang tsher dkar pos bden par 'gro /'di yis byed pas thams cad shes/ /dngul gyi las la'ang 'di bzhin du/ /gser zil rdo ni dag pa la/ /yang ni skyur pos dag par sbyang //lcags sam rdza yi snon du ni/ /skyur po'i phye mas dgang bar bya/ /lcags kyi be rags gsad par bya/ /skyur po'i khu bas rnam par gzhug /dngul chu yang ni de bzhin te/ /de yi las kyi bya ba yis/ /dngul chu ri lu bya bar 'gyur/ /yang ni skyur po gzhug par bya/ /rdza yi snod kyi nang du ni//steng nas rdza yi snod kyis dgab/ /phyi nas 'jim pas khyug par bya/ /'jim pas byugs pa ras kyis dkri/ /cung zad chu yang sbyin par bya/ /de rjes 'og nas me yis spang / /steng du dngul chu chags par 'gyur/ /steng gi dngul chu rnam par bzung / /lhag ma'i dngul chu skam par 'gyur/ /'khrul 'khor 'di ni ba tang gi//mkhas pas 'di dag btags pa las/ /gser zil rdo ni 'og na gnas/ /chal dang ni skyur pos bsre/ /ji ltar sbyor ba gzhan la ni/ /ga'u kha med rim pas so/ /gser zil rdo yi gtan la ni/ /bsregs pas 'og tu 'thob par 'gyur/ /zhag gcig bden par grub pa las//gser gyi las kyi mtshan ma yi/ /mchal gyi las rnams brjod bya ba/ /bden par bya ba'i cho ga la/ /thog mar zhib tu btags par bya/ /skyur po'i khu bas rnam par bsre/ /pa ta ka yi sbyor ba yis/ /bden par dgug cing dbang du bya/ ji ltar dngul chu dngul bzhin du//gser gyi las la 'bigs par 'gyur/ /ba bla'i rang bzhin brjod bya ba/ /bden cing dgug pa'i las rnams brjod/ /thams cad 'dab ma'i rim pas dbye/ /ba bla bzang po phye mar btags/ /so khri nya yi mkhris pas bsre/ /mkhas pas 'di 'drar shes par 'gyur/ /phyi nas tsha la'i phyi mas bsre//thams cad gcig tu btags par bya/ /lcags kyi steng du lcags khebs dgab/ /'dab ma chung ngu dag cing bden/ /de yang phye mar btags par bya/ /ga'u kha med nang du gzhug /skams nas rab tu bsreg par bya/ the tshom med par bden par 'grub/ /kha dog dkar por mthong bar 'gyur/ / dngul gyi las kyi mtshan ma la/ /dag pa'i cho ga brjod bya ba/ /dngul chu dag cing 'bigs pa la/ /mi yi yid kyi don rnams ni/ /chos dang las dang don rnams 'grub/ /ji ltar rang gi lus kyi don/ /dngul chu yis ni 'grub par 'gyur/ /mi g.yo ba yis dngul chu mchog /phal pa rnams la mi sbyin no/ / so phag phye ma sbyar zhing btags/ /ka ra dug dang ske tshe dang / /tsha ba gsum dang sbyar ba yis/ /de bzhin chang gis sa bon dang / /kham pa'i steng gi dung da dang / /de ltar rnam pa bcu gcig po/ /stobs can ming ni rag na yin/ /thams cad gcig tu bsre bar bya/ /de rnams kun dang dngul chu bsre/ /bkrus shing dngul chu btags par bya//yang dang yang du rnam par btags/ /zhag gsum gyis ni dag par 'gyur/ /srang brgya tsam du gang bar bya/ /de la srang ni lnga bcu gzung / /de phyed nyi shu lnga'i srang / /de tsam sgrub par mi nus na/ /srang gnyis la yang bya ba yin/ /dngul chu bcing pa'i cho ga la/ / stobs can sman rnams brjod bya ba/ /tshangs pa yi ni dbyug pa dang / /de bzhin tshangs pa'i zla ba dang / /sbrul gyi mig gi ming can dang / /de bzhin ser po nyi yi mig /de bzhin khu byug rtsa ba dang / /de bzhin man d+hu pa rni dang / /gzhan yang 'dab ma sha lin tshi/ /stobs po che yi sman dang ni/ /me tog ngo tsha can dang ni//de rnams mchog tu gces pa'i sman/ /chu ni skems par byed pa'i sman/ /zla ba'i khri shing brjod par bya/ /des ni las rnams thams cad bya/ /'byung por ral pa 'dab ma che/ /'jo ti sma ti sma bo gcig /ha tra ku b+hi 'o ma dang / /de bzhin rnga mo'am tsher ma dang / /rma bya'i gtsug phud 'od dang ldan//de bzhin skrod byed dmar po dang / /klu yi stobs zhes brjod pa yin/ /de rnams dngul gyi las rnams byed/ /lus ngan po ni mchog tu brjod/ /de rnams chu ni 'ching bar byed/ /de ltar brjod pa'i rnams grangs ni/ /chu ni 'ching bar byed pa yin/ /de ltar brjod pa'i sman rnams las//ji ltar 'byor pa sogs par bya/ /mkhas pa blo dang ldan pas gzung / /dag byed gang yang skyur po yin/ /rag rdo dang ni rnam par sbyang / /cung zad tsam gyi me la bdug /dugs kyis smin par 'gyur ba yin/ /rtag tu btags shing bdug par bya/ /nyi ma bdun gyi bar du'o/ /de nas sman dang sbyar zhing btags//ji ltar rnyed pa'i sman gyi las/ /sman rnams kun gyi khu ba bzung / /ji ltar brjod pa'i man ngag gis/ /skyur po'i cho ga bya ba yin/ /mar khu yis kyang de bzhin bsgrub/ /mar khu skyur po'i sbyor ba yi/ /nang du dngul chu gzhug par bya/ /de yang me la cung zad bdug /yang dang yang du gzhug cing bskam/ /da yi steng du brjod bya ba/ /brjod pas bde ba grub par 'gyur/ /'di ltar dal gyis bsgrub bya ba'i/ /sngon gyi cho gas bskam par 'gyur/ /ma ni'i 'dab ma chu lha'i shing / /nir krun dri dang ma hA ra sa tri/ /dug dang de bzhin sha tri dang / /g+ha ni ha ri de bzhin du//tshangs ba'i dbyug pa d+ha du ra/ /dug dang yungs nag tsi tra ka /lce 'bigs la sogs sman rnams las/ /ji ltar rnyed pa gzung bar bya/ /skyur po'i cho gas dal gyis gzung / /myos byed de bzhin lang ka li/ /gzhan yang kar bir dkar po dang / /myos byed dang ni shi kru dang / /de rnams nyi ba'i dug tu 'dod//dug chen lnga yang brjod bya ba/ /sA thu ba dang srin gi ba/ /ka la kub ta ser skya dang / /sbrang rtsi ser po lta bu'i dug /rgya mtsho'i tsha dang se d+ha ba/ /btso cha dang ni rgya tsha dang / /dri chen tsha dang rnam pa lnga/ /tsha lam tshur dang ze tsha dang / /de rnams 'gyur byed rnam gsum yin/ /gser zil rdo dang dri med rdo//thu thu ka dang dngul chu dang / /g.yo byed dang ni mtshal dang ni/ /ma sas ka dang bcud len bdun/ /ba bla dang ni ldong ros dang / /skyur po dang ni mu zi dang / /sbal rgyab rdo dang ka shi ka /'dab mas de rnams nyer bcud bdun/ /pA la sha dang ka ta yi/ /a ba ma ra ka hi tshal/ /pi pi ling gi sdong bu dang //ba tsha can gyi shing ste dang / /gzhan yang 'gyur byed rnam gsum dang / /ba dang gla chen rnga mo ste/ /de ltar dri chu rnam gsum dang / /sga dang de bzhin ka sdu ka/ /ci tra ka ni dmar po dang / /yung ba dang ni de bzhin btsod/ /tsa n+dan dmar po pa tam ka /ku sum b+ha dang 'dab ma'i dngul/ / de rnams dngul 'tshed ba yi sman/ /dmar po'i sde tshan bsdus pa yin/ /'ji ti sma ti'i mar khu dang / /ka rany+dza dang a ta shi/ /de ltar khu ba'i sde tshan gsum/ /dngul chu 'tsher par byed pa yin/ /de bzhin b+he sha'i shing dang ni/ nyi ma la ni bskam par bya/ /pad+ma'i 'dab ma'i khu ba sbyin/ /b+ho ga na yi shing kun dang //de bzhin dung ni phye ma dang / /ba tsha dang ni dri chu'i sde/ /tsha dang de bzhin nye ba'i tsha/ /mchog tu gyur pa'i sman sde dang / /se du'i tsha dang skyur po las/ /skyur po'i nang du bar snang las/ /dngul chu btso bar bya ba yin/ /man d+hu ka yi 'dab ma la/ /khu ba bcug la btso bar bya/ /dri ma dbrog par byed pa yin//'khrul 'khor 'di ni 'bar ba'i me/ /ngang pas sman pa'i 'khrul 'khor la/ /lhang tsher blug par bya ba yin/ /sin ng+hu tsha dang mtshal yang sbyin/ /zangs kyi snod du blug par bya/ /bug pa med pa'i 'khrul 'khor la'o/ /shin tu 'jam pa'i 'khrul 'khor gyis/ /nyin re nyin re ji bzhin du//ser skya'i dug dang skyur po sbyin/ /bya rog gdug pa ji bzhin bskam/ /sngon bshad skam pa'i cho gas sman/ /dngul chu yi ni bcu drug 'gyur/ /btul pa'i lcags rnams gzhug par bya/ /thams cad dngul chu za bar 'gyur/ /phyi nas dngul chu dkar po btags/ /thams cad gcig tu bya ba yin//rno lcags de bzhin rnon po gzhan/ /zha nye dang ni ra gan sbyin/ /phyi nas dngul chu gzhug par bya/ /zangs dang zha nye rnam par bsre/ /'khar ba dang ni ra gan rnams/ /dngul chu 'ching ba'i don du'o/ /rno lcags gsad pas dngul chu 'ching / /sum 'gyur gser gyis dngul chu za/ /de ni dri ma spong bar 'gyur//gser zil rdo dang rno lcags gnyis/ /dngul chu bskam par 'gyur ba yin/ /dngul chu'i las kyi sbyor ba 'grub/ /phal pa'i mdangs kyang de bzhin du/ /thams cad mnyam par bsres ba las/ /de yi las kyi sbyor ba yis/ /lcags drug las rnams sbyor bar 'gyur/ /gser zil rdo yis las rnams 'grub//des ni mchog gi las rnams 'grub/ /rin chen sa bon sbyin par bya/ /de ni phyed pa'i gser du 'gyur/ /lan gnyis kyis ni dkar por 'gro/ /yang ni rno lcags bsad pa la/ /nyis 'gyur dngul dang sbyar ba yis/ /dngul chu 'grub par 'gyur ba yin/ /gser ltar bskams par gyur ba las//kun kyi don rnams 'grub par 'gyur/ /sum cu rtsa gnyis 'bigs pa dang / /lnga bcu brgya dang lnga brgya stong / /khri dang 'bum gyi bar du 'bigs/ /las 'di shes pas bcu dang ni/ /bcud kyis len rnams 'grub par byed/ /zla ba gcig tu mang po'i tshad/ /yun ring gson dang stobs chen ster//'bum phrag bar du 'tsho bar 'gyur/ /de yi nyis 'gyur zos pa yis/ /lo ni bcu drug lon ltar 'gyur/ /mdze la sogs pa'i nad brgyad 'joms/ /de ltar mang du zos pa las/ /nyi zla skar ma gnas par 'tsho/ /skra dkar gnyer ma thams cad spong / /yon tan rang bzhin thams cad pa//'dir ni dngul chu'i bstan bcos las/ /don rnams rtogs nas khris pa 'di/ /b+ha li ba yis byas pa yin/ /kun gyi don rnams 'grub par shog /dngul chu rab tu grub pa'i bstan bcos slob dpon chen po b+ha li ba yis mdzad pa rdzogs so// //rgya gar gyi paN+Di ta shrI na re n+d+ra b+ha dra dang /